Text
ff. 1a–346a · 691 folio sides
- 1a
mngon par brjod pa 'bum pa las phyung ba nyung ngu'i rgyud kyi bsdus pa'i don rnam par bshad pa bzhugs/ /
- 1b
rgya gar skad du/ lak+ShA b+hi d+ha nA tud+d+h+ri to la g+hu tan+t+ra piN+DArtha bi wa ra NaM nA ma/ bod skad du/ mngon par brjod pa 'bum pa las phyung ba nyung ngu'i rgyud kyi bsdus pa'i don rnam par bshad pa zhes bya ba/ dpal he ru ka la phyag 'tshal lo/ / gang gi g.yon dang g.yas pa'i zhabs kyis gzhu 'dzin dang ni gangs ri'i bu mo nyi mar brdzis/ /khro bo'i gzigs pas lha dang 'byung po lha min dbang po gza' yi tshogs bcas skrag mdzad cing/ /phyag rgya glang po stag lpags brang 'gro dag byed
- 2a
mi yi thod pa mgo bo'i phreng bas brgyan/ /de la btud nas de'i rgyud 'grel bshad/ /gsal ba rdo rje'i tshig rnams 'byed pa 'di bri bya/ /dpa' bo'i dbang pos bskul ba 'di/ /dpal phyag rdo rje bdag gis ni/ /rnal 'byor pa yi dge spel zhing/ /phyag rgya che 'bras thob bya'i phyir/ /de nas mngon brjod 'bum pa yi/ /rgyud las snying po phyung ba ni/ /dpal he ru ka rnal 'byor che/ /mkha' 'gro ma yi dra ba sdom/ /snyigs ma lnga yi dus 'dir ni/ /bsod nams ye shes 'bras thob
- 2b
phyir/ /phag mos gsol btab rdo rje can/ /nyung ngu'i rgyud ni rab gsal mdzad/ /tshe thung brtson 'grus chung ba yi/ /sgrub po rnams la phan phyir te/ /'dod chags zhe sdang sogs ldan la/ /de nyid kyi ni thabs kyis kyang/ /gsang chen mkha' 'gro ma gsang ba/ /thams cad bdag nyid rtag tu bzhugs/ / sems dpa' pho nya kun rang bzhin/ /rdo rje sems dpa' bde ba che/ /'di ni rang byung bcom ldan 'das/ /'dod pa'i don kun sgrub byed pa/ /sgra yi tshul las rnam par 'das/ /dam tshig spyod pa'i spyod yul te/ /thog ma dbus mthar yang dag gnas/ /'jig rten gsum du rnyed par dka' / /thabs dang shes rab las byung ba/ /sngags dang rnal 'byor cho ga'i rim/ /brjod byar bshad pa de nyid ni/ /brjod par byed par gsungs pa ste/ /lhan cig
- 3a
skyes dga' he ru ka /dbu ma mchog gi dbugs 'byung ba/ /bshang gci zla ba nyi ma yi/ /rtsa ni bzhi dang yang dag ldan/ /phyag rgya chen po rten med pa/ /rdo rje phag mo rigs ldan ma/ /las kyi phyag rgya'i bde spangs pa'i/ /rnal 'byor pa des de mchod bya/ /zhes pa e waM dbang bskur don/ /nyung ngu'i rgyud las gsal min gang/ /mdor bsdus tsam zhig rab gsungs te/ /'grel pas rnam par rgyas par bya/ /'dir dang por re zhig brjod par bya ba dang rjod par byed pa dang 'brel pa dang dgos pa dang dgos pa'i dgos pa rnams mngon par gzigs nas/ gdul bya'i skye bo nges pa dang bral ba rnams kyi rang gi sems kyi bsam pas skye ba 'dir sangs rgyas nyid sten par byed pa/ gsang chen mchog la bzhugs pa/ dpa' bo dang dpa' mo'i dbang phyug ma rnams kyis yongs su bskor ba/ rdo rje
- 3b
phag mos gsol ba btab pa/ bcom ldan 'das dpal he ru kas/ rtsa ba'i rgyud mngon par brjod pa 'bum las snying po las snying po mchog gi rgyud/ gzhung gi tshad stong bdun brgya pa yang dag par bstan to zhes pa'o/ /'dir shes rab dang thabs kyi bdag nyid can bcom ldan 'das dpal he ru ka ni brjod par bya ba'o/ /'di rtogs par byed pa'i rgyud kyi rgyal po ni rjod par byed pa'o/ /rjod par byed pa dang brjod par bya ba de dag gi phan tshun brjod bya rjod byed kyi mtshan nyid ni 'brel pa'o/ /dkyil 'khor du 'jug pa la sogs pa sems can gyi don byed pa dang 'jig rten pa'i dngos grub bsgrub pa ni dgos pa'o/ /bsod nams dang ye shes kyi tshogs kyis phyag rgya chen po'i dngos grub bsgrub pa dang sangs rgyas nyid ni dgos pa'i dgos pa'o/ /'di rnams mngon par gzigs nas/ gdul bya'i skye bo nges pa dang bral ba rnams kyis zhes pa nges pa ni nyan thos kyi sdom pa ste/ de dang bral ba ni nges pa dang bral ba'o/ /de rnams kyi rang gi sems kyi bsam pa ni 'dod chags dang zhe sdang la sogs pa'i bdag nyid can te/ rang gi sems kyi bsam pa des kyang/ skye ba 'dir sangs rgyas nyid ster bar byed pa ni snyigs ma lnga'i dus na tshe thung zhing brtson 'grus chung ba'i sgrub pa po rnams kyi skye ba 'dir sangs rgyas nyid ster bar byed pa ni bsgom pa'i thabs
- 4a
de nyid kyis so/ /gsang chen mchog la bzhugs pa zhes pa chos 'byung nam mkha' i khams ni gsang chen te/ de la bzhugs pa ni gsang chen mchog la bzhugs pa'o/ /dpa' bo dang dpa' mo'i dbang phyug ma rnams kyis yongs su bskor ba zhes pa dpa' bo ni thod pa'i dum bu la sogs pa nyi shu rtsa bzhi ste/ zla ba'i rkang pa rnams so/ /dpa' mo'i dbang phyug ma ni mkha' 'gro ma la sogs pa ste/ byang chub kyi phyogs kyi chos sum cu rtsa bdun gyi rang bzhin rnams so/ /de rnams kyis yongs su bskor ba ni dpa' bo dang dpa' mo'i dbang phyug ma rnams kyis yongs su bskor ba'o/ /rdo rje phag mos gsol ba btab pa/ bcom ldan 'das dpal he ru kas shes pa/ sh+rI yig gnyis med ye shes te/ /he yig rgyu dang bral ba'o/ /ru yig gzugs las nges par grol/ /ka yig byed pa spangs pa'o/ /zhes pa dang/ dbang phyug la sogs yon tan ldan/ /b+ha ga yang ni bdud bcom phyir/ /gang la de mnga' i phyir na 'di/ /bcom ldan khams gsum dbang phyug gsungs/ /shes pa'o/ /bcom ldan 'das dpal he ru ka des/ / rtsa ba'i rgyud mngon par brjod pa 'bum pa las/ snying po las snying po mchog gi rgyud gzhung gi tshad stong bdun brgya pa yang dag par bstan to/ /bcom ldan 'das de yang rgyud
- 4b
'di'i ngo bo nyid kyis gnas pa ste/ dang po bzhugs pa'i gnas kyi ngo bo nyid kyis gnas pa dang/ de nas dam tshig gi spyod pa'i ngo bo nyid kyis gnas pa dang/ de nas gsol ba 'debs pa po dang/ ston pa po'i ngo bo nyid kyis gnas pa dang/ rigs ldan ma mchod pa'i ngo bo nyid kyis gnas pa dang/ de nas pho nya mo'i dngos grub dang/ mchod pa'i ngo bo nyid kyis gnas pa dang/ 'dod pa'i dngos grub bsgom pa'i ngo bo nyid kyis gnas pa dang/ de nas byang chub kyi sems kyi thig le rnams kyis sangs rgyas dang byang chub sems dpa' la sogs pa mchod pa'i ngo bo nyid kyis gnas pa dang/ sdig pa thams cad las nges par grol ba'i ngo bo nyid kyis gnas pa dang/ de nas rnal 'byor pa nyid bsgrub pa'i ngo bo nyid kyis gnas pa dang/ dam tshig bskyang ba'i ngo bo nyid kyis gnas pa dang/ dam tshig bye ba bsrung ba'i ngo bo nyid kyis gnas pa dang/ bdud rtsi lnga bza' ba'i ngo bo nyid kyis gnas pa dang/ tshogs kyi 'khor lo la mthe bong dang ming med dag gis zhal du zla ba'i btung ba myang ba'i ngo bo nyid kyis gnas pa dang/ dbang po gnyis snyoms par 'jug pa'i ngo bo nyid kyis gnas pa dang/ de nas zla ba bza' ba bsngags pa'i ngo bo nyid kyis gnas pa dang/ zhes pa lha dang mi'i bde ba cha bcug pa 'gyur ba med pa'i bde ba mchog mchod par bya'o zhes pa bcom ldan 'das rnam par gnas pa ste/ le'u dang po'i bsdus pa'i don to/ /de nas ri'i phug la sogs pa gnas nges pa'i ngo bo nyid kyis gnas pa dang/ dkyil 'khor la sogs pa de nyid bcu'i ngo bo nyid kyis gnas pa dang/ de nas bla ma dang dpa' bo dang dpa' mo'i dbang phyug ma dang dkyil 'khor gyi 'khor lo mchod pa'i ngo bo nyid kyis gnas pa dang/ slob ma dkyil 'khor du gzhug pa'i ngo bo nyid kyis gnas pa dang/ de nas dbang bskur ba sbyin pa'i ngo bo nyid kyis gnas pa dang/ phyag rgya'i spyod pa dang mchod pa'i ngo bo nyid kyis gnas pa zhes pa bcom ldan 'das dkyil 'khor dang dbang bskur ba'i le'u'i ngo bor bzhugs pa'o/ /de nas mkha' 'gro ma'i gnas su rol pa'i ngo bo nyid kyis gnas pa dang/ de nas
- 5a
sngags btu ba'i ngo bo nyid kyis gnas pa dang/ de nas rigs pa'i rgyal po'i las rab 'byam gyi ngo bo nyid kyis gnas pa dang/ 'jig rten pa'i dngos grub brgyad bsgrubs pa'i ngo bo nyid kyis gnas pa dang/ de nas brda'i ngo bo nyid kyis gnas pa dang/ las kyi phyag rgya'i mtshan nyid kyi ngo bo nyid kyis gnas pa dang/ de nas de rnams kyi yang dag par smra ba dang/ 'gro ba dang 'ong ba'i bya ba'i ngo bo nyid kyis gnas pa dang/ mkha' 'gro ma'i mtshan nyid kyi ngo bo nyid kyis gnas pa dang/ de nas phyag rgya dang phyag rgya'i lan gyi ngo bo nyid kyis gnas pa dang /dam tshig gi ming brjod pa'i ngo bo nyid kyis gnas pa dang/ 'jig rten dang 'jig rten las 'das pa'i dam tshig chen po brgyad kyi ngo bo nyid kyis gnas pa dang/ de nas gcig tu tsA ru'i ston mo'i ngo bo nyid kyis gnas pa dang/ gtor ma sbyin pa'i ngo bo nyid kyis gnas pa dang/ de nas gnod mdzes rgyal po'i sngags btu ba'i ngo bo nyid kyis gnas pa dang/ de'i las rab 'byam bsgrub pa'i ngo bo nyid kyis gnas pa dang/ sngags dang gzugs brnyan dang bsam gtan gyi ngo bo nyid kyis gnas pa dang/ de nas rnam par mi rtog pa'i de kho na nyid bsgom pa'i ngo bo nyid kyis gnas pa dang/ 'jig rten las 'das pa'i sbyin sreg gi ngo bo nyid kyis gnas pa dang/ de nas zhal bzhi la sogs pa'i sngags kyi rkang pa dang lhan cig dpa' bo dang dpa' mo'i dbang phyug ma'i ming nang du son pa mthar thug rdo rje la sogs pa'i sngags bzlas pa'i ngo bo nyid kyis gnas pa dang/ gnas la sogs pas bcu dang gnas nyi shu rtsa bzhi nges par bstan pa'i ngo bo nyid kyis gnas pa dang/ spyi bo la sogs pa'i dgos pa'i ngo bo nyid kyis gnas pa dang/ byang chub kyi phyogs dang mthun pa'i chos sum cu rtsa bdun rnam par dag pa'i ngo bo nyid kyis gnas pa dang/ de nas thod ba'i dum bu la sogs pa nyi shu rtsa bzhi'i khams rnam par dag pa'i ngo bo nyid kyis gnas pa dang/ lha mo rnams sa spyod dang mkha' la spyod pa gzugs yongs su bsgyur ba'i ngo bo nyid kyis gnas pa dang/ rigs
- 5b
sum cu rtsa bdun gyi rtsa mchod pa'i 'khor lo kun tu spyod pa longs spyod pa dang thim pa dang dbang byed pa'i ngo bo nyid kyis gnas pa dang/ chos kyi 'khor lo rab tu bskor ba'i ngo bo nyid kyis gnas pa dang/ de nas sprul pa dang longs spyod dang chos dang dag pa'i sku'i ngo bo nyid kyis gnas pa dang/ stong pa nyid dang snying rje dbyer med pa'i ngo bo nyid kyis gnas pa'o/ /zhes pa de ltar bcom ldan 'das dpal he ru ka'i rgyud kyi ngo bo nyid kyis gnas pa'o/ /'dis kyang rjod par byed pa dang rjod par bya ba'i bdag nyid rdo rje phag mo la rab tu gsal bar mdzad pa/ de nas 'di las gsang ba bshad// mdor bsdus pa las rgyas par min/ zhes pa la sogs pas so/ /gal te rgyud kyi rgyal po thams cad du 'di skad bdag gis thos pa zhes pa la sogs pas bzhugs pa'i gnas nges par bstan pa ma yin nam/ ji ltar rgyud 'dir de nas 'di las gsang ba zhes pa la sogs pas bzhugs pa'i gnas nges par bstan par bcom ldan 'das kyis gsungs par 'gyur/ 'dus pa dang kye rdo rje la sogs pa rnal 'byor dang rnal 'byor ma'i rgyud du/ 'di skad bdag gis thos pa zhes pa la sogs pas bcom ldan 'das kyis gsungs pa'i rgyud bden par 'gyur ro/ /de'i phyir rgyud 'di bcom ldan 'das kyis yang dag par bstan pa ma yin no zhes pa tshig 'bru la rab tu rton pa 'ga' zhig gi bsam pa 'byung bar 'gyur te/ de'i phyir brjod par bya'o/ /'dir ma 'ongs pa'i dus na byis pa'i skye bo tshig 'bru la rab tu rton pa la rten pa rnams kyis 'di skad bdag gis thos pa zhes pa la sogs pa dang bral ba'i rgyud kyi rgyal po ni bcom ldan 'das kyis gsungs pa ma yin no zhes gang zhig smra bar 'gyur ba de ni ma yin te/ gang gi phyir bcom ldan 'das kyis gzhan du rton pa bzhis gsungs pa'i phyir ro/ /'di lta ste/ don la rton par bya'i tshig 'bru la rton pa ma yin pa dang/ ye shes la rton par bya'i rnam par shes pa la rton pa ma yin pa dang/ nges pa'i don la rton par bya'i drang ba'i don la rton pa ma yin pa dang/ chos la rton par bya'i gang zag la rton pa ma
- 6a
yin pa'o/ /bcom ldan 'das kyis gsung 'di'i phyir/ tshig 'bru la rab tu rton pa ni theg pa gang du yang bcom ldan 'das kyis ma gsungs so/ /dbyangs dang gsal byed tshogs pa ni ming tsam ste/ ming can dngos po dang dngos po med pa'i chos rnams rtogs par byed pa'o/ /'dir dngos po dang dngos po med pa'i chos gcig la yang ming du mar 'gyur ro/ /de rnams kyi nang nas ming gcig gtso bo 'am/ gtso bo ma yin par 'gyur ba med de/ thams cad kyi dngos po dang dngos po med pa gcig rtags par byed pa'i phyir/ bud med dang mi mo dang na chung ma la sogs pa rnams kyis nu ma dang skrar ldan pa'i dngos po'i chos rab tu rtogs par byed pa'i phyir dang/ de bzhin du nam mkha' i me tog dang nam mkha' i pad+ma la sogs pa rnams kyis dngos po med pa'i chos rab tu rtogs par byed pa'i phyir ro/ /de ltar thams cad du ming dang ming can 'brel pa rnal 'byor ba rnams kyis rtogs par bya'o/ /'dir a yig stong pa nyid rtogs par byed pa bdun pa'i mdza' can e yig tu 'gyur ro/ /de'i phyir e zhes pa'i ming gis thams cad kyi gzhi nam mkha' i khams gzung bar bya'o/ /de bzhin du mkha' 'gro ma rdo rje gur du bcom ldan 'das kyis gsungs pa/ mkha' dbyings bems min dang ba dang/ /go 'byed rab tu gsal ba dang/ /sna tshogs sna tshogs gnas dang bzhi/ /kun gyi dbyings dang yid 'ong bar/ /zhes pa la sogs pa/ gsang chen mchog tu dgyes pa dang/ /thams cad bdag nyid na rtag bzhugs/ /shes pa'i bar gyi ming sna tshogs pa'i khyad par gyis gnas brtan par gsungs so/ /de bzhin du dpal 'dus pa la sogs par/ 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs kyi snying po rdo rje btsun mo'i b+ha ga rnams la bzhugs so/ /zhes pa 'di la yang ming du ma ste/ e dang b+ha ga pad+ma dag /bde ba'i gnas su bde ba can/ /seng ge'i khri dang dmigs pa med/ /de bzhin nyid dang pha rol phyin/ zhes
- 6b
pa rten no/ /de bzhin du brten pa ni/ baM dang rdo rje smra mchog ster/ /lhan cig skyes dga' 'gyur ba med/ /bde dang zhi ba dge ba dang/ /dbang phyug kun tu 'gro ba mchog /ces pa du ma'i ming rnams kyis/ /brten pa yongs su bsgrags pa yin/ /bcom ldan 'das kyis mchan yang dag par brjod par/ ye shes sku ni rgyu med pa/ zhes pa dang/ shes rab pha rol phyin pa rten/ /rnam pa thams cad pa nyid brtags/ /dmigs pa med pa'i snying rje gang/ /de ni brten par rab tu bsgrags/ /de phyir rgyud gzhan du gsungs pa/ e yig cha byad bzang po gang/ /dbus su paM yig gis brgyan pa/ /bde ba thams cad kyi ni gzhi/ /sangs rgyas rin chen za ma tog /ces pa dang/ de bzhin du/ thogs mdza' med cing zhi ba ste/ /dngos po dngos med zad pa'i gtso/ /stong nyid snying rje dbyer med pa/ /byang chub sems zhes dran pa'o/ /zhes pa la sogs rgyud gzhan du mar shes rab dang thabs kyi bdag nyid kyi rnal 'byor 'di bcom ldan 'das kyis gsungs so/ /de nas gang la 'di skad bdag gis thos pa la sogs pa yod pa de ni bcom ldan 'das kyis gsungs pa'i rgyud yin la/ gang la med pa de ni ma yin no zhes sangs rgyas pa rnams kyis smra bar mi bya ste/ 'dir sngags kyi tshul la ma mthong ba'i chos kyi skyon bzung ba las rtsa ba'i ltung bar 'gyur ro/ /rtsa ba'i ltung ba la sogs pas thos pa'i mngon pa'i nga rgyal dang ldan pa rnams mnar med par 'gro bar 'gyur ro zhes pa'o/ /de'i phyir rgyud 'dir de nas 'di la gsang ba zhes pa la sogs pa'i rgyud bstan pa la 'gal ba med de/ stong pa nyid dang snying rje'i bdag nyid shes rab dang thabs kyi chos rab tu rtogs par phyed pa'i phyir ro/ /'dir mngon par brjod pa 'bum par stong pa nyid snying rje gcig gyur pa/ /rgyud gang la ni rab bstan zhing/ /'jig rten mgon po sgrub byed pa/ /rgyud de sangs rgyas kyis bstan pa'o/ /'jig rten kun rdzob bden pa yis/ /'jig rten dngos grub bsgrub pa'i phyir/ /sngags bzlas de bzhin cho ga dang/ /rnam rtog sgom pa rab tu gsungs/ /don dam bden pas gsungs pa ni/ /ye shes sku ni rab bsgrub phyir/ /kun rtogs
- 7a
thams cad spangs pa yi/ /sgom pa de bzhin gshegs pas gsungs/ /shes rgyud so sor bzhag pa'i nges pa'o/ /da ni de nas 'di las gsang ba bshad/ /ces pa la sogs pas rgyud gsungs pa drang ba'i don dang nges pa'i don gyis rnam par dbye bar bya ste/ de nas 'di las shes pa rdo rje 'jigs byed kyi ting nge 'dzin gyi bar ma chad par mkha' 'gro ma 'khor lo bde mchog gi ting nge 'dzin la snyoms par zhugs te/ mngon par brjod pa 'bum pa las/ bcom ldan 'das dpal he ru kas/ rdo rje phag mo la bos par gyur pa/ kye rdo rje phag mo rnal 'byor nyid dang cho ga yis/ /ye shes rgyud du bshad pa nyon/ /zhes pa gang zhig mngon par brjod pa 'bum par he ru kar brjod pa/ gsang ba de nyid ngas khyod la bshad par bya/ /mdor bsdus pa las rgyas par min/ /zhes pa'o/ /de'i phyir bcom ldan 'das rtsa ba'i rgyud las bsdus pa'i rgyud bstan par mdzad ce na/ bcom ldan 'das kyis gsungs pa/ 'dir snyigs ma lnga yi dus na 'dzam bu gling pa'i mi rnams dang/ khyad par du 'phags pa'i yul du tshe thung zhing shes rab dman pa 'byung bar 'gyur ro/ /rdo rje slob dpon gang yin pa de rnams rtsa ba'i ltung ba la 'jug pa 'byung bar 'gyur ro/ /dge slong rnams mi dge ba bcu byed pa 'byung bar 'gyur ro/ /khyim na gnas pa rnams dkon mchog gsum gyi rdzas nye bar longs spyod pa 'byung bar 'gyur ro/ /mkhas pa rnams ma thos pa'i rgyud 'chad pa 'byung bar 'gyur ro/ /mkhas pa'i mngon pa'i nga rgyal gyis rgyud la dka' 'grel dang/ 'grel bshad byed pa 'byung bar 'gyur ro/ /rgyud kyi don phyin ci log tu bstan nas dmyal bar 'gro ba 'byung bar 'gyur ro/ /gang zhig sangs rgyas pa rmongs pa de rnams blun pa'i dad pa nyid kyis khyim na gnas pa'i slob dpon rnams la bsnyen bkur byed par 'gyur ro/ /thams cad mkhyen pa'i rgyal mtshan 'dzin pa rnams sun 'byin pa 'byung bar 'gyur ro/ /slob ma gang yin pa de rnams bla ma dam
- 7b
pa'i skron tshol ba 'byung bar 'gyur ro/ /bla ma dam pa ma yin pa bza' ba dang gnyis su med pa rnams la bstod pa dang mchod pa byed par 'gyur ro/ /bla ma mnyes par bya bar gsungs pa sangs rgyas kyi gsung bzhin mi byed par 'gyur ro/ /chos ston pa po rnams mi dge ba bcu la rab tu 'jug pa 'byung bar 'gyur ro/ /sgrub pa po rnams phyi rol gyi bza' ba dang btung ba la longs spyod pa la chags pa 'byung bar 'gyur ro/ /bud med kyi 'gro ba rnams 'dod pa la shin tu brkam pa 'byung bar 'gyur ro/ /de'i bcom ldan 'das kyis rtsa ba'i rgyud thams cad las bsdus pa'i rgyud bstan to/ /de yang rdo rje'i tshig mang ba nyid kyi phyir thar pa don du gnyer ba'i mkhas pa rnams kyis bla ma dam pa nye bar bsten pa dang/ byang chub sems dpa' rnams kyis mdzad pa'i 'grel bshad dang rgyud ni rgyud gzhan du gsungs pas shes par bya'o/ zhes pa'o/ /de'i phyir/ mdor bsdus pa las rgyas par min/ /gsang ba bdag gis bshad par bya/ /gsang pa ces pa drang ba'i don gyi las kyi phyag rgya'i b+ha ga la brjod do/ /nges pa'i don gyis shes rab kyi pha rol tu phyin pa stong pa nyid do/ /dpal he ru ka yang dag sbyor zhes pa la sh+rI zhes pas lhan cig skyes pa'i dga' ba'o/ /he zhes pas rgyu las kyi phyag rgya dang ye shes kyi phyag rgya spangs pa'o/ /ru zhes pa gzugs kyi mtshan nyid dang bral ba'o/ /ka zhes pa mig la sogs pa'i byed pa spangs pa ste/ dmigs pa med pa'i snying rje'i mtshan nyid do/ /de'i yang dag sbyor zhes pa stong pa nyid dang lhan cig gcig pa nyid de stong pa nyid dang snying rje dbyer med pa nyid ngas bshad par bya'o zhes pa'o/ /drang pa'i don gyi dpal he ru ka ni skyes pa'i dbang po'o/ /de'i yang dag sbyor ba bud med kyi b+ha ga dang gcig pa nyid de/ byis pa'i skye bo dbang po gnyis kyi bde ba mngon par 'dod pa rnams kyi bsod nams kyi tshogs kyi don dang/ sems yul gzhan las yongs su dgrol ba'i don du ngas bshad par bya'o/ /'dod pa'i don kun sgrub byed pa/ /zhes pa las kyi tshig dang bdag gis bshad pa byed pa po la pa rasmai'i tshig tu thams cad du rig par bya'o/ /'dir phyi rol tu
- 8a
drang ba'i don gyis 'dod pa'i don kun ni phra ba la sogs pa'i 'jig rten pa'i yon tan brgyad kyi dbang phyug dang sngags dang las dang ye shes kyi phyag rgya'i rnal 'byor gyis 'gyur ro/ /de'i sgrub byed ni sngar brjod pa'i shes rab ye shes zhes pa'o// nges pa'i don gyis 'dod pa kun gyi rdo rje sems dpa' ste/ yang dag bar rdzogs pa'i sangs rgyas so/ /de'i don ni thams cad mkhyen pa nyid de/ stobs bcu dang mi 'jigs pa bzhi la sogs pa chos kyi 'khor lo rab tu bskor bar byed pa'o/ /de'i sgrub byed ni 'dod pa'i don kun sgrub byed do/ /stong pa nyid dang snying rje dbyer med pa'i rnal 'byor bshad par bya'o/ /zhes pa'o/ /bla ma las kyang bla ma ste/ /zhes pa bla na med pa 'dod pa'i don te mi'i yul gyi bde ba rnams kyi bla ma/ 'dod pa dang gzugs dang gzugs med pa na spyod pa'i bde ba dbang phyug la sogs pa yon tan brgyad dang yang dag par ldan pa'i dngos grub bo/ /de las kyang bla mar gyur pa ni mchog gi bla ma ste/ thams cad mkhyen pa'i bde ba dbang phyug gi yon tan thams cad dang yang dag par ldan pa/ chos thams cad kyi ston pa po rnam pa thams cad pa thams cad du son pa ni bla ma las kyang bla ma ste zhes pa'o/ /mkha' 'gro ma yi dra ba sdom/ /zhes pa ni 'dir drang ba'i don gyi mkha' 'gro ma ni rdo rje mkha' 'gro ma la sogs pa rnams te/ nang du rtsa sum cu rtsa drug po rnams dang/ ye shes dang thugs dang gsung dang sku'i 'khor lo rnams dang/ kha la sogs pa sgo brgyad po rnams la gnas pa rnams so/ /de rnams kyang bdag gi gdan la sogs pa'i ming gis gsungs pa lhag ma za ba'i dur khrod kyi mthar thug pa phyi rol gyi ri rab kyi phyogs brgyad po rnams su 'chad par 'gyur ba'i rim pas gnas la sogs pa dang/ spyi bo la sogs pa'i nges pa bstan pa ni brten pa'i chos rnams kyi rten du shes par bya'o/ /zhes so/ /mkha' 'gro ma 'di rnams kyi 'khor lo tshogs pa ni dra ba'o/ /de'i sdom pa ni gcig nyid de/ bdag gi gdan la sogs pa la he ru ka dang lhan cig
- 8b
'dus pa ni mkha' 'gro ma'i dra ba sdom zhes pa'o/ /he ru ka yang dpa' bo rnams dang bcas pa nyi shu rtsa lnga'i bdag nyid de/ rdo rje phag mo dpa' mo'i dbang phyug ma rnams dang bcas pa sum cu rtsa bdun gyi bdag nyid can no/ /'di rnams kyi he ru ka dang dpa' bo nyi shu rtsa bzhi rnams dang lhan cig 'dus pa ni mkha' 'gro ma rnams kyi sdom pa'o/ /'dir he ru ka dang lhan cig pho nya mo bcu gnyis rnams kyi sdom pa dang/ dpa' bo rnams dang lhan cig pho nya mo nyi shu rtsa bzhi rnams kyi sdom pa'o/ /de bzhin du A li kA li'i rnal 'byor dang/ sngags kyi sa bon gyis brjod par bya ste/ de la re zhig rnal 'byor ma sum cu rtsa drug gi rgyud rnams/ ka yig la sogs pa yi ge re res dbyangs kyi tshogs dang bcas pas gtso bo ma gtogs pa sum cu rtsa drug gi dkyil 'khor ba'i bdag nyid dang/ gtso bo dang bcas pa sum cu rtsa bdun gyi bdag nyid du 'gyur ro/ /de la re zhig ka rdo rje'i rgyud brjod par bya ste/ snying por ye shes kyi 'khor lo'i ze'u 'bru la stong pa nyid lnga'i bdag nyid hUM yig dang/ phyogs kyi 'dab ma la a A aM a(rgyud 'grel): mtshams kyi 'dab ma la ka kA kaM ka(rgyud 'grel): dur khrod kyi phyogs rnams su yon tan gyi dbye bas ka kA kaM ka(rgyud 'grel): mtshams su ha hA haM ha(rgyud 'grel): thugs kyi 'khor lo la phyogs rnams su kI kri ku kli/ mtshams rnams su kI krI kU klI/ zhes pa'o/ /gsung gi 'khor lo la yon tan dang 'phel ba'i dbye bas phyogs rnams su ke kar ko kal/ mtshams rnams su kai kAr kau kAl/ zhes pa'o/ /sku'i 'khor lo la ya Nar bsgyur ba'i dbye bas phyogs rnams su/ /kya kra kwa kla/ mtshams rnams su kyA krA kwA klA zhes pa ste/ rlung dang me dang chu dang sa'i chos kyis brjod pa'i gsal byed/ 'khor lo gsum la nyi shu rtsa bzhi'i bdag nyid du 'gyur ro/ /stong pa'i chos kyis brjod pa ye shes kyi 'khor lo dang/ dur khrod brgyad la bcu gnyis kyi bdag nyid du 'gyur te/ des na gang zhig /stong pa'i chos can gyi mkha' 'gro ma de rnams
- 9a
dmigs pa med pa'i snying rje'i sku dang lhan cig sdom pa/ bcom ldan 'das kyi spyan bcu gnyis te/ rdo rje bag me dang lhan cig 'khyud pa'o/ /dpa' bo'i dbang phyug ma rnams dpa' bo nyi shu rtsa bzhi po rnams dang lhan cig 'khyud pa'o ces pa drang ba'i don gyi mkha' 'gro ma'i 'dra ba sdom pa'o/ /ka yig la ji lta ba de ltar kha rdo rje la sogs pa'o/ /'di lta ste/ ka kha ga g+ha nga/ tsa tsha dza dzha nya/ Ta Tha Da Dha Na/ pa pha ba b+ha ma/ ta tha da d+ha na/ sa lang Sha sha drka/ la wa ra ya/ ha k+Sha(rgyud 'grel): zhes pa rnal 'byor ma'i rgyud sum cu rtsa drug gi gtso mo rnams dang/ rnal 'byor gyi rgyud sum cu rtsa drug gi gtso bo yang ste/ sa bon gcig gis rdzogs pa'i dkyil 'khor bar 'gyur ro/ /sa bon tha dad pa sum cu rtsa drug gi bskyed pa'i dkyil 'khor pa tha dad pa'i rgyud kyi rigs su 'gyur te/ de rnams rigs gcig tu rtogs par bya ba ni ma yin no/ /gang gi phyir rigs gsum dang ni rigs lnga nyid/ /rang bzhin gcig dang rigs brgya'o/ /zhes pa bcom ldan 'das kyis gsungs pa/ /rigs sna tshogs pa'i bdag nyid kyi rgyud rnal 'byor pas don la rton pa la brten nas rtogs par bya'o zhes pa de bzhin gshegs pa'i nges pa'o zhes pa 'jig rten pa'i dngos grub bsgrub pa'i phyir 'jig rten pa'i kun rdzob tu mkha' 'gro ma'i 'khor lo sdom pa'o/ /nges pa'i don gyi mkha' 'gro ma yi 'khor lo sdom zhes pa mkha' 'gro ma ni byang chub kyi phyogs dang mthun pa'i chos sum cu rtsa bdun po rnams so/ /de rnams kyi tshogs pa ni 'khor lo ste/ chos kyi sku'i mtshan nyid stong pa nyid kyi bdag nyid can no/ /de ni ngo bo nyid kyi sku dmigs pa med pa'i snying rje'i bdag nyid can dang lhan cig sdom pa ste gcig pa nyid do/ /de la snying rje zla ba byang chub kyi sems te/ zla ba'i rkang pa nyi shu rtsa lnga'i mtshan nyid bde ba chen po/ /sgrib pa med pa/ nyi ma bcu gnyis stong pa'i bdag nyid can/ de dang lhan cig sdom pa ni mkha'
- 9b
'gro ma'i 'khor lo sdom pa ste/ bdag gi bshad ces bya ba'i nges pa'o/ /de ltar gsungs pa'i rim pas/ gsang chen mchog tu dgyes pa dang/ /thams cad bdag nyid na rtag bzhugs/ /sems dpa' po nya kun rang bzhin/ /rdo rje sems dpa' bde ba'i mchog / ces pa 'dir sngar gsungs pa'i stong pa nyid kyi dbyings chos can thams cad bdag nyid na/ /rtag tu thams cad kyi tshe 'das pa dang ma 'ongs pa dang da ltar byung ba'i dus na bzhugs zhes pa skye ba dang 'jig pa'i chos dang bral ba'i phyir ro/ /sems dpa' pho nya kun rang bzhin/ /zhes pa pho nya mo ni mkha' 'gro ma rnams te de rnams phung po dang khams dang skye mched sgrib pa spangs pa rnam mkha' dang mnyam pa'o/ /nam mkha' la 'gro ba la Dai zhes pa khams bklags pa las nam mkha' la rgyu ba yin gyis/ gnas dang nye ba'i gnas na gnas pa grong gi lha mo sems can thams cad la gnod pa byed pa rnams ni ma yin no zhes pa'o/ /de rnams byang chub kyi phyogs dang mthun pa'i chos sum cu rtsa bdun gyi rang bzhin du gyur pa ni de'i rang bzhin te pho nya kun rang bzhin zhes pa'o/ /sems dpa' ni khams gsum pa'i mtshan nyid can chos kyi sku'o/ /rdo rje sems dpa' bde ba'i mchog /ces pa/ lhan cig skyes pa'i sku bzhi pa ste/ mchog tu bde ba 'gyur ba med pa'i bde ba ces pa'i don no/ /chos dang lhan cig skyes pa'i sku 'di dag gcig pa nyid rdo rje sems dpa' zhes brjod par bya ste rdo rje zhes pa chos sku stong pa nyid shes rab po/ /sems dpa' zhes pa lhan cig skyes pa'i sku snying rje thabs so/ /de ltar shes rab dang thabs kyi bdag nyid he ru ka'i yang dag par sbyor ba ni rdo rje sems dpar mngon par brjod par bya'o/ /'di ni rang byung bcom ldan 'das/ /mkha' 'gro ma yi dra ba sdom/ /zhes pa 'dir rang byung ni tshangs pa'o/ /de yang sku rdo rje rnam par snang mdzad de/ /tshangs pa sku yi rdo rje 'dzin zhes pa'i gsung las rgyud gzhan gyis rtogs par bya'o/ /de yang 'di lta ste/ /sgyu 'phrul
- 10a
dra ba las bcom ldan 'das kyis gsungs pa/ nam mkha' las byung rang byung ba/ /shes rab ye shes me po che/ /'od chen rnam par snang bar byed/ /ye shes snang ba lham me ba/ /zhes pa la sogs pa/ rdo rje lcags kyu zhags pa che/ zhes pa'i mthar thug pa'i tshigs su bcad pa rnams kyis shes par bya'o/ /rang byung ni rnam par snang mdzad sprul pa'i sku rnam pa thams cad kyi mchog dang ldan pa'o zhes pa mkha' 'gro ma'i dra ba sdom pa'i nges pa'o/ /sgra'i tshul las rnam par 'das/ /dam tshig spyod pa'i spyod yul te/ zhes pa 'di las lhan cig skyes pa dang chos dang sprul pa'i sku gcig tu sbyor ba'i phyir/ longs spyod rdzogs pa'i sku sgra'i tshul can te/ thams cad mkhyen pa'i skad gzhom du med pa'i mtshan nyid do/ /de'i rang bzhin ni sngags kyi sku ste/ dam tshig spyod pa rnams kyi spyod yul du gyur pa nA ra'i rang bzhin sngags kyi lha gzho du med pa'i rang bzhin gyi skad do/ /'di gang gi spyod yul dang rtogs par 'gyur ba'i spyod yul gyi dam tshig gi spyod pa de ni 'chad par 'gyur bar brjod par bya'o/ /de bzhin du bcom ldan 'das kyis gsungs pa/ chos kyi dung ste sgra bo che/ /chos kyi gaN+DI sgra chen ldan/ /mi gnas mya ngan 'das pa po/ /phyogs bcu chos kyi rnga bo che/ zhes pa'o/ /'jig rten gsum du rnyed par dka' / /thog ma dbus mthar yang dag gnas/ /zhes pa ye shes 'di ni lhan cig skyes pa dang/ chos dang longs spyod rdzogs pa dang sprul pa'i sku'i bdag nyid/ ye shes dang thugs dang gsung dang sku gcig tu 'dres par gyur pa/ 'jig rten gsum mtho ris dang sa stengs sa 'og rnams su chos thams cad la yang dag par gnas pa/ bsod nams dman pa rnams kyis rnyed par dka' ba'o/ /thog ma dbus mthar zhes pa 'das pa dang ma 'ongs pa dang da ltar byung ba'i dus su yang dag par gnas pa ste/ thog ma dbus mthar yang dag gnas zhes pa'o/ /srub cing srub
- 10b
pa'i sbyor ba las/ /sngags bzlas bsam gtan la sogs ldan zhes pa 'dir ye shes de nyid rnal 'byor pa rnams kyi dbang po gnyis snyoms par zhugs pa srub cing srub pa'i sbyor bas ji ltar gyur pa rnal 'byor nyid sngar bshad pa'o/ /cho ga'i ye shes ni 'jig rten pa'i cho ga'i ye shes dngos grub ste/ sngags bzlas pa dang dkyil 'khor gyi 'khor lo'i bsam gtan gyis grub pa'o/ /sogs pa'i sgras sbyin sreg la sogs pa rnams dang ldan pas bsgrub par bya ba de nyid ye shes te/ cho ga'i ye shes 'jig rten pa'i ye shes zhes pa'o/ /de ltar rnal 'byor nyid ni sngar brjod pa'i stong pa nyid dang snying rje'i bdag nyid can no/ /kyang gi sgra las cho ga'i ye shes kyang ste/ rgyud du nges par gsungs pa zhes pa gang zhig mngon par brjod pa 'bum par gsungs pa'o/ /de bdag gis da ni bsdus pa'i rgyud du rdo rje phag mo la bstan par bya yis/ snying po las snying po mchog gi rgyud nyon cig ces pa ston pa po dang gsol ba 'debs pa po'i 'brel pa dang/ brjod par bya ba dang rjod par byed pa'i 'brel pa dang bcas pa'i 'grel bshad kyi drang ba dang nges pa'i don gyis rab tu gsal bar bcom ldan 'das kyi nges pas zhes pa'o// //da ni rigs ldan ma'i mchod pa brjod par bya ste/ dbu ma mchog gi dbugs 'byung ba zhes bya ba la sogs pa ste/ 'dir dbu ma a wa d+hU tI A li kA li dag gi dbus su me ri'i ri mo lta bur rab tu 'bab pa'o/ /de'i dbugs ni drug brgya lhag pa'i stong phrag nyi shu rtsa gcig rnams kyi dbus su nyin mtshan gyi dus sbyor bcu gnyis 'pho ba rnams la bdun cu rtsa lnga lhag pa'i drug brgya'i grangs rnams so/ /lhag ma rkang pa dang bcas pa'i brgya phrag dgu lhag pa'i stong phrag nyi shu'i grangs ni dus sbyor bcu gnyis po rnams la/ la la nA dang ra sa nA rab tu 'bab pa ste/ lug la sogs pa mi mnyam pa'i dus sbyor
- 11a
la so sor dbugs brgya phrag bco brgyad la la nAr rab tu 'bab po/ /de bzhin du glang la sogs pa mnyam pa'i dus sbyor la so sor ra sa nAr rab tu 'bab po/ /de dag gi dang po dang tha ma'i dbugs 'pho ba so so'i dus la mnyam pa dang mi mnyam pa'i dus sbyor gyi dbus su/ dbu ma a wa d+hU tI las rkang pa dang bcas pa lnga bcu rtsa drug gi grangs rnams te/ dman pa'i srog chags rnams la 'chi ba ster ba rigs ldan ma'i dus yang dag par 'byung bar 'gyur ba'i rang bzhin 'chi ltas kyis 'chi bar bde pa ste/ dus me'i rab tu rgyu ba las so/ /lhag ma rkang pa dang bcas pa lnga bcu rtsa drug gis dman pa'i dbugs brgya phrag bco brgyad la la nA dang ra sa nA'i dkyil 'khor lnga 'bab pa'o/ /de rnams la dkyil 'khor so sor 'bab pa drug cu lhag pa'i sum brgya'i grangs te rkang pa dang bcas pa'i dbugs bcu gcig gis dman pa'o/ /'dir la la nA nas nam mkha' la sogs pa'i dkyil 'khor lnga dang/ ra sa nA nas sa la sogs pa'i dkyil 'khor lnga ste g.yon pa dang g.yas pa la'o/ /'dir lte ba'i pad+ma'i 'dab ma la grangs ji lta bar/ dbus dang shar dang g.yas dang g.yon dang nub tu stong pa dang rlung dang me dang chu dang sa'i dkyil 'khor rnams dang/ lte ba la rnam par dag pa ye shes kyi dkyil 'khor dang drug go /steng du sna'i bu ga dag la ji lta ba bzhin du dbus dang steng dang g.yas dang g.yon dang 'og la rim pa ji lta bas g.yon la stong pa la sogs pa dang/ g.yas la sa la sogs pa ste/ drug pa ni sna'i bu ga dag la cig car gyi rkang pa dang bcas pa'i dbugs lnga bcu rtsa drug gi bdag nyid ces pa'o/ /dkyil 'khor 'di rnams kyi g.yon pa dang g.yas par rab tu 'bab pa'i dbugs rnams rtsa kun tu rgyu ba'i stobs rnams sam srog rtsol gyis stobs kyis kyang dbu ma a wa d+hU tI la rab tu zhugs par gyur pas thun mong ba'i 'chi ltas kyis 'chi ba blu bar 'gyur ro/
- 11b
rnal 'byor gyi stobs kyis dbu ma la rab tu zhugs par gyur pa'i phyir mchog ste/ srog chen por gyur pa dman pa thun mong ba rnams kyis 'joms par byed pa/ mchog tu mi 'gyur ba'i bde ba ster ba/ rnal 'byor pa'i ye shes rang rig pa/ phyi rol gyi dbang po dang yul gyi bde ba 'jig pa'i rang bzhin spangs pa mchog gi dbang pos rtogs par bya ba dbugs kyi 'khor lo'i grangs lhan cig skyes pa'i dga' ba'i rang bzhin can te/ bde ba chen po 'jig pa med pa'i phyir ro/ /zhes pa'o/ /de rnams las so sor mchog tu mi 'gyur ba'i bde ba'i dbugs ni mchog ste/ dbu ma mchog gi dbugs zhes pa'o/ /dbu ma mchog gi dbugs des dri dang chu dang bcas pa yis zhes pa la 'dir dri zhes pa rnam par snang mdzad dang zla ba'i dbugs rab tu 'bab pa ste/ 'og dang steng du la la nA'o/ /chu skyes pa mi bskyod pa dang nyi ma'i dbugs rab tu 'bab pa ste 'og dang steng du ra sa nA'o/ /dbu ma zhes pa khu ba dang rdul dang sgra gcan dang dus kyi me'i dbugs rab tu 'bab pa ste/ 'og dang steng du a wa d+hU tI'o/ /dbu ma a wa d+hU ti'i dbugs 'gyur ba med pa ni srog chags rnams kyi 'chi ba ster ba thun mong ba'i 'chi ltas kyi 'chi ba blu bar byed pa ste/ mchog ni mchog tu mi 'gyur ba'i bde ba phyag rgya chen po'i dngos grub ster ba'o/ /de'i phyir dbu ma mchog gi dbugs 'byung ba zhes brjod do/ /de nyid 'og dang steng du bshang gci zla ba nyi ma'i rtsa rnams dang ldan pa ste/ khu ba dang rdul dang sgra gcan dang dus kyi me'i rtsa ro mnyam du gyur pa/ byang chub kyi sems kyi thig le bzhi 'dzin pa/ sku dang gsung dang thugs ro mnyam pa rgyur pa steng dang 'og tu rdo rje rtse gcig pa zhes pa'o/ /dbu ma mchog gi dbugs des dri dang chu dang bcas pa yis/ /lhan cig skyes pa'i dga' ba'i rang bzhin gyis/ /gzung ba dang 'dzin pa spangs pas rdo rje 'dzin pa'i dbugs chen pos las kyi phyag rgya dang ye shes kyi phyag rgya'i rgyu dang bral bas phyag rgya chen po'i rgyur gyur pas rnal 'byor pa'i ye shes rang rigs pas yul dang dbang po gcig tu 'dres par gyur pa/ lte bar gtum mo 'bar bas phung po
- 12a
khams dang skye mched bsregs te/ dpral ba'i zla ba bzhu ba'i bdud rtsi 'dzag pa med pa steng du 'gro ba mchog tu mi 'gyur ba las byung ba'i lhan cig skyes pa'i sku yis/ A li dang kA li dang hUM phaT yi ge dang bral bas dkyil 'khor gyi 'khor lo bsgom pa spangs pas sngags bzlas pa dang phyag rgya dang byin gyis brlab pa dang bla ma'i bka' kun tu spyod pa'i chos rnams las phyi rol tu gyur pas/ srid pa dang mya ngan las 'das pa la rab tu mi gnas pas snying rje dang stong pa nyid dbyer med pas/ dpral ba nas rdo rje nor bu'i mthar thugs par ma chad par byang chub kyi sems kyi thig le'i gzugs kyis 'dzag pa med pa'i chags pa chen pos dbu ma mchog gi dbugs 'byung ba 'dis/ rtag tu rigs ldan ma mchod bya zhes pa 'dir rigs ldan ma ni dbu ma a wa d+hU tI'i rdo rje phag mo sgrib pa med pa gzung ba dang 'dzin pa spangs pa/ rnal 'byor pa rnams kyi bdud kyi tshogs zad par byed pa mo/ /mi shes pa rnams kyi phung po dang khams dang skye mched kyi tshogs dang byang chub kyi sems kyang zad par byed pa mo/ /byang chub kyi sems 'pho ba las 'chi ba ster ba mo'o/ /de ni rdo rje rnal 'byor ma rang gi sems kyi snang ba rtsam phyag rgya chen po rnam pa thams cad kyi mchog dang ldan pa/ shes rab kyi pha rol tu phyin pa stong pa nyid dang de bzhin nyid dang rigs ldan ma dang pad+ma zhes brjod par bya'o/ /rigs ldan ma de la mchog tu mi 'gyur ba'i bde ba 'dzag pa med pa'i byang chub kyi sems kyi thig le/ zla ba zhu ba'i chags pa chen po dbu ma mchog gi dbugs dri dang chu dang bcas pa/ rigs ldan mar yang dag par gyur pa'i thabs des rang gi shes rab de nyid mchod par bya'o zhes pa ste/ gzung ba dang 'dzin pa'i sems dang zhes pa dang shes bya dang stong pa nyid dang snying rje dag gcig pa nyid du rnal 'byor pas bya'o/ /zhes pa nges pa'i don to/ /rtag tu mchod bya zhes pa dus thams cad du gtsang ba 'am mi gtsang ba 'am langs pa 'am 'dug pa 'am gnyid log pa'am lus dang ngag dang sems bya ba la gnas pa na/ mchog tu mi 'gyur ba'i bde ba la rjes su
- 12b
chags pa phyi rol gyi 'dod pa thams cad la nye bar longs spyod pa'i dga' ba dang bral ba mchog gi dbang po rnams kyi mthong ba'i yul nye bar longs spyod pa la ma chags pa'o zhes pa dbu ma'i dbugs kyi rigs ldan ma mchod pa'i cho ga /'jig rten las 'das pa'i bden pas phyag rgya chen po'i dngos grub kyi don du bcom ldan 'das kyis gsungs pa'o/ /da ni 'jig rten pa'i dngos grub bsgrub pa'i phyir pho nya mo'i kun tu spyod pa dang 'khor lo 'dus pa la bdud rtsi lnga'i ril bu dang/ g.yul du mtshon gyis gsad pa kha na ma tho ba dang bral ba mnad kyis shi ba'am las ngan pas gsad pa yang ste/ go ku da ha na la sogs pa rnams dang/ nye bar spyod pa lnga la sogs pa rnams kyis pho nya mo rnams mchod pa'i cho ga phyi rol dang nang du brjod par bya ste/ dus kyi khyad par zhes pa la sogs pas so/ /'dir re shig dus ni rnam pa gnyis te/ phyi rol dang nang du yang ngo/ /lo so so dang nyi ma so sor grangs ji lta bar 'di'i dus kyi khyad par te/ phyi rol dang nang du khyim gyi 'khor lo dus sbyor bcu gnyis kyi bdag nyid can zhes bya ba khyad par gyi dus so/ /'dir phyi rol tu lo so so'i dus kyi khyad par te/ slar yang nyin rnams dang phyogs dang zla ba dang dus drug dang dus bzhi dang dus gsum dang bgrod pa zhes pa'o/ /nang du ni nyi ma so so'i dus kyi khyad par te/ slar yang dbugs rnams dang chu srang dang chu tshod dang yud tsam dang thun phyed dang dus sbyor dang/ thun dang thun mtshams rang nyin mtshan zhes pa dus kyi khyad par ro/ /phyi rol tu lo so so'i dus kyi khyad par ni nyin zhag drug cu lhag pa'i sum brgya rnams dang phyogs nyi shu rtsa bzhi dang zla ba bcu gnyis dang dus drug dang zla ba gsum gyi bdag nyid kyi dus bzhi dang zla ba bzhi'i bdag nyid kyi dus gsum dang zla ba drug gi bdag nyid kyi bgrod pa gnyis te 'di rnams kyi tshogs ni lo gcig gi dus so/ / nang du nyi ma so so'i dus ni dbugs drug brgya lhag pa'i stong phrag nyi shu rtsa gcig rnams dang/ chu srang sum stong drug sbrgya rnams dang/ chu tshod drug cu dang/ yud tsam sum cu dang/ thun phyed pa bcu drug dang/ dus sbyor bcu gnyis dang thun brgyad dang/ thun mtshams bzhi dang/ nyin mo dang/
- 13a
mtshan mo rnams te 'di rnams kyi tshogs ni nyi ma gcig gi dus so/ /de ltar phyi rol tu nyi ma rgyu bas dus kyi khyad par ji lta ba de bzhin du nang du srog rab tu rgyu bas kyi khyad par te/ dus kyi khyad par des lo so so'i nyi ma so so la pho nya mo rnams mchod par bya'o zhes pa'o/ /pho nya mo ni rdo rje mkha' 'gro ma la sogs pa gshin rje 'joms ma'i mthar thug pa sum cu rtsa drug gi rnal 'byor ma rnams te/ de rnams mchod par bya'o zhes pa'o/ /'dir ji ltar pho nya mo rnams mchod pa de bzhin du lhan cig skyes grub rnams te/ rim pa ma yin pas rdo rje sems dpa' la sogs pa nyi shu rtsa bzhi/ dman pa dang bar ma chad pa dang mchog rnams te sku dang gsung dang thugs kyi 'khor lo rnams las 'og dang sa stengs dang nam mkha' la spyod pa'i dngos grub ster ba nyid kyi phyir zhes pa'o/ /de rnams kyang dus kyi khyad par gyi mchod par bya'o zhes pa de bzhin gshegs pa'i nges pa'o/ /de ltar pho nya mo rnams dang lhan cig skyes grub rnams bdud rtsi lnga'i ri lu dang/ go ku da ha na la sogs pa'i sha kha na ma tho ba dang bral ba'i dam tshig rnams dang/ nye bar spyod pa lnga po rnams kyi phyi rol tu tshogs kyi 'khor lo dang nang du ye shes dang thugs dang gsung dang sku'i 'khor lo la mchod par bya ste nyi ma rgyu ba dang srog rgyu bas dus kyi khyad par ro/ /dus kyi khyad par des pho nya mo kun tu spyod pa'o pho nya mo'i kun tu spyod pas longs spyod pa dang thim pa dang dbang byed pa dang bdag po nyid de/ rigs ldan ma dang pho nya mo sum cu rtsa drug po rnams kyi yang rim pa ji lta bas de ltar byung ba'i dus la longs spyod do/ /ma 'ongs pa'i dus la thim mo/ /'das pa'i dus la dbang byed do/ /nyi ma 'char ba na longs spyod do/ /nyi ma phyed pa na dbang byed do/ /nyi ma nub pa'i gnas la bdag po nyid do/ /mtshan phyed pa na nub ba zhes pa rigs pa'o/ /de ltar phyi rol tu longs spyod pa'i nyin zhag dang nang du longs spyod pa'i dus na rnal 'byor ma'i kun tu spyod pa'o/ /rnal 'byor ma'i kun tu spyod pas 'khor lo 'dus te/ 'khor lo 'dus pas longs spyod pa'i nyin zhag dang longs spyod pa'i dus la mchod par bya'o zhes pa'o/ /byis pa'i dus la longs spyod pa dang lang tsho'i dus la dbang byed pa dang/ rgan po'i dus la bdag
- 13b
po nyid dang nub par gyur pa'i dus la thim pa ste/ thim pa las slar skye ba byis pa zhes brjod do/ /de ltar dus kyi khyad par gyis thun mtshams bzhi'i dbye ba dang/ thun brgyad kyi dbye ba dang/ phyogs nyi shu rtsa bzhi'i dbye bas rnal 'byor ma sum cu rtsa drug po rnams kyi longs spyod pa dang thim pa dang dbang byed pa dang bdag po zhes pa thams cad du nges pa'o/ /da ni mchod pa'i cho ga brjod par bya ste/ 'dir phyi rol dang nang du rigs ldan ma rdo rje phag mo bde ba chen po 'gyur ba med pa'i skad cig mas dbu ma mchog gi dbugs kyi phyag rgya chen po'i dngos grub kyi don du sngags pas dus thams cad du mchod par bya'o/ /'jig rten pa'i dngos grub gyi don du rdo rje mkha' 'gro ma la sogs pa rnams rim pa ji lta ba'i dus kyi khyad par gyis mchod par bya'o zhes pa'o/ /'dir phyi rol tu chu srin gyi 'pho ba la shar gyi zhal 'byung ba na gsang ba'i las sgrub pa'i don du/ rdo rje mkha' 'gro ma la mchod par bya'o/ /lug gi 'pho ba la g.yas pa'i zhal 'byung ba na/ dbang gi las sgrub pa'i don du lA ma la mchod par bya'o/ /kar ka Ta'i 'pho ba la nub kyi zhal 'byung ba na rengs pa'i las sgrub pa'i don du dum skyes ma la mchod par bya'o/ /srang gi 'pho ba la byang gi zhal 'byung ba na zhi ba'i las sgrub pa'i don du gzugs can pa la mchod par bya'o/ /zhes pa ste 'pho ba'i zla ba gsum gyi mthar nyi ma'i dus la nor dang bu lon 'phel ba dang nyams pa'i dbye bas lo'i dus bzhi'i mtshams so/ /de rnams kyi 'pho ba'i zhag rnams la ji ltar brjod pa'i rim pas mkha' 'gro ma bzhi po longs spyod par 'gyur te thugs dang gsung dang ye shes dang sku'i zhal gyi dbye bas bcom ldan 'das kyi shar dang lho dang nub dang byang gi lha mo rnams gsad pa la sogs pa'i las sgrub pa'i ched du rtogs par bya'i/ sa la sogs pa'i khams kyi dbye bas ma yin no zhes pa nges pa'o/ /de ltar thams cad du 'chad par 'gyur ba la zhal gyi dbye bas las rab 'byams sgrub pa la lha mchod pa'i nges pa'o/ /da ni dur khrod kyi lha mo rnams kyi mchod pa brjod par bya ste/ 'dir chu srin gyi 'pho ba'i nyin zhag la bskrad pa'i don du khra gdong ma dang/ bum pa'i phyed kyi nyin zhag la dgug pa'i don du 'ug gdong ma dang/ lug gi 'pho ba'i nyin
- 14a
zhag lo phur bus gdab pa'i don du khyi gdong ma dang/ glang gi phyed kyi nyin zhag la rgyas pa'i don du phag gdong ma dang/ kar ka Ta'i 'pho ba'i nyin zhag la dug gzhil ba'i don du gshin rje brtan ma dang/ seng ge'i phyed kyi nyin zhag la rmongs pa'i don du gshin rje pho nya mo dang/ srang gi 'pho ba'i nyin zhig la rengs pa'i don du gshin rje mche ba mo dang/ sdig pa'i ched kyi nyin zhag rnam par dbye ba'i don du gshin rje 'joms ma la rnal 'byor pa rnams kyis mchod par bya'o/ /phyed dang bcas pa phyed dang bcas pa'i zla ba'i bdag nyid kyi lo'i thun brgyad do/ / de rnams kyi dang po'i nyin zhag rnams la ji ltar brjod pa'i rim pas rnal 'byor ma brgyad po longs spyod de/ phyed dang bcas pa phyed dang bcas pa'i zla ba ji srid par zhes pa nges pa'o/ /da ni thugs dang gsung dang sku'i 'khor lo'i lha mo rnams mchod par bya ste/ 'dir mgo'i zla ba'i gnam stong la gsad pa'i las sgrub pa'i don du rab gtum ma dang thod pa'i dum bu la'o/ /nya la dbang du bya ba'i don du gtum mig ma dang keng rus chen po la'o/ /rgyal gyi zla ba'i gnam stong la rengs pa'i don du 'od ldan ma dang keng rus can la'o/ /nya la rgyas pa'i don du sna chen ma dang mche ba rnam par gtsigs pa la'o/ /mchu'i zla ba'i gnam stong la zhi ba'i don du dpa' bo'i blo can ma dang chang dgra la'o/ /nya la rmongs pa'i don du mi thung ma dang 'od dpag med la'o/ /dbo'i zla ba'i gnam stong la dgug pa'i don du langka'i dbang phyug ma rdo rje'i 'od la'o/ /nya la rnam par dbye ba'i don du shing grib ma dang rdo rje'i sku la'o zhes pa mgo'i zla ba la sogs pa zla ba bzhi phyogs brgyad kyi nyin zhag rnams la ji ltar brjod pa'i rim pas dpa' bo dang dpa' mo'i dbang phyug ma brgyad po rnams thugs kyi 'khor lo la longs spyod do/ /da ni gsung gi 'khor lo la mchod pa brjod par bya ste/ 'dir nag pa'i zla ba'i gnam stong la bskrad pa'i don du sa srungs ma dang myu gu can la'o/ /nya la kun tu gdung ba'i don du 'jigs byed chen mo dang rdo rje ral pa can la'o/ /sa ga'i zla ba'i gnam stong la sde rengs pa'i don du rlung shugs ma dang dpa' bo chen po la'o/ /nya la
- 14b
sprin gyi char dbab pa'i don du chang 'thung ma dang rdo rje hUM mdzad la'o/ /snron gyi zla ba'i gnam stong la rims nye bar zhi ba'i don du lha mo sngo bsangs ma dang rab tu bzang po la'o/ /nya las 'og 'byed pa'i don du shin tu bzang mo dang rdo rje bzang po la'o/ /chu stong kyi zla ba'i gnam stong la dbab pa'i don du rta sna ma dang 'jigs byed chen po la'o/ /nya la sprin rnam par 'joms pa'i don du mkha' 'gro gdong ma dang mig mi bzang la'o/ /zhes pa nag pa'i zla ba la sogs pa zla ba bzhi'i phyogs brgyad kyi nyin zhag rnams la ji ltar brjod pa'i rim pas dpa' bo dang dpa' mo'i dbang phyug ma brgyad po rnams gsung gi 'khor lo la longs spyod do/ /da ni sku'i 'khor lo la mchod pa brjod par bya ste/ 'dir gro zhun gyi zla ba'i gnam stong la ral gri chen po sgrub pa'i don du 'khor lo'i shugs can ma dang stobs po che la'o/ /nya la klu'i bu mo dbang du bya ba'i don du dum skyes ma dang rin chen rdo la'o/ /khrums kyi zla ba'i gnam stong la klu'i rgyal po rengs par bya ba'i don du shauN+Da ni ding rta 'grin la'o/ /nya la ro chen po sgrub pa'i don du 'khor lo'i go cha ma dang nam mkha' i snying po la'o/ /tha skar gyi zla ba'i gnam stong la bdud rtsi sgrub pa'i don du rab tu dpa' mo dang he ru ka la'o/ /nya la rdzas kyi gter sgrub pa'i don du stobs chen ma dang pad+ma gar gyi dbang phyug la'o/ /smin drug gi zla ba'i gnam stong la rin po che sgrub pa'i don du 'khor los bsgyur ma dang rnam par snang mdzad la'o/ /nya la 'jig rten gsum 'dar ba'i don du brtson 'grus chen mo dang rdo rje sems dpa' la'o zhes pa gro zhun gyi zla ba la sogs pa zla ba bzhi'i phyogs brgyad kyi nyin zhag rnams la ji ltar brjod pa'i rim pas dpa' bo dang dpa' bo'i dbang phyug ma brgyad po rnams sku'i 'khor lo la longs spyod do/ /yang na sdig pa'i 'pho ba'i nyin zhag dang sdig pa'i phyed kyi nyin zhag dang/ gzhu'i 'pho ba'i nyin zhag dang gzhu'i phyed dang/ chu srin gyi 'pho ba'i nyin zhag dang chu srin gyi phyed dang/ bum pa'i 'pho ba'i nyin zhag dang bum pa'i phyed kyi nyin zhag ste nyin zhag brgyad po rnams la dpa' bo dang dpa' bo'i dbang phyug ma rnams thugs kyi 'khor lor longs spyod do/ /de ltar nya'i 'pho ba dang nya'i phyed dang/ lug gi 'pho ba dang lug gi phyed dang/ glang gi 'pho ba dang glang gi phyed dang/ 'khrig pa'i 'pho ba dang
- 15a
'khrig pa'i phyed de/ nyin zhag brgyad po 'di rnams la ji ltar brjod pa'i rim pas dpa' bo dang dpa' bo'i dbang phyug ma brgyad po rnams gsung gi 'khor lor longs spyod de/ /de bzhin du karka Ta'i 'pho ba dang karka Ta'i phyed dang/ seng ge'i 'pho ba dang seng ge'i phyed dang/ bu mo'i 'pho ba dang bu mo'i phyed dang/ srang gi 'pho ba dang srang gi phyed de nyin zhag brgyad po 'di rnams la ji ltar brjod pa'i rim pas/ dpa' bo dang dpa' bo'i dbang phyug ma brgyad po 'di rnams sku'i 'khor lo la longs spyod do/ /'dir rab byung la sogs pa lo gsum gsum gyi rab tu dbye bas da ltar ba ni thog ma'i lor bzung bar bya'o/ /'di lta ste/ rab byung rnam byung dkar po dang/ /rab myos skye bdag ang gi ra/ /dpal sdong dngos po na tshod ldan/ /'dzin byed dbang phyug 'bru mang po/ /myos ldan dpa' bo khyu mchog dang/ /sna tshogs nyi ma nyi sgrol byed/ /sa skyong mi bzad thams cad 'dul/ /kun 'dzin 'gal ba rnam 'gyur dang/ /bung bu dga' ba rnam rgyal nyid/ /rgyal ba myos byed gdong dan dang/ /gser 'phyang rnam 'phyang sgyur byed dang/ /kun ldan 'phar dang dge byed dang/ /mdzes byed khro mo sna tshogs dbyig /zil gnon spre'u phur bu dang/ /zhi ba thun mong 'gal byed dang/ /yongs 'dzin bag med can kun dga' / /srin bu me dang dmar ser can/ /dus kyi pho nya don grub drag /blo ngan rnga chen khrag skyug pa/ /mig dmar khro bo zad pa'o/ /zhes pa lo skor drug cu'o/ /lo gsum po de rnams la slar dang po'i lo la yon tan gsum gyi dbye bas bzung bar bya'o/ /de la dang po'i lo la lha mo bzhi'i ming dang lhan cig zhal bzhi'i sngags zla ba gsum gsum gyi dbye bas bzlas par bya'o/ /de nas lo gnyis pa la rnal 'byor ma brgyad kyi ming dang lhan cig rkang pa brgyad pa'i sngags phyed dang bcas pa'i zla ba'i dbye bas bzlas
- 15b
bar bya'o/ /de nas lo gsum gyi la lha mo nyi shu rtsa bzhi'i ming dang lhan cig yan lag so so'i phreng ba'i sngags sngar brjod pa'i las rab 'byam sgrub pa'i don du bzlas par bya'o/ /de ltar lo gsum dang lo drug dang lo dgu dang lo bcu gnyis rnams kyi mkha' 'gro ma sum cu rtsa drug bsgrubs nas/ de nas sngags pas 'jig rten pa'i dngos grub las rab 'byam thams cad bsgrub par bya'o zhes pa de bzhin gshegs pa'i nges pa'o/ /de ltar nang du thun mtshams bzhi dang thun brgyad dang phyed dang bcas pa'i dbyu gu gnyis kyi bdag nyid can gyi dus sbyor gyi phyogs nyi shu rtsa bzhi rnams te/ dus 'di rnams la nyin zhag so sor sngar brjod pa'i dngos grub sgrub pa'i phyir rdo rje mkha' 'gro ma la sogs pa rnams mchod par bya'o zhes pa dus kyi khyad par gyis pho nya mo rnams mchod pa'i cho ga'i nges pa'o/ /da ni rgyud gzhan dang gzhan du gsungs pa'i dus kyi khyad par brjod par bya'o/ /'dir bcom ldan 'das kyis dus kyi khyad par rgyud dang rgyud gzhan du gsungs te/ 'dir ni mdor bstan pa tsam gyis gsungs so/ /de yang rgyud gzhan du gsungs pa'i dgongs pas 'dir rtogs par bya ste/ rgyud ni rgyud gzhan gyis rtogs par bya'o/ /zhes pa'i de bzhin gshegs pa'i gsung las so/ /de ltar dus kyi khyad par 'di ni dang por re shig rdo rje gdan bzhir/ chu srin la sogs pa'i dus sbyor gang yin pa de rnams ro hi ta la sogs pa bcu gnyis dang/ rgyal la sogs pa zla ba bcu gnyis gang yin pa de rnams ma rig pa la sogs pa yan lag bcu gnyis rnams so/ /de ltar phyi rol dang nang du lo so so dang/ nyin zhag so so la dus sbyor bcu gnyis rnams te/ dus sbyor re re ni dbyu gu lnga'i bdag nyid do/ /dbyug gu ni chu srang drug cu'i bdag nyid do/ /chu srang ni dbugs drug gi bdag nyid do/ /de ltar nyin mtshan gyi dbugs drug brgya lhag
- 16a
pa'i stong phrag nyi shu rtsa gcig rnams 'byung ste/ phyi rol tu nyi ma'i dbyug gu dang nang du ni dbugs rnams so/ /de ltar nyin mtshan gyis zhes pa'o/ /de bzhin du bcom ldan 'das kyis dpal gyi rdo rjer gsungs te/ sprul pa'i 'khor lo la rkang pa dang bcas pa'i chu srang lnga bcu rtsa drug gi bdag nyid kyi dbyug gu drug cu rtsa bzhi dang bde ba chen po'i 'khor lo la dbyug gu gnyis kyi bdag nyid kyi chu tshod sum cu rtsa gnyis dang/ longs spyod kyi 'khor lo la chu tshod gnyis kyi bdag nyid kyi 'pho ba bcu drug dang/ chos kyi 'khor lo la thun mtshams brgyad de/ 'dir longs spyod dang bde ba chen po'i 'khor lo go bzlog pa ni bla ma'i nye bar bstan pa'o/ de ltar nyin mtshan gyi dus kyi khyad par nyung ngu'i rgyud las mdor bsdus pa'o/ /rtsa ba'i rgyud du ni bcom ldan 'das kyis slar yang mngon par brjod pa 'bum par gsungs pa/ 'di lta ste/ de la phyi rol tu nyi ma'i lo so so ni nyin zhag nyid do/ /nyin zhag de la dus kyi khyad par dbyug gu drug brgya lhag pa'i stong phrag nyi shu rtsa gcig rnams te de rnams kyang nyi ma'i dbugs so/ /de rnams kyang nang du nyin zhag so sor lus can rnams kyi dbugs so zhes/ de ltar phyi rol tu lo la dbyug gu drug cu drug cu'i bdag nyid kyi nyin zhag drug cu lhag pa'i sum brgya rnams te/ nang du nyin zhag la dbugs drug cu drug cu'i bdag nyid rnams so/ /de ltar dbyu gu dgu brgya'i bdag nyid kyi phyogs nyi shu rtsa bzhi rnams te/ nang du ni dbugs dgu brgya dgu brgya'i bdag nyid ces pa'o/ /de bzhin du phyi rol tu dbyug gu brgya phrag bco brgyad brgya phrag bco brgyad kyi bdag nyid kyi zla ba bcu gnyis rnams te/ nang du ni dbugs brgya phrag bco brgyad kyi bdag nyid ces pa'o/ /phyi rol tu dbyu gu brgya phrag sum cu rtsa drug brgya phrag sum cu rtsa drug gi bdag nyid kyi dus drug rnams te/ nang du ni dbugs brgya
- 16b
phrag sum cu rtsa drug sum cu rtsa drug gi bdag nyid ces pa'o/ /phyi rol tu dbyu gu brgya phrag lnga bcu rtsa bzhi brgya phrag lnga bcu rtsa bzhi'i bdag nyid kyi dus bzhi rnams te/ nang du ni dbugs brgya phrag lnga bcu rtsa bzhi brgya phrag lnga bcu rtsa bzhi'i bdag nyid ces pa'o/ /phyi rol tu dbyu gu brgya phrag bdun cu rtsa gnyis brgya phrag bdun cu rtsa gnyis kyi dus gsum mo/ /nang du ni dbug brgya phrag bdun cu rtsa gnyis brgya phrag bdun cu rtsa gnyis kyi bdag nyid ces pa'o/ /phyi rol tu bgrod pa gnyis la so sor dbyu gu brgyad brgya lhag pa'i stong phrag bcu'i bdag nyid do/ /nang du dbugs brgyad brgya lhag pa'i stong phrag bcu'i bdag nyid ces pa'o/ /de ltar na phyi rol du nyi ma'i nyin zhag so so la nyin mtshan gyi dbyug gu drug rgya lhag pa'i stong phrag nyi shu rtsa gcig rnams te/ nang du ni nyin zhag so sor lus can rnams kyi dbugs rnams so/ /'dir ma rnams kyi dbugs 'byung ba dang rngub pa la lus skyes srin bu'i rigs rnams kyi nyin mtshan no/ /de la 'di nyid kyi khyad par gyis dus rtogs par bya ste/ 'dir mi rnams kyi zla ba ni yi dags rnams kyi nyin mtshan no/ /lha rnams kyi lo ni lha ma yin rnams kyi lo skor drug cu'o/ /dbugs kyi 'khor lo'i grangs kyi lo ni byang chub sems dpa' i nyin mtshan no/ /nyin zhag de nyid gtso bo'i dbugs gcig ste/ sems can gyi don dang snying brtse ba'i phyir zhes pa'o/ /de ltar dus kyi khyad par nyin zhag so so la thams cad du rtogs par bya ste/ rgyud dang rgyud gzhan du de bzhin gshegs pas gsungs so/ /de ltar gdan bzhi la sogs pa rnams kyis 'khor lo sdom pa'i dus kyi khyad par shes par bya ste/ rtsa ba'i rgyud thos pa med pa'i phyir ro/ /'dis ni mkhas pa rnams kyi gdan bzhi la sogs pa'i rgyud du rnal 'byor ma'i kun tu spyod pa la longs spyod pa dang thim pa dang dbang byed pa
- 17a
khong du chud par bya'o zhes pa'o/ /dus kyi khyad par gyis phyi rol dang nang du mchod pa'i cho ga'i nges pa'o// //da ni rigs kyi pho nya mo sum cu rtsa drug brjod par bya ste/ sum cu rtsa bdun ma ni rigs ldan ma'o/ / 'di lta ste/ rtsa ba'i rgyud du 'dir rdo rje phag mo ni rigs ldan ma'o/ /rigs med pa ni g.yung mo'o/ /mkha' 'gro ma ni dmangs rigs ma'o/ /lA ma ni rgyal rigs ma'o/ /dum skyes ma ni rje'u rigs ma'o/ /gzugs can ma mo ni bram ze ma'o/ /khwa gdong ma ni kla klo ma'o/ (/'ug gdong ma ni 'phyag pa ma'o/ /khyi gdong ma ni gtum mo'o/ /phag gdong ma ni stag gzig ma'o/ /gshin rje) brtan ma ni ri khrod ma'o/ /gshin rje pho nya mo ni b+hil+li'o/ /gshin rje mche ba ma ni p+puk+ka sI'o/ /gshin rje 'joms ma ni smyon thabs ma'o/ /rab gtum ma ni 'od zer mkhan ma'o/ /gtum mig ma ni chad mkhan ma'o/ /'od ldan ma ni phreng ba mkhan ma'o/ /sna chen ma ni gser mgar mkhan ma'o/ /dpa' bo blo can ni khron pa mkhan ma'o/ /mi'u thung ma ni smyig ma mkhan ma'o/ /lang ka'i dbang phyug ma ni mkhar ba mkhan ma'o/ /shing grib ma ni nor bu mkhan ma'o/ /sa srungs ma ni lcags mkhan ma'o/ /'jigs byed chen mo ni rgya skyegs mkhan ma'o/ /rlung shugs ma ni srin bal mkhan ma'o/ /chang 'thung ma ni til mar mkhan ma'o/ /lha mo sngo bsangs ma ni 'breg mkhan ma'o/ /shin tu bzang mo ni ko lpags mkhan ma'o/ /rta rnam ni shing mkhan ma'o/ /mkha' 'gro gdong ma ni gling bu mkhan ma'o/ /'khor lo'i shugs can ma ni sha 'tshong ma'o/ /dum skyes ma ni g.yos mkhan ma'o/ /shauN+Di ni ni tshim bu ma'o/ 'khor lo'i go cha ma ni gar mkhar ma'o/ /shin tu dpa' mo ni tshong mkhan ma'o/ /stobs chen ma ni nya pa ma'o/ /'khor lo sgyur ma ni rdza mkhan ma'o/ /brtson 'grus chen mo ni smad 'tshong ma'o/ /'di rnams rim pa ji lta bas phyi rol tu longs spyod pa'i nyin
- 17b
zhag dang longs spyod pa'i dus la/ sngar brjod pa'i las rab 'byam dang 'jig rten pa'i dngos grub sgrub pa'i don du sngags pas mchod par bya'o zhes pa rigs kyi pho nya mo mchod pa'i cho ga la bcom ldan 'das kyi nges pa'o// //da ni dam tshig gi pho nya mo rang gi gzugs yongs su bsgyur ba brjod par bya ste/ 'dir rdo rje phag mo ni rigs ldan ma ste/ thams cad du gzugs thams cad yongs su bsgyur ba ma'o/ /rdo rje mkha' 'gro ma ni khyi mo'o/ /lA ma ni rgod ma'o/ /dum skyes ma ni glang mo'o/ /gzugs can ma ni ba'o/ /rab gtum ma ni lug ma'o/ /gtum mig ma ni ra mo'o/ /'od ldan ma ni ri dags mo'o/ /sna chen ma ni bod mo'o/ /dpa' bo'i blo can ma ni phag mo'o/ /mi'u thung ma ni rnga mo'o/ /langka'i dbang phyug ma ni 'brog dgon pa'i khyi mo'o/ /shing grib ma ni 'brog dgon pa'i seng ge mo'o/ /sa srungs ma ni bsre mo'o/ /'jigs byed chen mo ni stag mo'o/ /rlung shugs ma ni ngom ma'o/ /chang 'thung ma ni spre mo'o/ /lha mo sngo bsangs ma ni 'bri mo'o/ /shin tu bzang mo ni ce spyang mo'o/ /rta rna ma ni sraM mo'o/ /mkha' 'gro gdong ma ni byi la mo'o/ /'khor lo'i shugs can ma ni kun b+hi rI'o/ /dum skyes ma ni 'gron bu mo'o/ /shauN+Di ni ka ka TI'o/ /'khor lo'i go cha ma ni nya mo'o/ /shin tu dpa' mo ni chu srin mo'o/ /stobs chen mo ni sbal pa mo'o/ /'khor los bsgyur ma ni ru spal mo'o/ /brtson 'grus chen mo ni dung mo'o/ /khwa gdong ma ni go d+hi'o/ /'ug gdong ma ni byi ba mo'o/ /khyi gdong ma ni shA li dza ti ki'o/ /phag gdong ma ni spre'u mo'o/ /gshin rje brnyan ma ni ri bong ma'o/ /gshin rje pho nya mo ni gzungs mo'o/ /gshin rje mche ba mo ni aSh+Ti ka'o/ /gshin rje 'joms ma ni rtsangs pa ma'o/ /zhes pa thang la spyod pa dang/ chu la spyod pa dang/ nags la spyod pa dang/ gzugs yongs su bsgyur ba'i dam tshig gi lha mo sum cu rtsa drug po de rnams kyi rang bzhin gang gi tshe rnal 'byor pas shes par gyur pa de'i tshe dngos grub ster bar 'gyur ro// //
- 18a
da ni mkha' la spyod pa'i gzugs yongs su bsgyur ba brjod par bya ste/ 'dir rdo rje phag mo ni rigs ldan ma ste/ gzugs thams cad yongs su bsgyur ba mo'o/ /mkha' 'gro ma ni tsA ta ki'o/ /lA ma ni ne tso ma'o/ /dum skyes ma ni ri skegs ma'o/ /gzugs can ma ni khu byug ma'o/ /rab gtum ma ni lA ma'o/ /gtum mig ma ni phug ron ma'o/ /'od ldan ma ni bya dkar mo'o/ /sna chen ma ni tsa Ta ki'o/ /dpa' bo'i blo can ma ni dur pa ma'o/ /mi'u thung ma ni dang pa mo'o/ /lang ka'i dbang phyug ma ni hor pa mo'o/ /shing grib min ljon shing dgra ma'o/ /sa srungs ma ni bya rog mo'o/ /'jigs byed chen mo ni bya rgod ma'o/ /rlung shugs ma ni 'ug pa mo'o/ /'chang 'thung ma ni ri dags dgra ma'o/ /lha mo sngo bsangs can ma ni gtsug pud can ma'o/ /shin tu bzang mo ni bya gag mo'o/ /rta rna ma ni b+he Da Ni'o/ /mkha' 'gro gdong ma ni 'ol ba mo'o/ /'khor lo'i shugs can ma ni khrung khrung ma'o/ /dum skyes ma ni khu byug mig ma'o/ /shauN+Di ni ni ra dza ki'o/ /'khor lo'i go cha ma ni b+ha ga ba ti'o/ / shin tu dpa' mo ni tit+ti ri'o/ /stobs chen mo ni bzhad mo'o/ /'khor los bsgyur ma ni chu'i bya rog ma'o/ /brtson 'grus chen mo ni chu skyar mo'o/ /khwa gdong ma ni mig sngon mo'o/ /'ug gdong ma ni tsa ko ri'o/ /khyi gdong ma ni a ni la ma'o/ /phag gdong ma ni pha wang ma'o/ /gshin rje brtan ma ni puk+ka mi'o/ /gshin rje pho nya mo ni Ti Ta Ti b+hi'o/ /gshin rje mche ba ma ni b+he ru N+Di'o/ /gshin rje 'joms ma ni a ma b+ha ri ka ma'o/ /zhes pa nam mkha' la spyod pa'i gzugs yongs su bsgyur ba'i rnal 'byor ma sum cu rtsa bdun no/ /thang la spyod pa dang chu la spyod pa dang nam mkha' la spyod pa 'di rnams phan tshun bsad pa la sogs pa'i kha na ma tho ba dang bral ba ji ltar rnyed pa'i sde/ bdud rtsi lnga dang bcas pa rnams 'chad par 'gyur ba'i rim
- 18b
bas ril bur byas pa bzung nas dur khrod kyis la bsgrubs te des gsung rdo rje la sogs pa mchod pa'i rdzas rnams rab tu gsang bar bya'o/ /de nas sbyang ba dang rtogs pa dang rab tu 'bar ba dang bdud rtsir byas nas/ ji ltar rnyed pa'i dam tshig gi rdzas rnams 'khor lo mchod pa'i dus su sngags pas/ rnal 'byor ma rnams la dbul bar bya'o/ /sgom pa'i dus dang kun tu spyod pa'i dus dang snyoms par 'jug pa'i dus su bdag nyid kyi zhal du ril bu gzhug par bya zhing/ shes rab kyi zhal dang dpa' bo dang dpa' bo'i dbang phyug ma rnams kyi zhal du yang ngo zhes pa mchod pa'i cho ga'i nges pa'o// //da ni phyi rol dang nang du gnas la sogs pa rnal 'byor ma kun tu rgyu ba'i gnas brjod par bya ste/ phyi rol tu ri rab kyi rtse mor sna tshogs pad+ma'i lte ba la'o/ /nang du ni gsang ba'i pad+ma las te/ rtsa ba'i gnas la rdo rje phag mo rigs ldan ma'o/ /pad+ma'i shar gyi 'dab ma la snying ga'i pad+mar bdag gi gdan la rdo rje mkha' 'gro ma'o/ /lho'i 'dab ma la mgrin pa'i pad+mar gzhan gyi gdan la lA ma'o/ /nub kyi 'dab ma la lte ba'i pad+mar sngags kyi gdan la dum skyes ma'o/ /byang gi 'dab ma la dpral ba'i pad+mar de kho na'i gdan la gzugs can ma'o ze 'bru la gtsug tor gyi pad+mar thams cad kyi gdan la dpal he ru ka'o/ /ye shes kyi 'khor lo mchod par bya'o/ /de nas nam mkha' la thugs kyi 'khor lor ri rab kyi phyogs brgyad po rnams su shar gyi rtsibs la/ pUr+N+Na gi ri spyi bo la rab gtum ma dang thod pa'i dum bu'o/ /lho'i rtsibs la dzA land+ha rar spyi gtsug tu gtum mig ma dang keng rus chen po'o/ /nub kyi rtsibs la o Di yA Nar rna ba g.yas par steng du 'od ldan ma dang keng rus so/ /byang gi rtsibs la arbu dar mgrin pa'i rgyab kyi steng du sna chen ma dang mche ba rnam par gtsigs pa'o zhes pa dpa' bo dang bcas pa'i dpa'
- 19a
bo'i dbang phyug ma rnams gnas bzhi po rnams su longs spyod pa ni bskor ba g.yas bskor gyis so/ /de nas dbang ldan gyi rtsibs la go dA ba rir rna ba g.yon pa'i steng du dpa' bo'i blo can ma dang chang dgra'o/ /rlung gi rtsibs la rA me shwa rir smin ma'i dbus su mi'u thung ma dang 'od dpag med do/ /bden bral gyi rtsibs la de wi ko Tar/ mig gnyis po la lang ka'i dbang phyug ma dang rdo rje 'od do/ /me'i rtsibs la mA la war/ dpung pa'i rtsibs la shing grib ma dang rdo rje lus so zhes pa dpa' bo dang bcas pa dpa' bo'i dbang phyug ma rnams nye ba'i gnas bzhi po rnams su longs spyod pa ste/ 'khor ba ni g.yon skor gyis so/ /de ltar gnas dang nye ba'i gnas longs spyod pa mkha' la spyod pa la thugs kyi 'khor lo mchod par bya'o/ /de nas sa'i khor yug la ri rab kyi phyogs brgyad po rnams su gsung gi 'khor lor/ shar gyi rtsibs la kA ma rU par mchan khung gnyis su sa srungs ma dang myu gu can no/ /lho'i rtsibs la o Ter nu ma zung la 'jigs byed chen mo dang rdo rje ral ba can no/ /zhes pa zhing dag la dpa' bo dang bcas pa'i dpa' bo'i dbang phyug ma dag longs spyod pa'o/ /nub kyi rtsibs la tri sha ku ner lte ba la rlung shugs ma dang dpa' bo chen po'o/ /byang gi rtsibs la ko sa lar sna rtse la chang 'thung ma dang rdo rje hUM mdzad do zhes pa nye ba'i zhing dag la dpa' bo dang dpa' bo'i dbang phyug ma dag la longs spyod pa'o/ /de ltar zhing dang nye ba'i zhing longs spyod pa ste 'khor ba ni g.yas skor gyis so/ /de nas dbang ldan gyi rtsibs la ka ling gar kha la lha mo sngo bsangs ma dang rab tu bzang po'o/ /rlung gi rtsibs la laM pa kar mgrin pa la shin tu bzang mo dang rdo rje bzang po'o/ /zhes pa tshando ha dag la dpa' bo dang bcas pa'i dpa' bo'i dbang phyug ma dag longs spyod pa'o/ /bden bral gyi rtsibs la kany+tsir snying kha la rta rna ma dang 'jigs byed chen po'o/ /me'i rtsibs la
- 19b
hi ma la yar 'doms bar du mkha' 'gro gdong ma dang mig mi bzang ngo zhes pa nye ba'i tshando ha dag la dpa' bo dang bcas pa'i dpa' bo'i dbang phyug ma dag longs spyod pa'o/ /tshando ha dang nye ba'i tshando ha dag la longs spyod pa ste 'khor ba ni g.yon skor gyis so/ / de ltar zhing dang nye ba'i zhing dang tshando ha dang nye ba'i tshando ha longs spyod pa sa la spyod pa dag la gsung gi 'khor lor sngags pas mchod par bya'o/ /de nas sa'i steng dang sa'i 'og rgya mtsho'i khor yug la ri rab kyi phyogs brgyad po rnams su sku'i 'khor lor/ shar gyi rtsibs la pre ta pu rir rtags la 'khor lo'i shugs can ma dang stobs po che'o/ /lho'i rtsibs la gri ha de ba tar/ bshang lam du dum skyes ma dang rin chen rdo rje'o zhes pa 'du ba dag la dpa' bo dang bcas pa'i dpa' bo'i dbang phyug ma dag longs spyod do/ /nub kyi rtsibs la sau raSh+Tar brla bzung la shauN+Di ni dang rta mgrin no/ /byang gi rtsibs la gser gling du byin pa dag la 'khor lo'i go cha ma dang nam mkha' i snying po'o zhes pa nye ba'i du ba dag la dpa' bo dang dpa' bo'i dbang phyug ma dag longs spyod pa'o/ /de ltar 'du ba dang nye ba'i 'du ba dag la longs spyod pa ste 'khor ba ni g.yas skor gyis so/ /de nas dbang ldan gyi rtsibs la na ga rar/ rkang pa'i sor mo rnams la shin tu dpa' mo dang he ru ka'o/ /rlung gi rtsibs la si nar rkang pa'i rgyab dag la stobs chen ma dang pad+ma gar gyi dbang phyug go zhes pa dur khrod dag la dpa' bo dang bcas pa'i dpa' bo'i dbang phyug ma dag longs spyod pa'o/ /bden bral gyi rtsibs la ma ror rkang pa'i mthe bong dag la 'khor los bsgyur ma dang rnam par snang mdzad do/ /me'i rtsibs la ku lu tar pus mo gnyis la brtson 'grus chen mo dang rdo rje sems dpa' o zhes pa nye ba'i dur khrod dag la dpa' bo dang bcas pa'i dpa' bo'i dbang phyug ma dag longs spyod pa'o/ /de ltar dur khrod dang nye ba'i dur khrod dag la longs spyod pa ste 'khor ba ni g.yon skor gyis so/ /de ltar
- 20a
'du ba dang nye ba'i 'du ba dang dur khrod dang nye ba'i dur khrod la longs spyod pa sku'i 'khor lo mchod par bya'o/ /rnal 'byor ma'i kun tu spyod pa'i rim pas 'khor lo 'dus pa 'chang par 'gyur ba'i rim pas bya'o zhes pa 'khor lo gsum gyi kun tu spyod pa'i cho ga'o/ /de nas sa 'og tu me dang rlung gi khor yug gi dbus su/ ri rab kyi phyogs brgyad po rnams su mi bzad pa'i du ba'i dmyal ba chen por dur khrod chen po brgyad po rnams su ste/ de la shar gyi dur khrod du mdung gis 'bigs par kha'i sgor khwa gdong ma'o/ /lhor ro bsregs par sna bug g.yas par 'ug gdong ma'o/ /nub tu rul pa'i drir bshang lam du khyi gdong ma'o/ /byang du rnag gi drir sna bug g.yon pa'i sgor phag gdong ma'o zhes pa 'khor ba ni g.yas skor gyis so/ /de nas dbang ldan du byis pa shi bar rna ba g.yon pa'i sgor gshin rje brtan ma'o/ /rlung du sbrul gyis zos par rna ba g.yas pa'i sgor gshin rje pho nya ma'o/ /bden bral du drag po'i g.yul du mig g.yas pa'i sgor gshin rje mche ba ma'o/ /me ru lhag ma za bar mig g.yon pa'i sgor gshin rje 'joms ma'o zhes pa 'khor ba ni g.yon skor gyis so/ /de ltar g.yas skor gyis lugs dang 'thun pa dang lugs las bzlog pa dur khrod chen po brgyad longs spyod pa 'khor lo 'dus pa la mchod par bya'o zhes pa'o/ /de ltar lte ba dang snying ga dang mgrin pa dang dpral ba rnams dang ye shes dang thugs dang gsung dang sku'i 'khor lo rnams dang kha la sogs pa sgo brgyad po rnams su sgo skyong ma rnams so/ /de ltar phyi rol dang nang du rnal 'byor ma sum cu rtsa drug ste 'di rnams kyi gnas bstan pa'o// //da ni rigs ldan ma la sogs pa rnams kyi longs spyod pa dang thim pa dang dbang byed pa dang bdag po nyid rnams brjod par bya ste/ 'dir rigs ldan ma ni bdag gi gdan la sogs pa la thams cad du longs spyod pa dang/ thim pa dang dbang byed par shes par bya'o/ /rdo rje mkha' 'gro ma la sogs pa rnams kyi rim pa ji lta bas bdag gi gdan la sogs
- 20b
pa la longs spyod pa la sogs pa ste 'dir bdag gi gdan du longs spyod do/ /gzhan gyi gdan du thim mo/ /de kho na'i gdan du dbang byed do/ /sngags kyi gdan du bdag po nyid do/ /gzhan gyi gdan du longs spyod do/ /sngags kyi gdan du thim mo/ /bdag gi gdan du dbang byed do/ /de kho na'i gdan du bdag po nyid do/ /sngags kyi gdan du longs spyod do/ /de kho na'i gdan du thim mo/ /gzhan gyi gdan du dbang byed do/ /bdag gi gdan du bdag po nyid do/ /de kho na'i gdan du longs spyod do/ /bdag gi gdan du thim mo/ /sngags kyi gdan du dbang byed do/ /gzhan gyi gdan du bdag po nyid do/ /ces pa thun mtshams bzhi'i dbye bas 'khor lo 'dus pa la g.yas skor gyi lte bar ye shes kyi 'khor lo la pho nya mo'i kun tu spyod pa'o/ /de nas pUr+Na gi rir longs spyod do/ /dzA land+ha rar thim mo/ /arbu dar dbang byed do/ /o Di ya nar bdag po nyid do/ /dzA land+ha rar longs spyod do/ /o Di ya nar thim mo/ /pUr+Na gi rir dbang byed do/ /arbu dar bdag po nyid do/ /o Di ya nar longs spyod do/ /arbu dang thim mo/ /dzA land+ha rar dbang byed do/ /pUr+Na gi rir bdag po nyid do/ /arbu dar longs spyod do/ /pUr+Na gi rir thim mo/ /o Di ya nar dbang byed do/ /dzA land+ha rar bdag po nyid do/ /ces pa sdig pa 'char ba dang sdig pa'i phyed dang gzhu 'char ba dang gzhu'i phyed la snying gar thugs kyi 'khor lo la rnal 'byor ma'i kun tu spyod pa ste 'khor ba ni g.yas skor gyis so/ /de nas go dA wa rir longs spyod do/ /rA me shwa rir thim mo/ /mA la war dbang byed do/ /de wi ko Tar bdag po nyid do/ /rA me shwa rar longs spyod do/ /de wi ko Tar thim mo/ /go dA wa rir dbang byed do/ /mA la war bdag po nyid do/ /de wi ko Tar longs spyod do/ /mA la war thim mo/ /rA me shwa rar dbang byed do/ /go dA wa rir bdag po nyid do/ /mA la war longs spyod do/ /go dA wa rir thim mo/ /de wi ko Tar dbang byed do/ /rA me shwa rar bdag po nyid do zhes pa chu srin 'char ba dang chu srin gyi phyed dang bum pa 'char ba dang bum pa'i phyed la snying gar thugs kyi 'khor lo la rnal 'byor
- 21a
ma'i kun tu spyod pa de 'khor ba ni g.yon skor gyis so/ /phyi rol tu 'khor lo 'dus pa la gnas dang nye ba'i gnas rnams dang/ thugs kyi 'khor lo la rnal 'byor ma'i kun tu spyod pa'o/ /'dir gang gi tshe kA ma rU par longs spyod pa de'i tshe o Ter thim mo/ /ko sha lar dbang byed do/ /tri sha ku ner bdag po nyid do/ /de ltar o Ter longs spyod do/ /tri sha ku ner thim mo/ /kA ma rU par dbang byed do/ /ko sha lar bdag po nyid do/ /tri sha ku ner longs spyod do/ /ko sha lar thim mo/ /o Ter dbang byed do/ /kA ma rU par bdag po nyid do/ /ko sha lar longs spyod do/ /kA ma rU par thim mo/ /tri sha ku ner dbang byed do/ /o Ter bdag po nyid do zhes pa zhing dang nye ba'i zhing longs spyod pa g.yas skor gyis 'khor ba ste/ mgrin par gsung gi 'khor lo la phyi rol tu 'khor lo 'dus pa na nya 'char ba dang nya'i phyed dang lug 'char ba dang lug gi phyed la rnal 'byor ma rnams kyi kun tu spyod pa'o/ /'dir gang gi tshe ka ling gar longs spyod pa de'i tshe la pa kar thim mo/ /hi ma la yar dbang byed do/ /kAny+tsir bdag po nyid do/ /de ltar laM pa kar longs spyod do/ /kany+tsir thim mo/ /ka ling gar dbang byed do/ /hi ma la yar bdag po nyid do/ /kany+tsir longs spyod do/ /hi ma la yar thim mo/ /laM pa kar dbang byed do/ /ka ling gar bdag po nyid do/ /hi ma la yar longs spyod do/ /ka ling gar thim mo/ /kAny+tsir dbang byed do/ /laM pa ker bdag po nyid do/ /zhes pa 'dus pa dang nye ba'i 'dus pa longs spyod pa g.yon skor gyis 'khor ba ste/ glang 'char ba dang glang gi phyed dang 'khrig pa 'char ba dang 'khrig pa'i phyed la mgrin par gsung gi 'khor lo la phyi rol tu 'khor lo 'dus pa na zhing dang nye ba'i zhing dang 'dus pa dang nye ba'i 'dus pa longs spyod pa rnal 'byor ma rnams kyi kun tu spyod pa'o/ /'dir gang gi tshe pre ta pU rir longs spyod pa de'i tshe gri ha de wa tar thim mo/ /su war+Na dwI par dbang byed do/ /sau rASh+Tar bdag po nyid do/ /gri ha de wa tar longs spyod do/ /sau rAShtar thim mo/ /pre ta pU rir dbang byed do//
- 21b
su war+N+Na dwI par bdag po nyid do/ /sau rASh+Tar longs spyod do/ /su war+Na dwI par thim mo/ /gri ha de wa tar dbang byed do/ /pre ta pU rir bdag po nyid do/ /su war+Na dwI par longs spyod do/ /pre ta pU rir thim mo/ /sau rASh+Tar dbang byed do/ /gri ha de wa tar bdag po nyid do/ /zhes pa 'dus pa dang nye ba'i 'dus pa longs spyod pa g.yas skor gyis 'khor ba ste/ dpral bar sku'i 'khor lo la karka Ta 'char ba dang/ karka Ta'i phyed dang seng ge 'char ba dang seng ge'i phyed la phyi rol tu 'khor lo 'dus pa na sku'i 'khor lo/ /rnal 'byor ma rnams kyi kun tu spyod pa'o/ /'dir gang gi tshe na ga rar longs spyod pa de'i tshe sind+hur thim mo/ /ku lu tar dbang byed do/ /ma ror bdag po nyid do/ /de ltar sind+hur longs spyod do/ /ma ror thim mo/ /na ga rar dbang byed do/ /ku lu tar bdag po nyid do/ /ma ror longs spyod do/ /ku lu tar thim mo/ /sind+hur dbang byed do/ /na ga rar bdag po nyid do/ /ku lu tar longs spyod do/ /na ga rar thim mo/ dam ror dbang byed do/ /sind+hur bdag po nyid do ces pa dur khrod dang nye ba'i dur khrod longs spyod pa g.yon skor gyis 'khor ba ste/ bu mo 'char ba dang bu mo'i phyed dang srang 'char ba dang srang gi phyed la/ dpral bar sku'i 'khor lo la phyi rol tu 'khor lo 'dus pa na rnal 'byor ma'i kun tu spyod pa'o/ /'dir gang gi tshe rtse mos 'bigs par longs spyod pa de'i tshe ro bsreg par thim mo/ /rnag gi drir dbang byed do/ /rul pa'i dril bdag po nyid do/ /de ltar ro bsreg par longs spyod do/ /rul pa'i drir thim mo/ /rtse mos 'bigs par dbang byed do/ /rnag gi drir bdag po nyid do/ /yul pa'i drir longs spyod do/ /rnag gi drir thim mo/ /ro bsreg par dbang byed do/ /rtse mos 'bigs par bdag po nyid do/ /rnag gi drir longs spyod do/ /rtse mos 'bigs par thim mo/ /rul pa'i drir dbang byed do/ /ro bsreg par bdag po nyid do ces pa phyogs kyi dur khrod chen po longs spyod pa g.yas skor gyis 'khor ba ste/ mtshan phyed nas thun dang po dang gnyis pa dang gsum pa dang bzhi pa la kha la sogs pa sgo bzhi po rnams dang phyi rol
- 22a
tu tshogs kyi 'khor lo yang rnal 'byor ma rnams kyi kun tu spyod pa'o/ /'dir gang gi tshe byis pa shi bar longs spyod pa de'i tshe sprul gyis bros par thim mo/ /lhag ma za bar dbang byed do/ /mi bzad pa'i g.yul du bdag po nyid do/ /de ltar sbrul gyis thos par longs spyod do/ /mi bzad pa'i g.yul du thim mo/ /byis pa shi par dbang byed do/ /lhag ma za par bdag po nyid do/ /mi bzad pa'i g.yul du longs spyod do/ /lhag ma za bar thim mo/ /sbrul gyis zos par dbang byed do/ /byis pa shi bar bdag po nyid do/ /lhag ma za par longs spyod do/ /byis pa shi bar thim mo/ /mi bzad pa'i g.yul du dbang byed do/ /sbrul gyis zos par bdag po nyid do zhes pa mtshams kyis dur khrod chen por longs spyod pa g.yon skor gyis 'khor ba ste/ nyi ma phyed dang thun dang po dang gnyis pa dang gsum pa dang bzhi pa la rna ba g.yon pa la sogs pa sgo bzhi po rnams la dur khrod chen por rnal 'byor ma rnams kyi kun tu spyod pa'o/ /phyi rol tu 'khor lo 'dus pa dang nang du kha la sogs pa sgo brgyad po rnams la/ thun brgyad kyi dbye bas dus kyi khyad par gyis kun tu spyod pa'o/ /de ltar phyi rol dang nang du rnal 'byor ma rnams kyi kun tu spyod pa rnam pa gnyis te/ gcig ni shar la sogs pa thugs dang gsung dang ye shes dang sku'i zhal bzhi'i dbye bas phyogs rnams su g.yas skor gyis 'khor ba dang/ gzhan ni sku dang ye shes dang gsung dang thugs kyi dbye bas phyogs bral rnams su g.yon skor gyis 'khor ba'o/ /'dir ye shes kyi pad+ma'i shar gyi 'dab ma dang/ thugs dang gsung dang sku'i 'khor lo rnams kyi shar dang me'i rtsibs rnams dang/ shar dang me'i dur khrod chen por longs spyod pa thugs kyi zhal gyi rang bzhin gyis gsang ba la sogs pa'i las kyi dngos grub star bar 'gyur ro/ /de ltar lho'i 'dab ma dang lho dang bden bral gyi rtsibs rnams dang/ lho dang bden bral gyi dur khrod chen por longs spyod pa gsung gi zhal gyi rang bzhin gyis dbang du bya ba la sogs pa'i las kyi
- 22b
dngos grub ster bar 'gyur ro/ /de ltar nub kyi 'dab ma dang nub dang byang dang rlung gi rtsibs rnams dang/ nub dang rlung gi dur khrod chen por longs spyod pa/ ye shes kyi zhal gyi rang bzhin gyis rangs pa la sogs pa'i las kyi dngos grub ster bar 'gyur ro/ /de bzhin du byang gi 'dab ma dang byang dang dbang ldan gyi rtsibs rnams dang byang dang dbang ldan gyi dur khrod chen por longs spyod pa/ sku'i zhal gyi rang bzhin gyis zhi ba la sogs pa'i las kyi dngos grub sngar brjod pa rnams ster bar 'gyur ro/ /'di rnams rlung dang me dang dbang chen dang chu'i dkyil 'khor rnams te ya ra la wa'i yi ge las yang dag par byung ba snying ga dang mgrin pa dang lte ba dang dpral bar rim pa ji lta bas rang rang gi rtsibs kyi steng du gnas pa rnams rtogs par bya'o/ /zhes pa bcom ldan 'das kyi zhal bzhi'i dbye bas 'di rnams kyi kun tu spyod pa'o/ /nyi ma dang srog kun tu rgyu bas dus kyi khyad par te dus kyi khyad par gyis mchod pa'i cho ga'o/ /de ltar thams cad du rnal 'byor ma'i rgyud du rnal 'byor ma'i tshad dang/ dus kyi khyad par kun tu spyod pa ste/ sgyu ma chen po las rnal 'byor ma bzhi po rnams kyi thun mtshams bzhi'i dbye bas kun tu spyod do/ /gang na rnal 'byor ma brgyad yod pa der thun brgyad kyi dbye bas so/ /gang na bcu drug yod pa der thun phyed kyi dbye bas so/ /gang na sum cu rtsa gnyis yod pa der chu tshod kyi dbye bas so/ /gang na drug cu rtsa bzhi yod pa der dbyu gu'i dbye bas so/ /gang na bco lnga yod pa der tshes bco lnga'i dbye bas so/ /gang na bcu gnyis yod pa der dus sbyor gyi dbye bas so/ /gang na nyi shu rtsa bzhi yod pa der dus sbyor phyed pa'i dbye bas so/ /gang na drug yong ba der dus drug gi dbye bas so/ /gang na gsum yod pa der dus gsum gyi dbye bas so/ /gang na gnyis yod pa der bgrod pa'i dbye bas so/ /gang na gcig yod pa der kun tu spyod pa med do/ /'dir thams cad du dus kyi dbye bas srog kun tu rgyu'o/ /srog kun tu rgyu bas sna tshogs pa'i dbye bas dus kyi khyad par ro/ /dus kyi khyad par des thams
- 23a
cad du rnal 'byor ma'i rgyud rnams la pho nya mo'i kun tu spyod pa'o/ /kun tu spyod pa'i dbang gis longs spyod pa dang thim pa dang dbang byed pa bdag po nyid do zhes pa thams cad du rtogs par bya'o/ /da ni tshigs gyi 'khor lo la rigs ldan ma dang pho nya mo rnams kyi gnas las gnas kun tu rgyu ba brjod par bya'o/ /de la tshes gcig gi mtshan phyed na shar gyi zhal 'byung ba na dbus nas bdag po'i gnas las rdo rje phag mo rigs ldan ma ni shar gyi 'dab ma la kun tu spyod do/ /rdo rje mkha' 'gro ma ni bdag po'i gnas su rigs ldan mar 'gyur te/ gnas kyi dbang gis rdo rje mkha' 'gro ma gang yin pa de ni rigs ldan mar 'gyur la/ rdo rje phag mo gang yin pa de ni rdo rje mkha' 'gro mar 'gyur ro/ /de nas snga dro'i thun mtshams la lho'i zhal 'byung pa na dbus kyi bdag po'i gnas las rdo rje mkha' 'gro ma rigs ldan ma ni lho'i 'dab ma la kun tu spyod do/ /lA ma ni dbus kyi bdag po'i gnas su'o/ /de'i phyir gnas kyi dbang gi rdo rje mkha' 'gro ma rigs ldan ma gang yin pa de ni lA mar 'gyur la/ lA ma gang yin pa de rigs ldan mar 'gyur ro/ /de nas nyi ma gung gi thun mtshams na nub kyi zhal 'byung ba na dbus kyi bdag po'i gnas las lA ma rigs ldan ma ni nub kyi 'dab ma la kun tu spyod de/ dum skyes ma ni dbus kyi bdag po'i gnas su'o/ /de'i phyir gnas kyi dbang gis lA ma rigs ldan ma gang yin pa de dum skyes mar 'gyur la/ dum skyes ma gang yin pa de rigs ldan mar 'gyur ro/ /de nas phyi 'phred kyi thun mtshams la byang gi zhal 'byung ba na dbus kyi bdag po'i gnas las dum skyes ma rigs ldan ma ni byang gi 'dab ma la kun tu spyod de/ gzugs can ma ni dbus kyi bdag po'i gnas su'o/ /de'i phyir gnas kyi dbang gis dum skyes ma rigs ldan ma gang yin pa de gzugs can mar 'gyur la/ gzugs can ma gang yin pa de rigs ldan mar 'gyur ro/ /slar
- 23b
yang nyin zhag gnyis pa la gzugs can ma rigs ldan ma la sogs pa kun tu spyod do/ /de la mtshan phyed kyi thun mtshams la shar gyi zhal 'byung ba na gzugs can ma rigs ldan ma dbus kyi bdag po'i gnas las/ shar gyi 'dab ma la kun tu spyod de rdo rje phag mo mkha' 'gro ma ni dbus kyi bdag po'i gnas su'o/ /de'i phyir gnas kyi dbang gis gzugs can ma ni rdo rje mkha' 'gro mar 'gyur la rdo rje phag mo mkha' 'gro ma ni rigs ldan mar 'gyur ro/ /de nas snga dro'i thun mtshams la rdo rje phag mo rigs ldan ma lho'i 'dab ma la kun tu spyod de/ rdo rje mkha' 'gro ma lA ma ni dbus kyi bdag po'i gnas su'o/ /de'i phyir gnas kyi dbang gis rdo rje phag mo ni lA mar 'gyur la/ rdo rje mkha' 'gro ma lA ma gang yin pa de rigs ldan mar 'gyur ro/ /de nas nyi ma gung gi thun mtshams la rdo rje mkha' 'gro ma lA ma rigs ldan ma nub kyi 'dab ma la kun tu spyod de/ lA ma dum skyes ma ni dbus kyi bdag po'i gnas su'o/ /de'i phyir gnas kyi dbang gi rdo rje mkha' 'gro ma lA ma rigs ldan ma gang yin pa de dum skyes mar 'gyur la/ lA ma dum skyes ma gang yin pa de rigs ldan mar 'gyur ro/ /de nas phyi 'phreng kyi thun mtshams la lA ma dum skyes ma rigs ldan ma/ byang gi 'dab ma la kun tu spyod de/ dum skyes ma gzugs can ma ni dbus su bdag po'i gnas su'o/ /de'i phyir gnas kyi dbang gi lA ma dum skyes ma rigs ldan ma gang yin pa de gzugs can mar 'gyur la/ dum skyes ma gzugs can ma gang yin pa de rigs ldan mar 'gyur ro/ /de nas nyin zhag gsum pa la dum skyes ma rigs ldan ma la sogs pa kun tu spyod do/ /de la mtshan phyed kyi thun mtshams la shar gyi zhal 'byung ba na/ dum skyes ma gzugs can ma rigs ldan ma shar gyi 'dab ma la kun tu spyod de/ gzugs can ma rdo rje mkha' 'gro ma ni dbus su bdag po'i gnas su'o/ /de'i phyir gnas kyi dbang gis dum skyes ma gzugs can ma rigs ldan ma gang yin pa rdo rje mkha' 'gro mar 'gyur la gzugs can rdo rje mkha' 'gro ma gang yin pa
- 24a
de ni rigs ldan mar 'gyur ro/ /de nas snga dro'i thun mtshams la lha'i zhal 'byung ba na/ gzugs can ma rdo rje mkha' 'gro ma rigs ldan ma gang yin pa de lho'i 'dab ma la kun tu spyod de/ rdo rje phag mo lA ma ni dbus su bdag po'i gnas su'o/ /de'i phyir gnas kyi dbang gis gzugs can ma rdo rje mkha' 'gro ma rigs ldan ma gang yin pa de lA mar 'gyur la/ rdo rje phag mo lA ma gang yin pa de rigs ldan mar 'gyur ro/ /de nas nyi ma gung gi thun mtshams la nub kyi zhal 'byung pa na/ rdo rje phag mo lA ma rigs ldan ma nub kyi 'dab ma la kun tu spyod de/ rdo rje mkha' 'gro ma dum skyes ma dbus su bdag po'i gnas su'o/ /de'i phyir gnas kyi dbang gi rdo rje phag mo lA ma rigs ldan ma ni dum skyes mar 'gyur la/ rdo rje mkha' 'gro ma dum skyes ma ni rigs ldan mar 'gyur ro/ /de nas phyi 'phred kyi thun mtshams la byang gi zhal 'byung ba na/ rdo rje mkha' 'gro ma dum skyes ma rigs ldan ma byang gi 'dab ma la kun tu spyod de/ lA ma gzugs can ma ni dbus su bdag po'i gnas su'o/ /de'i phyir gnas kyi dbang gis rdo rje mkha' 'gro ma dum skyes ma rigs ldan pa gang yin pa de gzugs can mar 'gyur la/ lA ma gzugs can ma gang yin pa de rigs ldan mar 'gyur ro/ /de nas nyi ma bzhi pa la lA ma rigs ldan ma la sogs pa kun tu spyod do/ /de la mtshan phyed kyi thun mtshams la shar gyi zhal 'byung ba na/ lA ma gzugs can ma rigs ldan ma shar gyi 'dab ma la kun tu spyod de/ dum skyes ma rdo rje mkha' 'gro ma ni dbus su'o/ /de'i phyir gnas kyi dbang gis lA ma gzugs can ma rigs ldan ma ni rdo rje mkha' 'gro mar 'gyur la/ dum skyes ma rdo rje mkha' 'gro ma rigs ldan mar 'gyur ro/ /de nas snga dro'i thun mtshams la lho'i zhal 'byung ba na/ dum skyes ma rdo rje mkha' 'gro ma rigs ldan ma lho'i 'dab ma la kun tu spyod de/ gzugs can ma lA ma ni dbus su bdag po'i gnas su'o/ /de'i phyir gnas kyi dbang gis dum skyes ma
- 24b
rdo rje mkha' 'gro ma rigs ldan ma ni lA mar 'gyur la/ gzugs can ma lA ma ni rigs ldan mar 'gyur ro/ /de nas nyi ma gung gi thun mtshams la nub kyi zhal 'byung ba na/ gzugs can ma lA ma rigs ldan ma nub kyi 'dab ma la kun tu spyod do/ /rdo rje phag mo dum skyes ma ni dbus su bdag po'i gnas su'o/ /de'i phyir gnas kyi dbang gis gzugs can ma lA ma rigs ldan ma gang yin pa de dum skyes mar 'gyur la/ rdo rje phag mo dum skyes ma gang yin pa de rigs ldan mar 'gyur ro/ /de nas phyi 'phred kyi thun mtshams la byang gi zhal 'byung ba na/ rdo rje phag mo dum skyes ma rigs ldan ma byang gi 'dab ma la kun tu spyod de/ rdo rje mkha' 'gro ma gzugs can ma ni dbus su bdag po'i gnas su'o/ /de'i phyir gnas kyi dbang gis rdo rje phag mo dum skyes ma rigs ldan ma gang yin pa de gzugs can mar 'gyur la/ rdo rje mkha' 'gro ma gzugs can ma gang yin pa de rigs ldan mar 'gyur ro/ /de nas nyin zhag lnga pa la rdo rje mkha' 'gro ma rigs ldan ma la sogs pa kun tu spyod do/ /de la mtshan phyed kyi thun mtshams la shar gyi zhal 'byung ba na rdo rje mkha' 'gro ma gzugs can ma rigs ldan ma shar gyi 'dab ma la kun tu spyod de/ lA ma rdo rje mkha' 'gro ma ni dbus su bdag po'i gnas su'o/ /de'i phyir gnas kyi dbang gis rdo rje mkha' 'gro ma gang yin pa de lA ma dang dum skyes ma dang gzugs can ma dang rigs ldan mar 'gyur nas/ slar yang de nyid rang gi gnas su rdzogs pa dang po la rdo rje mkha' 'gro mar 'gyur la/ lA ma rdo rje mkha' 'gro ma ni rigs ldan mar 'gyur ro/ /de nas snga dro'i thun mtshams la lho'i zhal 'byung ba na/ lA ma rdo rje mkha' 'gro ma rigs ldan mo lho'i 'dab ma la kun tu spyod de/ dum skyes ma lA ma ni dbus su bdag po'i gnas su'o/ /de'i phyir gnas kyi dbang gis lA ma gang yin pa de dum skyes ma dang gzugs can ma dang rdo rje mkha' 'gro ma dang rigs ldan /mar 'gyur te/ slar yang de nyid kyi gnas su lA mar 'gyur la/ dum skyes ma lA ma
- 25a
ni rigs ldan mar 'gyur ro/ /de nas nyi ma gung gi thun mtshams la nub kyi zhal 'byung ba na/ dum skyes ma rigs ldan ma nub kyi 'dab ma la kun tu spyod de/ gzugs can ma dum skyes ma ni dbus su'o/ /de'i phyir gnas kyi dbang gis dum skyes ma gang yin pa de gzugs can ma dang/ rdo rje mkha' 'gro ma dang lA ma dang rigs ldan mar gyur nas/ slar yang de nyid rang gi gnas su dum skyes mar 'gyur la/ gzugs can ma dum skyes ma gang yin pa de rigs ldan mar 'gyur ro/ /de nas phyi 'phred kyi thun mtshams la byang gi zhal 'byung ba na/ gzugs can ma dum skyes ma rigs ldan ma byang gi 'dab ma la kun tu spyod de/ rdo rje phag mo gzugs can ma ni dbus su'o/ /de'i phyir gnas kyi dbang gis gzugs can ma gang yin pa rdo rje mkha' 'gro ma dang lA ma dang dum skyes ma dang rigs ldan mar gyur nas/ slar yang de nyid rang gi gnas su gzugs can mar 'gyur la/ rdo rje phag mo gang yin pa de rdo rje mkha' 'gro ma dang lA ma dang dum skyes ma dang gzugs can mar gyur nas/ slar yang de nyid rang gi gnas su rigs ldan mar 'gyur ro/ / ji ltar nyin zhag lnga pa la thun mtshams nyi shus rdzogs par byang chub pa yongs su bskor ba'o/ /'di ni rdo rje phag mo la sogs pa'i kun tu spyod pa ste/ dga' ba dang bzang po dang rgyal ba dang stong pa dang rdzogs pa tshes gcig pa dang gnyis pa dang gsum pa dang bzhi pa dang lnga pa zhes pa'i tshes kyi dbye ba dang/ zla ba'i cha lnga'i rang bzhin dang po'i dga' ba'i dbye bas shes pa'o/ /de ltar tshes gcig ji lta ba de ltar drug pa dang gnyis pa ji lta ba de ltar bdun pa dang gsum pa ji lta ba de ltar brgyad pa dang bzhi pa ji lta ba de ltar dgu pa dang lnga pa ji lta ba de ltar bcu pa la kun tu spyod de mchog dga' i dbye bas so/ /de ltar drug pa ji lta ba de ltar bcu gcig pa dang bdun pa ji lta ba de ltar bcu gnyis pa dang/ brgyad pa ji lta ba de ltar bcu gsum pa dang/ dgu pa ji lta ba de ltar bcu bzhi pa dang/ bcu pa ji lta ba de ltar
- 25b
nya la kun tu spyod de/ dga' bral gyi dga' ba'i dbye bas so/ /de'i mthar mchod pa chen po ste/ phyogs dang po la rnal 'byor ma kun tu spyod pa'o/ /de nas gnyis pa nag po'i phyogs kyi chos gcig gi nyin zhag la mtshan phyed nas thun dang po la rigs ldan ma shar gyi dur khrod chen por kun tu spyod de khwa gdong ma dang dbus su bdag po'i gnas su'o/ /de'i phyir gnas kyi dbang gis rigs ldan ma ni khwa gdong mar 'gyur la/ khwa gdong ma gang yin pa de rigs ldan mar 'gyur ro/ /de nas thun gnyis pa la khwa gdong ma rigs ldan ma lho'i dur khrod chen por kun tu spyod de/ 'ug gdong ma ni dbus su'o/ /de'i phyir gnas kyi dbang gis khwa gdong ma rigs ldan ma ni 'ug gdong mar 'gyur la 'ug gdong ma ni rigs ldan mar 'gyur ro/ /de nas thun gsum pa la 'ug gdong ma rigs ldan ma nub kyi dur khrod chen por kun tu spyod de/ khyi gdong ma ni dbus su'o/ /de'i phyir gnas kyi dbang gis 'ug gdong ma rigs ldan ma ni khyi gdong mar 'gyur la/ khyi gdong ma ni rigs ldan mar 'gyur ro/ /de nas thun bzhi pa la khyi gdong ma rigs ldan ma byang gi dur khrod chen por kun tu spyod de/ phag gdong ma ni dbus su'o/ /de'i phyir gnas kyi dbang gis khyi gdong ma rigs ldan ma ni phag gdong mar 'gyur la/ phag gdong ma ni rigs ldan mar 'gyur ro/ /zhes pa g.yas skor gyi 'khor ba ste/ nyi ma'i cha la thun bzhi'i dbye bas kun tu spyod pa'o/ /de nas zla ba'i cha la nyi ma gung nas thun dang po la phag gdong ma rigs ldan ma dbang ldan gyi dur khrod chen por kun tu spyod de/ gshin rje brtan ma ni dbus su'o/ /de'i phyir gnas kyi dbang gis phag gdong ma rigs ldan ma ni gshin rje brtan mar 'gyur la/ gshin rje brtan ma ni rigs ldan mar 'gyur ro/ /de nas thun gnyis pa la gshin rje brtan ma rigs ldan ma rlung gi dur khrod chen por kun tu spyod de/ gshin rje pho nya mo ni dbus su'o/ /de'i phyir gnas kyi dbang gis gshin rje brtan ma rigs ldan ma ni gshin rje pho nya mor 'gyur la/ gshin rje pho nya mo gang yin
- 26a
pa de rigs ldan mar 'gyur ro/ /de nas thun gsum pa la gshin rje pho nya mo rigs ldan ma bden bral gyi dur khrod chen por kun tu spyod de/ gshin rje mche ba ma ni dbus su'o/ /de'i phyir gnas kyi dbang gis gshin rje pho nya mo rigs ldan ma ni gshin rje mche ba mar 'gyur la/ gshin rje mche ba ma gang yin pa de rigs ldan mar 'gyur ro/ /de nas thun bzhi pa la gshin rje mche ba ma rigs ldan ma me'i dur khrod chen por kun tu spyod de/ gshin rje 'joms ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni gshin rje 'joms mar 'gyur la/ gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun tu spyod pa'o/ /de ltar nyin zhag dang po la rnal 'byor ma'i kun tu spyod pa rig par bya'o/ /slar yang nyin zhag gnyis pa la mtshan phyed nas thun dang po la gshin rje 'joms ma rigs ldan ma shar gyi dur khrod chen por kun tu spyod de rdo rje phag mo khwa gdong ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni khwa gdong mar 'gyur la/ rdo rje phag mo gang yin pa de rigs ldan mar 'gyur ro/ /de nas thun gnyis pa la rdo rje phag mo rigs ldan ma lho'i dur khrod chen por kun tu spyod de/ khwa gdong ma 'ug gdong ma ni dbus su'o/ /de'i phyir gnas kyi dbang gis rdo rje phag mo rigs ldan ma ni 'ug gdong mar 'gyur la/ khwa gdong ma 'ug gdong ma gang yin pa de rigs ldan mar 'gyur ro/ /de nas thun gsum pa la khwa gdong ma rigs ldan ma nub kyi dur khrod chen por kun tu spyod de/ 'ug gdong ma khyi gdong ma ni dbus su'o/ /de'i phyir gnas kyi dbang gis khwa gdong ma rigs ldan ma ni khyi gdong mar 'gyur la/ 'ug gdong ma khyi gdong ma gang yin pa de rigs ldan mar 'gyur ro/ /de nas thun bzhi pa la 'ug gdong ma rigs ldan ma byang gi dur khrod chen por kun tu spyod de/ khyi gdong ma phag gdong ma ni
- 26b
dbus su'o/ /de'i phyir gnas kyi dbang gis 'ug gdong ma rigs ldan ma ni phag gdong mar 'gyur la/ khyi gdong ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la kun tu spyod do/ /de nas nyi ma gung nas thun dang po la khyi gdong ma rigs ldan ma dbang ldan gyi dur khrod chen por kun tu spyod de/ phag gdong ma gshin rje brtan ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje brtan mar 'gyur la/ phag gdong ma gshin rje brtan ma gang yin pa de rigs ldan mar 'gyur ro/ /de nas thun gnyis pa la phag gdong ma rigs ldan ma rlung gi dur khrod chen por kun tu spyod de/ gshin rje brtan ma gshin rje pho nya mo ni dbus su'o/ /de'i phyir gnas kyi dbang gis phag gdong ma rigs ldan ma ni gshin rje pho nya mar 'gyur la/ gshin rje brtan ma gshin rje pho nya ma gang yin pa de rigs ldan mar 'gyur ro/ /de nas thun gsum pa la gshin rje brtan ma rigs ldan ma bden bral gyi dur khrod chen por kun tu spyod de/ gshin rje pho nya ma gshin rje mche ba ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni gshin rje mche ba mar 'gyur la/ gshin rje pho nya ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la gshin rje pho nya ma rigs ldan ma me'i dur khrod chen por kun tu spyod de/ gshin rje mche ba ma gshin rje 'joms ma ni dbus su'o/ /de'i phyir gnas kyi dbang gis gshin rje pho nya ma rigs ldan ma ni gshin rje 'joms mar 'gyur la/ gshin rje mche ba ma gshin rje 'joms ma gang yin pa de rigs ldan mar 'gyur ro/ zhes pa g.yon skor gyis 'khor ba ste zla ba'i cha la rnal 'byor ma'i kun tu spyod pa'o/ /de nas nyin zhag gsum pa la slar yang mtshan phyed nas thun dang po la gshin rje mche ba ma rigs ldan ma shar gyi dur khrod chen por kun tu spyod de/ gshin rje 'joms ma khwa gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni khwa gdong mar
- 27a
'gyur la/ gshin rje 'joms ma khwa gdong ma gang yin pa de ni rigs ldan mar 'gyur ro/ /de nas thun gnyis pa la gshin rje 'joms ma rigs ldan ma lho'i dur khrod chen por kun tu spyod de/ rdo rje phag mo 'ug gdong ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni 'ug gdong mar 'gyur la/ rdo rje phag mo 'ug gdong ma gang yin pa de rigs ldan mar 'gyur ro/ /de nas thun gsum pa la rdo rje phag mo rigs ldan ma nub kyi dur khrod chen por kun tu spyod de/ khyi gdong ma khwa gdong ma ni dbus su'o/ /de'i phyir gnas kyi dbang gis rdo rje phag mo rigs ldan ma ni khyi gdong mar 'gyur la/ khwa gdong ma khyi gdong ma gang yin pa de rigs ldan mar 'gyur ro/ /de nas thun bzhi pa la khwa gdong ma rigs ldan ma byang gi dur khrod chen por kun tu spyod de/ 'ug gdong ma phag gdong ma ni dbus su'o/ /de'i phyir gnas kyi dbang gis khwa gdong ma rigs ldan ma ni phag gdong mar 'gyur la/ 'ug gdong ma phag gdong ma gang yin pa de rigs ldan mar 'gyur ro/ zhes pa g.yas skor gyis 'khor ba ste nyi ma'i cha la kun tu spyod pa'o/ /de nas zla ba'i cha la nyi ma gung nas thun dang po la 'ug gdong ma rigs ldan ma dbang ldan gyi dur khrod chen por kun tu spyod de/ khyi gdong ma gshin rje brtan ma ni dbus su'o/ /de'i phyir gnas kyi dbang gis 'ug gdong ma rigs ldan ma ni gshin rje brtan mar 'gyur la/ khyi gdong ma gshin rje brtan ma gang yin pa de rigs ldan mar 'gyur ro/ /de nas thun gnyis pa la khyi gdong ma rigs ldan ma rlung gi dur khrod chen por kun tu spyod de/ phag gdong ma gshin rje pho nya ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje pho nya mar 'gyur la/ phag gdong ma gshin rje pho nya ma gang yin pa de rigs ldan mar 'gyur ro/ /de nas thun gsum pa la phag gdong ma rigs ldan ma bden bral gyi dur khrod chen por kun tu spyod de
- 27b
gshin rje brtan ma gshin rje mche ba ma ni dbus su'o/ /de'i phyir gnas kyi dbang gis phag gdong ma rigs ldan ma gshin rje mche ba mar 'gyur la/ gshin rje brtan ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la gshin rje brtan ma rigs ldan ma ma'i dur khrod chen por kun tu spyad de/ gshin rje pho nya ma gshin rje 'joms ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni gshin rje 'joms mar 'gyur la/ gshin rje 'joms ma gang yin pa de rigs ldan mar 'gyur ro/ /de nas nyin zhag bzhi pa la mtshan phyed nas thun dang po la gshin rje pho nya ma rigs ldan ma shar gyi dur khrod chen por kun tu spyod de/ gshin rje mche ba ma khwa gdong ma ni dbus so/ /de'i phyir gnas kyi dbang gis gshin rje pho nya mo rigs ldan ma ni khwa gdong mar 'gyur la gshin rje mche ba ma khwa gdong ma gang yin pa de rigs ldan mar 'gyur ro/ /de nas thun gnyis pa la gshin rje mche ba ma rigs ldan ma lho'i dur khrod chen por kun tu spyod de/ gshin rje 'joms ma 'ug gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni 'ug gdong mar 'gyur la/ gshin rje 'joms ma 'ug gdong ma gang yin pa de rigs ldan mar 'gyur ro/ /de nas thun gsum pa la gshin rje 'joms ma rigs ldan ma nub kyi dur khrod chen por kun tu spyod de/ rdo rje phag mo khyi gdong ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni khyi gdong mar 'gyur la/ rdo rje phag mo khyi gdong ma gang yin pa de rigs ldan mar 'gyur ro/ /de nas thun bzhi pa la rdo rje phag mo rigs ldan ma byang gi dur khrod chen por kun tu spyod de/ khwa gdong ma phag gdong ma ni dbus su'o/ /de'i phyir gnas kyi dbang gis rdo rje phag mo rigs ldan ma ni phag gdong mar 'gyur la/ khwa gdong ma phag gdong ma gang yin pa de rigs ldan mar 'gyur ro/ /zhes pa g.yas skor gyis 'khor ba ste nyi ma'i cha la
- 28a
kun tu spyod do/ /de nas zla ba'i cha la nyi ma gung nas thun dang po la khwa gdong ma rigs ldan ma dbang ldan gyi dur khrod chen por kun tu spyod de/ 'ug gdong ma gshin rje brtan ma ni dbus su'o/ /de'i phyir gnas kyi dbang gis khwa gdong ma rigs ldan ma ni gshin rje brtan mar 'gyur la/ 'ug gdong ma gshin rje brtan ma gang yin pa de rigs ldan mar 'gyur ro/ /de nas thun gnyis pa la 'ug gdong ma rigs ldan ma rlung gi dur khrod chen por kun tu spyod de/ khyi gdong ma gshin rje pho nya ma ni dbus su'o/ /de'i phyir gnas kyi dbang gis 'ug gdong ma rigs ldan ma ni gshin rje pho nya mar 'gyur la/ khyi gdong ma gshin rje pho nya ma gang yin pa de rigs ldan mar 'gyur ro/ /de nas thun gsum pa la khyi gdong ma rigs ldan ma bden bral gyi dur khrod chen por kun tu spyod de/ phag gdong ma gshin rje mche ba ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje mche ba mar 'gyur la/ phag gdong ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la phag gdong ma rigs ldan ma ma'i dur khrod chen por kun tu spyod de/ gshin rje brtan ma gshin rje 'joms ma ni dbus su'o/ /de'i phyir gnas kyi dbang gis phag gdong ma rigs ldan ma ni gshin rje 'joms mar 'gyur la/ gshin rje brtan ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun tu spyod pa'o/ /de nas nyin zhag lnga pa la mtshan phyed nas thun dang po la gshin rje brtan ma rigs ldan ma shar gyi dur khrod chen por kun tu spyod de/ gshin rje pho nya ma khwa gdong ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni khwa gdong mar 'gyur la/ gshin rj pho nya ma khwa gdong ma gang yin pa de rigs ldan mar 'gyur ro/ /de nas thun gnyis pa la gshin rje pho nya ma rigs ldan ma lho'i dur khrod chen
- 28b
por kun tu spyod de/ gshin rje mche ba ma 'ug gdong ma ni dbus su'o/ /de'i phyir gnas kyi dbang gis gshin rje pho nya ma rigs ldan ma ni 'ug gdong mar 'gyur la/ gshin rje mche ba ma 'ug gdong ma gang yin pa de rigs ldan mar 'gyur ro/ /de nas thun gsum pa la gshin rje mche ba ma rigs ldan ma nub kyi dur khrod chen por kun tu spyod de/ gshin rje 'joms ma khyi gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni khyi gdong mar 'gyur la/ gshin rje 'joms ma khyi gdong ma gang yin pa de rigs ldan mar 'gyur ro/ /de nas thun bzhi pa la gshin rje 'joms ma rigs ldan ma byang gi dur khrod chen por kun tu spyod de/ rdo rje phag mo phag gdong ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni phag gdong mar 'gyur la rdo rje phag mo phag gdong ma gang yin pa de rigs ldan par 'gyur ro/ /zhes pa g.yas skor gyis 'khor ba ste/ nyi ma'i cha la rnal 'byor ma'i kun tu spyod pa'o/ /de nas zla ba'i cha la nyi ma gung dang thun dang po la rdo rje phag mo rigs ldan ma dbang ldan gyi dur khrod chen por kun tu spyod de/ khwa gdong ma gshin rje brtan ma ni dbus su'o/ /de'i phyir gnas kyi dbang gis rdo rje phag mo rigs ldan ma ni gshin rje brtan mar 'gyur la/ khwa gdong ma gshin rje brtan ma gang yin pa de rigs ldan mar 'gyur ro/ /de nas thun gnyis pa la khwa gdong ma rigs ldan ma rlung gi dur khrod chen por kun tu spyod de/ 'ug gdong ma gshin rje pho nya ma ni dbus su'o/ /de'i phyir gnas kyi dbang gis khwa gdong ma rigs ldan ma ni gshin rje pho nya mar 'gyur la/ 'ug gdong ma gshin rje pho nya ma gang yin pa de rigs ldan mar 'gyur ro/ /de nas thun gsum pa la 'ug gdong ma rigs ldan ma bden bral gyi dur khrod chen por kun tu spyod de/ khyi gdong ma gshin rje mche ba ma ni dbus su'o/ /de'i phyir gnas kyi dbang gis 'ug gdong ma rigs ldan ma ni gshin rje mche ba mar 'gyur la/ khyi gdong ma gshin rje mche ba ma gang yin pa de rigs ldan mar 'gyur ro/ de nas
- 29a
thun bzhi pa la khyi gdong ma rigs ldan ma me'i dur khrod chen por kun tu spyod de/ phag gdong ma gshin rje 'joms ma ni dbus su'o/ /de'i phyir gnas kyi dbang gis khyi gdong ma rigs ldan ma ni gshin rje 'joms mar 'gyur la/ phag gdong ma gshin rje 'joms ma gang yin pa de rigs ldan mar 'gyur ro zhes pa g.yon skor gyis 'khor ba ste zla ba'i cha la rnal 'byor ma'i kun tu spyod pa'o/ /de nas nyin zhag drug pa la mtshan phyed nas thun dang po la phag gdong ma rigs ldan ma shar gyi dur khrod chen por kun tu spyod de/ gshin rje brtan ma khwa gdong ma ni dbus su'o/ /de'i phyir gnas kyi dbang gis phag gdong ma rigs ldan ma ni khwa gdong mar 'gyur la/ gshin rje brtan ma khwa gdong ma gang yin pa de rigs ldan mar 'gyur ro/ /de nas thun gnyis pa la gshin rje brtan ma rigs ldan mo lho'i dur khrod chen por kun tu spyod de/ gshin rje pho nya ma 'ug gdong ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni 'ug gdong mar 'gyur la/ gshin rje pho nya ma 'ug gdong ma gang yin pa de rigs ldan mar 'gyur ro/ /de nas thun gsum pa la gshin rje pho nya ma rigs ldan ma nub kyi dur khrod chen por kun tu spyod de/ gshin rje mche ba ma khyi gdong ma ni dbus su'o/ /de'i phyir gnas kyi dbang gis gshin rje pho nya ma rigs ldan ma ni khyi gdong mar 'gyur la/ gshin rje mche ba ma khyi gdong ma gang yin pa de rigs ldan mar 'gyur ro/ /de nas thun bzhi pa la gshin rje mche ba ma rigs ldan ma byang gi dur khrod chen por kun tu spyod de/ gshin rje 'joms ma phag gdong ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni phag gdong mar 'gyur la/ gshin rje 'joms ma gang yin pa de rigs ldan mar 'gyur ro/ /zhes pa g.yas skor gyis 'khor ba ste nyi ma'i cha la rnal 'byor ma'i kun tu spyod pa'o/ /de nas zla ba'i cha la nyi ma gung nas thun dang po la gshin rje 'joms ma rigs ldan ma dbang ldan gyi
- 29b
[blank page]
- 30a
'gyur ro/ /de nas thun gsum pa la gshin rje brtan ma rigs ldan ma nub kyi dur khrod chen por kun tu spyod de/ gshin rje pho nya ma khyi gdong ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni khyi gdong mar 'gyur la/ gshin rje pho nya ma khyi gdong ma gang yin pa de rigs ldan mar 'gyur ro/ /de nas thun bzhi pa la gshin rje pho nya ma rigs ldan ma byang gi dur khrod chen por kun tu spyod de/ gshin rje mche ba ma phag gdong ma ni dbus su'o/ /de'i phyir gnas kyi dbang gis gshin rje pho nya mo rigs ldan ma ni phag gdong mar 'gyur la/ gshin rje mche ba ma phag gdong ma gang yin pa de rigs ldan mar 'gyur ro zhes pa g.yas skor gyis 'khor ba ste nyi ma'i cha la rnal 'byor ma'i kun tu spyod pa'o/ /de nas zla ba'i cha la nyi ma gung nas thun dang po la gshin rje mche ba ma rigs ldan ma dbang ldan gyi dur khrod chen por kun tu spyod de/ gshin rje 'joms ma gshin rje brtan ma ni dbus su'o/ /de'i phyir gnas kyi dbang gis gshin rje mche ba ma rigs ldan ma ni gshin rje brtan mar 'gyur la/ gshin rje 'joms ma gshin rje brtan ma gang yin pa de rigs ldan mar 'gyur ro/ /de nas thun gnyis pa la gshin rje 'joms ma rigs ldan ma rlung gi dur khrod chen por kun tu spyod de/ rdo rje phag mo gshin rje pho nya ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni gshin rje pho nya mar 'gyur la/ rdo rje phag mo gshin rje pho nya ma gang yin pa de rigs ldan mar 'gyur ro/ /de nas thun gsum pa la rdo rje phag mo rigs ldan ma bden bral gyi dur khrod chen por kun tu spyod de/ khwa gdong ma gshin rje mche ba ma ni dbus su'o/ /de'i phyir gnas kyi dbang gis rdo rje phag mo rigs ldan ma ni gshin rje mche ba mar 'gyur la/ khwa gdong ma gshin rje mche ba ma gang yin pa de rigs ldan mar 'gyur ro/ /de nas thun bzhi pa la khwa gdong ma rigs ldan ma me'i dur khrod chen por kun tu spyod de/ 'ug
- 30b
gdong ma gshin rje 'joms ma ni dbus su'o/ /de'i phyir gnas kyi dbang gis khwa gdong ma ni gshin rje 'joms mar 'gyur la/ 'jug gdong ma gshin rje 'joms ma gang yin pa de rigs ldan mar 'gyur ro/ /zhes pa g.yon skor gyis 'khor ba ste zla ba'i cha la kun tu spyod pa'o/ /de nas nyin zhag brgyad pa la mtshan phyed nas thun dang po la 'ug gdong ma rigs ldan ma shar gyi dur khrod chen por kun tu spyod de/ khyi gdong ma khwa gdong ma ni dbus su'o/ /de'i phyir gnas kyi dbang gis 'ug gdong ma rigs ldan ma ni khwa gdong mar 'gyur la/ khyi gdong ma khwa gdong ma gang yin pa de rigs ldan mar 'gyur ro/ /de nas thun gnyis pa la khyi gdong ma rigs ldan ma lho'i dur khrod chen por kun tu spyod de/ phag gdong ma 'ug gdong ma ni dbus su'o/ /de'i phyir gnas kyi dbang gis khyi gdong ma rigs ldan ma ni 'ug gdong mar 'gyur la/ phag gdong ma 'ug gdong ma gang yin pa de rigs ldan mar 'gyur ro/ /de nas thun gsum pa la phag gdong ma rigs ldan ma nub kyi dur khrod chen por kun tu spyod de/ gshin rje brtan ma khyi gdong ma ni dbus su'o/ /de'i phyir gnas kyi dbang gis phag gdong ma rigs ldan ma ni khyi gdong mar 'gyur la/ gshin rje brtan ma khyi gdong ma gang yin pa de rigs ldan mar 'gyur ro/ /de nas thun bzhi pa la gshin rje brtan ma byang gi dur khrod chen por kun tu spyod de/ gshin rje pho nya ma phag gdong ma ni dbus su'o/ /de'i phyir gnas kyi dbang gis gshin rje brtan ma rigs ldan ma ni phag gdong mar 'gyur la/ gshin rje pho nya ma phag gdong ma gang yin pa de rigs ldan mar 'gyur ro/ zhes pa g.yas skor gyis 'khor ba ste nyi ma'i cha la rnal 'byor ma'i kun tu spyod pa'o/ /de nas zla ba'i cha la nyi ma gung nas thun dang po la gshin rje pho nya ma rigs ldan ma dbang ldan gyi dur khrod chen por kun tu spyod de/ gshin rje mche ba ma gshin rje brtan ma ni dbus su'o/ /de'i phyir gnas kyi dbang gis gshin rje pho nya ma rigs ldan ma ni gshin rje brtan ma
- 31a
'gyur la/ gshin rje mche ba ma gshin rje brtan ma gang yin pa de rigs ldan mar 'gyur ro/ /de nas thun gnyis pa la gshin rje mche ba ma rigs ldan ma rlung gi dur khrod chen por kun tu spyod de/ gshin rje 'joms ma gshin rje pho nya ma ni dbus su'o/ /de'i phyir gnas kyi dbang gis gshin rje mche ba ma rigs ldan pa ni gshin rje pho nya mar 'gyur la/ gshin rje 'joms ma gshin rje pho nya ma gang yin pa de rigs ldan mar 'gyur ro/ /de nas thun gsum pa la gshin rje 'joms ma rigs ldan ma bden bral gyi dur khrod chen por kun tu spyod de/ rdo rje phag mo gshin rje mche ba ma ni dbus su'o/ /de'i phyir gnas kyi dbang gis gshin rje 'joms ma rigs ldan ma ni gshin rje mche ba mar 'gyur la/ rdo rje phag mo gshin rje mche ba ma gang yin pa de rigs ldan mar 'gyur ro/ /de nas thun bzhi pa la rdo rje phag mo rigs ldan ma me'i dur khrod chen por kun tu spyod de/ khwa gdong ma gshin rje 'joms ma ni dbus su'o/ /de'i phyir gnas kyi dbang gis rdo rje phag mo rigs ldan ma ni gshin rje 'joms mar 'gyur la/ khwa gdong ma gshin rje 'joms ma gang yin pa de rigs ldan mar 'gyur ro/ zhes pa g.yon skor gyis 'khor ba ste rnal 'byor ma'i kun tu spyod pa'o/ /de nas nyin zhag dgu pa la mtshan phyed nas thun dang po la khwa gdong ma rigs ldan ma shar gyi dur khrod chen por kun tu spyod de/ 'ug gdong ma khwa gdong ma ni dbus su'o/ /de'i phyir gnas kyi dbang gis khwa gdong ma ni rigs ldan ma la sogs pa rnams su gyur nas/ slar yang khwa gdong ma nyid du 'gyur ro/ /'ug gdong ma khwa gdong ma gang yin pa de rigs ldan mar 'gyur ro/ /de nas thun gnyis pa la 'ug gdong ma rigs ldan ma lho'i dur khrod chen por kun tu spyod de/ khyi gdong ma 'ug gdong ma ni dbus su'o/ /de'i phyir gnas kyi dbang gis 'ug gdong ma ni rigs ldan ma la sogs pa rnams su gyur na/ slar yang 'ug gdong ma nyid du 'gyur ro/ /khyi gdong ma 'ug gdong ma gang yin pa de rigs ldan
- 31b
par 'gyur ro/ /de nas thun gsum pa la khyi gdong ma rigs ldan ma nub kyi dur khrod chen por kun tu spyod de/ khyi gdong ma phag gdong ma ni dbus su'o/ /de'i phyir gnas kyi dbang gis khyi gdong ma ni rigs ldan ma la sogs pa rnams su gyur nas/ slar yang khyi gdong ma nyid du 'gyur la/ khyi gdong ma khwa gdong ma gang yin pa de rigs ldan mar 'gyur ro/ /de nas thun bzhi pa la phag gdong ma rigs ldan ma byang gi dur khrod chen por kun tu spyod de/ gshin rje brtan ma phag gdong ma ni dbus su'o/ /de'i phyir gnas kyi dbang gis phag gdong ma ni rigs ldan ma la sogs pa rnams su gyur nas slar yang phag gdong ma nyid du 'gyur ro/ /gshin rje brtan ma phag gdong ma gang yin pa de rigs ldan mar 'gyur ro/ /zhes pa g.yas skor gyis 'khor ba ste nyi ma'i cha la kun tu spyod pa'o/ /de nas zla ba'i cha la nyi ma gung mas thun dang po la gshin rje brtan ma rigs ldan ma dbang ldan gyi dur khrod chen por kun tu spyod de/ gshin rje pho nya ma gshin rje brtan ma ni dbus su'o/ /de'i phyir gnas kyi dbang gis gshin rje brtan ma rigs ldan ma la sogs par gyur nas/ slar yang gshin rje brtan ma nyid du 'gyur la/ gshin rje pho nya ma gshin rje brtan ma gang yin pa de rigs ldan ma nyid du 'gyur ro/ /de nas thun gnyis pa la gshin rje pho nya ma rigs ldan ma rlung gi dur khrod chen por kun tu spyod de/ gshin rje mche ba ma gshin rje pho nya ma ni dbus su'o/ /de'i phyir gnas kyi dbang gis gshin rje pho nya ma ni rigs ldan ma la sogs pa rnams su gyur nas/ slar yang gshin rje pho nya ma nyid du 'gyur ro/ /gshin rje mche ba ma gshin rje pho nya ma gang yin pa de rigs ldan mar 'gyur ro/ /de nas thun gsum pa la gshin rje mche ba ma rigs ldan ma bden bral gyi dur khrod chen por kun tu spyod de/ gshin rje 'joms ma gshin rje mche ba ma ni dbus su'o/ /de'i phyir gnas kyi dbang gis gshin rje mche ba ma ni rigs ldan ma la sogs pa rnams su gyur nas/ slar yang gshin rje mche ba ma nyid du gyur la/ gshin rje 'joms ma gshin rje mche ba gang
- 32a
yin pa de rigs ldan mar 'gyur ro/ /de nas thun bzhi pa la gshin rje 'joms ma rigs ldan ma me'i dur khrod chen por kun tu spyod de/ rdo rje phag mo gshin rje 'joms ma ni dbus su'o/ /de'i phyir gnas kyi dbang gis gshin rje 'joms ma ni rigs ldan ma la sogs pa rnams su gyur nas/ slar yang gshin rje 'joms ma nyid du 'gyur la/ rdo rje phag mo gang yin pa de khwa gdong ma la sogs pa rnams su gyur nas/ slar yang rang gi gnas kyi dbang gis rigs ldan ma nyid du 'gyur ro/ /zhes pa g.yon skor gyis 'khor ba ste/ zla ba'i cha la rnal 'byor ma'i kun tu spyod pa'i rnal 'byor pas rtogs par bya'o zhes pa dur khrod chen po brgyad pa rnams su dus kyi khyad par gyis rnal 'byor ma'i kun tu spyod pa ste/ nyin zhag dgu pa la rang gi gnas su bgrod pas kun tu spyod pa yongs su spyad pa'o/ /de nas mchod pa byas nas slar yang nyin zhag bcu pa la tshes gcig gi nyin zhag la ji lta ba bzhin du kun tu spyod do/ /gnyis pa ji lta bar bcu gcig pa la'o/ /gsum pa ji lta bar bcu gnyis pa la'o/ /bzhi pa ji lta bar bcu gsum pa la'o/ /lnga pa ji lta bar bcu bzhi pa la'o/ /drug pa ji lta bar gnam stong la'o/ /bdun pa ji lta bar dkar po'i tshes gcig gi nyin zhag la'o/ /brgyad pa ji lta bar gnyis pa la'o/ /dgu pa ji lta bar gsum pa la kun tu spyod do/ /de'i phyir rang rang gi gnas su bgrod pa'i rdo rje phag mo la sogs pa rnams slar yang rang rang gi ngo bor 'gyur ro/ /de nas mchod pa byas nas slar yang bcu pa la ji lta bar bzhi pa la kun tu spyod do/ /lnga pa la bcu gcig pa bzhin no/ /drug pa la bcu gnyis pa bzhin no/ bdun pa la bcu gsum pa bzhin no/ /brgyad pa la bcu bzhi pa bzhin no/ /dgu pa la gnam stong bzhin no/ /bcu pa la dkar po'i tshes gcig bzhin no/ /bcu gcig pa la gnyis pa bzhin no/ /bcu gnyis pa la gsum pa bzhin te/ dur khrod na gnas pa rnams kyi thugs dang
- 32b
gsung dang sku'i dbye bas kun tu spyod do/ /de phyir nyin zhag dgu rnams kyis rgyu skar dgu'i sbyor bas rgyu skar nyi shu rtsa bdun rnams dang/ zla ba'i khyim bcu gnyis mthar thug pa ji srid par ro/ /de ltar cha bco lnga'i dbye bas mkha' 'gro ma la sogs pa rnams kyi he ru ka dang lhan cig kun tu spyod do/ /khwa gdong ma la sogs pa rnams kyis rgyu skar nyi shu rtsa bdun gyi dbye bas kun tu spyod do/ /de nas zla ba dang nyi ma'i dbye bas nyin zhag gsum la rab gtum ma la sogs pa rnams kyi kun tu spyod par 'gyur ro/ /'di lta ste 'dir dkar po'i bcu gsum pa sdig pa'i dus sbyor 'char ba na thugs kyi 'khor lo'i shar gyi rtsibs su mchod pa byas nas thabs spangs te rab gtum ma lho'i rtsibs la kun tu spyod do/ /gtum mig ma ni nub kyi rtsibs la'o/ /'od ldan ma ni byang gi rtsibs su'o/ /sna chen ma ni shar gyi rtsibs su'o/ /de'i phyir gnas kyi dbang gis rab gtum ma ni gtum mig ma dang/ gtum mig ma ni 'od ldan ma dang/ 'od ldan ma ni sna chen ma dang/ sna chen ma ni rab gtum mar 'gyur ro/ de nas sdig pa'i phyed la snga ma'i rab gtum ma ni kun tu spyod de nub kyi rtsibs su'o/ /snga ma'i gtum mig ma ni byang gi rtsibs su'o/ /snga ma'i 'od ldan ma ni shar gyi rtsibs su'o/ /snga ma'i sna chen ma ni lho'i rtsibs su'o/ /de'i phyir gnas kyi dbang gis rab gtum ma ni 'od ldan ma dang/ gtum mig ma ni sna chen ma dang/ 'od ldan ma ni rab gtum ma dang/ sna chen ma ni gtum mig mar 'gyur ro/ /de nas gzhu 'char ba ni sna ma'i rab gtum ni byang gi rtsibs la kun tu spyod do/ /snga ma'i gtum mig ma ni shar gyi rtsibs su'o/ /snga ma'i 'od ldan ma ni lho'i rtsibs su'o/ /snga ma'i sna chen ma ni nub kyi rtsibs su'o/ de'i phyir gnas kyi dbang gis rab gtum ma ni sna chen ma dang/ gtum mig ma ni rab gtum ma dang/ 'od ldan ma ni gtum mig ma dang/ sna chen ma ni 'od ldan mar 'gyur ro/ /de nas gzhu'i phyed la snga ma'i rab gtum ma ni shar gyi rtsibs su kun tu spyod do/ /gtum mig ma ni lho'i rtsibs su'o/ /'od ldan ma ni nub kyi rtsibs su'o/ /sna chen ma ni byang
- 33a
gi rtsibs su kun tu spyod do/ /de'i phyir gnas kyi dbang gis rab gtum ma la sogs pa'i pho nya mo rnams rang rang gi gzugs 'dzin par 'gyur ro zhes pa g.yas skor gyis 'khor ba ste/ sdig pa 'char ba dang sdig pa'i phyed dang/ gzhu 'char ba dang gzhu'i phyed la dbyu gu phyed dang bcas pa'i gnyis gnyis kyi rnal 'byor ma bzhi'i tshogs kyi 'khor lor kun tu spyod par shes par bya'o/ /de nas chu srin 'char ba na mchod pa byas nas/ dpa' bo'i blo can ma ni dbang ldan nas rlung gi rtsibs su kun tu spyod do/ /mi'u thung ma ni bden bral gyi rtsibs su'o/ /lang ka'i dbang phyug ma ni me'i rtsibs su'o/ /shing grib ma ni dbang ldan gyi rtsibs su kun tu spyod do/ /de'i phyir gnas kyi dbang gis dpa' bo'i blo can ma ni mi'u thung ma dang/ mi'u thung ma ni lang ka'i dbang phyug ma dang/ lang ka'i dbang phyug ma ni shing grib ma dang/ shing grib ma ni dpa' bo'i blo can mar 'gyur ro/ /de nas chu srin gyi phyed la snga ma'i dpa' bo'i blo can ma ni bden bral gyi rtsibs su kun tu spyod do/ /snga ma'i mi'u thung ma ni me'i rtsibs su'o/ /snga ma'i lang ka'i dbang phyug ma ni dbang ldan gyi rtsibs su'o/ /snga ma'i shing grib ma ni rlung gi rtsibs su kun tu spyod do/ /de'i phyir gnas kyi dbang gis dpa' bo'i blo can ma ni lang ka'i dbang phyug ma dang/ mi'u thung ma ni shing grib ma dang/ lang ka'i dbang phyug ma ni dpa' bo'i blo can ma dang/ shing grib ma ni mi'u thung mar 'gyur ro/ / de nas bum pa 'char ba na/ snga ma'i dpa' bo'i blo can ma ni me'i rtsibs su kun tu spyod do/ /snga ma'i mi'u thung ma ni dbang ldan gyi rtsibs su'o/ /snga ma'i lang ka'i dbang phyug ma ni rlung gi rtsibs su'o/ /snga ma'i shing grib ma ni bden bral gyi rtsibs su kun tu spyod do/ /de'i phyir gnas kyi dbang gis dpa' bo'i blo can ma ni shing grib ma dang/ mi'u thung ma ni dpa' bo'i blo can ma dang/ lang ka'i dbang phyug ma ni mi'u thung ma dang/ shing grib ma ni lang ka'i dbang phyug mar 'gyur ro/ /de nas bum pa'i phyed la dpa' bo'i blo can ma ni dbang ldan gyi rtsibs su kun tu
- 33b
spyod do/ /snga ma'i mi'u thung ma ni rlung gi rtsibs su'o/ /snga ma'i lang ka'i dbang phyug ma ni bden bral gyi rtsibs su'o/ /snga ma'i shing grib ma me'i rtsibs su kun tu spyod do/ /de'i phyir rang rang gi gnas kyi dbang gis dpa' bo'i blo can ma la sogs pa'i rnal 'byor ma rnams rang rang gi gzugs 'dzin par 'gyur ro/ zhes pa g.yon skor gyis 'khor ba ste chu srin 'char ba dang/ chu srin gyi byed dang/ bum pa 'char ba dang bum pa'i byed la rnal 'byor ma rnams kyi kun tu spyod pa'o/ /de ltar dus sbyor phyed pa'i dbye bas rnal 'byor ma brgyad po rnams kyi thugs kyi 'khor lo la kun tu spyod pa tshogs kyi 'khor lor rnal 'byor ma rnams kyi rtogs par bya'o/ /de nas mchod pa byas nas gsung gi 'khor lo la kun tu spyod pa ni 'di lta ste/ 'dir nya'i dus sbyor 'char ba na sa srungs ma ni gsung gi 'khor lo'i shar nas lho'i rtsibs kun tu spyod do/ /'jig byed chen po ni dbus kyi rtsibs su'o/ /rlung shugs ma ni byang gi rtsibs su'o/ /chang 'thung ma ni shar gyi rtsibs su kun tu spyod do/ /de'i phyir gnas kyi dbang gis sa srungs ma ni 'jigs byed chen mo dang/ 'jigs byed chen mo ni rlung shugs ma dang/ rlung shugs ma ni chang 'thung ma dang/ chang 'thung ma ni sa srungs mar 'gyur ro/ /de nas nya'i phyed la snga ma'i sa srungs ma ni nub kyi rtsibs su kun tu spyod do/ /snga ma'i 'jigs byed chen mo ni byang gi rtsibs su'o/ /snga ma'i rlung shugs ma ni shar gyi rtsibs su'o/ /snga ma'i chang 'thung ma ni lho'i phyogs su kun tu spyod do/ /de'i phyir gnas kyi dbang gis sa srungs ma ni rlung shugs ma dang/ 'jigs byed chen mo ni chang 'thung ma dang/ rlung shugs ma ni sa srungs ma dang/ chang 'thung ma ni 'jigs byed chen mor 'gyur ro/ /de nas lug 'char ba na snga ma'i sa srungs ma ni byang gi rtsibs su'o/ /snga ma'i 'jigs byed chen mo ni shar gyi rtsibs su'o/ /snga ma'i rlung shugs ma ni lho'i rtsibs su'o/ /snga ma'i chang 'thung ma ni nub kyi rtsibs su kun tu spyod do/ /de'i phyir gnas kyi dbang gis sa srungs ma ni chang 'thung mar 'gyur ro/ /'jigs byed chen mo ni sa srungs ma dang/ rlung shugs ma ni 'jigs byed chen mo dang/ chang 'thung ma ni rlung shugs
- 34a
mar 'gyur ro/ /de nas lug gi phyed la snga ma'i sa srungs ma ni shar gyi rtsibs su'o/ /snga ma'i 'jigs byed chen mo ni lho'i rtsibs su'o/ /snga ma'i rlung shugs ma ni nub kyi rtsibs su'o/ /snga ma'i chang 'thung ma ni byang gi rtsibs su kun tu spyod do/ /de'i phyir rang rang gi gnas kyi dbang gis sa srungs ma la sogs pa rnams rang rang gi gzugs 'dzin par 'gyur ro zhes pa g.yas skor gyis 'khor ba ste/ rnal 'byor ma bzhi po rnams kyi dus sbyor phyed pa'i dbye bas gsung gi 'khor lo la kun tu spyod pa'o/ /de nas mchod pa byas nas glang gi dus sbyor 'char ba na lha mo sngo bsangs ma ni dbang ldan gyi rtsibs nas rlung gi rtsibs su kun tu spyod do/ /shin tu bzang mo ni bden bral gyi rtsibs su'o/ /rta rnam ni me'i rtsibs su'o/ /mkha' 'gro gdong ma ni dbang ldan gyi rtsibs su kun tu spyod do/ /de'i phyir gnas kyi dbang gis lha mo sngo bsangs ma ni shin tu bzang me dang/ shin tu bzang mo ni rta rna ma dang/ rta rna ma ni mkha' 'gro gdong ma dang/ mkha' 'gro gdong ma ni lha mo sngo bsangs mar 'gyur ro/ /de nas glang gi phyed la snga ma'i lha mo sngo bsangs ma ni bden bral gyi rtsibs su kun tu spyod do/ /snga ma'i shin tu bzang mo ni me'i rtsibs su'o/ /snga ma'i rta rna ma ni dbang ldan gyi rtsibs su'o/ /snga ma'i mkha' 'gro gdong ma rlung gi rtsibs su'o/ /de'i phyir gnas kyi dbang gis lha mo sngo bsangs ma ni rta rna ma dang/ shin tu bzang mo ni mkha' 'gro gdong ma dang/ rta rna ma ni lha mo sngo bsangs ma dang/ mkha' 'gro gdong ma ni shin tu bzang mor 'gyur ro/ /de nas 'khrig pa 'char ba na snga ma'i lha mo sngo bsangs ma ni me'i rtsibs su kun tu spyod do/ /snga ma'i shin tu bzang mo ni dbang ldan gyi rtsibs su'o/ /snga ma'i rta rna ma ni rlung gi rtsibs su'o/ /snga ma'i mkha' 'gro gdong ma ni bden bral gyi rtsibs su kun tu spyod do/ /de'i phyir gnas kyi dbang gis lha mo sngo bsangs ma ni mkha' 'gro gdong ma dang/ shin tu bzang mo ni lha mo sngo bsangs ma dang/ rta rna ma ni shin tu bzang mo dang/ mkha' 'gro gdong ma ni rta rna mar
- 34b
'gyur ro/ /de nas 'khrig pa'i phyed la snga ma'i lha mo sngo bsangs ma ni dbang ldan gyi rtsibs su kun tu spyod do/ /snga ma'i shin tu bzang mo ni rlung gi rtsibs su'o/ /snga ma'i rta rna ma ni bden bral gyi rtsibs su'o/ /snga ma'i mkha' 'gro gdong ma ni me'i rtsibs su kun tu spyod do/ /de'i phyir rang rang gi gnas kyi dbang gis lha mo sngo bsangs ma la sogs pa rnal 'byor ma rnams rang rang gi gzugs 'dzin par 'gyur ro/ zhes pa g.yon skor gyis 'khor ba ste gsung gi 'khor lo la rnal 'byor ma rnams kyi kun du spyod pa'o/ /de ltar dus sbyor phyed pa'i dbye bas rnal 'byor ma brgyad po rnams kyi tshogs kyi 'khor lor kun tu spyod pa rtogs par bya'o/ /de nas mchod pa byas nas sku'i 'khor lo la kun tu spyod pa ni 'di lta ste/ 'dir karka Ta 'char ba na 'khor lo'i shugs can ma ni sku'i 'khor lo'i shar gyi rtsibs nas lho'i rtsibs kun tu spyod do/ /dum skyes ma ni dus kyi rtsibs su'o/ /shauN+Di ni ni byang gi rtsibs su'o/ /'khor lo'i go cha ma ni shar gyi rtsibs su'o/ /de'i phyir gnas kyi dbang gis 'khor lo'i shugs can ma ni dum skyes mar 'gyur ro/ /dum skyes ma ni shauN+Di ni dang/ shauN+Di ni ni 'khor lo'i go cha ma dang/ 'khor lo'i go cha ma ni 'khor lo'i shugs can mar 'gyur ro/ /de nas karka Ta'i phyed la snga ma'i 'khor lo'i shugs can ma ni nub kyi rtsibs su kun tu spyod do/ /snga ma'i dum skyes ma ni byang gi rtsibs su'o/ /snga ma'i shauN+Di ni ni shar gyi rtsibs su'o/ /snga ma'i 'khor lo'i go cha ma ni lho'i rtsibs su kun tu spyod do/ /de'i phyir gnas kyi dbang gis snga ma'i 'khor lo'i shugs can ma ni shauN+Di ni dang/ snga ma'i dum skyes ma ni 'khor lo'i go cha ma dang/ snga ma'i shauN+Di ni ni 'khor lo'i shugs can ma dang/ snga ma'i 'khor lo'i go cha ma ni dum skyes mar 'gyur ro/ /de nas seng ge'i dus sbyor 'chang ba na snga ma'i 'khor lo'i shugs can ma ni byang gi rtsibs su kun tu spyod do/ /snga ma'i dum skyes ma ni shar gyi rtsibs su'o/ /snga ma'i shauN+Di ni ni lho'i rtsibs su'o/ /snga ma'i 'khor lo'i go cha ma ni nub kyi rtsibs su kun tu spyod do/ /de'i phyir gnas kyi dbang gis snga
- 35a
ma'i 'khor lo'i shugs can ma ni 'khor lo'i go cha ma dang/ snga ma'i dum skyes ma ni 'khor lo'i shugs can ma dang/ snga ma'i shauN+Di ni ni dum skyes ma dang/ snga ma'i 'khor lo'i go cha ma ni shauN+Di nir 'gyur ro/ /de nas seng ge'i phyed la snga ma'i 'khor lo'i shugs can ma ni shar gyi rtsibs su kun tu spyod do/ /snga ma'i dum skyes ma ni lho'i rtsibs su'o/ /snga ma'i shauN+Di ni ni nub kyi rtsibs su'o/ /snga ma'i 'khor lo'i go cha ma ni byang gi rtsibs su kun tu spyod do/ /de'i phyir rang rang gi gnas kyi dbang gis 'khor lo'i shugs can ma la sogs pa'i rnal 'byor ma rnams rang rang gi gzugs 'dzin par 'gyur ro zhes pa g.yas skor gyis 'khor ba ste sku'i 'khor lo la kun tu spyod pa'o/ /de nas mchod pa byas nas g.yon skor gyis kun tu spyod pa ni 'di lta ste/ 'dir bu mo'i dus sbyor 'char ba na shin tu dpa' mo ni dbang ldan gyi rtsibs nas rlung gi rtsibs su kun tu spyod do/ /stobs chen ma ni bden bral gyi rtsibs su'o/ /'khor los sgyur ba ni me'i rtsibs su'o/ /brtson 'grus chen mo ni dbang ldan gyi rtsibs su kun tu spyod do/ /de'i phyir gnas kyi dbang gis shin tu dpa' mo ni stobs chen ma dang/ stobs chen ma ni 'khor los sgyur ma dang/ 'khor los sgyur ma ni brtson 'grus chen mo dang/ brtson 'grus chen mo ni shin tu dpa' mor 'gyur ro/ /de nas bu mo'i phyed la shin tu dpa' mo ni bden bral gyi rtsibs su kun tu spyod do/ /snga ma'i stobs chen ma ni me'i rtsibs su'o/ /snga ma'i 'khor los sgyur ma ni dbang ldan gyi rtsibs su'o/ /snga ma'i brtson 'grus chen mo ni rlung gi rtsibs su'o/ /de'i phyir gnas kyi dbang gis shin tu dpa' mo ni 'khor los sgyur ma dang/ stobs chen ma ni brtson 'grus chen mo dang/ 'khor los sgyur ma ni shin tu dpa' mo dang/ brtson 'grus chen mo ni stobs chen mar 'gyur ro/ /de nas gsang gi dus sbyor 'chang ba na snga ma'i shin tu dpa' mo ni me'i rtsibs su kun tu spyod do/ /snga ma'i stobs chen ma ni dbang ldan gyi rtsibs su'o/ /snga ma'i 'khor los sgyur ma ni rlung gi rtsibs su'o/ /snga ma'i brtson 'grus chen mo ni
- 35b
bden bral gyi rtsibs su kun tu spyod do/ /de'i phyir gnas kyi dbang gis shin tu dpa' mo ni brtson 'grus chen mo dang/ stobs chen ma ni shin tu dpa' mo dang/ 'khor los bsgyur ma ni stobs chen ma dang/ brtson 'grus chen mo ni 'khor los bsgyur mar 'gyur ro/ /de nas srang gi phyed la shin tu dpa' mo ni dbang ldan gyi rtsibs su kun tu spyod do/ /snga ma'i stobs chen ma ni rlung gi rtsibs su'o/ /snga ma'i 'khor los sgyur ma ni bden bral gyi rtsibs su'o/ /snga ma'i brtson 'grus chen mo ni me'i rtsibs su kun tu spyod do/ /de'i phyir rang rang gi gnas kyi dbang gis shin tu dpa' bo la sogs pa rnal 'byor ma bzhi po rnams rang rang gi gzugs 'dzin par 'gyur ro/ zhes pa g.yon skor gyis 'khor ba ste/ bu mo la sogs pa'i dus sbyor phyed pa'i dbye bas sku'i 'khor lo la rnal 'byor ma rnams tshogs kyi 'khor lor kun tu spyod pa rtogs par bya'o/ /de ltar nyin zhag dang po la sdig pa la sogs pa dus sbyor bcu gnyis phyed pa nyi shu rtsa bzhi'i dbye ba rnams kyis bcu gsum pa la rnal 'byor ma rnams kun tu spyod pa'o/ /'dir bcu gsum pa la thugs kyi dbye ba dang mun pa'i yon tan gyi dbye bar ste ba de bzhin du bcu bzhi pa ste nyin zhag gnyis pa la gsung gi dbye ba dang rdul gyi yon tan gyi dbye bas so/ /de ltar nyal ste nyin zhag gsum pa la sku'i dbye ba dang/ snying stobs kyi yon tan gyi dbye bas rnal 'byor ma nyi shu rtsa bzhi'i kun tu spyod pa/ sdig par sogs pa dus sbyor bcu gnyis kyi byed pa nyi shu rtsa bzhi'i dbye ba rnams kyis tshogs kyi 'khor lor rnal 'byor ma rnams kyis rtogs par bya'o/ /zhes pa nyi shu rtsa bzhi'i dus kyi khyad par gyis rnal 'byor ma rnams kyi kun tu spyod pa'i nges pa'o/ /'dir rnal 'byor ma gang gnas gang du kun tu spyad pa der de'i lhag ma za ba'i dbang gis dang/ de'i rigs kyi thabs kyis bzung bas de de'i rigs su 'gyur ro/ /ji srid rang gi gnas su ma phyin pa de srid du de rang gi rigs su mi 'gyur ro/ /de nas rang gi gnas su phyin pas rang gi rigs su gnas par 'gyur ro/ /
- 36a
'di ltar dpal he ru kas bzung ba dang rigs ldan ma'i lhag ma za ba'i dbang gis/ mkha' 'gro ma la sogs pa'i rnal 'byor ma gshin rje 'joms ma'i bar gang zhig dbus su zhugs pa de ni rdo rje phag mo rigs ldan mar 'gyur la/ rdo rje phag mo rigs ma ldan ma gang yin pa de gzhan gyi lhag ma za ba'i dbang gis de'i rigs dang ldan mar 'gyur ro/ /de ltar rigs sum cu rtsa drug gi rnal 'byor ma rnams gnas kyi dbang gis rigs dang mi ldan pa ni rigs dang ldan par 'gyur la/ rigs dang ldan pa ni rigs dang mi ldan par 'gyur te/ ji ltar 'jig rten kun rdzob tu rigs dang mi ldan yang 'khor los sgyur ba'i rin po che'i gdugs kyi 'og tu bzhag pas rigs dang ldan par 'gyur ro/ /'dir sna tshogs bshes gnyen la sogs pa rnams/ khyi sha 'tshed pa la sogs pa mngal nas byung ba rigs dang mi ldan pa yang sngags dang bsam gtan dang dka' thub kyi stobs kyis bram zer 'gyur ro/ /de bzhin du rigs dang ldan pa'i bram ze rnams kyang ba lang gi sha la sogs pa zos shing gdol ba la sogs pa rigs dang mi ldan pa rnams kyi khyim du thos pas rigs dang mi ldan par 'gyur ro/ /de bzhin du rnal 'byor ma'i kun tu spyod pa la gzhan gyi gnas dang bza' ba dang thabs dang longs spyod pas bzung ba'i dbang gis 'jig rten pa'i kun rdzob tu rnal 'byor ma rnams rnal 'byor pa rnams kyis shes par bya ste/ sngar brjod pa'i g.yung mo la sogs pa rigs kyi pho nya mo sum cu rtsa bdun po rnams tshogs kyi 'khor lor kun tu spyod pa'i don du'o/ /de ltar ji srid lo gsum gyi bar du mchod pa dang sngags bzlas pa dang bsam gtan bya ste/ sngags bzlas pa'i mthar sbyin sreg bya'o/ /de nas phyogs gsum ji srid par tshogs kyi 'khor lor rnal 'byor ma rnams kyis kun du spyod par bya'o/ /de nas sngar brjod pa'i 'jig rten pa'i dngos grub kyi sgrub thabs rgyud las gsungs pa thams cad thams cad kyi tshe rnam pa thams cad kyi sgrub pa po la 'grub par
- 36b
'gyur ro/ /rnam pa gzhan gyis kyang las gcig gi dngos grub gcig 'grub ste/ sngags bzlas pa dang bsam gtan dang sbyin sreg gis zhes pa'o/ /rnal 'byor pa'i gtso bo'i dngos grub tu mi 'gyur te/ las gcig gis ral gri la sogs pa'i dngos grub gcig 'grub par 'gyur ro/ /des na rnal 'byor ma'i kun tu spyod pa 'di ni rtsa ba'i rgyud mngon par brjod pa 'bum par rnal 'byor ma rnams kyi dus kyi khyad par gyis rtogs par bya'o/ /yang na/ de las phyung ba'i 'grel bshad 'dis shes pa ste/ 'jig rten pa'i las rab 'byams thams cad dang dngos grub thams cad mngon du bya ba'i phyir/ grub pa chen po nyid du bsgrub pa'i phyir yang nges pa'o zhes pa rnal 'byor ma'i kun tu spyod pa'i cho ga'o/ /da ni gnas kyi ming yig dang po'i sa bon yongs su gyur pa las phyi rol dang nang du gdan par tshogs kyi 'khor lo yang brjod par bya'o/ /de la phyi rol tu lhun po'i 'og tu haM yig yongs su gyur pa las nam mkha' i dkyil 'khor ro/ /nang du ni gtsug tor gyi pad+ma'i ze 'bru'o/ /phyi rol du de'i steng du yaM yig yongs su gyur pa las rlung gi dkyil 'khor ro/ /nang du ni dpral ba'i pad+ma'i zer 'bru'o/ /phyi rol tu de'i steng du raM yig yongs su gyur pa las me'i dkyil 'khor ro/ /nang du ni mgrin pa'i pad+ma'i ze 'bru'o/ /phyi rol tu de'i steng du baM yig yongs su gyur pa las chu'i dkyil 'khor ro/ /nang du ni snying kha'i pad+ma'i ze 'bru'o/ /phyi rol du de'i steng du laM yig yongs su gyur pa las sa'i dkyil 'khor ro/ /nang du lte ba'i pad+ma'i ze 'bru'o/ /phyi rol du de'i steng du maM yig yongs su gyur pa las lhun po'o/ /nang du ni gsang ba'i pad+ma'i ze 'bru'o/ /phyi rol du de'i steng du sna tshogs pad+ma'o/ /nang du ni rdo rje nor bu'i nang du son pa'i rtsa brgyad ze 'bru dang bcas pa'o/ /phyi rol du pad+ma'i ze 'bru la nyi ma'i dkyil 'khor ro/ /nang du ni dus me'o/ /phyi rol du de'i steng du dbu ma dang/ dbang phyug chen po'o/ /nang du ni rdul dang khu ba'o/ /phyi rol du de'i steng du he ru ka'o/ /nang du ni de dag 'gog pa las lhan cig skyes pa'i dga' ba'o/ /rdo rje phag mo ni thams cad mkhyen pa
- 37a
nyid de dang/ 'od zer dang/ 'od dang/ zla ba dang zla ba'i 'od ltar dbyer med pa'i chos can no/ /de ltar lte ba dang gsang ba dang rdo rje nor bur sku dang gsung dang thugs kyi chos kyis lhan cig skyes pa'i dga' ba ni bcom ldan 'das he ru kar brjod par bya'o/ /'dir lhan cig skyes pa'i dga' ba ni ye shes rdo rje bzhi pa'o/ /de ltar na bcom ldan 'das he ru ka zhal bzhi pa ste/ sku dang gsung dang thugs dang ye shes kyi bdag nyid can no/ /zhal bzhi po de rnams kyi rang bzhin gyis byang dang lho dang shar dang nub kyi 'khor lo'i rtsibs rnams su gnas pa'i rnal 'byor ma sum cu rtsa drug po de rnams kyi rang rang gi gnas kyi ming gi yi ge dang po yongs su gyur pa las ro'i gdan rnams su 'gyur ro/ /phyi rol du ye shes kyi 'khor lo la shar gyi rtsibs su laM yig yongs su gyur pa las mkha' 'gro ma'i yi dags kyi gdan no/ /nang du ni lte ba'i pad+ma la dkyil 'khor 'bab pa'i rtsa drug cu dang/ thun mtshams kyi rtsa bzhi ste/ de rnams su shar la sogs pa'i rtsa rnams la srog gi rlung 'gags pa ni ro'i gdan du brjod do/ /de ltar phyi rol du baM yig yongs su gyur pa las lho'i rtsibs su lA ma yi'o/ /nub kyi rtsibs su ma yig yongs su gyur pa las dum skyes ma'i'o/ /byang du taM yig yongs su gyur pa las gzugs can ma'i'o/ /phyogs bral rnams su dri chen dang dri chu dang khrag dang sha'i thod pa rnams so zhes pa ye shes kyi 'khor lo la'o/ /phyi rol du dur khrod brgyad po rnams la shar gyi dur khrod du shu yig yongs su gyur pa las ro'i gdan ni khwa gdong ma yi'o/ /nang du ni kha'i rtsa la srog gi rlung 'gags pa'o/ /de bzhin du phyi rol du sha yig yongs su gyur pa las lho ru lug gdong ma yi'o/ /nang du ni sna bug g.yas pa'i rtsa la srog gi rlung 'gags pa'o/ /phyi rol du bu yig yongs su gyur pa las nub tu khyi gdong ma yi'o/ /nang du ni bshang lam gyi rtsa la thur sel gyi rlung 'gags pa'o/ /phyi rol tu kli yig yongs su gyur pa las byang du phag gdong ma yi'o/ /nang du ni sna bug g.yon pa'i rtsa la srog gi rlung 'gags pa 'o/ /
- 37b
phyi rol du ba yig yongs su gyur pa las dbang ldan du gshin rje brtan ma yi'o/ /nang du ni rna ba g.yon pa'i rtsa la srog 'gags pa'o/ /phyi rol du sa yig yongs su gyur pa las rlung du gshin rje pho nya ma yi'o/ /nang du ni rna ba g.yas pa'i rtsa la srog 'gags pa'o/ /phyi rol du g+ho yig yongs su gyur pa las bden bral du gshin rje mche ba ma'i'o/ /nang du ni mig g.yas pa'i rtsa la srog 'gags pa'o/ /phyi rol du u yig yongs su gyur pa las me ru gshin rje 'joms ma'i yi dags kyi gdan no/ /nang du ni mig g.yon pa'i rtsa la srog gi rlung 'gags pa'o/ / zhes pa dur khrod brgyad po rnams su khwa gdong ma la sogs pa rnams kyi phyi rol tu tshogs kyi 'khor lo la rig par bya'o/ /da ni rab gtum ma la sogs pa rnams kyi gnas kyi ming yig dang po'i sa bon yongs su gyur pa las/ thugs dang gsung dang sku'i 'khor lo la gdan rnams brjod par bya ste/ 'dir phyi rol du thugs kyi 'khor lo'i shar gyi rtsibs la bu yig yongs su gyur pa las rab gtum ma'i ro'i gdan no/ /nang du ni nges pa'i don gyi chos kyis 'khor lor shar gyi rtsa la srog 'gags pa ste/ /drang ba'i don gyis phyi rol tu spyi bor bu yig dgod pa'o/ /de ltar phyi rol du lto'i rtsibs la dzA yig yongs su gyur pa las gtum mig ma'i ro'i gdan no/ /nang du ni lho'i rtsa la srog 'gags pa ste/ drang ba'i don gyis spyi gtsug tu dzA yig dgod pa'o/ /phyi rol tu nub kyi rtsibs la o yig yongs su gyur pa las 'od ldan ma'i ro'i gdan no/ /nang du ni nub kyi rtsa la srog 'gags pa ste/ drang ba'i don gyis rna ba g.yas pa'i steng du o yig dgod pa'o/ /phyi rol du byang gi rtsibs la a yig yongs su gyur pa las sna chen ma'i ro'i gdan no/ /nang du ni byang gi rtsa la srog 'gags pa ste drang ba'i don gyis mgrin pa'i rgyab tu a yig dgod pa'o/ /zhes pa gnas kyi sa bon dgod pa'o/ /de bzhin du thugs kyi 'khor lo'i dbang ldan gyi rtsibs la go yig yongs su gyur pa las dpa' bo'i blo can ma yi ro yi gdan no/ /nang du ni chos kyi 'khor lor
- 38a
dbang ldan gyi rtsa la srog 'gags pa ste/ drang ba'i don gyis rna ba g.yon pa'i steng du go yig dgod pa'o/ /phyi rol du rlung gi rtsibs la rA yig yongs su gyur pa las mi'u thung ma'i ro'i gdan no/ /nang du ni rlung gi rtsa la srog 'gags pa ste/ drang ba'i don gyis smin ma'i dbus su rA yig dgod pa'o/ phyi rol tu bden bral gyi rtsibs la de yig yongs su gyur pa las lang ka'i dbang phyug ma'i ro'i gdan no/ /nang du ni bden bral gyi rtsa la srog 'gags pa ste drang ba'i don gyis mig gnyis la de yig dgod do/ /phyi rol tu me'i rtsibs la mA yig yongs su gyur pa las shing grib ma'i ro'i gdan no/ /nang du ni me'i rtsa la srog 'gags pa ste/ drang ba'i don gyis dpung pa'i rtsa la mA yig dgod pa'o/ /zhes pa thugs kyi 'khor lo la nye ba'i gnas kyi lha mo rnams kyi gdan gyi nges pa'o/ /de nas phyi rol tu gsung gi 'khor lo dang nang du longs spyod 'khor lo'i phyi rol yongs su bskor ba la rtsa sum cu rtsa gnyis dang/ nang du yongs su bskor ba la rtsa brgyad de/ 'di nyid la chos kyi 'khor lo la ji lta ba de ltar gdan rnams brjod par bya'o/ /phyi rol tu gsung gi 'khor lo'i shar gyi rtsibs la kA yig yongs su gyur pa las sa srungs ma'i ro'i gdan no/ /nang du ni longs spyod 'khor lo'i nang du yongs su bskor ba'i shar gyi rtsa la srog 'gags pa ste/ drang ba'i don gyis mchan khung gnyis su kA yig dgod pa'o/ /phyi rol tu lho'i rtsibs la o yig yongs su gyur pa las 'jigs byed chen mo'i ro'i gdan no/ /nang du ni lho'i rtsa la srog 'gags pa ste/ drang ba'i don gyi nu ma gnyis la o yig dgod pa'o/ /phyi rol du nub kyi rtsibs la tri yig yongs su gyur pa las rlung shugs ma'i ro'i gdan no/ /nang du ni nub kyi rtsa la srog 'gags pa ste/ drang ba'i don gyis lte ba la tri yig dgod pa'o/ /phyi rol tu byang gi rtsibs la ko yig yongs su gyur pa las chang 'thung ma'i ro'i gdan no/ /nang du ni byang gi rtsa la srog 'gags pa ste/ drang ba'i don gyis sna'i rtse mor ko yig dgod pa'o/ /zhes pa zhing dang nya ba'i zhing gi lha mo rnams kyi
- 38b
gdan gyi nges pa'o/ /de ltar phyi rol tu dbang ldan gyi rtsibs la ka yig yongs su gyur pa las lha mo sngo bsangs ma'i ro'i gdan no/ /nang du ni mgrin pa'i 'khor lo'i dbang ldan gyi rtsa la srog 'gags pa ste/ drang ba'i dran gyis kha la ka yig dgod pa'o/ /phyi rol du rlung gi rtsibs la la yig yongs su gyur pa las shin tu bzang mo'i ro'i gdan no/ /nang du ni rlung gi rtsa la srog 'gags pa ste drang ba'i don gyis mgrin par la yig dgod pa'o/ /phyi rol tu bden bral gyi rtsibs la ka yig yongs su gyur pa las rta rna ma'i ro'i gdan no/ /nang du ni bden bral gyi rtsa la srog 'gags pa ste drang ba'i don gyi snying gar ka yig dgod pa'o/ /phyi rol du me'i rtsibs la hi yig yongs su gyur pa las mkha' 'gro gdong ma'i ro'i gdan no/ /nang du ni me'i rtsa la srog 'gags pa ste drang ba'i don gyis 'doms bar du hi yig dgod pa'o/ /zhes pa gsung gi 'khor lo la 'dun pa dang nye ba'i 'dun pa'i rnal 'byor ma rnams kyi gdan gyi nges pa'o/ /de nas phyi rol du sku'i 'khor lo dang nang du dpral bar lhan cig skyes pa'i 'khor lo'i phyi rol yongs su bskor ba la rtsa bcu drug dang nang yongs su bskor ba la rtsa brgyad de/ 'di nyid la longs spyod 'khor lo la ji lta ba de ltar gdan rnams brjod par bya'o/ /'dir phyi rol du sku'i 'khor lo'i shar gyi rtsibs la pre yig yongs su gyur pa las 'khor lo'i shugs can ma'i ro'i gdan no/ /nang du ni nges pa'i don gyis lhan cig skyes pa'i 'khor lo'i shar gyi rtsa la srog 'gags pa ste/ drang ba'i don gyis rtags la pre yig dgod pa'o/ /phyi rol du lto'i rtsibs la gri yig yongs su gyur pa las dum skyes ma'i ro'i gdan no/ /nang du ni lho'i rtsa la srog 'gags pa ste/ drang ba'i don gyis bshang lam du gri yig dgod pa'o/ /phyi rol du nub kyi rtsibs la sau yig yongs su gyur pa las shauN+Di ni'i ro'i gdan no/ /nang du ni nub kyi rtsa la srog 'gags pa ste drang ba'i don gyis brla zung la sau yig dgod pa'o/ /phyi rol du byang gi rtsibs la su yig yongs su gyur pa las 'khor lo'i go cha ma'i ro'i gdan no/ /nang du ni byang gi rtsa la srog 'gags pa ste drang ba'i
- 39a
don gyis byin pa gnyis las su yig dgod pa'o zhes pa 'dus pa dang nye ba'i 'dus pa'i pho nya mo rnams kyi gdan dgod pa'o/ /de nas phyi rol du dbang ldan gyi rtsibs lan yig yongs su gyur pa las shin tu dpa' mo'i ro'i gdan no/ /nang du ni dbang ldan gyi rtsa la srog 'gags pa ste drang ba'i don gyis rkang pa'i sor mo rnams la na yig dgod pa'o/ /phyi rol du rlung gi rtsibs la si yig yongs su gyur pa las stobs chen ma'i ro'i gdan no/ /nang du ni rlung gi rtsa la srog 'gags pa ste drang ba'i don gyis rkang pa'i rgyab dag la si yig dgod pa'o/ /phyi rol du bden bral gyi rtsibs la ma yig yongs su gyur pa las 'khor los bsgyur ma'i ro'i gdan no/ /nang du ni bden bral gyi rtsa la srog 'gags pa ste drang ba'i don gyis rkang pa'i mthe bong dag la ma yig dgod pa'o/ /phyi rol du me'i rtsibs la ku yig yongs su gyur pa las brtson 'grus chen mo'i ro'i gdan no/ /nang du ni me'i rtsa la srog 'gags pa ste/ drang ba'i don gyis pus mo gnyis la ku yig dgod pa'o/ zhes pa sku'i 'khor lo la dur khrod dang nye ba'i dur khrod kyi lha mo rnams kyi gdan gyi nges pa'o/ /'dir phyi rol tu mkha' 'gro ma rnams kyi gnas la sogs par 'gro ba'i don du yi dags kyi gdan rnams ji lta ba de bzhin du nang du khams thams cad kyi srog gi rlung 'gags pas gdan zhes pa dang ji ltar phyi rol du tshogs kyi 'dus par rang rang gi 'khor lo'i rtsibs rnams su ro'i gdan rnams la gnas pa de bzhin du nang du srog gi rlung rnams kyi rang rang gi 'khor lo'i rtsibs la bum pa can gyi sbyor bas gnas pa ni nges pa'i don to/ /'dir phyi rol du tshogs kyi 'khor lo la pho nya ma sum cu rtsa drug rnams kyi mi'i pags pa ro rnam par dag pa rnams bshad pa'i sa bon gyi yi ge rnams kyis lan bdun mngon par bsngags te rang rang gi gnas su sbyin par bya'o/ /dbus su gtso bo'i ba lang gi pags pa dang/ stag gi pags pa'o zhes pa gdan gyi cho ga'o/ /'dir rab gtum ma la sogs pa
- 39b
rnams dang/ mkha' 'gro ma la sogs pa rnams kyi rang rang gi ming yig dang po'i sa bon gyis bskyed pa tshogs kyi 'khor lor sa bon de dang de nyid kyis mngon par bsngags te gnas nas gnas su kun tu spyad par bya'o/ /zhes pa rgyud thams cad du nges pa'o/ /da ni kha la sogs pa dag par bya ba'i don du dam tshig gi ril bu brjod par bya'o/ /'dir nam mkha' la sogs pa yon tan re re 'phel ba'i dbye bas bdud rtsi lnga dang sgron ma lnga rnams bzung bar bya ste/ gang gi tshe zla ba dang nyi ma gcig tu sbyor ba'i zla ba la 'dzin par 'gyur te/ /dang po zla ba dang phyi nas nyi ma 'am/ dang por nyi ma dang phyi nas zla ba 'dzin pa'i zla ba de dang de la'o/ /'dar zla ba bzung ba'i tshes gcig 'jug pa'i dus na/ bu mo lo bcu gnyis ma'am lo bcu drug lon pa kha dog dkar ba bum skyes pa la yo byad thams cad kyis mchod par bya ste/ lha'i dmigs pa bya ste pad+mar rdo rje bcug ste hUM phaT yi ges byang chub kyi sems spro bar bya zhing/ spro ba na 'og tu pad ma'i snod bzhag nas rdo rje pad+ma'i snod der gzhug par bya'o/ /tshes gnyis pa la ro la mchod par byas nas klad pa blang bar bya'o/ /gsum pa la mi mo dkar shaM la mchad pa byas nas rin po che'i rdul blang bar bya'o/ /bzhi pa la rang gi rdo rje'i chu blang bar bya'o/ lnga pa la dri chen blang bar bya'o/ /de ltar khu ba ma sha ka gcig dang/ klad pa ma sha ka gnyis dang/ rin chen 'byung ldan ma sha ka gsum dang/ rdo rje'i chu ma sha ka bzhi dang/ rnam par snang mdzad ma sha ka lnga ste/ da ltar nam mkha' dang rlung dang me dang chu dang sa rnams yon tan gcig dang gnyis dang gsum dang bzhi dang lnga dang 'phel ba'i dbye bas nyin zhag lngas rdzas lnga rnams blang bar bya'o/ /de nas drug pa la ro la mchod par byas nas mi'i sha dang/ bdun pa la rta'i sha dang/ brgyad pa la so ldan gyi sha dang/ dgu pa la khyi'i sha dang/ bcu pa la ba lang gi sha blang bar bya ste/ cha gcig dang cha gnyis dang cha gsum dang cha bzhi dang cha lnga ji lta ba'i rim pas sgron ma blangs te/ bdud rtsi lnga dang gcig tu
- 40a
byas nas ma sha ka bdun cu rtsa lnga rnams so/ /de nas sbrang rtsi bco lnga dang bdud rtsi lnga lhan cig tu byas te/ tshes bcu gcig pa la zas ma zos par/ sbrang chang ngam/ bu ram chang ngam/ rgun chang ngam/ shing NA la la sogs pa las skyes pa'am/ 'bras las skyes pa'am/ sbyar ba'i chang ji ltar 'dod pa 'thungs nas skyug par bya'o/ /skyugs pa de thod par blangs la rdzas bcu po de rnams dang btag par bya'o/ /de nas ce spyang gi rkyal bu blangs te de'i nang du gzhug par bya'o/ /de nas thod pa kha sbyar du bya ste/ de nyid du mtshan mo'i dus na dur khrod kyi sa gzhir skyes pa'i ro dang bud med kyi ro lhan cig me la bcug nas bsregs pa'i sa'i 'og tu khru gang khru gsum du brkos de der dri dang bdug pa la sogs pa rnams kyis mchod nas/ sngags kyi cho ga 'dis gtor ma rgya chen po dbul bar bya'o/ /oM badzra kro d+ha shwi ra sarbba dra bya Ni bi sho d+ha ya hUM phaT/ zhes pa gtor ma sbyang ba'i sngags so/ /sangs rgyas yab yum bcas pa sras bcas g.yog 'khor dang/ grogs bcas gnyen rnams dag gi bskor ba'i tshogs pa ni/ lha dang lha mo'i tshogs kyis mnyes par byed pa dang/ mchog gi rdo rje sems dpa' dag ni gshegs su gsol/ zhes pas de bzhin gshegs pa thams cad spyan drang ba'o/ /oM sh+rI he ru ka A gaDDha ya A kaDDhya ya/ pra pe sha ya/ pra be sha ya/ band+ha ya band+ha ya/ toSha ya to Sha ya/ sarbba DA ki nI nAM/ h+ri da yaM dza:hUM baM ho:hUM phaT swAhA/ zhes pa mkha' 'gro ma rnams dgug pa'i sngags so/ /oM sum+b+ha ni sum+b+ha huM hUM phaT/ oM grih+Na grih+Na huM hUM phaT/ oM grih+NA pa ya grih+NA pa ya huM hUM phaT/ oM A na ya ho b+ha ga wan badzra rA dze huM hUM phaT ces pa gtor ma dbul ba'i sngags so/ /de nas mchod yon dang zhabs bsil la sogs pa phul te/ oM sh+rI badzra he he ru ru kaM huM hUM phaT DA ki ni dzA la saM ba raM swAhA/ sngags 'dis brgya rtsa brgyad mngon par bsngags te/ sa brkos pa der gzhug par bya zhing dur khrod kyi thal bas bkang
- 40b
nas steng du ral gri chen po bzhag par bya'o/ /oM badzra bai ro tsa nI ye swAhA/ zhes pa'i sngags 'dis bsrung bar bya ste/ rang gi khyim du 'ongs nas/ bcu gnyis pa la thun bzhir zhal bzhi pa'i sngags bzlas par bya'o/ /bcu gsum pa la rkang pa brgyad pa dang bcu bzhi pa la rkang pa nyi shu rtsa bzhi pa'o/ /de nas gnam stong la nyi ma gzas bzung ba na bton nas mi'i rkang dang bsres la/ sran chung gi tshad tsam gyi ril bu byas la ril bu de bza' ba dang btung ba la sogs pa la kuN+Da go la las byung ba dang bcas pas bsangs pas rnam par dag par 'gyur te/ khar bcug pas kha dag par 'gyur ro/ /tshogs kyi 'khor lo dang bsgom pa'i dus na yang thams cad bsrung bar 'gyur ro zhes pa ril bu'i cho ga'i nges pa'o// //da ni tshogs kyi 'khor lo chen po la sngar bshad pa'i g.yung mo dang dmangs rigs la sogs pa sum cu rtsa drug gi pho nya mo rnams kyi bza' ba dang btung ba'i cho ga brjod par bya'o/ /'dir skye bo dang bral ba'i khang pa'am/ shin tu sbas pa'i gnas su rigs kyi pho nya mo gos dang bral ba thams cad dang sgrub pa po nyi shu rtsa bzhi po rnams kyang phyag rgya lngas rnam par rgyan pa/ rang rang gi gnas su rnal 'byor ma skra grol ba rnams dang/ sgrub pa po ral pa'i cod pan bcings pa rnams mi'i pags pa'i steng du 'dug cing/ tshogs kyi bdag po ni 'khor lo'i dbus su ba lang dang stag gi pags pa'i steng du'o/ /de nas mi'i pags pa khru gang tsam gyis sder byas te tshogs kyi gtso bo la dbul bar bya'o/ /shar gyi rnal 'byor ma rnams la rta'i pags pa'i sder dang/ lho'i rnal 'byor ma rnams la khyi'i pags pa'i sder dang/ nub kyi rnal 'byor ma rnams la glang po che'i pags pa'i sder dang/ byang gi rnal 'byor ma rnams la ba lang gi pags pa'i sder dang/ dbang ldan gyi rnal 'byor ma rnams la ma he'i pags pa'i sder dang/ rlung gi rnal 'byor ma rnams la bong bu'i pags pa'i sder dang/ bden bral gyi rnal 'byor ma rnams la ce spyang gi pags pa'i sder dang/ me'i rnal 'byor ma rnams la rnga
- 41a
mo'i pags pa'i sder dbul bar bya'o/ /de nas btung ba'i don du rang gi rigs kyi ro'i thod pa dum bu gcig pa dang dum bu gnyis pa dang dum bu gsum pa'am ji ltar rnyed pa rnal 'byor ma rnams la dbul bar bya'o/ /de nas bza' ba sder du dbul zhing btung ba pad+ma'i snod du phul te/ sgrub pa pos skor ba gsum byas la/ dri dang bdug pa dang me tog la sogs pa rnams kyis mchod nas gsol ba gdab par bya ste/ bsod nams 'di yis sems can thams cad phyag rgya chen po'i ye shes thob par gyur cig /ces pa'o/ /'di lta bu'i tshogs kyi 'khor lo ni rgyal pos bya ste/ thun mong ba rnams kyi sngags kyi stobs sam lha'i nges pa'o/ /gzhan du na sgrub pa po rnams la bar chad 'byung bar 'gyur ro/ /thun mong ba'i tshogs kyi 'khor lo ni yul dang rigs kyi tha snyad kyis bya'o/ /bsod nams kyi tshogs kyi don du rang gi khyim du rigs kyi btsun mo yongs su smin pa dang lhan cig bya'o/ /gzhan du na tshogs kyi 'khor lor mi 'gyur zhing shes rab dang thabs snyoms par 'jug pa'i bde bas dman zhing/ byang chub kyi sems myang ba spangs pa'i bza' pa dang btung bas dpa' bo'i ston mor brjod par bya'o/ /de nyid dge bsnyen rnams kyis slob dpon gtso bor bya'o/ /sngags kyi tshul la slob dpon yang rnam pa gsum ste/ khyim gnas dge tshul dge slong ni/ /dman pa 'bring dang mchog yin no/ /zhes pa'o// de nyid bcu yongs su shes pa dang dbang bskur ba dang rjes su gnang ba dang ldan pa yang mtshungs pa ma yin te/ rgyud du gsungs pa'i bcom ldan 'das kyis gsung las so/ /khyim na gnas pa dang dge tshul gnyis po de dag la bla mar gyur kyang chos 'chad pa'i dus su dge slong brtul zhugs 'dzin pa rnams kyis dam pa'i chos la sogs pa mdun du byas te phyag 'tshal bar bya'i sa/ chos 'chad pa ma yin par gzhan gyi dus su ni ma yin no/ /gzhan gyi dus na dam pa ma yin pa'i las dang phyag 'tshal ba spangs te/ sngon du
- 41b
ldang ba dang gdan bstab pa la sogs pa bskur sti thams cad bya'o/ /dam pa ma yin pa'i las rkang pa dkru ba la sogs pa dang/ lus dang ngag dang yid kyi phyag spangs nas nor la sogs pas bkur bar bya ste/ khyim na gnas pa dang dge tshul dag la dge slong rnams kyis zhes pa'o// sngar dge slong phyis rdo rje slob dpon gyis dbang bskur te rdo rje 'dzin pa byas pa'i bla ma la ni dge slong rnams kyis dus thams cad du phyag bya'o zhes pa nges pa'o/ /khyim na gnas pa dang dge tshul mngon par shes pa thob pa dag la dge slong dang mi'i bdag pos kyang phyag bya'o// de'i phyir khyim na gnas pa dang dge tshul dang dge slong dbang bskur ba rnams la rgan pa dang gzhon pa'i mtshan nyid kyis bskur bar bya'o/ /'dir khyim na gnas pa dag gi dbang bskur ba ni rgan pa'o/ /de bzhin du dge tshul dag gi nang du'o/ /de bzhin du dge slong dag gi nang na dbang bskur ba ni rgan pa ste/ sngar gyi gnas skabs kyi dbang gis so/ /ji ltar 'khor los sgyur ba'i bu dbang bskur ba ni 'khor los sgyur bar 'gyur ro/ /rgyal po'i bu dbang bskur ba ni rgyal por 'gyur ro/ /blon po'i bu dbang bskur ba ni blon por 'gyur ro/ /de bzhin du dge slong dbang bskur ba ni slob dpon mchog tu 'gyur ro/ /dge tshul ni slob dpon 'bring por 'gyur ro/ /khyim na gnas pa ni slob dpon tha mar 'gyur ro/ /de'i phyir gsum po rnams las sngar dge slong phyis rdo rje 'dzin par byas pa ni tshogs kyi 'khor lo dang rab gnas la sogs pa la tshogs kyi 'dren pa'o/ /de med na dge tshul te/ de med na khyim na gnas pa'o/ /gang gi tshe slob dpon dge slong yod kyang sbyin pa'i bdag pos tshogs kyi gtso bor mi byed na/ de'i tshe mchod bya dang mchod pa'i rim pa log pas sbyin pa'i bdag po rnams kyi bsod nams phyin ci log tu 'gyur te/ ngur smrig gi rtags sun 'byin pa'i phyir ro/ /de ltar yon tan thams cad ldan/ /thams cad mkhyen pa'i rgyal mtshan 'dzin/ /mi dge bcu po spangs pa ni/ /tshogs kyi 'khor lo'i gtso bor bya/ /snying brtse med cing khro la gdug /
- 42a
khengs dang brkam chags ma bsdams pa/ /rang la bstod pa rtag tu ni/ /sangs rgyas bde 'dod pas mi bya/ /gang zhig khyim pa bsti gnas spyod/ /bshol 'dzugs tshong pa gcam bu ba/ /rmongs pa dam chos 'tshong ba ni/ /tshogs kyi 'khor lo'i gtso bor min/ /zhes pa'o/ /de ltar rdo rje slob dpon thams cad mkhyen pa'i rgyal mtshan 'dzin pa/ dpa' bo'i ston mo la sbyin pa'i bdag pos shar du phyogs par bzhag par bya'o/ /de'i g.yas kyi char rgan pa dang gzhon pa'i rim pas slob dpon dge slong gi gral shar du phyogs par bya'o/ /de nas bden bral nas brtsams te me'i mthar thug por rgan pa dang gzhon pa'i dbye bas slob dpon dge tshul gyi gral byang du phyogs par bya'o/ /dbang ldan nas brtsams te rlung gi mthar thug par rgan pa dang gzhon pa'i dbye bas slob dpon khyim pa'i gral lhor phyogs par bya'o/ /rlung nas brtsams te bden bral gyi mthar thug par slob dpon dge slong gi gral bya'o/ /tshogs kyi bdag po'i dbang du byas pa'i shar du bza' ba dang btung ba la sogs pa bzhag par bya'o/ /dbus su rdul tshon gyi dkyil 'khor med na/ ba byung gi mandal gru bzhi pa byas te der dri dang me tog la sogs pa rnams kyis mchod par bya zhing tshogs kyi bdag po'i g.yon du las kyi phyag rgya cig bzhag nas tshogs kyi bdag po'i phyag rgya bya'o/ /rnam pa gzhan du rnal 'byor ma dang bral ba ni tshogs kyi bdag po'i btung bar mi 'gyur bas/ dpa' bo'i longs spyod la yang gdon mi za bar sbyin pa'i bdag pos tshogs kyi bdag po la bsod nams 'phel ba'i don du phyag rgya dbul bar bya'o/ /gal te gang du dge slong rdo rje 'dzin pa'i dbang du rgan po rmongs pa dang gzhon pa ston pa por gyur pa der gzhon pa tshogs kyi bdag po ste/ rgan po rmongs pa ni khyim gzhan du tshim par bya'o/ /de bzhin du rgyud gzhan dang gzhan du dbang bskur ba'i rnal 'byor ma rnams kyang khyim so sor mchod
- 42b
par bya'o/ /sngar dge slong ma dbang skur ba thob pa rnams rgan pa dang gzhon pa'i dbye bas shar du mngon par bya'o/ /dge tshul ma dbang bskur ba rnams byang du phyogs pa'o/ /dge bsnyen ma dbang bskur ba rnams lhor mngon par phyogs par bya'o/ /tshogs kyi bdag mo'i g.yon du sbyin pa'i bdag pos thabs bzhag par bya'o/ /rnam pa gzhan du thabs dang bral ba'i tshogs kyi bdag mos sha bza' bar mi bya'o/ /des na dpa' mo'i ston mo la gdon mi za bar sbyin pa'i bdag pos thabs dang dbul bar bya'o/ /lhag ma dkyil 'khor la sogs pa snga ma bzhin dbus su ste/ bza' ba dang btung ba la sogs pa shar du'o/ /de nas tshogs kyi gtso bo la sogs pa'i g.yon skor gyis bza' ba ston mo dbul zhing/ gtung ba ni khaM phor ram/ nA ri ke la sogs pa'i snod du dbul bar bya'o/ /de'i phyir chang la sogs pa spyad par bya ba dang/ rtogs par bya ba dang sbar bar bya bas bdud rtsir bya ste/ gtor ma la sogs pa phul nas sngar bshad pa'i ril bus bsang gtor byas nas/ de nas lag pa g.yon pa dang oM yig gis sbyang bar bya'o/ /lag pa g.yas pa dang A: yig gis rtogs par bya'o/ /gnyis kas bkab ste hUM yig gis sbar bar bya'o/ /nam mkha' lding gi phyag rgya dang ho:yig gis bdud rtsir bya ste/ tshang gi thig les g.yon pa'i ming med kyi rtse mos sa la chos 'byung gru gsum byas nas/ de'i dbus su thig le ltar zlum por bskor bar bya'o/ /de'i dbus su ye shes kyi 'khor lo lha sum cu rtsa bdun gyi bdag nyid dang zhing gzugs brnyan dang mtshungs pa de 'chad par 'gyur ba'i cho gas tshim par bya'o/ /zhing skyong pa sogs pa rnams kyi grong khyer dang grong gi ming gi yi ge mnyam pa rnams mnyam pa'i ming gi yi ge dang po dang/ ming gi yi ge gsum pa rnams mi mnyam pa'i yi ge ste dang po dang bar dang mdza' i yi ge rnams kyi ming du 'gyur ro/ /dang po oM yig dang dbus su ming dang mthar A:hUM/ che ge mo ba ling grih+Na grih+Na sarbba sa twA nAM shAn+ti tsit+taM
- 43a
ku ru ku ru swAhA/ de bzhin oM ha rI tI paN+Di ke pra tIts+tsha swAhA/ 'phrog ma'i chang bu'i sngags so/ /oM pU ti kI agra gra saM pra tIts+tsha swAhA/ oM A:hUM zhes pa'i sngags kyis mngon par bsngags nas bza' ba'i mdza' ji srid par sa la bzhag par bya'o/ /oM kha kha khA hi khA hi uts+tshiSh+Ta pa li b+hak+Sha ka swAhA/ lhag ma'i gtor ma'i sngags so/ /ji ltar skabs su bab pa'i dus na thams cad re re zhing bya'o/ /de nas slob dpon slob ma dang bcas pa thams cad kyis bza' ba dang btung ba bya'o/ /gang gi tshe 'ga' zhig 'thab dang rtsod pa byed pa de bskrad par bya'o/ /de bzhin du dge tshul dang khyim pa nga rgyal byed na de'i tshe nus pa dri bar bya'o/ /gal te mngon par shes pa lnga la sogs pa'i nus pa ston par byed na/ de'i tshe de thams cad kyis thams cad du tshogs kyi gtso bo'o/ /rnam pa gzhan du thos pa'i mngon pa'i nga rgyal dang/ dbang bskur bas rgan pa'i mngon pa'i nga rgyal gyis dge tshul dang khyim na gnas pa tshogs kyi gtso bor mi 'gyur ro/ /gang zhig sngar dge slong yin pa de thams cad du tshogs kyi gtso bo'o/ /gal te dpa' bo'i ston mo la bskrad pa de chad pa 'bul na/ de'i tshe bza' ba dang btung ba la sogs pa'i chad pa sbyin par bya ste/ de ni tshogs kyi bdag pos so/ /de ltar sbyin pa'i bdag pos tshogs kyi 'khor lo dang dpa' bo'i ston mo la thams cad du slob dpon gyis bsgrub par bya'o/ /da ni sngags bsgrub pa'i cho ga brjod par bya ste/ 'dir 'chad par 'gyur ba'i tshigs su bcad pas dkyil 'khor bzhengs pa dang sngags bsgrubs pa'i gnas bstan pa gsungs pa 'di lta ste/ ri bo tshang tshing ri sul dang/ /rgya mtsho chen po'i 'gram dang ni/ /gdod nas grub pa'i dur khrod du/ /der ni dkyil 'khor bri bar bya/ /zhes pa las rab 'byam 'jig rten pa'i dngos grub bsgrub pa'i don du bcom ldan 'das kyis gsungs so/ /de la gsungs pa'i gnas su 'chad par 'gyur ba'i dkyil 'khor bzhengs nas ri bo'i steng du rengs pa dang rmongs pa dang phur bus btab pa bsgrub par bya'o/ /tshang tshing shing ljon pa rgyas par dkyil
- 43b
'khor bzhengs nas dbang dgug pa bsgrub par bya'o/ /ri sul chu dang 'bab chu'i 'gram du dkyil 'khor bzhengs nas zhi ba dang rgyas pa bsgrub par bya'o/ /rgya mtsho chen po'i 'gram du dkyil 'khor bzhengs nas dbye ba dang bskrad pa dang bsad pa bsgrub par bya'o/ /dur khrod du dkyil 'khor bzhengs nas mkha' 'gro ma'i sngags btub bsgrub par bya'o/ /de bzhin du 'jig rten pa'i dngos grub rnams te/ 'dir ri bor gter gyi dngos grub bsgrub par bya'o/ /tshang tshing du rin po che'i dngos grub bsgrub par bya'o/ /ri sul du ro bcud kyi dngos grub bsgrub par bya'o/ /rgya mtsho chen po'i 'gram du ral gri'i dngos grub bsgrub par bya'o/ /dur khrod du mig sman gyi dngos grub bsgrub par bya'o/ /gzhan yang gnas de rnams su gsungs pa'i cho gas gsang sngags bsgrub par bya'o/ /'dir dang por re zhig dur khrod du dkyil 'khor bzhengs nas mchod pa chen po bya ste/ lo dang po'i nag pa'i ha la rtsa ba'i sngags kyis mchod yon phul nas/ mi'i so'i bgrad 'phreng gis rtsa ba'i sngags zla ba so so la 'bum phrag gsum bzlas par bya zhing/ lnga pa la sogs pa rdzogs pa so so la las ram 'byam du gsungs pa'i rdzas rnams kyi bcu chas sbyin sreg bya'o/ /de ltar lo gcig gis 'bum phrag sum cu rtsa drug bzlas par bya zhing/ sbyin sreg khri phrag sum cu rtsa drug bya'o/ /oM sh+rI badzra he he ru kaM huM hUM phaT DA ki ni dzA la saM ba ra swAhA zhes pa rtsa ba'i sngags so// de nas lo gnyis pa la cho ga de nyid kyi snying po'i sngags lo gcig gi bar du bzla zhing sbyin sreg bya ste/ oM h+raM h+riM h+reM hUM phaT ces pa snying po'i sngags yi ge drug pa'o/ /slar yang cho ga de nyid kyis lo gsum pa la nye ba'i snying po bzla zhing sbyin sreg bya ste/ oM h+rI ha ha huM hUM phaT ces pa snying po'i sngags yi ge bdun pa'o/ /de nas lo bzhi pa la cho ga de nyid kyi go cha'i sngags bzla zhing sbyin sreg bya ste/ oM h+rA h+rUM hwI h+reM h+ra:hUM hUM phaT zhes pa go cha'i sngags yi ge brgyad pa'o/ /de nas lo lnga pa la cho ga de nyid kyis rdo rje phag mo'i snying po'i sngags
- 44a
bzla zhing sbyin sreg bya ste/ oM badzra bai ro tsa nI ye hUM phaT zhes pa snying po'i sngags yi ge bcu pa pha rol tu phyin pa bcu rnam par dag pa'o/ /de nas lo drug pa la cho ga de nyid kyis lha mo'i go cha'i sngags bzla zhing sbyin sreg bya ste/ oM yoM maM hAM h+rIM huM hUM phaT zhes pa/ go cha chen mo'i sngags yi ge brgyad pa'o/ /de ltar lo drug po rnams kyis sngags drug pa rnams bye ba phrag gnyis dang 'bum phrag bcu drug bzlas shing/ sbyin sreg 'bum phrag nyi shu rtsa gcig dang khri phrag drug bya ste/ de rnal 'byor pa'i lus ngag par 'gyur ro/ /da ni zhal bzhi rnam par dag pa'i don du zhal bzhi pa'i sngags kyi bzlas pa brjod par bya'o/ /'dir chu srin gyi 'pho ba la rgya mtsho chen po'i 'gram du dkyil 'khor bzhengs te mkha' 'gro ma la mchod yon phul nas zla ba so so la shar gyi zhal gyi sngags mkha' 'gro ma'i ming dang lhan cig pa huM hUM phaT kyi mdza' can 'bum phrag gsum bzlas pa bya zhing rdzogs pa so so la bcu cha'i sbyin sreg bya ste/ oM sum+b+ha ni sum+b+ha badzra DA ki ni huM hUM phaT ces pa shar gyi zhal gyi sngags yi ge bcu bzhi pa'o/ /zla ba gsum gyis las rab 'byam gyi sgrub thabs su gsungs pa'i bgrang phreng gis 'bum phrag dgu bzlas par bya zhing sbyin sreg khri phrag dgu byas te zla ba dang po la mi'i rus pa'i bgrang phreng dang/ gnyis pa la rnga mo'i rus pa'i bgrang phreng dang/ gsum pa la bong bu'i rus pa'i bgrang phreng gi bzlas pa bya zhing/ las rab 'byam du gsungs pa'i rdzas rnams kyis sbyin sreg bya'o/ /de nas lug gi 'pho ba la tshang tshing du dkyil 'khor bzhengs te/ ldam la mchod yon phul nas zla ba so so la 'bum phrag gsum bzlas pa bya zhing/ rdzogs pa so so la bcu cha'i sbyin sreg bya'o/ /so sor rdzogs pa la dang po'i zla ba la pad+ma'i phreng bas so/ /gnyis pa la tsan dan dmar po'i phreng bas so/ /gsum pa la lung tang dmar po'i phreng bas so/ /de ltar bzlas pa 'bum phrag dgu dang/ sbyin sreg khri phrag dgu byas te/ oM
- 44b
grih+Na grih+Na badzra lnga me huM hUM phaT ces pa lho'i zhal gyi sngags yi ge bcu gnyis pa'o/ /de nas karka Ta'i 'pho ba la ri bor dkyil 'khor bzhengs te/ dum skyes ma la mchod yon phul nas zla ba so so la nub kyi zhal gyi sngags 'bum phrag gsum bzlas pa bya zhing/ bcu cha'i sbyin sreg bya'o/ /zla ba dang po la bo da tse'i bgrang phreng dang/ zla ba gnyis pa la ru rAk+Sha'i bgrang phreng dang/ zla ba gsum pa la lung tang gi bgrang phreng gis bzlas pa bya zhing/ las rab 'byam du gsungs pa'i rdzas rnams kyi sbyin sreg bya'o/ /oM grih+NA pa ya grih+NA pa ya badzra kha tra ro hi huM hUM phaT ces pa nub kyi zhal gyi sngags yi ge bco brgyad pa ste 'bum phrag dgu bzlas pa bya zhing/ sbyin sreg khri phrag dgu bya'o/ de nas srang gi 'pho ba la ri sul du dkyil 'khor bzhengs te/ gzugs can ma la mchod yon phul nas zla ba so so la byang gzhal gyi sngags 'bum phrag gsum bzlas pa bya zhing las rab 'byam du gsungs pa'i rdzas rnams kyis khri phrag gsum sbyin sreg bya'o/ zla ba dang po la shel gyi bgrang phreng dang/ gnyis pa la mu tig gi 'bru'i bgrang phreng dang/ gsum pa la dung gi bgrang phreng gis so/ / de ltar zla ba gsum gyis 'bum phrag dgu bzlas shing khri phrag dgu sbyin sreg bya'o/ /oM A na ya ho b+ha ga wAn badzra rU pa Ni yi ge huM hUM phaT ces pa byang gi zhal gyi sngags yi ge bco brgyad pa bzlas shing sbyin sreg bya'o/ /de ltar lo gcig gis 'bum phrag sum cu rtsa drug bzlas par bya zhing/ /'bum phrag gsum dang khri phrag drug sbyin sreg bya ste/ de nas zhal dag par 'gyur ro/ /da ni kha dang rna ba la sogs pa rnam par dag pa'i don du rkang pa brgyad pa'i sngags bzlas pa brjod par bya'o/ /'dir lo gnyis pa la chu srin phyi 'pho? la rgya mtsho chen po'i 'bram du dkyil 'khor bzhengs te khwa gdong mal mchod yon phul nas phyogs dang po la mi'i so'i bgrang phreng gis bzlas pa bya'o/ /gnyis pa la rnga mo'i so'i bgrang phreng dang/ gsum pa la bong bu'i so'i bgrang phreng gis so/ /de ltar phyed bcas
- 45a
zla ba phyed dang bcas pa'i 'bum phrag bzhi bzlas bar bya zhing/ shar gyi zhal gyi las rab 'byam du gsungs pa'i rdzas rnams kyis sbyin sreg khri phrag phye ba dang bcas pa bzhi bya'o/ /oM na mo b+ha ga wa te wI re shA ya badzra kA kA sye huM hUM phaT ces pa rkang ba dang po'i sngags yi ge bcu dgu pa'o/ /de nas bum pa'i phyed la tshang ching du dkyil 'khor bzhengs te/ 'ug gdong ma la mchod yon phul nas lA mal brjod pa'i bgrang phreng gi phyogs gsum la phyed dang bcas pa'i 'bum phrag bzhi'i sngags bzlas shing bcu cha'i sbyin sreg bya ste/ oM mahA kalpAgni si ni b+hA ya badzro lu kA huM hUM phaT ces pa rkang pa gnyis pa'i sngags yi ge bco brgyad pa'o/ /de nas lug gi 'pho ba la ri bong dkyil 'khor bzhengs te khyi gdong ma la mchod yon phul nas zla ba phyed dang bcas par dum skyes ma la brjod pa'i bgrang phreng gis phyed dang bcas pa'i 'bum phrag bzhis sngags bzlas shing bcu chas sbyin sreg bya ste/ oM dzaT ma ku ToTka TA ya badzra shwAnA sye huM hUM phaT ces pa rkang pa gsum pa'i sngags yi ge bcu bdun pa'o/ /de nas khyu mchog gi phyed kyi nyin zhag la ri sul bu dkyil 'khor bzhengs te/ phag gdong ma la mchod yon phul nas/ zla ba phyed dang bcas par gzugs can ma la brjod pa'i bgrang phreng gis phyed dang bcas pa'i 'bum phrag bzhis bzlas pa bya zhing phyed dang bcas pa'i khri phrag bzhi sbyin sreg bya ste/ oM daMSh+TA ka rA lo gra b+hI Sha Na mu khA ya badzra shu kA rA sya huM hUM phaT ces pa rkang pa bzhi pa'i sngags yi ge nyi shu rtsa gnyis pa'o/ /de nas karka Ta 'char ba na pad+ma'i mtshor ri sul ltar dkyil 'khor bzhengs te/ gshin rje brtan ma la mchod yon phul nas/ gzugs can ma la brjod pa'i bgrang phreng gi cho gas/ phyed dang bcas pa'i zla bar phyed dang bcas pa'i 'bum phrag bzhis bzlas pa bya zhing/ bcu chas sbyin sreg bya'o/ /oM sa ha sra b+hu dza b+h+ra su rA ya badzra ya ma dA DhI huM hUM phaT ces pa rkang pa lnga pa'i sngags yi ge bcu dgu pa'o/ /de nas seng ge'i
- 45b
phyed kyi nyin zhag la ri bor dkyil 'khor bzhengs te/ gshin rje pho nya mo la mchod yon phul nas/ dum skyes ma la brjod pa'i bgrang phreng dang cho gas phyogs gsum gyi phyed dang bcas pa'i 'bum phrag bcu bzhis bzlas pa bya zhing/ bcu chas sbyin sreg bya ste/ oM pa ra shu pa sho dya ta shU phaT khaTwAM ga d+ha ri Ne badzra ya ma rU tI huM hUM phaT ces pa'i rkang pa drug pa'i sngags yi ge nyi shu rtsa lnga pa'o/ /de nas srang gi 'pho ba la skyed mos tshal du dkyil 'khor bzhengs te/ gshin rje mche ba ma la mchod yon phul nas lA mal brjod pa'i bgrang phreng dang cho gas phyed dang bcas pa'i 'bum phrag bzhis bzlas pa bya zhing/ phyed dang bcas pa'i khri phrag bzhi sbyin sreg bya ste/ oM byE g+h+ra dzi nAM ba ra d+ha ra ya badzra ya ma daMSh+Ti Ni huM hUM phaT ces pa rkang pa bdun pa'i sngags yi ge nyi shu pa'o/ /de nas sdig pa'i phyed kyi nyin zhag la rgya mtsho'i 'gram mam/ rgya mtsho med na/ rdzing bu'i 'gram du dkyil 'khor bzhengs te gshin rje 'joms ma la mchod yon phul nas/ rdo rje mkha' 'gro ma la brjod pa'i bgrang phreng dang cho gas phyogs gsum la phyed dang bcas pa'i 'bum phrag bzhi sngags bzlas shing/ rdzogs pa re re la ji srid phyed dang bcas pa'i khri phrag bzhi'i bar du sbyin sreg bya ste de ltar cho ga thams cad la'o/ /oM mahA d+hu m+bAnd+ha kA ra wa pu ShA badzra ya ma ma tha ni huM hUM phaT ces pa rkang pa brgyad pa'i sngags yi ge nyi shu rtsa gnyis pa'o/ /de ltar lo gcig gis 'bum phrag sum cu rtsa drug bzlas pa bya zhing/ sbyin sreg khri phrag sum cu rtsa drug bya ste/ de nas kha dang rna ba dang bshang lam dang sna dang mig dag par 'gyur ro// //da ni yan lag so so'i sngags rkang pa nyi shu rtsa bzhi pa'i bzlas pa brjod par bya'o/ /'dir rgya mtsho'i 'gram ma mam rnyed na 'tsha? can gyi chu 'gram du dkyil 'khor bzhengs te/ mgo'i zla ba'i gnam stong la rab gtum ma la mchod yon phul nas tshes lnga la khri phrag lnga bzlas par bya zhing stong phrag lnga sbyin sreg bya'o/ /de ltar nyin zhag bco lngas sngags 'bum phrag phyed dang bcas pa zlas bar bya zhing
- 46a
sbyin sreg khri phrag phyed dang bcas pa bya ste/ rdo rje mkha' 'gro ma la brjod pa'i bgrang phreng gis so sor sngags khri phrag lnga bzlas pa ni/ oM ka ra ka ra badzra pra tsanDe badzra khaN+Da ka pA li huM hUM phaT ces pa rkang pa dang po'i sngags yi ge nyi shu pa'o/ /de nas mgo'i zla ba'i nya la tshang tshing ngam skyed mos tshal du dkyil 'khor bzhengs te/ gtum mig ma la mchod yon phul nas lA mal brjod pa'i bgrang phreng gis sngar bzhin phyogs gcig gis 'bum phrag phyed dang bcas pa bzlas shing sbyin sreg khri phrag phyed dang bcas pa bya ste/ oM ku ru ku ru badzra tsaN+Da k+Shi badzra mahA kaM ka la huM hUM phaT ces pa rkang pa gnyis pa'i sngags yi ge nyi shu pa'o/ /de nas rgyal gyi zla ba'i gnam stong la ri bor dkyil 'khor bzhengs te/ 'od ldan ma la mchod yon phul nas dum skyes ma la brjod pa'i bgrang phreng gis tshes bco lnga rnams kyis phyed dang bcas pa'i 'bum phrag bzlas shing phyed dang bcas pa'i khri phrag sbyin sreg bya'o/ /oM band+ha band+ha badzra pra b+ha wa ti badzra kaM ka la huM hUM phaT ces pa rkang pa gsum pa'i sngags yi ge bcu dgu pa'o/ /de nas rgyal gyi zla ba'i nya la ri sul lam pad+ma'i mtsho 'gram du dkyil 'khor bzhengs te/ sna chen ma la mchod yon phul nas gzugs can ma la brjod pa'i bgrang phreng gis nyin zhag bco lnga rnams kyis 'bum phrag phyed dang bcas pa bzlas shing khri phrag phyed dang bcas pa bya'o/ /oM trA sa ya trA sa ya badzra mahA nA se badzra bi kaTa daMSh+Ti Ne huM hUM phaT ces pa rkang pa bzhi pa'i sngags yi ge nyi shu rtsa gsum pa'o/ /de nas mchu'i zla ba'i gnam stong la ri sul lam pad+ma'i mtsho 'gram du dkyil 'khor bzhengs te/ dpa' bo'i blo can ma la mchod yon phul nas gzugs can ma la brjod pa'i bgrang phreng gis phyogs gcig la phyed dang bcas pa'i 'bum phrag bzlas shing khri phrag phyed dang bcas pa'i sbyin sreg bya ste/ oM k+Sho b+ha ya k+Sho b+ha badzra bI ra ma ti badzra su ra bai ri huM hUM phaT ces pa rkang pa lnga pa'i sngags yi ge nyi shu rtsa gnyis pa'o/ /de nas mchu'i zla ba'i nya la ri bor dkyil 'khor bzhengs te/ mi'u thung ma la mchod yon phul
- 46b
nas dum skyes ma la brjod pa'i bgrang phreng gis nyin zhag lnga tshan gsum la 'bum phrag phyed dang bcas pa bzla zhing sbyin sreg khri phrag phyed dang bcas par bya'o/ /oM h+roM h+roM badzra kharbbA ri badzra mi tA b+hA huM hUM phaT ces pa rkang pa drug pa'i sngags yi ge bcu drug pa'o/ /de nas dang po'i zla ba'i gnam stong la tshang tshing ngam skyed mos tshal du dkyil 'khor bzhengs te/ lang ka'i dbang phyug ma la mchod yon phul nas nyin zhag lnga tshan gsum pa la lA ma la brjod pa'i bgrang phreng gis 'bum phrag phyed dang bcas pa bzla zhing sbyin sreg khri phrag phyed dang bcas pa bya'o/ /oM h+ra: h+ra(rgyud 'grel): badzra laM ka shwa rI badzra pra b+hA huM hUM phaT ces pa rkang pa bdun pa'i sngags yi ge bcu drug pa'o/ /de nas dbo'i zla ba'i nya la rgya mtsho'i 'gram mam ba tsha can gyi chu 'gram mam khron pa'i 'gram du dkyil 'khor bzhengs te/ shing grib ma la mchod yon phul nas/ mkha' 'gro ma la brjod pa'i bgrang phreng gis nyin zhag lnga tshan gsum pa la 'bum phrag phyed dang bcas pa bzla zhing sbyin sreg khri phrag phyed dang bcas pa bya'o/ /oM pheM pheM badzra dru mats+tshA ye badzra de ha huM hUM phaT ces pa rkang pa brgyad pa'i sngags yi ge bcu drug pa'o/ /de ltar nag pa'i zla ba'i gnam stong la/ rab gtum ma la brjod pa'i cho gas/ sa srungs ma la mchod yon phul nas sngags bzla zhing sbyin sreg bya'o/ /oM da ha da ha badzre rA ba ti badzrI ku ri ka huM hUM phaT ces pa rkang pa dgu pa'i sngags yi ge bco brgyad pa'o/ /de nas nag pa'i zla ba'i nya la gtum mig la la brjod pa'i cho gas 'jigs byed chen mo la mchod yon phul nas sngags bzla zhing sbyin sreg bya'o/ /oM pa tsa pa tsa badzra mahA bair be badzra dza Ti la huM hUM phaT ces pa rkang pa bcu pa'i sngags yi ge nyi shu pa'o/ /de nas sa ga'i zla ba'i gnam stong la 'od ldan ma la brjod pa'i cho gas rlung shugs ma la mchod yon phul nas sngags bzla zhing sbyin sreg bya'o/ /oM b+hak+Sha b+hak+Sha badzra bA yu be go badzra mahA bi ra huM hUM phaT ces pa rkang pa bcu gcig pa'i sngags yi ge nyi shu pa'o/ /de nas sa ga'i zla ba'i nya la sna chen ma la brjod pa'i cho gas chang 'thung ma la mchod yon phul nas
- 47a
sngags bzla zhing sbyin sreg bya'o/ /oM ba sa ru d+hi rAn+t+ra mA lA ba la bi ne grih+Na grih+Na badzra su ra b+hak+Shi badzra hUM ka ra hUM hUM phaT ces pa rkang pa bcu gnyis pa'i sngags yi ge sum cu rtsa gcig pa'o/ /de nas snron gyi zla ba'i gnam stong la dpa' bo'i blo can ma la brjod pa'i cho gas lha mo sngo bsangs ma la mchod yon phul nas sngags bzla zhing sbyin sreg bya'o/ /oM sapta pA tA la ga ta b+hu dza ga sarbaM bA tardza ya tardza ya badzra sh+yA ma de wI badzra su b+ha dre huM hUM phaT ces pa rkang pa bcu gsum pa'i sngags yi ge sum cu rtsa bzhi pa'o/ /de nas snron gyi zla ba'i nya la mi'u thung ma la brjod pa'i cho gas shin tu bzang mo la mchod yon phul nas/ sngags bzla zhing sbyin sreg bya'o/ /oM A kaDDhya A kaDDhya badzra su b+ha dre badzra pra b+ha dra ye huM hUM phaT ces pa rkang pa bcu bzhi pa'i sngags yi ge bcu dgu pa'o/ /de nas chu stod kyi zla ba'i gnam stod la mang ka'i dbang phyug ma la brjod pa'i cho gas rta rna ma la mchod yon phul nas sngags bzla zhing sbyin sreg bya'o/ /oM h+riM h+riM badzra ha ya kar+Ne badzra mahA bai ra ba huM hUM phaT ces pa rkang pa bco lnga pa'i sngags yi ge bcu dgu pa'o/ /de nas chu stod kyi zla ba'i nya la shing grib ma la brjod pa'i cho gas/ mkha' 'gro gdong ma la mchod yon phul nas sngags bzla zhing sbyin sreg bya'o/ /oM dz+nyauM dz+nyauM badzra kha gA na ne badzra birU pAk+Sha huM hUM phaT ces pa rkang pa bcu drug pa'i sngags yi ge bco brgyad pa'o/ /de nas gro zhun gyi zla ba'i gnam stong la rab gtum ma la brjod pa'i cho gas/ 'khor lo'i shugs can mal mchod yon phul nas/ sngags bzla zhing sbyin sreg bya'o/ /oM k+Sh+mAM k+Sh+mAM badzra tsakra be ge mahA ba la hUM hUM phaT ces pa rkang pa bcu bdun pa'i sngags yi ge bco brgyad pa'o/ /de nas gro zhun gyi zla ba'i nya la gtum mig ma la brjod pa'i cho gas/ /dum skyes ma la mchod yon phul nas sngags bzla zhing sbyin sreg bya'o/ /oM hAM hAM badzra khaN+Da ra he badzra ratna badzra hUM hUM phaT ces pa rkang pa bco brgyad pa'i sngags yi ge bco brgyad pa'o/ /de nas khrus? kyi zla ba'i gnam stod la 'od ldan ma la brjod pa'i cho gas shauN+Di ni la mchod yon phul nas sngags bzla zhing sbyin sreg bya'o/ /oM hIM hIM badzra shauN+Di nI ye badzra
- 47b
ha ya grI ba huM hUM phaT ces pa rkang pa bcu dgu pa'i sngags yi ge bcu bdun pa'o/ /de nas khrums kyi zla ba'i nya la sna chen ma la brjod pa'i cho gas/ 'khor lo'i go cha ma la mchod yon phul nas sngags bzla zhing sbyin sreg bya'o/ /oM huM hUM badzra tsakra warmi ni badzra A ka sha garb+ha huM hUM phaT ces pa rkang pa nyi shu pa'i sngags yi ge bcu dgu pa'o/ /de nas tha skar gyi zla ba'i gnam stong la dpa' bo'i blo can ma la brjod pa'i cho gas/ shin tu dpa' mo la mchod yon phul nas sngags zla zhing sbyin sreg bya'o/ /oM ki li ki li badzra su bI re badzra he ru ka huM hUM phaT ces pa rkang pa nyi shu rtsa gcig pa'i sngags yi ge bco brgyad pa'o/ /de nas tha skar gyi zla ba'i nya la mi'u thung ma la brjod pa'i cho gas stobs chen ma la mchod yon phul nas sngags bzla zhing sbyin sreg bya'o/ /oM si li si li badzra mahA ba le badzra pad+ma ni rte shwa ra huM hUM phaT ces pa rkang pa nyi shu rtsa gnyis pa'i sngags yi ge nyi shu rtsa gnyis pa'o/ /de nas smin drug gi zla ba'i gnam stong la lang ka'i dbang phyug ma la brjod pa'i cho gas/ 'khor los bsgyur ma la mchod yon phul nas sngags bzla zhing sbyin sreg bya'o/ /oM hi li hi li badzra tsakra wart+ti ne badzra bai ro tsa na hUM hUM phaT ces pa rkang pa nyi shu rtsa gsum pa'i sngags yi ge nyi shu rtsa gcig pa'o/ /de nas smin drug gi zla ba'i nya la shing grib ma la brjod pa'i cho gas dkyil 'khor bzhengs te/ brtson 'grus chen mo la mchod yon phul nas nyin zhag lnga tshan gsum gyi sngags 'di 'bum phrag phyed dang bcas pa bzla zhing/ khri phrag phyed dang bcas pa'i sbyin sreg bya ste/ oM d+hi li d+hi li badzra mahA bIrye badzra satwa huM hUM phaT ces pa rkang pa nyi shu rtsa bzhi pa'i sngags yi ge bco brgyad pa'o/ /de ltar lo gsum pa la rkang pa nyi shu rtsa bzhi pa'i sngags 'bum phrag sum cu rtsa drug bzla zhing sbyin sreg khri phrag sum cu rtsa drug bya'o/ /de ltar lo gsum gyi 'bum phrag brgyad lhag pa'i byi ba bzla zhing sbyin sreg khri phrag brgyad lhag pa'i 'bum phrag bcu bya'o/ /de nas rnal 'byor pa rnams kyi yan lag so so rnam par dag par 'gyur ro zhes pa sngags bzlas pa'i
- 48a
cho ga'o/ /yang na rkang pa nyi shu rtsa bzhi pa'i sngags 'pho ba bcu gnyis pa'i phyogs nyi shu rtsa bzhi rnams kyis brjod pa'i cho gas bzlas par bya'o/ /sdig pa'i 'pho ba dang sdig pa'i phyed kyi nyin zhag la'o/ /de lta bur dus sbyor bcu gnyis kyi phyed la nyi mas longs spyod pa na dkyil 'khor bzhengs te/ rang rang gi sngags kyis mchod yon phul nas/ de nas sngags bzla zhing sbyin sreg bya ste/ ji srid tshogs kyi 'khor lo byed pa na lha'i nges par 'gyur ba lo bcu gnyis kyi bar du rkang pa nyi shu rtsa bzhi pa'i sngags bzlas par bya'o/ /sngags kyis tshig thams cad la sngon du oM yig go /de nas yan lag so so'i tshig go /de nas badzra sngon du 'gro ba'i pho nya mo rnams kyi ming dang dpa' bo rnams kyi ming yang ngo/ /gang la ming gi sngon du badzra med pa der hUM yig dang po thung ngu dang phyi mar ring po ste de'i mthar phaT yig gcig go /gang la mthar hUM yig gsum yod pa der thams cad ring po ste phaT yig gnyis so zhes pa thams cad du sngags bzlas pa'i nges pa'o/ /'dir rtsa ba'i sngags la sogs pa sngags thams cad ni so so'i las kyis rjes su 'thun pas mthar hUM phaT ces pa'i yi ge'i gnas su lha spyan drang ba la swAhA'i mdza' can du bya'o/ /de bzhin du arg+ha'i gnas su yang mchod pa na ma:I mdza' can de zhi ba'i sngags bzlas pa la yang ngo/ /rgyas pa'i sngags bzlas pa la swAhA'i mdza' can no/ /dgug pa'i bzlas pa la bau ShaT kyi mdza' can no/ /dbang du bya ba'i bzlas pa la wa ShaT kyi mdza' can no/ /g.yon pa dang g.yas pa'i zhal du gsungs pa'i cho ga la'o/ /shar dang nub kyi zhal du gsungs pa'i cho ga la hUM hUM phaT ces pa'i mdza' can du thams cad la bya'o/ /sbyin sreg gi sngags thams cad du swAhA'i mdza' can te g.yon pa dang g.yas pa'i zhal du gsungs pa'i las kyi cho ga la'o/ /shar dang nub kyi zhal du gsungs pa'i las kyi cho ga dang sbyin sreg gi sngags thams cad la hUM phaT ces pa'i mdza' can du bya'o/ /phyin ci log pa'i sngags bzlas pa dang sbyin sreg gi cho ga dang phyin ci log pa'i gnas su dkyil
- 48b
'khor bzhengs pa dang phyin ci log pa'i thab khung dang phyin ci log pa'i sbyin sreg gi rdzas rnams kyis byis pa rnams kyi dngos grub bsgrubs pa thams cad 'bras bu med par 'gyur ro/ /de'i phyir 'chad par 'gyur ba'i dkyil 'khor bzhengs te sngags kyi lha rnams la mchod yon phul nas sngags bzlas par bya zhing/ 'chad par 'gyur ba'i thab khung rnams su/ 'chad par 'gyur ba'i sbyin sreg gi rdzas rnams kyis lo bcu gnyis kyi mthar thug par sbyin sreg bya zhing sngags bsgrub par bya ste/ ji srid tshogs kyi 'khor lo bya ba'i phyir/ 'dir 'dod pa'i lha'i nges par ma gyur pa'i bar du'o/ da nas phyogs gsum du tshogs kyi 'khor lo bya ste/ lha dang sngags kyi stobs kyis zla ba nya la tshogs kyi gtso bor gyur nas/ cho ga 'dis sgrub pa po tshogs kyi 'khor lo dang lhan cig 'grub par 'gyur ro/ /cho ga gzhan gyis sngags gcig lo bcu gnyis rnams kyis bsgrubs te/ lha'i nges pas las kyi phyag rgya gcig bstan na 'grub par 'gyur ro/ /de thams cad du 'jig rten pa'i dngos grub rnams kyi snod du 'gyur te/ brtson 'grus dman pa'i phyir tshogs kyi 'khor lo la dngos grub bsgrubs pa rnams kyi mngag gzhal par bya'o/ /de nas dus kyi khyad par gyis pho nya lhan cig skyes pa grub pa rnams mchod de/ sngar bshad pa'i cho gas rnal 'byor pas 'jig rten pa'i dngos grub thams cad kyi sgrub thabs bsgrubs par bya'o zhes pa bcom ldan 'das he ru ka mngon par brjod pa 'bum pa'i nges pa'o/ /phyag na rdo rje bdag gi 'grel bshad 'dis dpa' bo'i dbang po'i nges pas thabs yongs su shes pa rnams kyi dngos grub thams cad bsgrub pa'i phyir ro/ /pho nya mo sum cu rtsa drug dus kyi khyad par gyis mchod pa'i cho ga brjod pa'i nges pa'o/ /zhes pa pho nya mo mchod pa'i cho ga'i nges pa'o/ /da ni dman pa dang 'bring dang mchog gi dngos grub ster ba brjod par bya ste/ pho nya zhes pa la sogs pas lhan cig skyes pa grub pa brtson 'grus chen mo la sogs pa nyi shu rtsa bzhi dang rdo rje sems dpa' la sogs pa grub pa'i dpa' bo rnams so//
- 49a
de rnams kyi brgyad ni dman pa sa 'og la gnas pa ste/ sa 'og gi dngos grub stsol ba'i phyir ro/ /de bzhin du brgyad ni bar mas steng na gnas pa na rgyal srid la sogs pa'i dngos grub ster ba'i phyir ro/ /brgyad ni mchog nam mkha' la spyod pa ste/ 'dod pa na spyod pa'i dngos grub ster ba'i phyir ro/ /mkha' 'gro ma la sogs pa bzhi yang mchog ste gzugs na spyod pa'i dngos grub ster ba'i phyir ro/ /khwa gdong ma la sogs pa rnams kyang dman pa ste yi dags dang dud 'gro'i dngos grub ster ba'i phyir ro zhes pa de ltar 'jig rten pa'i bden pas rnal 'byor pa rnams kyi gang cung zad bsgrub par bya ba de thams cad kyi 'bras bu dngos grub rnam pa gsum ste dman pa dang bar ma dang mchog go/ de'i phyir gang gis rnal 'byor pa rnams kyi rga ba dang 'chi ba zad pa'i rgyur gyur pa'i sangs rgyas nyid du mi 'gyur ba de bsgrubs pas ci zhig 'byung bar 'gyur/ de ltar shes par bya ste/ thar pa 'dod pa'i rnal 'byor pa rnams kyis/ /yid ni nang du chud pa yis/ /'dod pa'i dngos grub bsgom par bya/ /zhes pa de bzhin gshegs pa'i nges pa'o/ /da ni phyag rgya chen po bsgom par bya ste/ yid ni nang du chud pa yis zhes pa la sogs pas so/ /sngags kyi tshul 'dir shes rab dang thabs kyi rgyud rnams su rdo rje'i tshig 'di dgongs pa'i skad gzhan gyi rgyud dang rgyud gzhan gyis rtogs par bya'o/ /yid ni nang du chud pa yis/ zhes pa rkang pa 'di'i tshig snga ma la sogs pa 'di yang rdo rje'i tshig ste/ dpal 'dus pa stong phrag nyi shu lnga par sangs rgyas bcom ldan 'das kyis gsungs pa/ rdo rje'i skyil krung gis sems ni/ nor bu'i nang du gnas par blta/ /rgyu 'thun la sogs bde ba rdzogs/ /dri ma med pa'i bar du bsgom zhes pa dang/ de bzhin du b+ha gar ling ga rab bzhag nas/ /byang chub sems ni spro mi bya/ /khams gsum pa ni ma lus pa/ /sangs rgyas gzugs su bsgom par bya/ /zhes pa'o/ /'dir tshigs su bcad pa gnyis po 'dis rdo rje'i tshig 'di'i bsdus pa'i don rtogs par bya ste/
- 49b
rgyud 'dir tshigs su bcad pa phyed kyi gsungs so zhes pa'o/ /'dir rdo rje'i nor bu'i nang du gnas pa'i byang chub kyi sems la yid ni nang du chud pa zhes brjod do/ /yid nang du chud pas 'dzag pa med pa'i byang chub kyi sems des/ las kyi phyag rgya 'am ye shes kyi phyag rgya dang 'grogs pa na khams gsum po'i mtshan nyid sangs rgyas kyi gzugs su bsgom par bya'o/ zhes pa khams gsum pa 'dod pa dang gzugs dang gzugs med pa'i mtshan nyid brtan pa dang g.yo ba dang dngos po med pa'i rang bzhin rnam pa thams cad kyi mchog dang ldan pa'i bdag nyi ma lus pa rnal 'byor pas bsgom par bya'o/ /de nyid shes rab kyi pha rol tu phyin pa rnam pa thams cad kyi mchog dang ldan pa'o/ /de yang rgyud 'dir bcom ldan 'das kyis 'dod pa'i dngos grub tu gsungs te shes rab kyi rgyud 'di nyid las so/ /'dod pa'i dngos grub de rnal 'byor pas bsgom par bya'o/ / 'dir 'dod pa ni 'dod chags chen po rdo rje sems dpa' don chen po mchog tu mi 'gyur ba'o/ /dngos grub ni phyag rgya chen po shes rab kyi pha rol tu phyin pa rnam pa thams cad kyi mchog dang ldan pa'o/ /de ltar na 'dod pa ni dmigs pa med pa'i snying rje chen po'o/ /dngos grub ni dmigs pa dang bcas pa'i chen po stong pa nyid de/ rnal 'byor pa rnams kyis rang rig pa nyid kyi phyir ro/ /las kyi phyag rgya dang ye shes kyi phyag rgya'i dngos grub dag las gong ma'i dngos grub bo/ /phyag rgya chen po 'dod pa'i dngos grub de ni thams cad mkhyen pa nyid dang rnam pa thams cad mkhyen pa nyid dang lam mkhyen pa nyid dang lam gyi rnam pa thams cad mkhyen pa nyid dang/ stobs bcu dang mi 'jigs pa bzhi la sogs pa sangs rgyas kyi yon tan mdza' dag ster bar byed pa mo ste/ sangs rgyas nyid kyi phyir bsgom par bya'o zhes pa rgyud dang rgyud gzhan rnams de bzhin gshegs pa'i nges pa ste/ rgyud ni rgyud gzhan gyis rtogs par bya'o zhes pa de bzhin gshegs pa'i gsung las so/ /'di nyid bsgom pa rnam pa gnyis te/ sngon du gzugs brnyan bsgom pa dang/ phyi nas gzugs brnyan bsgom pa'o/ /sngon du gzugs brnyan bsgom
- 50a
pa ni du ba la sogs pa'i mtshan ma gzugs brnyan gyi mthar thug par bsgom pa'o/ /phyi nas bsgom pa ni gzugs brnyan mthong ba nas b+ha gar ling ga bkod de mchog tu mi 'gyur ba'i bde ba 'phel ba'i don du bsgom pa'o/ /slar yang bde ba chen po 'phel ba'i phyir las kyi phyag rgya dang ye shes kyi phyag rgya yongs su spangs te/ phyag rgya chen po bsgom par bya'o/ /'dir las kyi phyag rgya dang ye shes kyi phyag rgya bsgom pa dgag pa ni/ bcom ldan 'das kyis mchog gi dang po'i sangs rgyas stong phrag bcu gnyis par gsungs so/ /de ltar yang bcom ldan 'das kyis gsungs pa/ las kyi phyag rgya yongs dor zhing/ /ye shes phyag rgya rnam spangs te/ /mchog tu mi 'gyur rnal 'byor gyis/ /phyag rgya chen po rnam bsgom bya/ /zhes pa de bzhin du sngon du las dang po pa'i bsgom pa ni/ ji srid byang chub sems 'dor ba/ /de srid rnal 'byor pas mi bya/ /rgyun mi 'chad par skye gnas la/ /mchog tu dga' ba thob par 'gyur/ /bde ba'i rang bzhin de nyid kyis/ /ji srid khu ba brtan pa'i phyir/ /rdzogs pa'i sangs rgyas gzugs brnyan gyi/ /bdag nyid rtag tu bsgom par bya/ /zhes pa ste/ rdo rje'i tshig 'di yang dbang bskur ba'i don gyis rtogs par bya'o/ / 'dir shes rab dang thabs kyi bdag nyid kyi rgyud kyi rgyal po la byis pa rnams kyis rtogs par bya ba'i don du/ bcom ldan 'das kyis 'jig rten pa'i bden pas las kyi phyag rgya'i rjes su chags pa las byung ba dbang po gnyis las skyes par gyur pa'i bde ba shes rab ye shes so zhes gsungs pa yin gyis/ de ni don dam pa'i bden pas ma yin no/ /gang gi phyir zhe na/ bzhi pa slar yang de bzhin no zhes pa'i bcom ldan 'das kyi gsung las so/ /'dir byis pa'i skye bo rnams/ gsum pa shes rab ye shes de nyid dbang bskur ba bzhi pa'o zhes smra bar 'gyur te des na brjod par bya'o/ /'dir gsum pa shes rab ye shes de nyid slar yang de bzhin gyi sgras bzhi par mi 'gyur ro/ /gal te gsum pa de nyid de'i tshe bskyar nas brjod na tshig zlos pa'i skyon du thal bar 'gyur ro/ /ci ste gsum pa ni rgyu yin zhing bzhi pa ni
- 50b
'bras bu'o/ /rgyu dang 'bras bu dag la dbye ba med pa'i phyir bzhi pa yang gsum par grub po zhes pa'i byis pa rnams kyi tshig 'byung bar 'gyur ro/ /de nas brjod par 'gyur ba 'di nyid bcom ldan 'das kyi gsung ma yin te/ sngar brjod pa'i don dam pa'i bden pa las so// gang gi phyir bcom ldan 'das kyis 'bras bu gsum bsgrub pa'i phyir phyag rgya gsum gsungs pa'i phyir ro/ /'dir sngags kyi tshul la 'bras bu rnam pa gsum ste/ 'dod pa dang gzugs dang thams cad mkhyen pa'i dngos grub kyi dbye bas so/ /de la las kyi phyag rgya'i dngos grub ni 'dod pa na spyod pa'i 'bras bu'o/ /ye shes kyi phyag rgya'i dngos grub ni gzugs na spyod pa'i 'bras bu'o/ /phyag rgya chen po'i dngos grub ni thams cad mkhyen pa'i 'bras bu'o/ /'dod chags dang bral ba rnams kyi gzugs med pa'i khams kyi 'bras bu ste phyag rgya gsum spangs pa'o/ /de'i phyir phyag rgya chen po sgrub pa la las kyi phyag rgya dang ye shes kyi phyag rgya ni rgyur mi 'gyur te/ las kyi phyag rgya dang ye shes kyi phyag rgya bsgom pa yongs su spangs pa'i phyir phyag rgya chen po bsgom pa'i nges pa'i phyir ro/ /'dir dbang po gnyis las skyes pa 'dzag pa ni 'dod pa na spyod pa'i bde ba'o/ /g.yo ba'i mtshan nyid ni gzugs na spyod pa'i bde ba ste bde ba chen por mi 'gyur ro/ /gsum pa'i rgyu las skyes pa 'dzag pa dang g.yo ba ni gsum pa'i 'bras bu'o/ /de ni sangs rgyas rnams kyis bzhi par ma gsungs te rgyu 'thun pa'i 'bras bu nyid las so/ /'dir bzhi pa ni gsum pa'o zhes sangs rgyas pa rnams smra bar 'gyur te/ de nas bcom ldan 'das kyis mchog gi dang po'i sangs rgyas su gsungs pa/ 'dod pa na spyod dngos grub ni/ /las kyi phyag rgyas bsgrub par bya/ ye shes phyag rgyas gzugs khams kyi/ /'og min gnas kyi mthar thug par/ /yan lag phyag rgya che bsgoms pas/ /rnal 'byor chen pos kun mkhyen nyid/ /'gyur med bde ba'i rang bzhin bsgrub/ /skye ba 'dir ni sangs rgyas nyid/ /ces pa'o/ /de'i phyir ma las pa rnams
- 51a
kyis 'di thams cad rgyud dang rgyud gzhan gyis rtogs par bya'o/ /'dir skyes pa rdo rje 'chang gzugs te/ /bud med rdo rje btsun mo'o/ /zhes rgyud dang rgyud gzhan gyis gang gsungs pa ni byis pa'i skye bo rnams rab tu gzhug pa'i don du'o/ /tshig des dbang po rnon po rnams kyis las kyi phyag rgya bzung bar mi bya ste/ 'di ltar phyag rgya chen mo gong ma'i yang gong ma'i tshig las snga ma'i tshig brdzun par 'gyur ba'i phyir ro/ /'dir shes rab kyi yan lag la 'jig rten pa dang 'jig rten las 'das pa'i bden pas dbang bskur ba bzhi'o// de rnams las gsum ni 'jig rten kun rdzob pa ste bzhi pa ni don dam pa'o/ /de yang rnal 'byor gyis rtogs par bya ste/ bla ma dam pa'i gdams ngag las don dam pa'i bden pas rtogs par bya'o/ /de bzhin du 'dus pa phyi mar bcom ldan 'das kyis gsungs pa/ dbang bskur rnam gsum tha dad pa/ /rgyud 'di ru ni rab tu bstan/ /dang po bum pa'i dbang yin te/ /gnyis pa gsang ba'i dbang du 'dod/ /shes rab ye shes gsum pa ste/ /bzhi pa de yang de bzhin no/ /zhes pa dang/ de bzhin du kye'i rdo rjer yang slob dpon gsang ba shes rab dang/ /bzhi pa de yang de bzhin no/ /zhes pa de ltar rgyud gnyis su dbang bskur ba bzhi ste/ dbang bskur ba'i rim pa brjod pa las so/ /de rnams ro zhig dga' ba la sogs pa'i skad cig ma rnam par dpyad na 'gyur ba ma yin no/ /de bzhin du sgyu 'phrul dra bar yang/ mkhas pa rnams kyis chu la sogs pa'i dbang bskur ba bdun so sor rtogs par bya'o/ /zhes pa dang/ de bzhin du dang po'i sangs rgyas su bcom ldan 'das kyis gsungs pa/ chu dang cod pan dar dpyangs dang/ /rdo rje dril bu brtul zhugs che/ /ming dang rjes gnang yang dag ldan/ /dbang bskur rnam bdun mi yi bdag /ces pa'o/ /de'i phyir dbang bskur ba bdun po rnams kyi gong ma bum pa'i dbang bskur ba'o/ /yang na so sor gong ma gsum po rnams kyi dang po ni slob dpon gyi dbang bskur ba'o/ /gnyis pa ni gsang ba'i dbang bskur ba'o/ /gsum pa ni shes rab ye shes kyi dbang bskur ba'o//
- 51b
gsum po de rnams kyi gong ma'i gong ma ni bzhi pa de yang de bzhin gyi dbang bskur ba ste/ 'jig rten las 'das pa'o/ /de ltar dbang bskur ba'i rim pa brjod pa las dbang bskur ba'i rim pa bzhi ste/ lus dang ngag dang sems dang ye shes rnam par dag pa'i don du bcom ldan 'das kyis gsungs so/ / 'di rnams la bden pa gnyis ka dag las kyang dbang bzhi pa lhan cig skyes pa'i dga' bar 'gyur ro/ /gal te gyur na de'i tshe dga' ba bzhi po rnams kyi rim par 'gyur ro/ /gal te de ltar dga' ba ni bum pa'i dbang du 'gyur ro/ /mchog tu dga' ba ni gsang ba'i dbang du 'gyur ro/ /dga' bral gyi dga' ba ni shes rab ye shes kyi dbang du 'gyur ro/ /lhan cig skyes pa'i dga' ba ni bzhi pa de yang de bzhin gyi dbang du 'gyur ro/ /de lta na dga' ba la sogs pa'i skad cig ma'i dbye bas dbang bskur ba rnams kyi rnam par bzhag pa med par 'gyur ba'i phyir ma yin pa nyid do// 'dir 'jig rten kun rdzob tu bum pas dbang bskur ba ni slob dpon gyis dbang bskur ba'o/ /gsang bar blta bas bdud rtsi myang ba ni gsang ba'i dbang bskur ba'o/ /las kyi phyag rgya gtad pas dbang po gnyis las skyes pa 'gyur ba'i bde ba rtogs pas shes rab ye shes kyis dbang bskur ba'o/ /nor bu'i nang du chud pa'i byang chub sems kyi bde ba rtogs pas bzhi pa shes rab ye shes kyi dbang bskur ba'o/ /zhes pa 'jig rten pa'i bden pas drang ba'i don gyis dbang bskur ba'i cho ga rnam pa bzhi'o/ /don dam pas ni slar yang 'di phyin ci log pa dang don med pa'o/ /gal te dang por bum pa'i dbang bskur ba na slob ma slob dpon du gyur na/ de'i tshe gsang ba dang shes rab ye shes dang bzhi pa la yang ji zhig 'byung bar 'gyur/ slob dpon nyid ni rdo rje 'chang gi ming ste/ de ji ltar dang po bum pa'i dbang gis dbang bskur bas slob dpon zhes bya/ de'i phyir 'di ni gang zhig byis pa'i skye bo rnams kyi 'khrul ba ste rigs pas mi 'thad pa'i phyir ro/ /'dir rgyud gzhan dang dgongs pa'i skad gzhan dang nges pa'i don gyis slar yang bum pa'i sgras nu ma brjod ste/ de la reg pa las
- 52a
'gyur ba'i bde ba gang yin pa ni bum pa'i dbang bskur ba'o/ /gsang bar rdo rje spros pa las 'gyur ba'i bde ba gang yin pa de ni gsang ba'i dbang bskur ba'o/ /dbang po gnyis snyoms par zhugs pa na gang zhig 'dzag pa'i bde ba de ni shes rab ye shes kyi dbang bskur ba'o/ /phyag rgya chen po'i rjes su chags pas gang zhig 'gyur ba med pa'i bde ba de ni bzhi pa de yang de bzhin gyi dbang bskur ba'o/ /de ltar 'jig pa dang 'gyur ba dang 'dzag pa dang 'gyur ba med pa'i dbye bas dbang bskur ba rnam pa bzhi'o/ /'dir dbang bskur bar byed pa ni dbang ste bde ba'i sems dang ldan par byed pa'i phyir ro zhes pa'i don to/ /'dir bcom ldan 'das kyis mchog gi dang po'i sangs rgyas su gsungs pa/ dang por dbang bskur bdun po gang/ /byis pa rnams ni gzung phyir ro/ /rnam gsum 'jig rten kun rdzob ste/ /dam pa'i don gyi bzhi pa'o/ /bum pa gsang ba'i dbang bskur dang/ /shes rab ye shes shes bya dang/ /slar yang shes rab chen po dang/ /de ni ye shes su brjod do/ /'gyur dang 'gyur dang de nas 'dzag /de nas 'gyur ba med pa mchog dbang bskur gsum gyi rim pa yis/ /lus ngag sems ni yang dag sbyong/ /bzhi pa ye shes dag pa ste/ /lus ngag sems ni sbyong ba'o/ zhes pa'o/ /de ltar dbang bskur ba bzhi'o/ 'di rnams kyi dbang bskur ba re re la dga' ba bzhi bzhi'o/ /dga' ba re re la lus dang ngag dang sems dang ye shes kyi dbye bas gnas skabs bzhi ste/ thig le bzhi'i dbye bas so/ /de ltar cha bcu drug gi dbye bas dbang bskur ba so so la dga' ba bcu drug ste lus dang ngag dang sems dang ye shes kyi thig le'i dbye bas bzhi'o/ /de'i phyir dkar po'i lnga pa ni dga' ba'o/ /bcu pa ni mchog tu dga' ba'o/ /nya ni dga' bral gyi dga' ba'o/ /cha bcu drug pa ni lhan cig skyes pa'i dga' ba ste/ dpral ba dang mgrin pa dang snying ga dang gsang bar khu ba bgrod pas zhes pa dang/ gsang ba las rdo rje nor bu'i nang du bgrod pas lhan cig skyes pa'i dga' ba zhes pa'o/ /de nas nag po'i tshes gcig 'ongs pa na khu ba nyams par 'gyur te/ de'i
- 52b
phyir lnga pa ni dga' ba zad pa'o/ /bcu pa ni mchog tu dga' ba zad pa'o/ /gnam stong ni dga' bral gyi dga' ba zad pa'o/ /gnam stong gi mthar bcu drug pa ni zla ba'i cha nyams pa lhan cig skyes pa'i dga' ba zad pa ste/ gsang ba dang snying kha dang dpral ba dang khu ba nyams pas chags bral dang/ gtsug tor du zla ba'i cha byang chub kyi sems nyams pa ni chags bral chen po'o/ /pad+mar rdo rje lhung ba las sems kyi khams zad pa'o/ /de ltar 'khor ba pa rnams kyi chags pa dang chags bral rab tu 'jug pa des na 'khor ba pa'o/ /de'i phyir phyag rgya chen po'i dngos grub kyi don du las kyi phyag rgya dang ye shes kyi phyag rgya spangs te/ yid byang chub kyi sems nang du chud pas 'dod pa'i dngos grub phyag rgya chen po bsgom par bya'o zhes pa ste/ dpral bar zla ba zhu ba rdo rje nor bur bzung bas bya rog gdong can a wa d+hU tIr yid nang du chud pas 'dod pas dngos grub bsgom par bya'o zhes pa de bzhin gshegs pa'i nges pa'o/ /de bzhin du bcom ldan 'das kyis sgyu 'phrul dra ba stong phrag bcu drug par chags bral dang po chags pa che/ /kha dog sna tshogs 'bar ba'i 'od/ /rdo rje'i skyil krung rdzogs sangs rgyas/ /sangs rgyas 'gro ba'i chos 'dzin pa/ /zhes pa dbang bskur ba rdo rje'i tshig bshad par bya'o/ /'dir chags bral ni nag po'i phyogs te sngar brjod do/ /de'i dang po ni gang zhig chags pa chen po ste/ de ni chags bral dang po chags pa che/ zhes pa 'bras bu mang pos nges par bstan pa'o/ /de bzhin du de'i chos mi mthun pas cha bco lnga'i bdag nyid can dkar po'i phyogs ni chags pa'o/ /de'i mthar chags pa chen po ste cha bcu drug pa zhes so/ /rdo rje skyil krung rdzogs sangs rgyas/ /zhes pa rdo rje rdzogs sangs rgyas ni langs pa ste skyil krung ni gdan no/ /byang chub kyi sems rdo rje gang gi rdo rje skyil krung rdzogs sangs rgyas ni nor bu'i nang du pad+ma chud pa la gnas pa zhes pa'i don te/ byang chub kyi sems 'gyur ba med pa'i phyir ro/ /sangs rgyas 'gro ba'i chos 'dzin pa zhes pa sku dang gsung dang thugs dang ye shes kyi thig le bzhi 'dzin
- 53a
pa'o/ /zhes pa ste 'di ni 'chad par 'gyur bar brjod par bya'o/ /de bzhin du kye'i rdo rjer bcom ldan 'das kyis gsungs pa/ zla bar gyur pa byang chub sems/ /bco lnga'i cha yi bdag nyid can/ /bde ba chen po A li'i gzugs/ /rnal 'byor ma rnams de yi cha/ zhes pa'o/ /'di yang dbang bskur ba'i rdo rje'i tshig ste bshad par bya'o/ /'dir tshes gcig la sogs pa ji srid dkar po lnga'i bar tshes lnga rnams bdag med ma la sogs pa'i rnal 'byor ma phung po lnga rnam par dag pa ste dang po dga' ba'i 'khor lo/ /de bzhin du drug pa la sogs pa ji srid bcu'i bar tshes lnga rnams puk+ka si la sogs pa'i rnal 'byor ma khams lnga rnam par dag pa ste gnyis pa mchog tu dga' ba'i 'khor lo'o/ /de bzhin du bcu gcig pa la sogs pa ji srid nya'i bar tshes lnga rnams go ri la sogs pa'i rnal 'byor ma yul lnga rnam par dag pa ste/ gsum pa dga' bral gyi dga' ba'i 'khor lo'o/ /de'i mthar lhan cig skyes pa'i dga' ba kye'i rdo rje bcom ldan 'das stong pa las stong pa byang chub kyi sems kyi cha bcu drug pa'o/ /zhes pa dbang gi don no/ /de bzhin du bcom ldan 'das kyis gsungs pa/ dang po dga' bar rab tu brjod/ /mchog tu dga' ba gnyis pa ste/ dga' bral dga' ba gsum pa'o/ /lhag ma lhan cig skyes dga' nyid/ /ces pa de lta bu la sogs pa ni dbang gi don no/ /'dir lha mo lnga lnga'i 'khor lo gsum gyi mthar bzhi pa lhan cig skyes pa'i dga' ba/ byang chub kyi sems kyi cha bcu drug pa 'jig rten kun rdzob tu bcom ldan 'das kyis gsungs pa'o/ /de bzhin du sgyu 'phrul dra bar bcom ldan 'das kyis gsungs pa/ rnam pa thams cad rnam pa med/ /bcu drug phyed phyed thig le 'chang/ /cha med cha las 'das pa ste/ / bsam gtan bzhi pa'i rtse mo 'chang/ /zhes pa dbang bskur ba'i rdo rje'i tshig 'di bshad par bya ste/ rnam pa thams cad rnam pa med/ /ces pa ni rgyu ste sngar brjod pa'i sangs rgyas kyi gzugs brnyan zhes pa'o/ /bcu drug phyed phyed thig le 'chang zhes pa ni 'bras bu ste byang chub kyi
- 53b
sems zhu ba'i thig le bzhi 'dzin pa'o/ /cha med pa ni bco lnga'i mthar gnas pa'o/ /cha las 'das pa ni nag po'i tshes gcig la ma zhugs pa'o/ /bsam gtan bzhi pa'i rtse mo 'chang/ /zhes pa lhan cig skyes pa'i dga' ba'i mdza' 'chang ba'o zhes pa de bzhin gshegs pa'i nges pa'o/ /de ltar na dbang bskur ba gsum pa de nyid bzhi par mi 'gyur ro/ /de bzhin du mkha' 'gro ma rdo rje gur du/ bcom ldan 'das kyis dbang bskur ba gsum pa las bzhi pa tha dad par gsungs pa/ bum pa'i dbang ni dang po ste/ /gnyis pa gsang ba'i dbang du 'dod/ /shes rab ye shes gsum pa ste/ /de ni ji ltar de bzhin min/ /zhes pa dang/ de bzhin du slar yang/ de nyid kyi le'u bco lnga par/ /chu yi dbang ni dang po ste/ /cod pan dbang bskur gnyis pa'o/ /gsum pa dar dpyangs dbang bskur te/ /rdo rje dril bus bzhi pa'o/ / lnga pa rang gi bdag po nyid/ /ming gi dbang ni drug pa ste/ /sangs rgyas rjes gnang bdun par 'dod/ /brgyad pa bum pa'i dbang yin te/ /gsang ba'i dbang ni dgu pa yin/ /shes rab dbang bskur bcu pa'o/ /de nyid rdo rje'i rab sbyor gyis/ /rdo rje brtul zhugs kun sbyin zhing/ / rang nyid ston pa lung ston pa/ /'di ni dbang bskur cho ga yin/ /slob dpon brnyas par mi bya zhing/ /bde gshegs bka' las 'da' mi bya/ /zhes pa de ltar de nyid rdo rje'i rab 'byor gyis zhes pas gtso bor dbang bcu gcig pa bcom ldan 'das kyis rab tu gsal ba'i gsung la mkhas pa rnams kyi dbang bzhi pa 'am bcu gcig pa tha dad par rtogs par bya'o/ /de ltar thar pa 'dod pa rnams kyis thams cad bla ma dam pa'i nye bar bstan pa dang mang du thos pa dang/ rgyud ni rgyud gzhan gyis rtogs par bya'o zhes pa ste/ phyag rgya chen po bsgom pa'i dbang bskur ba'i cho gas yid ni nang du chud pas zhes bcom ldan 'das kyis gsungs pa'o/ /da ni rang rdzas zhes pa la sogs pas bde ba chen po'i mchod pa brjod par bya'o/ /'dir shes rab dang thabs kyi rgyud las mchod pa rnam pa gnyis te/ phyi rol gyi mchod pa dang
- 54a
nang gi mchod pa'o/ /de la phyi rol gyi mchod pa ni nye bar spyod pa lnga la sogs pa rnams dang bdud rtsi lnga dang/ sgron ma lnga la sogs pa rnams kyis phung po dang khams la sogs pa rnams yang dag par tshim par byed pa'o/ /nang gi mchod pa ni rang rdzas thig les mchod par bya ste/ gsang ba dang lte ba dang snying ga dang mgrin pa dang dpral bar son pa'i thig le bzhi po rnams kyis rgyu 'thun pa dang rnam par smin pa dang/ skyes bu'i byed pa dang dri ma med pa'i rang bzhin rnam pa sna tshogs pa dang rnam par smin pa dang rnam par nyed pa dang mtshan nyid dang bral ba lugs dang mi mthun pa'i chos de rnams kyis so/ /sangs rgyas zhes pa gzugs dang tshor ba dang 'du shes dang 'du byed dang rnam par shes pa'i phung po rnams so/ /byang chub sems dpa' rnams zhes pa mig dang rna ba dang sna dang lce dang lus dang yid kyi dbang po'i khams rnams so/ /kyang yig gis sa la sogs pa'i khams dang gzugs la sogs pa yul gyi khams rnams mchod par bya ste/ byang chub kyi sems mi 'dzag pa'i thig les bde ba chen po 'gyur ba med pa rnams kyis yongs su dag par bya'o/ /zhes pa nges pa'i don to/ /phyi rol tu slar yang thig le 'dzag pas nyams su myong ba rnams kyis phyi rol rnam par dag pa'i don du mchod par bya'o/ /nang du ni phyag rgya chen po rnam par dag pa'i phyir rang rdzas thig le nor bu'i nang du son pa rnams kyis mchod pa'o zhes pa thig le'i mchod pa'i nges pa'o/ /da ni mthong ba zhes pa la sogs pa sdig pa thams cad las rnam par grol ba brjod par bya'o/ /'dir mthong ba rnam pa gnyis te/ phyi rol dang nang gi bdag nyid do/ /de bzhin du reg pa yang ngo/ /'dir phyi rol gyi mthong ba ni/ las kyi phyag rgya mthong ba dang ye shes kyi phyag rgya rab tu brtag par bya'o/ /reg pa ni de dag gi kha dang stan dang skye gnas la reg pa ste/ mthong ba dang reg pa gnyis po de dag las zhes so/ /nang du ni khams gsum pa ma lus pa sangs rgyas kyi gzugs brnyan du mthong ba dang/ phyag rgya chen po mthong ba dang/ de dag gi bde ba chen po la reg pa dang
- 54b
mthong ba dang reg pa gnyis po de dag las zhes pa'o/ /de bzhin du thos pa dang ni dran pas kyang/ /zhes pa 'dir dam pa'i chos thos pa dang/ bla ma dang sangs rgyas dang byang chub sems dpa' dang dpa' bo dang dpa' bo'i dbang phyug ma dran pas zhes pa ste/ thos pa dang dran pa de dag gis kyang/ sdig pa kun las grol bar 'gyur/ zhes pa lus dang ngag dang sems kyi byas pa'i mi dge ba bcu dang mtshams med pa lnga la sogs pa de rnams thams cad las grol bar 'gyur ro/ /sdig pa rnams mi byed pa'i sdom pa la gnas te/ rjes su gnang ba'i dus las sdig pa rnams mi byed pa'i sdom pa la gnas pa ste/ slar rjes su gnang ba ma yin pa 'ga' zhig chags pa la sogs pa byas pa rnams las kyang rnam par grol bar 'gyur ro/ /de ltar the tsom med pa nyid ces pa de ltar gsungs pa'i rim pas/ rnal 'byor pa rtsa ba'i ltung ba bcu bzhi spangs pa b+ha ga ling ga mnyam par sbyor bas/ byang chub kyi sems 'pho ba med pa'i bde ba chen po bsgoms pas bsod nams bskyed pa'i phyir sdig pa las grol ba'i cho ga'o/ /da ni rnal 'byor pa nyid ces pa la sogs pas/ gang gis sangs rgyas nyid 'grub pa'i thabs de brjod par bya'o/ /'dir rnal 'byor pa nyid ni rnam pa gnyis te/ 'jig rten pa dang 'jig rten las 'das pa'o/ /de la 'jig rten las 'das pa'i rnal 'byor pa ni sangs rgyas nyid do/ /de'i khyad par ni bsod nams mchog ste bsod nams kyi tshogs yongs su rdzogs pa nyid kyi phyir ro/ /de bzhin du/ dag byed sdig pa 'jig byed pa zhes pa de nyid ye shes kyi tshogs yongs su rdzogs pa nyid kyi phyir ro/ /de ni sangs rgyas nyid du sngags bzlas pa dang bsam gtan dang/ bde ba yis kyang 'grub par 'gyur/ zhes pa 'dir thabs 'dis rnal 'byor pa rnams gsungs pa'i rnal 'byor pa nyid du 'grub ste/ 'grub par 'gyur zhes pa lung gis brjod pa'o/ /'di'i thabs ni yan lag drug gi rnal 'byor te 'dir bar du yan lag re re dor ba'i bar ni rim pa min pas gsungs so/ /yan lag snga ma la ma brjod pa de nyid ni phyi ma la brjod pa'i shugs nyid las rtogs
- 55a
par bya ste/ ji ltar 'di ni nyin mor byed pa zhes brjod pa na gzhan mtshan mor byed pa zhes ma brjod kyang shugs nyid las nye bar dmigs par 'gyur ro/ /de bzhin du phan tshun bltos pa'i chos ni ma brjod kyang brjod pa'i shugs nyid las nye bar dmigs par 'gyur ro/ /de'i phyir rgyud 'dir yan lag re re khongs su gtogs pa'i yan lag gzhan gsum bstan pas bar gyi yan lag brjod pa ni sngon la rig par bya ste/ 'dir bla ma'i man ngag las shes pa'o/ /gzhan du gal te rgyud las gsungs pa bklags pa'i rim pa bzung bar bya ba de'i tshe/ bla ma'i man ngag ces bya ba de ci zhig /de'i phyir dgongs pa'i skad gzhan la sogs pa thams cad bla ma'i man ngag gis rig par bya'o/ /yang na byang chub sems dpas mdzad pa'i 'grel bshad kyis rtogs par bya'i/ gzhan mkhas pa'i mngon pa'i nga rgyal dang ldan pa rnams kyis byas pa ni ma yin no/ /des na 'dir bsam gtan zhes pa la sogs pas yan lag gzhan gsum rtogs par bya ste/ rgyud gzhan du gsungs pa'i yan lag drug po rnams 'dir mdor bya ste yan lag gsum po rnams kyis rtogs par bya'o/ /'dir 'dus pa phyi mar bcom ldan 'das kyis gsungs pa/ so sor sdud dang bsam gtan dang/ /srog rtsol de bzhin 'dzin pa dang/ /rjes su dran dang ting nge 'dzin/ /sbyor ba yan lag drug tu 'dod/ /ces pa'o/ de'i phyir bsam gtan gyi sngon du so sor sdud pa rig par bya'o/ /sngags bzlas pa'i sngon du srog rtsol rig par bya'o/ /'dir sngags bzlas pa'i sgras ma ning gi bzlas pa'am rdo rje'i bzlas pa ste srog 'dzin par brjod do/ /bde ba'i sngon du rjes su dran par rig par bya ste 'dir bde ba'i sgras ting nge 'dzin brjod do/ /de ltar yan lag drug po 'di rnams kyis rnal 'byor pas sangs rgyas nyid 'grub par 'gyur ro/ /thun mong gis phyi rol gyi rnal 'byor bas 'jig rten pa'i dngos grub 'grub par 'gyur ro/ /las dang po pa byis pa'i rnal 'byor pa rnams kyi 'jig rten pa'i dngos grub ni 'bras bu ste/ sngags bzlas pa dang bsam gtan dkyil 'khor gyi 'khor lo la sogs pa rnam par rtog pa'i bsgom pa'i
- 55b
sems dang bde ba las kyi phyag rgya dang ye shes kyi phyag rgya 'dzag pa dang g.yo ba'i bde ba 'jig rten pa'i bden pas 'og min gyi gnas kyis mthar thug pa'o/ /de ltar gnyis ka'i rim pas 'jig rten dang 'jig rten las 'das pa'i rnal 'byor pa nyid 'grub par 'gyur ro/ /'dir 'jig rten las 'das pa'i rnal 'byor pa nyid yan lag drug gi sbyor bas 'grub par 'gyur ba ji lta ba de bzhin du brjod par bya'o/ /'dir so sor sdud pa zhes bya ba ni gzugs la sogs pa phyi rol gyi yul rnams la mig la sogs pa'i dbang po rnams kyis mig gi rnam par shes pa la sogs pa rnams mi 'jug par/ nang gi yul rnams dang lha'i mig gi dbang po la sogs pa rnams kyi lha'i mig gi rnam par shes pa la sogs pa rnams 'jug pa ste/ nang du stong pa nyid la dmigs pas stong pa la ma brtags pa'i dngos po thams cad mthong ba ni/ pra phab pas me long la gzhon nu mas mthong ba ltar/ khams gsum pa'i sangs rgyas kyi gzugs brnyan mthong ba las so sor sdud pa'i yan lag tu brjod do/ /de nas bsam gtan zhes bya ba ni/ yod pa'i dngos po thams cad stong par mthong ba rnams la shes rab ces bya ba ni dngos po de rnams la sems 'jug pa'o/ /rtog pa zhes bya ba ni sems kyi dngos po 'dzin pa'o/ /dpyod pa zhes bya ba ni 'dzin pa'i dngos po rtogs pa'o/ /dga' ba zhes bya ba ni dngos po thams cad la sems gnas pa'o/ /bde ba zhes bya ba ni dngos po thams cad las g.yo ba med pa'i bde ba phun sum tshogs pa'o zhes pa de ltar bsam gtan gyi yan lag lnga brjod do/ /de nas srog rtsol zhes bya ba ni la la nA dang ra sa nA g.yon pa dang/ g.yas pa'i lam 'gags pa las dbu ma a wa d+hU tI'i lam du srog gi rlung rtag tu 'jug pa/ dgang ba dang bum pa can dang dbyung ba'i sbyor bas a wa d+hU tIr oM yi ges 'byung ba dang hUM yig gis 'gog pa dang/ A:yig gis 'jug pa/ zla ba dang sgra gcan dang nyi ma'i rang bzhin gyis rnal 'byor pas goms
- 56a
par bya'o zhes pa srog rtsol gyi yan lag brjod do/ /de nas 'dzin pa zhes bya ba ni lte ba dang snying kha dang mgrin pa dang dpral bar dbang chen dang chu dang me dang rlung gi dkyil 'khor la srog zhugs pa'i phyi rol du 'gro ba med par thig le la srog gnas pa zhes pa 'dzin pa'i yan lag brjod do/ /de na rjes su dran pa zhes bya ba ni rang gi 'dod pa'i lha mthong ba gzugs kyi rnam pa rnam par rtog pa dang bral ba'o/ /de las 'od zer du ma 'phros pa'i rang bzhin 'od kyi dkyil 'khor te/ de las rnam pa du ma 'phro ba'i rang bzhin khams gsum par spro ba zhes pa rjes su dran pa'i yan lag tu brjod do/ /de nas ting nge 'dzin zhes bya ba ni 'dod pa'i lha la rjes su chags pa las gang zhig 'gyur ba med pa'i bde ba thob pa ste/ de la gcig tu gyur pa'i sems gzung ba dang 'dzin pa dang bral ba ni de bzhin gshegs pa rnams kyis ting nge 'dzin gyi yan lag tu brjod do/ /'dir yan lag drug gi rnal 'byor mdor bsdus pas gsungs pa ste/ rgyas par mngon par brjod pa 'bum pa'am/ mchog gi dang po'i sangs rgyas su bla ma dam pa'i nye bar bstan pas/ phyag rgya chen po'i dngos grub kyi phyir rnal 'byor pas rtogs par bya'o/ /'dir yan lag drug gi dang po'i lam bsgom pa'i yan lag gdams ngag rgyud gzhan rnams su yang gsungs te/ 'dir dpal 'dus pa phyi mar bsnyen pa dang nye ba'i sgrub pa dang sgrub dang sgrub pa chen po zhes pa'o/ /de nyid bcom ldan 'das kyis gsungs pa/ bsnyan pa'i dus na gtsug tor che'i/ /gzugs brnyan 'bad pas rnam bsgom bya/ /nye ba'i sgrub pa'i dus su ni/ /bdud rtsi 'khyil pa'i gzugs brnyan no/ /rnal 'byor brtson pas sgrub pa la/ /lha yi gzugs brnyan bsgom bya ste/ /sgrub pa chen po'i dus su ni/ /sangs rgyas mnga' bdag gzugs brnyan no/ /zhes pa'o/ /'dir dgongs pa'i skad gzhan gyis gtsug tor chen po'i gzugs brnyan khams gsum pa ma lus pa nam mkha' i chos 'byung la thugs rdo rje rab tu bzhag nas bsnyen pa'i dus na zhes pa dus dang
- 56b
por so sor sdus pas bsgom par bya zhing bsam gtan gyi yan lag gis brtan par bya'o/ /'dir bcom ldan 'das kyis dam bca' ba ni/ bsam pa thams cad yongs spangs te/ /nyi ma gcig ni yongs su brtag /gal te rtags ni ma byung na/ /de chong ya rdzun tshig yin/ /zhes pa'o/ / 'dir rtags ni du ba la sogs pa'i mtshan ma ste gzhan sngags la sogs pa nyi ma gcig gis 'grub mi 'gyur bas/ gang gis sngags pas rtags 'byung bar 'gyur/ de'i phyir yod pa dang med pa'i blo yongs su spangs te zhen pa med par byas nas zab mo stong pa dmigs pa med pa bsgom pa ste/ rnal 'byor pas du ba la sogs pa'i rtags 'byung ba mthong bar 'gyur ro zhes pa de bzhin gshegs pa'i nges pa'o/ /de bzhin du byed pa bcing ba'i sbyor ba yis/ /sa gsum po ni bsgrub par bya/ /zhes pa byed pa mig la sogs pa rnams kyis sa gsum du sangs rgyas kyi gzugs brnyan bsgrub par bya ste/ de'i nye bar bstan pa ni bla ma'i zhal las rtogs par bya'o/ /'dir bla ma'i nye bar bstan pas nam mkha' la rnal 'byor pas dang po du ba mthong ste smig rgyu ni ma yin no zhes rang gi nyams su myong bas shes par bya'o/ /de'i phyir na smig rgyu ste du ba la sogs pa de nyid rtog pa dang bral ba pra phab pa lta bu'o/ /de ltar du ba ni mtshan ma dang po'o/ /smig rgyu ni mtshan ma gnyis pa'o/ /mkha' snang ni mtshan ma gsum pa'o/ /sgron ma ni mtshan ma bzhi pa'o/ /sprin med pa'i nam mkha' lta bu ni mtshan ma lnga pa'o zhes pa 'dus pa phyi ma dang mkha' 'gro ma rdo rje gur du yang bcom ldan 'das kyis gsungs so/ /de las gzhan yang mkha' 'gro ma rdo rje gur du bcom ldan 'das kyis gsungs pa/ phyi nas sgyu ma'i rnam pa ste/ /rmi lam rnam pa skad cig las/ /de ni thams cad mkhyen pa'i rgyu/ /dngos grub nye bar gyur pa'o/ /zhes pa la sogs pa'o/ /de'i phyir bcom ldan 'das kyi gsung las/ dang por du ba la sogs pa'i mtshan ma ni bsgom pa'i dus na rtags su 'gyur ro/ /kha cig grub pa'i dus na zhes smra ba de rnams thams cad ni bcom ldan 'das kyi dam bca' ba nyams
- 57a
par byed pa ste/ bsam pa thams cad yongs spangs te/ /nyi ma gcig ni yongs su brtag /ces pa'i bcom ldan 'das kyis bka' sun 'byin pa'o/ /grub pa'i dus na gang zhig 'jig rten pa'i du ba la sogs pa dang sgyu ma dang rmi lam lta bu de ni mtshan mar mi 'gyur te/ dngos su 'bar ba dang du ba la sogs pas bsreg pa'i bya ba nus pa'i phyir ro/ /de bzhin du gur kum dang me tog dang rin po che dang gser gyi char yang ngo/ /de'i phyir yan lag drug gi rnal 'byor las du ba la sogs pa'i mtshan mar 'gyur ro zhes pa'o/ de bzhin du mkha' 'gro ma rdo rje gur du/ bcom ldan 'das kyis gsungs pa/ yan lag drug bsgoms de las ni/ slar yang rang byin brlab pa ste/ /rjes mthun cho ga'i rim pa yis/ /phyi nas mtshan ma mtshon par bya/ /zhes pa ste/ 'dir rang byin brlab pa zhes bya ba ni so sor sdud pas kun rdzob pa'i stong pa nyid mthong ba'o/ /mtshan ma zhes bya ba ni sprin dang du ba la sogs pa ltar snang ba ste/ de yang sgron ma'i mthar thug pa dang po mthong ba'o/ /de nas sprin med pa'i nam mkha' dri ma dang bral ba'o/ /rgyud rnams su gzhan 'bar ba la sogs pa thig le'i mthar thug pa mtshan ma rnam pa drug ste/ bcom ldan 'das kyis sgyu 'phrul dra ba'i ting nge 'dzin dra ba'i le'ur gsungs pa 'di lta ste/ nam mkha' las byung rang byung ba/ /shes rab ye shes me bo che/ /'od chen rnam par snang bar byed/ ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /rig pa'i rgyal po sngags dbang po/ /gsang sngags rgyal po don chen byed/ /ces pa tshigs su bcad pa gnyis kyis sgyu 'phrul dra bar mtshan ma gzhan bcom ldan 'das kyis dgongs pa'i skad gzhan gyis gsungs te/ sngar brjod pa'i sprin med pa'i nam mkha' las byung ba'i snang ba gang yin pa de ni rnam par rtog pa thams cad dang bral ba'i sems las nam mkha' las byung rang byung ba'o/ /'dir shes ye shes me'o che zhes pa 'bar ba ltar snang ba'o/ /'od chen rnam par snang
- 57b
bar byed/ /ces pa zla ba ltar snang ba'o/ /de nyid ye shes snang ba lam me ba/ /zhes pa'o/ /'gro ba'i mar me/ zhes pa nyi ma ltar snang ba'o/ /ye shes sgron zhes pa sgra gcan ltar snang ba'o/ /gzi brjid chen po 'od gsal ba zhes pa glog ltar snang ba'o/ /rig pa'i rgyal mchog sngags dbang po/ /zhes pa thig le ltar snang ba ste kha dog sngon po zla ba'i dkyil 'khor gyi rnam pa'o/ /gsang sngags rgyal po don chen phyed/ ces pa khams gsum pa'i rang bzhin gyi snang ba rnam pa thams cad sgyu ma dang rmi lam dang pra phab pa lta bur so sor sdud pas mig gi dbang po'i byed pas rnal 'byor pas mthong bar 'gyur ro/ /de nas srog rtsol bcings pa ste/ byed pa 'di rnams kyis bcings pa'i sbyor bas/ 'dod pa dang gzugs dang gzugs med pa'i mtshan nyid brtan pa dang g.yo ba'i rang bzhin can sa gsum po ni bsgrub par bya zhes pa'o/ /de bzhin du bcom ldan 'das kyis mkha' 'gro ma rdo rje gur du gsungs pa/ 'jig rten khams ni thams cad du/ /ji srid rdo rje'i lus dang ldan/ /khams gsum rgyu bcas mi rgyu ba/ /ma lus lus pa med par 'grub/ /ces pa yan lag drug bsgoms pas so zhes pa bcom ldan 'das kyi nges pa'o/ /de bzhin du dpal 'dus par bcom ldan 'das kyis gsungs pa/ dngos po med la bsgom pa med/ /sgom pa sgom pa nyid ma yin/ /de ltar dngos po dngos po min/ /sgom pa dmigs par mi 'gyur ro/ /zhes pa'o/ /'dir dngos po med pa sprin med pa'i nam mkha' la sgom pa ni so sor sdud la ste de nyid dngos po med la sgom pa med ces pa'o/ /sgom pa bsgom pa nyid ma yin/ /zhes pa 'dir so sor sdud pa sgom pa ni dngos po med pa sprin med pa'i nam mkha' la'o/ /de ni sgom pa bsgom pa nyid ma yin par 'gyur te/ rnam par rtog pa'i sgom pa dang bral ba'i phyir ro zhes pa'o/ /dngos po med pa la gang zhing so sor sdud pas mthong ba de ni dngos po dngos po min te/ rnam par ma brtags pa 'das pa dang ma 'ongs pa dang da ltar byung ba'i dngos po med pa mthong ba'i phyir ro/ /zhes pa'o/ /de'i phyir so sor
- 58a
sdud pa'i sgom pa la rnam par rtog pa'i sgom pa dmigs par mi 'gyur ro/ /zhes pa bcom ldan 'das kyis gsung ngo/ /sgom pa 'di ni bcom ldan 'das kyis shes rab kyi pha rol tu phyin par yang gsungs pa 'di lta ste/ de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor 'dir shes rab kyi pha rol tu phyin pa la rnal 'byor du byed pa des ji ltar bslab par bya/ rab 'byor gyis smras pa/ kau shi ka gang nam mkha' la rnal 'byor du byed pa de shes rab kyi pha rol tu phyin pa la rnal 'byor du byed pa'o/ /kau shi ka gang bla khab med pa la rnal 'byor du byed pa de shes rab kyi pha rol tu phyin pa la bslab par bya'o zhes pa phyag rgya chen po bsgom pa pra phab pa dang sgyu ma dang mtshungs pa sprin med pa'i nam mkha' la snang ba bcom ldan 'das kyis gsungs so/ /de ltar so sor sdud pa dang bsam gtan gyis bsnyen pa'i yan lag brjod do/ /de nas bdud rtsi 'khyil pa'i gzugs brnyan gyi ming can dgongs pa'i skad gzhan gyis rlung gsungs so/ /de yang rnam pa lnga ste/ de bzhin du 'dus pa phyi mar bcom ldan 'das kyis gsungs par rin chen lnga yi rang bzhin dbugs/ /sangs rgyas lnga yis byin brlabs pa/ /gong bu'i gzugs kyi byung nas ni/ /sna yi rtse mor rnam bsgom bya/ /zhes pa ste 'dir rin po che lnga yi sgras ra sa nAr dkyil 'khor lnga yi chos can sa la sogs pa khams lnga po rnams so/ / de'i rang bzhin gyi dbugs ni rin chen lnga'i rang bzhin dbugs te/ sna bug g.yas pa la'o/ /de bzhin du sangs rgyas lnga ni la la nA dkyil 'khor lnga yi chos can rnam par shes pa la sogs pa'i phung po lnga po rnams so/ /des byin gyis brlabs pa'i dbugs ni sna bug g.yon pa la'o/ /gong bu'i gzugs kyis phyung nas ni zhes pa/ 'dir gong bu'i g.yas pa dang cig shos kyi dkyil 'khor rnams kyi srog gi rlung dbu ma a ba d+hU tIr gcig pa nyid do/ /de yang srog gi rlung gong bu'i gzugs kyi phyung nas ni/ /sna yi rtse mor rnam bsgom bya/ /zhes pa 'dir sna'i sgras ste ba
- 58b
dang snying ga dang mgrin pa dang dpral ba dang gtsug tor gyi pad+mar brjod de de'i rtse mor bsgom par bya'o/ /sna'i rtse mor rnam bsgom bya'o/ /lte ba'i dbus su g.yas pa dang cig shos kyi pad+ma'i 'dab ma de gnas pa zhes pa'o/ /de ltar de rnams nyid kyis thig le'i gnas su gong bu'i gzugs kyis srog 'gags pa de ni 'dzin par brjod do/ /de ltar yan lag gnyis kyis nye bar bsgrub pa ste/ bdud rtsi 'khyil ba'i gzugs brnyan gyis zhes pa'o/ /nye ba'i sgrub pa de nyid rdo rje'i bzlas pa zhes brjod de/ dbu mar dbyer med pa'i yan lag gis bzlas pa bya'o zhes pa g.yon pa dang g.yas pa'i rtsa la srog gi rgyu ba med pa'o/ /gtsug tor gzugs brnyan mthong ba na phyi nas sngags pas srog rtsol bya zhes pa bla ma'i nye bar bstan pa dang dgongs pa'i skad gzhan gyis rtogs par bya'o zhes pa ni srog rtsol dang 'dzin pa ste nye ba'i sgrub pa brjod do// de nas lha'i gzugs brnyan sgrub pa la zhes pa 'dzin pa'i stobs kyis lte ba'i gnas su gtum mo 'bar ba rnal 'byor pas mthong ste/ sgrib pa thams cad dang bral ba pra phab pa lta bu sangs rgyas kyi 'od zer gyi sprin mdza' yas pa spro bar byed pa 'od kyi dkyil 'khor gyis rnam par spras pa/ de ni rjes su dran pa'i yan lag sgrub par brjod do/ /'dzin pa'i mdza' gtum mo'i rnal 'byor bsgom par bya'o zhes pa nges pa'o/ /de'i ye shes kyi 'od zer gyis phung po dang khams dang skye mched la sogs pa rnams bsregs te/ g.yon pa dang g.yas pa'i rtsar son pa rnam pa shes pa la sogs pa dang sa la sogs pa'i dkyil 'khor gyi rang bzhin rnams gcig tu 'dres par gyur nas dpral bar zla ba'i dkyil 'khor la rab tu zhugs te/ de nas gtum mo'i ye shes kyi 'od zer gyis zla ba zhu bar gyur pa na gang zhig byang chub kyi sems thig le'i gzugs kyis 'og tu son pa mgrin pa dang snying ga dang lte ba dang gsang ba'i pad+mar dga' ba dang dga' bral gyi dga' ba'i rang bzhin dang/ ji srid rdo rje nor bu'i mthar lhan cig skyes pa'i dga'
- 59a
ba'i rang bzhin gyis zhes pa'o/ /yang na rnam pa sna tshogs dang/ rnam par smin pa dang rnam par nyed pa dang mtshan nyid dang bral ba'i rang bzhin gyis zhes pa'o/ /de ltar cha bcu drug rdzogs pa nor bu'i mthar son pa/ bsgoms pa'i stobs kyis bde ba ster ba 'dzag pa med pa'i bde ba lta bu ste dpe tsam mo/ /rang gi ngo bo ni dbang po gnyis las skyes pa 'gyur ba'i bde bas mchog tu mi 'gyur ba'i bde ba'i bye ba phrag stong gi char yang mi phod do/ /'dir 'gyur ba med pa'i bde ba'i gnas skabs na lhan cig skyes pa'i dga' ba'i rang bzhin de ni byis pa'i rnal 'byor pa rnams kyi 'bras bur shes par bya'o/ /byang chub sems dpa' rnams kyis stong pa nyid kyi ting nge 'dzin zhes brjod do/ /'on kyang 'jig rten la grags pa med pa'i rjes su lhung ba ni ma yin no/ /de ltar yan lag drug gi rnal 'byor bsam gtan dang sngags bzlas pa dang bde ba yis rnal 'byor pa rnams sangs rgyas nyid du 'grub par 'gyur te/ bsod nams mchog /dag byed sdig pa 'jig byed pa skye ba 'dir zhes pa bsgrub par bya ba dang sgrub par byed pa'i nges pa bcom ldan 'das kyis gsungs so/ /da ni dam tshig ces pa la sogs pas dam tshig bskyang ba brjod par bya'o/ /'dir dam tshig rnam pa gnyis te phyi rol dang nang gi bdag nyid do/ /dam tshig de rnams rnal 'byor pas bskyang zhing bsrung bar bya ste phyi ni phyi rol la 'jig rten pa 'jug pa'i don no/ /nang gi bdag nyid ni nang du ye shes 'jug pa'i don no/ /'dir phyi rol la 'jig rten pa 'jug pas rnal 'byor pa rnams kyi bsod nams kyi tshogs su 'gyur te/ phyi rol gyi dam tshig bsrung ba las so/ /nang gi bdag nyid la ye shes 'jug pas ye shes kyi tshogs su 'gyur te/ nang gi bdag nyid kyi dam tshig bsrung ba las so/ /de'i phyir/ legs par mnyam bzhag sgrub pa pos/ /rtag tu dam tshig bskyang bar bya/ /zhes pa'o/ /'dir phyi rol dang nang gi bdag nyid kyi dam tshig rnams rgyud dang rgyud
- 59b
gzhan gyis rtogs par bya ste/ 'dir bcom ldan 'das kyis dpal 'dus pa'i le'u bcu bdun par gsungs pa/ dang por re zhig nang gi bdag nyid kyi dam tshig rnams la 'di lta ste/ de nas phyag na rdo rje de bzhin gshegs pa thams cad kyi bdag pos sangs rgyas thams cad kyi sku rdo rje'i dam tshig nyid kyi sku dang gsung dang thugs rdo rje rnams las phyung bar gyur te/ sangs rgyas ye shes rgya mtsho yis/ /dam tshig bzhi po bsrung par bya/ /sha chen rtag tu bza' bya ste/ /'di ni dam tshig mchog yin no/ /zhes pa'o/ /'dir 'dus par gsungs pa'i cho ga 'dis 'khor lo sdom par dam tshig bskyang bar rig par bya ste/ rgyud na rgyud gzhan nas rtogs par bya'o zhes pa de bzhin gshegs pa'i nges pa'o/ /'dir sangs rgyas thams cad kyi sku rdo rje'i dam tshig gi nges pa'i don ni/ 'dir nang du byang chub kyi sems kyi thig le sku'i mtshan nyid sad pa'i gnas skabs skyed par byed pa shes rab kyi chags pas zhu bar gyur pa gsang ba'i pad+mar son pa'o/ /de nyid rnam pa bzhi ste/ sku'i dga' ba dang gsung gi dga' ba dang thugs kyi dga' ba dang ye shes kyi dga' ba'i dbye bas byang chub kyi sems rnam pa bzhi'i sku'i thig le'i dam tshig brjod do/ /dam tshig ni 'dus pa ste/ sku dang gsung dang thugs dang ye shes rdo rje rnams gsang bar byang chub kyi sems kyi gzugs kyis gcig pa nyid do/ /dam tshig bzhi po de nyid bsrung bar bya ste/ de bsrungs pas sha chen rtag tu bza' bya ste zhes pa sha chen po 'du byed kyi phung po'o/ /de nyid bza' bar bya ste/ sgrib pa med par bya'o zhes pa nges pa'i don no/ /gang gis zhe na/ sangs rgyas ye shes rgya mtsho yis/ zhes pa sangs rgyas bcom ldan 'das kyis so/ / 'di ni dam tshig mchog yin no zhes pa byis pa'i rnal 'byor pa rnams kyis bgrod par bya ba ma yin no zhes pa'i don no/ /de ltar 'chad par 'gyur ba'i dam tshig bzhi po thams cad la nges pa'i don khong du chud par bya'o zhes pa sku rdo rje'i dam tshig
- 60a
gsungs pa'o/ /de nas gsung rdo rje'i dam tshig brjod par bya'o/ /'di lta ste/ de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad kyi gsung rdo rje'i dam tshig nyid kyi sku dang gsung dang thugs rdo rje rnams las byung bar gyur te/ 'gyur med chen po'i gsung rdo rje/ /dam tshig bzhi po bsrung bar bya/ /bshang gci rtag tu bza' bya ste/ /'di ni gsang ba rmad byung che/ zhes pa'o/ 'di'i nges pa'i don yang brjod par bya'o/ /'dir byang chub kyi sems kyi thig le gsung gi mtshan nyid rmi lam gyi gnas skabs skyed par byed pa shes rab kyi chags pas zhu bar gyur pa lte ba'i pad+mar son pa'o/ /de nyid rnam pa bzhi ste sku'i mchog tu dga' ba dang gsung gi mchog tu dga' ba dang thugs kyi mchog tu dga' ba dang ye shes kyi mchog tu dga' ba'i dbye bas byang chub kyi sems rnam pa bzhi gsung gi thig le'i dam tshig brjod do/ /dam tshig ni 'dus pa ste sku dang gsung dang thugs dang ye shes rdo rje rnams lte bar byang chub kyi sems kyi thig le'i gzugs kyi gcig pa nyid do/ /sku'i mchog tu dga' ba la sogs pa dam tshig bzhi po de nyid bsrung bar bya ste/ 'gyur med chen po gsung rdo rje/ /zhes pa byang chub kyi sems 'dzag pa med pa'i bde ba'i skad gcig 'gyur med chen pos rnal 'byor pa rnams kyis bsrung bar bya'o/ /gsung rdo rje'i thig le de bsrungs pas/ bshang gci rtag tu bza' bya ste zhes pa gzugs kyi phung po dang rnam par shes pa'i phung po ste/ rnal 'byor pa rnams kyis sgrib pa med par bya'o zhes pa de bzhin gshegs pa'i gsung don dam pa las so/ /'di ni gsang ba rmad byung che/ /zhes pa mchog tu mi 'gyur ba rnams kyis byang chub kyi sems bsrung ba 'di ni/ rnal 'byor pa byis pa'i blo can dbang po gnyis kyi bde ba 'dod pa rnams las rmad du byung ba chen po'o/ /zhes pa gsung rdo rje'i dam tshig
- 60b
gsungs pa'o/ /de nas thugs rdo rje'i thig le'i dam tshig brjod par bya'o/ /'di lta ste/ de nas phyag na rdo rje de bzhin gshegs pa thams cad kyi bdag pos/ rdo rje 'dzin pa thams cad kyi dam tshig 'di nyid kyi sku dang gsung dang thugs rdo rje rnams las phyung bar gyur te/ rdo rje sems dpa' rdzu 'phrul che/ /dam tshig bzhi po bsrung bar bya/ /khrag dang khu ba yang dag ldan/ /brtul zhugs brten pas rtag tu bza' / /zhes pas so/ /'di'i nges pa'i don yang brjod par bya'o/ /'dir byang chub kyi sems kyi mtshan nyid shin tu gnyid log pa'i gnas skabs skyed par byed pa/ shes rab kyi chags pas zhu bar gyur pa snying ga'i pad+mar son pa'o/ /de nyid rnam pa bzhi ste/ sku'i dga' bral gyi dga' ba dang/ gsung gi dga' bral gyi dga' ba dang thugs kyi dga' bral gyi dga' ba dang ye shes kyi dga' bral gyi dga' ba'i dbye bas byang chub kyi sems rnam pa bzhi thugs kyi thig le'i dam tshig brjod do/ /dam tshig ni 'dus pa ste/ sku dang gsung dang thugs dang ye shes rdo rje rnams snying gar byang chub kyi sems kyi thig le'i gzugs kyi gcig pa nyid do/ /rdzu 'phrul che zhes pa gsum pa thugs kyi thig le'i lam la gnas pa'i rnal 'byor pa rnams kyi/ yan lag drug gi rnal 'byor gyis/ /dam tshig bzhi po de bsrungs pas/ /khrag dang khu ba yang dag ldan/ /brtul zhugs brtan pas rtag tu bza' / /zhes pa tshor ba dang 'du shes kyi phung po sgrib pa med par bya'o zhes pa nges pa'i don te/ dus thams cad du brtul zhugs brtan pas las kyi phyag rgya dang 'grogs pa na yang khu ba 'pho ba med pa'i rnal 'byor pa rnams kyis shes pa thugs rdo rje'i thig le'i dam tshig gsungs pa'o/ /'dir bcom ldan 'das kyis rigs gsum gyi bdag nyid dpal 'dus par thig le gsum gyi dam tshig gsungs pa'o/ /thig le bzhi pa'i dam tshig bstan pa ni/ /rigs bzhi pa'i bdag nyid can
- 61a
mchog gi dang po'i sangs rgyas su bcom ldan 'das kyis gsungs pa/ 'di lta ste/ mi phyed lam la gnas pa yis/ /dam tshig bzhi po bsrung bar bya/ /go ku la sogs rtag tu bza' / /dam tshig 'di ni 'da' bar dka' / /zhes pa'o/ /'di'i nges pa'i don yang brjod par bya'o/ /'dir byang chub kyi sems kyi thig le ye shes kyi mtshan nyid bzhi pa'i gnas skabs skyed par byed pa/ shes rab kyi chags pas zhu bar gyur pa/ mgrin pa'i pad+mar son pa'o/ /de nyid rnam pa bzhi ste/ sku'i lhan cig skyes pa'i dga' ba dang/ gsung gi lhan cig skyes pa'i dga' ba dang/ thugs kyi lhan cig skyes pa'i dga' ba dang/ ye shes kyi lhan cig skyes pa'i dga' ba'i dbye bas/ byang chub kyi sems rnam pa bzhi'i ye shes kyi thig le'i dam tshig brjod do/ /dam tshig ni 'dus pa ste/ sku dang gsung dang thugs dang ye shes rdo rje rnams mgrin par byang chub kyi sems kyi thig le'i gzugs kyis gcig pa nyid do/ /sku'i lhan cig skyes pa'i dga' ba la sogs pa thig le'i dam tshig bzhi po de nyid bsrung bar bya ste/ bzhi pa ye shes kyi thig le'i dam tshig 'di ni/ mi phyed lam la gnas pa yis shes pa du ba la sogs pa stong pa nyid kyi lam la gnas pa ste/ lam de la gnas pa'i rnal 'byor pa rnams kyis shes pa'o/ /go ku la sogs rtag tu bza' zhes pa dgongs pa'i skad kyis go dang po'i sgras mig go /ku dang po'i sgras rna ba'o/ /ha dang po'i sgras lce'o/ /na dang po'i sgras lus kyi dbang po'o// sbrang bu'i skyugs pa'i sgras yid kyi dbang po rtogs par bya ste de rnams bza' ba'o/ /de ltar rgyu mtshan med pas rgyu mtshan can yang med de/ gzugs la sogs pa yul drug dang/ mig gi rnam par shes pa la sogs pa rnam par
- 61b
shes pa drug po rnams rnal 'byor pa rnams kyis bza' bar bya'o/ /de ltar khams bco brgyad po rnams bza' bar bya ste/ ye shes kyi thig le'i dam tshig bzhi rtag tu bsrung bar bya'o/ /de bzhin du dbang bskur ba'i gsol ba gdab pa'i dus na/ slob mas bla ma la bstod pa'i tshigs su bcad pa rgyud gzhan du bcom ldan 'das kyis gsungs pa 'di lta ste/ khyod kyi sku la sha khrag dang/ /bshang gci khu ba nyid dang ni/ /khams rnams bco brgyad nyid kyang med/ /rdo rje'i sku la phyag 'tshal bstod/ / ces pa la sogs pa thams cad nang gi bdag nyid kyi dam tshig bsrung bar rnal 'byor pa rnams kyis rtogs par bya'o/ /'dir dam tshig bsrung ba rnams kyi 'bras bu gang yin pa de nyid bcom ldan 'das kyis dpal 'dus par gsungs pa/ sku gsung thugs kyi rdo rje yis/ /dam tshig 'di ni rmad byung che/ /rtag par sangs rgyas thams cad kyi/ /rdo rje 'dzin pa rnams kyis bsrungs/ /gang zhig dam tshig 'di bsrungs pa/ /rdo rje sems dpa' gzi brjid che/ /sku gsung thugs dang chags pa'i bdag /skad cig de las sangs rgyas 'gyur/ /zhes pa bcom ldan 'das kyi dam tshig bsrung ba'i nges pa'o/ /phyi rol du ni slar yang phyi'i dam tshig bzhi po yul dang rigs kyi tha snyad kyi bsrung zhing spas pas bza' bar bya'o/ /de bzhin du mchod sbyin gyi dus na rigs dang ldan pa rnams kyis bza' bar bya ste rnal 'byor pa rdza por 'dzin pa 'jig rten gyi tha snyad rnam par spangs pa rnams kyis bza' bar bya'o/ /'dir phyi rol gyi dam tshig bzhi ni/ chang rnam pa lnga btung ba dang/ sha rnam pa lnga bza' ba dang/ rigs rnam pa lnga dang 'grogs pa dang/ bdud rtsi rnam pa lnga myang ba zhes bya ste/ rgyas par ni sum cu rtsa bdun gyi dbye ba tha dad pas rtsa ba'i rgyud gzhan mngon par brjod pa 'bum pa la sogs par bcom ldan 'das kyis gsungs pa rnal 'byor pas shes par bya'o/ /de ltar dam tshig
- 62a
bsrung bar bya ba dang/ bza' bar bya ba ni rgyud gzhan thams cad du 'jig rten pa dang 'jig rten las 'das pa'i dngos grub kyi don du'o/ /zhes pa bcom ldan 'das kyis gsungs pa nges pa'o/ /de'i phyir thabs kyi rgyud kyi dgongs pas shes rab kyi rgyud rtogs par bya'o/ /shes rab kyi rgyud kyi dgongs pas thabs kyi rgyud rtogs par bya ste/ dam tshig rnam par dag pa'i don dang rtsa'i 'khor lo rnam par dag pa'i don du'o/ /sgyu 'phrul dra ba stong phrag bcu drug par yang dam tshig bzhi po rnam pa bcu drug po de'i bsrung ba'i thabs bcom ldan 'das kyis gsungs te/ sngar brjod pa'i dbang bskur ba'i tshigs su bcad pa 'dir dam tshig bsrung ba la 'ang de ltar rig par bya'o/ /rnam pa thams cad rnam pa med ces pa la sogs pa rdo rje'i tshig gi nges pa'i don ni/ 'dir rnam pa thams cad rnam pa med ni rgyu ste so sor sdud pas gang zhig mthong ba dngos po bum pa dang snam bu la sogs pa pra phab pa dang mtshungs par snang ba'o/ /rnam pa thams cad ces pa rtog pa dang bral ba ma 'khrul ba'i mngon sum gyi mthong ba las shes pa'o/ /rnam pa med ces pa rdul phra rab kyi chos nyid las 'das pa rtog pa dang bral ba nyid las so/ /gang gi phyir bkab pa dang ma bkab pa'i mig gis rtog par bya ba de'i phyir gzugs ma yin gzugs las gzhan pa yang ma yin te/ mig gi sa rtogs par bya ba ma yin/ mig med par yang rtogs par bya ba ma yin no/ /de ltar rnam pa thams cad rnam pa med ni rgyu ste/ shes rab kyi pha rol tu phyin pa chen po stong pa nyid rnam pa thams cad kyi mchog dang ldan pa'o/ /yang na sangs rgyas kyi gzugs brnyan khams gsum pa ma lus pa zhes pa rgyu'o/ /de las skyes pa'i 'bras bu mchog tu mi 'gyur ba'i bde ba bcu drug phyed
- 62b
phyed thig le 'chang ba ste/ de bzhin gshegs pa rnams kyis shes rab chen po'i ye shes zhes brjod do/ /cha bcu drug po rnams kyi phyed ni brgyad do/ /de'i phyed ni thig le bzhi po rnams te/ sku dang gsung dang thugs dang ye shes kyi mtshan nyid/ sad pa dang rmi lam dang shin tu gnyid log pa dang bzhi pa'i gnas skabs skyed par byed pa'o/ /de rnams 'dzin pa'i phyir bcu drug phyed phyed thig le 'chang ste/ dam tshig bzhi po skyong bar byed ces pa'i don te/ rdo rje sems dpa' chags pa chen po ni cha med ces pa dkar po'i cha bco lnga spangs pa ste/ de rnams kyi mthar gnas pa dkar po rdzogs pa'i mthar zhes pa'o/ /bgrang las 'das pa zhes pa bgrang ba nag po'i tshes gcig ste de la ma zhugs pa bgrang las 'das pa lhan cig skyes pa zhes pa'i don no/ /bsam gtan bzhi pa'i rtse mo 'chang zhes pa 'dir dang po dga' ba'i bde ba'i bsam gtan dang gnyis pa mchog tu dga' ba'i bde ba'i bsam gtan dang/ gsum pa dga' bral gyi dga' ba'i bde ba'i bsam gtan dang/ bzhi pa lhan cig skyes pa'i dga' ba'i bde ba'i bsam gtan te lnga pa dang bcu pa dang nya dang nya'i mthar thig le la mchog tu mi 'gyur ba'i bde ba'i bsam gtan gnas pa'o/ /de'i rtse mo mdza' yi cha bde ba yongs su rdzogs pa nyid bsam gtan gyi rtse mo ste/ de 'dzin pa'i phyir bsam gtan bzhi pa'i rtse mo 'chang zhes pa bcom ldan 'das kyis gsungs so/ /de ltar dam tshig bcu drug po 'di rnams bsgoms pa'i stobs kyis rtag tu dus thams cad du bskyang bar bya'o/ /legs par mnyam gzhag sgrub pa po zhes pa 'dir mnyam par gzhag pa ni dkar po'i phyogs kyi mthar gnas pa'i shes rab dang thabs bsgoms pa'i stobs kyi/ tshes gcig la sogs pa tshes lnga ni byang chub kyi sems kyi dga' ba skyed par byed pa'o/ /drug pa la sogs pa tshes lnga ni mchog tu dga' ba skyed
- 63a
par byed pa'o/ /bcu gcig pa la sogs pa tshes lnga ni dga' bral gyi dga' ba skyed par byed pa'o/ /nya'i mthar cha bcu drug pa lhan cig skyes pa'i dga' ba skyed par byed pa'o/ /cha bcu drug pa ni dmigs pa med pa ste/ de la gnas pa ni/ legs par mnyam gzhag sgrub pa pos zhes pa dang/ tshul khrims chen po 'chang ba'i mchog /ces so/ /de'i ma mthar 'dzag pa'i dus te nag po'i tshes gcig 'ongs pa na 'dzag pa chags bral nag po'i phyogs so/ /de la zhugs pa ni mnyam par ma gzhag pa ste/ dga' bzhi zad pa las so/ /'dir byang chub sems kyi zla ba'i nag po'i phyogs chags pa dang bral ba dga' ba bzhi zad pa'i rgyur gyur pa'o/ /de la nag po'i tshes gcig la sogs pa tshes lnga ni dga' ba zad par byed pa mo'o/ /drug pa la sogs pa tshes lnga ni mchog tu dga' ba zad par byed pa mo'o/ /bcu gcig pa la sogs pa tshes lnga ni dga' bral gyi dga' ba zad par byed pa mo'o/ /gnam stong gi mthar zla ba'i cha bcu drug pa nyams pa ni lhan cig skyes pa'i dga' ba zad par byed pa mo'o/ /de ltar dkar po'i phyogs dang nag po'i phyogs ni 'khor ba pa rnams kyi chags pa dang chags bral gyi phyogs so/ de dag gi dbus su lhan cig skyes pa bzhi pa shes rab ye shes 'gyur ba 'am/ 'gyur ba med pa dbang po gnyis las skyes pa dang bral ba'o/ /'dir shes rab kyi tsum pa nas dang po dga' ba'i skad cig mar 'gyur te de yang sku'i dam tshig go /dga' ba zad pa las pad+mar rdo rje zhugs pas mchog tu dga' ba'i skad cig mar 'gyur te de nyid gsung gi dam tshig go /mchog tu dga' ba zad pa las pad+mar rdo rje bskyod pas dga' bral gyi dga' ba'i skad cig mar 'gyur te/ de nyid thugs kyi dam tshig go /dga' bral gyi dga' ba zad pa las rdo rje nor bur byang chub kyi sems son pas lhan cig skyes pa'i
- 63b
dga' ba'i skad cig mar 'gyur te de nyid bzhi pa ye shes kyi dam tshig tu bcom ldan 'das kyis gsungs so/ /de ltar skad cig snga ma 'gags pas phyi ma 'byung bar 'gyur te/ ji ltar lhan cig skyes pa'i skad cig ma'i bar ni chags pa'i phyogs so/ /de ltar dga' ba lhan cig skyes par ro mnyam pa nyid dang rdzogs pa nyid do/ /de nas rdo rje nor bur byang chub kyi sems 'phos par gyur na chags bral gyi phyogs so/ /chags bral gyi phyogs la dang po dga' ba'i chags bral lo/ /dga' ba'i chags bral zad pa las mchog dga' i chags bral lo/ /mchog dga' i chags bral zad pa las dga' bral gyi dga' ba'i chags bral lo/ /dga' bral gyi dga' ba'i chags bral zad pa las lhan cig skyes pa'i dga' ba'i chags bral lo zhes pa de ltar dam tshig bzhi bcom ldan 'das kyis gsungs so/ /de ltar skad cig re 'gags pas skad cig gzhan 'byung bar 'gyur te/ ji srid lhan cig skyes pa'i dga' ba'i chags bral gyi skad cig ma'i bar ni chags bral gyi phyogs so/ de ltar dga' ba la sogs pa'i chags pa dang bral ba thams cad lhan cig skyes pa'i chags bral du ro mnyam pa nyid dang rdzogs pa nyid do/ /de ltar dkar po'i phyogs ni dga' ba bzhi'i bdag nyid can no/ /nag po'i phyogs ni dga' ba bzhi'i chags bral gyi bdag nyid can no/ /de ltar chags pa dang chags bral dag las 'jig rten gsum pa mnyam par ma gzhag pa rnam par 'khrug par byed de/ lhan cig skyes pa'i skad cig 'pho ba med pa la/ rnam par gnas pa med pa nyid kyi phyir zhes pa mnyam par gzhag pa dang mnyam par ma gzhag pa'i sgrub pa po'i nges pa'o/ /shes rab dang 'grogs pa 'di nyid la bsnyen pa la sogs pa bcom ldan 'das kyis/ rgyud gzhan rnams su gsungs pa 'di lta ste/ tsum pa
- 64a
'khyud pa bsnyen pa ste/ /pad+mar rdo rje nyer sgrub pa ste/ /de yi bde ba sgrub pa che/ /zhes pa'o/ /de ltar byang chub kyi sems kyi thig le'i dam tshig rnams sgrub pa pos legs par mnyam par gzhag pas bskyang par bya'o// zhes pa bcom ldan 'das kyis nges pa'o/ /de bzhin du bcom ldan 'das kyis rgyud 'di nyid du dam tshig chen po brgyad gsungs pa 'di lta ste/ nges par dngos grub rnams kyi rgyu/ /dam tshig rnams ni bskyang ba dang/ /rigs gzhan las byung pho nya mo/ /'dod la chags pas bgrod mi bya/ /gnyis med thogs pa med pa dang/ /dam tshig rnams ni bskyang ba dang/ /mi mo'i spyod pa legs par bsrub/ /tshangs par spyod pa de bzhin zhal/ /'dren pa rtsa yi kun spyod do/ /zhes pa dam tshig brgyad du dran/ /rnal 'byor dbang pos gang bsrung ba/ /myur du dngos grub thob par 'gyur/ /zhes pa 'di'i nges pa'i don brjod par bya'o/ /dngos grub rnams kyi zhes pa/ 'dir dngos grub rnams ni las kyi phyag rgya dang ye shes kyi phyag rgya dang phyag rgya chen po ste/ gsum po rnams kyi rgyu ni nges par byang chub kyi sems te/ 'dod pa na spyod pa dang/ gzugs na spyod pa dang yang dag par rdzogs pa'i sangs rgyas kyi 'bras bu thob pa'i phyir/ byang chub kyi sems 'pho ba med pa'o/ / zhes pa dam tshig dang po'o/ /dam tshig rnams ni bskyang ba dang zhes pa dam tshig ni byang chub kyi sems kyi thig le bzhi po rnams te de rnams sngar brjod pa'i cho gas mgrin pa dang snying ga dang lte ba dang gsang bar 'ongs pa shes rab kyi chags pas zhu bar gyur ba dga' ba bcu drug gi bdag nyid can rnams so/ /de rnams bskyang ba ni bsrung ba ste rnal 'byor pa rnams kyi dam tshig gnyis pa'o/ /rigs gzhan las byung ba pho nya mo/ /'dod la chags pas bgrod mi bya/ /zhes pa 'dir rigs
- 64b
ldan ma dor nas phyi rol tu dngos grub kyi don du mkha' 'gro ma la sogs pa de bzhin gshegs pa gzhan gyis rigs las byung ba rnams bsgom par mi bya'o zhes pa nges pa'i don te/ dam tshig gsum pa'o/ /gnyis med ces pa thig le bzhi'i dam tshig rnams nya'i mthar gnyis su med par byed pa ste dam tshig bzhi pa'o/ /thogs pa med pa zhes pa dang/ yi ge las thig le bzhi'i dam tshig rnams kyi spyod pa dga' ba bcu drug gi rang bzhin/ thogs pa med pa nag po'i phyogs la ma zhugs pa'o zhes pa dam tshig lnga pa'o/ /mi mo'i spyod pa legs par bsrub ces pa mi mo ni shes rab kyi pha rol tu phyin pa kun tu bzang mo'o/ /de'i spyod pa ni byang chub sems dpa' rnams kyi sems can gyi don gyi bya ba rnam pa du ma ste/ legs par bsrub pa ni bde ba'i sems kyi rtag tu spyod pa'o zhes pa dam tshig drug pa'o/ /tshangs par spyod pa de bzhin zhal zhes pa 'dir zhal ni rdo rje'i sgo ste rtag tu 'pho ba med pa'i tshul khrims zhes pa dam tshig bdun pa'o/ /'dren pa rtsa'i kun spyod do zhes pa 'og tu son pa'i byang chub kyi sems kyi thig le rnams rtsi'i kun tu spyod pa a wa d+hU tI mkha' 'gro gdong kun tu spyod par son pa rnams/ rdo rje nor bu las 'dren pa ni 'gugs pa ste/ /gsang ba dang lte ba dang snying ga dang mgrin pa dang dpral ba dang gtsug tor du lte ba nas lte ba'i kun spyod la khu ba steng du bgrod pa'o zhes pa dam tshig brgyad pa'o/ /de ltar dam tshig brgyad po 'di nas gang zhig nges par dus thams cad du skyong bar byed pa ste/ myur du phyag rgya chen po'i dngos grub thob par 'gyur zhes pa ste nang gi dam tshig bskyang ba'o/ /phyi rol tu ni dngos grub rnams zhes pa/ phyi rol gyi dngos grub 'og min gyi gnas kyi mthar thug pa'o/ /rgyu ni nges par byang chub kyi sems bskyed pa dang/ sbyin pa
- 65a
la sogs pa bsod nams kyi tshogs te dam tshig dang po'o/ /dam tshig rnams ni bskyang ba dang zhes pa dam tshig ni phyi rol du chang dang go ku la sogs pa dang/ rigs dang mi ldan pa la mngon par bgrod pa dang/ bdud rtsi lnga bza' ba la sogs pa'o/ /de rnams bskyang ni yul dang rigs kyi tha snyad kyis bsrung ba'o/ /gal te byed pa de'i tshe sbas te byed pa ni dam tshig gnyis pa'o/ /rigs gzhan las byung pho nya mo zhes pa la rigs gzhan zhi ba la sogs pa'o/ /rigs der dbang bskur ba ni rigs gzhan las byung ba ste/ rigs gzhan las byung ba ni sangs rgyas pa'i dam tshig sun 'byin pa'o/ /de bzhin du gzhan dam tshig dang mi ldan pa rnams la bgrod par mi bya'o/ /'dod pa la chags pas gal te bgrod par byed pa de'i tshe dam tshig rnam par nyams pa'i phyir/ 'jig rten pa'i dngos grub nyams par 'gyur ro zhes pa dam tshig gsum pa'o/ /gnyis med ces pa pho nya mo dang dpa' bo dag dus gcig la gnyis su med pa'i byang chub kyi sems dang bde ba myang ba'o zhes pa dam tshig bzhi pa'o/ /dam tshig rnams kyi spyod pa dang/ zhes pa thogs pa med pa bsnyen pa dang dam tshig rnams kyi spyod pa dang/ sngags kyi dngos grub la sogs pa spro ba'i lha rnams gzhom du med pa ste/ bgegs rnams kyis gzhom par mi nus pa'o zhes pa dam tshig lnga pa'o/ /mi mo'i spyod pa legs par bsrub/ /ces pa mi mo ni rigs thams cad las byung ba'o/ /de'i spyod pa ni tsum pa na dang 'gyur pa la sogs pa mang po ste/ de rnams la legs par srub par byed pa'o zhes pa dam tshig drug pa'o/ /tshangs par spyod pa de bzhin zhal/ zhes pa tshangs par spyod pa ni bde ba ste de bzhin zhes pa bsrub pa'o/ /zhal zhes pa rdo rje'i sgor shes par bya ste 'pho ba'i dus na'o zhes pa dam tshig
- 65b
bdun pa'o/ /bden pa rtsa'i kun spyod do zhes pa la la nA dang ras nA dang dbu mar rgyu ba'i byang chub kyi sems 'dren pa'o zhes pa'o/ /de 'dzin pa ni rgas pa dang nad la sogs pa bsal ba'i phyir dam tshig bsten pa'o zhes pa dam tshig brgyad pa'o/ /de ltar phyi'i dam tshig brgyad po de rnams rnal 'byor pa legs par mnyam par gzhag pas 'jig rten gyi bya ba spangs nas skyong bar byed pa gang yin pa de myur du dngos grub thob par 'gyur zhes pa de bzhin gshegs pa'i nges pa ste/ dam tshig bskyang ba'i cho ga'o/ /da ni dam tshig ces pa la sogs pas dam tshig bye bas dngos grub nyams par brjod par bya'o/ /'dir dam tshig bya ba ni rnam pa gnyis te/ phyi rol dang nang gi bdag nyid do/ /de la phyi rol tu bdud rtse lnga dang sgron ma lnga po de rnams bza' ba dang/ rigs lnga la mngon par bgrod pa dang ma dang sring mo la sogs pa rang gi rigs rnams la mngon par bgrod pa dang/ gal te bye bar gyur pa de'i tshe dam tshig bye ba'o/ /dam tshig nyams pa des na 'jig rten pas smad par 'gyur te/ yul dang rigs kyi tha snyad kyis 'jig rten pas smad pas bstan pa la smod par 'gyur ro/ /des ni las dang po pa rnams la sdig par 'gyur te/ sdig pa'i mthu las bsod nams nyams so/ /bsod nams med pa las dngos grub gsum nyams par 'gyur ro/ /de ltar/ dam tshig rnams ni bye ba yis/ /'dod pa'i dngos grub thob mi 'gyur/ /rnal 'byor pa rnams kyis phyi rol gyi dam tshig bye ba yis zhes pa nges pa'o/ /nang du ni dam tshig byang chub kyi sems thig le bzhi po rnams so/ /de rnams bya bas shes pa 'pho bas bde ba chen por nyams par 'gyur te/ bde ba chen po nyams pa ni chags pa bral ba'o/ /chags pa dang bral ba zhes bya ba ni sdig pa ste sdig pa las sdug bsngal 'byung bar 'gyur ro/ /de ltar dam tshig bye bas 'dod pa'i dngos grub phyag rgya chen po'i dngos grub rnal 'byor pa rnams
- 66a
kyis thob par mi 'gyur ro zhes pa'o de bzhin du bcom ldan 'das kyis mchog gi dang po'i sangs rgyas su dbang mdor bstan par gsungs pa/ 'phos pa las ni chags bral 'gyur/ /chags bral las ni sdug bsngal 'byung/ /sdug bsngal skyes bu'i khams zad byed/ /zad pa las ni 'chi bar brjod/ /ces pa'o/ /gzhan yang 'di nyid du/ /chags bral las gzhan sdig pa med/ /bde ba las gzhan bsod nams med/ /de phyir 'gyur med bde bar sems/ / mi bdag rtag tu gnas par bya/ /zhes pa'o/ /gzhan yang dam tshig gi le'ur gsungs pa/ dngos grub kun gyi gter gyur pa/ /byang chub sems ltung gyur na 'dir/ /phung po rnam shes brgyal 'gyur zhing/ /dngos grub mi 'thob brtul zhugs can/ /zhes pa'o/ /de ltar rgyud kyi rgyal po thams cad du dam tshig bye ba dgag pa phyi rol dang nang du bcom ldan 'das kyis gsungs so/ /'dir gang gi tshe phyi rol dang nang du zhi ba dang drag po'i lha rnams rnal 'byor pas bsgrub par bya ba de'i tshe/ de rnams kyi dam tshig bsten par bya'o/ /rnam pa thams cad du ni gzhan gyi dam tshig gis gzhan gyi bya ba 'grub par mi 'gyur gyi/ /sgrub pa po rnams la 'chi ba ster bar byed par 'gyur te rgyud du gsungs pa'i cho ga dang bral ba'i phyir ro zhes pa'o/ /de'i phyir phyi rol dang nang du dam tshig bsrung bar bya'o/ /gang gi tshe dbang bskur ba la sogs pa'i nyin zhag la bya ba'i dam tshig ni shin du sbas pas bya zhing/ phyi nas bla ma dam pa rnams kyis rigs kyi bu rnams la dgag par bya'o/ /dge slong rnams la ni dbang bskur ba'i dus suAng sbyin par mi bya ste/ chos gos 'dzin pa rnams la bla mas rang gi tshig gis thams cad rab tu bstan par bya'o/ /rnam pa gzhan du bla ma dam tshig nyams par 'gyur ro/ /
- 66b
de rnams la theg pa chen po la sems bskyed pa dang/ lus dang ngag legs par bsdams pa sbyin par bya ste/ nyan thos kyi bslab pa ji lta ba de bzhin du lus dang ngag gis bskyang bar bya'o zhes pa dam tshig bskyang ba ste dge slong chos gos 'dzin pa rnams kyis dam tshig bskyang bar mi bya'o/ /chos gos ngor bar gyur na lus dang ngag dang sems kyi bya bas dam tshig rjes su bsgrub pas las kyi phyag rgya'i dam tshig gis tshim pas gsal bar rdo rje slob dpon gyi gnas thob pa'i phyir dbang bskur ba sbyin par bya'o zhes pa dam tshig bye bas dngos grub nyams pa'i nges pa'o/ /'dir mngon par brjod pa 'bum pa las phyung ba/ bsdus pa'i rgyud 'dir 'jig rten pa dang 'jig rten las 'das pa'i dngos grub sgrub par byed pa/ dbang bskur ba la sogs pa dam tshig gi don mdor bsdus te/ de nas 'di la gsang ba bshad/ ces pa la sogs pa nas/ 'dod pa'i dngos grub thob mi 'gyur/ zhes pa'i mthar thug pa'i tshigs su bcad pa phyed dang bcas pa bcu po rnams kyis rgyud thams cad kyi don mchog tu gsang ba dgongs pa'i skad gzhan dang rgyud gzhan gyis rtogs par bya ba ste/ phyag rgya chen po'i dngos grub 'dod pa rnams kyis bla ma dam pa'i nye bar bstan pas shes pa'o/ /de ltar rgyud thams cad du gsungs pa'i don ni gtso bor rtsa ba'i rgyud dam/ byang chub sems dpa' rnams kyis mdzad pa'i 'grel bshad kyis mthar thug gi don 'di thams cad yul gzhan lho dang byang du song ste shes par bya'o/ /gzhan du mkhas pa'i mngon pa'i nga rgyal dang ldan pa rnams kyis byas pa'i 'grel bshad kyis gsang ba'i don rtogs par mi 'gyur ro/ zhes bcom ldan 'das kyis gsungs so/ /'dir bsdus pa'i rgyud kyi 'grel bshad mdor bsdus pas bsdus pa'i don rab tu gsal bar byas pa ste/
- 67a
brtson 'grus dang ldan pa rnams kyis rgyud rgyas pa'i 'grel bshad rgyas par rtogs par bya'o zhes bcom ldan 'das kyi nges pa'o/ /zhes pa mngon par brjod pa 'bum pa las phyung ba/ nyung ngu'i rgyud kyi bsdus pa'i don rnam par bshad pa zhes bya ba le'u dang po'i 'grel bshad rdzogs so// //rgya gar gyi mkhan po chen po dpal rab 'byor zhi ba'i zhal snga nas/ cog gru lo tsa ba dge slong ting nge 'dzin bzang pos bsgyur ba las/ dus phyis/ thub pa'i dbang po'i gsung rab thams cad la dbang 'byor pa/ bla ma dam pa chos kyi rgyal po'i bka' drin gyis nye bar bskyangs pa/ legs par sbyar ba'i skad kyis brda sprod pa'i bstan bcos rig pa shod lo rtsa ba dge slong blo gros brtan pas/ brag dmar dben sar legs par bsgyur zhing dag par byas pa'o// //dge legs dang bkra shis kyis khyab par gyur cig/ //!/ (/dpal 'khor lo sdom pa'i dka' 'grel sgrub thabs kyi gleng gzhi bzhugs//) //!/ /rgya gar skad du/ sA d+ha na ni da na sh+rI tsakra sam+ba ra nA ma pany+tsi kA/ bod skad du/ dpal 'khor lo sdom pa'i dka' 'grel sgrub pa'i thabs kyi gleng gzhi zhes bya ba/ bcom ldan 'das dpal rdo rje mkha' 'gro la phyag 'tshal lo/ /mgon po sku gsum bde ba'i bdag /he ru ka dpal la btud de/ /bla ma brgyud rim las 'ongs pa/ /dad pas cung zad bri bar bya/ /de nas zhes bya ba la sogs pa ni/ rgyud 'di rgyud gzhan gyi mdza' dang yang dag par ldan pa ste/ de nas zhes bya ba'i sgra ni/ sngon gyi rgyud la bltos pa yin no/ /'dis ni rgyud 'di bar chad med par gsal bar byed do/ /gang gi phyir 'bum phrag gsum pa zhes
- 67b
bya bar 'di skad bdag gis zhes gsungs te/ de nyid kyis na/ dang po gleng gzhi'i tshig rab tu sbyor ba med de/ sngon rab tu sbyar ba'i phyir/ rgyud ces bya ba ni rab tu 'brel pa ste/ rgyu'i rgyud dang thabs kyi rgyud dang 'bras bu'i rgyud do/ /rgyu'i rgyud ni rigs te 'dir shin tu rnyed par dka' ba'i sgrub pa po nyid do/ /thabs kyi rgyud ces bya ba ni/ sngon du dkyil 'khor du zhugs pa'i rim pas bsgom pa dang/ bzlas pa dang/ gtor ma dang/ 'khrul 'khor dang sngags kyi rab tu sbyor ba la sogs pa'o/ /'bras bu'i rgyud ces bya ba ni gnyis su med pa gsal ba gcig tu gnas pa ste/ ngag gi spyod yul ma yin pa dang/ sems kyi yul las ring ba nyid do/ /rab tu 'brel pa de ji lta bu zhe na/ gang 'dir sangs rgyas kyi chos gnas pa'o/ /zhes bya ba'i don te/ 'di'i phyag rgya ni yi ge a'o/ /as sdom pas na yi ge thams cad a las byung ba'o/ zhes bya ba'i don to/ /dpal rdo rje snying po rgyan gyi rgyud las kyang/ snying ga'i dbus na mi shigs pa/ /rab tu 'bar ba mar me bzhin/ /mi 'gyur mchog tu pra ba yi/ /a ni gtso bo dam pa'o/ /zhes gsungs pa dang/ yang brtag pa'i rgyal po gnyis pa las/ lte bar phyag rgya chen po gnas/ /'bar ba mar me'i rtse lta bu/ /dbyangs yig dang po'i rang bzhin te/ /bla zhes sangs rgyas rnams kyis brtags/ zhes gsungs so/ /de'i phyir zhes bya ba ni/ yi ge a las bshad pa thams cad 'byung ba'o/ /zhes bya bar sbyar ro/ /de gang zhe na/ gsang ba zhes bya ba la 'di'i rigs rnams gsal bar ma byas pa'o/ /gsal bar ma byas pa de ci zhe na/ sbas pa bdun te/ de nyid gsal bar bshad pa ste/ /gsang ba de nyid yul dang ni/ /gsang ba rgyal po'i 'khor lo'o/ /
- 68a
gsang ba sbas pa bden pa ste/ /gsang ba gsang ba'i pad+ma ste/ /gsang bas bon gyis dga' ba/ /gsang ba thams cad 'dus pa ste/ /gsang ba bar chad med bde ba'o/ /zhes so/ /mdor bsdus pa'o zhes bya ba ni yang dag par bsdu ba ste/ gzhung gi tshad la bya'o/ /don ni ma yin te/ sangs rgyas kyi chos thams cad kyang sdud par byed pa'i phyir ro/ /de nyid ni sdom pa ste/ sdom pa zhes bya ba ni thams cad 'dzin ces bya ba'i don no/ /dpal he ru ka yang dag sbyor zhes bya ba ni/ dpal he ru ka ni bdag nyid do/ /rdo rje phag mo ni phyag rgya ste/ de dag gi yang dag par sbyor ba ni phyag rgya chen po'i mtshan nyid do/ /'dod par bya bas na 'dod pa pa ste/ 'dod pa'i don phun sum tshogs pa'o/ /'dis sangs rgyas nyid dang rdo rje 'dzin pa nyid sgrub par byed pas na 'dod pa'i don kun nas sgrub par byed pa'o/ /de gang zhe na/ bla ma las kyang bla ma ste/ zhes bya ba la bla ma'i don gsungs te/ sems can mos pa sna tshogs pa'i bsam pa'i dbye ba'i dbang gis/ 'jig tshogs la lta ba dag par bya ba'i phyir/ chos kyi phung po brgyad khri bzhi stong dag bstan no/ /de las kyang bla mar gyur pa nyid snying la gnas pa'i de kho na nyid bla na med pa ste/ rdo rje can dang bcas pa'i sangs rgyas rnams kyis so sor rang gis rig pa'i rang bzhin nyid/ /tshig gi lam las 'das pa nyid do/ /de nyid kyis na bskal ba bye ba brgyar yang ni/ /de nyid dman pas 'grub mi 'gyur/ /zhes bcom ldan 'das kyis gsungs so/ /mkha' 'gro ma yi dra ba sdom/ /zhes bya ba ni 'khor phun sum tshogs pa gsungs te/ de ni nam mkhar 'gro ba'o/ /yi ge e ar 'gyur ro 'gro bas na DA ste/ nam mkhar 'gro ba zhes bya ba'i don no/ /DA zhes bya ba'i sgra
- 68b
la gsungs pa'o/ /a ka ni gya gyur 'gro ba ste/ 'dir thams cad du 'gro ba ni gya gyur 'gro ba'o/ /des na nam mkhar 'gro ba'i ngang tshul 'di la yod pas nam mkha' 'gro ma zhes bya ste/ bye ba khrag khrig brgya stong gi sku'i rdzu 'phrul gyis thams cad du cig car 'gro bas zhes bya ba'i don no/ /de rnams kyi dra ba ste/ tshogs zhes bya ba'i tha tshig go /sdom pa ni bde ba'i mchog ste/ de rnams kyi lhan cig tu skad cig re re la bde bas yang dag par tshim pa'i phyir ro/ /gsang ba zhes bya ba la sogs pa ni stong pa nyid bcu drug gi rang bzhin gyi brda'i yi ge ste/ thams cad kyi sgra ni de rnams gsungs pa yin no/ /ra ni mtshal chen po yi khams/ /ha ni ri las skyes pa ste/ /ri skyes zhes pa mgo skyes so/ /sa ni dri yi snod yin te/ /lus la bi ni ji lta bar/ /sa ni rlung du gsungs pa ste/ /ra ni dri nyid yin par gsungs/ /yi ge me ni me tog ste/ /ra ni de bzhin lan tsha'o/ /me ni sha chen por 'dod de/ /sa ni rab tu sbyor ba nyid/ /rba ni mgo bor rab tu gsungs/ /lha mo me ni rkang yin te/ /me ni dri yi mar khu'o/ /sa ni so dang sen mo ste/ /da ni rgya mtsho las skyes so/ /s+thi ni kha ba'i snying po ste/ /ta na ga pur bstan pa'o/ /yang na/ gcig tu thams cad mkhyen pa ste/ /kun tu 'gro ba shin tu phra/ /snying gi gsang tshogs mnyam pa ste/ /sgyu ma'i rang bzhin stong pa nyid/ /sems kyi rang bzhin bsam mi khyab/ /yid bzhin nor bu 'dra ba bzhin/ /shes rab ming du de brjod do/ /gsang ba zhes kyang bshad pa yin/ /mchog ni don dam nyid kyis te/ /chos kyi sku zhes de brjod do/ /lhag mthong kun mkhyen ye shes kyi/ /dgyes pa zhes ni bshad pa yin/ /bsam gyis mi khyab brtan pa dang/ /g.yo ba'i dngos po thams cad kyis/ /rang bzhin lhan cig skyes pa yi/ /dga' ba rab tu 'bar ba de'o/ /thams
- 69a
cad bdag nyid ces bya ni/ /dbang po kun dang rnam shes sems/ /thams cad nas ni thams cad du/ /yid kyi rnam shes zhes bshad cing/ /shes rab blo gros blor yang brjod/ /rtag tu zhes bya ba ni/ 'das pa dang ni ma 'ongs dang/ /da lta'i bdag nyid can gyi mchog /'di yis skye dang 'jig spangs nyid/ /khyab nyid rdo rje'i sku nyid de/ /dbang du byed cing rtag shar nyid/ /dus kun can nyid bshad pa yin/ /bzhugs zhes bya ba la/ kun nas sems can thams cad kyi/ /khams kun la ni thams cad du/ /lus kun la ni mnyam khyab par/ /sems kyi rgyun nyid yang dag gnas/ /zag pa med cing bsam mi khyab/ /dri ma med cing bdag gi med/ /rang nyid stong pa mkha' mnyam pas/ /dngos dang dngos med rnam par spangs/ /thog ma tha ma med zhi ba/ /chos rnams kun gyi dbang phyug sku/ /kun gyi rang bzhin 'dzin pas na/ /bden pa gnyis la yang dag brten/ /ji ltar shing la rab brten pa/ /me yi sa bon rnam gnas dang/ /ji ltar til gyi 'bru rnams la/ /til gyi mar khu de ltar ni/ /khams gsum la ni rnams gnas pa/ /phyag rgya chen por shes par bya/ /zhes bya bar dgos so/ /mkha' 'gro kun dngos sems dpa' ni/ /zhes bya ba la/ mkha' 'gro ma kun gyi sgras ni rab tu gtum mo la sogs bar 'dod la/ de rnams kyi phra rab yongs su bsgrubs pas na/ de rnams kyi dngos kyi rang bzhin no/ /de su zhig ce na/ sems dpa' zhes bya ste/ rgyu ba dang mi rgyu ba'i bye brag gis gnyis so/ /sems can rgyu ba zhes bshad la/ /snod kyi 'jig rten mi rgyu ba'o/ /zhes gsungs so/ /rdo rje sems dpa' bde ba mchog ces bya ba la/ mi phyed pas na rdo rje ste/ /rdo rje dang chos mthun pas gzhan rnams 'bigs ba'i phyir ro/ /de bas na sems
- 69b
dpa' ste/ dngos po thams cad gcig tu gyur pa nyid do/ /rdo rje yang yin la sems dpa' yang yin pas rdo rje sems dpa' ste/ /dngos bde dngos po med pa bde/ /rdo rje sems dpa' bde bar brjod/ /'di ni zhes bya ba ni nges par gzung ba ste/ de nyid bcom ldan rang 'byung zhes bya ba la/ brtan pa dang g.yo ba dang grol ba ma lus pa rnams/ rang 'byung bas na/ rang 'byung bco ldan no/ /'di la bcom pa yod pas na bcom ldan te/ bcom pa'i sgras dbang phyug la sogs pa rnam pa drug gzung ngo/ / yang na 'joms pas na bcom zhes gzung ste/ /nyon mongs pa'i bdud la sogs pa bcom pa'i phyir ro/ /de yang nyon mongs shes rab kyis 'joms pas/ de'i phyir shes rab kyis 'joms zhes gsungs so/ /nyon mongs pa dang bral bas na dpa' ba' o/ rtsa'i 'khor lo'i gzugs kyis bsdams pas na/ mkha' 'gro ma'i dra ba sdom pa ste/ bde mchog sdom pa 'khor lo'i yin par bshad ces so/ /yang na bla ma las kyang zhes bya ba la sogs pa la bla ma ni khams bcu drug yin la/ de las kyang bla mar gyur pa ni mkha' 'gro nyi shu rtsa bzhi'o/ /de rnams kyi tshogs ni dra ba ste/ de rnams nyid rtsa'i 'khor lo'i tshul gyis bsdams pas na sdom pa ste/ shin tu yang sbas pa'i gleng gzhi'i tshig gsal bar bya ba'i phyir/ ji ltar 'byung ba gsungs pa la/ gsang ba zhes pa ni 'di skad do/ /mchog ni bdag gis so/ /dgyes pa ni thos pas so/ /thams cad bdag nyid du mi gsum pa'i don gyis bdun pa ste/ gzhan dang gzhan gyis ma yin no/ /zhes pa'i don no/ / dus nam gyi tshe na zhe na/ rtag tu bzhugs pa'i tshe na'o/ /gang du zhe na/ bde ba chen po'i gnas su'o/ /de yang gang zhig ce na/ 'di ni rang byung bcom ldan 'das zhes bya bar sbyar ro/ /yang na gsang ba sa'i khams yin te/ de bzhin
- 70a
mchog ni chu yin la/ /dgyes pa me zhes rnam par bshad/ /thams cad bdag nyid rtag 'gro ba/ /rtag tu bzhugs pa nam mkha' i khams zhes so/ /gang yang sems can gyi khams thams cad ni mkha' 'gro ma kun gyi rang bzhin te/ de nyid rdo rje sems dpa' o/ /bde ba ni bde ba chen po ste/ mchog ni phul du byung ba'o/ /ji lta bur gyur ba'i bcom ldan 'das kyis bshad do/ /zhes bya bar sbyar ro/ /'byung zhes bya ba la/ sa ni bde ba ste/ de'i chags pa chen po'i rjes su dpag par bya ba'i phyir 'byung ba'o/ /de bas na sgra'i tshul la zhes pa ste/ rdo rje nor bu'i nang du chud pa'i hUM gi sgra'i tshul nges par byung ba ni dus gsum dang khams gsum pa'i ma lus pa'i dpa' bo dang rnal 'byor ma'o/ / de rnams kyi dam tshig ni 'dus par 'dod pa ste/ rdo rje dang pad+ma lhan cig tu mnyam par sbyor ba'i phyir ro/ /yul dang dbang po bcu gnyis po rnams kyis nye bar longs spyod pa ni spyod pa ste/ so so rang gis rig pa'i tshul gyis rang gi sems kyi spyod yul thob pa'i rnam par shes pa'i mtshan nyid ni spyod yul lo/ /thog ma ni gsang ba la sgrib pa lnga spangs shing/ nam mkha' ltar dag pa dbus dang mdza' dri ma med pa shin tu gnas pa nyid kyi ye shes la 'khrul pa tsam zhig gzhom par bya'o/ / gzhan du na rang bzhin gyis rnam par dag pa'i phyir ro/ /bsrub bya bsrub bya'i sbyor ba bzhin/ /de bzhin zhes bya ba 'di lta ste/ gtsubs gtan dang gtsubs shing dang skyes bu'i lag pa'i rtsol ba las du ba rab tu skye zhing me mngon par mched mod kyi me de yang gtsubs shing la yang med gtsubs gtan la yang med skyes bu'i lag pa dag la yang med/ yongs su brtags na gcig la'ang mi gnas so/ /me 'di ji lta ba bzhin du/ 'dir yang bsrub bya'i chos 'byung rab tu gsung/ /bsrub pa
- 70b
rdo rjer brjod pa'o/ /de yang dag par sbyor ba las/ de bzhin du bdud rtsi lta bu'i ye shes 'byung ba ni/ mngon par sangs rgyas pa nyid kyi byed pa po ste/ /shes rab lus 'byung ye shes ni/ /mkha' mnyam thabs dang lhan cig nyid/ /bde chen rnam pa gcig pu ni/ /yang dag dbang bskur las shes bya/ /sngags bzlas bsam gtan la sogs ldan/ /rgyud 'di bshad kyis nyan par gyis/ zhes bya ba ni bcom ldan 'das kyis gsang ba pa'i bdag po la gsungs pa'o/ /rgyud kyi sgras ni 'dir rab tu brjod pa rdo rje'i nges pa'i tshig ma lus pa rnams te/ de nas zhes bya ba la sogs pa nas yongs su rdzogs pa'i mthar thug pa'i phyag rgyas btab pa'i don bsdus pa zhes bya ba'i don no/ /yid skyob par gyur pas na sngags te ye shes so/ /bsam gtan ni sems rtse gcig pa'i mtshan nyid do/ /yang na A li dang kA li'i don ni sngags kyi bzlas par bshad la/ byang chub sems la rab brtson na/ /rnal 'byor dbang phyug rang nyid gtso/ /byang chub sems 'di rdo rje ste/ / sangs rgyas kun gyi rang bzhin no/ /dbugs 'byung bar ma mchog dag dang/ /zhes bya ba la dang por bcud kyi len gyi don du lo bcu gcig pa'i bdag nyid pad+ma bskul ba'o/ /gnyis pa lo bcu gnyis pa dang/ dam tshig gi don du shin tu dga' bar bya'o/ /gsum pa lo bcu drug pa'i me tog dang ldan pa dang/ dngos grub kyi don du sngags la dang por goms par bya'o/ /bzhi pa lo nyi shu ma'i shes rab kyi bdag nyid kyis ni/ mkha' la spyod pa sgrub par byed do/ /lnga pa lo nyi shu rtsa lnga ma'i bdag nyid kyis ni dbang bskur ba'i don du'o/ /zhes bya ba'i bar du ni me long lta bu la sogs pa'i ye shes lnga/ rnam par dag pa'i rim pa bzhin du bstan to/ /dbugs 'byung zhes bya ba ni rang gi gtso bo'i ltas/ legs par
- 71a
sbyangs pa'i btsun mo dang lhan cig spyod pa la rjes su 'jug pa'o/ /rigs ldan ni rigs kyi bu mo'o/ /med na gzhan yang gzung bar bya ste/ legs par 'dus pa la byang chub kyi sems gzhag par bya'o/ /dri zhes bya ba ni me tog sna tshogs la sogs pa dang/ gos dang rgyan la sogs pa rnams kyis brgyan par bya'o/ /chus zhes bya ba ni chang rnam pa sna tshogs par shes par bya ste/ rlung dang mkhris pa dang bad kan las skyes pa rnams la/ phan pa'i rjes su mthun pa'i sbyin pas mchod pa ste/ mchod pa'i bdag nyid du gyur pas sangs rgyas rnams kyi bdag nyid mchog tu dga' ba'i skus/ phyogs bcu gsal bar bya ste/ ye shes sgron mas mngon par byang chub par mdzad do/ /kyang gi sgras ni nges par shes par mdzad pa'i don/ /rtag tu ni rgyun mi 'chad par de kho na nyid bsgom pa la gzhol ba'o/ /yang na dbugs dbyung ba zhes bya ba ni/ g.yon dang g.yas kyi dbugs gnyis snyoms par 'jug pa'i dbugs de rnams lte ba'i rtsa bar yang dag par 'du ba'i dus su phyag rgya mi 'gyur ba'i mchog go /gang du bar ma mchog dang zhes bya ba'i tshig gzhan yod pa der brjod par bya ste/ dang po dang tha ma dag ste/ gzhon nu ma dang rgan mo dag gi bar du gyur pa'i rdul ni bar ma zhes bya'o/ /bar ma mchog dang bsdus pa'i tshogs ni des na tshon pa'o/ /de nyid kyis na gsungs pa/ dri yi chu dang bcas pas kyang/ zhes pa ste/ dri'i chu ni si ha la kaM ngo/ /de dang bcas pa ni ga pur te/ de lta bur gyur pas rigs ldan rnams la mchod par bya zhes so/ /dus kyi khyad par gyis zhes bya ba la/ dus kyi nges pa bshad par bya ste/ de 'dod chags la sogs pas mi 'phrog par 'jug par bya ba'i phyir/ /sngon du nyi ma'i dus las dus drug yang dag par gsal bar bya ste/ so ka dang/
- 71b
dbyar dang/ ston dang dgun dang/ dgun smad dang/ dpyid dang/ 'dod lhas mnyam du 'ong ba'i dus te/ dus rnams gsal bar shes par byas la/ las thams cad brtsam par bya'o/ /tho rangs dgun smad las 'ongs pa/ /dpyid dang dbyar gnyis nyin cha gnyis/ /nyi phyed so kar mkhas pas sbyar/ /srong ni de bzhin ston ka ste/ /dgun stong mtshan mo'i cha yin no/ /zhes gsungs so/ /'di rnams kyi rang bzhin yongs su shes par byas la/ rdo rje sems dpa' la sogs pa dang sbyar bar bya ste/ rdo rje sems dpa' dgun smad de/ /rnam par snang mdzad thub pa dpyid/ /kye ho rta mchog so ka ste/ /de bzhin dbyar ni he ru ka /rdo rje nyi ma ston ka la/ /pad+ma gar dbang dgun stod do/ /so ka mar me bza' bya ste/ /de bzhin du ni dbyar kha chu/ /ston gyi dus su mar khu ste/ /de bzhin dgun stong me tog go /kye ho dgud smad ga pur te/ /de bzhin dpyid ni gzhi mnyam mo/ /de rnams sman ni chen po ste/ /dus drug dus ni shes par bya/ /dus tshod 'di dang mnyam med de/ sbyor ba kun gyi dam pa yin/ /de dag rang bzhin grub pa ru/ /nam zhig rnal 'byor par 'gyur na/ /rnal 'byor ma kun mnyes 'gyur te/ /rnal 'byor mkha' 'gro 'dus pa'o/ /zhes gsungs so/ /pho nya zhes bya ba ni mchod pas mnyes par 'gyur pa rnams so/ /mchog dang zhes bya ba la sogs pa ni/ /sngar bsten pa rnams te/ des ni lhan cig gang skyes pa de yid ni nang du chud pa yis te/ bsgom par bya ba ni rtag tu de'i rang bzhin du bya ba'o/ /'dod pa'i dngos grub bo/ /ni zhes bya ba'i sgra ni nges par gzung ba'i sgra'i don no/ /rang rdzas ni ga pur ro/ /mchod par bya zhes bya ba la sogs pa ni sgra ji bzhin pa'o/ /sbrang rtsi ni sbrang rtsi chen po'o/ /khrag ni me tog go /ga pur bcas zhes bya ba ni ga pur dang lhan cig par yod
- 72a
pa'i me tog ste/ mi phyed pa'i rim pas so/ /tsan dan dmar po ni sha'o/ /sbyar zhes bya ba ni bshang ba la sogs pa dang bcas pas mnyam med drug po bcud kyi len no/ /rdo rje mtshan ma ni chos kyi 'byung gnas las 'byung ba'o/ /yang na thams cad rdo rje ni bcom ldan 'das dpal he ru ka yin la/ de'i mtshan ma ni thod pa'o/ /'dzin pa ni de la rang gi lag pas blang bar bya ba ste/ ming med ni sa gzhir byas la/ mthe bo ni ri rab tu sbyar bar bya ba'o/ /rgya mtsho bsrubs pa'i bdud rtsi bzhin du/ rtog pa gsum du shes par bya/ /oM ha ho:h+ri:O/ /de la/ ha zhes bya ba na snyigs ma 'phrog /yi ge ho:yis dri 'joms la/ /gang zhig me 'bar h+rI:yig ste/ /pa ba ka zhes rab tu bsgrags/ /mkhas pas bsgrubs pa'i bdud rtsi myang/ /dang por bla ma dbul bya ste/ /de yi rjes su he ru ka /rdo rje can gyis sbyor dbul lo/ /phyag rgya la ni phul nas ni/ /bdag nyid kyis ni yang dag myang/ /sbyor ba kun gyi snying po yis/ /bdud rtsi rnam pa lngar 'gyur ro/ /'di lta bu yi sbyor ba yis/ /rdo rje sems dpa' dang mnyam 'gyur/ /yang na ga pur bcas pa ni/ /byang chub sems dang bcas pa'o/ /tshogs kyi dbus su gzhag par bya/ /zhes bya ba la/ mig la sogs pa dbang po thams cad kyi tshogs te/ grangs bdun par gyur pa dbang po gnyis kyi bye brag tu tshogs te/ de rnams 'dus pa'o/ /gnyis po de gang zhe na/ mthe bong srin lag rtse sbyar zhes bya ba la sogs pa ste/ mthe bong ni rdo rje yin la/ srin lag ni pad+ma'o/ /de dag gi sbyar ba ni mthe bong srin lag rtse sbyar ba'o/ /myang zhes bya ba ni rig par bya zhes bya ba'i don no/ /mchod bzhi de bzhin rnal 'byor ma zhes bya ba ni rdo rje bzhi yis te/ dang por stong
- 72b
pa'i byang chub bo/ /gnyis pa la ni sa bon bsdu/ /gsum pa la ni gzugs brnyan rdzogs/ /bzhi pa la ni yi ge dgong/ /ces bya ba dang/ bum pa'i steng gi thod pa bzhi rnams dang/ de bzhin du mkha' 'gro ma la sogs pa'i rnal 'byor ma rnams te/ 'di dag gi dkyil 'khor gyi 'khor lo'i bdag nyid mchod par bya'o/ /zhes bya ba'i don no/ /de nyid kyis na/ dpa' bo gnyis med snyoms 'jug pa de nyid 'dzin/ /zhes bya ba ste/ de la dpa' bo zhes bya ba ni nyi shu rtsa bzhi dang/ lhan cig tu spyod pa snyoms par 'jug pa'o/ /'dir dad pa la sogs pa rnams rnam par dag pa'i khwa'i gdong la sogs pa rnams so/ /dbang po'i sgras ni thams cad gzung bar bya ste/ dper na rgyal po zhes bstan pas/ 'khor thams cad yongs su gzung ba bzhin no/ /byang chub kyi sems bskyed pa'i rim pa'i sgom pa pos ni/ 'di ltar rab tu shes par bya ste/ de bzhin du mkha' 'gro ma la sogs pa'i lha mo rnam par thar pa bzhi'i bdag nyid can rnams dus bzhi pa rnams su/ dpa' bo dang gnyis su med pa'i snyoms par 'jug pas mchod par bya'o/ /gzhan yang yongs su rdzogs pa'i rim pas sgrub pa pos ni/ thog ma dang tha ma med pa'i nga rgyal gyis gnas pa'i dus kyi nges pa med par 'gyur bas ci zhig bya ba gsungs pa ji lta ba'i phyag rgya dang lhan cig snyoms par zhugs pa'i sbyor ba dang ldan pas thams cad du khyab pa'i rdo rje 'dzin pa chen po'i nam mkha' i khams thams cad du rab tu gnas pa'i kun tu bzang po thams cad kyi bdag nyid sangs rgyas kyi byang chub khams gsum pa brjod pa dang bral ba bsgom par bya ste/ ji ltar nyi ma phyed du song ba'i nyi ma ni dman pa dang bar ma dang mchog tu 'byung bar mi rtog pa bzhin du thams cad du snang bar byed pa de ltar rnal 'byor pas kyang kun tu rab tu snang ba'i ye shes kyi mu stegs thams
- 73a
cad dang/ nyan thos dang rang sangs rgyas kyis shin tu mnan nas snang ba med par nam zhig tu gyur pa de'i tshe sangs rgyas kyi nyi ma'i 'od kyis phyogs bcu'i sangs rgyas kyi zhing khams kun tu de bzhin gshegs pa thams cad kyi chos kyis khams gsum du snang bar byas te/ rtog pa med cing mi rtog pa ji lta ba yin na shes par byas pa ni de nyid ting nge 'dzin zhes bya ba'i tshig gi don no/ /mi 'gyur ba ni mi ste ji ltar mi rnams kyi bdag nyid kyi bde ba gong bur bsdus par byas nas zhes shes par bya'o/ /rdo rje phra mo 'di dang rnal 'byor gzhan la brten pa sgrin par bya bar 'dod pa de'i tshe bcu drug chur yang mi phod de/ /zhes bya ba ni nye bar mtshon pa tsam ste/ char yang mi bzod bgrang bar yang mi bzod dper yang mi bzod rgyar yang mi bzod do zhes pa'o/ /da ni gnas phun sum tshogs pa gsungs pa/ ri sul zhes bya ba la sogs pa ste/ sgra ji bzhin pa ni go sla pa kho na ste/ brda yis ni sangs rgyas kyi phyag rgya chu skyes chen po yon tan dang ldan pa khyad par gyi gsang ba'i gnas bstan pa'i phyir/ ri sul zhes bya ba gsungs te/ don ni nags tshal 'khrigs shing dben pa'i yul te/ der gnas pa zhes 'dir gzung bar bya'o/ /'dir gtso bo gzung bas 'khor rnams kyang gzung bar bya'o zhes so/ /yang bud med kyi phyag rgya ni 'dod chags la sogs pa'i nags tshal gyis 'khrigs pa'o/ /de nyid thabs kyi rnam par dag pa ni byang chub kyi lam du gyur ba'o/ /de'i rnam par dag pa ni rab kyi mthar thug par 'gro ba'i phyir ro/ /yul ni chos 'byung du bstan te de nyid de bzhin gshegs pa thams cad kyis bsngags pa'i rdo rje'i rigs la sogs pa'i khyad par can gyi bu mo skye bo las byung ba'i phyir dben pa'o/ /yang na de kho na nyid kyi bde ba chen po'i
- 73b
bdag nyid ni mi g.yo ba'i ri ste/ mu stegs can ngan pa las rab tu byung ba'i rlung gis mig skul ba'i phyir ro/ /dman pa'i sems can gyis gting dpag par mi nus pas na tshang ching ngo/ /rgyal ba'i bdud rtsis yongs su gang ba'i khu bar gyur pas na phug go /chu bo chen po'i 'gram rnams zhes bya ba la de nyid thabs dang shes rab yang dag par sbyor bas zab pa rgya che ba'i shes rab kyi chu'i gnas su gyur bas na/ chu yi 'gram rnams so/ /gdod nas grub pa ni rtag tu yongs su grub pa ste/ 'char ba dang nub pa spangs shing/ yongs su rdzogs pa rtag tu nam mkha' dang mnyam pa'o/ /de yang 'dod chags kyi me 'bar bas nyan thos la sogs pa'i byang chub bsregs pas na dur khrod do/ /yang na sems can thams cad kyi rgyud la mnyam pa nyid kyis gnas pas na dur khrod zhes bya'o/ /der ni zhes bya ba ni de lta bu'i khyad par du'o/ /dkyil ni snying po de len zhing 'dzin par byed pas na dkyil 'khor ro/ /bri bar bya zhes bya ba ni yid kyis bsgom par bya ba'o/ zhes bya ba'i don no/ /phyi rol gyi go sla ba nyid do/ /dkyil 'khor de nyid dam pa ste/ /he ru ka dpal ye shes che/ /phag mo'i lus las byung ba yin/ /b+ha ga pad+ma'i dkyil 'khor ro/ /de la dkyil 'khor 'dus pa ste/ /dkyil 'khor bde ba'i mchog yin te/ /dkyil 'khor dpa' bo'i rnal 'byor ma/ /kha sbyor gnyis su med pa nyid/ /bdag gi de nyid mnyam gzhag dang/ /lha yi de nyid kyang de bzhin/ /sngags kyi de nyid phyag rgya dang/ /de ni dkyil 'khor mchog yin no/ / yan lag kun bsgom las 'das pa/ /rtog pa'i rnam rtog spangs pas ni/ /gug khyed thig le dang bral ba/ /de ni dkyil 'khor mchog yin no/ /chos dang chos min rnam sbyar na/ /rnam dag nam mkha' lta bu ni/ /chos kun nye bar mi dmigs pa/ /
- 74a
de ni dkyil 'khor zhes byar bshad/ /chags dang chags min rnam 'phro ba/ /pad+ma rA ga 'bar dang mtshungs/ /shin tu chags shing chags pa'i sems/ /de ni dkyil 'khor mchog yin no/ /bcu drug lus kyi khams ni rnams bzhugs shing/ /gzugs dang gzugs med dri med pa/ /rtog pa po dang skul byed sems/ /de ni dkyil 'khor zhes su brjod/ /dkyil 'khor lus su gsungs pa dang/ /b+ha ga'i dkyil 'khor nyid dang ni/ /byang chub sems dpa' i dkyil 'khor te/ /dkyil 'khor gsum du btags pa'o/ /'di ltar sa 'og sa steng sa bla dang/ rgyu pa dang mi rgyu ba ni thams cad mkhyen pa'i dkyil 'khor ro/ /zhes brjod do/ /dpal he ru ka zhes bya ba'i dka' 'grel sgrub pa'i thabs kyi gleng gzhi las/ le'u dang po rnam par bshad pa'o// //de la zhes bya ba ni sgra ji bzhin pa'i gnas su'o/ /lci ba zhes bya ba ni sa la ma lhung ba'i byug pa ste/ der brtsam par bya zhes bya ba dang sbyar ro/ /'di yi rab tu byed pa ni dkyil 'khor gyi thabs kyi cho gar shes par bya'o/ /dur khrod du ni kun spyod bya zhes bya ba ni/ dur khrod kyi bdag nyid las byung ba'i tshon sna lnga mngon par 'du bya ba ste/ tshon sngon po ni ro bsregs pa'i sol ba'i phye mas so/ / tshon dmar po ni dur khrod kyi so phag gis so/ /tshon dkar po ni mi'i rus pa'i phye mas so/ /tshon ser po ni yung ba dang mi rus kyi phye mas lhan cig sbyar bas so/ /tshon ljang gu ni mi dus kyi phye ma dang lo ma ljang gu'i phye ma dang ldan pas so/ /des dkyil 'khor 'jigs pa bri bar bya ste/ 'khor lo sgyur ba'i rgyal po'i 'byung gnas pas na 'jigs pa'o/ /slob dpon mtshan nyid bzang dang ldan/ zhes bya ba ni rab tu gnas pa'i cho ga la mkhas pa'o/ /sbyor ba shes pa ni bsam gtan
- 74b
la gnas pa'o/ /pha rol 'gro zhes bya ba gsungs pa/ dang po stong pa nyid kyi rgya mtsho'i chu la ma lus pa'i sdig pa bkrus pas nam mkha' ltar dri ma med cing snying rje chen po dang byams pa nas brtsams nas/ brtson 'grus kyi spro ba dang dga' ba dang ldan pas bdag nyid dpal he ru kar bsgom par bya'o/ /thod pas spyi bor brgyan byas pas zhes bya ba ni/ de bzhin gshegs pa lnga'i gzugs bris pa'i phreng ba/ sna tshogs kyi ral ba'i cod pan la shin tu brgyan pa'o/ /yan lag thams cad byugs pa ni ro bsregs pa'i thal ba dang/ bdud rtsi lnga bsregs pas so/ dum gcig ces pa ni sor mo lnga'i 'khor lo'o/ /rus ba'i phreng ba rnam 'phyad dang zhes bya ba ni mgo bo lnga bcu tham pa la byas pa'i phreng ba'o/ /ma 'byor na bris pa 'am/ bsam gtan gyis kyang bya'o/ /kha dang kha zhes bya ba ni lag pa g.yan par te/ thod pa dang bcas pa'o/ /g.yas pas ni rdo rje gsor bar bya'o/ /bdag nyid ces bya ba ni go sla'o/ /de ltar byas nas bri bar bya'o zhes bya bar sbyar ro/ /ro'i skud pa zhes bya ba ni mi ro dang lhan cig dur khrod du bskyal ba'i skud pas la ma ltung ba gzung la mi 'chi bcu phyed bcas pa'i khrag chen pos bsgo bar bya'o/ /yang na ro'i skud pa zhes bya ba ni mi yi ro yi rgyus pa la byas pa'i thig skud do/ /khru gang zhes bya ba la sogs pa ni khru gang nas brtsams nas nyi shu'i bar du ste/ de las lhag par mi bya'o/ /sngags pas nyis 'gyur rnam par dpyad ces bya ba ni mgo ba'i thig skud kyi mtshan nyid do/ /mkha' 'gro dra ba'i bde mchog mchod ces bya ba ni mchod pa bya ba'o// gang gis gzhal zhing gdab pa gsungs pa/ cha 'phen pa yi rim nyid kyis/ /blo bzang dkyil 'khor thig gdab bya/ /zhes bya ba la sogs pa la/ cha gsum po rnams kyi 'phen pa ni cha 'phen pa ste/ de'i rim pa ni cha 'phen pa'i rim pa'o/
- 75a
cha 'phen pa'i rim pa des dkyil 'khor thig gdab par bya'o/ /dkyil 'khor tshad gzhal sa la ni/ /shar nas nub tu gzung bya ste/ /nyis 'gyur gyi ni thig btab nas/ /de 'og bya rog rjes btsal bya/ /shar nas lho ru phyin bya zhing/ /nub nas kyang ni de bzhin te/ /byang gi phyogs su des gzhal nas/ /tshangs pa'i thig ni gdab par bya/ /shar phyogs la sogs gzung nas ni/ /thig bzhi dag ni btab byas nas/ /phyi nas phyogs ni re re zhing/ /cha brgyad brgyad du 'di btab nas/ /der ni cha chen tshad du bya/ /slar yang cha bzhir bgo byas la/ /re mig drug cu bzhir ldan pa'i/ /mtshams nas thig ni gdab par bya/ /so so'i mtshams nas thig btab pas/ /'dus pa'i thig skud mchog yin no/ /phyi nas cha ni re re zhing/ /cha gnyis su ni gzhal bar bya/ /thig btab 'di yi tshad gzhal nas/ /dbang po la sogs gnyis gnyis bya/ /thig skud tshad ldan gzung nas ni/ /ji snyed btsal ba kha sbyar bya/ /de snyed bde chen 'khor lo dang/ /sku gsung thugs kyi tshad du bya/ /re mig bdun bdun ldan pa ni/ /thig skud bskor ba mchog yin no/ /'khor lo snying po de las drug /rtsibs kyis mdzes pa de ltar bya/ /lte ba dang ni pad+ma rnams/ /re mig bzhi dang gsum du bya/ /tshangs pa yi ni ngos gnyis su/ /rtsibs kyi nang du mdzes par bya/ /gsum po nyid ni thams cad du/ /rtag tu rdzogs pa nyid du bya/ /thugs ni rdo rje phreng bas bskor/ /de bzhin gsung ni phan phreng gis/ /sku yi 'khor lo'i phreng bas so/ /lhag ma ji ltar mdzes pas so/ /de la shar phyogs su dbang po'i gnas su/ sha ri'i shing la lha'i tshogs dkar po'o/ /lho'i phyogs su ni tsu ta'i shing la gshin rje nag po'o/ /nub phyogs su ni mya ngan tshang la gnas pa sprin gyi rgyal po dmar po'o/ /byang
- 75b
phyogs su ni byang chub kyi shing la gnod sbyin gyi sde dpon ser po'o/ /me'i mtshams su ni ka rany+dza la gnas pa drang srong gi tshogs dmar po'o/ /srin po'i mtshams su ni la ta dzA ti srin po'i tshogs sngon po'o/ /rlung gi mtshams su ni rlung gi bdag po srid sgrub la gnas pa ljang gu'o/ /dbang ldan gyi mtshams su ni n+ya gro d+ha la gnas pa'i yi dags kyi tshogs du ba'i mdog tu gnas pa ni dur khrod chen po rab tu 'jigs pa zhes bya'o/ /lte bar dgod bya dpa' bo ni zhes bya ba ni/ /lha'i dgod pa bstan no/ /gzi brjid ldan zhing zhes bya ba ni drag po bas kyang shin tu drag pos 'jigs par byed pa ste/ /zhal dang po char sprin gyi mdog lta bu rin po che in+d+ra nI la chen po'i tshogs spungs ra ltar 'od zer 'bar ba la bskal pa'i me ltar shin tu 'bar ba'i 'od kyis 'khrigs pa'i spyan gsum pa/ mche ba gtsigs shing rngam pa dang bcas pa 'jigs pa dag kyang 'jigs par mdzad pa'o/ /ha ha zhes bzhad ces bya ba la lha mo dang/ kun tu 'khyud pas dga' ba dang bcas shing zhal pad+ma lta bur rgyas pa/ cher bzhad cing rnam par 'phro ba'i nor bu'i tshogs spungs pa lta bu'i tshoms kyi 'od kyis g.yo ba dang mi g.yo ba la gsal bar mdzad cing ro'i mchog gi rgyal po lhun po'i rtse mor sna tshogs pad+ma dang/ nyi ma'i dkyil 'khor la zhabs gnyis kyis bsnun cing hUM yig gis hUM zhes mdzad pa dang bcas pa'o/ /zhal g.yas pa gser bsregs pa lta bur shin tu ser zhing rab tu dga' ba'i spyan rgyas pas 'jig rten gsum snang bar mdzad pa'o/ /zhal g.yon pa rin po che marga ta ltar rab tu gsal zhing 'od zer ljang gus 'khrigs pa 'phro bas rnam par bzhad pa dang bcas pa'o/ /nub phyogs kyi zhal band+ha ka dang/ da Di ni'i me tog ltar shin tu dmar zhing nyi ma'i dkyil 'khor 'char ka'i mdog lta bu'i 'od zer sgeg pa'i nyams dang
- 76a
ldan zhing rnam par rol pas bu mo mchog rnam par chags par mdzad pa'o/ /de lta bu phyag bcu gnyis par bri bar bya ste/ g.yas pas ni lcags kyu/ g.yon pas ni dgra sta'o/ /gzhan ni sngar bshad pa bzhin te/ kha TwAM ga thod pa pa bcas pa ni gcig gis so/ /de yi zhes bya ba la sogs pa la/ de'i sku mdog mtshon cha 'chang/ zhes bya ste/ mi bskyod pa gtso bor gyur pa'i tshe'o/ /rdo rje sems dpa' i tshe mdog dmar po phyag na rdo rje dang thod ba bsnams pa'o// de'i rjes su 'khor lo gsum gyi go rim bzhin du rdo rje dang pad+ma dang 'khor lo rnams dgod par bya'o/ /khwa'i gdong pa la sogs pa yang ji lta bu'i mtshan ma ste/ mkha' 'gro ma zhes bya ba la sogs pa'i sgra ji bzhin pa'o/ /de nas bum pa zhes bya ba ni/ rgyal ba dang bkra shis ni shar gyi phyogs kyi sgor ro/ /dngos grub dang rdzu 'phrul dag ni byang du'o/ /rgyal ba dang rnam par rgyal ba dag ni nub phyogs su'o/ /grub pa dang srub pa ni lho phyogs su'o/ /dgu pa ni dngos grub thams cad rnam par rgyal ba ste/ mdun du dgod par bya'o/ /bdag nyid ces bya ba la sogs pa ni tshon gyi las zin nas dkyil 'khor gyi sgrub pa brtsam par bya'o/ /mar me zhes bya ba ni mar me dang me tog dang/ bdug pa dang/ lha bshos la sogs pa dbul bar bya'o/ /de nas lo grangs bcu drug pa/ /me tog bcas dang lhan cig des/ /phyag rgya dang sbyor legs gnas nas/ /dngos grub mchog ni bsgrub par bya/ /bde ba las byung dkyil 'khor ni/ /'dod pa kun ldan mchod byas te/ /sngags pas lte bar bsam bya ba/ /rlung dang me yi dbus su ste/ /de dbus A li kA li'o/ /dbus su stong pa'i ri mo ni/ /so sor rtog 'gyur dam pa dang/ /de nyid bya grub sgrub pa'o/ /shin tu rnam par dag bshad cing/ /gang 'di bla ma'i bla ma'o//
- 76b
chos rnams ro gcig byed pa yi/ /rang gi 'khor lo blta bar bya/ /ma lus 'gro ba gsum bskyed pa/ /rmi lam dang ni sgyu ma dang/ /gzugs brnyan bzhin du bsgom bya ste/ /brtse ldan sna tshogs pa yi gnas/ /dgod ces bya ba ni gnas ji lta ba bzhin du 'og nas 'byung ba ltar sku la sogs pa byin gyis brlab par bya zhing/ mig la sogs pa yang byin gyis brlab par bya ste/ mig gnyis su pad+ma dang zla ba la gnas pa'i yi ge oM yongs su gyur pa'i 'khor lo las gti mug rdo rje zhal gsum pa/ phyag drug pa ral pa'i dbu rgyan can rgyan thams cad kyis brgyan pa ni thams cad kyi'o/ /khyad par du zhal g.yon pa ser zhing g.yas pa ljang gu /'khor lo dang dril bu bsnams pa'i phyag gnyis kyis gzugs rdo rje la 'khyud cing/ phyag gzhan gyis gti mug gi bdag nyid kyi tshangs pa dral ba'i pags pa rgyab na bsnams pa/ gzhan gyi rde chung kha TwAM ga dang thod pa bsnams pa ste/ thams cad la sbyar ro/ /kun kyang sems dpa' i skyil mo krung gis bzhugs pa nyid de rnam par snang mdzad kyi dbu rgyan can no/ /rna ba gnyis su ni pad+ma dang nyi ma la gnas pa'i yi ge hUM yongs su gyur pa'i rdo rje las zhe sdang rdo rje ste/ yan lag thams cad dang rtsa ba'i zhal sngon po/ /g.yon pa ser zhing g.yas pa ljang gu rdo rje dang dril bu bsnams pa'i phyag gnyis kyis sgra rdo rje la 'khyud cing/ gzhan gyis zhe sdang gi bdag nyid kyi khyab 'jug dral ba'i pags pa bsnams pa/ gzhan gyis rde'u chung dang kha TwAM ga dang thod pa bsnams pa ste/ sems dpa' i skyil krung gis bzhugs pa nyid de mi bskyod pa'i dbu rgyan can bsgom par bya'o/ /sna bug gnyis su pad+ma dang nyi ma la gnas pa'i yi ge traM yongs su gyur pa'i rin po che las ser sna rdo rje ste/ rtsa ba ser po zhal g.yas pa sngo zhing dmar ba rin po che dang dril
- 77a
bu bsnams pa'i phyag gnyis kyis dril bu rdo rje la 'khyud cing/ gzhan gyis ser sna'i bdag nyid kyi 'dod pa'i lha bral pa'i pags pa bsnams pa rin chen 'byung ldan gyi dbu rgyan can bsgom par bya'o/ /lce'i rtsa bar pad+ma dang nyi ma la gnas pa'i yi ge a yongs su gyur pa las pad+ma de las 'dod chags rdo rje ste/ rtsa ba'i zhal dmar po g.yon pa ser zhing/ g.yas pa dkar po pad+ma dang dril bu bsnams pa'i phyag gnyis kyis ro rdo rje dang mnyam par ldan pa gzhan gyis 'dod chags kyi bdag nyid kyi dbang phyug chen po dral ba'i pags pa bsnams pa snang ba mdza' yas kyi dbu rgyan can bsgom par bya'o/ /dpral bar pad+ma dang nyi ma la gnas pa'i yi ge baM yongs su gyur pa'i ral gri las phrag dog rdo rje ste/ zhal gsum phyag drug pa ral pa'i phor tshugs can yan lag thams cad dang rtsa ba'i zhal ljang gu g.yon pa ser zhing/ g.yas pa sngo ba ral gri dang dril bu bsnams pa phyag gnyis kyis reg rdo rje la 'khyud cing gzhan gyis phrag dog gi bdag nyid kyi tshogs kyi bdag po dral ba'i pags pa bsnams pa/ don yod grub pa'i dbu rgyan can bsgom par bya'o/ /snying gar pad+ma dang nyi ma la gnas pa'i yi ge hUM yongs su gyur pa'i rdo rje las dbang phyug rdo rje ste/ yan lag thams cad dang rtsa ba'i zhal dkar po/ g.yon pa ser zhing g.yas pa sngo ba/ rdo rje dang dril bu bsnams pa'i phyag gnyis kyis chos kyi dbyings rdo rje dang shin tu snyoms par 'jug pa gzhan gyis dbang phyug thams cad kyi bdag nyid dbang po dral ba'i pags pa bsnams pa mi bskyod pa'i dbu rgyan can bsgom par bya'o/ /thabs ji lta ba de bzhin du shes rab ste de la 'khyud pa'i rtsa ba'i phyag gis me long dang pi wang dang dri'i dung dang ro'i snod dang/ sna tshogs pa'i gos dang/ chos kyi 'byung gnas kyi phyag rgya rnams bsnams pas 'khyud pa/
- 77b
ga rim ji lta ba bzhin du gzugs rdo rje la sogs pa blta bar bya'o/ /de'i rjes su go cha'i phyag rgya bsam par bya ste/ thugs rdo rje'i 'og tu snying kha'i pad+ma dang zla ba la gnas pa'i oM nya yongs su gyur pa'i rdo rje las rdo rje sems dpa' dkar po dmar po'i mdog can phag mo la 'khyud pa'o/ /mgo bor sku rdo rje'i steng du pad+ma dang zla ba la gnas pa'i ma ma hi yongs su gyur pa'i 'khor lo las rnam par snang mdzad ser po sngon po'i mdog can gshin rje ma la 'khyud pa'o/ /spyi gtsug tu pad+ma dang nyi ma la gnas pa'i swAhA hu yongs su gyur pa'i pad+ma las pad+ma gar gyi dbang phyug dmar po dkar po'i mdog can rmongs byed ma la 'khyud pa'o/ /phrag pa gnyis su ni pad+ma dang nyi ma la gnas pa'i bau khaT he yongs su gyur pa'i rdo rje las he ru ka sngon po ljang ba'i mdog can sbyong byed ma la 'khyud pa'o/ /mig gnyis su ni pad+ma dang nyi ma la gnas pa'i hUM hUM ho yongs su gyur pa'i rin po che las rdo rje nyi ma dmar po du ba'i mdog can skrag byed ma la 'khyud pa'o/ /yan lag thams cad du pad+ma dang nyi ma la gnas pa'i phaT nyi yongs su gyur pa'i sna tshogs rdo rje las rta mchog yan lag thams cad rlung gi khams ltar khyab pa ljang gu du ba'i mdog can gtum mo la 'khyud pa'o/ /rdo rje sems dpa' la sogs pa'i dpa' bo rnams ni zhal gcig pa phyag bzhi pa spyan gsum pa zhal mche ba rnam par gtsigs shing rgyan thams cad kyis brgyan pa ral pa'i cod pan la dar gyis bcings shing g.yas brkyang ba'i gnas pa dang ldan zhing rtsa ba'i phyag gis rim pa bzhin du rdo rje dang 'khor lo dang pad+ma dang rdo rje sngon po gdengs pa dang rin po che dang sna tshogs rdo rje rnam par bsnams pas 'khyud par blta'o/ /thams cad kyi g.yon pas ni dril bu ste phyag gzhan gnyis kyis rde'u chung dang kha TwAM ga dang thod pa bsnams pa'o/ /phag mo la
- 78a
sogs pa'i lha mo rnams ni de dang 'dra bar zhal gcig pa phyag bzhi pa spyan gsum pa la gcer bu skra grol ba phyag rgya lngas rnam par brgyan pa/ g.yon pas dril bu dang kha TwAM ga dang thod pa 'dzin pa/ g.yas na rde'u chung dang zangs gris gnyis su med pa'i sbyor ba la snyoms par zhugs shing/ shin tu chags pas 'dus pa'i bde ba dam pa'o/ /rdo rje sems dpa' la sogs pa'i lha thams cad ni mi bskyod pa'i dbu rgyan can no/ /de bzhin du bcom ldan 'das ma rdo rje phag mo'i sku dang gsung dang thugs kyang ye shes sems dpa' dang bcas par oM A(rgyud 'grel): baM hUM gis byin gyis brlab par bya zhing mig la sogs pa rnams kyang ji ltar bstan pa'i gti mug rdo rje la sogs pas so/ /de'i lte bar ni oM baM gyis rdo rje phag mo'o/ /snying gar ni haM yoM gis gshin rje ma'o/ /khar ni h+riM moM gis rmongs byed ma'o/ /mgor ni h+reM h+riM gis yang dag skyod byed ma'o/ /spyi gtsug tu ni hUM hUM gis skrag byed ma'o/ /yan lag thams cad la ni phaT phaT ste gtum mo'o/ /de'i rjes la rang gi sa bon las 'od zer spros te/ dza(rgyud 'grel): hUM baM ho:I sbyor bas rdo rje lcags kyu la sogs pa'i rim pas bsang gtor dang/ zhal bsil dang mchod yon la sogs pa phul la mchod pa thams cad kyis cho ga bzhin du yang dag par mchod do/ /nam mkha' i zhes bya ba la sogs pa la khams gsum pa go rim bzhin du ye shes kyi 'khor lo dam tshig gi 'khor lo la dgug pa dang gzhug pa dang bcing ba dang dbang du bya ba ste/ rang gi snying ga'i sa bon gyi 'od zer spros te/ yang dag par bskul nas bcom ldan 'das de bzhin gshegs pa kun gyis de bzhin gshegs pa thams cad kyi dbang bskur de ring bdag la stsol/ sangs rgyas bdag nyid chen po rnams kyis 'od
- 78b
zer spros pa las gzugs rdo rje la sogs pa'i rim gyis rnal 'byor ma sprul te/ nam mkha' i khams yongs su gang ba'i bdud rtsi lnga'i bum pa phyag gis bsnams nas dbang skur bar phyogs pas tshigs bcad 'di yis dbang bskur bar bya ste/ dbang bskur rdo rje chen po ni/ /khams gsum gyis ni phyag byas pa/ /gsang gsum gnas las byung ba yi/ /sangs rgyas kun gyis byin pa'o/ /oM sarba ta thA ga ta a b+hi She ka ta sa ma ya sh+ri ye hUM/ dbang bskur bas thugs kyi gtso bos dbu rgyan du gyur to/ /mkha' 'gro ma la sogs pa ni rnam par snang mdzad la sogs pa rnams kyis so/ /sku dang gsung dang thugs kyi phyag rgyas ni 'khor lo gsum la'o/ /mtshams na gnas pa rnams kyang rnam par snang mdzad la sogs pa'i phyag rgyas gdab par bya la/ cho ga bzhin du hUM gis rdo rje sprul pa dang/ lha mo'i pad+ma 'dab ma gsum pa'i yi ge es bskyed la/ e yig gis lte ba dang baM yig gis ge sar bskyed nas rdo rje lcags kyu'i 'od zer des bkug la pad+ma'i sna rtser khu ba phebs par mos shing rjes su chags par bya ste/ oM sarba ta thA ga ta a nu rA ga Na badzra swa b+hA ba At+ma konyahaM/ /skye gnas kyi sgra yis bskul bas de bzhin gshegs pa thams cad rjes su chags phas rab tu zhugs nas snying khar zhu bar byas la/ rdo rje'i nang nas pad+ma'i nang du spro bar bya zhing/ mchod pa'i lha mo bcu drug gi gzugs kyis ba spu'i bu ga'i rtse mo dang mtshams nas spros la cho ga bzhin du mchod la tshogs dbul bar bya ste/ oM sh+rI he ru ka arg+haM pra tIts+tsha swAhA/ zhes pas zhabs bkru ba ni zhabs la'o/ /zhal bsil ni zhal du phul la phyi nas mkha' 'gro ma rnams kyis mchod par bya ste/ dri dang me tog la sogs pa rnams kyis so/ /dpal he ru ka zhes bya ba'i dka' 'grel sgrub thabs kyi gleng gzhi
- 79a
las le'u gnyis ba'i rnam par bshad pa'o// //de nas sgrub pos dngos kun gyis/ /dang por slob dpon mnyes par bya/ /zhes bya ba ni dkyil 'khor du gzhug pa la sogs pa'i don du/ ci nus pas mchod pa byas la gsol ba gdab par bya'o/ /shin tu sgra snyan dril bu 'khrol/ /sgrub pa po yis rnga brdungs shing/ /zhes bya ba la dang por cang te'u ru 'dod do/ /de nas dril bu ni lo grangs bcu drug pa'i bu mor gsungs pa/ lnga ni lo grangs bcu gnyis ma'o/ /shin tu sgra snyan zhes bya ba ni ngag snyan zhing gzugs mdzes pa la mdog sdug pa'o/ /rdul zhes bya ba ni rjes su chags par bya ba'o/ /bu sdug de rnams gdong la zhes bya ba ni go sla ba kho na'o/ / 'di'i cho ga'i rim pa ni dbang bskur ba'i rab tu byed par shes par bya'o/ /gzhung mangs kyi dogs pas 'jigs pas na 'dir ma bris so/ /lho'i phyogs su brtan pa ni zhes bya ba la/ sa'i bdag po dang yul 'khor rnyed pa dang/ ral gri dang sa 'og gi dngos grub rnams dang/ nad med pa dang ye shes dang thar pa'i don du ni dkyil 'khor gyi shar sgor ro/ /gser 'gyur rtsi dang bcud kyi len pa dang/ nad med pa dang/ nor dang 'bru rab tu sbyin pa dang/ dpal dang bkra shis dang rtag tu zhi ba'i don du dkyil 'khor gyi lho sgor ro/ /dbang dang dgug pa dang phun sum tshogs pa dang/ zhi ba dang rgyas pa dang/ skye bo rnams kyi yid du 'ong ba dang/ bu dang tsha bo la sogs 'phel ba'i don du ni dkyil 'khor gyi nub sgo nas so/ /bstan pa bsrung ba'i don du gdug pa can rnams tshar bcad pa dang/ dgra rnams bzlog cing pham par bya ba'i don du dkyil 'khor gyi byang sgor ro/ /de'i snyim pas me tog gtor zhes bya ba ni/
- 79b
dad pa 'phel zhing sems tshim par bya ba'i don du dbab par bya ste/ g.yas brkyang pa'i gnas pas bzhag la thal mo sbyar ba snying gar gzung ste/ rlung gi dkyil 'khor gyi steng du rlung gi sa bon la rkang pa gnyis mnan pa dang/ snying gar rlung dang sa dang me ste/ rlung gi sa bon gyis bskyod cing/ rdo rje phag mo'i rnal 'byor 'dzin pa la/ 'jigs pa'i yi ge hUM gis hUM zhes brjod pa dang/ a le le le hUM a(rgyud 'grel): zhes pas rdo rje dril bu'i sgra dang 'jigs pa'i sgra grag par bya ste/ rab dang dman pa dang bar ma thams cad la 'dis dbab par bya'o/ /de nas skal ba dman pa la ni gsang ba'i ye shes can gyis rang gi yan lag lnga de bzhin gshegs pa lnga'i sa bon gyis byin gyis brlabs la/ mar khu chen po dang gu gul chen po dang bcas pas sman bdun cha mnyam par byas la/ chang dang gu gul du ldan pa'i bdug pa sbyor bas bdug pa sbyar zhing rdo rje phag mo bzlas par bya'o/ /de'i dri ma nam tsam gyis de'i mod la byin gyis rlob par 'gyur te/ gsung babs pas ni sngar ma thos pa'i tshigs bcad brjod la/ thugs babs pas ni 'das pa dang ma 'ongs pa shes par 'gyur ro/ /sku babs pas ni khru gang dang khru dor 'phar bar 'gyur ro/ /oM sid+d+ha sa ma ya pa ri pa li te/ hUM hUM hUM hUM ho ho ho swAhA/ /zhes bya ba'i sngags kyis rdo rje spyi bor bzung la gshegs su gsol/ /me tog gtor nas gang du lhung ba de'i rigs la sbyin par bya ba'am/ yang na gang 'dod pas so/ /dpal he ru ka la sogs pa'i/ gnas ni de la bstan par bya/ /zhes bya ba ni dkyil 'khor tsam de la bstan par bya ba'i de kho na nyid ni ma yin no/ /de'i rjes la ni chu'i dbang bskur ba la sogs pa bya'o/ /de'i rjes la bum pa'i dbang ngo/ /de nas zhes bya
- 80a
ba la sogs pa ni gsang ba'i dbang sbyin pa'i don du slob dpon shin tu mnyam par gzhag la mchod par bya'o/ /phyi de nyin par zhes bya ba ni nam phyed na'o/ /mtshal chen zhes bya ba ni lus dang ngag dang sems chags pa las byung ba'i phyir/ lan gsum bzlas pa zhes bya ba ni/ oM A:hUM zhes bya ba 'dis so/ /de la thig le bya ba yin zhes bya ba ni snying ga dang mdzod spu dang/ mgrin pa dang/ mgo bo rnams su'o/ /de nas gdong phye dkyil 'khor bstan zhes bya ba ni thams cad zin nas dkyil 'khor gyi de kho na nyid la sogs pa'i thams cad rdzogs par bstan no/ /de nas bla ma yon zhes bya ba la sogs pa go sla'o/ /gang gi rnyed dka' gang yin pa/ /de yi de nyid gser srang stong/ /zhes bya ba la sogs pa ste/ bdog pa dang ldan pa rnams kyis ni go sla ba kho na'o/ /des gnon zhes bya ba ni bstan pa la 'khu pa'i gdug pa rnams so/ /sngags pa dkyil 'khor ma mthong bar/ /zhes bya ba la sogs pa la/ gang la la nam mkha' la brdeg par 'dod pa dang smig rgyu'i chu 'thung bar 'dod pa bzhin te/ med pa'i phyir de dag gis bya ba ga la zhig /rnal 'byor 'di ni mchog rab dang/ /sbyin pa kun gyi dam pa yin/ /zhes bya ba ni 'dir dbang bsgyur ba'i rnal 'byor pa'o/ / gang zhig rtag tu 'dod gyur pa zhes bya ba ni gang dang gang 'dod pa de dang de'o/ /'di ni lha mi zil gnon 'gro zhes pa ni/ 'dod pa la longs spyod par 'gyur ro zhes bya bar sbyar ro/ /dkyil 'khor 'di ru dbang bskur ba/ /rgyud rnams kun gyi sgrub por gsungs/ zhes bya ba ni rnal 'byor thams cad kyi mchog dang phyag rgya chen po'i dngos grub sgrub pa pos so/ /kun zhes bya ba'i sgras ni bya ba dang spyod pa dang rnal 'byor dang rnal 'byor bla ma rnams gzung ngo/ /rgod pa dang blta ba dang lag bcangs dang/ 'khyud
- 80b
pa dang gnyis sbyor ba la sogs pa zhes bya ba ni rgyud de dag thams cad du dbang bskur bar 'gyur te/ gang gi phyir de nyid bsdus pa zhes bya ba la sogs pa las gsungs pa thams cad kyang rgyud 'di nyid du/ dbyer med cing gcig pas so/ /zhes bya ba ste/ 'dir dbang bskur ba ni dbang bskur ba mchog go /zhes de bzhin gshegs pa thams cad kyis gsungs so/ /de'i phyir dkyil 'khor rnams kyi rgyal po 'di/ /ma byung 'byung bar mi 'gyur ro/ /zhes gsungs so/ /dpal he ru ka zhes bya ba'i dka' 'grel sgrub pa'i thabs kyi gleng gzhi las/ le'u gsum pa'i rnam par bshad pa'o// //de nas mkha' 'gro ma rnams kyis/ sa rnams la ni rol pa ste/ zhes bya ba de la/ sa rnams ni rtsa rnams thams cad de/ de rnams su rol pa ni gnas rnams su dpa' bo dang dpa' mo'i dbang phyug ma rnams rnam pa sna tshogs kyis gtsubs shing gnas so zhes bya ba'i don no/ /brtson chen zhes bya ba ni go bzlog pa'i tshig tu blta bar bya ste/ thog mar thugs kyi 'khor lo la rab tu gtum pa dang por sbyar nas lugs su 'byung ba dang/ lugs las bzlog pa dgod cing rab tu sprul pa de ltar/ gsung dang sku'i 'khor lo la yang ji srid brtson chen ma'i mthar thug pa rnams rab tu gnas pa'o/ /sku gsung thugs kyi dbus su ni/ /ji ltar phyi rol nang de bzhin/ /zhes pa de la pu pul+li ra ma la yar zhes mgo bor ni thod pa'i dum bu can dang/ rab tu gtum ma ste/ so dang sen mo 'bab ba'o/ /dzAM dzA land+ha ra zhes bya ba'i spyi gtsug tu ni keng rus chen po dang gtum mig ma ste/ skra dang spu 'bab pa'o/ /aau aau Di yA Ne zhes bya ba ni rna ba g.yas par keng rus dang 'od ldan ma ste/ pags pa dang dri ma 'bab pa'o/ /a arbu da zhes bya ba rgyab kyi char ni mche ba
- 81a
rnam par gtsigs pa dang/ sna che mo ste sha 'bab pa gnas so/ /go go dA ba ri zhes bya ba ni rna ba g.yon par ni lha'i dgra dang dpa' bo'i blo ma ste/ thams cad du rgyus pa 'bab pa'o/ /rAM rA me shwa ra zhes bya ba smin ma'i dbus su ni 'od dpag med dang mi'u thung ma ste/ rus pa'i phreng ba 'bab pa'o/ /de de wi ko Ti zhes bya ba mig gnyis su ni rdo rje 'od dang lang ka'i dbang phyug ma ste/ mchin pa 'bab pa'o/ /mAM mA la wa zhes bya ba la lag pa'i rtsa ba gnyis su ni rdo rje sku dang shing gi grib ma ste/ snying 'bab pa'o/ /nye ba'i gnas so/ /kAM ka ma ru zhes bya ba ni mchan khung gnyis su ni myu gu can dang sa srungs ma ste/ rtag tu mig 'bab pa'o/ /o o Te zhes bya ba nu ma gnyis su ni rdo rje ral pa dang 'jigs byed chen mi ste/ mkhris pa 'bab pa'o/ /zhing ngo/ tri tri sha ku ni zhes bya ba lte bar ni dpa' bo chen po dang/ rlung gi shugs ma ste glo ba 'bab pa'o/ /koM ko sa la zhes bya ba sna'i rtse mor ni rdo rje hUM mdzad dang chang 'thung ma ste rgyu ma'i phreng ba 'bab pa'o/ /nye ba'i zhing ngo/ /kaM ka ling+ga zhes bya ba khar ni shing tu bzang po dang/ sngo bsangs lha mo ste/ rtsib logs kyi chu rgyus 'bab pa'o/ /laM laM pA ka zhes bya ba phrag par ni rdo rje bzang po dang/ shin tu bzang mo ste/ lto ba 'bab pa'o/ /tshen do ha'o/ /kAM kAny+tsir zhes bya ba snying gar ni 'jigs byed chen mo dang rta rna ma ste/ bshang ba 'bab pa'o/ /hi hi ma zhes bya ba/ chu sor ni mig mi bzang dang bya gdong ma ste/ 'doms 'bab pa'o/ /nye ba'i mtshan do ha'o/ /breM bre ta pu ri zhes te yi dags gnas pa zhes bya ba/ mtshan ma ni stobs po che dang/ 'khor lo'i shugs ma ste/ bad kan 'bab pa'o/ /gri gri ha de ba tA zhes bya ba bshang ba'i lam du rin chen rdo rje dang dum skyes ma ste/ rnag 'bab pa'o/ /
- 81b
'dus pa'o/ /sauM sau rASh+Ta zhes bya ba brla gnyis su ni rta mgrin dang glang sna ma ste/ khrag 'bab pa'o/ /suM su bar+Na dwI pa zhes bya ba byin pa gnyis su ni nam mkha' i snying po dang 'khor lo'i go cha ma ste/ rdul 'bab pa'o/ /nye ba'i 'dus pa'o/ /naM na ga ra zhes bya ba sor mo rnams su ni dpal he ru ka dang shin tu dpa' mo ste/ tshil 'bab pa'o/ /si sind+hu zhes bya ba rkang pa'i bel la ni pad+ma gar gyi dbang phyug dang/ stobs chen ma ste mchi ma 'bab pa'o/ /dur khrod do/ /maM ma ru zhes bya ba mthe bong gnyis la ni rnam par snang mdzad dang/ 'khor lo sgyur ma ste/ mchil ma 'bab pa'o/ /kuM ku lu ta zhes bya ba pus mo gnyis la ni rdo rje sems dpa' dang brtson 'grus chen mo ste/ sna chu dang snabs 'bab pa'o/ /nye ba'i dur khrod ste/ thugs dang gsung dang sku rnams rim pa ji lta ba bzhin du mkha' spyod ma dang sa la spyod ma dang sa 'og na gnas par bsam mo/ /'di dag sngon gyi grub pa yin zhes bya ba la/ nyi shu rtsa bzhi gtso bor byas pas ni ri rab kyi rdul gyi grangs snyed rnams bzung ste de rnams bsdus so/ /sangs rgyas bye ba grangs med pa'o/ /zhes bya ba ni rigs pa'o/ /rang ming brjod pa'i sngags zhes bya ba ni gsal byed oM gyi sngags dang ni/ /lhan cig tu ni rang ming brjod/ /hUM hUM phaT ni mthar sbyar te/ /cho ga de ltar rim bzhin bzlas/ /zhes pa'o/ /rang ming zhes bya ba ni dpa' bo dang dpa' mo'i dbang phyug ma rnams kyi mchog ste/ oM DA ki nI ye huM hUM phaT/ zhes bya ba la sogs pa dang oM ka ra ka ra/ khaN+Da ka pA li na pra tsaN+DI ye huM hUM phaT/ ces bya ba la sogs pa'o/ / yang na snying po'i sngags dang spel ma'am/ dkyil 'khor ba'i lha dang gtsig pa'i rtsa ba'i sngags bzlas te/ yan lag ma nyams dung phreng dang/ /sangs rgyas rnal 'byor gyis zhi ba/ /rgyas pa rin chen mkha' 'gro ste/ /dbang la phyag na pad+ma'o//
- 82a
bskrad pa rta yi rgyal po ste/ /dbye ba mi bskyod gtso bos so/ /kun tu kun don phun tshogs la/ /'khor lo can gyi 'khor lo sbyor/ /zhes so/ /dpal he ru ka zhes bya ba'i dka' 'grel gyi sgrub pa'i thabs kyi gleng gzhi las le'u bzhi pa'i rnam par bshad pa'o// //de nas thams cad chos 'byung bar/ /sna tshogs zhes bya ba la chos thams cad ni stobs bcu dang mi 'jigs pa la sogs pa ste/ de rnams kyi 'byung gnas pas na 'dir chos kyi 'byung gnas zhes bya'o/ /sna tshogs ni brtan pa dang g.yo ba'i bdag nyid do/ /lte bar mi shigs dge zhes bya ba la mi shigs dge ba ni rdo rje 'dzin pa ste/ dge ba rnams 'dzin pa'i phyir ro/ /de bas na chos kun gcig tu bsdu bar bya zhes bya ste/ bri bar bya zhes bya ba dang 'phrel to/ /'dir zhes bya ba ni chos kyi 'byung gnas la'o/ /der gnas zhes bya ba ni 'khor lo gsum gyi sbyor ba dang ldan pa'o/ /rab rgyas bya zhes bya ni yi ge rnams phreng du bya ba'o/ /bzhi pa yi ni lnga pa dang zhes bya ba la sogs pa rnams kyis bcom ldan 'das kyi sngags kyi tshigs bcad brgyad pa dang/ ka ra ka ra zhes bya ba la sogs pa dang bcas pas rtsa ba'i sngags btu ba'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las/ le'u lnga pa'i rnam par bshad pa'o// //gzhan yang yi ge nyi shu gnyis/ /snying po yig bdun nye snying po/ /zhes bya ba ni 'og nas bshad par bya'o/ /mtshan brgyad pa'i sa bon zhes bya ba ni ha yig bcu gnyis so/ /dor byas pa zhes bya ba ni dbyangs yig ring po rnams dang/ lhan cig gyur pa'i dbus na gnas pa rnams te/ oM ha na ma:hi swAhA hu bau ShaT he hUM hUM ho phaT haM/ rnams so/ /snying gar yi ge ha dang rdo rje yongs su gyur pa las rdo rje sems dpa' dkar po zhal
- 82b
gcig pa phyag bzhi pa phyag g.yas na rdo rje dang rde chung/ g.yon pa na dril bu dang kha TwAM ga dang thod pa 'dzin pa/ rdo rje phag mo mdog dmar mo la 'khyud pa'o/ /mgo bor yi ge hi dang 'khor lo yongs su gyur pa las rnam par snang mdzad ser po phyag na 'khor lo/ gzhan ni sngar bstan pa bzhin te/ gshin rje mo mdog sngon mo la 'khyud pa'o/ /spyi gtsug tu yi ge hu dang pad+ma yongs su gyur pa las pad+ma gar gyi dbang phyug dmar po phyag g.yas na pad+ma bsnams pa rmongs byed ma mdog dkar mo'i mgrin pa nas 'dzin pa ste/ gzhan ni sngar bstan pa bzhin no/ /phrag pa gnyis su ni yi ge he dang rdo rje yongs su gyur pa las he ru ka mdog sngon po phyag g.yas na rdo rje gdengs pa bsnams pa yang dag par bskyod ma mdog ljang gu la 'khyud pa'o/ /lhag ma sngar bstan pa bzhin no/ /mig gnyis su ni yi ge ho dang rin po che yongs su gyur pa las rdo rje nyi ma gser bsregs pa'i mdog can phyag g.yas na rin po che bsnams/ skrag byed ma nam mkha' ltar mthing skya'i mdog can la 'khyud pa ste/ lhag ma ni sngar bstan pa bzhin/ dpral bar yi ge ha dang sna tshogs rdo rje yongs su gyur pa las rta mchog phyag g.yas na sna tshogs rdo rje bsnams pa/ gtum mo du ba'i mdog can la 'khyud pa ste/ gzhan snga ma bzhin no/ /thams cad kyang rgyan kun gyis brgyan zhing g.yas brkyang ba'i gnas pas gnas pa ral pa'i cod pan dar gyis bcings pa'o/ /dpal he ru ka zhes bya ba'i dka' 'grel sgrub pa'i thabs kyi/ gleng gzhi las le'u drug pa'i rnam par bshad pa'o// //de nas dbyangs yig ces bya ba la le'u lnga par bstan pa'i gsal byed dang dbyangs su sbyar bar bya ste/ bcu gsum nyid ces bya ba ni yi ge o'o/ /yi ge gnyis pa zhes pa ni/ rim pa ji lta ba bzhin yi ge ma'o/ /dbyangs yig bcu gcig ni e'o/ /yi ge drug pa ni ta ste rim pa 'di nyid kyis thams
- 83a
cad la sbyar bar bya'o/ /zhes so/ dpal he ru ka zhes bya ba'i dka' 'grel sgrub pa'i thabs kyis gleng gzhi las le'u bdun pa'i rnam par bshad pa'o// //de nas rang gi bdag nyid kyi zhes bya ba ni chos thams cad gdod nas skye ba med cing bdag med pa'i rang bzhin yongs su dag cing rang bzhin dang bral bas kun tu bsam pa'o/ /dpa' bo kun dang mnyam sbyor bas/ /mkha' 'gro kun gyi dra ba sdom/ /zhes bya ba ni/ snying rje chen po sprul pa'i rang bzhin te/ rang gi bdag nyid snying po'i sngags yig ni/ /yongs rdzogs dkyil 'khor dkyil 'khor mchog /skad cig ye shes kyis rdzogs pa/ /gru bzhi pa la sgo bzhi pa/ /rta babs bzhi yis brgyan pa ste/ /dra ba dra phyed kyis spras pa/ /dar dang me tog phreng 'phyang ba/ /phyi yi dkyil 'khor brtag par bya/ /dbus su rtsibs brgyad 'khor lo la/ /lha tshogs pad+ma bri bar bya/ /zla ba nyi ma'i dbus gnas par/ /hUM gi ye shes rdzogs pa las/ /bde chen bde ba'i 'byung gnas te/ /sngo skya drag shul 'jigs pa'i 'od/ /'jigs chen ha ha zhes bzhad pas/ /'jigs pa dag kyang 'jigs par mdzad/ /zhab brgyad pa la spyan gsum pa/ /bcu drug phyag gis brgyan pa ste/ /mgo bo'i phreng bas rnam par brgyan/ /sna tshogs rdo rjes mtshan pa yi/ /dbu la zla phyed ral pa 'dzin/ / phyag rgya drug gis rgyas btab sku/ /'jigs byed dang ni dus mtshan dag /g.yas brkyang ba yis yang dag mnan/ /rdo rje dril bus snyoms 'jug cing/ /phag mo'i nu ma 'dzin par byed/ /tshangs pa dral ba'i pags pa ni/ /rlon pa gzung ste sku la mnabs/ /rtse gsum mdung dang dgra sta dang/ /ral gri dang ni cang te'u ste/ /zangs kyi lcags kyu phyag g.yas na'o/ /g.yon pa de bzhin thod pa dang/ /kha dang mgo dang zhags pa dang/ /tho ba sdigs 'dzub phyag gzhan na/ /sngo dkar dmar ser ljang gu
- 83b
dang/ /du ba rdul dang thal kha mdog /de lta bu yi zhal ldan pa/ /bcom ldan 'das kyi sku chen po/ /shes rab ye shes las rdzogs pa/ /phag mo ljang skya'i 'od 'phro ba/ /byin pa gnyis kyis yang dag 'khyud/ /spyan gsum skra ni grol ba ste/ /thod pa'i phreng bas rnam par brgyan/ /de yi zhal dang dbyibs 'dra ba/ /dum bus mtshan pa'i ske rags can/ /zhal gyi mche ba gtsig pa'o/ /phyogs gos chags pa'i lta ba dang/ /ro smad cha ni rnam brgyad pa/ /tshangs pa'i pags pa yongs lta mo/ /skal bzang ldan ma mda' gzhu 'dzin/ /yi ge oM gyis shang 'dab la/ /phyag mtshan mkha' 'gro ma dgod bya/ /ba yi byang gi 'dab ma la/ /rgod ma'i mkha' 'gro ma dgod bya/ /dzra yis nub 'dab snyan grags ma/ /drag shul mkha' 'gro ma dgod bya/ /he yis gser ldan ma zhes pa/ /mkha' 'gro chen mo lho phyogs dgod/ /ser po ljang gu sngon po dang/ /sngo bsangs dang ni dkar dang dmar/ /dkar dang ljang gu sngon po dang/ /de bzhin dmar dang sngo dang ljang/ /thams cad zhal gsum phyag drug pa/ / spyan gsum rnam 'gyur rab 'jigs pa/ /rgyan rnams thams cad yongs rdzogs shing/ /phyogs kyi gos can skra grol ba/ /g.yas brkyang ro yi steng gnas pa/ /bdud bzhi rab tu 'joms pa'o/ /drag po'i thod pa'i phreng ba can/ /pad+ma dang ni nu rgyas ma/ /zur gyis blta zhing bzhad pa dang/ /snying rjes chags pa'i bde dam pa/ /mda' dang gzhu ni 'dzin mdzad cing/ /zhags pa lcags kyu phyag gzhan na/ /g.yon na kha TwAM thod pa ste/ /g.yas pa cang te'u brdung bar mdzad/ /mtshams bzhir bum par thod pa la/ /byang chub 'o mas yongs bkang ba'o/ /shar phyogs kyi rtsibs la ni yi ge he yis brtse byed ma zhes bya ba'i mkha' 'gro ma'o/ /byang gi rtsibs la ni yi ge ru yis/ gdu bu ma zhes bya ba'i mkha' 'gro ma'o/ /nub tu ni yi ge ru yis dung phreng can
- 84a
zhes bya ba'i mkha' 'gro ma'o/ /lho phyogs su ni kaM gis keng rus can ma zhes bya ba'i mkha' 'gro ma'o/ /me yi mtshams su hUM gis hUM byed ma'o/ /srin po'i mtshams su phaT mdzad ma'o/ /rlung gi mtshams su ni mdzes can pa'o/ /dbang ldan du ni ki li ki li zhes bya ba'i ma mo'o/ /ma mo brgyad po de rnams ni/ /bcom ldan 'das kyi zhal mdog sku/ /zhal gcig phyag ni bzhi pa la/ /thod pa kha TwAM dril bu 'dzin/ /kun kyang cang te'u zangs gri can/ /phyogs kyi gos can g.yas brkyang gnas/ /de bzhin thod pa'i phreng ba can/ /phyag rgya lnga yis brgyan pa'o/ /ro yi steng gnas bsgom bya ste/ /drag cing rnol 'jigs rngam pa'o/ /dbang ldan mtshams su sngon byung ma/ /rlung mtshams su ni chu mchog ma/ /srin po'i mtshams su gsus 'chang ma/ /me mtshams su ni ri khrod ma/ /ser po ljang gu sngon po dang/ /bzhi pa cung zad dmar po'o/ /zhal gcig pa la phyag bzhi pa/ /thod pa dang ni kha TwAM 'dzin/ /zangs gri cang te'u phyag gzhan na/ /bzhi pa la ni rdo rje'i mdung/ /phyogs kyi dregs pa'i bde dang ldan/ / gsus pa 'phyang zhing gtsigs pa ste/ /ske rags ring zhing rgyas pa'o/ /spyan gsum rnam 'gyur mi bzad pa/ /skra grol ba la 'jigs mdzad ma/ /thod pa'i phreng ba'i cod pan can/ /rgyan rnams kun gyis brgyan pa'o/ /shar phyogs kyi sgor ni/ baM gyis mi bzad drag shul can/ /zhes bya ba'i mkha' 'gro ma'o/ /lho phyogs su yi ge ra yis rol rtsed drag can zhes bya ba'i mkha' 'gro ma'o/ /nub sgor swA yis rang 'od dra ba mchog ces bya ba'i mkha' 'gro ma'o/ /byang sgor ni hA yis rgyal ba'i do shal mchog ces bya ba'i mkha' 'gro ma'o/ /de rnams zhal gsum phyag drug ma'o/ /sngo dang dmar dang dkar po ste/ /thod pa kha TwAM ga dang ni/ /mgo dang sdigs mdzub phyag g.yon la/ /lcags kyu dang ni zangs gri dang/ /cang te'u g.yas pa'i phyag na'o/ /lho zhal dkar sngo ljang gu ste/
- 84b
thod pa kha TwAM zangs gri 'og /sdigs mdzub g.yon te zhags pa dang/ /lcags kyu cang te'u g.yas na'o/ /nub phyogs dmar sngo ljang gu ste/ /lcags sgrog cang te'u zangs gri dang/ /thod pa dang ni kha TwAM ga /mgo bo dang ni sdigs mdzub bo/ /byang phyogs ljang dang dkar po dang/ / ser dang dmar 'dres dgyes pa'i zhal/ /'bebs dang cang te'u gri sdigs mdzub/ /thod pa dang ni mgo bo 'dzin/ /kun kyang skra grol drag chen mo/ /spyan gsum rnam par 'gyur ba'i zhal/ /zhal gdangs pa la ljags 'gril ba/ /g.yas brkyang ba yis rnam par bzhugs/ /thod pa'i phreng brgyan dri ma med/ /phyogs kyi gos can dag dang ldan/ /ro dang pad+ma nyi dbus gnas/ /mi bskyod pa yi dbu rgyan can/ /zur mig blta zhing g.yo ba dang/ /snying rjes chags pa'i bde ba can/ /byang phyogs sgo la phyogs par ni/ /snying po ye shes gnas dgod bya/ /oM sh+rI badzra he he ru ru kaM huM hUM phaT DA ki ni dzA la saM ba raM swAhA/ /sku gsung thugs dang lhan cig tu/ /go cha drug gis brgyan pa ste/ /zhal ni rnam thar brgyad dag pa/ /phyag ni stong pa bcu drug go /de'i rjes la snying po nye ba'i snying po yi ge bdun pa'i bdag nyid kyi sngags chen po rdo rje mchog gi dkyil 'khor brjod par bya ste/ hUM gi yi ge yongs rdzogs las/ /rdo rje mkha' 'gro bde ba che/ /A li kA li dngos 'byung ba/ /gtso bo zhal gsum phyag drug pa/ /spyan gsum mtshan rnams kun gyis mtshan/ /dpe byad bzang po brgyad cu ldan/ /phag mo dang gnyis med bde ba/ /stong nyid snying rje 'khrigs pa yis/ /rdo rje dril bu snyoms 'jug cing/ /phyag gzhan mi yi pags pa'i gos/ /thod pa kha TwAM ga dang ni/ /drug pa la ni mdung rtse gsum/ /thod pa'i phreng bas spras pa ste/ /rgyan rnams thams cad klubs pa yi/ /sna tshogs rdo rje zla phyed dag /ral pa 'dzin zhing g.yas brkyang ba/ /sna tshogs pad+ma nyi dbus su/ /chung mar bcas pa'i 'jigs byed mnan/ /'dod pa'i 'bras bu kun ster ba'o/ /de'i phyi rol tu
- 85a
'khor lo rtsibs drug pa bris la/ rnal 'byor ma drug der dgod par bya'o/ /rtsibs drug 'khor lo'i dbus su ni/ /myur du dngos grub sbyin byed ma/ /shar phyogs la sogs g.yon skor gyis dgod par bya'o/ /yi ge phaT kyis dpal ri rtsed ma ste lha mo dang po'o/ /yi ge hUM gis ni rdo rje 'jigs byed ma ste gnyis pa'o/ /yi ge ha yis gtum drag ma ste gsum pa'o/ /yi ge ho yis rdo rje sna byed ma ste bzhi pa'o/ /yi ge h+ri yis ni rdo rje drag mo ste lnga pa'o/ /yi ge oM gyis ni rdo rje mkha' 'gro ma ste drug pa'o/ /lha mo zhal gcig phyag bzhi drag chen spyan gsum ste/ /skra grol phyogs kyi gos dang ldan/ /thams cad yi dags nyi steng gnas/ /de rnams sngo dang ser ba dang/ /ljang gu dmar dang dung kha dkar/ /kun kyang cang te'u dril bsnams shing/ /mi yi lpags pha gnyis kyis 'dzin/ /thod pa'i phreng ba'i dbu rgyan can/ /g.yas brkyang ba yi gnas pas bzhugs/ /yi ge drug las yang dag byung/ /dngos grub nye par byed pa mo/ /mgon po'i sku mdog ji lta bar/ /de bzhin du ni phag mo ste/ /dbyibs dang phyag rgya de dang mtshungs/ /mi yi lpags pa spangs nas su/ /lha mo mda' gzhu bsnams par mdzad/ /yan lag kun dang rtsa zhal sngo/ /g.yas dang g.yon na ser dang ljang/ /rgyan rnams thams cad yongs rdzogs shing/ /lha mo'i pus mo gnyis 'khyud bas/ mchog tu dga' bas myos pa mo/ /snying gar ye shes gnas bsam shing/ /sku gsung thugs kyis byin brlabs pa/ /go cha gnyis kyis rnam par brgyan/ /spro dang bsdu ba'i sbyor ba yis/ /shin tu mnyam gzhag sngags bzlas bya/ /oM h+rI:ha ha huM hUM phaT/ /yi ge drug po de rnams kyis/ /mkha' 'gro ma drug byang chub kyi/ /yan lag drug mchog bsgom par bya/ /bdun pa dbus su gyur pa ni/ /yi ge hUM mdzad he ru ka /dran pa byang chub yan lag sogs/ /zhes pas so/ /oM d+haM d+hi d+h+ri hUM phaT/
- 85b
yi ge baM dang yaM dang ni/ /yi ge maM dang h+riM nyid dang/ /hUM dang phaT ces bshad pa ni/ /rnal 'byor ma ni drug tu grags/ /yi ge re re yang dag gnas/ /zhes bya ba de la 'di'i cho ga rim pa bzhin dgod par bya'o/ /pad+ma 'dab ma lnga pa lte ba dang ge sar gyis 'khrigs pa bris la de'i dbus su ni yi ge baM las yang dag par byung ba'i phag mo ni/ /sku mdog dmar mo 'od 'bar ma/ /zhal gsum phyag drug zhi ba ste/ /spyan gsum pa la skra grol ba/ /thod pa'i phreng ba'i dbu rgyan can/ /phyogs gos phyed krung bcas pa'i gar/ /phyag rgya drug gis btab pa'i sku/ /mgo bo'i me tog phreng ba can/ /dus mtshan 'og tu byas nas su/ /rkang pas mnan bar gyur pa na/ /sdang ba kun dang lha bdud dgra /me ltar 'bar ba dmar chen ma/ /g.yas dang g.yon ni sngo dang ljang/ /thod pa nyid dang kha TwAM ga/ zhags pa lcags kyu de bzhin te/ /mgo dang zangs gri 'dzin pa ni/ /dngos grub thams cad sbyin byed pa'o/ /shar phyogs la sogs pa'i lha mo rnams ni g.yon skor gyis bsam par bya ste/ yaM gis gshin rje ma'o/ /maM gyis rmongs byed ma'o/ /h+riM gis yang dag skyong ma'o/ /hUM gis skrag byed ma'o/ /phaT kyis ni gtum mo ste/ de rnams thams cad zhal gcig dang/ /phyag bzhi spyan gsum skra grol ba/ /phyogs kyi gos can gar gyi mchog /phyag rgya lnga yi rgyan byas shing/ /mgo yi phreng ba'i do shal byas/ /rang rig snang ba'i dbu rgyan can/ /snying rjes 'khrug pa'i bde dam pa/ /sngo dang dkar dang ser po dang/ /ljang dang du ba skya bo ste/ /thod pa dang ni kha TwAM 'dzin/ /dril bu dang ni cang te'u gri/ /yang na gnyis med sbyor ba snyoms zhugs pas/ /rdo rje sems sogs thams cad ni/ / 'khyud la sogs pa'i rim pa bzhin/ /phyag dang mtshon cha mdog sngo gsung/ /lte ba snying ga mgrin pa mgo /spyi gtsug yan lag kun mtshon cha zhes bya'o/ /de rjes lha mo'i snying po yi/ /sngags kyi yi ge yongs rdzogs pa/ /dkyil 'khor dkyil 'khor rnams kyi
- 86a
mchog /ji ltar go rim bzhin 'byung bshad/ /yi ge so so yongs rdzogs las/ /drag po bcu dang gsum bdag nyid/ /dngos grub thams cad rab ster ba'o/ /chos kyi dbyings las 'byung ba yi/ /gzhal yas khang pa yid dga' ba/ / gru bzhi pa la sgo bzhi pa/ /rta babs bzhi yis brgyan pa ste/ /dra ba dra phyed kyis spras pa/ /dar dang me tog phreng 'phyang ba'i/ /dbus su pad+ma dmar po ni/ /'dab ma brgyad pas brgyan pa'o/ /lte ba la ni phag mo ste/ /'dab mar lha mo rnams ni dgod/ /mtshams kyi sgo yi phyogs rnams su/ /lha mo rnams kyi snying po bsgom/ /phyag 'tshal ba dang rgod ma'i kha/ /dzra gi ni dang dgra can ma/ /shar dang byang gi phyogs dang ni/ /nub dang lho phyogs sgo ru'o/ /khros ma dang ni gtso mo nyid/ /kha ba ma dang gser ldan ma/ /de rnams mtshan gyi lha mo ste/ /me la sogs pa dgod par bya/ /hUM mdzad lha mo byin za'i ming/ /phaT mdzad ma dang spa mdzad ma/ /shar dang de bzhin byang dang ni/ /nub dang lho yi 'dab lha mo/ /yi ge ha las dbus gtso mo/ /sngo shing drag shul gzi brjid che/ /shin tu drag po bdud kun 'joms/ /mtshan rnams thams cad yongs rdzogs shing/ /rdo rje phag mo zhes bya ba/ /dngos grub thams cad rab ster ba/ /sngo dang ser dang dmar dang ljang/ /steng dkar zhi dang zhal lnga pa/ /bcu gnyis phyag dang zhal gsum ste/ /rnam 'gyur mche ba gtsigs pa ste/ /g.yas brkyang pa la legs gnas pa/ /zhabs mnan mdzad nas 'jigs byed dang/ /tsa muN+Di yang 'jigs pas brgyal/ /thod pa'i phreng can sna tshogs pa'i/ /rgyan rnams kun gyis klubs pa'o/ /gsus pa 'phyang zhing skra grol ma/ /phyogs kyi gos can rang 'dod kyi/ /thabs dang bde la legs gnas pa/ /snying rje 'khrug cing myos pa yi/ /rdo rje dril bu snyoms 'jug pa/ /thod pa kha TwAM mdung dang ni/ /zangs gri cang te'u zhags pa dang/ /lcags kyu tshangs pa'i mgo dang ni/ /dgra sta dang ni sdigs mdzub bsnams/ /phyag gnyis mi yi pags pa yi/ /
- 86b
snam bu gyen du 'phyar ba'o/ /ser dang ljang dang dmar dang sngo/ /'dab ma'i lha mo rnams kyi mdog /sngo dang ljang dang dkar dang ser/ /sgo bzhi por ni gnas pa'o/ /dmar dang dud kha sngo dang dkar/ /me sogs dbang ldan par gnas pa'i/ /bcu gnyis de rnams zhal gcig pa la phyag bzhi pa la spyan gsum ste/ /rgyan rnams kun gyis klubs pa'o/ /yi dags kyi ni gdan steng du/ /phyed krung bcas pa shin tu gnas/ /phyogs kyi gos can skra grol ba/ /nu ma gnyis kyi gzugs bzang ba/ /yid dga' rnam par 'gyur ba'i zhal/ / zur gyis blta zhing g.yo ba ste/ /g.yas pa rdo rje cang te'u 'dzin/ /g.yon pa kha TwAM khrag gis ni/ /gang ba'i snod dang dril bu'o/ /'on kyang sgo'i lha mo zhes bya ba rnams kyi gdan la shar phyogs kyi dbang po'o/ /byang phyogs kyi ni gnod sbyin no/ /nub phyogs su ni chu bdag go /lho yi ni gshin rje'o/ /de rnams kyi snying ga'i g.yas brkyang ba'i gnas pas gnas/ spyan gsum pa skra gyen du 'greng ba/ thod pa'i phreng ba can sbrul gyi rgyan sna tshogs kyis brgyan pa ste/ rim pa ji lta ba bzhin du lcags kyu dang zhags pa dang/ lcags sgrog dang 'bebs pa rnams gtso bo'i phyag tu'o/ /gzhan gyis rdo rje gsor ba dang/ thod pa kha TwAM ga dang mgo bo 'dzin pa'o/ /zhal rnam par 'gyur zhing gsus pa 'phyang ba kun kyang mgo bo'i phreng bas brgyan pa ste/ gcer bu pad+ma rgyas pa/ byang chub sems kyi gzi brjid bskyed cing myos pa ste/ dkyil 'khor thams cad du rang gi 'od kyis thabs dang mchog tu dga' bas gang ba'o/ /sku dang gsung dang thugs dang snying gar ye shes kyi gnas dang/ go cha gnyis kyis rnam par brgyan la dbang bskur te mchod nas bstod la/ sngags kyis bzlas pas spro bar bya ste/ oM badzra bai ro tsa nI ye hUM hUM phaT swAhA/ /sa steng na ni rin chen bzhi/ /phreng ba'i sngags ni dam pa yin/ /zhes bya ba ni/ de rnams ni yid bzhin nor bu ltar 'gro ba ma
- 87a
lus pa'i 'dod pa'i don sgrub par byed pa'o zhes pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u brgyad pa'i rnam par bshad pa'o// //las mchog go rim ji bzhin du/ zhes bya ba la bsam gtan tsam gyis grub par 'gyur ba dang/ kha cig ni bsam gtan dang sngags kyis grub par 'gyur ba dang/ la las ni bsam gtan dang sngags dang/ 'khrul 'khor gyi bya bas 'grub pa ste/ rang nyid rdo rje 'dzin rgyal po/ /bka' yi 'khor lo rab sbyor bas/ /'jig rten gsum po gang cung zad/ /zhi sogs yid la 'dod tsam gyis/ /sngags mchog cho ga shes pas ni/ de kun skad cig de la 'grub/ /klu thams cad kyi sgras ni chu bdag dang mdza' yas la sogs pa gzung ste/ sngags lan cig bzlas pa dang/ bsam gtan gyis bskul nas bkas bkug ste/ de dag shin tu 'jigs pas myos nas/ rdzu 'phrul chen po dang ldan pa rnams rdzu 'phrul gyis bar snang gi nam mkha' la song ste chu'i tshogs kyi rgyun 'thor bar byed do/ /yang na chu bo dang rgya mtsho dang steng ka dang khron pa dang/ rdzing bu'i 'gram rnams su rdo rje bya khyung gzi brjid chen po'i gtso bo des klu rnams la bka' bsgo bar bsgoms la/ blo bzang pos khro bas 'khrug cing bzlas par bya ste/ pad+ma 'dab ma brgyad pa nyams dga' zhing lte ba dang ge sar gyi phreng bas 'khrigs pa'i dbus su/ rdo rje chen po mche ba gtsigs pas 'jigs pa dang bcas shing/ phyag brgyad pa zhal bzhi pa ste/ zhal dang po sprin gyi mdog lta bur sngo zhing khro ba dang bcas pa/ g.yas pa du ba lta bu g.yon pa sngo bsangs/ steng du bya khyung gi zhal shin tu dmar ba nyi ma bcu gnyis kyi 'od ltar gzi brjid rno ba mche ba gtsigs shing 'jigs par mdzad pa'o/ /g.yas pas rdo rje mchog gsor ba dang/ g.yon pas sdigs mdzub mdzad cing zhags pa dang bcas pa dang/
- 87b
gzhan gnyis kyis dbang po'i pags pa'i na bza' mnabs pa/ thod pa dang ni kha TwAM ga /lcags kyu dang ni mdung 'dzin zhing/ /brgyad pa cang te'u ru ni 'dod/ /g.yas brkyang zhabs kyis gnon pa ni/ /chu bdag 'jigs pas brgyal bar gyur/ /zla phyed ral pa bcings pa la/ sna tshogs rdo rjes nye bar brgyan/ /phyag rgya drug po sku yi brgyan/ /mgo bo'i phreng bas rnam par brgyan/ /stag lpags kyi ni shams thabs can/ /mche bas ma mchu sbams mdzad cing/ /khro bo'i lta bas gzigs mdzad cing/ /'dab ma brgyad la klu'i rgyal po brgyad bri bar bya'o/ /mgo bo'i phreng bas rnam par brgyan/ shar phyogs su ni mdza' yas so/ /byang phyogs su ni nor rgyas bu/ /nub phyogs su ni 'jigs pa'o/ /lho phyogs su ni pad+ma'o/ /dbang ldan du ni pad+ma chen po'o/ /me mtshams su ni dud skyod do/ /srin por ni stobs kyi rgyu'o/ /rlung mtshams su ni ma dros pa ste/ /dkar dang sngo dang dmar dang ljang/ /ser dang dud kha skya ljang ser/ /rin chen ldan pa'i gdengs ka mtho/ /thal mo mchog tu sbyar byas nas/ /bcom ldan 'das kyi zhal du blta/ /'jigs pa'i bka' nod cing bsgrag pa dang bcas pas blta bar bya/ yang na phyag bcu gnyis pa'i bde ba chen po bsgom par bya ste/ sngon du bstan pa bzhin te/ chu bdag chung ma bcas pa mdog dkar po mnan pa'o/ /klu rnams dang chu bdag ni snying gar hUM nAM hUM bri'o/ /bris la dmigs shing shar du bltas pas rtsa ba'i sngags bzlas par bya ste/ 'bum gyis ni sngon du gyur nas/ rdo rje khro bo bya khyung zhes bya ba'i gtso bo chen po'i bka' tsam gyis char 'bebs par 'gyur ro/ /oM aM a nandA ya hUM nAM hUM swAhA/ oM bAM bA su kaM/ oM taM tak+Sha ka /oM paM pad+ma/ oM maM mahA pad+ma/ oM saM saM kha pA la/ oM kaM kar ko Ta ma/ oM aM a na ba ta ba ta/ oM baM ba ru Na ya nA gA d+hi pa ta ye nA gA nAM bar Sha pa ya hUM nAM hUM swAhA/ /zhes bya ba ni thams cad du blta bar bya'o/ /khro bo chen po sgom pas thams cad khri phrag tu bzlas pa dbul lo/ /mi smra bar gyur cing shin tu mnyam par gzhag pas tshangs par spyod cing 'o
- 88a
ma dang/ sA lu'i 'bras chan bza' bar bya ste/ klu'i gtor ma dang ldan zhing/ 'o mas khrus byas la 'o ma'i sbyin sreg dbul bar bya ste/ 'o ma can gyi shing la skyes pa'i yaM shing mtho gang ba dang lhan cig bsregs par byas la bum ba/ 'o mas bkang ste 'o ma dang bcas pa'i gtor ma phyogs bcur rab tu sbyin no/ /de lta bu'i tshogs mchod la/ dus bzhir stong phrag bzlas par bya ste/ zhag bdun gyis nges par sa gzhi thams cad du char 'bab par 'gyur ro/ /yang na 'dir chu dang yungs kar dngul gyi sdod du blugs la lan nyi shu rtsa gcig bzlas so/ /sangs rgyas kyi gzugs brnyan gdung dang bcas pa la/ dri chu dang/ 'o mar bsres pas khrus byas la chu 'gram gnyis kyis gcig tu byas nas klu'i gzugs bya ste/ mgo dgu ba nub tu bltas pa bzhag go /de nas khrus byas la mchod de/ de dang khrus kyi chur bcas pa chu klung du gtor bar bya'o/ /de ma thag tu klu rnams mgu nas/ 'dzam bu'i gling thams cad du char rgyun mi 'chad pa 'bebs par 'gyur ro/ /sa gzhi 'bru dang ldan par 'gyur zhing/ sems can thams cad bde ba'i reg pa'i gnas pas gnas par 'gyur ro/ /de nas 'khrul 'khor gyi rab tu sbyor bar bya ste/ sngags kyi 'khrul 'khor las byung ba gdengs ka'i dbang phyug 'khor lo'i ming/ /mchog tu rmad byung brtag pa yang/ /thos pa ces gyis skrag byed na/ /ming dang bcas par dris pa yis/ /gdengs kha thams cad smos ci dgos/ /gro ga 'am ni ras dkar la/ /'dab brgyad pad+ma bri bar bya/ /'khor lo gsum po rim ji bzhin/ /rdo rje pad+ma 'khor phreng bskor/ /dug dang lan tshwa ske tshe dang/ /tsha ba gsum dang dur khrod sol/ /sna tshogs g.yon gyi skor phyogs su/ /shin tu mnyam par gzhag pa yis/ /shar la sogs pa'i phyogs dang ni/ /dbang ldan phyogs kyi mtshams nas brtsam/ /ka ra ka ra la sogs pa'i/ /sngags 'di dag nas brtsams nas ni/ /rab
- 88b
gtum mo la sogs pa dang/ /brtson chen mdza' mar rab tu gnas/ /rang ming bcas par bri bya ste/ /hUM hUM phaT dang sbyar bar bya/ /oM ni thams cad gsal byed cing/ /grub sbyin 'dod pa thams cad gsal/ /'khor lo gsum gyis yongs bskor ba'i/ /rtsibs mchan mu khyud dbus su klu brgyad po/ /mdza' yas la sogs bri bar bya/ /'dab brgyad lte ba'i dbus su ni/ /hUM nAM hUM sarba nA ga bar Sha pa ya shI g+h+raM phaT/ dkyil 'khor gyi ni phyi rol tu/ /rin chen dang ldan gdengs gsum mtho'i/ /mjug ma phan tshun skye dkris bskor/ /de rnams kyi ni gdengs ka la/ /hUM nAM hUM ni rnam dgod bya/ /grog mo'i mkhar gyi sa dang ni/ /ba yi rnam lngar bcas pa yis/ /mtho gang tsam pa'i nor rgyas kyi/ /gzugs brnyan byas la de yi ni/ /snying gar 'khor lo gzhug bya ste/ /dgug sogs byas nas yang dag mchod/ /ka ra bI ra'i chus bkang lcug bkab ste/ /bar chad med par chus khrus bya/ /lan cig bzlas pa'i gu gul gyis/ /bdug pa rgyun mi 'chad par sbyar/ /gal te 'bab par ma gyur na/ /de ni nyi ma bdun pa la/ /dum bu dun bur byas nas su/ /bum pa'i nang du gzhug byas la/ /chu bo chen por bskur bar bya/ /de yis klu kun pham nas ni/ /'jigs dang bcas pas brgyal 'gyur te/ /chu yi tshogs ni 'bebs par byed/ /lag pa g.yon pa la 'khor lo 'di yid kyis bsams la/ ming dngos su bris nas lan cig bzlas pas ni dus su sbrul gyis zin pa slong bar byed do/ /lag pa bstan pa tsam gyis lha thams cad dang gnod sbyin thams cad dang srin po la sogs pa'i gdon gyis gzir ba las grol bar 'gyur ro/ /yang na kham phor so ni ma btang bar/ /dug la sogs pas bris byas pa/ /dkyil 'khor gsum po chu dag gi /'dab brgyad pad+mas mtshan pa yi/ /dkyil 'khor dam pa bris byas la/ /lte bar yi ge baM bris nas/ /hUM gnyis kyis ni gzir bar bya/ /'dab gbrgyad la ni de bzhin du/ /klu brgyad snying po gzir ba bri/ /de nas sngags
- 89a
'di gdab par bgyi/ /mtsho skyes kun tu bskor bar bya/ /oM badzra kro d+ha mahA ba laM/ ha na ha na/ pa tsa pa tsa bid+hAnsa ya/ u tsa Ta ya/ sarba NaM mA ra ya hUM phaT/ de nas dgug pa la sogs pa byas nas yang dag par mchod de/ kha sbyar la klu'i sar gzhug ste/ gu gul dang sardzas ra dang sgog skya bsres pa'i bdug pas bdug cing/ sngags bzlas na char 'bab po/ /zlog par byed do zhes bya ba ni bka' yi 'khor lo rab sbyor bas so/ /yang na rdo rje 'dzin pa'i spyi bor phul ba'i me tog blangs la rtsa ba'i sngags len bdun btab ste srin lag la bdugs na 'dis nam mkha' la char bzlog par 'gyur ro/ /rgya mtsho skems par byed do/ /zhes bya ba ni ji ltar gsungs pa'i cho ga dang/ sgom pa rgya mtshor byung ba'i sngags pas shin tu khros pa'i gzi brjid chen pos bskams par 'dir gdon mi za'o/ /kha dang kha la yongs su bzlas nas bsnun na chu bo rgyun las ldog go /thog zlog par byed do/ /zhes bya ba ni sdigs mdzub tsam gyis so/ /bzlas brjod 'bum byas pas/ sa g.yo bar byed ces bya ba ni/ g.yas brkyang sbyor bas gar mdzad bzhin pa'i dga' ba dang bcas/ spro ba dang bcas pas mkha' 'gro ma'i 'khor lo rab tu mgu bar byed do/ /shing la 'dzegs te zhes bya ba la sogs pa ni gang gi tshe bsgrub bo grub par 'gyur ba de'i tshe thams cad byed do zhes bya'o/ /gzugs brgya stong du ma zhes bya ba la sogs pa ni/ phyag rgya chen po'i go 'phang la gnas pas 'jig rten 'dir gang 'grub pa'i sangs rgyas de la lta ci smos so/ /snying rje chen pos 'jug pa'i smon lam grub pa rnams ni dus rtag tu sems can ji ltar 'dul ba'i dbang gis de dang de'i gzugs 'dzin pa'i 'gyur ro/ /gzhan yang brtson 'grus dman gyur pa/ /gang tshe sgrub po dngos grub 'dod/ /de tshe sngags dang rgyud kyis 'grub/ /sngags ni yid skyo ba ces grags pa/ /rgyud sman bzang po thabs chen thob/ /su la dngos grub grub
- 89b
mi 'gyur/ /ma lus gzugs su 'gyur bar byed/ /rang bzhin bsod nams dman pas kyang/ /tshogs pa rnams ni rnyed 'gyur na/ /rnam pa sna tshogs la sogs pa'i/ /sems can rnams ni chags bya'i phyir/ /bya ba rnams ni skyed par byed/ /dang po lha'i bdag nyid du gyur par byas la/ phyi nas sa bon gyi dngos po grub ste/ ji lta bu'i sa bon la sogs pa yin zhe na/ shing gi tshogs kyis te/ a ratna dang smyo byed la sogs pa bshad pa dang/ de bzhin du sa bon rnams so/ /de dag la sogs pa yongs su smin pa rnams cho ga bzhin du sgrub par byed de/ dkar po ma yin pa'i nyi ma la/ rigs ngan gyi me tog gis bsgo zhing bdud rtsi lngas kyang mnyes la nyin mtshan de la bskams te/ khyi nag po'i thod par dur khrod kyi sas bkang la/ mar ngo'i tshes brgyad dam bcu bzhi la ji ltar bstan pa'i ma mo'i gnas su bskyed nas sgrub pa po'i sa bon blangs la/ sngags pas he ru ka dang bla ma mgon po khyad par du mchod pa byas la dur khrod du gtor mas mchod de/ mngon par bsngags la gang gi gzugs su bsams nas mgrin par bcings nas de'i gzugs su bsgyur te/ bkrol na slar yang rang gi gzugs su 'gyur ro/ /yang gser shing gi sa bon blangs la zla ba mar ngo la sprul nag po'i zhag gis byugs la/ mar ngo'i tshes brgyad dang/ bcu bzhi la khwa nag po'i thod par ji skad bstan pa'i gnas su mnyam par bzhag pas bskyed de/ smin ma'i sa bon blangs nas chog bzhin bya ste/ gang yin pa'i gzugs su bsams nas mgrin pa bcings na de'i mod la sbed par 'gyur ro/ /dang po re zhig cho ga shes pas bram ze mchog gi rigs las byung ba'i gsal shing ngam mtshon gyis brgyab ba yang rung ste de'i thod pa blangs la/ grog mkhar gyi sas bkang ste/ rgongs mo'i dus su dur khrod dam lam gyi bzhi mdo dang sum mdo dang chu bo'i 'gram rnams su sa bon bcug la chus gtor ba dang gtor ma sbyin pa dang nyi ma re re bsrung bar bya ste/ dpal he ru ka'i gzugs phyag rgya dang rgyan kun
- 90a
gyis brgyan pa/ kha TwAM ga dang thod pa lag pas 'dzin zhing/ lag pa g.yon pas rde chung 'dzin pa'i spyod pa'i gzugs kyi brtul zhugs kyis bsrung bar bsams na sha za la sogs pa rnams kyis tshugs par mi 'gyur la/ gzhan phun 'don par 'gyur ro/ /sman bzang po rdzogs par bya ba la ni tshes dang skar ma dang gza' bzang po la gzugs pa dang blang bar bya ste/ gang dang 'dra ba'i gzugs su byed par 'dod pa'i sngags pa mnyam par gzhag par byed de/ gang dang gang gi khrag gis 'bras bu rnams la mang du gtor zhing de'i sha la sogs pas byugs la de'i zhag gis kyang mnyes bar bya ste/ de'i thod pa ji ltar bstan pa de bzhin bskyed cing/ de'i zhag dang chu dang sha dang khrag dang khrag gi gtor ma dang bdug pa dang byug pa la sogs pa nan tan du yang dang yang du byas la/ smin pa'i dus su blang bar bya ste/ gcer bu spyi gtsug grol bas bu mo'i lag pa g.yon par thod pa bzhag cing/ ci nas kyang 'bras bu sa la ma ltung bar gzung ngo/ /grub pa'i sa bon de bsgrims te blangs la cha gsum du byas la gcig ni bla ma rdo rje 'chang la dbul lo/ /gnyis pa ni de bzhin gshegs pa thams cad dang dpa' bo dang rnal 'byor ma rnams la dbul lo/ /gsum pa ni bdag nyid kyis gzung la/ khwa'i gdong ba la sogs pa'i rnal 'byor 'byung po'i ma mo'i dkyil 'khor gyi dbus su gnas te khar bcug na rnal 'byor pa sna tshogs kyi rnam pa dang mtshungs par snang ste/ cho ga ji lta ba bzhin du nges par de 'dra ba'i gzugs su mthong bar 'gyur ro/ /sbyor ba'i nus pa skyes bus thams cad du mi snang ba 'grub par 'gyur te/ sa bon gyi dam tshig 'grub pa'i cha tsam yang 'ug pa la sogs pa rnams kyis mi mthong na sa la skyes pa rnams kyis lta smos kyang ?ci dgos te/ blo dang ldan pas ji srid 'dod pa'i bar du mnyam par gzhag na lha'i bu mo rnams
- 90b
dang lhan cig tu rtse bar 'gyur ro/ /'dod na kha nas bton na mthong zhing 'dod na mi mthong bar 'gyur te/ mi snang ba'i dbang phyug tu 'dod par 'gyur ro/ /khang bzod dang shing gi rtse mo la sogs pa phye mar byed do/ /sngags kyi rgyal po me 'bar bas/ sta re bzhin du btung bar bya'o/ /lag pa g.yon pa zla ba'i 'od ltar dri ma med pa'i 'khor lo 'di bkod na gnas pa dang/ 'gyur ba dang yan lag las skyes pa dang sbyar ba las byung ba'i dug rnams lag pa'i mthil bstan pa tsam gyis bdud rtsir byed cing zla ba'i 'od ltar dri ma med pa'i 'od zer 'bar bas dug sna tshogs kyis brgyal ba yang/ slong bar byed do/ /bdud rtsi bcud kyi len gsungs te/ bdud rtsi za ba la sogs pa'o/ /dug tu byed do zhes bya ba ni 'bad pa med par gang du sngags nag por byas pa nyid kyis so/ /yang na rku ba mkhan de'i sa bon blangs la sbrul nag po'i zhag gis byugs te/ zla ba mar ngo'i gza' ma rungs pa la rgongs kha'i dus su sbrul nag po'i thod par bzhi mdo'i sas bkang la btsugs nas skyes bu'i khu ba'i thig le byas nas gang la bltas pa'i bza' dang bcas pa dang/ btung ba la sogs pa rnams kha zhing sngags dang bcas pa na dug tu 'gyur la 'dod na rnal mar 'gyur ro/ zla ba zhes bya ba chang ngo/ /'o ma zhes bya ba 'o ma'i btung ba'o/ /zla ba'i 'od ltar dri ma med pa'i bsam gtan tsam gyis so/ / yang na shing arka dkar po dang me sbar la pad+ma'i snal ma phra mo phye mar byas te/ 'o ma dang lan mang du btags te sngags kyi sbyin sreg brgya rtsa brgyad kyi bar du dbul nas de'i thal ba blangs la tsing ka'i khu bas sbrus te/ grib ma la lan bdun gyi bar du bskam par bya'o/ /de nas mchod pa'i dus su rnal 'byor pa rnams kyi sor mo'i nang bkang la chang gi snod kyi nang du thal ba blugs la 'o ma dang kun da dang/ zla ba ltar dri ma med par 'gyur ro/ /rtog pas rmongs pa'i sems can rnams las 'di sbyang bar bya'o/ /ji ltar
- 91a
kus su ma'i me tog bskams pa'i phye ma la dzi bi ri 'bras bu'i khu bas lan mang du sprus la ba'i gcin gyis spangs nas pad+ma'i snod du blugs las ni 'o ma chang dang 'dra bar byed do/ /tsher ma dang bcas pa'i ka rany+dza'i 'bras bu'i phye ma dang nag ri'i pags pa dang bcas pas/ ltag pa la sogs pa la byugs na dri 'phreg par byed do/ /de ltar me tog dang shing dang 'bras bu la sogs pa thams cad kyi dri 'pho'o/ /me tog sna tshogs pa la phan tshun du bdug pa la sogs pas bdugs pa'am bsregs na gang du 'dod pa der dri 'pho bar byed do/ /nam mkha' lding gi gdon gyis 'gro ba 'byin par byed cing zhes bya ba la sogs pa la 'khor lo de nyid klu rnams spangs shing zla bas nye bar brgyan pa la lha'i bu mo dang skyes pa gnyis kyis ming dang sbel la skar ma rgyal gyi dus su go ro tsa nas bris la mchod pa chen po byas te gzung la bdag nyid dpal he ru ka'i bdag nyid du sbyor zhing/ rang gi rig ma ni rdo rje phag mos yongs su brtags pa gnyis su med pa'i rnal 'byor gyi ting nge 'dzin la gnas nas mtshan thog thab rig pa'i rgyal po bzlas pa byas na rang nyid 'ongs te 'dus pa ni bud med dang 'dus pa zhes bya'o/ /rig ma las rdul rang byung ste bud med rnams kyang 'dus par 'gyur ro/ /nam mkha' lding gi gdong gis 'gro ba zhes bya ba ni/ go bzlog 'dug stangs kyis shin tu rgyas pa'i pad+ma'i nang du chud pa'i khrag dang bcas pa'i rtsa kha bye ba las 'byin par byed pa ni de bzhin gshegs pa thams cad kyi rang bzhin gyi rigs su 'gyur bas/ /mi mchog ste dpal dang ldan zhing mtshan dri ma med par 'gyur ro/ /de'i lag mthil na yod pa'i dpal gang gis kyang mi 'phrogs te/ 'byung po thams cad kyi mchod gnas su 'gyur bas 'khor lo sgyur ba dang mnyam par dpal dang ldan zhing tshe dang nad med par phun sum tshogs pas mtshan pa'o/ /dran pa tsam gyis gsang par byed do/ /zhes bya ba la
- 91b
'khor lo de nyi ma'i dkyil 'khor gyi nang du chud par dug dang lan tsha ske tshes bris la dur khrod kyi thal ba dang sol bas gzugs brnyan byas la snying gar bcug la bsgrub bya dran bzhin du bkug ste bcug la dur khrod du sbas nas mi'i rus pa'i phur bus snying gar btab nas chu chen blugs nas khro bas sngags bzlas na nyi ma bdun gyis 'chi bar 'gyur ro/ /gtum mo sbar ba 'bar ba'i phreng ba'i ting 'dzin la gnas nas lho phyogs kyi rlung gis brdabs shing bus na gang yin pa der ma skyed par byed do/ /zhes pa'o/ /rtse gcig pa'i rdo rje gsor zhing sngags bzlas pas ni sa 'og pa rnams 'joms par byed do/ /lag pa'i mthil du mngon par bsngags nas rlung gi rjes su bsnun na gang du 'dod pa der ser ba 'bebs par 'gyur ra/ /dran pa tsam gyis glog skyad par byed do/ zhes bya ba la sogs pa ni go sla'o/ /dur khrod kyi sol ba zhes bya ba la zla ba mar ngo'i tshes brgyad dam bcu bzhi la ro bsregs pa'i me la shing arga bsrags la da du ra'i khu bas me bsang nas sol ba des dug dang lan tshwar bcas pas dur khrod ras la nyi ma'i dbus su chud pa'i 'khor lo bris nas dur khrod kyi thal bas gzugs brnyan byas te/ de'i snying gar ming dang spel ba bcug la dgug pa la sogs pa byas la gu gul chen pos bdugs nas gang gi ming nas gzung ste/ sngags kyis lan cig bzlas te bsdun na de'i mod la ltung bar 'gyur ro/ /'khor lo de nyid sa ko de'i smra gus sha za'i snying gar cho ga bzhin du bris la ji skad gsungs pa'i thal ba sngags dang bcas pas gang gi ming nas smos te/ bsnun na de sha zas gzung bar 'gyur ro/ /dur khrod kyi sol po zhes bya ba la gong du bsnyan pa'i sol bas 'byung po'i snying zhag gis mtshan mo la spang leb bam rtsig pa'i ngos sam dben pa'i gnas gang yang rung bar gza' rnams kyi rgyal mtshan gyi dbus su 'khor lo la bsgrub bya'i ming du spel ba bris nas gu gul chen pos gdugs na de gzas
- 92a
gzung bar 'gyur ro/ /slar gso ba la ni de dag thams cad la yang nan tan du 'o mas zhi ba'i yid kyis bzlas par bya'o/ /a ti mu ka ti lcug ma zhes bya ba la sogs pa la tsan dan dmar po'i rdul las bsgrub bya'i gzugs brnyan byas la dur khrod kyi ras la ro'i sen rtsi dang ro tsa na las sngon du gsungs pa'i 'khor lo zla ba'i dkyil 'khor la bris te snying gar bcug la dri'i chus khrus byas nas dgug pa la sogs pa bya zhing/ a ti mug ti lcug ma la/ bsgrub bya'i ming dang spel ba'i sngags lan bdun bzlas nas gang la bsnun na dga' ba chen po'i mdog dmar zhing gcer bu skra grol ba myos shing byang chub kyi sems rgyun du 'bab pa rnga mo la zhon pa dbugs kyi zhags pas bkug ste/ rkang pa dag gi mdun du 'gyel bar bsam mo/ /nyi ma bdun yongs su rdzogs pas rlung gi shugs kyis 'ong bar 'gyur ro/ /mi ro'i thod tshal la ldong ros dang/ yung bas gang gi ming dang spel ba'i 'khor lo nyi ma'i dkyil 'khor gyi dbus su bris nas dur khrod dam lam gyi bzhi mdor khru gang tsam du brkos te/ kha sbub tu sbas la gseg ma la lan bdun bzlas nas bsnun te/ de ji srid 'tsho'i bar du bcings par 'gyur ro/ /gang gi tshe bgrod 'dod pa de'i tshe yang tshub mas khyer ba'i shing lo ma mchim dang khwa'i khrag dang bya rog gi sgro'i rtsi ba la smyu gus ming dang bcas par bris nas gyen du ldang ba'i rlung la spur na gang du 'dod pa der 'gro bar 'gyur ro/ /zhes so/ /rengs pa gso ba la ni phyung nas bkru bar bya'o/ /ra nag po'i yan lag lnga dang til mar chen po dang gu gul chen po rnams cha bsnyams la chang gis sprus te mchod pa'i dus su lan cig bzlas te bdug par sbyar na de bsnams pa tsam gyi mod la 'bebs par 'gyur ro/ /yang dur khrod kyi ras la shing a sho ka'i smyu gus klu rnams spangs pa'i 'khor lo de nyid la bris la yi ge e'i dbus su rak+Sha zhes bya ba'i med dang spel bar byas nas yang dag par mchod cing de khyim gyi phyogs
- 92b
cig tu bzhag na lus srul po thams cad bcings par 'gyur ro/ /'khor lo de nyid du dur khrod kyi ras la bsgrub bya'i ming dang spel te bris nas bud med kyi ro bsregs pa'i thal ba dang tsan dan dmar po'i rdul du bsres pas bsgrub bya'i gzugs brnyan byas la dgug pa la sogs pa byas nas snying gar bcug nas yang dag par mchod de ka ra bI ra'i lcug ma bsgrub bya'i lag pa'i tshad tsam bud med ro bsregs pa'i 'bar ba'i me la bskyur la ji srid ma tshig par de myur du blangs te rig pa'i rgyal po lan cig bzlas nas gang zhig dran bzhin bskor na de 'gugs par byed/ ltor bsnun na mngal 'pho bar 'gyur ro/ /gzhan yang rkang pa brgyad pa'i sngags kyi las mchog bshad par bya/ /nam mkha' i dbyings kyi dbus su ni/ /zla ba'i dkyil 'khor bsam par bya/ /sku gsung thugs kyi 'khor lo yi/ /dbus su bde chen 'khor lo bri/ /'dab brgyad pad+ma ge sar ldan/ /rdo rje pad+ma 'khor lo yi/ /phreng bas gsum bskor dbus su ni/ /sna tshogs rdo rje'i phreng bskor nas/ /'od zer mtshogs ni spro bya ste/ /'od kyang dkar dmar sngo rnam pa/ /las kyi 'od zer gyis brgyan pa/ /dbus su dpa' bo'i snying po dang/ ji ltar bstan zhing bsgrub bya'i ming/ /de lta bu yi cho gas bri/ /'di ni srung ba chen po ste/ /srung ba kun gyi dam pa yin/ /rims dang lto ba na ba dang/ /dug gi nad dang mkha' 'gro nye bar 'tshe ba dang/ gza'i gnod pa dang/ bdud dang log 'dren dang/ gang dag lus srul po la sogs pa dag grib ma la yang 'da' bar mi nus na de'i lus la lta ci smos/ zla gzugs 'dra ba'i yi ge blta/ /phyogs bcur 'byer pa byed pa yin/ /dkar po yis ni zhi bar 'gyur/ nag po'i skad cig gis ni gsod par 'gyur ro/ /dmar pos dbang du byed 'gyur te/ /de nyid kyis ni nges par 'gugs/ /ser po yis ni rengs pa dang/ /dpung tshogs bzhon par bcas pas gnon/ /rnal 'byor ma yi snying po mchog /gsang ba las
- 93a
kyang shin tu gsang/ /sngags kyi de nyid rab sbas pa/ /he ru ka dpal rdo rje che/ /rgyud ni gang gis mi shes shing/ /bla ma che la gus med par/ /sngags kyi dngos grub 'bras don dang/ /rnal 'byor pa ni rnal 'byor 'dod/ /gsang sngags 'di ni rnam spangs pas/ /de ni 'bras bu thob mi 'gyur/ /dper na la la 'bras 'dod pas/ /phub ma brdung par byed dang mtshungs/ /de ni ngal ba don med de/ /'bras bu thob par mi 'gyur ro/ /de phyir mchog 'dod gang yin pas/ /'bad de rdo rje slob dpon gzung/ /gsang sngags 'di ni 'dod spyod pa'i/ /byin gyis brlabs kyis 'bras bu ster/ zhes so/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u dgu pa'i rnam par bshad pa'o// //de nas sku gsum bshad bya ste/ /zhes bya ba la sku gsung gyi sgras ni chos dang longs spyod rdzogs pa dang sprul pa rnams so/ /de la sku dang gsung gi gsang ba zhes bya ba bsod nams kyi rgyu mthun pa'i mtshan nyid ni/ de bzhin gshegs pa'i longs spyod rdzogs pa dang sprul pa'i mtshan nyid de/ kun rdzob dang don dam pa'i mtshan nyid do/ /gang zhig rten cing 'brel par 'byung bar zhugs shing longs su chud pas chad pa med pa rtag pa med pa/ yid kyi rnam par shes pa'i lam nas/ 'jug pa'i bsam gtan goms shing byang bas mi dmigs shing/ kun nas nyon mongs pa med pa rnam par byang ba med pa stong pa ma yin zhing lus kyi yul ma yin pa ngag gi spyod yul las 'das pa yid kyi rang bzhin gyi yul ma yin pa de ni de bzhin gshegs pa thams cad kyi nam mkha' i khams dang mnyam par 'jug pa chos kyi sku'o/ /de ltar de bzhin gshegs pa rnams kyi don dam pa'i sgo nas sku gsum po blta bar bya'o/ /de rnams kyi sgrub pa bshad par bya ste/ gang zhe na he ru dpal gnyis med sbyor zhes bya ba ste/ gzhal yas khang gi dbus su yi ge b+h+ruM yongs su gyur pa las 'khor lo
- 93b
rtsibs brgyad pa de'i dbus su sna tshogs pad+ma 'dab ma brgyad pa'i steng du zla ba'i dkyil 'khor de'i dbus su A li kA li yongs su gyur pa la a rdo rje sems dpa' sku mdog dkar po zhal gcig phyag bzhi pa phyag g.yas na rdo rje dang rde'u chung/ g.yon na thod pa dang kha TwAM ga dang dril bu 'dzin pa/ phag mo mdog dmar mo la 'khyud pa g.yas brkyang ba'i gnas pas gnas pa ste/ bsrub bya bsrub pa'i sbyor bas/ 'dod chags kyi me 'bar bas zhu bar gyur par blta'o/ /de'i 'od zer las nges par 'byung ba'i rnal 'byor ma rnams kyi rdo rje'i glus yang dag par bskul bar bsams te/ oM hUM a mahA su kha a la la la ho/ /mahA su kha ra tsa ta staM/ su ra ta su kha bi mo ga su ra to u to mahA su khaM su khaM ma nusd+hi d+hi ho/ /su ra ta sa ma ya sau bya ma yaM/ oM hUM a ho b+ha ga bAn mahA su khaM/ u ta ra sarbo tha mo sau khyam ya hUM a la la la ho/ /staM pa ram su kha ma len du po po ti ta ma dza la su khaM a la la la ho/ /bi ti so bya ma ya/ sgra brnyan dang 'dra ba'i glus/ bskul ma thag tu de'i ngor byas nas bzhengs te/ /rigs rnams kyi bdag po chos kyi sku'i rang bzhin gyis 'od gsal ba dpal thugs kyi mkha' 'gro bde ba chen po'i mdog sngo zhing gzi brjid chen po nyi ma bye ba ltar gsal zhing/ khro bo'i lta ba dang lo bcu drug lon pa'i rnam pa lta bu mtshan thams cad yongs su rdzogs pa dpe byad thams cad kyis yang dag par brgyan zhing/ zhal bzhi pa phyag bcu gnyis pa/ g.yas brkyang ba'i gnas pas bzhugs shing/ /spyan gsum pa zhal mche ba rnam par gtsigs pa ste/ zhal g.yon pa dang g.yas pa dkar zhing ser ba nub phyogs kyi zhal dmar po'o/ /phyag dang po gnyis rdo rje dang dril bu yang dag par ldan pa gzhan gyis khyab 'jug gi mgo bo gzung nas khyab 'jug gi lpags pa bsnams pa ste/ phyag lhag ma rnams kyis dgra sta dang mdung rtse gsum dang zangs gri dang cang te'u rnams ni phyag g.yas na'o/ /g.yon pa sa ni zhags pa dang thod pa
- 94a
dang kha TwAM ga dang sdigs mdzub bo/ /thod pa'i phreng bas dpa' bo dbu bcings shing/ spyi bor mtho ba zla ba phyed pas ral ba bcings te/ sna tshogs rdo rjes mtshan pa bsnams pa/ stag gi pags pa mnabs shing/ rgyan thams cad kyis klubs pa rdo rje mkha' 'gro ma la 'khyud pa ste/ de ni zhal gcig pa phyag gnyis pa spyan gsum pa gcer bu mdog sngo ba ste/ dum bus mtshan pa'i ska rags can rgyan thams cad yongs su rdzogs shing phyag g.yon pas 'khyud cing thod pa thogs pa g.yas pa rdo rje gdengs pa dang sdigs mdzub mdzad pa'o/ /'dab ma rnams lo ni mkha' 'gro ma la sogs pa'o/ /'khor lo rtsibs brgyad la ni rab tu gtum mo la sogs pa dang/ khwa'i gdong pa la sogs pa nas gshin rje 'jom ma'i mthar thug pa 'di ni rnal 'byor ma nyi shu ste zhal gcig pa phyag bzhi pa la dkar po dang ser po dang dmar/ ljang gu ni mkha' 'gro ma la sogs pa'o/ /mtshams pa rnams ni bum pa thod pas mtshan pa'o/ /yang dkar po dang ser po dang dmar po dang ljang gu rnams ni g.yon skor gyi phyogs kyis so/ /sngo skya dang ser po dang ljang dang ser po ni g.yas skor gyis mtshams na gnas pa'o/ /thod pa'i dum bu can dang rab tu gtum mo la sogs pa'i dpa' bo rnams ni phyag bzhi pa'o/ /rnal 'byor ma rnams ni phyag gnyis pa'o/ /rdo rje dang dril bu dang kha TwAM ga dang cang te'u ni dpa' bo'i 'o/ /lha mo rnams kyis ni thod pa dang rdo rje dang sdig mdzub bo/ /thugs la sogs pa byin gyis rlob pa'i dus su ni rdo rje bzhi po 'ba' zhig gis so/ /sku gsung thugs kyi ting nge 'dzin sems dpa' bsgom pa snga ma bzhin du'o/ /gsung rdo rje yang mdog dmar zhing dbang phyug chen po'i mgo bo bsnams nas pad+ma dang dril bu bsnams pa ni khyad par ro/ /dkar po dang dmar po dang sngon po dang ljang gu ni g.yon skor gyi phyogs kyi'o/ /ser po dang dkar po dang ljang gu dang nam mkha' ltar sngo bsangs ni g.yas skor gyi
- 94b
mtshams kyi'o/ /'khor lo'i shugs ma la sogs pa sku'i rdo rje ma yang snga ma bzhin te/ 'khor lo dang dril bu dang tshangs pa'i mgo bo thogs pas tshangs pa'i pags pa bsnams ba ni khyad par ro/ /sangs rgyas mkha' 'gro ma la 'khyud pa ste/ de yang dkar mo thod pa dang 'khor lo thogs nas sdang ba rnams la sdigs mdzub byed pa'o/ /sngon po dang ljang gu dang dmar po dang ser po ni g.yon skor gyi mkha' 'gro ma la sogs pa'i'o/ /nag po dang ser po dang dmar po dang ljang gu dang zla ba ltar dkar ba dang dung kha dang skya bo dang dkar po ni phyogs dang mtshams kyi'o/ /oM sh+rI badzra he he ru ru kaM huM hUM phaT/ DA ki nI dzA la saM ba raM swAhA/ thugs kyi mkha' 'gro'i'o/ /oM haM bA ga d+ha ka A ro lik DA ki dzA la sam+ba ra hUM phaT swAhA/ /pad+ma mkha' 'gro'i snying po'o/ /oM A ro lig dziM hUM phaT/ nye ba'i snying po'o/ /oM pad+ma DA ki nI hUM(rgyud 'grel): hUM phaT swAhA/ oM sarba pad+ma DA ki nI ye A:hUM phaT swAhA/ lha mo'i snying po dang nye ba'i snying po'o/ /oM sh+rI DA ki nI dzA la sam+ba ra ru lu ru lu b+h+ruM hUM phaT swAhA/ oM b+h+ruM aM b+h+ruM hUM phaT/ sangs rgyas mkha' 'gro'i snying po dang nye ba'i snying po'o/ /oM bud+d+ha DA ki nI ye bai ro tsa nI ye b+h+ruM hUM phaT swAhA/ /oM hUM sarba bud+d+ha DA ki nI ye hUM hUM phaT swAhA/ lha mo'i snying po dang nye ba'i snying po'o/ /rnal 'byor pa dman pa rnams kyi rab tu sbyor ba shes par bya ste/ sngags pas yungs kar gyi 'bras bu mang po la 'gegs pa'i ro'i khrag dang/ zhag gis yang dang yang byugs la tshes brgyad kyi skar ma rgyal la nyi ma tsha ba'i dus su gzhi pa gzugs par bya ste/ gsang ba'i zhing sa zhag dang khrag gis bran pa dang de'i thod par bkug ste/ bskyed la smin pa'i sa bon ci rigs pa blangs te/ blo dang ldan pas mar khu'i rgyu me la ma reg par btsir nas ma khus la ma reg par bzhag ste sngags dang rnal 'byor gyis gsung ngo/ /de nas yang 'gegs pa'i tshil las mar ngo'i nyin zhag khyad par can la/ mdun du maN+Dal byas la sngags pas cho ga bzhin du mchod nas dpal he ru ka dang gnyis su med pa
- 95a
yi dags rnams la gtor ma sha dang khrag dang ldan pa byin la he ru ka'i spyod pas rnal 'byor chen po me so zhing sngags bzlas la byin gyis brlab par bya ste/ yi ge hUM gi snying po 'jigs pa'i sgra bsgrags par bya'o/ /de nas rlung gis me bskyod pa'i rlung gis dkyil 'khor gyi steng du rkang pa la hUM bkod pa'i rgyal mtshan bsams la sngar bstan pa'i mar bus byug par bya'o/ /de nas rkang mthil nas brtsams nas mgo bo'i bar du gu gul chen po'i bdug pas rgyun mi 'chad par bdugs la maN+Dal gyi me tog gis rnal 'byor pa thams cad kyi bkas snying ka dang mgor brdegs la/ nga rgyal gyis sngags bzlas shing dril bu sgra drag tu dkrol nas skye gnas kyi phral ba bdag gi phrag par bzhag par bstan par bya'o/ /de'i tshe ro'i lus la bgegs sna tshogs byung ste bar chod byed do/ /de la sngags chen po grub pa'i rdzas kyis bgegs bzlog par bya ba'i phyir 'jigs par mi bya zhing drag po'i gzugs kyis dpa' bo'i dam tshig ci rigs par bstan par bya zhing/ bdud rtsi lnga dang chad du ldan pa'i thod par gtor ma byin la bdag la rnal 'byor mkha' la spyod pa grub pa byin cig ces brjod par bya'o/ /de nas de'i lus la 'dzags pa'i mar khu blangs la ku ba la sogs par gang yang rung bas blugs nas rkang mthil du byugs na nam mkha' la spyod pa'i dngos grub byed par 'gyur ro/ /yang snum gter gyi sa bon la nya skyogs su bi dar ka'i khu ba dang khrag gis yang dang yang du spangs pa gang yin pa'i thod par dur khrod kyis bkang bar bcug nas gtor ma dang mchod pa la sogs pa sngon bstan pa bzhin du ci rigs par byas la yongs su smin pa'i sa bon spangs la khar bdug na byar 'gyur ro/ /de la sogs pa'i sa bon khrag dang zhag gis yang dang yang du spags shing sha dang rus phye'i bdug pas bdugs la de'i thod par bskyed de dus su smin pa'i 'bras bu blangs la khar bcug na de 'dra ma'i gzugs su mthong zhing tshe dang nad med
- 95b
pas phun sum tshogs par byed la de ltar khra dang lce spyad dang khra dang rma bya dang khyi la sogs pa'i gzugs su byed do/ /kha nas bton na ni snga ma bzhin no/ /zla ba mar ngo'i skar ma rgyal dang/ gza' nyi ma la li ta li'i sa bon blangs te/ yang zla ba mir ngo'i gza' nyi ma la gcer bus ma du lung ga'i sa bon blangs la gang yang rung ba de'i yan lag gi mchog tu bcug la sha las bskyed par bya'o/ /rus pa'i snying po mar khu dang pags pa dang rus par bcas pas rig ma'i phyag brgyan te/ bdag nyid thal bas byugs nas de la blugs par byas na 'bu srin la sogs pa'i nye bar 'tshe bas mi tshugs par 'gyur ro/ /'khrul 'khor gyi cho gas sngags dang ldan pas chu dron gyis mkhas par rtag tu bcu bar bya'o/ /gshin rje mthar byed dang bgegs mthar byed mngon par bzlas pa'i bya ba dang bcas pas sha za la gtor ma sbyin no/ /gzhan du bton te khyer bar 'gyur ro/ /sangs rgyas spyan gyi sngags kyi ni/ gzugs la mA ma kI'i snying pos bcu bar bya'o/ /sgrol ma yis ni bskyed cing/ de bzhin du gos dkar mos ni bsrung bar bya'o/ /de ltar na skyon med cing bskyed na grub pa'i rdzas su gdon mi za'o/ /de bas na de'i sa bon sngar bstan pa bzhin du blangs la lcags gsum gyis dkri bar bya'o/ /ma shu gsum dang ra ti phyed dang brgyad ni nyi ma'i tshad do/ /ma sha bzhi dang ra ti phyed dang gsum ni zla ba'i tshad do/ /ma sha gsum dang ra ti phyed dang lnga ni sreg byed kyi tshad do/ /de ltar go rims bzhin du nyi ma dang zla ba sreg byed rnams kyi ril bu dkris na blo dang ldan pas khar bcug na sbed par byed do/ /'jig rten gsum dang zla ba nyi mas mi mthong la kha nas bton na ni slar mthong bar 'gyur ro/ /yang lcags gsum gyis ma dkris par khar bcug na ni de ma thag tu lung gi gzugs su 'gyur la bton na ni grol bar 'gyur ro/ /tshig 'phrog par 'gyur ro/ /zhes bya ba la sogs pa ni sngags grub pa ste gzhan du ni ma yin no/ /de nas sngags kyi 'khor lo'i cho gas las kyi
- 96a
mchog yin te/ nam mkha' dbyibs kyi dbus su ni/ /sngags pas li khri'i mdog 'dra zhing/ /zla ba'i dkyil 'khor bsam par bya/ /de mi dbus dgod pad+ma ni/ /bcu drug 'dab mas brgyan pa ste/ /de dbus 'dab brgyad ge sar ldan/ /bcu drug 'dab ma'i shar phyogs la/ /oM sh+rI he he ru ru ki badzra ShA kaM nI dzA la sam+ba ra/ dbus su ra dang hUM hUM phaT/ phyogs rnams su ni g.yon skor ro/ /phyogs rnams su ni thod pa ste/ /lte bar sa dang spel bar ni/ /bsgrub bya'i ming ni bri bar bya/ /dbus ni sna tshogs rdo rje phreng/ /phyi rol rdo rje'i phreng gis bskor/ /'od dmar 'bar bas rnam brgyan par/ /yi dags sen rtse'i khu ba dang/ /tsan dan dmar pos bsregs pa yis/ /yan lag 'od med kyis brgyan zhing/ /gcer bur gyur pas rang gis bri/ /ma mo'i khyim mnyam yid 'ong bar/ /shin tu 'jam po brtan gnas shing/ /lha yi rnal 'byor dmigs nas su/ /skye gnas phyag rgya de nas bcing/ /bsgrub bya la ni sngon phyogs te/ sngags pas brgya dang rtsa brgyad bzlas/ /tsan dan dmar po'i rdul las ni/ /bsgrub par bya ba'i gzugs byas la/ /de yi lte bar 'khor lo gzhug /skye gnas nas ni skud pa dbyung/ /yang na sna yi bu ga nas/ /phyag rgya ldan pas mthe chung bskyod/ /skud pa gzung nas dus gsum du/ /yid la gnas pa'i 'khor lo bskyod/ /bram ze gsod kyang nyin bdun gyis/ / grub pa nyid du the tshom med/ /yang na tsha ba gsum byug la/ /sgra tshil gyis kyang rab tu byug /zangs ma'i khab kyis skye gnas dbug /seng ldeng 'dab ma du med la/ /brgya rtsa brgyad du bzlas nas kyang/ /blo dang ldan pas nyin bdun gyis/ /bsgrub bya nges par 'gug par 'gyur/ /de nas ma bdag bu mo sogs/ /'khor dang bcas pa'i ming bris la/ /sgrub par bya ba'i rkang rjes la/ /tsan dan dmar po nyid dang ni/ /dur khrod zas lhag thal ba rnams/ /sngags pas gcig tu byas nas ni/ /seng ldeng 'dab ma du
- 96b
mnal/ /rdul gnyis lag gnyis de de mnyes/ /sngags dang ldan pa'i sbyin sreg bya/ /de yi thal bas bsgrub bya yi/ /gzugs byas 'khor lo'i snying gar gzhug /spra tshil gyis ni byugs la sogs/ /ji nas sbra tshil ma zhu bar/ /nyi ma bdun du bsgrub byas nas/ /lha yi 'jig rten 'od 'gyur na/ /skye bo phal pa smos ci dgos/ /myos shing rmongs nas brgyal gyur nas/ /rlung gi shugs kyis 'ong bar 'gyur/ /'dis ni bcings par yang byas te/ thod pa sgam po la ldong ros dang yung bas ming dang bsres pa'i 'khor lo bris la/ dur khrod dam lam gyi bzhi mdor sbas na/ ji srid 'tsho'i bar du bcings par 'gyur ro/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu pa'i rnam par bshad pa'o// //de nas gzhan yang bshad par bya/ zhes bya ba la sogs pa'i skye ba bdun pa la sogs pa'i phyugs gzung ba ste/ skye ba gzhan gyis bar mchod pa'o/ /de'i mtshan nyid ni le'u bzhi bcu rtsa dgu pa las stong pas 'dir ma brjod do/ /dpal he ru ka zhes bya ba'i dka' 'grel sgrub pa'i thabs kyi gleng gzhi le'u bcu gcig pa'i rnam par bshad pa'o// //de nas nye ba'i snying po bshad ces bya ba ni/ oM h+rI:ha ha hUM hUM phaT te dgug pa la sogs pa'i don gyi las rnams bdud pa'i snying po'o/ /'dab ma drug pa'i pad+ma yi// ge sang ze 'brus mtshan pa ste/ /zla bas nye bar mdzes byas shing/ /rdo rje phreng ba bzang pos brgyan/ /de yi phyi rol 'khor la ni/ /zla ba'i 'od 'dri dra med bri/ /pad+ma drug la rig pa che/ /yi ge g.yon nas bskor ba bri/ /bdud kyi las kun zlog byed pa'i/ /'khor lo rgyal po zlog byed pa'i/ /'khor lo de yi rtsibs la yang/ /rnal 'byor ma drug snying po ste/ /dbus su bdun pa he ru ka /dur khrod sen rtsi ro tsa na/ /rang gi thub bcas pa dri/ /kha nas gsang sngags rgyal po zlos/ /rjes chags phyogs su lag brkyang ste/ /bsgrub
- 97a
bya mdun du bsams nas ni/ /rnal 'byor snyoms par 'jug pa yi/ /rjes su chags pas bsgrub byas nas/ /lha yi 'jig rten 'ong 'gyur te/ /skye bo thal pa smos ci dgos/ /yang na tsan dan dmar po dang/ /ske tshe lan tsha de bzhin te/ / bsgrub bya'i rkang rjes sa dang ni/ /gcig tu byas nas btags par bya/ /de yi gzugs byas gro ga la/ /'khor lo bris nas snying gar gzhug /gang gi ming smos bzlas nas su/ /bsgoms na nges par 'gugs par 'gyur/ /bsgrub pa'i sbyor ba 'di yis ni/ /sa yi bdag po nyid dang ni/ /nor dang skye bo dbang du 'gyur/ /skems shing zhes bya ba ni nus pa dang ldan pa'o/ /'di chu la yongs su bzlas la zhes bya ba ni lag pa 'khor lo bsgoms pas so/ /mi'i khrag dang zhes bya ba ni dpa' bo ro de nyid kyi'o/ /snod du zhes bya ba ni thod par ro/ /nyan mig ces bya ba la/ nyan zhes bya ba rna ba'o/ /de la reg pa tsam gyis mig rno bar 'gyur te/ 'di ni gling mdza' nas rnyed pa'o/ /khrag dang zhes bya ba ni dpa' bo'i snying gi khrag dang ste/ yang dang yang du bsgos la grib ma la bskams pa'o/ /lcags gsum zhes bya ba sngar bstan pa bzhin no/ /lhag par gnas par byas la zhes bya ba ni byin gyis brlabs pa'i cho ga'i rim pa'o/ /dpal he ru ka'i zhal du bcug la/ zhes bya ba ni ro'i steng du dur khrod la sogs dben pa'i gnas su tshon sna lnga'i dkyil 'khor bris la de'i dbus su bsgrub par bya ba ste/ gu gul gyis bdug par bya'o zhes bya'o/ /nye ba'i snying po'i sngags 'dis zhes bya ba la sogs pa ni gsal lo/ /yang na nyi ma phyed na khro zhing nga rgyal gyis non pa'i sems kyis dur khrod kyis ras sam/ shing arka'i 'dab ma la mi'i rus pa'i smyu gus sngar bstan pa'i sol ba dang dug la sogs pa drag po'i rdzas kyis ji ltar bstan pa'i 'khor lo bris la/ dur khrod kyi thal bas bsgrub bya'i gzugs brnyan byas te snying gar bcug nas/ ske tshes byugs la yang dang yang du sro bar
- 97b
byas na lus tsha bas btab ste sa la 'gyel bar 'gyur ro/ /der ro bsregs pa'i sa la sbas la mi rus kyi phur bus snying gar btab la tshigs thams cad tsher mas btang ste/ snying gar chu tshan blugs na sdug bsngal chen po nyams su myong nas 'chi bar 'gyur ro/ /yang na mi ro'i khar skyes pa'i yungs kar gyi 'bras bu blangs nas gang gi ming nas smos te gzugs brnyan la bsnun na de de'i mod la 'chi ba 'am lus rims kyis 'debs par 'gyur zhing/ 'o mas bkrus na slar yang thar bar 'gyur ro/ /dur khrod kyi ras la yung ba 'am ldong ros kyis 'khor lo bris la tsan dan dmar po'i rdul dang/ ske tshe dang lan tsha dang de bzhin du bsgrub bya'i rkang rjes kyi rdul dang gcig tu byas pa'i phye ma lcags phye dang bsres la/ ras kyis phur la lam gyi bzhi mdor song brgyad tsam brkos la dgra'i ming dang bcas par lan bdun bzlas nas sbas na de ji srid 'tsho'i bar du bcings par 'gyur/ bton nas 'o mas bkrus na slar rnal mar 'gyur ro/ /sme sha can gyi ro bsregs pa'i thal bas bsgrub bya'i gzugs byas nas gang yin pa'i ming dang 'khor lor bris nas snying gar bcug ste/ de nyid kyi thal bas lan bdun bzlas nas bsnun na de'i gzugs 'dzin par 'gyur ro/ /zhes so/ /rims kyis thebs par bya ba la ni/ yi dags kyi snying gar gang zhig gi ming dang spel nas 'khor lo bris pa de des thebs par 'gyur ro/ /lto na bar bya ba la ni yi dags kyi klad pa la bya'o/ /rjed byed la ni rlung dang sprin gyi 'khor lo bya'o/ /gzer gdab pa la ni mdung rtse gsum pa la'o/ /dug dang mdze nad la ni lto 'phye la'o/ /gza' gang yin pa'i mtshan ma'i nang du chud par bris na des 'dzin par 'gyur ro/ /sbyin sreg gi me'i thal ba zhes bya ba ni sngar bstan pa'i sman gyi sbyin sreg gi thal bas gzugs byas la de'i snying gar 'khor lo bcug nas gang gi ming nas smos te bsnun na de lha nyid kyis kyang mi mthong ngo/ /chu la lan brgya rtsa brgyad bzlas nas gtor na slar yang snang bar 'gyur
- 98a
ro/ /thod pa kha sbyar gyi phyag rgya la zhes bya ba la khyi smyon pa'i thod pa kha sbyar gyi nang du gzhug par bya ste/ gang zhig gi ming dang spel ba'i 'khor lo smyo byed lnga dang ldan pa'i dbugs mi 'byin par lan bdun bzlas te bcug nas bcangs la rgyas btab nas dur khrod du gang ming dang bcas nas sbas na de smyo bar 'gyur ro/ /de nyid kyis skye bo stong yang smyo bar 'gyur ro/ /bton nas 'o mas bkrus na slar yang grol bar 'gyur ro/ /sman bzang po bsgrubs nas khang stong du song ste lan brgya bzlas la bdag nyid kyi spyi bor bcings na zhes bya ba la sogs pa ste sgra ji bzhin par bstan te go sla'o/ /gzhan gyi dpung mngon du phyogs pa ni/ zhes bya ba la/ ldong ros sam yung bas lag pa g.yon pa'i mthil du 'khor lo 'di bris la lan stong du yongs su bzlas te khu tshur bcangs nas gzhan gyi dpung mngon par phyogs pa na yul du 'jug par bya'o/ /yang na zangs ma'i glegs ma la ldong ros kyis sa sat+ta ka sya rak+Sha sarba a yu da ni ba ra NaM zhes bya ba dang spel nas bris la cho ga bzhin mchod la spra tshil gyis g.yogs la lan stong du bzlas te lag pa g.yon par gzung la khu tshur bcangs la/ gsang sngags rgyal po brjod bya zhing/ /rgyan rnams kun gyis rnam brgyan nas/ /ji srid khu tshur ma grol bar/ /mtshon cha thams cad bcings par 'gyur/ /dgra bo gal te lag na ni/ /mtshon cha 'phyar bar byed pa yang/ /ji srid khu tshur ma grol bar/ /mtshon cha gtong bar mi nus so/ /de nas sman mchog bshang bya ste/ /mtshon cha lnga ni bzlog phyir ro/ /'khrul 'khor gyis 'phen mi 'phen dang/ /de bzhin lag pas 'phen pa dang/ /'phangs nas de ni 'dzin nyid dang/ /lag pa mtshon cha 'gyed dang lnga/ /'jig rten gsum po ma lus na/ /mtshon cha rnams ni 'di dag go /lag pas 'phen pa 'khor lo brjod/ /'khrul 'khor gyis 'phen mda' la sogs/ /'phangs na gzung ba zhags sogs te/ /lag pa'i mtshon
- 98b
cha stobs 'gyed pa/ /mi 'phen ral gri sogs gnas pa/ /'khor lo sman ni legs mthong gis/ /'da' la sogs pa ni a kar+Na bi d+ha ka kas so/ /zhags pa la sogs pa dbyig pa'i utpa las so/ /lag pa'i mtshon chas ni gzhan gyi mi thub pa dkar pos so/ /ral gri la sogs pa ni smyo byed kyis so/ /sman bzang po de rnams nyi ma bzang po la blangs nas bdud rtsi lngas bsgos la sme sha can gyi bu mo sngon mo'i me tog gis byugs nas mar ngo'i tshes brgyad dam bcu bzhi la bram ze'i thod pa ro bsregs pa'i sas bkang bar bcug la/ ji skad bstan pa bzhin du chu blugs pa dang gtor ma sbyin pa la sogs pa byas nas smin pa'i lcug ma bzang po skar ma rgyal dang gza' nyi ma la blangs la mnyam par gzhag pas sa la ma lhung bar sngags kyi rgyal pos shin tu bsrungs la/ de dag thams cad lhan cig tu g.yon skor gyis bsgril la skud pa byas la mgrin pa'am mgo bor bcings na mtshon cha slar bzlog cing mi tshugs par 'gyur la thams cad mtshon cha brgyas bsnun kyang gnod pa'i tshor ba mi 'byung zhing mtshon gyis mi chod la rdo rje'i lus su 'gyur ro/ /yang na dpa' chen gcig nyid kyis/ /mtshon cha thams cad zlog byed pa/ /pin+ta ka ra zhes bya ba'i/ /sman chen rnyed par gyur nas ni/ /sngags pas nyi ma bzang po la/ /de yi 'bras bu yongs smin pa/ /sngon bstan rim pa'i sbyor ba yis// bram ze'i thod par sa bon gzugs/ /de nas shing smin pa dang gza' nyi ma la nyi ma shar ba'i dus su de'i rtsa ba phra mo rnams/ kha byang du phyogs pas blangs nas sa la ma lhung bar gzung ste/ ji ltar bstan pa'i rim pa dang phrag pa dang spyi bor gzung na/ rgyu ba dang mi rgyu ba thams cad rmongs par 'gyur ro/ /yang de'i ge sar zho dang lhan cig bza' ste/ ji srid mgrin par lud kyi bar du de srid du dpa' bos bza' o/ /de ji srid ma zhu ba de srid du rdo rje 'dzin pa dang 'dra ba'i lus su 'gyur te/ de la mtshon chas phog kyang
- 99a
chu'i thig pa ltar gnod par mi 'gyur ro/ /yang na sngon gyi go cha'i rim pa'i sngags pas bram ze'i thod par btsugs pa'i a shwat+tha'i rtsa ba blangs la cho ga bzhin du ril bu bya'o/ /nyi ma zla ba bsreg byed pa'i/ /so so'i cha la gnas pa yi/ /lcags gsum gyis ni dkris byas pa'i/ /ril bu kha ru gzhug par bya/ /de nas dpa' bo chen pos mtshon cha thams cad bzlog cing rims dang/ lto na ba dang/ dug dang mkha' 'gro'i gnod pa dang/ gza' rnams de'i dri tshor ba tsam gyis rab tu 'bros te/ seng ge'i dris glang po che 'bros pa bzhin no/ /yang pe ta'i sa bon bram ze'i glang pal cho ga bzhin du btsugs la sman bzang po blang bar bya ste/ skar ma rgyal dang gza' nyi ma zla ba la mchod pa dang gtor ma byas na phyag rgya dang bcas pa'i sgrub pa po lha'i rnal 'byor gyis sngags zlos pas snga ma bzhin gcer bu skra grol bar gyur pa mnyam par bzhag pas mdza' dag btus te/ rnal 'byor ma'i lag par thod pa sa la ma lhung bar bzhag go /de nas dum bu bdun byas la skud pa dkar pos dkris nas gang gi spyi bor gzung na sa steng na ji snyed pa'i mtshon cha du ma rnams brlag par 'gyur te/ dper na nyi mas mun pa bzhin no/ /de nas 'dam gyi cho ga bshad/ /nag po chen po sman chen po/ /rgyal dang nyi ma la 'tshal na/ /mchod dang gtor ma yang dag ldan/ /rgongs mo'i dus su snyam mnan la/ /tho rangs lha yi bdag nyid dang/ gcer bu skra grol gyur pa yis/ /shin tu mnyam par bzhag pas blang/ /khyu mchog rwa yis blangs pa yis/ /phyi nas lhan cig bsre bar bya/ /gzhon nu ma yis btags nas su/ /de yis lus ni bsku bar bya/ / ji srid lus la gnas kyi bar/ /de srid mtshon chas chod mi 'gyur/ /dug kyang lus la mi 'phog ste/ /bdag nyid chen pos sman bza' o/ /yang kun mA ri blangs la gzhon nu ma'i rkang rjes kyi pa dang ldan pa rwa dang cha mnyam par bya ste btags pa'i 'dam
- 99b
bskus na sum cu bas kyang mi tshod do/ /yang? con li'i sdong bu blangs la mtshan gcig pa dang shing gcig pa'i sa dang ldan par byas pa'i sbyor bas byugs pa'i lus ni sum cu bas kyang mi shigs so/ /de dag gi lo gcig gi nus pa can de phyi nas ni gzhan bya'o/ /de nas sba bya dpa' chen pos/ /dpa' bo thams cad mchong byas te/ /mngal nas dang po byung ba ni/ /ma yi nu zho ma 'thungs par/ /shi ba'i ro ni rnyed nas ni/ /he ru ka dpal gnyis med mchod/ /gtor ma mnyam par bzhag pas bsrung/ /ltag pa nas ni gshags nas su/ /de yi lce ni blang bar bya/ /bing gi ru tsa du du ra/ /kaM kaM dza ga gzhan mi thub/ /rgyal dang nyi ma la blangs nas/ /lnga po rnams dang ldan pa ni/ /btags te ril bu byas nas su/ /grib ma la ni bskams nas kyang/ /lcags gsum gyis ni dkri bar bya/ /ra ti phyed brgyad ma sha gsum ra ti phyed gsum ma sha bzhi/ /ra ti lnga dang ma sha gsum/ /rim pa bzhin du dkri bar bya/ /dkris nas yang dag mchod byas la/ /stong du bzlas te khar bcug na/ /ji srid kha nas gnas pa ru/ /sa gnas mtshon cha du ma yang/ /bltas pa tsam gyis 'jig 'gyur te/ /dper na mar mes rtswa bzhin no/ /rims dang lto nad dug dang ni/ /mkha' 'gro ma yi gnod pa dang/ /gza' rnams thams cad zlog byed pa/ /rdo rje sems dpa' i bka' bzhin no/ /de nas gzhan yang bshad bya ba/ /sems can thams cad rab rmongs pa/ / rgyal gyi nyin par nan tan du/ /nags kyi ras bal blangs nas su/ /bu mo gzhon nu'i skud pas bya/ /g.yon phyogs su ni bkal nas su/ /gsum sgril du ni skud pa bya/ /rtsa ba'i sngags ni stong phrag brgyad/ /mngon par bzlas shing brtags nas ni/ /mdud pa byas nas lag g.yon gyis/ /de ru ma mo rnams ni brtag /nyi shu rtsa bzhi gnyis med pa/ /'gog pa'i ting 'dzin la gnas te/ /yang dag mchod pa byas nas su/ /lag pa g.yas pas bcing bar bya/ /mtshon cha thams cad zlog byed pa/ /ral gri mda' sogs gzhan du min/ /
- 100a
nags skyes shal ma li yi bal/ /blo dang ldan pas rgyal la blang/ /gzhon nu ma yi lag pas ni/ /sa yi phyi nas bkal bar bya/ /dge ba'i rgyu skar skar ma dang/ /zla ba stobs can dag la ni/ /sngon du gsungs pa'i bya ba yis// shin tu mnyam gzhag mdud pa bya/ /'di ni yid la gzung byas pas/ /sum cu pas kyang mi 'ching zhing/ /mtshon cha thams cad 'ching 'gyur bas/ /las kyi cho ga blta bar bya/ /de ltar gsang ba'i lta ba las/ /gsang chen gsang bas sba bya ste/ /blo dang ldan pas thams cad du/ /skal med sems can la mi sbyin/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu gnyis pa'i rnam par bshad pa'o// //de nas zhes bya ba ni de ma thag tu'o/ /cho ga'i las rnams ni/ go rim bzhin du bshad bya ba zhes bya ba ni/ oM ha na ma:hi swAhA hu bau ShaT he hUM hUM ho phaT haM ste re re zhing ngam sbyor ba'i tshig gi yi ge drug gi gzugs dang dpa' bo'i lha ci rigs par sbyar ro/ /de la cho ga zlos bzhin du/ /yang ba'i lam du zhugs na zhes bya ba la sogs ni zlos bzhin pas yid la ci 'dod pa thams cad do/ /zhes pa'o/ /de nas dbus su dpa' bo'i sngags/ /de nyid rig pa'i bsam gtan gyis/ /dpa' bo'i 'khor lo rab sbyor bas/ /de yis bya ba kun bya'o/ /de la rim pa 'dis bri bar bya ste/ zla ba'i dbus chud rdo rje ni/ /rtse gsum de bzhin kha drug pa/ /de yi dbus gyur pad+ma ni/ /'dab ma drug la legs gnas pa/ /sngags pas ze 'brur bri bar bya/ /ji ltar bstan bzhin bsgrub bya'i ming/ /rdo rje sems sogs sangs rgyas kyi/ /ji ltar go cha'i sngags bshad bzhin/ /sngon sngags dbus su bri bya ste/ /gzhan ni pad 'dab la de bzhin/ /ring po drug ni yongs spangs par/ /rdo rje'i lte bar dgod par bya/ /gur gum sen rtsi rang khrag dang/ /ro tsa na ni gro ga la/ /rgyal dang nyi dus sgrub pa pos/ /cho
- 100b
ga bzhin du bri bar bya/ /dus gnas gsum ni bzlas byas nas/ /mchod chen byas nas gzung bya ste/ /phugs pas lan bdun sngags btab nas/ /gos kyi tha mar bcing bar bya/ /lam du zhugs nas rkun mo dang/ /stag gis 'jigs par mi 'gyur ro/ /thams cad du ni gsung 'gyur te/ /grub pa nyid du the tshom med/ /yang 'khor lo de nyid kyi lte ba la thig le lta bu'i rkyen gyi thig les bskor nas ni/ bsgrub bya 'khor dang bcas pa mo ha na zhes bya ba'i tshig dang spel la gos kyi mdza' ma la mdud de chos kyi dbyings su bsgoms nas zlos bzhin du 'gro na lha dang mi rnams kyis mthong bar mi 'gyur ro/ /yang bi sha da ta ka ri'i sa bon bram ze'i thod par cho ga bzhin btsugs la bskyed pa dang/ zla ba gzas zin pa'i dus su byang phyogs su zug pa'i rtsa blangs la lcags gsum gyis dkris te lan stong bzlas na go char 'gyur ro/ /yang na n+ya gro d+ha'i 'bras bu khwa nag pos zos pa'i rtug pa'i 'bras bu blangs nas nyi ma bzang po la/ bram ze'i thod par ro bsregs pa'i sa yis bkang bar btsugs nas bdud rtsi lngas gtor te skyes nas 'dab ma gnyis tsam blangs la lcags gsum gyis dkris la mchod pa rnams kyis mchod nas bsngags te/ bar bcug na lha dang mi rnams kyis mi mthong bar 'gyur ro/ /go cha bzlas pa'i lag pas gang la reg pa de zhes bya ba la dur khrod kyi ras la pa ra tsi ta ka'i khu ba blangs la ldong ros dang yung ba'i a sho ka'i smyu gus 'khor lo thig ces mtshan pa bris te phyi nas bsgrub bya dpung dang bzhon par bcas pa'i ming dang spel nas lan stong bzlas na/ yang bsgrub bya'i rkang rjes kyi rdul dang dur khrod kyi thal ba la bsgrub bya'i gzugs byas te/ 'khor lo'i snying kar bcug nas me tog ser pos gtor zhing rkang pa g.yon pas mnan la brgyad brgya bzlas nas sbas te de'i steng du snying gar gnas pa'i khang pa byas la gang gi ming gzung ba de mdung bzhin du rengs par 'gyur te/ /sum cu rtsa gsum pas kyang
- 101a
bskyod par mi nus so/ /gzhan gyi dmag tshogs sgrol bar bya ba la ni/ 'o mas bkrus na slar rnal mar 'gyur ro/ /rang gi khrag la zhes bya ba la sogs pa gsal lo/ /khro bo'i rgyal po rnam par bsgoms la/ 'di ltar chu'i rdu phra rab thams cad dkyil 'khor gyi lhar bskyed pa'i dbu brgyan gyi gzugs kyis ni chu'i steng du 'gro bar 'gyur ro/ /rnal 'byor ma dang dpa' bo'i 'khor lo snyoms par zhugs pa ni lag pa g.yon pa dang g.yas pa gnyis kyis mnyes na rigs drug gi rnal 'byor ma dbang du 'gyur/ /skar ma rgyal la ras byas la zhes bya ba la sbrul gyi rgyal po rnyod nas dkar po dang nag po'i ri mo thams cad so sor dum bu dum bur bcad la nag po dang dkar po'i dbye bas so sor bya ste/ ras bal gyi sa bon blangs nas dkar po'i zla ba la rgyal gyi nyid par dum bu dkar po'i zhag dang shas bsgos la sa la sbas te gdab bo/ /ji ltar nag po'i dum bu'i zhag dang shas kyang sa bon bsgos shing/ zla ba mar ngo'i rgyal gyi nyin par de nyid kyi zhag dang shas sa la yang spag go /dkar po dang nag po'i cha'i bye brag gis ji ltar bskyed pa'i ras bal blangs la rgyal gyi nyi ma la gzhan la dkar po'i chas bskyed pa'i ras bal la/ rnal 'byor ma ser skyas bkal ba de'i nyin par thag ga btag go /de ltar nag po'i chas bskyed pa'i ras bal tshes nag po'i skar ma rgyal la rnal 'byor ma sngon mos bkal zhing de nyid kyi nyi ma la thag ga pa sngon pos ji lus yod pa de ltar btag par byas la/ sngon po dang dkar po yis rgyal gyi nyi ma gzhan la bsgrub par bya ste/ ras la stong phrag sum cu rtsa dgu mngon par sngags brgyad brgya bzlas shing bdug par bya ste/ a ka ru nag po dang dum bu nag po'i sha dang/ rus pa zla ba mar ngo las bskyed pa'i ras la bdug go /de ltar zla ba mar ngo las bskyed pa'i ras ni dum bu dkar po'i sha dang rus pa dang sang ka pus pa dang bcas pas bdug par bya'o//
- 101b
de nas gus pas bla ma dang dpa' bo dang rnal 'byor ma rnams mchod la/ lha'i rnal 'byor dmigs te rgyal la bsgrubs pa'i ras la rnal 'byor ma'i bka' lung gis bsgo bar bya'o/ /de gyon pa'i lus kyis stong phrag bcu bzlas nas 'grub par 'gyur te/ grib ma mi mngon zhing dpag tshad stong gi bar du nam mkha' la 'gro ba dang ror bar 'gyur la lta de nyid kyis kyang mi mthong ba ste/ steng gi phyogs su 'og min gyi mthar thug par 'gro bar 'gyur ro/ /yang sprul gyi rgyal po'i khar bcug pa'i nang du lig bu mig du ba ma shor bar bsregs pa'i thal ba rang byung gi me tog gis sgrus pa la lan stong phrag sum cu mngon par bsngags nas mig sman du byas na yang mi mthong bar 'gyur ro/ /yang na mi'i thod par sbrul gyi rgyal po bzhag ste/ rul chas zags pa'i rus pa blangs la rgya mtshor 'bab pa'i chu bor zhugs te de'i dus ser dum bu la lan stong phrag bcu mngon par bzlas nas bdar te/ dpral bar thig le byas na grib ma mi mthong bar byed do/ /yang na de'i thod pa la mngon par bsngags nas bdar ba'i thig le byas kyang grib ma mi mngon par byed do/ /dbang po gang dang gang las gyur/ /de dang de yi rang bzhin 'gro/ zhes bya ba ni mig la sogs pa'i dbang po rnams ni gzugs dang sgra la sogs pa'i rang gi don la dmigs pas na bdag po ste/ dbang po de nyid spyod lam kun du rnyed pa de dang de'i rang bzhin gyi ro myong bar byed pa zhes bya ba'i don no/ /mchog tu zhes bya ba ni sngon du don dam pa'i bden pa la dmigs pas so/ /mnyam gzhag sbyor ba'i zhes bya ba ni bdag la byin gyis brlabs pa'i rim pa'i rdo rje sems dpa' i nga rgyal dang ldan par byas shing bdag nyid rnal 'byor chen po la rnam par gnas pas phyag rgya chen po mngon par byang chub pa la yid kyis goms pas shes rab ye shes kyi 'byung gnas su gyur pa thob cing phul du byung ba'i rnal 'byor pa chen po ni thams cad sangs rgyas rang bzhin 'gyur zhes so/ /shing yongs
- 102a
'du'i khu bcud ces bya ba ji ltar bstan pa'i cho gas ro'i khar bskyed pa'i shing yongs 'du'i bcud la lan stong du bzlas nas gang la thig le byas shing bsgos pa'i stobs kyis sprul na shing du 'gyur ro/ /cho ga de nyid kyis yungs kar gyi sa bon bram ze'i thod par bskyed pa blangs nas yang glang po che'i thod par bcug nas skyes pa'i 'bras bu'i phye ma dang ldan pa'i glang po che'i rkang rjes kyi rdul la lan stong du bzlas nas gang la bsnun pa de glang po che ru 'gyur la/ glang po che de zhon na glang po che stong las rgyal bar 'gyur ro/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu gsum pa'i rnam par bshad pa'o// //de nas sgrub thabs bshad bya ba/ zhes bya ba 'dis sgrub par byed pas na sgrub thabs chen po'o/ /bong bu'i rnam pa'i rnal 'byor bdag /yid kyi shugs kyis bzlog bya'i phyir/ /zhes bya ba la yid kyi shugs ni yid kyi shugs te/ de'i cho ga dang ldan pas lta ba ngan pa dang sgrib pa thams cad la bzlog nas dag par 'gyur ba'i lus rmi lam ltar myur du yongs su brje bas g.yo ba dang bral te mi shigs pa'o/ /ma lus rnal 'byor 'dzin byed pa/ /bong bu'i rnal 'byor rnal 'byor mchog /sangs rgyas kun dang mnyam sbyor bas/ /mkha' 'gro ma yi dra ba sdom/ /pad+ma dpal gyi nags tshogs na/ /kla klo sangs rgyas kun phyag rgya/ /dga' ba kun gyi bde ba yis/ /nags kyi dbus su rnam par rol/ /mkha' 'gro ma dang lA ma dang/ dum skyes ma dang gzugs can ma/ /sna tshogs gzugs kyis rnam rol zhing/ /rgyan kun rgyan bzhin 'od gsal ba/ /sngon du bstan bzhin 'khor dgod bya/ /'on kyang mkha' 'gro ma rnams ni/ /mkha' 'gro ma ni bong bu yi/ /rnam pa'i gdong can khrag 'dzag ma/ /mkha' 'gro ma yi lag na mdung rtsa gsum pa steng du bskor zhing kha TwAM ga dang thod pa bsnams pa phyag
- 102b
bzhi pa/ mi ro'i gdan la bcibs shing me bzhin 'bar ba spyan gsum pa sgra grol ba gcer bu'o/ /bdag po la sogs pa thams cad kyi mtshan ma dang/ rgyan dang gos la sogs pa ni sngar bstan pa bzhin du blta'o/ /'on kyang thugs kyi 'khor lo'i dpa' bo thams cad ni nam mkha' lding gi zhal can no/ /gsung gi 'khor lo'i dpa' bo rnams kyi zhal ni rma bya'i gdong can no/ /sku'i 'khor lo'i dpa' bo ni seng ge'i gdong can no/ /khwa'i gdong pa la sogs pa ni rang gi ming gi gdong pa'o/ /gshin rje'i gdong pa la sogs pa mtshams kyi ni ma he dang/ ri dags dang/ stag dang/ de bzhin du gung gi gdong pa'o/ /dkyil 'khor thams cad kyang spyan gsum pa la spyan dmar zhing snying rje chen pos yongs su gzung ba la chos bdag med pa las byung ba'o/ /'di rnams rnal 'byor dam pa'i gtso/ /sdug bsngal thams cad zad byed la'o/ /dbugs rnams lte ba'i rtsa ba nas/ /g.yas dang g.yon pa gnyis dag gi /zla ba nyi ma rnam par bshad/ /chu shing me tog lta bu ni/ /lte ba'i rtsa ba nas 'greng ba/ /ba lang rmig 'dra'i pad+ma ni/ /bong bur rnam par shes par bya/ /'og tu phyogs pa'i pad+ma gang/ /zla ba'i 'od 'dras rnam brgyan pa/ /de dbus rtag tu stong pa ni/ /hUM yig rlung gi rang bzhin nyid/ /'bar ba mar me lta bu ste/ /'og gi rlung ni yongs gang las/ /snying ga nas ni steng du rgyu/ /spyi bo phug ste 'gro bar bshad/ /rnal 'byor pa gang sa gsum mnyam/ /sems can kun gyi snying gnas pa/ /sems ni mnyam par song ba ste/ /sems kun la ni dbang thob pas/ /mchog gi pha rol phyin thob ste/ /rab tu 'bar ba'i skad cig la/ /mun pa'i tshogs kun 'joms byed pa/ /nyi 'od nor bu ji lta bar/ /rgyu dang mi rgyu ma lus pa'i/ /sa gsum gsal bar byed pa ste/ /bskal pa'i me bzhin gzi brjid 'bar/ /g.yo ba med cing 'khrul pa med/ /rgyu dang dpe las rnam par 'das/ /rnam par mi 'gyur gos pa
- 103a
med/ sgrib pa lnga ni rnam par spangs/ /he ru ka dpal mgon rang bzhin/ /bdag nyid rig pa med pas na/ /skad cig de la 'das kun dang/ /ma 'ongs pa dang da ltar byung/ /thams cad mkhyen pa'i rang yid mthong/ /'di ni bong bu'i rnal 'byor pas/ /lag mthil gnas pa bzhin du mthong/ /de yi don du g.yeng ba kun/ /spangs nas zla ba drug tsam du/ /lkugs pa'i dngos por ldan gyur pas/ /bong bu'i mkha' 'gro bsgrub par 'gyur/ /bsgrub pa dang ni ldan pa yis/ /rnal 'byor thams cad rnyed par 'gyur/ /brtul zhugs bral yang brtul zhugs ldan/ /dri ma can yang dag par 'gyur/ /dbul po yin yang nor 'byor 'gyur/ /nad pa yin yang nad bral 'gyur/ /rgas med 'chi ba med rnyed pas/ /thos pa med par chos ston cing/ /sdug bsngal du ma'i tshogs la ni/ /sems can dgrol bar byed pa bo/ /bstan pa bla med ston pa yin/ /mi snang la sogs dngos grub dang/ /lha mig mngon shes lnga thob pa/ /'jig rten gsum gang cung zad yod/ /thams cad skad cig de la mthong/ /tshe zad par ni snang ba dang/ /de bzhin tshe ring gyur pa nyid/ /bong bu dang ni glang chen dang/ /gang dang gang du rigs 'gyur ba/ /skye ba stong phrag du mar yang/ /de dang de yi gzugs su ni/ /rnal 'byor pas ni 'dir mthong 'gyur/ /gang 'dir skye ba bdun shes nas/ / de yis gtor ma sbyin sreg bya/ /rnam par mi rtog bdag nyid kyis/ /mtshan mo gsang ba la gnas te/ /bzang po nyid du sbyar byas nas/ /lha yi lus su 'gyur ba dang/ /grub pa nyid du the tshom med zlos pa zhes bya ba ni dung gi phreng ba la'o/ /gsang ba zhes bya ba ni skye ba bdun pa'i dang sngags kyi mtshan nyid kyi'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu bzhi pa'i rnam par bshad pa'o// //de nas brda zhes bya ba ni/ /rnal 'byor ma rnams kyi
- 103b
bar byas pa'o/ /dngos grub 'dod pa rnams kyis shes par bya'o/ /dang zhes bya ba ni go sla'o/ /bsam pa gcig pa nyid kyi phyir de mnyes par 'gyur ro/ /zhes pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bco lnga pa'i rnam par bshad pa'o// //de nas zhes bya ba ni rim pa bzhin du'o/ /gsang ba zhes bya ba ni skal ba med pa'i sems can rnams la mi bstan pa'o/ /dngos grub che zhes bya ba la sgrub pa po de nyid kyi gnyis su med pa'i phyag rgya chen po'i byed pa po'o/ /de gang zhe na/ bram ze rnam snang bshad pa ste/ /rin chen tsaN+Da lir shes bya/ /gar mkhan dpag med mgon po ste/ /tshos mkhan don yod rdo rje can/ /mi bskyod pa yi DoM bi ste/ /drug pa rdo rje sems dpa' yi/ /rgyal rigs su ni shes par bya/ /bdun pa he ru ka yi ni/ /sna tshogs rigs byung dmangs rigs so/ /g.yon nas 'gro ba'i bud med gang zhes bya ba la sogs pa ni go sla ste/ sgrub pa po'i thabs rjes su mthun pa'i phyir/ /des nan tan du shes par bya'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu drug pa'i rnam par bshad pa'o// //de nas rnyed dka' zhes bya ba la sogs pa ni/ chags pa chen po'i rang bzhin nyid ni/ 'dod chags dang bral ba la sogs pas rnyed pa dka' 'o/ /de gang zhe na dam tshig dkyil 'khor dam pa'o/ /bdud rtsi lnga zhes bya ba la lnga ni sa la sogs pa'o/ /dngos bden pa zhes bya ba la sogs pa ni chos thams cad bsdus par 'gyur ba'i phyir ro/ /de nas lnga po rnams kyis bdud rtsi ni stong pa nyid kyi snying po ste/ yang dag par 'byor pa gcig tu bsdus pa'i snying po gang yin de bde ba/ /rlung zhes bya ba'i byang chub sems/ /dbang po kun gyi gtso 'di yin/ /de yi dbus su yang dag bskyed/ /yi ge la sogs pa yi gzugs/ /gzugs can ma dang rnal 'byor ma//
- 104a
lA ma dang ni dum skyes te/ /zhal bzhi par ni rnam par bshad/ /sbyor ba bzhi dang yang dag ldan/ /lnga pa 'khor lo sgyur ba ste/ /ge sar dang ni lte bar ldan/ /'dab ma bzhi yis yang dag mtshan/ /de dbus dpa' bo chen po ste/ /phyag brgyad kyis ni rnam par brgyan/ /dang po'i sha yis yongs bkang ba/ /de bzhin gnyis pa'i khrag gis te/ /lhag ma'i phyag gnyis dbang bskur ba'i/ /dra ba'i phyag rgya 'dzin par mdzad/ /lnga pa drug pas lha mo 'khyud/ /gzhan gyis kha TwAM cang te'u/ /sku mdog dkar po 'od 'phro ba/ stong kha'i nam mkha' dri med bzhin/ /dkar po dmar po sngo dang ljang/ /'bar ba'i zhal bzhi gsungs pa'o/ /gshin rje ma dang skrag byed ma/ /nags tshal ma dang 'jigs ma dang/ /kun spyod tshe za ba su ra/ /brgyad pa phag mor yang dag brjod/ /gru bzhi pa la sgo dang mtshams/ /brgyad du rnam par 'gyur zhing 'jigs pa nyid/ /sha dang khu ba gsol ba ste/ /dang po rgyas 'debs phyag rgya ste/ /gnyis pa snying dral ba yi rgya/ /gsum pa rmongs byed phyag rgya ste/ /de bzhin bzhi pa slong ba'i rgya/ /lnga pa gar gyi phyag rgya ste/ /de bzhin drug pa gsod pa'i rgya/ /bdun pa za bar byed pa ste/ /brgyad pa ldang ba'i phyag rgya des/ /phyag rgya brgyad du bshad pa'o/ /phyag gi mtshon char yang dag ldan/ /'od zer phreng ba du ma las/ /sangs rgyas tshogs kyi sprin spro ba/ /thog mdza' med pa'i sems dpa' ni/ / rdo rje sems dpa' bde ba che/ /yang na sngon du bstan pa bzhin/ /'khor lo gsum po 'od dkyil nam mkha' rgyas pa ste/ /dkyil 'khor dam pa brjod bya ba/ /dbus su 'khor lo yang dag bri/ /ge sar dang ni lte bar ldan/ /'dab ma bzhi dang ldan par bshad/ / kha dog sna tshogs yang dag 'bar/ /de dbus dpa' bo dgod pa'o/ /shel ltar dag pa dri ma med/ /dang po'i zhal ni rnam bzhad cing/ /chags pa'i lta bas rnam par gzigs/ /khro gnyer rab tu 'bar ba dang/ /mche ba gtsigs pas 'jigs par mdzad//
- 104b
g.yas kyi zhal ni gdengs pa ste/ /g.yon pa ngo mtshar che ba nyid/ /rgyab zhal 'jigs pa che ba ste/ /zhal dga' 'bar dang bcas pa'o/ /dkar dang dmar dang de bzhin sngo/ /ljang gu rnams kyi gdong can no/ /phyag brgyad par ni yang dag bri/ /rgyan kun 'dzin pa dpal dang ldan/ /ljags 'gril bas ni 'jigs su rung/ /'jigs pa'i dus ltar drag shul che/ /dur khrod du ni 'jigs shing rngam/ /ha ha zhes bzhad cher bzhad cing/ /yi ge pheM gi sgra sgrogs pa'o/ /zhal gcig pa dang phyag gnyis su/ /lha rnams bzhi po bshad pa ste/ /shar du rdo rje sems dpa' yin/ /lho ru rnam snang mdzad du brjod/ /nub tu don yod rgyal po ste/ /byang du pad+ma gar dbang ngo/ /kha TwAM thod pa phyag bsnams nas/ /khrag dang khu ba dag gsol mdzad/ /'khor lo'i dbus su he ru ka /sngon gyi mtshon cha bsnams nas bzhugs/ /gnyis pa 'khor lo rtsibs brgyad che/ /thal mdog 'od zer dmar po 'bar/ /de la lugs 'byung lugs bzlog pas/ /dgod pa nyid du rab tu grags/ /gzugs can ma dang 'o byed ma/ /lA ma yongs 'gyur byis bcas mo/ /mi ldog lha mo di pa mo/ /brgyad pa rdo rje'i gar dbang brjod/ /nang gi lha mo'i gzugs brgyad ni/ /sku mdog dkar la 'bar dang bcas/ /phyag gnyis pa la zhal gcig pa/ /khrag gis bkang ba'i thod pa dang/ /kha TwAM ga ni phyag gis 'dzin/ /spyan gsum rgyan kun 'bar dang bcas/ /sgeg dang bcas pa'i lha yi lus/ /snying rjes dga' ba'i mdzes dang ldan/ /de nas thugs gsung sku yi ni/ /'khor lo lha rnams dgod par bshad/ /shar phyogs la sogs pa ji lta ba bzhin du lugs su byung ba dang lugs las bzlog pas/ dung can ma dang spos mo dang/ /gsod byed ma dang ser mo dang/ /dral byed de bzhin gtum mo ste/ /ri rkhrod nyid dang sgrol ma'o/ /de dag ni thugs kyi 'khor lo'i 'o/ /khro gnyer khams gsum rnam rgyal ma/ /so can de bzhin
- 105a
za byed ma/ /sna chen ma dang ba lang gdong/ /phyi la can dang glang chen lce/ /de dag ni gsung gi 'khor lo'i 'o/ /ba lang sna dang bzhin bzangs ma/ /dmar gtum ma dang so sngo bsangs/ /stobs chen nags tshal dri ldan ma/ /mdog phra mo dang bden g.yon ma/ sku yi 'khor lo'o/ /de dag sgeg gdong sgeg dang bcas/ /snying rjes gdungs shing myos dad ldan/ /rang ming brjod pa'i sngags la ni/ /oM dang hUM hUM phaT sbyor bas/ /thugs gsung sku yi dbye ba yis/ /lha mo rnams ni mdog sngo zhing/ /zangs gri dang ni thod pa can/ /gang yang sku mdog dmar lha mo/ /pad+ma dang ni thod pa can/ /lha mo sku mdog dkar ba dang/ /mdung thung dang ni kha TwAM thogs/ /dka' bzlog nyid dang tsa muN+Di/ /tshangs pa dang ni khyab 'jug ma/ /sgo rnams skyong bar yang dag bshad/ /sgo bzhi rnams su sbyar bar bya/ /phyag gi kha TwAM thod pa ste/ /khrag dang khu ba gsol mdzad pa'o/ /kun kyang rgyan kun yongs rdzogs shing/ /skra grol gcer bur gyur pa yi/ /snying rje dga' ba'i bde ba che/ /dkyil 'khor rnams kyi rgyal po 'di/ /ma byung 'byung bar mi 'gyur ro/ /thams cad gza' bar gang rigs pa/ dngos por rang bzhin mnyam bsres te/ /dag dang ma dag dor mi lta/ /rigs dang mi rigs min de bzhin/ /de nyid bcu ni rig pa yin/ /thams cad za zhing longs spyod bya/ /bud med mtshan nyid shes byas la/ /de nyid rig pas mchod par bya/ /mngon par zhen pas zhes bya ba la sogs pa ni/ sgra ji bzhin pa ste gsol lo/ /'on kyang/ gzugs can ri mo can du brjod/ /dung can 'o byed mar gsungs te/ /lA ma nyid ni glang chen ma/ /yongs 'gyur ma ni pad+ma can/ /mi ldog pi la bir shes bya/ / 'di pa mo dang phur bu ma/ /re re yang ni gnyis gnyis su/ /so so yi ni mtshan nyid 'gyur/ /pad+ma can ni pad dri dang/ /glang chen myos pa'i stobs bzhin du/ /dbyangs snyan snyan par smra ba dang/ /mnyen bzhin lang tsho 'bar ba'i gzugs/ /yan lag rtsub la
- 105b
pad+ma yi/ /'dab 'dra'i mig la skra 'khyil zhing/ /sna dang so ni phrad de yang/ /sor mo thung zhing yan lag mnyen/ /sen mo 'jam zhing zangs kyi mdag /bzhin ni rab tu zhi ba ste/ dpal 'dod pa ni pad+ma can/ /zhi ba'i las la sbyar bar bya/ /glang po can ma glang po'i dri/ / mchu 'phyang byin pa sbom ma dang/ /glang chen long ba'i stobs su 'gro /sor mo ring zhing lus po ring/ /nu ma 'phyang zhing skra rtsub la/ /lte ba mtho zhing nu ma rtsub/ /mig ni phra zhing sbrang rtsi srang/ /snyan par smra zhing skad 'dzer ba/ /'dod ldan ro sman mchung sbom zhing/ /rkang mthil mnyam par gnas pa ste/ /chang la dga' zhing dus rtag tu/ /nor 'dod glang po can ma ste/ /rgyas pa'i sbyor ba brtsam par bya/ /dung can ma ni dung mdog dang/ /zhib ma'i gdong can byin pa ring/ /bya rog skad dang bong bu dri/ /so sbom sor mo ring ba ste/ /skra rtsub yan lag 'jam pa dang/ lus bong mtho zhing mig chung ma/ /mgrin pa phra zhing so thag ngan/ /sna mtho mchan khung spu yod pa/ /mchu srab gdugs kyi rnam pa can/ /dung can ma ni khyim thab gsod/ /dbang gi las la sbyar bar bya/ /ri mo can ma rtag tu ni/ /ri mo la dga' sna tshogs mdog /sna tshogs gzugs can nu ma 'phyang/ /sen mo mnyen zhing skad chung la/ /lus bong chung zhing byang kyang chung/ /sgra ngan bya rog rang bzhin can/ /bya rog sgra skad sha la dga' / /tshig rtsub 'dod pa'i nus dang ldan/ /nag po'i las la sbyar bar bya/ /pad+ma can ni lha yi rigs/ /glang po can ma gnod sbyin rgyud/ /dung can ma ni mir shes bya/ /ri mo can ma yi dags rigs/ /pa te pa ya lha yi rigs/ /gdugs kyi dpung pa mgrin pa ring/ /so snang ba la mchu snum zhing/ /mig ni pad+ma ltar dmar ba'i/ /skye gnas yangs shing dpral ba yi/ /dbyes che skra snum sar sna'o/ /lus po ran zhing ring ba yi/ /sna mtho sna ni rno ba ste/ /yan lag 'jam zhing lag pa'ang ring/ /ngang pa'i 'gros can ngang pa'i skad/ /dri dang me tog 'o ma sred/ /lhug par gtong zhing lha la gus/ /bud med dbang phyug rnams kyi gtso/ /
- 106a
nyub du za zhing nor dang ldan/ /rgyas pa'i las la sbyar bar bya/ /pi la bi ni nu rgyas ma/ /lus bong mtho zhing byin pa sbom/ /ngo tshon mig ni phra ba ste/ /rna ba 'phyang zhing skra rtsub pa/ /bung ba'i skad la mchu 'phyang ma/ /lus rgyas lto ni mang du za/ /'dod pa chung zhing rtag stobs ldan/ /tshogs pa la dga' dpung pa 'phyang/ /yan lag rtsub cing skra ring ba/ /so sna sen mo 'jam pa ste/ /rkang pa mnyam zhing sna ring la/ /lto ni bum pa ltar sbom zhing/ /bum pa'i 'phyangs la mdzes pa'i bzhin/ /zhi dang rgyas la sbyar bar bya/ /phur bu ma ni mig g.yo zhing/ /'og mig can la gdong srab pa/ /so snang lus kyi sha srab cing/ /skra chu 'dod drag na 'bab pa/ /'og skya rkus pa ltar 'gro zhing/ /sgur zhing lus bong chung ba ste/ /lag pa thung zhing nu ma mtho/ /smin sbom dpral chung byin par sbom/ /de yis reg na mi 'tsho ste/ /nye du rnams ni brlag par byed/ /nag po'i las la sbyar bar bya/ /brgyad pa ri dags ma skal bzangs/ /lto ba chung zhing rkang pa chung/ /ri dags mgrin pa ri dags mig /skra ni phra zhing snum pa ste/ /so yang sra la mchu snum pa/ /gzugs mdzes thig le lta bu'i byed/ /reg 'jam sred pa mang du smra/ /sgra ni bya rog skad lta bu/ /rtag tu gcer bu dbul ba yin/ /sems rtsub pa la sdig la dga' / /skur 'debs ma de yi dags rigs/ /dbang gi las la sbyar bar bya/ /'di brgyud du ni rab tu grags/ /thod pa dang dgra sta la sogs pa'i mtshan ma brgyan ni/ ji ltar bstan pa'i rigs kyi go rim bzhin du gzugs can ma la sogs pa'i phyag dang po'i mtshan ma'o/ /gzhan gyi kha TwAM ga dang thod pa nas khrag dang khu ba gsol ba'o/ dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu bdun pa'i rnam par bshad pa'o// //de nas yang dag bshad bya ba/ /mkha' 'gro ma yi go 'phang mchog /ces bya ba la mchog ni mang po'i rigs te/ mang
- 106b
por 'gyur ba'i rigs rnams so/ /gang yang gsungs pa/ dam pa'i rigs ni rnam pa brgya/ zhes pa'o/ /rab tu gnas pas na go 'phang ste/ gang gi mtshan nyid gsung ba de nyid kyis yongs su dag pa'o/ /dam tshig zhes bya ba ni rnal 'byor pa rnams kyi rjes su 'jug pa ste/ des gnas pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bco brgyad pa'i rnam par bshad pa'o// //de nas yang dag bshad bya ba/ /zhes bya ba ni mdog dang mtshan ma'i rjes so/ /lA ma zhes bya ba ni yid du 'ong ba reg pa la sogs pa'i yon tan gyi mtshan nyid dang ldan pa ste/ yan lag thams cad yongs su rdzogs pa'o/ /gang gi bzhin zhes bya ba la sogs pa ni go sla'o/ /sring mo zhes bya ba ni sbyor ba gcig pa'o/ /pad+ma'i phyag rgya zhes bya ba ni/ lag pa gnyis pad+ma bskor bar sbyin par bya'o/ /yang na pad+ma'i phyag rgya ni pad+ma'i phyag rgya ste/ gang du ji lta de lta bar/ /langs pa 'am ni stan dag la/ /mdun du skal bzang bzhag nas ni/ /pad+ma rab tu rgyas par bya/ /myur du gnyis gnyis sbyor ba yis/ /mkhas pas rdo rjes rgyas gdab bya/ /ru sbal gyi phyag rgya ni lag pa gnyis thal mo sbyar ba'o/ /ru sbal phyag rgya b+ha gar na/ /thal mo rdag dang ldan reg bya/ /phyag rgya sngags kyi sbyor ba yis/ /so yis ma mchu btsir bar byed/ /mi thub ri dags pags pa yi/ /yang na 'jam zhing mtshan nyid bzang/ /mi thub stan du shes par bya// spyi blugs thod pa zhes brjod do/ /yang na spyi blugs lus su brjod/ /lag gnyis mgrin par dam 'khyud nas/ /rdo rje skyil krung bcas nas 'khyud/ /ji ltar phyag rgya rtogs 'gyur ba/ /phyag rgya'i lan du brjod pa yin/ /tshes bcu bzhi zhes bya ba la sogs pa go sla'o/ / yod na chos bcu bzhi'i gnas skabs ji ltar rnyed/ /pad+ma rnam par rgyas shing 'bar dang ldan/ /dpal ldan gang gi sems ni gang mnyam pa/ /de ni pad+ma can gyi mtshan nyid yin/ /mchu gnyis glo zhing zhes bya ba la sogs pa ni go sla'o/ /mdung zhes bya ba ni sor
- 107a
mo gcig bstan pa'i phyag rgya sbyin par bya'o/ /de nas rdo rje skyil krung gis/ /rang gi rdo rje der gnas pa'o/ /gar nyid kyang ni bstan par bya/ /zhes bya ba ni dam du 'khyud nas 'o byed cing/ /byed pas bsdams pa'i phyag rgya rnams/ /rab tu bskor ba byas nas ni/ /glang chen ma dang bde sgrub ma'o/ /bcu bzhi zhes bya ni go sla'o/ /ci nus pas mchod par bya'o zhes bya ba'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bcu dgu pa'i rnam par bshad pa'o// // de nas gzhan yang bshad bya ba/ /lag pa g.yon gyi brda rnams te/ zhes bya ba la/ brda rnams kyi gnyis ka'i rang bzhin/ gcig tu gyur nas ming po dang sring mo ltar shin tu gdung ba'i dbang du gyur nas bsgo ba thams cad byed do/ /zhes bya ba'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu ba'i rnam par bshad pa'o// //de nas gsang ba chen po ni/ /mtshan nyid nga yis bshad par bya/ /zhes bya ba la nga yis zhes bya ba ni rdo rje 'chang bas te/ snying rje chen po'i dbang gis rnal 'byor pa rnams kyi thabs gang gis sgrub po 'grub par 'gyur ba de nyid ni gsang ba chen po'i mtshan nyid de/ nyan thos la sogs pa'i spyod yul ma yin pa'i phyir ro/ /bud gang spyi gtsug reg byed pa/ /zhes bya ba la sogs pa ni sgra ji bzhin pa sta go sla'o// dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa gcig pa'i rnam par bshad pa'o// //de nas gzhan yang rab bshad pa/ /yan lag phyag rgya'i khyad par ni/ zhes bya ba ni/ 'dir gsang ba chen po'i mtshan nyid do/ /gzhan zhes bya ba ni dam pa ste/ gang gis rnal 'byor ma rnams mnyes par 'gyur ba'o/ /khyad par zhes bya ba la lag pa'i spyi las khyad par ni sor mo rnams so/ /gang gis shes pas zhes bya ba la sogs pa ni sgra ji bzhin pa'o/ /dpal he ru ka
- 107b
zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa gnyis pa'i rnam par bshad pa'o// //de nas zhes bya ba la sogs pa ni/ sgra ji bzhin pa ste go sla'o/ /gzhir ni sa gzhi byas nas su/ /zhes bya ba ni stan las ldang ba'o// mchod ces bya ba ni dam por 'khyud dang 'o bya ba'o/ /smin ma g.yo zhes bya ba ni/ cung zad ngo tsha ba'i phyir ro/ /rnal 'gyur bskor ba zhes bya ba ni/ phul du byung ba'i bde ba sgrub pa'i don gyis bskor ba ni/ byang chub kyi sems la yongs su bskor ba ste/ srog dang rtsol ba sdom pa'i 'khrul 'khor gyis yang dag par phul du byung ba'i bde ba chen po'i lte ba'i dkyil 'khor du 'bar bas stong pa dbus su chud pa'i sngags pas 'jig rten gsum po dang lhan cig tu 'dra ba ste/ /sa dang chu dang rlung nyid dang/ /me dang nam mkha' nyid dang ni/ /bdag dang gzhan du rtag char dang/ /skad cig de la kun mi dmigs/ /de yi mod la ldog 'gyur te/ /bdag gis bde ba nyams su myong/ /zhes so/ /khyim du zhes bya ba la sogs pa ni go sla'o/ /yang na b+ha ga'i dbus chung rdo rje ni/ /shin tu stong par bsgoms pa ni/ / thams cad nam mkha' dang mnyam pa'o/ /ma rig la sogs glo bur ba/ /rtog pa'i nyes pa rtog las byung/ /rang bzhin 'od gsal rnam dag pa/ /sems ni me long bzhin du blta/ /chos rnams gzugs brnyan lta bu ste/ /gsal zhing dag pa nam mkha' mtshungs/ /ral gri nyon mongs gcod byed pa/ /sems can don byed rno ba'o/ /bsod nams kyis 'degs rgyal mtshan bzhin/ /mdung thung nyon mongs 'bigs byed pas/ /sems ni rtse gcig pa nyid do/ /de nyid me long rnal 'byor pas/ /kha sbyar bde ba thob pa'o/ /mtshan ma'i cha byed gsal zhes bya/ /zhes bya ba ni rdo rje dang 'khor lo dang rin po che dang pad+ma dang ral gri dang/ sna tshogs rdo rje rnams ni rgyal mtshan dang/ mdung thung rnams ji lta ba ste/ de bzhin gshegs pa rnams kyi rigs kyi dbye bas/ rdo rje dang rgyal mtshan dang ral gri dang mdung thung ni
- 108a
nas kyi 'bru tshad tsam mo/ /'khor lo dang rin po che dang pad+ma dang sna tshogs rdo rje rnams ni sran tsa na ka'i tshad tsam ste/ mi bskyod pa la sogs pa'i rim pas ji lta ba bzhin/ rang rang gi mtshan ma kha dog lnga po'i nang du dkyil 'khor gyi 'khor lo chud pa la/ sems brtan pa dra mo'i rnal 'byor bsgom pa las/ rnal 'byor pas phyag rgya'i dngos grub yid kyi rang bzhin bzang po 'grub par 'gyur ro/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa gsum pa'i rnam par bshad pa'o// //de nas gzhan yang brda yi skad/ /zhes bya ba la yul sna tshogs kyi khyad par gyi skad ni brda zhes bya ba kla glo ste/ rnal 'byor ma rnams kyi dam tshig gi phyag rgya'o/ /pro taM gi zhes bya ba ni gsod por smra ba zhes bya ba la sogs pa ni/ sgra ji bzhin pa nyid kyis na go sla ba ste/ gang zhig brda'i skad rnams shes pa de/ 'dir rnal 'byor pa nyid du the tshom med do/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa bzhi pa'i rnam par bshad pa'o// //de nas don kun 'dod pa yi/ /sba bya brgyad mdza' sbyar byas te/ /zhes bya ba la brgyad kyi mdza' ni yi ge ha ste yi ge u dang thig ler bcas pa'o/ /oM na mo b+ha ga wa te bI re shA ya/ zhes bya ba la sogs pa ni go sla'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa lnga pa'i rnam par bshad pa'o// //de nas gzhan yang zhes bya ba ni dpal he ru ka'i bdag nyid chen po'o/ /lugs 'byung lugs las bzlog pa yis/ /zhes bya ba ni rnal 'byor gyi brlab pa'i rim pa las ma 'das pa'o/ /'og dang steng gi dngos grub ster/ /zhes bya ba la 'og ni sa 'og la sogs pa gang ci yod pa'o/ steng gi zhes bya ba ni steng gi dngos grub ste phyag rgya chen po'o/ /
- 108b
pho nya dang 'dra bar gyur bas na pho nya ste byang chub pa'i phun sum tshogs pa thams cad du nges shing thams cad du gnyis su med pa'i dga' ba'i rang bzhin gyis legs par gnas pa'i pho nya'o/ /bdag gi pho nya ma zhes bya ba ni spyod pa'i mchog lhan cig tu spyod pa'o/ /kun 'gro zhes bya ba ni skal ba dang ldan pa'i sems can rnams kyi don bsgrub par bya ba'i phyir/ 'o bya ba dang rab tu 'khyud pa la sogs pa thams cad ster bas so/ /rnal 'byor gnas kyi khyad par nyid/ /ces bya ba la gnas ni se ru rab tu bshad/ /pad+ma'i dkyil 'khor gnas gsungs/ /gnyis med dga' ba'i rang bzhin rgyal/ /bde chen gang du gnas pas na/ /de phyir mchog gi pad+ma gnas/ /khu khrag 'dres shing gang ba ni/ /khyad par du ni 'o byas nas/ /lce yis yang dag dril nas blang/ /chang 'thung rab tu dga' ba yis/ /rdo rje pad+ma mnyam dkar sbyar/ /ji snyed rnal 'byor tshogs rnams ni zhes bya ba la dga' ba'i bstan bcos las bshad pa'i byed lugs de snyed rnams rdo rje sems dpas gsungs te/ /byang chub rab tu grub pas tha mal pa'i mtshan nyid kyi dbye ba shes par bya'o/ /de nyid kyis na/ bden can kun la sbyin bya yi/ /gzhan du nam yang ma yin no/ /zhes gsungs so/ /ma dang sring mo zhes bya ba la sogs pa rnams ni sgra ji bzhin pa'o/ /gang zhig rtag tu sngags sbyin pa/ zhes bya ba ni phyag rgya de nyid dang sbyor bas/ shes rab ye shes so zhes bya'o/ /rnyed dka' i dam tshig nga yis bshad ces bya ba la sogs pa ni go sla'o/ /he ru ka las sbyor gzhan med ces bya ba ni gang zhig bstan pa de thams cad he ru ka'i sbyor bas bya'o/ /gzhan gyis ni ma yin no zhes bya ba'i don no/ /de nyid kyis na slob dpon rnal 'byor ma nyid yin zhes pa ste/ rnal 'byor pa rnams kyi ma ni rnal 'byor ma'o/ /de'i phyir brnyas mi bya zhes bya ba la sogs pa gsungs te/ rnal 'byor gzhan dang kun sbyor bas zhes bya ba la/ snying rje chen po rab dga' ba'i/ /rnal 'byor mchog gi thabs spangs nas//
- 109a
'dod lha'i dngos grub bsgrub don du/ /rnal 'byor gzhan la brten byas pas/ /gang zhig dngos grub 'dod gyur pa/ /dmus long bzhin du rnam par rmongs/ /rgyal srid las nyams rgyal po bzhin/ /nges par sdug bsngal gyis rmongs 'gyur/ / dam tshig spyod pa'i spyod pa bya/ /zhes bya ba la sogs pa sna tshogs pa gsungs pa ste/ rnam par mi rtog sems kyis ni/ /rigs rnams thams cad mnyam par sbyar/ /dbang po gnyis ni mnyam sbyor bas/ /nyan pa la sogs dbang po kun/ /bsre zhing bde bar bsdu bar bya/ /gtso bo gang du spyod pa yi/ /tshangs spyod stong pa nyid du 'gyur/ /brjed med dran pa'i spyod pa yis/ /bde ba rtogs par byed pa'i gzhi/ /rdzogs pa'i byang chub lam dag pa'i/ /de nyid bla na med pa ni/ /dam tshig spyod pa rab tu gsungs/ /byang chub bsgrub la gnas pa yi/ /sgrub pa po yis rtag shes bya/ /rgyud kun gyi ni thun mong du/ /zhes bya ba ni bya ba dang spyod pa dang rnal 'byor dang rnal 'byor ma rnams dang/ rnal 'byor bla ma'i rgyud chen po'i rang bzhin du bya ba'i sbyor ba dang mtshungs pa ma yin no/ /mi gzhom zhes bya ba ni/ mnyam pa'i bdag nyid du blta bar mi bya ste/ rgyud de dang de rnams ni rgyu ma yin pa'i phyir ro/ /dam tshig mi spyod shin tu sbas/ /gang la mi sbyin mi bya ste/ /skal ldan sems can rnams la bshad/ /kha la sogs pa brgya po ni/ /mos dang dad pas 'phel byed pas/ /zhes bya ba la/ 'dod pa'i don phun sum tshogs pa nges shing/ byang chub kyi lam thams cad la khyab pas legs par gnas pa'o/ /dad pa nyid kyis zhes bya ba ni/ chos rnams dad pas gzung bya ste/ /shes rab ldan pa'i de nyid rig ces pa'o/ /de nyid kyis na brtag pa'i rgyal po gnyis pa las gsungs pa/ lag pas ma yin dung por min/ /mkhas pas lce yis blang bya ste/ /tshe dang nad med 'phel byed pas/ /yang dag ye shes 'byung ba'i rgyu/ /mthe'u chung zhes bya ba mthe'u chung ni tshogs dang ldan pa ste lo bcu gcig pa'i bdag nyid bzung
- 109b
nas rna lce yis blangs te ra sa ya nA'i dngos grub brtsam pa ni bde ba chen po 'byung ba'i rgyu'o/ /bsgrub pa ni gsum du gnas/ zhes bya ba ni chung ngu dang 'bring dang chen po'i bya brag gis so/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa drug pa'i rnam par bshad pa'o// //de nas dpa' bo spyod brtul zhugs/ /zhes bya ba la kun la spyod pas na spyod pa'o/ /brtul zhugs ni rus pa'i rgyan la sogs pa'o/ /dpa' bo zhes bya ba ni rnal 'byor pa'o/ /de su zhig ce na rnal 'byor ma rnams rab bsgrub pa zhes bya ba'o/ /mtshan nyid dbye ba shes byas nas zhes bya ba la/ /phung po khams sogs mdor bsdus nas/ /sgyu ma lta bur shes par bya/ /'jig rten chos brgyad yongs shes shing/ /dpal ldan slob dpon rdo rje can/ /kun gyi mgon la phyag 'tshal nas// bya ba byas pa'i slob dpon gyis/ /gsang ba'i spyod pa brten par bya/ /'khar gsil lhung bzed chos gos dang/ /chu tshags sbyangs pa'i yon tan gyis/ /yan lag lung bzhin mi spang ste/ /lung ma gtogs pa'i rnal 'byor pa/ /sangs rgyas mu stegs can du 'gyur/ /shes rab pha rol phyin dmigs pa/ /lhag pa yi ni lha gcig nyid/ /stong pa'i ye shes yang dag 'byung/ /gdug pa thams cad 'jigs byed pa/ /sngon bzhin drag shul rnam 'gyur dpal/ /'jigs pa dag kyang 'jigs par mdzad/ /mche ba rab tu gtsigs pa'o/ /gtsug na zla ba byed pa la/ /sna tshogs rdo rje'i ral pas brgyan/ /thod pa'i phreng bas rnam par klubs/ /rgyan rnams thams cad yongs rdzogs shing/ /stag gi pags pas rnam dkris pa/ /phyed krung bcas pas shin tu gnas/ /sdang ba thams cad 'dul mdzad pa/ /sred dang rmongs pa phrag dog 'gyur/ /kra la rA Ti 'og tu mnan/ /spyan gsum zhal bzhi mgrin pa bzhi/ /mkha' ltar sngo skya ser dang dmar/ /steng gi zhal ni ljang gu ste/ /rdo rje dril bus snyoms 'jug cing/ /phag mo dang ni gnyis med dga' / /chos kyi 'khor lo 'khar gsil sno/ /mdung dang zhags pa
- 110a
lcags kyu'i phyag /de bzhin mgo dang rde chung ste/ /phyag gnyis na ni chos gos so/ /mi lpags snam bu gnyis kyis 'phyar/ /phag mo mdog dmar gcer bu la/ /spyan gsum skra ni grol ba ste/ /rgyan rnams thams cad rab 'bar ba/ /g.yon pas ro yi lhung bzed de/ /g.yas pa rde chung chos dbyangs sgrogs/ /byin pa gnyis ni mnyam 'khyud cing/ /snying rje dga' ba'i bde ba che/ /shar la sogs pa'i 'dab ma la/ /rngon pa dang gdol pa ni/ /btso blag mkhan dang puk+ka si/ /shan pa ma dang ri khrod ma/ /de bzhin nya pa sA ba ri/ ser dang sngo dmar dud kha dang/ /skya bo dang ni dmar dang ljang/ /de bzhin brgyad pa dkar po ste/ /lugs su 'byung dang lugs las bzlog /gzhan dang zhi dang snying rje dang/ /sgeg dang ngam dang mi sdug pa/ /drag shul khro bo'i nyams dang ldan/ /sgo bzhir khro mo dgod par bya/ /he ru ka yi rang snang ba/ /rdo rje gtum mo rdo rje'o/ /srin mo rdo rje 'jigs byed ma'i/ /drag shul gdul dka' kun gsol ma/ /thal ba'i mdog dang ljang gu dang/ /dmar dang sngo ba drag shul 'jigs/ /lhung bzed dang ni 'khar gsil g.yon/ /chos kyi 'khor lo rde chung g.yas/ /phrag pa'i steng na chos gos 'phyar/ /kun kyang zhal gcig phyag bzhi pa/ /rgyan rnams kun gyis rnam par klubs/ /ro steng phyed krung gar gyis ni/ /bzhugs shing skra grol gcer bu'o/ /bsod snyoms pa dang chos gos gsum/ /phyis mi len dang cog pu pa/ /stan gcig pa dang bla khab med// shing drung pa dang dgon pas/ /dur khrod pa dang phyag dar khrod/ /phyid pa can dang bzhi ji bzhin/ /sbyangs pa'i yon tan bcu gnyis po/ /de rnams rnam dag rnal 'byor pa/ /gsung rab yan lag bcu gnyis pa'i/ /chos kyi 'dul ba'i tshul khrims kyis/ /rab tu mgu zhing snying rje che/ /dga' ba'i rab tu mdzes pa'o/ /de rnams dang lhan cig spyod cing rjes su 'jug pa rnams dang bcas pa des yid dga' zhing/ rdo rje byin gyis brlab pa byas nas/ /phyag rgya chen po'i bde bas bzlas pa bya ste/ /oM sh+rI mahA su kha badzra he he ru ru kaM hUM hUM phaT phaT swAhA//
- 110b
dam tshig bzas la longs spyod cing/ sangs rgyas kyi spyod pa dang/ brtul zhugs b+hu su ku'i spyod pa'i rim pa 'dis spyad par bya'o/ /de la rim pa ni 'di yin te b+hu zhes bya ba ni za ba ste/ de tsam 'ba' zhig rjes su dran zhing 'du 'dzi thams cad yongs su spangs nas/ /dka' thub dang bsnyen ? la sogs pa cung zad tsam yang bsam par mi bya'o/ /su zhes bya ba ni gnyid log pa ma rig pas nye bar mtshon pa 'di dag rnam par shes pa tsam du mngon du byas la dge ba'i rnam par bsnyen pa'o/ /de ci zhe na slar yang 'jug par bya ste/ rang bzhin gyis 'od gsal gnyid du mngon du byas te/ rang bzhin gyis dri ma med pa'i phyir ro/ /ku zhes bya ba ni bshad par 'gro ba ste/ bshang gci tsam zhig 'dor bar byed pa'o/ /des de tsam zhig rjes su bsams nas 'du 'ji yongs su spangs nas/ /lus dang tshor ba dang yul dang dbang po'i rang bzhin par bsam par mi bya'o/ /yul dang yul du zhes bya ba la sogs pa la/ ngal na phyi rol song nas pho nya'i mtshan nyid nye bar dpyad nas sangs rgyas kyi brtul zhugs la 'jug par bya'o/ /pho nya mo rnams legs 'dres pas/ /phyag rgya chen po'i go 'phang gis/ /bla med mchog gi byang chub ni/ /'bad pa med par thob par 'gyur/ /myur ba nyid du zhes bya ba ni/ 'od gsal ye shes dag par 'gyur/ /rtag tu rnal 'byor pa mtshan bya/ /bsam gtan 'byor pa 'di yis ni/ /sems kyi rin chen rtag 'gyur na/ /byin gyis rlob par byed 'gyur te/ /sangs rgyas byang chub rab tu gnas/ /lo grangs bcu drug bzung bya ste/ /rgyan rnams kun gyis rnam par klubs/ /bzhin bzangs ma ni mig yangs ma/ /rnyed nas rig pa'i brtul zhugs spyad/ /brtul zhugs chen pos dus bzhir ni/ /gsang ba'i mchod pa rtag tu bya/ /zla ba drug gis de dag kun/ /'grub 'gyur 'di ni gdon mi za/ /zas la rtag tu spyad par bya/ /zhes bya ba la/ phyag rgya che la zhugs pa ni/ /de ni bza' ba kun 'dus yin/ /rigs kun la ni kun spyod yin/ /rigs gcig nyid du brtag par bya/ /ji ltar me
- 111a
yis gser bsregs bzhin/ /de bzhin sngags kyis kha zas bsgrub /oM sarba badzra kA mi Ni sarba b+hak+Sha sho d+ha ya gu dya badzri Ni hUM swAhA/ mi 'chi bcu phyed mar dang ni/ /sbrang rtsir lhan cig ldan byas la/ /'thungs na sman gyi dam pa ste/ /rga dang 'chi ba ring du spong/ /gzhon zhing nad med dpal dang ldan/ /gzugs bzangs 'dod lha 'gro ba'i bdag/ de nyid dbyer med de yi ni/ /pho nya mo gnyis bsgrub pa la/ /zhes bya ba ni dbang bskur ba'i don du rgyan thams cad yongs su rdzogs pa'i phyag rgya gnyis phun sum tshogs par bya ste/ gcig ni gsang ba sbyin pa'i don du'o/ /gnyis pa ni shes rab ye shes kyi don du ste/ 'di ltar de bzhin gshegs pa'i dbugs dbyung ba dang/ gnyis pa rdo rje 'dzin pa chen po'i dbugs dbyung ba'i rjes su gnang ba byin la/ de'i rjes su pho nya gcig pu sbyin te/ slob ma bdag nyid chen po nyid kyis brtul zhugs gzugs kyi phyag rgya chen po'i don bsgrub par bya'o/ /'di ltar de bzhin gshegs pa thams cad kyi gsang chen dam pa yang dag par sbyin pa gsang ba'i gnas las byung ba'i man ngag gi rim pas dbang bskur ba thob pa gsang ba 'di ston pa ni rnal 'byor ma rnams kyis yang dag par gsungs pa'i ye shes yang dag par rdzogs lus skyes zhes bya ba ji snyed pa'i sangs rgyas thams cad kyis phyag bya bar 'os pa'o zhes bya'o/ /nang par sngar langs zhes bya ba ni 'od gsal bar gyur pa las so/ /nying lag gis ni bstan bcos rnams/ /lus la gnas pa kun tu spyad/ /ces bya ba la yan lag shin tu dman pas na nying lag ste/ byang chub kyi sems la sogs pa'i bdud rtsi lnga 'o/ /bgegs thams cad bsal bar bya ba'i phyir ro/ /kun tu spyod pa dang bsod nams ye shes 'phel bar bya ba'i phyir ro/ /bstan bcos rnams ni rnal 'byor gyi bstan bcos kyi mtshan nyid yin la kun tu spyod pa rnams ni kun spyod do/ dag byed byas pa lus dang ni/ /zhes bya ba ni lha'i rnal 'byor bsgom pas so/ /de yang rim pa 'dis bdag
- 111b
nyid bsam par bya ste/ gzugs dang tshor ba dang 'du shes dang 'du byed dang rnam par shes pa nyid ni/ b+h+ruM aM h+rI:ho(rgyud 'grel): hUM zhes bya bas rnam par snang mdzad dang/ rin chen 'byung ldan dang/ 'od dpag tu med pa dang/ don yod grub pa dang/ mi bskyod pa'o/ /de bzhin gshegs pa thams cad nyid du gyur pa ni dpal he ru ka ste hi yis so/ /mig dang rna ba dang sna dang lce dang lus dang yid ni/ oM hUM traM aM/ baM haM gis gti mug dang zhe sdang dang ser sna dang 'dod chags dang phrag dog dang dbang phyug rdo rje'o/ /dza hUM baM h+ro(rgyud 'grel): khaM raM/ gis gzugs rdo rje la sogs ba'o/ /lAM mAM hAM tAM khAM gis ni sa dang chu dang/ me dang rlung dang/ nam mkha' rnams/ spyan ma dang/ mA ma kI dang/ gos dkar mo dang/ sgrol ma dang rdo rje phag mo rnams so/ /oM A:hUM hUM gis sku dang gsung dang thugs dang ye shes sems dpa' rnams so/ /chos kyi 'khor lo pad+ma 'dab ma brgyad pa la b+h+ruM aM h+ri khaM hUM A a'i a'u e'o/ /longs spyod pad+ma 'dab ma bcu drug pa la/ oM A a'i a'u e ste dbyangs yig lnga'o/ /bde ba chen po pad+ma 'dab ma sum cu rtsa gnyis pa la haM ngo/ /sprul pa'i 'khor lo 'dab ma drug cu rtsa bzhi pa la ni a ka tsa Ta ta ba ya sha ste sde tshan brgyad kyis brgyan pa'o/ g.yon dang g.yas pa dang/ yi ge ka la sogs pa dbus su sbyar bar bya'o/ /pu dza o a go rA de mA kA o tri ko kA la ka hi/ bre gri sau su na si ma ku dang/ baM pra maM tsaM kaM praM biM maM suM biM/ oM khaM baM laM maM druM aM oM baM maM maM baM baM/ suM suM shaM/ baM suM maM haM/ baM khaM maM tsaM raM khaM haM/ saM aM tsaM sh+ra suM baM maM/ nai tsaM baM maM/ mgo bo dang spyi gtsug dang/ rna ba g.yas pa dang/ rgyab logs dang/ rna ba g.yon pa dang/ smin ma'i dbus dang/ mig gnyis dang/ dbung ba'i rtsa ba gnyis dang/ mchan khung dag dang/ nu ma gnyis dang/ lte ba dang/ sna rtse dang/ kha dang mgrin pa dang/ snying ga dang/ chu so dang/ mtshan dang/ bshang ba'i lam dang/ brla gnyis dang/ byin pa gnyis dang/ ser mo rnams dang/ rkang pa'i khol dang/ mthe bo gnyis dang pus mo ru'o/ /sen
- 112a
mo dang so ni rab gtum ma'o/ /skra dang spu ni gtum pa'i mig go /pags pa dang dri ma la ni 'od ldan ma'o/ /sha la ni sna chen ma'o/ /rgyus pa la ni dpa' bo'i blo ma'o/ /rus pa la ni mi'u thung ma'o/ /mchin pa la ni lang ka'i dbang phyug ma'o/ /snying la ni ljon 'khril ma'o/ /mig gnyis la ni sa srungs ma'o/ /mkhris pa la ni 'jigs byed chen mo'o/ /glo ba la ni rlung gi shugs ma'o/ /gyu ma la ni chang 'thung ma'o/ /gnyem la ni lha mo sngo bsangs ma'o/ /lto ba la ni shin tu bzang mo'o/ /chus so la ni ta na mo'o/ /'doms par la ni bya'i gdong pa can no/ /bad kan la ni 'khor lo'i shugs can ma'o/ /rnag la ni dum skyes ma'o/ /khrag la ni glang sna ma'o/ /rdul la ni 'khor lo'i go cha ma'o/ /tshil la ni rab tu dpa' mo'o/ /mchi ma la ni stobs chen ma'o/ /mchil ma la ni 'khor lo sgyur ma'o/ /snabs la ni brtson 'grus chen mo ste/ de ltar mkha' 'gro ma thams cad kyi rang bzhin chos kyi dbyings su rab tu grags pa'o/ /bstan bcos ci gsungs dor mi bya/ /zhes bya ba la/ bdud rtsi rnams ni sman gyi mchog /mi bskyod pa sten pas rnal 'byor pa/ nad rnams thams cad 'joms par 'gyur/ /rtag pa yi ni gzi che zhing/ /'od dpag med pas stobs che la/ /rdo rje nyi mas rgas pa med/ /gang phyir don yod rgyal po che/ /sems can kun lus las byung ba/ /don kun bsgrub pa dpal dang ldan/ /sbyor ba de yis mnyam nyid 'gyur/ /mi bskyod 'thung ba'i rnal 'byor pa/ /stong phrag sngar ni 'tsho bar 'gyur/ /rtag pas khri phrag rab tu gsungs/ /bye bar don yod rdo rje can/ /'od dpag med kyis tshe mdza' med/ /rdo rje nyi mas rgas pa med/ /'khor ba bsgrub pa'i rtsa ba gnyis/ /'di yis brten byed rnal 'byor pa/ /kun tu bzang po dang mnyam 'gyur/ /dag par byas pa'i lus kyis ni/ /rtag tu sngags ni brjod par bya/ zhes bya ba ni/ oM A nA nA sa ma ya shud+d+ha(rgyud 'grel): sarba d+harma nA nA sa ma ya shud+d+honyahaM/ oM swA b+hA ba shud+d+ha(rgyud 'grel): sarba d+harmA(rgyud 'grel): swa b+hA ba shud+d+honyahaM/ oM shU n+ya trA dz+nyA na badzra swa stwA ba At+ma
- 112b
so haM/ zhes pa'o/ /rnal 'byor gnas rnams nges bstan zhing/ /zhes bya ba ni rang gi dbang bskur ba'i rdo rje can la'o mtshon cha rnams ni bgom mi bya/ zhes bya ba ni dam tshig yongs su bskyang ba ste/ de nyid ni de bzhin gshegs pa'i mchod pa chen po'o/ /dam tshig can gyis khro mi bya/ /zhes bya ba ni dag pa'i lam la legs par gnas pa rnams la'o/ /mngon par brtson las 'da' mi bya/ /zhes bya ba ni/ 'khor lo sdom par dbang bskur ba'i bla ma dang slob ma gnyis la brnyas pa mi bya ba ste/ gang gi phyir pho nya mo'i bka' thob pa'i phyir/ byang chub tu sems bskyed nas bsod nams kyi tshogs bskal pa du mar bsags pa yang de'i mod la 'joms par 'gyur ro/ /de'i don zhes bya ba ni bdud rtsi lnga'i don du'o/ /mtshan mo zhes bya ba ni phyag rgya'i mchod pa bya ba'o/ /gnag dang zhes bya ba ni he ru ka'i gzugs su'o/ /dmar zhes bya ba ni rdo rje phag mor ro/ /'gul to zhes bya ba ni gsal lo/ /bde ba 'dod pas bde bskyong bya zhes bya ba ni ji ltar thos par bde ba ste/ bde ba de nyid kyi rang bzhin gyis phyogs bcur gsal bar byed pa ni/ 'di lta bu'i ye shes kyi bdag nyid kyi mar me snang ba shin tu chags pa'i dga' ba dang ldan pa'i rnal 'byor pas lhan cig skyes pa'i snying rje chen po la spyad par bya'o/ /rigs dang rigs min zhes bya ba la dkyil 'khor la sogs pa'i cho ga dang/ bslab pa'i dang po'i las can sems can la/ /snying rje'i rgyu yis gzung bar bya/ /bsgom pa yis ni bar chad can/ /srid pa'i 'chid dang ldan pa bzhin/ /rmongs pa'i mchog tu gyur pa nyid/ /de bas 'ching ba spangs gyur na/ /tshe 'di nyid la grub par 'gyur/ /don de nyid kyis na ji ltar 'dod pa bzhin du bya/ zhes pa'o de la/ zhal bzhir gsungs pa gang yin pa/ /dga' ba bzhi yi rang bzhin gsungs/ /dga' kun rdzogs pa'i byang chub gcig /stong pa'i rang bzhin nyid kyi phyir/ zhal gcig tu ni rab tu grags/ /
- 113a
spyan gsum srid pa gsum du shar/ /thog mdza' med pa'i chos rnams ni/ /bems po'i rang bzhin las bzlog pa/ /ral pa'i don du rab tu gsungs/ /sna tshogs sems can don mdzad pas/ /sna tshogs rdo rjes mtshan pa yin/ /zla ba byang chub sems 'gyur ba/ /bde chen rang bzhin 'od gsal ba'o/ /srid pa'i yan lag bcu gnyis phyir/ /bcu gnyis phyag dang mngon du ldan/ /yul rnams dang ni dbang po rnams/ /gnyis med rnam pa'i spyod yul gyis/ /phyag rnams mtshan mas mtshan pa yin/ /byang chub sems ni rdo rjer gyur/ /shes rab dril bu rab tu brjod/ /sku gsum dag phyir mdung rtse gsum/ /glang po gti mug dral ba ste/ /dgra sta zhe sdang gcod byed pa/ /lus ngag sems las yang dag byung/ /zhags pas nyes pa 'ching pa ste/ /lus can ma lus mi mthun phyogs/ /sems can don byed rtsom pas na/ /zangs gri shin du rno ba'o/ /mgo bo tshangs pa'i rang bzhin gyis/ /kha TwAM stong pa'i rnam pa ste/ /cang te'u thabs rnam dag pa'o/ /rtag tu dga' ba'i rang bzhin gyis/ /chos kyi dbyangs sgra hUM mdzad pa'o/ /thod pa nam mkha' i dkyil 'khor te/ /snying rje ro yis yongs bkang ba'o/ /gsol ba dngos grub rgyu yin no/ /mche ba bzhi ni mngon gyur pa/ /bdud bzhi 'joms par mdzad pa'o/ /'od zer 'khrigs pas 'khrug ldan pa'i/ /rtag tu tshes kyi phreng ba gnyis/ /snying rje ro yis yongs bshad bas/ /ha har bzhad pas gsal mdzad zhal/ /nyon mongs bdud bzhi bdag nyid pas/ /mgo bo'i do shal gyis brgyan byas/ /stong nyid dag pa'i sdig mdzub bo/ /'od zer pa nya gtsang sbra dang po yin/ zhes bya ba ni/ rgyal ba thams cad bde ba'i rin chen gyis 'byung gnas phyir ro/ /zhi ba ni bdud rtsi dang chang ngo/ /zas gcig bu ni za ba nyid/ ces bya ba ni gang gi phyir rigs du ma nyid rigs gcig pas na dbye ba mi skye ba de ltar bya'o/ /gtsang sbra 'di ni yang spyad bya zhes bya ba ni go sla'o/ /rnam dag
- 113b
bdag nyid ye shes kyis/ /ma rnams kyang ni thob par 'gyur/ /zhes bya ba ni phyag rgya chen po'i dngos grub bo/ /gang yang kha cig brtson 'grus go 'phang dman pas thob par ma gyur na yang/ sprul bzhin du lus 'di yongs su btang nas gtsang ma'i gnas la sogs par de bzhin gshegs pa lta bur 'ching ba las grol bar 'gyur ro/ /yang na mi'i 'jig rten du skyes nas ni/ /chos ldan rgyal por 'gyur zhes pa ste/ bsod nams dang ye shes kyi tshogs rang bzhin las byung bas byang chub kyi sems rdo rje dang 'dra bar sems can thams cad nye bar 'tsho zhing sems can skyob pa'i sems kyis smon lam btab pas skye ba dang skye bar bde bar gshegs pa'i rigs su skye skye ste/ dpal dang ldan pa'i shAkya'i mgon pos/ ji ltar gsungs pa bzhin du 'gyur ro/ /de bas na bca' ba dang btung ba la sogs ldan/ /bdag nyid sangs rgyas kun sogs mchod/ /ces pa'o/ /rang 'dod pa yi las rnams la/ /dad pas gtor ma sbyin par bya/ /zhes bya ba ni zhi ba dang rgyas pa la sogs pa rnams la'o/ /mar ngo zhes bya ba la sogs pa ni/ sgra ji bzhin pa'o/ /mdzub mo mdung byas gung mo nges par spyad/ /mthe bong rdo rje brtan par yang dag bsdam/ /'di ni dpral ba'i dbus su rab bzhag nas/ /bskor zhing bskor bas kun tu bskor bar bya/ /sngags 'di brjod par byas la/ /oM a ra l+le to(rgyud 'grel): dza hUM baM ho(rgyud 'grel): badzra DA ki ni sa ma ya stwaM dri sh+ya ho(rgyud 'grel): de ltar lan gsum bzhir brjod do/ /gcer bu spyi gtsug grol 'gyur bas/ /sgrub pos gnas ni mthon po ru/ /lho phyogs kha bltas bzhag nas ni/ /mtshan mo phyed na gtor ma byin/ /mthon po'i gnas zhes bya ba ni/ /ri'i rgyal po lhun po'i steng du lha yi dkyil 'khor chen po'i sbyor bas/ /'byung po thams cad pa'i gtor ma sbyin pa ste/ gru bzhi pa la sgo bzhi pa/ /rta babs bzhis ni rnam par brgyan/ /rim pa lnga yi dbus su ni/ /sna tshogs pad+ma nyid kyi la la/ /rdo rje sems dpa' yongs gyur las/ /bdag nyid he ru kar bsgo
- 114a
bya/ /rtag dang chad pa'i rnam rtog gis/ /'jigs byed dus mtshan 'og tu byas/ /g.yas brkyang zhabs kyi sbyor ba yis/ /bdud rnams thams cad rab 'joms pa/ /sku mdog sngo zhing drag chen po/ /'jig dus me ltar drag shul che/ /spyan gsum 'jigs shing rngam pa ste/ /rgod pa'i phreng ba'i dbu rgyan can/ /sangs rgyas lnga yis byin gyis brlabs/ /sna tshogs rdo rjes ral pa bcings/ /byang chub zla bas nye bar mdzes/ /phyag rgya drug gis sku brgyan byas/ /mtshan rnams kun gyis mtshan pa ste/ /zhes drug pa la bcu drug phyag /dpa' ba mi sdug sgeg pa dang/ /bzhad dang drag shul ljags 'gril zhal/ /sngo dang ser dang de bzhin dmar/ /ljang gu dang ni dkar po nyid/ /steng gi zhal ni cher drag cing/ /nam mkha' i cha la longs spyod pa/ /ha har bzhad dang hUM hUM mdzad /hi hi zhes pas 'jigs mdzad pa/ /hUM hUM mdzad bcas phaT mdzad pa/ /yi ge oM oM zhes brjod cing/ /rdo rje dril bus snyoms 'jug pa/ lha yi nu ma 'tshir mdzad pa/ /dus mdza' i drag po 'jigs pa yi/ /pags pa na bza' bsnams shing 'dzin/ /thod pa kha TwAM mdung rtse gsum/ /zangs gri dang ni dgra sta dang/ /lcags kyu zhags pa mgo dang ni/ /cang te'u de bzhin mdung thung ni/ /gnyis kyis dra ba'i phyag rgya ni/ /dpral ba'i steng du legs gnas pa'i/ /phag mo'i mdog dang phyag la sogs pa yang de dang 'dra ba ste/ 'on kyang pags pa'i gos spangs shing/ /mda' gzhu 'dzin pa'i lha mo phyag /lha mo'i skra grol gcer bu la/ /dum bus mtshan pa'i ska rags can/ /byin pa gnyis ni mnyam 'khyud nas/ /snying rjes chags pa'i bde ba can/ /'gro drug srid pa yang dag spyod/ /sems can don la brtson par mdzad/ /'dab mar pho nya ba'i kho na/ /sa la sogs pa'i rang bzhin can/ /mkha' 'gro ma la sogs pa ste/ /sngo dang ser dang dmar dang ljang/ /zhal gcig pa la phyag bzhi pa/ /spyan
- 114b
gsum gcer bu skra grol ba/ /brang gi nu ma rab rgyas shing/ /sgeg bcas rnam par bzhad pa'i zhal/ /phyag rgya lnga yis rnam par brgyan/ /g.yon pas lcags kyu zhags pa dang/ /lcags sgrog dang 'bebs pa yi phyag/ dgug pa dang ni gzhug pa dang/ /bcing dang mchog tu mnyes byed pa'o/ /gzhan gyi gri dang thod pa dang/ /kha TwAM ga dang cang te'u 'dzin/ /g.yas brkyang zhabs kyis legs par bzhugs/ /snying rjes chags pa'i myos ldan yang/ /'khrul pa thams cad rnam par spangs/ /mtshams su bum pa dang thod pa/ /bza' ba kun gyis yongs bkang ba/ /steng du thod pa byang chub kyi/ /'o mas yongs su bkang pa'o/ /lus ngag yid gsum byin brlabs shing/ /ye shes sems dpa' i go cha gnyis/ /pu la sogs pa yang dag sbyar/ /dbang bskur nas ni mchod bya ste/ /bka' bzhin du ni bstod byas la/ /shing gcig dang ni dur khrod la sogs pa'i gnas su ni/ ji ltar gsungs pa'i sngags kyi rjes su 'brangs nas/ 'jig rten pa thams cad dang/ 'jig rten las 'das pa'i lha'i tshogs kyis yongs su bskor ba'i zhing skyong la sogs pa dgod par bya ste/ de la rim pa 'di yin te/ /phag mo dang ni dge ma gnyis/ /gzhon nu ma dang tsa muN+Di/ /tshangs pa dang ni tshogs bdag ma/ /khyab 'jug dbang po brgyad par bshad/ /rim pa gnyis pa'i'o/ /rim pa gsum pa la ni/ dbang po gshin rje chu lha dang/ gnod sbyin yi dags gtso mo dang// sreg byed srin po rlung gi lha/ /rim pa bzhi ba la ni/ nyi ma zla ba mig dmar dang/ /gza' lhag dang ni phur bu dang/ /pa bsangs dang spen pa dang/ /sgra gcan 'dzin dang rgyal mtshan no/ /rim pa lnga pa la ni/ tshangs pa khyab 'jug de bzhin drag /skem byed nyid ni sgo bzhir ro/ /rim pa gnyis pa'i shar phyogs su/ /h+rI:yig las byung lha mo ni/ /phag mo zhes bya phyag bzhi pa/ mda' dang gzhu dang de bzhin du/ /rgyal mtshan dang ni thod pa nyid/ /mdog sngon drag mo chen mo ste/ /phag gi gdong can 'jigs byed de?/ /byang du
- 115a
pheM gis dge ma ni/ /mdog dmar dgra mo chen mo ste/ /thod pa nyid dang lcags kyu dang/ /kha TwAM cang te'u de bzhin no/ /nub tu hi yis gzhon nu ma/ /mdog ser ba la phyag bzhi na/ /mdung rtse gsum dang ba dan gsum/ /gzhu dang mda' ni de bzhin no/ /lho ru hi yis tsA muN+Di/ /mdog sngo ba la phyag bzhin/ /kha TwAM nyid dang thod pa dang/ /de bzhin ral gri cang te'u'o/ /me mtshams baM gyis tshangs pa ni/ /sku mdog dkar mo phyag bzhi na/ /tshangs pa'i sku dang thor ba nyid/ /gzhu dang mda' ni de bzhin no// srin bor gaM gis tshogs bdag ma/ /mdog ljang ma la phyag bzhi na/ /mdung rtse gsum dang thod pa'i phyag /bgrang phreng dang ni la du'o/ /rlung du baM gyis khyab 'jug ma/ /mdog sngon ma la phyag bzhi na/ /chang dang chu yi thod pa dang/ /zhags pa kha TwAM de bzhin gzhan/ /dbang ldan i yig las byung ma/ /dbang mo mdog ser phyag bzhin/ /rdo rje mdung thung thod pa dang/ /sdigs mdzub dang ni zhags pa nyid/ /lha mo thams cad gyen skra 'bar/ /sna tshogs rgyan gyis rnam par klubs/ /mi ro'i stan bzhugs spyan gsum ma// stag gis pags pas rked pa dkris/ /rim pa gsum par dbang ldan yaM gis gnod sbyin ni/ /khyu mchog stan la bzhugs pa ste/ /mdog dkar pa la phyag bzhi na/ /thod pa dang ni mdung rtse gsum/ /thal mo sbyar la gzhol ba'o/ /shar du i skyes brgya byin ni// glang po'i stan la bzhugs pa ste/ /mdog ser phyag ni bzhi pa la/ /rdo rje dang ni thod pa'i phyag /phyag gi thal mo sbyar bar mdzad/ /me mtshams baM gyis drang srong ni/ /mdog dmar phyag bzhir skyes zhon/ /me thab dang ni thod pa dang/ /skrag pas thal mo sbyor la brtson/ /lho ru yaM gis nyi ma'i bu/ /mdog sngo phyag bzhi ma he zhon/ /dbyug pa thod pa bsnams pa dang/ /skrag pas thal mo sbyar la zhon/ /bden bral raM gis srin po ni/ /mdog ljang phyag bzhi mi ro zhon/ /ral gri dang ni thod pa thags/ /skrag pas thal mo
- 115b
sbyar la brtson/ /nub tu baM gyis chu yi bdag /mdog dkar phyag bzhi chu srin stan/ /zhags pa dang ni thod pa thogs/ /skrag pas thal mo sbyor la gzhol/ /rlung mtshams yaM gis rlung gi bdag dang kha phyag bzhi ri dags zhon/ /ba dan dang ni thod pa nyid/ /de bzhin thal mo sbyor pa brtson/ /byang du kuM gis ku be ra/ /mdog ser phyag bzhi bum par bzhugs/ /rin po che dang thod pa 'dzin/ /thal mo sbyar la gzhol bar mdzad/ /rim pa bzhi ba la ni/ shar du nyi ma mdog dmar ba/ /phyag gnyis kyis ni pad+ma 'dzin/ /thal mo sbyor la brtson par mdzad/ /rta bdun ldan pa'i shing rta zhon/ /me mtshams saM gis pa bsangs/ /kha dog dkar bo 'bar ba ste/ /g.yon pa pad steng me nor bu/ /g.yas pa de bzhin thod pa ste/ /thal sbyar ba la ra skyes zhon/ /lho ru oM gis mig dmar ni/ /mdog dmar ro yi gdan la gnas/ /ral gri dang ni zhags pa 'dzin/ /thal mo sbyor la gzhol bar byed/ /srin por raM gis sgra gcan 'dzin/ /g.yas pa nyi ma g.yon zla ba/ /dung kha thal mo sbyar byas la/ /lus phyed rang gi bstan la gnas/ /nub tu saM gis spen ba sngo/ /phyag gnyis thod pa thogs pa dang/ thal mo sbyar ba byas pa'i phyag /me yi thab kyi steng du ni/ /me bzhin 'bar bas gnas pa'o/ /rlung du shaM gis zla ba dkar/ /g.yon du pad+ma zla nor bu/ /g.yas pa pad+ma'i steng du zla/ /thal mo sbyar byas ngang pa zhon/ / byang du baM gis phur bu ser/ /g.yon du ril ba spyi blugs te/ /g.yas su de bzhin thod pa'o/ /thal sbyar rin chen stan la gnas/ /dbang ldan buM gyis gza' lag dkar/ /g.yas pa na ni rin chen mda'/ /g.yon pa na ni thod pa'o/ /thal sbyar bum pa'i stan la gnas/ /kaM gis rgyal mtshan sprul gzugs dmar/ /phyag gnyis ral gri thal sbyar ba/ /de bzhin rgyu skar rnams bud med kyis gzugs can te/ tha skar ni dkar ba'o/ /bra nye ni ljang gu'o/ /smin drug ni sngo bsangs so/ /snar ma ni dmar skya'o/ /mgo ni sngon
- 116a
po'o/ /lag ni ser po'o/ /na bso ni ser po'o/ /rgyal ni sngo bsangs so/ /skag ni dkar po'o/ /mchu ni ser po'o/ /gre ni ljang ser ro/ /dbo ni ljang gu'o/ /mi bzhi ni dkar po'o/ /nag pa ni ljang gu'o/ /sa ri ni ser po'o/ /sa ga ni sngon po'o// lha mtshams ni sngo bsangs so/ /snron ni ser po'o/ /snabs ni ljang gu 'o/ /chu stod ni sngon po'o/ /chu smad ni dkar po'o/ /gro bzhin ni skya bo'o/ /phyi bzhin ni sngo bsangs so/ /mon gru ni sngon po'o/ /mon dre ni ser po'o/ /khrums bstod ni ljang gu'o/ /khrums smad ni ser po'o/ /nam ? ni ser skya'o/ /thams cad ni gser gyi stong g.yogs can la thal mo sbyar bar bsam mo/ /rim pa lnga par ni shar sgor baM las tshangs pa ni mdog dkar zhal bzhi phyag bzhi pa'o/ /thod pa dang ni bgrang phreng dang/ /spyi blugs dang ni pad+ma nyid/ /byang sgor khaM las skyes pa yi/ /khyab 'jug ces bya phyag bzhi pa/ /mdung dang de bzhin 'khor lo dang/ /thod pa nyid dang dbyug pa'o/ /nub tu saM las drag po ni/ /dud pa'i mdog las phyag bzhi pa/ /mdung rtse gsum dang thod pa nyid/ /de bzhin zhags pa bgrang phreng 'dzin/ /lho ru kaM las skem byed ni/ /mdog ser phyag ni bzhi pa la/ /mdung thung dbyug pa thod pa dang/ /de bzhin bgrang phreng 'dzin pa'o/ /de dag kun kyang bu dang bu mo la sogs pa'i 'khor dang bcas shing/ sgeg pa la sogs pa'i nyams dang ldan pa'o/ /yang dkyil 'khor chen po'i de nyid kyi sa'i dbus su/ /shar du ru dra nag po ste/ /byang du ru dra chen po'o/ /nub tu lha sbyin zhes bya ba/ /lho ru de bzhin nag po'o/ /dbang ldan du ni gtsigs pa ste/ /me mtshams su ni mi sdug pa'o/ /bden bral dga' las 'das pa ste/ /rlung mtshams su ni log 'dren no/ /de kun zhal gcig spyan gsum pa/ /phyag bzhi gri dang thod pa dang/ /kha TwAM mdung rtse gsum pa'i phyag /gnag dang ser dang dmar dang ljang/ /mtshams na gnas pa rnams ni/ yid 'phrog pa gzugs gnyis pa'o/ /ru dra nag po'i mdun du
- 116b
ni tsa muN+Di'o/ /g.yon du ni drag mo'o/ /rgyab tu mi sdug ma'o/ /g.yas su dka' bzlog lha mo'o/ /de dag ni mkha' 'gro ma'i mdog can phyag gnyis mchod pa lngas gang ba'i thod pa bsnams pa'o/ /ru dra chen po'i mdun du ni/ /rgyal ma dang rnam rgyal ma dang mi thub ma dang gzhan gyis mi thub ma rnams te/ bca' ba dang btung ba 'dzin pa/ lA ma'i mdog can no/ /nub tu lha byin gyi btsun mo/ nag mo bzang mo dang/ nag mo chen mo dang/ nag mo sbo mo dang rnal 'byor ma rnams te/ khaN+Da ro he'i mdog can phyag na mchod pa lngas bkang ba'o/ /lho ru nag po'i btsun mo dbang mo dang/ zla ba mo dang drag mo dang ldan ma rnams te/ gzugs can ma'i mdog can phyag na bza' btung thogs pa'o/ /dbang ldan du ni gtsigs pa'i btsun mo 'phyang ma dang lha'i dbang phyug ma dang/ dung can ma dang mar me ma rnams te/ tsa muN+Di'i mdog can phyag na bza' btung thogs pa'o/ /me mtshams su ni mi sdug pa'i gzugs dang/ grong khyer du gnas pa'i rnal 'byor ma dang/ drag po'i gzugs can ma dang/ /gzugs chen mo ste/ dbang mo'i mdog can sngon du bstan pa bzhin du phyag na ston mo thogs pa/ bden bral du dga' las 'das pa'i chung ma mche ba'i gzugs dang/ gtsigs ma dang thod pa'i phreng ba can ma gshin rje'i kha TwAM ga 'phyar ba'o/ /nag mo bzang pa'i mdog can bza' ba dang btung ba lag na thogs pa'o/ /rlung du log 'dren gyi chung ma lag na ral gri dang dgra sta ma dang/ lag na rdo rje ma dang/ lag na pad+ma can ma rnams te/ rgyal ma la sogs pa'i mdog can lag na bza' ba dang btung ba la sogs pa thogs pa'o/ /yang shar phyogs kyi rta babs kyi mdun gyi dur khrod du 'jigs byed thod phreng can dang srin po dang/ tshogs kyi dbang phyug dang dril rna ste/ bzhi po de dag chung ma dang bcas shing mkha' 'gro ma'i mdog can no/ /byang gi dur khrod du ni gtum pa'i dbang phyug dang/ dza yig rngam dang rked pa'i ru dra dang/ spom pa'i dbang phyug
- 117a
chung ma dang bcas pa lA ma'i mdog can no/ /nub phyogs kyi dur khrod du/ dmar dang 'dam ka dang pheg dang 'jigs su rung ba rnams chung ma dang bcas pa rnams khaN+Da ro he'i mdog can no/ /lho phyogs kyi dur khrod du ni sku'i dbang phyug dang/ sgra yi chen dang mche ba gtsigs pa/ mda''dzin zhes bya ba rnams chung ma dang bcas pa/ gzugs can ma'i mdog go /de dag thams cad kyang zhal gcig pa phyag bzhi pa kha TwAM ga dang thod pa dang/ mdung rtse gsum pa dang lha mo la 'khyud pa ste/ sngar stan pa'i shing brgyad la yang gnas par yang blta bar bya'o/ /de dag thams cad 'jig rten gsum na grub pa dang rig pa 'dzin pa dang/ lha'i bu mo dang mi la sogs pa rnams kyis phyogs bzhi kun tu mdun du bsngar ba/ yi dags sha za la sogs pa 'du ba/ ki li ki li'i sgra sgrogs par yid kyis blta bar bya zhing/ sgrub pa bo la yang mchog ster bas mngon par phyogs pa/ rang gi ming gi yi ge snying gar dgod cing lus ngag yid gsum/ oM A:hUM dang bcas pas rigs gsum las byung ba'o/ /de nas cho ga bzhin du bsang gtor dang zhabs bsil byin la dam tshig dang mnyam pa'i sbyor bas/ rang gi 'khor lo la kha zas dbul bar bya ste/ phyag 'tshal dang dbus su a dang ldan pa/ yi ge hUM byas sbar ba yis/ /yi ge h+rI:las me dbar ba/ /ji srid bya ba rdzogs par du// rdo rje thal mo gyen kha dbye/ /gsang sngags 'di ni brjod par bya/ /kha kha khA hi la sogs pa'i sngags kyis/ me tog dang bdug pa dang byug pa la sogs pas mchod do/ /de nas sems yang dag par mnyes nas mchog ster bar 'gyur ro/ /gtso bor bcom ldan 'das kyi sku gsung thugs la rnam par gnas par bsam mo/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa bdun pa'i rnam par bshad pa'o// //de nas mchod pa rnam dag
- 117b
bdag /ces bya ba la/ rnam dag ces bya ba ni dngos po thams cad las so so ma yin pa nyid de/ gnyis su med pa'i bde ba chen po'i rang bzhin 'od gsal ba'o/ /de nyid sangs rgyas rnams kyi chos kyi sku'o/ /de las nges par byung ba ni dpa' bo'o/ /zhes bya ba la srid pa dang zhi ba dag pa mi gnas pa'i phyir te/ longs spyod rdzogs pa'i sku'o/ /de yang byang chub sems dpa' rnams kyis rjes su spyod pa ste/ tshogs ma lus pa bsags pa las nges par byung ba'i phyir ro/ /sangs rgyas kyi tshogs spros nas sems can gyi don byed pa'i mtshan nyid ni/ sprul pa'i sku zhes bya ba ste de'i ngo bo nyid kyi bdag nyid kyi bdag nyid mchod par bya ba ni/ rang gi lha yi sbyor ba yis ji ltar sbyor bas so/ /spun dang sdug pa'ang mchod par bya ste/ zhes bya ba ni lhan cig tu mnyan pa dang bsam pa dag pa dang nges par sbyor ba dang gcig tu byas pa'o/ /'ang gi sgras ni rnal 'byor ma nges par gzung ste/ gang gi phyir de rnams ma gtogs par de'i phun sum tshogs par mi 'gyur ro/ /de nyid kyis na nges par gnas zhes bya ba ste/ lha mo dang 'dus pa'i sbyor bas so/ /zhi ba zhes bya ba ni chang ngo/ /yang na zhi ba'i bde ba'o/ /rtag tu shar ba 'od gsal ba/ /snying ga'i pad+mar nges brten nas/ /de 'dra stong pa nyid 'gyur ba/ /sems nyid bsgom par mi bya'o/ /zhes so/ /spun dang bu dang lhan cig tu zhes bya ba la brtse gdung gi byang chub tu sems bskyed pa ma gtogs par bya ste/ sngags dang phyag rgya mchod cing dkyil 'khor dang tshogs kyi 'khor lo bstan pa dang rdo rje'i glu yang thos pas dam tshig la skur zhing slob dpon la smod pa dang/ sems can thams cad sun 'byin par byed pa de'i phyir na rdo rje slob dpon gyi bu dmyal bar 'gro bar 'gyur zhing/ de'i 'dus pa'i sems can gzhan yang byang chub kyi sems dri ma can du 'gyur ro/ /de rnams yongs su gzung ba'i phyir/ zas la spyad par bya ba zhes bya bar sbyar ro/ /'di ni thun mong ngo/ khyad par du ji lta bu zhe na/
- 118a
gang gi phyir snying rje'i dbang gis byang chub tu sems bskyed pa ji lta ba de ltar de rnams la yang bstan par mi bya ste/ dad pa'i dbang gis de rnams kyi byang chub tu sems bskyed pa gzhan nyid du 'gyur ro/ /gsang sngags su la'ang sbyin mi bya/ zhes bya ba ni sems can yongs su ma smin pa rnams la'o/ /spyin par bya zhes bya ba ni/ 'dir dbang bskur ba rnams la'o/ /pho nya zhes bya ba la sogs pa la lam dang 'dra bas lam ste/ byang chub kyi lam mo/ /de yang mdza' yas pa'i nyon mongs pa dang skye ba spyod pa ste/ nyon mongs pa glo bur ba nyid kyi phyir nam mkha' la sprin dang khug rna dang du ba dang/ 'khrul ba tsam zhig gsal bas tshe 'di nyid la rdo rje 'dzin par 'gyur ro/ /de bas na de spangs nas rnal 'byor gzhan la brten par ni/ nyan thos kyi spyod pa dang/ kri ya dang spyod pa'i rgyud la sogs pa rnams su ji skad bshad pa'i dngos grub thams cad 'dod pa de dag rmongs pas dngos grub med cing bde ba med par 'gyur ro/ /rgyal srid shor ba'i skyes bu bzhin dad pa'i nor dang phral phyir ro/ /zhes pa ni zhen pa'i lta bas blta ba'o/ /thar pa ni grol ba ste pho nya la zhen pa nges grol ba'o/ /des na bde ba yis kyang longs spyod bya/ zhes bya ba ste/ bde ba thams cad ni b+ha ga las byung ba ni bdud rtsi nyid du nges pa'i phyir ro/ /bsnyen bkur kho na bya ba min zhes bya ba la bsnyen bkur gyi ni don can min/ / chags pas 'dus pas dga' ba ste/ de phyir 'khyud par rab tu bya/ /rjes su chags dang ldan pas thob/ /gzhan du bde bar mi 'gyur ro/ /skye gnas dman pa zhes bya ba la sogs pa ni rdo rje'i rigs la sogs pa'o/ /'ang gi sgras ni bram ze mchog la sogs pa bsdu ba'o/ de rnams kyang ma dang sring mo la sogs pa ltar shin tu gdung ba'i dbang gis so/ /dka' thub bdag nyid chen po yis/ /gang zhig rtag tu mchong byed pa/ /bshung zhing sman pa'i sems kyis ni/ /dka' thub nges par zad par 'gyur/ /'khor lo de
- 118b
bzhin grub pa yi/ zhes bya ba ni gang gi dam tshig dang sdom pa nyams pa rnams kyi yang phyis blang ba la ni rnal 'byor 'di sbyin par bya'o/ /mkha' 'gro mkha' 'gro rnal 'byor pas/ /dam tshig sdom pa bla na med/ /nam mkha' dbyings kyi dbus gnas par/ /dam tshig dkyil 'khor bla na med/ /de yi dbus su 'khor lo che/ /dkyil 'khor lnga yis brgyan pa ni/ /dbus su nyi stan yi dags la/ /A li kA lir yang dag ldan/ /sum cu rtsa gnyis mtshan 'chang zhing/ /dpe byad bzang po brgyad cus brgyan/ /byin gyis brlabs pa'i tshig byas nas/ yi ge nyi las yang dag byung/ /'jigs dus 'od zer ltar 'jigs pa/ /spyan gsum mche ba gtsigs pa'o/ /ljags 'gril khro dang bcas bzhad zhal/ /lta chen thams cad gsol mdzad pa/ /bskal pa'i me ltar yang dag 'khrug /ral pa'i cod pan gyis brgyan cing/ /'jigs byed pags pas rked pa dkris/ /g.yas brkyang zhabs kyis legs bzhugs pas/ /'jigs byed dus mtshan kun tu mnan/ /dpral bar rdo rje phreng ba dang/ /sna tshogs rdo rje zla phyed brgyan/ /sku la rgya drug rgyan du byas/ /phyag drug zhal ni lnga pa ste/ sna tshogs nyams dang ro mchog ldan/ /sngo dang ser dang de bzhin dmar/ /ljang dang steng dkar zhi ba'o/ /shi ba 'ang gso bar byed pa'i mchog /sdang ba thams cad nges gnas pa'i/ /rdo rje dril bu snyoms zhugs shing/ /phag mo'i sku la yang dag 'khyud/ /sa srungs lpags pa na bza' 'dzin/ /steng du gdugs dkar gzung ba ltar/ /thod ba dang ni kha TwAM 'dzin/ /drug pa na ni cang te'u'o/ /de dang 'dra ba'i phag mo yis/ dbu skra grol zhing gcer pu la/ /mi rus rgyan gyis rnam par klubs/ /'on kyang pags pa'i gos kyi gnas su gri dang tshongs pa'i mgo dgod par bya'o/ /de shar sangs rgyas mkha' 'gro ste/ /de bzhin byang du las mkha' 'gro/ /nub tu chos kyi mkha' 'gro ste/ /lho ru rin chen mkha' 'gro nyid/ /dkar dang sngo dang dmar po dang/ /ljang gu dang steng dmar ser po/ /'khor lo dang dril bu snyoms
- 119a
par 'jug cing phyag gnyis kyis tshangs pa'i pags pa'i gos bsnams pa dang gzhan gyis thod pa dang kha TwAM ga dang cang te'u'o/ /g.yas brkyang bas tshangs pa khyo shugs mnan pa'o/ /yang ljang gu dang ser po dang dmar po dang sngon po dang de bzhin du lnga pa steng ma dkar te/ sna tshogs rdo rje dang dril bu snyoms par 'jug pa/ tshogs kyi bdag po'i pags pa bsnams pa dang/ gzhan gyis thod pa dang kha TwAM ga dang cang te'u bsnams pa'o/ /g.yas brkyang gis gnas pas tshogs kyi bdag po khyo shugs mnan pas 'jigs shing myos pa'o/ /yang dmar po dang sngon po dang ser po dang ljang gu dang steng ma dkar po ste/ pad+ma dang dril bu snyoms par 'jug cing 'dod pa'i lha'i pags pa dral ba bsnams pa dang/ thod pa dang kha TwAM ga dang Da ma ru ste/ g.yas brkyang ba'i gnas pas 'dod pa'i dbang phyug gi khyo shugs mnan pa'o/ /yang ser po dang sngon po dang dmar po dang ljang gu dang de bzhin du steng ma dkar po ste/ rin po che dang dril bu snyoms par 'jug cing/ /dbang po dral ba'i pags pa bsnams pa dang thod pa dang kha TwAM ga dang cang te'u'o/ /g.yas brkyang ba'i gnas pas dbang po khyo shugs mnan pa ste/ kun kyang spyan gsum pa phyag drug pa ral ba'i cod pan dang gyis bcings/ me mtshams dang bden bral dang/ rlung mtshams dang dbang ldan gyi mtshams rnams su ni sangs rgyas kyi mkha' 'gro ma dang/ rdo rje mkha' 'gro ma dang/ pad+ma mkha' 'gro ma dang/ las kyi mkha' 'gro ma rnams te/ dkar po dang sngon po dang dmar po'o/ /yang sngon po dang dkar po dang ser po'o/ /yang dmar po dang sngon po dang ser po'o/ /yang ljang gu dang sngon po dang ser po ste/ kun kyang zhal gsum phyag drug ba/ /spyan gsum gcer bu skra grol ba/ /phyag rgya lnga yis brgyan pa'o/ /nga rgyal bcas shing gar mdzad pa/ /snying rjes chags pa'i dga' dang ldan/ /'khor lo'i mda' dang rdo rje'i mda'/ /pad+ma'i mda' dang rin chen mda'/ /rang gi mtshams nas?
- 119b
mtshan ma'i mda'/ /g.yon pa thams cad na gzhu'o/ /thod pa kha TwAM ga dang Da ma ru'o/ /gzhan gyis zhags pa dang lcags kyu 'dzin pa'o/ /shin tu zlum zhing re mig dgu/ /phyi rol gru bzhi sgo bzhir ldan/ /de la shar sgor ni gzugs mangs so/ /khyad du ni gzugs bzang ngo/ /nub tu rdo rje dpyig pa can no/ /lhor ni rdo rje snang ba'o/ /kun kyang zhal gsum phyag drug pa/ /rgyan rnams kun gyis klubs ba ste/ /sngon bstan sangs rgyas mkha' 'gro sogs/ /rim bzhin mtshan ma thogs ba'o/ /de yi phyi rim yul du yang/ /gru bzhi pa la sgo bzhi pa/ /rta babs bzhi yis brgyan pa dang/ /dar dang me tog gi phreng ba 'phyang ba ste/ de la lha'i snam bu gru bzhi pa'i me'i mtshams la sogs pa'i g.yon skor gyis dgod par bya ba ni rdo rje'i kha dang drag po'i kha dang/ rdo rje phag snam dang/ snyan grags ldan ma dang/ rdo rje pho nya mo dang rdo rje sen mo dang rdo rje gzhon nu ma dang/ rdo rje dung can ma dang rdo rje dri ma dang/ rdo rje nyal ma dang/ dri can ma dang 'jings ma'i zhal dang spyi gtsug zla ba dang khro gnyer ma dang/ sna tshogs kyi gzugs ma dang/ rdo rje lus can ma dang rdo rje sgrog ma dang/ sgyu 'phrul lha mo dang snyan byed ma dang khams pa ma ste/ de ltar lha mo nyi shu'o/ /shar phyogs kyi sgor ni rdo rje 'bar pa ma dang/ byang du ni rdo rje 'khyil ma'o/ /nub tu ni rdo rje 'jigs byed ma/ lhor ni rdo rje grub ma'o/ /de dag ni mkha' 'gro ma'i dkyil 'khor grub pa'o/ /sgo bsrung ba thams cad kyang spyan gsum pa/ zhal rnam par 'gyur ba gsus pa 'phyang ba'o/ /gzhan dag ni sna tshogs kyi gzugs can rol pa mo thams cad phyag rgya lnga 'dzin pa thod pa'i phreng bas brgyan pa zhal gsum pa dpa' bo dang sgeg pa dang snying rje ros gang ba nu ma rgyas shing skal pa dang ldan ma gcer bu skra grol ba snying rje chen pos chags pa'i dga' ba'i dam pa ro'i gdan la bzhugs pas gar byed pa'i mchog ste/ thod pa dang kha TwAM ga dang rde chung
- 120a
gi bdag nyid can/ zhags pa dang lcags kyu can rdo rje gsor zhing dril bu dkrol ba'o/ /de nas sku dang gsung dang thugs byin gyis brlabs la go cha gnyis kyis brgyan nas ye shes kyi 'khor lo de la dgug pa ste/ dbang bskur ba la yang dag par mchod nas/ bstod pa byas la sngags bzlas par bya ste/ oM sh+rI badzra DA ka a hi hUM DA ki ni dzA la sam+ba raM hUM hUM phaT swAhA/ gus pa'i bsam pas rtag tu bzlas par bya ste/ rdo rje mi smra ba'i brtul zhugs chen po spro ba dang bsdu bar bya'o/ /oM sh+rI bud+d+ha DA kaM a b+h+ruM hUM DA kaM ni dzA la sam+ba raM hUM hUM phaT swAhA/ oM sh+rI karma DA ka a khaM hUM DA ki ni dzA la sam+ba raM huM hUM phaT swAhA/ oM sh+rI pad+ma DA ka a d+h+ri hUM DA ki ni dzA la sam+ba raM huM hUM phaT swAhA/ /oM sh+rI ratna DA ka a aM hUM DA ki ni dzA la sam+ba raM huM hUM phaT swAhA/ /oM sh+rI badzra baM ta ri baM huM hUM phaT swAhA/ /de ltar mkha' 'gro ma thams cad kyi bzlas pa'i sngags rab tu bshad pa'o/ /sdom pa 'di rnam par nges par gzung na rdo rje dang mnyam pa'i dngos grub bzang po gdon mi za/ mchog dang tha ma zhes bya ba la sogs pa ni gang yang gzhan dag sngon du grub pa dam tshig can gyis bslab pa'i go 'phang dran par bya ste/ mchog tu ces bya ba ni lhan cig skyes ma'o/ /dbus ma la ni zhing las skyes ma'o/ /tha ma ni sngags skyes ma'o/ /des lhan cig skyes pa de ni rdzas ni rnam par nges pa yin zhes bya ba ste/ rtsar chud pa'i dbang po thams cad las byung ba'i rdzas gang de rnams kyi rkyen gyis rtag tu bskyed pa'i bdud rtsi lnga la sogs pa gnas pa'i thod pa la khrag dang chang du ldan pas/ dkyil 'khor gru gsum byas la steng dang dbus dang 'og rnams su/ /phyogs dang phyogs mtshams ji ltar gsungs/ /de nas kha zas bza' bya ste/ /de nyid gsum ni mngon bsngags la/ /dam tshig mchog ni btung zhing sbyin/ /bla ma rdo rje 'dzin gtso dang/ /rnal 'byor ma tshogs bdag la gson/ /sdom pa ma lus gzung byas nas/ /rtag tu bdag gis bskyed
- 120b
bar bgyi zhes bya'o/ /'jig rten la brten g.yon nas spyod/ /ces bya ba la g.yon pa'i kun tu spyod pa rnams ni bde ba'i 'byung gnas yin pas/ grub pa'i don du rnam par spyod do/ /rnal 'byor chen po 'di nyid bde ba can dang nam mkha' i pho brang dang/ 'jig rten gsum gyi 'gro ba'i bdag po'o/ /gang g.yon pas g.yon pa las skyes pa rnams rgyan la mchog gi don thams cad ster bar nus shing/ /rgyas par byed la bde ba ster bas na g.yon gyis bkur sti bya ste/ rnal 'byor pa thabs thams cad la mkhas bas so/ /gang gi phyir bde mchog gtso bo'i nges pa thams cad g.yon pa las byung ba'i phyir ro/ /phyag rgya chen pos mchod med par/ /gang zhig de bzhin gshegs pa mchod/ /de yis ngal ba don med de/ /'bras bu thob par mi 'gyur ro/ /brtul zhugs ma nyams zhes bya ba la/ brtul zhugs ni dus kyi nges pa dang/ sbyangs pa'i yon tan bcu gnyis la sogs pas bskal pa du mas brgya lam na sangs rgyas pa de dag thams cad zil gyis gnon cing brtul zhugs spong ba ste/ tshe 'di nyid la sangs rgyas thob par byed pa'i phyir ro/ /gang gi phyir sgrub pa po bya ba la brtson pa ni 'jig rten pa'i spyod pa las rnam par grol ba ste/ brtul zhugs brtul zhugs rdzogs pa'o/ /dam tshig ces bya ba la sogs pa la 'dis grangs su bgrangs pas ni rigs te drug dang lnga la sogs par gsungs pa'o/ /lhan cig ces pa ni sngon du bstan pa bzhin no/ /rigs lnga las ni kun spyod pa/ zhes bya ba la rin po che'i rigs mi bskyod pa'i nang du 'dus pas rigs bzhi ru rab tu gtogs so/ /mthar thug pa yang sems kyi bdag po'i rigs su gcig pa'o/ /dkyil 'khor ba rnams der mnyam pa'o/ /rnam par mi rtog kun spyod bya/ /'du 'dzi yongs su 'dzin med cing/ /longs spyod min pa'i zas rnams dang/ /'dod pa'i yon tan rnam pa lnga/ /kha na ma tho med brten bya/ /me la ji ltar
- 121a
bza' ba mnyam spyod yul/ /ji ltar nyi ma'i snang bas mnyam par ston/ /rlung gi ji ltar dri ma mnyam par bsdus/ /rnam rtog rmongs pa'i rgya mtsho rigs spangs la/ dam tshig ma lus kun tu spyad par bya/ /dkyil 'khor gru gsum zhes bya ba la/ /sa phyogs rtsub cing snying po ma yin pa/ gas shing mdog mnag pa la/ rgya sor nyi shu/ zabs su song bcu pa'i thab khung byang du mgo bstan pa byas la las kyi rdo rje dang/ de bzhin du mdung rtse gsum pa dang/ rdo rje tho ba'i mtshan ma rnams rtse mo steng du bltas pas bsad pa'i las la mdung gi rtse mo steng du blta bar bya ste/ phyag mtshan 'dir sor bzhi pa'i tshad du bri bar bya'o/ /de'i steng du sor gsum bor nas/ zheng dang dpangs sor gsum pa'i kha khyer gyis thab khung bskor bar bya'o/ /de nas sa nag po nyid dang bong bu dang rnga mo'i rtug pa dang/ mi rus dang 'bras kyi phub ma dang/ sol ba byugs la dri mi zhim pa'i me tog dang bdug pas mchod la/ shing dri mi zhim zhing rtsub pa/ tsher ma can gyi shing dam dur khrod kyi shing ngam/ bong bu dang rnga mo'i rtug pa skam pos bya zhing ni ma pa dang seng ldeng dang tsher ma can nam/ /ba lu ti ka tsher ma can la sogs pa'i shing rnams kyi yaM shing sor bcu pa'i tshad tsam rtsa ba'i cha las byas pa'am/ ro bsregs pa'i rtsib shing gshags pa las byung ba'ang rung ste/ dug dang khrag dang mar khu la bdugs pa bsreg par bya'o/ /yang yungs kar tsha ba'i mar khu dang khrag dang lan tshwa dang ske tshe dang ni ma pa'i 'dab ma'i thal ba dang/ rkang rjes kyi sa dang bong bu dang rnga mo la sogs pa'i rtug pa dang/ skra dang zhag dang bya rog dang 'ug pa'i sgro dang bshang ba dang gci ba dang mi rus kyi phye ma dang spu dang sha la sogs pa re re zhing ji skad rnyed pa'i rdzas dug dang khrag dang smyo byed kyi 'dab ma'i khu bas spangs la/ thal ba dang sol ba dang 'bras kyi phub ma la sogs pas dgra bo'i gzugs brnyan byas la mtshon rnon pos mgo bo
- 121b
nas brtsams te/ lus dum bu dum bur gtubs la/ mngon spyod kyi las la sbyin sreg dbul te/ lcags kyi snod du khrag dang chu dang mi dang bong bu'i gcin la yi ge phan kyi mdza' dang ldan pa'i mngon spyod yi ge bdun pa lan bdun bzlas la/ sreg rdzas la bsang gtor byas la/ dkon mchog gsum la gnod pa rnams dang/ dam tshig las 'da' bar byed pa rnams sbyar bar bya'o/ /de nas gos nag pos brgyan zhing lcags kyi rgyan dang ldan pa khro bo'i sems kyis gshin rje'i phyogs su kha bltas la sngags pas khro bo'i skyil krung gis stan mkhrang po la gnas shing mtshan phyed dang nyin phyed na bsgrub bya rnam par bsams te/ raM gis bskyed pa'i dkyil 'khor du/ yi ge hUM phaT mdza' na yod pa'i 'brug sgra ltar sngags brjod la/ des rab dang 'bring dang tha ma'i sbyin sreg bya'o/ /'dir mngon spyod kyi me ni dur khrod kyi me 'am rus pa las byung ba'am rdo las skyes pa'am gdol pa'i khyim nas byung bas gong ma thab khung du ji ltar bstan pa'i bud shing la rlung g.yab kyis pa ba ka sbar te/ hUM dzwa la dzwa la hUM zhes brjod cing cho ga bzhin du me sbar ro/ /de nas lag pa g.yon pa ku sha dang bcas pa'i mthe bong srin lag gi rtsa bar btsugs la me lha spyan drang bar bya ste/ oM e hye hi ma hA b+hU ta de ba ri Shi dwi dza satwa magra hitwa a du ti A ha ra asmin sin+na hi to b+ha ba zhes bya bas/ me'i phyogs nas spyan drangs te/ byon nas 'bar ba'i snying po'i dbus su khro bo mi bzang ces bya ba'i glog ltar phun sum tshogs pa dang ldan pa ba spu kham pa de bzhin du du ba'i mdog can mig g.yo ba steng du gzigs shing sgra che ba bzhi pa stobs che zhing rlung gi dkyil 'khor la bzhugs pa 'jigs pa'i yi ge hUM gis hUM zhes mdzad pas spyan gsum pa la phyag bzhi pa rdo rje 'od zer gyi gzi brjid che zhing rig pa'i gnas la legs par bzhugs pa/ zhal bdun pa rnam par gtsigs shing ma he'i gdan la bcibs pa'i du ba'i phreng bas
- 122a
'khrug cing 'jigs su rung ba lcags kyi rgyan bzang po dang ldan zhing lcags kyi lugs ma'i zhal can/ 'bar ba'i phreng ba dang bcas shing spyan dmar ser mnyam pa med pas 'jigs par gzigs pa gos sngon po mnabs shing 'jig pa'i me ltar drag po'i 'od kyis 'jig rten gsum po gsal ba/ phyag gnyis kyis mdung dang rdo rje 'dzin pa/ yang gzhan gyis ral gri dang zangs gri 'dzin pa'o/ /de'i g.yas logs su ni nag po khaM ser zhes bya ba/ g.yas gnyis na rdo rje dang gri gug 'dzin pa yan lag nag po'i du ba'i spyan can tshems kyi ma mchu gzung nas 'tshir ba'o/ /g.yon gnyis na khrag gis gang ba'i thod pa dang ral gri 'dzin pas gnas pa 'od zer dmar po mnyam du 'bar ba'o/ /g.yon du ni gshin rje mthar byed/ drag cing char sprin gyi 'od dang mnyam pa zhal drug phyag drug mnga' zhing/ zhal drug la spyan gsum pa rnam par 'gyur zhing/ zhal mche ba rnam par gtsigs pa/ lcags kyi rgyan 'bar ba can/ dur khrod kyi me ltar dpangs mtho ba ma he la zhon pa 'jam dpal gyi snying po las byung bar bya'o/ /me thabs kyi ngos gnyis la ni mthar byed dang nag po gnyis ji lta ba'i rang bzhin can du bsam par bya ste/ ltogs shing za 'dod pa phyag bzhi pa dang drug pa can no/ /yi dags kyi rgyal po ji lta ba de bzhin du drag cing bya ba byed pa'i byin za drag po'i las 'ba' zhig sems pa'o/ /de ltar thams cad ting nge 'dzin gyi stobs las byung ste/ don thams cad bsgrub pa'i sgrub pa pos las dang rjes su mthun pa'i sngags dang phyag rgya sbyor bas yang dag par ldan par byas la/ sku dang gsung dang thugs byin gyis brlab par byas nas cho ga bzhin du mchod yon la sogs pas mchod pa bya ste/ mgo bor mchod yon no/ /rkang pa gnyis la ni zhabs bkru'o/ /oM arg+haM pra tIts+tsha swAhA/ lag pa g.yas pa'i
- 122b
'dzub mo dang/ mthe bong bkab pa lta bur byas pas/ chu blangs te lag pa bskyod pas dbul bar bya'o/ /oM pA dyaM pra tIts+tsha swAhA/ /de nas zhal bsil dang bsang gtor byin la mchod pa bya ste me tog ni mgo la'o/ /bdug pa ni mdun du'o/ /dri ni snying gar ro/ /mar me yang mdun du'o/ /lha bshos kyang de bzhin du mdun du dbul bar bya'o/ /de ltar yang dag par mchod pa dang khyad par du yang yid kyis nan tan du bsams la/ zhal bsil byin te/ so rtsi dbul bar bya'o/ /de la dgang gzar ni yu ba sor bcu drug pa la dkyus sor bzhi pa zabs su sor gnyis pa/ de'i dbus su yang gru gsum pa ste/ rdo rje rtse gsum pa'i phreng bas yongs su bskor ba 'di'i dbus su yang mtshan ma bya ste/ stag dang sprul dang seng ge rnams kyi gdong pa gang 'dod pas mtshan mar bya zhing mar 'dzag pa'i bu ga sor gcig pa'o/ /mchu ni rdo rje gdengs pa 'bar bas byin gyis brlabs pa'i sor tshad tsam mo/ /de bzhin du blugs gzar gyi yu ba ni sor bcu bzhi pa dkyus sor gsum pa/ zabs sor gcig pa gru gsum pa de bzhin du mtshan mas byin gyis brlabs pa'o/ /yu ba'i mthar ni rdo rje rtse gsum gdengs pas byin gyis brlab par mngon spyod kyi gzar bu dgang bar bya ste/ thog gis brgyab pa'i shing ngam lcags sam/ tsher ma rno ba can gyi shing rnams las bya'o/ /'dis ni sangs rgyas dag kyang nges par 'jig ces bya ba'i don no/ /de ltar phyi rol gyi sbyin sreg bshad nas/ /yang nang gi bstan par bya ba'i phyir/ sngags dang phyag rgya yang dag ldan/ /dpa' bo rnams kyis zas de bzhin/ /zhes bya ba gsungs te/ sngon du bstan pa'i rdzas rnams kyis/ /rang gi lhag pa'i lha'i sbyor ba dang ldan pas bya'o/ /nyon mongs thams cad zhi don dang/ /ting nge 'dzin ni rgyas bya'i phyir/ /srid gsum snying po'i thab khung du/ /las rnams thams cad rab bsgrub bya/ /rang bzhin gyis byung lte ba ru/ /gtum mo'i me ni bzang pos brgyan/ /rtsa ba'i rang bzhin he ru ka/ rnal 'byor
- 123a
ba kun dgang bar bya/ /rang bzhin med pa'i sems kyis ni/ /'byung ba kun gyi sreg blugs bya/ /'di ni bla med sbyin sreg tu/ /sangs rgyas kun gyis rab tu gsungs/ /rang gis bdag nyid rang bzhin du/ /phyi yi dngos po shes par bya/ /de ltar yang gsungs pa/ 'od zer phreng bas 'khrigs shing drag /'od kyi dkyil 'khor rab 'bar ba/ /lte ba'i thab khung kun tu gsungs/ /lte ba me yi thab khung nyid/ /bud shing thams cad ye shes mes/ /'byin dang sdud par byed pa yin/ /las kyi rlung gis rab bskyod pas// lte ba'i dkyil du rab tu 'bar/ /dbang po kun las byung ba'i sems/ /bde ba bud shing du ni 'gyur/ /las dang skye ba las byung ba/ /nyon mongs zhi phyir sbyin sreg bya/ /rdzogs pa'i byang chub rim gyis ni/ /'di yis myur du rgyas par 'gyur/ /bskal pa'i me dang rtogs mtshungs shing/ /'od kyi snang bas legs gnas pa/ /rtsa brgyad rnams kyi 'bras bu ni/ /snying ga'i gnas su yang dag 'bar/ /drug cu rtsa bzhi'i 'dab ldan pa'i/ /pad+ma nyid kyi dbus su me/ /de yi dbus su me yi lha/ /mthe bo'i tshigs tshad tsam du blta/ /phyag gnyis me yi mdog can ma/ /lhan cig skyes dga' rab 'bar ba'i/ /nyi ma'i dkyil 'khor mnan nas ni/ /'od zer 'bar bas rab gsal ba/ /dbyibs kun la ni 'bar byed pa/ /thams cad rtsa ru song bar blta/ /lta ba kun gyi bud shing ni/ /'dab ma'i mthar ni yang dag gsungs/ /yid kyi me tog mchod bya zhing/ /yid kyi bdug pas bdugs par bya/ /yid kyi dri ni bde dang ldan/ /yid kyi mar me rab 'bar ba/ /gtor ma 'dus byas gang ba yi/ /yid nyid kyis ni mchod par bya/ /rkyang ma dgang gzar yang dag gsungs/ /ro bcud blugs gzar blugs gzar kha/ /kha yi pad+ma'i 'dab ma ste/ /sor gnyis tshad du rab rgyas pa'o/ /dbyug pa rdo rje rin chen mdza' / /ji srid rang gi rdo rje 'bar/ /thod pa sreg rdzas snod yin te/ thams cad rdzas ni sreg blugs byas/ /de ltar
- 123b
rim pa rab tu brjod/ /rtsa lnga la ni yang dag brten/ /lnga po yang dag sbyar bar bya/ /sa dang chu dang de bzhin me/ /rlung dang nam mkha' mnyam pa'o/ /chu shing me tog lta bu ni/ /lte ba'i dbus su yang dag gnas/ /rtag tu khyab byed gnas pa ste/ /mkhas pas kun tu bskor bar bya/ /'dab brgyad rtag tu bskor bar bya/ /ge sar dang ni ldan par gsungs/ /de'i dbus su rab brtan pa/ /rnam shes lhan cig skyes pa'i lha/ /rlung gis nam mkhar rab tu 'bar/ /de ni rdul phran rnam pa ru/ /mtshan nyid rab tu shes par bya/ /skra rtse brgya mchi yis ni/ /'od zer rgyun mi 'chad par gnas/ /arg+ha byin bya rab 'bar ba'i/ /thig le ri mo yi ge med/ /sngon bzhin mtshan nyid yang dag ldan/ /sor mo lnga dang mnyam ldan pas/ /gang ba'i sbyin sreg rab tu gsungs/ /sreg blugs sbyin sreg sor mo gsum/ /sbyin sreg rim pa'i sbyor ba yis/ /bdud rtsi'i yi ge yang dag ldan/ /bdud rtsi dkyil 'khor dbus su ni/ /mchog gi de nyid yi ge gsum/ /bde chen bdud rtsi dgug pa yis/ /dmigs pa thams cad dga' bar gsungs/ /sbyin sreg gi ni rim pa yis// rgyun tu 'bab cing 'bab 'gyur te/ /nyin dang mtshan du khu ba'i rgyun/ /de bzhin gshegs pa kun bsdus nas/ /der ni sku mchog rab bzhugs pa/ /zhi ba'i sbyin sreg de brjod do/ /rgyas la byang chub sems dpa' mgu/ /gzugs su lhag par mos par bya/ /shin tu nyon mongs zad pa'i phyir/ /khyad par du ni khro bo'i gzugs/ /rnam pa sna tshogs rjes chags pas/ /bud med gzugs ni rnam bsam bya/ /sku gsung thugs la 'debs pa'i phyir/ /bud med phyag rgyar rab tu gsungs/ /gru gsum me yi dkyil 'khor du/ /rang byung gi ni lhag pa'i lha/ /sreg rdzas snod la khyad par du/ /sngags pas las rnams thams cad pa/ /dpa' bos gnyis med snyoms 'jug pa/ /oM a baM hUM/ yi ge gnyis kyi sngags lugs can/ /ha ha sing byas yang dag zlos//
- 124a
khu ba ji ltar 'byung 'gyur ba/ /lhan cig skyes dga' rab tu 'bar/ /me yi dkyil 'khor 'od gsal ba/ /'jig dus me dang stobs mnyam la/ /ma lus pa kun sbyin sreg las/ /lnga phung phyi nas me 'khor te/ /de yi thal ba'ang lus mi 'gyur/ /chos kyi rang bzhin 'gag med pa'i/ /chos nyid dang ni snying rje ches/ /smon lam gyis ni bskyed pa yis/ /sangs rgyas kun dang mnyam par 'gyur/ /bde ba'i byang chub dkyil 'khor ni/ /'di yis rgyas par yang dag 'gyur/ /nyon mongs shin tu zhi don dang// shin tu stong pa rten med pas/ /sprin med nam mkha' ji bzhin du/ /shes rab pha rol phyin gang dang/ /phyag rgya chen po dbang du 'gyur/ /sh+rI he ru ka'i sprul pa zhes bya ba ni/ khams gsum gyi bdag nyid kyi dkyil 'khor ro/ /nyer spyod ces bya ba ni sangs rgyas ji lta ba de bzhin du/ sems can thams cad de gnyis su med pa'i rnam par mtshon pa'o// //bstan bcos thams cad brjod ces bya ba ni/ sangs rgyas kyi de nyid bsdus pa ste/ /dpa' bo'i phyag rgya sbyor ba dang/ /de ltar kha zas nyer bstan pa'i/ /dam tshig bzang po 'di yis ni/ /dngos grub phul du byed pa'o/ /bdag gi med cing yongs gzung med/ /kha na ma tho med lhun grub/ /sna tshogs las byung 'o mar bcas/ /de bzhin gshegs pa thams cad mchod/ /gnyis med ye shes sems kyis ni/ /rgyun tu ces bya ba ni/ bar chad med pa'o/ /de nyid kyis ni sbyor bas rtag tu mchod ces so/ /bgegs med ces pa ni dam tshig spyod pas so/ /de ni phyag rgya chen po'i dngos grub ji lta ba bzhin 'grub pas na/ de gzhan du 'gyur ba ma yin/ zhes bya ba nyan thos kyi byang chub la sogs par mi 'gyur ro de'i pho nya gzhan bzang po zhes bya ba la de yin rnal 'byor ba'i 'o/ /brtson par lhan cig ldan pa yi/ zhes bya ba ni/ lhan cig de dang bcas par 'gyur ba'o/ /gang gi phyir brtson par ldan zhes bya
- 124b
ba ni dngos grub sgrub pa la rjes su chags pa ste/ ye shes dang ldan zhing nyams dga' ba rnam par 'byed pa de rnyed nas/ dpal he ru ka mnyam par sbyor ba'i rnal 'byor pas shin tu chags pa'i dga' ba'i longs spyod bya'o/ /rnal 'byor rdzas kyi rnam 'byed yin zhes bya ba la rdzas ni thams cad mkhyen pa'i ye shes kyi bdud rtsi ste bcud kyi len no/ /dper na lha'i shing gis 'dod pa'i don gyi 'bras bu ster ba de bzhin du/ 'dir yang byang chub kyi sems kyi shing gis sangs rgyas kyi 'bras bu ster ba'o/ /rnam 'byed bye brag gnyis su gsungs/ /spyod dang grol ba'i 'bras rab gsol/ /bla ma'i man ngag thob nas su/ /yang dag bsgom pa mngon par spro/ /rtag tu nus dang ldan pa yis/ /byang chub mchog ni bsgrub byas nas/ /tshe 'di nyid la sangs rgyas ni/ /rdo rje 'dzin pa chen por 'gyur/ /de'i don zhes bya ba ni gang gi tshe brtson 'grus dman par gyur pa rnams kyis/ bla na med pa'i ye shes ma thob pa de'i tshe 'dod pa'i don gyi longs spyod thob cing/ /sbyin bdag dang mnyam par 'gyur ro zhes pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa brgyad pa'i rnam par bshad pa'o// //de nas zhes bya ba ni gsungs ma thag pa'i rjes la'o/ /gzhan yang zhes bya ba ni khyad par gyi mtshan nyid do/ /bstan pa zhes bya ni sngon du'o/ /de nas gzhan yang shes par bya zhes sbyar ro/ /gang gis zhes bya ba ni mtshan nyid kyis so/ /shes 'gyur zhes bya ba ni rnal 'byor can gyis so/ /dam tshig la gnas mkha' 'gro ma zhes bya ba ni dam tshig las mi 'da' ba ste/ sgrub pa po rnams la phan pa'i phyir/ /ma dang pha zhes bya ba la ma dang pha gang rnyed nas so/ / rang gi sgra ni lhan cig spyod pa'i rjes su 'jug pa'o/ /bdag po nyid du ces bya ba ni ye shes thob par ro/ /skad cig mthong zhes bya ba ni bdag nyid de/ de dag gis de yongs su rdzogs pa ni so so rang gis rig pa zhes bya ba'i bar du'o/ /de ltar yang gsungs pa/
- 125a
pha las thob pa'i bde ba gang/ /bde de rang gis longs spyad bya/ /bde ba gang gis 'dir 'chi ba/ /de yi bde ba bsam gtan brjod ces so/ /lce sbom zhes bya ba la bzhin 'phel che zhing nu rgyas ma/ /gzhan yang thung zhing skra yang thung/ / glang chen dri bo dregs pa ma/ /mdor bsdus nas ni rab tu bshad/ /lus po ring zhing bzhin yang ring/ /de bzhin lag pa rkang pa ring/ /nya yi dri bro khu ba 'bab/ /skye gnas ring zhing zla ba 'dra/ /mnyam zhing sngo bsangs nu ma mkhrang/ /yan lag chung zhing skra yang srab// skye gnas chung zhing skra yang rtsub/ /dal bar smra zhing sna mtho ma/ /mgrin pa ha cang ring ba min/ /gzugs mdzes pad+ma dkar po 'dra/ /lus las rtag tu rdul 'byung ba/ /shin tu dri zhim yid 'phrog ma/ /mig dang lta stangs ri dags 'dra/ /ri dags mgrin pa ri dags lto/ /ri dags rgyal po'i rked pa can/ /skal bzangs pad+ma'i dri dang ldan/ /de yi mig ni dmar ser la/ zhes bya ba la dmar ser ni cung zad dmar ba ste/ /de bzhin lag pa rkang pa'ang dmar/ /ma li ka yi dri 'byung zhing/ /bde gshegs 'dus la dga' ba yi/ / bud med dngos grub ster bar byed/ /lus rgyas nu ma yang rgyas shing/ /skra ni 'khyil bar gyur pa dang/ /ngang pa'i 'gros can dal bar smra/ /shin tu ring min bzhin yang zlum/ /lte ba'i dbus su gnyer gsum ste/ /dbus nas 'phyang ba der shes bya/ /rtsub cing yan lag rtsub pa dang/ /lha sbyin lta bus gzhan la smod/ /skra ni 'khyil zhing kham par gnas/ /mdog ngan yan lag rtsub pa dang/ /skyes pa lta bur nu ma yangs/ /sa li lta bu'i dri yang bro/ /'od 'bar sa li'i dris byugs la/ /rtag tu chang la dga' ste/ /dam tshig spyod pa phun sum tshogs/ /bsam pa rtogs la nan tan byed/ /khyad par can gyi dri zhim pa'i/ /chang gi rjes su 'gro ba ste/ /chang gi khyad par dag dang ni/ /chang gis shin tu myos pa dang/ /de bzhin khu ba mang po'o/ /dngos grub kun
- 125b
gyis thun mong du/ /zhes bya ba ni dge ba'i bshes gnyen gyi khyad par rnyed nas thar pa'i don du thams cad rjes su 'gro ba'o/ /dran zhes bya ba ni 'di yi mtshan nyid rnams so/ /yang dag ldan zhes bya ba ni rnal 'byor ma'o/ /pho nya la sogs go 'phang bcas zhes bya ba la/ go 'phang ni rab tu gnas zhes pa ste/ yon tan gyi gnas zhes bya ba ni bar yin la de dang bcas pa'o/ /gang gi yin zhe na/ mkha' 'gro ma mchog nyi shu bzhi zhes bya ba ste/ de rnams kyis ma lus pa rnams bsdus pa'o/ /gang gi phyir de rnams kyis 'jig rten gsum du khyab ba zhes bya ba ste/ de dag rnyed nas mchod pa byas pas ni sgrub pa po la longs spyod dang/ /grol ba'i 'bras bu rab tu gsol bar 'gyur ro/ /rtsa ba'i sngags ni rtag tu zlos zhes bya ba la lam ngan pa thams cad las yid skyob pas na sngags te/ gnyis su med pa'i ye shes yin la/ de rnam par dag pa'i sngags zlos pa'o/ /'dod pa'i don kun sgrub byed pa/ zhes bya ba la 'dod par bya bas 'dod pa ste/ sems can thams cad kyi don byed pa rdo rje 'dzin la sogs pa'i gzugs so/ /de'i sgrub pa po ste tshe 'di nyid la sangs rgyas nyid thob pa'i phyir ro/ /de nyid kyis na sngags 'di las byung ba yin te/ zhes bya ba ni shin tu goms pas rnyed par 'gyur pa'o/ /zhes bya ba'i don no/ /de ci zhig ce na/ rgyu dang mi rgyu 'jig rten gsum zhes bya ba ste/ /'jig rten gsum ni yongs su dag pa'i sangs rgyas kyi zhing ngo/ /rgyu ba ni sems can gyi 'jig rten no/ /mi rgyu ba ni snod kyi 'jig rten no/ /de'i tshe de dag lhan cig rdo rje 'dzin pa'i ngor ro gcig ces bya'o/ /yang na 'jig rten gsum ni sku rdo rje la sogs pa'o/ /de rnams kyi rgyu ba zhes bya ba ni byang chub kyi sems rdo rje ste/ bde ba 'dod pas bskyod pa'i phyir rgyu'o/ /mi rgyu ba ni de thob pa ste de dag lhan cig 'jug pa zhes bya bar sbyar ro/ /de su'i zhe na sgrub pa po ni zhes bya ba ste/ gang gi phyir 'di sngags dang phyag rgya yang dag par ldan zhing dngos grub la brtson pa nyid do//
- 126a
de nyid kyis ni phyag rgya dang bral byin mi rlob ces bya ba ste/ sku gsung thugs la 'debs pa ste/ shes rab phyag rgya rab tu brjod/ /de dang bral ba ni nyan thos ltar dad pa'i nor med pa'i phyir lus can de la sngags kyis byin gyis rlob par mi 'gyur ro/ / sngags zhes bya ba ni/ gnyis su med pa'i ye shes te rdo rje 'dzin pa thob ces bya ba'i don no/ /gang gi phyir des na shin tu sbyor bas rtogs par bya/ zhes bya ba ni/ yid gzhan du ma yengs pa ste shin tu brtson pas so/ /ji srid dro ba'i bya ba dag ces bya ba la/ dang po shes rab dro ba ste/ gnyis pa du ba ldan par 'gyur/ /gsum pa la ni 'od 'khrug byung/ /bzhi pa mar me ltar 'bar ba/ /lnga pa rtag tu snang ba ni/ /sprin med pa yi nam mkha' bzhin/ /don 'di nyid gsal bar gsungs pa/ snang ba cung zad gsal ba ni/ /dro bar gyur pa zhes bya'o/ /ye shes kyi snang ba de nyid 'bring bor gsal ba ni rtse mor gyur pa zhes bya'o/ /gang gi tshe phyi rol gyi don bsal nas ye shes kyi snang ba mched nas rnam par rig pa tsam gyis gnas skabs su rtog pa'i tshogs las grol ba'i rgyun mi chad par 'od gsal ba ni bzod pa zhes bya'o/ /de nyid sangs rgyas kyi chos rnams mchog tu gyur pa ni chos kyi mchog ces bya ba'i don no/ /gang zhig sdang zhes bya ba la sogs pa ni/ rmongs shing sdig pa'i grogs po dang 'dus pas sun 'byin pa ni 'og tu phyogs bas mnar med par 'gro bar 'gyur ro/ /rnal 'byor che mchog ces bya ba la sogs pa la/ yul de yongs su brtags pa ste/ zhes bya ba ni ci nas kyang de'i rtsa lag rnams kyang mchod par bya'o/ /zhes bya ba'o/ /de rung ni zhes bya ba ni rnal 'byor ba'i snying kha gnas pa'o/ zhes bya ba'i don no/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u nyi shu rtsa dgu pa'i rnam par bshad pa'o// //de nas gzhan yang zhes bya ba ni/ he ru ka las gzhan pa ste/ khro
- 126b
bo'i rgyal po gnod mdzes zhes bya ba'i don no/ /de'i mngon par rtogs pa'o/ /dgod pa ni dbyangs dang yi ge rnams go rims ji lta ba bzhin rgyas par byas pa'o/ /sa'i cha ni zhes bya ba la sogs ni 'byung po thams cad pa'i gtor ma byin pa'o/ /kun tu 'gyur ba'i sa bon ni/ /yi ge hUM gi cha gzugs can/ /mi 'gyur ba ni bde ba ste/ /nam mkha' dang mnyam gnas med pa/ /de nas ga cha bcad byas nas/ /thams cad stong pa rten med pa/ /rdza rnga zhes bya'i yi ge gsum/ /sku gsung thugs kyi dbye ba sku gsum mo/ /rlung gis shin tu bskor ba yi/ /ri mo brgyad la yang dag brten/ /ri mo dgu pa dbus gnas pa/ /stong pa'i rnam pa dri med dgod/ /A li kA li mnyam rgyas bya/ /dga' ba bzhi yi rang bzhin can/ /chos kyi rnga chen mi shigs pa/ /gsung rab yan lag bcu gnyis pa/ /chos kyi yi ge yongs rdzogs pa// de nas grangs kyi nang song bas/ /chos bdag med pa yang dag brten/ /zhal bzhi par ni rnam par grags/ /bdud bzhi rnam par 'joms pa'o/ /rlung la zhon nas spro byed cing/ /khams gsum pa ni yang dag sdud/ /rlung gi de nyid shin tu rig /rim bzhin 'gyur dang rim min pa'i/ /A li kA li lam byung ba/ /rjod dang brjod bya'i yi ge ste/ /sgra brnyan lta bu'i rnam par rtog /re mig sum cu gnyis pa blang/ /zhes bya ba la sogs pa ni ji lta ba bzhin te go sla'o/ /oM suM b+ha ni suM lta huM hUM phaT/ oM grih+Na grih+Na huM hUM phaT/ oM grih+NA ba ya grih+nA ba ya huM hUM phaT/ oM A na yo ho b+ha ga bA na/ badzra rA dza huM hUM phaT/ /'di ni khams gsum rnam rgyal zhes bya ba'i sngags tshig bzhi yis rnam par brgyan pa/ dkyil 'khor bsrung ba'i don du ni/ /gdug pa thams cad nges gnon pas/ /khro bo bzhi dang yang dag ldan/ /skad cig gis ni sku brgyad 'gyur/ zhes bya ba la sngags re re zhing sku gnyis gnyis spro bar bya ste/ shin tu dgra cing bgegs thams cad sel bar byed pa'i 'khor lo chen po'i khor yug gi mthar thug par khwa'i gdong ba la sogs pa brgyad/ zhal gcig
- 127a
pa phyag gnyis pa la zangs gri dang kha TwAM ga 'dzin pa 'od zer dmar po 'bar ba'i spyan gsum pa drag cing 'jigs par byed pa lang tshol bab pa/ gzhon zhing rnam par 'gyur ba'i zhal can/ stag gi lpags pas rked pa dkris pa smad kyi cha phur bu'i rnam par rno zhing 'bar la bskal pa 'jig pa'i me dang 'dra bar 'od zer 'bar ba la gnas pa'o/ /de nas phyogs mtshams brgyad du bgegs kyi tshogs rnams dong gi nang du chud par byas la lugs su 'byung ba dang lugs las bzlog pas khro bo'i phur bu rnams sngags 'dis dgod par bya ste/ oM g+ha:g+ha:g+hA ta ya g+hA ta ya sarba duSh+TI hUM phaT/ kI la ya kI la ya sarba pA baM hUM phaT/ hUM hUM hUM badzra kI la ya badzra d+ha ra Adz+nyA pa ya ti kA ya bAk+tsit+ta badzra kI la ya hUM phaT khro bo'i lta bas nges par bltas la/ rdo rje'i tho bas brdung bar bya'o/ /oM badzra mung+ga ra badzra kI la ya/ A ko Ta yaM hUM phaT/ /yi ge b+h+ruM gyis bskyed pa'i 'khor lo la rdo rje gtum po dang rdo rje nyi ma dang rdo rje gtsug tor dang rdo rje 'khyil ba dang rdo rje gnod sbyin dang rdo rje nag po dang rdo rje stobs po dang/ rdo rje 'jigs byed dang/ de bzhin du gtsug tor 'khor lo sgyur ba dang/ 'og tu gnod mdzes rab tu grags/ sdug bsngal ba dang kun 'byung ba dang 'gog pa dang lam dang/ zad pa dang mi skye ba dang/ chos dang rjes su shes pa dang kun rdzob dang sgra ji bzhin pa'i ye shes rnam par dag pa la khro bo bcu spro bar bya'o/ /dbus su ni rdo rje sems dpa' yongs su gyur pa las bdag nyid rdo rje hUM mdzad du bskyed par bya ste/ mdog sngo zhing drag shul che ba/ gzi brjid che zhing mche ba gtsigs pa dang bcas shing 'jigs par byed pa/ zhal g.yas dang g.yon pa ser po dang ljang gu/ dpa' bo dang mi sdug pa ljags 'gril ba'i zhal dang smin ma bster ba'i khro gnyer gyis gtsigs pa ste/ spyan ni dmar zhing zlum pa ste/
- 127b
khro bo 'bar ba'i phreng 'khrug drag /rdo rje hUM yig hUM mdzad pa/ mi rus rgyan gyis rnam par klubs/ /mgo yi me tog phreng ba can/ /sangs rgyas lnga ni spro ba'i bdag /phyag gnyis rdo rje dril bu dang/ /'jig rten gsum rgyal phyag rgya bcings/ /shes rab dang ni snyoms 'jug pa/ /lhag ma'i phyag gis lcags kyu zhags/ /ral gri thod pa kha TwAM 'dzin/ /g.yas brkyang pa yis gdan la bzhugs/ /'jigs byed dang ni dus mtshan dag /zhabs kyis pad+ma'i 'og tu byas/ /de'i shar gyi rtsibs la rdo rje gtum po ste/ mdog sngo zhing g.yas pa dang/ g.yon pa'i zhal ser po dang ljang gu/ phyag g.yas na rdo rje dang tho ba dang sdigs mdzub bo/ /g.yon na thod pa dang kha TwAM ga phyag gnyis kyis rang dang 'dra ba'i shes rab la 'khyud pa'o/ /byang phyogs su ni nyi ma ste/ mdog ser zhing zhal g.yas pa dang g.yon pa dag sngon po dang ljang gu rang dang 'dra ba'i shes rab la 'khyud cing/ rdo rje dang dbyug pa dang thod pa dang kha TwAM ga 'dzin pa'o/ /nub phyogs su rdo rje gtsug tor te mdog dmar zhing g.yas pa dang g.yon pa dag dkar po dang ljang gu rang dang 'dra ba'i shes rab la 'khyud cing pad+ma dmar po dang thod pa dang kha TwAM ga 'dzin pa'o/ /rdo rje 'khyil pa ni lho phyogs su ste/ mdog ljang gu rang dang 'dra ba'i shes rab la 'khyud cing g.yas pa dang g.yon pa dag ser po dang dkar po/ /sna tshogs rdo rje thod pa dang kha TwAM ga 'dzin pa'o/ /me'i mtshams su rdo rje gnod sbyin du ba'i mdog g.yas pa dang g.yon pa dag ser po dang ljang gu mdzes shing rang gi shes rab ma la 'khyud pa dang/ thod pa dang kha TwAM ga 'dzin pa'o/ /bden bral du ni rdo rje nag po mdog dmar zhing g.yas pa dang g.yon pa dag ser po dang ljang gu rang gi shes rab dang snyoms par zhugs pa dang/ dgra sta dang thod pa dang kha TwAM ga 'dzin pa'o/ /rlung mtshams su ni rdo rje stobs po che mdog sngo zhing g.yas pa dang g.yon pa ser po dang ljang gu ste rang gi shes rab la snyoms par zhugs pa dang/ mdung rtse gsum pa dang thod pa dang kha TwAM ga 'dzin pa'o/ /dbang ldan pa
- 128a
ni rdo rje 'jigs byed de/ mdog sngo zhing g.yas pa dang g.yon pa dag ser po dang ljang gu'i mdog rang gi shes rab ma la 'khyud cing/ ral gri dang thod pa dang kha TwAM ga 'dzin pa'o/ /steng du gtsug tor 'khor lo sgyur ba ste/ mdog dkar zhing g.yas pa dang g.yon pa dag sngon po dang ljang gu rang gi shes rab la 'khyud cing rang gi 'khor lo dang thod pa dang kha TwAM ga 'dzin pa'o/ /'og tu ni gnod mdzes rdo rje ste/ sngo zhing g.yas pa dang g.yon pa dag ser po dang ljang gu rang gi shes rab la 'khyud cing/ rdo rje gtum? shing dang klu'i zhags pa thogs nas sdigs mdzub byed pa'o/ /khro bo thams cad kyang sna tshogs pad+ma dang nyi ma'i dbus su gyur pa'i 'jig rten skyong ba brgyad g.yas brkyang pas mnan nas bzhugs pa ste/ 'phags skyes po dang/ mig mi bzang dang/ yul 'khor bsrung dang/ rnam thos kyi bu dang/ de bzhin du me dang srin po dang rlung bdag dang dbang ldan gyi lha'o/ /steng du ni lha'i bdag po tshangs pa'o/ /'og tu ni thags bzangs ris te/ de dag gi snying gar lugs su 'byung ba dang lugs las bzlog pa dgod do/ /khro bo thams cad kyang skra kham pa gyen du 'bar zhing/ smin ma bsnyer ba'i khro gnyer rnam par gtsigs pa'i zhal can/ thung zhing gsus pa 'phyang ba spyan gsum pa dmar zhing zlum pa mgo bo'i phreng ba'i do shal byas shing mi rus kyi rgyan gyis klubs pa/ mdza' yas sngon po'i sprul gyi spyi gtsug gi nor bu byas shing/ 'jog po dmar po'i 'od bsgyings pas rna cha byas pa'o/ /pad+ma dkar pos do shal byas pas brgyan zhing/ stobs kyi rgyu ljang gus ni mchod phyir thogs byas pa'o/ /dung skyong ser pos ni lag gdub byas pa'o/ /rigs ldan sna tshogs kyi mdog can ni dpung rgyan du yang dag par btags pa'o/ /pad+ma dkar pos ska rags su byas pa'o/ /nor rgyas kyi bu mdog pad+ma'i rtsa ba dang 'dra bas rkang gdub byas pa ste/ skad cig tsam gyis sku dang gsung
- 128b
dang gzugs brgyan zhing/ byang chub kyi sems kyi chus dbang bskur bas rang gi rigs las byung ba'i dbu rgyan can rdo rje 'bar ba'i 'od 'khrug cing/ drag po rang gi lus las rnam par spro ba nam mkha' i dkyil 'khor g.yogs pa/ phyogs bcu'i mthar thug par khro bo 'bar ba'i rigs kyis 'khrug pa'o/ /de nas bka' i 'khor lo myur 'khor ba/ /de nyid rig pas g.yon du bskor/ /lha rnams sems kyis brtan byas nas/ /de nas bgegs ni med par 'gyur/ /shin tu rnam dag de bzhin gshegs/ /'di ni rnyed pa tsam gyis su/ gdug pa thams cad 'chi bar 'gyur/ /nyon mongs bdud dgra 'joms par byed/ /gang dag 'di las 'da' byed na/ /brlag 'gyur 'di la the tshom med/ /dpal ldan rdo rje hUM mdzad kyi/ /'khor lor sbyor bdag rdza rdar bcas/ /bstan pa'i las rnams brtsam byas nas// dngos grub kun gyi 'bras 'byung ba'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u sum cu pa'i rnam par bshad pa'o// //de nas sha chen thams cad kyi zhes bya ba la sogs pa la thams cad ni zhe sdang la sogs pa nyon mongs pa rnams te/ dam tshig rnams kyi mthus de rnams 'jigs par 'gyur ba'o/ /des cir 'gyur zhe na/ rdo rje skyes zhes bya ba ni rdo rje ni dbyer med pa'i ye shes so/ /de las skyes pa ni rdo rje 'dzin pa'i sku'o/ /'di ni zhes bya ba ni 'di rnams te/ gdug pa thams cad kyis zhes bya ba ni zhe sdang la sogs pa'i 'jigs byed mi bzang pa'o/ /rdo rje skyes zhes bya ba'i nye bar bsdus pa'o/ /'di ltar khyi dang zhes bya ba la sogs pa bza' ba yang yin la sbyin sreg kyang yin pas na/ /bza' ba sbyin sreg gtor ma zhes so/ /rtog dang bral bas bya zhes bya ba ni/ rang gi rang bzhin gyis 'od gsal ba'i phyir ro/ /de yang kho na ma tho ba med pa rnyed nas/ rdo rje'i rnal 'byor can gyis bya ba ste/ gzhan du na sems can la gnod pa byas par 'gyur ro/ /de yang gsungs pa/ sems can gnod
- 129a
ba tsam gyis ni/ /phyag rgya'i dngos grub thob mi 'gyur/ /rnam par mi rtog sems gang zhig /thab khung sgra ni rab tu grags/ /rnam dben me ni rab sbar la/ /ma lus rnam par rtog pa yis/ /sha dang sha chen sbyin sreg bya/ /skye bos smad pa gang ci'ang rung/ /srog chags yan lag las byung dang/ /sna tshogs chang ni btung bar bya/ zhes bya ba'o/ /ma lus pa ni 'jig rten gsum po ni/ de dang de rnams su gang bcom ldan 'das kyis gsungs pa de ni lus pa med pa ste/ dngos grub ces bya ba'i don no// rgyal srid thams cad ces bya ba ni rdo rje 'dzin pa nyid do/ /dung dang nya phyis mu tig rnams/ /gsum char rgyu las byung yin na/ zhes bya ba la sogs pa la rgyu ni las mi dge ba rnams te/ de las yang dag par byung ba'o/ /des ni 'gro ba drug las mi'i 'gro ba bsod nams 'phags par ston te/ 'di nyid kyis na/ chos kyi ye shes lus can gyi/ /thod pa la ni su zhig smod/ /ces bya ba gsungs te/ smad par mi bya ba kho na'o/ /zhes bya ba'i don no/ /dge ba las kyis skye ba 'bras bu dang bcas pa ni mi nyid de bsod nams kyi tshogs chen po las byung bas na shin tu rnyed par dka' ba'o/ /ye shes dang thar pa rab tu bsgrubs pas na/ chos kyi dbyings kyi lus can gyi thod pa ste mi'i'o/ /gzugs mdzes yon tan gnas yin pas/ /phyag rgya lngas ni rab tu spras/ /rus phreng shin tu nges par ni/ /dag byad rgya ni bzang po'o/ /zhes gsungs so/ /des na dpa' bo rnams kyis dbang phyug bshad ces so/ /brda zhes bya ba ni kla klo ste sangs rgyas kyi phyag rgya'o/ /'di ni dpa' bo'i gnas yin te/ zhes bya ba la sangs rgyas lnga'i rang bzhin can 'byung ba lnga'i bdag nyid brtan pa dang g.yo ba'i 'gro ba ma lus pa sna tshogs pa rnams rtsa lnga'i rang bzhin las skyes pa'i bde ba'i bdag nyid ji lta ba de bzhin mngon par byang chub pa'i yang dag pa'i don ston no/ /g.yon pa ni shes rab ste rang bzhin
- 129b
med pa'i ngo bo'o/ /de nyid kun rdzob pa yongs su dris pa ni chos rnams kyi gnyis su med pa'i de bzhin nyid nye par mtshon par byed pa'o/ /mdza' ba thams cad 'dus pa zhes bya ba ni dpal he ru ka dang phag mo gnyis su med pa'i bde ba mngon par byang chub pa ni snying po la mngon par phyogs shing mya ngan las 'das pa la gzhol ba'o/ /de nas rang nyid rdo rje 'dzin slob dpon/ /dpal ldan sangs rgyas kun gyi la?/ /rigs drug go rim ji bzhin du/ /lag pa g.yon par bkod de bzla/ /A li kA li mnyam sbyar la/ /sde tshan grangs kyi go rim bzhin/ /spom bo mthe bo'o mdzub mo ni sdig pa'o/ /gung mo ni ring ba'o/ /srin lag ni tha ltag go /tha ma ni mthe chung ngo/ /rdo rje sems dpa' zhes bya ba la sogs pa ni go sla'o/ /dpa' bo ces bya ba ni mi bskyod pa'o/ /gang du gnas pa'i sngags kyi yi ge de nyid kyi rigs kyi ming? nas 'bod cing de'i sbyor ba sbyin pas byin gyis brlab par bya'o/ /kye che ge mo rdo rje de bzhin gshegs pa zhes bya'o/ /de la rigs kyi go rim ni 'di yin no/ /a A ka tsa Ta ta pa ya sha zhes bya ba 'di rnams ni rnam par snang mdzad rgyal po sde tshan gyi yi ge dgu'i bdag nyid do/ /i a'i kha tsha Tha tha pha ra Sha ni sde tshan gnyis pa ste rin chen rgyal po'o/ /u a'u ga dza Da da ba la sa ni sde tshan gsum pa ste/ 'od dpag med kyi'o/ /e i g+hadzha Dha d+ha b+ha ha'i sde tshan ni bzhi pa ste/ don yod pa'i'o/ /o aau aM a: nga nya Na na ma'i sde tshan ni mi bskyod pa'i sde lnga pa'i'o/ /de ltar de dag ni 'jig rten thams cad skye ba dang 'jig pa dang gnas pa'o/ /des sangs rgyas thams cad kyi bdag po'i rdo rje'i ming dang rim pa ji lta ba bzhin du sbyar bar bya ste/ drug pa rdo rje sems dpa' ni cod pan no/ /de yang rgyu la 'bras bus rgyas gtab cing/ 'bras bu la yang rgyus rgyas gdab/ ces pa ste/ rdo rje bzhad pa dang rdo rje skreg pa dang/ rdo rje rol pa dang/ rdo rje rtag pa rnams ni rnam par snang mdzad kyi rigs kyi ming ngo/ /shes rab myu gu'i rdo rje dang/ rdo rje
- 130a
myu gu'i rdo rje dang/ mchog tu dga' ba'i rdo rje dang/ bde bar dga' ba'i rdo rje dang/ 'bebs pa'i rdo rje rnams ni las kyi rigs kyi ming ngo/ /rdo rje bde ba'i myu gu dang/ pad+ma'i rdo rje dang/ pad+ma'i myu gu'i dang/ dga' ba'i rdo rje rnams ni rin po che'i rigs kyi ming ngo/ /ye shes rdo rje dang yid bzhin nor bu rdo rje dang/ yan lag med pa'i rdo rje dang/ spyan ras gzigs rdo rje rnams ni pad+ma'i rigs kyi ming ngo/ /bde ba chen po'i rdo rje dang/ chags pa'i rdo rje dang/ nam mkha' i rdo rje dang/ shes rab kyi rdo rje dang/ pha rol tu phyin pa'i rdo rje rnams ni zhe sdang gi rigs kyi ming du gyur pa ste/ phyag rgya chen po'i dngos grub kyi bde ba can gyi zhing du byin gyis brlabs pa'o/ /de bzhin du 'di dag kyang phyag rgya chen po'i ming du gyur pa ste/ rdo rje snying po dang rdo rje mtshon cha dang/ rdo rje e ma bde dang/ rdo rje bdag med ma dang/ rdo rje'i spyan te de rnams ni rnam par snang mdzad kyi rigs can no/ /rdo rje mkha' 'gro ma dang/ rdo rje gau ri dang/ rdo rje phreng ba ma dang/ rdo rje mdza' ma rnams ni rin po che'i rigs can ma'i ming ngo/ /rdo rje shugs ma dang/ rdo rje lcags kyu dang/ rdo rje do shal ma dang/ rdo rje phreng ba ma dang/ rdo rje bzhad ma rnams ni pad+ma'i rigs can ma'i ming ngo/ /rdo rje 'phyar ma dang/ rdo rje rgyas ma dang/ rdo rje pad+ma dang/ rdo rje 'byung ba dang/ rdo rje rgod ma rnams ni las kyi rigs can ma'i ming ngo/ /rdo rje chags ma dang/ rdo rje sgrol ma dang/ rdo rje phreng ba ma dang/ rdo rje 'bebs ma dang/ rdo rje blo gros ma dang/ rdo rje kongka ma dang/ rdo rje la la nA dang/ rdo rje dbugs dang/ rdo rje lag pa rnams ni zhe sdang gi rigs ma'i phyag rgya chen po'i dngos grub kyi ming ngo/ /'di dag lag tu dgod par bya ste/ g.yon pa shes rab las byung ba/ /'gro ba skyed byed rgyu yin te/ /rtsa lnga 'byung ba lnga dag gsungs/ /sa ni spyan zhes bya ba la sogs pa la/ la ta dang gu ru dang gtso mo dang byis pa dang/ dar ma ste de rnams su
- 130b
legs par gnas pa'o/ /pha rol tu phyin pa ni bzhi'o/ /stong pa ni 'o byed ma'o/ /'di dag 'byung lnga thog mdza' med/ /chos kyi skye gnas bde 'dzin ma/ /gang zhig dngos med nyid shes rab/ /dngos po'i mtshan nyid 'dir thabs so/ /'byung ba la yang 'byung ba ste/ char pa la yang char pa ste/ /he ru ka yi thugs rje'o/ /des na thabs ni skyes bur brjod/ /stong pa bud med gzugs rnams la/ /bsam med rgyun gyi grub pa yis/ /'dod chags chos ni rten byed pa/ /de yi de la brten bzhin pas/ /mngal 'dzin pa las blang ba bya/ /mdun du rdo rje 'dzin gnyis pas/ /de yi cho ga sbyor ba yis/ /dpa' bo dam pa mchod par bya/ /mchod pa sna tshogs nyer bsdus pas/ /de nas rjes su gnang ba sbyin/ /byang chub snying po mthar thug par/ /phyogs kyi 'khor lo ma lus kun/ /chos kyi 'khor lo bla med pa/ / sems can mchog la yang dag bskor/ /shes rab thabs dag rigs pa yis/ /yid bzhin nor bu ji lta bar/ /zhum pa'i 'dus pa yongs spangs nas/ /de nas brtsams te 'gro don gyis/ /dbang bskur thob cing rjes gnang ba'i/ /bya ba byas pa rab dga' bas// 'gro kun dga' bar byed pa ni/ /'jam pa'i tshig gis smra bar bya/ /deng du bdag tshe 'bras bur bcas/ /mi yi gson pa 'bras bu yod/ /di ring bdag gis bdag nyid rigs/ /di ring bdag gis bde longs spyad/ /mkha' 'gro mas gsungs bsam mi khyab/ / rgyud ni di ring bdag gis rnyed/ /di ring bdag la lha mnyes shing/ /di ring bdag gis dngos grub ldan/ /di ring sangs rgyas rigs su skyes/ /sangs rgyas sras por deng bdag gyur/ /slob ma'i bya ba yongs rdzogs nas/ /rgyab tu zhes bya ba ni phyi nas ste/ gshegs su gsol bar bya ba ni/ /me tog dang bdug pa dang byug pa dang glu dang gar dang mchod pa rnams kyis/ de ltar nye bar bsdu ba nas lhan cig zas la brtsam par bya/ zhes bya ba ni/ 'di nyid du dbang bskur ba rnams dang lhan cig tu'o/ /'di ni mi bshad ces bya ba ni yang dag
- 131a
bar sbyin pa shin tu sba ba'o/ /nges cir 'gyur zhe na/ dpa' bo thams cad mnyam sbyor bas/ /mkha' 'gro dra ba'i bde mchog yin/ zhes pa'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u sum cu rtsa gcig pa'i rnam par bshad pa'o// //de nas gzhan yang bshang bya ba/ /sbyin sreg bza' bca' 'dus pa yi/ /zhes bya ba la/ las gang gis ni sems can rnams/ /mi bzad dmyal bar 'tshe bar 'gyur/ /thabs chen rnams dang ldan pa la/ /rnal 'byor pa rnams nges grol 'gyur/ /phyugs zhes bya ba ni bong bu la sogs pa ste/ sangs rgyas lnga'i rnam par dag pa yin la/ /de dag kha na ma tho ba med par bsgrub par bya'o/ /mi rnams ji ltar phyugs yin zhe na/ rigs rnams zhes bya ba la sogs pa smos te/ phyugs kyi sgras ni dam pa gzung bas na/ rigs rnams las rigs kyi mchog phyugs gzung ste/ yon tan thams cad dang ldan pa'i phyir ro/ /sngar bstan rim pa zhes bya ba ni/ /skye ba bdun pa shin tu mtshon pa'o/ /yang na thun mong ba ste nad kyis ma myas shing shu ba dang mdze la sogs pa dang bral ba thob pa'o/ /yang na sngar bstan zhes bya ba ni lag pa'i brda ji ltar bstan pa de'i bya bas so/ /gnas dang nye gnas zhing rnams su/ /dngos grub sgrub pa'i dkyil 'khor ni/ /'khor chen mdun du bsngar byas la/ /gus par byas te bzung byas nas/ /he ru ka dpal sbyor ba'i bdag /tshogs kyi dkyil 'khor grub par 'gyur/ /kriSh+Na shwa na'i thug pa ni/ /ma sha 'bras ni nag po ldan/ zhes bya ba ni ro langs chen po bsgrub par bya ba'i don du/ dang por ting nge 'dzin dang mchod pa rnam pa lnga la sogs pas yang dag par mchod de snying po'i sngags 'bum bzlas la/ phyi nas sgrub pa brtsam par bya'o/ /'gegs pa'i ro 'am gzhan yang rung/ /rma med cing ma nyams pa gzugs mdzes pa rnyed nas mar ngo'i tshes
- 131b
brgyad dang bcu bzhi la/ dben pa'i yul phyogs su song nas ri'i rtse mo 'am dur khrod du/ dur khrod kyi rdzas thams cad kyi phye mas rim pa ji lta ba bzhin du dkyil 'khor bri bar bya ste/ /gru bzhi pa la sgo bzhi pa/ /ka ba brgyad dang rta babs ldan/ /dbus su 'dab brgyad bris byas te/ /kha dog sna tshogs nyi mas mtshan/ /de nas sgrub pa'i grogs mchog snying stobs can dang lhan cig tu bsgrub par bya ste/ me tog dang bdug pa chal du bkram zhing rgyal mtshan gyis mdzes par mchod pa dang gtor ma rab tu rgyas par byas la dri'i chu bdud rtsi lnga dang bcas pas ro bkru bar byas la/ til mar chen pos byugs la yi dags kyi me tog gis mchod par bya'o/ /bum pa gcig gam brgyad khrag dang zhag dang shas dgang bar bya'o/ /dur khrod kyi ras kyis mgrin pa dkri bar bya ste/ zhig dang khrag la sogs pa'i lha bshos dang sre mo'i lus phye mar byas pa gu gul chen po dang bcas pa'i bdug pa dang/ yam shing arka'i bal gyi sdong bu la ra tshil gyis lan bdun byugs la til mar chen pos thod par me sbar ba'i du bas de'i mig byugs la/ go cha gnyis kyis bsrung ba dang phur bu dang ra ba'i bsam gtan ji lta ba bzhin 'dir yang byas nas dril bu dang cang te sgra dang yi ge hUM gi sgra brjod par bya ste/ zan dang ma sha'i sran thug dang/ khrag dang bcas pa'i gtor ma yi dags rnams la sbyin par bya'o/ /de nas dkyil 'khor gyi dbus su mgo shar du bzhag nas de'i snying gar dpa' bo kha shar du bltas te/ 'dug la g.yon logs su arga'i snod bzhag go /gzhan yang khyi nag po'i 'o ma 'am/ ba nag po'i 'o ma bdud rtsi lnga dang bsres pa ma sha nag po dan 'bras dang bcas pa'i thug pa zhag dang khrag dang sha dang bcas pa dur khrod kyi kham phor du thod pa'i steng du legs par bzhag nas de'i kha cung zad phye la/ shing la sogs pas me sbar ba mchog ster bar/ mngon par phyogs par bya'o/ /de nas de'i snying gar dpal he
- 132a
ru ka'i bka' i 'khor lo bsgoms la snying po'i sngags kyis brgya rtsa brgyad dam/ brgyad brgya sbyin sreg bya zhing/ dpal he ru ka dang phag mo'i mkha' 'gro ma bye ma snyed kyis ha ha zhes cher bzhad pas bskor zhing ce spyang bye bas bskor ram phyogs bcur bsdigs par byed dam/ srin po'i tshogs rnams 'jigs pa'i sgra dbyangs sgrogs pa dag mthong yang 'jigs par mi bya ste/ brtson 'grus brtan pos mnyam par bzhag par bya zhing g.yas phyogs su sgrub pa'i grogs bzhag la/ /dril bu gsil zhing phyag na rdo rje dbang byed par bya'o/ /bdug pas rgyun mi 'chad par bdugs na de nas ro de langs nas ni/ /ci bgyi zhes ni smra bar 'gyur/ /de la arg+ha sbyin byas la/ /kye legs so dpa' bo chen po/ /rdo rje sems dpa' brtul zhugs bzang/ grub pa bdag ste bde legs kyi/ /dngos grub bdag la rab tu gsol/ /sgrub po yid la gang 'dod pa'i/ /gcig sbyin nas ni rang gnas 'gro/ /dpa' bo srin po'i 'khor gyis bskor/ /sgrub pa po ni dpal dang ldan/ /de yi skad cig de la ni/ /'jig rten gsum po shes par 'gyur/ /lha yi lus suAng de 'gyur te/ /'dod pa'i gzugs can dpa' bo che/ /'jig rten gsum po ma lus na/ /skal bzang de bzhin gshegs pa 'dra/ /nam mkha' i khams bzhin rgas pa dang/ 'chi ba dag ni rnam par spangs/ /'dod pa'i dngos grub rab 'jug pa/ /srid pa kun tu rnam par rgyu/ /lci ba'i thal ba nyid dag dang/ /lhag ma mgo skam mtshon cha'o/ /zhes bya ba ni bskyed pa'i rim pa brten pa'i rnam par bshad pa ste/ /mgo bo'i sgra ni sa'o/ /thal ba ni chu'o/ /mgo bo skam zhes bya ba ni mi'o/ /mtshon cha zhes bya ba ni rlung ste/ de dag ni 'byung ba chen po bzhi'i dkyil 'khor ro/ /rin chen po yi ngo bor bya zhes bya ba ri'i rgyal po lhun po'o/ /de la rim pa 'di yin te/ yi ge yaM yongs su gyur pa las rlung gi dkyil 'khor sngon po gzhu lta bu la ba dan gyi mtshan pa yaM gis
- 132b
byin gyis brlabs pa ste/ rngams su ni dpag tshad sa ya drug 'bum grangs med pa'o/ /de'i steng du ni yi ge raM yongs su gyur pa las me'i dkyil 'khor gyi mchog gru gsum mdog dmar po 'bar bas mtshan pa 'bar ba'i phreng ba 'khrug par bsam zhing nyi ma bya ba lta bur gsal ba ste/ rngams su stong phrag gsum dang brgya phrag phyed dang bzhi'o/ /chu ni rngams su stong phrag nyi shu dang bcu gcig lhag pa ste/ me'i steng du yi ge baM las yang dag par byung ba'i chu ste gsal zhing kha ba lta bu/ bum pa dkar pos mtshan pa zlum po 'od kyi phreng ba can no/ /de'i steng du yi ge laM yongs su gyur pa las gser gyi dkyil 'khor gru bzhi pa/ dpangs su 'bum phrag brgyad pa zheng du 'bum phrag bcu gnyis pa'i sa'i dkyil 'khor te phyis lhag ma'ang gser du 'gyur ba ste/ de la yi ge khaM yig rtse gsum pa'i sna tshogs rdo rje'o/ /sna tshogs rdo rje'i lte ba la yi ge suM las byung ba'i ri rab ste/ dpangs su brgyad cu rtsa bzhi la gru bzhi pa rin po che sna bzhi'i rang bzhin/ steng gi cha gdugs lta bu'i rnam pa can/ brgyad stong phrag brgyad cu pa'o/ /de'i shar gyi phyogs su ni yi ge aM yongs su gyur pa las shar gyi lus 'phags te/ zheng du dpag tshad brgyad stong/ chur ni dgu stong zla ba byed pa'i rnam pa can no/ /byang phyogs su ni yi ge i yongs su gyur pa las sgra mi snyan te chu dang zheng du stong phrag bcu pa la gru bzhi pa/ nub phyogs su ni yi ge u yongs su gyur pa las/ ba lang spyod chu dang zheng du dpag tshad dgu stong zla ba yongs su rdzogs pa lta bu'i rnam pa can no/ /lho phyogs su ni yi ge e yongs su gyur pa las 'dzam bu'i gling ste/ chu dang zheng du dpag tshad bdun stong pa byang phyogs yangs la lho phyogs zhum pa'i rnam pa'o/ /de dag gi ngos kyi phyogs gnyis gnyis su yang/ shar dang lho dang nub dang byang rnams su yang/ i a'i/ u a'u/ ri rI/ li lI ste/ yi ge de dag gis lus dang lus 'phags/ rnga yab dang rnga yab gzhan/ g.yo
- 133a
ldan dang/ laM mchog 'gro dang/ sgra mi snyan dang sgra mi snyan gyi zla ste/ gling phran brgyad po de dag re re zhing yang gling lnga brgyas yongs su bskor ba'o/ /de'i steng du yi ge raM yongs su gyur pa las nyi ma'i dkyil 'khor ro/ /de'i steng du yi ge hUM yongs su gyur pa las sna tshogs rdo rje/ de'i lte ba la yang hUM ste de las rdo rje phur bu dang ra ba bsams la/ rdo rje hUM mdzad kyi 'khor lo'i bsam gtan bya'o/ /hUM mdzad yongs su gyur pa las kun tu bzang po'o/ /de las srid pa gsum gyi bye brag gis chos kyi 'byung gnas gru gsum pa la dkar po gyen du 'greng ba la nang gi nam mkha' i rang bzhin du pad+ma dmar po la yi ge b+h+ruM dang 'khor lo yongs su gyur pa las rnam par snang mdzad ser po zhal gcig phyag bzhi pa la ral pa dang cod pan dar gyis mtshan pa/ g.yas na 'khor lo dang cang te'u/ g.yon na dril bu dang thod pas brgyan pa'i kha TwAM ga 'dzin pa/ g.yas brkyang ba'i gnas pas bzhugs pa gshin rje sngon mo la 'khyud pa'o/ /gshin rje sngon mo yang zhal gcig phyag bzhi pa ste/ g.yas pa cang te'u dang zangs ri thogs pa/ g.yon pa dril bu dang thod pa dang kha TwAM ga thogs pa skra grol zhing gcer bu phyag rgya lngas brgyan pa'o/ /de ltar rnam par snang mdzad rig pa dang bcas pa las byung ba ri rab kyi rtse mo'i gzhal yas khang bsam par bya ste/ nam mkha' ltar yangs shing rin po che sna lnga'i rang bzhin can bzang po ste/ gru bzhi pa la sogs pa'i yon tan dang ldan pa rdo rje'i ka ba to ra Na dang bcas pa dra ba dra ba phyed pa dang dor dang me tog gi phreng ba 'byang ba chos kyi dbyings shin tu rnam par dag pa rgyu mthun pa rdo rje'i skud pas brgyan pa'o/ /de'i dbus su A li kA li de'i steng du hUM dang aM gnyis las rdo rje dang brangs gri de dag gi lte ba la yang sa bon de rnams yongs su gyur pa las rdo rje sems dpa' zhal gsum pa phyag drug pa ston kha'i nam mkha' ltar 'od dri ma med
- 133b
cing zla ba bye ba ltar gsal bar 'dzin pa zhal g.yas pa dang g.yon pa sngo ba dang dmar po rdo rje dril bu bsnams bas 'khyud cing/ phyag g.yas na cang te'u dang tshangs pa'i mgo /g.yon pa na thod pa dang kha TwAM ga thogs pa spyi gtsug tu mi bskyod pas brgyan pa'o/ /sngags pa'i lte bar bsam bya ba/ dbus su rlung dang de bzhin me/ /de dbus A li kA li ste/ /de dbus stong pa'i ri mo'o/ /bde ba chen po yang dag sbyar/ /gnyis med gnyis su med pa'i mchog /sgra yi skud pa byas pa yis/ /sems can thams cad 'od 'gyur nas/ /sangs rgyas rjes chags sbyor ba yis/ /sems can khams ni rnam par sbyangs/ /bde ba las byung dkyil 'khor te/ /b+h+ruM aM h+riM ho hUM hi/ /de nas sems rgyun dbang bskur la/ /i li sa bon gyis dbyung bya/ /rnam par snang mdzad dang rdo rje nyi ma dang/ pad+mar gar gyi dbang phyug dang/ rdo rje rgyal po dang/ mi bskyod pa dang/ de bzhin du he ru ka'o/ /oM hUM oM a khaM haM/ ni gti mug dang zhe sdang dang/ de bzhin du phrag dog dang/ 'dod chags dang ser sna dang dbang phyug rdo rje'o/ /lAM mAM bAM tAM zhes bya ba'i sa bon ni/ /spyan dang mA ma kI dang gos dkar mo dang/ sgrol ma'o/ /oM A:hUM zhes bya bas 'gro ba gsum gyi lus ngag yid gsum rdzogs par bya'o/ /phung po dang skye mched dang khams rnams ni zhal gcig pa dang/ phyag gnyis pa la sogs pa ji ltar 'dod pa'i gzugs su/ bsam gtan gyis 'gro ba gsum po ma lus par rdzogs par bya'o/ /de nas nam mkha' i dkyil 'khor du/ oM A:hUM zhes bya ba'i yi ge ho dmar po gnyis dang spel ba dri za'i sems can lta bu/ nam mkha' i phyogs nas smon lam gyi sems kyis/ yi ge lnga bkug ste/ snying gar zhugs nas thabs dang shes rab rjes su chags pas bskyed pa'i 'dod chags chen po me sbar bas pad+ma sku gnyis zhu bar gyur te/ nam mkha' ltar dri ma med cing/ 'byung ba thams cad kyi gnas chen po'i ting nge 'dzin gyi gzugs brnyan lta bur gyur pa'o/ /de'i rjes la
- 134a
thog ma med pa'i dus nas goms pa'i smon lam gyi sems bskyed pa'i byams pa chen po dang snying rje dang dga' ba dang btang snyoms kyi rang bzhin de'i 'od zer las spros pa'i lha mo spyan rab tu rgyas pa dang ldan pa nam mkha' i gzugs brnyan lta bu rnams/ klu 'di yis mgon po skul bar byed pa ni/ kye srid gsum bde ba khyod 'dir bzhengs a la la la la ho/ /pad+ma'i gnas ni thong mdzod la/ /rdo rje 'dzin rgyal bde ba che/ /rgyal ba yi ni sdom pa mdzod/ /a la la la la ho/ /khyod ni stong pa kun gyi mchog /bder gshegs snying po thong mdzod la/ /mdzes ma dang dus bde ba ni/ /srid pa gsum na snying po'o/ /a la la la la ho/ /bde ba'i bdag po thob thong thong/ /rgyal ba'i bdag po chos sku ho/ /zhes bya ba'i glus bskul ma thag tu /yi ge hUM las byung ba'i rdo rje snying po'i ste/ mngal nas skyes pa'i rim pa'o/ /zhes pa'o/ /yang na ru sbal dag gi'o/ /zhes bya ba las rus sbal ni sgo nga las skyes pa'o/ /de'i rim pa ni skad cig tsam gyis rnal 'byor gyi lha'i rnam pa bsgom par bya ba thogs pa med pa'i ye shes 'byung brtsom pa med cing rgyun chad pa med pa'i snying rje chen po'i thabs dang shes rab kyi phyag rgya chen po'i yang dag par rdzogs pa'i byang chub ni ru sbal zhes ste/ mi 'gyur bar nges pa'i phyir ro/ /phyag bzhi pa dang zhal bzhi pa zhes bya ba la sogs pa ni/ rim pa gnyis ka la yang sbyar bar bya'o/ /sku mdog dkar po zhes bya ba la ni rdo rje 'dzin pa'i khyad par cho ga bzhin du shes par byas la/ lha thams cad bsgom par bya'o/ /dngos grub 'dod pas dngos grub phyir/ /skad cig tsam yang gzhan sems kyis/ /mkhas pas 'bad de gnas mi bya/ /de lta bu'i yon tan gyi khyad par gyis/ rnal 'byor pa ni thams cad kyis/ /'dod pa'i dngos grub thob par 'gyur/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa gnyis pa'i rnam par bshad pa'o// //
- 134b
de nas? zhes bya ba ni thams cad shes par byas nas so/ /sbyor ba kun gyi dam pa ni/ /bde ba'i mchog ste phyag rgya ni/ /dngos grub kyi ni thabs chen po/ /mkha' 'gro dra ba sdom pa yin/ /de bas na sgrub pa po'i sgrub thabs mchog med de/ bsod nams chen po sog pa'i phyir ro// de ? bsam tshogs kyi dkyil 'khor brtsam par bya ste/ 'phags pa lha'i zhal snga nas kyi sprod pa bsdus pa'i sgron ma las/ ji skad gsungs pa bzhin no/ /bza' ba dang bca' ba la sogs pa ni sgra ji bzhin pa'o/ /de nas pho nya rab sbyin zhes bya ba la sogs la srang gi ? ? ni? rang gi yan lag go /dpa' bo gnyis med mchod par bya zhes bya ba la dpa' bo rnams sbyin par bya ba'o/ /ma zhes bya ba la sogs pa'am/ zhes bya ba ni gang zhig skal ba dang ldan par gyur ba ste/ gzhan du na ma dag par 'gyur ro/ /de dag thams cad ni bdag nyid mchod pa'i phyir gzhag pa'o/ /bcings pa las ni grol bar bya/ zhes bya ba ni bag chags las grol bar bya ba'i don du ste/ bag chags spangs pa las grol bar 'gyur ba'i phyir ro/ /slob dpon lus su legs gnas te/ zhes bya ba la sogs pa la rdo rje 'dzin pa'i skur dmigs nas thams cad byas la/ phyi nas dpa' bo'i dpa' mo kun spyad par bya ste/ snang ba med pa las langs nas zung du 'jug pa'i 'byung ba'i rim pas sangs rgyas kyi sku mngon sum du byas nas rdo rje lta bu'i ting nge 'dzin gyis yon tan thams cad kyis brgyan nas gnas par 'gyur ro/ /sa 'og 'gro ba 'am zhes bya ba la sogs pa ni sems can gyi don du gang cung zad zhi ba la sogs pa yid la ci 'dod pa de dag thams cad bsgrub pa'i bka' tsam gyis 'grub par the tsom med pa'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa gsum pa'i rnam par bshad pa'o// //de nas mkha' 'gro ma'i dra ba'i 'khor lo'i cho ga rgyas pa ste/ zhes bya ba la ji ltar bstan pa'i 'khrul 'khor dang sngags kyi rab tu
- 135a
tu sbyor ba/ de dag thams cad bsgrubs pas grub par the tshom med do/ /sgrub thabs yid la brten pa ste/ a ba d+hU tI'i gnas rnyed pa'i phyir ro/ /de yi bsgom pa gsungs pa/ dpa' bo kun dang rnal 'byor ma'i/ pad+ma'i lte bar nges par sbyar/ /zhes bya ba la lte ba ni lte ba'i pad+ma'i snying po'i ste der nges par sbyar ba'o/ /rnam par rtog pa'i sdig bskyod pas na a ba d+hU tI'i ste/ me 'bar ba'i gzugs can yin la/ de'i bdag po yang a ba d+hU tI'i zhes brjod do/ /de'i gnas ni rab tu gnas pa ste/ brten pa zhes bya ba'i don to/ /de'i sbyor ba yis rnal 'byor pa la yang de bzhin du gsungs so/ /gang du zhe na smin ma'i bar du zhes bya ba ste/ zla ba dang pad+ma'i bar du A li'i ri mo bcu drug gis bskor ba'o/ /dpa' bo 'chol ba'i zhal du ces bya ba la/ 'tshol ba ni 'jigs su rung ba ste bcom ldan 'das kyi zhal du'o/ /rgyu des na me lha zhes bya ba dbyangs yig dang po'i rang bzhin las langs pa'i me lha la bsreg par bya'o/ zhes bya ba'i don to/ /'di dag ces bya ba ni rdzas 'di dag gis so/ /sreg bya lnga zhes bya ba ni de bzhin gshegs pa lnga rnam par dag pa'i rnams kyis so/ /sreg bya dgu zhes bya ba ni re re zhing ste/ bzhi bcu rtsa lnga'i sbyin sreg bya'o zhes bya ba'i don to/ /de nas 'bar phreng rgya mtsho zhes bya ba'i rab tu 'bar ba dang ldan pa'o/ /bsam zhes bya ba ni sngags pas so/ /de ci zhig bya zhe na 'khor lo zhes bya ba ste/ kun nas sgo zhes bya ba ni khams gsum ma lus pa'i dkyil 'khor te/ rang byung ba'i lhag pa'i lha'o/ /dpa' bo'i dpa' bo zhes bya ba la sogs pa ni/ rang gi lhag pa'i lha'i sbyor bas so/ /dpa' bo'i gnas zhes bya ba ni gzhal yas khang dang bcas pa'o/ /'dab ma la pho nya ma bzhi'o zhes bya ba ni/ lte ba'i pad+ma'i 'dab ma bzhil mkha' 'gro ma la sogs pa bzhi'o/ /'khor lo sgyur pa'i dpa' bo dang/ /gnyis med par ni ci bde bar/ /khaN+Da ro he phyi
- 135b
rol sbyin/ /zhes bya ba ni ji ltar 'dod par bsgoms nas de la lhag par mos pas sbyin sreg bya'o zhes bya'o/ /phyi rol pa gang zhe na khwa'i gdong pa la sogs pa'o/ /gang gi gzugs kyis zhe na/ rang gi gzugs su zhes bya ba ste/ ji lta ba'i gzhal yas khang gi sgo dang/ mtshams bzhir sngags pas de'i gzugs su blta ba'o/ /bstan par bya zhes bya ba ni bsgom pa'o/ /gang du zhe na/ 'khor lo'i dbus su'o/ /'khor lo 'di dag bstan pa ni/ /dngos grub thams cad sgrub byed yin zhes bya ba la ye shes sems dpa' i thugs ka'i pad+ma dkar ba la mtshan ma'i sa bon gyi thig le'i nang du khams gsum gyi bdag nyid kyi sems kyi dkyil 'khor bsgoms pa ni/ 'od zer bye bas rab brgyan cing/ /sangs rgyas sprin gyis rab tu 'khrigs/ /thig le'i rnal 'byor bsdus byas pa/ /phra mo'i rnal 'byor rnam par bsgoms/ /rigs kyi rim pa'i mtshan ma'i nang du hUM las gyur pa'i dkyil 'khor nam mkha' i ngos ltar yangs pa rgyal ba'i rin po che'i gnas bde ba chen po shin tu phra ba'i rdul phra rab bsags pa ye shes kyi 'od zer gyi/ phreng ba las rnam pa sna tshogs kyi sku mdza' yas pas na lus pa'i sems can rnams rdo rje mkha' 'gro'i byin gyi rlabs/ srog dang rtsol ba rab tu bsdams shing/ sems shin tu brtan par gzung ba na/ zhag bdun gyis 'dar ba dang bskyod pa dang 'bebs pa dang g.yo ba dang 'bad ba dang mngon sum du mthong bar 'gyur ba la the tshom med do/ /'khor lo 'di dag bstan pa ni/ /rdo rje snying po snying rje che/ /rig pa'i rgya mtsho zhes bya ba la sogs pa ni/ de'i le'u dang por 'khor lo bstan pa de 'dir yang de bzhin du the tshom mi bya'o/ /pho nya gnyis med sbyor ba'i bdag/ ces bya ba ni shin tu rnyed par dka' ba'i/ sngags kyi gzhung rnyed nas bzlas brjod dang bsgom pa dang mngon par ldan pa de ni 'dir gdon mi za bar grub par 'gyur zhes bya'o/ /dpal he ru ka zhes bya ba'i dga' 'grel sgrub thabs kyi gleng gzhi las
- 136a
le'u sum cu rtsa bzhi ba'i rnam par bshad pa'o// //de nas las kyi rab mchog ni/ /ji bzhin rim gyis mtshon pa ste/ /zhes bya ba la rim pa ni yongs su brgyud pa ste/ bla ma gcig nas gcig tu 'ongs pa'i gzhung lugs rnams pa med par bya ba'i don to/ /mchod pa gnyis med sbyor ba'i bdag /ces bya ba ni gnyis su med pa'i mchod pa ste/ thabs dang shes rab gnyis su med pa'o/ /de'i sbyor ba'i bdag nyid kyi sngags pas las kyi mchog bsgrub par bya ba yin no/ /las ni so sor sbyor bar bya/ zhes bya ba ni zhi ba la sogs pa'o/ /gang 'grub par byed pa'i sngags zhes bya ba ni sde tshan brgyad do/ /de'i rim dbye ba rim pa ci bzhin zhes bya ba la sogs pa la/ yi ge ni dbyangs yig dang gsal byed sum cu rtsa gsum mo/ pho nya ni rtsa'i rang bzhin gyi rnal 'byor ma'o/ /sogs pa'i sgras ni dpa' bo nyi shu gzung ste/ de rnams kyi sngags so/ /mda' yi shugs kyis yongs su 'khor/ /zhes bya ba la sogs pa la mda' ni rlung ste/ de'i shugs kyis 'gro ba yin la des 'khor ba ste/ 'gro ba dang 'ong bar nges par 'jug pa'o/ /phan tshun 'dud pa'i sngags ni zhes bya ba ni A li kA li dag 'dus pa ste/ 'dus pa'o/ /yul nyid kyis ni phye ba'o/ /zhes bya ba ni snying ga dang mgrin pa dang lte ba dang mgo bo ste/ de rnams su dgod pa'o/ /sa bon phreng ba de dag zin/ /hUM ni mdza' ru gnas pa yin zhes bya ba la gang du 'gugs shing gzhug pa la yi ge hUM gnas pa'o/ /de la don ni 'di yin te/ g.yon pa dang g.yas pa'i ngos gnyis su/ dbyangs yig bcu gnyis kha gyen du bltas bar dgod do/ /'og tu bltas pa ni yi ge ka la sogs pa phreng ba gnyis te de'i dbus su chud par bya ba'o/ /gang yang gsungs pa/ g.yon dang g.yas kyi ngos gnyis su/ /dbyangs yig bcu gnyis gnas pa ste/ /steng du bltas par yang dag bshad/ /ka la sogs pa mngon par spel/ /zhes so/ /bsgrub bya
- 136b
log? par gyur na ni/ /'gog pa ni rgyu ba gnyis rnam par bcings pa'o/ /bsgrub bya zhes bya ba dngos grub tu gyur pa ste/ rten med pa'i bde ba chen po'i rang bzhin no/ /gom pa gcig kyang mi 'gro'o/ /zhes bya ba ni/ rlung gis 'gro ba med pa'i phyir 'gro bar bya ba'i yul mi srid pa ste/ de dang de nyid rang bzhin gyis ro gcig tu gyur pa'i phyir ro/ /kha sbyor sbyar bar gyur pa dang/ zhes bya ba la sogs pa la/ kha sbyor sbyar bar gyur ba ni/ /zla ba nyi mar rnam par bshad/ /g.yon dang g.yas kyi ngos gnyis su/ /rdo rje lu gu rgyud bcings pa// ster? yi sko ru rtag gnas pa'i/ /snang byed 'bar ba'i phreng ba can/ /rnam par grol ba'i lam gyi tshogs su rgyun gyi mchog tu dga' ba sbyor ba ni kha sbyor ro/ /yang na lag pa gnyis kun tu 'khyud pa ni/ /rdo rje lu gu rgyud bcings brjod/ /thabs dang shes rab mnyam sbyor ba/ /kha sbyor zhes ni bshad pa yin/ /rdo rje dbye ba nyid dang ni/ zhes bya ba la sogs pa ni/ pad+mar rdo rje gzhug pa'o/ /bskor ba ni bskyod pa'o/ /rdo rje pad+ma 'byer ba ni/ /sgro chun sbrang rtsir byed par bshad/ /bskor bas 'di ni bskyod pa'o/ /bde dang dga' ba'i rang bzhin gyis/ /zhags pa brgyad bcug pa ste/ 'dod la chags pa'i lcags kyu yis/ /de bzhin gshegs pa thams cad dgug/ mi 'khrug 'khrug byed rdo rje ste/ /de ni gtun shing rab tu grags/ /bza' ba rdo rje 'debs pa la/ /de bzhin gshegs pa 'dus pa'o/ /dbugs la ? sbyar byas te/ zhes bya ba la mda' ni sgra'o/ /yan lag kha dang kha dang sbyar zhes bya ba la/ kha dang kha ni lha'i sku ste/ nam mkha' lta bu'i yan lag pas na kha dang kha'o/ /thod pa'i mchod yon snod du ni/ /zhal du mchod yon nges par sbyar/ zhes bya ba la/ sngags las? lte bar bsam bya ba/ /rlung gi dbus su me'i dkyil 'khor ro/ /de steng sna tshogs pad+ma dang/ /de steng thod pa byang chub kyi/ /ye shes bdud rtsis yongs bkang ba'o/ /de dbus A li kA li dang/ /ye shes lnga yi rang bzhin can/ /kA yig gis ni byin
- 137a
brlabs la/ /bdag nyid baM las rdo rje sems dpa' i sbyor ba'i zhi ba dang/ snying rje'i go 'phang can ston ka'i nam mkha' ltar dri ma med pa zla ba ltar 'od zer gyi phreng ba du ma 'phro ba/ bdud bzhi zhabs kyis mnan pa phag mo dang gnyis su med pa'i bde ba chen po'o/ /spyi bo'i pad+ma'i zla ba'i steng du mi shigs pa/ a ta si me tog ltar shin tu sngo ba las/ ba'i 'o ma'i rgyun nyin dang mtshan du 'bab pa'o/ /gang zhig 'og gi pad+ma la/ /zla ba nyi mas brgyan pa ste/ /lte ba'i dbus su de bsam bya// rlung gi dbus su me dkyil 'khor/ /lus med par ni mi lta ste/ /rab tu zhi ba'i yid kyis sbyar/ /yang mgo bor yi be laM las dbang chen gyi dkyil 'khor la klu she sha na ga'i lhag ma bde ba chen po'i gzugs can gdengs ka gsum gyis mdzes pa'o// thog les? par brgyan pa las char ba'i rgyun ltar 'bab par bsam mo/ /yi ge i ni bdud rtsi'i rgyun/ /mig gnyis su ni dgod par bshad/ /kun da zla ba dkar dang mtshungs/ /dbang po'i mtshon chas brgyan pa'o/ /steng du sprin gyis g.yog bya ba/ /'brus dang zlog gis brgyan pa ni/ /nam mkha' i dbus su khyab par bsam/ /bdud rtsi'i chu rgyun rab 'bab pas/ /grong khyer mthar ni zhi bar byed/ /bsgrub bya'i steng du 'dug bsams na/ /dug dang tsha ba'i rims la sogs/ /bsam gtan tsam gyis spel bar byed// dkyil 'khor dbus chung kha dog dbyibs/ /gang zhig rtag tu bsam byas na/ /de yi tshe ni zad 'gyur na'ang/ /tshe ring bar ni 'gyur ba nyid/ /log gcig par ni kha sbyor na/ /rgas pa med cing 'chi ba med/ /nang sogs kyis ni gdung mi 'gyur/ /klu chen rnam pa brgyad rnams kyis/ /gal te zin pa'i dug chen yang/ /bkod pas dug med byed pa ste/ /dug gi shi ba'ang slong bar byed/ /dus min 'chi las rgyal 'gyur te/ /nad las rnam par grol bar 'gyur/ /ston kha'i dus kyi zla 'dra ba/ /lag pa g.yon pa'i
- 137b
mthe bong la/ /zla gzugs yi ge baM 'phyang bas/ /bdud rtsi yang dag btsir bas ni/ /rim gyis dus min 'chi ba 'joms/ /de nas srung ba'i cho gar 'gyur ba ste/ /rdo rje srung bzlog gir dmigs pas/ /bdag nyid srung bzlog gi gtso bo/ /dkar zhing zhal g.yas pa rnams sngon po dang dmar po dang ser po dang/ g.yon pa rnams ljang gu dang dmar po dang dur kha ste/ steng gi zhal chen dkar ba/ zla ba la bzhugs shing rgyan sna tshogs kyis brgyan pa/ gos dkar pos nye bar mdzes pa g.yas brkyang ba'i sbyor bas 'chi bdag gi bdud la sogs pa mnan pa sangs rgyas lnga'i dbu rgyan chen po dang shi ba sos par byed pa'i mchog spyan gsum zhi zhing snying rje'i nyams kyis dga' ba phyag dang po sdig mdzub dang bcas pas rdo rje gdengs pa gsor zhing/ gzhan zhags pa dang bcas pa'i dril bu 'dzin pa/ de bzhin du ral gri dang dgra lha dang gtun shing dang thod pa dang/ mi 'jigs pa sbyin pa'i lcags kyu dang/ yang gzhu dang mda' rna drung du bkang ba dang/ kha TwAM ga dang tho ba dang bdud rtsis gang ba'i bum pa dang pad+ma dang bcas pa'i dung dang/ bco lnga pa dang bcu drug pas/ dbang bskur ba'i phyag rgya'o/ /'di'i snying gar 'khor lo bsam par bya ste/ pad+ma 'dab brgyad pa bris la lte ba sna tshogs rdo rje rtse mo bcu gnyis pas/ sna tshogs rdo rje lte bar yi ge hUM/ de'i lte ba la yang yi ge baM/ yi ge baM gyi lte ba la bsgrub bya'i ming yi ge gsum dang spel ba rak+Sha tshig dang bcas pa bri'o/ /rtsibs kyi nang du mkha' 'gro ma bzhi ni 'dir g.yon skor du dgod par bya ste/ DaM laM khaM rluM ri rI li lI dang spel ba'o/ /pad+ma'i 'dab ma dgod pa ni/ rim pa bzhin du thugs kyi dkyil 'khor te/ khaM praM kaM tsaM kaM praM baM maM rnams shar dang byang dang nub dang lhor ro/ /me mtshams la sogs par ni/ saM khaM aM khaM baM laM baM traM rnams hUM yig dang spel ba'o/ /de'i phyi rol du ni sna tshogs rdo rje ste lte ba la dbyangs yig bcu drug bri bar bya'o/ /rtsibs bzhi la ni gnod mdzes zhal bzhi pa bri bar bya'o/ /de nas ske rags/ de nas
- 138a
'dab ma bcu drug pa'i pad+ma bri rar byas la/ ske rags la ni kaM khaM gaM g+haM ngaM tsaM tshaM dzaM rnams bri'o/ /'dab ma bcu drug la ni rje btsun gyi yi ge brgya pa bri bar bya'o/ /de'i phyi rol du ni 'khor lo rtsibs bcu drug pa bris la 'khor lo'i rtsibs la sngon bzhin du g.yon skor gyis bri ba ni/ aM aM baM maM maM baM/ baM suM/ baM saM maM haM/ baM khaM/ maM tsaM/ raM khaM khaM haM saM maM tsaM/ aM saM/ haM saM baM maM baM tsaM baM maM/ zhes bya ba rnams/ yi ge oM dang por byas la h+ri dang bsgrub bya'i ming spel ba bri bar bya'o/ /de'i phyi rol tu ske rags la ming dang spel bar/ dzhaM nyaM TaM ThaM DaM DhaM NaM/ taM thaM daM d+haM naM/ paM phaM baM b+haM rnams bri bar bya'o/ /de'i phyi rol du ni glu bzhi pa la sgo bzhi pa ra ba lngas bskor ba ste/ sgo bzhi dang mtshams rnams su rim pa ji lta ba bzhin du kaM uM syaM/ shuM yaM yaM yaM yaM rnams/ yaM raM laM? thaM shaM ShaM swAhA/ rnams ldan pa'i bsgrub bya'i ming hUM dang hUM phaT dang spel ba'o/ /sgo'i steng du ni kha thum? pa'i rdo rje bri ni/ /de'i steng du ni tshig brgyad pa'i sngags bri bar bya'o/ /de'i phyi rol la ske rags la ni srung bzlog 'di bri bar bya ste/ na ma:sa man+ta kA ya bAk+tsit+ta badzra NAM/ oM hUM badzra he ru ka tsa kra barti sarba lo ki ka lo kot+ta ra Ni/ yan+t+ra man+t+ra tan+t+ra pu? pra yo ga /ti ni ye na ke na tsitkri ta ni/ sarba Ni A kaDDhya A kaDDhya/ grih+Na grih+Na b+hak+Sha ya/ tA sa ya trA sa ya ha na ha na/ da ha da ha/ pa tsa pa tsa/ k+Sh+mAM k+Sh+mAM/ dz+nyi dz+nyi/ ma tha ma tha/ bi d+haM sa ya bi d+hwaM sa ya/ sha ta sa ha sra d+ha/ sha ta sa ha sra d+ha/ bi tsur+Na ya/ bi tsur+Na ya/ oM phaT badzra he ru ka uSh+NI Sha tsa kra barti/ se khaM mu khaM tsak+Shu band+ha band+ha hUM hUM/ sngags pa che ge mo rak+Sha ku ru hUM oM swAhA/ yi ge k+Sha'i lto bar 'khor lo bri/ yang tha'i lto bar k+Sha bri bar bya'o/ /tha'i phyi rol du ni A li kA li bri bar bya'o/ /de'i phyi rol du ni rdo rje'i phreng bas bskor la/ cho ga bzhin du rab tu gnas par byas la/ shi ba gso ba'i sngags bzlas par bya ste/ oM mai tri saM dzaM ba ni mahA mai tri mi khe dzis pra pe sha ya sarba badzra
- 138b
pad+ma sa ma ya yo ge /mahA bo d+hi tsit+tam be d+ho bAM murte hUM hUM hUM a a swAhA/ /lan khri bzlas na dus ma yin par 'chi ba sel to/ /de nas rab byung blang bya ba/ /'dom ba'i ma yang na bram ze yi/ /glang chen rdul dang byang chub sems/ /tshil chen dud pa pad+ma'i chu/ /rdo rje chu yis bri bya ste// phreng ba'i sngags? kyis bskor byas la/ /skud pa dkar pos dkri bar bya/ /dbang bskur yang dag mchod pa dang/ gtor ma rab tu rgyas pa bya/ /bdag nyid sh+rI he ru ka yi/ /dngos byas nas ni bzlas pa bya/ oM hI(rgyud 'grel): ha ha a mu ka sya shAn tiM ku ru shAn+ting ku ru hUM hUM d+haM d+haM phaT mar dang sbrang rtsi dang bdud rtsi lnga'i nang du bcug ste bzhag na nad dang bcas pa nad med par 'gyur ro/ /yang na rtag tu rnal 'byor pa'i/ /mgo la bcings na rnal 'byor ma rnams mchog ster bar 'gyur zhing/ bgegs med par 'gyur ba dang g.yul du zhugs na thams cad las rgyal bar 'gyur ro/ /oM badzra he ru ka sa ma ya ma nu pA la ya he ru katwe no pa tiSh+Tha Di Dho me b+ha ba/ su po Sh+yo me b+ha ba/ a nu rak+to me b+ha ba/ su to Sh+yo me b+ha ba/ sarba sid+d+hiM me pra yats+tsha/ sarba karma su tsa me tsit+taM sh+re ya(rgyud 'grel): ku ru hUM/ ha ha ha ha ho(rgyud 'grel): b+ha ga ? badzra he ru ka pad+ma b+ha bi krit+ta tE d+he ku yang/ gal te sdig pa mi 'dor ba de'i tshe bla ma dang thub pa la gsol cig ces de'i sdig pa nye bar bsgrags la/ de nas rang gi lus la khro ba chen po/ dur khrod kyi me 'jig pa'i dus ltar 'bar ba la gnas pa spros nas/ bsgrub bya'i snying gar zhugs te kha sbyor gyi pad+ma snying rje'i bdag nyid kyis dral nas de'i bsrung ba'i lha dang gi lus la gzhug par bya'o/ /de nas rnam par shes pa'i lha khu tshur gyis gzung la za ma tog gi nang du bzhag nas bde ba can gyi zhing khams su khyer nas mi bskyod pa'i sku thob ste/ mchod par bsam mo/ de nas ming dang bcas par/ /oM phaT a mu gi bak+Sha phaT k+Sha zhes brjod la mkha' 'gro ma rnams kyis bskor nas za bar bsams te/ khro bo'i lcags kyus drangs te hUM gi khro bo'i khab kyi lte ba'i rtsa ba dbyung bar bya
- 139a
zhing snying dang rkang dang sha dang khrag rnams drangs la dum bu dum bur byas nas sgro'i chun po ltar bskor bar bya'o/ /de bzhin du khro bo dang mkha' 'gro dang mkha' 'gro ma'i tshogs du ma mtshon cha rnam pa sna tshogs thogs pas gcod cing gtub par lta ba dang mkha' 'gro ma rnams khros shing/ mche ba gtsigs pas 'jigs par byed par bsam mo/ /zhag bdun du ni rab sbyor bas/ /blo ldan rdo rje'ang lhung 'gyur te/ /nyi phyed dang ni mtshan phyed na/ las 'di rab tu brtsam par bya/ /skra grol gcer bur gyur pa yis/ /khros pas gshin rje'i phyogs bltas la/ /mkhrang ba'i stan la gnas nas ni/ /dus me'i byin za bzlas par bya/ /hUM phaT raM raM raM a nu ka pats+tsha a nan tar ya ka ri raM raM raM hUM phaT/ 'di ni bzlas pa tsam gyis kyang/ /bsgrub bya gom pa gcig mi 'gro /nyin mtshan bcu bzhi tsam gyis ni/ /gal te rdo rje 'dzin pa yang/ /'chi 'gyur 'dir ni the tshom med/ /de nas 'di yi zhi ba bya ste/ ji srid sdig pa dor gyi bar du sngags 'di brjod par bya'o/ /oM swAhA a a/ baM a mu ka pA pa tshi ra to b+hU ta ta sye pa shAn+tir b+ha ba tu baM aM aM oM swAhA/ gos dkar po gyon la lus dri dkar pos byugs la'o ma 'thung zhing lha khang stong par bzlas na zhi bar 'gyur ro/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa lnga pa'i rnam par bshad pa'o// //de nas zhes bya ba ni dus ma yin par 'chi ba blu ba'i rjes thogs su'o/ /mchod par bya ba nyid mchod pa ste/ las kyi phyag rgya'o/ /de nyid de bzhin gshegs pa thams cad kyi mchod pa chen po'o/ / ci'i phyir zhe na/ sngags dgod mchod par rab tu grags/ zhes bya ba'i sngags ni gnyis su med pa'i ye shes te/ de'i rnam par dag pa ni yi ge dgod pa yang sngags so/ /de nas 'di mchod par rab tu grags so/ /de'i tu 'jug pa'i rgyu gsungs pa/
- 139b
myur du dngos grub byed par zhes bya ba la sogs pa ste/ mchod pa 'dis myur du dngos grub byed pas na de'i don gyi dngos grub 'dod pa rnams kyis byed pa ste/ bstan par bya'o/ /mtshan ma gnyis la sngags rab sbyar zhes bya ba la yi ge hUM gis ni rtag tu rdo rje bskyed pa'o/ /yi ge a yis ni 'dam skyes so/ /yi ge baM gyis ni zer 'bru'o/ /phaT kyis ni bu ga bkag nas ye shes mtshon pa'o/ /mkha' 'gro ni rdo rje phag mo'o/ /dpa' bos ni dpal he ru kar ro/ /gnyis su med pa'i rang bzhin gyis rab tu 'jug pa'o/ /rnal 'byor ma bsgrub bya zhes bya ba ni snyoms par 'jug pa'o/ /blo ldan ni las la mkhas pas so/ /dag pa'i lus zhes bya ba ni gzung ba dang 'dzin pa las rnam par grol pa'o/ /rang 'dod pa zhes bya ba ni rang nyid kyi 'dod pa ste/ rigs dang tshul khrims dang ldan zhing ma dang bu mo la sogs pa lta bu'i nang nas cig gzung bar byas nas dpa' bo dang nye bar bsu bar bya'o/ /rnam dbye zhes bya ba ni tshogs kyi dkyil 'khor ba thams cad la so sor dbye'o/ /phyin ci log tu nges par sbyar zhes bya ba ni rnal 'byor mas skyes pa ltar byas pa'o/ /ci'i phyir zhe na/ tshar gcod pa dang phan 'dogs phyir/ /las kyi dngos por rnam par bsgom/ zhes bya ba la/ nyon mongs pa rnams tshar gcod pa dang sems can rnams rjes su gzung ba'i phyir ro/ /las ni de bzhin gshegs pa rnams rnam par dag pa'i rang rig pa'i mtshan nyid yin la/ 'di'i dngos por snang ba bsgom pa ni/ phyin ci log tu yongs pa'i phyir ro/ /de nyid dbye bas phye nas ni/ zhes pa la de nyid ni rigs lnga ste/ mi la sogs la rnam par dag pa'i gti mug rdo rje la sogs pa'o/ /rtsa'i lam du sbyar bar bya zhe bya ba ni rtsa'i sngags kyi de kho na nyid kyi khyad par gyis so/ /yang na sgyu ma lta bu'i rang bzhin nyid gnyis su med pa'i rang rig pas sbyar bar bya ba ste/ ji ltar phyi rol de bzhin nang zhes bya ba'o/ /'di yis zhes bya ba ni bde ba chen po'i rab tu sbyor bas so/ /lha dang lha min rnams
- 140a
dang ni mi dang bcas pa'ang zhes bya ba ni/ phyag rgyar gzung bar bya ba'o/ /zhes bya ba'i don to/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa drug pa'i rnam par bshad pa'o// // de nas gzhan yang bshad bya ba/ zhes bya ba ni rnal 'byor pa chung ngu'i thabs chen po'o/ /tshar gcod ces bya ba ni/ sman bzang po dang bcas pa'i sngags kyis tshar gcod pa'o/ /gnon pa zhes bya ba ni bud med thams cad mnan pa ste sgyu can dang g.yo can dang gdul ba dka' ba ma lus pa dang lhan cig tu bsgrub pa'o/ /'dod pa'i yon tan longs spyod pa'i/ /phan tshun sbyar ba'i gsang sngags ni/ /zhes bya ba ni sgrub thabs kyi yan lag gsungs pa ste/ phan tshun ni phyi dang nang ngo/ /mkha' 'gro ma nyi shu rtsa bzhi po de dag nyid sngags dang 'dra bas na sngags so/ /mkha' 'gro ma dang gcig tu sbyar zhes bya ba ni/ gnyi ga bsdus par gyur pa'o/ /yang na sngags ni khyad par can gyi dbyangs yig go /de nyid ci lta bu zhe na/ dang po dbyangs yig thig le dang bcas pa pad+ma'i steng du bsams na de skad cig tsam gyis 'bar par 'gyur zhing/ yul rnams su yang nye bar rgyu ba yin no/ /de yang bde ba thams cad kyi ni mchog /chos kyi dbyings ni mi shigs pa/ /u dang thig ler yang dag ldan/ /sngags dang rgyud rnams btus pas te/ khams gsum kun nas 'dres pa'o/ /bza' dang btung bar yang dag ldan/ /zhes bya ba'i bar du gsal lo/ /cho ga de nyid kyis/ ser skya'i mar ni 'thung nas su/ /bzlas pa'i mthar ni bskyug par bya/ zhes bya ba la sogs pa ste go sla'o/ /til mar zhes bya ba la sogs pa la sa lu btags pas dri ma dril ba ni lus bskus pa'o/ /snum khur zhes bya ba la sogs pa'ang go sla'o/ /til nag po ni zos nas su/ /ske tshe bcas pas bskyug par bya zhes bya ba la sogs pa yang cho ga
- 140b
de nyid kyis te gsal lo/ /ba lang sha zhes bya ba la sogs pa ni nang gi sbyin sreg ste lte ba'i thab khung nyid du ni/ /pad+ma yi ni dbus su lha/ /mthe bo'i tshigs tshad tsam du blta/ /phyag gnyis sku mdog dmar ba li/ /nyi ma'i stan la bzhugs pa ni/ /'od kyi snang bas legs gnas pas rna yang? mnas kyi tshad tsam la/ /dbugs kyis bkug ste bsreg par bya/ /de yi bsam gtan chung sems kyis/ /dbang dang dgug pa nyid du 'gyur/ /de'i mod la zhes bya ba la sogs ni go sla'o/ /rab tu 'bad de gsang bar bya/ /zhes bya ba la sogs pa la sba ba pa ni gsang ba ste/ dam tshig spyod pa'i mtshan nyid cher 'bad cing rab tu 'bad de gsang bar bya ba mi gsal bar byed pa'o/ /dper na dmus long gi lag tu nor bu mchog bzhag pa bzhin du cho ga khyad par can 'di yang skal ba dman pas mthong bar mi 'gyur ro// bsod nams chung ba'i sgrub pa pos kyang ste/ bla ma mnyes par byas pas ni rnyed par 'gyur zhing/ gzhan du ni ma yin no/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa bdun pa'i rnam par bshad pa'o// // de nas brda zhes bya ba ni brdar gdags pa'o/ /de bzhin du mkha' 'gro ma'i lus kyi mtshan nyid ni gang yin dang zhes bya ba la mkha' 'gro ma ni nyi shu rtsa bzhi'o/ /lus ni rnal 'byor ma rnams kyi rnal 'byor gyi lus so/ /dpa' bo'i yan lag dbye zhes bya ba ni pul+li ra dang mA la ya la sogs pa'i gnas nyi shu rtsa bzhi'o/ /'dis ni 'khor lo dgod pa ston to/ /de bzhin zhes bya ba la sogs pa ni/ ji ltar sgom pa po zhin du dgod pa'o/ /dpa' bo'i dbang phyug mi dri zhes bya ba la sogs pa ni de'i gzugs kyis su la'ang bsnyan par mi bya'o/ /zhes bya ba la sogs pa ste go sla'o/ gsang ba bsrung zhes bya ba ni rang nyid sbed par byed pa'o/ /de dang zhes bya ba ni tshad mar gyur pa dang ngo/ /gang zhig gis zhes bya ba ni/ dpal he ru ka'i rnal 'byor can no/ /bsod nams mthong ba yin zhes bya ba ni
- 141a
bsod nams des grol bar 'gyur ba'o/ /ci zhig ce na legs skyes pa zhes bya ba ste/ lnga pa'i don la drug pa yin no/ /'dis ni ngan 'gro las rnam par grol bar bstan to/ /gnas ji lta ba bzhin du gnas pa ni rnal 'byor ma dang gsang ba mi zhes bya ba ste/ /dam tshig skyong ba rnams dang mnyam pa'i bdag nyid ni gsang ba'i mi ste de dang lhan cig pa'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa brgyad pa'i rnam par bshad pa'o// // de nas zhes bya ba ni rol pa'i rjes la ste/ /thams cad brdzun pa nyid du shes nas bzhad pa'o/ /sngags kyis zhes bya ba ye shes bskul ba ste/ sngags ni yid bskyod gsungs pa na/ de kho na nyid bskul bar gsungs zhes gang gsungs pa'o/ /des cir 'gyur zhe na/ de nas 'od la yang dag par blta zhes bya ba la sogs pa ni mchog ster bar 'gyur ro/ zhes bya ba'i don te go sla'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u sum cu rtsa dgu ba'i rnam par bshad pa'o// // de nas zhes bya ba la sogs pa la mi rnams ni sa steng ba'i 'jig rten du 'gyur ba'o dpa' po ni dpal 'khor lo sdom pa'o/ /de'i sngags ni rkang pa brgyad pa'o/ /de dag gi rnal 'byor ni de'i rnam pa phun sum tshogs pa dang ldan pa'o/ /gang gi bya ba yin zhe na/ gsungs pa sgron ma myos byed bcas pa dang zhes bya ba la sogs pa ste nang gi sbyin sreg bya'o/ /zhes bya ba'i don to/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu pa'i rnam par bshad pa'o// // de nas las kyi rab mchog ni/ /gang gis shes pa bsgrub pa yis/ zhes bya ba la sogs pa la gang gis shes bya ba ni sngags kyis te/ rnyed pa dka' zhing gsang bar gyur pa'o/ /ji ltar shes she na/ bshad pa'i rgyud las bla ma'i bka' las shes par bya'o/
- 141b
de skad du gsungs pa/ gang du las ni yod gyur pa/ /rang gi las kyi cho ga med/ /der ni spyi yi rgyud dag las/ /gsungs pa chog mkhas pas bsten/ /de gsungs pa/ rdo rje dang ni rta yi 'gros/ /gshin rje yi dags de bzhin te/ /gzhan yang ro langs nyid dang yang/ /srin po yi ni khyad par gyis/ /rim dang rim las bzlog pa dang/ /stong pa'i sgo ni nges non pa/ /rdo rje thod pa grwar ldan pa/ /sngags kyi phreng bas khyad par byas/ /'khrul 'khor chen po bcu gnyis ni/ /dngos grub sgrub pa po la ni/ /dran pa'i mchog ni ster bar 'gyur/ /de nas rdza rnga bcing ba ni/ /byas nas dgod pa nyid rab sprul/ /dbang ldan la sogs g.yas skor gyi/ sbyor ba so sor re mig la/ /oM suM b+ha ni suM b+ha huM hUM phaT/ oM grih+na grih+Na huM hUM phaT/ oM grih+NA pa ya grih+NA pa ya huM hUM phaT/ oM A na ya ho b+ha ga bAM bidyA rA dza huM hUM phaT/ /re mig dbus su lhas byin ni/ ji ltar las kyi rjes mthun pa'o/ /de nas yang oM suM b+ha huM hUM phaT oM/ gnyis pa la ni hUM phaT ni de hUM ta gri/ gsum pa la ni hUM b+ha suM hUM h+NA grih+NA/ bzhi pa la ni hUM de hUM de hUM de hUM/ lnga pa la ni nyo b+ha ga bAn hUM grih+NA pa ya/ drug pa la ni A na phaT/ bid de ba ya phaT huM hUM/ bdun pa la ni oM huM hUM rA dza hUM h+Na gri oM/ /sbyor ba 'di ni rengs pa dang/ ltung ba dang 'di nyid kyis non pa yang bya'o/ /yi ge hUM gi gnas su 'bar ba'i rdo rjes gzir ba'i bsgrub bya bri zhing rdo rje'i lte ba la yang hUM bris pa la/ dpa' bo g.yul du bsad pa'i buM pa'am braM ze'i bum pa skam por 'phral du ro bsregs pa'i sar sba'o/ /de nas yang dang po la ni oM ni hUM/ bzhi pa stong pa/ oM gri hUM/ gnyis pa la ni b+ha/ dgu pa la stong pa/ suM stong pa'o/ /haM stong ba'o/ /gri gsum pa la ni h+Na hUM suM stong pa'o/ /h+Na phaT h+Na/ bzhi pa la ni stong pa'o/ /lnga pa la ni oM b+ha ga hUM stong pa/ oM pa ya pa ya/ drug pa la ni rA dza/ stong pa/ A na ya/ stong pa/ h+Na stong pa/ gri bdun pa la ni/ ho hUM baM bidyA/ stong pa/ h+Na huM hUM/ gri/ 'di dag ni rta'i 'gros kyis dgod pa'i sngags te/ yul stong par ma he dang rta la zhon pa'i bsgrub bya
- 142a
'thab par byed pa ro langs kyis mnan na dbye bar 'gyur te/ rta dang ma ha cho ga bzhin du bum par gzhag la/ bsgrub bya'i khang pa'i sgo 'am yang na ro bsregs pa'i sar sba bar bya'o/ /de la dug dang khrag dang ske tshe'i sa bon thod pa la bzhag la/ mi rus kyi smyu gus dur khrod kyi ras sam dpa' bo'i ro'i bum pa la sngags pa kha ltor bltas pas 'khor lo gnyis bri bar bya'o/ /mar ngo'i tshes brgyad dam bcu bzhi'i mtshan phyed na cho ga'i rim pa 'dis bya'o/ /bsad pa la ni gshin rjes mnan cing za bar byed pa'o/ /yi dags la ni yi dags kyis so/ /ro langs la ni ro langs kyis so/ /srin po la ni srin pos mnan pa'o/ /stong pa la ni stong pa'i pad+mas so/ /rdo rjes mthar dbye bar bya'o/ /mtshams bzhir ni thod pa bri bar bya'o/ /las kyi cho ga mthong ba yis/ /'di dag kun la khros byas na/ /'jigs byed mi bzad pa de bzhin/ /'khrul 'khor de rnams ji ltar 'grub par 'gyur zhe na/ de'i phyir gsungs pa/ dngos grub sgrub pa po la ni/ /dran pas 'grub 'gyur gdon mi za/ zhes pa'o/ /su yis zhe na/ thams cad bla ma'i gnas la sogs/ /mkha' 'gro mas ni thams cad khyab/ /ces bya ba la sogs pa la/ thams cad ces bya ba ni grong mdza' dang nye ba'i grong mdza' la sogs pa'i mthar thug pa'i gnas sum cu rtsa gnyis so/ /de rnams kyi bla ma ni thams cad bla ma ste yul nyi shu rtsa bzhi'o/ /thams cad bla ma gnas la sogs pa de rnams kyi mkha' 'gro mas ni thams cad du khyab pa'o/ /de rnams kyi gsang ba brjod kyi gzhan ni ma yin no zhes bya ba'i don te/ gang dag gi bkod pa'i cho ga yin pa de rnams nyid/ ji lta bu zhes snyam du dogs na/ gsungs pa/ yul dang yul du mngon par skye/ /ye shes ldan pa rang skye gnas zhes bya ba la sogs pa la/ ye shes ni bde ba chen po ste de dang ldan pa'o/ /rang rang gi dpag tu med pa'i skye ba'i gnas ni rang skye gnas te/ byang chub
- 142b
kyi rgya mtsho'o/ /des bskyed pa ci zhig ce na/ 'dir gsungs pa'o/ de ni mkha' 'gro ma ru bshad/ zhes bya ba la sogs pa la/ mkha' 'gro ma ni khams nyi shu rtsa bzhi ste/ rnal 'byor ma'i rdo rje'i lus nyid de bzhin du yang dag par byung ba'o/ /rdo rje'i dkyil 'khor gtso bo yin/ /zhes bya ba la sogs pa la rdo rje ni mi phyed pa ste gnyis su med pa'i ye shes so/ /der gtso mer gyur pa ni/ rdo rje dkyil 'khor gtso bo ste/ /de rnams nyid las skyes pa'o/ /de rnams kyi gnas gsungs pa/ ku lu ta dang zhes bya ba la sogs pa ste/ sku'i 'khor lo nas? brtsams nas thugs kyi 'khor lo'i mthar thug pa'o/ /ji lta ba'i sbyor ba bsdu ba'i phyir yul 'di rnams kyi bu mo zhes bya ba la sogs pa gsungs so/ /dpa' bo gnyis med rnal 'byor ma/ zhes bya ba ni snyoms par 'jug pa'o/ /yid kyis shugs kyis 'jug pa yin/ zhes bya ba la yid kyi shugs ni yid kyi shugs zhes bya ba ste/ /nyi shu rtsa bzhi po 'di dag ni shin tu mgyogs par song nas yang dag par bsdud pa'i gzugs can no/ /rnal 'byor ma rnams brda gsungs pa/ /rnal 'byor ma drug ces bya ba la sogs pa'o/ / brda bya ba'i bye brag du zhig ce na/ 'dir gsungs pa/ ku lu ta mya ngam yul na ma mo rnams zhes bya ba la sogs pa stong phrag nyi shu rtsa gcig gis nye bar mtshon pas/ stong phrag nyi shu rtsa gcig dang/ stong phrag bdun cu rtsa gnyis su shes par bya'o/ /de dag gang du sbyar zhe na 'dir gsungs pa/ /lhag ma gzhan dag ci rnyed pa/ /dpal ldan he ru ka yi ni/ /'khor lo'i rnal 'byor ma yin no/ zhes bya ba la sogs pa ste/ nyi shu rtsa bzhi'i rang bzhin gyis thams cad bsdus so zhes bya'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa gcig pa'i rnam par bshad pa'o// //de nas dpa' bo me tog chu zhes bya ba la sogs pa la me tog ni sbrang rtsi ste/ de dpa' bos btung bar bya'o/ /sngags ni rjes dran bya zhes bya ba ni yi ge
- 143a
ha rnam pa brgyad de/ bu mo mig bzangs rnyed nas so/ /phyag rgya lhan cig ces bya ba la sogs pa ni go sla'o/ /sngags gsum bzlas pa 'di yis ni zhes bya ba/ oM sarba bardzwa kA mi Ni sarba b+hak+ShaM sho d+ha ya/ gu hya badzri Ni swAhA/ zhes pa'o/ /'thung dang zhes bya ba ni rang nyid kyis so/ /de bzhin zhes bya ba ni de la yang ngo/ /reg dang zhes bya ba ni pad+ma'i mchog chen po ste/ chu skyes dmar po lta bu'i der rang nyid grub par bya ba'i sems kyis rang gi rdo rje sbyar bar bya ba'o/ /bzhad pa zhes bya ba rnam pa brgyad pas so/ /gtso bo che zhes bya ba ni chang gis myos pa'i sngags pas so/ /gang gi phyir de bzhin gshegs pa thams cad kyi sgrub pa po'i lus kyi dkyil 'khor du 'dus shing/ de bzhin du lha mo thams cad kyang reg rdo rje'i lus kyi dkyil du chud pa'i phyir ro/ /reg rdo rje gang zhig ce na/ bden pa tshangs par spyod pa dang/ lha dang bzhad pa'i phyag rgyas sgrub ces bya ba ste/ bsgrub ces bya ba ni bsgrub bya ste ye shes chen po'o/ /de lta bu'i phyag rgya zhes bya ba ni las kyi phyag rgya'o/ /ji lta bu zhe na/ blta ba'i bsnyems pa grags ldan pa/ ces bya ba la blta ba ni mig go /bsnyems pa ni g.yon pa'o/ /gang gi don du rtag tu bsnyems pa dang ldan pa'o/ /'dis ni zhes bya ba ni 'di yis so/ /mtshan mo'am de bzhin nyin mo zhes bya ba ni/ der chud pa'i yid dang ldan pa'o/ /de ltar goms par gyur pa las phyag rgya chen po'i rtags skye ba ni/ gzugs dang las kyi gsang ba gang/ zhes bya ba la sogs pa ste/ nyon zhes bya ba ni phyag na rdo rje la bcom ldan 'das kyis de skad ces bka' stsal pa'o/ /dngos grub mngon du phyogs pa'i dpa' bo'i gsang ba'i mtshan ma ni 'di dag ste/ gzugs phra ba dang reg pa spang ba dang/ khyab pa dang yang dag par thob pa nyid dang/ rab tu snang ba nyid brtan pa dang dbang du gyur ba dang/ 'dod dgur gyur pa zhes bya'o/ /de'i tshe bkres pa dang skom pas gnod par mi 'gyur zhing/ bshang ba dang gci ba la sogs
- 143b
pa'ang ldog par 'gyur ro/ /'di dag thams cad rmi lam dang mtshungs shing/ khyad par cung zad kyang mi dmigs so/ /rtag tu de dag mchi ma byung zhes bya ba ste/ mig gnyis ni 'dir gnyis kyi tshig tu blta bar bya ste/ de yang kye ma sems can dam pa 'di ni thabs dam pa 'di lta bu skad cig kyang mi sgom la sdug bsngal mi bzod pa'i 'khor ba'i tshogs can 'khor bar skye bas med pa 'dir skye ba dang dga' ba dang 'chi ba la sogs pa 'dir 'jigs pas 'khrugs shing/ gnas pa las g.yo ba dang ldan pa 'di la snying rje rtag tu skye bas so/ /rang las byung ba'i zas de bzhin zhes bya ba ni bde ba'i bdud rtsi de'i pad+ma las blangs pa'o/ /rdo rje la ni 'og ma mi byed ces bya ba ni skyes pa'i tshul du byed pa ste/ khams gsum las 'da' ba' i bsam pas so/ /de bzhin gcer bur gyur pas mchod/ /ces bya ba ni nu ma dang mchan khung dang byin pa dang pad+ma'i dkyil 'khor la blta ba'o/ /'di ni phyag rgya'i tshogs kyis bstan pa ste/ gang de'i dbang po thams cad kyi ro nyams su myong bar bya'o/ /dbugs 'byin zhes bya ba ni shes rab kyi rlung rnams kyis dbab pa'o/ /bskyod ces bya ba ni bsgrub bya'i lus bskul ba'o/ /rgod dang zhes bya ba ni rgod pa'i lus mnan pa'o/ /gar dang zhes bya ba ni gar gyi 'gros kyis rab tu 'jug pa'o/ /ngo mtshar zhes bya ba ni so so'i skye bo rnams rmad du gyur bar mdzad pa'o/ /sna tshogs zhes bya ba ni rnal 'byor pa thams cad do/ /dang por zhes bya ba ni 'dis bzhad par bya'o zhes bya ba'i don to/ /ha hA he hai ho hau haM ha(rgyud 'grel): zhes bya ba 'di ni rgod pa brgyad ces bya'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa gnyis pa'i rnam par bshad pa'o// //de nas spyan ras gzigs zhes bya ba la sogs pa/ ci zhig gi don du rnal 'byor ma rnams spyan ras gzigs kyis 'chad par mdzad ce na/ 'dir gsungs pa dpa' bo dang ni gnyis med mi zhes bya ba ste/ gang gi spyan ras gzigs ni mi rnams dpa' bo ltar rnal 'byor ma rnams dang gnyis su
- 144a
med par 'gro ba'i phyir te/ de ni dpa' bo dang ni gnyis med mi'o/ /su zhig la spyan ras gzigs par 'gyur zhe na/ 'dir gsungs pa/ gnas kyi dbye ba'i zhes bya ba la gnas ni pul+li ra dang/ mA la ya la sogs pa'o/ /de rnams kyi dbye ba ni gnas la sogs pa ste/ de rnams kyi cho ga ni gang dang gang du gang dang gang sbyor ba de shes pa'o/ /ci zhig byas pas she na/ bsgom la rtag tu mngon dga' ba zhes bya ba ste/ bsgom pa dang mngon par blta ba dang ldan pa la/ spyan ras kyis gzigs par 'gyur ro/ /gang du gnas pa la zhe na/ lam gyi bzhi mdo zhes bya ba la sogs pa ste go sla'o/ /de ltar pad+ma'i 'byung gnas nyams dga' ba la/ ngang pa'i tshogs 'dus pa bzhin/ dam tshig la gnas mkha' 'gro ma/ /ring po nas kyang gzigs par 'gyur zhes pa ste thugs rje chen po'i thugs kyis gdungs pa'i phyir ro/ /gos med par rnal 'byor can gyis phyag rgya mchod pa ni gcer bus mchod pa'o/ /las de nyid kyis grol bas na/ /phyag rgya gcer bus mchod pa yis/ /las nyid kyis ni yongs su grol zhes so/ /gos gzhan dag gis bkab nas ni zhes bya ba la gos ni stag gi lpags pa la sogs pa'o/ /gzhan ni rus pa'i rgyan gyi yan lag la bzhag pa'o/ /'dod pa rnams kyis gos mi 'gyur/ /zhes bya ba ni ji ltar chu yis pad+ma mi gos shing/ /ji ltar mkha' la nyi mas mi gdungs bzhin zhes so/ /de bzhin sgra grol gcer gyur pas/ zhes bya ba la de la gus par byas nas las thams cad bya'o zhes bya ba'i don to/ /yang na bslab pa dang dbang bskur ba la sogs pa las thams cad brtsam par bya'o/ /rtsa ba'i sngags dang de bzhin gshegs/ /zhes bya ba la sogs pa las rtsa ba'i sngags ni bzlas pa'o/ /phyogs bcing bar ni 'jug pa yis/ /zhes bya ba ni rab dang dra ba dang/ bla bre dang mda'i dra ba dang me'i dra ba'i sngags kyis/ 'jug pas mchod par byed pa'i lha rnams kyis kyang mi mthong na mi rnams kyis lta
- 144b
ci smos zhes bya ba'i don to/ /sngags de dag bsgrubs shing bzlas pa'i nus pa gsungs pa/ snyim pa me tog gis bkang ste/ /mkha' la spyod pa gyen du 'thor/ zhes bya ba ste/ snyim pa me tog mkha' la gnas shing sa la ltung bar mi mthong ba'i yang na snyim pa'i me tog ces bya ba ni mkha' la spyod pa'i sems can stong phrag gam 'bum phrag gi mthar thug pa yang dbang du 'gyur ro/ /skar ma'i rgyu ba shes par 'gyur zhes bya ba ni dri ma med pa'i ye shes kyis thams cad rig pa'o/ /yul yul de bzhin dgon pa dang/ zhes bya ba la sogs pa ni go sla'o/ /lus kyi sbyor ba dang po ste/ zhes bya ba la sogs pa la 'og nas 'byung ba'i tshul gyis phyi nas las rnams rtsom par bya'o/ /shing drung zhes bya ba ni snying gar pad+ma 'dab ma drug pa bsam mo/ /yi ge bdun gyi bdag nyid can las byung ba ni/ tshogs 'phro ba 'dzin pa las mi phyed par 'gyur te/ sa 'dzin rnams kyang gzhan du mi zhes so/ /bdag gi lus la rnam bkod de/ zhes bya ba ni/ 'khor lo ste bdud rtsi lngas gzhi byugs la ku sha bting ste brgya rtsa brgyad bzlas brjod byas la cho ga bzhin du nyal nam mkha' 'gro ma'i 'khor lo spros nas 'jig rten gsum dang lhan cig 'dres shing rnam par zhugs te/ bcom dang mnyam zhes bya ba la sogs pa thams cad ston par 'gyur ro/ /de bzhin sngags las ral gri chu/ zhes bya ba la sogs pa ni/ bu mo gtsang ma la bab pa ste/ phye 'phred kyi dus su bu mo'i mig la/ brgya rtsa brgyad bzlas na tho rangs ji ltar 'gyur ba ston par 'gyur te/ khang pa'i nang du mar me sbar la bum pa gang ba dang ras ris kyi lha mchod la ral gri 'am me long ngam/ mar me dngos la bstan par byas na 'dir ston par 'gyur ro/ /yang mthe bo til mar gyis bskul la sen rtsis byugs te/ bstan bar byas na su zhig gis nor khyer ba smra bar 'gyur zhing bcom pa dang mnyam pa la sogs pa yang ston par 'gyur ro/ /de nas dpa' bo'i yi ge bdun/ /'khor lo dgod pa'i bya ba nyid ces bya ba la sogs
- 145a
pa la/ nyi ma zhes bya ba ni nyi ma phyed na ste/ khro bo'i sems kyis dur khrod kyi ngas sam/ thod pa'am shing arka'i lo ma la/ sngon du bstan pa'i rtsibs la mi rus kyi smyu gus mi'i khrag dang bcas pas bsgrub bya'i ming rim pa ji lta ba bzhin bris te/ gzugs brnyan gyi khod par bcug la ske tshes byugs nas yang nas yang du bsro zhing sngags stong rtsa brgyad bzlas so/ /rims kyis thebs par bya ba la ni yi dags kyi snying gar ro/ /lto ba na bar bya ba la ni yi dags kyi klad par ro/ /rjed byed la ni rlung dang sprin gyi dkyil 'khor la'o/ /gzer ba la ni mdung rtse gsum pa la bri'o/ /dug dang mdze nad la ni lto 'phye la'o/ /gzas gzung ba la ni gza'i gzugs brnyan la 'khor lo rims bzhin dgod par bya'o/ /'di ni nad thams cad nyid/ bskyed cing skyong bar byed pa'o/ /yi ge shel gyi rnam pa ltar/ zhes bya ba la gro ga'i 'dab ma'am lag pa g.yon pa la tsan dan dkar po la sogs pas zla ba'i dbus su bri zhing bkod la/ nad kyis gdungs pa la bstan par bya'o/ /bltas pa tsam gyis mod la ni/ /nad las rnam par grol bar 'gyur/ /ston ka yi ni zla ba dang/ /bdud rtsi'i chu rgyun 'bab pa ni/ /snying ka mdzod spu mgrin mgo bor/ /zla gzugs yi ge bsams nas ni/ /phyogs bcur rnam par 'byed par 'gyur/ /ba la sha zhes bya ba la sogs pa ni sngon du bstan pa bzhin du sbyin sreg bya'o/ /gang tshe mig ser nad zin pa'i/ /mtshan nyid ldan pas shes byas la/ /rang gi dbugs kyis gzir byas pas/ /shi ba slong bar byed pa'o/ /rims dang gdon zhes bya ba la sogs pa ni/ dran pa tsam gyis sel bar byed cing grib ma yang mi gom na lag pa bstan pas lta ci smos zhes bya'o/ /g.yul du khu tshur bcings na ni/ zhes bya ba ni ldong ros sam yung bas lag pa g.yon pa la 'khor lo 'di dag bris pa'am/ yang na zangs ma grebs pa la 'khor lo bris la/ che ge mo'i lus la mtshon cha thams cad bzlogs shig ces bya ba dang/
- 145b
sngags lan stong bzlas nas bcings nas rdo rje khu tshur gyi nang du bcug ste/ de nas gsang sngags rgyal po dran/ /ji srid khu tshur ma grol bar/ /dgra bo gal te lag na ni/ /mtshon cha 'phyar bar byed pa yang/ /ji srid khu tshur ma grol par/ /mtshon cha gtong bar mi nus so/ /'di yis g.yul las bdag rgyal zhing/ /rgyal po 'gyod las bdag rgyal 'gyur/ /yang 'gegs nas shi ba'i khar 'khor lo bcug nas de nas bslang ste/ des rang gi kha nub phyogs ma yin par bltas la/ 'di bris na yang bris pa tsam gyis rgyan po las rgyal bar 'gyur ro// thams cad du shin tu mnyam par gzhag pa'i sngags pas khams gsum du bka' i 'khor lo rab tu sbyar na/ sa 'og sa stengs mtho ris su/ /dmod 'debs phan 'dogs nus pa yin/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa gsum pa'i rnam par bshad pa'o// //de nas pho nya mo zhes bya ba ni las kyi pho nya ste/ yi ge bdun pa dang rnal 'byor ma drug go /yi ge bdun pa ni sna tshogs pad+ma'i 'dab ma la'o/ /rnal 'byor ma drug gi cho ga'i yi ge ni 'khor lo'i rtsibs la las dang rjes su mthun par dgod par bya'o/ /bsgrub bya'i ming dang spel byas nas/ /de'i mod la sgrub byed pa'o/ /tsan dan dmar po'i rdul dang ni/ /de bzhin ske tshe lan tshwa dang/ /bsgrub par bya ba'i rkang rjes so/ /gcig tu byas nas btag par bya/ /rnal 'byor ma'i 'khor lo lag pa gnyis la bsgoms la snyoms par 'jug pa'i tshul gyis mnyes nas dur khrod gyi 'am/ sme sha can gyi ro bsregs pa'i me la mtshan phyed na sbyin sreg bya ste/ de'i thal bas bsgrub bya'i gzugs brnyan byas la gro ga'i 'dab ma la 'khor lo bris nas bcug pa mngon du phyogs par bzhag nas/ de bkug nas brgyal bar bsgom zhing gang gi ming nas smos te/ lan brgya rtsa brgyad bzlas na de 'gugs par 'gyur ro/ zhes bya ba'i don to/ /bsgrub par bya ba'i zhes bya ba la sogs pa ni go sla'o/ /sbyor ba 'di ni grub
- 146a
pa ste/ zhes bya ba la rdul de nyid ni blangs nas ni/ /lcags phye dang ni bsres byas nas/ /bsgrub bya ming bsgul bcas par bri/ /de nas bcings te mchod pa lan bdun bzlas la/ lam gyi bzhi mdor sa la sor brgyad tsam brkos nas sbas pas gang yin pa de de'i mod la myur du bcings par 'gyur ro/ /phyung nas ba'i 'o mas bkrus na rnal mar 'gyur ro/ /phye ma de nyid blangs la smyo byed yan lag lnga dang ldan par byas nas ro'i gos la 'khor lo bsgrub bya'i ming dang bcas pa rim pa bzhin bris la gtums te/ lan brgya bzlas la dur khrod kyi sa la sbas na nges par 'phral du smyo ba nyid du 'gyur la/ slar gso ba la ni bton te ba'i 'o mas bkrus na thar bar 'gyur ro/ /sbyor ba 'di ni grub pa ste/ /zhes bya ba yin no/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa bzhi pa'i rnam par bshad pa'o/ //de nas las kyi rab mchog ni/ zhes bya ba la sogs pa ni sgra ji bzhin pa'o/ /ba yi 'o ma yis zhes bya ba ni des bkru bar bya ba'o/ /ling+ga ni rang byung ba la'o/ /de ltar zhes bya ba la sogs pa ni nyin gcig bzhin du nyi ma bdun du 'o ma 'thung zhing byas la/ de nas zhag gsum lon par gyur pa dang/ chu bo zhes bya ba rgya mtshor 'gro ba der song la rnal 'byor ma'i 'khor lo mchod de/ bka' nos na tshig gi dngos grub tu 'gyur ro/ /smras pa rnams nges par 'gyur ro/ /skye gnas rgya zhes bya ba ni ro'i sen rtsi dang ro rtsa na gro ga la sngar bstan pa'i 'khor lo ming dang spel ba bri'o/ /lto bar gnas zhes bya ba ni der gzhug pa'o/ /gang gi lto bar zhe na/ de'i gzugs brnyan byas pa'i ste/ tsan dan dmar po la sogs pa sgra ji bzhin no/ /de'i skye gnas nas skud par dbyung ngo/ /yang na ling+gar yang bsams la lag pa g.yon pa'i khu tshur gyi mthe bos skud pa mnan la/ blo ldan thun gsum mthe'u chung bskyod ces bya ba la
- 146b
lags pa ste gsal lo/ /bsros na zhes bya ba ni ji srid spra tshil ma zhu bar zhes bya ba dang sbyar bar bya'o/ /dud 'gro'i ni zhes bya ba ni ro'i'o/ /las kyi pho nya mo'i zhes bya ba ni rjes su shi ba ste bud med dang skyes pa lhan cig bsregs pa'o/ /'dzin zhes bya ba ni sngags pas de'i ming nas bos la khyod kyis bdag gi bya ba rtag tu gyis shig lan gsum du bsgo bar bya'o/ /de nas ka ra bi ra'i lcug ma lag pa phyed kyi tshad tsam blangs la che ge mo 'dir shog la che ge mo zhes bu mo rang gi ming nas brjod la/ myur du khrid de shog cig ces bsgo nas bskor bar bya'o/ /dbus gnas zhes bya ba ni skye gnas kha sbyar ba'i dbus su gnas pa'o/ /me tog dmar po zhes bya ba ni las 'di zla ba gzas zin pa'i dus su bya ba'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa lnga pa'i rnam par bshad pa'o// //de nas yi ge ha lnga'i zhes bya ba ni/ ha hi hu he ho yi mthar thug pa'o/ /las brjod pa ste/ drug pa dbus su bsgyur ba ni/ /he ru ka yi rab snang ba/ /nyi dbus rdo rje rtse lngar gyur/ /yi ge ha lngas byin gyis brlabs pa'o/ /yi ge ha ni lnga po zhes bya ba ni go sla'o/ /ri bong zhes bya ba ni ri bong gi thod par gnas pa'i sa bon gzung bar bya'o/ /dpal he ru ka zhes bya ba'i dka' 'grel sgrub thabs kyis gleng gzhi las le'u bzhi bcu rtsa drug pa'i rnam par bshad pa'o// //de nas gzhan yang bshad bya ba/ /mkha' 'gro ma kun snying po ste/ zhes bya ba ni gsungs ma thag pa'i le'u'i rjes thogs la'o/ /snying po ni sngags te mkha' 'gro ma thams cad kyi snying po'o/ /'di ni zhes bya ba ni 'og nas 'byung ba'o/ /mi rus kyi rgyu las byung ba'i zhes bya ba la sogs pa ni gsal lo/ /sa'i rang bzhin las zhes bya ba rdza mkhan gyi lag pa byis pa'i 'jim pa las so/ /de nas long bar bya ba ni/ ba ma shi ba'i be mo'i lci ba blangs la gzugs byas te snying
- 147a
gar sngags bcug la mig la lhang tsher bkab ste sbas la phur bus gdab par bya'o/ /bton na ni thar bar 'gyur ro/ /de nas skyes pa bud med du bya bar 'dod na zhes bya ba la sogs pa ka ka and+hi ka'i 'bras bu ni nag po chen po'i 'bras bu'o/ /bkres pa zhes bya ba ni kha ste sngar bshad pa'i cho ga bzhin du bud med kyi thod par skyes pa'i sa bon blangs la ri bong gi khrag dang btags par bya'o/ /lag pa bcings la zhes bya ba ni de khu tshur gyis gzung nas nyi ma bcu gnyis pa la thug pa'i bar du bzlas so/ /mgo las gsal na ni slar rnal mar 'gyur ro/ /de nas skyes pa khyir bya bar 'dod na zhes bya ba la rgyal gyi lcags zhes bya ba ni gser ro/ /sbyin sreg byas la zhes bya ba ni las thams cad pa'i thab khung ngo/ /mgo las bsal na ni rnal mar 'gyur ro/ /rdzas rdzas ma yin par 'dod na zhes bya ba la sogs pa ni go sla'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa bdun pa'i rnam par bshad pa'o// // de nas gzhan yang bshad par bya/ /mkha' 'gro ma kun dge ba dang/ /zhes bya ba ni gsungs pa'i las de la gsungs pa'o/ /oM sarba bud+d+ha DA ki nI ye badzra war+Na nI ye huM hUM phaT swAhA/ /sngags 'di bzlas pas 'grub pa ste/ zhes bya ba ni sngon du bsnyen pa la sogs pa la ma bltos par las thams cad byed do zhes bya ba'i don to/ /gsungs ma thag pa'i gsang sngags gang yin pa de ni gnas kyi dkyil 'khor gyi mngon par rtogs pa mdor bsdus nas gsungs pa/ mkha' 'gro ma ni kun gyi gnas/ zhes bya ba la sogs pa ste/ ri bo bzang po zhes bya ba ni rin po che sna bdun gyi rang bzhin ri rab rtse mo brgyad pa me tog dang 'bras bu la sogs pa phun sum tshogs pa bri ba'o/ /de'i steng du gzhal yas khang 'di yi nang du gser dang dngul la sogs pa'i bum pa'i steng du kunda
- 147b
dang zla ba lta bu'i ha ha he he zhes bya ba la bzhad pa'i phyag rgya des mtshams kyi 'dab ma'i thod pa bzhi la byin gyis brlabs pa'o/ /phyogs kyi 'dab ma bzhi la mkha' 'gro ma la sogs pa bzhi'o/ /'khor lo gsum rnams la dpa' bo dang dpa' mo rnams so/ /khwa'i gdong pa la sogs pa bzhi ni sgo rnams su'o/ /gshin rje 'joms ma la sogs pa ni mtshams su ste mdor bsdus pa'o/ /rdo rje sems dpa' rnam snang mdzad ces bya ba ni sku'i 'khor lo nas brtsams nas thugs kyi 'khor lo'i mthar thug pa'i rnams kyi lhag ma dgod pa'o/ /'khor lo bdag nyid rtag tu bsgom zhes bya ba ni nang gi rnal 'byor bstan pa'o/ /sngar bshad pa yi cho ga yis/ zhes bya ba ni le'u dang po dang gsum par gsungs pa'i cho gas so/ /rjed byed ces bya ba ni mchod par bya'o zhes pa'i don to/ /dpal he ru ka zhes bya ba'i dka' 'grel sgrub thabs kyi gleng gzhi las le'u bzhi bcu rtsa brgyad pa'i rnam par bshad pa'o// //de nas gzhan yang bshad bya ba/ /ji srid cho gas phyugs sgrub pa/ zhes bya ba la phyugs kyi sgra ni mchog ste/ de la na ma tho ba med pas rnyed pa'o// skye ba gcig ces bya ba la sogs pa la skye ba gcig nas brtsams nas rgyun ma chad par bdun pa'i mthar thug pa'o/ /nyid ces bya ba la sogs pa la/ gzhan byol song gi phyugs kyi spu dang ldan pa'o/ /de'i skra dang sen mo dang so dang/ lpags pa dang spu dang/ yan lag lnga bsres nas lag pa dang/ mgor bzung na de dang 'dra bar 'gyur ro/ /bkrol na rnal mar 'gyur ro/ /dka' zhing nyon mongs la dga' ba zhes bya ba ni/ gang gi phyir gnod pa byed cing sel ba'i don gyis dngos grub kyi lam dang 'gal ba zhes bya'o/ /dpal he ru ka zhes bya ba'i dka' 'grel sgrub pa'i thabs kyi gleng gzhi las le'u bzhi bcu rtsa dgu pa'i rnam par bshad pa'o// //de nas sbyin sreg cho ga ni zhes bya ba la sogs pa la/ phyi dang nang gi sbyor ba ji lta ba bzhin no/ /gang gis bsreg
- 148a
par bya zhe na/ le'u bzhi bcu rtsa bdun pa'i sbyin sreg gi sngags kyis so/ /lhag pa'i tshe ni dUrba'o/ /kuSh+maN+DaM zhes bya ba'i sa bon dang/ khyim gyi ta ma la'i 'dab ma la zhes bya ba ni bA sa ka'i 'dab ma ste des sbyin sreg bya'o/ /'di yi rab tu sbyor ba gsungs pa ni ta ma la'i 'dab ma la ro bsregs pa'i sol bas yi ge ga'i nang du chud par bsgrub bya bris la bcings te/ nya skyogs kyi nang du bcug nas dUrba dang 'bras kyi phub ma la sogs pas bkang ste/ kha gab kyis bcad la sbra tshil gyis rgya btab nas/ phyi sa'i nang du kha spub tu dbugs mi phyin par bzhag na kha bcings par 'gyur ro/ /de nas gzhan yang bshad bya ba zhes bya ba 'di ni/ rab tu dga' ba la sogs pa'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u lnga bcu pa'i rnam par bshad pa'o// //de nas gzhan yang bshad bya ba/ /gzhung lugs shin tu rnyed dka' ba zhes bya ba ni/ 'dir yang phyag na rdo rje la bos te gsungs pa'o/ /sangs rgyas thams cad kyi man ngag bla ma chen po la gus pa ma gtogs par dka' bas kyang rnyed par mi 'gyur bas shin tu yang rnyed dka' ste/ chos kyi de kho na nyid ji ltar 'gyur bas na/ bden pa gnyis la legs par gnas pa'i zung du 'jug pa rgyu ba ste/ phyag rgya chen pos de mngon par rdzogs pa'i sangs rgyas byang chub pa'o/ /de yang rim pa ji lta ba bzhin/ nyams pa med par lhag par khong du chud cing bsgrub par bya ba'i rjes su 'jug pa po rnams kyi sgrub thabs dang spyod pa'i cho ga shin tu gsal ba bskyed pa'i rim pa nas brtsams nas/ ji srid rdzogs pa'i rim pa'i mthar thug pa'i ting nge 'dzin mngon sum du dpal he ru ka dang mnyam par gyur pa ste/ sangs rgyas kun dang mnyam par gyur la ste/ sangs rgyas kun dang mnyam sbyor ba/ /mkha' 'gro dra ba'i sdom pa las/ /byung ba'i ting 'dzin rdzogs pa yi/ /sangs rgyas byang chub phyag rgya che'i/ /las gnas rnal 'byor ma yi bka' //
- 148b
'dren zhing nye bar spyod pa bcas/ /lan dang bcas shing sangs rgyas spyan/ /mchog las mchog tu gyur ba dang/ /gcig nas gcig brgyud man ngag ste/ /thos dang bsam pa sgom pa yis/ /shes rab ye shes goms pa ni/ /rnal 'byor rgyun chags rab 'brel bas rgyun mi chad don skal ba can/ /yongs su smin cing yongs su byung/ /snod ldan de yi phyir bstan pas/ /'ong ba gang yin 'dir gzhung lugs/ /rgyud rnams kun tu gsungs pa gang/ /gsang chen sangs rgyas kun gnas pa/ /'bum phrag gsum 'gyur gang yin nyid/ / rab rgyas rgyud las 'ongs pa'o/ /des na bskyed pa'i rim pa la brten pa'i de kho na nyid bcu bzhi sgom pa'i rdzogs pa'i rim pa mthar thug pa'i nyon mongs pa dang bral ba'am/ brtson 'grus dang ldan pas dpa' bo ste/ dge ba la spro pas so/ /de'i mngon sum du byed pa ni 'dir brda gsungs pa'o/ /nga yis ni rdo rje 'dzin pas sbas pa'o/ /gang du zhe na rgyud gzhan dag tu ste/ bya ba dang spyod pa dang rnal 'byor dang rnal 'byor bla ma rnams su'o/ /gos dang zhes bya ba ni stag gi pags pa'o/ /yang na nges par gnas par bya bas na/ gos te gzhal yas khang ngo/ /phyag rgya lnga ni 'khor lo lnga la sogs pa'o/ /yang na me long lta bu'i ye shes la sogs pa'i ye shes lnga'o/ /shes rab yan lag ces bya ba ni kha TwAM ga'o/ /yang shes rab kyis mgrin par 'khyud pa'o/ /phur bu 'dra zhes bya ba ni khro bo'i phur pa dang rdo rje ra ba dang sla re dang bmda'i dra ba dang/ me long gi dra ba la sogs pa'o/ /A li kA li zhes brjodnas zhe bya ba ni zla ba dang nyi ma'i gzugs kyi rnam par bsgom pa'o/ /rgyu sogs stong pa sngon 'gro ba'i zhes bya ba la rgyu ni byed pa'o/ /de la sogs pa ni rgyu sogs te/ bskyed pa'i bya ba la sogs pa'o/ /de rnams kyi stong pa ni bzhi pa bya ba grub pa'i ye shes so/ /sngon 'gro zhes bya ba ni gsum pa so sor rtog pa'i ye shes so/ /'jug pa sgra la sogs pa nas zhes bya ba la/ rgyu rdo rje 'dzin pa ni 'jug
- 149a
pa'o/ /'jug pa'i rgyu ni sgra ste gnas skabs bzhi pa'i yi ge hUM ngo/ /sogs pa zhes bya ba ni zla ba dang nyi ma dang mtshan ma'i bar du'o/ /ji srid bsdus pa'i sbyor ldan pa zhes bya ba ni/ gsum po de dag gong bu'i gzugs su bsdus pa'i sbyor ba ste/ bya ba grub pa'i rnal 'byor ro/ /bdud rtsis chim byed ces bya ba shin tu rnam par dag pa'i ye shes kyis rdo rje 'dzin pa yongs su brnyes pa'o/ /mya ngan 'da' zhes bya ba ni nye bar bsdus pa'o/ /lag pa'i mchod pa zhes bya ba ni bshad zin to/ /'di lta bur gyur ba yang/ gal te bag med pas ma grub na/ de 'pho ba'i tshe rnal 'byor pa rnams zhes bya ba la sogs pa gsungs te go sla'o/ /dpal he ru ka zhes bya ba'i dka' 'grel sgrub thabs kyi gleng gzhi las le'u lnga bcu rtsa gcig pa'i rnam par bshad pa'o// // (!/ /dpal 'khor lo sdom pa'i dka' 'grel zhes bya ba bzhugs//) //!/ /rgya gar skad du/ sh+rI tsakra saM ba ra pany+dzi kA nA ma/ bod skad du/ dpal 'khor lo sdom pa'i dka' 'grel zhes bya ba/ dpal 'khor lo sdom pa la phyag 'tshal lo/ /'dod lha khyab 'jug bde byed zhe sdang sbrul gdug mi gso 'dod chags mtshor mi rol/ /rab tu rmongs pa'i dra bar mi gnas ser sna'i me yi dgra yi stobs ni med par byed/ /bdag med rgyur gyur pa yi smon pa rnam spangs sems nyid tsam du dga' bas rol pa yi/ /zhal bzhi ston par mdzad pa'i dpal ldan nye ru ka yi sku yi 'gro ba 'di dag kun nas srungs/ /lus dang yid las byung ba yi/ /glo skam mdze sogs nyon mongs ni/ /rgyud 'di la ni sbyor nus pa'i/ /dad dang rigs ldan dag la zad/ /rgyud ni phul byung rin po che'i/ /phyug po gang gis tshad gzhal nus/ /rgya mtsho chu yi thigs pa ni/ /gang gis bgrang bar mi nus so/ /nor sbyin nyid kyi khyim 'di yis/ /khyim gyi nor ni brtsi mi nus/ /rgyud 'di rdo rje 'chang ba yis/ /thugs nyid kyis ni rab tu bstan/ /de phyir blo dman bdag la ni/ /bla ma dag gis rab tu
- 149b
byin/ /nye bar gzhag nas rnyed gyur te/ /thal phung la yang gter rnyed bzhin/ /gal te shes bzhin med pa yis/ /rjed ngas pa yis mtshon gzung nas/ /rkun ma nyid kyis phrogs 'gyur bas/ /de phyir bdag gis rnam par dbye/ /blo yi chang bas dam gzung yang/ /tshig don gzung ba shin tu dka' / /gdams ngag med par rgyud las ni/ /blangs nas khas 'don bum me bzhin/ /gang gi phyir thams cad du dgos pa ma mthong na 'jug par mi 'gyur bar snang ste/ de bzhin du yang bstan bcos dag ni thams cad dang/ /yang na las ni 'ga' zhig la/ /ji srid dgos pa ma bstan par/ /de srid 'jug par rigs ma yin/ /zhes gsungs so/ /gang gi phyir blo dman pa yang dgos pa ma bstan na thabs la 'jug par mi 'gyur te/ dman pa yang dgos pa ma bstan na 'jug par mi 'gyur ro/ /zhes gsungs so/ /de la dpal 'khor lo bde mchog don du gnyer ba rnams 'jug pa'i yan lag tu 'chad pa po rnams kyis de yang dgos pa ston te/ de yang gsungs pa/ mdo don 'chad par 'dod pa yis/ /dgos pa bsdus pa'i don bcas dang/ /tshig don bcas dang mtshams sbyar bcas/ /rgal lan bcas la bsnyad par bya/ /de yang rjod par byed pa la sogs pa ston pa sngon du 'gro bas legs par bshad pa yin no/ /'on kyang de nas de'i phyir zhes bya ba la sogs pa'i tshig bcom ldan 'das kyis gsungs te/ de la 'dir re zhig tshig gi don ni gnyis su 'chad de/ de yang bstan par bya ste/ bsdus pa'i don dang phyogs las mdo zhes pa la sogs pa ste/ sgrub pa'i thabs las rgyas par bshad par bya'o/ /tshig gi don la sogs pa rim pas ston pa dang 'chad par 'gyur ro/ /zhal bzhi pa la sogs pa'i sku rdo rje 'chang chen po ni ston pa po ste/ de yang de nyid dngos su sprul pa'i skur gnas pa'o/ /rgyud 'di ni thag ma med pa'i dus nas bstan par bya ba nyid du gnas te/ sems can rnams kyi bsod nams ma yin pas kha cig tu nub/ la lar
- 150a
ni bsod nams kyi dbang gis dar ro/ /de yang bstan bya dang ston pa po la sogs pa 'di sgyu ma lta bu ste/ de bzhin gshegs pa'i mdzad pa ni bsam gyis mi khyab po/ /'di'i phyir bcom ldan 'das rdo rje phag mo ni zhu ba po'o/ /phyag na rdo rje ni bsdus pa po ste/ de yang thun mong du bstan pa gtad pa nyid kyi phyir ro/ /yang na zhal bzhi pa la sogs pa'i sku ston pa po dang bstan par bya ba dang ston pa po la sogs pa'i don ma lus pa rgyud kyis ston par grub ste/ bde bar gshegs pas gsungs pa yin te/ rgyu dang 'bras bu la sogs pa dang bde ba dang/ sdug bsngal la sogs pa dang 'dod chags dang zhe sdang la sogs pa dang legs par spyad pa dang/ nyes par spyad pa la sogs pa bzhin du byas pa ni ma yin no/ /'dir dpa' bo bye ba nyid dang yang/ / sangs rgyas bye bas legs par bshad/ /ces gsungs so/ /gzhan yang 'das pa'i sangs rgyas rnams kyis gsungs/ /ma 'ongs rnams kyang gsung bar 'gyur/ /da ltar byung ba'i rdzogs sangs rgyas/ /yang dang yang du gsungs pa gang/ /rgyud chen sgyu 'phrul dra ba las/ /gang yang 'dir ni glur blangs pa zhes bya ba gsungs so/ /'dir gsungs pa ni ston pa nyid de/ gzhung dang don thun mong du tshig dang yi ge la sogs pas sangs rgyas kyis dus nges pa med par ston bzhin pa'i dpal 'khor lo sdom pa'i rgyud la 'jug par byed de/ de nyid ston par 'dod pas bcom ldan 'das kyis de nas de phyir zhes bya ba la sogs pa gsungs te/ bcom ldan 'das kyis dpal bde mchog 'khor lo la lhag par mos pa rnams kyi don du grangs 'bum pa'i rtsa ba'i rgyud las phyung ste/ mdor bsdus pa la dga' ba'i don du stan no/ /rdo rje phag mo gsol ba 'debs pa yin la/ bcom ldan 'das kyis de nas de phyir zhes bya ba la sogs pas lan gsungs so/ /de nas zhes bya ba'i sgra ni rjes thogs te/ a tha zhes sogs phyis pa la lnga pa'o/
- 150b
rtsa ba'i rgyud bstan pa'i rjes thogs so/ /rtsa ba'i rgyud nyid gzhir bya ste/ gsang ba bshad par bya zhes sbyar ro/ /de la dpal 'khor lo sdom pa'i rgyud kyi don gzhan du bya bar mi nus te 'dir de nyid kyi don yongs su rdzogs pa'i phyir ro/ /bye brag ni gzhung bsdus pa tsam mo/ /yang na gang gi phyir rdo rje phag mos bdag la gsol ba btab pa'i rgyu'i phyir gsang ba bshad par bya zhes sbyar ro/ /rgyud las gsungs pa mnyan par gyis zhes bya ba'i tshig gis gsol ba btab par grub bo/ /gang gi phyir gsol ba ma btab par chos bshad pa ni legs pa ma yin te/ phar bskul nas chos bshad na mi gus pa srid pa'i phyir ro/ /gsol ba 'debs pa po lha mo yin par ji ltar des zhes gang gi phyir bla ma'i brgyud pa las rtsa ba'i rgyud de nyid kyis gsol ba 'debs pa yin no/ /de'i phyir 'dir yang de nyid gsol ba 'debs pa por go bar bya'o/ /kha cig ni bcom ldan 'das zhu ba po yin pos bcom ldan 'das ma ni ston pa po yin zer te/ de bzhin gshegs pa'i dgongs pa bsam gyis mi khyab pa'i phyir ro/ /ra ha zhes bya ba ni dus dang yul dang rang bzhin te/ skye 'gro thams cad kyi spyod yul ma yin pas so/ /dus ni 'das pa la sogs pa ste/ de yang rtag pa'i dus ni khyad par du zhes bya ba la sogs pas brjod do/ /yul ni yul phyogs so/ /de ni gsang ba zhes bya ba la sogs pa'i tshig gis brjod do/ /rang bzhin ni lhan cig skyes pa'i ngo bo ste/ /de yang dpal he ru ka bsgom pa'i gnas su dam tshig gi spyod pa dang/ gsol ba gdab pa dang mchod pa la sogs pa'i mtshan nyid do/ /yang na rdo rje 'chang chen po la gsang ba'i sgra brjod de/ de skye 'gro thams cad kyi spyod yul ma yin pa'i rang bzhin nyid kyi phyir ro/ /'di'i phyir thun mong du skye bo rnams kyis rtog pa dang bral bas dben pa nyid de de las byung ba ni gsang ba'o/ /de yang dpa' bo nyi shu rtsa bzhi dpa' mo sum cu rtsa bdun dang yang dag par
- 151a
ldan pa'i dpal he ru ka bsgom pa'i gnas dang dam tshig gi spyod pa la sogs pa ji srid pa ni rgyud kyis ston te/ 'di nyid kyi phyir de nyid brjod par bya'o/ /de nyid kyi phyir yang dpal 'khor lo sdom pa'i don dang sku bshad par bya zhes bya'o/ /sku ni rjod byed du byas te sku rjod byed du byas pa nyid kyis brjod bya gsal bar byas pa nyid do/ /de nyid kyi phyir brjod par byed pa dang brjod par bya ba gnyis brjod bya rjod byed kyi mtshan nyid kyi 'brel pa'o/ /'di'i phyir rjod byed kyi dgos pa ni phyin ci ma log par brjod par bya ba sten pa'o/ /brjod par bya ba'i dgos pa ni 'di nyid yongs su shes par byas nas mngon du byed pa'o/ /de'i yang dgos pa ni chos ston pa la sogs pas 'gro ba'i don byed pa ste/ mngon du ma byas na gzhan la ston par mi nus so/ /thabs dang thabs las byung ba'i mtshan nyid kyi 'drel ba ste/ thabs ni 'dir dkyil 'khor gyi 'khor lo la sogs pa'i mtshan nyid do/ /de yang ji ltar 'dod pa dang rjes su mthun par yul la nye bar longs spyod pas goms bzhin pa nyid kyi phyir ro/ /thabs las byung ba ni mi gnas pa'i mya ngan las 'das pa'o// de ltar yang 'brel pa dang ni rjes mthun thabs/ skyes bu'i don ni rjod byed pa/ /dag ni yongs su brtag par rigs/ /de las gzhan ni rtag bya min/ /bdag gis re zhig bsdus pa'i don du gsol ba btab pa/ cis shes snyam pa'i rdo rje phag mo'i dogs pa bsu ba'i don du 'di nyid bshad ce na gsungs pa/ mdor bsdus pa ste zhes bya ste kun sdus pas na/ mdor bsdus pa ni nyung bar gyur pa'o/ /de la don nam gzhung gang yin snyam pa la/ rgyas par min zhes bya ste/ ni'i sgra ni nges par gzung ba ste/ don bsdus pa kho na ma yin no don la dogs pa gsal ba'i don du sgra bsdus pa yin gyi don ni ma yin no/ /zhes bya ba'i don to/ /gzhung bsdus pa nyid du mngon par 'dod pa kho nar dgongs pa'o/ /don bsdus par ma yin par ji ltar shes na/ rgyas par zhes bya ba gsungs te/ gang gi
- 151b
phyir don mang po 'di ni rgyas pa'o/ /gal te 'di la don bsdus pa yin pa de lta na ni mngon par 'dod pa'i don ni mi 'grub pa'i phyir dang/ nam mkha' dang mnyam pa'i rgyud las ma bstan par 'gyur ro/ /nam mkha' dang mnyam pa'i gzhung las mdor bsdus nas/ dpal 'khor lo sdom pa'i rgyud la lhag par mos shing 'dod pa'i gdul bya'i mos pa'i dbang gis ston pas gsungs pa'o/ /de ltar gang gi phyir 'dod chags la sogs pa'i gdul bya la 'dod chags la sogs pa de nyid ston te/ da ltar yang ji ltar me yis tshig pa la/ yang ni me yis gdung bar bya/ /de bzhin 'dod chags mes tshig la/ /'dod chags me yis gdung bar bya/ /zhes gsungs so/ /gzhan yang/ 'dod chags bral ba lta bu'i sdig /khams gsum na ni gzhan med de/ /de phyir 'dod chags dang bral ba/ /nam yang khyod kyis mi bya'o/ /zhes bya'o/ /gsang ba'i tshig gis don gang bstan pa de nyid cung zad rgyas par 'chad de he ru ka dpal zhes bya ba gsungs so/ /kun rdzob tu zhal dang phyag la sogs pa'i gzugs su sbyor ba ni yang dag par sbyor ba'o/ /g+ha ta ni las kyi rkyen du byas pa'o/ /dpal ni gnyis su med pa'i ye shes su mngon par 'dzin no/ /he ni rgyu la sogs pa stong pa nyid do/ /ru ni smon pa dang bral ba'o/ /ka ni gang du yang mi gnas pa ste/ dpal he ru ka zhes bya bar gnas so/ /de yang/ sh+rI ni gnyis med ye shes te/ /te ni rgyu sogs stong pa nyid/ /ru ni tshogs dang bral ba ste/ /ka ni gang duAng mi gnas pa'o/ /zhes gsungs so/ /gzhan yang sh+rI ni gnyis med ye shes te/ /he yig rgyud ni spangs pa ste/ /du ni gzugs las nges par grol/ /ka yis byed pa las grol ba'o/ /blta bar bya bas na gzugs so/ /byed pa ni dbang po la sogs pa'o/ /yang na/ hes ni bdud las rgyal ba ste/ /rus ni phyogs sgo thams cad 'gengs/ /ka ni rtog pa'i dra las grol/ /des ni he ru ka zhes brjod/ /he ru ka dpal rdo rje phag mo de dang ldan pa'i he ru
- 152a
ka la dpal ka zhes bya ba ni tshig dbu ma phyis pa'i bsdu ba ste/ rims zhi bar byed pa'i sngags la rims kyi sngags zhes zer ba lta bu'o/ /yang dag sbyor ba nyid ni khyad par ro gang gi phyir brjod par 'dod pas khyad par dang khyad par gyi gzhi zhes dgongs pa'o/ /de bzhin du dpal he ru ka yang de dag par sbyor ba yang de'o/ /dpal he ru ka ni gsang ba'i sgra brjod par bya ba'i phyogs gcig go /de bshad par bya zhes sngon du song ba'i bya ba nyid dang sbyar ro/ /rang gi don phun sum tshogs pa dpal he ru ka bstan nas/ gzhan gyi don phun sum tshogs pa'i sgo nas de khyad par du byed pa ni/ thams cad ces bya ba la sogs pa gsungs so/ /thams cad ni dgra bo dang mdza' bo dang tha mal pa rnams dang lha dang lha ma yin la sogs pa'am/ /sems can gyi 'dod pa ni mngon par 'dod pa ste yid las 'dod pa'i bar ro/ /de rnams kyi don gyi yul ni yul te/ de yang bde ba ma rnyed pa rnyed pa dang/ rnyed pa mi 'bral ba dang/ sdug bsngal byung ba dang mi sbyor ba dang/ ma byung ba mi bskyed par de la sgrub pa pos mngon du byed pa'o/ /sgrub pa po thun mong dang thun mong ma yin pa gang zhe na/ bla ma las zhes bya ba la sogs pa gsungs so/ /gtso bo las kyang gtso bo ste/ he ru ka dpal sbyor ba la 'jug pa'i yan lag du gang gi phyir gtso bo nyid du bstan pa'i/ /gtso bo ma yin no de las lhag par mos par yang gtso bo nyid ma yin par grub pas mi 'jug ste/ de rnams de la gtso bo ma yin pa'i blo med do/ /gtso bo yang de las lhag par mos pa rnams la gtso bor bstan pas 'jug ste/ 'di nyid chos nyid de/ thun mong ma yin pa 'dod pas so/ /gang gi phyir bla mar gyur pa'i lha gzhan yod kyang de las kyang bla mar gyur pa'i lha dpal he ru ka zhes dgongs pa'o/ /yang na phul du byung ba'i bsod nams dang ye shes kyi tshogs la shin tu sbyor bas nyan thos la sogs pa las bla ma bcom ldan 'das te/
- 152b
'dir ni rang gi don phun sum tshogs pa dang thabs phun sum tshogs pa bstan to/ /bla ma las bla ma yin pa ji ltar yin zhe na/ mkha' 'gro zhes bya ba la sogs pa gsungs so/ /DA ni dmigs pa med pa'i ye shes bdag nyid kyis mngon du byed nus pa 'di'i ngang tshul lo zhes pa ?rA lo? ni ste/ nges pa'i tshig gis kar byas pas DA ki nI'o/ /gang gi phyir Dai ni nam mkha' la 'gro ba ste/ 'dir skad kyi dbyings las rnam par brtag pa nam mkha' la 'gro ba mi bya ste/ de dang 'dra bas thabs dang ldan pa ni nam mkha' o/ /de yang 'dir dmigs pa med pa'i lam gyi gshog pas 'gro ba'o/ /dmigs pa med pa'i ye shes rnal 'byor pas thabs dang mngon du byed pa'o/ /de rnams kyi ye shes ni nam mkha' ste/ de las 'gro ba ni gnas te/ 'dir 'gro ba ni gnas pa'i don to/ /de yang ngal sos te mi dmigs pa'i ye shes mngon du byas nas gzhan du kun tu spyod pa 'gags te/ 'di ni gzhan du spyod pa med pa'o/ /de'i ye shes ni shes rab ste shes rab kyi rang bzhin nyid kyi phyir mkha' 'gro ma ni stong pa nyid do/ /dra ba ni thabs te gang gi phyir dra bas nya la sogs pa sdom par grub po/ /gang gi phyir thabs kyis nyon mongs pa'i nya la sogs pa nyid bsdams pas ci yang mi byed de/ de nyid kyi sdom pa ni bde ba ste kha na ma tho ba phyir bsal nas sdom par byed pas mkha' 'gro ma'i dra ba sdom mo/ /sham ni bde ba'i tshig nyid de/ sham ni bde bar brjod par bya zhes gsungs pa'i phyir ro/ /gang yang 'jig rten pa rnams ni sham gyi sgra ni rkan las byung bar 'dod do/ /yang nam mkha' 'gro ma dang lA ma la sogs pa rnams rang las sprul cing 'chang bas na byings so/ /'dis ni gzhan gyi don phun sum tshogs pa dang thabs phun sum tshogs pa'i sgo nas khyad par du byed de/ khyad par gsum gyi khyad par du byas pa'i dpal he ru ka yang dag par sbyor ba bshad par bya zhes sbyar ro/ /'dir ni su'i mdza' can dang ti'i mdza' can bgyi tshig thams cad du bshad par bya'o/ /mtshams sbyor ni dgongs pa ste/ thos
- 153a
pa dang bsam pa la sogs pa yang dang yang du byed pa'o/ /rgol ba ni mi mthun pa'i phyogs su byas nas rgol ba'o/ /lan ni rgal ba yongs su spangs pa'o/ /gong du bstan pa dang 'og nas 'byung ba'i gnas skabs su rang gi blos dpyad cing go bar bya'o/ /'di thams cad gang du gnas nas bdag gis bshad ces pa la/ gsang zhes bya ba la sogs pa gsungs te/ gsang ba'i sgras ni ye shes dang thugs dang gsung dang sku dang/ dur khrod du grags pa'i 'khor lo lnga la gnas pa dpa' bo dang bcas pa dang/ dpa' bo med pa'i rnal 'byor ma sum cu rtsa bdun bzang po de la brten pas gsang ba ste/ rnal 'byor ma rnams kyi gnas su rung zhes bya ba'i don to/ /de yang gzhal yas khang pa'o/ /'dis ci zhig brjod ce na mchog ces gsungs te/ mchog ni mya ngan las 'das pa ste/ 'di ni gang ji srid pa'i 'bras bu 'dod pas na mchog go /yang na mchog ni dgra ste rgyu nyon mongs pa'o/ /de yang mchog ni spang zhing yongs su spang ste/ 'joms par byed pa gang yin pa de mchog ces bya'o/ /dgyes pa ni 'dis rol pa ste sgyu ma lta bur so sor snang zhing gsal bzhin pa nyid kyi phyir ro/ /'di'i phyogs gcig yin pa nyid kyi phyir dgyes shing rol ba de mngon du byed pa la yang thams cad nas ma yin pa'i phyir bde ba zhes bya ba la sogs pa gsungs so/ /thams cad ni brtan pa dang g.yo ba la sogs pa'i bdag nyid gang yin pa de thams cad bdag nyid de gzhal yas khang pa'o/ /de la gnas pa ni de las gzhan du 'gro ba ldog ste 'gro bar bya ba las gzhan med pa'i phyir ro/ /rtag tu zhes pa ni 'khor ba ji srid kyi bar ro/ /gnas phun sum tshogs pa yod du zin kyang gnas phun sum tshogs pa med par 'gyur ro/ zhes pa la/ mkha' 'gro kun dngos sems dpa' ni zhes pa la sogs pa gsungs te/ mkha' 'gro kun ni mkha' 'gro ma dang/ lA ma la sogs pa ste/ de yan lag tu gyur pa'i lus dran pa nye bar gzhag pa la sogs pa'i rang bzhin
- 153b
nyid kyi phyir de'i yan lag dang nyid lag nyid kyis bdag nyid chen po'o/ /yang na dbang po dang bcas par smras na tshig tshad ma nyid du 'gyur ba'o/ /mkha' 'gro kun zhes bya ba la sogs pas 'khor bstan to/ /gzhan gyi don mi byed pa ni ston pa po bdag nyid che ba ma yin no zhes pa la/ sems dpas zhes bya ba gsungs te/ sems can gyi don byed pa la zhugs pa nyid kyi phyir sems dpa' o/ /de ltar gyi don yang gang gi yin par nges zhes pa la/ rdo rje sems dpa' zhes gsungs te dbyer mi phyed pa'i bsam pa ste mi phyed pa la lhag par mos zhes dgongs so/ /don dam pa'i rnam par rtog pa yang don rab tu bsgrub pa'i nus pa med do zhes pa la/ bde ba zhes gsungs te/ bde ba ni shin tu bde ba ste/ stong pa nyid do/ /don dam pa dang don dam pa ma yin pa gnyis la chags pa dang bral ba'i phyir ro/ /'di yang bya ba'i khyad par yin no/ /dngos po med pa la lhag par mos pa ni mdzes pa ma yin zhes pa la/ mchog ces gsungs te/ gzhan gyi don la dga' bas na mchog go /'di ni bya ba'i khyad par yin te/ mchog gang yin pa rdo rje sems dpa' zhes bya ba'i don to/ /gnas la sogs pa phun sum tshogs pa'i bdag nyid dpal he ru ka yang dag par sbyor ba bshad par bya zhes sbyar ro/ /gal te dpal he ru ka yang dag par sbyor ba khyod kyis dngos su mngon du byas na de ji ltar bshad ces snyam pa la/ 'di ni zhes pa la sogs pa gsungs te ni ni nges par gzung ba'o/ /'di ni dpal he ru ka nyid yang dag par sbyor ba rang nyid ni bdag yin pas dpal he ru ka yang dag par sbyor ba bshad ces bya'o/ /dpal he ru ka yang dag par sbyor ba'i ngo bo nyid mngon du byas nas de nyid ston no zhes dgongs so/ /de ltar yin yang khyod yon tan gyi gnas ma yin no/ /zhes pa la/ rang byung zhes gsungs te/ stobs bcu dang mi 'jigs pa la sogs pa sangs rgyas kyi yon tan 'byung ba'i sa gzhi de yin no/ /de gang yin zhes pa la/ bcom ldan 'das zhes pa la
- 154a
sogs pa gsungs te/ dbang phyug dang ni gzugs bzang dang/ /dpal dang grags dang ye shes dang/ /brtson 'grus phun sum tshogs pa ste/ /drug po 'di la ldan zhes bya/ /bcom pa dang ldan pas na bcom ldan 'das so/ /bcom pa dang ldan pa nyid ji ltar zhes pa la/ dpa' zhes gsungs te/ nyon mongs pa'i g.yul las rgyal bas na dpa' bo'o/ /de ltar yang nyon mongs la sogs bdud rnams ni/ /bzhi po bcom pas bcom ldan no/ /nyon mongs pa dang phung po dang 'chi bdag dang lha'i bu'i bdud rnams bcom pa'o/ /gzhan yang nyon mongs la sogs bdud 'joms pas 'joms phyir bcom ldan zhes su brjod/ de ltar nyon mongs pa cis bcom zhes pa la/ mkha' 'gro zhes pa la sogs pa gsungs te/ mkha' 'gro ni shes rab ste/ de yang chos rab tu rnam par 'byed pa'i ngo bo nyid de bzhin nyid kyi rang bzhin no/ /dra ba ni nyon mongs pa'o/ /sdom pa ni de la yid bsrung ba'o/ /mkha' 'gro ma rgyur gyur pa gang yin pas dra ba la sdom pa de ni mkha' 'gro ma'i dra ba'i sdom mo/ /ji ltar mkha' 'gro ma'i dra ba sdom pa de bzhin du bdag nyid dpa' bo yin pas dpal he ru ka yang dag par sbyor ba bshad ces pa'i don to/ /de ltar yang/ nyon mongs shes rab kyis 'joms pas/ /de phyir shes rab bcom ldan brjod/ /ces gsungs so/ /nyon mongs pa las rgyal ba de yid bsrungs pa'o/ /dra ba ni gti mug gi don te/ des kyang nyon mongs pa thams cad bsdus pa'o/ /gang yang nyon mongs pa rnams kyi rtsa ba ni bdag tu lta ba'o/ /de ltar yang/ skyon gyi rigs rnams thams cad ni/ /bdag tu lta las gyur las byung/ /de yang ma rig sred pa las/ /de la nyes pa la sogs 'byung/ /gti mug nyes pa rnams kyis ni/ /'byung gnas su ni rab tu brjod/ /bdag tu lta ba spangs
- 154b
pa yis/ /nyes pa thams cad spong bar 'gyur/ /zhes gsungs so/ /nus pa dang ldan pa'i rgyu yod na 'bras bu 'byung ngo zhes bya ba'i don to/ /mkha' 'gro ma thams cad kyi 'khor gyis bskor ba'i dpal he ru ka yang dag par sbyor ba de lta bu bdag gis bsdus nas bshad do/ /zhes bya ba'i don to/ /rang 'byung zhes bya ba ni rgyu dang 'bras bu'i ngo bo nyid la sogs pa rang gi ngo bo nyid kyis yod do zhes kha cig zer te/ don dam par rgyu dang 'bras bu la sogs pa ngo bo nyid kyis yod pa ma yin no/ /re zhig da ltar ba 'di 'bras bu ma yin te/ yod pa dang med pa las skye ba dang bral ba'i phyir ro/ /gang yang yod pa ni mi skye ste/ yod pa nyid kyi phyir ro/ /rgyur mngon par 'dod pa'i dngos po bzhin no/ /gal te dngos po yod pa yang skye bo zhe na/ dngos po 'jig pa med par thal ba'i phyir ro/ /gal te 'jig par 'dod do zhe na/ sngon gyi dngos po nyams pa las sngon ma byung ba skye na/ dngos po yod pa las skye ba med pa dang/ gal te sngon gyi dngos po nyams pa las sngon ma byung ba skye ba de ltar na yang yod pa las skye ba ste/ sngon med pa dang lhan cig skye ba nyid yin pa'i phyir ro zhe na/ lhan cig tu skye ba ni med de sngon nyid nyams pa'i phyir ro/ /gang gi phyir sngon gyi dngos po nyams pa dang da ltar gyi dngos po yod pa'i phyir med pa dang 'dra ba bskyed par mi nus pas kyang yod pa las skye ba med do/ /gal te yod pa las skye bar mi 'dod pa ma yin nam/ yod pa ji ltar 'gyur/ gang gi phyir skye ba med pa'i ri bong gi rwa la sogs pa ni yod pa ma yin no/ /don byed nus pa'i mtshan nyid dang ldan pa'i phyir dngos po nyid yin no/ /don gyi bya ba la sbyor mi nus pa'i phyir ma'i rwe la sogs pa bzhin du don gyi bya ba don du gnyer bas rtag pa'i dngos po gang yang khas len par mi byed do/ /yang na yod pa skye ba yin par khas blangs su zin kyang de rnams las skye ba med de bkag pa nyid kyi phyir ro/ /med pa yang mi skye ste 'og nas sun 'byin pa'i phyir ro/ /yod pa dang med
- 155a
pa las skye ba med de phan tshun spangs te gnas pas bdag nyid gcig pa med pa'i phyir ro/ /gnyi ga ma yin pa'i phyogs la yang skye ba med de dus gcig tu yod pa dang med pa gnyis ka bkag pa'i phyir ro/ /yod pa dang med pa las phyin ci log tu gyur pas yod pa dang med pa'i ngo bo nyid ma yin pa'i phyir logs shig na mi srid do/ /de srid kyang mi rtag par 'dod pas rgyu dang 'bras bu nges par yod par thal bar 'gyur te 'bras bu yod pa la rtsod pa 'gog pa'i skabs yin pa'i phyir ro/ /don gyi bya ba la sbyor ba med de yod pa las kyang sbyar mi btub pa'i phyir ro/ /des thun mong du dngos po thams cad gcig dang du ma'i rang bzhin du med de skye ba bkag pa nyid kyi phyir ro/ /dngos po rang bzhin med par sgrub bzhin pa'i phyir skye ba med pa dang ldan pas rtag tu dngos po med pa nyid du 'gyur ro zhe na/ 'dir lan gdab par bya ste/ skye ba'i snga rol na yod pa gcig skye 'am med pa gcig skye/ gal te yod pa las skye'o zhe na/ yod pa las skye ba ma yin te thams cad kyis yod pa'i bdag nyid du grub pa'i phyir ro/ /med pa las kyang mi skye te 'og nas 'gogs pa'i phyir ro/ /yang na nus pa'i ngo bo nyid kyi rgyu'i bdag nyid gsal ba'i bdag nyid kyi yod pa bskyed do zhe na/ gsal ba'i ngo bo nyid du gyur pa'i bdag nyid bskyed pa de yod pa zhig yin nam med pa zhig yin/ gal te rgyus byas pa'i sngon rol tu yod pa yin na/ nus pa bzhin du mi skye bar 'gyur te/ gtan tshigs ni gong du song ba'i rim pa nyid kyi phyir ro/ /yang na med par 'dod na de'i tshe 'bras bu yod par smra ba nyams par 'gyur ro/ /'bras bu med par smra bar thal bar 'gyur ro// nus pa dang gsal ba gcig tu 'dod na/ yod pa dang med pa'i phyogs kyi skyon du 'gyur ro/ /tha dad pa'i bdag nyid yin na sngon du bstan pa'i skyon nyid kyis so/ /gzhan yang nus pa 'di rgyu'i bdag nyid yin nam/ 'bras bu'i bdag nyid yin/ rgyu'i bdag
- 155b
nyid yin na/ de nyid skye ba'i sngon rol du yod pa nyid kyi phyir 'bras bu ma yin pas 'bras bu yod par smra ba nyams so/ /'bras bu'i bdag nyid yin na 'bras bu'i dus na nus pa med do/ /de'i bdag nyid yin na sngon med par ji ltar 'gyur/ rgyu'i bdag nyid la nus pa'i ngo bo nyid 'bras bu yod pa yin na nus pa ma yin te/ gsal ba yang mi srid pa'i phyir ro/ /rgyu dang 'bras bu gnyis las nus pa don gzhan du gyur pa yin na de nyid dang de nyid ma yin pa gnyis su brjod du med pa'i phyir ro/ /nus pa ni rgyu yang ma yin la 'bras bu yang ma yin no// gal te rgyu yang ma yin 'bras bu yang ma yin na/ cung zad dgag pa dang sgrub pa med pas gnod pa med do/ /gzhan yang dngos por gyur pa thams cad kyi rgyu dang 'bras bu bkag pas grol bar 'dod pa bkag pa'i yul grub ste sems phyin ci ma log pa thar pa grub pa ni 'dod pa kho na'o/ /nus pa dang ldan pa las ma gtogs pa don gzhan du gyur pa'i nus pa med de rang gi ngo bo bum pa la sogs pa bzhin du de dmigs pa yin pa las bye brag tu ma dmigs pa'i phyir ro/ /de mi dmigs pa'i mtshan nyid du gyur pa de 'bras bu dang rgyu'i tshogs pas nus pa yod pa de med na med pa la 'bras bu rnam par shes pas mig la sogs pa bzhin du yod par dgag cing sgrub par mi nus so/ /rtag pa nyid yin pas 'bras bu bskyed par mi nus pa'i phyir ro/ /de med pas dpe mi 'grub bo/ /de nyid rang gzhan du brjod du med pa yang thun mong gi rigs pa'i rim pa 'di yis sun phyung bar bya'o/ /de bzhin du lkog tu gyur pa thams cad la yang go bar bya'o/ /gal te skye bas dngos po bdag nyid yod pa yin na dngos po yod par ji ltar 'gyur/ gzhan yang skye ba med par yod par rtog na/ de lta na ni skye ba'i sngon rol tu skye ba med pa'i dngos po yod par bstan par 'gyur ro/ /gang gi phyir dngos po yod pa'i don du skye ba 'dod na/ gal te yang skye ba med par yod par grub na/ de'i tshe skye ba dgos pa ci
- 156a
yod/ skye ba med pa'i dngos po yin no zhe na/ ma yin te de la sngon du bstan pa'i skyon nyid kyi phyir dang/ gzhan yang brjod par bya ste/ gal te skye ba'i sngon rol na yod pa yin la cha shas cung zad ma grub pas de'i don du skye ba don med pa ma yin no zhes pa'i phyogs la yang brjod par bya ste de ni mi rigs te 'bras bu yod par smra bar thal ba'i phyir ro/ /yod pa dang med pa gcig tu mi btub pas yod pa 'am med par thal ba'i phyir ro/ /de la skyon yang bstan pa'i phyir ro/ /gsal ba'i phyogs ni sngon du sun phyung ba'i phyir ro/ /gal te blangs par bya ba nyid du de bskyed par bya'o zhe na/ 'di'i phyogs kyang mi rigs te gang gi phyir dang po bdag nyid thams cad kyi ngo bo nyid kyis skyes pa nyid du grub nas yod pa la/ de bzhin lan gnyis su bskyed pa don med pa'i phyir ro/ /'bras bu yod par smra ba'i skabs yin pa'i phyir skye ba'i sngon rol pas kyang snga bar yod de sngon du bskyed pa mi rigs pa'i phyir ro/ /skye ba med pa'i phyogs kyang sngon sun phyung ba'i phyir thams cad du yod par skye bar mi rigs so/ /gal te yod pa skye ba med pas na med pa skye bar 'gyur ro/ / gang gi phyir de bzhin du mer mer po la sogs pa'i rgyul lan brgya btsal du zin kyang lag pa dang rkang pa la sogs pa bzhin nying lag tshogs pa'i bdag nyid kyi lus 'bras bur gyur pa dmigs pa'i mtshan nyid yin pa las ma dmigs pa'i phyir med pa nyid do// gang gi phyir de bzhin du gzugs dang snang ba dang mig dang yid la byed pa rnams dang mdun na snang ba'i gzugs sngon po la sogs pa las mig gi rnam par shes pa ni gzhan no/ /rna ba dang sgra dang yid la byed pa rnams dang/ gling bu dang pi wang la sogs ba dang/ sngon po dang dmar po la sogs pa brjod pa dang mi brjod pa yid du 'ong ba dang mi 'ong ba'i sgra dang bral ba ni/ rna ba'i rnam par shes pa ma yin no/ /sna dang dri dang yid la byed pa rnams dang/ tsam pa ka dang ba ku la sogs pa'i yid du 'ong ba
- 156b
dang yid du mi 'ong ba dang bar ma'i drir snang ba sna'i rnam par shes pa yod pa ma yin no/ /lce dang ro dang yid la byed pa rnams dang tsha ba dang kha ba dang bskab la sogs pa ror snang ba ni lce'i rnam par shes pa ma yin no/ /lus dang yid dang reg bya rnams dang 'jam pa dang rtsub pa la sogs pa reg byar snang ba ni lus kyi rnam par shes pa ma yin no/ /'das ma thag pa dang/ mi gzhan yid la byed pa dang/ sngon po la sogs pa gzugs su snang ba ni rjes las thob pa'i shes pa 'di ni sngon po'o zhes rnam par rtog pa'i shes pa ni rnam par mi rtog pa'i sngon po la sogs pa gzugs kyi rnam pa nyid kyi shes pa gzugs sngon po la sogs pa'i yul la yod pa ma yin no/ /de bzhin du drug po 'gags ma thag pa'i rnam shes gang yin de yid do/ /zhes bshad pa nyid kyi phyir ro/ de bzhin du so so so sor skyed pa po sgra dang dri dang ro dang reg bya so sor snang ba ni rna ba dang sna dang lce dang lus dang de ma thag pa'i rnam par shes pa 'byung ba ni sgra la sogs pa dngos po med pa la 'di yin no zhes rnam par rtog pa'i shes pa la rnam par mi rtog pa'i sgra la sogs pa so sor snang ba ni rna ba la sogs pa'i shes pa la yod pa ma yin no/ /rnam par rtog pa'i shes pa ni sngon po la sogs pa 'di yin zhes bya ba la sogs pa'i ngo bo nyid du skye ste/ rgyu de la ni yod pa ma yin no/ /rnam par mi rtog pa yang mdun na gnas pa'i sngon po la sogs pa'i gzugs so sor snang ba la/ rnam par shes pa snga ma snga ma las rgyu gcig gis bsdus pa'i phyi ma phyi ma skad cig ma gnyis par 'byung ba ni mdun du gnas pa sngon po la sogs pa'i gzugs gzhan dang gzhan yul du bya ste/ rnam par rtog pa'i shes pa bskyed de/ de yang rgyu la yod pa ni ma yin no/ /de ltar yul gzhan la yang blta bar bya'o/ /gang la rigs mthun pa'i rgyud gcig gis
- 157a
mtshan nyid la gzhan dang gzhan 'byung ba yod pa dang/ gang du rgyud gcig tu 'jug pa med pa yin la/ de yang rnam pa thams cad du gcig tu rgyun mi 'chad pa med pas gzhan yang rgyun nye bar gyur pa'i rnam par mi rtog pa dbang po'i shes pa sgra la sogs pa'i yul tshogs pa thun mong sngon sgra la sogs pa 'dzin pa'i rnam par mi rtog pa la sogs pa'i dbang po'i shes pa la/ rjes su rtog pa med pa dang rtog pa dang bcas pa yang de'i yul skye bar 'gyur ro/ /rgyu de la de yang yod pa ma yin no/ /'khar ba'i dril bu'i sgra ji bzhin dang/ chu'i gnyer ma bzhin du sgra'i rgyun la 'jug par 'dod do/ /de'i 'dod pas sngon gyi sgra'i skad cig 'dzin pa'i rna ba'i rnam par shes pa mi rtog pas phyis sgra'i skad cig mi 'dzin pa'i rna ba'i rnam par shes pa rtog pa med pa'am/ gzhan yang rtog pa dang bcas pa'i sgra'i mdun nam gzhan yul can gyi shes pa skye bar 'gyur ro/ /'chad pa'i dus su yang snga ma snga ma'i rnam par rtog pa las phyi ma phyi ma'i rnam par rtog pa sems la 'byung ngo/ /'o na dang po nyid kyi rnam par rtog pa rtog bcas gzhan skyed byed de gang las skyes she na/ 'di la ni nges pa med de/ kha cig tu dbang po'i shes pa gcig las sam mang po las kyang skye bar 'gyur ro/ /ji ltar gnyid mthug pos non pa la/ glo bur du dbyug pa lhung bas de dang phrad pa'i reg bya'i yul la/ lus kyi dbang po'i shes pa byung ba ni skyes bu la lus kyi dbang po'i shes pa skye ba yin no/ /kha cig tu thog chen po lhung ba las rtog pa med pa las rna ba'i rnam par shes pa skye ba yin no/ /kha cig tu a ka ru dang tsan dan dang/ ga bur la sogs pa byugs shing zos pas sna'i bu ga rgyas te/ sna'i dbang pos shes pa dri'i yul la spyod do/ /kha cig tu tsha ba dang kha ba dang bskal ba la sogs pa'i rdzas lce dang phrad pa'i lce'i dbang po shes pa mi rtog
- 157b
pa phul ro la skye ba yin no/ /kha cig tu reg bya shes pa'i rjes la mig phye bas bla ma la sogs pa'i skye bo'i yul gzugs mthong bas ni mig gi dbang po'i shes pa skye'o/ /kha cig tu dbang po'i shes pa thams cad nub nas rtog pa dang bcas pa'i gtso bo yid la sogs pa shes pa sngon ma las rjes su byed pa'i shes pa rtog pa dang bcas pa las kyang rtog pa dang bcas pa gang yin pa skyes so/ /de nyid dus gcig tu dbang po'i shes pa lnga 'am drug las skye bar 'gyur ro/ /ji ltar rnam par shes pa drug gi rjes su gnyid kyis log pa'i dus su sngon du bsam pa'i don rmi lam na brjod par snang ngo/ /gal te zhe na ri bong gi ra la sogs pa bzhin du med pa la skye na/ thams cad las kyang thams cad skye bar thal bar 'gyur ro zhe na/ gang gi phyir 'gro ba'i bskyed bya skyed byed la sogs pa ni sgyu ma lta bu'o/ /'o na dbang po'i shes pa rtog pa med pa yin la rtog pa dang bcas pa ma yin par ji ltar shes pa yin zhe na/ 'di la re zhig phyi rol gyi don yod pa mdo sde bar gnas pa'i phyogs la byis pa rnams kyis rtogs par bya ba'i phyir ji ltar dran pa phyogs tsam cung zad brjod par bya ste/ de la dngos po ni shes pa dang shes bya gnyis su gnas so/ /gzhan gsum po la sogs pa ni yod pa ma yin no/ /byed pa po dang byed pa la sogs pa yang de nyid kyi khongs su bsdus pa'i phyir ro/ /gang gi phyir de bzhin du rtog pa'ang tshad ma shes pa sngon du 'gro bas brtag par bya ste/ tshig gi don rnam par bzhag pa ni tshad ma nyid dang 'brel ba'i phyir ro/ /gzhan du na 'di lta bu'i gzugs 'di na med ces pa dang/ 'di ni 'di na med do zhes pa'i yul gzhan dang dus gzhan dang/ rang bzhin gzhan phan tshun spangs pas yul gzhan la sogs pa rtogs pa med/ gnyid mthug po'i gnas skabs bzhin du sngon nyid nas phan pa thob pa dang/ mi phan pa spong ba'i bdag nyid tha snyad 'gro ba rnams la med par 'gyur ro/ /gang yang yul dang dus kyi bskal
- 158a
pa de yang de'i yul dang dus rnams ni de nyid kyi dus na shes bya dang shes byed kyi ngo bo nyid do/ /rang bzhin gyi bskal pa gang yin pa yang don gyi bya ba byed de thams cad mkhyen pa 'dod chags dang bral ba nyid la sogs pa yang shes bya'i tshogs su gnas so/ /gang yang don gyi bya ba mi byed pa ni ri bong gi rwa la sogs pa bzhin du yang phyi rol la mi gnas pa'o/ /thog ma med pa'i rnam par rtog pa'i bag chags 'ba' zhig las gyur pa'i rnam par rtog pas byas pa'i shes bya ni don dam ma yin pa nyid do/ /dngos po ni gnyis kho na ste/ de la shes pa dang shes bya gnyis bdag nyid gcig pa nyid med do/ /de'i bdag nyid gcig pa nyid yin na shes pa nyid dam shes bya nyid gnyis su dbyer med par 'gyur ro/ /de yang ma yin te gnyis po ni phan tshun bltos pa nyid kyi phyir ro/ /shes bya'i phyogs yin na ni 'gro ba rnams long ba dang lkugs pa lta bur 'gyur ro/ /shes pa las gzhan med na shes pa'i phyogs la shes bya nyid yin pa'i phyir phyi rol gyi don mthong ba med par 'gyur ro/ /phyi rol gyi don yod par smra bas de lta bu de yang mi 'dod do/ /de la gnyis po phan tshun spangs te/ gnas pa yin te/ shes pa'i bdag nyid shes bya'i bdag nyid du mi 'gyur ba'i phyir ro/ /shes pa nyid gzhan gyis gsal bar byed pa ma yin la rang nyid gsal bar byed pa yin te/ shes bya gsal bar byed pa'i bdag nyid ma yin pa'i phyir ro/ /de'i bdag nyid yin na sngar bstan pa'i skyon du thal bar 'gyur ba'i phyir ro/ /shes pa yang gsal ba nyid ma yin na shes bya'i bdag nyid kyi skyon du 'gyur ro/ /gzhan gsal ba yin na/ gzhan yang de bas lhag pa'i gsal byed nyid yin no/ /gzhan yang rang gsal bar 'gyur ba'am/ gzhan gyi gsal byed du 'gyur ro/ /gzhan du na gzhan 'dis gsal byed yin zhes bya bar mi 'gyur la/ 'di yang gsal ba yin zhes bya bar yang mi 'gyur ro//
- 158b
rang nyid gsal ba'i ngo bo nyid yin par 'gyur te/ de gsal bar ma gzung yang gsal byed nyid yin pa'i phyir ro/ /gzhan du na sgrub par mi nus te de'i gsal bar byed pa nyid rtogs par dka' ba yin te/ gsal byed ma gzung bas ni gsal byed nyid du mi 'grub pa'i phyir ro/ /gang gi phyir gsal byed nyid du gzung ba ni gsal ba nyid du rtogs kyi gzhan du ni mi 'grub bo/ de rtogs pa yang gsal byed kyis rtogs pa yin na/ phan tshun bltos pa'i skyon du 'gyur ro/ /'o na gang gi phyir yang dngos po'i rang bzhin yin te de'i rang bzhin gyis gzhan nye bar bsgyur te/ ji ltar dmar po'i rdzas dang sbyar bas dkar po'i rdzas kyang dmar por 'gyur ro/ /de ltar nag po'i rdzas kyis nag por 'gyur la/ ljang gus ljang gu zhes bya ba la sogs pa'o/ /mar me'i 'od kyis kyang gsal bar byed de snang ba dang bcas pa'i gzugs su 'gyur ro/ /gang yang rang nyid gsal byed kyi bdag nyid ma yin na de bdag nyid dang gzhan mi gsal ba ji ltar gsal bar 'gyur/ /gang gi phyir dbyig ba'i mi gsal ba'i bdag nyid kyi mun pa'i bum pa la sogs pa gsal bar mi 'gyur te/ mar me la sogs pa len pa med par thal bar 'gyur ba'i phyir ro/ /gal te gzhan gsal ba'i ngo bo nyid blangs pas gzhan gsal bar byed do zhe na/ de ni ma yin te gsal bar byed pa'i ngo bo nyid dang mi ldan pa'i phyir ro/ /gang gi phyir de bzhin du gang gzhan ma yin pa de la re zhig rang gi ngo bo nyid gsal byed ma yin pa'i phyir gzhan ji ltar gsal bar byed/ de gzhan gyis gsal bar byed pa'i ngo bo nyid yin na de yang gzhan gyis byed dgos pas thug pa med par 'gyur ro/ /cung zad kyang gsal bya dang gsal byed med pas 'gro ba long ba dang lkugs par 'gyur ro/ /de yang gang 'di nyid dang 'di nyid ma yin pa la sogs pa yul dang dus dang rang bzhin sgrub pa dang dgag pa'i bdag nyid kyi tha snyad med pas tha snyad thams cad rgyun chad par 'gyur ro/ /de ltar yang ma yin no/ /des ni gzhan gyi phyogs sun phyung
- 159a
ba'o/ /gang gi phyir shes pa rang nyid gsal bar byed pa'i bdag nyid yin na/ de lta na yang de'i shes bya ji ltar gsal bar byed par 'gyur/ gang gi phyir shes pa'i ngo bo nyid ni shes bya mi 'dzin la shes bya rang gi ngo bo nyid kyang shes pa mi 'dzin pa'i phyir ro/ /de gnyis shin tu tha dad par ni gong du bsgrubs zin no/ /gal te shin tu tha dad pa yin du zin kyang dmar po'i rdzas dang dkar po'i rdzas sbyar bas dmar por 'gyur ba bzhin dang/ mun par gnas pa'i snam bu la sogs pa sgron ma la sogs pa'i 'od gsal pa'i dngos po dang nye ba las gsal ba de bzhin du shes pa dang nye ba las shes bya gsal bar byed pa yin no zhe na/ ma yin te/ shes pa dang shes bya dag shin tu tha dad pa'i dpe mi 'grub pa'i phyir ro/ /gang gi phyir de ltar dpe zhes bya ba ni shes bya'i bdag nyid yin la shes pa'i bdag nyid ni ma yin no/ /de gnyis ni shin tu tha dad pas shes pa'i bdag nyid ni bsal ba'i bdag nyid du snang bzhin ma yin la/ de'i bdag nyid med pa'i rang bzhin ni dpe yin la/ gang yang dper 'gyur ba ni gang gi phyir tshad mas grub pa'i don ni dper grub pa yin pa la de yang tshad ma las tha dad pas gnas pa yin no/ /de gsal bzhin pas de'i bdag nyid ma yin pa ji ltar gsal bar byed/ de ltar dpe grub pa med pas 'dod pa'i don cung zad kyang mi 'grub bo/ /'gro ba thams cad 'on pa dang lkugs pa la sogs par 'gyur ro/ /gang gi phyir de ltar shes pa skyes pa'am ma skyes pa yin/ skyes pa'i phyogs la gzugs la sogs pa'i rgyu yod pa las 'gyur ro/ /de yang med na mi 'gyur te rnam pa dang bcas pa'am/ rnam pa med pa'am gzhan gyi rnam pa can du 'gyur ro/ /de la dang po'i phyogs la de'i bdag nyid dang de las byung ba gnyi ga'i 'brel ba ni shes bya dang shes pa dag la med do/ /tha dad pa'i shes bya
- 159b
gsal ba'i bdag nyid kyis ji ltar rtogs par 'gyur te mi 'gyur ro/ /de ltar shes bya las skye ba med pas shes pa de'i rnam pa can med do/ /shes pa de'i rnam pa can du rtogs pa med pas kyang don rtogs pa ni brtags pa tsam du grub kyi thid du don rtogs pa ni mdo// rtag pa dang mi rtag pa dang yod pa dang med pa'i phyogs la de'i bdag nyid dang de las byung ba med pa'i phyir dang tha dad pa nyid kyi phyir de'i rnam pa dang bral bas sngon bzhin du don bsgrub pa'i yan lag nyid du bsam par mi bya'o/ /de'i bdag nyid dang de las byung ba med pas 'brel pa gzhan yang brtag par mi rigs te de ni nye bar phan 'dogs pa'i phyir ro/ /phan mi 'dogs na ni sngar bstan pa'i skyon du thal bar 'gyur ro/ /phan 'dogs na de bas byung ba'i phyogs su thal bar 'gyur te phyis dpyad par bya ba nyid yin pa'i phyir ro/ /thams cad du skye ba med pa'i phyogs ni gzhan sgrub par byed pa'i yan lag ma yin pa'i phyir ro/ /de ma yin pa'i phyogs ni de las byung ba'i phyogs so/ /de la gcig tu phyi rol gyi don gyis bskyed pa ma yin no/ /shes pa nyid don gyi rnam par snang ba yin gyi logs shig pa'i don gyis bskyed pa ma yin no/ /thog ma med pa nas rnam par shes pa'i rgyud las byung ba'i de ma thag pa'i rkyen gyis rmi lam gyi rnam par shes pa bzhin du rnam par shes par smra bas kyang de bzhin du gang gi phyir sgo bcad nas khyim du nyal te/ mig btsums te gnyid log pa las khang pa bas che ba'i tshad kyis glang po che dang/ rta la sogs pa'i rnam par shes pa glang po che la sogs pa med par yang don gyi rnam pa skye'o/ /de rmi lam ni shes pa'i rnam pa snang ba yin gyi don rta la sogs pas byas pa ni mi rigs so/ /mig gi bya ba med kyang so sor snang ba'i phyir ro/ /gang gi phyir mig 'dzum pa yang long ba bzhin du gzugs so sor snang ba yod pa ma yin no/ /gal te mig gi bya ba yang de la nye bar dmigs pa yod do zhe na/ bden te de la nye bar
- 160a
dmigs pa yod do/ /de la nye bar dmigs pa med par ni mi grub bo/ /'on kyang mig gi dbang po med pa nyid do/ /long ba dang gnyid log pa la de med kyang rmi lam na sngon po la sogs pa'i gzugs so sor snang bar ji ltar mi 'gyur te 'gyur ro/ /shi bar snang ba yang ji ltar mi 'gyur te rmi lam mam sad pa'i dus na yang med de de'i lus ni mes bsregs pa nyid yin no/ /ji ltar khang pa chung ngu'i nang du tshad shin tu che ba'i sa gzhi la gnas pa'i sdong po dang ri dang mtsho dang nam mkha' i dkyil du nyi ma'i gzugs brnyan so sor snang ste/ de rnams de zhugs pa 'am gnas pa ni ma yin no/ /gnyid log pa las ma gtogs pa gzhan la snang ba med do/ /nyams pa med pa'i skyes bu thams cad la nye bar dmigs pa'i rgyus thun mong du don gyi ngo bo nyid de ltar nye bar dmigs so/ /gal te rmi lam na don yod pa yin na mkhan po la sogs pas bshad pa la sogs pa bye ba de ji ltar dmigs par mi 'gyur/ gal te gnyid sad pa'i dus su dris pa la de thams cad med de mi dran pa'i phyir ro/ /zhe na ma yin te/ thams cad du mi dran pa med pa'i phyir ro/ /gal te rmi lam gyi gnas skabs na don med na/ ci 'dir dpe tsam gyis gnyid sad pa'i dus su don gyis stong pa'i shes pa 'grub par 'gyur/ gang gi phyir rab rib can gyi shes pa log pa yin pa bzhin du rab rib med pa'i shes pa log par 'gyur ram ste mi 'gyur ro/ /gang gi phyir de bzhin du rnam par shes pa 'khrul ba med pa de don gyis stong pa yang ma yin te mi bslu ba'i phyir ro/ /don las skyes pa'i phyir mi bslu'o/ /gzhan du shes pa don med par 'byung na mi bslu ba'i mtshan nyid kyis kyang don mi rnyed de log pa'i shes pa bzhin du 'gyur ro/ /de yang don las skyes pa ni don rjes su 'gro ba dang ldog pa gnyis dngos su dbang po'i shes pa la yod pa yin no/ /gang gi
- 160b
de la de ltar rab rib la sogs pa'i skyon dang bral ba'i mig yod na shes pa yod la med na med do/ /mig 'dzum pa las gzugs dang snang ba dang/ yid la byed pa yod kyang de med na med do/ /yang mig phye nas yod pa yin no/ /de ltar na snang ba yod na yod dang med na med do/ gzhan yang mig la sogs pa'i rgyu yod kyang yang sgron ma la sogs pa'i gsal ba yod na snang ba yin no/ /de ltar mdun du gnas pa'i bum pa la sogs pa'i gzugs yod par gyur pa yin no/ /snang ba la sogs pa yod kyang de med na med do/ /yang de yod na yod pa yin no/ /de bzhin du yid la byed pa yod pas rnam par shes pa skye'o/ /de med na med do/ /bum pa la sogs pa yod kyang gnyid mthug po'i gnas skabs su med do/ /yang de sad na yod do/ /de la re re bsal na rnam par shes pa skye ba med pas thams cad kyi nus pa yin par dpag go /de bzhin du mig gis gzugs la 'jug gi sgra la sogs pa la ma yin no/ /mig gis sgra la sogs pa rtogs pa med de/ rna ba'i dbang po la sogs pa yongs su brtag pa don med par thal? ba'i phyir dang 'on pa la sogs pa med par thal bar 'gyur ro/ /de'i sgra la sogs pa skyed byed ma yin pa'i phyir gang de la snang ba yin skyed byed ma yin kyang snang na don thams cad mngon sum du gyur pas thams cad kyis thams cad shes par 'gyur ro/ /dbang po'i shes pa thams cad kyi gnas skabs 'di nyid do/ mig la sogs pa'i rnam par shes pa gzugs la sogs pa'i gzugs brnyan gyi rnam pa can skye'o zhe na/ rnam pa med pa'am/ gzhan gyi rnam pa can dag don rtogs pa med de mi srid pa'i phyir ro/ /gang gi phyir ji ltar skyes bu rang gi bzhin thams cad du mngon sum du mi 'gyur ba bzhin no/ /snang ba'i me long la de'i gzugs rnyan mthong bas de rtogs pa'o/ /gzugs brnyan nyams su myong ba nyid rang gi bzhin gyi gzugs skyes bus nyams su myong ba'o/ /de la
- 161a
gzugs brnyan nyams su myong ba las gzhan dngos su nyams su myong ba ni mi srid do/ /de ltar don yod par smra ba thams cad nyid kyis kyang don gang du yang mngon sum du mi 'gyur ro/ /de la shes pa me long lta bu la gzugs brnyan nyams su myong ba nyid de nyams su myong ba'o/ /de mthong ba nyid don mthong ba'o/ /gang gi phyir rang gis don mngon sum du byas pa ni med do/ /de mngon sum nyid yin na mngon sum gyi bdag nyid kyi rnam par shes pa'i bdag nyid kyi phyir rnam par shes par 'gyur ro/ /mngon sum nyid kyi rnam par shes pa nyid bsgrub pas don ni ma yin no/ /gzhan yang don nyid mngon sum yin gyi rnam par shes pa ni ma yin no/ /de mngon sum ma yin pa nyid kyis thams cad mngon sum ma yin pa nyid du thal bar 'gyur ro/ /gzugs brnyan mngon sum du byas pas rang gi bzhin yang mngon sum du byas pa bzhin du de mngon sum du nyid du bya ba ni mi rigs so/ /de'i phyir na don mngon sum ma yin no/ /de la gang yang sngon po'i rnam pa las shes pa gzhan gyi rnam par 'gyur na sngon po'i rnam pa ma yin no/ /rnam par shes pa de rtag pa'i ngo bo nyid du 'gyur ro/ /de nyid rang rig pa yin gyi de sngon po ni ma yin te sngon po'i rnam pa dang bral ba'i phyir ro/ yang dag pa'i rig pa la yod pa dang med pa'i rnam pa dang bral ba ma yin no/ /ser po'i shes pa dang mi 'bral ba'am/ sngon po dang bral ba ni ma yin no/ /gang de'i ngo bo nyid ma yin pa de ni yang dag pa'i rig pa ma yin no/ /ser po'i shes pa ni nag po'i shes pa ma yin pa bzhin no/ /ji ltar me long la rang gi bzhin gyi gzugs brnyan snang ba ni rang gi bzhin gyi rnam pa yin gyi gzhan gyi bzhin gyi rnam pa ni ma yin no/ /de yi rang gi bzhin nyid yang dag par rig pa yin gyi gzhan gyi bzhin ni ma yin te/ de'i rnam pa dang bral ba'i phyir ro/ /de
- 161b
bzhin du gzhan gyi rnam pa rig pas sngon po'i don gyi rnam pa ma yin te/ shin tu thal ches pa'i phyir ro/ /yang dag par rig pa yang ma yin no/ /rnam pa med pa'i shes pa yang sngon po'i don rig pa po ma yin te/ gang gi phyir de don gyi rnam pa thams cad dang bral ba'i phyir gzugs brnyan thams cad ya bral ba'i me long gi dkyil 'khor bzhin no/ /don rtogs par ji ltar 'gyur gang gi phyir me long gi ngogs la gzugs brnyan ma lus pa dang bral te gzugs brnyan dang bral bas na rang gi bzhin sogs pa rtogs pa ma yin no/ /de bzhin du shes pa ni gang du 'ang don gyi ngo bo nyid kyi bdag nyid kyi gzugs brnyan med pas ji ltar don nyid rtogs par 'gyur/ don rang gi bzhin ltar rang gi mngon sum du mi 'gyur te sngon du bstan pa'i skyon nyid kyi phyir ro/ /de bas na rnam pa med pa dang gzhan gyi rnam pa can gnyis kyis don yang dag par rig pa ni mi srid do/ zhar la byung ba ni des chog go /phyogs tsam zhig bstan pa yin te/ 'di las gzhan du ni gzhung mangs kyis dogs bas ma bris so/ /de ltar gyur pa gang nas zhe na/ nges 'byung zhing zhes pa ni nges par 'byung ba zhes bya ba la sogs pa gsungs te/ 'di nges par bye brag tu lha rnams nges par byed pas na nges par 'byung ba ste/ A li dang kA li'i tshogs so/ /de nas yang gang las she na/ sgra'i tshul nas? zhes bya ba la sogs pa gsungs te/ sgra'i tshul ni sgra tsam ste/ de so so'i rten du 'gyur ba phra mo'o/ /de'i gzugs ni ngo bo nyid do/ /gdan ji ltar dbyangs dang gsal byed kyi tshogs kyi steng du hUM ngo/ /de las skyes pa ni sna tshogs rdo rje ste lta ba'i steng du gdan la gnas pa'i hUM yig go /de'i steng du bar ma chod par hUM nag po'o/ /de'i steng du A:dmar po'o/ /de'i steng du oM dkar po bsgom par bya'o/ /oM la sogs pa rang bzhin med par bya ste/ gang nA da tsam de ni sgra tsam ste de thig le la'o/ /de zla ba
- 162a
phyed pa la'o de o la'o/ de a yig go /de'i blo'i thig le tsheg drag gnyis la'o/ /de phyi'i glo'i dbyug pa la'o/ /de a'i rgyab tu 'byar ba'i glo'i dbyug pa la'o/ /de a yig gi mgo bo la'o/ /de hUM yig gi dang po nA da tsa mo/ /nA de de thig le la'o/ /de mgo bo la'o/ /de ha'i phyed stod kyi cha la'o/ /de ha'i 'og gi cha'i phyed glo'i dbyug pa la'o/ /de u la'o/ /de sna tshogs rdo rje la gnas pa'i hUM yig gi nA da tsam la la'o/ /nA da de thig le la'o/ /de mgo bo la'o/ /de ha'i stod kyi cha la'o/ /de ha'i smad kyi cha'i logs kyi dbyug pa la'o/ /de u la'o/ /de sna tshogs rdo rje'i shar gyi logs kyi dbus kyi cha'i rdo rje rtse mo la'o/ /de g.yon phyogs kyi rtse mo la'o/ /de lho'i cha'i g.yas kyi rtse mo la'o/ /de dbus kyi rtse mo la'o/ /de g.yon phyogs kyi rtse mo la'o/ /de nub phyogs kyi g.yas kyi phyogs kyi rtse mo la'o/ /de dbus kyi rtse mo la'o/ /de g.yon gyi rtse mo la'o/ /de byang phyogs kyi g.yas kyi rtse mo la'o/ /de dbus kyi rtse mo la'o/ /de g.yon gyi rtse mo la'o/ /de shar phyogs kyi g.yas kyi rtse mo la'o/ /de dbus kyi lte ba la'o// de stong pa nyid kyi rang bzhin zhugs pa'i rnam par bsam pa'o/ /de nas yang shar gyi logs kyi g.yas kyi rtse mo la'o/ /de nas byang phyogs kyi logs kyi g.yon phyogs kyi'o/ /de nas dbus kyi'o/ /de nas g.yas phyogs so/ /de nas nub phyogs kyi logs kyi g.yon no/ /de las dbus ma'o/ /de las g.yas phyogs so/ /de las lho phyogs kyi logs kyi g.yon pa'o/ /de las dbus so/ /de las g.yas pa'o/ /de nas shar gyi logs kyi g.yon pa'o/ /de las dbus ma'o/ /de nas lte ba la gnas pa'i hUM yig gi u'o/ /de nas ha'i smad kyi cha'i dbyug pa'o/ /de las stod kyi cha'o/ /de las mgo bo'o/ /de las zla tshes de las thig le de nas nA da de las nA da tsam mo/ /de las u'o/ /de las ha'i smad kyi cha'i dbyug pa'o/ /de las stod kyi
- 162b
?mi mgo bo la'o/ /de las zla ba phyed pa'o/ /de las thig le'o/ /de las nA da'o/ /de las nA da tsam mo/ /de las a'i mgo bo'o/ /de las a'o/ /de las glo'i dbyug pa'o/ /de las gzhan glo'i dbyug pa'o/ /de las thig le gnyis so/ /de las o'o/ /de las zla ba phyed pa'o/ /de las thig le'o/ /de las nA da'o/ /de las nA da tsam mo/ /de las byung ba gtan la gnas pa rtsa bar gyur pa pad+ma'i snal ma phra bar gnas pa bsgom par bya ba'i lha khru phyed dang bzhi pa'i tshad dkar po las dang nyon mongs pa'i bag chags rnam par dag pa'i gzhir gyur pa'i rnam par shes pa'i dmigs pa shes rab kyi pha rol tu phyin pa'i ngo bo nyid thabs dang shes rab kyi bdag nyid rdo rje sems dpa' i rang bzhin sangs rgyas kyi ri mo bsgom par bya'o/ /sgra'i tshul zhes pa ni gnyis pa las sgyu ma lta bu nyid du bdag nyid skyes so zhes bya bar dgongs so/ /zhing ni nges par gzung ba'o/ /de ltar lha gnyis po'i bdag nyid phyung ste/ rten cing 'brel bar 'byung ba'i yan lag bcu gnyis kyis rnam par dag pa ni phyag bcu gnyis nyid do/ /phyag mtshan ni man ngag las sam glang chen pags pas g.yogs zhes bya ba la sogs pa gsungs so/ /de las bdag 'ba' zhig byung ba ni ma yin te/ nges 'byung zhing zhes bya ba la sogs pa gsungs so/ /dam tshig ni go ku ra ha na la sogs pa'o/ /de'i spyod yul ni bsten pa ste/ de nyid kyi spyod yul gang yin pa mkha' 'gro ma dang lA ma la sogs pa dam tshig spyod yul lo/ /spyod yul ni yul lo/ /dam tshig ni sprul pa ste/ de yang sems can gyi don la so sor 'grel ba'o/ /kha cig na re nges 'byung gi sgra ni mang po'i tshig gi mdza' can yin yang rkyen yongs su gyur pas/ gcig gi tshig tu bya ste rdo rje 'dzin pa dang sbyar zhes zer ro/ /ci khyod don dam pa'i ye shes kyi rang bzhin yin nam snyam du dogs pa la/ rnyed dka' ba
- 163a
zhes bya ba la sogs pa gsungs so/ /shes rab dang thabs dag dang rnam par rtog pa dang gsum ni gsum mo/ /de gnyis bye brag tu rtog pa nyid kyi nye bar gyur pas rnam par rtog pa gsum pa'o/ /gal te phyis kyi rnam par rtog pa ma yin na shes rab dang thabs kyi bdag nyid rnyed sla'o zhes dgongs so/ /de nyid kyis zhen pa med pa'i tshul du goms pas nyon mongs pa thams cad sangs pa'i lhan cig skyes pa'i ye shes dngos su byed do/ /de bas na rnam par shes pa'i ngo bo nyid rnam par mi rtog pa nyid nga yin no/ /de'i phyir 'jig rten zhes bya ba la sogs pa gsungs so/ /'jig rten ni 'jig rten mthong ba ste nye bar dmigs pa'i bar ro/ /de yang thabs dang shes rab gnyis su gzung ba la sogs pa nye bar dmigs pa'i phyir ro/ /'jig rten gyi sgras rnam par rtog pa nyid rnyed de/ de nye bar dmigs pa las byung ba'i phyir ro/ /yang na dga' ba dang/ mchog dga' dang dga' bral rnams su rnyed par dka' ba ste gsum du zhes gsungs pa'i phyir lhan cig skyes pa med do/ /lhag ma ni snga ma bzhin no/ /de bas na thog ma zhes bya ba la sogs pa gsungs so/ /rtog pa dang bcas pas na thog ma dang bar dang tha ma rnams su yang dag par cha shas su phye bas gang yin pa la bdag rnyed par dka' o/ /rjes su mthun pa'i sgo nas/ rnyed par sla ba blo la bzhag ste rnyed par dka' ba nyid du gsungs so/ /gang yang rtog pa dang bcas pa zhes bya ba 'di ni bdag gi ngo bo ma yin zhes bya bar dgongs so/ /rnam par mi rtog pa nyid gang yin pa de bdag gi ngo bo nyid de/ de ye shes kyi bdag nyid yin pa'i phyir ro/ /de yang rnam par rtog pa las rnyed par dka' o zhes bya ba'i don to/ /yang na rnam pa sna tshogs dang/ rnam par smin pa dang/ rnam par nyed pa rnams su yang
- 163b
dag par gnas pa med cing ma mthong bar 'gyur ro zhes bya ba'i don to/ /nyams su myong ba med pa nyid kyi phyir ro/ /de'i phyir rnyed par dka' o/ /gang gi phyir mtshan nyid dang bral ba'i skad cig ma la nye bar dmigs pa thams cad spangs pa'i lhan cig skyes pa'i ye shes nyams su myong ba'i phyir ro/ /thabs dang shes rab kyi sbyor ba las rnyed par sla bar gsungs pa ni don gyis 'phangs pa'o/ /de ltar yang de nyid ji ltar grub pa yin zhe na/ bsrub pa dang bsrub pa'i sbyor ba yis zhes gsungs so/ /srub pa ni shes rab kyi cha'o/ /bsrub pa'i sbyor ba ni thabs kyi cha ste chos kyi brda yin pa'i phyir ro/ /gang de gnyis ro gcig par gyur pa de ni de nyid do/ /bsrub pa dang srub par byed pa'i sbyor ba gang yin pa de ltar na rnyed par sla ba yin no/ /de he ru ka yang dag par sbyor ba bshad ces bya bar sbyar ro/ /lhan cig skyes pa'i rdzas kyi ngo bo de nyid ni bcom ldan 'das so/ /de ji lta bu zhes pa la ji bzhin zhes bya ba gsungs te/ thams cad du yi ge bzhi po 'di'i dag ni/ thog ma tha ma dbus med cing/ /ji srid mya ngan 'das pa min/ /bdag min gzhan yang ma yin pa/ /'di ni bde ba chen po yin/ /g.yas pas cig shos lag pa yis/ /rgan po dang ni ming med kyis/ /longs spyod kyi ni rlabs gnyis ni/ /rnal 'byor pa yis bcir byas na/ / gzhon nu ma yi bde ba bzhin/ /de nas ye shes skye bar 'gyur zhes bya'o/ /ji bzhin gyi sgra'i don no/ /de ltar de bzhin bzhi pa yang zhes bya ba ni de bzhin gyi sgra'i don no/ /tshigs bcad gnyis po'i don ni bla ma'i gdams ngag las shes par bya'o// 'dir sgra'i bde bar sbyor la sogs pa ni bshad par mi bya ste/ bde bar gshegs pa'i lung yin pa'i phyir ro/ /gsang ba'i sgra brjod par bya ba khyad par dang bcas pa'i dpal he ru ka yang dag par sbyor bar ston te/ de gnyis brjod par bya ba dang 'bre
- 164a
ba la sogs pa dang/ sgrub par 'dod pas sngags bzlas zhes bya ba la sogs pa gsungs te sngags ni rkang pa brgyad pa la sogs pa'o/ /de rnams nyid yang dang yang du zlos pa ni bzlas pa'o/ /bsam gtan ni lha'i rnam pa la sems pa'o/ /sogs kyi sgras ni rigs ldan gyi mchod pa dang/ pho nyas 'dod pa bsgrub pa dang/ byang chub kyi sems kyi thig les byang chub sems dpa' la sogs pa mchod pa dang/ sdig pa thams cad rnam par dag pas rnal 'byor nyid du bsgrub pa dang/ / dam tshig bskyang ba dang dam tshig bsrung ba dang/ bdud rtsi lnga bza' ba dang tshogs kyi 'khor los zla ba'i btung ba bzhin du bdud rtsi lnga myang ba dang/ dbang po gnyis kyi sbyor ba dang/ lha rdzas kyi bde ba'i bsngags pa dang/ ri sul dang tshang tshing la sogs pa'i gnas dang/ dkyil 'khor la sogs pa'i de nyid bcu dang/ bla ma dang dpa' bo dang dpa' mo'i dbang phyug ma'i dkyil 'khor gyi mchod pa dang/ slob ma dkyil 'khor du gzhug pa dang/ de nas dbang sbyin pa dang/ phyag rgya dang slob dpon gyi mchod pa dang/ mkha' 'gro ma'i sa gzhi la rol ba dang/ sngags btu ba dang rig pa'i rgyal po'i las kyi tshogs dang/ 'jig rten pa'i dngos grub brgyad bsgrub pa dang/ brda'i cho ga dang las kyi phyag rgya'i mtshan nyid dang/ de gnyis kyi 'gro ba dang 'ong ba'i bya ba brjod pa dang/ mkha' 'gro ma'i mtshan nyid dang/ phyag rgya dang phyag rgya'i lan bstan pa dang/ dam tshig mi brjod pa dang/ 'jig rten dang 'jig rten las 'das pa'i dam tshig chen po brgyad dang/ gcig tu tsA ru bza' ba dang gtor ma sbyin pa dang gnod mdzes rgyal po'i sngags btu ba dang/ de'i las kyi tshogs bsgrub pa dang/ sngags kyi gzugs brnyan bsam gtan dang rnam par mi rtog pa'i de nyid bsgom pa dang/ 'jig rten las 'das pa'i mchog dang/ de nas yang zhal bzhi pa'i sngags kyi
- 164b
tshig dang bcas pa'i dpa' bo dang dpa' mo'i dbang phyug ma rnams nang du gtogs pa'i thugs kyi rdo rje la sogs pa'i sngags kyi bzlas pa dang/ gnas la sogs pa'i sa bcu dang/ yul nyi shu rtsa bzhi bstan pa dang/ nub mo phyogs kyi gos la sogs pa byang chub kyi phyogs kyi chos sum cu rtsa bdun dang/ de nas thod pa'i dum bu la sogs pa dpa' bo nyi shu rtsa bzhi khams rnam par dag pa dang/ mkha' spyod dang sa spyod kyi lha mo'i gzugs brje ba dang/ rtsa'i rigs sum cu rtsa bdun gyi 'khor lo kun tu spyod pa mgo drug pa dang longs spyod pa thim pa dang/ dbang du byed pa dang/ chos kyi 'khor lo bskor ba dang/ de nas sprul pa dang/ longs spyod pa dang/ chos rnam par dag pa'i sku'i rang bzhin dang/ stong pa dang snying rje dbyer med pa nyid ces bya ba ste de rnams bsdu ba'o/ /sbyor ba ni zhi ba dang rgyas pa dang dbang dang mngon spyod la sogs pa'i las kyi ting nge 'dzin no/ /cho ga'i ye shes ni bya ba nyid ces bya ba ni cho ga ste/ legs par dpyad pa la sogs pa'i las so/ /de'i ye shes ni shes par bya ba nyid de la yod pas na de bstan pa'o/ /mar gyis gang ba'i bum pa ni/ /me yi steng du bzhag gyur na/ /mar ni zhu zhing zhu gyur nas/ /snod kyi dri ma nyams par byed/ /he ru ka dpal zhes ming gis/ /de bzhin sdig pa 'joms par byed/ /ces pa'i tshig gis so/ /yang na 'dir cho ga ni 'das pa dang ma 'ongs pa dang da ltar byung ba'i ngo bo nyid dus gsum mo/ /ye shes ni shes pa brgyad kyi lus so/ /cho ga yang yin la ye shes kyang yin pas na cho ga'i ye shes so/ /sbyor ba ni cho ga'i ye shes nyid do/ /gsang ba zhes bya ba la sogs pa'i tshig gis brjod par bya ba bshad do/ /zhes bya bar sbyar ro/ /rgyud ni nam mkha' dang mnyam pa'i rgyud do/ /gsungs pa ni ma lus pa yang dag par bsdus pa gang yin pa de 'dir gsang ba zhes bya ba la sogs pa'i tshig gis brjod par bya ba nyid du gsungs so/ /de nas yang
- 165a
mnyan par gyis ni rdo rje phag mo las te de'i bsgrub bya ni gsang ba nyid yin par dgongs so/ /mdor bsdus pa'i rgyud kyi gzhung gzhan yin pa la 'gal ba med do/ /gal te 'di skad ces bya ba la sogs pa rgyud du ni gsang ba 'dir ma bstan na/ sngar ma byung ba nyid kyi phyir 'dir/ ci'i phyir mi ston ce na ma yin te/ rtsa ba'i rgyud kyi brjod par bya ba dang 'brel bas mngon ma byung ba nyid med pa nyid kyi phyir ro/ /gal te dge slong dag 'di skad bdag gis thos pa dus gcig na zhes bya bas chos bsdu bar bya'o/ /zhes gsungs pa'i phyir 'di ni sdud pa po nyid kyi yin la de dang 'brel ba yin zhe na ma yin te/ sdud pa pos kyang bcom ldan 'das kyis gsungs pa'i rjod byed dang brjod bya'i ngo bo nyid kyi rgyud bsdus pa'i phyir ro/ /gal te bcom ldan 'das ma ston pa po yin na/ de'i tshe bzhugs zhes bya ba la sogs pa'i tshig gi don dang ji ltar 'byor zhe na/ bzhugs zhes bya ba la sogs pa'i tshig ni he ru ka dpal yang dag sbyor gyis bshad do/ /de yang ji lta bu zhe na/ gsang ba mchog gi ni zhes bya ba la sogs pa gsungs pa dang sbyar ro/ /rgyud ni 'dis don gyi rtogs pa bskyed pas sgra'i tshogs so/ /'dir don tha dad gsum yin te/ rgyu 'bras thabs kyi rang bzhin no/ /'bras bu ni che ba'i ngo bo nyid kun tu bzang po'o/ /rgyu ni 'di goms pa'i gnas skabs kyi khyad par rdzogs pa nyid de/ rgyu yang dkyil 'khor gyi lha'i tshogs so/ /thabs kyang 'byung ba bzhi dang ri rab dang gzhal yas khang la sogs pa'o/ /rgyud ni 'dir de bzhin du yang/ rgyun la rgyud du brjod pa ste/ de rgyun de yang rnam pa gsum/ /rten dang thabs dang rnam pas ni/ /rgyud don gsum gyis bsdus pa'o/ /zhes gsungs so/ /gsang ba zhes bya ba'i tshig gis shin tu mdor bsdus nas ma lus pa'i rgyud kyi brjod par bya ba bstan to/ /de nas he ru ka dpal yang dag sbyor zhes
- 165b
pa la sogs par rgyas par dgrol bar dgongs nas bstan pa'o/ /'di na mar shin tu rgyas par ni rgyud rdzogs pa'i bar gyis gsungs so/ /de nyid dbugs dbyung bar ma zhes bya ba la sogs pa gsungs te/ bar ma dang mchog ni 'dir 'dis srog 'dzin pas na dbugs sam/ dus yin pas na dbugs zhes bya'o/ /bar ma ni me ste sa chu me rlung zhes gsungs pas bar mar gyur pa nyid kyi phyir ro/ /bar mar gyur pa nyid kyang phal pa gang yin par gzung ba nyid kyi phyir te brjod do/ /mchog ni dbang bskur te lha'i rgyal po nyid yin pa'i phyir ro/ /bar ma dang mchog gi dbugs ni gnas sam dus zhes bya ba'i don te/ des na rigs ldan mchod par bya zhes bya bar sbyar ro/ /ji lta bur gyur pa la zhe na/ dri zhes bya ba la sogs pa gsungs te/ 'di la yod pas ni dri ste/ dri rgyu ba nyid kyi phyir rlung ngo/ /gang la chu yod pa de ni chu'o/ /de gnyis kyi gnas dang 'di bcas pas dri'i chu dang bcas pa zhes bya ste/ tshig bar ma phyis pa ni bsdu ba ste mar gyis gang ba'i bum pa zhes bya ba lta bu'o/ /ni zhes pas ni tshig gi kha bskang ba'o/ /'di'i don ni rigs ldan ni rnal 'byor ma ste/ de mchod par byed pa ni mnyes par byed pa'o/ /rtag tu ni dus thams cad du ste de nyid re zhing zhes bya ba'i don to/ /dus kyi khyad par ni dus kyi khyad par te/ dkar po'i phyogs kyi chos gcig la sogs pa la/ gdams ngag ji lta ba bzhin du thun phyed kyi cha rnams su'o/ /dkar po'i tshes gcig nas gzung ste snga dro'i bar thun phyed la/ puM las skyes pa'i mgo bo la/ oM ka ra ka ra pra tsaN+Di huM hUM phaT/ ces bya ba'i sngags las skyes pa'i rab gtum mo bsgom par bya'o/ /gnyis pa la dzAM las skyes pa'i spyi gtsug tu/ oM ku ru ku ru tsaN+DA k+ShI ye huM hUM phaT/ ces bya ba'i sngags las skyes pa'i gtum mig ma'o/ /gsum pa la oM las skyes pa'i rna ba g.yas pa la/ oM band+ha band+ha pra b+hA ba tI ye huM hUM
- 166a
phaT/ ces bya ba'i sngags las skyes pa'i 'od ldan ma'o/ /bzhi pa la aM las skyes pa'i mgo bo'i ltag par oM trA sa yA trA sa ya mahA mA se huM hUM phaT phaT/ ces bya ba las skyes pa'i sna chen ma'o/ /lnga pa goM las skyes pa'i rna ba g.yon pa la/ oM k+Sho b+ha ya k+Sho b+ha ya bI ra ma tI ye huM hUM phaT/ zhes bya ba'i sngags las skyes pa'i dpa' bo'i blo ma'o/ /drug pa rAM las skyes pa'i smin ma'i dbus su/ oM h+rauM h+rauM kharba rI ye huM hUM phaT/ ces bya ba'i sngags las skyes pa'i mi thung ma'o// bdun pa de las skyes pa'i mig gnyis la/ oM h+ra:h+ra:langke shwa rI ye huM hUM phaT/ ces bya ba'i sngags las skyes pa'i lang ka'i dbang phyug ma'o/ /brgyad pa mAM las skyes pa'i phrag pa gnyis la/ oM pheM pheM dru mats+tshA ye huM hUM phaT/ ces bya ba'i sngags las skyes pa'i shing grib ma ste thugs kyi 'khor lo'o/ /lha mo rnams kyi gdan ni nyi mo'i cha la me'i dkyil 'khor ro/ /mtshan mo dang po'i thun byed la kAM las skyes pa'i mchan khung dag tu/ oM phaT phaT e rA ba tI ye huM hUM phaT/ ces bya ba'i sngags las skyes pa'i srung ma bsgom par bya'o/ /gnyis pa la oM las skyes pa'i nu ma dag la/ oM da ha da ha mahA b+hai ra bI ye huM hUM phaT/ ces bya ba'i sngags las skyes pa'i 'jigs byed chen mo'o/ /gsum pa la traM las skyes pa'i lte ba la/ oM pa tsa pa tsa bA yu be ge huM hUM phaT/ zhes bya ba'i sngags las skyes pa'i rlung gi shugs can ma'o/ /bzhi pa la koM las skyes pa'i sna rtsar/ oM b+hak+Sha bak+Sha ba sha ru d+hi ra an+t+ra mA lA ba laM bi ni su ra bak+ShI ye huM hUM phaT/ zhes bya ba'i sngags las skyes ba'i chang 'thung ma'o/ /lnga pa la kaM las skyes pa'i kha la/ o grih+Na grih+Na sapta pa tA la ga tA b+hu dzaM gaM sarbaM bA tardza ya tardza ya sh+yA ma de pI huM hUM phaT/ ces bya ba'i sngags las skyes pa'i lha mo sngo bsangs ma'o/ drug pa la laM las skyes pa'i mgrin
- 166b
par/ oM A kaDDhya A ka DDhya su b+ha dre huM hUM phaT/ ces bya ba las skyes pa'i rab tu bzang mo'o/ /bdun pa la kAM las skyes pa'i snying gar/ oM h+riM h+riM ha ya kar+Ne huM hUM phaT/ ces bya ba'i sngags las skyes pa'i rta rna ma'o/ /brgyad pa la hi las skyes pa'i 'doms su/ oM dz+nyoM dz+nyoM kha gA na ne huM hUM phaT/ ces bya ba'i sngags las skyes pa'i bya gdong ma'o/ /zhes bya ba ni gsung gi 'khor lo ste/ nub mo'i cha la lha mo rnams kyi gdan ni chu'i dkyil 'khor ro/ /tshes gnyis la nang bar gyi thun phyed la bro las skyes pa'i mtshan ma la/ oM k+Sh+mAM k+Sh+mAM tsakra be ge huM hUM phaT/ ces bya ba'i sngags las skyes pa'i 'khor lo'i shugs can ma'o/ /gnyis pa la griM las skyes pa'i bshang laM la/ oM haM haM khaN+Da ro he huM hUM phaT/ ces bya ba'i sngags las skyes pa'i dum skyes ma'o/ /gsum pa la sauM las skyes pa'i brla gnyis la/ oM hIM hIM shauN+Di nI ye huM hUM phaT/ ces bya ba'i sngags las skyes pa'i chang 'tshong ma'o/ /bzhi pa la suM las skyes pa'i byin pa dag la/ oM hUM hUM tsakra ba rmi NI ye huM hUM phaT/ ces bya ba'i sngags las skyes pa'i 'khor lo'i go cha ma'o/ /lnga pa la naM las skyes pa'i rkang pa'i sor mo rnams la/ oM ki li ki li su bI re huM hUM phaT/ ces bya ba'i sngags las skyes pa'i rab tu dpa' mo'o/ /drug pa la suM las skyes pa'i rkang pa'i bol la/ oM si li si li mahA pa le huM hUM phaT/ ces bya ba'i sngags las skyes pa'i stobs chen mo'o/ /bdun pa la maM las skyes pa'i rkang pa'i mthe bong dag la/ oM tsi li tsi li tsakra barti nI ye huM hUM phaT/ ces bya ba'i sngags las skyes pa'i 'khor lo sgyur ma'o/ /brgyad pa la kuM las skyes pa'i pus mo la/ oM d+hi li d+hi li mahA bIrya huM hUM phaT/ ces bya ba'i sngags las skyes pa'i brtson chen mo'o/ /zhes bya ba ni sku'i 'khor lo nyin mo'i cha la lha mo rnams kyi gdan ni dbang chen gyi dkyil 'khor ro/
- 167a
de nyid kyi mtshan mo'i dang po'i thun gnyis la rab gtum ma dang gtum ma'i mig can ma dang sna chen ma rnams dang nye bar go rim bzhin du khwa gdong ma dang/ 'ug gdong ma dang/ khyi gdong ma dang/ phag gdong ma'o/ / gnyis pa'i thun gnyis pa la dpa' bo'i blo ma dang/ mi thung ma dang lang ka'i dbang phyug ma dang/ shing grib ma rnams dang nye bar go rim bzhin du/ gshin rje brtan ma dang/ gshin rje pho nya ma dang/ gshin rje mche ba ma dang/ gshin rje 'joms ma rnams bsgom par bya'o/ /de ltar yang tshes gsum pa'i nyin zhag la thugs dang gsung gi 'khor lo'o/ /de nas yang tshes bzhi pa la sku'i 'khor lo dang dur khrod ma rnams te/ rnal 'byor ma sum cu rtsa gnyis kyi kun tu spyod pa'o/ /de ltar tshes lnga la sogs pa rnams kyang go bar bya'o/ /dpal he ru ka dang mkha' 'gro ma la sogs pa bzhi'i rnal 'byor ni rnam par shes pa'i 'khor lo'o/ /'di rnams la kun tu spyod pa med de gdams ngag med pa'i phyir ro/ /ji srid zla ba drug tu bsgom pa dang bzlas pa bya ste mtshan ma thob par byas na/ de nas zla ba bdun du rnal 'byor ma rnams kyi kun tu spyod pa'o/ /de ltar byas kyang gal te ma grub na yang de bzhin du bsgom par bya'o/ /'dir zla ba sum cu rtsa drug gis nges par 'grub par 'gyur ba ni gdams ngag go /bar ma chad par rgyun du bsgoms na lo gcig gis so/ /de nas zla ba drug tu goms pa'i rim pas so/ /me la sogs pa'i sbyor bas mngon spyod la sogs pa yang de bzhin du shes par bya'o/ /de ltar mngon spyod ni thugs kyi 'khor lo'i me'i dus na'o/ /zhi ba la ni gsung gi 'khor lo'i chu'i dus na'o/ /rgyas pa la ni sku'i 'khor lo'i dbang chen gyi dus na'o/ /skrod pa la ni dur khrod kyi 'khor lo'i rlung gi dus na'o/ /rnal 'byor ma ni gang yang rung ba
- 167b
bsgom mo/ /me'i rlung ni song bzhi'o/ /dbang chen kyi rlung ni sor bcu'o/ /rlung gi rlung ni sor drug go /chu'i rlung ni sor bcu gnyis pa'o/ /me dang dbang chen rlung dang chu/ /bzhi dang bcu dang drug cu gnyis/ /sor mo'i tshad kyi phyir 'byung ba'i/ /gnas ni nges pa nyid yin no/ /'on kyang steng du 'gro zhing dro ba ni me'i rlung ngo/ /shin tu grang ba yang ma yin shin tu dro ba yang ma yin zhing sna'i bu ga gang bar rgyu ba ni sa'i rlung ngo/ /log su rtsub par rgyu ba ni rlung gi rlung ngo/ /shin tu grang ba 'og tu rgyu ba ni chu'i rlung ngo/ /de la me la sogs pa'i dkyil 'khor la me ni gru gsum dmar po rtse mo bdun gyi mtshan pa'o/ /dbang chen ni ser po gru bzhi rdo rjes mtshan pa'o/ /rlung ni gzhu lta bu sngon po ba dan gyis mtshan pa'o/ /chu ni zlum po dkar po bum pas mtshan pa'o/ /rlung phyir rgyu bas me la sogs pa'i dus go bar bya'o/ /rigs ldan gyi mchod pa bstan pa ni dngos grub dang por bstan pa ste/ de nyid bsgrub bya gtso bo nyid yin pas so/ /rigs ldan ji tsam yin zhes pa la/ pho nya zhes bya ba la sogs pa gsungs so/ /sngar rigs ldan zhes bya ba ni rigs gcig pa tsam la gcig gi tshig tu byas pa'o/ /de yang sems can sdug bsngal ba la gdung bas na pho nya'o/ /pho nya zhes bya ba ni mang po'i tshig go /rigs ldan dang pho nya ni ming gi rnam grangs so/ de lhan cig skyes pa ni bcom ldan 'das kyi rang bzhin dang mnyan pa mkha' 'gro ma bzhi la sogs pa'o/ /de de'i ye shes kyi rang bzhin no/ /dngos grub ni gshin rje brtan ma la sogs pa'i rnal 'byor ma brgyad do/ / tha ma ni sku'i 'khor lor gtogs pa'i sa 'og na gnas pa'o/ /'bring ni gsung gi 'khor lor gtogs pa'i sa spyod do/ mchog ni thugs kyi 'khor lor gtogs pa'i mkha' la spyod pa'o/ /'dis ni rnal 'byor ma sum cu rtsa drug nyid
- 168a
mchod par bya'o/ /zhes dgongs so/ /lus dang phyi'i dkyil 'khor gnyis bsgrub bya dpal he ru ka yin par grub po/ /ci goms pa dang ldan pas bsgom par bya zhes pa la/ yid nang du chud pas zhes bya ba la sogs pa gsungs so/ /'dod pa ni gzugs dang sgra la sogs pa'o/ /de rnams kyis sam dpal he ru ka'i dngos grub ni 'dod pa'i dngos grub ste/ bsgom par bya ba'i dngos po ni rang la yod par bya'o zhes pa'i don to/ /'dod pa'i dngos grub yod pa yin zhes pa'i bar ro/ /'dod pa gzugs dang sgra la sogs pa zhes gsungs pas so/ /ji lta bu nyid ces pa la yid ni zhes gsungs te/ rnam par shes pas zhes pa'i don to/ /sems dang yid dang rnam shes dang/ /yang na rnam par rig byed do// zhes gsungs pa'i phyir ro/ /nang du chud pa ni rang dang dbyer med pa'i dpal he ru ka'i gzugs su bsam par bya'o zhes bya ba'i don to/ /'dod pa thams cad la longs spyod pas dpal he ru ka'i rnal 'byor 'grub bo zhes bsams pa'o/ /de ltar yang 'dod pa'i longs spyod thams cad la/ /brten na myur du 'grub par 'gyur/ /zhes gsungs pa'i phyir ro/ /ni'i sgra ni nyid kyi don to/ /bya ba mi byed pas ni bsgrub bya 'grub pa med pa'i phyir ro/ /bsgom pa'i ngo bo nyid ni yid kyi rang bzhin no/ /gzugs la sogs pa'i yul la nye bar longs spyod pa'i mtshan nyid ni phyi'i mchod pa'o/ /dngos kyi mchod pa ni rang rdzas zhes bya ba la sogs pa gsungs te/ phyi rol gyi shes rab rgyud gzhan nas gsungs pa'i mtshan nyid can mchod pa'i don du byang chub tu sems bskyed par bya'o/ /de gnyis snyoms par zhugs pa las skyes pa'i thig les bdud rtsi myang ba'i rang bzhin gyis dga' bar byas la longs spyad na sangs rgyas te/ gzugs dang tshor ba la sogs pa phung po lnga dang/ byang chub
- 168b
sems dpa' ste mig la sogs pa'i rang bzhin mchod par bya'o/ /de ltar thun gsum du rjes su gnas shing dngos su mchod par bya'o/ de yang mig yangs khu ba blangs nas ni/ /blo ldan brtan pas yid kyis bza' / /'di de sngags rnams thams cad kyi/ /sku gsung thugs kyi mchod pa'o/ /zhes gsungs so/ /gsang ba'i mchod pa ni lhan cig skyes pa nyams su myong ba'o/ /phun sum tshogs pa'i mchod pa'i rnam pa bzhi 'grub bo zhes dgongs te/ rnal 'byor 'dis sngon du bsags pa'i sdig pa dang/ bsod nams kyang gzung ba la sogs pa mngon par zhen pas byas pas nyams nas sngon ma yin pa nyid mngon par zhen pa med pa'i bsod nams su 'gyur ro/ /de nas dngos grub ni mthong ba dang ni zhes bya ba la sogs pa gsungs so/ /mthong ba ni mig gis nye bar dmigs pa'o/ reg pa ni lus kyi dbang pos reg pa'o/ /thos pa ni rna ba'i dbang pos so/ /dran pa ni yid kyi dbang pos so/ /'di rnams kyi dpal he ru ka dang 'brel ba'i rgyur gyur pas skyes bu gzhan yang grol bar 'gyur te/ lus kyi nyes par spyad pa la sogs pas byas par gyur pas sdig pa thams cad byang bar 'gyur ro/ /sdig pa med pa'i rnal 'byor gyis sdig pa med par 'gyur ro/ /de ltar de nyid go rim bzhin du bstan te/ zhes pa'i don to/ /'di bden don na ma zhes pa la/ the tsom med ces gsungs te/ yid gnyis mi bya zhes bya ba'i don to/ /mthong ba la sogs pas gzung ba la sogs pa la mngon par zhen pa las grol bar 'gyur te/ gsang ba lhan cig skyes pa rtogs pa'i dus kyi rnal 'byor yin pa'i phyir ro/ /gsang ba'i mchod pa'o/ /de la yang de nyid kyis ni khams gsum nyid kyang ci yang ma yin zhes pa'i don to/ /kha cig na re the tshom med ces bya ba ni rtog pa med pa yin no zhes zer ro/ /rnal 'byor ba mthong bas ji ltar 'gyur zhe na/ rnal 'byor pa nyid ces bya
- 169a
ba la sogs pa gsungs te/ dpal he ru ka'i rnal 'byor nyid/ mchog ces pa ni mthong ba tsam gyis sdig pa thams cad 'jom pa'i phyir ro/ /'di nyid kyis dag par byed pas na bsod nams so/ /dag byed ni nyon mongs pa'i dri ma dang bral bar byed pas na'o/ /sdig pa 'jig pa ni mtshams med pa rnam pa lnga la sogs pa nyams par byed pa'i phyir ro/ /bsgom par bya'o zhes bya ba mdor bstan pa de rgyas par bshad pa ni/ 'grub par zhes bya ba la sogs pa gsungs te/ 'grub par zhes bya ba'i yi ge i er byas pa ste/ dngos su yin no zhes pa'i don to/ /bzlas pa yis bya ba ni gsum pa phyis pa ste/ de yang yid kyi bya ba'o/ /de yid kyi chos kyi dbyings so/ /'jig rten gyi khams skyob pa las na shes rab dang thabs kyi bdag nyid dpal he ru ka sngags su grub pa'o/ /sngags ni dang po'i don gsum par byas pa'o/ /bzlas pa zhes bya bas ni ngag gi bya ba bstan pa'o/ /bsam gtan zhes pa sems kyi bya ba'o/ /shes rab thabs kyi bdag nyid kyis ni lus kyi bya ba yang ngo/ /bzlas pa la sogs pa dang lhan cig byas pas 'bras bur 'gyur zhes pa'o/ /dam tshig ces bya ba la sogs pa gsungs te/ dam tshig tu gsungs pa rtag tu spyod na de rnams bsgom par bya'o zhes dgongs so// de ltar yang/ 'di ni dam tshig dmyal ba'i chu/ /dam tshig nyams na bsregs par 'gyur zhes gsungs so/ /dam tshig spyod pa'i spyod yul yin zhes bya ba'i rgyas par bshad pa'o// //sgrub pa po ni gang gi phyir sgrub pa pos rtag tu bsgom par byed pa'i dus su/ go ku da ha na dang bdud rtsi rnam pa lnga'i ri lu bsgom pa rtsom pa'i dus su bza' bar bya'o/ /de yis bgegs med pa yin no/ /shin tu mnyam gzhag ni shin tu mnyam pas mi mthun pa spangs te/ shes
- 169b
rab dang thabs kyi bdag nyid kyi rnal 'byor gyis kun tu phan pas rgyas pa'o/ /dam tshig kyang gzhan nas gsungs te/ de ltar yang na dang ga dang ha de bzhin/ mdza' yi shwa dang dang po'i shwa/ /zhes gsungs so/ /de la yang gsang ba'i brda byed pa ji ltar yin zhes pa la/ dam tshig nyams pas zhes bya ba la sogs pa gsungs te/ nyams pa ni dam tshig mi shes pa la bstan pa'o/ /ni ni gang gi phyir gyi don to/ /gang gi phyir nyams na dngos po'i de kho na nyid yongs su mi shes pa rnams kyis smod par 'gyur bas gnyi ga la skyon du 'gyur ro/ /de bas na dngos grub kyang med la sgrub pa po yang med do/ /gsang sngags kyi rgyud kyis kyang dngos grub tu mi 'gyur ro zhes dgongs so/ /kha cig las ni sngags kyi dkyil 'khor du dngos grub mi thob bo zhes pa'i gzhung yod do/ /sngags kyi de nyid ni bskul zhing ston pas na ste/ snying po ni byang chub ste gang de len pa de ni de bzhin no/ /gsang sngags theg pa chen po zhes bya ba bshad par bya'o/ /thams cad du mi phyed par dam tshig bsten par bya ba ni dngos su mchod pa'o/ /gzhan yang bdud rtsi lnga bsten pa'i ngo bo nyid dngos su mchod pa yin par sbrang rtsi zhes bya bas gsungs so/ /sbrang rtsi dang chos mthun pas sbrang rtsi ni sa bon te/ yang dag par sbyor bas skyon gsum 'jems pas brdar byas pa nyid kyi phyir ro/ /khrag ni rab tu grags pa'o/ /ga bur ni bde bas dgengs pas na ga pur te yi ge dang lung nyams par byas pas grub po/ /de yang sha'o/ /dmar byed pas na khrag ni dri chu 'o/ /tsandan ni dga' bar byed pas na snang mdzad do/ /tshogs kyi nang ni tshogs kyi 'khor lo'i dbus so/ /dbus kyi sgra ni thun mong du bsgrub par bya'o/ /zhugs pa ni gzhug pa'o/ /ni ni nyid kyi don to/ /rten ci yin zhes pa la thams cad ces pa la sogs pa gsungs te/ thams cad rdo rje ni sna tshogs rdo rje'o/ /de
- 170a
nyid kyis mtshan pa ni gang la des mtshan pa ni thams cad rdo rje mtshan pa ste/ de yang thod pa'o/ /de la de 'dzin pa de ni de bzhin no/ /thabs ji ltar bstan zhes pa la/ sbom po mdza' ltag ces bya ba la sogs pa gsungs ste/ rtse mos la la myang bar bya ba ni myang bar bya ba nyid do/ /de la myang bar bya ba ni rnal 'byor rig pas shes pa la bdud rtsi myang ba'i sbyor ba rig pas so/ /yang na sems tsam du mnyam par 'jog pa'o/ /rtag tu ni dkyil 'khor gyi lha'i 'khor dang bcas pa bdud rtsi lnga bza' bar bya'o zhes pa'i don to/ /'dir the tshom mi bya'o zhes ni zla ba'i btung ba zhes bya ba la sogs pa gsungs te/ bram ze rnams mchod sbyin byed pa'i dus su zla ba'i shing gi khu ba phyugs dmar ser gyi pags pa dang mnyes pa ni zla ba'i btung ba'o/ /de yis tshe rgyas pa yang bsod nams 'phel lo/ /ji ltar bram ze rnams the tshom med par zla ba 'thungs te/ de bzhin du rnal 'byor pas bdud rtsi lnga myangs na dngos grub thob par 'gyur ro/ /rtag pa ni rtag pa'i 'bras bu 'byung ba nyid yin pa'i phyir ro/ /the tshom mi bya bar myang ba tsam dper byas pa yin gyis 'bras bu mnyam pa ni ma yin no/ /ji ltar/ dri chen dri chu khu ba khrag /smad pa nyid du mi bya'o/ /cho ga yis ni rtag tu bza' / /'di 'bras gsang ba gsum las skyes/ zhes gsungs so/ /sbrang rtsi la sogs pas ci brjod ce na/ bcu phyed ces pa ni bdud rtsi rnam pa lnga rnams gcig tu byas pa ni bdud rtsi lnga'o/ /lha'i rnal 'byor dang ldan pas the tshom spangs te bdud rtsi myang ba'i cho gas yang myangs na bza' ba dang btung ba la sogs pa thams cad bdud rtsir 'gyur ro zhes pa ni bsdus pa'i don to/ /ji ltar 'di la dngos grub rtag pa 'byung zhes pa la/ thams cad ces bya ba la sogs pa gsungs te/ thams cad ni
- 170b
'jig rten dang 'jig rten las 'das pa'i dngos grub ste de las 'jug pa ni de bzhin no/ /mdor bstan nas rgyas par bshad pa'i spyi'i don ni/ mchod pa zhes bya ba la sogs pa gsungs te/ mchod pa bzhi ni mchod pa bzhi ste/ 'di'i don ni phyi dang gsang ba dang yid kyi rang bzhin dang dngos kyi ngo bo nyid kyi bye brag gis de bstan te/ de'i phyir bzhi zhes gsungs te/ nang du zhes bya ba la sogs pa'i rnam pas rgyas par bstan to zhes bya ba'i don to/ /rnal 'byor ma zhes pa ni mkha' 'gro ma la sogs pa bzhi dang/ khwa gdong ma la sogs pa brgyad dang/ dpa' bo dang dpa' mo gnyis su med pa'i gzugs kyis snyoms par zhugs pa de ni dpa' bo dang gnyis su med par snyoms par zhugs pa'o/ /rnal 'byor ma nyi shu rtsa bzhi mchog dang 'bring dang tha ma bstan pa ni dpa' bo dang gnyis su med par snyoms par 'jug pa'i sgra'i don te rkyen phyis pa nyid kyi phyir ro/ /ji ltar snyoms par 'jug pa yin pa de bzhin du/ de nyid rdo rje phag mo dang dbyer med pa'i rang bzhin 'dzin pa ni de nyid 'dzin pa'o/ /ta ni kar byas pa'o/ /he ru ka dpal yang dag sbyor zhes pas de bstan to/ /lhar gyur pas na lha ste de'i bde ba dang/ mi la yod pas ni mi ste/ de'i ngo bo nyid ni mi'o/ /de'i yang bde ba'i rang bzhin gnyis su med par yod par grub bo/ /bde ba ji ltar rnyed ces pa la/ bde ba de ni zhes gsungs so/ /bde ba ni sems bde bar gnas pa ste de nyid bde ba'o/ /de yang dmyal ba dang yi dags dang/ byol song dang 'gro ba rnams kyi thun mong du ril por bsdus pa dang/ rdo rje ni dri ma med pa'i blo de nyid de cha ni phra ba nyid kyi phyir ro/ /rdo rje yang yin la cha yang yin pas na rdo rje cha ste/ lhan cig skyes pa'i ye shes kyi don to/ /lha dang mi la sogs pa'i bde ba yang dbyer med par gnas shing byas par gyur pas na rdo rje'i cha'i bcu
- 171a
drug gi cha yang mi phod do/ /mi phod pa ni nyon mongs pas shes pa ni lhag ma'o/ /thabs 'dis nyon mongs pa las rgyal bar bsgrub bya nyid kyi phyir ro/ /ji ltar bde ba de bzhin du bstan pa ni ril po'i don du bstan pa'o/ /dbang bskur ba med par dngos grub med pas de yang dkyil 'khor du ma zhugs par yod pa ma yin pas na ri sul zhes bya ba la sogs pa gsungs so/ /ri ni ri pa'o/ /sul gyi sgras ni de'i logs gnyis pas nang ngo/ /tshang tshing gi sgras ni lcug ma la sogs pas g.yogs pa'i phyogs so/ /chu'i ngogs ni gling ngo/ /gdod nas grub pa ni gang gdod nas grub pa'i sa phyogs de ni de bzhin no/ /dur khrod ni ro'i gnas so/ /de la ni rtags kyi bdun pa'o/ /dbang bskur ba'i don du dkyil 'khor bri bar bya'o/ /zhes bya ba'i sgras ni le'u rdzogs par bstan pa'o// //dpal he ru ka'i yan lag dang nying lag 'dis brjod pas na rjod byed de rgyud kyi sgra'i lus so/ /de la dkyil 'khor du 'jug pa'i le'u la 'dis 'jug pas 'jug pa'o/ /de nyid bya bas na cho ga ste/ dpal he ru ka la sogs pa'i dkyil 'khor la 'jug pa'i cho ga'o/ /de ston par byed pa'i le'u ni gzhung yongs su bcad pa'o/ /dang po ni gcig go zhes bya ba ni dpal 'khor lo sdom pa'i le'u dang po'i dka' 'grel lo// //dkyil 'khor ni de la zhes bya ba la sogs pa gsungs te/ gang la las yod pa de la rang gi las med kyang bya ba'o/ /de thun mong du rgyud las gsungs pa'i cho ga la brten nas go bar bya bas thun mong du rgyud du gsungs pa'i rigs pas so/ /'dir ni cung zad thun mong dang thun mong ma yin pa'i cho ga gsungs zhes bya'o/ /de la zhes bya ba la sogs pa la/ de la ni dkyil 'khor bya ba'i don du/ chu dang lci ba dang/ rnam par snang mdzad kyis ri sul la sogs pa
- 171b
rnams su slob dpon dang slob mas dkyil 'khor gyi don du dkyil 'khor gyi sa'i gnas la byug par bya'o/ /yang de'i steng du dur phrod kyi thal ba la sogs pas byug pa ni dur khrod ces bya ba la sogs pa gsungs te/ dur khrod thal bar yang dag ldan/ /bdud rtsi lnga dang bcas pa yis/ /gang yin pa de bzhin du chu dang lci bas byugs pa'i rjes su sa gzhi byugs la dkyil 'khor brtsam par bya'o zhes bya bar sbyar ro/ /chu dang lci bas byugs pa'i rjes su dur khrod kyi thal ba la sogs pas byugs pa de lta na yang/ ci'i phyir de'i rjes su dkyil 'khor brtsam par bya zhes pa la der ni zhes gsungs te/ srung ba'i 'khor lo la sogs pa'i rjes la'o/ /dur khrod du ni kun spyod cing zhes pa ni dur khrod la sogs pa gzhan du dkyil 'khor byed pa na yang de'i tshe dur khrod du bsgom par bya zhes dgongs so/ /rdul tshon ni ro bsregs sol ba zhes bya ba la sogs pa gsungs te/ dur khrod so phag ces pa ni ro bsregs pa'i sa dang dur khrod kyi so phag med na de bsgoms la bsgrub par bya'o/ /dur khrod kyi sol ba dang/ dur khrod kyi so phag dang/ rdul tshon la dur khrod du brtsam par bya'o/ /zhes kha cig zer ro/ /ka ni thung ngu'o/ /nag po dang ser po'i rdul tshon gnyis kyang ngo/ /bzang po ni skye 'gro thams cad kyi spyod yul ma yin pas so/ /slob dpon zhes pa ni/ dam pa'i chos ni ston pa dang/ bshad pa gdams ngag ston pa dang/ /dbang ni bskur ba'i las byed pa/ /slob dpon du ni rab bshad do/ /zhes gsungs pa'i mtshan nyid do/ /khyad par du gyur pa'i bla ma nyid do/ /bla ma ni slob dpon gyi spras brjod pas mkhas par yongs su gsungs pa'i rigs pas so/ /'dir yang dbang gi don du 'am bsod nams kyi don nam/ dngos grub kyi don du rnal 'byor pas gal te dkyil 'khor 'dri bar byed na de yang shin tu khyad par gyi mtshan nyid thams cad kyi sgo nas
- 172a
mtshan pa ni yang dag ces bya ba la sogs pa gsungs ste/ yang dag pa ni phyin ci ma log par gzung ba la sogs pa dang bral bas te de'i shes pa ni yang dag pa'i shes pa'o/ /de yang 'dir bde mchog la sogs pa'i rgyud shes pa ni yang dag shes shing rgyud shes pa'o/ /he ru ka dpal gsang sngags shes/ /zhes pa ni he ru ka'i rkang pa brgyad pa la sogs pa'i sngags man ngag ji lta ba bzhin du shes pa de ni de bzhin no/ /yang na dpal he ru ka'i gsang sngags rtag tu zlos pa'o/ /'phral du gnod pa byas pa la sems 'khrug pa ni khros pa ste/ de med pa ni khro ba med pa'o/ /gtsang zhing zhes pa ni sems 'khyog pa'i skyon dang bral ba'o/ /mkhas pas zhes pa ni dge ba la spro ba'o/ /sbyor ba ni zhi ba la sogs pa de'i pha rol tu son pa de dang ldan pa ni sbyor shes ye shes pha rol 'gro'o/ /thod pa lngas dbu la brgyan pa gang yin pa ni thod pas spyi bo brgyan byas shing zhes bya bas so/ /thal ba ni dur khrod dang 'brel ba'i thal bas yan lag gang la phyug pa de ni yan lag thams cad thal bas byugs pa'o/ /gug kyed dag gis lus brgyan cing zhes pa ni yod pas na mi'i rus pa'i phreng ba'i khyad par gyi lus brgyan pa gang yin pa de ni de bzhin no/ /rus phreng zhes pa ni sems can rnams kyi rus pa'i phreng ba ste/ rus pa de la yang dag par gnas pa'o/ /'on kyang gug kyed kyi sgras ni rin po che 'byung ldan dang/ 'od dpag tu med pa bsreg pa la brjod de/ de yis lus la byug ces kha cig zer ro/ /de la rus pa zhes bya ba la sogs pa ni rgyan nyid bstan pa'o/ /dum gcig spyi bor rnam par brgyan zhes bya ba ni dum bu ni phyogs gcig ste/ dum bu gcig pa gang la yod pa de ni de bzhin te/ dum bu gcig pas gang la brgyan pa de ni de bzhin no/ /gzhan gyi skra las byas pa'i dbu rgyan
- 172b
dang zhes bya ba'i don to/ /rus pa'i phreng ba rnam par sbyangs zhes bya ba mchod phyir thogs te/ de gang la yod pa de ni rus pa'i phreng ba sbyangs pa'o/ /yang ni bsdu ba'i don to/ /kha TwAM ga g.yon pa'i phyag na yang dag par gnas pa ni kha TwAM ga ni lag na gnas pa'o/ /'dis ni rgyan la sogs pa'i sgo nas khyad par du byas pa ste/ de ltar gyur pa'i gdams ngag ji lta ba bzhin du dkyil 'khor gyi lha dang dpal he ru ka'i bdag nyid du bsam pa ni dpal he ru ka dran pa'o/ /dkyil 'khor gyi lha dang dpal he ru ka'i yis kyi bdag nyid dam tshig pa de dang 'dra ba'i dpal he ru ka zhugs par bya'o/ /'khor lo 'di'i snying gar dgod pa ces pa ni 'di ni dpal he ru ka'i bdag nyid du gyur pa'i snying ga'i don ni rab tu gtu mo la sogs pa'i lha mo dang/ thod pa'i dum bu la sogs pa'i dpa' bo rnams/ pul+li ra ma la ya le sogs pa dang/ so dang sen mo la sogs pa'i lus la dgod pa'o/ /dngos po med par gyur pa'i don ni sa la sogs pa'o/ /de ltar bdag nyid go bgos nas zhes pa ni bdag nyid dpal he ru kar byas te/ rdul tshon gyi dkyil 'khor byas pa las phyi rol du thog mar phyogs rnams su rab bsgom par bya'o/ /at+mA nI gyi sgra las 'di thob pa'o/ /yang na sems tsam du ste nges pa'i tshig gi cho gas ma ni srog med do/ /bdag nyid kyi khyad par ro/ /sems tsam gyi bdag nyid dpal he ru ka bya'o/ /zhes pa'i don to/ /don dam par 'di ni sems tsam mo zhes dgongs pa'o/ /dpal he ru ka nyid ji ltar bsgom par bya zhe na/ de ltar bdag nyid go bgos nas zhes bya bar gsungs te/ ma ni gong ma bzhin no/ /phung po la sogs pa dag pa'i bdag nyid du rtson par byas pa la dpal he ru ka gzhug par bya'o zhes pa ni bya'o/ /'og tu mtshon cha ni 'dir 'og tu mtshon cha yang gzhug par bya'o/ /'khor lo'i steng du ni mnga' i dra ba'o/ /de nas dkyil 'khor ba'i lha dang dpal he ru ka
- 173a
gzhug par bya'o/ /bdag nyid kyi steng du mkha' spyod de/ rdo rje'i rang bzhin gyi gur byas nas dpal he ru ka gzhug par bya'o zhes sbyar ro/ /go cha de yang dpal he kar rdzogs nas dpa' bo drug la sogs pa'i sngags kyis go cha'i go cha ni de ltar bdag nyid rab bsrung zhing zhes bya ba smos te/ nges pa'i tshig gis ma ni snga ma bzhin no/ /phyag rgya'i rdo rje phag mo'o/ /sngags ni rtsa ba'i sngags la sogs pa'o/ /yang na phyag rgya ni mtshan ma'i phyag rgya'o/ /sngags ni ka ra ka ra la sogs pa'i sngags te/ oM ka ra ka ra huM hUM phaT/ ces bya ba la sogs pa rnams rkyen gyi yan lag dang nying lag la sogs pa'o/ /de ltar bdag nyid rab bsrung zhing zhes pa nas dkyil 'khor 'jigs par bri bar bya'o zhes bya bar sbyar ro/ /thos pa dang dran pa'i tha snyad las phyir phyogs pa yin pa'i phyir na/ 'jigs chen zhes bya ba la sogs pas ni dngos grub kyi don du dkyil 'khor bri bar bya'o zhes bstan pa yin no/ /sngon du bstan pa'i cho gas rgyun tu bar ma chad par bsgoms pa'i mthar phyin pa na dkyil 'khor sngon du song bas nyin mtshan du bzlas pas dngos grub bsgrub par bya'o zhes dgongs so/ /'jigs pa'i rtags ni de nas zhes bya ba la sogs pa gsungs te/ chu dang lci bas byugs pa'i rdo rje gur la sogs pa'i rjes su ru ti ra ni chen pos kyang zhes pa ni ro'i shang khri la dkris pa'i ngo bo nyid yin pas so/ /'jigs pa zhes pa ni dur khrod kyis yongs su bskor ba nyid kyi phyir ram/ dpal he ru ka'i sgra'i don bkrol nas dkyil 'khor bdag med par bstan pas byis pa rnams 'jigs pa bskyed pa nyid kyi phyir ro/ /grong khyer mchog ces pa ni dpal he ru ka'i ngo bo nyid yin pas na'o/ /khru gcig pa dang khru brgyad pa zhes pa ni khru bzhi 'am khru brgyad kyi tshad 'di ni de bzhin no/ /lhag ma ni go sla'o/ /nyis 'gyur
- 173b
rnams dpyad cing zhes pa ni khru gnyis dang ni khru brgyad dang/ khru ni bcu drug ces pa ni/ /thig skud 'di'i khyad par ro/ /'khor lo nyis 'gyur thig skud bya'o/ /zhes bstan pa yin no/ /sngags pas zhes pa ni bzlas pa rig pa'o/ /de'i dkyil 'khor gyi dbus su mkha' 'gro ma'i dra ba sdom pa mchod par bya'o/ /zhes pa'i don to/ /ci byas nas zhes pa la/ bzhag ces pa la sogs pa gsungs te/ kha dog sna tshogs dang bcas pa'i 'dab mar gnas pa ni 'dab bcas so/ /de ji lta bu zhes pa la/ lte ba 'bar dang zhes gsungs te/ 'di sna tshogs pad+ma'i ming can gyi lte bas ni sa bon gyi snod mtshon pa ste/ mang po'i tshig ni mang po spro ba nyid kyi phyir ro/ /dang gis ni legs par kha phye ba nyid la sogs pa'o/ /ge sar ni ze 'bru ste/ de 'dab mar gnas pa ni 'dab bcas so/ /de yis 'dir ge sar gyis yongs su rgyas par gyur pa zhes par dgongs so/ /lhag ma ni go sla'o/ /ngu 'bod chen po la sogs pa dmyal ba'i srung ma rnams kyang 'jigs par byed pas na 'jigs byed chen po'o/ / mdangs yang dag par byed pas na mdangs ldan no/ /ni ni gang gi phyir gyi don te mdangs nyid rab tu gsal ba'o/ /gzhung kha cig las ni rab tu gsal bar yod de dang gi tshig kha bskang ba'o/ /ha ha zhes bya ba sgra cher bzhad ces pa ni A li dang kA li las sprul pas ngo mtshar du ha ha zhes rgod pa'i gzur can gyi sgra chen po nam mkha' khyab par zhal nas gsungs pa gang yin pa de ni de bzhin no/ /thod pa'i phreng ba'i rgyan dang ldan zhes pa ni thod pa'i phreng ba'i rgyan ni nyon mongs pa rnam par dag pa de rnams thob par gzung pa'o/ /bde ba'i ngo bo nyid du gyur pas na bzang po'o/ /rnam par thar pa'i sgo gsum dag pas zhal re re zhing spyan gsum mo/ /rnam par thar pa'i sgo bzhi dag pas zhal bzhi'o/ /glang po che'i lpags pa bgos zhes pa ni
- 174a
phyag gnyis kyis de rgyab nas bkab pa nyid kyi phyir ro/ /glang po dang chos mthun pas nyon mongs pa'i tshogs ni glang po'o/ /de ltar yang glang po'i lpags pa gos su gyon zhes gsungs so/ /gang gi phyir de dang tha dad de sgyu ma lta bur nye bar gnas pas pags pa ste de g.yogs pa'o/ /kun rdzob tu sgyu ma lta bu ste/ 'di nyid kyi phyir rgyab tu gzung ba ste snying gar ni ma yin no/ /med pas gzung bar bya ba ma yin pa'i phyir glang po che'i lpags pas g.yogs pa'o/ /dang ni de nyid kyi dgongs pa gsal bar byas pa'o/ /rdo rje lta bus sna tshogs yang dag par bcom par gyur pas/ de smin ma gnyis gang yin pa de ni rdo rje 'byes pa'i smin ma ste/ smin ma'i dbus ni lte ba'o/ /smin ma dang ni mig dag gi 'og tu rdo rje rtse gsum pa nyid du grub pa'o/ /de gsungs pa/ smin dbus rdo rje'i lte ba ru/ /zhes gsungs so/ /phyag na kha TwAM ga bsnams shing zhes gsungs te/ sems can gyi don byed pa 'di la yod pas gsum pa'i phyag na byas pa ste/ de yang kha TwAM ga phyag na byas pa gang yin pa de de bzhin no/ /sems can gyi don bya ba'i ched du rnam par dag pa'i kha TwAM ga 'chang ba'o/ /bsnams zhes bya ba ni bya ba la thams cad du gnyis pa'i sgra'o/ /phreng ba'i ngo bo nyid kyis phyed po ni phreng ba phyed po ste/ brgya phyed kyi phreng ba ni brgya phyed kyi phreng bas brgyan pa'o/ /A li kA li dang 'brel pa'i phreng bas mgul du byas so zhes dgongs so/ /de mdun na gnas pa zhes pa ni dngos su mdun nas 'khyud cing gnas pa ni gnas pa'o/ /lha mo ni bcom ldan 'das dang lhan cig pas na lha mo'o/ /rdo rje sdug bsngal can gyi nyon mongs pa 'joms pas na rdo rje phag mo'o/ /rab 'jigs ni gdug pa can la sdigs mdzub byed pas mngon du 'khyud par bstan nas de rgyas par ston te/ he ru ka dpal phyogs zhes bya ba ni khyab pa nyid yin pas na thams cad du
- 174b
gnyis par sbyar ro/ /de mdun ni lha mo'i khyad par ro/ /thod pa'i nang du son pa'i rgyu ma ni thod pa rgyu mas bkang ba'o/ /de bdud rnams kyi rgyu mas thod pa yang dag par bkang ba ste/ gzhan ma gang ba med pa'o/ /kha nas ru ti ra 'dzag cing zhes pa ni 'dod chags rnam par dag pa'o/ /phyogs kun tu ni sdigs mdzub byed ces pa ni phyogs kyi bdag po thams cad la zhes pa'i don no/ /lha dang lha ma yin dang mi dang bcas pa'i 'jig rten gsum zhes dgongs so/ /phyogs kun zhes pa'i gzhung ni gang la phyogs yod pa de ni phyogs kun gyi bdag po nyid du go bar bya'o/ /mkha' 'gro ma ni nyi shu bzhi zhes pa ni rab gtum mo la sogs pa nyi shu bzhi'o/ /dang ni khwa gdong ma la sogs bcu gnyis bsdu ste/ de yang thams cad mchod par bya'o/ /phag mo'i rigs las byung ba ni zhes pa ni phag mo dang lhan cig tu thugs la sogs pa'i rigs las byung ba'o/ /'di yis rigs nges par bstan to/ /'khor lo'i lte ba zhes pa ni dkyil 'khor bris pa dpal he ru ka dang dkyil 'khor gyi lha mo rnams bsgoms nas mchod par bya'o/ zhes dgongs so/ /lha rnams ji ltar dgod ces pa la/ phyogs dang phyogs kyi mtshams rnams dang zhes gsungs so/ /de bzhin 'dir ni dpa' bo yang zhes gsungs so/ /'dir zhes pa ni 'khor lo'i lte ba'i dbus kyi rigs las byung ba zhes pa'i don to/ /lha'i 'khor lo thams cad mchod pa'o zhes mdor bsdus pa'o/ /'khor lo yang dag bsdus gnas zhes pa ni gnyis pa'i mang po'i tshig gi mdza' can gyi tshig ste ni phyi ba'o/ /de yis 'khor lo lte bar zhes pa brtan par byas pa'o/ /na'i sgras lus nyid gnas pa bkag pas yang nges par mchod par bya'o zhes dgongs so/ /'dis mchod par bya ba ci zhe na/ dpa' bo gnyis med ces bya ba gsungs te/ mtshungs pa dang bral bas gzungs la sogs pa'i ngo bo gsod par byed do/ /zhes pas dpa' bo ste de yang
- 175a
sems tsam mo/ /de'i phyir gsungs pa/ gnyis su med pa de'i dpa' i bo ste/ gnyis su med pa kho na mchod par bya'o zhes dgongs so/ /ci'i phyir zhes pa la/ sgrub po gal te dngos grub 'dod ces gsungs te/ dngos grub ni gnyis pa phyi ba ste gang dngos grub 'dod pa'i sgrub pa po des mchod par bya ste/ dkyil 'khor sems tsam nyid du shes par bya'o/ /de nas bum pa zhes bya ba la sogs pa ni go sla'o/ /rtsa ba nag po la sogs med ces pa ni rtsa ba ni rdza mkhan gyi 'khor lo byas pa'i 'og gi cha'o/ /nag po ni nag po'i cha'o/ /sogs kyi sgras ni sna tshogs pa nyid la sogs pa'o/ /gser dang rin po che ni gser yang yin la rin po che yang de yin te/ rin po che ni thams cad du 'di yis ni rin po che sna lnga bstan to/ /de la zangs ma tha mar smos pa'o/ /bza' ba kun zhes pa bza' ba kun gyi tshig gis 'bru sna lnga dang sman sna lnga'o/ /bza' ba'i sgras bdud rtsi lnga'o/ /thod pa steng du gzhag par bya zhes pa ni bdud rtsi lnga'i khyad par bstan pa'o/ /ni'i sgra ni khyad par gyi don to/ /rin po che sna lnga dang/ sman lnga ni bum pa'i nang du'o/ /bdud rtsi lnga thod pa gnas pa ni de'i steng du bzhag pa'o/ /yang na thod pa la de'i steng du bzhag par bya zhes pa ni/ gsum pa'i sgras bum pa'i khyad par de rdul tshon gyis bris la bum pa'i steng du bzhag go /zhes zer ro/ /bum pa de rnams kyi mgul pa ni mgrin pa'o/ /kha ni 'dab mas brgyan par bya zhes pa ni zhes bya ba la sogs pas bum pa dgu pa rnam par rgyal ba'i bum pa zhes bya ba la rin po che sna lnga gzhug par bstan to/ /gser ram dngul lam rin chen nam zhes bya ba gsum pa'i don las dang po'i gcig gi tshig go /rin chen mu tig ni gsum pa'i gnyis pa'i phyi ba'o/ /dngul la sogs pas brgyan pa'i
- 175b
bum pa dgu pa dbus su byas la grong mchog mchod par bya'o zhes sbyar ro/ /gang gis zhes pa la gser rnams kyis mdzes par dgram zhes bya ba la sogs pa la rin po che ni mu tig la sogs pa'o/ /gser nyid ni gser ro/ /'dir mdzes pa ni mdzes shing brgyan pa'o/ /rin chen gser gyis brgyan pa de ni de bzhin no/ /ji lta ba'i gdams ngag gis mchod pa thams cad ji ltar dgram zhe na/ dkyil 'khor gang yin pa de la mchod pa ni glang po che rin po che dang/ rta rin po che dang/ nor bu rin po che dang ral gri rin po che dang/ 'khor lo rin po che dang/ blon po rin po che dang/ bud med rin po che ste de rnams gser dang yon tan 'dra bas gser zhes kha cig zer ro/ /bdag nyid kun nas sgo yin zhes pa ni/ bdag nyid dpal he ru ka grong gi dbus su mchod par bya zhes sbyar ro/ /sa steng ni sa gzhi'o/ yang nas 'og mkha' 'gro ma zhes pa ni nyi shu rtsa bzhi'o/ /gzhung kha cig na ma mo zhes bya ba'i sgra yod de de nyid kyi don to/ /ma mo'i sgras ni khwa gdong ma la sogs pa bcu gnyis so/ /gong gi mar me zhes pa ni thun mong gi mar me brgya bya bar gsungs so/ /mar me brgya yang zhes pa ni mar khu chen por gyur pa'o/ /'dir ni'i sgra ni khyad par gyi don te/ lhag ma ni go sla'o/ /bca' ba ni nas kyi khur ba la sogs pa'o/ /bza' ba ni zan la sogs pa'o/ /ston mo ni tshod ma'o/ /btung ba ni btung ba ste/ zho dang thug pa la sogs pa'o/ /bya zhes pa ni mchod pa zhes pa lhag ma'o/ /'dis phyi rol gyi mchod pa bstan to/ /de la 'khor lo dang mchod pa de dag gi cho ga'i ched du mngon par brjod pa'i le'u ste de yang gnyis pa'o// // dpal 'khor lo sdom pa'i dka' 'grel las le'u gnyis pa'o// //bla ma'i gdams ngag med na 'grub pa'i thabs cung zad kyang med pa'i phyir de nyid mnyes par bya ba ni dbang gi dus su mchod par bya ba ste/ de nas zhes gsungs so//
- 176a
gang gi phyir nges par slob dpon gyi gdams ngag med na dngos grub med pa ste/ de'i phyir bla ma mnyes bar bya'o/ /de nas zhes bya ba ni tha dad pa'i tshig ste/ de nyid slob dpon zhes bya ba la sogs pa gsungs so/ /dang por zhes pa ni slob dpon gyi khyad par te/ yang dag shes shing rgyus shes pa zhes bya ba la sogs pa ni bye brag gi khyad par can no/ /yang na dus kyi khyad par te dang por slob dpon mnyes par bya ba ni gsol ba gdab par bya ba'i don to/ /dngos kun gyis zhes bya ba ni nor dang bdag nyid la sogs pa'o/ /ci nus pas ni bla ma mchod/ /grub 'dod shin tu mnyam gzhag pas/ /shes pa'i ni'i sgra ni khyad par gyi don to/ /de'i phyir re zhig bla ma nyid slob dpon te slob mas dngos po kun gyis mchod nas de nas dkyil 'khor bya'o/ /de la zhugs pa la sogs pa'i don du mchod par bya ste/ bdag nyid dbang la sogs pa'i don du mchod par bya ste/ bdag gis dbang la sogs pa thob nas dngos grub bsgrub par bya'o/ /grub par 'dod pa ni grub 'dod de na sngags kyi bzlas pa la sogs pa byas shing mnyam par bzhag pas so/ /dri la dbyangs zhes bya ba la sogs pas ni dril bu'i dbang ston te/ sgrub pa po yis dril bu dkrol zhes bya bar sbyar ro/ /me tog spos kyis brgyan ces pa ni mchod pa'i don du zhes pa'i don du/ shin tu sgra snyan zhes pa ni nye bar mtshon pa ste/ mtshan nyid thams cad bstan pa'o/ /ci bya zhes pa la dril bu dkrol bya zhes bya ba la sogs pa gsungs te/ dril bu ni kun rdzob bo/ /de'i sgra ni ji ltar/ srid pa ngo bo nyid kyis dag /ngo bo nyid kyis srid bral byas/ /ngo bo nyid dag sems dpa' mchog /srid pa mchog tu byed par 'gyur/ /zhes bya ba'i tshig brjod pa dang/ blos kyang de'i don du/ 'di de sangs rgyas thams cad kyi/ /shes rab dbyangs kyi rjes 'gror
- 176b
bshad/ /khyod kyis kyang no rtag tu bcang/ /byang chub mchog tu rgyal bas bzhed/ /ces pa'i tshigs bcad brjod de/ bla ma rje btsun gyis dril bu byin la/ dril bu'i sgra la dmigs nas dkrol bar bya zhes dgongs so/ /rnga brdung zhes pa ni bkra shis par byad pa'o/ /lam gyi sgras ni mtshan nyid gzhan bsdu ba'o/ /yang go rim bzlog pas rim pa bzhin du sgrub po yis kyang de brdung bar bya'o/ /dang por slob dpon gyis byin pa de zhes bya ba ni gang sgra bya bar grub pa gang yin pa ni yang sgras rtogs par bya'o/ /ha ha zhes ni brjod par bya zhes pas ni ha ha ni ming gi dbang ste/ bla ma rje btsun gyis gus pa nyid du gyur pa'i slob ma'i bdag nyid gang yin pa la des de bya'o/ /bya zhes pa ni bya'o zhes bstan pa'o/ /de nas 'di yis ni bla ma la gus pa chen por bstan pa yin no/ /ha ha dang ming gnyis ni sgra'i bdag nyid yin par mthun pas ming zhes de ltar brjod do/ /de phyir chu dang dbu rgyan dang rdo rje dang/ bdag po'i dbang rnams gzung ba yin/ de gnyis kyi sngon du 'gro ba nyid yin pa'i phyir ro/ /don gzhan yang bla mas kyang dril bu'i sgra bya'o/ /zhes shes par bya'o/ /ci byas nas zhes bya ba la phyogs bcur dril bu'i sgra phra mo bya ba ste/ de ni dril bu'i sgra zhes bya ba'i man ngag go /yang na de sngon bzhin gyi tshigs bcad kyis so/ /sgrub pa pos kyang rnga brdung ba dang ha ha'i sgra yang bya ste/ ha ha ni rgyal bar gyur cig pa'o/ /yang gi sgras ni gzhan brdung ba dang/ dkrol ba'i khyad par dang glu yang shes par bya'o/ /dril dbyangs ni rang rang rtags su nye bar gnas pa ste/ lo nyi shu rtsa lnga ma brjod pa'o/ /dril bu ni lo bcu gnyis ma'o/ /rnga ni lo bcu drug ma'o/ /dril bu'i sgra ni rdo rje'i rigs so/ /dril bu ni rin po che'i rigs so/ /rnga ni pad+ma'i rigs so/ /ha ha ni de bzhin gshegs pa'i rigs so/ /dang yig las gzhan yang ngo/ /ming gis ni gzhan dril bu'i sgra'i rigs rnams te de rnams gang yang
- 177a
rung ba zhig slob dpon gyis bsten par bya'o/ /dril bu'i sgra yang slob ma sgrub pa pos a ho su kha zhes bya ba'i sngags kyis rnam par brjod par bya'o zhes bya ba'i don to// //gang gi rjes su zhes pa la srin lag ces pa la sogs pa sbom po mdza' lhag rtse spyad bas/ rnal 'byor rig pas rtag tu spyad/ /zhi ba'i btung ba bzhin myangs na/ /dngos grub rtag pa thob par 'gyur zhes bya ba'i tshigs bcad dang yang sbyar bar bya'o/ de nas 'di'i don gzhan yang sngon du bstan pa'i shes rab bsten pa gang yin pa las byung ba slob dpon gyis mthe bong dang srin lag gis slob ma la byin te spyad par bya'o/ /slob ma de yang zhi ba'i btung ba bzhin myangs na dngos grub thob par 'gyur ba ste gsang ba'i dbang ngo/ /'di nyid kyis slob dpon gyi dbang par 'grub ste de sngon du 'gro ba'i phyir ro/ /gang gi rjes su 'di thams cad bya zhes pa la/ de ltar zhes bya ba la sogs pa la me tog la sogs pa sngon du 'gro bas/ sngon du bstan pa'i rdul tshon gyi dkyil 'khor ram thang ka'o/ /mchod pa zhes pa ni yang dag pa'i sgras phye ste/ de la mchod la gzhug par bya'o zhes sbyar ro/ /gang yin zhes pa la gang yin zhes pa ni gtsang sgra byed pas na bu ste/ de'i phyir sngags pa la ka'i sgra byas pa'i bu ni slob mas te/ bzlas pa la sogs pa rig pa rigs la sogs pa dang ldan par 'gyur ro/ /ci byas nas zhes pa la dar gyis legs par bkab nas su zhes bya ba la sogs pa gsungs te/ dar ni gos dmar po'o/ /bu de rnams la zhes pa ni thun mong du mang ba'i tshig byas pa'o/ /de nyid du re re gzhug par bya'o zhes so/ /de nyid ni me tog gis bkang zhes bya ba gsungs te bcug pa'i rjes su sgrub pa pos g.yas nas skor ba bya ste snyim pa me tog gis bkang ste dor bar bya'o/ /lho phyogs sku la brten nas su/ /snyim pa me
- 177b
tog de nas dor/ /zhes pa ni lho phyogs su mngon par phyogs pas dor ba ste/ man ngag go /yang na mchod rten la phyag bya ba'i rim pas bcom ldan 'das la g.yas phyogs su bskor ba'o/ /dpal he ru ka la sogs gnas zhes pa ni gnyis pa phyi ba ste/ gdong phye dkyil 'khor bstan par bya zhes sbyar/ dkyil 'khor bstan pa'i rjes su dpal he ru ka nye bar mtshon pa ste/ gnas la sogs pa bstan par bya'o zhes pa'i don to/ /de nas zhes bya ba la sogs pas ni shes rab ye shes kyi dbang ston te/ de nas de gsang ba'i dbang gi rjes thogs su slob dpon zhes pa ni brtan pa nyid la sogs pa'i yon tan dang ldan pa'o/ /de la zla mtshan la ka ra ka ra la sogs pa'i sngags bzlas pas thig le bya'o/ /de la zhes pa ni de rnams kyi nang nas kha cig dkyil 'khor du bcug cing gdong phye ba la nges thig le bya zhes pa'i don to/ /gang yang lha rnams kyi gnas de la bstan par bya'o zhes dgongs so/ /gnas la sogs pa dpal he ru ka la sogs pa'i lha rnams bstan par bya'o/ /lus rjes su dran pa ni mkha' 'gro ma'o/ /tshor ba rjes su dran pa ni lA ma'o// chos rjes su dran pa ni dum skyes ma'o/ /sems rjes su dran pa gzugs can ma la sogs pa dkyil 'khor gyi de nyid dang/ lha'i de nyid kyang bstan par bya'o/ /de nas slob dpon dang ni bcas pa la/ rab tu btud pa byas nas ni zhes pa la/ de nas slob ma gdong phye ba'i rjes la dkyil 'khor la gdud pa byas nas thig le byas pa dkyil 'khor gyi mdun du bstan par bya'o/ /g.yon nas brtsams pa'i rim pa yis/ /de nas skor ba rab tu zhes pa ni yang skor ba bya ste/ g.yon nas brtsams nas g.yas su bskor ba 'am/ g.yon du bskor bas 'khor bar byas la dkyil 'khor dang bla ma la btud nas/ /bla ma la de bzhin gshegs pas gsungs pa'i yon dbul bar bya'o/ dkyil 'khor lha'i de nyid bstan pa'i rjes su slob mas bla ma la yon dbul ba'o/ /de yang bdud rtsi lnga sbyin pa
- 178a
sngon du 'gro bas chu la sogs pa'i dbang nas slob dpon gyi bar du/ de nas gsang ba'i dbang ni zhes pa ni gzhung go bzlog pa ste bsdus pa'i don to/ /yon ni dbul zhes bya ba la sogs pa gsungs te/ gtor ma'i ngo bo nyid chur ni dbul ba ste/ nges par gtong ba ni ma lus par gtod ba'o/ /de ma lus par gtod ba yang yin la/ gser srang brgya dang stong yang yin pas na de ni de bzhin no/ /gser srang 'bum yang ngo/ /glang po che zhes pa rgyan phyis pa'i tshig go /sor gdub ces pa ni sor gdub dang bcas pas gsum pa'i don to/ /dam pa ni dbu rgyan no/ /gser las byas pa'i mchod phyir thogs zhes pa ni tshangs pa'i skud pa gser las byas pa'o/ /bran mo zhes pa ni rkyen med pa'o/ /'di thams cad bla ma la dbul bar bya'o/ /rang rtag dam tshig slob dpon ni/ /sbyin min bu dang chung ma dang/ /rang srog gis kyang bsten bya na/ /longs spyod g.yo ba smos ci dgos zhes gsungs pa'i phyir ro/ /bdag nyid dngos po thams cad kyis/ /blo ldan bla ma dag la dbul/ /zhes pa ni dngos po thams cad ni lus la sogs pa'i bya ba'o/ /'dir 'di lta bur gyur pa mi zad pa thob par 'dod pa'i blo'i nor can gyis so/ /rang nyid dbul ba ni deng nas zhes bya ba la sogs pa gsungs te/ dbul lags ni rkyen med pa'o/ /de ltar zhes bya ba la sogs pas ni mjug rgyas par bya ba nyid gsungs te/ gang du gsungs pa'i gser la sogs pa sbyin par byas pa la sgrub pa pos de blangs pa nges par shin tu legs shing mdzes pa'o/ /zhes rjes su yi rang ba'i don to/ /de la zhes pa ni bya ba'i cho ga de la rjes su gnas pa'i 'bras bu mkha' 'gro ma zhes bya ba la sogs pa ston te/ mkha' 'gro ma zhes pa ni mkha' 'gro ma'i rigs so/ /de'i khyad par ni rnal 'byor ma zhes bya ba la sogs pa gsungs te/ rnal 'byor ma ni mkha' 'gro ma nyi shu rtsa bzhi khwa gdong ma la sogs pa yang ngo/ /
- 178b
lA ma ni lA ma'i rigs su skyes pa ste/ lA ma'i ming gi rnam grangs la yang lA ma'i sgras brjod pa 'am/ a phyis nas ma bcug pa'i ming po'i tshig gi mdza' can gyi tshig go /de dang zhes bya ba la sogs pa la 'di lta bur gyur pa'i dkyil 'khor du zhugs shing mchod nas/ dbang blang ba'i phyir de bris pa sngon du song bas dngos grub bsgrub par bya ba'i don du mkha' 'gro ma rnams rgyur gyur pas 'gro ba thams cad la spyod pa ste/ bgrod par bya ba ma yin par yang 'gro zhes bya ba'i don to/ /mkha' 'gro ma zhes bya ba la sogs pa ni yi ge'i lung dang yi ge nyams pa dang yi ge bzlog par 'gyur bas nges pa'i tshig bris pa bsdus pa ste/ bde bar gshegs pa'i lung yin pas na gtso bo nyid du sgrub pa'i phyir ro/ /de ltar thams cad du'o/ /sgra dang sgra ma yin pa nyid du dogs par mi bya ste/ / gnas pa med pas so/ /slong ba zhes pa ni 'chi ba slong ba'o/ /gnod pa ni gsod pa'o/ /lhag ma ni go sla'o/ /sngags pa dkyil 'khor ma mthong bas zhes bya ba la sogs pas ni dkyil 'khor gyi phan yon yin no/ /ji ltar nam mkha' la khu tshur gyis brgyal kyang rgyab ba'i mtshan nyid kyi don gyi bya ba ni 'grub par mi 'gyur ro/ /smig rgyu'i chu la 'thung bar 'dod kyang 'thung ba'i mtshan nyid dang skom pa zhi ba'i don gyi mtshan nyid kyi bya ba med do/ /de bzhin du dkyil 'khor ma mthong bar rnal 'byor nyid du 'dod na des rnal 'byor gyi 'bras bu 'dod pa gang du yang rnyed par mi 'gyur ro/ /'dir gang zhig dpal he ru ka mchog 'dod pa des lha la sogs pa zil gyis gnon pa ste/ gnon par 'gyur ro zhes bya ba'i don to/ /'gro zhes pa ni gnas pa'i don te/ gnas par gyur pa'o zhes dgongs so/ /'das pa dang ma 'ongs pa dang da ltar shes shing ston par 'dod pas 'gyur ro zhes ston pa yang ma yin no/ /bshad dang ma bshad gang ci'ang rung zhes pa ni gang yang gsungs pa dang ma gsungs pa dang/ gzhan yang de thams cad dpal
- 179a
he ru ka'i 'khor lo bde mchog gi dkyil 'khor gyi cho ga zhes bya ba ni shin tu gus pas phul du byung ba'o/ /dbang bskur ba zhes pa ni nyon mongs pa spong bar byed pa'o/ /de dag gi cho ga de yis brjod par bya bas le'u ste de ni gsum pa ste/ dpal 'khor lo sdom pa'i dka' 'grel le'u gsum pa'o// //rten gyi dkyil 'khor bstan pa'i rjes su de la brten pa'i rnal 'byor ma rnams ston pas le'u bzhi pa ni de nas zhes bya ba la sogs pa gsungs te/ gang dam tshig spyod pa'i spyod yul mkha' 'gro mar bstan pa sku dang gsung dang thugs kyi rang bzhin/ sprul pa dang longs spyod dang chos kyi sku'i bdag nyid gang yin pa de'i rgyu nyid kyi phyir mkha' 'gro ma nyi shu rtsa bzhi sa gsum du sku'i 'khor lo la sogs par rol cing khyab par byed do/ /de nyid ni brtson chen zhes bya ba la sogs pa gsungs te/ 'khor lo'i shugs can ma dang/ dum skyes ma dang/ chang 'tshong ma dang/ 'khor lo'i go cha ma dang/ rab tu dpa' mo dang/ stobs chen ma dang/ 'khor lo sgyur ma dang/ brtson chen ma zhes pa 'di rnams ni dkar po ste sku'i 'khor lo'o/ /sa srungs ma dang/ 'jigs byed chen mo dang/ rlung gi shugs can ma dang/ chang 'thung ma dang/ lha mo sngo bsangs ma dang/ shin tu bzang mo dang/ rta rna ma dang/ khwa gdong ma zhes pa 'di rnams ni dmar mos te gsung gi 'khor lo'o/ /rab tu gtum mo dang/ gtum pa'i mig can ma dang/ 'od ldan ma dang/ sna chen ma dang/ dpa' bo'i blo ma dang/ mi thung ma dang/ lang ka'i dbang phyug ma dang/ shing grib ma zhes bya ba ni mdog nag po ste thugs kyi 'khor lo'o/ /sngon rgyud thams cad go rim bzlog pa nyid ni go rims so/ /de'i phyir rab tu gtum mo zhes bya ba la sogs pa gsungs te/ rab tu gtum mo la sogs pa byas pas/ gtum pa'i mig can ma la sogs pa blta bar bya'o/ /rang rang
- 179b
gi ming brjod pa gang yin pa de'i sngon du sgrub pa'i thabs gsungs pa'i rim pas ka ra ka ra la sogs pa'i sngags dang/ yang dag par ldan pa'i bar de ni/ rang ming brjod pa'i sngags shes bya ba de dang po'i don las drug pa'o/ /huM hUM phaT mdza' ru sbyar zhes pa ni huM hUM phaT dang ming gi mthar sbyang ba gang yin pa de ni de bzhin no/ /oM ni thams cad gsal byed de zhes pa ni ka ra ka ra la sogs pa'i sngags las sngon du/ oM gyis gsal bar byed pa gang yin de ni de bzhin no/ /'di'i don ni oM k+Sh+mAM k+Sh+mAM tsakra be ga huM hUM phaT/ ces pa la sogs pas 'khor lo'i shugs can ma la sogs pa brgyad kyi'o/ /oM phaT phaT e rA ba tI yi huM hUM phaT/ ces pa la sogs pas srungs ma la sogs pa brgyad do/ /oM ka ra ka ra pra tsaN+De huM hUM phaT/ ces bya ba la sogs pa ni rab tu gtum mo la sogs pa brgyad kyi'o/ /zhes pa ni dkyil 'khor dang rang gi lus la yang dgod do/ /'di nyid kyi phyir thugs kyi 'khor lo dang/ de nas gsung gi 'khor lo dang/ de nas sku'i 'khor lo yang ste/ gdams ngag gi don du rgyud ni go rim bzlog pa'o/ /'on kyang huM hUM phaT mdza' ru sbyar zhes pa'i don ni gzhan yin no/ /huM hUM phaT ces pa'i sngags mdza' ru sbyar ba rnams ni drug pa'i don las dang po ste/ mthar gyur pa nyid kyi phyir mthar sbyar ba ni khwa gdong ma la sogs pa brgyad do/ /mkha' 'gro ma la sogs pa bzhi ni dbus so/ /dus kyi khyad par gyis de sngags las skyes par blta'o/ /ji ltar/ oM huM hUM phaT phaT kA kA sya huM hUM phaT ces bya ba la sogs pa rab tu gtum mo nas shing grib ma'i bar te/ thugs kyi 'khor lo la gnas pa de yang sngon po'o/ /sa srungs nas bya gdong ma'i bar du gsung gi 'khor lo la gnas pa ste/ de yang dmar po'o/ /'khor lo'i shugs can ma la sogs pa brtson chen ma'i bar du ste/ de yang sku'i 'khor lo la gnas pa ste de yang dkar po'o/ /mkha' 'gro ma la sogs pa bzhi po ni go rims bzhin du g.yon
- 180a
skor gyis/ nag po dang ljang gu dang dmar po dang dkar po'o/ /gshin rje brtan ma la sogs pa ni kha dog gnyis gnyis thob pa'o/ /grub stsol 'dod pa thams cad ster zhes pa ni 'di rnams tshogs dang/ dpal he ru ka'i gtso bo ni dkyil 'khor gyi khyad par gnyis so/ /dpa' bo nyid 'gyur zhes pa ni rnal 'byor ma nyi shu rtsa bzhi'i khyad par ro/ /'dis dpa' bo nyid ni dpa' bo'i yan lag tu gyur pa rnyed pa ste/ dpa' bo la 'khyud cing ldan pa zhes pa'i don to/ /dpa' bo ni thod pa'i dum bu la sogs pa ste/ de yang zhal gcig phyag bzhi pa spyan gsum pa ral pa'i dbu rgyan gyi thod can stag gi pags pa'i sham thabs can rdo rje dang dril bu g.yon pa dang g.yas pa'i phyag gnyis na 'chang zhing 'khyud pa gzhan g.yon pa dang g.yas pa'i phyag na la TwAM ga dang rde chung bsnams pa'o/ /g.yas brkyang bas gdan la bzhugs pa/ 'khor lo dang rna cha la sogs pa'i phyag rgya dang ldan pa 'khor lo dang rjes su mthun pa'i lha mo'i sku mdog go /rab tu gtum mo la sogs pa yang phyag gnyis kyis 'khyud pa/ gzhan g.yon pa dang g.yas pa'i phyag gnyis na khrag gis gang ba'i thod pa sdigs mdzub 'chang ba'o/ /mkha' 'gro ma la sogs pa ni g.yon pa'i phyag gnyis na kha TwAM ga dang thod pa 'chang ba/ g.yas pa'i phyag na rde'u chung dang gri gug bsnams pa'o/ /khwa gdong ma la sogs pa ni mkha' 'gro ma la sogs pa'i mtshan ma 'chang ba'o/ /gshin rje brtan ma la sogs pa'i phyag g.yon pa gnyis na rde'u chung dang gri gug gi mtshan ma 'dzin pa'o/ /g.yas na kha TwAM ga dang thod pa bsnams pa'o/ /mkha' 'gro ma la sogs pa rnal 'byor ma sum cu rtsa drug ni zhal gcig spyan gsum pa gcer bu skra grol ba/ g.yas brkyang ba'i zhabs kyis gnas pa/ mi bzad pa'i gzugs can/ mgul rgyan la sogs pas brgyan pa'o/ /
- 180b
'on kyang dpral ba la gnas pa'i rdo rje phreng ba dpa' mo rnams la yang ngo/ /lha rnams kyi rang bzhin brjod par bya ste/ lus dran pa nye bar gzhag pa'i rang bzhin ni mkha' 'gro ma'o/ /tshor ba dran pa nye bar gzhag pa'i rang bzhin ni lA ma'o/ /chos dran pa nye bar bzhag pa'i rang bzhin ni dum skyes ma'o/ /sems dran pa nye bar gzhag pa'i rang bzhin ni gzugs can ma ste/ ye shes kyi 'khor lo'o/ /'dun pa'i rdzu 'phrul gyi rkang pa'i rang bzhin ni rab tu gtum ma'o/ /brtson 'grus kyi rdzu 'phrul gyi rkang pa'i rang bzhin ni gtum pa'i mig can ma'o/ /dpyod pa'i rdzu 'phrul gyi rkang pa'i rang bzhin ni 'od ldan ma'o/ /sems kyi rdzu 'phrul gyi rkang pa'i rang bzhin ni sna chen ma'o/ /dad pa'i dbang po'i rang bzhin ni dpa' bo'i blo ma'o/ brtson 'grus kyi dbang po'i rang bzhin ni mi thung ma'o/ /dran pa'i dbang po'i rang bzhin ni lang ka'i dbang phyug ma'o/ /ting nge 'dzin gyi dbang po'i rang bzhin ni shing gri tha ma ste thugs kyi 'khor lo'o/ /shes rab kyi dbang po'i rang bzhin ni sa srungs ma'o/ /dad pa'i stobs kyi rang bzhin ni 'jigs byed chen mo'o/ /brtson 'grus kyi stobs kyi rang bzhin ni rlung gi shugs can ma'o/ /dran pa'i stobs kyi rang bzhin ni chang 'thung ma'o/ /ting nge 'dzin gyi stobs kyi rang bzhin ni lha mo sngo bsangs ma'o/ /shes rab kyi stobs kyi rang bzhin ni shin tu bzang mo'o/ /ting nge 'dzin yang dag byang chub kyi yan lag gi rang bzhin ni rta no ma'o/ /brtson 'grus yang dag byang chub kyi yan lag gi rang bzhin ni bya gdong ma ste gsung gi 'khor lo'o/ /dag ba yang dag byang chub kyi yan lag gi rang bzhin ni 'khor lo'i shugs can ma'o/ /shin tu sbyangs pa yang dag byang chub kyi yan lag gi rang bzhin ni dum skyes ma'o/ /chos rab tu 'byed pa yang dag byang chub kyi yan lag gi rang bzhin ni chang 'tshong ma'o//
- 181a
dran pa yang dag byang chub kyi yan lag gi rang bzhin ni 'khor lo'i go cha ma'o/ /btang snyoms yang dag byang chub kyi yan lag gi rang bzhin ni shin tu dpa' mo'o/ /yang dag pa'i lta ba'i rang bzhin ni stobs chen ma'o// yang dag pa'i rtog pa'i rang bzhin ni 'khor lo sgyur ma'o/ /yang dag pa'i dag gi rang bzhin ni brtson chen ma ste/ sku'i 'khor lo'o/ /yang dag pa'i las kyi mdza' i rang bzhin ni khwa gdong ma'o/ /yang dag pa'i 'tsho ba'i rang bzhin ni lug gdong ma'o/ / yang dag pa'i rtsol ba'i rang bzhin ni khyi gdong ma'o/ /yang dag pa'i dran pa'i rang bzhin ni phag gdong ma'o/ /ma skyes pa'i dge ba'i chos bskyed pa'i rang bzhin ni gshin rje brtan ma'o/ /skyes pa'i dge ba'i chos yang dag par bsrung ba'i rang bzhin ni gshin rje'i pho nya ma'o/ /skyes pa'i mi dge ba'i chos 'joms pa'i rang bzhin ni gshin rje mche ma'o/ /ma skyes pa'i mi dge ba'i chos mi bskyed pa'i rang bzhin ni gshin rje 'joms ma ste dur khrod kyi 'khor lo'o/ /yang dag pa'i ting nge 'dzin gyi rang bzhin ni dpal he ru ka'o/ /grub pa yin zhes pa ni rnal 'byor ma nyi shu rtsa bzhi'o/ /khyim du dkyil 'khor mthong ba yin zhes pa ni rang gi lus dkyil 'khor du mthong ba skye/ de nas dkyil 'khor bsgoms pas grub par shes nas bsgom par bya'o// zhes pa bsam pa'o/ /bder gshegs ni ji lta bar zhes pa ni de bzhin gshegs pa'i gsung gis ni bsgom par bya'o/ zhes dgongs so/ /dpa' bo dang ldan pa'i rnal 'byor ma ni dpa' bo rnal 'byor ma ste nyi shu rtsa bzhi'o/ /gnyis su med pa'i dpa' bo spangs pa ni bcu gnyis so/ /thung ngu ni bde bar gshegs pa'i lung yin pa'i phyir ro/ /de rnams dgod pa ni de'i cho ga ste/ de rjod par byed pa'i le'u ste de yang bzhi pa'o/ /dpal 'khor lo sdom pa'i dka' 'grel las le'u bzhi pa'o/ //bsgoms pa tsam
- 181b
'ba' zhig gi dngos grub bsgrub byed ma yin pas/ 'on kyang bzlas pas kyang zhes pa la de nas shes bya ba la sogs pa gsungs te/ rgyu mtshan de nyid kyi phyir sngags btu ba ste/ btu ba ni thams cad ces bya ba la sogs pa gsungs so/ /thams cad ni chos rnams so/ / 'byung ba ni 'di las 'byung bas na 'byung bar byed pas so/ /sna tshogs ni kha dog sna tshogs pa nyid kyi phyir ro/ /lte ba ces pa ni lte ba la'o/ /mi shigs pa ni kun tu thob cing zhi ba dge ba 'byung ba nyid kyi phyir ro/ /de lta bur gyur pa'i pad+ma zhes pa'i don to/ /khyad par du byed pa ma gzung bar khyad par la blo 'jug par mi 'gyur zhes so/ /lte ba khyad par du byed pa nyid kyi phyir ro/ /yang na chos 'byung ni b+ha ga las don gzhan ma yin no/ /sna tshogs ni sna tshogs kyi pad+ma dang ldan pa'i lte ba la thob pa nyid kyi phyir ro/ /sna tshogs pad+ma 'ba' zhig ni ma yin te/ ches 'byung gi khongs su sna tshogs pad+ma la rab tu dgram par bya'o zhes sbyar ro/ /ci byas nas zhes pa la/ bris zhes bya ba la sogs pa gsungs so/ /chos kun ni a la sogs pa dang ka la sogs pa'i ngo bo nyid gcig tu yang dag par bsdus pa'o// byas shes pa ni re mig bzhi bcu rtsa dgu'i gnas la dgod par bya'o zhes pa ni rnam grangs so/ /'dir sngags tshig ni 'di yin te zhes pa ni re mig bzhi bcu dgu'i gnas su gnas pa la/ de yang bcom ldan 'das kyi rtsa ba'i sngags rkang pa brgyad par 'gyur ba ste/ kun kyang yan lag dang snying lag tu gyur pa'i phyir ro/ /yi ge las skyes pa'i sngags su bstan te/ ji ltar skud par yod pa la snam bu zer ba lta bu'o/ /de yang ji ltar dgod ces pa la A li zhes pa la sogs pa la gnyis pa'i gcig tshig phyis pa'o/ /kA li mnyam byas zhes pa ni yi ge gcig dang mi 'dor bas so/ /gzhan nga nya Na na ma spangs pa'o zhes bstan to/ /de ltar gyur pa'i A li dang kA li bkod pa'i dgram pa ste/ de yongs su gyur pa'o/ /de las skye zhing yongs su gyur pa ni gnas skabs kyi khyad par du yongs su gyur
- 182a
pa'o/ /de gang zhes pa la/ sde tshan zhes gsungs te dgu pa phyis pa'i lnga pa'o/ /sde tshan brgyad rnams blang zhing yongs su gyur pa de ni sde tshan brgyad kyi ngo bo nyid kyi gnas skabs kyi khyad par shes pa'i don to/ /de'i phyir 'di dang zhes bya ba la sogs pa gsungs te/ sde tshan bzhi dang bzhi ru shes byas la zhes pa ni shes par bya ba gang yin pa de de bzhin du dgod par bya'o/ /yid ni thub pa ste/ pha rol tu phyin pa'i theg pa dang sngags kyi theg pa'i nang nas gtso bo ni sngags kyi theg pa ste/ de bkod par shes pa ni sngags kyi theg pa ni thub pa ste/ mchog go /de la a la sogs pa dbyangs yig bcu drug ni sde tshan gcig go /yi ge lnga lnga ni ka la sogs pa nas ma'i bar du sde tshan lnga'o/ /ya ra la wa bzhi ni sde tshan gcig go /sha Sha sa ha ni mchog go /ka dang Sha gnyis yang dag par sbyor ba las skyes pa ni k+Sha ste 'dir dgod pa med pas ma bstan no/ /'dir sde tshan brgyad go bar bya'o/ /der gnas dpa' bo btu bar bya zhes pa ni A li kA li la gnas pa'i dpa' bo'i rkang pa brgyad pa'i sngags btu bar bya ste/ zho la gnas pa'i mar lta bu'o/ /lhag ma ni go sla'o/ /bzhi pa'i lnga pa gang yin pa zhes pa ni sde tshan bzhi pa'i lnga pa ni na'o/ /lnga pa yi ni lnga pa dang zhes pa ni ma'o/ /lnga pa yi ni bzhi pa dang zhes pa ni b+ha'o/ /dang po'i gsum pa gang yin dang zhes pa ni ga'o/ /na'i sgras ni bstod pa'i khyad par ro/ /b+ha ni nyon mongs pa 'joms pas na b+ha ste/ de yang b+ha ga'i don to/ /ga ni phyis brjod par bya'o/ /de ltar yang b+ha ni b+ha ga ces su gsungs zhes bya'o/ /de bzhin nyi shu rtsa dgu pa zhes pa ni ba'o/ / de bzhin zhes pa ni sems can gyi don ste/ thabs dang shes rab bsdu ba na ste 'brel ba zhes dgongs so/ /bzhi pa'i dang po gang yin dang zhes pa ni ta'o/ /ka'i sde tshan nas gzung ste bzhi pa'i dang po ni ta nyid do/ /mthar gnas pa yi bzhi pa dang zhes pa
- 182b
ni wa'o/ /so dang chu la byung zhes pa'i don to/ /de nyid kyi ni gnyis pa dang zhes pa ni mthar gnas de nyid gang yin pa'i yi ge gnyis pa de blangs te dpa' bo btu bar bya'o zhes sbyar ro/ /sum cu pa ni zhes pa ni sha ste lce'u chung nas 'byung ba'o/ /de yang zhi ba'i don du ste ni/ sgre'i don to/ /de sum cu pa'i don to/ /de bzhin nyi shu rtsa drug nyid ces pa ni nyi shu rtsa drug pa ni ya'o/ /de bzhin du nyid ni rlung gi don to/ /brgya'i phyed phyed ces pa ni ma'o/ /de bzhin dang zhes pa ni chos thams cad 'chi ba med par bstan pa'i don to/ /de nas sum cu rtsa gsum dang zhes pa ni ha ste/ ma'i rjes su gzung ste/ dpa' bo btu bar bya zhes sbyar ro/ /de dang po'i dang po zhes pa ni gsal byed kyi dbang du byas nas dang po ni ka'i sde tshan no/ /de'i sde tshan gyi dang po ka'o/ /ni'i sgra ni gang du yang gnas pa med do zhes pa'i don to// mthar gnas pa'i gsum pa zhes pa ni la'o/ /sa'i sa bon du bstan pa'o/ /dang po yi ni gsum pa nyid ces pa ni ga'o/ de la zab mo'i chos kyi don yin pas nyid de ni'i sgra'i don to/ /sum cu rtsa gnyis pa nyid ni zhes pa ni sa'o/ /sum cu rtsa gnyis pa yin zhes pa'i don to/ /dang gi sgras ni so las byung ba'i sa yin par bstan par bya'o/ /bzhi pa yi ni lnga pa dang zhes pa ni na'o/ /lnga pa yi yang bzhi pa dang zhes pa ni b+ha'o/ /mthar gnas pa yi dang po dang zhes pa ni mthar gnas pa ni mthar gnas sde tshan te/ de'i yang dang po na gnas pa ni ya'o/ /gnyis pa yi ni gsum pa dang zhes pa ni dza'o/ /bzlas pa'i don nyid kyis ka na'i rkyen byin pa'o/ /gsum pa'i dang po gang yin btu zhes pa ni Ta'o/ /lnga pa yi yang lnga pa dang zhes pa ni ma'o/ /dang po yi yang dang po ni zhes pa ni yang ka ste/ ra dang ka la sogs pa'i sbyor bas 'dod pa gsal bar byed pa ste/ na'i sgras bstan pa'o/ /de bzhin bcu gcig pa nyid ni zhes pa ni de bzhin du phaT kyi yan lag dang nying lag tu gyur pa nyid kyis ltung bar byed pa'i don bstan pa'o/ /bcu
- 183a
gcig pa ni Ta'o/ /dang gis ni de'i sngon rol tu gyur pa'i pha yig gis nges par sngags kyi mthar de sbyar ro zhes pa de'i phyir nyid gsungs so/ /de bzhin mkhas pas bcu drug pa zhes pa ni bcu drug pa nyid bcu drug pa ste/ rang gi don du ma ste du ma lta bu'o/ /de yang ta'o/ /de la mkhas pa zhes pa ni bya bas byab pa nyid kyi phyir gnyis pa'o/ /lnga pa yi yang lnga pa dang zhes pa la sogs pa dang/ 'on kyang bzhi pa'i lnga pa gang yin dang zhes bya ba la sogs pa rtogs par bya'o/ /bzhi pa'i sde tshan gang yin pa de'i yi ge de ni lnga pa'i yang lnga pa blangs la dpa' bo btu bar bya'o/ /zhes mkhas pas dgongs so/ /de ltar lnga pa gang yin pa'i yi ge de'i bzhi pa zhes bya ba la sogs pa yang de bzhin zhes gsungs pa ste/ stong pa nyid bcu drug ston par 'di sgrub pa yin no// gsum pa'i dang po ni Ta'o/ /de bzhin du nyi shu rtsa drug pa zhes pa ni nyi shu rtsa drug pa'i ya ste mkhas pas bya ba la gnyis pa'o/ /de ltar thams cad blta'o/ /nyi shu rtsa drug pa la sogs pa rnams la ni ha phyi ba ste/ de bzhin zhes pa ni 'di rlung gi sa bon nyid do/ /bzhi pa'i gsum pa gang yin dang zhes pa ni da'o/ /na'i sgras ni sdig pa bsreg pa'i don bston pa yin no/ /uSh+ma yi ni gnyis pa nyid ces pa ni sha Sha sa ha ni drod kyi yi ge'o/ /drod ces pa ni yi ge'i lung byas pa'o/ /gnyis ces pa gnyis pa Sha'o/ /nyid ces pa ni gzhan gnyis pa nyid las nges par gzung ba'i don to/ /dang po'i dang po gang yin dang zhes pa ni ka'o/ /de bzhin nyi shu rtsa bdun pa zhes pa ni nyi shu rtsa bdun pa ni ra'o/ /de bzhin sgra 'di me'i sa bon yin par bstan pa'o/ /nyi shu rtsa brgyad pa'o/ /zhes pa ni nyi shu rtsa brgyad laM gi sgra ni sa'i sa bon yin par bsgrubs pa yin no/ /dang po yi ni gsum pa dang zhes pa ni ga'o/ /ni'i sgras ni khyad par du 'gro zhing rtag tuAng stong pa nyid la nye bar gnas pa de brjod pa'i phyir gros
- 183b
zhes bya ba'i don to/ /lnga pa yi yang bzhi pa dang zhes pa ni b+ha'o/ /yang gi sgra ni sngon du bstan pa'i don bstan pa'o/ /de bzhin sum cu rtsa gcig blang zhes pa ni kA li sum cu rtsa gcig pa Sha blang ba'o/ /bco lnga pa ni nyid dag dang zhes pa ni/ de bzhin du kA li bco lnga pa ni Na'o/ /nyid ces pa ni kA li dang 'brel ba nyid du nges par gzung ba'o/ /de bzhin nyi shu rtsa lnga pa zhes pa ni ma'o/ /de lta bu nyid de bzhin gyi sgra'i don to/ /dang po'i gnyis pa gang zhes pa ni kha'o/ /de bzhin nyid du ni'i sgras ni 'di stong pa nyid kyi don bstan pa'o/ de bzhin nyi shu rtsa drug pa zhes pa ni de bzhin ni sngon bzhin te ya'o/ /yang gi sgras ni dag gi rgyan no/ /yi ge sum cu gnyis nyid dang zhes pa ni yi ge sum cu rtsa gnyis pa ni sa'o/ /dang ni de chu'i rang bzhin yin par bstan to/ /nyid ni 'di nye bar gzung ba'o/ /drod rnams kyi ni tha ma nyid ces pa ni ha'o/ /nyid kyi ni kA li tha ma dang 'brel pa nges par gzung ba'o/ /sum cu rtsa gnyis pa nyid dang zhes pa ni yi ge sum cu rtsa gnyis pa sa'o/ /yang dang nyid kyi tshig gis ni sngon gyi dag gi don bstan pa'o/ /lnga pa yi ni bzhi pa dang zhes pa ni b+ha'o/ /ni'i sgras ni 'dis 'jigs pa sel bar bstan to/ /gnyis pa yi ni gsum pa nyid dang zhes pa ni dza'o/ /nyid kyi sgras ni de rgyal ba'i don du nges par gzung ba'o/ /lnga pa yi ni bzhi pa dang zhes pa ni b+ha'o/ /ni'i sgras ni sya sngon du bstan pa'i don bstan pa'o/ /drod rnams kyi ni gsum pa zhes pa ni sa'o/ /phyi ma sngon bzhin gzhan ni nyi shu rtsa bdun pa zhes pa ni ra'o/ /gzhan ni me'i sa bon nyid kyi phyir ro/ /mthar gnas rnams kyi dang po nyid ces pa ni ya'o/ /nyid ni bsdu bar nye bar gzung ba'o/ /de bzhin nyi shu rtsa gcig pa ni pa'o/ / de bzhin ni de bzhin gshegs pas gsungs par bstan pa'o/ /dang ni yon tan rgyas pa'o/ /mthar gnas pa yi gnyis pa dang/ zhes pa gang yin pa'i gnyis pa ni ra'o/ /de bzhin yang ni sum cu pa zhes pa ni sha'o/ /yang gi sgras ni ya des bzlas pa nyid du bstan
- 184a
pa'o/ /de bzhin ni zhi zhing shis par byed pas na sha'i don bstan pa'o/ /lnga pa yi ni dang po dang zhes pa ni pa'o/ /drod rnams kyi ni dang po dang zhes pa ni sha'o/ /dang ni nyid kyi don te/ zhi ba'i don dang dang po nyid du nges par gzung ba'o/ /de bzhin yi ge dyA nyid dang zhes pa ni dyA'i yi ge blangs te dpa' bo btu bar bya'o/ zhes sbyar ro/ /bzhi pa'i dang po gang yin dang zhes pa ni ta'o/ /drod rnams dang po gang yin dang zhes pa ni sha'o/ /de bzhin nyi shu rtsa brgyad pa zhes pa ni la'o/ /de bzhin zhes pa de'i sngon du bstan pa'o/ /dang po'i gnyis pa gang yin dang zhes pa kha ste snga ma bzhin no/ /gsum pa'i dang po nyid dag dang zhes pa ni Ta'o/ /dang po'i gsum pa gang yin dang zhes pa ni ga'o/ /bzhi pa'i bzhi pa gang yin ni zhes pa ni b+ha'o/ /ni'i sgra ni sdig pa 'joms par byed pa nyid du bstan pa'o/ /mthar gnas pa yi gnyis pa dang zhes pa ni ra'o/ /gsum pa'i yang ni lnga pa dang zhes pa ni lnga pa ni Na'o/ /yang ni nges par gzung ba'o/ /de ltar thams cad du'o/ /byA yig ces bya dpa' bos gsungs zhes pa ni khyad par can thob par byed pas na byA ste de dpa' bo dpal he ru kas gsungs pa'o/ /dang po yi ni bzhi pa dang zhes pa ni g+ha'o/ /de bzhin brgyad pa nyid dang yang zhes pa ni brgyad pa ni dza'o/ /de bzhin gyi sgras ni rgyal ba'i don rjes su bstan pa'o/ /nyid ni de yis nges par gzung ba'o/ /yang gi sgras ni kA li'i brgyad par bstan pa'o/ /lnga pa yi yang lnga pa dang zhes pa ni ma'o/ /bzhi pa yi yang lnga pa dang zhes pa ni na'o/ /de bzhin nyi shu rtsa bdun pa zhes pa ni ra'o/ /de bzhin gyi sgras ni sngon du bstan pa'i don bstan pa'o/ /bzhi pa yi yang bzhi pa dang zhes pa ni d+ha'o/ /dang gi sgras ni yang gi don te/ yang ni nyi shu rtsa bdun pa zhes pa ni ra'o/ /yang gi sgras ni de bzhin nyid de de bzhin nyi shu rtsa drug nyid ces pa ni nyi shu rtsa drug pa ya'o/ /de bzhin gyi sgras ni de bzhin nyid du'o/ /ta ma'i rkyen gyi cha phyi ba'i
- 184b
nyid ces pa ni sngon du bstan pa'i don 'dis ston pa'o/ /nyi shu rtsa lnga blang zhes pa ni ma'o/ /de blangs te dpa' bo btu bar bya'o zhes sbyar ro/ /blang zhes pa ni gzhan la yang ngo/ /sum cu rtsa gsum nyid dag dang zhes pa ni ha'o/ /dang gi sgras ni sems can rnams kyi sdig pa 'joms par byed pa'i don du nges par gzung bar bya'o/ /bzhi pa yi ni bzhi pa dang zhes pa ni d+ha'o/ /ni ni yang gi don to/ /lnga pa yi ni lnga pa dang zhes pa ma'o/ /bzhi pa yi yang lnga pa dang zhes pa ni na'o?/ /yang gis sgras ni lnga par bsdu ba'o/ /dang po yi ni dang po nyid ces pa ni ka'o/ /nyid kyi sgras ni sngar bstan pa'i don bstan pa'o/ /de bzhin nyi shu rtsa bdun pa zhes pa ni ra'o/ /de bzhin gyi sgras ni me'i sa bon nyid du bstan pa'o/ /mthar gnas rnams kyi bzhi pa ni zhes pa ni wa'o/ /ni'i sgras ni chu'i sa bon nyid du bstan pa'o/ /de bzhin nyi shu rtsa gcig pa zhes pa ni pa'o/ /de bzhin gyi sgras ni A li dang 'brel pa nyid du bstan pa'o/ /drod rnams kyi ni gnyis pa nyid ces pa ni Sha'o/ /nyid kyi sgras ni 'di'i gnas su nges par bstan pa'o/ /de bzhin nyi shu rtsa drug nyid ces pa ni ya'o/ /de ni rtsa pa'i sngags kyi yi ge btu ba'o/ /ka ra ka ra/ ku ru ku ru/ band+ha band+ha/ trA sa ya trA sa ya/ k+Sho b+ha ya k+Sho b+ha ya/ h+rauM h+rauM/ h+ra:h+ra(rgyud 'grel): pheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha/ ba sha ru d+hi ra/ an+t+ra ma la/ a ba laM/ bi ne grih+Na grih+Na/ sapta pA tA la ga ta b+hu dzaM ga sarbaM bA tardza ya tardza ya/ A kaDDhya A kaDDhya/ h+rIM h+rIM/ dz+nyauM dz+nyauM/ k+Sh+mAM k+Sh+mAM/ hAM hAM/ hiM hiM/ hUM hUM/ ki li ki li/ si li si li/ tsi li tsi li/ d+hi li d+hi li/ huM huM/ zhes bya ba ni sngags so/ /'di'i mthar yang phaT gnyis ni gdams ngag gis shes par bya'o/ /rig pa'i rgyal po ni dpal he ru ka'o/ /de'i sngags ni rkang pa brgyad pa'i sngags nyid du grub pa ste/ de shes pa ni dngos grub 'byung ba rtogs pa'o/ /de nas sngags gzhan yygyi tshig ni snying po med pa rtsa ba dang 'dra ba gang yin pa la bya
- 185a
pa ste/ 'di'i bsgrub bya'i 'bras bu la bltos nas 'bras bu med pa'i phyir ro/ /'bu ni srin bu'i khyad par ro/ /des zos pa ni shing la yang 'bus zos pa'o/ /de la 'di'i don ni 'bus zos pa'i shing ltar gzhan sngags kyi tshogs ni don gyi bya bas stod pa ste/ snying po med pa'i rtswa bzhin du 'bras bu med par rnal 'byor pas bsam mo/ /rtsa ba'i sngags su rab tu grags zhes pa'o/ /de ni yi ge btus pa tsam 'ba' zhig gi bdag nyid kyi phyir rig pa'i rgyal po'i sngags zhes brjod pa ni ma yin no/ /yang na rig pa ni mkha' 'gro ma la sogs pa ste/ rgyal po ni 'dis skyed par byed pas rig pa'i rgyal po'i sngags te/ ka ra ka ra la sogs pa ste/ dang po'i don la drug pa'o/ /sangs rgyas kyi rigs 'di bsgrub pa nyid kyis rig pa'i rgyal po nyid ni gdams ngag go /sgrub pa thams cad spangs pa'o/ /zhes pa ni sbyin sreg la sogs pa'i sgrub pa yin te/ bzlas pa tsam gyis bsgrub par bya ba nyid kyi phyir ro/ /yod min zhes pa ni mchog 'di las gzhan dngos grub sgrub pa'i thabs ci yang yod pa ma yin no/ /'di nyid kyi phyir sngags shes na zhes bya ba la sogs pa gsungs so/ /dpal dang ldan pa'i he ru ka gang gis bsgrub pa de dpal he ru ka'i sngags so/ /yi ge btus pa las rab tu rnam par phye nas rab tu brjod pa'o/ /de gang yin zhes pa la rtsa ba'i gsang sngags zhes gsungs te/ dngos grub thams cad kyi rtsa ba yang de yin la sngags kyang de yin pas de ni de bzhin no/ /rig pa'i rgyal po la sogs gzhan rtsa ba'i sngags zhes dgongs pa'o/ /de yang rnam par thar pa brgyad rnam par dag pas rkang pa brgyad pa'o/ /yi ge ni gsal byed do zhes bya ba ni dpal 'khor lo sdom pa'i le'u lnga pa'i dka' 'grel lo// //mdor bsdus pa la dga' ba rnams kyi don du yang dag par mdor bsdus pa'i
- 185b
sngags bstan te/ de'i phyir zhes pa ni mdor bsdus pa la dga' ba'i don du yang dag par mdor bsdus pa'i sngags bstan pa'i rgyu mtshan nyid kyi phyir ro/ /snying po yi ge nyi shu gnyis/ /nye snying yi ge bdun pa yi/ /dngos grub thams cad kyi rgyur gyur pa'i phyir ro/ /nye ba'i sgras ni dman pa'i don to/ /yi ge dman pa yin gyi/ 'bras bu dman pa ni ma yin no/ /de yang gnyis kho na 'og nas 'chad par 'gyur zhes pa'i don to/ /'og nas kyang re zhig mdor bsdus pa'i go cha'i sngags gsungs te/ ya tshogs brgyad pa'i sa bon dang zhes bya ba la sogs pa gsungs te/ ya tshogs brgyad pa'i sa bon ni ha'o/ /dang ni nyid kyi don rnams khyad par du byed pa'i don to/ /gug kyed ni dbyangs yig ste/ ma ning yi ge spangs pa'o/ /de bzhin zhes pa ni don gyi khyad par la 'jug pa'o/ /mtshan nyid kyi gsum pa'o/ /yi ge bar ma dor byas la zhes pa ni de'i sa bon gyi yi ge bar ma dor bar byas nas dpal he ru ka zhes brjod ces pa ni dpal he ru kar brjod pa zhes pa ni rkyen phyi ba'o/ /de yang yan lag drug ni yan lag dang nying lag drug go /ji ltar ha hA/ hi hI/ hu hU/ he hai/ ho hau haM ha(rgyud 'grel): zhes bya'o/ /yi ge dang yi ge'i bar byas pas ni ring du byas nas dpal he ru ka zhes brjod ces sbyar ro/ /byas pa ni 'dir don gzung bar bya'o/ /ha yis hi dang ring du byas pa'o/ /de nas yang hi hI yis hu dang ring du byas pa'o/ /de nas yang hu hU las he dang ring du byas pa'o/ /de nas yang he hai yis ho dang ring du byas pa'o/ /de nas yang ho hau yis haM dang ring du byas pa'o zhes pa ni gnyi ga ring bar gyur pa 'di rnams kyi nang nas drug gzung bar byas te/ yi ge de rnams ni ji ltar hi hu he ho haM zhes bya ba drug po de yin no/ /de rnams gang gi tshe dpal he ru ka gnyis su med pa rdo rjer gyur pa drug po zhes bya ba gsungs te/ go rim du dpa' bo drug gi sngags yi ge re re la yang dag par gnas pa'o/ /de'i
- 186a
tshe dpal he ru ka'i yan lag drug nyid do/ /dpa' bo zhes pa ni dang po'i mang po'i tshig phyi ba'o/ /de lta bur gyur pa ji ltar zhes pa ni mnyam sbyor bya zhes pa ste/ yang dag par dang po spyod pa ni mnyam sbyor te/ ha la sogs pa'i sngon du oM la sogs pa'o/ /dpa' bo drug sbyin zhes pa'i don to/ /oM la sogs pa gsungs te/ oM na ma:swAhA/ bau ShaT hUM hUM phaT ces pa ni dang po'i mang po'i tshig phyi ba'o/ /ji ltar yang dag par ldan pa de bzhin du shes par bya'o/ /dpa' bo drug po rnams kyi snying po ru ni shes par bya zhes pa ni/ ni'i sgra las shes par bya zhes pa la/ grub po zhes pa gsum pa'i don las dang po'o/ /dang po'i snying ga nyid du ste zhes pa ni ni'i sgras ni rang gi ha'i yang dag par bsdu ba'o/ /de ltar gzhan yang ngo/ /oM ha snying gar rdo rje sems dpa' ste dang po'o/ /snying ga zhes pa ni bdun pa'i don la dang po'o/ /gnyis pa spyi bo rang du dran zhes pa ni na ma(rgyud 'grel): hi rnam par snang mdzad ni spyi bo ru'o/ /dran pa ni bsam par bya'o/ /zhes pa'i don to/ /gsum pa spyi gtsug dag tu sbyar zhes pa ni swAhA hu pad+ma gar gyi dbang phyug ni bzhi pa'i go char 'gyur ro zhes so/ /du'i sgra ni rjes su 'jug pa'o/ /bau ShaT he dpal he ru ka'i phrag po gnyis kyi go char gdams ngag gis shes par bya'o/ /lnga pa mig tu gyur pa ste zhes pa ni hUM hUM ho/ rdo rje nyi ma mig gnyis la'o/ /drug pa mtshon char brjod ces pa ni phaT haM rta mgrin yan lag thams cad kyi mtshon cha'o/ /drug pa zhes pa ni dang po'i don gyi drug pa'o/ /snying ga la sogs pa ni bdun pa'i dang po'i don gyi dang po'i gnyis pa'o/ /mdza' dag nyid duAng snying po'o/ /zhes pa ni snying por rjes su 'jug pa'o/ /sngags de rnams sam de rnams las grub pa'i dpa' bo drug gnas rnams su go char bya ste/ bdud rnams kyis mi phyed pa'i phyir ro/ /de'i btu ba de brjod par byed pa'i le'u ni drug
- 186b
pa ste/ drug pa'i tshig las rang gi don du ma'i rkyen byas pa'o/ /zhes bya ba ni dpal 'khor lo sdom pa'i dka' 'grel las le'u drug pa'o// //sngon du rkang pa brgyad kyi sngags btu bar byas nas da ni yi ge de rnams dbyangs kyi dang sbyang ba nyid du rab tu rtsom ste/ de nas dbyangs yig ces bya ba la sogs pa gsungs so/ /de la nyid ni yi ge bsdu ba nges par gzung ste/ dmigs kyis dgar ba'i sgra'i drug pa'o/ bcu gsum pa ni o'o/ /dang ni don gyi khyad par ste/ nyi ma'i 'od kyis 'od zer stong phrag 'bar ba brgya dpral ba dang snying ga rnams su bsams te dbang du byed pa ste/ nyid kyis 'di'i don nges pa'o/ /yi ge gnyis pa sbyar bar bya zhes pa ni yi ge gnyis pa ni na las gzhan ma ste/ de dang o sbyar ba ni mkhas pas so/ /de nas ma'i gzugs su gyur pa'o/ /de ltar brgyad la sogs pa nyid do/ /dang po ni na nyid do/ /dbyangs yig bcu gcig pa ni o'o/ /de yang de dang 'di yang dag par ldan pa de ni de bzhin no/ /de'i phyir drug pa'i yi ge ta la brgyan pa'o/ /de nas de'i gzugs su 'gyur ro/ / dbyangs yig nyid kyi bzhi pa ni zhes pa ni a'i'o/ /nyid ni thung ngu dgag pa'i don to/ /de'i mtshon pa'i bdun pa'i yi ge ni ba ru mkhas pas so/ /de yis bA'i gzugs su 'gyur ro/ /yi ge brgyad pa ni ra'o/ /dbyangs yig bcu gcig pa dang yang dag par ldan pa ni mkhas pas so/ /des re'i gzugs su 'gyur ro/ /mkhas pa zhes bya ba ni thams cad la sbyar ro/ /de nas yi ge dgu pa gzung zhes pa ni sha'o/ /de nas shes pa ni bsdus pa las dang po las dbyangs yig gnyis pa ni A ring po'o/ /de shI'i gzugs su 'gyur ro/ /yi ge bcu gnyis pa ni ha'o/ /dbyang yig gnyis pa dang ldan par ni mkhas pas so/ /des hA'i gzugs su 'gyur ro/ /yi ge nyi shu gcig pa gzung zhes pa ni nyi shu rtsa gcig pa'i yi ge pa'o/ /dbyangs yig gnyis dang yang dag ldan
- 187a
ni gzung ba de dang ldan pa'o/ /yi ge bcu bzhi pa la yin par mkhas pas so/ /de nas lbA pa'i gzugs su 'gyur ro/ /yi ge nyi shu ba zhes pa ni nyi shu pa'i yi ge ni na'o/ /de'i 'og dang yang dag ldan pa ni yi ge bco lnga pa ga'o/ /dbyangs yig rnams kyi gsum pa ni dbyangs i'o/ /de yis mtshon par mkhas pas so/ /des ga ni'i gzugs su 'gyur ro/ /nyid ni ring po dgag pa'i don to/ /dbyangs yig bco lnga pa ni thig le'o/ /de yis yi ge bcu drug pa la brgyan par mkhas pas so/ /des na sam gyi gzugs su 'gyur ro/ /yi ge bcu bdun pa na'o/ /dbyangs yig gsum pa dang yang dag par mkhas pas so/ /mchog tu pa zhes pas ni bla ma dang sangs rgyas la sogs pa la gnod pa byed pa de yis skrod par byed pa'o/ /ji ltar rlung gi dkyil 'khor la zhon pa'i du ba'i phung po lta bu bsgrub bya'i snying ga dang mgrin pa dang/ lte ba dang/ rkang pa gnyis la bsgoms na de skrod par 'gyur te/ ne'i yi ge ste de nas gzugs su 'gyur ro/ /yi ge bco brgyad pa yang b+ha'o/ /dbyangs gnyis pa dang yang dag par ldan pa mkhas pas so/ dbyangs yig a dang yang dag ldan zhes pa ni nyi shu rtsa gcig pa ste/ nyi shu gcig pa ni Ta mkhas pas shes par bya'o/ /ma mo'i lnga pa ni u'o/ /de yis yang dag par ldan pa ni yi ge nyi shu rtsa gsum pa ni ka mkhas pas so/ dbyangs yig bcu gsum pa nyid ni bcu gsum pa'i o blangs te/ des nyi shu bzhi pa'i Ta yang dag par sbyar ba ni mkhas pas so/ /dang po'i dang pos ni ka mkhas pas so/ /dang gis ni ma brjod pa bsdus pa'o/ /nyi ma'i dkyil 'khor gyi 'od lta bu'i thig le dang/ yang dag par ldan pa bsgrub bya'i snying ga dang lte ba dang spyi bor de bkod nas des dbang du byed do/ /zhes pa'o/ /nyid ni bsdus pa'i don nges par gzung ba'o/ /ji lta bur gyur pas mkhas pas so zhes pa la
- 187b
yi ge nyi shu rtsa lnga sbyar zhes gsungs te/ nyi shu rtsa lnga ni nyi shu lnga pa'i yi ge ta'o/ /des gong du sbyar ba'o/ /des na ta'i gzugs su 'gyur ro/ /gsum pa yi ni dang po ni zhes pa ni Ta mkhas pas so/ /dbang po'i gzhu lta bu'i 'od kyi Ta bsgrub bya'i dpral ba dang snying ga dang mgrin par bkod nas dbang du byed do/ /ni'i sgra'i don to/ /dbyangs yig gnyis par yang dag ldan zhes pa ni Ta yig la dbyangs yig gnyis pa yang dag par ldan pa gang yin pa de yi ge nyi shu rtsa drug par gyur pa'o/ /Ta'i gzugs zhes pa'i don to/ /gsum pa yi ni dang po na/ /de ni gnyis pa dag dang ldan/ /zhes pa'i gzhung gzhan yang yod do/ /gnyis dang ldan pa ni dbyangs kyi gnyis pa de dang ldan pa'o/ /yang dag par sbyar ba'i Ta'i gzugs su 'gyur ro/ /nyi shu rtsa brgyad nyid dang ni zhes pa ni de mkhas pas so/ /dang gis ni ma brjod pa'i don bsdu ba ste/ de sprin lta bu'i 'od bsgrub bya'i spyi bor bsams na/ de rengs par byed do/ /nyid ni nges par gzung ba'o/ /dbyangs yig bco lnga pa ni thig le'o/ /des mdzes pa ni mkhas pas so/ /des ni dam gyi gzugs su 'gyur ro/ /gsum pa'i dang po Ta yig gi 'og gi cha la yang dag par sbyar te/ de'i 'og tu me'i sa bon ra dang yang dag par ldan pa'o/ de lta bu nyid kyi sgras ni dbyangs yig gnyis pa dang sbyar te/ yi ge nyi shu rtsa dgu par 'gyur ro/ des na Sha'i gzugs su 'gyur ro/ /dang gis ni yang dag par sbyor ba bsdu ba'o/ /yi ge sum cu rtsa gcig pa zhes pa ni sum cu rtsa gcig par te/ dbyangs yig gnyis pa dang sbyar ba'o/ des ra'i gzugs su 'gyur pa'o/ /yi ge sum cu rtsa gnyis pa la'o/ /dbyangs yig gnyis pa dang sbyar na des lA'i gzugs su 'gyur ro/ /snang byed dang ni yang dag ldan/ /yi ge sum cu gsum par 'gyur/ /zhes pa ni snang byed ni ra'o/ /yi ge sum cu rtsa gsum pa ni ga'o/ /yang dag par sbyar bas na gri'i gzugs su 'gyur ro//
- 188a
ma mo bzhi pa nyid ni a'i'o/ /nyid kyis ni thung ngu dgag par bya'o/ /sum cu rtsa bzhi zhes pa ni sum cu rtsa bzhi pa'i yi ge b+ha'o/ /des b+ha'i gzugs su 'gyur ro/ /ma mo lnga po nyid ni u'o/ /nyid kyis ni ring po dgag pa'o/ /sum cu rtsa bdun zhes pa ni yi ge sum cu rtsa bdun pa ma'o/ /de dang yang dag par sbyar bas mu'i gzugs su 'gyur ro/ /mkha' 'gro ma rnams sgrub byed dran zhes pa ni mkha' 'gro ma rnams kyi sgrub byed ni sngags ma lus pa'o/ /yang na sum cu rtsa bdun pa'i ma 'ba' zhig yang dag par nyi ma ltar snang ba bsgrub bya'i spyi bor bsams na gnod sbyin la sogs pa dbang du 'gyur ro/ /mkha' 'gro ma rnams kyi sgrub byed dran ni mkha' 'gro ma rnams 'dod pa'o/ /sum cu brgyad pa nyid dag ni zhes pa ni sum cu brgyad pa'i yi ge kha'o/ de dbyangs yig gnyis pa dang sbyar bas kha'i gzugs su 'gyur ro/ /'dir yang thams cad du 'gyur ro zhes bya ba dang po'i bya bar sbyar ba'am/ mkhas pas zhes pa gnyis pa'i bya bar sbyar ro/ /yi ge kha yis sgrub par byed par 'gyur zhes pa 'am/ mkhas pas shes par bya zhes bya'o/ /de ltar gzhan la yang ngo/ /kha dbang po sbas pa lta bu'i 'od bsgrub bya'i spyi bor bsams na lha la sogs pa dbang du 'gyur ro/ /dang ni bsdus pa nyid du nges par gzung ba'o// 'di phyir lha rnams thams cad sgrub byed yin zhes gsungs so/ /bzhi bcu rtsa gnyis ni zhes pa ni bzhi bcu rtsa gnyis pa'i yi ge sa'o/ /nyid kyi sgras ni sngar bstan pa'i don nye bar gzung ba'o/ /me ni ra'o/ /ni'i sgras ni nges par gzung ba ste/ de yang 'di'i 'og gi cha ste 'og gi cha shas la de dang ldan pas bzhi bcu rtsa gnyis pa'i yi ge'o/ /des sra'i gzugs su 'gyur ro/ /de yang sgrub pa pos zhes sbyar zhes pa'i bya ba rtogs par bya'o/ /bzhi bcu rtsa gsum pa nyid dang zhes bya ba ni
- 188b
yi ge bzhi bcu rtsa gsum pa b+ha'o/ /de dbyangs yig lnga pa nyid dang sbyar ba des na b+hu'i gzugs su 'gyur ro/ /nyid kyis ni ring po dgag pa'o/ /yi ge bzhi bcu lnga pa zhes pa ni bzhi pa ni bzhi bcu rtsa lnga pa'i yi ge b+ha'o/ /nyid kyi sgras ni sngar bstan pa'i bsdus pa'i don du nges par gzung ba'o/ /dbyangs yig gnyis pa dang sbyar bas b+hA'i gzugs su 'gyur ro/ /dbyangs yig lnga pa nyid dag dang/ zhes pa ni sngon bzhin no/ /bzhi bcu drug pa yang dag ldan zhes pa ni yi ge bzhi bcu drug pa sa dang u yang dag par sbyar bas su'i gzugs su 'gyur ro/ /bzhi bcu rtsa bdun pa zhes pa ni yi ge bzhi bcu rtsa bdun pa ni ra'o/ /nyid kyi sgra sngar bstan pa'o/ /don bsdus pas nges par gzung ba'o/ /dbyangs yig gnyis pa dang sbyar bas ra'i gzugs su 'gyur ro/ /rdo rje sems dpa' mchog tu phan zhes pa ni ra'i yi ge de nyid rdo rje sems dpa' o/ /de bzhin lnga bcu rtsa gcig pa zhes pa ni lnga bcu rtsa gcig pa sha'o/ /de bzhin nyid ces pa ni sngar bstan pa'i don nyid 'dis bstan pa'o/ /lnga pa nyid dang sbyar zhes pa ni dang gi sgra ni khyad par can te/ dbang po'i gzhu lta bu'i 'od bsgrub bya'i mgrin par bsams na des dbang du 'gyur ro/ /des kyang shu'i gzugs su 'gyur ro/ /mdzes pa'i mchog ni yin par 'dod ces pa dang lnga bcu rtsa gnyis pa nyid ni zhes pa ni lnga bcu rtsa gnyis pa'i yi ge pa'o/ /nyid kyis ni ma brjod pa'i don bsdus pa nyid du nges par gzung ba ste/ rlung gi dkyil 'khor gyis bskyod bzhin pa'i chu 'dzin pa la zhon pa la pa du ba'i mdog lta bu can bsgrub bya'i mgrin pa dang snying ga dang rked pa dang rkang pa gnyis kyi mthil du bsams na des phul te skrod par 'gyur ro/ /dbyangs yig gnyis pa sbyar bas pa'i gzugs su 'gyur ro/ /lnga bcu rtsa gsum pa zhes pa ni lnga bcu rtsa gsum pa sha'o/ /de bzhin
- 189a
yang zhes pa ni sngar bstan pa'i don bstan pa'o/ /de nyid dbyangs yig bcu gsum pa dang sbyar bar mkhas pas shes par bya rjes su gnas pa'o/ /des na sho'i gzugs su 'gyur ro/ /sde tshan bzhi las bya nyid du zhes pa ni sde tshan bzhi pa'i gsum pa btu zhes brjod pas gang yin pa des da yig dag tu brjod pa'o/ /de yis ka'i sde tshan gyi bzhi pa yin par bstan to/ /gzhan du na a'i sde tshan nam ka'i sde tshan zhes the tshom za bar 'gyur ro/ /de lta ni da yig bring la 'khrul par 'gyur ro/ /ci u dang ka zung gcig gam da zung gcig yin zhes the tshom du 'gyur ro/ /lnga bcu rtsa bzhi pa zhes pa ni lnga bcu rtsa bzhi pa ya'o/ /de dang sbyar ba mkhas pas so/ /des na dya'i gzugs su 'gyur ro// yi ge lnga bcu rtsa drug pa zhes pa ni yi ge lnga bcu rtsa drug pa sha'o/ /dbyangs yig drug pa a'u dang de sbyar bar mkhas pas so/ /des shUI gzugs su 'gyur ro/ /dgra rnams nges par gsong byed yin zhes pa ni nyon mongs pa'i dgra las rgyal ba'o/ /mthar gnas pa yi bzhi pa zhes pa ni wa'o/ /lhan cig pa'i don gyis ni gsum pa'o/ /yi ge lnga bcu rtsa dgu pa dbyangs yig gnyis pa dang sbyar ba ni pa de bzhin du sbyar ba'o/ /de bzhin bco lnga pa dang sbyar/ /dngos grub thams cad sgrub byed yin/ zhes pa mkhas pa zhes bya ba gnyis pa'i bya ba 'am mo/ /des kha TwAM gi gzugs su 'gyur ro/ /phan yon 'di ni Ta yig tsam gyi 'am yang na sngags ma lus pa'o/ /yi ge drug cu rtsa gcig ces pa ni d+ha'o/ /dbyangs yig gnyis pa dang sbyar bas d+ha'i gzugs su mkhas pas so/ /ni'i sgras d+hA 'ba' zhig gi sngon du bstan pa'i don brjod pa'o/ /de lta bu mkhas pa nyid mchog ces bya bas go bar bya'o/ /de bzhin drug cu rtsa gnyis zhes pa ni yi ge ra yin par mkhas pas so/ /de bzhin zhes pa ni sngar bstan
- 189b
pa'i don gyis rab tu byed pa bsdu ba nyid du gzung ba'o/ /de dang dbyangs yig gsum pa sbyar bas ri'i gzugs su 'gyur ro/ /drug cu rtsa gsum pa nyid kyang ces bya ba ni Na'o/ /nyid kyang zhes pa ni yang bsdus pa nges par gzung ba'o/ /de dbyangs yig bcu gcig pa dang sbyar bas Na'i gzugs su mkhas pas so/ /drug cu lnga pa zhes pa ni g+ha'i yi ge'o/ /rdo rje sems dpa' ni ra'o/ /de ltar nyid ces pa ni sngar bstan pa'i rab tu byed pa'i don bsdus pa nyid du nges par gzung ba'o/ /des g+h+ra'i gzugs su rtogs par bya'o/ /drug cu rtsa drug ces pa ni drug cu rtsa drug pa dza zhes te de bzhin gshegs pas gsungs so/ /dang gis ni sngar bstan pa'i don bsdus pa'o/ /dbyangs yig gsum pa dang sbyar bas ji'i gzugs su 'gyur ro/ /yi ge drug cu rtsa bdun pa zhes pa ni yi ge drug cu rtsa bdun pa ni na yin par gsungs so/ /dbyangs yig gnyis pa dang sbyar bas nA'i gzugs su 'gyur ro/ /de dang yang dag par sbyar ba'i don to/ /drug cu rtsa brgyad pa zhes pa ni drug cu rtsa brgyad pa'i yi ge ma yin par gsungs so/ /nyid dag dang zhes pa ni sngon du bstan pa'i don bsdu ba nyid du gzung ba'o/ /de ni yi ge ba sbyar bya zhes pa ni ma'i 'og gi cha la blta bar bya'o/ /de nas mpa'i gzugs su 'gyur ro/ /bdun cu rtsa gcig pa zhes pa ni yi ge bdun cu rtsa gcig pa yin par gsungs so/ /nyid dag gi sgras ni sngon du bstan pa don bsdus pa nyid du nges par gzung ba'o/ /dbyangs yig gnyis pa dang sbyar bas rA'i gzugs su 'gyur ro/ /bdun cu rtsa bzhi pa zhes pa ni yi ge bdun cu rtsa bzhi pa zhes pa ha yin par gsungs so/ /nyid kyi sgras ni snga ma bzhin no/ /dbyangs yig gnyis pa dang sbyar bas hA'i gzugs su 'gyur ro/ /bdun cu rtsa lnga pa zhes pa ni bdun cu rtsa lnga pa'i yi ge ni d+ha yin par gsungs so/ /nyid ni snga ma bzhin no/ /de yang ma mo drug pa sbyar bas d+hu yig gzugs su 'gyur ro/ /bdun cu rtsa drug pa
- 190a
zhes pa ni ma'o/ /ma mo'i gnyis pas dbye bar bya zhes pa ni ma mo'i gnyis pas dbye bar bya'o/ /nyid kyi sgra ni snga ma bzhin no/ /nyi ma yis kyang de nyid dbye ba'o/ /de la ba dang de gnyis kyi gzugs kyi 'og tu gyur pa ra'o/ /ra dang ma dag gi dbus su sbyar ro/ /des m+brA'i gzugs su 'gyur ro/ /mchog tu mdzes pa gzhan na med ces pa ni m+brA'i sa bon no/ /yi ge bdun cu rtsa bdun pa zhes pa ni bdun cu rtsa bdun pa'i yi ge na'o/ /de dang yang dag ldan par sngar bstan pa'i don gsungs pa'o/ /d+ha 'og gi char sbyar ba sa nd+ha'i gzugs su 'gyur ro/ /bdun cu rtsa brgyad pa zhes pa ni yi ge bdun bcu rtsa brgyad pa ni ka'o/ /nyid ni snga ma bzhin no/ /dbyangs yig gnyis pa dang sbyar bas kA'i gzugs su 'gyur ro/ /yi ge brgyad cu rtsa gcig pa zhes pa ni brgyad cu rtsa gcig pa yi ge pa'o/ /dbyangs yig bzhi pa'i mthas phye bas bu'i gzugs su 'gyur ro/ /nyid ni snga ma bzhin no/ /yi ge brgyad cu rtsa gnyis pa zhes pa ni yi ge brgyad cu rtsa gnyis pa ni Sha'o/ /nyid ni snga ma bzhin no/ /dbyangs gnyis pa dang sbyar bas ShA'i gzugs su gsungs so/ /rkang pa brgyad po 'di ni rtsa ba'i sngags so/ /de'i phyir rtsa ba'i gsang sngags mchog tu mkhas pas shes par bya zhes gsungs so/ /dpal he ru ka nyid rol pa ni dpal he ru ka lha'o/ /de'i rig pa'i rgyal po'i sngags ni ka ra ka ra la sogs pa'o/ /oM dang por huM hUM phaT mthar sbyar zhes pa ni rkyen med pas ring por brjod pa'o/ /sngags kyi mthu dpyad par bya ste/ khyad par 'di ni rtsa ba'i sngags dang rig pa'i rgyal po'i sngags la yang ngo/ /de'i phyir 'di'i rtsa ba'i sngags te zhes gsungs pa'o/ /rtsa ba'i sngags 'ba' zhig ni ma yin te/ oM la sogs pa'i tshig gis khyad par du byas pa'o/ /'on kyang gang gang gi phyir 'di'i rig pa'i rgyal po'i sngags kyang zhes pa'i don to/ /sgrub thabs thams cad spangs par zhes pa ni snying
- 190b
po dang/ nye ba'i snying po dang go cha'i sngags dang/ rtsa ba'i sngags dang rig pa'i rgyal po'i sngags kyang ngo bris pa la sogs pa'i sgrub pa'i thabs thams cad spangs pa'o/ /rtsa ba'i sngags ni yang dngos po thams cad kyis bsdus la rig pa'i rgyal po yang cha tsam btu ba'i cho ga rjod par byed pa de le'u yang yin pas de de bzhin no/ /bdun pa'o/ /zhes bya ba ni dpal 'khor lo sdom pa'i dka' 'grel las le'u bdun pa'o// //snying po dang nye ba'i snying po'i sngags sngar bstan pa dang rnal 'byor ma drug gi go cha'i sngags dang rdo rje phag mo'i nye ba'i snying po'i sngags ma bstan pa rnams de thams cad ci lta bu zhes pa la/ de nas zhes bya ba la sogs pa gsungs so/ /de nyid A li kA li tshogs pa las yang dag par byung ba dpa' bo thams cad mnyam par sbyor ba mkha' 'gro ma dra ba'i sdom pa yang dag par btu'o zhes pa blta bar bya'o/ /thams cad ces bya ba la sogs pa dpal he ru ka dang 'di'i sngags kyang de bzhin du brjod do/ /ji lta bar yi ge de rnams hA swA zhes bya ba la sogs pa gsungs so/ /grub pa'i sngags su rtogs par bstan te/ de bzhin du A li kA li gnyis nyid de ltar gyur bas so sor byas nas btus te/ phyin ci log gi gzugs sbas pa bsdu bzhin pa nyid kyi phyir ro/ /ji lta bur gyur pa zhes pa la rang gi bdag nyid ces bya ba gsungs te/ lhan cig skyes pa'i thugs yin zhes pa'i don to/ /oM sh+rI badzra he he ru ru kaM huM hUM phaT DA ki nI dzA la sam+ba raM swAhA/ zhes bya ba go rim bzhin du bris pa ni btus pa'o/ /snying po'i sngags yi ge nyi shu rtsa gcig pa ste/ gang gi snying po yin zhes pa la rig pa'i rgyal po zhes bya ba la sogs pa gsungs te/ oM ka ra ka ra la sogs pa rig pa'i rgyal po'o/ /sngags kyi yang snying po yin pa rkang pa brgyad pa'i yang snying po ste/ mdor bsdus nas brjod pa'o/ /de'i mthu ni ma byung zhes bya ba la sogs pa gsungs so/ /'das pa
- 191a
dang ma 'ongs pa dag gi dus su bdag gis sngags 'di cung zad kyang ma bstan to/ /da ni brjod par bya'o zhes dgongs so/ /rnal 'byor ma rnams kyi go cha'i sngags btu ba'i Tapha zhes bya ba la sogs pa gsungs so/ /oM hAM hIM h+reM hUM phaT ces bya ba ni go rims su byas so/ /Tapha hUM h+reM h+rIM hAM oM zhes bya ba'i yi ge'i tshogs so/ /baM dang oM dang yoM dang moM dang hI dang huM dang phaT nyid do/ /oM la sogs pa ni baM la sogs pa'i dang por sbyar bar bya ste/ oM baM rdo rje phag mo ste lte bar ro/ /hAM yoM gshin rje ma ste snying gar ro/ /h+rAM moM rmongs byed ma ni kha la'o/ /h+reM h+rIM ni skyong byed ma ste mgo la'o/ /huM huM skrag byed ma ste spyi gtsug tu'o/ /phaT phaT gtum mo ste yan lag thams cad la mtshon cha'o/ /dang ni thams cad du gcig la gcig ltos pa nyid do/ /nyid ni rang gi don du nges par gzung ba'o/ /rnal 'byor ma ni drug par grags zhes pa ni rdo rje phag mo la sogs pa rnal 'byor ma drug gi go cha'i sngags btus pa'o/ /oM badzra bai ro tsa nI ye swAhA/ zhes bya bas rdo rje phag mo'i nye ba'i snying po'i sngags 'di sbas pas btum pa'o/ /gang yang oM badzra bai ro tsA nI ye swAhA/ zhes gnas pa la huM hUM phaT dag de gnyis swAhA'i gong du bya'o/ /mkha' 'gro ma zhes bya ba ni rdo rje phag mo la sogs pa'i sngags ni mkha' 'gro ma'i 'o/ /ni'i sgra ni bdag nyid che bar rab tu bstan pa'o/ /ma byung zhes pa ni sngags kyi khyad par nyid kyi phyir rigs la gcig gi tshig go /sa steng zhes bya ba la sogs pa la ji snyed kyi 'jig rten gyi khams de nyid kyi steng gi sa gzhi gang yin pa ste/ rigs kyang gcig gi tshig go /rin chen bzhi pa zhes pa ni rin chen bzhi ni nges dga' ba rgyas par byed pa'o/ /de gang yin pa la/ phreng ba'i sngags ni zhes bya ba la sogs pa ste sngags kyi phreng ba ni phreng sngags te de yang rkang pa brgyad pa'o/ /ni'i sgra ni khyad par du ma'i rnam par bshad pa'o/
- 191b
de'i phyir de nyid dam pa'o/ /mkha' 'gro ma yi rig pa che zhes pa ni rdo rje phag mo la sogs pa'i sngags so/ /ni'i sgra ni nges par gzung ba'o/ /rig pa'i rgyal po ni rig pa'i rgyal po ste/ oM ka ra ka ra la sogs pa'o/ /dang ni bsdu ba'o/ /dpal he ru ka de'i don du shes pa'i phyag dang zhal la sogs pa'o/ /go rims bzlog pa'i snying po dang/ rnal 'byor ma drug dang/ rdo rje phag mo'i sngags btu ba'i cho ga'i le'u brgyad pa ste/ le'u'i bsdus pa'i don to zhes bya ba ni dpal 'khor lo sdom pa'i le'u brgyad pa'i dka' 'grel lo// //sngags kyi mthu brjod pa med par 'jug par mi 'gyur bas de bstan pa'i phyir le'u dgu pa ni de nas zhes bya ba la sogs pa gsungs so/ /de nas zhes pa ni sngags btus pa'i rjes la las bshad par bya'o zhes sbyar ro// mchog ni yid la 'dod pa'o/ /ci'i phyir zhe na de bas na zhes gsungs te/ gang la 'bras bu bstan pa med par thabs la 'jug par mi 'gyur ro/ /rtsa ba'i sngags dang po nyid du gsungs pa'i phyir de'i las kyang dang por gsungs so/ /de yang bcom ldan 'das nyid kyis gsungs pas so/ /ji bzhin zhes pa rab tu tshogs pa'o/ /go rim zhes pa ni rim pa ji lta ba bzhin no/ /sngags de byed pa po nyid du ston te/ 'jig rten gsum na gang cung zad ci yod pa yang de thams cad ma lus par sgrub par byed do/ /skad cig gis ni 'bum bzlas pa'i rjes su'o/ /sgrub pa po'i bya ba ni thams cad byed pa po zhes bya ba la sogs pa gsungs so/ /wai po ni nges par gzung ba'o/ /las thams cad ces bya ba la sogs pa gsungs te/ klu thams cad ni mthong ba'i dug la sogs pas don mnyam par byas pa'o/ /de'i phyir de dang por bstan pas na'o/ /lha thams cad ni seng ge dang 'phrog byed dang dbyig gi snying po la sogs pa'o/ /gnod sbyin thams cad ni zas su mdangs za ba la sogs pa'o/ /thams cad kyi skye gnas shes pa ni ma rungs
- 192a
pa'i mi rnams so/ /las kyi dang po lha rnams ni srog gcod pa la sogs pas gdung bar byed pa'o/ /bsad pa ni sgrub pa pos de sred pa dang bral bar byed pa ste/ de rnams kyi nang na gnas pa'i ma rungs pa la mthu 'di gsungs pa'o/ /yang 'tsho bar byed pa'i nus pa dang ldan par rig par bya'o/ /gzhan du na yang snying rje can la nus pa med par thal ba'i phyir ro/ /da ni sems dang mi ldan pa'i yang nus pa ston te/ sprin thams cad ces bya ba la sogs pa gsungs so// 'dar ba ni skag par byed g.yo bar byed/ dum bu dum bur byed ces pa'i don to/ /char 'bebs par byed do zhes pa ni char 'bebs pa ste/ char 'bebs pa ni sprin las char 'bebs par byed pa'o/ /lhag ma ni go sla'o/ /chu bo zhes pa ni rgyun drag pa dang ldan pa'o/ /'dis ce zhes pa la dbang po zlog par byed do zhes gsungs te/ dbang po ni rigs las gcig gi tshig go /bdag po byed pas na dbang po ste sems bcas dang sems med kyi bdag po bya ba ma yin par byed pa dag go zhes pa'i don to/ /g.yo bar byed ces pa ni rol bar byed pa'o/ /shing zhes bya ba la sogs pas ni sems med pa yang sems dang bcas pa bzhin du byed do zhes pa'i don to/ /sngags thams cad ces pa ni sngags kyi nus pa zhugs pas yang 'phrog par byed do zhes pa'i don to/ /'dis ni dag 'phrog pa bstan pa yin no/ /dngos grub thams cad ni bcud len la sogs pa'i dngos grub thams cad de/ grub pa'i rdzas la sogs pa 'phrog par byed do zhes pa'i don to/ /zas 'dod pa dgug par byed do zhes pa ni yid la 'dod pa gzhan las len pa'o/ /slar gtong ba byed pa zhes pa ni sngags la sogs pa'o/ /lus su gtogs pa'i sngags kyi mthu ni gzugs zhes bya ba la sogs pa gsungs te/ 'dis phyag dang zhal mang po la sogs pa nyid bstan pa yin no/ /'dod na zhes pa
- 192b
ni rnal 'byor pa 'dod na mthong zhing mi 'dod na mi mthong ste mi snang ba grub pa ste gzugs sbed pa'i nus pa dang ldan pa'o/ /yang na gang gis rnal 'byor pa'i gzugs blta ba la sogs pa mthong ste/ de nas de'i bsam pa shes nas de la ston pa ni ci 'dod ston pa'o/ /khang bzang zhes bya ba la sogs pa legs par brtsigs pa yang 'joms par ston pa'o/ /sogs kyis sgras rdo rje dang brag gi ri yang bstan to/ /legs par brtsigs pa yang 'joms pa'i nus pa can no/ /dug ces bya ba la sogs pa ni dngos po'i rang gi ngo bo nyid gzhan du byed pa'i nus pa dang ldan pa'o/ /zla ba ni chang ste de chur byed par ro/ /thams cad ces bya ba la sogs pas chang la sogs pa'i dri 'phrog par bstan to/ /thabs 'dis gdul bya de dang de la mthu so sor bsgrubs pa nyid du bstan pa yin no/ /rnam pa gzhan du bshad pa yang yod da klu thams cad ces pa ni nyon mongs pa thams cad do/ /thams cad kyi rol pas ni yul gzugs la sogs pa la lha thams cad ces bya'o/ /thams cad du rgyal bar byed pas na gnod sbyin thams cad de/ nges pa'i tshig gis dza las yar byas pa'o/ /de yang dbang po thams cad do/ /skye ba'i gnas te skye ba'i rgyu ni skye gnas thams cad do/ /dngos grub thams cad kyi las dran pa tsam ni bsam pa'o/ /gsod pa ni rnam par dag par byed pa'o/ /sprin ni mkha' 'gro ma rnams kyi rtsa'i mtshams so/ /'thar bar byed pa ni zhu bar byed pa'o/ /char 'babs pa ni byang chub kyi sems 'bebs pa'o/ /zlog par byed pa ni de rnams brtan par byed pa'o/ /rgya mtsho ni sdig pa'o/ /chu bo ni sa bon te gyen du zlog par byed pa'o/ /dbang po ni sems so/ /thams cad kyi bdag byed pa na brtan par byed pa'o/ /gsang sngags 'di bzlas brjod 'bum byas pa ni sngags 'di zhes pa ni drug pa phyi ba'o/ /mtshon par byas pa na 'bum ste dpal he ru ka'o/ /dang por a tsa'i rkyen byas pa'o/ /de'i bzlas pa ni
- 193a
yid kyis bya ste/ bsgom zhes pa'i don to/ /'di thams cad ni sngags bzlas pa dang dpal he ru ka bsgom zhes dgongs pa'o/ /dkyil 'khor bri ba'i dus su sa blang ba ni sa gzhi g.yo bar byed pa'o/ /shing ni rnam pa lnga'i rnal 'byor ro// de la zhon nas gang 'dod pa'i gang thob par 'dod pa de rnyed pa'o/ /'di 'dod pa dpal he ru ka nyid do zhes dgongs te/ oM la sogs pa sgrub thabs las gsungs pa'i cho gas nA da la sogs pa la thig le la sogs pa zhugs te/ rang bzhin med par byas pa ni thams cad ces bya ba la sogs pas bstan to/ /yang thams cad ces bya ba la sogs pa ni nA da la sogs pa zhugs pa grub nas nA da la sogs pa'i phyir byung ste thams cad grub pa nye bar spyod pa'o/ /'dod na zhes bya ba la sogs pas ni spro ba la sogs pa'o/ /gzugs zhes bya ba la sogs pa ni/ oM ka ra ka ra la sogs pa'i sngags kyi cha'o/ /'dod na zhes pa la sogs pa ni smon lam mo/ /mi 'dod na zhes bya ba ni mngon par zhen pa med pa'i phyir ro/ /'dir khang bzang zhes pa tshe yang la bzang bas na khang bzangs ni lus so/ /shing ni zhu bar gyur pas na'o/ /lung dang bstan pas rtag tu ka'i rkyen byas pa'o/ /shing nyid ni zhu ba ste tshor ba'o/ /rtse mo ni sems so/ /sogs kyi sgras ni chos so/ /phye mar byed pa zhes pa ni shes rab kyi mtshon gyis 'byed pa'o/ /'dis dran pa nye bar gzhag pa brjod pas stong pa nyid bstan pa yin no/ /dug ni yul lo/ /bdud rtsi ni bdud rtsi lta bur ro/ /dman pa'i yul ni bdud rtsi ste/ bsten pas bdud rtsir byed pa'o/ /de yi sems kyi rnam thar ni/ mar me lta bu mya ngan 'das zhes bya'o/ /mya ngan las 'das pa ni dug lta bu ste bsten par bya ba ma yin pa nyid kyi phyir ro/ /gzugs la sogs pa spangs nas longs spyod de zhes dgongs so/ /zla ba zhes pa ni u dang ma gnyis sa dang lhan cig tu gnas byas
- 193b
pa ni zla ba ste/ oM mo/ u yang yin la a yang yin pas u dang ma'o/ /lugs las bzlog nas sbyar ba'o/ /zla phyed dang nA da ni man ngag gis so/ /chu ni pa ste chu nyid yin pa'i phyir ro/ /byed do zhes pa ni chu yang lan gnyis su sbyar ro/ /zla ba zhes pa ni snga ma bzhin no/ /de ma 'di'i sngags ni oM ba pa oM zhes bya ste chu'i dkyil 'khor la kun da dang zla ba lta bu'i dkar ba'o/ /yi ge bzhi phyogs bzhir byas la gos gtsang mas brgyan pa bsgrub bya de yang de'i dbus su bsams pa mdun du sngags kyi yi ge de rnams las bdud rtsi'i thigs pa 'dzag cing de la 'bab par dmigs la bzlas pa bya des ci zhes pa la thams cad ces bya ba la sogs te/ dri ni nad dang dug la sogs pa'o/ /lhag ma ni go sla'o/ /nam mkha' lding gi gdong ni gdong dang sgo dang thabs shes pa ni rnam grangs so/ /gdong dag na 'gro ba'i thabs dag ste gshog pa gnyis lta bu bya khyung ltar bya khyung gi gdong ngo/ /yang na gdong zhes pa ni gsum pa phyi ba'o/ /bya khyung ni bya khyung lta bu ste/ dpung pa gnyis gshog pa lta bur spyod pas na'o/ /'gro ba ni 'gro ba'o/ /'byin pa ni skyed par byed pa'o/ /zhes pas 'gro ba la sbyin par byed pa ni rnal 'byor ba'o/ /zla ba dag thabs dang shes rab las byung ba'i byang chub kyi sems dag 'dus pa mnyam par spyod pa'o/ /gang bud med me tog dang ldan pa rnams la ming rnam par dbye ba la mkhas pas so/ /mchog ni thun mong ma yin pa'o/ /des de'i byang chub kyi sems khas blangs la bya khyung bzhin du gshog pa gnyis bskyod cing shes rab kyi khang? pa lhag na rang gis gdung bar bya'o/ /de yang rkang pa brgyad pa'i sngags 'bum brjod nas mnyam par bsgrub pa'o/ /de la yod pa ni gnas pa'o/ /dpal ni longs spyod kyis rgyas pa yin te/ de yang lha'i bu la sogs pa'i bgegs kyis gzhom par mi nus so zhes pa'i don te/ de man
- 194a
ngag ni 'di yin te/ ku ta yo d+ha ni sbyor bas mu ni mu khu te zhes drang pa ste/ mu lus mu khu ta'o/ /kha ni rtsa ba'o/ /des gdong ni gnyis su med pa'i ye shes rnam par dag pa'o/ /ga ni byang phyogs su rgyu la sogs pa stong pa nyid rnam par dag pa'o/ /ru ni nub phyogs su smin pa las grol ba rnam par dag pa'o/ /Da ni lho phyogs na gang du yang mi gnas pa rnam par dag pa'o/ /bsdus pa bya khyung gi gdong ngo/ /'di gang la yod pa de ni bya khyung gi gdong ste/ dpal he ru ka'o/ /zhi ba'i 'dus pa gang yin pa la mnyam par spyod pa gang yin pa de ni bya khyung gi mgo zhes kun la sbyar ro/ /ji lta bur gyur pa las shes pa las 'gro ba 'byin par byed pa zhes gsungs te/ 'gro ba ni shes rab dang thabs kyi ye shes so/ /de 'byin pa ni de skyed par byed pa'o/ /gang las shes pa la lha mo zhes bya ba gsungs te/ rnal 'byor ma rnams so/ /sa ni zla phyed de bdud rtsi'i sa bon nyid kyi phyir ro/ /de nas u'o de nas dum bu'i ming ni thig le brjod pa'o/ /a ni 'og gi logs kyi rkang pa brjod pa'o/ /zla bas yang dag par 'gro ni zla ba'i 'dus pa ste ha'o/ /bsdus pa hUM ngo/ /nA da'i gdams ngag las so/ /de la mnyam par spyod pa ni shes pa ste/ ji srid du bsgom par bya zhes pa'i don to/ /ma'i sgra'i lugs ni bu pa ti ga'i dbyings las sbyin ni gnas ji lta bar lha mo rnams dgod pa la mi zhes bya ba ste/ a tse la sogs pa'i rkyen byin pas so/ /mchog ni 'dren pa po nyid kyi phyir ro/ /hUM las skyes pa'i rdo rje'i lte ba la gnas pa'i hUM las skyes pa'i dpal he ru ka 'byin par byed do zhes bsdus pa'i don to/ /de la yang yod pa'i dpal ni rdo rje phag mo'o/ /go cha'i nang du sus kyang gzhom par mi nus so/ /yan lag go cha tsam yang mi thob pa'o/ /de ltar sngar bstan pa'i cho ga dang yang dag pa ldan pa'i ji lta
- 194b
ba yin pa de de bzhin du dngos grub thams cad kyi 'bras bu'i skal ba dang ldan par 'gyur ro/ /dran pa tsam gyis zhes bya ba la sogs pa ni mi dang byol song dang dmyal bar gtogs pa la nus pa'o/ /me ni ra'o/ /me'i dkyil 'khor las gru gsum pa rnam par bsgoms la rlung gi dkyil 'khor gyis bskul bas glo bur du me skyed par byed pa yin te/ sngags kyi nus pa bsam gyis mi khyab pa'i phyir ro/ /sa 'og 'joms par byed do zhes pa ni sa 'og na gnas pa'i lto 'phye'i tshogs te sa 'og 'joms par byed ces bya'o/ /des cung zad mi nus zhes pa ni sma phab zhes pa'i don nam 'jigs par byas pa'o/ /thob kyang 'bebs par byed do zhes pa la/ kyang gis ni mtshon cha'i bye brag gzhan yang ngo/ /thog ni ston mo ste sgra'i dbyings las bstan pa'i sgra 'dod na gnas kyang 'bebs so zhes pa ni don gzhan no/ /glog ces pa ni las kyi sgra la dang po'o/ /sprin med par yang glog bskyed pa'o/ /glog ni shin tu mdzes shing gsal bar byed de/ dran pa tsam mam bsams pa tsam gyis de bskyed pa'o/ /glog ni nor 'dzin te de dran pa ni hUM las bskyed par bya'o/ /zhes pa'i don gzhan no/ /lhag ma ni go sla'o/ /gang zhig grub pa'i ming nas gzung ste zhes pa ni gang gi ming gzung ba tsam gyi don gyis sngags la sogs pa grub par 'gyur ro/ /gang gis shin tu yang sngags la sogs pa grub pa yin zhes pa'i don to/ /ming gzung bas sngags grub po zhes bsdus pa'i don to/ /shin tu mu stegs pa sngags grub pa'i nus pa can yang lan cig bzlas pas 'chi'o/ /'dod pa'i khams la sogs pa bzhi la longs spyod pa'i skye bo'o/ /yang nas gzhi rnams las rgyas par sprul lo zhes pa'i don to/ /de'i phyir 'dod na zhes bya ba la sogs pa gsungs te/ nges pa la sogs med par grub ces bstan pa'i phyir/ 'di yang ni zhes bya ba la sogs pa
- 195a
gsungs so/ /'di la ni rkang pa brgyad rtsa ba'i sngags so/ /des ci 'dod pa'i las byed do zhes sbyar ro/ /brtul zhugs ni brtul zhugs chen po la sogs pa'o/ /spyod pa ni sdig spangs kyi spyod pa la sogs pa'i gzugs so/ /smyung pa ni zhag gcig tu zas mi za bar gnas pa'o/ /de nyid kyi phyir bklags pa tsam gyis 'grub ces pa'i don to/ /rtog pa ni bstan bcos te/ de las gsungs pa'i nye bar spyod pa'i cho ga ste/ ji ltar 'dod par gnas pa'o/ /da ni lhan cig byed pa'i sman dang sngags kyi nus pa ston te/ gal te zhes bya ba la sogs pa gsungs so/ /sa tog la che ge mo'i mgo bo bza' o zhes zer zhing chang na ma rungs pas sngags lan cig brjod pas sems can bye ba gsod par 'gyur ro/ /khro ba med cing sems zhi bar bya ste mgo tsha zhing dkris par dmigs la bzlas na slar 'tsho bar 'gyur slar gso ba'o/ /gang 'dis srog thob pa ni 'tsho ba ste de byas pa ni srog 'tsho ba'o/ /A ri stya'i lho phyogs su gtogs pa'i yal ga tsaN+Da li la sogs pa'i sta res bcad pa blangs la nag po'i phyogs kyi bcu bzhi'i nub mo dur khrod du mel bsregs te/ de'i lo ma khu bas bsang la sol ba dang thal ba bsdu bar bya'o/ /yang na dur khrod ces pa'i dur khrod du gtogs pa'i thal ba'o/ /gsum pa phyi ba'o/ /sol ba zhes pa 'di gza' mig gi dus su thal ba cho ga 'dis blang ngo zhes pa ni bsdus pa'i don to/ /sngags 'bum bzlas pa'i rjes su zhes pa a ti muk+ta'i yal ga'i khri la 'dug ste bu mos bkal ba'i skud pa gsum sgril du byas nas yung bas kha bsgyur te/ nub phyogs su gtogs pa'i yal ga la yang dag par bcings gcer bur skra grol la/ zla ba gzas zin nas ma grol gyi bar du lag pa g.yon pas gzung ste rgyun mi 'chad par bzlas par bya'o/ /de nas de blangs la rtse mos 'ong zhing rtsa bas ni rang gi gnas su phyir 'gro'o/ /lan cig brjod
- 195b
nas zhes pa ni ngo bo nyid lak+ta'i rkyen ni sbyor ba'o/ /rengs pa zhes pa ni ser por bsgom pa'o/ /lhag ma ni go sla'o/ /bdag med pa dang rjes su 'brel pa nyid bsgom par bya ba nyid yin par ston te/ mi shes zhes bya ba la sogs pa gsungs so/ /sh+rI ni gnyis med ye shes te zhes bya ba la sogs pa'i ye shes ni dpal he ru ka'i ye shes so/ /dngos grub ces pa ni gnyis pa'i don gyi dang po'o/ /pa ni shin tu'i don ta/ /mngon par 'dod pa'i khyad par can gyi dngos grub 'dod ces pa'i don to/ /rmongs pas 'ub ma brdungs dang mtshungs zhes pa ni snying po med pa nyid brdung ba'o/ /gang gi phyir snying po brdungs pas snying po med pa yongs su spangs te/ snying po la nye bar gnas pa'o/ /'di nyid kyis snying po med pa gzung bas de la dngos grub med do zhes par dgongs te/ bdag med pa'i sngags med pas dngos grub mi 'grub po zhes bstan pa'i phyir gsang sngags 'di ni med pa ru zhes bya ba la sogs pa gsungs te rtsa ba'i sngags kyis so/ /de'i phyir thun mong ma yin pa'i sngags kyi ngo bo nyid la brjod do/ /dngos grub ni dngos su 'grub par 'gyur ba ste/ yang dag par rdzogs pa'i byang chub po/ /bde ba ni 'jig rten las 'das pa'i bde ba'o/ /mi yis ni de'i tshul la gnas pas kyang ngo/ /thabs dang shes rab gnyis su med pa'i rnal 'byor med par mi 'grub po zhes bstan pa'i phyir ro/ /gsang sngags 'di ni mi shes par zhes bya ba la sogs pa gsungs so/ /sngags ni thabs dang shes rab kyi rnal 'byor ro/ /log pa yongs su ngal pa'i bsgom pa la sogs pa 'di'i mtshan nyid ni de de bzhin du gnas pa'o/ /gsang sngags 'di ni spyod par 'dod ces pa ni/ 'dod pa'i yon tan lnga la longs spyod pas bsgrub pa'o/ /nyid kyi phyir brtul zhugs med ces bya ba la sogs pa gsungs so/ /sngags de gang zhes pa la bde bar gshegs pas gsungs so/ /bde bar gshegs pas sngags
- 196a
pa ni nges par bstan pa'o/ /de lta bu de shes nas sngags dang phyag rgyas te/ sngags las skyes pa'i lha sgrub pa'i yi ge yin no/ /bza' dang zhes pa ni ba la la sogs pa la bza' bar byas pa na bza' ba'o/ /btung pa ni myos par byed pa steng chang gi btung ba dang ldan pa'o/ /sogs kyi sgras ni bldag pa dang bzhi ba pa la sogs pa'o/ tsA ru ni lhag ma'o/ ston mo ni bza' ba'o/ /ston mo de la longs spyod pa ni sgra dang ro dang sogs kyis sbras te/ nges gzugs dang dri dang reg bya gzung ba'o/ /des sgrub pa po bdag nyid la mchod pa thams cad 'grub po/ /gang gis dngos grub thams cad du gyur pa de ni de bzhin no/ /de yis ji ltar 'dod bzhin du gnas te/ yul la nye bar longs spyod pas rgyas shing bdag med pa'i ye shes kyis brgyan pa'o/ /rtsa ba'i sngags kyi las kyi cho ga mngon par brjod par byed pa ni le'u dgu pa'o/ /zhes bya ba ni dpal 'khor lo sdom pa'i dka' 'grel las le'u dgu pa'o// //gal te sku gsum gyi bdag nyid dpal he ru ka yin na sku gsum nyid ji lta bu zhes pa rang nyid kyis dri ba byas pa la de nas kyi sgras bstan pas de'i don ni 'on kyang sku gsum nyid ji ltar zhes pa la/ sku gsum po nyid bshad par bya zhes pa'i lan no/ /ji lta bur gyur zhes pa la/ he ru ka dpal gnyis med sbyor zhes bya ba gsungs te/ dpal he ru ka gnyis su med par the tshom med par sbyor ba gang yin pa de ni de bzhin te sku gsum mo/ /dang po'i mdza' la ta shi la'i rkyen sbyin pa'o/ /sku gsum po khyad par can byas pas sku gsum po 'di nyid 'dir bsgrub bya yin par bstan pa'o/ /gang gis zhes bya ba la sogs pa shes tsam gyis ni rtogs pa tsam ste mngon du bya zhes pa'i don to/ /ce gyi spras ni nye bar gzung ba'o/ /sgrub pa ni grub par 'gyur te chos kyi sku la sogs pa rnal 'byor pas mngon par 'dod pa'i don to/ /zhes pa ni 'di grub pa'am 'di mi 'grub pa'am
- 196b
zhes pa'i the tshom med pa'o/ /chos kyi sku'i sgrub pa'i thabs ni chos zhes bya ba la sogs pa gsungs te/ chos kyang yin la sku yang yin pas na chos kyi sku'o/ /lus gang yin pa de ni de bzhin du rgyal ba'o/ /de sgrub pa ni gang gis de rdzogs par byed pa yin no// grub pa de yi tshe ye shes ni bdag gis bshad pa'o/ /ye shes chos kyi sku gcig dang du ma dang bral ba de bzhin gshegs pa'i spyod yul ngo bo nyid kyis dag pa 'ong gsal ba bye brag tu nges par byas pa'o/ /de yang rgyal ba'i rang bzhin chos kyi sku bsdus pa'o/ /de ltar yang/ gang yang gcig dang du ma'i rang bzhin phun sum tshogs pa chen po'i gzhir gyur pa/ dngos dang dngos med ma yin nam mkha' lta bur ro mnyam rtogs par dka' ba'i rang bzhin can/ gos pa med cing zhi bar 'gyur ba med pa mi mnyam dang mnyam khyab pa'i spros pa med/ /dpe med rgyal ba rnams kyi chos kyi sku la so sor rang gis rig pas bdag phyag 'tshal zhes gsungs so/ /longs spyod ni longs spyod rdzogs pa zhes gsungs te/ mtshan dang dpe byad la sogs pa mdzes pa'i skus gang gi tshe chos ston par byed pa de'i tshe longs spyod rdzogs pa'i sku byang chub sems dpa' rnams kyi spyod yul longs spyod ces pa ni rgyun gyis rtag pa'o/ /sangs rgyas dang byang chub sems dpa' la yang dag par grub cing longs spyod pa ste bdag nyid la yod par byed ces pa de ni de bzhin no/ /de ltar yang 'jig rten las 'das bsam gyis mi khyab legs spyad bden pa'i 'bras bu bdag nyid rnam rgyas gang/ /'khor rnams dag gi dbus su blo chen rnams kyi dga' ba'i rgyu ru sna tshogs gzung bar mdzad/ /sangs rgyas rnams kyis 'jig rten kun la spros pa mngon par dga' ba'i dam chos rgya chen gsung/ /longs spyod rdzogs sku chos kyi rgyal po chen po 'dir ni bzhugs pa de la bdag phyag 'tshal/ zhes gsungs so/ /sprul pa ni sprul pa'i sku'i zhes bya ba la sogs pa gsungs so/ /sems can thams cad la
- 197a
thun mong gi rigs kyis rtag pa'i sprul pa'i sku'o/ /de ltar yang/ phyogs bcu'i sems can rnams ni smin pa'i rgyur gyur ba la me bzhin snang gsal byed pa gang/ /yang dag byang chub dang ni chos kyi 'khor lo kha cig tu yang zhi dang mthong ba ste/ /gcig gi rnam par 'jug pa med cing srid gsum 'jigs pa sel mdzad sna tshogs gzugs kyi thabs/ /phyogs bcu kun tu gshegs pa'i sprul sku thub pa chen po don de la yang phyag 'tshal lo/ /zhes gsungs so/ /sku gsum nyid ?? bya yin par grub po/ /des ci brjod ces pa la ye shes zhes bya ba la sogs pa gsungs so/ /dpal he ru ka rang gi bdag nyid ni dpal he ru ka rang nyid de thob par 'gyur zhes sbyar ro/ /de ci zhes pa la ye shes longs spyod rdzogs sprul te zhes bya ba gsung te/ ye shes ni chos kyi sku ste/ sgra'i bsdu ba la gcig gi tshig go /ste ni thob par bya ba rdzogs pa'o/ /yang ji ltar gyur pa la zhes pa la/ bdag nyid ces gsungs te/ bdag nyid kyis 'chang ba ni de'i rgyu nyid kyi phyir bde ba yang de bzhin du brjod de bde ba'i ngo bo nyid ces pa'i don to/ /'grub par 'gyur zhes pa ni rnal 'byor pa sku gsum grub po zhes nye bar bsdu ba'o/ /de ltar gyur pa de dpal he ru ka gang yin pa'i sngags de yang de lta bur gyur pa ni/ 'di zhes bya ba la sogs pa gsungs te/ yi ge nyi shu rtsa gnyis pa ni snying po sngags te/ 'di'i dgos pa yang snying po'o/ /ji ltar mar ni tshe yin zhes pa lta bu'o/ /de ji lta bur yod pa bshad par bya zhes bya ba la gsang ba'i sgrub pa po zhes gsungs so/ /sems la sogs pa'i rang bzhin sku gsum gyi gsang ba rnam par 'byor pas grub pa ni nges par rdzogs par byed pa zhes pa de ni de bzhin no/ /khyed kyang de bzhin du gyur pas nyon cig pa'o/ /'phags par gyur zhes pa ni steng du 'gro ba'o/ /'gro ba dang 'ong bar 'gyur zhes pa ni dpag tshad bye ba nyid du skad cig tsam gyis 'gro zhing 'ong zhes
- 197b
dgongs so/ /des ni yid mgyogs kyi rdzu 'phrul bstan to/ /khang bzang sa dang ni zhes pa ni gnyis pa'i tshig phyi ba yin no/ /sa zhes pa ni mtho ris la sogs pa'i gnas gsum mo/ /dpag tshad bye ba zhes pa ni gnyis pa phyi ba'o/ /mkha' 'gro ma zhes bya ba ni dga' ba ston pa yin no/ /de kho na bzhin du nam mkha' la 'gro zhing slar 'ong ba'o/ /lhag ma ni go sla'o/ /gzugs shes bya ba la sogs pa le'u dgu par mdor bstan pa 'dir rgyas pa ston te/ 'dod na byis pa dang zhes bya ba la sogs pa gsungs so/ /gang la 'tsho ba yod pas sems gzhon nur gyur pas na bus pa ste skyes pa'o/ /de yis kyang che long bsgyur pa'i nus pa dang ldan pa'o/ /'dod na glang po dang zhes bya ba la sogs pa ni phyugs gzugs 'dzin par bstan pa'o/ /'dod na rma bya dang zhes bya ba la sogs pas ni bya'i gzugs 'dzin pa'o/ /'dis ni dur khrod du gtogs pa'i nus pa dang ldan par brjod do/ /gang zhes bya ba la sogs pas ni thun mong gi gzugs 'dzin pa nyid do/ /lhag ma ni go sla'o/ /gnod par byed ces pa ni 'dod chags la sogs pa gnod par byed pa'o/ /de'i phyir 'am gyi sgras ni ma brjod pa yang dag par bsdu ba ste/ gang gis sku gsum grub pa'o/ /snying po'i sngags kyi las kyi cho ga de dang rjod par byed pa ni le'u bcu pa'o/ /zhes bya bas ni dpal 'khor lo sdom pa las le'u bcu pa'i dka' 'grel lo// //da ni skye ba bdun pa'i lhan cig skyes pa'i rkyen gyis snying po'i sngags de'i mthu ni/ de nas zhes bya ba la sogs pa gsungs te/ de nas zhes pa ni bsdu ba ste/ gang yang rung ba la snying pos skye ba bdun pa'i sbyor ba bshad par bya'o/ /yang ni snying po dang sman gyi sbyor ba'o/ /gang zhig ces pa ni gsol ba 'debs pa'i rtog pa'i rjes la'o/ /rjes la zhes pa ni rjes kyi sgra'o/ /ji lta bu sbyor ba zhes pa la sgrub pa pos zhes bya ba la sogs pa gsungs te/ sbyor ba gang gis dngos grub
- 198a
thob par 'gyur ba de bshad do zhes par sbyar ro/ /bsnams pa tsam gyis zhes pa ni bsnams pas bsten pa tsam ste myur du skye ba bdun pa yongs su shes pa 'grub par 'gyur ro/ /re zhig mdor bsdu de'i ye shes grub ces dgongs so/ /skyes bu gang zhig ces pa ni skyes pa'i gzugs kyi bsod nams kyi phung po yin zhes dgongs so/ /dri zhim pa nyid ni gla rtsi la sogs pa'i dri zhim po 'di la'o/ /de'i dri zhim pa ni rdul dri zhim pa'o/ /lhag ma ni go sla'o/ /bden par smra ba dang yun ring por mig mi 'dzums pa dang khro ba med pa gang yin pa de ni shes par bya'o/ /dbugs dri zhim par rang ro 'byung zhes pa ni dbugs dri zhim par 'byung ba la ma ning gi rtags bstan to/ /gang la dbugs dri zhim pa 'byung bar 'gyur ba de skye ba bdun pa'i mir skyes pa yin no/ /skye ba bdun pa'i rigs gcig bu mir skyes pa ni mi'i gtso bo zhes pa'i don nam/ yang na mi rung skyes pa zhes pa'i don to/ /dri zhim po'i rtags kyi dgongs pa ni/ de zhes pa la sogs pa gsungs so/ /de bsnams pa ni bsnams pa'o/ /shes pa zhes pa ni shes par bya ba'o/ /ci de zhes pa la de'i zhes bya ba la sogs pa gsungs te/ gang gi phyir dri zhim po ni ro tsa na'i 'bras bu yin pa'i phyir de rjes su dpag par bya'o/ /de la de ni gzhan las skyes pa ma yin pa'i phyir ro/ /de zhes bya ba la sogs pa ni ro tsa na'i dgos pa ston te/ 'bum bzlas pa'i rjes su bya ba'o/ /dpag tshad bye bar 'gro zhes bya ba ni dpag tshad bye ba ni tshad yongs su bcad pa ste/ lam nas steng du 'gro zhes pa'i don to/ /bye ba lnga bcur zhes pa ni dpag tshad do/ /lha rdzas kyi lus ngag yin pa de ni lha rdzas kyi lus te snying po'o/ /gang dang gang 'dod pa'i sgrub pa po de la de dang de ster ba'i skye ba bdun pa'i mtshan nyid kyi cho ga de rjod par byed pa da ni le'u bcu gcig pa'o//
- 198b
zhes pa ni dpal 'khor lo sdom pa'i le'u bcu gcig pa'i dka' 'grel lo// //de nas zhes bya ba la sogs pa la de nas zhes pa ni snying po'i las tshogs kyi cho ga ldan pa'i rjes su'o/ /lhag ma ni go sla'o/ /Tapha hUM huM ha ha:h+rAM oM zhes bya'o// oM h+rE:hA ha hUM hUM phaT/ sngags 'di ni go rims su bya ba'o/ /'di ni snying po'i yang nye ba'i snying po zhes pa ni nye ba'i sgra ni dman pa'i don to/ /snying po'i sngags las yi ge dman pa nyid yin gyi nus pa dman pa yin pa 'am yang na nye ba'i don to/ /'di zhes pa ni nye ba'i snying po'i bzlas pa ste/ de yang yi ge'i grangs ni 'bum bzlas pa'o/ /lha zhes bya ba la sogs pas ni 'gugs pa'i nus pa dang ldan par brjod do/ /rgya mtsho dang chu bo dang rdzing bu rengs pa zhes pa ni chu rengs par byed pa'o/ /gnas der zhes pa ni gang du 'bum phrag bdun gyi sngags bzlas pas bka' nyan byed par 'gyur zhing bgegs mi nus so zhes dgongs so/ /'di yang bzlas pa tsam du rtogs pa'i nus pa'o/ /'di zhes pa ni yi ge bdun sngags kyi rig pas so/ /chu zhes pa ni chu dang sman lhan cig tu byed pa'i mthu'o/ /skye ba bdun zhes pa ni skye ba bdun dang 'das pa dang ma 'ongs pa yang ngo/ /mig la mngon par bsngags pa zhes pa ni chu ldog pa'i phyir ro/ /ri lu sgrub pa'i thabs kyi nus pa ston te/ dbang po zhes bya ba la sogs pa ston to/ /dbang po rkang mthil gyi lpags pa zhes pa ni mi de'i khrag dang bsnos shing bzhib bar bya'o/ /sbubs kyi nang du zhes pa ni de cil por bya'o zhes dgongs so/ /lig bu mig ni mig sman no/ /ldong ros dang/ gi'u wang dang/ gur kum zhes pa ni gnyis pa phyi ba'o/ /mig sman dang ldong ros la sogs pa khrag gis spags pa de sbubs kyi nang du bcug la grib pa la bskam par bya zhing lcags gsum gyis dkri bar byas la bsgrub par bya'o zhes pa ni bsdus pa'i don to/ /de yang zhes pa ni
- 199a
sngags 'bum phrag bdun du bzlas pa yang rnal 'byor pas so/ /lhag par gnas zhes pa ni dpal he ru ka'i dkyil 'khor gyi 'khor lo de la sbugs lcags gsum gyis dkris par bsgoms nas sngags brgya rtsa brgyad rgongs ka'i dus su bzla bar bya'o zhes pa ni lhag par gnas pa'o/ /skar ma rgyal zhes pa ni gzhan rgyu skar bzang po la sogs pa yang ngo/ /sgrub thabs ni dpal he ru ka zhes bya ba la sogs pa gsungs so/ /dpal he ru ka'i rnal 'byor pas dkyil 'khor gyi 'khor lo'i nang na yod pa'i ri lu de rang gir bcug ste/ ji ltar gsungs pa yang bzla bar bya'o/ /de nas ji lta ba bzhin du/ gser dang zla ba nyid 'byed rnams/ /rigs byed gsum bzhi tshad man cha/ /thub pa gsum mda' ra tis lhag /ri lu rim pas dkri bar bya/ /lcags gsum gyi ni nges pa'o/ /lhag ma ni go sla ba kho na'o/ /nye ba'i snying po gang yin pa 'di nyid gang gi snying po yin zhes pa la dpal he ru ka zhes bya ba sogs pa gsungs te/ dpal he ru ka zhes pa ni/ oM ka ra ka ra la sogs pa'o/ /'dis zhes pa la sogs pa ste/ mgo bo'i thod pa zhes pa'i sgra'i rkyen med pa'o/ /de yang thod pa nyid la rma med pa'o/ /sha med par byas la zhes pa ni sha med cing mgo la nyams pa med pa'o/ /de'i lus so/ /sha med kyang yin la lus kyang yin pas de ni de bzhin no/ /de lta bur gyur pa'i bsgrub bya'i lus su bya ste/ mnye bar bya'o/ /zhes pa ni yang dag par mnye ba'o/ /gang gis zhes pa la sdigs mdzub ces bya ba gsungs te/ g.yas pas te de'i rtse mos so/ /'di yang bsgom par blta bar bya'o/ /mi'i thod pa blangs pa rdo rje drag po'i rnal 'byor pas rang gi rna'i bu ga g.yas pa nas hUM brjod pa las skyes pa'i phyag na mtshon cha'i phyag mtshan can du skyes pa phyir phyung ste/ gang gi ming nas gzung ba'i rtsa lnga phug par byas nas de'i khrag
- 199b
gi thod pa gang bzhin par sdigs mdzub kyi rtse mos bsgoms na sngags de lan mang du bzlas pa des lus kyi nang thams cad kyi sha med pa'i khrag dgug par byed do zhes pa ni bsdus pa'i don to/ /slar log pa'i ni g.yon pas zhes bya ba la sogs pa gsungs te/ g.yon pa'i sdigs mdzub kyi rtse mos zhi ba'i sems kyis mnyes na de'i lus kyi nang gang zhing bsgrub byar lus rgyas par 'gyur ro/ /ci zhes pa la 'jug par 'gyur ro zhes gsungs te/ de nyid kyi khrag 'jug par 'gyur ba yin pa'i phyir ro/ /mngon par bsngags te zhes pa ni bsgrub bya'i mgo bo'i thod pa yin par bsams la khu tshur bsnun par bya'o/ /thod pa zhes pa ni bsgoms pa'am dngos su ste thod pa dgang ba'o/ /dngos su thod pa'i nang dgang ba yang ngo/ /sngags bzlas pa zhes pa ni bya ba'i khyad par ro/ /lhag ma ni go sla'o/ /mkha' 'gro ma thams cad 'ong zhes pa ni mkha' 'gro ma ni dang po'i mang po'i tshig phyi ba'o/ /gyo dum zhes pa ni gnyis pa'i sgra phyi ba'o/ /mkha' 'gro ma'i sbyor ba thams cad 'phrog ces phyogs dang phyogs mtshams su gyo dum nyed gtor ba'o// stan ni 'khrig pa spyod pa'i don du stan nam mal du gtogs par gnas pa na stan nam mal khri la gtogs pa de la bud med dam skyes bu bsdu ba'i don to/ /g.yul ngor zhes pa ni gyo dum gyi rjes su 'jug pa'o/ /snying po dang nye bas na nye ba'i snying po'i sngags so// 'di'i las kyi cho ga brjod par byed pa'i le'u ni bcu gnyis pa ste nye ba'i snying po'i las kyi cho ga'i le'u ste bcu gnyis pa'o/ /zhes bya ba ni dpal 'khor lo sdom pa'i le'u bcu gnyis pa'i dka' 'grel lo// //de nas zhes pa ni nye ba'i snying po'i sngags de'i las kyi cho ga bstan pa'i rjes su'o/ /go cha ni go cha'i sngags kyi las bshad pa'o/ /oM ha na ma(rgyud 'grel): hi swA hA hu bau ShaT he hUM hUM ho phaT haM ngo/ /go rim zhes pa ni bzlas pa dang sman la sogs pa'i nus pa'i rim pas so/ /de gang las zhes pa la 'jig rten gsum
- 200a
na zhes bya ba la sogs pa gsungs te/ de thams cad gang yin pa 'dod pa zhes pa ni yid kyi 'dod pa'o/ /go cha blo zhing lam du zhugs pa na de kun ma la sogs pas 'jigs par mi 'gyur ro zhes pa ni go cha la sogs pa 'di'i don to// rgyal rigs kyi pho brang ni rgyal po'i khab kyi nang du zhugs pa na de yang mi mthong pa'o/ /de'i phyir mi snang bar 'gyur te zhes pa la gang du mi snang zhes khyams su gnas pa zhes pa ste pho brang gi nang zhes pa'i don to/ /gang gi phyir 'di pha rol gyi mi gzhan rnams kyis zhib tu blta bar byed de/ /'dir yang mthong ba ni sngags kyi mthu'o/ /gang 'dod pa de blangs te 'gro bar 'gyur ro/ /zhes pa ni mdzod la sogs pa nas dngos po gang 'dod pa/ blangs te phyir 'byung ba ni mi mthong ngo zhes sbyar ro/ /'dir yang mang po zhib par blta ba nyid kyi phyir de mthong bar dka' bas rtogs mi nus pa ni sngags kyi mthu'o/ /lha rnams kyis kyang mi mthong ngo/ /zhes pa ni lha rnams kyi sha'i mig yin yang thogs pa med par mthon ste/ de rnams kyis kyang mi mthong ba ni sngags kyi nus pa'o/ /mdud bzhin zhes pa ni de ring du brkos nas btsugs pa lte bu ste mi g.yo ba'o/ /rang gi khrab ces pa ni rtogs sla'o/ /gang gi khyim du zhes pa ni khyim 'dir zhes pa'i don to/ /de la zhes go bar bya'o/ /rnal 'byor pa ni dang po'i mang po'i tshig phyi ba'o/ rnal 'byor ma nyid dang zhes pa dang po'i don las gnyis pa'o/ /dang ni rab tu dbye ba'o/ /nyid ni nges par gzung ba'o/ /sna tshogs pa'i gzugs nyid ni mkha' 'gro ma zhes bya ba la sogs pa gsungs te/ mkha' 'gro ma ni mkha' 'gro ma'i rigs su skyes pa'o/ lA ma zhes pa ni lA ma'i rigs su skyes pa'o/ /gzugs can ma ni gzugs can ma'i rigs su skyes pa'o/ /steng du rgyun 'gro ba zhes pa ni nges pa'i tshig gis sa phyis pa'o/ /chu'i phyin ci log tu 'bebs pa shin du mnan nas 'gro zhes pa'i don to/ /rnal
- 200b
'byor pas byang chub kyi sems nor bur brtan par bya ste/ steng du lhan cig skyes pa rgyu zhing dngos su 'gro zhes pa zhi ba rtogs so/ /shes pa ni don gzhan no/ /'dod pa'i yon tan lnga la longs spyod pa mdor bstan nas rgyas par bstan pa ni gang du 'dod pa zhes bya ba la sogs pa gsungs so/ /dbang po rnams ni mig la sogs pa'o/ /lam ni spyod yul nyid do/ /gang gsang gang gzugs la sogs pa de dang de thams cad sangs rgyas kyi rang bzhin ni rnam par snang mdzad la sogs pa'i rang bzhin du gyur pa ni nyams su myong ba yin pa'o/ /rang bzhin nyams su myong bar bya'o/ /ji ltar nyams su myong ba yin zhes pa la mchog tu phan pa'i sbyor ba yis zhes bya ba gsungs te/ mchog ni dpal he ru ka'o/ /phan pa ni byas pa'o/ /sbyor ba ni ting nge 'dzin to/ /gzugs ni rnam par snang mdzad do/ /sgra ni mi bskyod pa'o/ /dri ni rin chen 'byung ldan no/ ro ni snang ba mdza' yas so/ /reg bya ni don yod grub pa ste/ sangs rgyas thams cad kyi bdag nyid du grub bo zhes bya'o/ /'dod pa'i yon tan lnga la longs spyod pas sngags kyi bzlas par bya'o/ zhes dgongs so/ /shing yongs 'du zhes pa ni shing yongs 'du'i yal ga sogs pa'o/ /lha ma ni go sla'o/ /go cha'i sngags bye brag tu bshad pa ni sbyor ba ni go cha sngags kyi sbyor ba ste/ de nyid rjod par byed pa gang yin pa de yang yin la le'u yang yin pas de de bzhin no/ /bcu gsum ni le'u bcu gsum mo/ /zhes bya ba ni dpal 'khor lo sdom pa'i le'u bcu gsum pa'i dka' 'grel lo// //de nas zhes pa ni yang gi don de yang snying po'i'i sngags kyis sgrub thabs bshad do zhes bya bar sbyar ro/ /ci zhes pa la gang gis zhes bya ba la sogs pa gsungs te/ gang gis sgrub pa po 'grub par 'gyur ba de'i sgrub pa'i thabs zhes pa'i don to/ /don de ci'i zhes pa la yid kyi zhes bya ba la sogs pa gsungs te/ yid kyi shus ni yid kyi rgyal po ste de'i ldog pa grub pa'i phyir ro/ /ci zhes pa la bong
- 201a
bu'i rnam pa'i rnal 'byor gyis zhes pa'i don to/ /rnal 'byor ma zhes bya ba la sogs pas dkyil 'khor gyi lha ston te/ rnal 'byor ma zhes bya ba la 'khor lo gsum la gnas pa'o/ /'dod pa'i gzugs zhes pa ni bong bu'i gdong gi rnam pa phrag dang bcas pa nyid kyi phyir ro/ /de bas na bong bu'i rnam pa khrag gi gdong zhes gsungs te/ dang po'i mang po'i tshig phyi ba'i phyir ro/ /de bzhin du mkha' 'gro ma zhes pa ni mkha' 'gro ma ni kA kA sya la sogs pa'o/ /khwa gdong ma la sogs pa bzhi ma gtogs pa/ gzhan thams cad ni bong bu'i rnam par khyad par du gyur pa'o/ /rtse gsum lag na thogs zhes pa ni kha TwAM ga spangs pa'i gnas su rtse gsum bcad pa'o/ /yang lha sum cu rtsa drug rnal 'byor ma nyid kyi mdog ni sgrub pa'i thabs kyi rim pa nyid do/ /kha nas khrag 'dzag pa bong bu'i rnam pa dpal he ru ka'i rnal 'byor dang ldan pa rang nyid do/ /da ni 'di ston te/ bong bu'i kha nas khrag 'dzag nyid ces pa ni khyad par ro/ /lhag ma thams cad ni sgrub thabs nas gsungs pa bzhin no/ /rang gi tshe nyid ces pa ni sgrub pa zhes gsungs te/ snying po'i sngags 'bum phrag bdun gyi grangs bzlas pas grub nas de bya'o zhes dgongs so/ /de'i man ngag brjod par bya ste/ rten gyi dkyil 'khor rdul tshon gyis mngon par bris la/ de'i pad+ma 'dab ma brgyad pa'i dbus su yi ge lnga bcu yongs su gyur pa'i hUM bsgom mo/ /phyogs kyi 'dab ma bzhi la bcom ldan 'das dang bcom ldan 'das ma'i snying po dang nye ba'i snying po'o/ /mtshams kyi 'dab ma la khrag gis gang ba'i thod pa bzhi'o/ /rtsi bas nyi shu rtsa bzhi la/ oM khaN+Da kA pA li ni hUM hUM phaT zhes pa la sogs pa'i sngags nyi shu rtsa bzhi dang oM ka ra ka ra pra tsaN+De huM hUM phaT/ ces bya ba la sogs pa'i thod pa'i dum bu la sogs
- 201b
pa dang/ rab gtum mo la sogs pa la bsdoms te bzhi bcu rtsa brgyad kyi sngags yin no/ /rtsa ba'i thig le nang du khwa gdong ma la sogs pa brgyad do/ /de'i steng du sgo bzhi la/ sum b+ha ni'i sngags bzhi'o/ /ra ba'i nang du rtsa ba'i sngags so/ /ra ba'i phyogs dang sgo'i steng dang/ sgo khyud kyi mtshams rnams su go cha'i sngags gnyis so/ /khor yug la bcom ldan 'das ma'i snying po'o/ /phyi rol tu bu la sogs pa'i sa bon te/ sum gyi rnam pa la sogs pas bskor bar bsgom mo/ /'khor lo'i lte ba la 'bras sA lu'i khung ba'i rang bzhin las bong bu'i rnam pa'i gzugs brnyan byas te/ mar nag dang rgya skyegs kyi khu pas bskus la dngos su bzhag go /kha nas khrag 'dzag pa'i bong bu'i rnam pa'i dpal he ru ka'i rnal 'byor dang ldan pas mtshams bzhi ru mar me sbar la/ snying po'i sngags rtse gcig par gyur par bzlas shing gzugs brnyan la blta'o/ /de nas nang ji lta bar blta zhes bya ba la sogs pa gsungs so/ /de nyid ni tshe zad pa yang ces bya ba la sogs pa gsungs so/ /yang gis ni srid tshad do/ /'dir zhes pa ni nges pa'i don gyi sgra'o/ /'di nyid kyi cho ga byas na de zhes pa'i don to/ /bong bu zhes pa ni gal te nges par sngon du bong bur gyur pa yin na rnal 'byor pa de'i tshe bong bu'i bdag nyid du mthong ba'o/ /glang po sgra zhes pa ni i'i mdza' can no/ /gzhan gyi skye ba yang mthong bar bstan to/ /mthong ste zhes pa la sogs pa la gang yang mi la sogs pa'i sems can no/ /sgrub pa po zhes pa ni gsum pa'i don gyi drug pa'o/ /'dis skye ba bdun pa bde blag tu rnyed pa zhes pa la de ni zhes pa la sogs pa gsungs te/ gtor ma dang/ sbyin sreg dang/ bza' ba'o/ /bya ba ni byed pa'o/ /rnal 'byor pa des gtor ma dang sbyin sreg bya ba yin no/ /ci zhes pa la sgrub pa po'i ni grub par gyur zhes gsungs te/ gang yang skye ba bdun pa sgrub pa pos gong du bstan pa'i
- 202a
rim pas grub pa'o/ /rnal 'byor zhes pa'i sgra'i rkyen med pa'o/ /'di rnams bong bu'i rnal 'byor gyis zhes pa'i don to/ /sngags mchog dam pa zhes pa sngags mchog gi sbyor bas so/ /snying po'i sngags lhan cig tu byed pa'i phyir ro/ /sngags 'chang zhes bya ba'i gzhung la yang de nyid do/ /gtso bo ni mngon par 'dod pas sgrub pa'i phyir ro/ /mkha' 'gro ma ni rdo rje phag mo'o/ /de'i sbyor ba'i ni des sngon gyi skye ba mthong ba'i sgrub pa po de dang snyoms par zhugs so zhes dgongs so/ /rnal 'byor zhes bya ba ni go sla'o/ /gsang ba zhes pa ni rgyud 'di'i snying po ci zhes pa la snying po zhes gsungs te/ snying po'i sngags so/ /gang gi snying po zhes pa la sngags zhes gsungs te/ rig pa'i rgyal po de gang gis shes pa de nyid ni dpal he ru ka dang rig pa'i rgyal po gnyis dag dbyer med pa'i rnal 'byor pa'o/ /ye shes shes pa'i gzhung la yang ye shes tsam gyi rnal 'byor pas de shes pa ni snying po'o/ /'di ni mkha' 'gro dra ba'i sdom zhes pa ni dpal he ru ka'i rtags su la me bltos pa'o/ /de nyid la 'dir sbyor ba'i ting nge 'dzin la sems 'dis sbyor zhes dgongs so/ /'di rnams shes pa'i gzhung la ni 'di ni 'gro ba'i don gyi sgra'i dbyings so/ /'di rnams kyis 'thob pa'i mkha' 'gro ma'i dra ba'i sdom pa shes so zhes bshad do/ /dpal he ru kar 'dis byed pa ni dpal he ru ka'i rgyu'i cho ga'o/ /bong bu'i rnam pa'i rnal 'byor gyis dpal he ru kar byed pa'i cho ga ni sgrub thabs so/ /de rjod par byed pa'i le'u bcu bzhi pa ni bcu bzhi pa'o// zhes pa ni dpal he ru ka 'khor lo sdom pa'i le'u bcu bzhi pa'i dka' 'grel lo// //de nas zhes pa ni bsdu ba ste de'i phyir zhes pa ni rgyu ste snying po 'ba' zhig gang gis shes pa de des ni rnal 'byor pa ma yin te/ 'on kyang
- 202b
brda yang ste gang gi phyir rnal 'byor dang 'brel ba'i brda'i cho ga'o/ /ci'i don yin zhes pa la/ sdom pa thams cad la zhes gsungs te/ thams cad ni skyes bu rnams te/ nyan thos la sogs pa la sba bar bya ba ni sdom pa bsrung ba ste/ de'i don du zhes pa'i don to/ /de gang dang so sor 'brel pa gzung bar bya ba'i ngo bo nyid yin no zhes pa la/ de nyid kyis zhes gsungs te/ de zhes bya ba la sogs pa'o/ /DA zhes pa ni de bzhin gshegs pa dpag tu med pa'i brdar byas pa'o/ /DI zhes pa bud med de zhes pa de ni nam mkha' la 'gro ba'i skad kyi dbyings kyi sbyor bas/ de zhes pa ni de bas na de bzhin nyid kyi rjes su 'gro ba'o/ /DI zhes pa ni kwi ba'i rkyen gyis grub pa'o/ /DA ste thams cad du khyab pas na DA'i'o/ /pu zhes pa ni gnon yin zhes pa ni rengs par byed pa la pu'i sgra brdar byas pa ste/ DI ba la sogs pa dang 'dra'o/ /de ni snying po'i bye brag go /su zhes pa ni bza' ba nyid ces pa ni de nyid la 'dir brdar bya'o/ /nyid kyi sgras ni yang dag par bsdu ba nyid du nges par gzung ba'o/ /ma zhes bya ba ma du dran zhes pa ni ma nyid ces pa'i don to/ /yo zhes pa ni chur ma nyid ces bya ba ni khyad par can gyi chung ma nyid ces pa'i don to/ /b+hI zhes pa sring mor dran zhes bya ba ni don ji lta ba'o/ /ba'i zhes bya ba mdza' mor grags pa ni bcu pa'o/ /lu zhes bya ba ni bu mo zhes bya ba ni bdag nyid las skyes pa'o/ /b+h+rI zhes pa khrag tu zhes pa ni khrag go /so ni zla ba'i gtung ba yin zhes pa ni bdud rtsi'i btung ba'o/ /pe ni btung ba de bzhin no zhes pa ni btung bar bya ba zhu ba'i rdzas zhes pa'i don to/ /de bzhin gyi sgra phyogs cig la brdar byas pa nyid du bsgrub pa yin no/ /pha'i zhes pa ni sha 'a ma yang zhes pa ni sha nyid do/ /b+hA zhes pa ni bza' ba yin zhes pa ni bza' bar bya'o/ /b+hU zhes pa ni 'dus yin zhes pa ni rnal 'byor ma 'du ba'i gnas kyi bye brag go /ba'i zhes bya ba ni dur khrod yin zhes bya ba ni ro'i gnas so/ /hUM zhes ro du ma bcas pa'o zhes pa ni ro ste rnal 'byor ma dpag tu
- 203a
med pa gnas so/ /d+hI zhes rnal 'byor ma ru grags zhes pa ni ting nge 'dzin dang ldan pa dang don gnyis kyi phyir ro/ /ga ni lA ma de bzhin no zhes pa ni lA ma'i rigs las brdar byas pa'o/ /tri ni gzugs can ma nyid do zhes pa ni gzugs can ma'i rigs su gyur pa nyid la brdar byas pa'o/ /ku zhes mkha' 'gro ma de bzhin zhes pa ni mkha' 'gro ma'i rigs su skyes pa la de kho na nyid du brdar byas pa'o/ /dA zhes pa du ma skyes sam zhes du ma skyes kyi rigs su gang yin pa nyid do/ /hA'i sgra yang don gnyis so/ /dza zhes pa ni byin pa gnyis zhes pa ni byin pa gnyis te phyogs gcig la brdar byas pa'o/ /b+ha zhes pa ni gsod por smra zhes pa ni phyag 'tshal ba ste/ b+ha'i sgra yang don gnyis so/ /su zhes pa na legs 'ongs yin zhes bya ba ni legs par 'ongs zhes su'o/ /yi ge thams cad ni rkyen med la sogs pa'o/ /'dis kyang yi ge re re'i brda yin te zhes pa ni yi ge re re gang yin pa de ni de bzhin no/ /dpa' bo sring mo de shes par bya zhes pa ni dpa' bo ni rnal 'byor pa'o/ /sring mo ni rnal 'byor ma'o/ /bya'o ni nges par gzung ba'o/ /de ni brda'o/ /'di ni mang po la brdar byas pa nyid kyi phyir gsum pa'i don gyi dang po'o/ /brda dpa' bo dang rnal 'byor ma nyid mas shes par bya ste/ de yang tha snyad kyi yan lag gcig nyid kyi phyir ro/ /yang na brda'i yi ge nyi shu rtsa bzhi rnal 'byor ma nyi shu rtsa bzhi rnam par dag pa'o/ /yi ge'i brda ni yi ge gcig nyid kyi brda'o/ /de rnams ston pa'i cho ga ni yi ge'i brda'i cho ga'o/ /de rjod par byed pa'i le'u ni bco lnga pa ste bco lnga pa'o/ /zhes bya ba ni dpal 'khor lo sdom pa'i le'u bco lnga pa'i dka' 'grel lo// //de nas zhes pa ni yi ge'i brda bstan pa'i rjes su'o/ /gsang ba ni rnal 'byor ma rnams so/ /dngos grub chen po ni chen por des pa'i dngos grub po/ /gsang ba'i dngos grub chen po de rab tu bshad par bya
- 203b
ste/ rab tu byed pa'i bye brag gi bshad par bya'i zhes pa'i don to/ /ha'i sgra ni dag gi rgyan yin te zad pa med pa'i sgra ni don mang po la 'jug pa'i phyir ro/ /sgrub pa po zhes pa ni sgrub par byed pa'i rten bzhi pa'i don dang po'o/ /gsang ba'i sgras brjod pa'i rnal 'byor ma de gang zhes pa la thob 'gyur mchog ni zhes bya ba la sogs pa gsungs te/ mchog ni dam tshig dang mdog dang dri la sogs pa'o/ /gnas pa yang yun ring du nye bar gnas pa ste/ ji lta bur gyur pa zhes pa la yid 'ong ni sgrub pa po nye bar dgongs pa yin no/ /de yid 'ong nye bar 'khor bar byed pa ni rnal 'byor ma'i skye 'gro ste/ ji lta bur gyur pa rnams kyi don gang yin pa de de ltar zhes pas ston te/ gus pa zhes pa ni mchod pa rnams bsten pa'o/ /de nyid kyi phyir 'bad pas shes par bya ba ni dgongs pa'o/ /zhes dgongs so/ /dam tshig gi bshad pa'i rnam par dbye ba ni dgongs zhes bya ba la sogs pa gsungs te/ ni ni nges pa'i don to/ /des par bsgrub pa'i phyir dpa' bo dang zhes bya ba la sogs pa gsungs te/ dpa' bo dang gnyis su med pa la gzhan du rnal 'byor ma'i skye 'gro rnams gang gi kha dog la sogs pa shes na/ de'i dngos grub mngon du byed cing thob par 'gyur ba de rab tu bshad par bya'o zhes sbyar ro/ /phyi rol gyi rnal 'byor pas de lta bu shes na dngos grub ster ro zhes dgongs so/ / mtshan nyid ni pad+ma zhes pa la sogs pa gsungs te go sla'o/ /tsandan sar par rab tu grags pa ni gorshi Sha zhes pa'i don to/ /tsandan sar pa'i dri 'di la yod pas tsan dan sar pa'i dri'o/ /bde gshegs 'dus pa nyid la dga' ba nyid do/ /rigs ni rta mgrin no/ /de'i rigs gang yin pa de ni chang 'tshong ma'i rigs kyi rgyud do/ /de las byung ba ni sgra thung ba nyid kyi rigs las skye ba nyid do/ /dpa' bo ni nam mkha' i snying po'o/ /de'i rjes su 'gro ba ni 'khor lo'i go cha ma'o/ /de'i rigs las byung ba nyid kyi phyir de ni de bzhin no/ /he ru ka'i rjes su 'brang
- 204a
zhes pa ni shin tu dpa' mo'i rigs kyi rjes su 'gro pa'o/ /dpa' bo blo ma zhes pa ni dpa' bo'i blo ma'i rigs kyi rjes su 'gro ba'o/ /rdo rje'i rigs ni phag mo'i rigs so/ /de bzhin gshegs pa ni pad+ma gang dbang ngo/ /de'i rigs zhes pa ni de bzhin gshegs pa'i rigs stobs po che'i rjes su 'brang ba'o/ /bdag ces pa ni bdag nyid kyi mngon du yid ches pa'o/ /ni ni rjes su ston pa'o/ /g.yon pa ni bud med do/ /de'i spyod pa ni shin tu khro bo'i nga rgyal la sogs pa'o/ /la ni bsdu ba'o/ /'dir rnal 'byor ma'i skye 'gro yang ji lta bu zhes pa la gsungs pa rang rgya ni dkar po gos la sogs pa'o/ /kha dog ni pad rtsa ltar dkar ba la sogs pa'o/ /de gnyis bsdoms pa ni yang dag par bcings pa'o/ /rigs kyi rig pa'i yi ge yang zhes pa ni sgrub pa pos de'i rig pa de nyid kyang yi ge nyid rdo rje yin te/ brtan por lhag par mos pa nyid kyi phyir na rnal 'byor ma'i skye 'gro'o/ /des kyang g.yo ba med pa'i gzugs ni lha mo yin no zhes dgongs so/ /rigs ni drug yin zhes pa ni rigs drug gi rab tu dbye ba'i rnal 'byor ma rnams su shes par bya'o/ /ni ni bsdu ba'i don no/ /de ni phyag rgya 'ching zhes bya ba la sogs pa gsungs te/ phyag rgya 'ching ba ni g.yon pa zhes bya ba la sogs pa gsungs te/ rnal 'byor ma yang g.yon la rtag ces bya ba la sogs pa rnal 'byor ma rnams ni g.yon pas so/ /rnal 'byor ma rnams g.yon zhes pa ni gang yang g.yon gyis rang gi rigs las skye ba'i chos ni smra'o zhes bya ba la sogs pa gsungs te/ chen por gyur pa gang yin pa de bzhin du zlos pa ni rab tu smra bas zlos pa'i tshul can no/ /nyid kyi don ni bsdus pa'i don to/ /dga' zlos nyid kyi phyir dga' ba zlos pa'o/ /dang ni snga ma bzhin no/ /dam tshig 'dor bar bya ba ma yin pa'i cho ga ni de dam tshig yod pa can du brjod
- 204b
pa'i rnal 'byor ma'i skye 'gro la bltos nas skyes pa'i rigs kyis bstan pa'am rab tu dbye ba bltos nas gnas pa med pa'o/ /rab tu dbye ba yang gcig ste/ bud med ces pa ni dmigs kyis bkar ba'i drug pa'o/ /rigs ni drug pa'i de nyid kyi sa bon ni rab tu dga' bar smra bar byed pa'o/ /de bye brag tu byed pa ni smra ba'o/ /rigs kyis bya ba dam tshig spyod pa'o/ /rigs kyis rig pa ni rigs kyi lha mo'o/ /rang gi bstan bcos las gsungs pa ni sngags kyi lus las so/ /de brjod pa zhes pa gnyis pa'o/ /phyag 'tshal ba zhes pa la sogs pa bden pa nyid du nges par bya'o/ /mtshan nyid 'di rnams rtogs nas de lta bur gyur pa ni rnal 'byor ma la de kho na bzhin phyag 'tshal ba la sogs pas de bden par sgrub pa pos nges par bya ba yin no zhes pa ni gsum pa'o/ /mthe bong g.yon pas zhes pa ni rkang pa'i'o// ri mo 'dri ba ni yang dang yang du gang gi tshe 'dri ba de'i tshe de rnal 'byor ma'i skye 'gro'i bye brag go zhes shes par byed par dgongs so zhes pa ni bzhi pa'i don to/ /mgo bo 'phrug par byed pa dang zhes pa ni lag pas byed pa de ni rnal 'byor ma'i skye 'gro'i rab tu byed par shes par bya'o/ /rtag tu zhe bya ba rjes su 'jug pa'o/ /rang gi rig pa dran pa dang de sgrub pa yul la phan zhes pa dang de ltar gyur pa de bltas nas rig pa dran pa ni sgrub pa pos de la sbyor ba'o/ /rang gi rig pa ni rang gi yi dam gyi lta bzhin du blta'i zhes dgongs so// ci zhes pa la yul du phan pa zhes pa ni de lta bu'i yul gang yin pa bla mar bya'o/ /dang po'i don la bdun pa'i don bsdus ni lnga pa'o/ /dri bas dri zhes bsdus pa lta bu'o/ /'di ni yang dag par 'byung ba'i rigs pa'o/ /zur gyis blta zhing zhes pa ni go sko la sogs pa? sor mos bya ste/ zur gyis blta ba gang yin pa bud med de ni rnal 'byor ma'i skye 'gro'i rab tu dbye ba shes par bya'o zhes pa ni drug pa'o/ /de ltar bltas nas ci byed ces pa la/ lan cig sngags zlas shing rig ma rnam par blta zhes gsungs te/ sngags ni rig pa'i
- 205a
rgyal po'o/ /'dis cir 'gyur zhe na gsungs pa bden par 'gro'o zhes bya ba la sogs pa de go sla'o/ /rnal 'byor ma bdun ni nye bar mtshon pa ste/ drug gi mtshan nyid kyang ngo/ /rnal 'byor ma bcu gsum gyi mtshan nyid ni mtshan ma'o// bdun po rnams dang drug po'i rnal 'byor ma rnams kyi mtshan nyid yongs su brtag pa la rnal 'byor ma bdun gyi mtshan nyid brtag pa zhes bya ste/ bar gyi tshig phyis pa bsdu ba'o/ /de rjod par byed pa ni le'u bcu drug pa ste zhes bya ba ni dpal 'khor lo sdom pa'i le'u bcu drug pa'i dka' 'grel lo// //mtshan nyid bstan pa'i rjes su le'u bcu drug pa brjod de/ de nas rnyed dka' zhes bya ba la sogs pa gsungs te/ rnal 'byor ma rnams ni mkha' 'gro ma la sogs pa de dang po'i don la drug pa'o// de yang rnal 'byor ma ni lha mo ste/ ni ni khyad par gyi don to/ /rnal 'byor ma rnams zhes pa ni mkha' 'gro ma'i rnal 'byor ma ste/ rnal 'byor ma'i yon tan rjes su 'jug pa'i don to/ /de lta bu nyid kyi phyir dam tshig go /ci zhes pa la de nas rnyed dka' zhes bya ba la sogs pa gsungs te/ gang gi phyir lha mo'i yon tan dang ldan pa'i mkha' 'gro ma de dga' bas rnyed dka' ba'o/ /zhes dgongs so/ /gal te de lta bu ji lta ba nye bar bsten zhes pa la bdud rtsi lnga las yang dag 'byung zhes gsungs te/ de'i thabs kyis rnal 'byor ma grub pa'i gnas so zhes dgongs so/ /mkha' 'gro ma rnams kyi mtshan nyid gsungs pa/ ya mi ni dang skrag byed ma/ /'dod ma dang ni 'jigs dang gzugs/ /kun tu spyod dang b+ha su ra/ /mkha' 'gro ma ni bdun du bya/ /zhes pa ni ya mi ni la sogs pa 'di rnams bsdus pa ste/ mdor bsdus nas bdun du byas pa'i zhes dgongs so/ /rang gi mtshan nyid 'dir brjod bya zhes dgongs so/ /ming dang rjes su mthun pa'i mtshan nyid gang yin pa de bstan pa'i sgo nas brjod pa'o zhes pa'i don to/ /de rnams rjes su
- 205b
'thun pa'i ming gzhan gyi sgo nas kyang ston te/ gzugs can ma dang 'o byed ma/ /lA ma yongs gyur byis bcas mo/ /mi ldog lha mo e hi ka /mkha' 'gro ma ni bdun du dran/ /zhes gsungs te/ gzugs ni gzhan no gzugs can mar brjod pa'i mtshan nyid mngon par zhen pas zhes bya ba la sogs pa gsungs te/ dpa' bo gnyis su med par bsten zhes pa ni dpa' bo gnyis su med par bsten no zhes pa'i don to/ /mi ni gzhan 'o byed ma brjod pa'i mtshan nyid ni sdug pa'am zhes bya ba la sogs pa gsungs so/ /mkha' 'gro zhes pa ni mkha' 'gro mas sdig pa zad par byed do zhes dgongs so/ /de nyid kyi phyir ya ma ni de yang dag par bag yod pa ste/ de nyid ya ma la rang gi don du a na'i rkyen byin pa'o/ /de gang la yod pa de ni ya ma ste/ zad par byed pa gang yin pa'o/ /skrag byed ma ni gzhan la mar brjod pa'i mtshan nyid ston te/ zur gyi blta dang zhes gsungs so/ /sdigs 'dzub ces pa ni gcig nyid la mang po'i tshig gi de nyid kyi don ston to/ /gzhan du dbugs 'byin pa yang 'dod par zhes pa'i yang 'jigs par byed pa'i khyad par gyis ngal ba'i phyir ro/ /ni ni khyad par ro/ /de'i phyir khyad par la dga' bas na lA ma ste/ ra lar byas pa na lA ma'o/ /mtshan nyid gnyis kyi sbyor bas 'jigs pa nyid ni lA ma'o/ /skrag byed ma ni gzhan yongs su 'gyur ba'i mngon par brjod pa'i mtshan nyid ston te/ phag dang zhes bya ba la sogs pa gsungs so/ /sa ra b+ha zhes bya ba ni phyugs kyi khyad par ro/ /sha ra ma zhes bya ba'i gzhung yod de/ der yang phyugs shes so/ /thams cad der ni 'jigs byed pa zhes pa ni de mthong bas 'jigs par byed do zhes pa'i don to/ /de'i phyir de ni yongs gyur to/ /de bas na ni de'i phyir gyi don to/ /gzhan de yongs su gyur pa gang yin pa de ni gang gi phyir de bzhin no/ /kun tu spyod pa gzhan byis bcas mang por mngon par brjod pa'i mtshan nyid ston te/ shin du dga' ba zhes gsungs so/ /sang nas slang mi ldog pa nyid kyi phyir kun
- 206a
spyod dge /'dod ma ni gzhan e hi ri mngon par gyur pa'i mtshan nyid ston te/ rjes su chags pa zhes bya ba la sogs pa gsungs so/ /khaN+Da ro ha khaN+Da ni dbyer med pa'i phyogs shig go /ro ha ni yang dang yang du gnas pa de de bzhin no/ /hi ni gang gi phyir ro/ /'dir phyogs gcig tu yun ring du gnas pas ni i hi ka'o/ /'od ldan ma ni gzhan mi ldog par mngon par brjod pa'i mtshan nyid ston te yid ni kun tu zhes bya ba la sogs pa la 'od ldan ma gang yin pa de ni gzhan mi ldog pa'i ming can no/ /de yid skyo ba yin no/ /de ltar gyur pas rkang pa dang 'ong ba la sogs pas reg pa'i sems can mi 'tsho'o/ /mi ldog pa ni bzlog pa nyid du mi nus pa'i phyir ro/ /ci zhes pa la grub ma ni bar ni bshad do zhes bya ba la sogs pa gsungs te/ de ni gang gi phyir ro/ /mkha' 'gro ma rnams kyi rigs ni 'dir dpa' bos dang por mtshon pa de rlung gi shugs can ma la sogs pa nas brtson chen ma'i bar rnal 'byor ma rnams ya mi ni la sogs pa e re ka'i bar gyi rigs rnams ni mkha' 'gro ma rnams te/ rnal 'byor ma'i zhes pa ni thun mong gi don to/ /mkha' 'gro ma rnams kyi rigs kyi phyag rgya dpa' bos bstan cing mtshon par bya'o zhes pa ni gzhung gzhan no/ /mkha' 'gro ma rnams su bstan pa'i rigs rnams ni rigs rnams kyi phyag rgya nyid ni rnal 'byor ma kho na ste/ rlung gi shugs can ma la sogs pa'o/ /de mtshon pa ni shes par bya'o/ /dpa' bos bsten pa ni dbang pos bsten pa ste/ dpa' bos bsten no zhes bya ba'i don to/ /gnyis pa mang po'i tshig phyi ba'o/ /thod pa dang/ dgra sta dang/ mche ba dang/ 'khor lo dang chu srin gyi rgyal mtshan dang/ ral gri dang/ skrag byed du 'gro ba'o/ /dang ni bsdu ba'o/ /chu srin rgyal mtshan ni skra grol ba'o/ /mche ba ni phag pa'i so'o/ /brgyad ni phyag rgya brgyad de phyag rgya 'di rnams kyi nang nas gang yang rung ba cig gang du ni mkha' 'gro ma
- 206b
rnams kyi'o/ /thod pa dgra sta mche ba dang/ ral gri dang skrag byed nyid ces pa ni gzhung gzhan no/ /ral gri ni sgra'i rkyen med pa'o/ /skrag byed ni gri gug go /phyag rgya ni snga ma nyid do/ /rnal 'byor ma 'di rnams kyang gzugs yongs su gyur pa la mngon par dga' bas blta ba la sogs pa'o/ /thod pa la sogs pa'i phyag rgya'i cho gas dgongs pa ni rnal 'byor ma shes par byed pa'i mtshan nyid do/ /zhes bya ba ni dpal 'khor lo sdom pa'i le'u bcu bdun pa'i dka' 'grel lo// //de nas zhes bya ba ni gzugs yongs su brjes pa la sogs pa bstan pa'i rjes su'o/ /de nas tshig gzhan gyi mtshan ma ru bshad do zhes sbyar ro/ /'gro zhing ldog pas nam mkha' 'gro ma ste/ de ni tshig gang gis so/ /ji lta bu zhes pa la gang gis zhes bya ba la sogs pa gsungs so/ /mkha' 'gro ma zhes pa ni gnyis pa'i don las dang po'o/ /tshig ni dmar zhing zhes bya ba la sogs pa gsungs te/ pad+ma'i dri ni rnam par gtong zhes pa ni lus las pad+ma'i dri zhes pa'i don to/ /bltas dang rang bzhin zhi ba dang zhes bya ba ni khro gnyer la sogs pa spangs pa'i phyir ro/ /zhon par blta ba'i rjes ston pa zhes pa ni shin tu rjes su chags pa'i khyad par gyi phyir ro/ /yang dag chags pa'i mig ces pa'i gzhung yang ngo/ /chags pa dang yang dag par ldan pa'i mig go /sen mo zhes pa ni gang gis lhag pa'i don du sen mo shin tu dmar ba zhes pa'i don to/ /yang dag par chags pa'o/ /gnas skabs kyi mtshan ma'o/ /pad+ma 'dri zhes bya ba'i gzhung ni rtogs pa sla'o/ /pad+ma gar dbang zhes pa ni dpa' bo 'od dpag tu med pa'o/ /de'i rigs las byung ba zhes pa ni shes par bya'o/ /smin ma'i dbus kyi rtse gsum gyi rnam pa'i mtshan ma'o/ /lus ni sngo bsangs skya ba dang zhes pa ni grang la sngo bsangs dang skya ba yod pa ni de'i lus so/ /de yis rang gi khyim du rdo rje bris nas khyim du mchod pa'o/ /gang gis ni nges pa'o/ /de ni nges par dpal he ru
- 207a
ka'i rigs las byung bar shes par bya'o/ /ni ni dag gi rgyan to/ /lam ni phyogs gzhan no/ /yang ni srid tshad do/ /phyir ni shin tu'o/ /dmar zhes bya ba la sogs pa la ra skyes nyid ni ra bo'o/ /rtag tu ni rgyun tu'o/ /mkha' 'gro ma zhes pa ni mkha' 'gro ma'o/ /dpral ba la zhes pa ni dpral ba'i dbus su zhes shes par bya'o/ /ni ni sgras so/ /gang gi phyir ni nges par gzung ba'o/ /dpral ba'i sgras ni dpral ba'i dar dpyangs so/ /legs pa zhes pa ni rang gi bag ma'o/ /mchog ces pa ni mchog tu mdzes pa'o/ /so mtho ba ni so ring zhing mtho ba'o/ /g.yon pa ni bye ba yin pa'i las la dga' ba'o/ /rdo rje phag mo'i rigs las byung bar gyur pa'o/ /ji tsam zhes pa la stong phrag bco lnga ldan pa yin zhes gsungs te/ rnal 'byor ma stong phrag bco lnga zhes pa'i don to/ /dkar zhing zhes bya ba nas mchog ces pa'i bar gyis dum skyes ma'i rigs las byung ba'i mtshan nyid do/ /ma li ka lta bu'i dri gang la yod pa ni ma li ka'i dri zhim po dang ldan pa ni de bzhin no/ /gang zhig rtag par sha la dga' zhes pa nas mkha' 'gro ma'i rigs byung yin zhes pa'i bar ni dpal he ru ka'i rigs las byung ba'i mtshan nyid do/ /sprin gyi mdog 'dra zhes pa nas the tshom med ces pa'i bar gyis tshogs bdag gi rigs las byung ba'i mtshan nyid do/ /so ni mi mnyam par gnas shing zhes pa ni so ring du 'dug ces pa'i don to/ /chogs bdag ni bgegs dgra'o/ /mkha' 'gro ma yi tshogs 'di dag dpal he ru ka'i rigs las byung/ /sgrub po rnams la phan pa'i phyir/ /mtshan nyid yang dag bshad pa yin/ zhes pa ni mtshan nyid rnams dang ldan pa ni mkha' 'gro ma'i tshogs dang 'brel ba'o/ /ji lta bur gyur zhes pa la/ dpal he ru ka'i rigs las byung zhes pa ste/ rkyen med pa'i dpal he ru ka'i rigs las byung ba ni ring por brjod pa'o/ /dang la sogs pa'i
- 207b
sgras ni bsdu ba la sogs pa'i don du shes par bya'o/ /mtshan nyid dang rigs bsdus pa'i yid kyis ji lta bar nges pa yod pa ni ma yin no/ /le'u bcu drug par mdog dang dri la sogs pas rnal 'byor ma bdun gyi rigs kyi drug pa'o/ /bcu bdun par ming la sogs pa gzung ba dang thod pa la sogs pa'i rtags kyis bdun no/ /'dir yang mdog dang dri la sogs rtags kyis brgyad du 'bel ba'o/ /sdom na nyi shu rtsa brgyad de thams cad kyi sgra ni phyogs gcig ma lus pa'o/ /brgyad po thams cad ni rnal 'byor ma rnams te mdog dang mtshan nyid dang rtags brjod pa ni sgrub pa ste/ gang gis de yang yin la le'u yang de yin no/ /rnal 'byor ma thams cad kyi mdog dang mtshan ma'i cho ga'i le'u ste bco brgyad pa'o/ /zhes bya ba ni dpal 'khor lo sdom pa'i le'u bco brgyad pa'i dka' 'grel lo// //de nas zhes pa ni mtshan nyid bsdu ba ste/ gzhan zhes pa ni mtshan nyid do/ /lA ma ni lA ma'i rigs kyi rnal 'byor la zhes pa'i don to/ /ni ni dag gi rgyan no/ /khyad par zhes pa ni lA ma la sogs pa'i rigs las byung ba rnams kyi thun mong gi mtshan nyid brjod nas da ni lA ma'i rigs rnams kho na ston te zhes pa ni khyad par ro/ /yan lag tu gyur pa nyid kyi phyir yan lag gi mtshan nyid do/ /de yang dag par bshad do zhes sbyar ro/ /sgrub po zhes pa ni bzhi pa'i phyi ba'o/ /de'i don du sgrub pa po zhes gzhung mang ngo/ /de yang dang po ni bzhi pa'i don nyid do/ /mtshan nyid ni bzhin gyi zhes bya ba la sogs pa gsungs so/ /dkyil 'khor ni zlum po'o/ /spu ni ba spu mang ba yin no/ /gos bzang zhes pa ni dri ma med pa'i gos so/ /gtsang ma ni dri ma med pa'o/ /mi bskyed par nges par bya ba'i dpa' bo'i sring mo rang zhes pa ni rnal 'byor ma zhes pa'i don to/ /dpa' bo'i tsha mo zhes pa ni gzhung gzhan no/ /gcig nyid la mang po'i tshig go /de mthong nas phyag rgya bya ba'o zhes pa la pad+ma'i zhes bya ba la sogs
- 208a
pa gsungs te/ thal mor gtogs pa'i sor mo bkug pa ni pad+ma'i phyag rgya'o/ /yang na zhes pa ni phyogs gzhan no/ /yang na ni dag gi rgyan no/ /lag pa g.yas pa brkyang ste brdeg par byas pa de'i steng du g.yon pa bskum ste bzhag pa ni ru sbal gyi phyag rgya'o/ /pags pa dang ni spyi blugs nyid ces pa ni g.yon pa'i phrag pa nas 'phyang ba'i g.yo ba'i gos g.yon pa'i lag pas 'dzin pa'i tshul du byed pa ni pags pa'o/ /kha cig na re mchod phyir thogs pa'i rtsa ru 'gro bar byed pa'i tshul du byed pa'o/ /zhes zer spyi blugs 'chang ba'i tshul du byed pa ni spyi blugs so/ /dang nyid kyis nges par gzung ba'o/ /pad+ma'i phyag rgya byed pa la pags pa'i phyag rgya bstan par bya'o/ /rus sbal gyi phyag rgya byed pa'i spyi blugs bstan par bya'o/ /rnal 'byor mas phyag rgya bstan na rnal 'byor pas phyag rgya bya ba ni phyag rgya'i lan no/ /dga' zhing zhes pa ni yi ge'i lung gis so/ /dpal rdo rje phag mo dang ldan pa ni he ru ka ste de las byung ba'i rnal 'byor ma rnams te dpal lo/ /mchu ni 'phyang zhing zhes bya ba la sogs pa gzhan rkang pa g.yon pa bskum pa ni zhes bya ba la sogs pa gsungs te/ skyil krung phyed ma'i gar bstan no zhes pa'i don to/ /yongs bzlog pa'o/ /kha phyir bltas pa'i rang bzhin ni gnyis po 'di ni phyag rgya'i lan no// dus tshigs ni bsod nams kyi dus so/ /bcu bzhi pa la sogs pa'i dus su de bzhin gshegs pa da slob dpon la sogs pa mchod pa'o/ /'jig rten dbang phyug ni 'od dpag tu med pa'i rigs so/ /khang bu lta bu rtag tu mkhur tshos la yod pa de ni khung bu ste/ gzhung kha cig las mkhur tshos la ni bye'u 'bras so zhes zer ro/ /de la mkhur tshos kyi khung bu zhes bya'o/ /mthe bong sor mo thams cad yang dag par mnan nas sdigs mdzub du byas nas sbyar ba ni mdud gi phyag rgya'o/ /dril bu dkrol bar
- 208b
byed pa lta bu ni dril bu'i phyag rgya'o/ /chung zhing zhes bya ba la sogs pa la gzhan ston te/ phrag pa cig nas gos 'phyang ba'i tshul can gang yin pa de ni phrag pa nas gos 'phyang ba'o/ /rdo rje thal mo byas la gung mo gnyis bslang ste sdigs mdzub gnyis kyis ming med gnyis la dkris la mthe bong gnyis gshib par bya ste kha la nye bar bzhag pa ni kha'i phyag rgya'o/ /g.yon pa'i lag pa bkan te/ mthe'u chung la sogs pa gsum bskum la mdzub mo dang mtheb chen gnyis brkyang ba ni dung gi phyag rgya'o/ / g.yon pa'i lag pa blangs te de'i steng du g.yas pa'i lag pa'i gru mo bzhag pa de mtheb chen dang mdzub mo gnyis bslang la sor mo gsum bskum par g.yas pa'i lag pa bzhag pa ni klu'i phyag rgya'o/ /gnyis pa zhes bya ba ni phyag rgya'i lan no/ /de'i phyir gsungs pa phyag rgya'i lan zhes pa ni gnyis pa lan gyi phyag rgya rnams kyis so/ /rnam grangs lnga po lA ma'i rigs kyi rnal 'byor ma rnams kyi mtshan nyid brjod pa'i bsdus pas rnal 'byor ma sum cu rtsa gnyis kyi mtshan nyid do/ /de rnams phyag rgya'i mtshan nyid bstan na phyag rgya'i lan bya'i zhes pa ni khyad par ro/ /ni'i sgra ni la sogs pas de ma brjod pa'i don yang rang nyid kyis go bar bya'o/ /phyag rgya dang phyag rgya'i lan gyi sgo nas le'u bsdus don ston pa ni thams cad ces bya ba la sogs pa gsungs te/ thams cad kyi sgra ni snga ma bzhin no/ /de la thams cad ni rnal 'byor ma rnams te/ rnal 'byor ma de rnams kyi phyag rgya dang rnal 'byor pa rnams kyi phyag rgya'i lan ston cing brjod pa'i cho ga gang yin pa de gang gis de yang yin la le'u yang yin pas de de bzhin no/ /bcu dgu ni bcu dgu pa'o ta'i rkyen phyi ba'o zhes bya ba ni dpal 'khor lo sdom pa'i le'u bcu dgu pa'i dka' 'grel lo// //le'u bco lnga par yi ge'i brda' bstan nas 'dir lag pa'i brda bstan pa'i
- 209a
phyir de nas zhes bya ba la sogs pa gsungs so/ /de nas zhes pa ni phyag rgya dang phyag rgya'i lan bstan pa'i rjes su'o/ /gzhan yang zhes pa ni yi ge'i brda bstan pa'i rjes la lag pa'i brda bstan par bya'o zhes sbyar ro/ /g.yon pa'i lag pa zhes pa ni g.yon pa'i lag pa bsgrub par bya ba nyid kyi phyir g.yon pa'i lag pa nyid kyi brda'o/ /ni'i sgra ni g.yas pa'i lag pa bsgrub par bya ba yang bshad do zhes shes par bya'o/ /mkha' 'gro rnams kyi mtshan nyid ni/ de'i phyir gzhan yang bshad par bya/ zhes pa ni gzhung gzhan te rtogs par sla'o/ /brda ni lag g.yon zhes bya ba la sogs pa gsungs te/ ni ni nye bar gzung pa'o/ /gsong por smra ba ni phyag 'tshal ba'o/ /zhes de yis brjod pa yin no/ /srin lag ces pa ni g.yon pa'i lag pa nyid do/ /ni ni khyad par gyi don te/ brdebs pa yin zhes bya ba ni lto ba dang lce yang ni zhes pa ni ni sgra'i don ni ston par byed ces pa yang rtogs par bya'o/ /de yis de nyid brjod par zhes pa ni thams cad du sbyar ro/ /nam mkha' las kyang 'ongs pa yin zhes pa ni brjod par 'gyur ba'i rjes su 'jug pa'o/ /sor mo 'jug pa zhes pa ni kha ru zhes shes par bya'i ni ni sgra'i don to/ /pus mo la ni reg ces pa ni ni khyad par ro/ /gang gi phyir cung zad 'gro bas pus mo la reg na 'dir ngal lo zhes de brjod pa yin no/ /'dir ngal lo zhes bya ba la sogs pa yul gyi khyad par dang 'brel par gsungs so/ /de bzhin du yang bud med kyi rtags dang skyes pa'i rtags dag gi dgongs pas mthu gang la sogs pa yang dag par brjod pa'o/ / sor mo rtse mo zhes pa ni sor mo'i rtse mor reg pa zhes pa'i sgra ni don 'ga' la khyad par du brjod pa'o/ /de yang 'dir de nyid kyi don to/ /mkha' lding zhes pa ni sna'i rtse mo'o/ /paTDi sa zhes bya ba ni dpa' bo'i dar dpyangs bcings pa'i rnam par
- 209b
g.yon pa'i lag pas dpral bar ston pa'o/ /skra zhes pa ni de la g.yon pa'i lag pa'i bya ba nyid kyi phyir ro/ /rnam bsgyur zhes pa ni khro gnyer la sogs pa blta zhing rnam par bsgyur ba nyid do/ /dang gis ni hUM gi rnam par shes par bya'o/ /kha TwAM ga 'dzin pa'i tshul du byed pa ni kha TwAM ga ston pa'o/ /yan lag rnam par g.yo ba la brdar byas pa'o/ /'dir g.yon pa'i lag pa'i bya ba med pa'i mthe chung gnyis bsgreng ste kha'i 'gram gnyis su rdo rje'i khu tshur gnyis bzhag pa ni mche ba gnyis so/ /mche ba gnyis gang yin pa de ni mche ba gnyis kyi phyag rgya'o/ /gtor ma za zhes smra zhes pa ni gtor ma'i mchod pa la gtor ma za zhes pa'i don to/ /g.yon pa'i lag pa nyid kyis thams cad du bya ba'o/ /g.yas pa'i lag pa'i brda ston te/ gang zhig lag g.yas zhes bya ba la sogs pa gsungs te go sla'o/ /g.yon pa zhes bya ba la sogs pa g.yon pa'i mthe bong gis mig gnyis zhes pa ni brdar byas pa'o/ /'di gnyis ni gang cung zad kyi bya ba'o/ /gang yang rung zhes bya ba la sogs pa'i gang cung zad pho nya'i phyag rgya'i gzugs bstan pa de rnams rnal 'byor mas byas pa la rnal 'byor pas phyag rgya'i lan bya'o zhes pa'i don to/ /de thams cad brtsam bya zhes pa ni phyag rgya'i lan zhes pa'i don to/ /gang gi phyir 'di ni dngos po yongs su gzung bar khyad par gyi tshig tu go bar bya'i thams cad kyi sgra ni thun mong gi tshig gi rnal 'byor ma thams cad kyi lag pa'i phyag rgya ni lag pa'i phyag rgya brdar byas pa'i cho ga yin pa de ston pa'ang yin la le'u yang yin pas na rnal 'byor ma thams cad kyi lag pa'i phyag rgya'i brda'i cho ga'i le'u nyi shu pa ste nyi shu ba'o// zhes bya ba ni dpal 'khor lo sdom pa'i le'u nyi shu pa'i dka' 'grel lo// //de nas zhes pa ni lag pa'i phyag rgya bstan pa'i rjes thogs su nga yis bshad de zhes sbyar ro/ /de yang rnal 'byor ma rnams ji lta bur gyur pa yin zhes
- 210a
pa la gsang ba chen po mthong ba yis shes pa ni gsang ba chen po'i rnal 'byor ma rnams te/ gang gi phyir de lta bu'i bya ba'i don yin te/ de de lta bur mtshon pa ni spyi gtsug la sogs pa reg pa'i rang bzhin no/ /de nas yan lag phyag rgya rnams zhes pa ni gzhung kha cig go /de nas zhes pa ni sngar bzhin no/ /gang gi phyir mtshan nyid shes pa'i rnal 'byor ma zhes pa ni gzhan yang zhes pa'i sgra'i don to/ /de ni nye bar gzung ba'i yan lag reg pa la sogs pa gang yin pa de yan lag phyag rgya'i rnal 'byor ma'o/ /spyi gtsug reg byed pa zhes pa spyi bo'i gtsug phung reg pa tsam nyid kyi mtshan nyid do/ /mgo zhes pa lag pas reg pa nyid rab tu bstan pa ste/ de lta gzhan yang ngo/ /so ni ston la zhes pa ni lag pas mchu gnyis phye ba'o/ /lce zhes bya ba ni de bzhin du phyir phyung ba'o/ /rkeng rgyab ces pa ni 'phongs kyi yan lag dang nying lag gi mdo dag dang 'brel pa'o/ /sa zhes pa ni sa gnon gyi phyag rgya bstan zhes pa'i don no/ /gsang ba zhes pa ni chos 'byung ngo/ /'og ces pa ni bshang ba'i lam mo/ /mthil ni rkang mthil lo/ /rkang mthil zhes pa go sla'o/ /sa gzhi zhes pa ni sa gnon gyi phyag rgya nyid bstan pa'o/ /nam mkha' ni bzhin nam mkha' las 'og tu bltas pa ni de bstan pa yin no/ /nyi ma ni steng du blta ba'o/ /lag pas nam mkha' la chu'i rnam pa'i ri mo'i tshul byed pa ni chu bo'i phyag rgya'o/ /lag gnyis nam mkha' la g.yo ba ni rgya mtsho'i phyag rgya'o/ /lta bas ni yan lag phyag rgya'i mtshan nyid ni lta ba'i yan lag gi phyag rgya'i mtshan nyid do/ /de ston pa gang yin pa yang de yin la de le'u yang yin pas lta ba'i yan lag gi phyag rgya'i mtshan nyid le'u nyi shu rtsa gcig pa'o zhes bya ba ni dpal 'khor lo sdom pa'i le'u nyi shu rtsa gcig pa'i dka' 'grel lo// //de nas gzhan yang zhes bya ba'i spyi bor
- 210b
reg pa la sogs pa'i phyag rgya bstan pa'i rjes su yan lag gi phyag rgya bstan par bya'o zhes sbyar ro/ /'dus pa de nyid ci byed ces pa la khyad par zhes gsungs te/ khyad par can gyi yan lag gi phyag rgya zhes pa'i don to/ /yan lag phyag rgya'i cho ga gang/ / de nas yang dag rab bshad bya zhes pa ni gzhung gzhan no/ /de nas zhes bya ba ni bsdu ba'o/ /de'i phyir zhes bya ba ni khyad par gyis so/ /sor mo gnyis kyis ni bstan pa'o/ /legs 'ongs zhes pa ni mdzub mo dang gung mo gnyis bstan pa'o/ /'di ni rnal 'byor ma kun gyi yan lag dang phyag rgyar rab tu bshad ces pa ni yan lag gi phyag rgya ni rnal 'byor ma thams cad kyi thun mong du yin zhes pa'i don to/ /po tang gi phyag rgya ni yan lag phyag rgyar rab tu grags zhes pa ni gzhung gzhan no/ /po tang gi zhes bya ba'i ming can gyi phyag rgya de ni/ mthe bong mdzub mo rtse sbyar la/ /mdzub mo bag bkug mig gi rgya/ /sngags pas gang la de bstan te/ /de yi mos la ji srid 'tsho'i/ /gsang ba'i dbang 'gyur the tshom med/ /ces pa ni mthe bong dang mdzub mo gnyis lag gnyis su gtogs pa rtse mo sbyar ba ni khab lta bu'i byas la/ sor mo ltag ma rnams bskum ste mdzub mo cung zad bkug pa gang yin pa de ni de bzhin te phyag rgya'o/ /de ni mig gi phyag rgyar shes par bya'o/ /gang la zhes pa ni gang yin pa rnams la phyag rgya 'di rnal 'byor pas bstan pa'o/ /de zhes pa ni de gsang ba'i rnal 'byor ma rnams de nyid kyi dbang du 'gyur ro zhes pa'i don to/ /po tang gi mig gi phyag rgyas ni/ ji srid 'tsho bar the tshom med ces pa ni/ mig gi phyag rgya 'di la po tang gri ming du byas pa'o/ /de la zhes bya ba la sogs pa mang po'i tshig tu bstan pa ni rnal 'byor ma so so'i yan lag tha dad pa dang sbyar ro/ /po tang ni snga ma bzhin no/ /spyi bo ston byed pa zhes pa ni spyi bo bstan pa tsam mo/ /sa zhes pa ni bshad zin to/ /kha ni kha'i phyag rgya'o/ /'di ni rnal 'byor ma kun gyi yan lag phyag rgyar rab tu grags zhes pa
- 211a
ni thams cad nyid ni rnal 'byor ma'i yan lag gi phyag rgya kho na ste/ tha dad pa med pa'i phyir ro/ /de thams cad nyid kyi zhes pa'i don to/ /'di dag ces pa ni phyag rgya'i lan no/ /las kyi sgra'i gsum pa ste/ rtags nges pa med pa'o/ /khyad par gyi yan lag gi phyag rgya'i mtshan nyid brjod pa gang yin pa de yang yin la/ le'u yang de yin pas khyad par du yan lag phyag rgya'i mtshan nyid kyi cho ga'i le'u nyi shu rtsa gnyis pa ste nyi shu rtsa gnyis pa'o/ /zhes bya ba ni dpal 'khor lo sdom pa'i le'u nyi shu rtsa gnyis pa'i dka' 'grel lo// //de nas zhes pa ni yan lag gi phyag rgya'i mtshan nyid bstan pa'i rjes su'o/ /yang dag par rab bshad ces pa ni mtshan nyid kho na rjes su 'jug ste/ 'on kyang las kyi tshig gis snga ma bas khyad par du gyur pa'o/ /de'i phyir gyi sgras ni khyad par gyi don nyid kyi phyir ro/ /de'i khyad par gyi mtshan nyid ci zhes pa la shes par gyur pa zhes bya ba la sogs pa gsungs so/ /mi ring ba zhes pa ni myur ba'o/ /dpa' bo zhes pa ni dpa' bo rnams kyis zhes pa'i don to/ /dpa' bo'i sring mo zhes pa ni dpa' bo kho nar shes par nus pa'i phyir ram/ dpa' bos dngos grub len pa'i phyir ram/ dam tshig mtshungs pa nyid kyi phyir ro/ /de nas gzhan yang rab bshad pa/ /mkha' 'gro kun gyi mtshan nyid de/ /zhes pa'i gzhung ni go sla'o/ /de dngos grub ji ltar ster zhes pa la rjes chags pa zhes gsungs te/ dam tshig can ni mtshungs par dam tshig can gyi rnal 'byor ma gang yin pa rnal 'byor pas mgu bar byas nas de dpa' bo longs spyod pa'i sa gzhir 'gyur ro/ /dpa' bo ni su b+ha dra rim pa ste/ de nyid kyi longs spyod ni dpa' bo'i longs spyod do/ /nor 'dzin ni rin po che 'chang ba ste/ sa gzhi ni rin po che yis gang ba stobs kyis blangs nas longs spyod do zhes dgongs so/
- 211b
'on kyang gzhan yang gzhi ni sa gzhi zhes bya ba la sogs pa gsungs te/ 'dis bde bar gsung bar bya ba ni gzhi'o/ /sa ni rtse ba ste/ gang gi tshe de brtse bar gyur pa de'i tshe/ de mkha' 'gro ma gzhir byas pa ni nges par gnas su byas pa rnal 'byor pa'i sdom pa mchod ces sbyar ro/ /rnal 'byor ni thabs dang shes rab bo/ /mi mthun pa'i mod la 'dis yang dag par sdom pas na zhes sbyar ro/ /yang dag ni bde ba ste rnal 'byor sdom pa ste/ rnal 'byor sdom de mchod pa ni len pa ste/ mchog tu mchog rjes su yul rnams las dbang po'i grong khyer log ste/ yid tsam bde ba tsam dmigs pa gang yin de dga' bral lo/ /de yang yul rnams las dbang po bzlog pa ste/ yul gyi dga' ba dang bral ba'o/ /de nyid mthar thug par gyur pas rnam par mi rtog pa'i shes rab kyi rang bzhin rang gi ngo bo shin tu bde bas yongs su gang ba de las skyes pa'i lhan cig skyes pa'i dga' ba blang ngo zhes pa ni bsdus pa'i don to/ /de yang nor bu'i nang du gtogs pa'i byang chub kyi sems brtan par byas pas nyams su myong bzhin pa ni gdams ngag chen po la bltos nas rang gis rtogs pa'o/ /de'i don du bla ma dam pa rje btsun zhabs kyi pad+ma'i drin dgos pa nyid do/ /de'i phyir rnam par rtog pa'i yid la yang dag par bsdoms pa ni sdom pa ste/ lhan cig skyes pa'i dga' bas thabs shes rab sbyor bas de gnyis nyid la de lta bu'i ye shes skye zhes bya'o/ /gang dag las rin thang med pa'i ye shes skye bas na thabs dang shes rab de kho na la rin po cher gyur pa shes par bya'o/ /mkha' 'gro ma'i mtshan nyid ston te go bzlog ces bya ba la sogs pa gsungs so/ /mdun du blta ba spangs nas phyir blta ba ni go bzlog pa'i lta ba'o/ /'dis bzhin gyi gzugs mi sdug pa nyid du gsal bar byas pa'o/ /rtag tu bzhin gyi smin ma ni g.yo zhes
- 212a
bya ba rtag tu smin ma g.yo zhes bya ba'i don to/ /sna tshogs myur du shes bya ba/ /de bzhin mkha' 'gro ma las byung/ zhes bya ba ni sna tshogs ni shes par bya'o/ /myur ba ni shin tu myur ba'o/ /mkha' 'gro ma ni de'i bsam pa med pa'o/ /byung ba ni 'gro ba'o de de bzhin zhes pa ni de lta bur gyur pa ngag gi spyod yul ma yin zhes pa'i don to/ /sna tshogs nyid ston pa ni rnam 'gyur zhes bya ba la sogs pa gsungs so/ /gang gis lam nas 'gro zhing de nas gzhan yang phyir 'ong ba ni 'khyil pa ste/ 'khor lo lta bur 'khyil ba'o/ /de'i phyir rnam pa bsgyur zhing ri mo gsum ni 'ong ba dang 'ong ba'i ngo bo nyid gang yin pa de ni de bzhin te 'khyil ba'o/ /yang ji lta bur zhes bya ba la yongs su zlum zhes te zlum por bskor ba nyid kyi phyir ro/ /mkha' 'gro ma rnams nges 'gro ba zhes bya ba ni nges pa ni shin tu nges pa'i 'bad rtsol can gyi mtshan ma thams cad blta ba'o/ /zhes bstan pa'i phyir de'i mtshan ma thams cad mtshon par bya zhes gsungs so/ /glo bur du ni bzlog par 'gyur zhes pa ni rgyu mtshan med par dgos pa yod bzhin du smras pa thob pas khyad par du bzlog pa zhes pa ni 'gro ba'i mtshan nyid do/ /sngar brjod tshig ni nyams par byed ces pa ni sngon du tshig brjod pa de nyams pa ni 'byed pa'o snga phyi'i tshig la 'brel pa med pa'i tshig gi mtshan nyid ces bya ba'o/ /don med tshig ni nyams par byed ces pa'i gzhung yod de go sla'o/ /rdo rje lta bur gsal bar ni zhes pa dpral ba'i mtshan nyid do/ /sgra ni khu byug skad ltar gsal ba zhes pa ni ngag gi mtshan nyid do/ /khyim du ni zhes bya ba la sogs pas ni khyim gyi mtshan nyid ston to/ /rgyal mtshan nus par rtag tu 'gyur zhes pa ni rgyal mtshan ni dbang po'o/ /de'i nus pa gang yin pa de ni de bzhin zhes bya ba ste me long gi
- 212b
mtshon pa'o/ /kha sbyor me long yin zhes bya ba ni kha sbyor nyid ni me long la rtag tu blta ba zhes bya ba'i don to/ /de ni me long gis mtshon pa'o/ /mtshan ma de rnams shes par bya ba ni nye bar bsdu ba'o/ /de'i phyir de ni zhes bya ba la sogs pa gsungs te/ de lta bur gyur pa'i mtshan ma rnams sbyor bas ci ltar shes zhes pa la gang gzugs su byas pa'i mkha' 'gro ma'i mtshan mo'i rang bzhin la goms pas de'i phyir de ni zhes bya ba la sogs pa gsungs te/ ldan pa zhes pa ni nges par ro/ /mkha' 'gro ma rnams kyi mchog ces pa ni khyad par gyi mtshan nyid dang ldan pas so/ /gang yin pa cig nyid la mtshan nyid rnams te gang rung ba la'o/ /mkha' 'gro ma 'gro ba la sogs pa'i khyad par gyi phyag rgya'i mtshan ma khyim du me long la sogs pa'i mtshan nyid de gnyis mtshon par bya bar brjod pa yang de yin la le'u yang de yin pas nam mkha' 'gro ma'i phyag rgya'i mtshan ma mtshon pa'i le'u de ni nyi shu rtsa gsum pa ste nyi shu rtsa gsum pa'o/ /zhes bya ba ni dpal 'khor lo sdom pa'i le'u nyi shu rtsa gsum pa'i dka' 'grel lo// //de nas zhes bya ba ni bsdu ba'o/ /sgra gzhan gyis brda brjod de zhes sbyar ro/ /yi ge bco lnga pa'i brda brjod pa nyid kyi phyir ro/ /ni ni ngag gi rgyan te/ sgrub pa pos bar shes par bya'o/ /spun dang zhes pa sgrub pa po'i khyad par ro/ / sring? mo zhes pa ni rnal 'byor ma'i 'o/ /de nas gzhan tshig brda yin te/ zhes bya ba ni gzhan yin te go sla'o/ /po tang gi ni gsong por smra ba'o zhes pa ni gsong bor smra ba ni po tang gi'i sgra'o/ /pra ti po tang gi ni gsong por smra ba'i lan no zhes bya ba'i phyir gsong por smra ba ni lan la yang phyag 'tshal ba'i khyad par ro/ /ga mu zhes pa ni 'gro ba yin no zhes pa ni de ston pa'o/ /lu mu sgra brjod pas ni 'ong bar ston pa'o/ /kha cig ni lum mu zhes zer ro/ /de hi ni brjod pa ste zhes pa ni lus su brjod
- 213a
pa'o/ /gri hA Na ni khyim du brjod ces pa ni khang pa'i ming ngo/ /kha cig ni re khang pa zhes zer te khang pa zhes pa ni snod du gyur pa'i ming ngo/ /snga brjod pa yin zhes pa ni thams cad du 'jug pa'o/ /bI ra NaM ni snying nyid do zhes pa ni snying zhes pa la pI ra Na'i ming byas pa'o/ /gzhung kha cig las kA ra Na'i snying nyid do zhes zer ro snying ni kA ra Na'o/ /nyid kyi sgras ni bsdus pa dang nye bar gzung ba'o/ /kau ra bA ni gsod pa yin zhes pa ni gsod pa la kau ra pA zhes brjod pa yin no/ /kau ra pA'i sgras ni bud med kyi rtags so/ /g+haN+DA zhes pa ni pad+ma'i lte pa zhes pa ni pad+ma'i lte ba kar pi la g+ha bi li ming btags pa'o/ /shi ro 'grigs pa ste zhes pa ni dkrigs pa'i ming shi ro byas pa'o/ /kA ra Na'i phag gi skra zhes pa ni phag pa'i spu la kA ra Na'i ming byas pa'o/ /sh+ra ba Na ni rna ba'o/ /zhes pa ni don ji lta pa bzhin du byas pa'o/ /a mi ta s+thA na ni bsrub pa'o zhes pa ni bdud rtsi 'byung ba'i gnas la bsrub pa'i sgras brjod pa'o/ /sa mA ga mA ni mi'o zhes pa ni mo'i rtags can gyi sgra ste mi brjod pa'o/ /DA li kA ni mkha' 'gro ma zhes pa ni DA li kA la mkha' 'gro mar brjod pa'o/ /na ra ka ni dkyil 'khor ro zhes pa ni dkyil 'khor la na ra kar brjod pa'o/ /a mu kaM ni dur khrod do/ /zhes pa ni dur khrod la ming byas pa'o// kA khi lA'i ni mo rtags can gyi sgra ste de yang sgo'i ming ngo/ /shwa sa ni na bram ze'i zhes pa ni bram ze'i ming ngo/ /pa ri d+hi ni rgyal rigs so/ zhes pa ni rgyal rigs kyi ming ngo/ /pi ra ti ni rje'u rigs zhes pa ni rje'u rigs kyi ming ngo/ /kru ra ni dam nga rigs so/ /zhes pa ni don ji lta ba'o/ /an+ta sme sha can no zhes pa ni sme sha can gyi ming ngo/ /bu shu bi ka ni khyim mo zhes pa ni khyim gyi ming ngo/ /DA ki nI zhes sring mo zhes pa ni go sla'o/ /me da kam ni chu'o zhes pa ni chu'i ming ngo/ /grI
- 213b
hA Na ni phyag rgya'i zhes pa ni phyag rgya mo ni gri hA Na zhes bya'o/ /lce so la reg pa ni ltogs pa'i don ston pa'o zhes pa ni ltogs par gyur pas zas slong ngo zhes pa'i don to/ /triSh+Na ni dri bsgo ba ni triSh+Na'i ming byas pa'o/ /ku ta ni 'ongs pa'o/ /zhes bya ba ni brda bya ba'o/ / gnas che ge mo zhes bya ba ni lnga pa'i mdza' can gyi tshig tu rang bzhin gyis grub pa ni lan byin pa'i ming ngo/ /ka ra Na ni me tog ces pa ni ka ra Nas brjod pa'o/ /tu lam ba ni rgod pa'o zhes pa ni rgod cing gzhad pa zhes pa'i don to/ /ni ni bsdus pa'o/ / da ro ni so'o zhes pa ni sor brjod pa'o/ /bribTi ni 'gog pa ni zhes pa ni 'gog pa la brjod pa'o/ /tri pa ti ni rnam par rig byed ces pa ni tri pa ti brjod pa'o/ /d+hur yu ni phyi rol zhes pa ni phyi rol gyi gnas su brjod pa'o/ /me g+ha ni bdug spos la dga' bo zhes pa ni go sla'o/ /sA nu ni ri bo zhes brjod pa'o/ /pa ri ha chu bo zhes bya'o/ /aM gu la ni yan lag go zhes pa ni sor mo'i grangs so/ /be dan ni gdong zhes pa ni don ji lta ba bzhin no/ /ra rdzi ka ni lce'i zhes pa ni lce ru brjod pa'o/ /a dA na ni so'o/ /da ri ya po ni zhes pa ni pa sa g+haM 'dras pa'o/ /paM ga ti ni rgyal mtshan zhes pa ni rgyal mtshan la brjod pa'o/ /tshen do ni phreng ba'o zhes pa ni phreng ba la brjod pa'o/ /tsa la ni rlung ngo zhes pa ni rlung la brjod pa'o/ /pa shu ni ri dags so zhes ba ni ri dags la brjod pa'o/ /ba shu'i sgra las dang po'i mang po'i tshig phyis pa'o/ /yA na ti ni dkyil 'khor zhes pa ni dkyil 'khor la brjod pa ste/ na ra ka yang ngo sa'am bzhi mang ngo zhes pa ni bzhi mdo la brjod pa'o/ /phal gu Sha ni skya 'gro zhes pa ni skye 'gro la brjod pa'o/ /sgra'i rtags la rang dbang med pa'o/ /mahA ak+Sha ra ni ro chen po zhes pa ni mi'i ro la brjod pa'o/ /mahA pa su ra'i zhes pa ni ra nyid ni ra? ste de yang mi brjod ces pa ni thams cad du sgra'i gnyis par go par bya'o/ /nA ni mi'o zhes
- 214a
pa ni nA'i sgra ni skyes pu'i tshig ste/ sgra mo rtags can no/ /kha cig las nre zhes zer ro/ /go ni glang ngo zhes pa ni yang ga bI'i sgra don med pa'o/ /ma ni ma he'i zhes pa ni ma he Sha'i sgra ni phyogs gcig pa'o/ /b+hA ni za ba'o zhes pa ni 'di yang bud med rtags can no/ /zan ni da ltar bza' par bya'o zhes /mkha' 'gro de bzhin lA ma dang/ dum skyes ma dang gzugs can kha cig tu yA'o ces pa ni ra'i sgra ni za ba'i rnam grangs te/ 'di bud med kyi rtags can gyi sgra'o/ /hA yA ni nus pa las so zhes bya ba ni tshig gis so/ /a bya ka ni rgyal po la reg pa zhes pa ni rgyal po'i mi yul ma yin zhes pa'i don to/ /a bya ka yang nges par zhugs shes bstan pa'i phyir ro/ /pa na ni gnas pa zhes pa ni rkyen med pa'i gnas pa'i tshig tu brjod pa'o/ /kha la reg pa ni zos so zhes pa ni kha la reg pas zos so zhes par bstan pa'o/ /so la reg pas ni tshim mo zhes pa ni go sla'o/ /ho ni rnam grangs so/ /zhes pa ni kha cig na re tshim pa'i rnam grangs so/ /h+ri ni ngo che ba'o/ /zhes pa ni rol pa la brjod do/ /stong pa la reg pa ni 'dod pa spyod cig ces pa ste go sla'o/ /brla la reg pa ni steng nyid du zhes pa ni sngon gyi dus nyid du byas so zhes dgongs so/ /'og na zhes bya ba la sogs pa la 'di las gzhan du gyur pa phyag rgya dang phyag rgya'i lan med cing brda yang yod pa ma yin no zhes pa'i don to/ /mkha' 'gro de bzhin lA ma dang/ dum skyes ma dang gzugs can ma dang/ sde tshan bzhi po da thams cad kyang brda'i tshig go /DA zhes bya ba ni skyes bur dran zhes bya ba la sogs pa'o/ /de nyid dang por gyur pa gang yin pa'i yi ge la sogs pa'i tshogs sde tshan bzhi po de yang thams cad brda byas pa'i tshig gis thams cad brdar byas pa'o/ /de nyid rjod par byed pa la thams cad du don rnams kyi yul la chags shing 'dod pa gang
- 214b
gyis brdar byas pa'i tshig gis brda la sogs pa brjod pas de rnams kyi mdza' mar gyur pa'i le'u'o/ /dang po'i le'u la bltos nas nyi shu rtsa bzhi pa'o/ /le'u bco lnga la bltos nas bcu par yang ngo/ /de bong bu'i rnal 'byor dpal he ru kar byed pa'i cho ga'i le'u bzhag ste le'u bcu po'i bsdus pa'i don bstan pa'o/ /lugs las byung dang/ lugs las bzlog pa'i zhes pa ni don gzhan no/ /dkar po'i phyogs kyi tshes gcig gi rim pas 'khor lo gsum la sogs pa'i rnal 'byor ma rnams gnas ji ltar bsgom zhing g.yon skor dang g.yas skor du dgod do zhes bya ba'i don to/ /zhes bya ba ni dpal 'khor lo sdom pa'i le'u nyi shu rtsa bzhi pa'i dka' 'grel lo// //sngon du bsdus pa'i rtsa ba'i sngags ni ji lta bu ci'i don du spas zhes rang gi dogs pa bsu ba'i don du de nas kyi sgra'o/ /de'i phyir don kun zhes bya ba la sogs pa gsungs so/ /de la 'dir sngags sba bya zhes sbyar ro/ /gang gi don du sbas zhes pa la thams cad du don rnams kyi yul la chags shing 'dod pa gang yin pa don de bzhin no/ /yul don du gnyer bas don bltos zhes pa'i don to/ /de yis 'phral du bsgrub par mi nus te de'i phyir bdud kyis byin gyis rlob bo zhes dgongs so/ /de ji tsam zhes pas brgyad ces gsungs te/ rkang pa brgyad nyid kyi phyir sngags brgyad do/ /sbas pa'i sgra las dang po'i mang po'i tshig phyis pa'o/ /mdza' ru rang gi ngo bo nyid kyi sgrar sbyar rro/ /mos pa dman pa'i sems can gang yin pa de ni de bzhin no/ /nyan thos kyi don la yang bltos so zhes pa'i don to// de yang rang nyid dul ba dang zhi ba tsam don du gnyer ba'i phyir dman pa la mos pa'o/ /mu stegs ngan pas kyang mi shes par bstan pa'i phyir ro/ /de'i sems ni de'i don gyi blo'o/ /des ni ming de las bsrung ba'i don de sbas so zhes dgongs so/ /de
- 215a
la zhes pa ni rang gi dogs pa bsu ba'o/ /'di zhes pa ni rkang pa brgyad pa'o/ /sbas byas zhes pa ni ji ltar shes zhes pa la rkang pa brgyad po zhes bya ba la sogs pa gsungs te/ dpa' bo dang rnal 'byor ma rnams gsal por yod pa la mi gsal ba ni gsal bar byas pa ste/ slob dpon med par 'jug par mi rigs te/ sngags kyi tshul la ni dngos grub nyams par gyur pa nyid kyi phyir ro/ /sngags ni oM na mo zhes bya ba la sogs pa bsungs te/ sngags kyi rgyal po dang bsres par gyur pa'i rtsa ba'i sngags gnyis 'dir sbas pa'o/ /huM hUM phaT gnyis dang sbyar ro/ /gnyis po yang 'dir huM hUM phaT ces gsungs so/ /de'i phyir rtsa ba'i sngags zhes bya ba la sogs pa gsungs so/ /rtsa ba'i sngags kyi bdag nyid thams cad ni rtsa ba'i sngags kyi bdag nyid thams cad de/ de sbas pa ni gsang bar gyur pa'o/ /ngo bo nyid la N+yuTa'i rkyen byin pa'o/ /yi ge re re btus pa ni sbas pa'i de brjod par byed pa de gang yin pa de 'am gang la de yang yin le'u yang yin pas rtsa ba'i sngags thams cad sbas pa'i cho ga'i le'u ste bar gyi tshig phyis pa'o/ /nyi shu lnga pa'i zhes pa ste dpal 'khor lo sdom pa'i le'u nyi shu rtsa lnga pa'i dka' 'grel lo// //da ni sngags kyi phan yon ston te de nas de phyir zhes bya ba la sogs pa gsungs so/ /de'i phyir ni rtsa ba'i sngags las gtso bor gyur pa'i sngags kyi tshig go yod pa zhes pa ni rdo rje phag mo ste/ de yang dag par rtogs shing rig pa 'am med do zhes bstan pa yin no/ / sngags ni rtsa ba'i sngags la sogs pa'o/ /de shes nas sngags thams cad yongs su dor ba'o/ /dpal he ru ka'i sngags kyang dpal he ru ka ste de gnyis dbyer med pa'i phyir ro/ /le'u bzhi pa las bstan pa'i brtson chen mo la sogs pa'i
- 215b
rnal 'byor ma rnams go rim bzhin du bkod pa ston te/ rim dang rim min zhes bya ba la sogs pa gsungs te/ rim bzhin ni go rim bzhin du'o/ /gzhan gyi ming nyid ni rim min te/ go rim ma yin pa'o/ /de la sngar gyi rnal 'byor ma rnams yang dag par nye bar gnas par ston pa'o/ da ni go rim bzhin du dgod par bya'o/ /zhes bstan pa'i phyir/ 'og dang steng dang zhes bya ba la sogs pa gsungs so/ /'og nyid steng du bya'o zhes pa'i don to/ /rab tu gtum mo la sogs par brjod pa gang yin pa de steng du thugs kyi 'khor lo la sogs pa dgod do zhes dgongs so/ /des cir gyur zhes pa la grub rtag ster zhes gsungs te/ de ltar bsgom bzhin pas 'grub par 'gyur zhes dgongs so/ /de'i phyir bdag gi pho nya mo kun 'gro zhes gsungs so// bdag ni sems so/ /thugs kyi 'khor lo zhes pa'i don to/ /de bdag gis brtsam par bya'o zhes pa'i don to/ /kun 'gro ni 'khor lo gsum 'gro ba yin no/ /brtsam pa zhes pa 'di phyis pa'o/ /pho nya zhes pa ni dang po'i mang po'i tshig la gnyis pa'i gcig gi tshig go /ni ni nye bar gzung ba'o/ /pho nya mo des grub kun ster zhes pa ni pho nyid pho nya mo'o/ /ci zhes pa la mthong ba dang ni reg pa dang zhes gsungs te/ mthong ba ni nye bar dmigs pa ste/ dngos su mngon du byed ces pa'i don to/ / reg pa ni sems kyis bsgom zhes pa'i don to/ /gang gi tshe gnyis su gyur pa'i tshe dngos grub thams cad ster ro zhes pa'i don to/ /tsumpa na zhes pa ni 'o byed pa'o/ /'khyud pa zhes pa ni 'khyud pa'o/ /las la lyuTa'i rkyen byin pa'o/ /rnal 'byor gnas ni zhes bya ba la sogs pa ni rnal 'byor gyi gnas so/ /khyad par nyid ces pa ni 'dod pa'i bstan bcos las gsungs pa'i 'ching ba la sogs pa'i khyad par ro/ /ji srid ces pa ni gnas la sogs pa lhag
- 216a
ma ma lus par rtogs pa'o/ /ji tsam zhes bya la rnal 'byor tshogs rnams zhes gsungs ste rnal 'byor ma'i tshogs zhes pa'i don to/ /ci byed ces pa la thams cad dngos grub byed par dran zhes gsungs te/ dngos grub thams cad byed par dran pa ni ma ning gi rtags nyid kyi gcig gi tshig gi mdza' nyid du spyad pa nyid de/ bde bar gshegs pa'i lung ni tshig yin pa'i phyir ro/ /yang na dang po'i mang po'i tshig nyid kyang a'i thig le gcig dang thung ba nyid phyis pa ni nges pa'i tshig byas pa'o/ /bden pa can du kun la byin zhes pa ni thams cad du bden par gyur pa'i yin pa 'dis de ni de bzhin du tsA ru bza' ba la sogs pa'o/ /de de bzhin du mtshon pa de la sbyin par bya'o/ /de nas des grub po zhes ston te/ gzhan du nam yang ma yin no zhes gsungs so/ / ni ni nye bar gzung ba'o/ /'dis ma la sogs pa gzhan gyi rnal 'byor ma bsnyen zhing brtse ba nyid du gsal ba nyid du nye bar ston te/ ma dang sring mo bu mo dang/ /chung ma pho nya ma ru gnas zhes gsungs te/ chung ma zhes pa ni bag ma gcig pu'o/ /gang zhig rtag tu sngags sbyin pa/ /de nyid de bzhin rtag tu dran zhes pa ni gang la rnal 'byor pas rnal 'byor ma la sngags kyi bdag nyid byin la de khyer te/ dngos grub grub par bya zhes bsgrub par bya'o/ /de la sbyin par bya ba ste/ sngags kyi lugs kyi cho ga dran pas de de'i don nyid kyi phyir ro/ /sngags zhes pa ni gsong por sma ba yang yin no/ /gzhan yang dam tshig yang dag bshad ces pa ni dam tshig ces pa ni gnyis pa'i mang po'i tshig phyis pa'o/ /gzhan nyid ni bdud rtsi rnam pa lnga la sogs pa'o/ /mang po nyid las gcig gi tshig go /dam tshig gzhan yang bdag gis bshad ces pa ni gzhung gzhan yang de bzhin no/ /dam tshig gzhan yang ni rkyen phyis pa'o/ /de nas kyi sgra la a'i rkyen gyis phyis pa'o/ /dam tshig ces pa ni ma
- 216b
ning gi rtags su bstan pa 'am dam tshig ni g.yon nas zhes bya ba la sogs pa gsungs te/ skyes pa ni skyes bu ste/ g.yon du skyes pa 'am bud med bzhag nas gzhan skyes pa 'am bud med 'gro ba gang yin pa de ni dpal 'khor lo sdom pa'i rnal 'byor ma 'am rnal 'byor par shes par bya'o/ /de'i phyir yang 'dod pa'i dngos grub tu 'gyur ro zhes nges pa yin no/ /de bas na shin tu ring yang shes par 'gyur zhes gsungs te/ sngon du bstan pa'i mtshan nyid ma mthong yang g.yon nas bskor zhing 'gro bas mtshon pa ni pho nya mo'o/ /pho nya de gang nas shes pa la pho nya zhes bya ba la khyim dang zhes bya ba la sogs pa gsungs so/ /dpal he ru ka las sbyor gzhan med/ /ces bya ba ni dpal he ru ka mchog ni gtso bo gang yin pa de ni de bzhin no/ /dpal he ru ka mchog ni rnal 'byor med pa de ni de ltar mi 'gyur te/ dpal he ru ka nyid kyi rnal 'byor ni mchog gi rnal 'byor zhes dgongs so/ /rnal 'byor 'dis ni slob dpon no/ /rnal 'byor ma ni rnal 'byor te/ gtso bo zhes par sbyar ro/ /ci zhes pa la rgyud 'di ru ni sgrub pa po legs par gyur pa nyid yin te zhes gsungs so/ /'dir zhes pa ni rang gi ngo bo nyid kyi gnas skabs so/ /legs pa'i sgra ni dang po'i mang po'i tshig srog med kyi ma bris pa'o/ /dpal 'khor lo sdom pa'i rgyud la shin tu sgrub pa po ni legs pa nyid yin no zhes pa'i don to/ /de'i phyir brnyas pa mi bya ba ni chung ngur bgyi bar mi bya'o/ /spang bar mi bya ba ni smad par mi bya'o/ /de bas na gus pas mchod par bya'o bdog pa ji lta bus zhes pa'i don to/ /gus pa nyid ston te/ skye 'gro zhes bya ba la khwa gdong ma la sogs zhes gsungs te/ khwa gdong ma la sogs pa lha mo brgyad pa 'di gus pa dang dad pa 'phel par byed pa yin no/ /de yang dngos grub rnams kyi rgyu yin no/ /de la khwa gdong ma la sogs pa'i gzugs dngos grub kyi rgyu brgyad po de gang yin zhes
- 217a
pa la/ dam tshig rnams zhes pa la sogs pa gsungs so/ /kyang ni nye bar gzung ba'o/ /dam tshig skyong ba ni dang po'o/ /gzhan nyid dang yang dag par sbyor ba las log ste ci lta bur gyur pa la yod ces pa la 'dod la chags par gyur pa dang zhes pa la sogs pa gsungs so/ /'dod pa ni yul te de la rmongs pa ni dang por zhugs nas phyis log go zhes dgongs so/ /de las log pa ni gnyis pa'o/ /gang la gnyis kyi rnam par rtog pa med pa de ni gnyis med rnam par mi rtog pa nyid de gsum pa'o// dang ni bsdu ba'o/ /gnon pa ni gnon par byed pa ste khas blangs pa ni grub pa'i mthar gnas pa la gnon pa med de/ lhag par mos pa bstan pa nyid kyi phyir ro/ /bzhi pa'o/ /dam tshig rnams ni rnal 'byor ma rnams so/ /spyod pa ni 'dod pa bsten pa la sogs pa'o/ /de la spyad pa ni bya ba ste lnga pa'o/ /bud med dbang phyug mi srub min zhes pa ni dbang phyug nyid ni dbang phyug ste/ 'phel ba'i sgra ni mi rtag de dbang phyug ma yin pa ni ma yin te/ min ni ma yin pa'o/ /dbang phyug ma yin pa ni ma yin no sgra'i rkyen med pa'o/ /ci'i phyir zhes pa la bud med bsrubs pa zhes gsungs te rnal 'byor ma dang rdo rje pad+ma bskyod pa'o/ /de la dbang phyug nyid ni drug pa'o/ /tshangs par spyod pa chags pa med pa la ci zhes pa tshangs par spyod pa de bzhin blang zhes gsungs te de bzhin nyid kyi ngo bo nyid byang chub kyi sems blang ba ni de la mngon par zhen pa med pas blang ba ste bdun pa'o/ /khro ba med pa ni mi khro ba ste/ khro bo de las kha phyir bltas pa nyid do zhes dgongs so/ /rgyud kyi ni dbang po rnams te/ 'dir kun tu spyod pas na kun spyod ba'o ni yul gyi grong khyer la'o/ /dang ni nye bar gzung ba'o/ /yul gyi grong mi chags pa kha phyir bltas pa ni rgyu ste brgyad pa'o zhes pa ni rgyu rdzogs pa'o/ /dngos grub kyi rgyu brgyad po 'di gang la yod pa de rnams gus pas rab tu gnas ni de nyid la mchod do//
- 217b
ci'i phyir zhes pa la dam tshig spyod pa zhes gsungs te/ rnal 'byor ma'i tha snyad yin pa'i phyir ro/ /dam tshig yongs su bskyang ba la sogs pa'i dam tshig brgyad po ni dngos grub rgyu'o/ /zhes shes par bya'o/ /sgrub pa po sgrub pa la gnas pa'i dngos grub nges par bya'o// rgyud kun gyi ni thun mong ste/ ji ltar 'di rnams dngos grub kyi rgyu yin zhes pa la nyams shing smad par mi bya'o/ /zhes gsungs so/ /gang gis gnod par mi bya zhes pa la rgyu med par ni nges pa'i rgyu mngon sum la sogs pa tshad mas so/ /gang yang tha dad pa tsam gyis blang bar bya ba nyid kyi phyir mig dang lag pas ma yin no/ zhes gsungs so/ /de'i phyir yang sba ba nyid do zhes pas phyir gsang ba 'di ni mi bstan cing zhes bya ba dam tshig brgyad do/ /pho nya la rjes su chags pa'i cho ga ni mthe'u chung zhes bya ba la sogs pa gsungs te/ bya rog gi gdong ma'i rtsa band+hu ka'i me tog lta bur gur kun gyi me tog dang 'dra bas sa bon gang yin pa srin lag dang gung mo gnyis kyi rtse mo kha sbyar zhing bskyod de/ bskyod pa ni bskul ba'o/ /ci'i don du zhes pa la/ pho nya zhes bya ba la sogs pa gsungs te/ pho nya mo la yang dag par gnas pa'i myos byed 'dzag pa'o/ /slob ma yongs su brtag pa ni dag dang zhes bya ba la sogs pa gsungs te/ dag pa ni rnam par dag pa'i bsam pa can no/ /ma dag pa ni phyin ci log gi rnam par 'dres pa dang sgrub pa rnam pa gsum mo// mnyes byed ces pa ni yon tan dang yon tan can du las dang 'bras bu'i 'brel pa la yid ches dang ldan pa'o/ /rnam par dag pa ni bstan bcos las gsungs pa/ rjes su khyab par byed pa'o/ /gsal byed ni blo dang ldan pa ste/ 'dod chags dang zhe sdang dang gti mug med pa'i yon tan dang de ldan na yang de nyid kyi phyir mi des ni lugs shes pa'o/ /slob ma ni rang gis bstan pa la nges par sbyor bas zhes pa ni slob ma ni de rnams kyis yongs su brtag pa ni yongs su brtag pa ste yon tan skyon blta ba ste/ slob
- 218a
ma yongs su brtag pa'o/ /sdom pa dang dam tshig dag ston la gang yin pa de yang le'u yang de yin pas de bzhin no/ /nyi shu rtsa drug pa'o/ /zhes bya ba ni dpal 'khor lo sdom pa'i le'u nyi shu rtsa drug pa'i dka' 'grel lo// // de nas zhes pa ni dam tshig dngos su bskyang ba la sogs pa dngos grub kyi mtshan ma dang rnal 'byor ma'i mtshan nyid sngags kyi nus pa'i rjes su spyod pa'i brtul zhugs yin zhes shes par bya'o/ /spyod pa ni rnal 'byor ma'i spyod pa ste/ de'i brtul zhugs la gcig tu rab tu 'jug pa'o/ /de yang ci byas nas sam gang gis spyad par bya zhes pa la de yang dpa' zhes bya ba la sogs te/ ni ni nye bar gzung ba'o/ /rnal 'byor ma rnams kyi mtshan nyid bye brag tu shes pa nyid rnal 'byor ma thams cad kyi sgrub pa po dpa' bo yin no/ /ci'i phyir gang zhes pa la myur du dngos grub 'jug par 'gyur/ grong dang grong du de rab song zhes bya ba gsungs te/ skye 'gro rnams tshogs pa la rnal 'byor ba de tshogs kyi nang du 'gro ba ste song ba'o/ /de na pho nya rab gnas so zhes blta bar bya ste/ mngon du 'gyur zhes dgongs so/ /de ci ltar shes par bya zhes pa la gzugs nyid kyis mtshon pa yin zhes gsungs te/ gzugs nyid kyis mtshon pa ni rtogs pa'i rgyu'o/ /de yang sdang bstan pa'o/ /pho nya dag dang ral gri'i so'i brtul zhugs 'di gnyis ni dag byed do/ /de'i phyir bsod nams 'phel byed do/ /gang gis 'dod pas ral gri'i so'i brtul zhugs de nyid dag par byed do/ /de'i bsam pa khas blangs nas brjod pa'o/ /de la dag byed ces pa ni gnyis kyi bar du so phyung ma thag gi ral gri bzhag nas 'dod pa la yid spro ba'i 'dod ma'i lam du nyal ba ni ral gri'i brtul zhugs so/ /yang na pho nya dang ral gri'i so bzhin 'dra ba ste/ goms par dka' ba nyid kyi phyir ro//
- 218b
'on kyang pho nya rnams mthong ba ni shin tu yang dag par byed do/ /bsod nams 'phel bas ral gri'i so yang yin te/ don sgrub par byed pa yin no/ /dang ni bsdu ba'o/ /de'i phyir legs par 'dres pas dngos grub thob ces pa ni pho nya mthong ba la sogs pas legs par 'dres na sgrub pa po dngos grub thob pa'o/ /gang zhes pa la pho nya zhes bya ba la sogs pa gsungs te/ de lta bur gyur pa'i rnal 'byor ma mthong ba la sogs pas pho nya yang grub pa ni phyi rol gyi bzlas pa dang bsgom pa dang mchod pa med par yang gang yin pa mngon du 'gyur ba'o/ /myur ba nyid ni bskal pa bye ba grangs med pa la sogs pa dgag pa'o/ /yang na sngags kyi bzlas pa dang dkyil 'khor gyi 'khor lo sgom pa dang mchod pa rnam pa lngas lha la mchod pa med par yang po nyas 'grub pa zhes pa ni de lta bur gyur pa'i rnal 'byor ma de ni shin tu yang phul du byung zhes brjod pa'o/ /pho nya ni pho nya mo rnams so/ /legs 'dres ni dngos grub thob pa'o/ /zhes pa ni bzlas pa la sogs pa med par yang mi byed par de nyid kyis sgrub pa po sgrub pa zhes bya'o/ /pho nya dang legs par 'dres pa bdag nyid kyi tshe brjod do zhes kha cig zer ro/ /pho nya mthong ba nyid mchod pa la sogs pa rab tu 'jug pa yin no zhes bstan pa'i phyir mchod pa zhes bya ba la sogs pa gsungs so/ /sngags kyang yin la phyag rgya yang yin pas sngags dang phyag rgya'o/ /'di la zhes pa ni pho nya mthong ba la sogs pa'o/ /de ltar bstan bcos zhes pa ni dpal 'khor lo sdom pa'i brjod pa'i rnal 'byor ma'i rgyud las so/ /de nyid kyi phyir pho nya lam la dga' ba'i rnal 'byor pa gdams ngag la nye bar gnas pa'i sgrub pa po yin no/ /rtag tu ni thams cad du'o/ /dngos grub ched du byed pa ni de la gzhol ba'o/ /pho nya'i lam la dga' ba'i sgrub pa po dngos grub ched du byed ces pa'i gzhung
- 219a
gzhan no/ /ni ni gang gi phyir ro/ /dmigs kyis dgar ba'i drug pa'o/ /pho nya'i lam la dga' ba'i nang nas kha cig dngos grub ched du byed pa de ni sgrub pa po yin no/ /mnyes par byed pa'i khyad par ston te zas dang zhes bya ba la sogs pa gsungs te/ dang ni mnyes par byed par bsdu ba'o/ /zas ni gcig tu bza' ba'o/ /rnal 'byor ma rnams la gsol bar bya'o/ /rtag tu ni rgyun du bar ma chad pa dus ring por ro/ /sngags dang phyag rgya yang dag ldan zhes bya ba ni sngags kyi bzlas pa la sogs dang ldan no zhes pa'i don to/ /'di'i don du sgrub pa po ni legs mnyam gzhag ces pa ni legs mnyam gzhag ni dpal he ru ka byas pa'i rnal 'byor pa gang yin pa de ni de bzhin no/ /rnal 'byor kun la rab tu 'jug ces pa ni gzhung gzhan te/ dang po'i don la drug pa'o/ /brtan pa dang g.yo ba la sogs pa'i stong pa nyid kyi rnal 'byor la rab tu 'jug pa'o/ /bag med rnams la dbang med phyir/ zhes legs par mnyam par bzhag pas zhes pa ni don gzhan no/ /rigs rnams kun la spyad byas shing/ /zhes pa ni rigs thams cad dang lhan cig tu bza' ba'o zhes pa'i don to/ /'di ni bza' ba'o 'di ni mi bza' ba'o zhes bye brag tu mi bya'o/ /de ltar ci'i phyir ma lus pa byed ces pa la ni de nyid du ni dbyer med de zhes gsungs te/ ma lus pa dbyer med par de spyod pa'i rnal 'byor pa de kho na nyid du gcig gi ngo bo nyid yin no/ /pho nya dag kyang dbyer med pa ste thams cad dbyer med pa'i phyir ro/ /de'i phyir pho nya ma'i zhes bya ba gsungs so/ /grub pa gnyis zhes pa ni grub pa gnyis mi rtog pa dang pho nya yang ngo/ /sgrub gnyis zhes pa ni rnam pa gnyis bsgrub par bya ste/ de nyid 'jig rten pa'i bde ba nyon mongs pa dang bcas pa dang/ nyon mongs pa med pa 'jig
- 219b
rten las 'das pa gcig po kho na ni sgrub byed kyi cha'o/ /kho na ni shin tu yang nges par byas pa'o/ /de gang yin zhes pa la pho nya zhes gsungs te/ gnyis ka'i dngos grub kyi don du pho nya nyid 'ba' zhig yin gyi gzhan ni ma yin no/ /zhes pa'i don to/ / gang gi phyir rnam par mi rtog pa de'i drin gyis 'grub zhes bya'o/ /de'i drin ci zhes pa la rab bskul zhes gsungs te/ drin gang gis bskul bas de'i bsam pa 'grub ste/ sngon du byed pa'o/ /gnyis dngos grub bsgrub pa las nya bar bya ba'i don to/ /de la de nyid du dbyer med ces pa ni de nyid du rang gi ngo bo nyid dbyer med do/ /de la pho nya yang sgrub pa rnam pa gnyis zhes pa ni sgrub pa gnyis ni bsod nams kyi tshogs dang rnal 'byor ma'o/ /spyad bzhin pas dngos grub gnyis grub pa'o/ /'on kyang pho nya gcig pu kho na yin zhes pa ni gcig sgrub pa'i cha ni pho nya'o/ /de'i dngos grub nye ba'i phyir zhes pa ni gzhan gyi bshad pa'o/ /'dir yang gzhung lhag pa yod de/ zhing dang grub gnas na ni mkha' 'gro ma ni 'di ru 'tshog /de ru gnas la bzlas pa bya/ /zas la gcig tu spyod pa ni/ /de dang de ru rol pa gnas zhes gsungs te/ gzhung 'di nyid la 'jug par bya ste/ snying por byas te zhes pa ni zhing zhes bya ba la sogs pa gsungs te/ bza' ba dag la bza' bar bya'o/ /dbang bskur nyid thob pa'i rnal 'byor ma ni rtse ba'i zhes pa la bla ma zhes bya ba la sogs pa gsungs te/ bla ma'i brgyud rims ni bla ma gzhan dang gzhan nas brgyud de 'ongs pa'i rim pa'o/ /chu la sogs pa ngo bo nyid kyi khyad par ro/ /de yis dbang bskur ba thob pa'o/ /dbang bskur ba ni dbang bskur ba ste/ ldan par 'os pa'i slob dpon la sogs pa'i dbang gang yin pa de ni de bzhin no/ /slob ma zhes go bar bya ba'o/ /legs pa'i sdom pa ni sdom pa legs pa'o/ /legs sngags zhes pa'i gzhung la ni bzlas pa'i sngags so/ /yang dag ldan zhes pa la
- 220a
gzhung gzhan no/ /brgyad pa thob pas pho nya mo ru yang dag bshad ces pa ni pho nya ni mdzes par brjod pa'o/ /slob ma ni chos kyi slob ma ste/ chos kyi khyad par du byas pa'o/ /'di dag dbyer med pa'i phyir ro/ /de nas de lta bur gyur pa'i rnal 'byor pa la rnal 'byor ma dga' bar 'gyur ro/ /zhes dgongs so/ /ci zhig gi phyir zhes pa la phyag rgya legs sbyor dang tshul zhes gsungs te/ phyag rgya dang yang dag par sbyor ba las rnyed pa'i lhan cig skyes pa'i dga' ba'i yang ye shes zhes pa de ni bza' ba'o/ /de'i phyir dang ni gang gi phyir gyi don to/ /yang dag par gang ba'i ye shes kyi yul ni 'dir dpal he ru ka'i shes pa yin no/ /ye shes rgyu skyes yang dag rdzogs zhes pa ni rkyen med pa de shin tu ring por brjod pa'o/ /dpal he ru ka nyid kyi bsgom pa'i rim pa ni nang bar zhes bya ba la sogs pa gsungs te/ nang par ni snga bar ro/ /langs pa ni mal nas langs pa'o/ /sems kyi bdag nyid yin no/ /sems tsam nyid kyi bdag nyid rang bzhin gang yin pa de ni de bzhin no/ /de ltar ci byas nas zhes pa la lus kyi bya ba kun byas te zhes gsungs so/ /shes rab kyi mtshon gyis phung po la sogs pa'i ngo bo nyid kyi lus kyang dum bur bye brag tu phye nas stong pa nyid bsgom mo zhes dgongs so/ /sngon nyid du ji lta bar song nas zhes pa la yan lag shin tuAng bstan bcos ni/ lus la gnas pa kun tu spyad/ /ces gsungs so/ /sems can la slob par byed pas na bstan bcos ni de bzhin gshegs pa'i gsung brten pa'i rnam pa de rnams lus la gnas pa ni mig la sogs pa la dgod par bya'o/ /yan lag shin tu ni don dam par rang bzhin med pa'o/ /yang na slob ma'i rtog pa dang/ sgra dang nges pa'i tshig dang/ sdeb sbyor dang/ bsags pa dang/ rtsis zhes bya ba drug ni rig byed kyi yan lag go /de rnams gnas pas na shin tu yan lag ni des rtogs
- 220b
pa ma yin zhes pa'i don to/ /dag byed ces bya ba la sogs pa la phung po la sogs pa rnam par dag pa'i rjes su stong pa nyid du byas pas ni dag byed nyid do/ /oM swa b+hA ba shud+d+ha(rgyud 'grel): sarba d+harmA(rgyud 'grel): swa b+hA ba shud+d+honyahaM/ zhes bya ba'i sngags brjod par bya'o/ /de la rtag tu rnal 'byor pas brjod par bya'o/ /de rgyas par rgyud sna tshogs nas gsungs pa'i phyir ro/ /rnal 'byor gnas ni ting nge 'dzin gyi gnas te go cha gnyis kyi gnas zhes bya ba'i don to/ /des bstan zhes bya ba ni de'i sngags sam de las skyes pa'i lhar byin gyis brlab par bya'o zhes pa'i don to/ /'dis kyang bsgom pa'i phyogs tsam zhig bstan te/ bstan bcos rnams ni bgom mi bya zhes pa ni rnal 'byor ma rnams la bgom par mi bya'o/ /yang na lha rnams kyi mtshan ma dang rig byed kyi tshig yin zhes kha cig zer te/ spyod pa byed pa'i rnal 'byor pas phyi rol pa'i don du kha cig tu bshad par bya ba'i ched du rig byed kyi tshig gi don kyang skyong bar byed do/ /zhes dgongs so/ /dam tshig bstan pa khro mi bya zhes pa ni dam tshig can spyod pa byed pa'i rnal 'byor pa la khro bo'i sems bskyed par mi 'os shes dgongs so/ /mngon par brtson las 'da' mi bya zhes pa ni dpal 'khor lo sdom pa la mngon par brtson pa zhes pa ni de mngon par bsags pa'i rnal 'byor ma rnams so/ /bde ba ni shin tu dga' ba la sogs pa'i bde ba'o/ /grol ba'i don dang de don du zhes pa ni grol ba'i don ni bde ba'i don du yang byas pa ste/ 'dod pa'i bstan bcos nas 'byung ba bzhin byas la de dang lhan cig tu nyal lo zhes sbyar ro/ /rnam 'khru ba ni rnam par rol pa yang dag par 'byung ba sbyar bar bya zhes sbyar ro/ /gal te bya bar 'os pa yin na bya'o zhes pa'i don to/ /gal te 'dod pa la dga' na de bya'o zhes pa'i bar ro/ /de la mtshan mo zhes bya ba la sogs pa la gnag la chags pa ni nag pa'i phyogs la chags pa'o/ /mgul rgyan la sogs pa
- 221a
mi'i mgos spras pa'o/ /gdu ba zhes pa ni gdu bu'o/ /tshangs skud dang ska rags skra yis spras ma dang dril bu g.yer kha dang ldan pa'i rkang rgyan de'i sgra dang lhan cig tu mgul rgyan la sogs pa 'chang zhes pa'i don to/ / ral pa'i cod pan zhes pa ni ral pa'i dbu rgyan no/ /dar dpyangs kyi mtshan ma zhes pa ni dpa' bo'i dar dpyangs so/ /bcos ma'i skra la sogs pas brgyan zhes pa ni gzhan skra dang/ rnga ma la sogs pas mdzes par byas zhes pa'i don to// rdo rjes mtshan pa ni rdo rjes mtshan pa'i pad+ma ste/ thod pa rdo rje pad+ma dang lhan cig tu rdo rje kha TwAM ga dang Da ma ru'i sgra hUM gi rnam par gnas pa zhes pa ni de de bzhin no/ /dpa' bo thams cad gang yin pa de ni thams cad dpa' bo'i ste 'khor lo gsum ste/ de'i rnal 'byor ma ni rab tu gtum mo la sogs pa'i rnal 'byor ma'o/ /'di rnal 'byor pa des bsgom par bya'o zhes dgongs so/ /de nyid kyi phyir go cha gsum gyis rnam par brgyan te/ 'khor lo gsum la gnas pa'i go cha gsum gyis bdud kyi mtshon cha bzlog par bya ba'i phyir te/ lha sum cu rtsa bdun sgom pa dang ldan pa'o zhes bsam pa'o/ /srog chags las byung gyon zhes pa ni pags pa'i gos gyon par bya'o zhes shes par bya'o/ /gyon pa ni mnabs pa ste g.yogs so zhes pa'i don to/ /ngo bo nyid la b+ha nya'i rkyen byin pa'o/ /de dang lhan cig bde ba bya zhes pa 'di rgyas par ston te/ bde don bskyod pas bde thob 'gyur zhes gsungs so/ /mchod phyir thogs kyang yang dag spangs/ /gtsang sbra dpal he ru ka gnas zhes pa ni kyang ni ma gsungs pa yongs su bsdu ba'o/ /thos pa dang dran pa la sogs pa byas pa'i mchod phyir thogs pa la sogs pa bskyed pa'i gtsang sbra spangs nas dpal he ru ka'i rnal 'byor la gnas pa ni gtsang sbra zhes bsam pa'o/ /phyag rgya lnga ni
- 221b
rab ? nas/ /dus rnams kun tu rnam par gnas/ /mtshan mo rtag tu gsal bar bya/ /nyin mo yang ni legs sba bya zhes pa ni bya ba'i ye shes legs par sba/ /rab tu zhi ba ngal ba spangs/ /gtsang sbra rnam pa gsum du shes/ /rang gi rgyun gyis rnam par gnas zhes pa ni gzhung lhag pa ste/ de la ni de'i don ni rdo rje dang rin po che dang/ pad+ma dang las dang de bzhin gshegs pa'i rigs dang so sor 'brel ba dang zhes bsam pa'o/ /mtshan mo rigs la dang so sor 'brel pa ni gsal ba'o// rten pa bcug pa'o/ /ni ni shin tu ba'i don to/ /de nyin mo legs par sba bar bya'o/ /yang ni nges pa'i don to/ /smod cing sems can rnams kyi kha na ma tho bar gyur cing zhes pa'o/ /bya bas bsten pa'i ye shes ni lhan cig skyes pa'i ye shes kyang ngo/ /legs par sba ba ni rab tu zhi zhing snying rje dang ldan pas ngal ba las rnam par rgyal ba'o/ /gtsang sbra de yang rnam pa gsum ni de yang zhen pa med pas 'dod chags la sogs pa la rab tu 'jug pa'o/ /yang na pho nya zhes bya ba la sogs pa'o gnas 'chad pa'i phyir ro/ /rang gi rgyun ni rang gi sems rnam par gnas pa zhes pa'i bya ba'o/ /mi rigs ni bram ze la sogs pa'o/ /rigs ma yin pa ni mthar skyes so/ /dor mi lta zhes pa ni gtso bor byas pa'o/ /mi lta ba ni smod pa byed pas na smad de gtso bo ma yin no/ spyi gtsug tu gtsug phud do/ /sogs kyi sgras ni cod pan dang thal ba dang ral pa la sogs pa yin no/ /de rnams bcing ba ni 'chang ba ste/ de spang ba'o/ /gtsang sbra gzhan no pho nya zhes bya ba la sogs pa gsungs so/ /pho nya ni pho nya ste/ thig le gcig phyis pa'o/ /zla ba zhes pa ni zla ba ni byang chub kyi sems so/ /zas gcig ni gang de bza' ba'o zhes pa'i don to/ /za ba nyid zhes pa ni thig le gcig phyis pa'o/ /de yang gtsang sbra gsum pa'o/ /gtsang sbra de yang rab tu skyong ba ni gtsang sbra
- 222a
dag pa ste/ rim gyis thob nas ci'i phyir dngos grub tu mi 'gyur zhes dgongs so/ /gtsang sbra de rnams yongs su bskyang ba las gtsang sbra dag pa thob pas/ ci'i phyir phyag rgya chen po'i dngos grub tu mi 'gyur/ bde mchog ces pa ni bde mchog bla ma'o/ /gsang ba'i rgyud ces pa ni gsang ba mdzod la sogs pa'o/ /de bzhin zhes pa ni 'dzin pa med pa'o/ /nyid ni nye bar gzung ba'o/ /dang ni spyod pa bsdu ba'o/ /brtul zhugs dang bzlas pa dang nges pa ni sogs kyi sgras dbang po'i tshar gcad pa la sogs pa de dngos grub ster ba zhes pa ni bzlas pa dang brtul zhugs la sogs pas dngos grub ster ba ni lha'o/ /de nyid bsdus pa la sogs pa bzlas pa la sogs pas 'grub bo zhes pa ni bsdus pa'i don to/ /'dir ni dpal 'khor lo sdom pa'o/ /dpal he ru ka'i bsam gtan nyid 'ba' zhig gis sgrub pa pos phyag rgya chen po bsgrub pa po zhes bsams pa'o/ /de nyid kyis phyir sngags pas skad cig nyid la 'grub 'gyur zhes bya'o/ /gtsang sbra nyid kyi phan yon ni rnal 'byor zhes bya ba gsungs so/ /sems tsam du snyoms par zhugs pa ni rnal 'byor ro/ /de nyid yang dag gi byang chub kyi lam de la dag pa rnams kyi nang nas 'di dpal he ru ka'i rnal 'byor pas gtsang sbra gong du bstan pa la spyad par bya'o/ /gtsang sbra'i dgos pa ni gtsang sbra zhes bya ba la sogs pa gsungs te/ pho nya ni gtsang sbra'i rgyu nyid kyi phyir gtsang sbra'o/ /de rnams gang yin pa'i bsod nams de kha cig gis brjod par mi nus te/ ci zhes pa la sgrub pas yon tan rgya chen po zhes gsungs te/ sgrub pa po gang gi gtsang sbra'i yon tan rgyas par nus pa ni kha ni du ma zhes bya ba gsungs te/ gang yang kha mang por gyur pa de'i tshe nus so
- 222b
zhes dgongs so/ /rigs kyi gcig gi tshig go /gnyis pa la sogs pa yang du ma nyid ces pa la stong phrag gcig gdong zhes gsungs te/ stong du bgrangs pa'i gdong ni stong gi gdong ste/ gdong stong phrag ces pa'i don to/ /ci'i phyir de lta bu sgrub pa po zhes bya ba la dpal ldan zhes bya ba la sogs pa gsungs te/ dpal he ru ka nyid ye shes chen po'o/ /rnam dag ni nyon mongs pa med pa'o/ /kun ni stobs bcu la sogs pa'i yon tan gyi mtshan nyid gang yin pa de nyid kun gyi mtshan nyid do/ /de ltar rnal 'byor pa yang de lta bur gyur zhes dgongs so/ /sgrub pa po zhes pa ni dang ni gang gi phyir ro/ /sgrub pa po'i bde ba'i chu ni byang chub kyi sems de 'thung ba ni bdag nyid gnyis med kyi sbyor bas bde ba'i chu 'thung ba ste/ gnyis su med pa'i sbyor ba'i bdag nyid ni sdig pa kun las grol lo zhes sbyar bar bya'o/ /ci'i phyir zhes pa la dag byed sdig pa nyams byed ces gsungs te/ gang gi phyir bde ba'i chu de lta bur gyur pa zhes pa'i don to/ /reg pa dang ni smras pas kyang zhes pa ni sgrub pa po dang zhes pa'i don to/ /mtshams med pa lnga la sogs pa'i sdig pa thams cad ni lus ngag skyon ni med pa zhes bya'o/ /skyon med pa nyid kyi phyir lus ngag pa zhes shes par bya'o/ /mnyam par spyod pa zhes bya ba ni bde ba'i tshul mi zhes bya ste go sla'o/ /skye zhing skye bar ni skye ba nas skye bar de bzhin gshegs pa'i rigs su skye ba'o/ /de ltar rtag tu mchod ces pa ni rnal 'byor ma mchod par bya ba ste/ gtor ma sbyin par bya zhes pa'i don to/ /de yang gang gi tshe sbyin zhes pa la sbyin gsungs te/ gtor ma bya ba'o/ /ci 'dod ni rang ci 'dod pa'i zhi ba'i las la sogs pa'i cho ga 'di dang rgyud gzhan nas gsungs pa'o/ /mchod pa'i dus kyi khyad par ni/ /nag po zhes bya ba la sogs pa gsungs te/ 'am gyi sgras mi dgu dang bcu bzhi'o/ /ni ni khyad par
- 223a
gyi don nam bsdu pa'i don to/ /nag po'i phyogs kyi bcu bzhi dang dkar po'i phyogs la ni gzhung gzhan te/ ni'i sgras ni bcu dang dgu bsdu ba'o/ /lhag ma gang zhes pa ni gang bcu dang dgur gyur pa 'am bcu bzhi'i bar du mchod pa bya ste/ bcu dang dgu la yang ngo/ /de gzhan ci zhes pa la myur du 'bad pas mchod pa ni chang dang shas kyang rdo rje lha mo la'o/ /de mchod cing gus pa dang ldan pa'i skye 'gro dpal he ru ka la mngon par dga' ba de thugs mnyes nas mchog stsol bar 'gyur ro/ /de'i lag gnas mchog gang yin zhes pa ni myur bar tshes rnams la 'bad pas mchod par bya'o/ /lag pa na gnas pa'i mchog go /mchog ni yid la 'dod pa'o/ /lhag ma ni go sla'o/ /spyod pa dang brtul zhugs dang mchod pa dang/ gtor ma brjod pa gang yin pa de ni le'u yin pas de de bzhin no/ /nyi shu rtsa bdun ni nyi shu rtsa bdun pa'o/ /zhes bya ba ni dpal 'khor lo sdom pa'i le'u nyi shu rtsa bdun pa'i dka' 'grel lo// //mnyam pa nyid kyi le'u ni de nas mchod pa zhes gsungs so/ /de nas kyi sgras ni de phyir gyi don du lta ba 'am bde bar gshegs pa'i lung yin pa'i phyir ro gang gi phyir mnyam pa nyid med par yang dag pa'i byang chub tu mi 'gyur bas de'i phyir bdag nyid phyi dang gsang ba'i mchod pa dag gis mchod do zhes pa'i don to/ /rnam par dag pa'i bdag nyid kyi sems 'di ni de rnam dag bdag nyid do/ /ji lta bur gyur pa'i rnam dag bdag nyid ces pa la/ mya ngan 'das nges 'byung dbang po zhes gsungs te/ mya ngan las 'das pa ni dga' bral gyi dga' ba ste blo'o/ /phyi rol gyi yul la dmigs pa'i phyir de nas de'i rjes su nges par 'byung zhing gnas pa de la mchod ces bya ste/ sgrub pa po'i mchod pa'o/ /bdag
- 223b
nyid kyi sems lhan cig skyes par gnas pa'o/ /yang na dpe med pa nyid kyis lhan cig skyes par 'gro ba ni 'gro ba dang ldan pa ste/ rtog pa dang ldan pa'i bdag nyid do/ /gdams ngag med par dga' 'bral gyi dga' ba la blo ma sbyangs pas dga' bral gyi dga' ba lhan cig skyes pa'i ye shes kyi sngon du ston te/ blo ma sbyangs pas bzhad gad kyang byed do/ /des kyang dga' bral ni byang chub kyi sems lhung ba la go ste/ bdag nyid brlag par byed do/ /des 'di ltar lhan cig skyes pa'i dga' ba nye bar mi rnyed do zhog cig go /rang gi sems bsrung ba'i don du mel tse bya'o/ /des cir 'gyur zhes pa la/ kun zhes bya ba la sogs pa gsungs te/ kun ni sangs rgyas la sogs pa'o/ /mchod pa ni mchod par 'gyur zhes pa'i don to/ /sangs rgyas kun sogs ni dang po'i mang po'i tshig phyis pa'o/ /mchod pa zhes pa ni a yig thung bar byas pa'o/ /lhan cig skyes pa'i dga' ba'i ye shes kyi rtogs pa dang ldan pa'i bdag nyid ni sangs rgyas te/ sangs rgyas zhes pa 'grub bo/ /sangs rgyas kun sogs mchod par bya zhes pa ni gzhung gzhan no/ /sangs rgyas kun la sogs par skye ba ni mchod par 'gyur ro/ /zhes bya'o/ /'on kyang thams cad nyid sangs rgyas zhes pa la thams cad ces bya ba la sogs pa gsungs so/ /dpa' bo thams cad ces pa ni sgra dang po'i mang po'i tshig go /brtan pa ni shing gi sdong po la sogs pa'o/ /g.yo ba ni mi la sogs pa'o/ /'di ni de kho na nyid kyi mchod pa'o/ /spun dang spyod ni mchod par bya zhes pa ni/ ni ni bsdus pa'o/ /chos lhan cig tu thos pa ni spun no/ /spyod pa ni 'dir rang gi lung la gnas pa nyid spyod pa'o/ /zla ba ni byang chub kyi sems so/ /'dus pa ni sbyor ba ste de mnyam pa nyid la gnas pa'o/ /zla ba'i 'dus pa yang dag gnas ni sgra
- 224a
gnyis kyi dang po'o/ /des kyang mchod par bya'o/ /zhes pa'i don to/ /spun dang bu dang lhan cig tu/ /bde dang sdug bsngal yang dag 'byung/ /ye shes de la bstan mi bya/ /zhes bya ba ni spun de rnams la ye shes bstan par mi bya'o zhes sbyar ro/ /spun dang bu rnams ni gcig tu yid la 'dod par shes pa mnyam pas lhan cig pa'o/ /'on kyang des 'dir bde ba sdug bsngal yang dag par 'byung ba gang yin pa shes pa de ni de bzhin no/ /de lta na yang de dag gis mi gos te/ bde ba'i gnas skabs ni sdug bsngal gyi yan lag tu 'gyur ba'i phyir ro/ /thun mong yin yang thun mong ma yin par mkhas pa nyid kyis rtogs par bya ba'i phyir ro/ /don dam par bstan par bya ba ma yin te de ni bstan par mi nus pa'i phyir ro// bdag nyid kyi gzhung lugs las 'jug pa ni lhang 'jug pa'o/ /las dang 'bras bu la sogs pa thams cad sun 'byin pa ni thams cad sun 'byin pa'o/ /de dag la yang bstan par mi bya'o zhes dgongs so/ /gang gi phyir de dang shin tu lhan cig gnas pa ni rang bzhin mthun pa'i phyir smod par byed pas dmyal bar 'gro ba'o/ /de ni slob ma byed pa yin yang 'os pa ma yin no/ /zhes shes par bya'o/ /don gzhan brjod par bya ste/ yun ni dga' ba yin te/ chos kyi brdar byas pa nyid kyi phyir ro/ /bu ni mchog tu dga' ba'o/ /lhan cig ni dga' bral gyi dga' ba'o/ /bde ba dang sdug bsngal las yang dag par byung bar gnas pa de ni de bzhin te/ 'di ni lhan cig skyes pa'i dga' ba'o/ /de la lhan cig skyes pa'i ye shes ni byed pa po ste/ bstan par mi bya ba ni bstan par bya ba byed pa nyid kyi phyir ro/ /bdag nyid kyis kyang mi ston te rang nyid la byed pa 'gal ba'i phyir ro/ /'di ni dgos pa yin 'di ni dogs pa min zhes bye brag tu byed pa ni lhad 'dzud pa'o/
- 224b
thams cad sun 'byin pa ni 'dod chags la sogs pa'i nyon mongs pa'i tshogs so/ /lus la sogs pa thams cad de la ma yin pa zhes pa ni lhan cig skyes pa'i ye shes kyi mtshan nyid la zhes pa'i don to/ /'di nyid yang dang yang du rnam par bshad pa ste/ 'di nyid skyes bu'i don mchog tu sgrub pa nyid kyi phyir ro/ /zas zhes pa la dag byed ni bdud rtsi rnam pa lnga'o/ /spyod pa zhes pa la rtag tu dam tshig spyod byas 'gyur zhes pa ni/ dam tshig ni go ku da ha na mtshan nyid do/ /rgyu gang gis zhes pa la rtag tu zhes gsungs te/ rtag tu ni rtag par te rnam par rtog pa spangs pa'o/ /rgyu'i stobs kyis sgra'i gsum pa'o/ /gang gi phyir sngags dang nor bu dang sman gyi mthu bsam gyis mi khyab pa'o/ /sngags ni sngags la sogs pa gang ci yang rung ba sa'i bdag po la sogs pa'o/ /man ngag rnam par nyams mi bya zhes pa ni lan cig tsam gsol ba btab pa la srid pa'i dbang gis dbang bskur ba la sogs pa mi bya ba'o/ /don ji lta ba'i gdams ngag dam tshig dang ldan pa la sbyin par bya'o/ /de'i phyir na sgra ni khyad par ro/ /pho nya mo ni dam tshig dang ldan pa'o/ /dang ni bsdus pa'o/ /ni ni nye bar gzung ba'o/ /'dir 'dod pa la rmongs pas 'dod pa'i khyad par 'gro bar mi bya'o/ /pho nya mo bsrungs rtag thar pa zhes pa ni pho nya ni phyi rol gyi yan lag can no/ /srung ba ni go cha bya'o/ /de yis thams cad mngon par zhen pa zhi bar bya ba'o/ /yang na pho nya dbang du bya ste/ gzhan la mi 'gro bar bya'o/ /zhes pa ni pho nya srung ba'o/ /de nas thar ba'o rtag tu de kho na nyid kyi rjes su 'brang ba'i phyir ro/ /gzhan gyi lhag ma bza' mi bya zhes pa'i tshig la sogs pa kha cig zer ro/ de bzhin gshegs pa'i rigs su skyes pa'i pho nya mo rnams la gsal por bstan pa srung ba yin no/ /zhes gzhan zer ro/ /'da' ba ye shes
- 225a
kyang longs spyod bya zhes pa ni pho nya gus pas gzung ste/ de dang lhan cig bde ba byed pa'i dus su gus pa ma yin bya ba'o zhes so/ /nu ma gzung ba la sogs pas kyang de dga' ba'i bde ba la longs spyad par bya'o/ /de'i phyir bsnyen bkur nyid ni bya ba min zhes gsungs so/ /stobs kyis mnan la longs spyod te/ de ni bsnyen bkur snod ma yin zhes pa'i tshig gis so/ /skye dman bde ba longs spyad bya zhes bya'o/ /dngos grub gang las zhes pa la ma dang zhes bya ba la sogs pa gsungs te/ gang gi tshe ma la sogs pa bzhin du brtse bar gyur pa ni de'i tshe grub bo zhes dgongs so/ /gang gi tshe yang 'khyog par gyur na de'i dngos grub kyang 'khyog por 'gyur ro zhes bstan pa'i phyir dka' thub ces bya ba la sogs gsungs so/ /thog ma med pa'i dus nas byas pa'i dka' thub de yis zad par byed do/ /ci'i phyir zhes pa la 'khyog pa 'am zhes gsungs te 'am ni gang gi phyir ro/ /gang gi phyir pho nya mo'i snying 'khyog na de bzhin du dngos grub kyang 'khyog par 'gyur ro/ /zhes pa ni kha phyir bltas par 'gyur ro zhes pa'i don to/ /de lta bur gyur pa'i pho nya mo ci zhes pa la/ 'gugs zhes bya ba la sogs pa gsungs te/ mchog gi byang chub kyi sems dang rdul gang yin ldan pa'o/ /de'i phyir lhan cig tu ni lhag par ro/ /de lta'i rdzas ni nges pa yin zhes pa ni rdzas ni byang chub kyi sems de kha na ma tho ba med par blang ba ni nges pa'o/ /'jig rten la rtag g.yon nas spyod/ /rkang pa g.yon pa sdun nas 'dor zhes pa ni go sla'o/ /lag pa g.yon pa yongs su bsgyur/ /g.yon gyi lag pa brtan 'gyur te/ /lus kyi rnam pa yongs su bsgyur/ /g.yon pas steng du rab mchod bya zhes pa ni steng gi sgra ni rdo rje'o/ /des rnal 'byor ma rnams kyi
- 225b
bsam pa shes pa ni mchod par byed pa'i rnal 'byor pas so/ /g.yon pa zhes bya ba la sogs pa ni go sla'o/ /brtul zhugs med 'joms brtul zhugs rdzogs pa ni bram ze la sogs pa'i brtul zhugs ni brtul zhugs med pa'o/ /dam tshig la sogs pa spyod pa nges par byas shing lha bsgom pa la sogs pa 'bad de byas pas 'joms pa'o/ /dam tshig ni rnal 'byor ma'o/ /rigs kyi spyod pa ni lhan cig skyes pa'i spyod pa'o/ /yul gyi phyogs kha cig tu bza' ba la longs spyad pa'o/ /rigs la la ni kun spyod spyad ces pa ni rigs lnga la mnyam par spyad pa'o/ /ci gang gi phyir rigs ni rnam pa bzhir grags min zhes pa ni rigs bzhi yod pa ma yin pa de nyid gang yin pa de bzhin du rnal 'byor yin te 'jig rten pas brtags pa nyid kyi phyir ro/ /de ltar gyur pa'i rnal 'byor pa rnams kyi nang du grags pa ni sngags pa'o/ /yang na rigs bzhi po gang yin pa de ni de bzhin te/ rigs bzhi ni zhal bzhi ste dpal he ru ka nyid kyi rnal 'byor ba nyid kyi phyir ro/ /lung yin pa'i phyir ur byas pa'o/ /gang gi phyir rigs bzhi po ma yin pa nyid ces pa la gsungs pa rigs rnams gcig tu ste mnyam par spyod pa nges pa gang yin pa de rigs gcig la mnyam par spyod pa ste/ dpal he ru ka'i rnal 'byor pas kyang rigs gcig mnyam par spyod pa rnam par dag pa ni zhal bzhi'i kha dog go /zhes dgongs so/ /dkon mchog gsum la sogs pa la gnod pa byed pa nyams pha la 'jigs pa'i ched du las rab tu rgyas pa ni/ ba lang sha dang zhes bya ba la sogs pa gsungs so/ /sbyin sreg gi cho gar gsungs pa'i cho gas thab khung la sogs pa rjes su gnas la mngon spyod la sogs pa la nye bar mkho ba'i tshe ba'i mar nag la sogs pas me rab tu sbar te/ dum skyes ma g.yas pa'i sna bug nas nang du rab tu zhugs te/
- 226a
bshang ba'i lam nas phyir phyung la rdo rje lcags kyu dang gri gug gi mtshan ma 'dzin par bsam mo/ /bsgrub bya gcer bu myos par gyur pa bkug la de nyid kyis de dum bur byas par rnam par bsams la/ phyugs kyi sha la sogs pa de'i sha'o zhes blos brtan por bya'o/ /khro bo chen po'i nga rgyal dang ldan pas byas na bkrol nas gsod par byed do/ /rtsa ba'i sngags kyi sbyin sreg bya'o/ /sna tshogs pa la khyim bya la sogs pa'o/ /sngags dang phyag rgya'i rang bzhin can gyi phyi rol gyi yan lag can de dang lhan cig tu longs spyod na dpa' bo de rab tu bsngags pa yin no zhes pa la sngags shes bya ba la sogs pa gsungs so/ /sngags dang yang dag par ldan pa ni sngags kyi mnyam pa nyid dang yang dag par ldan pa'o/ /de la longs spyad pa ni dpal he ru ka'i sprul pa bdag nyid kyis lha mo rnams la yang nye bar spyod pa'i rnal 'byor ma rnams la bya'o/ /de yang rnal 'byor ma'i rgyud thams cad kyi 'dod pa yin no/ /zhes brjod pa'i phyir dpal he ru ka zhes bya ba la sogs pa gsungs so/ /gzhan du yang rtag tu dpal he ru ka'i rnal 'byor gzung ba ni dgos pa yin pa'i phyir gzungs ni zhes bya ba la sogs pa gsungs so/ /rnal 'byor zhes pa ni rnal 'byor gyi sbyor ba gang la yod pa ni rnal 'byor gyi gzungs kyi khyad par te/ gnyis su med pa'i ye shes so/ /dpal he ru ka gnyis med ces pa de nyid do/ /de bzhin du sems kyis kyang ste tshig gcig nyid do/ /'di rnams ci lta bas bgegs med par 'grub pa'i don to/ /de ltar gzhan gyi thabs ni ma yin no/ /zhes go bar bya ba'i phyir bgegs med ces bya ba la sogs pa gsungs so/ /de yang pho nya mo'i mchog ni gtso bos de lta bur gyur pa'i rdzas lha rdzas kyi dngos grub tu rung ba yin no/ /lhan cig bzod
- 226b
pa de ldan pa/ /ma chags dga' bas yang dag sbyor zhes pa ni phyi rol gyi dga' ba'i yang dag par gang sbyor ba rnyed nas ma chags pa ni rtag tu rnal 'byor pa rnam par chags par mi 'gyur ba'o/ /rnal 'byor ni ting nge 'dzin to/ /rdzas ni bza' bar bya ba'o/ /de gnyis gzhan dag gi rnal 'byor dang bza' ba dag rnam pa'i cha gang yin pa de ni de bzhin no/ /de'i ngo bo nyid du gyur pa'i rnal 'byor gyi rdzas rnam pa'i char bya ba'o/ /yang na rnal 'byor las skyes pa'i rdzas ni byang chub kyi sems te/ rnam par phye ba ni rnam pa'i cha shas su byas la shes rab tu lhan cig tu longs spyod pa ni cha shas zhes pa'i don to/ /khyad par can gyi tshe 'di ni rnam pa'i cha ste/ de'i ngo bo nyid ni rnam pa'i cha'o/ /rnal 'byor pas bla ma'i man ngag la dga' bar gyur cig ces pa'i phyir/ bla ma'i zhes bya ba la sogs pa gsungs so/ /dpal he ru ka'i rnal 'byor gyi man ngag bla mas byin pa la yang dag par dga' o zhes dgongs so/ /de'i phyir de'i don ni de'i don du gnyer ba'o zhes pa ni de'i don to/ /'dir yang nor ni dad pa la sogs pa ste/ de ltar yang dad pa'i nor dang/ shes rab kyi nor dang/ thos pa'i nor dang brtson 'grus kyi nor dang/ dga' ba'i nor dang/ ting nge 'dzin gyi nor dang/ dran pa'i nor dang/ zhes gsungs so/ /de'i ster ba ni 'dod pa'i don ni rdzogs bya gang zhes pa ni nor ster ba ni dpal he ru ka dang de mnyam pa'o/ /nang gi bdag nyid kyi sbyin sreg dang 'jig rten pa'i sbyin sreg ni phyi rol tu gyur pa'i phyir rigs gcig tu brjod pa gang yin pa de yang le'u zhes kyang bya ste/ de nang gi bdag nyid kyi sbyin sreg dang rigs gcig gi cho ga'i le'u nyi shu rtsa brgyad pa'o zhes bya ba ni dpal 'khor lo sdom pa'i dka' 'grel las le'u nyi shu rtsa brgyad pa'o// //drod kyi bya ba med par ni spyod pa med de de'i phyir de bstan pa'i don du le'u ni de nas zhes bya ba gsungs so/ /de nas zhes bya ba ni nang gi bdag nyid kyi sbyin sreg la
- 227a
sogs pa bstan pa'i rjes su'o/ /gzhan zhes pa ni gzhan no/ /ci zhes pa bstan pa ni zhes gsungs te/ gzhan yang bstan pa'o/ /ci'i phyir zhes pa'i don to/ /gang gi don du zhes pa la pho nya'i mtshan nyid shes par bya zhes gsungs te/ de'i mtshan nyid shes pa'o/ /gang gis yang dag shes 'gyur ba/ /mkha' 'gro ma yi dam tshig gnas/ /zhes pa ni sgra'i gnyis pa'i don gyi dang po'o/ /spun ni dpa' bo'o/ /pha ni dpal he ru ka'o/ /bdag po nyid du mthong ba nyid bdag po nyid do/ /sngags kyi mthus skad cig gis so/ /lce sbom zhes bya ba la sogs pa la dmar ser gyi mig gang yin pa de ni de bzhin no/ /reg na rtsub cing dmar ser gyi brla dang skra gang la yod pa de ni de bzhin no/ /dngos grub kun gyi thun mong du bstan pa'i phyir/ dngos grub kun gyi thun mong ste/ zhes bya ba la sogs pa gsungs te/ dran pa dang sems dang yang dag par ldan pa ni yang dag par rjes su sbyor ba'o/ /ci bsams zhes pa la pho nya la sogs pa gsungs te/ go 'phang bcas zhes gsungs te sogs pa'i sgra ni dam tshig bsrung ba'o/ /go 'phang ni ye shes de dang bcas pa ni dran pa dang mnyam par ldan pa'o/ /'dis ni 'di ltar ston te/ dam tshig can gyis 'bad pas pho nya mo bsgom par bya zhes so/ /pho nya mo ci tsam zhes pa la/ mkha' 'gro ma mchog nyi shu bzhi/ /spyod dang grol ba'i 'bras rab ster zhes gsungs so/ /rab tu gtum mo la sogs pa'i mkha' 'gro ma nyi shu rtsa bzhi nye bar mtshon pa nyid kyi phyir bcu gnyis po yang 'dir shes par bya'o/ /de ci'i don du de bsgom zhes gsungs te/ spyod pa ni mtho ris la sogs pa'o/ /grol ba ni nyon mongs pa can gyi 'ching pa spangs pa'o/ /de'i 'bras bu phul du phyung ba ster ba zhes pa de ni de bzhin no/ /de rnams dpal he ru ka'i gtso bo byas pa'i dkyil 'khor
- 227b
la gnas par bsgoms la rtsa ba'i sngags bzlas pa'i phyir rtsa ba'i sngags zhes bya ba la sogs pa gsungs te/ go sla'o/ /'jig rten gsum la dbang bar skye ba ni yang dag par 'byung bar 'gyur ro/ /de nyid kyi phyir de nas spyod dang grol ba'i 'bras bu ster/ ci phyir de ltar zhes pa la sngags zhes bya ba gsungs so/ /sngags ni de nyid bskul zhing zlos pa'o/ /phyag rgya ni lha'o/ /de dag dang sgrub pa po dang ldan pa'o/ /dngos grub la ched du byed par yod pa'i sgrub pa po yin no/ /sngags 'ba' zhig kho na ci'i phyir bzlas shes pa la sngags dang zhes bya ba la sogs pa gsungs so/ /lha bsgom pa dang bral na nye bar mngon du byed pa'i byed pa po sngags kyi las ma yin par thob par mi 'gyur zhes pa'i don to/ /lus ni rnal 'byor pa ste khyad par can gyi lus su sbyor ba'i phyir ro de yang sngags la nye bar mngon du sbyor zhing gus pas rgyun tu yun ring po'i dus su goms par go bar bya ba ni rtogs par bya ba'o/ /de nyid ci'i phyir zhes pa la ji ltar dro ba'i bya ba'i bdag nyid ces pa gsungs te/ sems can gzhug par bya ba'i don du zhi ba dang rgyas pa dang mngon spyod la sogs pa ni dro ba'i bya ba bskyed pa'o/ /de ji ltar bdag yin pa ni de bzhin du nus pa'o/ /de nyid nus pa zhes bya ba'i bar ro/ /gang dkon mchog gsum la gnod pa byed pa de rnams la tshe 'di nyid la sdug bsngal sogs par byed pa'i nus pa bstan par bya'o/ /'on kyang 'jig rten pha rol tu yang sngags kyi nus pa bstan pa'i phyir gang zhig sdang zhes bya ba la sogs pa gsungs so/ /rnal 'byor chen po ni dpal he ru ka'i rnal 'byor ro/ /lhag ma ni go sla'o/ /rnal 'byor chen po las gzhan ni byang chub kyi sgrub byed ma yin no/ zhes bstan pa'i phyir bsrubs gyur pa zhes bya ba la sogs pa gsungs so/ /dad pas mngon par yid ches pa gang srub pa nyid bzhin du rnal 'byor pa gzhan la go bar byed na 'bras bu cung zad kyang
- 228a
med do zhes dgongs so/ /rnal 'byor gzhan ni bzang ba'i rgyu nyid du gzung ba'o/ /mchod par byed ces pa ni mchod par byed pa 'am/ 'di lta ste rnal 'byor gzhan 'chang bas 'jig rten pha rol gyi don du mi 'gyur bar bstan pa'i phyir rnal 'byor gzhan la brten pa ni zhes gsungs so/ /dpal he ru ka'i rnal 'byor pa bzhugs pa'i gnas kyang bsod nams skyed byed du bstan pa'i phyir rnal 'byor che 'dzin zhes bya ba la sogs pa gsungs so/ /rigs ngan gtum mo la sogs pa'i yul yang dpa' bos yongs su brtags pa ste/ de gang yin pa'i yul de nyid bden pa'i yul nyid du yongs su brtag par bya'o/ /de ru zhes pa ni dpal he ru ka'i byin gyis brlabs pa'i yul dang 'brel pa gang yin pa'i sems can de rnams yongs su gzung pa'i don du rtag tu gnas pa'o/ /nus pa ni sngags kyi nus pa'o/ /gnas skabs ni dpal he ru ka'i rnal 'byor pa bzhugs pa'i yul gyi sems can gyi don du nye bar gnas pa'o/ /pho nya'i mtshan nyid dang nus pa'i gnas skabs shes par bya ba'i don du brjod pa gang yin pa de yang yin la le'u yang yin pas de de bzhin no/ /nyi shu rtsa dgu ni nyi shu rtsa dgu ba'o zhes bya ba ni dpal 'khor lo sdom pa'i le'u nyi shu rtsa dgu pa'i dka' 'grel pa'o// //de nas zhes pa ni rtsa ba'i sngags btu ba bkod pa'i rjes su gzhan bkod pa bshad pa'o/ /de dgod par bya ste/ 'dir yi ge dang gug kyed dgod pa'o/ /re mig bzhi bcu rtswa dgu'i rgyud kyi ri mo'o/ / ji lta bur gyur pa zhes pa la shin tu rnyed dka' zhes gsungs so/ /gang gi phyir 'di las bzhi pa'i sngags btu ba de ni de bzhin no/ /sngags nyid btu ba'i khyad par ci yin zhes pa la/ gang zhig ces bya ba la sogs pa gsungs so//
- 228b
gang zhig ni sngags kyis so/ /myur du dngos sgrub rab bsgrub pa zhes pa ni des bgegs rab tu zhi ba'o/ /gang la dgod ces pa la sa'i cha zhes bya ba la sogs pa gsungs so/ /can ngan ni bdud rtsi sngar mngon par 'dod pa'o/ /de'i rang gi ngo bo shes pa dga' ba bskyed pa'i phyir ro/ /dri zhim dri ni tsan dan la sogs pa'o/ /bdud rtsi lnga dang bsras la dri zhim pa'i dris sa'i cha byug par bya'o/ /me tog dri zhim ni tsam pa la sogs pa'o/ /bdug spos ni sbyar ba la sogs pa'i bdug spos so/ /de ltar gyur pa'i gnas su phyogs bcing ba sngon du song bas stong pa nyid du bsgom par bya'o/ /yi ge tsam so sor dgram pa ni rab tu dgod pa'o/ /yi ge ni a la sogs pa dang ka la sogs pa'i yi ge nyid yi ge tsam mo/ /ci byas na zhes pa la mnyam par bri zhes gsungs te/ mnyam par a la sogs pa dang ka la sogs pa rim pa bzhin du bris shing bzhag pa nyid do/ /ci sngon du song bas shes pa la rdza rnga zhes bya ba la sogs pa gsungs te/ rdza rnga bcings pa nyid kyi dbyibs gang yin pa de bzhin du dgod pa'o/ /lugs las byung ba dang lugs zlog pa nyid du de dbyangs dang gsal byed gzung bas kha phyir bltas pa nyid kyi rdza rnga dang 'dra'o/ /dpa' bo ni sngags so/ /'dod pa'i don kun sgrub byed pa zhes pa ni sngags kyi khyad par ro/ /ci'i phyir de la dpa' bo btu zhes pa la/ rim bzhin 'byung dang rim min pas/ /dbyangs dang yi ge sgrub pa pos zhes gsungs te/ dbyangs ni a la sogs pa'o/ /yi ge ni ka la sogs pa sgra'i ngo bo nyid kyi phyir te/ gang yin pa de btu bar bya'o/ /de lta'i grangs kyi nang gtogs pa zhes pa ni re mig gi grangs kyi nang du gtogs pa ji ltar yin pa de ltar yin pa de ltar yang dag par btu'o/ /zhes pa'i don to/ /de tshig gang gis zhes dogs pa la thub pa zhes gsungs so/ /re mig sum cu rtsa gnyis blang zhes pa ni/ re mig ces pa ni sgra'i rkyen med pa'o/ /ka yod
- 229a
pa'i re mig nas brtsams te/ re mig sum cu rtsa gnyis pa na yod pa'i sa gzung ba'o/ /ka nas gzung zhing bgrangs pa'i sa nyid gzung ngo/ /thams cad du re mig gzung bas re mig la gnas pa'i yi ge gzung ngo/ /'di nyid nye bar 'khor bar gzung ngo/ /re mig gsum pa zhes bya ba'i gzhung la ni le'u chung can gyi sha yod pa nas gzung ba'i gsum pa na so las byung ba'i sa yod de gzung pa'o/ /lnga pa yis ni dbye ba bya zhes pa ni us khyad par du byas pa'o/ / brgya'i phyed phyed yang dag blang zhes pa ni ka yod pa'i re mig nas gzung nas brtsis pa'i ma'o/ /de bzhin nyi shu rtsa bzhi dbye zhes pa ni de bzhin ka yod pa nas gzung ste zhes pa'i don to/ /nyi shu rtsa bzhi'i dbye ba ni b+ha'o/ /des brgya'i phyed phyed kyi 'og gi char dbye ba'o/ /re mig sum cu drug pa la/ re mig gsum pas dbye bar bya/ zhes pa ni a yod pa nas gzung ste/ na yod pa ni sum cu rtsa drug pa ste/ re mig gsum pa ni a yod pa nas gzung ste re mig gsum pa'i i'o des dbye bar bya'o/ /de nas sum cu gnyis pa blang/ /re mig lngas ni dbye bar bya zhes pa ni de nas ni ka yod pa nas gzung ba'o/ /ni ni nyid kyi don nam bsdu ba'i don to/ /de ltar snga ma la yang ngo/ /de nas nyi shu lnga pa gzung/ nyi shu bzhi dang sbyar bar bya zhes pa ni/ nyi shu lnga ni nyi shu rtsa lnga pa ste ma yi pa'o/ /de nas zhes pa ni ka yod pa nas so/ /nyi shu bzhi ni nyi shu rtsa bzhi pa ste b+ha yod pa'o/ /de yang gsum pa ni mdza' ste/ ma'i 'og tu b+ha sbyar bar bya'o zhes pa'i don to/ /sum cu rtsa gsum yang dag blang/ /re mig bco lnga pa yis mchod ces pa ni de nas zhes bya ba rab tu 'jug go /ka yod pa nas gzung ste/ sum cu rtsa gsum pa na ha yod pa'o/ /bco lnga ni thig le yod pa'o/ /a yod pa nas gzung ste/ lnga pa yis ni yang dag ldan/ /
- 229b
mdzes pa'i mchog ni yin par 'dod/ /ces pa ni a yod pa nas gzung ste lnga pa nyid ni lnga pa ste/ us sa bon 'dis mdzes par byas na don thams cad byed pa'i phyir ro/ /nyi shu rtsa gnyis yang dag ldan/ /de bzhin nyi shu bdun dang ldan/ zhes pa ni nyi shu gnyis ni nyi shu rtsa gnyis te pa yod pa'o/ /a yod pa nas nyi shu rtsa bdun pa rba yod pa'o/ /'di thams cad blangs pas dang po'i tshig rkang ngo/ /dang po'i sngags kyi tshig tu brjod ces pa ni dang po'i tshig go /re'u mig ni bcu dgu pa/ /ma yi bu dang yang dag ldan/ /re'u mig gsum pas dbye bar bya/ /zhes pa ni a yod pa'i re'u mig nas re mig bcu dgu pa ni bcu dgu pa ste pa'o/ /mo'i bu gang yin ni ra'o/ /a yod pa nas re mig gsum pa'i dbye ba ni i yod pa'o/ /ya tshan brgyad pa'i sa bon la/ /sum cu drug pa yang dag ldan/ /slar yang tshig ni de nyid ni/ /zhes pa ni ya yang yin la sde tshan yang de yin pa ni ya'o/ /de'i brgyad pa'i sa bon ni ha'o/ /re mig sum cu rtsa drug pa zhes pa ni a yod pa nas re mig sum cu rtsa drug na na yod pa'o/ / yang de lta bur gyur pa'i tshig go /dang dang nyid ni sdus pa dang nye bar gzung ba dag go /de nas rang byung blangs nas ni zhes pa ni rang byung ni ha'o/ /de nas shes pa ni grih+Na grih+Na'i tshig las re mig lnga pa yang dag sbyar zhes pa ni a yod pa nas lnga pa na u yod pa'o/ /spyi bor thig les brgyan par bya zhes pa ni/ 'dir thams cad du zla phyed ni med de thig le tsam gyis brgyan pa'i phyir ro/ /'dod pa'i don kun sgrub byed pa zhes pa ni 'di'i ming de grags so zhes pa'i don to/ /phaT ni sngar bzhin du rjes su 'jug pa'o/ /thig le spyi bor sbyar bar bya zhes bya'o/ /de'i phyir de nas nyi shu gnyis pa gzung/ /de bzhin bcu gcig pa nyid dang zhes pa ni gzhung kha cig na yod do/ /ka yod pa nas nyi shu rtsa gnyis pa na pha yod pa'o//
- 230a
bcu gcig pa ni Ta yod pa'o/ /'di ni phaT go sla'o/ /zhes pa ni tshig rkang gnyis so/ /re'u mig bcu dgu pa la ni/ /nyi shu rtsa bdun pa yis dbye/ /gsum pa yis ni yang dag ldan/ /zhes pa ni a yod pa nas bcu dgu ni bcu dgu pa'i re mig ste'o/ /ni ni bsdu pa'o/ /nyi shu rtsa bdun pa na ra yod pa'o/ /sum cu gsum pa blangs byas la/ /re mig gi ni gnyis pa yis/ /nyi shu yang dag mnyam par ldan/ /mdzes pa mchog gi phan pa'o/ /zhes bya ba ni sum cu gsum ni sum cu rtsa gsum pa ste/ ka yod pa nas so/ /a yod pa nas gnyis pa na A yod pa'o/ /ka yod pa nas nyi shu pa na na yod pa'o/ /nyi shu gcig pa'i re'u mig ni de bzhin nyi shu drug par ldan/ /zhes pa ni nyi shu gcig pa ni ka yod pa nas gzung ngo/ /zhes pa'i don to/ /ni ni bsdu ba'o/ /de bzhin zhes pa ni ka yod pa nas nyi shu drug pa na la yod pa'o/ /lan gnyis goms pa'i tshig nyid kyang zhes pa ni gnyis pa ni nye bar de 'dra ba'i tshig nges par bya'o zhes pa'i don to/ /de nas go rim bzlog pa gzung/ /re'u mig las ni dang po nyid/ /bzhi pa'i mdza' dang yang dag ldan/ /de bzhin bco lnga pa yis mchod/ /ces pa ni go rim bzlog pa nyid kyis de bkod pa'i las dang po ni dang po na ha yod pa'o/ /ha de nyid dang po ste blang pa'o/ /tshig ni gsum par brjod ces sbyar ro/ /a yod pa nas bzhi pa ni a'i ste/ de'i mdza' na u yod pa'o/ /gzhan ni go sla'o/ /tshig gsum po ni chos sogs kyi/ /tshig ces pa ni mchog gi tshig go bar bya'o/ /'dir yang phaT ni rjes su gzhug pa ste/ tshig rkang gsum pa'o/ /re mig gnyis pa'i sa bon zhes pa ni A yod pa nas A yod pa'o/ /gnyis pa'i sa bon ni lha rnams kyi'o ni nges par gzung ba'o/ /re mig sum cu rtsa drug ces pa ni sum cu rtsa drug pa'i re mig ni a yod pa'i re mig nas gzung ste na yod pa ste na
- 230b
yod pa nyid blang ngo zhes dgongs so/ /na blangs la tshig rkang bzhi par brjod do zhes par bya'o/ /lhag ma go sla'o/ /re mig sum cu gsum pa zhes pa ni hA'o/ /re mig bcu gsum zhes pa ni a yod pa nas so/ /re mig las ni bcu nyid dang/ go rim bzlog ni sgrub pa pos/ zhes pa ni ha yod pa nas bcu pa na b+ha yod pa'o/ /re'u mig las ni bcu dgu pa zhes pa ni a yod pa nas bcu dgu pa nag yod pa'o/ /re'u mig nyi shu rtsa gsum pa zhes pa ni ku yod pa nas nyi shu rtsa gsum pa'i re mig na ba yod pa'o/ /de nyid ba blang ba'o/ /de'i phyir ba nyid gzung ba'o// zhes pa'i don to/ /a yod ba nas gnyis pa na A yod pa'o/ /steng du thig les brgyan par bya zhes pa ni thig tsam ni thig le ste/ sa'i sa bon pa'o/ /de nas zhes pa ni bkod pa nyid kyi phyir ro/ /brgyad pas mtshan cing byin gyis brlabs/ /me'i bu yis zhes bya ba la sogs pa ni go sla'o/ /'dir yang phaT ni rjes su 'jug par bya'o/ /hUM phaT mthar ru sbyar bar bya zhes bya'o/ /hUM phaT mdza' ru sbyar ba zhes pa ni hUM phaT mdza' ru sbyar ba nges par mdza' ru mchog tu nges par byas te/ sgra'i rkyen med pa'i tshig ni shin tu ring bar brjod pa'o/ /'di ni zhes pa ni sngags kyi tshig gi tshogs so/ /'jig rten gsum ni seng ge dang 'phrog byed dbyig gi snying po ste de ma lus pa las rgyal pa'o zhes bya ba ni 'jig rten gsum las rnam par rgyal pa'o/ /lhag ma ni go sla'o/ / oM zhes bya ba la sogs pa la sngags kyi tshig bzhi po'i oM ni gsal byed de/ de'i phyir oM gyi rang bzhin brjod pas hUM dang phaT dang sngon du song ba'i hUM phaT dag mdza' ru sbyar ba'i sngags rnams gang yin pa de ni de bzhin no/ /de nas sngags ni 'di yin te/ oM suM b+ha ni suM b+ha huM hUM phaT/ oM grih+Na grih+Na huM hUM phaT/ oM grih+NA pa ya grih+NA pa ya huM hUM phaT/ oM A na ya ho(rgyud 'grel): b+ha ga wan badzra huM hUM phaT ces bya'o/ /rig rgyal 'khor lo sgyur ba zhes pa ni rig pa ni lha rnams te/ de rnams kyi rgyal
- 231a
po zhes pa ni rig pa'i sngags so/ /rig pa'i rgyal mo'i ming can 'di rnams kyi nang nas 'khor lo sgyur ba ste/ de kho na nyid bsdus pa la sogs pa gang yin pa de'i dkyil 'khor bsrung ba'i sngags 'di yin no/ /de nyid kyi phyir de nyid bsdus dang dpal mchog dang/ /bde mchog rdo rje 'jigs byed du/ /khro bo bzhi dang yang dag ldan/ /sku brgyad dang ni bcas pa ru/ /dkyil 'khor bsrung ba'i don du yang/ /gdug pa kun las khyad par du/ /zhes gsungs so/ / sku brgyad ni 'jig rten skyong ba brgyad do/ /gdug pa can kun zhes pa ni gdug pa can thams cad la dkyil 'khor bsrung ba'i don du'o/ /'di ni zhes pa ni sngags kyis so/ /'chi bar 'gyur zhes pa ni gdug pa can gang yang rung ba'o/ /'khor lo'i sbyor bas brjod pa zhes pa ni rang nyid las shes rab la de nas bdag rab tu zhugs par bya zhing bzlas na dngos grub thams cad kyi 'bras bu bskyed do/ /sngags kyi tshig rkang bzhi po zhes pa ni sngags bsdus pa ste/ oM zhes bya ba la sogs pa gsungs pa'o/ /de la 'dir gzhan yang hUM dang phaT sbas pa'o/ /rdza rnga bcings pas sngags btu ba brjod pa gang yin pa de yang yin le'u yang yin pas de ni de bzhin no/ /sum cu ni sum cu pa'o/ /zhes bya ba ni dpal 'khor lo sdom pa'i le'u sum cu pa'i dka' 'grel lo// //nyi shu rtsa bdun par mchod pa dang gtor ma'i bya ba mdor bstan pa dang/ nyi shu rtsa brgyad par sbyin sreg mdor bstan pa rgyas par bshad pa'i don du le'u 'di lta ste/ de nas zhes bya ba la sogs pa gsungs te/ de nas sbyin sreg go /de dag kun zhes pa ni bla ma dang sangs rgyas dang byang chub sems dpa' la gnod pa byed pa'o/ /rdo rje skyes ni sku rdo rje la sogs skyes pa'o/ /dpal gsang ba 'dus pa las sha chen de dag thams cad
- 231b
kyi 'jigs byed rdo rje skyes bu dran zhes gsungs so/ /yang na dbyer med pa'i ye shes las skyes pa na rdo rje skyes so/ /ci'i phyir de ltar yin zhes pa la yin zhes bya ba la sogs pa gsungs te/ de ni de rnams kyi don no/ /de yang gang gi phyir sha chen pos gdug pa can thams cad 'jigs byed chen po yin pas de ltar na sha chen po des bya'o zhes pa'i don to/ /'dis ni sbyin sreg gzhan las lhag par brjod pa'o/ /shin tu gdug cing drag po la/ zhi pa dag ni rigs ma yin zhes gsungs pa'i phyir de rnams ngan song du 'gro ba dgag pa'i don du de ltar de la nges par bzlog par bya'o/ /de ltar zhes pa ni gdug pa can nyams par byed pa mi khyi la sogs pa'i shas kyang sbyin sreg byed pa'o/ /bza' zhes pa ni mchod pa'i don du bza' ba'o/ /sha de rnams nyid kyis mchod pa la sogs pa'i bya ba bya'o zhes pa'i don to/ /ci 'dis mngon par 'dod par 'gyur ram mi 'gyur zhes pa'i rnam rtog gis dpyod pa'o/ /de las phyin ci log ni ma dpyad pa'o/ de ci zhes pa 'grub cing zhes bya ba la sogs pa gsungs so/ /ma lus pa ni lhag ma med pa ste/ ral gri la sogs phul du byung ba ma lus pa grub pa gang yin pa de ni ma lus pa ste/ sangs rgyas nyid do/ /rgyal srid thams cad ni 'khor lo sgyur ba'o/ /de dag rang nyid kyis srog bcad pa ma yin par gzung ba'o/ /spyod pa byed pa'i rnal 'byor pas snod ni thod pa la bya'o/ /zhes bstan pa'i phyir dung dang zhes bya ba la sogs pa gsungs so/ /mu tig ni mu tig bskyed pa'i srog chags kyi khyad par to/ /de'i rus pa'i khyad par la yang mu tig gi sgras brjod do/ /ji ltar dung la sogs pa rig byed pa rnams kyi dag byed yin pa de bzhin du thod pa yang yin no/ /srog chags kyi yan lag tu khyad par med par
- 232a
bstan pa'i phyir gsum char rgyu las byung ba yin no zhes gsungs so/ /rgyu ni las dang nyon mongs pa dang phung po la sogs pa'o/ /des dung la sogs pa gsum po'i rgyu de las byung ba'o/ /de bzhin mi yang yin no/ /de pas na rig byed smra ba rnams thon pa la ci'i phyir smod par byed/ 'on te sman la sogs pa bzhin nye bar mkho ba yin pas dung la sogs pa ni dag byed nyid du bya ba ste/ des na dgos pa mthong ba yin no zhe na/ ci bcom ldan 'das kyis kyang thod pa la dgos pa mthong ba ma yin nam/ gang gi phyir rin po che skye 'gro thams cad kyi thun mong rang gi ngo bo nyid du shes pa ni ma yin no/ /su zhig smod ces pa la chos kyi ye shes lus can zhes gsungs so/ /chos rnams ni phung po la sogs pa rnams te stong pa nyid la sogs par rtogs pa ni ye shes so/ /de nyid kyi rang bzhin gyi lus gang yin pa de ni de bzhin te rnal 'byor pa'o/ /de rnams te sgra'i bdun pa'i don la drug pa'o/ /de nyid kyi phyir dpal he ru ka yang de 'dzin pas su zhig smod ces bstan pa'i phyir/ thod pa zhes bya ba la sogs pa gsungs so/ /thod pa'i phreng ba'i ngang tshul gang la yod pa de ni thod pa'i phreng ba can te/ spyi po la sogs pa nyid dam thod pa'i phreng ba gang la yod pa ni sgra'i ma twa zer ta'i don du i ya'i rkyen byin pa ste/ de bas na dbul thod pa lnga'i phreng ba 'chang ba'o/ /dpa' bo ni grogs med pa nyid kyi phyir ro/ /zla phyed nyid du byas pa ni 'dus byas nas brgyan pa gang yin pa de yang zla ba phyed pas brgyan du byas pa'o/ nag nog med pa'i rnam par dag pa'i sprul par gzung ba'i phyir zla ba phyed pa 'chang ba'o/ /dpa' bo rnams kyi nang nas kyang gang yin de la dpa' bo ste/ seng ge dang 'phrog byed la sogs pa las de
- 232b
rgyal ba gang yin pa de ni dran pa ste rab tu grags pa na ci'i phyir smad par byed/ brda ni lnga po brtan dang zhes pa ni rdo rje phag mo la sogs pa lha mo lnga brjod pa'o/ /ral pa'i cod pan gyi thod pa lnga la de bstan pa ni bsgom par bya'o/ /sgrub pa po'i lag g.yon ni zhes pa ni bstan par bya'o zhes sbyar ro/ /ni ni khyad par ro/ /g.yon pa'i lag pa la gnas pas dam tshig la sogs pa sbyin no zhes dgongs so/ /ci'i phyir zhes pa la dpa' bo rnams zhes bya ba la sogs pa gsungs so/ /dpa' bo rnams ni rdo rje sems dpa' la sogs te/ de rnams kyi gnas ni lag pa g.yon pa'o/ /'di ni gang gi phyir ro/ /gang gi phyir g.yon pa'i lag pa ni brda ste/ dpa' bo dang dpa' mo'i dbang phyug ma rnams rab tu 'jug pa la brdar byas pa'o/ /de rnam par dag pa ni 'di ste g.yon pa zhes bya ba la sogs pa gsungs so/ /g.yon pa ni stong pa nyid do/ /stong pa nyid kyi chos rnams las stong pa nyid kyi chos rab tu skye'o zhes gsungs pa'i phyir ro/ /g.yon pa ni shes rab po/ /de las byung ba 'gro ba thams cad kyi phung po la sogs pa'o/ gang gi phyir thams cad sdig pa med pa tsam gyis ni don gyi bya ba cung zad kyang mi byed do/ /khan sa gsum zhes bya ba la sogs pa phyi rol tu yang de bzhin du zhes sgrub pa yin no/ /lag pa'i mchod pa bstan pa'i phyir rdo rje sems dpa' zhes gsungs te/ rdo rje sems dpa' ni sdong po ste mthe bong la bsgom par bya'o/ /yal ga ste mdzub mo la rnam par snang mdzad do/ /gtso bo ste gung mo la pad+ma'i gar te pad+ma gar gyi dbang phyug go /'chang ba ni srin lag ste dpa' bo ni dpal he ru ka'o/ /mthe chung la ni nam mkha' i snying po zhes pa ni sgra'i rkyen med pa'o/ /de yang chung la ni phra ba ste/ rtogs par dka' ba'i ngo bo nyid kyi phyir ro/ /ma zad pa zhes pa ni zad pa med pa'o/ /nam mkha' i snying po ni rdo rje nyi ma'o/ /sor mo thams cad kyi sen mo la rta mgrin no/ /dang ni bsdus pa'o/ /
- 233a
de dag ni g.yon pa las byung bar bstan pa'i phyir gnas su zhes gsungs so/ /bdag tu 'dzin pa la sogs pa'i rang bzhin rnam par dpyad pas nyams shing mi mthong bas na rdo rje sems dpa' la sogs pa ltar byung ba de bzhin no/ /'di zhes pa ni sgra'i drug pa'i don gyi dang po'o/ /de dag la dpa' bo thams cad g.yon pa las yang dag par byung ba'o/ /lag pa ni rgyu'o/ /lag pa'i mthil zhes pa ni lag pa'i dbus so/ /he ru ka dpal rdo rje phag mo'o/ /zhes pa ni dpal he ru ka dang snyoms par 'jug pa'i rdo rje phag mo zhes pa'i don to/ /de'i phyir phag mo kun 'dus dga' / /rgyab tu mkha' 'gro ma kun ni/ /zhes pa ni logs la sogs pa rnams la mkha' 'gro ma rnams so/ /ni'i sgras ni rgyab nye bar mtshon par brjod pa'i phyir ro/ /'dir brjod pa lag pa'i dbus su 'dab ma brgyad dang bcas pa'i pad+ma'o/ /de'i ze 'bru la dpal he ru ka dang snyoms par 'jug pa'i rdo rje phag mo'o/ /shar gyi 'dab ma la mkha' 'gro ma'o/ / byang du lA ma'o/ /nub tu dum skyes ma'o/ /lhor gzugs can ma'o/ /dbang ldan du gshin rje ma'o/ /mer rmongs byed ma'o/ /bden bral du skyong byed ma'o/ /rlung du skrag byed ma bsgom par bya'o/ /'di ni lag par dgod pa ste/ mdza' ba thams cad 'dus pa yin zhes bya ba ni lag pa la lha dgod pa gang yin pa'i cho ga brjod pa ni de lag par dgod pa'o/ /yid du 'ong ba thams cad 'dus pa de ni de bzhin no/ /de ltar rim pa 'dis dpa' bo mchod par bya'o/ /mkha' 'gro ma la sogs pa'i ming gzhan ston te/ sa ni zhes bya ba la sogs pa gsungs so/ /'o byed ma ni rdo rje phag mo'i ming gi bye brag go /de nyid stong pa nyid de stong pa nyid la stong pa nyid rnam par dag pa zhes pa'i don
- 233b
to/ /de'i phyir pha rol tu phyin pa zhes bya'o/ /gang sbyin pa dang tshul khrims dang bzod pa dang/ brtson 'grus dang/ bsam gtan gyi pha rol tu phyin pa ni mkha' 'gro ma la sogs pa nas rdo rje phag mo'i bar du rim pa bzhin shes par bya'o// de bzhin zhes pa'i sgras ni shes rab kyi pha rol tu phyin pa ni pha rol tu phyin pa lnga ru son pa yin no zhes bstan pa yin no/ /dbus su dpa' bo kun gyi gnas zhes pa ni dbus su dpa' bo thams cad kyi rdo rje'i zhabs kyis gnas la rol pa lta bu'o zhes shes par bya'o/ /dpa' bo thams cad kyi rol pa'i gnas rnam par dag pa lag pa'i dbus su zhes dgongs so/ /mkhas pas rgyab tu gshegs su gsol zhes pa ni lag pa'i rgyab tu lha thams cad me long gi gzugs brnyan bzhin du blta'o zhes pa'i don to/ /des lag pa'i steng dang rgyab tu bsgom par bya ba ni khyad par can gyi don du ni'i sgras bstan pa'o/ /de'i phyir gang de ltar mthong ba de ni mkhas pa'o/ /lnga po yang ni brdas bstan bya zhes pa ni bdud rtsi lnga yang brdas brjod par shes par bya'o/ /de yang lag pa la dgod pa'i yul de nyid la bstan pa'i yul la de nyid bdud rtsi rnam pa lnga la b+h+ruM aM dzrAM khaM hUM gi sa bon las skyes pa'i rnam par snang mdzad la sogs pa'i bdag nyid yi ge gsum gyis byin gyis brlabs par yang dag par bsgrubs la rab tu gtum mo la sogs pa rnams la oM pra tsaN+Di huM hUM phaT oM khaN+Da ka pA li huM hUM phaT phaT ces bya bas thams cad kyi ming gzung ba sngon du song bas mthe bong dang srin lag gi khas lan nyi shu rtsa bzhir tshim par bya ba'i phyir sbyin par bya'o/ /lce la yang lan cig gzhag pa ni bdud rtsi lnga nye bar longs spyod pa'i don gzhan du shes par bya'o/ /des ni mchod par 'gyur ro/ /brda yang lag pa la bkod pa sngon du 'gro bas bya'o zhes shes par bya'o/ /thod pa la de ltar
- 234a
bdud rtsi rnam pa lnga byas pa dag pa la dgod pa sngon du 'gro bas myang bar bya'o zhes rtogs par bya'o/ /rgyud kyi don ni mang po nyid kyi phyir ro/ /? ? mchod par bya'o zhes pa'i don to/ /de ltar 'dir ni zhes pa ni 'dis bdud rtsi lnga la sogs pa'i cho gas zas ni mgos par snod gcig tu gtogs pa bza' o zhes pa'i don to/ /zas la longs spyad pa'i 'bras bu ni/ dpa' bo thams cad mnyam sbyor ba/ /mkha' 'gro ma yi dra ba sdom/ zhes gsungs so/ /he ru ka nyid yin zhes pa'i don to/ /bza' ba dang sbyin sreg dang gtor ma'i bya ba dang gzhan brda'i cho ga brjod pa gang yin pa de le'u yang yin pas de de bzhin no/ /sum cu rtsa gcig ni sum cu rtsa gcig pa'o zhes bya ba ni dpal 'khor lo sdom pa'i le'u sum cu rtsa gcig pa'i dka' 'grel lo// //da ni mchod pa la sogs pa sgrub pa'i thabs kyi tshig gi don gyi le'u ni de nas gzhan yang zhes bya ba la sogs pa gsungs so/ /de nas ni mchod pa la sogs pa bstan pa las gzhan yang dag par brjod pa ste/ des par yang dag par brjod bzhin pa nyid kyi phyir ro/ /de gang yin zhes pa la bza' dang ston mo 'dus pa ste/ zhes gsungs so/ /bza' ba ni phyugs la sogs pa'o/ /ston mo ni longs spyod par bya ba bsags pa gang yin pa de ni de bzhin te/ sngags kyi nus pas so/ /gang gis bza' ba dang ston mo la 'dus pa yang dag par mdzes par byas pa'i lha'i rnal 'byor la sogs pa gang yin pas bza' ba dang ston mo la 'dus pa de ni de bzhin no/ /dngos grub ni phyag rgya chen po'i dngos grub po/ /myur ba ni tshe 'di la'o/ /mchod pa la sogs pa'i rdzas ni phyugs rnams kyi ni zhes bya ba la sogs pa gsungs so/ /dgug pa ni thun mong du'o//
- 234b
dngos grub rnams kyi nang nas gtso bo phul du byung ba logs shig tu byas pa'o/ /nyid ces pa ni gang phyugs rnams kyi gtso bo 'di gzung zhes pa'i don to/ /de sgrub pa po ji lta bur zhes pa la ston te/ sngon du bstan pa'i rim pa'i lha'i rnal 'byor gyis phyugs kyis mchod par bsgrub par bya zhes pa de ni de bzhin du brjod do/ /sgrub po sngar bstan rim pa yis/ /phyugs rnams kyi ni dgu pa nyid ces gsungs te/ phyugs shes bya ba la sogs pa la dang ni yang gi sgra'i don to/ /de bzhin zhes pa ni ji ltar phyugs yin pa de ltar rab tu bsgrub bo zhes pa'i don to/ /bong bu ni bong bu'o/ /mi ni rab tu grags pa'o/ /kha cig na de nags kyi mi yin zhes zer ro/ /ru sbal ni ru sbal lo/ /rnga mo ni mgrin rings so/ /lce spyang ni rab tu grags pa'o/ /bong bu mi ru sbal rnga mo/ /lce spyang/ zhes pa ni dang po'i mang po'i tshig phyis pas re zhig lnga po ni/ gtso bo'o/ /rta la sogs pa zhes pa ni lhan cig pa'i don la sgra'i gsum pa'o/ /sogs kyi sgras khyi dang ba lang yang ngo/ /phyugs 'di dag ni bsgrub yan lag ces pa ni phul du byung ba'i dngos grub nyid kyi yan lag gi rang bzhin gang yin pa de ni de bzhin no/ /thun mong gi dngos grub kyang de rnams kyis 'thob pa ni/ dngos grub sgrub pa nyid du yang zhes gsungs so/ /dgug pa dang ro langs la sogs pa'i dngos grub kyang sgrub cing rdzogs par byed do/ /nyid ni nges pa'i don to/ /dang ni dngos grub bsdu ba'o/ /yang phyugs dgug pa ni/ rigs rnams la ni zhes bya ba la sogs pa gsungs so/ /dngos grub kyi bdag por byed pas na rigs te mi'o/ / mi'i rigs rnams kyi nang nas bram ze'i rigs ni phyugs so/ /rkang bzhi pa bong bu la sogs pa las glang po che'o/ /de'i phyir rkang bzhi rnams la glang po dang zhes gsungs so/ /glang po che'i sgra ni i'i mdza' can du yod do/ /'dab chags rnams la ngang
- 235a
pa dang zhes pa ni dgug pa'i skabs su phyin pas 'dab chags dgu pa yang ston te/ khwa la sogs pa'i nang nas ngang pa nyid ni gtso bo'o zhes pa'i don to/ /de yang dang gis ni dang pa'i rgyal po gzung ngo/ /dud 'gro rnams las ru sbal rgyal zhes pa ni/ chu las skyes pa'i dud 'gro rnams las ru sbal rgyal ba de ru sbal ni gtso bo'o/ /de yang gsang pa ma yin par rab tu grags pa'o/ /lha rnams kyi ni kha g.yo ba zhes pa ni ra dang ma he sha dang khyim bya'o/ /kha g.yo bar byed pas na kha g.yo ba ni ra la sogs pa'o/ /ci de rnams kyis kha g.yo zhes pa la ston te/ sna tshogs kyi gzugs kyis rol pas na lha ste/ lha ma yin la sogs pa'o/ /dngos grub bsgrub pa'i dkyil 'khor du/ phyugs 'di dag ni yang dag brjod ces pa ni phyugs 'di dag dang 'dab chags 'di ni mnyam par sangs rgyas kyis brjod pa'o/ /dngos grub bsgrub pa yang yin la de dkyil 'khor yang yin pas de de bzhin no/ /de la mchod pa'i don du 'dab chags dgug pa ni khwa dang zhes bya ba la sogs pa gsungs so/ /chu skyar dang bzhad ni rab tu grags par zad do/ /gnyis skye sngags chen ni na tsho'o/ /khrung khrung ni chu bya'i bye brag go /khwa dang chu skyar dang bzhad dang/ gnyis skyes sngags chen khrung khrung dang/ sA ra sa dang ka dam pa/ /'di rnams gtso bo dang pa yin zhes dgongs so/ /'di rnams pas kyang gtso bo ni ngang pa yin no zhes gong du bstan to/ /de la gal te ngang pa'i sgras rgyal rigs ma rnal 'byor pa'i khyad par yin no zhes kha cig 'dod do/ /de'i tshe ni 'di ltar bshad par mi bya'o/ /'di rnams kyi ci zhes pa la bza' dang gtor ma dang sbyin sreg bya zhes gsungs te/ bza' ba ni bza' ba'o/ /'dis ci zhes pa la 'dod pa kun ni grub par 'gyur zhes gsungs
- 235b
te/ khwa la sogs pa nas ka dam pa'i bar du bza' ba dang sbyin sreg dang gtor ma bya ba zhes 'grub po/ /khwa dang chu skyar dang bzhad dang/ skye gnyis sngags tshon khrung khrung dang/ /sA ra sa dang ka dam pa/ /bza' ba dang ni sbyin sreg dang/ / gtor ma'i bya bas 'grub pa zhes pa ni bsags pa'i tshig go /yi dags chen po'i sgrub thabs ni/ /griSh+Na zhes bya ba la sogs pa gsungs so/ /gnod mdzes kyi sngags sam rtsa ba'i sngags kyis sngon du bsnyen par byas shing mtshan ma thob pas/ rma med cing ma rul ba'i ro langs la dur khrod du mtshan phyed na khyi nag mo'i 'o ma la 'bras ma god pa dang ma sha nag po bsgre zhing de'i kha nyid du sngags kyis sbyin sreg bya'o/ /de ni nag po zhes bya ba la sogs pa gsungs so/ /khyi nag mo'i 'o mas sgrub pa po'i sbyin bsreg bya'o/ /mchog tu gyur pa nyid de sngon du bsnyen pa byas pa nyid bstan to/ /sa 'og ni sa 'og gi dngos grub ste bug par 'jug pa'i dngos grub ces pa'i bar ro/ /'gro ba ni bar snang la 'gro ba'o/ /ral gri ni ral gri'i dngos grub po/ /'am gyi sgras ni 'khor lo la sogs pa'i dngos grub po/ /phan 'dogs pa ni rjes su gzung ba'o/ /tshar bcad pa ni gdug pa can gzhom pa'o/ /ri lu mig sman gter rnams sam/ /rkang mgyogs dag gam bcud kyis len/ /zhes pa ni/ 'am ni bsdus pa'o/ /gzhan ni go sla'o/ /dngos grub ni 'di rnams nang nas gang cung zad dngos grub byin nas 'gro'o/ /gzhan du nges pa med pa'i phyir ro/ /steng dang 'og tu pho nyas 'grub/ /rgyud 'dir the tshom med pa yin/ /zhes pa ni 'og min rnal 'byor ma ni sa gzhi la gtogs pa'o/ /steng gi rnal 'byor ma ni bar snang la gtogs pa'o/ /de'i dngos grub ni dngos grub tu 'gyur ro/ zhes dgongs so/ /lci ba'i thal ba nyid dang zhes pa ni lci
- 236a
ba ni lci ba skam po'o/ /de bzhin lhag ma mgo skam zhes pa ni lhag ma ni sgron bu'o/ /mgo skam ni ha ri tha'o/ /de zhes pa ni phreng ba de'i don du'o/ /rus sbal zhes pa ni rus sbal gyi rus pa la phreng ba bya'o/ /ro langs kyi bsgrub pa la nges par 'di dag yin no/ /zhi ba dang rgyas pa dang dbang dang mngon spyod la bo d+hi tsi ni las kun byed ces bya'o/ /gdan bzhi nas gsungs pa bzhin du/ las gzhan rnams ri lu blta bar bya'o/ /phyag bzhi zhes bya ba la sogs pa la ro langs bsgrub pa la rdo rje dang mdung dang/ thod pa dang/ kha TwAM ga phyag bzhi na 'chang ba bsgom par bya'o/ zhes sbyar ro/ /dkar po dang ljang gu dang dmar po dang/ ser po ni shar dang byang la sogs pa'i bcom ldan 'das kyi zhal bzhi'o/ /ji srid phyag ni 'bum gyi bar zhes pa ni zhal dang phyag la nges pa med par dgongs pa'o/ /'on kyang gdams ngag la bltos so/ /yang na zhal bzhi ni dkar po nyid do/ /mtshan ma ni man ngag las so/ /de'i phyir gzhan du yang de ltar gdams ngag las shes par bya'o/ /de bzhin zhes pa ni/ gdams ngag ji bzhin du zhes pa'i don to/ /rdo rje phag mo de la gzigs/ /de'i mdog dang mtshon cha 'chang zhes pa ni rdo rje dang thod pa 'chang ba'o/ /'di yang zhal bzhi nyid do/ /bcom ldan 'das dkar bas bcom ldan 'das ma dkar ba'o/ /'dir bsgom pa'i rim pa shes pas lha sum cu rtsa drug thams cad kyi grangs kyang zhes pa'i don to/ /rtag tu dus gsum du bsgom par bya'o/ /phyag dang zhal 'bum la sogs pa la ni g.yas thams cad du rdo rje dang g.yon mdung dam yang na ni kha TwAM ga dang thod pa dang/ zhal thams cad ni dkar po'o/ /gzhan thams cad ni bsgrub pa'i thabs rim pa las shes par bya'o/ /dur khrod 'dab
- 236b
chags dang/ phyugs bong bu la sogs pa dang/ ro langs yi dags dang/ de rnams bsgrub pa'i bskyed pa'i rim pa brjod pa gang yin pa de'i le'u yang yin pas sum cu gnyis pa ste sum cu rtsa gnyis pa'o zhes bya ba dpal 'khor lo sdom pa'i le'u sum cu rtsa gnyis pa'i dka' 'grel lo// //da ni bsnyen bkur sngon du 'gro bas mchod pa la sogs pa la rjes su gnas so zhes bstan pa'i phyir/ de nas zhes bya ba la sogs pa gsungs so/ /de nas ni mchod pa la sogs pa rjes su gnas la gzhan la yang gzhan gyis ji ltar 'gyur ba de lta de ltar sgrub pa pos bya'o/ zhes sbyar ro/ /thams cad kyi bsgrub bya rnams rnal 'byor gyis 'thob pas gang de rnams la sgra'i rtags kyi bdun pa'o/ /bsnyen bkur bstan pa'i phyir/ bza' dang zhes bya ba la sogs pa gsungs so/ /bza' ba ni go ku da ha na la sogs pa'o/ /ston mo ni zho dang mar dang bye ma ka ra dang la du la sogs pa'o/ /bza' ba mang po nyid kyi phyir ston mo ni zho la sogs pa nyid do/ /nya ni ro hi ta la sogs pa'o/ /sha ni ra la sogs pa'i sha'o/ /sogs kyi sgras ni gzhan yang ji ltar rnyed pa'i bza' ba la sogs pa'i khyad par ro/ /'dis bya ba ni bya ste sgrub pa pos mchod do zhes shes par bya'o/ /rang bzhin gyi phyir de ltar mchod par byed pa'i sgrub pa po ni thun mong ma yin no zhes dgongs so/ /ci nus pa dang zhes pa ni nus pa ji lta bur gyur pas des de la bya ba bya'o zhes dgongs so/ /de dag nus pas 'da' bar mi bya'o/ /bdud rtsi rnam pa lnga bskyed par mi nus shing lnga po yod pa ma yin na bza' ba la sogs pa yang bdud rtsi lngar bsgom par bya zhing bsten par bya'o/ /'bad pas nges par ro/ /nub mo rtag tu bya ba ni zhes pa ni re zhig nyin mo yang bza' ba la sogs pa bya zhing bsten par bya'o/ /nub mo ni nges par bya'o/ /ni'i sgras ni de'i don gyi phyir ro/ /de nas pho nya bza' ba sbyin
- 237a
zhes pa ni bza' ba ni bza' ba la sogs pa bza' bar bya ba'i phyir longs spyod pa'o/ /rang gi yan lag mgor byas la zhes pa ni rang gi lag par thod pa blangs la de nas bza' ba la sogs pa bza' zhing pho nya dang lhan cig tu mchod par bya'o/ /zhes pa ni bsdus pa'i don to/ /dpa' bo gnyis su med pa mchod pa zhes pa ni snyoms par 'jug pa'i mchod pa yang dpa' bo dang lhan cig tu bsgrub par bya'o zhes pa'i don to/ /rang dang lhan cig ces pa'i gzhung la ni de la dpa' bo dang lhan cig pad+ma la chos 'byung du byas nas dpa' bo dang gnyis su med par mchod pa bsgrub par bya'o zhes bshad do/ /ma 'am yang na sring mo 'am/ /bu mo 'am yang na chung mar ni zhes pa la mkha' 'gro ma lnga la sogs pa bzhin du brtse bar 'gyur na de dang lhan cig pas bcings la las shin tu grol te thar bar byed do/ /de nas sngags ni grub 'gyur te zhes bya'o/ /lha dus ni tsam du zhes pa la ji srid 'byung ba yod par du zhes gsungs so/ /ji srid 'byung ba ni thong mongs pa rnams kyi phun sum tshogs pa'o/ /de gzhan du gyur pa'o/ /de lta bu'i rnal 'byor pa la bsnyen bkur bya ba'i phyir slob dpon zhes bya ba la sogs pa gsungs te/ slob dpon de lta bu'i lhan cig skyes pa'i lus blangs nas mchod pa len cing sgrub pa po dngos grub la nye ba na bcom ldan 'das ni/ /de lta ba'i slob dpon la mchog na rdo rje 'chang la mchod par 'gyur pa dang de la mchod pas de bzhin gshegs pa thams cad mchod par 'gyur zhes dgongs so/ / dpa' bo rnams kyi gdan dang gnas/ /phyag rgya mtshams zhes ?/ /rdo rje zhabs ldan gra dang ni/ /gang ni g.yas brkyang ba yi zhabs/ /de ltar sgrub pa pos mnyam par bzhag pas lha'i rnal 'byor gyi bdag nyid dpal he ru
- 237b
ka de rnal 'byor gyi bdag nyid kyi che ba ji srid ces bya ba la sogs pa gsungs so/ /ji srid 'khor bar 'khor ba de srid du dpal he ru ka rnal 'byor gyi ye shes ma yin no/ /dang ni de srid kyi don byed pa'i phyir ro/ /mi rga ba yang ji tsam zhes pa la lus can thams cad ni srid du zhes gsungs te/ ji srid lus can thams cad nyid ces pa'i don to/ /phyag rgya dang lha rnams la mchod par bya'o/ /des ci zhes pa las mchod par bya zhes bya ba la sogs pa gsungs te/ mchod pa zhes pa ni mchod pa ste mchod pa'o/ zhes pa'i don to/ /dang po nas bsgrub pa rang bzhin gyis grub pa'i phyag rgya chen po ni lta'o/ /de ci ltar gyur pa de 'jig rten pas mi shes par bstan pa'i phyir/ nga rgyal can zhes bya ba zhes gsungs so/ /nga rgyal la sogs pa'i nyon mongs pa lhan cig thob pa ni nga rgyal can no/ /nga rgyal gyis bcings pas de mi shes so zhes bya ba'i don to/ /de bzhin du sngar gyi cho gas bsnyen bkur bya'o zhes pa'i don to/ /phyi nas dpa' bo'i dpa' ba kun tu spyad pa zhes pa ni sngar gyi rnam par rtog pa spangs te/ dpa' bo'i sems mi rtog pa 'di la spyad par bya'o/ /re shig mchod pa ni de ltar yin no/ /de nas de yis sa dog la sogs pa'i dngos grub thams cad kyis sgrub pa por 'gyur ro/ /zhing dang zhes bya ba la sogs pa ni go sla'o/ /gsang ba ? mchod pa dang bza' ba la sogs pa byas pa dang/ bsnyen bkur dang bla mar byas pa de'i phyag 'tshal ba la sogs pa de brjod pa gang yin pa de le'u yang yin pas de de bzhin no/ /sum cu gsum ni sum cu rtsa gsum pa'o zhes pa ni dpal 'khor lo ? le'u sum cu rtsa gsum pa'i dka' 'grel lo// //de nas zhes pa ni mchod pa dang bsnyen bkur bstan pa'i rjes su'o/ /mkha' 'gro ma'i dra ba'i 'khor lo brjod pa'i cho ga rgyas par bshad do/ /zhes
- 238a
blta bar bya'o/ /mkha' 'gro ma rnams kyi ngo bo nyid ni mkha' 'gro ma'o/ /de nyid dra ba dang 'dra bas na dra ba yin te/ nyon mongs pa'i chu srin la sogs pa 'ching ba nyid kyi phyir ro/ /de'i 'khor lo ni dkyil 'khor te mngon du brjod pa gang yin pa de ni cho ga rgyas pa yin no/ /las gang las de de bzhin du cho ga rgyas pa yin ni mkha' 'gro ma dgod pa la sogs pa'o/ /de gang zhes pa las gang gis zhes bya ba la sogs pa gsungs so/ /de zhes pa ni dum skyes mas 'grub bo zhes shes par bya'o/ /dpa' bo kun gyi dkyil 'khor la pad+ma'i lte bar nyi shu bzhi ni dpa' bo dang ldan pa'i rnal 'byor ma nyi shu bzhi dgod par bya'o/ /de'i phyir nges par sbyar te zhes gsungs so/ /de la nges par sbyar zhes pa ni nges par sbyar bar bya'o/ /zhes pa'i gzhung yang de ltar nyid do/ /pad+ma'i lte ba'i sgra ni 'dab mar brjod pa yin te/ de'i phyir sgra'i mang po'i dam tshig go /smin ma'i bar du nges par 'jug /a ba d+hU tI gnas de bzhin zhes pa ni/ gtso bo la sogs pa lha thams cad rnams kyi spyan gsum pa bstan pa yin no/ /gang gi phyir smin ma'i dbus ni sna dang rjes su mthun pa'i dpral bar sdig pa 'joms pas a ba d+hU tI sems tsam mo/ /de'i gnas ni de'i mtshan pa ste spyan gsum pa'o/ /dpral ba yang gtso bo'i gnas so/ /'dis ni lha dgod par bstan pa'o/ /de lta bur gyur pa'i rnal 'byor pas sbyin sreg bya'o/ /dpa' bo 'chol pa'i zhal gyis ni/ de nas me ru gzhan mi bsreg ces pa ni/ dpa' bo 'chol ba'i zhal ni khro ba dang bcas pa'i zhal lo/ /des mtshan cing yod pa'i sbyin sreg bya'o/ /rdzas gzhan gyis ni mi bya ste phyugs kyi sha nyid do/ /zhes dgongs so/ /phyugs zhes bya ba la sogs pa go sla'o/ /dang po sreg bya lnga sbyin zhing//
- 238b
de nas 'bar ba'i me la ni/ /bsreg bya dgu ni sbyin par bya/ /zhes pa ni go sla'o/ /me'i zhal du sreg rdzas byin la de nas lha'i zhal du sreg rdzas sbyin pa ni 'bar 'phreng zhes bya ba la sogs pa gsungs so/ /hoM khung gi dbus su 'khor lo blta'o/ /kun nas kyi sgo ni sgo bzhi nyid kyi phyir ro/ /dpal he ru ka'i zhal bzhi'o/ /dpa' bo ni mtshon pa ste dpa' bo'i gnas 'khor lo/ dpa' bo dang ldan pa'i rnal 'byor ma rnams dang bcas par blta'o zhes dgongs so/ /'dab mar pho nya bzhi pa dang zhes pa ni 'dab ma zhes pa'i rigs tsam ste/ shar la sogs pa'i 'dab ma la mkha' 'gro ma bzhi yang ngo/ /mkha' 'gro de bzhin lA ma dang/ dum skyes ma dang/ gzugs can ma zhes bya'o/ /dpa' bo'i 'khor lo zhes pa ni/ 'khor lo gsum du gtogs pa'i dpa' bo dang gnyis su med pa dam pa'i bde ba nyams su myong bas gnas so zhes dgongs so/ /'khor lo gsum du gtogs pa'i rnal 'byor ma dpa' bo dang gnyis su med pa'i snyoms par 'jug pa yod pa de ni de bzhin no/ /gnyis su med pa'i bde ba zhes sbyar ro/ /dum skyes ma'i phyi rol sbyin zhes pa ni rgyab kyi 'dab ma la dum skyes ma gnas par bya'o/ /rang gi gzugs ni mngon zhes pas/ /'khor lo dbus ni bstan par bya/ /zhes pa ni/ ni'i sgra gcig ni khyad par gyi don to/ /ni'i sgra gnyis pa ni nyid kyi don to/ /rang gi ngo bo nyid las dang rjes su mthun par zhi ba la sogs pa la dkar po la sogs pa'i gzugs su bstan cing bsgom par bya'o/ /dum skyes ma ni phyi rol sbyin zhes dgod par gang gsungs pa'i cho ga de 'dir thams cad las gtso bo nyid du bstan pa yin no/ /dgug pa la sogs pa la de rab tu sbyar bar bya'o/ /zhes shes par bya'o/ /'dod pa'i 'khor lo bstan pa ni/ dngos grub thams cad rab sbyin byed/ /ces pa ni dpal 'khor lor bstan
- 239a
pa'i lha tshogs ni dngos grub thams cad rab tu ster bar byed pa la 'dod cing 'dun pa ni bsgrub pa'o/ /las dang rjes su mthun par zhes pa ni de skad gsungs pa bzhin du shes par bya ste/ las dang rjes su mthun pa'i gzugs kyis kha dog bzhin du bsgom la lha'i zhal du dgang blugs sbyin par bya'o zhes pa'o/ /sbyin sreg gi dbang du byas pa nyid kyis las dang rjes su mthun pa'i gzugs dang mdog ni ma yin te/ 'on kyang gzhan du yang ngo/ /dngos grub thams cad rab sgrub byed ces pa'i gzhung la bsgrub pa'i khyad par byas pa'o/ /'khor lor bstan pa'i lha rnams kyi tshogs gang las shes pa la/ rigs pa'i rgya mtsho zhes pa la sogs pa gsungs so/ /dpa' bo zhes pa ni dpa' bo ni rdo rje 'chang ngo// pho nya dang snyoms par zhugs pa la sbyin sreg bya'o zhes pa'i don to/ /pho nya dang gnyis su med par nges par mtshon pa'i sbyin sreg dang dgug pa de brjod pa gang yin pa'i le'u ni de de bzhin no/ /sum cu bzhi ni sum cu rtsa bzhi'o zhes bya ba ni 'khor lo sdom pa'i le'u sum cu rtsa bzhi pa'i dka' 'grel lo// //de nas zhes pa ni lha'i bkod pa brjod pa'i rjes su las kyi mchog yin no zhes shes par bya'o/ /de yang zhi ba la sogs pa'i cho ga'i sngags kyis bzlas pa'i mtshan nyid 'dod pa'i don gtso bor byed pa'i phyir ro/ /ji bzhin rim gyis mtshon pa ste zhes pa ni drag po la sogs pa'i las kyis rim par mtshon cing rtogs pa'o/ /ji ltar sngags bzlas par bya zhes pa mchod pa'i bya ba ji lta bur gyur pa ni gnyis su med cing dbyer med pa'i/ rnal 'byor las snyoms par zhugs pa'i rdo rje phag mo dang 'khyud pa de'i bdag nyid kyi rang bzhin gang yin pa de ni de bzhin du so sor mchod pa'i las su legs par sbyar ro/ /rab tu grags
- 239b
pa'i sngags ni gang/ /go rim ji bzhin tha dad de/ /zhes pa ni so so so sor dngos grub nus pa'i ngang tshul gang yin pa de ni de bzhin te rtsa ba'i sngags la sogs pa'o/ /so so so sor ni zhi ba la sogs pa'i las la legs par sbyar ba de ni tha dad du blta bar bya'o/ /rim pa dang ni rim pa ma yin pa ni tha dad pa ste/ yi ge'i sngags zhes bya ba la sogs pa gsungs te/ pho nya dang por gyur pa gang yin pa'i dpa' bo rnams te/ de ni pho nya la sogs pa sngags shing bkur ba ste/ thong ba'i dum bu la sogs pa'i sngags dang pho nya la sogs pa gang yin pa de ni de bzhin te/ de'i sngags ni dpal he ru ka'i rkang pa brgyad pa la sogs pa'i sngags so/ /des sngags de bzlas par bya'o/ /zhes shes par bya'o/ /ji ltar zhes pa la mda'i shugs bzhin yongs su 'khor zhes gsungs te/ mda'i shugs ni sgra'i gsum pa phyis pa'o/ /mda'i shugs kyis yongs su 'khor ba'i sngags de nyid phan tshun sbyar ba zhes bya ba la sogs pa gsungs te/ ni ni khyad par ro/ zhi ba'i cho ga las ltod pa ste lag pa'i mthil du bsgrims bzhin pa thag pa bzhin du phan tshun gyi gnas su byas shing yang dang yang du gtogs pa'i yi ge gzhan gang yin pa de phan tshun du byas pa ni sngags te zhes bya ste mdor bsdus pa'i don to/ /'jug pa yis ni phye ba nyid ces pa ni rang gi kha'i nang nas rab tu zhugs te yang rdo rje'i lam nas phyir phyung ste/ pad+ma'i lam nas lha mo'i snying gar rab tu zhugs te/ de de'i zhal nas byung ste de nas yang rang gi zhal du rab tu zhugs pa zhes bya'o/ /zhugs pa'i sbyor ba'i don ni/ drag po'i las la rang gi kha nas lha mo'i khar zhugs te/ de nas yang pad+ma'i nang nas phyir phyung ste/ rdo rjer zhugs nas rang gi kha nas lha mo'i kha ru zhes pa ni rim pa'o/ /de lta bu'i cho ga rgyas par bya ba ni/ sa bon phreng ba de nas 'dzin zhes gsungs te/
- 240a
phan tshun du yi ge dam por sngags kyi phreng bar bsgom par bya'o zhes shes par bya'o/ /hUM ni mdza' ru gnas par bya zhes pa ni hUM bsgrub bya'i mdza' ru rab tu gnas pa gang yin de ni de bzhin no/ /hUM lhas byin song cig hUM zhes pa ni bzlas pa'i sngags kyi mdza' huM hUM phaT phaT dang sngar gyi gnas su yang spel bar bya'o/ /de'i phyir bsgrub bya 'gog par gyur na ni/ gom pa gcig kyang mi 'da' o zhes gsungs te/ ni ni nye bar gzung ba'o/ /hUM yig dag ni 'gog pa nyid yin no/ /kha sbyar sbyar bar gyur pa dang zhes pa ni zhi ba'i cho ga la ni oM lhas byin swAhA oM zhes sngon bzhin du spel ba'o/ /kha sbyor ni spel ba ste kha sbyor gyi ngo bo nyid do/ /sngon dang phyi ma dag la oM gyis dgag pa'o/ /rdo rje zhes bya ba la sogs pa hUM ni mdza' ru gnas pa yin zhes pas rgyas par bstan to/ /drag po'i las la rdo rje ni hUM gi ming ste/ des dbye bar bya'o/ /bsgrub bya'i thog ma dang tha ma dag ni hUM sbyin pa na dbye ba'o/ /ji lta bur gyur pa zhes pa la/ rdo rje lu gu rgyud bcings pas shes gsungs te/ rdo rje'i lcags sgrog bcings pa gang yin pa de ni de bzhin no/ /rdo rje sgro chun bzhin bskor te zhes pa ni bskor ba ni sngags zhes shes par bya'o/ /shes rab dang thabs kyi kha la sogs pa rnams su sngags rab tu zhugs shing phyir byung ba dag ni myur par bstan pa'o/ /drag po'i cho ga la rdo rje nag po'i phyag can gyi dum skyes ma'o/ /zhi ba la dkar po g.yon pa na kha TwAM ga bsnams pa'o/ /'gugs pa la ni lcags kyu nyid ces pa ni gang gi tshe 'gugs pa de'i tshe dza:/ lhas byin khug cig dza(rgyud 'grel): zhes spel ba ni snga ma bzhin du lcags kyu'i sgra ni dza:O/ /rtsa ba'i sngags bzlas pas lcags kyu'i phyag can gyi dum skyes ma dmar mos bsgrub bya'i snying phug ste 'gugs so/ /bskyod pa la de bzhin du gtun shing ngo zhes pa
- 240b
ni dpung la sogs pa bskyod pa na hUM lhas byin la sogs pa bskyod cig hUM zhes spel lo/ /dum skyes ma yang rang gi mdog dang ldan pa gtun shing phyag na bsnams pa zhes pa ni de bzhin gyi sgra'i don to/ /bza' ba bza' ba la rdo rje nyid ni dum skyes ma rang gi gzugs 'chang pa'o/ /phaT lha byin zo shig phaT ces pa ni spel ba'o/ /dbug par bya ba la 'bigs pa ni 'di'i phyag can gyi dum skyes ma'o/ /phaT lhas byin phug cig phaT ces spel lo/ /dus min 'chi las rgyal nyid yang/ /yan lag kha TwAM ga dang sbyar zhes pa ni/ /dus ma yin par 'chi ba la g.yon du kha TwAM ga bsnams pa'i dum skyes ma'o/ /hUM dkar po las bdud rtsi'i rgyun stong 'dzag pa'o/ /hUM lha sbyin sod cig hUM zhes pa ni spel ba'o/ /thams cad du las la legs pa'i 'od dang bcas pa'o// dum skyes ma'i zhal du thod pa'i mchod yon sbyin pa ni thod pa'i mchod yon zhal du ni zhes gsungs so/ /mtshon cha nges par sbyar zhes pa ni mchod yon sbyin pa'i rjes la lcags kyu la sogs pa'i mtshon chas bsgrub bya'i yan lag la nges par sbyar bar bya zhing dum skyes ma bsgom par bya'o zhes dgongs so/ /gnyis med kyi las zhes bya ba ni snyoms par 'jug pa'o/ /zhi ba la sogs dang dus su 'tsho ba yang bzlog pa brjod pa gang yin pa de yang yin la le'u yang yin pa de de bzhin no/ /sum cu lnga ni sum cu rtsa lnga'o/ /zhes bya ba ni dpal 'khor lo sdom pa'i le'u sum cu rtsa lnga pa'i dka' 'grel lo// //de nas zhes pa ni gnyis su med pa'i las kyi rjes su'o/ /phyag rgya ni phyi rol gyi phyag rgya la mchod pa yin no/ /ji lta bu zhes pa la sngags kyi yi ge gsum dgod par rab tu grags so/ /sngags kyi dgod pa rab tu grags nas phyag rgya de mchod pa'o/ /yi ge gsum po'i sngags kyang ni/ /myur du dngos grub byed pa'i phyir/ zhes pa ni phyir ni gang gi phyir ro/ /sngags kyi
- 241a
sbyor ba ni sngags zhes bya ba la sogs pa gsungs te/ sngags ni sngags kyi yi ge gsum gyi sngags sbyar nas rnal 'byor ma la bsrub po zhes sbyar ro/ /rtags gnyis la zhes pa ni shes rab dang thabs gnyis kyi mtshan ma'o// de ni mkha' 'gro dpa' bo gnyis su med ces gsungs te/ mkha' 'gro ma nyid mkha' 'gro ste/ dpa' bo dang yod pa gang yin pa mi gnyis su med pa ste/ de'i rtags zhes dgongs so/ /hUM las rdo rje oM las pad+ma rdo rje'i nor bu dang pad+ma'i ge sar dag A:las bskyed la skul la sogs pa la yi ge gsum bkod de rnal 'byor ma la bsrub pa'o/ /dag pa'i lus ni ci 'dod pa zhes pa ni 'dir dag pa'i lus ni 'dir gnyis su med pa'i snyoms 'jug gi mchod par brjod do/ /dpa' bo mchod pa ni nya dang sha la sogs pa la bya zhing gnyis su med par shes par byas la/ zhi ba la sogs pa'i las bya ba ni 'bad pas yid dam du bya'o/ /bye brag tu phye zhing so sor byas na zhi ba la sogs pa'i las ni phyin ci log tu phan tshun tha dad par sbyar bar bya'o/ /bsgrub bya de nyid kyi don ni/ tshar gcod pa dang zhes bya ba la sogs pa gsungs so/ /tshar gcod pa dang rjes su gzung ba'i don gyi dgos pa de la gnas pa ni sgra'i rtags kyi bdun pa'o/ /phan tshun sbyar zhes mdor bstan pa ste/ rgyas par bshad pa ni/ rnam dbye zhes bya ba la sogs pa gsungs te/ rtsa'i lam rnams nas pad+ma'i lam rnams su sngar bstan pa'i rim pas sbyar ba'i sngags yin te/ de dag gi gnas skabs yin pa'i phyir ro/ /de nyid dbye bas las kyi ni/ /tshig gi dbye ba rab bsgrub bya/ /sbyor ba'i don rnams la zhes pa ni brjod pa'i don zhi ba la sogs pa rab tu bsgrub par bya'o/ /'dis 'grub pas gzhan du dngos grub brtsams pa thams cad bsgrub par bya'o/ /de kho na
- 241b
nyid kyi las kyi tshogs rnams grub par bya ba'i don du mchod pa dang/ de yis dgug pa des par nges brjod pa gang yin pa de le'u yang yin pas de de bzhin no/ /sum cu drug pa ni sum cu rtsa drug pa'o zhes bya ba ni 'khor lo sdom pa'i le'u sum cu rtsa drug pa'i dka' 'grel lo// //da ni de nas zhes bya ba la sogs pas ni dbang du byed pa brjod par ba tu rtsom ste/ bzlas pa bsgrub par bya ba'i las kyi rjes yin pas na de nas kyi sgra'o/ /gzhan zhes bya ba ni thabs so/ /yang dag pa ni so so so sor bye brag tu bya'o/ /bshad pa ni yang dag par rab tu bshad pa'o/ /gzugs ni lus te/ de bzhin gnon pa ni sems can te/ de'i sgrub thabs zhes pa ni gzugs gnon pa'i sgrub thabs te thabs shes pa'i don to/ /de ni phan tshun bsgril ba'i gsang sngags ni mkha' 'gro ma dang gcig tu sbyar zhes gsungs te/ rtsa ba'i sngags dang rig pa'i rgyal po dang mkha' 'gro ma'i sngags gsum gcig tu byas pa sman bsgrub par bya'o zhes bya ba'i don to/ /de nyid ni zos na zhes bya ba la sogs pa gsungs so/ /bzlas pa'i mthar ni skyug par bya zhes pa ni zos nas skyugs pa de bkrus la yang de zos na skyug par bya'o/ /ga pur brjen pa dang bsres nas sngags gsum po nub mo mdun du thun mtshams gsum du bzlas pa bya'o/ /de nas bza' ba la sogs pa la btab ste byin na ji ltar gsungs pa bzhin du 'gyur ro/ /ba ser skya'i mar ni ser skya'i mar te/ lan bdun bzlas nas 'thungs nas skyug par bya'o/ /de bdag nyid kyi gdong la byug par bya'o/ /de zhes pa ni byug pa'i rjes su'o/ /bskus zhes bya ba la sogs pa la bskus pa'i yan lag mar de de yis blang ba'o/ /ni ni sbyor ba bsdu ba'o/ /sA lu khur ba yang dag ldan zhes pa ni sA lu'i khur ba'i rang bzhin gyi skyong bu byas la mar de yis btsos te/ de bza' ba nyid du sbyin par bya'o/ /ni ni nyid kyi don to//
- 242a
thams cad nyid du sngags kyi bzlas pa go bar bya'o/ /gal te las ni ma btang na zhes pa ni gal te grol bar mi 'gyur ro/ /til nag dag ni zos nas su/ /ske tsher bcas pa skyugs pa dang/ /du rta dang ni bshang lam byung lag skyes lto ba'i srin bu dang/ /zhes pa ni dang ni rab tu sbyor ba bsdu ba'o/ /ni ni khyad par ro/ /til nag po ske tshe dang lhan cig tu zos nas skyug par bya ba dang/ ru rta lan bdun du bshang ba'i lam nas phyir dbyung par bya'o/ /lag skyes ni sen mo'o/ /lto ba'i srin bu ni lto ba nas phyir byung ba'i 'bu'o/ /bza' ba ni za bar bya'o/ /byug pa ni lus la'o/ /ba lang sha'i sbyin sreg ni khrag gis bskus zhes pa ni ba lang gi sha'i sbyin sreg ni sbyin sreg gi don du de'i khrag gis bskus pa ste/ phyugs kyi khrag gis bskus pa'i phyugs kyi shes sbyin sreg byas na bsgrub bya lha'i rnam par shes pa dbang du 'gyur ro/ /yang na lha ni 'jig rten pa'i lha ste sha ni phyugs nyid kyi'o/ /de'i phyir de'i zhes gsungs te/ mdun zhes pa ni dpal he ru ka'i thad ka 'am lugs sku de'i zhal lam mdun na ma rgyab tu'o/ /las thams cad pa'i thabs khung du'o/ /mtshan bdun gyis ni 'grub par 'gyur zhes pa ni mtshan mo bdun la dus gsum du sbyin sreg byas pas 'grub pa'o/ /rnyed dka' zhes pa ni dbang du bya ba'i cho ga'o/ /dam tshig spyod pa'i rnal 'byor mtshon zhes pa ni dam tshig spyod pa'i mtshan nyid dbang du bya ba'i cho ga'o/ /skal ba dman pa ni de sngon bsod nams chung ba'o/ /bsod nams chung ba'i zhes pa ni da ltar yang bsod nams chung ba'i sgrub pa pos mi 'thob ste nga mnyes pas ni 'thob bo/ / dbang du bya ba gtso bor byas nas dbang gis las dang bya ba gang yin pa dbang gi las gtso bor sman la sogs pa sbyin sreg gi rnam pa de brjod pa gang yin pa de le'u yang de yin no zhes bya'o/ /sum cu bdun pa ni sum cu rtsa bdun pa'o/ /zhes bya ba ni dpal 'khor lo
- 242b
sdom pa'i le'u sum cu rtsa bdun pa'i dka' 'grel lo// //'di ni rgyud du gsungs pa'i sbas pa thams cad bstan pa'i phyir/ de nas zhes bya ba la sogs pa gsungs te/ brda ni ? zhes pa ni skyes bu'i zhes bya ba la sogs pa'i gzhug sngar bstan pa'i brda'o/ /ni ni khyad par ro/ /mkha' 'gro ma ni rab tu gtum mo la sogs pa'o/ /lus ni lag pa la sogs pa'i brda'i don te de'i mtshan nyid do/ /mkha' 'gro ma'i rigs kyi mtshan ma dang mdog dang dri la sogs pa'o/ /dpa' bo'i yan lag dbye ba ni mdog dang zhal dang phyag la sogs pa'o/ /de ltar nyid ces pa ni sba par bya'o/ /brda' la sogs pa dang dbang gi yan lag gi dbye ba ni dpa' bo'i dbang phyug rnal 'byor pas mi bri ba dang/ brjod par mi bya ba zhes blta bar bya'o/ / cung zad gang gis mdun mi gdon zhes pa ni rgyud gzhan la sogs pa la brten pa'i mdun du rgyud 'di bklag par mi bya ba'o/ /zhes bya ba'o/ /g.yon pa'i kun spyod legs sbas pa zhes pa ni g.yon pa'i kun spyod ni dpal 'khor lo sdom pa rnal 'byor pas legs par sba pa ste brda la sogs pa'o/ /gsang ba'i mtshan nyid mkha' 'gro ma'i sngags ni bag med pas 'don na zhes pa ni glegs bam du gtogs pa'i mkha' 'gro ma la sogs pa bag med pas rang gi bya ba la bltos pa med par 'don pa dang/ 'bri pa dang/ klog ba lang de la mi blta ba'i dngos grub la sogs pa mi mthong zhes pa'i don to/ /'on kyang gzhan yang gsungs te/ mkha' 'gro ma stong phrag du ma yis bza' ste/ de bza' bar bya bar 'gyur ro zhes bya ba'i don to/ /de'i sgras ni mgo g.ya' bar ro/ /ci'i phyir zhes pa la ngan pa'i bdag nyid can zhes bya ba la sogs pa gsungs so/ /ngan pa'i bdag nyid ces pa ni rang gi don la a Na'i sgra'i rkyen byin pa'o/ /shin tu ngan pa'i bdag nyid ces pa'i don te bdag nyid khyad
- 243a
bar du byas pa'i sems so/ /dam tshig ni sngags dang phyag rgya dang grub mdza' o/ /bram ze ni sangs rgyas so/ /sdig pa nyid spyod pas ni sdig spyod do/ /de'i phyir gdug pa can gyi spyod pa ste/ chos dang mi ldan pa'i gnas skabs de ni sdig spyod do/ /rmongs pa zhes pa ni shin tu gti mug pa ste/ mngon par 'dod pa la mi sbyor zhing bslus pa'o/ /de zhes pa ni gang klog pa la sogs pa byed pa pa de yang bdag gis mi skyob ste ngan pa'i bdag nyid gdug pa can gyi rang bzhin rnal 'byor ma rnams kyis bza' bar bya'o/ /'di ci'i phyir zhes pa la sped cing yang dag par sdom zhing bsrung ba'i gsang ba ni rnal 'byor ma'o/ /ni ni yang gi don to/ /srung ba po rnams kyi nang na de phyugs nyid de/ rang nyid kyi phyir gsad par bya'o/ /de lta bu'i sgrub pa pos ni nyes pa chen po byas pa'i phyir ro/ /de bas na ni sgra ni khyad par ro/ /ltung zhes bya ba la sogs pa la sangs rgyas kyis gzigs pa'i 'jig rten ni sangs rgyas 'jig rten no/ /de'i phyir yang ltung bar 'gyur ro zhes dgongs so/ /de yang bla ma gsod cing dam tshig brlag par byed pa'o/ /gang gi phyir gang yang skyong zhing sung ba'i rgyud ni dpal he ru ka bltas 'jigs te/ de kho na nyid ma gtogs pa rnams 'jigs pa skyed par byed pa'i phyir ro/ /de ni bdag gi rjes su 'dzin no/ /rdzas 'dzin pa ni brtse ba'i khyad par ro/ /mkha' 'gro ma zhes pa ni sgra'i gsum pa'i phyi ba'o/ /dge zhing dge ba'i gdong gis gang la de ni ji lta ba yin no/ /de ltar rjes su 'dzin pa ni rjes su mthun par 'dod pa'o/ /bla mas kyang dgongs pa'o/ /gsang bar byed pa ni sbed par byed pa ste/ de mthong na gzhan sgrub pos de la 'khyud pa 'am/ 'di ni bdag gi phyogs su zhugs pa'o/ /zhes 'jig rten pa rnams la legs so zhes bsgrub pa'i phyir ram sbed de zhes
- 243b
pa'i don to/ /dpa' bo 'dod ces pa ni dpa' bo nyid 'dod pa ste/ rgyun gyi ting nge 'dzin la 'jug cing sbyor ba'o/ /yang dag rab sbyin ni slob ma phun sum tshogs pa dang ldan pa'i shes pa'i rnam par 'dod pa'o/ /rig par 'gyur na bla ma las thob pa'o/ /dpa' bo nyid thob pa ni 'jig rten pa'i tha snyad la 'jigs pa med pa'i phyir ro/ /he ru ka dpal brtul zhugs 'dzin zhes pa ni rang gi bstan bcos byas pa yongs su skyong ba nyid kyi phyir sgrub pa pos dpa' bo nyid mthong dga' zhes par sbyar ro/ /mthong zhing mthong zhing sngags 'di nyid ces pa ni/ dpal he ru ka'i rnal 'byor du mtshon cing mtshon pa la sgrub pa po dag gzhan gyi de lta bu la mthong zhing mthong zhing dga' zhes pa'i don to/ /ji ltar gsungs pa'i rtsa ba'i sngags brjod cing de dag dpal he ru ka'i brtul zhugs 'dzin pa la 'bad pas phyag byed cing dga' zhes par sbyar ro/ /de ci zhe na gsungs pa/ sangs rgyas kun la sogs pa mchod ces pa ni rdo rje 'chad la sogs pa mchod 'gyur ro/ /de la phyag 'tshal ba/ ji ltar nyid ces pa la gang gis phyir rnal 'byor pa de dpa' chen dpal he ru ka'i rol pa dang ldan pa'o/ /de ltar rnal 'byor pas rnam par blta ba'i gdan nyid du de 'gyur ro/ /dran pa ni ci zhes pa la de dag ces bya ba la sogs pa gsungs so/ /thugs la gnas pa'i dpa' bo ni/ dpal he ru ka'i brtul zhugs 'dzin pa de dag ni thugs kar gnas pa'i dpa' bo ste/ dang po'i mang po'i tshig gi don la drug pa'i gcig gi tshig go /rnal 'byor ma dang gnyis med gnas zhes pa ni sgra'i mang po'i tshig la am dris pa ni nges pa'i tshig gi cho ga'o/ /de'i phyir 'di'i don ni gang gi phyir 'di lta bu zhes pa la gang gi phyir de dag rnal 'byor ma ste/ lha mo gnyis med gzugs kyi gnas shes bya'o/ /gang gi phyir de
- 244a
yis legs skyes pa/ srog chags bsod nams mthong ba yin/ /zhes pa ni de ji ltar zhes pa la gang gi phyir de dpal he ru ka brtul zhugs 'dzin pa ni bsod nams mthong bas srog chags la dge ba bskyed par 'gyur ro/ /rol pa'i gnas ni chu bo la sogs pa gsungs so/ /yang dag par zhen pa'i spyan ni dpal he ru ka'i brtul zhugs 'dzin pa mthong ba na rjes su chags pa zhes bya'o/ /'dir ni sgras ni dga' ba'o/ /ri sul ni khung ngo/ tshang tshing ni ri'o? nang gi nags tshal thibs po'o/ /gsang ba'i mi mo rnal 'byor ma/ /gang de gsang ba'i rnal 'byor ma'i gnas so/ /chu bo la sogs de dag thams cad dang khyad par du ni 'di'o/ /rnal 'byor ma yi gnas gzhan nyid/ /gsang ba'i rnal 'byor ma yi gzhi/ /brjod pa gang yin pa de le'u yang yin pas de de bzhin no/ /sum cu brgyad ni sum cu rtsa brgyad pa'o/ /zhes bya ba ni dpal 'khor lo sdom pa'i le'u sum cu rtsa brgyad pa'i dka' 'grel lo// //de nas zhes pa ni rnal 'byor ma'i gnas kyi rjes su'o/ /rim pas rgod pas na rnam pa brgyad ni rnam pa brgyad ji lta ba bzhin no/ /de bzhin du dngos grub chen po ni rnal 'byor pas dngos grub chen po ni phyag rgya chen po'i dngos grub dpal he ru ka'i rnal 'byor pas so/ /sngags ni 'di yin te/ ki li ki li/ tsi li tsi li/ si li si li/ d+hi li d+hi li zhes bya'o/ /rig pa'i rgyal po'i sngags kyi lhag ma dang des na rnam pa brgyad rgod pa'o/ /ha hA he he ho ho hu hU zhes bya'o/ /lha mo'i sngags kyis kyang rnam pa brgyad du rgod pa'o/ de nas zhes bya ba la sogs pa go sla'o/ /rnal 'byor ma rol pas 'jigs pa 'byung yang 'jigs pa mi bya'o/ /zhes pa ni de la dpa' bo 'jigs kyang zhes bya ba gsungs te/ kyang ni gang gi phyir ro/ /de la zhes pa ni rol
- 244b
pa nyid kyi phyir ro/ /dpa' bo mi 'jigs zhes pa ni/ gang gi tshe dpa' bo mi 'jigs na de'i tshe lag pa g.yon nas gzung nas rang gi khyim du 'khyer ro/ /dpa' bo dang bcas pa ni gnyis ka'i dgod pa yin no/ /zhes bstan pa'i phyir/ lag pa g.yon nas gzung nas ni/ /de ni rang gi gnas su khyer zhes gsungs so/ /mkha' 'gro ma dang lhan cig tu zhes pa ni sgra'i gsum pa'i phyi ba'o/ /he ru ka dpal chags 'dod pas/ /zhes pa ni dpal he ru ka sbyor bar 'dod pa'o/ /mkha' spyod kyi go 'phang ni bde ba can no/ /de nyid rang gi grong zhes pa'i bshad pa'o/ /rga dang 'chi ba thams cad med ces pa ni/ de dag rnam par rtog pa las skye ba nyid kyi phyir de bcom pas na de spangs zhes pa dgongs so/ /rnam par rtog pa bcom pa nyid ci'i phyir zhes pa la/ sgrub pa po sngags lus can zhes gsungs te/ sngags kyi chos thams cad kyi rang gi ngo bo nyid dngos su byed pa ste/ de'i bdag nyid kyi phyir zhes dgongs so/ /mthong ba ni mkha' 'gro ma nye bar dmigs pa ste/ ha har rgod pa brjod pa gang yin pa de yang yin la le'u yang yin pas de de bzhin no/ /sum cu rtsa dgu ni sum cu rtsa dgu'o/ /zhes bya ba ni dpal 'khor lo sdom pa'i le'u sum cu rtsa dgu pa'i dka' 'grel 'o// //de ni dbang du bya ba 'ba' zhig gis sbyin sreg gi le'u ni/ de nas zhes bya ba la sogs pa gsungs so/ /gang gi phyir dbang du byas pas sems can gang gi bstan pa la sbyor bar nus pa yin no/ /de yang dag par bshad par bya'o/ /de gang zhes pa la sogs pa gang gis mi rnams dbang du 'gyur zhes gsungs so/ /sbyin sreg gang gis nges par sems can dbang du byed ces pa'i don to/ /de yang dus ji tsam na 'grub ces pa la/ zla bas 'grub par 'gyur zhes gsungs so/ /ji lta bur gyur pa'i dpa' bos so/ /rnal 'byor sngags
- 245a
kyi cho gar gnas zhes pa ni sngags la sogs pa sngon du 'gro zhes pa'i don to/ /rnal 'byor pa gang gis 'grub ces pa la/ sgro nas nya dang bcas pa yis/ zhes gsungs te/ sha ni sngon du gsungs pa'o/ /nya yang ngo/ /shas ni phyi'i sbyin sreg bya ba yis nang gi bya'o zhes shes par bya'o/ /gnas skabs thams cad du yang phyag bzhi pa la sogs par yang dpal bo dbang phyug dpal he ru ka yis so/ /zhag bdun gyis so zhes bya'o/ /zla ba gsum du thun mtshams gsum du brgya rtsa brgyad kyi sbyin sreg sbyin par byas la/ de nas zhag bdun du sbyin sreg byas na bsgrub bya 'grub par sgrub pa po la ster ro mtshan mo sbyin sreg byed la gzhol zhes pa ni mtshan mo ni shes rab ste brdar byas pa nyid kyi phyir ro/ /shes rab dang ldan pas sbyin sreg bya'o zhes dgongs so/ /de nyid ni brgya dang zhes bya ba la sogs pa gsungs so/ /thams cad du ni bsdu ba'o/ /phyed kyi zhes pa ni lnga bcu rtsa bzhi'o/ /de'i phyed zhes pa ni nyi shu rtsa bdun no/ /blon po ni ma yin pa'i 'thab bsdums byed pa la sogs pa dpang du byed do zhes sbyar ro/ /yul dpon la sogs pa ni yul dpon dang brong dpon la sogs pa'i don to/ /sum cu rtsa gnyis sbyin sreg bya'o/ /sbyin sreg rim gyis sbyin sreg bya zhes pa ni rigs gyi rim pas sbyin sreg bya zhes bstan pa yin no/ /de nyid ni nyi shu zhes bya ba la sogs pa gsungs te/ bram ze la ni sbyin sreg nyi shu sbyin par bya'o/ /dmang rigs nyid la zhes pa ni sbyin sreg gsum mo/ /mthar skyes pa ni sbyin sreg gcig ces pa ni lan re re sbyin sreg bya ste/ sbyin sreg bya'o zhes pa'i don to/ /gtum mo la sogs pa'i don to/ /lhan cig la ni mnyam brten nas zhes pa ni dpal he ru ka la mnyam par brten nas so/ /sbyin sreg la nges pa dang brtul zhugs la sogs pa ni nges pa med do/ /zhes
- 245b
bstan pa ni/ 'dod pa bsten nas zhes bya ba la sogs pa gsungs te/ gzugs dang sgra la sogs pa'i 'dod pa la cho ga sngon du song ba ste/ lha'i rnal 'byor gyi cho ga sngon du song bas bsten par bya'o/ /'dod pa'i yon tan lnga la goms shing sbyin sreg bya'o zhes dgongs so/ /de nas ci zhes pa la 'grub par 'gyur zhes gsungs te/ dbang du byed pa 'grub po zhes pa ni lhag ma'o/ /rigs lnga dbang du byed pa de sngon du song ba'i phyag rgya chen po'i sgrub thabs brjod pa gang yin pa de yang yin la le'u yang yin pas de de bzhin no/ /bzhi bcu ni bzhi bcu tham pa'o zhes bya ba ni dpal 'khor lo sdom pa'i le'u bzhi bcu pa'i dka' 'grel lo// //rnal 'byor pas nus pa bskyed pas ji lta bu'i las grub ces dri ba la de nas kyi sgra'o/ /de yang bcom ldan 'das kyis bka' stsal pa/ las kyi rab mchog ni zhes pa ni shin tu mngon par 'dod pa'i don 'byung ba yin no zhes shes par bya'o/ /gang cis zhes pa la/ gang gis shes na sgrub pa pos zhes gsungs so/ /ji ltar sgrub pa bo'i ye shes de bzhin du gtso bo'i de ci zhes pa la/ dbang dang zhes bya ba la sogs pa gsungs so/ /de nas las kyi mchog rab bshad ces pa'i gzhung ni go sla'o/ /dbang du dgug pa gnyis gcig gsod pa dang bskrod pa gnyis gcig nyid de las kyi tshogs bcu gnyis so/ /de dag gi las chen po rnams dran pa ni bsams pa tsam gyi de dag 'grub par 'gyur te/ sgrub pa bo dang sbyar bar bya'o/ /rnal 'byor ma nyi shu rtsa bzhi'i gnas ni shar dang byang gi zhes gsungs so/ /thams cad ni gtso bo'i gnas la sogs pa'o/ /gnas sogs zhes bya ba ni sgra'i bdun pa phyi ba'o/ /thams cad khyab ces pa ni dang po'i mang po'i tshig phyi ba'o/ /yul nyi shu rtsa bzhi nyid gnas la sogs pa'i mkha' 'gro ma ni ni'i sgras khyad par du byed pa'o/ /rang
- 246a
skyes ni rang gi rigs so/ /rdo rje dkyil 'khor gyi gtso mo ni dpal he ru ka'i dkyil 'khor gyi gtso mo'o/ /ku la tA ya zhes bya ba la sogs pa'i gnas ston te/ gnas la sogs pa'i sgras mdor bstan pa ku la tA ya zhes bya ba la sogs pa rgyas par bya bzhin pa'i dur khrod la sogs pa nyid gnas kyi thog ma can du go bar bya'o/ /'di'i yang gdams ngag gi don ni pul+li ra ma la ya la sogs pa'i sgras gnas la sogs pa go bar bya'o/ /khyim gyi lha zhes pa ni sgra'i bdun pa phyi ba'o/ /h+ri sha ku ni zhes pa ni bdun pa'i don la dang po ste de bzhin gyi sgra'i don to/ /rdo rje dkyil 'khor gtso mo yang phyogs gang dang gang na de yod ces 'dri ba la ku la tA ya zhes bya ba la sogs pa brjod do/ /de rnams su arbu da la sogs pa yul der gnas par gsungs te/ o Di yA na dang 'bar ba 'dzin pa dang/ pul+lI ra ma la ya dang por gyur ba gang dag yin pa de ni o Di yA na dang/ 'bar ba 'dzin pa dang/ pul+lI ra ma la ya sogs pa arbu da la sogs pa ku lu tA'i mdza' can no/ /dgongs pas kyang 'dor pul+lI ra ma la ya dang por byas pa'i 'bar ba 'dzin pa dang o Di yA na dang/ arbu da la sogs pa rnams na yod pa'i gdams ngag gi don du go rim ma yin par bstan pa'o/ /'dis dkyil 'khor dang lus la pul+lI ra ma la ya la sogs par rnal 'byor ma dgod par brjod par/ bu mo gang/ dpa' bo gnyis med khyab pa'o zhes pa ni bu mo thams cad du de lta bu nyid la nye bar gnas pa nyid kyi phyir ro/ /dpa' bo thod pa'i dum bu la sogs pa dang gnyis su med par khyab pa'i ngang tshul gang yin pa de ni de bzhin te/ sgra'i rkyen phyi ba yang ngo/ /puM dzaM oM aM goM rAM deM mAM kAM oM triM goM kAM laM kaM hiM/ preM griM soM suM naM siM maM kuM/ zhes pa'i yi ge nyi shu rtsa bzhir gyur pa'i sngags ni sbas pa yin no/ /de rnams
- 246b
la zla tshes dang thig ler bcas pa las go rim ji lta ba bzhin du skyes pa'i lus kyi gnas su pul+lI ra ma la ya la sogs pa rnams su rab tu gtum mo la sogs pa'o/ /oM ka ra ka ra pra tsaN+De huM hUM phaT phaT/ ces bya ba la sogs pa'i sngags las skyes pa bsgom par bya'o/ /'dod pa'i gzugs can zhes pa ni 'dod pa tsam dang 'brel pa'i gzugs so/ /don gang gis zhes pa la yid kyi shugs kyis ldog pa dang zhes gsungs te/ dgos pa gang la yid rab tu zhugs nas de grub pa dang de nas yid kyi shugs kyis ldog pa'o/ /phyi rol gyi yul du rnam par dpyod pa'i de'i rigs gang yin pa de rab tu bstan pa'i phyir/ rnal 'byor ma drug ces bya ba la sogs pa gsungs so/ /lus la gnas pa'am dkyil 'khor la gnas pa'i pul+lI ra ma la ya la sogs pa'i rab tu gtum mo la sogs pa rim pa bzhin du shes par bya'o/ /phyi rol gyi yul rnams su de'i rigs su skyas pa ji lta ba 'am de bzhin du'o/ /rdo rje phag mo dang gshin rje ma la sogs pa'i ma mo drug ces bya ba ni ma mo bdun gyi gzugs so/ /mya ngan yul du lA ma'i rigs kyi gtso mo zhes bya'o/ /dpal he ru ka'i rigs las byung ba laM pa ka sau rASh+Tar rigs kyi lha zhes bya ba ni rigs kyi lha'i gzugs la mchod pa bya'o zhes pa'i don to/ /yi dags grong du bu mo che/ /mkha' 'gro ma dang bcas pa'i gzugs/ /zhes pa ni bu mo'i gzugs ni mkha' 'gro ma ste gzugs can ma'i rigs so/ /kha ba'i ri dang kAny+tsi ru ba li ka dang bcas pa zhes pa ni sa ba li ka'i rigs so/ /de nyid pany+tsa ba'i yul lo/ /khyim gyi lha ni khyim gyi lha la'o/ /kaM laM ga ni brtul zhugs 'chad ba'o/ /ko sa lar ni sha zan ma ste sha chen za ba'o/ /yi dags grong du rdo rje mkha' 'gro ma zhes pa ni yi dags grong du yang dag
- 247a
par byung ba'i rnal 'byor ni gnyis su med pa'i ye shes so/ /sbom pa'i dbang phyug la sogs pa ni dum skyes ma'i rigs su gyur pa'o/ /pul+li ra ma la ya dang/ gser gyi ri zhes pa ni 'dir mdza' skyes pa'i bud med stong phrag nyi shu rtsa gcig ces pa ni mang por bstan pa'i don to/ /lhag ma gzhan ni ci snyed pa zhes pa ni yul gzhan rnams su yang de lta bu zhes pa'i don to/ /ji snyed pa ni ji snyed pa'o/ /dpal he ru ka'i rnal 'byor zhes pa ni dang po mang po'i tshig phyi pa'o/ /lha mo sum cu rtsa drug dpal he ru ka'i dkyil 'khor la bsrub pa chen po ni shes rab dang thabs kyi rang bzhin nyid dam thabs dang ldan pa'o/ /dpal he ru ka dang shes rab kyi ngo bo nyid de dang 'brel pa rnams te/ de rnams kyi nang nas dkyil 'khor gyi gtso mo rdo rje phag mo dang snyoms par zhugs so zhes dgongs so/ /srub pa chen po'i sprul pa ni sgra'i rkyen med pa'o/ /gang gi phyir de'i sprul pa dpal he ru kar yang dag par byas nas so/ /dpal he ru ka'i phyag rgya chen po'i dkyil 'khor gyi gtso mo yin no zhes kha cig zer ro/ /nyi shu rtsa bzhi ni nyi shu rtsa bzhis rgyu ba dang mi rgyu ba thams cad khyab pa ste/ sku dang gsung dang thugs kyi rang bzhin no/ /ci'i phyir de ltar zhes pa la/ dam tshig de dag mkha' 'gro ma rnams zhes pa ni dam tshig ni gdams ngag go /de dag ci tsam zhes pa la sprul zhes gsungs te/ nges par byung zhing gzhal cing bcad pa ni/ yongs su gzhal ba gang yin pa de ni de bzhin no/ /de dag rnams kyi dngos kyi 'bras bu ci zhes pa la/ de yang bsgoms pas zhes gsungs te/ 'byor pa chen po'i rnam pa yang dag par skyes zhes pa'i don to/ /bsam gtan la sogs gang ci'ang rung/ sa steng na ni spyod pa rdzogs zhes pa ni bsam gtan gang ci
- 247b
yang rung pa sngags dang phyag rgya sogs pa de dang 'brel pa de ni mkha' 'gro ma rnams nyid do/ /sa ni sa gzhi la rgyas par ni ma lus pas so/ /steng ni rang gi ngo bo nyid kyis gcer bu ste gos med par bya'o/ /nub mo zhes pa ni mnyam pa nyid la'o/ /des ci zhes pa la thams cad ces bya ba la sogs pa gsungs so/ /dpal bos dpal he ru ka yang dag par byung ba ni dpa' bor 'byung ba ste/ thod pa'i dum bu la sogs pa'i dpa' bo'o/ /rnal 'byor ma rab tu gtum mo la sogs pa mnyes pas so/ /phyag rgya dang lha'i sbyar bas gar la sogs pa la nye bar spyad pa'o/ /de yang tha mal pas ni ma yin no/ /des rtag tu mchod par bya'o/ /rab 'byung gi rdul dang ldan pa'i byang chub kyi sems kyis so zhes bya ba ni mchod pa rnam par dag par brjod pa ni g.yon pa'i mchod pa gtso bo nyid kyi phyir ro/ /nyi shu rtsa bzhir sbas pa'i yi ge pu la sogs pa de snyed kyi grangs dkyil 'khor gyi grangs kyi rnal 'byor ma rnams kyi tshogs de dgod pa yang ngo/ /de brjod pa gang yin pa de yang yin la le'u yang yin pas de de bzhin no/ /bzhi bcu gcig ni bzhi bcu rtsa gcig pa'o zhes bya ba ni dpal 'khor lo sdom pa'i le'u bzhi bcu rtsa gcig pa'i dka' 'grel lo// //le'u sum cu rtsa dgu pa dgod pa mdor bstan pa de rgyas par ston pa'i sngags la sogs pa'i le'u ni de nas zhes bya ba la sogs pa gsungs so/ /gang gi phyir sngags la sogs pa med par dgod par mi bya ste/ de'i phyir dpa' bo ni dpa' bo'i ro dang ldan pa'o/ / 'di ni sngags 'di ste rkang ba brgyad pa 'am yi ge bdun pa'o/ /rjes su dran pa ni bklag pa'o/ /ci byas nas zhes pa la me tog chu dang rdul dang ldan pa'i byang chub kyi sems btung ba'o/ /de nas rdo rje'i 'gros kyi gar bya'o/ /phyag rgya shes
- 248a
rab dang lhan cig tu mtshan mo sha'i bza' ba bya'o zhes sbyar ro/ /ci lta bur gyur pa ni gsum gyis btsir ba'o/ /gsum gyi sku la sogs pa gsum gyis btsir ba'o/ /de lta na yang cis zhes pa la/ des ni zhes gsungs te/ sngags 'di mchog tu byas pa'o/ /sngags gsungs te bde ba thob par 'gyur zhes gsungs te/ oM asta su khA ba hAM hUM zhes pa'i sngags 'di'o/ /kha cig na re oM su khA ba ha hUM zhes zer ro/ /bdud rtsi rnam pa lnga la sogs pa 'dis sngags la nye bar bgos par bya'o/ /gzhan rnams la yang sbyin no zhes pa ni 'byung dang de bzhin sbyin pa dang zhes gsungs so/ /dam tshig can la reg nas bde bar gyur pa dang/ de bzhin du sngags sngon du 'gro bas sbyin zhing bgad do/ /de'i phyir bzhad dang zhes gsungs so/ /reg ces pa'i gzhung la ni bde bar gnas pa la reg pa bzhad do zhes pa'i don to/ /rigs chen mo ni brtul zhugs chen pos spyod pa'i rnal 'byor pa zhes pa'i don to/ /bden pas tshangs par spyod pa dang zhes pa ni bden pa ni tshangs pa des tshangs par spyod do/ /zhes par bya ba ni dka' thub ces 'dir brjod do/ /de lta bur gyur pa phyi rol ma yin par phyag rgya la rgod par bya'o/ /ci byas nas zhes pa la bsgrub bya'o/ /zhes bya ba la sogs pa gsungs so/ /bsgrub par bya bas na bsgrub bya ste/ sgrub pa pos des bdud rtsi rnam pa lngar myangs pa'i mthar rgod pa'i phyag rgyas mtshon par mthong nas bgad par bya'o/ /ji lta bur gyur pa zhes pa la lta ba'i bsnyems pa ste de bltas pas mthong ba'i bsnyems pa gang yin pa de ni de bzhin no/ /de lta bur gyur pa de ni snyan grags yin no/ /'dis shes pa ni ki li ki li la sogs pa dang/ ha he la sogs pa yang ngo/ /bzhad pa ni rgod pa ste/ sgra'i nA de'i rkyen gyis grub pa'o/ /bdud rtsi rnam pa lnga myang bsngon
- 248b
du song bas sgrub pa pos bzhad par bya'o zhes sbyar ro/ /de yang phyi rol phyag rgya de zhes pa ni de lta bu nyid du sbyar ro zhes bya ste/ shes rab dang thabs dag kyang bzhad do zhes des grub po/ /bden pa zhes bya ba la sogs pas ni rnal 'byor ma gzhan kha cig gis de lta bur gyur pa'i sgrub pa po mthong nas bzhad do/ /zhes kha cig zer ro/ /mtshan mo zhes pa ni phyi rol gyi yul gyi rnam par rtog pa'i ro nub pa'i rang bzhin ni/ dga' bral gyi dga' ba'o/ /nyin mo ni rang rig pa tsam de'i rang bzhin lhan cig skyes pa'o/ /'am ni dga' ba dang mchog tu dga' ba nyid bsdu ba'i don to/ /de bzhin ni de bzhin nyid kyi don bstan pa'o/ /de yang chos thams cad yongs su shes pa'i lhan cig skyes pa'i rtogs pas byas pa gang yin pa de nyid de kho na nyid kyi gnas skabs 'thob bo zhes dgongs so/ /phyi rol gyi don ni gsal po nyid do/ /rnal 'byor pa de mthong nas gnas la sogs pa na gnas pa'i rnal 'byor ma rnams sngon ma byung ba'i gzugs kyi bya ba ston pa ni gzugs dang zhes bya ba la sogs pa gsungs so/ /gzugs kyi rang bzhin dang las kyi bya ba gang yin pa de nyid gcig pa ste/ gsang ba de lta bur gyur pa gsal bar byed pa'i phyir ro/ /dpa' bo ni de bzhin gshegs pa'o/ /ji ltar gnas pa ni ji ltar yongs su gnas pa'o/ /de nyid ni gar dang zhes pa la sogs pa gsungs te/ dang por gar byed do/ /de nas mig dag la mchi ma byung zhing dad pa'i sgra'i rkyen med pa ste/ gus pa'i tshul byed pa'o/ /bdag nyid spro ba ni bdag nyid bsten par sngo ba'o/ /de bzhin gyi sgras ni mchod yon la sogs pa'o/ /dad pas spu ldang de bzhin no zhes pa'i bzhung la ni brtse bas ba spu ldang ba yang ngo/ /de la nang du gyur pa'i sgrub pa po'i bya ba ni rdo rje zhes bya ba la sogs pa gsungs te/ bgom pa ni shin tu rdo rje bslang bar bya'o/ zhes bya ba'i don to/ /bgom
- 249a
mi bya zhes pa ni bzhung ni ma lus pa bdag gis sngar bgom pa ni shin tu ba'i don nyid do/ /dmigs pa zhes bya ba'i gzhung la de lta bu byas pa'i rnal 'byor ma rnyed nas des kyang rdo rje thob pa'o/ /de'i phyir de bzhin phyogs kyi gos dang mchod ces gsungs te/ de bzhin du sbyin pa med pa'i g.yon pa'i rnal 'byor dbang phyug ma rnams de dag kun rnal 'byor ma rnams kyis so/ /de'i phyir de nyid ni khyad par ro/ /de 'di ni phyag rgya'i tshogs kyi rim pa gang la sogs pa dang rdo rje 'gom pa la sogs pas kyang ngo/ /dbugs 'byin pa la sogs pa'i khyad par gyis rang nyid kyi mdun du ston te/ sngon gyi bya ba byed pa'i rnal 'byor ma rnams kyi mdun du bya'o/ /sngags dang phyag rgya ni rgod pa'i phyag rgya'o/ / sngags ni de nyid ha ha he he zhes bya ba la sogs pa gsungs so/ /ha ha he he zhes pa ni rgod pa rnam pa brgyad do/ /rgod pa'i sngags ni rjes dran zhes par sbyar te/ ho ho hUM hUM zhes pa'i phyi ma ni de dag zhes pa'i sgras bsdu ba'o zhes pa la sogs pa mang po'i tshig gi mdza' can tshogs pa yang dag par bstan pa yin no zhes pa'i tshig gis so/ /sngags phyi ma phyed po ni 'di yin te/ ki li ki li zhes bya ba la sogs pa gzung bas so/ /sna tshogs dbang phyug mchog tu brtse zhes pa ni 'di lta bu'i yi ge'i rnal 'byor ma ni shin tu yang brtse ba'o/ /khyad par spyod pa mchog tu brtse zhes pa'i gzhung la ni gar la sogs pa'i khyad par gyi spyod pa ste/ de nas hA hA rnam pa'i mthar byed pa'o/ /de'i phyir hA hA rnam pa 'dir nye bar zhes gsungs so/ /rtag tu ngu ba dang mchi ma 'byung bar rab tu gnas pa'i ngu zhing mchim 'byung rab 'thob ces pa ni de nyid mchi ma lhung ba dang bcas pas hA hA'i rnam pas kyang de rnams dga' bar 'gyur ro/ /de nyid ci'i phyir zhes pa la/ /
- 249b
bsam gtan sngags ni rab tu sbyor zhes gsungs te/ bsam gtan dang sngags kyis shin tu sbyar zhing mnan pa de ni rnal 'byor ma'o/ /de'i rigs la bltas pas brtse ba dang ldan par 'gyur ro zhes dgongs so/ /rnal 'byor ma rnams dang rnal 'byor ma rnams gnyi ga yang dga' zhing gnyi ga yang spu ldang ba la sogs so/ gang gi mdun du rdo rje bgom par bya zhes pa la rdo rje zhes bya ba la sogs pa gsungs te gang g.yon pa ni rnal 'byor mar yongs su brtags pa yin te/ brdar byas pa la sogs pas mtshan pa de mdun du'o/ /zhes pa ni rtogs par bya'o/ /rgod pa'i sngags dang rnal 'byor ma'i gzugs sprul pa brjod pa gang yin pa de yang yin la le'u yang yin pas de de bzhin no/ /bzhi bcu gnyis ni bzhi bcu rtsa gnyis so zhes bya ba ni dpal 'khor lo sdom pa'i le'u bzhi bcu rtsa gnyis pa'i dka' 'grel lo// //da ni rnal 'byor ma blta ba dang gcer bu'i mchod pa dang yi ge bdun pa'i las kyi cho ga'i le'u ni de nas zhes bya ba la sogs pa gsungs te/ de nas zhes pa ni rgod pa la sogs pa bstan pa'i rjes su'o/ /blta pa la sogs pa bshad do zhes sbyar ro/ /mi zhes pa ni mi mchog nyid kyi phyir gdul bya'i bsam pa shes pa'o/ /rten nges par gnas pa la brten par gnas te/ lam gyi bzhi mdo zhes bya ba la sogs pas gnas tha dad par ston to/ /'di nyid du bsgom par bya'o zhes dgongs so/ /khyim dag gam zhes pa ni re zhig khyim nyid du zhes pa'i don to/ /blta ba ni gzigs par 'gyur zhes bya ba la sogs pa gsungs so/ /dam tshig gi don ni dam tshig thob par bya ba'i don du gnas pa'o/ /phyag rgya gcer bus mchod pa'i las ni gzhan du yongs su brjod do zhes pa ni gcer bu'i mchod pa rgyas par bstan pa'o/ /las ni rab tu gzhug ces bya ba la sogs pa gsungs so/ /gcer bu 'am bgo ba gzhan pags pa la
- 250a
sogs pa rab tu gzhug pa ste smad bkra shis pa phyag rgyal 'dod pa spyad do/ /des ni yang dag reg 'dod spyad ces pa ni de'i las kyis bde bar 'gyur zhes pa'i don to/ /de ltar zhes pa ni gcer bu dang phags pa'i gos bgos par rab tu dgug pa'o/ /las thams cad ni za ba la sogs pa'o/ /rtsa ba'i sngags ni rkang pa brgyad pa'o/ /gdug pa can rnams gnon pas na rnam par gnon pa ste/ rkang pa bzhi pa'i sngags so/ /'di dag rnal 'byor ma mthong ba'i dus su bzlas pa'o zhes rgyas par bshad pa'o/ /bsgom dus su phyogs bcing ba la sogs pa bya'o/ /de'i phyir phyogs bzhir bcing ba de bzhin no/ /zhes gsungs te phyogs bcing gnas pa de bzhin no/ /zhes pa ni gzhung gzhan no/ /de ltar phyogs bcing ba la sogs pa ni phyogs bcing brjod pa de bzhin no zhes pa ni sngags 'di nyid kyis zhes bshad par bya'o/ /bya zhes pa ni mchod pa la sogs pa'i las thams cad do/ /rtsa ba'i sngags dang de bzhin gzhan/ /de bzhin bzhi yis phyogs bcing bya zhes pa ni gzhung gzhan no/ /rtsa ba'i sngags kyis las thams cad byed do/ /gzhan rkang pa bzhi pas phyogs bcings par bya'o zhes skyar ro/ /phyogs bcing ba zhes pa'i sgra'i gnyis pa phyi ba'o/ /de bzhin gyi sgra ni de gnyis te/ de lta de ltar rab tu byed pa tha dad do zhes pa'i don du bshad do/ /mchod pa legs par sbas pa nyid ni/ lha yul lha yis tshogs kyis kyang/ /ma mthong bar ni mchod par gyis zhes gsungs so/ /yi ge bdun pa'i nus pa ni snyim pa me tog gis bkang ste/ mkha' la spyod pa gyen du 'thor zhes gsungs so/ /me tog gis yang dag par bkang ba la yi ge bdun pa'i sngags bzlas te gyen du 'thor ba ni gyen du gtor zhes pa'i don to/ /de yang mkha' spyod ni mkha' spyod de bar
- 250b
snang la gnas par 'gyur ba'o/ /snyim pa la sgra'i mo rtags yod pa ni lung yin pa'i phyir ro/ /de'i phyir de nyid du ni snang mi 'gyur zhes gsungs te/ de nyid du mthong zhing sa la ma lhung na'o/ /stong phrag ces bya ba la sogs pa ni go sla'o/ /ngag gi dbang phyug ni gza' phur bu'o/ /de'i ma ni dag ma'o/ /lha ni lhar gyur ba'i lo rgyus zhes pa'o/ /lha'i gtam ni lha rnams kyi rnal 'byor ma rnams te lo rgyus la sogs pa'o/ /rtsis dang gza'i kun tu spyod pa shes pa'o/ /sa 'og ces pa ni sa 'og rnam pa bdun gyi lo rgyus shes pa'o/ /grong zhes bya ba la sogs pa la dga' byed kyi grong la sogs pa'o/ /dgon pa ni dgon pa chen po'o/ /grong khyer ni 'phel bzhin pa la sogs pa'o/ /dpa' bo'i khyim ni zhing skyong la sogs pa lhag par gnas pa'i sa'o/ /mkha' ni nam mkha' o/ /rtse mo ni ri'i rtse mo'o/ /gnas de rnams su snying po'i nye ba'i snying po yi ge bdun pa gang dran pa ni bzlas pa byed pa ste/ de lha dang mis mthong bar mi 'gyur ro gnas de rnams su der bzlas pa byas na mi snang ba 'grub bo zhes dgongs so/ /de'i phyir phyogs de rnams su sgrub pa po rtag tu gnas so zhes pa ni nye bar bsdu ba'o/ /gnas de rnams nyid du sngags 'di bzlas par bya'o zhes dgongs so/ /yi ge bdun gyi bdag nyid can zhes pa ni grangs bdun gyi bdag nyid kyi yi ge gang yin pa de ni de bzhin no/ /de sdong po'i rtse mor bsams na sdong po'i rtse mo 'gug par 'gyur ro/ /mi phyed pa ni dbyer med pa'o/ /'dis ni 'dod pa dang rjes su 'brel bar bstan to/ /sa 'dzin ni rdo rje dang rdo rje'i ri bo'o/ /bdag gi dgos pa zhes pa zhes pa ni bdag ni dgos pa'i don du'o/ / bdag nyid 'dod pa zhes pa ni gzhung gzhan te go sla'o/ /bdag gi lus la zhes pa ni mig dang/ rna ba dang/ sna dang/ lce dang/ lus dang/ yid rnams su yi ge drug go /yid la ni phaT bkod nas ku sha'i stan la nyal ba ni nyal bar bya'o/ /lhag ma ni go
- 251a
sla'o/ /tshe lo nges pa gang sngags kyi brjod pa'am dpal he ru ka'o/ /'chi bas bcom pa ni 'chi bas bcom pa ste 'chi ba'i gam du song zhes pa'i don to/ /mthong ba nyams par gyur pa ni yul gzhan du gnas pa'o/ /gzhan dang gzhan gyi bya ba thams cad 'dis nye bar bsdu ba'o/ /de zhes pa ni lhas ston pa'o/ /ral gri la sogs pa la brgya rtsa brgyad bzlas te pra se na'i rtsis 'jug par byed do/ /gzhon nu 'am gzhon nu ma la ral gri bstan par bya'o/ /de dag gis dge ba'am mi dge ba brjod do/ /de nas zhes bya ba la sogs pas nad zhi ba ston te/ nyi ma'i dbus su yi ge bdun pa'i sngags dngos su go ro tsa na la sogs pas dgon cing bri ba'am/ bsams la de'i dbus su nad pa bsams te stong phrag gcig bzlas pa bya'o/ /de dbye nyid ni spel ba'o/ /shel gyi rnam pa lta bu dri ma med pa'i phyir de nad kyis gdungs pa la bstan zhing bltas te bsam par bya'o zhes pa'i bar ro/ /shel lta bu'i yi ge'i zhes pa ni gzhung gzhan no/ /shel gyi rnam pa lta bu dkar po'i rnam pa lta bu mdzes pa gang yin pa de ni de bzhin te sngags so/ /de lta bu'i sngags lag pa la bsgoms la nad kyis gdungs pa la bstan par bya'o/ /bzhi pa'i don las sgra gnas kyi gnyis pa'i bshad pa'o/ /mthe bong 'dra bar skad cig gis zhes pa ni de'i snying gar mthe bong gi tshad tsam gyi dri ma med pa shel lta bu'i rnam par shes pa bsam par bya'o/ /ji lta bur gyur pa thams cad du song ba'i nad la gang de yis nad thams cad las grol ba'i lus po la rnam par shes pa yang bsgom par bya zhing sngags bzlas par bya'o zhes pa ni bsdus pa'i don to/ /sbyor ba gzhan ni zla ba'i zhes bya ba la sogs pa gsungs te/ g.yon pa'i lag pa gang yin pa de ni g.yon pa'i lag pa ste 'khor lo'o/ /g.yon pa'i lag par ni/ ri
- 251b
bong can gyi gzugs bsams la re mig dgu pa'i 'khor lo ste/ de'i dbus su oM shar du hI(rgyud 'grel): lho ru ha/ nub tu ha/ byang du hUM/ yang dbus su hUM mtshams bzhir phaTO/ /zhes pa ni yi ge bdun pa'i sngags so/ /Ta bor bas ni yi ge bdun no/ /kha cig ni oM zhes zer ro/ /de'i phyir yi ge shel gyi mdog ltar snang zhes so/ /shel bzhin du dkar po nyid kyi phyir yi ge bdun pa rnams yang dag par bye brag tu snang zhing rab tu snang ba gang yin pa de ni de bzhin te/ 'khor lo'o/ /yang ji lta bur dgod pa ni nad thams cad gang yin pa de ni de bzhin no/ /bsgrub bya dbus su gnas pa'i 'khor lo lag pa g.yon par bsgom zhes pa ni gdams ngag go /rims dang zhes bya ba la sogs pa la lhan cig pa'i don gyi sgra'i gsum pa'o/ /mche ba'i dug gis zin pa la sogs pa rnams kyi nad gzhom pa gang yin pa'i phyir 'khor lo de mi dug gis zin pa la sogs pa'i nad 'joms pa'o/ /sogs kyi sgras ni mi rgyu ba la sogs pa'i dug go /ni ni nye bar gzung ba'o/ /nad thams cad dang bral ba gang yin pa de ni nad thams cad dang bral ba'o/ /zla ba'i gzugs la yi ge zhes pa ni sngar bzhin du ri bong can gyi gzugs la yi ge bdun pa'i g.yon pa'i lag par blta zhing bsams la nad kyis gdungs pa la bstan pa 'am byab par bya'o/ /phyogs bcur rnam par 'byar bar 'gyur zhes bya ba ni sngags kyi yi ge de dag rnams la 'od zer bdud rtsi'i rang bzhin 'byung ste/ phyogs ni shar la sogs pa'i phyogs so/ /'byar ba ni khyab pa'o/ /'di lta bu'i rang bzhin gyi yi ge g.yon pa'i lag pas bstan pa 'am bya ba par bya'o zhes dgongs so/ /sbyin sreg ni ba lang sha zhes bya ba la sogs pa gsungs so/ /mngar gsum ni bu ram dang sbrang rtsi dang sha kha ra'o/ /yang na sngags kyi rgyal po zhes pa ni gang la zhi ba la sogs pa'i don du bsams na de la zhi ba la sogs
- 252a
par 'gyur ro zhes bstan pa'i phyir ro/ de'i tshe bzlas na the tshom med cing bya ba'o/ /bzlas bzhin pa ni dkar po yis ni zhes bya ba la sogs pa gsungs te/ 'phral du nges par 'gugs par 'gyur zhes pa ni g.yon pa'i lag par yi ge bdun pa mdog dmar po nyid blta bar bya'o/ /yang na zhes bya ba la sogs pas ni de ltar sngags bzlas pa nyid kyis thams cad 'grub bo zhes dngos grub kyi rtags bstan pa'o/ /snod ces pa ni nye bar mkho ba'o/ /so rtsi rnam pa sna tshogs kyis ni lus kyi sbyor ba ste/ lus yang dag par 'dzin pa'o/ /gnyis pa ni nus pa dang ldan pa ste/ mi ma yin pa bka' mnyan par 'gyur ro zhes dgongs so/ /gsum pa dag nyid ces pa ni dag gi dngos grub bo zhes dgongs so/ /sngags kyi rgyal po bsams nas zhes pa'i don to/ /gsang sngags zhes pa ni brjod pa ni de nyid bskul zhing yang brjod pa'o zhes bya'o/ /ngag dang lus dang sems kyis ngag grub pas tshar gcod pa dang rjes su 'dzin par byed pa'i rnal 'byor pa'o/ /snying po'i nye ba'i snying po las kyi bya ba de bsgrub bya me tog gtor ba la sogs pa'i bya ba de brjod pa gang yin pa de yang yin la le'u yang yin pas de de bzhin no/ /bzhi bcu rtsa gsum ni bzhi bcu rtsa gsum pa'o/ /zhes bya ba ni dpal 'khor lo sdom pa'i le'u bzhi bcu rtsa gsum pa'i dka' 'grel lo// //de nas zhes pa ni rnal 'byor ma drug gi sngags kyi las kyi tshogs ston par rtsom ste/ gang la pho nya dngos su grub pa de'i las kyi tshogs so/ /ci byas nas rab tu ston zhes pa la/ las ni mnyam par brtsam zhes gsungs te/ dgug pa la sogs pa byas nas las kyi cho gas rab tu brtsams zhes sbyar ro/ /gang gis zhes pa la yang dag kun
- 252b
sgrub pa/ /yi ge bdun pa yang dag ldan zhes gsungs te/ yang dag par bye brag tu bdag gis bsgrub bya bsgrub pa gang yin pa de ni rnal 'byor ma drug gi sngags so/ /de dang yang dag par ldan pa ni yang dag pa'i rnal 'byor gyi bsam gtan no/ /las ni lag ?da lo? zhes bya ba la sogs pa gsungs te/ oM hI h+rIM h+reM huM hUM phaT ces pa ni yi ge bdun gyi sngags so/ /rnal 'byor ma drug gi yi ge bdun ni rnal 'byor ma drug ste lag pa'i dbus su bkod na bsgrub bya 'gugs pa ste 'gugs par 'gyur ro zhes sbyar ro/ / dgod pa brjod pa ni drug ces bya ba la sogs pa gsungs te/ 'khor lo'i rtsibs drug la yang dag par gnas pa'i 'khor lo gang yin pa des ni 'gugs pa ste/ de drug la yang dag par gnas pa'i 'khor lo bya ba'i khyad par ro/ /de'i phyir ni khyad par yod g.yon pa zhes pa ni lag pa'i dbus kyi khyad par ro/ /drug tu yang dag par gnas pa'i 'khor lo ji lta ba yin pa de bzhin du 'gugs pa'o/ /de'i phyir gang la lag pa ste bstan pa zhes gsungs so/ /ci byas nas ni lag pa de gang la bstan pa las so// gang gis dgug pa'i gzugs 'chang ba ste/ 'khor lo bsam par bya'o/ /yang ci byas nas zhes pa la kha nas gsang sngags rgyal po zlo zhes gsungs te/ sgra'i gnyis pa'i phyi ba'o/ /rnal 'byor ma drug dang 'brel pa'i yi ge bdun pa khas brjod pa ste/ khyad par bsgom par bya ba nyid kyi phyir ro/ /ji lta bur gyur pa gsang sngags rgyal po zhes ston te/ skul bar byed pa dang ldan pas so/ /'khor lo rtsibs drug pa g.yon pa'i lag par bsams la/ de la dbus su oM rtsibs drug la hAM h+rIM h+reM huM hUM phaT ces pa'i yi ge drug dgod par bya'o/ /de'i 'od zer gyi dra ba lcags kyu'i rnam pa can gyis bsgrub bya bkug par bsgom zhing/ de'i lag pa 'khor lo dang ldan pa la/ oM h+rI:ha ha huM hUM phaT lhas byin khug cig ces pa'i skul tshig dang
- 253a
ldan pas sngags bzlas shing dngos su lag pa bstan na de 'gugs par 'gyur ro zhes pa ni bsdus pa'i don to/ /tsan dan dmar po la sogs pas rnal 'byor ma rnams kyi sngags kyis lag pa gnyis mnye zhing dur khrod kyi me 'am gtum po la sogs pa'i me la de kho na nyid bzhin bskul tshig dang ldan pas sbyin sreg bya'o/ /cho ga ci lta ba zhes pa ni tsan dan dmar po la sogs pa sreg par byed pa la sogs pa ni cho ga'o/ /phul du byung ba'i sbyor ba gang la de yis sbyor ba 'di dpal he ru ka la brten la sbyin sreg bya'o/ /de nyid tsan dan dmar po la sogs pa bsgrub bya'i rkang rjes kyi rdul dang 'brel to/ /dgra'i ming dang bcas pa ni zhes pa ni skul tshig dang bcas pa'o/ /'o ma gtsang ma ni ba'i 'o mas slar gso bar 'gyur ro zhes dgongs so/ /lhag ma ni go sla'o/ /yi ge bdun pa'i rang bzhin dang/ rnal 'byor ma drug po de'i las dgug pa la sogs pa'i brjod pa gang yin pa de yang yin la le'u yang yin pas de de bzhin no/ /bzhi bcu bzhi ni bzhi bcu rtsa bzhi pa'o zhes bya ba ni dpal 'khor lo sdom pa'i le'u bzhi bcu rtsa bzhi pa'i dka' 'grel lo// //da ni rnal 'byor ma drug gi go cha'i sngags kyi lhag ma yi ge drug gi bdag nyid kyi sngags ni lus kyi tshogs kyi le'u ni de nas zhes pa la sogs pa gsungs so/ /de nas zhes pa ni rnal 'byor ma drug gi go cha'i sngags dang/ yi ge bdun pa'i bdag nyid kyi sngags kyi las kyi tshogs bstan pa'i rjes su'o/ /las mchog ni yi ge bdun pa'i sngags dang 'brel pa yin no zhes shes par bya'o/ /oM baM haM yoM haM moM h+reM h+riM hUM hUM phaT phaT ces pa ni sngags de yis las kyi dngos grub rab tu bsgrub pa'o/ /tshig tsam gyis bsgrub bya 'grub par yongs su byed pa ste/ de nyid ni ka ra bI ra zhes bya ba la sogs
- 253b
pa gsungs te/ ka ra bI ra dmar po'i me tog brgya rtsa brgyad pa'i 'o ma 'bad pa ste 'dus byas la spangs la brgya rtsa brgyad bzlas pa bya'o/ /de nas lan re re bzla zhing ling ga'i spyi bor bsnun no/ /de ltar zhag bdun du bya'o/ /shin tu mnyam gzhag ni lha'i rnal 'byor ro/ /de nas zhag ni bcu gcig par zhes pa ni nyin zhag bdun gyi rjes su'o/ /ni ni nyid kyi don no/ /ci snyed zhag bcu gcig tu gyur pa de snyed du zhag bzhir ni de yang dag par blang bar mi bya'o/ /'on kyang de snyed kyi nyin zhag rnams su de la sngags kyang thun mtshams gsum du bzlas par bya'o/ /de nyid kyi phyir ni sgra ni khyad par ro/ /nyi ma bcu gcig par yang dag par blangs te/ yang dag par phyin ci ma log par blta zhing blang ngo/ /rgyu'o zhes pa thun mong gi las so/ /brgyu ba'i skur pa yang ka ra bI ra'i shing gi shun pa'o zhes pa ni gdams ngag go /khyad par ni me tog dag gis shes gsungs te/ ni ni nyid kyi don te/ de ni me tog go zhes pa'i don to/ /chu bo chen por ni skam pa med pa'o/ ni ni bsdu ba'o/ /por ni de nyid kyi don no/ /ni ni nye bar gzung ba ste/ kha cig tu yang gnyis ni brgyu bar mi bya'o/ /ci ltar skyur zhes pa la/ de dag kun ni rim bzhin du zhes gsungs te/ bsnun pa'i dus su sbrengs la dang po la sogs pa'i me tog la zhes par byas nas de kho na nyid bzhin du brgyu ba'o/ /de'i go rim gyis chu la dor ro/ /kha cig na re brgyu ba'i dus su go rim yin zer ro/ /nub phyogs kyi me tog bsnun pa'i dus su/ nub phyogs kyi me tog brgyu ba'i dus kyang de'i zhes zer ro/ /rgyun las bzlog ste rab 'bab na ni rgyun gyi shugs sngags kyi mthus shin tu mnan te log nas 'ong ba'o/ /lhag ma ni go sla'o/ /tshig grub pa gang yin pa de ni de bzhin te sgrub pa'o/ /gsang ba'i rgyud las byung ba ni rab tu byed pa zhes dgongs so/ /rnal 'byor ma'i rnal
- 254a
gyi phyag rgya ni skyil krung bcas la rdo rje bcings par byas nas gung mo gnyis kyi kha dang mthe bong gnyis kha sbyar nas mdzub mo gnyis sgreng ste/ phan tshun sbyar ba ni rnal 'byor ma'i rnal 'byor gyi phyag rgya zhes kha cig zer ro/ /skye gnas kyi phyag rgya zhes pa'i gzhung la yang phyag rgya ni 'di nyid do/ /rjes su bzlas pa'ang shes par bya'o/ /ji ltar bzla zhes pa la bsgrub byar zhes pa la sogs pa gsungs te/ /mthe chung ni rnal 'byor ma drug yi ge drug gi phreng ba spel ba dang bcas pa shog bur rtogs par byas la/ bsgrub bya'i rkang rjes kyi rdul la sogs pa la byas pa'i gzugs brnyan gyi lto bar bcug ste/ bskyod pa ni bzlas par bya'o/ /ci lta bur gyur pas bzlas zhes pa la/ gsungs te bsgrub bya'i gzugs brnyan du gtogs pa la mngon du phyogs te/ thun mtshams gsum du de yid la gnas pas brgya byin la sogs pa 'gugs par byed do/ /zhag bdun du brgya rtsa brgyad bzlas par bya'o/ /lnga bcu rtsa drug dang bcas pa'i bdun brgya'i mdza' ni brgya'i mthar 'gugs pa'o/ /des zhes pa ni mtshon chas so/ /lhag ma ni go sla'o/ /gzugs brnyan du gtogs pa bsro bzhin pa ni dur khrod du bor ba'i sol ba'am thal ba la gdung ba'o/ /rdul de nyid ni sbas na ni zhes pa ni sbyin sreg rdul lo/ /lhag ma ni go sla'o/ /phyugs zhes pa la sogs pas ni sbyor ba gzhan ston to/ /skyes ba 'am bud med byed pa ni rang mngon par 'dod pa'i las so/ /de'i rgyu nyid kyi phyir pho nya yongs su gzung ba ni pho nya tshar gcad pa'o/ /rlan bcas dpung gi tshad mnyam blang zhes pa ni rlan dang bcas pa'i dpung pa'i tshad kyis ka ra bI ra'i lcug ma blang ba'o/ /gang la sngags ni mngon par bri zhes pa ni gang gi ming dang spel ba'i sngags de nyid mngon par bri zhes pa'i
- 254b
don to/ /gang gi las zhes pa ni skyes pa'am bud med do/ /bzlog ste rnal 'byor ma drug gi go cha phyi ma'i yi ge'i sngags so/ /de zhes pa ni skyes pa'o/ /de 'am zhes pa ni bud med do/ /de'i phyir bud med mchog gam legs pa'i gzugs zhes pa ni bud med mchog ces pa ni bud med mchog go /ngag gi dngos grub kyi sbyor ba gzhan ni ka ra bI ra'i me tog dmar zhes pa la sogs pa gsungs te/ skar ma rgyal la brgya rtsa brgyad bzlas pa byas nas blong bar bya'o/ /de nas 'gi'u wang gis byug pa'o/ /de zhes pa ni me tog de'o/ /myos byed kyi chu la yang dag par gnas te de la brgya rtsa brgyad bzlas pa bya'o/ /de nas chu bo chen por lte ba tsam chur nub par byas la stong phrag gcig bzlas par bya'o/ /lag pa gnyis kyis zhes pa ni stong bzlas pa'i rjes su/ sgrub pa po'i grogs kyis sgrub pa po'i snyim par yang dag par rgyas shing ze 'bru la sogs pa nyams pa med par gzhug par bya'o/ /chu ni zhes pa ni gang la me tog de sgrub pa'i grogs kyi thal mo kha sbyar du gnas par gyur pa rang gi lag pa gnyis su bya'o/ /tshig grub pa'i dgos pa ni rgyal po 'am zhes bya ba la sogs pa gsungs te/ khros pas tshig gis gsod 'gyur zhing/ /dbye dang bskrad pa gnyis kyang byed gsungs so/ /thun mong ma yin par skrod pa'o/ /glang po dang rta dang/ de bzhin du sprin ni/ de bzhin sprin te/ glang po rta dang de bzhin sprin no/ /de gang yid la 'dod pa zhes bya'o/ /gang yid la 'dod pa de 'gugs par byed do/ /'gugs par byed pa la sogs pa'i sbyor ba gzhan gsungs pa ni de yang go sla'o/ /yid ches sems ni nges par 'jug ces pa ni sems dang ldan pa la sbyor ba yin gyi shing dang rdo la sogs pa la ni ma yin no/ /rnal 'byor ma drug gi go cha'i sngags kyi phyi ma'i yi ge drug gi bdag nyid kyi sngags de'i las dang/ rnal 'byor ma drug gi las de yang dag gi dngos grub tshig grub pas
- 255a
'gugs pa de brjod pa gang yin pa'i le'u yin pas de de bzhin no/ /bzhi bcu rtsa lnga ni bzhi bcu rtsa lnga pa'o/ /zhes bya ba ni dpal 'khor lo sdom pa'i le'u bzhi bcu rtsa lnga pa'i dka' 'grel lo// // da ni yi ge ha lnga'i las ni/ de nas zhes bya ba la sogs pa gsungs te de nas ni ha lnga'i las kyi rab byed do/ /ha lnga zhes pa ni ha lnga'i las dgos pa'am/ de rab tu sgrub pa po'i rnal 'byor pas ha lnga rgyas par bya'o/ /ha lnga ston te hA hI hai hau haM zhes bya ba ni ha lnga'o/ /dbyangs drug po gang yin pa'i dpa' bo drug gi go cha'i sngags btu ba'i lhag ma dbyangs lnga ni has khyad par du byas pa'o/ /ha lnga ni mna' lnga dang ldan pa'i lag pas mnye bar bya'o zhes sbyar bar bya'o/ /de'i phyir yang ston te/ yi ge ha ni lnga po dag ces gsungs te/ lag par ha lnga ni lag par 'khor lo rtsibs lnga pa bsams pa 'am/ dngos su bris la yi ge lnga bsams pa 'am bris la mnye bar bya'o zhes pa ni nye bar bsdu ba'i don to/ /lnga'i sgras ni gsal po'i don nyid kyi phyir/ a'u yang gzung bas hA hI hU hai hau haM/ zhes bya ba ni ha drug go /de nyid ha lnga'i sngags so/ /sngags drug gi zhes gzhan kha cig 'dod do/ /kha nas kyang ni khrag 'dzag cing zhes pa ni rtsa lnga la khab kyi rnam pa can gyi gdong gis phug ste khrag dgug bzhin pa thong ba la gnas par bsam par bya'o/ /de nas de ma thag tu dgra bo de 'chi'o/ /sbyor ba gzhan ni rang gi khrag ni zhes bya ba la sogs pa gsungs so/ /srin lag ni bu med pa nyid do/ /de'i khrag ni khrag go /skam pa ni bskams par bya'o zhes pa'i don to/ /ha rnam pa lnga bzlas pa nyid ni dgos pa'o/ /gal te khros zhes bya ba la sogs pas ni bzlas pa tsam gyis 'grub par ston te/ dug dang ske tshes lag pa'i mthil gnyis la rnam par byugs la/ de'i steng du ba bla dang thod le kor
- 255b
la sogs pa bya rog gi gshog pa'i myu gus gzung ste ha rnam pa lnga sngon bzhin du bris la bsam gtan gyis kyang de bzhin du bltas te/ seng ldeng gi 'dab mnyam me la bsgrub bya'i rkang pa'i rdul lag pa gnyis kyis mnye ba ni yang dag par mnyes nas ming gzung ba sngon bzhin du 'gro bas de nyid kyi sngags kyi sbyin sreg byas na kha nas khrag skyugs te dgra bo 'chi bar 'gyur ro/ /zhes kha cig zer ro/ /sbyin sreg gi sbyor ba ni byi la dang ni zhes pa la sogs pa gsungs te/ dbang ni dbang phyug go /'dzam bu ka ni lung nyid kyi phyir ro/ /sha de dag gis mkha' 'gro ma rnams la gtor ma sngon du 'gro bas sbyin sreg bya'o/ /de la mkha' 'gro ma la gtor ma dang sbyin sreg spyad do zhes bya'o/ /sha de sngags 'di dang spol ba sngon du 'gro bas sbyin sreg bya zhes dgongs so/ /rta ni dngos grub byed pa ni rgyal po la sogs pa grub par byed pa'o/ /'di dag ces pa ni byi la la sogs pa'o/ /ri bong la sogs zhes pa ni sogs kyi sgras ce spyang la sogs pa gsung ngo/ /lan stong bzlas zhes pa ni sgra'i rkyen med pa'o/ /lag pa la bzlas brjod stong gis mngon par bsngags nas ka ra bI ra'i me tog dang bcas nas sbrum ma la reg par bya'o/ /des ci zhes pa mngal ni zhes bya ba la sogs pa gsungs so/ /yi ge re re yang dag sbyar zhes pa ni 'bum phrag lnga zlas pa'i rjes su de nas las la sbyor ro zhes dgongs so/ /btang na thar pa zhes pa ni lag pas de'i lus btang na mngal 'pho ba las thar pa'o/ /rnal 'byor ma drug gi go cha'i sngags kyi sbyor ba rnams dang rdo rje phag mo'i sbyor ba dang gzhan du yang dpal he ru ka'i rnal 'byor pas ha lnga'i las lag pa mnye ba la sogs pa de brjod pa gang yin pa de yin la le'u yang yin pas de de bzhin no/ /bzhi bcu rtsa drug ni bzhi bcu rtsa drug pa'o zhes pa ni dpal 'khor lo sdom pa'i le'u bzhi bcu rtsa drug pa'i dka' 'grel lo// //
- 256a
da ni rdo rje phag mo'i nye ba'i snying po'i las kyi tshogs ni de nas zhes bya ba la sogs pa gsungs te/ de nas zhes pa ni ha lnga'i las kyi tshogs kyi rjes su'o/ /mkha' 'gro kun gyi snying po de yang dag par bshad do zhes sbyar ro// mkha' 'gro kun ni rdo rje phag mo'i snying po'i sngags so/ /de'i snying po'i yang snying po ste rdo phag mo'i nye ba'i snying po'i sngags zhes pa'i don to/ /oM badzra bai ro tsa nI ye swAhA zhes bya'o/ /de'i phyir yang dag par bshad par bya'o/ /gang gi phyir dngos grub thams cad kyi 'bras bu ster bar 'gyur ba'i phyir de'i phyir 'di ni zhes bya ba la sogs pa gsungs so/ /'di bzlas pas dngos grub thams cad kyi 'bras bu ster bar yang dag par bshad par bya'o/ /nye ba'i snying po brjod bzhin pa nyid yin no// ji ltar mkha' 'gro ma kun gyi snying po yin zhe na de'i las kyi tshogs ni nges par 'gyur ba'i phyir ro/ /de la zhes pa ni rgyu dang 'bras bu'o/ /mkha' 'gro ma'i rig pa chen mo yang de bzlas bzhin pa yang de bas de bzhin no/ /de la sor drug pa zhes pa ni sgra'i rkyen med pa'o/ /rigs rnams skrod do zhes pa ni de'i rigs rgyud kun yang dag par skrod par 'gyur ro zhes dgongs so/ /sa las byas pa'i gzugs brnyan zhes bya ba ni de'i snying khar gro ba la sogs par gtogs pa la de'i snying kar de'i sngags dang de'i ming spel ba'o/ /rgyal po'i sgor sba bar bya'o/ /sor brgyad ces pa ni de yi tshad kyi phyed brkos la sba'o zhes pa'i don to/ /de nas gzhan du ma du lung ga'i me tog gsum sbyin sreg bya'o/ /de nas gzhan yang tshangs par stong phrag brgyad nyid sbyin sreg bya'o zhes zer ro/ /kA kAN+Da'i 'bras bu ni nag po chen po'i 'bras bu'o/ /rab tu gtogs pa ni bya rog go /rgyal gyi lcags ni lcags kyi dngul lo/ /gser shing ni da du ra'o/ /bya chen po ni srin
- 256b
bya'o/ khwa'i rgyus pa ni khwa'i rtsa'o/ /lhag ma ni phyi ma rnams so/ /'dis 'di ltar ston te/ 'bras so ba bcug pa'i rjes su de'i sngags kyis mngon par bsngags pa'i chus bdag nyid la dbang bskur zhing zhag bdun bu bzlas pas nor rnams 'gugs so/ /mkha' 'gro ma thams cad kyi sngags kyi las brjod pa gang yin pas de de bzhin no/ /zhes bya ba ni dpal 'khor lo sdom pa'i le'u bzhi bcu rtsa bdun pa'i dka' 'grel lo// //de nas zhes pa ni nye ba'i snying po'i las tshogs bstan pa'i rjes su'o/ / sngags gzhan yang yang dag par brjod par bya'o/ /de la snying po ste de'i phyir mkha' 'gro kun zhes bya ba la sogs pa gsungs so/ /mkha' 'gro kun gang yin pa de ni snying po'o/ /gang dge ba zhes pa ni gang gi phyir gyi don to/ /gang gi phyir dge ba gang gis mkha' 'gro mar 'gyur zhing dngos su bskyed pa gang yin pa'o/ /sems can ma lus pa rnams kyi 'dod pa'i don thams cad sgrub par byed pa po nyid yin pas 'dod pa'i don thams cad sgrub par byed pa po gang yin pa de ni rnal 'byor pa'o/ /gang zhig dran pa tsam gyis ni/ /'jig rten gsum yang g.yo bar byed/ /zhes bya ba ni gang yang dag pa'i dngos grub yang dag pa'i byang chub ni go rim bzhin du yin pa de'i snying po'i sngags bshad do bar sbyar ro/ /de la snying po'i sngags ni sba ba ste zhes bya ba la sogs pa gsungs so/ /sngags sbas pa ni/ oM sarba bud+d+ha DA ki nI ye badzra war+N+Na nI ye hUM phaT swAhA/ zhes bya ba ni brjod pa'o/ /sngags 'di bklags pas 'grub pa ste zhes pa ni bri pa la sogs pa spangs pa'o/ /de yang las thams cad sngon du gsungs pa byed pa'i dang tshul gang yin pa de ni las thams cad byed pa ste rnal 'byor pa'o/ /dge ba na rnam par dag pa'o/ /las rnams kun byed dge ba yin/ /zhes pa'i gsung la ni sngags kyi khyad par ro/ /sngags 'di gang gis zhes pa la/ mkha' 'gro ma zhes
- 257a
bya ba la sogs pa gsungs so/ /mkha' 'gro ma zhes bya ba ni mkha' 'gro ma'o/ /rnal 'byor ma ni gzugs can ma'o/ /ni ni kun sdud pa'o/ /de bzhin dum skyes me la ni zhes pa dum skyes ma dang lA ma dag go zhes dgongs so/ /de bzhin thams cad rnams zhes pa ni thams cad rnams nyid ni rdo rje phag mo la sogs pa'o/ /de ltar sngags ni de lta bu'i sngags so/ /las thams cad byed pa nyid mdor bstan pa dang rgyas par bshad pa'o/ /sa 'og la sogs yod pa zhes pa ni 'jig rten gsum shes shing dngos grub thams cad rab tu sgrub par byed pa'o/ /'di las gzhan sgrub par byed pa gang yang yod pa ma yin no/ zhes pa'i don to/ /gang gi phyir sngags 'di las thams cad sgrub par byed pa'o zhes pa la/ bla med de zhes bya ba la sogs pa gsungs te/ 'di ni zhes pa ni snying po'o/ /lha rdzas dang thabs rab tu ston pa ni lha rdzas thabs ni rab ston pa/ mdor bstan pa'i rnal 'byor ma rnams kyi dgod pa rgyas par ni/ thams cad ces bya ba la sogs pa gsungs so/ /bsgom mo zhes brjod pa ni bri ba nyid de gang gsungs pa ste/ bris pa nyid kyis kyang de bzhin du yang bsgrub par bya'o/ /ri bo zhes pa ni ri rab bo/ /de'i steng du rtag bsgom pa zhes pa ni rgyun gyis rtag pas gzhal yas khang ba zhes pa'i don to/ /de bzhin zhes pa ni gzhal yas khang pa'i steng du mkha' 'gro ma la sogs pa sgrub pa'i thabs kyi rim pa bzhin du bsgom par bya'o/ /de'i phyir mkha' 'gro ma zhes bya ba la sogs pa gsungs so/ /dpa' bo rnams shes pa ni dpa' bo thod pa'i dum bu la sogs pa dang bcas pa'i rnal 'byor ma rab tu gtum mo la sogs pa nyi shu rtsa bzhi bsgom par bya'o zhes shes par bya'o/ /mkha' 'gro ma zhes bya ba la sogs pa ni mang po'i
- 257b
phyir khwa gdong ma la sogs pa yang dpa' bo bsten pa yang ni dpal he ru ka bsten pa yang ste bsgom par bya'o/ /zhes bya'o/ /ji lta bu ji tsam gyi dpa' bo zhes pa la gsungs te/ hA hA he he zhes bya ba la sogs pas rgod pas nye bar mtshon pa'i dpa' bo nyi shu rtsa bzhi ni dpa' bo rnams zhes pa'i don to/ /mkha' 'gro dra ba'i bde mchog bsgom zhes gsungs te/ sngon du mdor bstan pa rgyas par byas pa'o/ /dpa' bo rnams go rim bzlog pas so sor rgyas pa ni/ rdo rje sems dpa' zhes bya ba la sogs pa gsungs te/ bsgom par bya ba sbyar ba ni thams cad du sgra'i gnyis pa'o/ /thod pa'i dum bu dang po zhes pa ni dang po ni thog mar ro/ /dang por gnas pa'i thod pa'i dum bu dang lhan cig tu keng rus chen po la sogs pa bsgom par bya'o zhes pa'i don to/ /grangs kyi sgo nas nye bar bsdu ba ni/ dpa' bo nyi shu rtsa bzhi yis zhes gsungs te/ dpa' bo nyi shu rtsa bzhi dkyil 'khor dang lus la'o/ /de'i phyir 'gro ba 'di dag ces gsungs te/ 'di ni lus ston pa'i tshig go /thod pa'i dum bu dang/ keng rus chen po dang keng rus dang/ mche ba rnam par gtsigs pa dang/ lha dgra dang/ 'od dpag med pa dang/ rdo rje 'od dang/ rdo rje sku dang/ myu gu can dang/ rdo rje ral pa can dang/ dpa' bo chen po dang/ rdo rje hUM mdzad dang/ rab tu bzang dang/ rdo rje bzang dang/ 'jigs byed dang/ mig mi bzang dang/ stobs po che dang/ rdo rje rin chen dang/ rta mgrin dang/ nam mkha' i snying po dang/ dpal he ru ka dang/ pad+ma gar gyi dbang phyug dang/ rnam par snang mdzad dang/ rdo rje sems dpa' zhes bya'o/ /de la brgyad po thod pa'i dum bu la sogs pa nas rdo rje sku'i bar ni sngon po ste thugs kyi 'khor lo ston pa'o/ /myu gu can la sogs pa nas mig mi bzad gi bar du brgyad po ni dmar po ste gsung gi 'khor lo dmar po'o/ /stobs po che la
- 258a
sogs pa nas rdo rje sems dpa' i bar du dkar po ste/ sku'i 'khor lo yang dkar po'o/ /'di dag ni phyag gnyis pa 'am/ phyag bzhi pa dag ni slob dpon gyi 'dod pas so/ /mgo dang spyi gtsug dang/ rna ba g.yas pa dang/ lhag pa dang/ rna ba g.yon pa dang/ smin ma'i dbus dang/ mig gnyis dang/ dpung ba'i rtsa ba gnyis dang/ mtshan khung gnyis dang/ nu ma gnyis dang/ lte ba dang/ sna dang/ kha dang/ mgrin pa dang/ snying ga dang/ 'doms dang/ mtshan ma dang/ bshang ba'i lam dang/ brla dang/ byin pa dang/ rkang pa'i sor mo dang/ bol dang/ mtheb chen gnyis dang/ pus mo gnyis rnams la thod pa'i dum bu la sogs pa dang/ rab tu gtum mo la sogs pa dang ldan par bsgom par bya'o/ /'dir de rnams kyi lus khyab pa'o/ /bsdus pa'i don ston te dpa' bo rnams ni dpa' bo'o/ /mkha' 'gro ma ni mkha' 'gro ma rnams so/ /de nyid ni rnal 'byor ma ste/ de yang rnal 'byor ma rab tu gtum mo la sogs pa/ 'khor lor bzhugs pa blta bar bya zhes pa ni 'khor lo la khyab par 'dis bstan pa'o/ /bya ba kun ni zhi ba la sogs pa rnams so/ /gang gis zhes pa la sgrub pa po zhes gsungs te/ gang gi tshe sgrub pa po yin na de'i tshe 'dis zhes dgongs so/ /'di dag nye bar bsdu ba ni/ 'khor lo'i bdag nyid rtag tu bsgom zhes gsungs te/ dpa' bo dang dpa' mo las skyes pa'i 'khor lo'i bdag nyid bsgom par bya'o zhes pa'i don te/ /mchod pa nye bar bsdu ba ni sngar bshad pa'i zhes bya ba la sogs pa gsungs te/ phyi rol dang gsang ba dang yid kyi rang bzhin zhes pa'i don to/ /mchod pa ni mkha' 'gro ma'i dra ba sdom zhes gsungs te/ 'khor lo chen po ni dngos grub chen po'i rten yin de bzhin du zhes
- 258b
pa ni rnam grangs kyi tshig yin no/ /'das pa la sogs pa'i de bzhin gshegs pa rnams kyis kyang 'di bzhed par ni legs par gsungs zhes bya ba la sogs pa gsungs te/ rgyud ni sangs rgyas bye bas kyang legs par gsungs so/ /byed pa po'i drug pa'i sgra'o/ /dpa' bo bye ba nyid kyis kyang zhes gsungs te bye ba nyid do/ /rnal 'byor ma rnams mang ba ni/ /mkha' 'gro ma ni re re yang/ /bye ba'i grangs kyi 'khor gyis bskor zhes gsungs te/ rnal 'byor ma re re la rnal 'byor ma bye ba bye bas bskor ba'o/ de la mkha' 'gro ma la sogs pa bcu gnyis dang/ rab tu gtum mo la sogs pa nyi shu rtsa bzhi dang/ rdo rje phag mo yang ngo/ /de nyid ni rnal 'byor ma zhes bya ba la sogs pa gsungs so/ /de bzhin gyi sgra ni de dag thams cad mnyam pa kho nar gzung pa'o/ /'di la ci'i phyir mchod ces pa la/ mchod ces pa la sogs pa gsungs te/ dngos grub kun byed dge ba yon zhes gsungs so/ /mkha' 'gro ma thams cad kyi rten nam gzhi ni rdo rje phag mo'i snying po'i sngags so/ /sbas pa dang de'i dkyil 'khor yang brjod pa gang yin pa la le'u yang yin pas de de bzhin no/ /bzhi bcu brgyad ni bzhi bcu rtsa brgyad do zhes bya ba ni dpal 'khor lo sdom pa'i le'u bzhi bcu rtsa brgyad pa'i dka' 'grel lo// //da ni he ru kar byed par gsal por ni/ de nas zhes bya ba la sogs pa gsungs so/ /de nas zhes pa ni rdo rje phag mo'i snying po'i sngags la sogs pa bstan pa'i rjes su'o/ /phyugs kyi las zhes pa ni phyugs rnams kyi las ni phyugs kyi las te/ skye ba bdun pa nye bar dmigs pa'i mtshan nyid do/ /sA li'i khu ba'i rang bzhin zhes pa ni sA la ni kha ba'i dus su skyes pa'i 'bru'i bye brag go /'bras kyi khur par 'gyur ba'i rnam pa gang yin pa de ni de bzhin te phyugs so/ /phyugs ni bong bu zhes bya ba la sogs pa gsungs so/ /de la zhes pa ni skye ba bdun
- 259a
pa ste/ sna tshogs kyi phag pa ni mdog sna tshogs kyi ri dags kyi khyad par ro/ /de yang dag par 'dus byas te/ bong bu la sogs pa dang bcas pa de dag gi nang nas kha cig ces pa'i don to/ /'dis kyang sngar gyi las nyid gsal dor byas pa'o/ /dang por bong bu dang mi dang rnga mo la sogs pa'i skye ba ji snyed pa ni skye ba bdun par mtshon pa'o/ /de yang 'di nyid do/ /'di dag ces bya ba la sogs pa la 'di dag la skye ba bdun pa'i mi ni las dang de'i mtshan nyid ji ltar yin pa de ltar rab tu bshad do zhes sbyar ro/ /de nyid gsal bor bya ba'i phyir/ /skye ba gcig dang skye ba gnyis/ /gsum dang bzhi dang lnga nyid dang/ /skye ba drug dang bdun du yang/ /phyugs nyid du ni gdon mi za zhes bya'o/ /lung nyid yin pa'i phyir ro/ /phyugs dang chos 'thun pas phyugs so/ /mtshan nyid ni dri zhim zhes bya ba la sogs pa gsungs so/ /las ni de ni zhes bya ba la sogs pa gsungs so/ /bsnams sam reg pa tsam gyis ni/ lha yi gzugs ni 'dzin par 'gyur zhes gsungs so/ /gang zhig thig le byed pa ste/ /de yin rol grub pa ni/ /rang 'dod pa'i ni gzugs su 'gyur/ /'di ni rang rig gzugs can 'gyur/ /zhes bya ba ni gzhung gzhan no/ /gang gis thig le bya zhes pa la/ gi'u wang zhes pa la sogs pa gsungs te/ blang zhes pa ni g.yon pas zhes bya ste sgra'i rkyen yongs su gyur pa'i phyir ro/ /snying po'i sngags zhes pa ni dpal he ru ka dang rdo rje phag mo dag gi'o/ /ji 'dra ba'i 'dod pa'i gzugs zhes pa la/ gang dang zhes pa la sogs pa gsungs te/ lag pa'i spyi bo ni dpung pa'i rtsa ba ste lag pa'i sgra las dpung ba dang nye ba'i lag pa'o/ /yan lag lnga ni phyugs dang shing gang yin pa'i gzugs su 'dod na/ de'i rnam par snang mdzad la sogs pa dang/ yan lag lnga lo ma dang me tog la sogs pa'o/ /rnal 'byor g.yos pa ni
- 259b
bzlas pa ste/ bzlas pa bya'o zhes pa'i don to/ /btang na grol ba zhes pa ni 'dir dgos pa phyugs la sogs pa'i gzugs nyid du ci'i phyir gnas par ma byed ces pa la/ sdug bsngal zhes pa la sogs pa gsungs te/ dud 'gro zhes dgongs pa yin no/ /gang gi gzugs 'dzin zhes pa la/ glang po rta dang zhes bya ba la sogs pa gsungs te/ sgra'i drug pa'i don gyi gsum pa'o/ /de dag gi gzugs 'dzin zhes pa'i don to/ /mngon par 'dod pa'i gzugs la sogs pa 'dzin zhes pa'i don to/ /de dag kyang rgyas par 'chad de/ de'i bya ba la glang po che la sogs pas gtor ma dang longs spyad par byas na de nas mngon par 'dod pa'i gzugs la sogs pa 'thob bo/ /'dir yang gnyi ga'i snyed po'i bya ba'o/ /mchog yod ma yin zhes pa ni skye ba bdun pa'i dngos grub kyi rang bzhin gyis grub pa ni nus pa'o/ /skye ba bdun pa'i bsgrub bya'i phyugs las nyid du gzugs yongs su brje ba brjod pa gang yin pa de yang yin la le'u yang yin pas de de bzhin no/ /bzhi bcu rtsa dgu ni bzhi bcu rtsa dgu pa'o zhes bya ba ni dpal 'khor lo sdom pa'i le'u bzhi bcu rtsa dgu pa'i dka' 'grel lo// //de nas zhes bya ba ni skye ba bdun pa'i bsgrub bya gzugs yongs su brje ba bstan pa'i rjes thogs su'o/ /ha ha he he zhes bya ba la sogs pa rgod pa rnam pa brgyad kyi sngags kyi sbyin sreg gi cho ga bshad par bya'o/ /gang gis phyugs kyi sha'i sbyin sreg gi cho gas dbang gi las bya'o/ /myur du dngos grub la de rab tu gnas so zhes pa'i don to/ /sbyin sreg ni kha chu zhes bya ba gsungs te/ kha chu ni mgrin pa nas byung ba'i lung pa'o/ /khyi'i spu ni khyi'i spu'o/ / 'phral du 'gugs zhes pa ni 'grub par 'gyur zhing 'ong ba nyid du 'od pa'o/ /yaM gi sa bon de nyid kyis 'gugs pa'o/ /gang gis de 'gugs pa'o ni yaM las skyes pa'i rlung gi dkyil 'khor la gnas pa'i bsgrub bya 'ong bar bltas nas dus tshigs
- 260a
kyi khrag la sogs pas sbyin sreg bya'o zhes pa ni bsdus pa'i don to/ /khyi'i lus bo ni khyi'i khog pa'o/ /'phral ni 'tsho ba'o/ /de'i skrod pa ni gsod pa'o/ /rtag tu bzlas pa'i 'bras bu ni/ sad dang zhes bya ba la sogs pa gsungs te/ sad pa ni gnyid sad pa'o/ /nyal ba zhes pa ni mal stan du gtogs par gnyid log pas so/ /byas zhes pa ni dgod pa byas pa'o/ /langs nas gnas zhes pa ni nyal nas 'dug nas langs nas so/ /me thun gang la yod pa de ni me thu na'o/ /bdud ces pa ni phung po la sogs pa'i bdud do zhes dgongs so/ /bdud ni sems te/ sems nyid ni bdud chen po'i zhes gsungs pa nyid kyi phyir ro/ /sngags pas rtag tu zlos byed de/ /yang dag dus ni yid min te/ zhes pa ni gzhung gzhan no/ /de la bzlas pa byed pa la yang dag pa'i dus la blta bar mi bya'o/ /bzhad pa'i sngags kyang/ oM hA hA he he ho ho haM hAM phaT swAhA zhes bya'o/ /li ki li ki li/ shi li shi li/ tsi li tsi li/ d+hi li d+hi li phaT swAhA zhes bya ba yang ngo/ /sreg blugs brgya zhes pa ni arga'i shing la sogs pa la rtag tu sreg blugs brgya brgya dus lan gsum du dbul lo/ /lha rnams thams cad bsgoms nas ni/ thun gnyis par du sbyin sreg bya/ /zhes pa ni de la lha'i bsam gtan pa dang/ phyugs kyi sha thams cad dang chang dang yang dag par ldan pa'o/ /gom spu'i sha snar gyis zhes pa ni ce spyang gi sha rnying ba'o/ /sbyin sreg bya zhes pa ni lha la'o/ /phyi dang nang du bya zhes pa ni nye bar mkho bar bya'o/ /sbyin sreg ched du thab khung ming// dngos grub thams cad rab bsgrub bya/ zhes pa ni sngags kyi tshig bzlas shing bsam gtan dang sngags bya'o/ /sngags med pa ni sngags bsten pa'o/ /de gnyis kyi nub gcig tu byas pa la ci zhes pa la ston to/ yul 'khor ba ni nges ltung
- 260b
? ba'o/ /rigs pa gsungs pa ni/ rnal 'byor dbang phyug mnyes byas nas/ /dbul po nyid du ga la 'gyur/ zhes gsungs so/ /rnal 'byor dbang phyug ni lha'i dbang phyug ste/ gang yin pa de ni de bzhin du bzhad pa'i sngags so/ /dbul po ni dbul po nyid do/ / khang? dang zhes pa ni nges pa med pa'o/ /brtul zhugs gtsang sgra med pa la zhes bya ba la sogs pa ni ji ltar bde ba nyid kyi rgyas bshad de/ /rjes gnang ni lhas rjes su gnang ba ste/ rmi lam du mtshan ma mthong ba nyid kyis so/ /lhag pa'i tsher 'gyur ba ni dUrba po/ /sbrang rtsi'i rtsigs min sbrang rtsi'i snyigs ma'o/ /khyim gyi 'dab ma ni steng nas 'chang ba'i dus pa'o/ /de thams cad gang gi khyim gyi phyogs cig tu sngags bzlas nas spas na/ de ji ltar gsungs pa bzhin du 'gyur ro/ /de nas zhes pa ni sbyor ba thams cad bstan pa'i rjes su'o/ /gzhan yang bshad bya ste de ci'i zhes pa la/ rnal 'byor ma'i sa dang gnas zhes gsungs te/ gnas la sogs pa gang yin pa de ni gnas dang nye ba'i gnas la sogs pa'i gnas so/ /sa nyid ni gnas la sogs pa ste/ sa dang gnas la sogs pa ni sgra'i gnyis pa phyi ba'o/ /rnal 'byor ma ni rnal 'byor ma rnams so/ /yan lag nying lag ces pa ni yan lag ni lag pa la sogs pa'o/ /nying lag ni tshigs la sogs pa'o/ /spyi bor gzugs kyi phung po'o/ /stobs ni tshor ba la song ba'o/ sa dang gnas la sogs pa phung po la sogs pa'i bdag nyid dpal he ru ka'i yan lag dang yang nying lag go /yan lag thams cad kyi thabs su gyur pa bshad par bya'o zhes sbyar ro/ /nye ba'i gnas nyid ni nye ba'i gnas te yi ge u phyis pa'o/ /dpal he ru ka nges par 'chad zhes pa ni nges par byas pa'o/ /sa 'di rnams de'i yan lag la bkod par bya'o zhes 'di ni nang gi bdag nyid sa zhes pa ni zhes gsungs te 'di rnams nang gi bdag nyid kyis zhes pa'i don to/ /pha rol phyin bcu sa rnams na zhes pa ni rab
- 261a
tu dga' ba la sogs pa sa bcu po dag ni/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ smon lam dang/ stobs dang/ thabs dang/ ye shes kyi pha rol tu phyin pa ste bcu'o/ /brda'i skad ces pa ni rnal 'byor ma rnams kyi brdar byas pa'i skad do/ /mtho ris zhes bya ba la sogs pa ni 'khor lo gsum mo/ /dpal he ru ka'i rnal 'byor chen po brtan par byas nas dngos grub bsgrub par bya'o zhes sbyar ro/ /thams cad ces pa la sogs pas ni 'di nyid kyi khyad pa'o/ /kha cig na re 'di seng ge rnam par rol pa'i phyag rgya yin no zhes zer ro/ /de la lag pa ni rdo rje'o/ /tshig ni yul lo/ /dbang du bya ba'i sbyin sreg dang/ gnas la sogs pa'i sa dang rgyas par ston pa'i yang gzhung gang gis rgyas par sten pa de ni dbang du bya ba'i sbyin sreg dang gnas la sogs pa'i sa ston pa'o/ /de nyid rnam pa sna tshogs kyi rab tu byed pa'i don gyis de kho na nyid brjod pa ni 'di'i cho ga ste de'i bdag nyid gyi le'u ni lnga bcu pa'o zhes bya ba ni dpal 'khor lo sdom pa'i le'u lnga bcu tham pa'i dka' 'grel lo// //da ni bsgom par bya ba bsdus pa'i don la sogs pa'i le'u de ni/ de nas zhes bya ba la sogs pa gsungs te/ de nas zhes pa ni bshad pa'i mjug bsdu ba'o/ /de'i phyir zhes pa ni gang gi phyir lha bskyed pa med par cung zad kyang mi 'grub po/ /de'i phyir brgyud pa yang dag par bshad par bya'o zhes sbyar ro/ /brgyud pa ni dam pa'i skyes bus gcig nas gcig tu bshad pa'o/ /rnyed dka' ba zhes pa ni mdzes par yongs su shes pa rnyed par dka' ba gang yin pa de ni de bzhin de brgyud pa'o/ /sbas pa ni smad byed kyi kha na ma tho ba med par bya ba'i don du'o/ /da ni da nyid do/ /ci zhes pa la rgyud
- 261b
ces gsungs te/ rgyud ci yang dag par 'dus pa byed pa gang yin pa de ni de bzhin te/ dpal 'khor lo sdom par brjod pa'o/ /brdar skad kyis gsungs pa ni brda'i skad kyis gsungs pa'o/ /dpa' bo de bzhin gshegs pa ste brdar byas pa'i skad do/ /sngon ma byung ba nyid kyis 'dir brda byas so zhes dgongs so/ /de'i phyir yang sgra dang sgra ma yin par yang dogs par mi bya'o/ /sgra 'ba' zhig ni don gyi rtogs byed ma yin gyi 'on kyang brdar byas pa dang bcas pas so/ /de yang dpa' bos kyang byas zhes pa ni dpa' bos brdar byas pa'i skad yin no zhes legs par brjod do/ /des yang dag par 'dus byas pa'i sgras ci byed ces dgongs so/ /gos ni stag gi pags pa dang glang po che'i pags pa'o/ phyag rgya lnga zhes pa ni mgul rgyan dang gdu bu dang rkang rgyan dang/ rna rgyan dang tshangs pa'i skud pa'o/ /phyag rgya lnga'i dang por gyur pa gang yin pa de ni mgul par brgyan pa'i mgo bo'i phreng ba dang ske rags la sogs pa'o/ /rdo rje dang rdo rje dril bus ni 'khyud pa'o/ /phung bu ni phung bu ste/ rdo rje'i rang bzhin gyi gur ro/ /'di ni nye bar mtshon pa nyid kyi phyir rdo rje'i ra ba la sogs pa'o/ / 'jug pa sgra sogs zhes pa ni 'jug pa ni gzugs kyi phung po la sogs pa'i rnam dag go /sgra ni thig le'i steng du ri mo'i rnam pa'o/ /hUM gi spyi bo'i ma ni 'dir srog med par gzung ba'o/ /de yang thig le'i gzugs nyid du rtogs par bya'o/ /nA da yang de ma yang de bas nA da dang ma'o/ /de la sogs pa gang yin pa ni zla ba phyed la sogs pa de ni nA da dang ma la sogs pa ste/ 'jug pa sgra dang ma sogs ni 'jug pa sgra dang ma la sogs pa'o/ /ji srid bsdus pa'i sbyor ldan pa zhes pa ni spro ba sngon du song bas sdud pa ste/ 'di yis de nges pa nyid kyi phyir ro/ /bdud rtsi tshim byed nges par rdzogs/ /bdud rtsi lngas tshim pa rab tu bskyed pa'o/ /gos dang phyag rgya lnga la sogs pa dang/ phur bu dang dra ba dang/ A li kA li brjod pa dang/ rgyu la sogs pa stong pa nyid dang/ 'jug pa dang/ sgra dang/ thig le dang/ bsdu
- 262a
ba'i sbyor ba dang/ bdud rtsi tshim byed yongs su rdzogs pa dang/ lag pa'i mchod pa dang/ dbang bskur ba dang/ go cha chen po sngon du song bas sngags kyi mchod pa zhes bya ba ste/ de kho na nyid bcu bzhi 'di ni gtso bo nyid du bstan pa'o/ /de'i phyir yang 'di ni de nyid bcu bzhi ni zhes gsungs te/ bcu dang bzhi'i yan lag dang nying lag tu gang yin pa de ni de bzhin te/ rgyud kyi brjod par bya ba mdor bsdus pa'o/ /de'i phyir mdor bsdus na zhes gsungs te/ 'dis gang la mnyam par spyod pa'i tha snyad du byed pa'o/ /de nyid bslab par bya'o zhes pa'i don to/ /de sdig pa thams cad dag pa'i bdag nyid du 'gyur te/ gang dang de ni rtag tu 'brel ba nyid kyi phyir ro/ /thams cad ni mtshams med pa lnga la sogs pa'i sdig pa rnam par dag pa gang yin pa de ni de bzhin te/ bdag nyid kyi sems gang yin pa'o/ /gang yin pa de ni rnal 'byor pa'o/ /de de bzhin ni sgra'i nges pa gzhan du lta bas so/ /las rnams bskal pa brgya ru yang/ /chud ni zos par mi 'gyur te/ /tshogs shing dus la bab pa na/ /'bras bu nges par smin par 'gyur zhes bya'o/ /las la 'bras bu med par nyams par mi 'gyur ba ni thabs kyis kyang rnam par dag pa nyid do/ /de thabs ni cung zad kyang nyams pa med pa ste 'bras bu ma byung ba la ni nyams par mi 'gyur ro zhes gsungs pa'i phyir ro/ /nyid kyi sgra ni nges pa'i don yin pas so/ /gang gi phyir sdig pa'i 'bras bu de nyid nyams pa'i thabs so/ /'on kyang las kyi rang bzhin nyid thabs gzhan gyis kyang de'i sngon gyi las nyams pa'i mtshan nyid kyi 'bras bur bskyed de 'bras bu gzhan bskyed par mi nus pas dngos po med pa rgyun chad pa nyid du 'gyur ro/ /yang na 'di lta bu'i thabs kyi khyad par gyis de nyams pa skyed par byed pa'i
- 262b
mchog zag pa med pa'i bde ba chen po'i rang bzhin dus mnyam du bskyed do/ /ji ltar sgron mas rab rib bsal nas gsal bar skyed par byed pa yin no/ /zhe na/ de rab rib sel bar ni mi byed de 'on kyang gsal ba nyid 'ba' zhig go /de gsal bzhin pa rang gis rab rib med par 'gyur ro/ /bdag nyid chen po'i thabs kyang ci'i phyir khas mi len/ thabs kyi khyad par gang gis de'i 'bras bur mi 'gyur ro/ /thabs mi shes pa la ni las nyams shing med par mi 'gyur ba mi mthun pa ma yin no/ /de bzhin gshegs pa'i sa thob cing zhes pa ni zag pa thams cad zad pa'i ngo bo nyid de bzhin gshegs pa'i ye shes kyis thob pa'o/ /bsgom pa phul du byung bar 'gro ba med pa la mi 'gyur na/ de'i tshe ci zhes pa la skye dang skye bar bder gshegs kyi/ rigs su skye zhes gsungs te/ de bzhin gshegs pa'i rigs gang yin de ni de bzhin te/ bskyed pa de'i phyir skye ba'o/ /'di yang sgra'i lnga pa phyi ba'o/ /skye zhing skye bar lha'i skye ba dang/ mi'i skye ba ste chos dang ldan pa'i rgyal por 'gyur ba ni ko sa la dang rgyal po legs pa'i blo gros la sogs pa lta bu'o/ /gal te shin tu sdig pa can gyis kyang ji ltar yang de kho na nyid bcu bzhi goms par byas na/ de'i tshe cir 'gyur zhe na/ ji ltar zhes bya ba la sogs pa gsungs te/ ji lta ba bzhin du lus dang ngag dang yid kyi bya bas byas shing bsags pa thog ma dang tha ma dang bar du rab tu 'brel ba'i sdig pa'i las gang yin pa de ji ltar sngon la sogs pa'i sdig pa'o/ /de ji ltar sngon la sogs pa'i sdig pa zhes pa ni sgra'i dang po'i don gyis drug pa'o/ /gang skyes bu'i mtshan nyid thams cad dman pa'o/ /gzhan yang de kho na nyid bcu bzhi po'i ngo bo nyid dpal he ru ka sgom pa de ni sa gzhi'i 'dod pa thams cad kyi dbang phyug go /de'i sdig pa'i phung po cung zad kyang mi nus par byas pa ni
- 263a
bsam gtan las skyes pa nyid kyi las kyi 'bras bu'o/ /yang na ji ltar sngon bsags kyi sdig pa bsam gtan 'dis zad cing med par byas nas rtag tu 'dod pa thams cad kyi dbang phyug tu 'gyur ro/ /phyag dang zhal la sogs pa'i rnam pa dang ldan pa'i dpal he ru ka bsgom bzhin pas sngon du bstan pa'i sdig pa'i las ji ltar zad pa la/ mar gyis zhes bya ba la sogs pa gsungs te/ ji ltar mar gyis gang ba'i snod me'i dbus su bzhag pa'o/ /de ltar ci 'gyur zhes pa la/ mar sar zhu zhing zhu gyur nas zhes gsungs so/ /de gal te snod kyi mar sar zhu ba chu dang 'dra ba mtshan nyid kyis rdzas so/ /tshig gi don no/ /zhu zhing zhu ba rnyed nas chu dang 'dres par 'gyur ro zhes pa'i don to/ /des ci zhes pa la/ snod kyi dri ma 'jig ces gsungs te/ dri ma ni dus ring po rnyed nas zhu ba'i chu nyams par 'gyur ro/ /ji snyed du chu lta bu nyams pa med pa de snyed du mar sar mi nyams pa ni de dag dngos po'i mthu kho na'o/ /zhes dgongs so/ /snod kyang rten yin pa'i phyir snod do/ /me yang snod ces brjod do/ de bzhin du de'i las zad pa zhes pa de nyid ni/ de bzhin sdig pa 'jig par 'gyur zhes gsungs te/ 'khor ba'i rgya mtshor sems can rnams mngon par zhen pas sdig pa'i las thun mong bas lhung ba rnams stong pa nyid kyi ye shes kyi mes dpal he ru kar byas pa'i snod pa'i bsgom bzhin pas phung po la sogs pa mngon par zhen pa de'i gzung ba la sogs par mngon par zhen pa'i mtshan nyid de'i las kyang zad nas phung po la sogs pa skyon med par 'gyur ba'o/ /gzhan yang stong pa nyid la mngon par zhen pa dang bcas pa'i skyon ni ji lta ba bzhin du don gyi bya
- 263b
ba byed pa dang bral ba nyid kyi phyir ro/ /de ltar yang rdo rje snying po snying rje che/ /dngos po nyid kyis rnam grol zhing/ /dngos po nyid kyis 'ching 'gyur bas/ /de yongs shes pas grol bar 'gyur/ zhes gsungs so/ /nyon mongs pa med pa zad par 'gyur bas mchog gi byang chub mi 'thob pas nyon mongs pa las grol bar rang la phan pa byed pa yang mi 'thob po/ /des 'dir byang chub thob pa ni brtson 'grus brtan por byas shing ma lus pa bsreg pa ma yin pas nyon mongs pa rtsa'i zil ma lta bur byas pa'o zhes kyang ngo/ /dpal he ru ka zhes pa ni/ sh+rI ni gnyis med ye shes te/ /he ni rgyu sogs stong pa'o/ /ru ni tshogs dang bral ba ste/ /ka ni gang duAng mi gnas pa'o/ /zhes pa ni shes rab dang thabs kyi rang bzhin de'i ming can ni mtshan nyid kyi phyir ro/ /de nyid kyi phyir de zhes pa'i sgra ni drug pa'i don to/ /ming ni mtshan te gtso bor bsgrub pa nyid du dgongs so/ /gang las zhes pa la/ bsam gtan zhes gsungs te/ bsam gtan ni bsams pa tsam mo/ /klog pa ni thun mong du'o/ /rang gis 'don pa dang rtse gcig pa'i yid kyis bris na/ rang nyid 'khor los sgyur ba ni 'khor los sgyur ba nyid do/ /dpal he ru ka'i rnal 'byor pa rnal 'byor gyis kyang ma grub na 'don pa la sogs pa byas pas kyang ngo/ /gal te tshogs par ma gyur na 'chi bar gyur na de'i tshe cir 'gyur zhes pa la/ 'pho ba'i tshe zhes pa la sogs pa gsungs te/ rnal 'byor pa ni skyes bu'o dpal he ru ka la sogs pa'i dpa' bo dang dpa' mo rnams ni gsum pa'i mang po'i tshig phyis pa'o/ /sgra sna tshogs ni rda la sogs pa byin gyis brlabs pa'i dpal he ru ka la sogs pa'o/ /bya ba bag tsam gyis mtshon pa'o/ /de nyid ni de 'dra'i zhes bya ba la sogs pa gsungs so/ /lha ni dpal he ru ka'o/ /dpa' bo chen po ni thod pa'i dum bu la sogs pa'o/ /rnal 'byor ma ni rdo rje phag mo la sogs
- 264a
pa'o/ /sha'i mig gis mthong bar dka' ba'o/ /dpal 'khor lo sdom pa'i rgyud chen po gang gis shes pa ni rtogs pa yang ngo/ /ma dang pa ni ma dad pa'i skyes bu'o/ /de dbul bar 'gyur te/ sdug bsngal gyis gdungs par 'gyur ba gang yin pa de ni de bzhin no/ /mgul rgyan zhes bya ba la sogs pa gsungs te/ bshad pa nye bar mjug bsdu bar ston te/ mgul rgyan gdu bu dpung rgyan dang zhes pa ni yang dag par bsdu ba gcig go /mgul rgyan zhes bya ba la sogs pa sngon bzhin du rgyan gyi mjug bsdu ba'o/ /ri steng sna tshogs pad+ma ni sna tshogs pad+ma'i gnas kyi mjug bsdu ba'o/ /A li kA li zhes pa ni rnam pa lnga'i mjug bsdu ba ste/ A la kA li zhes pa'i don to/ /da ni lhag ma bsdu ba'o/ /u ma zhes pa ni lhan cig gi sgra'i don te gsum pa'o/ /gdan gyi mjug bsdu ba'o/ /rdo rje dril bu sku la 'khyud ces pa ni mtshan ma dang 'khyud pa'i mjug bsdu ba'o/ /mtshan ma gnyis po 'dis ni mtshan ma gzhan nye bar mtshon pa'o/ / nyi shu rtsa bzhi'i phyed ldan pa zhes pa ni khwa gdong ma la sogs pa bcu gnyis ni nyi shu rtsa bzhi'i phyed do/ /dpa' bo dang ldan pa'i rnal 'byor ma ni dpa' bo dang rnal 'byor ma ste nyi shu rtsa bzhi'o/ /de'i tshogs ni dpa' bo dang rnal 'byor ma'i tshogs so/ /sgra thung bar byas pa ni lung yin pa'i phyir ro/ /des bskor zhes pa ni rnal 'byor ma sum cu rtsa drug gi mjug bsdu ba'o/ /dpal he ru ka rgyal po chen po gang yin pa de ni he ru ka dpal rgyal po che zhes bya ste gtso bo'i mjug bsdu ba'o/ /go 'phang zhes pa ni khyad par ro/ /'dis kyang rten dang brten pa'i ngo bo nyid ma lus pa'i dkyil 'khor gyi mjug bsdu ba'o/ /mdor bsdus pa bstan nas/ yang shin tu mdor bsdus pa ni/ thams cad ces bya ba la
- 264b
sogs pa gsungs te/ dpa' bo thams cad ces pa'i drug pa'i gcig gi tshig gi don no/ /rnal 'byor ma ni 'dir 'khor te/ de'i 'khor dang bcas par gnas pa ni 'khor bcas so/ /srub pa ni rdo rje phag mo'i rnal 'byor dang de ldan pa ste/ sgra'i thung ba ni lung yin pa'i phyir ro/ /dbus su sbyor ldan pa zhes pa'i gzhung la ni dbus ni zag pa med pa'i bde ba'o/ /de nas de phyir gsang bshang bya/ zhes bya ba la sogs pa nas srub pa'i sbyor ldan pa zhes pa'i bar gyis gong du bstan pa'i chos thos nas dpa' bo dang dpa' mo'i dbang phyug ma thams cad chos kyi snying pos dgyes nas so/ /gnyis su gyur pa ni thugs dgyes pas gnyis pa'i ngo bo nyid du gyur pa ste/ 'byin pa ni spro ba'o/ sdud pa ni spros pa sdud pa'o/ /dpa' bo dang rnal 'byor ma ni gzhan gyi don gyi ched du chos nyan pa'o/ /dpal he ru ka'i gdul bya'i don du bcom ldan 'das la rdo rje phag mos gsol ba btab pa'o/ /de lta bur gyur pa gzhan gyi don gyi ched du thos pa la rab tu 'jug ste/ tshogs pa mngon par sprul nas chos ston pa'o/ /dpal he ru ka la mos pa nyid ci'i phyir zhe na/ sna tshogs zhes bya ba la sogs pa gsungs so/ /sna tshogs pa'i don 'dzin cing spyod pa la spyod pa rnams sna tshogs pa'i gzugs khyim pa la sogs pa'i mtshan nyid sna tshogs pa'i spyod pa rnam par rtogs shing shes nas 'di mdzad do zhes pa ni brtan par byas pa'o/ /de nyid ci'i phyir zhes pa la/ sna tshogs tshul gyis gdul bya rnams/ /thabs ni sna tshogs ston pa yin/ /zab mo'i chos ni ston pa la/ /gal te mos par ma gyur kyang zhes bya'o/ /nyan thos la sogs pa'i tshul la/ gal te gdul bya lhag par mos na gang kha cig tu gyur pa la de'i tshe sna tshogs pa'i thabs kyis rnam pa sna tshogs pa'i lam lhag par mos pa la ston no/ /de lta bu la lhag par mos pa'i dgongs pa ci yin zhes pa la/ zab mo'i chos ni ston pa la/ zhes
- 265a
gsungs so/ /zab mo'i chos shes rab dang thabs gnyis med pa'i ngo bo nyid bshad cing bstan pa la de'i rgyu nyid kyis so/ /sna tshogs pa'i tshul la mos pa ston pa dag gis chos gang la lhag par mos pa la de la ston no zhes pa'i don to/ /mos pa sna tshogs ba ci'i don zhes pa la/ smod pa dag tu mi bya ste gang gi phyir chos nyid bsam mi khyab dran bya/ yang na thabs sna tshogs ni lha tshogs pa'i gzugs kyis ston pa'o/ /sems can nyid lha'i gzugs su bstan par byas so zhes dgongs so/ /thabs dang shes rab kyi bdag nyid gsang sngags theg pa chen po la ji ltar 'dod pas rol cing re zhig lhag par mos pa la sbyor ro/ /gal te de ltar yang ma gyur na ci zhes pa la/ zab mo zhes bya ba la sogs pa gsungs so/ zab mo ni stong pa nyid kyi rang bzhin shes rab kyi cha'o/ /chos ni phyag dang zhal la sogs pa'i rnam pa thabs kyi cha'o/ /zab mo yang yin la chos kyang yin pas zab mo'i chos so/ /de bla na med par ston pa ni/ dpal 'khor lo sdom pa zhes brjod pa'i rgyud de zab mo'i chos ston pa la/ gal te 'di la lhag par mos par ma gyur na/ gdul bya rnams kyis de la smad par mi bya'o/ /de la ji ltar bya zhes pa la/ chos nyid bsam mi khyab dran bya zhes gsungs te/ bsam gyis mi khyab pa'i chos rnams kyi ngo bo nyid kyi rang bzhin dran par byas pa ni bstan par bya'o/ /bsam gyis mi khyab pa'i ngo bo nyid thams cad du bsgom par bya'o zhes dgongs so/ /'dir chos kyi phung po dang khams dang skye mched la sogs pa rnams bdag gi yul gzung ba la sogs pa'i ngo bo nyid du yod pa ni ma yin no/ /rgyu gang gis zhes pa la/ gang zhes gsungs te chos nyid de bzhin nyid stong pa nyid de ni mi shes te/ chos
- 265b
nyid kyi ngo bo nyid kyis rang nyid la byed pa 'gal ba'i phyir ro/ /de ltar yang sems kyis sems mi shes pa'o/ /zhes gsungs pa'i phyir ro/ /gzung ba la sogs pas dben pa'i ye shes sems tsam ni stong pa nyid du de brjod do/ /rnam par shes pa las gzhan du stong pa nyid ces bya ba ma gtogs pa cung zad kyang med do/ /ma gtogs pa nyid ni rnam par dben pa gang yin pa la 'dod pa'o/ /ci zhes pa la/ mkhyen zhes bya ba la sogs pa gsungs te/ de yang dag sangs rgyas te yang dag pa'i rtogs pa dang ldan pa'o/ /bdag nyid chen pos khyab pas na sangs rgyas so/ /de sangs rgyas kyi sras po gang yin pa de ni de'i sras te byang chub sems dpa' o/ /gang gi phyir byang chub sems dpar gyur nas sangs rgyas su 'gyur ba'o/ /de dag sangs rgyas rnams sam sras ni de'i sras te de'i bdag nyid las skyes pa nyid kyi phyir ro/ /sangs rgyas rnams kyi bdag nyid kyi chos ni chos nyid rtogs pas sangs rgyas te de yang dag par rtogs par 'gyur bas byang chub sems dpa' yang sangs rgyas zhes bya ba'i tha snyad byas te nges par rtogs par 'gyur ba nyid kyi phyir ro/ /chos nyid rtogs pa'i chos nyid ji tsam du 'byung bar 'gyur/ zhes pa la byung zhes bya ba la sogs pa gsungs te/ sangs rgyas rnams byung ba ni 'ongs nas gnas pa rjes su 'brel bar nye bar gnas pa'am/ ma byung ba'i rang bzhin du gnas pa zhes dgongs so/ /thams cad ces pa ni rang bzhin gyis rgyud kyi rgyun gyi ngo bo nyid kyis rtag tu gnas pa'i phyir ro/ /bsam gyis mi khyab pa ji ltar 'gyur zhes pa la/ 'di tsam gyi dus su gnas so zhes bsam gyis mi khyab pa nyid kyi phyir 'phel ba dang 'bri ba spangs pa nyid kyi phyir de ltar gzhal bas rtogs nas rtogs pa mnyam par byas pas na stong par mi bya ste/ 'jig rten pa thams cad kyis so/ /de dag la 'jig rten pa rnams kyi rtogs pa rnam
- 266a
par gzhag pa ci'i phyir bsam gyis mi khyab ces pa la/ sangs rgyas gang ni bsam gyis mi khyab ces gsungs te/ sangs rgyas nyid gzugs sna tshogs nye bar gnas pa'i phyir gar mkhan no/ /de nyid ni mdo zhes bya ba la sogs pa gsungs te/ mdo ni mdo sde'o/ /bya ba zhes bya ba ni bya ba'i rgyud do/ /mngon zhes pa ni chos mngon pa'o/ /sgra'i dang po'i don gyi drug pa'o/ /spyod pa zhes pa ni spyod pa'i rgyud do/ /rnal 'byor gyi rgyud ni gsang ba'i rgyud do/ /ni ni bsdu ba'o/ /sems can 'jug pa'i zhes pa ni sgra'i bzhi pa phyis pa'o/ /thar pa ni nyon mongs pa'i 'ching ba med pa'o/ /ni ni 'di'i don to/ /thams cad du bye brag tha dad pa'i bsam gyis mi khyab pa'i sems can gzhug pa'i don du'o/ /bsam gyis mi khyab pa'i sems can gzhug par bya ba yang dag par rdzogs pa'i sangs rgyas kyis mkhyen no/ /snga ma dang sbyar ro/ /de dang de la 'jig rten pa la sogs pa dga' ba lta bur yang dag par rdzogs pa'i sangs rgyas kyi dga' ba ni de bzhin nyid bsam gyis mi khyab po zhes dgongs so/ /yang na mdo ni mdo sde pa'o/ /bya ba ni rnam par bshad pa ste bye brag smra ba'o/ /mngon pa'i chos ni dbu ma pa'o/ /rnal 'byor gsang bzhi rnal 'byor spyod pa'o/ /de nas de phyir gsang bshad bya zhes bya ba la sogs pa gsang bar khas blangs pa'o/ /dbugs 'byung bar ma mchog dag gis zhes bya ba la sogs pa'i gzhung gis bcom ldan 'das ston pa dang ldan pas sdud par byed pa po dang/ thams cad dgyes so zhes bya ba la sogs pas de dang de la dga' ba zhes pa'i bar gyis gdul bya dga' bar bya ba la sogs pa sgrub par byed pa dang ldan pa yin no/ /bcom ldan 'das nyid bstan pas gang rgyud kyi rgyal po chen po zhes bya ba la sogs pa'i khyad par gyis khyad par can de la
- 266b
lnga bcu rtsa gcig ni lnga bcu gcig pa'i le'u rdzogs so zhes sbyar ro// //de la ji lta bur gyur ba dpal he ru ka mngon par brjod pa de la'i sgras byas pa'i de'i sgra khyad par can ni dang po'i mdza' can gyi khyad par gyi tshig bstan pa'i phyir/ chen po zhes bya ba la sogs pa gsungs te/ chen po'i rgyud kyis sangs rgyas kyi chos 'dis rgyas par byed pas na de yang rgyud ces bya'o/ /don dam pa'i zag pa med pa'i bde ba chen po gang yin pa de rgyal po ste/ de bas na rgyud kyi rgyal po chen po'o/ /gzhung 'bum gyi bdag nyid kyi nam mkha' dang mnyam pa'i mdza' dang dbus dag nas phyung ba de 'di la yod pas phyung ba'o/ /dang ni rgyud gzhan gyi don bsdu ba ste/ bla ma las kyang bla ma zhes bshad zin no/ /rgyal po nyid ni rgyal po ste/ bstan bcos thams cad rnams ni rgyud thams cad kyi gong du gyur pa nyid kyi phyir dang/ rab tu gsal bar byed pa nyid kyi phyir ro/ /de nyid kyi phyir bcom ldan 'das kyang zla ba 'chang ba'o/ /'dis kyang zla bas ni brjod par bya ba'i cha gcig bstan pa'o/ /rdo rje phag mo dang lhan cig dpal he ru ka chen po zhes pa ni chen po ste/ rnal 'byor ma mkha' 'gro ma la sogs pa sum cu rtsa drug go /dpa' bo ni thod pa'i dum bu la sogs pa nyi shu rtsa bzhi'o/ /bklags pas grub pa'i sngags so/ /thams cad mkhyen pa ni rnal 'byor ma rnams kyi mtshan nyid la sogs pa'i ye shes dang/ mngon sum la sogs pa'i shes pa yang ngo/ /gzhan gyis mi thub pa ni dka' zlog dang bcas pa'i bde byed kyis so/ /dang por gyur pa ni dngos grub kyi yang dang por grub pa'o/ /dpal he ru ka dpa' bo chen po bklags pas grub pa/ thams cad mkhyen pa gzhan gyis mi thub pa gdod nas grub pa/ rjod par byed pa nyid kyi phyir rgyud kyang de ltar brjod do/ /dang ni sa la sogs pa'i rnam pa dag pa la sogs pa brjod pa'o/ /sgrol ba ni srid pa'i rgya mtsho las
- 267a
'dis sgrol bar byed pa ste ba tsa la sogs la a tsa'i rkyen byin pa'o/ /rgyud ni mdo'o/ /dpal ni bsod nams dang ye shes kyi tshogs so/ /'khor lo ni chos kyi 'khor lo'o/ /dpal dang ldan pa'i 'khor lo ni dpal 'khor lo ste/ des lus la gnas pa'i sems can gyi yid yang dag par sdom pa zhes pa ni dpal 'khor lo sdom pa'o/ /dpal he ru ka ni de rjod par byed pa nyid kyi phyir rgyud kyang de bzhin du brjod cing/ /rab tu gsal bar bya zhing chen po yin pas na rnal 'byor ma'i rgyud rgyal po zhes bya ste/ rnal 'byor ma'i rgyud kyi rgyal po chen po zhes bya ba ni sgra'i rkyen med pa'i tshig yin te/ rnal 'byor ma'i gdams ngag ni mang ba nyid kyi phyir ro/ /dpal he ru ka mngon par brjod pa'i rgyud kyi rgyal po chen po 'bum pa'i nang nas phyung pa ni bla ma'i bla ma bstan bcos thams cad kyi rgyal po'o/ /dpal he ru ka chen po bklags pas grub pa thams cad mkhyen pa mkhyen pa gzhan gyis mi thub ces pa ni mchog gi rgyud dpal 'khor lo sdom pa'i ming can rnal 'byor ma'i rgyud kyi rgyal po lnga bcu rtsa gcig pa ni le'u lnga bcu rtsa gcig pa rdzogs so// //yang dag par rdzogs pa ni rdzogs so zhes pa'i don to/ /rgyud kyi rgyal po chen po zhes bya ba nas rnal 'byor ma chen mo'i rgyud kyi rgyal po zhes bya ba'i bar ni/ sgra'i su'i mdza' can dang/ ti'i mdza' can gyis tshig bsdu ba'o/ /rdzogs so zhes pa'i tshig ni le'u lnga bcu pa la yang dpal he ru ka mngon par brjod pa zhes sbyar ro// //bla mas gzhung gi bshad pa ni/ /ji ltar bdag gis dran phyir bri/ /don ni ston par byed pa'i tshig /gyur pa'i dag de bdag gi yin/ /'dir ni blang dang dor ba'i tshig /tshad mas kyang ni nges byas pa/ /bla ma'i gdams ngag med par ni/ /the tshom med par mi 'gyur ro/ /phreng ba bzhin du bla ma'i bka' / /sna tshogs dag ni yid
- 267b
'phrog pa/ /rgyud dang 'brel ba spyi bor ni/ /'khrul pa sel byed blang bar bya/ /rang sems rnam par g.yo ba'i ming can 'gro ba ni/ /rang gi sems nyid kyis ni gzung bar rnam par bsgom/ /rang gi sems la 'dir ni snying po gzhan na med/ /gzung ba med pa dkyil 'khor myur du bsgom par bya/ /dpal gyi go 'phang sgom par lha yi go 'phang ste/ /gang phyir go 'phang dri ma med par gnas par 'gro /srid pa ma gtogs zhi byed de ma rtogs par med/ /srid pa rnam dag 'dir ni dbyer ni med pa'o/ /dpal ldan 'khor lo sdom pa mtsho skyes gyur pa la/ /sbas pa'i gdams ngag ma ga ran da ro yi gnas/ /de nyid dag la sbrang bu mchog sbyin bdud rtsi de/ /dad 'byung dri med bsod nams yid kyi gtso bo'o/ /gzhan gyi snyan ngag 'di yi 'grel par byed pas bltas// bdag gis blo yang de don grub phyir dga' ba skyes/ /sbyor ba nus gang dus tshigs dag tu gar dang glu yang len/ /sbyor mi nus pas skye bos de la spro bas ci mi byed/ /tshig don gsal po nyid lta bu/ /sa gzhi dpal ldan 'khor sdom byas/ /gang 'di legs byas de thob pa'i/ /skye 'gro yon tan de thob shog /ces bya ba ni dpal 'khor lo sdom pa'i dka' 'grel slob dpon mkhas pa chen po bA ba b+ha Ti'i zhabs kyis mdzad pa rdzogs so// //gzhung 'di'i tshad ni stong phrag gsum dang brgya phrag lnga'o// //rgya gar shar phyogs lha mo mkhar nas byung ba yi/ /paN chen mkhas pa mi mnyam rdo rje dang/ /dbyer mo thang gi gra nas byung ba yi/ /khams pa dge slong ba ri rin grags kyis/ /bsgyur cing zhus te dgongs pa gtan la phab// // skad slob gsar la phan don du/ /rgya dpe ji bzhin bsgyur ba yin/ /mkhas pa don gyi ched byed rnams/ /bdag gis cung zad rtogs yod kyang/ /don 'gyur ma byas sgra bzhin bsgyur/ /'jig rten pha rol don gyi phyir/ /rgyud 'grel yin pas 'jigs phyir ro/ /
- 268a
bal yul grong khyer yam bu ru/ /pan 'ba' ro'i lha khang du/ /neng dang ba ris yon bdag byas/ /lo paN gnyis kyis rgyud 'grel bsgyur/ /slob gnyer mdzad rnams mnyes par zhu/ /'di bris dge ba'i rtsa ba yis/ /'gro kun bla med sangs rgyas shog/ //!/ (/rin po che'i tshogs zhes bya ba'i dka' 'grel bzhugs//) // !/ /rgya gar skad du/ ratna tsha da nA ma pany+tsi kA /bod skad du/ rin po che'i tshogs zhes bya'i dka' 'grel/ dpal rdo rje mkha' 'gro la phyag 'tshal lo/ /sna tshogs pad+ma'i ge sar rdul gyis sku byugs pa/ /nyi ma'i dkyil 'khor la gnas dam pa'i gzi brjid ldan/ /ral ba can gyi mgo dang u ma'i nu ma gnyis/ /zhabs kyis mnan cing dpa' bo'i 'dug stangs kyis bzhugs pa/ / rdor dril phyag ni g.yas dang g.yon gyis 'dzin pa dang/ /glang chen dpa' bo'i pags pa 'dzin pa'i gar thabs can/ /snying rje'i rgyu las byung ba'i myu gu'i bde mchog gis/ /rnal 'byor la gnas rnal 'byor pa rnams srung gyur cig /sbas pa'i tshig don rin chen ming gi phrag rgyud las/ /dka' rgyal zla ba'i shes rab rnon pos brkos pa yis/ /tshig gi rmongs pa'i mun pa chen po 'joms byed pa/ rin chen tshogs zhes bya ba'i dka' 'grel 'di byung ngo/ /de la/ mkha' 'gro 'byung ba kun spyod dang/ /de bzhin mtshan mchog bla ma'i rgyud/ /kha sbyar rgyud dang bzhi po ni/ /bshad pa'i rgyud du shes par bya/ /de dag dang ni rgyud gzhan rnams/ /rin chen tshogs zhes bya ba yi/ /dka' 'grel 'di ru bsdus pas na/ /mkhas pas rang dbang snyam mi brtag /de nas gsang ba bshad bya ba/ /mdor bsdus pa ste rgyas par min/ /zhes bya ba la sogs pa smos pa la/ /sku dang ras ris kyi mtshan nyid ston pa'i le'u bzhi bcu rtsa gsum pa'i 'og tu rang dang pa'i lha thams cad kyi mtshan
- 268b
nyid ston par byed pa'i rgyud 'di yin zhes pa ni de nas kyis ston to/ /le'u de las kyang gsang bas na de nas gsang ba'o/ /mdor bsdus pa ni ma spros shing nyung la mig gsal bar byas pa ste/ bla ma mnyes par ma byas pa rnams kyis rtogs par dka' zhes bya ba'i don to/ /sangs rgyas rnams la gsang ba ste/ /gzhan rnams la ni smos ci dgos zhes bya ba la sogs pa 'byung ngo/ /'dir ni rang dad pa'i lha'i sbyor ba dang mi ldan pa dang/ dam tshig la mi gnas pa rnams la dngos grub chen por mi 'gyur zhes de'i phyir dam tshig dang rang dang pa'i lha'i sbyor ba'i don du dkyil 'khor sngon du 'gro ba'i gsang ba bstan par bya ba'o/ /gsang ba de yang bcom ldan 'das kyis rgyas par bshad na 'jig rten gyis rtogs par 'gyur snyam pa de spang bar bya ba'i phyir/ khyad par du rgyas par min zhes bya ba gsungs so/ /gsang ba de yang ji lta bu yin zhe na/ smras pa/ he ru ka dpal yang dag sbyor zhes bya ba la sogs pa smos pa ni tshogs gnyis rdzogs pa dang/ rgyu rkyen gyis stong pa dang/ bkod pa thams cad las nges par grol ba khyad par du byed pa'i sku dpal he ru ka zhes bshad do/ /he ru ka de'i yang dag par sbyor ba ni phyag dang zhal la sogs pa'i tshul gang du rdzogs pa de ni yang dag par sbyor ba ste/ rin po che'i kha sbyar ltar ma mo'i 'khor lo yongs su bstan to// ci'i phyir bcom ldan 'das kyis 'di bshad ce na/ smras pa 'dod pa'i don kun sgrub byed pa zhes bya ba ni gzugs dang sgra la sogs pa rnams kyi sems can rnams kyi don kun du sgrub par byed pas 'dod pa'i don kun sgrub byed pa'o/ /bla ma zhes bya ba ni khams bcu drug de las kyang bla ma ni bla ma'i bla ma ste/ nA da'i 'khor lo nyi shu rtsa bzhi'o/ /nA da de rnams ni mkha' 'gro ma ste/ mkha' 'gro dang mkha' 'gro ma nyi shu rtsa bzhi ste dpa' bo dang dpa' mo'o/ /de rnams kyi dra ba ni mkha' 'gro ma'i tshogs so/ /de'i sdom pa ni dam tshig ste
- 269a
mkha' 'gro ma ste mkha' 'gro ma'i dra ba'i sdom mo/ /de yang 'di skad bdag gis thos pa zhes gleng gzhir bstan pa'i phyir gsang ba de lta bu la gnas pa'o/ /ci de ltar gdon mi za bar 'gyur ram/ gang gis bstan nyan pa dang tshig gang/ gang bstan snyam pa'i dogs pa mang du yod pas so so'i skye bo bzhin du dam chos 'di ldog pa'i yan lag tu 'gyur snyam na/ de rnams la grub pa'i mdza' thams cad dang ldan pa'i gleng gzhi tshig gi rjes su 'brangs nas bstan pa'i phyir/ rang 'byung ni ston pa bcom ldan 'das rdo rje 'chang chen pos gsungs so/ /gsang ba mchog gi dgyes pa na/ zhes bya ba ni de la dang po bar ma dang tha mar gnas pa ni 'chad par 'gyur ba'i tshul ji lta ba bzhin du/ dang po gsang ba'i tshig dang de bzhin mchog ni bar ma dang/ dgyes pa ni tha ma ste der bdag gis thos so/ /thams cad bdag nyid ni dus gzhan med pa'i tshe bcom ldan 'das bzhugs so/ /de bas na tshig lnga ni 'di skad bdag gis thos pa dus gcig na bcom ldan 'das bzhugs zhes tshig lnga pos ston pa ni gsang ba'i yang gsang ba'o/ /gsang ba ston par byed pa'i tshigs su bcad pa smras pa/ dang po gsang ba la gnas shing/ /bar ma rig par shes par bya/ /tha ma yang ni dgyes pa ste/ /myong ba thos pa zhes bshad don gsang ba'i gsang ba bar ma ste/ /dgyes pa mchog ni dpyid kyi dus/ /rtag tu dus gcig bshad pa yin/ /thams cad bdag nyid bcom ldan bzhugs/ zhes 'byung ngo/ /gleng gzhi so sor bstan nas/ /da ni de la gnas pa'i gsang ba bstan pa'i phyir smras pa/ mkha' 'gro ma kun dam tshig sems zhes bya ba la sogs pa smos pa la/ mdor bsdus pa ste rgyas par min zhes bya ba'i tshig gis bshad pa gang yin pa de ni 'dir mdor bsdus pa'i tshig bshad pa'i rgyud las mang du gsungs pa
- 269b
ni gsang ba sa'i khams yin te/ /mchog ni chu ru bshad pa yin/ /dgyes pa me zhes rnam par bshad/ /thams cad bdag nyid g.yo ba ste/ /rtag tu nam mkha' khyab par gnas/ /nga ni khrag gi khams shes bya/ /ha ni ri las byung ba ste/ /sya ni dri yi lo ma yin/ /pa ni pags par rab tu bshad/ /ra ni dri nyid bshad pa ste/ yi ge mi ni me tog bshad/ /yi ge ra ni de bzhin chu/ /mi ni pe sha ta gsung yin/ /yi ge sa ni kun tu ru/ /de bzhin rba ni rang byung ste/ yi ge hma ni chu nyid yin/ /ne ni lha mo dri lan til/ /yi ge sa ni sbrang bu'i rdul/ /de bzhin da ni mtsho skyes pa'o/ /s+the ni kha ba'i snying po ste/ /yi ge tya ni ka pu ra/ /mkha' 'gro ma kun dam tshig go zhes bya ba ni khrag yin te/ me'i khams so/ /sems dpa' ni sa'i khams so/ /rdo rje sems dpa' ni chu'i khams so/ /mchog ni rlung ngo/ /bde ba ni nam mkha' 'o/ /de la yang gsungs pa/ mkha' 'gro ma kun dam tshig khrag /sems dpa' rdo rje kun 'byung ba/ /pad+ma rab tu gsal sbyor bas/ /pad+ma gar dbang mchog tu bshad/ /steng gi rang bzhin 'od gsal ba/ /rdo rje nyi mar rab tu grags shes 'byung ngo/ /de la sems dpa' ni skye dgu ste skyes bu'i khyad par ro/ /de rnams kyi ni rdo rje ni de'i rtags so/ /de dag las gzhan dag byung bas na/ rdo rje sems dpa' las byung bas te/ byang chub kyi sems so/ /pad+ma gar gyi bya ba ste pad+ma gar ro/ /de la dbang byed pas na pad+ma gar gyi dbang phyug ste/ 'das ma thag pa'i rdo rje sems dpa' ni rdo rje nyi mar bshad do/ /mchog ces bya ba ni pad+ma gar gyi dbang phyug gi tshig gis mchog tu 'dzin par khrag bshad do/ /pad+ma'i 'od gsal ba mnyam pa nyid kyi phyir rdo rje nyi ma'o/ /steng gi 'od gsal ba zhes bya ba zla ba'i steng du 'od kyis khyab pa'i phyir de nyid rnam par snang mdzad yin no/ /rta mchog kyang rlung gis bskyod pa'i sems nyid kyis sna tshogs
- 270a
'byung ba'o/ zhu ba'i gzugs nyid kyis snying stobs dang rdul dang mun pa dang dbyer med pa'i ye shes ni rdo rje sems dpa' o/ /de bzhin du yang bshad pa/ snang zhing 'bar ba nyid kyis ni/ /thub pa chen po rnam snang mdzad/ /mthar thug mthar ni rta mchog ste/ /sna tshogs rlung las yang 'byung zhes gsungs so/ /yang na mkha' 'gro ma thams cad dam tshig ces bya ba ni mkha' 'gro dang/ dkyil 'khor ba'i mkha' 'gro ma rab gtum la sogs pa nyi shu rtsa bzhi'o/ /de dag rdul phra rab kyi rnam pa nyid kyi phyir mkha' 'gro ma kun gyi dam tshig /sems can gyi don mdzad pa'i phyir sems dpa' o/ /mi shes pa'i ri bo 'joms pa'i phyir rdo rje ste ye shes su bshad do/ /sems dpa' ni 'jig rten gnyis te sems can gyi 'jig rten dang/ snod kyi 'jig rten no/ /de la sems can ni g.yo ba ste mi la sogs pa'o/ /snod ni brtan pa ste nags tshal dang ri la sogs pa'o/ /de gnyis kyang rnam pa bzhir dbye ste/ sa dang chu dang me dang rlung dang nam mkha' o/ /de ltar na tshig gsum gyis bcom ldan 'das dpal he ru ka'i sku gsum bshad do/ /'di lta ste/ mkha' 'gro ma kun gyi dam tshig ces pa sprul pa'i sku'o/ /sems dpa' ni longs spyod rdzogs pa'i sku'o/ /rdo rje sems dpa' ni chos kyi sku'o/ /sku gsum gyis bsdus pa sku bzhi pa bstan par bya ba'i phyir smras pa/ mchog ces bya ba ni sku gsum gyi mchog ste/ 'khor lo gsum gyi 'dren pa'o/ /bde ba zhes bya ba ni mchog tu dga' ba'i rang bzhin no/ /de la bshad pa de nyid dpal he ru ka 'khor lo can mchog dga' o/ /da ni bcom ldan 'das kyi rang bzhin bstan pa'i phyir smras pa/ 'di ni rang byung bcom ldan dpa' zhes bya ba la/ 'di zhes bya ba 'das ma thag pa'i tshigs su bcad pas bshad pa bde mchog nyid do/ /rang 'byung zhes bya ba ni 'byung ba chen pos gzhal bar
- 270b
bya ba rjes su mthun pa'i tshul nyid kyis rang gi ngang gis byung ba'i phyir rang byung ngo/ /dbang phyug la sogs pa'i yon tan rnams dang ldan pa'i phyir dang/ nyon mongs pa la sogs pa'i bdud bcom pa'i phyir/ bcom ldan 'das so/ /mi mthun pa'i phyogs rtogs pa ma lus pa las rgyal bas dpa' bo'o/ /mkha' 'gro ma ni rtsa rnams so/ /de rnams kyi dra ba ni nA da'i 'khor lo'o/ /de nyid dam tshig ni sdom pa ste gang la yod pa de ni mkha' 'gro ma'i dra ba'i sdom mo/ /de nyid gcig pu lhag pa'i lha zhes glegs bam gzhan las smos pa gcig pu ni bcom ldan 'das gnyis su med pa'o/ /lhag pa ni khyad par ro/ /lha nyid ni lha mo ste gsang ba la sogs pa'i tshig tu sngar bshad pa'i spyan la sogs pa'i rang bzhin khams lnga'o/ /de rnams shukra dang rak+ta re gtogs pa'i lha mo ni mkha' 'gro lnga 'khor lo sgyur ba dang drug gi rang bzhin te/ phung po lnga dang skye mched drug gi lha mo rnams so/ /gcig pa nyid kyis de rnams ro gcig pa yin pa'i phyir de rnams las lhag pa'i phyir lha'o/ /de yang gal te rang byung yin na gang las 'byung bar 'gyur zhe na/ smras pa/ kun las byung ba'i sgra'i gzugs zhes bya ba la sogs pa la/ log par rtog pa thams cad las 'das pa'i bde ba dam pa las byung ba phung po dang skye mched kyi mtshan nyid srid pa'i gzugs can bcom ldan 'das kyi thugs las byung zhes bstan to/ /sgra'i gzugs zhes bya ba ni dril bu'i sgra tsam ste/ shes rab kyi dbyangs rjes su 'gro ba sgra'i rnam par rtog pa'i mtshan nyid sgra tsam gyi gzugs brag ci lta bu de las byung zhes bya ba'i don to/ / don dam pa las rang byung gcig pu yang 'byung bar ma zad kyi rnam pa mang du 'byung bar bstan par bya ba'i phyir smras pa/ nges 'byung dam tshig spyod yul rnams zhes bya ba smos so/ /nges 'byung ni yul la sogs pa'i bye brag gis nges par 'byung
- 271a
ba ste/ sna tshogs su snang ba'o rang gi yid kyi yul la sogs pa nyid du mnyam zhing gcig pu nyid du gyur pas dam tshig ste/ gzugs la sogs pa yul dang yul can dbang po drug ste skye mched bcu gnyis ni dam tshig go /de rnams dngos po med par spyod pa ni spyod pa'o/ /de lta bu'i rang bzhin rtogs pa ni spyod yul te/ phun sum tshogs pa dang ldan pa'i ye shes kyi rang bzhin byang chub kyi sems bshad do/ /rtags kyi tshig gi ngor mang po'i tshig gi mdza' can du gsungs so/ /de nyid bstan par bya ba'i phyir smras pa/ 'jig rten gsum du rnyed par dka' zhes bya ba ni 'jig rten gsum ni srid pa gsum ste/ 'dod pa dang gzugs dang gzugs med pa'i khams so/ /de rnams ni zag pa dang bcas pa yin pa'i phyir de rnams la rnyed bar dka' zhes bya ba'i don to/ /thog ma dbus mthar rnam par gnas zhes bya ba la/ 'di skad bdag gis thos pa zhes bya ba la sogs pa gleng gzhi'i tshig der bshad do/ /de yang ji ltar bstan zhe na/ smras pa shes rab thabs kyi sbyor ci bzhin zhes bya ba la shes rab ni bsrub bya ste/ chu skyes so/ /thabs ni srub byed de rdo rje'o/ /de gnyis kyi sbyor ba ni thabs dang shes rab kyi sbyor ba ste de las ji skad bshad pa bzhin rtogs pa de la de skad ces bya'o/ /de nyid dpes bstan par bya ba'i phyir smras pa/ de bzhin sngags bzlas bsam sogs ldan zhes bya ba la bzlas pa ni bzla ba ste nang gi smra ba'o/ /bsam gtan ni ting nge 'dzin te tshig dang sdom pa'i tshul dang 'dul ba dang dga' ba la sogs pa'o/ /gsum po de rnams go rim gyis byung ba de dang ldan pa'o/ /sbyor nyid cho ga'i ye shes ni zhes bya ba la/ na dI rnams dang phung po dang skye mched rnams kyi sbyor bas na sbyor ba ste dpal he ru ka'i sbyor ba'o/ /sbyor ba de la cho ga ni sbyor ba'i cho ga ste mngon par rtogs pa'o/ /de shes pas ni cho ga shes pa'o/ /de'i dngos po 'am las ni sbyor
- 271b
ba shes pa nyid do/ /bdud rtsi lnga'i mtshan nyid du gyur pa'i dpal he ru ka'i rnam pa lha bzhengs pa'i cho ga zhes pa'i don to/ /brgyus shing byas pas gtso bor gyur pa nyid kyis bcom ldan 'das dpal bde mchog gang gis rtogs par 'gyur ba de ni rgyud de tshig gi tshogs brjod par byed pa'o/ /de la rgyud de las gsungs pa bshad pa ste/ rigs lnga'i mtshan nyid de kho na nyid ni brjod par bya ba gsungs so/ /mnyan par gyis zhes bya ba ni gsang ba pa'i bdag po lag na rdo rje khyod kyis he ru ka dpal yang dag sbyor zhes bya ba la sogs pa'i tshigs su bcad pa rnams nyon cig ces bya ba'i tshig rnam par sbyar ro/ /de kho na nyid de ci lta bu yin zhe na smras pa/ dbugs dbyung bar ma mchog bsdu ba zhes bya ba la dang po dang tha ma ni gzhon pa dang rgas pa ste de gnyis kyi dbus na yod pa ste rdul lo/ /de yang myos shing dregs par byed pas na mchog ste lha ma yin gyi slob dpon no/ /de gnyis bsdus pa ni mdor bsdus pa'i tshogs gang la yod pa de ni bar ma dang mchog gi tshogs bsdu ba'o/ /de bas na bar ma dang mchog gi bsdu ba ni tshogs so/ /bar ma dang mchog gi sgras nye bar mtshon cing tshogs bsdu ba'i phyir/ ci bar ma dang mchog spang bya yin nam zhe na smras pa/ dri'i chu dang bcas pa yis zhes bya ba smos so/ /dri yi chu ni se la ga ste de dang bcas pa ni dri'i chu dang bcas pa ste ka bu ra'o/ /dri'i chu dang bcas pa des tshogs bstan to/ /tshogs tsam ni ma yin no zhes bya ba'i don to/ /de la yang gsungs pa/ /bar ma mchog gi bsdu ba dang gnas lnga'i go rim gyis de bzhin zhes bya ba la sogs pa gsungs so/ /de la gnas lnga ni gsang ba dang mchog dang dgyes pa la sogs pa ste/ we ta la sogs pa'i gnas lnga po de rnams kyi go rim ni gnas lnga'i go rim mo/ /de bas na we ta la bsdus pa'i lnga po zhes pa'i don to/ /de lta yin na bar ma dang mchog ma yin pa la brtson pa
- 272a
bdag cag dang 'dra ba rnams kyis rnyed par dka' o snyam na smras pa/ /blo ldan ri lu ma rnams mchod ces bya ba la ri lu ma ni gzhon nu ma ste/ rdo rje'i rigs la sogs pa las 'byung ba bshad pa'i rgyud las gsungs pa'i mtshan nyid lo bcu gnyis pa brjed ngas med pa dpa' mo'o/ /rtag par khyad par dus su ni zhes bya ba la dus ni dpyid kyi dus so/ /khyad par ni dpyid zla ra ba dang 'bring po la sogs pa'o/ /de bzhin du yang gsungs pa/ khyad par ston zla zhes bya ba/ ston dang dgun yang de bzhin te/ /yid la byung ba'i 'du shes nas/ /grol 'dod sbyor ba bya ba yin/ /de 'dod pas dus der rtag tu rgyun mi 'chad par mchod do/ /de ma rnyed pa'i 'jigs pas shin tu blta bar bya zhes bya ba'i don to/ /gang ba yang bshad par bya ba'i mtshan nyid ri dags kyi mig dang ldan pa de mi rnyed na dngos grub thob par bya ba'i phyir pho nya mo cig shos bstan par bya ba'i phyir smras pa/ pho nya lhan cig skye dngos grub/ tha ma mchog ces bya ba la sogs pa la/ de la mdor bsdus pa ni nag mo tha ma dkar mo 'bring de la grub pa ni grub pa'o/ /lhan cig skyes ba ni nag skya'i kha dog go /ljang gu ni mchog yin no/ /de la yang gsungs pa/ lha mo chen mo gcig nyid de/ de la stobs ji lta ba bzhin du yongs su shes shing mchod par bya zhes bya ba'i don to/ /lha mo de rnams kyang mchod pa na ci ltar mchod ce na smras pa/ yid ni nang du chung ba yis zhes bya ba la sogs pa la/ nang du chud pa ni shes rab dang 'brel ba las ma 'das pa'i sems kyis brten par bya'o/ /dngos grub brtson zhes bya ba ni mchod pa'i dgos pa bshad do/ /dngos grub thams cad la yang mthing ka kho na mchog yin na/ nag po dang dkar po yang gang la sbyar snyam na smras pa/ rang rdzas thig les sangs rgyas dang zhes bya ba la sogs pa smos
- 272b
pa la/ spyi'i dngos grub dang mi 'gal ba nag mo 'am dkar mo'i mchod pa las skyes pa'i rang gi rdzas kyi thig le smos pa rnams kyis sangs rgyas ni rnam par snang mdzad la sogs pa'o/ /byang chub sems dpa' ni sa'i snying po la sogs pa'o/ /de rnams mchod par bya'o/ /sangs rgyas dang byang chub sems dpa' rnams mnyes par bya zhes dam tshig nye bar bstan to/ /de la yang gsungs pa/ dang po nad las grol ba dang/ gnyis pa dam tshig spyod pa yin/ /gsum pa don ni du ma la/ /sgrub pa'i dbang po yon tan gsal/ /yang na rdzogs pa'i rim pa rig pa'i rnal 'byor pas ri lum zhes pa ni lhan cig skyes pa'i phyag rgya mchod do/ /rtag tu zhes pa ni rgyun ma chad pa'o/ /dus khyad par du zhes pa ni so so rang gis rig pa'i skad cig ma'o/ /grub pa zhes bya ba ni yongs su rdzogs pa'o/ /yid ni nang du chud pa ni rang 'od shes rab ma dang yang dag par sbyor ba dang ldan pa'o/ /de lta bu'i rnam pa'i gzugs brnyan gyi sems kyi pho nya mo mchod la dga' ba spros te/ brjod du med pa la dmigs shes bya ba'i don to/ /de la yang gsungs pa/ cig shos yongs su rdzogs pa yi/ /rdzogs pa'i rim pa'i sgom pa pos/ /thog ma med pa'i nga rgyal gyis/ /rang bzhin med la rtag tu gnas/ /dus kyi nges pa med pa dang/ /ji snyed shes rab snyoms 'jug pa/ /bde gshegs thams cad 'byung ba dang/ /nang du chud pa'i yid kyis spyad ces 'byung ngo/ /da ni pho nya mo'i dbye bas mchod pa'i lha dbye ba bstan pa'i phyir yang gsungs pa/ lha mi mchod pa gsum du 'dod/ /tha ma chags pa'i tshul nyid kyis/ /rdo rje can rnams bsdus nas bya/ /btsun mo'i b+ha ga bde chen las/ /spros nas dkyil 'khor bri bar bya/ /de ltar phyogs gnyi ga la yang mchod pa 'di dgos pa ci zhig yin zhe na smras pa/ mthong ba dang ni reg pa dang/ /thos pa dang ni dran pa yis/ /zhes bya ba la
- 273a
sogs pas rnal 'byor pa'i mchod pa la dga' ba'i rnal 'byor pa la 'jug pa'i phan yon bstan pa yin no/ /gal te dam tshig gi mchod pas 'bras bu yod na de'i phyir dam tshig srung ba dang mi srung ba'i yon tan dang skyon smras pa/ rtag tu dam tshig bskyang bar bya zhes bya ba la sogs pa la dam tshig bsrungs pas yon tan yod na dam tshig de gang yin zhe na/ smras pa/ khrag chen ga bur bcas pa dang/ /tsan dan dmar po dang sbyar ba/ /tshogs kyi nang du zhugs pa na// thams cad bcud kyis len du gnas/ zhes bya ba ni khrag chen ni rang byung me tog go /ga bur dang bcas pa ni byang chub kyi sems dang bcas pa'o/ /tsan dan dmar po ni sha chen no/ /tshogs ni rnal 'byor pa'i bshang ba'i las dang rtags dang mig la sogs pa dbang po lnga las byung ba yin no/ /tshogs de'i dbus su zhugs pa ni 'dres pa ste ro gcig pa'o/ /gcig dang gnyis dang gsum dang bzhi dang lnga las mchog ni thams cad mchog go /de gang zhe na smras pa/ bcud kyis len zhes pa ni de la bcud ni 'dod chags chen po'i rang bzhin no/ /de yang sbom pa dang phra ba'i dbye bas rnam pa gnyis so/ /de la sbom pa ni rdzas kyi bye brag gis rnam pa dgu'o/ /phra ba ni rdul lo/ khams rnams bsgyur bar byed pa'i phyir gcig pu tshon gyi khyad par ro/ /len pa ni khams rnams bsdu ba ste bcud kyis len no/ /de lta na yang khrag chen po la sogs pa'i tshig 'jig rten gyi skad kyis yongs su gzung ba de nyid kyis bstan nam/ 'on te de ltar ma yin par bshad snyam pa la dogs pa spangs pa'i phyir bshad pa'i rgyud las gsungs pa'i brda skad smras pa/ khrag chen me tog nyid yin te/ /dpyid kyi dus su gang byung ba/ /ga bur shu kwa zhes bshad pa/ /sha chen tsan dan dmar po yin/ /dbang po thams cad las byung ba/ /tshogs zhes bya bar rab tu grags/ /
- 273b
stong pa'i stong pa snang med gang/ /bcud rigs bcud kyis len gyi mchog /sbom dang phra ba'i bye brag gis/ /de nyid khyad par gnyis su song/ /sbom la rdzas ni rnam pa dgu/ /rdzas kyi dbye bas 'jug par byed/ /rdul ni tshon gyi khyad par te/ /'dus pa gang bu yin par 'dod/ /ces bya ba la sogs pa 'byung ngo/ /bcud kyis len 'dis ci bya zhe na/ smras pa/ mthe bong ming med gdong gis ni/ /rnal 'byor rig pas bldag par bya/ /zhes bya ba la/ de ming med ni lha mo ches 'byung ba'i yan lag mchog go /mthe bong ni skyes bu'i gsal byed rdo rje'o/ /de gnyis kyi gdong ni ming med dang mthe bo'i gdong ste de gnyis kyis bldag par bya ba ni myang bar bya ba'i don to/ /rnal 'byor ni sbyor ba ste/ phan tshun phrad pa'o/ /de shes pas na rnal 'byor rig par bshad do/ /spyang ki dang/ khyi la sogs pa lta bu'i sbyor ba 'dis ci 'grub ce na/ smras pa/ slob dpon rnams sam bshad pa'i rgyud kyi rigs pa ci lta ba bzhin du rjes su 'brang bar bya'o/ /de la bshad pa'i rgyud las kyang/ /skyed byed mgon ba'i tshad tsam ni/ /rgya mtsho de bzhin nyid 'gyur dang/ /bzhi 'gyur ral ba can sprin bya/ /dbang byed bltag pa'i cho ga mchog /ces bya ba la sogs pa'i bldag pa'i tshogs bshad pa'i dngos grub ci mi 'grub ce na smras pa/ zla ba'i btud pa bzhin zhes bya ba la sogs pa la/ zla ba ni nang gi bdud rtsi'i bdag nyid lha rnams kyi btud pa'i phyir zla ba'i btung ba ste mchog yin no/ /ji ltar zla ba'i btung ba 'jig rten du ji ltar mi 'gal bar grub pa de bzhin du 'dir shes par bya'o/ /dngos grub rtag pa thob par 'gyur zhes bya ba ni bskal pa du mar rgas pa dang/ 'chi ba med par gnas par 'gyur zhes bya ba'i don to/ /ci tshe ring ba tsam gyis 'bras bu yin nam snyam pa la smras pa/ 'di ni mi 'chi bcu phyar 'gyur zhes bya ba ni de la dgongs pa 'di yin te/ lha dang lha ma yin rnams bcud kyis len gcig pus mchog tu 'dzin pa'i lta ba
- 274a
dang ldan pas tshe ring bar 'gyur la/ 'di ni rtag pa dang chad pa'i lta ba las 'das pa'i mi 'chi bcu phyed spros pa med pa'i mi 'chi bcu phyed kyis dngos grub mi 'grub pa med de thams cad 'grub ces de'i phyir smras pa/ dngos grub thams cad 'jug byed 'gyur zhes bya'o/ /da ni dngos grub thams cad bzhug ste/ bcud kyis len gyi dngos grub gcig pu kho na bsgrub par bya zhes dogs pa rnams la dngos grub kyi rgyu la 'jug pa'i phyir smras pa/ mchod bzhi zhes bya ba la sogs pa smos pa la/ rdo rje bzhi yis mchod bzhi'o/ /de la rdo rje bzhi ni/ dang po stong nyid byang chub ste/ /gnyis pa sa bon bsdus pa'o/ /gsum pa gzugs brnyan rdzogs pa ste/ /bzhi pa yi ge dgod pa'o/ /stong pa nyid kyi byang chub kyi sems nas brtsams te/ gzugs brnyan rdzogs pa'i bar du mchod pa bzhi zhes bya'o/ /sgrub pa po bde ba'i mtshan nyid kyi phyir bdag dang gzhan gyi don du dus bzhir mchod pa bya'o zhes bya ba'i don to/ /dbang gnyis snyoms par 'jug pa ni zhes bya ba la/ dpa' bo nyi shu rtsa bzhi dang/ de tsam gyi dpa' mo rnams kyi yang dag par sbyor bas snyoms par 'jug pa ni mchod pa'o/ /de nyid 'dzin ces bya ba ni de kho na nyid rig pas mchod par bya'o/ /de la yang gsungs pa/ lha mo nyi shu rtsa bzhi rnams/ /byang chub sems kyis bskyed pa yi/ /rim pa bsgoms pas dus bzhi la/ /bde ba'i bdag nyid yin pa'i phyir/ /sgom pa pos ni mchod par bya/ /dbang po gnyis kyi sbyor ba dpa' bo dang dpa' mo gnyis su med pa'i mchod pa 'dis cir 'gyur zhe na smras pa/ lha dang mi'i bde ba zhes bya ba la sogs pa la/ lha'i bde ba dang/ dngos grub thams cad kyi rang bzhin grub par 'gyur gyi/ mi'i dngos po nyid du smos ci dgos/ de la dngos grub mang du 'dod pa dgos pa med ces bya ba'i don to/ /ci de ltar gdon mi za bar
- 274b
'gyur ram zhe na smras pa/ bsdus byas rdo rje 'dzin pa yi zhes bya ba ni byang chub kyi sems spros pas bsdus pa byas pa'i bde ba 'di ni mi nyid do/ /de la bshad pa/ byang chub sems 'di rdo rje ste/ /bu mo lte ba'i spro ba brtag ces bya ba la sogs pa 'byung ngo/ de bas na ci ltar bshad pa bzhin du gzhan du mi 'gyur zhes dgongs pa'o/ /bcu drug chi ba yang mi phod ces bya ba ni rnal 'byor gzhan la zhen pa'i gang zag rnams kyis mi dmigs pa'i cha bcu drug pa yang rig par byed mi nus te/ 'on kyang 'jig rten las 'das pa'i dngos grub mchog gi snod du rung ba ji ltar 'gyur/ de lta yin na de'i tshe mchod pa 'di gang du bya zhe na/ gnas kyi khyad par bstan pa'i phyir smras pa/ ri sul tshang tshing phug rnams dang/ /zhes bya ba la sogs pa smos pa la/ kun rdzob tu yi ge'i don ni go sla ba bsam bstan to/ /dam pa'i don du bshad par bya ste/ de la mu stegs las byung ba'i bdag nyid dang/ sems can dang/ skyes bu dang/ gang zag la sogs pa'i rnam par rtog pa rnams kyis mi g.yo ba'i phyir ri bo'o/ /sems can dman pa rnams kyis bgrod par dka' ba'i phyir tshang tshing ngo/ /rgya che ba dang/ zab pa'i phyir phug rnams so/ /mchod pa bzhi'i gzhir gyur pa gong du bshad pa'i lha mo bzhi'i pad+ma chen po ni chu'i ngogs so/ /ka randa ka dang/ tsakra wa la sogs pa'i 'dab chags kyi tshogs lta bu'i rgyal ba'i tshogs kyi gnas yin pa'i phyir ro/ /ri sul tshang tshing la sogs pa ste/ de kho na nyid goms pa'i gnas so/ /gdod nas grub pa'i dur khrod ni dang po nas rtag tu yongs su grub pa'i skye ba dang 'jig pa las 'das pa shes rab kyi mtshan ma de nyid sems can thams cad kyi rgyud kyi bag chags kyi gnas yin pa'i phyir dur khrod do/ /der ci zhig bya zhe na/ smras pa/ der ni dkyil 'khor bri bar bya zhes bya ba ni de la dkyil
- 275a
'khor rnam pa gnyis te/ bris pa'i dkyil 'khor dang/ byang chub sems kyi dkyil 'khor te/ bri bar bya zhes bya ba'i don to/ /slob dpon dka' rgyal zla bas mdzad pa'i rin po che'i tshogs zhes bya ba'i dka' 'grel las dpal 'khor lo sdom pa'i dkyil 'khor la 'jug pa'i le'u ste dang po'o// //da ni dpal he ru ka'i mngon par 'byung ba zhes bya ba'i le'u gnyis bstan par bya ba'i phyir bshad par bya ste/ de la chu dang lci ba yis zhes bya ba la sogs pa la/ der zhes bya ba ni ri dang phug la sogs pa'i gnas su'o/ /chu zhes bya ba ni chu nyid do/ /lci ba ni rab tu grub pa nyid do/ /chu dang lci bas byugs pa'i sa brkos nas bkang zhing legs par brdungs pa'i sa yongs su gzung bar bya ste/ /thog mar byug cing dur khrod kyi thal bas bsres pa'i bdud rtsi lngas slar yang dkyil 'khor gyi sa gzhi legs par byug par bya'o zhes pa'o/ /de'i 'og tu dkyil 'khor gyi phyi rol tu dur khrod brgyad kyi gnas nye bar brtag cing dkyil 'khor gyi thig gdab par bya ba'i phyir bshad pa'i rgyud las bcom ldan 'das kyis gsungs pa ni/ cha ni bgo ba'i rim pa yis/ /blo dang ldan pa'i dkyil 'khor ni zhes bya ba la sogs pa'o/ /cha gsum du bgo ba ni gsum du bgo ba ste/ de'i rim pa ni cha gsum du bgo ba'i rim pa'o/ /cha bgo ba'i rim pa des dkyil 'khor thig gdab par bya ba yin gyi/ /rim pa ma yin pa ni ma yin no zhes bstan to/ /de la cha bgo pa de nyid kyang mi shes na de'i rim pa gang gis shes par 'gyur de'i phyir 'khor 'di ni yongs su shes par mi 'gyur snyam na de la sems can mgu ba dang smin par bya ba'i phyir cha bgo ba'i rim pa bshad par bya ste/ par mtshams nas ni ri'u mig gsum/ /cha bgo ba ni rab bsgrub bya/ /bdun dang
- 275b
drug pa lnga pa yi/ /rim las cha rnams bgo bar bya/ /de ltar dkyil 'khor thig btab nas/ /tshon dgye ba'i rim pa bshad par bya ste/ dur khrod sol pa'i phyi ma yis zhes bya ba la sogs pa smos te/ dur khrod kyi sol bas tshon nag po bya'o/ /dur khrod 'og gis tshon dmar po bya'o zhes dam tshig bsrung ba'i don du tshon gnyis dgod pa ni rgyu thams cad kyi thun mong yin no/ /ljang gu dang dkar po dang ser po dang lnga ste/ de rnams kyis dkyil 'khor bri bar bya'o/ /lha'i zhes bya ba la phyogs rmongs pa la sogs pa sbom pa dang/ phrab dang/ chang pa la sogs pa las 'das pa'o de lta bu'i dkyil 'khor gang gis bri zhe na/ slob dpon zhes bya ba la/ dkyil 'khor gyi slob dpon gyi khyad par ro/ /mtshan nyid thams cad dang ldan zhes bya ba la sogs pa ni go sla ste/ mang pos ci zhig bya zhes pa'o/ /bshad pa'i khyad par gyis khyad par can gyi dpal he ru kar bdag nyid bya ba yin gyi/ so so'i skye bo'i nga rgyal gyis ni ma yin no/ /de bas na dpal he ru ka dran par byas la/ bdag nyid dpal he ru ka'i rnam pa thob par tha mal pa'i ming brjed pa'i phyir deng nas brtsams te/ rang nyid dpal he ru kar dran par bya zhing sum cu rtsa drug pa'i lha'i 'khor lo sgyur ba thams cad bdag nyid yin no zhes pa'o/ /dkyil 'khor ji ltar bri bar bya zhe na/ 'khor lo 'di yi snying gar dgod/ ces bya ba la sogs pa smos pa la/ 'khor lo ni dkyil 'khor gyi 'khor lo ste/ gzhi dang gzhi can gyi mtshan nyid snying ga zhes bya ba la/ nang gi yan lag dang nying lag pul+li ra ma la ya la sogs pa'i gnas gang yin pa der bkod cing bsdu ba'i don to/ /de'i 'og tu dkyil 'khor bri ba la rang gi yan lag la bsdus pa'i dkyil 'khor can gyi bya ba ston pa yin te/ bdag nyid de ltar go bgos nas zhes bya ba la sogs pa smos pa la/ de ltar bshad pa'i rim pas dpal he ru ka'i rnam pa dang ldan pas bdud kyi tshogs rnam
- 276a
par pham par byas nas go cha dgod pa'i bdag nyid can gyis dkyil 'khor gyi sa gzhi la 'og dang steng dang logs rnams kyi dbye ba bstan pa yin te/ rab rnams kyi phyogs su dgod/ ces bya ba la/ rab ni rdo rje'i ra ba'o/ /phyogs zhes bya ba ni phyogs rnams la'o/ /'og tu mtshon cha zhes bya ba ni dkyil 'khor gyi sar dgod pa'i phyir mtshon cha ste rdo rje'i sa gzhi'o/ /gang gi 'og ce na/ 'khor lo rang gi bdag nyid ces bya ba la sogs pa smos te/ rang gi bdag nyid ni dpal he ru ka'i rnal 'byor dang ldan pa'i rnal 'byor pa'i sku gang du bdag por gyur pa der 'byung bar 'gyur ba 'khor lo'o/ /gi zhes bya ba ni gzhi gcig pa'i drug pa'o/ /yang na 'khor lo 'am bdag nyid kyi 'og dang steng du rang dpal he ru ka'i rnal 'byor bas ra ba la sogs pa dgod ces tshig rnam par sbyar bar bya'o/ /de bas na bdag nyid mkha' 'gro'i dra ba byas zhes bya ba smos te/ steng dang 'og ces bya ba ni bdag nyid kyi'o/ /mkha' 'gro'i dra ba ni rdo rje'i ra ba yin no/ /de ltar go bgos zhes bya ba ni go cha drug gis bdag nyid la bkod na 'gro ba lnga las 'das pa'i sum cu rtsa gsum pas mi phyed par 'gyur ro/ /sngags dang phyag rgyas rnam brgyan nas zhes bya ba ni sngags kyi rnam par dag pa'i phyag rgyas brgyan pa'i slob dpon gyis dkyil 'khor bri bar bya zhes tshig rnam par sbyar ro/ /dkyil 'khor rtsom pa'i dus su rdo rje ra ba la sogs pa bya ba'i phyir bshad pa yin gyi gzhan du dgos pa med do/ /de byed par 'dod pas 'di dag thams cad ming gi rgyud bla ma las drangs te bshad par 'gyur ba'i dpal he ru ka'i mngon par rtogs pa las khong du chud par bya'o/ /'jigs pa zhes bya ba ni ro langs gar byed pa dang/ khros pa'i gnod sbyin dang/ ltogs pa'i yi dags dang/ 'thab pa'i dpa' bo dang/ rnal 'byor gyi dbang
- 276b
phyug rol ba dang/ rnal 'byor ma bzhi ba dang/ dug gi sgra 'byin pa'i sprul rgyu ba dang/ pheT dang pheT kyi sgra 'byin cing brgyug pa'i stag dang/ ngom mang po la sogs pas gang ba'i dur khrod kyis 'jigs par byed pa'o/ /dngos grub chen po rab ster ba'i zhes bya ba la rdo rje 'dzin pa'i phun sum tshogs pa bsgrub par byed cing 'dod pa thams cad grub pa'i dkyil 'khor bri zhes bya ba'i don to/ /gang gi tshe gang gis dkyil 'khor 'di bri bar bya zhe na smras pa/ de nas sems med srad bu yis zhes bya ba la sogs pa la/ de nas ni rdo rje'i ra ba la sogs pa'i 'og tu'o/ /sems med srad bu ni sha chen dang khrag gis sbags pa'i ring du lon pa'i sems med pa'i srad bus thig gdab bo zhes bya ba'i don to/ /dpal he ru ka'i dkyil 'khor 'di tshad ci tsam du bri zhe na/ de'i tshad bshad par bya ste/ khru bzhi pa 'am brgyad pa zhes bya ba la sogs pa smos so/ /khru bzhi pa la sogs pa'i tshad dang ldan pa'i dkyil 'khor gyi thig skud de tsam gyi tshad du bya ba 'am/ 'on te de bas lhag pa zhig bya snyam na smras pa/ sngags pas nyis 'gyur rnam dpyad cing zhes bya ba la sogs pa la/ tshad las nyis 'gyur te/ khru bzhi'i nyis 'gyur brgyad khru brgyad kyi nyis 'gyur bcu drug gi tshad rab tu brkyang bar bya zhes bya ba'i don to/ /dgongs pa ni 'di yin te/ dkyil 'khor gyi phyed ni dkyil 'khor ro/ /dkyil 'khor gyi nang gi rim pa ni 'khor lo ste/ de'i tshad khru bzhi yin gyi ma lus pa ni ma yin no/ /des na phyi'i dkyil 'khor gyi rim pa yongs su gzung bar bya ba'i phyir 'di ni dkyil 'khor thams cad kyi thun mong yin pas nyid 'gyur bshad pa skyon med do/ /'on te dgos pa yod na ni skyon dang yon tan dpyad pa yin ma lha'i 'khor lo bsgoms pa la ni dkyil 'khor 'di dgos pa med do zhe na/ smras pa/ lha'i 'khor lo ji lta ba bzhin du/ dkyil 'khor yang byang chub sgrub
- 277a
po zhes bstan pa'i phyir bshad pa'i rgyud las gsungs pa'i dkyil 'khor gyi rnam par dag pa bstan pa la 'jug par bya ste/ sa yi cha ni spyan yin te/ /thig skud rnam par snang mdzad bshad/ /rdul ni sna tshogs rigs zhes bya/ de bzhin mchod pa sna tshogs rnams/ /pad+ma pul+lI ra yin te/ /dzA land+ha ra thugs 'khor lo/ /oTyan gsung gi 'khor lo ste/ /sku yi 'khor lo arpu da/ /go tA ba ri zur bzhi ste/ /rA me shwa ra me yi mtshams/ /de bi ko Ti bden bral bshad/ /mA la bi ni rlung gi mtshams dbang ldan mtshams ni kA ma rU/ /'di ni mtshams rnam par dag pa'o/ /shar gyi sgo ni o Te ste/ /de bzhin lho ni bya gsum bshad/ /nub phyogs sgo na ko sa la/ /ka ling+ga ni de bzhin byang/ /shar gyi rta babs lampA ka/ kAny+tsi lho yi rta babs yin/ /hi mA la ya nub phyogs su/ /byang gi rta babs yi dags grong/ /lha yi snam bu gri ha de/ /rin chen snam bu sau rASh+Ta/ /dra dang dra phyed snam bu ni/ /gser gling nyid du bshad pa yin/ /rnga yab g.yer kha rgyal mtshan dang/ /gdugs dang ba dan grong khyer gsungs/ /rdo rje thig ni zlum po ste/ sindu nyid du bshad pa yin/ /kha khyer de bzhin mya ngam ste/ /rin chen rdo rje ku lu tA/ /de ltar dkyil 'khor dam pa bri/ /gru bzhi pa la sgo bzhi pa/ /rta babs bzhi pos rnam par brgyan/ /dra ba dra phyed kyis mdzes pa/ /g.yer kha'i phreng dang rnga yab brgyan/ /zur gyi cha ni thams cad dang/ /sgo dang kha khyer rta babs rnams/ /rdo rje rin chen rnams kyis mdzes/ /mtshams rnams thams cad skyon med pa/ /sku yi 'khor lor sku dbang phyug /gsung gi 'khor lor snang mdza' yas/ / mi bskyod thugs kyi 'khor lor te/ /dbus kyi pad+mar rin chen 'dzin/ /phyi yi 'khor lor gzugs rnams la/ /rnam par snang mdzad rnam par bsgom/ /sku yi 'khor lo tshar ba ste/ /'du shes gsung gi 'khor lo yin/ /'du byed thugs kyi
- 277b
'khor lor grags/ /pad+ma don yod rnams shes so/ /ri mo lnga ni gang yin pa/ /shin tu rnam dag rang bzhin no/ /re'u mig thams cad sor dgod pa/ /lus kyi rnam dag bsgom par bya/ /ri mo nyi shu phyogs bzhi sa/ /dpa' bo'i rnam par dag pa yin/ /'khor rtsibs rnal 'byor ma yi dag /rdo rje phag mo lte ba ste/ /sa bon zhes grags khrag 'thung mchog /'dab ma mkha' 'gro ma'i rang bzhin/ /dkyil 'khor dkyil 'khor rnams kyi mchog /sum cu rtsa bdun rnam dag pa'i/ /dkyil 'khor snying po bsdus pa'o// ri mo'i dkyil 'khor dang po ste/ /gnyis pa mtshan ma'i dkyil 'khor yin/ /lag pa'i phyag rgya gsum pa ste/ /gzugs brnyan dgod pa bzhi pa'o/ /me tog bkram pa lnga pa ste/ drug pa tshogs kyi dkyil 'khor ro/ /dbus kyi pad+ma lte bar bcas/ /rab tu dga' ba'i sa yin no/ /thugs kyi 'khor lo dri ma med/ /gsung gi 'khor lo 'ong byed de/ /'od 'phro can ni sku 'khor lo/ /de bzhin gru bzhi sbyang dka' ba/ /lha yi snam bu mngon du gyur/ /sgo bzhi ring du song ba ste/ /zur gyi cha ni mi g.yo ba/ /legs pa'i blo gros rdo rje'i thig /rta babs chos kyi sprin zhes bshad/ /dkyil 'khor de nyid dam pa ste/ /khrag 'thung ye shes bla med pa'o/ /dkyil 'khor b+ha ga'i pad+ma ste/ phag mo'i sku las yang dag 'byung/ /ri dang phug dang nags tshal dang/ /chu bo'i 'gram dang bzhi mdo dang/ /rgya mtsho'i dogs ni yid 'ong dang/ /shing gcig drung dang zhi gnas su/ /gnas ni nye bar mtshon byas nas/ /gang du yid du 'ong ba'am/ /de nyid de ni rnal 'byor brtsam/ /'dod pa thams cad rab ster ba'o/ /snying gi mkha' dbyings pad gnas par/ /nyi ma'i dkyil 'khor bsam par bya/ /de la de nyid mchog blta zhing/ /ye shes lnga yi bdag nyid zhing/ /'od zer sna tshogs lnga yi bdag /kun nas 'od ni rnam par spro/ /sems tsam la ni nges par gnas/ /byang chub tshogs
- 278a
ni sgrub byed pa/ /nam mkha' i dbyings nas yid 'ong bar/ /dkyil 'khor mchog ni bltas nas su/ /til gyi gang bu dang mtshungs pa'i/ /sangs rgyas byang chub sems dpa' mchod/ /'gro ba ris drug sems can rnams/ /bla med go 'phang thob par shog /de yi 'og tu skyabs 'gro zhing/ /dam bcas pa'ang bya ba yin/ /khrag 'thung sangs rgyas bdag grub cing/ /sems can kun gyi don gyi phyir/ /tshangs pa'i gnas bzhi dag la ni/ /de nas rnam par gnas par bya/ /sbyin pa'i pha rol phyin dmigs shing/ /rtse gcig pa yi sems kyis so/ /phyi dang nang gi chos rnams kun/ /stong pa nyid du blta bar bya/ /oM shU n+ya tA dz+nyA na badzra swa b+hA ba At+ma konyahoM/ mig yor tsam gyi rnam shes ni/ /sems tsam du ni rnam par brtag /ji srid sa 'og mthar thug par/ /rlung gi 'khor lo bsam par bya/ /yi ge yaM las yang dag byung/ /gzhu yi dbyibs can kha dog sngo/ /de yang ba dan gyis mtshan zhing/ /du ba'i phreng ba kun tu 'khrigs/ /de steng yi ge raM las skyes/ /me yi dkyil 'khor mchog tu bsgom/ /gru gsum kha dog dmar ba ste/ /'bar ba'i phreng bas kun tu 'khrigs/ /rdo rje yis ni rnam par mtshan/ /nyi ma bye ba dang mtshungs mchog /de yi steng du chu'i dkyil 'khor/ /zlum po 'od zer phreng bas khyab/ /kha ba'i kha dog dang mtshungs pa/ /baM byung bum pas mtshan pa'o/ /de'i steng du sa yi ni/ /dkyil 'khor laM las byung ba'i mchog /gru bzhi sna tshogs rdo rjes mtshan/ /'od zer ser pos kun tu 'khrigs/ /de yi steng du ri rab mchog /rnam par bsgom pa nyid du bya/ /rin chen sna bdun rang bzhin lta/ /rtse mo brgyad kyis nye bar mdzes/ yi ge suM las yang dag byung/ /'od zer sna tshogs yang dag 'khrigs/ /rdo rje ra ba rdo rje dra/ /rdo rje sa gzhi bla bre dang/ /mnga' yi dra bas byin brlabs shing/ /phyi rol me yi phreng ba
- 278b
gam/ oM me di ni badzri b+hA ba pra dzra band+ha hUM/ /oM badzra prA kA ra hUM baM hUM/ oM badzra pany+tsa ra hUM paM hUM/ oM badzra bi tA na hUM khaM hUM/ oM badzra sha ra dzA la traM saM traM/ /oM badzra dzwa lA na lArka hUM hUM hUM/ khrag 'thung bka' yi 'khor lo ni/ /rtsibs brgyad drang por 'bar ba'i mchog /nyi ma'i dkyil 'khor la gnas pa/ /bltas nas rdo rje sems dpa' bsgom/ /de nas khro bo brgyad po spro/ /rim dang rim las bzlog par dgod/ /rdo rje drag po rdo rje nyi/ /de bzhin rdo rje gtsug tor nyid/ /rdo rje bdud rtsi gnod sbyin dang/ rdo rje nag po stobs po che/ /rdo rje 'jigs byed ces bya ba'i/ /de ltar khro bo brgyad po dgod/ /sngo dang ser dang de bzhin dmar/ /ljang gu dang ni du ba'i mdog /dkar dang sngo dang dmar dang 'jigs/ /de bzhin khams pa mi bzad pa'o/ /thams cad zhal gsum phyag drug pa/ /mi yi rus pa'i rgyan gyis mdzes/ /g.yas brkyang ba yi zhabs kyis bzhugs/ /sna tshogs pad+ma'i gdan la ni/ /phyogs skyong ba ni brgyad po dag /zhabs kyis rnam par gnon par bsam/ /khro bo'i yan lag thod pa 'chang// zhags pa lcags kyu 'dzin pa'i mchog /thams cad dril bu cang te'u 'dzin/ /shes rab 'khyud cing bde ba mchog /dbu skra kham pa gyen du brdzes/ /mi bzad mche ba rnam par gtsigs/ /stag gi pags pa gos su mnabs/ /phreng ba'i rgyan gyis rnam par brgyan/ /de rnams yongs su gyur pa las/ /rdo rje hUM mdzad bsgom par bya/ /khro bo 'bar bas rnam par 'khrugs/ /mche ba gtsigs pa shin tu 'jigs/ /rgyan rnams thams cad kyis brgyan pa/ /lcags kyu zhags pa kha TwAM ga /rdo rje dril bu thod pa dag /mgo yi chun 'phyang drag po'i sku/ /mgo bo yi ni ska rags 'ching/ /gdug pa thams cad zhabs kyis gnon/ /thabs dang shes rab mnyam par ldan/ /rdo rje sems pa'i cod pan can/ /rdo rje 'jigs byed bsgom par bya/ /steng
- 279a
dang 'og tu 'gro ba'i sems/ /khro bo gnyis ni bsgom par bya/ /sa 'og rdo rje gtsug tor dang/ /dka' dang sngo dang mig sman mdog /thod pa'i kha TwAM ga 'chang zhing/ /'khor lo rtsibs gsum phyag na bsnams/ /bdud dang lcags kyu rdor dril dang/ /g.yas brkyang ba yis yang dag bzhugs/ /khro bo'i rnam pa'i phur bu rnams/ /phyogs bcur 'od zer rnam par 'phro/ /oM suM b+ha ni suM b+ha hu hUM phaT phaT/ shar phyogs su'o/ /oM grih+Na grih+Na huM hUM phaT phaT/ byang phyogs su'o/ oM grih+NA pa ya grih+NA pa ya huM hUM phaT phaT/ nub phyogs su'o/ /oM A na ya ho b+ha ga bAn bidyA rA dza huM hUM phaT phaT/ lho phyogs su'o/ /gsang sngags rgyal po 'di yis ni/ /bgegs kun gyi ni mgo bo la/ phur bu yis ni rnam par dgod g.yas dang g.yon gyi rim pa yis/ /oM b+ha:g+ha:g+hA ta ya g+hA ta ya sarba duSh+TAM big+h+nAM huM hUM phaT/ kI la ya kI la ya sarba pO paM huM hUM phaT/ oM hUM hUM hUM badzra d+hA ra A dz+nyA pa ya hi sarba big+h+nAM bi nA ya ka /kA ya bAk+tsit+ta badzra kI la ya hUM phaT/ oM mung+ga ra badzra kI la ya A ko Ta ya hUM phaT/ de rjes gsang sngags 'di brjod bya/ /blo gros can gyis sngags 'di brjod/ /oM badzra d+h+ra ki badzra hUM ka ra badzra hUM phaT/ oM badzra tsanDa hUM phaT/ oM badzra a na lArka hUM phaT/ oM badzra uSh+Ni Sha badzra hUM phaT/ oM badzra kuN+Da li hUM phaT/ oM badzra yak+Sha badzra hUM phaT/ oM badzra kI la ya badzra hUM phaT/ oM badzra mahA ba la badzra hUM phaT/ oM badzra b+hi Sha na badzra hUM phaT/ oM badzra uSh+NI Sha tsakra barti badzra hUM phaT/ /oM badzra pA tA la badzra hUM phaT/ de ltar shes rab dngos grub ni/ /skad cig gis ni bgegs med 'gyur/ / sngo dang ser dang ljang gu dag /rdo rje hUM mdzad nga rgyal bcad/ /ser dang gnag dang ljang gu ste/ /du ba'i mdog dang ser dang ljang/ /dkar dang ser dang ljang gu dang/ /ser dang gnag dang de bzhin du/ /gzhan dag bdag po dang 'dra'o/ /mi bskyod dam
- 279b
tshig cod pan du/ /bsams nas rdo rje can mnyes 'gyur/ /de ltar bsgom par byed pa la/ /gal te skyo ba skye 'gyur na/ /stong nyid ye shes rdo rje ni/ /dad pas rtse gcig dran par bya/ /oM shUn+ya tA dz+nyA na badzra swa b+hA ba At+ma konyahaM/ /oM a ni mi tA dz+nya na badzra swa b+hA ba At+ma konyahaM/ oM a pra Ni hi tA dz+nyA na badzra swa b+hA ba At+ma konyahaM/ kun tu bzang po kun bdag nyid/ /yongs su gyur nas nam mkha' i dbyings/ /nam mkha' i dbyings kyi gnas der ni/ /sems med steng du 'khor lo bsgom/ /de la yi ge oM bkod nas/ / rnam par snang mdzad bsgom par bya/ /kha dog dkar zhing phyag bzhi pa/ g.yas dang g.yon gyis rig ma 'khyud/ /'khor lo nyid dang thod pa dang/ /kha TwAM ga dang cang te'u bsnams/ /de ni yongs su gyur pa las/ /gzhal yas khang du bsgom par bya/ /gru bzhi pa la sgo bzhi pa/ rta babs bzhi yis rnam par brgyan/ /dra ba dra phyed kyis brgyan pa/ /chun 'phyang chen pos rnam brgyan cing/ /mtshams kyi cha rnams thams cad du/ /sgo dang kha khyer rta babs rnams/ /rdo rje rin chen gyis mdzes pa'i/ /phyi yi dkyil 'khor bsgom par bya/ de yi nang du 'khor lo ni/ re'u mig dgu ste phyi'i bcu drug /dbus kyi re'u mig dbus su ni/ /pad+ma mdzes pa blta bar bya/ /lte ba dang ni ge sar ldan/ /kha dog sna tshogs 'dab brgyad pa/ /re'u mig thams cad rdo rjer ldan/ /sa gzhi kha dog sna tshogs sprul/ /'khor lo pad+ma rdo rje yi/ /phreng ba gsum gyis yongs su bskor/ /rin chen phreng ba 'od gsal ba/ /sna tshogs phreng ba'i 'bar bas 'khrug /dam tshig 'khor lo bri bar bya/ /yi dags kha dog lnga ldan pas/ /phyi rol dkyil 'khor bskor bar bya/ kha ni rdo rje phye mas mtshon/ /sgo dang ka ba'i rtse dbus gnas/ /phyi rol dur khrod mi bzad pa/ /kha dog sna lnga 'bar ba mchog /sna tshogs shing gis yid du 'ong/ /khyi dang ce spyang rnams kyis 'jigs/ /khwa dang 'ug pa bya rgod rgan/ /de bzhin spyang mo srin
- 280a
bya dang/ mdung gis 'bigs pa'i ro langs dang/ /'phyang dang phyed du bsregs pa dang/ /mgo dang rus dum skra dang ni/ /sgal tshigs lag pa thod skam dang/ /sbrul rnams sna tshogs yid 'ong ba/ /ba yi sna sbrul gdug de bzhin/ /seng ge stag dang phag rnams so/ /de bzhin ra rgod lug rgod dang/ /dpa' bo 'dus pa lha yi mchog /sna tshogs rnal 'byor ma bsten pa/ /kha TwAM ga dang thod pa 'dzin/ /gri gug cang te'u de bzhin 'dzin/ /de ltar dur khrod sna tshogs kyang/ /gnod sbyin srin po ro langs dkrugs/ /de la/ 'phrog pa mi 'jigs gnas la dag la snying rje med/ /de bzhin mya ngan med na chu lha yang dag gnas/ /byang chub ri ni spyi gtsug gnas na nor bdag nyid/ /ral pa can ni rus gong yal gar yang dag gnas/ /mtshan mor rgyu zhing gsal ba'i phyogs la rab tu 'jug /rlung ni gzhan mchog de yi 'og tu 'jug par phyug /phyogs skyong de dag 'khor dang lhan cig tu/ /gnas rnams shes ni bdag nyid thams cad 'khor dang bcas// phyogs skyong brgyad ni blta bar bya/ /nyi ma kA li A li zla/ /hUM dang baM gyi mtshan mas bsdus/ /rdo rje sems dpa' rim gyis bsam/ /bdag nyid rnal 'byor sdom pa'o/ /phyag ni bcu gnyis zhal bzhi pa/ /g.yas brkyang ba yi gnas pas bzhugs/ / mche ba gtsigs shing tsham ngam mdzad/ /spyan gsum zhal ni rnam par 'jigs/ /thod pa yi ni phreng ba bsnams/ /phyag rgya drug gis sku lus brgyan/ /skal ldan skal ldan dbang phyug gi /mgo bo dang ni nu ma gnon/ /stag gi pags pa gos su mnabs/ snying rje'i ro yis rnam par 'khrugs/ /rdo rje phag mo 'khyud pa'i phyag /gnyis kyis rdo rje dgu pa dang/ /rdo rje dril bu bsnams pa'o/ /phyag gzhan gnyis kyis glang po che'i lpags pa 'dzin pa'o/ /g.yas kyi phyag gsum pas rdo rjes mtshan pa'i
- 280b
mdung rtse gsum pa/ bzhi pa la lcags kyu/ lnga pa la gri gug /drug pa la cang te'u'o/ /g.yon gyi phyag gsum pa la rkang gis bkod pa'i thod pa/ mchod phyir thogs kyi sbyor bas kha TwAM ga'i rtse mo la rtse lnga pa'i rdo rje drag po dang/ rdo rje dril bu sna tshogs 'phyang zhing dbus su sna tshogs rdo rjes mtshan pa'i 'og tu rdo rje rtse gcig pa'o/ /de bzhin du bzhi pas rdo rje zhags pa/ lnga pas tshangs pa'i mgo bo/ /drug pas dgra sta'o/ /dkar po dang/ ser po dang/ dmar po dang/ ljang khu'o/ /zhal dang po drag por rgod cing 'jigs su rung ba'o/ /de'i mdun du rdo rje phag mo phyogs kyi gos can skra grol ba/ phyag gnyis pa sku mdog dmar po dum bu'i ska rags kyis brgyan pa/ /phyag g.yon pas 'khyud cing gdug pa dang bdud la sogs pa'i khrag gis bkang ba'i thod pa bsnams pa/ g.yas pa phyogs thams cad du gdug pa rnams la sdigs mdzug mdzad pa'i phyag gis gri gug bsnams pa'o/ /zhal nas khrag gi rgyun 'dzag pa'o/ /byin pa gnyis kyis 'khyud pa bde ba chen po'i snying rje'i bdag nyid can no/ /rang snying lcags kyu'i sbyor ba yis/ /ye shes 'khor lo dgug par bya/ /ye shes 'khor lo bkug nas su/ /mchod dang bstod pa la gzhug bya/ /der ni gnas rim bkod nas su/ /'di ni nang gi rnal 'byor mchog /mgo bo la bul+lI ra ma la yar khaN+Da ka pA la dang rab gtum ma'o/ /spyi gtsug tu dzA land+ha rar keng rus chen po dang gtum pa'i mig can ma'o/ /rna ba g.yas par oDyAN du dpa' bo keng rus dang 'od ldan ma'o/ /rgyab tu yarbu dar/ mche ba rnam par gtsigs pa dang sna chen ma ste gnas so/ /go dA ba ri rgyab rna ba g.yon pa lha dgra dang dpa' bo'i blo gros ma'o/ /smin ma'i dbus su rA me shwa rar 'od dpag med dang mi thung ma'o/ /mig gnyis la de bi ko Ta ri rdo rje 'od dang lang ka'i dbang phyug ma'o/ /dpung pa gnyis su mA la bar rdo rje sku dang shing grib ma ste/ /nye ba'i
- 281a
gnas so/ /thugs kyi 'khor lo nam mkha' la spyod pa'o/ /mtshan khung gnyis la kA ma rU par myu gu can dpas srungs ma'o/ /nu ma gnyis la o Ter rdo rje ral pa can dang 'jigs byed chen mo ste/ zhing ngo/ /lte ba tri sha ku ner dpa' bo chen po dang rlung gi shugs can ma'o/ /sna rtser ko sa lar rdo rje hUM mdzad dang chang 'thung ma'o/ /nye ba'i zhing ngo/ /kha la ka ling+gar shin tu bzang po dang ljang lha mo'o/ /mgrin par lampa ka ra rdo rje bzang po dang shin tu bzang mo ste/ 'dun pa can no// snying gar kAny+tsir 'jigs byed chen po dang rta rna ma'o/ /'doms su hi mA la yar mig mi bzang dang bya gdong ma ste/ nye ba'i 'dun pa'o/ /gsung gi 'khor lo ste sa la spyod pa'o/ /mtshan ma pre ta pu rir stobs po che dang 'khor lo'i shugs can ma'o/ / bshang ba'i lam du gri ha de ba tAr rin chen rdo rje dang dum skyes ma ste/ 'dus pa'o/ /brla gnyis la sau rASh+Tar rta mgrin dang ko sko can no/ /byin pa gnyis la gser gling du nam mkha' i snying po dang 'khor lo'i go cham ste/ nye ba'i 'dus pa'o/ /sen mo rnams la na ga rar/ dpal he ru ka dang shin tu dpa' mo'o/ /rkang pa'i bol la sind+hu'i yul du pad+ma gar gyi dbang phyug dang stobs can ma ste/ dur khrod do/ /mthe bo la rnam par snang mdzad dang 'khor lo sgyur ma'o/ /pus mo gnyis la ku lu tA ra rdo rje sems dpa' dang brtson 'grus chen mo ste/ nye ba'i dur khrod do/ /sku'i 'khor lo ste sa 'og na gnas pa'o/ /mkha' 'gro ma ni rdo rje la'o/ /lA ma ni dril bu la'o/ /dum skyes ma dang gzugs can ma glang po'i pags pa 'dzin pa'i gnyis la'o/ /khwa gdong ma ni rtse gsum la'o/ /'ug gdong ma ni lcags kyu la'o/ /khyi gdong ma ni gri gug la'o/ /phag gdong ma ni cang te'u la'o/ /gshin rje brtan ma ni thod pa la'o/ /gshin rje pho nya ma ni zhags pa la'o/ /gshin rje mche ba ma ni tshangs pa'i mgo bo
- 281b
la'o/ /gshin rje 'joms pa ni dgra sta la'o/ /byang chub sems kyi snod chen po bzhi ni zhal la'o/ /pu/ dzA/ o/ a/ go /rA/ de/ mA/ kA/ o/ h+ri/ ko/ kA/ la/ ka /hi/ pre/ gri/ sau/ su/ na/ si/ ma/ ku /'khor lo gsum ni yongs su 'gyur/ /zhi ba yi ge nyi shu pa ni/ /phung po khams dang skye mched du/ /rtag tu byin gyis brlab par bya/ /gzugs kyi phung po rnam par snang mdzad yi ge oM ste/ kha dog dkar po'o/ /tshor ba ni yi ge oM ste rin chen 'byung ldan te gser btso ma'i kha dog lta bu'o/ /'du shes ni pad+ma gar gyi dbang phyug ste ho dmar po'o/ /'du byed ni rdo rje rgyal po ste yi ge khaM kha dog ljang gu'o/ /rnam par shes pa ni rdo rje sems dpa' ste/ yi ge hUM kha dog dkar po'o/ /de bzhin gshegs pa thams cad nyid ni dpal he ru ka ste yi ge hi kha dog nag po'o/ /rdo rje pad+ma yang dag bzhugs/ /nyi zla'i gzugs brnyan dbus su ni/ /glang po seng ge rta rnams dang/ /rma bya nam mkha' lding steng du/ /yi dags ral pa'i rim pa yi/ /rigs drug mgon po bsam par bya/ /snying rje la rdo rje sa reg rgya/ /gzhan rnams la ni rim pa bzhin/ / g.yas par 'khor lo rin chen dang/ /pad+ma sna tshogs rdo rje'o/ /g.yon na rdo rje dril bu dang/ /thams cad spyan gsum ldan pa'o/ /mig gnyis la gti mug rdo rje dkar po'o/ /rna ba gnyis la zhe sdang rdo rje nag po'o/ /sna la ser sna rdo rje ser po'o/ /lce la 'dod chags rdo rje dmar po'o/ /reg la phrag dog rdo rje ljang gu'o/ /skye mched thams cad la dbang phyug rdo rje dkar po'o/ /sa'i khams ni ltung bar byed ma ser mo'o/ /chu'i khams ni gsod byed ma nag mo'o/ /me'i khams ni 'gugs byed ma dmar ser ro/ /rlung gi khams ni pad+ma gar gyi dbang phyug ma dmar nag go /nam mkha' i khams ni pad+ma'i dra ba mo du ba sngon po lta bu'o/ /ltung byed ma dang gsod byed nyid/ /'gugs byed de bzhin gar byed ma/ /rang rang dkyil 'khor la gnas shing/ /zhal gcig
- 282a
pa dang phyag bzhi pa/ /phyag g.yas 'khor lo rdo rje dang/ /pad+ma ral gri gri gug bsnams/ /thod pa nyid dang kha TwAM ga /'di rnams phyag g.yon rang gi mtshan/ /lha mo zhal gsum phyag drug pa/ /pad+ma'i dra ba mo yang ni/ /thod pa de bzhin kha TwAM ga /lcags kyu dang ni zhags pa bsnams/ /tshangs pa'i mgo bo gri gug dag /de yi phyag tu rnam bsgom bya/ /oM ha ste snying ga la ni rdo rje sems dpa' dkar po/ na ma:hi mgo bo la rnam par snang mdzad ser po/ /swAhA hu ni/ spyi gtsug la pad+ma gar gyi dbang phyug dmar po'o/ /pau ShaTA he ni dpung pa gnyis la he ru ka nag po'o/ /hUM hUM ho:ni mig gnyis la rdo rje nyi ma ste dmar po'o/ /phaT haM ni yan lag thams cad la rta mchog ste ljang gu'o/ /oM baM ni lte bar rdo rje phag mo dmar po'o// hoM yoM ni snying gar gshin rje ma sngon mo'o/ /h+raM moM ni rmongs byed ma ste kha la dkar mo'o/ /h+reM h+raM mgo la skyong byed ma ste ser mo'o/ /hUM hUM spyi gtsug la skrag byed ma ljang gu'o/ /phaT phaT yan lag thams cad la gtum byed ma du ba'i mdog can no/ /zhal gsum pa dang phyag drug pa/ /de las gzhan yang phyag bzhi pa/ /rdo rje dang ni dril bu bsnams/ /kha TwAM ga dang cang te'u 'dzin/ /rdo rje dang ni thod pa nyid/ /'khor lo la sogs rang phyag mtshan/ /dril bu thod pa nyid dang ni/ /kha TwAM ga dang cang te'u 'dzin/ /gzhan rnams kyi ni phyag mtshan yin/ /phag mo phyag drug dgod par bya/ /dmar dang sngo dang ljang ba'i zhal/ /thod pa nyid dang kha TwAM ga /zhags pa dang ni lcags kyu nyid/ /tshangs pa'i mgo dang gri gug dag /de yi phyag la rnam par bsgom/ /gzhan yang phyag bzhi bsgom par bya/ /zhal gcig spyan ni gsum pa ste/ /thod pa dang ni kha TwAM ga /dril bu cang te'u gri gug bsnams/ /rdo rje phag mo rdo rje sems/ /gshin rje rnam par snang mdzad bshad/ /rmongs byed pad+ma gar dbang
- 282b
phyug /g.yo byed ma ni khrag 'thung bshad/ /rdo rje nyi ma skrag byed ma/ /gtum byed ma ni rta mchog bshad/ /thugs la yi ge hUM rdo rje/ /A:ni gsung gi lam la bsgom/ /yi ge oM ni sku rdo rje/ /gnag dang dmar dang dkar rim bzhin/ /dpa' bo dang rnal 'byor ma thams cad kyis nam mkha' i dbyings yongs su gang bar bltas nas bdud rtsi lngas yongs su gang ba'i thod pas dbang bskur ba'i thod pa ji lta ba bzhin du dbang bskur bar bya'o/ /ji ltar bltams pa tsam gyis kyang/ /de bzhin gshegs kun khrus gsol ba/ /lha yi chu ni dag pa yis/ /de bzhin bdag gis khrus gsol lo/ /oM sarba ta thA ga ta a b+hi She ka sa ma ya sh+ri ye hUM/ rdo rje sems dpas rgyas btab nas/ /de 'og mchod pa rab tu bya/ /zhing dang lhan cig skyes lha mo/ /de bzhin mkha' 'gro rnal 'byor ma/ /rigs dang lha mo las skyes nyid/ /de bzhin mi snang mkha' 'gro dag /tha ma mchog dang bar ma nyid/ /de bzhin sna tshogs nyid du 'dod/ /sa la spyod pa sum cu gsum/ /sa 'og dag tu gnas pa rnams/ /gnod sbyin mo dang klu mo nyid/ /dri za mo 'am mi 'am ci/ /chu la 'gro dang sngon grub dang/ /gzhan yang bde gshegs lam bsten pa/ /dkon mchog gsum la rab dad pa/ /de rnams phyi yi dkyil 'khor du/ /'dod yon rnam pa sna tshogs dang/ /glu dang gar gyi bya ba dang gar gyi rol rnams sna tshogs kyis/ /he ru ka la mchod par bya'o/ /rlung dang me'i dkyil 'khor gyi steng du a las byung ba'i thod pa ye shes lnga'i bdud rtsis yongs su gang ba/ cha bcu drug pas mtshan pa/ oM la sogs pa'i yi ge gsum gyis byin gyis brlabs pa de spros nas 'khor lo gsum rnam par bsgom par bya'o/ /mkha' 'gro ma dang lA ma dang/ /dum skyes ma dang gzugs can ma dang/ /g.yon nas bskor dang de bzhin ga-yas/ /dngos grub thams cad ster byed pa/ /shar phyogs
- 283a
'dab mar mkha' 'gro ma/ /de bzhin byang du lA ma ste/ /nub phyogs su ni dum skyes ma/ /lho ru gzugs can ma zhes bya/ /mkha' 'gro ma ni ring du song/ /de bzhin lA ma mi g.yo'i sa/ /dum skyes ma dang gzugs can ma/ / legs pa'i blo gros chos kyi sprin/ /sngo dang ser dang de bzhin dmar/ /bzhi pa ljang gu yin par 'dod/ /zhal gcig phyag rgya lnga 'chang ba/ /bzhi po phyag ni gnyis par bshad/ /spyan gsum dbu skra grol ba ste/ kha TwAM snod dang gri gug 'dzin/ /bdud bzhi po ni zhabs kyis gnon/ /g.yas brkyang ba yi gnas pas bzhugs/ /mtshams su gser dang dngul sogs kyi/ /bum pa'i steng du thod pa bzhi/ /kunda'i kha dog dang 'dra ba'i/ /byang chub sems kyis gang ba dgod/ /thugs kyi 'khor lo'i shar phyogs kyi rtsibs su pul+lE ra ma la yar khaN+Da ka pA la dang rab gtum ma dkar po'o/ /byang phyogs su dzA land+ha rar keng rus chen po dang gtum mig ma ser po'o/ /nub phyogs su orkyAN du keng rus dang 'od ldan ma kha dog dmar po'o/ /lho phyogs su arbu dar mche ba rnam par gtsigs pa dang sna chen ma ljang gu'o/ /me'i phyogs su go dA ba rir lha dgra dang brtan pa'i blo gros ma nam mkha' i mdog can ma'o/ /bden bral du rA me shwa rar 'od dpag med dang me'u thung ma dkar po'o/ /rlung gi phyogs su de be ko tir rdo rje 'od dang lang ka'i dbang phyug ma ljang gu'o/ /dbang ldan du mA la bar rdo rje sku dang shing grib ma dmar skya'o/ /phyag gnyis pa zhal gcig pa thams cad skra grol pa spyan gsum pa thong pa bsnams pa'i phyag gis 'khyud pa gdug pa rnams la sdigs mdzub byed pas rdo rje dang gri gug 'dzin pa'o/ /mgul rgyan spyi gtsug nor bu dang/ /dpung rgyan rna cha mchod phyir thogs/ /mgul rgyan mgo yi phreng ngas brgyan/ /g.yer kha skra rags sgra sgrogs pa/ /dpa' bo thod pa'i
- 283b
dum bu sogs/ /zhal gcig pa dang phyag gnyis pa/ /ral pa cod pan dar dbyangs can/ /snying rje drag pos cher 'jigs pa/ /rdo rje dril bu 'dzin pas brel/ /phyag gis btsun mo rnams la 'khyud/ /mgul rgyan spyi gtsug nor bu dang/ /dpung rgyan rna rgyan rnams kyis mdzes/ /g.yas brkyang ba yi gnas pas bzhugs/ /thugs kyi 'khor lo mkha' spyod ma'o/ /gsung gi 'khor lo'i shar rtsibs la/ /kA ma rU par myu gu can dang sa srungs ma dkar po'o/ /byang du o Ter rdo rje ral pa can dang 'jigs byed chen mo dmar mo'o/ /nub phyogs su tri sha ku ner dpa' bo chen po dang rlung gi shugs can mo nag po'o/ /lho phyogs su ko sa lar/ rdo rje hUM mdzad dang chang 'thung ma ljang gu'o/ /me'i mtshams su ka ling+gar shin tu bzang po dang ljang lha mo ser po'o// bden bral du laM pA kar rdo rje bzang po dang shin bzang mo dkar po'o/ /rlung gi phyogs su kAnyi ru 'jigs byed chen po dang rta rna ma ljang khu'o/ /dbang ldan du hi mA la yar mig mi bzang dang bya gdong ma nam mkha' lta bu ljang ba'o/ /dpa' bo dang dpa' mo rnams kyi phyag gis gtso bo la pad+ma/ gsung gi 'khor lo ste sa la spyod pa'o/ /sku'i 'khor lo'i shar phyogs kyi rtsibs la/ pre ta pu ri ra stobs po che dang 'khor lo'i shugs chen ma nag mo'o/ /byang du gri ha de ba tAr rin chen rdo rje dang dum skyes ma ser po'o/ /nub tu sau rASh+Tar rta mgrin dang kos rings ma dmar mo'o/ /lho phyogs su gser gling du nam mkha' i snying po dang 'khor lo'i go cha ma'o/ /me'i mtshams su na ga rar dpal he ru ka dang shin tu dpa' mo'o/ /bden bral du sind+hu pad+ma gar gyi dbang phyug dang stobs chen mo ser skya'o/ /rlung gi phyogs su ma rur rnam par snang mdzad dang 'khor lo sgyur ma dud kha'i kha dog go /dbang ldan du ku lu tAr rdo rje sems dpa' dang brtson 'grus chen mo dkar ba'o/ /dpa' bo dang dpa' mo'i gtso mo'i phyag la
- 284a
'khor lo'o/ /sku'i 'khor lo ste sa 'og la gnas pa'o/ /'khor lo gsum gyi dpa' bo rnams/ /dpa' mo rnams kyang rim ji bzhin/ /mgo la rdo rje pad+ma dang/ 'khor lo'i phreng bas nye bar mdzes/ /yang na 'khor lo'i kha dog gis/ /lha yi kha dog bstan pa yin/ /shar dang byang sogs sgo rnams su/ /sgo skyong ma ni bzhi po dgod/ /khwa gdong ma dang 'ug gdong ma/ /khyi gdong ma dang phag gdong rnams/ /me dang bden bral sogs rnams su/ /gshin rje sreg ma pho nya mo/ /gshin rje mche ba 'joms ma ni/ /byang sgo'i mtshams su lha mo dag /yi dags gdan la rnam par bzhugs/ /g.yon brkyang pa yi sbyor ba yis/ /sgo skyong pad+ma nyi mar gnas/ /skyil krung phyed pa'i gnas pas bzhugs/ /mtshams kyi lha mo'ang de dang 'dra/ /de bzhin mtshams kyi lha mo ni/ /yid 'phrogs gzugs ni gnyis pa ste/ /thams cad lcags kyu zhags pa dang/ /lcags sgrog dril bu me long rnams/ /rgyud mangs dri snod gling bu dang/ /kha TwAM ga dang thod pa 'dzin/ /khwa gdong la sogs mkha' 'gro ma/ / rang gi ming dang mtshungs pa'i zhal/ /ma he bong bu rnga mo rta'i/ /gdong chen mtshams kyi btsun mo rnams/ /seng ge phag dang glang po rta/ /mkha' 'gro la sogs zhal zhes bya/ /rtsa ba'i sgo yi logs gnyis sogs/ /gzungs kyi snam bur bshad pa yin/ /rgyud mangs gling bu rdza rnga dang/ /rnga dang sgeg pa'i lha mo dang/ /glu dang gar dang me tog dang/ /spos dang mar me dri dang ni/ /me long ro dang reg bya chos/ /rol pa rgyud gcig sgeg la sogs/ /ser dang dmar dang ljang dang dkar/ /sprin dang rgod sogs dkar po ste/ /rgyud mang la sogs lha mo rnams/ /rgyud mangs la sogs spangs nas su/ /de nas rdo rje dril bu dang/ /kha TwAM ga dang cang te'u bsnams/ /rdo rje dril bu sgeg dang bcas/ /sgeg cing glu len khar gsil brdung/ /gar
- 284b
gyi lha mo pad+ma bskor/ /de dag thams cad phyag bzhi pa/ /spos dang spos kyi reng bu dang/ /spos dang dud kha me tog dkar/ /mar me me yi lce dang mtshungs/ /dri ni dmar po ro de bzhin/ /reg bya ljang gu chos dbyings kyi/ /lha mo dkar mor shes par bya/ /rang gi bdag nyid tshul sbyor bas/ /me long la sogs kyis mtshan pa/ /phyag gzhan la ni thod pa bsnams/ /kha TwAM ga dang cang te'u dag /sgo bzhi'i khwa gdong la sogs rnams/ /dpa' bo dpa' mo'i dkyil 'khor pa/ /bye brag rnam pa sna tshogs pa/ /rol mo sna tshogs rnams kyis ni/ bcom ldan he ru ka dpal bstod/ /dga' can khyod mnyes bde ba chen po mchod/ /a la la la ho dgyes pa che/ /bde ba chen po ma lus de bzhin de bzhin gshegs pa'i lam/ /glu 'di brjod par gyur pa yis/ /lhag pa'i sring las nges par grol/ /de bzhin gshegs pa dag pa che/ /dkyil 'khor 'di ni brtag pa mdzad/ /sku yi dkyil 'khor mngal las skyes/ /sgo nga las skyes gsung 'khor lo/ /thugs ni rdzus te skyes pa'o/ /thugs kar ye shes dam tshig ni/ /bsnyen pa'i sbyor ba rab tu brtags/ /nye bar bsnyen sogs sbyor ba yis/ /mkha' 'gro ma yi dam tshig mchog /dpa' bo yan lag dgod sbyor bas/ /de ni sgrub pa yang dag brtsam/ /dbang bskur ba yi mnyam sbyor bas/ /sgrub pa chen po yang dag bstan/ /oM sa ma ya shud+d+ha: sarba d+harmA:sa ma ya shud+d+honyahaM/ chos thams cad ro gcig pa'i mnyam pa nyid du gnas par bsam par bya'o/ /ye shes bdud rtsi sbyor ba yis/ /rdo rje chu ni btung bar bya/ /oM badzra a mri ta u dak hUM Tha Tha twaM a khaM hUM phaT swAhA/ /rlung gi dkyil 'khor la gnas par/ /sku yi 'khor lo rnam par bsgom/ /gsung gi 'khor lo chu la ni/ /mkhas pas rnam par bsgom par bya/ /me yi 'khor lo la gnas pa/ /thugs kyi 'khor lo bde ba che/ /dbang chen dkyil 'khor la gnas pa/ /dam tshig 'khor lo
- 285a
bla na med/ /der ni ye shes dkyil 'khor nyid/ /sgom pa rnam par bsgom par bya/ /mchod dang bstod pas mnyes byas te/ /ji srid skyo ba ma skyes par/ /de srid rnal 'byor pas bsgom bya/ /skyon rnam par dag pa dran par bya ste/ / de la rnam par dag pa ni dkyil 'khor gyi lha'i 'khor lo de yang byang chub kyi phyogs sum cu rtsa bdun du bshad par bya'o/ /de la dag pa dang bde ba dang rtag pa dang/ bdag gi mtshan nyid kyi phyin ci log bzhi'i gnyen por gyur pa ste/ dran pa nye bar gzhag pa bzhi ni 'di lta ste/ lus dran pa nye bar gzhag pa dang/ tshor ba dran pa nye bar gzhag pa dang/ tsher dran pa nye bar gzhag pa dang/ sems dran pa nye bar gzhag pa'o/ /dran pa ni rjes su myong ba'i dngos po la yang dag par ma rmongs pa de nye bar gzhag par byed pas dran pa nye bar gzhag pa'o/ /de yang brjod ngas pa'i gnyen por gyur cing sngar myong ba'i dngos po rnam par gcod par byed pa'i blo'i yon tan gyi khyad par ro/ /de la lus ni 'byung ba las gyur pa'i tshogs so/ /tshor ba ni bde ba la sogs pa myong ba'o/ /chos ni yang dag pa'i mdza' o/ /sems ni so sor snang ba mig yor tsam mo/ /de rnams dran pa nye bar 'jog pa ste/ /lus la sogs pa rjes su dran pa'o/ /ma dge ba dang rjes su mthun pa 'dod chags dang zhe sdang la sogs pa'i gnyen por gyur pa'i brtson 'grus dang/ dang ba dang 'dun pa la sogs pa'i dmigs pas yang dag par slar mi 'byung bar rab tu spong bas yang dag par spong ba bzhi ste/ 'di lta ste sdig pa mi dge ba'i chos skyes pa rnams spong ba dang/ sdig pa mi dge ba'i chos ma skyes pa rnams mi bskyed pa dang/ dge ba'i chos skyes ba rnams yang dag par bsrung ba dang/ dge ba'i chos ma skyes pa rnams bskyed par bya'o zhes pa'o/ /rdzu 'phrul ni bsam gtan phun sum tshogs pa'o/
- 285b
de'i yan lag ni rdzu 'phrul gyi rkang pa bzhi ste/ 'di lta ste 'dun pa'i rdzu 'phrul gyi rkang pa dang/ dpyod pa'i rdzu 'phrul gyi rkang pa dang/ ting nge 'dzin gyi rdzu 'phrul gyi rkang pa dang/ sems kyi rdzu 'phrul gyi rkang pa zhes bya ba'o/ /de la 'dun pa ni spong ba'i 'du byed gang yang ldan pa dben pa 'dod chags dang bral ba dang 'gog pa la nges par brten cing rnam par 'brel ba yongs su gyur pa'i bsam pa'o/ /rnam par dben pa ni lam ste nyon mongs pa'i sgrib pa spong ba'o/ /'dod chags dang bral ba ni mya ngan las 'das pa'o/ /'gog pa ni zag pa dang bcas pa'i phung po dang bral ba'o/ /de rnams la brten pa ni dben pa dang 'dod chags dang bral ba 'gog pa la rnam par brten pa'o/ /rnam par 'brel ba ni 'dus byas pa'i dngos po thams cad dang bral ba'o// de yongs su gyur pa ni de las rdzogs pa'o/ /de ltar brtson 'grus dang sems dang dpyod pa yang yan lag lnga'o/ /shes pa 'di la dbang byed pas mig la sogs pa ltar dad pa la sogs pa yang dbang por bshad do/ /de yang rnam pa lnga ste/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang shes rab kyi dbang po'o/ /de la dad pa ni 'jig rten dang 'jig rten las 'das pa'i yang dag pa'i lta ba'i las kyi 'bras bu nye bar sbyong ba la sems dang pa'o/ /sems mngon par brtson pa ni brtson 'grus te/ /dad pa'i dbang po la brten pa'i chos rnams yang dag par 'dren pa ni brtson 'grus kyi dbang po'o/ /brtson 'grus kyi dbang pos nye bar 'dren pa'i don rnams la mi brjed pa dran pa'i dbang po'o/ /dran pa'i dbang pos ma nyams pa'i chos rnams mngon sum du byed pa gang yin pa de ni ting nge 'dzin gyi dbang por bshad do/ /ting nge 'dzin gyi dbang po la brten pa'i chos rnams so sor rig pa gang yin pa
- 286a
de ni shes rab kyi dbang por bshad do/ /ma dag pa dang/ le lo dang/ brjod ngas pa dang/ bag med pa dang/ g.yeng ba la sogs pa'i mi mthun pa'i phyogs zad pas mthar phyin pa thob pas dbang po kho na stobs zhes bshad do/ /'di lta ste/ dad pa'i stobs dang/ brtson 'grus kyi stobs dang/ dran pa'i stobs dang/ ting nge 'dzin gyi stobs dang/ shes rab kyi stobs zhes bya'o/ /rang nyid kyis yang dag par rtogs pas na byang chub ste/ gnyis su 'dzin pa las 'das pa'i sems so/ /de'i rgyur gyur pa ni byang chub kyi yan lag go/ bdun po de yang 'di lta ste/ dran pa yang dag byang chub kyi yan lag dang/ chos rnam par 'byed pa yang dag byang chub kyi yan lag dang/ dga' ba yang dag byang chub kyi yan lag dang/ ting nge 'dzin yang dag byang chub kyi yan lag dang/ brtson 'grus yang dag byang chub kyi yan lag dang/ btang snyoms yang dag byang chub kyi yan lag dang/ shin tu sbyangs pa yang dag byang chub kyi yan lag go /sems can ma lus pa'i don byed pa dang/ yang dag par byang chub thob pa'i smon lam dang/ thos pa khong du chud pa la sogs pa mi brjed pa ni dran pa yang dag byang chub kyi yan lag go /chos rnams la thogs pa med pa'i phyir phung po la sogs pa rnam par 'byed pa ni chos rnam par 'byed pa yang dag byang chub kyi yan lag go /chos nyid ro gcig pa'i yid ni dga' ba yang dag byang chub kyi yan lag go /gnyen po dag gis bdag dang bdag gi bag chags gcod pas lus dang sems las su rung ba ni shin tu sbyangs pa yang dag byang chub kyi yan lag go /tshad med pa bzhi dang de bzhin nyid dang yang dag pa'i mdza' dang stong pa nyid dang/ chos kyi dbyings su rtse gcig pa ni ting nge 'dzin yang dag byang chub kyi yan
- 286b
lag go /so so'i skye bo'i sa las nges par 'byung ba ni brtson 'grus yang dag byang chub kyi yan lag go /nyon mongs pa'i gnyen por gyur pa nyid kyis lus dang ngag dang yid kyi 'byed mi gtong ba ni btang snyoms yang dag byang chub kyi yan lag go / sdig pa 'ba' zhig tu mthun pa'i nyon mongs pa'i gnyen por gyur pa'i phyir 'phags pa'i lam yan lag brgyad po 'di dag la yod pa de ni lam yan lag brgyad/ /shes bya'i sgrib pa spong ba'i bsgom pa'i don du tshul bas na lam mo/ /de la 'phags pa'i lam yan lag brgyad kyi ming ni yang dag pa'i lta ba dang/ yang dag pa'i rtog pa dang/ yang dag pa'i ngag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i chol ba dang/ yang dag pa'i dran pa dang/ yang dag pa'i ting nge 'dzin to/ /de la yang dag pa'i lta ba ni chos thams cad bdag med pa'i mtshan nyid can yin yang tshe phyi ma yod par lta ba'o/ /yang dag pa'i rtog pa ni blang ba dang dor ba dag mngon du bya ba dang spong ba yid la byed pa'am shes pa 'ba' zhig tu bsams pa'o/ /yang dag pa'i ngag ni ji ltar gyur pa'i don ston par byed pa'o/ /yang dag pa'i las kyi mdza' ni lus dang ngag dang yid kyi bya ba gong na med pa'o/ /yang dag pa'i 'tsho ba na rig pas bsal ba'i nor ro/ /yang dag pa'i rtsol ba ni bdag dang gzhan gyi don sgrub pa rgyun mi 'chad pa'i lus dang ngag dang yid kyi las so/ /yang dag pa'i dran pa ni ji ltar khong du chud pa'i chos dag la ma rmongs pa'o/ /yang dag pa'i ting nge 'dzin ni dmigs pa mngon du byed pa'i bya ba'i ye shes lnga yi rnam dag pa/ /rdo rje sems dpa' i cod pan yin/ /lha yi rtsa ba'i gsang sngags ni/ /tshangs pa'i spyad par rab tu brtag /rdo rje phag mo'i gsang sngags kyi/ /ma mgul do yis ni mgul pa brgyan/ /lha yi snying po'i gsang sngags ni
- 287a
phreng ba brgya yi phyed kyis brgyan/ /yi ge bdun gyi gsang sngags kyi/ /rna cha yis ni rna ba brgyan/ /sangs rgyas mkha' 'gro mi yi sngags/ /pags pa gos su mnabs pa'i mchog /rnal 'byor ma drug gsang sngags kyi /ska rags kyis ni rked pa brgyan/ /dpa' bo drug pa'i go cha yis/ /sku lus phyag rgyas nye bar mdzes/ /'khor lo kun gyi rnal 'byor ma/ sngags kyi btung ba'i thong ba yin/ /rnam snang mdzad sngags gang yin pa/ /thod pa yis ni dbu brgyan bcas/ /dpa' bo nyi shu rtsa bzhi yis/ lus kyi khams la rnam par brtag /lus rjes su dran pa ni mkha' 'gro ma'o/ /tshor ba rjes su dran pa ni lA ma'o/ /chos rjes su dran pa ni dum skyes ma'o/ /sems rjes su dran pa ni gzugs can ma'o/ /ye shes lnga rnam par dag pa ni pad mo 'dun pa'i rdzu 'phrul gyi rkang pa ni rab gtum ma'o/ /brtson 'grus kyi rdzu 'phrul gyi rkang pa ni gtum pa'i mig can ma'o/ /dpyod pa'i rdzu 'phrul gyi rkang pa ni 'od ldan ma'o/ /sems kyi rdzu 'phrul gyi rkang pa ni sna chen ma'o/ /dad pa'i dbang po ni dpa' ba' i blo gros ma'o/ /brtson 'grus kyi dbang po ni mi thung ma'o/ /dran pa'i dbang po ni lang ka'i dbang phyug ma'o/ /ting nge 'dzin gyi dbang po ni shing grib ma ste/ /thugs kyi 'khor lo rnam par dag pa'o/ /shes rab kyi dbang po ni sa srungs ma'o/ /dad pa'i stobs ni 'jigs byed chen mo'o/ /brtson 'grus kyi stobs ni rlung gi shugs can ma'o/ /dran pa'i stobs ni chang 'thung ma'o/ /ting nge 'dzin gyi stobs ni ljang lha ma'o/ /shes rab kyi stobs ni shin tu bzang mo'o/ /ting nge 'dzin yang dag byang chub kyi yan lag ni rta rna ma'o/ /brtson 'grus yang dag byang chub kyi yan lag ni bya gdong ma ste/ /gsung gi 'khor lo rnam par dag pa'o/ /dga' ba yang dag byang chub kyi yan lag ni 'khor lo'i shugs can ma'o/ /shin tu sbyangs pa yang dag byang chub kyi yan lag
- 287b
ni dum skyes ma'o/ /chos rnam par 'byed pa yang dag byang chub kyi yan lag ni kos rings ma'o/ /dran pa yang dag byang chub kyi yan lag ni 'khor lo'i go cha ma'o/ /btang snyoms yang dag byang chub kyi yan lag ni shin tu dpa' mo'o/ /yang dag pa'i lta ba ni stobs chen ma'o/ /yang dag pa'i rtog pa ni 'khor lo sgyur ma'o/ /yang dag pa'i ngag ni brtson 'grus chen mo ste/ /sku'i 'khor lo rnam par dag pa'o/ /yang dag pa'i las kyi mthar ni khA gdong ma'o/ /yang dag pa'i 'tsho ba ni 'ug gdong ma'o/ /yang dag pa'i rtsol ba ni khyi gdong ma'o/ /yang dag pa'i dran pa ni phag gdong ma'o/ /dge ba'i chos ma skyes pa rnams bskyed pa ni gshin rje sreg ma'o/ /dge ba'i chos skyes pa rnams yang dag par bsrung ba ni gshin rje pho nya ma'o/ /mi dge ba'i chos skyes pa rnams spyod pa ni gshin rje mche ba ma'o/ /mi dge ba'i chos ma skyes pa rnams mi bskyed pa ni gshin rje 'joms ma ste/ dam tshig gi 'khor lo rnam par dag pa'o/ /so dang sen mo dag ni thod pa'i dum bu'o/ /skra dang spu dag ni keng rus can no/ /pags pa dang dri ma ni keng rus chen po'o/ /shin mchi ba rnam par gtsigs pa'o/ /rgyus pa ni lha dgra'o/ /rus pa ni 'od dpag tu med pa'o/ /mkhal ma ni rdo rje'i 'od do/ /snying ni rdo rje'i sku'o/ /mig dag ni myu gu can no/ /mkhris pa ni rdo rje ral ba can no/ /rgyu ma ni rdo rje hUM mdzad do/ /gnye ma ni shin tu bzang po'o/ /bshang ba ni 'jigs byed chen po'o/ /sgo mtshams ni mig mi bzang ngo/ /bad kan ni stobs po che'o/ /rnag ni rin chen rdo rje'o/ /khrag ni rta mgrin no/ /rdul ni nam mkha' i snying po'o/ /tshil ni he ru ka'o/ /mtshams pad+ma gar gyi dbang phyug go /mig rnag ni rnam par snang mdzad do/ /snabs ni rdo rje sems dpa' o/ /dam tshig bzlas pa'i mchog dus su/ /dung chen phreng bas bzlas brjod bya/ /'khor lo rim pa'i cho ga yis/ /rnal 'byor ma yis sngags mchog bzla/ /oM na mo b+ha ga ba
- 288a
ti wI re shA ya huM hUM phaT/ oM mahA kalpA rni saM ni b+hA ya huM hUM phaT/ oM dza TA ma ku Totka TA yo huM hUM phaT/ oM daMShDA ka rA lo gra b+hI Sha Na mu khA ya huM hUM phaT/ oM sa ha sra b+hu dza b+hA su rA ya huM hUM phaT/ oM pa ra shu pA sho dya ta shU la kha TwAM ga d+hA ri Ne huM hUM phaT/ oM byA g+hA dzI nAM ba ra d+ha rA ya huM hUM phaT/ oM mahA d+hU m+bAnd+ha kA ra wa pu ShA ya huM hUM phaT/ oM ka ra ka ra khaN+Da ka pA li ni huM hUM phaT/ oM pra tsaN+Di huM hUM phaT/ oM ku ru ku ru mahA kaM ka la huM hUM phaT/ oM tsaN+DA k+ShI ye hUM hUM phaT/ oM ban+tu band+ha badzra kaM ka la huM hUM phaT/ oM pra b+hA ba tA ya huM hUM phaT/ oM tA sa ya trA sa ya bi ka Ta daSh+ri Ne huM hUM phaT/ oM mahA nA saM hUM hUM phaT/ oM k+Sho b+ha ye k+Sho b+ha ya su ra bai rI ye huM hUM phaT/ oM bI ra ma tI ye huM hUM phaT/ oM h+rauM h+rauM a mi tA b+hA hUM hUM phaT/ oM sarba rI ye huM hUM/ oM h+ra(rgyud 'grel): h+ra: badzra ma d+hA huM hUM phaT/ oM laM ke shwa rI ye huM hUM phaT/ oM pheM pheM badzra de ha huM hUM phaT/ oM dru mats+tsha ye huM hUM phaT/ oM phaT phaT/ oM gu ri ka huM hUM phaT/ oM e rA ba tI ye huM hUM phaT/ oM da ha da ha badzra dza Ta li huM hUM phaT/ oM mahA b+he ri wI ye huM hUM phaT/ oM pa tsa pa tsa mahA bI ra huM hUM phaT/ oM bA yu be ge huM hUM phaT/ oM b+hak+Sha b+hak+Sha badzra hUM ka ra ba sa ru b+hi tAn+t+ra mA lA ba li bi nI ye huM hUM phaT/ oM su ra b+hak+Shi ye huM hUM phaT/ oM grih+Na grih+Na su b+ha dra sapta pA tA la ga ta b+hu dzaM ga sarbaM bA ta rdza ya ta rdza ya huM hUM phaT/ oM sh+ya ma de wI ye huM hUM phaT/ oM A kard+hya A kard+hya badzra b+hai ra ba huM hUM phaT/ oM su b+ha dre huM hUM phaT/ oM h+riM h+riM mahA b+hi ra ba huM hUM phaT/ oM ha ya kar+Ne huM hUM phaT/ oM dz+nyo dz+nyo bi rU pAk+Sha huM hUM phaT/ oM gA gA na ne huM hUM phaT/ oM k+Sh+mAM k+Sh+mAM mahA ba la huM hUM phaT/ oM tsakra pe ge huM hUM phaT/ oM haM haM ra ta na badzra huM hUM phaT/ oM khaN+Da ro he huM hUM phaT/ oM hi hi ha ya grI ba huM hUM phaT/ oM shaN+Di Sh+rI ye huM hUM phaT/ oM hUM hUM A k+Sha sha garb+ha huM hUM phaT/ oM tsakra bartaM ni ye huM hUM phaT/ oM ki li ki li he ru ka huM hUM phaT/ oM su bI re huM hUM phaT/ oM si li si li pad+ma
- 288b
narte shu ri huM hUM phaT/ oM mahA ba le huM hUM phaT/ oM hi li hi li bai ro tsa nI ye huM hUM phaT/ oM tsakra birti nI ye huM hUM phaT/ oM d+hi li d+hi badzra satwa huM hUM phaT/ oM tsakra barti NI ye huM hUM phaT/ oM mahA bIrya huM hUM phaT/ oM DA ki nI ye huM hUM phaT/ oM lA me huM hUM phaT/ oM khaN+Da ro he huM hUM phaT/ oM rU pi NI ye huM hUM phaT/ oM kA kA sye huM hUM phaT/ oM u lU kA sye huM hUM phaT/ oM shU nA sye huM hUM phaT/ oM shU ka rA sye huM hUM phaT/ oM ya ma dA d+hI huM hUM phaT/ oM ya ma dU ti huM hUM phaT/ oM ya ma daMSh+TI Ni huM hUM phaT/ oM ya ma ma thA na huM hUM phaT/ oM na mo b+ha ga wa ti badzra bA rA hi baM huM hUM phaT/ oM na ma Arya a pa rA dzi te trai lokya mA te mahA bidye shwa rI huM hUM phaT/ oM na ma sarba b+ha ta b+ha yA ba he mahA badzre huM hUM phaT/ oM na mo badzra A sa ne a dzi te a pa rA dzi te ba sh+yo ka ri ne tra b+h+ra ma Ni huM hUM phaT/ oM na ma(rgyud 'grel): sho Sha Ni ro Sha Na ro ShA ni kro d+ha ka rA li ne huM hUM phaT/ oM na masta sa ni mA ra Ni su pra b+he da ni pa rA dza ye huM hUM phaT/ oM na mo bi dza ye dza b+ha ni staM b+ha ni mo ha ni huM hUM phaT/ oM na mo badzra bA ra hi mahA yo gi ni kA me shwa ri kha ge huM hUM phaT/ tadya thA/ pro hang+ge pra hang+ge/ ha na ha na prA NaM kaM kaM ni/ khiM khi ni/ d+hu na d+hu na/ badzra ha ste/ sho Sha ya sho Sha ya/ badzra ka bA la/ kha TwAM ga d+hA ri Ni/ mahA pi shi to mA sA sha ni ma nu Sh+yAn+ta pra pri ti sAn+niM d+haM na ra shi ro mA lA gran+nri ta d+hA ri Ni/ sum+b+ha ni sum+b+ha ha na ha na prA NAM sarba pA pa sa tA nAM/ sarba pa shU nAM/ mahA mAM sats+tshe dan kro d+ha mUrte/ daMSh+TA ka rA li ni/ mahA mu dra sh+rAM he ru ka de ba syAgrA ma hi Shi/ sa ha sra shi re sa ha sra bA ha be sha ta sa hi sra A na ne/ dzA li ta te dza se/ dzwa la mu khe/ pa ga la lo tsa ne/ badzra sha rI re/ badzra A sa ni/ mi li mi li/ ti mi li ti mi li/ dzi li te/ he he/ ha ha/ huM hUM/ kha kha/ d+hu d+hu/ ru ru/ d+hu ru d+hu ru/ mu ru mu ru/ muny+tsa muny+tsa/ hUM hUM/ a hEe te/ mahA yo gi ni/ pa tri ta sid+hi/ droM d+haM daM d+haM/ graM graM/ he he/ ha ha/ b+hI me/ ha sa ha sa/ bI re/ hA hA/ ho(rgyud 'grel): ho:
- 289a
huM hUM/ trai lokya/ bi nA sha ni/ sha ta sa ha sra ko Ti/ ta thA ga ta pa ri pA re/ huM hUM phaT/ siM ha rU pe kha(rgyud 'grel): ga dza rU pe ga:trai lokya ud ri mahA sa mu dra me kha le /gra sa gra sa huM hUM phaT/ bI rA/ dwi te huM hUM ha ha mahA pa shu mo ha ni mahA yo ge shwA rI twaM/ DA ki nI/ sarba lo kA nAM/ band+ha naM satya(rgyud 'grel): pra tya ya kA ri Ni/ huM hUM phaT/ b+hU ta trA sa ni/ mahA bI re ba ra ma sid+d+hi/ yo gI shwA rI phaT/ huM hUM phaT/ huM hUM phaT swAhA/ oM sh+rI badzra he he ru ru kaM huM hUM phaT/ DA ki nE dzA la saM pa raM swAhA/ oM h+rI:h+ra ha hUM hUM phaT/ lha'i snying po dang nye ba'i snying po'o/ /oM badzra bai ro tsa nI ye huM hUM phaT/ oM sarba bud+d+ha DA ki nI ye badzra war+N+Na nI ye huM hUM phaT/ lha mo'i snying po dang nye ba'i snying po'o/ /aM ha/ na ma:hi/ swAhA hu/ bau Sha Ta he/ hUM/ hUM ho:phaT haM/ oM baM/ hoM yaM/ h+raM moM/ h+reM h+reM/ hUM hUM/ phaT phaT/ lha dang lha mo'i snying po go cha'i gsang sngags so/ /yar ngo mar ngo'i tshes bcu la/ /rnal 'byor pa yis de mchod bya/ /gtor ma rtag tu sbyin bya zhing/ /dam tshig gnas la brda ru smra/ /sngar bshad phyag rgya sogs sbyor bas/ /srungs shig srungs shig cho ga ji bzhin du/ /shin tu 'bad pas rdo rje lha mo dag /myos byed ched dang sha rnams kyis mchod bya/ /lho ru mngon phyogs rnal 'byor pas/ /steng gi gnas su mchod par bya/ /mtshan mo gcer pu skra bkrol ba'i/ /brtul zhugs kyis ni gtor ma sbyin/ /rkang pa mnan cing gyen du blta/ /steng du pheM gi sgra sgrogs pa/ /phyogs bcu'i 'jig rten khams dag gi /dpa' bo rnal 'byor ma rnams dgug /rdo rje thal mo kha phye bas/ /dpa' bo rnal 'byor ma rnams 'gugs/ /gsang sngags rnams kyis bskul gyur cing/ /de ma thag tu 'gugs par 'gyur/ /mdzub mo mdung byas gung mo nges par sbyar/ /mthe bo rdo rje brtan por sbyar bar bya/ /de ni dpral ba'i dbus su rab bzhag nas/ bskor zhing bskor bas kun tu
- 289b
bskor bar bya/ /rkang pa g.yas brkyang sbyor pa yis/ /'bar ba'i phyag rgya bcing bar bya/ /dam tshig gis ni kha bskang nas/ /gsang sngags rjes su dran par bya/ /oM a ra l+li ho dza(rgyud 'grel): hUM baM ho(rgyud 'grel): badzra DA ki n+ya sa ma ya stwaM dri sh+ya ho/ /de ltar lan gsum bzhi lnga'i bar/ dam tshig rdzas sogs la brjod bya/ /oM kha kha khA hi khA hi/ sarba yak+Sha rAk+Sha sa/ b+hU ta pre ta/ pi shA tsonmA dA pa smA ra DA ka DA ki n+yA da ya/ i maM bi laM grih+Nan+tu/ sa ma ya rak+Shan+tu/ ma ma sarba sid+himme pra yats+tshan+tu/ ya thai baM/ ya theSh+TaM b+huny+dza tha/ bi ba tha/ dzi g+h+ra tha/ mA ti kra ma tha/ ma ma sarba karta ya satshu khaM bi shud+d+ha ye/ sa ha yi ka b+ha wan+tu huM hUM phaT swAhA/ /dpa' bo rnams la lag g.yon gyis/ /brda ni rnal 'byor pas bstan bya/ /brda ru 'jug pa 'di dag ni/ /dpa' bo rnams kyi gzhi yin no/ /g.yo dang mi g.yo 'jig rten gsum/ /'gro kun g.yon las byung ba yin/ /rdo rje sems dpa' shing nyid la/ /rnam par snang mdzad pa la gang gnas/ /bla ma pad+ma gar dbang phyug /so la dpa' bo dngos grub gsol/ /tha chungs dag la dgod pa ni/ /nam mkha' i sku ni zag pa med/ /sen mo'i ngos la rta mgrin te/ dpa' bo rnams kyi gzhi yin no/ /g.yon pa las byung rgyu yin phyir/ /lag mthil pho nya'i tshogs 'dus pa/ /rgyab tu nges par legs byas nas/ /sgrub pos brda lnga bstan par bya/ /sa ni sangs rgyas spyan du grags/ chu khams mA ma kI ru bshad/ /gos dkar mo dang sgrol ma dag /me dang rlung du rab tu bsgrags/ /bu ga stong pa pha rol phyin/ /dbus ni dpa' bo rnams kyi gzhi/ /mkhas pas rgyab tu gshegs su gsol/ /dpa' bo rnams la brda smra zhing/ /gcig tu phyugs bza' brtsam par bya/ /A li kA li mdun bsams nas/ /rnal 'byor chen mo ngal bso phyir/ /zla ba'i dkyil 'khor rdzogs par ni/ /lte ba'i dbus su gnas par bsgom/ /yi ge'i gnas kyi mchog gyur pa/ /de yi dbus
- 290a
su bsam par bya/ /sku gsung thugs kyi rdo rje can/ /lha yi sku ni bsgom par bya/ /de yi lus ni 'dam gyur kyang/ /sems nyid 'byung bar mi 'gyur min/ /de yang bsam gyis mi khyab bsam/ /sems nyid brtag par mi bya'o bsam gyis mi khyab de bsams na/ /de nas 'dzin pa thob par 'gyur/ /dur khrod ma 'am gzhan rnyed nas/ /gnyis med sbyor ba mchog la gnas/ /sbyor ba gcig pa goms byed cing/ /dam tshig shes shing brtul zhugs brtan/ /ngo tsha med la 'dod med brtan/ /sred pa dang bral nga rgyal med/ /rig ma de dang lhan cig tu/ /sngags pa rang nyid brtul zhugs spyad/ /de yi sna rtser yi ge dyA ni sbyar bya zhing/ /rtag tu yi ge byA ni rtags kyi lam la dgod/ /yi ge oM sogs dpral ba dang ni kha sogs la/ /sngags tshogs kun gyi snying pos byin gyis brlab par bya/ /dga' ba dang po khrus yin te/ /dam par dga' ba yang dag ldan/ /dngos grub chen po chags bral ba/ /mchog tu dga' ba bla na med/ /sbyor dang shin tu rnal 'byor che/ /ye shes cho ga'i rim pa yis/ /dga' ba bzhi dang bden pa bzhi/ /skad cig bzhi la brten te gnas/ /dga' ba dpa' bor gsungs pa ste/ /dam par dga' ba rnal 'byor ma/ /mchog tu dga' ba ma lus pa/ /de ba de thabs kyi thams cad rig /he ru ka dpal/ sprul ba ni/ /yan lag drug cu sems kyis sprul/ /dag pa'i chos kyi sprul pa ni/ /phag mo'i gzugs su bsten pa yin/ /de la bshad pa'i rgyud las bshad pa'i 'khor lo sdom pa'i le'ur phyag bzhi pa nas brtsams nas phyag 'bum pa'i bar du 'khor lo sdom pa mang du gsungs pa las/ /'khor lo sdom pa'i rgyud phyi mar phyag bzhi pa dang drug pa dang bcu gnyis par gsungs pa de la phyag bcu gnyis pa'i 'khor lo sdom pa'i dkyil 'khor 'jigs pa bstan pa'i phyir/ glang
- 290b
po'i pags pa rnam par bgos zhes bya ba ni dang po'i phyag gnyis las gzhan gnyis kyis glang po'i lpags pa gos su 'dzin pa'o/ /smin ma bzang po rdo rje dbyes zhes bya ba la/ rdo rje ni rdo rje dang dril bu ste/ rdo rje de nyid gyis yang dag par 'byes shing brgyan pa'o/ bzang po ni skal ba dang ldan pa'i smin ma ste/ gtso bo'i phyag gnyis gang la mnga' ba de ni rdo rje sems dpa' smin ma dbyes pa'o/ /phyag na kha TwAM ga bsnams shing zhes bya ba ni phyag mtshan drug gsungs pa'o/ /gzhan dag las 'chad par 'gyur ba'i go rim gyi rgyud las gsungs pa'i phyag mtshan drug sngags pas khong du chud par bya'o/ /lcags kyu zhags pa pags pa dang/ /rtse gsum cang te'u gri gug 'chang zhes bya ba'o/ /de la rang gi phyag mtshan rnams dgod pa ni 'di lta ste/ 'khyud pa'i phyag gnyis rdo rje rtse dgu pa kha bye ba dang rdo rje dril bu'o/ /phyag gzhan gnyis la glang po'i pags pa bsnams pa'o/ /gsum pa'i phyag g.yas par rtse gsum rdo rjes mtshan pa'o/ /bzhi pa la zhags pa/ lnga pa la gri gug /drug pa la cang te'u/ g.yon gyi gsum pa la thod pa glang pas gang pa'i mchod phyir thogs kyi sbyor ba dang/ kha TwAM ga sngon du song ba'i kha bye ba'i rdo rje rtse lnga pa dang rdo rje dril bu dang/ ba dan sna tshogs kyis rnam par sbyangs pa/ dbus su sna tshogs rdo rje mtshan pa/ 'og tu rdo rje rtse gcig pa bzhi pa la rdo rjes mtshan pa'i zhags pa/ lnga pa la tshangs pa'i mgo bo/ /drug pa la dgra sta'o/ /sngon po dang ser po dang dmar po dang ljang gu'i zhal mnga' ba/ /sgeg pa dang dpa' ba dang 'jigs su rung ba dang rol pa dang bcas pa'o/ /brgya phyed phreng bas rnam par brgyan zhes bya ba mgo bo lnga bcu'i phreng ba dang ldan pa'o/ /bcom ldan 'das 'di ni gcig pu ma yin te/ 'on kyang shes rab dang bcas pa zhes bstan par bya ba'i phyir/ /de mdun gnas pa'i lha mo ni zhes bya ba smos te/ bcom ldan 'das de'i mdun
- 291a
ni spyan snga ru ste/ bstan bcos bstan pa'i tshul du zhabs kyis zhabs la 'khyud cing shing la 'dzeg pa'i tshul du bcom ldan 'das la 'khyud pa'o/ /rdo rje phag mo zhes bya ba la sogs pa smos te/ de'i mdun na gnas shing thod pa man+tas bkang zhes bya ba ni bcom ldan 'das la 'khyud pa'i g.yon pa'i phyag gis thod pa'i mchog la gnas pa'i bdud rtsi'i rgyu ma dang khrag la sogs pa stobs cing rang gi bdud rtsi'i rgyun 'bab pa ltar rang gi kha nas khrag 'dzag pa'o/ /ci bcom ldan 'das shes rab rdo rje phag mo kho na dang gnyis su med pa yin nam zhe na/ mkha' 'gro ma ni nyi shu bzhi zhes bya ba la sogs pa smos te/ 'khyud pas 'brel pa'i rdo rje dbyings kyi dbang phyug ma gcig pu kho nar gsungs so/ /mkha' 'gro ma ni dpa' mo rnams te/ nyi shu rtsa bzhi po de dag rdo rje phag mo'i rigs las byung zhes bya ba ste/ shes rab kyi yan lag las byung zhing rtsa nyi shu rtsa bzhi'i ngo bo nyid do/ /re zhig bcom ldan 'das shes rab dang bcas pa lte bar mchod nam mkha' 'gro ma rnams gang du mchod ce na/ 'khor lo'i lte bar mchod par bya zhes bya ba la/ lte ba'i 'khor lo ni 'khor lo'i lte bar mkha' 'gro ma la sogs pa mchod par bya'o/ /phyogs gang du zhe na/ phyogs dang phyogs kyi mtshams rnams su shes bya ba la/ phyogs ni shar dang byang dang nub dang lho phyogs su'o/ /mtshams ni me dang bden bral dang rlung dang dbang ldan no/ /ci dpa' mo kho na mchod dam 'on kyang gzhan yang mchod ce na/ de bzhin 'dir ni dpa' bo yang zhes bya ba la sogs pa smos pa la/ ji ltar phyogs dang mtshams su rnal 'byor ma mchod pa de bzhin du dpa' ba rnams kyang ngo/ /ji ltar byas nas mchod ce na/ gnyis med dpa' bo zhes bya ba la sogs pa smos te/ gnyis med dpa' bo ni dpa' mo dang lhan cig dbyer med pas dpa' mo dang
- 291b
gnyis su med par snyoms par 'jug pa ji ltar ming ma smos pa de ltar dpa' bo mchod par bya'o/ /zhes bya ba'i don to/ /'dir yang mchod pa ni rang gi sku las phyi rol tu yang dag par spros te/ 'khor lo gsum gyi dpa' bo dpa' mo'i tshogs gnas ji lta ba bzhin du bkod la skad cig ma re res so sor rtogs pa'o/ /ji skad du rtag tu 'di la gang lta ba/ /de ni rgyal ba mchod par bzhed ces byang chub kyi phyogs kyi chos rnam par dag pas ji lta ba bzhin du mthong ba ni mchod pa'o/ /yang bshad pa/ dngos med go 'phang goms pa dang/ /lha yi gzugs kyi bsgom pa ni/ /sangs rgyas thams cad bsgrub byed pa/ /de ni mchod pa chen por 'dod ces de'i phyir mchod pa snga ma bstan te/ thar pa 'dod pa rnams kyi yan lag ma yin pa'i phyir ro/ /mchod pa lnga yi sbyor ba yis/ /sangs rgyas myur du thob par 'gyur/ /gang 'dir rgyud las gsungs pa yang/ /sems can mos pa sna tshogs phyir zhes bya ba la sogs pa gsungs so/ /de nas bum pa bya ba ni zhes bya ba la sogs pa la/ de nas dkyil 'khor dang rdo rje phag mos 'khyud pa'i dpa' he ru ka'i bdag nyid rnal 'byor pas dpa' bo dang dpa' mo rnams mchod par ma zad kyi/ 'dab ma sna tshogs pa'i pad+ma'i mtshams la gnas pa'i bum pa bzhi'ang mchod par bya zhes bya'o/ /de ni bsdu ba'i don to/ /de la yang bshad pa/ mtshams rnams su ni gser sogs kyi/ /bum pa'i steng du gnas pa ni/ /byang chub sems gang thod pa bzhi/ /kunda ltar dkar bsgom par bya/ /rtsa ba nag nog la sogs med/ /ces bya ba la rdul tshon dang thig la sogs pa bsang bar byas nas dngos grub bsgrub pa'i phyir/ /bkra shis kyi bum pa bdud rtsis gang ba dgu 'am bcu nye bar bsdu'o zhes bya ba ni bum pa'i dbye ba'o/ /de bzhin du yang gsang ba'i cho ga las kyang las thams cad pa'i bum pa lte ba'i nang du dgod do/ /tshon
- 292a
sna lnga'i skud pa shar gyi 'dab ma la bzhag go /dgod pa'i cho ga ni/ shar gyi sgo nas brtsams nas su/ /bum pa de rnams bzhag par bya/ /rnam rgyal bkra shis zhes bya ba/ /shar sgo'i ngos ni gnyis pa la/ /lho ru grub dang bsrung bya zhes/ /rgyal dang zhi ba nub phyogs su/ /byang du rdzu 'phrul dngos grub gnyis/ /bum pa dngos grub rin chen stsol/ /de bas na bum pa rnams kyi khyad par gsungs te/ rtsa ba nag nog med pa zhes bya ba ni zhabs dang steng gi dbyibs yo zhing rtsa ba nag po nyid de mi sdug pa dang ser ka'i skyon la sogs pa ste/ de dag dang bral ba ni rtsa ba nag nog med pa'o/ /legs par gzung ba'i dkyil 'khor gyi cho ga las kyang/ rtsa ba nog nag med pa dang/ /lto ba che la mgrin pa ring/ /'jam zhing sra la shin tu bzang/ /de bzhin dag pa'i kha rgyan can/ /'bru dang rin chen sman dang ldan/ /khar ni rigs kyi mtshan mas mtshan/ /rgyal ba bzhi yi mtshan nyid can/ /mtshams ni bzhi po stong pa'o/ /rnam rgyal bum pa de ltar bya/ /gzhan yang ji ltar bya zhe na/ /mu tig gser dang rin chen bya zhes bya ba la sogs pa la/ mu tig dang gser dang mthing shun dang lnga ste rin chen lngas yongs su gang ba'o/ /bza' ba kun gyis zhes bya ba ni bza' ba'i dam tshig go /bza' ba dag gis thod pa'i steng du yang dag par gnas pas gang ba zhes bya ba'i don to/ /mgrin pa srad bus dkri ba dang zhes bya ba ni rim pa bdun gyi tshon skud kyis bum pa mgrin pa dkri bar bya zhes bya ba'i don to/ /legs par gzung ba las/ hUM bdun bzlas pa'i kun bdag nyid/ /mgrin par gzungs skud dkar bar ldan/ /me tog dri dkar chu dang bcas/ /rnam rgyal buM pa lhag gnas bya zhes 'byung ngo/ /tshon sna lnga las ser po dang dkar po gtso bo yin pas de gnyis bstan pa'i phyir
- 292b
gser dang dngul zhes bya ba la sogs pa smos te/ gser ni sa le sbram mo/ /dngul ni dngul nyid de kha dog gi dbye bas de'i rdul tshon la yang dngul dang gser zhes bya'o/ /rin chen mu tig gis mdzes pa zhes bya ba ni rin po che ni rin chen 'byung ldan no/ /mu tig ni snang ba mdza' yas so/ /de nyid kyis sam de gnyis kyi 'bral pas mdzes pa ni rin chen mu tig mdzes pa'o/ /rdul tshon 'dis ci zhig bya zhe na/ rnam par dgye zhes bya ba ni gdab par bya'o/ /ci 'di rdul tshon gser zhes bya'o/ / rin chen mu tig gis mdzes pa zhes bya ba ni rin po che ni rin chen 'byung ldan no/ /mu tig ni snang ba mdza' yas so/ /gnyis po kho nas bri 'am/ 'on kyang gzhan dag kyang dgye zhen/ thams cad ces bya ba la sogs pa smos te/ gnyis po kho na ma yin gyi gzhan dag kyang ste/ in+d+ra nI la dang pad+ma rA ga dang/ margad kyi rdul tshon rnam 'bras dkar po la sogs pas kyang bya'o zhes bya ba'i don to/ /ji lta bu zhe na/ rin chen gser gyis nye bar mnyes zhes bya ba la sogs pa smos te/ rin chen mu tig ni snang ba mdza' yas so/ /gser ni rin chen 'byung ldan gyi rdul tshon no/ /rdul tshon lhag ma rnams kyang gdab par bya'o zhes bya ba'i don to/ /de'i 'og tu ci zhig bya zhe na/ grong khyer yid 'ong zhes bya ba la/ grong khyer yid du 'ong zhing dga' ba'i rgyur gyur pa'i dkyil 'khor ro/ /de mchod ces bya ba ni cho ga'o/ /ci byas nas she na/ dri yi chu yis legs par byug ces bya ba la sogs pa la/ dri ni tsan dan la sogs pa'o/ /des nye bar 'dus pa'i chu ni dril chu des so/ /kun tu zhal ni zhal bzhi'i bdag nyid bde mchog drag pa la brlan par bya zhes bya ba'i don to/ /yang na dri'i chu ni rol pa'i chu'o/ /glegs bam tsam gyis mkhas pa rnams rmongs par bya ba'i phyir dri'i til mar la sogs pas dkyil 'khor mchod pa'i rjes la/ rim pa bzlog pa'i
- 293a
dbang bskur ba gnyis pa bya ba yin no/ /dril bu'i dbyangs ni dmigs nas su zhes bya ba la sogs pa la/ dril bu lta bu'i dbyangs ni dril bu'i dbyangs te/ sgra'i rnam par rtog pa'i tshul can brag cha lta bur sgra de nyid dril bu ste shes rab po/ /de'i dmigs pa ni rjes su mthun par bya ba'o/ /spos dang me tog gis brgyan pa zhes bya ba la/ me tog ni rdul lo/ /spos ni 'dod chags kyi me'i rtags te/ sen mo dang so las de dag gis brgyan pa ni rab tu bsgrubs pa'o/ /mnyam par sbyor bas shes rab kyi gnas skabs su dril bu dkrol ba'i rim par bya ba ste/ lo bcu gnyis pa'i shes rab mchod par bya ba'o/ /mchod pa la dbyangs yod pas dkrol zhes gsungs so/ /legs pa'i dbyangs zhes bya ba la/ legs pa ni mdzes shing byang chub kyi sems kyi rang bzhin du yongs su gyur nas dbyangs 'dzag pa gang la yod pa de ni legs pa'i dbyangs so/ /ji skad du/ ji srid sa bon ldan pa'i bar/ /de srid phyag rgya bsten par bya/ zhes bya ba la sogs pa'o/ /dril bu gcig pur ma zad kyi rnga yang de lo bcu drug pa'o/ /de bzhin du yang bcu gnyis pa ni dril bu ste/ bcu drug pa ni rnga ru bshad/ /ces 'byung ngo/ /ha ha'i sgra ni brjod par bya zhes bya ba la chags pa'i me 'bar bas g.yo zhing ha ha'i sgra brjod par bya ba'o/ / tshul ji lta ba bzhin du dril bu dang rnga'i sgra la sogs pa'i sgra sgrogs pa yang dkyil 'khor du 'gal ba ma yin pas de dag thams cad kyang bya ba yin no/ /de lta'i cho gas mchod par bya zhes bya ba de ltar gsang ba bstan nas/ cho ga gzhan bshad pa'i rgyud las/ 'di skad ru/ de nas khrus kyis dag byas pa'i/ /gos ni gtsang ma 'chang ba yis/ /me tog snyim bcas phyag btsal nas/ /slob mas slob dpon la gsol gdab/ /rgyud gzhan las gsungs pa'i slob ma'i gsol ba
- 293b
gdab pa dang/ dkyil 'khor du 'jug pa la sogs pa'i rim pa rgyas pas slob ma rjes su gzung bar byed pa'i slob dpon gyis dkyil 'khor 'di mchod par bya'o zhes bya ba'i don to/ /de la re zhig slob ma 'jug pa bstan par bya ba'i phyir/ dar gyis gdong ni bkab nas su/ zhes bya ba la sogs pa la/ dkyil 'khor du 'jug par bya ba'i phyir/ de rnams kyi gdod dar gyis zhes bya ba der byed pa'i tshig med par shes par bya'o/ /dar ni mi gsal ba'o/ /des bkab pa ni shin tu gsang ba'o/ /ji skad du/ dar ni mi gsal mtshon pa ste/ /dga' ba shin tu gsang ba'o zhes bya ba'o/ /gos kyis gdong bkab nas ci zhig bya zhe na/ snyim pa me tog bkang nas su/ g.yon phyogs su ni bskor bar bya/ /shin tu mnyam gzhag sgrub pa pos/ /grong khyer yid 'ong 'jug par bya/ /yon sngon du 'gro ba'i gsol ba gdab pa brtsams te/ mdor bsdus pa'i dri'i chu sbyin par bya'o/ /dri'i chu des gdong thams cad du thams cad kyi yongs su tshim par byas nas/ bdag nyid kyang mchod par bya'o/ /dri'i chu gcig pur ma zad kyi/ /lcags kyu dag gis kyang dbang bskur bar bya ba de bstan pa'i phyir/ mar me brgya yis dbul bar bya/ /zhes bya ba la sogs pa smos te/ mar me brgya'i zhes bya ba ni las kyi drug pa'o/ /bdag nyid la yang sgron ma lnga dbul bar bya zhes bya ba'i don to/ /go rim ji lta ba bzhin du rnal 'byor ma rnams kyi dgod pa bstan par bya ba'i phyir/ nam mkha' mkha' 'gro ma rnams kyi/ /thams cad yid kyi steng du dgod/ /ces bya ba la sogs pa smos pa la/ mkha' 'gro ma dang lA ma la sogs pa bzhi dang/ rab tu gtum mo la sogs pa nyi shu rtsa bzhi ste/ de ltar rnal 'byor ma nyi shu rtsa brgyad ni mkha' 'gro ma thams cad do/ /de la chos 'byung ba'i btsun mo mkha' 'gro ma bzhi'o/ /de'i 'og tu thugs kyi 'khor lo mkha' spyod ma'o/ /sems
- 294a
dang lus kyi yan lag yin pa'i phyir gsung gi 'khor lo dang 'og gi mkha' 'gro ma dag dgod ces bya ba'i bar du'o/ /ma mo thams cad phyogs dang ni/ /phyogs mtshams rnams su dgod par bya/ /zhes bya ba la/ phyogs ni sgo rnams su'o/ /mtshams ni phyogs kyi zur rnams so/ /ma mo ni dpa' mo cig shes te pho nya mo dag go /de dgod cing bsgrubs pa'i sum cu rtsa bdun gyis lha mo'i 'khor lo la mchod pa bstan pa'i phyir/ dri dang me tog spos shes bya ba la sogs pa smos te/ dkyil 'khor gyi rgyan bstan par bya ba'i phyir/ bla bre rgyal mtshan dar bcas pa'o zhes bya ba la sogs pa bstan to/ /dpal 'khor lo sdom pa'i dka' 'grel rin po che'i tshogs zhes bya ba las/ mchod pa'i cho ga'i le'u ste gnyis pa'o// // dkyil 'khor gyi dgod pa dbang bskur bshad nas/ dbang bskur ba'i slob mas slob dpon la yon dbul bar bya ba'i phyir le'u gsum pa gsungs te/ de nas sgrub pos dngos kun gyis/ /dang por slob dpon mnyes par bya/ /zhes bya ba smos te/ dang po zhes bya ba smos te/ dang po zhes bya ba ni dkyil 'khor brtsam pa'i sngon du mu tig gi dra ba dang/ rkang rgyan dang dpung rgyan dang/ mgul rgyan dang/ gdu bu dag gis brgyan par byas nas/ zhal zas sna tshogs kyis mchod pas mnyes par bya ba'i don du'o/ /gang gi tshe phun sum tshogs pa med pa de'i tshe/ dkyil 'khor dang dbang bskur ba dang yon mi dbul lam zhe na/ de nas sgrub pos dngos kun gyis/ zhes bya ba la sogs pa la/ ci nus pa ni nus pa las ma 'das pa'o/ gang ci yang rung bas slob dpon la dbul bar gyur na dad pas mnyes pa'i phyir mchod pa chen por 'gyur zhes dgongs so/ /dkyil 'khor gyi las byed pa la dbul lam/ 'on te slob dpon la dbul zhe na/ bla ma zhes bya ba la sogs
- 294b
pa smos te/ de'i dgongs pa ni 'di yin te/ slob dpon gang yin de nyid bla ma yin no/ /las de rig pa'i phyir slob dpon rnams so/ /slob dpon rnams dang slob mas dkyil 'khor la sogs pa byed pa yin gyis slob dpon dang slob ma ma yin pas ni bya ba ma yin no/ zhes dpag par bya'o/ /brten nas snyim pa me tog dor zhes bya ba la sogs dkyil 'khor gang du me tog babs zhes bya ba la sogs pa la/ dkyil 'khor du 'byung ba dang/ 'jug pa la sogs pa 'di dag thams cad rgyas par shes par 'dod nas dkyil 'khor gyi cho ga chen po legs par gzung ba la rjes su 'brang bar bya'o/ /thog mar bsnyen par byas pa'i dkyil 'khor du zhugs pa'i slob ma rnams la so shing sbyin pa la sogs pa nas me tog gtor ba la sogs pa'i bar du skal ba dang ldan par shes nas dam tshig dril bu'i dbyangs dmigs pa ni gong du bstan zin to/ /da ni gsang ba'i dbang bskur bstan par bya ba'i phyir/ mtshal chen lan gsum bzlas pa yis/ zhes bya ba la sogs pa smos te/ mtshal chen ni dri chen la sogs pa'o/ /oM A:hUM zhes ha ho:h+rI:? zhes dang yi ge lan gsum bzlas pa'o/ /thig le ni kha'i bu ga'i khyad par ro/ /der slob dpon gyis kyang slob ma/ /'di ni khyod kyi dmyal ba'i chu zhes bya ba la sogs pa'i tshigs su bcad pas dam tshig sbyin pa bstan to/ /gsang ba la ni gzhan du yang ngo/ /khrag ces bya ba la ni pad+ma'o/ /sku gsung thugs 'bar ni lan gsum bzlas pa'o/ /thig 'di'i bdag nyid gang la yod pa de ni thig le ste dpyid kyi dus su'o/ /des bya'o zhes bya ba ni pad+ma des thig le nam mkha' lding gi gdong gis gzung bar bya ba'i don to/ /mtshal chen lan gsum bzlas pas sgra ji bzhin pas khrag lan gsum bzlas pa bstan na ci'i phyir pad+ma dang dri chen zhes gzhan du bshad ces de ltar rgol ba la/ nges pa'i don rtogs par bya ba'i phyir/ khungs gzhan bstan te/ khrag ni pad+mar
- 295a
bshad pa ste/ /de bzhin mtshal chen lced? la sogs zhes 'byung ngo/ /khrag ni pad+ma dang dri chen yin du zin kyang/ sku gsung thugs kyi rang bzhin du ni ltar 'gyur zhe na/ khungs gzhan yang bstan pa'i phyir/ /bcom ldan sangs rgyas b+ha ga ste/ /btsun mo skye gnas la bzhugs pa/ /'dir ni gang yang dam tshig gsum/ /de dag de bzhin gshegs pa yin zhes bya ba la sogs pa'o/ /dam tshig chu ni btung bya ste/ /de nas brtsams te khyod kyi ni/ /lag na rdo rje de nyid yin/ /gang 'di thams cad byos shig ces/ /bsgo ba rnams ni brtan par gyis/ zhes bya ba la sogs pas/ dam tshig bslabs pa'i slob ma gzhug par bya'o/ /de nas se gol gyis gsungs pa/ /dkyil 'khor bdag po dmigs nas ni/ /pra tIts+tsha badzra ho sngags kyis/ /slob ma me tog gtor du gzhug /me tog gtor ba'i 'og tu slob ma la ci zhig bya zhe na/ de nas gdong phye dkyil 'khor bstan zhes bya ba la sogs pa smos te/ oM rdo rje sems dpa' rang nyid ni/ /mig 'byed pa yi tshul can te/ rdo rje mig ni bla med pa/ /spyan kun mda' bas 'byed par mdzad/ /ces bya ba la sogs pa'o/ /mig phye ba'i slob ma la 'di skad ces brjod par bya ste/ bu khyod dad pa'i shugs kyis ni/ /lhan cig dkyil 'khor blta bar gyis/ /sngags dang phyag rgyas byin brlabs pa'i/ /deng khyod sangs rgyas rigs su skyes/ /zhes bya ba la sogs pas/ dkyil 'khor ji lta bar bstan par bya'o/ /mig phye ba'i 'og tu phyag btsal ba dang zhabs la 'dud pa dang/ g.yon phyogs nas dkyil 'khor la bskor ba byas te/ de'i 'og tu dad pa dang ldan pa'i slob mas ci zhig bya zhe na/ de nas bla ma dag la yon/ /de bzhin gshegs pas gsungs pa dbul/ /zhes bya ba la sogs pa'o/ /yon gyi 'bras bu bstan par bya ba'i phyir/ /de nas
- 295b
de la mkha' 'gro ma/ /rnal 'byor ma mo mnyes par 'gyur/ zhes bya ba la rnal 'byor ma sum cu rtsa drug go /rnal 'byor gyi dkyil 'khor gyi tshul du bdag nyid la brtag par bya zhing/ bdag nyid kyi rtsa ba'i 'khor lo'i rang bzhin no/ /de dag dgyes pas cir 'gyur zhe na/ de dag rnam spyod 'gro ba kun/ zhe bya ba la sogs pa la mkha' 'gro ma de dag dang lhan cig khams gsum du yongs su 'khyam pa'o/ /'khyam na 'khyam mod/ des cir 'gyur zhe na/ sgrub pa po ni de dag gi /ci bgyi byed par the tshom med/ /ces bya ba la sogs pa la/ dpal he ru ka'i rnal 'byor pa la bka' bsgo zhing/ lhan cig spyod cing 'gro bar 'gyur zhes bya ba'i don to/ /de dang lhan cig spyod pas dgos pa ni ci 'grub ce na/ rnal 'byor dngos grub ces bya ba la sogs pa smos te/ mkha' 'gro ma la sogs pa de dag gi bdag nyid ni/ rnal 'byor te/ de'i dngos grub ni rnal 'byor gyi dngos grub ces bya ba ni dgos pa'o/ /rnal 'byor gyi dngos grub de ji lta bu zhe na/ mi snang phug dang nam mkhar rgyu/ zhes bya ba la sogs pa smos te/ nam mkhar 'gro ba ni 'phur ba'o/ /'di skad bshad pa yin te/ rnal 'byor ma bzhi'i sbyor ba nyid kyi dngos grub thob pa yin nam zhe na/ gsungs dang ma gsungs gang ci'i bdud/ zhes bya ba la sogs pa smos te/ gsungs pa ni mkha' 'gro ma la sogs pa bzhi'o/ /ma gsungs pa ni de las gzhan pa yang ste sum cu rtsa gnyis so/ /gsungs pa dang ma gsungs pa rnams ni gsungs pa dang ma gsungs pa rnams so/ /gang ci yang rung zhes bya ba 'dis sngags dang phyag rgya'i cho gas la sogs pa gang yin pa de dag thams cad dpal he ru ka la gnas shes bya ba 'dis 'di ltar ston pa yin te/ gang mkha' 'gro ma la sogs pa bzhi po de dag gsungs pa kho na'o/ /gzhan yang ma gsungs pa gang yin pa de ni gsungs pa kho na ste/ gang
- 296a
gi phyir thams cad kyi bdag nyid dpal he ru ka kho na bdag po nyid du brjod par bya ba yin pa'i phyir zhes dgongs pa'o/ /dpal ldan 'khor lo sdom pa'i dka' 'grel rin po che'i tshogs zhes bya ba las/ yon dang bcas pa'i dbang bskur ba'i cho ga'i le'u ste gsum pa'o// //gsungs pa la cig shos rnal 'byor ma nyi shu rtsa bzhir rjod par byed pa'i le'u bzhi pa bstan par bya ba'i phyir/ de nas mkha' 'gro ma rnams ni/ /sa la rnam par rol pa ste/ zhes bya ba la sogs pa smos te/ sku dang gsung dang thugs kyi dkyil 'khor gyi tshul du bshad pa'i mtho ris dang sa bla dang sa 'og gi dkyil 'khor du rnam par rol par mdzad pa'o/ /mkha' 'gro ma de dag gi grangs dang ming gang zhe na/ sku'i 'khor lo'i dbang du byas nas gsungs pa/ brtson chen 'khor lo sgyur ma zhes bya ba la sogs pa'o/ /de rnams kyi 'byung ba ci'i phyir ma bstan snyam pa la/ de dag nges par sngon grub yin zhes bya ba la sogs pa smos pa la/ lha mo ni nyi shu rtsa bzhi po dag bcom ldan 'das kyi rgyur gyur pa'i phyir/ sngon grub pa kho na ste/ de dag gi 'byung gnas kyis ci zhig bya zhes bya ba'i don to/ /de dag gis bzlas pa bstan pa'i phyir/ rang ming brjod pa'i sngags la ni Ta zhes bya ba la sogs pa smos te/ oM gyis gsal bar byas shing huM hUM phaT kyi mdza' can la de rnams kyi rang rang gi ming dang spel ba ni sngags rnams so/ /ci de dag gcig pu yin zhe na/ dpa' bo nyid 'gyur grub pa ni zhes bya ba la sogs pa la/ dpa' bo rnams kyi tshul ni dpa' bo nyid de de thob pa ni dpa' bo nyid du song zhing dpa' mo rnams dang snyoms par zhugs pa'o/ /grub pa ni yongs su rdzogs pa'i zhes bya ba'i don to/ /rnal 'byor ma de dag dang ci zhig bya zhe na/ khyim
- 296b
du dkyil 'khor mthong ba dang/ /de shes rtag tu bsgom pa ni/ /zhes bya ba la sogs pa smos te/ phyi'i dkyil 'khor 'ba' zhig tu ma zad kyi/ khyim ste rang gi lus la yang slob dpon gyi man ngag gi dkyil 'khor du blta zhing bsgom pa'o/ /yang gi sgra ni bsdu ba'o/ /dpal 'khor lo sdom pa'i dka' 'grel rin po che'i tshogs zhes bya ba las/ dpa' bo dang dpa' mo'i rnal 'byor ma gnyis su med pa'i le'u ste bzhi pa'o// //de ltar dpa' bo dang dpa' mo de dag gang las 'byung ba de'i 'byung gnas bstan par bya ba'i phyir/ /le'u lnga pa bstan par bya ste/ thams cad chos 'byung sna tshogs ni/ zhes bya ba la sogs pa la/ chos thams cad ces bya ba ni dpa' bo dang dpa' mo nyi shu rtsa bzhi'i ngo bo nyid dang 'phel dang 'grib pa'i mtshan nyid can zla ba yang ngo dang mar gyi ngo gnyis la tshes nyi shu rtsa bzhi'i bdag nyid lus 'dzin par byed pa'i khams rnams so/ /yang na bshad pa las gzhan du gsal byed bsdus pa sum cu rtsa drug dang/ gza' dang rgyu skar gyi 'khor lo'o/ /'du byed brgyad kyi mthar thug pa dang/ phung po dang khams la sogs pa sum cu rtsa gnyis ni chos thams cad do/ /de rnams gang las 'byung ba ni chos 'byung ba'o/ /de gang zhe na/ sna tshogs zhes bya ba la sna tshogs ni sna tshogs pad+ma ste/ sprul pa'i 'khor lo la gnas pa'o/ /lte ba ni lte ba la'o/ /mi shigs pa ni skye ba dang 'jig pa dag gis dbye bar mi nus pa'i phyir mi shigs pa'i yi ge'o/ /'di dag thams cad ni rin po che la sbyar las gsal bar gsungs te/ de bas ni srid pa dang mya ngan las 'das pa tshul gcig pa nyid du bcom ldan 'das mi shigs pas bsten pa'i phyir zhi ba'o/ /sngags pas cho ga bzhin bris nas zhes bya ba la/ rnal 'byor pas yid kyis dri dang me tog gis byugs pa'i sa gzhir rdul gyis so/ /bshad pa'i mtshan nyid kyi mi shigs
- 297a
pa rkang pa brgyad pa'i bzhi yin pa'i phyir/ chos thams cad gcig tu bsdus pa'o/ /'di la yid dang rdul gyis bris pas ci zhig bya zhe na/ 'dir sngags kyi tshig ni 'di dag yin te zhes bya ba la/ sngags rnams kyi rab tu gnas pa'i gzhi ni tshig thams cad de/ de dag ka la sogs pa gsal byed 'ba' zhig gang la yod pa de ni 'dir sngags pas bri bar bya zhes gsungs pa ni sngags pa kho na'o/ /sngags rnams kyi rab tu gnas pa'i gzhi gang yin zhe na/ A li kA li mnyam byas nas zhes bya ba la sogs pa smos te/ A li kA li zhes bya ba ni byed pa'i tshig dbye ba bstan to/ /des na A li kA li zhes blta bar bya'o/ /yi ge as nye bar mtshan pa'i yi ge sum cu rtsa bzhi ni kA li'i sgras mtshon to/ /dbyangs de dag dang yi ge rnams ni A li kA li la sogs pa'o/ /A li kA li ni A li kA li ste/ mnyam pa ni phan tshun mthun pa'o/ /sde tshan la ni yongs su bstim zhes bya ba la sde tshan ni tshogs rnam par 'jog pa'o a nas brtsams te a:I bar du ni sde mtshan dang po'o/ /yi ge ka nas brtsams te nga'i bar zhes bya ba nas brtsams te brgyad ni sde tshan brgyad do/ /a ka tsa Ta ta pa ya sha zhes bya ba la sogs pa ni sde tshan rnams so/ /oM dang phaT dang hUM rnams su sde tshan rnams su bstim pa ni sde tshan rnams kyi tshul du rnam par 'jog pa'o/ /A li kA li de gnyis mnyam par byed pa ni ci lta bu'i dbye bas sde tshan du gyur zhe na/ bzhi bzhir ru ni shes byas la/ zhes bya ba la sogs pa smos te/ bzhi po bsgras pas bzhi bzhi ste bcu drug gam sum cu rtsa gnyis so/ /de bas na mnyam pa ni ja nya gnyis spangs pas bcu drug phrag gnyis su bya'o/ /gal te yi ge bzhi bcu rtsa brgyad sde tshan du gyur na yang de la bzhi bzhi
- 297b
zhes bya ba 'dis sde tshan gyi grangs gzhan ma bstan pa'i phyir sde tshan ni brgyad kho na'o/ /de la khyad par ni 'di yin te/ bzhi dang bzhi ni bzhi bzhi ste/ bzhi phrag gnyis brgyad du shes par bya'o/ /sde tshan brgyad du 'gyur na/ de'i 'og tu ci bya zhe na/ thub pa mchog ni rab tu dgram zhes bya ba la sogs pa la/ sde tshan brgyad po de la thub pa'i mchog tu dgram par bya'o/ /thub pa ni yi ge sum cu rtsa drug go /de rnams kho na lha'i gzugs can du bsdu zhing mchog yin pa'i phyir thub pa'i mchog ni dgram par bya zhes bya ba'i don to/ /bkram nas ci zhig bya zhe na/ de ri gnas dpa' bo btu bar bya zhes bya ba la sogs pa la/ de la zhes bya ba ni dgram pa'o/ /btu ba ni 'byung ba'o/ /dpa' bo ni bcom ldan 'das dpal he ru ka'i rgyu yin pa'i phyir gsang sngags so/ /sngags kyi che ba bstan par bya ba'i phyir/ 'dod don thams cad sgrub byed pa zhes bya ba la/ 'dod pa thams cad dang don thams cad sgrub pa ni 'dod pa'i don kun sgrub pa'o/ /btu ba'i rim pa bstan par bya ba'i phyir bzhi pa'i lnga pa gang yin dang zhes bya ba la sogs pa ste/ bzhi pa'i lnga pa ni yi ge na'o/ /lnga pa'i lnga pa ni yi ge ma'o/ /lnga pa'i bzhi pa ni yi ge b+ha'o/ /dang po'i gsum pa ni yi ge ga'o/ /nyi shu rtsa dgu pa ni chu'i yi ge wa'o/ /bzhi pa'i dang po ni ta'o/ /mthar gnas pa'i bzhi pa ni yi ge wa'o/ /mthar gnas pa nyid kyi gnyis pa ni yi ge ra'o/ /sum cu pa ni yi ge sha'o/ /nyi shu rtsa drug pa ni yi ge ya'o/ /brgya byed kyi byed ni yig ma'o/ /sum cu rtsa gsum pa ni yi ge ha'o/ /dang po'i dang po ni yi ge ka'o/ /mthar gnas pa'i gsum pa ni yi ge la'o/ /dang po'i gsum pa ni yi ge ga'o/ /sum cu rtsa gnyis pa ni yi ge sa'o/ /bzhi pa'i lnga pa ni yi ge na'o/ /lnga pa'i bzhi pa ni yi ge b+ha'o/ /mthar gnas pa'i dang po ni yi ge ya'o/ /gnyis pa'i gsum pa ni yi ge dza'o/ /gsum pa'i dang po ni yi ge Ta'o/
- 298a
lnga pa'i lnga pa ni yi ge ma'o/ /dang po'i dang po ni yi ge ka'o/ /bcu gcig pa ni yi ge Ta'o/ /yi ge bcu drug pa ni ta'o/ /gsum pa'i dang po ni yi ge Ta'o/ /nyi shu rtsa drug pa ni yi ge ya'o/ /bzhi pa'i gsum pa ni yi ge nga'o/ /uSh+ma Na'i gnyis pa ni yi ge Sha'o/ /dang po'i dang po ni yi ge ka'o/ /nyi shu rtsa bdun pa ni yi ge ra'o/ /nyi shu rtsa brgyad pa ni yi ge la'o/ /dang po'i gsum pa ni yi ge ga'o/ /lnga pa'i bzhi pa ni yi ge b+ha'o/ /sum cu rtsa gcig pa ni yi ge Sha'o/ /bco lnga pa ni yi ge Na'o/ /nyi shu rtsa lnga pa ni yi ge ma'o/ /dang po'i gnyis pa ni yi ge kha'o/ /nyi shu rtsa drug pa ni yi ge ya'o/ /sum cu rtsa gnyis pa ni yi ge sa'o/ /uSh+ma Na'i tha ma ni yi ge ha'o/ /sum cu rtsa gnyis pa ni yi ge sa'o/ /lnga pa'i bzhi pa ni yi ge b+ha'o/ /gnyis pa'i gsum pa ni yi ge dza'o/ /lnga pa'i bzhi pa ni yi ge b+ha'o/ /uSh+ma Na'i gsum pa ni yi ge nyi shu rtsa bdun pa ni yi ge ra'o/ /an+ta s+tha'i dang po ni yi ge ya'o/ /nyi shu rtsa gcig pa ni yi ge pa'o/ /an+tas+tha'i gnyis pa ni yi ge ra'o/ /sum cu pa ni yi ge sha'o/ /lnga pa'i dang po ni yi ge pa'o/ /uSh+ma Na'i gsum pa ni yi ge sha'o/ /de bzhin yi ge dya nyid dang/ /zhes bya ba la/ rang gi gzugs nyid bstan pas bcom ldan 'das kyi chos kyi phyag rgya'i sa bon gsungs pa yin no/ /bzhi pa'i dang po ni yi ge ta'o/ /uSh+ma Na'i dang po ni yi ge sha'o/ /nyi shu rtsa brgyad pa ni yi ge la'o/ /dang po'i gnyis pa ni yi ge kha'o/ /gsum pa'i dang po yi ge Ta'o/ /dang po'i gsum pa ni yi ge ga'o/ /bzhi pa'i bzhi pa ni yi ge d+ha'o/ /an+ta s+tha'i gnyis pa ni yi ge ra'o/ /gsum pa'i lnga pa ni yi ge Na'o/ /zhes de'i 'og tu yi ge byA ni dpa' bor bshad pa'o/ /dang po'i bzhi pa ni yi ge b+ha'o/ /de nas shes pa nyid kyi sgra nges par bzung pa ste/ dang
- 298b
po'i sde tshan gyi brgyad pa ni dza'o/ /yang brgyad pa zhes gzhan du brjod do/ /bzhi pa'i lnga pa ni yi ge na'o/ /lnga pa'i lnga pa ni yi ge ma'o/ /nyi shu rtsa bdun pa ni yi ge ra'o/ /bzhi pa'i bzhi pa ni yi ge d+ha'o/ /nyi shu rtsa bdun pa ni yi ge ra'o/ /nyi shu rtsa drug pa ni yi ge ya'o/ /nyi shu rtsa lnga pa ni yi ge ma'o/ /sum cu rtsa gsum pa ni yi ge ha'o/ /bzhi pa'i bzhi pa ni yi ge d+ha'o/ /lnga pa'i lnga pa ni yi ge ma'o/ /bzhi pa'i lnga pa ni yi ge na'o/ /dang po'i dang po ni yi ge ka'o/ /nyi shu rtsa bdun pa ni yi ge ra'o/ /mthar gnas pa'i bzhi pa ni yi ge wa'o/ /nyi shu rtsa gcig pa ni yi ge pa'o/ /uSh+ma Na'i gnyis pa ni yi ge Sha'o/ /nyi shu rtsa drug pa ni yi ge ya'o/ /zhes de dag ni dpal he ru ka'i gsang sngags kyi rgyal po'o/ /le'u bzhi pa las gsungs pa'i dpa' mo rnams kyi rang rang gi ming dang spel ba bzhin/ ka ra kar la sogs pa'i sngon du song ba'i huM hUM phaT kyi mdza' can du dum bu phyed pa la sogs pa'i dpa' bo rnams kyi sngags legs par bstan par bya ba'i phyir/ ka ra ka ra zhes bya ba la sogs pa ni go sla'o// sngags kyi che ba bstan par bya ba'i phyir/ 'di la shin tu mchog gyur pa zhes bya ba la sogs pa smos so/ /'di lta bu'i khyad par can gyi/ gsang sngags mtshan ci yin zhes 'dri ba'i lan bstan pa'i phyir/ rtsa ba'i sngags su rab tu bsgrugs zhes smos pa la/ rtsa ba ni sum cu rtsa bdun gyi dkyil 'khor ba'i lha'i 'khor lo ste/ de dag gi sngags ni rtsa ba'i sngags so/ /dkyil 'khor ba thams cad kyi sngags zhes bya ba'i bar du'o/ /dpal 'khor lo sdom pa'i dka' 'grel rin po che'i tshogs zhes bya ba las/ rtsa ba'i sngags kyi yi ge btu ba'i cho ga'i le'u ste lnga pa'o// //de la sngags de tsam gyis chog pa ma yin te/ 'on kyang gzhan yang mang du yod pa bstan par bya ba'i phyir/ le'u drug pa bshad par bya ste/ gzhan yang yi ge nyi shu
- 299a
gnyis/ /snying po yig bdun nye snying po/ /zhes bya ba la sogs pa'o/ /de la re zhig rkang pa drug pa'i dpa' bo'i go cha'i sngags bshad par bya ste/ ya tshogs brgyad pa'i sa bon dang zhes bya ba la sogs pa la yi ge sde tshan las brgyad pa ni yi ge ha'o/ /de bzhin du gug kyed bcu gnyis kyi zhes bya ba la/ ma ning gi yi ge spangs pa'i dbyangs kyi yi ge bcu gnyis 'jig rten la rab tu grub pa de bzhin du bstan te/ ha hA hI hI hu hu he he ho hau haM ha(rgyud 'grel): zhes bya bar sbyar ro/ de ltar sbyar nas ci zhig bya zhes brjod can yi ge bar ma dor byas la/ /yan lag drug ni khrag 'thung bshad/ /ces bya ba la yi ge gnyis pa sbyangs pa'i dang po nye bar blangs la bshad par gyur pa'i tshig drug po ni he ru ka'i yan lag drug cu bshad do/ /rdo rje sems dpa' la sogs pa dpa' bo drug gi yang dag par sbyor ba ni dpa' bo drug gi yang dag par sbyor ba'o/ /des mtshon pa'i zung re re las re re'i tshul du yang dag par gnas pa'o/ /gnas pa de dag kyang gang bstan ce na/ oM na ma(rgyud 'grel): zhes bya ba la sogs pa gsungs so/ /de dag ni he ru ka'i yan lag tu dgod par bya ba gnas par bya ba'i phyir/ dang por snying ga nyid du ste/ zhes bya ba la sogs pa smos so/ /dpal 'khor lo sdom pa'i dka' 'grel rin po che'i tshogs zhes bya ba las/ dpa' bo drug gi go cha btu ba'i le'u ste drug pa'o// //le'u lnga pa las btus pa'i gsal byed yi ge dbyangs kyi yi ge dang sbyar bar bya ba'i phyir/ le'u bdun pa bshad bar bya ste/ de nas dbyangs yig bcu gsum nyid/ /yi ge gnyis dang yang dag ldan/ /zhes bya ba la sogs pa la/ de nas de dag las/ bcu gsum pa'i dbyangs yig ni yi ge o'o/ /yi ge gnyis pa ni yi ge ma'o/ /dbyangs des yi
- 299b
dang sbyar bar bya'o/ /de bzhin du gzhan yang sbyar bar bya'o/ /dbyangs yig bcu gcig pa ni yi ge e'o/ /yi ge drug pa ni ta'o/ /dbyangs yig bzhi pa ni yi ge a'i'o/ /yi ge bdun pa ni wa'o/ /dbyangs kyi yi ge bcu gcig pa ni yi ge e'o/ /brgyad pa na yi ge ra'o/ /dbyangs gnyis pa ni yi ge A'o/ /yi ge dgu pa ni sha'o/ /dbyangs yig gnyis pa ni de nyid do/ /bcu gnyis pa ni yi ge ra'o/ /yi ge nyi shu rtsa gcig pa ni yi ge pa'o/ /de la dbyangs yig gnyis pa ni yi ge a'u'o/ /de ltar bshad pa'i yi ge bcu bzhi pa yi ge la la sbyar bar bya'o/ /yi ge bco lnga pa ni yi ge ga'o/ /yi ge nyi shu pa ni na dang ldan pa ste/ dbyangs kyi yi ge i dang sbyar bar bya'o/ /dbyangs bco lnga pa ni oM mo/ /bcu drug pa ni yi ge sa'o/ /de yi ge a byis mdzes pa ni yi ges mo? dbyangs gsum pa yi ge i dang ldan pa ni bcu bdun pa ste yi ge na'o/ /dbyangs gnyis pa yi ge des bco brgyad pa yi lhar sbyar bar bya'o/ /A dang yang dag par ldan pa yi ge nyi shu rtsa gcig pa ste yi ge Ta'o/ /dbyangs lnga pa ni yi ge u'o/ / de dang ldan pa'i yi ge nyi shu rtsa gnyis pa ni yi ge ma'o/ /dbyangs bcu gsum pa ni yi ge o'o/ /de dang ldan pa nyi shu rtsa bzhi pa ni yi ge Ta'o/ /sde chen dang po'i dang po ni yi ge ka'o/ /de blangs nas nyi shu rtsa lnga pa yi ge ta dang sbyar bar bya'o/ /sde tshan gsum pa'i dang po ni yi ge Ta'o/ /de dbyangs gnyis pas dbye bar bya'o/ /nyi shu rtsa brgyad pa ni yi ge da'o/ /de ni bco lnga pa ste yi ge aM phyis mtshon cing spyi bo la sbyar ro/ /gsum pa'i dang po ste yi ge Ta 'og tu ra dang bcas pas gnyis pa'o dbyangs kyi yi ge A dang ldan pas yi ge nyi shu rtsa dgu pa Sha dang sbyar bar bya'o/ /sum cu rtsa gcig pa ni yi ge ra'o/ /de gnyis pa'i dbyangs kyis sbyar bar bya'o/ /yi ge sum cu rtsa gnyis pa ni la'o/ /bcu gsum pa ni yi ge o'o/ /de dang ldan par bya'o/ /yi
- 300a
ge sum cu rtsa gsum pa ste ga ni nyi ma ster dang ldan par bya'o/ /phyi mo'i bzhi pa ni yi ge a'i ste/ yi ge sum cu bzhi dang ldan par bya'o/ /phyi so'i lnga pa ni yi ge u'o/ /sum cu rtsa bdun pa ni ma ste de dang sbyar bar bya'o/ /sum cu rtsa brgyad pa ni yi ge kha ste/ dbyangs yi ge gnyis pa a dang sbyar bar bya'o/ /bzhi bcu rtsa gnyis pa ni yi ge sa ste 'og tu rang dang sbyar ro/ /bzhi bcu rtsa gsum pa ni b+ha ste/ dbyangs yi ge lnga pa u dang sbyar ro/ /bzhi bcu rtsa lnga pa ni b+ha ste gnyis pa'i dbyangs kyi yi ge A ring po dang sbyar bar bya'o/ /lnga pa'i dbyangs ni yi ge u ste bzhi bcu rtsa drug pa ste sa dang sbyar bar bya'o/ /bzhi bcu rtsa bdun pa ni yi ge ra'o/ /gnyis pa'i dbyangs te yi ge A dang sbyar bar bya'o/ /lnga bcu rtsa gcig pa ni yi ge sha ste lnga pa dbyangs kyi yi ge u dang ngo/ /lnga bcu rtsa gnyis pa ni yi ge pa ste gnyis pa ste dbyangs dang sbyar bar bya'o/ /lnga bcu rtsa gsum pa ni yi ge sha'o/ /dbyangs yig bcu gsum pa ni dbyangs yig o dang ldan par bya'o/ /lnga bcu rtsa drug pa ni yi ge sha ste dbyangs yig drug pa a'u dang sbyar bar bya'o/ /mthar gnas pa'i bzhi pa ni yi ge wa ste/ dbyangs yig gnyis pa A dang dbyangs yig bco lnga pa dang ldan zhing lnga bcu rtsa dgu pa ste Ta dang sbyar bar bya'o/ /drug cu rtsa gcig pa ni yi ge d+ha ste gnyis pa'i dbyangs dang ldan pa'o/ /drug cu rtsa gnyis pa ni yi ge ra'o/ /gsum pa'i dbyangs dang sbyar ro/ /drug cu rtsa gsum pa ni yi ge Na ste dbyangs kyi yi ge e dang sbyar bar bya'o/ /drug cu rtsa lnga pa ni yi ge g+ha'o/ /rdo rje sems dpa' ni 'og tu ra dang ldan par bya'o/ /drug cu rtsa drug pa ni yi ge dza'o/ /dbyangs yig gsum pa dang sbyar ro/ /drug cu rtsa bdun pa ni yi ge na'o/ /dbyangs yig gnyis pa dang sbyar ro/ /yi ge drug cu rtsa brgyad pa ni
- 300b
pa dang sbyar bar bya'o/ /bdun cu rtsa gcig pa ni yi ge ra'o/ /bdun cu rtsa bzhi pa ni yi ge ha ste gnyi ga la dbyangs yig gnyis pa dang sbyar ro/ /bdun cu rtsa lnga pa ni yi ge d+ha ste/ dbyangs yig a'u dang sbyar ro/ /bdun cu rtsa drug pa ni yi ge ma ste/ dbyangs yig gnyis pa dang sbyar zhing yi ge dang ldan par bya'o/ /bdun cu rtsa bdun pa ni yi ge na ste yi ge d+ha dang ldan par bya'o/ /bdun cu rtsa brgyad pa ni yi ge ka ste dbyangs yig gnyis pa dang sbyar ro/ /yi ge brgyad cu rtsa gcig bya ba ni dbyangs yig bzhi pa'i mdza' u dang sbyar ro/ /brgyad cu rtsa gnyis pa ni yi ge Sha'o/ /dbyangs yig gnyis pa dang sbyar ro/ /tshig re re la yang dang po oM dang huM hUM phaT kyi mdza' can ni rtsa ba'i gsang sngags so/ /dpal 'khor lo sdom pa'i dka' 'grel/ rin po che'i tshogs zhes bya ba las/ rtsa ba'i sngags btu ba'i le'u bdun pa'o// //le'u drug pa las snying po dang nye ba'i snying po bstan nas/ lha mo drug gi go cha brjod par bya ba'i phyir le'u brgyad pa ston te/ de nas rang gi bdag nyid kyi/ /dpa' bo thams cad mnyam sbyor ba/ /mkha' 'gro ma yi dra ba'i sdom/ zhes bya ba la sogs pa la/ bdag ces bya ba ni rang gi bdag nyid de dang zhes bya ba ni dang po'i don la gnyis pa'i mdza' can du byas pa'o/ /rang gi dam tshig ni bdag nyid kyi don te/ des na rang ni rang gi bdag nyid do/ /rang gi bdag nyid kyi gzugs su ston pa de gang zhe na/ dpa' bo thams cad mnyam sbyor ba/ /mkha' 'gro ma yi dra ba'i sbom ste/ /snying po'i dang nye ba'i snying po dang rtags la brtan nas ma ning gi rtags su byas pa'o/ /dpa' bo thams cad ni dum pu byed pa la sogs pa nyi shu rtsa bzhi'o/ /de rnams dang yang dag pa'i sbyor ba gang la yod pa de dag ni dpa' bo thams cad mnyam sbyor ba ste/ mkha' 'gro ma nyi shu rtsa bzhi'o/ /de rnams kyi tshogs
- 301a
ni dpa' bo thams cad mnyam par sbyor ba mkha' 'gro ma'i dra ba'o/ /de dag thams cad yang dag par sbyor bar byed pas dpa' bo thams cad mnyam sbyor ba mkha' 'gro ma'i dra ba'i sdom pa dpal 'khor lo sdom pa'o// sngags dang lha rnams dbye ba med pa'i phyir snying po rang nye ba'i snying po yang dbang po thams cad dang mnyam par mkha' 'gro ma'i dri ba'i sdom pa yin par gsungs so/ /de nyid bstan par bya ba'i phyir swAhA zhes bya ba la sogs pa smos te/ bzlog nas bstan pa'i gsang sngags 'di dag yang bzlog nas bstan nas gsal por 'gyur ro/ /rig pa'i rgyal po ni phyag bzhi pa la sogs pa nas phyag 'bum gyi bar du dpal 'khor lo sdom pa'o/ /de'i snying po ni bla na med pa'o/ /pha'i sngags dang 'dra ba'i nye ba'i snying po brjod par bya ba'i phyir du pha zhes bya ba la sogs pa smos te/ sngags 'di yang phyin ci log par khong du chud par bya'o/ /rdo rje phag mo la sogs pa rnal 'byor ma drug gi go cha'i sngags brjod par bya ste yi ge baM dang yaM dang ni zhes bya ba la sogs pa smos te/ yi ge baM dang yoM dang moM dang h+riM dang hUM dang phaT te/ rkang pa drug pa'i sngags so/ /tshig re re la phan tshun yi ge drug pos de rnams la sbyar bar bya'o/ /bcom ldan 'das ma rdo rje phag mo'i snying po ni sgra ji bzhin pa ste/ oM badzra bai ro tsa nI ye zhes bya ba la sogs pa'o/ /lha rnams kyi gsang sngags bsngags pa'i phyir sa steng na ni rin chen bzhi zhes bya ba la sogs pa la/ mchog yin pa'i phyir/ rin chen bzhi ste bcom ldan 'das kyi phreng ba'i sngags dang lha mo'i rtsa ba'i sngags dang snying po dang/ nye ba'i snying po dang/ go cha'i sngags so/ /mkha' 'gro ma'i tshogs gang la yod pa de ni mkha' 'gro ma'i rig pa chen mo ste/ rdo rje phag mo'o/ /rig pa de'i rgyal po ni dpal 'khor lo sdom pa'o zhes rin po che bzhi'o/ /dpal
- 301b
'khor lo sdom pa'i dka' 'grel rin po che'i tshogs zhes bya ba las/ snying po dang nye ba'i snying po dang rnal 'byor ma drug gi go cha btu ba'i le'u ste brgyad pa'o// //yang dag par bshad pa'i 'das ma thag pa'i sngags rnams kyi dgongs pa bstan par bya ba'i phyir/ /de nas rtsa ba'i gsang sngags kyi/ /las mchog rim pa ji bzhin du/ /de ni rnam par bshad par bya zhes bya ba la sogs pa smos te/ las de gang zhe na/ 'jig rten gsum na gang yin rung/ /thams cad skad cig gis 'grub par zhes bya ba la sogs pa smos te/ dgos pa ni 'di yin te sngags 'di phyogs gcig tu dgos pa ni ma yin no/ /'on kyang las thams cad byed ces ston to/ /gang yang 'di ni klu thams cad ces bya ba la sogs pa gsungs te/ de dag rab tu grub pa yin te/ sngags 'di gcig pu las thams cad byed pa ma yin te/ 'on te cho ga dang ldan pa yongs su gcod par bya ba'i phyir/ bshad pa'i rgyud las bstan te/ lha mo shes rab chen po khyod/ /rig pa'i rgyal po bsgrub pa nyon/ zhes bya ba la sogs pa rig pa ni bcom ldan 'das yum rdo rje phag mo ste shes rab po/ /de'i gtso bo ni rig pa'i rgyal po ste/ dpal 'khor lo sdom pa'o/ /rig pa'i rgyal po des bsgrub pa'i dngos grub dang/ las thams cad ji ltar bskyed pa'i thabs de nyon cig pa'o/ de gang zhe na gdengs ka'i dbang phyug ces bya ba la sogs pa la phyogs thams cad du rin po che 'bar ba'i gdengs ka dag gi bdag po yin pa'i phyir ro/ /gdengs ka'i dbang phyug de yang ci lta bu zhe na/ 'di nyid dbang ldan gyi phyogs la sogs pa ni shar phyogs su/ /k+Sh+nAM k+Sh+nAM nub phyogs su hi hi/ nor bdag gi phyogs su haM haM/ /gshin rje'i phyogs su hUM hUM/ /yi dags kyi phyogs su ki li ki li/ /srin po'i phyogs su hi li hi li/ /kha cig tsi li tsi li zhes zer ro/ /rlung gi phyogs su si li si li/ /me'i phyogs su d+hi
- 302a
li d+hi li'o/ /rab gtum ma la sogs pa nas brtson 'grus chen mo'i bar gyi tshogs so/ /'khor lo rig pas 'khor lo bzhin/ /hUM dang phaT kyi rnam spel zhing/ /bsgrub bya 'khor lo'i dbus su bri/ /'khor lo mtshan nyid yang dag ldan/ /'khor lo mchog me kun bri'o/ /ci 'di kho na las thams cad byed dam zhe na/ gsang sngags 'di bzlas brjod 'bum byas pas zhes bya ba la sogs pa smos te/ sngags 'di 'bum pa zlas pas bshad pa'i las byed pa yon gyi 'on kyang sngon bzung nas 'bum bzla ba ni ma yin no/ /shing la 'dzegs te gang 'dod pa dar 'gro bar byed do/ /zhes bya ba ni gang de nus pa dang ldan pa'i bshad par gyur pa'i bdag nyid can gyi 'khor lo ni shing gi rtse mor bsams na/ der gnas shing gang du 'dod pa der ri bo ti si la sogs pa der bgrod par 'gyur ro/ /bgrod pa 'dis kyang sngags thams cad 'phrog pa la sogs pa der gal te 'gugs par byed pa'i sngags pas 'khor lo'i dbus su gnas pa'i rtsa ba'i sngags kyis sbyor bas yin kyi sngags tsam gyis ni 'grub pa ma yin gyi/ 'di gnyi ga yang lugs las bzlog par dngos grub 'dod pas bla ma dam pa las khong du chud par bya ste/ gzhan du na don med par 'gyur ro/ /gang la grub cing gang gis bya zhe na/ nam mkha' lding dang zhes bya ba la sogs pa la/ gdong gi phyogs gcig ni gdong ste/ gdong gi rtse mo zhes bya ba'i bar du'o/ /nam mkha' lding gi gdong dang 'dra ba'i phyir/ nam mkha' lding ste/ nam mkha' i gdong can no/ /de btung ba ni gang du bcom ldan 'das bzhugs pa de ni nam mkha' lding gi btung ba ste/ yi ge e'i rnam pa can gyi shes rab bo/ /de 'byin pa ni sprul pa ste 'byin pa'i sa nas de'i 'og gi sems kyi rdo rje ni nam mkha' lding gi btung ba 'byin par byed pa bstan to/ /zhi ba ni zla ba'o/ /de'i rgyu A laM
- 302b
kA li'i yang zhi ba'o/ /de gnyis bsdus pa ni zhi ba'i bsdus pa'o/ /de la ltos pa'i mtshan nyid can thabs dang shes rab kyi rang bzhin gyis bsdus pa ni 'byin par byed pa'i 'dus pa bzhi pa 'dus pa ste/ byang chub kyi sems rdo rje'o/ /re gang gis spyod cing longs spyod pa de ni mi mchog ste/ skyes bu dam pa'o/ /de bshad pa'i mtshan nyid can de dag gang bsgrub pa de'i lag mthil na dpal gnas pa ste/ bshad pa'i las kyi dngos grub phun sum tshogs pa ste/ 'khrul 'khor dang sngags rgyud kyi sbyor ba rnams 'grub par 'gyur zhes bya ba'i bar du'o/ /nam mkha' sding gi gdong 'gro ba zhes kyang gzhan la brjod de/ de la gdong ni kha ste nam mkha' lding 'dra bas na nam mkha' lding gi gdong ngo/ /gang gi phyir nam mkha' lding gi lbo dang gshog pa gnyis mtho ba de'i phyir 'og tu blta ba'i gdong gis 'dren par byed do/ /de dang 'dra ba'i dbyibs can zhi ba'i bsdus pa'i dus su steng du 'dzeg pa'i mtshan nyid can med pa'i gug kyed 'gro ba'i tshul can no/ /bdag nyid kyis mtshon pa'i phung po dang khams bar skye mched la sogs pa'i chos rnams gang la yod pa de ni 'gro ba'o/ /sngar bshad pa'i phyag rgya de las 'byin par byed pa ni byang chub kyi sems so/ /zhi ba ni rang byung me tog go/ /de'i bsdus pa ni kun tu bsdus pa ste dpyid kyi dus zhes bya ba'i bar du'o/ /de gang gis spyod pa de ni sems can thams cad kyi mchog ste/ las byed pa'i nus pa dang ldan par 'gyur ro/ /las de dag byed pa ni kun du spyod pa zhes bstan pa dang/ dbang bskur ba gsum pa yang bstan to/ /gang gis gsum pa thob pa de yang sgrub pa po nyid slob dpon gyi rnal 'byor gyi stobs kyi slob dpon nyid du byed cing 'grub par 'gyur gyis gzhan du ni ma yin no/ /de la rgyud gzhan du bshad pa'i sbyor ba 'ga' zhig bshad par bya'o//
- 303a
dur khrod kyi sol ba zhes bya ba la sogs pa smos te/ 'byung po'i nyin zhag la dur khrod kyi ras la cho ga bzhin du bsgrub bya'i 'khor lor bris pa'i ming gang la brdeg pa de ma thag tu lhung zhing bris pa'i don dang ldan par 'gyur ro/ de bzhin du nyin zhag de nyid la 'bras bu med pa'i star ga'i khu ba dang dur khrod me shi ba'i thal bas de nyid kyi ming ngam gzugs bris shing bsam gtan gyis sprul na sha zam bzung bar 'gyur ro/ /de bzhin du yang lan cig bzlas pa'i dur khrod kyi sol bas 'byung po'i zhag gi mtshan mor spang leb bam rtsig pa la 'khor lo gnas pa'i snying gar ming bris na gdon chen pos gzung bar 'gyur ro/ /a ti mu ka ta'i lcug ma ni shing sa ha ka ri'i yal ga ste/ de yang rlung phyogs su bzhag pa blangs te/ dri'i chu la nyin zhag bdun du spangs na gang la brdeg pa de rlung gi shugs kyis 'ong bar 'gyur ro/ /gu gul la lan cig yongs su bzlas te/ 'khor lo la gtul na sems can thams cad 'dar bar 'gyur ro/ /lag pa g.yon pa'i 'khor lo la gang gi ming bris shing g.yas pas bkang na dug gis zin pa smod par byed do/ /de bzhin du mkha' 'gro mas zin pa yang lan cig bzlas pa'i chus grol bar 'gyur ro/ /ka ra pI ra'i smyu gus skyu ru ra'i 'dab ma la bris nas bzlas pas gang du 'dod pa der 'gro zhing mngal du 'pho bar byed do/ /sngags 'di ni 'dod pa spyod pa zhes bya ba 'dis ni sbyor ba rnams kyi phyogs gcig pa'i sgo tsam bstan to/ /kha dog pho nya mo sogs bya zhes 'khor lo'i yan lag tu bshad do/ /ma bshad pa bstan par bya ba'i phyir/ /nam mkha' i dbyings kyi dbus su ni/ /zla ba'i dkyil 'khor mchog tu bsgom/ /'od zer 'bar ba rnams kyis dkrugs/ /'khor lo'i phreng bas rnam par brgyan/ /de yi dbus su rtsibs brgyad pa'i/ /'khor lo lte bar bri bya
- 303b
zhing/ /rdo rje'i phreng ba kun 'phro ba/ /sku gsung thugs kyi rdo rje ni/ /dkyil 'khor zlum po'i rnam pa yis/ /rang gi lus las 'od zer spro/ /nam mkha' i gtos ni khyab par byed/ /dkar dang dmar dang nag po'i gzugs/ /kha dog dbye ba so so yin/ /de ltar cho gas go cha yin/ rnal 'byor pas ni rtag tu bya/ /de dbus bsgrub bya'i ming dag ni/ /ci 'dod par ni sbyar bar bya/ /rdo rje phreng ba'i phyi rol tu/ /'od zer 'bar bas dkrugs par dgod/ /lha mo 'di ni bsrung ba che/ /bsrung ba kun gyi bla med do/ /rims dang dug dang tsha ba rnams/ /mkha' 'gro gnod sbyin rnams dang/ bdud dang log 'dren nyid dang ni/ /grul dum dang ni lus srul pos/ /sgrub po'i ba spuAng mi bskyod na/ /de yi lus lta smos ci dgos/ /zla ba'i gzugs brnyan ltar mthong nas/ / phyogs bcu dag tu dbye bar 'gyur/ /dkar po yi ni zhi ba ste/ /de bzhin nag pos myur du 'chi/ /dmar pos dbang du byed pa ste/ /ljang gus rtag tu 'gugs par byed/ /rgyal po dpung dang bcas pa ni/ /lha mo ser pos nges par byed/ /dpal 'khor lo sdom pa'i dka' 'grel rin po che'i tshogs zhes bya ba las/ rtsa ba'i sngags kyi las kyi cho ga'i le'u ste dgu pa'o// //bcom ldan 'das kyi rtsa ba'i sngags dang 'khrul 'khor gnyis kyi las bstan nas/ de'i sku gsum brjod par bya ba'i phyir/ de nas sku gsum bshad bya ba/ zhes bya ba smos te/ sku gsum ni/ sku dang gsung dang thugs te/ de dag sku gsum zhes bshad par bya'o/ /de ci ltar bshad par bya zhe na/ he ru ka dpal gnyis med sbyor zhes bya ba la sogs pa smos te/ skye bo thams cad sku gsum las ma 'das pa'i phyir dpal he ru kar bshad do/ /dpal he ru ka'i sku gsum dang dbyer med cing gcig pa nyid du grub pas na/ dpal he ru ka'i gnyis su med pa'i sbyor ba des
- 304a
yang na gang gis de brjod pa de ni sku gsum ste he ru ka yin no/ /zhes don gyi shugs kyis rtogs pa yin no/ /de bstan pas ci bya zhe na gang gis shes pa tsam gyi zhes bya ba la sogs pa la gang sku gsum tsam gyis sgrub pa po ma bsgrub pa'i dpal he ru ka'i gzugs rdzogs par 'gyur ro/ /gal te de lta yin na de'i khyad par bshad par bya ste chos kyi lus can du zhes bya ba la sogs pa smos te/ chos ni gsang ba mchog gi dgyes pa na/ /thams cad bdag nyid rtag tu bzhugs/ /zhes bya ba der bstan to/ /yang na phung po'i rgyu dang nges par 'brel pa'i bde ba dam pa/ dben pa'i gzugs can khams bcu drug dang/ byang chub kyi phyogs sum cu rtsa bdun nam/ yang dag pa'i mdza' dang/ rnam par snang mdzad dang/ rin chen 'byung ldan dang/ snang ba mdza' yas so/ /de ltar bshad pa'i mtshan nyid can gyi chos kyang yin la sku yang de yin pas na chos kyi sku'o/ /chos kyi sku de rnams ? gi che sgrub pa por zhig bsgom par 'dod par gyur pa de'i tshe/ ye shes kyi sku ste/ chos nyid tsam bshad par bya ste/ sku de bar gsang ba la sogs pa'i tshig gis bstan to/ /longs spyod pas na longs spyod de/ /ro rjes su myong ba de nyid kyi sku yin pas na/ longs spyod rdzogs pa'i sku'o/ /gang gi tshe longs spyod rdzogs pa'i sku de rnams sgrub pa pos 'dod pa de'i tshe bdag gi longs spyod bstan pa yin te/ longs spyod de yang nam mkha' lding gi gdong zhes bya ba la sogs pa gsungs so/ /sprul pa nas sprul pa ste/ sangs rgyas bskyed pa'o/ /sprul pa de dag mang bas na sprul pa'i sku'o/ /sprul pa'i sku de rnams bsgrub par 'dod pa la/ /sprul pa bshad par bya zhes bya bar sbyar ro/ /sprul pa de yang lte bar dgod pa dpa' bo ni/ /'jigs byed chen po'i sku gzugs can la zhes bya ba der bstan to/ /de ltar sgom pa po ste rnal 'byor pa ye shes dang longs spyod dang sprul pa des thob
- 304b
par 'gyur zhing ci srid he ru ka'i bdag nyid du rnal 'byor pa 'grub ces bya bar bstan to/ /yang na sku gsum zhes bya ba ni 'khor lo gsum ste/ sku gsum lus kyi dbus su ni/ /'khor lo'i gzugs su bstan pa yin/ zhes bya ba'i tshig las gsungs so/ /sku gsum po de yang nges pa can gyi gnas te/ skye gnas snying ga mgrin spyi bor/ /sku gsum po ni rnam par gnas/ /shes gsungs so/ /de la sprul pa skye gnas 'khor lo'o/ /snying gar chos kyi 'khor lo yin/ /mgrin par longs spyod 'khor lo ste/ /bde ba chen po mgo la gnas/ /'khor lo de dag sngags dang 'dab ma'i khyad par gyi khyad par du byas pa'i pad+mar bcas pa'o/ /de la skye gnas kyi 'khor lo ni 'dab ma drug cu rtsa bzhi'o/ /snying ga'i 'khor lo ni 'dab ma brgyad pa'o/ /longs spyod kyi 'khor lo ni 'dab ma bcu drug pa'o/ /de bzhin du yang bshad pa/ dang po 'dab ma drug cu bzhi/ /gnyis pa 'dab ma brgyad du bshad/ /gsum pa bcu drug par shes bya/ /sum cu rtsa gnyis bzhi pa'o zhes bya ba 'dab ma'i khyad par ro/ /sde tshan brgyad dang bcas pa ste/ sde tshan gyi gtso bo ni sprul pa la'o/ /dbyangs lnga dang ldan pa'i yi ge lnga dang/ ya ra la wa rnams ni chos la'o/ /ma ning gi yi ge bzhi dang bcas pa'i tshangs pa ni mgrin par ro/ /ji skad du/ sprul pa'i 'khor lo'i dbus su ni/ /sde tshan brgyad kyis yongs su bskor/ /gsang sngags rnams ni brgyad pa ste/ /gzhan dag gang ci rung pa'o/ /dbyangs lnga dang ni yang dag ldan/ /ya ra la was rnam brgyan pa/ /chos kyi 'khor lo zhes bya ste/ /lus ldan rnams kyi yid dga' ba'o/ /cha ni bzhi par yang dag ldan/ /kun tu yongs su bskor bar bya/ /re rnams kun gyi gzhi shes par/ /longs spyod 'khor lo yang dag bstan/ /'khor lo gsum du brjod pa'i rdzas la/ rgyud gzhan las gsungs pa'i las bstan par bya ste/ gsang sngags 'di
- 305a
laM snying po ni/ /bshad kyis sgrub po rnams nyon cig ces bya ba la sogs pa la/ bshad ma thag pa'i sngags las bla na med pa'i phyir/ snying po zhes bya ba'i sngags kyi las nyon cig ces bya bar sbyar bar bya'o/ /snying po bzlas pas dpag tshad bye ba 'phags par 'gyur ro/ /zhes bya ba la sogs pa smos te/ las 'di dag thams cad la sogs pa 'chad par 'gyur ba'i skye ba bdun gyi sha dang/ sku gsum gyi shes par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ sku gsum grub pa'i snying po'i sngags kyi las kyi cho ga'i le'u ste bcu pa'o// //sku gsum sgrub pa'i sgo nas las rnams brjod nas/ de grub kyang las gzhan rnams bstan par bya ba'i phyir/ le'u bcu gcig pa bstan par bya ste/ de nas gzhan yang bshad ces bya ba la sogs pa la/ de ji lta bu zhe na/ gang zhig bsten pa tsam gyis ni zhes bya ba la sogs pa smos te/ bshad pa tsam gang gis myur du dngos grub la 'jug pa yi/ /zhes bya ba la sogs pa ni go sla'o/ /de ltar gyur pa khams gsum na rnyed par dka' ba gang du rnyed ces dris pa dang/ skyes bu gang zhig rdul dri zhim par gyur pa dang zhes bya ba la sogs pas rdul dri zhim pa byung ba'i khyad par gyis khyad par byas pa'o// skye ba bdun pa zhes bya ba la sogs pa la/ /skye ba rnam pa bdun gang la yod pa de ni skye ba bdun pa'o/ /mi 'ba' zhig gi skye ba yin gyi/ lha ma yin dang/ yi dags dang byol song la sogs pa gzhan du skyes pa ni ma yin no/ /de ltar yin na yin med nges ci zhig bya zhe na/ de bsten na zhes bya ba la sogs pa la skye ba bdun pa de bshus nas yang dag par bsrung ba byas pa la/ snying gi go ro tsa na gur kum gyi mdog can skye ba bdun pa de'i snying ga ni mchog der ro/ /ro tsa na ni gsal
- 305b
ba'i rang tshul can rtog pa thams cad rnam par 'joms par byed pa khams gsum gyi sku gcig pa'i bdag nyid kyi shes rab bo/ /de ni rang blo dang 'brel ba'i snying rje dang gnyis su med pa blangs nas dpal he ru ka'i snying po'i gsang sngags kyi sgra tsam gyis lan brgyan? pa byas pa'i thig les khams gsum du khyab par gyur pa gang gis byed pa ni las thams cad byed par 'gyur ro/ /lta ba 'dis phyi dang nang gi phyogs thams cad dbang du byed par 'gyur ro/ /dpal 'khor lo sdom pa'i dka' 'grel rin po che'i tshogs zhes bya ba las/ skye ba bdun pa'i las kyi cho ga'i le'u ste bcu gcig pa'o// //snying pos skye ba bdun pa'i mtshan nyid brjod par byas nas/ nye ba'i snying pos kyang brjod par bya ba'i phyir le'u bcu gnyis pa bstan par bya ste/ de nas nye ba'i snying po ni dngos grub thams cad sgrub byed bshad/ ces bya ba la sogs pa smos te/ snying po dang nye ba'i snying po ste/ nye ba dang nye ba'i mdza' can no/ /des ci zhig bya zhe na/ 'jig rten gsum na gang cung zad ces bya ba la sogs pa la/ lus dang ngag yid mtho ro me dang/ sa bla dang sa 'og gi gzugs kyis spros pa ni 'jig rten gsum mo/ /'jig rten gsum kho na ni 'jig rten gsum po ste/ 'jig rten gsum po de la gang ci yod pa de mnga' ba'i phyir ma rtogs shing mngon par 'dod pa'i las thams cad 'grub par byed ces bya ba'i don to/ /gang gis las bshad pa'i nye ba'i snying po ni gsang sngags de gang zhe na/ Tapha zhes bya ba la sogs pa lugs las bzlog pa brjod par bya'o/ /thub pa'i snying po nye ba'i snying po zhes bya ba'i sngags pa de 'bum bzlas pas mkhas pa 'dar bar 'gyur ro/ /lha dang lha ma yin dang klu rnams 'gugs par byed do/ /zhes de nye ba'i snying po gsang sngags skye ba bdun gyi dam tshig gi mthu 'dir bstan to sngags dang 'khrul 'khor
- 306a
dang bsgrub bya 'dar ba'i cho ga'i le'u bzhi bcu rtsa gnyis pa las rtogs par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ nye ba'i snying po'i las kyi cho ga'i le'u ste bcu gnyis pa'o// //nye ba'i snying po'i las kyi cho ga bstan nas/ go cha'i las kyang bstan par bya ba'i phyir/ le'u bcu gsum pa bshad par bya ba ste/ de nas go cha'i las mchog ni zhes bya ba la sogs pa la go cha'i sngags so/ /sngar btus pa bshad par bya ba nye ba'i snying po dang mnyam zhes bstan par bya ba'i phyir/ 'jig rten gsum na gang yod pa zhes bya ba la sogs pa la/ khams gsum mam yid la yongs su spros pa des 'di thams cad sgrub par byed pas nye ba'i snying po dang mtshungs par bsngags pa yin no/ /sku gsum dang skye ba bdun pa'i sbyor bas snying po dang nye ba'i snying pos bshad pa'i las byed pa ma yin no/ /cho ga 'di ni zlos pa bzhin du lam du zhes bya ba la sogs pa la/ las kyi tshogs 'dis ji ltar bya zhe na/ dbang po gang dang gang lam gyur zhes bya ba la sogs pa smos te/ dbang po rnams kyi lam ni dbang po'i sgo'o/ /de rnams rab tu 'jug pa'i mtshan nyid kyi las ni/ dbang po'i lam nyid do/ /gang dang gang du gyur cing thob pa de rnams ni bdud rtsi lnga'i rang bzhin no/ /mchog ni phul du byung ba'o/ /mnyam par gzhag pa'i sbyor ba ni sangs rgyas lnga yis nges par sbyar ba ste mchog tu mnyam par sbyor ba des 'di dag thams cad du bdud rtsi lnga sangs rgyas kyi rang bzhin du 'gyur ro/ /de ltar gyur pa'i bdud rtsis gsang ba rtogs par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ cho ga'i sngags kyi las kyi cho ga'i le'u ste bcu gsum pa'o// //snying po dang nye ba'i snying po dang cho ga dag gis
- 306b
nges pa can gyi dam tshig gi las brjod par byas nas/ sgrub pa po rnams kyi las grub pa'i phyir/ sgrub pa bstan pa'i le'u bcu bzhi pa bstan par bya ste/ sgrub pa de ni bshad par bya/ /zhes bya ba la sogs pa smos te/ sgrub pa pos sgrub cing blo dang mi 'gal bar byed pas na sgrub pa'o/ /de'i khyad par bstan par bya ba'i phyir/ gang gis sgrub po 'grub pa zhes bya ba la bar sgrub pa po nges par snod du rung bar 'gyur ba de lta bu'i sgrub pa bdag gis bshad ces bya ba'i don to/ /de lta yin na bza' mod kyi 'on kyang de gang yin zhe na/ bong bu'i rnam pa'i rnal 'byor bdag ces bya ba la sogs pa la/ bong bu'i gdong ni bong bu'i rnam pa'o/ /dper na snam bu tshig ces bya ba der gcig tshig pa la thams cad kyi sgra byung ba bzhin no/ /de'i phyir dpal bde mchog las gzhan ma yin pa'i gzugs kyi gdong tsam gyis bong bu yin te bong bu'i rnam pa yin te sbyor ba'i bdag nyid bshad do/ /dpal he ru ka shin tu mdzes pa yin na/ ci'i phyir mi sdug pa'i gdong du bsgyur zhe na/ yid kyi shugs las bzlog bya'i phyir zhes bya ba la sogs pa smos te/ yid kyi shugs ni mgyogs pa'o/ /de bzlog pa'i phyir zhes dgos pa bstan to/ /gang gi phyir yid ni thams cad du song zhing bzlog par dka' ba des/ rnal 'byor pa de grub par mi 'gyur ba de'i phyir/ ma grub pas bsgrub pa de ni ma grub pa zhes pa'i rigs pa las bshad pa'i las rnams 'grub par mi 'gyur ro/ /de bas bdag nyid bsgrub pa'i phyir dang yid kyi shugs zlog par byed pa'i bong bu'i rnam pa bsgom par bya ba'i phyir nye bar bstan to/ /ci bcom ldan 'das gcig bu kho na bong bu'i gdong can yin nam/ gzhan dag kyang yin zhe na/ rnal 'byor ma ni ma mo'i gzugs/ /de bzhin du ni mkha' 'gro ma/ /khaN+Da ra he 'dod gzugs can/ /zhes bya ba la sogs pa smos te/ rnal 'byor ma ni bcom ldan 'das rdo rje phag mo'o/
- 307a
lA ma la sogs pa ni rab tu grub pa nyid do/ /de'i phyir mkha' 'gro ma bzhi dang rdo rje phag mo ste/ lnga dang dpal chen bde mchog dang drug ni bong bu'i gdong can du bstan to/ /mkha' 'gro ma'i khyad par bstan par bya ba'i phyir/ khrag dang rkang dang rtse gsum bsgoms pa ni mkha' 'gro ma ste/ ral gri 'am rtse gsum bsnams pa zhes bya ba'i don to/ /drug gi zhal ni bshad la sum cu rtsa gcig ni ma bshad mod kyi/ de tsam gyis dngos grub rtogs par 'gyur ram zhe na/ bshad pa'i rgyud las kyang sum cu rtsa bdun gyi zhal gsungs pa la 'jug par bya ste/ seng ge'i gdong can ni sku'i 'khor lo'o/ /rma bya'i gdong can ni gsung gi 'khor lo'o/ /nam mkha' lding gi gdong can ni thugs kyi 'khor lo'o/ /khwa gdong ma la sogs pa bzhi ni khwa dang 'ug pa dang khyi dang phag gi gdong can no/ /gshin rje sreg ma la sogs pa mtshams kyi lha mo ni ma he'i gdong can no/ /de lta yin du zad mod kyi bong bu'i rnam pa'i gdong 'di dngos su byas pas ci 'grub ce na/ tshe zad pa dang tshe ring ba zhes bya ba la sogs pa smos te/ dngos grub ni rnal 'byor pas tshe tshad ring bar mthong ba ni 'di ni ring zhes bya ba dang/ 'di ni thung zhes bya ba shes par 'gyur bar ma zad kyi/ sngon khyi dang glang po dang bong bu dang lug la sogs pa rnams shes par 'gyur ro/ /de shes pas dgos pa ci yod ce na/ de grub pa yi skyes bur 'gyur/ /skye ba bdun gyi rim pa yin zhes bya ba la sogs pa'o/ /dpal 'khor lo sdom pa'i dka' 'grel rin po che'i tshogs zhes bya ba las/ dpal he ru ka bong bu'i rnam pa'i cho ga'i le'u ste bcu bzhi pa'o// //skye ba bdun pa bshad pa'i las kyi sgrub pa bshad nas/ rgyud gzhan gyi rnal 'byor ba'i yul ma yin pa 'jig rten gyi tshig gis mkhas par khas 'ches pa rnams rmongs pa bskyed par bya ba'i phyir
- 307b
dang/ 'khor lo sdom pa'i rnal 'byor ma phan tshun du tha snyad du 'jug par bya ba'i phyir dang/ bde mchog 'khor lo'i rnal 'byor pa'i nga rgyal dang ldan pa brtag pa'i phyir brda'i le'u bco lnga pa bstan par bya ste/ de nas sdom pa thams cad la/ /gang zhig brda ni shes gyur pa/ zhes bya ba la/ dus dang yul dang sa dang/ dbyangs dang gsal byed dang/ dpa' bo'i dbang phyug ma dang/ 'khor lo sdom pa'i mtshan gyi rgyud bla ma dang/ kha sbyar 'byung ba dang/ rdo rje mkha' 'gro dang/ sangs rgyas thams cad dang mnyam par sbyor ba dang/ rnal 'byor ma kun tu spyod pa'i rgyud rnams ni sdom pa thams cad do/ /sdom pa de dag thams cad la rnal 'byor pa gang gis tshul ji lta ba bzhin du brda rnams shes pa de nges par 'gyur bar 'gyur zhes brda brjod pa'i dgos pa bstan to// de ltar dgos pa dang ldan pa gang bstan ce na/ TA zhes bya ba smos te skyes pa 'am bud med du bshad par bya ba la TI zhes brjod pa ni ban ste/ de ltar bshad pa rtogs pa ni brda'o/ /de bzhin du thams cad la blta bar bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ yi ge'i brda'i le'u ste bco lnga pa'o// //brda rnams bstan nas/ des 'jug pa sgrub pa po rnams kyi dbang bskur ba la sogs pa'i don du bza' ba dang bza' ba ma yin pa'i dam tshig gi mtshan nyid brjod pa'i phyir le'u bcu drug pa bshad par bya ste/ de nas gsang ba'i bza' dang bza' min bshad/ ces bya ba la sogs pa smos te/ sku gsung thugs gsum po ni gsang ba'o/ /byang chub kyi sems kyi mtshan nyid yin pa'i phyir bza' ba dang bza' ba ma yin pa'o/ /sgrub po zhes bya ba ni sgrub pa po'i dam tshig bshad par bya ba'i don to/ /de lta bu'i bza' ba gang du rnyed ce na/ dam tshig mchog la bza' ba gnas zhes bya ba la sogs pa ste/ dam tshig ni rigs rnam pa
- 308a
brgya'o/ /rigs de dag gi dam tshig ni/ dam tshig mchog ste rnal 'byor ma bdun gyi tshogs so/ /rnal 'byor ma'i 'khor lo'i dam tshig gi mchog de la bza' ba'i khyad par rnyed ces ston par byed de/ de ltar gyur pa'i bza' ba gang su yang rung ba la sbyin nam/ 'o na te mi sbyin zhe na/ dad ldan rnams la sbyin par bya zhes bya ba ni dad pa dang ldan pa la sbyin pa yin gyi/ ma dad pa la ni ma yin no zhes bya ba'i khyad par ro/ /dad pa dang ldan pa rnams la sbyin pa ni re zhig gzhag na/ mdza' ba yod pa'i rnal 'byor ma de gang zhe na/ kha dog dbye bas gsal ba gang zhes bya ba la/ gang gis gang gsal ba de dag gi dbye ba ste/ dkar po dang sngon po la sogs pa bshad par bya zhes bya ba'i tshig snga ma dang sbyar ro/ /de yang gang zhe na/ dpa' bo gnyis med rnal 'byor ma/ zhes bya ba la/ dpa' bo ni rdo rje phag mo dang bdun te/ rdo rje sems dpa' dang rnam par snang mdzad la sogs pa drug go /de dag gi gnyis su med pa ni gzhan ma yin pa'i gzugs kyi rang bzhin yin yang bud med nyid tsam gyis dbye ba'i dpa' bo gnyis med do/ /de bas na dpa' bo yang yin pa/ dpa' bo gnyis med rnal 'byor ma'o/ /kha dog gi dbye bas ci zhig bya zhe na/ gang zhig shes pa tsam gyis ni/ /zhes bya ba de ni go sla'o/ /de'i rigs rgyud las byung zhes bya ba la/ rdo rje 'chang dang drug go /rdo rje phag mo dang bdun/ rnam par snang mdzad la sogs pa sangs rgyas lnga ni rigs lnga'o/ /de las gzhan pa ni rdo rje sems dpa' i rigs las rigs gzhan te/ rigs rgyud de las skyes pa ni rigs rgyud las skyes pa'o// rgyud 'di la lha mo kho na rigs yin zhes bstan to/ /de bas na 'di ltar bstan te/ rnal 'byor ma'i rigs rnams ni/ /de ltar bdun po ngas bshad do/ /zhes bya ba la/ rnal 'byor ma ni rigs bdun kho na yin te/ de bzhin gshegs pa'i gzugs su
- 308b
dru bcu 'byed pa'o/ /kha dog so sor bstan nas/ spyod pa dang phyag rgya'i sgo nas rnal 'byor ma rnams bstan par bya ba'i phyir/ g.yon pa'i kun sbyong la rtag dga' / zhes bya ba la sogs pa la/ gtso bor gyur pas g.yon pa'i lag pa dang/ rkang pa'i bya ba ni g.yon pa'i spyod pa'o/ /rigs dang rjes su mthun pa'i phyag rgya ni rang gi phyag rgya ste dkar po dang ser po la sogs pa'o kha dog go /phyag rgya dang kha dog gnyis kyis dkrugs pa ni rang gi phyag rgya'i kha dog gis dkrugs pa'o/ /rigs kyi rig pa'i ye shes bya ba la/ rigs kyi rig pa ni rigs kyi skyes bu'o/ /de rnams kyi yi ge ni ming ste gang dang gang gi rigs gang yin pa de dang de'i dam tshig gi khyad par 'byung ba yin no/ /yang na rigs kyi rig pa'i yi ge zhes bya ba ni bshad ma thag pa'i rigs bdun no/ /rig pa yang bdun po de nyid do/ /rig pa de dag gam rig pa'i yi ge ni rig pa'i yi ge ste/ oM dang a la sogs pa nas phaT kyi bar du tshig drug go /bdun pa de dag thams cad ni rigs kyi yi ge'o/ /oM la sogs pa nas phaT kyi tshig drug po thim pa'i yi ge dang bdun po ste/ rigs kyi rig pa'i yi ge'o/ /rig pa yang yin la rigs kyi yi ge yang yin pas na rigs kyi rig pa'i yi ge'o/ /rigs gang dang gang yin pa de dang de'i sa bon ni rang gi rigs kyi yi ge'o/ /dga' ba dang khro ba dang glo bur brjod pa na rnal 'byor ma yin par mtshon par bya'o zhes bstan te/ rang gi mdog dang yang dag rigs zhes bya ba la dkar po dang dmar po la sogs pa'i kha dog ni bshad zin to/ /rang gi phyag rgya 'ching ba dang/ zhes bya ba ni rang gi rig pa dang mthun pa'i phyag rgya bstan par byed do/ /rang gi rigs rgyud g.yon par smra/ zhes bya ba ni rdo rje sems dpa' la rigs gzhan zhes gzhan rtogs par bya ba'i phyir smra zhes bya ba'i don to/ /g.yon nas 'gro ba'i bud med gang zhes bya ba ni gang dang gang gi g.yon
- 309a
pa'i rkang pa dang por bskyod pa de ni g.yon par 'gro ba zhes bya bar brjod do/ /rtag tu g.yon pa zhes bya ba ni gang dang gang gzhan gyi g.yon nas 'gro ba de ni rtag tu g.yon par gyur pa zhes bya ba la sogs pa'i phyag rgya'i bud med de dag rnal 'byor ma yin zhes rtogs par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ rnal 'byor ma bdun gyi mtshan nyid brtag pa'i cho ga'i le'u ste bcu drug pa'o// //rnal 'byor ma rnams kyi mtshan nyid bshad nas ming brjod par bya ba'i phyir/ le'u bcu bdun pa bstan par bya'o/ /de nas rnyed dka' rnal 'byor ma/ zhes bya ba la sogs pa smos te/ rnal 'byor ma ni rab gtum ma la sogs pa mkha' 'gro ma sum cu rtsa gnyis dang du ma skyes ma la sogs pa bzhi'o/ /gang gi phyir rnal 'byor ma dang mkha' 'gro ma rnams kyi nang na rnyed par dka' zhing spyod yul ma yin pa de nyid kyi ming brjod par bya ste/ rnal 'byor ma dang mkha' 'gro ma dag gi yang spyod yul ma yin pa'i dam tshig tu de la yang bstan to/ /yang bshad pa dgongs pa ni 'di yin te/ bcom ldan 'das kyang A li kA li mnyam par byas nas 'dab ma drug cu rtsa bzhi'i bdag nyid do/ /de la re re'i yan lag dgu dgu'i gzugs mdzes pa'i phyir de dag dpa' bo dang gnyis su med par 'gyur ro/ /de bas rnal 'byor ma rnams kyis rnyed par dka' zhes brjod do/ /ji skad du/ gzhan yang cho ga dgod bya ba/ /dpa' bo gnyis med rnal 'byor ma/ /dpal ldan bde mchog rdo rje'i lha/ /drug cu rtsa bzhis yongs su bskor zhes bya ba la sogs pa'o/ /ji ltar dus kyi cha rnams gzugs kyi mtshan nyid du skye bar 'gyur zhe na/ bdud rtsi lnga las yang dag 'byung zhes bya ba la sogs
- 309b
pa spros te/ bdud rtsi lnga ni me long lta bu'i ye shes la sogs pa lnga'o/ /yang chos kyi brda ni bdud rtsi lnga'o/ /de rnams kyi rigs pa ji lta ba bzhin du 'byung ba ni khrag go /chos rnams ma skyes pa ni shu kra'o/ /chos thams cad mnyam pa nyid ni sha'/ /mnyam pa nyid la gnas pa ni chu'o/ /dbye ba mi dmigs pa ni bshad pa'o/ /yang na dam tshig can gyi skye bo rab tu grub pa'i bdud rtsi lnga'o/ /de rnams kyi rigs pa ji lta ba bzhin du 'byung ba ni phul du byung ba'i bdud rtsi lnga las yang dag 'byung zhes bya ba ste skyon med do/ /yang na phyogs snga ma bzhin bya ste/ ci'i phyir de dag gi mtshan nyid dang ming rnams tshol bas ci zhig bya snyam na/ bdud rtsi lnga las yang dag 'byung zhes bya ba la sogs pa ni bdud rtsi lnga rnams suAm/ bdud rtsi lnga rnams kyi nang nas dam pa ni phul du byung ba'i bdud rtsi lnga ste/ de bdud rtsi lnga'i snying po can/ byang chub kyi sems 'byung zhing yang dag par 'byung bar gyur pa ni/ le'u bcu gcig par bshad pa'i skye ba bdun gyi mtshan nyid kyi byang chub kyis sems kyi snod du rung ba'i phyir btsal ba yin gyi/ dngos grub kyi skal ba mi ldan zhing tha dad pa'i skyon dang ldan pa gzhan rnams ni ma yin no zhes bya ba'o/ /de lta mod kyi shes rab mchog ces bya ba gang zhe na/ gshin rje ma dang skrag byed ma zhes bya ba la sogs pa la/ gshin rje ma dang skrag byed ma dang/ 'od ldan ma dang/ zlog byed ma dang/ 'jigs gzugs can ma dang/ kun spyod ma dang/ 'od ldan ma ste/ mkha' 'gro ma bdun no/ /kye ma 'di ni shin tu ngo mtshar byed pa'i dkyil 'khor ba rnal 'byor ma sum cu rtsa drug gi nang na med cing chos kyi yi ge la sogs pa'i nang na yang med/ so sor yang ma bstan de nas kyang lnga 'am bcu 'am mang du yang bsdus par mi snang ba de'i tshe de dag gang yin zhes de dag bstan par
- 310a
rigs na/ de dag kyang ma bstan to/ /de'i phyir khyad par dang bcas pa'i rnal 'byor ma bdun ni ma rtogs pa rtogs par bya ba'i phyir bshad pa'i rgyud las rjes su 'brang bar bya'o/ /de la rgyud du nyi shu rtsa bzhi po drug gis bsdus so/ /de la bshad par bya ste/ rdo rje dkyil 'khor gtso mo ste/ /mkha' 'gro ma rnams yang dag bshad/ /rnal 'byor ma drug de shes bya/ /kla klo'i skad du gsungs pa yin/ /zhes bya ba la sogs pa'o/ /de la kla klo'i brda ni 'di yin te/ 'khor lo sgyur ma dang brtson 'grus chen mo ste mkha' 'gro ma gnyis po ma mo zhes bya ba'i brdar brjod/ shin tu dpa' mo dang stobs chen mo ni rigs kyi 'dren pa zhes bya'o/ /ma mo rang rigs kyi 'dren pa de gnyis gshin rje ma dang gzugs can ma zhes bya'o/ /de ltar gzhan thams cad la yang shes par bya'o/ /kosko can dang 'khor lo'i go cha ma ni rigs kyi lha mo/ /'khor lo'i shugs can ma dang/ dum skyes ma ni byis pa mo'o/ /de gnyis kyang skrag byed tsum bi ka'o/ /rta rnam dang bya gdong ma ni lhan cig skyes pa'i gzugs can ma'o/ /ljang lha mo dang shin tu bzang mo ni brtul zhugs spyod ma ste/ de gnyis kyang ri'i lha mo nyid lA ma'o/ /rlung gi shugs can ma dang chang 'thung ma ni sha za ma'o/ /sa srungs ma dang 'jigs byed chem ma ni sbom pa'i dbang phyug ma ste/ de gnyis kyang 'jigs byed ma'o/ /de gnyis zlog byed ma zhes kyang brjod do/ /lang ka'i dbang phyug ma dang/ shing grib ma gnyis ni khaN+Da ro ha'o/ /brtan pa'i blo gros ma dang mi thung ma ni bu mo ste/ de gnyis kyang kun spyod ma dang byis bcas ma'o/ /'od ldan ma dang sna chen ma ni mkha' 'gro ma'o/ /rab gtum ma dang gtum mig ma dang dam pa'i dbang phyug ma ni mkha' 'gro ma dang dam pa'i dbang phyug ma gnyis ni ba su ra dang mi
- 310b
ldog ma'o/ /bdun pa ni dpa' bo'i blo gros ma chen mo ste tshu rol mo'o/ /rgyud 'di las bdun las lhag par ni ma gsungs kyi sdud par byed ma zhes bya ba yang gsungs so/ /de'i phyir rnal 'byor ma rnams kyi rigs bdun no/ /mtshan nyid dag dang ldan pa de'i ming can du 'gyur zhing de'i mtshan nyid dang ming sngon du 'gro ba bstan par bya ba'i phyir/ gzugs can ma zhes bya ba la sogs pa smos te/ gzugs can ma dang tsum bi ka dang/ lA ma dang/ yongs su gyur pa dang/ byis bcas ma dang/ mi zlog ma dang/ tshul rol ma dang/ mkha' 'gro ma bdun po ni yang dag par bsdus pa'o/ /gnyis med dpa' bo bsdu bar bya/ zhes bya ba la dpa' bo ni dpal bde mchog 'khor lo'i rnal 'byor pa des gnyis su med pa'i dngos grub spyod pa'i dpa' bo gnyis med bstan pa ste/ bshad pa'i mtshan nyid can shin tu gsal ba'i phyag rgya khong du chud par bya'o/ /slar yang phyag rgya dag gis kyang/ /de dag mtshon par bya ba'i phyir/ thod pa zhes bya ba la sogs pa smos te/ thod pa dang dgra sta dang/ mche ba dang 'khor lo dang/ rdo rje dang/ rgyal mtshan dang/ kha TwAM ga nyid kun du skrag par byed pas kun du skrag byed do/ /phyag rgya'o/ /'dir ma bshad pa ni sdud par byed/ khwa gdong ma la sogs pa brgyad kyi rang bzhin phyag rgya brgyad pa ni dung ngo/ /mkha' spyod dang ma spyod dang/ sa 'og na gnas pa gsum dang mkha' 'gro ma la sogs pa bzhi po dang/ shes rab kyi pad+ma dang bcas pa'i 'khor lo gsum du 'dus/ /rnal 'byor ma bdun ni 'khor lo thams cad kyi rnal 'byor ma ste/ rab gtum ma la sogs pa'i gzugs ji lta ba bzhin du gzhan du 'gyur ba ni gzugs bsgyur ba'o/ /dpal 'khor lo sdom pa'i dka' 'grel rin po che'i tshogs zhes bya ba las/ yongs su bsgyur ba dang/ phyag mtshan dang phyag rgya'i le'u ste bcu bdun pa'o// //
- 311a
rigs kyi rnal 'byor ma rnams mtshan ma dang phyag rgya la sogs pa brjod nas/ mtshan nyid bstan par bya ba'i phyir/ le'u bco brgyad pa bshad par bya ste/ de nas gzhan yang bshad bya ba/ /mkha' 'gro ma rnams mtshan nyid dag/ ces bya ba la sogs pa smos so/ /des cing 'gyur zhe na/ gang zhig gang dag ces pa yis/ zhes bya ba la sogs pa smos pa ni/ mtshan nyid gang gis rnal 'byor pas rnal 'byor ma rnams dam tshig la gnas par the tshom med par shes shing rtogs pa'i mtshan nyid de/ bshad par bya zhes bya ba'i don to/ /de ltar yin na smos shig snyam na/ dmar zhing ser ba'i bud med gang zhes bya ba la/ dmar bas khyab pa'i dkar po'i kha dog ni dmar ser ro/ /bud med ces bya ba la sogs pa ni go sla'o/ /mkha' 'gro ma de dag gi tshogs bshad ma thag pa'i mkha' 'gro ma bdun gyi rang bzhin yin pa'i phyir dang/ dkyil 'khor ma yin pa'i phyir dpal he ru ka kho na yin zhes gzhi mthun pa nyid kyis gzhi mthun pa'i drug pa ni 'gal ba med do/ /he ru ka yi rigs las byung zhes bya ba la/ rigs gzhan dgag par byed pa'i rigs ni 'dir dpal he ru ka'o/ /rigs de dang 'dra bar 'byung bas na/ rigs 'byung ste/ dpal bde mchog gi rnal 'byor pa'o/ /rigs 'byung ni rigs las zhes bya bar 'os pa la/ dbye ba'i tshig lnga pa ma byas pa'i phyir/ brda nyid du rigs 'byung zhes bya bar ston to/ /byed pa'i tshig gis kyang sgrub pa po'i rigs las byung ba rnams la phan pa'i phyir gsang ba'i mtshan nyid sku gsum sdud par byed pa rnal 'byor ma bdun gyi mtshan nyid bstan to/ /zhes bya ba'i don to/ /mkha' 'gro ma thams cad ces bya ba ni rnal 'byor ma thams cad do/ /de'i mtshan nyid ni mkha' 'gro ma rnams kyi mtshan nyid do/ /de rjod par byed pa'i le'u ni
- 311b
mkha' 'gro ma thams cad kyi le'u'o/ /dpal 'khor lo sdom pa'i dka' 'grel rin po che'i tshogs zhes bya ba las/ mkha' 'gro ma thams cad kyi mtshan nyid kyi le'u ste bco brgyad pa'o// //mkha' 'gro ma'i mtshan nyid bshad nas/ lA ma rnams kyi mtshan nyid brjod par bya ba'i phyir le'u bcu dgu pa bshad par bya ste/ de nas gzhan yang bshad bya ba/ /sgrub pa po yis lA ma rnams/ /mtshan nyid ces bya ba la sogs pa smos te/ drug 'dus pa gcig pu yang mkha' 'gro ma bzhin du mang ba'i tshig gi mdza' can du 'dod do/ /de'i phyir lA ma rnams kyi zhes bya ba la sogs pa gsungs so/ /mtshan nyid de ci lta bu yin snyam pa la/ yang dag yan lag ces bya ba la sogs pa la/ yang dag par yan lag dang nying lag nyid du gyur pa yin gyi/ brjod pa tsam ni ma yin no// des cir 'gyur zhe na/ gang gis sgrub pa por shes 'gyur/ bya ba la sogs pa smros te/ yan lag tu gyur pa'i mtshan nyid gang gis lA ma 'di dag yin zhe na/ rnal 'byor pas shes par bya ba'i phyir mtshan nyid de shes par bya zhes dgongs so/ /de yin na smos shig snyam na/ gang gis rang bzhin gyi dkyil 'khor ni/ /kun nas zlum por snang gyur cing/ zhes bya ba la sogs pa ni go sla'o/ /mkha' 'gro ma gnyis pa dang/ gzugs can ma'i gsum pa'i lA ma gnyis yod pa'i phyir nges pa can gyi khyad par bshad par bya ste/ rdo rje phag mo kha dog ni zhes bya ba'i rdo rje phag mo'i rigs las byung ba'i lA ma rnams kyi mtshan nyid bstan par bya ba yin gyi/ gzhan gyi ma yin no zhes ston to/ /dpal 'khor lo sdom pa'i dka' 'grel rin po che'i tshogs zhes bya ba las/ lA ma'i mtshan nyid bstan pa'i le'u ste bcu dgu pa'o// //lA ma rnams kyi mtshan nyid brjod nas/ brda bstan pa'i phyir le'u nyi shu pa gsungs te/ de nas gzhan yang bshad bya ba/ /mkha' 'gro rnams kyi brda rnams
- 312a
te zhes bya ba la sogs pa'o/ /des cir 'gyur zhe na/ gang gis spun dang sring mo du/ /yang dag shes par 'gyur ba'o/ /zhes bya ba la sogs pa smos te/ brda gang gis ming po ni dam tshig can dpal bde mchog gi rnal 'byor pa'o/ /sring mo 'di de dang 'dra bar yang dag par legs par shes shing gang gis rtogs pa bshad par bya zhes bya bar sbyar ro/ /gang zhig lag g.yon gyis ston pa zhes bya ba la sogs pa ni go sla'o/ /pho nya mo ni gang yang rung ba'i rnal 'byor ma bshad pa dang ma bshad pa'i mtshan nyid can phan tshun du brdas rtogs par bya zhes bstan to/ /dpal 'khor lo sdom pa'i dka' 'grel rin po che'i tshogs zhes bya ba las/ lag pa g.yon pa'i brda'i le'u ste nyi shu pa'o// // brda'i las bshad nas/ phyag rgya'i mtshan nyid bstan par bya ba'i phyir/ le'u nyi shu rtsa gcig pa brjod par bya'o/ /de nas bstan pa'i gsang ba che/ /mtshan nyid nga yis bshad par bya/ zhes bya ba la sogs pa la/ mthong bas na bstan pa'o/ /gsang ba chen po ni 'chad par 'gyur ba'i mtshan nyid can gyi yan lag dang nying lag go /de'i phyag rgya yang gsang ba chen po ste de dang dbyer med pa'i phyir ro/ /gsang ba chen po ni yan lag gi phyag rgya'i mtshan nyid mthong bas na mthong ba'i gsang ba chen po'o/ /mtshan nyid de ci lta bu zhe na/ bud med gang zhig spyi gtsug reg /ces bya ba la sogs pa ni go sla'o/ /phyag rgya de gang gi yin zhe na/ mkha' 'gro ma'i zhes bya ba ni bdun pa'i zhes bya ba'i don to/ /de dag gis ci zhig bya zhe na/ de dag rtag tu mthong bar 'gyur zhes bya ba la sogs pa'o/ /de dag mthong bas dgos pa ci zhig yod ce na/ gsang ba bo rnams mthong bar 'gyur/ zhes bya ba la gsang ba'i bdag nyid rnal 'byor pa dang rnal 'byor ma rnams rnal 'byor bas
- 312b
mthong zhing rtogs par 'gyur zhes bya ba'i don to/ /dpal 'khor lo sdom pa'i dka' 'grel rin po che'i tshogs zhes bya ba las/ mthong ba'i yan lag gi phyag rgya'i cho ga'i le'u ste nyi shu rtsa gcig pa'o// //mthong ba'i yan lag gi phyag rgya'i mtshan nyid bshad nas/ yan lag gi phyag rgya'i khyad par bstan par bya ba'i phyir/ le'u nyi shu rtsa gnyis pa bstan par bya ste/ de nas gzhan yang bshad bya ba/ /yan lag phyag rgya khyad par dang/ /zhes bya ba la sogs pa la/ mthong ba'i yan lag gi phyag rgya las khyad par ni de'i yan lag gi bya bas dam tshig gi mtshan ma yan lag gi phyag rgya'o/ /de'i mtshan nyid ni mtshan pa ste/ yan lag gi phyag rgya'i mtshan nyid bshad par bya zhes bya ba'i don to/ /phyag rgya'i dgos pa bshad par bya ba'i phyir// gang gis shes pa tsam gyis ni/ /sring mo yang ni khyad par du/ /zhes bya ba la sogs pa smos so/ /phyag rgya de gang zhe na/ sor mo gcig ni ston pa yis/ zhes bya ba la sogs pa smos so/ /rnal 'byor ma thams cad ces bya ba la drug pa'i don la dang po'i mdza' can du byas pa'o/ /de nas thams cad ces bya ba ni rnal 'byor ma thams cad kyi phyag rgya yin gyis/ gcig dang gnyis gyi ni ma yin no zhes bstan to/ /de zhig phyag rgya ni bstan na de'i khyad par yang 'dir gang bstan zhe na/ phyag rgyas grus 'gro zhes bya ba la sogs pa gru ni bzhon pa'i khyad par ro/ /'gron po la 'gro bar 'dod pa'i don thob par byed pa'o/ /bzhon pa dang 'dra bas na bzhon pa ste dpa' bo dang dpa' mo'i gnas dang nye ba'i gnas la sogs par bde bar 'gro ba'o/ /gru des 'gro bas na grus 'gro ste/ de'i phyag rgya'o/ /ming ni rab tu grub pa'o/ /le'u gsum par phyag rgya bstan gyi ming ni ma yin no/ /'das ma thag pa'i phyag rgya 'di yang grus 'gro zhes bya ba la phyag rgya'i khyad par bstan to/ /khyad par gyi phyag rgya ni spu'i ming ma yin na/ 'on kyang
- 313a
gzhan yang yod ces bstan par bya ba'i phyir/ mdzub sor gnyis bkug mig gi rgya zhes bya ba la sogs pa smos te/ mig gi dbyibs ni mig gi phyag rgya ste/ de yang ci lta bu zhe na/ sor mo gnyis ni khab tu bya zhes bya ba la/ gnyis ni mdzub mo dang bud mo gnyis khab tu bya ba'o/ ci de tsam gyis mig gi phyag rgyar 'gyur ram zhe na/ mdzub mo cung zad dgug par bya/ zhes bya ba mdzub mo cung zad bkug pa las la spyan dang 'dra bas na spyan gyi phyag rgya'o/ /dpal 'khor lo sdom pa'i dka' 'grel rin po che'i tshogs zhes bya ba las/ yan lag gi phyag rgya'i khyad par gyi cho ga'i le'u ste nyi shu rtsa gnyis pa'o// //yan lag gi phyag rgya'i khyad par bstan nas/ mkha' 'gro ma dag gi mtshan nyid brjod par bya ba'i phyir/ le'u nyi shu rtsa gsum pa bstan par bya ste/ de nas gzhan yang bshad bya ba/ /mkha' 'gro ma yi mtshan nyid rnams zhes bya ba la sogs pa la/ mkha' ni skyes bu'i khyad par rgyud 'di ru bstan to/ /'gro ni 'jig rten du grub pa'i bde ba ste skyes bu'i bde ba'o/ /de bas na mkha' 'gro ste 'bras bu'i rdo rje sems dpa' o/ /bdag nyid gang la yod pa de ni khams te mkha' 'gro mar brjod par bya'o/ /ci skad du/ mkha' 'gro ma ni mnyam sbyor ba/ /rdo rje mkha' 'gro bde ba mchog /khams nyid mkha' 'gro ma yin te/ sgra sogs skad dbyings 'dir ma grub/ /de nyid bstan par bya ba'i phyir/ /yang gsungs pa/ de dag rnam pa bcu drug ste/ /khams rnams mkha' 'gro ma ru bshad/ /ba la sogs pa skad dbyings min/ /de ni mkha' 'gro'i tshul ma yin/ zhes gsungs so/ /de la gal te mkha' 'gro dang mkha' 'gro ma'i sgra sgrub pa la/ nam mkha' la 'gro ba skad kyi dbyings med par gyur na/ de'i tshe nam mkha' thams cad la 'gro ba'i dngos grub mkha' 'gro ma de ci ltar 'grub par 'gyur zhes rgol ba la/ rje btsun gyis
- 313b
zhus pa las/ nam mkha' i sgras kyang sems brjod pa yin te/ ji ltar nam mkha' thams cad kyi go 'byed pa de bzhin du/ sems kyang go 'byed pas na nam mkha' zhes brjod do/ /zhes bya ba la sogs pa bcom ldan 'das kyis gsungs so/ /mtshan nyid dang ming gi dgos pa bshad par bya ste/ gang gis pho nya dpa' bo dang/ /dpa' bo'i sring mor shes gyur pa zhes bya ba la sogs pa'i mtshan nyid gang gis dpa' bo ste/ bde dam tshig gi rnal 'byor ba rnams rnal 'byor ma dang mkha' 'gro ma dam tshig la rjes su chags par rtogs pa'i mtshan nyid de bshad par bya zhes bya ba'i don to/ /ci ltar dam tshig la rjes su chags par rtogs par bya zhe na/ dam tshig can gang rjes chags pa/ dpa' bo'i longs spyod sa gzhi yin zhes bya ba la sogs pa la gang ni mkha' 'gro ma ste dam tshig dang ldan pa'i dpa' bo sa gzhi ste las kyi phyag rgya longs spyad par bya'o/ /ji ltar longs spyad ce na/ gzhi ni sa gzhi byas nas su/ zhes bya ba la/ sa gzhi ni bshad pa'i phyag rgya'o/ /gzhi ni rol pa'i gnas so/ /rnal 'byor sdom pa zhes bya ba ni 'dod pa'i bstan bcos las gsungs pa'i yang dag par sbyar ba'i dam tshig spyod ces kun tu spyod pa'o/ /de ltar le'u bcu drug pa las bstan pa'i bza' ba dang bza' ba ma yin pa bstan to/ /yang na rnal 'byor sdom pa zhes bya ba ni dpal bde mchog gi mtshan nyid mtshon par bya'o/ /sdom pa bstan par bya ba'i phyir/ /go bzlog pa yis blta bar bya/ /zhes bya ba la sogs pa la/ go bzlog pa g.yon du blta zhing logs su blta ba de la sogs pa phyi'i 'dod pa dang mtshan nyid rtogs par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ mkha' 'gro ma'i mtshan nyid kyi cho ga'i le'u ste nyi shu rtsa gsum pa'o// //mkha' 'gro ma'i mtshan nyid brjod nas/ ngag gi
- 314a
brda brjod par bya ba'i phyir/ le'u nyi shu rtsa bzhi pa brjod par bya ste/ de nas gzhan yang bshad bya ba/ /bsgrub pa'i brda yi skad rnams te/ zhes bya ba la sogs pa la/ so so'i skye bo rmongs par byed pa'i brda ste sgra'i brda'o/ /de brjod pa'i dgos pa bstan par bya ba'i phyir/ /spun dang sring mor nges pa ni/ /gang gis shes par 'gyur pa yi zhes bya ba la sogs pa'i dgos pa bstan nas/ de'i ming brjod par bya ba'i phyir/ grus 'gro gsong bor smra ba zhes bya ba la sogs po/ /dpal 'khor lo sdom pa'i dka' 'grel rin po che'i tshogs zhes bya ba las/ ngag gi brda'i cho ga'i le'u ste nyi shu rtsa bzhi pa'o// //tshig gi brda brjod nas/ rtsa ba'i sngags kyi gsang ba bstan pa'i cho ga bshad par bya ba'i phyir/ le'u nyi shu rtsa lnga pa brjod par bya ste/ de nas don kun 'dod pa yi/ zhes bya ba la sogs pa la sems can thams cad kyi don ni sangs rgyas nyid la sogs par nye bar sbyor ba thams cad kyi don to/ /der 'dod pa gang la yod pa de ni thams cad 'dod pa ste/ bcom ldan 'das bde mchog 'khor lo'o/ /de'i rnal 'byor dang ldan pa'i rnal 'byor pa'am/ /de la sngags gsal bar 'gyur ro/ /sngags de ci lta bu zhe na/ spa bya brgyad pa'i mdza' sbyar te/ zhes bya ba la tshig brgyad kyi mdza' ni brgyad pa'i mdza' o/ / tshig so so'i mthar yi ge huM hUM dang phaT phaT sbyar ro/ /sba ba yang yin la brgyad po'i mdza' yin pas na/ sba bya brgyad pa'i mdza' sbyar ba'o/ /de ltar gyur pas na gsal bar 'gyur ro/ /gang gi don du mdza' spa bar bya zhe na/ mos pa dman pa'i sems can dag ces bya ba la/ mos pa dman pa ni gsod pa dang skrod pa la sogs pa'i las la mos pa gang la yod pa de la 'di skad ces bya'o/ /mos pa dman pa'i sems can de la spas pa yin gyi/ sems can thams cad 'dod pa'i ngang
- 314b
tshul can la ni ma yin no/ /bcom ldan 'das kyis ji lta bu'i dgongs pas sngags sba bar bya snyam na/ ngan stegs mi shes sems can la/ zhes bya ba la sogs pa smos pa la/ ngan stegs ni snod ma yin pa ste/ rgyun chad pa'i sems can de lta bu'o/ /sngags dang rgyud pa sogs pas rjes su gzung bar yongs su shes pa med cing bya ba ma yin pa sems pa ngan stegs mi shes sems ldan no/ /des na ngan stegs mi shes pa'i sems dang 'brel pa rnams la sngags 'di 'bad pas spa bar bya zhes bya ba'i don to/ /sngags 'di dag kyang gang la gang la bar 'gyur zhe na/ 'dod pa thams cad kyi skyes bu de nyid la gsal gyi gzhan ngan stegs can la ma yin no/ /ci rkang pa brgyad pa kho na'i mdza' sba bar bya 'am zhe na/ dpa' bo rnal 'byor ma'i mdza' gsungs zhes bya ba la sogs pa la/ dpa' bo dang rnal 'byor ma rnams kyi yang sngags kyi mdza' dag ma gsungs shing gsal bar ma byas zhes bstan to/ /mdza' spas pa'i sngags de gang zhe na/ oM na mo b+ha ga ba te bI re shA ya zhes bya ba la sogs pa smos so/ /mdza' spa ba gsal bar sbyor ba ni/ oM na mo b+ha ga ba te bI re shA ya huM hUM phaT/ ces bya ba la sogs pa'i tshig re re la yang shes par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ rtsa ba'i sngags spa bya ba'i cho ga'i le'u ste nyi shu rtsa lnga pa'o// // rtsa ba'i sngags kyi spas pa'i mtshan nyid kyi cho ga bstan nas/ sngags 'di nyid kyi che ba bstan par bya ba'i phyir/ le'u nyi shu rtsa drug pa bshad par bya ste/ de nas gzhan yang zhes bya ba la sogs pa smos te/ sngags 'di zhes shing bstan par blangs nas/ sngags gzhan mi gzung ba de'i rgyu bstan par bya ba'i phyir/ rim dang rim las bzlog pa yis/ /pho nya rnams ni yang dag gnas zhes bya ba la sogs pa smos pa la/ 'byor pa na rnal 'byor ro/ /ci ltar yi ge oM dang ka ra ka ra/ khaN+Da ka pA li huM hUM phaT ces bya ba la
- 315a
sogs pa dang dpa' bo nyi shu rtsa bzhi'i sngags yang dag par bsdu ba'o/ /dpa' bo'i sngags kyi go rim de las rim pa bzlog pa ni rim las bzlog pa'o/ /rim las bzlog pa'i go rim nges rang gi ming dang brjod pa'i sngags pho nya mo nyi shu rtsa bzhi ni dpa' mo'i sngags te/ oM pra tsaN+De huM hUM phaT ces bya ba la sogs pa yang dag par gnas pas gzhan dag gi rigs kyi sngags su ma gtogs pa'i sngags spang bar bya'o zhes bya ba'i don to/ /gang gi rjes su 'gro bas sngags 'di phul du gyur pa de dag ci lta bu zhig snyam na/ steng dang 'og gi dngos grub rtsol/ zhes bya ba la sogs pa la/ 'og ni sa 'og go /steng ni nam mkha' ste/ de gnyis las dbus kyang gzung bar bya'o/ /steng dang 'og dang dbus de dag sbyor ba ji lta ba bzhin du/ mkha' spyod ma dang sa 'og spyod ma'i dngos grub ma ste/ steng dang 'og gi dngos grub bo/ /de ster bas na steng dang 'og gi dngos grub stsol zhes bya ba'i don to/ /dngos grub stsol pa de dag gang du blta bar bya zhe na/ bdag gi pho nya mo rjes 'gro zhes bya ba la/ bdag nyid kyi pho nya mo ni bdag gi pho nya mo ste/ dril bu'i rang bzhin rang gi phyag rgya rdo rje phag mo de ni bdag gi pho nya mo ste/ dpal bde mchog gi btsun mo'o/ /de la de dag thams cad rtsa ba'i rang bzhin nyid du rjes su zhugs par rnyed pa kho na yin zhes dgongs so/ /gang gi phyir de dag de'i rjes su 'gro ba yin pas dngos grub thams cad ster zhes bstan to/ /ji ltar bstan zhe na/ mthong ba dang ni reg pa dang zhes bya ba la sogs pa la de dag ji ltar 'gyur ba de bzhin du mthong ba ni yongs su shes pa'o/ /reg pa ni nye bar longs spyod pa des dngos grub ster zhes bya ba'i don to/ /mthong ba dang reg pa 'ba' zhig gis ma yin gyi/ 'on kyang gzhan gyis bstan par bya ba'i phyir/ tsum+ba na dang rtag par 'khyud ces bya ba la sogs pa smos so/ /gang du grub ce na/ rnal 'byor gnas ni khyad
- 315b
par du/ zhes bya ba la sogs pa la/ mgrin pa dang mkhur tshos la sogs pa gnas ci lta ba bzhin du rnal 'byor gyi tshogs su rtsa thams cad kyi sgo bde ba la sogs pa'i las kyi khyad par rnal 'byor pas kun spyod ces bya ba'i don to/ /de gang zhe na/ ji srid rnal 'byor tshogs ni zhes bya ba la sogs pa la/ sku gsum sgrub pa la sbyor ba na rnal 'byor te chags pa'i sbyor ba'o/ /de dag gi tshogs ni rnal 'byor gyi tshogs so/ /ci srid yod pa de srid du sbyar bar bya'o/ /de la grangs kyi nges pa ni ma yin zhes dgongs so/ /de dag ci'i phyir sbyor zhe na/ thams cad dngos grub byed par bshad/ ces bya ba ni gang gi phyir de dag dngos grub 'dod pas sbyar bar bya zhes bya ba'i don to/ /la las skabs kha cig tu nus par mi 'gyur snyam na/ bden pa thams cad sbyin bya zhing zhes bya ba la sogs pa la/ so sor snang bas na thams cad bden pa de dag thams cad rang bzhin dang rjes su mthun par sbyin pa yin gyi/ yul dang mthun pa ci srid ni ma yin zhes bstan par bya ba'i phyir/ gzhan du nam yang ma yin no zhes bya ba smos so/ /gang gis lam bshad pa'i pho nya mo de dag gang zhe na/ ma dang bu mo sring mo dang/ zhes bya ba la sogs pa smos so/ /de ci'i phyir chos kyi rdzun gyis 'jig rten gyi spyod pa la 'jug pa rnams kyis bgrod pa ma yin pa dang/ sring mo la sogs pa pho nya mo nyid du bstan zhe na/ gang gi rtag tu sngags sbyin pa zhes bya ba la/ gang la sngags byin pa pho nya mo yin gyi/ skye gnas kyi 'brel ba ma yin zhes 'gal ba 'ga' yang med do/ /de la sngags kyi 'brel bas bla ma'i phyag rgya ni ma'o/ /lhan cig nyan pa ni sring mo'o/ /rang gi cho gas bstan pa ni bu mo'o// bla mas byin pa ni chud ma'o/ /bshad pa'i pho nya mo bsnyen pa'i dus su bstan par bya ba'i phyir/ rnyed dka' i dam tshig gang yis bshad ces bya ba la sogs pa la/ mnyam par bya bas na dam tshig ste brgyad do/ /mnyam par byed pas na dam tshig ste mtshan nyid
- 316a
rnams so/ /de dag de ltar gyur pa'i dam tshig rnal 'byor gyi rgyud du rnyed pa dka' ba bdag gis bshad ces tshig snga ma dang sbyar ro/ /de la re zhig mtshan nyid bstan par bya ba'i phyir/ skyes pa bud med g.yon nas 'gro zhes bya ba ni/ g.yon ni rkang pa g.yon pas so/ /bud med dam skyes pa 'gro bar gyur na g.yas pas phyi nas so/ /bya ba de dag dngos grub mtshon cing rgyur gyur pa'i rtags gang yin pa de dag shes par bya'o/ /rtags de gang yin zhe na/ he ru ka las sbyong gzhan med ces bya ba ni/ he ru ka las gzhan ni gzhan gyi lha'i sbyor ba'o/ /rang gi rnam pa dang sbyar bas na he ru ka las las gzhan gyi lha'i sbyor ba gang la yod pa de med par rtags par bya'o/ /de bshad pa'i mtshan nyid 'dis slob dpon dang rnal 'byor gyi ma mo rnams mtshon par bya'o/ /mngon par rtogs pa'i rim pa ci lta bas 'khor lo gsum yongs su rdzogs pa ni rnal 'byor ro/ /de bsrung bas na rnal 'byor bsrung ba ste/ khwa gdong ma la sogs pa bshad pa'i mtshan nyid can gyi ma mo brgyad do/ /de dag gang gis mtshon par bya zhe na/ rgyud 'dir ni sgrub pa pos zhes bya ba la/ rgyud 'di'i tshul gyis sgrub pa po gang legs par ji lta ba bzhin du gyur pa de ltar de dag gi mtshon pa yin gyi/ gzhan gyis ni ma yin zhes bstan to/ /ci de dag shes nas? bgad par bya ba yin zhe na/ brnyas mi bya zhing spang mi bya/ zhes bya ba la sogs pa la dang gi sgra de ni nges par bzung ba'o/ /dad pas ci ltar nus pa ni mchod par bya zhes dgongs so/ /dpal bde mchog 'khor lo las gzhan ma yin pa'i slob dpon re zhig mchod par bya ba yin na/ ma mo rnams ci'i phyir mchod ce na/ pho nya mo brgyad khwa gdong sogs/ /mos pas dad pa 'phel byed pa/ zhes bya ba la sogs pa la/ bshad pa'i mtshan nyid can gyi rnal 'byor ma nyid mchod pa yin gyi
- 316b
gzhan ni zhes khyad par gyi tshig gis rtogs par byed de/ de bas na lha mo gzhan dang kun sbyor bas/ /'dod rmongs pas ni 'dod mi bya/ zhes bya ba la/ bshad pa'i mtshan nyid can brgyad po las gzhan ni lha mo gzhan te/ de mnyam par sbyor ba ni gang gis spyod pa de ni 'dod la rmongs pa ste/ de dngos grub kyi snod ma yin zhes bya bar bstan to/ /de dag ci ltar mchod ce na/ gnyis su med dang thogs pa med ces bya ba la/ gnyis su phye ba ni gnyis te 'di ni shes rab bo 'di ni thabs so zhes pa'o/ /so sor rtogs shing nye bar longs spyod pa tsam chags pa'o/ /de ci ltar gnyis su mi 'gyur ba de ltar thogs pa med par mchod par bya'o/ /dam tshig spyod pa spyad par bya zhes bya ba la/ dam tshig lnga rnams las gang yang rung ba zhig spyod pa ni dam tshig spyod pa ste/ ji ltar gyur pa zhes bya ba'i khyad par ro/ /dam tshig brgyad bstan par bya ba'i phyir/ bud med spyod pa zhes bya ba la sogs pa smos te/ bshad pa'i mtshan nyid kyi lha mo ni bud med do/ /spyod pa ni las so/ /bsrub pa ni dngos grub rdzogs par byed pa'o/ /tshangs pa ni rdzogs pa'i 'bras bu'o/ /spyod pa ni de bsrung ba'o/ /bsam gtan ni de kho na nyid bsgoms pas ji lta ba bzhin du gnas pa'o/ /khro med ces bya ba ni dbang po la mi 'jug pa'o/ /rgyud kun spyod pa ni rtsa ba'i lam las 'byung ba ste/ de dag dam tshig brgyad do// byed pa'i tshig gtso bo ma yin pa'i phyir/ bsrung ba dang bsam gtan zhes bya ba der dang po'o/ /don la bdun pa'i mdza' can du byas pa'o/ /bshad pa'i dam tshig bstan pa blang bar bya ba'i phyir/ sgrub pos rtag tu shes par bya zhes bya ba la sogs pa ste/ dam tshig brgyad po de dag sgrub pa pos rtag tu ste yang dang yang du shes par bya'i/ /brjed par bya ba ni ma yin no/ /de ci'i phyir zhe na/ sgrub pa la gnas zhes bya ba la/ gang gi phyir bsgrub pa ni dngos grub kyi rgyu'i tshul du gnas te/ de'i phyir ro//
- 317a
yang na sgrub pa la gnas zhes bya ba ni bsgrubs pas te sbyor ba de la gnas pa'o/ /gang gi phyir bsgrub pa ma gtogs par las tsam gyi dngos grub 'grub par mi 'gyur zhes bya ba'i don to/ /rgyud 'di nyid la brten nas dam tshig 'di dag bstan pa ma yin gyi/ gzhan dag kyang bstan par bya ba'i phyir/ rgyud kun gyi ni thun mong ste zhes bya ba la sogs pa smos te/ dam tshig ston pa ni rgyud thams cad kyi yin gyi/ so sor nges pa can gyi rgyud ni ma yin no/ /de skad sa? shis? smra sde/ mtshan nyid gang gis 'di dag mchod cing spang bar bya ba ni ma yin snyam sems na/ gtan tshigs 'das pa bcom mi bya zhes bya ba la sogs pa smos te/ gtan tshigs las nges par byung ba ni gtan tshigs gzhan ma mthong ba dag gis 'di'i mtshan nyid can gyi gtan tshigs la brnyas pa ni rgyu med pa ste/ de dag gis brnyas par mi bya'o/ gal te 'jug pa'i yan lag mchog mi shes na ji ltar bzung zhe na/ dad pa nyid kyi blang bya yin zhes bya ba la sogs te/ sems dang ba'i mtshan nyid can gyi dad pa 'ba' zhig tu dngos grub ster ba de dag gzung ba yin gyi/ mig gis gzugs gzung ba tsam du 'jug pa rgyu med pa/ dbang po dman pa gnyis su gzung ba'i skyon dang ldan pas gzung ba ni ma yin zhes dgongs so/ /dngos grub ster ba bshad pa'i mtshan nyid can gyi che ba bstan par bya ba'i phyir/ gsang ba 'di ni mi bstan cing zhes bya ba la sogs pa smos so/ /las shes pa rnams kyis dngos grub mi 'thob pa de thob par bya ba'i phyir/ slob dpon mthe'u chung bskyod par ni zhes bya ba la sogs pa smos te/ pad+ma'i mthe'u chung ste des byin gyis brlabs pa'i lte ba du ma mthe'u chung ste de bskyod par bya zhes sbyar ro/ /de gang gi yin zhe na/ pho nya mo ni yang dag gnas zhes bya ba la sogs pa la/ mtshan nyid dang ldan pa'i pho nya mo rnams kyi zhes bya ba'i don to/ /pho nya mo bstan nas/ sgrub pa rnams
- 317b
kyi mtshan nyid bstan par bya ba'i phyir/ dag dang ma dag 'dres pa ste zhes bya ba la sogs pa smos te/ dag pa ni dam tshig can no/ /ma dag pa ni gtsang sbra la yang dag par spyod pa'o/ /'dres pa ni gnyi ga'i spyod pa'o/ /gsum po de dag kyang phyag rgyas 'grub par ? zhes bstan to/ /slob dpon gyi mtshan nyid bstan nas/ slob ma'i mtshan nyid bstan par bya ba'i phyir/ mnyes byed rnam par dag pa dang/ zhes bya ba la sogs pa smos te/ mnyes par byed pa ni slob dpon gyi grib ma bzhin du rjes su 'gro ba'o/ /rnam par dag pa ni dge ba'i las byed pa'o/ /gsal bar byed par ni bla ma la sbyin par brtson pa'o/ /yon tan dang ldan pa ni bzo'i bstan bcos rig pa'o/ /dpal 'khor lo sdom pa'i dka' 'grel rin po che'i tshogs zhes bya ba las/ slob ma yongs su brtag pa dang sdom pa'i cho ga'i le'u sde nyi shu rtsa drug pa'o// //slob ma yongs su brtag pa dang sdom pa'i cho ga bstan nas/ spyod pa'i brtul zhugs bstan par bya ba'i phyir/ le'u nyi shu rtsa bdun pa brjod par bya ste/ de nas spyod pa'i brtul zhugs dpa' zhes bya ba la sogs pa smos te/ spyod pa'i phyir na spyod pa ste/ gnas dang nye ba'i gnas la sogs pa rnams su rnal 'byor mar tshol ba'o/ /de nyid dka' thub yin pas brtul zhugs ltar brtul zhugs te de bshad par bya zhes drangs nas shes par bya'o/ /brtul zhugs de ci lta bu zhe na/ dpa' bos rnal 'byor ma kun bsgrub ces pa la/ brtul zhugs gang gis 'das ma thag pa'i le'ur gsungs pa'i mtshan nyid can rnal 'byor pas rnal 'byor ma thams cad sgrub par 'gyur zhes bya ba'i don to/ /de ni bzang na rnal 'byor ma nyid gang zhe na/ mtshan nyid dbye ba shes nas su/ zhes bya ba la/ tha mal pa'i bud med dang thun mong ma bstan pa ma yin gyi/ gzhan dag kyang bstan par bya ba'i phyir/ rgyud kun gyi ni thun mong ste/ zhes bya ba la sogs pa smos te/ dam
- 318a
tshig ston pa 'di rgyud thams cad kyi yin gyi so sor nges pa can gyi rgyud kyi ni ma yin no/ /de skad ces su zhig smra ste/ mtshan nyid gang gis 'di dag yin pa'i rnal 'byor ma'i spyod yul gyi mtshan nyid ni mtshan nyid kyi dbye ba ste/ khyad par de shes shing mtshan nyid des yang dag par mtshon nas rnal 'byor ma rnams bsnyen par bya'o/ /zhes bya ba'i don to/ /de rnams bsnyen pa las cir 'gyur zhe na/ dgos pa bstan par bya ba'i phyir/ myur du dngos grub rab tu 'jug ces bya ba la sogs pa smos so gal te de lta yin na de dag kyang gang du rnyed par 'gyur zhe na/ yul dang yul du zhes bya ba la sogs pa la/ yul dang yul du tshol zhing kha cig nas rnyed par 'gyur zhes ston to/ /ci de dag tshol ba kho na brtul zhugs yin nam zhe na/ pho nya'i gzugs kyi mtshan ma brtag ces bya ba la/ pho nya ni pho nya ma'i gzugs kyi mtshan nyid de/ phra ba'i mtshan nyid so sor rtog pa yin gyi/ rjes su tshol ba ni ma yin no/ /yul dang yul du tshol ba de dag ji lta bu zhe na/ pho nya ral gri so 'dra zhing zhes bya ba la pho nya mo ni 'chad par gyur pa'i mtshan nyid dang ldan pa'i rnal 'byor ma dang/ 'jig rten la rab tu grub pa'i ral gri so'i brtul zhugs 'di gnyis dag par byed cing bsod nams 'phel bar byed pa'o/ /de dag tshol ba'i phyir sgrub pa po dad pas de dag tshol ba la 'gal ba med do/ /de la dag byed dang bsod nams 'phel ba tsam gyis 'bras bu de dag tshol ba gal te brtul zhugs yin na/ de ni re zhig bzhag ste/ dag byed kyi bsod nams bsgrub par sla ba ste/ ci nus par bla ma dang sangs rgyas la bsnyen bkur bya snyam na/ sgrub pa po yi dngos grub thob ces bya ba la sogs pa smos te/ bsod nams dang dag byed kyi dngos grub rjes su tshol ba'i 'bras bu 'dir bshad de/ de bzhin du de dang 'dra ba rnams dang reg pa la sogs pas sgrub pa pos
- 318b
dngos grub thob na/ mang du smras pas ci zhig dgos zhes dgongs so/ /dngos grub kyi yang thabs gzhan med dam snyam na/ de'i khyad par bshad pa/ bzlas brjod bsam gtan med par yang/ zhes bya ba la sogs pa smos te/ dngos grub kyi thabs mang du yod mod kyi/ 'on kyang bsgrub pa dka' ba ste/ thabs 'di yang sla ba kho nas sgrub pa pos rnam par bsgom par bya ba nyid do/ /bzlas pa dang bsam gtan la sogs pa ma gtogs par grub par mi 'gyur zhes mkhas pa rnams khas mi len to snyam na/ mchod pa nyid la rab tu 'jug ces bya ba la sogs pa smos te/ rnal 'byor ma bsnyen pa la 'jug pa chos thams cad kyi rang bzhin shes pa dge ba thams cad la rgyun tu zhugs shing 'byung ba'i rnal 'byor pa de la dbul ba ci zhig yod ces bya'o/ /mchod pa dang phyag rgya dang gsang sngags kyi spros pa slob ma'i bzhin du byang chub kyi gnyen por gyur pa dag gi zhen pas ci zhes pa'i don to gal te 'di ltar rgol na mchod pa rnam lnga dang ldan pa'i phyir mchod pa chen po yin gyi/ rnal 'byor ma'i mchod pa ni chung zhing byang chub kyi yan lag ma yin no snyam na/ 'di las gzhan pa mchod pa med/ ces bya ba la sogs pa smos te/ rnal 'byor ma 'di dag gi mchod pa ni 'di'i mchod pa ste/ de las gzhan mchod pa med de/ gal te yod na 'di nyid ces bya ba'i don to/ /skad du smra zhes gzhan ma yin pa'i tshig gi skyon spang bar bya ba'i phyir dngos su 'jug par bya'am zhe na/ de ltar bstan bcos nges pa yin zhes bya ba la sogs pa smos so/ slar yang mi mthun pa'i sgo nas nang gi sbyor ba'i bshad par bya ste/ pho nya'i lam la rtag tu dga' zhes bya ba la sogs pa smos te/ pho nya ni lha mo'i 'khor lo'o/ /de'i lam ni gang du de dag tshol bar byed pa'o/ /chos dang longs spyod dang sprul pa'am/ rtsibs sum cu rtsa drug gi lam du song ba'i pho nya mo rnams so/ /sgrub pa po ni rnal 'byor pa ste/ dngos grub la brtson zhing dngos grub
- 319a
'dod pa'o/ /des ci zhig byed ce na/ longs spyod rtag tu spyad par bya/ zhes bya ba la/ spyod cing longs spyod pas na longs spyod de bdud rtsi'o/ /longs spyod de bsgrub par bya ba 'ba' zhig tu ma yin te/ bza' bar yang bya'o zhes bya ba'i don to/ /bza' ba ni dga' ba mngon du longs spyod pa'o/ /gang gis bza' bar bya zhe na/ rig pa gsang sngags yang dag ldan/ /mnyam par bzhag pa'i rnal 'byor pas/ /zhes bya ba'o/ /longs spyod gang du bza' bar bya zhe na/ yi ge rnams la spyad par bya zhes bya ba la/ yi ge pho nya gnyis spangs pa'i sum cu rtsa gnyis so/ /de rnams las de rnams su ste/ dbyangs kyi pho nya mo 'jug cing spyod ces bya bar longs spyod sgrub pa'o/ /yang na yi ge thams cad las zhes bya ba la 'jig rten la rab tu grub pa'i rigs lngar ro/ /bza' min par ni mi brtag ces bya ba la bza' ba'i brtag pa las 'das par gyur pa'o/ /des cir 'gyur snyam na/ de nyid kyis ni dbyer med 'gyur zhes bya ba la/ dbyer med pa ni rdo rje'i de kho na nyid de/ gnyis su med pa'i mtshan nyid can gyi de kho na nyid yang dag par 'byung bas sgrub pa po rdo rje'i skur 'gyur zhes bya ba'i don to/ /sgrub pa pos pho nya mo rnyed nas kyang grub na/ pho nya mo de gang du 'gro snyam na/ gang 'dir de yi pho nya dang/ sgrub pa la ni gnyi ga sgrub/ ces bya ba la sogs pa la sgrub pa po ni pho nya mo dang/ sgrub pa po gnyis sgrub pa'i tshe/ gnyi ga rang bzhin gyis rnam par gnas so/ /de'i 'og tu yang cir 'gyur zhe na/ rnam pa gnyis su spyod pa ni/ /pho nya gcig pu kho na yin/ zhes bya ba la sogs pa smos pa la/ dngos grub sgrub pa'i dus su yang/ pho nya mo gcig pu phul du byung ba zhes bya ba'i don to/ /de lta bur gyur pa'i pho nya mo dngos grub ster ba thams cad la brjod par bya ba ma yin no/ /'on kyang shin tu dul bar bya ba'i slob ma la bshad par bya'o/ zhes bstan to/ /de nyid
- 319b
bstan par bya ba'i phyir/ bla ma brgyud pa'i rim pa yis/ /shes bya ba la sogs pa la bla ma rnams kyi man ngag ni/ /bla ma brgyud pa'i rim pa'o/ /bla ma'i rim pa de dag gis kyang bla ma brgyud pa'i rim pa yin gyi/ rang 'byung ba'i rim pas ni ma yin no/ / dbang? dang? ldan pa mtshan mchog bla ma'i rgyud le'u bzhi bcu gsum pa las gsungs pa'i he ru ka 'byung ba'i rim pa'i gzhung lugs kyi dbang bskur zhing shin tu thul ba'i slob ma mchog la pho nya mo de yang dag par bshad do/ /phyag rgya'i legs sbyor dang tshul ldan zhes bya ba la/ phyag rgya ni pho nya mo'o/ /de rnams dang lhan cig legs par sbyor ba'o/ /de la ngang tshul ni phyag rgya'i legs par sbyor ba yongs su shes pa'o/ /de yang slob ma'i mchog de nyid la brjod par bya zhes bya ba'i don to/ /pho nya mo yongs su shes par 'dod pa rnams la pho nya mo'i mtshan nyid bshad du chug na yang/ ci'i phyir slob ma mchog la bshad pa yin gyi/ gzhan la ma yin no zhe na/ yongs rdzogs ye shes lus las skyes shes bya ba la sogs pa smos te/ yongs su rdzogs shing ma tshang ba med pa'o/ /ye shes kho na lus gang la yod pa de ni yongs rdzogs ye shes kyi lus te byang chub kyi sems de la skyes pa ni yongs rdzogs ye shes lus las skyes pa'o/ /de ltar ye shes lus can gyi pho nya mo rnams rgyud gzhan gyi man ngag rtogs ba'i slob dpon rnams kyi spyod yul ma yin pa slob pa tsam la ji ltar bshad ces bya bar dgongs so/ /bla ma'i zhal nas rtogs par bya ba'i pho nya mo re zhig bzhag na/ phyag rgya'i lags par sbyor ba'i dang? tshul can de ci lta bu yin zhe na/ nad par langs nas bsam bdag nyid/ /lus ni cha dang bcas byas nas/ zhes bya ba la sogs pa smos/ rnal 'byor gyi gnyid las sad pa ni langs pa'o/ /bsam pa ni bsam gtan no/ /de la sku gsum po gang gis sbyar ba de ni bsam pa'i bdag nyid
- 320a
de rnal 'byor pa'o/ /cha ni bcu drug ste yar dang mar gyi khyad par gyis re zhig gsal byed dang ldan pa sum cu rtsa gnyis po de dag las kyi dbye bas dmar po dang/ nag po dang/ dud kha dang/ lhan cig steng dang 'og dang rkang pa dang byin pa dang brla dang/ bshang ba'i lam dang/ kun tu ra dang/ lte ba dang/ de'i steng dang/ snying ga dang/ mgrin pa dang/ rkang dang/ gdong dang/ klad pa dang/ dpral ba dang/ rgyab rnams su dgod pa na chi dang bcas pa'o/ /cha dang ma bcas shing mi shes pa de cha dang ldan pa ni lus cha dang bcas par bya'o/ /yan lag ma yin bstan bcos rnams/ /lus la gnas par kun du spyad/ ces pa la/ A li kA li las gzhan ma yin pa'i phyir sngags dang rgyud kyi yan lag re zhig gzhag nas/ byang chub kyi yan lag ma yin pa'i sgra'i bstan bcos dang sdeb sbyor yang/ phyag rgya'i sbyor ba'i ngang tshul ldan/ zhes bdag gi de kho na nyid bstan to/ /ci skad du/ dbang dang dgug la dmar po ste/ nag po kun du gsod pa yin/ bskrad pa la ni dud kha nyid/ /bsam pas nges par 'grub par 'gyur/ /'di ni bdag nyid de nyid mchog /dbyangs kun la ni rab tu gnas/ /de ltar bdag nyid cha bcas par/ /sgrub pa mchog gis bya ba yin/ zhes 'byung ngo/ /de yang sngags kyi bdag nyid kyis lus dag par byed par 'gyur ro/ / rnal 'byor gnas rnams nges bstan cing/ zhes bya ba la/ 'og dang steng dang rkang pa rgyab la sogs pa zhes cha de god pa'i gnas nye bar bstan to/ /rang rang ngo bo nyid kyis bstan bcos la sogs pa'i sdom pa bstan par bya ba'i phyir/ bstan bcos rnams ni bsgom mi bya/ zhes bya ba la sogs pa smos te/ bstan bcos mi bsgom pa dang/ dam tshig can mi brnyas pa de tsam gyis ci grol ba yin nam zhe na/ de dang lhan cig bde ba bya/ zhes bya ba la sogs pa la/ phyi dang nang du gyur pa de rnams dang lhan cig
- 320b
bde ba bya ba yin no/ /de gang gis ci zhig byed ce na/ grol ba'i don dang bde don du/ zhes bya ba la sogs pa la/ grol ba'i don ni rnal 'byor pa ste/ rgyud 'dir bshad pa dang/ 'dod pa'i rgyud du dam tshig spyod pas grol bar 'dod pa'o/ /bde don zhes bya ba'i phyir dang nang gi rnal 'byor ma rnams bdag gis byas nas so/ /de dang lhan cig sa rnams spyod/ ces bya ba ni pho nya dang lhan cig gnas dang nye ba'i gnas la sogs par bgrod pa ni sel rnam par spyod pa'o/ /de nyid brjod par bya ba'i phyir/ /mtshan mo rtag par rnam pa'i gos/ zhes bya ba la sogs pa la/ yang ni nges par gzung ba'o/ /de bas na mtshan mo kho nar gcer bu ste/ nyin par ni stag gi lpags pa gon pa'o/ /de nyid bshad par bya ba'i phyir/ srog chags yan lag las byung gon zhes bya ba la/ gcer bu 'am ni pags gyon pa'o/ /ci smyon pa ltar spyod pa spyod ma zhe na/ gnag dang dmar bar rtag 'gyur bya zhes bya ba la sogs pa la/ gnag pa ni bcom ldan 'das so/ /dmar po ni bcom ldan 'das ma'o/ /de'i rnam pa'i rnal 'byor mi 'dor zhing gnas ji lta ba bzhin du lha mo sum cu rtsa drug gi 'khor lo bsdus pa'i rnal 'byor pa nag po dang dmar po rtag tu gyur par gsungs pa ni thabs dang shes rab bdag nyid du gyur na spyod pa spyod pa yin gyi/ so so'i skye bo ltar ni ma yin no zhes bya ba'i don to/ /spyod pa'i rgyu bstan par bya ba'i phyir/ mgul rgyan spyi gtsug dbung rgyan dang zhes bya ba la sogs pa smos te/ spang bar mi bya ba'i dam tshig bsam gtan gyi mgul rgyan la sogs pa'i phyag rgya rgyan du spyad par bya ba bstan to/ /ci spyod pa spyad cing glang po'i lpags pa 'dzin nam zhe na/ rdo rje dang bcas par snod dang/ /khaTwAM cang te'u hUM gi sgra zhes bya ba smos te/ rdo rjes mtshan pa'i par snod ni/ rdo rje dang bcas par snod do/ /khaTwAM cang te'u ni phyag mtshan te/ lag pas 'dzin cing yi ge hUM gis sgras brjod par bya'o/ /de gcig pu yin nam zhe na/
- 321a
rnal 'byor ma bcas dpa' bo kun/ go cha gnyis kyis rnam par brgyan zhes pa la/ dpa' bo nyi shu rtsa bzhi dpa' mo de dag dang lhan cig go cha gnyis dang ldan pa zhes bya ba'i don/ srog chags yan lag las byung gyon zhes bya ba la/ srog chags kyi yan lag ni srog chags yan lag ste/ de nyid gos dang 'dra bas na gos so/ /stag gi lpags pa bgo bar bya'o/ /bde ba 'dod pas bde ba zhes bya ba ni bde bas don 'dod pa ni/ bde ba 'dod pa'i bde ba'o/ /des ci spang pa 'di ni stag gi lpags pa'i gos mgul rgyan la sogs pa bzhin du nges par rtag tu bgo ba ma yin zhes bya ba'i don to/ /mchod phyir thogs ni yongs spangs gtsang zhes bya ba la/ mchod phyir thogs kyang spang bar bya ba yin te/ gtsang ma gcig pu'i rgyur gyur pa rtsa ba'i gsang sngags kyi rang bzhin mchod phyir thogs pa spang ba ci mi gtsang bar 'gyur snyam mam/ gtsang ba he ru ka la gnas zhes bya ba la sogs pa smos te/ lus rnam par dag pa byed tsam gyis tshangs pa'i skud pa re zhig gzhag ste/ rnal 'byor pa la yang sh+rI he ru ka'i mnyam par sbyor ba ni gtsang sbra chen po'o/ /ci skad du/ sh+rI ni gnyis med ye shes te/ he ni rgyu la sogs pas stong/ /ru ni bkod dang bral ba nyid/ /ka ni gang duAng mi gnas pa zhes bya'o// dpal he ru ka'i bdag nyid kyi rnal 'byor pa rtag tu ba'i rnal 'byor pa'o zhes dgongs so/ /mgul rgyan la sogs pa'i phyag rgya yang de'i tshe spang ngam zhe na/ phyag rgya lnga dang yang dag ldan/ /dus kun du ni yang dag spyad/ ces bya ba la/ sangs rgyas lnga dang mi 'gal ba'i phyag rgya lnga po de'i bdag nyid dpal he ru ka spangs pas rnal 'byor pa gnyis med ces pas spang bar bya ba ma yin no/ /phyag rgya mi spong? na kha dog la sogs pa yang spong ngam zhe na/ mdog dang mdog min gdong tsham ngam/ /spyi gtsug
- 321b
bcing ba la sogs spang/ /zhes bya ba la kha dog ni dbus kyi zhal ltar nag pa'o/ /mdog ma yin pa ni g.yon la sogs pa'i ser po dang dmar po dang ljang gu'o/ /gdong gi tsham ngam ni gdong gi 'gyur ba'o/ /spyi gtsug ni gtsug pud do/ /sogs pas ni mig bstsal so/ /de dag grol ba rnams kyis bcing ba de dag spangs pa ni mdog dang mdog min gdong tsham ngam/ spyi gtsug bcing ba la sogs spangs pa ji ltar gyur pa de ltar spyad par bya zhes bya ba'i don to/ gang yang gnas dang nye ba'i gnas la yongs su 'khyam pa la dga' pas he ru ka'i sbyor ba brjed par gyur cing de'i rnam pa tsam la nga rgyal dang ldan pa de ji ltar grub snyam pa la/ pho nya gtsang sbra dang po yin/ /gnyis pa zla ba yin par 'dod/ /zas gcig tu ni longs spyod pa/ /gtsang sbra gsum pa yin par bshad/ ces pa'o/ /gtsang sbra'i phan yon bstan par bya ba'i phyir/ gtsang sbra 'di dag rab bskyangs pas zhes bya ba la sogs pa'o/ /dpal 'khor lo sdom pa'i dka' 'grel rin po che'i tshogs zhes bya ba las/ spyod pa'i brtul zhugs dang/ mchod pa dang/ gtor ma'i cho ga'i le'u ste nyi shu rtsa bdun pa'o// //spyod pa'i brtul zhugs dang mchod pa brjod na/ nang gi sbyin sreg bshad par bya ba'i phyir/ le'u nyi shu rtsa brgyad pa bstan par bya ste/ de nas mchod pas dag bdag nyid/ ces bya ba la sogs pa la/ de nas zhes bya ba ni spyod pa'i brtul zhugs kyi 'og tu'o/ /gnas dang nye ba'i gnas su dpa' bo dang dpa' mo'i tshogs la mchod pas rnam par dag pa'i bdag nyid rnal 'byor pas sprul pa las byung ba'i dpa' bo rnams mchod ces bya bar sbyar ro/ /sprul pas na sprul pa ste 'gyed pa'o/ /de'i don du nges par 'byung zhing 'byin pa ste/ byung bar gyur pa'o/ /rnam pa gzhan du na sprul cing 'byin pa ni sprul pa ste/ phyag dang zhabs la sogs pa dang ldan pa'i dbyibs so/ /gzugs
- 322a
'dis rdzogs pa ni sprul pa la nges par 'byung ba'o/ /de ltar gzugs su gyur pa'i dpa' bo mchod ces bya ba ni cho ga'o/ /de lta bu'i gzugs su gyur kyang mchod par gyur pa'i dpa' bo de gang zhe na/ phyogs snga ma la brten nas bshad par bya ste/ bdag nyid ces bya ba la sogs pa smos te/ dpal he ru ka'i tshul du rdzogs pa'i rnal 'byor pas pha rol gyi phyogs la mi blta bar bdag nyid kho na mchod par bya'o/ /ci mchod par bya ba ma yin pa mchod dam/ 'on te mchod par bya ba mchod ce na/ sangs rgyas la sogs kun gyis mchod/ /ces bya ba la/ sangs rgyas thams cad ni dpa' bo dang rnal 'byor ma de dag gi mchod pa'o/ /rnam par snang mdzad la sogs pas sangs rgyas gzhan rnams ni re zhig bzhag na/ dum bu phyed pa la sogs pa'i dpa' bo rnams dang rab gtum ma la sogs pa'i dpa' mo rnams kyis kyang mchod pa de'i phyir/ rnal 'byor pas mchod par bya ba kho na zhes dgongs so/ /mchod pa des ji ltar 'gyur snyam na/ dpa' bo kun dang rnal 'byor ma/ /brtan pa dag dang g.yo ba dang/ zhes bya ba gang gis bdag nyid gcig pu mchod pa des brtan pa dang g.yo ba'i mthar thug par mdor na khams gsum thams cad mchod pa yin zhes bstan to/ /gang gis bdag nyid gcig pu mchod pas khams gsum ? mchod ces bya ba'i rnal 'byor pa ci lta bu yin zhe na/ spun dang sdug pa lhan cig mchod/ ces bya ba la/ spun ni dpa' bo nyi shu rtsa bzhi'o/ /sdug pa ni rnal 'byor ma sum cu rtsa bdun pa'o/ /de gang gis mchod pa des thams cad mchod pa yin gyi/ he ru ka'i nga rgyal tsam du gnas pas ni ma yin zhes bya ba'i don to/ /de dag mchod pa yin na yang gcig tu gyur pa gang du rnyed par 'gyur snyam na/ zhi ba'i 'dus pa la gnas pa'i zhes bya ba la/ zhi ba ni zla ba'o/ /de la 'dus pa gcig tu gyur pa der bsdus
- 322b
nas yang dag par de'i rnam pas gnas te/ zhi ba 'dus pa la gnas pa der gcig tu rnyed par gyur zhes bya ba'i don to/ /zhi ba bsdus par song ba rnams rang rang gi ngo bo nyid med pa yin na mchod par byed pa dang/ mchod par bya ba dang mchod pa des cing 'gyur zhe na/ de ltar bsam par bya ba ma yin te/ mchod pa rang bzhin de lta bu yin pa'i phyir ro/ /ji skad du/ dngos med go 'phang goms pa dang/ /lha yi gzugs ni bsgom pa yis/ /mnyam nyid mchod pa chen po ste/ /sangs rgyas thams cad rab bsgrub pa'o/ /bde bas thams cad 'grub pa ste/ /dka' thub kyis ni 'grub par dka' zhes 'byung ngo/ /dpa' bo dang dpa' mo rnams zla bar thim par gyur na/ zla ba de nyid gang la rnyed snyam pa la/ de yi lan ring nas bshad de/ /ye shes der mi bstan mi bya/ zhes bya ba la sogs pa smos te/ de la don ni 'di yin te/ zla ba rnyed pa kho na ste/ 'on kyang ye shes gang gis thob/ /skal ba dang ye mi ldan pa la bcom ldan 'das kyis bstan par mi bya zhes pa dag go /de ji ltar shes par 'gyur pa'i khyad par smos shig snyam na/ de'i khyad par so sor bzlas nas bshad par bya ste/ spun dang bu rnams lhan cig tu zhes bya ba la/ spun ni rgyud 'dir bshad pa'i rnal 'byor pa'o/ /bu dang bu mo ni dpa' bo dang dpa' mo rnams so/ /de dag gi gzugs gcig ni spun dang bu rnams lhan cig go /de dang lhan cig pa ni spun dang bu rnams lhan cig ste/ spun dang bu rnams kyi gzugs dbyer med ces bya ba'i don to/ /bde dang sdug bsngal kun 'byung ba zhes bya ba la/ bde ba ni mya ngan las 'das pa'o/ /sdug bsngal ni 'khor ba'o/ /de gnyis yang dag par 'byung ba ni bde ba dang sdug bsngal kun 'byung ba'o/ /de la zla ba de la'o/ /gal te de lta yin na de'i phyir brjod par bya ba ma yin na/ mkhas pas kyang ji ltar shes par bya zhe na/ sngags de bzhin
- 323a
phyag rgya dang zhes bya ba la gug kyed tsam ni sngags so/ /de yongs su gyur pas ni mtshan ma'i phyag rgya'o/ /de gnyis kyang bshad par bya ba kho na'o zhes bya ba'i don to/ /sbyin sreg gi rgyu bstan nas/ sbyin sreg bshad par bya ba ste/ dag byed zas la spyod pa ni/ zhes bya ba la sogs pa smos te/ cho gas rab tu bsgrubs pa'i zla ba ni dag byed zas so/ /zhi ba las byung ba 'am dag byed kyi zas de spyad par bya'o/ de ji lta bu zhe na/ dag byed ces bya ba la dag byed ni dam tshig gi dus su bya ba byas pa gang la yod pa de ni dam tshig spyod pa byas pa ste sngar bshad pa'i rnal 'byor pa'o/ /dam tshig spyod pa la 'jug pa'i rnal 'byor pa'i sdom pa bshad par bya ste/ gsang sngags su la'ang sbyin mi bya/ zhes bya ba la sogs pa smos te/ 'dod pa'i spyod pas pho nya mo dang pho nya mo ma yin pa yang sgrub par mi 'gyur te/ de ci pho nya mo yang 'dod par mi bya 'am snyam na/ pho nya ma gtogs gzhan dag la zhes bya ba la/ bla mas bsten pa'i mtshan nyid can gyis pho nya mo thob nas de spangs shing pho nya mo gzhan la bgrod par mi bya zhes dgag pa yin no/ /pho nya mo kho na bsten par bya ba'i yon tan gang zhe na/ mi 'da' ba yis longs spyod bya zhes bya ba'o/ /pho nya nye bar spyod pa yin na pho nya ma yin pa la mi spyod dam snyam na/ bsnyen bkur nyid ni bya ba min/ zhes bya ba la sogs pa smos te/ nye bar longs spyod pa re zhig gzhan la bsnyen bkur nyid kyang bya ba min par bstan to/ /skyon ci yod ce na/ rigs ni dman zhing chags la gnas zhes bya ba la/ rigs lnga ste skye ba'i gnas so/ /de las gzhan du skyes pa ni rigs dma' ba' o/ /chags pa kho na'i phyir gnas pa ni/ chags pa la gnas pa'o/ /rigs las skyes pa yang thar pa ster ba ci lta bu zhe na/
- 323b
ma dang sring mo bu mo dang/ /chung ma pho nya mo nyid gnas zhes bya ba la sogs pa smos pa la/ ma ni bla ma'i phyag rgya'o/ /sring mo ni lhan cig nyan pa'o/ /bu mo ni rang gi man ngag byin pa'o/ /chung ma ni bla mas byin pa'o/ /gal te de dag las gzhan bsten na/ de'i tshe nges par dngos grub zad par 'gyur zhes bzlog nas skyon bstan to/ /pho nya ma yin pa spang ba dang/ pho nya bsten pa re zhig gzhag na/ de'i 'og tu las dang mthun pa ji ltar bshad ce na/ mchog gi lhan cig 'gugs par byed/ ces bya ba la sogs pa smos te/ 'gugs pa ni 'dren pa'o/ /mchog ni rnal 'byor pa'o/ /lhan gcig ni cig car du'o/ /des cir 'gyur zhe na/ de ltar rdzas ni rnam nges yin zhes bya ba la/ de ltar rdzas dang rdzas ma yin zhes bya ba'i don to/ /sbyin sreg bsgrub pa'i rgyu'i dam tshig gzhan bstan par bya ba'i phyir/ rnal 'byor pa rtag g.yon nas spyod/ ces bya ba la sogs pa la smos so/ /sbyin sreg gang gis bya zhe na/ ba lang sha dang rta'i sha zhes bya ba la sogs pa la/ lus dang ngag dang yid rdo rje ste/ de ci lta bu zhe na/ sna tshogs zhes bya ba ni dmar po dang/ nag po dang/ dkar pos sbyin sreg bya'o/ /ci ltar zhe na/ dkyil 'khor gru gsum dag tu bya/ /zhes bya ba la/ de dag la cha kho na gru gsum gyi dkyil 'khor te/ de'i dmigs pa gzhan yin zhing zur gsum ni phyogs gsum ste/ skye gnas dang snying kha dang mgrin pa'o/ /de dag gi 'khor lo ni zur gsum gyi dkyil 'khor der sbyin sreg bya'o/ /mngon spyod kyi dgos pa bstan par bya ba'i phyir/ sangs rgyas dag kyang nges par 'jig ces bya ba la sogs pa la/ sangs rgyas ni nyon mongs pa lnga ste/ rigs la brten pa gcig gi mdza' can du byas so/ /sangs rgyas kyang nges par 'jig na/ de'i rjes su song ba rtog pa gzhan dag smos kyang ci dgos zhes bya ba'i don to/ /dkyil 'khor de ji lta bu zhe na/ sngags dang phyag rgya zhi bar ldan/
- 324a
zhes bya ba la sogs pa la/ sngags dang phyag rgya rnams kyi zhi ba ni rab tu zhi ba'o/ /dkyil 'khor gyi dbye ba yang gnyis te/ de la re zhig sbyin sreg gi thabs khung bshad zin to/ /dam tshig dang ldan pa'i rnal 'byor pa rnams kyi yang spyod pa bstan par bya ba'i phyir/ dpa' bo rnams kyi zas de bzhin/ zhes bya ba la sogs pa smos te/ ci ltar gsang sngags dang phyag rgya dang zhi ba dang ldan pa'i dkyil 'khor yin pa de ltar zas nye bar longs spyod pa de yin zhes bstan to/ /sbyin sreg gi spyod pa'i rgyud gzhan gyi rnal 'byor pa dag gi spyod yul ma yin zhes bstan par bya ba'i phyir/ sh+rI he ru ka'i sprul pa zhes bya ba la sogs pa la/ dpal he ru ka rnal 'byor pa'i nye bar spyod pa'o/ /nyer spyod bstan bcos kun rnams mchog ces bya ba la/ rgyud gzhan gyi mtshan nyid dang mi 'dra ba'i don to/ /nye bar spyod pa'i dgos pa bshad par bya ba'i phyir/ las rnams thams cad bsrung bar 'gyur zhes bya ba la sogs pa smos so/ /yi ge gcig pu ni mchog go /yang na yi ge thams cad kyi ngo bo de'i cho ga ni yi ge gcig gi cho ga'o/ /dpal 'khor lo sdom pa'i dka' 'grel rin po che'i tshogs zhes bya ba las/ nang gi sbyin sreg dang yi ge gcig pu'i cho ga'i le'u ste nyi shu rtsa brgyad pa'o// // nang gi sbyin sreg brjod nas/ pho nya'i mtshan nyid bstan par bya ba'i phyir/ le'u nyi shu rtsa dgu pa bshad par bya ste/ de nas gzhan yang bstan pa ni/ zhes bya ba la sogs pa smos te/ le'u bcu bdun pa las bshad pa'i pho nya mo'i mtshan nyid bstan pa las/ gzhan bstan cing gsungs pa'o/ /pho nya'i mtshan nyid shes par bya ba dang/ mkha' 'gro ma'i mtshan ma shes par bya ba'i phyir/ mtshan ma de the tshom med par bya bar gsungs so/ /gang gis yang dag shes 'gyur ba zhes bya ba
- 324b
la sogs pa smos te/ mtshan nyid gang gis the tshom med par rnal 'byor pas rnal 'byor ma rnams dam tshig dang ldan par shes par 'gyur ba'i mtshan nyid de bshad par bya zhes bya ba'i don to/ /gal te de lta yin na legs te/ ji ltar bstan par bya snyam na/ spun dang yang na pha dang ni/ /bdag po nyid du skad cig mthong zhes bya ba la sogs pa smos te/ 'jig rten pa'i spyod pa la shin tu zhen cing bdag po ltar nye bar longs spyad pa dang/ spun dang pha dang 'dra bar blta zhes pa'i don to/ /de lta bu'i bsam pa can yin na yang ci ltar mtshon pa zhe na/ lce sdom zhes bya ba la sogs pa smos pa'o/ /de ltar gyur pa'i pho nya mo rnams ci'i phyir nye bar bstan snyam na/ dngos grub kun gyi thun mong du zhes bya ba la sogs pa smos te/ dam tshig spyad pa dang rjes su mthun pa'i dngos grub ni dngos grub thams cad kyi thun mong ngo/ /dngos grub de dag gi phyag rgya de dag yin gyi/ gong du bshad pa'i mchog gi dngos grub kyi ni ma yin zhes dgongs so/ /de bzhin du bshad pa'i rgyud las kyang dngos grub kyi dbye bas phyag rgya'i dbye ba mang du bshad de/ 'di lta ste/ gnag dang dkar dang ljang ba ste/ /de dag rim pas bsgrub par bya zhes bya ba la sogs pa smos te/ de la nag po dang dkar po dang ljang gu zhes bya ba ni kha dog gi sgo nas so/ /rnam pa gsum po de la re re yang bzhi bzhir gnas so/ /rtsub pa dang 'jam pa dang skra bzangs dang brtan pa zhes bya ba'o/ /de la ba'i lce dang bong bu'i rtags can ni rtsub pa'o/ /pad+ma'i 'dab ma reg pa dang 'dra ba ni 'jam pa'o/ /stobs dang ldan pa ni skra bzangs ma'o/ /dung dang chu skyes 'dra ba'i mtshan ma ni brtan pa'o/ /dbyibs brtag pa ni ring pa dang thung ba dang bar ma dang gsum ste/ de la sbom pa'i chu skyes dang chu 'dzin gyi gdong can ni thung ba'o/ /gdong dang lag pa dang rkang pa ring
- 325a
zhing sha'i dri can rdul 'dzag pa ni ring ba'o/ /zla ba'i gdong can kha dog ljang ba ni pad+ma'i dri dang ldan pa'i rdul can dang/ ri dags skrag pa'i lte ba can dang/ ri dags kyi mgrin pa dang/ ri dags kyi rgyal po ltar rked pa phra ba ni bar ma ste pad+ma can zhes kyang bya'o/ /de dag la sogs pa'i mtshan nyid ni/ mang po ldan pa'i pho nya mo/ /dang po nad las grol ba yin/ /gnyis pa dam tshig don zhes bya/ /gsum pa dngos grub grub phyir ro zhes 'byung ngo/ /rtag tu dran pa yang dag ldan zhes bya ba la/ rtag pa ni dga' ba rmad du byung ba'i tshe pho nya mo la rnal 'byor ma dang mkha' 'gro ma'i sgra brjod pa ni dran pa dang ldan no/ /gang gis dran pas rnal 'byor ma de dag pho nya mor sbyor ba de gang du zhe na/ mkha' 'gro ma mchog nyi shu bzhi zhes bya ba la sogs pa smos so/ /rtsa sum cu rtsa gnyis kho na rnal 'byor ma yin na/ de ci'i phyir mkha' 'gro ma nyi shu rtsa bzhi yin zhes rgol ba'i lan rgyud gzhan las bshad par bya ste rtsa ni sum cu rtsa gnyis bshad/ /de rnams kyi ni mchog gi mchog /lha mo bcu gnyis phrag gnyis te/ /dbyangs kyi rjes 'gro'i mtshan nyid can/ /yar dang mar ngo'i dbye ba yis/ /nyi shu rtsa bzhir yang dag gsungs shes bya ba 'byung ngo/ /nus pa bskyed par bya ba'i phyir/ /rtsa ba'i sngags ni rtag tu bzla/ zhes bya ba la/ dpa' bo dang dpa' mo nyi shu rtsa bzhi las gzhan ma yin pa'i sngags bzla bar bya zhes bstan to/ /'di kho na bzla'i gzhan dag mi bzla 'am snyam na/ gang phyir 'di las sngags kun skyes shes bya ba la sogs pa smos te/ gang gis bzla zhe na/ sngags dang phyag rgya yang dag ldan zhes bya ba la sogs pa smos te/ sngags ni rang gi sa bon no/ /phyag rgya ni rang gi mtshan ma'o/ /gang gi phyir yang dag par bsdus shing gcig gi ngo bor byas nas byin
- 325b
gyis brlabs bskyed pa de yang dag par ldan pa ni sngags dang phyag rgya yang dag ldan no/ /yang na gtsang zhing dag pa'i rdo rje 'dzin pa'i rgyu mthun pa ni/ sngags dang phyag rgya yang dag ldan/ zhes bya bstan to/ /de lta bu'i sgrub pa po de dngos grub kyi snod yin gyi / gzhan dang ni dngos grub kyi snod yin zhes bstan to/ /dpal 'khor lo sdom pa'i dka' 'grel rin po che'i tshogs zhes bya ba las/ pho nya mo'i mtshan nyid dang/ nus pa'i gnas skabs kyi cho ga'i le'u ste/ nyi shu rtsa dgu pa'o// //nus pa'i gnas skabs brjod nas/ zhal bzhi pa'i sngags btu ba'i phyir/ le'u sum cu pa bshad par bya ste/ de nas gzhan yang bshad bya ba/ /shin tu rnyed dka' i bkod pa ste/ /zhes bya ba la sogs pa smos so/ /de nas zhes bya ba ni 'das ma thag ba'i le'u las so/ /gzhan yang zhes bya ba ni le'u lnga pa las rtsa ba'i sngags rnams cha dang bral bar gsungs la/ da ni cha dang bcas pa bkod par bya'o/ /bkod pa ni yi ge dang phyi mo bkram pa'o/ /rnyed par dka' ba rgyud gzhan gyi slob dpon yis rtogs par dka' ba'o/ /bkod pa'i khyad par bstan par bya ba'i phyir/ gang gis shes pa tsam gyis/ zhes bya ba la sogs pa la/ bkod pa shes pa tsam gyis sngags yongs su shes pa'i dngos grub sgrub pa pos rab tu 'grub par 'gyur ro/ /gal te de lta yin na bkod pa de gang du bya zhe na/ sa phyogs mnyam zhing yid 'ong bar/ zhes bya ba la sogs pa'o/ /bdag nyid bya ba kun byas nas/ zhes bya ba la/ kun ni ma lus pa ste phung po dang khams dang skye mched byin gyis brlabs pa'i lha mo bcu bdun dang/ go cha gnyis dang sku gsung thugs kyi lha mo gsum dang/ dpa' bo nyi shu rtsa bzhi dang/ rnal 'byor ma dang bcas par dgu bcu rtsa gnyis kyi lha mo'i 'khor lo ste/ de ltar dang mi ldan pa'i bdag nyid cha dang bcas par byas nas/
- 326a
lha mo'i 'khor lo de gnas ci lta ba bzhin du bdag nyid bcug nas/ mdor bsdus na/ rdo rje phag mo dang dpa' bo gcig pur bde mchog nyid gyur zhes bya ba'i don to/ /cha bcas byas nas zhes bya ba der yang gi don ni bsdus pa'i don to/ /cha dang lhan cig gyur pas na cha bcas te yi ge sum cu rtsa bzhi de dag gis/ bdag nyid gcig pu cha dang bcas par bya zhes bya ba'i don to/ /phyogs bcing ba ni byas nas su/ zhes bya ba la/ rdo rje sa bzhi dang/ ra ba dang/ dra ba dang/ bla bre dang/ mda'i dra ba dang/ me'i 'od rnams dgod par bya'o/ /de ltar phyogs bcings ba la sogs pa byas na/ ji ltar dgod par bya snyam na/ de nas rdza rnga bcing byas te/ zhes bya ba la sogs pa smos te/ de nas shes pa ni phyogs bcing ba'i 'og tu rdza rnga bcing ba byas nas dgod par bya'o/ /rdza rnga bcing ba ni re'u mig tu yi ge phyi mo ma 'khrul bar dgod pa de yang re'u mig sum cu rtsa gnyis blangs nas btu ba'i go rims kyis re khA brgyad kyis 'gyur gyi dgus ni ma yin no/ /de 'di mnyam pa'i cha gang la yod pa de ni cha mnyam pa ste/ de byas nas zhes khas blang bar bya'o/ /thub pa'i re'u mig sum cu rtsa gnyis ma gtogs par re khA dgu ni kun tu zlum zhes bya bar kha cig rab tu dgod do/ rtsa bar ni rdza rnga bcing ba byas nas phyi mo'i yi ge tsam rab tu dgod par bya'o/ /de nas rtsa ba la brten nas rdza rnga bcing ba re khA brgyad kyis dgod par bya'o/ /yi ge ka la sogs pa sum cu rtsa bzhi dang/ phyi mo ni a la sogs pa bcu drug pa de dag rdza rnga bcing ba la slob dpon gyis dgod par bya'o/ /slob dpon de ci lta bu zhe na/ shin tu mnyam par bzhag ste btu zhes bya ba la/ dad pa dang/ rigs dang/ yongs su shes pa dang/ brtan pa la sogs pa dang ldan pa'o/ /der
- 326b
gnas dpa' bo btu par bya/ zhes bya ba la/ rdza rnga la gnas pa'i sngags kyi bdag nyid bcom ldan 'das dpa' bo bde mchog btu bar bya'o/ /ji ltar btu bar bya zhe na/ rim dang rim las bzlog pa yis/ zhes bya ba la sogs pa ste/ ji ltar bstan pa las grags pa'i dbyangs dang gsal byed btu bar bya'o zhes bya ba'i don to/ /gang las btu zhe na/ de lta'i grangs su gyur pa las zhes bya ba la sogs pa la/ dbyangs dang gsal byed rnams kyi grangs ni de'i grangs so/ /de'i grangs kyi nang du chud pa gang yin pa de la de skad ces bya ste/ de'i phyir grangs de'i nang du chud pa las btu bar bya zhes bya'o/ /de ji ltar btu snyam na/ thub pa'i re mig sum cu rtsa gnyis pa blang zhes bya ba la sogs pa ste/ thub pa ni ka la sogs pa'o/ /de'i sum cu rtsa gnyis pa'i re'u mig la gnas pa'i yi ge sa'o/ /lnga pas dbye zhes bya ba ni gnas ji lta ba'i dbyangs kyi yi ge u sbyar bar bya'o/ /brgya'i phyed phyed ces bya ba ni nyi shu rtsa lnga pa ste yi ge ma'o/ /de bzhin nyi shu bzhi pas phye ba zhes bya ba ni thub pa de nyid kyi nyi shu rtsa bzhi pa yi ge b+ha des dbye ba ste ldan pa'o/ /sum cu rtsa drug pa blangs zhes bya ba ni sum cu rtsa drug pa ste yi ge na'o/ /re'u mig gsum pas rnam par dbye zhes bya ba ni/ re'u mig gsum pa ni yi ge i dang yang dag par ldan pa'o/ /sum cu rtsa gnyis blang zhes bya ba ni yi ge sa'o/ /lnga pas dbye ba zhes bya ba ni yi ge u dang yang dag par ldan pa'o/ /de nas nyi shu lnga pa bzung zhes bya ba ni yi ge ma'o/ /nyi shu rtsa bzhi pa dang sbyar zhes bya ba ni nyi shu rtsa bzhi pa ni yi ge b+ha ste de dang ldan pa'o/ /sum cu rtsa gsum yang dag blang zhes bya ba la/ sum cu rtsa gsum pa ni yi ge ha'o/ /re'u mig bco lngas yang dag mchod ces bya bar ni yi ge aM dang ldan pa'o/ /lnga pa dag dang yang dag bcas zhes bya ba la/ yi ge us brgyan pa'o/ /dang po'i tshig
- 327a
ni yang dag gsungs zhes bya ba la/ dang po'i tshig ni yi ge btu ba'o/ /yi ge bcu dgu pa blang zhes bya ba ni yi ge ga'o/ /me'i bu ni ra ste de dang ldan pa'o/ /re'u mig gsum par phye zhes bya ba ni yi ge i dang ldan pa'o/ /ya tshan brgyad pa'i sa bon zhes bya ba la/ ya tshan brgyad ni yi ge ha'o/ /re'u mig sum cu rtsa drug pa ni yi ge na dang yang dag par ldan pa'o/ /slar yang yi ge de dag nyid ces bya ba ni tshig 'di nyid lan gnyis brjod par bya ba'o/ /de nas rang 'byung blangs nas ni zhes bya ba la/ rang 'byung ni yi ge ha'o/ /lnga pas dbye ba ni yi ge u dang ldan pa'o/ /thig les spyi bo rnam par brgyan zhes bya ba ni/ rjes su dbyangs dang ldan par bya/ /zhes tshig gnyis pa btu bar bya'o/ /re'u mig bcu dgu pa nyid la/ zhes bya ba la/ bcu dgu pa ni yi ge ga'o/ /nyi shu rtsa bdun pa yis phye zhes bya ba ni rang dang ldan par bya'o/ /gsum pa dang ni yang dag ldan/ zhes bya ba ni yi ge i dang ldan par bya'o/ /sum cu rtsa gsum legs blangs te/ zhes bya ba ni sum cu rtsa gsum pa ni ha'o/ /re'u mig gnyis pa ni dbyangs kyi yi ge gnyis dang ldan pa'o/ /yi ge nyi shu pa dang ldan zhes bya ba la nyi shu pa ni na dang ldan pa'o/ /re'u mig nyi shu rtsa gcig pa zhes bya ba ni yi ge pa'o/ /de bzhin nyi shu drug pa ni yi ge ya'o// tshig ni lan gnyis goms pa nyid ces bya ba ni tshig 'di yang rnam pa gnyis su dgod par bya'o/ /go rim bstan nas/ da ni rim pa bzlog pa bstan par bya ba'i phyir/ de nas go rim bzlog pas bzung/ zhes bya ba la sogs pa smos te/ re'u mig dang po ni yi ge ha'o/ /bzhi pa'i mdza' dang yang dag ldan zhes bya ba ni yi ge u dang ldan pa'o/ /bco lnga pas mchod pa ni yi ge oM dang ldan pa zhes tshig gsum pa btu ba'o/ /re'u mig gnyis pa'i sa bon zhes bya ba ni dbyangs
- 327b
yig gnyis pa'o/ /sum cu rtsa drug pa ni yi ge na'o/ /de bzhin du nyi shu rtsa drug pa ni yi ge ya'o/ /sum cu rtsa gsum yang dag blang zhes bya ba la/ sum cu rtsa gsum pa ni yi ge ha'o/ /re'u mig bcu gsum pa yis mchod ces bya ba ni yi ge oM dang ldan pa'o/ /re'u mig bcu pa nyid ces bya ba ni go bzlog pa'i phyir yi ge b+ha'o/ /bcu dgu pa zhes bya ba ni yi ge ga'o/ /nyi shu gsum pa nyid ces pa yi ge ba'o/ /re'u mig gnyis dang yang dag ldan zhes bya ba ni/ dbyangs yig gnyis pa dang yang dag ldan pa'o/ /thig les spyi bor brgyan pa ni rjes su dbyangs dang ldan pa'o/ /de nas chu'i sa bon gzung zhes bya ba la/ chu'i sa bon ni yi ge ba'o/ /brgyad pa'i mdza' zhes bya ba ni yi ge dza'o/ /me'i pus dbye ba ni yi ge ra dang ldan pa'o/ /hUM hUM phaT kyis mdza' sbyar ba/ zhes bya ba ni mthar huM hUM dang phaT sbyar ba'o/ /tshig bzhi'i bdag nyid kyi sngags 'di khams gsum las rgyal ba'i ngang tshul dang ldan pa'i phyir/ 'jig rten gsum las rnam par rgyal ba'o/ /oM ni kun las gsal byed yin/ zhes bya ba la/ dang po'i yi ge oM gyis gsal bar gyis shig/ yi ge hUM dang phaT kyi tshig gi khyad par gang la yod pa de la de skad ces bya'o/ /sngags 'di gang gi yin zhe na/ rig pa'i rgyal po 'khor lo sgyur zhes bya ba la sogs pa smos te/ rig pa'i sku yin te/ de'i gzi brjid dang ldan pas na/ rig pa'i rgyal po'o/ /'khor lo ni lnga ste/ sku dang gsung dang thugs dang dam tshig dang ye shes kyi 'khor lo ste/ lnga po de'i dbus na gnas pa'i ngang tshul gang la yod pa de ni 'khor lo sgyur pa'o// rig pa'i rgyal po 'khor lo sgyur ba rdo rje hUM mdzad de'i sngags 'di yin zhes bya ba'i don to/ /'dir ma bstan pa'i bdag nyid bcom ldan 'das nyid rdo rje hUM mdzad du ji ltar shes par bya zhe na/ de la bshad pa'i rgyud las/ nam mkha' i khams su
- 328a
yid 'ong bar/ /pad+ma'i lte ba'i dbus gnas par/ /gdug pa thams cad gnon byed pa'i/ /rdo rje hUM mdzad bsgom par bya/ /phyag ni bcu drug yang dag ldan/ /zhal ni brgyad po rnam par 'jigs/ /mche ba gtsigs shing dang po'i zhal/ /thod pa phreng bar yang dag ldan/ /yan lag rgyan rnams kun gyis brgyan/ /sangs rgyas lnga yi spyi gtsug can/ dmar po spyan gsum nyid dang ni/ /phyag rgya drug gis rnam par mdzes/ /g.yas brkyang zhabs kyis skal ldan mgo /skal ldan ma yi nu ma gnon/ /mgo yi chun 'chad sku lus drag /thod phreng sku regs 'ching mdzad cing/ /phyag gnyis rdo rje dril bu 'dzin/ /khams gsum rnam rgyal zhes bya'o/ /dpral ba dang ni snying ga nyid/ /phyag rgya 'di yis bgegs 'joms pa/ /mdzub mo lcags kyu bcings pa ni/ /khams gsum rnam rgyal zhes bshad do/ /thod pa khri yi yan lag dang/ /de bzhin ral gri lcags kyu 'dzin/ /zhags pa sdig mdzub 'khor lo dang/ /rin chen tho ba dag kyang 'dzin/ /rtse gsum mgo bo cang te'u dang/ mi yi lpags rlon steng du 'dzin/ /stag gi pags pa'i gos byon cing/ /rang 'od rig pa'i bde thob pa/ /sngo dang ser dang de bzhin dmar/ /ljang gu g.yon pa'i zhal dge ba/ /dkar dang sngo dang de bzhin ser/ /steng gi zhal ni dmar por gsungs khro bo bzhi dang yang dag ldan/ /zhes bya bar gsungs so/ /de la khro bo bzhi bshad par bya ste/ 'dod pa'i rgyal po dbyug sngon dang/ /stobs po che dang mi g.yo mgon/ /gsum ni dkar dang ljang dang dmar/ /bzhi pa de bzhin ston dmar ro/ /mche ba gtsigs shing zhal drag po/ /thod pa'i phreng bas g.yas brkyang bas/ bdud bzhi gnon pa mi'i rus pa'i rgyan gyis 'jigs su rung ba/ 'od zer 'pho ba'i 'bar bas 'khrug pa rang gi 'od kyi rig pas 'khyud cing/ khro bo'i lta bas blta ba/ phyag drug
- 328b
dang ldan zhing phyag gnyis kyis rnam par rgyal ba'i phyag rgya dpral bar bcings pas brel ba/ phyag lhag ma bzhi po go rim bzhin du tho ba dang/ dbyug pa dang/ rtse gsum dang/ ral gri dang/ dril bu dang/ thod pa dang/ rdo rje dang/ sdigs mdzub mdzad cing stag gi pags pa bsnams pa/ spyan gsum drag po'i gzugs can de ltar khro bo bzhi yongs su rdzogs pa'o/ /rdo rje hUM mdzad kyi rnal 'byor pas las thams cad byed pa yin gyis/ sngags tsam gyis ni ma yin no/ zhes bya ba'i don no/ /gzugs ni brgyad po yang dag ldan/ zhes bya ba la/ gzugs brkyang ni gshin rje sreg ma la sogs pa nas/ gshin rje 'joms ma'i mthar thug pa dam tshig 'khor lor gnas pa'i pho nya mor bstan to/ /de rnams dang ldan pa ni gzugs brgyad dang ldan pa'o// 'khor dang bcas pa'i bcom ldan 'das bshad pa ni re zhig bzhag na/ sngags kyang ci'i phyir bstan zhe na/ de'i dkyil 'khor bsrung ba'i phyir/ zhes bya ba la sogs pa la/ dpal dang ldan pa rdo rje hUM mdzad de'i dkyil 'khor dang/ khyad par du sems can thams cad la yang bsrung ba'i phyir zhes dgongs pa dang ldan pa'i sngags bshad pa kho na rig pa yin no/ /dpal 'khor lo sdom pa'i dka' 'grel rin po che'i tshogs zhes bya ba las/ rdo rje bcing pa'i sngags btu ba'i cho ga'i le'u ste sum cu pa'o// //sngags btu ba bshad nas/ de'i 'og tu sngags kyi bsgrub pa dgos pa bstan par bya ba'i phyir/ le'u sum cu rtsa gcig pa brjod par bya ste/ de nas sha chen dag gis kun/ /zhes bya ba la sogs pa la/ btus ma thag pa'i zhal bzhi pa'i sngags dang ldan pa'i sha chen gyi sbyin sreg dang/ gtor ma dang/ dam tshig can gyi zas sam/ dkon mchog gsum la gnod par byed pa rnams 'jig cing 'joms par byed pa'o/ rdo rje skyes zhes bya ba ni
- 329a
rdo rje sa 'og la sogs pa las 'byung ba zhes bya ba'i don to/ /ci gdon mi za bar grub bam zhe na/ 'di ni gdug pa thams cad kyi zhes bya ba la sogs pa smos te/ sha de dag dang sngags kyis 'jig par byed cing 'joms par byed pa'o// ji ltar rdo rje las skyes pa de bzhin du 'di yang shes par bya'o/ /'di dag kyang dkon par 'gyur zhe na/ de'i tshe dgra bo rnams la ci tshar gcod par mi bya 'am zhe na/ de bzhin khyi dang phag gi sha /zhes bya ba la sogs pa la/ sha chen po ji lta ba bzhin du de bzhin du khyi dang phag la sogs pa'i sha skye bo thams cad rnyed par sla bar gyur pas las thams cad byed pa zhes bstan to/ /ma lus lus pa med grub cing/ zhes bya ba la/ ma lus pa ni dngos grub chen po brgyad do/ /lus pa med pa ni thams cad do/ /de dag gis 'dus pa ni ma lus pa med par 'grub par 'gyur ro/ /rgyal srid thams cad ni/ zhes bya ba ni phyogs skyong ba ste/ de dag gi bdag po nyid ni rgyal srid thams cad do/ /de lta bu'i phan yon dang ldan pa'i gtor ma dang sbyin sreg bya ba yin na/ de'i byed pa po ni gang yin zhe na/ zhes ring du song zhing bcom ldan 'das de nyid khams gsum rnam par rgyal ba'i phyag rgya 'dzin pa/ dpal rdo rje hUM mdzad bstan par bya ba'i phyir/ /dpa' bo thod pa'i phreng ba can zhes bya ba la sogs pa smos so/ /kye ma shin tu smod par byed pa'i thod pa mi gtsang zhing gtsang ma rnams kyis reg tu mi 'dod pa de'i phreng ba can gyi rdo rje hUM mdzad kyi rnam pa des ci zhig bya zhes rgol ba la/ lan bstan par bya ba'i phyir/ /dung dang nya phyis mu tig ces bya ba la sogs pa smos pa la/ dung la sogs pa ni mu tig dang ldan pa'i srog chags las byung ba de yang gtsang zhing dag par byed pa de yang zhes 'dod pa yin na/ 'on kyang chos kyi ye shes lus can/ zhes bya ba la sogs pa la/ chos
- 329b
ni dang 'ub? kyi chos sum cu rtsa bdun la sogs pa'o/ /de nyid ye shes las gzhan ma yin pa'i phyir/ ye shes de'i lus gang la yod pa de dag ni chos kyi ye shes lus te dpa' bo rnams so/ /chos kyi ye shes lus can dpa' bo de dag dang/ 'khor lo sgyur pa'i dpa' bo rnams kyi thod pa srog chags las mi 'byung zhing/ rnam par snang mdzad gsang sngags rnam par dag pa smad par bya ba ma yin pa rang bzhin gyis rnam par dag pa'i phyir/ gang gis smod de mi smod ces bya ba'i don to/ /de bas na dag par byed pa yin pa'i phyir/ thod pa'i phreng ba can bsdom par bya zhes bstan to/ /de gang zhe na/ dpa' bo zhes bya ba la sogs pa la/ pul+li ra ma la sogs pa'i gnas nyi shu rtsa bzhir khyad par du dpa' bo ste thod pa'i dum bu la sogs pa de dag la 'gro bas ni dpa' bo ste/ bcom ldan 'das dpal bde mchog go /de ci lta bu zhe na/ zla ba phyed pas dbu la brgyan zhes bya'o/ /zla ba ni rgyan yin na/ ci'i phyir phyed yin la rgyas pa ma yin zhe na/ dpa' bo rnams kyi zhes bya ba la sogs pa smos pa la/ dpa' bo rnams dang dam tshig so sor yin pa'i phyir/ dpa' bo dag gi zla ba rgyas pa'i rgyan zhes bya ba yin gyi/ bcom ldan 'das la de ma bstan to/ /zla ba phyed pa de ci lta bu zhe na/ dpa' bo skyes las zhes bya ba ni dpa' bo rnams gang las skyes pa de ni dpa' bo skyes te yar gyi ngo dang de bzhin g.yon pa'i logs su gnas pa cha bcu gnyis pa'i tshogs kyi rang bzhin no/ /de ltar gyur pa'i dpa' bo 'khor lo sgyur ba ci zhig byed ce na/ brda ni lnga po bstan pa dang/ zhes bya ba la sogs pa la/ dpa' bo dang dpa' mo rnams kyis mchod pa ni brda'o/ /de yang sor mo lnga yin pa'i phyir/ /so so'i skye bo rmongs par bya ba'i don du brda lnga bstan par bya'o zhes bya ba'i don to/ /gang gis she na/ sgrub pa po yi lag g.yon gyis zhes bya ba ni/
- 330a
g.yas brkyang pa las gzhan pa ni lag g.yon no/ /sgrub pa po ni phyag rgya'i dngos grub sgrub par byed pa'o/ /de ltar brda bstan pa yin na/ g.yon pa kho nas yin gyi/ g.yas pas ma yin zhes nges pa gang zhe na/ 'di ni dpa' bo'i gnas yin te/ zhes bya ba ni/ gang gi phyir g.yon pa bshad pa'i rim pas dpa' bo rnams kyi gnas yin pa de'i phyir/ g.yon pa kho nas nges par 'byed de/ de bas na dpa' bo'i gnas lag pa g.yon pa kho na las brda 'byung ngo/ /g.yon yang de'i bde ba bstan par bya ba'i phyir/ 'gro kun g.yon las byung ba yin/ zhes bya ba la sogs pa smos so/ /bshad pa'i rim pas g.yon pa re re zhig bzhag nas brda ji ltar bstan zhe na/ rdo rje sems dpa' mthe bor bzhugs/ /zhes bya ba la sogs pa smos pa la/ rdo rje sems dpa' dang/ rnam par snang mdzad dang/ snang ba mdza' yas dang/ mi bskyod pa dang/ rin chen 'byung ldan zhes bya ba dpa' bo lnga dang/ khyad par byed par don yod grub pa dang/ drug brjod cing go rims su mthe bo la sogs pa brda lnga bstan par bya'o/ /brda bstan nas bza' ba'i dam tshig bstan par bya ba'i phyir/ lag mthil sh+rI he ru ka zhes bya ba la sogs pa smos pa la/ lag mthil ni lag pa'i dkyil du'o/ /bza' ba'i dus su dgod par bya'o/ /mi 'da' ba' i rnam par dag pa bstan par bya ba'i phyir/ sa ni spyan zhes bya bar bshad/ ces bya ba la sogs pa smos so/ /zas kyi mthar gshegs su gsol ba bstan par bya ba'i phyir/ mkhas pas rgyab tu gshegs su gsol/ zhes bya ba la sogs pa smos so/ /de dag ci'i phyir gsal por ma bstan ce na/ gsang ba 'di ni mi bstan/ zhes bya ba la sogs pa smos so/ /dpal 'khor lo sdom pa'i dka' 'grel rin po che'i tshogs zhes bya ba las/ bza' ba dang sbyin sreg dang/ gtor ma'i bya ba la lag pa'i brda'i cho
- 330b
ga'i le'u ste/ sum cu rtsa gcig pa'o// //sbyin sreg dang gtor ma dang brda la sogs pa bstan nas/ bza' ba dang bca' ba la sogs pa dang/ ro langs sgrub pa brjod par bya ba'i phyir/ le'u sum cu rtsa gnyis pa gsungs te/ de nas gzhan yang bshad bya ba/ /bza' ba dang bca' ba'i 'dus pa ste zhes bya ba la sogs pa smos te/ bza' ba ni bza' ba ste/ dngos grub kyi yan lag tu gyur pa'i phyugs rnams so/ /bza' ba dang bca' ba de dag gis bsdus pa ni nye bar bsdus pa ste/ bza' ba dang bca' ba'i bsdus pa'o/ /de ci lta bu zhe na/ yang dag cho ga gang gis shes/ zhes bya ba la sogs pa smos pa la/ bshad par gyur pa'i 'jigs byed kyi yan lag tu gyur pa'i bdag nyid bya'o/ /dpa' bo lnga dang mi 'gal ba'i phyugs lnga 'am/ mi 'gal ba'i rta la sogs pa la 'che ba ma byas pas bsdus pa'o/ /de rnams bdud rtsir bya ba'i yang dag pa'i cho gas gang du bsgrubs pa de ni bza' ba dang bca' ba'i bsdus pa yang dag pa'i cho ga des myur du dngos grub ni goms pas las thams cad 'grub par 'gyur ro/ /de 'dir bcom ldan 'das kyis gsungs so/ /zhes bya ba'i don to/ /phyugs rnams dgug pa nyid dang ni/ /zhes bya ba ni/ phyugs rnams nye bar bsdus pa sgrub pa pos sngar bshad pa'i rim pa ste/ nyi shu rtsa dgu pa'i le'u las bshad pa'i drag po'i rim pa bsgrub pa'o/ /sgrub pa po'i bza' ba dang bca' ba'i rim pa gang zhe na/ de bzhin phyugs ni lnga yin te/ zhes bya ba la sogs pa smos so/ /ci ltar sor mo'i ngos la rta mgrin dang sdud par byed pa dang drug ste/ brda ltar bstan pa de bzhin du yang phyugs lnga bstan pa yin te/ phyugs kyi ming ni bong bu dang/ mi dang/ ru sbal dang/ rnga mo dang/ wa dang/ ce spyang la sogs pa des byed pa'i tshig med par bstan to/ /de bas na rta la sogs byi sa zhes bya ba ni/ rta la sogs pa'i ming gi sgo nas bstan pa'o/ /ji
- 331a
lta bu zhe na/ dngos grub kyi yan lag ni/ dngos grub kyi rgyu'o/ /ci gang rung rung gi za bas dngos grub kyi yan lag tu 'gyur ram zhe na/ dngos grub bsgrub pa'i dkyil 'khor du zhes bya ba la sogs pa smos te/ zhi ba dang rgyas pa las gzhan ma yin pa'i phyir 'jigs byed chen po'i dkyil 'khor bri ba'i dus su dam tshig gi phyir bza' ba bstan te/ /de nyid bshad pa/ dngos grub bsgrub pa'i dkyil 'khor du zhes bya ba ni/ phyag rgya chen po bsgrub pa'i dkyil 'khor du'o/ /phyugs lnga po ni nyon mongs pa lnga ste/ sangs rgyas lnga rdo rje sems dpa' dang drug ste/ de dag dang ldan pa'i sems ni rta la sogs pa de dag rang bzhin med par dngos su bya ba ni bza' ba'o/ /bong bu la sogs pa phyugs yin na/ ci'i phyir mi phyugs su 'gyur zhe na/ rigs rnams la ni rigs can phyugs zhes bya ba la sogs pa la/ bram ze dang/ rgyal rigs dang/ rje'u rigs dang/ dmangs rigs dang/ rigs bzhi ste/ de dag gi rigs sam yon tan la btags pas phyugs zhes brjod do/ ji ltar rnyed pa'i phyugs bstan par bya ba'i phyir/ /rkang bzhi pa ni glang por bshad/ ces bya ba la sogs pa smos so/ /lha rnams las ni gdong mgul ma zhes bya ba ni pa'o/ /dkyil 'khor ma gtogs par bza' ba dang/ sbyin sreg dang/ gtor ma rnams kyis dngos grub bsgrub par bya bstan par bya ba'i phyir/ bya rog ce spyang zhes bya ba la sogs pa la smos so/ /rol byed ma bsgrubs pa'i sbyin sreg bstan par bya ba'i phyir/ /kriSh+Na shA yi 'o ma yis/ zhes bya ba la sogs pa la/ khyi mo nag mo'i 'o ma dang/ mar gyi ngo'i chos brgyad dang bcu bzhi las gzhan pa'i nyin zhag la/ 'bras dang bcas pa'i ma sha'i thug pa mis bsad pa'i ro'i khar ni ye shes kyi me la zhal bzhi pa'i sngags kyis rtog pa med pas sbyin sreg brgya rtsa brgyad
- 331b
bya'o/ /de nas ro de langs nas ni/ zhes bya ba ni go sla'o/ /nges par ci 'gyur zhe na/ steng dang 'og gi pho nya 'grub/ /ces bya ba la sogs pa la/ 'og ni sa spyod do/ /steng ni mkha' spyod do/ /bar ma ni sa steng gnas pa de dag 'khor lo gsum gyi rnal 'byor ma 'grub ces nges par bstan to/ /des ni 'khor lo sgyur ba yang goms pa ci'i phyir mi 'grub ste/ 'grub pa kho na zhes bstan to/ /dkyil 'khor de gang yin pa dang/ ji ltar 'gyur na chos kyi brda he ru ka nges par 'byung ba'i dkyil 'khor de nyid so sor bstan par bya ba'i phyir/ lci ba'i thal ba nyid dag dang/ /lhag ma skam po rtsa ba gsum/ /zhes bya ba la sogs pa la/ lci ba'i thal ba ni rdo rje bsgoms pa'i 'og tu rlung gi dkyil 'khor ro/ /skam po rtsa ba gsum/ zhes bya ba ni me dang chu dang dbang chen gyi dkyil 'khor ro/ /rim pa 'di yang mngon par rtogs pa las gsal bar shes par bya'o/ /re zhig dkyil 'khor pa bzhag na/ dkyil 'khor gyi gtso bo de gang yin snyam pa la/ sngar bshad pa bstan par bya ba'i phyir/ phyag bzhi pa zhes bya ba la sogs pa smos te/ dkyil 'khor der bcom ldan 'das dang 'dra bar dgod par bya'o/ /ci ltar dgod par bya zhe na/ dung chen po yi ngo bor bya/ zhes bya ba la sogs pa la/ 'dod pa thams cad bsgrub pa dang/ rgyal srid thob pa'i phyir mi'i rus pa'i smyu gus mi'i pags pa la bris nas dgod do/ /de'i phyag mtshan ni glang po'i pags pa 'dzin pa'o/ /rdo rje smin ma rnam par 'byes shes sngar bshad do/ /dpal 'khor lo sdom pa'i dka' 'grel rin po che'i tshogs zhes bya ba las/ ro langs sgrub pa dang/ he ru ka bskyed pa'i rim pa'i cho ga'i le'u ste sum cu rtsa gnyis po// //ro langs bsgrub pa bstan nas/ gsang ba'i mchod pa dang/ bkur sti bstan par bya ba'i phyir/ le'u sum cu rtsa gsum pa bshad par bya ste/ de nas sgrub pa po rnams kyis/ /sbyor ba kun la med pa bshad/
- 332a
ces bya ba la sogs pa la/ de nas mi 'chad par 'gyur ba'i sbyor ba las/ rnal 'byor thams cad sgrub pa po la cho ga gzhan med de/ gal te yod na 'di nyid yin gyi gzhan ma yin zhes bya ba'i don to/ /gal te de lta yin na rnal 'byor de gang zhe na/ bza' ba dang bca' ba zhes bya ba la sogs pa smos te/ bza' ba ni bza' bar bya'o/ /bca' ba ni nya la sogs pas khyad par du bya ba'i 'bras can la sogs pa'o/ /gal te nya la sogs pa tshogs ma nus na de'i che mi bza' 'am zhe na/ med par gyur kyang bza' ba ni zhes bya ba la sogs pa la/ nya'i sha la sogs pa med par gyur na yang gong du bshad pa'i bong bu dang/ mi dang ru sbal dang/ rnga mo dang/ lce spyang zhes bya ba zas lnga 'am/ rgyud gzhan las bstan pa'i go ku da ha na rnams nye bar blangs te/ bza' bar bya'o/ /zhes bya ba la sogs pa bstan to/ /sgrub pa pos de lta bu'i bza' ba gang du bya snyam na/ mtshan mo'i dus ni nyid du bya/ zhes bya ba la sogs pa smos so/ /mtshan mo bkag pa'i zas slob dpon gyis byas nas ci zhig bya zhe na/ de nas pho nya rab sbyin zhing/ zhes bya ba la sogs pa la/ le'u nyi shu rtsa drug par bstan pa'am/ 'og nas 'chad par 'gyur ba'i ma dang sring mo la sogs pa pho nya mo de ni bla mas gsang ba dang phyag rgya thob pa'i slob ma la phyag rgya gnyis pa sbyin par bya zhing gtad par bya'o zhes bstan to/ /ci ring du gnas nas sbyin par bya 'am zhe na/ rang gi pang par mgo bzhag ste zhes bya ba la sogs pa smos te/ ci'i phyir sbyin par bya zhe na/ dpa' bo gnyis med rab tu bsten zhes bya ba la sogs pa la/ dpa' bor gyur nas gnyis dang gnyis su med pa las 'das nas ye shes thob pa'i phyir spyod do/ /de bsten pa'i 'bras bu bstan par bya ba'i phyir/ bcings pa rang ltar grol bar bya zhes bya ba la/ rang dang 'dra bar grol ba
- 332b
ni rang grol lo/ yon tan gyi rjes su gzung ba'i slob ma sring pa'i 'ching ba las grol bar bya zhes bya ba'i don to/ /de ltar ji ltar 'gyur zhe na/ bzhi pa bstan par bya ba'i phyir/ /de nas sngags ni 'grub 'gyur te/ zhes bya ba la/ bsams pas na sngags te gnyis su med pa'i ye shes so/ /dngos grub des mtshon pa'i phyir/ /de nas sngags 'di rab tu 'grub ces bya ba'i don to/ /ci sngags kyi dngos grub de bsnyen pa tsam gyis 'grub bam zhe na/ ci srid 'byung ba de bar du/ zhes bya ba la sogs pa la/ yang dag par 'byung ba ni yang dag par 'byung ste/ byang chub kyi sems kyi rgya mtsho'i rlabs kyis rtog pa'i dri ma 'khru ba'o/ /sngon du ma byas pa'i rdo rje 'dzin ci ltar 'grub ce na/ slob dpon lus su gnas nas su zhes bya ba la sogs pa la/ rdo rje 'dzin bdag gi slob dpon gyi rnam pa thob nas mchod pa blang bar bya'o/ /ji ltar mngon sum bzhin du bdag mngon sum du'o/ /de nas sgrub pa po 'grub pa la 'khrul ba gang yang med ces pa'i don to/ /sgrub pa po rnams la bcom ldan 'das 'di rtag tu ma bral ba kho na yin zhes bstan par bya ba'i phyir/ dpa' bo rnams kyis gnas dag ni/ phyag rgya dag tu the tshom med/ ces bya ba la sogs pa la/ dpa' bo ni rdo rje 'chang ste/ de'i gnas ni gzhi ste phyag rgya kho na'o/ /bcom ldan 'das kyis de ltar mchod par bya ba ste dngos su bstan par bya ba'i phyir/ glu dang gar la sogs pa bya/ zhes bya ba la/ glu ni dang ba dang gong mo la sogs pa'i sgra'o/ /gang ni yang dag pa'i ro la sogs pas rnam par rol pa'o/ /yang na b+ha ra ta dang/ bi sha khe la'i bstan bcos las gang dang glu shes par bya'o/ /de la rol ston yin zhes bya'o/ /de bzhin du glu dang gar gyi dga' ba yang bya'o/ /ci srid rnal 'byor gyi ye shes la dga' bar ma gyur pa de srid du 'khor bar 'khor bar 'gyur ro/ /bzlog pa bstan par bya ba'i phyir/ /mya ngan sdug bsngal
- 333a
gyis g.yengs 'dir/ zhes bya ba la sogs pa la/ gang yang rnal 'byor gyis ye shes la dga' ba de ni dngos po thams cad bza' ba dang/ bca' ba dang/ bldag pa dang/ glu dang/ gar la sogs pas grol bar 'dod pa'i phyir phyag rgya mchod ces bstan to/ /mchod pa las byung ba'i dpa' bo'i spyod bltag par bstan par bya ba'i phyir/ dpa' bos dpa' bo yang dag spyod/ /ces bya ba la sogs pa smos so/ /dpal 'khor lo sdom pa'i dka' 'grel rin po che'i tshogs zhes bya ba las/ gsang ba'i mchod pa dang bsnyen bkur gyi cho ga'i le'u sum cu rtsa gsum pa'o// //gsang ba'i mchod pa dang pho nya mo'i bsnyen bkur bstan nas/ pho nya mo dang gnyis su med pa'i sbyin sreg brjod par bya ba'i phyir/ le'u sum cu rtsa bzhi pa bshad par bya ste/ de nas mkha' 'gro ma dra ba'i/ /'khor lo'i cho ga rgyas pa ste/ /las gang la ni kun brjod pas/ /'grub par the tshom med pa'o zhes bya ba la sogs pa smos te/ mkha' 'gro ma ni rab gtum mo la sogs pa nyi shu rtsa bzhi po de'i rang bzhin gyi dra ba ni mkha' 'gro ma'i dra ba ste/ bcom ldan 'das dpal bde mchog go /mkha' 'gro ma'i dra ba de'i 'khor lo dkyil 'khor ba'i lha'i tshogs su zhi ba dang rgyas pa la sogs pa gang ci yang rung ba de dag myur du ni las rnams ring po mi thogs par 'gyur zhes bstan to/ /ci ltar 'grub 'gyur ce na/ dpa' bo thams cad rnal 'byor zhes bya ba la sogs pa la/ dpa' bo kun ni thod pa'i dum bu la sogs pa de dag gang du 'dus pa de ni dpa' bo thams cad de dpa' bo thams cad 'dus pa de'i mkha' 'gro ma ni rab gtum ma la sogs pa'o/ /pad+mar zhes bya ba ni lta ba'i rtse mor yi ge a dang ldan pa'i gnas su thig le bsam zhes bya ba'i don to/ /
- 333b
ji skad du/ sbyin mtshams zla ba'i pad+mar ni/ bcu drug rtsa yis yongs su bskor/ /thabs dang shes rab kun spyod bas/ /kha sbyar zhes ni mngon par brjod/ /dang po'i dbyangs yig yang dag ldan/ /bsams na myur du 'bar bar 'gyur zhes bya ba la sogs pa gsungs so/ /de ltar pho nya mo'i gnyis su med pa bstan nas/ sbyin sreg bstan par bya ba'i phyir/ dpa' bo'i brda'i gdong gis me/ zhes bya ba la sogs pa la/ dpa' bo ni bcom ldan 'das te/ de'i gdong ni 'jigs su rung ba der dang po'i dbyangs yig las byung ba'i me lha'o/ /gzhan ma yin pa'i bde ba bstan par bya ba'i phyir/ bi' sha zhes bya ba la sogs pa smos te/ bsreg bya lnga zhes bya ba la/ de bzhin gshegs pa lnga po re re'i grangs dgu gus bsreg bya bzhi bcu rtsa lnga bsreg ces bya ba'i don to/ /lte ba la dgod pa'i 'khor lo sbyin sreg mkhan gyis ci ltar blta bar bya zhe na/ me'i phreng bas 'bar ba'i mdog /ces bya ba la sogs pa smos te/ kun nas zhal zhes bya ba ni/ kun du zhal sbyin sreg mkhan gyis 'bar ba dang ldan pa'i 'khor lo blta bar bya'o/ /sbyin sreg mkhan de gang zhe na/ dpa' bo'i dbang phyug zhal bzhi pa/ zhes bya ba la sogs pa la/ dpa' bo'i dbang phyug zhal bzhi pa ni dpa' bo dang dpa' mo'i 'khor lo sgyur ba dpal bde mchog go /dpa' bos dpa' bo'i gnas de bzhin/ zhes bya ba ni/ dpa' bo dang lhan cig dpa' bo'i gnas zhes gzhal yas khang 'bar bar blta zhes bya ba'i don to/ /'dab mar pho nya bzhi po dag /ces bya ba ni thab khung gi dbus su 'khor lo'i lte ba'i 'dab ma la pho nya mo ste/ mkha' 'gro ma la sogs pa bzhi'o/ /'khor lo'i dpa' bo gnyis med bde/ zhes bya ba la sogs pa la/ 'khor lo dang/ dpa' bo dang/ mkha' 'gro ma rnams gang du gnyis su med par de ni 'khor lo pa kun gnyis med bde bo'i zhes bya'o//
- 334a
gong du bshad pa'i brda'i gdong bshad par bya ba'i phyir ro/ khaN+Da ro he phyi rol sbyin zhes bya ba la sogs pa la/ dum skyes mas nye bar mtshon pa'i gdong ni khaN+Da ro he'o/ /de'i phyi rol ni khaN+Da ro he'i phyi rol lo/ /de nas khaN+Da ro he'i phyi rol las/ ?? ni gdong bzhi pa la sbyin par bya'o/ /de'i don ni 'di yin te/ bdud rtsir lnga'i rang bzhin gyi bsreg bya lnga'i rdzas 'khor lo'i nang na gnas pa'i dpa' bo'i zhal du bsreg bya de dag zhugs par blta zhing bsam par bya zhes bya ba'i don to/ /dpal 'khor lo sdom pa'i dka' 'grel rin po che'i tshogs zhes bya ba las/ pho nya mo dang gnyis su med pa'i sbyin sreg dang dgug pa'i cho ga'i le'u ste sum cu rtsa bzhi pa'o// //pho nya mo dang gnyis su med pa'i sbyin sreg dang/ dgug pa'i cho ga brjod nas/ dus ma yin pa'i 'chi ba bzlog pa bstan par bya ba'i phyir/ le'u sum cu rtsa lnga pa bshad par bya ste/ de nas las kyi mchog rab ni/ /ci bzhin rim gyis mtshon pa ste/ /zhes bya ba la sogs pa smos pa la/ las kyi mchog rab ni las kyi mchog go /dus ma yin pa'i 'chi ba bzlog pa rim pa ci lta ba bzhin du mchod cing rim pa las ma 'das pa ni go rims so/ /mchod pas gnyis su med pa ni gnyis med mchod pa'o/ /de'i don du sbyor ba ni gnyis med mchod pa'i sbyor ba de'i bdag nyid kyi las ni mchod pa gnyis med sbyor ba'o/ /las de rnams su sngags gang sbyar ba de ni rab tu 'grub pa ste/ sde tshan brgyad po de dag gi /dbye ba las kyi bye brag brjod ces bya ba'i don to/ /bshad pa'i sngags kyi bye brag gis las kyi dbye ba 'di ji ltar 'gyur zhe na/ rigs kyi pho nya la sogs sngags/ zhes bya ba la sogs pa la/ rigs ni yi ge'i tshigs te sum cu rtsa gnyis so/ /pho nya mo ni rtsa'i rang bzhin gyis rnal 'byor ma'o/ /de dag dang po gang las so/ /dag pa de ni rigs kyi pho nya mo la
- 334b
sogs pa ste/ dpa' bo nyi shu rtsa bzhi'o/ /pho nya mo la sogs pa de dag gi rigs ni sngags te/ rigs dang pho nya mo la sogs pa'i sngags so/ /gang gi phyir rigs dang pho nya mo la sogs pa sngags gang yin pa de'i phyir sngags kyi dbye ba las dbye ba'ang brjod do/ /las kyi dbye ba las de ji lta bu zhe na/ mda' yi shugs bzhin yongs su 'khor/ zhes bya ba la sogs pa smos te/ mda' rnams kyi shugs ni mda' ltar 'gro ba'o/ /'gro ba de yang g.yas dang g.yon gyi dbye ba rnam pa gnyis/ der yongs su 'khor ba gang la yod pa de ni mda'i shugs ltar yongs su 'khor ba ste sngags so/ /phan tshun sbyor bas gsang sngags rnams zhes bya ba la/ phan tshun zhes bya ba ni A li kA li gnyis kyis A li kA li gnyis so/ /sbyar ba'i 'dus pa'o/ /rang rang phyogs kyis phye ba yin/ zhes bya ba la/ phyogs ni bzhi ste/ lte ba dang/ snying ga dang/ mgrin pa dang/ spyi bo rnams su khyad par du byas pa'o/ /sa bon phreng bas de nas zin/ zhes bya ba la/ gang du btus pa de las dgug cing yi ge hUM pa rab tu zhugs pa'o/ /de la don 'dis mtshon par bya ste/ g.yas dang g.yon gyi logs? gnyis kyi dbus su dbyangs kyi yi ge bcu gnyis steng du blta zhing gnas pa thur du blta ba'i ka la sogs pa'i phreng ba gnyis kyis spyi bor byas pa'o/ /A li kA li de na De gnyis yin te/ de dag las las kyi tshogs 'byung par 'gyur ro/ /ji mang du yang/ g.yas dang g.yon gyi phyogs gnyis su/ /dbyangs kyi yi ge bcu gnyis gnas/ /ka la sogs pa kun du bskor/ /steng du bltas par yang dag bshad/ /thur du blta ba dag gis ni/ logs gnyis dbus su sbyar bar bya/ /lha mo de ltar bshad pa ste/ /rtsa ni dbyangs kyi ngang tshul nyid/ ces 'byung ngo/ /bsgrub bya 'gog par 'gyur na ni/ zhes bya ba la/ 'gog pa ni 'gro ba dang 'ong ba dang rnam par rengs pa'o/ /de'i phyir bsgrub bya zag pa med pa'i bde ba chen po'i sangs rgyas kyi skur
- 335a
'gyur ro/ /gang du 'gro zhe na/ gom pa gcig kyang mi 'gro'o/ /zhes bya ba la/ 'gro ba 'gog pas bgrod par bya ba'i phyogs med pa'i phyir/ gom pa gcig kyang ring du mi 'gro /zhes bya ba'i don to/ /'gog pas bsgrub bya 'grub par 'gyur ro/ /bsgrub bya 'grub par de gom pa gcig kyang mi 'gro bar ma zad mod kyi/ 'on kyang 'gog pa nyid ji ltar zhe na/ kha sbyar sbyar bar gyur pa de/ zhes bya ba la sogs pa smos te/ A li kA li gnyis kyis kha sbyar du byas nas/ shes rab dang thabs kyi sbyor ba gang yin pa de ni kha sbyar te/ rdo rje lu gu rgyud bcing ba'o/ /zhes bya ba'o/ /phyag gis 'khyud cing bcing pa ni 'gog pa'i mtshan nyid du bshad do/ /ji skad du/ thabs dang shes rab mnyam gzhag pas/ /kha sbyar du ni brjod pa yin/ lag pa gnyis kyis 'khyud pa ni/ /rdo rje lu gu rgyud ces bshad bya ba la sogs pa la/ rdo rje phye ba nyid dang ni/ /zhes bya ba la/ /pad+ma ni rdo rje phye ba byas pa'o/ /pad+ma ni rnam pa gnyis te ye shes kyi rang bzhin dang/ yan lag gi rang bzhin no// ye shes ni ye shes so/ /rdo rje ni gnyis su med pa ste/ phyogs lha'o/ /de bzhin du bung ba bzhin du bskor bar bya/ /zhes bya ba la/ pad+mar rdo rje bung ba bzhin du bskor bar bya'o/ /khyu mchog brdeg pa la sogs pa'i rim pas thams cad bskyod par bya/ zhes bya ba'i don to/ /yang bshad pa/ rdo rjes pad+ma dbye bar bya/ khung bas sbrang rtsi byed par 'dod/ /skor ba bskyod pa zhes bshad do/ /de yi bde ba thams cad rig /ces gsungs so/ /lcags kyu nyid kyis dgug pa dang/ zhes bya ba la/ 'dod pa'i lcags kyus de bzhin gshegs pa thams cad dgug par bya/ zhes bya ba'i don to/ /gtun shing gis ni dkrug pa dang/ zhes bya ba la/ dkrug pa'i don du gtun shing ste/ de'i rdzas kyi chus dngos po thams cad dkrug
- 335b
par byed pas/ 'dod chags la sogs pa'i nyon mongs pa thams cad 'joms par byed pas na gtun shing ngo/ /rdo rje'i sangs rgyas te de'i bza' ba ni 'dus pa'o/ /sad la mda' ni sbyar bar bya/ zhes bya ba la/ mda' ni dbyangs so/ /yan lag kha TwAM ga dang sbyar zhes bya ba la/ kha TwAM ga ni lha'o/ /thod pa ni mchod yon gyi snod do/ /zhal du mchod yon nges par sbyar/ zhes bya ba la/ thod pa mchod yon gyi snod zhal du bsdu bar bya zhes bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ dus ma yin par 'chi ba bzlog pa'i cho ga'i le'u ste sum cu rtsa lnga'o// //dus ma yin par 'chi ba bzlog pa brjod nas/ de kho na nyid kyi mchod pas dgug pa bstan par bya ba'i phyir/ le'u sum cu rtsa drug pa bshad par bya ste/ de nas phyag rgya mchod chen dang/ sngags kyi dgod pa bshad par bya ste/ zhes bya ba la sogs pa smos te/ phyag rgya'i mchod pa chen po ni/ phyag rgya'i mchod pa chen po ste/ /de'i sngags kyi bkod pa ni/ /phyag rgya chen po'i bkod pa'i sngags kyi bkod pa'o/ der 'jug pa'i rgyu bstan par bya ba'i phyir/ de dag myur du dngos grub byed ces bya ba la sogs pa la/ phyag rgya'i mchod pa 'dis myur du byed pa de'i phyir/ de 'dod pa gang gis nges par bya ba yin/ zhes bstan to/ /gal te de lta bu'i dgos pa dang ldan na ji ltar bya snyam na/ sngags kyi sbyor ba mtshan gnyis su/ zhes bya ba la sogs pa la/ sngags ni yi ge gnyis te/ g+ha dang wa'o/ /gnyis ni gnyis pa'o/ /de gnyis gang zhe na/ mkha' 'gro dpa' bo gnyis med la/ /mkha' 'gro ma ni rdo rje phag mo ste phyag rgya'o/ /dpa' bo ni bcom ldan 'das dpal bde mchog ste thabs so/ /de gnyis bsdus pa ni mkha' 'gro dpa' ba' o/ /gnyis su med pa ni bya ba'i khyad par ro/ /bshad pa'i thabs kyis ci zhig bya zhe na/ rnal 'byor ma la mkhas pas bskyod/ ces bya
- 336a
pa la sogs pa smos so/ /dag pa'i zhes bya ba la/ bshad pa'i rim pas lus ngag par byas pa'o/ /rang 'od ces bya ba ni rang gi 'dod pa dang mthun pa'i rigs ngang tshul khrims dang ldan zhing sring mo las gzhan ma yin no/ /dpa' bo'i mchod bya rnams byas nas shes bya ba la/ dpa' bo'i mchod pa ni mchod pa'i dam tshig rtogs nas phyi dang nang gi mchod pa spyad par bya'o/ /rnam par dbye ba ni khyod kyis ma mchu la sogs pa zungs shig pa dang/ gtso bo'i bya ba yang rang gi bya ba yin no/ /phyin ci log pa rang nyid sbyar/ zhes bya ba la/ skyes bu'i bya ba yin no/ /de'i 'og tu las ci zhig byed ce na/ tshar gcod pa dang phan 'dogs phyir/ zhes bya ba la sogs pa la/ tshar gcod pa ni nyon mongs pa rnams la'o/ /phan 'dogs pa ni sems can thams cad pa'o/ /de'i don ni tshar gcod pa dang phan pa'i don du'o/ /de nyid dbye bas rnam par dbye/ zhes bya ba la/ de nyid ni lnga po rnam par dag par byed pa ste/ gti mug rdo rje ma la sogs pa rigs lnga'o/ /yang na phung po lnga'i rang bzhin mgon po dang bcas pa'i rtsa lnga'i 'khor lo de nyid khyad par du byas pa ni dbye ba'o/ /rtsa ba'i lam du mchod pa sbyar zhes bya ba la/ gnas lnga las byung ste/ rtsa gsum gyi lam du sbyar bar bya'o/ /sbyor ba'i phyir ni rab bsgrub bya/ zhes bya ba la/ sbyor ba ni 'jug pa ste/ sbyor ba de'i don du phyag rgya rab tu bsgrub par bya'o/ /phyag rgya ma bsgrubs na bcom ldan 'das bde ba chen po'i rdo rje mgu bar mi 'gyur ro/ /'di ni bsgrub par bya/ zhes bya ba la/ mchod pas bsgrub pa'i phyag rgyas bcom ldan 'das bde ba chen pos lha dang lha min dang mi rnams sgrub par mdzad do/ /dpal 'khor lo sdom pa'i dka' 'brel rin po che'i tshogs zhes bya ba las/ de kho na nyid kyi mchod pas dgug pa'i cho ga'i le'u ste sum cu rtsa drug pa'o// //de kho na nyid kyi mchod pas 'gugs pa'i
- 336b
le'u brjod nas/ nang gi dbang du bya ba'i cho ga bstan par bya ba'i phyir/ le'u sum cu rtsa bdun pa bshad par bya ste/ de nas gzhan yang bshad bya ba/ /tshar gcod gnon pa'i sgrub pa po zhes bya ba la sogs pa smos te/ tshar gcod pa ni bsgrub par bya ba'i lus// de gang gis gnon pa de ni tshar gcod pa'i sgrub pa po'o/ /phan tshun sbyar ba'i gsang sngags rnams/ shes bya ba la/ phan tshun sbyar ba ni bsgrub par bya ba dang/ sgrub pa po de gnyis 'brel ba ni phan tshun sbyar ba'o/ /bsgrub bya'i lus la gnas nas su sgrub par byed pa'i lus la zhugs par bya'o/ /mkha' 'gro ma rnams kyang bsdu bar bya ba'i phyir mkha' 'gro ma dang gcig tu sbyor ba/ zhes bya ba la sogs pa smos te/ ji ltar bsgrub par bya ba la gnas pa'i sngags sgrub pa po'i sngags la zhugs par gyur pa de ltar bsgrub par bya ba'i mkha' 'gro ma rnams kyis sgrub pa po'i gnas nyi shu rtsa bzhi la gnas pa'i mkha' 'gro ma rnams dang lhan cig 'dres par gyur par blta bar bya'o/ /bsam gtan gyi cho ga bshad nas/ sbyor ba bstan par bya ba'i phyir/ zas nas skyugs pa'i bza' ba ni/ zhes bya ba la sogs pa la/ zos pa ni bza' ba'o/ /skyugs pa ni bskyug par bya ba ste/ thod pa la sogs par mar la sogs pa'i bza' ba dang bca' ba'o/ /bzlas pa'i mthar ni bskyug par bya/ zhes bya ba la/ bzlas pa ni nang gi ste lha sku'i gzugs bsam pa'o/ /de'i mdza' ni sngags zlos pa ldan pa'o/ /bzlas pa'i mdza' der zos pa de bskyug par bya'o/ /skyugs pa des ci zhig bya zhe na/ mtshan mo bdun ni rdzogs pa dang/ zhes bya ba la sogs pa la de ltar sgrub pa pos nyin zhag bdun rdzogs pa dang/ bza' ba dang btung ba dag la sbyar zhes bya ba ni go sla'o/ /dpal 'khor lo sdom pa'i dka' 'grel rin po che'i tshogs zhes bya ba las/ nang gi bdag nyid kyi dbang du bya ba'i cho ga'i khyad par du bya ba'i le'u ste sum cu rtsa
- 337a
bdun pa'o// //nang gi dbang du bya bas dbang du bya ba'i le'u bstan nas/ rnal 'byor ma'i gnas kyi gsang ba dang dpa' bo'i gnas brjod par bya ba'i phyir/ le'u sum cu rtsa brgyad pa bshad par bya ste/ de nas brda rnams mkha' 'gro ma'i zhes bya ba la sogs pa smos te/ rang gi dam tshig rig cing mtshon pa ni brda ste/ rab tu grub pa'i ming brjod cing kla klo'i skad du so sor bstan pa'i mkha' 'gro ma kho na brda yin te/ zhes gzhi mthun pa'i bsdu ba nye bar bstan to/ /de bas na brda rnams mkha' 'gro ma zhes smos so/ /brdar bstan pa'i mkha' 'gro ma de dag gang zhe na/ lus kyi mtshan nyid gang yin dang zhes bya ba la/ lus dang ldan pa rnams kyis lus kyi rang bzhin te/ lus las gzhan ma yin pa'i mkha' 'gro ma rnams so/ /ji ltar mkha' 'gro ma rnams dpa' bo'i yan lag gi khyad par du gyur pa de nyid bstan par bya ba'i phyir/ de bzhin dpa' bo'i yan lag dbye/ zhes bya ba la sogs pa smos so/ /de ltar gyur pa'i dpa' bo dang dpa' mo dang/ dpa' mo'i dbang phyug ma rnams dam tshig nyams pa'i 'jigs pas gang gi mdun du yang brjod par mi bya ba bstan par bya ba'i phyir/ dpa' bo'i dpa' phyug mi bri zhing/ zhes bya ba la sogs pa smos so/ /de las bzlog pa bstan par bya ba'i phyir/ gang gis sngags ni legs spyod pa'i zhes bya ba la sogs pa smos so/ /sngags dang rgyu dang bsam gtan gyi don spyod cing sgom pa'i sdod par mi bya ba bstan pa'i phyir dpa' bo'i dbang phyug ni bri zhing zhes bya ba la sogs pa smos so/ /rnal 'byor ma rnams kyi gnas ni mi dang gsang ba ste nyi shu rtsa bzhi'o/ /de dag gsang ba'i dpa' bo rnams kyi gnas te/ rnal 'byor pa'i lus de'i cho ga ni dpa' mo'i rang bzhin gyi bya ba rdzogs pa'o/ /dpal 'khor lo sdom pa'i dka' 'grel rin po che'i tshogs zhes bya ba las/ rnal 'byor ma'i
- 337b
gnas gsang ba dang dpa' bo'i gzhi'i cho ga'i le'u ste sum cu rtsa brgyad pa'o// //gsang ba dang dpa' bo'i le'u bstan nas/ mthong pa'i bzhad pa'i cho ga bstan par bya ba'i phyir/ le'u sum cu rtsa dgu pa bshad par bya ste/ de nas sgrub pa'i rnal 'byor pa/ /gnas kyi rnam pa brgyad du rgod ces bya ba la sogs pa smos te/ nus pa dang ldan pa'i rnal 'byor pa chen pos phyi rol gyi gnas dang nye ba'i gnas la sogs par gnas pa'i dpa' bo dang dpa' mo mthong ba bsgrub pa'i phyir 'chang par 'gyur ba'i sngags kyis rnam pa brgyad ji lta ba bzhin du bshad pa'o/ /rgod pa'i dgos pa bstan par bya ba'i phyir/ de nas rgod pa'i rnal 'byor pa 'di la dpa' bo dang dpa' mo de dag gis gzugs ston par 'gyur ro/ /de ji lta bu zhe na/ des rnal 'byor ma la brten nas bshad par bya ste/ 'jigs pa'i sgra ni zhes bya ba la sogs pa la/ dpa' bo de la bltas nas 'jigs shing rnal 'byor pa rnams skrag par 'gyur/ phyogs bcur 'bros shing 'byor bar 'gyur ro/ /de nas dpa' bo mi 'jigs shing 'jigs pa med par 'gyur ro/ /de nas mi 'jigs pas kyang cir 'gyur zhe na/ lag pa g.yon pas bzung nas ni/ /rang gi gnas su khyer bar 'gyur/ zhes bya ba la sogs pa smos so/ /dpal 'khor lo sdom pa'i dka' 'grel rin po che'i tshogs zhes bya ba las/ mthong ba ha har rgod pa'i cho ga'i le'u ste sum cu rtsa dgu pa'o// //bzhad pa'i cho ga brjod nas/ rigs lnga dbang du bsdu ba bstan par bya ba'i phyir/ le'u bzhi cu pa bshad par bya ste/ de nas gzhan yang bshad bya ba/ /gang gi mi rnams dbang du 'gyur zhes bya ba la sogs pa la/ mi rnams ni sa steng du gnas pa ste/ 'chad par 'gyur ba'i rim pas rnam pa lnga'o/ /de dag gang gi dbang du byed de/ de'i cho ga bshad par bya/ de'i cho ga bya ba'i don to/ /dus kyi nges pa bstan par bya ba'i phyir/ zla bas zhes
- 338a
bya ba la sogs pa smos so/ /ji ltar 'grub par 'gyur zhe na/ rnal 'byor sngags kyi cho gar gnas/ zhes bya ba la/ dpa' bo ni bcom ldan 'das dpal bde mchog de'i sngags te/ rkang pa brgyad pa'i sngags so/ /rnal 'byor ni de'i rnam par rdzogs par byed pa nyid do/ /de gnyis kyi cho ga der gnas pa'i dpa' bo ni sngags kyi sbyor ba'i cho ga la gnas pa'o/ /dbang du bya ba de dpa' bo'i sngags dang rnal 'byor dang ldan yang rnal 'byor pas ji ltar 'grub par bya/ zhes sbyor ba bstan par bya ba'i phyir/ mchog min nya'i sha dag gis zhes bya ba la/ mchog ma yin pa'i nya'i sha ni mchog min nya'i sha'o/ /gnas skabs thams cad ces bya ba la/ thams cad byed pa dang/ rgod pa dang/ ngu ba dang/ za ba dang/ rol bzhin du sbyin sreg bya'o/ zhes pa'o/ /rnal 'byor pa de la bcom ldan 'das dpa' bo'i dbang phyug des zhag bdun gyis dngos grub ster bar 'gyur ro/ /mtshan mo sbyin sreg byed pa gzhol/ zhes bya ba la/ drug pa'i don du dang po'o/ /mtshan mo ni nub mo ste/ de la bsam nas grangs bstan par bya ba'i phyir/ brgya dang rtsa brgyad ldan nyid kyis zhes bya ba la/ thun re rer brgya rtsa brgyad bsreg go /rnal 'byor ma kun rig rnams kyis zhes bya ba la/ rigs lngar bshad pa'i rnal 'byor ma rnams sgrub pa po la dbang du 'gyur/ zhes bya ba'i don to/ /dpal 'khor lo sdom pa'i dka' 'grel rin po che'i tshogs zhes bya ba las rigs lnga dbang du bya ba'i cho ga'i le'u ste bzhi bcu pa'o// //rigs lnga dbang du bya ba brjod nas/ gsang ba'i yi ge nyi shu rtsa bzhi'i dkyil 'khor dgod pa'i cho ga bstan par bya ba'i phyir/ le'u bzhi bcu rtsa gcig pa bstan par bya ste/ de nas las kyi mchog rab ni/ /gang gis shes nas sgrub pa pos/ zhes bya ba la/ cho ga mchog gang gis las kyi mchog sgrub pa po la ni/ shes par
- 338b
'gyur ba'i cho ga der bshad par bya zhes grangs rtogs par bya'o/ /las kyi mchog de gang yin snyam pa la/ dbang dang dgug pa zhes bya ba la sogs pa las chen bcu gnyis smos so/ /las de dag ji ltar rdzogs par 'gyur ba yin zhe na/ dran pas 'grub 'byung gdon mi za/ zhes bya ba la sogs pa smos so/ /dran pa tsam gyis 'grub par 'gyur ba'i cho ga de dag gang zhe na/ thams cad bla med gnas la sogs/ mkha' 'gro mas ni thams cad khyab/ /ces bya ba la sogs pa smos pa la/ thams cad ni zil ba dang nye ba'i zil pa'i mthar thug pa'i gnas sum cu rtsa gnyis las gong du phyogs thams cad kyi mchog gnas nyi shu rtsa bzhi'o/ /de dag thams cad la zil ba can la sogs pa rjes su zhugs pas/ /gnas la sogs pa nyi shu rtsa bzhi pa thams cad mkha' 'gro mas khyab po/ /de dag kho na gsang ba'i cho ga bshad pa yin gyi/ gzhan dag gi ma yin zhes bya ba'i don to/ /gang gis bkod pa'i cho ga 'di bstan pa de dag ji lta bu yin zhe na/ ye shes ldan pa'i rang skye gnas/ /yul dang yul du mngon par skye/ zhes bya ba la sogs pa la/ yul ni bshad ma thag pa rnams so/ /ye shes ni bde ba chen po ste/ de dang ldan pa'o/ /skye gnas ni skye dgu mdza' yas pa'i rang rang gi skye gnas de dag tu don dam pa'i byang chub kyi sems 'jug pa'o/ /de dag ji lta bu zhe na/ de ni mkha' 'gro ma ru bshad/ ces bya ba la sogs pa la/ mkha' 'gro ma ni khams nyi shu rtsa bzhi'o/ /de ltar gyur pa de dag ci lta bu zhe na/ rdo rje dkyil 'khor gtso mo ste/ zhes bya ba la sogs pa la/ rdo rje ni dbyer med pa ste/ gnyis su med pa ye shes so/ /de nyid ni dkyil 'khor te rdo rje'i dkyil 'khor ro/ /der gtso mo ni rdo rje'i dkyil 'khor gtso mo'i/ /dkyil 'khor de sku'i dkyil 'khor la brten nas brtson 'grus chen mo la sogs pa nas/ rnal 'byor ma nyi shu rtsa bzhi thugs
- 339a
kyi 'dren ma rab gtum ma'i mthar thug pa'i bar du/ ku lu tA la sogs pa nas/ pul+li ra ma la ya'i bar du gnas nyi shu rtsa bzhi bstan par bya ba'i phyir/ ku lu tA dang mya ngam dang/ zhes bya ba la sogs pa smos so/ /yul dang yul gyi bu mo gang yin pa de dag ji lta bu yin zhe na/ dpa' bo gnyis med khyab byed pa/ zhes bya ba la sogs pa la/ gnyis med ni dpa' bo dang lhan cig snyoms par zhugs pa'o/ /de bzhin du yang gnas thams cad khyab par byed pa de ni dpa' bo gnyis med khyab par byed pa'o/ /de dag gi rnam pa ci lta bu zhe na/ de kun 'dod pa'i gzugs can te/ zhes bya ba la/ 'dod cing mngon par 'dod pas na 'dod pa ste/ bcom ldan 'das bde chen rdo rje'o/ /de dang 'dra ba'i gzugs gang la yod pa de dag ni 'dod pa'i gzugs can no/ /de rnams ci'i phyir dkyil 'khor du dgod par bya snyam pa la yid kyi mgyogs pa bzlogs byed phyir zhes bya ba la sogs pa la/ yid kyi mgyogs pa ni gang rung rung myur du 'gro ba de bzlog pa ni yid kyi shugs bzlog par bya ba'i phyir ro// rnal 'byor ma nyi shu rtsa bzhi bsdu bar bya ba'i phyir ro/ /gzugs can ma la sogs pa na/ mi bzlog ma'i mthar thug pa brdar bstan par bya ste/ ku lu pa rnal 'byor ma drug ste zhes bya ba la sogs smos so/ /kla klo'i skad du bstan pa de dag ji lta bu yin zhe na/ mya ngam yul na ma mo rnams shes bya ba la sogs pa smos so/ /stong phrag bdun cu rtsa gnyis kyi nang nas stong phrag nyi shu rtsa gcig tu bshad do/ /de las gzhan bdag kyang gang du sbyar bar bya zhe na/ lha mo gzhan dag ji snyed pa/ /dpal ldan he ru ka yi ni/ zhes bya ba la sogs pa smos so/ /ji ltar zhe na/ he ru ka yi sbyor chen las/ /de yi dkyil 'khor gtso mo yin/ zhes bya ba la sogs pa la/ sbyor ba chen po ni lhag par sbyor ba las/ he ru ka'i dkyil 'khor ba rnams te/ dkyil 'khor gtso mo ni mngon
- 339b
par rtogs pa las gsal bar bstan te/ dpal 'khor lo sdom pa'i dka' 'grel rin po che'i tshogs zhes bya ba las/ gsang ba'i yi ge nyi shu rtsa bzhi'i dkyil 'khor gyi cho ga'i le'u ste bzhi bcu rtsa gcig pa'o// //gsang ba'i yi ge dkyil 'khor du dgod pa'i cho ga brjod nas/ le'u sum cu rtsa dgu par bshad pa'i sngags rnal 'byor ma'i gzugs sgyu ma'i cho gar bstan pa bya ba'i phyir/ le'u bzhi bcu rtsa gnyis pa bshad par bya ste/ de nas dpa' bo'i me tog chu/ /'thungs nas sngags 'di rjes dran bya/ zhes bya ba la/ dpa' bo ni brtan pa'o/ /me tog chu 'thungs pa ni dpa' bo'i gtung ba byas nas/ sngags 'di dran par bya ba ni bzhad pa brjod par bya'o/ /de'i 'og tu ci bya zhe na/ 'thungs dang de bzhin sbyin pa dang/ reg nas rigs chen rgod bar bya/ zhes bya ba la/ rang gis 'thungs pa dang dam tshig can la byin nas dregs pas dkrugs shing rgod par bya'o/ /bden pas tshangs pa dang zhes bya ba la/ bden pa ni don dam par ro/ /tshangs pa ni bsod nams kyi tshogs te/ de spyod pa'i ngang tshul gang la yod pa de ni tshangs par spyod pa ste/ skyes bur nges med par bstan to/ /bsgrub bya la reg nas rgod pa'i phyag rgyas bsgrub par bya/ rgod pa'i phyag rgyas blta bar bya'o/ /rgod pa'i phyag rgya de ji lta bu zhe na/ sgeg pa'i lta bar grags ldan pa/ zhes bya ba la la sogs pa la/ lta ba ni mthong ba'o/ /sgeg pa ni nga rgyal gang la yod pa de ni mig mchu g.yo ba dang bcas shing g.yon du blta ba ste/ sgeg pa'i rgod pa'i phyag rgya'o/ /gang gi don du sbyor ba de byed pa'i phyir/ grags pa dang ldan zhes bya ba 'dis phyag rgya dang bcas pa rgod pa yin gyi/ phyag rgya med pa ni ma yin no/ /gang gi che bya zhe na/ mtshan mo nyin mo zhes bya ba la/ dus kyi nges pa med par rgod pa'i cho ga dang 'chad par 'gyur ba'i sngags brjod par bya'o/ /de lta yin na de dag gi gzugs gang zhe na/ gzugs dang las kyi gsang ba dang/ /ji ltar gnas
- 340a
pa dpa' bo nyon/ zhes bya ba la sogs pa smos so/ /yang ni bsdu ba'o/ /bzhad pa 'chad ba 'gyur ba nyan pa gcig par ma zad kyi/ gzugs kyi gsang ba dang las de dag kyang nyon cig /ces bya ba'i don to/ /rnal 'byor ma'i gzugs kyi mtshan nyid ni/ gzugs kyi bya ba'o/ /mi brtan pa dag gis rtogs par dka' ba'i phyir gsang ba'o/ /de nyid brtan par bya ba'i phyir/ /rtag tu de la mchi ma byung/ zhes bya ba la sogs pa la/ de la zhes bya ba ni skyes pa 'am bud med do/ /yang na bdag gi dbang du song ba'i phyir dang/ mig gnyis yin pa'i mtshan ma la yang byed pa'i tshig gnyis kyi mdza' can du byas pa'o/ /de bzhin bdag nyid las byung zas/ /zhes bya ba smos so/ /rdo rje ni skyes bu gsal bar byed pa'o/ /de 'gom pa ni de'i mi snang ba'o/ /yang na de'i 'gom pa ste rgyan du gzung ba'o/ /de bzhin phyogs gos gyur pas mchod/ /ces bya ba ni de bzhin du gcer pur gyur nas rdo rje mchod do/ /gzugs kyi mtshan nyid dang phyag rgya'i cho gas bshad nas/ /de ni bzhad pa'i sngags pa brjod par bya ba'i phyir/ dbugs 'byin zhes bya ba la sogs pa la/ lha mo'i 'khor lo las byung ba'i rlung gis bsgrub bya'i lus bskyod pa'o/ /rgod pa zhes bya ba'i lus las byung ba'i stong stabs zhes bya ba ni rdo rje'i 'gros la 'jug pa'o// mtshar zhes bya ba ni so so'i skye bo la rmad du byung ba'o/ /sna tshogs zhes bya ba ni rnal 'byor ma rnams kyi mdun du rgod pa 'di dag bya ba yin zhes bya ba'i don to/ /sngags de gang zhe na/ ha bcu gnyis btu ba ste/ ha hA hi hI hu hU he hai ho hau haM ha/ dpal 'khor lo sdom pa'i dka' 'grel rin po che'i tshogs zhes bya ba las/ bzhad pa'i sngags dang rnal 'byor ma'i gzugs kyis rgod pa'i sngags kyi cho ga'i le'u ste bzhi bcu rtsa gnyis pa'o// //rgod pa'i sngags brjod nas snying po
- 340b
dang nye ba'i snying po las/ bsgrub par bya ba'i cho ga bstan par bya ba'i phyir/ le'u bzhi bcu rtsa gsum pa bshad par bya ste/ de nas lta ba bshad bya ste/ zhes bya ba la sogs pa smos so/ /rnal 'byor ma rnams kyis lta ba ci'i phyir bshad ce na/ dpa' bo dang ni gnyis med mi zhes bya ba la/ lta ba gang gis dpa' bo dang rnal 'byor ma bzhin du mi de la gnyis su med par 'gyur ro/ /de ji ltar blta bar byed ce na/ gnas kyi dbye ba'i cho ga shes zhes bya ba la sogs pa gang du gnas nas blta ba'i gnas de dag gang zhe na/ lam gyi bzhi mdo 'am ri dag gam/ dpa' bo'i gnas kyi ri bor ni zhes bya ba la sogs pa la/ dpa' bo'i gnas ni dpa' bo'i gzhi'o/ /yang na gnas dang nye ba'i gnas la sogs pa dam tshig la gnas pa zhes kyang brjod do/ /mchod pa ni gcer bu mchod pa'i las de nyid bshad par bya/ phyag rgya gcer bus mchod pa yis/ /las nyid kyis ni grol bar 'gyur/ gos gzhan dag kyang spangs nas ni/ zhes bya ba la/ stag gi pags pa la sogs pa yan lag drug tu bgos nas spyad par bya'o/ /reg 'dod spyad ces bya ba la rnal 'byor pas 'dod cing spyod pa ste/ de'i bka' med par yang dag par reg par mi bya'o/ /bka' thob kyang de 'grub par byed pa'i las ji ltar bya ba yin zhe na/ de ltar spyi gtsug bkrol gyur pas/ /zhes bya ba la sogs pa la/ de ltar gcer bu ? bkrol bar gyur nas/ de dag mgu ba'i las thams cad bya'o zhes bya ba'i don to/ /las 'di byed bzhin du gzhan gyis mthong ba dang/ bgegs rnams ci skye bar mi 'gyur ram zhe na/ rtsa ba'i sngags dang tsham ngam ltar/ zhes bya ba la sogs pa la/ rtsa ba'i sngags sam tsham ngam gyi sngags bzla bar bya'o/ /phyogs bcing bar ni 'jug pa dang zhes bya ba la/ phyogs kyi rab dang/ dra ba dang/ bla bre dang/ mda'i dra ba dang/ me'i 'od kyi sngags brjod cing mchod par byas na/ lha rnams kyis kyang mi mthong na/ mi rnams
- 341a
kyis lta smos kyang ci dgos zhes bya ba'i don to/ /de 'dir yul dang yul du dgon pa la sogs pa'i 'chad par 'gyur ba'i gnas su bzlas pas 'grub pa'i gsang sngags kyi nus pa bstan par bya ba'i phyir/ snyim pa me tog gis bkang ste/ mkha' la spyod la gyen du gtor zhes bya ba la sogs pa la/ mkha' spyod rnams la me tog gi snyim pa gtor nas sa la ltung ba mi mthong ste/ gzhan yang me tog gi snyim pa des stong gis nye bar mtshon pa'i bar du nam mkha' la spyod pa dbang du 'gyur ba kho na'o/ /dpal 'khor lo sdom pa'i dka' 'grel rin po che'i tshogs zhes bya ba las/ snying po dang nye ba'i snying po'i sgrub pa'i cho ga'i le'u ste bzhi bcu rtsa gsum pa'o// //snying po dang nye ba'i snying po'i bsgrub par bya ba'i cho ga'i le'u bstan nas de'i sngags dang rnal 'byor ma'i 'khor lo gnyis kyi phrin las bstan par bya ba'i phyir/ /le'u bzhi bcu rtsa bzhi pa bstan par bya ste/ de nas pho nya mor brten nas/ zhes bya ba la sogs pa la/ pho nya mo zhes bya ba ni de'i nye ba'i snying po'i sngags kyi yi ge rtogs pa'i sku rdo rje mkha' 'gro dang mkha' 'gro ma drug bshad pa'i rgyud las bshad par bya ste/ rdo rje 'khor lo rtsibs drug bri/ /sna tshogs chu skyes 'khor lo gnas/ sna tshogs rdo rje phreng bas bskor/ /der ni yi ge hUM las byung/ /bde chen rdo rje mkha' 'gro bsgom/ /phyag drug zhal gsum spyan gsum ste/ /mtshan nyid kun gyis nye bar mtshon/ /A li kA li las byung gtso/ /dpe byad brgyad cur yang dag ldan/ /rdo rje dril bus snyoms zhugs pa/ /de bzhin mi yi pags pa 'dzin/ /g.yon na thod pa kha TwAM ste/ /g.yas pa'i phyag na rtse gsum 'dzin/ /thod pa'i phreng bas dbu rgyan can/ sna tshogs rdo rje ral pa 'phyang/ /dbu la zla ba phyed pa nyid/ /phyag rgya
- 341b
dag gis sku lus brgyan/ /gnag dang ser dang ljang ba'i zhal/ /stag gi pags pa gos su mnabs/ /dus mtshan dang ni 'jigs byed che/ /g.yas brkyang bas ni gnon par mdzad/ /ji ltar mgon po de bzhin du/ /rdo rje phag mo'i spyan la sogs/ /lha mo'i byin pas yang dag 'gril/ /dag par dga' bas kun tu khyab/ /dza:hUM baM ho:I yi ge yis/ /ye shes dgug pa la sogs bya/ /skor ni rnal 'byor ma drug ste/ /g.yas dang g.yon gyi bskor bas bzhugs/ /he ru ka ni dang po ste/ /gnyis pa rdo rje 'jigs byed ma/ /go ro tsa ni gsum pa yin/ /bzhi pa rdo rje b+ha ska ri/ /rdo rje drag mo lnga pa ste/ /drug pa rdo rje mkha' 'gro ma/ /sngo dang ser dang ljang dang ni/ /de bzhin dmar dang dud ka dkar/ /dbu skra grol zhing drag shul te/ /spyan gsum phyogs kyi gos 'chang ba/ /cang te'u ni sgra sgrogs shing/ /de bzhin dril bu phyag na 'chang/ /mi yi pags pa 'chang ba ni/ /nyi ma'i dkyil 'khor dag la bzhugs/ /dbu la thod pa'i phreng bas brgyan/ /g.yas brkyang pa yi gnas pas bzhugs/ /skal ldan yi ge drug las byung/ /thams cad rim pa ji bzhin dgod ces 'gyur ro/ yi ge bdun par yang dag ldan zhes bya ba la/ sngags de dag dang ldan pa'i rnal 'byor pa rnams la brten nas las gang brtsams pa de dag thams cad 'grub par 'gyur ro/ /sngags dang ldan pa ni rnal 'byor ma 'di dag gis ji ltar bsam par bya zhe na/ lag dbus yi ge bdun dgong bya/ /rnal 'byor ma drug rtsibs drug gnas/ zhes bya ba la sogs pa la/ lag pa g.yon pa'i mthil du 'khor lo rtsibs drug pa bris te/ de'i rtsibs rnams su bskul ba dang ldan pa'i bsgrub bya'i ming dang sngags dang ldan pa'i rnal 'byor ma drug gis mtshan par bya ste/ bsgrub bya gang dang gang gi gzugs de dang de'i gzugs 'dzin par bsams nas sngags kyi rgyal po kha nas bton na/ de'i gzugs ston par 'gyur ro/ /rnal 'byor ma rnams kyi sbyin sreg gis dgug pa la sogs pa ston par byed de/ thab
- 342a
khung du rnal 'byor ma'i 'khor lo bris te/ yi ge gnyis mngon par mnyes nas/ zla ba dang nyi ma bkod pa'i lag pa gnyis kyis rdul mnyes la bsreg par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ yi ge bdun dang rnal 'byor ma dag gi las kyi cho ga'i le'u ste bzhi bcu rtsa bzhi pa'o// //yi ge bdun pa dang/ sku dag gi las bstan nas/ sku dang sngags kyi phrin las bstan par bya ba'i phyir/ le'u bzhi bcu rtsa lnga pa bshad par bya ste/ de nas las kyi rab mchog ni/ /ngag gi dngos grub byed pa'o zhes bya ba la/ ngag sgrub pa ni ngag gi dngos grub ste/ de la 'jug cing grub par byed pa ni ngag gi dngos grub rab tu sgrub par byed pa'o/ /bshad pa rnams las phul du gyur pa'i phyir las kyi mchog de bstan par bya ba'i phyir/ ka ra bI ra'i me tog dmar/ /ling ga'i spyi bor bsnun par bya/ /zhes bya ba ni ling ga rang byung ba'o/ /yang na ling ga'i spyi bo ni rgyud 'dir gsungs pa'i rdo rje mkha' 'gro dang rnal 'byor ma'i phyag mtshan no/ /gsang ba'i rgyud las nges 'byung ba'i/ /zhes bya ba la/ gsang ba'i rgyud ni sku gsum ste/ de las byung ba ni de'i don du byung zhing gsang ba'i rgyud las nges par byung ba'o/ /nam mkha' i dbus su sna tshogs pad+ma de'i phyi rol tu ston ka'i sprin ltar dkar ba'i zur gsum skye gnas kyi phyag rgya bcings te/ yi dags kyi ras su sin rtsi dang tsan dan dmar pos 'khor lo bris la bsgrub bya'i gzugs brnyan gyi snying gar dgod par bya'o/ /yang na skye gnas su bsams te/ rdo rje mthe'u chung bskyod par bya zhes bya ba'i don to/ /dpal 'khor lo sdom pa'i dka' 'grel rin po che'i tshogs zhes bya ba las/ ngag gi dngos grub dgug pa'i cho ga'i le'u ste bzhi bcu rtsa lnga pa'o// //ngag gi dngos grub dgug pa bstan nas/ ha lnga'i las
- 342b
bstan par bya ba'i phyir/ le'u bzhi bcu rtsa drug pa bshad par bya ste/ de nas yi ge ha lnga yi zhes bya ba la sogs pa la/ ha lnga ni ha he hu he ho'i bar du las bstan to/ /yid kyis bris nas ha lnga bkod pa'i lag pa gnyis phan tshun mnye bar bya'o/ /zhes bya ba'i don to// dpal 'khor lo sdom pa'i dka' 'grel rin po che'i tshogs zhes bya ba las/ ha lnga'i las kyi cho ga'i le'u ste bzhi bcu rtsa drug pa'o// //ha lnga'i las kyi le'u brjod nas/ mkha' 'gro ma thams cad kyi sngags kyi las thams cad pa'i cho ga bsnyan par bya ba'i phyir/ le'u bzhi bcu rtsa bdun pa bshad par bya ste/ de nas yang dag bshad bya ba/ /mkha' 'gro kun gyi snying po ste/ /zhes bya ba la sogs pa smos te/ bshad pa'i le'u las gsungs pa'i mkha' 'gro ma thams cad kyi snying po'o/ yang na le'u bzhi bcu rtsa brgyad pa las 'chad par 'gyur ba'i rab gtum la sogs pa mkha' 'gro ma thams cad kyi snying po'i sngags brjod pas so/ /sngags kyi mthu bstan par bya ba'i phyir/ dngos grub kun gyi 'bras bu 'byung zhes bya ba la sogs pa smos so/ /ltogs pa'i rkang pa ni bya rog gi rkang pa'o/ /dpal 'khor lo sdom pa'i dka' 'grel rin po che'i tshogs zhes bya ba las/ mkha' 'gro ma thams cad kyi snying po'i las thams cad kyi cho ga'i le'u ste bzhi bcu rtsa bdun pa'o// // mkha' 'gro ma thams cad kyi snying po las thams cad kyi cho ga'i le'u bstan nas/ dpa' bo dang mkha' 'gro ma thams cad kyi gzhi gsang ba'i dkyil 'khor gyi cho ga bshad par bya ba'i phyir/ le'u bzhi bcu rtsa brgyad pa bstan par bya ste/ de nas gzhan yang bshad bya ba/ /mkha' 'gro kun gyi dge ba gang/ /zhes bya ba la sogs pa gsungs te/ mkha' 'gro ma thams cad ni rab gtum ma la sogs pa nyi shu rtsa bzhi'o/ /de dag gi dge ba ni dge ba'i rgyur gyur pa'o/ /snying po ni rnal 'byor ma thams cad kyi sngags
- 343a
te/ 'dod pa'i don thams cad grub par byed pa'o/ /ci nges par 'gyur ram zhe na/ gang zhig dran pa tsam gyis ni/ /zhes bya ba la sogs pa smos so/ /hA swA Tapha hUM ye nI r+NA badzra ba ye nI ki DA d+d+ha pu rbas oM/ zhes bya ba'i sngags bklags pas 'grub pa ste/ sngon du bsnyen pa la sogs pa la bltos pa med par las thams cad byed ces bya ba'i don to/ /gang gi sngags yin pa de rnams kyi gzhi'i dkyil 'khor mdor bsdus pa bshad par bya ba'i phyir/ mkha' 'gro kun gyi gzhi yin te/ zhes bya ba la sogs pa smos so/ /ri bo bzang po zhes bya ba ni ri rab rin po che sna bdun gyi rang bzhin rtse mo brgyad dang ldan pa me tog dang 'bras bur bcas pa bris nas de'i steng du gzhal yas khang pa der gser dang dngul la sogs pa'i bum pa dgod do/ /de ji lta bu zhe na/ kun da zla ba ltar dkar ba zhes bya ba'o/ /ha hA he hai/ zhes pa bzhad pa'i phyag rgya'i thod pa bzhi des byin gyis brlabs pa'i mtshams kyi 'dab ma bzhi po dang/ gzhan yang ye shes kyi 'dab ma'i 'dab ma bzhi la gsang ba'i yi ge nyi shu rtsa bzhi pa gsungs pa'i le'u las mkha' 'gro ma dang/ lA ma dang/ khaN+Da ro ha dang/ gzugs can ma ste bzhi po dang/ 'khor lo gsum la dpa' bo dang/ dpa' mo dang/ de bzhin du sgo dang mtshams rnams su khwa gdong ma la sogs pa dang/ gshin rje sreg ma la sogs pa mdor bsdus pa blta bar bya'o zhes bstan to/ /dpa' bo rnams kyi dpa' mo nyid ces bya ba la/ gang zhig bzhad pa'i phyag rgya thod pa bzhi po gsungs pa de rnams kyi yang dkyil 'khor gyi cho ga 'di yin zhe na dpa' bo nyi shu rtsa bzhi pa'o/ /mkha' 'gro dra ba'i sdom pa yin zhes bya ba la sogs pa smos te/ dpa' bo nyi shu rtsa bzhi yang dag par bsdus pa ni mkha' 'gro ma'i dra ba'i sdom pa zhes bya ba'i don to/ /dpa'
- 343b
bo de dag gi ming ci yin snyam pa la/ sku'i 'khor lo la brten nas bshad par bya ste/ rdo rje sems dpa' rnam snang mdzad/ /ces bya ba la sogs pa'o/ /ci bkod pa 'di dpa' bo rnams kho na yin nam/ 'on te gzhan dag yin zhe na/ mkha' 'gro ma dang rnal 'byor ma skyes gsungs so/ /thugs kyi dkyil 'khor la brten nas bshad par bya ste/ de bzhin rab gtum ma sogs gzhan/ zhes bya ba la sogs pa la/ bshad pa'i lus kyi gnas su gnas thams cad blta bar bya'o/ /'khor lo'i bdag nyid can gnyis su med pa yin pa'i phyir/ rang gi sbyor ba bstan par bya ste/ 'khor lo'i bdag nyid rtag tu bsgom/ /zhes bya ba la sogs pa smos so/ /sngar bshad pa yi cho ga yis/ /zhes bya ba la/ dang po dang gsum pa la sogs pa'i le'ur gsungs pa'i rim pas mchod par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ dpa' bo dang rnal 'byor ma thams cad kyi gnas gsang ba'i dkyil 'khor gyi le'u ste bzhi bcu rtsa brgyad pa'o// //gsang ba'i dkyil 'khor du skye ba bdun pa'i bsgrub bya bstan par bya ba'i phyir le'u bzhi bcu rtsa dgu pa bstan par bya ste/ de nas gzhan yang bshad bya ba/ /phyugs kyi las ni cho ga bzhin/ /zhes bya ba la sogs pa smos so/ /'bras btags pa las sngags pas ni/ zhes bya ba la/ 'bras btags pa ni 'chad par 'gyur ba'i phyugs dang/ ro langs bsgrub pa'i le'u sum cu rtsa gnyis pa las bshad pa'i phyugs rnams bya'o/ /bshad pa las gzhan rnams kyang phyugs su gzung gi /so sor nges pa can nyid ni ma yin zhes bya ba bstan par bya ba'i phyir/ de'i las ni bshad par bya/ zhes bya ba la sogs pa la/ le'u sum cu rtsa gnyis pa der phyugs kyi grangs sna tshogs thams cad 'dra ba ste/ de dag kho nas le'u sum cu rtsa gnyis pa las bshad pa'i bza' ba dang bca' ba dang sbyin sreg la sogs pa'i cho ga rdza rnga bcing pa'i sngags kyis bya'o/ /le'u bcu
- 344a
gcig pa las gsungs pa'i skye ba bdun pa'i las bskang bar bya ba'i phyir/ de yi las cho ga bshad par bya/ /mtshan nyid dag kyang khyad par du/ /zhes bya ba la sogs pa smos te/ de lta bu'i mtshan nyid can gyi skye ba bdun pa de dag gang zhe na/ skye ba gcig dang skye ba gnyis/ zhes bya ba la sogs pa la/ gcig la brten nas bdun gyi bar du mi'i skye bar gnas pa gang la yod pa de ni skye ba bdun pa'o/ /de'i mtshan nyid bstan par bya ba'i phyir/ lus kyi dri ni rtag tu zhim zhes bya ba la sogs pa smos so/ /dpal 'khor lo sdom pa'i dka' 'grel rin po che'i tshogs zhes bya ba las/ skye ba bdun pa'i bsgrub bya'i gzugs kyi cho ga'i le'u ste bzhi bcu rtsa dgu pa'o// //gzugs su yongs su bsgyur ba'i cho ga brjod nas/ le'u bzhi bcu bdun pa las gsungs pa'i sbyin sreg gi sngags kyi sbyin sreg gzhan dag bstan par bya ba'i phyir le'u lnga bcu pa bshad par bya ste/ de nas sbyin sreg cho ga bshad/ ces bya ba la sogs pa smos so/ /de ni legs na sbyin sreg de ji lta bu yin gsungs shig snyam pa la/ goms zhes bya ba la sogs pa gsungs so/ /cho srid bal dUrba dang sku smaN+DaM la sogs pa rab tu grub pa'o/ /sbyin sreg bstan nas/ gzhan dag bstan par bya ba'i phyir/ de nas gzhan yang bshad bya ba/ /sa dang gnas sogs rnal 'byor ma'i zhes bya ba la sogs pa la/ sa ni rab tu dga' ba la sogs pa'o/ /gnas dang nye ba'i gnas la sogs pas nye bar mtshon pa'i sa la gnas pa'i rnal 'byor ma nyi shu rtsa bzhi'o/ /sa dang rnal 'byor ma de dag ci lta bu zhe na/ yan lag nyid lag he ru ka'i/ /zhes bya ba la sogs pa la/ yan lag dang nyid lag ni yan lag go /yan lag thams cad brtan g.yo'i bdag ces bya ba la/ he ru ka ma yin pa'i thams cad kyi yan lag thams cad do/ /brtan g.yo'i bdag nyid
- 344b
ni zhes bya ba la/ brtan pa ni yul dang phyogs la sogs pa'o/ /g.yo ba ni skye bo thams cad do/ /de'i bdag nyid gang la yod pa de ni sa la sogs pa ste/ brtan pa dang g.yo ba'i bdag nyid do/ /de gang zhe na/ gnas ni rab tu grub pa yis/ /zhes bya ba la sogs pa smos so/ /sa de dag gang gi yin zhe na/ sh+rI he ru ka'i gzhung spyod do/ /'di dag nang gi bdag nyid sa zhes bya ba la sogs pa la/ he ru ka'i sprul pa'i sku'i rang bzhin gyis gzhung spyod pa ni 'khyam pa'i sa rnams so/ /yi ge pu sogs kyis bstan pa/ rgyud dang der pu dza o a go rA de ma/ kA o tri ko kA la ka hi/ phre gri sau su na si ma ku /phyi'i sa rnams bshad nas/ nang gi bdag nyid kyis sku'i 'khor lo la brten nas bshad par bya ste/ kun du phyag dang zhabs ldan zhing zhes bya ba la sogs pa smos te/ yi ge pu la sogs pas dzA landA ra la sogs pa rnams rtogs par bya'o/ /dpal 'khor lo sdom pa'i dka' 'grel rin po che'i tshogs zhes bya ba las/ dbang gi sbyin sreg dang gnas la sogs pa bstan par bya ba'i le'u ste lnga bcu pa'o// //dbang gi sbyin sreg dang gnas la sogs pa dang sa rnams brjod nas/ man ngag bstan par bya ba'i phyir le'u lnga bcu rtsa gcig pa bshad par bya ste/ de nas gzhan yang bshad bya ba/ /gang zhig shin tu rnyed dka' ba/ zhes bya ba la sogs pa smos te/ shin tu ring du song nas man ngag gi rim pa bshad par bya/ zhes bya bar sbyar ro/ /sbas pa zhes bya ba ni shin tu gsang ba'o/ /gal te sbas pa yin na/ ji ltar bshad par bya zhe na/ dpa' bo yi ni brda ru gsungs/ shes bya ba la dpa' bo rnams kyi phan tshun rtogs par byed pa'i brda ni dpa' bo'i brda'o/ /des gsungs pa ni dpa' bo'i brdar gsungs pa'o/ /de dag grangs du yin zhe na/ de dag de nyid bcu bzhi ste zhes bya ba la sogs pa'o/ /de nyid bcu bzhi de dag gang zhe na
- 345a
gos ni phyag rgya lnga dang ldan/ /zhes bya ba la sogs pa la/ gos ni stag gi pags pa'o/ /yang na gang du gnas pa de ni gos te gzhal yas khang ngo/ /phyag rgya lnga la sogs pa ni me long lta bu la sogs pa'i ye shes lnga'o/ /shes rab yan lag ces bya ba ni rdo rje bzhi ste/ dang po stong nyid byang chub sems/ /gnyis pa byang chub bsdus pa'o/ /gsum pa gzugs brnyan rdzogs pa ste/ /bzhi pa yi ge dgod pa'o/ /zhes bya ba phur bu dra ba ni khro bo'i phur bu dang/ rdo rab dang dra ba dang bla re dang mda'i dra ba dang bla re la sogs pa'o/ /A li kA li zhes brjod pa zhes bya ba ni/ zla ba dang nyi ma'i gzugs su gyur pa'o/ /rgyu la sogs stong sngon 'gro yin/ zhes bya ba la/ rgyu ni skyed par byed pa ste/ de dang po gang la yod pa de ni rgyu la sogs pa ste byas pa la sogs pa'i skye ba'o/ /des stong pa ni rgyu la sogs pas stong pa ste/ bya ba nan tan grub pa'i ye shes bzhi pa'o/ /ji skad du sangs rgyas kun gyi bya ba gang/ /snang ba med cing gzhi med pa/ /ma skyes ma byas dag pa ste/ /dngos dang dngos med rnam par spangs shes 'byung ngo/ /de las lam de'i sngon du 'gro ba ni gsum pa so sor rtog pa'i ye shes so/ /'jug pa sgra la sogs pa nas zhes bya ba la/ rgyu'i rdo rje 'chang gis 'jug pa ni skye ba'i rgyur gyur pa sgra ste/ gnas skabs bzhi dang ldan pa'i yi ge hUM ngo/ /sogs zhes bya ba ni zla ba dang nyi ma'i mtshan ma dag go /ji srid bsdus pa'i sbyor ldan nyid ces bya ba ni gsum po de dag gong bu'i tshul du bsdus pa'i sbyor ba ni nan tan grub pa'i sbyor ba'o/ /bdud rtsis chim byed ces bya ba ni/ shin tu rnam par dag pa'i chos kyi dbyings kyi bdag nyid can gyi rdo rje 'chang chen po de mgu bar bya'o/ /mya ngan las 'das shes bya ba ni de las gzhan pa nyid kyis gzhan du bzlog pa'o/ /lag pa'i mchod pa zhes bya ba ni sngar bshad pa'i rtogs pas bya ba'o/ /bshad pa'i mtshan nyid can gyi rnal 'byor pa gsal te 'chi ba yin na/ gzhan gang zhig lus snyam na/ 'pho ba'i dus na rnal 'byor ba
- 345b
zhes bya ba la sogs pa smos te/ gzhan rnams ni 'chi zhing gshin rje'i 'jig rten du 'gro na rnal 'byor pa yang sngon gyi las yongs su gtong bas gnas khyad par can la brten par bya'o/ /de bas na mkha' 'gro'i gnas su khyer bar 'gyur zhes bya ba la sogs pa smos te/ stong pa thams cad las grol zhing sems can thams cad kyi don byed pas na gnas te sku gnyis sdud par byed pa rang bzhin gyis 'od gsal ba'i sems te/ mkha' 'gro'i gnas so/ /de 'dra'i dpa' can rnal 'byor pa/ sa steng na ni rnyed par dka' zhes bya ba la/ de ltar yon tan bshad pa'i bcom ldan 'das dpal bde mchog dang/ dpa' bo ste thod pa'i dum bu phyed pa la sogs pa dang/ rnal 'byor ma rab gtum ma la sogs pa de dag sa steng na rnyed par dka' ba ste yul kho nar rnyed par sla zhes bya ba'i don to/ /phyag rgya bstan par bya ba'i phyir/ mgul rgyan gdu bu zhes bya ba la sogs pa smos so/ /bsgom pa ni gnas bstan par bya ba'i phyir/ ri rtse zhes bya ba la sogs pa smos so/ /thugs kyi dkyil 'khor la brten nas dpa' bo dang dpa' mo'i mtshan bstan par bya ba'i phyir/ rdo rje dril bu zhes bya ba la sogs pa smos te/ de la 'khor lo dang rjes su mthun pa'i phyir rdo rje dril bu dang/ pad+ma'i dril bu dang/ 'khor lo'i dril bu dang/ 'khyud ces bya ba ni de dang ldan pa'i phyag gnyis kyis dpa' bo la 'khyud pa'o/ /dpa' bo dang dpa' mo rnams kyi sgras bstan par bya ba'i phyir/ rtsa bzhi phyed ces bya ba la sogs pa la/ dpa' bo dang dpa' mo rnams kyi phyed ni nyi shu rtsa bzhi'o/ /yang na zhal re re dang spyan gsum gsum ste/ zhal bzhi la spyan bcu gnyis so/ /spyan gyi grangs kyis zhal gyi grangs shes par bya'o/ /de ltar gyur pa'i bcom ldan 'das la dpa' bo dang rnal 'byor ma rnams kyis bskor zhes bya ba ni/ mkha' 'gro ma la sogs pa dang/ khwa gdong ma la sogs pa dang/ gshin rje sreg ma la sogs pa'i 'khor dag gis yongs su bskor ba'o/ /ji ltar de dag sgom zhe na srub
- 346a
dang bsrub bya'i sbyor ldan pas/ zhes bya ba la sogs pas so/ /dpal 'khor lo sdom pa'i dka' 'grel rin po che'i tshogs zhes bya ba rnal 'byor chen po'i rgyud kyi rgyal po las/ le'u lnga bcu rtsa gcig pa'o// //mtshan mchog bla ma nam mkha' dang mnyam pa'i rgyud phyi ma/ dpal 'khor lo sdom pa phyag bzhi nas khri phrag bcu'i phyag mtshan 'chang ba'i he ru ka las/ snying rje'i dbang gis lha mos btus pa'i dka' 'grel rin po che'i tshogs zhes bya ba/ slob dpon chen po dka' rgyal mi thub zla bas mdzad pa rdzogs so// // rmongs pa'i gnas kun rtogs byed blo zhes bya ba yi/ man ngag ma lus nges par ston pa'i sgron ma 'di/ /don gsal rin chen tshogs zhes bya ba'i dka' 'grel 'dis/ /don rnams rtogs par byed pa yid 'ong ston byed yin/ /rgya gar gyi mkhan po tA ra kla shu dang/ bod kyi lo tsa ba dge slong gu Na sh+rIs bsgyur cing zhus te gtan la phab pa'o// 'di'i le'u lnga pa drug pa bdun pa'i sngags bsdu rnams sngags bsdu'i ri mo dang rgya dpe btun te ratna d+harma kI rtis zhus// //sarba mang+ga laM//