Text
ff. 1b–459a · 916 folio sides
- 1b
rgya gar skad du/ shrI dz+nyA na dz+wa la tan+t+ra rAdza/ bod skad du/ dpal ye shes 'bar ba'i rgyud kyi rgyal po/ dpal kun tu bzang po la phyag 'tshal lo// kye ma sangs rgyas kye sangs rgyas/ / ngo mtshar rmad du byung ba yi// rgyud ni gang lags rgyal po gang // ye shes
- 2a
gang lags 'bar ba gang / / dpal ni gang lags bdag la gsungs// 'jigs byed chen pos bka' stsal pa/ / dpal ni gnyis med ye shes te// gnyis med bde chen ro las byung // gzung 'dzin mtha' spangs rang rig go/ sna tshogs mdud pa ye shes che// rang byin brlabs pa lte bar te// dkyil 'khor 'khor gsang bar ro// smin mtshams kyi ni mdzod spu ltar// thung du gnas shing ring du
- 2b
'gyur/ / de nyid drang dang kha dbye dang // rgyas par bya ba gsum yod do// dang por drang ba'i rnam pa yang // 'drongs pa'i tshad ni gsum yod de/ / sgo gsum yon tan gsum ldan na// sor bzhi phyi ru 'byung bar nges// 'bring la sor gnyis tha ma la/ / sor dang nas kyi tshad kyis 'byung // sbom phra gzhan skyes phra mo tsam// dang po bya gdong nyid na gnas// rnam thar sor gnyis skye mched bzhi// stong pa bcu drug khams bco brgyad// nyi shu lte bar nyi shu la// snying ka ru ni gnas pa'o/ / sman la sogs pa kun ldan pas// drang ba'i sbyor ba brtsam par bya// rnam snang ska rags bcing ba dang // rgyab yol
- 3a
dbul dang mchod pa dbul// gdan khri dbul dang sku khrus dbul// spyan mchod dbul dang me mchod dbul/ de nas reg bya'i mchod pa dngul// kun rdzob lce yi rtse mo 'am// khro mo mdzub mo'i rtse mo yi// bdud rtsa ril bu legs byas te// mkhas pas rigs bya'i mchod pa 'phrul/ / mngon du shes pa gdon mir// bde chen po'i mchod pa yis// khams gsum mchod par gdon mim/ dar ram med dri mor bano chad// rked pa mA rags dbul bar bya// sprul pa'i g.yas dang g.yon gnyis sa// ras bal la stsogs yol dbul/ / shing bu rigs dang mthun pa yi// sgrom phra rigs kyi bdag pa n+dam// dri med sman dang snyam ldan pa'i// drug rngumi bskyed rdzas kyis/ / lo ro cana'i lam du mchod// dri zhim chu yi khrus byas te// khrus kyis lus la mchod pa dbul// sman dang sum gyi la yos/
- 3b
sgo gnyis ngag tu mchod pa dbul// shin tu dra ba'i me dag gis// gtum mo'i me la mchod pa dbul// rked pa'i tshad mnyam karti ka/ gdan khri bsgrub pa'i mchod pa dbul// de yis 'drongs par gdon mi za/ / de nas rgyas par bya ba yang // gzhan ni gong dang 'dra ba ste// phyi nang 'dod pa'i mtshan mu kun// rgyas par byed pa'i lam yin te// brgyad pa'i sbyor ba gsum byas na// dper na me tog pad+ma bzhin// de nas dbye ba'i rim pa yang // gong du gsungs pa thun mong ste// dus gsum lce yi rtse mos kyang // bskyod na nges par kha 'byed de// de nyid gsum ni mi rang bzhin// me 'bar ba yi rkyen gyur pa// rlung nyid yin par gsungs pa ste// rkyen des me nyid 'bar ba bshad// gzhan yang rkyen gyi bye brag dang // srog rtsol rlung ni dbu mar dgag/ bum pa zhabs med rlung phul nas/ / sgo dgu phyi rol drag tu bud// lus kyi ngal dub chab snyam ste// sbyong ba rdzogs na bde ba'i rkyen// bde ba las ni rdo rje 'chang // bde ba yis ni bde ba 'grub// rgyu bde ba las 'bras bu bde/ / rgyu yi nang na 'di mchog la// 'bras bu'i nang na 'di mchog go// de nas bde ba'i rkyen gyur pa// srid pa dgag dang rlung dgag pa// gnas nas gnas su rten bzung ste/ g.yas brkyang bas ni ro ma dgag/ dpa' bo g.yas nas mkha' 'gro g.yon// g.yon brkyang bas ni brkyang ma ste// sags kun dar ma ru gzung // de bzhin zlum pos dbu mar gzang //
- 4a
de dag kun gyi bye brag kyang // dpa' bos g.yas dang gzhan gyis g.yon// de bzhin kun la sbyar bar bya// gzhan yang gzung ba'i bye brag kyang // dril can bu gu dgu lam gyi/ / rlung rgyu phyi ru bus byas te// rkang lag drug tu bsgrims byas na// zin par 'di la the tsom med// dpa' bo mkha' 'gro ma gnyis kyis// thun mong du ni bya bar gsungs// bai ro tsa na las kyi rlung / / gzhan yang lam brgyad rlung rnams dag/ dang po nyid du bsdams byas na// zin par 'di la the tsom med// dbye ba bsdams pa'i man ngag go// byed pa spel mar sos gyur na// mi zin pa la the tsom med/ / gnas gsum dag tu klu bsams te// dbugs gsum pa yis yar drangs te// lte ba'i gyen la drangs kyang zin// 'di ni gang zag mchog gi sa yin// mdzes pa'i spyi bo de nyid la/ gyen du bkan dang thur du bkan// drang por g.yas g.yon bcan thabs la// ka ti'i gzer ni btsan thabs gcig/ sbom po khro mos mnan pa ste// bla ma'i zhal nas ma blangs na// lus kyi nang gzhi kun nas skye/ / chu skyes chu so skrangs la sogs// lus smad nad sna nyi shu 'byung // gzhan yang btsan thabs bcu gnyis ni// bla ma'i zhal nas shes par bya// bla ma mnyes par bya ba'i phyir// lus srog longs spyod thams cad kyis/ / dus gsum maN+Dal dang bcas mchod// lus srog gtang bar 'phangs pa bas// man ngag dam pa de bas 'phangs// de bas btsan thabs legs par swa/
- 4b
man ngag chu bo'i rgyun 'dra bas// denying rgyud du shes par bya// zab mo'i don ston rgyal por gsungs// rdo rje phag mo la sogs rnams// gsang ba'i gsang ba rmad byung 'di// khyod la gtad do dam du spos/ / kun la spel na dam tshig nyams// kye ma rgyud 'di'i don 'di la// phyogs bcu'i 'jig rten khams bzhugs pa'i// dpa' bo mkha' 'gro ma yi tshogs// thams cad ngo mtshar cher skyes te/ / dga' zhing mgu nas yi rang ngo // dpal ye shes 'bar ba'i rgyud kyi rgyal po mkha' 'gro ma'i gsang ba las kyang cher gsang ba rmad du byung ba rdzogs so// // sing ga gling gi rnal 'byor ma tsan+d+ra mA le dang / dge slong shAkya ye shes kyis bsgyur ba'o// rgya gar skad du/ shrI tsan+d+ra ma le tan+t+ra rA dza/ bod skad du dpal zla ba'i 'phreng ba'i rgyud kyi rgyal po/ dpal rdo rje sems dpa' la phyag 'tshal lo// kye ho mgon po rdo rje can// sgrol ma nyi shu rtsa bzhi yi// nges pa gang lags tshad gang lags// rang bzhin grub pa ji ltar lags/ / mgon pos bdag la bshad du gsol// bcom ldan 'das kyis bka' stsal pa// rang bzhin grub pa sgrub 'dod pas// bla ma'i bka' drin legs mnos te// dur khrod la sogs sa phyogs su/ / bar chad gsum med yon tan ldan// brtags pa las dang po yi gnas// gang zag mchog la brtag tu med// yon tan ldan pa'i sar 'jug ste// bla med sems
- 5a
@gzung rnal 'byor pas/ / sgo gsum dal ba'i tshad brtag ste// bcing ba gsum ni nges bsgoms pas// skye ba gcig gis 'grub par nges// dbugs bcing kun rdzob sna rtser yid/ / yid bcing sor bzhi'i nam mkha'i khams// sems bcing rang rig bsam mi khyab// rgyu rkyen las ni sna tshogs las// sems can mos pa sna tshogs 'byung // de dag bcing gsum dag pa yis/ / sems can bcings las nges par grol// bla ma'i zhal nas shes par bya// 'du shes gsum gyi cha las grol// thig le cha gsum phra mo ni// yan lag lnga ldan 'byung ba'i rim/ sgra dang rang rig re rer snang // stong nyid thabs dang shes rab tshul// sa dang lam sogs rim pa kun// rang bzhin gyis gnas mkhas pas sbyar// de nas sgrol ma'i tshad bstan te// tshad ni spyi dang bye brag ste/ / brgya phrag gnyis dang bcu gnyis dang // yi ge gsum las nges 'byung ba// gsang ba gcod pa'i rgyud kyi tshad// brgya phrag gcig dang sum cu lnga// yi ge bcu dgu las 'byung ba// rin chen 'phreng ba'i nges pa'i tshad/ / brgya phrag gcig dang sum cu bzhi// mi 'gyur bcu gsum las byung ba// sku gsung thugs kyi sgron ma'o// brgyad cu rtsa lnga'i yi ge bzhis// ma tshang ba las gang 'gyur ba/ / gsang ba bsam gyis mi khyab pa'o// brgyad cu rtsa gnyis yi ge gcig/ rin chen 'bar ba'i ldang tshad do// sum cu rtsa gcig yi ge ni// nyi shu rtsa gnyis las byung ba// nam mkha'
- 5b
mnyam pa'i tshad yin no/ / drug cu rtsa drug yi ge drug/ dam tshig chen po'i rgyud kyi tshad// drug cu yi ge nyi shu gcig/ gsang ba rdo rjer rab tu grags// drug cu rtsa gnyis mi 'gyur ba// bcu drug stobs po che yi tshad/ / bzhi bcu rtsa gcig yi ge lnga// nam mkha' chen po'i tshad yin no// drug cu rtsa drug yi ge drug/ ye shes 'bar ba'i ldang tshad do// sum cu rtsa drug yi ge dgu// ye shes 'phrer ba'i tshad yin no/ / sum cu rtsa bzhi nyi shu bzhi// mkha' 'gro gsang ba'i tshad yin no// sum cu rtsa bzhi bcu bzhi dag/ me yi 'phreng ba'i tshad yin no// drug cu rtsa drug yi ge drug/ nyi shu rtsa gnyis bco brgyad dag/ ye shes rgyal po'i ljang tshad do// bdun cu rtsa brgyad rkang pa phyed// chags pa'i rgyal po'i tshad yin no// tshigs su bcad pa nyi shu lnga// ye shes bsam pa'i ldang tshad do/ / dgu bcu go brgyad las byung ba// ye shes gsang ba'i tshad yin no// nyi shu tham pa gang yin pa// gsang ba rdo rje rgyal po'i tshad// brgya dang nyi shu rtsa gnyis ni// rdo rje rgyal po'i ra li'i tshad/ lnga bcu rtsa gsum yi ge bcu// dur khrod rgyan gyi ldang tshad do// sum cu rtsa gsum yi ge ni/ bcu drug mkha' 'gro ma sdom tshad// lnga bcu yi ge bco lnga las// byung ba gsang ba bdud rtsi'i rgyal/ / bzhi bcu yi ge nyi shu bzhi// nyi ma'i 'khor lo'i gzhung tshad do// sum cu yi ge bcu drug las// byung ba zla ba'i 'phreng tshad do// de nas nges par bshad bya ste// gsang ba'i
- 6a
'khor lo gang ston pa/ / gsang ba'i rdo rje'i dam tshig dag/ ston pa dam tshig chen por nges// dgra drug sten pa stobs po che// dbang bzhi dag sgrub gsang ba gcod// rang rig de ston bsam mi khyab// yi ge gsum ston rin chen 'bar// sgo gsum lam ston nam mkha' mnyam// bcom ldan la sogs the tsom med// ston pa nam mkha'i chen po ste// dbang bzhi'i de nyid gang ston pa/ / ye shes gsang ba'i rgyud du nges// lta spyod rmad du gang byung ba// ston pa ye shes 'phreng bar nges// gleng bslang rnam pa lnga yi don// ston pa mkha' 'gro gsang ba'i rgyud/ / he ru ka dpal gang ston pa// me yi 'phreng ba'i rgyud du grags// dbang gsum don ni gang ston pa// sku gsung thugs kyi ra li ri nges// snod bcud rin chen ston byed pa// rin chen 'phreng ba'i ra lir nges/ / lhan cig skyes ston ye shes bsam// rdo rje rnyog pa med pa'o// lha yi de nyid gang ston pa// chags pa'i rgyal po ra lir nges// nges pa lnga sngon rdo rje rgyal// ri gi a ra li zhes grags// dur khrod brgyad ston dur khrod rgyan// dam tshig sdom pa mkha' 'gro gsum// ston pa mkha' 'gro sdom pa'o// dkyil 'khor la sogs drug stor pa// gsang ba bdud rtsi'i rgyal po'o/ / 'khrul pa 'khrul gzhi de sad pa// gsum ston ye shes rgyal po'i rgyud// ma spangs nges ston nyi 'khor lo// tshad nges sgrub gsum ston zla 'phreng // rgyud sogs
- 6b
lnga ston ye shes 'bar/ / de nas 'khor thams cad dga' nas rgyud thams cad kyi don la yi rang bar gyur to// dpal zla ba'i 'phreng ba'i rgyud kyi rgyal po rdzogs so// rgyu gar gyi mkhan po ga ya d+hA ra dang / lo tsang dge slong shAkya ye shes kyis bsgyur ba'o// rgya gar skad du/ shI rat+na dz+wa la tan+ta rA nA ma/ bod skad du/ dpal rin chen 'bar ba'i rgyud kyi rgyal po zhes bya ba/ dpal kun tu bzang po la phyag 'tshal lo// he he rdo rje snying po dang // mkha' spyod ma la sogs pa dag/ sgo gsum legs par bsdus nas ni/ / ra li chen po'i dbye ba nyon// la las byung ba thabs kyi rgyud// ra las byung ba shes rab rgyud// i phyis a las gnyis med rgyud// thabs ni sku ste shes rab gsung / / gnyis med thugs su shes par bya// sku gsung thugs kyi rang bzhin las// nyi shu rtsa bzhi byung ba'o// a la la ho i ma'o// thabs ni la las ji ltar byung // ra las shes rab ji ltar byung / / a las gnyis med ji ltar byung // sku gsung thugs su ji ltar 'gyur// nyi shu rtsa bzhir ji ltar dbye// e ma ho mgon pos bshad du gsol// 'jigs byed chen pos bka' stsal pa/ / a las a ba d+hU tI ste// 'di nyid las ni gnyis med rgyud// 'byung ba'i gnas dang rgyu ru brtag/ la las la la nA yi rtsa// de las thabs kyi rgyud byung ba'i// rgyu dang
- 7a
gnas dang ngo bor brtag/ ra las ra sa nA ya rtsa// 'di nyid las ni shes rab kyi// ra li 'byung ba'i rgyud dang gnas// ra ni chags phyir shes rab ste// shes rab yi ge bcu drug brda/ / la ni nub phyir thabs yin te// thabs kyi yi ge bcu bzhi'i brda// thog ma med nas ma skyes pa// e ni gnyis med rang bzhin te// gnyis med blo yi spyod yul min// blo dang sgra ri kun rdzob phyir/ / g.yas ni thabs yin la la nA// g.yon pa shes rab ra sa nA// a ba d+hU tI gnyis su med// thabs dang shes rab gnyis med kyi// ra li'i ngo bo shes par bya// 'dod chags rdul/ la lus ni thabs// la la nA ni sku yin te// gti mug mun pa dag dang yang // shes rab ra sa nA ni gsung // zhe sdang snying stobs yid yin te// thugs te gsum gyis 'gyur ba'o// sku la brgyad de gsung la brgyad/ / thug la brgyad de nyi shu bzhi// ra li nyi shu bzhi ru nges// gnas ni nyi shu rtsa bzhi dang // tsaN+Da li dang phyag dag dang // mkha' 'gro 'byung po nyi shu bzhi// de nyid brda ru nges pa ste// sku gsung thugs kyi dbye bas so/ / gnas dang mkha' 'gro ra li dbye// sku gsum du ni de nyid bsdu// dang por rgyud kyi nges pa dang // rgyu yi gnas dang gnas nges pa// gtang sa nges dang go rims nges// grangs ngos rigs nges bco lngar nges/ / mdo sde 'dul ba mngon pa yi// dman pa'i rim pas dang por gsungs// dman pa rnams la bya ba'i rgyud// de rjes rnal 'byor nyid yin te// skyes pa
- 7b
'dul phyir rnal 'byor rgyud/ / phyi nas rnal 'byor ma rgyad ni// bud med yongs su gzung phyir ro// dang po rtsa ba'i rgyud gsungs te// de nas bshad pa'i rgyud nyid do// de nas rgyud ni phyi ma'o// de rjes phyi ma'i phyi ma ste// rim pa bcu ni bskor ba ste// snod ngan dman pa'i rim pas gsungs// me tog snying po'i bcung bzhin du// phyi yi phyi nas bdud rtsi'i ro// ra li'i snying po snying po'i rgyud// dang por la las sku yi rgyud// dpa' bo mkha' 'gro mas zhus nas// sku yi mkha' 'gro brgyad la gtad// de rjes ra las gsung gi rgyud// gsung gi mkha' 'gro brgyad la gtad// phyi nas a las thugs kyi rgyud/ / thugs kyi mkha' 'gro brgyad la gtad// gnyis med ye shes bdud rtsi'i ro// lus las lus gsal mig gis lus// gsal ba'i phyir ni sgron ma ste// seng ge'i gzugs 'dra bdud rtsi'i ro/ / nyi ma'i 'od 'dra zla ba'i zer// 'brug gi sgra 'dra rgya mtsho'i gting // chu bo'i rgyun 'dra ri rab lhun// u dum wAr 'dra'i zhing gi rdul// 'di la 'dod 'dod tshol ba dang / / rtog ge pa yis dpyad du med// gal te rang 'dod dpyad gyur na// dpa' bo mkha' 'gro khros gyur to// mgo lus tshul pa brgya ru 'gas// de bas rang gi chung ma dang // bu dang yul 'khor lus ngag gis/ / bla ma dam pa mnyes bya ste// chu bo rgyun 'dra'i man ngag blang // kye ma'o mgon po snying rje can// ra li'i dbye ba de ltar na// de yi chen po ji ltar lags// nang du nyi shu
- 8a
rtsa bzhi yi/ / nges pa slar yang bdag la gsungs// rdo rje can gyis bka' stsal pa// ma spangs nyi shu rtsa brgyad kyis// ra li 'di ni chen por nges// re re la yang chen po bdun/ / gang zhig 'bras bu 'dod pa la// rgyu nyid gtso bor gyur pa ste// sa lu las ni myu gu bzhin// de phyir dang po rgyu mi spang // lhan cig skyes gnyis rgyu yin te// rang bzhin lhan cig skyes pa dang / / lhan cig lhan cig skyes pa'o// thun mong dang ni thun mong min// bla ma'i zhal nas shes bya'i phyir// dpa' bo mkha' 'gro'i zhal yin te// de nyid ston pa'i bka' las 'das// de las 'khrul pa snying re rje// phung sogs rtsa dang shu kra ni// lhan cig skyes pa'i rgyu yin te// log rtog 'khrul pa rgyur 'dod dang // ngo bo ma grub rgyur 'dod dang // kun rdzob byang sems rgyur 'dod pa/ / 'di ni rmongs pa ma rungs pa// phung po 'byung ba dbang po dang // phyi yi skye mched dman pa'i rgyu// brtags pa rgyur 'dod snying re rje// nam mkha'i me tog gi dri gang // rang bzhin gnas pa'i rtsa rlung sogs/ / khyad par lam gyi rgyu yin te// rang bzhin gnas pa ma shes par// log par rtogs pa snying rje nyams// don dam byang chub sems kyis ni// lhan cig skyes pa'i ye shes rgyu/ / bla ma ma bsten de las 'khrul// kun rdzob shu kra rgyur 'dod pa// rgyu dang 'bras bu 'khrul pa'o// rkyen med rgyu yis 'bras mi 'byin// de phyir rkyen ni spang mi bya// ye shes
- 8b
rlung dang ye shes me/ / lhan skyes gnyis med rkyen yin te// de nyid spang bar mi bya zhing // las kyi rlung dang me nyid dang // gzhan du'ang de nyid sbyar bya dang // srid pa len dang bde ba len// las mi spang zhing bde ba yang // mi spang ba ni bzhi po'o// lus dang lus kyi snying po rtsa// gnas dang gnas chen mi spang ba// lnga pa drug pa yin par 'dod// de nyid phyi dang nang du shes// phyi nang dbye ba ma spangs pa'o/ / snang ba dang ni mun pa'i cha// gang ba dang ni stong pa'i char// 'pho ba ma spangs brgyad pa'o// rgyu yi gnas dang 'bras bu'i gnas// de nyid mi spang shes par bya// rin po che yi pho brang du// rten ni mi spang shu kra gzung // gal te de rum zin na// shor ba mi spang ro mar bstim// gnyen po mi spang gzugs sku gnyis// ma spangs pa ni bcu gnyis pa'o// nor bu'i rten las skyes pa yi// bde ba la brten dbang po yi// sgo bsdu ngo bo ma spangs pa'o// gong 'og khyad par shes byas nas// sgyu mas gnyen po ma spangs pa'o// dga' ba mchog dga' shes byas te/ / sngon du 'gro ba ma spangs pa'o// 'khor ba lugs las bzlog bya ste// gnas nas gnas su zlog byed pa// gnas kyi khyad par ma spangs pa'o// de nyid rim par 'pho byed pa/ bla ma'i bla ma las brgyud shes// 'khor bar 'jug ldog bye brag ni// 'pho ba ma spangs rnam pa gnyis// ye shes me ni cher 'bar bas// phung po 'byung po dbang po sogs// thams cad
- 9a
bdud rtsir gyur pa ni/ / rkyen gyi khyad par ma spangs pa'o// lus kyi ba spu'i bu ga dang // brtan dang g.yo ba'i dngos po kun// bde ba'i ngo bor gang snang ba// ngo bor khyad par ma spangs pa'o/ / de nyid sgyu ma'i rang bzhin med// gnyen po'i khyad par ma spangs pa'o// bzhin mdzes mig yangs phyag rgya ni// ldan pa phyag rgya ma spangs pa'o// dam tshig chos kyi phyag rgya dang / / de nas ye shes phyag rgya che// phyag rgya'i khyad par ma spangs pa'o// chags pa'i phyag rgya las yin te// dam tshig chos ni ma ning gi/ phyag rgya gnyis su shes par bya/ ye shes phyag rgya chen po gnyis// grol ba'i phyag rgya yin par 'dod// phyag rgya'i dbye ba ma spangs pa'o// dang por gsang ba'i 'khor lor te// phyi nas rang bzhin 'khor lor yin// 'khor lo'i dbye ba ma spangs pa'o// dang po gsang ba'i gtum mo ste// gnyis par rang bzhin gtum mo ni// gtum mo'i dbye ba ma spangs pa'o// las kyi rlung dang me gnyis ni// kun rdzob 'khor ba'i rkyen yin te// ye shes rlung dang me gnyis ni// don dam gnyis med rkyen yin te// rkyen gyi dbye ba ma spangs pa'o// srid pa bskyed cing 'dzag pa bde// kun rdzob shu kwa'i las yin no/ / srid pa mi len rang rig skyes// don dam byang sems las yin no// las kyi dbye ba ma spangs pa'o// sbyor thabs rtsa ni rgyas po dang // kha 'byed pa yi las yin
- 9b
te/ sbyor thabs bzhi la ma rmongs pa// 'di ni ma spangs nyi shu brgyad// spyi mthun las las grub pa yi// mig drug la sogs grangs kyis bstan// rang rig ye shes gang 'dod pas// bla ma'i dus thabs legs par bsten// mi spangs nges pa'i gdams ngag blang // 'di nyid rdo rje 'chang gi rgyu// de las byung ba khyad par 'bras// dang por cha ste thig le dang // tshul dang tshul can mchog gzhan mchog/ 'di nyid de nyid drug yin te// de nyid drug ni tsaN+Da lI// re re la yang bani bzhi ste// tsaN+Da lI ni nyi shu bzhi// ra li nyi shu rtsa bzhir nges// phyi ru gnas ni nyi shu bzhi/ / spyan dang phyag rgya nyi shu bzhi// tsaN+Da lI dang ra li yi// phyi dang nang du grangs su nges// he he dpa' bo rdo rje 'chang // ra li 'byung ba'i rgyu gang lags// ra li'i ngo bo gang gang lags/ / bcom ldan 'das kyis bka' stsal pa// sku dang phyag mtshan rags pa kun// ra li'i ngo bo dman pa'i lam// mkha' spyod sa spyod sa 'og spyod// sgo gsum la gnas khyad par gyi/ / ra li'i ngo bor gsungs pa yin// dga' ba bcu drug rten dang bcas// zab pa'i ra li'i ngo bor brtag/ rang rig stong pa thobs dang bcas// mthar thug ra lir shes par bya// a ni thog mar ma skyes pa// la ni nub dang skyong ba ste// ra ni chags dang rin po che// ra las 'dod chags khrag yin te// la las zhe sdang khu ba'o// a las gti mug khu ba ste// sems
- 10a
can ra li'i rang bzhin te/ / ye shes lnga dang sa bcu sogs// kun la ldan pas ra lir gnas// sku yi ra li spyi bo yi// gtsug tor dag las byung ba'o// gsung ni ljags kyi dbang po las// thugs kyi re li thugs ka nas// byung ba rnam par nges pa'o// sku gsung thugs kyi rdo rje yi// spyan rnams la ni rang bzhin byung // sku gsung thugs kyi gnas las te/ / spyi bo la sogs dag las byung // phyag gi mthil nas rim pas byung // bla ma'i zhal nas blang bar bya// bye brag 'byung ba'i sgo yin te// he he sems can sangs rgyas kyi/ / rang bzhin sa dang lam ldan te// zla ba bcu sogs sa sogs ni// rdzus skyes la sogs ji ltar lags// 'on te sangs rgyas min nam ci// sems can thams cad gdod ma nas/ / sangs rgyas yin par gsungs pa ste// rdzus skyes sgong skyes drod gsher sogs// sems kyi gnas bcu sa bcu ste// rnam shes brgyad ni byang chub lnga// mkhan po sems kyi rgyal po ste/ / rang bzhin dag pa chos gos yin// rang bzhin gnas pa kha spu bregs// a dang haM gnyis sngags kyi don// thams cad sems la gnas pa ste// sems med sangs rgyas ma yin te/ / ngam grog la sogs bems po'o// sems nyid sangs rgyas yin pa'i phyir// sems can sangs rgyas rang bzhin no// rgyu dang 'bras bu'i tshul dang yang // bag la nyal
- 10b
dang kun tu rgyu/ / nus pa'i tshul dang mngon sum tshul// gzugs can gzugs med mkhas pas brtag/ sangs rgyas sems can de bzhin no// de ltar sems can sangs rgyas pas// ra li sems can rang bzhin phyir// lus la sku yi phyag rgyas gdab// ngag la gsung gi phyag rgyas gdab// sems la thugs kyi phyag rgyas gdab// sku gsung thugs kyi rang bzhin du// dngos po ro mnyam gyur pa la// sangs rgyas sems can ga la yod// dman dang gya nom ga la yod// 'khor ba yongs su shes pa la// mya ngan 'das zhes de la brjod// thams cad 'jigs dang rnam rtog spong / / 'di la thams cad ngo mtshar gyis// legs par gtad kyis dam du spro// de'i tshe 'khor 'dus pa thams cad ngo mtshar du gyur te mi snang bar gyur to// dpal rin chen 'bar ba'i rgyud kyi rgyal po rdzogs so// / rnal 'byor ma zla ba'i 'phreng ba dang / lo tsa ba dge slong shAkya ye shes kyis bsgyur cing zhus te gtan la phab pa'o// rgya gar skad du/ shrI sUr+ya tsakra tan+t+ra rA dza nA ma/ bod skad du/ dpal nyi ma'i 'khor lo'i rgyud kyi rgyal po zhes bya ba// dpal bde ba chen po la phyag 'tshal lo/ / a la la la ho dpa' bo kye// ngo mtshar med du byung ba yi// bskyed dang rdzogs pa chen po yi// ma spangs pa dang nges pa dag/ mgon pos bdag la
- 11a
bshad du gsol/ / bcom ldan 'das kyis bka' stsal pa// dang po ma spangs bshad bya ste// phung po khams dang skye mched dag/ bskyed pa'i rim pa'i rgyu ma spangs// phyag mtshan nyi zla yig 'bru dang // bla ma'i man ngag rkyen ma spangs// lus ngag sgo bsdams dam tshig las// sku gnyis 'byung ba 'bras ma spangs// zhe sdang ru trar skye ba'i las// zhe sdang rang rig bskyed pa dang / / lus kyi dri mi 'khrud pa las// las kyi dbye ba ma spangs pa'o// pu li ra dang dza lan sogs// nang du spyi bo spri gtsug sogs// gnas kyi dbye ba ma spangs pa'o/ / shar sogs bdud kyi snying ka ru// zhabs gnas gnas chen ma spangs pa// gnas de phyi dang nang du shes// gnas kyi dbye ba ma spangs pa'o// gser 'gyur rtsi yi rnam pa bzhin// / phung sogs lha ru 'pho byed na// 'di ni 'pho ba ma spangs pa'o// rgyu yi gnas ni snying ka ste// 'bras bu'i gnas ni phung sogs te// ma spangs pa ni gnyis su shes// phung sogs sgyu mar 'dzin byed pa/ / 'di ni rten pa ma spangs pa'o// gal te nang du ma zin na// phyi ru de nyid ngo bor bsgom// de nyid shor ba ma spangs pa'o// gnyen po ma spangs sgyu mar bsgom// phung sog la rten lha rnams la/ / sgo gsum ngo bo ma spangs pa// tha mal pa dang bskyed rim gnyis// gong 'og khyad par shes bya ste// sgyu ma gnyen po ma spangs pa'o// bdun po rnam dag la
- 11b
sogs pa/ / sngon du 'gro ba ma spangs pa'o// phung sogs rtog pa las log nas// phra ba'i gnas su gnas pa byed// gnas kyi khyad par ma spangs pa'o// lha yi rnam par 'jug pa dang / / gang du sgyu mar bzlog pa gnyis// 'pho ba'i khyad par ma spangs nyid// ye shes me ni cher 'bar te// phung sogs sgyu mar gang 'dzin pa// rten gyi khyad par ma spangs pa'o// mnyam gzhag rjes thob kun 'gags te// thams cad rten dang brten par snang // ngo bo'i khyad par ma spangs pa// de nyid sgyu ma'i rang bzhin med// gnyen po'i khyad par ma spangs pa'o// shes rab phag mo ma spangs pa// phyag rgya ma spangs pa ru 'dod// ma spangs gcig ni gzhan dang 'dra// gong 'og las kyi khyad par ro// zhe sdang thugs la 'dod chags gsung // gti/ mug sku yi phyag rgya ste// phyag rgya'i dbye ba ma spangs pa// sku dang gsung dang thugs 'khor lo// bde ba chen po'i 'khor lo dag/ 'khor lo'i dbye ba ma spangs pa'o// dang po sgyu ma ye shes me/ / gnyis pa sgyu ma ltar snang me// gtum mo'i dbye ba ma spangs pa'o// phung sogs sgyu ma las g.yo zhing // phung sogs sgyu mas yang dag sreg/ kun rdzob rtogs pa'i rkyen yin te/ / sgyu ba lngar snang las g.yo zhing // sgyu ma de nyid lhar bsregs pa// don dam gnyis med rkyen yin te// rkyen gyi dbye ba ma spangs pa'o// 'khor ba spel zhing
- 12a
mchog brdzeg/ klan rdzob bden pa sems kyi las/ ma 'kho bsgrib/ don dum sems kyi mas man// las kyang kyil n gas sgrungs hU~M b+hU rgya / / rnam pa'i dbang dang 'brel ba'o// gsang nga bang bla ma'i zhal nas byung / shes rab myi shes gzhan du'o// ngan pa'i maspangs te shre l+h+wam rig ldan cis smras pa so/ / chos nyid ma dag pani pa'i dra// mal gyi man ngag rgyan ma spangs// 'gyu ba'i chos rnams rang rig mes// bemag pa las ma sbyangs pa yin// grong+gal pas dbye ma spangs/ / a ba d+hU tA 'og min gnas// gnas dang gnas chen ma spangs pa// de nyid phyi dang nang du nges// phyi nang dbye ba ma spangs pa'o// stong pa dang ni gzung 'dzin char / 'pho bam spangs a dang haM// rten ma spangs te rtog pa la// sems 'phros de nyid rang rig bsgom// shor ba ma spangs par rig pa// dbang po'i sgo bsdu ngom spangs// chog bcom gnyen po ma spangs pa/ / rang rig la sems pa las// sngon du ma spangs ma spangs brgyad// tha ma'i zhal nas shes par bya// spri dang rang rig mtshan nyid la// 'pho ba ma spangs rang rig bsgom phyag rgya ma spangs rang rig las/ / 'phrin las nyi shu rtsa bzhi 'byung // las ma spangs te gzhan rnams ni// bla ma'i zhal nas shes par bya// dang med bla ma ma bsten dang // bla ma dam pa ma
- 12b
rnyed dang / / ma spangs ngo bor ma shes par// rang rig 'bras bu gang 'dod pa// de dag mi shes dri mas bsgribs// dper na sbrul gyi 'o ma bzhin// de nas nges pa bco lnga yang // rgyu nga rkyen dang gnas dang yang / / gtad pa go rim grangs dang ril// nges pa bdun ni gzhan du gsungs// sngags na spos bcas spros med des// rkyen ni ye shes me rlung nges// rgyu 'bras gnas ni a haM nges/ / dbang bzhi gong 'og khyad par nges// sun 'byin gnyen po nges pa dang // ngo bo nges dang dbye ba des// las nges pa dang bco lnga ste// de las byung ba'i nges pa dag bcu bdun bla ma'i zhal nas shes/ / ma spangs pa dang nges pa yi// mtshan nyid yongs su shes gyur na// 'khrul pa dang ni 'khrul pa'i gzhi// thams cad 'di yis spong bar byed// 'jig rten 'jig rten 'das pa yi// dngos grub thams cad 'di las 'byung // gong bu chu dang gzugs su gnas// de bzhin gzugs las 'das pa ste// gnas pa rnam pa bzhi ru yang // rgyud ni nges pa kho na ste// rgyud ni dbang po'i ngo bor gnas// de phyir dngos grub 'dod pas kyang // 'bad pas bla ma mnyes bya ste// rgyud kyi ngo bo dbang rnams dang // de yi man ngag shes par bya/ / bla ma mnyes par ma byas shing // dbang rnams thob pa ma byas par// nyan pa la sogs byed pa ni// 'bras bu med cing rlag par 'gyur// de bas 'bad de nan tan bya//
- 13a
dpal nyi ma'i 'khor lo'i rgyud kyi rgyal po rdzogs so// / rgya gar gyi mkhan po ga ya d+ha ra dang / lo tsab dge slong shAkya ye shes kyis bsgyur cing zhus te gtan la phab pa'o/ / rgya gar skad du/ shrI dz+nyA na rA dza tan+ta rA dza/ bod skad du/ dpal ye shes rgyal po'i rgyud kyi rgyal po/ dpal bde ba chen po la phyag 'tshal lo// kye ma sangs rgyas kyi sangs rgyas// kye ma sangs rgyas mdzad pa legs// gang phyir sems can thams cad kyis// mya ngan 'das pa thob bya'i phyir/ / dad dang brtson 'grus rdzogs byas te// bla ma'i rjes su 'jug par bya// rang rig gnyis su med pa la// gzhan rig gnyis su 'dzin pas 'khrul// gzod nas ma skyes ma grub la/ / skyes dang grub par 'dzin pas 'khrul// dngos po ro mnyam gyur pa la// dman dang gya nom 'dzin pas 'khrul// 'khor ba yongs su shes pa nyid// mya ngan 'das par brjod pa la/ / sangs rgyas sems can rtog pas 'khrul// rang bzhin lhun gyis grub pa la// rgyu dang rkyen gyis skye bas 'khrul// brda dang tha snyad bral ba la// blo yi spyod yul byed pas 'khrul/ / mtha' bral dbu mar gnas pa la// rtag dang chad par 'dzin pas 'khrul// shes brjod yul las 'das pa la// bdag dang bdag gir 'dzin pas 'khrul//
- 13b
dngos po mtshan ma la sogs pa'i// rnam rtog kun gyis stong pa la// dngos por rjes su 'dzin pas 'khrul// rang nyid gnyis su med pa la// bden pa gnyis su 'dzin pas 'khrul/ / gdul bya sna tshogs 'dul ba yi// theg pa du ma'i gong 'og la/ sgro dang skur pa 'debs pas 'khrul// sems can 'khrul pa sna tshogs kyis// las kyi rnam smin la sogs la/ / blta bas skur pa 'debs pas 'khrul// rang rig gzod nas 'od gsol la// sku mdog phyag mtshan la sogs pa// rdo rje 'dzin par 'dod pas 'khrul// 'khrul pa dang ni 'khrul pa'i gzhi// 'dod chags 'dod chags chen po ste// 'khrul gzhi 'khrul pa las 'das na// 'dod chags chen po bcom ldan 'das// zhe sdang zhe sdang chen po dang / / de bzhin zhe sdang bcom ldan 'das// gti mug gti mug chen po ste// de bzhin gti mug bcom ldan 'das// 'di yis nges par grol 'gyur gyi// 'di spangs gzhan gyis grol ba min/ / bdag po lha dang bla ma spun/ bdag po lhan cig rnal 'byor tsam// theg pa spyi bsdus de las gzhan// skye bo'i bems po che dang brgyad// de dag rang rig thob pa'i rgyu/ / de phyir dam tshig gtso bor bsrungs// 'bras bu'i khyad par rang rig 'byung // kye ma mgon po kye sangs rgyas// 'dod chags dbye ba de ltar na// de yi ngo bo
- 14a
ji ltar lags/ / zhe sdang la sogs de dang 'dra// rdo rje snying po snying rje che// legs par nyon la yid la zung // las dang las kyi rnam smin gyi// rgyu 'bras mi shes gti mug ste/ / lus sems kun nas 'khrugs pa dag/ zhe sdang yin te sgo gsum gyis// kun nas bslang ste nor bu'i mthar// sa bon 'byung ba 'dod chags so// dbang sogs ngo bo gang ma shes/ / 'dod chags la sogs chen por nges// rang rig ngo bo gang la gnas// 'og ma spong ba'i gnyen po ste// ngo bo sgyu mar gang shes dang // dbang po'i sgo bsdus thabs yin te/ / gong ma skye ba'i rgyur 'gyur ba'i// phyir yang chen por gyur pa ste// gzhan gyi don du gyur pa dang // de las gzhan dge mos 'gyur dang // mang po mi mos spong ba dang / / nyon mongs spyi yis zil ma non// bye brag 'dod chags zhe sdang sogs// zil gyis mi non 'og ma yi// rnam rtog gang yang mi skye dang // nyon mongs spyi dang bye brag spong / / gnyen po yin par nges pa dang // nyon mongs skra rtse tsam mi skye// gnyis ni gong dang 'dra ba ste// bcu gnyis 'dod chags chen po dag/ bcom ldan 'das su gsungs pa ste/ zhe sdang la sogs de bzhin no// zab mo'i lha spyod ma rtogs par// sngags spyod bzlas pa la sogs byed// de dag ngal ba don med yin// de dag bla ma dam pa las// man ngag
- 14b
dam pa brtul bya ste/ / 'khrul pa dang ni 'khrul gzhi las// sad par byed pa'i cho ga blang // de'i tshe rgyud kyi don la dga' zhing rjes su yi rang bar gyur to// dpal ye shes rgyal po zhes bya ba'i rgyud kyi rgyal po rdzogs so/ / / rgya gar gyi mkhan po ga ya d+ha ra dang / lo tsa ba dge slong shAkya ye shes kyis bsgyur ba'o// rgya gar skad du/ shrI badz+ra DA ki nI gu h+ya tan+t+ra rA dza/ bod skad du/ dpal rdo rje mkha' 'gro gsang ba'i rgyud kyi rgyal po/ dpal he ru ka la phyag 'tshal lo// kye ho mngon rdzogs mgon po kye/ / dbang rnams dam pa yod dam chi// gtso 'khor khyad par med dam ci// sems can dang ni sangs rgyas la// bye brag tha dad med dang ci/ dam tshig che chung ji ltar mchis// de nyams bshags thabs yod dam ci// bcom ldan 'das kyis bka' stsal pa// rnam rtog gzung 'dzin dgag pa dang // rang rig s hes thugs pa'i phyir/ / dbang rnams sgyu ma tsam du yod// rnal 'byor sems kyi ngo bo ru/ dbang ni nges pa 'on ste// lus ngag kun nas 'bang ba la// de phyir sems kyi drim na// 'khrung dang gtor dang sreg pa dang // mkhyen pa'i rten pang po 'byed pas// sa dang chu dang me rang rlung // nam mkha' lta bu gsungs pa ste// dang po gnyis pa gsum pa dag/ rim
- 15a
gyis ma bgrod dbang mi thob/ / bskyed pa'i rim la legs gnas shing // rdzogs pa'i rim pa 'dod rnams la// thabs 'di rdzogs pa'i sangs rgyas kyis// skas kyi rim pa lta bur gsungs// gang zag mchog dang las dang po// mngon par rtog pa'i rim pa dang // mngon par rtogs pa yan lag go/ 'di yis ngan 'gro srid las grol/ dbang dang man ngag 'brel bas so// de nas bzhi pa zhal gyi dbang // sngon du 'gro dang mi 'gro med// 'di ni dbang gi rgyal po ste// slob dpon sems kyi rgyal po yin// 'di ni rang rig bzhi pa'i dbang / / 'di yis thams cad grol bar 'gyur// 'di la rtag tu phyag sogs bya// rdo shing 'dra 'bag la sogs pa'i// gzugs brnyan yongs su rdzogs pa dang // ras dang tshon pa la sogs pa'i/ / gzugs brnyan yongs su rdzogs pa la// byin rlabs ye shes dbab byas nas// lha yin zer nas mchod sogs te/ bcos ma la sogs de ltar na// phung sogs ye nas sangs rgyas la// ci yi phyir na mchod mi byed// de nas gzhan yang dbye ba dag/ 'khrul pa dang ni 'khrul pa'i gzhi// bcos ma nye bar bcos ma dang // 'dra ba yin pa lta bu yi/ / dbang bzhis grol bar mi 'gyur te// log pa'i sred pas sred par 'ching // 'khrul pa'i 'khor los 'khor bar 'khor// de bas dngos grub 'dod pas kyang // lha yi/
- 15b
bu yi bdud spangs te// bla ma dam pa rtag tu bsten// yid ches rig dang nges pa skye// lung gi tshad ma yin pa dang // 'og ma spangs shing gong ma thob// man ngag tshad ma yin pa blang // mos pa'i rjes su 'brang byed cing // che ba'i nga rgyal la gnas shing // 'jig rten ltar sprod dang 'dres pa'i// snod bcud blang bar mi bya'o// de nas gtso 'khor bye brag kyang // gnas kyi khyad par dbus su ste/ / rgyan gyi khyad par thar pa'o// rigs kyi khyad par drug pa'i rigaso// de nas gtso 'khor bye brag kyang // phyag dang zhabs sogs khyad par gyis// gtso bo 'khor las khyad par 'phags/ / dper na pha rol phyin drug las// shes rab pha rol phyin med na// pha rol phyin pa lnga dag gis// pha rol phyin pa'i ming mi thob// dkyil 'khor dbus su gang gnas pa'i/ / de nyid kyi ni dkyil 'khor te// gang zhes dbus su mi gnas na// 'khor rnams dkyil 'khor du mi 'gyur// dper na rgyal po med pa yi// grong dang grong khyer ji bzhin no/ / de bzhin dam tshig bye brag kyang // rtsa ba'i dam tshig nyams gyur na// yan lag dam tshig de dang 'dra// thugs kyi dam tshig nyams gyur na// sku gsung dam tshig de dang 'dra/ / srog gcod dam tshig nyams gyur na// brdzun dang ma byin len pa dang // 'dod chags dam tshig de dang 'dra// lta ba'i dam tshig nyams gyur na// spyod pa'i
- 16a
dam tshig de dang 'dra/ / tshul 'chos mi dge mos pa tsam// dam tshig nyams pa de dang 'dra// dper na 'khor lo sgyur ba'i rgyal po dang // bral ba'i rin chen bdun po de dag gis/ / 'khor lo sgyur ba'i ming ni mi thob bzhin// bla ma'i zhal nas thams cad shes par bya// de nas sangs rgyas sems can yang // rdul tsam khyad par med mod kyang / rang rig gzhan rig rkyen dag dang // rang sems las su rung ba dang // ma rung ba dang las kyi mtha'// log pa dang ni me log pa// don byed nus dang mi nus pa// yongs su rdzogs dang ma rdzogs pas/ / sangs rgyas sems can gnyis su snang // tha dad par ni mi rtag ste// chu khams gser dang nam mkha' bzhin// rang bzhin gyis ni dag par 'dod// rang sems rang rig rtogs pa na/ / sems can gdong nas sangs rgyas so// rdo rje phag mos yang zhus pa// srog gcod la sogs dam tshig gi/ dbye ba khyed kyis bdag la gsungs// bcom ldan 'das kyis bka' stsal pa// rang gi lus ngag sems g.yos kyang // gsod pa'i 'du shes ma skyes na// srog gcod nyams pa chung ngur nges// gzhan gyis gnod par tshor ba dag/ nyams pa 'bring du gsungs pa yin// de las bzlog pa chen por nges// gang zhig ma byin chung blangs kyang // gzhan la nyon mongs cher skyes na// de nyid nyams pa 'bring du nges//
- 16b
cher blangs nyon mongs chung na 'bring // chen po las ni nyon mongs cher// de ni chen po kho nar nges// tshul 'chos lhung ba chen po ste// mi shes pa dang bag med dag/ brjed ngas la sog 'bring du gsungs/ / gzhan yang dam tshig nyams pa yi// che 'bring chung ngu'i ldang tshang dag/ rang dang gzhan dang gnyis ka yis// rgyu rkyen dag las shes bya ste// ltung ba'i ngo bos zin pa dang / / phyi nang rdo rje slob dpon gyi// spyan sngar dkyil 'khor chen po bzhengs// tshul dang mthun par bshad par bya// dam tshig gong 'og bye brag gis// bla ma'i dkyil 'khor shes par bya/ / gzhan yang bshags pa'i bye brag la// sbyin sreg gis ni sdig sreg phyir// nang gi sbyin sreg chen po tsam// zab pa'i me ni rgyun bzhag me// thab kyi rgyun bzhag me yin// te/ le bdun dang ni lo gcig dag/ phyi yi rgyun bzhag chen po med// zla ba bdun dang gsum dag ni// 'bring du gsungs te zhag bdun sogs// rgyun bzhag me ni chung ngur gsungs// rgyas pa la sogs de bzhin te// rang bzhin gdod nas gnas pa yi// gtum mo ye shes me rang bzhin// 'di ni rgyun bzhag chen po'i me// thog mtha' med par gnas pa'i phyir// dam tshig nyams pa'i bud shing sogs// ye shes me yi bung shing ker// mar ngag can gyis bsregs byas na// nyams pa'i shing sogs 'tshig par nges// dgang gzar la sogs
- 17a
de bzhin te/ / rgyas pa la sogs de dang 'dra// rgyud 'di gtad kyis legs par zung // thams cad dga' zhing mgu bar gyur// dpal rdo rje mkha' 'gro gsang ba'i rgyud kyi rgyal po rdzogs so/ / rgya gar gyi mkhan po ga ya d+ha ra dang // lo tsa ba dge slong shAkya ye shes kyis bsgyur ba'o// rgya gar skad du/ shrI dz+wa la ag+ne gu h+ya tan+ta rA dza/ bod skad du/ dpal gsang ba me 'bar ba'i rgyud kyi rgyal po/ bcom ldan 'das bde ba chen po la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga la snyoms par zhugs so// de'i tshe 'khor 'dus pa'i nang nas rdo rje phag mos gsol pa/ rnal 'byor gang lags 'pho ba gang // 'chi ba gang lags shi ba gang // ro ni gang lags ro chen gang // de bzhin shi ba chen po gang // thal ba gang lags thal chen gang / / tsha tsha gang lags tsha tsha yi// chen po gang lags gnas ni gang // bcom ldan 'das kyis bshad du gsol// bcom ldan 'das kyis bka' stsal pa/ thabs dang shes rab snyoms 'jug la// rnal 'byor zhes ni gsungs pa yin// dus min lha ni gsod pa ste// dang por 'pho ba'i rtags dang yang // dus chod nges par shes bya ste/
- 17b
bar chad med pa'i ting 'dzin gyis// 'khrul 'khor bcas te khyad par gyi// 'bras bu 'byung bar 'pho bar nges// khams dang 'byung ba so sor thim// srog kyang rtsol ba la thim ste/ rtsol ba rnam shes la thim pa'i// skad cig dang po 'chi ba ste// rdo rje can sogs rigs bzhi dang // rnam snang tha dad bral ba yi// skad cig dang po shi ba ste// de nas zhag bdun bar du bzhag lus kyi mkha' 'gro mya ngan 'das/ / de ni shi ba chen por grags// lus ni ta la'i mgo bo 'dra// 'di nyid ro zhes gsungs pa ste// ye shes dbab dang ye shes bstan// mkha' spyod sa spyod/ sa 'og spyod// spyi bo mgrin pa snying ka ru// dri yi thig le gsum byas te// sku gsung thugs su byin gyis brlabs// thog mar dri zhim sna tshogs kyis// khrus byas gnas ni bcu gnyis su dri yi thig le bcu gnyis bya/ / dpa' bo mkha' 'gros byin gyis brlabs// gzhan yang rgyan la sogs pa kun// dngos su gnas pas rab tu nges// ri mor bris pa 'bring po ste/ driyi thig le tha mar nges// g.yas brkyang la sogs 'dug stangs kyis// he ru kar grags chen por bzhengs// rang rig bdag po gang yin pa'i// he ru ka ru nges pa dang // de la dus drug mchod pas mchod/ / 'di dag ron chen po ste// 'chi ba zhes ni rnam rtog ste// mkha' spyod gnas su 'khrid par byed// rang bzhin bsregs pa thal ba ste// rtsa ba'i dkyil 'khor la brten
- 18a
nas/ chos sku'i gzugs brnyan rim bzhin brtsig/ yang na bum pa lta bu yi// gzhal yas khang pa brtsegs mar brtsig/ mi 'chi bcu phyed snying po dang // tsan ngan gur kum la sogs pa'i/ / dri yis byugs shing bsgo bar bya// tsan dan dmar po la sogs pa'i// dri zhim ldan pa'i shing bu 'am// yang na 'bras bu yod pa yi// bud shing tshad dang ldan pa yis/ / thab khung chen por rdzogs par brtsig/ bla ma dam pa mnyes byas la// zhal nas yang dag shes par bya// zur bzhi rgyal po chen po bzhi// phyogs bzhi mi 'jigs seng ge brgyad/ / ka ba bzhi dang gdung bzhir ldan// cho ga yongs su rdzogs pa dang // rig pa'i dkyil 'khor gzhug pa dang // sngar gyi dbang thob rdzogs par bskur// de nas rgyun bzhag me sbar te// me lha la sogs gzhan dang 'dra// de nas rig pa de nyid kyang // me yi khang pa mdzes pa ru// rang bzhin spyan drangs bzhugs su gsol// me mchod sdig pa sreg pa'o// sngags dang rdzas sogs gzhan dang 'dra/ / me dang du ba rlung sogs kyi// mtshan ma mkhas pas brtag bya ste// bkra shis rtags rnams byung na legs// med na sdig pa bsreg par bya// gdung la sogs pa byung na rab// ma byung na yang cho ga rnams// rdzogs pa las byung rus pa rnams// 'di ni thal ba chen po ste// de las gzhan pa thal bar gsungs// de nas rus
- 18b
pa zhag gsum ni/ / gur kum la sogs dris gtor te// rus pa'i mtshan ma brtag bya ste// kha dog dbyibs dang dri dang ro// bla ma'i zhal nas shes par bya// gdon bsal khrus bya rus pa brdung / / ma nyams dum bu gcig pa la// dri sogs bsgos pa'i nang du ste// dkyil 'khor yongs su rdzogs pa yi// steng du seng ge'i khri dag la// seng ge rgyal chen 'og gi rgyan steng nas gdugs dang rgyal mtshan te/ / gnas der rus pa bzhag byas la// me mchod byas nas zhag lnga ru// bsnyen pa byas te drug pa la// gdung ni 'byung ste bdun pa la cha tsha rab tu gnas par bya/ / dang por ro sreg dus su yang // shi ba dang po nas bzung ste// zhag lnga ro yi bsnyen pa ste// drug pa ro yi sta gon no// bdun pa dur khrod rab tu gnas/ dang por snang ba gnyis por ro// gsum pa rus pa mya ngan 'dus// mya ngan 'das pa rnam pa gsum// gzhan la med cing rang la med// dman la med cing de rjes med/ thabs sum gsungs shes rab kyi// rtswa rgyud bshad rgyud phyi ma dang // phyi ma'i phyi mar ma gsungs pa'o// mya ngan 'das pa rnam pa gsum// bdud rtsi sgron mar li yi// rgyud du khyod la 'a yis bshad/ / de nas sa tsha'i rim pa yang // sdang brgyal po la sogs lo// mthun pa'i gtam gyis sa sogs bsrang // mi sngangs bdag la sogs la// gtir mam
- 19a
yis sa sogs bsrung / / de nas spyad pa rnam lnga yang // phan pa rdo rje can dang yang // gzi brjid gar dang rdo rje rgyal// srad bus sa gzungs sbyang sogs/ cho ga gzhan dang mthun par bya// dur khrod gnas su rtsa ba yi// dkyil 'khor chen po bzhengs par bya// lha grangs du yod gtor mar gtang // sbyin sreg dag gis zhi byas te/ gcig gam lnga 'am bdun nam ni// nyi shu rtsa gcig brgya rtsa brgyad// ci nus par ni gdab par bya// dus ni mtshan mo zhes pa ste// dang po la ni dkyil 'khor gyi// phyag rgya chen po rdzogs pa ste/ / gsum pa bzhi pa gnyis pa dag/ chos kyi sku yi gzugs brnyan gdab// bum dbang sa la gdab pa ste// gsang dbang sa dang chu la gdab// gsum pa ma dang rlung la gdab/ / bzhi pa nam mkhar gsungs pa'o// dang po 'pho bas ma lhung la// gnyis pa ro bsreg ma lhung ba'o// gsum pa tsha tshas ma lhung na// 'chi ba slu ba'i dam pa ste/ srid pa'i 'ching ba las grol nges// dman pa'i 'pho ba la sogs pas// ltung zhing 'chi ba kho nar nges// de bas srid las grol 'dod pas// bla ma dam pa rab mnyes te// 'pho pab la sogs gdam ngag blang / / rgyud 'di gtad kyis legs par zung // de'i tshe 'jig rten gyi khams kyis chen po yang g.yos par gyur to// mchod pa sna tshogs pa'i char yang bab bo//
- 19b
dpa' bo dang / mkha' 'gro ma dang / dur khrod na gnus pa'i ro langs chen po thams cad rgyud kyi don la rjes su yi rang bar gyur to// dpal gsang ba me 'bar ba'i rgyud kyi rgyal po rdzogs so// / paN+Di ta ga ya d+ha ra dang / lo tsa ba dge slong shAkya ye shes kyis bsgyur ba'o// rgya gar skad du/ shrI a mr-i ta gu h+ya tan+ta rA dza/ bod skad du/ dpal gsang ba bdud rtsi'i rgyud kyi rgyal po/ bcom ldan 'das dpal bde ba chen po la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga la zhugs so// de'i tshe byang chub sems dpa' rdo rje snying pos gsol pa/ dkyil 'khor dbye ba ji lta bu/ / sngags dang gtor ma ji lta bu// sbyin sreg mchod sogs ji lta bu// khyod kyis bdag la bshad du gsol// bcom ldan 'das kyis bka' stsal pa// dang po dkyil 'khor dbye ba yang / / phyi la gzugs brnyan dkyil 'khor te// nang du lus kyi dkyil 'khor ro// gsang bar b+ha ga'i dkyil 'khor te/ bzhi pa rang rig byang chub sems// de rnam lha yi mtshan nyid kyang / / su mdog phyag mtshan rigs pa'i lam// khro tshul drug tu rtsa bzhi dang // 'bar ba'i gar dgu phyag rgya drug/ mtshan nyid sgyu ma lta bu la// thamal pa yi rnam rtog
- 20a
spong / lus kyi dri 'khru zhe sdang dag/ longs spyod rdzogs pa'i skur gyur pa'o// 'di dag phyi yi dkyil 'khor te// dkyil 'khor dbus su gang gyur pa// de nyid kyi ni dkyil 'khor te/ / rdo rje can dang phan pa dang // de bzhin rdo rje gzi brjid dang // pad+ma gar gyi dbang phyug dang // de bzhin rta bdun rdo rje sems// snying po yongs bzung dkyil 'khor te/ de dag phyi yi dkyil 'khor yin// de nas nang gi dkyil 'khor yang // rnam grol steng du gdan khri rlung // rang rig bdag po lha yin no// dang por de nyid shes bya ste// rags pa dang ni phra ba dang / zung 'jug sgo gsum nyi khri dang // tshig stong drug brgya rgyu ba tsam// las ni rags pa'i lam 'joms shing // ngag gi dri 'khru gti mug dag/ sprul pa'i sku yi rgyur gyur pa// mkha' spyod rlung du shes par bya/ / gang zhig snang ba sgom pa dang // de bzhin mun pa sgom pa dag/ nyin dang mtshan mor rab tu grags// gnod mdzes lta stangs dman pa ste// tshul de de las bzlog po'o/ / dang por yid bcing sna rtser bya// de bzhin sems bcing rlung bcing yang // nam mkha' sor bzhi de nas stong // de nas bar du thig le yang // yan lag dang bcas yan lag med// shin tu yan lag med pa ste// yan lag bcas pa bcu gsum ste// thabs la thabs kyi sbyor ba ni// bla ma'i zhal nas shes par bya// ma ning 'dus pa'i sgo ru gsungs// de nas 'og sgor
- 20b
tsaN+Da li/ / kha sbyor dang ni stug po sogs// rkyen dang bcas dang rang bzhin dang // bdag sbyang ba dang gzhan sbyang dang // gtum mo rang bzhin sbar ba dang // gtum mo go bzlog sbar ba dang / gtum mo rkyen gyis sbar ba dang // gtum mo zhar la sbyar ba dang // gtum mo bye brag sbar ba dang // spyi yi gtum mo sbar ba dang // grol ba'i rang bzhin gtum mo dang // chags pa'i rang bzhin gtum mo ste/ / nang gi lha yi ngo bo ste// gsang ba'i lha yi ring ba'i rgyu// de nas gsang ba'i dkyil 'khor yang // dbang po gnyis sbyor kun tu ru// de yi phyir na b+ha ga yin// dga' ba la sogs sgyu ma yis/ / phra ba'i lam spong las yin te// sems kyi dri 'khrud 'dod chags dag/ rang rig sems kyi rgyal po'i rgyu// de nas bzhi pa'i dkyil 'khor ni// chos sku skye med nam mkha' bzhin/ / rang rig stong par 'od gsal ba// bsgoms pas nyes pa ma yin te// ma bsgoms pas kyang nyes pa yin// sgom pa nyid kyang rtog pa ste// mi sgom pa yang rtog pa nyid// sgom du rdul tsam med pa la// yongs su skad cig med pa 'di// lha yi rgyal po yin par 'dod// dkyil 'khor rnams kyi mchog gyur pa// rang rig ye shes me bo che// thams cad 'di la gnas pa ste/ / dper na 'khor lo sbyar ba'i rgyal po dag/ yul dang grong khyer dag tu mi 'gro yang // yul na 'dod pa thams cad sdud pa ltar// mchod dang gtor ma la sogs pa'i/
- 21a
las dang bya ba sna tshogs kun// sems kyi de nyid shes gyur na// thams cad 'di la sdud par nges// las ni zab pa'i las spong ste// sgo gsum rnam dag dug gsum 'joms/ / gzugs sku gnyis ni 'byung ba'i rgyu// sbyin sreg rnam pa bzhi yin te// phyi yi thun mong yin par gsungs// de nas nang gi sbyin sreg kyang // lte ba snying ka spyi bo mgrin// rigs ni nges pa'i thab khung ste// sku ni spyi bo gsung mgrin pa// snying kar thugs te yon tan dang // 'phrin las gtum mo gnyis su nges// rlung dang rtsa dang thig le dang // rang bzhin gnas pa'i ye shes me/ / me lha dag pas bdag po'i lha// sku mdog phyag mtshan rnam rtog dag/ bsreg rdzas bsregs te me mchod bya// nye bar zhi ba sbyin pa dang // rnam rtog bsreg phyir sbyin sreg ste/ / rang lus ye shes me yis ni// rtog pa'i bud shing bsreg bya ba// 'di ni sbyin sreg tshad ma ste// ti la sogs sdig par nges pa'am// las kyi me nyid ye shes sam// bsregs pas nges par tshig gam ci// bsreg rdzas rtog pa sreg byed me// dbang po'i spyod yul ma yin te// de phyir las kyi ma nyid la// til sogs bsregs pa'i las byas kyang / nges par sdig pa 'tshig mi 'gyur// mchod pa la sogs de bzhin no// bstan pa tsam du nges pa ste// rgyud ni don dam ma yin te// don dam rtog pas bstan pa med// dgang gzar thugs
- 21b
gzar la sogs pa/ / bla ma'i nal nas shes par bya// de nas gsang ba'i sbyin sreg kyang // thag khung sde ba'am sa rtse ste// chags grol gnas ni nges pa dang // rang bzhin dang ni gsang ba yi/ / gtum mo ye shes me sbar te// g.yas g.yon dgang gzar blugs gzar gyis// shu kra rtsa dang rlung sogs kyi// phra mo'i rtog pa'i bsreg rdzas bsreg/ bde ba'i me lha mchod par bya/ / zhi rgyas las kyi rim pa dang // bzhi pa zhal nas shes par bya// de nas sngags kyi dbye ba yang // phyi yi sngags ni oM AHhUM// nang du bdud rtsi mtshan nyid de// gsang bar mchog chad dbus na gnas/ / mthar thug mtha' bral rang rig go// spos sogs phyi yi mchod pa ste// bdud rtsi la sogs nang du'o// gsang bar bde ba'i ro yis mchod// mthar thug stong pa'i ro yis mchod/ / 'bras sogs phyi yi gtor ma ste// dman pa'i bgegs sogs zhi bar byed// a ba d+hU tI'i ka pA lar// sha sogs bdud rtsi'i rang bzhin gnas// rnam rtog bgegs chen zhi bar byed/ / bde ba chen po'i bdud rtsi'i ros// phra ba'i gdon chen zhi byas pa// 'di ni gsang ba'i gtor mar gsungs// rang rig stong pa'i bdud rtsi'i ros// bde chen don ni zhi byas pa/ 'di ni bzhi pa'i gtor mar nges// phyag 'tshal skor ba la sogs pa// sbyang sogs bla ma'i zhal nas shes// gang gi phyir na sbyin sreg ni// dngos grub
- 22a
dam pa ster ba dang / / rnga mchog sres phyir dz+nyAn sreg ste// shing sogs sreg pa sbyin sreg min// mnyes pa'i don gyis mchod pa ste// sgros sogs phul mnyes pa med/ / rang sems las su rung ba dag/ mnyes pas mchod pa chen po ste// gdon dang gnong po zhi ba dang // bar chod zhi dang dngos grub dag/ 'byung ba'i phyir na gtor ma ste/ 'bras sogs phyi yi gtor ma yis// gdon sogs zhi bar mi 'gyur te// rang gi sgo gsum rnam rtog dag/ gdon la sogs par snang ba ste// 'khrul pa'i rnam rtog ma spangs par gdon sogs zhi bar mi 'gyur phyir/ / sgo gsum rnam rtog 'joms pa yis// sems kyi gtor ma gtor ma'i mchog/ gdon dang gnod pa zhi ba dang // dam tshig gso dang lha rnam 'go/ dngos grub thams cad 'byung bar 'gyur// phyi nang gtor ma'i nges pa'o// rgyud rnams nye bar zhi ba dang // lus las 'byung phyir lha yin te// phyi yi dkyil 'khor lha ma yin// lus dang yan lag lha ma yin// kha mig la sogs lha ma yin// lus las ma byung g.yeng ba'i phyir// dbang po sgo gsum ga long ba dag/ rang gi lus la rang lus 'byung // gsum zhi phyir lha zhes brjod// yid skyob phyir na sngags yin te// rang sems las su rung ba dang // rnam rtog gdon rnams las skyob phyir// 'di ni sngags kyi rgyal por gsungs/
- 22b
gzhan yang dngos grub 'dod pa yis// thams cad bla ma'i zhal nas blang // rgyud 'di gtad kyis nan tan gyis// de'i tshe 'khor 'dus pa thams cad rgyud kyi don la yi rang bar gyur to// dpal gsang ba bdud rtsi'i rgyud kyi rgyal po rdzogs so// / rgya gar gyi mkhan po ga ya d+ha ra dang / lo tsa ba dge slong shAkya ye shes kyis bsgyur ba'o// rgya gar skad du/ shrI sh+ma sA na a laM kA ra tan+t+ra rA dza/ bod skad du/ dpal dur khrod rgyan gyi rgyud kyi rgyal po/ dpal bde ba chen po la phyag 'tshal lo// 'jigs byed che la phyag 'tshal te// zhabs la spyi bos legs btud nas// dur khrod gang lags rgyun gang lags// rgyud ni gang lags rgyal po gang // bcom ldan 'das kyis bka' stsal pa/ / legs so rdo rje snying po legs// legs par nyon la legs par zung // dang por dur khrod bshad bya ste// dur khrod spyi dang bye brag gnas// gzhal yas khang gi phyi rol te/ / rdo rje ra ba'i nang rol du// 'jigs pa chen po spyi yi gnas// bye brag shar la sogs pa ste// snod kyi zhen pa bzlog pa yang // lcags ri nag po tshun chad de// rdo rjer bas de nyid do/ / chen po khru ni nyi shu ste// chung ba khru gang tshun chad do// de las gzhan pa'i dkyil 'khor gyi// tshad las nges par bzlas pa'o// rnam shes tshogs brgyad rnam rtog brkyang /
- 23a
mi mnga'i rtags su dur khrod brgyad/ phyogs dang phyogs bral dag tu dgod// tshogs brgyad yon tan brgyad ldan pa'i// rtags su shing brgyad rim pas dgod de bzhin gdug pa brgyad bcom pa'i/ / rtags su klu brgyad rim pas dgod// tshogs brgyad mi dge bcu bcom pa'i// chags su phyogs skyong rim pas dgod// lus ngag yid kyis sems can gyi/ don mdzad phyir ni char sprin dgod// de nyid dur khrod 'jigs pa che// thabs dang shes rab gnyis med rgyud// rnam rtog zil gnon brgyad por bshad// mdzes pa'i phyir na rgyan yin no/ / de nyid gsal bar bya ba'i phyir// dang por dur khrod bshad par bya// shar du gtum drag nag po che// lho ru 'phar dgod ser che// nub tu mi bzang dmar po che// byang du tshang tshing ljang ku che/ / me ru g.yer ka can yin te// bden bral mtshams su 'bar ba 'dzin// rlung mtshams dmyal sogs gnas pa ste// dbang ldan du dbyibs can no// b+hu tsa ri khi tsa sha ni// sa stengs shar gyi phyi ru dgod// pa tA li dang bA sa ni// sa 'og nub kyi phyi ru dgod// dur khrod 'di rnams gzugs rnams kyang // 'bar ba tshig dang mchog sogs// keng rus thod pa la sogs dang / / ro langs 'byung po'i tshogs dang bcas// ce spyang sgra yis 'jigs pa'i gzugs// shar du shi ri sha yi shing // lho ru a shwad tha yi shing // nub tu wang ge ling gi shing /
- 23b
byang du nu ta'i shing du nges// gong dang mtshungs pa n+ya gro d+ha// parka ti lcug pA thA dag/ me nas dbang ldan mtshams su dgod// ji ltar grags pa'i gzugs su 'dod// shar du dbang po gnas pa ste/ / lho ru gshin rje gnas pa'o// nub tu klu dbang gnas pa ste// byung du gnod sbyin yang dag gnas// shar lhor me ni gnas pa'o// lho nub mtshams su srin po gnas/ nub byang mtshams su rlung dgod de// byang shar mtshams su dbang ldan dgod// nyi zla shar la sa bdag nub// ji ltar grags pa'i gzugs su dgod// shar du nor rgyas gnas pa ste/ 'jog po lho ste stobs rgyu nub// pad+ma byang la pad chen me// hu lu hu lu srin por dgod// rigs ldan rlung mtshams dgod pa ste// dung skyong dbang ldan mtshams su ni// gdug pa sprul gyi gzugs su dgod/ / kha dog rigs kyi dbye bas dbye// shar du char sprin dkar por dgod// lho ru pu mi ti dgod do// nub tu 'jigs pa rnam par gnas// byang du a ba yang dag gnas/ / sngo nya mer ni yang dag gnas// g+hA nya srin po'i mtshams su dgod// rlung gi mtshams su par shan// gtum po 'di brgyad char sprin brgyad// btsod kyi mdog 'dra gur kum mdog/ nam mkha'i mdog 'dra ngu ba'i mdog/ sprin gyi mdog 'dra sprin gyi gzugs// shar la sogs pa bzhi bzhi ste// 'di dag nang rtags phyi ru 'byung // dang por spangs pa phun
- 24a
phun sum tshogs/ / de nas ye shes phun sum tshogs// rang rig don ni phun sum tshogs// gzhan don phun sum tshogs pa yi// rtags su 'jigs pa 'di dag gnas/ 'o nas nang gi dur khrod sogs// pags pa rdo rje ra ba ste// rus pa rdo rje gur du nges// dpung pa nye ba'i dpung pa ste// brla dang de bzhin nye ba'i brla// brgyad ni dur khrod brgyad du nges/ / rje ngar nye ba'i rje ngar bzhi// lag ngar nye ba'i lag par bzhi// brgyad ni nang gi shing brgyad do// tshigs dang de bzhin nye ba'i tshigs// steng dang 'og tu bzhi bzhi ste// nang gi phyogs skyong yin par 'dod// mthil dang de bzhin nye ba'i mthil// steng 'og de bzhin klu brgyad do// rtse dang de bzhin nye ba'i rtse// brgyad ni char sprin brgyad yin te// bskyed rim rnam rtog mi mnga'i rtags/ / dur khrod brgyad ni nang na gnas// rtsa rlung ngo bo shes pa rgyas// de phyir nang gi shing brgyad gnas// rags pa'i gdug pa 'dul ba'i phyir// nang na klu brgyad yang dag gnas/ / bdag spyod gzhan yang spyod pa'i phyir// char sprin brgyad ni nang du gnas// de nas gsang ba'i dur khrod kyang // sna rtse rtsa brgyad dur khrod brgyad// lte bar rtsa brgyad shing brgyad ngo/ snying kar rtsa brgyad phyogs skyong brgyad// mgrin par rtsa brgyad klu brgyad de// spyi bor rtsa brgyad char sprin brgyad// gsang bar rnam rtog mi mnga'i rtags// dur khrod brgyad ni gsang bar
- 24b
gnas/ / thams cad bde bar snang ba'i phyir// gsang bar shing brgyad yang dag gnas// phra ba'i mtshan ma'i rnam rtog gi/ gdug pa 'joms phyir klu brgyad dgod// bde bas bdag spyod gzhan sbyor bas/ / de yi phyir na char sprin dgod// de nas bzhi pa'i dur khrod kyang // rnam shes brgyang na de nyid brgyad// dur khrod brgyad du nges pa'o// dur khrod sogs brgyad de nyid shing / / lhag ma gsum dang tshor sogs lnga// brgyad ni phyogs skyong brgyad du nges// nyon mongs drug dang de yi gnyis// brgyad po dag ni klu brgyad do// lnga dang bzhi dag gsum dag ni/ de ni bzhi pa'i char sprin brgyad// gzung 'dzin rnam rtog mi mnga'i rtags// bzhi pa yi ni dur khrod brgyad// stobs sogs mkhyen pa'i yon tan rgyas// rtags su shing brgyad nges pa'o/ / rnam rtog gdug pa 'dul ba yi// rtags su klu brgyad nges pa'o// gzugs sku gnyis kyis sems can gyi// don mdzad rtags su char sprin brgyad// phyogs skyong bla ma'i zhal nas shes/ / de dag kun gyi bye brag kyang // bla ma'i zhal nas shes par bya// rgyun chags phyi nang rgyud ces bya// rgyal po khyad par 'phags pa'o// gzhan yang nga yis gsungs pa'i bka'/ / gsung gcig nyid du gsungs gyur kyang // du ma nyid du so sor snang // chos tshul du ma'i bye brag dang // mos pa du ma'i bye brag dang // 'du shes du ma'i bye brag gis// theg
- 25a
pa'i mtha' la thug pa med/ / sems gzung yan lag bsam mi khyab// nga yi rjes su 'brangs pa yi// bla ma sa rab non pa dang // de nyid bcu ldan mngon shes skyes/ / de gsung bcu drug mtha' yi bar// rig pa'i gnas lnga mkhas pas sbyang // mkha' 'gro ma yis lung bstan pas// brtsams la bzhi yi mtha' yis nges// de lta'i man ngag mo thob par/ / sngags kyi lha spyod gang spyod pa// rang yang phung la gzhan yang phung // mthong ba'i chos la dmyal sogs 'tshed// de bas dngos grub 'dod pa yis// bla ma dam pa mnyes byas te/ / man ngag dam pa blang bar bya// nges pa'i lta spyod ma rnyed par// gsang ba'i lha dang spyod pa dang // mos pa'i rjes su gang byed dang // nyon mongs zil non la sogs dag/ gsang sngags lta bur spyad pa spyod// 'di dag rkun po ma rungs pa// mthong ba'i chos la dmyal bar skyes// dang po srid pa skye ba yang // yar ngo mar ngo mtshams dang gsum// si h+la'i dang / po tha ma dang // 'bras bu srid pa skye ba yi// dus der kun tu ru byed na// 'byung ba'i rlung gi nang zhugs na// nad gzhi bsdus shing nad gzhi skyed// srog dang tshangs par spyod pa 'byung // de la 'dod pa'i mtshon chas ni// g.yeng ba med par gtar ka bya// phyi nas rigs kyi bdag pos so// srid par skye ba'i dus tshod kyang // rgyun chang zhag gsum zhag lnga dang // bdun dang dgu yi
- 25b
dus rnams snang / / de ltar rgyung mchog rgyal po'i don// khyod la gtad kyis legs par drung // de nas 'khor thams cad dga' zhing mgu ste rjes su yi rang bar gyur to// dpal du bzod rgyan gyi rgyud kyi rgyal po rdzogs so/ / / paN+Di ta ga ya d+ha ra dang / lo tsa ba dge slong shAkya ye shes kyis bsgyur ba'o// gar skad du/ shrI badz+ra rA dza ma hA tan+t+ra/ bod skad du/ dpal rdo rje rgyal po chen po'i rgyud/ dpal sdom pa'i rgyal po la phyag 'tshal lo// 'di skad bdag gis thos pa dus gcig na bcom ldan 'das de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga la rdo rje snying po la sogs pa'i dpa' bo mkha' 'gro grangs med pa dang thabs gcig tu bzhugs pa'i dus su phyi nang gsang ba bla na med pa'i mchod pas mchod nas/ bcom ldan 'das la mngon du phyogs pa dang / bcom ldan 'das zhal 'dzum pa mdzad de/ rdo rje snying po la sogs pas gsol pa/ rdo rje gang lags chen po gang // rgyud ni gang lags rgyal po gang // bcom ldan 'das kyis bka' stsal pa// don gyi rdo rje rnam pa bzhi// dbang bzhi'i grangs su shes par bya// rnam rtog 'joms phyir rdo rje ste// de la rnam pa bzhi yin te// phyi nang gsang ba rab gsang gnyis// rtse gsum rtse gcig rtse lnga pa// rtse dgu pa ni nyid yin no// bcu gnyis de nyid rdo rje ste//
- 26a
rtags kyi rdo rje bzhi yin no// gnyis su med pa rtse gcig pas// rnam rtog thams cad spangs pa yin// rtse gsum sku gsung thugs yin te// 'dod chags zhe sdang gti mug gsum/ / 'joms pa'i phyir na bshad pa yin// rtse lnga ye shes lnga yi rtags// me long mnyam nyid so sor rtog/ bya ba nan tan chos dbyings shes// nyon mongs lnga ni spangs pa ste// zhe sdang nga rgyal 'dod chags dang / / phrag dog gti mug 'joms par byed// rdo rje rtse dgu gang yin pa// ye shes rtse dgu bshad pa ste// khams gsum sa dgu 'joms par byed// 'dod khams gzugs khams gzugs med khams/ / nyan thos rang rgyal byang chub sems// rig 'dzin sangs rgyas ye shes che// sa dgul ni gang sgrib pa'i// sgrib pa sbyong bar byed pa yi// rdo rje rtse dgur/ bstan pa yin// rdo rje rtse mo bcu gnyis pa// 'khor ba'i rten 'brel bcu gnyis kyi// spong ba'i ye shes bcu gnyis yin// ma rig pa las 'du byed de// 'du byed rkyen gyis rnam par shes// / ming dang gzugs dang skye mched drug/ reg dang tshor dang sred dang len// srid pa skye dang rga shi ste// de rnams spong ba'i gnyen po ste// chos kyi ye shes mngon du byas// de las ye shes drug rang bzhin/ / de las sku gsung thugs ngo bo// de las skye mched drug sangs rgyas// de las gnyis med reg pa ni// de las nyams myong bde chen po// rang rig de nyid sred pa ste// chos
- 26b
kun ston byed len pa ste/ / srid pa longs spyod rdzogs sku yin// skye ba sprul pa'i sku ru bshad// rga shi rgyun dang mya ngan 'das// 'od gsal stong chen dang du thim// de phyir rdo rje bcu gnyis/ pa/ rdzas kyi rdo rje bzhi yin te// 'bigs shing rno ba zur gsum ste// gru bzhis rdzas rnams brdar byas pas// 'jam zhing dpal 'joms par byed// pa lam zlum pos rtsub pa 'joms/ zur lngas thams cad cing gar byed// de nas chen po'i don bshad de// dmigs dang bsam pa spyod pa dang // brtul zhugs brtson 'grus smon lam dang // de bzhin ye shes chen po ste// ri re la yang bdun dadun sbyar// de phyir chen po zhes ni bstan// rgyud ni rnam pa lnga yin te// phyi dang nang dang gsang ba dang // rab tu gsang dang gsang ba che// de rnams rgyun du gnas pa la/ rgyu yi rgyud du bstan pa yin// de rnams don ni ji bzhin rdzogs// 'bras bu'i rgyud du bstan pa yin// rgyu dang 'bras bu gnyis med pa// rgyu ni gnyis su med pa yi// rang rig ye shes mthar thug pa/ / mthar thug bla na med pa'i rgyud// rgyal po la yang lnga yin te// phyi nang gsang dang rab tu gsang // shin tu gsang ba chen po ste// de rnams don la dbang bskur dang / de yi mi mthun phyogs 'joms phyir// de phyir rgyal po lnga ru bstan// rdo rje snying pos yang gsol pa// bcom ldan 'das ni jo ltar lags// de bzhin gshegs pa thams cad kyi/
- 27a
sku gsung thugs ni ji ltar lags// btsun mo'i b+ha ga ji ltar lags// rdo rje gang lags snying po gang // dpa' bo gang lags mkha' 'gro gang // dpag tu med pa ji ltar lags/ / thabs gcig bzhugs pa ji ltar lags// phyi nang gsang ba bla med pa'i// mchod nas zhes pa ji ltar lags// mngon phyogs 'khod pa ji ltar lags// zhal 'dzum mdzad pa ji ltar lags/ / gzigs pa zhes pa ji ltar lags// bcom ldan 'das kyis bka' stsal pa// nyon mongs dang ni 'chi bdag bdud// phung po'i bdud dang lha yi bdud// bdud bzhi bcom pas bcom pa'o/ / ldan pa yon tan drug ldan phyir// dbang phyug dang ni gzugs bzang dang // dpal dang grags dang skal ba bzang // ye shes phun sum tshogs pa la// drug po de ldan zhes bya ba// 'khor ba'i chos ni mya ngan te// de ltar bral phyir 'das pa'o// 'das pa'i de bzhin gshegs pa kun// 'gro ba'i don mdzad de bzhin gshegs// thams cad dus gsum sangs rgyas kyi/ / sku gsung thugs kyi ngo bor bcas// btsun mo zhes bya chos kyi dbyings// de las byung phyir b+ha ga ste// dbyer mi phyed pas bzhugs par bshad// rdo rje chos rnams 'jug pa che/ / snying po ye shes chen po ste// sogs pa mang po'i don yin te// dpa' bo zhes pa rnam pa lnga// phyi nang gsang ba la sogs kyi// rnam par rtog pa 'joms phyir yin//
- 27b
mkha' la 'gro bas mkha' 'gro ste// rtsa sogs la yang shes par bya// thams cad de las byung ba'i phyir// ma zhes nga yis gsungs pa yin// de yi don la mi dpogs pas// de yi phyir na dpag tu med/ / thabs gcig bzhugs zhes bya ba 'di// de nyid don dang dbyer med phyir// gcig gi don du bshad pa'o// gnyis pa ma yin de don du// phyi nang ma yin mchod pa ni// phyi yi mchod pa bshad par bya// me tog bdug pa mar me dang // dri dang lha bshos btung ba dang // rol mo sil snyan dbyangs nyid dang // sgeg dang dgod dang gar nyid dang // rta dang glang po rin chen sogs/ / de nas nang gi mchod pa ni// b+ha ga btsums la ku tsa btsir// bdud rtsi lnga dang btung ba lnga// byang chub sems dang ldan byas te// phung po khams dang skye mched rnams/ / de la sogs pas mchod par bya// de nas gsang ba'i mchod pa ni// rtsa dang rlung dang thig le ste// de nyid gnyis med bde ba yis// rtsa dang rlung sogs thig les mchod// de nas rab gsang mchod pa ni// dang po dga' dang mchog dga' dang // dga' bral de bzhin lhan skyes dga'// bde ba'i khyad par de nyid kyis// rang bzhin dga' sogs thams cad mchod// de nas tha med mchod pas ni// rang rig stong par rtogs pa yi// 'od gsal de nyid chos kyi sku// de nyid bla med mchod pa mchog/ bcom ldan 'das kyis de skad ces bka' stsal nas// rdo rje
- 28a
snying po la sogs pa'i 'khor rnams dga' zhing mgunas rjes su yi rangs par gyur te/ g.yon phyogs nas bskor ba byas nas so so'i rdzu 'phrul gyis mi snang bar gyur to// dpal 'khor lo sdom pa rdo rje rgyal po'i rgyud rdzogs so// // rnal 'byor ma tsan+da mA le dang / lo tsa ba dge slong shAkya ye shes kyis bsgyur ba'o// / rgya gar skad du/ shrI dz+nyA nA tsin+ta tan+da rA dza/ bod skad du/ dpal ye shes bsam pa'i rgyud kyi rgyal po/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das dpa' bo dang mkha' 'gro ma'i 'khor grangs med pa dang / ye shes gsang ba'i gnas na thabs gcig tu bzhugs pa'i dus su dpa' bo ye shes mkha' 'gro zhes bya bas/ bcom ldan 'das kyi zhabs la spyi bos gtugs te thal mo sbyar nas gsol pa/ bcom ldan ye shes mnga' bdag che// ye shes kyi ni rang bzhin dang // ye shes skye gnas gang dang gang / / rgyal po ji ltar lags pa dang // gang la dbang byed gang gis 'dul// de nyid bdag la bshad du gsol// bcom ldan 'das kyis bka' stsal pa// dpa' bo ye shes mkha' 'gro nyon/ / ye shes zhes bya rnam pa lnga// de nyid don la shes pa dang // log rtog shes pas ma bsgribs phyir// spyi bo'i ye shes bshad pa'o// me long ye shes mnyam nyid
- 28b
dang / so sor rtog dang bya nan tan// chos dbyings ye shes lnga pa'o// de la me long ye shes ni// dper na g.ya' dag me long la// gzugs brnyan gsal bar snang ba bzhin// de bzhin sems kyi me long la/ / nyon mongs g.ya' ni dag byas na// chos rnams gzugs brnyan sgyu mar mthong // sems kyi me long gang yin la// sgyu ma tsam du snang ba de// tha dang mi phyed mnyam ye shes/ / mnyam nyid ye shes gang yin pa// kun rdzob sgyu ma tsam de ni// las dang mtshan nyid ma 'dres pa// de nyid so sor rtog ye shes// de nyid nan tan sgrub byed de// de nyid don grub ye shes te/ / thams cad chos dbyings gzhan min te// de phyir chos dbyings ye shes yin// ye shes skye gnas gang yin pa// kha sbyar dbus kyi rtsa brgyad do// dbyings dang ye shes gnyis med tshul/ / shar dang lho dang nub dang byang // ye shes bzhi po skye ba'i gnas// de dag kun 'dus lte ba ni// chos dbyings ye shes skye ba'i gnas// me long ye shes mnyam nyid dang // so// sor rtog dang bya ba grub// chos dbyings ye shes la sogs pa// bdag po byed pa'i phyir dang ni// zhe sdang dang ni nga rgyal dang // 'dod chags dang ni phrag dog dang // de bzhin gti mug la sogs pa'i/ / nyon mongs thams cad 'joms pa'i phyir// rgyal po zhes ni bstan pa yin// ye shes mkha' 'gros yang gsol pa// byang chub sems ni ji ltar lags// de nyid dbye/
- 29a
ba gang lags dang // de yi gnas dang gzung ba'i gnas// nges par bzlog pa'i tshul nyid dang // de nyid kyi ni 'bras bu dang // rtags dang yon tan gang lags pa// de nyid bdag la bshad du gsol// bcom ldan 'das kyis bka' stsal pa// byang chub sems ni rang rig ste// dbye ba'i don ni gnyis su bstan// de yi gnas ni rtsa yin te// gzung ba rig pa'i 'khor lor te/ / nges par bzlog pa'i thabs dag ni// go bzlog pa yi tshul yin no// de nyid 'bras bu gnyis med rtogs// rtags ni lus la khrag byung dang // ba spu langs dang 'dar ba dang / / kha zas dang chung lus yang dang // skra dkar gnyer ma dengs pa dang // le lo mad dang brtson 'grus ldan// de la sogs pa'i rtags rnams 'grub// de nas yon tan bshad pa ni// rkang mgyogs sa steng sa 'og gi/ 'jig rten dngos grub gang yin dang // 'jig rten las 'das thob par 'gyur// gnyis med byang chub sems kyi gnas// rang rig 'od gsal de nyid do// ye shes rang bzhin gnas yin te// rtags ni 'od gsal de nyid do// 'bras bu chos sku 'chang chen po'i// sa ni nges par thob pa'o// rnal 'byor sems gzung sgom pa brtag/ lus sems tshachags su bcug nas ni/ / rang rig sems kyi de nyid la// de nyid dbyer med bsgom par bya// de yis thob med 'bras bu thob// bcom ldan 'das kyis de skad ces bka' stsal pa dang //
- 29b
ye shes mkha' 'gro la sogs pa'i 'khor thams cad rjes su yi rang nas/ de kho na nyid bla na med pa'i mchod pas mchod de mi snang bar gyur to// dpal 'khor lo sdom pa ye shes bsam pa'i rgyud kyi rgyal po rdzogs so/ / // paN+Di ta ga ya d+ha ra dang / lo tsa ba dge slong shAkya ye shes kyis bsgyur ba'o// // rgya gar skad du/ shrI rA ga rA dza tan+t+ra rA dza/ bod skad du/ dpal chags pa'i rgyal po rgyud kyi rgyal po/ dpal rdo rje mkha' 'gro la phyag 'tshal lo// 'di skad bdag gis thos pa dus gcig na/ bcom ldan 'das/ de bzhin gshegs pa thams cad kyi sku dang / gsung dang / thugs rdo rje btsun mo'i b+ha ga la bzhugs so// de nas byang chub sems dpa' sems dpa' chen po rdo rje snying pos spos dang me tog la sogs pa'i mchod pas mchod nas/ he he dpa' bo 'jigs pa che// sems can sangs rgyas rang bzhin na// mtshan dang dpe byad gang dang gang // stong dang de bzhin rnam thar dang // rdzus skyes mngal skyes sgong skyes dang / / drod gsher gnyis gsum bzhi char ci// bcom ldan 'das kyis bka' stsal pa// a ni dbu yi gtsug tor te// A ni dbu skra g.yas su 'khyil/ i ni dpral ba'i dbyes mnyam pa// I ni smin mtshams mdzod spu ste// u ni spyan mig mthon mthing la// ba yi rdzi ma lta bu'o// U tshems bzhi bcu mnga' ba ste// r-i r-I tshims mnyam
- 30a
tshems thags bzang / / l-i l-I tshems dkar ro bro mchog/ e ni 'gram pa seng ge 'dra// oM ljags shin tu srab pa ste// oM ni tshangs pa'i dbyangs dang ldan/ oM ni dpung mgo shin tu zlum// a ni bdun mtho ba ru gsungs// aHni thal gong rgyas pa ste// 'di dag bcu drug g.yas bskor ro// de nas g.yon bskor mtshams nas kyang // a pags srab mdog gser 'dra/ / A ni bzhengs bzhin ma btud par// phyag gnyis pus mor sleb pa'o// i ni ro stod seng ge 'dra// I ni shing n+ya gro lta bur// chu dang zheng ni gab pa'o// u ni mdzod spu g.yas su 'khyil// U ni spu rnams gyen du phyogs// r-i mdoms sba ba sbubs su nub// r-I baR+Ya legs par zlum pa'o// l-i ni zhabs long tshogs ma mngon// l-I ni phyag zhabs 'jam zhing gzhon/ / l-I ni phyag mthil zhabs kyi mthil// 'jam zhing gzhon sha rgyas pa'o// e ni phyag zhabs dra bas 'brel// ai ni sen mo ring ba ste// oM ni phyag dang zhabs mthil la/ / 'khor lo dang ni ldan pa yin// oM ni zhabs ni shin tu gnas// aM zhabs rting pa yangs pa ste// aHni byin pa ri dgas ni// e n+ya ya yi lta bu ste// spyi bo'i mi shigs snying po haM/ / ston pa sum cu rtsa gnyis mtshan// ka ni sen mo zangs mdog 'dra// kha ni sen mo dog snum pa// ga ni sen mo mtho ba ste// g+ha ni sor mo rnams zlum pa// nga ni sor mo rnams
- 30b
rgyas pa/ / tsa ni sor rnams byin gyis phra// cha ni rtsa rnams mi mngon pa// dza ni rtswa mdud med pa yin// dzA ni long bu mi mngon pa// nya ni zhabs mi mnyam pa med// Ta ni seng ge'i stabs su/ gshegs// Tha ni glang po'i stabs su gshegs// Da ni ngang pa'i stabs su gshegs// D+ha ni khyu mchog stabs su gshegs// Na ni g.yas phyogs ldog cing gshegs// ta ni mdzes par gshegs pa ste/ / tha ni mi g.yo bar gshegs pa// da ni sku la 'khril bag chags// d+ha sU byi dor byas pa 'dra// na sku rim par 'tsham pa'o// pa ni sku gtsang ba sku mchog/ pab sku rnam par dag pa'o// b+ha ni mtshan rdzogs ngo bo nyid// ma sku kho lag yangs shing bzang // ya ni gom pa snyoms pa'o// ra sku shin tu gzhon mdog can// la ni sku la 'khrul pa med// wa ni sku lus rgyas pa ste// sha ni shin tu grims pa'o// Sha ni yan lag thams cad mdzes// sa gzigs rab rib med cing dag/ ha dku zlum pa nyid yin te// k+Sha ni dku skabs phyed pa'o/ / ya dku ma rnyongs pa yin te// ra ni phyal phya ma med pa yin// la ni lte ba zab pa ste// wa ni lte ba g.yas su 'khyil// Da ni kun nas mdzes pa ste// D+ha ni kun spyod gtsang ma yin/ / 'di dag thabs kyi rang bzhin gyis// g.yas nas bskor ba bzhi bcu yin// de nas g.yon gyi bzhi bcu ni// ka ni sku sme gnag bag med// kha ni shing bal ltar 'jam phyag/ ga
- 31a
phyag ri mo mdangs yod pa/ / gA phyag ri mo zab pa dang // nga phyag ri mo ring ba'o// tsa zhal ha cang mi ring ba// tsha zhal gzugs kyi gzugs brnyan snang // dza dzA lcug mnyen ljags srab pa/ / nya ni ljags dmar ngo bo ste// glang po'i nga ro 'brug sgra Ta// Sha ni gsung snyan mnyen 'jam pa// Da D+ha mche ba zlum dang rno// Na ni mche dkar ta tshems mnyam// tha ni mche ba byin gyis phra/ / da shangs shin tu mtho ba dang // dA shangs shin tu gtsang ba'o// na ni spyan 'od rnam par dag/ pa pha spyan bzang rdzi ma lcug/ ba ni dkar nag phye pad+ma'i// 'dab ma'i mdangs 'dra pad+ma'i spyan/ / b+ha ni de bzhin smin mtshams ring // ma la smin mtshams smin spu mnyam// ra ni de bzhin smin mo snum// la ni snyan shal stug cing ring // de bzhin wa ni snyan shal mnyam/ / sngon gyi dbang po ma nyams sha// dpral ba legs par 'byes pa Sha// sa ni dpral ba'i dbyes che ba// hA ni dbu dag shin tu rgyas// dbu skra bung ba ltar gnag k+Sha// dbu sgra sdug pa ya yin te/ / de bzhin dbu skra 'jam par// dbu skra mi 'dzing ba ni la// dbu skra mig shor ba ni wa// dbu skra dri zhim Da yin te// phyag la dpal gyi be'u dang ni// bkra shis g.yung drung 'khyil bas brgyan/ / sdong ris lta bu d+ha yin te// lte ba sprul pa'i snying po aM// gtso bo dpe byad brgyad cur ldan// a ni phyi nang stong pa nyid// A ni stong pa nyid stong pa/
- 31b
i ni chen po stong pa nyid// I ni don dam stong pa nyid// u ni 'dus byas stong pa nyid// U ni 'dus ma byas stong pa// r-i ni mtha' las 'das stong pa// r-I ni thog mtha' stong pa nyid/ l-i ni dor ba med pa stong // l-I ni rang bzhin stong pa nyid// e ni chos rnams thams cad stong // aM ni rang gi mtshan nyid stong // oM ni mi dmigs stong pa nyid// oM ni dngos po med stong nyid// aM ni ngo bo stong pa nyid// dngos med ngo bo sdong nyid aH/ mgrin pa longs spyod snying po au// shes rab stong pa bcu drug rtsa// gzugs can gzugs rnams la lta ba// rnam par thar pa dang po a/ / nang gzugs med par 'du shes pas// phyi rol gzugs rnams la lta ba// rnam thar gnyis pa ka yin no// sdug pa rnam par thar pa'i lus// mngon sum byas nas rdzogs pa ni/ / de dag rnam thar gsum pa tsa// gzugs kyi 'du shes la 'das pa// sna tshogs 'du shes yid mi byed// nam mkha' mtha' yas la gnas Ta// nam mkha' mtha' yas las 'das te/ rnam shes mtha' yas la gnas shing // rnam shes mtha' yas rdzogs pa te// rnam shes mtha' yas las 'das na// ci yang med pa la gnas te// de nyid rdzogs pa pa yin no// ci yang med pa las 'das te// 'du shes med min la gnas te// 'du shes med min rdzogs pa yang // 'du shes med min las 'das te// 'du shes tshor ba 'gog pa'i lus//
- 32a
mngon sum byas nas rdzogs pa ni// rnam par thar pa brgyad pa sha/ snying ba chos kyi 'khor lo hUM// gtso bo rnam thar brgyad dang ldan// 'di dag r+b+ha yi rnam par gnas/ 'khor lo'i rgya ni sor gsum ste// sems can kun la rang bzhin gnas// de phyir sems can sangs rgyas yin// sna tshogs sdud pa'i mtshan nyid kyang // ring du 'byung zhing thung ngu gnas/ smin mtshams kyi ni mdzod spu bzhin// chos kyi 'byung gnas lte ba la// g.yas g.yon bu ga lnga lnga ste// steng 'og kha yi bar nas 'byung // ro ma shar du mngon du phyogs// brkyang ma nub ste/ 'og gi char// ro mas brkyang ma la 'khyud cing // g.yas pa'i cha ru zung 'jug nyid// brkyang mas ro ma la 'khyud cing // g.yon gyi cha ru zung 'jug nyid// g.yas g.yon rtse mo sku gsung thugs/ / de sgra sngags su rab tu grags// sngags dang rgyud dang dngos grub sogs// de nyid las ni byung bas na// sems can sangs rgyas rang bzhin no// skye ba bzhi yi rim pa yang / snod bcud yab yum la thim ste// yab yum nyi ma zla bar 'gyur// snang ba'i thig le yang dag bcas// 'di dag nang gi mngal skyes tshul// A li kA l-i nyi zla ste// sems ni thig le'i ngo bor gnas/ / nang gi sgong skyes yin par 'dod// ka dang a las nyi zla ste// rang byung thig le drod gsher yin// de dag skad cig rkyen med las// rang bzhin 'byung ba
- 32b
rdzus skyes so/ / rkyen med sbyor ba sgong sogs las// bde ba skye dang bde ba'i rgyu// thams cad dran pa gsang ba yi// mngal na skyes pa'i tshul yin te// yar la bsreg dang mar la gso// gnas gsum nyi shu bzhir 'pho yin// phyi nang 'dod pa'i mtshan ma yis// rtsa rgyas bde ba ster ba dang // rin po che yi pho brang du// sems 'dzin gsang ba'i sgong skyes yin// nang gi 'dod pa'i mtshon cha yis/ / bde ba skye ba drod gsher skyes// gang gi rkyen gyis ma skyes par// gdong nas bde ba'i rgyur skyes la// bde ba skyes pa rdzus skyes so// gtum mo go bzlog rkyen gyis sbar/ / gtum mo rkyen gyis sbar ba dang // gtum mo go bzlog sbar ba dang // gtum mo rang bzhin sbar ba ni// mngal skyes sgong skyes drod gsher skyes// rdzus skyes rim par sbyar bar bya/ / du ma'i gzhi bcas gzhi bcas dang // gzhi med shin tu gzhi med de// mngal skyes skyong skyes drod gsher skyes// rdzus skyes bzhi char rim par sbyar// rgyu dang lam ste 'bras bu kun/ / skye ba bzhi yi ngo bor gcig/ de phyir sangs rgyas sems can gnyis// dngos po ro mnyam gyur pa la// log rtog sgyu mas gnyis su 'khrul// rdo rje snying po snying rje che/ / nang dang gsang ba'i dkyil 'khor yang // nga yis bshad kyis legs par nyon// sku yi dkyil 'khor spyi bor sgom// gsung ni mgrin pa thugs ni snying // yon tan lte ba
- 33a
'phrin las ni/ / sna rtse dag tu bsam par bya// 'bar ba bzhi yi a la yang // rdo rje phag mo rab tu grags// ha ni bde mchog he ru ka/ dpa' bo gcig pa yin par 'dod/ / bdun pa dang ni dgu pa dag/ gsum pa hUM las rab tu grags// bcu gsum pa dang bco lnga pa// bcu dgu oM las rab tu grags// nyi shu rtsa lnga nyi shu dgu// haM gi ngo bor yang dag gnas/ / sum cu bdun dang drug cu bzhi// a yi dkyil 'khor yin par nges// rtsa ni rdo rje phag mo ste// g.yas g.yon phyag la dbu ma zhal// dpa' bo byang chub sems yin te/ skye mched bcu gnyis dngas ma yang // bcu gnyis phyag tu rab tu grags// 'byung bzhi'i dngas ma zhal bzhir nges// mdzes pa'i phyir na rgyan du bshad// gsung mchog bla ma'i zhal nas blang / / g.yas g.yon steng 'og sgo bzhi ste// 'dom gang mnyam pa gru bzhi yin// bdud rtsi lnga ni tshon rtsi lnga// rtsa ni thig gi rang bzhin te// ka ba brgyad ni rkang brgyad do// so sen pa sU tA ra sogs// mkhas pas brtag cing shes par bya// 'di dag rang bzhin dkyil 'khor te// dper na rang byung gser dang 'dra// 'di ni bcos ma ma yin te// rang rig ye shes gzugs brnyan ni/ / gzugs brnyan dkyil 'khor sgom pa min// rdul tshon la sogs bri ba min// spos la sogs pas mchod pa min// rdo shing lha la phyag mi bya/
- 33b
rang bzhin gnas pa'i sangs rgyas la// rang bzhin mchod pas rtag tu mchod// sku ni dgun dus rang bzhin te// 'byung ba'i sku gsum zla ba gsum// gsung ni dpyid dus ngo bo ste// 'jug pa'i sku gsum zla ba gsum/ / thugs ni dbyar dus ngo bo ste// gnas pa sku gsum zla ba gsum// ye shes ston gyi dus yin te// sku gsung thugs ni zla ba gsum// dang po rgyu yis pa yin/ 'khor lo chags pa dmar po la// yi ge rnams ni dkar pos gnas// lam gyi sa pa rnam pa gnyis// ring ba dang ni nye ba'o// de ni 'bras bu'i sa pa yin// 'khor lo yang dag gnas pa ste/ 'khor lo de rnams lha rnams kyang // sku mdog phyag mtshan kun dang bral// rang bzhin gsal ba dri ma med// shel ltar gsal ba dri ma med// mi mthong mthong ba'i ngo bo can// zab cing phra ba'i rang bzhin can// phyi ru sku mdog phyag mtshan lha// nang gi shin tu phra ba'i gzugs// gsang ba'i bde ba lha ru nges// de las bzlog pa bzhi pa'i lha// lus las byung phyir lnga zhe 'am/ / rgyud rnams dag byed phyir na lha// chags pa'i phyir na lha yin te// rgyal po shes rab rang bzhin te// thabs dang shes rab rang bzhin gyi// chags pa chen po'i rgyud gsungs so/ / de nas sa chen po'ang cher g.yos par gyur te/ mchod pa'i sprin gyi char chen po babs par gyur to// de nas dpa' bo dang mkha' 'gro ma rnams kyang rgyud kyi don la dga' zhing mgu sde rjes
- 34a
su li rang nas mi sdang bar gyur to/ / dpal chags pa'i rgyal po'i rgyud kyi rgyal po rdzogs so// rnal 'byor ma tsan+da mA la dang / lo tsa ba slong shAkya ye shes kyis bsgyur ba'o/ / rgya gar skad du/ shI R+Sha ki nI saM ba ra tan+t+ra rA dza nA ma/ bod skad du/ dpal mkha' 'gro ma'i sdom pa'i rgyud kyi rgyal po zhes bya ba/ dpal bde ba chen po la phyag 'tshal lo// bde ba chen po'i ros gang bas// thams cad stong par gyur nas kyang // he he mgon po rdo rje 'dzin// mkha' 'gro ma ni ji ltar lags/ / de yi sdom pa ji ltar lags// dam tshig srung ba ji ltar lags// rdo rje phag mo bdag la gsungs// nyon cig rdo rje phag mo nyon// dang po dam tshig mtshan nyid kyang // rtsa ba dang ni yan lag bcas/ / rang gi lus ngag yid gsum dag/ kun nas 'khrugs te gzhan gyi yang // sgo gsum kun 'khrugs chen po ste// rang gzhan sgo gsum 'khrugs pa 'bring // nyams pa 'bring du gsungs pa yin// rang bzhin 'khrugs pa tha ma yang // nyams pa chung ngu yin par 'dod// re re la yang gsum gsum ste// nyams pa che 'bring dgu ru dbye// rang la mnar sems ma skyes kyang / / gzhan la mnar sems skyes pa yi// bdag gis g.yeng bas rkyen byas pa// de nyid nyams pa 'bring du bshad// rang la mnar sems cher skyes kyang // gzhan
- 34b
la nyes pa chung bas na/ / 'di lnga nyams pa 'bring du bshad// g.yeng ba'i rkyen gyis gang nyams kyang // 'di ni lhung ba yang bar gsungs// rang gi dam tshig bsrungs pa yi// lta spyod gang la gzhan ma mos/ / zab mo'i don la skur 'debs pa// ltung ba che 'bring yang bar bshad// rang gis ma nyes gzhan char 'khrugs// 'di ni nyams pa chung ngur bshad// re re'i dbye ba gzhan nas shes/ de nas snod kyi mtshan nyid kyang // phyi yis rang gi sgo gsum dag/ 'khrugs pa che chung rim pas dbye// rang sems 'khrugs na phyi rol pa// bsnun sogs nyams pa chen por 'gyur// g.yengs pas nyams pa 'bring chung ngu// mdor na rang bzhin dam tshig dang // bcas te bye brag dam tshig las// gnyis su med par mkhas pas gsungs// dam tshig las ni rdo rje 'chang // de nas mkha' 'gro'i mtshan nyid kyang // mkha' 'gro rtsa ru gnas pa ste// phag mo yungs kar tsam gyi tshad// gzhan ni lnga yi tshad tsam ste// gsal la rang bzhin med pa'o// ka nas g.yas bskor ka yi bar/ / mkha' 'gro drug cu bzhi ru nges// ka sogs zung rtsa mkha' 'gro ste// phyi nas rtsa re mkha' 'gro re// mkha' 'gro nas bskor mtshams kyi sar// sum cu rtsa bdun mkha' 'gro ma/ / lte ba sprul par yang dag gnas// a sogs brgyad ni mkha' 'gro brgyad// de bzhin zung rtsa mkha' 'gro bzhi// snying ka ru ni yang dag gnas// zung rtsa gsum ni mkha' 'gro re/
- 35a
gzhan rnams rtsa re mkha' 'gro re// bcu gnyis bcu bzhi mgrin par gnas// rdo rje phag mo lte bar gnas// gzhan ni spyi bor yang dag gnas// de nas sdom pa bshad bya ste/ sangs rgyas kun gyi bde chen po// bde de sdom pa yang dag bshad// gang zhig bde ba khyad par can// nges par sdom pa yin par 'dod// rdo rje phag mo ma 'da' bas// sdom pa dam tshig tu ni bshad/ / mi phyed pas ni phyag rgyar gsungs// rdo rje phag mos yang zhus pa// dam tshig nyams pa'i rgyu gang lags// rkyen ni gang lags dus gang lags// tshad ni gang lags/ srung dus gang // lus ngag dam tshig ji ltar dbye// dang por nyams pa'i rgyu nyid kyang // mi shes pa dang bag med dang // nyon mongs ldan dang mgus dang // brjed ngas dran pa mi gsal ba// 'di drug dam tshig nyams pa'i rgyu// bla ma ma bsten grogs ngan 'grogs// mdor na sgo gsum yengs pa'i yul// de dag nyams pa'i rkyen du gsungs// gdon gyis bar chod chang gis myos// log lnga skyes dang khengs grags 'dod// nyon mongs zil non bla mas skyo// 'dod chags chen po skyes pa dag/ dam tshig nyams pa'i dus yin te// spyir ni rtsod ldan dus su gsungs// gdon / sogs gzhan gyis byin brlabs tshe// bsrung ba'i 'du shes sngon song na// chen po rdzogs kyang chung ngur gsungs// 'du shes sngon du ma song na// bag med nyams pa so na gnas// gdon
- 35b
sogs rang gis ma mthong na/ / de yang nyams pa chung ngur gsungs// 'khor bas skyo dang rnam smin dran// bla ma dran dang 'dod pa skyes// bar chod bral ba bshags pa'i dus// sbyor ba dngos gzhi mjug dang gsum/ / gang rdzogs tshad ni mthar phyin te// tshe 'bring dbye bas shes par bya// sbyor ba lhung ba chung ngu ste// dngos gzhi ltung ba 'bring du 'byung // 'jug rdzogs lhung ba chen por nges/ / rgyun dang phyag rgya phyag mtshan dag/ 'chang ba bsten pa'i dam tshig yin// sha lnga bdud rtsi lnga rnams ni// bza' bar bya ba'i dam tshig go// sems can dpa' bo mkha' 'gro la/ / longs spyod mchod pa gang byed pa// blta bar bya ba'i dam tshig go// rang gzhan sgyu mar gang shes pa// shes par bya ba'i dam tshig go// sgo gsum sku gsung thugs su bsam// bsrung bar bya ba'i dam tshig go// nyon mongs dug drug gzung 'dzin kun// rang rig skye ba med par bsgral// bsgral ba'i dam tshig chen po yin// dam tshig don du dam tshig dag/ dus drug dus gnyis lo bar du/ / brtul zhugs can gyis dam tshig bsrung // dngos grub don du rtag tu bsrung // skad cig tsam yang gnang ba med// rang gi lus kyi nyes pa las// gzhan gyi lus kyi nyes 'byung ba// 'di ni sku yi nyes par bshad// rang gi lus kyi nyes pa las// gzhan gyi ngag gi nyes 'byung ba// bdag gi sku yi nyams pa ste// gzhan la gsu
- 36a
gI nyams par 'gyur/ / gzhan yang mkhas pas shes par bya// rang la rtsu ba'i nyes pa las// gzhan la yan lag nyes 'byung dang // legs pa las ni nyes 'byung sogs/ / bla ma'i zhal nas shes bya ste// 'bad de dam tshig bsrung bar bya// dam tshig de yi don rnams la// 'khor rnams 'jigs shing skrag gyur te// rdo rje phag mos yang zhus pa/ / dam tshig 'di yi don rnams ni// zab cing rgya che rtogs par dka'// mgon po khyod kyis bzhes par zhu// bcom ldan 'das kyis bka' stsal pa// bdud rtsi khar zos slar la dor ba med/ / ngan skyugs phyir don slar la za ba med// rang rig byang chub bdud rtsi'i re tshor na// log rtog 'khrul pa'i rgyu 'bras ga la tshol// de bas dam tshig kho na gtso bor gyis// de'i tshe 'khor 'dus pa thams cad kyang rgyud kyi don la rjes su yi rang bar gyur to// mkha' 'gro ma'i sdom pa'i rgyud kyi rgyal po rdzogs so// / rgya gar gyi mkhan po ga ya d+ha ra dang / lo tsa ba dge slong shAkya ye shes kyis bsgyur ba'o// / rgya gar skad du/ shrI ag+ne ma le tan+ta rA dza/ bod skad du/ dpal me'i 'phreng ba'i rgyud kyi rgyal po/ dpal rdo rje sems dpa' la phyag 'tshal lo// ha ha hi hi he he kye// bdag ni khyod la zhu ba mchis// shrI ni gang lags he gang lags// ru ni gang lags
- 36b
ka gang lags/ / dbang bzhi'i he ru ka gang lags// bcom ldan 'das kyis bka' stsal pa// shrI ni gnyis med ye shes te// he ni rgyu sogs rnam par spangs// ru ni tshogs dang bral ba nyid/ / ka ni gang du mi gnas so// de lta'i dpal ldan he ru ka/ rtag tu lus dang sems la gnas// de nyid la yang rnam pa bzhi// dbang bzhi'i grangs kyi nges pa ste// dang por bum dbang he ru ka/ sku dang phyag mtshan snang ba'i tshe// rang sems las su rung ba ste// de tshe 'jig rten tha mal pa'i// rgyu drug rkyen bzhi 'bras bu bzhi// spangs pa'i phyir na he zhes brjod// las dang nyon mongs tshogs dang bral// de yi phyir na ru zhes brjod// 'jig rten tha mal rnam rtog gi/ gzung 'dzin gang yang mi gnas pa'i// phyir na ka zhes gsungs pa'o// thabs dang shes rab zung 'jug pas/ / gzung 'dzin gnyis 'gags gnyis su med// de yi phyir na shrI ru brjod// bskyed pa'i rim pa he ru ka/ phag mo la sogs tshogs dang ldan// zag med rgyu rkyen kun dang ldan/ / thabs dang shes rab gnyis kyi tshul// de nas gsang dbang he ru ka/ nyi zla mtshan ma yig 'bru'i tshogs// bskyed rim rgyu rkyen kun spangs te// rlung sogs las su rung bas na/ / de yi phyir na he zhes brjod// phyi yi sbyin sreg gtor ma dang // mchod pa dkyil 'khor la sogs pa'i// tshogs dang bral ba'i phyir na ru// bskyed pa'i rdo rje
- 37a
phag mo dang / / dmigs dang lta spyod gang la yang // mi gnas phyir na ka zhes brjod// bskyed pa'i gzung 'dzin gnyis med ma'o// phyir na shrI zhes gsungs pa ste// rgyu rnams lam la sogs dang ldan// rlung sogs thabs dang shes rab tshul// rlung sogs sgyu ma'i ngo bor gnas// rtsa rlung rang bzhin gnas la sogs// nang gi rgyu dang rkyen sogs ldan nang gi dpal ldan he ru ka/ de nas shes rab he ru ka/ rlung sogs rang bzhin gnas pa yi// rgyu spangs phyir na he zhes brjod// rlung sogs lam la brten pa yi// tshogs dang bral phyir ru zhes brjod/ / rlung dang rtsa dang thig le dang // tsaN+Da li yi kha dog dang // dbyibs la mi gnas phyir na ka/ sems nyid bde bar gnas pa yis// nang gi thabs dang shes rab med// de yi phyir na shrI ru gsungs// mig ser nad kyis btab pa lhur// rang sems bde bar gnas pas so// sems nyid bde bar gnas pa dang // bde ba la brten tshogs dang ldan// lhan cig skyes pa'i rgyu rkyen ldan// sems dang bde ba tha dad med// sems dang bde bar gang gnas pa// mchog dang chad pa'i dbus gnas pa// gsang ba'i dpal ldan he ru ka de nas bzhi pa'i he ru ka/ rang rig stong par gnas pa'i tshe// lhan cig skyes pa'i rgyu rkyen bral// de yi phyir na he zhes brjod// pha rol phyin drug bde ba'i lam// thams cad stong
- 37b
par ro gcig pas/ / tshogs gnyis bral phyir ru zhes brjod// bde ba tsam la mi gnas phyir// ka zhes nges par brjod pa yin// sems nyid rang rig stong par gnas// stobs sogs phun sum tshogs pas na/ / rang bzhin lhan cig skyes pa dang // gzugs sku'i rgyu rkyen la sogs ldan// shrI zhes bya bar mngon par brjod// dbyings dang ye shes gnyis su med/ dngos po ro mnyam mtha' yas pa'i// sems kyi de nyid la gnas pa'o// bezhi pa'i dpal ldan he ru ka/ bdud rnams kun la mtho 'tsham zhing // lhan cig skyes pa'i dur khrod rol/ mi gnas gsal ba'i rang bzhin med// me long bzhin 'dra chu zla bzhin// mkhas pas 'bad de 'khrul pa spang // de ltar don ni ma rtogs par// kha cig sku mdog phyag mtshan la/ heng ka yi rnam par rtog/ kha cig gzugs brnyan rnam par rtog/ kha cig rang gi ngo bor 'dod// de bzhin rtswa dang rlung 'dod sogs// de bzhin rang rig he ru ka/ bla ma ma bsten brtson 'grus med/ / rigs dang rigs pa'i nga rgyal can// khe dang grags pa rnyed la dga'// rgyu des log rtog sna tshogs bskyed// de bas he ru kar grags pa// dngos grub 'dod pa'i rnal 'byor pas/ / ngang dang gus bcas pha rol phyin// rdzogs byas bla ma dam pa las// man ngag yang dag blang bar bya// ma mo'i tshogs kyis yang zhus pa// he ru ka dpal de ltar na/
- 38a
rdo rje phag mo ji ltar lags// bcom ldan 'das kyis bka' stsal pa// rdo rje gsum ste lag mo gnyis// don gyi rdo rje de nas brtags// tha ma rdzas kyi rdo rje ste// don gyi rdo rje bzhi pa ste/ / gzung 'dzin rnam par rtog pa yis// mi phyed phyir na rdo rje ste// dbang bzhis rdo rje re re'o// rtags kyi rdo rje gsum yin te// rtse gsum rtse lnga rtse dgu ste// rtse gsum sku gsung thugs kyi rtags/ / rtse lnga ye shes lnga yin te// khams gsum sa dgu 'joms pa yi// rtags su rdo rje rtse dgu'o// rdzas kyi rdo rje bzhi yin te// mi shes dri ma ches gos pa'i// dud 'gror skyes pa'i phag mo dang // shes rab char phyung phag mo ste// de nyid rnam pa bzhi ru nges// bum dbang zhe sdang gti mug phag/ gsang dbang rlung gi gti mug phag/ gsum pa chags dga' gti mug phag/ bzhi pa chos dbyings gti mug phag/ 'di nyid khyod la legs par gtad// thams cad rjes su yi rang ngo // dpal me'i 'phreng ba'i rgyud kyi rgyal po dpal he ru ka'i nges pa 'byung ba rdzogs so/ / / bla ma g+ha ya d+ha ra dang / dge slong shAkya ye shes kyis bsgyur ba'o// / rgya gar skad du shrI badz+ra DA ka~M gu h+ya tan+t+ra rA / bod skad du/ dpal rdo rje mkha' 'gro gsang ba'i rgyud kyi rgyal po/ dpal he ru ka la phyag 'tshal lo// kye ho mngon rdzogs rgyal po kye// dbang rnams dam
- 38b
par yang ngam ci/ / gtso 'khor khyad par med ngam ci// sems can dang ni sangs rgyas la// bye brag tha dad med dam ci// dam tshig che chung med dam ci// de nyams bshags thabs yod dam ci// bcom ldan 'das kyis bka' stsal pa// rnam rtog gzung 'dzin dgag pa dang // rang rig ye shes blugs pa'i phyir// dbang rnams sgyu ma tsam du yod// rnal 'byor sems kyi ngo bo ru// dbang ni nges pa kho na sde/ / lus ngas kun nas bslangs pas so// de phyir sems kyi dri ma ni// 'khrud dang 'thor dang sreg pa dang // mkhyen pa'i rten dang go 'byed pas// sa dang chu dang me dang rlung // nam mkha' lha bur gsungs pa ste/ / dang po gnyis pa gsum pa dag/ rim gyis ma bgrod dbang mi thob// bskyed pa'i rim pa la gnas shing // rdzogs pa'i rim pa 'dod rnams la// thabs 'di rdzogs pa'i sangs rgyas kyis/ / skas kyi rim pa lta bur gsungs// gang zag mchog dang las dang po// mngon par rtogs pa'i rim pa dang // mngon par rtogs pa'i yan lag go// 'di yis ngan 'gro'i srid las grol/ / dbang dang man ngag 'brel bas so// de nas bzhi pa zhal gyi dbang // sngon du 'gro dang mi 'gro med// 'dini dbang gi rgyal po ste// slob dpon sems kyi rgyal po ste// 'di ni rang rim pam pa'i dbang / 'di yis thams cad grol bar 'gyur// 'dal rtab tu byas mams kyi/ rnga shing 'gram 'bag la sogs la// gzugs panan mongs su rdzogs pa ma// ram
- 39a
tshon la sogs pa yi/ / gzugs brnyan yongs su rdzogs pa la// byin brlabs ye shes byas nas ni// lha lon zer nas mchod sogs te// bcos ma'i lha sogs ltar na/ / phung sogs ye nas sangs rgyas la// ci yi phyir na mchod mi byed// de nas gzhan yang dbye ba dag/ 'khrul pa yi ni 'khrul gzhi dag/ bcos pa nye bar bcos ma dang // 'dra ba dang ni/ bu'o// dbang bzhis grol bar mi 'gyur te// log pa'i srid pas srid par 'ching // 'khrul pas 'khor los 'khor bar bskor// de bas dngos grub 'dod pas kyang // lha yi bu yi bdud spangs te/ bla ma dam pa rtag tu bsten// yid ches rig dang nges shes skye// lung gi tshad ma yin pa dang // 'og ma spong zhing gong ma thob// man ngag tshad ma yin par blang // mos pa'i rjes su 'brang byed cing / / che ba'i nga rgyal la gnas shing // 'jig rten lha spyod 'dren pa yi// snod bzung blang bar mi bya'o// de nas gtso 'khor bye brag kyang // gnas kyi khyad par dbus su ste// rgyan gyi khyad par thal ba ste/ / rigs kyi khyad par drug pa'i rigs// phyag dang zhal sogs khyad par gyis// gtse 'khor la sogs khyad par 'phags// dper na pha rol phyin drug las// shes rab pha rol phyin med na/ / pha rol phyin pa'i ming mi 'thob// dkyil 'khor dbus su gang gnas pa'i// de nyid kyis ni dkyil 'khor te// gang zhig dbus su mi gnas na// 'khor rnams dkyil du mi 'gyur te/
- 39b
dper ra rgyal po med pa'i grong // grong dang grong khyer ji bzhin no// de bzhin dam tshig bye brag kyang // rtsa ba'i dam tshig nyams gyur na// yan lag dam tshig de dang 'dra// thugs kyi dam tshig nyams gyur na/ / sku gsung dam tshig de dang 'dra// srog gcod dam tshig nyams gyur na// brdzun dang ma byin len pa dang // 'dod chags dam tshig de dang 'dra// lta ba'i dam tshig nyams gyur na// spyod pa'i dam tshig de dang 'dra/ / tshul 'chos mi shes song ba tsam// dam tshig nyams pa de dang 'dra// dper na 'khor lo sgyur ba'i rgyal po dang // bral ba'i rin chen bdun po de dag gis// 'khor la sbyar ba'i ming ni mi thob bzhin/ / bla ma'i zhal nas thams cad shes par bya// de nas sangs rgyas sems can yang // rdul tsam khyad par med mod kyang // rang rig gzhan rig rkyen dag kyang // rang sems las su rung ba dang // ma rung ba dang las kyi mtha'// log pa dang ni ma log pa// don byed nus dang mi nus pa// yongs su rdzogs dang ma rdzogs dang // sangs rgyas sems can gnyis su snang / / za dad par ni mi brtag ste// chu khams gser dang nam mkha' bzhin// rang bzhin gyis ni dag par 'dod// rang sems rang gis rtogs pas na// sems can gdong nas sangs rgyas so/ / rdo rje phag mos yang zhus pa// srog gcod la sogs dam tshig la// dbye ba khyod kyis bdag la gsungs// bcom ldan 'das kyis bka' stsal pa// rang gi lus ngag sems
- 40a
g.yos kyang / / gsod pa'i 'du shes ma skyes na// ches gcod rnams chung ba nges// gzhan gyis gdon par tshor rab dag/ nyams pa 'bring du gsungs pa yin de las bzlog pa chen por des/ / gang zhig ma byin chung blangs kyang // gzhan la 'on mongs cher skyes na// de 'ang nyams pa 'bring du nges// cher blangs nyon mongs chung na 'bring // chen po las ni nyon mongs cher/ / de ni chen po kho nar nges// tshul 'chos lhung ba chen po ste/ mi shes pa dang bag med dang // brjed ngas la sogs 'bring du gsungs// gzhan yang dam tshig nyams pa yi// che 'bring chung ngu'i ldang tshang dag/ rang dang gzhan dang gnyis ka yi// rgyu rkyen ngag las shes bya ste// ldang ba ngo yis zin pa dang // phyi nang rdo rje slob dpon gyi// spyan sngar dkyil 'khor chen po bzhengs/ / tshul dang mthun par bshags pa bya// dam tshig gong 'og bye brag ni/ bla ma'i dkyil 'kho ma shes par bya/ gzhan yang bshags pa'i bye brag las// sbyin sreg gis ni sdig sreg phyir/ / nang gi skyon sreg chen po bsam// zab pa'i me ni chun bzhag mo// thabs kyi rgyun bcag ma yin te// lo bdun dang na lo gcig dag/ phyi yi rgyun banag chen po'im// thab gsum dang bdun dang ni/ / 'bring du gsungs te zhag bdun sogs// rgyun bzhag me ni chung ngur gsungs// rgyas pa la sogs de bzhin te// rang bzhin gdong nas gnas pa yi// gtum mo ye shes
- 40b
me rang bzhin/ / 'di ni rgyun bzhag chen po'i me// thog mtha' med par gnas pa'i phyir// dam tshig nyams pa'i bud shing sogs// ye shes me yi bud shing yin// man ngag can gyis bsregs byas na/ / nyams pa'i shing sogs 'tshig par nges// dgang gzar la sogs de bzhin te// rgyas pa la sogs de dang 'dra// rgyud 'di gtad kyis legs par zung // thams cad dga' zhing mgu bar gyur/ / dpa' bo mkha' 'gro gsang ba'i rgyud kyi rgyal po rdzogs so// rgya gar gyi mkhan po ga ya d+ha ra dang / lo tsa ba dge slong shAkya ye shes kyis bsgyur ba'o// rgya gar skad du/ shrI badz+ra b+hai ra ba bi dA ra Na tan+t+ra rA dza/ bod skad du/ dpal rdo rje 'jigs byed rnam par 'joms pa'i rgyud kyi rgyal po dpal he ru ka la phyag 'tshal lo/ / 'di skad bdag gis thos pa dus gcig na/ bcom ldan 'das 'khor dpag tu med pa dang ri rab kyi steng du bzhugs pa'i dus su/ byang chub sems dpa' rdo rje snying pos/ bcom ldan 'das la lan gsum du bskor ba byas te/ thal mo sbyar nas 'di skad ces gsol to// thugs rje che ldan bcom ldan 'das// rdo rje gang lags 'jigs byed gang // 'joms pa gang lags chung gang lags/ / rgyal po gang lags bshad du gsol// bcom ldan 'das kyis bka' stsal pa// rdo rje rnam pa gsum yin te// nyon mongs bdud sogs 'joms par byed//
- 41a
nyon mongs dgra sogs rnam par 'joms// chu yi rlung dang 'bras bu'i rgyung// mthar thug chung ni gang yin la// rgyal po zhes ni bskrun pa yin// rdo rje snying pos yang gsol pa/ re re'i bye brag ma 'tshal bas// de yi dbye ba bshad du gsol// bcom ldan 'das kyis bka' stsal pa// rdo rje rnam pa gsum yin te// don gyi rdo rje de nas rtags// rdzas kyi rdo rje dang ni gsum/ / de nas don gyi rdo rje bshad// gzung 'dzin rtog pas mi phyed phyir// don gyi rdo rjer bshad pa'o// dbang bzhi rdo rje re re ste// rdo rje bzhi ru bshad pa yin// rtags kyi rdo rje gsum yin te/ rtse gsum rtse lnga rtse dgu pa// rtse gsum sku gsung thugs kyi rtags// rtse lnga ye shes lnga yi rtags// rtse dgu khams gsum sa dgu'i rtags// rdzas kyi rdo rje bzhi yin no// bum pa'i dbang dang 'brel ba yi/ / sku mdog phyag mtshan la sogs lha// gzung dang 'dzin pa'i rnam rtog ni// 'jig snang 'joms pas rdo rje'o// gsang ba'i dbang dang 'brel ba yi// rtsa dang rlung dang thig le la/ gzung 'dzin gnyis su gang rtogs pa// 'jig cing 'joms pas rdo rje'o// shes rab ye shes dang 'brel ba'i// lhan cig skyes dga' la sogs pa'i// gzung dang 'dzin pa gang rtogs pa// 'jig cing 'joms pas rdo rje lam// bzhi pa'i dbang dang 'brel ba mo// rang rig sems nyid stong nyid la// gzung 'dzin gnyis su gang rtog pa// 'jig cing 'joms pas rdo rje'o// de nas
- 41b
rtags kyi rdo rje ni/ / rtse gsum sku gsung thugs su bshad// 'dod chags zhe sdang gti mug gsum// 'jig cing 'joms pas rdo rje ste// rtse lnga ye shes lnga yi rtags// nga rgyal la sogs rnam pa lnga/ / 'jig cing 'joms pas rdo rje'o// de nas rdzas kyi rdo rje ni// rnam pa bzhi ru bsten pa ni// zur gsum rno la 'bigs pa dang // gru bzhi dag cing gsal bar byed// zlum pos rdzas rnams 'joms par byed/ / zur lngas 'dod sgrub sras rdo rje// rgyud kyi don ni rnam pa bzhi// rgyu dang 'bras bu gnyis ka'i rgyud// mthar thug rgyud kyi rgyal po ste// de rnams kun la dbang byed pa// log lta'i rgyud sogs spong bar byed/ / bcom ldan 'das kyis de skad ces bka' stsal pa dang / byang chub sems dpa'i 'khor dpag tu med pa rnams dga' zhing mgu nas rjes su yi rangs te/ g.yas phyogs nas lan gsum bskor ba byas te/ so so'i rdzu 'phrul gyis mi snang bar gyur to// dpal rdo rje 'jigs byed rnam par 'joms pa'i rgyud kyi rgyal po rdzogs so// // bla ma ga ya d+ha ra dang / lo tsa ba shAkya ye shes kyis bsgyur ba'o// rgya gar skad du/ shrI ma hA ba la dz+nyA na rA dza tan+t+ra rA dza/ bod skad du/ dpal stobs chen ye shes rgyal po'i rgyud kyi rgyal po/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das de kho na nyid btsun mo'i b+ha ga la 'khor
- 42a
dpa' bo rdo rje la sogs pa mkha' 'gro ma dang / ma mo'i tshogs kyis banor te bzhugs pa'i dus su/ dpa' rdo rje mkha' 'gro la sogs pas g.yon phyogs su bskor ba lan gsum byas nas phyos sa gcig tu 'khod do/ / dpa' bo rdo rjes bcom ldan 'das la spyi bos gtugs te ha ha zhes pa gsum brjod nas/ bcom ldan 'das la gsol pa/ rtsa ni gang lags rlung gang lags/ / thig le gang lags grangs ni du// de la sems gzung ji ltar lags// 'khor lo ji ltar lags pa dang // de yi grangs ni du zhig mchi// rtsa rnams rang bzhin ji ltar lags// yi ge dgod thabs ji ltar lags// de rnams dbus kyi lte bar ni// yi ge dgod pa gang dang gang // gtum mo sbar ba ji ltar lags// zla ba nyi ma ji ltar lags// gnas ni gang du gzung bar bgyi/ rkyen gnyis 'khor lo ji ltar lags// go bzlog tshul ni ji ltar lags// gsang ba'i 'khor lo bzhi gang lags// de rnams kyi ni dgongs pa dang // de la dga' sogs ji ltar 'byung // stong pa bcu drug ji ltar lags// sa yi rim pa ji ltar lags// de rnams kyi ni dgongs pa dang // dgos pa'i dgongs pa ji ltar lags// bcom ldan 'das kyis bka' stsal pa// nyon cig dpa' bo rdo rje khyod/ / khyod la bshad kyis logs par zung // rtsa rnams kyi ni rang bzhin ni// nam mkha' gnyis med thams cad skyed// der gnas rlung gi rang bzhin ni// g.yo ba rnam
- 42b
shes g.yo ba yin/ / thig le stong nyid ngo bo ste// stong nyid bsam du med pa'o// thig le grangs ni bcu drug ste// rtsa dang rlung yang de bzhin no// de nas sems gzung bstan pa ni// rtsa dang rlung ni thig le la/ / gnyis med rtse gcig sems dang po// 'khor lo'i grangs ni bzhi yin te// bde chen 'khor lo longs spyod chos// de 'og sprul pa'i 'khor lo ste// de re la yang bzhi bzhi ste/ bcu drug grangs su shes par bya// me rlung gnyis ni rkyen yin te// ro ma'i 'khor lo nyid dang ni// spyi gtsug 'khor lo dbang bskur gnas// gsang ba'i 'khor lo ba ni yin te// bde skyong 'khor lo dang po ste/ / rta mgrin longs spyod 'khor lo yin// rig pa'i 'khor lo gsum pa'o// gsang ba'i 'khor lo bzhi yin no// nyi shu rtsa bzhi grangs su bstan// rtsa rnams rang bzhin nga yis bshad/ / rtsa ni sa yi rang bzhin te// rlung dang thig le'i rang bzhin no// de nas yi ge dgod pa ni// bde chen 'khor lo sum cu gnyis// gsal byed sum cu rtsa gnyis ni// g.yas nas bskor te dgod par bya// longs spyod 'khor lo'i rtsibs bcu drug/ dbyangs yig bcu drug g.yon nas dgod// chos kyi 'khor lo 'dab ma brgyad// yum bzhi'i sa bon g.yon nas bskor/ / thabs ni mtshams te g.yas nas bskor// sprul pa'i 'khor lo'o 'dab ma ni// drug cu rtsa bzhi gang yin la// gsal byed g.yas skor dgod par bya// dbyangs yig
- 43a
gnyis ldan g.yon nas bskod/ khang rten 'tshar mo'i lte dbus su// rkan dkar po 'byur ba smras pasam// longs spyod 'khor lo'i ste dbus su// oM na dka na ltas bsam/ / chos kyi 'khor lo'i lde dbus su// dz+nyA ni sngon po 'thur bltas bsam// sprul pa'i 'khor lo'i lte dbus su// A ni dmar po byin bltas bsam// rkyen ni 'khor lo gnyis yin te/ / dang po'i gnas su yi ge yaM// gtum mo 'bar ba'i yaM yid te// nag po yongs su gyur pa las// rlung 'khor mdog gnag gzhu yi dbyibs// dbus su d+ha lnga dgod byas nas/ / ba dan lnga ni mdzes pa'o// gru gsum gnas su yi ge raM// me yi 'khor lo gru gsum dmar// dbus su oM AHhUM ni dgod// zur la rdo rje gsum gyis mtshan// rkyen gyi 'khor lo de ltar yin/ / rlung gis bskyod pas dam tshig mes// ye shes me ni bskul ba mkhas// 'khor lo bzhi 'am brgyad gnyis bshad// bde chen ma gtogs gnyis tsam bsregs// bde chen ta ni bsros byas nas// zhu ba'i cha med bdud rtsi ni// zla ba nu ba'i bdud rtsi yos// srog gi rtsa yi nang nas 'bab// rgyun du 'bab par gyur pa yis// 'chi med thigs pa gnyis yin te// gzung ba mdud pa'i nang du gzung // no bzlog lpags su bzlog pa ste// mthar drug ga nas su gzung ba'o// gsang ba'i 'khor lo bani pa ni// gsang ba bang skyong 'khor lolo// dz+nyAn sti nga/
- 43b
dgod byas nas// 'dab ma lnga bcu brgyad kyi grangs// gsal byed lugs bzhin dgod par bya// dbyangs yig rim gnyis dag bkod nas// tha ma bzung ste spangs pa'o// sdig pa spong phyir bde skyong ste/ / de phyir bde sbyor zhes ni bshad// rta mgrin 'khor lo'i 'ad ba bzung la// dbyangs yig lugs dang lugs min dgod// lte bar u ni dgod par bya// bde ba'i longs spyod myong ba'i phyir/ / rta mgrin 'khor lo ru ni bshad// rig pa'i 'khor lo 'dab ma lnga// lte bar haM ni dgod byas nas// 'dab ma lnga la oM hUM wus// g.yas nas rim gyis dgod par bya// bzhi pa'i don ni rig pa'i phyir/ / rig pa'i 'khor lo zhes ni bshad// gsang ba'i 'khor lo rim pa drug/ lte ba 'dab bzhi 'dab ma brgyad// bcu drug sum cu rtsa gnyis te// drug cu rtsa bzhi bshad pa yin/ / lte bar a ni dgod pa ste// e baM ma ya de rnams ni// 'dab ma bzhi la g.yon nas dgod// 'dab ma brgyad la dgod bya ba// sde brgyad kyi ni dang po brgyad// g.yon gyi rim pas dgod par bya/ / 'dab ma bcu drug gang yin la// ma mo bcu drug g.yon nas dgod// 'dab ma sum cu gnyis sogs la// dbyangs yig yi ge bcu drug ni// g.yas dang g.yon gyi rim pas dgod// 'ang ma dzum curgya bzhi 'o// g.yas nas kA la lugs pazhin dgod// a la rim gnyis g.yon rnaMs dgo// gsang pa'i dbang bsrung ba mi byor// gsang ba'i 'kho la rnaM na bshad/
- 44a
nas ro ma'i 'khor lo na// 'dab ma gnyis la lte bar bcas// ma ning ba ni yi 'dab gnyis la// lte bar de nyid 'thur la dgod// rin chen rtse mo bsam bya ba// b+h+ya ni byin la dgod par bya/ / yi ge gnyis kyi dbus su ni// byang chub sems kyi bde ba'i ro// nyams su myong bar bya ba'i phyir// nyams myong ro ma'i 'khor lor bshad// de nas dbang bskur 'khor lo ni// steng gi tshangs sgo'i 'dab ma brgyad// lte bar a ni dgod pa ste// de la khaM r+ya/ g.yon nas brtsams te phyogs bzhir dgod// hUM tra~M hri a/ g.yas nas mtshams su rim par dgod// byang chub sems kyi chu rgyun gyis/ / lus ngag yid gsum sgrib pa dag/ 'khrud pa'i phyir na dbang bskur te// de phyir dbang bskur 'khor lo bshad// de nas yang ni bshad bya ba// mdor bsdus sgom pa bshad par bya/ / gong du bstan pa gang yin pa// sgyu ma tsam du shes par bya// rang rig sems las gzhan min te// rang gi sems kyi stong pa nyid// 'od gsal ba yi rang bzhin du// ci yang mi rtog shes gyur na/ / ma bsgoms na yang sgom pa nyid// de ltar sems la legs par zung // bcom ldan 'das kyis de skad ces bka' stsal pa dang / dpa' bo rdo rje la sogs pa'i dpa' bo dang / mkha' 'gro ma dang / ma mo la sogs pa'i 'khor dpag tu med pa rjes su yi rang bar gyur te/ phyi nang gsang ba'i mchod pas mchod nas mi snang bar gyur to// dpal stobs chen ye shes
- 44b
rgyal po'i rgyud kyi rgyal po rmad du byung ba rdzogs so/ / / rgya gar gyi mkhan po ga ya d+hudUr dang / lo tsa ba dge slong shAkya ye shes kyis bsgyur ba'o// rgya gar skad du/ shrI badz+ra sid+d+hi dz+wa la saM ba ra tan+t+ra rA dza/ bod skad du/ dpal rdo rje grub pa'i dra ba'i sdom pa'i rgyud kyi rgyal po/ dpal rdo rje mkha' 'gro la phyag 'tshal lo// 'di skad bdag gis thos pa dus gcig na/ bcom ldan 'das dga' ldan gyi gnas na/ rin po che khang bzang gi nang na byang chub sems dpa' byams pa dang / dga' ba'i 'od dang / dri ma med pa'i 'od la sogs pa dpa' bo dang rnal 'byor ma'i 'khor dpag tu med pa dang / de bzhin gshegs pa thams cad kyi de kho na nyid btsun mo'i b+ha ga la bzhugs pa'i dus su/ rigs sgyu ma'i dbang du mdzad de/ thams cad kyis lha'i phyi nang gi gsang ba bla na med pa'i mchod pas mchod pa'i dus su/ byang chub sems dpa' byams pas/ bcom ldan 'das kyi zhabs la spyi bos phyag 'tshal te/ thal mo sbyar te gsol pa/ mgon po thugs rje che ldan pa// de nyid don dam gang yin pa// dpal dang rdo rje'i don dang ni// dra ba sdom pa rgyud kyi don// nges bstan sdom pa gang yin pa/ de nyid bdag la bshang du gsol// bcom ldan 'das kyis bka' stsal pa// byams pa la sogs 'khor rnams kun// rgya rol don la yangs pa'i sems// nang du bsdus la rtse gcig nyon
- 45a
dpal ldan ye shes gnyis med do/ / de nyid mchod pa'i 'os yin la// gnyis med bde bas mchod par bya// rdo rje zhes bya ye shes lnga// gzung 'dzin rtog pa ma ma byang/ phyir// rdo rje nas ni bstan pa yin// de nyid don la rtse gcig pas// chos su rdo rje 'chang chen po'i// sa ni nges par thob pa'o// dra ba zhes pa mang po'i don// kun rdzob gzhan rig tu bstan pas/ / grangs mang rgya cher bstan pa ni// nam mkha' dang mtshungs sdom pa'i don// nam mkha' dang mtshungs rang rig ni// sems kyi de nyid stong pa'o// skad cig de nyid rgyud nyid la// rgyud ces bya bar bstan pa yin/ / dpal rdo rje dra ba'i sdom pa'i rgyud las/ mtshan gyi rgyud bstan pa'i le'u ste dang po'o// // de las gzhan ni nga yis bshad// ye shes skye ba'i rgyu dang gnas/ / rkyen dang de bzhin dmigs pa'i yul// bye brag ming gi rnam grangs dang // don gyi rnam grangs gang yin dang // phan yon dang ni 'bras bu dang // don dam de nyid chos kyi dbyings de nyid 'dir ni bshad par bya/ / rgyu ni rang rig ye shes te// rgyu med rgyu yi rang bzhin can// rang rig sgyu mar byung ba ni// bde chen 'khor lo nas brtsams te// 'khor lo bzhi 'am brgyad gnyis bshad/ / de bzhin nyi shu rtsa bzhi ste// ye shes skye ba'i rten yin la// gnas ni de dang mnyam pa'i rtsa// grogs ni ye shes rlung yin te// ye shes rlung gi bzhon pa la// zhon nas
- 45b
de nyid 'byung ba yin/ / grangs ni snga ma ltar du shes// ngo bo thig le nyid yin te// thig le mdud pa'i grangs su shes// de yi phan yon gang yin pa// gzung 'dzin rnam par rtog pa yis// phyir ci log tu brtags pa yis// rnam par rtog pa spong ba yin// 'bras bu rdo rje 'chang chen po'i// sa ni nges par thob pa'o// dpal rdo rje dra ba'i sdom pa'i rgyud las/ ye shes kyi rgyu dang gnas la sogs pa bstan pa'i le'u ste gnyis pa'o/ / // de nas gzhan yang bshad bya ba// 'khor lo rnams kyi dbye ba ni// bde chen 'khor lo'i 'dab ma ni// sum cu rtsa gnyis grangs yin no/ / de nas longs spyod 'khor lo ni// 'dab ma bcu drug dag tu bstan// chos kyi 'khor lo 'dab ma brgyad// sprul pa'i 'khor lo'i 'dab ma ni// drug cu rtsa bzhi ngag yin no/ / bde chen 'khor lo sor bzhi ste// longs spyod 'khor lo sor bcu drug/ chos kyi 'khor lo sor bcu gnyis// sprul pa'i 'khor lo sor bcu drug/ bde chen 'khor lo'i lte ba ru/ haM ni dkar po 'thur bltas bsam// longs spyod 'khor lo'i lte dbus su// oM ni dmar po gyen bltas bsam// chos kyi 'khor lo'i lce dbus su// hUM ni sngon po 'thur bltas bsam/ / sprul pa'i 'khor lo'i lte dbus su// A ni dmar po gyen bltas bsam// dang po'i 'khor lo'i 'dab ma la// dbyangs kyi yi ge bcu drug ni// lugs 'byung lugs min dgod
- 46a
par bya/ / longs spyod 'khor ba'i 'dabs la// dbyangs yig bcu drug rim bzhin dgod/ chos kyi 'khor mo'i 'dab ma la// mAnA pa ta/ yi ge 'di rnams ga nas dgod/ / oM traM hriHa/ mtshams nas g.yas su dgod par bya// sprul pa'i 'dab ma bzhi rtsibs la// gsal byed yi gsum cu gnyis// lugs 'byung lugs las bzlog tshul dgod/ / sku gsung thugs kyi rtsa gsum ni// dbus nas drang por gnas pa ste// hUM ni dkar po 'thur bltas pa// mar gyi rtsel thug par dgod// g.yas na thabs kyi rtsa gnas te/ kA li sum cu rtsa gnyis ni// thabs la lan gsum bskor byas nas// lugs 'byung 'og tu kha bltas dgod// g.yon na shes rab rtsa gnas la// ma mo dbyangs yig bcu drug ni/ gyen la bltas pa dgod par bya// sgal tshigs la gnas srog la brten// rtsa gsum 'dus pa'i gnas der ni// rin chen dang 'dra mdud pa ni// dgu par gnas pa bya gdong tshul// chos kyi dbyings kyi dbang phyug ma// bde ba reg ster ma ni bzhugs// gzhan yang rkyen gyi 'khor lo gnyis// glu gsum gnas su yi ge raM// de ni yongs su gyur pa las/ me yi 'khor lo gru gsum pa/ / tshad ni sor gsum nyid yin te// lte bar raM ni dmar po bsam// 'dab ma gsum la oM AHhUM// gru gsum zur la dgod bya ba// rdo rje rtse gsum bsam par bya//
- 46b
rlung gi gnas su yi ge yaM// de nyid yongs su gyur pa las// mdog gnag gzhu yi dbyibs 'dra la// tshad ni sor bzhi nyid yin no// dbus su 'dab ma lnga yin te// lte bar yang ni nag po bsam/ / 'dab ma lnga la dA lnga dgod// ba dan lnga yis mtshan pa'o// rlung gi dam tshig me sbar bas// dam tshig me yis gtum mo bskul// ye shes mes ni gtum mo bskul// 'khor lo gsum bsregs rnying pa tsam// yi ge haM ni bsros pa yis// haM bzhu bdud rtsi'i char yang bab// lte ba'i gnas su thig ler gyur// rgyun du 'bar bar gyur pa yis// rin chen dbyibs 'dra'i nang sleb nas/ / rang bzhin dga' ba nyams myong bas// rang gi sems kyi snying po'i ro// bzhi pa'i dpal ldan he ru ka/ de nyid rtogs par gyur pa yis// chos sku rdo rje 'chang chen po'i/ / sa ni nges par thob pa'o// dpal rdo rje grub pa dra ba'i sdom pa'i rgyud las/ 'khor lo bzhi bstan pa'i le'u ste gsum pa'o// de nas gzhan yang bshad bya ba/ yid bzhin nor bu dang mtshungs pa'i// nges don du ni nga yis gsungs// de yi don la khyed rnams kyis// rtse gcig sems kyis yid la zung // bcom ldan 'das kyis de skad ces bka' stsal pa dang / byams pa dang / dga' ba'i 'od dang / dri ma med pa'i 'od la sogs pa dpa' bo dang rnal 'byor ma'i 'khor dpag tu med pa thamatshing mgu nas
- 47a
rjes su yi rang nas lha'i mchod pa rnam pa du mas mchod pa ni nam mkha' la rin po che'i char dang / sgeg pa dang / dgod pa dang / dga' ba'i mchod pa'i rnam pa dang / @ hi la sogs pa'i mchod pa dang / gzhan yang lha'i me tog dang / spos dang / mar me dang / dri dang / zhal zas kyi mchod pa ro brgya pa dang / gtum pa'i mchod pas mchod de/ gzhan yang nang dang / gsang ba dang / gsang ba'i gsang ba bla na med pa'i mchod pa chen po rmad du byung bas mchod nas lan gsum bskor ba byas te/ so so'i rdzu 'phrul gyis mi snang bar gyur to// dpal de rje grub pa dra ba'i sdom pa'i rgyud kyi rgyal po rdzogs so/ / rgya gar gyi mkhan po ga ya d+ha ra dang / lo tsa ba dge slong shAkya ye shes kyis bsgyur cing zhus pa'o// rgya gar skad du/ sarba ta thA ga ta tsit+ta gar+b+ha ar+tha tan+t+ra/ bod skad du/ de bzhin gshegs pa thams cad kyi thugs kyi snying po don gyi rgyud/ dpal rdo rje sems dpa' la phyag 'tshal lo/ / 'jam dpal gzhon nur gyur pa la phyag 'tshal lo// de bzhin gshegs pa thams cad kyi// sku gsung thugs kyi rdo rje bdag/ snying po mchog ni bzhugs pa'i sku// rdo rje sems dpa' la gzigs te/ / sangs rgyas rnams kyi ye shes sku// sna tshogs gzugs can sems 'di ni// mtha' dang bral ba yin mod kyi// srid dang 'khor bar rab tu grags// de nas
- 47b
rdo rje sems dpa' yis/ / bcom ldan 'das la 'di skad gsol// kye ho rang byung bcom ldan 'das// nam mkha'i bdag po sna tshogs lus// gsung gi mnga' bdag rig sngags rgyal// skye med dbyings nas snang byed 'khrungs/ / 'gro drug 'dren pa khyod kyi gsung // nyid kyi zhal nas thig pa shor// ke ke ru dang margad dang // spug dang rdo yi snying po dang // rin chen kha dog sna lnga pas/ ye shes gzhal yas kha dog spras// nyid las mi gzhan 'jigs byed dang // rgyal sras dad pa gtam nyan dang // 'gro ba 'dul ba'i 'khor rnams so// de nas bcom ldan shAka thub kyi// gsung gi dgongs pa mkhyen nas ni// sangs rgyas rnams kyi ye shes kyi// rang byung ye shes bsdu ba mdzad// de bzhin gshegs kyis 'di skad du// ched du brjod pa rnam par mdzad// gang zhig rtsol med bde chen don/ / lhan cig skyes pa ma mthong na// sgrub dang rtsol ba ci spyad kyang // byis pa don med ga chad du// rdzas bzung ba ni 'ching ba nyid// rten 'brel sgom pa gnyis pa'o// don med nyams myong 'dod pa yang / / 'ching ba'i rgyu ste gsum pa'o// kha cig oM ri'i thal bas byugs// dbang phyug nam mkha'i rdzas rnams sdud// 'ching ba'i rgyu ste bzhi pa'o// gleng gzhi'i le'u ste dang po'o/ mtha' dang bral ba'i rang bzhim la/ gzung 'dzin nad kyimatshal 'ching // gdod nas dag pa'i rnam mkha' la// bag chags mtshan mas cis
- 48a
'ching / / skye 'gag med pa'i chos nyid la// rgyu 'bras nad kyis ci la 'ching // bsam dang bral ba'i ye shes la// rdog dpyod nad kyis cil 'ching // e ma'o rnam dngag sems nyid klong / / lhan cig skyes pa bde ba'i mchog/ 'od gsal sna tshogs dus na bde// rnam dag 'khor lo bde ba la// bsnun pa'i blo gros log pa yis// srid rgyu nges pa'iH bar 'khyams/ / gzhan yang ston pas 'di skad gsungs// zhen chags can gyi gdul bya la// bde ba chen po bcos ma sbyin// khong khro can gyi gdul bya la// g.yo ba rlung gi bcos ma sbyin/ / 'dod pa chu bzhin gdungs pa la// bkri drang rang rgyud bcos ma sbyin// kun tu rmongs pa'i yid can la// stong pa snying rje bcos ma sbyin// ston pas de skad bka' stsal pas// 'khor rnams bsdu ba rnam mdzad de/ / de bzhin gshegs la 'di skad gsol// ye nas rnam par dag pas na// khams gsum 'khor ba ji ltar lags// glo bur ba gcig legs 'gyur na// thog mtha' yod par mi 'gyur ram// yang na rdo rje sems sogs pa// dmyal bar 'tshed par mi 'gyur ram// 'khor ba bde ba grub pa na// sbyang btub bam ni ci zhig gu// de skad gsol nas mi snang gyur/ / de bzhin gshegs pas bka' stsal pa// nga la nyan pa khyed legs so// rtse gcig yid kyis dang bar byos// ma nges kha dog 'ja' tshon las// rigs kyi khyad par tha dad
- 48b
snang / / ldan la lha mi gcig pa'o// ma bsdus gcig tu rdzogs pa'o// smra ba'i seng ge 'jigs pa med// bka' yi dgongs pa shin tu zab// margad blo yi mching bu len// sna tshogs kha dog rigs su bsgyur/ / dper na swa sti ka bzhin no// ka ran ta yi skye bzhin no// brtags shing brtags shing skye bar 'gyur// sangs rgyas rnams kyi ye shes sku// khyab bdag nam mkha'i sna tshogs gzugs/ / deng bdag sems dpa'i lus su 'gyur// 'gro ba'i mgon pos de skad du// bshad nas 'khor rnams dengs gyur te// phyogs gcig tu ni 'khor gyur na// bcom ldan 'das la 'di skad gsol/ / lta ba'i rang bzhin ji lta bu// ma bcos ngo bo ji lta bu// ye shes spyod pa ji lta bu// bcom ldan 'das kyis bka' stsal pa// legs so 'dus pa'i tshogs chen pos/ / rnam pa drug gi mtshan nyid de// khyad par bdun dang mtshon pa'i dpe// bcu bzhi rnam pa ci rigs su// bcu gsum ma nor zhes su bshad// lhan cig skyes pa khyab gnas pa/ mngon sum dbang gi ngo bor shar// sbyin pas bzlog nas bltas pa yis// nam mkha' las 'bab bde skyong nas// 'thur du 'khor lo drug rims su// a ta rak+ta bde ba len// ye shes zer zhing sdug bsngal skye// rmongs pas mya ngan sdig pas 'dzin// de mi spong ba'i 'ching bar 'gyur// si d+ha'i tshul du dge slong gnyis// dbang rdzogs zer zhing bde ba spyod/
- 49a
'chi 'phos nas ni dmyal bar song // rgyal po'i khab na btsun mo can// chom du sdud cing rig pa yis// ye shes gzhan la 'chad cing ston// 'chi 'phos drung khrod sa ga yi/ / smad 'tshong ma yi srin bur skyes// 'jig rten khams gzhan sems dmyal du// shin tu 'tshed cing 'bod par 'gyur// brig sha'i drung na a ko ta// bka' yi bsgo ba rnam par byed/ / kha sbyor ba ni ye shes zhes// bzhin bzang ma la legs par dgod// tshe 'phos nas ni ngu 'bod skyes// 'chad pa'i skyes bu de phyir nges// khyod kyis 'dri ba bstan par bya/ / sems kyi rang bzhin ma bcos pa// mi rtog lta ba mi dmigs shes// mi g.yo ngo bo mi 'da' 'am// de skad gsungs nas mi snang gyur// 'dri ba'i rtog pa dang po chod/ / 'chad pa'i skyes bus yang gsol pa// 'gro ba'i bla ma gnyen gcig pu// dam phog pa ni ji ltar lags// dbang gi rang bzhin ji ltar lags// rtog pa gnyis pa dris pa las/ / lta ba'i le'u ste gnyis pa'o// // lhan cig skyes pa'i bde ba yi// gang la ming de skad bya yi// ting nge 'dzin la snyoms par zhugs// mtshon pa'i dpe ni 'di skad gsungs/ / nag po brtsegs pa pad pa ti// gri ta dang ni kang ka dang // phag dang glang po gzhon nu ma// zla ba chu she glang seng dang // o da chu bo gsum 'dres dang //
- 49b
gser dang nam mkha' ri bo ma// gsum pa bcu ba nir shes par bya// de bzhin nyid ldan dam pa ste// de las gang zhig 'da' byed pa// dmyal bar yang dag 'tsheng par bshad// e ma'i/ rang rig skal chen po// nam mkha'i sprin la 'byung bar byed// byis pa rang bzhin mi shes pas// bcos med rang bzhin spro bsdu byed// rnam dag 'od gsal sgrib pa med// ye shes rgya mtshor zhugs rmongs pas/ / kun tu 'ching ba'i mdud pa nyid// kun tu 'ching ba rgyun mi 'chad// lhan cig skyes pa'i mda' 'phangs kyang // bsnun pa'i blo gros log pa yis// gcig dang du mas sems bslad pas// rmongs pa nga rgyal spel bar byed// rlung gi rgyu ba dril pa'i lha// yig 'bru kha dog go bar byed// yid dang rlung ni rgyu ba na// snang ba 'gags pa ye shes so/ / de nyid log pas 'ching ba'i rgyu// tshangs pa yi ni tsiN+Da li// sbar bas lha nyid 'od du zhu// ka sogs g.yas dang g.yon du a// yig mgo tshig dang gsos pa dang // stong phrag bdun cu'i rtsa lam nas// bab pa bde ba skyed par byed// don dam pa'o zhes su smra// rmongs pa bsdams pas mdud pa grol// zag pa skyes pas 'ching bar 'gyur// lhan cig skyes pas rigs pa yis/ / ci rigs pa ru gzhan la ston// grol bar 'gyur zhes nga mi smra// e ma'o blo ni gnyis su snang // ji ltar spyad kyang grol mi 'gyur// dbang gi le'u ste
- 50a
gsum pa'o/ / gang la ming de skud bya ba'i// ting nge 'dzin la snyoms par zhugs// de nas rdo rje sems dpa' yis// rtog pa gsum la gcad pa'i phyir/ / stan las langs te 'di skad gsol// nam mkha'i bdag po sna tshogs lus// bsgom pa'i rang bzhin ji ltar lags// phyag 'tshal rdo rje dpa' khyod la// phyag 'tshal rdo rje rang byung sems/ / phyag rnams dag pa 'od gsal dbyings// phyag 'tshal 'dud cing phyag 'tshal 'dud// 'gro ba'i bla ma ye shes gzugs// gsung gi thigs pa lhan cig skyes// rnam dag rang rig dbyings la 'dud// bcom ldan 'das kyis bka' stsal pa// kye ma sems dpa' rdo rje nyon// mngon du gyur pa sgom pa'i mchog/ sna tshogs 'bar ba ye shes drod// ci yang mthong la med rtogs na// ma mthong gnas na mthong ba ru// mthong na 'gag cing bltas na skye// shes rab ye shes 'ong po che// ci dgar bzhag na bde ba 'gog/ ye shes rgya mtsho ye gsal la/ / sangs rgyas sgom par mi mdzad do// de la gnyen po yod dam ci// rigs pas ston pa 'ching ba'i nad// 'das dang ma byon da ltar gyi// bde ba de ni ston mdzad dam// rdo rje sems dpa' khyod nyid kyis/ / bstan par nus sam 'on te ci// bsnyad du med pas brjod dang bral// bsgrub tu med pas dpe dang bral// mtshon du med pas tshig la ma chad// lhan cig/
- 50b
skyes pas bsgrub tu med// mngon du gyur pas bsgom du med// dpyad du med pas bcos dang bral// ma yengs blo yis rtogs pa'o// bsgom pa'i le'u 'di bshad pa'i tshe// 'chad pa'i skyes bu nyid kyang ni/ / brgyal nas sa la 'gyel gyur te// lha min rig sngags 'chang ba rnams// so sor byer te rengs par gyur// lha yi bu mo stong phrag ni// chos la rdul mig rnam par dag/ byang chub sems dpa' nyi khri yang // de ma thag tu mngon sangs rgyas// 'jig rten khams ni drug g.yos pas// 'ur 'ur po dang chem chem gyis// khams gsum po ni 'dar bar byed// de yi mod la sems rdzogs pa// ngo mtshar skyes nas 'di skad gsol// e ma'o sangs rgyas kun gyi rje// rdzogs sangs rgyas pa bde ba'i mchog/ skal ldan 'dul byed gnyen gcig pu// 'gro ba'i mar me ye shes sbron/ / khyod kyi thugs kyi ye shes kyis// ma rig sgo nga'i ling thog bsal// rnam dag ye shes khyod la 'dud// dga' mgu rangs nas gsol pa dang // thams cad 'dud cing 'khod par byed/ / sgom pa'i le'u ste bzhi pa'o// de skad bcom ldan shAkya thub// rdo rje sems dpa' la gzigs te// bka' yi bsgo ba 'di skad mdzad/ legs so 'dus pa'i tshogs chen rnams// yang dag ye shes la zhugs pas// rnam rtog 'ching ba'i nang dang bral// mtha' dang bral ba'i rang bzhin la// bzlog pas bltas pa tha dad
- 51a
'dzin/ / gnyug ma'i rang bzhin lhan cig skyes// de yang bcings pas ci la mthong // gang gis de nyid mngon gyur pa// de la sdig pas ci la 'dzin// dus gsu 'jig rten khams bzhugs pa/ / de la byin gyis rlob par mdzad// de la gal te gzugs yod na// dpag gam gzhal du btub bam ci// lha dang lha min gsang ba pa// de la ci rigs skyob par byed/ / gnod sbyin mthu chen thob pa yang // srung ba rgyun du byed par 'gyur// grul bum srin po gdon rnams kyis// de yi bsam pa yongs su sgrub// nad dang shu ba 'bras dang rims/ / de yi lus la 'byung mi 'gyur// bskal par bsags pa'i sgrib pa yang // skad cig ma yis 'byung bar 'gyur// rgyun du zhugs dang lan cig 'ong // phyir mi ldog pa'i sems dpa' yis/ / de yi gzi brjid 'phel bar byed// de bas sems dpa' chen po nyon// khyab pa'i 'khor lo bde ba'i mchog/ de nyid pha rol phyin drug ldan// yi ge med dang rig pa'i gsung / / dam pa'i don la 'jal bar nus// don gyis chos nyid 'jal bar ston// bla ma'i zhal nas dris na skye// rtogs na rnal 'byor skyes bu de// nam mkha'i rdul phran ston par 'gyur/ ma rabs sgyu ma'i tshig la 'dzin// lhan cig skyes pa mthong ngam ci// gal te mthong na brtag par 'gyur// brtags na yengs te 'khyam par 'gyur// gnyis kyis blo la/
- 51b
mya ngan snang // kha dog gcig tu bsgyur ba yi// bde ba chen po'i 'khor lo mchog/ rnal ma la gnas 'ching 'grol 'gyur// gang zhig bla ma'i drin shes dag/ skye ba med pa nyid du ston// bla ma'i bka' drin mi shes pa// de yis lhan skyes ci la mthong // lhan cig skyes pa de yis bcings// de la 'gro ba skye zhing 'ching // tha dad gzengs pas nang du gyur// dus dang gnas su/ bgrangs pas ldog/ bdag dang gzhan du bltas pas ldog/ 'di dang phyi mar bsnyad pas gol// skye med lhan skyes bcos pas 'ching // de skad bcom ldan 'das kyis bshad// 'chang pa'i skyes bus 'di skad bstod/ / e ma'o rnam dag ye shes sku// khyab bdag gsung gi lde mig sgo// ma rig sgrib pa dral ba'o// bde bar gshegs pa ye shes sku// e ma'o rnal 'byor thugs kyi bcud/ / 'gro ba sdug bsngal gzir las bsgral/ a skyes lhan cig 'gag med cing // byang chub sems la phyag 'tshal bstod// phan yon gyi le'u ste lnga pa'o// / de bzhin gshegs pa thams cad kyi thugs kyi snying po'i don gyi rgyud rdzogs so// / rje btsun gu ru'i zhal snga nas dang / lo tsa ba seng kar shAkya 'od kyis pam mthong du bskur cing gtan la phab pa'o/ / rgya gar skadang du/ shri tsigs par tan+da ma a d+h+yaHthA swa na sa la kAr nas
- 52a
bod skad du/ dpal 'khor lo sdom pa'i rgyud kyi rgyal po dur khrod kyi rgyar rmang du byung ba zhes bya ba/ dpal he ru ka la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje btsur mo'i b+ha ga rnams la bzhugs so// de nas rdo rje snying po la sogs pa'i dpa' bo dang dpa' mo rnams kyis phyi'i mchod pa dang / nang dang gsang ba'i mchod pa dang / de kho na nyid kyi mchod pas mchod nas/ 'di skad ces gsol to// kye ho bcom ldan rdo rje 'dzin dpal zhes bgyi ba ji ltar lags/ / 'khor lo zhes pa gang la bgyi// sdom pa nyid kyang ji lta bu// rgyud kyi don ni ji ltar lags// de bzhin rgyud kyi rgyal po ci// bcom ldan 'das kyis bka' stsal pa/ / dpal ni gnyis med ye shes te// 'khor lo rnam pa bzhi ru brjod// phyi nang gsang ba de nyid do// dang po phyi yi 'khor lo ni// sku mdog phyag mtshan lha yi sku// drug cu rtsa gnyis rim pa ste// ye shes dam tshig sku gsung thugs// dkyil 'khor phyogs mtshams rim pa bzhin// lugs 'byung lugs las bzlog pa ni// tha mal gcod pas phyiru bshad/ / gnyis pa nang gi 'khor lo na// gnas sogs bcu yi rim pa rnams// mtho ris sa steng sa 'og dang // 'khor lo sgal dgod pa ni// phyi rol spros pa gcod pa'o// gsum
- 52b
pa gsang ba'i 'khor lo ni/ / sprul pa chos dang longs spyod dang // de bzhin bde ba chen po ste// rtsa chen sum cu rtsa gnyis kyi// gnas su gyur pas sdug bsngal gcod// dga' ba dang ni mchog dga' dang / / rnam par dga' ba'i gnyen po ni// bde ba stong pa mi rtog gsum// dbyer med rtogs pas lhan skyes la// de kho na yi 'khor lor brjod// sdom pa phyi nang gsang ba nyid/ / 'dod chags zhe sdang gti mug dang // nga rgyal la sogs nyon mongs pa// gnyen pos ye shes dang du sdom// bdag dang dngos por lta ba dang // tha mal pa yi rnam rtog kyang / / dag pa lha yi 'khor lor sdom// gdod nas lus la grub pa yi// rtsa dang rlung dang byang sems kyang // a ba d+hU ti'i nang du sdom// bde ba stong pa mi rtog dang // dngos dang dngos med ye shes kyang / / dbyer med gnyug ma'i ngang du sdom// rgyud ces bya ba rgyun yin te// gnas skabs gsum gyi dri ma dang // 'jug dang zhugs dang nges pa yis// rgyu dang thabs dang 'bras bu ste/ / dang po 'khor ba'i rang bzhin la// gnyis pa thun mong mya ngan 'das// rgyal po zhes pa rnam pa bzhi// 'og ma'i yon tan ldan pa dang // nges pa'i don la dbang byed dang // / gnyen po ye shes che ba dang // gzhan la khyab pas rgyal po yin// rdo rje snying pos yang gsol pa// dur khrod brgyad ni ji ltar lags// de yi dgongs pa ji ltar lags// bcom ldan
- 53a
'das kyis bka' stsal pa/ / phyi nang gsang ba de nyid kyis// dur khrod rnam pa bzhi ru 'gyur// dang po phyi yi dur khrod ni// rdo rje ra ba'i nang rol lam// yang na phyi rol grwa rnams su/ / lugs 'byung lugs las bzlog pa ni// gtum drag dang ni tshang tshing dang // 'bar bas 'khrugs pa'i keng rus dang // 'jigs sde rnams ni shar sogs kyi/ phyogs su g.yon nas bskor te gnas// ha ha ra dgod pa dbang ldan te// dpal gyi nags tshal byin zar ro// 'jigs pa'i mun pa bden bral du// rlung mtshams ki li ki lir sgrogs/ / shar du ha ri pa s+ye la// gtum drag dkar po glang po'i gdong // byang du byang chub shing bu la// g+ha ra ser po mi yi gdong // nub tu mya ngan med shing la// 'bar 'khrugs dmar po chu srin gdong / / lho ru tsu ta'i shing bu la// 'jigs sde nag po ma he'i gdong // me ru ka ran tsa na ste// dpal gyi nags tshal ra gdong dmar// bden bral a rdzu'i/ shing bu la// 'jigs pa'i mun pa ma he'i gdong // rlung du srid grub shing bu la// ki lir sgra sgrogs ri dgas gdong // dbang ldan n+ya gro d+ha shing la// ha ha ra dgod pa ba glang gdong g.yas na gri gug thod pa g.yon/ / shing lo'i steng na stod phyung ngo // shar du brgya byin dkar po la// rdo rje sdigs mdzub glang po zhon// byang du lus ngan ser po la// dbyug pa 'dzin/
- 53b
cing gter la zhon// nub tu chu bdag dmar po ni// chu srin zhon nas zhags pa thogs// lho rug shin rje nag po la// ma he zhon nas be con thogs// shar lho me lha dmar ser la/ ral zhon nas me thab 'dzin// lho nub srin po smug nag la// ral gri thogs nas mi la zhon// nub byang rlung lha mdog sngon po// ri dgas zhon nas 'phan ni 'phyar// byang shar dbang ldan dkar po ni/ / khyu mchog zhon nas rtse gsum thogs// thams cad rang rang rig mas 'khyud// nor rgyas dang ni 'jog po dang // stobs kyi rgyu dang pad+ma dang // shar nas brtsams g.yon du dgod/ / pad+ma che dang mtha' yas dang // rigs ldan dang ni dung skyong ni// g.yas kyi phyogs nas dgod pa'o// sgra sgrogs pa dang rmugs pa dang // mun pa can dang kun tu 'khyil// shar nas byang gi phyogs su dgod// 'khrigs pa gang ba 'bab pa dang // drag po sprin tshogs mtshams la dgod// rdo rje rin chen pad+ma dang // las dang dam tshig rnal 'byor ma// snga tshogs 'jig rten mkha' 'gro rnams/ / shin tu 'jigs pa'i gzugs kyis ni// ro la spyod cing mkha' la rgyu// gzhan yang rnal 'byor mchod rten dang // chu dang me sogs rim pa ste/ gza' dang par ta grub pa rnams// rol pa chen po'i tshul du gnas// 'byung po'i gdon dang ro langs dang // stag dang khyi dang ce spyang dang // wa dang 'ug pa bya rgod dang // phyed tshig pa
- 54a
dang rnam par sbyangs/ / mgo bo lus po keng rus rnams// a lam gyi sna sgrogs pa// de nas nang gi dur khrod ni// lus kyi sgram na sprul sogs// skye zhing 'jig par byed pas ni/ / dur khrod chen po lus la dgod// de nas gsang ba'i dur khrod ni// ca chen sram cu rtsa gnyis nas// 'byung 'jug gnas pa'i rlung rnams ni// dbugs rgyu zhes pa du khrod do/ / rnam par shes pa'i tshogs brgyad dang // dngos po'i rtog pa sna tshogs pa// chos kyi dbyings kyi dur khrod 'chi// gsang ba rig pa'i ye shes khrod// de nas dur khrong dgos pa'i rnam shes dag pas dur khrod la/ / phyogs skyong mi dge bcu po spong // sangs rgyas brgyad kyi mtshan ma shing // thugs rje'i rtags su shing brgyad la// zhing skyong sngags kyi theg pa srung // gdug pa 'joms phyir klu brgyad dgod// mchod rten rang sangs rgyas kyi gnas// rnal 'byor brtul zhugs spyod pa byed// chu ni brjod bya zab pa la// me sogs rtog pa bral ba'o// rdo rje snying pos yang gsol pa// bcom ldan 'das ni ji ltar lags// de bzhin gshegs pa thams cad kyi// sku dang gsung thugs ji ltar lags// btsun mo'i b+ha ga ji lta bu/ bzhugs pa'i don ni ji ltar lags// bcom ldan 'das kyis bka' stsal pa// nyon mongs bdud dang 'chi bdag bdud// lha yi bu dang phung po'i bdud// bdud bzhi bcom pas bcom
- 54b
ldan 'das/ / rgal ba yon tan drug nyid de// dbang phyug dang ni gzugs bzang dang // dpal dang grags dang skal ba bdang // ye shes phun sum tshogs pa ni// drug po de la ldan/ zhes gsungs// 'khor ba'i chos ni mya ngan te// de dang bral phyir 'das pa'o// 'das pa'i de bzhin gshegs pa kun// 'gro ba'i don mdzad de bzhin gshegs// thams cad dus gsum sangs rgyas kyi/ / sku gsung thugs kyi ngo bor gnas// btsun mo zhes pa chos kyi dbyings// de la yod phyir b+ha ga ste// mi phyed pas na bzhugs zhes bya// rdo rje snying pos yang gsol pa/ dpa' bo zhes pa gang la bgyi// de bzhin dpa' mo nyid kyang ci// de yi mchod pa ji ltar lags// bcom ldan 'das kyis bka' stsal pa// dpa' bo la yang rnam bzhi ste// bum pa'i dbang dang 'brel ba yi/ / lha yi rnal 'byor bsgoms pa yis// tha mal pa yi rnam rtog spong // des ni phyi yi dpa' bor bshad// gsang ba'i dbang dang 'brel ba yi// rtsa rlung thig le bsgoms pa yis/ / mtshan ma'i rnam rtog 'joms pa ni// nang gi dpa' bor bshad pa yin// gsum pa'i dbang dang 'brel ba yi// dga' ba bzhi yi don bsgoms pas// gzung dang 'dzin pa'i rtog pa 'joms/ / de ni gsang ba'i dpa' bo yin// bani pa'i dbang dang 'brel ba yi// gnyis su med pa gang bsgoms pas// tha dad rtog pa 'joms pa'i phyir// de kho na mi
- 55a
dpa' bor bshad/ / dpa' mo la yang rnam pa bani// ma ni shes rab pha rol phyin// gdod nas spros bral lhun grub la// lta ba'i zhen pa spong ba ni// de ni phyim dpa' mor bshad/ / nang du rtsa dang thig le sogs// rang bzhin med par byed pas ma// gsang bar dga' ba bzhi rnams la// rang bzhin lhan cig skyes pas ma// rang rig sems kyi ngo bo ni// nam mkha' lta bur gang bsgoms pa// de kho na yi dpa' mo'o// mchod pa yang ni rnam pa bani// phyi nang gsang ba de kho na// dang po phyi yi mchod pa ni// me tog bdug spos mar me dang // dri dang lha bshos btung ba dang // rol mo sil snyan dbyangs nyid dang // gzugs dang sgra dang dri dang ni// ro dang reg bya 'jam pa dang // 'khor lo rin chen glang po rta// btsun mo dmag dpon blon po rnams/ / phyi yi mchod pa thun mong ngo // rang gi lus las byung ba yi// bdud rtsi lnga dang btung ba dang // sha lnga lhag pa'i rdzas rnams ni// phung po khams dang skye mched kyi'akhor lo rnams la mchod pa nang / / de nas gsang ba'i mchod pa ni// rang snang thabs kyi rog ma yis// sra gzung thug ku tsa btsir// rtsa dang rlung dang thog le sogs// dka' bamachog dga' dga' bral dang / / lhan cig skyes pa'i bde bas mchod// rang rig stong ba rtogs pa yi// 'od gas la de nyid chos sbal// zhen pa rnams dang bral ba na// blan med sa
- 55b
mchod pa'o/ / rdo rje snying pos yang gsol pa// gtor ma zhes pa gang la bgyi// de yi phan yon ji ltar 'byung // bcom ldan 'das kyis bka' stsal pa// gtor ma rnam pa bzhi ru gsungs/ / phyi nang gsang ba de kho na// dang po phyi yi gtor ma ni// thun mtshams lha yi mdun nyid du// re las me dang yaM las rlung // skyed gsum a las dum gcig pa'i// nang du bdud rtsi sha lnga la/ / sku gsung thugs kyi sbyor ba yis// lha rnams mnyes par byed pa dang // mkha' 'gro dgyes par byed pa'o// gnyis pa nang gi gtor ma ni// phung po khams dang skye mched rnams/ / lus ni lha yi 'khor lo lo// rtsa ni ye shes mkha' 'gro ma// srin bu las kyi mkha' 'gro mchod// gsum pa gsang ba'i gtor ma ni// 'khor lo bzhi yi ka pA lar// rlung dang thig le bdud rtsi la// dga' ba gsum gyis byin brlabs te// lhan cig skyes pa mchod par bya// de nyid bzhi pa'i gtor ma ni// phyi nang dngos po'i gtor ma kun// chos kyi dbyings kyi bad snod du/ / don dam sems kyi sngags kyis su// bde ba chen po'i lha la mchod// phan yon dngos grub ster ba dang // phyi nang bar chad sel ba dang // zas kyi rtog pa choms pa dang // khams dang skye mched rtas pa dang // rgas sra lus kyi mdangs ldan zhing // skra dkar gnyer ma spong ba dang // dngos po'i gdon las grol ba dang // 'khor ba'i pha rol son pa'o// lha mos
- 56a
gsol pa bcom ldan 'das/ / sems kyi rang bzhin dri lta bu// de nas 'khrul nas ji ltar 'khor// ma 'khrul don la ji ltar lags// de las yon tan du m+b+ha 'byung / / bcom ldan 'das kyis bka' stsal pa// sems las ma gtogs sangs rgyas dang // sems las ma gtogs chos gzhan dag/ sangs rgyas kyis kyang ma gzigs shing / ma gsungs gsung bar mi 'gyur te// des na sangs rgyas thams cad kyis// sems kyi gsang 'di gsang ba'i mchog/ khams gsum brtan dang g.yor bcas pa// snang ba myong zhing grub pa med/ / de phyir 'khor ba'i ming yang med// thog mar ma skyes rang bzhin dag/ blo bur sangs rgyas ming yang med// sangs rgyas sems can gnyis ma yin/ / kun rdzob don dam gnyis ma yin// rang bzhin rig pa 'od gsal sogs// smrar med brjod du med pa ste// dper na lkugs pas ro myong 'dra// ras dang shel 'dra'i rang bzhin la/ / log rtog rtsi sogs rnam par 'khrul// khams gsum brtan dang g.yor snang zhing // 'dod pa'i byang chub sna tshogs dang // de dag spyod pa sna tshogs dag/ de nyid g.yeng dang rnam rtog ste/ / rang gis 'khrul nas rang gis 'ching // rang gis gsod cing rang gis za// rang gis ltung zhing rang sdug bsngal// rang rig ye nas spros bral la// sgra dang tha snyad
- 56b
'jug na 'khrul/ / rang rig rang gis 'od gsal la// ma rig mun pas bsgribs na 'khrul// dngos po stong par ro mnyam la// brang dang dor bar byed na 'khrul// 'dod yon rang gi 'gags pa la/ / de dag dka' bas spong na 'khrul// rang rig ye nas stong pa la// 'dod yon lnga la brten na 'khrul// dman dang gya nom med pa la// sgro dang skur pa 'debs na 'khrul/ gdod nas spros bral lhun grub la// sgom dang mi sgom byed na 'khrul// sangs rgyas sems can gnyis med la// de dag gnyis su 'dzin ra 'khrul// don dam kun rdzob gnyis med la// bden pa gnyis su 'byed na 'khrul// sangs rgyas 'khor ba'i chu bo rgal// skye 'gag gang ltar 'dod kyang 'khrul// stong nyid ro la mi gnas par// dngos po mtshan mar gzung na 'khrul// sems kyi glang chen mi 'dul bar// g.yeng ba'i sems su 'dug na 'khrul// rnam rtog rlung gis bskyod pa la// rang rig ye shes 'dod na 'khrul// rang sems rang gis ma mthong bar/ che ba'i nga rgyal smra na 'khrul// rang rig nyams su ma myong bar// dkar po'i chos rnams spring na 'khrul// sangs rgyas ma 'khrul sems can 'khrul// rang bzhin ma 'khrul rang rig 'khru sems nyid ma la khrul bag chags 'khrul/ / sangs rgyas las 'khrul sems can de// rang rig las 'khrul gzhan rig snang // sems nyid las 'khrul bag chags 'byung // des na ra
- 57a
sems 'khrul pa dag/ don du snang ba rab tu skye// skye ba med bzhin skye bas 'khrul// lcags bsregs sa ba ni rang gi sems// me sogs byed pa gzhan na med// bkres sgom sdug bsngal rang gi sems/ / zas sgom bkres pa gzhan na med// rdeg btsog lcag gzhus rang gi sems// srog gcod gshan pa gzhan na med// 'gro ba thams cad rang sems kun/ rang gi sems su ma shes na// de yis sangs rgyas spangs pa yin// bla ma dam pa rtag tu bsten// theg chen zab mo'i mdo rgyud blta// bsgom du med pa'i don bsgoms nas// ma bsgoms na yang bsgom pa'i mchog/ de ltar gyur pa'i mkhas pa la// stong par mi 'gyur gang yang med// de las mya ngan 'das pa 'byung // sku dang stobs la sogs pa kun// nor bu'i tshul du rang bzhin 'byung // de dag sems kyi rang bzhin no// lha mos gsol pa bcom ldan 'das// rten gyi gang zag rnam pa du// rgyud kyi rnam grangs du zhig mchis// gdul bya gang la rgyud rnams bshad// bcom ldan 'das kyis bka' stsal pa/ / sems can sangs rgyas rang bzhin pas// gdol pa ko lpags mkhan la sogs// gzugs ngan gsod pa'i gdon gnyer ba// theg pa 'di las 'grub par 'gyur/ / dkyil 'khor rdzogs par bsgoms pa dang // gtso bo yab yum bsgom pa dang // dbu ma'i spyan la sems 'dzin pa// bskyed rim spros dang bcas pa'i lam// rigs la gnas
- 57b
pa'i rnal 'byor gyis/ / lha sogs bu mo mtshan ldan la// chags pas chags pa spong ba ni// las kyi phyag rgya chags pa'i lam// gnas pa rtsa dang g.yo ba rlung // bkod pa byang sems dman pa dbyibs/ / zab pa sngags dang thig le dang // mthar thug yan lag bdun bsgoms pa// chos kyi phyag rgya grol ba'i lam// rten yod ma yin brten pa med// dmigs pa thams cad rnam bsal te/ / lhan cig skyes pa'i don sgom pa// phyag rgya chen por rang byin rlab// de rnams gnyis su bsdu ba ste// gang zag mchog dang las dang po// las dang po la phyi nang gnyis mchog la yang ni phyi nang gnyis/ / dbang bzhi bgrod pa'i rnal 'byor gyis// bsnyen gnas dge bsnyen dge tshul dang // dge slong chen po gsungs pa ste// 'di yis rgyud rnams 'grub par 'gyur// / rtsa ba'i rgyud ni rnam pa gsum// bshad rgyud sum cu rtsa gnyis te// yan lag rgyud ni grangs las 'das// rtsa ba chen po phyi ma dang // phyi ma'i phyi mar bsdus pa yin// bram ze rgyal rigs rje rigs dang / / dmangs rigs gdol pa gdul don du// rgyud kyang rnam pa bzhir gsungs te// bya spyod rnal 'byor bla med do// lha mos gsol pa bcom ldan 'das// gnas gang du ni gtso bo bsgom/ / thabs ni rnam pa ngu zhig mchis// de bzhin thabs las byung ba ci// bcom ldan 'das kyis bka' stsal pa// ri rtse dur khrod ro sdang du// gcer bu skra ba shig lhor
- 58a
bltas te/ / A li kA lis lus bsrungs la// dpa' bo'i 'khor lo bsgom par bya// smin par byed pa dbang bzhi la// grol ba bskyed rdzogs gnyis kyi lam/ lam gnyis la ni brten nas su// sngags pas byang chub bsgrub par bya// bum pas lus kyi dri ma 'khrud// gsang bas ngag gi dri ma 'khrud// gsum pas sems kyi dri ma ste// de ni kun tu brtags pa la/ / lhan cig skyes pa'i ma rig pa// bkru ba'i phyir na bzhi pa bshad// gnas dang ldang ba nyid dang ni// 'jug dang yongs su rdzogs pa dang // byin gyis brlab dang dbang bskur dang / / ting 'dzin mchod pa bskyed rim la// nye bar bsdu ba rdzogs pa'i rim// rim gnyis mnyam par gnas nas su// rdo rje can gyis chos 'chad do// stong pa mngon gyur chos sku la// mtshan dpe bde ba longs spyod sku// rol pa'i mdzad pa sprul sku la// sku gsum dbyer med bde chen dang // lha mos gsol pa bcom ldan 'das// gang gis bsgrubs na 'grub par 'gyur// gang la bar chad 'byung bar 'gyur// bcom ldan 'das kyis bka' stsal pa// 'khor bas sgo nas sdom gsum ldan// thos tshe dang ldan mtshan nyid bzang // dben par dkyil 'khor bris smra bcad/ / chos gos gyon la bdud rtsi spyad// thun bzhir bsgrubs na 'grub par 'gyur// zhen pa che ba'i rnal 'byor la// 'bras bu'i bar chad 'byung bar 'gyur// g.yeng ba che ba'i rnal
- 58b
'byor la/ / sgom pa'i bar chad 'byung bar 'gyur// dam tshig nyams pa'i rnal 'byor la// spyod pa'i bar chad 'byung bar 'gyur// le lo che ba'i rnal 'byor la// lta ba'i bar chad 'byung bar 'gyur/ / lha mos gsol pa bcom ldan 'das// rgyud kyi ngo bo ji lta bu// rtsa ba'i rgyud ces gang la bgyi// bshad pa'i rgyud ces gang la bgyi// 'byung ba'i dus ni ji lta bu// bcom ldan 'das kyis bka' stsal pa/ / lhan cig skyes pa'i rang bzhin la// rgyud rnams kun gyi ngo bo 'dus// yod pa rgyu la sgrub pa lam// mngon 'gyur 'bras bu'i ngo bo yin// thog mar gsungs pa rtsa ba'i rgyud/ / phyi nas gsungs pa bshad pa'i rgyud// don rnams ston pas rtsa ba la// gsal bar byed pa bshad pa'i rgyud// bskal pa rdzogs ldan gsum gnyis dang // rtsod ldan dus bzhi'i rim pa yis/ / rgyud kyang rnam pa bzhir gsungs te// bya spyod rnal 'byor bla med do// lha mos gsol pa bcom ldan 'das// zab mo'i rgyud 'di gang la sba// ji lta bu la sbyin par bya/ / ster na lung nod ji ltar bya// bka' 'di rgya yis ji ltar gdab// bcom ldan 'das kyis bka' stsal pa// snying rje med cing khro la gdug/ khengs shing chags pa tshul khrims med/ / dad med rigs ngan bla mas skyo// thos chung snying ring rnams la sba// dpa' zhing dul la blo gros ldan// bzod ldan drang la g.yo sgra med// dad ldan rigs
- 59a
bzang gtong phong che/ / thos mang dam tshig ldan la sbyin// dbang bzhi bgrod pa'i sngags pa yis// sngon du bla ma mnyes byas la// yar ngo mar ngo'i tshes bcu la/ / dpa' bo rnal 'byor tshogs kyis mchod// ji ltar rdo rje 'dzin pa yis// lha mo rnams la rgyud gtad ltar// de bzhin gsang ba'i rgyud sde rnams// zung la sgrub pa che/ du gyis// lan gsum brjod la rgyud rnams sbyin// phyi rabs dus kyi snyigs ma la// chags sems gyong ba'i slob ma ni// gus pas mi zhu g.yo sgyus 'dod// thos nas khus su ba rang che 'byin/ / de la bstan na dam tshig nyams// nges par dang nas zhu ba yi// gcig nas gnyis la ma spel na// rdo rje 'dzin pa'i rigs rgyun 'chad// bcom ldan 'das kyis de skad ces bka' stsal pa dang / ye shes mkha' 'gro ma la sogs pa'i 'khor thams cad kyis rgyud kyi don rtogs nas rjes su yi rang ngo // dpal 'khor lo sdom pa'i rgyud kyi rgyal po dur khrod kyi rgyan rmad du byung ba rdzogs so/ / paN+Di ta ga ya d+ha ra dang / lo tsa ba dge slong shAkya ye shes kyis bsgyur ba'o// rgyags skad du/ shrI a nA bi la tan+da rA dza nA ma/ bod skad du/ rgyud kyi rgyal po dpal rnyog pa med pa zhes bya ba/ rdo rje mkha' 'gro la phyag 'tshal lo// sems can rnams la phan 'dod pas/
- 59b
rnyog med rab tu bshad par bya// snang ba med cing dpe med pa// tshig gi yul las rnam par 'das// zhi zhing bdag med dag pa nyid// mtshan med mtshan gzhi rnam par spangs// ngang gis sangs rgyas 'di nyid tshul/ / khyad par du yang mdor bsdus pas// bdag gis gsal bar bshad pa yin// rmongs pa rnams la phan 'dod pas// snying rjes 'di ni bstan pa yin// kha cig/ stong par 'dod pa dang // kha cig thig le'i gzugs can dang // kha cig khyab 'jug tshul gyis ni// blo dman dag ni 'jog par byed// de nyid nges par yang dag par// rgyu yi gnas kyi spyod yul nyid/ / rgyu dang 'bras bu ma grub na// bsgoms pa med cing byang chub med// rgyu yi yid ches spangs pa 'di// thog ma tha ma med pa'i bdag/ sgyu ma'i ye shes las byung ba// rnam pa sna tshogs ston par byed/ / kha cig drag po'i rang bzhin du// kha cig zhi ba chen po che// kha cig phyag rgya'i rang bzhin gzugs// kha cig 'dar zhing g.yo ba dang // glu gar de bzhin sil snyan dang // lha yi/ sngags ni brjod pa nyid// kha cig sngags ni yang dag dgod// kha cig dkyil 'khor bri ba dang // dbang la sogs pa brtag pa dang // 'byung dang 'byung las gyur pa'i lus// de ltar la sogs mtha' yas mchog/ sangs rgyas la sogs rdo rje brtags// gang tshe sems ni legs gnas pa// de bzhin nyid kyi spyod yul nyid// dkyil 'khor de nyid 'gyur ba ni// phan 'dod
- 60a
rnams kyis shes par bya/ / phung po la sogs tshogs rnams kyis// gang zhig khyad par gyis bcos pa// lus ngag yid gsum bcos pa'i phyir// rdul tshon dkyil 'khor zhes byar gsungs/ / phung sogs gzhan sogs mthong ba'i phyir// tshogs kyi dkyil 'khor zhes byar gsungs// sems kyi dkyil 'khor dag pa ste// rang bzhin med par bsgom par bya// me long lta bu'i gcig nyid de// dang po grur ni rtogs par bya// so sor rtog pa zhes gsungs pas// shar gyi grur ni rnam par brgyan// bya ba nan tan khyad 'phags pa// byang gi grur ni rnam par spros/ / mnyam nyid ye shes chen po ni// bag chags med gru rjes rtogs byed// gzhan du'ang dkyil 'khor gru bzhi pa// grwa yi dbus ni thams cad du// de nyid 'di ni rab 'jug pas// / ye shes spyod yul du ni brtag/ sgo bzhir yang dag brjod pa ni// de bzhin dran pa bzhir byung ba// de bzhin grwa bzhir gsungs pa ni// sbyin pa bzhi ni rnam dag pa// dbus su dkyil 'khor gzugs su ni/ / mi bskyod pa yis rnam par brgyan// zhi dang chos don brgyan pa las// de dag thams cad dkyil 'khor 'grub// dra ba dra phyed zla ba sogs// dkyil 'khor du ni bris pa dang // rta/ babs la sogs thams cad ni// ting 'dzin yan lag rta babs nyid// sems kyi mthar thug brjod pa ste// de nyid rang bzhin las ni gsungs// gang zhig sems kyi rab 'phel ba//
- 60b
ting 'dzin yan lag rnam par gnas// de nyid dra ba zhes su gsungs// dra ba phyed pa phyed du ste// dril bu do shal brtag pa ni// rang gi btsun mo rtogs par byed// sgra brnyan rnam pa lta bur na/ chos rnams thams cad so sor rtogs// chos rnams ma skyes mthong ba'i phyir// de nyid rgyal mtshan 'phreng bar gsungs// bla re la sogs gang bres pa// dngos po la sogs dang po nges/ / sems ni bla re zhes byar bshad// dam pa'i don las gsungs pa'o// gos 'phreng de dag thams cad ni// rnam pa sna tshogs snang ba nyid// gang zhig rdo rje rnam pa'i sems// dga' ba'i ye shes kyis ni mtshan// de yi 'og tu rtag tu gsungs// grwa yi mtshams ni thams cad du// rdo rje rin chen rtogs pa'i phyir// rdo rje rin po che yis spras// zla ba nyi ma gang gsungs pa/ / thabs dang shes rab don mthong phyir// thabs dang shes rab bdag nyid sems// ye shes 'dis ni rnam par brgyan// sku gsung thugs kyi rdo rje skyes// de nyid dkyil 'khor du ni gsungs/ / sku gsung thugs ni nye ba'i phyir// rnam pa gcig tu mtshan nyid med// bla ma slob ma rnam gsal bar// rab tu 'jug pa de nyid gsungs// sbyin sreg kyang ni bshad pa yang / / lha rnams tshim pa nga yis brjod// rnam rtog med pa'i sems gang ni// thab khung sgra yis mtshan ma nyid// bye brag phyed pas me nang du// gzugs kyi phung sogs lnga po rnams/
- 61a
sems las byung ba'i yam shing nyid// thams cad kyi ni sreg blugs bya// gzugs la sogs pa gang byung ba// yam shing zhes ni rab tu grags// de ltar sbyin sreg bshad nas ni/ / rab tu gnas pa brjod par bya// sku gsung thugs la rtag tu ni// gang zhig sems ni brtan gyur pa// de nyid rab tu gnas par brjod// phung po rnams kyi dngos po co// gang zhig sngags kyi mtshan nyid ni// de ni gsal bar brjod par bya// yid rnams kyis ni skad du yang // gang zhig gsang ba bdag gis brjod// skye ba med cing snang med pa// mtshan ga ni mtshan nyid rnam par spangs/ / gsang ba'i don ni rtogs pa'i phyir// 'di ni nga yis sngags su gsungs// sngags ni gsal bar bshad nas ni// lha rnams kyang ni brjod par bya// phung po khams dang skye mched kyi/ / rang bzhin gyi ni legs gnas gang // yang dag byang chub thar pa nyid// de kun yang dag rab brtags shing // gal te sems kyis nyer brtags gang // lha zhes bya bar yang dag bshad/ / sku gsung thugs kyi phyag rgya las// de nyid du ni yang dag gsungs// lha la gsol btab rnal 'byor ni// gsal bar nga yis brjod par bya// de nas skyil krung bcas nas ni/ / sna yi rtse mor bltas nas kyang // rang gi rang bzhin rnal 'byor gyis// de nyid mthong bar gzhag par bya// snying ka'i gnas su lag pa gnyis// 'bad pas
- 61b
mnyam par sbyar nas su/ / mi rtog pa yi rang bzhin du// gang tshe sems ni rab rgyu ba// sangs rgyas thams cad 'dus pa'i bdag/ de tshe de la skye bar 'gyur// sangs rgyas thams cad 'dus pa'i bdag/ myur bar byin gyis rlob par 'gyur// sangs rgyas thams cad 'dus pa'i bdag/ sangs rgyas kun gyi rtog pa'i bdag/ thugs kyi rdo rje gsum pa bzhin// rnal 'byor sangs rgyas thams cad 'gyur/ / nga yis gsal bar brjod pa ni// sku gsung thugs kyi grub sbyin pa// sangs rgyas kun mchog gsang ba'i don// thabs dang shes rab spyod yul don// sems can don du snying rje che/ / sangs rgyas byang chub rab sgrub pa// sna rtse dkyil 'khor nga yis gsungs// de dag thams cad dbyibs tsam du// mdor bsdus thams cad ma byas so// res 'ga' dam tshig 'khor lo yang / / de nyid zhes bya ma gsungs so// rtogs pa cung zad tsam gyis ni// gang 'grub de ni res 'ga' yang // gsung gi 'khor lor gsungs pa bzhin// rnam rtog med par lhag mos pas/ / sgrub po dam pas bsgrub par bya// khrag dang khu ba de bzhin sha// bshang ba dang ni gci ba nyid// dam tshig ces bya rab 'bad par// gang zhig bdag gis tshig gsungs pa/ / de rnams kun la de bzhin gshegs// de rnams tha snyad tsam gyis gnas// gang tshe dam tshig 'dod chags sems// des ni de nyid rab tu spyod// gang tshe sems ni chags
- 62a
gyur pa/ / de ni sems can yod ma yin// de la kun tu rtog pa yi// khrag ni za bar 'gyur ba'o// khrag ni chen po zos nas ni// 'od dpag med pa'ang bza' bar bya// gang zhig chos rnams las skyes pa// khu ba'i sgrar ni bsgrags par bya// de tshe ma skyes rtogs pa'i phyir// bza' bar yang dag gsungs pa nyid// dngos po kun gyi mnyam pa nyid// sha chen du ni rab tu dbye/ / mi dmigs pa yi rnal 'byor gyis// bza' ba zhes byar mngon par brjod// gang zhig rab tu 'dzag pa'i sems// nus pa'i rjes su sbyor ba las// phyag rgya las kyi sbyor ba yis// de yang gci ba'i sgra yis brjod/ / chos dang chos min nges pa'i sems// sbas pa'i chur ni gnas pa 'di// chos rnams thams cad rab rtogs pa'i// bshang bza bar yang dag brjod// dam tshig nyid kyi mtshan nyid ni/ / 'di rnams thams cad gsal bar bshad// 'di rnams don ni rtogs pa yis// sangs rgyas kun gyi bdag nyid 'gyur// dpal bde ba dam pa rtogs par byed pa dang ldan pa zhes bya ba'i rgyud byin gyis brlab pa'i rim pa chen po mkha' 'gro ma dra ba sdom pa'i brtag pa rnyog pa med pa zhes bya ba rdzogs so/ / rgya gar gyi mkhan po paN+Di ta ga ya d+ha ra dang / bod kyi lo tsab dge slong shAkya ye shes kyis bsgyur ba'o/ / rgya gar skad du/ shrI saM par kha sa ma tan+t+ra rA dza nA ma/ bod skad du/ dpal bde mchog rnam
- 62b
mkha' dang mnyam pa'i rgyud kyi rgyal po zhes bya ba/ 'jam dpal ye shes sems dpa' la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa tham cad kyi sku dang / gsung dang / thugs rdo rje btsun mo'i b+ha ga la bzhugs so// de nas de bzhin gshegs pa thams cad kyi byin gyis brlabs kyis rdo rje snying pos gsol pa/ kye bcom ldan 'das gsang ba bas kyang ches gsang ba/ gsang ba chen po de bshad du gsol/ bcom ldan 'das kyis bka' stsal pa// rdo rje snying po khyod nyon cig/ srog dang lnga pa de bzhin te// lam dang 'bras bu nyid yin no/ / rdo rje snying pos gsol pa/ bcom ldan 'das srog gang lags/ bcom ldan 'das kyis bka' stsal pa// srog ni 'dzin par byed pa ste// sngags dang rlung dang rten nyid do// rdo rje snying pos gsol pa/ bcom ldan 'das lnga gang lags/ bcom ldan 'das kyis bka' stsal pa// sangs rgyas lnga dang 'byung ba lnga// lnga pa yang ni gcig nyid do// rdo rje snying pos gsol pa bcom ldan 'das lam gang lags/ bcom ldan 'das kyis bka' stsal pa// snying rje chen po las skyes pa// dga' ba'i shugs las rnam par grub// thabs dang shes rab gnyis med mchog bde ba chen po lam yin no/ / rdo rje snying pos gsol pa/ bcom ldan 'das snying rje chen po ni gang / dga' ba ni gang / thabs ni gang / shes rab ni gang / gnyis su med pa ni gang lags/
- 63a
bcom ldan 'das kyis bka' stsal pa/ dmigs pa med pa snying rje'i mchog/ dga' ba gnyis med bde ba che// thabs ni he ru ka dpal nyid// shes rab rdo rje rnal 'byor ma/ / gnyis su med pa zung 'jug mchog/ rdo rje snying pos gsol pa/ bcom ldan 'das he ru ka ni gang lags/ rnal 'byor ma ni gang lags/ bcom ldan 'das kyis bka' stsal pa/ he ru ka ni phung po nyid// phung po yang ni he ru ka/ khams ni rdo rje ma dpal te// rdo rje ma dpal khams nyid // skye mched de yang de bzhin du// lha yi ngo bor shes par bya// rdo rje snying pos gsol pa// bcom ldan 'das phung po'i he ru ka gang lags/ khams kyi rdo rje rnal 'byor ma gang lags/ bcom ldan 'das kyis bka' stsal pa// he ru ka dpal bdag nyid dngos// dri ma med pa'i kha dog can/ rdo rje dril bu 'dzin pa ste// drug gis brgyan cing dgu dang ldan// zla tshes sna tshogs rdo rje dang // rigs kyi bdag pos rnam par brgyan// spyan gsum dag gis mdzes pa ste// chags pa med pa'i sham thabs can/ / shes rab rang bzhin rnal 'byor ma// ban+du rA ka'i kha dog can// gcer bu phyag rgya lngas brgyan cing // dag pa lnga bcu'i 'phreng bas mdzes// rdo rje pad+ma'i snod bsnams pa/ / yab la 'khyud cing brkyang bskum bzhugs// gnyis med bde ba la dgyes pa// chu skyes nyi ma'i dbus na 'gying // khams nyid kyang ni lha nyid do// dpal bde mchog nam mkha'
- 63b
dang mnyam pa'i rgyud las/ bskyed pa'i rim pa'i dum bu ste le'u dang po'o// / rdo rje snying pos gsol pa/ bcom ldan 'das rang bzhin gyis rnam par dag pa gang lags ngo bo nyid kyis 'od gsal ba ni gang lags/ bcom ldan 'das kyis bka' stsal pa// brtan dang g.yo ba thams cad kun// shes rab rang bzhin ma nyid de// lnga pa'i ngo bo 'od gsal nyid ma skyes rtog pa bral ba'i sku/ / brjod du med cing bsam mi khyab// brtag tu med pa nam mkha'i dbus// gnyis med bde ba'i rnam pa can// gsal ba'i rang bzhin g.yo ba med// gnyis su med pa bde ba'i mchog/ 'bras bu lam gyi rnam pa'o// dpal bde mchog nam mkha' dang mnyam pa'i rgyud las/ rdzogs pa'i rim pa'i dum bu ste le'u gnyis pa'o// rdo snying pos gsol pa/ bcom ldan 'das rnam par rtog pa rnam par dag pa ni gang lags/ bcom ldan 'das kyis bka' stsal pa// sngags dang sbyin sreg gtor ma dang // dbang gi rnam par dag pa dang / / maN+Dal dang ni de bzhin du// bum pa'i ngo bo ltar shes pa// sngags kyi de bzhin nyid gnas pa'o// rdo rje snying pos gsol pa/ bcom ldan 'das sngags ni gang / sbyin sreg ni gang gtor ma ni gang / dbang ni gang / maN+Dal ni gang / bum pa ni gang / sngags kyi de bzhin nyid ni gang lags/ bcom ldan 'das kyis bka' stsal pa// sngags ni gsang sngags rgyal po rje/
- 64a
oM shrI ShaH ru ru r+m+mA d+ha phaH/ kan+da dz+walas par swAH/ hAtu d+hu la/ oM sarbA prad+ha NA kan+d+ha sa 'dz+wa la dz+nyAn+d+ha ma s+'u b+hU pA swAH/ oM 'dra thar tsan+tu mar+thaH/ paT swA hA/ gsang sngags rgyal po 'di dag gis// bskal pa stong pa stong la sogs pa so// sdig pa ma lus dag byed chu// grubani pa la sgo ba ni be// 'khor lo dag gis rnam par mdzes ashwat+tha dang n+ya gro dang / / dUr ba la sogs de bzhin du// bzhi pa'i ngo bor yang dag shes// sha lnga dang ni bdud rtsi lnga// gyen dupo gyi sgra bsgrags pas// dpa' bo rnal 'byor ma kun dgyes/ dbang ni tha ma'i lam nyid // bdud rtsi chu yis legs byugs nas// me tog dmar pos mchod pa'o// rin chen snod bzang gyis mdzes// dpa' bo bdud rtsi dag byed chu// zhal bani sngag kyi 'od zer gyis/ / gdug pa ma lus kun 'dul zhing // spro dang bsdu ba'i rnam pa can// rdo rje snying pos gsol pa/ kye bcom ldan 'das skye mched kyi mkha' 'gro ma gang lags ldan 'das kyis bka' stsal pa/ gcer bu thal ba'i mdog can te// nyi shu rtsa bzhi'i yul rnams 'grim// lnga pa dang ni drug pa'o// rdo rje snying pos gsol pa/ bcom ldan 'das sngang ni gang / gtor ma ni gang lags/ bcom ldan 'das kyis bka' stsal pa/ oM dz+wa la mu khi DA ki NI kaM ka ri hUM phaT/ oM pa ra ni ya ni DA ki nI hUM phaT/ oM ma DA ki nI hUM phaT/ oM pa ra mu
- 64b
DA ki nI hUM phaT/ oM u lu ka ti DA ki ni hUM phaT/ oM a ra Na ma DA ki ni hUM phaT/ chu skyes dag gis rnam brgyan cing // bdud rtsi lnga yis rnam par mdzes// dpa' mo drug ni mnyes par 'gyur/ rdo rje snying pos gsol pa/ bcom ldan 'das smin pa'i lam ni gang lags/ bcom ldan 'das kyis bka' stsal pa// bzhi pa'i rang bzhin ngo bo ste// de yi rnam pa de la gnas// rdo rje snying pos gsol pa/ bcom ldan 'das rnam pa'i ngo bo ni gang / sprul pa'i ngo bo ni gang lags/ bcom ldan 'das kyis bka' stsal pa// rnam pa'i ngo bo lha nyid de// sprul pa tshogs kyi bdag por bshad/ / rdo rje snying pos gsol pa/ bcom ldan 'das tshigs kyi bdag po ni gang / bcom ldan 'das kyis bka' stsal pa// dbang gi kha dog dmar po ste// zhal gcig pa la phyag bzhi pa/ / sprul pa 'khor lo'i rtsibs la gnas// brkyang bskum tshul gyis mnan pa'o// rdo rje snying pos gsol pa/ bcom ldan 'das bsnyen par bya ba gang lags/ bcom ldan 'das kyis bka' stsal pa/ / bsnyen par bya ba sngags nyid de// oM ga Na pa ta ye swA hA/ nag po 'bru yi ril bu la// bsnyen dang sgrub pa'i lhar gnas pa// sngags kyi ngo bo shes par bya// dpal bde mchog nam mkha' dang mnyam pa'i rgyud las/ las sna tshogs kyi dum bu ste le'u gsum pa'o// bcom ldan 'das kyis de skad ces bka' stsal pa dang / byang chub
- 65a
sems dpa' rdo rje snying po dang / byang chub sems dpa' rdo rje gnod gnas la sogs pa dang / rnal 'byor ma dpag tu med pa'i 'khor de dag rjes su yi rangs bcom ldan 'das kyis gsungs pa la mngon par bstod do/ / / kha che'i mkhan po dz+nyAn badz+ras rang 'gyur du mdzad pa rdzogs so// rgya gar skad du/ shrI badz+ra ma hA kA la kro d+ha nA tha ra ha s+ya sid+d+hi b+ha ba tan+ta nA ma/ bod skad du/ dpal rdo rje nag po chen po khros pa'i mgor po gsang ba radze sa grub brung ba sa bya ba'i rgyud/ dpal he ru ka la phyag 'tshal lo// de nas bcom ldan kun mkhyen pa'i'o// ye shes mngon par mkhyen pa yis// bdud kyi dkyil 'khor 'joms byed pa// bka' yi 'khor lo bshad par bya/ / de bzhin gshegs pa thams cad kyi thogs pa med cing gdon mi za ba bde ba chen po zhes bya ba'i ting nge 'dzin la snyoms par zhugs nas 'di skad ces gsungs so/ ji srid 'khor ba'i gnas su ni// kun mkhyen bde gshegs bzhugs gyur pa// mya ngan bzla bar mi mdzad cing // de srid mtshungs med sems can don// rgyun mi 'chad par 'gro ba kun// srid pa'i zhags pas 'jigs med par// byams pa'i thugs kyi brtson 'grus kyis// rtag tu sems can don rnams mdzad// nam mkha'i khams kyi mthar thug par// smon la
- 65b
par spyod byed cing / / snying rjes don brtson sems kyis ni// dpa' bos srid pa sbyong bar mdzad// sna tshogs gzugs can nor bu bzhin// 'di ni rgyud rnams kun tu yang // kla klo'i skang kyis sbas pa ste/ / 'khor ba'i sdug bsngal 'joms pa po// rdo rje sems dpa' mnyam gyur pa'i// rdo rje slob dpon bdag nyid che// myur du dngos grub sder byed pa// 'phral du yang dag yid ches byed/ / bsam pa gang dang gang dag gis// mi rnams sems dang mthun par 'jug/ de dang de yi gzugs sprul te// sna tshogs g.yogs te bde bar bzhugs// de phyir 'bad pa du ma yis/ / sna tshogs tshul gyis mthun par bya// bdag nyid sangs rgyas he ru ka/ dpa' bo rnal 'byor ma tshogs can// rang gi lha yi rab sbyor bas// bdag nyid ye shes mchog 'grub 'gyur/ / 'di yis rgyal ba rgya mtsho dang // dkyil 'khor pa dang zhing skyong tshogs// gdod nas grub pa'i dur khrod gnas// mkha' 'gro'i dbang phyug mgon po che// sku gsung thugs dang 'phrin las tshogs/ / ye shes yon tan rigs kyi lha// nag po chen po 'khor dang bcas// lha mo chen mo bka' 'bangs bcas// rdo rje 'dzin pas dus kun tu// sgyu ma lta bu'i ting 'dzin gyis/ / phyi nang gsang ba'i mgon po che// bde ba chen po'i rol pa yis// ye shes gsang ba bsam mi khyab// tshe 'di nyid du 'grub 'gyur zhes// bcom ldan rdo rje can gyis gsungs/
- 66a
thams cad nam mkha'i mtshan nyid de// nam mkha' la ni mtshan nyid med// khams gsum po ni ma lus pa// 'gro kun sgyu ma lta bu yin// brtan pa dang ni g.yo ba yis// 'gro ba dmigs su med pa ste// mthong ba dang ni thos la sogs// thams cad sgyu ma lta bur 'char// gang gis skye bo 'ching gyur pa// de nyid yongs shes rnam par grol// phyag rgya'i sbyor ba 'di yis ni/ / sa gsum bde ba chen por bsgyur// nyon mongs med na ye shes med// nyan rang byang chub lam las ring // phung po khams dang skye mched dang // 'byung ba bzhi la sogs pa rnams// thams cad gdod nas dag pa yi// ye shes chen po'i byin rlabs kyis// dngos po du ma gsal bar snang // ye shes med par skye mi 'gyur// sangs rgyas ye shes kyis rab bskul// de ba bla med rgyud 'di ru/ / 'bad de dad pa bskyed par bya// gsang ba'i sdom pa bla na med// dang po bla ma'i dam tshig dag/ thob pas rgyu dang 'bras bu 'byung // sku gsung thugs kyi rang bzhin te// brtan pa dag ni longs spyod yin// nges par brtan pa mya ngan 'da'// rnal 'byor gyi ni dam tshig gnas// brda yi sbyor ba gsang ba dang // dbang bskur bas ni dngos grub ste// bla ma de bzhin gshegs pa dang / / rgyal ba byang chub sems dpar bcas// dkyil 'khor nag po bla ra med// sngags pa gsang po 'dir zhugs gang // yang dag bla ma bsten par bya// 'dir ni byang
- 66b
chub sems kyis ni/ / bsnyen pa nye bar bsnyen pa dang // sgrub pa sgrub pa chen po yi// khyad par rim pa rtags dang dus// las la sbyar ba shes par bya// ji srid las kyi sbyor ba yis// mgon po 'khor bcas mnyes gyur na// las dang dngos grub sna tshogs pa// myur du 'grub par the tshom med// dpal mgon po chen po dngos grub 'byung ba'i rgyud las/ gsang ba mngon par byang chub pa'i le'u ste dang po'o/ / // de nas bcom ldan 'das de bzhin gshegs pa thams cad dang byang chub sems dpa' thams cad kyis/ bcom ldan 'das rje rje 'dzin pa'i gsung rmi lam lta bur nye bar gsan te gsung rdo rje'i tshig 'di gsungs so/ / rdo rje 'dzin pa gang zhig gis// sgyu ma brag cha'i sgra brnyan ltar// yid 'ong dben pa'i gnas ngag tu// dngos grub thams cad bsdus pa sgrub// bskal pa bzang po 'di la ni// byung ba'i mgon po ma lus pa// kun gyi snying por gyur pa ni// gsang ba zhing skyong mgon po che// sangs rgyas kun gyi mgon po 'dis/ / bstan pa bsrung bar mdzad pa yin// zhes gsungs so// de nas byang chub sems dpa' sems dpa' chen po kun tu bzang po la sogs pa dang / rdo rje 'dzin pa la sog pas/ bcom ldan 'das la 'di skad ces gsol to// gang du rdo rje'i theg pa che// gsang ba bsdus pa'i yang dag lam// sangs rgyas bstan pa srung byed pa'i// snying po 'bras bu lam
- 67a
byed pa/ / snyigs ma lnga ldan dus nyid du// 'dren pa ye shes bstan pa bsrung // 'di nyid gsang ba'i sgrub pa gang // rdo rje'i theg pa 'dir bstan gsol// de skad ces gsol pa dang / de nas bcom ldan 'das rdo rje 'dzin pas bka' stsal pa/ shes rab snying rje zung 'jug pa// ting 'dzin gang du bsgom gyur pa// bla med dkon mchog bstan pa ste// rgol ba ngan pa bzlog par mdzad/ / thub pa mchog gi bstan pa la// 'dzin dang skyong dang srung ba gsum// lnga brgya dus kyi snyigs ma la// bdag tu 'dzin pa spong bar mdzad// sku gsum ye shes lnga ldan par/ / gsang ba gcig pu bsgrub par bya// zhes bka' stsal to// gsang ba'i bde ba chen po dbyings la rab tu zhugs pa bcom ldan 'das dpal he ru ka rdo rje rang rig pa'i rnal 'byor ma'i tshogs kyi dkyil 'khor chen po'i dbus su/ sangs rgyas thams cad kyi lhun gyis grub pa'i gnas gsang ba rang byung bla na med pa'i rdo rje rab tu rgyal ba'i snying po mi phyed pa'i rdo rje'i ting nge 'dzin la snyoms par zhugs te/ sku gsung thugs rdo rje'i snying po ye shes kyi dngos grub sgrub cing bdud kyi g.yul las rab tu rgyal bar byed pa zhes bya ba'i chos mi zad pa yang dag par 'byung ba zhes bya ba ston par mdzad do/ / rdo rje gzhi la gnas pa'i cha// gter gyi bum pa kha sbyar ldan// dus kyi rgyal po 'od gsal ba// chu 'dzin phyogs tsam phyed ldan nyid// sgra dang sgra las khyab
- 67b
pa ste/ / du ma ma yin gnas pa'i yul// dam tshig gsang ba 'byung ba las// rgyal ba rin chen 'bar ba'i gtso// phyogs dus med par rang byung ba// chos 'byung pho brang dkyil 'khor du// rigs kyi yon tan ldan par ni// nam mkha'i rgya mtsho 'bras ldan pa// phun sum tshogs pa lhun gyis 'grub// mi phyed lhan cig skyes pa rgyal// pho brang gsang ba'i gzhal yas khang // dkyil 'khor rin chen 'od 'khrug pa/ / ge sar pad+ma'i dbus su ni// kun nas zlum por 'khor ba ni// tshad med 'phreng bas brgyan pa ni// bkod pa dpag med rim par ldan// ri rab lhun po mchog byung ba'i/ / de nyid kun nas yongs bskor ba'i// rgya mtsho dang ni ri rnams te// shin tu mnyam zhing mtshungs par 'khor// de nyid rim pa yongs su brtan// bye brag mtshungs med dmar chen mcho/ rim pas chu gter 'o ma'i gnas// 'byung ba bsdus pa mi lus kyi// phung po rus pa'i ri bo la// phyi nang mnyam pa'i tshad can gyi// lhun gyis grub par bstan pa yin// de las dngos po sna tshog kyis/ / tha dad snang ba ye shes gzugs// rang byung bde ba chen po nyid// mnyam pa med pa kun tu 'byung // dus gsum de bzhin gshegs pa yi// 'byung gnas snying po rdo rje'i gdan// rdo rje skyil krung mi phyed las/ / thog mtha' med pa'i rang bzhin can// gsang ba chen po'i rigs dag pa'i// 'dod chags rdo rje'i skur ldan pa// lho phyogs bya rkang ri dang ni// dpal gyi rol mdun
- 68a
phyogs pa/ / d+hu na ka Ta barba ta// pad+ma ge sar rgyas pa'i dbus// chos kyi 'byung gnas rtag par gnas// dpal ldan dga' ba'i khang pa brtsegs// gsang ba sngags kyi/ rgya mtsho yi// ma lus rgyal ba bgrod pa'i yul// gsang ba chos kyi dbyings chen po// dpal ldan rgyu skar dkyil 'khor du// kla klo'i yul gyi mi rnams dang // lha dang lha min dri zar bcas/ gsang chen yongs su rdzogs pa yi// rang byung ye shes pho brang du// tshangs dbang khyab 'jug dbang phyug bdag/ dkyil 'khor sgo bzhir bcug nas kyang // skye bo chags can rab 'dul phyir// mchog tu gyur pa'i snying po gsungs// phyogs bcur gnas kyi sangs rgyas dang // byang chub sems dpa'i tshogs rnams dang // dpa' bo rnal 'byor dbang phyug tshogs// gang+gA'i klung gi bye snyed kyi// khrag khrig ri rab rdul mnyam pa// de dbus seng ge'i khri re bzhugs pa'i// thub pa'i rgyal po de bzhin gshegs// rdo rje 'dzin pa chen po la// rdo rje snying po sems dpa' che// bla gos phrag pa gcig gzar te/ / pus mo'i lha nga sa la btsugs// thal mo sbyar te 'di don zhus// gsang chen khyad par 'phags pa yi// lhun gyis grub pa'i phyag rgya che/ mi 'gyur rdo rje theg pa'i lam// dus dang gnas dang gang zag ste// spyod yul bstan pa'i khyad par gyi// grub dang sgrub pa 'phrin las tshogs// thabs dang stobs dang 'jug pa ste// rim pa mngon byed rgyur ldan pa// de nyid bcom
- 68b
ldan gsung du gsol/ / zhes gsol to// de nas bcom ldan 'das rdo rje 'dzin pas bka' stsal pa/ bla ma sangs rgyas bstan pa la// dga' zhing mgu la rab dad pa'i// sems dpa' chen pos gsang ba'i don/ / rab tu zhus pa legs so legs// shin tu rmad du byung ba yi// gdul dka' ma lus gdul don du// byang chub sems kyi ye shes mdzod// khyod la yang dag bstan par bya// de nas dngos grub thams cad kyi// grub pa rab tu ster byed pa// rgyal ba kun gyi snying po ste// gsang ba las kyi rim pa nyid// dus gsum sangs rgyas thams cad kyi// bstan pa srung zhing bka' la gnas/ / dam tshig 'dzin pa'i zhing skyong la// mgon po sa bcu'i dbang phyug gtso// dpal ldan rig 'dzin thams cad la// mchog tu gyur pa'i las sgrub pa// dpal ldan nag po chen po ni/ 'dis ni lha min 'dus pa yi// g.yul las rgyal bar byed pa yin// lha srin sde brgyad ma lus pas// mchod 'os gtso bor gyur pa yin// dpal ldan lha mo chen mo dang // nag mo re ma tir gyur pas/ / lham dral gyur pas bstan pa srung // sku dang gsung dang thugs gsang ba// phyi nang de nyid kho na'i don// yon tan 'phrin las dbang phyug tu// dam tshig mgon po zhing skyong ba// nyi shu rtsa bzhi'i gtso bo ste/ / gzhan du sa gsum dbang byed pa'o// dpal mgon po chen po dngos grub 'byung ba'i rgyud las/ gsang ba spyi la dgongs pa'i le'u ste gnyis pa'o// // de
- 69a
nas gsang ba bshad bya ba/ / 'di nyid bla med sgrub pa po// 'khor ba'i rgya mtshor lhung ba yi// sems can sdug bsngal gzigs nas ni// ji lta ji ltar grol 'gyur ba/ de dang de yi thabs ston mdzad// dus ni bskal pa bzang po yi// rdzogs ldan tha mar gyur pa yi// dpag med dus las 'das nas ni// gnyis ldan dang ni gsum ldan las// rtsod pa'i dus kyi rim pa la/ / bcom ldan tshe lo brgya pa'i dus// de nyid bstan pa'i snyigs ma yi// lnga brgya pa yi dus kyi mthar// shin tu gdug cing rtsub pa yi// mi bsrun pa yi dus kyi tshe// de tshe mgon po'i bstan pa 'byung / / gang zag la yang gnyis su bshad// bsgral bar bya ba'i gang zag dang // sgrol bar byed pa'i sgrub po ste// dang po bstan pa 'jig byed cing // dkon mchog gsum po smod pa dang / / bla ma la sdang bdag la smod// de dag la sogs bya bar bshad// sgrub pa po ni rnam pa gsum// he ru ka dpal rnal 'byor ma// dag cing sbyangs te ting 'dzin gsal// rim pa go 'phang thob pa ste/ / thun mong spyi dang bye brag tu// dam tshig gnas pa'i rdo rje 'dzin// gnas kyi khyad par 'byung ba yang // bsnyen pa'i dus dang bsgrub pa dang // las la sbyar ba'i dus shes pas/ / yid 'ong dben dang dur khrod sogs// bsam gtan 'phel dang khyad par ba'o// yul dang dbang po'i spyod yul du// mthong ba dang ni thos pa dang // reg pa dang ni dran pa yis//
- 69b
dkyil 'khor pa yi snang ba yang // ma lus dngos po gang shar ba// bde ba can du shes par bya// bstan pa kun las bsdus pa ni// byang chub sems dpa'i lam las kyang // gsang ba 'bras bu lam byed pa/ / rdo rje theg pa 'di nyid de// bstan pa 'dzin skyong srung dang gsum// 'di ni khyad par bsrung ba yin// grub pa bsnyen pa'i ting 'dzin dang // nye bar bsnyen pa'i ting 'dzin dang / dpal ldan khrag 'thung ye shes che// rnam dag mtshan nyid kun grub pa// bde ba'i bsod nams rgyun gnas pa// rnam dag stobs ni rgyas par byed// bsnyen pa'i dus su rang lha yi// he ru kar ni gnas pa yi/ / bdun du bka' sdong ngam tshig gi/ mgor po phyag bzhi bsgom par bya// de nas thugs ka'i rang sngags las// 'od 'phros 'khor ba'i bzlas pa las// khyad par du ni sgra bcas dang / / shin tu ngal bar bzlas pa bya// nye bar bsnyen pa'i dus su ni// bdag nyid he ru ka las ni// hAM phyung mdun du 'od 'phros pas// bskyed cing mthar ni nye bar bsdu// sgrub pa'i dus su mgon pa yi// rgyas 'debs spyi bor he ru ka/ de 'ang gsang sngags phyogs bcas pa// de nyid sems dpa' sum brtsegs bsam// gsang ba zhing skyong rgyal po che/ gsum gyis bsgrub pa'i tshul// 'jig rten 'jog rten 'das pa'i bdag/ thams cad bde chen gnas pa la// dus gsum 'khor lo gsum du gnas// brtul zhugs 'dzin pas 'thob
- 70a
par 'gyur/ / sgrub pa chen po bla na med// ye shes mgon po chen po nyid// khwa gdong la sogs lha mo brgyad// rim pa bzhin du yongs su bskor// dkyil 'khor brang dbus su yang / / dur khrod du ni mgon po rol// 'jig rten gsum na rnyed dka' ba// dam tshig spyod pa'i rang bzhin ni// rtag tu rang sngags sbas pa ste// rab tu 'bad de gsang bar bya'o// 'phrin las khyad par gang yin pa// las la sbyor ba rim shes bya// rengs par byed dang skrod pa dang // rmugs par byed dang brgyal du 'jug/ rnam par rmongs dang lkugs par byed// dug gis/ 'dzin dang 'on long dang // rang sha rang gis za byed cing // gshis ngan dug dang khrag tu skyug/ 'di dag dus min 'chi byed pa// las kyi khyad par yongs su bstan// char dbab pa dang sprir dral dang / / thog dang ser ba dbab pa dang // rang phyogs su ni zlog cing srung // byang ka bzlog dang ngag bcing dang // nus pa gzhom dang cho 'phrul dang // phran tshegs las kyi gsang ba'o// thabs ni las kyi rim pa ste// rten gyi gang zag 'ga' zhig gis// dang por bla ma mnyes par bya// gnyis par dbang bzhi thob pa dang // gsum par byin gyis brlabs nas ni// bka' bsgo rjes gnang tshul bzhin du/ ma nor 'jug pa'i go rim shes// rten tshul khyad par shes par bya// stobs ni chos rnams thams cadapa/ sgyu ma lnga bur shes pa dang // yang dag bden pa'i stobs
- 70b
kyis ni/ / rang bzhin med par rtogs pas 'byung // 'jug pa thun mong ma yin la// byams pa snying rje byang chub sems// tshad med bzhi dang ldan pa yis// 'gro ba'i don la sems pa po// mngon du byed pa nyer sgrub ste// dus dang grangs dang mtshan ma ste// dang po bar dang tha mar yang // gtso bo dang ni 'khor rnams kyi// gang grub rab 'bring tha ma ru// rtags kyi dbye ba bstan pa yin// rgyu ni thog ma med pa yi// rten cing 'brel par 'byung ba ste// mngon sum du ni 'byung ba la// gang gis dgag par mi nus pa// de las 'bras bu phun sum tshogs// snying po smin pa bzhin du 'byung // gang du thogs med rdo rje yi/ snying po zad pa mar pa'i ngon/ yang dag ye shes snang ba po// bla ma'i drin las theb par 'gyu dpal mgon po chen po dngos grub 'byung ba'i rgyud las/ gsang ba'i rim pa bstan pa'i le'u ste gsum pa'o/ / // de nas dpal ldan bdud 'joms pa'i// sgrub pa yang dag rab tu bshad// gsang ba'i mgon po chen po yi// sbas pa'i yum dang bcas pa yi// gsang ba mkha' 'gro ma bzhi dang / / lhan cig tu dgyes par rol// zhal gcig pa la phyag bzhi pa// gdul dka' 'dul ba'i dpa' bo ni// zhal gcig pa la spyan gsum pa// mi thung khros pa ut+pal mdog/ mgo skyes gyen 'greng bajam pa'i sku// ro yi gangan la bzhugs mdad cing // klu brgyad rgyan gyis brgyan pa po// khros pas char sprin nag po ltar// me stag phung po lta bu yi// spyan gsu
- 71a
drag po'i lta bas gzigs/ / glang po'i tshul can stobs ldan pa// rgyu ma'i ngo shal sbyangs pa yi// mi mgo rlon pa'i 'phreng bas klubs// shin tu mi bsrun sgeg pa'i sku// bdud 'dul chen po lha yi lha/ / nyams ldan gzi brjid phun sum tshogs// ma rig mun sel sgeg pa'i nyams// rmang byung chos sgrogs bzhad par ston// brtul zhugs spyod pa dpa' bo ste// gdug pa 'dul mdzad 'jigs par ston/ / log lnga spong byed gtsigs pa'i nyams// gdug pa tshar gcod 'jigs par ston// ngo mtshar nyon mongs 'joms mdzad cing // khro chags mi g.yo zhi ba'i thugs/ g.yas kyi dang pos gri gug bsnams// g.yon gyi dang pos thod khrag 'dzin// g.yas kyi gnyis pas ral gri 'debs// g.yon pas kha T+wAM 'dzin par mdzad// gsung gis ha ha zhes sgrogs pa/ log par lta ba 'joms par mdzad// stag gi pags pa'i sham thabs can// sna tshogs chu skyes nyi mar bcas// rang byung rol pa'i stabs kyis gnas// de yi mdun du gtum pa mo// lha mo zhal gcig phyag gnyis ma/ / mun pa'i mdog can zhal gcig ma// phyag gnyis spyan gsum khro tshul can// gri gug thod pa bsnams par mdzad// yab la phyag rgya drug gis brgyan// yum la lnga yis rgyas btab gnas/ / sku dang gnyis med 'khril bar bzhugs// me 'od 'phreng bas yongs su bskor// ye shes rgya mtsho'i 'khor bsrungs pa// shar phyogs mkha' 'gro 'phrog ma dang // lho phyog
- 71b
glang sna ma zhes bya/ / nub kyi srin mo ral pa can// byang dus yi gtsug yin no// gang du rgya mtsho chu dngas dang // nag po'i chu dang 'dra ba'i sku// ma rungs 'joms byed nag po che// 'bad pas snying rje bskyed pa nyid/ / gsad par bya ba brjod pa nyid// snying rje med na mi 'grub pas// de phyir snying rje bskyed par bya// mtshas sa med lnga ni byed pa dang // sangs rgyas bstan pa 'khrug byed pa/ zhe sdang rigs kyi ting 'dzin gyis// re zhig tsam du gsad par bya// gzas pa'i sha la rtag tu rol// kun tu gtum pa'i shugs 'chang ba// yul dang yul du rol byed pas// shing rnams la ni gnas nas kyang / / dkyil 'khor zhing rnams skyong bar byed// dur khrod gnas kyis yongs su bskor// ma mo'i gnas sogs khyad par byed// klu yis mchod pa'i zhing skyong ba// me yi phye mas yongs su bskor/ / sgo dang mig gis khyad par 'gyur// gtso bo'i sngags kyi lus car te// sgrub pa po yi lus la gnas// de dag rim par dus bstan pa// dam tshig ldan pa'i sngags pa yis/ sgrub pa'i rdzas rnams khyad par las// 'bru nag gtor ma rab tu shis// sha chen gyis ni brgyan pa yi// tshegs rdzas pU dza gus pas dbul// phyi nang gsang ba khyad par las// bstan pa'i tshul gyis 'phrin las las/ / bye brag rgyun dang gnas skabs pa// grub dang sgrub pas mngon du 'gyur// dus rnams kun tu zhe sdang gis// rnam pa kun tu gzhom mi bya// yul min pa la bsad byas na//
- 72a
rnal 'byor dam tshig las nyams phyir// grub pa ram yang yong mi srid // khyad par ye shes bla med pa// dam tshig mgon po sgrub pa yi// dam tshig 'di ni rmang po che// bde ba gshegs pa'i lam sbyor mdzad/ / byang chub sems kyi zla ba 'di// yar ngo mar ngo rab tu gnas// yar ngo yis ni skyed byed la// mar ngo la ni 'grib par byed// yar ngo yi ni bco lnga la// byang chub sems kyi mkha' 'gro yang / / bde ba chen por 'du bar mdzad// 'di ni nges pa'i don du gsungs// dkyil 'khor lha nyid lus nyid yin// gzhan du lha dang dkyil 'khor ni// btsal yang rnyed par mi 'gyur zhes/ / 'dren pa dpa' bos rtag tu gsungs// sku gsung thugs kyi gsang ba la// drag po kun gyi srog gyur pa// yon tan 'phrin las dbang phyug gi/ phyi nang gsang ba'i bdag po yin/ / ston pa gnas pa'i rang bzhin las// 'khor lo dgug bya gnyis med bstib// dngas snyigs las ni rgyu 'bras dang // gnas pa khyad par rten 'brel te// 'khrul dang 'khrul pa ma yin pa/ / khams gsum kun la dbang byed pas// 'jig rten las dang ye shes kyi// mgon po'i khyad par mngon 'byung ba// gdags pa tha snyad khyab pa po// thun mong bar ni bstan pa yin/ / 'di dag las dang skye bo las// sgrib pa thun mong lha yi cha// dngos dang brgyud pas lung bstan pa// srog dang srog ma yin pa ste// rgyu dang rkyen dang bskul ba yis// gsang sngags
- 72b
bzlas pa mngon par phye/ / 'di ni mngon du 'byung ba'o// dpal mgon po chen po dngos grub 'byung ba'i rgyud las/ gsang ba mngon par 'byung ba'i le'u ste bzhi pa'o// // de nas yang dag bshad bya ba/ / he ru ka dpal mgon nyid kyi// gsang ba'i sprul pa nag po che// 'di yi sgrub rim bshad par bya// gsang ba'i sgrub pa'i thabs mchog ste// skal ba can la sbyin par bya// gang du sgrub pa'i sa phyogs su// mi mthun g.yeng ba spang byas nas// de nas nag po bsgrub par bya// 'gro ba kun la rab bltas nas// tshad med byang chub sems kyi blos// snying rje chen po bskyed byas nas/ / bde ba'i stan la 'dug nas ni// lhor bltas skra grol gcer bu yis// dang por skad cig tsam gyis ni// rang lhar bskyed pa'i snying kha ru// a las zla ba'i dkyil 'khor yang / bsil zhing 'od dang bcas pa bsam// rang steng raM las nyi dkyil 'khor// rnga bdun 'od zer tsha ba dang / me yi rang bzhin 'phro ba bsam// de dbus yi ge hUM nag po// ye shes lnga pa'i rang bzhin can/ / de yi 'od kyi snang ba las// dpag med kha dog bzhi bcas bsam// rang bzhin gnas su 'phros pa las// bla ma dang ni lhag pa'i lha// dkyil 'khor 'khor lo bcas pa dang / nag po chen po 'khor dang bcas// mdun gyi nam mkhar bzhugs pa la// skyabs su 'gro dang mchod pa 'bul// sdig pa bshags pa la sogs bya// bzod par gsol nas gshegs su
- 73a
gsol/ / de rjes dngos po thams cad kun// ma lus stong pa nyid gzhug cing // oM swa b+hA ba shud+d+ha sarba d+harmA A b+hA ba shud+d+hohaM/ oM badz+ra shud+d+ha sarba d+harmAHbadz+ra shud+d+ho oM yo ga shud+d+haHsarba d+harmA yo gA shud+d+hohaM/ zhes brjod par bya'o// phyi dang nang gi dngos po kun// gdong nas dag pa'i ngang du bsam// de nyid hUM dang bcas pa yang // nA da tsam du gnas pa las/ nam mkha' lta bu'i ngang las ni// tshangs pa'i gnas bzhi khyab par bya// de las sa bon 'di dag ni// 'chad bzhin pa las rim pas bsam// yaM las rlung gi dkyil 'khor dang // raM las me yi dkyil 'khor dang / / baM dkar chu yi dkyil 'khor te// laM las gser gyi sa gzhi nyid// de steng bruM las ri rab 'byung // de dag phyi nang ngo bo nyid// de dag steng gi cha la yang // dbus su paM las pad+ma ni/ / sna tshogs pad+ma rgya che ba// lte ba ge sar bcas dbus su// ha las sna tshogs rdo rje ni// kha dog lnga dang ldan par bsam// de dbus raM las nyi ma yi// hUM yig sa bon las byung ba/ / sa gzhi ma lus rdo rjer gyur// steng 'og phyogs mtshams rdo rje dang // ral gri 'khor lo mda' dang ni// phur bu gri gug kha T+wAM ga/ rdo rje rtse gcig pa dang ni// rtse gsum nyi shu rtsa lnga'i sngags// du ma rnam par 'phros nas ni// shin tu rgya che bsam par bya// bla re ra ba sogs dang ni// gur gyi rnam par mtshams bcing bya// me 'ong 'bar ba khyad par 'gyur// 'di dag srung ba'i khyad par ro//
- 73b
bruM las byung ba'i 'khor lo ni// rtsibs bcu pa ni yongs su 'khor// de steng raM las nyi dkyil 'khor// de yi dbus su hUM mdzad do// zhal gsum phyag ni drug pa ste// rin chen klu dbang rgyan dang ldan// / rol pas rnam par sgeg par bsam// raM las nyi ma'i dkyil 'khor dbus// de steng hUM bcu rnam par bsam// de las khro bo'i rgyal po bcu// zhal phyir gzigs pa rnam par bsam// khro bo de dag re re zhing / / phyogs skyong bcu po gdan la ni// bkug nas gnyis med bzhugs par bsam// de la gsang sngags brjod tsam gyis// phur bus gad ba dang brdung bar bya// des ni bla med mchog dag 'gyur/ / khro bo de dag re re zhing // brtan par bya phyir gsang sngags brjod// oM dkar 'khor lo dang bcas pa// 'od ldan de las spros bsdus pa// bcom ldan rang bzhin yangs shing khyab// 'od du zhu nas gzhal yas khang / / rin chen sna tshogs las grub pa// gru bzhi sgo dang rta babs bcas// rdo rje dang ni nor bu yi// 'od zer 'khrugs pa'i rnam pa'o// pho brang nang ma zlum po la// re mig dgu pa rdo rjes bskor/ / phyi ni pad+ma mu khyud bcas// de yi nang na e yi dbyibs// drag po'i gnas su bsam par bya// dbus ma'i nang du paM las ni// pad+ma'i zlar bcas pa bsam// A li kA li 'dus pa las/ / de las nam mkha'i sa bon te// nam mkha' las ni hU~M byung ste// gnyis med zhugs las 'od du zhu// de la rdo rje gri gug bsam// 'od kyi snang bas khyab pa las// skad cig gis na
- 74a
sku rdzogs pa/ / nag po chen po bsam par bya// zhal gcig phyag bzhi 'jigs pa'i gzugs// dpa' bo chen po rol pas bzhugs// yab yum gnyis su med par bsam/ de ltar yab yum rdzogs bskyed nas// mkha' gsang byin gyis brlab bya ste// sngags brjod pas ni dgyes pa bskyed// de las dkyil 'khor lha tshogs rnams// yab yum snyoms par zhugs pa las/ / yum gyi mkha' dbyings bde chen du// so sor cho gas bskyed byas la// phyi rol du ni rim gyis 'byung // dang por gtso bo'i rgyan dang bcas// rdzogs par phyung ste d+hU tI nas// gyen du thugs ka'i pad+ma las/ / 'thon te 'gro ba'i don byas la// slar 'dus rang la thim gyur pa// dpal ldan snying rje'i stobs su gnas// de las rim pa ji bzhin du// phyung nas so so'i gdan la bzhugs/ gtso bo'i phyogs bzhir mkha' 'gro bzhi// zhal gcig phyag ni bzhi pa ste// gar stabs ldan pa'i lha mo ni// g.yas brkyang ba ni rnam par 'gying // dpa' mo bde ba'i skur bskyed pa'o// mtsham bzhir thod pa bdud rtsis bkang / / sna tshogs pad 'dab la gnas pa// nyi ma la gnas mgon po ni// shar du sku yi mgon po dang // lho ru yon tan mgon po dang // nub tu gsung gi mgon po dang / / byang du las kyi mgon po ste// thams cad zhal gcig phyag gnyis pa// gri gug thod pa bsnams pa'o// so so'i g.yon du yum re re// gtum mo dang ni drag mo dang // zlog byed ma
- 74b
dang dpa' mo ste/ / zhal gcig phyag gnyis rgyan dang bcas// de yi phyi yi gru chang la// beng 'dzin pa dang kha T+wAM ga/ gaN+DI 'dzin dang rgyal mtshan 'dzin// so so'i yum dang bcas pa ste// zhal gcig phyag gnyis 'bar ba'o// de yi phyi rol sgo dang grwar// lha mo brgyad po gar gyis rol// thams cad zhal gcig phyag gnyis pa// gar stabs ldan pas bzhugs pa'o// dkyil 'khor lha rnams rdzogs pa dang / / de nas gtso bo yab yum dag/ snyoms par zhugs pas 'od du zhu// de nas lha mo bzhi yis ni// rdo rje tshad med dbyangs kyis bskul// e baM si ta u Da na nI bA/ dza hi d+ha ma d+ha ma g+ha ma g+ha ma aM ka ma/ d+ha d+ha sha ri d+ha raM/ sa ni sa sa sa ni ga ma sa sa sa/ ri ga mo bu ma te sa ri sa ra sa ri ri sa ni sha/ ma hA ma a d+ha ma sa sa/ shu tra ni sA sa sA/ sa ni sa ri ta g+ha ma aM g+haM/ a ta ma ta ya/ sa sA pa pa/ ma ya a pa sa dAM na ma a i/ de ltar bskul bar gyur pa las// de ltar nye bar gsan nas ni// thugs rje'i ngang las bzhengs mdzad de/ nag po gsang ba'i bu dang bcas// shin tu 'jigs shing 'bar ba'i sku// bdud 'dul chen po rgyan dang bcas// spro ba dang ni bsdu bar mdzad// de nyid brtan dang mnyes par mdzad// sku gsung thugs ni rgyas gdab cing / / ye shes gzhug dang dbang bskur dang // byin gyis brlabs dang mchod pa dang // sngags kyis brtan ched bzlas pa bya// bdud rtsi myang dang bstod cing bskul/
- 75a
ting 'dzin don pas mnyer bsdu bya// de nas ldang bar gyur pa na// gnyis pa lha rnams thams cad kun// skad cig gis ni rdzogs bya ste// de yi dang la ting nge 'dzin gsang ba khyad par rdzogs par bya/ / rnam rtog bag chags kyis bcings la// rtog pa dag pa'i thabs mchog ldan// rnam rtog rang bzhin yongs shes na// de nyid thob tu med pa ste// bde ba chen po yang dag 'byung / / tshogs pa med pas kun tu spyad// 'di de'i rang bzhin rnal 'byor pa// rig ma rnams la rol byed na'ang // de nyid shes la bcing med de// rnam par rol pa'i tshul mchog go/ / dpal mgon po chen po dngos grub 'byung ba'i rgyud las/ gsang ba lha'i gnas mngon par 'byung ba'i le'u ste lnga pa'o// // de nas yang dag bshad bya ba/ / gang du sngags kyi yi ge dang // bzang po'i sngags kyi 'phreng ba 'di// rdza rnga bcings pa las shes bya// re mig bdun pa'i grangs kyis ni// kun nas mnyam par dgod par bya// mkhas pas dbyangs dang gsal byed ni// sde tshan rim pas phye ba nyid// kun nas bskor ba'i tshul gyis ni// rim pa bzhin du btu bar bya// sde tshan drug pa'i lnga pa ni// ha yi mgo na gnas pa blang / / usma Sha yi bzhi pa nyid// wa 'og gnas pa de nyid de// sde tshan gnyis pa'i dang po ste// pa yi steng na gnas pa blang // an+tas+tha yi gsum pa ste// ya yi steng ma yang dag blang //
- 75b
sde tshan brgyang pa'i bzhi pa ni// ma yi steng na gnas par sbyar// sde tshan dang po'i gnyis pa nyid// nya yi 'og na gnas pa sbyar// sde tshan dang po'i lnga pa ste// Da yi 'og na gnas par sbyar sde tshan dang po'i bco lnga pa/ / d+ha yi steng na gnas pa yi// zla tshes thig les brgyan par bya// sde tshan dang po'i bcu bzhi po// de yi 'og ma'i yi ge la// dbyangs kyi bco lnga pa yin to// d+ha yi 'og mas brgyan par bya// de nyid thog mar sbyin bya yin// sde tshan drug pa'i gnyis pa yin// na yi 'og na gnas pa ste// bzhi pa yi ni thog ma gang // ra yi 'og ma sbyar byas te// mar 'byung ba'i drug po ste// 'di ni yid sbyin nor bu ster// tsha yi steng na gnas pa gang // b+ha yi 'og ma rnam par blang // Da yi steng mas brgyan par bya// ha yi 'og na gnas pa dang // wa yi 'og ma gzung bar bya/ / pa yi steng ma nyid btu bya// ya yi steng na gnas pa las// nya yi steng mas las kun byed// ma yi steng gnas yi ge nyid// ra yi 'og ma sbyar byas la// nyis 'gyur d+ha yi steng mas brgyan/ / tsa yi steng na gnas pa la// oM yi steng ma drug tu gzhag/ 'di ni dngos grub 'byung ba'i gnas// da yi steng ma'i yi ge la// d+ha yi steng mas yang dag brgyan// rig byed mngon sum dang por gnas// ma lus ye shes skur gyur pa'o// Sha yi 'og na gnas pa la// b+ha yi 'og ma'i yi ge dang // Na yi 'og nas rab sbyin dang // sa yi 'og ma yang dag blang // tha 'og Da 'og sngan du sbyar//
- 76a
sa bar gnas yi ge dang // dzA yi 'og ma bdag po ste// sha yi bar na gnas pa gzung // kha dang a yi bar gnas pa// ta yi 'og ma nya steng ldan// ma yi steng gnas ri 'og sbyar/ / thig les brgyan pa nyis 'gyur sbyar// tsa yi steng na gnas pa la// a yi sbeng mas brgyan pa drung // 'di ni sbas pa'i snying po ste// rang srog yi ger gsang ba'o// nga yi steng ma'i yi ge las/ / d+ha yi steng mas brgyan par bya// sangs rgyas kun gyi ye shes che/ snying po bzlas pa'i rig pa ste// bkra shis pa ni thog mar sbyar// na yi steng mas yang dag brgyan// dza yi gong ma d+ha steng sbyar/ / sa la bar gnas Da steng sbyar// thig le nA das brgyan par bya// na 'og d+ha steng mgo bor sbyin// 'di las ma steng ri 'og ldan// thig le zla tshes dag gis mtshan// tsa yi steng na gnas pa la/ / ra yi 'og ma drung du sbyin// b+ha steng gnas pa la 'og sbyar// nya yi 'og ma yang dag ldan// sha sa par gnas nya 'og sbyar// 'di ni gsang ba'i bzlas pa ste// bya ba stobs ldan nyid yin no/ / gang du mngon par phyogs pa yi// dpal ldan nag po chen po yi// gsang sngags mchog tu gyur pa 'dis// stong dang brgya pa bcur 'gyur gyis// rigs ni dam pa'i sa la gnas/ / thob pa yul dang yul du gnas// pha yi 'og ma dang por blang // ha yi 'og ma blang byas la// tha yi steng ma sbyin par bya// Da yi steng ma'i drung nyid du// sha yi thog mas brten par
- 76b
bya/ pha yi steng mas btu bar bya// la yi steng ma'i yi ge la// Da yi steng mas stan du sbyar// nya yi steng ma nyis 'gyur la// phyi ma nya yi 'og mas brgyan// i yi 'og gyur bsdus pa la// sha yi steng ma drung du sbyar/ / la yi 'og ma rgyan du byas// nya yi 'og gis sbyin par bya// o yi 'og na gnas pa la// nya yi 'og mas brgyan par bya// de yi 'og mar gnas pa la// thig le nA da dag gis brgyan// da yi 'og ma'i yi ge la// u yi steng ma sbyin par bya// tsha yi steng na gnas pa gang // b+ha yi 'og ma rnam par blangs// ta yi steng mas brgyan par bya// dA yi 'og ma gnas pa dang // wa yi 'og ma gzung bar bya/ / sa yi steng ma nyid bsdus la// ya yi steng na gnas pa las// nya yi 'og gnas de la brgyan// nya yi 'og ma kun gyi rten// sa yi steng ma blang bar bya// b+ha yi steng na gnas pa la// la yi 'og mas brgyan par bya// pha yi sdeng ma nyid de blang // dz+nyA yi 'og ma nga steng dang // pa yi steng na gnas pa la// u yi steng ma yang dag blang // e yi 'og gnas yi ge la// d+ha yi steng ma mgo bor sbyin/ / la tha bar gnas pa la yang // Na yi steng mas brgyan par bya// ma steng thig le nA das brgyan// dza 'og gnas pa'i yi ge la// nga steng sa yi steng ma dang // pha 'og ta yi 'og mas brgya no/ / dza yi gong na gnas pa dang // ma yi steng ma sa stengs gnas// ya yi steng ma 'di dang ldan// dza 'og la yi steng ma la// d+ha yi steng mas mgo bor brgyan// Da yi 'og ma sha stengs
- 77a
ldan/ / thig lenA das brgyan pa'o// Da yi steng mas cha nyid du// sha yi thog mas brten par bya// pa yi steng ma btu bar bya// la steng gnas pa Ta steng bsgyur// la yi steng dunyis 'gyur ba/ / phyi ma'i nya yi 'og mas brgyan// dbyangs yig dang po ka 'og can// sa steng gnas pa nyid dang yang // u steng gnas pa yang dag bcas// sa steng gnas pa thig les brgyam yi steng ma'i gnas pa la/ / aM yi 'og gnas ga bdun gnas// ta yi 'og ma mgo bor sbyin// nga steng gnas pa ca 'og sbyar// la steng gnas paT 'og bcas// la 'og zur gnas sbyar bar bya/ / b+ha yi 'og ma'i yi ge la/ ma steng gnas pa stan du byas// sha 'og rnga yi steng mar sbyar// Na 'og gnas pa nyid drung ste// bla steng gnas pa'i 'og mas brgyan// sha sdang drung du sbyin par bya/ / la steng sha yi thog ma la// phyi ma nya 'og gnas pas mdzes// Ta 'og sha thog thig les brgyan// sha thog ri yi 'og mas brgyan// ba thog la steng gnas par sbyar// de la 'jog sbyir par bya/ / bsteng gnas pa la 'og ldan// wa 'og dag gis yang dag mdzes// ka ga bar gnas pa nyid la// nyis 'gyur du ni bsdu bar bya// g+ha steng gnas pa de nyid la// nya 'og brgyan po nyid du bya/ / ma yi thog mar 'og bcas// g+ha steng gnas pa nyid dang ni// wa 'og gnas pa pa 'og sbyin// ha 'og Na yi 'og mar ldan// dri ma nyis 'gyur shes par bya// kha 'og mam
- 77b
yi ga la/ / mu ri bar gnas sbyar bar bya// ma steng pa 'og 'og tu sbyin// de ni nyos 'gyur sbyar bar bya// tsha yi steng ma pa thog drung // Sha mi thog madrung du gnas// de ni zung du sbyar bar bya/ skyeng gnas pa sa thog drung // nyis 'gyur rim par shes par bya// sha thog gnas pa wa thog drung // lan gnyis su ni brjod par bya// ka 'og gnas pa pastan pa// ba 'og stan du byas pa nyid/ nyis 'gyur dag tu shes par bya// b+ha steng gnas pa Ta steng drung // Sha yi 'og ma stan du byas// sha ste dar yi 'og ma sa brgyan// d+ha 'og i thog stan du sbyar// pha yi steng ma drung du gzhag ha yi 'og ma Na 'og ldan/ / pha thog drag por 'gyur ba'o// sha steng tha yi 'og mas brgyan// 'di nyid rim pa mngon spyod pa'i// mA ra ya yi thog mar sbyar// ma yi steng gnas ri 'og sbyar/ nyis 'gyur thig le nA ngas brgyan// tsa yi steng na gnas pa la// i yi steng ma brgyan pa drung // bla thog tha thog gnas pa sbyar// de la nya yi 'og mas brgyan// ma steng gnas pa nya 'og ni/ yang dag stan du bya ba'o// 'di ni dri med bde ba'i gter// snying po gsang sngags 'di nyid ni// gang du gnas pa'i sa phyogs su// nag po chen po 'khor dang bcas// ma lus zhing skyong 'khor dang bcas/ / dur khrod rol ce spyang dang // sha ba'i tshogs rnams 'du ba bzhin// nges par 'du bar byed pa ste// bstan pa rgya mtsho srung byed pa'o// dpag tshad brgyad khri'i bar du ni// de ma
- 78a
bgegs rnams ma lus pa/ / til 'bru tsam du byed par mdzad// snying po 'di ni zos byed cing // gang du nyi ma gcig tu yang // ma chad mngon par sems pa yi// he ru ka dpal rnal 'byor la/ / 'jigs pa kun las srung ba dang // zhi ba dang ni rgyas pa dang // de bzhin dbang dang mngon spyod la// thogs pa med par 'grub par 'gyur// ji srid mtshan ma ma byung gi bar du 'bad de bsgrub par bya/ / mtshan ma byung nas bla ma yi// man ngag bzhin du las la sbyar// dpal mgon po chen po dngos grub 'byung ba'i rgyud las/ gsang sngags kyi le'u ste drug pa'o/ / de nas gzhan yang bshad bya ba// yang dag ye shes bskyed pa po// gdug pa ma lus 'dul mdzad pa// gtum po de yi gsang ba'i yum// lha mo bzhi dang bcas pa yi/ / gsang sngags btu ba bshad par bya// dbyangs yig bcu bzhi pa dag la// thig le nA das rnam par brgyan// rig byed mngon sum dang por gnas// drug pa yi ni lnga pa dang / / mthar gnas pa yi bzhi pa dang // bdun pa yi ni dang po nyid// an+tas+tha yi gsum pa ste// dang po'i gsum pa thog tu sbyin// lnga pa'i lnga pa gsum pas brgyan// gnyis pa yi ni dang po la/ / an+d+ras+tha yi gsum pas stan// dbyangs kyi bcu gsum pa yis brgyan// drug pa yi ni dang po dang // dbyangs kyi dgu pas gnas der sbyar// gnyis pa yi ni dang po ni// an+tas+tha yi
- 78b
gsum pa dang / / de nyid kyi ni gnyis pa dang // lnga pa yi ni dang po la// dbyangs kyi bdun pas steng 'og sbyin// lnga pa yi ni lnga pa la// dbyangs kyi gsum pa mgo bor sbyin// gsum pa yin dang po la/ / drung du lnga pa'i lnga pa sbyar// lnga pa'i bzhi pa dag dang sbyar// dang po'i dang po'i drung du ni// gnyis pa'i gsum pa sbyar ba dang // mthar gnas las kyi phyi ma yi// de la dbyangs kyi gsum pas brgyan/ / an+tas+tha yi dang po la// dbyangs yig bcu gcig pa yis brgyan// brgyad pa yi ni bzhi pa la// dbyangs yig drug pa dag gis brgyan// thig le nA ngas mdzes pa'o// drug pa yi ni gnyis pa nyid// bzhi pa yi ni thog ma sbyar// 'di ni gsang ba'i gtum pa mo// drag cing shin tu cher 'jigs byed// yid bzhin nor bu'i rigs 'dzin gter// bkra shis pa ni thog mar sbyar/ / mthar gnas pa yi bzhi pa la// dbyangs yig bdun pa steng 'og sbyar// thig le nA das mdzes pa yin// usma Sha yi bzhi pa la// dbyangs yig drug pa dang sbyar ba/ an+d+ras+tha yi gnyis pa sbyar// de nyid thig les mdzes par byas// gnyis pa'i dang po blang byas la// dbyangs kyi dgu pa blang ba nyid// drug pa yi ni lnga pa la// um+b+ha Sha yi bzhi pa dang // gnyis pa yi ni dang po dang / / dbyangs yig bcu pa sbyar bar bya// bdun pa yin gnyis pa dang // gnyis pa yini dang po dang // lnga pa'i dang po btu bar bya// drug pa me ni lnga pa la// dbyangs min
- 79a
bco lnga pa yis brgyan/ / gnyis pa'i lnga par gnas pa'o// mthar gnas pa yi gsum pa dang // lnga pa yi ni lnga pa dang // drug pa yi ni bzhi pa dang // phyi ma'i yang ni bzhi pa la/ / lnga pa yi yang lbu ba la// dbyangs kyi gsum pas brgyan par bya// dang po yin dang po dang // drug pa yi ni lnga pa la// dbyangs kyi lnga pas brgyan par bya// gnyis pa yi ni dang po dang / / mthar gnas pa yi gsum pa la// an+ta s+tha yi dang po sbyar// mthar gnas pa yi gsum pa dang // bdun pa yini lnga pa dang // drug pa yi ni bzhi pa sbyar// lnga pa yi ni lnga pa dang // dbyangs kyi dgu pa'i yi ge la// lnga pa'i gsum pa gdags par bya// u sma Sha yi gsum pa la// lnga pa'i dang po sbyar bar bya// thig le nA das yang dag brgyan// drug pa yi ni gsum pa dang // an+d+ra s+tha yi dang po ste// yi ge gsum gyi bdag nyid kyis// nyis 'gyur dag tu sbyar bar bya// usma Sha yi bzhi pa la// dang po'i drug pa dang sbyar ba// an+ta s+tha yi gnyis pa sbyar// thig le nA das brgyan par bya/ / 'di ni gsang ba'i yum dag gi/ snying po sbas pa mchog gyur pa// lha mo nag mo ye shes che// sngags ni drag cing sdud pa'o// de nas ye shes lnga ldan pa'i// rig byed mngon sum dang por gzhag/ drug pa yi ni lnga pa dang // mthar gnas pa yi bzhi pa la// gnyis pa yi ni dang po nyid// an+tas+tha yi gsum pa ste// dang po'i gsum pa thog tu sbyin// dang
- 79b
po'i bcu drug pa mtha' bya/ / mthar ni hUM phaT sbyar bar bya// sde tshan gnyis pa'i dang po la// an+tas+tha yi gnyis pa sbyar// dang po'i dgu pa blang ba nyid// drug pa yi ni lnga pa la// thig le nA das brgyan pa'o/ / gnyis pa yi ning po la// drung du de nyid lnga pa sbyar// gnyis pa'i dang po de nyid dang // dbyangs kyi dgu pa sbyar bar bya// mthar gnas pa yi bzhi pa la// bdun pa yi ni gcis pa sbyar/ / de la thig lenA das brgyan// gnyis pa yini dang po la// an+d+ra s+tha yi gsum pa dang // bdun pa yi ni gnyis po sbyar// lnga pa'i dang po nyid la yang // dbyangs kyi bdun pa steng 'og sbyar/ / bdun pa yi ni gnyis pa la// thig le nA das mdzes byas pa'o// 'di dag kun gyi thog ma dang // tha mar yang dag brten par bya// 'di ni DA ki bzhi dag gi/ snying po sbas pa mchog tu gsungs/ / dpal mgon po chen po dngos grub 'byung ba'i rgyud las/ gsang sngags rim par bstan pa'i le'u ste bdun pa'o// / de nas gzhan yang bshad par bya/ / gsang ba sngags kyi 'khor lo las// mthar ni hUM phaT sbyar bar bya// lha yi 'khor lo rgya mtsho nyid// lan tshwa chu rgyun 'bab pa'i ngang // gangs kyi thigs pa bdud rtsi'i chu/ me tog mdangs gsal snying po yi// ge sar ze 'brur ldan pa la// 'dab rgyas ye shes nyi shar bas// rang grol mdangs 'bar rab tu rgyas// rdo rje rin chen ral gri dang // 'khor lo
- 80a
'bar ba'i rtsibs dag las/ / 'khor ba'i rgyu las 'od zer 'phro// steng 'og dag las rim pa ni// 'khrul cing gcod pa'i gri gug gis// las dang 'phrin las rang byung du/ / byed cing bskul ba'i las grub pa// phyi nang gsang ba rim bzhin du// dbab dang sngags pa bzlog pa ste// rtsa ba yan lag las bzhir 'gyur// dang po thun mong dgu pa ste// gnyis pa bye brag phyed pa dang // bskyed pa'i ye shes mi bzlog pa// klungs su chud pa phyag rgya che// snying po gcig la dus gsum du// 'gyur med de nyid dbye ba nyid// gcig las du ma'i ngo bo can/ / 'jig rten pa dang ye shes che// mi 'gyur ba dang 'gugs pa dang // las rnams byed pa'i srog gyur pa// gsang sngags 'khor lo 'di dag ni// bye brag rnal 'byor pas shes bya/ / oM ma hA kA la hUM hUM phaT/ oM badz+ra ma hA kA la hUM phaT/ oM badz+ra ka wu ma hA kA la ya hUM hUM phaT/ na mo rat+na tra yA ya/ tad+ya thA/ oM shrI ma hA kA la ya/ shA sa naM u pa hA riNA/ e ShA pash+tsi ma kA la a yaM/ i da rat+na tra ya/ a pa kA rir+N+NaM/ ya di pra ti dz+nyA/ sma ra si ta dzAM/ i daM duSha satwA/ kha khA khA hi khA hi/ ma re ma ra/ gr-ih+Na gr-ih+na/ ban d+hA ban d+ha/ ha na ha na/ da hid ha/ pa tsa pa tsa/ sar+b+ba dun+da/ di na maM kai na mA ra ya hUM hUM phaT swA hA/ oM ma hA kA li ni kr-i d+ha sa ka~M la rak+Shi NI tsaN+Da ak+Shi ye hUM phaT/ oM hrIHhUM kA la~M ma hA kA la~M rak+Sha rmA
- 80b
sen/ b+hak+Sha Ni/ a mu ka s+ya/ sad+d+ha ba liM staM b+ha ya hUM phaT/ oM AHmaM hA raM hUM phaT swA hA/ oM ka ri li mo hUM phaT/ oM kaM kA li hri hUM phaT/ oM kA la ra kri ra hUM phaT/ de las dngos dang nyams su yang / / nag po chen po'i zhal ston dang // tha ma rmi lam lung ston pa// mi nag bong thung gsus 'phyang dang // bya nag khA ta la sogs 'ong // de yang rab 'bring tha ma yi bye brag rtags su 'char bar 'gyur/ / grangs ni bdun 'bum ngag gis ni// mngon sum gsal ba'i nges pa 'char// khri phrag bdun dang khri phrag dgu// stong phrag bdun gyis nye bar 'gyur/ / thabs dang shes rab bcas pa yi// sngags kyi stong phrag bcu dag ni// dus ni zla drug zhag bdun par// rnal 'byor smra ba bcad de bzlas// mi tshig bar mchod pa yi// gsang sngags 'phrin las nges par grub// thun mtshams mchod dang gtor ma dang // bstod dang bcol bskul las la 'bad// rang nyid he ru kar gsal ba// ri rab steng du yum bcas bsam/ / de mdun nag po chen po nyid// gsal ba bskyed tshul dbye ba yis// rgyan dang cha lugs rdzogs pa ni// mngon sum lta bur blta bar bya// bdag dang mdun gyi mgon po yid thugs kha'i sa bon rang sngags las/ / de ltar spro bsdu sa ting 'dzin bsam// de ltar dus dang gzhan du yang // rten bcas dkyil 'khor bzhengs pa dang // rten bcugs brtan
- 81a
byed de nyid bsnyen/ / de nas rten bcas tsam gyis ni// nges par de yi mdun song ba// mchod dang gtor ma bsham par bya// sha chen sreg spos phul nas ni// dmigs pa gtod par byed pa dang / / gang la bya ba'i bsgrub bya de// dmigs pas bkug cing btab pa dang // gtor mar dbul zhing bka' bsgo bya// lha dang phral zhing nyes pa bsgo// de nas ma nyes nyes pa bsgrag/ dbang btsugs las la bcol bskul bya// de yis nges par 'grub par 'gyur// de las khyad par 'phrin las ni// lha byin dang ni mchod sbyin sogs// bsgral ba'i zhing de gang yin pa/ / de yi zag pa'i rdzas rnams dang // phung shul sa dang g.yul spangs// grog mkhar sa la sogs pa rnams// bdud chad sa la bong bu'i chus// sbrus te ling ga sta gon bya// de nas dben par song nas ni/ / mar ngo yi ni tshes brgyad dam// bcu bzhi la sogs bsgrub dus la// gza' skar shin tu drag po la// de nas 'khor lo bri bar bya// rgyu ni ro ras shing shun dang // zhing lpags dag la dug sna dang / / khrag dang dug gi me tog gi/ du ba mtshan ngan thod chag la// mchog phur bstod pa'i snag tshas bri// rgya skyegs dag gis bsres la bri// tshad dang ldan pa'i mu khyud ni/ rim pa bzhi dang ldan pa la/ nang du le tshe dgu pa bya// phyogs bzhi dbus dang lnga por ni// gru gsum nag po sa bon bcas// las rnams byed pa rlung yig dang // ma hA kA la 'bru bzhi dang /
- 81b
steng non oM dang badz+ra ste// de yi phyi rim rtsibs brgyad la// a mu kaM dang ba yi ni// yi ge bcu gsum gnyis gnyis pa// g.yas skor dag tu dgod par bya// de yi phyi rim pad 'dab brgyad/ sgo mtshams lha mo'i 'khor lo'i sngags// ming spel bcas pa dgod par bya// de yi nang gi gru chang bzhir// hUM gnyis phaT dang bcas pa la// ming spel bcug la bri bar bya// khyad par sbas pa'i 'khor lo ni/ / dbus su rlung gi sa bon nyid// phyogs bzhir mkha' 'gro ma bzhi gnas// phyogs bzhir sngags kyi 'phreng ba las// phyi rol rtsibs la gcod pa'i sngags// 'dab brgyad cha la tsaN+Di ka/ mtha' rten snga ma dag dang mtshungs// yang na rim pa gsum pa yi// gsang sngags ma hA kA la yi// 'phrin las khyad par dgod par bya// 'dis ni shin tu mngon spyod myur// thabs dang shes rab khyad par dang / / steng 'og bar gyi dbye ba yis// zad da lcags kyi gri gug gis// bla dang tshe srog don snying la// myur du 'khor bas gcod par byed// sdud byed 'phrog cing len pa'i srog bsgral ba rdo rje rigs kyi las/ / thun mong du ni bya ba yin// khyad par 'khor lo dril bya ste// dus kyi rim pas las la sbyar// 'di ni kun tu mnan pa ste// las kyi gshin rje'i gnas su gtad/ 'khor lo la yang bsnyen pa dang // bsgrub pa go rim nor mi bya// 'dis ni bya ba mi 'grub med// dpal mgon po chen po dngos grub 'byung ba'i rgyud las gsang sngags dang 'khor lo sgrub pa'i
- 82a
le'u sde brgyad pa'o/ / de nas gzhan yang bshadang bya ba// dpal ldan nag po chen po yi// rnal 'byor ting 'dzin la zhugs te// mngon par spyod pa brtsam par bya/ / khyad par dur khrod pa yi shing // lha 'dreg tum po gnas pa las// ma mo'i bye brag brtags pa las// bcang pa mgo mjug ma nor bar// gnyis gshegs de nas sngags bris la bsdams te blang ba mig gis ni/ / phye ba'i bdun phrag gsum pa la// legs par gzhag ste tshang du bya// dkyil 'khor gru gsum pa la gzugs// gzhan yang bsgrub bya'i gzugs dag ni// zur gsum tshud pa sngags dang bcas// mang spel bskul tshig ldan pa na// grangs ni rab 'bring tha ma ste// ci rigs par ni bye bar gsungs// yang ni ro sgom shing la yang // byang bu byas la ling ga bri/ / gzhan du mgon po yab yum gyi// 'khor lo legs par bris pa dang // bsgrub bya srog gi 'khor lo ni// gri gug lnga pa 'khor ba dag/ de dag bar du bcug pa dang // yang na mgon po'i 'khor lo dang / / bsgrub bya du yod ling ga rnams// de yi nang du dril bar bya// 'khor lo tshon skud rnam lngas dkri// de yi phyi rol ku sha yi// rtswa yi mi gzugs byas nas kyang // rang mdun gru gsum nag po yi/ / nang du gzugs de gzhug par bya// de la lha dang dbye ba dang // nyes pa bsgo zhing bsgrag par bya// de nas bdag nyid lha dang ni// mdun du nag po chen po ni// zhal gcig
- 82b
phyag ba ni 'jigs pa'i gzugs/ / yum dang bcas pa bskyed pa dang // spyan drang mchod cing bstim par bya// las mgon rnams dang ma mo bzhi// rgyal chen bzhi dang phyogs skyong bcu// lha srin sde brgyad ma lus dang / / gzhan yang dur khrod sha za dang // ma me ro langs ce spyang dang // stag dang dred dang bya gcan sogs// bya rog khA ta la sogs pas// yongs su bskor cing 'phrin las byed/ / de nas rang dang mgon po dang // lha mo bzhi la sogs pa yi// sa bon las ni 'od zer yang // lcags kyu lta bu dpag med pas// bsgrub bya de dag ma lus pa// snying gi srog rtsa nas drangs te/ / rang dbang med par rlung gis bteg/ myur du 'ong ba mdog nyams pa// rid cing skra 'dzings shin tu 'dar// yed yid dngang zhing skrag pa de// zhags pas bcings dang bsdams pa dang // dril bu la sogs sgra yis ni// shin tu dbang po myos gyur te// de yi rnam par shes pa ni// ming dang bcas pa'i gzugs la bstim// de yi dus su gsang sngags ni// 'phrin las sngags rings mtha' ru ni/ / A kaR+Sha ya dzaHzhes brjod// mgon po nag po yab yum gyi// lte bar gru gsum lcags khang ni// btson dong mun khang gnas par bsam// de las thar dus med par bya// de nas dong de ro g.yam la// rdo rje rgya gram bris pas mnan// mtha' mar las sbyor dus su yang // bsgrub bya'i them pa'am lam ngag tu// mnan pa byas la 'phrin las bcol// gal te de
- 83a
nyid sbyin sreg gis/ / las sbyor bsgrub bya'i chu rjes sogs// dri ma gos dang sgra sogs dang // tshad gsum dang dug sna dang // khrag dang ske tshe shang tshe dang // da d+hu ra dang de la sogs/ / sa sna gzhan dang sbyar bar bya// bong bu'i chu dang bsres nas ni// 'jim pa byas la g.yog par byas// dug chu ro sol dag gis ni// de la byug cing gnas lnga ru// seng ldeng lcags phur btab la gzhag/ de yi lus po thams cad la// spra tshil gyis ni byug par bya// de la drag po'i shing gi ni// tsher ma sna tshogs gtsugs la gzhag/ gru gsum e yi nang du ni// de gzugs phyi gan dag tu gzhag/ kha nang dur khrod thal bas brdzang // de nas dong kha bcad la gzhag/ de la thun bzhir bya ba 'am// dus drug dag tu bya ba ni// rnal 'byor pa yis lhor bltas la/ / nyin phyed mtshan phyed dus su bya// yang na dus bzhir las la sbyar// phyogs kyi DA ki bzhi yis ni// dgug gzhug bstim dang bsngags par bya// de nas thod pa mtshan ngan du// yungs kar nyungs nag la sogs pa'i// thun rdzas rnams la sngags bzlas shing // dus dus dag tu brdeg par bya// skabs skabs dug gi chu yis brdeg/ gal te gu gul nag po dang // sha chen dag gis bdug par bya// yang na 'bras phub me la ni// spra tshil ma zhu tsam du bsro// de nas sngags kyis brdeg par bya// 'di ni nye bar 'grub par 'gyur// de ltar cho ga'i thabs
- 83b
'di yis/ / dgra yi khang par bya rog dag/ mang po 'ba' zhig skad 'don dang // lus la tshabs thebs la sogs// du ma'i cho 'phrul 'byung bar 'gyur// dang por nang rtags gsal bar 'char// phyi rtags rim gyis 'byung bar 'gyur// dpal mgon po chen po dngos grub 'byung ba'i rgyud las/ drag po'i mngon spyod bstan pa'i le'u ste dgu pa'o// de nas gdug ba 'dul don du/ / nag po chen po khros pa yi// sgrub pa'i rim pa mchog gyur pa// gzhan yang rab tu bshad par bya// rje btsun he ru ka dpal dang // nag po chen po'i lha tshogs rnams nam mkhar mngon par bltas nas ni/ / bdun po yongs su dag par bya// bzod par gsol la gshegs su gsol// de rjes stong pa'i ngang las ni// tshad med bzhi po bsam par bya// byang chub sems kyi ngang las ni/ / pad+ma zla nyir gnas pa yi// hUM yig nag por bsam par bya// de yi 'od kyis khyab pa las// bsdus shing skad cig yongs gyur pa// dpal ldan nag po chen po ni/ / zhal gcig pa la spyan gsum pa// phyag gnyis sku mdog shin tu gnag/ dbu skra kham nag gyen du brdzes// g.yas pa gshin rje'i lce 'dra ba'i// gri gug rnon po 'dzin par mdzad/ g.yon pa thod pa khrag bkang ba snams// thod pas skra mtshams bcings pa dang // yan lag thung zhing rags pa'i gzugs// mche gtsigs 'jigs su rung ba ste// ltos 'gro brgyad dang rin chen
- 84a
@brgyad/ / rgyu ma'i ga sha stag lpags can// mi mgo rlon pa'i 'phreng ba 'chang // zhal nas khrag 'dzag gang rgyangs can// phyag rgya drug gis sku la spras// drag po'i nyams dang ldan pa ste/ / skad cig tsam gyis bskyeng par bya// de yi thugs kar nyi ma la// ye shes sems dpa' gsal bar dmigs// ting 'dzin sems dpa' dang bcas pa// rten dang brten par bcas pa bsam/ / de la 'di yi gsang sngags byung // oM badz+ra ma hA kA lA ya hUM hUM phaT/ ji srid skyo bar ma gyur pa// gsang sngags 'phreng ba bzlas par bya// de nas sha chen spos sreg cing // gzhan yang dug dang khrag la sogs/ / bdug pa'i du bas mchod par bya// ma sha 'bras dang so ba dang // 'bru nag me tog byug pa dang // sgron ma lnga dang mi 'chi lnga// 'khur ba chan dang chang la sogs// gtor ma nag po che la dbul// mchod dang bstod pa tshul bzhin bya// 'di yi nye bar spyad pa ni// bsgrub bya'i zag pa'i rdzas rnams dang // tsha ba gsum la sogs pa la// gang gi ming dang bcas pa'i gzugs/ / byas te dug gis byugs nas kyang // tsher mas bkang ste thab khung du// 'bras phub me la gdung la sogs// bya ba sna tshogs las bya na// skad cig gis ni rlag par byed// rdo rje slob dpon smod byed cing / / sangs rgyas bstan pa 'jig byed pa// dkon mchog gsum la sdang ba dang // sems can kun la 'tshe ba rnams// 'di dag nag po chen pos sgrol// yan lag dag gi sha
- 84b
chod la/ / mgon po nag po'i zhal du gsol// yang na de yi spyi nas ni// til tsam du ni mdzad du gsol// khrag gi rgyun yang 'thung bar mdzod// de ltar 'phrin las las bcol bya// de nas sbyin sreg brtsam par bya/ / phung shul g.yul sprad la sogs pa// dur khrod sol bas byug byas te// gru gsum rim pa kha khyer ldan// de yi nang du drag po'i shing // tsher ma can gyis brtsig par bya// mchod dang bsreg rdzas gtor ma dang // bsgrub bya'i ling ga sha chen dang // nyungs kar bcas pas yongs su bskor// sngags pas lhor bltas ting 'dzin zhugs// me lha bskyed cing dgug gzhug bya/ ling ga phur btab gtubs byas la// me sbar bsregs pas lha la mchod// gsang sngags 'dod yon bsgyur ldan pa// phrag gcig gis ni lan cig ste// lan grangs rol mtsho'i khyad par gyis/ / phyir mi zlog cing srog gtor byed// de rjes gsol gdab bcol bskul bya// shin tu myur bar rtags rnams 'grub// nag po chen po'i gsang ba'i las// ma grub lan gsum spogs pa dang / / sa bon 'phrog cing bcud pas 'grub// dpal mgon po chen po dngos grub 'byung ba'i rgyud las/ drag po'i sbyin sreg bstan pa'i le'u ste bcu pa'o// de nas dkyil 'khor chen po yi// dur khrod gnas pa'i zhing skyong dang // nyi shu rtsa bzhi'i zhing skyong bcas// de dag rim pa bshad par bya// rdo rje rigs kyi pho nya mo// drug cu rtsa bzhi'i 'dzin
- 85a
las dang / / 'di nyid gsang ba'i mgon po yi// thabs mchog 'di ni kun tu smras// dpal ldan mgon po rdo rje can// khro bo bzhin gshegs pa'i sku// dkyil 'khor dbus bzhugs dpa' bo ni/ / shin tu 'gying zhing 'bar ba'i sku// le tshe dgu pa'i dbus su ni// sna tshogs pad+ma nyi dbus la// dpa' bo chen po phyed skyil tshul// zhal gcig pa la phyag bzhi pa// spyan gsum b+hi ru la ltar dmar// sku mdog sngon po 'jigs chen po// thod pa'i 'phreng bas rnam par brgyan// phyag rgya lnga ldan gar gyis rol// dang pos gri gug thod pa dang // gnyis pa ral gri kha T+wAM ga/ klu brgyad rgyan gyi 'phrin las can// de yi thugs kar gnas pa yi// sa bon spro dang bsdu ba'i dngos// oM ma hA kA la A kaR+Sha ya ma pra sha mA nA ya ha sa ma ya s+t+waM/ thams cad sdud cing dbang byed pa/ / skad cig tsam gyis bskyed par bya// de yi shar gyi le tshe la// drag po shin tu 'jigs pa ste// zhal gcig phyag bzhi spyan gsum pa// mthing nag bajam pa'i tshul du gnas// de yi mdun du rgan byed ma/ / g.yas su mi sdug drag po che// g.yon du 'jigs ma gnas pa dang // rgyab tu u ma rnam par rol// nag po'i lho yi phyogs su ni// drag po chen po du ba'i mdog/ zhal gcig phyag bzhi spyan gsum pa/ / thod 'phreng gis brgyan gtsigs pa'i tshul// de yi mdun du rnam rgyal ma// g.yas su rnam par rgyal ba ma// rgyab tu mi sdug ma gnas la// g.yon du gzhan
- 85b
gyis mi thub ma'o/ / lha gter mnyam gnas nub phyogs su// zhal gcig phyag bzhi spyan gsum pa// mdog ser rgyu ma'i 'phreng bas dkris// shin tu bzhad pa'i tshul du gnas// de yi mdun du nag mo che/ / g.yas su drag chen drag shul chen// rgyab tu nag sbom ma ni gnas// g.yon du bzang mo mche ba can// nag po khyab byed byang phyogs su// zhal gcig phyag bzhi spyan gsum pa/ char sprin nag po'i mdog 'dra ba// shin tu gdangs shing ljags 'dril ba// de yi mdun du dbang mo ste// g.yas su zla ba mo zhes bya// rgyab tu drag tu sdang ba la// g.yon du rna ba 'phyang ba'o// gtso bo nag po chen po yi// shar lho mtshams kyi gnas bzhugs pa// gtsigs pa can ni shel gyi mdog/ stag lpags gos kyis dkris pa'o// mdun du lha mo 'phrog byed ma// g.yas su 'bar byed ma gnas la/ / de yi rgyab tu 'jig byed ma// g.yon du yul skyong ma gnas so// gtso bor gyur pa'i sku yi ni// lho nub mtshams su bzhugs pa ni// mi sdug pa ni du ba'i mdog/ shin tu mi bsrun gzugs 'chang ba// gzig gi ko ba rlon pas dkris// mdun du 'jigs byed drag mo che// g.yas su gzugs chen mo zhes bya// rgyab tu mche ba gtsigs ma ste/ g.yon du thong can ma yin no// nag po chen po'i sku yi ni// nub byang mtshams kyi bgrar bzhugs pa// dga' bar ldan pa pang dmar mdog/ glang po'i pags pa 'dzin pa'o// de yi
- 86a
mdun du thod 'phreng 'dzin/ / g.yas su 'phreng ba 'dzin ma ste// rgyab tu tri shU la 'dzin ma'o// g.yon du ltos 'gro bsnams pa'o// gtso bo nag po chen po yi// byang shar mtshams su gnas pa no/ / log sred can ni rdza gsar mdog/ spre'u'i pags pa 'dzin pa'o// de yi mdun du ral grim// g.yas su dgra sta 'dzin ma ste// rgyab tu rdo rje mnga' thogs ma g.yon du rdo rje'i gzhu ma'o/ / khro bo'i pho nya 'di dag ni// zhal gcig phyag bzhi gar gyis rol// dang po gri gug thod pa 'dzin// gnyis pas Da ma ru dang ni// tri shU la ni 'dzin par mdzad/ / pho nya'i rnal 'byor ma 'di dag/ 'di dag phal cher zhal gcig la// phyag gnyis gri gug thod pa can// nag mo ser dang dmar ldang ste// phyag rgya lnga dang ldan pa'o// dur khrod gnas su rol bar mdzad/ / pho brang de yi phyi rol du// zhing skyong rnams kyis yongs su bskor// ka Ta ha re ka taM shing // shin+ta pa la yab yum can// ko la kir ni ro yi shing // g+han d+ha pa la yum dang ldan/ / d+ha ra par+Na pa yi shing // aM gi pa la yab yum sbyor// ko Tir d+hi ba pa d+hi shing // dz+wa la pa la yab yum sbyor// b+hi ra tsarte a mA'i shing // shwa ra d+ha sa gnyis med gnas// o Ta dbyangs can ka na ka'i// ka pA la yi lha srub byed// saT b+ha rur dza ti'i 'bras// g+han stong dpa lhan cig sbyor// oM la pU ri ra ma Na// ha ti ba yi rna ba can// ha na mo ha ya ba yum
- 86b
sbyor/ / karmi ra bar rtsa ba'i sdong // tsan d+ha sa ni go Ta'i bdag/ ma ra Ni par thang sgron shing // 'byin pa k+She tra pA lar ldan// nA ga ba ra ras shing can// keng rus ldan pa rol bar 'gyur// suN+ye par ri dzi lu'i shing // pu yi rkang pa rtag tu rol// dzA lan d+ha rar khang brtsegs shing // bum pa can de bde bar rol// b+ha sna gu bar drag klog 'khrug/ dza Ta tri pa mnyam par gnas/ sos par ni tri la sha yi shing // sgra gcan bsgrags pa'i yul dang bcas// tsa ri Ta pa'i ka ran tsar// mdzes pa shag ti can yul ldan// o Ta ya bar a shog ka'i// shin tu sgra gcan gsang mor bcas/ / gzung 'dzin sa sar ka ko li// sred pa dpa' bo dbang phyug bcas// k+Shi ri ke par sa la'i shing // lhun po 'bar ba dbang phyug bcas// k+Shi ri ki sar sa la'i shing // lhun po 'bar ba lhan cig bcas/ / b+ha yang ma 'bur 'byung po'i shing // stobs chen 'jigs pa gnas byed pa'o// pu Ta nar ni d+ha du pa'i// a b+ha ke pa brtul zhugs 'dzin// rA dza g+hi ha ra dza paM na/ sna chen ji li sgra gcan no// khang pa can du rang byung brag/ thub dka' rgyal mtshan 'dzin mar bcas// ma hA tra yer tsan dan shing // sna tshogs dbang phyug dbang bskur bcas/ 'di dag k+She Ta pA la ni// ning skyong nal gcig phyag bzhi pa// gr-i gug cang te'u g.yas pan// g.yon pa zong khrag rtse gsum can// yum ni so so'i phyag mtshan ldan// skye gnas las
- 87a
byung sgra sgrogs mdzad/ / rtag tu sgrub pa po rnams kyi// lus la yang dag gnas nas ni// dngos grub ster byed stobs mchog byed// 'di dag zhing skyong thugs brtse bas/ / rtag par mtshan mo 'du bar mdzad// 'di dag sa gsum khyab pa ste// sna tshogs mdog can 'bar ba'o// oM shAn+tiM k+She pa hUM phaT/ oM ma hA smi ti hUM phaT/ oM b+ha laM pu hUM phaT/ oM shaM ka ri hUM phaT/ oM kA lA dI pa hUM phaT/ oM dza ya b+ha laM hUM phaT/ oM be pu bA ga hU~M phaT/ oM bar+Na sa na hUM phaT/ oM k+She tre pA la ha hi hU~M phaT/ oM ki lo ki l-i pheM pheM phaT pheT/ k+ShaM k+Shi k+ShaMk+ShA ka ha ka ha/ hri hri hri hI/ pa tsa pa tsa/ hUM hUM/ phaT phaT/ ha hA/ ta tA ra rA ra rA/ rbu kr-i kru kruM/ khaM baM l+r-i khaM/ d+hud+hud+hu d+hA/ nar Ni/ kaM kaM kaM kaM/ tsu ts+ya ts+ya tsa/ kr-i kr-i kr-i kr-i/ saM sa sa saM yaM yaM yaM yaM/ pheM pheM pheM dze/ d+hU d+hU d+hA nAM/ tsA tAM kAM k+ShAM/ glu glu g+hu g+hu/ paM baM paM paM swA hA/ yul ni nyi shu rtsa bzhi ru// drag po'i zhing skyong nyi shu bzhi// sku gsung thugs kyi 'khor lo la/ sa gsum rnam par khyab nas gnas// 'di dag gsang ba'i sngags yin te// gzhan du nam yang 'khrul par 'gyur// oM DA ka nI/ ka ka k+Sha ta na/ b+ha ba baM d+ha na/ kha kha khA hi/ ban d+ha na/ sar+b+ba duSh+paM/ ha na ha na/ g+ha g+ha g+hA ta ya g+hA ta ya/ sarba pA pa a mu ka s+ya shAn+tiM ku ru hUM hUM phaT swA hA/ 'di dag grub pa'i rnal 'byor ma// dngos grub stsal bar the tsom med// 'di nyid
- 87b
dkyil 'khor dgod pa yis/ / sna tshogs 'phrin las byas pa ste// dur khrod brgyad kyi bdag po mchog/ pho nya legs brten 'khor lo yin// dpal mgon po chen po dngos grub 'byung ba'i rgyud las/ dur khrod kyi bdag po rnams dang / pho nya ba khyad par ba rnams dang / ma mo dang zhing skyong gi 'phrin las bstan pa'i le'u ste bcu gcig pa'o// // de nas gnas yang nyi shu bzhi/ / gsang ba'i mgon po 'di nyid kyis// dkyil 'khor pho brang gnas pa'o// mkha' 'gro'i gsang sngags bstan par bya// pho nya legs skyes rnal 'byor ma// rgya mtsho dang ni ro yis ni/ / phye ba'i rdo rje nor bu dang // pad+ma ral gri'i rigs dang ni// bde gshegs ye shes dam tshig gis// sna tshogs sha za'i ma mo rnams// gnas skyes yul dang grong gnas pa// klu yis mtshon pas kun tu phye/ / oM b+hai ra khi ni swA hA/ Du tri ni/ Da sha ka ra li ni/ dzA la mu khi ni/ bA yu be ga ni pra tsaN+Di Ni/ ru dra ak+Shi Ni/ ma hA se ni/ a se ni ya ma ni/ kIrti ni/ lak+ShA NaM/ bI dza ye ni/ shrI dza na ye/ shrI dza ya ka ra Ni/ shrI badz+ra Ni/ kaM kA li ni/ kA la rA tro No/ pra kro d+ha mu khi ni/ kA la dzi hA ni/ kA rA li ni/ badz+ra b+hai ra ba ka ra Ni/ d+hu ru si ni/ ya ni ma na aM kiran/ mr-i ka ra sa hi sA na~M/ rat+na mA li ni/ su la a k+Shi ni/ ku su li no/ Sha d+hiNi/ badz+ra tha b+ha Ni/ badz+ra kA la ya ni/ sam pa R+Sha Na~M/ ka mni b+hi/ tsi tha li ga ni/ shu ki ni/ sarba d+ha ni/ su tra
- 88a
pA las sa ni/ pad mA ShInr-i/ dza la dza la kha Di b+ha bad+d+ha d+hA na/ shrIk+to radz+dza tsaN+Da le 'an/ tsar+N+Na mu khi ni/ haM sa wa r+Na Ni/ wa ki le shA ra NaM/ b+h+r-i ta r+ra dra ye/ kar Nis ka b+hI rus ni mr-i d+ha nA d+hi/ g+ha ri Na sho shA NI/ su shrI b+ha/ b+hi du bA ra Ni/ shrI mr-i khi ni/ be ra ka pi ni/ ka li ni/ pa ri Ni thA ye/ pad+ma ni/ na gra pa a k+Shi ri/ b+hI ma la rba gr-i ni swA hA/ pak+Sha bak+Sha sa yo ga~M na~M kA me shwa ri laN+Da pulA garta gAd+d+ha gr-ih+Na gr-ih+Na hUM phaT/ chos brgyad dang ni nye ba dang // nyi shu dgu dang dgu stong dang // ni rgyas dbang dang mngon spyod k+Shi// las ni the tsom med 'grub pa'o// dbya gu drag po'i pho nya dang / / chu tshod kyi nim mo dang // 'pho ba gnod sbyin brgya phrag gnyis// thun ni pho nya brgya dag go/ dus sbyor bcu gnyis gnas pa'i yul// nyi shu rtsa bzhi de yi phyed// rtsa rlung yi ge khams la rgyu/ / 'ching grol tshar gcod rjes 'dzin pa'o// dpal mgon po chen po dngos grub 'byung ba'i rgyud las/ phyi dang nang gi dngos po po nya ma'i las bstan pa'i le'u ste bcu gnyis pa'o/ / // de nas gzhan yang bshad bya ba// nag po chen po gtum pa ni// zhal gdangs mche gtsigs ljags 'dril cing // a la la yi sgra sgrogs pa/ rab 'jigs bzhengs pa'i stabs kyis ri// gsang ba mchod byed lha mo brgyad// kun nas gar gyis rol pa ste// 'di yis 'phrin las dbang thob byed// oM badz+ra ka wu ma hA kA lA ya hUM hUM
- 88b
phaT/ oM gr-i d+ha sa gA ye hUM hUM phaT/ oM b+ha ga byA g+hA ya hUM hUM phaT/ oM b+han su ba rA ya hUM hU~M phaT/ oM si ma lA ya hUM hU~M phaT/ oM b+hAn She NA s+yai hUM hU~M phaT/ oM kro ne d+ha ka rA s+ye hUM hUM phaT/ oM ulpA kA s+ye hUM hUM phaT/ oM ga na gA s+yai hUM hUM phaT/ 'di ni dpal nag po chen po 'khor lha mo brgyad dang bcas pa'i sngags so// mtshan phyed dus na gtor ma 'bul// sha lnga dang no bdud rtsi lnga// myos byed stobs dang bcas pas mchod/ / gsang ba sgrub pa'i mchog tu bshad// bsnyen pa sngon du song ba yis// dben par dug dang tsha ba dang // sa la dgra bo'i gzugs bya ste// gro ga 'am ni ro ras la/ / rgya skyegs dug dang khrag rnams kyis// bya rog mo yi rus pas ni// gzugs bris de yi snying khar ni// e yi rnam pa'i 'khor lo la// mA ra ya yi mtha' can gyi// man ngag bzhin du bri bar bya/ / de nas rkang pa nas brtsams te// dril la dur khrod sgra yis dkris// sngar gyi gzugs kyi snying kha ru// bcug ste tshigs dang lci ba sogs// dug dang bcas pa'i tsher ma gzug/ de nas sngags pa 'dod lha yi// nga rgyal chen po rab ldan pas// snying kha'i hUM las 'od 'phro bas// lha la bka' bsgo rnam shes ni// man ngag can gyis dgug par bya// oM badz+ra ma hA kA la che ge mo A ka rA dza/ pa hUM baM hos dgug pa dang // gzhug dang bcing dang myos par bya// de nas cha ba dug gis brag/ de bzhin bdun phrag nyi shu gsum// zla ba gcig tu las sgrub la/
- 89a
drag po'i thab tu tsher ma dang // bla ma'i me la bsro bar bya// des kyang 'dud par mi byed na// bstan pa bde la gnas pa'i phyir// snying rje chen po rab bskyed de// gri lcags las byas mtshon gyis gtub/ / khrag dang dug dang tsha ba dang // tsher ma ling gar bcas te bsregs// thal ba bla ma'i man ngag ltar// mnar dang chu bor dor bar bya// gzhan yang mi shis thod pa la/ / dug gi sbu gus gzugs bris te// de yi lce la ud ma ni// ming spel bris la zod pa gnyis// kha sbyar rgung pa nag pos dkri// nag po'i gos kyis gtums nas ni// mi shis sa phyogs dag tu mnan/ / bsnyen dang sgrub pas mnyes gyur na// 'chi dang smyo bar gyur pa ni// the tshom yod pa ma yin no// yi dgas sam ni dgra bo gang // gro ga la ni gzugs bris la// snying khar sngags 'dis bskor bar bya/ / oM badz+ra ma hA ka la che ge mo mA rA ya hUM hUM phaT/ ces pa'i sngags bris gtor mar gzhug/ de nas sgrub sngags bzlas par bya// de yi rjes la gtor ma dbul// mgon po nag po 'khor bcas la/ / sha khrag rkang sogs bstabs byas nas// gtor mas gsad pas bsgral bya ste// dmigs par bya ba myur du rlag/ gzhan yang gdug pa pha rol de// nus pacung zad yod gyur na/ / rang sheng rang la dbab pa'i phyir// ngag mnan sbyor ba 'di ltar bya// gro ga 'am ni ro ras la// khrag dang dug dang bdug pa yis// gzugs ni lces khengs sngags bri ba/
- 89b
stam+b+ha ming spel ldan pas bskor// phyin ci log tu dril la bcings// zag pa'i rdzas sogs sa la ni// tsha tsha byas pa'i nang bcug la// bstim zhing mnan la mdun byas la// rnal 'byor spro bsdu phyag rgya bcing / / thun gyis brabs la bzlas pa bya// las bcol zhag bdun thun bzhir bya// de la sngar bzhin byas nas ni// gnod pa'i sa phyogs dag tu mnan// myur du 'grub par the tshom med// thod pa 'am ni snod gzhan du// sbyin sreg byas pa'i thal ba de// thun rdzas kyis brab ling gar bcas// yang na drag po klu la gtad// gru gsum dong bcug brdzi bar bya// kha bcad nas ni drag po yi// nges par thob par the tsom med// de ltar las la sbyor dus su// nyes pa bsgo ba'i thabs shes nas// srung byed nyes pa 'di ltar skrag/ bstan pa 'jig par byed pa yi// dgra bo srung byed lha khyod nyon// gdug pa'i sems ldan dgra 'di yis// dkon mchog bla ma la smod cing // rnal 'byor la sdang sems can 'tshe// sgrub pa po la brnyas gyur pas// dpag tshad stong du ltung ba yi// dmyal ba'i sdug bsngal myong gyur pas/ / bdag gis myur du bsgral nas ni// gzugs kyis lha rnams mchod pa yin// khyed kyis srung bar ma byed par// sdig can 'di ni myur du spongs// zhes brjod par bya'o/ / bstan pa bsrung ba'i bsam pa dang // snying rje chen po ldan pa yis// yengs pa med par byas gyur na// nges par 'grub par gdon mi za// brgya byin dag go srog kyang g.yo// sdig can dgra
- 90a
bgegs smos ci dgos/ / byang chub sems dang rab ldan ma// ngo bo nyid kyis 'grub par 'gyur// dpal mgon po chen po dngos grub 'byung ba'i rgyud las/ lha mo 'khor lo dang las sgrub pa bstan pa'i le'u sde bcu gsum pa'o/ / de nas gzhan yang bshadang bya // gsang ba'i cho ga nyams dga' bo// dpal ldan lham dral thams cad kyi/ sgrub pa rab tu nyams dga' ni// mgon po kun gyi gnas 'di ni// zhal gcig pa la phyag drug pa// dang po gri gug zod khrag 'dzin// spyan gsum mthing nag brngam pa yi// g.yas g.yon bar mas 'phreng ba dang / / Da ma ru ni 'dzin cing rdung // tha ma gnyis kyis kha tAM dang // sdigs mdzub zhags pa 'ching bar mdzad// klu brgyad kyis brgyan khrag 'dzag zhal// sa bon rang sngag 'phreng ba can/ / rgyas btab pas ni byin brlabs shing // rdo rje sems dpas dbu brgyan pa// n+ya gro d+ha yi shing la brten// bi na ya ka mnan par bsam// oM badz+ra ma hA kA la k+ShaM k+She tra bi g+h+nAM bi nA ya ka/ nAM hUM hUM phaT swA hA/ sha chen bsregs spos phul nas ni// skyo bar gyur na gsang sngags bzlas// de la gtor ma dbul bar bya// khyad par byin rlabs gyur par bya// 'phrin las thogs pa med par 'grub/ / oM badz+ra kro d+ha sa ma ya ma hA kA lA ya hUM phaT/ sku'i mgon po'i sngags so// oM ma hA kA la gu Na hri da hUM phaT/ yon tan gyi mgon po'i sngags so// oM badz+ra ma hA kA la rak+Sha ru dri b+ha Sha ni hUM
- 90b
phaT/ gsung gi mgon po'i sngags so// oM badz+ra kr-iSh+Na tsaN+Da mA ra ya ma hA kA la tsi ta la hriHdzaHlas kyi mgon po'i sngags so// oM badz+ra ma hA kA li ha na badz+ra hUM phaT/ yi ge bcu pa'i gsang ba'i mgon po'i sngags so/ / oM tsaN+De shwa rI ye swA hA/ gtum pa mo'i sngags so// oM tsaN+Di tsi kA ye swA hA/ drag mo'i sngags so// oM ka li kI ye swA hA/ zlog byed ma'i sngags so// oM ku li she Sha rI ye swA hA/ dpa' mo'i sngags so// oM shrI ma hA kA la ga Na me tri dzaHbeng 'dzin ma'i sngags so// oM re dan+ti ma hA kA li tri shU la sar+b+ba sha twA dzaHrtse gsum 'dzin pa'i sngags so// oM badz+ra ma hA kA la kro/ tri gaN+De sa ya hUM phaT/ gaN+DI 'dzin pa'i sngags so// oM badz+ra ma hA kA la te tsi tso ta ka ra ma rA NAM hUM phaT/ rgyal mtshan 'dzin pa'i sngags so// gsang ba beng 'dzin mgon po yis// lha ma yin kyigyi grong khyer ni/ / sum brtsegs la sogs khang bzang rnams// khro bo tsan ngan beng bsnams kyis// lha dmag bye ba rung phyur rnams// phyung nas rlag par mdzad pa yi// grong khyer 'bum phrag brgyad cu yang / / rlag byed bdud 'dul chen po ste// 'di nyid g.yon gnas lha mo ni// kun tu dgyes nas gar stabs gnas// oM shrI ma hA kA la du bo ni dza a mu ru Ta b+h+yaHoM shrI ma hA kA la trag rak+Sha/ bo ni dza/ mun ga shig b+h+ya/ mu shig b+h+ya che ge mo mA ra ya phaT/ oM badz+ra ma hA kA la rak+Sha tri/ yak+Sha ru dzas ma ya/ sar+b+ba sha d+hu ru ru tsa pa lA ya/ ma ra Na rbang zang / nri rbang pu rbad pu
- 91a
tshal pa tshal pa ni sha ku ru sa ma ya/ che ge mo gtubs dza dza/ oM ru ru ma ma b+h+yaHma ma shad+d+ha/ tsai ta la hr-i hri/ mA ra ya cung rdung / re shaM g+hA ta ya g+hA ta ya/ kA lo yaiH sha ni ma hA kA la yak+Sha shA sa na/ a pa ka ri na me ke na me ru ru ma ma b+h+yaHtsit+ta la hr-i hr-i rbad/ tI ri tr-i pi tr-i ka hi swA hA/ ti ka pa tra hUM/ a tra ka ti swa mo sha mo sna/ tig bug shig/ ku mi Na rbang shig drud song / gaN+DI 'dzin pa'i khro bo che// ma rungs klad pa 'gem par byed// tsa muN+Di ldan rol pa ste// gdug pa 'dul ba'i las la shis// kha tAM rtse gsum 'dzin pas ni// dgra bgegs lus ngag yid la 'debs// gtum po thogs 'bebs mig sgyur ma// sangs rgyas bstan pa skyong ba'o// gang du keng rus rgyal mtshan bsnams// bdud dang bdud kyi phyogs skrag byed/ / 'di nyid legs ldan rgyal po che// rdo rje bse gdong sna tshogs gdong // dkyil 'khor lha tshogs 'di dag gis// gsang sngags rim pas bstan pa'o// thun mong khyad par bye brag gis/ / lus kyi mtshan nyid rtags bcas pa// grub pa kun du bgrod pa'o// dpal mgon po chen po dngos grub 'byung ba'i rgyud las/ dkyil 'khor ba'i mgon po dang yum dang bcas pa'i gsang sngags dang 'phrin las kyi le'u ste bcu bzhi pa'o/ / de nas bden pa tsam gyis ni// grub pa stsol bar mdzad pa'o// dngos grub 'byung gnas rim pa ni// yang dag
- 91b
nyid du bshad par bya/ / bya rog g.yang gzhis brgyan pa yi// nag po phyag bzhi pa yi sku// gsang zhing dam tshig ldan pas bri// de yi sku yi rten du bshad// gser dngul la sogs kyis bris pa'i/ nag po chen po'i snying po dang // nye ba'i snying po bris pa rnams// gsung gi rten du 'dod pa'o// bya rog sogs dang rta nag snying // khyi yi snying dang mi yi snying // rin chen lnga dang bcas pa rnams thugs kyi rten du gzung bar bya/ / snying gi rnam pa thams cad dang // nya sha la sogs 'bru yi chan// sman gyi rnam pa thams cad dang // bsnyen pa'i gtor ma bya ba yin// rdzas dang rta gtor steng dang 'og/ sbeng nas dar nag gur gyis dbub// sha lnga sman lnga myos byed bcas// rgyun du thugs dam bskul phyir mchod// rta nag lug nag g.yag rog la// mgul du snying po bris la gdags// de yi ngo bo legs phul la// phyi yi rten du bya bar bshad// nag po ras sam dar la yang // rin chen lnga dang bcas pa yis// nag po zhal gcig phyag bzhi pa// bris pa nyin gcig gis rdzogs nas/ / bar chad med par rab gnas bya// gsang rten lus la bcang ba'o// sna tshogs 'bru nag dpal byas pa'i// gtor ma mi shas brgyan pa dag/ pho brang rten dang brten par bcas// nang gi rten du slob pa'o/ / skyes pa grir shi'i thod 'phreng ni// yon tan ldan phyir rtag tu sra// mi bsang mtshon las byas pa yi// rdo rje gri gug hUM bris pa// 'dzin las byed pa'i khyad par ro// dam tshig
- 92a
gnas pa'i rnal 'byor pas/ / nyams dga' dben pa'i gnas nyid du// lha mo'i rten yang 'di ltar ro// rigs med kyi ni thod pa la// gsang sngags yi ge 'di dag ni// bris pa tsam gyis las 'grub byed// bsgrub mi dgos par nus pa 'byung // dur khrod sol bas sngags 'di bri// oM shrI de wi tsa muN+Da rak+ta tsa muN+Di/ sau ka mor/ d+ha ke saM ha si ta/ mu le ka ra ha ra/ kI la kI la pre k+Sha ti ta sa na sa ta b+h+rUM b+h+rUM la la ta ya/ ka pA la mA la d+ha ra Ni hUM hUM phaT phaT swA hA/ thod pa'i nang du 'khor bar bri// phyi yi rten du bshad pa yin// bong bu nag mo'i thod pa la/ / rten pa lha mo'i sku bris pa// nang gi rten du bshad pa yin// nal gri'i snying ni ma nyams pa// mtshon gyi rtse la bskon pa gzhag/ gsang ba'i rten du gzugs par bya// bu mo'i thod pa dza ril dang / / gri gug dar gyis gtums pa dang // dri bzang mtshan gyis bdug par bya// de kho na nyid rten du bshad// de nas nub phyogs dag nas ni// gsum gyis khur nas 'ongs pa'i rdo// mi nag gsum gyis 'di skad brjod// sku gsung thugs kyi bdag nyid can// rdo rje mgon po 'khor bcas pa// rang bzhin gnas nas sku bzhengs la// 'dir ni bstan bsrung bzhugs su gsol// lan gsum brjod nas bzhugs par bya// rol mo'i sgra dang spos dud dang // sna tshogs rol mos bsus nas kyang // 'phrin las gang 'grub mi shes bya// 'di ni rang bzhin rten yin no// dpal
- 92b
mgon po chen po dngos grub 'byung ba'i rgyud las/ phyi nang gsang ba dang sku gsung thugs kyi rten gzugs pa'i le'u ste bco lnga pa'o// // de nas gzhan yang bshad par bya// dpal ldan nag po chen po yi// bka' yi tshogs kyi 'khor gyur pa// 'di ni kun tu shis par bya// las kyi mgon po rnams dang ni// lha mo chen mo 'khor dang bcas// lha srin sde brgyad ma lus pa/ / pho nya mngag gzhug las byed pa'o// gzhan yang phyogs skyong bcu dang ni// klu chen brgyad dang lha chen brgyad// gza' chen brgyad dang rgyal cher bzhi// rgyu skar nyi shu rtsa brgyad de// gnod sbyin brgyad dang 'phrog ma'i bu// sha za dang ni ma mo dang // 'jig rten pa dang dam tshig gnas// zhing skyong ma lus 'khor dang bcas// 'di dag las kun byed pa yi// 'jig rten skyong ba bzhi bcas pas/ / grub pa rag stsol mdzad pa// lha dang lha min mi 'am ci// lto 'phye grul bum srul po dang // lus srul grib gnon skem byed sogs// nam mkha' lding dang dri za dang / 'byung po ma lus 'dus pa kun// 'di dag sgrub la grogs byed cing // mthu stobs dpung dang nus pa yis// srung zhing bar chad nges par sel// sgra gcan 'dzin pa'i rA hu la// 'di la sogs pa thams cad la/ / tshogs kyi gtor mas tsher mchod na// dpal dang rdzu 'phrul myur du ster// 'di dag 'khor dang bcas pa yi// nye dang nye ba'i mtshan ma dang // rtags dang cho 'phrul dum
- 93a
'byung / / sku gsung thugs kyi rtags dang ni// phyi nang gsang ba rtags gyur pa// dngos dang nyams snang rmi lam dang / sprul pa'i 'phrin las nges 'byung ba// gtso bo nyid dang 'khor rnams kyi/ / rim pa rjes su 'brel bar 'byung // rtags byung nas ni las la bskul// dpal mgon po chen po dngos grub 'byung ba'i rgyud las/ gtso bo dang 'khor du bcas pa mchod par bstan pa'i le'u ste bcu drug pa'o/ / // de nas gzhan yang bshad bya ba// dpal ldan mgon po chen po yi// thar pa'i grong khyer nyams dga' bar// dbang bskur cho ga/ bshad par bya// 'dis ni bdud dang bdud kyi phyogs// de las rgyal bar byed pa yi// cho ga bzang po bla na med// dkyil 'khor bzang po bzhengs par bya// phun sum tshogs pa'i gnas dag tu// rgyud shes yang dag bla ma la// snod ldan dag pa'i slob ma yis// gsol ba lan gsum gdab byas la// maN+Dal me tog sngon 'gro yin// rdo rje 'dzin pa ma lus dang // rgyal ba mgon po ma lus dang / / dbang phyug dam pa'i dkyil 'khor dang // dbang bskur gnang bar mdzad du gsol// lan gsum brjod nas gnang gyur pas// dang po bsnyen pa brtsam par bya// mtshan ma nye ba'am tshul shes nas/ / de nas sngon 'gro brtsam par bya// dang po bgegs rnams nyer zhi yi// 'phrin las mchod pa gtor ma yis// ye shes lha rnams mchod pa dang // lus dang ngag dang yid
- 93b
kyis ni/ / sdig pa bral zhing bgegs dbyung ba'i// sngags dang bcas pa'i nyungs kar gyis// me sbar sreg dang bral bar bya// de rjes sa phyogs gtsang ma las// sa brtag pa dang sbyang bar bya// sa blangs nas ni bka' thob pas// brko zhing ro lnga bsal bar bya// de nas bsrung zhing bcag par bya// rdo rje 'dzin pa bzhengs nas ni// rdo rje gom pa'i gar stabs kyis// hUM hUM drag po'i sgra brjod pas/ / phyogs kun bcing ba byas nas ni// bgegs la bka' bsgo gtor ma sbyin// slob ma kun la bsrungs byas la// rdo rje mgon po chen po yi// ting nge 'dzin du gnas pa la// gsol ba gdab pas gnang ba sbyin/ / khyad par bdud rtsi 'khyil bas bsrungs// yang dag ye shes sems dpa' che// 'khor ba'i g.yul las rgyal byed pa// rgyal ba ma lus bstan skyong che// de nas lhag par gnas pa brtsams/ / sa 'dzin lha mo nyid mchod pas// bka' byin nas ni thim par blta// bum pa bkra shis yang dag ldan// ma nyams mtshan nyid ldan pa lnga// kha tshar ma nyams ras rung dkri/ snying po sman dang 'bru lnga sogs// spros dang rin chen dag gis dgang // rgyun 'bab chu yis gang ba dang // 'bram ldan shing gis kha brgyan pa'o// de nas srung ba'i 'khor lo yi// bka' yi khro/ bo rnam par sgom// dkyil 'khor dri yi thig le la// me tog gcal bkram lha rnams ni// bskyed cing mchod la gnyis med bstim// so shing dor dang lhas brtag pa// bsrung skud ku sha sbyin
- 94a
par bya/ / de nas sems bskyed sdom gnas pas// dam tshig gsang ba sbyin par bya// khyad par lha la gsol btab nas// rdul tshon dkyil 'khor thig gdab bya// dang por ye shes thig gdab cing // phyi nas dam tshig nges par gdab// go rims ma nor nges pa'i tshul// srad bu shes rab can thig gdab// tshon ni byin gyis brlabs nas kyang / pra brtag rdul tshon rim par dgye/ / gru bzhi pa la sgo bzhi pa// rta babs bzhis ni mdzes pa yi// zlum bskor pho brang ling tshe dgu// dbus ma e dbyibs drag po nyid// phyi rol pad+ma 'dab brgyad pa/ lha khyams bcas pa'i dkyil 'khor mchog/ 'dod yon rin chen sked bad dang // dra phyed ba ku li yi 'phreng // yang na kha bang mdzes pa'i rgyan// chos 'khor ri dgas gdugs dang bcas// thong skam pad+ma'i 'phreng bar ldan// dur khrod brgyad kyis yongs su 'khor// rdo rje me 'od 'bar bas 'khrigs// dam tshig ye shes gnyis med pa'i// gsang sngags nye ba sngags par gnas/ bstan zhing mchod la gsol ba gdab// nye bar brgyan cing yongs su bskor// de nas slob dpon bdag 'jug bya// sbyin sreg las ni rab tu shis// dpal mgon po chen po dngos grub 'byung ba'i rgyud las/ gsang ba chen po'i dkyil 'khor gsal bar byed pa'i le'u ste bcu bdun pa'o// // de nas gzhan yang rnam bshad bya// yang na ling tshe dgu ldan pa'o//
- 94b
pad+ma 'dab brgyad phyi rol du// mu khyud 'khor lo rim gsum la// e dbyibs zhing skyong rim pa dgod// lha dang sa bon phyag mtshan ni// sku gsung thugs kyi phyag rgyas mtshan// slob ma khrus byas rgyan btags te/ / maN+Dal me tog phyag bya zhing // ras kyis mig ni bkab nas su// dang por me tog dor bar bya// mtshan ma mthong bas legs par drang // sgo bzhi nas ni nang 'jug cing / / gu gul bdug cing ting 'dzin gyis// nag po chen po'i lha tshogs kyang // nges par spyan drang bstim par bya// de las nges par rtags rnams byung // yang na so so'i mgon por bskyed// ye shes sems dpa' byin gyis brlab// bla ma dkyil 'khor gtso bcas las// 'od 'phros rang byin brlab par 'gyur// mthong ba dri dang bdud rtsis gtor// gdong g.yogs bkrol zhing lha ngo bstan/ / de nas dbang po'i bye brag gis// nges par rim pas dbang bskur te// bstan pa 'dzin cing bstan pa skyong // bstan pa srung bar byed pa yi// sangs rgyas bstan pa 'phel mdza pa/ sku yi mgon po 'khor bcas kyis// bla med dngos grub sbyin pa'i phyir// yang dag ye shes dbang bskur ro// sku gsung thugs dang yon tan dang // 'phrin las lha yi khyad par ro// me long ye shes dbang nyid can// rdo rje rigs kyi mgon po yis// dkyil 'khor chen po'i nang du ni// zhe sdang dag pas dbang bskur ro// mnyam nyid so sor rtog pa dang // bya ba nan tan chos
- 95a
kyi dbyings/ / ye shes lnga yi rigs kyi gtsang // nges par dbang bskur brtan par bya// 'phrin las bzhi yi dbang yang bskur// lha mo brgyad kyis las rnams 'grub/ bum pa spyi bor byin pa dang // thod pa'i bdud rtsi blugs pa yis// gsang ba bde chen ye shes nyid// rang byung dri med dbang bskur ba'o// de rjes pa ling gtad pa yis// nus pa thogs med sbyin byed yin/ / sku gsung thugs kyi gsang ba mchog/ lha dang sngags kyi zab pa'i chos// ting 'dzin chen po'i phyag rgya che// 'o nyid dngos grub kun gyi gter// zab cing cha che'i don grub pa// sku ba can la sbyin par bya'o/ / he ru ka dang nag po che// bla ma tha dad med pa la// tshogs kyi 'khor los legs mchod cing // zhabs la gtugs la smon lam btab// 'di ni thob par the tsom med// 'phrin las kun tu grub ster byed// dpal mgon po chen po dngos grub 'byung ba'i rgyud las/ dbang bskur zhing byin gyis brlabs pa'i le'u ste bco brgyad pa'o// // de nas gzhan yang bshad bya ba/ / dpal ldan mgon po de nyid kyi// phyogs bzhi yongs su skyong ba yi// rgyal po chen po rnam pa bzhi// shar phyogs nas ni yul 'khor srung // lce phyogs nas ni 'phags skyes po/ / nub phyogs nas ni sman mi bzang // byang phyogs nas ni rnam thos sras// sangs rgyas bstan pa srung byed pa// 'di nyid grub pa sder byed pa'o// rab tu dben zhing gtsang ba dang // bkra
- 95b
shis nyams dga'i sa phyogs su/ / rnam thos sras ni bsgrub par bya// sa gzhi pa yi lci bas byug/ dri bzang tsan dan dkar dmar dang // a ka ru dang du ru ka/ kha che gi wang sna tshogs sman/ sreg cing tshogs pa'i sman du bya// maN+Dal gru bzhi mda' gang ba// dkyil 'khor sgo bzhi rta babs dang // rin chen khang pa yid 'ong ba// pho brang rin chen las grub pa// sna tshogs pad+ma rin chen gling / / gter dang dpag bsam ljon shing bcas// ka ba stong phrag du ma yis// rab tu rgyas shing yongs su bskor// lte ba rin chen mu khyud la// lha mo brgyad kyis yongs su bskor// bar ma lha khyams mdzes pa la/ / gnod sbyin chen po brgyad kyis bskor// phyi ma ra bas bskor ba la// klu chen brgyad kyis yongs su bskor// sgo bzhir gnod sbyin bzhi bkod pa// dbus su rin chen seng ge'i khri sna tshogs pad+ma ge sar bcas/ / de dbus zla ba dar gyi gdan// de la sku gsung thugs kyi gnas// sa bon phyag mtshan sku dgod bya// sna tshogs mchod pas yongs bskor te// 'bras dang gro dang 'bru sna la/ / gtor ma shin tu bzang bar bsham// khyad par me tog sna tshogs ni// nA ga ge sar ku mu da// pun ta ke ba ba ku li// pa ra shi ka dang tsam pa ka/ d+ha nu ska ri ma li ka/ su ti ka/ dang ut+pa la// pad+ma man dA ra ba dang // ngaN+Dong pa la sogs pa'o// sna tshogs chu dang sreg spos tshogs// gu gul khyad par bsreg par bya// ka ra bu ram sbrang rtsi dang // 'khur ba 'bras chen
- 96a
zhun mar dang / / zhal zas bye brag thams cad dang // snang gsal mar me byug pa dang // sgra snyan sna tshogs mchod pa'i rdzas// gdugs dang rgyal mtshan pa dan dang // 'phan dang bla re la sogs pa/ / sna tshogs dar gyi lda ldi dang // de ltar bkod pas legs brgyan nas// bde ba'i stan la 'dug nas kyang // rang lhar bskyed pa'i sa bon las// 'od 'phros mdun gyi dkyil 'khor la/ / rab tu 'phros pas 'od du 'bar// de las dbus su rgyal chen ni// sku mdog gur kum mdog 'dra ba// rin chen sna tshogs rgyan gyis brgyan// seng ge'i khri la legs bzhugs pa'i// phyag g.yas yid bzhin nor bu ste// rin chen 'bar ba'i rgyal mtshan can// g.yon pa ne'u le'i snod can las// kha nas rin chen skyug par bsam// gnod gnas dbang po gang ba bzang // nor bu bzang dang rta yi bdag/ yang dag shes dang 'brog gnas dang // lnga rtsen pi tsi kuN+Da li// sna tshogs rgyan dang phyag mtshan bcas// re re'ang du mas yongs bskor nas// shin tu gsal zhing brtan par bsam/ / de nas sa bon las 'phros te// rang bzhin gnas nas spyan drangs la// mchod cing bstod de gnyis med bstim// khyad par gsol ba gdab par bya// rgyal ba mgon po 'khor bcas pa'i/ / yid 'ong khang bzang pho brang 'di// yid bzhin nor bu'i char 'bebs pa'i// rin chen gter gyi dngos grub gsol// oM baM swA hA/ oM be shra ma NA ya swA hA/ oM dzam+b+ha la ya
- 96b
swAhA/ oM pUd+d+ha b+ha drA ya swA hA/ oM ma Ni d+ha drA ya swA hA/ oM ku be rA ya swA hA/ oM sa pra dza nA ya swA hA/ oM gu h+ya ta nA ya swA hA/ oM pA tsi kA ya swA hA/ oM ba tsi kuN+Da lA ya swA hA/ dang po lcags kyu'i phyag rgya ste/ / gnyis pa rin chen 'bar ba nyid// gsum pa kun nas bstod par bya// de nas gtor ma dbul bar bya// gsol ba btab nas 'phrin las bcol// de nas ye shes gshegs su gsol/ / der gnas pa ni bzhugs par bya// phyi rten nang rten khyad par bya// rim pa 'khor lo sngags dang bcas// mis mi mthong bar sbas te bcang // khyad par rtags ni gsal bar 'byung // nye ba'i mtshan ma nges mthong nas// dngos grub blang zhing gtor ma dbul// sbyin sreg las kyis myur du 'grub// gsang sngags 'bum phrag bcu yis ni// 'bras bu yid la 'dod kun 'grub// kha skong me yi mchod pa bya// gtor ma chen po dang bcas pas// lan bdun nye bar bsnyen pas 'grub// 'di ni lha rnams kun gyi gter// sgrub pa po la stsol bar mdzad// dpal mgon po chen po dngos grub 'byung ba'i rgyud las/ khyad par du 'phags pa rnam thos sras gnod sbyin chen po brgyad dang bcas pa sgrub pa'i le'u ste bcu dgu pa'o// // de nas gzhan yang bshad bya ba/ / 'phags pa chen po de nyid la// klu chen brgyad kyis yongs bskor ba// rim pa 'di ni bstan par bya// khyad par sa bcu'i dbang phyug che// dpal ldan thugs rje'i bdag
- 97a
kho nyid/ / nal gcig phyag ni gnyis pa nyid// spyan gsum cung zad khrob tshul// su mdog dmar dang ljang gu'i mdog/ rin chen 'bar ba'i dbu rgyan can// srul dang ber sum rim la/ / sna tshogs cod pan rgyan gyis sbas// phyag g.yas rin chen 'bar ba bsnams// lha yi ba dan mdzes pa 'phyar// g.yon pa mchod rten sku gdung bsdams// me'u li'i rgyal panor smug 'chang / / 'khor du khyad par klu chen brgyad// sku lus ma yi rnam pa la// sbrul mgo bdun pa'i gdengs ka can// phyag gnyis thal mo sbyar ba nas// yid bzhin nor bu legs bsnams pa/ / sems dpa'i 'dug stangs phyed skyil can// thams cad gcol 'dud par byed// nor rgyas pad+ma nyid dang ni// stobs kyi rgyu dang 'jog po nyid// pad+ma che dang hu lU che// drung skyong rigs ldan brgyad po nyid/ / rgya mtsho chen po'i nang dag gi/ pad+ma la ni gnas bcas te// de ltar bskyed la ye shes pa// spyan drangs mchod la gnyis med bstim// dgyes pa'i tshul gyis rnal 'byor la/ / yid 'ong dngos grub stsol bar 'gyur// oM shrI badz+ra yak+Sha be shra bar+N+Na ya hU~M phaT/ oM ba ru t+tA ya swA hA/ oM oM nan+d+ra ya swA hA/ oM tak+Sha kA ya sA hA/ oM shaM kha pA lA ya swAH/ oM karko DA ya swA hA/ oM pad+mA ya swA hA/ oM ma hA ba d+hA ya swA hA/ oM ku li kA ya swA hA/ der ni gsang sngags bzlas pa yis// sngags kyi 'od zer spro bsdu bya// de nas klu rnams thams cad la/
- 97b
yid 'ong gtor ma dbul bar bya// nAg gi sar bus pa dang // rgya mtsho lcugs rbang// dza ti pa la brur kun dang // tsan dan dkar dmar du shel ci// dbang po lag dang rnying no ga/ chu u0f7f s pre mo le banan dang / / 'gron bu drung dang mu tig dang // nyaphyis bla gor ni sha dang // mkhal mno shAm bya'i mdongs// nA ru rkun 'brum mngar gsum dang // gser gyi bye ma ras srung dang / rim dang ni 'bru sna lnga// rin chen sna tshogs ma lus pa// khyad par du ni dbul bar bya// de nas mchod cing bstod bya ste// dngos grub gang 'dod stsol bar bsam// de nas zhi ba'i sbyin sreg bya// gsang sngags khri phrag bcu pa zlas nas// rtags byung nas ni dngos grub blang // dpal mgon po chen po dngos grub 'byung ba'i rgyud las/ rgyal po chen po rnam zos sras la klu chen po brgyad kyis bskor ba'i le'u ste nyi shu pa'o/ / // de nas gzhan yang bshad bya ba// drang srong srag mchog de nyid la// lha mo brgyad kyis yongs bskor ba'i// thabs nyid rnal 'byor pas shes byang rin chen bdun pa'i khang bzangs su/ / nor bu sna tshogs gdan bzhugs pa'i// 'phags pa sku mdog bai DUR+Ya// zhal gcig phyag drug spyan gsum pa// rin chen sna tshogs du mas spras/ / gdug pa klu yis nyer brgyan cing // g.yas kyi dang po rgyal mtshan 'dzin// g.yon gyi dang po rin chen snod// bar ma gnyis ni rdo rje dang // pad+ma 'bar ba bsnams pa dang // tha
- 98a
mas zhags pa tho ba 'phyar/ / stag gi pags pa'i sham thabs can// dar gyi cod pan dag gis mdzes// skad cig gis ni bsam par bya// oM badz+ra bi ru ka ku be ra / At+ma ka/ ma hA yak+Sha rA dza rat+na sid+d+hi hUM swA hA/ gsang sngags 'di ni brjod pa yis// gnod sbyin mo rnams mdun du 'gugs// oM tsan+da kAr+N+Ne swA hA/ oM su b+ha drA yaM swA hA/ oM dat+tA yaM swA hA/ oM gu h+ya yai swA hA/ oM su dat+tA yai swA hA/ oM de byaM swA hA/ oM Ar+ya ye swA hA/ oM sa ra swa s+t+waM swA hA/ zla 'od can ma rab bzang mo// sbyin byed ma dang gsang ba ma// rab sbyin ma dang dpal lha mo// 'phags ma dang ni dbyangs ldan te/ / thams cad zhal gcig phyag gnyis ma// kun tu rgyal ba 'od 'phro ma// gdu bu dpung rgyan mgul rgyan dang // zhabs gdub do shal legs brgyan cing // dar dang nor bus rnam par mdzes/ / dkar dang ser dang dur ba'i 'od// gser 'od pad+ma rA ga dang // ut+pal can du ri ka dang // pa la sha yi mdog mtshungs pa// 'od kyi 'phreng bas 'khrigs pa'i nang / rin chen sgrom bu gter gyi snod// rin chen gzhong pa dung chos dang // be tsur dang nor bu me// dpal be pany+tsa li ka ste// g.yon pa kun tu pad+ma bsnams// sgeg cing 'gying dang ldan par bsam/ gtso bos lha mo brgyad po bskul// lha mo brgyad po thams cad kyis// rin chen char pa phab nas ni// bka' bzhin bgyid pa rnam par bsam// mgon po myur du bskul ba'i tshe// gtso bos mi 'jigs seng ge chibs// thun
- 98b
mong gi ni las byed pa'o/ / stobs ldan glang chen rab brtan chibs// khyad par sgrub pa'i las rnams byed// g.yu 'brug sngon po chibs nas ni// snang srid ma lus dbang du sdud// dbang du byed pa'i las rnams dang / / khyad par sbyin sreg drag po ni// band dang bajam pa'i tshul gyis ni// myur du las la 'gro ba yin// phyi nas gsang ba'i rim shes pa'i// stong phrag bcu yis 'grub pa ste// 'di ni rin chen ga'u'i nang // rin chen 'bar ba'i 'khor lo la// gsang sngags yi ge'i 'phreng ba can// sa bon spro bsdus ting 'dzin sgom// na mo bai shra ba Na badz+ra mu sa la/ mu su na sti/ tri shU la aM ku sha/ pA sha pa ra shu/ baM d+ha mud ga ra lA laM k+Shi de/ hasta s+ya/ na mo na maHsar+b+ba de wa ta su tsi ta/ kr-i ta Ta s+ya/ ma hA kI la kI lA ya/ sarba gra hA/ a ka ri Sha ni ya bi dza yA/ dza yaM du/ b+ha ga bAM/ nA da ku be rA/ k+Sha ti sa ti/ tsakra ti ni/ ka la ka la/ nA da ku be ra ki ri ki li/ nA da ku be ra/ k+Sha ti pa ti/ tsakra ti ni/ bi dzi ma hA b+ha ga ba ni/ nA da ku be ra/ bi kra ta/ drang srong ka ra la/ ban d+hA na/ re tra/ d+hi h+ya sa/ gu h+ya/ ka na ga na pa ri br-i dA/ bai shra ba Na/ b+ha ne b+ha ne/ b+hi ba na ba si ti/ ku ti ku ti/ ku be ra/ nA da ku be ra na maHstu ste swA hA/ 'di ni khyad par sgrub pa ste/ gsang sngags gnod sbyin stong sde'i tshogs/ / ma lus 'di yis skul bar byed// gar mkhan mchog ces bya ba yi// lha ni du mas yongs bskor ba'i// 'di ni bskyed cing spyan drang ba// spyan drang mchod cing bstod pa dang /
- 99a
gang sgrub las la bskul bar bya// 'di yis rnal 'byor dgos pa sgrub// zhi bas nad gdon ma lus pa// dbang gis khams gsum ma lus bsgyur// rgyas pas nor dang 'bru sogs 'phel/ / mngon spyod kyis ni gdug pa 'dul// nor bu bzang pos gter la spyod// yang dag shes kyis dus gsum mthong // gang ba bzang pos longs spyod 'phel// gtsug na 'khyil bas tshe dpal ster/ / 'brog gnas rgyal bas dud 'gro spel// gnod sbyin lnga po 'di dag gis// sa gsum g.yo bar byed pa ste// 'di dag sgrub pos mchod gyur na// phun sum tshogs pa'i dpal rnams ster/ / rang nyid lhag pa'i lha yi ni// sa bon las 'phros lcags kyus ni// 'di dag srog gi dbang po la// dbang byed las byed mi zlog 'gyur// gnod sbyin rnams la shing thog dang / / klu rnams gtor mas kun tu mchod// lha mo a ru ra yi 'bru// ma lus myur du mchod pa'o// gang po dang ni mdzes ma dag/ khyad par mngag gzhug gyur pa'o// dpal mgon po chen po dngos grub 'byung ba'i rgyud las/ rgyal po chen po rnam thos sras 'khor dang bcas pa sgrub pa'i le'u ste nyi shu rtsa gcig pa'o// // de nas gzhan yang bshad bya ba// sems can rnams kyi don gyi phyir/ / 'khor ba'i srid pa ji srid par// byang chub sems kyi chos rnams ston// ri bo'i rtse dang nags tshal brag/ rgya mtsho'i 'gram dang shing gcigs// gdod nas grub pa'i
- 99b
dur khrod de/ / gnas 'di dag tu bsam gtan bsgom// las kyi mgon po 'jigs pa'i gzugs// gru gsum pho brang la gnas pa// dur khrod gzhal yas 'bar ba ni// me dpung 'bar ba 'phro ba'i dbus/ / zhal gcig pa la phyag gnyis pa// sku mdog nag cing mche ba rno// yan lag zung zhing gsus pa 'phyang // thod pa skam po'i dbu brgyan byas// spyan gsum ldang mig khro tshul ston// bzhin sgyur mi sdug lus can ni// phyag g.yas rdo rje gri gug 'phyar// g.yon pa dam nyams snying khrag gis// thod pa bkang nas gsol bar mdzad// dug sbrul gdug pas lU tshogs brgya na/ dbu skra dmar ser gyen du brdzes// mi thong rlon pa'i ngo shal byas// ro yi ga dan la brdzis nas kyang // drag po'i nga ro sgrogs pa'i gnas// sku gsung thugs kyi mgon po ni/ gsod byed rngam byed sgrol byed che/ / bsgrub bya nges par sgrol ba'i tshe/ sku yi mgon pos ngam nyams kyi// lte ba'i srog rtsa gcod par byed// gsung gi mgon pos ngam nyams kyi// mgrin pa nas ni khrag rnams 'dren/ / rdo rje thugs kyi mgon po yis// snying gi dkar nag mtshams su yang // bya rog ma chu ni btsugs nas kyang // srog rtsa myur du gcod par byed// pho nya sha za'i gdong can gyis// spyi gtsug nas ni rtse la 'jig/ / las byed ma mo tsaN+Di kas// gsang ba'i mdoms sor dngas ma jug/ rtsa 'jib ma dang khrag 'thung ma// srog 'phrog mas ni las la sbyor// nyin mtshan dus las 'da' ma
- 100a
byed/ / 'di dag gsang sngags ma yengs bzlas// dus gsum dag tu ting 'dzin 'bad// rtsa ba'i sngags ni srog yin te// gsung gi dngos grub snying po yin// nye ba'i snying pos thugs bskul ba'o/ / ye shes sa bon mi shigs pa// dngas ma'i gnas par de bshad do// sku gsung thugs dang yon tan las// rim par bzlas pas bsam gtan 'grub// rtags rnams nye bar ma byung na/ / 'bad pas bsten cing mchod par bya// gzhan du 'grub par mi 'gyur ro// oM ma hA kA la gu Na hri da hUM phaT/ oM ma hA kA la tra ga shad dzaHma hA kA la sid+d+hi yi du dza/ A li kA li mnyam ldan pa'i/ / rtsa brgyad 'phreng ba rab tu bsgrags// rim par byin rlabs ldan bya'i phyir// bzlas pa brgya rtsa brgyad du bya// bgrang 'phreng nus par ldan pa yis// las ni myur bar shes pa yin/ / shel gyis zhi ba chen po 'grub// mu tig gis ni rgyas pa la// dreng po'i so yis gsad pa 'grub// de gnyis 'gyur ba bong bu'i so// sdang dang bskrad pa rnga mo'o so// ka sogs rnam ngag yum bcu drug/ byis pa 'tsho byed dbang sogs la// dbyangs dang gsal byed rnams bsres pas// bzhi yis lhag pa'i pad 'bras shing // lung tang dmar po bdun gcig drug/ yang na tsan ngan 'bru dgu 'am/ / rgyu skar phyed pos grangs mnyam pas// lung tang nag pos rmongs byed nus// dbyangs dang gsal byed phyed sbyangs pas// ru rag sha ni mngon spyod la// de lta'i cho ga
- 100b
shes pa yis/ / tshar gcad phan gdags las rnams spyad// gsang sngags yi ge'i 'khor lo ni// mgal me bzhin du bskor bar bya// de ltar dus bzhir bsgrub par 'gyur// des ni nye bar 'grub par 'gyur/ / des kyang grub par ma gyur na// rang nyid ye shes nag po yis// gdug pa 'dul bar bsams nas ni// las byed mgon po'i srog rtsa 'phrog/ de ltar bskul bas las la sbyor// gzas pa po de sgrol bar byed// gal te las la 'gyangs pa na// srog gi thigs pa blang ba dang // gsang sngags snying po go bzlog cing // lto ba dkrugs pa'i las byas na// shis bstan par 'gyur/ bste// srog ni dmar len byed par 'gyur// ma rungs 'dul ba'i las 'di dag/ sangs rgyas bstan pa bsrung ba las// gzhan du byas na nyes par 'gyur// sbyin sreg dang ni mnan pa dang // de bzhin zor dgye las bya ba// gsad pa rang gshed gnad la dbab// de las myur bar rtags byung tshe// thugs dam bskang zhing gtor ma 'bul// tshogs kyi 'khor lo'i mchod pa dang // rnal 'byor nar mar 'grub par 'gyur/ / dpal mgon po chen po dngos grub 'byung po'i rgyud las/ las nye bar sgrub par bstan pa'i le'u ste nyi shu rtsa gnyis pa'o// / de nas gzhan yang bshad par bya/ / dpal ldan lha mo 'khor dang bcas// nag mo mngon par 'byung ba yi// las kyi dngos grub cho ga bshad// dam tshig gsang ba'i sngags pa yis// brag nag rtse
- 101a
mo rno ba yi/ / kha lhor bltas pa'i brag phug gam// gzhan yang ri bo'i zom mam shaM gcig dur khrod ma mo'i gnas// rab tu 'jigs pa'i gnas mchog tu// maN+Da dang ni mchod pa dang / / gtor ma legs par bshams nas ni// sha chen bsregs spos phul nas kyang // bar chad bgegs rnams bskrad par bya// gru gsum khrag dang dug gis byug/ dug shing tsher ma can gyis rtsig/ gzhan yang ling ga byas pa la// mi ba sad lcags kyu tri shU la// de yi lus la gdab par bya// tshil chen mar me zur gsum pa// btang nas bdag nyid lhar bskyed la/ dkyil 'khor gsum la legs gnas pa// ma hA kA la phyag bzhi pa// mdog nag khrag 'dzag me dpung dbus// zhal gcig spyan gsum 'bar ba ste// g.yas kyi dang po chu gri dang / 'og ma tri shU rtse gsum pa// g.yon gyi dang pos mda' gzhu dang // gnyis pas mgo bo khrag 'dzag bsnams// dur khrod kyis brgyan sham thabs can// de yi g.yas dang g.yon gnyis su// sha za gnyis ni gnas par bsam/ / las kun byed pa'i pho nyar bskul// dang po lha mo chen mo ni// e dpas gsang sngags las grub pa'i// zhal gcig pa la phyag bzhi pa// spyan gsum shin tu sku mdog gnag/ shin tu brngam zhing sgeg pa'i sku// g.yas kyi dang po ral gri 'chang // 'og ma shag ti 'bar ba can// g.yon gyi dang po thod khrag 'dzin// 'og ma kha T+wAM bsnams pa'o//
- 101b
ral pa kham nag gyen du brdzes// mche gtsigs thod pa dug sbrul brgyan// glang po'i stod g.yogs stag sham dang // re lde nag po'i sham thabs gsol// bong bu gA dmar stengs na ni// phyed krung 'bar bas bzhugs pa'o/ / yang na zhal gcig phyag gnyis ma// ral gri ne'u le'i rkyal pa 'dzin// dam tshig bskyed la ye shes dgug/ 'phrin las bcol bar bya ba'o// oM shrI ya de bi kA li kA/ li ma hA kA li b+h+yAM hUM/ oM ru ru ro ru bi tiSh+Tha bA to si tri tsa pa la a shug me b+h+yo dzaHma hA kA li de wI ka rA li bi kr-i ta kA la ra tri ni tsaN+Da rU pi Ni hUM hUM phaT/ rag mo tsi ta kha rag ma hUM b+h+yoHoM ma hA kA li de wi gr-ih+Na ba l-i da kha kha khA hi khA hi da ha da ha ha da te/ pa tsa pa tsa/ mA ra ya mA ra ya/ s+pho Ta ya s+pho Ta ya/ khA hi hUM phaT/ bdud rtsi lnga dang sha lnga dang // skyes pa grir shi'i stong khrag gis// nag po chen po'i gtor mar blugs/ / ma nyams grir shi'i baM blangs la// ma hA ru dra bstim nas ni// mgo bo lho nub mtshams su bstan// rkang pa byang shar mtshams su bstan// gan kyal bzhag la bsgul bar bya// de mi sha dang khrag dang ni/ / pags pa tshil bu rkang mar bcas// klad pa klang rgyas zhag dang ni// dbang po lnga dang dong snying lnga// rus pa'i bye brag thams cad kyis// ye shes nag po chen po dang // dpal ldan nag mo re ma ti/ / las kyi mgon po 'khor dang bcas// pho nya bran g.yog dur khrod gnas// DA ki'i tshigs kyi thugs dam bskang // de yi sha yi tshogs rnams kyis// nag po stong gi thug
- 102a
dam bskang / / de yi khrag dang chu ser gyis// ma mo bye ba'i thugs dam bskang // de yi chu rgyus rus pa rkang // sha za 'bum gyi thugs dam bskang // mkha' 'gro lnga dang lha mo brgyad/ / de yi 'phrin las mgon po dang // sha za 'khor dang bcas la dbul// phung po bsgral ba'i tshogs kyis mchod// rnam shes bsgral ba ye shes bsgyur// mi bskyod pa yi zhing khams su/ / rgyal ba'i sras su skyed pa yin// rnal 'byor 'chi ba slu ba dang // bar chad thams cad zlog par byed// ma rungs bstan la sdang zhing 'tshe// sgrub la gnod na las 'di bya// gzhan du byas na rlag par 'gyur/ / de yi sha la sbyin sreg bya// tshil ni zhun chen mar me bya// klang rgyas thod pa'i rnga lpags bya// pags pa tshogs kyi gdan du bya// bsregs pa'i rus pa tsha tsha bya// 'di ni mamo po 'khor bcas tshogs/ / mnyes par gyur cing thugs dam bskang // gzhan yang phran tshegs las kyi gsang ba rab tu bshad par bya'o// dkyil 'khor ba'i lha'i 'phrin las kyi rnal 'byor dang rab tu ldan pas zhi ba'i las sgrub pa la ni/ bil ba la sogs pa la sbyin sreg brgya rtsa brgyad du bya'o// 'bras ldan gyi shing gang las rgyas pa'i las sgrub na stong phrag gis bya'o// khA Di ra'i shing dang dmar ba'i shing gis ni dbang gis sgrub na khri phrag gis bya'o// shin tu rtsub pa'i tsher ma dang ldan pa'i shing dag gis ni mngon spyod la 'bum phrag gis bya bar shis so// bskrad pa la
- 102b
ni shing gi lo ma rlung mar byung ba'i tshe sa la ma lhung bar blangs te/ / gzugs brnyan bris nas yul gzhan gyi hor khra la btags te gtang bar bya'o// gal te bzlog par 'dod na zhi ba'i sbyin sreg gi thal bas gtor zhing ba ser skya'i 'o mas lus bkrus na zhi bar byed do/ / rus phye sna tshogs pa la khrag byugs te gzugs brnyan bris la dgra bo de'i phyogs su gtor bas ni sha za chen pos 'jigs par byed do/ / yang na ce spyang gi sha la sbyin sreg byas te dur khrod du thal ba phyar nas/ lhag ma gzas pa po'i sgo la gtor nas btang na dur khrod kyi ce spyang gi tshogs rab tu 'du zhing du la sgo la sder mos 'brad par 'gyur ro/ / de lta bu lan gsum byas na ce spyang gis za bar 'gyur ro// gang du thog gis shi ba'i rus pa la rab tu bsngags te ri bong gi thod par bcug ste shing rkang gcig pa'i rtse mo la btags na thog 'bab pas 'chi bar 'gyur ro/ / yang na de nyid kyi gzugs byas te de nyid dang rigs mthun pa'i rus pa rnyed na nyungs kar gyis brdeg cing / pha mes kyi dur khrod du grib so lhags pa dang sbas te gtor mas mnan cing dong brus par spras la/ ro bsregs pa'i g.yam pas mnan na rigs 'chad par 'gyur ro// grog mkhar gyi sa la gzugs byas la/ de la dug dang til mar gyis byugs la 'bras phub kyi me la rab tu bsro zhing sngags brdegs na rims tsha ba chen pos btab par 'gyur ro/ / gzhan pa la ni spra tshil gyis byugs shing tsher ma'i rigs mang po btab
- 103a
par byas nas du ma yin pa'i rlung la phyar na yul gzhan du ga shis ngan du 'chi bar byed do/ / mtsho nang gi nyes pa bzung ste gro ga la ling ga bris pa de bag zan gyi gzugs dang bcas pa la rab tu bsngags te slar btang na chu grir myur du 'chi bar byed do/ / bse shing la ling ga bsregs te sgo khang du sbas na spangs pa chen pos btab par 'gyur ro// gal te grog mkhar gyis la gzugs byas te/ / mchod rten rnying pa'i 'og tu 'byung po'i nyi ma la mnan nas ro g.yam gyis kha bcad na ni 'khor dang bcas pa nus pa med cing rab tu gnon par 'gyur ro// de nyid kyi zag pa gang yin pa dang phung shul nas sa blangs te gzugs brnyan byas la gnas kyi sar rus pa'i phur bus btab na ni 'on pa dang / / long ba dang / yan lag nyams pa dang / lkug par 'gyur te/ klu gnas pa'i sar sbas na dbang po nyams pa nyid byed do// gal te sa phyogs der char mi 'bab par gyur na ka ra bI ra'i shing btsugs la/ ba dmar ser gyi 'o ma gtor bar byas pas klu gnas pa'i sar song nas/ rang ting nge 'dzin du gnas pas bka' bsgon char chen po 'bab par byed do// bal po se'u shing dang 'brug shing du bcas pa g.yab cing klu gzir na char 'bab cing sprin sang par byed do/ / gal te sprin dral bar 'dod na rlung lha'i gtor ma byas la rlung gi ba dan g.yab par bya'o// khrag sa tshog grangs kar nyungs rab tu sbyar te klu gnas pa'i sar tsun sreg tu byas nas bzlas pa
- 103b
thun bar du gtor na ser ba mod la 'bab par 'gyur ro/ / nyungs kar zhungs nag thal chen la rab tu bsngags nas gtor na ser ba mong la gcod par byed do// d+ha du ra'i shing la sbyin sreg byas na sno bar 'gyur ro/ / nim pa'i shing gis ni rengs par byed do// me tog ban d+hu ri ka ngang pa la sha yis 'gugs par 'gyur ro// tsan dan dkar po'i sbyin sreg byas na gang la'ang gso bar byed do// a ru ra'i sbyin sreg gis myur du zhi bar byed do// ma he'i 'o mas bkrus na bcings pa thams cad grol lo// a ka ru'i shing 'bras bu dang ldan po'i shing dang gcig tu bsregs te mtshor dor na rgyas par 'gyur ro/ / glang po che'i rus pa la gi wang dang bcas pa'i glang sna can gyi me tog dang ser ba'i rigs kyi me tog dang bcas pas kun dga' ra bar sbyin sreg byed na 'byor pa phun sum tshogs par byed do/ / de dag thams cad sngags dang bcas pa'i nus pas 'grub bo// drang srong gi rus pa ri bo'i rtser sbas te 'bru snas mchod pa byas te chu bo rgyun du 'bab pa mthong ba'i sar spyod yul du gyur na rigs thams cad rab tu 'phel bar byed do/ / a mra'i 'bras bu dang / shing thog dzi tsin ta ka dang / dzu lu dang / dzaM ba ka rnams la snod du bkang ste gtor ma byas nas sku gzugs kyi mdun du phul na ni gnod sbyin gyis 'byor pa thams cad spel bar 'gyur ro/ / phur bus gdab cing nyungs kar thal chen gyis mtshams bcad par gyur na gnod pa thams cad las srung bar 'gyur ro// dpal
- 104a
mgon po chen po dngos grub 'byung ba'i rgyud las/ sna tshogs pa'i las kyi rab tu byed pa bstan pa'i le'u ste nyi shu rtsa gsum pa'o// // de nas gzhan yang bshad bya ba/ / shin tu gsang ba bla na med// nag po mngon par 'byung ba yi// las kyi dngos grub cho ga bshad// dpal nag po chen po'i phyogs kyi 'phrin las kyi lha mo la/ shar gyi lha mo 'phrog mas 'gugs pa'i las byed pa'o/ / lho'i lha mo glang sna mas 'ching ba'i las byed do// nub kyi lha mo ral pa can gyis sdom pa'i las byed do// byang gi lha mo sa'i gtsug gis myos shing dbang du byed par 'gyur ro/ / lha mo bya rgod kyi mgo bo can mas rengs pa'i las byed do// stag gi mgo bo can mas bskrad pa'i las byed do// phag rgod kyi mgo bo can mas spror 'jug pa'i las byed do// ce spyang gi gdong gis dbye ba'i las byed do// khyi gdong mas ni rnam par rmongs pa'i las byed do// khwa'i gdong gis ni rnam par gnon pa'i las byed do// 'ug pa'i gdong gis ni khrag drang ba'i las byed do/ khyung gi gdong gis ni brgyal ba'i las byed do// gzhan yang grong khyer dkrug pa'i las bya bar 'dod na gro ga 'am shing shun la dbyangs dang gsal byed spel zhing go bzlog tu bris la/ bsnol bar byas la rlung gi shugs kyis bsgrub bya gang gi gzugs dang ming spel gyis 'khrul 'khor go bzlog tu bris la bsnol bar bya ste/ rlung gi shugs kyis bsgrub bya dag gi gzugs dang ming spel gyi gnas de
- 104b
myur du bskyod pa rlung dang / me dang / chu bsnol ma rnam par 'khrug par byed do// de nas yang kha sbyar dbye ba'i las dag gis pha rol gyi sde dag gi lus dang / ngag dang / sems kyi dbye bas phyag rgya dang / gsang sngags dang / ting nge 'dzin gyis bskul nas lan bdun myur du 'grub par 'gyur ro// gal te klu'i dug gis gzas pa po 'dzin du 'jug par 'dod na ti tha la'i 'bru la byas pa'i dug sbrul gyi gzugs mgo gsum pa lce brgyad pa 'am/ ci rigs su byas pa de'i kha'i nang du gang la dmigs pa'i rdzas de ming dang bcas pas klu gnas pa'i phyogs su btang na sbrul gyis 'dzin pa'i las byed do// ma he dang rta'i 'khrul 'khor 'byung po'i nyi ma la sa ti tsa'i khu bas bris te/ de nyid kyi sha khrag dang bcas pas bskul bar gyur na ni shin tu 'khrug cing 'bye bar 'gyur ro// yang na bi ta na ro pa la tre zhes bya ba'i tshe ga'i thabs kyis bgegs chen po bskal ba'i gzugs la brjen nas cho ga phyag mtshan dag btsugs te las su bya'o/ / yang nas nag po gru gsum pa la nag po'i chog 'brir rnas pa dang ma du smras padag rjod de/ pha rol rgol ba'i phyogs su bskyal na ni myur du yul dang bcas pa rlag par byed do// sha za chen po'i gzugs shin tu 'jigs pa kha gdangs pa nag po gri gug dang zhag pa thog pa mdun du dmigs la/ phur bus btab pa dang bcas pa'i thabs kyis pha rol gyi dpung g.yo ba dang bcas pa thog par byed do// gtor ma chen po byas te yang gtor na g.yul bshams pa las rnam par rgyal bar byed do//
- 105a
ri rab kyi gzugs la sna tshogs pa'i gzugs brnyan bkod de 'phrin las sems dpa' dang bcas pa'i phyag rgyas btab na g.yul chen po las rgyal bar byed do// dpag bsam gyi shing ljon pa'i tshul du bya ba las a sho ka 'am bi Da ka'i shing la brten nas thabs dang ldan pa'i yul phyogs de yongs su rgyas pa'i gnas thob par byed do/ / rdo rje bya khyung gi phyag rgya bcas la/ nges klu non par byas na/ de nyid kha dog dkar por gyur pa'i 'jam pa'i spyod kyis 'dul ba la/ nag por bsgyur ba'i rtsub pa'i thabs kyis dkrugs pas klu'i gnas thams cad du ltas chen po drug byung bas thams cad 'dar zhing mgo bo ardza ka'i dog pa bzhin du 'gas pa snyam byed nas/ myur bar 'ongs te bka' nyan cing 'dzam bu'i gling du char gyi rgyun chen pos rab tu gang bar byed par 'gyur ro// gang du skyes pa g.yul ngor bsad pa'i mgal dum dang lag ngar gyi rus pa la dpal nag po chen po'i gzugs brnyan ji lta bar byas la bskyed pa dang bstim ste bzlas pa bya/ dben par sbas nas gsol ba btab na gang 'dod pa 'byung bar 'gyur ro/ / sa kun la'ang srung bar 'gyur ba dang / 'das pa la sogs pa'i don shes pa dang / de'i mdun du khrus byas te nyal na lung ston pa 'am/ dge mi dge gsal por ston par 'gyur ro/ / yang na dur khrod kyi ras sam dar nag po la'ang rung ste/ dam tshig dang ldan pas bris te/ mchod pa dang gtor mar ldan pas rab tu gnas par byas na sku byin
- 105b
rlabs dang ldan par 'gyur ro/ / de nyid kyang rin po che las byas nas de'i mdun du gsol ba btab na zla ba drug gis nges par yang 'grub par 'gyur ro// yang na nag po chen po'i gsang sngags sngon du byas te shes rab yongs su 'dzin pa khri phrag gcig bzlas na thos pa'i gzungs yongs su 'dzin pa dang / blo yongs su dag pa dang / mi brjed pa'i gzungs thob par 'gyur ro// bsrung bas srung zhing bcings pa thams cad las yongs su grol lo/ / gang du sgrub pa po phun sum tshogs pas sku gsung thugs yon tan 'phrin las kyi rten la rab tu gnas pa mtshan nyid dang ldan par byas na dngos grub thams cad 'grub pa dang bar chad thams cad las bzlog par 'gyur ba yin no/ / khyad par du'ang gsang ba chen po'i dam tshig la nges par gnas pa nyid kyis phyogs dang dus thams cad du ye shes kyi nag po chen pos rjes su skyong ba dang / rgyang ring po nas kyang nges par gzigs par mdzad do// 'jigs pa thams cad las rab tu sgrol bar 'gyur ro// stobs dang tshe dang / dpal rab tu ster cing mi zad pa'i ye shes thob par byed pa dang / nyam nga ba dang bag tsha ba med par seng ge'i stobs kyis rgyu zhing / bdud kyi ris kyi phyogs ma lus pa pham zhing skrag ste 'gas pa tsam byed par 'gyur zhing rgya mtsho chen po'i mthar thug par 'byer bar 'gyur ro/ / gang gis gtum pa dang / dpa' ba dang / drag po'i brtul zhugs kyis kun tu spyod la
- 106a
rdo rje'i ting nge 'dzin mi shigs par 'gyur ba med pa'i tshul gyis khyab par rgyu ba'o/ / gnas kyi mkha' 'gro ma dang / pho nya'i mkha' 'gro ma dang / 'jig rten gyi mkha' 'gro ma dang / dam tshig gi mkha' 'gro ma dang / sha za'i mkha' 'gro ma'i dbang phyug tu 'gyur ro// rdo rje rigs kyi mkha' 'gro pho nya mo drug cu rtsa bzhis kyang 'phrin las thogs pa med par 'grub par byed do/ / zhing skyong chen po dang nye ba'i zhing skyong nyi shu rtsa bzhi po dag gis kyang 'phrin las thogs pa med pa sgrub par byed pa'o// gdul dka' ba ma lus pa 'dul zhing 'jig rten gsum las rnam par rgyal bar byed do/ / gang du rgyud 'di 'chang ba dang / klog pa dang / 'dzin pa dang / sems pa dang / de bzhin du gang gnas pa dang / rnal 'byor du gang gnas pa la nye bar skyob par byed do/ / nye bar dgongs pas mkhyen par 'gyur ro// dpal mgon po chen po dngos grub 'byung ba'i rgyud las/ sa gsum du sgrub pa'i dbang phyug tu bstan pa'i le'u ste nyi shu rtsa bzhi pa'o// de nas gzhan yang bshad bya ba// gsang ba mngon par 'byung ba'i gnas// drang srong thub pas yang dag bstan// nges par gsang ba 'dzin gyur pa// rgyal ba yon tan 'byung ba'i gter/ / ye shes mgon po chen po dang // las kyi mgon po du mar bcas// dpal ldan lha mo nag mo ni// 'khor bcas dkyil 'khor bstan pa ste// skal ldan lam 'di 'dzin pa gang /
- 106b
nga yis lung bstan gyur pa yin// gdug pa rnams ni gzung ba'i phyir// mkhas pas snying rje bskyed nas ni// cho ga kun mchog gis rab sprug/ bdag nyid ji bzhin sems can de// de bzhin bdag de dam pa'i bdag/ dpal he ru ka'i go 'phang gnas// 'di la the tsom mi bya ste// sun 'byin pas ni 'grub mi 'gyur// rnam ngag rnam pa can sems kyi// rang bzhin gyis ni mya ngan 'das// ma rungs pa ni gang dag gis/ / skye bo bcings par gyur pa gang // de nyid thabs dang bcas pa yis// srid pa'i bcings las grol bar 'gyur// de ltar grub pa'i lam brten cing // thun mong khyad par 'grub par 'gyur/ / dus bzhi dag tu gtor ma 'bul// bgegs med bsod nas 'phel byed pa'o// 'dir 'jig rten dang 'jig rten las 'das pa'i dpal ye shes kyi mgon po lcam dral 'khor dang bcas pa rnams la gtor ma dbul bar bya ste/ sha chen po dang bcas pa'i gtor ma bshams la/ oM ba liM ma Ni raM hUM dza/ rak+Sha Ni rak+Sha Ni rak+Sha mi/ kha kha khA hi khA hi gr-i h+Na gr-ih+Na ba laM/ ma hA bi Sha NaM/ pra sA d+ha / ya pra sA d+ha ya/ hu lu hu lu phaT/ kha kha khA hi lA hi mA ra mA ra/ sar+b+ba ta sa na sa traM/ wa ri ha d+hi ra pra yats+tshan+tu swA hA/ oM AHhUM zhes pas mtshan phyed na gtor ma sreg spos dang bcas pa dbul bar bya'o// oM hAHka ha ka ha ma li ni mu khe yaM sA d+ha ya/ ma hA kA la bud d+ha dzaM/ pra ti ta si/ kA ra ya kA ra ya/ pra duny+dzan/ gr-ih+Na gr-ih+Na/ mA ra mA ra/ kha kha khA hi khA hi/ shI g+h+raM/ da ha da ha/ pa tsa pa tsa/ hu ra
- 107a
ma pa ga mdzin pa byung d+hA ba sa/ na pa dzin pa/ na pasnod / bdun pa ngas pa/ gsang ba bdud dpung 'dul bar byed pa'o// dpal mgon po chen po dngos grub 'byung ba'i rgyu kun gyi snying por gyur pa gdod nas rtsub pa'i tha ma tshan no// rdzogs so// rgya gar gyi mkhan po mehA pa N+Di a d+ha lA kar gu pa'i zhal snga nas dang / za byam cab mkhas pa chen po 'i nad 'khor lo grags kyis bsgyur ci zhus pa'o// rgya gar skad du/ he badz+ra tan+ta ra dza nA ma/ bod skad du/ kye'i rdo rje zhes bya ba rgyud kyi rdul po/ kye'i rdo rje la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs kyi snying po rdo rje btsun mo'i b+ha ga la bzhugs so// de bzhin gshegs pa thams cad kyi sku dang / bsung dang / thugs kyi snying po rje btsun gsang ba las ches shin tu gsang ba'ang / de nas bcom ldan 'das kyis bka' stsal pa/ e ma'o byang chub sems dpa' sems dpa' chen po/ rdo rje snying po
- 107b
snying rje chen po legs so legs so/ / rdo rje sems dpa' dang / sems dpa' chen po dang / dam tshig sems dpa' chen po snying po kye'i rdo rje zhes bya ba nyon cig/ rdo rje snying pos gsol pa gang phyir rdo rje sems dpa' lags/ / ji ltar sems dpa' chen po lags// gang gis dam tshig sems dpa' lags// bcom ldan 'das kyis bdag la gsungs// bcom ldan 'das kyis bka' stsal pa/ / rdo rje mi phyed ces byar brjod// sems dpa' srid pa gsum gcig pa// 'dis ni shes rab rigs pa yis// rdo rje sems dpa' zhes byar brjod// ye shes chen po'i ros gang ba sems dpa' chen por brjod par bya/ / rtag tu dam tshig la spyod phyir// dam tshig sems dpar brjod par bya// rdo rje snying pos gsol pa/ ming bsdus pa ni ji lta bu// gang gis kye yi rngo rje lags/ / he yi rnam pas ci zhig bshad// badz+ra yis kyang de bzhin ci// bcom ldan 'das kyis bka' stsal pa// he ni snying rje chen po nyid// badz+ra'ang shes rab brjod par bya// thabs dang shes rab bdag nyid rgyud/ / de ni nga yis bshad kyis nyon// lta stangs dgug dang brda chen dang // don byed rnam mang brjod pa dang // rengs par byed dang skrod pa nyid// sde rengs byed dang mngon spyod dang / / ji ltar rigs par rnal 'byor ma'i// bskyed dang gnas dang byed rgyu dang // don byed ye shes rnam shes dang // lha rnams ji ltar 'byung ba'o// he ru ka ni bskyed pa'i rgyu// dang
- 108a
por gcig ni bsgom par bya/ / rdo rje snying po snying rje che// dngos po nyid kyis rnam grol zhing // dngos po'i 'ching bas 'ching bar 'gyur// de yongs shes pas grol ba yin// dngos po med pa'ang yongs shes pas// dngos po sgom 'gyur shes rab can// dngos po med pa yongs shes pas// de ltar he ru ka bsgom bya// lus la ye shes chen po gnas// rtog pa thams cad yang dag spangs/ / dngos po kun la khyab pa po// lus gnas lus las ma skyes pa'o// rdo rje snying pos gsol pa/ kye bcom ldan 'das rdo rje'i lus la rtsa du lags/ bcom ldan 'das kyis bka' stsal pa/ rtsa rnams ni sum cu rtsa gnyis te/ byang chub kyi sems sum cu rtsa gnyis 'bab pa bde ba chen po'i gnas su 'dzag pa'o// de rnams kyi nang nas rtsa rnam pa gsum ni gtso ma ste/ brkyang ma dang / ro ma dang / kun 'dar ma'o// brkyang ma shes rab rang bzhin gyis// thabs kyis ro ma yang dag gnas// kun 'dar ma ni dbus gnas su// gzung dang 'dzin pa rnam par spangs/ / brkyang ma mi bskyod 'bab pa ste// ro ma de bzhin khrag 'bab cing // shes rab zla ba 'bab bshad pa// de ni kun 'dar mar rab grags// mi phyed ma dang / 'phra gzugs ma dang / rtse ba ma dang / g.yon pa ma dang / zung ngu ma dang / rus sbal skyes ma dang / sgom pa ma dang / dbang ma dang / skyon ma dang / 'jug ma dang / ma mo dang / mtshan mo dang / bsil sbyin ma dang
- 108b
tsha ba ma dang / brkyang ma dang / kun 'dar ma dang / ro ma dang / gzhol ma dang / rengs ma dang / shin tu gzugs can ma dang / spyi ma dang / rgyu sbyin ma dang / sbyor bral ma dang / sdug gu ma dang / grub ma dang / 'tshed ma dang / de bzhin du yid bzang ma dang / sum bskor ma dang / 'dod ma dang / khyim ma dang / gtum mo dang / bdud bral ma'o// rdo rje snying pos gsol pa/ bcom ldan 'das rtsa sum cu rtsa gnyis po 'di rnams ji lta bu lags/ bcom ldan 'das kyis bka' stsal pa// srid gsum yongs gyur thams cad ni// gzung dang 'dzin pa rnam par spangs// yang na thabs ni thams cad kyis// dngos po'i mtshan nyid du ni brtag/ sdom pa'i dbye ba'ang bshad par bya ste/ A li kA li ni zla ba dang / nyi ma dang / shes rab dang / thabs so// chos dang / longs spyod rdzogs pa dang / sprul pa ni sku dang / gsung dang / thugs so// e baM ma ya ni/ e yi rnam pa lha mo spyan// pagi rnam pa dag mar brjod/ ma ni lha mo gos dkar mo// ya yi rnam pa sgrol mar brjod// sprul pa'i 'jo lo la 'dab ma drug cu rtsa bzhi dang / chos kyi 'khor lo la 'dab ma brgyad dang / longs spyod rdzogs pa'i 'khor lo la 'dab ma bcu drug dang / bde ba chen po'i 'khor lo la 'dab ma sum cu rtsa gnyis so/ 'khor lo'i grangs kyi rim pas rnam par gzhag pa/ skad cig ma bzhi ni/ rnam pa sna tshogs dang / rnam par smin pa dang / rnam par nyed pa dang / mtshan nyid dang bral ba'o// 'phags
- 109a
pa'i bden pa bzhi ni/ sdug bsngal ba dang / kun 'byung ba dang / 'gog pa dang / lam mo// de kho na nyid bzhi ni/ bdag gi de kho na dang / sngags kyi de kho na dang / lha'i nga kho na dang / ye shes kyi de kho na nyid do// dga' ba bzhi ni/ dga' ba dang / mchog tu dga' ba dang / dga' bral gyi dga' ba dang / lhan cig skyes pa'i dga' ba'o// sde pa bzhi ni/ gnas brtan pa dang / thams cad yod par smra ba dang / kun gyis bkur ba dang / dge 'dun phal chen no// zla ba dang / nyi ma dang / A li dang / kA li dang / 'pho ba bcu drug dang / dbyug gu drug cu rtsa bzhi dang / chu tshod sum cu rtsa gnyis dang / thun tshod bzhi ste/ de ltar thams cad bzhi'o// lte bar gtum mo 'bar ba yis// de bzhin gshegs pa lnga bsregs shing // spyan la sogs pa yang bsregs te// bsregs pas ri bong can haM 'dzag/ rdo rje rigs kyi le'u ste dang po'o// / sngags kyi le'u bshad par bya'o// oM a kA ro mu khaM sar+b+ba d+har+m+ma NAM/ A d+ya nuta pan+d+hatA/ oM AHhUM phaT swA hA/ 'byung po thams cad kyi gtor ma'i sngags so/ / dz+ra oM hrI khaM hUM/ de bzhin gshegs pa rnams kyis bon no// oM de ba bi tsu badz+ra hUM hUM hUM phaT swA hA/ kye rdo rje'i snying po'o// sngags thams cad kyi rkang par dra bor oM gyi rnam pa dang / mthar ni swA hA dang / hUM laT kyi rnam pa ni nang du gzhug go// oM a ka tsa Ta ta pa ya sha swA hA/ grong khyer dkrug pa'i sngags so// a A/ i I/ u U/ r-i r-I/ la lo//
- 109b
e e/ oM o/ aM/ rnal 'byor ma rnams kyis bon no// oM trai lo kyA k+She pa chu hu hu phaT swA hA/ phyag gnyis pa'i'o// oM dz+wa la dz+wa la b+h+yo h+ye hu hu phaT swA hA/ phyag bzhi pa'i'o// oM ka Ti ko Ti badz+ra/ huhuM hu phaT swA hA/ phyag drug pa'i'o// oM AHhUM/ sku dang / gsung dang / thugs byin gyis brlab pa'i sngags so// oM rak+Sha rak+Sha tsu hu~M hU~M phaT swA hA/ sa sbyang ba'i sngags so// oM hUM swA hA rengs par byed pa'i 'o/ / oM aM swA hA/ dbang du byed pa'i 'o// oM khaM swA hA/ skrod par byed pa'i 'o// oM dz+r-IM swA hA/ sdang bar byed pa'i 'o// oM buM swA hA/ mngon spyod kyi'o// oM hUM swA hA/ 'gugs par byed pa'i 'o// oM g+hu swA hA/ gsod par byed pa'i 'o// oM ku ru kul+le hrIHswA hA/ ku ru kul+le'i sngags so// a phuH'i rnam pas mtha' yas kyi gzugs brnyan byas la bdud rtsi lngan ni blugs/ me tog nag pos ni mchod/ klu 'dul bar byed pa'i khu bas ni byug/ glang po che'i chang gis ni mgo bo byug/ kham phor kha sbyar du ni gzhag/ ba nag mo'i 'o mas ni dgang / gzhon nu ma nag mos bkal ba'i skud pas ni dkri/ rlung gi phyogs su rdzing bu byas te mtha' yas der gzhag go// de'i 'gram du dkyil 'khor bzhengs par bya ste/ dur khrod kyi sol bas ni rdul tshon nag po skyes pa'i rus pa'i phye mas ni rdul tshon dkar po/ ldong ros kyis ni rdul tshon ser po/ dur khrod kyi so phag gis ni rdul tshon dmar po/ rkun ma'i lo ma dang / skyes pa'i rus pa'i phye ma dag gis
- 110a
ni rdul tshon ljang ku ste/ rdul tshon 'di rnams kyis dkyil 'khor bzhengs so// dur khrod kyi srad bus thig gdab cing dkyil 'khor khru gsum pa bya ste/ de'i dbus su mtha' yas mnan pa'i kye'i rdo rje zhal brgyad pa/ zhabs bzhi pa/ phyag bcu drug gis brgyan pa/ spyan nyi shu rtsa bzhis che ba/ 'jigs pa'ang 'jigs par mdzad pa bri'o// de nas slob dpon gyi nang gi ma / rungs pa'i sems kyis dben pa'i gnas su sngags bzla ste/ oM g+hu ru g+hu ru/ b+hu T+ya g+hu Du/ ma sa ma sa/ g+ha Ta g+ha Ta/ g+ho Ta ya g+ho Ta ya/ a nan+tak+Sho b+ha ka rA ya nA gA d+hi pa ta ye he he ru ru kaM sap+ta pA tA la ga tA na nA gA nA kaR+Sha ya baR+Sha ya/ gar+dz+dza ya tar+dz+dza ya/ phuHphuHphuHphuHphuHpuHphuHphuHhUM hUM hUM phaT swA hA/ gal te char mi 'bab na de'i tshe sngags 'di bzlog la bzla ste char 'bab bo// gal te mi 'bab na de'i tshe mgo ardza ka'i dog pa ltar 'gas so/ / char dbab pa zhes bya ba'i cho ga'o// sprin dral ba bshad de/ dur khrod kyi ras la nye bar 'dug nas sngags bzlas shing dral te/ oM AR+tha / yash+ma shA na pri yA ya hUM hUM hUM phaT swA hA/ sprin dral ba'i cho ga'o// pha rol gyi sde rnam par gzhig par bya ba'i phyir kha Ti ka'i sgrub pa bshad de/ kha Ti ka dang / bdud rtsi lnga dang / kuSh+ka ra ts+tshi n+da dang ldan/ cig btags la ril bu bya ste/ sngags ni oM badz+ra karta ri he badz+rA ya hUM hUM hUM phaT/ dngos grub kyi don du bye ba bzlas shing sngon du bsnyen pa 'bum byas te/ de bsgrubs la ril ba spyi blugs kyi
- 110b
mgrin par bskor zhing bskor nas bcag na dgra thams cad kyi mgo med par 'gyur ro/ / rdo rje gri gug gi cho ga'o// lha rnams dgas par 'dod pas thig le bsgrubs te/ tshangs pa'i sa bon rgyal la bsgrubs nas/ ku ShA ra ts+tshin+da dang bsres la nyi ma gzas zin pa na mi bskyod pa dang btag cing btags nas dgra sta byas te/ de rkang pas mnan nas sngags bzlas te/ oM badz+ra kuSh+Ta ra pA Da ya pA Da ya hUM hUM hUM phaT swA hA/ bye ba bzlas la thig le byas te gang la phyag byas pa de 'gas so// lha dgas pa'i cho ga'o// tsha bas gdung bar bya bar 'dod pas/ arka'i lo ma la phu dang / / ske tshe dang / tsau tra ka'i khu bas dgra bo'i ming bri zhing 'bras phub kyi me la gdungs te sngags khri bzlas so// oM he badz+ra dzA ra dzA ra sha hUM b+h+rUM hUM hUM hUM phaT swA hA/ tsha ba'i cho ga'o// khri bzlas pas 'grub bo// chang skyug par bya bar 'dod pas bsgrub bya'i lte bar yaM gi rnam pa sgom zhing / maM gi rnam par gyur pa las chang lte bar bsgoms te skyug par byed par bltas na chang skyug go// rab tu myos ma dbang du bya bar 'dod pas mya ngan med pa'i brgyad la mya ngan med pa'i 'og tu song ste gos dmar po bgos nas myos byed kyi 'bras bu bza' zhing / ka kA ma tsi ka'i khu bas thig la byas nas sngags bzlas te/ oM a mu kaM me hrIHba sI b+ha ba tu swA hA/ khri yis 'ong bar 'gyur ro// zla ba dang nyi ma dbang du bya bar 'dod pas sA lu btags pa'i 'gyur ba la zla ba dang nyi ma byas nas rdo rje'i chu la gzhug cing sngags bzlas te/
- 111a
oM badz+ra arka mA tsa la mA tsa la tiSh+Tha tiSh+Tha he badz+ra ya hUM hUM hUM phaT swA hA/ bye ba phrag bdun bzlas te nyi ma dang zla ba yang dag par gnas shing nyin mtshan bye brag med par 'gyur ro// zla ba dang nyi ma rnam par 'dzin pa zhes bya ba'i cho ga'o// oM na grA na grA zhes bya ba'i sngags 'dis dus ma yin pa'i dus su don sgrub pa'i phyir gzhon nu ma'i mig dag la brgya rtsa brgyad mngon par bsngags nas/ me tog la sogs pa'i mchod pa lngas yang dag par mchod cing snyan gsan dbab bo// bcu bzhi pa'am brgyad pa'i snga ba'i dus su bum pa la sogs pa gzhag cing 'bru mar dang a lak+ta'i khu ba la sngags 'di nyid kyis lan brgya rtsa brgyad mngon par bsngag go/ / de nas mngon par bsngags pa'i a lak+Sha'i khu bas sngags pa'i mthe bong rgan po la bskus nas/ 'bru mar gyis kyang blugs la/ gzhon nu ma la bstan te/ nga'i rdzas sus khyer smros/ de la des smras pa/ che ge mo zhes bya bas khyer ro// rdo rje skar ma'o// be Du lA be Du yA zhes brjod na glang po che 'bros par 'gyur ro// Amra mAr+m+ma zhes brjod na stag 'bros par 'gyur ro/ / ti witAtil+li yA zhes brjod na bse 'bros par 'gyur ro// i li mi li phuHphuHzhes brjod na sbrul 'bros par 'gyur ro// nor skyong 'dul ba'i phyag gis lag pa rab tu bstan na khyi 'bros par 'gyur ro/ / rdo rje ma dang / dkar mo dang / chu ma dang / rdo rje mkha' 'gro ma dang / bdag med ma dang / sa spyod ma dang / mkha' spyod ma'i rnal 'byor
- 111b
las rengs par byed pa la sogs pa brtul zhugs can gyis byed do/ / sngags kyi le'u ste gnyis pa'o// / de nas lha'i le'u bshad par bya'o// dang por byams pa bsgom par bya/ / gnyis par snying rje rnam bsgom zhing // gsum par dga' ba bsgom pa dang // kun gyi mthar ni btang snyoms so// yang ni stong pa'i byang chub ste// gnyis pa la ni sa bon bsdu// gsum pa la ni gzugs brnyan rdzogs// bzhi pa la ni yig 'bru dgod// re phas nyi ma sngon du rnam bsgoms nas// nyi der hUM byung sna tshogs rdo rje ste// rdo rje de nyid kyis ni ra ba dang // gur bcing ba yang rnam par bsgom pa nyid/ / dang por ro ni rnam bsgom pa// chos kyi dbyings kyi bdag nyid brjod// de stengs rnal 'byor pa gnas nas// he ru ka nyid rnam par bsgom// rang gi snying khar re pha bsgom/ / de las byung ba'i nyi dkyil 'khor// der ni hUM gi rnam pa nyid// thabs dang shes rab rang bzhin can// hUM las byung ba'i rdo rje ni// kha dog nag po 'jigs chen po// rdo rje lte ba'i dbus gnas par/ / yang ni hUM gi de nyid bsgom// hUM gi rnam par gyur bltas nas// zhe sdang bdag nyid rnam par bsgom// rdo rje skye ba nag po che// 'dam skyes sngon po 'dra ba'i mdog/ yang na sngo dang nyi ma'i mdog/ dad pas nges par rnam par bsgom// nam mkhar rje btsun bltas nas ni// rdo rje skye ba snying rje che// rgyan rnams thams cad 'dzin pa yi// lha mo brgyad po rnams kyis mchod/
- 112a
dkar mo ri dgas mtshan ma 'dzin// chom rkun bdud las rgyal ba'i snod// ro langs ma ni chu lag ma// g+hasma rI ni sman 'dzin cing // puk+ka sI ni rdo rje'i lag/ de bzhin ri khrod ma ro 'dzin/ / gdol pa mo ni cing te'u rdung // 'di rnams kyis ni gtso bo mchod// 'dod chags chen po'i rjes chags pas// g.yung mos sku la 'khyud pa nyid// A li zla ba kA li nyi/ / sa bon nang du son gyur pa// de nyid sems dpa' zhes byar brjod// mchog tu dga' ba'i rang bzhin can// nam mkha'i dkyil 'khor khyab pa yi// rang gi lus mtshungs rnam par spro// / bsdus nas snying kar bkug pa na// yo gi zhe sdang bdag nyid 'gyur// sngo dang nyi ma mtshungs pa'i mdog/ ban du dmar po'i spyan dang ldan// skra ser gyen du 'khyil ba dang // phyag rgya lngas ni rnam par brgyan/ / 'khor lo rna cha nor bu dang // lag gdub dang ni ska rags nyid// sangs rgyas lnga ni rnam dag pa// 'di rnams phyag rgyar rab tu grags// sdang mig brgyad gnyis lo yi tshul// g.yon na rdo rje thod pa dang // g.yon pa nas kyang kha T+wAM ga/ g.yas na rdo rje nag po nyid// hUM gi yi ge 'don pa'i bdag/ rnal 'byor ma brgyad yongs bskor nas// dur khrod du ni mgon po rol// dbugs rgyu zhes bya'i rigs pa 'dis// dur khrod ces ni mngon par brjod// phyag bzhi ni bdud bzhi las rnam par rgyal ba rnam par dag pa ste/ gong du brjod pa'i gzugs dang / sku mdog dang /
- 112b
hUM las byung ba'o// phyag g.yon gyi dang po na skyes pa'i thod pa lha dang lha ma yin gyi khrag gis bkang ba/ de bzhin du g.yas kyi phyag na rdo rje// phyag lhag ma ngag gis shes rab la 'khyud pa/ shes rab rdo rje phag mo ni/ bcom ldan 'das kyi gzugs can no// phyag drug pa/ zhal gsum pa/ g.yon dmar ba/ g.yas zla ba dang nyi ma lta bu/ dang po sngon po'o// gcer bu gong du brjod pa'i sku mdog dang gzugs can/ phyag rnams ni pha rol tu phyin pa rnam par dag pa'o// phyag g.yon gyi dang po na rtse gsum pa/ phyag g.yas kyi dang po na rdo rje/ phyag g.yon gyi gnyis pa na dril bu/ phyag g.yas kyi gnyis pa na gri gug/ phyag lhag ma dag gis rdo rje lu gu rgyud ma la snyoms par 'jug pa/ bcom ldan 'das ji lta ba de ltar shes rab ste/ g.yas pa dang g.yon pa na gri gug dang thod pa/ khams gsum gyi bdag nyid can gyi ro mnan pa'o// lha'i le'u ste gsum pa'o// // de nas lha dbang bskur ba'i le'u bshad par bya'o// rang gi snying khar sa bon bsam mo/ / sa bon las 'od zer nag po lcags kyu'i rnam pa'i gzugs kyis phyung nas/ des khams gsum du bzhugs pa'i sangs rgyas thams cad spyan drangs la/ ma mo brgyad kyis yang dag par mchod nas gsol ba gdab par bya'o// oM a b+hi Shiny+tsan+tu mAM sarba ta thA ga ha zhes sangs rgyas de rnams he ru ka'i rnam pa'i gzugs kyis de bzhin gshegs pa
- 113a
lnga'i bdag nyid kyi bdud rtsi lngas gang ba'i bum pas dbang bskur bar bya'o/ / dbang bskur ba na me tog gi char 'bab par 'gyur ro// rnga'i sgra 'byung bar 'gyur ro// gur kun gyi char 'bab par 'gyur ro/ / gzugs kyi rdo rje ma la sogs pa rnams kyis mchod par bya'o// rdo rje'i glu spyan la sogs pa rnams kyis blang bar bya'o// dbang bskur nas spyi bor rang gi rigs kyi bdag por 'gyur ro/ / 'dis ni he ru ka rdzogs pa nyid do// thun gsum du byin gyis brlabs pa'i sgom pa rnam par bsgoms nas langs te lha'i gzugs su gzhag go// dbang gi le'u ste bzhi pa'o// / de nas de kho na nyid kyi le'u bshad par bya'o// ngo bos gzugs med mthong ba po// sgra med thos pa po yang med// dri med snom pa po yang med// ro mong myong ba po yang med/ / reg med reg pa po yang med// sems med sems las byung ba'ang med// skyed byed ma dang sring mo nyid// rnal 'byor rig pas rtag tu mchod// gar ma chos ma rdo rje ma gdol ma de bzhin bram ze mo/ / thabs dang shes rab cho ga yis// de nyid rigs pas rtag tu mchod// ji ltar bye bar mi 'gyur bar// rab tu 'bad pas bsten pa nyid// ma gsang sprul dang chom rkun dang / / sa spyod me yis sdug bsngal byed// rigs lnga'i phyag rgya zhes bya ba// thar pa'i rgyur ni brjod par bya// rdo rje 'dis ni gdab pa nyid// des na phyag rgyar brjod par bya//
- 113b
rdo rje pad+ma de bzhin las// de bzhin gshegs dang rin chen nyid// snying rje chen po dam pa yi// rigs ni rnam pa lnga ru brjod// rdo rje'i phyag rgya g.yung mo nyid// de bzhin pad+ma'i gar ma nyid// las ni chos mar rab tu bshad// de bzhin gshegs pa'i bram ze mo// rin chen gdol mar shes par bya// phyag rgya lngar ni rnam par nges// 'di rnams de bzhin gshegs pa'i rigs// mdor bsdus pas ni brjod par bya// dpal ldan de bzhin nyid gshegs shing // de bzhin slar yang gshegs pa nyid// 'dis ni shes rab rigs pa yis// de bzhin gshegs zhes brjod par bya rigs ni rnam pa drug brjod cing / / mdor bsdus pas ni rnam pa lnga// sku gsung thugs kyi dbye ba yis// phyi nas rnam pa gsum du 'gyur// rigs dang 'byung ba lnga rnams dang // phung po lnga yi rang bzhin gyis/ / rigs dang bgrang bya 'di yis ni// rigs zhes mngon par brjod par bya// sgom pa po med sgom pa'ang med// lha med sngags kyang yod ma yin// spros pa med pa'i rang bzhin las/ / sngags dang lha ni yang dag gnas// rnam snang mi bskyod don yod dang // rin chen dpag med sems dpa' bo// tshangs pa khyab 'jug zhi ba dang // thams cad sangs rgyas de nyid brjod/ / tshangs pa sgrib bral sangs rgyas nyid// 'jug phyir khyab 'jug brjod par bya// rtag tu dge bas zhi ba nyid// thams cad kun gyi bdag nyid gnas// dam pa'i bde bas de nyid de/
- 114a
bde ba rtogs phyir rnam sangs rgyas// gang phyir lus las byung ba nyid// lha zhes mngon par brjod par bya// sangs rgyas 'di la b+ha ga mnga'// bcom ldan 'das zhes brjod/ par bya// b+ha ga rnam pa drug tu brjod// dbang phyug la sogs yon tan kun// yang na nyon mongs la sogs bdud// bcom phyir bcom ldan 'das zhes bya// gang phyir skye 'gro skyed pa yi// shes rab ma zhes brjod par bya// gang phyir skal ba ston pa yi// shes rab sring mo zhes bya nyid// btso blag ma dang bu mo dang // gar mkhan ma yang brjod par bya// sems can thams cad 'tshed pa'i phyir/ / btso blag ma zhes de bzhin brjod// yon tan 'jo phyir shes rab ni// bu mo zhes ni brjod par bya// snying rje chen po g.yo ba'i phyir// shes rab gar mar brjod par bya// gang phyir bcom ldan mi reg pa// de phyir g.yung mor brjod par bya// A li kA li rab brtags pas// brjod pa bzlas par yang dag bshad// rkang pa'i rjes ni dkyil 'khor nyid// nyed phyir dkyil 'khor brjod par bya/ / lag pa bsgyur ba phyag rgya yin// sor mo nyid pa'ang de bzhin no// gang phyir rnam sems bsam gtan ni// gang bsams de ni bsam gtan no// ji ltar pha las bde thob pa/ / de yi bde ba rang gis bza'// bde ba gang gis 'chi ba 'di// de yi bde ba bsam gtan brjod// de kho na nyid kyi le'u ste lnga pa'o// de nas gzhan yang
- 114b
rab bshad bya/ / spyod pa pha rol phyin mchog nyid// gang gis dngos grub mthar 'gro ba// kye yi rdo rje'i dngos grub brgyus// sgom pa po yis rnam 'dzin pa// rna ba dag la rna cha bzang // spyi bor 'khor lo rnam par 'dzin/ / lag pa dag la lag gdub nyid// rked pa la yang ska rags nyid// rkang par de bzhin rkang gdub bo// lag pa'i rtsa bar dpung rgyan nyid// mgrin par rus pa'i 'phreng ba ste/ / bgo ba stag gi pags pa nyid// bza' ba mi 'chi bcu phyed de// he ru ka sbyor skyes bu nyid// kha dog lnga la rnam par gnas// rigs lnga dag dang mnyam ldan pa// rigs ni gcig tu rnam par brtag/ kha dog du ma nyid kyis ni// gang phyir dbye ba mtshon mi bya// shing gcig dang ni dur khrod dang // ma mo'i khyim dang mtshan mo dang // yang na dben pa'am pas mtha' ru// sgom pa bzang por brjod par bya/ / cung zad drod ni thob pa na// gal te spyod pa byed 'dod pas// gal te 'grub 'gyur 'dod yod na// 'dis ni spyod pa spyad pa nyid// shin tu bzhin bzang mig yangs ma rang gis dbang bskur snying rje can/ / rdo rje'i bu mo 'di khyer nas// spyod pa bya bar rtogs par bya// rdo rje rigs kyi dngos med na// rang 'dod lha yi rigs kyis bya// yang na gzhan gyi rigs byung ba byang chubs bon gdob pa dang / / sbyang ba yis ni gzung bar bya// gal te dga' bas gru brang ste// de tshe rdo rje mchog ldan no// gal te dga' ba skyes pa na// thar pa'i rgyur ni gar byaste/
- 115a
rdo rje rkang pas gar// yo gis mnyam par bzhag pas byed// 'khor lo'i gzugs kyis mi bskyod pa// rna cha'i bdag nyid 'od dpag med// mgul gyi 'phreng ba rin chen bdag/ lag par rnam par snang mdzad brjod// ska rags la ni don yod gnas// kha T+wAM ga gzugs shes rab ste// thabs kyi gzugs kyis cang te'u nyid// zhe sdang rnam dag rnal 'byor pa// glu ni rnam dag sngags su gnas// gar ni bsgom pa byas pa nyid// de yi phyir na klu dang gar// yo gis rtag tu rtag tu byas// sman ni rnam par bza' ba ste// chu ni rtag par btung ba nyid// rga shrIs zil gyis mi non cing / / rtag tu srung bar 'gyur ba yon// rkun ma'i sgra las cod pan byas// de la hUM byung sbyar bar bya// sangs rgyas lnga yi thod pa rnams// rnal 'byor spyod pas rnam par 'dzin// thod pa sor lnga pa yi tshad// byas pas cod pan 'dzin par byed// thabs dang shes rab rang bzhin las// skra yi ska rags nyis bskor nyid// thal ba skra yi mchod phyir thogs// rnal 'byor pa yi spyod pas 'dzin/ / cang te'u sgra ni bzlas pa ste// kha T+wAM ga sgom shes rab nyid// rdo rje thod pa'i spyod pa yis// 'di dag bzlas dang sgom pa yin// brkam dang rmongs dang 'jigs dang khro// ngo tsha'i 'bras bu rnam par spang // bdag nyid kyis ni gnyid spangs nas// the tsom med par spyod pa bya// lus kyis sbyin pa byin nas ni// phyi nas spyod pa yang dag spyad// skal dang skal min rnam
- 115b
spyad pas/ / de phyir sbyin pa sbyin mi bya// bza' bca' de bzhin btung ba nyid// ji ltar rnyed pa rab tu bza'// yid 'ong mi 'ong rnam chog phyir// zhen pa tsam du mi bya'o// bza' dang bza' min spyod pa dang / / de bzhin btung dang btung min nyid// bgrod dang bgrod min sngags pa yis// rnam rtog nyid du mi bya'o// dngos grub rnyed pa'i slob ma gang // yang dag ye shes snang ba po// mnar med spang ba'i rgyu yi phyir// grub pas bla ma mngon phyag btsal// bslab dang dbang las rnam par grol// de bzhin ngo tsha'i 'bras bu nyid// dngos po kun gyi rang bzhin gyi// yo gis rnam dpyang snying rje che/ / sbyin sreg mchog sbyin dka' thub 'das// sngags dang bsam gtan rnam par spangs// dam tshig sdom las rnam par grol// rnal 'byor ldan pas spyod pa byed// nges par sngon du lnga min gang / / brgya byin lta bu yin na yang // de la 'jigs par mi bya ste// seng ge'i gzugs kyis rnam par rgyu// sems can kun gyi don gyi phyir// rtag tu snying rjes btung bar bya// rnal 'byor btung dga' rnal 'byor pa/ / gzhan gyi btung bas bzi ba med// spyod pa'i le'u ste drug pa'o// de nas ts+tsho ma'i le'u bshad par bya'o// gang gis spun dang sring mor yang / / the tshom med par shes par bya// gang zhig sor mo gcig sngon dang // gnyis kyis legs par 'ongs pa yin// g.yon pa'i mthe bong bcangs pa las// bskur gyi phyag rgyar rnam
- 116a
par shes/ / gang zhig srin lag ster ba la// de yi mthe'u chung rnam par sbyin// gang zhig gung mo ston pa la// de yi mdzub mo rnam par sbyin// gang zhig srin lag ston pa la/ de yi mgrin pa rab tu bstan// gang zhig gos ni ston pa la// de yi rtse gsum rab tu bstan// gang zhig nu ma ston pa la// de yi mtshams ni rab tu bstan// gang zhig so ni ston pa la// de yi kha ni rab tu bstan// gang zhig khro gnyer ston pa la// gtsug pud dgrol bar brjod par bya// gang zhig dpral ba ston pa la// de yi rgyab ni rab tu bstan// gang zhig rkang mthil ston pa la// lnga yos rnam par rtse bar bya// phyag rgya phyag rgya'i lan gyis ni// dam tshig gis ni rnam par dbye// de la rnal 'byor mas smras pa// e ma bu ni snying rje che// gal te 'phreng ba lag ston na// 'du bar bya zhes smra ba yin/ / 'phreng ba mngon par gtang byas na// dam tshig la gnas brtul zhugs bzang // de la phyi rol zhes 'du ba// bzang po'i spyod yul gnas pa ni// de la 'du bar rnal 'byor mas/ / gang smras de ltar thams cad bya// kye bcom ldan 'das 'du ba'i gnas du lags/ bcom ldan 'das kyis bka' stsal pa// gnas dang nye ba'i gnas dang ni// zhing dang nye ba'i ning nyid dang // tsAn+do 'i ba'i ts+tshan+do dang // de bzhin 'du ba nye 'du ba// 'thung gcod nye ba'i 'thung gcod nyid// dur khrod nye ba'i dur khrod nyid// 'di rnams sa ni bcu gnyis
- 116b
te/ sa bcu'i dbang phyug mgon po nyid// 'di ni gzhan gyis brjod mi bya// kye bcom ldan 'das gnas la sogs pa gang lags/ bcom ldan 'das kyis bka' stsal pa// gnas ni dzA lan d+ha ra ra bshad/ / de bzhin du ni u Di nyid// gnas ni ko lpa gi rI nyid// de bzhin du ni kA rU nyid// nye gnas mA la wa zhes brjod// sin d+hu na ga ra nyid do// zhing ni mum+bu nir bshad de zhing ni byed pa'i grangs nyid do/ / de wi ko Ta de bzhin zhing // zhing ni lhags pa'i grangs nyid do// nye zhing ku lu ta zhes brjod// de bzhin arbu ta nyid dang // bA yi mchog sbyin lta ba'i ri/ nye ba'i zhing ni mdor bsdus pa'o// tsun+do ha ri ke la dang // lan tshwa rgya mtsho'i nang skyes dang // lam pa kA dang kAny+tsi nyid// de bzhin sor lnga nyid do// nye ba'i tsAn+do ka ling ka/ gser dang ldan pa'i gling dang ni/ / kong ka NA yang nyets+tshan+dor// mdor bsdus pas ni brjod par bya// 'thung gcod grong khyer gyi dang yang // 'thung gcong grong gi mthar gnas pa// tsa ri tra dang ko sa la bin d+ha gnon nu'i grong khyer ro/ / rdo rje snying po snying rje che// zhi ba'i 'thung gcod ngo' ba'o// dur khrod rab son dge 'dun dang // dur khrod rgya mtsho'i 'gram nyid do// phreng tshal rab rdzing bu'i 'gram/ / nye ba'i dur khrod brjod par bya// sems can kun gyi don gyi phyir// rnal 'byor ma rgyud kye rdo rje// rnal 'byor ma yi legs 'du ba// nyin par nyid kyang rab bshad bya/
- 117a
kye bcom ldan 'das nyi ma gang lags/ bcom ldan 'das kyis bka' stsal pa// yi dgas zla phyed bcu bzhi dang // de bzhin du yang brgyad pa nyid// rgyal mtshan/ dang ni mtshon bskun nyid// lan bdun pa yang bza' bar bya// 'bad pas snying rje bskyed pa yis// gsang par bya bar brjod pa nyid// snying rje med na mi 'grub pas// de phyir snying rje bskyed pa nyid/ / thams cad gdug par gzhug pa ste// cho ga'i gtso bos dgag par bya// de la 'di ltar blta ba nyid// nyin mo bcom ldan rdo rje can// mtshan mo shes rab brtag par bya// mi bya/ cung zad yod ma yin// rtag tu mi bza' yod ma yin// 'di la mi bsam yod ma yin// bzang ngan mi smra gang yang med// ji ltar bdag nyid de ltar gzhan// de bzhin bdag nyid nga mchog nyid/ / 'di ltar sems pa'i rnal 'byor bdag/ bza' dang btung ba la sogs spyad// yan lag ji snyed bsgyur ba dang // tshig rnams rab tu rgyas pa nyid// he ru ka dpal gnas bzhugs pas/ / de snyed sdug dang phyag rgya yin// shrI ni gnyis med ye shes te// he ni rgyu sogs stong pa nyid// ru ni tshogs dang bral ba nyid// ka ni gang du'ang mi gnas pa'o// rdo rje thong ba'i spong ba yis/ / skye bo gang dang gang rnams kyi// sha ni mkhas pas bza' bar bya// sems can de de'i dbang du 'gyur// brda dang gnas gtan la phab pa'i le'u ste bdun pa'o// /
- 117b
de nas rnal 'byor ma'i 'khor lo bshad par bya'o// nam mkha'i khams su b+ha ga bsam// dbus su rnam par sgom pa ni// 'khor lo sngon du ci rigs par// lnga rnams ji lta 'byung ba nyid/ / 'khor lo sa dang chu ni sngon// ji ltar rigs par byin za dang // lha rnams kyis ni rlung chen dang // ji ltar sgom pa po 'byung ba'ang // chos 'byung las skyes 'khor lo 'di// 'phar ma gnyis dag skyon med pa// ze'u 'bru las ni gcig 'gyur te// gru gsum gyi ni phyi mar brjod// de dbus shi ba bco lnga yi// gdan gyi bdag nyid rnam par bsam// de yi steng du zla ba yin/ / zla ba'i steng du sa bon nyid// phyi nas bdud las rgyal bas mnan// gnyis 'dus pa las bde chen po// A li zla ba'i gzugs kyis gnas// kA li'i gzugs kyis snang byed do// zla banyi ma 'dus pa las// dkar mo la sogs rab tu grags// zla ba me long ye shes ldan// bdun gyi bdur pa mnyam nying ldan// rang lha'i sa bon phyag mtshan no// so sor rtog par brjod par bya/ / thams cad gcig gyur nan tan nyid// rdzogs pa chos dbyings dag pa ste// mkhas pas cho ga gsungs pa yis// rnam pa lnga po sgom pa nyid// A liM kA li mnyam sbyor bas/ / rdo rje sems dpa' nyid kyi gdan// yi ge las byung gong bu la// hUM phaT rnam pa'ang 'dod mi bya// sems dpa'i gzugs brnyan las byung ba'i// dkyil 'khor bdag po
- 118a
rnam par sgom/ / phyag mtshan zhal sogs gong ma bzhin// zla ba chu shel nor bu'i 'od// thabs dang shes rab rang bzhin las// 'di ltar thams cad rdzogs pa nyid/ zla ba nyi ma'i rab dbye bas// A li shes rab kA li thabs// 'di las dkar mo la sogs pa// kha dog dbye bas so so yin// re zhig nang gi 'phar ma la// rnal 'byor ma lnga nges gnas pa/ phung po lnga yi rang bzhin gyis// rnal 'byor rig pas rtag tu sgom// dbang por rdo rje gshin rje dkar// chu bdag chu yi rnal 'byor ma// lus ngan rdo rje mkha' 'gro ma// dbus su bdag med / rnal 'byor ma// phyi rol gyi ni 'phar ma la// dkar mo chom rkun ro langs ma// g+hasma rI dang puk+ka sI// ri khrod ma dang gdol pa mo// brgyad pa Dom+b+hi ni ru brjod// 'og ldan ma dang steng ldan nyid// mkha' spyod ma dang sa spyod brjod// srid dang zhi ba'i rang bzhin gyis// snying rje chen po 'di dag gnas// lha mo thams cad kha dog gnag/ drag chen phyag rgya lnga yis brgyan// zhal gcig spyan ni dmar ba dang / / lag par gri gug thod pas khyab// 'khor lo rna cha mgul rgyan dang // lag par lag gdub ska rags na// sangs rgyas lnga ni rnam dag pas// 'di lnga phyag rgya dag pa'o/ / ji ltar bdag med rnal 'byor ma// de ltar thams cad rnam par bshad// lag pa gcig ni thod pas brel// g.yas pa na ni gri gug 'dzin// g.yon pas kha T+wAM ga nyid do// stag
- 118b
gi pags pas rnam dkris shing / / ro la zhon zhing gzi brjid 'bar// phyag gnyis gyer du dbu skyes ser// nga rgyal la sogs skyon drug rnams// gcod phyir gri gug rnam par gnas// dngos dang dngos med rnam rtog gi/ mgo bo pad+ma'i snod du ni// bdud rnams rnam pa bzhi yi khrag/ dngos grub phyir ni btung bar bya// stong pa'i rnam pas kha T+wAM ga/ thabs kyis ro ni rnam par brtag/ 'dis ni 'khor lo rnam bsgoms na// dngos grub myur du thob par 'gyur// dang por nag po rab tu bsgom// gnyis par dmar po rnam par bsgom// gsum pa la ni ser po bsgom// bzhi par ljang ku de bzhin no/ / lnga par kha dog sngon po dang // drug par dkar po'i lus can te// yan lag drug bsgom rnal 'byor pas// dga' bral mthar yang de bzhin no// bskyed pa'i rim panyid dang ni/ / rdzogs pa yi yang rim pa nyid// rim gnyis mnyam par gnas nas ni// rdo rje can gyis chos 'chang do// bskyed pa yi ni cha bshad do// nam mkha'i khams ni pad+ma la// b+ha ga zhes bya ye shes brjod/ / sgom pa zhes bya snyoms 'jug nyid// de yi bde ba 'khor lor brjod// sngon du byung ba zhu ba nyid// rig pa ji bzhin rang rig nyid// lha zhes bya ba byang chub sems// ji ltar 'byung ba khu ba yin// lhan cig skyes pa rnam pa gnyis// re zhig btsun mo shes rab yin// skyes bu thabs su brjod pa nyid// kun rdzob don dam dbye ba las// phyi nas de yi rnam pa
- 119a
gnyis/ / re zhig skyes bu rnam pa gnyis// de yi khu ba'ang bde ba nyid// skyes bu ji bzhin shes rab la'ang // de yi khu ba bde ba nyid// de nyid phyir na dga' ba nyid// bzhi yi rab tu dbye ba yis// skye med rim pa'i phyogs las ni// 'di ltar lhan cig skyes rnam bzhi// dga' ba dang po dpa' bo nyid// mchog tu dga' ba rnal 'byor ma// shin tu bde dga' thams cad nges/ / de ba de'i thabs las thams cad rig/ dga' ba'i bde ba cung zad de// mchog tu dga' ba de bas lhag/ dga' bral dga' bas chags bral yin// lhag ma lhan cig skyes dga' nyid/ / dang po reg par 'dod pa dang // gnyis pa bde bar 'dod pa dang // gsum pa 'dod chags 'jig pa nyid// des na bzhi pa bsgom par bya// mchog tu dga' ba srid par brjod// dga' bral las ni mya ngan 'das// dbu ma dga' ba tsam nyid de// 'dis ni lhan cig skyes pa spangs// 'dod chags med cing chags bral med// dbu mar dmigs par mi 'gyur ro// 'di la thabs dang shes rab med/ / yang dag de nyid snang ba'o// gzhan gyis brjod min lhan cig skyes// gang du yang ni mi rnyed de// bla ma'i dus thabs bsten pa dang // bdag gi bsod nams las shes bya/ / dman pa 'bring dang mchog rnams dang // gzhan dang gang rnams de rnams kyang // ro mnyam de nyid bsgoms pa yis// 'di kun mnyam pa nyid du blta// dman pa rnams ni dra
- 119b
ba'i don/ / mchog ni dngos por brjod par bya// dbu ma gnyis kyis spangs pa nyid// gzhan rnams zhes bya dbang po drug/ gang rnams de rnams brtan dang g.yo// 'di kun zhes bya ba nyid de/ ma'am nyid mtshungs par 'dod pa nyid// ro mnyam de nyid bsgoms pa ni// mnyam zhes bya ba mtshungs par brjod// de yi 'khor lo ro zhes brjod// sgom pa ro gcig mnyam pa nyid// 'dis ni don gyis brjod par bya/ / nga las 'gro ba thams cad 'byung // nga las gnas gsum po yang 'byung // nga yis 'di kun khyab pa ste// 'gro ba'i rang bzhin gzhan ma mthong // de ltar rnal 'byor pas shes na/ / shin tu ma'am gzhag gang goms pa// bsod nams chung ba'i mi yis kyang // de ni 'grub par the tsom med// bza' dang btung dang blugs pa dang // nyal dang log dang sems pa na// phyag rgya chen po mngon 'dod pas// de nas mngon du 'gro bar 'gyur// gang phyir yid kyis mi sgom par// 'gro ba thams cad bsgom par bya// thams cad chos ni yongs shes na// sgom pa nyid ni/ sgom pa min// brdar dang g.yo ba'i dngos po gang // rtswa lcug 'khri shing la sogs pa// bdag gi dngos po'i rang bzhin las// dam pa'i de nyid nges bsgom bya// de rnams dam pa gcig yod min rang rig bde ba chen po nyid/ / rang rig nas ni byang chub 'gyur// rang rig phyir na sgom pa nyid// rang gis rig par 'gyur ba las// mnan pa las ni las skyes te// rang gis 'phrog cing rang gis
- 120a
byed/ rang rig rgyal po rang gtso bo// 'dod chags zhe sdang phrag dog dang // de bzhin gti mug nga rgyal nyid// de kun de gnas nyams dga' bar// bcu drug char yang mi phod do/ / chos 'byung las skyes ye shes ni// mkha' mnyam lhan cig thabs dang bcas// thabs dang shes rab rang bzhin las// 'jig rten gsum po de las skyes// khu ba'i rnam pa bcom ldan yin/ / de yi bde ba 'dod mar brjod// gcig dang du ma bral ba ste// skad cig gcig las mchog dga' ba// rang gis rig pa'i ye shes 'di// ngag gi lam 'das spyod yul te// 'di ni byin rlabs rim pa'i phyir/ / kun mkhyen ye shes de lta bu// sa dang chu dang rlung dang ni// me dang nam mkha' nyid dag ni// rang gzhan rig pa'i tshor ba yis// kun gyis skad cig mi gnod de// mtho ris mi yul rkang 'og gi/ skad cig las ni gzugs gcig 'gyur/ / rang gzhan cha yi rnam rtog gis// gnod pa nyid ni rus pa min// thams cad rig byed grub mtha' dang // de bzhin las rgyas la sogs pas// srid pa dag pa'i dngos grub min/ / yang ni srid mthar skye bar 'gyur// 'jig rten 'di dang pha rol tu// de med pas kyang dngos grub med// gang gis mi shes kye'i rdo rje// de ni ngal ba don med 'gyur// chu bo'i rgyun ni rab 'bab dang / / mar me'i rtse mo rab bcings ltar// rtag tu de nyid rnal 'byor gyis// nyin dang mtshan du mnyam par gzhag/ rnal 'byor ma'i 'khor lo zhes bya ba 'du ba'i le'u ste brgyad pa'o//
- 120b
/ de nas mchog tu rnam par dag pa'i le'u bshad par bya'o// nges par dngos po thams cad kyi// dag pa de bzhin nyid du brjod// phyi nas re re'i dbye ba yis// lha rnams kyis ni brjod par bya/ / phung po lnga dang dbang po drug/ skye mched drug dang 'byung chen lnga// rang bzhin gyis ni rnam par dag/ nyon mongs shes bya'i sgrib byang bya// rang rig bdag nyid dag pa nyid// dag pa gzhan gyis rnam grol min/ / yul gyi dngos po dag pa'i phyir// rang gis rig pa'i bde chen mchog/ gzugs la sogs pa'i yul rnams dang // gzhan yang rnal 'byor pas mthong ba// dngos po de kun dag pa ste/ / 'di ltar 'gro ba sangs rgyas 'gyur// kye bcom ldan 'das rnam par ma dag pa gang lags/ bcom ldan 'das kyis bka' stsal pa/ gzugs la sogs pa'o// ci'i slad du zhe na/ gzung ba dang 'dzin pa'i dngos po'i phyir ro// rdo rje snying pos gsol pa/ kye bcom ldan 'das gzung ba dang 'dzin pa'ang gang lags/ bcom ldan 'das kyis bka' stsal pa/ mig gis gzugs ni gzung bar bya// sgra ni rna bas mnyan par bya// dri ni sna yis tshor bar bya// lce yis ro ni rig par bya// dngos po lus kyis reg par bya// yid kyis bde sogs thob pa ni// dag pas dug med byas nas ni// bsten bya 'di dag bsten pa nyid// gzugs phung rdo rje ma yin te// tshor ba la yang dkar mor brjod// 'du shes chu yi rnal 'byor ma// 'du byed rdo rje mkha'
- 121a
'gro ma/ / rnam shes phung po'i tshul gyis ni// bdag med rnal 'byor ma gnas so// rtag tu 'di dag rnam dag pas// de nyid rnal 'byor pas 'grub 'gyur// de ni nang gi 'bar/ ma la'o// de nas phyi yi 'phar ma bshad// dbang ldan du ni puk+ka sI// mer ni de bzhin ri khrod ma// bden bral gdol pa mo gzhag cing // rlung du g.yung mo rnam par gzhag/ phyi ma lha mo dkar mo sogs/ / dbang dkar gshin rjer chom rkun ma// chu bdag phyogs su ro langs ma// lus ngan por ni g+hasma rI// 'og tu sa spyod ma zhes brjod// steng du mkha' spyod ma zhes bshad// bskyed pa'i rim pa nyid kyi phyogs/ / srid dang zhi ba'i rang bzhin gyis// lha mo 'di gnyis rnam par gnas// gzugs la dkar mor rtag tu bshad// sbal chom rkun ma rab grags// dri yi cha la ro langs ma/ / ro la g+hasma rI rab grags// reg la sa spyod ma zhes bshad// chos kyi dbyings la mkha' spyod ma// rtag tu 'di dag rnam dag pas// de nyid rnal 'byor pas 'grub 'gyur// phyag gi dag pa stong pa nyid/ / bdud dag pa las zhabs rnams nyid// rnam thar brgyad kyis zhal rnams nyid// rdo rje gsum gyis dag pa'i spyan// sa ni puk+ka sI zhes bshad// chu khams rngon pa ma zhes brjod/ / me ni gtum mor shes par bya// rlung ni g.yung mor rab tu grags// zhe sdang zhes bshad rdo rje ma// 'dod chags chu yi rnal 'byor ma// phrag dog rdo rje mkha' 'gro ma// ser sna gsang ba'i
- 121b
dkar mo nyid/ / gti mug de bzhin rdo rjer bshad// zhe sdang la sogs rnam sbyong ba// bskyed pa'i rim pa'i phyogs las ni// 'dis ni phung po sbyang bar bya// gang dang gang gis 'jig rten 'ching 'gyur ba/ / de dang des ni 'ching ba las grol te// de nyid mi shes 'jig rten mi grol zhing // de nyid rnam spangs dngos grub rnyed mi 'gyur// de phyir dri med sgra med gzugs nyid med// ro dang sems kyi rnam par dag pa med/ / reg med chos med thams cad rnam par dag/ rang bzhin dag pa'i 'gro la 'gro bar shes// rnam par dag pa'i le'u ste dgu pa'o// // de nas ji ltar dkyil 'khor gyi/ / rim pa yang dag rab tu bshad// gang gis slob ma dbang bskur ba'i// cho ga'ang rab tu bshad par bya// dang po lha yi bdag nyid kyi// rnal 'byor pas ni nor 'dzin sbyang / / 'bad pas hUM las rdo rje can// byas te phyi nas dkyil 'khor bri// tshal dang skye bo med gnas dang // byang chub sems dpa'i khyim dang ni// dkyil 'khor khang pa'i nang du yang // dkyil 'khor dam pa rab tu bzhengs/ / rdul tshon dam pa'i tshon dang ni// yang na 'bring po nyid kyis te// rin chen lnga yi phye ma 'am// yang na 'bras la sogs pas so// de nas dkyil 'khor khru gsum dang / / mthe bong gsum ni lhag par bya// der ni rigs lnga las byung ba'i// rig ma babang mo rnam par gzhug/ yang na ji ltar gang rnyed de// de ltar bcu drug lon pa nyid// ji srid khu ba ldan
- 122a
gyur pa/ / de srid phyag rgya bstan par bya// phyag rgya'i gdong yang bcing ba dang // thabs kyi gdong yang de bzhin no// bsten pa de las gang byung ba// slob ma'i khar ni btung bar bya/ / ro mnyam slob ma'i spyod yul nyid// de nyid la yang bya bar bya// rang rig ye shes nyid du 'gyur// rang gzhan yang dag rig pa spangs// mkha' mnyam rdul bral stong pa nyid// dngos dang dngos med bdag nyid mchog/ thabs dang shes rab shin tu 'dres// chags dang chags bral rnam par 'dres// de nyid srog chags rnams kyi srog/ de nyid yi ge dam pa nyid// de nyid 'gro ba'i bdag nyid de/ / de nyid thams cad khyab pa po// thams cad lus la rnam par gnas// dngos dang dngos med de las byung // gzhan dang gang rnams de rnams dang // rnam par shes pa kun gyi tshul/ / skyes bu sngon rabs dbang phyug dang // bdag dang gso ba sems can dang // dus dang gang zag nyid dang ni// dngos po kun gyi rang bzhin 'di// sgyu ma'i gzugs kyis yang dag gnas/ / dang po dga' ba tsam nyid de// gnyis pa'i grangs la mchog dga' nyid// gsum pa las ni dga' bral bshad// bzhi pa lhan cig skyes par brjod// de bzhin gshegs/ pa rnams dang ni// rdo rje snying po la sogs kun// mkhas pas de skad nges thos nas// mchog tu ngo mtshar gyur nas ni// brgyal zhing sa la 'gyel bar gyur// dang po dga' ba 'gro ba'i
- 122b
gzugs/ / de bzhin mchog dga' 'gro ba nyid// dga' bral dga' ba'ang 'gro ba nyid// gsum pa lhan cig skyes pa med// bcom ldan bka' stsal kye'i rdo rje// sangs rgyas kun gyi sku gcig pa/ / rdo rje snying pos rtogs bya'i phyir// the tshom legs par sel ba ni// 'dod chags med cing chags bral med// dbu mar dmigs par mi 'gyur ro// gsum po spangs pa nyid kyi phyir/ / lhan cig skyes pa byang chub brjod// yang na de nyid thams cad bdaka/ yang na kun gyis rnam par spangs// de yang dga' bral dang por mtshon// dga' ba gsum po rnam par spangs// dang po sprin dang 'dra ba yin/ / grub pa sgyu ma lta bur 'gyur// gnyid log sad par mi byed par// nyal dang log pa'i khyad par las// rtag tu rmi lam 'dra bar 'gyur// dngos grub mtshan nyid mi phyed pa'i/ / phyag rgya rnal 'byor pa yis 'grub// ston pas dkyil 'khor 'di skad gsungs// gru bzhi yang dag 'bar ba nyid// sgo bzhi gzi brjid chen po ste// do shal ngo shal phyed pas brgyan/ / 'phreng ba sna tshogs rnga yab ldan// ka ba brgyad kyis nye bar brgyun// rdo rje srang bu mnyam par ldan// ma tog sna tshogs nye bar brgyan// bdug pa mar me de bzhin dri// bum pa brgyad la sogs pas ldan/ / de yang yal ka la sogs ldan// mgrin pa gos kyis dgab pa dang // rin chen lnga ni yongs su gzhug/ rnam par rgyal ba shar du sbyin// rang 'dod lha yi gzugs
- 123a
kyis ni/ / gsar pa legs par bkal ba dang // shin tu tshad ma mdzes pa mi// srad bus shes rab can gyis gdag/ 'khor lo'i bdag po'i bzlas pa 'bum/ dkyil 'khor can gyi de bzhin khri// gong du gsungs pa'i sngags nyid kyis// mkhas pas nor 'dzin rnam par sbyang // gong gi a sogs sngags kyis ni// de la gtor ma rnam par sbyin// ji ltar bsam gtan de bzhin 'dir/ / srung ba ji ltar gsungs pa nyid// gang zhig dbang ni rab phye ba// rang gi dkyil 'khor cho gas sbyin// mchod dang gsol ba gdab pa nyid// ji ltar bshad pa de bzhin 'dir/ / 'phar ma gnyis bzang rnam bris nas// myur du dkar mo la sogs bri// shar du gri gug rnam par bri// lho dang nub tu'ang de bzhin no// byang dang me yi mtshams dang ni// bden bral rlung du'ang de bzhin no/ / dbang ldan du ni ci gsungs pa// de lta de ltar 'og dang steng // rdo rje sems dpa'i snyems byas nas// rkang pa g.yas pa brkyang byas te// phyag gnyis kye yi rdo rjer sbyor// slob dpon dkyil 'khor 'jug pa nyid// khrus dang gtsang sbra dri zhim lus// sna tshogs rgyan gyis rnam par brgyan// hUM hUM snyems pa byas nas ni// hi hi rnam par 'jig byed bdag/ phyi nas de nyid yang dag bshad/ / rnam dag ye shes gzugs can dang // 'khor ba dang ni mya ngan 'das// khyab par cung zad yod ma yin// mchog dgar sgom pa med cing sgom pa po'ang med// lus kyang med
- 123b
cing gzung ba med dang 'dzin pa'ang med/ / sha dang khrag kyang med cing bshang dang gci ba'ang med// skyug bro rmongs med gtsang sbra mchod phyir thogs med dang // chags med sdang ba med dang rmongs med phrag dog med/ / ser sna med dang nga rgyal med cing mthong bya med// sgom dang sgom pa po med bshes dang dgra med cing // rlom sems med pa'i lhan cig skyes pa sna tshogs nyid// rdo rje snying pos 'di skad gsol/ / gzod nas rang bzhin med pa yi// lus kyi rang bzhin dag pa ni// ci slad 'byung ba'i bdag nyid lags// de nas bcom ldan rdo rje can// mkha' 'gro bde ba sbyin pas gsungs// rlom sems med pa'i rang bzhin bdag/ thams cad lus la rnam par gnas// kye bcom ldan 'das ci'i slad du 'byung ba chen po las gyur pa'i phung po lags/ bcom ldan 'das kyis bka' stsal pa/ bo la ka k+ko la sbyor bas// reg pa sra ba'i chos kyis ni// sa ni de las skye bar 'gyur// byang sems khu ba'i rnam pa las// chu yi khams ni 'byung bar 'gyur// bskyod pa las ni drod skye ste// 'gro ba rlung du rab tu grags/ / bde ba nam mkha' nyid kyi khams// lnga po rnams kyis yongs su bskor// gang phyir 'byung ba che bde ba// de phyir bde ba de nyid mni// lhan cig skyes pas gang skyes pa// lhan cig skyes par de brjod bya// rang bzhin lhan cig skyes zhes brjod// rnam pa thams cad sdom pa gcig/ phyag rgya rgyu dang bral ba las// yo gi snying rje thabs su 'gyur// stong nyid snying rje dbyer
- 124a
/ med pa// byang chub sems zhes rab tu brjod// sngags kyi bzlas med dka' thub med dang sbyin sreg med// dkyil 'khor can yang med cing dkyil 'khor yang ni med// de ni sngag bzlas de dka' thub dang de sbyin sreg/ de ni dkyil 'khor can dang de ni dkyil 'khor nyid// mdor bsdus nas ni sems ni 'dus pa'i gzugs can no// dbang gi le'u zhes bya ste bcu pa'o// / mnyam par ma rungs dpral ba can// rtag tu ltung bar byed par brjod// dbang gi lta stangs g.yon na gnas// g.yon pa nas ni gzugs brnyan gnyis// g.yas pa'i cha la dgug pa/ nyid// steng nas kyang ni gzugs brnyan gnyis// dbu ma rengs pa'i lta stangs nyid// sna yi rtse mo'i dbus su gnyis// 'byung ba nyid kyis ltung bar byed// rngub pa yis ni dbang du byed// dgang ba yis ni dgug pa nyid/ / zhi ba yis ni rengs par byed// rlon pa'i shing la ltung byed nyid// dbang ni me tog rab tu grags// rdo rje'i shing la dgug pa nyid// g.yo bcas rtswa la rengs byed nyid// rma drug goms pa'i sbyor ba yis/ / 'grub 'gyur 'di la the tsom med// 'di la 'khrul par mi bya ste// sangs rgyas rdzu 'phrul bsam mi khyab// lta stangs bzhi po bsgrubs nas ni// mkhas pas sems can gzhug par bya/ / gsad par 'di la bya ma yin// dam tshig nges par nyams par 'gyur// sems can bslu ba spangs nas ni// bya ba ma yin thams cad bya// sems can gnod pa tsam gyis ni//
- 124b
phyag rgya'i dngos grub rnyed mi 'gyur// de la dam tshig bza' bya ba// na dang ga ha dang po dang // mtha' yi shwa dang dang po'i shwa// kye yi rdo rje'i dngos grub phyir// bdud rtsi lnga yang de bzhin bza'/ kye yi rdo rjes gsungs mtshan nyid// skye ba bdun pa'ang de nas mtshon// dga' bral dga' ba la smod pa// lan bdun pas ni 'grub par 'gyur// skad snyan mig dang ldan pa dang // dri lus gzi brjid chen po dang / / de yi grib ma bdun du 'gyur// mthong nas rnal 'byor pa yis mtshon// de ni zos pa tsam gyis ni// skad cig la ni mkha' spyod 'gyur// ku ru kul+le'i sgrub thabs bshad par bya ste/ / gong du brtag pa bcu gnyis par// rgyas par gsungs pa mdo ru bsdu// hrIHlas byung ba'i lha mo ni// kha dog dmar zhing phyag bzhi ma// mnga' dang gzhu yi lag pa ma// ut+pa la dang lcag kyu 'dzin/ / 'di ni bsgoms pa tsam gyis ni// 'jig rten gsum po dbang du byed// 'bum phrag gcig gis rgyal po rnams// khri yis 'jig rten phal pa nyid// bye bas phyugs dang gnod sbyin sogs/ / 'bum phrag bdun gyis lha ma yin// 'bum phrag gnyis kyis lha rnams nyid// brgya phrag gcig gis sngags pa nyid// kye'i rdo rje mkha' 'gro ma dra ba'i sdom pa las rdo rje snying po mngon par byang chub pa zhes bya ba brtag pa'i rgyal po rdzogs so/ / // rdo rje'i snying pos gsol pa/ bcom ldan rdo rje snying po bdag/ sangs rgyas thams cad gcig bsdus pa/
- 125a
rab gnas mtshan nyid bzang po nyid// rim pa ji bzhin bshad du gsol// bcom ldan 'das kyis bka' stsal pa// ci gsung sbyin sreg byas nas ni// dkyil 'khor dam pa bzhengs pa dang / / snga bar sku gzugs sbyang ba dang // sta gon la sogs byas nas ni// nam mkhar bzhugs pa'i sangs rgyas kun// sku gzugs snying khar rab tu gzhug/ rang 'dod lha mnyam rnal 'byor pa/ / rab mthong sngags kyi pha rol son// oM badz+ra puSh+pe AHhUM swA hA/ oM badz+ra d+hU pe AHhUM swA hA/ oM badz+ra dI pe AHhUM swA hA/ oM badz+ra gan+d+he AHhUM swA hA/ oM badz+ra nai wi d+ye AHhUM swA hA/ sna tshogs hUM ni rdzogs pa dang // me tog la sogs dbul ba nyid// gong ma'i rgyud kyi cho ga rim pas// mchod yon zhabs bsil gong ma bzhin// zhi ba'i thab khung zlum po nyid// rgyas pa nyid kyi gru bzhi pa/ / gsad pa la ni gru gsum brjod// 'di nyid la ni lhag ma sgrub// khru gang dang ni khru phyed nyid// zhi ba'i steng dang 'og tu yin// khru do dang ni khru gang nyid// rgyas pa'i steng dang 'og tu brjod/ / sor mo nyi shu'am de yi phyed// gsad pa'i steng dang 'og tu yang // zhi bar kha dog dkar por 'gyur// rgyas par ser po de bzhin no// gsad pa la ni kha dog gnag/ dbang la dmar por rab tu grags/ / dbang la ji bzhin de ltar dgug/ gsad la ji ltar zhe sdang sogs// zhi la til dang rgyas la zho// gsad la tsher ma de bzhin no// sdang la sogs pa'ang tsher mar
- 125b
brjod/ / dbang dang dgug la ut+pa la// oM ag+na ye ma hA te dza sarba kArma pra sA d+ha kaH/ ka ru Ni kr-i ta sa twAr+tha a smin san+ni hi to b+ha bA/ me dgug pa'o// ma ma rin chen sna tshogs 'dzin// kye yi rdo rje / khros mchod pa'i// lha mo khyod ni dpang du 'gyur// che ge bdag ni dkyil 'khor 'dri// swAr+thany+tse ba pa rAr+thany+tsa sA d+hi tAM gats+tsha ha bya b+hu ka/ A ga mi Sh+ya si ya thA kA le sarba sid+d+hi ku ru ShA me/ me dga' ba'i sngags so/ / oM dzaHhUM baM hoHkhaM raM/ mchod yon gyi sngags so// oM ni ri ti hUM khaM/ zhabs bsil gyi sngags so// oM d+hU dz+nyA/ lha bshos kyi sngags so// kye'i rdo rje mkha' 'gro ma dra ba'i sdom pa las brtag pa gnyis pa rab gnas kyi le'u ste dang po'o/ / // rdo rje snying pos gsol pa/ nam mkha' lta bu'i chos kun la// rgya mtshor bkur ba ji lta bar// rang 'dod lha yi gzugs las ni/ / sems can ji ltar 'grub par 'gyur// bcom ldan 'das kyis bka' stsal pa// bdag med rnal 'byor ldan pa 'am// yang na he ru ka dpal brtson// gzhan pa'i sems kyis skad cig kyang / / dngos grub 'dod pas mi gnas so// dang po goms par byed dus kyi// gnas ni gang du bsngags pa'i sems// gcig tu mnyam gzhag 'grub 'gyur ba'i// gnas ni bzang por nges par brtag/ rang gi khyim du mtshan dus su// bdag nyid 'grub pa'i sems kyis ni// rnal 'byor ma sgom shes rab can// yang na he ru ka dpal gzugs// rkang pa 'khrud
- 126a
dang za ba dang / / 'thor 'thung so rtsi za ba dang // tsan ngan gyis ni lag nyed dang // smad g.yogs kyis ni rked 'gebs dang // 'byung dang sgra dang 'gro ba dang // 'dug dang khro dang rgod pa dang / / bcom ldan 'das ma bsten pa dang // shes rab brtul zhugs can nyid kyis// rnal 'byor ma ni rnam par sgom// gzhan gyi tshul gyis skad cig kyang // 'dug pa'i sems ni ma rigs pas/ / dngos grub 'dod pas dngos grub phyir// mkhas pas 'bad pas mi gnas so// bsam gtan nyon mongs 'jigs byed pa// rdo rje snying po nga yis bshad// brtse bas dngos grub don du yang / zla ba phyed du yongs su rtogs// bsam pa thams cad yongs spangs nas// lha yi gzugs su sems pa yis// nyi ma gcig tu ma chad par// sgom pas yongs su brtag par bgyis// rang gzhan don ni rab sgrub phyir/ / 'khor bar thabs gzhan yod ma yin// rig ma lhan cig goms byas pas// 'phral du mngon du byed pa nyid// 'jigs spro de bzhin sdug bsngal dang // mya ngan gdung ba 'tshe ba dang / / 'dod chags zhe sdang gti mug che// sgrub pa po ni nyon mi mongs// phan dang gnod pa'i 'bras 'byung bar// de ltar nges par shes nas ni// ji ltar de ni skad cig kyang // rnal 'byor pa rnams ngu 'bod gnas/ / mtshams med lnga ni byed pa dang // srog chags gsod la dga' ba dang // gzhan yang skye ba dman gang dang // rmongs dang ma rungs las byed dang // gzugs ngan yan
- 126b
lag ma tshang bas/ / bsams pas de rnams 'grub par 'gyur// dge ba bcu la goms pa dang // bla ma la gus dbang po dul// nga rgyal khro las rnam par grol// des ni re zhig nges 'grub 'gyur// rtag tu goms pa'i rnal 'byor gyis// mnyam par gzhag pas dngos grub thob// zla ba gcig tu gsang la sprad// ji srid phyag rgya ma rnyed par// gnang ba rnyed 'gyur sngags pa la// rnal 'byor ma yis bstan par bya/ / phyag rgya che ge mo khyer la// sems can don gyis rdo rje 'dzin// rnyed pa de yang mig yangs ma// gzugs dang lang tshos rnam par brgyan// si h+la ga pur yang dag ldan// byang chub sems kyis rnam par sbyang / / dge ba bcu las brtsams nas ni// de la chos ni rab tu dbye// lha yi gzugs kyi sems dang ni// dam tshig sems kyang gcig pa nyid// zla ba gcig gis skal ldan par/ / 'gyur ba 'di la the tshom med// mchog thob pa yi bud med gang // rtog pa thams cad yang dag spangs// yang na bdag gi nus pa yis// lha dang lha min mi rnams dang // gnod sbyin mi 'am ci las kyang / / phyag rgya bkug la rab tu brtag/ de yang khyer la spyod pa spyad// bdag gi dal ba mngon du'i phyir// gang bshad 'jigs pa'i gzugs can gyi// spyod pa longs spyod phyir ma gsungs/ / yid ni brtan nam g.yo 'am ci// rang gi sems ni so sor brtag/ rdo rje snying pos gsol pa// bdag med rnal 'byor ldan pa yis// phyag rgya nyid ces ji ltar brjod// phyag
- 127a
rgya phyag rgya nyid dag gis/ / phyag rgya'i dngos grub ji ltar 'grub// bcom ldan 'das kyis bka' stsal pa// bud med gzugs ni spangs nas ni// bcom ldan 'das gzugs su bya/ / nu ma spangs pa po lar 'gyur// kak+ko la dbus yang dag gnas// 'gram gnyis dril bu nyid du 'gyur// be'u 'bru bo la can du 'gyur// lhag ma bdag nyid chen po nyid// dga' chen he ru ka yi gzugs// he ru ka sbyor skyes bu nyid// 'bad pa med par skyes bur 'gyur// gsal bar nus pa'i rnal 'byor pas// de phyir phyag rgya'i dngos grub 'gyur// chags dang 'jig pa dag gis kyang / / thabs dang shes rab gnod mi 'gyur// gang phyir thabs ni 'byung ba nyid// 'jig pa shes rab srid mthar byed// des na rab 'jig yod ma yin// de nyid la ni chags pa med/ / la la 'jig pas 'jig par 'gyur// 'jig pa'i dngos med zad pa med// bskyed pa'i rim pa'i rnal 'byor gyis// brtul zhugs can gyis spros pa sgom// spros pa rmi lam ltar byas nas/ / spros pa nyid ni spros med byed// ji ltar sgyu ma rmi lam dang // ji ltar bar ma'i srid yin pa// rtag tu goms pa'i sbyor ba las// dkyil 'khor nyid ni de bzhin 'dod// phyag rgya chen por dbang bskur bar// ji ltar shes pa'i bde chen po// 'di ni de yi byin rlabs yin// gzhan las dkyil 'khor 'byung ba med// bde ba gnag cingabade ba ser/
- 127b
bde ba nga mar pob de ba da ka ra// bde ba ljang ku bde ba sngo// bde ba rgyu dang mi rgyu kun// bde ba shes rab bde ba thabs// de bzhin kun tu ru skyes bde// bde ba dngos po dngos med bde/ / rdo rje sems dpa' bde bar brjod// rdo rje snying pos gsol pa/ rdzogs pa'i rim pa'i rnal 'byor 'di// de yi bde ba bde chen brjod// rdzogs pa sgom pa med pa ste/ bskyed pa yis na ci zhog 'tshal// bcom ldan 'das kyis bka' stsal pa// e ma'o byang chub sems dpa' che// dad pa'i shugs kyis rab tu nyon// lus kyi dngos med gang las ba de// bde ba smra bar mi nus so// khyab dang khyab byed tshul gyis ni// bde bas 'gro ba khyab pa nyid// ji ltar me tog la gnas dri// me tog dngos med shes mi 'gyur// de bzhin gzugs sogs dngos med pas/ / bde ba nyid kyang dngos med 'gyur// dngos po dngos po med pa nga // dngos po rtogs phyir sangs rgyas pa// gang zhig le los bsnun pa dang // rmongs pa gang gis nga mi shes// / rdo rje btsun mo'i b+ha ga ni// e yi rnam pa'i cha byad gzugs// sangs rgyas rin chen za ma tog/ bde ba can du rtag tu bzhugs// 'chad pa po nga chos kyang nga// rang gi tshogs ldan nyan pa dag 'jig rten ston pa bsgrub bya nga / / 'jig rten 'jig rten 'das pa nga // lhan cig skyes dga'i rang bzhin nga // mchog mtha' dga' bral dang por ni// mun pa la ni mar me ltar// de bzhin bus
- 128a
kyang yid ches gyis/ / btsun mo'i b+ha ga bde chen du// ston pa sum cu rtsa gnyis mtshan// gtso bo dpe byad brgyad cur ldan// khu ba zhes bya'i rnam par gnas// de med pas na bde med 'gyur/ / bde ba med na de med 'gyur// nus pa med phyir ltos dang bcas// lha yi rnal 'byor las bde ba// de phyir sangs rgyas dngos po min// de nyid dngos med tshul yang min/ / zhal phyag rnam pa'i gzugs can nyid// mchog tu bde ba gzugs med pa// de phyir 'gro kun lhan cig skyes// rang bzhin lhan cig skyes par brjod// rnam dag rnam pa'i sems kyis ni/ / rang bzhin mya ngan 'das pa nyid// lha yi rnam pa'i gzugs kyis ni// bzhin lag kha dog gnas pa ni// skyes pa tsam gyis rnam par gnas// 'on kyang bag chags pal pas so// / dug gi dum bu gang nyid kyis// skye bo thams cad 'chi bar 'gyur// dug gi de nyid shes pa des// dug gis dug ni 'bigs par byed// ji ltar rlung gis zin pa la// mon sran sde'u yi bza' ba sbyin/ / bzlog pa'i sman ni brtags pa yis// rlung gis rlung la snun par byed// rnam rtog las ni rnam rtog dang // srid pa nyid kyis srid pa dag/ ji ltar rna bar chu zhugs pa// chu gzhan dag gis 'gugs par byed/ / de bzhin dngos po'i rnam rtog kyang // rnam par nges pas sbyang bar bya// ji ltar 'tshed pas tshig pa yang // me yis kyang ni gdud par bya// de bzhin
- 128b
'dod chags mes 'tshig pa/ / 'dod chags me yis gdung bar bya// skye bo mi bzad pa yi las// gang dang gang gis 'ching 'gyur ba// thabs dang bcas na de nyid kyi// srid pa'i 'ching ba las grol 'gyur/ / chags pas 'jig rten 'ching 'gyur pa// 'dod chags nyid kyis rnam grol 'gyur// bzlog pa'i sgom pa 'di nyid ni// sangs rgyas mu stegs kyis mi shes 'byung ba lnga yi rang bzhin las/ / kun tu rul lnga ru 'gyur// dga' ba chen po gcig nyid las// dbye bas lnga ru 'gro bar 'gyur// bo la kak+ko la sbyor bas// reg pa sra ba'i bag chags nyid/ / sra ba gti mug chos kyi phyir// gti mug rnam par snang mdzad brjod// gang phyir byang sems gsher ba nyid// gsher ba chu yi khams su brjod// chu ni mi bskyod gzugs kyi phyir/ zhe sdang 'dren pa mi bskyod pa// gnyis kyis bskyod pa'i sbyor ba las// drod ni rtag tu skye bar 'gyur// 'dod chags dpag med rdo rje yin// 'dod chags drod las 'byung bar 'gyur// kak+ko lar ni gang zhig sems/ / de ni rlung gi rang bzhin can// phrag dog don yod grub pa yin// don yod rlung las 'byung ba nyid// bde ba 'dod chags khrag tu 'gyur// dga' ba nam mkha'i mtshan nyid do/ / nam mkha' ser sna rdo rjer 'gyur// ser sna nam mkha' las byung nyid// sems ni chen po gcig nyid la// lnga yi gzugs kyis rnam par mtshon// rigs ni lnga po de nyid las//
- 129a
stong phrag du ma skyes pa nyid// de phyir 'di dag rang bzhin gcig/ bde chen mchog tu rtag pa nyid// 'dod chags la sogs sems lnga yi// dbye bas lnga ru 'gro bar 'gyur/ gang+gA'i klung ni bcu yi bye snyed nyid// rigs gcig la ni de bzhin gshegs pa'i tshegs// rigs kyi tshogs la rigs ni du ma rnams// de rnams rigs la rigs ni rnam pa brgya// de rnams la yid 'bum phrag rigs chen rnams/ / bye ba'i rigs la grangs ni med par 'gyur// de la rigs la grangs med rigs rnams nyid// mchog tu dga' ba'i rigs las byung ba rnams// kye'i rdo rje mkha' 'gro ma dra ba'i sdom pa las dngos grub gtan la dbab pa'i le'u ste gnyis pa'o// // de nas rdo rje can gyis rnal 'byor ma rnams la rgyud thams cad kyi zla gzhi zhes bya ba'i thabs bka' stsal pa/ sdom pa dang ni dbang dang yang // de bzhin dgongs pa'i skad nyid dang // dga' dang skad cig dbye ba dang // gzhan yang bza' ba la sogs pa// de la sdom pa bka' stsal pa/ / sangs rgyas kun gyi sdom pa ni// e baM rnam par rab tu gnas// e baM rnam pa'i bde chen po// dbang las yang dag shes par 'gyur// de nas rnal 'byor ma rnams kyis/ / bcom ldan 'das rdo rje sems dpa' la 'di skad ces gsol to// bcom ldan ston pa 'gro ba'i bla// mkha' 'gro ma yi sdom pa nyid// e baM rnam pa ci zhes brjod// rim pa
- 129b
ji bzhin bshad du gsol/ / bcom ldan 'das kyis bka' stsal pa// e yi cha byad bzang po gang // dbus su baM gyis rnam par brgyan// bde ba thams cad kyi ni gnas// sangs rgyas rin chen za ma tog/ skad cig dbye bas phye ba nyid// dga' ba de las skye bar 'gyur// skad cig shes nas bde shes pa// e baM rnam par rab tu gnas// sna tshogs dang ni rnam smin dang // rnam nyed de bzhin mtshan nyid bral/ / skad cig bzhi ni rab shes pas// de ltar rnal 'byor pas shes 'gyur// 'khyud dang 'o byed la sogs pa// sna tshogs rnam pa sna tshogs bshad// rnam par smin pa de las bzlog/ bde ba'i ye shes za ba nyid de// bdag gi bde ba zos pa yi// gros ni rnam par nyed par brjod// mtshan nyid bral ba gsum las gzhan// chags dang chags bral rnam par spangs/ / sna tshogs dang po'i dga' ba nyid// rnam smin la ni mchog dga' nyid// rnam nyed dga' ba dga' bral nyid// mtshan bral lhan cig skyes dga' nyid// slob dpon gsang ba shes rab dang / / bzhi pa de yang de bzhin no// dbang ni bzhi yi grangs kyis ni// dga' ba la sogs rim shes bya// dgod pa dag pa slob dpon nyid// lta ba gsang ba de bzhin no// lag bcangs las ni shes rab nyid/ / gnyis gnyis 'khyud la de yang nyid// sems can rnams kyi dngos grub phyir// dbang ni rnam pa bzhi ru bshad// gtor dang blugs pa zhes bya 'dis// des na dbang zhes
- 130a
brjod par bya/ / shes rab bcu drug lon pa la// lag pa dag gis yang dag 'khyud // rdo rje dril bu mnyam sbyor bas// slob dpon dbang du rab tu brjod// shin tu ba bzang mig yangs ma/ / gzugs dang lang tshos rnam par brgyan// mthe bong srin lag dag gis ni// slob ma'i kha ru ltung bar bya// de nyid du ni mnyam pa'i ro// slob ma'i spyod yul dag tu bya// ston pas shes rab rab tu mchod// rjed par byas nas gtad par bya// ston pas smras pa sems dpa' che// phyag rgya bde ba ldan pa khyer// phrag dog khro ba rnam spangs pa'o// slob ma cher gyur shes nas ni/ / ston pas de la gnang ba sbyin// kun tu ru gyis rdo rje 'dzin// ji ltar dbang bskur gsol btab pa'i// slob ma'i bya ba bshad par bya// bla ma phyag rgya ldan mthong nas// bstod dang mchod pa ji bzhin bya// bcom ldan zhi ba chen po kye// rdo rje rnal 'byor gcig bzhed pa// mi phyed phyag rgya sgrub pa po// rdo rje rnal 'byor las byung ba// ji ltar khyod ni bdag nyid che// mnga' bdag bdag la'ang de ltar mdzod// 'khor ba 'dam gyi tshogs dag tu// bying ba skyabs med bdag la skyobs// zhim pa'i bza' ba btung ba dang // ba la che mchog ma da na// bdug palha bshos 'phreng ba dang / / dril bu rgyal mtshan byug pa yis// 'di rnams mchod pa rnams kyis ni// slob mas rdo rje 'dzin pa mchod// mchog tu dga' ba yang dag thob// sna tshog
- 130b
spangs pa'i skad cig la/ / ston pas smras pa sems dpa' che// bde ba chen po rnam par zung // ji srid byang chub bar du ni// sems can don gyis rdo rje 'dzin// slob ma snying rje can mthong nas// / rdo rje can gyis 'di skad smras// 'di ni ye shes chen po nyid// thams cad lus la rnam par gnas// gnyis dang gnyis su med pa'i tshul// dngos po dngos med bdag nyid gtso// brtan dang g.yo ba khyab nas gnas/ / sgyu ma'i gzugs can nyid du 'dod// dkyil 'khor 'khor lo'i thabs kyis ni// rtag tu nges par 'gro bar 'gyur// de nas rdo rje snying pos rnal 'byor ma rnams la bzod par gsol nas/ bcom ldan 'das la 'di skad ces gsol to// dkyil 'khor 'khor lo ci zhes brjod// sangs rgyas kun bdag grong khyer la// bcom ldan bdag ni 'khrul gyur pas/ / rim pa ji ltar bshad du gsol// bcom ldan 'das kyis bka' stsal pa// dkyil ni snying po zhes byar brjod// byang chub sems ni bde chen po// dang po mthar byed ces bya ba// 'dus pa dkyil 'khor nyid du brjod/ / 'khor lo zhes bya nam mkha'i khams// yul la sogs pa rnam par sbyong // bo la kak+ko la sbyor bas// de yi bde ba shes par 'gyur// rdo rje snying pos gsol pa sdom pa zhes bya gang gis dang / / dam tshig gang gis gnas par bgyi// bcom ldan 'das kyis bka' stsal pa// khyod kyis srog chags gsad pa dang // brdzun gyi tshig kyang smra ba dang // /
- 131a
khyod kyis ma byin par yang long // pha rol bud med bsten par gyis// sems gcig srog chags gsod pa nyid// gang phyir srog ni sems su brjod// 'jig rten bsgral ba zhes bya ba/ / brdzun gyi tshig tu rab tu bsgrags// btsun mo'i khu ba ma byin par// gzhan gyi bud med rang mtshungs mdzes// de nas rnal 'byor ma thams cad kyis bcom ldan 'das la 'di skad ces gsol to/ / yul de rnams kyang ci lags/ dbang po rnams ni gang lags/ skye mched ni ci lags/ phung po rnams ni gang lags/ khams rnams de'ang ci lags// 'di rnams kyi rang bzhin ni ci lags/ bcom ldan 'das kyis bka' stsal pa/ yul drug ni/ gzugs sgra de bzhin dri dang ni// ro dang de bzhin reg bya nyid// chos kyi khams kyi rang bzhin nyid/ / 'di rnams yul ni drug tu brjod// dbang po rnams ni drug ste/ mig dang rna ba sna dang ni// lce dang lus dang de bzhin yid// 'di rnams dbang po drug po ni// gti mug rdo rje la sogs ldan/ / yul dang yul can dag gis ni// skye mched bcu gnyis dag tu 'gyur// phung po lnga ni gzugs la sogs// mthar ni rnam shes snying rje che// dbang po dang ni yul nyid dang / / dbang po'i rnam par shes pa nyid// rnal 'byor ma rnams go cha'i phyir// khams ni bco brgyad rnams su bshad// rang bzhin gdod nas ma skyes pa// brdzun min bden min de bzhin
- 131b
du/ thams cad chu yi zla ba ltar// 'dod pas rnal 'byor mas shes gyis// 'di lta ste/ gtsub shing dang / gtsub stan dang / skyes bu'i lag pa'i rtsol ba las glo bur du me skye bar 'gyur ro/ / me de gtsub shing la'ang mi gnas/ gtsub stan la'ang ma yin/ skyes bu'i lag pa dag la'ang ma yin te/ rnam pa thams cad du yongs su btsal na gcig na'ang yod pa ma yin pas/ me de'ang bden pa'ang ma yin zhing brdzun pa'ang ma yin no// de ltar chos thams cad rnal 'byor mas yid la gyis shig/ de nas rnal 'byor ma bdag med ma la sogs pa rdo rje mkha' 'gro ma thams cad bdud rtsi lnga thogs shing dam tshig gi rdzas thogs pas bcom ldan 'das rdo rje sems dpa' la mchod par byed/ kun tu ru'i sbyor bas rjes su chags par byed// bdud rtsi lnga'i ro'ang 'thung bar byed do/ / de nas bcom ldan 'das dgyes nas rang byin gyis brlabs pa bstan pa/ kye kye rdo rje mkha' 'gro ma// sangs rgyas kun gyis phyag mdzad pa// de nyid bdag gis gsang mdzad pa/ / rdo rje mchod pa'i byin rlabs kyis// bshad kyis 'dod pas rab tu nyon// lha mo thams cad dga' bar gyur/ rangs par gyur te/ pus mo g.yas pa'i lha nga sa la btsugs nas bcom ldan 'das ga la ba der thal mo sbyar ba btud nas/ bcom ldan 'das kyi gsung nyan no// bcom ldan 'das kyis bka' stsal pa// bza' btung ji ltar rnyed pa dang // bgrod dang 'grod
- 132a
min mi spang zhing / / khrus dang gtsang sbra mi bya ste// grong gi chos ni rab tu spang // blo ldan sngags nyid mi bkra zhing // bsam gtan nyid ni dmigs mi bya// gnyid ni spang bar mi bya ste/ / dbang po rnams ni mo dgag go// ba la thams cad bza' bar bya// kha dog lnga la mnyam par spyad// dogs pa med pa'i sems kyis ni// btsun mo thams cad dga' bar bya// mdza' bo sdug par mi bya zhing / / de bzhin gdug la zhe sdang nyid// rdo shing 'jim pa'i bdag nyid kyi// lha 'di rnams la phyag mi bya// g.yung mo gdol pa ko lpags mkhan// phyag bdar mkhan sogs reg rim dang / / bram ze rgyal rigs rje'u dmangs rnams// bdag gi lus ltar reg pa nyid// bdud rtsi lnga dang bu ram chang // dug dang nim pa bu btsas skyes// skyur dang dngar dang bska la sogs// kha ba lan tshwa tsha ba dang // dri nga dri zhim mchi rnag dang // byang chub sems kyis rab tu bza'// gnyis med ye shes sems kyis ni// mi bza' cung zad yod ma yin// rang byung me tog rnyed nas ni// pad+ma'i snod du gzhag pa dang // lud pa dang ni snabs dag gis// bsres nas brtul zhugs can gyis btung // smad g.yogs kha dog sna tshogs dang // ro bsregs thal bas de bzhin brgyan// me tog rab song gnas rnyed pas// mgo skyes legs par bcing bar bya// de nas rdo rje snying po sa gsol pa/ thams cad yul gyi rnam dag pa// bcom ldan 'das kyis sngar gsungs na/
- 132b
nges par dbang po drug gi grangs// rnam par dag par ma mdzad pa/ bcom ldan 'das kyis bka' stsal pa// mig la gti mug rdo rje ma// rna bar zhe sdang rdo rje ma// sna la ser sna ma zhes bshad// kha la 'dod chags rdo rje ma/ / lus la phrag dog rdo rje ma// yid la bdag med rnal 'byor ma// dbang po rnams ni dag bya'i phyir// 'dis ni go cha sems dpa' che// rdo rje snying pos gsol pa/ dgongs pa skad ni ci zhes bgyi/ / bcom ldan 'das kyis nges gsung gsol// rnal 'byor ma yi dam tshig che// nyan thos la sogs mi shes pa// dgod dang lta ba dag gis dang // 'khyud dang de bzhin gnyis gnyis kyi/ / rgyud kyang rnam pa bzhi rnams kyis// dgongs pa'i skad ni ma bsgrags pa// bcom ldan nges par gsung du gsol// dgongs pa'i skad ni skad chen po// dam tshig brda ni rgyas pa ru// rdo rje snying po ngas bshad kyis// khyod ni rtse gcig sems kyis nyon// ma da na chang ba la sha// 'du ba ma la ya dzaM brjod// 'gro ba khe Ta ro na shrI pa// rus pa'i rgyan ni ni r-i shu// 'ong ba pr-i kha Na ru brjod// cang te'u kr-i pi ti ru brjod// skal med du du ra zhes brjod// skal ldan ka li dza ra brjod// reg min Din Di ma zhes brjod// zod pa pad+ma b+hAny+dza naM// bza' bkr-i pi ta zhes bya// tshong ma mA la tin+t+ra naM/ bshang ba tsa tu sa maM brjod// gci ba kastu ri zhes brjod// rang byung si h+lar shes par bya// khu ba ka pu ra zhes brjod// sha chen shA li dza zhes brjod// dbang po gnyis sbyor kun tu ru/ rdo rje
- 133a
bo la zhes bshad de/ / pad+ma kak+ko la zhes zer// kha dog dbye bas phye ba las// rigs ni rnam pa lnga ru bshad// 'di ni gsang ba'i skad yin no// phyag rgya lnga ni bsdus pa nyid/ / g.yung mo rdo rje'i rigs su bshad// gar ma de bzhin pad+ma'i rigs// ras 'tshed ma ni rin chen rigs// skye gnyis de bzhin gshegs par brjod// chos ma las kyi rigs nyid de// phyag rgya 'di rnams dngos grub sbyin// 'di rnams khu ba rdo rjer 'gyur// brtul zhugs can gyis mchod nas btung // rdo rje snying po sems dpa' che// gsang ba'i skad ni mtshar che ba// nga yis khyod la gang bshad pa/ / de rnams thams cad gus pas zung // kye rdo rje 'dir dbang bskur gang // gsang ba'i skad kyis mi smra ba// de yi dam tshig nyams par ni// 'gyur ba 'di la the tshom med/ / 'tshe ba dang ni rkun ma dang // gdon dang rims dang dug gis kyang // gal te sangs rgyas gsang ba'i skad// mi gsung na yang 'grongs par 'gyur// rang gi dam tshig rigs rnyed na// gal te tshig 'di mi smra ba// gnas bzhi las skyes rnal 'byor ma// de yi tshe na khro bar byed// kye'i rdo rje mkha' 'gro ma dra ba'i sdom pa las rgyud thams cad kyi gleng gzhi dang gsang ba'i skad ces bya ba'i le'u ste gsum pa'o/ / / de nas rdo rje snying po la sogs pa'i rdo rje mkha' 'gro ma thams cad the tshom du gyur/ yid gnyis su gyur te bcom ldan 'das rdo rje sems
- 133b
dpa' la 'di skad ces gsol to/ / bcom ldan the tshom bsal du gsol// spyod pa'i le'u las gang bshad pa// glu dang gar ni dngos grub sbyin// de la bdag ni the tshom mchis// glu ni ci lags gar yang ci/ / lha yi le'u las gang gsungs pa// zhe sdang la sogs phyag rgya rnams// de la bdag ni the tshom mchis// gang gi phyag rgya phyag rgya ci// sngags btu ba las gang gsungs pa/ bdag med la sogs sa bon nyid// de la bdag ni 'khrul par gyur// gang gi sa bon sa bon gang // rigs kyi le'u las gang bshad pa// bcu drug gnyis kyi bdag nyid rtsa// bcom ldan bdag ni 'khrul gyur pas/ / de rnams rnam dag bshad du gsol// bcom ldan 'das kyis bka' stsal pa// kol+la i reT+Ti a bo lA mum+ma Ni re kak+ko l+la/ g+ha Na ki pi Ta ho bA dzA i ka ru Ne ki a i na ro lA/ ta hi ba la khadz+dza i ga Do ma a NA pidzA a i/ ha liM kA liny+dza ra pa Ni a i du d+hu ra badz+dzi a i/ tsa u sa ma kAts+tsha ri si hA kap+sa ra lA i a i/ mA la i in+na Na shA lany+dzi ta hi b+ha ru khA i a i/ phreM kha Na khe Ta ka ran+te shud+d+ha a shud+d+ha na mu Ni a i/ ni ra shu aM ga tsan+da wI ta hi dza sa rA ba pa Ni a i/ ma la ya dze kun+du rU bA Ta i DiNI ma ta hir+b+ha bI dz+dza a i/ dran pa mi 'phrogs rnal 'byor pas/ / he ru ka yi gzugs kyis gar// chags bral min goms sems kyis ni// 'dod chags sems kyis bsgom pa nyid// rdo rje chos dang sangs rgyas dang // rnal
- 134a
'byor ma dang ma mo yis/ / glu dang gar ni 'di dag gis// legs par glu blang gar yang bya// 'di nyid kyis ni tshogs srung zhing // de bzhin bdag kyang srung ba nyid// 'dis ni 'jig rten dbang du byed/ / 'dis ni sngags kyi bzlas pa nyid// gang du gus pas glu len dang // gang du gus bcas gar byed pa// tshogs kyi bdag pos sngar byas nas// de la dri ni mtshon par bya/ / sgog pa'i dri ni dang po nyid// de nas yang ni bya rgod dri// ga pur ma la ya dza nyid// ngang pa dang ni bung ba'i sgra// glu yi mtha' nas mnyan par bya// ba lang 'tshe yi sgra yang ni// phyi rol du ni mtshon bya ba/ / glu yi byin rlabs mtshan nyid do// phyag rgya rtags dang mtshan ma ste// 'dis ni rigs ni mtshon par bya// rigs 'tshol sgom pa'i sbyor ba las// dngos grub med cing sgrub po'ang med/ / zhe sdang phyag rgyas bdag med ma// gti mug phyag rgyas rdo rje ma// ser sna'i phyag rgyas dkar mo nyid// chags pas chu ma phyag rgyas gdab// phrag dog phyag rgyas mkha' 'gro ma/ / zhe sdang phyag rgya puk+ka sI// gti mug phyag rgyas ri khrod ma// ser sna'i phyag rgyas gdol pa mo// 'dod chags phyag rgyas g.yung mo nyid// yang ni dkar mo zhe sdang las// gti mug phyag rgyas chom rkun ma/ / ser sna'i phyag rgyas ro langs ma// 'dod chags phyag rgyas g+hasma rI// gti mug phyag rgyas sa spyod ma// 'dod chags phyag rgyas mkha' spyod ma// 'dod pas
- 134b
phyag rgyar shes par bya/ / a li dang po bdag med ma// a li gnyis pa rdo rje ma// a li gsum pa dkar mo nyid// bzhi pa chu yi rnal 'byor ma// lnga pa rdo rje mkha' 'gro ma// drug pa puk+ka/ sI zhes brjod// bdun pa nyid ni ri khrod ma// brgyad pa sme sha can du brjod// dgu pa yang ni g.yung mo nyid// yang ni lnga gnyis dkar mo nyid// bcu gcig chom rkun ma zhes bshad// bcu gnyis ro langs ma zhes brjod/ / bcu gsum pa ni g+hasma rI// bcu bzhi pa ni sa spyod ma// bco lnga pa ni mkha' spyod ma// rnal 'byor ma yi sa bon nyid// rigs kyi le'u las rtsa rnams gang // bcu drug gnyis kyi bdag nyid gsungs// rtsa ni gnyis gnyis rnal 'byor ma// re re rnam pa gsum du brjod// brkyang ma ro ma kun 'dar ma// bdag med rnal 'byor ma zhes brjod// gang phyir bcu drug cha med pas/ / 'bad pas kun gyi lhag ma spangs// de ci'i slad du zhe na khyod// don gyi bya ba mi phyed phyir// bco lnga'i cha yi bdag nyid kyi// zla ba byang chub sems su 'gyur// bde ba chen po a li'i gzugs// rnal 'byor ma rnams de yi cha// rdo rje snying pos gsol pa/ rnal 'byor ma kun las byung ba// lhan cig skyes dga'i rang bzhin nyid// 'grib med btung mchog nam mkha' nyid/ / ga pur nges par cis mi spang // bcom ldan 'das kyis bka' stsal pa// ji skad smras pa de bzhin no// rdo rje snying pos gsol pa/ thabs gang gis byang chub kyi
- 135a
sems bskyed pa lags/ bcom ldan 'das kyis bka' stsal pa// dkyil 'khor 'khor lo'i thabs dang ni// rang byin brlab pa'i rim pas kyang // kun rdzob don dam gzugs can gyi/ / byang chub sems ni rab tu bskyed// kun rdzob kun da lta bu nyid// don dam bde ba'i gzugs can no// bud med kak+kol bde ba can// e baM rnam pa'i rang bzhin du// bde ba srung ba nyid kyi phyir/ / bde ba can zhes rab tu bsgrags// sangs rgyas byang chub sems dpa' dang // rdo rje 'dzin pa rnams kyi gnas// 'di nyid 'khor ba zhes bya ste// 'di nyid mya ngan 'das pa nyid// 'khor ba spangs nas gzhan du ni// mya ngan 'das pa rtogs mi 'gyur// 'khor ba gzugs dang sgra la sogs// 'khor ba tshor ba la sogs pa// 'khor ba dbang po rnam nyid do// 'khor ba zhe sdang la sogs pa// 'di rnams chos ni mya ngan 'das/ / rmongs phyir 'khor ba'i gzugs can nyid// rmongs med 'khor ba dag pas ni// 'khor ba mya ngan 'das par 'gyur// byang chub sems ni mya ngan 'das// kun rdzob don dam tshul can no// / shin tu bzhin bzang mig yangs ma// gzugs dang lang tshos rnam par brgyan// sngo bsangs dal ma rigs bzang ma// si h+la ga pur 'byung ba'i gnas// rang gis dbang bskur kye'i rdo rje// sgra bzang sgrub pa po la dga'/ / de yi chang yang btung bar bya// de nas rang yang btung ba nyid// rang gzhan don ni rab sgrub phyir// phyi nas phyag rgya rjes chags bya// bo la kak+ko lar bcug nas// kun tu ru
- 135b
byed brtul zhugs can/ / der ni sbyor ba las byung ba'i// ga pur mkhas pas mi spang ste// de ni lag tu mi blang zhing // nya phyis dung chos nyid du min// nges par blo dang stobs kyi phyir// mi 'chi lce yis blang ba nyid/ / ga pur nyid ni bdag med ma// bde ba bdag med tshul can nyid// de yi bde ba phyag rgya che// lte ba'i dkyil 'khor nyid du gnas// dang po'i dbyangs yig rang bzhin te// blo zhes sangs rgyas rnams kyis brtags/ / rdzogs pa'i rim pa'i rnal 'byor las// de nyid bcom ldan shes rab ma// de ni ring min thung ba min// gru bzhi ma yin zlum po min// dri dang ro dang mya ngan 'das// lhan cig skyes dga' byed pa can// de las skyes pa'i rnal 'byor pas// de yi bde ba myong ba nyid// de dang lhan cig phyag rgya che// bde ba sbyin pa'i dngos grub 'gyur// gzugs sgra de bzhin dri dang ni/ ro dang de bzhin reg bya nyid// chos kyi dbyings kyi rang bzhin yang // shes rab nyid kyis dpyad par bya// de nyid lhan cig skyes pa'i gzugs// bde chen bzang po'i rnal 'byor ma// de ring dkyil 'khor 'khor lo dang / / ye shes lnga yi rang bzhin can// de ni me long ye shes gzugs// mnyam nyid ye shes dngos po can// yang dag gyur pa so sor rtog/ de nyid bya ba nan tan te// chos dbyings shin tu rnam dag pa// de nyid dkyil 'khor bdag po nga // de nyid bdag med rnal 'byor ma// chos kyi dbyings kyi rang bzhin can// rdo rje snying pos gsol pa/ 'khor lo bsgoms
- 136a
pa'i lam dang ni/ / lha rnams ji ltar 'byung ba nyid// thams cad bcom ldan 'das gsungs na// sdom pa yang dag bshad du gsol// bcom ldan 'das kyis bka' stsal pa/ / rnal 'byor ma yi lus dbus su// a yi rnam pa'i sdom pa gnas// ji ltar phyi rol de bzhin nang // sdom pa de nyid rab tu phye// bo la'i bde ba phyag rgya che// rdo rje skye mched thabs chen nyid/ / 'dis ni gsang ba'i snyoms 'jug pas// phyi rol gnyis ni bstan du med// sku gsum lus kyi nang du ni// 'khor lo'i gzugs kyis brjod par bya// sku gsum yongs su shes pa ni// bde ba chen po'i 'khor lor brjod// chos dang longs spyod sprul pa dang // de bzhin du yang bde chen nyid// skye gnas snying mgrin mgo bor yang // sku gsum po ni rnam par gnas// ma lus pa yi sems can gyi/ / skye ba gang la brjod par bya// gang phyir sprul pa gnas brtan phyir// lte ba sprul pa'i sku nyid yin// gang gis bskyed dang sprul byed pa'i// sku ni sprul pa can zhes brjod// sems ni chos kyi rang bzhin te/ / chos kyi sku yang snying kar 'gyur// ro rnam drug gi gzugs can gyi// bza' ba nges par longs spyod brjod// mgrin par longs spyod 'khor lo'o// spyi bor bde ba chen po gnas/ / e baM rnam par rgyu mthun nyid// rnam smin chos kyi 'khor lo las// longs spyod skyes bu'i byed pa nyid// bde ba'i 'khor lo dri med nyid// rgyu mthun sogs par rab phye ba'i// 'bras bu
- 136b
rnam pa bzhi zhes brjod/ / las kyi rlung gis bskul ba yi// las la bcom ldan shes rab spyod// ji ltar byas pa de bzhin spyod// rgyu mthun zhes ni rab tu bsgrags// las chung 'bras bu che ba'i phyir/ / rnam par smin pa de las bzlog/ rnal 'byor dag phyir dri med nyid// bskyed pa skyes bus byed pa nyid// gang phyir sprul pa gnas brtan phyir// sprul pa'i 'khor lor gnas brtan nyid// chos ni smra ba 'byung ba'i phyir// chos kyi 'khor lor thams cad yod// gang phyir mgrin par kun bkur phyir// longs spyod 'khor lor kun bkur nyid// gang phyir bde chen mgor gnas pas// bde ba'i 'khor lor dge 'dun che// sde pa zhes bya sku ru brjod// lto ba gnas su brjod par bya// skye gnas 'dod chags bral bar 'gyur// mngal gyi phru ma chos gos nyid// de bzhin ma ni mkhan/ po nyid// mgo bor thal mo sbyar ba phyag/ 'gro ba'i bya ba khrims kyi gnas// sngags kyi bzlas pa a dang haM// skye gnas 'khor lo'o rnam pa a// bde chen gyi yang rnam pa haM// gcer bu skra dang kha spu bregs/ / sngags 'don skyes pa dge slong nyid// 'di dag rkyen gyis sems can rnams// sangs rgyas nyid du the tshom med// zla ba bcu yang sa rnams yin// sems can sa bcu'i dbang phyug go/ / de nas rnal 'byor ma bdag med ma la sogs pa'i lha mo thams cad la 'di lta ste// spyan ma dang / mA ma kI dang / gos dkar mo dang / sgrol ma dang / khro gnyer can dang / tsun dA
- 137a
dang par+N+Na ri khrod ma dang / 'og zhal ma dang / de dag la sogs pa ri rab kyi rdul phra rab dang mnyam pa'i rnal 'byor ma rnams tshig 'di dag thos nas mchog tu ngo mtshar du gyur cing brgyal ba dang / skrag pa dang / sa la 'gyel ba dang / 'dar bar gyur to// yang rdo rje can gyis lha mo de rnams thams cad gzigs nas bslang ba'i phyir yang dag par bstod pa/ sa dang chu rlung byin za yi/ / lha mo snod can khyed nyid la// gang zhig sus kyang mi shes pa// de nyid nga yis spro yis nyon// bcom ldan 'das kyi gsung rmi lam lta bu nye bar thos nas de rnams thams cad srog rnyed par gyur to/ / bcom ldan 'das kyis bka' stsal pa// sems can rnams ni sangs rgyas nyid// 'on kyang glo bur dri mas bsgribs// de nyid bsal na sangs rgyas nyid// lha mos gsol pa/ bcom ldan 'das de de bzhin te/ bden pa'ang ma mchis shing brdzun pa'ang ma mchis so// bcom ldan 'das kyis bka' stsal pa// gang zhig mi shes 'jig rten pa// btsan dug zos pas brgyal bar 'gyur// rmongs spangs de nyid yid kyis ni// de yis de nyid yongs su gcod// de bzhin zhi ba'i thabs shes shing // kye yi rdo rjer ngal bsos na// ma rig sog/ pas mi 'dzin cing // gti mug la sogs 'ching bas min// rang dang rang gis rtogs pa las// sangs rgyas ma yin sems can ni// gcig kyang yod pa ma yin no// dmyal ba yi dgas byol
- 137b
song dang / / lha dang lha min mi rnams dang // bshang ba'i srin bu la sogs pa// lha dang lha ma yin gyi yang // bde ba gang phyir mi shes pa// rtag tu rang bzhin bde ba can// 'jig rten khams ni gang du yang / / sangs rgyas gzhan du rnyed mi 'gyur// sems ni rdzogs pa'i sangs rgyas nyid// sangs rgyas gzhan du bstan du med// gdol pa smyig mkhan la sogs pa// gsod don don du sems pa po/ de rnams kyi rdo rjer shes na// 'grub 'gyur 'di la the tshom med// byis pa mi shes pas bsgribs pa// 'di yi bgrod pa mi shes pa// 'gro ba drug gi srid pa'i mthar// gang zhig rmongs pa 'khor bar 'gyur/ / rdo rje snying po snying rje che// kye yi rdo rje'i thabs rnyed pas// gang zhig yul rnams rnam sbyong ba// de ni bla med rnyed par 'gyur// rdo rje snying pos gsol pa/ sa ni puk+ka sI bshad pa/ / gang phyir gti mug sra ba nyid// sku ni rnam snang nyid gsungs pa// ji ltar mi bskyod phyag rgya lags// bcom ldan 'das kyis bka' stsal pa// sems spangs nas ni lus kyis ni/ mdzes pa gzhan du mi 'gyur ro// de phyir rnam par snang mdzad sems// sku la thugs kyi phyag rgyas gdab// rdo rje snying pos gsol pa/ chu khams ri khrod mar bshad pa// mi bskyod khu ba'i gzugs can nyid/ / gtso bo mi bskyod phyag rgyas ni// ri khrod ma la phyag rgyar rigs// bcom ldan 'das kyis bka' stsal pa// lus spangs nas ni sems kyis ni// gnas
- 138a
pa gzhan du mthong mi 'gyur/ / de phyir sems ni gti mug 'gyur// thugs la gti mug phyag rgyas gdab// rdo rje snying pos gsol pa/ me ni gdol pa mor bshad pa/ 'dod chags phyag rgyas gdol pa mo// rigs te phyag rgya gzhan min na// ji ltar rin chen phyag rgya lags/ bcom ldan 'das kyis bka' stsal pa// gang phyir 'dod chags khrag bshad pa/ / khrag ni rin chen 'byung gnas nyid// drod ni khrag gi rang bzhin phyir// 'dod chags ser sna'i phyag rgyas gdab// rdo rje snying pos gsol pa/ gang phyir g.yung mo rlung nyid do// don yod rlung gi gzugs can nyid/ / don yod phyag rgyas g.yung mo la// gtso bo phyag rgya rigs par 'gyur// bcom ldan 'das kyis bka' stsal pa// 'dod chags ma gtogs phrag dog ni// gzhan du 'byung ba ma yin te// de phyir 'dod chags phyag rgya yis// mkhas pas g.yung mo phyag rgyas gdab// gang phyir gzugs ni sra ba nyid// dkar mo snang mdzad gsungs pa nyid// sngar gsungs nyid kyi rim pa yis/ / sems kyi bdag po phyag rgyas gdab// de nyid rim pas chom rkun ma// de bzhin ro langs ma nyid dang // de yi rigs pas g+hasma rI// ma log pa las phyag rgya'o// kye yi rdo rje rdo rje 'dzin// snyoms 'jug gnas pa'i lha nyid la// sems can don phyir gtor ma che// de la bdag med mas zhus pa// e baM rnam par bzhugs nas ni// bgegs dang log par
- 138b
'dren pa las/ / sems can rnams kyi srog bsrung phyir// rdo rje sems dpas gtor ma bstan// oM in+da dza ma dza la dzak+Sha/ b+hU da ba h+ni bA u rak+Sha/ tsan+da sudz+dza mA da bA p+pa ta la pA tA le aT+TA sa p+pa swA hA/ i daM ba liM b+huny+dza dzi g+ha pul+la d+hU pa mAM sa pa~M g+ha/ aM b+ha sa p+pa kadz+dza sA da khan+ti khu Ni phe Da gA da/ oM a kA ro mu khaM sar+b+ba d+har+m+ma NAM A d+ya nut+pan+na tASha oM AHhUM phaT swA hA/ gang gi tshe 'di'i gtor mas 'byung po thams cad mchod par byed na rnal 'byor pa rnams legs par 'gyur te/ de rnams la bde ba dri ma med pa dang / lha mo rnams dang / 'gro ba rab tu 'byor pa rnams dga' bar 'gyur ro// gal te 'dir 'byung po'i tshogs kyi phyir rtag tu gtor ma byin na dbang dang / mngon spyod dang / dgra'i sde 'jigs pa dang / bskrad pa dang / gsad pa dang / dgug pa dang / zhi ba dang / rgyas par yang 'gyur ro// rdo rje snying pos gsol pa/ phyag rgya gang gis mkha' spyod ma// gang gi phyag rgyas sa spyod ma// gtso bo bdag gis sngar ma 'tshal// bcom ldan ji ltar phyag rgya bgyi// bcom ldan 'das kyis bka' stsal pa// gsang gsum 'khor lo'i dbus su ni// sku gsung thugs su phye ba las// steng dang 'og dang dbus gnas pa'i// 'khor lo'i dbus su rnam par gnas// sa spyod sku yi phyag rgya can// steng zhal sku yi rdo rje ma// mkha' spyod 'dod chags phyag rgya can// 'og zhal gsung gi rdo rje ma// thugs kyi rdo rje bdag med ma// sems ni bdag med tshul can nyid//
- 139a
sems ni dbus kyi gnas su ste// des na bdag med ma dbus skye// rgyas par rab tu phye ba las// rigs ni rnam pa drug tu brjod// rnam gsum rnam pa lnga nyid kyang // bshad kyis rnal 'byor ma nyid nyon// mi bskyod rnam snang rin chen 'byung // dpag med phrag dog rdo rje sems// zhe sdang gti mug ser sna dang // 'dod chags phrag dog bde ba dag/ 'dis ni rim pas sgom pa nyid/ / rdo rje sems dpa' spangs nas ni// phyi nas rigs ni rnam pa lnga// 'dod chags zhe sdang gti mug gis// de rjes rnam pa gsum du 'gyur// mi bskyod zhe sdang gzugs can gyi/ / thugs kyi bdag po rigs gcig nyid// zhe sdang rdo rje'i byin rlabs 'di// rigs ni drug dang lnga ru brjod// kye'i rdo rje las rgyud thams cad kyi phyag rgya bsdus pa'i don zhes bya ba'i le'u ste/ bzhi pa'o// // phyag ni bcu drug zhal brgyad pa// zhabs bzhi pa dang 'jigs pa po// dpa' bo thod pa'i 'phreng ba can// bdag med mas ni mgul nas 'khyud// phyag rgya lnga ni 'dzin lha la/ / bdag med ma ni nyid kyis zhus// bco lngas yongs su bskor ba yi// bdag gi 'khor lo khyod bshad na// khyod kyi dkyil 'khor ji ltar lags// gtso bo bdag gis sngar ma 'tshal/ / bdag med tsum b+ha na mdzad nas// rdo rje thod par stsal nas ni// lha yi nu ma mnyed mdzad de// dkyil 'khor yang dag rab tu dbye// 'khor lo ji ltar sngar gsungs pa// do shal do shas
- 139b
phyed pas brgyan/ / mtshams bzhi pa la sgo bzhi pa// rdo rje srad bus yang dag brgyan// 'dod chags chen po'i rjes chags pas// lhan cig skyes dga'i rang bzhin las// khyod dang lhan cig bzhin bzang ma/ / de la dbus su nga yod de// zhal brgyad pa la zhabs bzhi pa// phyag ni bcu drug dag gis brgyan// bdud bzhi mnyam par mnan pa nyid// 'jigs pa yang ni 'jigs pa po// mgo bo'i 'phreng ba'i do shal mdzad/ / nyi mar bzhugs shing rol mor bcas// kha dog nag po 'jigs pa po// sna tshogs rdo rje spyi bor 'dzin// nyid kyi zhal nas hUM spro zhing // thal bas lus la byugs pa nyid// bdag med lhan cig mnyam sbyor zhing // dga' ba gnyis gnyis snyoms 'jug pas// dpa' rlabs med pa'i bde ba thob// rlom sems med pa'i rang bzhin can// rtsa ba'i zhal ni nag po che// g.yas pa la ni kun da mtshungs/ / g.yon pa dmar zhing cher 'jigs pa// spyi bo'i zhal ni gtsigs pa can// spyan ni nyi shu rtsa bzhi che// lhag ma'i zhal ni bung ba bzhin// grong khyer nyams dgar khyod dang // dga' bas shin tu rol pa las// dkar mo dbang po'i phyogs phyung nas// shar gyi sgo ru yang dag gnas// srub dang srub pa'i sbyor ba las// chom rkun ma yang phyung nas ni// phyung nas lho yi sgo ru ni/ chom rkun ma ni sgo srungs ma// bo la kak+ko la sbyor bas// ro langs ma yang phyung nas ni// phyung nas nub kyi sgo ru ni// bdud 'joms ma ni rnam par gnas// dga' ba chen po'i snyoms 'jug
- 140a
las/ g+hasma rI yang phyung nas ni// phyung nas byang gi sgo la ni// 'jigs pa'i gzugs can ma nyid gnas// gnyis kyis bskyod pa'i sbyor ba las// puk+ka sI yang phyung nas ni// phyung nas dbang ldan mtshams su ni// drag po'i gzugs can ma nyid gnas// yang ni srub pa'i sbyor ba yis// 'tshed pa'i mtshams su ri khrod ma// srin po'i mtshams su gdol pa mo// rlung gi mtshams su g.yung mo nyid/ / de nas rdo rje chags chen las// rig mar bcas pa khu bar 'gyur// sna tshogs glu yi mchod pa las// de nas lha mo rnams kyis bskul// rje btsun snying rje'i yad bzhengs shig/ puk+ka sI ni bdag la skyobs// stong pa'i rang bzhin nyid spongs la// bdag la bde chen sbyor bzhed mdzod// khyod med na ni bdag 'gum pas// kye yi rdo rje khyod bzhengs shig/ stong pa'i rang bzhin nyid spongs la/ / ri khrod ma 'bras grub par mdzod// dga' gtso 'jig rten mgron gnyer ba// stong pa nyid la bzhugs sam ci// khyod med phyogs ni mi 'tshal bas// gdol pa mo bdag zhu ba bgyid/ / bdag gis khyod kyi thugs 'tshal gyis// mig 'phrul mnga' ba khyod bzhengs shig/ g.yung mo bdag ni dran nyams pas// snying rje rgyun chad ma mdzad cig/ glang po rta bong glang rnga mo/ / mi dang sha ra b+ha byi la// g.yas pa'i thod pa brgyad rnams la// gnyis 'thung la sogs rim shes bya// sa dang chu dang rlung dang ni// me dang zla ba nyi ma nyid// mthar byed dang ni nor sbyin nyid//
- 140b
g.yon pa'i thod pa brgyad na'o// sgeg cing dpa' bo mi sdug pa// rgod cing drag shul 'jigs rung ba// snying rje rngam dang zhi ba yis// gar dgu'i ro dang ldan pa nyid// aM dang hUM gi rdo rje che// ba'i gzugs las bzhengs nas ni// zhabs rnams sa la rdeb pa dang // lha dang lha min bsdigs par mdzad// gaM tsaM baM g+haM paM shaM laM DaM// 'di yi sa bon phyung ba dang // bdag po'i sa bon dag gis ni/ aM hUM sngon po 'bar 'jigs pas// ma mo'i 'khor lo grong nyams dgar// kha dog nag po 'jigs chen po// bdag med bde ba sbyin pa po// gtso bo 'di ltar sgom pa nyid// dkar mo'i g.yas na gri gug ste/ / de bzhin g.yon na ro hi ta// chom rkun ma g.yas cad te'u ste// g.yon pa'i phyag na phag pa nyid// ro langs ma g.yas rus sbal te// g.yon pa yis ni pad+ma'i snod// g+hasma rI yi g.yas na sbrul// g.yon pas rnal 'byor lhung bzed nyid// puk+ka sI g.yas seng ge ste// g.yon pas dgra sta de bzhin no// ri khrod ma g.yas dge slong ste// g.yon pas gsil byed de bzhin no/ / gdol pa mo g.yas 'khor lo ste// g.yon pas thod pa de bzhin no// g.yung mo'i g.yas na rdo rje nyid// g.yon na sdigs mdzub de bzhin no// skyil krung phyed pa'i gar gyis gnas/ / dkar mo la sogs phyag gnyis brjod// spyan gsum sgra ni gyen du ste// phyag rgya lnga yis rnam par brgyan// gau rI kha dog nag por 'gyur// chom rkun ma ni btsod dang mtshungs/
- 141a
ro langs ma ni gser bcos bzhin// g+hasma rI ni mar gang mtshungs// puk+ka sI ni dbang sngon mtshungs// ri khrod ma ni zla nor 'od// gtum mo nam mkha'i sngo bsangs ma/ g.yung mo sna tshogs pa zhes brjod// tshangs pa dbang po nye dbang drag/ gshin rje dang ni nor bdag dang // bden bral dang ni thags bzang ris// gau rI la sogs pa yi gdan// bo la gzhib par mdzad nas ni/ / ngam du 'khyud cing 'o mdzad pas// bcom ldan gus pas mchod nas ni// bdag med ma yis sngags zhus so// bud med rnams kyi dbang byed sngags// de bzhin gdug pa bsdigs pa dang / / klu rnams sdigs par byed pa nyid// lha dang lha min rnam nyed pa// de ni nga yis bshad bya yis// lha mo bde ba sbyin ma nyon// sangs rgyas byang chub sems dpa' la// bdag gis gzhan du ma bstan no/ / 'di yi sngags kyis gang byung dang // rdo rje sems dpas gang mdzad pa// lha mo shin tu 'jigs pa ste// ngo mi chog pas khyod la bshad// 'bar ba'i 'phreng ba 'khrug pa yis// dkyil 'khor rab tu bzhengs nas ni// rdo rje snying po dbang sbyin phyir// thig le mchog ni bkug pa nyid// bzlas pa khri yis gsal ba dang // sgra ring ba dang bzang ba yis// kye yi rdo rje sbyor ldan pas/ / btsun mo thams cad dgug par bya// bzlas pa 'bum gyis rnal 'byor bdag/ kye yi rdo rje'i rnal 'byor gyis// dogs pa med pa'i sems kyis ni// 'di yis las rnams thams cad byed//
- 141b
rig byed rnams kyi dang po sbyin// zla phyed thig les rnam par brgyan// de nas/ alpA na nA ya pi ga Ur+d+ha ke sha bar+t+ta ne/ tsa turbi sha ti ne tA ya/ de'i rjes su/ Sho Da Sha b+hu dzA ya/ kr-iSh+TA dzI mU ta wa pu She ka pA la mA lA ne kaM d+hA ri Ne/ a d+hA ta krU ra tsit+tA ya ar+d+hen du daMSh+mi Ne/ oM mA ra ya mA ra ya/ kA ra ya kA ra ya/ gar+dz+dza ya gar+dz+dza ya/ tar+dz+dza ya tar+dz+dza ya/ sho Sha ya sho Sha ya/ sap+ta sA ga rA na/ ban+d+ha ban+d+ha na gAny+dza kAM gr-ih+Na gr-i h+Na sha hUM/ / ha hA hi hIM/ hu hU/ he haM/ ho hau/ haM haHphaT swA hA/ de nas lha mo de dgyes nas// srub dang srub pa'i sbyor ba las// dam du 'khyud dang 'o byed pas// dkyil 'khor yid du 'ong ba zhus/ / de la ston pa ye shes che// rdo rje pad+ma mnyam sbyar nas// dgyes pa'i thugs kyis mnyam bzhag pas// nyid kyi dkyil 'khor bri bar mdzad// 'phar ma gcig dang sgo bzhi pa// sna tshogs 'od kyis yang dag 'khrug/ rta babs bzhi dang yang dag ldan// rdo rje srad bus mnyam par brgyan// re khA lnga dang yang dag ldan// de nas bum pa brgyad po bri/ rin chen lnga yi phye ma'am// yang na 'bras la sogs pa 'am// dur khrod kyi ni so phag gam// de bzhin dur khrod sol ba yis// de dbus pad+ma 'dab ma ni// brgyad pa ze bar bcas pa bri/ snying por skyes pa'i thod pa nya mdog dkar cha ni gsum pa bri/ / dbang ldan du ri sha ra b+ha// me yi mtshams su dge slong bri// bden bral du ni 'khor lo bri// rlung du rigs kyi bdag po bri// shar sgor de bzhin gri gug nyid//
- 142a
lho ru cang te'u bri ba nyid// nub tu rus sbal bri ba nyid// lto 'phye byang du de bzhin no// lha mo kha dog dbye ba yis// phyag mtshan brgyad du rab tu grags// dbus su thod pa dkar po yang / / sna tshogs rdo rjes mtshan pa bri// de nas rnam rgyal bum pa nyid// yal ga'i rtse mo gos bzang can// lto ba rin chen lngas gang ba// sA lu skyes pas yongs bkang gzhag/ mang du rab tu brjod pas ci// ji ltar de nyid bsdus pa yi// dkyil 'khor cho ga de bzhin bya// bcu gnyis brgyang gnyis lon pa yi// rig ma bde chen brgyad po nyid// do shal rkang gdub kyis brgyan nas/ / dkyil 'khor du ni rab tu gzhug/ ma dang sring mo nyid dang yang // bu mo sring mo'i bu mo dang // de bzhin zhang po'i chung ma dang // ma yi spun dang sgyug mo dang // de bzhin pha yi srid mo nyid/ / rig ma brgyad du rab tu grags// dam du 'khyud dang 'o byed pas// 'di rnams rnal 'byor pa yis mchod// de las ga pur btung ba nyid// des ni dkyil 'khor bsang gtor bya// de rnams rnal 'byor pas btung bya// dngos grub myur du thob par 'gyur// de la chang yang btung ba dang // sha dang sA lu skyes pa bza'// de yang gos dang bral byas nas// b+ha gar 'o ni yang yang byed/ / des kyang po la gzhib par bya// gar bya glu yang blang bar bya// bo la kak+ko la sbyar nas// de la rtsed mo rtse bar bya// de nas thun tshod gnyis pa la// gos kyis mig ni bkab nas
- 142b
su/ / der ni slob ma gzhug pa nyid// phyi nas dkyil 'khor rab tu bstan// mtshan mo skye bo med khyim du// slob dpon la sogs rab phye nas// dbang ni ji ltar gsungs pa nyid// de la dbang ni sbyin par bya/ / ji ltar mchod dang bstod bshad pa// slob ma bzang pos sngar shes bya// de la de nyid bstan pa ni// dga' bral dang po mchog mtha' can// thams cad rgyud du sbas pa ste// mtha' yi mtha' yis phye ba nyid// rdo rje mchod pa rab sbyar nas// de la lha mo des zhus pa// lha de'i skad cig ji ltar lags// gtso bo chen po bshad du gsol// bcom ldan 'das kyis bka' stsal pa/ / der ni thog ma dbus mtha' med// srid med mya ngan 'das pa med// 'di ni mchog tu bde chen nyid// bdag med gzhan yang med pa nyid// longs spyod kyi ni rlabs gnyis/ la/ rang gi g.yas dang lag gzhan gyi// mthe bong dang ni srin lag gis// de ni rnal 'byor pa yis btsir// de nas ye shes skye bar 'gyur// de las ci zhig skye zhe na// gzhon nu'i dga' ba ji lta 'am/ / lkugs pa'i rmi lam ji lta ba'o// mchog gi mtha' dang dga' bral dbus// stong dang stong min he ru ka/ kye'i rdo rje las kye'i rdo rje mngon par 'byung ba zhes bya ba'i le'u ste lnga pa'o/ / / lha mo la ni dam 'khyud cing // bo la thod par bcug nas ni// dam du nu ma bzung mdzad nas// skyes pa'i sna ni gzhibs nas kyang // tshems kyis ma mchu bci
- 143a
nas ni/ / mtshan khung sen mos rma mdzad de// mnyam sbyor bde ba myang mdzad nas// phyag rgya lnga ni rab phye ba// bla ma slob dpon 'dod lha la// phyag 'tshal don du 'khor lo 'dzin/ / bla ma rdo rje 'dzin pa la// smod tshig mi nyan pa yi phyir// rna ba dag tu rna cha 'dzin// sngags kyi bzlas pa'ang mgul rgyan nyid// gdub bu srog chags gsod pa spangs// phyag rgya bsten pa ska rags nyid/ / sangs rgyas lnga yi phyag rgyas ni// rtag tu lus la phyag rgyas gdab// de nas rab tu bzhang mdzad nas// tshems kyis ma mchu btsir nas ni// kye yi rdo rje zhes bya ba// ldan cig skyes pa'i gzugs can nyid// de la lha mo des zhus pa// gtso bo cho ga gang gis dang // de bzhin bya ba gang gis ni// kye yi rdo rje'i bris sku yi// byed pa bde ba chen pos gsungs// bcom ldan 'das kyis bka' stsal pa// 'dir na 'bri mkhan dam tshig can// sgrub po'ang dam tshig can gyis ni// bris sku 'jigs pa bri ba nyid// skyes pa'i thod gnas kha dog lnga// ro yi/ sgra yi pir nyid kyis// bris sku bla ma bri ba nyid// gang gang skud pa 'khal ba dang // gang gang ras yugs 'thag pa yang // de yang dam tshig can nges pas// dam tshig byin brlabs rnal 'byor las/ / zla ba zla ba'i mar ngo yi// bcu bzhi pa la khyim dben par// phyed na ma rung sems kyis ni// chang gi btung ba cung zad las// lus la ni raM shu bsams nas// de bzhin /
- 143b
gcer bur gyur pas kyang // 'bags pa dang ni ma dag pas// de nas dam tshig rab tu bza'// bzhin bzang snying rje ldan pa dang // gzugs dang lang tsho skal bzang ma// me tog bcas shing sgrub por dga'/ / rang gi phyag rgya g.yon du gzhag/ kye'i rdo rje las bris sku'i cho ga'i le'u ste drug pa'o// / de nas de la lha mos zhus// bo la kak+ko la sbyar nas/ / tshems kyis ma mchu btsir nas ni// glegs bam yang ni ji ltar 'gyur// rdo rje pad+ma mnyam sbyar nas// dgyes pas lha yis rab phye ba// glegs bam nga yis bshad bya yis// lha mo skal ba chen mo nyon// sbrang chen snag tsha byas nas ni// mi yi rus pa'i sbu gus ni// glegs bam sor ni bcu gnyis pa// gro gar dam tshig can gyis bri// glegs bam dang ni bris sku nyid/ / gal te skal med mthong na ni// skye ba 'dir ni dngos grub med// 'jig rten pha rol spyod yul med// yang dag rab sbyin ldan pa la// res 'ga' tsam zhig bstan pa nyid// glegs bam lam gyi spyod yul du// skra dang mchan khung nyid du sba// b+ha gar ling ga rab bzhag nas// yang dang yang du'o mdzad nas// bde chen mnyam par myang mdzad de// rdo rje can gyis bza' ba bsngar/ / tshogs kyi dkyil 'khor bza' ba ni// nyon cig lha mo mig yangs ma// gang du zos pas 'dod don kun// sgrub pa can gyis dngos grub 'gyur// dur khrod ri yi bya
- 144a
skyibs dang / / de bzhin mi med grong khyer dang // yang na dben pa'am rgya mtsho'i mthar// bza' ba 'di ni rab tu bza'// de la gdan du brtags pa ni// ro yi gzugs can dgu dang ni/ / yang na stag gi pags pa dang // dur khrod ras ni de bzhin no// dbus su kye yi rdo rje'i gzugs// ji ltar sngar bzhin gnas shes nas// phyogs dang phyogs bral dag tu yang // / de nas rnal 'byor ma rnams dgod// dam tshig mA la tin+t+ra naM// stag gi pags pa'i steng du bza'// 'bad nas rgyal po'i sA lu yi// bza' ba der ni bza' ba nyid// der ni zos nas zos nas kyang / / der ni ma mo mchod par bya// sring mo bu mo sgyug mo dang // gal te ma sring yin na yang // de rnams rtag tu legs mchod na// tshogs kyi dkyil 'khor 'grub par 'gyur// skyes pa'i thod chen cha gcig par// chang ni bzang pos yongs bkang ste// bla ma la dbul skal chen ma// phyag 'tshal nas ni rang yang btung // pad+ma'i lag pas blang ba dang // de nyid kyi ni lag pas dbul/ / yang nas yang du rab 'dud pa// de ltar sgrub pa po yis bya// kye'i rdo rje las bza' ba'i le'u ste bdun pa'o// / de nas rnal 'byor mas zhus pa/ phyag rgya chen po ji lta bu// kun rdzob rnam pa'i gzugs kyis ni// bde ba sbyin pas bshad du gsol// bcom ldan 'das kyis bka' stsal pa// shin tu ring min thung ba min// gnag pa ma
- 144b
yin dkar ba min/ / pad+ma'i 'dab ma'i rnam pa 'dra// de yi dbugs ni dri zhim ldan// rdul yang dri zhim ldan 'gyur te// ri dwags lte ba'i dri dang mtshungs// pad+ma la yang dbang mchog dri/ skad cig pad+ma khA bur 'byung // de yi ga pur sih+la dag/ mkhas pas dri bzang mtshon par bya// ut+pa la yi drir 'gyur zhing // a ka ru ni nag po mtshungs// dal zhing mi g.yo ba nyid dang / snyan par smra zhing yid 'ong ma// skra bzang dbus su gnyer ma gsum// phal pa pad+ma can du brjod// lhan cig skyes pa'i gzugs can ma// de rnyed nas ni dngos grub 'gyur// de nas rnal 'byor ma bdag med mas gsol pa/ bcom ldan 'das smon lam ji ltar gdab par bgyi/ bcom ldan 'das kyis bka' stsal pa// rigs su skye dang dam tshig can// smyo med kye yi rdo rje ston// bla ma la gus snying rjer ldan// skye zhing skye bar 'gyur bar shog/ lag pas rdo rje dril bu 'khrol// zab mo'i chos ni klog pa dang // btsun mo'i khu ba mnyam zas can// skye zhing skye bar 'gyur bar shog/ de nas lha mo de dgyes nas// tshig ni 'di nyid yang zhus pa// skal med sems can gdul dka' ba// gang gis 'dul bar 'gyur ba lags// bcom ldan 'das kyis bka' stsal pa/ dang por gso sbyong sbyin par bya// de rjes bslab pa'i gnas bcu nyid// de la bye brag smra ba bstan// mdo sde pa yang de bzhin no// de nas rnal 'byor spyod pa nyid// de yi rjes su dbu ma bstan//
- 145a
sngags kyi rim pa kun shes nas// de rjes kye yi rdo rje brtsam// slob mas gus pas blangs nas ni// 'grub 'gyur 'di la the tshom med// kye'i rdo rje las 'dul ba'i le'u ste brgyad pa'o/ / // de nas kha sbyar 'byed pa yi// mtshan nyid yang dag rab tu bshad// gang gis rnam par shes tsam gyis// sgrub pos dngos grub thob 'gyur ba// bsgrub bya'i lte ba'i rtsa ba la/ / brtul zhugs can gyis lag pas gdon// he ru ka mnyam rnal 'byor gyis// nang gi ma rungs sems kyis ni// 'di ni bsgoms pa tsam gyis ni// sangs rgyas kyang ni nges par 'jig/ bstan la gnod pa byed pa dang // bla ma sangs rgyas 'jig pa ni// bla ma thub pa la zhus nas// snying rjes gsad par bya ba nyid// ji ltar phyugs kyi gzugs mthong nas/ khrag ni skyug pa nyid dang yang / / 'dar zhing mgo skyes grol ba dang // kha ni 'og tu rnam par sgom// de yi lam du khab ni me'i// gzugs can 'jug par bsam pa ste// snying kar byin za'i sa bon nyid// dmigs nas skad cig gsod par byed// rgyud 'di la ni sreg blugs med// phyag rgya bcing dang bya ba'ang med// rgyud chen bklags pas 'grub pa nyid// bsam gtan tsam gyis 'grub par 'gyur/ / rtog med dngos grub sbyin pa po// srid pa sbyong ba nyams dga' bar// gsang ba mchog ni bshad bya yasi// nyon cig lha mo bzhin bzang ma// rin chen gzi brjid 'bar ba yi//
- 145b
'phreng ba 'khrug pa lha mo ltos// ma phug pas ni sbyor bral 'gyur// phug pas dga' ba sbyin pa po// de ltar 'khor bar 'dod pa yi// yon tan lnga ldan rin chen nyid// ma dag pas ni dug tu 'gro/ / dag pas bdud rtsi lta bur 'gyur// 'khor ba'i rnam pa he ru ka/ 'gro ba sgrol ba'i gtso bo nyid// gang gi gzugs kyi 'gyur ba nyid// de ni nga yis smra yis nyon// snying rje'i spyan ni dmar po la/ / byams pa'i thugs las yan lag gnag/ bsdu ba'i dngos po bzhi yis ni// zhabs ni rnam pa bzhi zhes brjod// zhal brgyad rnam par thar pa brgyad// phyag ni stong pa bcu drug nyid/ / gug skyed kyis ni sangs rgyas lnga// gdug pa 'dul phyir khro bo nyid// de nyid gsum ni spyan gsum mo// sha ni puk+ka sI ru brjod// de bzhin khrag ni ro khrod ma// gdol pa mo ni khu bar brjod/ / g.yung mo rkang dang tshil bu dag/ pags pa byang chub yan lag bdun// rus pa bden pa bzhi po nyid// bdag med mas gsol pa/ sngags btub ni ji ltar 'gyur// gang gi sngags kyis skye bo yi// las kyi dngos grub 'gyur ba nyid// bde ba chen pos bshad du gsol// bcom ldan 'das rdo rje can chen po rdo rje snying po gzi brjid chen pos bka' stsal pa/ sngags ni khyod la ngas bshad kyis// lha mo shes rab chen mo nyon// dang po rnam par snang mdzad sbyin// uSh+ma rnams kyi bzhi pa la// puk+ka sIs brgyan stong pas mnan// mdog
- 146a
dkar mthar ni swA hA sbyar/ / 'dis ni bzlas pa 'bum gyis ni// 'gro ba rtag tu rengs par byed// dang por yi ge'i bdag po gzhag/ de rjes mkha' spyod ma de nas/ mthar ni swA hA sbyar byas na// sangs rgyas rnams kyang dbang du byed// rig byed rnams kyi dang po sbyin// dang po yi ni gnyis pa la// stong bcas mthar ni swA hA sbyar// sangs rgyas kyang skrod shes rab can/ / dang po rnam par snang mdzad sbyin// gnyis pa yau ni gsum pa la// ra dang ldan zhing chu mas brgyan// stong bcas swA hA yang dag ldan// mi rnams thams cad sdang bar byed// dang por yi ge'i dbang phyug gzhag/ lnga pa nyid kyi gsum pa la// stong pa mkha' 'gro ma dang ldan// mthar ni swA hA mngon spyod che// yang ni yi ge'i thu bo sbyin// hUM ni khrag dang 'dra ba la/ mthar ni swA hA thig le mchog/ dga' bzang ma sogs rtag tu 'gugs// gti mug rigs ni dang por sbyin// g+hu ni yang dag rab tu sbyar// mthar ni swA hA yang byas na// lha dang mi rnams gsod par byed/ / dang por rnam par snang mdzad gzhag/ dang po nyid kyi dang po la// rdo rje mkha' 'gro ma dang sbyar// mthar gnas pa yi gnyis pa la// rdo rje mkha' 'gro ma dang ldan// yang ni dang po'i rtse mo la/ / rdo rje mkha' 'gro ma dang ldan// mthar gnas pa yi gsum pa la// yang ni de nyid yang dag ldan// steng du chom rkun ma yis brgyan// de rjes hrIHyi rnam par sbyar// mthar yang
- 146b
swA hA spyod pa nyid/ / ku ru kul+le'i sngags so// oM ni dang po bzhi pa yi// gsum pa chom rkun ma yis brgyan// mthar gnas pa yi bzhi pa la// pi tsu badz+ra sbyar ba dang // uSh+ma rnams kyi brda pa la/ / puk+ka sI yis rnam par brgyan// spong pas mnan cing sum 'gyur nyid// lnga pa yin gnyis pa dang // gsum pa'i dang po mthar swA hA// kye yi rdo rje'i snying po'o// snang mdzad dang po la gnyis/ / sbyar nas lnga pa'i bzhi pa la// mthar gnas rnams kyi dang po ldan// g+hasma rIs ni rnam par brgyan// uSh+ma rnams kyi bzhi pa la// rdo rje mkha' 'gro ma yis brgyan// stong pas mnan cing sum 'gyur nyid/ / lnga pa yi ni gnyis pa dang // gsum pa'i dang po mthar swA hA// phyag bzhi pa'i sngags so// dang por rnam snang dang po yi// dang po nang gi dkar mos brgyan// gsum pa nyid kyi dang po la/ / nang gi dkar mos rnam par brgyan// nyis 'gyur lnga pa'i gsum pa dang // gnyis pa'i gsum pa me yis brgyan// hUM gi rnam pa gsum sbar nas// lnga pa nyid kyi gnyis pa dang // gsum pa'i dang po mthar swA hA/ phyag drug pa'i sngags so// dang po rnam snang bzhi pa yi// dang po byin za yang dag ldan// ro langs ma yis rnam par brgyan// mthar gnas pa yi gsum pa la// g+hasma rI yis rnam par brgyan// dang po yi ni dang po la// mthar gnas pa yi dang po dang // rdo rje ma yis rnam par brgyan// k+Sha ni chom rkun ma yis brgyan// lnga pa nyid kyi dang po dang // uSh+ma
- 147a
rnams kyi bzhi pa la/ / rdo rje mkha' 'gro ma yis brgyan// stong pas mnan cing sum 'gyur te// phaT dang mthar ni swA hA nyid// phyag gnyis pa'i sngags so// bdag med dang po'i dang po dang / / gnyis pa nyid kyi dang po dang // gsum pa nyid kyi dang po dang // bzhi pa yi ni dang po dang // lnga pa yi ni dang po dang // mthar gnas rnams kyi dang po dang // uSh+ma rnams kyi dang po nyid/ / dang por rnam snang mthar swA hA// grong khyer dkrug pa'i sngags kyi bzlas pa ni 'bum mo// mthar gnas rnams kyi gnyis pa dang // k+Sha yi rkang pa gnyis 'gyur nyid// hUM gi rnam pa gsum dang ldan dang po rnam snang phaT nyid kyi/ / rnam pa nang bcug mthar swA hA// sa sbyong ba'i sngags so// dang por rnam snang de rjes su// rdo rje ma yi mtha' ru hUM// bza' ba dang datung ba byin gyis brlab pa'o// dang por rnam par snang mdzad nyid/ / de rjes a kA ro mu khaM// uSh+ma rnams kyi gsum pa dang // mthar gnas pa yi bzhi pa ni// steng du me yis rnam par brgyan// d+har+m+ma NAM de rjes rdo rje ma// byin la d+ya nut+pan+na tAtra/ oM AHhUM phaT swA hA/ 'byung po thams cad kyi gtor ma'i sngags so// kye'i rdo rje las sngags btu ba'i le'u sde dgu pa'o// de nas chos kun sdom cig pa'i// rdo rje sems dpa' zhes byas gsungs/ / bdag med ma la 'o mdzad nas// bzlas pa'i yul ni rab tu dbye// shel gyis rengs pa'i bzlas pa nyid// dbang la tsan dan dmar po nyid// lung tang gis ni mngon
- 147b
spyod nyid/ / ni raraM shus ni sdang ba la// rta yi rus pas skrod pa nyid// bram ze'i rus pas dgug pa nyid// glang po'i rus pas char pa la// ma he yis kyang gsad pa la// rengs par 'o ma'i btung ba nyid/ / dbang la rang gi 'dun pas spyad// gsad pa la ni si h+la nyid// dgug pa la ni bzhi mnyam nyid// sdang la sA lu skyes pa brjod// bskrad pa nyid la gla rtsir brjod// yang na mtha'i sha dang / dang po'i sha dang / na dang po dang / ga dang po dang / ha dang po nyid kyang de bzhin no// kye'i rdo rje las bzlas pa'i le'u zhes bya ste bcu pa'o// / kye'i rdo rje la dam 'khyud cing / tshems kyis ma mchu btsir nas ni// lus can rnams kyi rigs kyi gzugs// de la bdag med mas zhus pa// b+ha gar ling ga bzhag nas ni// 'khor lo'i 'dren pas 'di skad gsungs// lus can rang gi rigs bshad kyis/ / shes rab pha rol phyin ma nyon// bud med dam ni skyes pa yi// gang gi srin lag rtsa ba la// rdo rje rtse dgu par gyur pa// mi bskyod pa yi rigs mchog nyid// rnam snang mdzad kyi 'khor lor gyur/ / dpag med mgon gyi 'dam skyes nyid// rin chen 'byung gi rin chen nyid// las kyi rigs kyi ral gri nyid// rnal 'byor pa gang nag po nyid// de yi lha ni mi bskyod pa// rnal 'byor pa gang dkar po che/ / de yi ldan rnam snang mjed// rnal 'byor pa gang sngo bsangs che// de yi lhani don yod nyid// rnal 'byor pa gang ser po che// rin chen bdag po rigs kyi lnga// rnal
- 148a
'byor pa gang dkar dmar nyid/ / 'od dpag med pa rigs kyi lnga// rnal 'byor pa gang dkar dang ser// de ni sems dpa'i rigs su 'gyur// skye bo rnal 'byor mthar phyin pas/ nga rgyal mi bcag mtho mo btsam// kun rdzob gzugs su gnas nas ni// de rnams bde gshegs rigs su 'gyur// bud med rnams kyi mtshan nyid ni// ji ltar skyes pa de bzhin no// kun rdzob tha spyad tshul las ni/ / de yi rigs su'ang de 'gyur ro// b+ha gar ling ga'i 'o mdzad nas// de la rdo rje che mnyes nas// bdag med ma yis go mdzad pa// lha mo rab tu mchod pa nyon// tshal dang skye bo med gnas dang / / bdag gi khyim gyi nang du yang // gcer bus phyag rgya che byas nas// rnal 'byor rig pas rtag tu mchod// 'o dang 'khyud pa byas nas ni// de bzhin b+ha gar reg pa nyid// skyes pa'i sna ni gzhib pa dang // ma mchu'i sbrang rtsi btung ba nyid// rtag tu myos pa'i mtshan ma las// bo la ldan pas lag pas bya// khyogs dang brla zhes bya ba dang // de bzhin shin tu skal ba yis/ / yang yang rdo rjes 'dod pa bya// steng dang 'og tu lta ba nyid// dngos grub rgyas pa thob pa ste// sangs rgyas kun dang mnyam par 'gyur// de la ga pur btung bar bya// de la ga pur rgyu yi phyir/ / sha ni bza' ba nyid du 'gyur// khyad par du ni chang nyid do// kye'i rdo rje las lhan cig skyes pa'i sbyor ba'i don gyi le'u zhes bya ba ste bcu gcig pa'o// // de nas
- 148b
rje can gyis dbang / / bzhi pa'i don ni bka' stsal pa// rdo rje rab gnas rdo rje nyid// tshe dang dril bu chen po zung // ngi ring rdo rje slob dpon 'gyur// slob ma bsdu ba nyid du gyis// ji ltar 'das pa'i sangs rgyas kyis/ / byang chub sras rnams dbang bskur ba// bdag gi gsang ba'i dbang gis ni// sems kyi rgyun gyis dbang bskur ro// lha mos dga' sbyin gnas sbyin ma// sna tshog gzugs can yid 'ong ma/ / khyer cig khyer cig sems dpa' che// khyer la mchod pa rtag tu gyis// ye shes 'di ni ches phra zhing // rdo rje nam mkha'i dkyil lta bu// rdul bral mthar phyin zhi ba nyid/ / khyod rang yang ni de yi pa// rdo rje dang pad+ma byin gyis brlab pa'i sngags ni/ oM pad+ma su khA d+hA ra ma hA rA ga su khaM da da tsa tu rA nan+da b+hA ga bi shwa hUM hUM hUM kAr+yaM ku ru Sha me/ oM badz+ra ma hA dwe ShaH / tu rA nan+da dA ya kaH/ kha ga mu khaM ka ra so nA tha hUM hUM hUM kAr+ya ku ru Sha me oM AHhUM/ spyi bor ni oM gyi rnam pa/ snying kar ni hUM gi rnam pa/ ze 'bru la ni AH'i rnam pa'o// rgyud kyi rgyal po sgyu ma'i brtag pa zhes bya ba brtag pa sum curtsa gnyis las phyung ba brtag pa gnyis kyi bdag nyid kyi'i rdo rje mkha' 'gro ma dra ba'i sdom pa'i rgyud kyi rgyal po chen po rdzogs so/ / gar gyi mkhan po ga ya d+ha ra'i zhal snga nas dang / bod kyi lo tsa ba dge slong shAkya ye shes kyis bsgyur cing zhus te gtan la phab pa//
- 149a
gar skad du/ Ar+ya DA ki nI badz+ra pany+dza ra ma hA tan+t+ra rA dza kalpa nA ma/ bod skad du/ 'phags pa mkha' 'gro ma rdo rje gur zhes bya ba'i rgyud kyi rgyal po chen po'i brtag pa/ kye'i rdo rje la phyag 'tshal lo/ / nam mkha' bems bcas dang ba dang // go skabs med dang 'byed pa dang // sna tshogs rdo rje'i gzhi gnas khang // sems can khams dang yid 'ong dang // sems can snod dang 'jig rten dang / / sa dang sa 'og par snang dang // yid dang lus dang ngag dang ni// gcig dang gnyis dang mkha' bde dang // drug dang lnga dang drug gnyis dang // bzhi dang skye 'gro rnams/ dang ni// gcig gis nyi shur ma tshang dang // khams gsum ma lus pa dang ni// pha dang bu dang ma mo dang // phyi rol dang ni nang dang ngam// btsun mo kun dang chos dang ni// thams cad las dang bdag med dang / / 'bras bu rgyu dang bya ba zhes// bsgrub bya sgrub thabs rdo rje dang // de bzhin kun gzhi rnam shes dang // chos kyi dbyings dang ma byung dang // nam mkha'i khams dang rang dbyings dang / / bdag med pa dang bdag ces dang // dngos po med dang dngos med min// bde ba can dang gru gsum dang // a skyes dang ni skyon bral dang // rdul bral dang ni sdig bcom dang // dpa' rlabs med pa'i rang bzhin dang / / mthar ni zhi ba'i bde rig dang // gsang dang mchog dang dgyes pa la// sangs rgyas kun khyab sems dpa' ni// mkha' 'gro ma yi rdo rje gur// 'di ni rang byung
- 149b
bcom ldan 'das/ / lha yi bdag po gcig pu nyid// thams cad bdag nyid rtag tu bzhugs// 'bum phrag lnga bdag kye'i rdo rje// las ni dkyil 'khor lnga gsungs pa// rdo rje can dang phan pa dang / / de bzhin rdo rje gzi brjid nyid// pad+ma gar gyi dbang phyug dang // rta bdun rgyal po lnga po'o// rdo rje mkha' 'gro'i dkyil 'khor du// dkar mo rkun ma ro langs ma// g+hasma ri dang puk+ka sI// ri khrod gdol pa g.yung mo'o// rdo rje phan pa'i dkyil 'khor du// skam pa zhags pa nyi ma dang // rol zlum ma dang lcags kyu 'dzin// me tog ma sogs mtshams kyi char// rdo rje nyi ma'i dkyil 'khor du/ / nyi lag ma dang mar me dang // rin chen sgron ma glog lag ma// lA s+ye la sogs mtshams char ro// pad+ma chos 'byung lcags sgrog dang // 'khyud ma gar gyi dkyil 'khor du/ gling bu ma sogs mtshams kyi char// bdag nyid cha byad sbyor bas so// rta yi rgyal po'i dkyil 'khor du// rdo rje sgo lcags lde kyog ma// sgo ma dang ni gos 'dzin ma// de bzhin mtshams su spyan la sogs/ / rdo rje mkha' 'gro de rnams kun// rkang pa g.yon pa brkyang bas gnas// snying khar g.yon bcangs sdigs mdzub ste// kha dog sna tshogs che 'bar ba'o// shin tu zhe sdang zhe sdang tsho// go rI la sogs rab tu grags// shin tu gti mug rmongs chen las// skam pa ma sogs cher gzung ngo // shin tu gzi brjid cher gsal ba// nyi ma la sogs rab tu grags// shin tu 'dod
- 150a
chags chen po la/ / pad sogs chos kyi dkyil 'khor du'o// phrag dog chen po'i sgrib chen las// sgo lcags ma sogs myur 'gro bdag/ rgyal ba mgon po phan pa ni// gti mug thams cad zad par mdzad// rdo rje nyi ma rgyal po che// rnam par rtog pa'i rab rib 'phrog/ rta mgrin 'dod pa chen po ni// 'dod chags can gyi byang chub ster// rdo rje mgyogs 'gro phrag dog che/ / theg pa gzhan ni rnam par spangs// rdo rje sems dpa' rgyal po che// mi bskyod ye shes 'byung ba'i gnas// skye 'gro mi zad mgron gnyer phyir// sgrib pa lnga ni 'joms pa po// de bzhin gshegs pa'i rnam par dag pa'i rdo rje zhes bya ba'i ting nge 'dzin to/ / zhe sdang gti mug nga rgyal dang // 'dod chags ser sna skye bo rnams// bsdu phyir rang gi 'khor lo la// rdo rje gzugs ni dum 'dzin/ / shin tu gdug pa drag po la// zhi ba nye bar mi sbyar te// 'di mkhyen rdo rje can chen ni// rang gis kye yi rdo rjer 'gyur// shin tu stong par zhen rnams kyi// yod min brtul zhugs 'dzin rnams kyi/ / sangs rgyas gti mug spyod don du// rdo rje rdzogs pa'i sangs rgyas 'gyur// shin tu nga rgyal gdug rnams kyi// skye 'gro'i nga rgyal zad par mdzad// rdo rje nyi ma bdag nyid rgyal// nga rgyal chen po'i mun pa 'joms// byang chub chags bral las skyes spangs// sems can gang zhig bde byed pa// chags pas byang chub rab grub phyir// pad+ma gar gyi dbang phyug 'gyur//
- 150b
thams cad mkhyen pa'i lam gnas shing // gang zhig lam gzhan nas 'gro ba// de rnams byang chub rab sbyin phyir// rdo rje mgyoms 'gro rang gtso bo// dbang po gang dang gang lam nyid// de dang de yi ngo bor 'gro/ / mchog tu phan pa'i rnal 'byor gyis// sangs rgyas kun gyi bdag nyid 'gyur// gang dang gang gis dngos po yis// skyes pa rnams kyis yid sbyor la// des na de yi rang bzhin 'gyur/ / sna tshogs gzugs nor ji bzhin no// gang dang gang gis 'dul ba yi// sems can 'dul bar 'gyur ba ste// de dang de yi rnam pa yis// chos kyi bshad pa bya ba'o// sems kyi rdo rje las byung ba'i/ / sems can sna tshogs rang bzhin can// sems ni rang gi rnam rtog gis// skye bo'i dri mas nag por byas// de bas kun tu rab 'bad pas// sems kyi rdo rje rnam par sbyang // sems dag pa ni bde ba yi// nyon mongs dug ni thams cad 'phrog/ gal te stong pa thabs yin na// de tshe sangs rgyas nyid mi 'gyur// 'bras bu rgyu las gzhan min phyir// thabs ni stong pa nyid ma yin/ / lta ba rnams la log rnams kyi// bdag tu lta ba tshol rnams kyi// bdag zhen bsam pa bzlog pa'i phyir// stong pa rgyal ba rnams kyis gsungs// de phyir dkyil 'khor 'khor lo zhes/ / thabs ni bde ba'i sdom pa ste// sangs rgyas nga rgyal rnal 'byor gyis// sangs rgyas nyid du myur bar 'gyur// ston pa sum cu rtsa gnyis mtshan// gtso bo dpe byad brgyad
- 151a
cur ldan/ / de phyir thabs kyis bsgrub bya dang // de ni thabs kyi gzugs can no// thams cad kyi rnam pa mchog tu zhi ba sems can 'jug pa'i le'u ste dang po'o// / / de nas rdo rje khams gsum thob// rnal 'byor ma ni rdo rje gur// dam tshig mchod pa yid 'ong ba// 'khor la rab tu bka' stsal pa// glu ni rdo rje can la dbul// gang ni sangs rgyas rnams la 'bul/ / ha rI mchog la de bzhin dri// 'jig rten rje la bza' dang btung // gos kyis mchod pa rta mchog la// 'di rnams dam tshig dam pa ste// rdo rje mchod pa byas pa yis// / rdorje can kun mnyes par byed// a ka ru gnas kye rdo rje// phan pa la ni tsan dan dkar// dmar po 'jig rten rjel 'bul// kha che rdo rje snang ba la// bdun gyi rgyal po thams cad do// hUM rdo rje las byung ba'i dri/ / 'di rnams dri yi rab sbyor bas// dam pa'i sangs rgyas nyid thob bo// tsha ba kha ba rdo rjer 'bul// mngar ba rdo rje rtag pa la// sgyur ba rdo rje nyi ma la// de bzhin lan tshwa 'jig rten rjer/ / rta yi rgyal po thams cad dam// bsra ba rab tu brtag par bya// kye yi rdo rje rdor can gyis// me tog mdog gnag rkang 'thung byung // ma l+li kA dang mA la ti// kun nga rtag tu sangs rgyas 'bul/ / shing gi dbang mchog dri med mdog/ snang byed la ni sbyar bar bya// dbang mchog dmar po chu skyes dang // b+han d+hu dmar po pa ta lar// pad+ma gar gyi dbang la 'bul// rta mchog rdo rje can
- 151b
la kun/ / rdo rje can gyi khru gsum ste// sangs rgyas dkyil 'khor khru bzhi pa// snang byed la ni khru lnga nyid// pad+ma gar dbang drug pa ste// lcags kyi rgyal po de bzhin bdun// bza' la rdo rje nyi ma yi// lam du lcags kyu mchog gi dang // gnyid la sangs rgyas mgon po yi// shin tu bde la gar dbang gi/ glu gar de bzhin rol mo'i sgra// sa gzhi yongs gzung dus su ni// rdo rje'i gzugs su bzhag nas su/ / bdag gi rnal 'byor rab tu sgrub// rdo rje'i dbang po sngon po ste// zla ba chu shel thub chen gyi// mkhar phyin skyes pa'i me tog dmar// nor bu dmar rgyal mkha' mdzod kyi// pad+ma dmar po spyan ras gzigs/ / rta yi yang mar ka ta ste// rin lnga'i rdul gyi rdul tshon mchog/ de nas bcom ldan 'das rdo rje can chen po mkha' 'gro ma'i rdo rje gur 'byung po 'dul ba'i ting nge 'dzin la bzhugs so// dam tshig yang dag rab phye bya// kun tu bzang po'i sa bon bdag/ dbang po sngon po lta bu'i 'od// phyag bzhi 'jigs byed chen po ste// mdzes pa'i khro bo yi ni lus// dbang ldan 'byung po mnan pa ste// g.yas pas rigs kyi bdag po nyid// lag pa g.yon pas mi lpags nyid// gnyis po dag gis phyag rgya sbyor// zhabs g.yon brkyang bas yang dag gnas// cung zad mche bas 'jigs par byed// mgo bo'i 'phreng ba'i rgyan mchog ste// mgo 'dzings phyed du bcings par ni// ri yi rtse mor bsgom par bya// 'byung po 'dul bar 'grub par 'gyur// gnod sbyin du ma 'byung po dang // gnod sbyin
- 152a
mo dang klu mo dang / / mi mo lA yi mdzes mni// sgrub pa po yis nges par 'grub// sngags ni/ oM b+hU ta DA ma ra thA tA pa Thi ak+Sho d+hA ki ri nI na sarba b+hU ta pre babi shA tsi sA dA ya hU la de nas rdo rje chen po rdo rje can mkha' 'gro ma'i rdo rje gur stobs po che'i ting nge dzin la bzhugs so/ / char chen rab tu dbar bya ste// pad+ma'i deb ma brgyad pa bsam// der ni klu brgyad dgod par bya/ stobs po cher ni rab sbyor bas// de rnams rnga ma yang dag mnam// char med stobs po che las ni// chu yi tshogs ni dbab par bya// kha dog gnag cing cher gsal ba// 'jigs pa yang ni 'jigs par mdzad/ / phyag brgyad zhal ni bzhi pa ste// skar nyi rdo rje gdan mdzad pa// phyag rnams kyis ni klu bdag bsnams// phuHzhes bya ba'i sngags zlos shing // hUM dag nang du chud byas te// phaT ni mtha' ru sbyar bar bya/ / dang po'i zhal ni nag po ste// gnyis pa zla 'od bzang po nyid// gsum pa ser po'i mdog lta bu// bzhi pa dmar po nyid du brjod// sbrul gyi rgyan gyis yang dag brgyan// rdo rje sems dpa' rnam par brgyan/ / klu rnams kyis ni char dbab phyir// stobs po che ni rab bsgrub bya// de nas rdo rje 'dzin pa'i rgyal po sangs rgyas thams cad kyi rang bzhin 'dzin pa rdo rje gur smra ba pos sangs rgyas kyi kho na dbye bar bya'o/ / rdo rje pad+ma'o byas dang // ri dgas brgyan pa bos pa dang / dze rje chu thung nor ldan pa// sangs rgyas po nyid 'di rig pa// dag pa'i gnas ni gnas chen po// sangs rgya
- 152b
kun gyis rab gang ba/ / rdo rje rin chen kun khyab pa// gang gyur pa yis bshad par bya// phan pa'i grong khyer yid 'ong bar// mkha' 'gro rdo rnga lu gu rgyung// zhen pa chen po sangs rgyas kun// lug sgrog rdo rjes bcing bar bya/ / dga' ldan du ni 'deg par 'gyur// sangs rgyas rnams kyi 'dod pa thob// rgyal ba mgon po byams pa ni// ye shes spyan gyis rnam par gzigs// rdo rje lu gu rgyud bcings pas/ / rgyal po'i tshigs rnams bcing bar bya// gang zhig dngos grub mi ster na// sgrog gis bcings nas dgug par bya/ rdo rje kyo ba dkar mo che// rdo rje zhags pa chom rkun ma/ rdorje lcags sgrog ro langs ma/ / rdo rje dril bu g+hasma rI// sangs rgyas rnams ni dbang du byed// bzlas dang bsgom pa mngon dga' ba'i// dngos grub gal te mi ster na// de tshe ma'agro ma bzhi yis// sangs rgyas rnams ni dral shul sgrub// de nas rdo rje 'dzin gyi rgyal po mkha' 'gro ma'i rdo rje gur gyi rgyud kyi nang du 'bum phrag lnga bris pa yang dag par bshad par bya'o// sangs rgyas kyi ni dkyil 'khor 'bum/ / rdo rje can gyi de bzhin 'bum// 'bum gyis rdo rje 'i ma yi// 'bum gyis rdo rje chos kyi'o// 'bum phrag phyed kyis rdo rje ste// 'byung po 'dul ba stong phrag lngas// lnga yis las ni rab rgyas pa/ lnga yis sangs rgyas gar malam ring // stong phrag sum sru ngadag gis mi// ku ru kul+le'i brtag pa'o// lhag ma stong phrag lnga yis ni// cho ga'i rim pargyad kun gyi'o// rdo rje 'gro kye'i rdo rje'i/
- 153a
'bum phrag lnga ni bris pa'o// de nas rdo rje 'dzin pa blo dang ldan pa mkha' 'gro ma rdo rje gur sangs rgyas kyi gar gyi ting nge 'dzin la bzhugs so// gar dang glu la rab zhen pa'i/ sems can rnams ni bsdu ba'i phyir// sangs rgyas gar mkhan rol pa mdzad// sangs rgyas gar mkhan rdo rje yis// 'dod chags can gyis byang chub sgrub// de nas rdo rje can 'byung ste// me tog snyim pas rab sbyor bas/ / sems can kun la phan ldan pa'i// dam tshig der ni bshad par bya// sems can ji snyed pa rnams sems can du bsdu bas bsdus pa sgo nga las skyes pa 'am/ mngal las skyes pa 'am/ drod gsher las skyes pa 'am/ rdzus te skyes pa 'am/ gzugs can rnams sam/ gzugs med rnams sam/ 'du shes can rnams sam/ 'du shes med pa can nyid rnams sam/ 'du shes med pa rnams sam/ sems can de rnams thams cad bdag gis kyang phyag rgya chen po'i go 'phang la dgod par bya'o// dam tshig che bshad de nas ni// zur mig mi g.yo mgon byung ste/ mi bskyed ye shes brnyes ldan pa'i// ston pa la ni rnam par spong // ci khyod dam tshig hUM zhes bya// thub pa chen po gzhu can yin// nga ming snying rje'i stobs dpal ldan// bdag stobs bcom pa min nam ci/ / ci khyod dam tshig oM zhes bya// khyod ni tshangs pa thub pa rnams// nga ming rnam par snang mdzad dpal// khyod ni me bcom 'dod pa bral// ci khyod dam tshig aHzhes bya// ma
- 153b
bdag mkha' lding mkhyen nam ci/ / nga ming pad+ma gar dbang dpal// khyod ni gar mkhan nyer bzhad mkhan// ci khyod dam tshig tAM zhes bya// khyod ni gdugs te tsha ba 'phrog/ nga ming rdo rje nyi ma dpal/ gdugs kyi rnam khyod ji ltar min// ci khyod dam tshig la zhes bya// khyod ni mkha' stong rang bzhin no// nga ming rdo rje mgyogs 'gro yin// khyod ni rta ste pha rol 'gro// ci khyod dam tshig snying rje chang/ e ma chang 'tshong mdzes ma'o// mi g.yo bdag min ma mA kI// zhang po'i grong khyer 'dzin nam ci// ci khyod dam tshig zhi ba nyid// bud med g.yo sgyu 'dzin nam ci// bdag ni ma yin lha mo sbyin// spyan yin na ni g.yo dang bcas// ci khyod dam tshig 'dod chags che// smad 'tshong ma la smar ci yod// bdag ming lha mo dkar mo'o// ji ltar dri ma dkar ba yin// ci khyod dam tshig dbang byebyang che/ / btsun mo'i pho la min nam ci// bdag ming zur mig sgrol ma'o// sgrol ma mig ni bcom pa yin// mig yon bdag ni nor ldan dpal// de ltar ngo tsha med pas legs// ngo tsha med pas sangs rgyas min/ / mthong dang mi mthun myur du smos// de nas rdo rje mig yin po smod pa pos gsungs pa/ rdo rje sems dpa' zhe sdang che// thub pa rnam par snang mdzad rmongs// 'dod la zhen pa 'jig rten bdag/ ser sna rdo rje snang byed de// don yod skyon ni thams cad byed// 'dren pa lnga ni skyon ldan no// sgong skyes mngal nas skyes pa 'am// drong gsher skyes dang mtha'
- 154a
'khob bzhin/ / gzugs can rnams sam gzugs med dam// rdzus nas skyes pa nyid dang ni// thams cad sangs rgyas bya'o zhes// khyod kyis dang po gsungs pa ni// khyod nyid sangs rgyas gyur nas ni// de rnams ji ltar rgyal ma mdzad// de nyid phyir na brdzun gsungs pa// mnga' bdag ji ltar 'di ma gsungs// sems can bslus na khyod kyi gang // sangs rgyas nyid de ngo mtshar rmad/ / 'chi bdud tshe'am mu ge 'am// phas kyi 'khor lo'i gnod pa dang // rab gnas dkyil 'khor sbyin sreg dang // char med pa dang zhi ba dang // sngags dang bsgoms par ldan par ni/ / gang zhig bdag ni rtag rol pa// de yi mdun du bdag 'dug ste// der ni brdzun du mi 'gyur ro// slob dpon lnga dang lha mo bzhi// mi g.yo bdag nyid spong ba'o// dkyil 'khor khang pa'i gnas nyid du/ / sangs rgyas gar mkhan rol pa mdzad// khams gsum de bzhin rtsa ba 'am// ma dag pa'i yang rgyan rnams kyis// sangs rgyas rnams kyi gar mkhan gar// bde ba dga' bar byed dang bcas/ / chos 'byung grong khyer nyams dga' bar// rdo rje dam tshig glu yis dang // rdo rje rkang pa'i gom pas gar// mthar ni rdza rnga lA s+ye sogs// phyag rgya chen po rab ster ba'i// de nyid 'dir ni cher gsang ngo / / rdo rje sems dpa'i bka' ji bzhin// rab tu 'bad pas bsrung bar bya// glu sna tshogs dang / rol mo'i sgra dang / gar dang / 'dul bar 'jug pa dang / char dbab pa
- 154b
dang / mi g.yo ba'i bdag nyid che ba'i le'u ste gnyis pa'o// / de nas rdo rje 'dzin pa'i rgyal po mkha' 'gro ma rdo rje gur gyi ting nge 'dzin la bzhugs te/ 'byung po'i gtor gsungs pa/ nam mkha'i khams kyi dbus gnas par// pad+ma 'dab brgyad bsgom par bya// dbang po shar gyi 'dab mar bsam// mthar byed lhor ni dgod par bya// chu bdag nub kyi 'dab ma la/ byang du nor sbyin dgod par bya// mer ni byin za chen po nyid// bden bral mtshams skyong de bzhin no// rlung du gnas med bsam par bya// dbang ldan du ni 'byung po'i gtso// zla'i tshangs pa la sogs dang / / tshangs pa'i ris ni dam pa dang // tshangs pa'i 'dun 'du nyid dang // dga' ldan 'thab bral gnas pa dang // rgyal po chen por gyur pa dang // gzhan 'phrul dbang sgyur nyid dang ni// gang zhig 'phrul dga'i gnas rnams dang / / gtsang ma'i gnas su gang gnas dang // bde ba can du 'dug pa dang // 'og min du ni gnas pa dang // 'od zer can gyi 'jig rten khams// sum cu rtsa gsum gnas pa dang / / de kun steng du gnas par bya// chos 'byung nang du son pa ni// stobs kyi rgyu dang dung skyong dang // de bzhin mtha' yas nor rgyas bu// 'jog po dang ni rigs ldan nyid// pang chen pad+ma bzang po can/ / lha min dmyal ba sems can rnams// chos kyi 'byung gnas 'og tu'o// oM las tshangs pa la sogs lnga// hUM las ma chags pa la sogs// AHlas stobs kyi rgyu la sogs/
- 155a
lag gnyis gdong gcig ldan pa ste// steng gi lha rnams dkar po che// dbang po la sogs nag por mtshungs// stobs kyi rgyu sogs dmar po che// rang mtshungs rigs ma lus spyad ldan/ / rdo rje dril bus lag pa brel// g.yas brkyang bas ni stan la gnas// tshangs sogs rtag pas phyag rgyas gdab// mchod sbyin brgya sogs rdo rje yis// stobs kyi rgyu sogs gar bdag gis/ / thams cad rigs gsum las skyes pa'o// dkar mos dgug par byas nas ni// chom rkun mas ni zhags bcings pas// ro langs mas ni sgrog bcings pas// g+hasma rIs ni dris bus dbab/ / de nas mchod de zhabs bsil dbul// sngags ni 'di yis bsang gtor bya// oM AHhUM/ phyi nas 'thor 'thung dbul bar bya// sngags ni 'di yis gshegs su gsol// oM badz+ra satwa sa ma ya/ ma nu pA la ya/ badz+ra satwa twe no pa tiSh+Tha/ dr-i D+ho me b+ha wa/ su to Sh+yo me b+ha wa/ su poSh+yo ma b+ha wa/ a nu rak+to me b+ha wa/ sarba sid+d+him+me pra yats+tsha/ sarba kAR+Ye Shu me tsit+taM shre yaM/ ku ru hUM haha ha ha hoHb+ha ga waM sarba ta thA ga to badz+ra mA me muny+tsa badz+ri b+ha wa ma hA sa ma ya satwa aHmuH/ de nas rdo rje 'dzin pa'i rgyal po mkha' 'gro ma rdo rje gur rdo rje ming gi ting nge 'dzin la bzhugs te rdo rje ming phye ba'o// ming gi dbang gi dus su ni// slob ma bdag nyid dbang bskur bya// rdo rje ming gis dbang bskur ba// skye ba 'dir ni sangs rgyas nyid// bzhad pa'i rdo rje dang / sgeg pa'i rdo rje dang / mdzes pa'i
- 155b
rdo rje dang / rol pa'i rdo rje dang / shin tu dga' ba'i rdo rje dang / shin tu dga' ba'i myu gu'i rdo rje dang / pad+ma rdo rje dang / pad+ma myu gu'i rdo rje dang / a la la rdo rje dang / pad+ma lcags kyu rdo rje dang ye shes rdo rje dang / yid bzhin nor bu rdo rje dang / yan lag med pa'i rdo rje dang / shes rab myu gu'i rdo rje dang / snying rje myu gu'i rdo rje dang / dam par dga' ba'i rdo rje dang / shin tu bde bar dga' ba'i rdo rje dang / spyan ras gzigs kyi rdo rje dang / 'bebs pa'i rdo rje dang / nam mkha'i rdo rje dang / shes rab rdo rje dang / pha rol phyin pa'i rdo rje dang / 'dod chags rdo rje ni dag pa'i gnas su phyag rgya chen po grub pa rnams kyi rdo rje'i ming 'di rnams yin no/ / bud med rnams kyi 'byung ste/ rdo rje snyems ma dang / rdo rje mtshon cham dang / rdo rje e ma'o bde ma dang / rdo rje bdag med dang / rdo rje spyan ma dang / rdo rje mkha' 'gro ma dang / rdo rje dkar mo dang / rdo rje sgyu ma dang / rdo rje 'bar ba dang / rdo rje 'dril shing dang / rdo rje mgyogs ma dang / rdo rje ro langs ma dang rdorje lcags kyu ma dang / rdo rje 'phreng ba ma dang / rdo rje lA su ma dang / rdo rje bzhad ma dang / rdo rje 'khyud ma dang / rdo rje phye ma dang / rdo rje pad+ma dang / rdo rje 'byung ma dang / rdo rje chen po mo dang rdo rje 'dod chags ma dang / rdo rje sgrol ma dang / rdo rje do shal ma dang / rdo rje sgeg mo dang / rdo rje keng ka NA dang / rdo rje lA ma dang / rdo rje dbugs dbyung ma dang / rdo rje rnam pa ma ni mkha' 'gro
- 156a
ma rnams kyi'o/ / de nas de bzhin gshegs pa rnams kyi mtshan du gyur pa/ kye mardo rdo rje sems dpa' dang // rnam snang chen po dang ni rang byung dang // dzoHa skems pa'i khro bo dang / / de bzhin du yang rdo rje'i khro bo nyid// rdo rje bdud rtsi bdud rtsi zab sbyor dang / he ru ka dang snying rje'i stobs nyid do// rtag pa dang ni gti mug rdo rje dang // rnam par snang mdza dang ni thams cad skyob/ / sgyu 'phrul dang ni de nas oM mdzad dang // sku yi rdo rje rab tu grags pa dang // sa snying dang ni gti mug chen po dang // gshin rje'i gshed dang tho ba'i dbang phyug dang / de bzhin gshegs pa shAkya thub pa dang // sangs rgyas zhes bya rab tu grags pa'o// rdo rje nyi ma de nas rin chen bdag/ rin chen rgyal po nyid de bzhin du yang // rdo rje gzi brjid dang ni rgyal po chetshe/ rdo rje bdud zil gnon dang snang byed do// rta mgrin dang ni 'jig rten bdag po dang // rdo rje chos dang spyan ras gzigs dang ni// pad+ma gar dbang dang ni 'dod chags dang // 'jig rten mgon po rab tu grags pa'o/ / dam pa'i rta dang rta yi rgyal po dang // bdun gyi rgyal po de nas lcags rgyal dang // dam tshig rdo rje dang ni rta mchog dang // de bzhin du yang las kyi rdo rje nyid// don yod dang ni don grub rgyal po dang / / rdo rje mgyogs 'gror rab tu grags pa'o// rdo rje sems dpa' de nas rdo rje can// rnam par rgyal ba phyag na rdo rje dang // dpe med ro mnyam shin tu dga' ba dang //
- 156b
dam pa dang po bde ba chen po'o// 'dod chags zhe sdang gti mug dang // dam tshig sems dpa' nor bu ni// 'di rnams rigs ni drug tu brjod// 'dod pa'i thar pa rab sgrub pa'o// de bzhin gshegs pa thams cad kyi mtshan gyi le'u ste gsum pa'o/ / rdo rje snying po mngon byang chub// brtag pa'i rgyal po dang po nyid// sgyu ma'i brtag pa gnyis pa ste// rdo rje gar ni gsum pa'o/ / bzhi pa sna tshogs brtag pa ste// rdo rje brtag pa lnga pa'o// brtag pa drug pa stobs po che// brtag pa bdun pa mi g.yo mgon// brgyad pa gzugs kyi brtag pa ste/ mkha' 'gro ku ru kul+le dgu// bcu pa 'dul ba'i brtag pa ste// rnam par snang mdzad bcu gcig la// dngos grub brtag pa bcu gnyis pa// sgrol ma'i brtag pa bcu gsum pa// rdo rje phag mo bcu bzhi pa/ / bco lnga pa ni gzi brjid che// bdag med brtag pa bcu drug pa// gshin rje gshed kyi bcu bdun pa// hUM mdzad la ni bco brgyad pa// dbyangs can gyi ni bcu dgu pa// sbyin sreg brtag pa nyi shu pa/ / rab gnas nyi shu rtsa gcig pa// dkyil 'khor chen po'i brtag pa ni// nyi shu rtsa ni gnyis su 'dod// gtor ma'i brtag pa nyi shu gsum// nyi shu bzhi pa sta gon gnas/ mngon par rtogs pa'i shu lnga// de bzhin phyag rgya nyi shu drug/ byed pa nyi shu rtsa bdun pa// glu ni nyi shu rtsa brgyad pa// gar gyi dbang phyug bcag pa ni// sum cur gcig med sum cu pa// @#/
- 157a
pa sum cu par ni bshad// stong phrag sum cu'i grangs kyis ni// mkha' 'gro mkha' 'gro ma rnams kyi// 'bum phrag lnga yi rgya mtsho che// kye yi rnga rje rdor 'chang gi/ rgyud ni e ma rgyas bstan pa/ / 'bum phrag lnga bdag kye rdo rje// dag pa'i snying po yongs su gzung // rdo rje mkha' 'gros gsungs pa ste// 'di ni rgyud kyi nges pa'o// kye yi rdo rje rnal 'byor rgyud// dang por rgyal ba rnams kyis bshad/ / phyi nas rnal 'byor ma rgyud ni// de nyid bud med gzung phyir ro// bcom ldan 'das ji ltar na spros pa las bsdus pa lags/ bskal pa bzang po la byang chub sems dpa' rnams dang so so'i skye bo rnams tshe thung bar 'gyur na/ ji ltar na de rnams 'dzin par 'gyur/ ji ltar na de rnams thos par 'gyur/ ji ltar na sems par 'gyur/ bcom ldan 'das ji ltar na/ skye bo phal pa tshe zung bar 'gyur/ rdo rje 'dzin pas bka' stsal pa/ re zhig gang dag slob dpon rnams su 'gyur ba de rnams rtsa ba'i ltung ba 'byung bar 'gyur ba dang / gang dag spyod pa po de rnams mi dge ba bcu'i las kyi lam la spyod par 'gyur ba dang / gang dag so so'i skye bo de rnams srog chags gsod par 'gyur ba dang / gang dag bud med kyi tshogs rnams gcig tu 'dod pa la zhen par 'gyur ba ste/ de'i phyir rgyud rnams thams cad rgyas par bstan pa ma yin no// de nas bcom ldan 'das de bzhin gshegs pa thams cad rdo rje 'dzin pa'i rdo rje gsung thos nas mnyes par gyur
- 157b
cing dgyes pa brnyes nas tshig 'di gsungs pa/ snying rje chen po kye rdo rje// nga ni dur khrod chu 'gram dang // nags tshal skye bo mang grong du// bsnyen bkur can la dngos grub ster// mtsho skyes rnam pa'i 'gram yid 'ong / / sku gdung zab mo'i mchod rten dang // rkang 'thung rlon pa'i 'og tu ni// nga ni sangs rgyas dngos grub ster// tshong dus tshong rdal nyid dang ni// tshong dus nam pa'i khyim duni/ rdo rje nyim brtan pa ra bsnyen bkur can la dngos grub ster/ / glu gar rab tu 'ching ba dang // chang 'tsheng ma yi khyim du ni// 'di ltar pad+ma gar mkhan nga // bsnyen bkur can la dngos grub ster// rtag tu 'gro mgyogs zhon 'gyur dang / / res 'ga' lam du 'gro ba na// rta ni don yod brtan pa nga// dngos grub rdo rje rnams ster ro// de nas bcom ldan 'das rdo rje can chen po mkha' 'gro ma rdo rje gur phyag rgya rnam par rgyal ba'i ting nge 'dzin la snyoms par zhugs te/ phyag rgya dang phyag mtshan yang dag par bshad pa/ sku gsung thugs kyi brtag pa las// phyag rgya rnam gsum shes par bya// sku la lag pa'i phyag rgya yin/ / sngags bzlas pa las ngag phyag rgya// sems la mtshan ma'i phyag rgya yin// de nyid bsam gtan dkyil 'khor la'o// lag pa g.yas na skam pa ste// g.yon na sdigs mdzub de bzhin no// mkha' 'gro skam pa ma 'jigs ma// gdug pa rnams kyi 'khor ba 'don// g.yas pa'i lag na zhags pa ste// gdug pa rnams bcing rnam par dgug/ de 'di zhags pa ma shes bya// g.yon pas
- 158a
gdug pa sdigs mdzub ma/ / g.yas na nya rgya zlum po ste// gdug pa rnams ni dkri bar 'dod// 'di ni rtag tu rol sbrum bshad// g.yon pas gdug pa sngags mdzub mdzad/ lag pa g.yas par lcags kyu ste// gdug pa rnams ni dgug par 'dod// 'di de rdo rje gyo mar bshad// g.yon pas bdud la sdigs mdzub ma// lag pa g.yas pa nyi ma ste// gti mug mun pa rnam par dral/ / g.yon pa sdigs mdzub mar ni bshad// de ni rdo rje nyi mar brjod// lag g.yas mar me'i sdong snod de// de bzhin g.yon par sdig mdzub bo// 'di de rdo rje mar mer bshad// rnam par rtog pa'i rab rib 'joms/ / lag pa g.yas na rin po che// sems can rnams la sbyin pa ster// g.yon na sdigs mdzub 'dzin pa mo// rin chen sgron ma 'di rab brjod// glog ni lag pa g.yas par te/ / rnam par rtog pa'i chu 'dzin 'joms// de 'di glog lag mar shes bya// de bzhin g.yon pas sdigs mdzub ma// lag pa g.yas par pad+ma ste// pad+ma'i 'dod chags brjod par bya// g.yon pas sdigs mdzub ma nyid de// 'di ni mkha' 'gro pad+mar brjod// g.yas par b+ha ga'i pad+ma ste// bde ba chen po rnam par 'phel// g.yon na sdigs mdzub 'dzin ma ste// 'di ni chos 'byung mar ni brjod/ / g.yas pa'i lag na lcags sgrog ste// byang chub zhen pas kun 'ching ba// g.yon na sdigs mdzub 'dzin ma ste// 'di ni rdo rje sgrog mar brjod// sangs rgyas rjes chags 'a
- 158b
ba yis/ / bdag nyid 'khyud par 'dod pa ste// byang chub chags pas rab sgrub ma// de 'di rdo rje 'khyung mar bshad// g.yas pa'i lag na sgo lhags te// ye shes kun gyi srung ba mo// g.yon na sdigs mdzub 'dzin pa mo/ / 'di de rdo rje sgo lcags brjod// g.yas pa'i lag tu lde kyog ste// ye shes blangs nas gcod pa mo// g.yon na sdigs mdzub 'dzin pa mo// 'di de rdo rje lde kyog brjod// g.yas pa'i lag tu sgo mo ni// ye shes skyes pa ma spangs pa// g.yon na sdigs mdzub 'dzin pa mo// 'di ni rdo rje sgo mar brjod// lag pa g.yas par yol ba ni// rang mtshungs btsun mo srung ba nyid// g.yon na sdigs mdzub 'dzin pa mo// rdo rje yol ba mar ni brjod// de 'di sangs rgyas thams cad kyi// mkha' 'gro ma ni dam pa'i tshogs// mkha' 'gro lnga ni rab sgrub phyir// mkha' 'gro ma yi rgyud gsungs so/ / de nas byang chub sems dpa' de rnams thams cad mkha' 'gro ma'i rdo rje'i gsung thos nas ngo mtshar skyes par gyur te/ bcom ldan 'das phyag rgya 'phrog pa 'di ci nyi tshe ba'i dam tshig phyag rgya 'phrog pa lags sam/ de nas bcom ldan 'das kyis byang chub sems dpa' rnams la 'di skad ces bka' stsal pa/ bcom ldan 'das byang chub sems dpa' rnams/ 'od zer can gyi 'jig rten gyi khams na rdo rje nges par brjod pa zhes bya ba'i lung bstan pa yod de/ 'di ni de'i yin te/ De baM ha ya sa ga ma ne'i skad kyi dbyings 'dir rnam par rtogs pa ste/ thams cad kun
- 159a
tu nam mkhar spyod par grub pas 'di ni mkha' 'gro mar rab tu grags so/ / de nas byang chub sems dpa' de rnams thams cad tshig 'di thos nas dga' ba dang mgu ba nye bar skyes par 'gyur ba dang tshig 'di gsol pa/ e ma mkha' 'gro ma yi rgyud// rgyud kun las ni phyi ma dang // rtogs sla rtogs par dka' ba dang // rig dang mi rig pa nyid pa'o// de nas de bzhin gshegs pa mi bskyod pa la sogs pa rdo rje de bzhin gshegs pa thams cad kyis byang chub sems dpa' rnams kyi sems bskul ba'i phyir 'di skad ces gsungs so/ / bcom ldan 'das byang chub sems dpa' thams cad 'di la rdo rje gur rgyud kyi rgyal po chen po 'dir ji ltar rnal 'byor ma rnams dang / mkha' 'gro ma rnams kyi bsdu ba yin/ byams pa la sogs pa byang chub sems dpa' rnams kyis gsol pa/ sgo nga las skyes pa la sogs pa mtha' yas pa ngas srid pa las bsgral bar bya'o// zhes smon lam sngon du 'gro ba'i byang chub gong du rdo rje 'dzin pas gsungs na/ ci'i phyir na srog chags rnams bsad pa dang / gcig tu 'dod pa'i btsun mo rnams spangs lags/ lta ba rnams las log rnams dang // btsun mo rnams ni bsdu ba'i phyir// mkha' 'gro ma yi rgyud bshad do/ / bde ba'i thabs ni mdor bsdus pa// gzhung nyung don ni rgyas pa ste// blo dman rab tu sad byed pa// rgyud kun gyi ni snying por nges// sngags rnams kyi ni khyad par du'o// rdo rje
- 159b
nges par brjod pa zhes bya ba'i ting nge 'dzin to/ / 'di ni bshad pa tsam gyis ni// bdag med rnal 'byor ma nyid kyis// sngon du gar gyis mchod byas te// rang gi 'khor lo 'di gsungs pa// sangs rgyas rdo rje sems dpa' dang // gal te rdo rje chos dang ni// rta mchog rdo rje nyi ma yang // bdag gis spangs na mi 'grub ste// nga nyid sangs rgyas thams cad kyi// yum gyi gzugs kyis skyed par byed/ / de rnams kyi ni mdzes mang // de la nga ni dngos grub ster// mig sman dang ni rkang byug dang // ral gri sa 'og sgrub pa dang // ri lu mkha' la spyod pa dang // mi snang ba dang bcud kyis len/ / rig 'dzin 'khor los sgyur nyid dang // bu mo dam pa dgug pa ni// bdag mnyes pas ni sgrub pa pos// dngos grub rdo rje rnams thob bo// spros pa rnam pa mang por ni// smras pa 'dir ni ci zhig bya/ / bdag spangs nges par mi 'grub cing // byang chub med cing bsgom pa med// gang zhig rtag tu bdag dran zhing // rtag tu klog cing sems pa dang // sngags kyi 'phreng ba bzlas pa dang // nga yi sku ni sgom byed pa// gal te sgyu ma'i tshul gyis sam// gal te rmi lam 'dra bar lta// shin tu bsgom pa'i rim pa las// mngon sum du ni mthong bar 'gyur// gzugs brnyan rab tu sbyor ba las/ de yi dngos grub sbyin par bya// rdo rje pad+ma rab sbyor bas// shin tu bde chen sbyor ba las// gang zhig bdag la 'dod ster ba// lus can de la smos ci dgos// gang zhig nyi ma gcig bsgom pa/
- 160a
rdo rje'i mchod pa'i sbyor ba las// shes rab pha rol phyin dngos grub// ster te 'di la the tsom med// bdag nyid he ru kar byas shing // rang gi btsun mo rang bsgoms nas/ gang zhig rnal 'byor cher 'dod pa// de rnams la ni nga mnyes 'gyur// 'dod pa'i yon tan lnga ldan zhing // spro ba dga' bar ldan pa dang // glu dang rol sgra'i rnam pa dang // 'dod kun bden pa spro ba dang / / sna tshogs sgeg par ldan pa dang // sna tshogs ro yi btung ba dang // sna tshogs gos ni ri mo can// sna tshogs dri yi byug pa yi// gang zhig bdag dang rtag nyal ba// de yi dngos grub ster ba nga / / phyag rgya chen po'i gnas 'dug pa// de yi 'dod pa mar gyur to// oM a A i I u U r-i r-I l-i l-I e A oM o aM swA hA/ gang zhig 'dis bskul bar byed pa'i rgyal ba'i sras de rnams kyi lag tu bud med kyi sgyu ma'i bde ba yang dag par gnas kyi 'dug go/ rdo rje ma ni shar du sbyin par bya'o// lho phyogs su dkar mo'i gzugs can ma'o// nub phyogs su ni chu'i mkha' 'gro ma'o/ / byang du rdo rje mkha' 'gro ma'o// nga dbus su bzhag ste snying po dang bcas pa'i dkyil 'khor du gang zhig bsam par byed pa de'i bdag mdzes ma ste/ phyag gnyis ma zhal gcig ma'o// gri gug dang skyes pa'i thod pas 'brel ba/ stag gi pags pa bgos pa/ spyan gsum pa/ skra gyen du brdzes pa/ phyag rgya lngas rnam par brgyan pa/ shar gyi sgor ni dkar mo chen mo'o// lhor ni chom
- 160b
rkun ma'o/ / nub phyogs kyi sgor ni chu ma'o// de bzhin du byang du ni g+hasma ri'o// dbang ldan du ni puk+ka si'o// 'tsheng pa'i mtshams su ni ri khrod ma'o// srin po'i phyogs su ni gdol pa ma'o// rtag tu 'gro bar ni g.yung mo'o/ / 'di rnams ni mtshams dang mtshams bral du sbyin no// gang zhig bdag rab tu sgom par byed pa de'i lag mthil du phyin pa'i dpal sus kyang dbrog par mi nus so// thams cad kyang kha dog nag por mtshungs pa rab tu son pa'i steng du gar dang bcas pa khro mo chen mo dpa' mo/ g.yon pa kha T+wAM ga 'dzin pa'o// de nas bcom ldan 'das rdo rje can mkha' 'gro ma'i rdo rje gur mchog tu dga' ba'i ting nge 'dzin la zhugs te/ rig ma'i dbang yang dag par bshad pa/ rang gi rig ma skyes bu'i chus// bum pa brgyad po thams cad kyis// rdo rje thugs ni rab bsgoms pas// rdo rje can bsam dbang bskur bya/ / rdo rje nyi ma rab bsgoms pa// der ni dbu rgyan sbyin par bya// thams cad sngon sbyin nges bsam nas// rdo rje'i tshogs bcad sbyor ba las// rdo rje chen po rtse dgu pa// snying khar rang gi lag pa bya/ / slob ma'i 'jig rten dbang phyug byas// rdo rje sems dpas dbang bskur bya// sangs rgyas rdo rje'i dbang gis ni// di ring khyod ni dbang bskur 'gyur// 'di de sangs rgyas thams cad nyid/ / bzang bsgrub phyir ni rdo rje bzung // slob ma lcags mchog lha mo ni// sgrol mas 'khyud par bsam par bya// lag pas rdo rje dril 'khrol zhing // rdo rje bdag pos
- 161a
dbang bskur bya/ / oM badz+ra d+hi pa ti dzA b+hi Shiny+tsA mi tiSh+Tha badz+ra sa ma ya s+t+waM/ slob ma rnam snang byas nas ni// ming gis kyang ni dbang bskur bya// oM badz+ra satwA tAM b+hi Shiny+tsA mi badz+ra/ nA mA b+hi She ka ta/ kye che ge mo rdo rje/ gang gang kun gyi rang gtser gyur// de de bdag nyid he ru ka/ sangs rgyas ye shes 'byung ba'i phyir// chos kyi rang bzhin dag pa'o// 'di de sangs rgyas / thams cad nyid// rdo rje sems dpa' phyag na gnas// rdo rje snying po brtul zhugs brtan// khyod kyis kyang ni rtag tu zung // oM sarba ta thA ga ta sid d+hi badz+ra sa ma ya s+t+waM d+ha rA ya mi hrIHhi hi hi hi hUM/ kun kyang cho ga gcig pa yis// rtag tu bla med mchod pas ni// slob ma rdo rje brtul zhugs sbyin// phyis ni rdo rje lag nas lag/ sems dpa' thog ma tha ma med// rdo rje sems dpa' dga' chen po/ / kun tu bzang po kun gyi bdag/ rdo rje snying po'i bdag po'i bdag/ yang ni der ni dril bu sbyin// shes rab pha rol phyin skyes pa'i// rdo rje dril bu zhes bya ba// sems can kun gyi don gyi phyir/ / 'di de sangs rgyas thams cad kyi// shes rab dbyangs kyi rjes 'gror brjod// rgyal bas byang chub mchog brjod pa// khyod kyis kyang ni rtag tu zung // dbug 'byin thams cad byin nas ni/ / shAkya thub par rang gyur pas// slob ma chen po lung bstan te// sangs rgyas nyid du the tsom med// khyod kyis 'chi 'jigs mya ngan med// de bzhin nang
- 161b
dang tsha ba med/ / bde chen theg pa chen po ni// 'di las nga lis lung bstan bu// oM e Sho haM byA ka ro mo tAM badz+ra sa twasta thA ga ta/ srid pa'i ngan 'gro las bsgral te// shin tu srid pa'i dngos grub phyir/ / kye 'grub 'gyur de bzhin gshegs pa yi// ming ni rdo rje zhes byar 'gyur// de ltar bcom ldan 'das kyis rig ma chen mo'i dbang gi dam tshig bka' stsal to// de nas bcom ldan 'das rdo rje chen po ting nge 'dzin rdo rje ston pa pos/ dam tshig rdo rje zhes bya ba bton te/ tshig 'di bka' stsal pa/ bla ma rdo rje rnams mchod cing // bdun po rnam par dag par bya// byang chub sems ni bskyed nas su/ / chos kyi 'byung gnas rnam par bsgom// de la sangs rgyas gnas bsams nas// rnam pa lnga ni bsgom par bya// dang po skyes bu bsam de nas// mkha' 'gro ma yi 'khor lo spro/ dri za mnyam par zhugs pa ni// khu bar rjes su dran par bya// mtshams kyi lha mos bskul bar bya// 'khor lo'i 'dren pa bskul nas ni// mig la sogs pa gti mug sogs// rdo rje gsum ni gnas gsum dgod/ / phyi nas rjes chags rdo rje ste// ye shes rnam par gzhug pa dang // dbang ni rig ma brgyad rnams kyi// yang ni bdud rtsi myang ba dang // lha mo brgyad kyis mchod pa nyid// 'khor lo'i 'dren pa bstod pa'o// rang byin brlab pas byin brlabs te// de la yan lag drug bsgom bya// phyi nas yang ni dam tshig gi/ cho ga'i go rims rim pa yis// mtshan ma yang dag
- 162a
mtshon par bya/ / dang po sprin gyi rnam pa ste// gnyis pa du ba 'dra ba yin// gsum pa me khyer rnam pa yin// bzhi pa mar me nyer 'bar ba// lnga pa rtag tu snang ba ste// sprin med nam mkha' 'dra ba nyid/ / de ni thams cad mkhyen pa'i rgyu// dngos grub nye bar 'gyur ba yin// phyi nas sgyu ma'i rnam pa ltar// rmi lam rnam par skad cig 'gyur// khams gsum rgyu dang mi rgyu ba'i/ / ma lus lus pa med pa 'grub// 'jig rten khams ni thams cad du// ji srid rdo rje'i lus can rnams// ye shes phung po'i blo ldan pa// de yi rjes su thams cad 'brang // ji srid skye gnas las byung ba/ / khams gsum lam ni nyams dga' bar// phyag rgya chen po rab sbyar bas// de rnams thams cad bza' bar bya// byang chub sems dpa' de bzhin gshegs// tshig gi rngo// rje rnam thos nas// dga' zhing rangs par gyur nas ni// smra ba'i rdo rje mdzad par ldan// rig ma chen po bdag med dang // rdo rje rnam snang mnga' bdag dang // rdo rje sems dpa' rgyal chen dang // rta mchog thub pa chen po dang / / rdo rje nyi ma gzi brjid che// rta mgrin mnga' bdag chen po ni// sku gsung thugs ni nyid dang yang // lus kyi gong bu 'gul bar 'gyur// lan cig rgyal po ston pa yis// 'phral du mngon sum byed pa po/ / de nas rdo rje 'dzin pa'i rgyal po sku gsum mchog gi rdo rje 'dzin pa po mnyam pa nyid kyi rdo rje'i ting nge 'dzin la bzhugs te tshig 'di gsungs so// ma mo'i dkyil 'khor la
- 162b
zhugs pa/ / zhal brgyad pa la stobs po che// phyag ni bcu drug rnams dang ldan// dbang po sngon po mtshungs pa'i 'od// gzi brjid chen po zhabs bzhi pa// sgeg cing khro bo'i gzugs can te// skyil krung phyed pa'i gar gyis gnas// rus pa'i rgyan gyis rnam par brgyan// dang po'i zhal ni nag po ste// dkar po dmar pos rnam par brgyan// lhag ma'i zhal ni bung ba bzhin// bdud bzhi mnyam par mnan pa ste/ / spyi bor rdo rje 'dzin pa mchog/ der ni rdo rje mdog nag po// 'od zer chen po'ang bsgom par bya// dbang bskur ba yi gnas nyid du// sangs rgyas lngas ni rnam par brgyan/ / glang po rta bong glang rnga mo// mi dang sa ra b+ha byi la// g.yas pa'i thod pa brgyad du ni// gnyis 'thung la sogs rim shes bya// sa dang chu dang rlung dang ni// drod dang zla ba nyi ma nyid// mthar byed dang ni nor sbyin nyid// g.yon pa'i thod pa brgyad na'o// skyes bu chen po bzhengs pa'i rdo rje zhes bya ba'i ting nge 'dzin to// gti mug rdo rje mig la dgod// zhe sdang rdo rje rna ba la// ser sna 'dod chags de bzhin du// reg dang bdag med bsgom par bya// phyag gnyis zhal ni gcig pa yin// sna tshogs gzugs ma btsun mo nyid// lag pa gri gug thod pas brel// srog song steng du yang dag gnas// sa spyod mkha' spyod ma nyid dang // de bzhin rkang 'og gnas pa mo// 'di nyid kyi ni cho ga yis// gnas gsum du ni gnas par sgom// oM mdzad rgyal po chen
- 163a
bo na/ / sgra ya rdo rje rnam par brgyan// thugs kyi rdo rje rgyal po che// rdo rje sems dpa'i gnas na bzhugs// a ni mchog gi de nyid de// ngag gi lam ni gsal byed brjod/ / sku gsung thugs kyi rdo rje yi// chos can las ni rigs gsum 'byung / nyi ma'i dkyil 'khor dbus gnas par// dkar mo gzugs can bsgom par bya// lcags kyu mdzub 'dzin pa mo/ / kha dog dkar mo 'od chen mo// dkar mo rdo rje can zhes bya ba'i ting nge 'dzin to// dmar po dkyil 'khor dbus gnas par// chom rkun ma ya~M gzugs can sgom// btso ma gser gyi mdog 'dra ba// rdo rje zhags pa mtshon chen po// rdo rje dkyil 'khor dbus gnas par// ro langs ma ni khrag dang mtshungs// rdo rje lcags sgrog nga rgyal byed// byang chub 'ching bar mdzad pa mo/ / 'od kyi dkyil 'khor dbus gnas par// de nas g+hasma rI bsgom bya// rdo rje dril bus lag pa brel// margad ut+pal 'dra ba'o// rdo rje sgo skyong ma rdo rje brtson ma zhes bya ba'i ting nge 'dzin to/ / mtshams su lha mo bzhi rnams ni// cho ga'i sbyor bas bsgom par bya// byang sems bum pa ri rab dang // me yi thab khung rgyal mtshan che// byi bcas gnyis med rnal 'byor pas/ / mgon po de ltar bsgom par bya// 'dod chags chen po rjes chags pas// dpa' rlabs med pa'i bde ba 'thob// 'byung ba bzhi'i rdo rje zhes bya ba'i ting nge 'dzin to//
- 163b
de nas rdo rje 'dzin pa'i rgyal po theg pa gsum gyi dam pa ston pa po thams cad kyi rnam pa'i ting nge 'dzin la bzhugs te dbyangs 'di gsungs pa/ hUM las byung ba'i khro bo ni// rtag tu zhe sdang ldan pa'o/ / nang du ma rungs sems kyis ni// rab tu 'bad pas bsgrub par bya// na maHsa man+ta bud+d+he b+h+yo/ na mo badz+ra mud ga ra hastA ya tsaN+Da maN+Da lAk+She pa ka rA ya hUM phaT/ de nas 'dir khro bo chen po bshad pa tsam gyis sangs rgyas thams cad dang / byang chub sems dpa' rnams 'jigs shing 'dor bar gyur nas mnga' bdagi rdo rje 'dzin pa dran par byed do// skyes pa'i pad+ma gas chag med/ / srubs gcig pa dang srubs gnyis pa// rig ma bzhi yi rab sbyor bas// sangs rgyas kun gyis rab tu dgang // rkang rjes rdul gyi sbyor ba yis// rkang pas mnan cing bsdigs par bya/ / sku gsum bskyed pa'i sgom pa yis// bu mo chen mo dgug par bya// gshin rje gshed rdo rje zhes bya ba'i ting nge 'dzin to// na moHsa man+ta bud+d+he b+h+yo/ ma hA daN+Da d+ha ra bi bi d+ha ra su rA su ra marda na b+hU tin+nar+m+ma tha hUM phaT/ de nas khro bo chen po gzhan gyis mi thub pa'i stobs po che bshad pas byang chub sems dpa' rnams dang / de bzhin du gzhan rnams kyang 'dar bar gyur cing de dran par byed do/ / 'byung po yi dgas sha za nyid// mkha' 'gro grul bum zin pa la// hUM gis dregs byas phyag rgyas gdab// rdo rje btsi rabs bde ba nyid// gzhan gyis mi thub parje/
- 164a
rje zhes bya ba'i ting nge 'dzin to// na maHsa man+ta bud+d+he b+h+yo/ oM hu lu hu lu/ ma hA pad+ma a mr-i ti ku ru ma hA biSh+Tan+t+ra AHbtsan dug chen po dgug par bya'o// brgyal ba bslang ba de bzhin no/ / pad+ma'i dregs pa'i rdo rje zhes bya ba'i ting nge 'dzin to// na maHsa man+ta bud+d+he b+h+yo/ na mo badz+ra kro d+hA ya ma hA daMSh+Tota Ta b+hai ra wA ya/ badz+ra san+do ha dad+hA ya/ oM a mr-i ta kuN+Da li hUM phaT/ de nas khro bo chen po bgegs 'joms rdo rje bshad pas sangs rgyas thams cad dang / byang chub sems dpa' rnams yid mi dga' bar gyur to// rlung gis bteg pa po dang / rkang rjes kyi rdul blangs nas bsgrub bya de'i ming byang bzung ste/ tshogs kyi bdag po'i rkang pa'i 'og tu dgod cing hUM phaT ces bya ste/ hUM gis nga rgyal byas nas rdo rje bdud rtsi ting nge 'dzin las skyes pa/ khro bos sngags kyi rab tu sbyor bas sangs rgyas rnams kyang skrod par byed do// rdo rje bdud rtsi zhes bya ba'i ting nge 'dzin to// shin tu legs par gsang bar ni// bya ba 'di ni rab bskul bar/ / ye shes rdo rjes bya ba ste// nyi ma bdun gyis 'grub par 'gyur// na maHsa man+ta bud+d+he b+h+yo/ oM ya ma daN+DA la nI lA ya nI la daN+DA ya/ tu ru tu ru/ mu ru mu ru sarba duSh+Tan mA ra ya hUM phaT/ de nas khro bo chen po dbyug pa sngon po skyes bu chen po bshad pas sems can thams cad dang / sangs rgyas rnams srog la the tshom du gyur to// brgya phrag brgyad bzlas
- 164b
pa tsam gyis kyang shin tu sgom par sbyor ba'i cho gas bskul ba las gdug pa thams cad 'ching bar 'gyur ro/ / dbyig pas mnan pa'i rdo rje zhes bya ba'i ting nge 'dzin to// na maHsa man+ta bud+d+he b+h+yo/ na mo ma hA ba lA ya/ uts+tshaSh+pa kro d+ha rA dza ya sar+b+bA nA gA nA hr-i da yaM tA Ta ya hUM phaT/ de nas gtum po chen po bshad pas/ dug gis gdong 'jigs shing stobs dang bral ba dang / skrag cig 'dar bar gyur te stobs po che dran par byed do/ / rdo rje stobs kyi spyan ras gzigs shes bya ba'i ting nge 'dzin to// na maHsa man+ta bud+d+he b+h+yo/ na mo a tsa la ke Na tsen+d+ra tsen+d+ra moT+Ta mor+N+Na/ tun+da tu g+ha g+ha g+hA ta ya g+hA ta ya hUM phaT/ de nas khro bo chen po mi g.yo ba skyes bu chen po bshad pas lnga dang / klu dang / gnod sbyin chen po brgyal te sa la 'gyel to// 'di ni khro bo rgyal po yis seng ge zhon pa'i cho ga yis/ / rdo rje dkyil 'khor rnal 'byor las// skyes pa dang ni lha rnams khugs// oM sum b+ha ni sum b+ha hUM/ gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na yaH b+ha ga waM bid+yA rA dza ya hUM phaT/ rdo rje sa 'og gnas pa yis// khro bo chen po bshad pa yis// lha min bu mo klu mor bcas// nu ma 'dar zhing nar ba 'am// rdo rje zhags pas nges bcings te/ lcags kyu yis ni dral nas ni// sku gsung thugs ni bsgoms pa yis// bu mo thams cad 'gug par bya'o// 'jig rten gsum dgug pa zhes bya ba'i ting nge 'dzin to// rdo rje chos
- 165a
ni char sprin che/ / rdo rje sems dpa' char mchog ste// rdo rje nyim dge 'dun che// rnga mchog tshogs ni chen po dang // phan pa'i yang ni char sprin gyi// zhags pa lcag kyu'i sgom pa yis/ / sangs rgyas rnams kyang 'gugs brjod na// so so skye bo smos ci dgos// rang gi rig ma skyes bu bsams// sku gsum rdo rjes rnam par brgyan// lcags kyu la sogs sbyor ba yis/ bu mo bkug la bza' bar bya// de nas bcom ldan 'das kyis rdo rje chen pos dgug po'i dam tshig bka' stsal to// na maHsa man+ta bud+d+he b+h+yo/ oM Tak+ki hUM dzaH ti dang ni btsag la yang / / rdo rje lcags kyu'i sbyor ba las// zla ba nye bar chags dus su// khar bcug nas ni bsgrub par bya// ming ni bris pa tsam gyis kyang // brgya ni gsal bar bzlas pa yin/ / sgra ldan gnas med dbang po drag/ chung mar bcas pa dgug par bya// dam tshig lcags kyu'i rdo rje zhes bya ba'i ting nge 'dzin to// bsam gtan sngags dang ting 'dzin gnas// rang gi rig ma skyes bu bdag/ dgug pa'i gnas su gzung bar bya// thub pa gzhan du mi 'gyur ro// na maHsa man+ta bud+d+hA nAM/ na ma sa mad+ha rbA r+b+h+yAM/ namaHsa man+ta saM g+ha nAM/ oM si tA ta pa tA/ oM bi ma la/ oM shaM ka ra/ oM pra t+yaM gi ra/ oM badz+ra uSh+NI Sha tsakra warti sar+b+ba yan+t+ra man+ta mU la kar+m+ma ban+d+ha nAM tA Da nA kI la nAM bA ma maM kr-i te ye na ke na tsit+ta kr-i taM ta ta/ sarban+dats+tshin+dats+tshin+de/ b+hin+da D+haM
- 165b
tsi ri tsi ri/ gi ri gi ri/ ma ra ma ra/ d+hU rbA d+hAr+thA r+N+Nar+d+han+na d+hU hUM hUM phaT phaT phaT/ bdag nyid srung ba'i sbyor ba la// sbyor ba rgyud sogs gzhig pa la// dpung pa'i rig mar gyur byas nas/ 'jig rten gsum gyis 'da' mi nus// khro bo chen po 'khor lo rdo rje zhes bya ba'i ting nge 'dzin to// dben pa'i nags tshal nyid du yang // yid gnyis thams cad rnam spangs la// rnal 'byor mchog ni 'di bsgrubs na/ / thub pa gzhan du mi 'gyur ro// khro bo chen po 'khor lo'i sngags la 'jug pa rdo rje zhes bya ba'i le'u ste bzhi pa'o// // de nas bcom ldan rdo rje can/ / sems can kun gyi snying la zhugs// kun mkhyen ye shes las byung ba// yang dag nges par rab tu dbye// sangs rgyas gzugs brnyan rab bsgoms te/ rdo rje sems dpa' rab bsgom bya// sangs rgyas gzugs brnyan rab bsgoms nas// rdo rje rnam snang dran par bya// sangs rgyas gzugs brnyan rab bsgoms te// rdo rje nyi ma rab bsgom bya/ sangs rgyas gzugs brnyan rab bsgoms nas// 'dod chags rdo rje rnam par bsgom// sangs rgyas gzugs brnyan rnam bsgoms te// rta yi don yod rab bsgom bya// sangs rgyas gzugs brnyan las byung ba'i/ / dkyil 'khor rnams ni rtag bsgom bya// thams cad rnams kyi sngags 'di yis// snying khar ye shes gnas su dgod// ye shes sems dpar rab sbyor
- 166a
bas/ sangs rgyas byang chub thob par 'gyur// rang sngags maM ge rdzogs pa dang // phyag rgya dang ni phyag mtshan brtag/ spro dang bsdu ba byas pa ni// dkyil 'khor rnams 'byung ba nyid/ / sgra la rnam gsum shes byas nas// lha rnams la ni dbul bar bya// de nyid bcom ldan rdo rje can// rdo rje sems dpa' grags chen po// gzugs la rnam gsum shes byas nas/ lha rnams la ni dbul bar bya// de nyid bcom ldan rgyal po ni// rdo rje rnam snang mdzad bdag nyid// dril rnam gsum rnam shes nas// lha rnams la ni dbul bar bya// de nyid bcom ldan sangs rgyas ni/ / rin chen phung por rab tu grags// ro la rnam gsum rnam shes nas// lha rnams la yang dbul bar bya// de nyid bcom ldan 'dod chags nyid// rdo rje chos ni de bzhin gshegs// reg la rnam gsum rnam shes nas// lha rnams la ni dbul bar bya// de nyid bcom ldan sna tshogs pa// don yod 'bras bu ster ba po// srung ba'i dam tshig bsdus pa yi// dkyil 'khor lnga ni/ bsgom par bya// lnga lnga'i bdag nyid rdzogs sangs rgyas// ye shes lnga ni rnam par bsgom// 'dod pa'i yon tan lnga dang ldan// 'od zer sna tshogs kun tu khyab// sna tshogs las ni byed par brjod/ / thams cad bsdus pa'i dkyil 'khor ni// nyi shu rtsa lnga'i dbye ba yis// rdul chen gyis kyang bri bar bya// sangs rgyas lnga yi rang bzhin gyis// phung po lngar ni rab tu grags// sangs
- 166b
/ rgyas mgon po'i dkyil 'khor ni// shar gyi char ni rab tu grags// g.yas su rdo rje'i ma yi// nub tu 'dod chags rdo rje yi// byang du rta yi rgyal po yi// dbus su rdo rje sems dpa' yi// shar du dkar po chen po ste// lho ni ser po yang dag ldan// dmar po nub kyi cha nyid du// btsod ni byang du yang dag ldan// mtshams kyi char ni thams cad dang // sgo yi logs dang ya phubs su rdo rje rin chen rnams kyis brgyan/ / sna tshogs snang ba rnams kyis mdzes// sangs rgyas mgon po gang nyid kyi// dkyil 'khor dbus su 'gyur ba ni// de nyid kyi ni dkyil 'khor brjod// snying po yongs bzung dkyil 'khor te// dkyil 'khor re rer bsgom pa 'am// yang na bsdus pa'i dkyil 'khor ro// brgyad brgyad dbus su gnas pa'am// yang na nyi shu rtsa lnga ru// gang+gA tshe dkyil 'khor bsdus pa yi/ / sgor ni lcags kyu 'gas pa dang // lcags sgrog de bzhin rdo rje nyid// 'jug pa'i sgo srungs dgod par bya// bcom ldan 'das kyis bsdus pa chen po'i dam tshig 'di bka' stsal to/ / dom dang bya rgor de bzhin bse// sdug glang dang ni steg nyid dang // spre'u dang sna thung ba glang 'tshe// rdo rje chos kyi g.yas na'o// khri'ug chu skyar seng ge dang // mtsher gnas de bzhin ra dang ni/ / ri dgas phag dang yang dag ldan// g.yas min par ni rtag tu gnas// rma bya ma he chu srin dang // nya yi rgyal po rus sbal dang // 'og gi rlung dang ngang pa dang /
- 167a
ri bong phan pa'i g.yas pa ma// sbal pa thu bo sprin shugs kyis// kha chu mig sman mtshungs byi la// g.yag dang dri ldan de bzhin bzhad// g.yon pa'i thod pa brgyad na'o// ka ran da dang 'khor lo dag/ lug dang tsa ko ra dang ni// bye khra hor mo 'ol ba dang // ku rar nyi ma'i g.yas na'o// stobs kyi rgyu dang dung skyong dang // rigs ldan pad+ma pad bzang dang // 'jog po nor rgyas mtha' yas ni/ / rin chen rgyal po'i g.yon na'o// gza' lag phur bu mjug rings dang // sgra gcan mig dmar pa wa sangs// spen pa khyab 'jug rta rgyal nyid// g.yas pa nyid du rab tu grags/ / dbang po tshangs pa de bzhin drag/ 'dod lha de bzhin thod pa can// gcer bu dang ni thag bzangs ris// stobs ldan zhes bya g.yon na'o// glo dang dbugs dang de bzhin 'bog/ khong skem mdze dang rkang shu dang // mchin pa mcher pa'i rang bzhin yang // glang po la sogs rab tu grags// lcags stegs dang ni brjed byed dang // khrag rdo gcong nad rgyal po dang / / gzhang 'brum sman dang bkres nang dang // mig ser ngom la sogs pa'o// rdzi ma byi dang so nang dang // mkhris pa khrag dang de bzhin rlung // bad kan 'dzag dang lus skam dang / skya rbab 'bras ni rma bya sogs// rkang 'bam tshil nang tshig spangs dang // rgyu ma 'phel dang gsung pa dang // tshad pa rims dang rab gas ni// ka raN+Da sogs rab tu grags// rlung mkhris
- 167b
de bzhin ma zhu ba/ / sgrib g.yogs rab rib gcin srib// gzhogs phyed na dang lkog 'bras dang // rlung rgyas gza' lag la sogs pa'o// mi yi 'gro ba dam pa ni// rab mchog de lta bu/ 'gro ba// thams cad nad kyis khyab mthong nas// sangs rgyas lngar ni cher grags pa// bdag gi lus la gzhug par bya// sems can rnams la gdungs ma gyur// nad rnams zhi phyir sangs rgyas ni/ / glang po la sogs nang 'dzin to// de ltar bsgoms par gyur pa la// nad med ru dza trang grum med// 'chi med nges par byA d+hi med// nga rgyal med cing gti mug med// bkres pa med cing skom pa med// sdug bsngal ngan 'gro de bzhin med// lha dang lha min mi rnams sam// gang gis kyang ni nad byed min// nad thams cad rab tu zhi ba dbugs dbyung ba zhes bya ba'i le'u ste lnga pa'o/ / / de nas rdo rje 'dzin pa'i rgyal po lus thams cad 'dzin pa po mkha' 'gro ma'i yid 'phrog pas tshig 'di bka' stsal pa/ sems kyi rjes dran dmigs nas ni/ / sangs rgyas rjes su dran pa bsgom// sems kyis rin chen bsams nas ni// chos ni rjes su dran pa bsgom// las rjes dran pa'i rnal 'byor pas// 'khor lo chen po rab bsgom bya/ / rnal 'byor 'di ni mchog rab ste// ma byung 'byung bar mi 'gyur ro// rdo rje sems dpa' rnam bsgoms nas// phyag rgya bzhi yis phyag rgyas gdab// rdo rje rnam
- 168a
snang bsams nas ni/ / phyag rgya bsgoms pas phyag rgyas gang ba// rdo rje'i phyag rgya'i sbyor ba yis// rin chen phung po rab bsgom bya// chos kyi phyag rgya rab sbyor bas/ las kyi rdo rje phyag rgyas gdab// zhe sdang rgyal po rgyal po che// skyon rnams thams cad zad par mdzad// spro zhing sbyor bar bsgom par bya// bsdu ba yang ni yang dag bshad// sangs rgyas mgon po rab bsdoms na/ / sangs rgyas sprin gyis kun tu khyab// spro dang bsdu ba'i rnal 'byor gyis// sangs rgyas byang chub rab bsgom bya// sems kyi rin chen rin po ches// bdud kyi skyon rnams zad par mdzad// sems kyi cher sprin sbyor ba yis// yang ni bsdu ba bstan par bya// chos kyi rgyal po gti mug che// spro dang bsdu ba'i gzugs can de// thun chod bzhir ni byin brlabs pa/ / bsgoms na myur du 'grub par 'gyur// sems ni 'gro mgyogs ltar bsams nas// gzhal med 'bras bu stsol ba'o// rta mchog char sprin chen po yis// bsdu ba yang ni bsgom par bya/ bcom ldan 'das kyis spro ba dang bsdu ba'i dam tshig chen po de skad ces bka' stsal to// nyi ma'i dkyil 'khor dbus gnas par// sems kyis rnam par bsgom par bya/ / rnyog med dkyil 'khor dbus gnas par// sku yi yi ge rnam par bsgom// khrag gi dkyil 'khor dbus gnas par// sems kyi rin chen yi ge dgod//
- 168b
chos kyi 'khor lo dbus gnas par// gsung gi yi ge rnam par bsgom// las kyi dkyil 'khor dbus gnas par// don yod yi ge gzugs can te// sku gsum mi phyed bsgom pa yis/ / ye shes rdo rje bsgom par bya// rdo rje sems dpa' mi phyed pa'i// chos kyi 'khor lo rnam snang la// rin chen sems kyi rin po che// pad+ma bzang po 'dab mar dmar// shes rab ral gri don yod kyi/ / shes rab rnon po'i rang bzhin gyis// rnam rtog ri bo gcad nas ni// phyag rgya chen po ldan par 'gyur// dpag tshad bye ba brgya par ni// rdo rje'i dkyil 'khor bsgom par bya/ phan pa'i dkyil 'khor nyid dang yang // rin chen phung po 'od chen dang // chos kyi phung po mgon chen dang // de bzhin gshegs pa rdo rje las// sna tshog 'od zer cher 'bar ba// sangs rgyas sprin gyis rnam par brgyan/ / nam mkha'i khams kyi dbus gnas par// ye shes dkyil 'khor bsgom par bya// 'dod pa'i yon tan lnga yis gang // thams cad du ni sna tshogs gzugs// mchod pa kun gyis mchod par bya/ / mtshams kyi lha mo'i sbyor ba yis// ye shes rgya mtsho rab bsgrub bya// dam tshig 'khor lo bcug pa yi// ye shes rdo rje chen po 'bar// sangs rgyas kun mnyam rnal 'byor pas/ / skad cig la ni gnyis med 'gyur// ru rak+Sha dang dung ral gri// bu yi 'tsho ba pad 'bras dang // mu tig la sogs byu ru sogs// bsam gtan ldan pa sngags bzlas bya//
- 169a
sangs rgyas byang chub sems dpa' dang // mkha' 'gro ma dang rang btsun mo// mngon sum du ni bya ba'i phyir// sngags ni snyun gsan 'bebs par brjod// dper na skyes chen la la zhig/ skad kyi nga ros bos pa na// thos pa tsam gyis 'ongs gyur pa// de ltar skad cig sangs rgyas gshegs// 'jig rten khams ni stong phrag dang // nam mkha'i khams kyi mkha' grong du/ / phyag rgya chen po'i bde gnas kyi// mkha' dang mnyam pa'i sangs rgyas bzhugs// de rnams sngags rig drung ni gshegs// rdo rje spyan gyis rnam par gzigs// gang gis sngags kyi rim thob pa/ / e ma de yis byang chub thob// sangs rgyas byang chub sems dpa' yang // sngags kyi spyod pa dang por 'dzin// rdo rje sngags ni rab sbyor bas// mchung med pa'i ye shes 'thob/ de ltar shes pa'i sangs rgyas te// sngags kyi spyod pa'i rim gnas pa// 'bras bu nyid la mi gzigs pa// de ni sangs rgyas mnyam pa brjod// sangs rgyas pa rgyal dmigs nas ni/ / chos kyi dbyings ni 'od gsal ba// gang zhig bsgom po de bas na// sems can sangs rgyas mnyam par gyur// 'jig rten ji ltar sangs rgyas te// ji ltar chos ni / mang ba// sems tsam 'ams tshad stor bshad// mamama'a' sa bur drim med// ngan par brtags pa'i rnam rtogs// rin chen sems na tsho can byas// sems dag pas ni dag par 'gyur
- 169b
ji ltar nam mkha' mi 'jig pa/ / nam mkha' ji bzhin de bzhin sems// sems kyi rin chen bskul ba las// sems nyid bsgom pa sangs rgyas te// skye bar sangs rgyas dam pa nyid// rin chen sems las phyir gyur pa'i// sangs rgyas med cing gang zag med// rnam par shes pa'i gnas don nam// phyi rol gyur pa cung zad med// yid kyis sangs rgyas thams cad nyid// khams gsum dbang phyug chen po ste// 'jig rten gsum gyi rgyal po che// sems gcig gis ni thob par 'gyur// gzugs dang sgra dang de bzhin dri// ro dang reg bya'i rang bzhin te// chos kyi dbyings ni mchog tu zhi// 'di ni rin chen mchog tu brjod// gzugs dang tshor ba 'du shes dang // 'du byed dang ni rnam shes nyid// 'di dag thams cad sems las skyes// thub pa 'di ni gzhan mi 'gyur// yid bzhin nor bu rin po che// 'dod don 'bras bu rab ster ba// sems kyi de nyid rang bzhin dag/ sangs rgyas byang chub 'bras bu ster// de nyid phyir na sangs rgyas kyis/ / sems kyi rdo rje bskul ba yis// zab mo'i rnam pa nges ldan pa'i// phyed par dga' ba'i dngos grub ster// rdo rje sems dpa'i snying po snang ba'i le'u ste drug pa'o// / / de nas rdo rje chen po rdo rje can mkha' 'gro ma'i gur bskyed pa'i rnal 'byor gyi ting nge 'dzin la bzhugs te/ bdag nyid kyi rnal 'byor gsungs pa/ sangs rgyas gnas ni rab
- 170a
rdzogs dang / / rnam pa lnga po bsgoms pa dang // kun tu bzang po'i rang bzhin dang // rang gi lhag pa'i lhar bsgrub dang // dkyil 'khor rnams kyi dgod pa dang / mchod pastod bdud rtsi la sogs pa// rim pas rjes su bsgom par bya// rnal 'byor yan lag drug tu 'dod// oM sar+b+ba ta thA ga ta a b+hi She ka badz+ra swa b+hA ba At+ma kohaM/ bcom ldan 'das / de bzhin gshegs pa mi bskyod pas de skad ces bka' stsal to// oM sarba ta thA ga tA mr-i ta sA da na badz+ra swa b+hA ba At+ma kohaM/ bcom ldan 'das de bzhin gshegs pa tshe dpag med pas de skad ces bka' stsal to/ / oM sarba ta thA ga ta s+thA ti badz+ra swa b+hA ba At+ma kohaM/ bcom ldan 'das de bzhi ni gshegs pa rin chen tog gis de skad ces bka' stsal to// oM sarba ta thA ga ta pU dza / badz+ra swa b+hA ba At+ma kohaM/ bcom ldan 'das de bzhin gshegs pa rdo rje rta mchog gis de skad ces bka' stsal to// oM sarba ta thA ga tA nu rA ga Na badz+ra swa b+hAHAt+ma kohaM/ bcom ldan 'das rdo rje nyi ma de bzhin gshegs pas de skad ces bka' stsal to/ / spro ba dang ni bsdus pa'i sku// rgyal chen rnam par snang mdzad de// chos dbyings yi ge las skyes pa// des ni sangs rgyas gnas / dgod bya// oM sarba ta thA ga ta a nI la ya badz+ra swa b+hA ba At+ma kohaM/ rnam par snang mdzad rdo rje zhes bya ba'i ting nge 'dzin to// nam mkha'i khams kyi dbus gnas par// 'byung bzhi'i bdag
- 170b
nyid dkyil 'khor nyid/ / de yi steng du sangs rgyas bsam// spros nas gzhal yas gnas dgod bya// rdo rje lta bu mi phyed phyir// des na mi bskyod bsgom par bya// ma skyes rjes su dran pa las/ / rnam par snang mdzad phan pa nyid// rin chen rnams kyi mchog gi mchog/ 'di ni rin chen sems su bshad// rdo rje chos ni rgyal po che// 'dod chags mtshan nyid 'dzin pa las// rdo rje sems dpa'i gnas 'dug pa'i// sems ni 'dod chags zhes byar bshad// gang phyir 'bras bral mi 'grub ster// de phyir don yod rab tu grags// rig ma mdzes ma rdo rje zhes bya ba'i ting nge 'dzin to/ / bum pa'i dbang ni dang po ste// gnyis pa la ni gsang ba'i dbang // gsum pa shes rab ye shes te// ji ltar lus ni de bzhin gshegs// dkyil 'khor dam pa bris nas ni/ / dam tshig khu ba'i cho ga yis// ha dang bsam gtan bskyed byas nas// de tshe dbugs dbyung sbyin par bya// mkha' 'gro lnga dang ldan pa dang // dam tshig lnga yis bkang ba dang / / mkha' 'gro ma yis tshegs ldan pas// rdo rje sa bon rab sbyor bas// rang gi lhag pa'i lhar byas la// slob ma rtag par nges bsams te// rgyun gyis rigs kyi ming gis ni// slob ma rdo rje can dbang bskur/ / spyan dang bdag mo sgrol ma dang // dkar mo la sogs bdag gzugs kyis// rdo rje btsun mo rab sbyor bas// rdo rje bla med bshad par bya// bla na med pa'i de nyid
- 171a
'di/ gnyis su med cing yi ge med// chos kyi dbyings ni 'od gsal byed// bde ba bzang po'i ro myong gis// sgrib pa med pa'i rdo rje zhes bya ba'i ting nge 'dzin to// ga dang ha zhes bya ba dang // dang po mthar yang shwa ldan pa'i// rab tu gsal ba dam pa nyid// dngos grub thams cad rab ster ba// tshogs kyi rdo rje bdud rtsi myang // 'di dag zos pa tsam gyis ni/ / sangs rgyas kun mnyam rnal 'byor pa// rdo rje dang ni mnyam par 'gyur// nad rnams thams cad rab tu zhi// de ni gzi brjid lus chen po// 'jig rten kun gyi yid 'phrog pa// phas kyi rgol ba kun las rgyal// 'jig rten kun gyi bdag pos brgyan// lha rnams kyi ni 'dren par brjod// mkha' 'gro lnga yi bdag nyid 'gyur// chos kyi zas ni za ba po// dam tshig chen po'i bsam gtan zos pa rdo rje zhes bya ba'i ting nge 'dzin to/ / mi bskyod brten pa'i rnal 'byor pa// nad rnams thams cad rnam par spangs// rtag par chu shel chen por ldan// rdo rje nyi ma rgas pa med/ / don yod rgyal po chen po ni// rdo rje srog gi yan lag 'byung // don kun sgrub cing dpal dang ldan// des ni rnal 'byor par ni brjod// mi bskyod btung ba'i sbyor ba las// stong phrag lngas ni 'tsho bar 'gyur/ / phan pa'i sa ni khri ru brjod// rdo rje nyi ma rdo rje'i 'bum// tshe dpag med kyis dpag med dang // bdun gyis nam mkha'i ji srid bshad// rdo rje nyi ma dpag med dag/
- 171b
'khor ba'i sgrub thabs rtsa ba nyid// 'di dag bsten pas rnal 'byor pa// kun tu bzang po 'dra bar gyur// shes rab pha rol phyin ye shes// 'di ni rdo rje nyi mar brjod// chos rnams thams cad kyi ni gnas/ / de bzhin gshegs pa tshe dpag med// sangs rgyas rdo rje can nyid kyi// thabs dang shes rab zhon pa dag/ khams gsum dag ni thams cad du// sa dang sa 'og par snang la/ / khrag dang khu bas khyab pa'i lus// rigs kyi dbang phyug gis 'di gsungs// sen mo ba spu de bzhin khams// khu ba la ni rnam snang gzigs// pags dang khrag la gzi brjid che/ / tshil dang rkang la rdo rje 'dzin// thams cad mgon po rnam snang mdzad// rtsa dang sha la bdun rgyal po// 'di rnams la ni sangs rgyas lngar// rdo rje mkha' 'gros rnam par bshad// sa yi khams ni rnam dag pa/ / spyan ni 'khor lo mdzes pa nyid// rdo rje btsun mo dang ba ste// pad+ma'i bu mo che ba nyid// sgrol ma rlung ni rnam par dag/ rdo rje btsun mo dang ba ste// rdo rje mkha' 'gro zhes bya'o/ / gur gyis de rnams bka' stsal to// sngags thams cad rnam par dag par bdud rtsi lnga mchog tu byung ba rdo rje zhes bya ba'i ting nge 'dzin te le'u bdun pa'o// // khyod min sdang rdo rje yongs skyong ba/ / thugs dang chos ni shin tu rnam dag pas// lha yi lus ni yang dag brgyan mdzad pa// puk+ka sI ni bdag la myur du gzigs// rnam par 'dren pa 'jig rten dzin
- 172a
gyi phyir/ / stong pa nyid spangs skye ba bzhes par mdzod// khyod ni gti mug rdo rje yongs sbyong ba// sku yi bdag po chos kyi gzugs brnyan gyis// lha yi lus ni yang dag brgyan mdzad pa/ / ri khrod ma ni bdag la myur du gzigs// rnam par 'dren pa 'jig rten sman slad du// stong pa nyid spangs skye ba bzhes par mdzad// khyod ni 'dod chags rdo rje yongs spyor ba/ / gsung dag legs par so sor rtog pa yis// lha yi lus ni yang dag brgyan mdzad pa// gtum par ldan pa bdag la myur du gzigs// rnam par 'dren pa 'jig rten sman slad du// stong pa nyid spangs skye ba bzhes par mdzod// khyod ni sangs rgyas thams cad yongs skyong ba// gzugs kun nan tan thams cad mnyam nyid kyis// lha yi lus ni yang dag brgyan mdzad pa// Dom bi bdag la mgon pos myur du gzigs// rnam par 'dren pa 'jig rten sman slad du// stong pa nyid spangs skye ba bzhes par mdzod// thams cad bzhes par mdzad pa rdo rje zhes bya ba'i ting nge 'dzin to/ / 'khor lo can rnams thams cad kyi// 'dis ni bskyed par 'gyur bar ni// ye shes rdo rje can gyis bya// dkyil 'khor bdag po de skad gsungs// oM sarba ta thA ga ta khe tsa rI badz+ra swa b+hA ba At+ma kohaM/ oM sarba ta thA ga ta b+hU tsa rI badz+ra swa b+hA ba At+ma kohaM/ oM sarba ta thA ga ta pA tA la wa si nI badz+ra swa b+hA ba At+ma kohaM/ sku gsung thugs kyi chos rnams kyi// byin brlabs
- 172b
gnas su rtag par ni/ / ye shes rdo rje can gyis bya// 'di ni byang chub rim bstan pa'o// bcom ldan 'das sku dang / gsung dang / thugs kyi bdag pos de skad ces bka' stsal to// phyag rgya chen por rab sbyor ba// sku yi rin chen sbyang bar bya// bsam gtan rdo rje bsams nas ni// sems kyi rin chen rab sgrub byed// rdo rje bzlas pa'i khyad par gyis// ngag gi rdo rje drim med/ / gti mug rdo rje rab sbyor bas// mig gi rnam par shes pa sbyang // zhe sdang rdo rje bsams pa yis// sgra yi sgo yi bsams pa'o// sna ni ser sna rdo rje yis// ro drug 'dod chags rdo rje yis/ / lus ni phrag dog rdo rje yis// yid ni kun tu bzang po yis// de nyid mkha' 'gro bdag med ma// 'di rnams kyis ni rnam par sbyang // gal te 'gal ba yod pa ma yin yang // de'i tshe rgyal ba'i dngos po sbyang ba yod// kun rdzob bden par yang dag gnas pa ni// 'khor lo gzugs kyi chos tsam rnam par bsgom// chos kyi dngos po ma byung spyad pa la// gang zag thams cad rnam spangs 'jig rten pa/ / 'jig rten 'gro bar bsam par mi nus te// chos kyi tshul gyis thams cad rnam par dag/ tshig pa rnams kyi gdung dang dug khyab pa'i// lus kyi sman ni gzhan gyi dug nyid de/ / ji ltar chu ni rna bar zhugs pa la// yang ni chu ni thabs su 'gyur ba nyid// ji ltar rlung gis dkrugs pa'i sems rnams kyi// de bzhin mkhas pas mon sran
- 173a
gre'u bzhin/ / 'dod chags kyis kyang rmongs pa yi// skye bo 'dod chags me yis gdung // 'dod chags kyis bskyed 'jig rten pa// 'dod chags smad pas zad par/ 'gyur// 'dod chags rdo rje yongs shes pas// yid ni rdo rje sems dpar 'gyur// 'dod chags zhags pas 'ching ba yis// 'jig rten chags pas khyab par brjod// 'dod chags/ bral ba'i mngon byang chub// 'dod chags mthar phyin rnams mi 'dod// de nas rdo rje sgrol ma yi// sgrub thabs sbyin sreg las kyi ni// go chas 'dod don thams cad kyi// sgrub thabs yang dag ra ba bshad bya/ / de la 'di rnams ni sngags kyi rkang pa yin te/ oM na mo rat+na tra yA ya/ Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ oM tA re tut+tA re tu re sarba duSh+TaM ma ma kr-i te dzam+b+ha ya/ stam+b+ha ya/ mo ha ya/ ban+d+ha ya/ hUM hUM hUM/ phaT phaT phaT/ sarba duSh+paM staM b+ha ni tA re swA hA/ ma mo dkyil 'khor dbus gnas par// lha mo sgrol ma bsgom par bya/ / phyag brgyad zhal ni bzhi pa ste// rgyan rnams kun gyis rnam par brgyan// gser gyi kha dog 'dra bar bsgom// gzhon nu ma yi mtshan nyid 'bar// rdo rje nyi ma'i dbang skyes pa'i/ / sangs rgyas bzhi yi dbu rgyan can// lang tshol ni bab pa'i lus// g.yo ba gser gyi rna cha ma// sna tshogs pad+ma'i gdan la bzhugs// 'od zer dmar pos rnam par brgyan//
- 173b
rdo rje nags pa de bzhin dung // g.yas pas mda' ni 'gengs pa'o// rdo rje lcags kyi ut+pa la// sdigs mdzub g.yon pas 'dzin pa mo// rdo rje skyil krung sbyor ba yis// gnas gsum pa ni bsgrub par bya/ / shar du me tog sgrol ma ste// kha dog dkar zhing yid 'ong ma// yi ge oM las skyes pa'o// me tog 'phreng bas lag pa khyab// phyag gnyis zhal ni gcig ma nyid// rgyan rnams kun gyis rnam par brgyan// g.yas su bdug spos sgrol ma ste// mdog gnag mdzes pa'i gzugs can ma// spos dang dung gis lag pa brel// rgyan rnams kun gyis rnam par brgyan/ / nub tu mar me sgrol ma ste// mar me sdong bus lag pa khyab// mdog ser rnam par rgyan chen mo// g.yo ba gser gyi rna cha ma// byang du dri yi sgrol ma ste// dri yi dung gis lag khyab pa/ / khrag gi mdog ltar lha mo ni// dkyil 'khor snying po bsgom par bya// lcags kyu la sogs rab dbye bas// der ni sgo yi srung ma bsam// steng du gtsug tor rnam rgyal ma/ / 'og tu gnod mdzes ma rab bsgom// 'khor lo klu zhabs bsnams nas ni// spro zhing sngags ni bzla bar bya// oM tA re tut+tA re tu re swa hA/ yi ge bcu yis lha mo bcu// pha rol phyin bcu la gnas ma/ / 'bras bu thams cad rab bsgrub phyir// rab tu 'bad pas bsgom par bya// sngags ni mchog dang phul du phyin// sangs rgyas kun gyis phyag mdzad pa//
- 174a
bklags pas 'gyur byed drag po ste// rdo rje gur gyis bshad pa'o// sngags 'dis gos kyi thu bar bdun// mngon par bsngags par bya ba ste// mdud pas bcings te/ nags tshal du// 'gro na'ang sus kyang mi 'khyer te// stag dang / chom rkun dang / chu srin sna 'thung dang / seng ge dang / sbrul dang / mche ba can dang / ma he dang / dom dang / smusdug gla nga la sogs dran pa tsam gyis nyams shing yib bo// sngags 'dis ut+pal la sbyin sreg ji srad du lan brgya rtsa brgyad ji tsam bsku bar bya ste/ oM tA re tut+tA re a mu ka me wa Sham+b+ha nA ya swA hA/ / yang sngags de nyid kyis khA'i sgro la lan sum cu rtsa gnyis yongs su bzlas te dgra'i khyim du sbas na/ nyi ma bdun gyis skrod par byed do// oM tA re tut+tA re tu ri tsa la pra tsa la shI g+h+raM gA mi ni de wa / dat+ta/ uts+tsha Ta ya hUM phaT/ de nas gzhan yang sbyor bar 'gyur ba/ oM tA re tut+tA re tu re/ a mu kA b+hI d+hA na ku mA rI ma d+ya mung+ga he na ta s+ya si ta dzA yAts+tshan+tu me swA hA/ spra tshil dang / gtum pa'i sa bon dang / myos byed dang / a sho ka'i lo ma dang / me tog sreg blugs byi zhing / mar dang sbrang rtsi bu ram du bcas pa stong phrag lnga'i sbyin sreg ni bu mo'i dngos grub la rab tu bsngags te/ nyi ma bdun gyis de'i tshe rnal 'byor pas rang 'dod pa'i bu mo thob bo/ / de nas gzhan yang rab tu sbyor bar 'gyur ba/ oM tA re tut+tA re tu re a mu kA b+hi d+hA nA swas+thA na ta A kaR+Sha ya ma mAn+ti ke dzaHsngags
- 174b
'dis ba da ra'i tsher ma stong phrag lnga rang byung gi me tog sreg blugs bya bar brjod pa 'di byas pas skyes pa skyong ba rnams kyi bu mo'ang 'gugs par byed do/ / de nas gzhan yang sbyor bar 'gyur ba zla mtshan 'dzag pa'i ras la bcom ldan 'das ma phyag gnyis ma/ zhal gcig ma/ lag pa lcags kyu dang / ut+pal dang zhags par bcas pa rnam par bris te/ de'i mdun du mchod pa byas nas me tog 'di rnams bza' zhing legs zhes bya ba la sogs pas mchod nas phyi nas sgom pa dang ldan par sngags bzlas so/ / oM tA re tut+tA re tu re a mu kI ma ma i ba si taM swap+na ka thA ya hUM phaT/ stong phrag lngas 'ong bar 'gyur ro// zhags pas mgrin par bcings te/ lcags kyur drangs nas bsgrub bya rkang pa'i 'og tu bsams te/ khol mo'i tshul gyis bza' bar bya'o// de nas gzhan yang sbyor bar 'gyur ba sgrol ma'i gzungs bdun mngon par bsngags par bya ste/ bdag gi mig gnyis mig sman gyis bsku bar bya zhing rgyal po'i rigs kyi drung du 'jug par bya'o// de nas rgyal po slob ma dang 'dra bar gus par byed cing 'gal bar mi byed pa dang / bka' dran stsol zhing snyan par rjod par byed pa dang / bran du yang dag par 'gro zhing khros pa'ang dbang du 'gyur ba ste/ 'di ni mngon sum du mthong ba dang ngo mtshar dang bcas pa'o// de nas gzhan yang sbyor bar 'gyur ba sgrol ma'i gzungs lan brgya rtsa brgyad bzlas te/ kha gnyis pa'i so dug thal bar byas/
- 175a
ba kha dog dmar mo'i mar dang / arka'i shing bal las sdong bu rab tu ska la ming sman bsdu bar bya'o// mig sman rdo rje nyi ma dang / rdo rje chos dag mnyes la rta mchog gis bdug par bya'o/ / thal ba dang lhan cig mig la bsku bar bya ste/ rdo rje mig gis gang bltas pa de/ gal te pad+ma gar gyi dbang phyug mi 'bab na de'i tshe bdag sgrol ma ma lags te/ bdag gis sangs rgyas bcom ldan 'das rnams bkrongs pa lags so/ / de nas gzhan yang sbyor bar 'gyur ba byis pa so med pa'i lce blangs la sgrol ma'i gzungs bdun mngon par bsngags par byas nas bud ba'i rgyal po'i rtsa ba dang / ba glang gi gi wang lhan cig byas pas dpral bar thig le yongs su bzung ste/ gang bltas pa de dbang du byed do// de nas gzhan yang sbyor bar 'gyur ba lto ba'i srin bu la gzungs bdun mngon par bsngags pa bya ste/ rdo rje dang lhan cig so rtsis byas la byin te/ sbyor ba mchog zos pa ni mi spong ba dang / gzhan du mi dga' ba dang / gzhan du mi 'gro ba dang // rang gi bdag po'ang spong ngo // de nas gzhan yang sbyor bar 'gyur ba mar khu chen pos nye bar byugs la/ sgrol ma'i gzungs bzlas la de bsgom par bya'o// bzlas pa'i mthar sA lu btags pas mdag gu'i dri ma la khu ba byas te/ gang la byin pa de lnga por yang mi spong ngo // de nas gzhan yang sbyor bar 'gyur ba zla dang nye bar chags pa'i dus su sgrol ma'i gzungs zlos shing brten pa
- 175b
byas la/ de las byung ba'i 'jig rten dbang phyug blangs te/ dung gi thal ba dang mnye bar bya zhing rab tu dreg ma nyid la sbyin te/ ji srid du sngar yang rjes su 'brang ngo // de nas gzhan yang // sbyor bar 'gyur ba sgrol ma'i gzugs kyis ma ngani pa la lan brgyad yongs su bzlas te/ 'dod pa'i 'bras bu nges rta mgrin dang lhan cig pas bskus na dbang du 'gyur ro// oM tA re tut+tA r-i tu re a mu ka s+ya ban+d+ha naM muk+ti ku ru muHswA hA/ zhes bya ba'i sngags 'di arka'i lo ma la bsgrub bya'i ming nang du bcug par bris la/ ne'u le'i khung bur sbas na bcings pa las grol bar 'gyur ro/ / de nas shes rab kyi pha rol tu phyin pa'i 'byung gnas yang dag par rab tu bshad par bya'o// gang gis bsgoms pa tsam gyis phas kyis rgol ba thams cad tshar gcod par 'gyur ro/ / lha mo phyag gnyis ma/ zhal gcig ma/ sku mdog dkar ba/ yid 'phrog ma/ skra phyed du li pa/ chu skyes shin tu dkar ba la yang dag par gnas ma/ lag pa gnyis par pad+ma mdog dkar ba yang dag par bsgoms shing / g.yonar shes rab kyi pha rol tu phyin pa/ rdo rje skyil krung du gnas pa/ rgyan thams cad kyis rnam par brgyan pa/ lte ba'i dkyil 'khor du bsgom par bya'o/ / oM las skyes ma/ mchog tu dga' bar byed ma/ dam tshig sems dpa' bskyed nas ye shes sems dpa' bsgom par bya zhing / rnal 'byor zla ba drug tu goms
- 176a
pas shes rab kyi pha rol tu phyin par 'gyur ro/ / mtshan mo bdun du sbyar bas bstan bcos thams cad shes par byed do// 'bum bzlas pa'i sbyor bas nyi ma re re la tshigs brgya byed par 'gyur ro/ / rab tu 'bad pa med par gzhung brgya'ang 'dzin par byed do// de la sngags kyi rkang par gyur pa/ oM pi tsu pi tsu pradz+nyA bar+d+ha ni/ dz+wa la dzA la me d+hA bar+t+ta ni/ d+hi ri d+hi ri bud+d+hi bar+d+ha ni swA hA/ khwa mi zer ba na sngags 'dis bdun du mngon par sngags pa byas te/ ma bslangs pa'i sings po skyur po ji srid zla ba drug tu gang 'thungs pa shes rab chen por 'gyur ro/ / de nas rdo rje slob dpon gyi// mtshan nyid yang dag rab bshad bya// de yis nye bar bsten pa'i sngags// sgrub pa po yis nges par 'grub// dal zhing zab mo chos dang ldan/ / thams cad rig par mkhas dang bcas// sbyin sreg dkyil 'khor sngags shes shing // rab gnas gtor mi'i pha rol son// de nyid bcu ni rnam par rig/ nyan thos spyod pa srung ba'o/ / sngags spyod rim pa gus pa dang // gzugs ldan mthong na dga' ba dang // dkyil 'khor 'dri zhing bzlas par ldan// rtsa ba'i ltung ba 'joms pa po// sngags dang lus skyob sbyor ba yis// 'jig rten rnams ni bde bar byed// de ldan bla mar bcas nas ni// gang zhig bla ma smod byed cing // skye bo bla ma smod pa gang // dmyal ba
- 176b
chen por 'tshed par 'gyur/ / ji ltar rdo rje 'dzin rgyal ni// sangs rgyas kun gyis dang por mchod// rdo rje gur gyis 'gro ba yis// de ltar bla ma'i nan tan bya// bla ma'i grib ma bud med dang / / lham dang stan dang mal stan rnams// rmongs chen gang zhig 'god byed na// skyes pa de ni spu gri 'dzin// legs par dbang bskur slob ma gang // bla ma'i bka' las 'da' byed pa/ / 'jig rten 'dir ni 'on par 'gyur// 'jig rten pha rol dmyal bar gnas// g.yo dang sgyu yi sbyor ba yis// brdzun gyis mi nus smra ba las// khong skems mdze nad chen po can/ / dmyal ba la sogs skye bar 'gyur// de ltar shes pa'i slob ma yis// bla ma'i bsnyen bkur pha rol phyin// bla ma'i bka' ni rab bsrungs na// dngos grub rgyas pa grub par 'gyur/ / tshogs kyi zas ni rtag tu bya// zhi ba la sogs rab tu bskul// snga bar dge 'dun chos stor bya// bla ma sangs rgyas yang mnyes bya// bla ma la ni yon dbul zhing / / de yi rjes su tshegs kun la'o// bdag gi las ni brtsams nas ni// cho ga 'dis ni bsgrub par bya// yan lag rgyan rnams kun gyis brgyan// rdo rje'i rgyan gyis rnam par brgyan/ / rdo rje dril bu blangs nas ni// lam kyi mami mdor gtor ma gdang // me 'og bdug spos mar ma dang // de bzhin dri yi drung sogs g.yas// g.yon du sngags kyi
- 177a
mchod yon sdod / / mdun du snod ni gzhag par bya// zhabs bsil gong ma'i cho ga yis// me tog spos sogs rim pa bzhin// lA s+ye la sogs mchod pa yis/ / mchod par byas na bzang por sbyin// me tog sgyur ba'i tshul gyis dang // dri ni 'thor ba'i tshul las dang // sdong pos mar me'i mchod pa dang // byugs pa'i lus kyis rjes su dris/ / lA s+ye'i lag pa lA s+ye ste// 'phreng bas 'phreng ba'i mkha' 'gro ma// glu yis hUM gi dam tshig glu// brla bskum pas ni ger nyid de// mchod pa 'di rnams bla na med// sangs rgyas thams cad mnyes par byed// sangs rgyas rnams ni mchod pas mchod// 'dod pa'i dngos grub byed par 'gyur// bzlas dang bsgom pa mngon dga' zhing // rtag tu 'khor ba'i pha rol 'gro/ / rdo rje mkha' 'gro'i bka' ji bzhin// 'di rnams bla med mchod pa'o// me tog spos sogs mngon sum du// 'jig rten spyod par gnas pa yis// sna tshogs mchod pa mchog nyid min/ / de nyid byang chub yan lag min// dkar po zhi bar byed par brjod// ser po rgyas pa'i sgrub thabs la// dbang dang dgug par dmar po ste// tha ma'i las la nag po'o/ / zhi ba la ni me tog dkar// ser po rgyas pa'i rdo rje la// me tog nag po tha ma la// dbang dang dgug la dmar po bzang // rnal 'byor pa gang dbang bskur med// dkyil
- 177b
'khor du ni ma zhugs dang / / gang zhig rab gnas ma mthong dang // gang zhig sbyin sreg ma byas pa// 'jig rten 'di dang pha rol tu// de yi dngos grub mchog nyid med// gang gis slob dpon gsol ma btab/ / 'dir ni rigs su skye ba med// sangs rgyas thams cad bsgom par bya// gang gis byang chub ma thob na// 'khor lo sgyur ba'i gnas su de'i// skye zhing skye bar 'gyur ba'o/ / yang na sa yi bdag po nyid// dag pa'i gnas su mngon par 'gro// bde ba can dang mkha' 'gro dang // dga' ldan du ni blo ldan skye// 'jig rten 'dir ni gang 'grub pa// sangs rgyas de ni ci zhig smos// khams gsum bdag po chen po 'di// 'chi med rgas pas khyab pa med// tshangs pa brgya byin de bzhin drag/ sgra gcan me dang rlung dang ni// 'dod pa'i lha dang mthong ldan nyid/ / 'di rnams de yi 'khor du 'gyur// lha klu de bzhin gnod sbyin dang // dri za lha ma yin dang mau// mi 'am ci dang mkha' spyod gang // de rnams 'khor 'gyur the tshom med/ / 'di ni rang byung bcom ldan 'das// chos kyi 'khor lo bskor ba dang // rigs dang byang chub byed pa dang // de bzhin du ni lhar gshegs dang // khyim nas 'byung bar byed pa dang / / rab tu byung ba 'dzin pa dang // skye ba yongs su len pa dang // yongs su mya ngan 'das pa ston// 'dul ba'i 'jig rten mthong nas ni// 'di ni gzugs ni du ma byed// sangs
- 178a
rgyas sems can bskyab bzhed pas/ / sangs rgyas gar ni rol pa mdzad// ri bong stag dang seng ge dang // glang po rnams kyi rigs su yang // snying rjes phan pa'i sems kyis ni/ / phyag rgyas grub pa skye bar 'gyur// bud med sgyu ma'i spros pa yis// 'dod chags can la chos gsung ngo // bud med sgyu ma sangs rgyas nyid// sgyu ma thams cad sel bar byed// shes rab pha rol phyin gzugs su// bud med rtag tu yang dag gnas// sgyu ma chen mo gnas 'dug nas// sangs rgyas byang chub rab tu ster// g.yo zhing dade che ngo tsha med// rtag tu 'dod chags pha rol 'gro/ / dngos grub kyang ni rab tu ster// gzugs dang yon tan nor la yang // 'dod pa gang yang btsun mo med// rdo rje 'dod chags yid 'dod pas// rang gi bde ba myang bar ldan/ / skyes bu tshul khrims ldan pa dang // bde gshegs bka' las mi 'da' zhing // bla ma bsnyen bkur snying rje can// kye'i rdo rje rab phye ba'o// de nas rnal 'byor ma bdag med ma gtso mo dang / mkha' 'gro ma rnams kyis bstod pa'i rgyal po 'dis gsol ba btab pa/ zhe sdang rdo rje phyag 'tshal bstod// gti mug rdo rje phyag 'tshal bstod// ser sna rdo rjes bdag la spobs/ / 'dod chags rdo rje bdag la stsol// yid dang phrag dog chen po dang // rdo rje kun gyis dam tshig mgon// las rnams thams cad sgrub pa po// rdo rje can kun dgyes
- 178b
par mdzod/ / de nas bcom ldan 'das mkha' 'gro ma thams cad kyi dam tshig la gnas te dbyangs 'di gsungs pa/ thig skud gsar pa mdzes par ldan// shin tu tshad ma gtsang ma yis/ / he zhes bya ba'i dkyil 'khor gyi// shes rab can gyis thig gdab bya// de la 'di ni slob ma chen po'i gsol ba gdab pa'i dam tshig go// de bzhin gshegs pa thams cad zhi// / de bzhin gshegs pa kun gyi gnas// rdo rje sems dpa' las byung ba'i// dkyil 'khor 'dren pas bshad du gsol// dkyil 'khor gyi rdo rje la gsol ba gdab pa rnam par rgyal ba zhes bya ba'i ting nge 'dzin te/ da ni snying rje sdebs dpal ldan// bsrung ba'i 'khor le sbyor ba po// rdo rje yis ni gsal ba'i lus// sku gsum las ni skyes pa spro// gal te la la 'da' byed na/ / 'jig ste 'di la the tshom med// lus srul po dang kha cig gang // bango chen ye shes 'byung ba dang // rdo rje sems dpa'i rang bzhin skyes// zur cig bgegs ni chen po rnams/ / 'khor lo yis ni brgyad nyid kyi// cha yis sgro ni rab tu grags// sgo khang lha yi snam bu ni// sgo yi tshad kyi tshad du bya// sgro yi phyed kyi cha ru ni// ya phubs dang ni 'gram nyid do/ / rig byed nyid kyang de bzhin bya// dra ba'i snam bu rig byed phyed// dang por tshangs pa'i thig dang ni// gnyis par mtshams kyi thig dang yang // gsum par ngos ni bzhi yi bzhi//
- 179a
thig ni rab tu gdab par bya// tshangs thig cha gnyis bor nas ni// cha drug tu ni bdab par bya// de nas sgo yi tshad bor nas// dgu yi char ni rab tu gdab// de la 'di ni sa sbyang ba'i dam tshig go/ oM khaM hUM b+h+rUM/ de la 'di ni ye shes spyan drang ba ste/ oM me di ni badz+rI b+ha ba badz+ra ban+d+ha hUM/ de la 'di ni thig gdab pa'i dam tshig ste/ oM sa ma ya su tra mA ti kra ma hUM/ de la 'di ni rdul tshon bri ba'i dam tshig ste/ 'di ni chos dbyings dag pa ste// sems can khams ni thar par byed// kye yi rdo rje rgyal po ches// dkyil 'khor dam pa bzhed par bya/ / dbang ldan du ni sa ra b+ha// me yi mtshams su dge slong bri// chos kyi 'khor lo bden bral du// rlung du rdo rje bri bar bya// ljags kyu shar du bri bar bya// lho yi sgor ni zhags pa nyid/ / nub sgor de bzhin lcags sgrog ste// byang du rdo rje dril bu'o// dbus su thod pa dkar po ni// sna tshogs rdo rjes mtshan pa bri// de nas rdo rje 'dzin pa'i rgyal pos sbyin sreg gi grong khyer rab tu phye ba/ rdo rje thab khung sbyor ba yis// rdo rje'i sreg rdzas sbyor ba las// zlum por zhi bar byed par brjod// rgyas pa ra ba'i rdzing bu'i gzugs// dbang ni zla bo phyed pa 'dra/ / dgug pa la ni lcags kyu'i dbyibs// gsang dang zhe sdang las la ni// nam mkha'i khams dang mtshangs pa'o// de bzhin spong byed skal ngan dang // yan lag 'a
- 179b
pa'i sbyor ba yis/ / tsan dan a ka ru shing dang // gzhan yang dri yi rkang 'thung gis// sbyin sreg yan lag me sbar nas// phyis ni yang ni dgug par bya// oM e h+ye hi ma hA b+hU ta de ba r-i Shi dI dze satwa ma gr-i hI tA A hu ti mA hA raM asmin+man+do hi to b+ha ba/ lcags kyu nyid kyis dgug par bya// zhags pa nyid kyis gzhug bya zhing // lcags sgrog gis ni zhabs dag bcing // dril bu 'khrol bas dbang du byas// lA s+ye la sogs mchod pa brgyad// mchod yon cho ga byas nas ni// mar la sogs pa'i sbyor ba las// yang ni ma ni mnyes par bya// de la 'di ni rdo rje mchod yon gyi dam tshig ste/ oM pra ba ra sat+kA ra pra tIts+tsha swA hA/ de la 'di ni zhabs bsil gyi dam tshig ste/ oM sarba pA pa da ha na badz+ra ya satwa s+ya sarba pA paM da ha swA hA/ de la 'di ni bsreg rdzas thams cad 'chu ba'i dam tshig gi sngags te/ oM badz+rA na ma la ma hA b+hU ta dz+wa la ya/ sarba b+hasmi ku ru sarba duSh+Tan hUM phaT/ dr-i sh+ya dzaHhUM raM hoHsa ma ya s+t+waM a / phyi nas rang 'dod pa'i lha spyan drang ba ste/ oM e h+ye hi b+ha ga wan+di ha b+hak+Sha Na sa ma yen tsa a gan+d+ha sa mA ti tsi ti pU dza dA dA pra sid+d+ha me/ de la 'di ni dgyes pa'i dam tshig ste/ oM kr-i baHsarba satwar+thaHsid+d+hi dzatA ma thA nu g+ha/ gats+tsha d+ha bud+d+ha ba~M Sha ya~M pun rag ma nA la muH bzhengs pa dang / las sna tshogs kyi sbyor ba dang / sbyin sreg gi le'u ste brgyad pa'o//
- 180a
de nas rdo rje 'dzin rgyal gyis// rdo rje sems dpa'i rab gnas ni// 'jig rten tha snyad la gnas te// mdor bsdus nas ni bstan par bya// dang po re zhig rig ma 'dzin/ dril bu 'khrol bar 'dod pa dang // rkang g.yas brkyang ba'i sbyor ba las// g.yas par rdo rje gsor ba dang // srong thun skad ni chag pa ni// gos kyis mgrin pa bcings pa dang // rin chen sman gyis yongs gang ba'i/ / bum pa sta gon gnas par bya// oM da wa pi tsu badz+ra a d+hi tiSh+Tha/ oM mo ha ra ti a d+hi tiSh+Tha/ oM dwe Sha ra ti a d+hi tiSh+Tha/ oM rA ga ra ti a d+hi tiSh+Tha/ oM badz+ra ra ti a d+hi tiSh+Tha/ / oM badz+ra gau rI A kaR+Sha ya dzaHoM badz+ra tsau rI pre be sha ya hUM/ oM badz+ra bai tA lI ban+d+ha baM/ oM badz+ra g+hasma rI wa sh+yaM ku ru hoH'di ni ye shes dgug pa'i cho ga'o// shun pa lnga dang ba spu lnga// khyad par du yang dri lnga dang / / lus bshal la ni blugs par bya// mchod yon la sogs sngar bzhin bya// yang na de nyid sbyor bar bya// snga bar blugs shing byin gyis brlab// mig la sogs par ga mug sogs/ / rdo rje gsum ni gnas gsum dgod// dbang ni rang gi rigs nyid kyi// mchod pa la sogs rim pas brtsam// rang gi snying nas ye shes bsam// sangs rgyas bzhugs par bsang gtor bya/ / ye shes rdo rje'i sbyor ba yis// rim pas mchod pa'i lha mo spro// byang chub sems mchog bsams nas ni// sangs rgyas bstod pa yang dag brtsam// dngos po
- 180b
kun gyi rang bzhin gyis/ / stong pa snying rje tha dad med// khyod ni rnal 'byor ma tshogs yongs su bskor// khyod ni nyid kyi thugs kyi mchog mnyes pa// khyed kyi rgyu dang mi rgyu'i 'gro ba kun bsgrubs shing / / snying rje'i thugs kyis sems can sad mdzad pa// sgyu ma'i spros pas rdo rje 'phen mdzad pa// he ru ka dpal rdo rje yid kyis dgyes// rdo rje se so la sbyor ba yis// rdo rje sgom pa bsgom par bya/ / rdo rje yi ge blangs nas ni// rdo rje dkyil 'khor bsgom par bya// rdo rje dkyil 'khor dbus gnas par// rdo rje phung po rnam par bsgom// de nas rdo rje mched pa bsam/ rdo rje lce yi sbyor ba las// sangs rgyas rdo rje'i rjes bcug nyid// rdo rje'i sngags kyis bsang gtor bya// bcom ldan 'das kyis rdo rje'i bdud rtsi'i ro myang ba'i rdo rje de skad ces bka' stsal to// nam mkha'i khams kyi dbus son par// rtse ma lnga pa bros pa yis// sangs rgyas dngos grub 'dod pa yis// stobs kyis sangs rgyas phur bus gdab// chos 'byung grong khyer yid 'ong bar rdo rje mdzub mo'i sbyor ba las/ / gal te dngos grub mi ster na// rdo rje sems dpa' gsad par bya// oM du ru du ru/ ts+tshin+da ts+tshin+da/ hUM hUM/ bcom ldan 'das kyis phur bus gdab pa chen po rdo rje de skad ces bka' stsal to/ / ma mo'i dkyil 'khor dbus gnas par// cha mgrin rnam par bsgom par bya// dbu rgyan la ni rdo rje chos// phyag rgya chen por brjod pa las// pad+ma dmar ba
- 181a
spyi bor 'dzin/ / sku mdog dmar po stobs po che// gos dkar gnyis med sbyor ba'i las// bcu drug phyag gis rnam par brgyan// g.yas pa'i zhal ni nag po ste/ g.yon pa zla mdzes dri ma meng // dang po dmar po shes par bya// lhag ma'i zhal ni bung ba mtshungs// zhal brgyad pa la zhabs bzhi pa// rdo rje chos ni gzi brjid che// 'dod chags chen po'i rjes chags pas/ / bdud bzhi mnyam par mnan pa'o// ma mo'i dkyil 'khor dbus gnas par// rdo rje rnam snang dran par bya// dbu rgyan rdo rje 'dzin pa bsam// sku mdog dkar po gzi brjid che/ / phyag ni bcu drug zhal brgyad pa// zhabs bzhi pa ste 'jigs pa po// chos kyi 'khor lo spyi bor 'dzin// 'dod chags chen po rjes chags pa// spyan dang gnyis med sbyor ba yis/ / 'jigs pa 'di ni 'jigs par mdzad// dang po'i zhal ni dkar po ste// nag po dmar pos rnam par brgyan// lhag ma'i zhal ni bung ba mtshungs// ma mo'i dkyil 'khor dbus gnas par/ / rdo rje nyi ma rnam par bsgom// cod pan rin chen 'dzin par bsam// rdo rje gzi brjid 'ongad po che// phyag ni bcu drug zhal brgyad pa// zhabs bzhi pa ste 'jigs pa po/ / sems kyi rin chen spyi bor 'dzin// bcom gser ltar gzi brjid che// dang po'i zhal ni ser po ste// g.yas pa sngon po 'dra ba'o// g.yon pa zla 'od
- 181b
bzang po ste/ / lhag ma'i zhal ni bung ba mtshungs// ma mo'i dkyil 'khor dbus gnas par// rta mchog rnam par bsgom par bya// dbu rgyan ral gri 'dzin par bsam// mar gang ut+pal mtshungs pa'o/ / zhal brgyad pa la zhabs bzhi pa// bcu drug phyag gis rnam par brgyan// dang po'i zhal ni sngo bsangs te// rta yi gzugs te 'jigs pa po// g.yas pa kha dog nag po ste/ / g.yon pa zla mdzes dri ma med// ral gri dngos grub spyi bor 'dzin// lhag ma'i zhal ni bung ba mtshungs// rdo rje nyi ma rta nyid kyis// phyag rgya 'di ni sgrol ma'i gzugs lha mo rnams kyi phyag gnyis brjod/ / gri gug dang ni thod pa 'dzin// kye yi rdo rje dkyil 'khor mchog/ ral gri dag ni rtag pa nyid// phan par me long de bzhin no// rta mgrin la ni gos bzang ste/ / rdo rje nyi ma la ni gser// rta mchog la ni 'gro mgyogs te// mchog tu phan pa nyid kyi yon// sangs rgyas 'bras bu 'dod pa yis// bla ma la rtag rgyun du dbul/ skal bzang rdo rje sems dpa' bdag/ skal bzang thub pa rnam snang mdzad// skal bzang dpal ldan 'jig rten dbang // skal bzang nyi ma bdun rgyal po// de nas rdo rje 'dzin pa'i rgyal po sku gsum mchog gi rdo rje 'dzin pa pos mnga' bdag rdo rje 'dzin pa'i dam tshig mchog gsungs pa/ oM d+ha ra d+ha ra/ d+hA ra ya d+hA ra ya/ marda marda/ badz+ra d+h+r-ika phaT swA hA 181'a1(rgyud 'bum): de nas sngags chen bshad pa na/ / rdo rje skye ba'i snying rje che// 'jigs shing skrag par gyur nas ni// rdo rje'i dngos grub rab tu stsol// de nas bcom ldan 'das rdorje 181'a2(rgyud 'bum): chos kyi rnam pa'i ting nge 'dzin la snyoms par zhugs te/ rta mgrin gyi sngags 'di gsung pa/ oM badz+ra d+har+m+ma sa ma ya s+t+waM/ hu lu hu lu oM A ro li ka phaT swA hA/ de nas 'di ni bshad tsam 181'a3(rgyud 'bum): na/ rdo rje chos ni grags chen po// 'jigs shing skrag par gyur nas ni// chos kyi dngos grub rab tu stsol// de nas bcom ldan 'das rnam par snang mdzad rdo rje zhes bya ba'i ting nge 'dzin la 181'a4(rgyud 'bum): snyoms par zhugs te/ phan pa'i sngags 'di gsungs pa/ oM sA shwa taM pa ra ma sA shwa ta e h+ye hi dzi na dzi ka phaT swA hA/ de nas 'di ni bshad tsam gyis// sangs rgyas kun dang de bzhin gshegs/ 181'a5(rgyud 'bum): brgyal zhing 'jigs par gyur nas ni// de nas sangs rgyas dngos grub stsol// de nas bcom ldan 'das rin chen nyi ma zhes bya ba'i ting nge 'dzin la snyoms par zhugs te/ rdo rje gzi 181'a6(rgyud 'bum): brjod kyi sngags 'di gsungs pa/ oM badz+ra sAr+ya ta mo bi d+ha ma na ma hA sa ma ya s+t+waM a haM rat+na d+h+r-ika phaT swA hA/ de nas 'di ni bshad tsam gyis// rdo rje gzi brjid 'ong po che// 'jigs shing brgyas 181'a7(rgyud 'bum): bar gyur nas ni/ / nyi ma'i dngos grub rab tu stsol// de nas bcom ldan 'das don yod rdo rje zhes bya ba'i ting nge 'dzin la zhugs te/ rta mchog rdo rje'i sngags 'di gsungs so// phu 181'b1(rgyud 'bum): phuHphuHhi hi hi/ pradz+nyA d+h+r-ika phaT swA hA/ de nas 'di ni bshad tsam gyis// rdo rje don yod rigs byung ba// 'jigs shing brgyal bar gyur nas ni// de rnams don yod dngos grub stsol/ 181'b2(rgyud 'bum): sangs rgyas dkyil 'khor de nyid de// rdo rje can gyi zla phyed mtshungs// rdo rje chos kyi pad+ma 'dra// nyi ma'i yid bzhin nor bu sbyin// rta mchog ces bya de yi ni// thams cad du ni gru gsum 181'b3(rgyud 'bum): mo/ / rdo rje sems dpa'i phyag rgya che// phan pa'i phyag rgya nyid dang ni// rdo rje chos kyi phyag rgya che// rin chen tog gi 'od byed ma// don yod grub pa'i phyag rgya re// rus pa'i rgyan gyis 181'b4(rgyud 'bum): brgyan par ldan/ / stag gi pags pa bsnams pa dang // dbu skra thod pa phyed pa ste// mchod par brtson pa'i sems dpa' yis// chags pa mig dmar mthong nas ni// phyag rgya 181'b5(rgyud 'bum): chen po'i sbyor ba las/ / chags pa'i sbyor bas bsgom par bya// las sna tshogs sgrub pa'i le'u ste dgu pa'o// // de nas rdo rje 'dzin rgyal gyis// spyod pa'i mtshan 181'b6(rgyud 'bum): nyid bshad par bya/ / rdo rje spyod pa'i sbyor ba yis// rdo rje phyag rgya yang dag brtsam// me tog 'bras sogs kyis brgyan pa// nags chen po yi mtha' nyid du// sems dpa' chen po 'gro bar bya// nag tshal du ni slong mo rgyu// 181'b7(rgyud 'bum): zas ni bzang pos brgyan pa nyid// de rnams 'jigs shing skrag nas ster// nags tshal bdag po'i rigs kun ni// rdo rje can ni 'khor du 'gyur// skyes pa dang ni skye ba kun// skye bo gang
- 182a
zhig skye 'gyur ba/ / gti mug rdo rje'i sbyor ba las// rdo rje'i mig gis mthong bar 'gyur// khams gsum lam ni nyams dga' bar// sgra ni gang zhig rab grags pa/ rna ba'i drung du gnas pa bzhin// zhe sdang rdo rje'i sbyor ba las// drang srong mngon par shes pas thos// sems can kun gyi sems chen po// mtshon ka lta bu'i mtshan nyid ni// lag mthil skyu ru ra lnga bzhin/ / rdo rje'i sems kyis shes par 'gyur// skye ba bye ba stong phrag tu// rang gi rigs ni stong phrag gcig/ rdo rje sbyor bas dran 'gyur te// nyi ma gsum bzhin dran par 'gyur// sgyu 'phrul dra ba du ma yis/ / 'dis ni snang bar byed par 'gyur// mngon shes lnga yis sbyor ba yi// sangs rgyas mngon shes thob par 'gyur// rdo rje skye mched rnam par dag pa'i le'u ste bcu pa'o// / phan pa nyid kyis zhi ba ste// rdo rje nyi mas rgyas pa'o// rdo rje chos kyis dbang zhes bya// rdo rje sems dpas gsad par bya// zhi ba'i sems kyis zhi ba ste// dbang ni yang ngag brtsam par bya/ / rgyas pa'i sems kyis rgyas pa ste// rdo rje char sprin rab bsgom bya// rjes su chags pa'i sems kyis ni// bu mo bkug nas bza' bar bya// me yi char sprin 'bab pa dang // gdug pa'i sems kyis gsad par bya// 'phrog pa las ni dkar mo ste// skye gnyis pa las tshangs pa nyid// dpal ni sred med bu las kyang // ma bcag pa las raM b+ha nyid// rga ma chu sin rgyal
- 182b
mtshan las/ / phyag rgya chen po'i sbyor ba yis// de rnams thams cad re bar bza'// shin tu dga' ba'i sems kyis rtse// 'dod pas gos par mi 'gyur ro// mthar ni sA hAs zhi bste/ rgyas pa'i dus su bo Shan+da// mthar ni hU~M phaT gsang pa la// dbang dang dgug la dzaHdang hrIH// las thams cad pa'i le'u ste bcu gcig pa'o// / de nas rdo rje 'dzin rgyal ni/ / mkha' 'gro ma ni rdo rje gur// rdo rje mkha' 'gro rab bsgrub phyir// thub pas tshig 'di bka' stsal to// me tog 'bras bus brgyan byas pa'i// ri khrod dang ni sman ljongs su// rdo rje skyoskyil krung bcas nas ni/ / bla ma sangs rgyas mchod par bya// dkon mchog gsum la bdag skyabs mchi// sdig pa thams cad so sor bshags// 'gro ba'i dge la rjes yi rang // sangs rgyas byang chub yid kyis gzung / / sangs rgyas chos dang tshogs mchog la// byang chub bar du skyabs su mchi// rang gzhan don ni rab bsgrub phyir// byang chub sems ni bskyed par bgyi// byang chub mchog gi sems ni bskyed bgyis nas/ / sems can thams cad bdag gi mgron du gnyer// byang chub spyod mchog yid 'ong spyad par bgyi// 'gro la phan phyir sangs rgyas 'grub par shog/ tshangs pa'i gnas ni bzhi po yis// sems kyi ngal ni bso bar bya// phyi nas byang chub sems gnas te// rdo rje bsrung ba'i dam tshig go/ bden dang rdzun par spyad pa yis//
- 183a
brtag pas nye bar mi gos te// ma skyes pa yi sbyor ba yis// skye ba 'dir ni rab tu brjod// oM shU n+ya tA dz+nyA na badz+ra swa b+hA ba At+ma kohaM/ nam mkha'i khams kyi dbus gnas par/ / sna tshogs rdo rje bsgom par bya// hUM ni bcu yi sbyor ba yis// khro bo bcu ni rim pas dgod// gshin rje mthar byed shes rab mthar// pad+ma mthar byed bgegs mthar byed// Tak+ki khro bo dbyug pa sngon// mi g.yo ba dang stobs chen dang // gtsug tor gdugs ni dkar po dang // rdo rje zhabs 'og gnas pa ni// bdud rtsi sbyor bas thams cad du// khro bo'i sgom pas bsgom par bya/ / dpag tshad brgyar ni khyab pa ru// bsams nas bgegs ni bskrad par bya// nam mkha'i khams kyi dbus gnas par// rdo rje dkyil 'khor bsgom par bya// rdo rje dkyil 'khor dbus gnas par/ / 'od kyi dkyil 'khor bsgom par bya// me yi dkyil 'khor dbus gnas par// yang ni chu ni bsgom par bya// chu yi dkyil 'khor dbus gnas par// brtul zhugs can gyis dbang chen bsgom// dbang chen dkyil 'khor steng du ni// bdag nyid kyang ni bsgom par bya// bruM las gnas ni bsams nas su// rnam pa lnga ni rab brtag bya// ye shes lnga las byung ba yi// sems dpa'i gzugs brnyan bsgom par bya// rdo rje sems dpa' las byung ba'i// rig ma'i skyes bu bsgom par bya// oM d+harma d+hA tu badz+ra swa b+hA ba At+ma kohaM/
- 183b
rdo rje bzhengs pa zhes bya ba'i ting nge 'dzin to// mig la sogs par gti mug sogs// rdo rje gsum ni gnas gsum dgod// thugs kyi rdo rje mkha' spyod ma// gsung gi rdo rjes spyod ma/ / sku la zhabs 'og gnas ma ste// oM AHhUM las byung ba'o// rdo rje dkar mo chu bdag ma// rdo rje mkha' 'gro bdag med ma// zhe sdang rdo rje'i gnas mnan cing // dkyil 'khor snying por bsgom par bya/ / dkar mo chom rkun ro langs ma// g+hasma rI ni sgo srungs ma// puk+ka sI dang ri khrod ma// gdol pa g.yung mo mtshams su dgod// steng du mkha' spyod ma zhes bshad/ 'og tu de bzhin sa spyod ma// dbus su bdag med mkha' 'gro ma// mkha' 'gro dkyil 'khor nyid du bsgom// byang chub rdo rje sangs rgyas la// ji ltar mchod pa che stsal ba// bdag kyang rab tu bskyab pa'i phyir/ / nam mkha'i rdo rje bdag la stsol// dbang bskur rdo rje chen po ni// khams gsum gyis ni phyag byas pa// sangs rgyas kun gyi gsang gsum gyi// gnas las byung ba stsol bar mdzad/ / ye shes kyi dbang la gsol ba gdab pa rdo rje zhes bya ba'i ting nge 'dzin to// rig ma'i skyes bu dbang chen la// cod pan rang gi lhag pa'i lha// des ni dkyil 'khor dbang dang ni/ / bstod dang mchod pa la sogs bya// ye shes gzhug pa de bzhin yang // lce yis rdo rje bdud rtsi myang // nang du brjod pa'i sbyor ba las// brtul zhugs can gyis sngags
- 184a
bzlas bya/ / rnal 'byor ma 'byung ba zhes bya ba'i le'u ste bcu gnyis pa'o// // de nas byams pa la sogs pa'i byang chub sems dpa' rnams kyis rang rang gi rnam par rtog pa skye bar gyur te/ bcom ldan 'das ji ltar na rnal 'byor ma'i rgyud ces spyad par bgyi/ rdo rje 'dzin pas bka' stsal pa// shes rab pha rol phyin pa'i thabs// rnal 'byor ma zhes mngon par brjod// phyag rgya chen po rab sbyor las// gang phyir de nyid brten pa yi// rnal 'byor ma yi rdo rje gur// rnal 'byor ma yi rgyud ces bshad// pha rol phyin pa kun gyi thabs/ / bsam gtan tsam gyis grub par 'gyur// dga' mdzes mkha' 'gro ma yis mtsho// mkha' dang gser gyi char pa dang // dga' chen ma dang g+hasma rI// shin tu dgyes rol gsang yig 'phrog/ rdo rje mkha' 'gro phan rgyud brgyad// kye yi rdo rje sangs rgyas kun// gsang mdzod rdo rje bdud rtsi 'byung ba dang // 'khor lo sdom pa gur gyi 'byung gnas ni// rnal 'byor ma rgyud du ni rab tu grags/ / skyes bu rnams ni 'dul ba'i phyir// rnal 'byor rgyud ni yang dag bshad// btsun mo rnams ni bsdu ba'i phyir// rnal 'byor ma yi rgyud bshad do// dman pa rnams la bya ba'i rgyud// bya ba rnal 'byor de lhag la// sems can mchog la rnal 'byor mchog/ rnal 'byor gong med de lhag la// de nas byang chub sems dpa' rnams
- 184b
kyis/ bcom ldan 'das la gsol pa/ re zhig bdag cag gi yul rnams ni 'tshal na/ sems can gzhan rnams kyis ji ltar sangs rgyas kyis gsungs pa 'tshal ba lags// bcom ldan 'das kyis bka' stsal pa// stong pa snying rje tha dad med// gang du sems ni rab bsgoms pa// 'di ni sangs rgyas chos dang ni// dge 'dun gyi yang bstan pa'o// mu stegs can sun dbyung ba dang / rgol ba rnams tshar gcod pa dang / rang gi sde'i gzhung mngon pa zhes bya ba'i ting nge 'dzin to// bdag gi byang chub thob bya'i phyir// gang phyir gzhan dag bsgrub pa'i phyir des na sangs rgyas chos dang ni/ / dge 'dun gyi yang bstan pa'o// bdag 'dzin zhen pa bzlog pa'i phyir// chos dbyings bdag nyid sgrub thabs ni// thabs dang shes rab 'dus pa yis// des ni sangs rgyas bstan pa'o// de nas bcom ldan 'das rnams dang rgyal ba'i sras po rnams/ bcom ldan 'das kyi gsung 'di thos nas dga' bar gyur te tshig 'di skad smras pa/ e ma kun tu bzang po yi/ / bstan pa nam mkha' las byung ba// nam mkha'i dbus su sbyor ba yis// ye shes rgya mtsho nyan par 'gyur// de nas rdo rje 'dzin rgyal ni// bde ba chen po rnam 'phel bas/ / dam tshig thams cad bshad par bya// sangs rgyas 'bras bu 'dod pa yis// bde dang rangs shing gar dang ni// glu gar rol mo sgra byed pas// dri dang 'phreng ba byug pa yis//
- 185a
rig pa'i rgyal po rab tu 'grub// ji ltar bde ba bde bzung nas// ji ltar 'dod pa spyad par bya// ji ltar gnas su gnas nas kyang // yi ge dam pa 'grub par 'gyur bza' dang btung ba'i sbyor ba dang / / bzang po'i rgyan gyis brgyan pa yis// nyi ma gcig tu bskul ba yis// dam pa de nyid 'grub par 'gyur// rtag tu rang gi dam tshig myang // rtag tu de bzhin gshegs pa mchod/ / rtag tu bla ma la yang dbul// bla ma sangs rgyas kun dang mnyam// ji ltar mgon po rnam snang mdzad// rdo rje 'dzin sbyin bla ma nyid// ji ltar nam mkha' rgya mtsho che/ ji ltar thub pa rgya mtsho chos// ji ltar mgon po bdun rgyal po// de ltar rdo rje slob dpon brjod// des na 'bad pa thams cad kyis// rdo rje slob dpon bla ma che// dge ba mchog tu gsal ba po/ / nam yang smad par mi bya'o// rdo rje sdom pa zhes bya ba'i le'u ste bcu gsum pa'o// // de nas bcom ldan 'das rdo rje chen po rdo rje gsor bar bzhed pa'o// mkha' 'gro bdag med mas 'khyud pas// bzang po spyod pa dbye bar bya// rdo rje'i gzugs su bzhag nas ni// ji ltar 'dod par 'dod pa yis// rig 'dzin 'khor lo sgyur ba nyid// dogs pa med par 'grub par 'gyur// dri lnga yang dag blangs nas su// rdzas lnga dang ni bsre bar bya// lcags gsum gyis ni dkris nas ni// ril bu'i rig pa 'dzin par 'gyur//
- 185b
/ gur kum a ka ru ldan pa// nyi ma 'char ka'i mdog 'dra ba'i// ril bu kha ru bcug byas nas// nyi ma'i rig pa 'dzin par 'gyur// sha lnga dang ni ldan pa ru// lcags gsum gyis ni dkris nas ni/ / rdo rje nyi ma rab sbyor bas// nyi ma gcig gis 'grub par 'gyur// tsan dan dmar po kha che dang // dga' ba sbas par sbyar ba ni// lcags gsum gyis ni dkris byas pa/ rta yi rig pa 'dzin par 'gyur// 'jig rten mgon po rnam bsgoms nas// tsa na'i rus pa'i tshad tsam las// gu gul lcags kyis dkris pa ni// mgon po'i rig pa 'dzin par 'gyur/ / ril bu sgrub thabs rdo rje zhes bya ba'i ting nge 'dzin to// klu yi rgyal po'i mgo bsregs nas// rang byung khrag gis bsgo bar bya// rdo rje phan pa'i rnal 'byor gyis// mig sman rig pa 'dzin par 'gyur/ / ba bla'i sa bon ldan pa dang // stag gi pags pa'i tshol bu mnye// sku yi rdo rje'i rnal 'byor gyis// rkang pa'i byug pa 'grub par 'gyur// yan lag med pa'i dkyil 'khor dbus/ / dbang po'i brag phug 'gram du ni// rdo rje rkang 'og rnal 'byor gyis// lha yi bu mo rab bsgrub bya// o Di'i yul du nye ba na// a mra 'bras chen po yi ni// rdo rje gnod mdzes sbyor ba yis// rkang 'og rig pa 'dzin par 'gyur// rdo rje sems dpa' rgyal po che// yang nas yang du bskul bar bya// de nyid dngos grub thams cad kyis// yid
- 186a
bzhin nor bu lta bur mtshungs/ / rdo rje gnod mdzes sku chen po// phyag gnyis zhal ni gcig pa can// sdigs mdzub klu yi zhags pa dang // kha dog nag por bsgom/ par bya// rdo rje mdzod ni blangs nas ni// rnam pa thams cad bsgom par bya// mi bskyod pa yis yang dag mnan// phuHzhes bya ba'i sngags brjod do// rab tu byung ba dang mig sman rdo rje zhes bya ba'i ting nge 'dzin to/ / de nas de bzhin gshegs pa thams cad bcom ldan 'das kyi gsung thos nas/ dga' zhing mgu ba skyes par gyur te tshig 'di skad smras so// e ma ho rdo rje e rdo rje/ / e ma rdo rje'i bstan pa ni// chos rnams thams cad stong pa la// gang phyir dngos grub rab gnas pa// snying po med pa'i chu shing la// ji ltar snying po'i 'bras zhim pa// de ltar snying po med lus la/ / dngos grub 'bras zhim de bzhin no// nam mkha' 'byung po thams cad dang // chos rnams kun gyi gnas yin te// sems ni nam mkha' lta bur dag/ dag pa'i sems ni mchog tu bde/ / don dam dbang po'i rang bzhin gyis// sems las phyi rol 'gyur ba med// gzugs sogs so sor 'dod pa yi// sems nyid du ni 'dod par bya// de nas byang chub sems dpa' phyag na rdo rjes/ bcom ldan 'das la gsol pa/ bcom ldan 'das de bzhin gshegs pa thams cad ji ltar sems stong la/ sems las phyi rol gyi don
- 186b
sems mi stong pa rab tu 'byung zhes bgyi/ de bzhin gshegs pas bka' stsal pa// thogs med srid pa'i bag chags kyis// phyi rol don ni rnam par brtags// sems kyis tham cad rnam par brtags/ / sems ni kun tu 'gro bar brjod// byang chub sems rab tu 'byung ba bstan pa rdo rje zhes bya ba'i ting nge 'dzin to// shin tu bzhin mdzes mig yangs ma// si h+la ga pur 'byung ba'i gnas/ / dpang du gzhug par byas nas ni// skra nas gzung bar yang dag brtsam// rdo rje'o yis 'o byas shing // rdo rje nyed pas mnye bar bya// rdo rje 'khyud pas yang dag blang / / rdo rje ma mchu rab bcir bya// rdo rje mdzub mo'i sbyor ba yis// rdo rje gnas ni rab bskul bya// rdo rje sems ni phyung ba yis// rdo rje lce yis yang dag bza'// phyi nas de yi bde can du/ / rdo rje sems dpa' gzhug par bya// rdo rje 'chi ba'i sbyor ba yis// rdo rje mchod pa yang dag brtsam// rdo rje sems dpa' 'byung ba la// sems ni brtul zhugs can gyis / dbrog/ pad+ma me tog ldan pa yis// pad+ma dmar pos mchod par bya// pad+ma sa mnyes pa'i rdo rje can// pad+ma dmar pos khyad par du'o// dri nga'i rab tu sbyor ba yis// rgyal mtshan ga bur mchod pa ni/ / 'di ni brtson 'grus bde chen dang // stobs dang rgyas par 'gyur ba dang // mthong ba nyid kyis bskul ba yis// 'jig rten 'di ni dbang du byed// gang gis
- 187a
dkon mchog gsum bsang dang / / gang gis sems can bsang byas dang // gang gis slob dpon smod pa dang // sangs rgyas lam la 'phya ba rnams// lcags kyu yis ni yang dag dgug/ lcags sgrog gis ni rkang pa bcing // zhags pas mgrin pa dam par bcing // rdo rje bdag gis dgug par bya// mkha' 'gro sangs rgyas bsams nas ni// de rnams dpang por gsol bar bya// 'dis ni sangs rgyas dpa' bo dang // rdo rje sems dpa' bkrongs pa ste// 'di ste sdig pa chen po ste// mnar med 'gro ba'i bdag nyid de// 'di ni dmyal ba chen por ltung / / de ltar bsams nas gsad par bya// rdo rje'i gzugs ni bsams nas su// nam mkha'i dbyings ni bsgom par bya// rdo rje dbyig pas brdungs byas nas// rdo rje can gyi gnas su skye// lcags kyu la sogs mi nus na// zan gyis kyang ni 'du bya zhing // de nyid kyis ni gzugs bsams nas// rdo rje dkyil 'khor nyid du gzhag/ Tak+ki rgyal po lcags kyu ste/ / dbyug sngon can la rang gi ming // stobs kyi rgyal po rtse gsum pa// mi g.yo gri rtse'i dkyil 'khor can// rnam par rtog pa chen po gsod pa zhes bya ba'i ting nge 'dzin to// de nas rdo rje 'dzin rgyal gyis// thams cad dbugs dbyung rab gsol bas// dam tshig rdo rje bsrung don du// sbas pa'i spyod yul 'di gsungs pa// rdo rje khro bo'i skyes bu che// thams cad
- 187b
zhal gcig phyag gnyis pa/ / snying khar g.yon pa'i khu tshur mdzub// g.yas na rang gi mtshon cha 'phyar// gshin rje gsod pa'i dbyig to can// gzhan gyis mi thub rdo rje dbyig/ rta mgrin la ni dbang mchog dmar/ / mi phyed bdud rtsi'i thab sbyor las// Tak+ki rgyal po lcags kyu ste// dbyig sngon can la rang gi ming // stobs kyi rgyal po rtse gsum pa// mi g.yo yi ge'i dkyil 'khor rtse/ tshad skyob rgyal po rgyal po la// chos kyi 'khor lo rnam par bsgom// gtun shing rdo rje rkang 'og la// zhabs g.yon brkyang bas gnas pa'o// dbang po sngon po'i rnam pa ltar// mthar byed rnam par bsgom par bya/ / gzhan gyis mi thub rdo rje ni// 'jigs byed zla ba'i nor bu 'dra// pad+ma'i khro bo dmar po che// rdo rje bdud rtsi'i bdag nyid gnag/ mtshams kyi khro bo char gnag cing // spyi bor rdo rje 'dzin pas mtshan/ / gshin rje rnam snang nyid kyis te// rdo rje sems dpa' dbyig pa can// pad+ma'i khro bo rnam gzigs rjes// rdo rje sems dpa' la sbyor ba// rdo rje'i dkyil 'khor dbus gnas par/ / rdo rje nyi ma bsgom par bya// 'og tu pad+ma'i gdan bsams nas// khro bo bcu rnams rab bsgom bya// ye shes rdo rje rang dngos su// bcu phyed dkyil 'khor bdag nyid de// bdud rnams zhas kyi 'og bsams nas/ / dkyil 'khor lnga po bsgom par bya// bsrung ba'i 'khor lo gzi brjid che// bskal ba'i me ltar 'bar ba ste// 'khor zhing rab tu mi g.yo bar// dpag tshad lnga brgya'i
- 188a
tshad tsam mo/ / srung ba'i dam tshig stobs kyis rnam par rgyal ba'i rdo rje zhes bya ba'i ting nge 'dzin to// de nas bcom ldan dpa' chen po// rang gi byin rlabs rim gnas te// rang gi byin rlabs rnal 'byor gyis// de nyid las ni bshad par bya// snying gi dbus su zla bar gyur// gzugs brnyan zla bar ma bcos pa// sna tshogs 'od kyis yang dag khyab// de las rdo rje bsgom par bya/ / rdo rje bdag med mkha' 'gro ma// cho gas bskul bas bsgom par bya// mkha' 'gro sna yi mthar gnas pa// yungs kar tsam du rnam par bsgom// yungs kar la ni 'gro ba kun/ / khams gsum rgyu dang mi rgyu ba// de ltar sgom par byed pa yi// rang gi byin rlabs rab tu 'grub// gzugs sgra de bzhin dri dang ni// ro dang reg bya mngon 'dod pa// der ni rnal 'byor nyid kyis ni/ mi 'dzin de phyir bdag gzhan med// ji ltar rdor pa de las byung ba// zhi ba'i bde ba'i rnam par 'dod// rba rlabs med cing snang ba med// rnam rtog med cing yi ge med// myos byed cung zad rab 'thungs pa'i/ / bdag gi bdag nyid mi rig go/ dga' bral dga' ba dag gi mthar// rtog pa'i dra ba rnam par spangs// 'gyur med 'khrul pa las 'das shing // kye yi rdo rje rnam par gsal// bems min rnam pa he ru ka/ rnam pa rnams kyis yongs su bskor// rang nyid mgon po he ru ka/ de yis bdag nyid mi rig cing // de yis dus na thams cad rig/ 'byung po 'gro dang 'ong ba ni//
- 188b
/ rang gi kun mkhyen lta bur gzigs// sangs rgyas sangs rgyas sras po dang // yan lag kun dang bu ga kun// mgo bo dra ba'i skud par bcas// lus ni yod min ltar gzigs shing // skad cig kye rdo rje'i gzugs 'dzin/ / ji ltar nam mkha' mi gzigs shing // mtshan ma med cing ma byung dang // gos pa med cing 'khrul pa med// sgrib pa lnga ni rnam par spangs// ji ltar me long gzugs brnyan ni/ / rtogs nas bde ba rnam spangs pa// de bzhin bdag nyid he ru ka'i// rnam pa lta bur gsal bar mthong // de nyid don dang dbang po dang // phung po nam mkha' lta bur yod// lus ni bde ba nyid brjod cing // 'du byed rnams kyis zil mi non// gzugs ni mig gis mi 'dzin te// sgra ni thos pa po yis min// lce yis ro ni mi tsher te// dri ni sna yis yang ma yin// reg bya lus kyi gong bus min// 'on kyang bde chen tshul las ni// bud med bzang mo reg pas bde// rna bas glu yi bde bas bzang // mnams pas dri yi bde ba che// skye gnas reg pa'i bde chen dang / / ro yis btung ba'i sbyor ba las// gang gis bde ba 'gog par byed// bde ba chen pos 'gro ba khyab// bde ba ma rtogs mi shes so// sangs rgyas byang chub sems dpa' la// / mkha' 'gro ma dang btsun mo bzang // sangs rgyas lnga dang du ma ni// bde bar phyin cing rnam par sad// de nas byang chub sems dpa' sems dpa' chen po phyag na rdo rjes/ bcom ldan 'das
- 189a
kyi bde ba chen po'i tshig thos nas tshig 'di skad smras pa/ phal pa'i rnam rtog gzhom pa'i phyir// sgom pa yang dag rab tu bsgrags// phal pa'i gnas skabs gzhom pa'i phyir/ / sgom pa yang ni sgom pa min// byang chub sems dpa' rnams kyis rtogs pa de bzhin de/ 'on kyang mi gtsang ba'i tshad mnyam par sbyang ba'i phyir// de bzhin gshegs pa'i sku gzugs bsgom par bya'o/ / phyag na rdo rjes gsol pa/ bcom ldan 'das lus can sgom pa'i thabs kyi dgos pa nyid de ci lags/ bcom ldan 'das kyis bka' stsal pa/ gsang ba pa'i bdag po dgos pa yod do/ / bcom ldan 'das ming ci lags/ rdo rje 'dzin pas bka' stsal pa/ sangs rgyas nyid do// sangs rgyas nyid ci lags/ rnam pa thams cad mkhyen pa nyid do/ / de ci lags/ lus can 'di ni bden pa'o// de ci'i slad du zhe na/ rdo rje 'dzin pas bka' stsal pa/ 'di ltar nga ni mtshan sum cu rtsa gnyis dang ldan zhing / dpe byad bzang po brgyad cus brgyan pa'o/ / de ci'i slad du zhe na/ mi 'dra ba'i phyir sgrub pa yin no// phyag na rdo rjes gsol pa/ ci bcom ldan 'das bems po lags sam/ rdo rje 'dzin pas bka' stsal pa/ nga nyid me long lta bu'i ye shes so/ / me long lta bu'i ye shes de ci lags/ rdo rje 'dzin pas bka' stsal pa/ bden pa ma yin pa dang / brdzun pa ma yin pa dang / rgyu ma yin pa dang / skye ba ma
- 189b
yin pa ste/ de ltar nga nyid mnyam pa nyid kyi ye shes dang / nga nyid so sor rtogs pa'i ye shes dang / nga nyid bya ba nan tan gyi ye shes dang / de ltar chos kyi dbyings shin tu rnam par dag pa'o// / de'i phyir byang chub sems dpa' chen po rnam pa dang bral ba'i byang chub de skad ma smra zhig/ nga nyid dngos dang dngos med nga // dang po'i de bzhin gshegs par brjod// gzugs dang gzugs med ldan pa'i mchog/ zab mo zhi ba'i chos dang ldan// sems dpa' chen po he ru ka/ bdag med lhan cig mnyam sbyor ba // bde chen las ni bems min nga // 'jig rten kun rdzob bems po pa/ / skyes pa bud med ma ning dang // 'gro ba nga yis yang dag khyab// de phyir 'dus pa zhes bya nyid// rgyal ba rgya mtsho bdag gis bshad// rdo rje can dang byang sems rnams// ma ning gnas su yang dag grub/ / gang zhig lha mo bdag med de// rang bzhin gyis ni btsun mo yin// sangs rgyas he ru ka nga yin// de nyid phyir na ma ning ste// 'gro ba'i dngos po gnyis mthong nas/ / thabs dang shes rab bdag nyid nga // shin tu mnyam sbyor rnal 'byor gyis// mi bskyod med cing bdag la'ang med// dam pa'i rang bzhin bde ba chen po'i gnas rdo rje zhes bya ba'i ting nge 'dzin to/ / de nas bcom ldan 'das dpa' bo chen po rdo rje 'dod pa bde ba chen po rdo rje yan lag med pa shin tu dga' ba chen pos tshig 'di dag bka' stsal pa/ phyag drug pa dang sgeg
- 190a
par bcas/ / zhal gcig ral pa 'dzin pa dang // brgyad gnyis lo dang ser mo ni// rdo rje yan lag med pa 'grub// dpa' bo'i g.yas par mda' nyid de// lag pa gnyis par ral gri nyid/ / gsum par me long rig par bya// lag pa g.yon par gzhu nyid de// gnyis pa la ni dbang mchog nyid// kaM ke l+li ya yal ga ste// phyag drug nyid du bsgom par bya// zhabs g.yon brkyang bas gnas par ni// bu mo'i snying khar bsams nas ni// rdo rje btsun mo 'grub par 'gyur// mda' yis 'o ma 'dzin pa 'bigs// a sho ka yis snying khar brab// ral gris skyes ma bsdigs par bya/ / de nas me long bstan par bya// g.yu yis rkang pa bcings nas ni// ut+pal zhags pas dgug par bya// skra grol 'ong bar 'dod pa dang // snyan pa'i skad ni rab tu smra/ / ha dang si ni byed pa mo// rangs shing yan lag tshed mas brgyan// kha ni so rtsis gang ba dang // 'dod pa stobs dang bral bar bsam// rdo rje mchod pa'i sbyor ba yis// mi 'gyur sems kyis rjes chags bya/ / 'dod pa'i sngags ni ma bcos pas// de yi snying ni bskul bar bya// oM a mu kI me A rA ya many+dzu g+ho Sha hrIHdzaHde ltar bsgom pa byas pa yis// 'jam pa'i mgon po'i btsun mo ni/ / sgrub pa po la 'dod pa dang // dbang du byed cing 'ong bar 'gyur// zla ba phyed kyi sbyor ba yis// bzlas pa khri yis sbyor ba las// g.yo ba gser gyi rna cha ma// shin tu dag
- 190b
pa'i sems kyis bsgrub/ / haM gi sa bon las skyes pa// thams cad rgyan gyis rnam par brgyan// chang gi btung ba'i rab sbyor bas// rdo rje yan lag med pa sgrub// ma bcos mchog gi sa bon bde dang sdug bsngal rang bzhin can/ / bde ba chen po mchog tu zhi// sems can thams cad dga' bar byed// 'di ni srog ni chen po ste// mchog tu dga' ba mdzes ma nyid// bde dang sdug bsngal rtag tu de'i/ / dran pa de ltar rab tu grags// mya ngan 'dod chags de bzhin gdungs// dga' dang dga' bral de bzhin no// rdo rje sems dpa' rgyal po che// de nyid dbyangs yig drug par brjod/ / zla ba phyed pas yang dag ldan// thig les mgo bo nyid du mchod// sems can gyi ni kun gzhi ste// rgyud rnams kyi ni khyad par du'o// de nas bcom ldan 'das de bzhin gshegs pa thams cad kyis bcom ldan 'das kyi byang chub kyi sems chen po rdo rje sa bon gyi yi ge thos nas sems sgrub pa gsal ba nye bar gyur nas tshig 'di dag gsungs pa/ sems pa med cing sgom pa med/ / sngags med lha yang med pa ste// sems kyi rdo rje las byung ba// 'di ni byang chub rim bstan pa'o// bcom ldan 'das rdo rje dam tshig gis de skad ces bka' stsal to// bsod nams med cing sdig pa med// byang chub med cing sangs rgyas med// ye shes lnga yi sbyor ba yis// byang chub sems ni brtan pa'o// bcom ldan 'das 'khor lo'i dam tshig gis
- 191a
de skad ces bka' stsal to/ / sngags med bzlas pa'ang yod ma yin// 'gro ba gsum po thams cad med// chos kyi dbyings kyi rang bzhin gyis// bsgom pa dang ni sgom pa med/ / bcom ldan 'das rin po che'i dam tshig gis de skad ces bka' stsal to// kun rdzob 'jig rten pa yang yod// dpyad na gang du 'jig rten pa// rtag tu 'jig rten pa nyid 'khor// / 'di ni byang chub rim bstan pa'o// bcom ldan 'das pad+ma dam tshig gis de skad ces bka' stsal to// ma skyes pa dang mi dmigs pa// mi phyed nam mkha' lta bu ste// zab cing zhi ba'i rang bzhin ni/ / 'di ni byang chub rim bstan pa'o// bcom ldan 'das ral gri'i dam tshig gis de skad ces bka' stsal to// sgyu ma ji ltar me long ltar// nam mkha' ji ltar bde ji ltar// ji ltar dngos po yongs shes pa// 'di ni byang chub rim bstan pa'o// bcom ldan 'das ma mkha' 'gro ma bdag med mas de skad ces bka' stsal to// stong nyid dri med dam pa'i gnas// rmi lam sgyu ma'i rang bzhin nyid// ji srid ma zhig bar du ni// sems kyi rang bzhin sgom par gyis// mA ma kI'o// srid med mya ngan 'das pa med// 'di ste bde chen rdo rje ste// gang zhig yid kyis sgom pas bsgom/ / de ni mchog gi sgom pas bsgom// spyan gyi'o// sngags dang yi ge rnam par spangs// 'di ni sems med thig le med// 'di de dam pa'i bde chen te// bri ba med cing gang
- 191b
ba med/ / gos dkar mo'i 'o// gzugs brnyan rang bzhin ji lta bar// de ltar dngos po bsgom par bya// stong nyid dri med mchog gi gnas// de ni bsod nams sdig pa med// sgrol ma'i'o// / ji ltar chu nang zla ba ste// bden min brdzun pa min pa ltar// de ltar dkyil 'khor 'khor lo yi// lus kyi rang bzhin rnyog pa med// 'khor thams cad kyis de skad ces bka' stsal to// de nas bcom ldan 'das sna tshogs byed pa rnam par rgyal ba zhes bya ba'i ting nge 'dzin la snyoms par zhugs te/ mnga' gzhu char 'di nyid kyi sku dang / gsung dang / thugs rdo rje las phyung ngo // muHts+tsha Di dang ser sna yis// chang gzungs khu tshur bzung ba yis// g.yon ni 'dod pa'i khu tshur gyis// bsdams pas dgra rnams bsdigs par bya// yan lag kos skor bzung nas ni/ mtshon pa'i khu tshur bzung nas ni// hUM gis mnga' ni gtang bya zhing // bdud kyi dkyil 'khor bsdigs par bya// brla ni bskum par byas nas ni// lus ni dbugs kyis dgang bar bya// lus la khu tshur bzung nas ni/ / brang ni rgyas pa nyid du bya// sems dang dmigs ni 'ben la bya// hUM gi sa kha ni dgang ba dang // g.yas brkyang la sogs sbyor ba yis// gshin rje srin po gsang par bya/ / 'dir mang brjod pas ci zhig bya// kun rdzob tu ni bsdus pa tsam// gzhu yi rig byed rtsa ba gang // de ni rdo rje 'dzin spyod do// de nas bcom ldan 'das rdo rje rol mo'i sgra zhes bya
- 192a
pa'i ting nge 'dzin la snyoms par zhugs te/ ral mo'i sku'i sdug pa 'di nyid kyi sku dang / gsung dang / thugs rdo rje las phyung ngo // tha ha~M u0f7fha~M/ bka ba ka/ tha4/ thA/ Tha ho u0f7fho/ ba hi ba hi/ ur+thA ur+d+ha/ kr-i ka kr-i ka/ tha ka tha ka/ dz+dzaha~Mn+dI/ ta Da wa taM Da wa dz+dza/ chu lang dang ni rnga dang yang // dza dza la gcig pi wang rgyas// dang ra ba can dang g ling bru dang / / rgyud gsum kar ta ka ni// rnam gsum brdung bas brdung bar bya// chung ngur brdungs pas rgyal byas te// dkyil 'khor gsol gang ba la sogs pa// mchod pa 'din bla na med/ rang gi tshogs bcang mang po ma// bstan pa 'dis ni cizhig bye// ji snyid rol mo'i bstan bcos su// de ni rdo rje rol mo'i sgra// de nas bcom ldan 'das dri bzang po'i rdo rje zhes bya ba'i ting nge 'dzin la snyoms par zhugs te/ bdug spos kyi mchod pa 'di nyid kyi sku dang / gsung dang / thugs rdo rje las phyung ngo // tsan dan nyid dang gur kum dang // brag zhun de bzhin 'dod ma ni// 'di rnams rdzas ni badrug smos che/ / hUM ru ka la rab tu dbul// gtsir dang klu ma nyid// de bzhin du yang swa sgra nyid// bdug byed snying po 'di rnams ni// phan pa lo ni sbyar bar bya// kun tu dang po la ka/ ri dgas lte ba sen mo mo// rin chen rgyal po'i bdug pa 'di// kun la mi 'jigs sur dkum dang // shriM trA~M tra~M mi sha shrI dang // sha lI dza dang sha mi kaM/ 'jig rten mgon
- 192b
bdug pa 'di/ / rtag tu rdo rje 'dzin pas gsungs// sna tshogs dri ni khyad par du// sna tshogs rdo rje mchod pa las// bdun gyi rgyal po mchod pa 'di// kun tu stobs kyis bsgrubs pa ste// ji snye dri yi bstan bcos su/ / gong bu'i dum bu'i bdug pa mchog/ de kun phyag na rdo rje'i 'o// rdo rje'i mchod pa rab tu grags// de nas bcom ldan 'das rdo rje gom pa rnam par dgod pa zhes bya ba'i ting nge 'dzin la snyoms par zhugs te/ rdo rje gar 'di nyid kyi sku dang / gsung dang / thugs rdo rje las phyung ngo // gus bcas dang por sgeg par ldan// dang po rtsa bcas rjes rgyu bas// rkang stabs brgyad du cho ga yis/ / rdo rje gom pas rol pa bya// me tog snyim pa'i sbyor ba dang // spos kyi yal ga'i sbyor ba dang / mar me sdong po'i lag tshul dang // yang ni byug pa'i lugs dang ni// mig lag de bzhin brla nang dang / / rkang pa'i ngos su bskor ba ni// gdung ba'i sbyor bas rol ba bya// de bzhin du yang g.yon pas so// de nas rgyun gyi gar byas nas// g.yon pas yang ni gar bya zhing // myur du brdungs pas de bzhin gar/ / byas nas 'khor lo lta bur bskor// phyi nas gru bzhi dgang bar bya// phyi nas 'dod pa'i lag pas bskor// sa la pus ni gnyis btsugs nas// lag pas mchod rten legs par bya/ / ji snyed gar gyi bstan bcos su// byed pa'i cha lugs brjod pa ni// de snyed rdo rje sems dpa' yi// sgeg pas byang chub sgrub pa'i thabs// de nas bcom ldan 'das dam tshig
- 193a
rdo rje mnyes par byed pa zhes bya ba'i ting nge 'dzin la snyoms par zhugs te/ tshogs kyi 'khor lo 'di nyid kyi sku dang / gsung dang / thugs rdo rje las phyung ngo // rang gi lhag pa'i lhar dmigs nas/ / bzang po'i rgyan gyis rnam par brgyan// thams cad 'byor pa'am dmigs nas ni// bem po'i gnas su sreg blugs bya// shar lho byang dang nub phyogs su// phyogs gnas rnams ni dga' bar bya/ / phyogs bral rnams su lha mo rnams// dam pa'i tshe yis mchod par bya// yid kyis mar khu bsams pa dang // 'bras so chag med 'bras dang ni// 'bru dang zho yi zan dang ni/ / til dang de bzhin mnyam pa'i shing // dur ba rab tu gzhon pa nyid// bsam gtan rdo rje sbyin sreg bya// de la 'di ni sngags kyi rkang pa yin te/ oM ag+na ye swA hA/ mar gyi'o// oM sarba pA paM da ha na badz+rA ya badz+ra satwa s+ya sarba pA paM da ha nA ya swA hA/ til nag po'i 'o// oM badz+ra puSh+pa ye swA hA/ 'bras ma chag pa'i 'o// oM sarba saM pa de swA hA/ zho dang zan dam pa'i 'o// / oM badz+ra bI dzA ya swA hA/ 'bras so ba'i 'o// oM ma hA be gA ya swA hA/ nas kyi'o// oM ma hA ba lA ya swA hA/ mon sran gre'u'i 'o// oM badz+ra g+hasma ri swA hA/ gro'i'o// oM badz+ra A yu She swA hA/ dUr ba gzhon nu'i 'o/ / oM badz+ra a pra ti ha ta badz+rA ya swA hA/ ku sha'i'o// oM badz+ra ya dzA ya swA hA/ u dum ba ra'i 'o// oM bo d+hi br-ik+ShA ya swA hA/ byang chub kyi shing gi'o// oM badz+ra la tA ya swA hA/
- 193b
pa lak+Sha'i'o// oM badz+ra ku be rA ya swA hA/ n+ya gro d+ha'i 'o// oM ha ma sa ka rA ya swA hA/ a mra'i'o// tsam pa a sho kA ya klu// ka dam pa dang srid sgrub nyid// ji ltar rnyed pa bzlas byas nas// me tog 'dis ni sbyin sreg bya/ / rgun 'brum a mra sbrul 'jig dang // kha 'dzag skyes ma brtse ma ni// 'khor lo lnga yi mchog rim pas// 'bras bu rnams kyi sbyin sreg bya// sha lnga dang ni bdud rtsi nyid/ / dkyil 'khor lnga yi sgom pa yis// 'dis ni rdo rje mnyes par 'gyur// ye shes me ni rab dgyes bya// rgyal ba phan pa mnyes pa dang // gser gyi mnga' bdag mnyes pa dang // pad+ma gar dbang mnyes pa dang // lcags sgrog bdag po mnyes pa dang // tshangs pa brgya byin dbang chen dang // khyab 'jug rlung dang me chen dang // thong ldan nyid dang 'dod lha dang // zla ba nyi ma gdong gzhan dang / / sa ni zhags pa 'dzin pa dang // lus ngan de bzhin mtshams skyong dang // chos rgyal dang ni klu dang ni// dri za lha min mi 'am ci// sum cu rtsa gsum gnas pa'i lha// 'og min du ni gnas pa dang / / gang zhig rgyal chen gnas pa dang // gzhan 'phrul dbang sgyur nyid dang ni// 'phrul dga' yi ni lha rnams dang // gang zhig dag pa'i gnas son dang // 'od zer 'jig rten khams gnas dang / / mi mjed khams su gnas pa dang // gling bzhir gnas pa'i sems can dang // gang zhig khams gsum gnas pa dang // snod ldan sems can 'jig rten
- 194a
dang / / lcug ma'i tshogs dang rtswa sogs dang // gang zhig rab dga'i sar gnas dang // pha rol dri med gang phyin dang // 'od 'phro can du gnas pa dang // mi g.yo'i gnas su byas pa dang / / gang zhig chos sprin rjes song dang // gang zhig sbyang dkar son pa dang // gang zhig ring song thob pa dang // 'od byed du ni gnas pa ste// sa bcu'i dbang phyug mgon po dang // 'phags pa'i gang zag brgyad po dang // rdzogs sangs rgyas dang nyan thos nyid// ra ni ral gri'i gzugs can dang // rang gi lhag pa'i lha sbyor bdag/ shAkya seng ge mnyes byas nas// dmyal ba yi dgas byol song dang / / lha dang lha min mi rnams ni// sbyin sreg cho gas dgyes pa nyid// de nyid tshogs kyi dkyil 'khor ro// bsod nams dang ye shes kyi tshogs chen po rgya mtsho rdo rje zhes bya ba'i ting nge 'dzin to/ / de nas bcom ldan 'das de bzhin gshegs pa thams cad kyi rjes su chags pa rdo rje zhes bya ba'i ting nge 'dzin la snyoms par zhugs te/ dam tshig la gsol ba gdab pa gsungs so/ / rdo rje sems dpa' bskyed pa ni// rdo rje pad+ma'i sgom pa ste// de yi mgo bo'i sna rtse la// phyag 'tshal yid bzhin nor bu ste// sbu gu'i nang du phaT kyi ni// ye shes ma lhung yang dag gnas/ / rdzogs sangs rgyas kyi dgyes par mdzod// 'di ni phyag rgya'i cho ga las// rang gi lhag pa'i lhar sbyor bas// rdo rje sems dpar snyems byas nas// gnas ni thams cad
- 194b
bsgrub par bya/ / phyag rgya chen po'i gnas 'dug nas// rang gi lhag pa'i lhar sbyor ba dag/ shAkya seng ge snyems byas nas// rgyal po thams cad thob par 'gyur// las kyi phyag rgya'i gnas 'dug nas/ / rang gi lhag pa'i lhar sbyor ba dag/ kun gyi rgyal po thob par 'gyur// rdo rje gzi brjid ting 'dzin ldan// dam tshig phyag rgya sbyor ba yis// gnas gsum po yang bsgrub par bya// rang gi lhag pa'i lhar sbyor bas// pad+ma gar gyi dbang phyug bdag/ chos kyi phyag rgya'i ting 'dzin gnas// rdo rje chos ni bsgom par bya// rang gi lhag pa'i lhar sbyor bas// rta mchog rim pas gnas nas ni/ / dam tshig phyag rgyar sbyor ba yis// sgrol ma'i dngos grub rab bsgrub bya// de nas bcom ldan 'das rdo rje gar gyi 'dod pa zhes bya ba'i ting nge 'dzin la snyoms par zhugs te/ rdo rje'i gar mdzad pa 'di nyid kyi sku dang / gsung dang / thugs rdo rje las phyung ngo // g.yon pa brkyang ba dang / g.yas brkyang ba dang / mnyam pa'i rkang stabs dang / rdo rje'i rkang stabs dang / dkyil 'khor dang / sna tshogs thams cad dang / rus sbal gyi rkang stabs dang / bung ba'i dra ba dang / rgya mtsho'i bskyod pa dang / ri bo'i mchog dang / mdzes pa'i gom pa dang / khro bo'i gom pa ste/ rkang stabs kyi dgod pa'o// ral gri'i lugs dang / 'khor lo'i tshul dang / rin po che'i tshul dang / pad+ma'i lag pa dang / ral gri'i tshul dang / mdung gi tshul dang / gzhu'i
- 195a
tshul dang / dbyig pa'i tshul dang / dbyig to'i tshul dang / gtun shing gi tshul dang / rdo rje rtse gcig pa'i tshul dang / kha bcu pa'i tshul dang / ral gri bu mo'i tshul dang / sna tshogs dbyig pa'i tshul dang / mdung thung gi tshul dang / gong bu skyong ba'i tshul dang / 'phan gnyis pa dang / 'phan lce gsum pa dang / me tog gi tshul dang / bdug spros kyi tshul dang / mar me'i tshul dang / dri'i tshul dang / lA s+ye'i lag pa dang / 'phreng ba'i lag pa dang / glu'i lag pa dang / gar gyi lag pa dang / gling bu'i lag pa dang / pi wang gi lag pa dang / rdza rnga'i lag pa dang / mu kun da'i lag pa ste/ lag pa'i dgod pa'o// rdo rje skyil krung dang / pad+ma'i skyil krung dang / pad+ma'i 'dug stangs dang / bzang po'i 'dug stangs dang / skyil krung phyed pa dang / bkra shis kyi 'dug stangs te/ 'dug stangs kyi dgod pa'o// sgeg pa'i nga ro dang / dpa' ba'i nga ro dang / mi sdug pa'i nga ro dang / dgod pa'i nga ro dang / drag po'i nga ro dang / 'jigs su rung ba'i nga ro dang / zhi ba'i nga ro dang / brngam pa'i nga ro dang / snying rje'i nga ro dang / drug gi rjes su skyes pa'i glu dang / drang srong gi rjes kyi glu dang / dri za'i rjes kyi glu dang / bar ma'i rjes kyi glu dang / lnga pa'i rjes kyi glu dang / blo gsal gyi rjes kyi glu dang / 'khor nyan pa'i glu'o// nyung ngu'i dbye ba dang / sgrol ma'i dbye ba dang / 'jigs
- 195b
pa'i dbye ba dang / gang ba dang / phyed phyi ba dang / rnam par 'dre ba dang / 'dod chags gnyis mtshungs par byed pa dang / 'dod chags gsum mtshungs par byed pa dang / lkog ma nyed pa dang / rkan nyed pa dang / lce nyed pa dang / so nyed pa ste/ glu dgod pa'o// sa gzhi yongs gzung dus su ni// dam tshig 'di ni rab bskul ba// ye shes rdo rje can gyis bya// 'di ni dam tshig rim pa'i mchog/ me tog 'di rnams bzang zhing dge/ dag pa'i skye gnas las dag pa// bdag gi dad pas 'bul lags kyis// bzhes nas bdag la dgyes par mdzod// tshal bdag ro yi phan pa dang // gang zhig dri dang bdug spos mchog/ bdag gi dad pas 'bul lags kyis// bzhes nas bdag la dgyes par mdzod// srin po 'joms shing dag byed pa// / dge zhing mun pa rnam sel ba// bdag gis dad pas 'bul lags kyis// bzhes nas bdag la dgyes par mdzod// 'di ni dri bzang dge ba ste// dag pa'i skye gnas las dag par// bdag gis dang pas 'bul lags kyis// bzhes nas bdag la dgyes par mdzod// oM badz+ra g+haN+De a/ dril bu blang ba'i sngags so// oM ma hA badz+ra hUM/ rdo rje gzung ba'i sngags so// dngos po sna tshogs rnam par dbye ba'i le'u ste bcu bzhi pa'o// / de nas rdo rje 'dzin rgyal po// rnal 'byor ma yi rdo rje'i gur// sangs rgyas kun dang sangs rgyas la/
- 196a
tshig ni 'di dag bka' stsal pa// phyag gnyis pa la zhal gcig pa// rdo rje las skyes rang bzhin can// lag par thod pa kha T+wAM ga/ bsams nas spros shing bzlas pa'o/ / phyag bzhi pa ni nyid dang yang // zhal gsum rdo rje las byung ba// dkar po dmar po de bzhin sngo// phag mo lhan cig mnyam sbyor ba'o// phyag drug pa la kha dog gnag/ lcags sgrog ma dang lhan cig sbyor/ / sangs rgyas lnga yi thod pa can// zhal gsum nyid du sbyor bar bya// mdog dmar phyag ni bzhi pa dang // zhal gcig ma dang dbang byed ma// rdo rje chos kyi gnas mnan pa/ / 'di ni ku ru kul+ler brjod// 'di ni sngags ni brjod pa'o// btsun mo chos la gnas pa ni// khyod kyi spyan sngar bdag gis ni// dus gcig pa yi dus su ni// bdag nyid kyis ni 'di thos nas/ / rgyas pa nyid du rab tu dbye// 'di skad bdag gis thos pa ste// dus gcig dus ni gcig na'o// bdag gis bcom ldan spyan sngar ni// btsun mo'i chos su rnam rgyas pas// lta stang dgug dang brda chen dang / / don byed nus dang char sogs dang // lam gyi de nyid las skyes pa// thub pa chen po 'jig rten mgon// phyag gnyis pa la zhal gcig pa// mchod sbyin dang ni pad+mas brgyan/ / pad+ma'i gdan la yang dag gnas// dbu rgyan rdo rje chos dang ldan// mAM gyi de nyid las skyes pa// 'jam pa'i dbyangs ni ser po ste// yan lag mchog sbyin ut+pal
- 196b
brgyan/ / mi bskyod rdo rje spyi bor 'dzin// hUM gi ye shes las byung ba// lag pa ral gri sdigs mdzub nyid// ma he chen po'i rgyab tu ni// dpa' bo g.yon brkyang ba yis gnas// khro bo'i gdug can 'jigs byed pa/ / kha sbyar mdun du mi bskyod 'dzin// hU~M gi ye shes las byung ba// rdo rje hUM mdzad rdo rje can// rdo rje dril bu'i sbyor ba yis// lag pa gnyis kyis phyag rgya bcings// rkang pa g.yon nyid brkyang ba yis/ / 'jigs byed mnan pa yi ni lus// spyi bor rdo rje'i rigs bsams nas// 'jig rten gsum rgyal dran par bya// tAM gyi yi ge las byung ba// mchod sbyin dbang mchog mtshon cha ste/ / lha mo ljang ku lta bu nyid// rtag tu bzang po'i 'dug stangs gnas// sna tshogs pad+mar yang dag bzhugs// spyi bor don yod 'dzin pa po// sgeg mo chen mo skal bzang ma/ / sgrol ma'i gzugs can bsgom par bya// mAM gyi yi ge las byung ba// mchod sbyin a sho ka 'dzin ma// nyi ma shar ba lta bu ste// rnam snang dpal ni spyi bor skyes// g.yon brkyang ba yi sbyor ba yis/ / 'gro mgyogs bdun gyi shing rta mnan// yan lag sgeg pa'i ro yis brgyan// 'od zer can ni bsgom par bya// tsu gyi yi ge las byung ba'i// ston ka'i zla ba lta bu'i 'od/ / snying khar rin chen snyim par gnas// mdzes pa'i tshul gyis yang dag bzhugs// lha mo sna tshogs par gdan can// phan pas mgo bo mnan pa ste// byang chub sems
- 197a
ni 'dzag 'bab pa'i/ / lha mo stobs dang bral ba bsgom// rbam+b+ha li ga las byung ba// nor 'dzin shin tu la dog ser// lag pa mchod sbyin 'bras skem// rdorje sbrul krung sbyor ba las/ / yan lag rin chen 'byung gnas brgyan// spyan ni shin tu sgeg par ni// gnod sbyin rgyal mo bsgom par bya// nor gyi bdag po mtshungs par 'gyur// dza gyi yi ge las las byung ba/ / nam mkha' mdzod ces bya ba bsgom// kha dog sor zhing g.yas pa na// mchod sbyin rin chen ne'u le ste// rin chen 'byung gnas rdo rje yis// spyi bor dkyil 'khor rnam par brgyan/ / rin chen char ni bsam par bya// sbyor gang rdo rje chur gzhug bya// praM gyi yi ge las skyes pa// lus ni dkar zhing yid 'ong ba// lha mo ral gri'i 'khor lo 'dzin// spyi bor phan pas mnan pa'o/ / rang gi mang po'i dus lta bur// dkyil 'khor gnas su yang dag 'dug/ nam mkha'i gnas nas 'jam pa'i dbyangs// 'byung bar rnam par bsam par bya// de nas bcom ldan 'das rdo rje 'dzin pa chen po sngags sna tshogs nang du chud pa rdo rje zhes bya ba'i ting nge 'dzin la snyoms par zhugs te/ sngags kyi tshig 'di dag gsal bar mdzad pa/ oM ma Ni pad+me/ hUM phaT swA hA/ oM maM dzu badz+rA ya muHswA hA/ oM hrISh+Ti wi kr-i tA na na hUM hUM phaT phaT swA hA/ oM hUM phaT swA hA/ oM tA re tut+tA re tu re swA hA/ oM ma ri ts+yai swA hA/ oM tsa le tsu le tsun de swA hA/ oM ba su d+hA ra/
- 197b
bsu priSh+Ti pA ta ya ba su swA hA/ oM dzam+b+ha la dza len+d+rA ya swA hA/ oM ma Ni d+ha ri badzi Ni ma hA pra ti sa re hUM hUM phaT phaT swA hA/ 'jig rten mgon gyis nang rnams zhi// 'jam pa'i dbyangs kyis blo gros bzang / / gshin rje gshed kyis yi dgas bsrung // lha dang lha min hUM mdzad kyis// sgrol mas 'jig rten dbang du mdzad// 'od zer can gyis chom rkun 'jig/ tsun+d+ra sems can thams cad ni/ / dgug pa yi ni cho gar rjod// dzam+b+ha la dang nor sbyin bdag/ nor gyi sgrub pa'i thabs su 'dod// bud med gang zhig pu shi bas// so sor 'brang ma rtag dran bya// rdo rje mkha' 'gros gsungs pa'o/ / sngags kyi rkang pas thams cad 'grub// bzlas pa 'bum gyi sbyor ba yis// las rnams thams cad rab tu 'grub// snying gi bde ba bskul ba zhes bya ba'i ting nge 'dzin to// de nas bcom ldan 'das kyis rdo rje nag po chen po'i sgrub thabs 'di nyid kyi sku dang / gsung dang / thugs rdo rje las phyung ngo // hUM gi yi ge las skyes pa// phyag gnyis pa dang zhal gcig ldan/ kha dog gnag cing cher 'bar ba// gri gug thod pa 'dzin pa'o// mgo bo'i 'phreng bas do shal byas// mche ba chen pos 'jigs par byed// gzugs thung gzi brjid chen po nyid// kha nas khrag ni 'dzag pa ste/ / slob dpon la rtag gang sdang dang // gang zhig dkon mchog gsum khro dang // sems can du ma gsod byed pa// nag po chen pos za bar byed// rang gi lag g.yas sha
- 198a
gcod byed/ / khrag gi rgyun ni 'thung bar byed// de nas spyi bor de 'dug nas// de ni til tsam gcod par byed// mon sran gre dang 'dzam bu ni// me tog 'dug pa byug pa chang / / sha lta nyid dang bdud rtsi yis// nag po che la gtor ma sbyin// sngags ni/ oM shrI ma hA kA lA ya/ shA sa na u pa hA r-i Ne e Sha a pa sh+tsi ma kA lo a yaM i daM rat+na tra yA a pa kA ri Na yi pra ti d+h+r-i s+pha ra si ta dA i daM dulAM kha kha khA hi khA hi ma ra ma ra gr-ih+Na gr-ih+Na/ ban+da ban+da/ ha ne ha na/ da ha da ha/ pa tsa pa tsa/ di na me ke na hUM laTe hUM/ tshab gsum gyi gzugs brnyan rma byas nas lus la tsher mas dgang / / dug dang ske tshe yis bris nas// de ni gang gi ming gis ni// de nas me la gdung bar bya// de yi dus na mi snang 'gyur// de nas gzhan yang rab bshad pa// phyag rgya'i dngos grub sgom pa nyid// phyag rgya'i dngos grub dngos grub che// dngos grub kun gyi spyod yul min// de dus de yi lus 'thob cing // skad cig na ni bde chen tshul// skad cig na ni/ denge 'khor ldan// sgom pa dang ni sngags nyid dang // skad cig sangs rgyas rnam snang mdzad// spyan gyis phrag nas 'khyud pa'o// skad cig la ni gnyis med ldan// dga' ba chen po mchog tu dga'/ / rdo rje 'dzin rgyal skad cig gis// mA ma kI dang bde ba sdom// rdo rje pad+ma'i rtse mchod pas// skad cig gis ni gnyis med ldan// rdo rje pad+ma rab sbyar bas// rdo rje gus pa'i pha
- 198b
rol son/ / rdo rje pad+ma mchod bya zhing // pad+ma'i 'dod pa spang bar bya// bdag nyid rang bdag bsams nas ni// rdo rje pad+ma rab sbyor bas// rdo rje bu mo cher grags pa// rdo rje nag po lta bu mchog/ rang rig skyes bu bsams nas ni// rdo rje pad+ma'i rtse mchod pas// bu mo de bzhin gshegs ma mchog/ phyag rgya'i dngos grub don du mchod// rang gi rig ma skyes bu bsam// rdo rje pad+ma'i rtse mchod pas/ / gdol pa chen po las byung ba// phyag rgya'i dngos grub don du mchod// phyag rgya chen po rab sgrub pa// rnam par rgyal ba'i stobs rdo rje zhes bya ba'i ting nge 'dzin to// nyi ma gcig gis 'grub par 'gyur/ / nyi ma gnyis kyi cho ga dang // nyi ma gsum gyi sbyor ba dang // de bzhin du ni nyi ma bzhi// nyi ma lnga pa'i sbyor ba yis// 'grub 'gyur 'di la the tshom med// me tog la sogs mchod byas nas// bsam gtan gnas su 'dug pa dang // phyag rgya lhan cig zhugs nas ni// rdo rje sbyor ba yang dge brtsam// rdo rje nyi ma nub pa na// sbyor ba 'di ni yang dag brtsam/ / nyi ma shar ba'i dus su ni// 'grub 'gyur 'di la the tshom med// 'dod chags chen pos rjes chags pas// 'dod chags chen po'i rang bzhin las// chags chen ting 'dzin gnas nas ni/ / phyag rgya chen po rab bsgrub bya// shin tu dga' ba rdo rje zhes bya ba'i ting nge 'dzin to// pad+mar rdo rje can bcug nas// rang gi rig ma bdag mar bya// de dang lhan cig 'grub par
- 199a
'gyur/ / 'di ni phyag rgya chen por brjod// mi yi phyag rgya blangs nas ni// de la 'khor lo rab tu dbye// dri dang me tog mthun byas nas// 'khor lo goms par yang dag brtsam/ / spun dang bdag ma sgrol ma dang // dkar mo shin tu yid 'phrog ma// me tog dri yis 'thun byas nas// rdo rje mchod pa yang dag brtsam// sngags pas phan pa 'grub 'gyur zhing // phyag na rdo rje 'grub pa dang // rdo rje nyi ma 'grub pa dang // dam pa'i yi ge 'grub pa dang // bdun pa'i rgyal po 'grub pa dang // thams cad 'dren pa 'grub par 'gyur// chu yi dbang ni dang po ste/ / cod pan dbang la gnyis pa'o// rdo rje'i dbang gis gsum pa ste// rang gi bdag po bzhi pa nyid// ming gi dbang bskur lnga pa ste// drug pa rdzogs pa'i sangs rgyas nyid// bdun pa bum pa'i dbang gis te/ / gsang ba'i dbang gis brgyad pa'o// shes rab dbang las dgu pa ste// de nyid rdo rje'i sbyor ba yis// kun gyi de nyid brtul zhugs brjod// ston pa rang gis lung bstan te/ / de 'dir dbang gi cho ga'o// slob dpon smad par mi bya ste// bde gshegs bka' las 'da' mi bya// spun la smad pa nyid mi bya// sems can rnams la gdug byams dang // skal med de nyid gtam mi bya// skal ldan sems can smad mi bya// bdag gi lus la nges mi smad// chos nyid tshang ni gzung mi bya// gzhan gyi chos la smad mi bya// bud med nyid la'ang
- 199b
smad mi bya/ / rtsa ba'i ltung ba rab tu spang ba mdor bstan pa zhes bya ba'i ting nge 'dzin to// ji srid byang chub snying po'i bar// dkon mchog gsum ni spang mi bya// rtag tu dam tshig bsrung bar bya// / rdo rje dril bu'ang gzung bar bya// gtsug tor rtag tu gzung bar bya// rtag tu sbyin sreg dgang bar bya// rtag tu dkyil 'khor bzhengs par bya// rtag tu bde gshegs rab gnas bya// 'byung / po che la gtor ma sbyin// phyag rgya bcing ba rnam spang zhing // mchod rten las ni mi bya ste// rdo rje gsum mchog phyag mi bya// dkyil 'khor la sogs lus kyi las// rmi lam du yang mi bya zhing // / slob dpon gzhan la phyag mi bya// bla ma'i rgan rabs phyag 'tshal lo// rtag par rgyun du sngags bzla zhing // bsam gtan nyid kyang 'bral mi bya// rtag tu slob ma bsdu bya zhing // rtag pa ru ni bshad par gyis/ / rtag tu sems can bskyang bar bya// rtag tu sangs rgyas cher mnyes bya// dzam+b+ha la la chu sbyin zhing // las rnams thams cad yang dag spyad// bye ma'i mchod rten las la yang / / mkhas pas cho ga bzhin du bya// de nas bcom ldan 'das byang chub sems dpa' thams cad dang / pho nya mo thams cad dang / de bzhin gshegs pa thams cad rdo rje nges par brjod pa 'di thos nas tshig 'di dag gsungs pa/ sems can kun gyi thams cad khyod// sdig pa thams cad rnam sbyong ba// chos rnams thams cad yongs su rtogs// rdo rje mkha' 'gro phyag 'tshal bstod//
- 200a
sdang bas mnan pa'i 'gro gzigs nas// gti mug thams cad zad bya'i phyir// rgyal ba mgon po rnam snang mdzad// gti mug rdo rje phyag 'tshal bstod// 'gro ba bud med 'dul gzigs nas/ / bdag med rnal 'byor mar gyur gang // phyag 'tshal pha rol phyin thub la// sgyu ma'i phyag rgya phyag 'tshal bstod// gti mug mnan pa'i 'gro gzigs nas// gti mug thams cad zad mdzad pa/ / rdo rje sems dpa' rgyal po che// zhe sdang rdo rje phyag 'tshal bstod// nga rgyal mnan pa'i 'gro gzigs nas// nga rgyal thams cad zad mdzad pa'i// rdo rje'i ma rgyal po che/ / 'dod chags rdo rje phyag 'tshal bstod// chags pas mnan pa'i 'gro gzigs nas// 'dod chags thams cad zad mdzad pa// rta mgrin rgyal po chen po ste// ser sna rdo rje phyag 'tshal bstod/ / 'gro ba phrag dog mnan gzigs nas// phrag dog thams cad zad mdzad pa// bdun gyi rgyal po rgyal po che// thams cad gzigs la phyag 'tshal bstod// de nas bcom ldan 'das byang chub sems dpa' thams cad kyis de bzhin gshegs pa thams cad la gsol pa/ bcom ldan 'das de bzhin gshegs pa thams cad dpal kye'i rdo rje'i dbang bskur ba'i slob dpon ji ltar blta bar bgyi/ de bzhin gshegs pas bka' stsal pa// slob dpon ston par gyur pa ni// sangs rgyas kun gyis phyag mdzad pa// bdag cag rnams kyi pha dang ma// 'di nyid yid la bsam par bya//
- 200b
de ci'i slad du zhe na/ de bzhin gshegs pas bka' stsal pa// rdo rje sems dpa' sangs rgyas dang // rdo rje chos dang gzi brjid dang // bdun gyi rgyal po'i dngos grub rnams// gang phyir de yis dka' ba med/ / mig sman dang ni rkang byug dang // ral gri rkang 'og sgrub pa dang // ril bu dang ni mkha' spyod dang // mi snang ba dang bcud kyis len// gang phyir ye shes rdo rje dang // mnyes pas myur du thob par 'gyur/ / de phyir slob dpon drung gshegs te// de bzhin gshegs rnams phyag mdzad do// rdo rje sems dpa' ji lta ba// de ltar slob dpon gzugs 'dzin te// sems can rjes su gzung dmigs nas/ / phal pa'i gzugs su gnas pa'o// slob dpon gyis ni mthar dus su// shi ba 'jig rten mi gnas pa// skyes pa glen zhing rmongs pa gang // de 'di shi shes smra bar brjod/ / 'chi ba zhes bya'i rnam rtog gis// dag pa'i gnas su khyer bar byed// yang na bde ba can du nges// 'dod pa'i rigs su 'gro bar 'gyur// me tog sna tshogs lag thogs shing // sna tshogs rgyal mtshan byug pa dang // glu yi mchod pa sna tshogs kyis// sangs rgyas sras dang rdo rjer bcas// sna tshogs sgra dang sil snyan che// bkra shis tshigs bcad sna tshogs dang / dbang gi gnas rnams nyid kyis ni// lus las lus gzhan 'gro bar 'gyur// rdo rje dril bu lag byin te// mgo bo'i gtsug tor mnan nas ni// rdo rje'i sdom pa byin nas su// bum pa'i
- 201a
dbang ni bskur nas ni/ / mig la sogs par gti mug sogs// rdo rje gsum ni gnas gsum dgod// rdo rje thab khung rab sbyor bas// sbyang bar yang dag bstan pa'o// nyi ma ngag ni gsum la ni/ / rus pa'i 'phreng ba bsdu bar bya// 'o ma dri bzang bsang gtor nas// de yi mchod rten yang dag brtsam// bcom ldan 'das kyis de skad ces bka' stsal nas// thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par dga' 'o// 'phags pa mkha' 'gro ma'i dra ba'i rdo rje gur rgyud kyi rgyal po'i brtag pa'o/ / rdzogs so// / rgya gar gyi mkhan po ga ya d+ha ra dang / lo tsa ba dge slong shAkya ye shes kyis bsgyur ba'o// rgya gar skad du/ shrI ma hA mu drA ti la kaM nA ma ma hA yo gI ni tan+ta rA dza a b+hi rA dza/ bod skad du/ dpal phyag rgya chen po'i thig le zhes bya ba rnal 'byor ma chen mo'i rgyud kyi rgyal po'i mnga' ba dag/ dpal phyag rgya chen po'i thig le la phyag 'tshal lo// bcom ldan mkha' 'gro ye shes nyid// gsang pad snying po'i kha 'byed pa// gsang par lte ba'i nang na bzhugs// bdag gi zhu ba khyod gson cig/ ye shes rgya mtsho'i kye rdo rje// 'bum lnga yi ni bdag nyid rgyud// gang zhig khyod kyis de nyid gsungs// sbyor drug rnal
- 201b
'byor ma yi gzhung / / thams cad mkhyen pa dbang phyug mchog/ de ni dpa' bo bdag gis shes// don dam pa ni ji lta bu// de ru bdag ni the tshom skyes// char yang thig le tshul dang ni// tshul tsam mchog gi mchog gzhan yin/ / sbyor ba drug gis rnam par shes// de yi gnas ni nang na yod// srog ni gang nas 'byung ba yin// rdo rje 'dzin pa gang du brlag/ rdor sems mtshan mo gang nyid ci/ / mtshams gang shar ba gang zhig lags// gang na nub pa'i dus dang rtsa// mchog gi dbang phyug du tsam mchis// dus kyi mtshan nyid gang lags gsungs// de yi dus kyis don ci byed// / A li kA li bya ba gang // mnga' bdag gang nas 'byung ba lags// ro yi bye brag du zhig bstan// dga' ba yang ni de bzhin no// gang gi dus kyi dga' ba rnams// rdo rje dbang phyug 'byung ba gsungs/ / chos kyi dbyings ni ji ltar bshad// rdo rje yang ni ji ltar bstan// bdag gi sgra ni ji ltar gsungs// gsang ba zhes bgyi ji ltar lags// mchog ces bgyi ba ji ltar bshad// dgyes pa'i don ni gsol bar mdzod// rigs kyi bye brag du tsam bstan// phung po la sogs skye mched ci// tshangs dang khyab 'jug drag po dang // dbang phyug rtag tu zhi ba dang // gang nas skyes shing gang du gnas/ / chen po'i chen po de ji ltar// phyag rgya'i bye brag du zhig bshad// phyag rgya chen po ji ltar lags// mgon po mchod pa'i bye brag ci// de ru me tog ji ltar yin//
- 202a
mgon po chen po mchod sbyin ni// ji lta bu zhig 'tshal ba lags// mchog gi dngos po'i dkyil 'khor ni// bcom ldan 'das de ji lta bu// de ru lha mo ci 'dra ba// lha mo ba gang lags gsungs/ / bcom ldan dur khrod du zhig mchis// de ru shing ni ji ltar bshad// dur khrod dang ni shing rnams ni// rgyal ba'i dbang phyug de gnas gsungs// mgon po nang gi sbyin sreg dang / / bdud rtsi lnga yi cho ga dang // rnal 'byor ma yi 'du shes dang // de ru skad ni ji lta bu// bdag nyid kyi ni rang ngo bo// mgon po chen po khyod kyis gsungs// dpal phyag rgya chen po thig le las rgyud thams cad kyi rgyu zhes bya ba'i le'u ste dang po'o/ / / bcom ldan 'das kyis bka' stsal pa// dris pa yang dag gting dpag dka'// snying po yi ni snying po mchog sangs rgyas kun gyi gsang chen po/ / mchog las mchog gi yang dag mchog/ lha chen po ni la sogs pa// bzang mo de ru byol song yin// don dam de ni khyod gcig pu// zhal bzang mo yi snod yin no/ / gsang ba'i gsang ba yang dag rab// nyon cig yang dag bdag gis bshad// dang po re zhig slob ma la// dbang rnams lan cig bskur ba yis// de tshe gsang chen bshad pa yi// nges par snod du gyur pa'o/ / dbang med na ni dngos grub med// bye ma btsir yang mar med ltar// gang zhig rgyud lung nga rgyal gyis// dbang bskur med la gsal byed pa// slob dpon slob ma shi ma thag/ dngos
- 202b
grub thob kyang dmyal bar 'gro/ / de bas 'bad pa thams cad kyis// bla ma la ni dbang don zhu// dbang bskur yod dang de nyid shes// ye shes shes dang thugs rje che// yang dag rlabs che dpa' bo dang // ser sna med dang rang bzhin bzang // skal ldan mtshan nyid thams cad rdzogs// phrag dog yul ni rnam par spangs// rtag tu dga' ba'i yid ldan pa// 'dod chags chen po gcig pu'i yid// sdom pa/ de ni shes pa na// bla ma de lta bu la bya// de lta bu yi bla ma yis// 'bad pas slob ma brtag par bya// ji ltar bsregs la sog pas gser// ji ltar mkhas pas rin po che// ji ltar bde ldan bu mo ni// de ltar slob ma brtag par bya// de bas thams cad rab 'bad de// phan tshun so sor brtag par bya// de ltar min na skyon du 'gyur// nam yang dngos grub thob mi 'gyur// ji ltar dug la rab sngags kyis/ / dag pa byas nas bdud rtsir 'gyur// de bzhin slob ma dbang sogs kyis// lus ni dri ma med par 'gyur// gang zhig dbang bskur sbyin byed pa// de ni rdor sems lta bur blta// bla ma sprul rgyal lta bur blta/ / dpal ni bla ma me 'drar blta// bla ma ston pa bas lhag blta// yid bzhin rin chen mnyam par blta// ji ltar rab sbyor dang sngags kyis// sbrul gyi rgyal po'i spyi bo las// tshad med pa yi rin chen rnyed// dbul ba thams cad med par byed// rab sbyor log dang sngags log gis// dga' mo nges par tshig par byed// de lta bu yi cho ga yi// khrims la sogs pa'i
- 203a
spyod pa yis/ / dpa' zhal de nyid rin dbang phyug/ tshe 'di nyid kyis rnyed par gyur// de ltar min te mgus na// gsung gi me yis nges tshig byed// ji ltar me yis shing tshig pa/ / skad cig gis ni thal bar byed// gal te de bzhin dpal bla ma// mnyes na skad cig gis sdig tshig/ rgyud 'di la ni mchog gi ni// bcom ldan dbang bskur du zhig mchis// bcom ldan 'das kyis bka' stsal pa/ / dbang bskur bzhi yi rim pa la// 'bras bu yis ni gsum du bstan// dang por slob dpon dbang gcig ste// gnyis pa gsang ba'i dbang mchog go/ gsum pa shes rab ye shes dbang / / de ltar de bzhin bzhi pa'o// slob dpon dbang la bcu gcig dbye// gsang ba'i dbang dang bcu gnyis mchog/ shes rab ye shes bcu gsum pa// de ltar de bzhin bcu bzhi'o/ / dbang re la ni sa re ste// de rnams sa yi dbang phyug bdag/ rgyu rtsa gsum gyis shes par bya// de yi 'bras bu bzhi pa'o// yang na 'bras bu gsum dang bral// yang na bdag nyid gsum po yin/ / dga' ba'i bye brag shes par bya// 'khor lo rnams kyi rim pas so// yar ngo yi ni gsum pa'i tshe// slob ma la ni dbang bskur bya// bzhin bzang mig gi dkyus ring ba/ gzugs bzang lang chos brgyan pa yi// bcu gnyis yang na bcu drug gam// ma rnyed nyi shu lon pa'ang rung // nyi shu yan chad phyag rgya gzhan// des ni dngos grub thag ring byed// sring mo
- 203b
yang na bu mo 'am/ / chung ma bla ma la dbul bya// de nas sna tshogs rdzas kyis ni// bla ma dad pas mchod par bya// sna tshogs ras ni brgya sogs dang // rin chen sna tshogs rgyal mtshan mchog/ mu tig 'phreng ba rin thang med// grangs med gser gyis mchod bya'o// de ring phan chad bdag ni 'bangs// chen po'i chen po mchod pa bzhes// de lta bu yi cho ga yis// 'bad de bla ma mchod par bya/ / bla ma'i gzugs ni bdag rang yin// bdag mchod byas na dngos grub 'thob// de yis skad cig phyag rgya che// mchod pa byas nas bsnyen par bya// bsnyen pa las ni gang zhig 'byung / / slob ma'i kha ru dbab par bya// sbom po mtha' ltag sbyar ba yis// longs spyod nang du gzhug par bya// de tshe yang dag ye shes skye// bu mo'i bde ba ji lta bu// srog dang rtsol ba mnyam byas nas/ / shin tu legs dgyes kyis mchod bya// rin chen kha la hUM phaT sngags// bkod nas mnga' la bskyon par bya// de yi dus su dga' skad cig/ ji ltar rang bzhin skye bar 'gyur/ / de ltar phyag rgya la bshad bya// 'di ni dga' ba'i mtshan nyid do// de nas slob ma'i lag tu ni// byin nas 'di skad smra bar bya// nga yi bka' lung rtog med pas// pad+mo'i don la ji bzhin gyis/ / pad+mo'i snying po'i dbus na ni// rdor dbyings dbang phyug ma ni bzhugs// de ma rnyed pa'i bar du ni// thabs gzhan la ni byang chub med// de ni rang bzhin dga' ba'i gzugs//
- 204a
phra mo'i phra mo yang dag mchod// dpal phyag rgya chen po'i thig le las slob dpon slob ma brtag pa dang / yon dbul ba dang / dbang bskur ba zhes bya ba'i le'u ste gnyis pa'o/ / // de nas gsang ba bshad bya ba// mchog dang rab mchog mchog gi mchog/ phung po lnga yi bdag nyid sku// legs dgyes dbang po 'khor lo drug zla phyed byad gzugs char yang ni/ / rlung gi 'khor lo'i nang na bzhugs// phyed min gang ba yang ma yin// chu yi zla ba bzhin du mthong // sgyu 'phrul chen po 'gro ba'i ma// char yang grangs med rten pa yin/ / de ni mchog dang gzhan mchog phra// skye med gnyis med bsam du med// rlung gi 'khor lo skyed byed ma// sangs rgyas kyis kyang rnyed dka' ba'o// me yi 'khor lo'i/ nang na ni// thig le gcig pa yi ge med// thams cad nang yod yig kun yin// thams cad khyab dang bde ba 'byung // bde ba 'phel bar byed pa'o// dbyangs dang dpe byad dang bral lo// grangs med pa yi khams gsum ni// rgyu dang skye bar byed pa'o// tshul ni glo bur ba yi gnas// rnam pa thams cad dang bral ba// dngos po sbrul lce 'dra ba yin// mtho ris sa ni skyed byed pa'o/ / yi ge ma yin khams kyang med// zla tshes thig le rgyan dang bral// skye med grangs med mi zad pa// de ni don dam tshul yin no// sprul pa yi ni 'khor lo'i gnas// lte ba'i snyoms
- 204b
pa zhes su grags/ / chos kyi 'khor lo'i tshul tsam ni// dri ma med pa'i sbrul mi 'dra// dri med ma bcos pa yi gnas// gnas med rnam pa med pa'o// g.yo ba med dang brjod du med dbugs kyi rgyu ba med pa'o/ / mchog gi ye shes tshul tsam ni// bcu gsum dbang phyug gis ma shes// mchog gi longs spyod 'khor lor gnas// mchog gi rnam pa bdud rtsi mchog/ theg mchog mchog gi mtha' na yod/ / ji ltar chang gi mthu bzhin no// thams cad bdag nyid byang gzugs bral// gzugs mer bdag nyid kyis bzhugs so// gzhan mchog bde chen 'khor lo la/ thams cad mtha' yi mtha' na bzhugs// lta bar byed dang blta bya med// mtshan ngan thams cad med pa'o// brjod med mi zad zhi ba ste// rang dga' nyams myong rnam pa'o// bla ma yi ni bka' drin gyis/ / legs dgyes dbang mo rnyed par 'gyur// de lta bu yi ye shes che// rnam par shes drug rang bzhin can// 'khor lo drug gi dbus su ni// don dam par ni bshad pa'o// steng dang 'og gi sbyor ba yis// kha sbyar byad gzugs kyis ni yod// bcu gnyis phyed dang drug gi phyed// drug cu rtsa bzhi de bzhin brgyad// brgyad gnyis dang ni brgyad bzhi ni// 'di ni 'khor lo chu skyes drug/ dpal phyag rgya chen po'i thig le las sbyor ba drug gi mtshan nyid dang / 'khor lo drug rang gi ngo bo zhes bya ba'i le'u ste gsum pa'o// / nyon cig lnga
- 205a
mo skal chen mo/ / rtsa yi 'khor lo 'byung ba mchog/ stong phrag bdun cu rtsa gnyis te// rtsa rnams kyi ni rigs bshad do// rigs chen po yi rgyud chen por// rgyas par bdag gis gsal bar byas/ / 'di ru 'khor lo drug gi grangs// mdor bsdus pa ni bshad par bya// rlung gi 'khor lo'i rtsa drug ni// g.yo ba nam mkha' me dang sbubs// rab bskor dang ni 'jigs chen po/ / rtsa de rlung gi 'khor lo'i gnas// 'dzin ma dang ni ro ma dang // rtog med ma ni gru gsum gnas// me yi 'khor lo'i nang du ni// rtsa yi dbang mo lngar shes bya// mgyogs ma dang ni yang dag mgyogs/ / shin tu bzang dang bzang 'gro dang // stobs chen ma dang 'jigs chen ma// nga rgyal che dang 'jigs byed che// mthus myur ma dang mthu yi cha// mthu yi chu dang mthu dri dang / / mthu ma dang ni mthus 'bab ma// rtsub dang nur dang mthu du ma// rngam pa za ba nam mkhar 'gro// bya yi yan lag bya 'gro ma// phyug mo 'jigs ma nga ro dang // brtul ma mchod ma myos ma dang / / sgra ma sgra 'byung sdig can ma// pad+ma'i sdong bu ma sngon mo// zil pa zil 'byung sgra ma dang // phyin phyogs kha dang dbyig pa dang // dbyig pa'i nga rgyal dang po ma// tshe'u lto ma dang tshe'u drug ma/ / tshe'u bdud ma dang brtson 'grus ma// tshe'u khyim ma dang tshe'u kham// tshe'u 'od ma dang tshe'u lug ma// 'bud ma bdag ma 'od ma dang // dri med dang ni dri sreg dang // thag lnga
- 205b
ma dang thag dga' ma/ / thag mo dang ni thag dus ma// phug ron phum skyes phra ma dang // lo ma dang ni tsher lo dang // gos gyon ma dang gsal byed ma// rtsa 'di brgyad po brgyad du dran// drug cu rtsa bzhi chu skyes ni/ / lte ba'i sprul pa'i 'khor lor gnas// rin chen ma dang pad chen mo// gshes chen ma dang stobs chen ma// mgo chen ma dang myos chen ma// dga' chen ma dang mi dga' che/ / de brgyad chos 'khor 'dam skyes ni// zhal bzang snying kha'i rgya mtshor ro// chags ma longs spyod longs spyod min// nyi 'od 'od ma b+ha ga dang // lu ma dang ni thil gdong ma// bza' ster rang za ltogs ma dang // ra sa ya na ro sgyur ma// ro 'dzag dang ni ro ma dang // skur ma longs spyod 'khor lo'i gnas// brgyad gnyis 'dam skyes 'dab ma ni// mgrin pa yi ni rim pa'i rigs/ / 'dod ma 'dod spyod tshe'u lus ma// zla 'thung zla lho mdzod ma dang // skad snyam lkugs ma du rab ma// ce spyang brgya ma skams pa ma// me ma rngon ma zla ba ma// gang ba gnyid ma gnyid skyes ma/ / chang 'tshong chang ster bdud rtsi ma// dung ma dang ni dung rnam// dung mig ma dang dung snu ma// mthus phyug ma dang mthu ser ma// mthu rmongs ma dang mthu rngam ma// 'gyings ma dang ni ri rten ma/ / sum cu rtsa gnyis thod pa'i gnas// bde chen 'khor lo'i rgyal po 'di// des ni 'khor lo rnams la khyab// thams cad phra mo reg bya med// gzung dang 'dzin pa rnam par
- 206a
spangs/ / bde chen bde ba'i rnam pa can// bde chen la sogs sbyin par byed// de yi rtsa ba'i 'byung ba mi// yang dag thar 'dod pas shes bya// lha mo rtsa 'byung med p hung po'i 'byung ba ji ltar 'gyur/ / phung po med na ye shes che// rnal 'byor rnams kyis ji ltar rnyed// phung po lnga ni bdag nyid sku// mkha' 'gro lngar ni rab tu grags// mkha' 'gro lnga ri ye shes lnga/ / 'byung ba lnga yi rang bzhin can// rtsa nyid 'byung ba med gyur na// phung po rnams ni 'byung ba med// phung po med na dngos grub ni// rnal 'byor chen pos rnyed mi 'gyur// de ba pa thams cad kyis/ / rtsa yi 'khor lo btsal bar bya// ji ltar sprin gyi char gyis ni// rtag par de ni che bar 'phel// 'bras bu mang zhing mtha' yas ni// the tsom med par sbyin par byed// ltar phung po'i shing zhes bya// rtsa yis chu yi che bar 'phel// cher gyur 'bras bu thar pa ni// the tsom med par sbyin par byed// lha mo'i dngos po gzugs su ni// rtsa yi byad gzugs yin par 'gyur/ / reg khams rgyal mtshan sbyor ba yis// me 'khor nang du chu skyes ni// gang tshe rdo rjes skyod par byed// de tshe me ni khong du chud// 'khor lo chu skyes thams cad ni// je gsal je gsal kha dbyer 'gyur/ / de nas rtsa kun 'dzag 'gyur te// snod 'dzag pa yi chu thigs bzhin// de nas sprul pa'i 'khor lor ni// 'dus nas gcig tu gyur pa'o// rtsa gnyis la yi
- 206b
rtse mo las/ / zla ba dang ni nyi ma 'dzag/ mngal gyi dbus na rtsa gnas pa// thag pa'i rnam pa'i gzugs su yod// de ni gcig pu rgyu zhes bya// 'bras bu'i bye brag gnyis su 'gyur// g.yos nas khu ba 'byung ba dang / / g.yas nas khrag ni 'byung ba'o// gang tshe g.yas phyogs nyi ma ni// de tshe bde ba dmar por 'gyur// g.yon nas zla ba 'byung ba'i phyir// de ni bde ba dkar por 'gyur/ / de gnyis nang na me gnas pa// sgong skyes gnyid log ji bzhin no// sngon gyi las rlung rnam shes ni// gang tshe 'khor bar gyur pa ni// de yi tshe na b+ha ga'i nang // 'dod chags chen pos yid 'gyur ro/ / gang tshe ma yi zla mtshan 'byung // me dang nyi ma gsal bar 'byung // de tshe 'dod chags chen po'i yid// reg bya 'dun pa mchog tu 'gyur// bo la kak+ko la zhugs nas/ / ji ltar chu la chu bzhag bzhin// de tshe sa bon 'byung ba yin// sa bon las ni gong bu 'byung // lha mo de las rtsa rnams 'byung // 'bras bu nges par 'byung ba'o// dpal phyag rgya chen po'i thig laM las 'khor lo drug gi rtsa 'byung ba zhes bya ba'i le'u ste bzhi pa'o// / srog ni 'byung bar thim pa'i tshul// nyon cig lha mo bdag gis bshad/ / ma skyes pa yi char yang ni// gsang ba'i mngal gyi nang du bzhugs// de ni rnam shes med pa dang // bdag nyid med pa'i ye shes sku// de yi gnas nas srog 'byung ste/
- 207a
srog can rnams kyi srog ni mchog/ rtag tu bdag nyid srog chen po// gnas lnga'i gnas na bzhugs pa'o// nam mkha' lnga zhes bya bar grags// nam mkha' lnga yi nang du thim/ / 'byung ba chen po bzhi po ni// srog gi rten du shes par bya// yang na srog ni de rnams rten// legs dgyes dbang mo shes par 'gyur// rnam shes las ni rlung skye'o// de las me ni skye bar 'gyur// de las chu ni skye 'gyur te// de las sa ni skye ba'o// de rnams kun las phung po 'byung // de nas skye mched 'byung bar 'gyur// de nas ye shes rang bzhin skye// brgya rtsa brgyad kyi rim pas so// rdo rje 'phreng ba'i rgyud chen las// sngar ni bdag gis bstan pa'o// mtshan mo gang yin nyin gang yin// mtshan mo bdag gis bshad par bya// mtshan mo shes rab tu ni grags/ / shes rab mtshan mo yin par 'gyur// mtshan mo'i rnam pa zla bar 'gyur// zla ba mya ngan 'das rang bzhin// kun rdzob dang ni don dam par// shes rab gnyis kyis shes par bya/ / kun rdzob reg byar shes par bya// gang zhig reg bya med par bde// blta bar dka' ba'i mtshan nyid do// rang bzhin med pa'i rang bzhin can// de ni bdag gis mtshan mor bshad/ / nyin mo thabs su grags pa ste// thabs ni nyi ma yin par 'gyur// b+ha ga'i 'byung ba nyi ma yin// nyi ma b+ha ga'i bdag por 'gyur// srid pa'i rnam pa nyi ma yin/
- 207b
zla ba mya ngan 'das pa'i gzugs// srid pa de ni rigs zhes bstan// nyi las 'byung ba zla ba'i rigs// dri ma med phyir nyi ma ste// rtog pa'i dra ba med pa'o// dri ma med pa mchog phrag/ shin tu gsal ba stong sku'o/ / yang dag dri med gnas zhi ba// thams cad kun na bzhugs pa'o// rgyud rnams kun tu sbas pa yi// de lha'i nyin mo bdag gis bshad// mtshams ni gnyis ka phrad pa ste/ / rdo rje pad+ma nyi zla 'byung // lte ba gnyis ka phrad pa ni// phra ltar skad cig mtshan nyid do// nyon mongs las grol mtshams yin te// rnam pa med pa mchog gi mchog/ sbyor gnyis dbus na yod pa ste/ / byug pa dang ni sred pa med// de mtshams sems can thams cad kyi// 'khor ba'i lam rab dag par byed// shar ni mchog tu grags pa ste// dga' bral la sogs dang bral ba// / mdud pa'i rtse mo mchog gi gnas// tsa na ka yi rus rnams gzugs// shar ni zla ba'i bdag por shes// zla ba gyen du 'gro ba'i phyir// zla ba thig le mnyam par grags// thig le bzhir gyegyis bstan pa'o/ / thog ma tha ma'i dbus gnas na// bzhi pa gang na'ang med pa'o// rang gi rig pa'i bdag nyid phyir// de bas brjod du med pa'o// de ni gsang bar bstan pa ste// shar ba'i don ni 'dus pa'o/ / nyon cig lha mo bde sbyin ma// nub pa'i yang dag bdag gis bstan// gang tshe sems ni nub pa na// sngar ni zla ba'i rnam par 'gyur// de tshe nub pa'i gnas su 'gro// mi 'gro/
- 208a
ba ni 'gro bar 'gyur// gang tshe thog ma tha mar nyagre// de tshe nub par bstan pa'o// tha ma nub par bstan pa ni// brten pa'i gnas la rten med gnas// bstan pa yis na mchog bde la/ / bstan med bde ba pa la yod// dpal phyag rgya chen po'i thig le las srog dang / mtshan mo dang / nyin mo dang / mtshams dang / shar ba dang / nub pa bstan pa zhes bya ba'i le'u ste lnga pa'o/ / / rtsa yi 'byung ba thog mar bstan// dus ni nyon cig bdag gis bshad// dus ni tshed ces bstan pa ste// dus la bye brag gnyis su dbye// dus ni bsam du mer pa dang / / shin tu'i dus ni dus yin no// shin tu dus dang ngan dus dang // snga yi 'phar ma bu ga gnyis// 'ong ba de ni bzang dus bstan// bzang ba min dus chad ces bya// bzang ngo // de ni mchog tu dran// gnyis ka dang bral de kho nyid// de ni sngar meng 'di ru dus// lta ba med dang blta ru med// mtshan ngan thams cad dang bral lo// de lta'i dus ni bdag gis bshad// zhal bzang yang dag bshad pa yin/ / de yi dus su gzhan du yid// rnal 'byor pa de mi bgyid na// dam tshil dbang mo bad ka ji ltar// gzhan min rdo rje 'dzin par 'gyur// A li kA li gang las 'byung / / nyon cig de ni bdag gi bshad// yang dag dri med gnas nas 'byung // snang ba mched pa'i gzugs can no// dpe byang sum cu gsum dang ldan// kA li'i dkyil 'khor shin tu
- 208b
gsal/ / snang ba mched pa'i gnas nas te// snang ba de ni gsal bar 'byung // dbyangs kyi yi ge bcu drug ldan// rgyas pa A li'i dkyil 'khor ro// de gnyis mnyam par sbyor ba yis// ngal bus ro chen skye bar 'gyur// mchog gi bdud rtsi rnam pa ni// bde ba chen po'i bde ba'i gnas// rig ma'i sna rtse'i gnas na bzhugs// chu skyes 'khor lo drug gsal byed// de yi reg bya bde sbyin pa/ / ro chen brgyad ni shes par bya// 'dar dang rdul dang ba spu langs// skad 'gag pa dang mdog gsal dang // kha dog 'gyur zhing mtsho ma myos// de ni snying po'i ro brgyad do// ro yis dgug byas dga' ba rnams/ / shin tu bzang po skye bar 'gyur// dga' dang mchog gi dga' ba dang // dga' bral lhan skyes de bzhin no// dga' ba zhes bya snang ba yin// mchog dga' snang ba mchod par bstan/ / dpa' bral snang ba thob ces bya// lhan skyes de ni yang dag 'od// de yi dus na skad cig skye// sna tshigs la sogs mtshan nyid do// snang ba zla ba zhes su bstan// snang ba mched ba nyi ma'o/ / mtshams ni snang ba thob par grags// gsum dang bral ba yang dag 'ong // gang tshe mdud pa'i nang du sems// de tshe dga' ba 'byung bar 'gyur// mdud pa'i mtshams nas nas gsum tsam/ / mchog gi dga' ba 'byung bar 'gyur// gsum gyi gnas nas gsum du 'gro// dga' bral 'byung bar 'gyur ba'o// gang zhig gsum dang gsum spangs pa// de lon
- 209a
nyid rang bzhin par/ / de ni gsang ba chen po'i mchog/ gsang ba'i gsang ba yang dag mchog/ 'dus pa la sogs rgyud rnams su// legs dgyes dbang mo sbas pa/ bya/ sdom pa 'am ni kye rdo rje// der yang gsal bar ma byas so// khyed kyi ngor mdzad mchog de ni// gsang chen bdag gis gsal bar byas// sangs rgyas byang chub sems dpa' dang / gzhan ma shi med kun nyon mongs// de lta'i mchog gi de kho na// bdag min na ni de mi shes// gzhan yang ches kyi dbyings grags pa// de nyid nyon cig bdag gis bshad// nam mkha' chos kyi dbyings yin te/ / dbyings ni sa bon zhes su dran// chos rnams kun gyi nang na yod// rgyu dang mchog gi gnas yin no// ji ltar til la mar yod dang // ji ltar shing la me yod pa// de bzhin chos rnams kun la yang // chos kyi dbyings kyis khyab par ni// yod na yang ni mthong mi 'gyur// chos kyi dbyings ni b+ha gar grags// b+ha ga rin chen snod yin no// dbang phyug la sogs yon tan ldan/ / de ni b+ha gar kun tu grags// chos ni b+ha ga zhes byar bstan// dbyings ni sems su shes par dran// khams gsum gyi ni mtha' yas la// sems ni de yi rgyu yin no kun rdzob rnam pa'i gzugs su ni/ / chu zla lta bur mthong bar 'gyur// don dam de ni mthong ba med// mthong med ma yin dngos med min// rang rig pa ni mchog zhi ba// dngos dang dngos ra
- 209b
dang bral ba/ / de ni mchog gi de kho na// chos kyi dbyings bdag zhi ba'o// dpal phyag rgya chen po'i thig le las A li kA li 'byung ba dang / dus kyi mtshan nyid dang / chos kyi dbyings bstan/ pa zhes bya ba'i le'u ste drug pa'o// / gzhan yang nyon cig bdag gis bshad// ji bzhin rdo rje'i mtshan nyid can// mi phyed rdo rje zhes su bstan// ye shes lnga yi bdag nyid mchog/ nam mkha' lnga yi dbus su thim// nam mkha' lnga yi bdag nyid do// pad+ma'i lte ba'i nang na bzhugs// thig le gcig pu yi ge med// rnam pa thams cad rnam pa med/ / de ni rdo rjer kun tu grags// bdag gi sgra yi nges pa'i don// nyon cig bdag gis de nyid bshad// a ni yig 'bru gzugs kyi mchog/ thams cad kun gyi lus nang yod// rnam pa thams cad mchog ni rdzogs/ / kun yod ma skyes thams cad mkhyen// rtag tu stong pa thams cad khyab// thams cad kun gcig byed pa'i rgyu// srid pa srid mchog nyin mo ni// sprul pa'i sku yi bde ba'o/ / lus ni de bzhin gshegs skyabs sbyin// thams cad don ni byed nus pa'o// haM gi yig 'bru gzugs dang bral// lus gnas lus las ma skyes pa'o// rnam pa kun las rnam par grol/ / byang gzugs dpe byad kun dang bral// dngos dang dngos min rnam par grol// skye dang 'jig pa'i byed pa po// dngos po thams cad nub pa po// chos kyi sku yi rang
- 210a
bzhin can/ / sems ni rdo rje 'dzin skyabs sbyin// yi ge thams cad dang bral la// stong pa'i rnam pa mya ngan 'das// ye shes sku yi rang bzhin can// dri med brjod med zhi ba ste/ / de ni haM du kun tu grags// bdag ni thams cad kun gyi nang // thams cad bdag nyid rtag tu bzhugs// dngos po kun gyi bdag nyid la// de ni khyab par yod pa ste// bdag / ni med na 'gro ba kun// ji ltar rtsa bcang shing bzhin no// haM gi yig 'bru mtshams kyi mthar// a ni yig 'bru mgo bo'i rtser// a ni yig 'bru zla ba dag/ haM gi yig 'bru nyi ma'i 'od// a ni yig 'bru rten yin te// haM gi yig 'bru brten pa'o// a yi yig 'bru srog ces bshad// haM gi yig 'bru rtsol bar dran// gang zhig gnas su de gnyis sbyor// de ni bdag nyid gsal bar 'gyur/ / rgyud rnams kun las rnyed dka' ba// de ni yang dag bdag sgrar bshad// dpal phyag rgya chen po'i thig le las rdo rje'i mtshan nyid dang / bdag sgra'i nges pa'i ngor zhes bya ba'i le'u ste bdun pa'o/ / // gsang ba'i don ni bshad bya ba// gsang ba zhes bya ci zhes brjod// gsang ba zhes bya dga' bar bstan// mchog ces bya ba mchog yin no/ / dgyes pa zhes bya dga' bral bstan// thams cad bdag nyid lhan skyes dran// gsang ba nyid ni gsang ba yin// gsang ba khu bar bstan pa'o// khu ba srog
- 210b
ces bstan pa ste/ / srog ni rten du dran pa'o// rten ni sar ni shes par bya// khams gsum kun ni 'byung ba'o// mchog ni chu zhes bstan pa ste// chu ni srog gi tshe yin no// cha ngal de ni 'od ces bstan/ / 'od ni rnam par dag ces dran// rnam par dag pa bde chen dngos// de ni rang bzhin bstan pa'o// rnam par dag pa 'byung min gnas// babs pa rnam dag brjod pa yin// babs pa dngos min zhes byar bstan// dngos min rnam dag brjod ma yin// rnam dag phra ba'i phra mo ste// phra mo'i rnam dag gzhan na gnas// phra mo'i rang bzhin zhes byar bstan// gzung dang 'dzin pa rnam par spangs/ / rang dngos bde ba chen po ni// ye shes rlung du rab tu grags// de ni nam mkha' zhes su bshad// nam mkha' stong par bstan pa'o// stong pa las ni thams cad 'byung / / stong pa'i nang du thams cad thim// stong pa yang dag dri med gnas// rnam pa thams cad dang bral ba// mchog gi rnam pa skye med dag/ rang dga' nyams su myong ba dngos/ / de ni rang bzhin zhes su bshad// thams cad bdag nyid rtag tu bzhugs// rigs lnga yi ni mtshan nyid de// nyon cig bdag gis bshad par bya// rigs ni ka pA la zhes brjod// ka pA la ni ka ru bshad// ka ni rtsa ba zhes byar grags// rtsa ba bye brag lnga ru dran// de bzhin gshegs pa lnga yi sku// de ni phung po lnga zhes dran// phung po lnga ni grub pa'i sku// 'byung ba
- 211a
lnga yi rang bzhin can/ / tshangs pa khyab 'jug drag po dang // dbang phyug rtag tu zhi ba la// lnga la khyab pa gcig pu ste// bdag ni don dam pa yi pha// thams cad khyab pa'i stong chen po/ / bdag ni 'pho med ma skyes pa'o// ka ni ci zhig thugs rje 'thung // pA ni dam tshig skyong ba yin// la ni ngan 'gro'i pha rol phyin// de ni ka pA la ru bshad// ka yi/ sgra ni rang bzhin yin// ka ni gang du'ang mi gnas pa'o// dngos po thams cad khyab pa'o// des na ka zhes bstan pa'o// de dag he ru ka yi dngos// chos kyi 'khor lo'i gnas na bzhugs// rtag tu zhi ba longs spong 'khor// dbang phyag bde chen 'khor lo'o// drag po lte ba'i 'khor lor gnas// khyab 'jug me yi 'khor lo'o// tshangs pa rlung gi 'khor lor te// rlung ni thams cad nang yod che/ / bdag ni 'khor lo drug gi dbus// kun la de ni khyab par bzhugs// stong nyid gzhan mchog stong pa nyid// bdag dpal he ru ka yi mchog/ mkha' 'gro lnga yi gtso bo ste// ye shes mkha' 'gro dbang phyug bdag/ 'byung ba lnga yi rang bzhin can// mkha' 'gro ma yis kun tu bskor// dpal phyag rgya chen po'i thig le las gsang ba dang / dga' ba bzhi dang / rigs lnga'i mtshan nyid ces bya ba'i le'u ste brgyad pa'o// de nas gzhan yang bshad bya ba// phyag rgya'i brda ni rab yin te// rna chag du bu 'khor lo dang // mgul ror/
- 211b
bzhin thal ba dang // tshangs pa'i skud pa phyag rgya drug/ pha rol phyin drug dran pa'o// sbyin pa tshul khrims bzod brtson 'grus// bsam gtan shes rab drug yin no// sbyin pa chos zhes bstan pa ste/ tshul khrims las zhes dran pa'o// bzod pa dam tshig ces su dran// brtson 'grus ting 'dzin shes par bya// bsam gtan ye shes zhes byar dran// shes rab ces bya phyag rgya che// don dam par ni shes par bya// skye mched drug ni dag par bya// phyag rgya drug tu rab tu grags// rigs drug rim par shes par bya// lha mo'i bdag nyid phyag rgya drug/ yaM ra laM ba oM haM ste// lha ma yi ni rim pas so/ / de ru mchod pa rab tu bya// mchod pa ro mnyam rig pa'o// thim dang longs spyod dbang gis ni// gnas kun gyi ni de bzhin no// gtum mo btso blag DoM bi dang // gar mkhan thod pa bram ze mo/ / gtum mo pad+ma'i rigs yin te// btso blag rin chen rigs su dran// DoM bi rdo rje'i rigs zhes bya// gar mkhan ral gri'i rigs su dran// thod pa can ni 'khor lo'i rigs/ / de lnga dag pa phyag rgya'o// ye shes phyag rgya bram ze mo// rdo rje sems dpa'i rigs su dran// bram ze mo ni ma yin te// thod pa ma ni sring mor dran// gar mkhan bu mor shes par bya// Do bi chung mar rab tu grags// btso brag mkhan ni mna' ma yin// gtum mo sgyug mor dran pa'o// shes rab thabs kyi cho ga yis// rtog pa med pas mchod par bya// rnam rtog med pas
- 212a
dngos grub 'grub/ / ji ltar bsnyen pa skad cig gis// ma ni sems zhes bstan pa ste// gsung ni 'di ru sring mor dran// bu mo sku ru rnam par grags// chung ma srog ces bya bar dran/ / mna' ma rtsol bar dran pa ste// sgyug mo mnyam par dran pa'o// ma ni mthu yi rtsa yin te// sangs rgyas rin po che yi snod// sring mo khu ba'i rtsa yin te// 'tshogs ma'i gnas na yod pa'o// bu mo khrag gi rtsa yin te// khu ba'i rtsa yi 'og ni yod// chung ma dri chu'i rtsa yin te// gnyis kyi bar na yod pa'o// mna' ma mchi ma'i rtsa yin te// mgrin pa'i gnas na yod pa'o// sgyug mo snabs kyi rtsa yin te/ / dpral ba'i gnas na yod pa'o// ma ni sa ru shes par bya// sring mo chu ru dran pa'o// bu mo me ni yin par dran// chung ma rlung du rab tu grags// mna' ma de ni nam mkha' ste// sgyug mo nam mkha' ma yin no/ / ma ni mngar ba yin par 'gyur// sring mo ngo ni sbyar bar dran// bu mo kha bar shes bya ste// chung ma lan cher 'di ru dran// tsha ba de ni mna' ma ste// smug mo bsku bar dran pa'o// dede rnams 'bad pas mchod par bya// myur du dngos grub thob par 'gyur// rnal 'byor rgyud las rnyed dka' ba// phyag rgya'i rigs su bdag gis bshad// dpal phyag rgya chen po'i thig le las phyag rgya'i brda dang / mchod pa'i cho ga zhes bya ba'i le'u ste dgu pa'o// / de nas mchod pa'i cho ga ni// phyi dang nang ni bdag gis bstan// sa rdo la sogs mchod rten la// nam
- 212b
yang de la phyag mi bya/ / rab gnas dkyil 'khor sbyin sreg rnams// nam yang de ni mi bya'o// dri chen rdor chu sa bon sogs// rtag tu bdag nyid mchod par bya// 'gro dang mi 'gro gang zhig ni/ de ni thams cad sems yin no// de yi gzugs grub sems ma yin// sems ni stong pa'i rang bzhin no// ngo bo nyid bral stong pa ste// de bas 'gro ba sems su grub// de lta bu yi dag byas na// rtsa sogs/ la yang mchod pa bya// nyid ni mnga' bdag rdo rje sems// sems ni bdag nyid dran pa'o// sems ma yin pa lha yi dngos// phyi rol gzhan ma med pa'o// de ltar shes nas bdag nyid ni// dang po de nyid mchod par bya/ / rigs lnga dag tu kun spyod pa// rigs gcig tu ni rnam par brtag/ byams dang sdang ba'i bye brag dang // btung dang mi btung spang bar bya// bud med gang yang snod min med// dge dang mi dge smra mi bya// dngos grub rnal 'byor med pa dang // sngags med sngags pa med par ni// dngos grub chen po thob 'dod na// de lta bu yi sems mi bya// rlabs che gting ring yang dag pa'i/ / skyes bu chen pos sems de bya// nyan thos rnams dang mnyam pa'i sems// nam yang de ltar mi bya'o// brtan med nyan thos skal ldan min// log pa'i mun pas ye shes g.yogs// de rnams la ni gtam tsam yang / / skyes bu chen pos mi sbyin no// smad par yang ni yong mi bya// de la nam yang phyag mi bya// phyi dang nang gi sbyor ba yi// 'di ru gnas ni bdag gis bshad// rdo rje'i
- 213a
gnas ni aur+Yan dang / / gnas ni dzA lan d+ha ra ra dran// gnas ni pu lI ra ma dang // gnas ni kA ma rU pa'o// nye ba'i gnas ni mA lar bstan// sin d+hu na gar sing la la// zhing ni mum+ma ni ru grags// de bzhin de wi ko Ta dang // nye ba'i zhing ni ku lu ta// ar bu dar ni de bzhin dran// ha ri ke la tshan do ha ra// go dA ba ri de bzhin no// lAM pa ka dang kAn tsi ste// nye ba'i tshan dor bstan pa'o/ / 'dus pa de ni ka mar te// de bzhin du ni gser gling ngo // kong ka dang ni b+hin da ste// nye ba'i 'dus par dran pa'o// yi dgas 'dus pa'i dur khrod dang // dur khrod rgya mtsho'i ngogs su'o/ / nye ba'i dur khrod tsa ri tra// de bzhin ko mar pa ra'o// kasma ri pI la wa ru grags// de bzhin ke rang yul yin no// nye ba'i pI la ne pa la// nye ba'i pI la kar no dza// u ya na spyi bo'i gnas/ / dzA lan d+ha ra spyi gtsug dran// pul+lI ra ni 'tshogs ma ste// kA ma rU ni smin phrag dbus// mA la ba ni sna rtse ste// sin d+hu mig gnyis yin par grags// nA ga ra rna ba gnyis su dran/ / sing ga nam mkha'i pad+mar gnas// mum+mu ni ni kos sgo'o// de wi ko Ta mgrin gling du// ku lu ta ni rgyab gling du// ar bu da ni bu gnyis su// ha ri ke la snying la'o// go dA ba ri lde ba'i gnas/ / lAM pa ka ni gsang bar ro// kA tsi ling ka'i dbus su gnas// ka mar ling ka'i rtse mor ro// gser gling gzhang ka'i gnas su ste// kong ka na ni brla gnyis dran// b+hin dbus
- 213b
mo gnyis yin no/ / yi dgas 'dus pa byin pa ste// rkang bol gnyis su rgya mtsho ngogs// ko mA ri ni mthe bong ste// tsa ra tra ni sor mor ro// la che'i yul ni lus rnams kun// ke ra ta ni rkang mthil lo/ / ne ba la ni lhag pa ste// kaM po dzi ni rkang pa'o// de ni don dam pa yi gnas// ri bong can 'od me tog dang // me tog dmar po nyi mnyam gyis// mchod pa'i dus su mchod par bya/ / srog gcod pa yi mchod sbyin ni// 'bad pas de ru dbul bar bya// pad+ma chen po'i mcho gnas su// srog ni gcad par bya ba'o// chad pa nam yang mi bya ste// de la brtson 'grus chen po bya/ / srog gcod pa yi bsod nams bya// mchog gi mchog ni yang dag rnyed// gru gsum dri med dag par ni// de ru dkyil 'khor 'phar ma gnyis// nang gi 'phar mar dpal bcom ldan/ / byang chub sems nyid ldan pa'o// phyi rol rigs gsum rnal 'byor ma// 'dzin ma la sogs mchog chen mo// lus kyi nang nas 'byung ba'i phyir// de ni lha mo zhes su bstan// dkyil 'khor lus su bstan pa dang // b+ha ga dkyil 'khor yin par bshad// dkyil 'khor byang chub kyi ni sems// dkyil 'khor gsum ni rtog pa'o// dur khrod brgyad kyi dbus gnas su/ dkyil 'khor gsum ni sgom pa'o// dbugs 'byung dur khrod ces su bshad// sgo dgu dang ni ldan pa'o// yang dag nyon cig zhal bzang mo// de yi 'byung ba bdag gis bshad// gtum drag gzhang ka'i
- 214a
dbyibs can ni/ / gsang ba'i tshang tshing kha ru'o// 'bar ba zhes bya'i dur khrod ni// sna yi bu ga gnyis na gnas// dmyal sogs de bzhin mi bzad pa// mig gnyis la ni gnas pa'o/ / ha har rgod dang g.yer ka can// rna ba gnyis la gnas pa'o// dur khrod re re'i shing re ni// dbang byed pa ni de na yod// gtum drag pa ta la yi shing // dbyibs can nang na shi ka ra'o/ / tshang tshing sa li shing yin no// 'bar ba zhes bya so ri sha'o// dmyal sogs u dum pa ra ste// mi bzad pa ni 'ba' ta'i shing // ha ha ra rgod na a shwang tha// g.yer ka'i nang na ge sar shing / / shing gi rnam pa rtsa brgyad ni// yan lag mang po yod pa'o// gzhang mthu rtse mo mthus byed ma// ro yi rtse mor ro lus ma// nam mkha' ma dang char sbyin ma// rul pa pa dang ltogs ma ste// bye brag brgyad du gyes par dran// shing gi sgra ni rtswa yin te// shing ni me tog yod phyir ro// mchog gi dkyil 'khor steng du ni// me tog med na ji ltar mchod// dpal phyag rgya chen po'i thig le las dkyil 'khor dang / lha mo dang / gnas dang / dur khrod dang / shing dang / mchod pa zhes bya ba'i le'u ste bcu pa'o// / nyon mongs thams cad med byed pa/ / nyon cig sbyin sreg bdag gis bshad// lte ba'i gnas na tshul yod pa// tshul gyi mtha' na gsang pad // de ru rang 'bar gyi ni rlung // bskor ba byas nas ngal bso ste// dbang
- 214b
po gnyis shing sbyor ba yis/ / rlung gis me ni sbar ba'o// mar yod pa ni steng 'khor lo// de ni mar snod ces su dran// ha ni blugs gzar zhes su bshad// dgang gzar 'di ru rdo rjer bstam/ hom khung b+ha ga zhes su bshad// 'bru ni dbang po lnga ru dran// yam shing phung po zhes byar bstan// byang chub sems ni mar du sreg/ mar ngo yi ni min chad du// nyal thug nas gshegs su gsol// thigs pa phyed tsam dgang gzar las// hom khung phyi rol yang mi bya// sangs rgyas byang chub sems dpa' dang // lha dang lha min srin po dang // 'jig rten skyong ba brgyad rnams la// bsreg bya yis ni rab tshim bya/ / mchod pa gang zhig rdor sems la// bsreg rdzas gang pas dbul bar bya// hUM phaT rnam pa'i sngags kyis ni// mkhas pas bsreg rdzas sbyin par bya// de yis mkha' 'gro ma rnams dang / / gzhan yang rnal 'byor ma mo mnyes// gang zhig yid la ci bsams pa// dngos grub chen po mtha' yas ster// re ba thams cad 'grub byed pa// de lta'i sbyin sreg bdag gis bshad/ / dpal phyag rgya chen po'i thig le las don dam pa'i sbyin sreg gi cho ga zhes bya ba'i le'u ste bcu gcig pa'o// // bdud rtsi lnga yi cho ga'i rab// mdor bsdus pa ni bdag gis bshad/ / rnam snang mi bskyod don yod grub// dpag med rin 'byung zhes byar bstan// rin chen 'byung ldan khrag ces bstan// snang ba mtha' yas khu bar brjod// don yod grub pa
- 215a
sha chen te/ / mi bskyod pa ni rdo rje chu'o// rnam par snang mdzad dri chen bshad// de ni bdud rtsi lnga yin no// dben dang mi med dgyes pa yis// gnod pa thams cad dang bral ba'i// de ru khang pa rab tu bya// nyis rtseg dang ni sgo dang ldan// gcig ni sa yi 'og tu bya// de yi steng ni gnyis pa'o// 'jig rten pa yis gcig tu shes// de ltar mkhas pas khang pa bya// re zhig sgrub dbang skal ldan pa/ / thos pa che shing ser sna med// snying rje chen po'i rlan dang ldan// zhe sdang phrag dog bral ba dang // dpa' ba che dang rlabs che ba// sgrub pa'i grogs dang de bzhin te// 'dod chag chags bral gnyis med pa/ / ser sna med cing brtson 'grus ldan// khro ba med cing dpa' chen po// bla ma la gus thos pa che// 'bras bu gsum la sogs pas lus// dang por yang dag nges dag bya/ / de nas sngags pas 'bum phrag gcig/ suM b+ha'i sngags ni gsal bar bzlas// oM suM b+ha ni suM b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga ban badz+ra bid+yA rA dza hUM hUM phaT/ de ni yi ge gsum gyi sngags// sgrub pa'i dbang pos yid kyis bzlas// rmi lam na ni 'di ltar mthong // rnal 'byor mi yi tshogs kyi 'dus// de yi gsung gi sbyin pa ni/ / yid 'phrog ma yi bu mo khyer// sems can don ni tshad med kyis// ji ltar rdo rje 'dzin pas mdzad// mig mdzes bu mo rnyed pa ni// gzugs dang lang tsho rgyan dang ldan// 'dod chag
- 215b
chen pos rgyags pa dang / / legs dgyes rings par g.yo ba dang // sngo bsangs nu sra dpa' mo dang // rtog med pa dang thos pa che// de 'dra'i bu mo chen mo la// gang tshe zla mtshan 'byung bar 'gyur// de la grong pa'i sbyor ba yis// shes rab thabs kyi cho ga bya// gang tshe ro ni 'byung bar 'gyur// de tsam de tsam rab tu bya// de tshe kha yi pad+ma yis// zhag bdun par du blang bar bya// shani tu gsal ba'i pad snod du/ / rin chen 'dra ba'i rak+ta gzhag/ nyi ma gsum du kha yis ni// dag pa'i pad rgyal gzhib par bya// shes rab thabs kyi cho ga ni// yang ni rnal 'byor pa yis brtsam// de ru chang ni btung bar bya/ / stobs kyis sA lu bza' bar bya// yang na ra yi 'o ma 'am// yang na nam mkha' stobs bza' 'o// mtshan mo nyin mo sbyor ba yis// bsrub thabs chen po dpyad par bya// gang tshe khu chen 'ong 'gyur bas/ / bu mo myos par gyur pa na// de tshe kha yis blang bar bya// lce la sogs pa'i gtsags bu yis// skyon med pa yi gnas su ni// pad+ma'i snod du gzhag par bya// brgyad dang yang na bcu bzhi dang / / yang na bcu ni mar gyi ngo // mdung rtse yang na ral gris gsad// rigs lnga'i nang na rigs gcig go// na tsha med dang bde ba 'grub// gzugs dang lang tsho ldan pa dang // skye ba bdun nam yang na gsum/ / sgrub pa'i grogs kyis khyer nas 'ong // sna tshogs mchod sbyin mchod pa yis// rtse gcig gis ni mchod par bya// de yi yan lag rab ni blang // pad+ma'i snod ni de la bya// shes rab dang
- 216a
ldan thabs kyis ni/ / de yi snod du chang btung bya// stobs chen rang nyid cung zad tsam// dngos grub phyir ni bza' bar bya// pad+ma'i snod du bsrubs pa las// cung zad 'bad de gzhag par bya/ / gzhan ma sman gyis 'bad de ni// grogs kyi dbang pos btse bar bya// ra yi 'o ma til mar dang // mar ni sha ka ra dang bcas// kha ra la sogs mnyam pa'i cha// stobs ni lnga ru gyur dran pa'o/ / kha ru tsha dang tsha ba gsum// sug smel nA ga ge sar dang // dza ti pha la dA tsa dang // ga pur rim par che bar bya// shin tu 'jam pa'i dri med snod// a ka ru sogs kyis bdug bya// 'bad de gzhan gyi snod du btso/ / bdug pa byas par gzhag par bya'o// nyi ma bdun gyi bar du ni// stobs chen sA lu bza' bar bya// de ni zos pa tsam gyis ni// gang zhig mi bskyod sngar 'ong 'gyur// de ni pad+ma'i snod du blang / / steng dang 'og ni mkhas pas bor// tho rangs cung zad tsam ni btung // cung zad tsam ni snod du gzhag/ shes rab thabs kyi gnyis 'byung ba// de yi snang mdzad 'dus pa ni// rnal 'byor pa yis rtse gcig bya/ / rnal 'byor grogs po'i sgrub pa'o// 'bras bu ur shing man shing dang // ta kar kur+Na pus ka ram// 'o ma dang ni chang ror ldan// rtse gcig gis ni btso ba ni// lcags kyi steng du btso bar bya/ / ma rnyeng na ni rdzi snod du// dag pa'i rigs kyi me tog gis// nyi ma bdun du 'dug par bya// de nas snying po'i sman de ni// rim pas che bar blug par bya// li shi ga pur la ta dang /
- 216b
gla rtsi tsan dan dzA ti dang // dzA ti pha la sug smel dang // dA tsha tsha ba gsum dang ro// dkar po'i sha kar dang ldan pa'i// mar dang bcas nas btso bar bya// me ni 'jam par smin pa yis// grogs kyi dbang pos btso bar byas/ / a ka ru sogs kyis bdug gis// rdo yi snod du gzhag par bya// nyin re zhing ni zho gnyis ni// zhu ba yin na bza' bar bya// zhu ba yin na zho bzhi dang // de nas zho drug rtag tu bza'/ / bdud rtsi lnga yi cho ga de// gsang chen bdag gis bshad pa'o// gzhan ma yan lag lnga yi sman// mkhas pas de la ril bu bya// skyu ru ra tsam du byas te// grib ma la ni bskam par bya/ / ras dang yan lag bkru byas te// de bzhin thig le bya ba'o// 'bad de kha la gzhag par bya// tshegs kyi dkyil 'khor spos dang bya// zhi dang rgyas dang dbang byed dang // drag po dregs la sogs pa yin/ / ril bu yis ni byas tsam na// the tsom med par 'grub par 'gyur// dpal phyag rgya chen po'i thig le las bdud rtsi lnga bsten pa zhes bya ba'i le'u ste bcu gnyis pa'o// / oM r+yan gnas la sogs par ni// rnal 'byor ma ni 'dus pa'o// de yi gnas su skad smra ba// gsang ba'i sgra ni yod pa'o// nyon cig sems ni rtse gcig gis// de ni yang dag bdag gis bshad// ma dan chang ba la sha/ ma la a tsa 'dus par dran// 'gro ba le Ta ro shrA ba// ni ri shu ka rus pa'i rgyan// phreng kha na ni 'ong ba yin// kun tu ru ni dbang po sbyor// du dur skal ldan min par bshad//
- 217a
kA liny+dza ra skal ldan gzhung // DiN+Di reg bya min par bstan// thod pa pad+ma b+hA dza na// dri chen bzhi mnyam yin par bstan// dri chu gla rtsir dran pa'o// khu ba ga pur bstan pa ste/ sha chen sA li dza ru dran// b+ha ha ka ni chu zhes bya// sgro ni yan lag ces byar dran// sha ka bzang po zhes su bshad// ho zhes bya ba 'grangs par bshad// dze g+he k+Sha ba laM kar bkres// 'byung ma g+ha na / tshegs 'khor lo// ka pe la ni gyis su 'gyur// na ga ra ma ni bdag byin bshad// b+ha ta ka ni khyod khyer 'gyur// ag+ni bor ba zhes su bstan// gsang ba rin chen zhes su dran// bza' ba dung du shes par bya/ / sha dag bza' ba min du dran// dag pa zhes bya sngags su bshad// dag pa min pa nyi mar brjod// raM pa tshangs pa grags pa ste// rgyal rigs lus su bstan pa'o// chags bral rje zhes bstan pa ste/ / chags pa dmangs rigs zhes byang drar// tsaN+DA lI ni gzhu zhes bshad// shwa pa tsa na mnga' ru bshad// tsarma ka ra srid 'khor lo// puk+ka sI ni ral grir bstan// 'da' ba ka ni stong zhes bshad/ / ha ri ka ni thal bar bshad// ra tsa rgya mtsho zhes su bshad// mi naM shi bar bstan pa'o// rgyas pa phag ces bya bar dran// phag ni bram zer bstan pa'o// nya ni pa la sha zhes bstan/ / ra ni nyin mor bstan pa'o// lug ni mtshan mor shes par bya// bya la sogs pa nyi ma phyed// me tog gser ni zhes su bstan// spos ni shar du la ru brjod// dri ni ma la ti ru
- 217b
bshad/ / me mar sha ko ni kar dran// gos ni ka shi ka ru bshad// bde ba ka ma la ru bstan// dpral ba rmu zhes bya bar brjod// smin ma 'phreng ba zhes su dran// mig ni ut+pal shes par bya// so ni a da na ru bstan// mchu ni pa la wa ru shes// mgrin pa gling bur bstan pa'o// phung po nga pa zhes su bstan// lag ngar myu gur bstan pa'o// lag pa mtsho skyes bstan par grags// num dpal 'bras brjod pa'o// dbus ni ri 'byung shes par bya// lte ba ma da na ru bstan// baR+Sha ri ka dam pa ru klags// pa d+ma dza ga na ru drar// byin pa dza na bi ru brjod// rkang pa a tsa shi rar dran/ sen mo yan lag ge sar rab// sA ni ma da sha ba ri// stan ni sha ta ku sum ste// nus pa pu ni zhes su ngan// mi nus pa ni pad+ma'i sdong // thams cad ming gi rdza mar dran// gzhon nu rdzing zhes bya bar grag/ 'bar ma mtsho zhes bya bar dran// rgan po rgya mtsho zhes par dran// myong ba mi smra zhes su 'gyur// myong ba ma yin gsal bar dran// mi smra ri dgas zhes su brjod// glu ni bag chags zhes su bshad// gar ni grogs po zhes par dran// sgra ni tshul 'chos zhes su bshad// rog bya zhags pa zhes su dran// ro ni sgeg po zhes su bstan// gzugs ni ri zhes brjod pa'o// gsod pa sgra ni zhes su brjod// tshe ni phug ron dran pa'o// grong ni ta la'i me tog ste// grong khyer 'bras bu yin par brjod// ljongs ri 'dod pa zhes par bstan// 'dod pa srog ces bya bar dran// mi shes de ni 'dul bar dran// shas
- 218a
pa spangs par shes par bya/ / dgod pa zhes bya byis par bstan// du ba khrag tu dran pa'o// nyin mo gzhon nur shes par bya// mtshan mo bu mor rab tu grags// mtshams ni bud med shes par bya/ / nyin phyed bran du bstan pa'o// 'dus pa yi ni dbus gnas su// rnal 'byor ma ni rtag tu brjod// dpal phyag rgya chen po'i thig le las rnal 'byor ma 'dus pa'i gnas su gsang ba'i skad bstan pa zhes bya ba'i le'u ste bcu gsum pa'o/ / / de nas gzhan yang bshad bya ba// yan lag phyag rgya sogs mtshan nyid// gang zhig sor mo gcig ni ston// bsnun rmed pa zhes spyan 'dren no// sor mo gnyis ni bstan pa yis// legs par bsnyun lan ljon pa yin// gang zhig gung mo ston byed pa// de la srin lag bstan par bya// gang zhig srin lag ston byed pa/ / de la lce ni bstan par bya// gang zhig gzhibs pa ston byed pa// de la rtse gsum bstan par bya// gang zhig gtsug pud ston byed pa// de la 'tshogs ma bstan par bya// gang zhig/ dpral ba ston byed pa// de la mkhur tshos bstan par bya// gang zhig lhag khung ston byed pa// de la sa gzhi bstan par bya// gang zhig lag gnyis ston byed pa// de la lag ngar bstan par bya/ gang zhig mgrin pa ston byed pa// de la lto ba bstan par bya// gang zhig ma mchu ston byed pa// de la kos sgo bstan par bya// gang zhig so ni ston byed pa// de la lce ni bstan par bya//
- 218b
gang zhig nu ma ston byed pa// de la kos khur bstan par bya// gang zhig lto ba ston byed pa// de la lte ba bstan par bya// gang zhig gsang ba ston byed pa// de la ling ga bstan par bya// gang zhig brla ni ston byed pa/ / de la gzhang ni bstan par bya// gang zhig rkang pa ston byed pa// de la rkang mthil bstan par bya// gang zhig sor mo sngon byed pa// de la sen mo bstan par bya// gang zhig gtsang po sngon byed pa/ / de la rgya mtshe bstan par bya// gang zhig nam mkha' ston byed pa// de la nyi ma bstan pa bya// gang zhigs ni smon byed pa// de la nam mkha' bstan par bya// gang zhig khro gnyer ston byed pa/ / de la mtshams ni bstan par bya// gang zhig so ni ston byed pa// de la mchu ni bstan par bya// gang zhig mgrin pa sngon byed pa// de la kha ni bstan par bya// gang zhig dpral ba sngon byed pa// de la rgyab ni bstan par bya// 'di ni thams cad rnal 'byor ma'i// yan lag rgya sogs mtshan nyid // dpal phyag rgya chen po'i thig le las rnal 'byor ma thams cad kyi yan lag gi phyag rgya la sogs pa zhes bya ba'i le'u ste bcu bzhi pa'o/ / // de nas gzhan yang bshad bya ba// gzugs dang rtags sogs mtshan nyid ni// dmar zhing ser ba'i bud med gang // pad+ma'i dri ni rnam par gtong / / lha stangs rang bzhin zhi ba dang // zhen pas lta ba'i rjes 'gro ba// ser po dmar po pad+ma 'dra// mig ni nyi ma'i 'od dang ldan// de la khyim na pad+ma yod// rtag tu mchod pa'i cho ga byed/
- 219a
pad+ma gar gyi dbang phyug rigs// pad+ma'i gtso mor de shes bya// smin mtshams bar na rtse gsum yod// lus ni sngo bsangs skye ba dang // de yi khyim na rdo rje yod// tang ku dmar pos mchod pa bya/ / he ru ka dpal rigs 'byung ba'i// kun gyi ma mor shes par bya// rtse gsum gang gi dpral ba 'am// yang na shak+ti gsal 'gyur ba// mig dmar gdong ni dmar ba dang / de bzhin rkang pa lag pa dmar// rtag tu phug ron la rtsed rtse// de bzhin khyi dang khyim bya'o// de yi khyim du rdo rje'i mtshan// rtag tu gang zhig mchod byed pa// dpal ldan rdo rje'i rigs su byung // mkha' 'gro ma yin dpa' bo'i gces// sprin sngo dag dang 'dra ba ni// rtag tu dpral bar thong yod pa// khyim du 'khor lo 'dri byed cing // rtag tu de la mchod byed pa// rdo rje'i phag mo'i rigs 'byung ba'i/ / mkha' 'gro ma ni stobs kyis dregs// mig sman nam mkha' sngon po'i mdog/ so ni mtho ba drag mo dang // rtag tu khrus la dga' ba dang // mang du smra bar mi byed cing // khyim du rdo rje 'dri ba dang / / mtshan mo phyed na mchod pa byed// rdo rje phag mo'i rigs 'byung ba'i// dpal ldan rdo rje mkha' 'gro ma// bcom gser dang mnyam pa'i 'od// mig mau g.yo zhing basmra mang / / rdo rje gang gi dpral ba 'am// khyim du yang ni gsal 'gyur ba// rgyal po'i btsun mo rtag tu sgeg/ skal ldan cho ga ni bden smra dang // mA li kI yi dri 'byung zhing // khyim du rdo rje mchod
- 219b
byed pa/ / khaN+Da ro ha'i rigs 'byung ba'i// mkha' 'gro ma ni ye shes rgyal// shin tu sha la dga' ba dang // mig sman nag po'am nam mkha' 'dra// rtse gsum rnam pa phra ba ru// gdug pa'i las la rtag tu dga'/ / dur khrod rtag tu 'gro ba dang // 'jigs pa med cing snying rje med// de la khyim du mchod pa ni// chang la sogs pas mchod byed pa// he ru ka dpal rigs 'byung/ ba'i// mkha' 'gro yin par gdon mi za// gas sa sprin gyi mdog 'dra ba// g.yon gyi mche ba gtsigs pa dag/ de yi khyim du dgra sta ni// 'dri zhing rtag tu mchod byed pa// he ru ka dpal rigs 'byung ba'i/ / mkha' 'gro mar ni the tshom med// mkha' 'gro ma ni thams cad kyi// mdog dang mtshan ma rigs 'byung ba// mdor bsdus pa ni 'di ru bshad// rgyas par ye shes snying por ro// dpal phyag rgya chen po'i thig le las mkha' 'gro ma'i gzugs dang / mtshan nyid dang / rigs 'byung ba zhes bya ba'i le'u ste bco lnga pa'o// // gang zhig gzhan min bdag nyid bzhugs/ / nyor cig dkyil 'khor rgyal dbang po// hUM gi rnam pa'i rnam pa can// bdag nyid hUM gi dngos po yin// hUM gi rnam pa las gzugs 'byung // mtshan dang dpe byang ldan pa dag nyi ma'i dkyil 'khor steng na bzhugs/ / nyi ma bye ba'i 'od dang mnyam// khyod dang lhan cig sbyor ba yis// chu skyes sngon po'i gzugs dang ldan// zhal bzhi spyan gsum phyag brgyad de//
- 220a
g.yas brkyang bas ni gnas na bzhugs// rdo rje dril bu nyizla dang // mnga' gzhu dag ni 'gengs pa dang // kha T+wAM ga dang ka pA la// khrag chen po yis gang ba'o// bde ba'i gnas su bdag dang khyod/ / legs dgyes dgyes par rol bgyid de// de nas dang po'i ro las ni// spro nas rdo rje ro langs ma// gzugs gnag pa la phyag bzhi pa// mnga' gzhu lag na 'gengs pa dang // chu srin g.yas na thogs pa dang // ka pA la dang kha T+wAM ga/ g.yon gyi lag na thogs pa ste// shar gyi sgo na gnas pa ste// yang ni srub thabs sbyor ba yis// gnyis pa yi ni ro rab las// rdo rje dra ba 'phros pa ni/ / gcer bu dang ni spyan gsum pa// mdog dmar lag na nya thogs te// byang gi sgo yi gnas na bzhugs// yang ni ro ni gsum pa las// rdo rje rtse mo spros pa ni// mdog ser lag na seng ge thogs/ / nub sgo yi ni gnas na bzhugs// yang ni ro ni bzhi pa las// rdo rje zlum po 'phros pa ni// mdog dkar lag na bya khyung ste// lho yi sgo na bzhugs pa'o// ro lnga de ni rnyed pa yis// rdo rje ska rags ma ni spros// rdza rnga gling bu lag na thogs// shar lho mtshams na gzugs gnyis pa'o// yang ni drug pa'i 'byung ba las// rdo rje ser mo spro ba ni// rgyud mangs rnga chen lag na thogs// lho nub mtshams na bzhugs pa'o// yang dag bdun pas rnyed pa ni// rdo rje rgod ma 'phro ba ste// rdza rnga dang ni cha lang thogs// nub byang mtshams na bzhugs pa'o// ro brgyad pa ni rnyed pa yis//
- 220b
rdo rje nyi ma spro ba ni// tam bu ra dang kA ra thogs// phyag gnyis rtag tu mdzes pa'o// spros nas byang shar mtshams su ni// bdud kun bcom nas bzhugs pa'o// yang ni srub dang bsrub thabs las/ / dang po dga' ba 'byung ba yis// rdo rje legs dgyes 'phros pa ni// ro yi snod ni lag na 'dzin// spros nas shar gyi phyogs kyi grwar// chos 'byung gi ni grwa na bzhugs// b+ha ga'i phyag rgya spyi bor ni/ / mdzub mo tshangs pa'i bu ga'i gnas// yang ni mchog gi dga' ba las// rdo rje mtshem 'phros pa ni// khrag gi snod ni lag na brel// lho nub gra na bzhugs pa'o// yang ni dga' bral 'byung ba las/ / rdo rje glang chen ma 'phros pa// khu ba'i snod ni lag na thogs// nub byang phyogs kyi grwa na bzhugs// de rnams gnag dang ser dang dmar// g.yon brkyang bas ni bzhugs pa'o// yang ni yang dag bsrub thabs las/ / lhan cig skyes dga' 'byung ba ste// lhan cig skyes dga' 'dod chags che// me chen rab tu 'bar ba'o// khyod dang lhan cig de ru bdag/ rang bzhin gyi ni yongs su 'gyur/ / dngos po med par bdag mi 'gyur// bdag ni rang bzhin gnas su bzhugs// bdag gi ngo bo brjod mi nus// sangs rgyas kun gyis kyang rnyed dka'// yang dag rdzogs pa'i sangs rgyas kyis/ / gal te kun rdzob gzugs su rnyed// 'jig rten khams ni grangs med pa// gzhan ni ma yin bdag gis khyab// khyod dang lhan cig kun rdzob tu// 'byung ba'i rgyu phyir rol pa byed// bdag
- 221a
ni rol pa mi byed na/ / sangs rgyas thams cad 'byung mi 'gyur// 'di ni thams cad mi g.yo bar// 'gro 'gyur bar ni the tshom med// rang bzhin las ni mchog gnas su// de dus bdag ni cang mi smra/ / bde chen legs dgyes mgon po bzhengs// rdo rje bzang dgyes bdag dga' mdzod// mgon po khyod min bdag ro 'dra// thugs rje ro yis bdag skye mdzod// kye mgon chad pa'i stong pa'i min/ / mgon po stong pa'i rang bzhin min// rdo rje mtshon ma bdag dga' mdzod// pad+ma kha phyi rol cig rol// a la la la a la la// a la la la legs dgyes mgon// rdo rje glang chen ma dga' mdzod/ / khyed rang gis gsungs bdag min na// sangs rgyas 'byung bar mi 'gyur ro// ye shes sku las oM hUM 'dir// bdag dang khyod ni lhan cig bzhengs// 'khor lo dang bcas khro sku mchog/ sum cu rtsa gnyis yan lag ldan// bde ba'i gnas su bdag dang khyod// dur khrod brgyad kyi dbus su ni// skye ba'i rgyu yi don phyir rol// bskyed pa'i rim pa yi ni phyogs// mdog gnag pa la 'od che ba/ / dbu sgra me bzhin 'bar ba dang // zhal ni bcu drug spyan gsum pa// phyag ni bcu drug ldan pa dang // zhabs ni rnam pa bzhi yis ni// bdud bzhi yi ni steng na bzhugs// legs dgyes dbang phyug ma khyod bcas// ye shes mkha' 'gro dbang phyug bdag/ khyod kyang nga yi gzugs dang mnyam// 'jigs byed chung mar bcas pa'i steng // gru gsum dbus su nyi ma'i
- 221b
gdan/ / gyen du zhabs ni gar dang ldan// 'jigs ma dpa' mo chang 'thung ma// 'jigs byed po la stobs ma dang // rta mgrin ma dang rta rnam// glang chen sna dang lto ba ma// me ma dang ni chu rgyun ma/ zla ba ma dang nyi 'od ma// dung rnam dang dung gtsug ma// dung lte ma dang stobs chen ma// bya rgod rgod kha hor pa ma// hor mig ma dang hor mgo ma// mig dmar skra dmar rin chen ma// phug ron dmar mo nag mo ma/ / ri bong ri dgas ram mo// phyag bzhi ma la sna tshogs gzugs// spyan gsum pa la bzhin yang 'jigs// phyag gnyis mda' gzhu 'gengs par ldan// gzhan gyis gri dang thod pa 'dzin/ / rdo rje 'phreng ba dpral ba ru// phyag rgya lnga yis yan lag brgyan// de lta bu yi 'khor lo tshe// khyod dang bcas pa bdag gi gnas// gang zhig nyi shu rtsa brgyad gnas// de ni tshog kyi gnas su dran/ / rdol dril rin chen 'khor lo dang // ral gri rtse gsum mda' nyi ma// zla ba dgra sta Da ma ru// gzhu dang tho ba ka pA la// b+hU ta'i pags pa gyen du 'phyar// gshin rje'i pags pa rked la dkris/ / zhal gcig pa la phyag gnyis te// khyod kyang bdag gi mdog yin no// thams cad rgyan gyis brgyan pa dang // phyag gnyis mda' gzhu 'gengs pa'o// de nas rdzogs pa'i rim pa ni/ / rtsa yi 'byung ba rim pa mchog/ lha mo re re rtsa re ste// de yi bde ba bdag dang khyod// 'dzums pa dang ni 'byed pa yis// rlung gis me ni khong du chud// yang dag pa yi dbang po'i shing /
- 222a
de yis gtum mo 'bar ba'o// rnam par rtog pa'i phung po'i gzugs// thams cad lus ni sreg pa'o// de yi me 'bar yang dag gis// bde chen 'khor lo bzhu bar 'gyur// bzhu bas rtsa ni thams cad las// mchog gi bdud rtsi 'dzag pa'o// yang ni lus ni sos 'gyur te// lha yi sku ni thob par 'gyur// de ni goms pa'i sbyor ba yis// rtse gcig gis ni goms par bya// phyi yi phyag rgya med na yang // bde ba 'byung bar 'gyur pa yod// blta ba tsam ni dgos pa ste// de bzhin thams cad thams cad min// phyi nas rnam par rtog pa skyes// de la dngos grub med par 'gyur// / jidzaji ltar mun pa'i snod rnams ni// mar me med na mthong mi 'gyur// mar mes mthong bar gyur tsam na// phyi nas mar me dor bar bya// snod ni 'bang de bsrung bya ste// mar mes don bya mi dgos so// mar me'i mtshan nyid 'di ru rtsa// rtsa ni shes rab mtshan nyid do// thabs ni bde ba zhes su bstan// bde ba ye shes zhes byar dran// bde ba'i ye shes rang bzhin ni// gang zhig shes rab ma las rnyed// de ni shes rab ye shes dbang // de ni rdzogs pa'i rim pa'o// de dngos bde chen ye shes ni// dkyil 'khor nang du yang dag bzhugs// bde ba chen po gnyis su gyes// kun rdzob dang ni don dam mo// / dga' ba la sogs nyid las ni// bde ba gnyis gyes shes par bya// de yi rim pa yang dag gnyis// dad pas nyon cig bdag gis bshad// snang ba reg bya sbyor ba dang // 'gro ba de ni bzhi pa'o// /
- 222b
rim pa yis mi shes par bya// bskyed pa'i rim pa'i phyogs kyi ni// shes rab ma yi lta ba yis// gnyis ka'i 'dod chags 'byung bar 'gyur// de tshe dga' ba 'byung ba ste// rnam pa sna tshogs skad cig ldan/ / gang tshe de dang lhan cig tu// dad pas reg bya yod gyur na// de tshe mchog gi dga' ba ni// dri ma med pa 'byung bar 'gyur// yang ni dbang po gnyis phrad las// gang tshe de dang // lhan cig sbyor// de yi tshe na dga' bral ni// gsal bar 'byung bar 'gyur ba'o// gang tshe dbang po gnyis shing las// yang dag pa yi me 'bar na// de tshe lhan cig skyes dga' ni// srid pa med pa 'byung bar 'gyur/ / nu mas reg pas blta ba ni// 'dod pa de ni dang por dga'// phyi nas de dngos rgyas pa ni// gang tshe nges par yin par 'gyur// de tshe skad cig gis de rgyas// mchog gi dga' ba byed pa'o// gang tshe de nyid shin tu yis// 'dod chags me ni 'bar 'gyur na// de tshe 'bar ba'i thig le ni// dga' bral dga' ba 'bab pa'o// rdo rje pad+ma rol byed pa/ / de bzhin dga' bral dga' ba'o// de ni bskyed pa'i rim pa yin// u ti'i ye shes dang bral lo// yang ni gang tshe u ta ni// skad cig gcig las gcig tu 'gro// de tshe u ta'i thig le ni/ gsum gyi rnam pa dag par 'gro// de nas dir ni lhan cig skyes// rdo rje lta bu'i bde ba byed// de ni bcom ldan shes rab ma// rdzogs pa'i rim pa'i phyogs yin no// u ta'i sgras ni bde bar
- 223a
bstan/ / legs dgyes dbang mo de ni bdag/ de ru sbyor ba bzhi rnams ni// rgyas par bdag gis bshad par bya// 'dod dang 'dar dang 'gro ba dang // dga' ba dang ni bzhi yin te/ / de ni dang po sbyor ba yin// de ni dga' ba'i don yin no// rgyas dang 'dun dang 'byung ba dang // mchog gi dga' ba bzhi yin te// de ni sbyor ba gnyis pa yin// mchog gi dga' ba'i don yin no/ / 'bar dang thig le myos pa dang // dga' bral dang ni bzhi yin te// de ni sbyor ba gsum pa yin// dga' bral dga' ba'i don yin no// u ta dang ni tshul dang gnyis// lhan cig skyes dga' bzhi pa'o/ / de ni sbyor ba bzhi pa yin// dga' ba'i bye brag bcu drug go// bzhi rnams gzhan min 'di ru ni// rab kyi don ni 'di ltar 'gyur// 'dod pa 'dun pa yin par bshad// / dpal ldan shes rab mas sprul lo// de ni 'dun pa las ni dkrug/ rang gi yid kyis byed pa'o// 'dod pa'i sgras ni dga' ba yin// mthong ba las ni byed pa'o// de nyid bcom ldan shes rab ma/ / 'dod chags chen pos rgyas pa na// de tshe rgyas pa yin par 'gyur// mchog gi dga' ba gnyis pa'o// rgyas pa'i dus su phyi dang nang // gang tshe shin tu 'bar 'gyur na// de tshe yan lag rab de ni/ / skad cig gis ni zhu bar 'gyur// de ni 'bar ba'i thig les ni// ming ni gsal bar gyur pa'o// de ni dga' bral dga' ba ste// gsum pa zhes bya bshad pa'o// yang ni de
- 223b
nyid gtso mo ni/ / mchog gi rnam pa rab bde ba// de tshe u ta'i dgug pa ni// srid pa dang bral byed pa'o// de ni bzhi pa yang dag mchog/ lhan cig skyes dga' bstan pa'o// de ni u ta'i dgug pa ni/ / thig le'i thar pa gsum gyi mthar// lhan skyes kyi ni gnas su'o// dga' ba la sogs bye brag gis// lhan cig skyes rim shes par bya// bde ba chen po'i gtsug tor nas// smin phrag 'khor lo'i dbus yan chad/ / de tsam dga' ba'i gnas yin te// thig le gcig pu'i mtshan nyid do// smin phrag 'khor los mgrin 'khor lo// de tsam mchog gi dga' ba'o// mgrin pa'i gnas nas snying 'khor lo/ / de tsam dga' bral dga' ba'o// de nas yang ni rim pa yis// rim pa'i gnas ni rab tu bshad// lte ba'i 'khor nas rgyu zhabs su// de tsam du ni dga' ba yin/ / rgyu zhabs su ni mdung pa'i rtsar// de tsam mchog gi dga' ba'o// mdud pa'i gnas nas rin chen khar// de tsam dga' bral dga' ba'o// rdo rje rin chen rtse nang yod// lhan skyes de ni don dam pa'o/ / dpal phyag rgya chen po'i thig le las dkyil 'khor dang / dga' ba'i bye brag dang / thig le'i mtshan nyid dang / bskyed pa dang / rdzogs pa'i rim pa zhes bya ba'i le'u ste bcu drug pa'o/ / ye shes mkha' 'gro bcom ldan 'das// bdag ni the tshom cung zad skyes// char yang dang ni thig le'i tshul// ye shes gang nas shes par bya/
- 224a
bcom ldan 'das kyis bka' stsal pa// tshul ni dpral ba'i gnas su ste// thig le mgrin pa'i gnas su bzhugs// char yang snying kha'i gnas su shes// ye shes skye ba'i gnas su bzhugs/ / rtog pa las ni rtog pa med// gang du phyinan 'gro ba na// de ni de rnams rang bzhin gnas// lte ba'i gnas su rab tu grags// gang tshe bdud rtsi gnas su 'gro// de tshe ye shes zhes su dran/ / bdud rtsi byang chub sems su grags// tshul la sogs pa'i thig le bzhi// de yi gnas ni bzhi yin te// dga' ba'i bye brag 'gro bar 'gyur// dpral bar dga' ba'i thig le dang / / mgrin par mchog tu dran pa'o// snying kha ru ni dga' bral te// lte ba ru ni lhan cig skyes// rtsa yi kun spyod sbyor ba yis// dga' ba la sogs rnyed par 'gyur// dpral ba'i steng na pad+ma yod/ / de yi steng na gtsug tor ro// de ni gsang chen ye shes te// rgyal ba yis kyang mi shes so// lte ba'i 'og gi gsum gnas su// de yi steng du rgyu zhabs so// gsum dngos 'og gi lte ba'i dbyibs/ / de ru rdo rje byang gzugs gsal// gsum dngos gnas na rtsa rnams kyi// yang dag mchog gi gnas yin no// ro ma 'dzin ma gnyis yin te// gsum pa de ni rtog med ma/ / rtog mong de na gcig pu ste// kun rdzob tu ni gsum du 'gyur// de ni gcig tu lu gu rgyud// ji ltar sbrul 'khyil bzhin du'o// sku gsung thugs kyi dbye ba yis// rtsa ni bye
- 224b
brag gsum du 'gyur/ / rdo rje rtse mo thugs rdo rje// gsum gyi dngos po gsung yin no// lte ba sku zhes bya bar grags// de ni rdo rje gsum des don// snying khar thugs kyi rdo rje ste// mgrin pa gsung gi rdo rje'o/ / dpral ba sku yi rdo rje ste// rgyas par bdag gis rab tu gsal// de yi dbus su srog yod pa// de bzhin du ni nye ba'i srog/ snying ba'i steng las srob gi drung/ lde ba'i 'og las gso ba'i rlug/ gang tshe rkang mthil las gso rlung / / gal te 'byung ba yin par 'gyur// de yi tshe na srog gi rlung // gyen du lam du 'gro ba'o// gso rlung lte ba'i gnas su ni// nges pa yi ni gnas byed do// yang ni gang tshe srog gi rlung // gtsug tor las ni phyir 'gro na// de tshe gso ba'i rlung de ni// rang gi gnas su 'gro ba'o// de ni srog gi rlung yin te// lte ba'i gnas su 'dugs byed// dpal phyag rgya chen po'i thog lo las tshul dang / char yang dang / thig le dang / ye shes kyi gnas dang / rtsa'i kun spyod ces bya ba'i le'u sde bcu bdun pa'o// bcom ldan de ru bdag zhu ste/ / de yi bsam gtan ji lta bu// kha sbyar rnam pa'i sbyor ba yi// pad rnams 'dug sa'i mtshan nyid do// rim pa gang gis sems de ni// 'gro dang 'ong ba ji ltar 'gyur// bcom ldan 'das kyis bka' stsal pa// dri ba yang dag gsang ba ste// 'di ni sus kyang mi shes so// gang gis khyod kyis gsal bar shes// nyon cig yang dag bdag gis bshad//
- 225a
gang tshe legs dges shin tu bde// shes rab thabs kyi sbyor ba las// de tshe rtog pa med pa'i lam// byang chub sems ni 'byung bar 'gyur// lte ba'i rtsa bar srog rlung ni/ / skad cig tsam yang mi byed na// gang zhig pad+ma khas sbu ba 'di// skad cig gis ni gyen du 'gyur// de yi lte ba'i dbus su ni// sems ni bstan par 'gyur ba'o// de tshe 'thur du 'gro bar 'gyur/ / ji ltar ma rdol snod du ni// chu ni 'dzag pa med par gnas// de bzhin nges par sems 'gyur ro// de ni skad cig sgom byed do// sangs rgyas nyid 'gyur the tshom med// dpal phyag rgya chen po'i thig le las byang chub kyi sems bstan par byed pa dang // bsam gtan brtan pa zhes bya ba'i le'u ste bco brgyad pa'o// // dbang bskur ye shes mtshan nyid ni/ / bcom ldan de nyid don ni gsungs// bcom ldan 'das kyis bka' stsal pa// dbang bskur ba yi ye shes don// nyon cig yang dag bdag gis bshad// gzugs bzang bcu drug lon pa dang / / si sma ga pur yod pa yi// phyag rgya gcer byas nas ni// legs dgyes kyis ni mchod par bya// pad+ma kha sbyar sbyor ba yis// yang dang yang du 'dod pa bya// rim pa yis ni bskyod par bya// khu ba ji ltar 'byung 'gyur ba// thams cad 'byung bar gyur pa na// pad+ma'i nang du spang bar bya// legs dgyes kyi ni dbang phyug ma// 'di ni slob dpon
- 225b
dbang gi rab/ / yang ni gsang ba'i dbang 'di ni// dad pas nyon cig bdag gis bshad// gang tshegasang gnas na sems yod// de ni gsang bar rab tu grags// gsang ba pad+ma'i khu ba yin/ / mdud pa'i nang du gsang ba'o// de yi gnas su brtan par bya// sems ni nam mkha'i pad+mar min// thams cad rgyud las rnyed dka' ba'i// shes rab ye shes bdag gis bshad// shes rab mya ngan 'das zhes bshad// ye shes srid pa zhes byar dran// 'khor ba de ni mchog dga' ba// mya ngan 'das pa dga' bral dran// yang na mya ngan 'das grags pa// sangs rgyas rin chen pad+ma'i snod/ / bud med b+ha ga'i phyag rgya'o// de ni shes rab ces byar dran// ye shes snod ni yin par grags// thams cad bde ba'i mchog gi gnas// khu ba shes rab ces su shes// ye shes bde ba zhes su dran// dbang bskur 'ong du zhu bar 'gyur// ye shes dus las gzhan pa'o// de ni 'gog pa bzhi pa ste// rang bzhin ye shes mtshan nyid do// 'od dang stobs dang sprin ngadang tshul/ / dbugs dang ut+pal sa dang yid// snying po zla nya mun pa dang // mchog dang sgra dang ro dang glog/ de ni bcu drug shes par bya// bde ba'i thig le dri med do// tshangs bug nas ni mgrin gnas su/ / de tsam du ni thig le bzhi// de yi gnas su dga' ba bzhi// ro gnyis dang ni ldan pa'o// mgrin pa nas ni snying ra gnas/ yang ni tsam bzhi yin mo// mchog gi dga' ba'i bzhi yin te// ro gnyis
- 226a
dang ni ldan pa'o/ / snying kha'i gnas nas rin chen sker// yang ni de tsam bzhi yin no// dga' bral dga' ba'i bzhi yin te// ro gnyis dang ni ldan pa'o// rin chen ske nas steng gi gnas/ / yang ni de tsam bzhi yin no// lhan cig skyes dga' bzhi yin te// ro gnyis dang ni ldan pa'o// dga' ba bcu drug thig le ste// thig le zla ba'i cha ru dran// A li thig ler shes par bya/ / 'khor lo bzhi yi rim pas so// tshangs pa yi ni zhal dang bral// ro dang bcas pa bdag gi zhal// bcu gnyis de ni nyi zhes shes// kA li thig ler rab tu grags// bcu gnyis phyed ni bde thig le/ / dga' dang mchog gi dga' bar dran// dga' bral dga' ba'i thig le gsum// rang bzhin gsum dang bral ba'o// yang ni thams cad bdag nyid nyid// bzhi po'i don ni bdag gis bshad// gnas bzhi la ni dbang bzhi ste// legs dgyes dbang mor shes par bya// rgyu dang 'bras bu'i rim pa yis// mdor bsdus pa ni bzhi yin te// sbrul dang chos dang longs spyod dang / / bde ba chen po bzhi pa'o// de dag sku na bzhi yin te// don dam par ni shes bya'o// sum cu gnyis phyed rtsa nang du// A li thig le bcu drug go// gzhan phyed kA li thig le ste/ / rtag tu lam nas 'bab pa'o// A li ye shes sems su 'gyur// kA li ye shes sems las 'byung // bde ba chen po gcig pu ste// kun rdzob gnyis su 'byed par
- 226b
'gyur/ / shes rab rang bzhin zla ba ste// thabs ni nyi mi'i rasazhin mo// b+har+dz+dza A li 'bras bu ste/ A li n+yaste zla 'bras bu// nyim d+hu ste kA li 'bras/ kA la rgyu sde nyi 'bras bu// nyi ma'i dbus las rdza 'byung ste/ khu ba'i gzugs ni bde chen po/ / kA li bde ba gsang ba'i dbang // A li shes rab ye shes dbang // de gnyis dbus su bde chen po// rang bzhin de ltar dran pa'o// reg bya 'khyud pa la sogs pas// slob dpon gyi ni dbang bskur ro/ / dpal phyag rgya chen po'i thig le las dbang gi ye shes dang / A li kA li'i rgyu 'bras dang / zla ba 'byung ba dang / rtsa dang / thig le dang / dga' ba zhes bya ba'i le'u ste bcu dgu pa'o/ / / rnal 'byor dbang phyug spyod pa ni// yang ni bcom ldan bka' stsol cig/ bcom ldan 'das kyis bka' stsal pa// rnal 'byor dbang phyug spyod pa ni/ / skal bar ldan ma khyod nyon cig/ zla ba gcig tu gsang ba spyod// yul gyi mtha' 'am yang na tshal// thams cad don 'grub 'gyur ba yi// sngags 'di rtag tu bzlas par byahA sA ka re ro ta taM ba de ro d+ha Na la ma ta tsi ko d+ha Na la ma ta tsi ko ra d+ha da rka lA na dz+nyA ba oM/ de nas mkha' la rnal 'byor ma// 'dus nas bka' stsal sbyin par bya// bu kye bu mo 'di khyod khyer/ spyod pa rab ni khyod kyis gyis// bu mo bcu drug lon pa dang // si h+la ga pur yod pa dang // ut+pal sngon po'i mdog 'dra ba// tsan dan gsar pa'i dri yod cing // sgeg pa yi ni rgyan dang ldan/
- 227a
las rnams kun la mkhas pa'o// 'bang de gsang ba'i gzugs su ni// de dang lhan cig bde bar song // don zin nas ni so sor ni// sna tshogs kyi ni gzugs nyid kyis// la lar 'dod chags spyod pa dang // la lar 'dod chags bral ba'i yid// la lar zhi ba'i gzugs dang ni// la lar nga rgyal ldan pa'i yid// la lar na bas zos pa dang // la lar bde ba'i lus ni rab/ / la lar slongs mo byed pa dang // la lar rgyal po chen po rgyal// la lar gcer bu dri ma can// la lar dag pa gtsang sbra can// la lar cung zad tsam gyis 'grangs// la lar ngo mtshar byed pa dang // la lar ngo tsha med pa'i yid// la lar lkugs par 'dug pa dang // la lar sgra chen sgrogs pa dang // la lar dri chen za ba dang // la lar 'o ma 'thung bar byed// la lar sdig pa byed pa dang // la lar bsod nams chen por byed// la lar du bar byed pa dang // la lar rgod la gcig tu dga'// la lar tshe long rtse ba dang // la lar gar ni gcig pu byed/ / la lar bram ze'i spyod pa dang // la lar thod pa'i spyod pa dang // la lar gtum pa'i bran byed dang // la lar chos ni ston pa dang // / la lar chos ni nyan pa dang / / la lar sgyu ma byed pa dang // la lar sgyu ma bral ba dang // la lar rgan po lo mang dang // la lar smad 'tshong ma yi gzugs// la lar 'dod pa mchog spyod dang // la lar ser sna
- 227b
yis ni 'gugs/ / la lar ser sna dang bral yid// la lar byol song yan lag nyid// la lar rnam shes med pa dang // la lar brjod du med pa dang // la lar yang dag gzugs can ston/ / de lha'i rnal 'byor dbang phyug ni// rang dbang gis ni kun tu spyod// dpal phyag rgya chen po'i thig le las rnal 'byor gyi dbang phyug chen po'i spyod pa zhes bya ba'i le'u ste nyi shu pa'o// bcom ldan ye shes rgya mtsho khyed// bdag la the tshom skyes pa mchis// sngar gsungs pa yi 'khor lo drug/ de yi sa bon ji lta bu// gang gi sngags kyis bdud rtsi lnga'i/ bza' ba dang ni spyod pa'o// khyod dang bdag gi snying po ni// ji ltar de ni nges par yod// sems can rnams ni srung don du// 'dus pa'i gnas kyi dbus su ni// tshogs kyi 'khor lo ji lta bu// bcom ldan 'das kyis bka' stsal pa// nyon cig lha mo spyan bzang mo// 'khor lo drug gi sa bon ni// k+Shau mAM p+l-i r-I rA h+ma ni// dbus su re re dgod par bya// khaM raM shaM baM saM maM paM ni// rlung gi 'khor lo'i sa bon drug/ bling kli dz+r-i me 'khor lo'o// mkhas pas gru gsum dgod par bya// ga kha ga g+ha da/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa sha Sha sa sprul pa'i 'khor lo'i 'dab ma la/ / gnyis su byas pa'i sa bon gdab// traM hri aM khaM dang // la maM pa~M ta~M/ chos kyi 'khor lo'i sa bon brgyad// a A i i u U/ r-i r-I l-i l-I e yaM
- 228a
oM au aM aHlongs spyod 'khor lo brgyad gnyis 'di/ / g.yon skor du ni bri bar bya// de ni gnyis su byas pa ni// bde chen 'khor lo'i sa bon no// mnyam pa yi ni sa yi cha/ / chang la sogs pas byug pa bya// tsan dan dang ni gur kum mchog/ sna tshogs mchog gi me tog dang // sna tshogs mchod pa la sogs kyis// mkhas pas sa la mchod par bya// bu mo yid 'phrog lha yi gzugs// nyi shu lon pa g.yo ba med// gnas ni gang du sngags rgyal btu// re zhig dang po de ru gzhug/ mchog gi dga' ba'i sbyor ba yis// rtse gcig gis ni bsnyen par bya/ / bsnyen pa'i las ni rdzogs pa dang // de nas sa la bsang gtor bya// slob ma de yis thig le bya// bu mo la yang de ltar ro// sha chen la sogs kyis gang ba'i// gtso ma phyogs bzhir gtang bar bya/ / tshogs la 'bad de mchod par bya// med na yang ni 'bad pas so// sngags btu ba yi dus su ni// 'bad de bla ma mchod par bya// bla ma dgyes na sngags rgyal ni/ / the tshom med par thob par 'gyur// de ltar min na skyon yod de// sngags kyang thob par mi 'gyur ro// rdo rje 'phreng bas bskor ba yi// 'dab ma brgyad pa'i pad+ma bri// dbus su k+Sha yi sa bon ni/ / rdo rje sems dpa'i rang bzhin can/ A li kA li mnyam sbyar nas// thub pa bdun ni btu bar bya// dang por rnam par snang mdzad bri// lnga pa yi ni lnga pa dang // uSh+ma yi
- 228b
bzhi pa dang / / bcu drug pa yi gnyis par ldan// dang po yi ni dang po dang // me yis 'og tu brgyan pa'o// dbyangs yig bcu gsum pa dang ldan// gti mug thams cad mtshon cha'o// / bzhi pa yi ni bzhi pa dang // dbyangs yig bcu gcig pa dang ldan// uSh+ma Sha yi dang po dang // an+ta s+tha yi bzhi par ldan// de nas me yi sa bon dang / gnyis pa yi ni gsum pa dang / an+ta s+tha yi dang po dang / an+ta s+tha yi bzhi pa dang // dbyangs yig gsum pa dang ldan pa// thams cad kyi ni snying po bcom// gnyis pa yi ni gsum pa dang // de nas brgyad pa'i dang po dang // dbyangs yig gnyis pa dang ldan pa/ / yi ge mchog nyid gnas yin no// gsum pa yi ni dang po dang // de nyid kyis ni 'og tu brgyan// yang ni de nyid bri bar bya// uSh+mA yi ni bzhi pa dang // dbyangs yig gnyis pa dang ldan pa/ / rdo rje sems dpa'i rang bzhin can// uSh+ma yi ni gsum pa dang // lnga pa yi ni lnga pa dang // uSh+Ta yi ni bzhi pa dang // dbyangs yig gnyis pas brgyan pa'o// dang po yi ni dang po dang / / an+tas+tha yi gsum pa dang // lnga pa yi ni dang po dang // dbyangs yig gnyis pas brgyan pa'o// dang po yi ni gsum pa dang // nyi shu pa yis brgyan pa'o// dbyangs yig gsum pa dang ldan pa/ / khro bo yi na gzugs chen che// uSh+ma yi ni gsum pa dang // bzhi pa yi ni lnga pa dang // de nyid 'og tu ldan par bya// dbyangs yig gsum pas brgyan pa'o// lha rnams kun
- 229a
gyi byed pa'o/ / lnga pa yi ni bzhi pa dang // dbyangs yig gnyis pas brgyan pa'o// brgyad pa yi ni dang po dang // thams cad kun gyi pha yin no// uSh+ma yi ni bzhi pa dang / dbyangs yig drug pas brgyan pa ni// zla tshes thig le dang ldan pa// sems kyi dbang phyug yi ge mchog/ de nyid yang ni bri bar bya// de nas lnga pa'i gnyis pa dang // gsum pa yi ni dang po dang // uSh+mA yi ni gsum pa dang // an+tas+thA yi bzhi par ldan// dbyangs yig gnyis pas brgyan pa'o// ya yi sde tshan brgyad pa dang // dbyangs yig gnyis pa dang ldan pa// thams cad don grub mchog yin te/ / bdag gi snying po'i sngags rgyal lo// dang po gzugs kyi bdag po dang // an+ta s+tha yi bzhi pa dang // gnyis pa yi ni gsum pa dang // me yis 'og tu brgyan pa'o// bzhi pa yi ni dang po dang / dbyangs yig bcu gcig dang ldan pa// gnyis pa yi ni gsum pa dang // dbyangs yig bcu gsum pas brgyan pa// dang po yi ni gsum pa dang // me yis 'og tu brgyan ldan uSh+ma yi ni bzhi pa dang / / ra yig 'og tu brgyan pa ni// dbyangs yig bzhi pa dang ldan pa// sems can thams cad dbang du byed// yang ni de nyid bri bar bya// de bzhin lnga pa'i gnyis pa dang // gsum pa yi ni dang po dang // nye ba'i snying po mchog gi sngags// dang por rnam par snang mdzad dang // de nas uSh+ma'i gsum pa dang // dbyangs yig lnga pa dang ldan pa// lha rnams kyi sems gti
- 229b
mug byed/ / de nas me yi sa bon dang // de nas bzhi pa'i dang po dang // uSh+ma yi ni gsum pa dang // de nas nyi shu rtsa lnga pa// de nas rlung gi sa bon bri// dbyangs yig bcu gcig pa dang ldan// gzhan gyi phyag rgya rab tu 'joms// uSh+ma yi ni dang po dang // an+d+ra s+tha yi bzhi par ldan// de nas nyi ma'i sa bon dang // dbyangs yig gsum pas brgyan pa'o// uSh+ma yi ni bzhi pa dang // dbyangs yig drug pa dang ldan pa/ / zla tshes thig les brgyan pa'o// yang ni de nyid bris pa ni// gzhan gyi sngags ni 'joms pa'o// lnga pa yi ni gnyis pa dang // de nas gsum pa'i dang po dang // uSh+ma yi ni gsum pa dang / / an+ta s+tha yi bzhi par ldan// dbyangs yig gnyis par ldan pa ni// sdug bsngal thams cad med byed pa// ya yi sde tshan brgyad pa dang // dbyangs yig gnyis pa dang ldan pa// dngos grub thams cad 'grub pa ste// khyod kyi snying po'i sngags rgyal lo// dang po lha yi bdag po dang // de nas dang po'i dang po dang // 'og tu sa yig dang ldan pa// dbyangs yig gi ni bzhi pas brgyan/ / zla tshes thig le yis ni brgyan// thams cad kun gyis byed pa po// an+ta s+thasgra yi bzhi pa dang // sa yig 'og tu ldan pa dang // dbyangs yig gi ni bzhi par ldan// zla tshes thig le yis ni brgyan/ / gnyis pa yi ni gsum pa dang // sa yi yi ge 'og tu ldan// dbyangs yig bzhi pa dang ldan pa// zla tshes thig les brgyan pa'o// lnga pa yi ni gnyis pa dang //
- 230a
gsum pa yi ni dang po dang // swA hA tha mar ldan pa na// khyod kyi nye ba'i snying po'o// de ni sngags kyi gsang chen po// su la yang ni mi sbyin te// lha mo de bzhin man ngag 'di// su la yang ni mi sbyin ro// bye ba 'bum gyi nang nas gcig/ de ni man ngag gi ni snod// sngags sam yang na man ngag 'di// brtag par byas te de nas sbyin// bskal pa bye ba brgya yis kyang // de ltar min na 'grub pa med// bla ma'i kha las man ngag 'di// legs dgyes dbang mo rnyed par 'gyur// bstan bcos lung las yang dag ni// nam yang rnyed par mi 'gyur ro// man ngag don du bla ma mchog/ yang dang yang du zhu mi bya// bla ma mnyes na yang dag nyid// man ngag de la sbyin par byed// ji ltar bu mo lang tsho bab// pha la zhu bar mi byed na// pha rang nyid kyis shes nas ni/ / da ni bu mo sbyin dus snyam// traM hrIHkhaM gi sngags rgyal gyis// bdud rtsi lnga ni spyad par bya// sa chu me rlung rnams kyi ni// sa bon gyis ni bza' bar bya// dpal phyag rgya chen po'i thig le las 'khor lo drug gi sa bon dang / sngags btu ba dang / bdud rtsi lnga bza' ba dang // spyad pa zhes bya ba'i le'u ste nyi shu gcig pa'o// // 'byung po rnams ni bsrung dor du/ / nyon cig gtor ma bdag gis bshad// dur khrod yang na chu ngogs sam// yul gyi mtha' 'am yang na ni// shing gcig dang ni khang stong du// gtor ma 'bad de sbyin par bya/
- 230b
tshangs pa ma dang / drag mo dang / dbang phyug chen mo dang / khyab 'jug ma dang / phag mo dang / mi'i seng ge mo dang / brgya byin mo dang / me mo dang / chu lha mo dang / rlung lha mo dang / gzhon nu mo dang / gnod sbyin mo dang / mkha' lding mo dang / sbrul mo dang / glang chen mo dang / gshin rje mo dang / nor sbyin mo dang / nyi ma mo dang / gtum mo dang / de lta bu'i rnal 'byor ma 'khor dang bcas pa thams cad rnal 'byor pas 'dir phyag rgya 'dis dgug par bya'o/ / rdo rje khu tshur gnyis byas te// rgyab dang rgyab tu bsnol bar bya// mthe'u chung lu gu rgyud du sbrel/ / mdzub mo drang por bsgreng byas te// g.yas dang g.yon gyi phyag gnyis ni// cung zad tsam ni dgug par bya// rnal 'byor ma ni thams cad dang / 'byung po dang / yi dgas dang / sha ba dang / drag po chen po dang / brjed byed rnams tshur shog/ tshur shog/ nya dang / sha dang / khrag chen po dang / bza' ba sna tshogs dang ldan pa/ me tog dang / spos dang / mar me dang / dri dang / bdud rtsi lnga dang / chang dang / rgyal mtshan dang / ba dan la sogs pa dang / gdugs dang / rdul yab kyis brgyan pa'i gtor ma 'di snoms shig/ dam tshig 'di srungs shig/ bdag gi don thams cad kyi grogs gyis shig/ rgyud 'di la gang zhig dad pa yod pa de rnams bsrung ba'i don du gsol cig/ 'thung zhig/ rol cig/ hUM hUM pha
- 231a
phaT swA hA/ b+ha ga'i phyag rgya mgo steng bca'// phyag rgya 'di yis gtor ma sbyin// rkang pa mnan cing steng du blta// ha ha'i sgra ni sgrogs byed cing // rus pa'i rgyan dang ldan pa yi/ / he ru kar ni bdag nyid bsam// brgya byin 'dra ba'i lha ma yin// mdun du 'byung bar gyur na yang // de la 'jigs par mi bya ste// gzhan rnams smos kyang ci zhig dgos// dpal phyag rgya chen po'i thig le las gtor ma'i las zhes bya ba'i le'u ste nyi shu rtsa gnyis pa'o/ / // tshogs kyi 'khor lo'i cho ga ni// nyon cig lha mo spyan bzang mo// gsang ba mchog gi dgyes pa yi/ / de ru 'khor lo rab tu bskor// thams cad dam tshig gcig pa dang // thams cad rtog pa med pa dang // ser sna nga rgyal spangs pa dang // 'dod chags zhe sdang bral ba dang / / bla ma la gus bsam gtan ldan// phrag dog med cing rtse gcig pa// de ltar dgyes pa tshogs 'khor lo// mkhas pas 'bad de gzhug par bya// de ltar min na skyon yod de/ 'khor lo yang ni 'grub mi 'gyur// thabs dang mnyam pa'i shes rab ma// nyi shu rtsa lnga yan chad spangs// thabs re shes rab re re ldan// kun la gcig ni mi mdzes so// dang po yid 'phrog dgyes pa yi/ / me tog dkyil 'khor bri bar bya// de ru sna tshogs mchod pa ni// rtse gcig gis ni legs par bya// bla ma dngos po thams cad kyis// dad pa yis ni mchod par
- 231b
bya/ / tshogs pa la yang 'bad de mchod// mnyam nyid lta ba sems kyis so// ji ltar bla mas phyag rgya 'dzin// tshogs kyis kyang ni de ltar ro// rtse gsum yang na ral gris gsad// nam phyed na ni blang bar bya/ / sna tshogs mchod pa'i mchod sbyin gyis// mchod nas bla ma'i gdan bya'o// dbus su bdag nyid he ru kar// phyag rgya chen po dang ldan pa// de ni bla ma zhes su bstan// leg dgyes dbang mo bdag nyid do/ / tshogs kyi 'khor lo'i dbus su ni// mchil ma la sogs dor mi bya// gtam yang smra bar mi bya ste// rkang pa la sogs brkyang mi bya// phyag rgya'i brda dang gsang ba'i skad/ / de la 'bad pas bya ba'o// bka' lung med na gar dang glu// nam yang tshogs kyis mi bya'o// dum bu gcig pa'i mtshan ldan snod// bla ma'i mdun du gzhag par bya/ yang na dum bu gsum pa ni// lha yi chang gis bkang bar bya// sna tshogs mchod pa'i mchod sbyin gyis// snod de la ni mchod par bya// tshogs kyi 'khor lor snod gzhan ni// me tog rgyan gyis brgyan pa'o// bza' ba sna tshogs dang ldan pa'i/ / dang por gtor ma chen po sbyin// ji ltar dga' ba med mi 'gyur// je mang je mang btung bar bya// yang dang yang du phyag bya zhing // phyag rgya bcings la btung bar bya// de nas bza' ba thams cad kun/ / dag par byas nas bza' bar bya// lte bar ri bong 'dzin dkar dang // rta mgrin mchog dang ldan pa dang // hUM gi rdo rjes dkar legs sbyang // A l-is rab tu rtog
- 232a
byas shing / / oM gyi 'od kyis 'bar 'gyur bar// byin gyis brlabs nas mngon par bza'// rang lce bar 'dab dbus ma ru// hUM byung rdo rje dkar po dgod// phyi nang bdag nyid thams cad kun/ / 'khor lo de yis rab tshim bya// 'khor lo bzhi yi dbye ba yis// 'khor lo ma lus kun sbyang bya// dpa' bo'i lce la dpa' bo ni// dpa' bo'i dpa' bo dbus su'o/ / dpa' bo'i kha la dpa' bo ni// mchod pa'i dus su mchod par bya// lte ba gnyis kyi dbus su ni// dpa' bo kun gyi mchog gi gnas// dpa' bo rnams kyi mchog gi don// dpa' po de kun mi shes na/ / de yis tshogs kyi 'khor lo ni// nam yang thob par mi 'gyur ro// gang ci de lta'i rim pa yis// phyi dang nang gi bya ba'o// de ltar byas na dngos grub thob// mkha' 'gro ma yang lhan cig 'dus/ / gal te gzhan ma'i rnal 'byor ma// brtas pa'i don du 'ong 'gyur na// de la re zhig the tsom ni// mkhas pas rnam yang mi bya'o// gtam ni smra bar mi bya ste// / phyag rgyas bskrun ni gsol bar bya// gang zhig de ru bla ma yi// gsung ba dang ni mdzad pa'ang de// yang na las kyi rdo rjes ni// thams cad don kun byed pa'ang rung // ji ltar rdo rje sems dpas rol/ / las kyi rdo rjes de ltar ro// sna tshogs gzugs kyis rnal 'byor ma// yang dang yang ni 'ong 'gyur na// de ru re zhig 'jigs mi bya// dpa' bo yi ni gzugs su spyod// bsdams
- 232b
ba la lar byed pa ni/ / de la chad pa rab rtogs bya// yang ngag dga' ba byung gyur na// thar pa'i rgyu phyir gar bya'o// 'on kyang rdo rje rkang pa'i gar// ji ltar rnal 'byor ma mnyes 'ong // ma 'am// sring mo chung ma dang // sgyug mo dang ni mna' ma la// shes rab thabs kyi cho ga yis// 'bad de de la mchod par bya// de rnams mchod pas dngos grub ni// gang zhig sems la bsams pa yod/ / lhag ma'i gtor ma bzung nas ni// dgon pa chen por gtang bar bya// gal te de ru rnal 'byor ma// blta ba de ni ston byed na// de rnams mtshan nyid 'di lta bu// mkhas pas 'bad pas shes par bya/ / gang zhig bzhin gyi dkyil 'khor ni// kun tu zlum por snang 'gyur zhing // kha ni smrar rtag par yod// spu dang smin ma ring ba dang // gos bzang gtsang zhing zhi ba dang // mi g.yo bden par smra ba dang // rtag tu dam pa'i chos la dga'// dpa' bo'i sring mo de ni dran// pad+ma'i phyag rgya sbyin par bya// de bzhin rus sbal phyag rgya'o// lpags pa bum pa spyi blugs nyid/ / phyag rgya'i lan du shes par bya'o// de ni tshes bcu'i res dag la// khyim du pad+ma 'dri bar 'gyur// lA ma yi ni bud med kyi// mtshan nyid gyur pa 'di nyid ni// ma mchu 'phyang zhing mig dkyus ring / / mig ni dmar zhing ser sku gnas// phyug cing skal bzang yon tan can// ser zhing tsam pa lnga bur snang // shin tu ring dang thang ba'ang min// sna tshogs pa yi gos
- 233a
la dga'/ / dpral bar ri mo gsum yod cing // mtshan ngan gyen du bltas pa las// rgod cing dga' ba nyid ngag dang // lam ni rnam par mnan cing gnas// g.yul// du shi ba rnams kyi ni// gtam dag la ni rtag tu dga'// de ltar rab dregs mthong na na// rtse gsum phyag rgya bstan par bya// rkang pa g.yon pa bskum pa yis// gar nyid kyang ni bstan par bya/ / g.yon pa dag ni yongs bzlog pa// phyag rgya'i lan ni yin par bshad// tshes bcu dang ni bco brgyad ni// de yi dus tshigs yin par bstan// khyim du mdung rtse gsum pa yang // bris nas de ni rtag tu mchod// 'jig rten dbang phyug lA ma yi// mtshan nyid gyur pa 'di dag yin// gang gis mkhur chos dag tu ni// khung bur snang bar gnas gyur cing // de bzhin dmar ser lag pa dmar/ / mig ni ljang ser dag tu snang // skra ni de bzhin 'khyil ba dang // mgo la dar ni bcings pa dang // dpral ba la ni gsal bar ni// gzhu yi dngos por rab tu gnas/ / de bzhin mgrin ring sna ring ba// rtab tu gos dmar la dga' zhing // dgod cing glu ni len pa dang // lan dga' zhig ni khro ba dang // sems ni rnam par g.yo ba dang // rtsod pa la ni dga' ba ste/ / 'di 'dra'i rab dregs mthong nas ni// sha ga ti'i phyag rgya bstan par bya// gnyis pa nyid ni 'bad pa yis// dril bu'i phyag rgya bstan par bya// g.yon gyi
- 233b
phyogs su log pa ni/ / phyag rgya'i lan ni yin par bstan// thung zhing byin pa sbom pa dang // rtag tu gos ser la dga' zhing // phrag pa dag nas gos kyang 'phyang // de 'dra'i bud med mthong nas ni/ / 'khor lo'i phyag rgya bstan bya zhing // 'bad pa yis ni gnyis pa yang // dung gi phyag rgya bstan par bya// g.yon nas yongs su bzlog pa ni// phyag rgya'i lan ni yin par bshad/ / bcu bzhi de yi dus yin te// de yi khyim du rdo rje 'dri// he ru ka dpal lA ma yi// mtshan nyid gyur pa 'di dag yin// lus kun la ni ba spu yod// mig ni gnag cing ser ba dang / / sbom zhing rnam 'gyur mi bzad pa// bzhin 'phel che zhing kha che la// mchu ni 'phyang zhing kha dog gnag/ mig zlum sna ni nyams pa dang // rtag tu glu dang gar la mkhas// sprin gyi gzugs can gsus pa che// 'di 'dra'i rab dregs mthong nas ni// glu yi phyag rgya bstan par bya// gnyis pa yang ni 'bad pa yis// mdung gi phyag rgya bstan par bya// g.yon nas yongs su bzlog pa ni/ / phyag rgya'i lan ni yin par bshad// tshes grangs bcu gcig de yi dus// khyim du mche ba 'dri byed pa// rdo rje phag mo lA ma yi// mtshan nyid gyur pa 'di dag yin/ / mtshan mo'i dus su lam du ni// de ltar 'bad de shes par bya// de kun 'jigs par yong mi bya// phyag rgya rnams kyis mnyes par bya// ji ltar bsams pa bzhin du ni// mnyes
- 234a
nas dngos grub ster ba'o/ / dpal phyag rgya chen po'i thig le las tshogs kyi 'khor lo'i cho ga dang / mkha' 'gro ma'i yan lag gi mtshan nyid ces bya ba'i le'u ste nyi shu rtsa gsum pa'o/ / / de nas gzhan yang bshad bya ba// de ru las ni rab yin te// gang zhig bsten pa tsam gyis ni// myur du dngos grub la 'jug pa// yan lag dri nim shin tu 'jam/ / rdul ni dri zhim gyur pa dang // ngo tsha che zhing bden par smra// yun rings mig ni mi 'dzums pa// khro ba med cing snying rje che// skad cig 'jam par smra ba dang // skye ba bdun nam yang na gsum/ / 'bad pa yis ni btsal bar bya// bsod nams dang ldan sems pa yi// des ni lag tu rnyed par 'gyur// de yang zos par byas nas ni// de yi snying khar ro tsa na// rtse gcig pa yi sems kyis ni/ / he ru ka yi sngags lan bdun// bzlas nas 'bad pas thig le bya// 'phral du steng du lding 'gyur zhing // dpag tshad bye bar 'gro ba'o// de ni zos pa tsam gyis ni// khams sum ye shes can du 'gyur/ / dpag tshad bye ba lnga bcur ni// nyin mtshan kun tu 'gro ba'o// lha yi lus kyang thob 'gyur te// bskal pa stong du gnas par 'gyur// brgya byin gyi ni stobs 'dra'o/ / bud med bltas pa tsam gyis ni// ji ltar me yis mar bzhu ltar// dpal phyag rgya chen po'i thig laM las las kyi cho ga zhes bya ba'i le'u ste nyi shu rtsa bzhi pa'o//
- 234b
bcom ldan ye shes rgyal dbang po// bdag la the tshom skyes pa mchis// sngags pas sngags rnams 'grub don du// bzlas brjod de ni ji ltar lags// bcom ldan 'das kyis bka' stsal pa// rnal 'byor rnams kyis bzlas dang bsgom// nyon cig lha mo 'gro ba ma// srog dang rtsol ba mnyam byas nas// srog dang rtsol ba bza' bar bya// srog dang rtsol ba 'gog byas te// srog dang / rtsol ba la blta'o// pad+ma'i kha sbyar sbyor ba las// shes rab thabs ni sprad par bya// lte ba gnyis kyi nam mkha' las// khab rtse dbye ba med pa yi// yi ge shel gyi 'od ldan pa// A li'i 'phreng ba dran par bya/ / yi ge re raM yid kyis ni// rtag tu rgyun mi 'chang par bzlas// 'khor lo rnams kyi lte ba'i nang // bzlog pa byas nas drang bar bya// ha ha'i sgra ni 'jam pa yis// mgrin pa ya rkan mgul med pas/ / nang gi reg bya 'jam pa yi// snying kha kho na'i gnas su bya// shes rab gtum mo gzugs su grags// rnam pa dang bral bde sbyin ma// de lta'i shes rab dang lhan cig/ rdo rje skyil krung sems kyis ni// sems ni g.yo ba med par bya// thigs tshul char yang dang bral ba// thigs tshul char yang dag nyid dang // thig le tshul dang char yang nang // rnal 'byor gyis ni der sems bya// char yang gi ni nang du sems// yang ni tshul gyi nang du sems// tshul ni thig ler 'gro bar bsgom// thig le yang ni stong par 'gro// stong pa rang bzhin
- 235a
zhes su bstan/ / gsum dang bral ba ma skyes mchog/ de lta bu yi cho ga yis// 'di yi cho ga'i thabs kyis ni// gang zhig rtse gcig gis ni bzlas// nges ni dngos grub chen po 'thob/ / zla ba gcig gis gdon mi za// dpal phyag rgya chen po'i thig le las rang bzhin gyi bzlas pa zhes bya ba'i le'u ste nyi shu rtsa lnga pa'o// // bcom ldan dpa' bo dpa' dbang phyug/ sngar ni khyod kyis dus bka' stsal// thams cad mkhyen pa mchog dbang phyug/ de yi don ni bshad du gsol// de yi dus kyi don 'di ni// spyan ring lha mo khyod nyon cig/ dus ni char yang zhes su bshad// de rnams kyi ni sbyor ba'i don// sbyor ba bzhi yang bzhi bzhir gyis// yan lag gcig ni spangs pa'o// rgyal ba rnams kyis rnyed dka' ba// de yi skye ba bdag gis bshad// rten gyi srog gi dbyig pa la// de ru sbyor ba bstan pa'o// srog gi dbyig pa dbus na gnas// phra ba'i phra ba yang dag mchog/ sum cu rtsa gnyis mdud dang ldan/ / de ni phyi rol nang du min// mdud pa yi ni gnas su sbyor// de ni char yang rnams kyi don// char yang sbyor ba nang du min// nang du de ni rtog med ma// mdud pa'i nang du g.yas dang g.yon// rom dang ni brkyang ma gnas// mdud pa gnyis dbus gcig cig ste// sum cu gnyis kyis bcu drug dran// bde chen 'khor lo mgrin pa gnas// lte ba'i steng ni yan chad do// sor bcu
- 235b
gnyis kyi skud pa ni/ / mdud pa med pa gcig pu'o// de 'og mdung pa dang ldan pa// rlung gi 'khor lo yan chad do// spyi bo nas ni mgrin yan chad// de tsam sbyor ba bzhi yin no// mgrin pa'i 'og nas snying kha'i gnas/ / de tsam gzhan ni bzhi yin no// snying kha'i gnas nas lte ba'i bar// de tsam gzhan yang bzhi yin no// lte ba'i nas ni nor bu'i mgrin// de tsam gzhan ni bzhi yin no/ / de ni sbyor ba bzhi ru bshad// char yang dga' ba dang ldan pa// 'dod dang rdul dang 'dar dang stobs// 'gro dang bdud rtsi yang yin te// dga' dang pad+mo de bzhin te// de ni dang po'i sbyor ba bzhi/ rgyas dang rdul dang mdung dang myos// 'byung ba dang ni mtshan mo dang // mchog gi dga' dang ro yin te// de ni gnyis pa'i sbyor ba'o// 'bar dang zhi dang thig le gnas// myos dang 'og ma de bzhin no/ / dga' bral dga' ba dgug pa ste// de ni gsum pa'i sbyor ba'o// u ta 'bad ma tshul rlung ma// gnyid dang ma ma de bzhin no// lhan cig skyes dga' ma skyes pa/ de ni sbyor ba bzhi pa'o// rin chen ske ru phyin tsam na// de ni zla ba gang bar dran// dga' ba yod pa'i sbyor ba ni// de ni shar bar shes par bya// bco lnga pa ni 'byung ba'i rgyu// bcu drug pa la rtog mi byed/ / skye dang 'dzag pa med pa'i phyir// de la sbyor ba med pa'o// char yang rnam skyed sbyor ba ni// rtse gcig gis ni khyod nyon cig/ bcu drug de bzhin nyi ma dang // gang du gnyis ka sbyor
- 236a
bar 'gyur/ / de la ma skyes cha zhes bya// de rang ngo bo rang bzhin no// bcu drug de bzhin nyi ma dang // char yang 'byung ba rgyu yin no// de ni 'byung ba kun gyi pha// thabs dang shes rab mnyam par ldan/ / bcu drug pa ni shes rab yin// nyi ma thabs su bstan pa'o// bcu drug phan chad shes par bya// nyi ma mchog tu dran pa'o// de gnyis dbus bzhugs rang bzhin ni/ / ngag gi lam gyis rnyed par dka'// de lta bu yi dus kyi don// yang dag par ni bdag gis bshad// 'di las gzhan mchog gsang ba ni// zhal bzangs yang dag med pa'o/ / 'bad pa yis ni sba bar bya// su la yang ni mi sbyin no// dpal phyag rgya chen po'i thig le las dus kyi don gyi rang bzhin gyi don zhes bya ba'i le'u ste nyi shu rtsa drug pa'o// / sngar sbas sngags kyi gsal ba de// nyon cig lha mo bdag gis bshad// dad ldan rnams kyis shes don du// dad pa med la nam yang min// hA swA Ta pha hUM hUM ya b+han+tis gIlpA/ hA ma sa hAn+tan+d+ha rA ya dza bi ya dza rA shA de kro hA ma oM/ gsang chen po yi sngags 'di ni// thams cad don kun grub byed pa// Ta pha hAM hrIM gri dze ta dz+wa ba oM/ nye ba'i snying po'i sngags chen po// thams cad kun gyi dbang du byed// hA swA Ta pha hUM hUM ri shwa ye ma sa ta ra su oM/ khyod kyi snying po'o sngags dbang po// grangs med yon tan dang ldan no// sngags pa'i ye shes grub don du//
- 236b
gsang ba'i sngags ni gsal byas so// hA sA Ta pa dzI b+h+r-i kr-i oM/ khyod kyi nye ba'i snying po 'di// sangs rgyas kyis kyang rnyed dka' ba// bdag gis re yi sngags kyis ni// grangs med dbang du byas pa'o/ / dpal phyag rgya chen po'i thig le las sbas pa'i sngags gsal ba zhes bya ba'i le'u ste nyi shu rtsa bdun pa'o// // yang ngam du 'khyud pa byas nas skad snyan pa yis/ bcom ldan 'das ma legs dgyes dbang phyug mas 'di skad ces zhus so// bcom ldan ye shes mkha' 'gro nyid// mi shes mun pa 'jig byed pa// gsang ba kun ni gsungs pa las/ / phyag rgya chen po de ma gsungs// phyag rgya chen po ji ltar lags// rgyal ba'i dbang phyug yang dag gsungs// bcom ldan 'das kyis bka' stsal pa// rab tu bde ba'i rnam pa mchog/ nyon cig lha mo phyag rgya che// phyag rgya chen po gsang ba che// brjod med mi zad ma skyes pa// thams cad gzugs can gzugs dang bral// gzugs med gzugs kyi bdag nyid mchog/ sbom phra la sogs dang bral ba// gzhal du med pa'i rang bzhin no// yang dag dri med rnam pa'i 'od// gang du yang ni gnas med pa// shar ba ma yin nub pa min// rtag tu shar ba char yang mchog/ dus dang gnas skabs grol ba ste// ske dang 'jig par byed pa'o// rnal 'byor ma rnams rnyed mau dka'// rnal 'byor cung zad rnyed dka' ba// thabs mchog
- 237a
gis ni rnyed 'gyur te/ / thabs mchog med na nam yang min// dpa' bo chen po bcom ldan 'das// de la thabs ni bka' stsol cig/ bcom ldan 'das kyis bka' stsal pa/ / rtsa yi kun spyod sbyor ba yis// slob dpon kha las rnyed par 'gyur// rlung 'khor char yang gnas na ni// rlung ma gnyid ma yod pa'o// g.yas pa dang ni g.yon gyi cha// char yang la ni shin tu bskor/ / de gnyis khong du chud pa yis// de las mchog gi bde ba 'byung // bde ba'i nang nas phyag rgya che// the tsom med par rnyed par 'gyur// char yang dbus na rtsa yi gnas/ / phra mo'i phra mo yang dag mchog/ rtsa yi gnas na rtsa yi gnas// de tsam la ni des khyab bo// phyag rgya chen po'i rang bzhin ni// lha mo chen mo de ni khyod// nga yi 'od ni yang dag khyod// phyi dang nang na yod pa'o// gang zhig phyag rgya mi shes pa// sangs rgyas yin yang rnal 'byor min// phyag rgya chen po'i thig le 'di// gang zhig dri med shes pa min// rnal 'byor rnal 'byor ma yi rgyud/ / 'bum gcig rnal 'byor des shes kyang // de lta mod kyi 'bras rab des// nam yang 'byung bar mi 'gyur ro// thams cad chos kun rab shes na// de ni nges par sangs rgyas yin/ / phyag rgya chen po rab shes na// de ni dpal rdor sems dpar 'gyur// de yi rang bzhin ye shes ni// phyag rgya chen po'i mtshan nyid do// de skad ces thos nas bcom ldan 'das
- 237b
ma bye ba 'bum phrag bdun cu rtsa gnyis kyi mkha' 'gro ma dang bcas pas bskor ba lan gsum byas nas phyag 'tshal te khrag dron mos mchod do/ / bcom ldan 'das la mkha' 'gro ma thams cad kyis phyag rgya chen po thig le'i rgyud thos nas dga' mgu yi rangs te cang mi smra bar bzhugs so/ / yang dam du 'khyud pa byas nas 'di skad ces gsol to// bcom ldan rnal 'byor ma yi bdag cung zad bdag la the tshom skyes/ / gang zhig dkyil 'khor cho ga ni// rtsa ba yi ni rgyud du bshad// bdag dang gzhan gyi gnas de ni// sngar ni bdag gis ma shes so// bcom ldan 'das kyis bka' stsal pa/ / bdag gi gnas dang gzhan de bzhin// nyon cig yang dag bdag gis bshad// gzhan gyi gnas ni b+ha gar brjod// bdag gi gnas ni snying po'o// sgo yi phyi rol gzhan gyi gnas// bdag gi gnas ni dkyil 'khor ro// yang na gzhan gnas sbyor ba yin// nye ba'i sbyor ba bdag gnas so// sbyor ba mtho ris zhes su bstan// de bzhin du yang mi yul sbyor// nye ba'i sbyor bas 'og ste/ / mtho ris chos kyi snying pad+ma// nye ba'i sbyor ba ri rab rtse// mi yul lte ba'i lte ba'o// sa 'og sprul pa'i snying po ste// ri rab rtse mo gsang sna'o// de ltar gzhan ni gsang chen po// yang ngag gzhan du ngas ma bshad/ / 'bad de de ni bsrung bya ste/ u la yang ni mau sbyin no// rnal 'byor ma rgyud dbang phyug rgyal// rnal 'byor ma la bshad par bya// yang na sems dpa' chen po 'di/
- 238a
legs par brtags nas gsal bar bya// dpal he ru ka chen po'i dang po'i dang po grub pa/ de bzhin gshegs pa thams cad kyi gsang ba las kyang ches gsang ba'i rgyud phyi ma dpal phyag rgya chen po'i thig le rnal 'byor ma chen po'i rgyud kyi rgyal po'i mnga' ba dag/ thams cad mkhyen pas kyang rnyed par dka' ba/ rmad du byung ba'i rmad du byung ba zhes bya ba'i le'u ste nyi shu rtsa brgyad pa'o/ / // dpal phyag rgya chen po'i thig le rnal 'byor ma chen po'i rgyud kyi rgyal po'i mnga' bdag ces bya ba rdzogs so// / rgya gar gyi slob dpon rnal 'byor gyi dbang phyug chen po dpal shes rab gsang ba'i zhal sngar ka chos kyi ye shes dang / phyug mtshams dgra bcom gyis dad cing gus pas zhus te bsgyur cing gtan la phab pa'o// rgya gar skad du/ shrI dz+nyA na gar+b+ha nA ma yo gi nI ma hA tan+t+ra rA dzA ya de rA dza/ bod skad du/ dpal ye shes snying po zhes bya ba rnal 'byor ma chen mo'i rgyud kyi rgyal po'i rgyal po/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das ri rab kyi rtse mor bye ba phrag bdun cu rtsa gnyis kyi grangs kyi mkha' 'gro dang / mkha' 'gro mas yongs su bskor nas b+ha gu la chen po'i skyed mo'i tshal na bzhugs so// der bcom ldan 'das kyis lha mo legs dgyes dbang mo dang lhan cig tu rol pa
- 238b
mdzad pa'i tshe rje btsun la ba spu langs so/ / de'i dus su bcom ldan 'das ma legs dgyes kyi sbyor ba las langs te lan gsum du bskor ba byas nas zhabs la mgo bos phyag btsal te/ 'di skad ces gsol to// kye bcom ldan 'das ci'i phyir nyid kyi skul ba spu langs lags/ bcom ldan 'das kyis bka' stsal pa/ kye bcom ldan 'das ma de la dgos pa ci zhig yod// gang gi don gyi phyir nga'i sku la ba spu langs pa de ni gsang ba chen po'o// bcom ldan 'das mas gsol pa/ gsang ba chen po lags mod kyang // mchog gi dbang phyug bka' stsol cig/ bcom ldan 'das kyis bka' stsal pa/ nga yis legs dgyes kyi bde ba nyams su myong zhing steng dang 'og na gnas pa'i dga' ba'i skyed byed ma rnams la 'dus pa las ba spu langs so// bcom ldan 'das mas gsol pa/ steng dang 'og na gnas pa'i dga' ba skyed byed ma rnams la 'dus pa ji ltar lags/ bcom ldan 'das kyis bka' stsal pa/ steng dang 'og na gnas pa'i dga' ba skyed byed ma rnams la gang zhig 'dus pa de ci'i phyir mi shes/ bcom ldan 'das mas gsol pa/ bcom ldan 'das de skad du de ltar ni lags mod kyi/ 'on kyang mi shes pa'i phyir bcom ldan 'das kyi drung du bdag gis ni zhus so/ / bcom ldan 'das kyis bka' stsal pa/ 'di ni so so rang gis nyams su myong ba yin mod kyang / 'on kyang khyod kyi ngor ngas bshad
- 239a
par bya ste/ dga' bral gyi dga' ba 'byung ba'i stong phrag bdun cu rtsa gnyis kyi bdag nyid kyi rtsa'i dra ba 'dar zhing g.yos pa tsam gyis tshul shar ro// tshul shar bas thig le'i rgyal po zhu'o/ / thig le'i rgyal po zhu ba las steng dang 'og na gnas pa'i dga' ba skyed byed ma rnams la 'dus pa'o// de skad ces thos nas bcom ldan 'das kyi zhabs la mgo bos phyag 'tshal te/ dam du 'khyud pa byas nas ma mchu'i bdud rtsi'i btung bas dgyes par byas te phyi nas yang zhu ba mdzad do// kye bcom ldan 'das dga' bral gyi dga' ba'i dus su 'dus pa lags na/ de la sbyor ba med pa gang gi dus lags/ bcom ldan 'das kyis bka' stsal pa// dris pa yang dag dgyes pa mchog/ sangs rgyas rnams kyis rnyed dka' ba// dga' bral dus su sbyor ba med/ / de ni dga' bral dga' ba min// bcom ldan 'das mas gsol pa/ kye bcom ldan 'das dga' bral gyi dga' ba dang dga' bral la khyad par ci lags/ bcom ldan 'das kyis bka' stsal pa/ dga' mo khyod ci'i phyir de skad ces smra/ dga' bral gyi dga' ba dang dga' bral gnyis la khyad par cher yod pa de brjod par bya'o// gang zhig dga' bral gyi dga' ba de zhu ba gnas pa ste 'pho ba la sogs pa dang bral ba'o/ / gang zhig dga' bral de ni dga' ba dang bral ba zhu ba 'pho zhing 'jig pa'o// dga' bral gyi dga' ba ni zhu ba gnas pa ste/ 'gro
- 239b
ba la sogs pa dang bral ba'i phyir rang gis nyams su myong ba'i ngo bo'o/ / bcom ldan 'das mas gsol pa/ rang gis nyams su myong ba'i mtshan nyid dga' bral gyi dga' ba dang / lhan cig/ skyes pa'i dga' ba'i khyad par ci lags/ bcom ldan 'das kyis bka' stsal pa/ lhan cig skyes pa'i dga' ba ni dngos po'ang ma yin// dngos po ma yin pa'ang ma yin// gsang ba'ang ma yin/ ye shes kyang ma yin/ ye shes las byung ba'ang ma yin/ srid pa'ang ma yin/ mya ngan las 'das pa'ang ma yin/ char yang ma yin/ thig le'ang ma yin/ tshul yang ma yin// tshul tsam yang ma yin/ mchog kyang ma yin/ gzhan mchog kyang ma yin/ shar ba'ang ma yin/ nub pa'ang ma yin/ gzugs kyang ma yin/ sgra'ang ma yin/ dri'ang ma yin/ ro'ang ma yin// reg bya'ang ma yin/ yi ge'ang ma yin/ rten yang ma yin/ brten pa'ang ma yin/ khams kyang ma yin/ shes rab kyang ma yin/ thabs kyang ma yin/ thim pa'ang ma yin/ longs spyod kyang ma yin/ dbang yang ma yin/ sprul pa'ang ma yin/ chos kyang ma yin/ longs spyod kyang ma yin/ lus kyang ma yin/ ngag kyang ma yin/ yid kyang ma yin/ rnam pa thams cad dang rnam par bral ba/ mi bzang pa/ dri ma med pa/ skye ba med pa/ 'gag pa med pa/ rtag tu shar ba'o// bcom ldan 'das mas gsol pa/ de lta bu'i lhan cig skyes pa'i dga' ba gang
- 240a
las rnyed/ bcom ldan 'das kyis bka' stsal pa/ dga' bral gyi dga' ba nyams su myong ba las rnyed de/ de bzhin du bsam gtan la sogs pas ma yin no// bcom ldan 'das mas gsol pa/ lhan cig skyes pa'i dga' ba de dga' bral gyi dga' ba'i nyams su myong ba'i rgyu lags sam 'bras bu lags/ bcom ldan 'das kyis bka' stsal pa/ ldan cig skyes pa'i dga' ba'i rgyu yin te 'bras bu ni ma yin no/ / bcom ldan 'dase mas gsol pa/ lhun gyis grub pa'i lhan cig skyes pa'i dga' ba 'byung ba la rgyu'i dngos pos dgos pa ci mchis// rang bzhin med pa'i phyir ro// ji ltar sreg pa la dud pa bzhin no// bcom ldan 'das kyis bka' stsal pa/ de skad du smra ba ni tshad ma ma yin te/ dang por sreg pa med par der dud pa 'byung ba gang las 'ong / de lta bu'i rigs las lhan cig skyes pa'o// bcom ldan 'das mas gsol pa/ de ltar lags na lhan cig skyes pa las dga' bral gyi dga' ba ni rgyu'ang yin la 'bras bu'ang yin na/ 'on kyang 'dir rgyu ni gnyis su dbye ba dang / 'bras bu'ang gnyis su dbye ste/ gsal ba'i rgyu dang / 'byung ba'i rgyu'o// 'bras bu'ang de bzhin no// bcom ldan 'das mas gsol pa/ kye bcom ldan 'das gsal ba'i rgyu ci 'dra ba dang / 'byung ba'i rgyu ci 'dra ba bstan du gsol/ bcom ldan 'das kyis bka' stsal pa/ gsal ba'i rgyu ni dga' bral gyi dga' ba ste/
- 240b
ji ltar mar me bzhin no// 'byung ba'i rgyu ni dga' ba las mchog gi dga' ba ste/ ji ltar sa bon las myu gu bzhin no// dga' bral gyi dga' ba ni gzhan rnams dang mi 'dra ba'i phyir 'byung ba'i rgyu ma yin te/ dga' ba gzhan dang mi 'dra ba las 'byung ba yin no// dpal ye shes snying po las lhan cig skyes pa'i dga' ba'i don zhes bya ba'i le'u ste dang po'o// / bcom ldan 'das mas gsol pa/ gang zhig dpal phyag rgya chen po'i thig le'i rgyud kyi rgyal po las phyag rgya chen po'i don bstan pa de thob par bya ba'i don du de'i thabs bcom ldan 'das kyis bdag la bka' stsal du gsol/ bcom ldan 'das kyis bka' stsal pa// khyod kyis bdag la zhus pa gang // nyon cig lha mo rab tu bshad// phyag rgya chen po ni 'dir bzhir dbye ba ste/ las kyi phyag rgya dang / dam tshig gi phyag rgya dang / ye shes kyi phyag rgya dang / chos kyi phyag rgya'o// gang zhig las kyi phyag rgya ni snang ba'i rang bzhin dga' ba'i lo dang ldan pa'o// gang zhig dam tshig gi phyag rgya de ni snang ba mched pa'i rang bzhin skye mched kyi lo dang ldan pa'o/ / gang zhig ye shes kyi phyag rgya de ni snang ba thob pa'i rang bzhin khams kyi lo dang ldan pa'o// gang zhig chos kyi phyag rgya de ni 'od gsal gyi rang bzhin no// phyag rgya chen po de'ang 'od gsal ma yin pa gzhan las mi rnyed do// bcom ldan 'das mas gsol pa/ bcom ldan 'das 'od gsal zhes bgyi ba ji ltar lags/ gang du gnas pa
- 241a
yin/ bcom ldan 'das kyis bka' stsal pa/ 'od gsal ni nam mkha'i dbus su gnas pa'i thig le'i ngo bo ste/ de ni phyag rgya chen po rnyed par 'gyur ro// bcom ldan 'das mas gsol pa/ re zhig 'od gsal ni ji ltar rnyed pa lags/ bcom ldan 'das kyis bka' stsal pa/ las dang / dam tshig dang / ye shes dang / chos kyi phyag rgyas so/ / bcom ldan 'das mas gsol pa/ phyag rgya rnam nyid ni gang las rnyed par 'gyur lags/ bcom ldan 'das kyis bka' stsal pa/ dbang bskur ba phyi'i phyag rgya la brten nas nang gi phyag rgya rnams rnyed do/ / bcom ldan 'das mas gsol pa/ phyi dang nang gi phyag rgya de gnas gang du gnas par 'gyur/ mtshan ni ji lta bu/ rang gi ngo bo ni ji lta bu/ der dbang ni ji lta bu lags/ bcom ldan 'das kyis bka' stsal pa/ 'dir dbang ni bzhi ste/ slob dpon dang / gsang ba dang / shes rab ye shes dang / de ltar de bzhin bzhi pa'o// slob dpon gyi dbang ni dga' ba'i lo dang / ldan pa gzhon nu ma la rdo rje dang dril bu mnyam par ldan pa yis nu ma dang 'dza' gu ni reg par byas pas so// gsang ba'i dbang ni skye mched kyi lo dang ldan pa'i gzhon nu ma la rang gi rkang yongs su 'jing pa las so/ / shes rab ye shes ni khams kyi lo dang ldan pa'i gzhon nu ma la lhan cig srub pa dang bsrub pa'i thabs chen po las zhu ba 'pho ba'i dus su ye shes nyams su myong bas so// de ltar
- 241b
de bzhin bzhi pa ni shes rab ye shes de nyid brtan par byed pa ste/ de'i phyir de ltar de bzhin zhes bstan pa yin no// brtan par byas pa tsam gyis drug cu rtsa bzhi'i 'dab pa'i nang du phyag rgya bzhi mnyam par sbyor bar 'gyur ba yin no/ / de'ang 'jug pa dang / gnas pa dang / 'gro ba dang / rten pa'i ngo bos so// 'jug pa ni gtum mo'o// gnas pa ni rang bzhin gyis rtog pa med pa'o// 'gro ba ni bya gdong ma'i rtsa'o/ / rten pa'i ngo bos sgrog pa'i rtsa'o// don dam par phyag rgya chen po gcig pu ste/ 'on kyang las kyi rang bzhin gyis bzhir dbye'o// bcom ldan 'das mas gsol pa/ bcom ldan 'das de rnams la las kyi rang bzhin gyi bye brag ji ltar lags/ bcom ldan 'das kyis bka' stsal pa/ zhi ba dang / rgyas pa dang / dbang dang / drag po ste/ las kyi bye brag gis phyag rgya chen pos thob pa'o/ / bcom ldan 'das mas gsol pa/ bcom ldan 'das zhi ba dang / rgyas pa dang / dbang dang / drag po rnams kyi ming dang spyod pa ji ltar lags/ bcom ldan 'das kyis bka' stsal pa/ zhi ba ni rgod pa'o// rgyas pa ni lta ba'o// dbang ni lag pas 'khyud pas so// drag po ni gnyis kyis gnyis snyoms par 'jug pa'o// de rnams la spyod pa'i tshangs pa'i gnas pa'i spyod pa dang / brtul zhugs chen po'i spyod pa dang / gos bral gyi brtul zhugs kyi spyod pa dang / rang dbang gi spyod pas so// dpal ye shes snying po las phyag rgya chen po dang
- 242a
dbang bskur ba'i don zhes bya ba'i le'u ste gnyis pa'o/ / // bcom ldan 'das mas gsol pa/ dbang bskur ba'i dus su dkyil 'khor rnams ji lta bu// slob dpon ni ji lta bus bya/ bcom ldan 'das kyis bka' stsal pa/ slob dpon gyi dbang bskur ba'i dus su rdul tshon la sogs pa'i dkyil 'khor ro// gsang ba'i dbang la bla ma la dbul ba'i dkyil 'khor ni rang byung gi me tog dang ldan pa'i me tog gis so/ / shes rab ye shes kyi dbang gi dus su byang chub kyi sems dang ldan pa'i bzhi mnyam gyis so// bzhi pa'i dus su gzhan ma yin pa byang chub kyi sems 'ba' zhig dkyil 'khor gyis so/ / de la slob dpon ni mtshan thams cad kyis brgyan pa dang / rgyud thams cad mkhyen pa dang / dbang bskur ba la mkhas pa dang / thugs rje dang ldan pa dang / rgya che ba la mos pa dang / sngags la sogs pa dang / rab tu sbyor ba la mkhas pa dang / dngos grub thob pa'i slob dpon la sogs pas dbang bskur ba dang / dngos grub / thob pa'i bla ma'i bka'i gnang ba thob pa dang / yang na rang nyid dngos grub thob pa des ni dkyil 'khor dang / dbang bskur ba'i rim pa dang / sgrub thabs la sogs pa bya'o// de bzhin du rtog ge pa la sogs pas ni ma yin no/ / bcom ldan 'das mas gsol pa/ kye bcom ldan 'das/ slob dpon gyi ni dbang bskur ba'i// dkyil 'khor mtshan ma ji ltar lags// dkyil
- 242b
'khor gyi ni tshid ji tsam/ / gtso bo bdag po yang ni gang // ngo bo gang gis slob ma gzung // las kyi slob dpon ji lta bu// mchod pa rnams ni ji ltar lags// bla ma'i yon ni ji ltar lags/ bcom ldan 'das kyis bka' stsal pa// khyod kyis bdag la gang zhus pa// lha mo nyon cig bdag gis bshad// mtshan ma'i slob ma'i mos pas so// yang na ji ltar dkyil 'khor gyi// slob dpon gyi yid dang 'thad pa'o/ / de bzhini mthe bo'i sor gsum lhag pa'i khru phyed dang de'i dkyil 'khor bya'o// de ni mtshan ma'i dkyile 'khor yin te/ de'ang rnal 'byor ma'i rgyud kyi go rims kyis bya'o/ / de'ang yan lag thams cad tshang ba'o// de yi dbus su nyi ma'i dkyil 'khor bri'o// de'i steng du sna tshogs rdo rje ste/ sna tshogs rdo rje'i lte ba'i nang du hUM gi rnam pa/ phyi rol du sna tshogs pad+ma 'dab ma brgyad dang ldan pa/ rdo rje'i 'phreng bas rnam par brgyan par bya'o// de'i shar gyi 'dab ma la 'khor lo mdog dkar po dang / lhor rin po che mdog ser po dang / nub tu pad+ma mdog dmar po dang / byang du ral gri mdog ljang ku dang / me'i mtshams su rin po che'i shing dang / chu'i mtshams su ze 'bru dang / rlung gi mtshams su rgyal mtshan dang / dbang ldan gyi mtshams su ka pA la'o/ / shar sgor rdo rje lcags kyu dang / lhor zhags pa dang / nub tu rdo rje lcags sgrog dang / byang du rdo rje dril bu'o// mtshams rnams su me tog gi chun 'phyang dang /
- 243a
bdug spos kyi reng bu dang / mar me dang / dri'i dung chos so// de'i phyi rol du rdo rje 'phreng ba'o// sna tshogs rdo rje'i lte ba'i nang du hUM gi rnam pa yongs su gyur pa las rdo rje 'dzin pa chen po zhal gsum pa/ spyan gsum pa/ phyag bzhi pa/ rgyal po'i bzhugs thabs kyis gnas pa/ rang 'od kyi reg mas 'khyud pa/ nam mkha' sngon po'i mdog can/ rgyan thams cad kyis brgyan pa/ brgyad gnyis kyi lo dang ldan pa/ nyi ma bya ba'i 'od dang ldan pa/ ral pa'i dbu rgyan gyis brgyan pa/ rdo rje dang / dril bu dang / rnge'u chung dang / ka pA la dang / kha T+wAM ga 'dzin pa'i bdag po'o// mtshan ma'i skabs su dbus su rdo rje dang rdo rje dril bus bya'o// de nas slob ma sta gon byas la sman sna tshogs kyis khrus byas pa/ rnam par snang mdzad kyi ngo bos slob ma gzung bar bya'o/ / las kyi slob dpon ni bstan bcos thams cad la mkhas pa/ ser sna med pa/ mtshan ma cung zad thob pa'o// der mchod pa rnams shin tu mkhas pa/ chags pa la sogs pa dang bral ba/ mtshan ma rnyed pa/ dbang gsum thob pa'o// slob dpon la dbang bskur ba'i dus su 'am/ rgyud thos pa'i dus su shin tu gces pa'i chung ma dang / bu mo dang / gzhan yang gser dang / mu tig dang / nor bu dang / glang po che dang / rta dang / zhing dang / bran dang / bran mo dang / na bza' du ma la sogs pa ci tsam nus pa dbul bar
- 243b
bya'o/ / nor la sogs pa yod nas gang zhig mi 'bul na de ni bskal pa sbyong gi bar du dmyal bar skye bar 'gyur ro// longs spyod med par gyur pas kyang rang gi lus po dbul bar bya ste bran du bya'o// des ni tshe 'di nyid la sangs rgyas nyid dam/ yang na rdo rje 'dzin pa nyid thob par 'gyur ro// lha mos gsol pa/ bcom ldan 'das sbyin pa la sogs pa tsam gyis sangs rgyas sam/ rdo rje 'dzin par 'gyur ram ci/ bcom ldan 'das kyis bka' stsal pa/ lha mo sbyin pa la sogs pa tsam gyis sangs rgyas sam/ rdo rje 'dzin par mi 'gyur te/ 'on kyang bla ma la mchod pas bsod nams chen po'i tshogs skye'o/ / bsod nams chen po'i tshogs bsags pa las sdig pa'i phung po zad de/ bla ma'i mchog sangs rgyas thams cad kyi rang bzhin rang gi lha'i sku yang dag pa dang phrad pa thob bo/ / phrad pas yang dag pa'i man ngag gnang bar 'gyur ro// man ngag thob pa las brtson 'grus chen po dang ldan pa yin na/ des tshe 'di nyid la sangs rgyas sam rdo rje 'dzin pa thob par 'gyur ro/ / dpal ye shes snying po las dbang bskur ba dang / dkyil 'khor gyi don zhes bya ba'i le'u ste gsum pa'o// / bcom ldan 'das mas gsol pa/ khyod kyi dkyil 'khor ji ltar lags// mnga' bdag chen po bka' stsol cig/ bcom ldan 'das kyis bka' stsal pa// bdag gi dkyil 'khor dge ba ni// nyon cig lha
- 244a
mo rab tu bshad/ / gru bzhi pa la sgo bzhi pa// rta babs bzhis ni rnam par brgyan// dra ba dra phyed chun 'phyang dang // 'dod yon rin chen la sogs brgyan// de yi dbus su gzhan min bdag/ zhal bzang khyod dang lhan cig go/ phyag bzhi pa la zhal bzhi pa// spyan gsum ut+pal sngon po'i mdog/ phyag rgya drug dang ldan pa dang // sna tshogs rus pa'i rgyan dang ldan/ / zhi ba chen po'i rang bzhin can// sna tshogs pad+ma'i steng du ni// 'jigs byed dus mtshon zhabs kyis mnan// rgyal po'i bzhugs thabs kyis ni bzhugs// rdo rje dril bu rnge'u chung dang / ka pA la dang kha T+wAM bsnams// zhal gzhan ser dang dmar dang ldang // lha mo khyod kyang bdag gi mdog/ zhal gsum ma la spyan gsum pa// phyag gnyis gri gug pad snod 'dzin// sna tshogs rgyan gyis brgyan pa'o/ / bcom ldan 'das mas gsol pa/ 'di yi dkyil 'khor 'khor lo la// 'khor ni gang lags grangs du mchis// bcom ldan 'das kyis bka' stsal pa// gang zhig khyod kyis bdag la zhus/ / nyon cig lha mo bdag gis bshad// dkyil 'khor phyogs bzhir dpa' chen po// shes rab yan lag mas 'khyud cing // mtshams su rdo rje ma mo bzhi// sgor na khros pa'i lha mo bzhi'o/ / bcom ldan 'das mas gsol pa/ de rnams la bskyed pa'i cho ga ni gang / mdog dang / phyag rgya dang / bzhugs thabs la sogs pa ji ltar lags/ bcom
- 244b
ldan 'das kyis bka' stsal pa/ khyod dang bdag rol ba mdzad cing / srub pa dang bsrub pa'i thabs chen po'i sbyor ba'i dga' ba'i rtags las dpa' bo chen po tshangs pa zhes bya ba phyag bzhi pa zhal gsum pa/ spyan gsum pa/ gser gyi mdog nyi ma'i dkyil 'khor gyi steng du rgyal po'i bzhugs thabs kyis gnas pa/ ral pa'i cod pan gyis brgyan pa/ shes rab ma'i yan lag gis 'khyud pa/ phyag rgya lnga 'dzin pa/ rgyan sna tshogs kyis brgyan pa'o// rdo rje dang / dril bu dang / rde'u chung dang / ka pA la dang / kha T+wAM ga bsnams pa shar gyi 'dab mar ro// yang srub pa dang bsrub pa'i thabs kyi mchog gi dga' ba'i rtags las dpa' bo chen po khyab 'jug ces bya ba ma ra ka ta'i mdog lhag ma ni tshangs pa bzhin du byang du'o/ / yang srub pa dang bsrub pa'i thabs kyi dga' bral gyi dga' ba'i rtags las dpa' bo chen po drag po zhes bya ba mdog nag po khyab 'jug bzhin nub tu'o/ / yang srub pa dang bsrub pa'i thabs kyi lhan cig skyes pa'i dga' ba'i rtags las dpa' bo / chen po dbang phyug ces bya ba mdog dkar po khyab 'jug bzhin lho phyogs su'o// pad+ma'i mtshams su dri zhim pa dang ldan pa'i chus gang ba'i bum pa'i steng du bdud rtsi lngas bkang ba'i ka pA la bzhi'o// yang srub pa dang bsrub pa'i thabs kyi ro brgyad las me'i mtshams su dpa' mo mdog dkar mo'o// chu'i mtshams su gzhan gyis mi thub ma bai DUR+Ya'i mdog go// rlung gi mtshams su dus mtshan
- 245a
ma nam mkha' sngon po'i mdog go/ dbang ldan gyi mtshams su gau rI mdog ser po'o// thams cad kyang shin tu lang tsho la bab pa zhal gcig pa/ spyan gsum pa/ phyag bzhi/ pa/ nyi ma'i dkyil 'khor gyi steng du rgyal po'i bzhugs thabs kyis bzhugs pa/ phyag rgya lnga 'dzin pa/ phyogs kyi gos can/ gri gug dang / ka pA la dang / kha T+wAM ga dang / rde'u chung ba snam pa'o/ / shar phyogs kyi sgor rdo rje gtum mo ni nag mo chen mo'i mdog go/ byang sgor rdo rje 'jigs byed ma ser mo'i mdog go/ nub sgor rdo rje sgra ma dmar mo chen mo'i mdog go/ lho sgor rdo rje tsa ka ljang ku'i mdog go/ phyag bzhi/ zhal gcig pa/ spyan gsum pa/ g.yon brkyang ba/ na bza' spangs pa/ rim pa bzhin du nam mkha' lding dang / seng ge dang / stag dang / ma he'i steng na gnas pa'o/ / phyag rgya lngas brgyan pa/ mgo chen po'i chun po 'chang ba 'dzin pa/ 'jigs byed chen po mche ba gtsigs pa/ ljags 'dril ba/ dbu skyes 'bar ba/ sgra chen po'i sgra sgrogs pa/ ral gri dang / rtse gsum pa dang / ka pA la dang / kha T+wAM ga bsnams pa/ rang 'od kyi thabs dang 'khyud pa'o// bcom ldan 'das mas gsol pa/ bcom ldan 'das dpa' bo chen po rnams la shes rab ma'i yan lag ma ji ltar lags/ bcom ldan 'das kyis bka' stsal pa/ dpa' bo chen so rnams la shes rab ma'i yan lag rang rang gi mdog dang mtshungs
- 245b
pa ste/ 'on kyang khyod bzhin du zhal gcig pa'o// de lta'i dkyil 'khor rgyal po ni// rnal 'byor rgyud du rnyed par dka'// dgyes pa thams cad grub byed cing // sdig pa thams cad 'jig par mdzad/ / bcom ldan 'das mas gsol pa/ bcom ldan khyod dang bdag bskyed pa'i// sa bon gang lags snying po ci// nye ba'i snying po ji lta bu// 'khor gyi sngags ni ji ltar lags// bcom ldan 'das kyis bka' stsal pa// khyod kyis bdag la gang zhig zhus// nyon cig lha mo bdag gis bshad// sa bon ya sde'i bdun pa ni// dbyangs yig lnga pa dang ldan pa// lha mo chen mo thig le ldan/ / khyod kyi sa bon rab mchog go/ ya sde'i sa bon brgyad pa ni// dbyangs yig drug pa dang ldan pa// dbu ni thig le yis ni brgyan// bdag gi sa bon rab mchog go/ de ni sa bon gnyis ka rab/ / thams cad dbang du byed pa ni// lus can kun gyi snying la bzhugs// skye ba dang ni sdud byed do// drug pa brgyad pa bzhi pa dang // bcu gnyis pa dang bcu dang nyi// dang por oM dang hUM phaT mthar// bdag gi snying po rab tu mchog/ nyi shu pa dang bcu gnyis mkha'// dang po dang ni bcu drug nyi// dbang po tshangs pa hUM phaT mthar// khyod kyi snying po dgyes pa mchog/ dang por oM dang hUM phaT mthar// dbus su ming dang spel ba ni// tshogs kun gyi ni sngags yin te// mchod pa'i dus su mchod par bya// oM sarba mA ra bi mdza na ma hA bI ra rA dza hUM hUM pha
- 246a
phaT/ skal ldan mo de khyod kyi ni// nye ba'i snying po drag po che// oM ha haM hi ha~M haM/ ke le ke le sarba do sta pra b+ha dza ka d+hu hUM phaT phaT/ pad+ma'i zhal de bdag gi ni// 'od chen/ nye ba'i snying po'o// bcom ldan 'das mas gsol pa/ sngags 'di la nus pa'i mthu ci tsam zhig mchis lags/ bcom ldan 'das kyis bka' stsal pa/ grub pa tsam gyis khams gsum thams cad dbang du byed par 'gyur ro/ / rnal 'byor pa khro bo'i lta bas 'bum phrag gcig bzlas pa byed na/ lha ma yin gyi dbang po lta bu la 'bum phrag gcig gis gsod par byed do/ / zhi ba'i tshul gyis bzlas pa byas na grangs med pa'i nad dang / nyon mongs pa dang / dbul po dang / mdze dang / phol mig 'jig par byed do// phra mo'i grub pa brgyad skad cig gogis byed do/ / gzhan yang las du ma rjes su 'brang bar byed do// bcom ldan 'das kyis de skad ces bka' stsal nas/ bcom ldan 'das ma legs dgyes dbang mo stan las langs nas mgo bos phyag 'tshal te/ 'khor thams cad dang lhan cig tu lan gsum du bskor ba byas nas rang rang gi rdzu 'phrul gyis mchod pa byas te/ bcom ldan 'das mchog gi dbang phyug legs so legs so zhes brjod nas yang gnyis su med pa'i sbyor bas bzhugs so/ / de'i dus su nam mkha' la me tog rnam pa sna tshogs pa'i char dang / rin po che sna tshogs kyi char chen po bcom
- 246b
ldan 'das kyi zhabs kyi drung du babs par gyur to/ / de nas bcom ldan 'das me tog dang rin po che de dag gi thog tu bcibs te/ 'khor dang bcas pa mi snang bar gyur to// dpal ye shes snying po las gsang ba'i dkyil 'khor 'byung ba'i don zhes bya ba'i le'u ste bzhi pa'o/ / // dpal ye shes snying po zhes bya ba rnal 'byor ma chen mo'i rgyud kyi rgyal po'i rgyal po rdzogs so/ / / rgya gar gyi mkhan po dpal shes rab gsang ba'i zhal snga nas bsgyur ba'o// dpal phyag rgya chen po'i thig le rnal 'byor ma'i rgyud kyi rgyal po'i phyi ma'i phyi ma'o/ / / rgya gar skad du/ shrI dz+nyA na ti la ka yo gi nI tan+t+ra rA dza pa ra ma ma hA ad b+hu taM nA ma/ bod skad du/ dpal ye shes thig le rnal 'byor ma'i rgyud kyi rgyal po chen po mchog tu rmad du byung ba zhes bya ba/ dpal ye shes thig le la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs kyi snying po dpa' bo chen po dang / dpa' mo'i dbang phyug mas rnam par bskor nas rdo rje'i btsun mo'i b+ha ga la bzhugs so// der dpal nam mkha' dri med dang / shin tu stobs chen po dang / lha'i dbang phyug dang / gsang ba'i bdag po dang / 'od drag dang / nyi gra dang / mchog dga' dang / thams cad
- 247a
byed pa po dang / ut+pa la'i snying po dang / zhi ba chen po'i bdag po dang / nag po 'dul ba dang / rmad du byung ba'i dpa' bo dang / dregs chen dang / nag po chen po dreg/ 'joms dang / ri rab brtan pa dang / nam mkha'i zhal lo// yang dpa' mo'i dbang mo'i dbang phyug ma rnams la 'di lta ste/ zla ba mo dang / g.yon pa ma dang / nyi mnyam ma dang / rlung za ba ma dang / bsil sbyin ma dang / snying po'i 'dab ma dang / bag yod thor cog ma dang / nyi ma 'dul ma dang / zhi ba 'chi ba'i pho nya ma dang / ldang brtson ma dang / 'od 'dun ma dang // tshangs pa'i ma dang / khyab 'jug gi ma dang / thog kha ma dang / thams cad bskyed ma dang / dpa' bo'i yum mo// yang ma mo'i btsun mo rnams la 'di lta ste/ skam ma dang / 'jigs ma dang / 'od ma dang / mchu 'phyangs ma dang / ri rab so ma dang / dus kyi bde byed ma dang / nyi mig ma dang / me zhal ma dang / 'dod pa'i ma dang / lce rangs ma dang / chos dga' ma dang / 'dod pa bden ma dang / mig stong ma dang / stag ma dang / gtum mo dang / 'dod gzugs ma'o// de lta bu'i rab zhal la sogs pa dpa' bo chen po dang / dpa' mo'i dbang phyug ma dang / ma mo'i btsun mo bye ba phrag bdun cu rtsa gnyis kyi grangs kyi 'khor gyi dbus su legs dges chen po'i sbyor ba la bzhugs nas/ bcom ldan 'das kyis byang chub sems dpa'
- 247b
sems dpa' chen po lha'i dbang phyug la bos te/ kye byang chub sems dpa' sems dpa' chen po lha'i dbang phyug de kho na nyid gsum gyi bdag nyid kyi dang / zla ba'i bde ba mchog dang / phyag rgya chen po'i mtha' dang / de la rang gi ngo bo dang / rnam pa dang / tshad dag dpal ye shes thig ler grags pa nyon cig/ bcom ldan 'das kyis de skad ces bka' stsal pa dang / byang chub sems dpa' sems dpa' chen po lha'i dbang phyug 'khor thams cad dang lhan cig tu lan gsum du bskor ba byas nas/ bcom ldan 'das kyi zhabs la mgo bos phyag 'tshal te/ sa la lta zhing cang mi smra bar 'dug go/ de'i tshe nam mkha' la me tog man da ra ba dang / man da ra ba chen po dang / ut+pa la dang / nyi ma'i 'od mnyam dang / chu skyes dang / pu na ka dang / a sho ka dang / tsam pa ka dang / ardzu na dang / na ga ge sar la sogs pa dri zhim pa'i me tog rnam pa sna tshogs pa dang / rin po che'i char du ma bcom ldan 'das kyi zhabs kyi drung du babs so// yang bcom ldan 'das kyis byang chub sems dpa' sems dpa' chen po lha'i dbang phyug la bos te/ khyod ci zhig la ya mtshan du gyur/ lha'i dbang phyug gis gsol pa/ bcom ldan 'das de kho na nyid gsum gyi bdag nyid kyi dang / zla ba bde ba mchog dang / phyag rgya chen po'i mtha' dang / de la rang gi ngo bo dang / tshad dang / rnam pa yod dam ci lags zhes bdag ya mtshan du gyur lag so// dpa' bo chen po lha'i dbang
- 248a
phyug la rdo rje 'dzin pa'i mchog gis 'di skad ces bka' stsal to/ / e ma'o de kho na nyid gsum gyi bdag nyid kyi dang / zla ba'i bde ba mchog dang / phyag rgya chen po'i mtha' la de'i rang gi ngo bo dang / rnam pa dang / tshad med dam ci/ de ltar ma yin na chos thams cad kyi ngo bo stong pa nyid 'di ga la shes/ mig yor tsam gyi rgyu'i rten ni chos thams cad do// de ltar gla rtsi la brten nas dri 'byung ba gla rtsi'i dngos po med na dri ji ltar rnyed par 'gyur/ de bzhin du rang gi ngo bos dang / chos kyi tshad dang / rnam pa dag med par gyur na/ de kho na nyid gsum gyi bdag nyid dang / zla ba'i bde ba mchog dang / phyag rgya chen po'i sku'i rnyed pa med do// de bas na/ khyab dang khyab byed bye brag tu// gnyis su med pa'i bde ba che// bde ba sku la rten pa'i phyir// bde la brten na de nyid 'gyur/ / bde sku rnam par shes yin na// thams cad gnyis su med pa'i dngos// drug gi bde ba ye shes mchog/ bde dang sku ni gnyis las 'byung // 'khor lo drug gi dbus na bzhugs/ / de nyid gsum gyi bdag nyid mchog/ zla ba la sogs 'bral bdag nyid// de nyid gsum bdag rgyu ru grags// lus rten srog gi dbyug pa la// sbyor ba drug gi ye shes bzhug/ 'khor lo drug gi lte ba'i dbus// phra mo'i lus ldan rtsa ni drug/ thig le dang bcas de rnams sbyor// srog gi dbyug pa'i nang du'o// bde chen 'khor lo'i lte ba yi// zla mo tshe dang ldan pa
- 248b
ste/ de ni srog dbyug rtsa ba yin// zur gsum gyi ni rnam pa'i tshul// longs spyod rdzogs pa'i lte ba yi// lce ma bde ba ldan pa ni// de ni srog gi dbyug pa'i ske// rigs kyi me tog dang 'dra ba// chos kyi 'khor lo'i lte ba la// nam mkha' ma ni ye shes ldan// de ni srog gi dbyug pa'i snying // ba yi mig gi rnam pa'i gzugs// lte ba sprul pa'i 'khor lo'i nang // 'od ma dang ni dus ldan ma// de ni srog gi dbyug pa'i ste// pad+ma rgyas pa'i rnam pa bzhin// me yi 'khor lo'i snying la yi// 'dod pa dang ldan rab 'od ma// de ni srog gi dbyug pa'i 'doms// rdo rje'i rnam pa bzhin du gsal// rlung gi 'khor lo'i lte ba la// stobs ni brtson 'grus ma dang ldan// srog gi dbyug pa de yi mtha'// til gyi me tog rgyas pa bzhin// de ni sbyor drug gi rnam shes// rtsa dang thig le dang ldan no// jog med mas ni 'khyud yin phyir// de tshe tshangs pa'i dbyug pa yin// de yi dus ni bdag gis bshad// shar dang nub pa rnam gnyis so// gang gi tshe tshangs pa'i dbyug pa la mdud pa sum cu rtsa gnyis yod de/ de la lce ba'i 'og tu 'pho ba bcu drug/ steng du 'pho ba bcu drug/ byang chub kyi sems dang rlung gnyis phrad pa'i phyir 'pho ba ste/ steng 'og gcig pu'i dngos po sbyor ba'i rtsa ba sum cu rtsa gnyis so// byang chub kyi sems dga' ba dang ldan pa'i gdu bu'i rnam pa sku dang / gsung dang / thugs kyi ngo bo gcig pu'i rtog med bde legs yid mas tshangs pa'i dbyug pa 'khyud nas/ bde ba chen po'i
- 249a
gtsug tor nas gsang ba bde ba chen po nor bu'i kha rlung gi 'khor lo yan chad / / ji ltar tsan ngan gor shina'i shing la sbrul chen po yod pa lta bu'o// lha'i dbang phyug de la ji ltar rang gi ngo bo bshad par bya ste/ tshangs pa'i rus pa'i dbyug pa'i snying po'i dang por zur gsum gyi rnam pa mdud pa lte ba'i srog gi rlung dang ldan pa'i byang chub kyi sems 'od kyi thig le shes rab ma'i lte bas zla ba yar ngo'i tshes dang po'i chu tshod gcig gi bar du 'dod pa'i dga' ba shar ba'o/ / pad+ma'i 'bras bu'i 'dod pa las 'bar bar nye ba dang ldan pa tshes gnyis kyi chu tshod gnyis kyi bar du stobs nub pa'o/ / drag po'i mig gi 'dus pa las 'gro ba mnyam pa dang ldan pa tshes gsum gyi chu tshod gsum gyi bar du sprin gyi thig le shar ba'i dus su'o// rigs kyi me tog gi nu ma reg pa las dga' ba gyen du 'gro ba dang ldan pa'i tshes bzhi'i chu tshod bzhi'i bar du nub pa'o/ / tshangs pa'i mig ma mchu'i bdud rtsi btung ba sbyin pa las rgyas pa thur du byung ba dang ldan pa tshes lnga'i chu tshod lnga'i bar du dbugs shar ba'i dus so/ / dung gi mig gis sen mo btab pa las drag po 'jigs pa'i tshul dang ldan pa'i tshes drug gi chu tshod drug gi bar du ut+pa la'i nub pa'i dus so// rna ba'i mig gi sbyor ba las byung ba'i khyab byed dang ldan pa'i tshes bdun gyi chu tshod bdun gyi bar du mgo ka la shar ba'i dus so/ / ba'i mig gis 'bras bu'i bskyod pa las mchog gi dga' ba bzhi dang
- 249b
ldan pa tshes brgyad kyi chu tshod brgyad kyi bar du yid nub pa'i dus so/ / dung gi lte ba'i nu ma dam por 'khyud pa las 'bar ba lhod pa dang ldan pa'i tshes dgu'i chu tshod dgu'i bar du snying po shar ba'i dus so// glang po che'i lte ba'i sgo'i sgra las thig le mtha' dang ldan pa'i tshes bcu'i chu tshed bcu'i bar du zla ba nub pa'i dus so// ut+pa la'i lte ba'i mig gi 'o las myos pa khrung khrung dang ldan pa'i tshes bcu gcig gi chu tshod bcu gcig bar du nyi ma shar ba'i dus so/ / pad+ma'i lte ba'i sprug cing gsigs pa las dga' bral gyi dga' ba kro d+ha dang ldan pa'i tshes bcu gnyis kyi chu tshod bcu gnyis kyi bar du drag po nub pa'i dus so/ / bung ba'i kha'i grong khyer las u da mi rim pa dang ldan pa'i tshe sa bcu gsum gyi chu tshod bcu gsum gyi bar du mchog gi shar ba'i dus so// rma bya'i kha'i bkum pa las tshul 'byed pa dang ldan pa'i tshes bcu bzhi'i chu tshod bcu bzhi'i bar du sgra nub pa'i dus so/ / rdo rje'i kha ru mnyam par sbyor ba las gnyid 'on pa dang ldan pa'i nya'i chu tshod bco lnga'i bar du ro'i shar ba'i dus so// rnam par rgyas pa'i til gyi me tog ha brjod pa las tshes bcu drug gi chu tshod bcu drug gi bar du lhan cig skyes pa'i dga' ba gsal ba dang ldan pa'i thog gi nub pa'i dus so// thog ni sngags 'jigs byed pa ste/ / de la nub pa bcu drug yin// shar dang nub pa gang la lar// lhan cig skyes la de yod min// yon po'i gdu bu'i rnam pa yi// rtsa yi lte dbus thig la dang // dga' ba la sogs
- 250a
ba dang / / de ni nub pa'i dus so// de lta'i bde chen rnam pa yin// 'pho ba ru ni bdag gis bshad// dngos dang rten dang rnam par 'byed// ye shes dga' bral lhan rtag bzhug/ dngos po ro mnyam lta ba yin// 'dod pa chags pa'i rnam dag byed// 'dus pa reg bya byed pa yi// dngos ni srid pa med par byed// 'o dang 'khyud pa longs spyod rnams// dngos ni dngos po rab gcod byed// puN+Da ri ka'i 'byung sa yi// zur gsum la sogs rten pa yis// rten ni bsam du med pa ste// chos dbyings rang gi ngo bo yin// steng dang 'og ni mnyam pa'i rten// mya ngan 'das pa rtog med byed// bde ba chen po'i bdud rtsi'i rten// rigs lnga yi ni mchog gi gzhi// ye shes 'dod pa lhun gyis grub// 'dar ba dga' ba mchog gi dga'// ye shes shes pa lhun gyis grub// gzhi med pa yi lhan cig skyes/ / gzhi dang bcas pa dga' bral dga'// ye shes nga rgyal med par byed// chos kun rnam par shes pa ste// ye shes shes bya don grub byed// rnam par 'byed pa 'od gzugs grags// tshul dang sprin dang stobs bdag nyid// rnam par 'byed pa dngos kun tu// rnam pa'i gzhi dang bcas pa thim// skye dang gnas pa sgyu 'phrul gyi// rnam par 'byed pa gti mug gsod// 'khor lo sngag dang bya ba la/ / 'joms byed de ni rnam par 'byed// rtsa yi snying po thams cad ni// bcom pa'i phyir na rnam par 'byed// ye shes kyi ni snying po'i mtha'// rnam par 'byed pa gsol ba yin// ye
- 250b
shes shin tu bde byed phyir/ / rnam par 'byed par de phyir brjod// gnyis su med pa mchog zhi ba// chags pa dang ni chags bral min// dri ma med pa bcos med pa// rgyud dang sngags dang rim pa bral// / rang rig pa dang brjod du med// thams cad khyab cing dpe byad med// de lta bu ni don dam pa// lha yi dbang phyug rnam par 'byed// sangs rgyas byang chub sems kun gyi// thugs kar rtag tu bzhugs pa'o/ / rnam par 'byed la sgom pa med// phung po khams la sogs dang bral// sgra la sogs pa'i chos kyis stong // stong dang snying rje'i bdag nyid yin// tshangs pa khyab 'jug drag po dang // dbang phyug rtag tu zhi ba dang // de rnams kun gyi yab yin no// 'byed pa dang ni mchog rmad byung // de nyid ye shes thig le 'dir// mchog rnams grub pa'i mnga' bdag go// 'byung ba kun gyi nang yod pa/ / sku lnga'i bdag nyid rab mchog yin// mkha' 'gro dbang phyug lnga bdag po// nam mkha' bdag nyid skye med do// nam mkha' lnga yi nang du thim// sangs rgyas kun gyis phyag byas pa// de lta'i gsang chen ye shes ni// ye shes dbang po rnyed dka' ba// ji ltar nor ni rkun mo yis// ma rnyed byed ltar 'bad pas smra// dpal ye shes thig le las 'pho ba'i dus shar ba dang nub pa zhes bya ba'i le'u ste dang po'o/ / / lha'i dbang phyug gis gsol pa/ kye bcom ldan 'das/ de nyid gsum bdag nga ro ci// de bzhin zla ba bde ba mchog/ phyag rgya chen po'i rnam pa
- 251a
cing de yi mtha' ni ji ltar lags/ / bcom ldan 'das kyis bka' stsal pa// de nyid gsum ni sku gsung thugs// rdo rje gsung ni ye shes mchog/ zla ba bde ba mchog ces/ pa/ de yi phung po dbang po khams// phyag rgya chen po rdor snying po// de yi mtha' ni b+ha gar dran// mtha' dang snang ba rnam par shes// chu yi zla ba bzhin du mthong // chos kun rang bzhin dri ma med// snang ba las ni thams cad 'byung // skye ba dang ni 'gag pa med// yang dag 'od las thams cad 'byung // de'i phyi rol chos thams cad kyi bdag nyid ni bcom ldan 'das dpal ye shes thig le'o// de la dang po rnam pa dang bcas pa'i dkyil 'khor gyi 'khor lo'i bskyed pa sgom pa dang / sngags dang / bzlas pa dang / sbyin sreg dang / mchod sbyin dang / gtor ma dang / mchod pa dang / gnas kyi brjod pa dang / dbang bskur gyi rim pa de dag bshad do// dpal ye shes thig le las de kho na nyid gsum gyi bdag nyid dang / zla ba mchog gi bde ba dang / phyag rgya chen po'i mtha' la sogs pa'i phyogs tsam bstan pa'i le'u ste gnyis pa'o/ / // lha'i dbang phyug gis gsol pa/ tshangs pa'i rus pa srog gi dbyug pa'i ster dang 'og gi 'pho ba cha gnyis su rtsa sum cu rtsa gnyis kyi rang bzhin las le'u dang por gang gsungs pa ni de rnams kyi nang nas gcig tu rtog med bde legs yid ma gcig tu nges par bstan par mdzad kyi/ bcom ldan 'das rtsa gzhan rnams//
- 251b
ci'i don phyir 'dir ma gsungs/ bcom ldan 'das kyis bka' stsal pa/ gcig pu rtog med bde legs ma de ni bye ba phrag bdun cu rtsa gnyis kyi rtsa phra mo'i dra ba rnams rol mo'i don du byas nas/ sna tshogs kyi bdud rtsi bsam gyis mi khyab pa chos kyi 'byung gnas chen po'i sa stengs su 'byung zhing skye ba'i char 'bab pa'i don du bstan pa'o// lha'i dbang phyug gis gsol pa/ de ltar lags mod kyis kyang / rtsa sum cu rtsa gcig po rnams kyi mtshan dang grangs 'dir mchog gi dbang phyug la bka' drin zhu'o// bcom ldan 'das kyis bka' stsal pa/ lha'i dbang phyug sum cu rtsa gcig gi ming rnams nyon cig/ gsang ba dang / zab pa dang / sred pa dang / phra mo dang / bdud rtsi ma dang / bdud rtsi khri ma dang / dag pa ma dang / bde ba ma dang / stobs ma dang / thabs ma dang / hUd hrung ma dang / ser ma dang / 'o rgyun ma dang / dga' ma dang / snum ma dang / khro ma dang / mngar ma dang / skyur ma dang / kha ba ma dang / bska ba ma dang / tsha ma dang / lan tshwa ma dang / rtsub ma dang / dad ma dang / stobs ma dang / dga' byed ma dang / dga' sbyin ma dang / gnyid ma dang / bcang skyed ma dang / khong chung ma dang / tshe ma ste/ de dag ni rtsa sum cu rtsa gcig ste/ steng dang 'og tu 'pho ba gnyis kyi zla ba dang nyi ma gzas zin pa'i dus su tshogs rgyas pa'o/ / de nas dbang gi rim pa bshad de/ ji lta yin go rims su// dbang bskur mchog ni rnyed pa gang // thams
- 252a
cang du ni nus par 'gyur/ / yon tan tshul khrims ldan pa'i bu// bla mas dang por dbang bskur byas// khrus byas mig dag ras kyis dgab// snyim pa me tog gis bkang ldan/ / yon phul nas ni dga' dang bcas// lha yi dbang phyug dbang bskur byas// dbang bskur nas ni sangs rgyas sa// the tshom med par rnyed par 'gyur// de bas kun tu rab 'bad de// dpal ldan dbang rgyal blang bar bya/ / dbang bskur bzhi ru phye ba ni// slob dpon la sogs dbye ba yin// dang por slob dpon gyi ni dbang // gnyis pa de ni gsang ba'i dbang // gsum pa shes rab ye shes dbang / / de ltar de bzhin bzhi pa'o// bzhi gnyis rab tu dbye ba ni// slob dpon dbang la sogs par bskur// rdo rje slob dpon dbang gsum du// nam mkha' mnyam du bdag gis bshad/ / de gnyis la ni bcu gcig phye// rdo rje slob dpon dbang rgyal lo// dbang bskur de ni rin po che// khams gsum gyis ni phyag byas pa// thar par 'gro ba 'grub don du// 'di ru rim pas bdag gis bshad/ / chu dang dbu rgyan rdo rje dang // dril bu ming dang brtul zhugs dang // lung bstan pa dang skabs sbyin dang // phyag rgya sngags dang ye shes so// rnal 'byor rgyud la mos pa la// dbang brgyad phye la sbyin par bya// rnal 'byor bla ma la mos la// bcu gcig bdag nyid sbyin par bya// rnal 'byor ma la mos pa rnams// gsang ba'i dbang ni sbyin pa'o// gsang ba gnyis su dbye
- 252b
bar gsungs/ / de ni phyi dang nang gis so// rnal 'byor rnal 'byor bla ma'i phyi// dbang bskur shes pas sbyin par bya// nang gi rnal 'byor ma yi rgyud// gsang ba'i dbang ni rab tu sbyin// de ni gsang ba gsum du dbye/ / skye dang mdud dang de bzhin sang // shes rab rnam pa gnyis su dbye// bskyed dang rdzogs pa'i bye brag go// shes rab brgyad gnyis lo dang ldan// spyan rings cha la mkhas pa dang / yan lag tsan dan gsar pa'i dri// shin tu 'jam pa'i khu bas tshim// gzugs bzang sngo la skal ldan ma// 'o 'dzin mkhrang zhing 'jam la mtho// bsam gtan sngags la dad cing zhi// dbang bskur dang ldan thugs rje grub/ / de lta'i rab grags 'bad de btsal// dbang gi don du bla ma zhu// de kun mtshan nyid dang ldan pa// chung ma yang na sring mo 'am// bu mo yang na mna' ma 'am/ mkhas pas 'bad de blang bar bya// rang gi rigs ni ji bzhin rnyed// khu ba dang bcas gzhon nu ma// sna tshogs rgyan gyis legs par brgyan// mkhas pas bla ma la ni dbul// dbang gi man ngag gsum du bzhugs/ / nang gi yo ni brda byed pa// bzhi pa 'bras bu'i ngo bor grags// gsum dang bral ba'i gsum bdag nyid// dga' ba la sogs bye brag tu// rdo rje gzhon du mas gsal dbye// dbang bskur gyis ni 'khor los sgyur// the tsom med par yin par 'gyur// dbang gis dzam med par byed// chu la sogs pas ras bkrus bzhin// cho ga thams cad rdzogs pa'i dbang // lan
- 253a
lag de nyid dang ni bcas/ / gcig nas gcig tu rim pas brgyud// bla ma rab kyi zhal nas blang // gzhan du rtog ge'i tshogs la mkhas// sgra yi bstan bcos rtag mos la// dbang gi mchog ni rnam pa gsum// blang bar mi bya sbyin mi bya// yang dag 'bras bu 'dod pa na// de ni ring du spang bar bya// de ltar yang bye ma du ma bsdus pa'i phung po la 'bad de rnam par btsir bas mar khu'i thigs pa phyed kyang mi 'byung ngo / / de bzhin du rtog ge mang po dang / ngag gi dra ba dang ldan pa bstan pa'am/ nyan pa las ni de la nyon mongs pa 'ba' zhig las gzhan 'bras bu ni rnyed pa med do/ / de bas na gcig nas gcig tu rim pas brgyud de rnyed pa'i dbang shes pa de ni rdo rje slob dpon bla ma chen po'o// mi gsal mchog gi bkra shos can// sangs rgyas 'bras bu sbyin pa'i sprin// bla ma'i gzugs so gzhan ma yin// bsod nams thams cad kyi ni gnas// sangs rgyas byang chub sems dpa' dang // tshangs pa brgya byin khyab 'jug lha// de kun gyis ni bdag mchod 'os// ma grags kyang ni grags gzugs yin// de ltar shes nas sgrub pa pos// 'bad pa yis ni mchod par bya// bla ma'i zhal snga mchod byas na// ci 'dod pa yi 'bras bu rnyed// rgyud kyi don nam dbang gi don/ / shes nas bla ma mi mchod pa// sa steng nyi zla yod bar du// de ni mnar med pa ru 'gro// de bas kun tu 'bad pa yis// gus pas bla ma mchod par bya// rin chen sna tshogs bzor byas
- 253b
legs/ / gser gyi pad+ma dri ma med// mu tig do shal rin thang med// sna tshogs du ma yi ni gos// gces pa'i btsun mo bu dang bcas// glang chen rta dang bran la sogs// dpal ldan bla ma'i spyan snga ru/ / dang gus brtan pas dbul bar bya// dpal ye shes thig le las yon dbul ba dang bcas pa'i dbang gi rim pa zhes bya ba'i le'u ste gsum pa'o// de nas gzhan yang rab bshad nyon/ / gnas kyi rnyed pa ji bzhin don// ka ba gcig dang sgo dgur ldan// rdo rje rtsig pa'i rgyan dang ldan// rdo rje'i thig dang bla re ni// kun tu yongs su bskor ba yin// rlung la sogs pa'i rim pas dbye/ / 'byung ba bzhi dang ldan pa yin// ji snyed nam mkha'i mtha' kun tu// thams cad bdag nyid rtag tu bzhugs// rdo rje gur gyi dbus su ni// srung ba'i 'khor lo 'khor bzhin pa/ / rtsibs bcu pa la gser gyi mdog/ khro bo bcu dang bcas pa'o// khro bo thams cad zhal gsum pa// spyan gsum pa la phyag rgya drug pa// g.yas brkyang bas bzhugs pa/ gsus pa smyo ba/ sbrul gyi rgyan gyis brgyan pa/ ljags 'dril ba/ mche ba 'jigs par gtsigs pa/ dbu skra ser po gyen du 'greng ba/ ag tshoms dang smin ma che zhing ring ba ste/ shar gyi 'khor lo'i rtsibs le gshin rje gshed sku mdog nag po g.yas dang g.yon pa'i zhal gnyis ni ser ba dang dmar po/ phyag g.yas gnyis na ral gri dang rtse gsum pa/ phyag g.yon gnyis nathong
- 254a
pa dang dbyug pa'o/ / lho phyogs kyi rtsibs la shes rab mthar byed dkar po g.yas kyi zhal dmar ba/ g.yon sngo ba/ phyag g.yas pa gnyis kyis dbyug pa dang ral gri phyag g.yon pa gnyis na mtshon rtse gcig pa dang mgo bo'o/ / nub tu pad+ma mthar byed dmar po zhal g.yas dkar zhing g.yon sngon po/ g.yas dang g.yon gyi phyag bzhin ral gri dang / 'khor lo dang / zla ba phyed pa dang / ri rab zur brgyad pa'o// byang du bgegs mthar byed sngon po g.yas dang g.yon gyi zhal gnyis ni dkar po dang dmar po'o// g.yas dang g.yon gyi phyag bzhin rdo rje rgya gram dang / / ral gri dang / mdung thung / me'i mtshams su 'dod pa'i rgyal po'i gzugs can g.yas dang g.yon gyi zhal gnyis ni dkar ba dang dmar ba/ g.yas kyi phyag gnyis na ral gri dang rin po che/ phyag g.yon na sta re dang mdung thung ngo // srin po'i mtshams su dbyug pa sngon po chu srin 'dzin ser po'i gzugs/ g.yas dang g.yon gyi zhal ldang ba dang dmar ba/ phyag g.yas gnyis nargya gram rtse gsum dang ral gri/ phyag g.yon gnyis na sa la'i shing chen po dang / de bzhin du me'o// rlung mtshams su stobs po che ngu ba'i mdog g.yas pa dang g.yon pa'i zhal gnyis ni ser ba dang dmar po/ phyag bzhi la ral gri dang / dung dang / 'ga' ta dang / rnga ma'o// dbang ldan gyi mtshams su mi g.yo mgon dkar nag zhal g.yon dmar po dang g.yas sngon po/ g.yas g.yon
- 254b
gyi phyag bzhin ral gri dang / lcags kyu dang / pi wang dang / rde'u chung ngo // steng du gtsug tor 'khor los sgyur ba sku mdog ser po g.yas dang g.yon pa'i zhal gnyis ni sngo ba dang dkar ba phyag bzhin 'khor lo dang / ral gri dang / ka pA la dang / kha T+wAM ga'o// 'og tu sum b+ha'i rgyal po sku mdog nam mkha' ltar sngo ba/ g.yas kyi zhal mthon mthing chen po'i 'od can// g.yon pa ni nyi ma gzhon nu'i 'od can/ g.yas kyi phyag gnyis na ral gri dang lcags kyu/ g.yon gnyis na gri gug dang thod pa'o// thams cad kyi rtsa ba'i phyag gnyis kyis rdo rje dang pad+ma bsnams pa/ rang gi 'od kyi shes rab ma la 'khyud pa'o// 'dod pa'i rgyal po la sogs pa ni 'jig rten skyong ba brgyad kyi steng du'o// gtsug tor 'khor los sgyur ba dang sum b+ha'i rgyal po ni zla ba dang nyi ma'i steng du shes par bya'o/ / 'di'i 'khor lo'i lte ba gru gsum gyi gzugs te ri bong can dkar po'i 'od chos kyi 'byung gnas so// de'i dbus su sngar bstan pa'i 'byung bzhi ji lta bu'i rim pas/ rnam par snang mdzad yongs su gyur pa las dur khrod brgyad dang ldan pa'i gzhal yas khang yangs pa chen po'i 'phar ma gnyis nyi ma'i gdan du sna tshogs pad+ma 'dab ma brgyad kyi lte bar 'jigs byed dang dus mtshan gyi bde byed ma'i steng du tshul dang thigs pa'i rang gi ngo bo A li dang kA li gnyis las byung ba/ maM hUM las dpal ye shes thig le phyag rgya chen pos 'khyud cing zhal brgyad pa
- 255a
drug bcang / gams brkyang ba/ zham byan ni gnag pa dang me ba/ dmar ba dang ljang tshus/ gnan mnan mut+pa ma ldan pa'i bdabs lta du'o// dzadza dang / dang / che rlung dang / ke pA la dang / kha rA ga dang / ral gri dang / mnga' gcu'o// sna tshogs rdo rje 'thab ches pas ral pa'i dbu rgyan dang / dpral bar thod pa'i steng du mi bsgod co pan can no/ / phyag rgya drug gis sku bcings pa/ rgyu mas brgyus pa'i mgo bo chen po'i do shal gyis sku brgyan pa/ tshangs pa'i pags pa rkang pa'i sham thabs can gyi skur bzhengs shing ha'i gang rgyangs dang phang ka ror tshol po'i sgra chen po'i ngo raro bsgrags shing brjod pa tsam gyis tshangs pa'i g.yul sa bye ba'i grangs kyi thod pa'i lto ba brlag par mdzad pa/ mi bzad pa dang / mi sdug pa dang / lce spyang gi tshogs 'jigs su rung ba dang / sha za'i tshogs ha har rgod pa dang / nag po'i me can gyi dur khrod chen po brgyad na 'jigs byed kyi nyams dgu dang ldan pa'i gar byed pa'o/ / dpal ye shes thig le las dkyil 'khor gyi 'khor lo bskyed pa zhes bya ba'i le'u ste bzhi pa'o// / da ni sngags mchog bshad bya ba// sgrub pa po ni 'grub 'gyur ba/ / sa yi cha ni mnyam pa'i mchog/ sbrang rtsig pur gyis ni byug/ dri zhim pa yi me tog bkram// me tog gis ni chal par dgram// chu ngogs yang na thang stong du// rdo rje srung
- 255b
pa yis ni bskor/ / mig mdzes rdo rje gzhon nu ma// zla ba 'ims pad+ma khengs// lang tshe ga sar la reg bya 'jam// dang po mkhas pas 'jug par bya// sngags kyi gnas su lugs ji bzhin/ / legs dgyes shin tu sbyor bar bya// de yi sbyor bas gang zhig 'byung // kha dang sa sogs mchod par bya// pad+ma 'dab ma brgyad pa bya// rdo rje yi ni phur bu bcu// mkhas pas khro bo'i sngags kyis gdab/ / A l-i kA l-i mnyam byas nas// 'dab ma kun la rim pas dgod// A li ye shes 'dab mar gcig/ kA l-i 'dab ma mdun du dra// 'dab ma re re mi ge lnga/ / lnga pa lnga ni lnga la'o// 'dab ma gnyis su bzhi gnyis te// k+Sha yi yig 'bru ste nang ngo // dbyangs yig gsal yig bye brag tu// A li kA li 'du shes yin// gnyis kyi yi ge 'dab ma yis/ / sngags kyi rgyal po de nyid dran// dang po'i gzugs kyis rgyal po'i dbang // de nas 'dab gnyis kyi dang por// bzhi pa'i dbyangs yig dang bcas pa// 'og tu re pa yis ni brgyan/ / de nas nyi shu rtsa ldan// 'dab ma gnyis pa'i bzhi pa'o// dbyangs yig gnyis pa dang ldan pa// khro bo'i ngan 'gro dag byed pa// 'dab gnyis dang po bzhi pa yin// de nas gsal byed pa yis brgyan/ / 'ong ba gnyis dang po'i gnyis pa yin// ldan pa thams cad rims 'phrog byed// gsal byed pa la gsum pa ste// bcu pas yang dag ldan pa'o// dbyangs kyi yin
- 256a
gnyis pa yis/ / lha yi dbang phyug brgyan pa'o// bzhi pa'i lnga pa gang yin dang // de nas de yi dang po'o// bcu drug pa la gsum pas ldan// thams cad sngags kyi tshig/ gi gzhi// de nas sa ni dag pa dang // de bzhin gsal byed dang po'o// yan lag gsal byed sum cu gsum// dbyangs yig drug pa yang dag ldan// thams cad kyi ni 'byung ba'i gzhi// zla tshes thig le rnam par brgyan// de ni de dang nye bar gnas// sems kyi dbang phyug yi ge mchog/ gang zhig lnga pa'i gnyis pa dang // gsum pa'i dang po dang ldan pa// mthar ni swA hA ldan pa ste/ / snying po'i sngags ni rmad byung mchog/ dang po ru ni gzugs kyi mchog/ 'dab ma gnyis pa'i bzhi pa'o// 'og tu re pha yang dag ldan// dbyangs kyi yi ge bzhi pas sbyar// rig pa'i rgyal po'i yi ge mchog/ thig le yis ni mgo bo mnan// de rang du ni nye bar gnas// thams cad zhi ba zhi pa'i mchog/ thigs pa mnan pas sum cu gsum// bcu drug pa ni gnyis par ldan/ / yang ni de nyid yi ge mchog/ khams gsum mun pa sel bar byed// hUM phaT de ni gnyis ka sbyar// tha mar sA hA yis ni ldan// nye ba'i snying po'i sngags zhes bya// bcom ldan ye shes thig les so/ / dang por rnam par snang mdzad dag/ nyi shu rtsa dgu de nas si// gsal byed pa no gzhi gnyis pa// nyi shu rtsa bdun pas ni ldan// nyi shu rtsa gnyis pa yi gzhan/
- 256b
/ dbyangs kyi yi ge bdun pas bdun// bzhi pa las ni gsum pa'o// de dang nye bar rlung yin no// dbyangs yig bcu gcig pa dang ldan// 'bras bu thams cad don sbyin no// lnga pa yi ni lnga pa dang / / ha yi yig 'bru de dang nye// lnga pa yi ni gsum pa dang // nyi shu rtsa brgyad de nas so// lnga pa yi ni dang po dang // nyi shu rtsa bdun de nas so// dbyangs yig gi ni gnyis pas ldan// khams gsum dgug par nus pa'o/ / gsal byed kyi ni dang po dang // nyi shu rtsa bdun pa ni ldan// nyi shu rtsa lnga pa dag dang // dbyangs kyi yi ge gnyis pas ldan// nyi shu rtsa drug yi ge mchog/ dbyang kyi yi ge bcu gcig ldan/ / swA hA mtha' ru ldan pa ni// hUM hUM phaT kyis spel bar bya// de ni phyag rgya che snying po// yid bzhin rin chen mnyam pa'i 'od// dang po yi ni pra Na pa// de nas 'dab gnyis pa yi gsum/ / ya yi sde tshan gnyis pa dang // nyi shu rtsa dgu de nas so// dbyangs kyi yo ge gsum pa yis// snying la khong du chud par bya// drug cu rtsa ba ni phyed dag pa// ra yi yig 'bru de dang mnyam/ / tha mar swA hA dang ldan pa// hUM hUM phaT ni spel ba yin// nye ba'i snying po sngags chen po// thams cad sngags kyi bdag po mchog/ oM shrI ma hA ka ru Na kru ta/ ma hA be be da/ s+pha ra Na ma hA kalpAn tAg+ne/ sa ma pra b+ha dza ya bi dza ya a mA hA sa/ ma hA g+ho ra g+ho ra shwa ra ma hA bI ra bI re shwa ra/ ma hA ru dre raM traM ma le Da ra/ su ma sUr+ya ag+ni lo tsa ne/ A kA sho da ra/ ma hA sA gar
- 257a
klog ge/ han ha na/ da ha daha/ bcab tsa/ ma tha ma tha/ bi d+hi sa ya dzi dz+nyA sa ya/ A kaR+Sha ya A kaR+Sha ya/ b+hany+dza ma b+hany+dza sa/ tsun ya tsUd+ha ya/ ha ha ha ha/ him hA ru d+hi ra/ pA Ni mdzA ya hUM hUM hUM hUM/ phaT phaT+Ta phaT phaT swA hA/ oM ma hA kro d+he shwa rA ya hUM phaT swA hA/ oM ma hA bai be De sA raNA ya hU~M phaT swAhA/ oM ma hA kalpAn+te ag+ne sa ma pra b+hA ya hUM phaT swA hA/ oM dza ya bi dza yAT+TAr+tha hA sA ya hUM phaT swA hA/ oM ma hA g+ho ra g+ho re shwa ra ya hUM phaT swA hA/ oM ma hA bI ra bI re shwa rA ya hUM phaT swA hA/ oM ma hA ru dre rAn+ta mA lA d+ha rA ya hUM phaT swA hA/ oM su ma sUr+ya ag+ne lo tsa nA ya hUM phaT swA hA/ oM A kA she da rA ya hUM phaT swA hA/ oM ma hA su ka ra ko ke ni hUM phaT swA hA/ oM ha na ha na hUM phaT swA hA/ oM da ha da ha hUM phaT swA hA/ oM pa tsa pa tsa hUM phaT swA hA/ oM ma da ma da hUM phaT swA hA/ oM bi d+h+wa~M sa ya bi d+h+waM sa ya hUM phaT swA hA/ oM A kaR+Sha ya A kaR+Sha ya hUM phaT swA hA/ oM b+hAny+dza ya b+hany+dza ya hUM phaT swA hA/ oM tsu rna ya tsur+Na ya hUM phaT swA hA/ oM ha ha hahUM phaT swA hA/ oM tsa hi hi hi hUM phaT swA hA/ oM ma ny+dzu ru d+hi ra pA Ni mdza ya hUM phaT swA hA/ oM hUM hUM hrI hUM hUM phaT swAhA/ oM phaT phaT phaT phaT hUM phaT swA hA/ 'phreng ba'i sngags ni mchog gi lha// las thams cad ni rab grub byed/ / oM ma hA kA ma rU pe 'i yi sa ra sa ra/ baM sar po sa ra/ A gats+tsha A~M gats+tsha/ sarba dz+ra sA d+ha ya sA d+ha ya/ sarba mA ra/ ni ma tha ni mtha/ ma hA bI ra bI ri shwa ra sa p+ta bA/
- 257b
tA la/ bad ra N+De/ sap+ta swA kar/ u Nis d+ha n+tes ts+tshin+te/ dam+ba ne/ g+hAm+b+ha ne/ lo kyaHmaM ka re/ !ha ha tid+han+tu/ ka lai k+She me/ snre le s+ye l+ye/ le d+hi le/ nI m+le N+De le/ ma thAka sem pra bA ma dz+nyA swA pAHswA u0f7f/ 'phreng ba'i sngags ni mchog gi / bcom ldan mo yi bdag gis bstan/ hat+kang+ku/ kyA k+Sha/ mra/ tra~M// / rmAmra/ d+hAdz+dza b+h+rUM th+liM/ rban/ mama~M/ dz+ra/ b+h+rU~M br-i/ kuM kuM/ 'khor lo'i sngags ni sngags chen po// dpa' bo rnams kyi snying po mchog/ a A i I mu A ri rAm lA e e ma ma A a/ dpa bopo'i yan lag ma snying sngags/ / lha yi dbang phyug bdag gis bshad// dang por oM dang mthar hUM phaT// bar du ming ni spel ba'o// gsang ba'i sngags kyi dgod pa ni// mchod pa'i dus su mchod par bya/ / oM na da nirma lA ya hUM hUM phaT/ oM bin+dur tha ga me hUM hUM phaT/ oM ma hA kA lA grA yai hUM hUM phaT/ oM na da ma tra sA rU pA ya hUM hUM phaT/ oM pa ra shu ru pA ya hUM hUM phaT/ oM a par man pu kA ya hUM hUM phaT/ ye shes drug gi mchog sngags dbang // 'khor lo drug pa'i nang na bzhugs// gsang ba'i dkyil 'khor rgyal dbang po// 'di yi sngags kyis mchod par bya// a ka tsaT ta pa ya sha sma ni grags// sde tshan brgyad kyi gtso bo yin// rtsa ba'i sde tshan gtor ma btang // brtag pa gnyis kyi ji bzhin no// rdo rje'i phyag rgya'am snying po yis// mig mi 'dzum
- 258a
pa'i lta bas sbyin/ / srung 'khor yod pa'i khro bo yi// de yi sngags ni bdag gis bshad// dzem+b+ha dzem+b+ha/ g+hu g+hu ro g+hu g+hu ro/ d+ha ra d+ha ra/ bi d+ha ra bi d+ha ra/ Ta g+he ta Ta g+he tA/ migs lag/ a ta a ta ha sau/ aT+Ta an+t+ra hA sa/ hU lu s+thu lu/ bikrA ma bi kra ma/ d+huT kyis ni mthar mar ldan// bar du mdzini sbal ba'o// rdo rje gsum pa ye shes rgyal// h UM ni sngags kyi mchog/ dpal ye shes thig le las sngags btu ba zhes bya ba'i le'u ste lnga pa'o// / de nas mchod sbyin rab bdag bshad// gnas la sogs pa'i rim pas sbyor/ / bskyed pa'i bye brag thigs pa gsum// rdzogs pa'i rim gsum de ltar ro// rnam shes la sogs bye brag tu// mchod sbyin tshangs pa'i g.yul sa che// rnam par shes pa longs spyod dang / / snang dang nam mkha' ye shes bzhin// sku brgyad kyi ni bye brag tu// dngos po rten dang rnam par 'byed// ji bzhin 'dod pa sdug pa ni// mchod sbyin rnal 'byor ma dkyil 'khor// u D+yan la sogs gnas su ni// legs dgyes ma sogs lha mo kun// ka li ye shes yig mchog sbyin// phyi dang nang du bya ba'o// mchod sbyin byas na sbyin pa che// 'bras bu bkra shis ldan bskye/ / sems can rnams kyi bye brag tu// sna tshogs thabs ni rab tu bshad// kha cig rnams la 'dul ba'i thabs// kha cig rnams la mdo sde'o// la la pha rol phyin pa'i lam// 2
- 258b
cig la ni sngags kyi mchog/ rab 'bring tha ma'i bye brag tu// thar par 'gro ba'i thabs yin no// blo gros che yang theg gzhan gyis// grangs med gsum gyis sangs rgyas yin// sngags kyi theg/ pa la mos na// tshe 'di la ni sangs rgyas so// yang ni rdo rje 'dzin pa nyid// rnal 'byor ma khyod smos ci dgos// yang na lus ni spangs ma thag/ bla na med pa'i ye shes dag/ brtson par mi ldan pas kyang rnyed/ / brtson 'grus ldan pas smos ci dgos// brtan pa'i brtson pas don thams cad// 'bad pa med kyang 'grub pa yin// don kun grub pa'i bsod nams can// rtog med nyon mongs med pa'o/ / gang zhig las ni ci byed pa// de ni bsod nams 'phel ba yin// 'dod pa'i longs spyod gang gang spyod// de kun mchod pa la sogs yin// de ni mchod sbyin 'phel ba yin// mchod las ye shes 'bras bu rnyed/ / de ni mchod sbyin yang dag pa// rgyud kun tu ni rnyed dka' ba// 'bras bu chen po thams cad sbyin// rnal 'byor ma yi gzhi yi mchog/ dpal ye shes thig le las mchod sbyin gyi cho ga zhes bya ba'i le'u sti drug pa'o/ / / de nas mchod pa'i cho ga ni// sdig pa thams cad 'jig byed pa// yid 'phrog lha yi me tog gis// zla ba'i ma'i 'od dang ldan/ / me dang sgron ma rmad du byung // mchod sbyin dkyil 'khor la mchod bya// dbang ni mar ngo'i dang po yi// bcu drug pa yi dang po yis// gnyis pa yi ni rab thim gsum/
- 259a
bcu drug dang po'i 'og ma yis// gsum pa yi ni longs spyod yin// bcu drug pa yi gsum pas so// bzhi pa yi ni thim pa 'byung // gsum pa yi ni 'og mas so// lnga/ pa yi ni longs spyod yin// bcu drug pa yi lnga pas so// drug pa yi ni thim pa 'byung // bcu drug pa yi drug pas so// bdun pa yi ni rab mchod dbang // mar ngo yi ni brgyad pa dang // dbyangs yig brgyad pos mchod par bya/ / dgu pa yi ni longs spyod 'byung // bcu drug pa yi dgu pas so// bcu pa yi ni thim pa 'byung // dbyangs yig gi ni bcu pas so// bcu gcig pa yi dbang yin te/ bcu gcig pa yis mchod par bya// bcu gnyis kyi ni thim pa 'byung // dbyangs yig bcu gnyis po yis so// bcu gsum pa yi longs spyod ni// de gnyis kyis ni mchod par bya// bcu bzhi yis ni thim par 'gyur// dbyangs yig bdun pa gnyis kyis mchod// nya gang ba la dbang yin te// dbyangs yig bco lnga pa yis so// byang chub sems 'byung mchod pa yin// yang ro mar ngo bye brag tu/ / shes rab thabs ni rab tu sbyor// sku gsum ye shes dkyil 'khor ni// tshes dang yi ge sngags kyis su// ri bong can ni 'phel bar 'gyur// thig le nam mkha' 'gog pa yis/ rang bzhin de ni 'byung bar 'gyur// thig lo'i rang bzhin ye shes ni// sangs rgyas kun gyis kyang rnyeng dka'// bdag gi bka' drin rang bzhin myur// the tsom med par rnyed pa yin//
- 259b
blun po gang gis bdag mi shes// bsam gtan rags la rtag mos pa// de rnams kun ni grub pa med// lha yi dbang phyug bden pa'o// sa kun dbang phyug gi bdag po// sa kun dbang phyug mnga' bdag po/ / sa kun dbang phyug gi rgyal po// thams cad bdag nyid kun nang bdag/ thams cad khyab pa rtag tu stong // sangs rgyas kun gyis phyag mdzad pa// shes rab thabs kyis rang bzhin grags/ / 'gro med 'gro la bdag nyid rol// mchog gi nam mkha' mtha' med pa// mtshan nyid dang bral gzhi dang bral// lha yi dbang rnams thub dbang rnams// rdo rje can yang rnyed dka' ba/ chos dang longs spyod bdag gi mtha'// ye shes rnam shes ngo bo dag/ rdo rje can dang sangs rgyas kun// lha yi dbang phyug rnyed par sla// rnam pa mchog gi ye shes sku// sus kyang sla ba ma yin no// dpal ye shes thig le las mchod pa'i cho ga zhes bya ba'i le'u ste bdun pa'o// // de nas yang ni bshad bya ba// sbyin sreg sdig pa 'jig byed pa// zhi ba dang ni rgyas pa dang // de bzhin dbang dang drag po'o// zhi ba'i hom lung zlum po ste// rgyas pa yi ni gru bzhi'o// dbang ni gzhu yi rnam pa bzhin// drag po yi ni gru gsum mo// dkar po sar dang de bzhin dmar// nag po 'di ni rim pas so/ / rgya mtsho ma dang mig zla ba// lha yi dbang phyug tshad yin no// gzhan kun gyi ni rim pas gcig/ sngar grub kyis ni gzhan ma grub// hom khung re rer snying khar pad// rigs
- 260a
kyai las kyi go rims so/ / de steng sna tshogs rdo rje ste// 'ong zer lnga dang ldan pa'o// lte ba'i nang dum lhan// zhal gsum pa dang phyag bzhi pa// sku mdog ser po spyan zlum pa/ / ral pa'i cod pan gyis ni brgyan// 'bar ba'i mche ba 'jigs pa che// rdo rje skyil krung du ni bzhugs// ba dan gsum dang bgrang 'phreng g.yas// g.yon na dbyig ku spyi blugs so// snying kha ru ni maM yi lha// lce 'byung 'od ldan gsal bar 'byung // cod pan rir chen 'byung ldan mgon// thig le'i dbus su me yin no// tshur gshegs 'od zer cher ldan pa// 'dod pa'i don / kun grub dbang po// oM b+hur+b+hu ba swA hA/ rang byung chen po bcom ldan 'das// 'dod pa'i dbang phyug 'dod pa ster// me lha las kun sgrub byed pa// 'dir ni bdag la nye bar bzhugs// me lha spyan drang ba'i sngags so// de ras mchod yon dang / nye reg dang / 'thor 'thung ngo // oM hriM hriM/ mchod yon gyi sngags so// oM b+h+r-i d+d+hi/ nye reg gi sngags so// a b+ho k+Sha a b+hok+Sha/ 'thor 'thung gi sngags so// de nas gdan dbul ba ni/ mdzub mo lu gu rgyud byas nas// bar ma sbyar byad kyi ni gzugs// srin lag mig go bye brag tu// mthe'u chung mthe bong zlum po ste/ gdar dbul ba yi phyag rgya'o// mkhas pa yis ni yo byad kun// dang po nye ba nyid du bya// dka' ba med par ji ltar rnyed// de ni de nyid rab grub bya// sgrub pa'i dbang po yon tan ldan// sngag
- 260b
/ nga rgyud kyi thos pa che// sngags kyi bzlas la gcig tu mos// yid mi 'phrogs shing gsal ba'o// thig le tshul ni ye shes che// bye brag shes pa rin chen rigs// rigs lnga'i gzhon nu/ ma yi lnga// yid dga'i khu ba yis ni tshom// spyan rings ma dang ngag pa ma// 'o 'dzin sra zhing 'jam la mtho// sbyin sreg gnas su gar dang ldan// gcer bu dang ni skra grol ba// sbyin sreg las su don sgrub phyir/ / rigs lnga'i bu mo gzhug par bya// shes rab thabs kyi cho ga yis// bla ma nyid kyis dang por mchod// brtags pa dang ni ma brtags pa'i// 'dzin pa 'dir ni mi bya'o/ / rtog pa'i 'byung pos zin pa la// sna tshogs thabs ni bdag gis bstan// don dam du ni phyi don med// nang gi ma yin par ma yin// rdul med rnam par rdul med dag/ stong pa dang ni stong min bral/ / rang rig ngo bo rang rig bral// ngag gi lam gyis mi rnyed do// phung po khams ni rnam par rtog/ lha yi dbang phyug gang zhig sreg/ de ni me yi don dam par// lus gnas lus las ma skyes pa'o/ / thams cad rnam pa mchog gis rdzogs// chos kun gyi ni nang na bzhugs// kun rdzob rnam pas gzugs su ni// lha yi dbang phyug kun brtags yin// kun brtags ye shes sbyor ba yis/ / rim pas gnas ni rnyed par 'gyur// de bas kun nas 'bad pa yis// rnam pa thams cad mchog gi rgyur// rang dang gzhan gyi 'grub don du// mchod
- 261a
sbyin sbyin sreg gtor ma bya/ / bsod nams tshogs ni 'phel phyir dang // sems can phan don de dag bya// nas dang / til dang / 'bras so ba dang / gro dang / 'bras dang / bo ga l-i ga dang / yungs kar dang / sman thams cad dang / dzA ti pha la dang / go yu'i 'bras bu dang / dpal 'bras dang / na ga ge sar dang / gur kum dang / tsan dan dang / ga pur dang / 'o ma dang / zho dang / thug pa dang / ska ba dang / la du dang / 'khur ba la sogs pa dang / gu gul dang / sih+la dang / gu gul dkar po dang / yan lag bcu pa la sogs pa dang / me tog dang / spos dang / mar me dang / dri dang / lha bshos dang / mnga' dang / ngar la sogs pa dang ldan pa dang / me thab kyi dkyil 'khor gyi phyogs mtshams kyi bye brag tu bum pa kun la spun sna tshogs dang / kha rgyan gyis brgyan cing dri zhim pa'i chus lto ba bkang la/ dar sna tshogs kyis mgrin pa brgyan pa'o// zhi ba la sogs pa'i las thams cad la bya'o// rgyas pa la ni gser gyi 'od/ / thams cad kun gyis rab tu brtag/ dbang la thams cad 'od dmar po// zho dang 'o ma gnyis spangs pa// yungs nag dang ni sbrul nag po'i// pags pa bya rog gi ni mchu// bya rog nag po yi ni snying / / klad pa rgyu ma rkang mar mgo/ thams cad nag po yi ni mdog/ khyi dag gi ni mjug ma'o// yungs nag mar khu mar khu che// yi dgas gni dang mar khu dang // khyed tshig
- 261b
yi dgas kyi ni ras/ / rus tshig bud shing tshig pa dang // tsher ma rdol bzang ba dang // tsher ma'i me tog ba ru ra// thug pa nag po ma bsres pa// drag po la ni rab tu brtag/ gzhan min dpa' che dbang phyug bsam/ / drag po la sogs su ni bya// rang gi de nyid zhi la sogs// phyag rgya la sogs rgyan dang ldan// mar gsar dri ma med pa dang // skyon dang bral ba'i me tog shing // gsar pa skam zhing dri zhim pa/ / du ba med cing skyon dang bral// thams cad la ni khru re'i tshad// las la mkhas pas de ltar bya// yang ni yam shing rab tu bstan// ji ltar rnyed pa 'bad pas so// sha mi sha dang / sha mo ka dang / sha ma ba sha ka dang / a shwad tha dang / pa la sha dang / n+ya gro d+ha dang / dur ba dang / a ba mar ga dang / pi sa la dang / kha dir dang / tsam pa ka dang / a sho ka de rnams sor brgyad pa'i tshad ngo / / dgang gzar blugs gzar mar gyi snod// rin po che ru ji ltar bstan// lag pa yi ni dbyug pa tshad// 'bad pa yis ni dgang gzar bya// dgang gzar ji bzhin blugs gzar te/ / mar khu'i snod ni de dang mnyam// gru gsum zlum po'i rnam pa dang // rdo rje yis ni rnam par brgyan// dgang gzar gyi ni kha zhes bya// sor drug pa yi chang du ni// mgo bo yang ni de bzhin bya thams cad kun tu gru ba'i bya/ / sna tshogs rdo rje sring la ru// lte ba pad+ma yis ni brgyan// chu sbom pa nas byung ba yi// rtse dgu pa li rdo rnga yis// dgang gzar gyi ni mtha' ru ldam/ thug
- 262a
gzar ba yi mig dang 'dra/ / yang na de ni pad+mas so// nang gi gting ring gsal ba dang // ha cang ring dang thung ma yin// rdo rje phra mos nang du brgyan// mar zhu'i snod ni zlum por grags/ / lte ba ring zhing dri ma med// rdo rje la sogs rgyan dang ldan// lci ba dang ni yang ba spangs// zhi ba la sogs bye brag tu// bzhi ru dbye la bdag gis bstan// drag po de ni dur khrod du// dbang ni chu yi ngogs su bya// rgyas pa zhing gi dbus su ste// yang na dgon pa chen po ru// zhi ba de ni grong khyer du// yang na rgyal po yi ni khab// rta dang glang po chen po dang // gzhon nu ma dang ba la sogs// sbyin sreg dus su 'bad pa yis// sngags pas slob dpon la dbul bya// zha bo 'on pa dman pa la'ang // ci nus kyis ni sbyin par bya// dpal ye shes thig le las sbyin sreg gi cho ga zhes bya ba'i lo'u ste brgyad pa'o/ / // de nas yang ni bshad bya ba// tshogs kyi 'khor lo'i gtor ma che// khyim ni sum thog gi ni gnas// chom rkun kun dang bral ba yi// phyi rol yul min nang gi min/ / slob dpon 'dus las brgyan pa dang // rdo rje mda' ni rnam par gzugs// rdo rje skung la sogs pas bskor// de lta bu yi khang mchog ni// sna tshogs me tog la sogs kyis// dkyil 'khor thams cad rdzogs par bya/ / si h+la ga pur gyis ni mdzes// de ru mchod sbyin dor du ri// byol song gzugs ni rab tu blang // skye ba gcig gam gnyis pa 'am// yang ra gsum pa lang tsho gsar//
- 262b
nang kun med pa bde grub pa// dri zhim rdul ni 'byung ba can// gang zhig mig ni yun ris 'dzum// mkhas pas 'bad de blang bar bya// sna tshogs pa yi mchod sbyin gyis// gri gug rung bas brtag par bya/ yan lag rab kyis pad+ma'i snod// btung ba'i don du bla ma'i mdun// phyed ni 'khor lo la brim ste// phyed ni gtor mar gtang bar bya// khrag chen dang ni sha chen po// tsa rnyed pa ni brtag pa yin// gzhan ni sna tshogs mchog bye brag/ la dang sha la sogs par ldan// mi 'tshe ba dang skyon kun bral// sdig pa med dang ma bslangs pa'o// chang ni chen po dang ldan pa// glu dang rol mos rab tu mdzes sgrosgon ma lnga dang bsres pas ni/ / de bzhin gshegs pa lnga dang ldan// sna tshogs dbus su yan lag mchog/ gang bas dkyil 'khor mdun du gzhag/ ji ltar bla ma mtshad dus su// ji bzhin pa phyag rgya bcing / / de bzhin du ni tshogs kyis kyang // rtse gcig gis ni bcing bar bya// ldang ba 'am ni 'dug pa'i tshe// tshogs kyi gcol phyag 'tshal lo// shin tu dbyangs ni snyan pa yis// ming 'phrog pa yi glu blang bya/ / the tsom dang ni tshigs bcad min// ma gnang rdo rje gar mi bya// rkang pa rkyong dang gnyid log pa// tshogs kyi 'khor lor mi bya'o// dpal ldan rdo rje sems ji bzhin// dpal ldan las kyi rdo rje'o/ / tso mdzad pa dang ci gsung ba// de ni mkhas pas 'bad de bsgrub// de ltar min na chad pa 'bab// ji tsam nus pa yod pa yis// de rung ma tshig dag pa ni// rtag tu bdag nyid bzhin bsrung
- 263a
bya/ dam tshig bsrungs na 'grub pa ni// lha yi dbang phyug rnyed pa'o// dam tshig mchog gi ye shes te// dad pa yis na rtag tu bza'// dgyes pa'i dam tshig zin nas su// 'khor lo dang bcas ri ra ba tshim// rab tshim byas nas gtor ma dbul// nam phyed lam gyi bzhi mdor ro// yang na sum mdo gyes pa ru// dur khrod dam ni chu'i ngogs su// lhag ma 'am ni yang na phud// de kun bsres te chu yis sbyang // gzhan rnams kun ni so sor gzhag/ rtsa ba ji bzhin rim pas gzhag/ rang gnas phyin pa tsam gyis ni// 'khor lo la ni snod gcig brtag/ slob dpon la ni dum bu gcig/ 'bad pa yis ni bsrung bar bya// rang gi tshogs la'ang sbyin mi bya// rang dbang bskur ba'ang de bzhin no// g.yon gyi yan lag phyag rgya'i gar// g.yon gyi lag pas mchod pa'o// g.yon gyi rkang pas sngun byas nas// g.yon mig gis ni blta bya'o// gal te re zhig de'i dus su rnal 'byor mas brtag pa'i don gyi phyir 'ong na 'jigs pa mi bya ste/ seng ge lta bu'i tshul gyis yongs su brtag go/ / de ltar yang rnal 'byor ma kun gzugs sna tshogs pa dang / phyag rgya sna tshogs pa dang / skad sna tshogs pa rab tu byed do// gang gi che dang por rgyang ring po nas ha ha ra rgod pa de'i tshe khams gsum rnam par rgyal ba'i phyag rgya sbyin no/ / de'i dus su ha'i yig 'bru lnga sgra chen pos brjod par bya'o// cung zad nye bar 'ongs na a la la zhes smra bar bya'o// gang gi tshe phrad tsam na lag pa bskor
- 263b
na de'i tshe gyen du lag pa'i dbyug pa bsgreng ba'i mdzub mo sbyin no/ / gang gi tshe smin ma 'byed par byed na de'i tshe 'jigs par lce ba sgril bar bya'o// gang gi tshe steng du lta ba de'i tshe g.yon brkyang bas sa mnan par bya'o/ / gang gi tshe rgyab nas lta ba de'i tshe g.yas brkyang bas mnan par bya'o// gang gi tshe rnam par dgod pa de'i tshe phed ka ra zhes brjod par bya'o// gang gi tshe ngu ba de'i tshe bgad par bya'o/ / gang gi tshe gar byed pa de'i tshe stong khengs bya'o// gang gi tshe skra bkrol ba de'i tshe gtsug phud dgrol lo// gang gi tshe gos bor bar byed pa de'i tshe langs te gci ba gtang bar bya'o// gang gi tshechogaci ba 'thung ba de'i tshe rkang pa g.yon pa'i mthe bong gis rtswa btog par bya'o/ / gang gi tshe gtam 'dri ba de'i tshe smra bar mi bya'o// gang gi tshe 'phrug pa de'i tshe ral pa mdud par bya'o// gang gi tshe dpral bar reg pa de'i tshe steng gi mtshams kyi mthar reg go/ / gang gi tshe rna bar reg pa de'i tshe mgrin pa la reg par bya'o// gang gi tshe sna la reg pa de'i tshe lce phyir dbyung ngo // gang gi tshe mgrin pa ston pa de'i tshe lag pa brkyang bar bya'o/ / gang gi tshe nu ma ston pa de'i tshe mig bsrubs bskyod par bya'o// gang gi tshe lte ba ston pa de'i tshe se gol sbyin par bya'o// gang gi tshe rked pa sprul pa de'i tshe mtshan bsdur par bya'o/ / gang gi tshe rkang pa rkyong ba de'i tshe mthe'u chung gnyis kha gdang bar bya ba dang / mdzub mos mig kyang de bzhin no// sna'i phur ma bar ma'i lce phyir dbyung bar bya zhing g.yas brkyang dang g.yon
- 264a
brkyang sbyin no/ / gang gi tshe sna tshogs pa'i gzugs bstan pa de'i tshe 'khor lo bcu'i sngags brjod par bya'o// gang gi tshe yi ge'i don brjod pa de'i tshe yi ges lan brjod par bya'o/ / gang gi tshe phyir brjod pa de'i tshe sha'i lan smra bar bya'o// gang gi tshe rgyal mtshan zhes smra ba de'i tshe mtshan zhes slar brjod par bya'o// gang gi tshe pad+ma brjod pa de'i tshe mngal zhes brjod par bya'o// gang gi tshe gshol zhes smra ba de'i tshe lag pa zhes brjod par bya'o// gang gi tshe 'dod pa'i len pa de'i tshe sha li zhes smra bar bya'o// gang gi tshe tshon rtsi brjod pa de'i tshe zan zhes brjod par bya'o// gang gi tshe srog ces brjod pa de'i tshe chu zla zhes smra bar bya'o// gang gi tshe rnyed pa zhes brjod pa de'i tshe yid ces bstan to// gang gi tshe mi dga' ba brjod pa de'i tshe lam bstan to// gang gi tshe khro ba zhes brjod pa de'i tshe chang btung zhing slar brjod do/ / gang gi tshe mod pa zhes brjod pa de'i tshe ngal so zhes smra'o// gang gi tshe bstan pa zhes brjod pa de'i tshe gnyid ces smra'o// gang gi tshe dus brjod pa de'i tshe dga' ba zhes smra'o/ / gang gi tshe zla ba zhes brjod pa de'i tshe gos zhes smra'o// gang gi tshe nyi ma dran no zhes brjod pa de'i tshe skom zhes smra'o// gang gi tshe ma zhes brjod pa de'i tshe grib ma zhes smra'o/ / gang gi tshe wa zhes brjod pa de'i tshe 'ong zhes smra'o// gang gi tshe glu'i sgra brjod pa de'i tshe gser zhes smra'o// gang gi tshe sa le sbram zhes smra ba de'i tshe khyer ces smra'o// gang gi tshe ro zhes
- 264b
brjod pa de'i tshe sa zhes smra'o/ / gang gi tshe nga rgyal ces brjod pa de'i tshe rlung zhes smra'o// gang gi tshe mtsho zhes smra ba de'i tshe legs zhes brjod do// gang gi tshe mda' zhes brjed pa de'i tshe khrims 'chal zhes smra'o/ / gang gi tshe chags pa'i sgra byed pa de'i tshe 'ong zhes smra'o// gang gi tshe 'o ma sa zhes brjod pa de'i tshe song zhes smra'o// gang gi tshe ser sna zhes brjod pa de'i tshe grub ces smra'o// gang gi tshe nyal zhes brjod pa de'i tshe med ces brjod do/ / gang gi tshe 'bru zhes brjod pa de'i tshe yang dag ces smra'o// gang gi tshe rgyas pa zhes brjod pa de'i tshe dri chu zhes brjod do// gang gi tshe ri bong zhes brjod pa de'i tshe dri chen zhes brjod do/ / gang gi tshe bshol zhes brjod pa de'i tshe khrag ces smra'o// gang gi tshe grangs zhes smra ba de'i tshe khu ba zhes brjod do// gang gi tshe zla ba zhes brjod pa de'i tshe dga' ba phrad ces smra'o// gang gi tshe ba la sha zhes brjod pa de'i tshe dal zhes smra'o/ / gang gi tshe sin d+hu zhes brjod pa de'i tshe mi khom zhes smra'o// gzhan ni rang gi yi ge'i rtsa ba'i don shes par bya'o// bud med gang zhig rkang lag chen po de ni g.yon dugatang ngo / / bud med gang zhig mi gser zhing sna nyams pa de dag g.yas kyi char gtang / bud med gang zhig sna ring la lag pa dang sor mo ring ba/ spu mang ba de dag gi mdun du se gol gsum sbyin par bya'o/ / bud med gang zhig kha dog gnag cing gsus khyim smad du 'phyang la nu ma 'jol zhing so che ba de dag gi mdun du gci ba gtang ngo // bud med gang zhig skra ser zhing mig zlum la/ sen mo ring ba
- 265a
mgrin pa ring ba de dag gi mdun du gang rgyangs chen po bya'o/ / bud med gang zhig tsam pa'i me tog ltar dkar zhing skad 'jam la mig ring ba so ri lta bu dri zhim po la dga' zhing bzhin cung zad 'dzum pa/ zur mig lta ba mnyam par ma bzhag par de lta bu byed pa de'i mdun du cang mi smra bar sa la lta zhing myur ba myur bar g.yon ngos su 'gro bar bya'o// de lta bu'i dus su snying po'i sngags zlos shing 'phreng ba bgrang bar bya'o/ / bud med gang zhig sor mo gcig ni mdzub mo brkyang ste/ gzugs sngon po dga' bar lta ba/ gos dpung pa'i ngos su 'phyang ba/ smin ma'i dbus na dngos su phyag rgya pad+ma'i dbyibs sam/ 'khri shing ngam/ yang na a sho ka'i gnyen po'i rtse mo dang 'dra ba mjug ma de dang lhan cig 'bad pas 'dus pa bya'o// de ni thams cad 'grub par byed pa dang / 'bras bu thams cad byed pa dga' ba chen po skyed par byed pas/ de dang lhan cig gtor ma chen po sems can thams cad la phan pa'i don du rgya chen po'i sems kyis rtog pa med par sbyin par bya'o/ / shin tu rgya che'i snod dag tu// cho ga yis ni dgod par bya// dbus su dpal ldan 'jigs pa'i gzugs// sna tshogs rus pa'i rgyan dang bcas// khrag chen pos ni yang dag bkang / / ka pA la ni phyag g.yas su'o// lha chen sna tshogs gzugs dang ldan// langs pa phyag ni g.yon pas so// nag po me yi drag po shar// nag po chen po lho phyogs su// nub kyi phyogs su
- 265b
'jigs byed dang / / drag po chen po byang gi phyogs// me yi mtshams drag ral pa can// chu bdag mtshams su dbyug nag po// rlung gi mtshams su ro langs drag/ dbang ldan he ru ka ni gnas/ pabags mgo ma dang / sgra ma dang / drag ma dang / thod pa ma dang / nag mo dang / sha li dang / gtum mo dang / rigs ma dang / skom ma dang / phag mo dang / sha ba ri dang / bram ze mo dang / ral pa gsum ma dang / ral drag ma dang / drag mig ma dang / sdug ma dang / g.yas bskor g.yon bskor sdud pa yis snod rlon par rim pas gzhag go/ de'i phyi rol tu 'jig rten skyong babargyad tshogs mang po dang bcas pas bskor ba'o/ / klu chen po brgyad/ pho nya dang / pho nya mo dang / tse ta dang / tsi ti 'khor dang bcas pa'o// mkha' 'gro dang / mkha' 'gro ma dum dang / ma mo mang po dang / 'byung po dang / yi dgas dang / sha za dang / ud man dang / brjed byed dang / gtum ngan can grangs med pa dzaHhUM baM hoH/ gsol cig gsol cig dngam tshig bskyang bar mdzod cig/ 'thung zhig/ bdag gi las thams cad grub par mdzod cig/ dam tshig zung zhig/ hUM hUM phaT phaT swA hA/ dpal ye shes thig le las tshogs kyi 'khor lo'i cho ga dang / gtor ma chen po dang / rnal 'byor ma'i mtshan nyid dang / gsang ba'i tshig dang / phyag rgya'i badz+ra zhes bya ba'i le'u ste dgu pa'o// / de nas
- 266a
byang chub sems dpa' sems dpa' chen po lha'i dbang phyug stan las langs nas/ bla gos phrag pa gcig tu gzar te/ bcom ldan 'das la bskor ba lan gsum byas nas zhabs la mgo bos gtugs te phyag 'tshal nas 'di skad ces gsol to/ / bcom ldan ye shes rgyal dbang po// dkyil 'khor mdor ni bstan pa gsungs// 'di ru nges bstan ji ltar lags/ / mnga' bdag chen po nyid bka' stsol// bcom ldan 'das kyis bka' stsal pa// dkyil 'khor gyi ni nges bstan pa// ji bzhin de nyid dpa' bo nyon// sngar gsungs pa yi rgyud don las/ / A li kA li bde ba che// mAM hUM ginyis las thig le'i tshul// de gnyis las ni gri gug par// ye shes me 'od las ye shes// snying po'i bdag nyid zhus las byung // char sprin dang ni mnyam pa'i mdog/ phyag ni brgyad gnyis pa yis brgyan// bcu drug phyed zhal 'jigs byed pa// zhabs bzhi yis ni rab tu mdzes// nyi shu rtsa bzhi spyan gyis phyug/ gti mug gsum gyi mun nag 'joms/ / dkar po ser po dmar po'i zhal// steng zhal bung ba'i byad gzugs can// g.yon brkyang g.yas brkyang zhabs kyis ni// 'jigs byed zla nyi shin tu mnan/ / 'jigs byed ma ldan ka pA la// khrag gis bkang ba phyag na bsnams// zhi ba'i pags pa na bza' mchog/ phyag gnyis kyis ni gyen du brgyangs// tshangs pa'i pags
- 266b
pas sham thabs byas/ / phyag rgya drug gis sku la bcings// phyag rgya che dang gnyis med sbyor// gar dang ldan pa'i tshangs spyod gzugs// tshangs pa'i g.yul sa bye ba gsol// tshangs pa'i g.yul sa'i zhal gyis brgyan/ / phyag rgya chen po nam mkha' sngo// phyag gnyis pa ni na bza' grol// gri gug snod bsnams zhi bo'i zhal// spyan gsum pa dang sgra bkrol ba// mgrin par 'khyung pa gsang ba mchog/ dpa' bo la ni rang bzhin bzhugs// dpa' bo mchog gi rnam pa dgyes// sna tshogs rdo rje'i ral pas brgyan// mgon po sna tshogs zla cod pan// sna tshogs tshangs ba'i chang dang ldan/ / sna tshogs pad+ma'i gdan la bzhugs// sna tshogs bdag nyid sna tshogs 'byung // sna tshogs rus pa'i rgyan dang ldan// sna tshogs mgo bo'i 'phreng bas mdzes// sna tshogs gar gyi ro dang ldan/ / sna tshogs gti mug gcod par mdzad// sna tshogs sgyu 'phrul bdag nyid mgon// sna tshogs sgyu 'phrul 'joms par mdzad// dur khrod brgyad kyi dbus su ni// dpa' bo rnal 'byor ma yis bskor// 'jig rten skyong ba brgyad dang ldan// shing gi rgyal po brgyad kyis bskor// dkyil 'khor dgyes pa 'phar ma gnyis// lha yi dbang phyug 'dir bdag rol/ / dpa' bo rnal 'byor ma dkyil 'khor// ji ltar bdag gis rol pa 'dir// de ru re zhig tshim par dgyes// rtse gcig sems kyis khyod nyon cig/ dang por re zhig 'phar ma gcig
- 267a
sgo la sogs pa ka bas brgyan/ / gnas dang nye ba'i gnas kyi rim// lha yi dbang phyug bdag gis bshad// sna tshogs pad+ma'i 'dab ma'i shar gyi sargyan gyi mnam su mamamatha dri med dang zla ba kha dog nag po'o/ / byang du dza lan d+ha rar shin tu stobs chen dang g.yon pa ma dkar po'o// nub tu pu lI rar lha'i dbang phyug dang nyi mnyam ma sku mdog dmar mo'o// lhor kA ma ru par gsang ba'i bdag po dang rlung za ma ut+pal sngon po'i mdog go/ me mtshams su mA la wa ra nye ba'i gnas su 'ong drag dang gsol sbyin ma ljang ku'o// gnod sbyin gyi mtshams su sin d+hu'i yul du nyi gra dang snying po'i 'dab ma sku mdog pad+ma sngon po dang 'dra ba'o/ / rlung gi mtshams su na ga rar mchog dga' dang bag yod thor cog ma zla ba ltar dkar mo'o// dbang ldan gyi mtshams su thams cad kyi byed pa po dang nyi 'dul ma nyi ma'i 'od lta bu'o/ / shar sgor mu mu nir zhing du ut+pa la'i snying po dang zhi ba 'chi ba'i pho nya mo sngon mo chen mo'o// byang sgor de wi ko Ta ra zhi ba chen po'i bdag po dang ldang brtson ma gur kum gyi mdog go/ / nub skor nye zhing ku lu tAr nag po 'dul ma dang 'od bdun ma dud pa nag po'i mdog go/ lce sgor ar bu dar rmad du byung ba dpa' mo dang tshangs pa'i ma du ba'i mdog go/ / shar lho'i mtshams su tshan do ha ha ri ki la bar drag chen dang khyab 'jug ma sprin gyi mdog go/ byang mtshams su ku ta bar dregs 'joms dang kha ma
- 267b
/ gser gyi mdog go/ nub mtshams su nye ba'i tshan do ha ra lAM pa kar ri rab brtan ma dang thams cad skyed byed ma dmar nag go// lho mtshams su kany+tsi kar nam mkha'i zhal dang dpa' bo'i yum gser gyi mdog go/ thabs dang shes rab gnyis su med pa'i sbyor ba'i 'khyud pa dang / sku mdog dang / bzhugs thabs 'dra ba'o// dpa' bo rnams ni zhal bzhi dang / phyag bzhin kha T+wAM ga dang / ka pA la dang / dril bu dang / rde'u chung bsnams pa'o// sna tshogs rdo rje'i gdan pad+ma'i steng du 'jigs byed kyi gdan la rgyal po'i bzhugs thabs kyis zla ba dang nyi ma zhabs kyis mnan pa/ me'i dkyil 'khor gyi nang na nyi ma bye ba'i 'od pas gsal ba snang bar spro ba'o// 'phar ma gnyis par sna tshogs pad+ma 'dab ma brgyad pa dang / sgo dang rta babs la sogs pa dang / dur khrod brgyad dang ldan pa'o/ / de'i shar gyi 'dab mar 'dus pa'i gnas las kyi yul du skam pa ma sprin mdog go// byang du gser gyi gling du 'jigs ma kha dog dmar mo chen mo'o// nub tu nye ba'i 'dus pa ku lu tar 'od ma dmar mo'o/ / lhor bin dur mchu 'phyangs ma pa la sha'i mdog go// me'i mtshams su dur khrod du yi dgas 'dus par ri rab som zla ba'i mdog go/ gnod sbyin gyi mtshams chu ngogs su dus kyi bde ba mar me'i 'od kyi mdog go/ rlung mtshams nye ba'i dur khrod du tsa ri trar nyi mig ma gser mdog go// dbang ldan gyi mtshams gzhon nu'i grong khyer du me'i zhal
- 268a
@ma gser btso ma'i mdog go/ shar sgor bi la ba ka me rar 'dod pa'i me ser mo'o// byang sgor ke ra tar lce rings ma dkar mo'o// nub sgor nye ba'i pi la ne pa ler chos dkar ma zla ba ltar dkar mo'o/ / lho sgor ka nu 'dzar bden mdog ma ma ra ka da'i mdog go/ shar mtshams lam gnas shar gyi lus 'phags su mig stong pa rdo rje sa la'i mdog go/ byang mtshams su byang gi sgra mi snyan du stag mo bai DUR+Ya'i mdog go// nub mtshams ba lang spyod du gtum mo mu sa ra ba'i mdog go/ lho mtshams su nye ba'i lam 'dzam bu'i gling du 'dod pa'i gzugs ma sna tshogs mdog go/ rnal 'byor ma thams cad zhal bzhi ma/ spyan gsum gsum/ phyag bzhi ma/ skra dang na bza' grol ba/ ral gri dang / ka pA la dang / kha T+wAM ga dang / rde'u chung bsnams pa'o// ro'i steng du g.yon brkyang bas bzhugs pa'o// yang na rgyal po'i bzhugs thabs su rang 'od kyi thabs la 'khyud pa/ rus pa'i rgyan gyis brgyan pa bsgom par bya'o// de lha'i dkyil 'khor rgyal dbang po// rgyud kun tu ni rnyed par dka'// lus dang b+ha ga byang chub sems// dkyil 'khor gsum ni rab mchog go/ yang na snying po dkyil 'khor bstan// ma yi yig 'bru 'dab mar brjod/ / Na yi yog 'bru lte bar dran// Da yi yig 'bru ge sar dag/ la yi yig 'bru de bde 'dra// ma yi yig 'bru rin chen grags// Na yi yig 'bru mdung par brjod//
- 268b
Da yi yig 'bru ring po'i dngos// la yi yig 'bru khar brjod do// ma yi yig 'bru shu bkra'i gzugs// Na yi yig 'bru zhu ba'i dngos// Da yi yig 'bru 'od dang ldan// la yi yig 'bru bde/ ba'i gzugs// ma ni snang ba'i 'du shes grags// Na ni yig 'bru snang ba mched// Da ni snang ba snang ba thob// la ni yang dag dri med mchog/ ma yi yig 'bru dga' bar grags// Na yi yig 'bru mchog tu dran/ / Da yi yig 'bru dga' bral dga'// la ni lhan cig skyes par dran// ma ni yig 'bru sa zhes bya// Na ni yig 'bru chu ru bstan// Da yi yig 'bru de ni me// la yi yig 'bru rlung gi gzugs/ / g.yo ba'i phyir ni rlung du brjod// yang na khyab pa'i phyir ni dran// ye shes rnyed pa yi ni phyir// bde ba yi ni chen po len// ye shes ngo bo bde ba che// dkyil 'khor du ni yang dag bzhugs/ / dkyil 'khor sangs rgyas rin chen gtso// thig le'i ngo bo yi ge bral// rnam pa thams cad rnam pa med// phyag rgya dang ni sngags dang bral// sngags chen kun dga' ra ba'i lam/ / dbyangs dang gsal byed dang bral ba// dri ma med pa bcos ma med// rgyu mtshan dang ni gzhi med pa// yang dag dri med gnas dag pa// rang bzhin grags pa skye med mkha'// dpa' bo'i ngo bor grags pa dag/ rnam pa kun tu yang dag bzhugs// dkyil 'khor dkyil 'khor ba dang bdag/ dkyil 'khor gyi ni bdag po bdag/ dpa' bo 'chang dang nyan pa bdag
- 269a
byed dang 'phrog dang mnga' bdag bdag/ chos kun gyi ni rang ngo bdag/ stong dang snying rje gnyis su med// stong pa chen po rang ngo grags// gang du mi dmigs pa ni bdag/ dngos po ma yin bsam mi khyab// dngos bdag de yang de nyid min// dngos dang dngos min rnam par grol// dngos dang dngos med bdag nyid bdag/ dngos dang dngos med gnyis las 'byung // dngos dang dngos med nang yod do// bur shing gi ni ro ji bzhin// ji ltar til gyi nang gi mar// ji ltar shing gi nang gi me// de bzhin thams cad bdag nyid bzhugs// 'on kyang ye shes sems dpa' yis/ / bdag tu 'dzin par mi bya'o// bdag 'dzin pa ni nyon mongs che// sems can don las nye bar nyams// sems can don las bsod nams gzhan// che ba gang na yang ni med// rang don sgrub la bsod nams min// skyes bu chen pos 'di lta bu// rang don ma rungs pa ni dor// gzhan la sdang nyams nyan thos sems// rang don gti mug 'dzin pas nan// sems can don la rgyab kyis phyogs/ / grub pa chen po 'dod pa yis// de dang lhan cig gnas mi bya// de la gtam yang mi bya ste// thabs dang mi ldan 'jigs pa yis// mgo la nor bus brgyan yang ni// sprul nag bzhin du dor bar bya/ / nyan thos de dang nam yang min// de bas mu stegs 'dus pa mchog/ ji ltar mthing shing snod chag pa// de ni gang du'ang dgos pa med// de bzhin nyan thos tshul
- 269b
khrims nyams/ / gang tshe rang gi chos kyis ni// lta ba bstan kyang dri ma can// de tshe de la dgos pa med// byang chub sems dpa' khrims nyams kyang // de la ltung ba 'byung ba min// yang dag lha dang gzhan don can/ / de 'dra'i thabs dang ldan pas na// nyes pas gos par mi 'gyur te// chu yi pad+ma ji bzhin no// mu stegs pa'am nyan thos la// dman yang de la smad mi bya// ye shes dkyil 'khor mthar phyin pas// dad pas de dag mchod mi bya// phyi yi 'phar ma gcig gnas su// dkyil 'khor 'dir bzhugs rnal 'byor ma// rtag tu me tog spos la sogs// sngags 'di yis ni mchod par bya// oM ni dang por hUM phaT mthar// bar du ming ni spel bar bya// sna tshogs lnga yi mchod sbyin gyis// dkyil 'khor sa la rab tu mchod// mchod na the tshom med par ni/ / grub pa chen po rnyed par 'gyur// dpal ye shes thig le las rnam pa dang bcas pa'i dkyil 'khor bsgom pa zhes bya ba'i le'u ste bcu pa'o// // de nas yang byang chub sems dpa' sems dpa' chen po lha'i dbang phyug gis/ bcom ldan 'das kyi zhabs la mgo bos phyag 'tshal te 'di skad ces gsol to// ye shes nyi ma bcom ldan 'das// snying kha'i pad+ma kha 'byed pa// gang zhig bdag ni ci zhu ba// bdag la thugs rje chen pos gsungs// sngags kyi bzlas pa dang / mchod sbyin dang / mchod pa dang / dbang bskur ba dang
- 270a
gnas kyi mdor bstan pa dang / sbyin sreg dang / gtor ma chen po'i rim pas 'dir bcom ldan 'das kyis bdag la nges pa'i don bstan pa bka' stsal du gsol/ bcom ldan 'das kyis bka' stsal pa/ / sngags kyi bzlas pa'i nges pa'i don// nyon cig yang dag bdag gis bshad// dga' ba la sogs pa las 'byung // yid ni sngags zhes brjod pa yin// yang ni srub dang bsrub pa'i sngags/ / sngags ni bdud rtsir bstan pa'o// lam gyi thar pa de ni sngags// tshigs rgyas pa ni de bzhin no// phrad pa gnyis kyi dbus na gnas// de ni don dam pa yi sngags// sngags ni A li kA li yin// brjod pa de ni bzlas pa'o// bskyed dang rdzogs dang bye brag tu// sngags kyi bzlas pa rab tu grags// gang du ske dang rkan ni gnyis// bskyod pa gang du mi 'byung ba// srog gi rtsa ba'i nang yod pa// lugs dang lugs min rgyun mi 'chad// thig le gsum dang yig gsum dag/ rang 'od ma bcos brjod par bya// rkan gyi nang du lce 'jug pa// ro ma yis ni mnan par bya/ / yang na rtse mo'i cha yis reg/ mnyam sbyor rnam pa'i bsam gtan gyis// grags pa yod pa'i bdud rtsi bzhin// de nas tshul ni 'byung bar 'gyur// sprul pa'i rim pa'i bye brag tu// thig le drangs pa bde ba'i sku// mchod sbyin dkyil 'khor gyis ni brgyan// de yi bskyed rim bdag gis bshad// dpal ldan rdo rje 'dzin pa yis// dgyes pa'i gnas bsten mchod sbyin no//
- 270b
mchog dga' 'byung ba'i mchod sbyin ni// rab kyi dkyil 'khor de ru bya// mchog gi dga' ba 'khor bar bstan// kA li ye shes mtshan nyid do// sku brgyang bdag nyid mchod sbyin ni// gnas brgyang par ni mchod par bya/ / ji bzhin rnal 'byor ma yi 'byung // de yi don ni bdag gis bshad// sum cu rtsa gnyis yig gzugs kyis// kA li'i thig les gtso bo'i phyir// sgom pa'i dbang pos gnas la sogs/ / lha mo bcas pas mchod par bya// lha mo kun dang gnas la sogs// lha yi dbang phyug skyabs yin no// lha mo 'di ru rtsa yin te// 'byung ba dang ni gnas sa byed// / skyabs las rnam par rdzogs pa yin// mtshan dang dpe byad ldan pa'o// glu gsum dbus su bcom ldan 'das// ut+pal sngon po'i mdog dang 'dra// sna tshogs pad+ma'i gdan dbus su// bdud bzhi yi ni steng na bzhugs/ / zhal ni bcu drug phyag bcu drug/ zhal ni so sor spyan gsum mo// ser po dmar po ljang ku'i zhal// ri bong can ni g.yon bskor zhing // zhal gzhan kun ni bung ba bzhin/ / steng gi zhal ni 'jigs pa'o// gshin rje'i pags pas rnam dkris byas// dam bcas don phyir brtul zhugs don// sangs rgyas 'phreng ba'i do shal byas// mgo ba yo ni chun 'byung brgyan/ / gar dgu yi ni ro dang ldan// sku ni phyag rgya drug gis mdzes// sna tshogs rus pa'i rgyan dang ldan// sna tshogs 'od kyi snang bas 'bar// ye shes mkha' 'gro bde 'che// legs dkyis
- 271a
dbang mo gnyis med sbyor/ / dur khrod kyi ni thal bas byugs// steng du bgrang pas bde bar bzhugs// g.yas brkyang ba yi gar dang ldan// gsang ba'i don gnas brda byed/ pa/ mkha' 'gro ma yi tshogs kyis bskor// dur khrod brgyad kyi dbus na bzhugs// rdo rje dril bu gnyis med sbyor// tshangs pa yi ni pags pas khebs// mda' gzhu 'khor lo rin chen dang // ral gri rtse gsum rnge'u chung dang // zla ba nyi ma star snod// kha T+wAM ga dang thod pa'o// bcom ldan 'das ma de dang 'dra// yang na phyag ni gnyis ma'o// rdo rje gri gug 'dzin pas 'khyud// zhi ba spyan ni gsum pa'o/ / nang gi 'phar ma dgyes pa ni// zla ba gang ba bzhin du bdag/ sna tshogs pad+ma yi ni gzhi// 'dab ma brgyad kyis rnam par mdzes// phyi ma gru bzhi ru ni grags// sna tshogs rdo rje'i steng du'o/ / yi dgas chen po'i 'phreng bas ldan// sna tshogs dpa' bos nye bar mdzes// sna tshogs pa yi shing gis bskor// sna tshogs rnal 'byor ma dang ldan// de'i nang du gru gsum gyi phyag rgya'i grwa ni dpal u rgyan dang / dz+wa lan d+ha ra dang / pA li ras+t+waM/ mgo bo dang / gtsug pud dang / spyi bor legs dgyes rdo rje ma dang / rdo rje 'tshed ma dang / rdo rje glang chen ma bcom ldan 'das la skul bar byed cing phyag gi 'phar ma 'bar bar ro/ / ro mchog chen po'i snod kyis mchod sbyin 'bul bar byed cing tshangs pa'i bu gar rtse sbyar gyi phyag rgya byed pa ste/ mthe'u chung lu gu rgyud du sbrel
- 271b
te lhag mas mthe bong mnan nas mdzub mo sbyar ba 'og tu bcings pa'i sku yi dgas chen po'i steng na g.yon brkyang bas gnas pa/ spyan gsum pa/ skra gral zhing na bza' grol ba/ chu skyes rgyas pa/ bcom ldan 'das la lta zhing bzhugs pa'o// shar gyi phyogs su sna tshogs pad+ma 'dab ma brgyad pa'i lte bar kA ma ru pa sde smin ma'i dbus su 'jigs ma'o// de'i shar gyi 'ad mar mA la wa ste/ sna'i rtse mor dpa' mo'o// byang gi 'dab mar sin d+hu ste/ mig gnyis su char 'thung ma'o// nub kyi 'dab mar na ga ra ste/ rna ba gnyis su 'jigs byed ma'o// lho yi 'dab mar sing ga la ste/ kha'i pad+mar pho nya ma'o// byang mtshams su sna tshogs pad+ma 'dab ma brgyad pa'i lte bar mum+mu Ni ste/ kos skor stobs chen ma'o// de'i shar gyi 'dab mar de bi ko Ti s+yai ske'i gling bur rta mgrin ma'o/ / byang gi 'dab mar ku lu ta ste/ rgyab kyi gling bur rta rna ma'o// nub kyi 'dab ma'i a raM bu ta ra nu ma gnyis su glang chen sna ma'o// lho'i 'dab mar ta li ka li bste/ snying khar glang chen lto ba ma'o// nub phyogs kyi sna tshogs pad+ma 'dab ma brgyad pa'i lte bar go ba ri ste/ lte ba'i gnas su me ma'o// de'i shar gyi 'dab mar lam pa ka ste/ gsang ba'i pad+mar chu rgyun ma'o/ / byang gi 'ad ba mar ka ts+tsha ka ste/ mtshan gyi dbus su ri bong can ma'o// nub kyi 'dab mar las kyi yul te/ mtshan rtser nyi ma'i 'od ma'o// lho'i 'dab mar gas
- 272a
gling ste/ bshang la'i gnas su dung snga ma'o// lho phyogs kyi pad+ma 'dab ma brgyad pa'i lte bar ko kan ste/ bcwa gnyis su dung bcug ma'o// shar gyi 'dab mar ban du rtse/ pus mo gnyis su dung lte ma'o// byang gi 'dab mar yi dgas 'dus pa ste/ rje ngar gnyis su stobs chen ma'o// nub kyi 'dab mar rgya mtsho'i ngogs te/ rkang pa gnyis su bya rgod ma'o// lho'i 'dab mar tsa ra tra ste/ sor mo la rgod kha ma'o// de'i sna tshogs pad+ma 'dab ma brgyad pa bzhi'i 'dab ma bzhi la dgod do// 'dab ma lhag ma kun la khrag chen pos shin tu gang ba'i ka pA la dang ldan pa'i sna tshogs chen po'i bum pa kha rgyan btsugs pa/ bdud rtsi chen pos lto ba gang ba/ dar sna tshogs kyis mgrin pa mtho bar bskor ba'o// shar mtshams su ku ma ra pu ri dang / kasmi ra ste mthe bong dang lus thams cad la hor pa ma dang hor mig ma'o// byang mtshams su ke ra ta dang / ne pa la te rkang pa gnyis la lhag par hor mgo ma dang de bzhin du dmar mo'o// nub mtshams su kar pu dza dang / shar gyi lus 'phags te rked pa dang / snying khar mig dmar dang srog ma'o// lho mtshams su byang gi sgra mi snyan dang ba lang spyod de lte ba'i lte ba dang / sprul pa'i snying por 'dzin ma dang ro ma'o/ / 'dzam bu'i gling du gdags pa'i pad+ma'i snar bcom ldan 'das dang a ba d+hU tAM'o// de lta bu ni nang gi 'phar mas bde ba chen po'i 'khor lo na yod pa'i rtsa sum cu
- 272b
rtsa gnyis rnam par dag pas phyi ma'i phyi mar rgyud kyi go rim rnal 'byor ma rnams kyi nang gi dag pa'o/ / byang chub sems dpa' sems dpa' chen po lha'i dbang phyug phyi rol tu mtshan dang dpe byang / dang ldan pa rnam pa dang bcas pa brgyad gnyis kyi lo'o// byad gzugs mdzes pa chen po'i sha rgyas pas dregs pa/ sdig pa'i nga rgyal can/ phyag bzhi pa/ spyan gsum pa/ sra zhing mtho ba'i nu ma dang / rus pa sna tshogs kyi rgyan gyis brgyan pa/ phyag rgya lnga 'dzin pa/ g.yon brkyang bas ro'i steng na gnas pa/ ka pA la dang / kha T+wAM ga dang / mda' gzhu khengs par 'geng pa/ bdud grangs med pa 'joms pa kho na/ sku mdog sna tshogs pa mdzes pa'i gzugs 'dzin pa/ thugs rje chen pos sems can 'gugs ma/ sems can gyi don mdzad pa la brtson pa/ brel ba dang mi mkhyen pa med pa'i sems dang ldan pa'o/ / phyi'i 'phar ma sha ra dang / byang dang / nub dang / lho mtshams re rer nang gi lha mo bzhin du lha mo gnyis gnyis te/ skra dmar ma dang / rin chen ma dang / phug ron ma dang / ser mo dang / nag mo dang / ri bong ma dang / ri dgas mo dang / ram mo'o// shar dang / byang dang / nub dang / lho'i sgo re rer sgo skyong ma gnyis gnyis te/ de dag kyang dregs pa chen po 'jigs pa chen mo mchog gi legs dgyes kyis ring ba/ sna tshogs kyi nyams kyis sku khyab pa'o// shar sgor rdo rje ro langs ma dang / rdo rje dra ba ma sku mdog nag po
- 273a
phyag ba ni ma mnga' gzhu 'gengs shing chu srin dang nya bsnams pa/ ka pA la dang / kha nAg 'dzin pa/ spyan gsum pa/ phyag rgya lngas brgyan pa/ gcer busgra grol ba/ mi'i rus pa sna tshogs kyi rgyan gyis brgyan pa/ g.yon brkyang ba/ mgo bo'i chun 'phyangs rgyu ma la brgyus pa 'chang ba'o// byang sgor rdo rje rtse mo ma dang / de bzhin du rdo rje zlum pa ma sku mdog ser po/ seng ge dang bya khyud bsnams pa'o/ / nub sgor rdo rje ska rags ma dang / rdo rje ser mo ma sku mdog dmar mo/ gling bu dang rdza rnga chen po'i sgra kho na'o// lho sgor rdo rje rgod ma dang / rdo rje nyi ma mo sku mdog ljang ku rdza rnga dang pi wang gi rol mo'i sgra kho na ste/ ji ltar shar sgor bzhugs pa'i rnal 'byor ma de ltar thams cad kyang rus pa la sogs pa'i rgyan dang / bzhugs thabs dang / phyag mtshan dang ldan pa'o// longs spyod kyi 'khor lo'i nang na yod pa'i rtsa brgyad gnyis kyi grangs ni de dag kun gyi rnam par dag pa'o// sku brgyad bdag nyid kyi ni mgon// mchod sbyin sgra yis kun tu brtags// mchod pa de ni mchod sbyin brjod/ / rtsa ni kun gyi gnas rab mchog/ gnas ni gdan la sogs pa'i dgyes// gnas kun gyi ni bla na med// gsang chen dag pa pad+ma yi// 'dab ma brgyad pa lte bar bcas bde ba yi ni yangs pa'i sar/ / rtsa yi dkyil 'khor gyis brgyan no// gnas ni gdan la bya bar grags// gnas ni rten du brjod pa'o// bde ba 'byung ba'i ngal sos ni// de yi zhing ni don
- 273b
dam par/ / bde ba'i ye shes 'byung ba ste// tshan d+ho ha ni 'di ru bshad// thig le gsum gyi ye shes bde// gcig byed pa yi gtan tshogs kyi// de yi 'dus sar bstan pa yin// rnal 'byor rgyud du rnyed dka' ba/ / gang du tshor ba yod pa ste// bde ba 'byung ba'i thim de bzhin// de ni 'di ru dur khrod brjod// yang na bde ba'i rnam shes so// gang du bde ba yang dag rnyed// de ni bi la ba ru grags/ / skye dang thim pa'i ye shes te// gang du bde ba'i zla ba skye// de ni lam rab tu ni bstan// 'gro ba'i bdag nyid lam yin no// bde ba'i rgyal po gang zhig 'gog/ de ni sbyor ba'i ye shes rab/ / de ni gnas brgyad dgyes pa yin// sku brgyad rang gi ngo bo can// ye shes brgyad kyi bdag nyid bdag/ sangs rgyas kun gyis rnyed dka' ba// rtsa kun gyi ni dag pa'i gzhi// de la yang ni rtsa kun gnas// nye ba'i gnas ni thams cad kun// lha yi dbang phyug rnam par smin// bskyed dang rdzogs pa'i sbyor ba yis// thig le drug ni rab tu grags// thig le'i dbus na ye shes yod/ / ngag gi lam gyis rnyed par dka'// bskyed pa dang ni rdzogs pa med// drug min de bzhin gsum pa min// gsum dang bral ba gsum par grags// ye shes rang bzhin de skyed med/ / nyi ma'i thig le'i ye shes shar// 'bad pa yi ni mchod sbyin bya// gang tshe mchog byung ma shar bar// de tshe'i ma 'byung mi 'gyur// zla ba de ni dga' bral dga'// chags pa
- 274a
'di ru thim par byed/ / nyi ma'i dbus nas zla ba 'byung // zla ba'i dbus nas nyi ma 'char// dri ma med phyir yangs par 'gro// shes rab bdag nyid gzugs kyi phyir/ thams cad la ni tshim par byed// thams cad kyi ni skye ba'i rgyu// 'bras bu byed pa'i bdag nyid zla// rgyu byed bdag nyid zla ba ste// 'bras bu byed bdag nyi ma'o// rgyu dang 'bras bu gnyis med pa'i/ / bde ba chags chen bdag nyid do// chags pa chen po dngos med na// ji ltar bde ba 'byung bar 'gyur// bde ba ye shes dri med grags// tha mal bde nyid bde ba min// byol song bas chags rab rmongs pa/ / dbang po gnyis kyi bde bar 'dod// bde ba mchog gi rang rig pa// chags pa dang ni chags bral med// bde ba thig le'i nang du ni// char yang nang du bde ba che// de gnyis ye shes tshul gyi nang / / rnam par shes pa'i tshul can dang // rnam par shes pa'i ye shes bral// gzhan dang gzhan min nang yod pa'o// sbyor drug gyes pa rnam par shes// char yang ra ba kun brtags bral/ / rtog pa spangs pa de nyid ni// bsam gtan 'dzin pa med pa'o// tshor bya tshor byed gnyis las grol// srid dang mya ngan 'das dag pa'i// de ni gsang chen de nyid do// gang du yang ni gsal ma byas// 'bad pa yis ni sba bar bya// smra bar mi bya gang la lar// rnal 'byor rgyud du mos gyur pa// lha yi dbang phyug gsal mi bya// dpal ye shes thig le las sngags
- 274b
kyi bzlas pa'i rim pa dang / mchod sbyin gyi cho ga dang / dkyil 'khor bskyed pa'i rim pa dang / gnas kyi don dang / rtsa'i 'khor lo 'byung ba dang / de kho na nyid kyi don bstan pa'i le'u ste bcu gcig pa'o/ / // de nas mchod pa'i cho ga 'di'i// nges par bstan pa bdag gis bshad// thim dang longs spyod dag gis ni// yid 'phrog yang dag mchod pa'o// zla ba nyi ma me tog gis/ / sku yi rgyal po nyid la mchod// 'dod pa 'di ni dpral ba ru// mar ngo tshas kyi dang po dbang // yid las de ru 'dod par 'gyur// nges par a yi thig le las// thim pa 'di ni smin phrag tu/ / dga' bas de las 'da' bar 'gyur// a li'i thig le gnyis pas so// bde ba'i mkhur chos gnyis nas su// tshes gsum pa la longs spyod 'gyur// de la rnam par smin pas 'gro/ a li'i thigs pa gsum pas so// bdud rtsi kos sgo'i gnas su ni// tshes bzhi pa la thim pa 'byung // de la mgu ba las dga' ba// bzhi pa'i ye shes thig les so// bde ba yi ni mgrin gnas su/ tshes lnga pa la longs spyod 'byung // de la dgyes pas rgyas par 'gyur// thig le lnga pa'i khengs pas so// 'dod pa brang gi gnas su ni// tshes drug pa la thim pa 'byung // de la bsam ga las drag po/ / thig le drug la gang bas so// bde ba'i nu ma'i gnas su ni// tshes bdun pa la dbang ni 'byung // de la bdun pas 'byung ba yin// thigs pa bdun pas khengs pas so// 'dod pa'i
- 275a
rtsib logs gnas su ni/ / tshes brgyad pa la thim pa 'byung // de la chags pas mchog gi dga'// thig le brgyad pa gang bas so// bde ba'i lte ba'i gnas su ni// tshes dgu pa la longs spyod 'byung / / de la rnam smin las 'bar 'byung // thig le dgu pa khengs pas so// 'dod pa'i mdoms kyi gnas su ni// tshes bcu pa la thim pa 'byung // de la brtan las thig ler 'gyur/ / thig le bcu pa gang bas so// bde ba'i spyi bo'i gnas su ni// bcu gcig pa la dbang ni 'byung // de yi stobs las myos par 'gyur// bcu gcig thig le khengs pas so// bde ba'i rdo rje'i rtsa gnas su/ / bcu gnyis tshes la thim pa 'byung // de la 'od las dga' bral dga'// bcu gnyis thig le gang bas so// rgyas pa'i rdo rje'i dbus gnas su// bcu gsum tshes la longs spyod 'byung / / de las snang bas ur tar 'gyur// a li'i bcu gsum thig les so// bde ba'i mdud pa'i gnas su ni// bcu bzhi pa la thim pa shar// de la reg bya las tshur 'gyur// bcu bzhi'i zla ba'i thig les so// bde ba'i nor bu'i dbus su ni// nya gang ba las dbang ni shar// de las phrad las gnyid du 'gyur// bco lnga pa yi thig les so// dbang po bcu drug pa yi cha// gzhan ni gang du'ang mi dmigs so// de bzhin du ni so sor gzugs// rang bzhin de ni yod pa min// dga' ba'i bye brag lhan skyes dga'// bcu drug pa yi don du yod// tshar yang bcu drug 'di ru ni/
- 275b
yod pa ma yin med pa min// de bzhin du ni ye shes che// lha yi dbang phyug rang bzhin no// g.yas g.yon yan lag gnyis su ni// khu ba yi ni 'byung bar dran// mar ngo de bzhin yang ngo yi// 'dod pa yis ni 'byung ba'i tshe/ / bcu dang lnga yis gnyis med sbyor// bde ba 'di yi 'byung ba min// de nyid gsum shes bcu dang lnga// shes rab dang bral bde ba che// bla ma'i zhal snga'i bka' drin gyis// gnyis su med pa'i bde ba shes/ / rtag tu mos pa yis ni shar// bsam gtan gyis ni shes pa'o// bcu drug gi ni yi ge'i gzugs// a li'i thig le rang ngo bo// a sogs yig 'bru'i char yang 'byung a li'i ye shes bde bdag nyid/ / ka sogs yig 'bru'i char yang 'byung // ka li'i ye shes bde ba che// a li ka li gnyis sbyor las// mchod sbyin gyis ni rab mchod bya// mchod pa yang ni de bzhin te/ / gsang ba'i pad+ma'i snying khar ro// gsang ba de nyid gsum zhes bya// la la 'da' la gnyis sbyor las// mchod sbyin gyi ni rab mchog bya// mchod pa yang ni de bzhin te// gsang ba'i pad+ma'i snying khar ro/ / gsang ba de nyid gsum zhes bya// thim dang longs spyod sogs bye brag/ thim pa dang ni longs spyod dbang // dga' ba gsum du bstan pa'o// de yi thig le gsum zhes bya/ sku gsum yig gsum bdag nyid do// tshangs pa'i bu ga de bzhin mgrin// snying kha ru ni thig le gsum// de yis bskyed pa'i rim zhes bya// mdud pa'i nang ni man chad do// bzlog pa yi
- 276a
ni thig le gsum/ / gyen du rdzogs pa'i rim pa yin// rgyu 'bras rnam dag bye brag tu// thig le drug ni rab tu grags// dri med ye shes char yang drug/ de ni rnam shes sbyor drug bshad/ / de yi dbus su de nyid bzhugs// lhan skyes dga' ba'i bde ba che// mchod pa'i las sbyor che ba yis// the tshom med par rnyed par 'gyur// mchod pa'i dam tshig dus su ni// gsang ba'i sgra ni 'bad pa yis/ / gang zhig 'dod pa grub pa che// dam tshig sems dpas brjod par bya// la la rdo rje d+ha la pad// a li zla ba ka li nyi// ri bong can ni khu ba'o// nyi ma khrag tu rab tu grags/ / khu ba ga pur shes bya ste// khrag ni si h+la zhes su dran// sbrul ni nag po gnyis ka yin// 'dus pa phung por brjod pa'o// na rag ka pA la ru brjod// chags pa chang du rab tu grags// zhe sdang de ni sha yin te// gti mug tshod ma ru ni dran// nga rgyal 'di ru sha chen po// zan ni phrag dog nyid du dran// gci 'khor bshang ba mya ngan 'das// mtho ris gzugs zhes dran pa'o// mi yi yul ni sgra zhes bstan/ / sa 'og ro ru bshad pa'o// dri ni ri rab rtse mo'o// gling bzhi po ni reg bya'o// sa ni pha ru rab tu grags// chu ni sring mo yin par dran// me ni yum ste bu mo ni// rlung du rab tu grags pa'o/ / nam mkha' sgyug mor shes par bya// bcings pa med pa nam mkha' yin// skal ldan dang pa 'on pa mtsho// 'on pa min pa rgya mtshor brjod// dbang bskur grong khyer ba ru
- 276b
dran/ / dbang bskur min pa grong pa bzhin// gsang ba snying la yin par brjod// khyer shog dri ma med par brjod// gsal byed nam mkha' yin par dran// gzhang kha dgyes pa Na Ni 'bras// rungs lcags su kun tu grags// stan ni pad+ma yin par brjod// sbyin pa ge sar dran pa'o// gzhon nu ma ni mtshe 'ur grags// rgan mo gtsang por dran pa'o// gnas pa rna ba zhes su brjod// 'gro ba 'di ni ar po d+ha// dus ni dbyug pa bde ba nyid// thal ba min dga' dga' stobs so// de dag tshogs kyi mchod sbyin gyis// dus su 'bad pas brjod par bya// khrung khrung la sogs 'jug min phyir/ / gsang ba'i tshig ni smra bar bya// rnal 'byor ma 'am rnal 'byor pa// shin tu dgyes pas gsang skad smra// dpal ye shes thig le las mchod pa'i rim pa dang gsang ba'i skad ces bya ba'i le'u ste bcu gnyis pa'o/ / // dbang bskur la sogs nges bstan ni// lha yi dbang phyug ngas 'dir bshad// rgyud gsum gyi ni rim pa yis// dbang drug dbye ba bstan pa'o/ / chu yi dbang bskur dbu rgyan dag/ bya ba'i rgyud las rab tu grags// rdo rje dril bu de bzhin ming // spyod pa'i rgyud las rab tu gsal// phyir mi ldog pa yi ni dbang // rnal 'byor rgyud du gsal bar byas// de ni drug gi bye brag dbang // de ni slob dpon dbang zhes bya// rnal 'byor bla ma yi ni mtshon// gsang ba yi ni dbang rgyal bshad// shes rab ye shes bla na
- 277a
med bzhi pa de ltar de bzhin no/ / dgu yi bye brag dbang la sogs// 'bras bu'i phyir na brgyad dbyer 'gyur// bzhi pa de ltar de bzhin brjod// shes rab ye shes de mi 'bras/ / dngos po so sor shes mi bya// de ltar zhes ni tshad med do// de bas 'bras bu'i tshig don ni// rigs pa ma yin pa yi sems// de bzhin re zhig dga' ba'i sems// de bzhin re zhig dga' ba'i rim/ / ji lta bur ni yod par 'gyur// dga' ba lus su grags pa ste// mchog tu dga' ba 'di ru gang // yid ni dga' bral shes par bya// lhan skyes de ni gang na yod// kun na yod pa'i ye shes sems/ / sems las gzhan ni yod pa min// gang zhig ci zhig 'di thams cad// de ni thams cad sems yin no// sems las thams cad 'byung ba ste// sems kyis yongs su 'das pa'i/ 'o/ lus kyi mgo bo dga' ba'i gnas// ngag ni mgrin pa mchog tu dga'// sems ni snying khar shes bya ba// chags pa'i dga' ba rtag tu shar// lus rgyu 'bras bu de ni ngag/ ngag ni rgyu ste/ 'bras bu yid// yid nyid yongs su shes pa ni// 'bras bu de ni don dam par// de nyid gsum bdag ye shes gang // rtsa gsum nang gi dbus na bzhugs// gnas gsum khyab pa skye ba med// 'od gsum srid pa gsum dang bral// 'od rab gnas ni rab kyi mchog/ de ni bzhi pa mchog gi dbang // bdun gnyis bye brag tu ni yod// yan lag rab kyi mdor bsdus la// chu yi dbang
- 277b
bskur dga' ba'o/ / gsang ba'i dbang bskur mgrin pa ru// mchog tu dga' ba'i bdag nyid mchog/ shes rab ye shes kyi ni dbang // snying kha ru ni dga' bral dga'// gsang ba pad+ma'i lte ba ru bzhi pa'i rang bzhin bdag nyid do/ / de ltar dbang ni bzhi ru dbye// bskyed pa'i rim pa'i phyogs yin no// chu yi dbang ni mdoms su ste// sna tshogs 'bras bu sbyin pa'o// gsang ba'i dbang ni gnyis pa ste/ / rnam par smin pa'i 'bras bu ster// rdo rje yi ni rtsa ba'i gnas// rtsa ba dang ni mdoms kyi 'og/ shes rab ye shes kyi ni dbang // mdud pa'i gnas su rtag tu dran// dbang rnams kun gyi bla ma'i bla/ / rnam par 'joms pa'i 'bras bu ste// shes rab ye shes nor bu'i khar// shes rab pad+ma'i yid 'gro'i phyir// rlung ma dang ni gnyid skye'i rtsa// gnyis ka rgyas pa yis ni bde/ / gyen gyi lam gyis bzlog par bya// mdud pa'i nang gi gnas su 'gro// de ltar bzhi pa rab tu bstan// mtshan nyid dang bral 'bras bur grags// mdud pa'i gnas su rim pa yis// tshangs pa'i sprul pa snying man chad// de tsam du ni lhan skyes dga'// rlabs dang bral ba dpe med do// de ni de kun don dam par// dbang gi ye shes nges bstan to// rdo rje ka ba de bzhin gsang // sdom dang sdom pa'i rgya mtsho dang // rigs chen ye shes snying po dang // kye rdor 'jigs byed rdo rje dang // mtshan dang gsang ba 'dus pa ru// lha yi dbang phyug bdag gis sbas// khyod kyi ngo
- 278a
mdzad dbang gi don/ / rgyud 'di ru ni rab tu gsal// rtog ge ba dang rgan po dang // dge slong mos par gnas pa la// yang dag lam shes slob dpon gyis// de rnams de nyid bshad mi bya/ / a yi yig 'bru dga' ba yin// b+hi yi yig 'bru mchog tu dga'// She yi yig 'bru dga' bral dga'// ka yi yig 'bru lhan skyes so// gang du yang ni mi dmigs shing // a ni skye med rang bzhin te// kun gyi rgyu ni yin phyir ro// She yi yig 'brur yang dag brjod// gtsug tor gsang ba'i pad+ma ra b+hi// bskur dang khrus ni byed pa'i phyir// ka ni rnam rtog dngos por grags// / 'gro ba chad pa'i bdag nyid do// gsang ba'i pad+ma'i snying kha a// rtsa kun gyis ni 'bigs pa gang // de phyir mngon par dga' ba mchog/ b+hi yi yig 'bru thig le 'bigs// She bde ye shes kun brtags bral/ / yang dag don gyis gsal bar byed// dang po'i dga' ba rgyu yi dngos// a yi yig 'bru mchog gi gnas// mchog dga' dga' bral dga' bar grags// dbang bskur rab tu grags pa'o/ / de gnyis dbus su de nyid bzhugs// rang bzhin dga' ba bzhi dang bral// mngon par dga' dang dga' bral dga'i// gang zhig rang bzhin mi shes na// dpal ldan rdo rje sems dpa' yis/ / sangs rgyas yin yang mi bstod do// rdo rje 'dzin pa thams cad kyi// thams cad khyab par mnga' bdag bdag/ sangs rgyas thams cad rgyal chen po// sangs rgyas thams cad yid
- 278b
/ ltar mgyogs// thams cad kun gyi dbang phyug bdag/ 'byung ba kun gyi bdag nyid do// dpal ye shes thig le las dbang bskur ba'i nges pa bstan pa'i le'u zhes bya ba ste bcu gsum pa'o// / de nas yang ni bshad bya ba// nang gi mtshan nyid sbyin sreg go// kha ni hom khung dgang gzar lag/ tshul ni rang byung me yin no// nga rgyal phrag dog sreg rdzas yin// bzlas pa de ni kham du brjod/ / sa 'og dang ni sring mo mar// de yi sreg rdzas rab tu dbul// ye shes bdud rtsi rnam dag pas// phrag dog la sogs bsang gtor bya// dum bu gsum pa'i snod mdun du// phrag dog bdud rtsis rab tu tshim/ / rdor gsum ye shes sa bon gyis// dag byas dkar byas rim gyis so// rlung mes bskul byas 'bar bas byas// bdud rtsi mchog ni zhu bar byed// ha ni ma mo'i sngags kyis ni/ / 'khor lo drug ni rab tshim bya// ri bo'i ma mo dang bral bas// phyi nang rtag tu rab tshim bya// de lta'i sbyin sreg las kyis ni// lha yi sku ru nges par 'gyur// lha yi sku ni bde chen po don dam par ni shes pa'o/ / lha yi yig 'bru yis 'byung gang // de ni don dam sbyin sreg go/ dpa' bo gnyis kyis mnyam sbyor ba// dus kyi gang du skyes dbang po// lte snying bde ba'i pad+ma yi/ / rtag par shes rab mas ni brjod// de ni sbyin sreg sreg rdzas ldan// mngon par dga' las 'byung ba'o// kun rdzob rnam pa'i gzugs su ni// shes rab thabs ni phrad pa las//
- 279a
sbyin sreg las kyi 'bras bu mchog/ myur ba ru ni rnyed pa'o// hom khung d+ha la dgyes pa che// la la 'di ru dgang gzar dran// blugs gzar gsang pad sna yi rtse// mar ni khu ba zla 'od mnyam/ / gsang pad zlum po'i rnam pa bzhin// mar gyi snod du rnam par grags// blugs gzar dgang gzar mar gyi snod// rtsa gsum du ni brjod pa'o// bsrub dang gtsubs pa'i sbyor ba yis/ / rlung ma dang ni gnyid ma gnyis// gcig pa'i dngos po yang dag pas// ye shes me ni mchog tu 'bar// pad+ma'i 'khor lo drug rim pas// gzhan mni bde chen man chad do// mchog gi bdud rtsi rgyun ni 'dzag/ ji ltar mkha' las chu 'bab pa// rtsa yi dra ba du ma yis// 'khor lo drug snying khyab pa'o// sku gsum ye shes rdo rje mchog/ rtag tu sreg rdzas mchod par bya// me yi kha ru dgang gzar ni// mar gyis bkang ba dbul bar bya// me ni mchog tu dga' ba ste// rnam rtog hom shing tshig par byed// mdud pa'i hom khung gi ni me// de ni mchog tu dga' rang bzhin/ / zhi ba'i zlum po'i rnam pa bzhin// longs spyod dang ni grol ba bzhin// sku yi rdo rje rin chen khar// gsung gi rdo rje dbus kyi dkyil// thugs kyi rdo rje mdud snying po// dga' ba yis ni mchod par bya/ / gsung gi rdo rje blugs gzar mchog/ dga' bral dga' ba sku rdo rje// lhan skyes dga' ba'i ye shes kyi// dgang thugs kyis ni mchod par bya// bcom ldan 'das kyis de skad
- 279b
ces bka' stsal pas/ bye ba phrag bdun cu rtsa gnyis kyi grangs kun brgyal ba dang sa la 'gyel bar gyur to// de nas yun ring po zhig nas 'di skad ces gsol to// lhan cig skyes pa'i dga' ba la 'dir ye shes yod dam ci zhes yang ya mtshan du gyur to/ / yang de'i dus su bcom ldan 'das mas phyag rgya chen pos dam por 'khyud nas ma mchu btung ba'i bdud rtsi'i mchod sbyin phul te/ gsang ba'i pad+ma'i bskor ba dam po'i snyim pa mnyam par sbyor ba bcings nas gus pas zhus pa/ sangs rgyas kun gyi bla ma mgon// ye shes zab mo dri ma med// ci yi don phyir de lta'i tshig/ 'khor kun gyi ni nang du gsungs/ / lhan cig skyes dga'i ye shes gang // dgang blugs kyis ni mchod pa la// bdag kyang 'dir ni bcom ldan 'das// the tshom chen po skyes par gyur// gsang ba yi ni gsang ba mchog/ rnal 'byor ma rgyud du ma ru// mgon pos gang du'ang ma gsungs so// de tsam yang ni brdar ma mdzad// lhan cig la ni ye shes yod// ma gsungs bdag gis thos ma lags// de ring de ltar the tshom dag/ mnga' bdag chen pos gcad du gsol// bcom ldan 'das kyis bka' stsal pa/ a la la rab tu ngo mtshar to// lhan cig skyes pa'i dga' ba la/ ci'i phyir ye shes med/ dad pa chen po dang / brtson 'grus can dang / ye shes dang ldan pa'ang rmongs par 'gyur na/ ye shes med pas lhan cig skyes pa'i dga' ba ji ltar rnyed/ de bzhin du'ang 'dir gzhan pa de ma yin pa'i dper nyon cig/
- 280a
ji ltar/ du ba las ni mer shes te// chu sbyar las ni chu yin no// byang chub sems dpa'i blo ldan gyi// rigs ni mtshan ma rnams las shes// de bzhin du lhan cig skyes pa'i dga' ba rnyed pa'i don gyi phyir skyabs sprin gyi ngo bo ye shes so/ / ye shes ni tshor bar yongs su shes pas spyod pa'i bdag nyid kyi thabs de ni ye shes su bdag gis bshad do// de bzhin du ji ltar mun nag tu rin po che phra mo'i phra mo yod pa de ni rin po che mar me ma yin pas rnyed par mi 'gyur ba de bas na blo gros can gyis rin po che mar me khyer nas tshol bar byed la/ gal te de rnyed na de ci mar me las rin po che skye 'am/ 'on kyang mar me'i thabs kyis mthong ba dang rnyed pa de bzhin du ye shes kyi mar mes lhan cig skyes pa'i dga' ba'i rin po che'i rgyal po mthong zhing rnyed kyi/ ye shes las skye ba ni ma yin no// de bas na ye shes kyi sgra 'di ni don mi shes pa'i phyir mkhas pas 'dir the tshom mi bya'o/ / dpal ye shes thig le las mchod pa sna tshogs nges par bstan pa dang nang gi sbyin sreg ces bya ba'i le'u ste bcu bzhi pa'o// / / de nas gtor ma chen po'i las kyi nges par bstan pa'i don bshad do// sems can thams cad srung don du// 'bad pa yis ni gtor ma sbyin// b+ha yi yig 'bru b+ha gar brjod/ li gi yig 'bru ling gar bstan// ling ga b+ha gar mnyam sbyor bas// sems can thams cad kyi ni tshogs// de las 'byung bar 'gyur ba ste// lha mo de nyid shes bya ste// thams cad sgra ni dga' ba yin//
- 280b
sems can don ni mchog tu 'gyur// tshogs pa de ni dga' bral dga'// gtor ma de yis srung ba'i don// dur khrod yang ni chu yi ngogs// ye shes ldan pas sbyin par bya// dur khrod dbugs byung gi/ ni gnas// gsang ba'i pad+ma'i bya gdong ngo // sha yi yig 'bru pad+ma dag/ wa yi yig 'bru lte bar yin// sa yi yig 'bru bde ngo bo// na yi yig 'bru bcos pa med// dri med ma yi zhu ba'i bdag thig le'i ngo bo yi ge bral/ / dur khrod dbugs 'byung du ni grags// zhal bzang bdag gis bshad pa yin// chu yi ngogs ni rin chen la// yang na de ni rtog med ma// 'byung ba rnams ni srung ba'i phyir/ de la gtor ma sbyin par bya// 'byung ba khu ba ru ni grags// khu ba sems can 'di ru bstan// sems can snying po ye shes bde// b+ha ga ling ga gnyis las 'byung // de la srung ba'i don du ni// gtor ma kun tu 'bad de sbyin/ / dpal ye shes thig le las 'byung ba srung ba'i don du gtor ma chen po nges par bstan pa zhes bya ba'i le'u ste bco lnga pa'o// / de nas bcom ldan 'das ma phyag rgya chen pos/ byang chub sems dpa' sems dpa' chen po lha'i dbang phyug la bos te/ kye dpa' bo chen po lha'i dbang phyug 'dir de kho na nyid gsum gyi bdag nyid kyi dang / zla ba'i bde ba mchog dang / phyag rgya chen po'i mtha'i rgyas pa nges par bstan pa'i don du rang gi ngo bo nyid dang / tshad dang / rnam pa de dag bcom ldan 'das kyi thad du legs par zhus shig/ byang chub sems dpa' sems
- 281a
dpa' chen po lha'i dbang phyug gis gsol pa/ mchog gi dbang phyug ma mchog gi bde ba chen po'i 'od kyi rang gi ngo bo sangs rgyas thams cad kyi yum/ sdig pa thams cad zad par byed ma/ bdud thams cad 'joms par byed ma/ dga' ba thams cad dang / skad cig dang / ro dang / ye shes kyi mtha' khyab pa/ lte ba'i pad+ma'i dbus nas bzhengs nas bde ba chen po rab tu tshim par mdzad ma/ bcom ldan 'das ma bzang mo mchog dri ma med pa'i sku nam mkha'i ngo bo legs so legs so// yang byang chub sems dpa' sems dpa' chen po lha'i dbang phyug gis/ bcom ldan 'das mas gsungs pa de khong du chud pas mchog tu dga' ba chen po'i sems kyis rdzu 'phrul dang cho 'phrul rmad du byung ba chen po sprul te/ rnam pa du ma sna tshogs pa'i mchod pa chen pos mchod pa byas nas sngar gyi dri ba de dag zhus so/ / bcom ldan 'das de kho na nyid gsum gyi bdag nyid dang / zla ba'i bde ba mchog dang / phyag rgya chen po'i mtha'i rgyas pa nges par bstan pa'i don du rang gi ngo bo nyid dang / tshad dang / rnam pa de dag bdag la bka' stsal du gsol/ bcom ldan 'das kyis bka' stsal pa/ dri ba shin tu za ba las zab// thams cad mkhyen pas rnyed dka' ba// ji ltar de nyid mtshan nyid ni/ / nyon cig nga yis bshad par bya// mtshan nyid las skyes de nyid ni// de lta min na mi mthun no// rang rig pa ni bdag nyid phyir// de bas brjod par mi nus so// de nyid gsum
- 281b
bdag de snang ba/ / mtshan mo'i 'du shes rang ngo bo// zla ba'i bde mchog snang ba mched// nyin mo'i 'du shes rang ngo bo// phyag rgya chen po snang ba thob// mtshams kyi 'du shes rang ngo bo// mtha' yid/ ni 'od kyi rab// nyin mo mtshan mo sogs dang bral// de ni gnas mchog ye shes te// blta bar dka' ba'i mtshan nyid do// char yang dang ni thig le'i tshul// de nyid gsum bdag brjod pa'o// 'khor lo gsum yod me rlung chu// dngos po'i 'du shes rang ngo bo// tshul tsam zla ba yi ni bde// sa yi 'khor lor bde ni mchog/ de ni rten gyi 'du shes can// lha yi dbang phyug shes par bya// phyag rgya chen po 'di ni mchog/ nam mkhar ye shes 'du shes so// de yi mtha' yi gzhan gyi mchog/ bde chen mchog gi nam mkhar ro// de ni rnam 'byed ngo bor grags// gnyis su med pa'i ye shes rab/ / de ni 'khor lo drug dbus gnas// rnam shes drug gi rang ngo bo// dngos po rten la sogs bye brag/ bzhir ni dbye bar yod pa'o// de nyid gsum bdag bye brag gis// de ni rnam pa gsum du dbye/ / mtshan mo nyin mo mtshams bral phyir// gcig pu yi ni bde ba che// rang bzhin bstan pa gang la lar// mchog gi nam mkha' gang la lar// la lar 'od rab kyi ni gnas// la lar dga' bar dran pa'o/ / la lar mchog gi dga' ba ste// la lar dga' bral dga' ba'o// sna tshogs du ma la sogs dbye// lhan skyes gcig pu rtag tu shar// du mar smra bas ci zhig bya//
- 282a
'di kun bdag nyid lhan cig skyes// kun rdzob rnam pa'i gzugs kyis ni// chu yi zla ba bzhin du mthong // don dam pa yi rang bzhin du// yang dag rtog pa'i gnas med do// thabs la sogs pa'i rim pa yis// bla ma'i zhal nas rnyed par 'gyur// bla ma mtho ris thar pa'i bla// bla ma ye shes bla ma bde// bla ma ston pa bla ma mgon// bla ma rdo rje 'dzin pa nyid// bla ma'i zhal snga'i bka' drin las/ / mchog gi gnas ni rnyed par 'gyur// tshe 'di yi ni phyag rgya che// dngos grub rnyed par the tshom med// sa bcu yi ni dbang phyug bdag/ de yi bka' drin gyis ni bla// de bas bla ma las lhag gzhan/ / ston pa chen po ga la yod// gang zhig bla mas bstan bcos ni// mdzad dam bshad pa gang yin yang // de ni bstan bcos de tshad ma// de ni de nyid 'khrul pa med// slob dpon gsung dang bdag gis smras/ / de la bye brag mi dbye'o// rnal 'byor rnal 'byor ma rgyud shes// bla ma sa mdzad pa'i bstan bcos gang // de la sgra dang sgra ngan du// lha yi dbang phyug brtag mi bya// snyan dngags zlos gar bstan bcos las// sgra dang sgra ngan brtag bya yi// sngags kyi bstan bcos gtan la phab// ci yi phyir na brtag par bya// brtag par byed pas gti mug byed// rtsa ba'i don ni zad par song / / de phyir sgra dang rtog ge shes// de la de nyid bshad mi bya// de kun la ni dbang mi bskur// phyi yi don la mos pa'i phyir// thabs dang thabs las byung mtshan nyid// 'bras bu sbyin pa
- 282b
gang zhig phyir/ / de ni thams cad dngos rig pa// mchog gi don ni ster phyir ro// de ltar yang de kho na nyid gsum gyi bdag nyid dang / zla ba dang / bde ba mchog dang / phyag rgya chen po'i mtha' rnyed pa'i don du rnam pa dang / tshad dang / rang gi ngo bongs smras so// yang 'dir de kho na nyid kyi bdag nyid ni kun gzhi rnam par shes pa ste rnam pa'o// zla ba bde ba mchog ni tshogs kyi rnam par shes pa ste mtha' tshad do/ / phyag rgya chen po ni yid rnam par shes pa snang ba ste/ de ni rang gi ngo bo'i de'i mtha' la rnam pa med pa'i rnam par shes pa nam mkha' 'o// yang na sprul pa dang / chos dang / longs spyod dang / bde ba chen po'i rnam pa'i don khong du chud par bya'o// yang na rtsa bzhi'i don du rnam pa la sogs par shes par bya'o// dpal ye shes thig le las de kho na nyid gsum la sogs pa'i rgyas pa nges par bstan pa'i rang bzhin gyi don zhes bya ba'i le'u ste bcu drug pa'o/ / / de nas lha mo rab dgyes nas// rang bzhin don ni gsal ba'i phyir// dam po ru ni 'khyud byas nas// pad+ma dmar por rab tu bskor/ / dur khrod la sogs pa yi don// rdo rje rgyal po la ni zhus// bsrub dang bsrub pa'i sbyor ba las// dpal bdag dgyes nas bka' stsal to// dur khrod la sogs pa yi don// skal ldan lha mo khyod nyon cig/ mi bzad 'di ru rnam khyab pa// lha mo kha la rab tu grags// g.yas pa'i sna yi bu ga ni// mi sdug pa ni shin tu tshig/ lce spyang tshogs ni phyed tshig pa// sna bug g.yon pa ru ni dran// rna ba
- 283a
g.yas pa 'jigs su rung / / swa swa dang ni tse ga tseg go// sha za'i kha ni rna ba g.yon// dum bu mgo bo la sogs brgyan// lha mo g.yas pa yi ni mig/ ha har rgod pa rab tu grags// rnam pa dang bcas yi dgas ldan// 'jigs pa shin tu 'jigs par byed// g.yon pa pho nya nag po me// me lce 'bar ba'i 'phreng bas khyab// rdo rje kha ru 'jigs par byed// rus pa dkar pos rab khyab pa/ / khu ba gzhan min rus dkar 'di// nges par lha mo shes par bya// de ni shin tu tsha ba skye// de tshe 'bar 'phreng khyad par che// byang chub sems ni bde ba che// mi brtan ma yin pa ru 'azhugs// de tshe rnam bcas yi dgas kyis// ldan par rab tu grags pa'o// gsum dbye bzhi dbye drug dbye 'am// mchog gi bdud rtsi gang du gshegs// de ni dum mgo la sogs bstan// gang tshe thi ma las longs spyod 'gro/ / de tshe swa swa tseg tseg go/ gang gi tshe ni dbang ma 'grub// de phyed tshig ldan dran pa'o// srog gi rlung ni nub pa'i phyir// shin tu tshig par brtag pa'o// khu ba nye ba'i shar ma thag/ bkram par bdag gis bshad pa'o// lha mo shin tu gsang ba phye// dur khrod brgyad ni rab mchog go/ de ni shing brgyad dang ldan pa// nang gi bdag sbyor mtshan nyid do// dpal gyi me tog mig rtsi dang / na ga ge sar wa ta dang / pa la shing dang sha ra shing // khar ba dang ni sha mi yo// yal ga du ma la sogs dang ldan brgyad// 'bras bus dud pa'i gzugs kyis shin tu brgyan// 'dod ma rgyas ma klu stobs
- 283b
mdangs/ / mtsho skyes snying po 'dzin ma bya gdong ma// mgyogs dang bral mo zhi gnyis kun tu brtags// shing mchog chen po rtsa brgyad kyi ni gzugs// yang ni dur khrod chen po ni sprul pa'i 'khor lo'i chu skyes chos kyi 'byung gnas kyi nang gsang ba chen po 'dus pa'i gnas dang nye ba'i gnas la sogs pa'i gnas nas rnal 'byor ma re res shing re khyer nas song ngo / / lha mos gsol pa/ bcom ldan 'das 'dir ni rnal 'byor ma ni gang lags/ shing rnams kyi ming ni ci lags/ ji ltar na sprul pa'i 'khor lo'i chu skyes de kun gyi 'dus pa lags pa bka' stsal du gsol/ bcom ldan 'das kyis bka' stsal pa/ yan lag che ma dang / drag mig ma dang / 'jigs ma dang / khro gdong ma dang / zlum mig ma dang / sna nyams ma dang / lce bskyod ma dang / sbrul gdong ma dang / bya rgod gdong ma dang / ser mig ma dang / mche gtsigs ma dang / so rings ma dang / nya gdong ma dang / mgrin rings ma dang / rna 'phyang ma dang / sgur mo dang / byin chen ma dang / spu ldan ma dang / sen rings ma dang / yan lag gnag ma dang / sdom dang / yan lag dmar mo dang / gur kum 'od mnyam ma dang / rta gdong ma dang / gdong chen ma dang / ral gcig ma dang / ral rings ma dang / bong rnam dang / glang chen lte ba ma dang / bung mig ma dang / me tog dga' ma dang / sna rings ma dang / rma bya'i mgrin ma dang / sbrul lce ma dang / ne'u le'i gdong ma dang / nu 'phyangs ma dang / gsus 'phyangs ma dang
- 284a
spang che ma dang / gdong skam ma dang / rlung mgyogs ma dang / ngal 'gro ma dang / spyan rings ma dang / rgod gdong ma dang / du ma dang / 'thab dga' ma dang / gar ma dang dga' 'gro ma dang / chog med ma dang / mang za ma dang / chang dga' ma dang / sha dga' ma dang / phar 'gro tshur 'gro ma dang / bram ze mo dang / rgyal po'i sras mo dang / chang 'tshong ma dang / thod pa ma dang / lto bi dang / gtum mo dang / khrus mkhan mo dang / chos ma dang / sha ba ri dang / legs ma dang / khrag dga' ma dang / skyabs sbyin ma'o// de kun lha mo rnal 'byor ma// shin tu drag la yang dag 'jigs/ / de kun lag na gang zhig shing // khyer nas 'ong ba khyod nyon cig/ tsam pa ka dang / pa tra li dang / ka 'un tsa dang / pa ta dang / pad+ma dang / sha ra dang / shi mya dang / pa la sha dang / nag ge sar dang sa la dang / a ro d+ha ka dang / g+ha na dang / pi sa la dang / bung ba'i dra ba dang / a shad tha dang / a ta pu ta dang / ha ya dang / sa ha ka ra dang / 'o ma'i shing dang / chu shing dang / na li gir dang / u dum wa ra dang / e ran da dang / ka pi ta dang / a mra dang / 'dzam ra dang / kha dir dang / tsan dan dmar po dang / pad+ma ka dang / tsan dan dang / li shi dang / dzA ti shing dang / gur shir sha dang / bil ba dang / skyu ru ra dang / ba ru ra dang / rgun 'brum dang / kha ra dzu ra dang / nga ga ra dang / ka bi la dang / ben ting ka ra dang / go yu'i shing dang / 'dod pa'i gda' gzhu dang /
- 284b
phra mo'i lo ma dang / gu gu la dang / sa rdza ra rdza dang / pa la ka dang / ma da na'i shing dang / ka ra sma ri dang / puN+Da ri ka dang / 'bras bu che ba dang / tsher 'bras dang / klu'i mgo shing dang / su 'dar sha na dang / ta la'i shing dang / chos kyi rgyal mtshan dang / gshin rje'i gdugs dang / a sho ka dang / arga dang / ka ra bI ra dang / ru rag sha dang / ardzun dang / rdo rje'i mig ste shing de dag kun ni chu zheng gab pa/ me tog dang 'bras bu dang ldan pa ste/ 'dus pa chen po'i gnas su rnal 'byor ma rnams kyis khyer te 'ongs nas/ dam tshig gi spyod pa chen po byed do// 'dus pa chen po'i gnas brgyad pa brgyad kyi 'dab ma dang ldan no/ / 'dab ma re re la rnal 'byor ma de dag dang / gnyis pa ni shing ste/ de gnyis gcig la gcig mnyam par gnas so// de ltar shing gi rnam pa nyid kyi rtsa la bzhugs pa'i phyir ro/ / rnal 'byor ma dang shing gi sgras rtsa drug cu rtsa bzhi khong du chud pa'o// 'di la rtsa'i 'khor lo'i lte bar srog gi rtsa ba'i nang dang lhan cig rtsa gsum dang ldan pa'i 'dab ma gsum gyi/ pad+ma'i g.yas ngos su ping ga la'o// g.yon ngos su i da'o// dbus su bde legs yid ma dang / 'jug pa dang / gnas pa dang / 'gro ba 'grub par byed do// de dag gi dngos po dang / rten dang ye shes dang / rnam par 'byed pa las zhal bzang mo de ru shes par bya/ shar ba dang nub pa'i dus su rtsa'i 'khor lo'i 'byung ba thams cad 'bad pas btsal bar bya'o// gang gi phyir rtsa'i 'byung ba med
- 285a
par gyur na/ byang chub kyi sems kyi bdung rtsi bde ba'i ye shes 'di 'jug pa dang / gnas pa dang / 'gro ba'i skye ba shes pa ma yin no// ma shes na ji ltar phyag rgya chen po'i grub pa rnyed par mi 'gyur te/ de bas na phyag rgya chen po'i grub pa'i don 'dod pa'i rnal 'byor gyi dbang phyug gis bsam gtan la mi g.yeng bas brtson par bya'o// lha mos gsol pa/ bcom ldan rnal 'byor dbang phyug gis/ / bsam gtan 'dir ni ji lta bu// bcom ldan 'das kyis bka' stsal pa// rnal 'byor dbang phyug bsam gtan ni// nyon cig lha mo ngas rab bshad// kun rdzob ye shes brten pa las/ / gnyis su med pa'i gnas rab rnyed// nyer 'gro bsam gtan mchog gis ni// grub pa chen po rnyed par 'gyur// skyon ni thams cad bral ba yi// yid dang mthun pa'i rang gnas su// lus ni ma bsgrims pa yis ni// spros pa med par stan bder bsdang // lte ba'i dbus na yod pa'i tshul// hUM gi yig 'bru grags chen grags// rnam par rtog pa dang bral ba// bskal pa'i me yi 'od dang ma'am/ / langs nas chos kyi 'khor lo yi// mkha' 'gro bsregs nas smin mtshams kyi// dbus na gang zhig 'khor lo yod// rang gi ngo bo srog gi rlung // snying khar 'ongs nas de gnas su// rtag tu de ni bzhugs pa'o// de ni oM yig ngo bor grags// sku yi rgyal po rnam par shes// srog dang rngub pa 'gog pa yis// srog dang rngub pa'i bza' ba gsol// srog dang rngub pa gnyis thos nas//
- 285b
des ni rdzogs par 'gyur ba yin// de nas de la rtags ni kun// mtshan ma 'di lta bu dag 'byung // 'dar dang rdul dang ba spu langs// dbyangs kyi bye brag de nas mdangs// kha dog 'gyur dang mchi ma dang / / lha mo de las de nyid skye'o// de nas rnal 'byor dbang shes nas// rnam par shes pa'i yi ge mchog/ nang du blta ba byas pas na// steng mtshams rtse mo zab pa ru// mchog gi nam mkha' ba de chen du/ / yi ge mchog ni shes byas nas// tshangs pa'i pad+mar byon te rgyas// chags pa dang bral gnas su 'gro// dpal ldan rdo rje 'dzin pa yi// lha mo gnas der shes par bya// 'di lta bu yi 'dus pa yi/ / sa yi dur khrod chen po ni// chos kyi 'byung gnas kyi ni gzhir// grangs med pa yi rnal 'byor pa// phyag rgya chen po'i dngos grub thob// nye bar 'gro ba'i bsam gtan las// nges par 'grub pa'i dbang po mchog/ spros med 'od kyi gnas rnyed do// dpal ye shes thig le las dur khrod kyi nges par bstan pa'i don dang nang gi bsam gtan gyi nye bar 'gro ba bstan pa'i le'u ste bcu bdun pa'o// / / bcom ldan 'das ma phyag rgya chen po pad+ma'i mchog bskyed cing shin tu dga' bas yang zhus pa/ kye bcom ldan 'das dpal ye shes thig le'i rgyud 'di'i tshad ni ci lags/ gnas ni gang lags/ mchog gi dbang phyug bdag la bka' stsol cig/ bcom ldan 'das kyis bka' stsal pa/ gang zhig dri ba mchog byas pa// spyan bzang ma ni khyod nyon cig/ dpal ldan ye shes
- 286a
thig le yi/ / de yi tshad ni don dam par// sus kyang smra bar nus ma yin// zhal bzang de ni bden ma yin// 'on kyang cung zad skal ldan mo// gsang ba'i ye shes rab mchog ni// gang zhig rgyal bas yang mi shes// khyod kyi ngor byas bdag gis bshad// srog gi dbyug pa'i gang zhig ste/ sor bcu gnyis ni mdud pa med// 'og gi cha ni bcu gnyis phyed// de bzhin sprul pa'i pad+mar ni/ / drug phyed pad+ma mig dang 'dra// rtsa ba dang bcas lte na du// rtsa ba rtsa ba'i nang 'ongs nas// 'dab ma'i skye ru bcar te gnas// dgug pa'i rnam pa'i ngo bor grags// bu ga phra mo nang na ldan// de ni srog pa rtsa nyid yin/ / khams gsum gyi na rten yin no// rgyu dang 'bras bu gnyis med pa'i// rtsa dang 'bras bu rgya yis btab// drug phyed rtsa ba dang ldan ni// rtsa ba'i skud pa byad gzugs gsal// bcu drug phyed phyed bye brag tu/ / rtsa ba'i skud pa gcig pu'o// rtsa ba gsum dbye skal ldan mo// 'bras bu yang ni de bzhin no// rtsa ba 'bras bu gnyis kyi gnas// bcu gnyis phyed kyi gcig pu'o// de ni shin tu phra mo 'jam/ / rin chen kha nang man chod du// de tsam ye shes thig skud yod// rnam shes drug po'i rten mchog go// char yang dang ni thig le tshul// tshul tsam mchog dang gzhan mchog go/ shrI ni gzhan min 'di ru shar// thig le dzA zhes su ni dran// rol ni na yi yig 'bru yin// ti yi yi ge tshul tsam mo// mchog ni la yi yig 'brur bstan// gzhan mchog ka ru dran pa'o// gug ma'i
- 286b
rnam pa'i kha ru ni/ / yungs kar che ba'i sbom po tsam// gnyis su med pa'i ye shes dpal// char yang du grags mchog dbang phyug/ de yi snying kha'i dbus su ni// ye shes thig le grub pa bzhugs// tshul ni mdud pa'i mgrin par gnas// na yi yi ge mtshan zhes mchog/ g.yon glo yi ni 'dab ma'i nang // ti ni thig le'i tshul tsam gnas// g.yas su la yi yig 'brur grags// lha mo mchog ni rtag tu bzhugs/ / steng du gzhan min kun gyi mchog/ kha yi gnas su rtse mo'i che// de tshad yungs kar rus pa tsam// ka yi rnam pa'i yi ge mchog/ bde ba chen po'i rang ngor grags// rang gi ngo bo'i mtshan nyid can/ / dpal ldan ye shes thig le 'di// mkha' 'gro ma yi 'khor los sgyur// nam mkhar 'gro ba yi ni phyir// mkha' 'gro ma ni rtsa kun dran// 'jug pa'i gnas sa longs spyod yin/ / thim pa'i 'gro ba'i gnas su yod// 'byung ba dbang gi gnas su ste// rang bzhin de ni mchog gzhan mchog/ g.yon gyi glo ru i Da'i rtsa// bi ga la ni g.yas su gnas// rtog med ma ni steng duganas/ / phyag rgya chen po'i rang bzhin no// steng dang 'og gnas yod pa'i rtsa// srid dang mya ngan 'das dag byed// g.yon glo ru ni yod pas yang // de bzhin 'di ni dran pa'o// de rnams lte ba'i dbus su ni/ / skra rtse bye ba brgya yi che// de yi tshad ni de bzhin gnas// zhal bzang ye shes thig le'o// rnal 'byor ma yi ye shes rab// gsang ba mchog ni bdag gis bshad// thos pa yis
- 287a
@/ ni sdig pa zang // de nas de la dga' ba skyes// dran pa yis ni bsod rnanams skye// de nas re la mchog dka' ste// lngang yis ni 'grub par 'gyur// dga' bral dga' ba rab tu / reg pa yis ni lhan skyes dga'// de nas yang dag rab 'od gnas// 'od rab gnas las thams cad 'di// gnas la sogs pa'i ngag kun no// lha mos gsol pa/ gnas la grangs ni ji tsam du/ mchog gi dbang phyug khyod dbang mdzad// bcom ldan 'das kyis bka' stsal pa// rtag tu sprul pa yi ni skus// sa ni bcu gcig pa ru dran// longs spyod rdzogs sku bcu gnyis pa// chos kyi skus ni bcu gsum mo/ / bde ba chen pos bcu bzhi pa// gang zhig bco lnga yi ni sa// de ni ye shes sa zhes bya// bcu drug pa ni brtags pa min// khyod dang lhan cig zhal bzang mo// de kun sa yi dbang phyug bdag gnas la sogs pa dga' ba'i gnas/ / sa yi sgra yis brjod pa yin// mos par spyod pa'i sa dang po// gnyis pa rab tu dga' ba/ gsum pa dri ma med pa/ bzhi pa 'od byed pa/ lnga pa 'od 'phro ba/ drug pa sbyang dka' ba/ bdun pa mngon du gyur pa/ brgyad pa ring du song ba/ dgu pa mi g.yo ba/ bcu pa legs pa'i blo gros/ de rnams ni byang chub sems dpa'i sa'o// chos kyi sprin ni sangs rgyas kyi sa/ kun tu 'od ni yang dag par rdzogs pa'i sangs rgyas kyis/ kun tu snang ba mched pa'i 'od ni dpal rdo rje sems dpa' bcom ldan 'das kyi sprul pa'i sku'i sa snang ba thob pa'i 'od ni longs spyod
- 287b
rdzogs pa'i sgra'i sa/ / brjod du med pa chad med pa ni bde ba chen po'i ma ste/ de kun dga' ba'i bye brag la// sar ni kun tu btags pa'o// lha mos gsol pa/ rdo rje sems dpa' mnga' bdag me// tsun 'di ru tsi ru grags/ / bcom ldan 'das kyis bka' stsal pa// sku ni de bzhin gshegs skyabs sbyin// sems ni rdo rje 'dzin par dran// phung po lnga las grub pa'i sku// rigs lnga yi ni bdag nyid mchog rigs ni drug pa thugs rdo rje/ / grangs med rigs kyi gtso bo'o// 'khor lo rin chen de bzhin pad// ral gri rdo rje lnga pa'o// gzugs dang tshor ba 'du shes dang // 'du byed rnam shes de bzhin no// gzugs ni rnam par snang mdzad grags// gti mug rdo rje'i ngo bo nyid// tshor ba rin chen rgyal po ni// nga rgyal rdo rje'i ngo bo nyid// 'du shes de ni snang mtha' yas// chags pa rdo rjer rab tu grags// 'dra byed don yod grub pa ste/ / phrag dog rdo rje ru ni bstan// rnam par shes 'dir mi bskyod pa// zhe sdang rdo rje rab tu bsgom// nam mkha' rdo rje sems dpar grags// rnam pa dang bral grub mnga' bdag/ gti/ mug me long ye shes blta// nga rgyal mnyam pa nyid du dran// so sor rtog pa 'dod chags yin// bya ba grub pa phrag dog che// zhe sdang chos dbyings rnam par dag/ bde chen gcig pa las ni 'dir// bye brag lnga ru gyur pa grags// bde ba dkar po bsrubs pa las// zhal bzang po ni sra ba gang // de ni rnam par snang mdzad ces// gti mug chos kyi mtshan nyid can// bde ba nag po zhu ba'i gzugs//
- 288a
de ni mo bskyod pa ru dran// bde ba dmar po'i 'od kyi phyir// 'od dpag med pa de bzhin gshegs// rlung gis khyab phyir bde ba sngo// don yod grub pa de rab bstan// nga rgyal las/ ni 'dir bde ser// de ni rin chen 'byung ldan yin// nam mkha' dang bral grub mgon po// rdor sems rgyal ba kun mnga' bdag/ spyan rings bzang mo de phyir sku// lha yi rnam pa rab tu mchog 'bad pa yis ni de mchod bya/ / nam yang smad par mi bya'o// sha dang / khrag dang / bshang ba dang / gci ba dang / mig rngu dang / snabs dang / sen mo dang / so dang / skra dang / spu dang / rus pa dang / rgyus pa dang / mkhal ma dang / snying dang / mkhris pa dang / glo ba dang / rgyu ma dang / dri ma dang / tshil dang / rnag dang / ang khri na dang / gnye ma dang / lto ba dang / kha lU dang / bad kan dang / rdul dang / mchi ma dang / klad pa dang / rkang mar dang / khu ba dang / khrag dang / sha ma 'di'ang lha'i gzugs kyis gnas pa ste gzhan ma yin no// de bas na shing dang / rdo ba dang / sa las grub pa dang / dngul dang / zangs dang / 'khar ba las grub pa'i lha dang / mchod rten dang / bris sku dang / po ti la sogs pa rnams la phyag mi bya'o// gang gi phyir ye shes kyi sku spangs nas phyi'i don gyis ci'i phyir gnas/ phyi yi thams cad skad cig ma// dpa' mo sems kyi rdzu 'phrul yin// de ltar sems las gzhan pa min// sems nyid nam mkha' lta bu'o// gzugs sogs
- 288b
kha dog gnas pa'i phyir/ / tha mal pa yi lus su snang // rnam par dag pas lha nyid du// bla ma'i zhal snga'i bka' drin no// lha mos gsol pa/ mgon po bla ma ji lta bu// slob ma yang ni ci 'drag rgyud kyi rim pa ji ltar lags/ / re zhig rgyud ni ji ltar gsungs// dpal ye shes thig le las dpal ye shes thig le'i tshad dang / gnas dang / sa bstan pa'i don dang / phung po rnam par dag pa zhes bya ba'i le'u ste bco brgyad pa'o/ / // de nas yang ni bshad bya ba// bla ma slob ma'i mtshan nyid ni// bla ma tha mal dngos bral yon tan ldan// gzhan min mchog gi dbang gis dbang bskur sku/ / thugs rje dang ldan shin tu rlabs che'i sems// de nyid shes pa log pa'i nga rgyal med// bla ma yul gyis ma kos dmu rgod ma yin pa// rgyud lung bstan bcos du ma'i pha rol phyin// yan lag mtshan mchog kun gyis shin tu brgyan// dkyil 'khor 'dri dang dbang gi rim la mkhas// bla ma yid thub srid pa'i 'jigs bral zhing // mya ngan 'das la 'dod pa'i yid dang bral// dngos po chu zla lta bur nyid kyis mthong / / drug lhag bcu yi stong pa nyid du sems// bla mchog nyon mongs med cing skye ba med// phung po la sogs skye mched khams dang bral// mchog dang dga' bral gnyis ka'i dbus na bzhugs/ / de lta'i dpal bla rdo rje rgyal po nyid// slob ma khrims ldan dul zhing dad pa can// rlabs chen zab mo'i theg pa bsnyen par byed// rnam rtog 'dam gyis rtag tu ma gos shing //
- 289a
mkhas shing blo rno thugs rje'i bdag nyid can// spyan ring bzang mo 'di lta bu dag gi/ bla ma dang ni slob ma rnam gnyis kyi// mtshan nyid dang ni legs par brtag pa ni// ji lta'i don gyis rab tu gsal ba'o/ / dpal ye shes thig le las bla ma dang slob ma'i mtshan nyid brtag pa zhes bya ba'i le'u ste bcu dgu pa'o// // de nas gzhan nyon bdag gis bshad// ji ltar rgyud kyi rim pa bzhugs// dpal dang ldan pa'i rigs chen rgyud// 'bum bdun gyi ni mtshan zhes bya// de ni gtso bo'i rtsa ba'i rgyud// sku brgyad bdag nyid rab kyi mchog/ de brtag kye yi rdo rje ni/ 'bum lnga yi ni mtshan zhes bya// dpal ldan phyag rgya chen thig le// de yi phyi ma'i rgyud du dran// ye shes snying por grags pa'i rgyud// de yi phyi ma'i phyi ma'o// dga' mo ye shes thig le'i sgra// bshad pa'i rgyud ni gsang ba che/ / grub pa'i nges bstan thig le ni// zhal bzang mo de snying po dang // de kho na nyid sgron ma'i mtshan// 'bras bu'i rgyud grags 'chad par 'gyur// de bdun du ni bdag gis bshad/ / shin rmad du byung ba'i rgyud// lha mo brgyad pa sku dang bral// de phyir smra bar mi btub bo// de ltar rim pa thams cad ni// lha mo de nyid shes par bya// sa bon las ni myu gu bzhin// rgyud kun rim shes rim pas so/ / rgyud ni rim pas 'di ru grags// yang na ye shes 'khor lo rgyud// yang na don ni rgyud yin te// yang na rim pa gnyis ni rgyud// lha mo gang du skal ldan mo// shes rab
- 289b
thabs gnyis phrad pa'i sa/ / de ni rgyud du bshad pa yin// yang na ye shes las 'byung ba// ta yi yig 'bru sku ru grags// na ni de nyid dri ma med// ta yi yig 'bru khu ba yab// ra ni yum ste khrag yin no// de gnyis 'dres pa thig le yin// gzhan min rnam shes ngo bo'o// de yi thig le a'i rnam pa// zla ba'i dkyil 'khor nya gang ngo // ta yig dang ni ra yig 'bru// tshul tsam gyis ni gnyis ka ldan// de ni rab mchog a yig 'bru// rtsa dang dga' bdag nyid skye med// lha mo 'di ltar rgyud kyi rim// rgyud kyi don yang shin tu bshad// dpal ye shes thig le las rtsa ba'i rgyud la sogs pa'i rim pa dang don zhes bya ba'i le'u ste nyi shu pa'o/ / // bcom ldan ye shes thig le lags// nyi ma bye ba'i 'od dang mnyam// bdag gis zhu ba gang zhig ci// rgyal ba'i mnga' bdag de bdag gsungs/ / mnga' bdag rang gi ngo bo nyid// gang las skyes shing ci las 'ongs// de ni mdor bsdus pa yi tshig/ thub pa chen pos bka' stsol cig/ bcom ldan 'das kyis bka' stsal pa/ dri ba 'di ni shin tu zab// ye shes kyis rnyed gsang ba'o// lha mo khyod ni 'byung ba min// skye ba dang ni 'pho med rab// mchog gi rnam rtog rlabs dang bral// rang gi ngo bo ye shes 'ong // bdag rang gi ni ye shes sku'i/ / mchog gi dbang phyug ma khyod 'od// gzhan min bdag dang khyod med na// sangs rgyas kun gyis rnyed dka' ba// khyod med na ni khams gsum kun// mgo bo chang pa'i mi bzhin
- 290a
du/ grangs med 'jig rten gyi ni khams// khyod ni ye shes 'od byed pa// khyod ni thams cad dngos kun gyi// thams cad bdag nyid 'byung ba kun// chos kun yongs su shes nas ni/ / de ni thams cad mkhyen par grags// de yang lha mo khyod kyi drin// brjod par mi nus yang dag don// khyod kyi drin gyis grangs med pas// de bzhin gshegs pa'i gnas rnyed 'gyur// mchog gi nam mkha'i gnas nas byon/ / mchog gi nam mkha'i gnas su gshegs// mchog gi nam mkha'i ngal so nas// mchog gi nam mkhar rtag tu bzhugs// kun rdzob rnam pa'i mchog tu ni// pad+ma'i skud pa ji bzhin du/ / gsang ba'i sna rtse snying por gnas// langs nas bde ba'i pad+mar ni// thig le khong du chud pa'i phyir// gshegs nas brten pa thams cad sreg/ rgyas pas thig le khyer nas su// yang ni khyod 'dir byon pa'i don/ / lte ba sprul pa'i pad+ma yi// lha mo gang tshe khyod kyi gnas// de tshe khyod ni shes rab grags// legs dgyes rab mchog rmad du byung // bdag dang lhan cig gnyis med sbyor// legs dgyes dbang mo khyod ni bzhugs/ / tshangs pa'i g.yul sa bye ba mthar// legs dgyes khyod kyi rgya yis btab// grangs med pa la rgyas btab ste// de phyir phyag rgya che khyod grags// dpal ye shes thig le las dpal phyag rgya chen po bcom ldan 'das ma'i rang gi ngo bo bstan pa zhes bya ba'i le'u sa nyi shu rtsa gcig pa'o/ / / gsang ba'i pad snying rgyas 'byed pa// rdo rje'i ma gzhan
- 290b
yang nu/ / re zhig ci yi gsang ba gsungs// gnas ni gang na yod pa lags// bcom ldan 'das kyis bka' stsal pa// byang chub sems ni gsang ba yin// khu ba'i ngo bo chang dang bral// de yi gnas ni mngal yin te/ / phyag rgya dga' ba sbyin pa mo// bcom ldan 'das mas gsol pa/ byang chub sems ni khu ba'i gzugs// de ni ji ltar gsang bar brjod// gsang ba'i gnas ni mngal yin te// gzhung de bdag la 'phang ma lags// de lta na ni gang zag kun// nges par gsang ba shes par 'gyur// de yang dbang bskur la sogs ni// su la yang ni mi dgos lags// bcom ldan 'das kyis bka' stsal pa/ / sangs rgyas kun gyi yum khyod de ni bden// gang zhig khyod kyis nges par bzung ba'i don// 'on kyang drang ba'i don gyi tshig gis ldan// rten gyi don phyir yang na nges pa'i don// rten med na ni 'bras bu rnyeng mi 'gyur/ / lus kyi dngos med ji ltar 'di ru sems// ji ltar don mthun gsang tshig de ni gsang // drang ba'i don min nges pa'i don yang min// dngos med yang min dngos po'i gzugs ma yin// bangan rim 'byung ba thim rnams kyi ni gzhan// khu gzugs gang du de ni yod ma yin// khrag kyang yin par ji ltar yang ni min// mchog dga' dga' bral lhan skyes dga' ba min// gnas mngal de la nam yang yod ma yin/ / rdo rje rtsa ba bde chen la sogs min// drug phyed rtsa dang mtsho skyes snying po min// rig min yang min rig pa nam yang min// brjod med nam mkha'i rang gi ngo bo'o// 'di lta bu ni don
- 291a
dam par/ / lha mo gsang bar rab tu gsal// yang ni 'bring gi don gyis su// bdag gis gsang bshad khyod nyon cig/ 'bring don de ni don gyi mchog/ mchog gi dga' ba sbyin/ pa'o// 'bad pas dga' bral srung bar byed// dga' bral dga' bas lhan skyes 'gyur// nor mdud snying la yi ni gsang // byang chub kyi ni sems dang ldan// de ni thabs kyi gsang ba'i don// shes rab ma yi de bzhin no/ / gsang ba shes rab dbang gnyis las// dga' mo gsang ba'i don shes so// dpal ye shes thig le las gsang ba'i don zhes bya ba'i le'u ste nyi shu rtsa gnyis pa'o// / de nas bcom ldan 'das ma phyag rgya chen pos 'jam pa'i dbyangs kyis yang zhu ba zhus pa/ mgon po thams cad gtan la phab// rang bzhin ji ltar lags pa gsungs// bcom ldan 'das kyis de lta bu'i tshig gsan pa dang cang mi gsung ba'i dngos pos skad cig tsam bzhugs te/ de nas mi snang ba'i rang gi ngo bor bzhugs so// de nas bcom ldan 'das ma phyag rgya chen pos/ bdag rang rten med par mthong nas zhus pas shin tu 'gyod nas cang mi smra bar bzhugs so/ / de'i dus su sna tshogs pad+ma la bzhugs pa'i 'khor bye ba phrag bdun cu rtsa gnyis kyi grangs rnams kyis chos kyi 'byung gnas stong par mthong nas shin tu ya mtshan du gyur pas kun smra zhing brgyal bar gyur to/ / kye byang chub sems dpa' sems dpa' chen po lha'i dbang phyug/ bcom ldan 'das dpal rdo rje sems dpa' gang na bzhugs//
- 291b
/ gar gshegs/ kun tu stong par bdag cag gis mthong lags so// lha'i dbang phyug gis gsol pa/ 'khor chen po rnams nyon cig/ bcom ldan 'das dpal rdo rje sems dpa' la/ bcom ldan 'das dpal phyag rgya chen pos 'di ltar zhus te/ mgon po thams cad gtan la phab// rang bzhin ji ltar lags pa gsungs// de lta bu'i tshig gsan pa dang / bcom ldan 'das cad mi gsung bar mi snang bar gyur to/ / de ci'i phyir zhe na/ rang bzhin de ni brjod du med pa dang / rtog ge med pa dang / brtsal du med pa dang / grangs med pa dang / skye ba med pa dang / gzugs med pa dang / rig pa med pa la de dris pas/ de nyid smrar mi btub pa'i phyir/ bcom ldan 'das snang ba med par gyur to// yang 'khor thams cad kyis gsol pa/ kye blo gros chen po chos kyi mdzod/ snang ba med cing dngos po med pa chad par mi 'gyur ram/ de'i don la shin tu 'jigs shing yang dag par yid zhum par gyur to// lha'i dbang phyug gis bka' stsal pa/ snang ba med par 'du shes gang // de ni dngos med shes mi bya/ / nang gi rang ngor 'gro ba'i phyir// snang ba med par 'di ru brjod// de bas 'khor chen ma 'jigs shig/ yid skyo ba ni yongs su spongs// de la thabs ni gcig yod do// gang gis rdo rje 'dzin pa nyid/ / sngar ni khyod kyis mthong ba bzhin// pad+ma'i dbus bzhugs mthong bar 'gyur// de'i tshe 'khor thams cad kyis byang chub sems dpa' sems dpa' chen po lha'i dbang phyug gi zhabs la
- 292a
mgo bos phyag 'tshal te/ bcom ldan 'das mthong bar bya ba'i phyir thabs nus pa/ kye blo gros chen po dpa' bo chen po thabs ci yod pa bdag la bstan du gsol/ dpa' bo chen pos bka' stsal pa/ dus gcig tu mgrin gcig gis snyan pa'i glus mchod pa gyis shig/ de lta bu'i thabs kyi tshig thos nas thams cad dga' zhing mgu la yi rangs pas/ yang byang chub sems dpa' sems dpa' chen po lha'i dbang phyug gi zhabs la mgo bos phyag 'tshal te/ de nas drug ldan la sogs pa'i glu thams cad len no// kye sku rab mchog gi ngo bo'i mtshan nyid ni// gang na bzhugs pa mya ngan 'das mtshan nyid/ / de nyid dang bral chad pa'i stong de ni// gnyis med bde bas mkhyen par mi 'gyur ram// rdo rje mtsho skyes mchog sbyor yongs su gzigs// gang zhig dngos med dngos de spyad par mdzod// de nas rang bzhin las bcom ldan// chu las nya ni bzhin du bzhengs// mchog gi dga' ba'i gzugs bdag nyid// mchog gi dga' ba'i sbyin pa'i bdag/ dngos dang dngos min gnyis kyi steng // gyen bltas pad+ma'i lte bar ni/ / zhal bzhi dang ni phyag bzhi pa// shin tu ngo mtshar sku dang ldan// rgyal po yi ni bzhugs thabs bzhugs// brgyad gnyis blo ldan byad gzugs can// spyan gsum mchog gi rnam pa can// zla ba nyi ma zhabs kyis mnan// rnge'u chung thod pa kha T+wAM ga/ rdo rje 'bar ba phyag na bsnams// de lta bu'i rmad du byung ba'i gzugs mthong nas/ 'khor thams cad dang lhan cig bcom ldan 'das ma phyag rgya chen
- 292b
mo langs nas lan gsum du bskor ba byas te dam por 'khyud nas bstod pas bstod pa/ mchog tu rmad byung chen po'i sku ni rgyal gyur cig/ ye shes zab mo rgya mtsho'i snying po rgyal gyur cig/ brjod bral bltar med dngos med sku mi mnga'/ / gti mug chen po 'joms de rgyal gyur cig/ mchog dang gzhan mchog de ni mchog gzhan mchog/ mkha' mchog 'od mchog mchog gi ye shes snang // mchog gi bdud rtsi'i snying po gang ba'i rgyun/ / mi 'chad rgyun 'bab byed pa rgyal gyur cig/ shin tu lkog gyur dbang pos bltar med pa// skye 'gag 'du byed mtshan med rgyal gyur cig/ de lta bu'i bstod pa'i rgyal po byas nas/ yang phyag rgya chen po lha mo chen mos bcom ldan 'das la dad pas zhu ba zhus pa/ kye bcom ldan 'das dkyil 'khor gyi lha rnams ci'i phyir ma gsungs lags/ bcom ldan 'das kyis bka' stsal pa/ sru ba dang bsrub pa'i sbyor ba las// lha rnams 'byung ba'i rim pa'o// dang po rtsom pa shin tu 'dar// rnam par shes pas lha mo skye// de ni grong las kha dog dkar// 'dod pa'i gti mug rnam par thos/ / grong khyer las ni longs spyod yin// spyod lam lha mo rgyal ba'i 'od// bskum pa las ni snang ba mched// snang ba mched las ye shes 'od// bgrad pa las ni skye ba sbyor// sbyor bas dga' ba'i skye ma ste/ / mnyam sbyor las ni ye shes skye// ye shes las ni dngos zad ma// khyod las 'di ru dngos po ste// dngos las longs spyod zla ba ma// dkar mo las ni rten shes bya// rten las pad+ma'i lte ba
- 293a
ma/ / brang brdabs las ni rnam par 'byed// rnam par 'byed las pad mig ma// gnag dang ljang dang gur kum mdog/ dmar dang sngon po yi ni gzugs// zla ba dkar dang dmar gyi sngon// sgo la sogs dang mtshams na bzhugs// zhal gcig pa la spyan gsum pa// phyag rgya lnga yis rnam par brgyan// snod dang gri gug gis phyag brel// na bza' grol ba phyag gnyis pa// de ni nyi zla'i gdan la bzhugs/ / rus pa sna tshogs rgyan dang ldan// khyod kyi bzhugs thabs ji lta bar// lha mo rnams kyang de bzhin no// de rnams thabs ni bzhi gnyis kyi ni grangs// mnyam pa'i bzhugs thabs phyag dang zhabs la sogs/ / rab tu dga' ba'i yid ldan zhi ba'i gzugs// rtag tu sems can don byed 'on brtson// lha mos gsol pa/ dpa' bo rnams kyi ming gi brda// de bzhin nyid kyi rdo rjes gsungs// bcom ldan 'das kyis bka' stsal pa/ / khyod kyis nga la gang zhus pa// skal ldan lha mo de ni nyon// 'di yi rgyud la bdag la gzhan// mtshan ni yod pa gang la lar// na ni lte ba gsang ba'i pad// dga' bral dga' ba sbyin pa'o// ma zhes nor bu bsrubs pa ni// mchog gi dga' ba sbyin pa'o// gang zhig de yi dbus nas langs// de ni bdag gi rang bzhin mtshan// dpa' bo rnams ni bdag gis bshad// shes rab pha rol phyin ma nyon// lha chen po dang khyab 'jug dang // pad+ma'i lte ba shin tu blta// lha yi dbang dang 'dod pa'i lha// pad+ma'i mig dang gzhon nu ma// re zhig de ni dkyil 'khor ba// rang gi phyag rgya mtshon cha 'dzin// dpal ye shes
- 293b
thig le las bskul ba zhes bya ba'i le'u ste nyi shu rtsa gsum pa'o/ / / bcom ldan 'das mas gsol pa/ kye bcom ldan 'das dbang bskur ba'i dus su dkyil 'khor rnams ji lta bu lags/ cho ga gang gis dbang bskur ba sbyin zhing blang / bcom ldan 'das kyis bka' stsal pa/ chu la sogs pa'i dbang dus su// rdul tshon la sogs dkyil 'khor mdzes// gsang ba'i dbang bskur dus su ni/ / me tog sna tshogs mchog gis so// shes rab ye shes dbang bskur dus// sna tshogs dri zhim po yis brgyan// las dang po yi dang po la// nges pa'i don gyi chu la sogs// dbang bskur shes pas sbyisprin bya ste/ / de ltar min na skyon du 'gyur// shes rab can gyis drang don der// sbyin no de nas dam tshig sbyin// nor bu mgrin par byang chub sems// bla ma nyid kyis rang rig byed// shes rab lhan cig gnas las langs/ / slob ma'i kha yi pad+ma ru// nyid kyi rdo rje rab tu sbyin// de nas bde ba'i bdud rtsis bkrol// mgrin pa'i dbus su rtsa gnyis ni// g.yas dang g.yon na yod pa'o// sbom ma yangs mar 'di ru grags/ / srog dang nye ba'i rang ngo bo// g.yon ni srog tu shes par bya// nye ba'i srog ni g.yas na'o// de ru bde bar 'jug par bya// mthe bong srin lag gnyis kyis mnan// de nas ye shes 'byung bar 'gyur// bu mos rnyed pa'i bde ji bzhin// reg bya chen pos dga' ba che// dga' ba chen pos bde ba che// bde ba chen pos byang chub sems// shes rab bya gdong ma yi khar// nor bu'i kha las thigs pa gcig/ shes
- 294a
rab ye shes zhal bzang mo/ / shes rab bya gdong las bde ba// rdo rje rin chen kha ru 'gro// de ni dbang gi mchog rab yin// sangs rgyas grub pa'i 'bras sbyin bdag/ shes rab gzugs bzang b+ha ga rab/ / shin tu lang tsho dbang bskur ldan// dga' sogs bye brag mgu bar byas// de na slob ma la sbyin bya// sems dpa' chen po shes rab 'di// yang dag ye shes rab tu ster// gang zhig bka' lung skyabs sbyin te// de ni bu khyod dad par bya// de yi mngal gyi g.yon logs na// i Ta bya gdong ma ni bzhugs// de rnyed tsam gyis rang bzhin ni// shes rab bsnyen pas rnyed par 'gyur// de ni gzhan min yongs su shes// bzhi pa'i 'bras bu'i ngo bo yin// rang rig pa dang mchog ye shes// ngag gi lam gyis rnyed dang bral// de na lha mo skal ldan mo// gsang ba las ni shin tu gsang // rgyud kun tu ni bdag gis sbas// mtha' yi mtha' ru rab tu gsal// bcom ldan 'das mas gsol pa/ mtha' dang mtha' yi don ni ci// mchog gi dbang phyug bdag la gsungs// bcom ldan 'das kyis bka' stsal pa/ / mtha' ni rnam par 'byed par shes// rnam par 'byed pa bcom pa'i phyir// rnam par 'byed pa bcom pa'i mtha'// rnam par 'byed pa mthar gsal 'gyur// rnam par 'byed mthar ye shes che/ / de rang ngo bo'i rang bzhin no// lha mos gsol pa/ dgyes pa rdul tshon dkyil 'khor ni// mnga' bdag ji lta'i rnam pas bri// bcom ldan 'das kyis bka' stsal pa// gang
- 294b
zhig khyod kyis yongs su zhus/ / nyon cig lha mo bdag gis bshad// phyag rgya'i dkyil 'khor 'di run// las la mkhas pas bri bar bya// pad+ma 'dab ma brgyad par bya// pad+ma'i nang du char yang bya// char yang dang ldan sna tshogs 'dab/ / char yang gi nang thig le ste// de yi steng du rdo rje bri// sna tshogs pad+ma'i ze 'bru ldan// rdo rje gri gug gis ni bskor// gru bzhi pa la sgo bzhi pa// rta babs pa ni yis rnam par brgyan/ / sna tshogs bum pa dang ldan pa// dkyil 'khor rab kyi mchog ni bya// shar gyi 'ang ba mar 'khor lo bri// byang du de bzhin pad+mo'o// nub kyi 'dab mar rin po che// lho ru ral gri bsgreng ba'o// pad+ma gzhan rnams thod pa ni// bdud rtsi lnga yis rab tu gang // dung gzhu de bzhin ri rab dang // rab tu 'bar ba yi ni me// me mtshams la sogs rim bzhin bya// 'bad pa yis ni yongs su bskor// shar gyi sgo ni dpag bsam shing / / byang du 'bras bu sa bon dang // nub tu rin chen sdong bu dang / lho ru sna tshogs rdo rje'o// sgo yi phyi rol rdo rje'i 'phreng // 'od dang ldan pas bskor bar bya// lha mo chen po de lta bu'i/ dkyil 'khor ye shes sbyin bdag po// dam tshig chen po dang ldan pas// rab tu 'bad pa yis ni bya// dkyil 'khor gyi ni bdag po'i phyir// des na bdag ni rab tshim bya// dpal ye shes thig le las dbang bskur ba blang ba dang phyag rgya'i dkyil 'khor zhes bya ba'i le'u ste nyi shu rtsa bzhi pa'o/ / / bcom ldan 'das mas gsol pa/ kye bcom ldan 'das/ dga' ba bzhi yi ngo bo dang // bskyed
- 295a
pa'i rim pa ji ltar lags/ / bcom ldan 'das kyis bka' stsal pa// dga' ba las ni mchog dga' ba// mchog dga' ba las dga' bral dga'// dga' bral las ni lhan cig/ skye/ dga' ba kun gyi de nyid do// bcom ldan 'das mas gsol pa/ de lta'i rig pa mgon chen po// rig pa sngar gyi gzhung ngam ci// mngon sum dang ni rjes su dpag/ sa bon dang 'dra 'bras bu yin/ kau tra ba las sA lu ni// gang du yang ni mthong mi 'gyur// dga' bral las ni lhan cig skyes// bde min dga' bral sdug bsngal des// dga' ba kun ni 'joms par byed// mchog gi dbang phyug dga' bral 'di/ / dga' ba kun dang mi mthun no// dga' ba las ni mchog dga' ba// mchog dga' ba las shin tu dgyes// bcom ldan mkha' 'gro de rigs lags// yang na mchog las lhan skyes so// bcom ldan 'das kyis bka' stsal pa// rdo rje mkha' 'gro ma de bden// dga' bral las ni lhan skyes min// 'on kyang de bsrungs pa las yod// de min lhan skyes gang du gnas// dga' ba kun dang mi mnyam ste/ / dga' ba kun ni 'joms byed pa// 'di skad smra ba shin tu mchog/ don dam pa yi tshig yin no// dga' kun 'gro ba yang gcig pu// yid 'phrog lhan cig skyes pa'o// sprin med snying kha'i nam mkha' ru/ / ye shes nyi ma rab mdzes shing // dpal ldan ye shes thig le rgyud// nam yang de ni thos ma yin// de bzhin gshegs pa'i gnas ni mchog/ lha mo de ni gang las rnyed// rnal 'byor ma dang
- 295b
lhan cig tu/ / du ma'i rgyud du bshad na yang // de lha mod kyi rgyud 'di yi// bcu drug char yang mi phod do// de skad smra ba'i rgyud gzhan kun// dge ba'i yid dang ldan yang yin// 'di ru dad pa med gyur na// dmyal ba la sogs 'gro bar 'gyur// mdo sde la sogs gsung rab kun// dad cing gus pa kho na yin// gang phyir rgyud kun gyi snying po// de phyir rgyud 'di rab kyi mchog/ bcom ldan 'das mas gsol pa/ sbas pa'i yi ge drang ba gang // snying po ye shes 'bras bu ster// nye ba'i snying po de ni mgon// de ni de ring gsal bar mdzod// bcom ldan 'das kyis bka' stsal pa// sngags ni shin tu gsal ba mchog/ de lta na yang gsal bar byas// sngags kyi bzlas las 'grub par 'gyur// grub pa rnyed pas sangs rgyas sras// hA swA Ta pha hUM hUM ka la ti na dz+nyA dz+ra ba hA ma shrI oM/ hA swA Ta pha hUM hUM ye ma k+Sha la ba ma hA ma ye dam dz+re pa oM/ hA swA Ta pha hUM hUM ra sa wi ra sa oM/ bcom ldan 'das kyis de skad ces bka' stsal nas/ 'jig rten gyi khams grangs med pa ni bzhugs pa'i sangs rgyas dang byang chub sems dpa' grangs med pa dang / de bzhin gshegs pa grangs med pa rnams kyis rdzu 'phrul gyis me tog rnam pa sna tshogs pa man da ra ba dang / man da ra ba chen po dang / sngon med pa'i me tog rnam pa sna tshogs rnams kyi chun po 'phyang ba dang / rol mo sna tshogs dang / gar dang / glu dang / mchod pa dang / rig pa 'dzin pas byas pa rmad du byung ba'i chos gos dang / rin po che rnam pa sna tshogs dang / gser
- 296a
dang / nam mkha' las nor bu'i char bcom ldan 'das kyi zhabs kyi rtsar babs par gyur to// de nas nam mkha' las de bzhin gshegs pa dang / sangs rgyas dang byang chub sems dpa' rnams kyis bstod pas bstod pa/ sangs rgyas kun gyi sku gcig pu// legs so legs so bcom ldan 'das// shin tu rmad byung ye shes che// mchog gi dbang phyug gtan la phab// 'di yi 'khor ni ngag byed dges// sdig pa thams cad 'jig par byed// yang dag mchog gi gsang ba 'di// rnyed par dka' ba don dam pa// dpal ldan ye shes thig le'i rgyud// ye shes rgya mtsho gtan la phab/ / de lta bu'i tshogs mchod pa byas nas/ nam mkha' la gnas pa'i de bzhin gshegs pa la sogs pa rnams de kho na nyid kyi bsam gtan la bzhugs so// bcom ldan 'das mas gsol pa/ kye bcom ldan 'das/ bde ba chen po gcig pu'i sku// tshig rgyas pa yi snying po'i don// mchog gi dbang phyug bdag la gsungs// mchog gi dbang phyug gis bka' stsal pa/ nyon cig lha mo gsang ba'i mchog/ rgyud kun du ni rnyed dka' ba// gsang sna pad+ma'i snying po ni// tshogs kyi gnas su 'di ru brjod// rdo rje'i rtse mo kha phye'i phyir// de ni rgyas par brjod pa'o// yang na thams cad kyi ni tshigs// snying po bya yi gdong mar dran// de la rdo rje rtse mo yis// phye ba de ni rgyas par brjod// i Da ping gal gnyis kyi dbus// rtog med ye shes ngo bo nyid// srub dang bsrub pa'i sbyor ba yis// rdo rje'i mthe'u
- 296b
chung rtse mo las/ / reg byas gang gis bde bar 'dzag/ zhal bzang de ni tshig rgyas pa'o// lte ba'i gnas nas smin 'khor lo// de nas gnas pa'i rna ba'o// spyi rtse tshangs pa'i bu ga ni// tshig rgyas pa ni gsum du dran/ / ma ni srub dang bsrub pa ste// ra ni dga' ba yin par brjod// mu ni lha mo sgrol ma yin// nga yi yig 'bru zhu ba'i gzugs// g+ha yi yig 'bru sgra ru grags/ ta yi yig 'bru gsal bar byed/ / na ni lte ba'i gsang ba'i mthar// de yi dbus su rtag tu shar// zla ba'i sku dang 'dra ba gsal// nyi ma bye ba mnyam pa'i 'od// rdo rje sems dpa' bde ba che// byang chub kyi ni lam rab ster// de ni gsang ba ye shes che// rang bzhin tshig gis rab gsal byas// 'bad pa yis ni sba bar bya// su la'ang sbyin par mi bya'o// dpal ye shes thig le las tshig rgyas par bstan pa zhes bya ba'i le'u sde nyi shu rtsa lnga pa'o/ / / de nas gzhan nyon bdag gis bshad// ye shes rab mchog gang gis smras// de kho na nyid bdag don zab// nges bstan la sogs bye brag tu// srog gi dbyug pa bzhugs thabs nas/ / rtsa dang ldan pa'i sbyor ba drug/ thig le shar ba nub pa dang // 'pho ba sbyor ba'i mtshan nyid dang // rtsa yi 'khor lo 'byung ba dgyes// dbang gi rim pa de bzhin no// srung ba'i 'khor lo lha mo che/ / snying po sngags kyi rgyal po nyid// sku brgyad bdag nyid mchod sbyin dang // thim dang longs spyod dang ni dbang // rdo rje lha mo ye shes sku// gsang ba'i sgra yang de bzhin no// srung
- 297a
ba'i dam tshig la sogs dang / / dpal ldan sbyin sreg don dam par// srub dang bsrub pa'i dgyes pa dang // sngags kyi bzlas pa mchod sbyin dang // gnas brgyad sku yi ngo bo dang // dga' ba la sogs pa yi mchog/ dur khrod rnam rtog med par grags// chu ngogs rtog pa med pa dang // snang ba la sogs mchog ye shes// dngos po la sogs bde ba che// thog ma tha mar dur khrod brgyad// zhing la sogs pa bstan pa dang // rlung gi de nyid snying po'i don// 'jug pa gnas la 'gro ba dang // nyer 'gro sbyor ba rab mchog dang // nyid ni ye shes thig le dang // rang gi ngo bo rnam pa mchog/ sa la sogs pa'i bdag po dang / / de bzhin gshegs pa'i sku skyabs dang // rgyud kyi rim pa bstan pa dang // phyag rgya chen po'i rang bzhin no// gsang ba'i don ni don dam par// de nyid mchod pas bskul ba dang // shes rab ye shes ji bzhin no/ / gsang ba'i dkyil 'khor 'khor lo sogs// zhal bzang tshig rgyas bstan pa'o// gtor ma 'byung la phan don du// sdig pa thams cad 'jig par byed// de ni bde ba chen po'i mtha'/ / de nyid bsdus pa'i snying po'i don// bzhi bcu'i bdag nyid de nyid don// gsang chen bdag gis rab tu bshad// de nyid sum cu drug bdag po// char yang ye shes tshor byed do// thig le ye shes bdag nyid tshor/ / de ni sum cu bdun dbang phyug/ tshul gyis ye shes bdag nyid tsher// de ni sum cu brgyad dbang phyug/ tshul tsam ye shes tshor byed pa// dgu lhag sum du nyid do// mchog shes pa yi rnal 'byor gang // bani bcu'i mnga' bdag chen po'o//
- 297b
gzhan mchog gsung lam brjod du med// rnam par dag pa de nyid mchog/ thams cad de kho'i bdag nyid phyir// de bas bye brag mi bya'o// dpal ye shes thig le las de kho na nyid kyi snying po bsdus pa zhes/ bya ba'i le'u ste nyi shu rtsa drug pa'o// / lha mos gsol pa/ bcom ldan 'das ni mchog dga' ba// kun dga' ba yi rnam pa sku// de kho na nyid zhal brgyad pa'i// rnam par dag pa ji ltar lags/ / bcom ldan 'das kyis bka' stsal pa// de nyid bsgom pa rnam par dag/ skal ldan lha mo khyod nyon cig/ zhal brgyad rnam par thar pa brgyad// nang gi stong pa de nyid do// spyan ni nyi shu rtsa bzhi ni// sa dang stobs dang ye shes so// phyag rnams stong nyid rnam par dag/ brgyad gnyis phyag ni stong pa nyid// sbyangs pa'i yon tan sde dang ldan// thod pa rnams kyi ngo bo nyid// sangs rgyas chos ni ma 'dres pa/ / 'jigs byed ma ni brgyad gnyis dbye// bsdu ba'i dngos po bzhi po ni// zhabs bzhi ru ni dran pa'o// chags sdang de bzhin gti mug ni// legs skyes zla 'i 'jigs byed do// gang zhig srid pa'i gnas su bzhugs// zhal bzang de phyir g.yas brkyang ba// lha mo g.yon bskum mya ngan 'das// ye shes sku nyid bzhugs pa'o// srid dang mya ngan 'das min phyir// lha mo de phyir bzhengs pa'o/ / gzugs brgyad rnam par dag pa yis// sna tshogs pad+ma 'dab ma brgyad// gzugs med gnyis kyi 'du shes phyir// shes rab thabs gnyis bdag nyid do// gar dgu'i ro dang ldan
- 298a
pa'i phyir/ / zhal bzang mo ni sna tshogs gzugs// lha mos gsol pa/ thams cad mkhyen pa mchog dbang phyug/ bcom ldan bdag gis rnam dag shes// gsang ba'i don gyis ji ltar mgon/ / rdo rje 'dzin pa bka' drin gsol// bcom ldan 'das kyis bka' stsal pa// gsang ba'i bsgom pa rnam par dag/ lha mo shes rab chen mo nyon// zhal dang lhan cig pa yi spyan// / zhal bzang gnas la sogs pa'o// longs spyod rdzogs par yod pa'i rtsa// bcu drug phyag ni bcu drug pa'o// a li thig le rnam dag pa'i// thod pa yin par 'di ru bstan// 'jigs byed rnam par 'jigs byed ma/ / legs dgyes dga' ba bcu drug go// skad cig bzhi yi sbyor ba yis// zhabs ni bzhi ru dran pa'o// g.yas brkyang ba ni mchog gi dga'// g.yon brkyang dga' ba dga' ba yin// bzhengs pa ldan skyes dga' ba'o// phyag rgya pha rol phyin par dran// dbang gi rang gi ngo bo'o// thim pa smad kyi tshangs pa'i ras// longs spong zhi ba'i pags pa'i gos// legs dgyes dbang phyug yang na gnas/ / bskyed pa tshangs pa'i pags par grags// bong bu'i zhal ni 'jigs pa'i sgra// phyag rgya shes rab thabs ni che// thabs dang shes rab gnyis med dran// byang chub sems ni rnam dag pas// rus pa sna tshogs rgyan la sogs// nam mkha' ru ni 'gro ba'i phyir// gyen du 'bar ba'i dbu skyes so// rang gi ngo bo bde chen phyir// sku mdog nag po mkha' dang mtshungs// dga' bral gyi ni bdud chen
- 298b
po/ 'jigs pa byed phyir 'jigs pa che// dpal ye shes thig le las rnam par dag pa zhes bya ba'i le'u ste nyi shu rtsa bdun pa'o// // de nas bcom ldan 'das mas ma mchu'i/ bdud rtsi'i ro phul te/ nyi ma dang zla ba'i me tog gis mchod nas/ bcom ldan 'das rab tu tshim par mdzad nas 'di skad ces gsol to// kye bcom ldan 'das ma 'ongs pa'i dus su yang dag par gsang ba'i rgyud 'di skal ba dang ldan pa'i sems can rnams la sus 'chad par 'gyur/ bcom ldan 'das kyis bka' stsal pa/ dpal phyag na rdo rje mgon pos bshad par byed do// bcom ldan 'das mas gsol pa/ ye shes bdud rtsi char pa che// mgon po khyod kyis rmad byung sbyin// phyag na rdo rje mgon po che// de yi bskyed pa ji ltar lags// rgyal ba'i mnga' bdag ye shes rgyal// de yi tshig gcig bka' stsol cig/ bcom ldan 'das kyis bka' stsal pa// gang zhig khyod kyis yongs zhus pa// bcom ldan ma de yang dag nyon// phyag na rdo rje mgon chen po// rdo rje 'dzin pa kun gyi bdag/ mtha' yas pa yi 'jig rten khams// skye dang 'jig pa'i rgyu yin no// de las skye ba gang yang med// rang byung mchog gi dbang phyug go/ de yi phyag gi rdo rje ni// ye shes bcu gnyis skye ba med/ / thog ma yi ni rwa lnga las// de bzhin gshegs pa lnga 'byung ngo // mtha' nas 'byung ba chen po lnga// dbus nas 'gro ba rigs drug 'byung // lta ba kun ni srung don phyir// sna tshogs
- 299a
pa yi gzugs su spyod/ / la lar rdo rje 'dzin pa dang // la lar sangs rgyas kyi ni gzugs// la lar he ru ka yi gzugs// la lar de bzhin gshegs pa dang // la lar byang chub sems dpa'i gzugs/ / la lar nyan pa lta bur bzhugs// la lar 'chad do dgyes pad+ma// la lar klog pa'i tshul du bzhugs// la lar rgyud dang bstan bcos ni// mdzad pa dang ni la lar 'dzin/ / mang du brjod lta ci zhig dgos// de ston phyag na rdo rje rgyal// lha mos gsol pa/ dkyil 'khor dang ni 'khor la sogs// de la mdor bsdus ji ltar lags// bcom ldan 'das kyis bka' stsal pa/ / dkyil 'khor rdo rje 'dzin pa yi// mkha' 'gro dbang phyug ma dgyes mdzod// gru bzhi la sogs dang ldan pa// dur khrod kyi ni brgyad kyis brgyan// shing brgyad kyis ni chal par bkram// rdzing brgyad kyis ni brgyan pa'o// de dbus sna tshogs chu skyes ni// 'dab ma dang ni ge sar bcas// de yi dbus su lha thod pa// dum bu gsum pa kun dang bzhi// rang gi ngo bo chos kyi dbyings// bdud rtsi / lngas ni shin tu gang // hUM gi yig 'bru de dbus gnas// ye shes me yi 'od dang mnyam// zla ba nyi ma'i gdan la bzhugs// sdig pa thams cad 'jig par byed// hUM la sogs pa yongs gyur las// skad cig gcig gis rmad du byung // lha mo bcu gnyis dang ldan pa// phyag na rdo rje rgyal po bzhengs// zhal gcig pa la spyan gsum pa// char sprin gyi ni mdog dang mnyam// phyag bzhi pa ni rta la
- 299b
bcibs/ / nyi ma'i 'od dang mnyam pa'i spyan// bskal pa chen po'i me dang 'dra// nyi ma bye ba'i 'od dang mnyam// gdul dka' chen po 'dul bar mdzad// snying rje'i rlan gyis brlan par mdzad// phyag rgya lnga 'dzin dpa' bo che// ral pa'i dbu rgyan gyis ni brgyan// ral pa sna tshogs rgyan dang ldan// sna tshogs rdo rje zla cod pan// phyag g.yas pas ni rdo rje 'dzin// sna tshogs kyi ni 'od zer 'phro// g.yon ni thod pA T+wAM ga/ gzhan pas rdo rje'i mda' dang gzhu// rta ni 'di ru sngon po'i gzugs// spyan gsum pa la drag po'i 'od// zhi ba'i pags pas sga cha byas// rgod pa'i nga ro gshog pa can/ sna tshogs pad+ma'i 'dab ma la// shar dang / lho dang / nub dang / byang du rdo rje 'jigs byed ma dang / rdo rje drag mo dang / rdo rje gtum mo dang / rdo rje nag mo ste/ gnag pa dang / dmar ba dang / ldang ba dang / dkar po ste ngang pa la bcibs pa'o// phyag dang mtshon cha la sogs pa ni gtso bo bzhin no// mtshams kyi 'dab ma bzhir bdud rtsi sna tshogs pas gang ba'i bum pa'i steng na thod pa'o// mtshams su rdo rje 'dod ma dang / rdo rje gtsags bu ma dang / rdo rje 'phreng ba ma dang / rdo rje brtson ma rnams ni gzugs gnyis pa'i sku/ nam mkha' lding la bcibs pa gtso bo lta bu'o// shar sgo la sogs par rdo rje sha ba ri dang / rdo rje ro langs ma dang / rdo rje rab tu gtum ma dang / rdo rje Dom+bi ni sde/ nam mkha' sngon po dang / nyi ma'i 'od dang / me'i kha dog dang / du ba'i mdog bya rgod
- 300a
la bcibs pa mtshams kyi bzhin no/ / dkyil 'khor gyi phyogs bzhi'i snam bu la tshangs pa dang / brgya byin dang / drag po dang / mi mchog la sogs pa 'dre'i rgyal po rang rang gi mtshon cha phyag na bsnams pa du ma bya'o/ / lha mos gsol pa/ phyag na rdo rje gtso bo'i gsang sngags ni gang / sems can rnams kyis ji ltar bsgom par bgyi/ bcom ldan 'das kyis bka' stsal pa lha mo sngags ni yi ge drug/ thams cad 'dod pa'i don grub byed// gdug pa thams cad 'jig byed cing // nad rnams kun ni zad par byed// dngos grub thams cad rab tu sbyin// thams cad mkhyen pas mi thub bo/ oM badz+ra pA Ni hUM/ rnal 'byor khro bo'i lta bas bzlas// skad cig gcig gis khams gsum gsod// yang na zhi ba'i lta bas bzlas// mtha' yas pa yi nad zhi byed// mchod sbyin yang dag cher byas nas/ sngon du bsnyen pa bye ba bya// zhi ba la sogs sbyin sreg bya// ji ltar sngar ni bdag gis smras// dur khrod yang ni chu ngogs su// phyag na rdo rje bsgrub par bya// dung chen gyi ni 'phreng ba yis// 'grub pa'i don phyir bye ba bzlas/ / zhi ba zhi pa'i sems kyis ni// drag po drag po sgrub par dka'// dbang bskur med pa'i sems can la// sngags 'di sbyin par mi bya ste// mkhas pas bris sku glegs bam ni// nam yang de la bstan mi bya/ / de lta min na grub mi 'gyur// kun nas kun tu rab tu blta// gsang ba yis ni 'grub par 'gyur// kun nas kun tu zhal bzang mo// pad+ma 'dab ma brgyad gyes pa// 'dab ma sna tshogs pa yis
- 300b
mdzes/ / nyi ma'i dkyil 'khor dbus su ni// mnga' bdag phyag na rdo rje rgyal// rgyal po'i bzhugs thabs kyis ni bzhugs// nam mkha'i mdog ltar sngo ba ste// phyag bzhi pa la zhal gcig pa// spyan gsum pa la zhi ba'i gzugs/ / g.yas dang g.yon pa'i phyag gnyis ni// rdo rje thod pa kha T+wAM ga/ chos kyi don ni 'chad pa'i phyir// phyag gnyis chos kyi phyag rgya'o// 'dab ma bdun la sangs rgyas bdun// brgyad pa la ni byams pa'o/ / pa ti la sogs shing la brten// thams cad zla ba'i gdan du dran// gshin rje gshed la sogs pa bzhi// gzhan min sgo la sogs par dgod// rdo rje lcags kyu la sogs bzhi// sgo yi mtshams su gnas pa'o/ / sgo yi phyi rol snam bu'i gnas// yang dag lha chen la sogs pa'o// rdo rje 'phreng bas kun tu mchog/ mkhas pas yongs su bskor bya'o// dpal ye shes thig le las dpal phyag na rdo rje'i dkyil 'khor bskyed pa'i sgom pa zhes bya ba'i le'u ste nyi shu rtsa brgyad pa'o/ / / de nas de'i dus su 'khor thams cad stan las langs te/ lan gsum du bskor ba byas nas/ bcom ldan 'das kyi zhabs la mgo bos phyag 'tshal te/ tshigs su bcad pa 'di dag brjod do// mgon khyod bka' drin gyis ni bdag cag dag/ gzhan dang mi mnyam rgyal bas rnyed dka' ba/ / blta bar dka' ba shes dka' gzung bar dka'// gsang ba'i gsang ba mchog gi mchog rab nyid// dpa' bo dbang phyug chos dbyings phyag 'tshal bstod// log shes mun nag 'joms
- 301a
la phyag 'tshal lo/ / dang po'i sangs rgyas mchog char grags la 'dud// yig bral thig le skye med la phyag 'tshal// nam mkha'i rang bzhin tshul grags la phyag 'tshal// gnyis mu med pa'i tshul tsam la phyog 'tshal/ / mchog gi rang bzhin phyag 'tshal phyag 'tshal 'dud// gzhan tshan gzhan mchog rang bzhin phyag 'tshal lo// dpal me shes thig le las bskyod pa'i tshul zhes bya ba'i le'u ste nyi shu rtsa dgu pa'o/ / yang bcom ldan 'das kyis/ 'khor thams cad dang bcas pa'i bcom ldan 'das mo la bos te/ kye bcom ldan 'das mo shes rab kyi sa rol tu phyin ma sbyor drug gis grags pa bcu dang bral ba bcu gsum gyi bdag nyid/ dpal mchog gi bla ma'i zhal snga nas pad+ma btsal te/ bsam gtan la sogs pa yis yang dag par mthong ba zhes gtan la phang / / dpal ye shes thig le las mchog tu gsang zhing shin tu gsang ba thams cad mkhyen pa rnams kyis kyang rnyed par dka' ba/ rnal 'byor ma'i rgyud kyi rmad du byung ba/ mchog chen po nang gi rnam par shes pa drug gi bstod pa'i rgyal po zhes bya ba'i le'u sa sum cu pa'o/ / dpal ye shes thig le rnal 'byor ma'i rgyud kyi rgyud kyi rgyal po rdzogs so// rgya gar gyi mkhan po chen po shrI pra dz+nyA gup+tas bsgyur cing zhus te gtan la phab pa/ slad kyis dpalas skya'i dben gnas su chu thig g.yar khral bgyis so//
- 301b
rgya gar skad du/ shrI tad tA pra dI pa nA ma ma hA yo gi nI tan+t+ra rA dza/ bod skad du/ dpal de kho na nyid kyi sgron ma zhes bya ba rnal 'byor chen mo'i rgyud kyi rgyal po/ dpal rdo rje sems dpa' la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje dpa' bo chen po dang dpa' mo'i dbang phyug mas yang dag par bskor nas shes rab kyi b+ha ga la bzhugs so/ / der bcom ldan 'das ma rdo rje dbyings kyi dbang phyug mas legs dgyes chen po'i rol pas sgeg pas nye bar longs spyod pa dang / ma mchu'i bdud rtsertsi'i btung bas bcom ldan 'das mnyes par byas te/ kha sbyor gyi thabs kyi sbyor ba las langs nas ri rab kyi nyi rdul gyi grangs kyi rnal 'byor ma dang lhan cig pas lan gsum du bskor ba byas nas/ bcom ldan 'das kyi zhabs la mgo bos phyag 'tshal te 'di skad ces gsol to/ / bcom ldan ye shes zla bar grags// lte ba'i ku mud kha 'byed pa// gang zhig bdag gis zhu ba kun// mnga' bdag chen pos bdag la gsungs/ / dpal ldan bla na med pa'i rgyud// rnal 'byor ma zhes rab grags pa// e waM ma yA la sogs sgra'i// don ni ji lta bur ni brjod// bcom ldan 'das kyis bka' stsal pa/ nyon cig lha mo spyan bzang ring // khyod kyis nga la gang zhus pa// e waM ma yA sogs sgra yis// khams gsum 'gro dang mi 'gro bcas// shes rab thabs kyi rang bzhin gyis// thams cad rgyas btab
- 302a
gzhan gyis min/ / de kho na nyid sgron mar grags// dri med rdzogs pa'i 'bras bu'i gzugs// e waM ma yA de nyid gsum// thog mar bdag bcas pa dang ni// rang bzhin bzhi yi bye brag tu/ / don dam par ni shes par bya// thos pa'i don ni zla ba bde// de ni nam mkha' bzhin du mchog/ gcig ces bya ba gzhan mchog rab// srid dang mya ngan 'das pa spangs// dus ni phyag rgya chen po ste/ / bskyed pa dang ni rdzogs dang bral// bcom ldan 'das ni mtha' zhes bya// rang dga' nyams su myong ba'i dngos// thams cad ye shes gsum stong nyid// de nyid de nyid kyis ni spangs// de bzhin / gshegs pa rnam 'byed grags// dang po'i gnas ni rab grub byed// sku ni dga' ba'i gzugs su grags// dbang po gnyis byung dang bral ba// gsung ni mngon par dga' zhes bya// dam tshig las byung gis ni spangs/ / thugs ni dga' bral dga' zhes bya// ye shes las byung ba de dang bral// rdo rje lhan skyes zhes su bstan// rang bzhin gyis ni spangs pa'o// lha mo dpal chen nyi ma skyes// zhu ba dga' bral dang bral lo/ / dpa' mo'i dbang phyug ma bde rten// dang po'i bdud rtsi las skyes so// yan lag kun gyis yang dag bskor// khyab pa srog gi pad+ma bzhin// shes rab tshangs pa'i sgo lnga'i khyim/ / tshangs pa'i ye shes 'dzin phyir ro// b+ha ga dngos po 'jig pa yis// yang na longs spyod myong bas so// bzhugs pa rang gi ngo bo la// gnas pa yang na gshegs pa'o// de lta bu ni don dam par
- 302b
'di skad bdag la sogs par bshad/ / thams cad rnal 'byor rgyud du smras// de bzhin rnal 'byor bla mar yang // nges dang drang don bye brag tu// e waM ma yA la sogs gnas// rgyud shes pa yi don phyir te// gnyis su dbye ba'i rgyud rab bstan/ / 'bras bu ye shes chen po'i ro// rang gis nyams myong ngo bo nyid// rang rig rang gis mi rnyed pas// rtog pa thams cad rnam par spangs// lha mes gsol pa/ bcom ldan ye shes rgyal po nyid/ / log pa'i ye shes mun 'joms pa// de nyid nyi shu gnyis bdag nyid// gang zhig ye shes thig ler gsungs// de la yang ni nges pa'i don// mchog gi dbang phyug bdag la gsungs// bcom ldan 'das kyis bka' stsal pa/ / gang zhig de nyid nges don du// zhal bzang de ni gsang ba'o// khyod kyis ngor byas bdag gis bshad// de lta min na sbas pa'o// e waM rnam pa'i dbus su ni// gang zhig drug cu rtsa bzhi'i 'dab ma'i dbyibs kyi rtsa'i 'khor lo de ni rnam pa dang bcas pa'i rnam par shes pa'o/ / de'i nang du gang du rtsa sum cu rtsa gnyis kyi bdag nyid ut+pa la'i rnam pa'i 'khor lo de ni mtha' ste/ de la gang zhig zur brgyad pa'i rnam pa'i lte ba de ni snang ba'o/ / gang zhig lte ba'i dbus yangs pa de ni nam mkha' 'o// der ni lnga gnyis nas bzung ste/ bco lnga'i bar gyi sa 'am/ dbang phyug gi mnga' bdag bzhugs so/ der gang zhig de kho na nyid gsum gyi bdag nyid de ni lan gsum 'bab pa'i phung po'i rnam par shes pa sems dang sems las byung ba dang / ma rig pa'i gzugs kyis gsum du dbye ba zur dang po la
- 303a
thun tshod gcig gi bar du 'bar ba'o/ / gang zhig srog gi dbyig pa de ni lu gu rgyud kyi rnam pa'i mdud pa sum cu rtsa gnyis su sgom pa dang / phra mo'i thig le ro gcig pa'i gzugs kyis dbyin pa'i bdud rtsi zur gnyis pa la thun tshod gnyis kyi bar du zhu ba'o/ / drug po de ni bskyed pa dang rdzogs pa'i grags pa dga' ba drug zur gsum pa la thun tshod gsum gyi bar du 'dzag pa'o// gang zhig thig le shar ba dang / nub pa de ni thim pa dang longs spyod du grags pa'i srog de ni zur bzhi pa la thun tshod bzhi'i bar du 'bar ba'o// gang zhig 'pho ba'i sbyor ba de ni steng dang 'og gi 'dab ma yod par byang chub kyi sems 'dus pa'i dbang ni zur lnga pa la thun tshod lnga'i bar du zhu ba'o/ / gang zhig rtsa'i 'khor lo 'byung ba de ni yan lag thams cad la bdud rtsi rgyas pa zur drug pa la thun tshod drug gi bar du 'dzag pa'o// gang zhig dbang gi rim pa de ni gcig nyid srog gi kha ru srog la 'bab pa dang / 'phur ba dang / khyab pa de'ang zur bdun pa la thun tshod bdun pa'i bar du 'bar ba'o// gang zhig srung ba'i 'khor lo de ni mthe'u chung gi mdud pa'i nang du bdud rtsi la bskor ba zur brgyad pa la thun tshod brgyad kyi bar du zhu ba'o/ / de dag ni g.yon du bskor ba'i srog gi rlung la zhon pa nyi ma skye ba la mtshan mo dang / nyin mo'i bar du sum cu rtsa gnyis kyi cha rgyas par 'gyur ro/ / sum cu rtsa gnyis kyi nang na bcu drug bral ba'i mtshan nyid mi gsal ba dang / dga' ba'i mtshan nyid bcu drug gsal ba de'i don gyi phyir dga' bral gyi dga' ba'i mtshan nyid a li'i rang gi ngo bo
- 303b
/ zla ba'o// phyi dang phyi ma'i don rnams kyis ni nang dang nang gi don gnas pas shes par bya'o// de'ang phyi'i chos kyi grangs kyis so// nang srog gi rlung gi grangs kyis so// lha mos gsol pa/ sum cu rtsa gnyis kyi chu skyes kyi ut+pa la'i rnam pa la bde ba chen po'i kun tu spyod pa nges pa'i don gyis gnas pa de mchog gi dbang phyug gi bka' drin bsgrub tu gsol/ bcom ldan 'das kyis bka' stsal pa/ nyon cig lnga mo skal ldan mo/ / gsang ba chen po ye shes mchog/ gang zhig shes pa tsam gyis ni// thams cad sa yi dbang phyug 'gyur// gang zhig snying po'i sngags ni nyid// de ni bdag nyid bcu drug bde// kun rdzob ri bong can gyi 'od/ / don dam par ni nam mkha' bzhin// gang zhig sku brgyad mchog sbyin ni// de ni mtshan mo brgyad mchog go/ lha mo yang na ye shes brgyad// mtshan mo nyin mo gnyis las 'byung // gang zhig thim dang longs spyod dbang / / de ni nges par bskyed rim mo// lha mo bskyed rim gsal ba ste// rim las byung ba'i bde ba che// skal ldan mo gang ye shes sku// da ni rim sogs yan lag spangs// yan lag bzhir dbye drug dbye 'am/ / bskyed dang rdzogs pa'i rim pa'o// lha mo gang zhig gsang ba'i sgra// de ni ye shes gsum dang bral// yang na gzhan min bdag nyid gsum// mtshams kyi ye shes yod pa'i phyir/ / lha mo gang zhig dam tshig ni// srung ba la sogs nges par ro// de ni bde ba dbus gnas su// gzung bya yang na gang nang du// gang zhig sbyin sreg don dam par// de ni ha zhes glo bur te// char yang
- 304a
dbus yod thig le ni/ / gang du skad cig gis thim mo// gang zhig srub dang bsrub thabs ni// de ni thog ma'i dga' ba spangs// lha mo de bzhin tha ma'ang min// thog ma tha ma gnyis dang bral/ / skal ldan mo gang sngags kyi bzlas// de ni srid pa 'das pa'i yid// mya ngan 'das pa'i gnas kyang min// gnyis kyi ngo bo gnyis dang bral// gang zhig gnas ni brgyad du bstan// de ni nyi skyes ma rgyas pa/ / gnas kyi dbang gis shar ba la// nye bas myur du rgyas pa'o// gang zhig dga' ba la sogs rim// de ni rim pa gnyis su dbye// rnam bcas las ni dang po pa// rnam bral bcu yi dbang phyug go/ gang zhig dur khrod rnam rtog bral/ / dbugs dbyung la sogs rnam par spangs// byang chub kyi ni sems ro la// rnam par zhu ba dam tshig phyir// lha mo gang zhig chu yi ngogs// de ni rtog med ma yi mthar// yang ni de ru srog gi rtsa/ / bde ba'i chu bo 'bab pa'i phyir// gang zhig snang ba sogs ye shes// de ni dga' ba dang ldan yid// sa dang chu dang 'od kyi gzugs// de bzhin rlung gi ngo bo dang // gang zhig dngos po rten la sogs/ / de ni bde ba'i dngos por rig/ rang gi rnam pa'i bye brag gam// rnam par dpyod pas nges par spyod// lha mo gang zhig dur khrod brgyad// de ni bde ba la thim zhes// rnam par rtog pa 'dzin pa'i sku// de la thim zhing thim pa'o// gang zhig shing la sogs pa'i don// de ni dang po'i bdud rtsi rgyu// rtsa de rten pa'i gzugs su grags// thams cad rnam pa'i bde sbyin ma// gang rlung de nyid snying po'i don// de ni
- 304b
rin chen gdu bu'i bde/ / 'dzum pa yis ni yang dag par// pad+ma'i zhal de myong ba'o// lha mo gang zhig 'dzum la sogs// de ni gyen du gzung ba'i rlung // yang ni rtsa yi kun spyod las// 'gro ba'i bdud rtsi 'dzin pa'o/ / gang zhig nyer 'gro'i bsam gtan sbyor// de ni zla ba gyen du byed// yang na tshangs bzhi rnam dbye byas// rnam par shes pa legs gshegs gsol// gang nyid ye shes thig le ni// de na drug phyed gsum dang bral/ / bcu dang lnga yi sa rnams ni// dbang phyug 'pho med skye med do// gang zhig bdag gi rang ngo mchog/ de ni nges par bzhi pa'i 'bras// yang na tor ya nyams su myong // 'bras bu'i/ sgras ni brjod pa'o// gang zhig sa yi dbang byed pa// de ni de nyid drug rang bzhin// de nyid drug las de nyid gsum// de nyid gsum las rang bzhin gcig/ gang zhig de bzhin gshegs pa'i sku// de ni mya ngan 'das mtshan nyid/ / yang na dga' ba dang ni bral// dga' bral dga' min rang ngo bo// lha mo gang zhig rgyud bstan pa// de ni bde ba shin tu 'phel// bde dang bral ba'i bde ba ni// yang na de nyid rnyed pa'o/ / gang zhig phyag rgya che rang bzhin// de ni thim sogs yid las 'das// rang gis nyams myong rang ngo bo// bsam gtan 'dzin pa spangs pa'o// gang zhig gsang ba don dam par// de ni dga'/ ba dga' dang bral// yang ni nang gi reg bya ste// reg bya dang bral rtog pa med// gang zhig bskul ba'i mchod pa'i don// de ni dri med bde ba 'byung // 'das pa las ni yang skye ba// skye ba de la 'phel ba'o//
- 305a
lha mo shes rab ye shes gang // de ni kha la snying khar bde// kha ni rtag tu shes rab yin// snying kha ye shes brjod pa'o// gang zhig gsang ba'i dkyil 'khor 'khor// de ni khu ba 'pho med dge/ yang na bde chen rang ngo bo// bde ba'i rnam par rtog dang bral// lha mo tshigs rgyas gang zhig ni// bya gdong ma de khong du chud// yang na tshigs ni zhu med khu// dga' mo rgyas pa mchog yin no// 'byung ba srung don gtor ma gang // de ni srog chags bsad pa'o// bcad pa de ni mchog gi gnas// 'gro ba 'gog par byed pa'o// de dag ni mchog gi gsang ba chen po'o gsang chen bcom ldan 'das ma bzhi bcu'i bdag nyid kyi de kho na nyid bde ba chen po'i rgyal po'i bdud rtsi'i gter la nges pa'i don to/ / lha mos gsol pa/ bzhi bcu'i bdag nyid de nyid ni// shin tu reg med gzung bar dka'/ / sa yi dbang phyug du tsam zhig/ mchog gi dbang phyug gis mkhyen lags// bcom ldan 'das kyis bka' stsal pa// sna tshogs rnyed pa sum cu drug/ bcu gcig sa yi bdag po'o// dga' ba rnyed pa sum cu bdun/ / bcu gnyis sa yi bdag por brjod// mchog dga' rnyed pa sum cu brgyad// de ni bcu gsum pa yis// sum cu dgu lhag mthar thug pa// sa ni bcu bzhi rnyed pa'o// bzhibacu de ni lhan skyes so/ / bco lnga rnyed pa'i mnga' bdag go/ gang zhig bcu drug pa yis// brjod du med pa nam mkha' bzhin// de la dbang phyug mchog gi mkha'// thams cad mkhyen pa rnyed dka' ba//
- 305b
zad med 'pho med zhi ba ste// skye med rmad byung bas rmad byung // kye bcom ldan 'das sum cu rtsa gnyis kyi bdag nyid bde ba chen po'i bdud rtsi'i rgyal po'i bdud rtsi'i gter de kho na nyid de la kun tu spyod pa'i dus ni gang lags/ 'dus pa ni ci zhig lags/ nyams su myong ba ni gang lags/ bcom ldan 'das kyis bka' stsal pa/ sum cu rtsa gnyis kyi bdag nyid la sum cu rtsa gnyis kyi chu tshod kyi bar du srog dang rtsol ba'i rlung gnyis shar ba ni kun tu spyod pa'o/ / rtsol ba'i rlung 'byung ba'i dus su gang zhig yan lag thams cad la khyab pa'i srog de ni g.yon bskor du 'byung ba yis/ ut+pa la'i rnam pa 'dzum zhing nang gi lte ba'i snying po rtsa ba'i sdong bus 'jug pa'o/ / 'jug pa tsam gyis zur brgyad pa'i nang na yod pa'i bde ba chen po'i srog gi rgyal po la gang zhig ro gcig pa'i mtshan nyid de ni 'dus pa'o// de'i dus su gang zhig bdag dang gzhan gyi bye brag med pa gnyis su med pa'i spros pa dang bral ba'i ye shes kyis thams cad gzigs pa de ni nyams su myong ba'o/ / lha mos gsol pa/ gang zhig nyams myong las rnyed de// mnga' bdag de ni ji ltar lags// nyams su myong bas gang rnyed pa// de nyid mdor bsdus bka' stsol cig/ bcom ldan 'das kyis bka' stsal pa// dris pa de ni rmad byung mchog/ nyon cig lha mo spyan bzang ring / / nyams su myong bas gang rnyed pa// dga' ba'i dbang mo de brjod med// bla ma'i zhal nas nyams su myong // dbang bskur las ni rnyed pa'o// lha mos gsol pa/ dbang bskur ba ni du ma zhig/
- 306a
rgyud rgyung nang du rab tu gsal// 'di ru bye brag ci 'dra ba// su la sbyin par bgyi ba lags// bcom ldan 'das kyis bka' stsal pa// dga' ba'i 'bras bu bye brag tu// dbang ni re zhig bzhi rung dbye/ / dang po dga' ba dang ldan pa// las dang po la sbyin par bya// gnyis pa mchog dga' dang ldan pa// snang ba gsum ni thob pa la// dga' ba gsum pa dang ldan pa// chos kyi sprin rnyed nges pas so/ / kun tu 'od sa zhes bya ba// rnyed pa bzhi la sbyin par bya// lha mos gsol pa/ kye bcom ldan 'das snang ba la sogs pa dang / chos kyi sprin dang / kun tu 'od rnyed pa la de lta bu'i dbang gi rim pa lags na/ sa la sogs pa ma rnyed pa la ji ltar lags/ bcom ldan 'das kyis bka' stsal pa/ sa la sogs pa ma rnyed pa rnams la thog mar rang gi ngo bos so// sa la sogs pa rnyed pa rnams la mthar thug pa'i rang gi ngo bos so/ / gang gi phyir zhe na/ de rnams la brtson 'grus kyi stobs kyis shin tu bsod nams kyi byin gyis brlabs kyis bya ba la sogs pa dang bral ba'i ye shes chen po mthong ba tsam gyis thob bo/ / ji ltar pad+ma yongs su smin pa nyi ma'i 'od kyis reg pa tsam gyis rgyas so// ma smin pa de bzhin du ma yin no// lha mos gsol pa/ ma smin pa rnams la yongs su smin pa'i dus gang lags/ bcom ldan 'das kyis bka' stsal pa/ sbyin sogs bsod nams bsags pa yis// mchog gi bla mas gtan la phab// skal ldan mo de smin pa'i dus// de las bla med
- 306b
byang chub ni/ / bla med gnas ni thob pa gang // phyi nas ci yang bslab mi dgos// bla med ye shes chen po'i gnas// 'bad mi malngar rim par tsam gyis/ sna tshogs gzugs ni mthong bar 'gyur/ / de bzhin bla med 'od kyis ni// ye shes chen po mthong bar 'gyur// ye shes chen po sku dang bral// gnyis su med pa ram mkha' bzhin// lus dang ngag dang yid gzugs min/ / sgra la sogs pa rnam par spangs// dpe med nam mkha' dang bral ba// srid dang mya ngan 'das pa spangs// sbom dang phra la sogs las 'das// char yang thig le dang bral ba/ tshul dang tshul tsam ma yin te/ / mchog dang gzhan mchog gnas las grol// skye ba med dang 'chi med pa// rmang byung chen 'du shes so// lha mos gsol pa/ kye bcom ldan 'das ye shes chen po'i dbang phyug bla na med pa'i yang dag pa'i byang chub rnyed pa la ye shes chen po brjod du med pa'i gnas ga'an rnyed pa yod dam ci/ bcom ldan 'das kyis bka' stsal pa/ grangs med pa'i sangs rgyas rnams kyi yum khyod ci la de lta bur 'dri/ brjod du med pa'i ye shes chen po khyod kyis ci phyir mi shes/ de ltar yin na bdag gi rang gi ngo bo yang dag par khyod kyis mi shes so// lha mos gsol pa/ khyod kyi ngo bo bdag gis shes// 'on kyang bdag gis gzhan zhig zhus// sems can byang chub las gzhan ci// mchog gi dbang phyug rnyed pa 'am// bcom ldan 'das kyis bka'
- 307a
stsal pa/ / byang chub rnyed las gzhan ci zhig/ zhal bzang mo de rnyed yod dam// 'on kyang de la mthong ba yod// tshol la bdud rtsi ji bzhin no// lha mos gsol pa/ bcom ldan dpa' bo'i dpa' dbang phyug/ rang bzhin ye shes sbyin pa po// bdag gis gzhan zhig zhu ba bgyid// de la bka' drin bdag la stsol// dbang gi rim pa'i ye shes gang // bzhi pa de ltar de bzhin no/ / de la re zhig ji bzhin don// rdo rje 'dzin pa bdag la gsungs// bcom ldan 'das kyis bka' stsal pa/ bzhi pa de nyid ngo bor grags// de ltar ye shes 'du shes so// de bzhin ye shes las byung zhes/ / ye shes las byung lte bar bde// lha mo ye shes la la yod// ye shes las byung ske ru ste// ske ru longs spyod ngo bor grags// snying la ru ni dbang zhes bya// thim pa kha ru shes bya ste// bskyed pa'i rim pa yi ni phyogs// yang na de bzhin gyi ni sgra// ji bzhin shes rab la sngar thal// de ltar ye shes lta ba yis// bkug nas rang gi kha la bkod// rang gi snying kha'i pad gnas su// byas nas nyid kyis nyams su myong // de yi skad cig ye shes bde// spros pa dang bral rtog med pa// sems kyis thams cad mthong nas su// nam mkha' bzhin du bsam par bya// de yang bsam pa bor nas su/ / phyi nas bsam pa ci yang med// nyid ni bde chen ye shes te// nam mkha' zla ba bzhin du mthong // lha mo de ni rdzogs pa'i rim// don dam par ni shes par bya// lha mos gsol pa//
- 307b
bcom ldan ye shes rin chen nyid// 'dod pa thams cad rab 'grub pa// snang ba bzhi la go rim gnas// mnga' bdag chen pos bka' stsol cig/ bcom ldan 'das kyis bka' stsal snang ba bzhin la go rim gnas/ / sems dang sems byung 'du shes so// de dag las ni ma rig 'byung // mtshams kyi 'du shes mtshan nyid can// nyin mo'i rang bzhin sems las 'byung // sems ni mtshan mo'i ngo bo nyid/ / yang dag 'od ni gsum dang bral// lhan skyes ye shes mtshan nyid do// gang tshe tshangs pa'i tshigs su sems// lha mo de tshe nyin mor 'gyur// gang tshe de las srog 'pho ba de tshe mtshan mo 'og na gnas/ / steng yang ma yin 'og ma min// de tshe mtshams shes dran par bya// de yang me yi rang bzhin grags// nyi ma la ni srog 'dzin ma// gang gis nyi ma yod pa ni// snang ba las ni shar dus 'gyur/ / snang ba zla ba zhes par bstan// yongs su zhu ba'i bdud rtsi g.yo// lha mo chen mo g.yo ba'i phyir// dga' bral dga' bar rab tu grags// gang du chad pa las ni thim// mchog gi dga' ba shar ba'i dus// de ni snang ba dang po'i dga'// de las mchog ni gsal bar 'gyur// gsang phyir snang ba mched par grags// zhu med g.yo med ska ba'o// ska ba las ni phra mo'i dngos/ / bde sbyin yang na kun spyod do// kun spyod las ni thob pa yin// zhal bzang mo ni snang bas so// de ni mtshams zhes grags pa ste// dbus kyi gnas su yod pa'i phyir// dbus kyi gnas
- 308a
na yod pa na/ / de phyir kun tu spyod byed pa'o// dbus ni dngos po thams cad la// 'dus par byed pa dran pa'o// yang na gang du mtshan mo ni// ma byung nyi ma nub pa'o// de ni dbus rgya mtshams zhes grags/ / rang bzhin dga' ba sbyin byed ma// de nyid snang ba thob pa yin// thams cad skye ba'i rgyu yin no// gang du dbus mtshams skad cig gis// bde ba'i tshor ba ma shes na// skal ldan lha mo de ru ni/ / dga' bral gsal bar 'gyur ba'o// de yi nyams su myong shes pa// skyon ni cung zad mi byed do// mi shes pas ni skal ldan mo// rtsa ba dang bcas med par byed// rtsa ba snang ba zhes byar dran/ / khu ba'i gzugs ni zla ba'o// bde ba chen po'i bdud rtsi'i gter// bsrubs las skye ba yin pa'i phyir// lha mo me tog snang ba mched// dmar ba'i phyir ni nyi mar brjod// bde chen rnam par smin pa'i phyir/ / dmar ba'i gzugs ni sngar 'gyur ro// 'bras bu thob pa'i grags pa ste// mtshan dang dpe byad dang ldan no// dngos dang dngos min bral ba'i phyir// zhal bzang mtshams kyi ye shes so/ / nyin mo snang ba mched 'khor grags// mtshan mo snang ba mya ngan 'das// srid dang mya ngan 'das bral ba// mtshams ni snang ba thob pa'o// de lta bu yi gsang chen mchog/ gang du yang ni gsal ma byas/ / skal ldan khyod kyi ngor byas pas// ye shes rin chen gsal byas so// lha mos gsol pa/ 'bras bu de nyid rin chen gang // mnga' bdag de ni ji ltar rnyed// bcom ldan 'das
- 308b
kyis bka' stsal pa/ / 'bras bu de ni rin chen gang // de ni gnyis su dbye bar gnas// mchog gi dga' ba'i ngo bo gcig/ mchog gi dga' ba dang bral ba// mchog dga' ngo bor grags pa ni// nyam/ su myong bas rnyed pa yin// mchog gi dga' ba dang bral ba// rang las rab tu gsal bar 'gyur// skal ldan mo gang nyams su myong // de ni rdzogs pa'i rang bzhin no// nyams su myong mir rdzogs pa ni/ / gang du sus kyang mi shes so// ji ltar bu mo lang tsho ba ba// skyes bu med na nam yang min// legs dgyes kyi ni bde myong ba// legs skyes dbang mo mi shes so// gang zhig bsam pa la/ gas kyis/ / de ni bskyed pa'i mtshan nyid do// bskyed pa dang ni rdzogs bral ba// de ni 'bras mchog rang bzhin no// de ru gang zhig sgom pa ni// phra mo'i phra mo yang dag mchog/ gang gis bla na med pa dang / 'gro ba'i ma de yod pa min/ / bla na med pa'i ye shes che// bzhi dang bral ba rtag tu shar// rtag tu shar ba las gzhan ci// gang du yang na bsgom yod da// gal te gang gis bsgom pa de/ khyad pa yongs mi skye/ / mi skye'i phyir na bsam gtan ngal// gal te khyad par 'ong 'gyur na// de ni de nyid rang bzhin min// de nyid min par the tshom med// de nyid mi bsgom de nyid ni// su zhig de la rnyed par 'ding// de ni mkha' la ri mo ni// mchog gi dbang mo 'dri ba'o// lha mos gsol pa/ gsang ba chen po'i rgyud 'di ni// shes pa dang ni bshad pa su// bcom ldan 'das kyis bka' stsal pa/ byang phyogs su
- 309a
dpal rdo rje'i gnas su u rgyan du rgyal po in+d+ra b+hU ti zhes bya bas shes pa dang / bshad pa dang / sems can la gsal bar byed do// lha mos gsol pa/ kye bcom ldan 'das rgyal po chen po in+d+ra b+hU ti zhes bya ba de sa du'i dbang phyug lags bka' stsol cig/ bcom ldan 'das kyis bka' stsal pa/ dpal ye shes thig le'i rgyud kyi rgyal po las gang zhig ngas bstan pa'i phyag nardo rje'i rgyal po de nyid in+d+ra b+hU ti sprul pa'i skus sa bcu'i dbang phyug ye shes kyi sku sa bcu bzhi'i dbang phyug go/ bcom ldan 'das kyis de skad ces bka' stsal pa dang / ri rab kyi nyi rdul gyi grangs bcom ldan 'das ma dang lhan cig tu stan las langs te/ lan gsum du bskor ba byas nas// zhabs la mgo bos phyag 'tshal te/ rang rang gi rdzu 'phrul gyis sna tshogs pa'i mchod pas mchod sbyin byas nas bstod pa/ de kho na nyid bdud rtsi rgya mtsho'i snying po rab mchog rgyal gyur cig/ ye shes nam mkha' skye med gzugs med brjod med sku rab rgyal gyur cig/ dngos dang dngos min ro gcig ngo bo'i rmad byung de nyid rab gter rgyal gyur cig/ stong nyid stong pa nyid min mchog dang gzhan mchog 'od kyis grub pa rgyal gyur cig/ de lta bu'i bstod pa'i rgyal pos bstod nas// 'khor thams cad bcom ldan 'das dang bcas par mi snang bar gyur to/ / dpal rnal 'byor ma chen po'i rgyud kyi rgyal po'i rgyal po mchog chen po rmad du byung zhing / rmad du byung ba de kho na nyid kyi sgron ma zhes bya ba rdzogs
- 309b
so/ / rgya gar gyi mkhan po chen po pradz+nyA shrI gup+tas bsgyur cing zhus te gtan la phab pa/ dus phyis dpal sa skya'i dben gnas su bsgyur cing nus te dag par byas so// rgya gar skad du/ shrI bud+d+ha ka pA la nA ma yo gi nI tan+ta rA dza/ bod skad du/ dpal sangs rgyas thod pa zhes bya ba rnal 'byor ma'i rgyud kyi rgyal po/ dpal sangs rgyas thod pa la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang / gsung dang / thugs rdo rje'i dkyil 'khor chen po rgyan dang ldan pa'i dbus su/ de bzhin gshegs pa thams cad dang / rnal 'byor ma rnams dang lhan cig tu bzhugs te/ 'phags pa kun dga' bo la sogs pa 'dod chags dang bral ba'i gtso bo rnams dang / 'phags pa spyan ras gzigs dbang phyug la sogs pa'i byang chub sems dpa' bye ba phrag brgyad cu dang yang thabs cig tu bzhugs so// de nas bcom ldan 'das rdo rje 'chang phyag rgya chen po'i rdo rje'i tshig gis rdo rje chen po'i gnas su/ rgyud thams cad dang sngags yang dag par bshad nas/ de bzhin gshegs pa thams cad kyi bdag pos rdo rje dang pad+ma yang dag par sbyar bas/ btsun mo'i b+ha gar yongs su mya ngan las 'das so// de yongs su mya ngan las 'das pa mthong nas/ byang chub sems dpa' thams cad dang / rnal 'byor ma thams cad mang du
- 310a
gyur te gcig la gcig lta zhing / e ma'o bcom ldan 'das de bzhin gshegs pa thams cad kyi bdag po dkyil 'khor chen po rgyan dang ldan pa'i dbus su ji ltar yongs su mya ngan las 'das/ de nas rnal 'byor ma sna tshogs sde ma la/ byang chub sems dpa' sems dpa' chen po phyag na rdo rjes 'di skad ces gsol to// lha mo sems can bsod nams dman pa rnams nus pa la zhon par 'gyur ba'i thabs cung zad mchis sam/ gsungs pa/ rnal 'byor gyi rgyud la bye ba phrag drug nyid do// rnal 'byor ma'i rgyud la ni bye ba phrag bcu drug nyid do// mdo sde so so la ni bye ba phrag brgyad cu'o// de bzhin du pha rol tu phyin pa'i theg pa la ni bye ba bsgres pa'i 'bum phrag lnga'o// 'di dag thams cad ni thub pa'i dbang pos gsungs so// sngags dang bral na ni rgyud kyi nus pa mi snang ste/ rgyud la lar ni ci nas sngags bye ba bzlas par gsungs so/ / bsod nams 'bring po rnams kyis ni sngags 'bum bzlas pas myur bar 'grub par gsungs so// bsod nams che bas khri bzlas pas shin tu myur bar 'grub bo/ de ltar rdo rje chen po rgyud thams cad kyi bdag po'i gtso bos gsungs so// bsod nams chung ba'i sems can rnams kyis ni bye ba bzlas par gsungs so// sems can 'bad rtsol chung ba rnams kyis ni 'bum bzlas par bdag smra'o/ / sems can sgom pa la zhan pa rnams kyis ni khri kho na bzlas bya'o// sems can 'dod chags la zhugs pa rnams kyi sngags kyi bzlas pa ji ltar lags/ blun po dang lkugs
- 310b
pa'i rigs can rnams kyi sngags kyi grangs ji ltar lags/ shin tu sems la dmigs pa sngags kyi bzlas pa ji ltar lags/ 'di ltar phan tshun smra bas bzlas na dngos grub gzhan du'ang 'gyur ro// gal te dman pa'i sems kyis nyon mongs bzhin pas bye ba brgya bzlas pa de'i tshe bskal pa skar ma lta bu bye bar yang de la dngos grub med do// de ltar thos nas rnal 'byor ma sna tshogs sde ma bcom ldan 'das kyi zhal la lta bar byed cing zur mig dang bcas pa'i chags pas bltas te/ shin tu khro bas 'jigs par byed cing snying rje'i thugs 'khrugs pas/ bdud kyi dpung rab tu bcom mo// de ltar bzhugs pa'i lha mo chen mo rgyud thams cad kyi bdag po'i dbang phyug la de nas des gzigs pa tsam gyis bcom ldan 'das kyi dbu las sngags phyung ngo / / oM bud+d+he sid+d+he su sid+d+he/ a mri ta a ra dza bud+d+ha ka pA la s+pho Ta ne s+pho Ta ya trA sa ya ho hUM phaT/ de ltar sngags kyi mchog son pas sa rim pa bdun gyi 'og tu chud pa'i klu rnams bcom par byas shing phye mar byas nas slar 'ongs te sna tshogs sde ma'i zhal du zhugs te/ pad+ma'i nang nas byung nas slar thod par zhugs so// sngags 'di'i mthus klu rnams zhig ste/ skrag cing dug skyug par gyur to// rdul byung bar gyur to// nor rgyas la sogs pa'i rdzu 'phrul chen po'i klu thaH cad lpags te/ stobs kyi rgyu dang / dung skyong dang / 'jog po dang / mtha' yas dang / pad+ma dang / pad+ma chen po la sogs bkru chen po rnams dang / gzhan gang yang rung ba dug las byung ba thams ca
- 311a
kyang lhags so/ / rnal 'byor ma sna tshogs sde ma la phyogs te klu thams cad kyis zhus pa/ lha mo bka' ci stsol ci zhig bgyi zhes smra'o// gsungs pa dang / gang yang sangs rgyas nyams su myong ba de ltar gyis shig/ de ltar thos pa tsam gyis dkyil 'khor chen po rgyan dang ldan pa'i dbus su bcom ldan 'das kyis thod pa kha phye ste glegs bam byung ngo // nam mkha' la sgra byung ngo / / lha mo sna tshogs sde ma zung // sems can kun la phan 'dogs ma// rgyud 'di rgyal po chen po ste// rnal 'byor ma yi gong na med// sangs rgyas thod pa zhes bya ba// sems can kun la phan/ byed pa'o// de ltar thos nas sna tshogs sde mas glegs bam yang dag par bzung ste/ phyag na rdo rje la nye bar gtad do// phyag na rdo rje rgyud 'di zung // sems can kun la bde 'bab pa// rnal 'byor ma yi dngos grub kun/ / 'bras bu myur du ster byed pa'i// mnan dang spar ba ye shes che// gong na med pa rnyed dka' ba// gsang ba mchog gi nyams dga' ba// lus kun la ni rnam par gnas/ / nam mkha' lding dang char dbab dang // dngul chu bcud kyis len pa dang // bskrad dang dbang du bya nyid dang // rmongs dang mngon spyod nyid dang ni// dpung la sogs pa rengs nyid dang // dus su zin pa bzlog pa dang // phur bus gdab dang gsad pa dang // rtag tu sgrub pa byed pa dang // sna tshogs sngags rim ji bzhin dang // ji bzhin rnal 'byor ma bskyed dang // dpal chen he ru ka yi ni// /
- 311b
baspyad pa dang ni gnas brgyad dang // dngos dang dngos med spros meng dang // srid dang spyod cing dgos med dang // dgongs pas bshad pa mchog chen dang // rnal 'byor ma yi mchog chen dang // rnal 'an/ ma yi 'dus pa dang // nus pa rnam pa mang gsungs pa// thos pa tsam gyis 'grub par 'gyur// gzugs brnyan dag pa nyid dang ni// de bzhin bstan pa sbyong ba dang // dur khrod 'jigs pa che bzang dang / / ro langs sgrub la sogs pa dang // stobs po che rnams dgug pa dang // de bzhin 'jig rten gsum dgug dang // rims kyi gdung ba 'jigs chen dang // dgra yi la sogs bcings pa dang // de bzhin gsad dang bslu ba dang // mi snang byed pa mchog dang ni// mig sman dang ni ril bu nyid// bcud len ral gri nyid dang ni// sangs rgyas thod pa'i sbyor ba yis// thod pa tsam gyis 'grub par 'gyur// / mi snang ba ni mchog chen dang // sna tshogs sgyu 'phrul rnam 'phrul dang // rang gi gzugs ni bsgyur ba dang // gzhan gyi lus la gzhug sogs dang // sangs rgyas bye bas rab bsrungs pa'i// sangs rgyas bu mo mchog chen rnams/ / khros pa tsam gyis 'gugs byed na// gzhan dag smos lta ci zhig dgos// mig 'phrul byed pa nyid dang ni// dge mtshan rnam pa mang shes pa// 'dod pa lnga ni bsten bzhin pas/ / 'di ru 'grub par gdon mi za// 'jigs shing 'joms pa'i rtsod chen po// gcig gis 'bum las rgyal bar byed// skyes pa gcig gis 'dod chen gyis// bud med 'bum phrag 'dzag
- 312a
byed cing / / rdo rje byed pa rnyed dka' ba// gcig gis thams cad 'dod pa spyang // de nas gzhan yang rab bshung ba// mkha' lding sbyor ba rim ji bzhin// rgyud kun tu yang rnyed/ dka' ba// mu stegs rnams kyi yul min pa// rlung gzhan du yang ma gsungs so// sangs rgyas thong pa'i gzhung ji bzhin// rdo rje mgon pos gsungs pa yi// mkha' lding shin tu rmad byung ba/ 'jig rten gsum na rnyed dka' ba'i// sbyor ba rnam pa bco brgyad gsungs// sha li ka yi sbyor ba dang // rig pa 'dzin dang rgyan po 'gyed// rnga rdung bud med 'phrog pa dang // shin bsnun zhags pas 'chang ba dang / / khu byug pad+mas 'byed pa dang // rtag byed chu blugs dung 'bud dang // thod le kor 'phrog skyug pa dang // ras g.yog thal lcag brdab pa dang // yig gsum bsam gtan gyi ni gtam/ / 'di rnams kyis ni dgug par bya// mkha' lding sbyor ba bco brgyad do// 'jig rten gsum na rab rnyed dka'// sems can rnams la phan byed pa// rdo rje mgon po nyid kyis gsungs/ / de nas gzhan yang rab bshad pa// mchog gi ye shes ji bzhin pa// b+ha ga'i dbus su rnam par bzhugs// bde ba chen po ster byed pa// de nyid du ni kun gnas kyang / / byis pa rmongs pas mi shes so// der ni bcud dang bcud len te// de nyid du ni sangs rgyas bzhugs// der ni dkyil 'khor bzang po'o// der ni slob ma dbang bskur ba'o// der ni he ru ka
- 312b
dpa' bo/ / nyi shu rtsa bzhi'i dbang gtso bo// der ni nam mkha' lding 'jigs pa// de nyid du ni ro langs bsgrub// der ni dur khrod brgyad po rnams// skad cig tsam gyis bskyed pa'i rgyu// der ni sangs rgyas bdag nyid che/ / stong phrag gsum ni rnam par bzhugs// der ni 'jig rten khams kun te// de nyid bcom ldan 'das lha mo// sangs rgyas la sogs bskyed pa'i yum// byang chub sems dpa' dpal chen po/ / shes rab pha rol phyin dpung gnyen// de nyid bsod nams kun ster ma// de nyid thar pa ster byed ma// phyag rgya chen po grags chen po// dngos grub kun ni 'dod byed ma/ / ma dang tsha mo sring mo dang // bu mo bud med rab brtan ma// shes rab mnyes shing 'jigs byed ma// 'gro drug bde sdug bag chags bcas// 'khor ba mya ngan 'das nyid dang // bdag nyid chen po de nyid de/ / rnam rtog kun tu rtog pa nyid// de bzhin 'char dang nub pa dang // nyin mtshan mal stan bza' ba dang // nges pa'i brtul zhugs rtsis dang grangs// rnam par mi rtog yang dag rtog/ dman dang mchog dang bar ma dang // gzhan dang gang dang de dang ni// de nyid bdag nyid chen po gcig/ sems can kun la bde ba 'bab// de ltar thos nas phyag na rdo rje la sogs pa'i byang chub sems dpa' rnams dang / 'dod can ma la sogs pa ri rab kyi rdul phra rab snyed kyi rnal 'byor ma rnams dga' ba'i spyan gdangs nas sna tshogs sde ma la yang dang yang du btud de/
- 313a
'di ltar gsol to// e ma'o sna tshogs sde ma rnal 'byor ma// sems can kun la bde 'bab ma// glegs bam don dang ldan gang zhig/ de kun sangs rgyas byin brlabs bshad/ / de nas phyag na rdo rje'i phyag gnyis glang po che'i lag pa ltar rab tu brkyang ste/ glegs bam yang dag par blangs so// de nas sangs rgyas kyi byin rlabs kyis phyag rgya chen po'i rdo rje'i gnas su don dang bcas pa'i gzhung zhu bar gyur to/ / phyag na rdo rje'i snying ka nas byung ste/ sna tshogs sde ma'i thugs su ngal bsos so// de nas phyag na rdo rje gnod sbyin gyi bdag po chen pos rnal 'byor mchen mo la 'di ltar gsol to/ / sngags kyi bzlas pa gang zhig lags// las kyi tshogs rnams ji ltar 'grub// sngon du bsnyen pa gang zhig lags// mkha' lding 'grub pa'i nges pa gang / dngul chu bcud len sna tshogs pa// dngos grub ster byed gang zhig lags// sbar dang mnan pa gang gsungs dang // dus dang bya ba'i nges bcas dang // dngos grub thob dus gang zhig lags// sangs rgyas ji lta bu ru brjod// de bzhin thong ba ji lta bu// sna tshogs sde ma'ang ji lta bu// theg pa chen po ji lta bu// rnal 'byor ma yi rnam nges ci// gsungs pa/ rgyud 'dir sngon du bsnyen pa med/ de bzhin yul dang dus tshes dang // gza' dang rgyu skar sbyor med pa// blo dang ldan pas rtag tu bsten// dus dang bya ba'i nges mi bya// sangs rgyas thod pa'i sbyor ba yis// thos pa tsam gyis
- 313b
'grub par 'gyur/ / sangs rgyas rdo rje zhes su gsungs// thod pa gru gsum yang dag 'byung // sbyor ba dang ldan ji lta bu// sbyor ba gsang bar gnas pa'i rtsa// de yi sna tshogs ngo mtshar byed// sde ni bde chen ye shes so// 'di nyid theg pa chen po ste// rnal 'byor ma yi rtsa las byung // de ni rmad byung che mchog ste// sangs rgyas thod pa'i sbyor ba nyid// de nyid he ru ka dpa' bo// 'khor ba'i 'jigs las sgrol byed pa// sangs rgyas thod pa'i sbyor ba yis// sangs rgyas kun gyis bde ba 'bab// rnal 'byor chen mo sna tshogs bde// dpa' dbang bdag mo dbang/ phyug ma// de yi thod pa'i dkyil 'khor la// sngags dang rgyud ni rnam par gnas// de yi ye shes bzang po ni// lhan cig skyes pa dag las byung // de ni rig pa'i dbang lnga dang // sangs rgyas bdun gyi mtshan can te// sna tshogs sbyor dang tshe 'phel dang // dngos grub thams cad sgrub pa ni// sangs rgyas thod pa'i sbyor ba yis// 'grub par 'dir ni gdon mi za// man ngag lam las gang shes pa/ / bla ma'i drin las shes par bya// sangs rgyas thod pa'i rgyud chen po rnal 'byor ma rnams kyi gong na med pa gsang ba'i yang shin tu gsang ba zhes bya ba las/ dngos grub thams cad dang / ye shes gtan la dbab pa dang / thod pa kha phye ba las glegs bam byung ba'i le'u ste dang po'o// de nas yang dag rab bshad pa// sngags
- 314a
le'u ji bzhin gsungs pa ste/ / mkha' 'grom mo 'byung po rnams// sngags gang gis ni 'grub 'gyur ba// de ni bdag gis rab bshad kyis// khyod kyis dad pa brtan pas nyon/ / oM bud+d+ha ka pA li ni ta Ta s+pho Ta ya sarba shu b+ha pra dA yi ni hUM phaT/ spos dbul ba'i sngags so// oM bud+d+ha ka pA li ni ma Ta ma Ta a swA hA/ me tog dbul ba'i sngags so// oM ma hA ka pA la badz+ri pa ra ba ra ta Ta ta Ta sta Ta ya sta Ta ya ma Ta ma Ta hUM he hrIHswA hA/ dri dbul ba'i sngags so// oM bud+d+ha ka pA li ni gr-ih+Na gr-ih+Na gr-ih+NA pa ya gr-ih+NA pa ya ba ra ba ra ta Ta ta Ta/ sta Ta ya sta Ta ya ma Ta hUM hUM hUM swA hA/ / ma ra me dbul ba'i sngags so// oM bud+d+ha ka pA li ni/ gr-ih+Na gr-ih+Na gr-ih+NA pa ya gr-ih+NA pa ya khA khA hUM/ lha bshos dbul ba'i sngags so// oM ma hA ka pA li ni badz+ra d+harma d+harma me g+he ba re pra ba re ba ra ba ra ka ra ka ra/ ta Ta ta Ta ha he swA hA/ gos dbul ba'i sngags so// oM hAM ho hau ho hau haM ha/ go cha'i sngags so// oM bud+d+ha ka pA li ni a khaM kro d+hu shrI aHa hUM hUM hUM phaT/ spyan drang ba'i sngags so// / oM ma hA ka pA li badz+ri Ni gats+tsha gats+tsha u tiSh+Tha u tiSh+Tha/ dza dza dza ha dza dzaM dze/ trai lo kyo bi rba pA Ni hUM phaT/ gshegs su gsol ba'i sngags so// oM ma hA ka pA la badz+re tsi tra su tsi tre a lam+ba ne phri na yA/ sarba b+hU ta na ma ra Na kI la ya duSh+TAn u tsu Ta ya sarba big+h+nAM bi dra pa ya b+ha ga ba ti yak+Sha rak+Sha sa pi shA tsan sho Sha ya ta Ta ya sap+ta pA tA la ga tan/ sa ra sa ra/ pra sa ra pra sa ra/ nU hUM hUM/ phaT
- 314b
phaT phaT/ 'byung po thams cad pa'i gtor ma'i sngags so// 'bras sA lu blangs te 'o mas bkrus la bu mo gzhon nu mas de shin tu zhib par btag par bya/ de'ang shes rab can gyis gzugs brnyan byas te/ zhal gcig phyag bzhi pa gzhung bzhin cang te'u dang / kha T+wAM ga dang / ral gri dang / thod pa 'dzin pa'o// de nas ro bsregs pa'i sol ba phye mar byas la rdo rje gtsug gis mnya bar bya'o/ / de nas des gzugs brnyan la byug par bya'o// me tog dkar pos mchod par byas te/ sangs rgyas thod pa'i rnal 'byor pas he ru ka'i rnam pa'i sbyor bas sngags brgya rtsa brgyad bzlas par bya'o/ / oM ma hA badz+ra he ru ka badz+re/ d+ha ra d+ha ra/ d+hu ru d+huru/ ma hA dz+nyA na s+pho Ta ne shI g+h+raM sA d+ha ya staM b+ha ya kI la ya hUM phaT/ sngags 'di chu la lan bdun du mngon par bzlas te gzugs brnyan de bkru bar bya'o/ / chu des rang gi gdong bkrus na mi snang bar byed de/ lha rnams kyis kyang rnyed par dka' 'o// nags kyi nang du stag gis kyang mi mthong ngo // gzhan dag gis kyang de mthong bar mi 'gyur ro/ / srog chags 'bum gyi nang du song na ngo mtshar sna tshogs byed do// gang gis kyang mi mthong ngo // lha'i bu mo 'phrog cing lha rnams kyis kyang mi mthong ngo // 'o mas gdong bkrus pa tsam gyis ni mthong bar 'gyur ro/ / gzugs brnyan de'i snying kar shing 'ba' bo las phul te/ dur khrod kyi me la 'ba' bo las dang tshangs pa rdo rjes rab tu sbar la/ de'i thal ba yang dag par blangs te/
- 315a
kham por du gzhag par bya'o// yang na badz+ra'i sdong du'o// sngags 'di brgyan brgyad du mngon par bzlas par bya'o// oM prad+ha ka pA mi naSh+Tadz+dza/ oM badz+ra bi mi sanA d+ha/ oM ka mi ni khi hUM/ oM pA tA lA ba sI nAM aHhUM/ oM tsi traHse nA sa ma ya tiSh+Tha ya hrIHhUM/ sngags 'di dag ni sangs rgyas rnams kyis kyang shin tu rnyed par dka' 'o// thal ba de dang rdo rje gtsug gis lus byug par byas na/ ji srid du lus la mtshon chas phog pa de srid du mi tshugs so// slar zhing dgra thams cad kyi mgo bo 'chad par 'gyur ro// gang sdang ba la bltas na de long bar 'gyur ro// gang zhig sdang ba'i sems 'dzin pa de smyo bar 'gyur ro// thal ba de nyid dang mar khu bzang pos mig byugs na dpag tshad stong mthong bar 'gyur ro// gang ci'ang rung ba'i sa'i 'og na gnas pa'i gter dpag tshad stong gi 'og tu son po'i dngul dang / gser dang / rin po che gang na yod pa de thams cad la sran lag gis sdigs mdzub byas pa tsam gyis thams cad mdun du lhags te gsol ba 'debs so/ / kye sangs rgyas thod pa'i rnal 'byor pa gter long la sems can gyi don gyis shig/ der gter blangs na gang 'dod pa de byed do// thal ba de dang go ra tsan lhan cig bsnos te/ mdzub mos mnyes pas dpung gi tshogs langs pa'i nang du mdzub mo bskor ba tsam gyis 'bum phrag stong gis dpung rnams khas phub tu ltung bar 'gyur ro//
- 315b
gang 'dod pa de byed do// bkrus pa tsam gyis langs par 'di la the tsom med do// thal ba de dang zha nye'i phye ma dang bsnos te gcig tu byas la/ rdo rje'i gtsug rjes su byin te khab len gyi lcags kyi phye ma bsre zhing gser gyi phye ma'ang cung zad bsre bar bya'o/ / rdo rje'i chu'i khu ba dang lhan cig tu bsnos te zangs ma'i snod du nyi ma bdun gyi bar du gzhag go/ de nas mkhris pa chen po mnyes te rta'i khrag dang lhan cig tu bsnos la/ yang snod de nyid du nyi ma gsum du gzhag par bya'o// de nas bton te lcags kyi snod du gzhag par bya'o// zangs ma'i snod du bzhag pa de me'i nang du bcug na gser dang dngul du 'gyur bar som nyi med do/ / srang gcig kyang srang stong gi rin thang du 'gyur te rin po che dang 'dra bar 'gyur ro// gser de ma sha gcig dang dngul srang gcig bsres te me la bzhu na srang sum brgya'i rin thang gi tshad du 'gyur bar 'di la the tsom med do/ / 'di lta bu'i sbyor ba ni sangs rgyas rnams kyis kyang rnyed par dka' 'o// 'jig rten dbang phyug la sogs pa'i byang chub sems dpa' grags pa chen po snying rje dang ldan pa'i bdag nyid chen po stobs che ba de rnams kyis kyang sbyin par mi nus so/ / 'di yi sbyor ba rnyed dka' ba// sangs rgyas thod pa'i rgyud du gsungs// rgyud gzhan rnams su sbas pa yin// 'dus sogs rnal 'byor rgyud du ni// sbyor ba rnam pa ma gsungs pa// gang tshe sngon du bsnyen de'i tshe// de yi sbyor bas ci zhig bya// bsod nams dman pa'i sems can gang // mtshams
- 316a
med lnga ni byed pa yang / / sangs rgyas thod pa'i sbyor ba yis// 'di lta'i sbyor ba 'grub par 'gyur// dngos po de yis blo chen rnams// sems can don la gcig tu brtson// srang gcig gis bsres bye ba'i rin// sbyor ba kun tu rnyed par dkang // sbyor ba glegs bam la mi bri// bla ma'i drin las shes par bya// bla mas dngos grub bla mas thar/ bla ma ston pa rnams kun pa// des na slob ma blo can gyis// 'bad pas bla ma mnyes par bya// thal ba de nyid kyis ltas lta ba'i don du bu mo'i mgo la blugs te rdo rje'i gtsug gis bu mo bkru'o/ / yang thal bas thig le byas la/ tshangs pa rdo rjes maN+Dal gru bzhi byas te/ de'i dbus su bu mo gzhag par bya'o// bdug spos lngas bdugs shing sangs rgyas thams cad kyis byin gyis brlabs na bu mo la 'bab par 'gyur te/ 'das pa dang / ma 'ongs pa dang / da ltar byung ba ston to// bu don gyi 'bras la sngags 'di lan bdun du mngon par bsngags so/ oM bud+d+ha ka pA li ni de hi/ de hi de hi da dA pa ya da dA pa ya he he b+ha ga ba ti shI g+h+raM khad gaM d+ha ra hi bud+d+ha ka pA la badz+ra s+ya ya dz+nyA ma laM b+ha ya hUM staM hri phaT a phaT/ yungs kar bsnun pa tsam gyis ni/ bu mo grags chen ma ni rgod// de yi kha nas ral gri bdun// 'byung ba la ni the tsom med// sangs rgyas thod pa'i rnal 'byor pas skad cig ma de nyid la 'grub par 'dir som nyi med do// de ltar ral
- 316b
gri gcig grub pas bye ba brgya stong gi rig 'dzin 'grub pas bskor bar 'gyur ro/ / 'di lta bu'i sbyor ba ni 'jig rten gsum na'ang rnyed par dka' 'o// bu mo bkrus pa tsam gyis rnal mar 'gyur ro/ / de'i thal ba lcags gsum gyis dkris te ril bu byas nas khar bcug pa tsam gyis ni mi snang bar 'gyur ro// shes rab can gyis sum cu pa'ang bskor ro// sangs rgyas thams cad kyis kyang mi gzigs so/ / ril bu lag par blangs pas dngos po gang dang gang la reg pa tsam gyis de dbang du 'gyur ro// thal ba'i sbyor ba 'di dag ni// sangs rgyas kyis kyang rnyed par dka'/ oM bud+d+ha ka pA la dza hUM khaM raM a/ 'jig rten gsum sgrub pa'i sngags so// oM bud+d+ha ka pA la ni hrI hUM/ dgra rlag pa'i sngags so// oM mahA ka pA la badz+ra kha kha khA hi khA hi sarba duSh+TA nab+h+yag+ha / g+hA ta ya g+hA ta ya sarba sha truM a hi traM hUM phaT/ bskrad pa'i sngags so// sangs rgyas thod pa'i rgyud chen po rnal 'byor ma rnams kyi gong na med pa gsang ba'i yang shin tu gsang ba zhes bya ba las/ thal ba'i sbyor ba dang / las sna tshogs gtan la dbab pa dang / sngags kyi le'u ste gnyis pa'o// de nas byang chub sems dpa' sems dpa' chen po phyag na rdo rjes/ sna tshogs sde ma la btud de/ 'di skad ces gsol to// sems can don la gcig brtson pa// legs so bcom ldan 'das lha mo// 'di lta'i rab tu sbyor zhes pa// rgyud gzhan dag tu ma gsungs shing // sangs rgyas
- 317a
kun gyis rab smras pa/ / de ni babad de gsal bar mdzod// lha mo chen mo khyod kyis gsungs// wA'i le'u ni dzi lta bu// sangs rgyas thod pa rnal 'byor ma'i// rgyud du lha rnams du zhig gsungs/ / de ru gzugs ni ji lta bu// gus pa yis ni nyan par 'tshal// gsungs pa/ raM las nyi ma bsam par bya// nyi ma'i steng du hUM byung ba'i// rdo rje nag bo sreg pa'i bdag/ rdo rje de nyid 'od zer gyis// rab dra ba'i mtshams bcing ngo // de bzhin rdo rje nag gyur pa// rdo rje sa gzhi bsam par bya// rdo rje'i sa gzhi'i dbus chud par// a yi rnam pa bdag nyid che/ / gru gsum kham gsum bdag nyid can// yi ge laM gyur sa yi ni// dkyil 'khor gru bzhi rab ser ba'o// de yi dbus gnas sa bon ni// yi ge oM ste chos bdag nyid/ / oM las byung ba'i 'khor lo ni// rtsa rnams kun gyi rang bzhin can// rnal 'byor ma ni rnam par bzhugs// rtswa ni drug cu la rgyan dang // sprul pa drug cu rtsa bzhi 'dab// des na rtsa brgya nyi shu'o// rdo rje sku yi bdag nyid che// shes rab can gyis de ltar sems// de yi dbus gnas sa bon ni// baM dkar yi ge las byung ba// chu yi dkyil 'khor zlum po'o// rnams thams cad chu yi ni// dkyil 'khor la ni thim par 'gyur// slar yang bsam par bya ba ni// raM dmar las byung me'i dkyil 'khor// gru gsum 'bar ba'i bdag nyid can// rab tu
- 317b
'bar bzhin pa yi ni/ / rtsa ba'i 'khor lo yang dag blta// de nas bsam par bya ba ni// yaM gyur rlung gi dkyil 'khor ni// zla ba phyed pa'i rnam 'dra sngo// rtsa rnams rab tu g.yo ba'i gzugs// thim 'gyur 'khor lo'i rig par gsungs// de dag thams cad thim gyur pa// de yi dbus gnas rnal 'byor pa// de ltar shes par byed gang zhig/ sangs rgyas thod pa'i rnal 'byor pas// de nas zla ba bsam par bya// zla ba'i steng du nyi ma'o// de yi dbus chud sa bon ni// hUM dang a yi rang bzhin no// yi ge ka yis ha brgyan te// ka ni ha la thim par 'gyur// mi phyed pa yi ha dang hUM/ / gnyis ka'i bdag nyid can blta'o// ha ni mi shigs shes rab kyi// bdag nyid dbu dang yi ge dag/ gnyis ka gcig tu gyur pa ni// yi ge hUM gi mchog blta'o// hUM las byung ba'i 'od zer rnams/ / de yi bde ba che bskul te// ba mo lta bu'i ri bong can// nyi mar lhan cig zhu gyur cing // dkyil 'khor gnyis ka gcig gyur pa// nyi ma'i mchog tu blta bar bya// yang ni hUM byung 'od zer des// rtsa ba'i 'khor lo thams cad la// reg ma thag pa'i mod la ni// rtsa yi 'khor lo las 'bab 'gyur// zhu ba de yis sa bon bkru// hUM gyur pa las rdo rje ste/ dbus su de nyid kyis byin brlabs// sa bon rdo rje las byung ba// dpa' bo khrag 'thung mdog sngon po// zhal gcig pa la phyag bzhi pa// gtso bo hUM zhes 'don pa ste// skyil krung phyed pa'i
- 318a
gar gyis gnas/ / gnyis ka'ang khro ba'i bdag nyid can// stag gi pags pa'i na bzab mnabs// mgo bo rlon pa'i 'phreng ba 'chang // bsogs su mchod phyir thogs pa yi/ / shin tu bzhad pas 'jigs che ba'i// gtso bo snying rje'i bdag nyid blta// dpung rgyan mgul do 'khor gdub dang // gcar bu rus pa'i ska rags 'ching // g.yar ka bcas pa'i rkang gdub can/ / ma lus bdud rnams 'joms par byed// ral pa'i cod pan yang dag ldan// sangs rgyas rnam pa lnga yis brgyan// zla ba phyed pa 'dzin pa'i lha// dbu la sna tshogs rdo rjes mnan/ / 'khor lo rna cha gdu bu dang // phyag rgya rnam pa lnga yis mtshan// thal ba'i rdul can 'jigs par byed// thod pa gti mug gis brgyan pa'i// dpa' bo 'khor ba sgrol byed pa/ byang chub sa bon rang bzhin no// gtso chen de ye shes rab ma// sna tshogs snga ma rnal 'byor ma// gcer bu mgo bo'i 'phreng ba spangs// rgyan med mchod phyir thogs med ma// bde ba kun gyi gzugs can ma/ / phyag gnyis skra ni grol babo// he ru ka la 'khyud gnas ma// de ltar pha rol phyin lha mo// kha dog dmar mo rnam gsal ma// zhal ni shin tu rnam 'gyur ba// cung zad mche ba gtsigs 'jigs ma/ / g.yas na cang te'u gri gug ste// g.yo kha T+wAM thod pa'o// rang gi lus skyes 'od zer gyis// rtsa yi 'khor lo bskul bar bya// de yis bskul ba tsam gyis ni// rtsa yi 'khor
- 318b
lo'i rang bzhin las/ / 'dzag 'gyur 'dir ni the tsom med// 'dzag pa de las rnal 'byor ma// brgyad po bu mo rnams kyi mchog/ mchod pa sna tshogs 'dzin pa yis// mgon po he ru ka mchod do/ rdo rje mgon po'i shar gnas pa// rdo rje mche ba ma yis ni// thod pa khrag gis bkang bzung ste// gzi brjid chen po gsol bar mdzad// rdo rje pho nya bdag nyid che// dbang ldan du ni cang te'u rdung / / rdo rje gdung ma dri snod dang // me yi phyogs su rnam par gnas// rdo rje can ma grags chen mo// mchod yon snod can bden bral na// rdo rje gtsigs ma lho yi ni// phyogs na rnga bo che 'dzin gsungs/ / rlung du rdo rje lte ba sa// ri bong can gyi snod 'dzin no// nub tu rdo rje 'jigs ma ni// ce spyang phyag na 'dzin par gsungs// byang du 'dod chags rdo rje ma// lha mo'i chags pas gtso bo mchod/ / da ltar he ru ka bsams nas// rnal 'byor ma ni brgyad kyis mchod// sna tshogs zas dang sna tshogs skom// sna tshogs rol mo mchog gsungs dang // dri zhim lnga dang me tog spos/ / 'di dag gis ni gtso bo mchod// mchod yon zhal bsil de bzhin khrus// glu yi mchog ni rnam mang pos// mgon po khrag 'thung bdag nyid che// 'di dag gis ni mchod par bya// dpa' bo rdzogs par mthong nas ni// rtsa yi 'khor lo las ni 'dzag/ 'dzag pa de las rnal 'byor ma// rnam mang brtse ba cher ldan pa// bde gshegs kun gyis byin brlabs ma// sna tshogs
- 319a
rgyan gyis rnam par klubs/ / sna tshogs pa yin bza' mnabs// gzugs ni lang tsho gzhon pas brgyan// lo ni bcu dang gnyis lon pa// phyag g.yas byang chub sems bkang ba'i/ / bum pa a mra'i lcug bcas bsnams// zhal ni rab bzhad dang ba yis// he ru ka ni rgyal gyur cig/ rgyal gyur cig ces 'di ltar smra// mgon pos mdun du bltas nas ni// dbang bskur mchog ste gsol ba gdab/ / brtse dang ldan pa'i grags chen mo// 'khor ba'i 'dam du bying ba bdag/ dbang bskur ba yis bdag bsgral phyir// rdo rje rnal 'byor mas khrus shig/ dper na bu tsha med pa'i khyim// shi ba tsam gyis stongs pa nyid// de bzhin dbang dang bral na ni// ye shes kun gyis stongs pa nyid// dper na pi wang sbyor kun tshogs// rgyud dang bral na rdung mi rung / / de bzhin dbang dang bral na ni// sngags dang bsam gtan 'grub mi 'gyur// rmongs pa gang zhig dbang med par// bdag ni dbang bskur zhes smra ba// ji srid sangs rgyas bzhugs kyi bar/ / slob mar bcas te dmyal bar 'gro// de ltar shes bya rnal 'byor pas// slar yang bdag la dbang bskur cig/ yang dang yang du phyag 'tshal te// thal mo sbyar nas gsol ba gdab/ / gal te dbang bskur med na ni// he ru ka ru bdag gyur cig/ de nas rnal 'byor ma de rnams// rgyal gyur rgyal gyur ces smra zhing // bcom ldan dbang bskur khrus gsol lo//
- 319b
phyi nang gsang bar bcas pa yi// dbang bskur tsam gyis nam mkha' yi// dkyil nas rnga yi sgra grags cing // me tog tsan dan char 'bab 'gyur// de nas rnal 'byor ma de rnams// rtsa yi 'khor lo la ni thim/ / sangs rgyas thod pa'i rgyud rnal 'byor ma'i gong na med pa gsang ba'i yang shin tu gsang ba zhes bya ba las/ lha bskyed pa dang dbang bskur ba'i le'u ste gsum pa'o// / rdo rje sde la phyag byas nas 'di skad ces gsol to// ci yi phyir na bdag cag rnams// 'od zer gyis ni 'tshal te mchis// bcom ldan bdag la bshad du gsol// de nas phyag na rdo rje gnod sbyin gyi bdag pos/ rnal 'byor ma sna tshogs snga ma la 'di skad ces gsol to// nor rgyas la sogs bdag nyid che// klu rnams ci'i phyir dgug pa lags// rnal 'byor chen mo bdag la gsungs/ / de nas sna tshogs snga ma'i snying gi 'od zer gyis klu thams cad kyi snying ka dang spyi bo'i mthar thug par zhugs te/ tshim par byas nas slar log go/ de nas klu de rnams thams cad kyis phyag 'tshal te 'di skad ces gsol to/ / lha mo bka' ni ci zhig stsol// kye lags ji lta bu zhig bgyi// gsungs pa/ mu stegs la sogs mkha' lding sngags/ ye shes las byung ji lta bu// dus su zin pa ji lta yin// ji ltar dug ni skye bar 'gyur// sbrul gyis zin pa tsam gyis ni// slar yang sems can 'chi 'gyur zhing // zhus pa/ khyab
- 320a
'jug dbang phyug sogs lha dang / / tshangs pa tshangs pa mdun na 'don// de rnams la ni 'chi 'pho mchis// dug gi nyes pas gnod par 'gyur// de ltar dus su zin ces smra/ / sbrul gyi dug ni sel ba med// de bzhin sbrul la dug ni yod// sbrul zin 'tsho ba ma mi 'tsho ba// bde byed la sogs rdzu 'phrul che// lha de rnams ni de ltar smra// stong pa stong nyid nges gsungs pa/ / bcom ldan rdo rje 'chang bas gsungs// chos rnams thams cad stong pa la// sbrul gyi dug ni ji ltar yod// gang gis 'dzin cing gang zhig 'dzin// dus dang dus min ji ltar 'gyur// ji ltar spyod cing ji ltar bsdu// gang phyir 'dzin cing gang du 'dzin// sems can dug zin mi 'chi ba// stong nyid smra ba'i nges pa yin// 'dod chags gti mug stong pa nyid/ / grags chen yul ni stong pa nyid// yul gyi rang bzhin dri ma med// dri ma dang bral ji ltar dug/ sbrul gyis kyang ni ci zhig byed// tha mal pa yi yul ni sbrul// yul gyis nyes pa dug nyid do// lha rnams yul rnams kyis ni bsgribs// thams cad dus su zin pa yin// yul gyi nyes pa sbyangs pa nyid// stong pa longs spyod gos mi 'gyur// sangs rgyas thod pa'i rnal 'byor pas/ / 'dod kun nye bar longs spyod bya// ri gegs sbyor ba rnyed dka' dang // sangs rgyas thod pa'i sbyor ldan pas// 'dir ni klu rnams thams cad lpags//
- 320b
phyir rab nges lha mo kye// dus zin the tsom med pa ru// blo med mu stegs can de smra// 'di ltar smras te klu rnams kyis// sna tshogs sde mar phyag 'tshal te// rang rang gi ni gnas su dong // de nas// bcom ldan 'das mas yul gyi nyes pa spong ba'i sngags gsungs pa/ oM shU n+ya tA dz+nyA na badz+ra swa b+hA wa At+ma kohaM/ stong dang stong min mtha' dag bcas// sgyu ma rmi lam lta bur gcig/ 'jig rten mtha' dag brdzun gyis bcings// kye lags bshes mo 'di ltar ltos// de nas phyag na rdo rje gnod sbyin gyi bdag po chen pos/ bcom ldan 'das ma'i zhabs la spyi bos gtugs te 'di skad ces gsol to/ / ri skegs sbyor ba rnyed dka' ba// lha mo yi ni bshad du gsol// sems can don la gcig tu 'bad// de ru bdag la ltad mo mchis// gsungs pa// dkyil 'khor med par sbyin mi bya// slob ma bsdu bar mi bya'o// gtso bos ji ltar gsungs pa yi// dkyil 'khor las ni smra bar bya// mtho lnga pa yi sa bzung ste// khor yug tu ni gru bzhi'o/ / de yi phyed kyi zlum po la// brgyad las 'dam skyes 'dab ma brgyud// oM hUM hrIHhUM khaM hUM a hUM tiSh+Tha tiSh+Tha badz+ra sa ma ya a d+hiSh+Tha yed/ sa sbyang ba'i sngags so// badz+ra he ru ka badz+ra sa ma la hri sarba duSh+Ta sa ma ya mu drA pra b+haM dza ha hUM ru lu ru lu b+h+yo hUM hUM phaT/ sa sbyang ba'i dus su gtor ma gtang ba'i sngags so// oM sarba ta thA ga ta a d+hiSh+Tha na i daM sU tra tiSh+Tha ma tsa la he he bud+d+ha ka pA
- 321a
la badz+ra he ru ka hUM hUM tha tha/ sngags 'dis lan bdun du srad bu la mngon par bsngags par bya'o// thig skud kyi sngags so// gru bzhi pa la sgo bzhi pa// rta babs bzhi dang yang dag ldan/ / kha khyer snam bu spangs pa la// ba dan rnam pa brgyad kyis brgyan// sangs rgyas thod pa'i sbyor ba yis// rdul chen gzhan dang 'dres med pa'i// rdul chen dmar por rdzogs par bya/ / de ru bum pa bzhi po rnams// grwa dang grwa ru rnam par gzhag/ bum par mtshan ma bri bya ba// thod pa dang ni kha T+wAM ga/ gri gug dang ni cang te'u dang // cang te'u gnas su rdo rje bri/ / rdo rje'i steng du 'dam skyes te// de ltar bum par bris byas nas// chu yis yongs su dgang bar bya// bum pa la ni ras kyis brgyan// rin chen rnam pa lnga gzhug cing // bum par kun nas 'bru lnga dang / / a mra'i lcug mas dgab par bya// de nas 'o ma'i snod bzhag ste// de rjes slob dpon blo chen gyis// sangs rgyas thod pa'i sbyor dang ldan// pad+ma'i steng du nyi ma ste// nyi ma'i steng du hU~M yig bsam// hU~M gyur pa las rdo rje ni// sngon po hUM gi bdag nyid skyes// hUM dang rdo rje byung dpa' bo// he ru ka ni bdag nyid che// sku mdog sngon po phyag bzhi pa// gtso bo chen po zhal gcig pa/ / g.yas ni gri gug thod pa ste// g.yon na kha T+wAM rdo rje'o// sru la si yi rus pas brgyan// klu rnams skrag par byed pa po// skyil kyang phyed pa'i gar gyis bzhugs// gcer
- 321b
'jigs byed rang bzhin te/ / zhal gyi mche ba cung zad gtsigs// dbu s+thA ser zhing gyen du 'bar// thod pas spyi bo brgyan byas pa// sa 'og bdun ni 'khrug par byed// dpa' bo de ltar bsam par bya/ / phyis ni phyogs kyi 'dab ma la// oM dang hUM dang khaM dang swA// yi ge yongs su gyur pa las// rnal 'byor ma ni rnam pa bzhi// sna tshogs sde ma 'dod can ma// sa 'og gnas ma rab bzang ma/ / lha mo de dag mdog sngon mo// grags chen zhal gcig phyag bzhi ma// nyi ma'i dkyil 'khor rnam par bzhugs// g.yon brkyang ba yi zhabs kyis bzhugs// g.yas na gri gug thod pa 'dzin/ / g.yon na kha T+wAM cang te'u// rus rgyan lha mo kun 'jigs ma// zhal gyi mche ba cung zad gtsigs// stag gi pags pa'i na bza' mnabs// sgra ni ser po gyen du 'bar// / thod pa'i 'phreng bas spyi bo brgyan// de rnams mgo brgyus 'phreng ba can// lha mo'i 'od zer spros gyur pas// klu rnams skrag par mdzad ma'o// phyogs kyi 'dab bzhugs cher bzhad ma'o// blo ldan mtshams kyi 'dab bzang la// nyi ma bzhi la hUM yig bzhi// hUM yig so sor gyur pa las// chang 'tshong ma dang 'byung po ma// bzhin bzang nam mkhar 'gro ma ste// mtshams kyi 'dab mar gnas lha mo/ / kha dog ser mo grags chen mo// thams cad na bza' ser po mnabs// g.yas brkyang ba yi zhabs kyis gnas// zhal gcig ma la phyag bzhi ma// klu brgyad rgyan
- 322a
byas lha mo ni/ / g.yas ni gri gug cang te'u 'dzin// g.yon na kha T+wAM thod pa'o// sku las 'od zer ser po 'phro// shin tu sgeg pa'i nyams dang ldan// cung zad mche ba gtsigs pa'i zhal/ / thams cad gar byed skra ser ma// klu rnams skrag pa skyed byed ma// mtshams kyi cha ru rnam par gnas// de nas bsam par bya ba ni// slob dpon he ru kas rang gi lus las skyes pa'i 'od kyis phyogs bcur bzhugs pa'i de bzhin gshegs pa rnams la yang dag par reg par byas nas/ slar log ste de bzhin gshegs pa rnams la yang dag par reg pa'i 'od zer las lha mo'i tshogs yang dag par spros pas/ / he ru ka dang rnal 'byor ma brgyad lhan cig tu bkrus so// bkrus pa tsam gyis de bzhin gshegs pa rnams cod pan du gyur to// dkyil 'khor rdzogs par mthong nas ni/ / slob dpon bdag nyid chen po yis// phyis ni gtor ma gtang bar bya// khyad par du ni 'o ma'o// sangs rgyas thod pa'i sbyor ldan pa'o// shes rab can gyis chang btung zhing / / mar me bzhi ni dbul bar bya// 'bras bu bzhi yang dbul bya zhing // de nas slob ma blo chen gyis// ras zung gsum ni dbul bar bya// der ni gdan yang bstab par bya slob dpon bdag nyid chen po yis/ / de ru ral 'byor ma mchod do// blo gros chen po thugs dgyes pas// sna tshogs zas dang sna tshogs skom// dpa' bo rnal 'byor mchim bya// mgu
- 322b
par sems pa'i yid kyis ni/ / 'khor lo khyad par che bya ste// phyis ni slob dpon brtse chen bdag/ phyi rol sa ru byung nas ni// bde ba yi ni gdan bzhugs te// slob mas maN+Dal gsum byas la// bla ma me tog sna tshogs mchod// zhabs la spri gtugs 'di skad gsol// ston pa bcom ldan bla ma kye// sems can don la gcig brtson pa// nam mkha' lding bzang sbyor ba dang // sha li/ ka yi sbyor ba 'tshal// dus su zin pa bzlog pa yi// sems can don ni bzang po 'tshal// sangs rgyas thod pa'i rnal 'byor pa// ston pa chen pos de dag gsungs// bdag gi the tsom bzlog pa dang / / sems can don ni mthar thug bgyi// brtan pa dang ni rgyu ba dang // yan lag skyes dang bcos ma yi// dug rnams dug med par bgyi zhing // sems can thams cad 'tsho/ bgyi ba// bla ma chen po de dag gsungs// de nas slob dpon brtse ba yis// byin gyis brlabs pa'i thugs kyis ni// khrag 'thung go 'phang gnas pa yi// slob ma la ni so shing sbyin// so/ shing sngags ni sbyin par bya// oM hUM he b+ha ga wa ti mu khaM pa ri shud+d+he ku ru swA hA/ lan bdun mngon par bsngags byas la// so drung nas ni kha bshal te// slob ma lhag par gnas pa bya// rang gi lag pa drug bya zhing / / me tog gis kyang dkri bar bya// mgrin po lag par zla ba bsam// zla ba'i zer gyis phyogs bcu yi// sangs rgyas spyan drangs gdon mi za// sangs rgyas tshogs kun
- 323a
zla bar blta/ / grags chen thams cad rab zhugs shing // zla ba zhu bar gdon mi za// slob dpon skem pa'i nus pa yis// slob ma'i mgo ru lag bzhag ste/ lhag par gnas pa'i gsang sngags bzlas// oM sarba bud+d+ha a tra a mu ka s+ya kA ya ma d+hiSh+ThA na/ yan+tu ma tsa la ma tsa la tiSh+Tha tiSh+Tha ha ra ha ra/ bi d+ha ra bi d+ha ra d+ha ra d+ha ra/ tra pa tra pa/ b+ho b+ha ga bA ta sarba bud+d+ha ka pA la badz+ra sa ka taM ma la ya shrI g+h+raM ku ru ku ru hUM hUM ha ha/ sngags 'di lan bdun du bzlas pas lhag par gnas par bya'o// sangs rgyas de dag thams cad kyis de'i lus pa yang dag par byin gyis rlob par 'gyur ro/ / lhag par gnas pa tsam gyis rdzu 'phrul chen po'i klu rnams skrag cing dug gi bum pa'ang 'dor ro// nor rgyas la sogs pa'i klu stobs po che rnams dpyod par 'gyur ro// kye ma sangs rgyas kyis gsungs pa'i/ / lhag par gnas pa tsam gyis ni// 'di lta'i sdug bsngal thob 'gyur na// mkha' lding rtog pa'i sems can gyis// bdag ni ji ltar 'gro bar 'gyur// da mthag tu slob dpon gyis/ / dkyil 'khor nang du me tog ni// rnam pa sna tshogs dbul bar bya// sna tshogs spos dang lha bshes dbul// dung chos zangs chos snod dag ni// man dzi'i stang du gzhag par bya/ / mchod yon gyi ni don ched du// bum pa rnams la lhag gnas bya// khrag 'thung go 'phang gnas pa yis// rnal 'byor ma brgyad bskor ba yi// khrag 'thung rnam pa spyan drang
- 323b
te/ / dkyil 'khor ji bzhin yang dag ldan// mdog dang mtshan mar ldan pa yi// de bzhin gshegs rnams sa bon gyi// 'od zer gyi ni rnam par bsam// bdag nyid chen po grags chen po// bum pa ru ni zhugs tsam gyis// dam tshig dkyil 'khor zhu bar gyur// rnal 'byor ldan pa'i sems dang ni// slob dpon gyis ni 'di ltar blta// de nas zangs ma'i snod du chu blugs shing dung phor chus bkang ste/ man ji'i steng du gzhag par bya'o// yang phyir byung nas slob ma'i don du bdag nyid kyis ras kyis mig dgab par bya'o// ras gsum gon par gyur pa'i slob ma phyis / dkyil 'khor gyi sgor bzhag la chus gtor te sngags bzla'o// a b+hi Shiny+tsan+tu mAM sarba yo gi ni ma ku Ta a d+hiSh+Tha yaM tu a tsa tu hUM swA hA/ cod pan byin gyis brlab pa'i sngags so// de nas slob dpon gyis kye khyod su zhes smra'o/ / slob mas bdag ni rgyal ba'i sras zhes smra'o// de'i rjes la dkyil 'khor gyi dbus su me tog lan gsum du gtor la/ mig ras bsal te dkyil 'khor mchod par bya'o/ / oM he ru ka badz+ra puSh+pA yaM pra tIts+tsha hUM/ dbus su'o// oM tsa tre sa nA puSh+pA yaM pra tIts+tsha hUM/ shAr du'o// oM kA mi nri puSh+pa yaM pra tIts+tsha hUM/ lho yi'o// oM pA tA la bA si ni puSh+pa maM thabyi tu/ dzub mo// chos byam ma hU~M/ khye 'o// mi satha khro d+hi ts+yai r+m+ma // so basbyin ma hrIts+tsha hU~M/ bad ma dzug/ mam mtha sa
- 324a
rlung ngu'o/ / oM a kA sha bA si ni puSh+pa yaM pra tIts+tsha hUM/ dbang ldan du'o// de nas dkyil 'khor gyi lha'i sku mdog ji lta bu dang mtshan ma la sogs pa de bzhin du slob ma la bstan par bya'o/ / yang dung phor blangs te chu btung bar bya'o// de 'thungs pa tsam gyis klu thams cad skrag cing skyo bas dug skyug par 'gyur ro// brtan pa dang g.yo ba'i dug gang yin pa dang // gzhan yang sbyar ba dang nye bar sbyar ba'i dug gang yin pa dang / mda' dug dang / byug pa'i dug dang / dgra rnams kyis gang sbyar ba dang / bud med rnams kyis gang sbyar ba'i dug de rnams nye bar 'pho bar 'gyur ro/ / gal to klu yis zin pa yang // de ru de ni nges par 'gro// gzhan yang sbrul gyi dug kyang rung // chu ni 'thungs pa tsam gyis kyang // de dag thams cad 'chi bar 'gyur// de yi phyir na dung gi chu/ / 'di ru btung bar the tsom med// de nas slob ma dri bar bya// 'dir ni sha li kar byed cing // mkha' lding shes pa'i slob dpon 'gyur// bsam pa rnam par dag shes nas/ / phyis ni bkas gnang sbyin par bya// stong ngam brgya ru gsol ba gdab// de nas sngags kyi man ngag sbyin// ji srid sbrul gyis zin dus dang // ji srid mkha' lding rigs yod par/ / de srid de dang de las kyang // ji srid dus su zin med par// sangs rgyas thod pa'i rnal 'byor pas// de srid 'bad rtsol bya ba min// dus zin 'chi ba'ang shes bya ste//
- 324b
nam mkha' lding gi bya ba bya// dus su zin no zhes smra ba// de srid rnal 'byor che 'di zhes// de ru las ni brtsam par bya// bdag nyid he ru kar gyur cing // rnal 'byor ma brgyad yang ngag ldan/ / blo ldan sngon gsungs gsang sngags kyis// phyis ni gtor ma sbyin par bya// de rjes dkyil 'khor byas nas ni// sngon du gsungs pa'i gsang sngags kyis// gnas dgu ru ni mchod par bya/ / mkhas pa yis ni mchod byas rjes// mnyam par bzhag pas las rnams brtsam// gang du rdzu 'phrul che klu yod// de ru sems bzang 'od zer spro// klu rnams kyi ni snying bskams pas/ / ci zhig bgyi'o zhes ni smra// gsung pa/ lha mo sna tshogs sde ma yis// sangs rgyas thod par sngon du gsungs// kye kye grags pa che ba'i klu// song ste 'di dus zin gyur pa'i/ / dus zin 'dzin dang gzung ba med// dug med sbrul yang med pa'o// gang phyir dogs pas rdzongs gyur pa// de phyir skye bo rnams 'chir 'gyur// de nas 'od zer slar log ste/ / snying ka ru ni thim par 'gyur// yang ni sems ni mnyam bzhag pa'i// slob dpon gyis ni ngo mtshar bstan// de nas sa la ma lhung ba'i lci ba blangs te 'dab chags ri skegs gnyis bya zhing snod dkar po byas te/ ro bsregs pa'i sol ba gzhag par bya'o// ro bsregs pa'i sol ba la snag tsha byas te/ sems can gyi don rig pas dben par snga
- 325a
bri bar bya'o/ / oM bud+d+ha ka pA li ni hri tad tha ba ya b+ho sha li ka na a na ya na bud+d+ha ka pA la badz+ra s+ya A dz+nyA ma laM g+he ya hUM hUM sa raM tu sarba dA TI ka pa ti ka tse ta/ maM d+h+ya g+hi ti sarba dzi i na su naM ti pa ya ga ra re kar ko Ta ka pra b+hI ta ya nA ga rA dza na s+phu taM ti mu rda ne re re sa s+phu a ba sa s+yA ma tsa la ha ma bu la ha dza i tsa la ha bu la hi ro re b+ha ru kri pra b+hI ta ya nA ga rA dza na u ha puT Ta mu d+hi pra na dza i/ zhes pa ni sha li ka'i/ snying po'i sngags so// de nas blo chen rnal 'byor pas// sems ni shin tu mnyam bzhag pas// yongs rdzogs sha li ka byas la// pho dang mo ru brtag par bya// snag tsha yis ni bri bar bya// mig gi sngon du mi bzhag cing / / sha li ka bzang pos phyogs blta// de nas lcug ma sngags kyis bsngags// oM haM ha la khyab 'jug gi sa bon no// oM bo tshangs pa'i sa bon no// oM saM zhes bya ba ni zhi byed kyi sa bon no/ / oM ha ha ha ha ha ha haM swA hA/ mngag pa'i sngags so// 'di lta bu yi sngags kyi mchog/ stong gsum na yang rnyed par dka'// lan bdun bsngags pa tsam gyis ni// 'gro bar 'dir ni the tsom med/ / klu rnams skrag par byed pa yi// mkha' lding nyams dga' song nas ni// klu yi gnas su zhugs de'i tshe// mkha' lding bye ba'i stobs dang ldan// ring nas kyang ni gshog rlung gis/ / stobs po che yi klu rnams skrag/ mtho ris mi yul sa 'og dang // gang yang gzhan na gnas pa dang // gzhan yang rung ste de thams cad// skrag nas ci bgyi zhes ni smra/
- 325b
klu gang gis zin pa de gal te yang shi na// bdag nyid chen po sha li ka mthong ma thag long bar 'gyur ro// klu dang sbrul de dag gis sha li ka la 'di skad ces gsol to// kye sha li ka gzhan du gsung bar ma mdzad cig/ de ltar thos nas sha li ka mgu ba'i sems kyis dug gis zin pa'i mdun du sbrul long ba khyer te 'jog go// de nas slob dpon gyis bltas te/ sa'i gong bu blangs la li ka mngag pa'i sngags kyis sbrul long ba la bsnun no/ / skad cig de nyid la de'i mig dbye bar 'dir som nyi med do// dug gis zin pa 'gyel te shi ba sbrul gyis mthong nas/ de'i lus la 'gro ba dang 'ong bar byed pas dus su zin pa dug med par 'gyur zhing / dga' ba'i sems kyis ldang ngo // zin pa langs pa tsam nyid na sha li kas sbrul bzung ste mi snang bar 'gyur ro// skad cig/ ma de nyid la slob dpon gyis stong pa nyid kyi ye shes bsgom par bya'o// stong pa dri med kun rang bzhin// chos rnams stong pa'i rang bzhin kye// gang gis 'dzin cing gang zhig 'dzin// mtha' dag sgyu ma'i rang bzhin kye/ / dngos po ma lus pa mtha' dag dang dug kyang stong pa nyid du sangs rgyas thod pa'i rgyud las gsungs te/ zhag nyi shu rtsa gcig gi mthar thug par ji srid du lus ma zhig pa de srid du slob dpon gyis yang dag par brtsam par bya'o/ / de ltar slob ma la rjes su gnang ba byin nas phyis lung bstan par bya'o// des lan brgya'am stong du gsol ba btab nas/
- 326a
dug 'joms pa'i sngags bstan par bya'o// oM bud+d+ha ka pA li ni AHhUM/ dug bza' ba'i sngags so// de nas gzhan yang don du gnyer ba'i sems can de rnams thams cad la dkyil 'khor bstan te/ dung phor gyi chu thungs pa des ni dug med par 'gyur te/ sbrul gyis mi 'dzin no// gal te 'dzin na de'i tshe klu 'chi bar 'dir the tsom med do// de ltar slob ma sha li ka'i sbyor ba la mngon par brtson pa la bka' gnang ba byin te/ grong gang du gnas pa der dug gis 'dzin pa med do// gal te yod na de'i tshe klu 'chi bar 'gyur ro// de ltar thos nas slob ma rdo rje'i sbyor ba dang ldan pa'i sems kyis gang ci'ang rung ba'i yon der dbul bar bya'o/ / de nas phyi rol gyi sar byung ste/ gtor ma gtang bar bya'o// de nas slob dpon gyis dkyil 'khor gyi sngags kyis gshegs su gsol to/ / oM bud+d+ha ka pA li ni hrIHu tiSh+Tha gats+tsha hUM gats+tsha hUM phaT/ dkyil 'khor gshegs su gsol ba'i sngags so// de nas yang dag bshad par bya// chu yi sbyor ba bla med pa/ gang gis byin pa tsam gyis ni// dug gis zin pa 'tshe bar 'gyur// nyi ma bdun du 'chi ba dang // gzhan yang dug gis nyams pa rnams// chu ni byin pa tsam gyis ni// 'di ru 'tsho bar the tsom med sngags 'dis dkyil 'khor byas nas ni/ / gnas dgu rnams su mchod par bya// dung por chu yis bkang byas pa// dkyil 'khor dbus su gzhag par bya// de nas brtse ba chen po yis//
- 326b
bdag nyid rnal 'byor pa yis ni// rang gi lag pa g.yon pa la// zla ba yi ni khyad par bsam// bcu drug cha las yongs rdzogs pa'i// dri med dge ba'i lus can te// de'i dbus sa bon mi shigs dge/ kha dog dkar po'i lus can no// lag des snod kyi kha bcad de// de nas gsang sngags bzla bar bya// oM sarba bi Sha ha ra ha ra hUM hUM phaT phaT swA hA/ sngags 'dis lan bdun gyi bar du mngon par bsngags te/ mi shig pa dang lhan cig zla ba zhu bar gyur nas chu'i nang du bim ste/ chu dang zla ba gcig tu 'dres pas shin tu dkar por 'gyur ro// gal te dug gis zin pa ma shi na de'i tshe chu blud do/ / yang na shi ba yin na mgo nas rkang pa'i mthar thug par lan gsum du chu rgyun mi 'chad par blugs na langs par 'dir the tsom med do// de nas chu blud na rnal mar 'gyur ro/ / sangs rgyas thod pa'i rgyud rnal 'byor ma'i gong na med pa gsang ba'i yang shin tu gsang ba zhes bya ba las/ sha li ka'i sbyor ba dang chu'i sbyor ba'i le'u ste bzhi pa'o// / de nas yang dag rab bshad pa// shin tu rnyed dka'i bcud len le'u// de bzhin gshegs pa'i snying po mchog/ rnal 'byor ma yi gong na med// gzhon nu ma dang sha ri ka/ grub ma byis pa can ma dang / / de bzhin zod bzang can ma'o// 'di dag sman ni chen po lnga// sangs rgyas lngas kyang rnyed par dka'// 'di dag zos pa tsam gyis ni// bskal pa bye bar de 'tshe'o//
- 327a
gzhon nu ma ni zla drug tu// de bzhin sha ri ka zla gsum// grub ma zla ba gcig tu'o// byis can ma ni zla phyed gnyis// zod can ma yang zla bar te// tshe 'phel ba yi mchog yin no/ / bya rog ma ni bya rog gzugs// glang po ma ni ngang pa'i gzugs// drod ma drod kyi gzugs can te// sngo bsangs dkar mo sngon mo'i mig/ kha sbyar sbyor ba'i dus su ni// mig las byung ba'i rdzas gang yin/ / sman de'i ming ni gzhon nu ma// 'di ru bstan par som nyi med// de yi pad+ma las byung rdzas// rtsa yi nang na rnam par gnas// ge sar sbas pa'i spyod yul te/ sman de sha ri ka ru gsungs// me tog ldan pa'i bud med gang // kha dog nag mos rab mdzes ma// gang du thabs shes gnyis 'dus pa// de yi kha sbyar sbyor las byung // sman de'i ming ni grub mar bshad/ / sangs rgyas thod pa'i sbyor ba yis// bud med rab mdzes ma nyams dang // dbang po gnyis kyi sbyor ba yis// mi phyed nye bar spyad pa yi// de las dang por byung ba'i rdzas/ / sman de byis pa can ro zhes// bdag nyid chen po'i lha mos gsungs// lhan cig skyes dga' byung ba'i rdzas// byang chub sems mchog chen mar khu// chags pa'i yi chu dag dang ni/ / bsre 'gyur 'dir ni the tsom med// sman de'i ming ni thod can mo'o// zla ba nyi ma'i sbyor ba yis// bya bar 'dir ni the tsom med// zla bas zla bar nyi mas nyir// de lus skra dka
- 327b
gnyer ma zhi/ / ji srid sangs rgyas bzhugs kyi bar// de yi tshe ni rgyas par 'gyur// sman 'di grub pa tsam gyis ni// dag pa'i lus su 'byung bar 'gyur// dngos po gang dang gang yang rung // lcags dang zangs ma'i spyod dag la// dngul ni byugs pa tsam gyis ni// dngul dang gser du 'gyur ba yin// de nas yang dag rab bshad pa// dgongs bshad shin tu rnyed dka' ba// rgyud gzhan du ni rab sbas pa/ / 'bad pas de 'dir rab gsal bya// dri chu ye shes rdo rje ste// dri chen rdo rje bzang po nyid// khrag ni mar med rdo rje yin// khu ba rdo rje'i thabs byung nyid// sha ni chos kyi rdo rje yin/ / de lnga rnal 'byor ma yi mchog/ gang gis dam tshig rnyed dka' ba'i// thabs 'dir bdag gis bshad par bya// ba glang sha ni 'bar ba ste// khyi yi sha la spro bar gsungs// rta yi sha la bza' bar bshad/ / glang po'i sha la zhu bar gsungs// shwa chen la ni bzang por bshad// de lnga rnal 'byor mchog tu gsungs// rnal 'byor rnal 'byor ma ldan par// gal te gcig tu byed nus pa/ / de tshe rnam rtog de thams cad// 'jig 'gyur 'dir ni the tsom med// zan la bsod nams zhes bya ste// tshod ma la ni sdig pa nyid// ro la shin tu rnyed dka' gsungs// byis pa la ni 'gal ba nyid/ / g.yung mo la ni bzang mor gsungs// rus pa'i 'phreng la rdzas zhes bya// skyes bu la ni rdo rjer gsungs// bud med la ni snod bzang nyid// dbang po gnyis kyis
- 328a
rab sbyor la/ / ga'i brji 'phre chen de bshad do// rab chags shin tu mthong ba nyid// bzung pa la ni chos zhes brjod// 'drib la ni mar me'o// shin tu 'dril ma zhes bya/ / 'gro ba la ni 'phreng can ma// 'od la shin tu 'phreng can ma// myur ba la ni byug ces bya// dpa' ba la ni bzang de brjod// pad+ma rtse 'jo 'phreng can ma// sngags kyis mtshan la rab nges she'o/ / bldag la lce 'og ces bya ste// so la bza' ba sA la bde// mig la rol rtsed mu tig rnga// gsang ba'i yul la rnyed dka' zhe'o// 'di dag bshad do lag chen po// 'jig rten gsum na rab rnyed dka'/ / sangs rgyas thod pa'i rnal 'byor pa// med par phan tshun smra mi bya// 'on kyang bshad chen de nyid 'di// gcig la gcig gis smra bar bya// rgyud rnams thams cad du sbas pa// rgyud 'di ru ni gsal bar byas// nye mdun grong mtha' lhan cig ce'o// 'dus pa phyi rol zhes su gsungs// nye ba'i 'dus pa nang de bzhin// gnas la 'bras bu zhes su gsungs// ba'i gnas la shing nyid do// grong mtha' la ni sa bon gsungs// nye ba'i grong mtha' myu gu'o// tshogs pa la ni sdong bur gsungs// gcig pu la ni 'dab ma ste// stong pa la ni rtsa bzhi'o// de ltar dgongs pas bshad pa ni// bde gshegs rnams kyis mi mkhyen no// spyan ma la sogs rnal 'byor ma// rnams kyi khong du mi chud cing // byang chub sems dpa'i yul ming zhing //
- 328b
bla ma gus pa'i rnal 'byor pas// spros pa thams cad spangs nas ni// rdzas la chags pa mi bya'o// shin tu stong sgom rnal 'byor pa// 'dod chags zhe sdang phrag dog med// gti mug dang ni nga rgyal spangs/ / nyon mongs thams cad rnam par spangs// za 'thungs de bzhin glu len na// shin tu spros pa spang bar bya// bde bas dga' ba nyid dang ni// shes rab thabs kyis bdag nyid gsungs/ / bla med de nyid zla phyed kyis// 'grub par the tsom med pa'o// kye lags grogs mo 'gro kun gang // mtha' dag dri ma med pa yi// blta dang bral la skye bo ltos// gsog/ gsob rang bzhin brdzu slu ba// pad rtsi grib ma lta bur ltos// dbang po lnga ni sgyu 'dra zhing // lnga phung dag pa'i rang bzhin gyi// rnal 'byor 'di ni bsgoms pas 'grub// sangs rgyas thod pa'i rgyud rnal 'byor ma'i gong na med pa gsang ba'i yang shin tu gsang ba zhes bya ba las/ sman bzang po dang dgongs pas bshad pa'i le'u ste lnga pa'o// // de nas yang dag rab bshad pa/ / dkyil 'khor 'jigs pa mchog gsang bar// thabs dang shes rab sgrub pa yin// gang gis slob ma dbang bskur ba// shes rab pad+ma'i nang dbus su// dpag tshad bye ba'i dkyil 'khor la/ / gsum brtsegs dag pa'i bdag nyid lus// 'khor ba'i 'jigs pa las skyob pa// dkyil 'khor de yi dbus gnas par// mkhas pas slob ma bzang dbang bskur//
- 329a
gal te byang chub bla med 'dod// phyi yi dkyil 'khor bya ba min// lha rnams bshig pa tsam gyis ni// sdig pa chen po skye bar 'gyur// des na rdul tshon tsam gyis ni// de bzhin lha rnams dag mi 'gyur// rdo rje 'khor lo rin chen dang // de bzhin pad+ma ral gri nyid// byas na slar yang 'jigs byed pa// skyes bu tha shal dmyal bar 'gro// gang gis sangs rgyas spyan drangs shing / / gang gis gshegs su gsol ba yis// rdo rje sems dpa' byon pa dang // de bzhin gshegs pa byon pa rnams// gang na'ang byon pa ma yin no// dri ma med cing dag pa'i lus// gang gis spyan drangs gshegs su gsol// de nyid kyis na brtag med par// de bzhin gshegs pa rnams phyag bya// lo bcu gnyis pa'i bu mo ni// tshul khrims ma nyams chags chung ba'i// thos dang ldan zhing grags chen mo// nad med snying rje dang ldan ma// sems can don la gcig nan tan// rgod cing pad+ma'i spyan dang ldan// zla ba'i cha 'dra gdong mdzes ma/ / mu cor mi smra brtan zhing dul// des na slob ma blo chen po// shin tu dad pa'i sems dang ldan// 'dod med dbang po dul ba dang // chags dang chags bral rnam par spangs/ / sems can don la shin tu sbyor// gti muka zhe sdang phrag dog spangs// sangs rgyas kun gyis byin gyis brlabs// de rnams la ni de nyid bshad// gsang ba phyi yi lnga dang
- 329b
ni/ bdun dang bcu bzhir bshad pa dang // gnyis ka gcig tu 'dus pa'o// gsang ba'i de nyid bshad par bya// slob ma legs dang ldan pa dang // brtse ldan sems gzhan med pa yis/ / gser ni 'bum phrag bcu drug dang // sa gzhi yul 'khor ldan pa dang // glang po bud med dam pa dang // ral gri 'khor lo rta dang ni// yongs 'dren skyes bu rin chen rnams// sbyor dang ldan pa'i sems kyis ni// de ni bla mar dbul bar bya// shin tu dri med sems kyis ni// de nas 'dir ni gsol ba gdab// 'khor ba'i 'dam du bying ba bdag/ dpung gnyen khyod kyis bsgral du gsol/ / bdag ni rtsol chung skal dman zhing // sangs rgyas chos ni rnam par spangs// kye kye ston pa bla ma che// mgon po khyod kyis brtse bar mdzod// de ltar gsol 'debs tshig gsan nas/ / de ru bla ma mi gsung bzhugs// man ngag 'di yi cha dag ni// glegs bam rnams las spyod yul min// dkyil 'khor gang la gang gis brgyan// mtshan ma'i don gzhan gar bkod kye// su yis sangs rgyas spyan drangs kye// 'gro ba brdzun 'dra'i som nyir lhung // mtha' dag stong pa gos med kye// chu nang zla ba nI 'dra ba// de 'dra'i dkyil 'khor pad dbus gnas/ / kye lags rnal 'byor ma tshogs ltos// der ni he ru ka gcig dang // thams cad skyed par byed ma yin// 'gro kun rmi lam sla bas na//
- 330a
gti mug las ni bskyed pa ltos// sangs rgyas thod pa'i rgyud rnal 'byor ma'i gong na med pa gsang ba'i yang shin tu gsang ba las// dkyil 'khor 'jigs pa bri ba dang slob ma dbang bskur ba'i le'u ste drug pa'o/ / / de nas yang dag rab bshad pa// ri dang phug dang tshang tshing ngam// yang na dur khrod dag dang ni// gdod nas grub pa'i gnas su 'am/ 'on te rgya mtsho'i 'gram dag tu// phyi yi dkyil 'khor bla med bri// rdul tshon sngon po ni ro bsregs pa'i sol ba las bya'o// rdul tshon dmar po ni dur khrod kyi so phag las bya'o// rdul chen ljang khu ni nim pa'i ba dab ma las bya'o/ / rdul tshon dkar po ni mi'i rus pa'i phye ma las bya'o// rdul tshon ser po ni yung ba'i phye ma las bya'o// de ltar rdul chen lnga rnams kyis// mkhas pas dkyil 'khor bri bar bya/ / pho brang rigs gsum zlum po la// rdo rje gsum gyis yongs su bskor// phyi rol gru bzhi lham pa yi// sgo bzhir rnga babs rnams kyis brgyan// ba dan rnam pa bzhi yis brgyan/ / dra ba dra ba phyed pas spras// phyi rol kha khyer dag pa dang // rin chen pha gur yang dag ldan// pad+ma nyi ma'i nyi shu lnga'i// gdun rnams kyis ni shin tu mdzes// de yi dbus chung sa bon ni// yi ge hUM gi rang bzhin sngo// skad cig tsam gyis he ru ka/ sku mdog sngon po grags chen po// g.yas na cang te'u gri gug ste// g.yon na kha Ta zod pa'o//
- 330b
skyil krung byed pas 'jigs chen po// zhal gyis mche ba cung zad gtsigs// ral pa'i cod pan gyis brgyan cing // sangs rgyas lnga yi cod pan can// dbu la sna tshogs rdo rje mnan// zla ba phyed pa 'dzin pa'i lha// sku la thal ba'i rdul gyis byugs// dpa' bo phyag bzhi phyag mtshan 'chang // shin tu hUM sgrogs 'jigs byed pa// gar gyi stabs kyis rnam par bzhugs// mgo bo rlon pa'i 'phreng ba can// mchod phyir thogs pa 'chang ba'o// thod pa gti mug rnam dag pa// 'phreng ba brgyus pas brgyan pa'i lA// mgul do dang ni 'khor lo dang // rkang gdub dang ni dpung rgyan dang / / gdu bu rked pa'i ska rags dang // dpa' bo rna cha mchog gis brgyan// 'di 'ad+ma'i gzugs can gtso bo ni// hUM zhes zlos par byed pa'o// de las byung ba'i rnam 'byor ma/ / nyi shu rtsa bzhi'i bdag nyid rnams// sku mdog sngon mo grags chen mo// shin tu 'jigs pa'i gzugs can ma// zhal gcig phyag gnyis thod pa 'chang // so so / yi ni ming ji bzhin// de rnams ming ni rab tu bshad// 'phreng bzang ma// 'dod can ma/ 'jigs ma/ thub dka' ma/ dge ba'i ska rags can ma/ gzugs can ma/ rnam rgyal ma 'byung gnas ma/ zod can ma/ mtsho chen ma/ byed ma/ gsod ma/ sgrol ma/ 'jigs ma/ mthong ma/ mi nga pham ma/ dge ma// mjur byed ma/ dus mtshan ma/ grags chen ma/ mdzes
- 331a
sdugs/ nor 'dzin ma/ sbrul bzung ma/ grags mthong ma'o// 'di lta bu mi dkyil 'khor mchog/ kha dog rnam pa lnga yis brgyan// de yi dbus gnasaH mo ni/ / he ru ka la 'di ster ma// skyil krung byed pa'i kar byed ma// mi yi nus pa'i 'phreng bas brgyan// mu mo 'od zer dpag dka' zhing // swa ser gyen du 'bar ba ste// bdag nyid las skyes 'jigs// zhal nas khrog ni 'azor pyong ma// dkar mo nag mo ljang ku ma// thams cad khu ba ldan gyur ma// rtswa yi dkyil 'khor bskyed du ni// nyi shu rtsa ba bdag nyid gsungs/ / bdag nyid he ru ka gzugs la// nyi shu rtsa bzhi'i lha mos mchod// thod pa bdud rtsi lngas bkang ba// he ru ka yis btung bar bya// de yis 'thungs tsam gyis ni/ / 'gro ba'i bla ma bdag nyid che// gtso bo las gzhan tha dad gzugs// rnal 'byor ma kun de dang 'dra// de ltar he ru ka mgon pos// rnal 'byor ma kun spyad par bya/ / thams cad spyad pas zhu gyur to// nyi ma'i dkyil 'khor rnam par gnas// de ni zhu bar mthong nas ni// shin tu srid pa sgrub pa'i phyir// sgo yi rnal 'byor ma yis bskul/ ste 'jig rten snyan mnan no// ci phyir khyod ni mi dgyes gyur// gal te khyod bdag tshig gsan na// mi dgyes gyur pa mtha' dag zong // srid 'jigs skye bo kun lhung bas// stong pa'i thugs ni ma
- 331b
mdzad par/ / nyid kyi dgongs pa kun bsgrubs kye// rnal 'byor ma yi grogs po bzhengs// gal te sngon gtse tshigs gsan na// 'bras bu yal bar ma dor cig/ khyod mi snang na 'gro ba yi// skye bo mtha' dag gdung bas non// log pa'i nga rgyal ma mdzad par// stong pa'i rang bzhin spangs nas ni// khyod kyis dngos med kun thong la// rnal 'byor ma yi tshogs la spyod// rnal 'byor ma ni bzhi po yis// 'di lta bu yi glu yis bskul// sngon bzhin mdog dang mtshan sogs ldan// kun nas rnal 'byor pa rnams bskor// 'jigs pa 'khor ba sgrol byed pa'i/ dpa' bo chen po 'di bzhengs so// sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin tu gsang ba las/ dkyil 'khor dang he ru ka bskyed pa dang bsgom pa'i le'u ste bdun pa'o/ / // de nas yang dag rab bshad bya// sprin sreg dkyil 'khor mchog bzang po// zhi ba dang ri rgas pa dang // de bzhin dbang dang mngon spyod de// sbyin sreg rnam pa bzhi ru gsungs// shing gi sbyin sreg mi bya zhing // 'bras dang 'bru rnams kyis kyang min// blo ldan ga TI da ra// me tog gis ni sbyin sreg bya// me tog lnga po mchog chen dang / / 'o mar yang dag ldan pas bya// gal te zhi ba'i sbyin sreg 'dod// zhi ba'i gzugs sogs ldan pa yis// zhi ba'i thab khung gru bzhi pa// zabs dang rgyar ni mtho
- 332a
gang ba/ / kha la rdo rje rtse lnga pa// dkar po rtse mo 'dus pa bri// rdo rje rtse gsum sngon po ni// zhi ba hUM bdag 'khor bar ni// de yi dbus su 'khor lo lo// gru gsum pa yi yi ges brgyan/ / e wa ma ya mchog chen gyi// lte ba ru ni bskyed par gsungs// rtse gsum 'jigs pa'i rdo rjes bskor// rdo rje'i nang du pad+ma ste// pad+ma'i dbus su nyi mA bsam// nyi ma'i dbus su yi ge hUM// kha dog dmar po'i 'od chen po// mtshams dang mtshams su rdo rje ni// rtse dgu ser po bri bar bya// bdag nyid he ru kar blta ste// phyis ni sbyin sreg yang dag brtsam/ / shes rab can gyis me yi lha// sngags 'di yis ni spun drang ngo // oM sarba de bA hI da pra d+he ne/ a bi kalpi su da ha ne da ha da ha dzA la dzA la/ pra sa ra pra sa ra/ A gats+tsha A gats+tsha/ ya tri kuM ne a tiSh+Tha ya tiSh+Tha ya/ tiSh+Tha tiSh+Tha/ ki li ki li/ ho he ho ha hraHhri hUM swA hA/ me lha spyan drang ba'i sngags so// sangs rgyas thod pa'i sbyor ba yis// shes rab can sngags lan bdun bzlas/ / sangs rgyas kun gyis byin brlabs shing // mdog dkar du ba dang brel ba'o// me lha rgyal dbang byon nas kyang // thab khung gi ni dbus su bzhugs/ de nas blo ldan sbyin sreg bya// de ru sol ba bzhugs bya ba// a shwa ta dang n+ya gro d+ha// u dum wa ra ra ka ti// pa la sha ste shing lnga las// sol byas du med 'bar ba'i me// blo ldan
- 332b
thab khung dbus su bzhugs/ / gal te dngos grub mchog 'dod na// pad+ma brgyan ni rtsa brgyad dang // de bzhin ut+pa la nyid dang // ku mu da dmar dri zhim 'dra// ka ra bI ra gzhan nyis 'gyur// byas te bsregs pas zhi bar gsungs// sbyin bdag mdun na 'dug pa la// de tshe du ba dbab par bya// mkhas pas gsang sngags 'di bton zhing // pad+ma mar sbags bsreg par bya// oM pad+ma rA dze ag+ni pri na ya a mu ka s+ya shAn+tiM ku ru swA hA/ mkhas pa yis ni sngags bzlas te// ut+pal 'o mas sbyin sreg bya// oM g+ha g+ha g+hA ta ya g+hA ta ya te dze rA dza bi nA ya shAn+ti ku ru swAhA/ mkhas pa bde gshegs kun bdag gis// gu ra kum ku mu da bsngags bsregs// oM su puSh+pe su ka ra tsa li dz+wa la nAM ye shAn+tiM ku ru swA hA/ gsang sngags rgyal po 'di yis ni// dr-i zhim tsan dan sbyin sreg bya/ / oM d+ha me hA me rA dze da ha da ha sarba bag+h+na shAn+tiM ku ru swA hA/ ka ra bI ra dri zhim mar// mkhas pas sngags rgyal bzlas te sreg/ oM ka li su ka li ka ra ka la tri sarba pA pa dA ha da ha shAn+tiM ku ru swA hA/ me tog re re re re la// gsang sngags rgyal po lan re bzla// zhi ba'i sbyin sreg bla med pa// 'jig rten gsum na rnyed par dka'// me ni 'o mas zhi bar bya/ / de nas gzhan yang rgyas pa yi// sbyin sreg khyad par bshad par bya// rgyas la thab khung zlum po ste// chu yi dkyil 'khor ltar snang ba// zabs dang rgyar ni mtho gsum ste/
- 333a
kha dog ser por rnam par bsam// de dbus rdo rje rtse dgu pa// sngo bri de steng pang 'dab brgyad// bdag nyid he ru ka rnam pa// khro ba'i sems kyis bdag nyid kyis/ shing bsregs pa yi sbyin sreg bya// gal te rgyas pa mchog 'dod na// a mra kan tha pa la dang // arga bil ba du du ra// shin tu rnyed dka'i shing lnga las// sor bcu gnyis kyi tshad tsam du/ slob dpon gyis ni gzung bar bya// ma gas ma bskams ma bcad cing // bu ga can gyi shing spang ngo // de yi dbus su sangs rgyas dang // byang chub sems dpa' thams cad bsam// re re la ni brgya rtsa brgyad/ / bgrangs te de nas sbyin sreg bya// bdag nyid he ru ka yi tshul// sku mdog nag po 'od chen pos// mar dang yam shing thams cad ni// sngags bsregs 'dir ni the tsam med/ / oM ga ga ni ga ga na bi lo ka ne hUM phaT/ te dzo rA dza puSh+Ti ku ru swA hA/ shing rnams kun gyis sngags 'di yis// re re bzhin du sbyin sreg bya// phyis ni ser po'i chus zhi bya// 'di lha'i rgyas pa'i sbyin sreg ni/ / 'jig rten gsum na rnyed par dka'// rgyud gzhan rnams su sbas pa ni// rgyud 'di ru ni gsal bar byas// de nas yang dag rab bshad pa// dbang du bya ba'i sbyin sreg mchog/ thab khung gru gsum dmar po la// zabs dang rgyar ni sor mo brgyad// de dbus pad+ma 'dab brgyad dmar// zla ba dmar la sogs pas brgyan// grA grwa ru ni rdo rje dmar/
- 333b
bdag nyid he ru kar bsam pa// dmar po ltar snang chags pa'i bdag/ rdo rje dmar po thod pa bsnams// yongs su gang ba'i khrag nyid kyis// khams gsum pa la rjes su chags// A/ sho ka yi yam shing dang // go ro tsa nar ldan pa ni// blo ldan brgya rtsa brgyad bsregs te// shin tu mnyam bzhag sngags ni 'don// oM a sho ka ni su ra ka a nu rA ga ya trai lo kya ba shaM ka rI trai lo kya ba sha mA na ya hrIHswA hA/ nyin bdun sbyin sreg byas tsam gyis// khams gsum dbang du 'gyur ba yin// chu ni dmar pos me zhi bya// de nas yang dag rab bshad pa// mngon spyod dang ni gsad pa mchog/ zla ba phyed pa'i tshe 'dra'i thab// zabs dang rgyar ni khru gang tshad// 'jigs chen mdog ni ljang ku'o// grA grA ru ni rdo rje bri// dbus kyi sa gzhi stong pa ru// blo ldan sha lngas sbyin sreg bya/ / gsod pa yi ni sbyin sreg mchog/ mngon spyod gsod pa ru ni gsungs// dgra kun bsnun cing zlog par byed// dgra bo thur du kha bltas shing // kha nas khrag ni skyug pa nyid/ / sha yi dbus su bsam par bya// seng ldeng sol bas me bya ste// med na 'ba' 'bo la nyid kyi// 'ba' 'bo tsher mas sha phug ste// brgya rtsa brgyad du sngags kyis sreg/ oM mA ra ya mA ra ya kI la ya kI la ya sarba sho d+hA nA sha ya hU~M phaTaH/ bdag nyid te ru kar gyur cing // su mdog sngon po thugs 'khrugs pas// dgra rnams thams cang drag par ni/
- 334a
cig de la the tshom med// phreng mdzad 'jigs shing 'jigs par byed// ha ha zhes mdzad 'jigs par mdzad// gdug pa thams cad gsad par ni// sbyin sgeg tsam gyis the tsom med/ / 'di lta'i gsang pa'i sbyin sreg dang // mngon spyod kyang ni rnyed dka' ba// rnal 'byor lha mos rtogs min na// sngags skyes phal lnga smos ci dgos// de phyir sangs rgyas thod pa yi/ / rnal 'byor nga rgyal dang bral bas// shin tu mnyam par bzhag pa'i sems// lha rnams kyis kyang rnyed par dkar// ljang ku'i chu yis me zhi bya// gang gis bsregs shing gang zhig bsregs/ / gang gi zhi ba gang zhi ba// gang gis rnam rtog kun bcom pa// de yi sems ni mgu bar byed// sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin tu gsang ba las/ sbyin sreg gi cho ga'i le'u ste brgyad pa'o// / de nas yang dag rab bshad pa// spyod pa'i le'u shin tu rnyed dka' ba bud med shin tu mchog gyur dang / / rnal 'byor gang gis spyod kun byed// dngos grub brgyad dang yang dag ldan// de nas spyod pa yang dag brtsam// sems can dngos grub gang gang 'dod// de de'i dngos grub rtag tu ster// lag pas thod pa bzung byas te// gcer bu skra grol gyur pa yi// brtul zhugs can gyi spyod pas 'khyam// gang du gang tshe de tshe der// rtag tu spyod pa
- 334b
thams cad bya/ / rgyan rnams kun las rnam grol zhing // nam mkha' dang mtshungs gyur pa yi// shes rab can gyis khyim khyim du// slong mo bya bar the tsom med// yid dang mthun pa kun blangs nas/ / bsam gtan gnas su the tshom med// dga' ba'i sems kyis bsams nas ni// rnal 'byor ma yis slong mo bslangs// chos la gzhol ba'i rnal 'byor pas// thod pa'i steng du bzhag pa yi/ / rdzas ni de nas bza' bar bya// rdzas ni zos ma thag tu yang // khyim khyim thal phung shing drung dang // gang du gang tshe der de'i tshe// gang gis dga' ba'i sems de yis// blo gros chen po gnyid log 'phreng / / 'di lta'i spyod pa'i sbyor ba yis// phyag rgya chen po nges par 'thob// de ltar yang ni rgyud las gsungs// gang du ji ltar der de ltar// gang gi de yis sangs rgyas te/ / rang gi rnam rtog dag gis nyams// mtha' dag rang bzhin rnam par dag/ sangs rgyas thod pa zhes bya ba rnal 'byor ma'i rgyud bla na med pa gsang ba'i yang shin tu gsang ba las/ spyod pa'i le'u ste dgu pa'o// // de nas yang dag rab bshad pa// gcig tu sems can don rab nges// gser du nges par byed pa'i le'u// slob dpon la ni rab dang bas/ / mu tig dang mi nya phyis dang // dngul chu dang ni byu ru yis// gang gi sems can nor ldan 'gyur// 'di ni phyi yi sman min te// shun lpags lo ma ma yin zhing // dngul chu bcud
- 335a
len ma yin te/ / mu zi lhang tsher ma yin zhing // lcags dang na nye zangs ma yin// lcags gzhan dag ni ma yin te// thub pa'i sman gyi mchog yin no// 'di lta du yi tshig / thos nas// phyag na rdo rje stobs po ches// zhabs kyi rdul gyi cha btud nas// sems dpa' gcig tu dang brtan pas// lha mo legs so zhes ni spras// sman gyi mchog ni gang yin zhing // dngos grub kyang ni ji lta bu// gus pa yis ni nyan par 'tshal// lha mo chen mo khyod kyis gsungs// grub pa'i sman gyi mchog gang lags// gang gis sems can nor ldan 'gyur// tshe 'phel ba la brtson pa gang / / sngon bsnyen ltos pa med pa yis// sman chen grags pas 'grub pa gang // gang gis rdzas rnams mang por 'gyur// mo gsham bu dang ldan gyur grang // yang dang yang du mi 'chi zhing / / shi nas yang dag 'tsher 'gyur ba// lha mo chen mo khyod kyis gsungs// bka' sprul pa/ khyim 'di nyid du gnas pa yi// sman chen po yis 'grub pa ste// de yang snod bzang mchog la 'grub// byis pa rmongs pas mi shes so// bdag don gcig pu la 'bab cing // kye ma gcig tu dka' 'bad pas// ji ltar sems can don 'grub 'gyur// snod bzang la ni gnas pa'i bcud/ zi 'bru gsang ba'i spyod yul te// ro bcud rtsa yi nang gnas pa'i// sman chen ro bcud ma ru brjod// gang gis lcags ni gser 'gyur bar// gcig gis kyang ni grangs med 'gyur// 'di lta
- 335b
bu yi sman chen mchog/ ro bcud ma ni de bzhin gnas// rab 'byor cho ga sngon 'gro bas// sman gyi mchog ni 'grub par 'gyur// der ni yang dag sbyor ba bshad// dad pa brtan pa yis ni nyon/ / me tog ldan pa'i bud med gang // gzhon nu kha dog nag mo ste// rgyud 'di thod pa dang ldan zhing // ngo tsha med cing ltos med ma// 'dod pa chung zhing sems can brtse// de bzhin gshegs pa rnams sten cing / / rtag tu rab sbas brtsog med ma// 'di lha'i bud med rab blangs te// sman chen mchog ni yang dag brtsam// skyes bu shin tu chags che zhing // myur du byang chub sems 'bab pa/ / gang yin de la dngos grub med// 'di lta bu yi sman che po// sangs rgyas kyis kyang rab rnyed dka'// shin tu brtan pa'i sems kyis ni// blo ldan bud med de rnams bsten// de ltar yang gsungs pa/ rab tu brtan pa gtso bo'i gnas// zhes ni sgrub pa po rnams smra// de phyir brtan pa'i sems kyis ni// snod bzang 'bras bu bskul bar bya// der ni me tog ldan bud med/ / gser gyi sbyor ba rnyed dka' brtsam// grub pa'i bcud kyis byug pa yis// zla ba rang gi snying kar bsam// sngon du ri yi rgyal pos brgyan// der ni yi ge hrI sa bon// sems can don la gcig tu 'bang / / blo ldan dgos pa yang dag brtsam// zangs ma'i dngos po srang gcig bcas// zlum po snod bzang la bcug ste// g.yon pa bskum pa'i g.yas zur
- 336a
gzhag/ med na lcags kyang bya ba yin// brtun pa'i sbyor ba'i sems kyis ni// de nas blo ldan las rnams brtsam// ri rab zla ba sa bon rgyal// zhu 'gyur chotshom med pa yin/ / snod bzang der ni ngal bsos pas// 'pho ba'i sbyor bas 'dzag pa nyid// bzang por myur du rab blangs te// mkhas pa yis ni byug par bya// rdog po byugs pa tsam gyis ni/ / me yi nang du gzhug bya zhing // de nas shes rab can bltas na// gser du 'gyur ba the tshom med// de ni ma sha gcig gis ni// srang brgya ru ni 'gyur ba yin// de ltar gser gyi sbyor ba mchog/ 'jig rten gsum na'ang rnyed par dkara'// gal te sman chen tshad min na// de tshe sangs rgyas tshad ma yin// rgyud kyi rgyal po chen po 'dir// dngos po gang dang gang gsungs pa/ / sangs rgyas thod pa'i sbyor ba yis// de dag thams cad bden par 'gyur// gang zhig 'di tshad min smra ba'i// blo gros chen po thos ldan pa// ji srid sangs rgyas bzhugs kyi bar/ / de dag thams cad dmyal bar 'gro// sman 'di tsam gyis ma grub na// chos phung brgyad khri bzhi stong dang // bla med rnal 'byor ma rnams kyi// de dag thams cad brdzun par 'gyur/ / mtshams med lnga ni byed pa dang // sems can sangs rgyas chos la 'tshe// sman gyi mchog ni 'grub 'gyur ba// skad cig de la the tshom med// sems can don la gcig tu 'bad// /
- 336b
sgo ldan 'grub pa lta ci smos// sman mchog gser dang dngul du 'gyur// ji srid sangs rgyas ye shes yod// mi ni bskal pa bye bar 'tsho// de nas yang dag rab bshad pa// mo gsham/ rnams kyi bu med pa// yang dag sbyor bas bkrus tsam gyis// skad cig de la bu ldan 'gyur// sngon gyi gtso bos ji skad gsungs// khrus kyi cho ga rab tu bshad// kha dog lnga yi rdul tshon nam/ / yang na rdul tshon dkar po yis// dpag dka' skrag par byed pa yis// dkyil 'khor 'jigs par bri bar bya// de ni bum pa lto che ba// zlum po bzhi ni gzhag par bya// shes rab can gyis chu yis dgang / / ras kyis kyang ni dkri bar bya// rang gi khrag gis mtshan ma bri// bud med mo gsham de yi ni// khams kyis gtso bor blangs nas ni// mkhas pas bum/ pa'i kha la byug/ de nas khrag 'thung go 'phang la// gnas pa sgom pa'i mchog ldan pas// nag po dmar mo 'jigs chen po// rdo rjes hUM las yang dag byung // 'jigs pa'i me ltar 'jigs byed pa/ / zhal gcig pa la phyag bzhi pa// bla ma 'jigs pa'i gar byed cing // mkhas pas hUM ni sgrogs bzhin pa// blo ldan bum pa'i nang du bsam// de nas ral gri 'dzin pa yi/ / skyes pa bzhi po grags chen po// khro bo gzhan gyi sems dang ldan// 'jigs chen skyes bu de rnams kyis// ral gris nam mkhar bsnun cing gsod// sangs rgyas thod pa'i
- 337a
sbyor ba dang / / 'di lta bu yi sbyor ldan pas// de bzhin du ni bud med bkra// skad cig de la bkrus tsam gyis// bud med bu dang ldan par 'gyur// sangs rgyas thod pa zhes bya ba rnal 'byor ma'i rgyud bla na med pa gsang ba'i yang shin tu gsang ba las/ sman chen po khyad par can dang / mo gsham gyi khrus kyi cho ga'i le'u ste bcu pa'o// / / de nas yang dag rab bshad pa// mkha' lding sbyor las byung ba'i le'u// sngon du gsungs pa'i cho ga yis// mkhas pas dkyil 'khor bri bar bya// blo ldan he ru ka dang ni// kun nas rnal 'byor ma brgyad bskyed// mtshan ma phyag sogs sngon gsung bzhin// kha dog dkar po 'ba' zhig nyid// phyogs kyi rnal 'byor ma dkar zhing // mtshams kyi dmar po nyid yin no/ / sngon du gsungs pa'i cho ga yis// mkhas pas dkyil 'khor byin gyis brlabs// bum pa rnam pa bzhi po la// sngon gsungs phyag mtshan bri bar bya// rig pa 'dzin pa'i sbyor ba yis/ / phyis ni slob ma rjes su gzung // sngon gyi cho gas gsol btab ste// sbyin dang tshogs kyi 'khor lo dang // de nas dkyil 'khor mchod par bya// slar yang gsang sngags 'di yis ni/ slob ma rjes su gzung bar bya// sa stengs na ni dus zin la// cung zad gso bar mi nus te// nam mkha' lding can gyis btang zhing // dus su zin ces smra ba na// sangs rgyas zong
- 337b
pa'i rnal 'byor pa/ / blo ldan de nas las brtsam mo// bdag nyid he ru kAr gyur cing // kun nas rnal 'byor ma brgyad de// de kun sku ni dkar po ru// cho ga bzhin du sbyar bar bya// 'bras btags rang bzhin blangs nas ni/ / rig pa 'dzin pa gnyis bya'o// shin tu mnyam par bzhag pa yis// de yi lag par ral gri sbyin// de yi snying khar sngags bris gzhug/ 'dab ma gang rang gang de la/ / mar khu che byas snag tsha dang // mkhas pas sngags ni bri bar bya// oM bud+d+ha ka pA li ni hrIHoM ka pA li ni badz+ri Ni a/ bi d+h+waM sa ya sarba nA ga na u da ba ya d+ya d+ha ra Ni/ bi b+ha ya ka la da / sha na/ b+ho b+ho b+ha ga wa ti bud+d+ha ka pA li nI sarba na Na k+Sha ye ka ri ha ha ha swA hA/ rig pa 'dzin pa'i sngags so// de ltar yongs su rdzogs nas ni// 'dab ma snying kar gzhug par bya// gsang sngag 'di dang lcug ma yis/ / lan bdun bar du spyan drang ngo // oM bud+d+ha ka pA li ni g+ha Ta g+ha Ta/ g+ha Da g+ha Da hri hri haHhaHhe he haM/ lan bdun bsngags pa tsam gyis ni// rig pa 'dzin pa rnam pa gnyis/ / bar snang du ni lding 'gyur te// gcig ni dum bu dum bu ru// sa la ltung ba ru ni 'gyur// dus zing 'drir langs the tshom med// gzhan yang sbyor ba rnyed dka' gang // pang bteg la sogs bco lnga pa'o/ / glegs bam la ni bri ma byas// bla ma'i drin las shes par bya// sangs rgyas thod pa zhes bya ba rnal 'byor ma'i rgyud bla na med pa gsang ba'i yang shin tu gsang ba las/
- 338a
rig pa 'dzin pa'i sbyor ba'i man ngag nges pa'i le'u ste bcu gcig pa'o// // de nas phyag na rdo rjes/ rnal 'byer ma sna tshogs sde ma la yang dang yang du phyag 'tshal te 'di skad ces gsol to/ / rnal 'byor ma yi gtsor gyur pa// shes rab chen po lha mo legs// khyod kyis gsungs pa'i sbyor ba gang // 'jig rten na yang rnyed par dka'/ / bdag gis rgyud kun mthong mod kyi// sbyor ba 'di dag rnyed par dka'// rgyud 'dir khyod kyis gang gsungs pa// sangs rgyas kun gyis ma bshad do// a ma'o sems can don la brtson/ / e ma'i sangs rgyas kun bskyed ma// e ma'o phyag rgya che la brtson// sngags rnams kun gyi rab sbyor ba// shin tu rnyed pa gang yin des// rnal 'byor pa gang ngo mtshar ba/ / sna tshogs byed 'gyur lha mo gsungs// dang po'i le'ur gang gang gsungs// sbyor de lha mo bdag la shod// 'di lta bu yi tshig gsan nas// rnal 'byor ma ni sna tshogs sde// bzhad cing shin tu bzhad pa yis/ / lha rnams thams cad skrag pa dang // bdud sde thams cad 'bros pa dang // bgegs rnams thams cad 'jig par 'gyur// e ma'o bzhad pa'i nges pa yis// rgyal ba'i mchog kun ngo mtshar ro// gsungs pa/ rgyal mtshan 'phyang ba blang byas la// de yi sha yang blang bya zhing // de yi rked cha'i rus pa ni// blangs nas thab khung du ni bya// de yi thod pa'i
- 338b
rjes bzung ste/ / rgyus pa sdong bur byas te gzhag/ de yi mar khus dgang bya zhing // zab khung gru gsum steng du gzhag/ gzhan yang dud pa 'bebs pa dang // ji srid dud pa chags kyi bar/ / sangs rgyas thod pa'i rnal 'byor pas// gsang sngags 'di ni bzla bar bya// oM bud+d+ha ka pA li ni b+ha ra b+ha ra/ d+ha d+ha ra d+ha d+ha ra/ d+ha ra pA ya d+ha ra pA ya/ sho Sha ya sho Sha ya/ ta pa ya ta pa ya/ tAM tAM/ oM maM saM ra d+h+waM ku ru ku ru b+ho b+ha ga wa ti bud+d+ha ka pA la s+ya dz+nyA ma laM g+ha ya shI g+h+raM ka dza la ba taM/ pa ta ya pa ta ya/ trAM tAM a hUM stam+b+ha ya/ b+ho b+ha ga wa ti hUM aM paT/ 'di ltar sngags kyi rgyal po yis/ / 'jig rten gsum yang skams par byed// 'byung po ro langs mkha' 'gro ma// srin po sha za la sogs dang // gzhan yang rung ste bgegs de rnams// thos pa tsam gyis 'bros par 'gyur/ / ji srid dud pa ma babs pa// de srid sngags ni bzla bar bya// dud pa babs ma thag tu ni// lag pa gnyis kas gzung bar bya// de nas blo chen rnal 'byor pas// rol rtsed 'phreng ba btung bar bya// bu mo lo ni bcu drug ma// lang tshe'i gzugs la brtse ba can// 'di ni rnal 'byor pa yis spyad// gcig tu sems can don 'bad pa// gcer bu skra grol gyur pa yis/ / mkhas pas he hi'i sngags bton te// rol rtsed 'phreng ma btung bar bya// de yi rjes la rtsed 'jo brtsam// shin tu bzhad gyur phod mdzad pa'i// brtse ba chen po'i lag g.yon du// dud
- 339a
chen mchog ni gzhag par bya/ / sbyor ba la ni mkhas pa yis// phyis ni bags kyis bya ba bya// pad+ma las byung rdzas gang zhig/ de nyid kyis ni dud pa mnye// ming med mthe bos me tog sbyin/ / ril bu brgya dang rtsa brgyad bya// ril bu ra re re re la// gsang sngags brgya dang rtsa brgyad bzla// oM bud+d+ha ka pA li ni traM hrIHhUM phaT/ 'jig rten gsum na rnyed dka' zhing // rgyud rnams kun tu rnyed dka' ba/ / rnal 'byor mas kyang rnyed dka' ba'i// sngags 'di yis ni dud pa sgrub// srin lag gis ni sor mo yis// mig la dud pa byugs tsam gyis// stong gsum rdul phran lta bu yi// sangs rgyas thams cad mthong bar 'gyur// dpag tshad 'bum phrag brgyad cu yi// steng dang 'og ni mthong bar 'gyur// lag pa g.yon pas mnyes tsam gyis// skad cig de la rnal mar 'gyur// mdzub mos byugs pa tsam gyis ni// rgyu dang mi rgyu mthong 'gyur te// 'byung po yi dgas sha za dang // gzhan yang grub pa rnams dang ni// dpag tshad bye ba stong phrag gi/ steng dang 'og ni mthong bar 'gyur/ / lag pa g.yon pas mnyes tsam gyis// rnal mar 'gyur bar the tshom med// gung mos byugs pa tsam gyis ni// shin tu ngo mtshar byed 'gyur te// pheg brdabs bdun gyi sgra tshad du/ / nag po 'bar byed rtse mo yis// sprin rnams thams cad 'thor bar 'gyur// 'di lta'i dud pa rnyed par dka'// lag pa g.yon pas mnyes tsam gyis// skad cig de la mi ru 'gyur//
- 339b
mthe bong gis ni dud pa yi// bdag nyid chen po byugs tsam gyis// gzugs brnyan mtshan ma ri dang shing // gzhan dag gang yang rung ba rnams// khro ba'i lta bas bltas tsam gyis// dum bu stong du 'gyur ba yin// g.yon pas mnyes pa tsam gyis ni// rnal mar 'gyur bar the tshom med// mthe'u chung gis ni mig byugs na// skad cig de la mi snang 'gyur// sangs rgyas kyis kyang gzigs mi 'gyur// skad cig sum cu gsum du 'khor/ / mdzod pa bud med rdzas nyid dang // dngos po gang dang gang 'dod pa// dud pa'i bdag nyid chen po yis// skad cig de la 'phrog par 'gyur// 'di lta bu yi dud mchog gi/ sbyor ba sna tshogs/ legs par bshad// de ni mig la byugs tsam gyis// rang gi gzugs ni sgyur bar byed// dud pa 'di ni byugs tsam gyis// rig pa 'dzin pa'i gtso bor 'gyur// bya rog 'ug pa bya rgod dang // sbrul dang khyi dang ce spyang dang / / stag dang gung dang byi la dang // sbrang bu glang po bong bu ru// de ltar dud pa chen po yis// sna tshogs pa yi las byed pa'o// kun la las kun yod mod kyi// sbyor ba 'ba' zhig rnyed par dka'// sbyor bapa glegs bam la ma bris/ / bla ma'i zhal nas shes par bya// de nas yang dag rab bshad de// sbyor ba shin tu rnyeng dka' ba// sngags dang rus pa'i sbyor ba yis// rtag tu sna tshogs las byed do// glang po'i / rus pas gsad pa'i sbyor ba bya'o// oM bud+d+ha ka pA li nI hrIHhUM// rta yi rus pas bskrad pa rnyed par dka' ba bya'o// oM bud+d+ha ka pA li nI khaM hrIHhUM phaT/ ba glang gi rus pas dgra'i snying kar phur bu gang ba
- 340a
par bya'o/ / oM bud+d+ha ka pA li nI tra hrIH/ khyi'i rus pas rengs pa chen po bya bar gsungs so// oM bud+d+ha ka pA li nI oM U hUM phaT/ rus pa chen pos ni dgug par bya'o// oM bud+d+ha ka pA li nI hrIHbo ShaT/ bong bu'i rus pas rmongs par bya'o// oM bud+d+ha ka pA li nI bru hUM/ 'ug pa'i rus pas dbang du bya'o// oM bud+d+ha ka pA li nI tre hrIHhUM/ bya rgod kyi rus pas dbye bar bya'o// oM bud+d+ha ka pA li nI hA phaTaHhUM/ bong bu'i rus pas rengs par bya'o// oM bud+d+ha ka pA li nI badz+rI Na~M traM/ ce sbrang gi rus pas g.yul las rgyal bar byed do// oM bud+d+ha ka pA li nI b+ha ga wa ti d+ha ra d+ha ra ha he ho ha ha/ ma he'i rus pas dga' zhing rtse bas lo bcu gnyis su nyin dang mtshan du de'i byang chub sems mi ltung ngo / / oM bud+d+ha ka pA li nI ra ma ra ma kri Ta kri Ta ha ha/ sbrul gyi rus pas shing rtsa nas 'don no// oM bud+d+ha ka pA li nI ta Ta ta Ta/ Thatha ta ya tra ta ya/ ma ta s+pho Ta ya s+pho Ta ya uta pa Ta ya hUM phaT/ stag gi rus pas ri 'degs par byed do// oM bud+d+ha ka pA li nI/ g+ha ra g+ha ra/ ma Ta ma Ta/ tra Ta ya tra Ta ya/ g+ha nA pa ya g+ha Tu pa ya/ s+phu Ta s+phu Ta/ mo Ta mo Ta ya saM kra ma ya hrIHhUM traM phaT/ lcags kyus ni nags stug po stongs par byed do// oM bud+d+ha ka pA li nI badz+re nA sha yA ma ra ye/ g+hu Ta g+hu Ti ni sarba ba na ya ti na hri ye yaM ta Da ya bi dra pa ya tsa mo tsa maM/ b+h+ra ma ya b+h+ra ma ya/ b+ho b+ha ga wa ti aM aM ta Ta hUM phaT/ sems gcig dri med me long bzhin// gang bsams de yang gzugs brnyan dang // rmi lam lta bur shes mod kyi// 'on kyang rnam par rtog pas
- 340b
gsungs/ / sangs rgyas thod pa zhes bya ba'i rnal 'byor ma'i rgyud bla na med pa'i gsang ba'i yang shin tu gsang ba las/ sngags sna tshogs kyi rab tu sbyor ba'i le'u ste bcu gnyis pa'o// / / de nas yang dag rab bshad pa// rnam dag le'u rab rnyed dka'// ne ne mo dang tsha mo dang // ma dang bu mo chung ma nyid// gal te phyag rgya che 'dod na// shes rab can gyis 'di dag spyad// g.yung mo dang ni gar mkhan ma/ / khrus mkhan ma dang gtum mo yi// bu mo ko ba byed par gsungs// blo dang ldan pas 'di dag spyad// de lnga rnal 'byor ma yi mchog/ de nas yang dag rab bshad pa// ma dag pa yi sems sbyang phyir/ / mig ni sring mor gyur pa ste// rna ba tsha mo nyid yin no// sna ni ma ru 'gyur pa ste// lce ni bu mo nyid yin no// yid ni chung mar 'gyur ba ste// lnga po de rnams mchog lha mo// phyag rgya chen po rab ster ma'o/ / gti mug gar mkhan ma ru 'gyur// zhe sdang g.yung mo nyid yin no// 'dod chags khrus mkhan ma yin te// nga rgyal gtum mo nyid yin no// phrag dog ko ba byed ma'o// lnga po de rnams bud med mchog/ gzugs las gti mug skye ba ste// sgra las zhe sdang skye ba yin// dri la longs spyod pas 'dod chags// ro las nga rgyal nyid yin te// reg bya las ni phrag dog skye// sems kyi dag pa nyid yin/ no// de phyir rnal 'byor blo chen gyis// shin tu sbyor ba'i sems kyis ni// skye 'dir dngos grub ma thob kyang // skye gzhan srid par dngos grub pa thob// ji ltar dngos po med par bsgom// ji ltar dngos po
- 341a
bsgom par bya/ / dngos po bsgom bya ji ltar 'gyur// sring mo'i gzugs ni ji ltar yin// dkar mo ljang ku'i sngon mo'i mdog/ 'di lta'i gzugs dang ldan par ni// dag pa'i sems kyis blta mi bya/ / tsha mos ji ltar sgra thos pa'i// sgra grags pa ni rnam gsum nyid// 'di lta'i sbyor dang ldan par ni// dag pa'i sems kyis mnyan mi bya// rab sbas skyes ma gang yin des// de ni rnam pa gsum bltas pa// lha min yid dang ldan pa la// ji ltar 'dod chags skye bar 'gyur// lce dang lhan cig longs spyod rdzas// ro drug myangs pa ci 'dra ba// myangs pas longs spyod ldan pa yi/ / myangs pa'i gzugs ni ji lta bu// yid kyis longs spyod dga' de nyid// yid kyis gnyis ka spyad pas bde// der ni rtag pa yod ma yin// dngos po las ni dngos med yod// dngos med la yang dngos po nyid/ / dngos dang dngos med gnyis ka stong // 'di dag sems kyi dag pa nyid// de nas gzhan yang rab bshad pa// phyi yi lus ni sbyang phyir ro// lha dang ldan pa snying rje ste/ 'khyud pa byams par 'gyur ba'o// drud pa'i sbyor ba'i bdag nyid ni// dga' ba yan lag ma yi mchog/ gnyis ka 'dus las gang 'dzag pa// de ni bdag gis btang snyoms gsungs// de ltar dngos po'i sbyor ldan pa// ji ltar 'dod chags kyis 'ching 'gyur// mthong ba las ni 'dod chags skye// 'khyud las 'bras bu cung zad ces// drung ba las ni dga' ba skyes// kun
- 341b
gyi mtha' mar dga' bral lo/ / de ltar dga' dang dga' bral 'bras// khams gsum pa las skye bar 'gyur// rab dga' sems kyi sbyor ba yis// dngos po gsum gyis 'ching mi 'gyur// bza' dang btung ba gang cibang rung // bde ba 'bab pa'i kha zas rnams// de kun bshang dang gci sogs su// rnal 'byor rig pas rtag tu brtag/ gang ci rung ba'i dga' rtsed 'jo// 'khyud pa dang ni 'o byed dang / / nyed dang 'chir ba nyid kyis ni// phyag rgya chen po'ang mthong bar 'gyur// 'di lha'i sgom dang ldan pas ni// 'di ru 'grub par the tshom med// rnal 'byor ma lngas sangs rgyas kyi/ / dpal dang phyag rgya che ste byed// rnal 'byor pa yis de mchod na// 'dod pa rnams kyis gos mi 'gyur// phrag dog la sogs kyis sbags kyang // de la nyes pas gnod pa med/ / rnal 'byor pa yi mchog de nyid// srid pa'i nyes pas gos mi 'gyur// ji srid khams phye de mi gsor// sangs rgyas sku srid sdig dang bral// byang chub sems ni 'dzag med pa/ / gang tshe phun sum tshogs pa'i shing // sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin tu gsang ba las/ sems rnam par dag pa'i le'u ste bcu gsum pa'o/ / // de nas yang dag rab bshad pa// sna tshogs sde mas bsngags pa'i le'u// de ltar phyag na rdo rje la sogs pa'i byang chub sems dpa' rnams dang // ri rab
- 342a
kyi rdul phra rab snyed dang mtshungs pa'i rnal 'byor ma rnams spyan drangs shing mgu ba'i sems kyis sna tshogs bde ma la btud de bstod pa/ kye ma'o bcom ldan 'das lha mo// sangs rgyas thams cad skyed byed ma// dpal dang grags pa che zhing 'jigs// sems can kun la phan mdzad ma// lha mo snying rje che ldan ma// phyag rgya chen po blo chen ma// don chen 'bras bu ston mdzad ma/ / sangs rgyas thod pa yi ni rgyud// rdo rje 'chang gis sbas pa dang // sangs rgyas rnams kyis ma gsungs shing // byang chub sems dpa'i yul min pa// gsungs gcig gis ni gsal/ mdzad de// de ni lha mo khyod kyis gsungs// a ma'o snod chen lha mo khyod// rnal 'byor ma kun bsdus byas pa// de bzhin gshegs kun yul min pa// rnyed dka' dngos grub gang yin pa// de ni lha mos gsal bar mdzod// gsungs pa/ rnal 'byor ma ni thams cad nyon// byang chub sems dpa' thams cad dang // 'dod chags bral dang bdag chen nyon// sangs rgyas de bzhin gshegs pa nyon/ / klu dang lhar bcas mi rnams nyon// rgyud rgyal 'di ni bklags tsam gyis// bsod nams gang yin de kun gyi// bsod nams rjes rang yongs su bsngo// phyag / rgya chen po'i don du ni// sangs rgyas yon tan rnam pa dbul// sngags don zab mo rnams dang ni// sbyor ba shin tu rnyed dka' ba// gang zhig gsal byas bdag bzod mdzod// shin tu sbas
- 342b
ba'i yul de yang / / sems can don du gsal byas pas// rgyal po'i mchog rnams bdag bzod mdzod// de nas yang dag rab bshad pa// sngags kyi bzlas pa stobs po che// gal te dngos grub mchog 'dod na// sangs rgyas thod sbyor bzang po bzla// oM hrIHbud+d+ha hUM kA pU li nI AH'jug pa la oM/ 'byung ba la hrIHgnas pa la bud+d+ha/ bde ba la hUM/ nub pa la ka pA li nI/ ldang ba la AH'o// de ltar bzlas pa rab rnyed dka'// sangs rgyas thod pa'i sbyor chud bzla// de ltar yid kyi bzlas ldan pas// dngos grub 'thob pa the tsom med// / oM bud+d+ha ka pA li nI AHhrIHhaM hUM phaT/ snying po'i sngags so// oM bud+d+ha ka pA li nI badz+rI Ni ho hUM/ a dur lAk+She hUM phaT/ nye ba'i snying po'i sngags so// de nas yang dag rab bshad pa/ dbang dus cho ga ji bzhin du// slob ma dang brtan gang zhig gis// shes rab ma la gsol ba gdab// dri zhim pa yi dngos po yis// maN+Dal rnam pa lnga byas te// sangs rgyas kun gyi rgyan byas pa/ / lha mo che la gsol ba gdab// zhal du bza' ba'i rdzas mchog btab// rdzas de rnams ni gsol ba dang // yid ni tshim zhing thugs dgyes so// lha mo dgyes par mthong nas ni/ / tshig 'di dag gis smra bar byed// rnam par rtog pa mang po yis// g.yogs pa'i bag chags rab ldan pa// 'khor ba'i 'dam du bying ba dag/ mdzes ma khyod kyis skyob par
- 343a
mdzod/ / grags chen snying rje ldan pa yi// lha mo de ni zhi bar mdzod// der ni rgyan rnams thams cad dang // lhab lhub rgyun rnams dbul bar bya// dad pa brtan pa'i sems kyis ni/ / de nas bdag nyid dbul bar bya// sna tshogs zas dang sna tshogs btung // de yi mdun du dbul bar bya// gang gis shes rab ma mnyes pa// sangs rgyas thams cad kyis ni mchod/ / 'di nyid la ni sangs rgyas bzhugs// gzhan yang dngos grub gtso bo dang // snying rje ldan pa gzhan gang zhig/ mkha' 'gro ma kun 'di la bzhugs// gang du dbang po 'gags gyur pa/ / bdag rtog rang bzhin nyams pa ste// kye de lhan cig skyes dgar gyur// bla ma'i zhal snga gsal bar zhus// gang zhig 'char dus tshe na dpa' bo dang // yul mnyam nub gyur de la phyag 'tshal lo// mkhas pa rnams kyi snying sbas su sad la// phyis ni mngon dga' rgyal ba'i mdzes sku gcig/ sangs rgyas thod pa zhes bya ba'i rnal 'byor ma'i rgyud bla na med pa gsang ba'i yang shin tu gsang ba las/ sngags kyi bzlas pa dang / shes rab ma la gsol ba gdab pa dang / rgyud thams cad kyi gleng gzhi'i le'u ste bcu bzhi pa'o/ / // 'di gsungs nas sna tshogs sde ma la sogs pa'i rnal 'byor ma thams cad dang / phyag na rdo rje la sogs pa'i byang chub sems dpa' rnams rang rang gi gnas
- 343b
na 'dug ste/ ci'ang mi gsung bar bzhugs so// sangs rgyas thod pa zhes bya ba'i rgyud rnal 'byor ma chen mos gsungs pa mchog tu gsang ba rdzogs so// / rgya gar gyi mkhan po shrI ga ya d+ha ra dang / bod kyi lo tsa ba gyi rngo zla ba'i 'od zer gyis bsgyur cing zhus te gtan la phab pa// rgya grar skad du/ ma hA mA yA tan+t+ra nA ma/ bod skad du/ sgyu 'phrul chen mo'i rgyud ces bya ba/ dpal rdo rje mkha' bgro la phyag 'tshal lo// dpal ldan rdo rje mkha' 'gro ma// mkha' 'gro ma yi 'khor los sbyar/ / ye shes lnga dang sku gsum nyid// 'gro ba skyob la phyag 'tshal lo// ji snyed rdo rje mkha' 'gro ma// kun tu rtog pa'i 'ching gcod cing // 'jig rten bya bar rab 'jug pa// de snyed rnams la phyag 'tshal lo// de nas de las rdo rje mkha' 'gro ma gsang ba'i dbang phyug ma rnams kyi mchog tu gsang ba zhes bya ba'i rgyud bshad par bya ste/ gang zhig gis ni kun khyab rgyu dang mi rgyu tshangs sgo nga / / lha mo thams cad skyed byed cing // tshangs la sogs pa'i bdag nyid che// de rnams kyi ni gsang chen 'di// sgyu 'phrul chen mo dbang phyug che/ sgyu 'phrul chen mo drag chen mo// 'byung ba yang dag sdud mdzad ma// gang gis 'di kun la khyab pa// rgyu dang mi rgyu'i 'jig rten gsum// des ni de nas 'di bsdus nas// 'jig rten gsum
- 344a
po yang spro'o/ / gsang ba pa rnams ma 'di ni// sgyu ma'i bdag nyid ces rnam grags// 'jig rten gsum sgrub rig ma ste// 'dod pa thams cad rab ster ba// gang zhig rnam par shes tsam gyis/ / sgrub pa'i dbang phyug rig pa nyid// lha dang nor bdag dri za dang // gnod sbyin lha min mi dang bcas// rig pa 'dzin dang gang yang rung // mi 'am ci dang lto 'phye che// srin po dang ni sha za rnams// sgrub po rnams la 'grub par 'gyur// dbang du 'du 'gyur babyung po rnams// chu las skyes dang zang las skyes// chos rnams rang bzhin 'od gsal ba// gdod/ nas dag cing rnyog pa med// thabs brjod pa yis de las ni// rang byung ye shes lnga ldan 'gyur// rnal 'byor ma rnams sbyor ba'i ma// khams gsum po ni me lus kun// ma lus lus pa med grub cing / / sgyu ma kun gyis rnam rol ba'o// sangs rgyas kun las phrogs nas su// lha mchog lha skyes bu mo spyod// rnal 'byor dbang phyug byed rig pa// de bzhin du ni mig 'khrul byed/ / rmongs pa dang ni rengs pa dang // bskrad dang gsad pa la sogs pa// dbang dang dgug pa la sogs dang // nam mkhar 'gro ba nyid kyang ngo // gzhan gyi grong sogs bya ba dang / / mi snang ba dang gang yang rung // zhe 'gras pa dang rmugs pa dang // de bzhin sa bog 'gro ba'o// rig 'dzin 'khor los sgyur nyid 'gyur// 'chi ba med cing rgas pa med//
- 344b
rnal 'byor sgyu ma'i rig pa 'di// 'di yis na ba med par 'gyur// sngags kyi yi ge'i gzugs kyis su// rnal 'byor pas ni rnam rol byed// bklags pa dang ni bsams pa yis// sgom pa dang ni ting 'dzin rnams// bklags pas byed pa'i rig pa ste// rig pa'i dngos grub byed par 'gyur// brtul zhugs med cing dka' thub med// dka' spyod bsnyung ba sdom med par/ / rtag tu shes rab thabs sogs kyis// rtag tu dga' dang bde bas 'grub// lte ba'i dbus gnas dpa' bo ste// ge sar gsang ba'i spyod yul la// sems dang sems med/ sems kyi gzugs// ye shes shes bya'i rang bzhin bdag/ de ni bdag gis bshad bya ste// zab mo sangs rgyas bstan pa'o// A li kA li mnyam byas te// ri mo de la sbar bar bya// / ri mo steng du 'bar ba'i mthar// 'og tu 'bab par byed pa'o// khu ba'i tshul gyis 'bab pa ste// bdud rtsi'i theg pa'i gzugs las so// gang gang dbang po'i lam nas ni// de de'i rang bzhin skye bar 'gyur// mchog tu phan pa'i rnal 'byor gyis// sangs rgyas kun gyi rang bzhin 'bab// dam tshig chen po'i dngos grub dang // ril bu chen po'i sgrub pa yang // sgyu 'phrul chen mo'i rab sbyor ba'i// sdom pa'i sbyor bar byed par 'gyur// mchod pa lnga dang yang dag ldan// 'dod pa'i yon tan lnga dang bcas// sgrub pa'i dbang po shes bya ba//
- 345a
dngos grub shin tu rtag pa'o// gang zhig shes pa'i dngos grub kyis// lha yi gnas su myur bar 'gyur// de ni bdag gis bshad bya ste// lha mo bden par smra ba'o// sgyu 'phrul chen mo khyod la ngas// 'jig rten gsum 'grub de bshad bya// rnal 'byor chen mo rnams kyi ni// bzang po'i yi ge'i 'phreng ba rnams// gang zhig bsams pa tsam gyis ni// rgyu dang mi rgyu 'grub 'gyur ba'o/ / 'dod pa kun la nyer spyod pa// ji ltar 'dod bzhin bsten byas na// rnal 'byor pa chen rtag rol te// rdo rje rnal 'byor ma rnams dang // rnam pa sna tshogs gzugs su ni/ / rnal 'byor bdag nyid ston par byed// de bzhin gshegs pa kun gyi dpal// dngos grub chen po ster bar 'gyur// bcud len rnam pa sna tshogs kyis// rtag tu sems can don byed pa'o/ / khu ba dgug dang chang dang ni// gong bu chen po dgug pa nyid// sha chen po ni bkug nas su// rnal 'byor ma dang lhan cig spyod// tshe ring brtson 'grus chen po drang / / gzi brjid che zhing stobs chen 'gyur// lha yi mig dang rdzu 'phrul ldan// nyin re zla ba 'thung ba'o// de yi tshe ni 'phel 'gyur te// bskal pa chen po'i bar du gnas// lta bas mi ngoms lus dang ni/ / cho 'phrul dag ni ston par byed// yid la bsams ma thag tu ni// rang gi gzugs ni yongs brjes shing // bklags pas 'grub pa'i don yod pa// rig
- 345b
ma'i dbang phyug rdzu 'phrul che/ / rig pa 'jig rten gsum po na// nga yi rig dang mnyam pa med// rgyud rnams kun gyi lung 'di ni// mdzes ma khyod la bshad pa yin// rnal 'byor ma'i dbang phyug ma'i rig ma chen mo las/ dngos grub kyi mtshan ma bstan pa ste le'u dang po'o// // de nas de las rnal 'byor ma'i dbang phyug chen mo rnams kyi sbyor ba'i dngos grub kyi 'bras bu rab tu ster ma'i gsang ba'i yi ge bzang po bshad par bya ste/ gang zhig bsams pa tsam gyis ni// rnal 'byor ma mchog ster 'gyur ba// dang po'i yi ge sbyor ba yis rtag tu dbugs ni rgyu bar bya/ / brgyad pa'i mtha' dang yang dag ldan// u dang thig ler bcas pa yi// rnal 'byor pa yi dbugs rngub byed// dngos dang dngos med rnams spangs pa'o// de la brtul zhugs ma bshad do// 'phreng ba sngags dang bzung ba dang // sbyin sreg gi ni las rnams kyang // gcig nas gcig tu ldog par 'gyur// sngags dang dbyibs dang chos bdag nyid/ / sbyor ba rnam gsum zhes bya ste// ye shes rnam pa gsum gyis ni// sred pa'i nyes pas gos mi 'gyur// de ltar rgyun du rnal 'byor pa// rtag tu goms pa nyid kyis ni// rdo rje sems dpa' dang mnyam pa'ang / / zla ba gcig gis de 'grub 'gyur// dbang po'i mdog dang yang dag ldan// dang po'i yi ge bsgom bya ste// rang gi rig pa rab sbyar na// des 'di mod
- 346a
la 'gug par 'gyur/ / yi ge gnyis pa dang ldan pa// bsam zhing rnam par bsgom byas na// sa gsum po ni ma lus pa// de dag thams cad dbang du 'gyur/ tshangs dang khyab 'jug dbang po dang // de bzhin dbang po 'dod dbang phyug/ ye shes yi ges bskul byas nas// de dag chung mar bcas te 'gugs// yi ge a dang yang dag ldan// sku gsung thugs la legs gnas pa// sbyor ba rnam gsum bsgom byas na// gong bu 'gugs pa'i mchog yin no// yi ge khe dang yang dag ldan// sku mdog dmar po zhal bzhi pa// lag na thod pa chags pa'i bdag/ khu ba 'gugs pa'i mchog yin no// yi ge rtsi dang ldan pa yis// kha dog ser po kun tu 'od// rta yi zhal gyi tshul byas nas// chang 'gugs pa yi dam pa yin/ / yi ge ra dang yang dag ldan// kha dog dmar po 'od chen po// phyag bzhi pa dang zhal bzhi pa// ce spyang tshul du legs gnas pa// khro bo'i sems kyis bsgom byas na/ / khrag 'gugs pa yi dam pa'o// yi ge drug dang yang dag ldan// gnas drug tu ni nges sbyar bya// rnal 'byor mkha' 'gro ma yi tshogs// rdo rje rnal 'byor ma rnams 'grub// mig gnyis dang ni rna ba dang // de bzhin sna dang yid gnyis dag/ seng ge rnam rol phyag rgya yis// rnal 'byor pa yis bcing bar bya// srog dang rtsol ba bsdams nas su// bsgoms
- 346b
ni skad cig de la 'bar/ / 'og min srid pa'i mthar thug pa// rgyu dang mi rgyu'i 'jig rten bdun// thams cad kyis ni de bsgoms kyang // de ni rtogs pa ma yin no// gal te thams cad rab rtogs na/ / 'gro ba'i rol pa rnam par 'jig/ de phyir ye shes 'di gsang zhing // mi gsal yi ge med pa'o// gang phyir sangs rgyas rnams kyis mkhyen// rnal 'byor gnyid dang yang dag ldan/ / gong bur song ba'i yid de yis// gzugs gcig tu ni sgom par byed// sgo dgu las ni gang byung ba// rdzas kyi bdag nyid rnam bsgoms la// rang bzhin med pa'i blo ldan pa'i/ / rnam par mi rtog pa yis bza'// mthe bong dang ni srin lag gis// kha ru yid bzhin nor bu ni// bdud rtsi'i rang bzhin las byung ba// rtag pa'i dngos grub thob par 'gyur// rnal 'byor ma'i dbang phyug ma'i rig pa chen po las// sbyor ba gtan la dbab pa'i le'u gnyis pa'o// // de nas yang dag bshad bya ba// dam tshig sgrub pa'i dam pa ste// rdzas gzhan tshogs ni bza' bya ba// thams cad mkhyen pa'i 'bras ster ba'o// gang zhig zos pa tsam gyis ni// 'byung po'i ma rnams 'grub 'gyur ba// brtan pa dang ni myur 'gro nyid// de bzhin du ni ba glang khyi// chen por yang dag ldan pa ni// de bzhin ye shes bdud rtsi lnga// tshes grangs bcu bzhi brgyad la ni// lhan cig bsgos te sbyar byas nas// nyi ma bdun du ce spyang gi//
- 347a
dbus su bzhag la de nas bton// lnga po dag las yungs kar gyi// 'bras bu'i tshad tsam ril bu bya// de ni rgyud 'dir gsungs mod kyis// tshes brgyad dang ni bcu bzhi'i bar dag tu/ / nyi ma bdun du lhan cig min sgom ste// sbyar nas ce spyang dbus su legs bzhag la// de las bton te lnga po dag las ni// dngos grub 'bras bu'i tshad tsam ril bu bya/ / 'bras bu chen po rab tu rtogs pas na// de ni rgyud 'dir gsungs kyi kun tu sbas// 'bras bu chen po sangs rgyas kyis// thams cad du ni sbas pa'o// de nas sgrub thabs 'byung ba'o/ / yid kyis pad+ma bsam bya ba// kha dog dmar po kun 'od la// lha mo bzhi dang yang dag ldan// sangs rgyas gzugs kyis nyer brgyan pa'o// shar du ut+pal sngo 'od mdog lho ru ser po lta bu'o/ / nub tu dkar dang dmar ba'o// byang du mar gad 'od yin no// 'bar ba'i 'phreng bas 'khrigs pa dang // zhal bzhi phyag bzhi spun gsum mdzes// shar phyogs kyi lha mo ni spyan gsum pa/ phyag g.yon na kha T+wAM ga dang dril bu/ g.yas na rdo rje dang thod pa bsnams pa bsam mo// lho phyogs kyi lha mo'i phyag ni mdung rtse gsum dang // rin po che dang / ba dan dang / ce spyang bsnams pa'o// nub phyogs kyi lha mo'i phyag na gzhu dang / mnga' dang / sna tshogs pad+ma dang // thod pa bsnams pa'o// byang phyogs kyi lha mo'i phyag
- 347b
nu ral gri dang / / zhags pa dang / rde'u chung dang / thod pa bsnams pa'o// sku gsung thugs kyi rdo rje ni// de yi dbus su bsam par bya// thod pa nyid dang kha T+wAM ga/ de bzhin gzhu dang mda' nyid dongo/ / dang po'i sngags dang yang dag ldan// bsgoms na skad cig de la 'bar// de ltar rnal 'byor pas bsgrubs na// rdzas kyi dngos grub rab tu ster// rnal 'byor ma yi sgrub sbyor bas// 'phral du yid ches yang dag 'jug/ thams cad kyis ni mi mthong zhing // stong phrag gcig tu snang bar 'gyur// sangs rgyas kun las phrogs pa dang // lha yi bu mo mchog la spyod// gang+gA'i bye snyed sangs rgyas rnams// nyid kyi rdo rje'i gnas bzhugs pa// lag tu skyu ru ra bzhag bzhin// rdo rje'i mig gis mthong bar 'gyur// gang+gA'i bye snyed zhing dag kyang // sku gsung thugs kyi mtshan nyid dang / / dngos po kun gyi bdag nyid gnas// sems kyi gar las byung ba mkhyen// yi ge go bzlog sbyor ba yis// sngags ni de ru rnam bsgom bya// rdo rje chu dang yang dag ldan// ril bu re re bza' bar bya// yi ge brgyad kyi mtha' ldan pa// u dang thig le bcas pa ni// mtha' ru yang dag sbyar byas la// sngags ni kun tu brjod bya ste// guh+ya b+hak+Sha A b+hak+She hUM zhes bya'o/ / rnal 'byor ma kun sbyor ba yis// dang po'i yi ge yang dag ldan// gal te rdo rje can gyis grub 'dod na// lan bdun mngon bsngags rnal 'byor pa yis bza'// yi ge gsum
- 348a
mtha' zhes bya ste/ / brgyad kyi mtha' mar legs gnas pa// u dang thig ler yang dag ldan// yi ge mchog tu gyur pa'i gnas// yi ge dang po sbyor ba yi// hrI zhes bya ba yang dag sbyar// yi ge rnams kyi mthar sbyor la// sa bon lngas ni rab dgang bya// yi ge yis ni rnam bsgoms te// pad+ma rab tu rgyas par bya// ci ste rdo rje can 'grub 'dod/ / de lta'i sbyor ba kun shes bya// de nas 'dir rdo rje rnal 'byor ma rnams kyis dgongs pa dpal rdo rje'i glus srid pa shin tu sgrub pa blangs pa/ kye grogs po rdo rjes pad+ma kha 'byed sa mdzad pa/ / a la la ho/ bde ba chen po gar gyis rab tu mnyes mdzod cig/ nyi ma'i dkyil 'khor pad+ma'i kha ni rab bye ba// bde ba chen po'i gar gyis rab tu mnyes par mdzod// rdo rje 'dzin pa chen po la/ / de nas 'dir glu blangs tsam gyis// rdo rje mkha' 'gro ma rnams gar// rdo rje sems dpa' yang dag bskul// de ltar rtag tu gus ldan pas// sbyor ba'i dngos grub 'gyur ba yi/ / dus bzhir rab tu sbyor ba yi// 'grub par 'gyur ba sgom pa'i mchog/ rgyan rnams thams cad yongs rdzogs shing // spos dang me tog rnams kyis brgyan// ji ltar sku gsum mchog ster ba'i/ / dngos grub nges par thob par 'gyur// dpag tshad brgya yi khyon tsam du// 'di ni rab tu snang bar byed// dbang po gnyis ni rab sbyor bas// sgo dgu las ni byung ba'i rdzas//
- 348b
sangs rgyas byang chub gnas zhi ba'i// de nyid bla na med pa 'grub// 'drar tshigs bcad du 'gyur ba ni// gzugs rnams dang ni de bzhin phyag rgya mtshan ma dang // rdzas rnams dang ni bsam gtan rnam sgom pa'i/ / cho ga'i thabs ni sna tshogs bstan pa dang // lha mo yid 'dod rnams ni gsungs pa'o// gang gi khyim du rgyud 'di gnas pa dang / rgyun du 'chang ba dang / klog pa dang / rnam par sgom pa de la nad rnams 'byung bar mi 'gyur zhing / rgas pa dang bgegs mi 'byung la 'chi bar mi 'gyur te/ rgyun du thams cad du rnal 'byor ma'i dbang phyug ma rnams kyis bgegs srung bar 'gyur ro// rdo rje rnal 'byor ma chen mo rnams kyi dgongs pa mchog tu gsang ba gsang ba chen po nye bar spyod pa dang bcas pa'i sgrub thabs te le'u gsum pa'o/ / / sgyu 'phrul chen mo'i rgyud ces bya ba rdzogs so/ / / rgya gur gyi mkhan po dzi na par dang / bod kyi lo tsA ba chen po mgos lha btsas kyis bsgyur cing nus te gtan la phab pa'o// / rgya gar skad du/ ri gI A ra li tan+d+ha rA dza nA ma/ bod skad du/ ri gi A ra li'i rgyud kyi rgyal po zhes bya ba/ dpal rdo rje mkha' 'gro la phyag 'tshal lo// 'di skad bdag gis thos pa dus gcig na/ bcom ldan 'das ri gi rnam pa'i oM waM sdom pa la bzhugs so// gnyis meng gnyis kyi rnal 'byor gyi// A ra li dang ri gir brtags// ri gi rnal 'byor dpa
- 349a
phyug gtso/ / de la A ra lis zhus pa// gnas kyi rnam pa du zhig lags// nye gnas rnam pa du ru 'gyur// de la zhing gi rnam pa du// nye zhing rnam pa du ru gsungs// tshan do rnam pa du ru brjod// nye ba'i tshan do rnam pa du// de la 'du ba gang zhig lags// de bzhin nye ba'i 'du ba ci// de la dur khrod rnam pa du// nye ba'i dur khrod ji ltar lags// de la lha mo ri gi che/ / rnal 'byor rnal 'byor cher gnas pas// a ra li dang bder go bar// sa bcu rnams ni rab tu phye// gnas ni shar gyi lus 'phags po// de bzhin du ni ba glang spyod// gnas ni byang gi sgra mi snyan/ / gnas ni de bzhin 'dzam bu gling // gling bzhir lha mo bzhi dang ni// ri rab spyi bor ri gi bzhugs// A ra li dang mnyam sbyor bas// gnyis kyis mnyam sbyor gnyis med las/ / si sa'i 'dod pa'i lcug ma dang // pad chen de bzhin sdom pa ma// ljang ku ser mo btsod mdog dang // dmar mo ru ni yongs su grags// zhal gcig ma ni phyag gnyis dang // g.yas na chu gri 'dzin ma ste// g.yon na rnal 'byor lhung bzed nyid// gcer bu mgo skyes grol ba'o// A ra li yi sku mdog gnag/ spyan gsum phyag drug A ra li// ri gi sngon mo spyan gsum ma/ / phyag gnyis zhags pa lcags kyu 'phyar// rdo rje ra li'i phyag gnyis kyis// ri gi dge ba'i bshes gnyis 'khyud// g.yas kyi phyag gnyis dag tu ni// rdo rje dang ni cang te'u brtags//
- 349b
gzhan dag tu ni dgra sta dang // thod par mgo bo 'dzin pa nyid// gnas su sems dang nye ba'i gnas// sa dang chu dang me dang rlung // 'dir yang lha mo rnam pa bzhi// kha dog dbye ba gong ma bzhin// mi bzang rnon po sgyu ma che// mthon po gsung gi 'khor lo la'o// shar sgo de bzhin du ni zhing // nye ba'i zhing ni lho ru 'gyur// tshan do ha ni nub kyi sgo// nye ba'i tshan do ha ni byang // za dang ma he nyid dang ni// rta mgrin glang po'i rgyal mtshan nyid// 'di rnams sgo dang sgo ru ni// kha dog dbye ba gong ma bzhin// gsung gi 'khor lo'i mtshams su ni// 'du ba nye ba'i 'du ba nyid// sku yi 'khor lo'i mtshams su ni/ / dur khrod nye ba'i dur khrod nyid// sku gsum 'khor lo'i mtshams su ni// dmyal ba dag ni rtag tu bri// sku la grang ba'i dngos po bzhi// gsung la de bzhin tsha ba bzhi// ri gI A ra li'i sbyor ba le'u dang po'o/ / / lha mo ri gi snying rje che// A ra li ni nyid kyis zhus// ji ltar 'khor lo'i mtshams brgyad du// dmyal ba brgyad ni rnam par sgom// ri gis bka' stsal pa/ ji snyed pa'i sems can gyi bsdu bas bsdus pa sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa dang / gzugs can dang / gzugs med pa can nam/ 'du shes can dang / 'du shes med pa can de dag thams cad A ra li dmyal bar 'tshed par 'gyur ro// de nas gdon pa'i blos e waM rnam par gzhug par bya'o// stong pa nyid ni bsgoms nas ni// hUM ni
- 350a
@snying kar bsgom par bya/ / hUM las sna tshogs ri ngag yin// rdo rje las ni A ra li// 'byung ba nyid du 'gyur ba nyid// mang du brjod pas ci zhig bya// a waM rnam pa ches gsang bar// sangs rgyas rin chen gab tsar ni// rdzogs pa'i dkyil 'khor du ni 'gyur// oM A ra li ri gi pheM pheM b+h+yo swA hA/ char dbab pa'i cho ga bshad par bya'o// sa yi bdag po blangs nas ni// nor rgyas bu ni mkhas par bya/ / thod pa sbyar mar bzhag nas ni// ba yi 'o mas dgang bar bya// de yi sbyor bas bkang nas ni// nges par srad bu nag pos dkri// chu yi 'gram du rang song ste// ri gi A ra li sbyor bas// sngags pas sngags ni khri bzlas na// klu ni 'khrugs par char pa 'bebs// rmi lam gyi las bshad par bya ste/ rnal 'byor bdag gi mal 'og tu// da du ra yi khu ba dang // dur khrod sol ba bsres pa dang // bu'ubug pa'i sgro rtsa'i sbu gu yis// ro dkris dmar po'i gos la ni// bsgrub bya'i ming ni rang gis bris// de la rnal 'byor ma 'dug nas// A ra li ni khri ru bzlas// oM A ra li ri gi pheM/ a mu kang ke/ mra me taM swa b+hA daR+sha ya b+h+yo swA hA/ khrag dgug pa bshad par bya ste/ rna tshol brtag par byas nas ni// gong bu mdun du dgod par bya// ri gi A ra li'i sbyor bas// dbugs kyi gong bu dgug par bya// khab kyi phyag rgya mchu byas nas/ / dang po lce yi byed pa pos// ji ltar tsha ba'i gong bu bzhin// shes rab can gyis sbrang chen dgug/ khab kyi phyag rgya gnyis pa ni// mgrin sgras dal gyis yongs su gzir/
- 350b
'jug pa'i las yang dag par rab tu bshad par bya ste/ ji ltar spyod pa'i gzugs bltas nas// bdag nyid ri gi yi gzugs su// ri gi A ra li'i sbyor bas// mgo ni 'og tu rnam par sgom/ oM badz+ra A ra li phaT ya to ta ya pheM pheM swA hA/ rengs par byed pa bshad par bya ste/ dgra bo nyid kyi lce la ni// bu rab gong bu bsgom par bya// oM ri gi b+hun+na g+hur+N+Na sha hUM phaT/ dgra bo'i dri mas gzugs brnyan bya/ de yi sgra yis dkri bar bya// tsha ba gsum gyis kha bkang nas// gzugs brnyan kha ru gzhag par bya// oM A ra li ma me a mu kaM kaM kaM sa ra ya phaT phaT phaT swAhA/ dbang du bya ba la/ bdag gi g.yon pa'i mig tu ni/ / e waM rnam par bsgom par bya// de yi g.yas pa'i mig tu ni// rdo rje 'phro ba'i rnam pa sgom// de dag 'dus pa'i sbyor ba ni// ri gi A ra li sa sbyor bas// mdzes ma dbang du byed par 'gyur/ / bdag nyid bsrung bar bya ba dang // gnas ni sbyang ba nyid dang yang // ye shes 'khor lo gzhug pa dang // thugs sogs byin gyis brlab pa dang // yan lag dgod par bya/ ba dang // de bzhin lha yi dbang bskur dang // lha mo rnams kyi sngags 'byung ba// A ra lis ni rtag tu bya// oM dang AHhUM byin gyis brlab// de nyid gsum ni rigs gsum 'byung // byin rna las ni 'grub par 'gyur/ / las rnams thams cad rab sbyin dge/ snying dbus rang gi sa bon gyi// lcags kyus A ra li phyung nas// ye shes 'khor lo dgug par bya// bkug nas dam por
- 351a
bcing bar bya/ / dre D+ho me b+ha wa/ su toSh+yo me b+ha wa/ a nu rak+to me b+ha wa/ sarba sid+d+him+me prats+tsha e h+ye hi b+ha ga ba~M tI ri swA hA/ spyi bo snying dang de bzhin mgrin// lte ba gsang ba'i gnas su ni/ / zhags pa'i phyag rgya'i sbyor ba yis// dam po la sogs bcing bar bya// ha hi ha hi de bzhin du// hu hu ho ho de bzhin te// lus kyi gnas ni brgyad rnams su// yan lag dgod par bya ba nyid// spyi bo mtshan khung lte ba dang // kha dang de bzhin mig gnyis dang // rkang mthil gsang ba nyid du ni// yan lag dgod par rab tu grags// sngags ni rim pa yis ni mtshon// lag pa ba spu'i khung kun nas// ri gi'i 'od zer spro bar bya// lcags kyu'i phyag rgya rab sbyor ba'i// yang ni phyis ni bsdu bar bya// ri gi hUM saM kaM maM sa nyid// thugs kyi 'khor lor rab tu grags// gaM tAM maM yuM zhes bya ba// gsung gi 'khor lor grags pa'o/ / dza ma hA kaM a nyid ni// sku yi 'khor lor rab tu grags// ri gi sngags kyi gdon pa ni// rim pa yi ni mtshon par bya// rang gi snying las 'od zer byung // lcags kyu'i phyag rgya rab sbyor bas/ / phyogs bcur rnam par bzhugs pa yi// rdzogs pa'i sangs rgyas des bkug nas// cho gas 'dod pas mchod nas ni// dbang ni blo dang ldan pas blang // oM sarba ta thA ga tA DA ki n+yA nu ga ta ma hA b+hi She kA nu da nu zhes/ bdud rtsi lngas gang bum pa ni// sangs rgyas lnga yi rang bzhin gyi// des ni lha rnams dbang bskur bya// lha yi dbang las bde ba nyid// oM sarba ta thA ga ta DA ki n+ya b+hi She ka badz+ra swa b+hA
- 351b
wa At+ma kohaM/ gru gsum me yi sa bon gyis// snang byed rnam par bsgom par bya// snying kar hUM las rigs bdag nyid// de nyid kyi ni de ru 'gyur// de nas rdo rje las byung kun// rdo rje gur dang ra ba nyid// ri gi A ra li gnas su/ / bdag nyid rtag tu bsrung bar bya// dmyal ba brgyad ni thod pa yi// dkyil 'khor 'phar ma gsum gnas pa'i// mkha' 'gro ma yi dra ba sdom// 'khor lo g.yas su bskor ba yin// zhabs g.yon brkyang ba'i A ra li/ / sems kyis 'jigs byed mnan nas ni// ri gi shing la mngon zhon pa// zhabs la zhabs kyis bskor bar bya// rnal 'byor ma kun thod par gnas// gar gyi rkang pas phyogs su gnas/ / tsha dang grang ba'i rab dbye bas// mtshams su thod pa brgyad po yin// las thams cad rab tu bsdus pa zhes bya ba'i gleng gzhi'i le'u ste gnyis pa'o// // ri gi A ra lis zhus pa/ / brda yi rnam pa du zhig lags// de la lha mo ri gi ches// brda ni yang dag rab tu phye// badz+ra ni chen po snom bcu// bdag nyid sngon du byed pa nyid// gang gis rnam par shes tsam gyis/ / sgrub po dngos grub thob 'dod na// gnas ni dpral ba'i rgyab tu 'dod// ngos ni nye ba'i gnas nyid de// pus mo tshan dor 'gro bar 'gyur// dpral bar nye ba'i tshan do nyid// lag pa g.yas pa 'du ba nyid/ / g.yon pa nye ba'i 'du ba nyid// rna ba g.yas pa dur khrod gnas// g.yon pa nye ba'i dur khrod do// snying ni zhing du yang dag 'gyur// lhag ma nye ba'i zhing nyid dang // tshong rdal
- 352a
nyams dga' tshong dus dang / / ma mo'i khyim du rtag tu blta// brda yi rnam par shes par bya// rang gi mtshan ma rang gis ston// ril bu mig sman la sogs pa// mchog/ ni rab tu smin par 'gyur// A ra li yis lha mo zhus// ye shes dam pa ji ltar lags// gang gis rnam par shes tsam gyis// sgrub po dngos grub thob 'gyur ba// 'bras phyir byang chub thob 'gyur ba'i/ / ting 'dzin lha mo ri gi ste// mchog tu bde ba chen po nyid// srub dang srub byed las byung ba// kun mkhyen ye shes yang dag 'byung // sems pa thams cad yongs su spangs// dbang po thams cad bzlog par bya// dgon pa dben pa'i gnas su ni// gnyis gnyis thams cad rnam par spangs// mig dag steng du bzlog nas ni// smin ma'i dbus su sems byas nas// mi bzad mun pa'i gzugs su ni// sgrub pos dang po mthong bar 'gyur// phyis ni rna ba g.yon par bcug/ dal gyis dal gyis 'gul bar 'gyur// yan lag can gyi bde ba gang // de bzhin phyag rgya chen po bde/ / phyi yi phyag rgya ngang gis 'jigs// de yis ye shes kyang ni 'jig/ bde ba chen por rtogs pa'i phyir// de yi ye shes phyag rgya ba// 'di nyid ye shes chen po nyid// rang gis rig pa'i rang bzhin can/ / gzhon nu'i dga' ba ji lta bur// gzhan du brjod par mi nus so// lhan cig skyes pa'i rnal 'byor 'di// sems can gsol 'debs sems kyis ni// sems
- 352b
can kun la snying rje yis/ / 'di ni rnal 'byor gtso bo nyid// 'di la goms pa'i rnal 'byor gyis// nam mkha' mnyam pa'i sems kyis ni// snying rje mthu chen rnal 'byor pas// 'grub 'gyur 'di la the tsom med/ / dang por mun pa mthong bar 'gyur// gnyis pa dkar dang du ba 'thul// gsum pa me khyer rnam pa ltar// bzhi pa ya ba'i me tog bzhin// lnga pa sprin med ye shes ni// rang bzhin yang dag rig pa spangs/ / sprin med nam mkha' lta bu ni// de yod thams cad mkhyen pa'i rgyu// rtag tu goms pa'i rnal 'byor gyis// rtse gcig sems kyis ri gar 'gyur// ye shes bdud rtsi rtag 'thungs pas/ / bkres pas zil gyis mi non cing // skom pa yis kyang zil mi non// rga dang na bas gzir mi 'gyur// 'di yi thabs kyis rnal 'byor gyis// ri gi thams cad rig par 'gyur// de nas rnal 'byor pa chen po// A ra li ni nyid kyis ni// dam du 'khyud par 'o mdzad pas// ri gi la ni gus par zhus// a wa ma yA ci zhig bshad// e yi rnam pas sa ru bshad// waM gi rnam pa de bzhin chu/ / ma ni me zhes bya bar brjod// yA ni rnam pa rlung du gsungs// ri gi sdom pa ci zhig bshad// ri gis bka' stsas pa/ ri gis mkha' 'gro mar ni gsungs// sdom pa dam par gyur pa 'di// ri gi e waM sdom pa ni// a waM rnam pa rna bar gnas// ri ga sna yi rtse mor ni// rtag tu ri gi bzhugs pa yi// ye shes dam pa 'di nyid ni// kun mkhyen ye shes de yi bdag/ 'byung ba chen
- 353a
po bzhi gtan la dbab pa dang brda'i le'u ste gsum pa'o/ / // de nas rnal 'byor chen po yi// A ra li ni nyid kyis ni// rang bzhin mdzes pa nyid la zhus/ / dkon mchog gsum la gnod byed pa'i// khrag ni ji ltar dgug par bgyi// nus la sogs pas mdun du ni// ya ba'i me tog bzhag nas ni// rang gi khrag ni dgug par bya/ / ri gri nyon cig goms pa yi// nas ni nyi shu kha smad byung // phyi nas khrag ni dgug par byed// lha ni bral ba bshad par bya// spyi bor 'bar ba bsam par bya// 'bar ba'i 'phreng bas / khyab nas ni// der ni sngags ni bzlas par bya// oM he ru ka pa taM pi pa ta ya/ ri gi A ra li'i sbyor bas// lha ya phyag byas 'gas par 'gyur// a li ka li yan lag mnyam// 'di dag gnyis / dbus rang sa bon// rang gi sa bon nyid kyis ni// rang gi phyag rgya rnams yin te// phyag rgya las ni lha rnams 'byung // oM shU n+ya tA dz+nyA na badz+ra swa b+ha ba At+ma kohaM/ lcags kyu phyag rgya lag gnyis kyis// mthen chung phan tshun lcags kyu'i tshul/ / dbu ma yi ni sor mo gnyis// mthe bong rgan pos gzir bar bya// sdigs mdzub gnyis kyi zhags pa nyid// rdo rje ral gri zhags chen po// chos kyi ye shes gang zhig/ gzhan// ri gi nyid du rab tu grags// 'phags pa'i bden pa bzhi yis ni// si si la sogs rab tu grags// mi 'jigs pa ni bzhi yin te// mi bzar la sogs rab tu grags// bsdu ba'i dngos po bzhi
- 353b
yis ni/ / wa la sogs pa rab tu grags// phyag drug 'gro ba drug tu gsungs// spyan gsum srid pa gsum du brjod// 'jigs byed bdag gi sems nyid de// zhabs kyi rtsa bar bsgyel ba nyid// dga' ba la sogs sa bcu na/ / gnas sogs yang dag rab tu grags// pha rol phyin drug phyag rgya drug/ thod pa nam mkha'i dkyil 'khor nyid// e wa ma ya'i dbus gnas pa'o// bdag nyid kyis ni de ltar bsam/ / 'chol pa kun gyi mtshan nyid kyis// thams cad rgyud du yang dag gnas// gri gug ma rig gcod pa nyid// thod pa yi ni snying rje che// ri gi A ra li yi sgra// cang te'u hUM da'i sngags bzlas pas/ / dgra sta chos kyi 'byung gnas brjod// rdo rje rdo rjer rab tu grags// mgo bo nyon mongs pa yi bdud// thod pa nam mkha' dag pa nyid// lcags kyu ri gi ze 'bru ste// de bzhin zhags pa dag pa nyid/ / ngang gi dag pa bsdus nas ni// lus ni mchod rten dag pa ste// skyil krung gdan du shes par bya// 'dzam bu'i gling gi snying por gsungs// gnyer ma gsum rtag lte ba nyid// lto ba yang ni gzugs su 'gyur// mgrin pa yang ni mgrin par brjod// kha khyer mgo bor shes par bya// spyi bo gdugs kyi 'phreng bar brjod// mig gnyis zla ba nyi ma nyid// 'phan ni mgo las skyes pa yin/ / rus pa bde bar gshegs pa'i gdung // de phyir rang byin rlob par 'gyur// de phyir sangs rgyas gzugs brnyan lus// rnal 'byor pa yis rtag tu mchod//
- 354a
rang gi ngo bo sangs rgyas su bshad pa'i le'u ste bzhi pa'o// // rgyal po chen po zas gtsang 'di// A ra lis ni yang dag phye// de la ri gi sgyu ma che/ 'gro ba thams cad shes rab dag/ don grub rdo rje sems dpa' ste// lha mo sa 'tsho phyag rgya'o// sgra gcan bzang po bde ba che// sgyu ma'i gzugs kyi spros pa las// sgyu ma chen po sa'i tshe nyid// / rdo rje sgyu ma'i rnam 'phrul bas// don grub lhan cig skyes dga' nyid// sras ni bcom ldan rdo rje can// yab ni rdo rje 'chang bar grags// yum ni sgyu ma chen mo yin// de nyid phyag rgyar rab tu grags// mthe bong rgan po rdo rje yin// lte ba chos kyi 'byung gnas gsungs// sgyu ma chen po'i rnam 'phrul pas// don grub nyid ni gzi brjid can// ngo bos 'gro ba sangs rgyas nyid// lha mo ri gi da tshig nyon// las la spyod pa rab brtags pas// lus can rnams ni rtag tu gdungs// dga' ba yang ni shi shrir gsungs// mchog tu dga' ba 'dod pa ma// dga' bral dga' ba bde chen ma// lhan cig skyes dga' sdom pa na/ / mi zad ma ni 'o ru gsungs// rnon mo yang ni 'khyud mo nyid// sgyu ma skyed la sgyu ma che// mthe bong mchu ni 'jib pa nyid// dga' ba'i rtsod pa wa nyid de// sbrang rtsi btung bas ma he nyid// rtog pa yis ni rta mgrin te// 'o byed glang po'i rgyal mtshan no// rdo rje ra li 'don chen can// 'dod pa ma ni ri gir brjod// thabs dang shes rab rang bzhin gyis// 'gro ba thams cad rnam par khyab// si
- 354b
si rnam pas dmyal ba bzhi/ / de bzhin ha yi rnam pa bzhi// 'khor bar ji ltar spyad pa ni// mya ngan 'das pa mi 'gal lo// rdo rje A ra li nyid ni// khu bar yang ni 'gyur ba yin// ri gi bde ba chen por gsungs ri gi A ra li sbyor bas/ / rdo rje sgyu ma zhes byar brjod// bud med sgyu ma'i spros pa yis// 'gro ba thams cad rnam par rmongs// bud med sgyu ma sangs rgyas nyid// sgyu ma thams cad spel bar byed// snying po'i sngags ni/ oM A ra lI b+h+yo b+h+yo ha ha ha ha/ si si si si/ mi gsal bar bzlas so// gnyis kyi nye ba'i snying po ni// ha ha ha/ las rgyas pa la sngags gang ni// de yi sngags su rab tu bsngags// snying po yi ni sngags yin ni/ / nye ba'i sngags kyis bskul ba yin// sgom pa bde chen myang ba ste// de bzhin dam tshig mchod pa nyid// thams cad kyi ni dam tshig la// mi las skyes pa rab tu bsngags// klu gzir gnyis 'thung dam tshig ste// rmi lam rta ni rab tu bsngags// gsang la ma he dam tshig go/ dbang la khyi ni rab tu bsngags// khrag dgug pa la dam tshig ste// 'jug pa de bzhin rnga mo nyid// rengs pa la ni ne bu'i shwa// kha na ma tho med rnyed pa// gal te bsang bar byas na ni// de tshe rnal 'byor pas mi 'grub// sems can bskyab sems rnal 'byor pa// 'grub 'gyur 'di la the tsom med// dkyil 'khor khru ni bzhi par bya// sgo khyud sor ni gnyis su gsungs// logs la yang ni sor gnyis yang // ske khyud kyi ni kha khyer lo// sor ni bcu gnyis dag tu gsungs// lha yi snam bu sor
- 355a
gnyis te/ / rta babs sor ni bcu drug nyid// sgo las sor mo gnyis kyis ni// rdo rje 'phreng ba de bzhin bya// dkyil 'khor snying po zlum po ste// phyogs bzhi kha dog bzhi dang ldan/ / kha dog lnga yi rdul chen nyid// srad bu lnga zhes bya bar brjod// gser dang yang na dngul nyid dang // mu tig dang ni byu ru dang // mu man yang dag bsres nas ni// rin chen lnga ni shin tu gzhug/ lha yi grangs kyi bum pa nyid// rnam rgyal bum pa ches che ba// bum pa dkri ba nyid du ni// sgrub pa po ni dam pas bya// dang por sa ni yongs dag bya// gnyis par thig sogs gdab pa dang // lnga pa'i dkyil 'khor bri ba dang / / de bzhin snga bar sbyin sreg nyid// 'jig rten skyong ba dbang po dang // lha mo khyod ni dpang du gyur// dkyil 'khor 'di ni bzhengs par bgyi// 'od srungs ma yis bgegs med mdzod/ / ji ltar bdag nyid nags de bzhin// rtag pa nyid du gtor ma sbyin// mtshan mo thun gcig gnas pa ni// mkhas pas dkyil 'khor mnyes par bya// gtor ma'i sngags ni/ oM sharga ti / ka sa ne nA k+Sha ro mu khaM sarba d+harmA dz+nyA A d+ya nut+pan+na tAta/ sa ni yongs su gzung dus su// bgegs ni skrod par byed pa'i sngags// oM a na sa ta na na Ta stiSh+Tha ya ma ba ru Na ku be ra ka swA tsas+pha Ni khu tiSh+Tha d+haM rak+ShaM ku ru ta me bi ra traM/ cho ga'i mtshan nyid dang nges pa'i le'u ste lnga pa'o// / ri gi A ra li'i rgyud kyi rgyal po rdzogs so// // rgya gar gyi mkhan po ka ya s+tha
- 355b
pa ga ya d+ha ra'i zhal snga nas dang / bod kyi lo tsa ba dge slong shAkya ye shes kyis bsgyur cing zhus te gtan la phab pa'o// rgya gar skad du/ badz+ra A ra li ma hA tan+t+ra rA dza nA ma/ bod skad du/ rdo rje A ra li zhes bya ba'i rgyud kyi rgyal po chen po/ kye'i rdo rje la phyag 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi shes rab kyi pha rol tu phyin pa'i b+ha ga la bzhugs so/ / bcom ldan pa das kyis sangs rgyas dang / byang chub sems dpa' du ma dang / de bzhin gshegs pas gsol ba btab par rig cing / byang chub sems dpa' rnams kyis kyang mkhyen nas bde ba'i ting nge 'dzin las bzhengs te/ phyag na rdo rje la 'di skad ces bka' stsal to// chu yis gdong ni bkrus nas ni// sman ni bza' bar byas nas su/ / bde ba'i stan la 'dug nas ni// he ru ka ni rab bsgrub bya// rang gi snying khar re pha ni// sreg pa'i bskal pa ltar 'bar bsgom// de byung rdo rje nyi ma ni// 'bar ba'i 'phreng bas yang dag khyab/ / de yi steng du hUM nyid de// bskal pa'i me ni lta bu nyid// de ni rdo rjer yang bsams nas// rdo rje las byung he ru ka/ bgegs ni chen po mnan nas ni// sku la thal bas byugs pa dang // phyag rgya lnga dang yang dag ldan// 'jigs pa yang ni 'jigs par mdzad// in+d+ra nI la'i 'od lta bu// dbu skra ser po stobs po che// gar dgu'i ro dang ldan pa ni// rol pa'i gar gyis gar mdzad cing //
- 356a
ri rab ri rgyal lhun po yang // sa yi 'og tu yang dag mnan// phyag tu rdo rje bsnams bsgoms nas// g.yon pas skyes pa'i thod pa ni// bdud rtsi lnga dang yang dag ldan// shalnga yang dag ldan par bsgom/ / kun da dang ni zla ba dang // chu skyes do shal lta bur ni// kha T+wAM ga yis phrag pa brgyan// rdo rje A ra li las lha'i le'u ste dang po'o// / de nas phyag na rdo rje la sogs pa byang chub sems dpa' thams cad dang / dbang po la sogs pa rdo rje nam mkha' la gnas pa thams cad dang / glang po che'i rna ba la sogs pa zhing skyong ba thams cad dang / kun dar la sogs pa'i yi dgas thams cad dang / de dag la sogs pa sems can thams cad kyi chos nyan pa'i sbyor ba des/ de bzhin gshegs pa thams cad kyi bdag po rdo rje A ra li chen po la zhus pa/ bcom ldan 'das gtor ma'i sngags ji ltar lags/ bcom ldan 'das kyis bka' stsal pa// bder gshegs kun gyi ston pa yis// gtor ma'i las ni rab tu phye// phyag rgya yang ni khyad par du/ 'dod pa'i don kun sgrub pa'o// rdo rje thal mo gyen phye nas// oM dz+wa la dz+wa la b+h+yo hUM phaT swA hA/ 'di nyid sngags ni chen po nyid// de bzhin du nI gtor ma'i sngags// las ni thams cad pa yi sngags yin pa nyid du the tsom med/ / rdo rje A ra li las gtor ma'i bya ba'i le'u ste gnyis pa'o// / de nas bcom ldan 'das kyis ming yang dag par rab tu phye ba/ gdong ring sna ni mtho
- 356b
ba dang / / de bzhin dpag bsam shing nyid dang // tshangs par spyod pa mang ba nyid// dam tshig 'dir ni dngos grub sbyin// glang po rta bong glang rnga mo// khyi las byung ba'i mar me dang // mar me chen po bsregs/ nas ni// tshangs spyod 'dzin pa mchod par bya// de nas sdom pa bka' stsal pa// khyod kyis srog chags gsad par bya// brdzun gyi tshig kyang smra bar bya// khyod kyis ma byin par yang long // gzhan gyi bud med bsten par gyis/ / ma dang sring mo nyid dang yang // bu mo sring mo'i bu mo ni// thabs dang shes rab cho ga yis// rnal 'byor rig pas rtag tu mchod// de nas dbang bskur bka' stsal pa// phyag rgya ldan pa'i slob dpon gyis// de la dbang bskur sbyin par bya// dbang bskur de yi phyi nas ni// de nyid 'di ni rab tu dbye// 'di nyid bde ba chen po ste// thams cad lus la rnam par gnas/ 'di nyid ye shes chen po ste// mchog tu dga' ba'i rang bzhin can// de nas sbyin sreg bka' stsal pa// khru gang tsam pa'i tshad dang ni// khru phyed sa la brko bar bya// rdul chen dkar po ldan par ni// rnam par mkhas pas thab khung bya// gsungs pa'i sngags kyis nges par ni// dar ni sha sogs sbyin sreg bya// me ni lha yi spyan nyid de// 'dod pa'i don kun sgrub pa'o// de nas dkyil 'khor bka' stsal pa/ / gru bzhi pa la sgo bzhi pa// rta babs bzhi yis rnam par brgyan// ka ba brgyad dang yang dag ldan// mkhas pas dkyil 'khor bri bar bya// dur khrod sol ba so phag dang // ldong ros phye/
- 357a
ma nyid dang yang // ljang ku yi yang bye ma nyid// dkyil 'khor la ni mkhas pas bsngags// dbus su gsum la rdo rje bri// shar gyi sgo ru mgo chen po// lho ru rdo rje dril bu/ nyid// de bzhin nub tu dgra sta ste// byang du gri gug dge ba nyid// rdo rje dkyil 'khor du ni bri// chos don 'dod dang thar pa la// dkyil 'khor 'di ni rab tu dbye// dkyil 'khor bzhengs par byas nas ni/ der ni slob ma gzhug par bya// ras kyis gdong ni bcings nas ni// bkrol nas dkyil 'khor bstan par bya// rdo rje A ra li las las thams cad pa'i le'u gsum pa'o// mngon par shes pa bka' stsal pa// lha yi mig dang rna ba dang // de bzhin gzhan sems shes pa nyid// sngon gyi gnas rjes dran pa dang // de bzhin rdzu 'phrul mngon shes nyid// he ru ka yi dbyis bsgoms nA/ / yo gi mngon shes lnga ru 'gyur// shin tu goms pa'i rnal 'byor gyis// he ru kar ni ngang gis 'gyur// bsam gtan las ni nus skyes nas// yid ni brtan nam g.yo ba'am ci// rang gi sems ni bskul ba'i phyir/ / glu ni sna tshogs len pa dang // de bzhin gar ni sna tshogs nyid// sna tshogs rim gro byed pa dang // lus la rgyan ni sna tshogs dang // de bzhin sna tshogs dga' ba yi// gzugs sgra nga bzhin dri dang ni// ro dang reg bya yang dag brtsam// de nas las rgyas bka' stsal pa// re'u mig brgyad ni bris nas ni// rgyud kyi sngags ni rgyas par bya// las kyis dbye ba'i rab dbye
- 357b
bas/ / de bzhin zhi rgyas la sogs kyis// oM ni dbang ldan la ni mer// de bzhin bden bral nyid du la// rlung gi mtshams su hUM nyid de// shar du dzA ni rnam par gnas// lho ru dzA yi rnam pa nyid// nub tu/ b+h+yo yi rnam pa ste// byang du phaT kyi rnam pa yin// dbus su swA hA rnam par gnas// ngos gsum du ni bsgrub bya'i ming // rdo rje A ra li las le'u bzhi pa'o// / de nas 'khor lo bri ba bka' stsal pa/ che ge mo 'di sod cig/ che ge mo ba di dbang du mdzod cig/ che ge mo rengs par mdzod cig/ che ge mo rmongs par mdzod cig/ che ge mo ma lus par gyis shig/ che ge mo lkugs par mdzod cig/ che ge mo khug cig/ che ge mo skrod cig/ che ge mo la sdang bar mdzod cig/ che ge mo chings shig/ che ge mo ma ning du mdzod cig/ che ge mo sgur por mdzod cig/ ces sngags kyi rkang pa 'di rnams kyi ngos gnyis su bris te/ gro ga'i 'dab mar gur kum gyis bri bar bya zhing 'di dpung pa'i rtsa bar gdags par bya'o// dgug pa la ni zla mtshan zags pa'i ras la rgya skyegs kyi khu bas bri bar bya'o/ / gsad pa la sogs pa'i las la dur khrod kyi sol ba dang / tsi tra ka yi khu ba dang / yungs mar dang / dug dang / ske tshe dang / lan tshwa dang / tsha ba gsum dang / ka na ka yi khu ba dang / rus pa'i sbu gus so// dgug pa la ni skyu ru ra'i tsher mas so// rmongs pa la ni d+hu d+hu ra ka'i shing gis so// rengs pa la ni pa Ta'i sbu gus so// ma lus pa la ni bo de tse'i shing gi sbu gus bri bar
- 358a
bya'o/ / de nas rdo rje mchod pa bka' stsal pa/ bas mtha' dang ni dben pa dang // bdag gi khyim gyi nang du yang // lo ni bcu gsum de bzhin du// lo ni bcu drug bu mo dang // nyi shu/ rtsa lnga ma mchod bya// ba dang de bzhin ma he dang // spre'u mo dang khyi mo dang // bong mo de bzhin rnga mo dang // sha ba dang ni ra ma nyid// phag dang ba men las byung ba// gzhan yang he ru ka mchod pa// 'grub pa nyid du the tshom med/ / nya dang zla ba 'pho ba yi// tshes ni mu stegs can gyis brtag/ dri ma gzhig par bya ba'i phyir// rnal 'byor pas ni myang bar bya// srog chags rnams ni gsang mi bya// brdzur gyi tshig ni smra mi bya/ / ma byin par ni blang mi bya// pha rol bud med bstan mi bya// nyin par nyal zhing mtshan mo lang // shin tu mnyam par bzhag pas 'dug/ sha chen dang ni rus pa dang // khrag ni chen po btung ba dang // khu chen yang dag bza' ba dang // de bzhin rnam snang chen po nyid// bram ze ma dang g.yung mo nyid// gar ma de bzhin btso blag ma// thod can ma dang ko lpags mkhan// gdol pa de bzhin phyag bdar ma// rtswa 'tshong ma dang shan ma nyid// de bzhin kla kli la sogs dang // smig mkhan dang ni chang 'tsheng ma// gzhan yang zla mtshan 'dzag pa nyid// ma dang sring mo bu mo dang // sring mo las byung bu mo nyid// gzhan gyi bu mo spang mi bya// rje'u rigs mngon dga' mi bya ste// bgrod bya'i bu mo rtag spangs nas// bgrod min mkhas pas bsten par bya// rdo rje A ra li las le'u lnga pa'o//
- 358b
/ de nas dam tshig gi bag dbab pa bka' stsal pa/ nyan thos skal ba ngan pa la// bag ni dbab par mi bya zhing // de bzhin gcer bu thod dum dang // ral pa can ni thams cad la// dam tshig bag ni dbab mi bya/ / snying rje yi ni bdag nyid can// gal te yin na bzab par bya// grub kyang lta ba dman pa ni// sems can don byed skyes pa nyid// skal ba ngan pa zhes byar brjod// bram ze dam tshig rnam par sdang // de nas slob ma'i dam tshig bka' stsal pa/ dul byed blo dang ldan pa dang // bzod ldan dal ba mi slu ba// bla mar gus shing snying rje ldan// rgyud ni 'dir ni rab tu bsngags// de nas slob dpon gyi mtshan nyid bka' stsal pa/ sngags dang rgyud kyi sbyor ba shes// snying rje ldan zhing bstan bcos mkhas// de nyid bcu ni yongs su shes// dkyil 'khor bri ba'i las la mkhas// de nas thun tshod bzhi byin gyis brlab pa bka' stsal pa/ ji ltar bsgom pa'i sbyor ba des// dang po thun tshod byin gyis brlab// des ni ji srid nyi phyed na// nyi ma phyed na thun gsum pa// dus dang bral nas nam phyed na// thun tshod byin brlabs rab tu grags/ / thun tshed byin brlabs rnal 'byor gyis// bdag gi rnal 'byor ldan pas 'grub// de nas bdag nyid kyi dkyil 'khor bka' stsal pa/ 'dod chags zhe sdang gti mug dang // phrag dog dang ni ser sna nyid/ / bcom ldan he ru ka la med// yod na rnam par dag pa nyid// de nas dam tshig bsgrub pa bka' stsal pa// bgegs dang btsugs pa'i shing la 'am// ljon shing btags shing 'phyang
- 359a
ba dang / / g.yul du mtshon gyis bsnun pa nyid// bdag nyid rnal 'byor ldan pas bsgrub// de nas nang du mdzad pa bka' stsal pa/ btung ba rin po che yi chu// gang zhig bza' de don yod nyid/ / khrus ni dpag med rdo rje yis// dril sogs rim pa rnam snang mdzad// dam tshig chos kyi de bzhin spyad// btso ni gang zag mnyam pas ni// dam tshig ro ni 'di yis ni// gang zhig glu yi rang bzhin nyid// mkha' 'gro thams cad btsun mo ste// bu ni 'jam dpal la sogs pa// khro bo yi ni bsnyen bkur ba// bdag nyid he ru ka ru 'gyur// brjod pa bzlas pa yang dag bshad// yan lag nyid sogs phyag rgya ste// lha yi rnal 'byor dmigs nas ni/ / gang zhig thams cad du ni gnas// mang du brjod pas ci zhig bya// gang zhig 'jig rten bya gnas pa// rdo rje sems dpa'i gnas thob phyir// rnam par bzlog pas bya ba nyid// / ridags shor sogs bya ba ni// 'jig rten du ni mi shes pas// mchog tu rab tu bsngags 'gyur ba// rnam dag dag pa dam pa ni// de nyid thob pas rab tu spyod// de nas sdom pa bka' stsal pa// rdo rje dril bu gzung bya zhing / / bdud rtsi mkhas pas bza' bar bya// rang gi phyag rgya rtag bstan cing // spyod pa 'da' ba nyid mi bya// de nas lha'i mchod pa bka' stsal po/ chu klung tshal gyi gnas su ni// bdag nyid lha ni mchod par bya/ / bdag gi sngags ni brjod par bya// me tog la sogs byin gyis brlab// rdo rje A ra li las le'u drug pa'o// / de nas bsod snyoms kyi lhung bzed bka' stsal
- 359b
par mkhas pas phrub chag par ni/ / rigs pa ni ru ni slong mos rgyu// chu bo'i 'gram du bza' bya zhing // gtsang sbra nyid ni rab tu dbye// byi la'i rkang pa tsam gyis ni// kham ni blo dang ldan pas blung // phye btab bza' bar mi bya zhing / / mi ster ba la rtag tu blang // g.yas su rab myos skye bo ni// g.yon nas bskor ba ru ni bya// nges pa med par khyim du gnas// 'grub 'gyur 'di la the tsom med// rdo rje shing gi stongs byas dang / / de bzhin dril bu shing gi bdag/ he ru ka ni rab grub phyir// bzung nas rtag tu rgyu bar bya// de nas rdo rje gnod sbyin ma'i sgrub pa bka' stsal pa/ ser skya'i phru ma blang nas ni// sngags ni 'dis ni bzla bar bya/ / bsrung bar byas shing bskams byas nas// de la gu gul bsre bar bya// mkhas pas gnod sbyin mo sngon du// des ni bdug pa sbyin par bya// shin tu mdzes shing gos mdzes pa// bris skur gnas pa legs grub phyir/ / 'di nyid kyi ni cho ga yis// gnod sbyin mo ni dgug par bya// bris sku nyid ni gnod sbyin mo// snga bar byin nas 'gro bar 'gyur// de yi rgyan rnams thams cad ni// gang zhig cung zad rgyan rnams kun/ / snga ba ru ni blang bar bya// gal te 'dod na mtshan mo la// me tog gis ni mchod par bya// de nas rdo rje ro langs kyi sgrub pa bka' stsal pa/ ma chad rma med gang ba ni// legs par brtul zhugs can gyis bkru/ / mar khu chen pos byugs pa dang // bdug pa chen pos bdug par bya// dkyil 'khor chen po'i shar phyogs su// mar khu chen po'i mar me dbul// nga yis khyod la ci gsungs
- 360a
pa'i/ / de la dkyil 'khor bzhengs par bya// yungs kar rol brdag bya zhing // sgra ni ri bor yang dag brjod// de la mkhas pas 'jigs mi bya// oM dz+wa la dz+wa la b+h+yo hUM brjod par bya'o// des ni ci zhig sbyin zhes smra// sgrub pos de la blang bar bya// rkang byug dang ni mig sman nyid// ral gri dang ni sa 'og dang // ril bu mkha' la spyod pa nyid// thams cad sbyin par the tshom medo// de nas tshogs kyi dkyil 'khor bka' stsal pa/ gong gi bsam gtan byas nas ni// de la sngags ni bzla bar bya// rang gi he ru ka yi ni// rnal 'byor gyi nr-i bdag nyid du// tshogs kyi dkyil 'khor 'grub par 'gyur// gtsang zhing dben pa'i sa phyogs dang // zhi zhing dag pa'i gnas su ni// rnal 'byor pa yis bza' bar bya// tshogs kyi dkyil 'khor 'di nyid du// dpal ldan he ru ka yi ni// A ra li zhes bya ba'i mtshan// za ba na ni gtam smra bya// ri yi rgyal po'i mgor gnas par// tshogs kyis dag pa'i sems kyis bskor// de yang tshogs kyi dkyil 'khor 'dir// 'grub 'gyur gang phyir 'di nyid du// mchod pas/ grub par shes mi 'gyur// de yi btsun mo srung ba ni// gshin rje mthar byed du ni 'gyur// shes rab mthar byed dpung gi mgon// pad+ma mthar byed sku bsrungs bdag/ de yi bgags kyi mthar byed ni// dmag dpon du ni brjod pa yin/ / 'dod pa'i rgyal po zhes bya ba// de yi gshed ma'i bdag po nyid// dpal ldan dbyig pa sngon po ni// sgo srungs pa yi bdag po nyid// thams cad la ni dbang byed pa// zhar ba mi g.yo/
- 360b
mgon po nyid// yi ge ba yi bdag po ni// de bzhin du ni stobs po che// rdo rje A ra li las le'u bdun pa'o// / de nas byang chub sems dpa' phyag na rdo rje la sogs pa thams cad gtam 'di thos nas srid pa'i sbyor ba kun tu bcad cing rnam par dag par gyur pa dang / sdig pa zad cing nyon mongs pa bsregs par gyur to// de nas byang chub sems dpa' de dag gis tshig 'di skad ces gsol to/ / rdo rje A ra la ni brtson 'grus che// sna tshogs e ma rmad byung ba// gang zhig bdag cag nyon mongs khebs// gang zhig bdag cag grub 'gyur ba// de nas byang chub sems dpa' de rnams rkang gnyis kyi mchog dam pa thob nas sangs rgyas kyi rol pa ston par byed do/ / la lar rdzogs pa'i byang chub mdzad/ kha cig tu ni dka' thub spyod// lha las babs pa'i sprul pa dang // de bzhin khab nas 'byung ba dang / / chos kyi 'khor lo bskor ba dang // kha cig tu ni rab byung byed// 'dul ba ston par byed pa dang // mngon pa'i sems ni lhag pa'i sems// la lar sngags kyi bdag nyid 'chang // kha cig pha rol phyin pa'i tshul/ / kha cig bye brag smra ba'i lam// kha cig tu na mdo sde pa// kha cig tu ni rnam shes nyid// kha cig tu ni dbu ma nyid// la lar dmyal ba chen por 'gro// la lar sems can rjes su skyong // sems can 'dul ba la bltas nas// snying rje'i bsam pas rol par bya// rdo rje A ra li las le'u brgyad pa'o// de nas de bzhin gshegs pa thams cad dang / gang yang byang
- 361a
chub sems dpa' de dag gis las rnam par 'byed pa bstan par bya'o/ / gang zhig rgyud gang du dam tshig byed pa des ni 'jig rten gsum po kun gyis bstod par 'gyur ro// gang zhig/ rgyud de yis gang gi tshe byed pa de ni srid par mdzes par 'gyur ro// gang zhig glu yis mchod byed na// des ni rtag tu sgra snyan 'gyur// gang phyir gang zhig mar me 'bul// da ni mig dang ldan par 'gyur// gang zhig gar gyis mchod byed pa// de ni rig 'dzin chen por 'gyur// gang zhig phyag 'tshal byed pa ni// de la skye bo phyag 'tshal 'gyur// gang zhig dri zhim 'bul ba ni// lus ni dri zhim ldan par 'gyur/ / gang zhig 'phreng ba bzang 'bul ba// de ni gser gyi 'phreng ldan 'gyur// gang zhig gos ni 'bul ba ni// des ni lha yi gos rnyed 'gyur// gang zhig mtshan tsam 'don pa dang // dad pa tsam yang rab byed pa/ / lhag par mos pa rab tu byed// gang zhig skye bo mchod byed pa// de rnams thams cad rnam dag pa'i// srid pa'i longs spyod rab tu bzang // rdo rje A ra li las yon tan rjes su bsngags pa'i le'u ste dgu pa'o/ / // de nas yang gang zhig de ltar rnam par dag pa'i sbyin pa byin pas de rkang gnyis kyi mchog tu 'gyur ro// de nas byang chub sems dpa' de dag dga' bas the tshom skyes te/ bcom ldan 'das la lan gsum bskor ba byas te nye bar 'dug ste zhus pa/ ji lta bu yi rnal 'byor bgyi// bcom ldan 'das kyis bka' stsal pa// sbyin pa mtha' gsum yongs
- 361b
dag pa/ / he ru ka ni bsgom par bya// sbyin pa yang ni he ru ka/ gang la sbyin pa'ang de lta bu// sbyin pa 'di ni rab tu bsngags// sbyin pa bdi ni dpe tsam ste// tshul khrims la sogs 'di ltar spyad// rlung/ kyi rgyal po chen po rdo rje A ra li las de skad ces gsungs so// rdo rje A ra li las rnal 'byor ma'i gong na med pa zhes bya ba'i le'u ste bcu pa'o// / rdzogs so// / rgya gar gyi mkhan po ka ya s+tha pa ga ya d+hA ra'i zhal snga nas/ bod kyi lo tsa ba dge slong shAkya ye shes kyis bsgyur cing zhus te gtan la phab pa'o// rgya gar skad du/ shrI tsa tur bI thA ma hA yo gi nI tan+t+ra rA dza nA ma/ bod skad du/ rnal 'byor ma'i rgyud kyi rgyal po chen po dpal gdan bzhi pa zhes bya ba/ thugs rje chen po 'phags pa spyan ras gzigs dbang phyug la phyag 'tshal lo/ / rnal 'byor ma yi dra ba sdom// ye shes stong pa can dbang phyug/ gnas gtsang ma na bzhugs nas su// thams cad mkhyen pas 'di skad gsungs// sbyang ba'i yon tan can dang / mi sdug pa dang / 'phyang ba dang / mgrin pa gsum pa can dang / ri rab dang / ri rab gtsug tor dang / pad+ma can dang / pad+ma yangs pa la sogs pa rnal 'byor gyi dbang phyug bye ba phrag brgyad cu'i nang nas/ phyag na rdo rje la gzigs nas 'dzum pa mdzad do// 'dzum pa mdzad ma thag tu 'dir phyag na rdo rje stan las langs te/ bla gos phrag pa gcig tu gzar nas/ pus mo g.yas pa'i lha nga sa la
- 362a
btsugs te/ lag pa thal mo sbyar nas/ bcom ldan 'das la 'di skad ces gsol to// gsang ba sbyor ba'i mtshan nyid rnams// ye shes dbang la nyan par 'tshal// sa dang nam mkha' ji ltar lags/ / chu dang me ni ji lta bu// 'byung dang 'jug pa'i dbugs dag gis// bsam gtan ji ltar gzung bar bgyi// yul 'khor skyong ba dang po'i lha// dkyil 'khor dag ni ji ltar lags// ye shes rnam shes lus kyi ni/ / las la sogs pa ji ltar sbyor// 'khor ba las grol mtshan nyid kyi// de nyid ji bzhin rdo rjes nyon// dbugs kyi las la sogs thams cad// ye shes can gyi las su sbyar// nyi khri dang ni tshig stong dang / / drug brgya ru ni brtsi bar bya// chu tshod drug cu'i dbugs rnams kyis// nyin mtshan du ni grags pa yin// 'byung dang 'jug pa'i dbugs rnams ni// 'byung ba'i grangs kyis brtsi bar bya// blo dang ldan pas dbugs gnyis ni/ / 'jug pa 'byung la thim par bya// de bzhin sa ni bcu gnyis la// phyi rol mtshan ma gzhag bya ste// tshes grangs mtshan ma ji bzhin du// re mig bcu gnyis rnams su gzhag/ go rims bcu gnyis rab brtson pas// shar nas dpyid zla 'bring sogs gzhag/ ro hi ta dang mo hi ta// de bzhin b+ha dra bri kha b+ha// kur ma ma ka ra d+ha dang // mi gir de bzhin bid tri ka/ b+hu ku swa ba na ka ma na/ ka ma sa dang bcu dang gnyis// 'di dag shar sogs re mig la// go rims bzhin du dgod par bya// ro hi ta ltar btsas pa'i bu// skal ba bzang la de bzhin phyug/ gdug pa'i sems la nad
- 362b
/ pu can// rtag tu mtha' 'khob gtso bo ste// 'khrig pa la ni rtag tu dga'// thams cad du ni snyar par smra// ro hi ta la lnga mchod cing // de bzhin tshe lo bdun cu thub// ro hi ta la nor btang na// mdza' bo thams cad ldog par 'gyur/ / lo hi ta la lus smras na// dpal dang kun tu phrad par 'gyur// ro hi ta la gnas rten na// grogs dang nor gyis rgyas par 'gyur// ro hi ta la 'gron zhugs na// bsam pa thams cad mngon par 'grub/ / bag ma blangs dang me yi las// zhi ba'i las ni sbyar bar// mo hi ta yi don sbyor ba// bgrang ba nyid kyis shes par bya// mo ha~M ta la btsas pa'i bu// tshe ni drug cu rtsa lngar grags/ / mang du za zhing sems chung la// 'khrig pa la ni rtag tu dga'// rtag tu gdug cing ca cor ldan// mi snyan pa dag smra la dga'// khro la nga rgyal snying stobs med// sdig pa byed cing ngang tshul ngan/ / 'khyal ba dang ni tshig rtsub smra// mtshon gyis nges par 'chi bar 'gyur// yang na tshe lo brgyad cu ri// rtsa bzhi dag tu rab tu grags// rung ba'i sa ni spong byed cing // mi rung ba la brtson par 'gyur// lus kyi yan lag smras na ni// 'chi bdag dang ni phrad par 'gyur// gal ta cung zad nor gdong na// btang ba la ni mi ldog go/ b+ha dra la ni skyes pa'i bu// kha zas bzang po za ba dang // bzang po'i las ni byed 'gyur zhing / / lo brgya ru ni 'tshe bar 'gyur// dbul la chos ni spyod pa dang // bden par smra zhing snyan par brjod// chung ma gcig gis tshim pa'i lus// bzang por smra ba'i gtso bor 'gyur/
- 363a
bzo rnams kun dang dus tshod rig/ rtag tu rang gi gnyen dang mdza'// chad pa gcod pa'i rigs can te// de bzhin lus ni chu rung chi// bri Sha b+ha la skyes pa'i bu// brtson 'grus ldan zhing dgra la dpa'/ / sgeg dang nor gyis phyug pa ste// chung ma mang du len par 'gyur// rtag tu gnyen ni mang ba ste// pa yi srog ni 'joms par byed// so nam tshong gis 'tsho byed cing // tshe ni drug cur 'tsho bar 'gyur/ / snyoms las mu cor smra ba dang // gdug cing las dang ngang tshul ngan// mtshon gyis 'chi bar 'gyur ba 'am// yang na srog chags gdug pas so// kur ma la ni btsas pa'i bu// rtag tu sems khral can du gnas/ / chung gis khro zhing chung gis mgu// mang du smra zhing gnyen la byams// drag tu smra zhing lhag par khro// phyug cing thams cad gtong la dga'// bu dang chung ma 'chi bar 'gyur// rtag tu rang gi yul na gtso// zhing gi las la sogs pas 'tsho// mdze yi nad kyis 'dzin par 'gyur// tshe lo brgyad cu lon pa na// de bzhin rang gi yul du 'ani// ma ka ra la btsas pa'i bu// tshon dgu bcu rtsa drug ste/ / tshul khrims phun tshogs bsod nams ldan// 'dul ba dang ni spyod pa srung // nor ldan gzugs bzang phun sum tshogs// skal ba bzang zhing grags pas mdzes// bzo dang sgyu rtsal kun la mkhas/ / chung ma gcig ni shin tu gsal// rtag tu sems ni ldod pa ste// dul ba dang ni srung ba ste// gnyen gyi nang na gcig pu gtso// kun la snyan sogs smra ba dang // de bzhin g.yul ngor/
- 363b
'chi bar 'gyur// tshe lo brgyad cu rtsa lnga dang // yang na drug cu'am sum cu'o// ra d+ha la ni btsas pa'i bu// rtag tu sdig pa'i blo can te// sems can rnams la 'khyal par smra// rtag tu dbul zhing kha gsag smra/ / dus kun tu ni nad pu can// rgyal pos chad pa gcod pa'i bdag/ 'khrig pa la ni rtag tu dga'// gzhan dag la ni yid mi rton// zol dang bzo sogs kun rog pa// bud med rnams la skal ba bzang / / tshe lo lnga bcu rtsa lnga 'am// yang na drug cu'am sum cur nges// mi ki ra la btsas pa'i bu// chos shes rang gi rigs kyang mtho// lugs kyi bstan bcos phun sum tshogs// bzo dang / rigs pa sna tshogs ldan// tshig rtsub smra la drag pa ste// shin tu khro zhing 'jigs su rung // nor nyung gzugs ni bzang ba ste// bya ba thams cad myur bar grub// de yi lus ni rang nyid kyis// chu ru mchongs te 'chi bar 'gyur/ / tshe lo brgyad cu rtsa brgyad na// yang na rgyal po'i khrims kyis gsod// b+he tri ka la btsas pa'i bu// skyes ma thag tu ma ni 'chi// pa yang lo ni brgyad na 'chi// de bzhin rang gi khyim na gtso// khro la rdzas ni nyung bar 'gyur// sdig pa la sogs blun dang ldan// las dang sems khral chung ba ste// dpung rnams kyi ni gtso bo nyid// tshe lo brgya dang rtsa brgyad na// rang gi khyim du 'chi bar 'gyur// gnyen rnams kun dang mdza' ba ste// sdug 'phongs rnams la brtse bar ldan// byA ku la ni btsas pa'i bu// blo chung ngan par smra ba dang // shes rab zhan cing nang pu can// rtag tu grogs po
- 364a
ngan dang 'grogs/ / rang gi gnyen byams skal ba bzang // sdug 'phongs rnams la rjes su brtse// nor dang ba glang shin tu phyug/ khyim dang chung ma gsum la sogs/ skad cig khro zhing nga rgyal ldan// dgra yis gzir bas 'jigs par 'gyur// pha dang ma ni tshe yang ring // de bzhin tshe lo bdun cu thub// tshong gi las kyis 'tsho bar byed// lan cig tshong gi rgyu yis 'chi/ / sbyor ba brtsams pa'i mtshan ma la// ye shes can gyis bgrang bar bya// srab na la ni btsas pa'i bu// dpa' rtul pha rol gnon pa yis// dgra rnams thams cad sreg par byed// mgon med rnams kyi rtsa lag ste// dus rnams kun tu dbul ba dang // sdig pa'i las la nan tan byed// bdag nyid seng ger sems pa dang // tshig rtsub smra la thams cad rig/ dus kun tu ni nad med cing / / rtag tu longs spyod rnyed par 'gyur// gzhan la rten pas 'tsho ba dang // bud med kun la gnod cing spyod// tshe lo lnga bcu tham pa ru// de ni nges par 'tsho bar 'gyur// dgra yis mtshon gyis brgyab nas su/ / 'chi bar 'gyur bar gdon mi za// kA ma sA la btsas pa'i bu// tsho ni drug cu rtsa brgyad 'tshe// nor dang 'bru dang grong dang ni// phyugs dang rta sogs bzhon par ldan// bden par smra zhing chos kyang shes// sems can kun la phan par byed// rig pa dang ni snyan par sla// bstan bcos thams cad shin tu rgyas// sems can kun la skal ba bzang // rang gi yul du 'chi
- 364b
bar 'gyur/ / sbyor ba'i mtshan ma bstan pa rnams// ngas bstan pa la the tshom med// ro hi ta ni lha la mchod// mo hi ta la nor la brkam// b+hu dra kha zas bzang po za// bri kha ba la mang du khro/ kur ma la ni gzhan du sems// ma ka ra la 'brel bar smra// rar d+ha la ni sdig sems can// mi ka ra ni 'khrig la brjen// b+hid ta ka ni gnyid log cing // b+hu ku li ni bla brdol lo// swab na la ni rang / nyid sems// ka ma glu dang klog 'don byed// ro hi ta la zhi ba'i las// de bzhin bri Sha rgyas pa ste// ma ka ra ni dbang dang 'byor// b+hu dra la ni mngon spyod bya// mo hi ta yis bskrad pa ste// kur ma la ni bcing ba'i las/ / ran d+has dbye bar shes par bya// bya ku la ni sman sbyar bya// re yi khyu mchog grub pa ste// bdud rtsi sbyor bas skye mi 'gyur// shar la sogs pa'i phyogs na gnas// snga dro mkhas par brtsi bar bya// ro hi te la nor byin na// rdzu 'phrul dag ni rgyas par 'gyur// mo hi ta la nor bsdus na// gzhan gyis dgag par mi nus so// b+ha dra la ni khyim brtsams na/ dpal dang yang dag phrad par 'gyur// bri Sha lha yi rnal 'byor gyis// sngags ni kun tu 'grub par 'gyur// kur ma'i sbyor bas bag ma blang // thams cad du ni 'bral mi 'gyur// ma ka ra la zhing btab na/ / gdon mi za bar 'bru rnams 'phel// ran d+ha bud med bgrod byas na// shi bar gyur kyang mi gtong ngo // mi ki ra la tshong byas na// gtams pa da lta len par snang // rtag
- 365a
tu brtan par gzhag bya ba'i/ / las tshogs b+hi ti ka la gzung // b+hU ku li la 'gron zhugs na// 'tshe ba med par gnas su phyin// srab nas thams cad kun tu ni// nges par / rtag tu mngon par 'od// ka ma la ni nor btang na// btang ba slar la ldog mi 'gyur// ro hi ta la nor rgyas bu// mo hi ta ni 'dzeg po yin// stobs kyis rgyu ba b+ha dra'i gnas// de bzhin pad+ma bri Sha b+ha/ kur ma pad+ma chen po ste// ma ka ra ni dung skyong ngo // ran d+ha dung skyong chen po ste// mi ki ra ni rigs ldan no// b+hi tri mgo brgya pa yin te// b+hA ku la ni 'khril ltung yin// swab na 'jigs pa zhes bya ste/ / ka ma dus kyi 'chi bar 'dod// 'di dag dug sbyor rim pa bzhin// bye brag tu ni shes par bya// rA yi khyu mchog grub pa ste// bdud rtsi sbyor bas skye mi 'gyur// gang gis 'chi bas mngon zin na/ / 'chi bdag dang ni phrad 'gyur ba'o// dug bsdu ba yi sbyor ba dag/ gzhan la dug ni sbyar bar bya// dus kyi mtshan ma ji bzhin du// go rims rim pa bzhin du bya// dpyid zla 'bring sogs rim bzhin du/ / nyi ma byang du 'gro ba'i tshe// ji lta'i dus bzhin mtshan ma ni// rim gyis rim gyis sbyar bar bya// nyin mo'i chu tshod so sor ni// mkhas pas bcu gnyis bzhi bsgyur bya// mtshan mo drug dang bcu gsum bsgyur/ / chu tshed mkhas pas brtsam par bya// reg mig dag ni gnyis pa la// dus la mkhas pas dus chod pa// nyin mo drug dang bcu gnyis bsgyur// chu tshod kyi ni mtshan mar bya//
- 365b
bzhi dang bcu gsum bsgyur ba ni// mtshan mo chu tshod du ni brtag/ bdag dang bcu gnyis bsgyur ba dag/ nyin mo ru ni brtag par bya// gnyis dang bcu ni gsum bsgyur ba// mtshan mo'i chu tshod du ni brtag/ chu tshod sum cu tham pa ni// dbus kyi bi shu gnyis par sbyar// gnyis mtha' bcu ni gsum po dag/ nyin mo chu tshed shes pa ste// brgyad dang bcu ni gnyis po dag/ de yi mtshan mo'i mtshan mar bya// bzhi dang bcu gsum mtshan ma ni/ / nyin mo yi ni chu tshod de// drug dang bcu ni gnyis bsgyur ba// mtshan mo'i chu tshod mtshan ma bya// drug dang bcu ni gsum bsgyur ba// nyin mo yi ni shes bya ste// bzhi dang bcu ni gnyis bsgyur ba/ / mtshan mo'i chu tshod du ni grags// byang du bgrod pa bshad nas ni// de bzhin gzhan gyi dus shes bya// bzhi dang gsum bsgyur chu tshod ni// nyin mo yir ni bshad pa yin// drug dang bcu ni gnyis bsgyur ba/ / mtshan mo yaM ni mtshon par bya// gnyis dang bcu ni gsum bsgyur ba// de bzhin nyin mo'i chu tshod yin// brgyad dang bcu ni gnyis bsgyur ba// chu tshod mtshan gyi rab tu grags// bcu ni gsum gyis bsgyur ba dag/ bi shu nyin mo'i chu tshad de// de bzhin mtshan gyi chu tshod kyang // bcu ni gsum du bsgyur bar bya// de bzhin bi shu bar ma gnyis// brgyad dang bcu ni gnyis bsgyur ba/ nyin mo yi ni bsam par bya// gnyis dang bcu ni gsum bsgyur ba// mtshan mo'i chu tshod du ni brtag/ drug dang bcu ni gnyis bsgyur ba// nyin mo'i chu tshod rim pa yin// bzhi dang bcu ni
- 366a
gsum bsgyur ba/ / de bzhin mtshan mo'i chu tshod do// sum brgya lnga bcu rtsa gnyis kyis// chu tshod kyis ni dus rnams 'da'// chu tshod drug cu'i grangs kyis ni// nyin mtshan phrugs gcig tu ni sbyar/ / zla ba'i go rims ji bzhin du// rim pa de bzhin mtshan ma bya// chu tshod dbugs sogs rdzogs pa dang // bi shu ma gtogs rim spel bri// lus dang las min bye brag bzhin// dbugs kyi rim gyis gzung bar bya// kha dang ra sogs dus tshigs dang // bgrod pa gnyis kyis mtshon par bya// gnyis po dag ni bcus bsgyur ba// de bzhin lo yi chu tshod do// de yi mtshan ma ldan pa yis/ / nyin mtshan gyi ni dbugs su brtsi// ngag gi dbang phyug kun bzung nas// dbyangs kyi mtshan mar mngon par gzhag/ ma ning gnyis ni spangs nas su// su yi dbang phyug kun tu gzhag/ a yi rim pa la bab na// dpal dang mngon par mnyam 'grogs shing // nor rnyed pa ni snang ba ste// skal ba bzang por gdon mi za// A yi re mig la bab na// rims dang nad kyis gzir ba dang / / 'jigs shing skrag par snang bar 'gyur// A zhes bya bar nges par ston// yi ge i la bab gyur na// rgyal po'i dpal ni ster 'gyur te// kun nas nor ni rnyed pa dang // gang zhig bsams pa nges 'grub 'gyur/ / yi ge I la bab gyur na// zla ba drug na 'chi ba dang // de bzhin dgras ni gzir ba dang // me yis 'jigs pa shes par bya// yi ge u la bab gyur na// dpal
- 366b
dang grogs mo rnyed pa dang / / nor dang 'bru ni 'phel bar 'gyur// dpal rnams kyang ni rnyed par 'gyur// A la gal te bab gyur na// de ni dgra yis 'tshe bar 'gyur// bran za dang ni gnyen mtshan rnams/ / 'jigs shing skrag par snang bar 'gyur// yi ge a la bab gyur na// 'phral du skye bo skal can 'gyur// skyes pa bud med dag gi ni// mchod pa'i gnas ni thob par 'gyur// e yi mtshan/ ma la lhung na// dgra dang rgyal po'i 'jigs pa dang // lus can rkun pos gzir 'gyur zhing // nad dang rims kyis thebs par 'gyur// oM yi mtshan ma la bab na// gnas kyi dbang por 'gyur ba dang / / nor dang 'bru ni rnyed 'gyur zhing // yid 'ong rig pa de bzhin no// oM yi mtshan ma la bab na// 'thab mo dang ni dgras 'tsho zhing // gnas las nyams dang brdeg 'tshog dang // byas pa chung ni zos par 'gyur/ / yi ge aM la bab gyur na// bran za dag ni rnyed 'gyur zhing // bu dang rig pa rnyed 'gyur te// de bzhin grogs po rnyed par 'gyur// ji ltar sngon gyi a zhes pa// de bzhin tha ma'ang gzung bar bya/ / drug 'gyur du ni bzhag nas su// lnga pa de ni sum 'gyur bya// sum brgya drug cu bsres nas ni// sa bzhin du ni bcad nas su// yi ge lhag ma zung byas te// yang na ri mo kyag kyog bri/ / dbyangs kyi dang po la sogs bgrang // yang na me tog gtor nas ni// de bzhin sa ni mtshon par bya// snga dro ro hi te dus su// bden pa thams cad blta bar bya// rnal 'byor bstan
- 367a
bcos rab tu bsngags/ / bdag gi gdan gyi rab tu byed pa las rim par phye ba ste dang po'o// / ye shes de ni bye brag dag/ bcom ldan 'das la nyan par/ 'tshal// lus kyi mtshan ma ji lta bu// de nyid gang la bsten par bgyi// lus kyi mtshan ma ston pa rnams// nyon cig rdo rje rgyal po che// lus kyi mtshan ma mngon bstan gyis// gang zhig shes pa tsam gyis ni/ / 'chi ba'i dus la bab par gnas// dbugs ni rnam par rgod tsam gyis// lus can zla ba drug gis 'chi// 'jigs pa cung zad mthong min par// 'gram pa'i mtshams ni bye gyur/ na// de tshe dus la bab par 'gyur// dbugs ni chad cing chang 'gyur ba// snga dro ro hi ta dus su// mtshan ma dag ni brtag par bya// sna yi bar ni chad gyur na// nyi ma bdun na gdon mi za// mig gi chu ni chad gyur na/ / de bzhin nyi ma lnga yis 'chi// 'gram pa'i logs kyi mtshan ma yis// zhag gcig las ni mi 'tsho'o// rna ba'i chos zangs ltebs pa yis// chu tshod ldan gdon mi za// 'dir ni lce yi thig 'di yi// lus can zhag gnyis 'chi bar 'gyur// stang 'og so ni 'thams pa na// zhag gsum 'chi bdag phrad par 'gyur// mgrin pa'i logs kyi phyi rol rtsas// zla ba phyed na gdor ma za/ / brang gi dra ba zhom gyur na// zla phyed sman pas gsor mi rung // sen mo khrag ni med pa yis// lus can nyi ma brgyad na 'chi// 'chi ba'i mtshan ma brgyad bcas pa// 'chi
- 367b
ba'i dus bab mtshon par bya/ / sna yi bar sha chad pa la// ye shes sa bon gyis gzir bya// mig gi chu ni chad pa na// rdo rje ma yi sa bon gzung // mkhur chos logs kyi mtshan ma la// drag mo'i sa bon gzir bar bya/ / rna ba'i chol bzangs zhum pa la// ro langs ma yi sa bon dgod// lce yi thig nag 'di la ni// gtum mo'i sa bon bsam par bya// so dang so ni 'thams pa la// seng ge ma yi sa bon brdeg/ mgrin pa'i logs kyi phyi rol rtsa// stag mo'i sa bon brdeg par bya// brang gi dra ba zhom pa la// ce spung sa bon gzung bar bya// lag pa'i sen khrag med pa la/ 'ug pa ma yis sa bon gzung // 'chi ltas yan lag mtshan ma ni// sa bon de dag dgod pas srung // phyi na ye shes 'khor lo ni// bri ba'i cho gas rnam shes srung // ma bsregs kham phor gnyis bzung la/ / gur kum ro tsa na yis ni// 'og gi char ni re mig dgu// de bzhin steng la bcu gnyis bya// dbus su ming ni bris nas su// sa bon gyis ni mngon par bskor// phyag 'tshal g.yas kyi dang po ste/ / bsrung ba'i tshig gi sngon du bya// sangs rgyas lnga sogs ldan pa yi// sa bon mtha' ru gnas pa ste// sreg byed yi ge de yi mtha'// steng sogs mu khyud dbyangs yig dgod/ / kha pa gnyis 'gyur sa bon dang // lha mo rdo rje ma zhes bya// sangs rgyas lnga yi sa bon ldan// thams cad phyag 'tshal sreg byed mtha'// dbyug pa 'jig rten dbang phyug mgon// gya gyu phyag na rdo rje
- 368a
yin/ / de bzhin lus ni 'jam pa'i mchog/ mgo nang dpung pa byams pa ste// steng du 'bar ba ma yi ste// 'khor ba thams cad sgrol byed pa'o// de la shar gyi phyogs gnas pa// lha mo rdo rje mkha' 'gro ma// byang du drag po zhes bya ba'i// sa bon nyid ni sbyar bar bya// nub kyi phyogs su gnas pa ni// ro langs ma yi sa bon sbyar// lho yi phyogs su gang gnas pa// gtum mo'i sa bon rdzogs par bstan/ / sa bon mngon du bstan pa bzhin// dbang ldan du ni seng ge ma// me mtshams stag mo dgod bya ste// bden bral du ni ce spyang ma// rlung du hUM byed 'ug pa mo// mtshams na gnas pa'i sa bon ni// bzhi pa'i drag po'i dngos su ni// phyogs dang phyogs mtshams ji bzhin du// de bzhin sa bon dgod par bya// steng gi gnas ni bcu gnyis la// dbyangs kyi sa bon gzhag par bya/ / phyag 'tshal sreg pa mtha' dang bcas// phyogs su ma ning gzhag par bya// 'bar ma 'jib ma zhes bya dang // de bzhin 'phrog byed mkha' 'gro ma// phyag 'tshal sreg pa mthar gnas pa/ / ji lta'i gnas bzhin gzhag par bya// shar phyogs mkha' 'gro ma yi gnas// byang du gnas pa 'bar ma ste// nub tu 'jib mar yang dag gsungs// lho ru 'phrog byed dgod par bya// dbus su ming ni bri bya ste// 'og tu ji bzhin steng de bzhin// gnyis ka kha ni sbyar nas su// skud pa dmar pos dkri bar bya// kun nas mnyam pa'i gnas su ni// tsan dan dmar pos byugs nas su//
- 368b
sna tshogs me tog bdug pa dang // drir bcas nyer spyod gtor ma sbyin// dbus su 'khrul 'khor bzhag nas ni// mkha' 'gro ma lngas bskor bar bya// bdag nyid rdo rje can sbyor bas// rdo rje sems dpa' dag ces brjod/ / rdo rje lag ni lag rtse ru// rdo rje bsams nas reg bya la// dbus su bstan pa'i sa bon ni// brgyad brgya ru ni bzlas par bya// tshe rabs snga ma'i sdig la sogs// lha la sogs la bsgo bar bya/ / yan lag thams cad gzir ba dang // 'chi ba'i dus bab 'byung mi 'gyur// 'tshe med nad ni thams cad dang // nad pa glor bzhag sbyar na ni// dus rnams kun tu nad mi 'byung // lus can tshe ni zad pa yang / / zla ba drug tu gnas par 'gyur// gnas gzhan du ni bzhag nas su// rtag tu mchod la brtson par bya// rdo rje rgya ldan sbyor ba yis// rnam shes gang du'ang 'gro mi 'gyur// gzhan yang bdag gi dbugs dag ni// der ni rab tu brdeg par bya// dbugs kyi gnas ni mtshungs pa na// thams cad grub par gsungs pa yin// g.yas pa g.yas su gnas pa dang // blo ldan g.yon la g.yon du gnas// der gnas na ni smra byed pa// thams cad 'grub pa nyid du 'gyur// dbugs dang 'dri ba mi mthun pa// dngos grub ring ba mtshon par bya// skad cig srog gi rang sbyor ba/ / sbyor ba gnyis ni shes bya ste// skad cig la ni bya ba kun// rgyas par 'gyur bar rab tu grags// srog la bya ba gang byas pa// grub pa ring bar the tsom med// mche ba la sogs bsams/
- 369a
nas dug/ der ni gso ba dag tu bya// sbyor sogs sngar gyi mtshan nyid can// thams cad rig pas klul bsgo// sbyor ba bzhi la sos btab pa// 'chi bar 'gyur ba the tsom med/ / dug bsdu ba yi sbyor ba yis// gzhan ma thams cad gso bar bya// sos btab lus la kun rig pas// sa bon gyis ni dgod par dgod// yi ge brgyad kyi sngags dag ni// yan lag brgyad po rnams su dgod/ / kha dog dkar po bsams pa yis// sa bon rnams kyis yid du dbrog/ dkyil 'khor dbus su gnas pa yi// ye shes kyis ni rnam shes bcing // yan lag bsgyur ba'i sbyor byas nas// de 'og phyi rol brtsam par bya// chu dang po ma bsres pa yis// sa snod yongs su dgang bar bya// zla ba'i dkyil 'khor gyis brgyan pa'i// dbus su pad+ma bsam par bya// gdugs dkar po yis brgyan pa yis/ / rdo rje mkha' 'gro ma de bsgom// phyag gnyis sems dpa'i skyil krung bcas// sbrul gyi rgyan gyis rnam par klubs// kha T+wAM ga dang thod pa dang // shin tu mdzes pa'i na bzas klubs// klu brgyad kyi ni mgo bo rnams/ / pad+ma yi ni gdan la mnan// shar du nor rgyas bu bsam bya// de bzhin byang du 'jog po'o// nub tu stobs kyis rgyu ba ste// lho ru pad+ma blta bar bya// dbang ldan du ni pad+ma che// me mtshams su ni dung skyong ngo / / bden bral rigs ldan zhes bya ba// rlung mtshams 'khyil ba ltung ba'o// klu brgyad po ni bsams nas su// mgo bo rnams ni mnan par bsgom// rdzas rnams kun gyis mchod
- 369b
nas su/ / me tog spos sogs gtor ma sbyin// bdag nyid lha yi rnal 'byor ni// rdo rje mkha' 'gro ma ru bsam// rma bya sgro yi chun po yis// chu yi sbyor bas drang bar bya// kun nas bkang bar drangs nas su// / rkang pa nas ni chur thim bya// oM hrI Tan+daN+Da Da ra hUM phaT swA hA/ rdo rje sems dpar mngon sbyor bas// 'bum phrag la sogs bsnyen pa bya// oM bA su ki ri hrI TaT+Tar+thA Da ra hUM hUM hUM phaT swA hA/ oM tak+Sha ka hrI Tan+naN+Da Da ra swA hA/ oM karko Ta ka d+hI Tan+daN+Da Da ra swA hA/ oM pad+ma hrI TaT+TaN+Da Da ra swA hA/ oM ma hA pad+ma hrI Tan+daN+Da Da ra swA hA/ oM shaM kha pA la hrI Tan+daN Da ra swA hA/ oM b+h+yo ku li sha ya la hr-i tra taM ta raM swA hA/ oM hu lun d+ha ke hri Tan+daN+Da Da ra swAH/ / oM hrI Tan+dat+ta Da ra hUM hUM hUM phaT phaT phaT/ a mu ke s+ya nir bi shaM ku ru hUM phaT swA hA/ zhes brjod cing / 'og ma'i dbus su drangs pa yis// 'phral du 'o ma nag por 'gyur// yungs kar me tog dkar ba dang / tsan dan dag gi bsres pa yis// 'chi bas zin pa'i snying ka ru// gsang sngags zlos shing brdeg par bya// snying ni 'phar ma thag tu yang // ye shes bsdams te bsrung bar bya// rnam shes bsdams pa tsam gyis kyang / / de bzhin dbugs ni g.yo bar 'gyur// dbugs ni rnam par g.yos pa yis// bdag gi dbugs kyis gzir bar bya// dbugs kyis gzir ma thag tu yang // rkang lag la sogs 'dar bar 'gyur/ / yan lag thams cad 'dar ba na// bdag nyid dbyangs ni blang bar bya// hUM gi glu ni blangs nas su// sa gol gsum gyis bslang bar bya// 'chi bas zin pa bslang nas ni//
- 370a
de yi yan lag bsrung bar bya// bsdus nas klu yi gnas su ni// 'o ma de ni dbo bar bya// zla ba'i dkyil 'khor dbus gnas pa'i// rdo rje sems dpar mngon sprul la// 'bum phrag gsum ni bzlas pa yi/ / sngon du bsnyen pa la sogs bya// de nas sgrub pos dug bsdus na// 'grub 'gyur 'di la the tshom med// kha dang thig le gnyis dag dang // steng dang mgrin pa sna m+b+hi dang // snying ka lte ba gsang ba dang / / rkang pa'i mthe bong dag tu ni// zin pa gso bar mi bya ste// 'chi ba nyid kyi rgyu ru gsungs// nyon cig rgyal po rdo rje che// char pa dbab pa'i cho ga mchog/ chu 'gram dang ni nye ba yi// sa phyogs nyams ni/ dga' ba ru// bla re dag ni bres nas su// dar dpyangs sna tshogs spungs pa ru// kha dog sna lngar btsos pa yi// tshon gyi las ni brtsam par bya// gru bzhi pa la sgo bzhi pa// klu brgyad kyis ni rnam par klubs/ / mgo bo gnyis ni sgor bcas te// mjug ma gnyis kyis gur du mdud// shar du rgyal ba bzang po ste// dpal dang dga' bo byang du'o// nub tu char 'bebs sdug pa ste// bstan dang drag po lho ru'o// klu brgyad kyi ni rab ste// phyogs la sogs par rigs brgyad dgod// nor rgyas bu ni shar du ste// 'jog po byang du dgod par bya// nub kyi phyogs su stobs kyi rgyu// lho yi phyogs su pad+ma ste// dbang ldan du ni pad+ma che/ / me mtshams dung skyong dgod par bya// bden bral du ni rigs ldan te// rlung mtshams 'khyil ba ltung ba'o// sprin gyi dbang phyug rgyal po brgyad// phyogs brgyad nas ni dgug par bya//
- 370b
sgra sgrogs rmugs pa de bzhin du// drag po 'khyil ba stug po dang // gtum po char 'bebs rab gang ba// brgyad po rgyal po zhes bya'o// shar la sogs pa'i phyogs dgod pa// ji bzhin phyogs kyi mdog tu bsam/ / dbus su rdo rje mkha' 'gro ma// pad+ma'i gdan la yang dag bzhugs// kha T+wAM ga dang rnal 'byor snod// sbrul gyi rgyan gyis rnam par klubs// sku mdog dkar po shin tu 'bar// shin tu mdzes pa'i na bza' mnabs/ / pad+ma sbrul gyis bskor nas su// sbrul ni gdan du sbyar bar bya// mchod pa rgya chen bshams nas ni// 'o ma la sogs snod brgyad gzhag/ me tog bdug spos dri dang ni/ mar me sna tshogs rigs las mchod// ye shes mkha' 'gro bdag bsgoms pa'o// ye shes can gyi rnal 'byor pa'i// oM b+hur b+hu ba swA hA/ nye bar spyod pa'i sngags so// oM bA su kI hUM swA hA/ oM tAk+Sh+Na ka hUM swA hA/ oM kar ko Ta hUM swA hA/ oM pad+ma hUM swA hA/ oM ma hA pad+ma hUM swAhA/ oM shaM kha pA la hUM swA hA/ oM ku li sha pA la hUM swA hU~M/ oM hu lu d+ha hUM swAhA/ klu'i rgyal po brgyad kyi sngags so// / oM g+hi li g+hi li/ b+ha sha b+ha shA pa ya/ hUM hUM hUM ho ho ho/ tha Tha tha swA hA/ sprin gyi rgyal po brgyad kyi sngags so// lag pa kun tu bskor nas su// phyogs brgyad du ni bstan par bya// sprin gyi rgyal po brgyad kyi phyag rgya'o/ / g.yon pa khu tshur bcangs nas su// mthe'u chung dang mthe bong brkyang // g.yas pa sbrul mgo gdengs nas su// mthe bong steng du gung mor sbyar// klu'i rgyal po brgyad kyi phyag rgya'o// oM badz+ra DA ki/
- 371a
nI baR+Sha baR+ShA pa ya hUM phu swAhA/ rtsa ba'i sngags so// sngon du bsnyen pa 'bum phrag ni// gsum du byas nas bzlas pa bya// rnal 'byor can gyi las 'di rnams// char 'bebs pa yi cho ga mchog/ gzhan yang dge dang sdig pa yi// po nya'i mtshan ma bshad par bya// mig g.yon mgo dkar sgur po dang // 'jigs pa'i gos dang dbyug pa thogs// bud med rnams dang 'grogs te 'ong // ngu zhing skra ni lug pa sogs/ / gcer bu ngan gyis smra ba dang // sbyor bzhis 'chi ba ston pa yin// pho nya ji bzhin bdag nyid la// brtags nas rnam pa gnyis su bya// de tshe sngags pa 'grogs 'dod na// grub pa nyams par the tshom med// bdag gi gdan gyi rab tu byed pa zhes bya ba las rim par phye ba gnyis pa'o// / rnal 'byor brtson pa'i khyad par dag/ bcom ldan 'das la nyan par 'tshal/ / gang gis sngags rnams 'tshul bar bgyi// ye shes gzung ba ji ltar lags// nyon cig rdo rje de kho na// de bzhin lha yi bdag nyid do// dang por stong nyid bsgoms pa yis/ lus can dri ma bkru bar bya// dang por gzugs ni stong sogs bya// ji srid rtsa brgyad nyid yin te// gzugs khams zhes bya stong pa ste// de nyid du ni sgra yang bya// dri khams zhes bya stong pa ste// / de nyid du ni ror yang bya// reg bya'i khams ni stong pa ste// de nyid du ni gzugs kyang bya// mig gi bdag nyid stong pa la// dbus na rnam shes ji ltar yod// nyan pa'i bdag nyid stong pa la//
- 371b
dbus na rnam shes ji ltar yod// snom pa'i bdag nyid stong pa la// dbus na rnam shes ji ltar yod// lce yi bdag nyid stong pa la// dbus na rnam shes ji ltar yod// lus kyi bdag nyid stong pa la// dbus na rnam shes ji ltar yod/ / yid kyi rang bzhin stong pa la// dbus na ji ltar brtag par bya// yid ni nam mkhar thim nas su// thams cad stong par bsam par bya// gling dang ri rab la sogs pa// steng dang 'og dang bar gyi na/ / khams gsum stong par bsgoms pa yis// thams cad zad pa nyid du bya// phyogs bcu'i 'jig rten khams kun gyi// gzugs la sogs pa zad par bsgom// bdag gi dngos po zad bya ste/ / dngos po 'dres par dmigs par bya// sbyor ba mnyam par kun bsams te// rnal 'byor pa ni mkhas pa yis// mnyam nyid stong par bsams nas su// de yi dbus su bltas nas kyang // de la mtshan ma brtag par bya// mar me'i 'od kyis zhi ba ste// ser po dngul gyis rgyas par 'gyur// nyi ma'i dkyil 'khor snang ba ni// chags pa la sogs 'grub par 'gyur// mthar ni du ba gan mthong na/ / mngon spyod du ni rab tu grags// rlung gi mdog ltar 'khrug pa yis// de yi mong la skrag par 'gyur// zla ba dkar po'i 'od zer ltar// thams cad du ni dkar mthong nas// rnal 'byor grub par shes par bya/ / blo ldan 'gro ba'i yang dag gnas// de 'og rnal 'byor las byung ba'i// myu gu la sogs mngon par bsam// gang zhig stong shes bsgom pa yi// myur du sems dpa' grol bar 'gyur// ya
- 372a
shes kyis ni shes bya blta/ / shes byas 'gro ba brtag par bya// pa dang ma ni gsang bya ste// bram ze gtsang ma gnyis bzung nas// rgyal po yul 'khor bcas bcom na// mi de dag par 'gyur zhes bya/ / bdag gi gdan gyi rab tu byed pa las rim par phye ba gsum pa'o// / nyon cig rdo rje ji bzhin lam// gnyis spangs gnyis su med pa ste// 'khor ba'i rgya mtshor rab 'jigs pas/ / chu yi dgra ni dam pas gang // dbus su bying ba'i lus can rnams// sgrol ba'i mtshan nyid ces byar brjod// mtshon byas mtshan nyid mtshon pa po// rnam shes kyi ni ye shes te// ye shes kyi ni shes bya blta/ / shes byas 'gro ba brtag par bya// 'gro ba brtag pa'i sems kyis ni// ji ltar 'dod bzhin mngon par 'gro// zhags pas glang chen myos bcing ltar// 'khor ba'i zhags pas/ gnod rmongs pas// rnal 'byor pa ni stong phrag gcig/ tshe rabs snga ma'i 'gro bar 'gro// sngon du mtshan nyid bstan pa bzhin// mnyam nyid stong par bsams nas su// stong pa'i zhing la sogs lus la// blo dang ldan pas sa bon gdab// dper na gdol pa'i khang pa mes bsreg pa// lha yi byin gyis brlabs par rab tu brjod// rig can dge dang mkhas pa kun tu gnas// bde bzhin ting nge 'dzin gyis kun bshig nas/ / sa bon dgod pas rab tu dgod par bya// stang du me yi sa bon brtag/ sa yi sa bon rnam pa gnyis// mig gnyis su ni sbyar bar bya// stong sogs rlung gi sa bon ni// sna dang rna ba dag la bsam//
- 372b
bdud rtsi'i chu yi sa bon ni// lce yi dbang po dbang phyug gtso// gang gis brtsegs pa rim bzhin gzung // gnas bzhi ru ni sbyar bar bya// mgrin par gti mug sa bon te// de bzhin dpung par nyon mongs so// snying ka'i phyogs su g.yo ba ste// lte ba'i rtsa bar phyug yin no// yan lag brgyad du sa bon ni// brgyad po bkod pas bsrung bar bya// ye shes mkha' 'gror bdag byas te// lus ni sa bon ldan par bya// nyi ma'i dkyil 'khor gyis brgyan pa/ / pad+ma yi ni stan la bzhugs// gdugs ni dkar pos steng du g.yogs// btso ma'i gser ltar 'bar ba'i 'od// zhal gsum phyag ni drug pa ste// sems dpa'i skyil krung yang dag bzhugs/ / stang du rdo rje dbu rgyan can// dar gyi thod ni mdzes par bcings// spyan gsum khro zhing bzhad pa ste// shin tu mdzes pa'i na bza' gsol// ral gri dgra sta rdo rje dang // g.yon pa'i sdigs mdzub nyid dang ni// sha ka ti kha T+wAM sgreng ba ni// mtshan ma'i phyag rgya mngon par bsnams// sangs rgyas sprin ni 'phros pa yis// sems can rnams kyi don mdzad brtson// 'od zer sna tshogs 'bar ba ru/ / dbugs mi g.yo bar bsgom par bya// yid kyis ye shes rnam shes dag/ shel dang 'dra bar bsam par bya// a li ka li rab sbyor bas// de yi sa bon bzung byas te// smisprin par thig pa'i gnas dag tu/ / ye shes can gyi sa bon bsgoms// sangs rgyas lnga yis brgyan pa yis// yi ge'i sa bon bzlas par bya// rlung dang me yi mdun don la// rdo rje ma yi sa bon skul// sgra dang
- 373a
thig les yang dag mnan/ / char pa'i rgyun zhes bya bar brjod// thog mar bla ma'i yi ge gzhag/ sreg byed yi ge mthar bzlas bya// ting nge 'dzin dang ldan pa yi// blo gros can gyis sum 'bum bzla/ / bzlas dang ldan pa'i rnal 'byor pa// de yis bsam pa thams cad 'grub// las brgyad la sogs dngos grub rnams// sngon du bsnyen pa la sogs bya// de 'og las rnams brtsams byas na// 'grub 'gyur 'dir ni the tsom med// rmongs par bya ba'i bye brag ni// nyon cig rdo rje de kho na// bcing ba rnams kyis bye brag dag/ sngon du rdo rje'i tshig brjod la// snga tshan dang po'i dang po gzung // de bzhin sde tshan bzhi pa yi/ / yi ge dang po bzung nas ni// nyis 'gyur re pa steng du gzhag/ de bzhin i dang re phar sbyar// gang zhig snga tshan gnyis pa yi// yi ge gnyis pa'i thig le can// lcags kyu yis ni gzi bar bya/ / bzhi pa yi ni gsum par bcas// lan gnyis su ni bzlas par bya// sangs rgyas lnga yis brgyan pa dang // sngon du phyag 'tshal yi ge ste// yi ge drag po mtha' ru sbyar// sa bon 'di bzlas rnal 'byor pas/ / dngos po thams cad bcing bar gyur// lag gnyis sor mo bsnol nas ni// de nyid bza' ba lta bur sbyar// khro bo dang ni dbu ma brkyang // gnyis ka phan tshun drud par bya// 'di ni chan pa'i phyag rgya ste/ / 'od zer 'bar ba'i 'phreng ba 'khrug/ dgra yi mgrin pa la sogs pa// dngos po thams cad yid kyis rol// de nas chu la sogs pa kun// rab tu bcing ba bshad par bya// gang yang sde tshan tha ma ni//
- 373b
yi ge gsum pa gzung bar bya// de bzhin sde tshan gsum pa yi// yi ge gsum pa nyid dang ni// de yi sa bon gsum pa la// steng du e zhes bya bar sbyar// sde tshan lnga pa'i dang po la// lcags kyu yis ni gzir bar bya/ / gsum pa chu yi sa bon dang // tsheg drag yi ge dbus bya ste// mtha' ma rdo rje can dang sbyar// re ba glo na lcags kyu can// mthar ni drag po yi ge dang // dang por phyag 'tshal gzhag par bya// bcing ba yi ni sngags su grags/ / lag gnyis thal mo sbyar nas su// srin lag gnyis ni phan tshun dkri// khro bo gnyis kyis mnan par bya// mthe bong gnyis ni dbus su sbyar// de nyid du ni mthe'u chung sbyar// rgod ma kha yi phyag rgya 'di// 'od zer 'bar ba'i 'phrang ba can// phyogs bcu'i gnas su 'bar ba yis// sprin gyi lha tshegs sreg par byed// char pa bcing la sogs dus su// phyag rgya 'di ni sbyar bar bya// sgrub pos babum phrag gcig bzlas pas// sngon du bsnyen pa la sogs bya// bdag gi gdan zhes bya ba'i rab tu byed pa bzhi pa'o// / lha yi gzugs ni ji lta bu// bcom ldan 'das las nyan par 'tshal/ / zhi ba'i sbyin sreg la sogs dang // gtor ma ldan pa ji ltar lags// gzugs sogs bsam pa rtse gcig pa// nyon cig rdo rje de kho na// sngags dang phyag rgya sbyin sreg gi/ bzlas dang bsam gtan sgom pa rnams// sngon du mi yi la sogs la// blo ldan bzlas pa shes par bya// sa ni sbyangs ma thag tu yang // stegs bu'i mtshan nyid 'bad de bya// sor brgyad la sogs
- 374a
bsams nas ni/ / khru gang tsam nas brtsams nas su// ji srid khru stong rab tu gzung // brgyad pa dgra ni 'joms pa ste// de bzhin bcu pas rgyas par 'gyur// bcu gnyis pas ni dbang du sdud/ / bcu bzhis de bzhin zhi ba nyid// mtheb sor bcu drug tshad kyis ni// rigs rnams mngon par 'phel bar byed// mtheb sor bco brgyad gnas kyis ni// ba lang rigs sogs mngon par 'phel/ / thab khung sor ni nyi shu pas// grong khyer dang ni yul 'khor zhi// rgyar ni cha gsum bgos pa las// cha gnyis su ni brko bar bya// brkos pa yi ni brgyad cha yis// khung bu yi ni kha khyer bya// kha khyer gyi ni phyed pa yis// phyi rol gyi ni mu khyud bya// mu khyud cha brgyad ldan pa la// pad+ma'i 'dab de cha brgyad bya// pad+ma yi ni phyi rol tu// sor gcig pa yi ra ba bya// thab khung / nang du rdo rje rnams// pad+ma'i nang du gzhag par bya// mngon spyod la ni gru gsum ste// zhi ba la ni gru bzhi'o// kun nas zlum po dbang du sdud// rgyas pa la yang de bzhin no// bskrad la zla ba phyed pa ste// dgug dang bcing la zur brgyad pa'o// rim gyi rim gyis sbyar bar bya// zhi dang rgyas dang dbang sogs rnams// sangs rgyas lnga yi mtshon pa rnams// ji bzhin phyogs su dgod par bya// kha khyer gyi ni gnas bzhi ru/ / sangs rgyas mtshan mas brgyan par bya// zla phyed rdo rje shin tu mdzes// grwa dang grwa ru rnam par gzhag/ ji bzhin stan gyi gnas su yang // mtheb sor bcu gnyis dag dang ni//
- 374b
/ dpangs su khru phyed ldan pa yi// ti se'i gangs ni mdzes par gzhag/ 'dab ma brgyad kyi gnas rnams su// lha mo rnams ni rim bzhin dgod// rnal 'byor pa yis de yi tshad// khyad par du ni sbyar bar bya/ / oM hi li hi li be tA li hUM phaT/ nye bar spyod pa'i sngags so// ye shes mkha' 'gror sgom pa yis// rang gi lus ni bsrung bar bya// bdag gis yan lag brgyad po ru// thams cad bkod pas bsrung bya ste/ / lce la chu 'di nyid dang ni// nam mkha' rna ba sna dag la// sa yis mig tu sbyar bar bya// de bzhin me ni tshangs pa la// mgrin pas rmongs pa'i ded dpon te// g.yo ba snying la gnas pa'o// nyon mongs thong ka kun tu'o// lte ba'i rtsa bas phyug yin no// yan lag brgyad kyi srung ba 'di// lha rnams su ni shes byas la// ba dan gsum gyi phyag rgya yis// yan lag brgyad du gtugs te bsrungs// ye shes mkha' 'gro'i bdag nyid du// bdag nyid lus ni sprul byas te// kun da zla ba ltar dkar zhing // rgyan rnams kun gyis rnam par klubs// sems dpa'i skyil krung phyag gnyis pa// shin tu mdzes pa'i na bza' mnabs/ / phyag na kha T+wAM rdo rje ste// 'bar ba'i 'phreng ba kun tu gsal// rang gi lus ni mnyam bzhag pas// dbugs mi g.yo bar bsgom par bya// de nas sa ni sbyang bya ste// oM ha na ha na hUM phaT/ lag pa g.yas pa brkyang byas te// rdo rje bsgoms nas sa la bsnun// sa sbyang ba'i sngags dang phyag rgya'o// lag gnyis khu tshur kha sbyar te// gung mo gnyis kyang kun tu blta// phyag rgya 'di ni dag byed pa'o//
- 375a
oM sri swAhA/ mar sbyang ba'i sngags so// oM swA swA hA/ rdzas bkru ba'i sngags so// oM badz+ri swAhA/ 'bru sbyang ba'i sngags so// oM ku ru ku ru swAhA/ zas mchog la sogs pa'i rdzas/ sbyang ba'i sngags so// oM a swA hA/ yam shing sbyang ba'i sngags so// me dbus pad+ma bsams nas su// me yi lha ni dgug par bya// g.yon pa khu tshur bcings nas su// khro bo dang ni dbu ma brkyang // dbu ma'i tshig ni gsum pa la/ / khro bo bsams te btsug pas dgug/ oM A gats+tsha A gats+tsha ag+ne dza swA hA/ pad+ma'i gdan la bzhugs pa ru// thab khung dbus su bsgom par bya// bgrang 'phreng spyi blugs bu ram mdog/ ral pa'i thor tsugs ser skyar ldan// shin tu mdzes pa'i na bza' klubs// 'od zer me lhar kun tu 'bar// me yi dbus su bsgom par bya// der ni ji ltar 'byor pa dang // dngos po lnga yis mchod nas su/ / me dbus me lha'i lce la ni// kun nas sreg blugs gsum gsum bya// lag gnyis thal mo sbyar nas su// pad+ma'i tshul du cung zad dbye// dbu ma kun tu brkyang bar bya// oM dzu hu dzu hu ag+ne swA hA/ me'i snying po'i sngags dang phyag rgya'o// de nas babad pas se gol gsum// gtogs pas 'bar bar thim par sgom// me yi gnas su kun rig pas// de nas sbyar ba brtsam par bya// oM hUM TaM Ta hUM phaT/ rdo rje bcas pa'i lag pa yis// me tog yungs kar chu yis ni// phyogs kun tu ni gtor nas su// me yi nang du thugs par bya// sbyang ba'i sngags dang phyag rgya'o// oM badz+ra prA kA ra hUM phaT/
- 375b
lag g.yon thal mo phar bstan te// g.yas pa tshur bstan rgyab sbyar nas// dbang ldan phyogs sogs bskor bar bya// ra ba'i sngags dang phyag rgya'o// lag pa gnyis ni brkyang nas su// phan tshun rtse mo rig par bya/ / oM dz+dza swA hA/ rdo rje'i dra ba'i sngags dang phyag rgya'o// g.yon pa'i khu tshur bcangs nas su// mthe bong 'og tu brkyang bar bya// oM bruM swAhA/ phur bu'i sngags dang phyag rgya'o// nyi ma'i dkyil 'khor gyis brgyan pa'i/ / me dbus pad+ma bsams nas su// gdugs dkar po yis g.yogs pa yi// rdo rje dbus su bsgom par bya// rdo rje rtse mo lnga pa ste// kha dog dmar sogs bsam par bya// 'od zer sna tshogs 'bar ba las// nyi ma'i dkyil 'khor dbus su ni// rdo rje'i gzugs su bskyed nas su// rang gi dbus las byung ba yi// sbyor ba'i gdan las byung ba yi// las kyi mdog tu bsgom par bya/ / phyag gnyis kha T+wAM rdo rje bsdams// thams cad rgyan gyis rnam par klubs// rdo rje'i gzugs ni bskyed nas su// rang gi dbugs las byung ba yi// bdag gis lus ni gang yin la// ye shes mkha' 'gro bstim par bya/ / me yi dbus su kun rig pas// sna tshogs dngos po mchod par bya// oM thaHwaHtha swA hA/ dgang blugs kyi sngags so// g.yas su dbyug pa bsam par bya// de bzhin g.yon du snod ni sbyar/ / oM hUM swA hA/ rtsa ba'i sngags dang phyag rgya'o// lag pa g.yas pa brkyang ba dang // oM hUM swA hA/ zhes bya ba ni dri'i sngags dang phyag rgya'o// brkyang ba de nyid kyi mthe bong dang khro bo sbyar ba dang/
- 376a
oM puSh+pe mA le swA hA/ zhes bya ba ni me tog gi sngags dang phyag rgya'o// khu tshur de nyid las mthe bong brkyang ba dang / oM tIk+Sh+Na dI pe hUM swA hA/ zhes bya ba ni mar me'i sngags dang phyag rgyurgya'o/ / me tog gi phyag rgya de nyid las dbus ma sgreng ba dang / oM d+hU pe shwa ri hUM swA hA/ zhes bya ba bdug pa'i sngags dang phyag rgya'o// lag pa gnyis ka brkyang ste mthe bong dang gung mo bskyod pa dang / oM ku ru ku ru ma hA ba li hUM swA hA/ zhes bya ba ni gtor ma'i sngags dang phyag rgya'o// me yi kha yi nang du ni// lan re bzlas shing lan re bzhin// dbus su gong bu bsreg par bya// bdun las lhag pa kun bzung nas/ / dbus su gong bu ran par ni// gong ma'i tshul gyis gnas pa ni// 'bad de rdzogs pa'i mtha' ru ni// lhag ma dag ni bsreg par bya// bsregs pa zin nas lha rnams ni// bdag gi lus la thim par sgom// dgang blugs kun la rdzogs pa ru// sngags dang phyag rgyas rdzogs par bya// snod ni mar gyis bkang nas su// me yi dbus su blugs nas kyang // drangs nas dbugs ni stongs 'gyur te/ / rang gi lus la thim par bya// de nas rang gi lus nyid du// mkhas pa yis ni bsgom par bya// dbus su me yi lha nyid ni// mkhas pa yis ni bsams nas kyang // lhag ma lan gsum bsregs nas su/ / mchod de gtor ma sbyin par bya// bkra shis dbyangs ni blangs nas su// der ni phyag rgya sbyar bar bya// sbyin sreg las kyis phye ba gzhan// mdor bsdus rgyas pa min par bshad//
- 376b
sA lu 'bras dang so ba dang // til dkar po la nyungs kar dang // nas dang dur ba'i sa bon bcas// mar dang 'o mar bsres nas su// sbrang rtsi bsres pa'i bo thug ni// khyad par du ni bsreg par bya// 'o ma can gyi shing lnga las/ / sor mo bcu bzhir ldan pa'i tshad// zhi ba'i dus la bab pa na// bsregs pa'i cho ga'i mchog yin no// til nag po dang ma sha dang // sA lu dmar po'i zan dang ni// dri dang gur kum 'o ma ni/ mar dang sbrang rtsir bsreg pa dang // mar dang ldan pa'i 'o thug dag/ khyad par du ni bsreg par bya// 'o ma can gyi shing lnga las// yam shing sor bcu'i tshad dang bcas// gal te rgyas pa'i las 'dod na// sgrub pos khyad par bsreg par bya// til ni dmar dang gnag pa dang // nA ga ge sar pri yang ku// de bzhin ske tshe'u su dang // sbrang rtsi dang ni mar gsar sbyar// thang shing dang ni n+ya gro dang // klu shing dang ni ba sha ka/ yam shing sor mo bcu gnyis pa// chags pa'i las la mchog yin no// til nag po dang ma sha dang // 'ba' la ta ka nag chen 'bras// tsha ba'i mar nag khrag dang ni// bsres pa yis ni byug pa dang // lung tang shing dang sgur po'i shing / / 'ba' la tag ka ku la'i shing // yam shing sor brgyad pa yi tshad// mngon spyod las la rab tu grags// yungs kar mon sran gre bu dang // lam gyi rdul dang bsres pa dag/ khrag dang kha ba'i mar nag gis// de ni bsgo bar rab tu bya// gser shing dang ni ba sha ka'i// yam shing der ni bzung nas ni// de nyid las la bsreg bya ba// bslad pa dag la rab tu grags// nya dang sha la sogs
- 377a
pa'i rdzas/ / bag phye 'bru rnams thams cad dug/ khrag dang sbrang rtsis bsgos pa dang // bya rog gi ni sgro dag dang // bya rog tshang gi shing bu dang // so shing 'chos nas bor ba ste// 'di dag bcing ba'i las rnams la/ / brtson dang ldan pas sbyor bar bya// de nas gzhan yang khyad par du// sbyin sreg mtshan nyid bshad par bya// zho dang mar dang sbrang rtsi yis// bsgos pa yi shrI ba la ni// byang chub shing gi yam shing la/ / lnga brgya ru ni bsreg par bya// de yi dbus su mnyam bzhag nas// smon lam btab ste khrus byas nas// rgyal srid nyams pa'ang myur du ni// sa gsum rgyal po dbang du 'gyur// mar dang 'o ma sbrang rtsir bcas/ / lo ta'i yam shing ma la ni// brgya phrag brgya ru mngon bsregs na// shin tu myur bar dpal ldan 'gyur// bya ba gang dang gang bsams pa// de de thams cad 'dir 'grub 'gyur// de nas yongs gzung slob ma yi/ / mtshan nyid dag ni bshad par bya// yan lag thams cad yongs su rdzogs// dul zhing sprod pa zhi ba dang // chos gsum la ni mngon par dad // theg pa che la rtag tu dga'// sngags dang rgyud/ kyi sbyor ba shes// bzo dang sgyu rtsal thams cad mkhas// bsam gtan sbyor ba mngon par dga'// thos dang klog sogs gus dang bcas// dus rnams kun tu bla mar gus// sbyin sogs dge ba'i las la brtson// / 'dod la dga' ba ma yin zhing // longs spyod la ni rten pa min// khro dang nga rgyal med pa dang // ngang tshul ngan min tshig rtsub min// sems can kun la smod pa dang // lha dang bla ma de bzhin te// gdug sems can
- 377b
dang ngang tshul can/ / rtag tu sdig pa'i blo dang ldan// 'khyal pa dang ni tshig rtsub smra// 'di lta bu dag spang bar bya// gzhan gyi gdan gyi rab tu byed pa las rim par phye ba dang po'o// / rgyu yi sbyin sreg ji lta bu// lha las gzigs mo nyan par 'tshal// chu yi sbyin sreg la sogs pa'i// mtshan nyid dag ni ji ltar lags// chu sogs yang dag mtshan nyid rnams// nyon cig rdo rje de kho na// bla re dag ni bres nas su/ / sna tshogs gos rnams rab tu sbyang // shin tu yangs shing gru bzhi par// kun tu dri yis byug par bya// dbus su chu yi snod sogs la// dri ni dkar pos byugs nas su// chu dang 'o mar bsras pa yis/ / snod ni mdzes par dag par bya// bum pa dag ni brgyad po yang // phyogs brgyad dag tu gzhag par bya// dri yi chu yis rab tu dgang // kha ni shing lo gsar pas brgyan// bdag nyid ye shes mkha' 'gro ru/ / skad cig gis ni bskyed nas su// me tog bdug spos dri sogs pa'i// dngos pos bdag nyid mchod byas pa'i// de 'og phyi rol bzhag pa yi// chu yi las rnams sbyar bar bya// lag gnyis thal mo sbyar nas su/ / pad+ma'i tshul du cung zad dbye// oM ka ma le b+he swA hA/ pad+ma'i sngags dang phyag rgya'o// zla ba'i dkyil 'khor gyis brgyan pa'i// pad+ma nu yin bkod pa la// gdugs dkar po yis g.yogs pa yi/ / sa bon dbus su bsgom par bya// rang gi dbugs las byung ba yi// sa bon las ni gzugs su bskyed// sems dpa'i skyil krung phyag gnyis ldan// rgyan rnams kun gyis rnam par
- 378a
klubs/ / phyag gnyis rdo rje dbyug pa rnams// kha dog dkar po shin tu mdzes// bzhad cing khro la sgeg dang bcas// shin tu mdzes pa'i na bza' gsol// dam tshig phyag rgyar rab tu grags// oM sa ma ye tiSh+Tha hUM phaT/ dam tshig gi sngags dang phyag rgya'o// shar gyi bum pa rdo rje ma// byang du drag mo zhes bya ba// nub tu ro langs ma yin te// lho phyogs su ni gtum mo gnas// sang ge zhes bya dbang ldan du/ de bzhin me mtshams stag mo'o// bden bral na ni ce spyang mo// hUM byed 'ug pa rlung gi phyogs// so so so sor mtshan ma ni// dam tshig phyag rgyar bstan par bya// rang gi gzugs kyi sku mdog ldan// sngags dang phyag / rgya bstan pa'o// me tog bdug spos dri la sogs// mkhas pa yis ni mchod par bya// rdo rje khu tshur gnyis bcings la// g.yon pa snying kar bzhag nas su// g.yas pas steng nas dbub par bya// rtsa ba'i phyag rgyar rab tu grags/ / oM badz+ro hUM swA hA/ rtsa ba'i sngags dang phyag rgya'o// kun da la sogs me tog dkar// rtse mor dur ba btsugs nas su// lha mo'i dbu ste rdo rje yi// cod pan la ni gtor bar bya// gsang sngags lan re bzlas nas su// lan re'i sbyor bas dbul bar bya// lan grangs khri yi las kyis ni// thams cad rig cing tshe 'phel 'gyur// kA ra bI ra'i me tog dmar// dur ba dang ni ldan pa yis/ / las ni khri phrag byas pa yis// khyim rnams zhi bar rab tu grags// na ga pus pa'i yam shing gi/ 'o mar sbags te dbul bar bya// las 'di khri phrag byas pa yis// grong ni zhi bar byed par
- 378b
'gyur/ / pad+ma yi ni yam shing rnams// khri phrag tu ni bzlas nas su// las rnams kun la sbyar bas na// yul phyogs zhi bar byed par 'gyur// pri yang ku dang bil ba dang // de bzhin ut+pal ku mu da/ rgyal po'i las la sogs sbyar nas// pha rol yul 'khor 'joms par 'gyur// sngags pas rtag tu sbyor chu gtor// bye brag tu ni rgyas par 'gyur// gzhan gyi gdan gyi rab tu byed pa las rim par phye ba gnyis pa'o/ / // 'khor ba'i pha rol sgrol mtshan nyid// nyon cig rdo rje rgyal chen po// dngos dang dngos med rnam par grol// dag dang ma dag rab tu spangs// dngos po gnyis ni rab spangs pas// gnyis med chos shes bya ba ste// gzugs stong thog mar mthar thug dang // dbu ma mnyam par gnas pa'o// dag dang ma dgra dbu ma ni// 'ba' zhig gis ni mnyam par blta/ / bsten dang bsten med dbu ma yi// mnyam nyid ye shes las byung ba// lus ni mnyam par gnas pa ste// dag dang mnyam par gnas nas su// mnyam nyid ye shes las byung bas// mnyam pa'i lta bas blta bar bya/ / mnyam pa'i lta ba ji lta bu// bcom ldan 'das la nyan par 'tshal// gnyis med chos shes gyis pa yi// bdag nyid ji ltar 'tshal bar bgyi// gnyis med ye shes mtshan nyid ni// ji bzhin de nyid rdo rje nyon// dngos po gnyis ni rab spang la// ye shes can gyis gnyis med chos// rnal 'byor kun gyi thog ma ru// dag pa rnam gsum brjod par bya// oM swa b+hA ba shud+d+ha sarba d+harmA swa b+hA ba
- 379a
shud+d+hohaM/ badz+ra shud+d+ha sarba d+harmA badz+ra shud+d+hohaM/ yo ga shud+d+ha sarba d+harmA yo ga shud+d+hohaM/ bla med nyid du bya ba'i phyir// thal mo sbyar nas de dag brjod// yid du 'ong ba'i sa phyogs kyi// gnas dag tu ni brten nas su// bla re dag ni bre bar bya// sna tshogs gos ni sbyangs nas su// ba dan rgyal mtshan bsgreng bar bya// g.yar ka dra bas mdzes byas la// gnas bcu dag ni kun tu yang // de bzhin dri yi dkyil 'khor bya// skad cig rnal 'byor tshul gyis ni// rang gi lus ni bsam bya ba// ye shes mkha' 'gro bzung nas ni// bdag nyid mchod pas mnyes par bya// lag pa gan kyal bzhag nas su/ / dAr ni rdo rje brtag par bya// gnas lnga dag tu bstim par bya// sa 'og tu ni sbyang bar bya// phyag 'tshal 'joms pa'i mtha' ldan pa'i// hUM zhes bya ba sbyar bar bya// lhun po'i steng du bsam/ bya ba/ kha dog bzhi sogs ldan pa yis// gser las byung ba'i grong khyer ni// rin chen bdun la sogs pas spras// g.yar ka'i dra ba'i 'phreng ba can// mnyam zhing ji ltar 'dod pas sbyang // phyag rgya kun gyi thog mar ni/ / dam tshig phyag rgya bcing bar bya// rdo rje khu tshur gnyis bcings la// g.yon pa snying kar bzhag nas su// g.yas pa mchan khung gzhag par bya// dam tshig phyag rgya shes par bya// phyag 'tshal sreg pa'i mtha' ldan pa'i/ / ji ltar rdo rje dngos sa bon// sngags dang phyag rgya 'di yis ni// de bzhin dam tshig bstan par bya// seng ga'i gdan ni rnam pa lnga// gnas lnga dag tu sbyar bar bya// nyi
- 379b
ma'i gdan ni bsams nas su/ / gdugs dkar po yis brgyan par bya// rang gi dbugs las byung ba yi// ye shes mkha' 'gro dbus su bsam// zhal gsum phyag ni drug pa ste// sems dpa' yi ni skyil krung can/ / skra grol bas ni g.yogs pa ste// sangs rgyas lnga yis mdzes par byas// kha dog sngon mo drag chen mo// sbrul gyi rgyan gyis rnam par klubs// bzhad dang khro dang sgeg pa yis// zhal gsum po ni spyan gsum po/ / ha har bzhad cing gtsigs pa ste// na bza' dmar pos shin tu mdzes// kha T+wAM gyen du bsgreng ba dang // gnyis pa na ni dgra sta nyid// gsum pa yis ni rdo rje thogs// g.yon pas dril bu sgra sgrog cing / / gnyis pa na ni snod nyid de// gsum pas de bzhin ral gri 'phyar// 'od zer sna tshogs 'bar ba ru// dbus su mkhas pas bsgom par bya// ye shes kyi ni shar phyogs su// bdag gi chu las byung ba ste/ / kha dog dkar po shin tu mdzes// skra grol bas ni rnam par klubs// phyag gnyis sems dpa'i skyil krung bcas// rgyan rnams kun gyis brgyan pa ste// phyag na kha T+wAM rnal 'byor snod// shin tu mdzes pa'i na bza' klubs/ / 'od zer sna tshogs 'bar ba yi// rdo rje mkha' 'gro ma bsgom bya// ye shes kyi ni byang gi char// bdag gi ma las byung ba yi// kha dog ser po shin tu mdzes// sems dpa' yi ni skyil krung can/ / skra grol bas ni shin tu brgyan// sbrul gyi rgyan gyis rnam par klubs// sku ni na bza' mdzes pa mnabs// phyag gnyis kha T+wAM rnal 'byor snod// mkha' 'gro drag mo zhes bya bsgom//
- 380a
ye shes kyi ni nub phyogs char// bdag gi rlung las byung ba yis// phyag gnyis sems dpa'i skyil krung can// kha dog dmar po kun tu 'od// kha T+wAM rnal 'byor snod bsnams shing / skra grol bas ni mdzes pa ste// lus kun sbrul gyi rgyan gyis brgyan// shin tu mdzes pa'i na bza' gsol// 'od zer sna tshogs 'bar ba yi// mkha' 'gro ro langs ma bsgom bya// ye shes kyi ni lho yi char// sa yi ye shes las byung ba/ / phyag gnyis sems dpa'i skyil krung can// kha dog sngon po shin tu mdzes// kha T+wAM rnal 'byor snod bsnams shing // rgyan rnams kun gyis klubs pa ste// skra grol bas ni shin tu mdzes/ / ha ha ra rgod pas 'jigs par mdzad// 'od zer sna tshogs 'bar ba yi// mkha' 'gro gtum mo zhes byar bsgom// bdag dngos lnga las byung ba yi// mkha' 'gro ma ni lnga zhes bya// lnga po lnga ru bsgom par bya/ / gzugs sogs shin tu mdzes pa yin// dbang ldan gyi ni phyogs kyi char// seng ga'i gdong ni bsam par bya// kha dog dkar zhing sar ba ste// glang po yi ni sten la bzhugs// rdo rje lcags kyu sdigs mdzub can// shin tu mdzes pa'i na bza' gsol// 'od zer sna tshogs 'bar ba yi// 'bar ba'i lus can bsgom par bya// me mtshams stag mo zhes bya ba// rin chen bdun gyi stan la bzhugs/ / phyag gnyis kha dog dkar zhing sngo// shin tu mdzes pa'i na bza' gsol// lag na lcags kyus brgyan pa ste// g.yon pa sdigs mdzub zhags pa can// 'od zer sna tshogs
- 380b
'bar ba yi/ / 'bar ba'i lus can bsgom par bya// bden bral lha mo ce spyang mo// ha ha bzhud pas 'jigs par mdzad// ma he yi ni gdan la bzhugs// mdog ni dmar zhing sngo ba ste// sku la na bza' mdzes par gsol/ / phyag gnyis lcags kyu zhags pa dang // sdigs mdzub kyis ni shin tu mdzes// sbrul gyi rgyan gyis rnam par klubs// 'od zer sna tshogs 'bar ba yi// 'bar ba'i lus can bsgom par byarlung mtshams lha mo 'ug pa mo/ / kha dog ser zhing dmar ba ste// klu yi stan la yang dag bzhugs// rgyan du'ang de nyid sbyar bar bya// phyag gnyis sems dpa'i skyil krung can// sdigs mdzub lcags kyu zhags pa bsnams/ / 'od zer sna tshogs 'bar ba yi// 'bar ba'i lus can bsgom par bya// dbus kyi mkha' 'gro ma brgyad kyis// phyi rol dag ni rnam bzhi la// shar du mkha' 'gro rgyal dbang mo/ / phyag gnyis kha dog dkar po ste// yi dgas kyi ni stan la bzhugs// sbrul gyi rgyan gyis klubs pa ste// shin tu skrag cing skra grol bas// 'od zer sna tshogs yang dga' bar// lag gnyis kha ru bcug nas ni/ / hA har bzhad pas shin tu 'bar// byang na 'bar ma rgyal dbang mo// kha dog ser mo shin tu 'bar// spyi bo'i steng du lag pa gnyis// thal sbyar mar me lta bur ba bar// drag mo'i gzugs can tshig pa ste/ / shin tu mdzes pa'i na bza' rgyan// yi dgas kyi ni stan la bzhugs// 'od zer me ltar 'bar ba bsgom// nub kyi lha mo 'jib byed ma// kha dog dmar mo 'jigs byed cing /
- 381a
yi dgas kyi ni stan la bzhugs// rab tu mdzes pa'i go bgos shing // yi dgas stan la kun tu gnod// lag tu skud pa dmar khyer zhing // thal mo sbyar te khrag 'thung ma// drag mo me ltar 'bar ba'i 'od// lha mo 'jab byed rab tu grags// dag 'phrog pa ni lho phyogs su// kha dog nag mo mnyam pa'i 'od// yi dgas stan la gnas pa yi// skra ni gyen du 'bar rgyan pa'i// rab tu mdzes pa'i dmar po'i gos// sbrul gyi rgyan gyis brgyan pa yi// mdzub mo gtun shing lag na thogs// rnam par rmongs pa'i sems can sgrol// drag mo me ltar 'bar ba'i 'od// thams cad kun nas mkhas pas bsgom/ / de dag gi ni gzugs mdun du// dam tshig dag ni blta bar bya// rlung dang me yi bdun don la// rdo rje ma yi sa bon dbye// dgra dang thig the yang dag mnan// char pa'i rgyun zhes bya bar brjod/ / phyag 'tshal dang po sreg byed mtha'// ye shes mkha' 'gro'i sa bon yin// dbyangs thog dang po'i sa bon ni// phyag 'tshal dang po sreg byed mtha'// shar phyogs rdo rje mkha' 'gro ma'i/ / sa bon du ni rab tu grags// dbyangs yig yi ge gnyis pa ni// phyag 'tshal sreg byed sbyar bar bya// 'di ni byang gi phyogs gnas pa// mkha' 'gro drag mo'i sa bon yin// sa bon dag ni 'di nyid la/ / dbyug pa glo ru gzhag par bya// phyag 'tshal dang po sreg byed mtha'// nub phyogs ro langs ma yi yin// sa bon dag ni 'di nyid la// steng du thig le sbyin par bya// phyag 'tshal sreg pa
- 381b
mtha' sbyar ba/ / lho phyogs gtum pa mo yi yin// ma ning sa bon dang po ni// phyag 'tshal sreg byed mtha' dang sbyar// dbang ldan lha mo seng ge ma'i// sa bon du ni rab tu grags// ma ning sa bon gnyis pa ni// phyag 'tshal sreg byed mtha' dang sbyar/ / me mtshams lha mo stag mo yi// kho na nyid kyi sa bon bshad// de bzhin ma ning sa bon gsum// phyag 'tshal sreg byed mtha' dang spel// bden bral lha mo ce spyang ma// khyad par gyi ni sa bon yin/ / ma ning yi ge bzhi pa la// phyag 'tshal sreg byed mtha' dang sbyar// rlung mtshams hUM byed bug pa mo'i// sa bon du ni rab tu sbyar// sde tshan dag ni lnga pa yi// yi ge dag ni gnyis pa gzung / / sa bon rtsa bar sgra dang sbyar// phyag 'tshal thog mar sreg byed mtha'// shar gyi mkha' 'gro rgyal dbang mo'i// sa bon du ni shes par bya// sde tshan dag ni lnga pa yi// de bzhin yi ge gnyis pa gzung // e dang theg ler sbyar bar bya// phyag 'tshal thog mar sreg byed mtha'// byang phyogs lha mo 'bar byed ma'i// sa bon yi ge sbyar bar bya// sde tshan dag ni lnga pa yi// yi ge gnyis pa gzung bar bya// oM dang re pa thig ler bya/ / phyag 'tshal thog mar sreg byed mtha'// nub phyogs lha mo 'jib byed ma'i// khyad par gyi ni sa bon yin// sde tshan dag ni lnga pa yi// yi ge gnyis pa bzung nas su// ra~M pha'i yi ge lcags kyu sbyar/ / phyag 'tshal sreg pa'i mtha' sbyar ba// lhor gnas lha mo 'phrog byed ma'i// sa bon du ni rab tu grags// khu tshur gnyis ni bcings nas su// dbus ma gnyis ni brkyang nas kyang //
- 382a
rtse mo phan tshun sprad nas ni// ye shes lha mor bstan par bya// lag gnyis phan tshun sbyar nas su// dbus ma dag ni mthe bong sprad// cung zad cig ni bskyed par bya// shar phyogs rdo rje ma la bstan/ / khu tshur mnyam par bcings nas su// mthe bong gnyis ni brkyang byas la// byang gi phyogs nas brtsams nas su// rgya 'di drag mo la yang bstan// phyag rgya 'di ni bcings nas su/ / mthe'u chung gnyis ni brkyang bar bya// lho phyogs su ni bshad pa ste// de ni phyag rgya bzhi pa'o// rdo rje khu tshur gnyis bcings nas// khro bor gnyis ni brkyang nas su// rtse mo sprad de gnas pa ni// mtshams bzhi yi ni phyag rgya yin// lag gnyis thal mo khar bcug nas// phu zhes bya ba sbyar bar bya// shar phyogs mkha' 'gro'i phyag rgya yin// lag gnyis thal mo kha sbyar nas// spyi bo ru ni gzhag par bya/ / byang du gnas pa'i 'bar ma la// phyag rgya 'di ni bstan par bya// phyag 'tshal thal mo sbyar nas su// kha ru bzhag ste hUM zhes bya// nub phyogs lha mo 'jib byed ma'i// phyag rgya ru ni sbyar bar bya/ / lag gnyis kun tu bskor byas nas// sor mo rnams kyi rtse mo sbyar// gsang ba'i gnas su bzhug nas kyang // lho phyogs 'phrog byed ma la bstan// phyag 'tshal drang ni sreg pa yidabus su hUM zhes bya bar sbyar/ / lag po kun tu brkyang la sogs// dri sngags phyag rgyar rig par bya// bdud rtsi'i ro dang thig ler bcas// phyag 'tshal dang ni sreg pa mtha'// dri yi phyag rgya
- 382b
/ brkyang nas su// khro bo dang ni mthe bong sbyar// sngags dang phyag rgya 'di yis ni// thams cad rig pas thams cad dbul// sde tshan dang po'i dang po ni// phyag 'tshal thog ma sreg byed mtha'// phyag/ rgya de nyid sbyar nas su// dbus ma'i sor mo bsgreng bar bya// bdug pa'i sngags dang phyag rgya yis// lha rnams thams cad mchod par bya// dgu mtha' yi ni sa bon gzung // phyag 'tshal dang ni sreg byed mtha'/ / khu tshur bcings nas mthe bong bsgreng // mar me'i sngags dang phyag rgya'o// lha rnams thams cad mchod par bya// sde tshan dang po'i gsum pa bzung // sgra dang thig ler sbyar ba dang / / phyag 'tshal dang ni sreg byed mtha'// gtor ma'i phyag rgya dang // lag pa gnyis ni sbyar nas su// mthe bong gung mo sbyar bya ba// thams cad du ni skad cig bskyod// gtor ma'i sngag ni snga mar sbyar/ / gnyis med gtor ma snga ma bzhin// de nyid 'di yi mchod par bya// sngon du rdzas ni rnam pa lnga// sna tshogs pa yoM lcags kyu dang // dri dang me tog bdug pa sogs// sngags dang phyag rgya phul nas kyang / / phyi nas mchod pa nyi shu yis// shes nyen can gyis mchod par bya// hUM zhes pa yis glu blangs nas// rnal 'byor ma lus mnyes par bya// rdo rje khu tshur gnyis bcings la/ rkang pa'i mtshams su bzhag nas ni// yan lag gsum du hUM gis bskyed// pi wang tshul du bsgreng ba dang // gling bu'i tshul du 'bung ba dang // zangs dung tshul du 'bud pa dang // cing te'u tshul gyis
- 383a
rdeb pa dang / / dkrol ba'i tshul gyis dkrol ba dang // pa ltar ha ltar brdung ba dang // gar gyi tshul gyis bskyod pa dang // bsil g.yab tshul gyis g.yo ba pa dang // rgyal mtshan tshul gyis bsgreng ba dang / / bla re'i tshul du bres pa dang // ba dan tshul du 'phyar ba dang // gdugs kyi tshul du dbub pa dang // rdza rnga'i tshul du brdung ba dang // rnga zlum tshul du brdung ba dang // 'dzum pa'i tshul du bzhad pa dang / / khro bo'i tshul du khro ba dang // skrag pa'i tshul du skrag pa dang // 'gying ba'i tshul gyis rol pa dang // mda' 'dran nu mar 'khyud pa dang // rdo rje gser zhing phyag 'tshal ba'i// phyag 'tshal tshul du 'dud pa ste/ / rnal 'byor ma brgyad de nyid kyi// dngos po kun gyis mchod par bya// de nyid dbyangs su blangs nas su// hUM zhes bya ba dag gis sprul// hUM gi glu ni blang bar bya// rdo rje dga' ba'i mthu dang spyan gyis gzigs/ / yi ge'i dngos po rang bzhin stong par rol// dngos dang dngos med las grol dbu ma mkhyen// mi 'gyur dgra bcom lhag ma sems pa'o// gnyis spod gnyis 'khyud chu yi bya ba can// gnyis med chos skyes thar pa'ang brnyes pa'o// bde bas 'khor mnan thar pa'ang btang ba'o// thams cad dngos kyi rnal 'byor ma rnams rol// rnal 'byor ma lnga sangs rgyas de nyid mkhyen// gzugs mang bsgyur mar sems can smin mdzad pa/ / rdo rje kun rtog chos kyi rmongs pa gcod// rnal 'byor ma rmongs snying chos tshogs la 'dud// rnal 'byor ma yi chos grol nges pa'i gtso la 'dud// sems can
- 383b
grol mdzad rnal 'byor bdag la bstod phyag 'tshal/ / thams cad bdag skyes gcig dngos bstod phyag 'tshal// 'khor ba'i rgya mtsho rmongs pa gcod la bstod phyag 'tshal// de nyid gcig la rtag tu bdag 'dun bstod phyag 'tshal/ / zhes bya bas khyad par du bstod cing glu dang bstod pas nye bar mchod par bya'o// bar bar du hUM gi sgra dang dril bu bsgrag la smon lam rnam pa gsum gdab par bya'o// rdo rje thal mo dam bcings nas/ / snying ka'i phyogs su btsir bar bya// oM swa b+hA ba shud+d+ha sarba d+harmA swa b+hA ba shud+d+hohaM/ oM badz+ra shud+d+haHsarba d+harmA badz+ra shud+d+hohaM/ oM yo ga shud+d+haHsarba d+har+m+ma yo ga shud+d+hohaM/ g.yas pa pad+mar bsams nas su/ / g.yon pa rdo rje bsgrengs nas kyang // pad+ma'i bskor bas bskor nas ni// phyag rgya chen po bstan par bya// oM ha ho hri/ swA sa hA/ phyag rgya chen po byin gyis brlabs pa'i sngags dang phyag rgya'o/ / rnal 'byor can gyis mtshungs pa ru// lha rnams thams cad bsam par bya// 'jig rten pa sogs ye shes can// phyi yi dkyil 'khor brtag par bya// so sor dri yis mchod pa dang // so sor me tog gtor ba dang / / so sor bdug pas bdug pa sogs// so sor sbyor bar dbul bar bya// bdud rtsi lnga ni bsres nas su// nya phyis la sogs dbul bar bya// ha zhes bya bas kha dog dbrog/ ho zhes bya bas dri gnom ste/ / hrI zhes bya bas nus pa gzhom// go rims de ltar mngon par brjod// rnam gsum lan ni brjod nas su// lha gsum du ni bsam par bya// pad+ma'i dbang phyug gzugs mdzes gser
- 384a
gyi mdog/ dri chu'i ji ba shin tu rnam snang mdzad// myang ba rdo rje'i dbang phyug phyag rdo rje// lha gsum dbang phyug bsgom par bya// g.yon pa zla ba'i lag pa yi// zla ba'i dbus su bdud rtsi yi/ yige kun rig gug skyed bcas// mthe bong sor mo sa nyid de// srin lag dag ni ri rab bo// bsrubs pa'i stobs kyis bdud rtsi yi// chu ni rnam gsum shes par bya// rnal 'byor ma ni thams cad la// mthe bong thor ma so sor dbul/ / de 'og rang gi dngos po yis// dag nyid la ni bsam bya ba// rgyas pa lnga yi mchod rten ni// rnam pa gsum gyis bkru bar bya// lce rtse thig le steng du yang // blo dang ldan pas gnas gsum mchod/ / ltos shig shin tu mdzes pa'i chos// 'di la rnam rtog yod min thong // bram ze khyi dang gdol pa gsum// rang bzhin gcig pas lhan cig bza'// rnal 'byor pho mo'i 'khor lo la// tshigs bcad 'di yis sbyin par bya// pad+ma'i bskor ba sngon 'gro bas// sems ni shal ltar bsams nas su// g.yas pa pad+ma'i gdan la ni// rdo rje rtse gsum bsgreng bar bya// 'dod chags dri ma dang bral ba'i/ / rin thang med las legs 'ong chos// 'dzin dang 'dzin med rnam spangs pa// de kho na nyid bdag phyag 'tshal// tshigs bcad 'di yis blangs byas te// sbyor ba'i dngos grub don du ni/ kun spyod de nyid ji bzhin du// rnal 'byor pa yis kun tu sbyor// ji ltar bde bas kun ces brjod// dmar po yi ni rdzas rnams kyis// maN+Dal gru gsum gsum du bya// rdo rje khu tshur
- 384b
gnyis bcings la/ / rgyab dang rgyab tu sbyar bar bya// mthe'u chung gnyis ni bsgrengs nas su// mdzub mo gnyis ni bsgreng bar bya// g.yas pa cung zad bskums nas su// sbyar bas phyag rnams spyan drang ngo // oM ku ru ku ru sa ma ya a d+hi pa d+hi hUM dzaHswA hA/ spyan drang ba'i sngags dang phyag rgya'o// me tog dmar po bdug pa dang // dri dang mar me la sogs dbul// rgyas pa'i gtor ma'i snod la ni// nye ba'i longs spyod gtor mar ldan/ / sha rlon dang ni nya la sogs// bza' ba'i rdzas rnams thams cad la// bdud rtsi lnga dang bcas par dgod// g.yon gyi cha ru snod bzhag la// g.yas su khro bo bstan par bya// oM shing gcig dang ni dur khrod dang // ri bo dang ni ri sul dang // grong dang bzhi mdo zhing dang ni// khyad par du ni khang stong dang // gdol ma snod dang thang dang ni// khyad par du ni chu la gnas// nag po drag po drag chen po/ / lha gzhin mnyam du sten pa dang // nag po gcig dang mi sdug dang // rga las 'das dang log 'dren rnams// rgan byed ma dang drag mo dang // mi sdug ma dang dbu ma dang // rgyal ma rnam par rgyal ba dang / / mi thub gzhan gyis mi thub ma// nag mo bzang mo nag chen mo// nag sbom ma dang rnal 'byor ma// dbang mo dang ni zla ba mo// drag tu sdang dang 'phyang ba mo// 'phrog byed ma dang mar me ma// 'jib byed grong nas rnal 'byor ma/ / drag mo'i gzugs dang gzugs chen mo// mche ba gtsigs dang zong chen ma// thod 'phreng 'phreng can kha T+wAM ma// sbrul chun ral gri dgra sta can// rdo rje de bzhin gzhu can ma// lha yi dbang phyug
- 385a
ma rnams ni/ / de bzhin chen mo mkha' 'gro lnga// las kun rjes su sgrub byed ma// sbyor ba'i dkyil 'khor thal chen mo// de bzhin rdo rje dbang phyug gtso// de bzhin gshegs pa'i / sku chen te// rdul med rnal 'byor 'byin pa mo// rdo rje dbang mo'i bka' 'di yis// thams cad kun nas 'dir spyon cig/ oM ka ka ka d+h+ya na/ ba ba baM dA na/ kha kha khA da na/ sar+b+ba duSh+Ta nAM ha na ha na g+hA ta ya g+hA ta ya a mo ka s+ya shAn+tang+gi ru hUM hUM phaT dza swA hA/ bdud rtsi yis ni kha bkang nas// las kyi go 'phang mngon par bsam// rnal 'byor rnal 'byor ma bsgoms te// las rnams thams cad rjes su 'grub// rdo rje khu tshur gnyis bcings la// rgyab dang rgyab tu sbyar bar bya// oM tiSh+Tha hUM b+hak+Sha b+hak+Sha dza phaT swA hA/ ji bzhin las sbyor sngags sbyor nas// gtor ma'i las la sogs pa sbyar// zhi rgyas dbang dang dgug pa dang / / gsad bskrad dbye dang bcing ba la// phyi rol gtor ma de nyid kyis// gtor ma'i las la sogs pas sgrub// de nas mchod pa'i khyad par las// rung dang mi rung rnam par spang // lcags kyu la sogs rnam pa lnga/ / de nyid lnga ru bya ba ste// lcags kyu che la dgod pa ni// ye shes lhar ni 'dod pa ste// rdo rje lcags kyu mi bskyod pa// gnas kyi lcags kyu rin chen pa// rgyal po'i lcags kyu don yon grub// g.yo ba'i lcags kyu 'od dpag med// lcags kyu lnga la sogs pa la// de nyid thams cad sbyar bar bya// gang zhig 'dod na lha kun dang // rnal 'byor ma kun tshim par bya// 'dod la dga' ba ma yin zhing //
- 385b
longs spyod phyir ni bsten mi bya// rang 'dod thams cad de nyid de// mchod pa'i las la sogs pa bya// de yi dbus su dpa' bo rnams// a li ka li sbyar bar bya// a li ka li rab sbyor gyis// lha rnams thams cad tshim par bya/ / de yi dbus su byung ba yi// bdud rtsi'i ro kun myang bar bya// rdzas rnams kun gyi lhag ma dag/ phyi yi dkyil 'khor du ni brtag/ hUM zhes bya ba'i glu yi sau ni// bkra shis sgra yis dag par bya/ / lus can don phyir shes rab gsol btab pa// kun 'khyud la sogs gnyis spyod cing // sgyu ma lta bur sbyor bas shin tu brgyan// srid pa las sgrol khyod la phyag 'tshal lo// rang bdod bkra shis sgra dang ni/ / hUM hUM brjod cing dril bu gsil// rdo rje thal mo bcings nas ni// snying kha'i gnas su rab bzhag la// ma lus sems can kun gyi phyir// smon lam dag ni gdab par bya// sems can thams cad nad med cing // sems can thams cad bde gyur cig/ gang gi lam nas 'gro ba yis// sangs rgyas nyid dang phrad par shog/ ma brgal ba rnams bsgral ba dang // ma grol ba rnams bdag gis dgrol/ / de lta nyid du rjes brtse bas// rnal 'byor bstan bcos gnas la dgod// rdo rje khu tshur dam bcings nas// g.yon pa'i snying kar gzhag par bya// g.yas pa sa la brkyang nas ni// de yi 'og tu gshegs su gsol// oM At+ma tiSh+Tha hUM swA hA/ de nas rang gi dbugs kyis ni// bdag gi lus la bstim par bya// skad cig tshul gyis rnal 'byor gyis// bdag gis dngos po mchod
- 386a
par bya/ / oM sar+b+ba duSh+Ta gr-ih+Na gats+tsha hUM phaT/ se gol gsum ni gtogs pa yis// phyi rol pa rnams gshegs su gsol// gzhan gyi gdan gyi rab tu byed pa las rim par phye ba gsum pa'o/ / / bdud rtsi lnga yi khyad par dang // gang gi lcags kyu lnga po rlab// dngos dang dngos med rnam par rtog/ gnyis med gnyis su med pa'i chos// gnyis kyi rtog pa ji ltar spang / a li ka li ji ltar lags// rnal 'byor bstan bcos tshul rnams ni// phyi rol phyag rgya'i sems ni ci// bcom ldan 'das la nyan par 'tshal// bcom ldan 'das kyis bka' stsal pa// dang po'i rdo rje bdud rtsi'i chu/ / lnga yi bdag nyid rab tu 'jug/ reg na dro ba me yin te// du ba ltar snang rlung yin no// sla ba'i rang bzhin chu zhes bya// gzugs su snang ba sa yin no// ye shes byin rlabs rdo rje'o// lha lnga ru ni bsgom par bya// ma lus chu yi dbyibs dang ni// zad par bya ba me nyid dang // de bzhin rtag tu rlung dang ni// ngang pa mtshungs don sa dbang po// ye shes kyi ni yi ge lnga// sgra dang thig ler sbyar bar bya// de yi dbus su zla ba yi// dbus su bdud rtsi'i yi ge'o// lnga po lnga ru brjod par bya// dngos dang dngos med las grol ba'i// rdo rje chu ni sbyangs pa yis// des ni gti mug bsrings pa yin// phyi rol bdud rtsi rdzas bzang po/ / me yis bcos nas sbyangs pa ltar// lha tshogs mi yis bcos nas ni// lhag ma bshad dang gci ba yin// me yis btsos nas sbyangs me yi// dbus su sbyin sreg rtag tu dbul// rdo rje chu yis bonam
- 386b
sa bon babs pas bzlas nas kyang / / de yi dbus su nyi ma la// dur khrod yi ge bsams nas sreg/ dngos dang dngos med las grol bas// de phyir rmongs las ring du 'gyur// pad+ma'i dbang phyug gzugs mdzes shin tu sdug/ dri chu'i ngo bo shin tu rnam snang mdzad// myang ba rdo rje dbang phyug phyag rdo rje// lha gsum rnam pa gsum ni shes par bya// ha zhes pa yis kha dog dbrog/ ho zhes pa yis dri zhom ste/ / go rims de ltar mngon par brjod// bdud rtsi chu zhes bya ba ste// lha ni rnam pa gsum du grags// dngos dang dngos med las grol bas// de phyir rmongs pa ring du spong // a li bung ba zhes brjod de/ / bung ba rdo rje 'jigs byed yin// a li nam mkha'i mtha' gtugs pa'i// chos kyi dbyings ni rang bzhin te// rgyu dang mi rgyu gsang blo can// lus ni ma lus bskyed pa'o// bcu dang brgyad kyi rtsa rnams nas/ / dbang po kun gyi bdud rtsi rnams// de yi dbus nas drangs nas su// a la'i dbus su thim par 'gyur// 'jigs byed rdo rje sgra yis te// sbyor ba'i rdzas rnams skye ba yin// rlung dang me yi bdun don la/ / rdo rje ma yi sa bon sbyar// sgra dang thig les yang dag mnan// char pa'i rgyun zhes bya bar brjod// dbyangs yig dang po mchog sa bon// de yi dbus su gzung bar bya// dngos dang dngos med las grol ba/ / de phyir rmongs las ring du 'gyur// ka li me tog kun tu mnan// rdo rje can gyi lus me tog/ 'khor ba thams cad bskyed pa ste// sa dang kun gyi ma zhes bya// ye shes chu yi rgya mtsho
- 387a
'dir/ / de bzhin gshegs rab chu srin nya// gnyis med 'dab kyi 'bras bu ni// thabs kyi myu gu de bzhin te// ban du ka ltar kha phye ba// sbrang rtsi bdud rtsi yi ni gnas// ka li bdu rtsi'i de nyid ni/ / me tog chu yis de bzhin bskor// yi ge gnyis 'gyur thig le dang // rtsa bar sgra ni yang dag sbyar// yi ge'i sa bon de nyid ni// lha rnams kyi ni rigs kyi yum// zla ba'i dbus su bsam par bya// bdud rtsi'i sa bon bsgoms pa yis// dngos dang dngos med las grol ba// de phyir rmongs pa kun tu spong // a li bung ba zhes byar brjod// ka li de bzhin gshegs ma yin// lus gnyis po las skyes pa/ / dag/ bdud rtsi yi ni cho ga mchog/ sde tshan gsum pa gang yin pa'i// yi ge gsum pa gzung bya ba// dbyug pa phyi mo rdo rje can// ska bo tsha yis dkri bar bya// bdud rtsi lnga yi de nyid kyis// lus can bdag nyid bkru bar bya/ / bdud rtsi lnga yi khyad par dang // gang gis shes 'gyur 'chi mi 'gyur// 'gro ba'i sgo ni mthong 'gyur zhing // dag pa'i lus ni skyon med par// bdud rtsi'i sbyor ba kun shes pas// rang dgar bdud rtsi myang bar bya/ / bza' ba lnga yi bye brag gi/ de nyid ji bzhin rdo rjer nyon// gang zhig shes nas zos pa yis// myur du 'gro ba mthong bar 'gyur// blo chen dang ni ngag dang ni// rigs la 'gran dang reg 'gro dang // lcags chu chen po rnal 'byor pas/ / shel dang 'dra bas longs spyod bya// rnam shes sa bon bzlas nas ni// de yis sa bon gzung bar bya// shal gyis sems kyi longs spyod na// rnal 'byor rmongs pa gcod par 'gyur//
- 387b
dag pa'i sems kyis bza' bar bya// bgegs kyi lcags kyu gcig yin te// de yi yan lag la sbyar ba// hUM zhes bya ba'i sa bon gyis// lcags kyu ru ni sbyar bar bya// gnas kyi bdag po'i lcags kyu ni// gri zhes/ bya ba'i sa bon nyid// rab tu sbyar nas bsams nas su// rnam par rtog pa ring du spang // rta yi lcags kyu'i dbus gnas pa// thams cad rig pas dgod bya ba// rnal 'byor pa yi dzo zhes pa// dag pa'i shel ltar bsam par bya/ / rdo rje lcags kyu byin brlabs pas// rdo rje'i lus su brjod pa ste// srid ces bya ba bkod de bza'// rnal 'byor pa rnams sdig 'byang ngo // bcu bzhi dang ni bco lnga dang // khyad par du ni tshes brgyad la/ dngos grub 'dod pa'i rnal 'byor pas// rab tu 'bad de gtor ma sbyin// sgrub pos rnal 'byor bstan bcos la// rtag tu mchod pa'i las byas na// spyod dang grol ba gang 'dod dang // las rnams thams cad 'grub par 'gyur/ / rgyal po'i pho brang 'gro na yang // myur du dpal dang ldan par 'gyur// mdza' bo sdug cing yid 'ong bar// mthong ba tsam gyis 'grub par 'gyur// dbul po nor gyis 'phongs pa yang // khyim ni 'byor zhing rgyas par 'gyur/ / 'chi ba'i tshe na rnal 'byor pa// bde ba can du skye bar 'gyur// dri zhim dang ni sbyar ba yi// rdzas bcu po dag ldan pa la// yi ge bcu yi sngags dang ni// phyag 'tshal sreg pa'i mtha' dang ldan/ / rnal 'byor pa yis 'bum bzlas te// mkha' 'gro gtor ma'i byin rlabs la// sgrub pos 'di yi du bas bdug/ 'gro ba thams cad rmongs par 'gyur// gur kum dang ni sbyar ba yi// rdzas bcud
- 388a
phan tshun ldan pa yi/ / rnal 'byor pa yis thig le bya// skyes bu 'grol skal bzang 'gyur// tsan dan dang ni sbyar ba yi// rdzas bcud dag ni ldan pa yis// yan lag dag ni byugs na// su/ reg na shi yang mi gtong ngo // dbang po lag dang sbyar ba yi// rdzas bcu dag dang ldan pa ru// bza' dang btung bar sbyin byas na// dbang med dbang du 'du bar 'gyur// sngags ni lan 'bum bzlas nas kyang / / mkha' 'gro'i gtor ma byin brlabs nas// de dag las su sbyar bar bya// ngas bstan pa la the tshom med// gnyis med dang dpon gnas su ni// thog le byas na go char 'gyur// de nyid theg pa'i snying po 'dir/ / 'khor ba las ni rgyal bar 'gyur// bdud rtsi 'od dang skal bzang ma// sems can rnams la sdug par lnga// bde sdug dag ni 'phrog byed ma// de bzhin skrag pa'i nyams kyis mdzes// thun mong nga rgyal bdag 'dzin ma// mi brtson ma dang brtson sems can// skal bzang lha kun rmongs byed ma// kun nas 'joms pa nyid dang ni// blo ngan sred pa'i ngo bo 'joms// lha mo byams ma nyid dang / niyid 'ong bdud rtsi ldan grag ma// yon tan ldan pa'i lha mo nyid// lha mo 'di dag las kyis ni// spyod dang grol ba'i 'dod pa stsol// de ltar yon tan ldan lha mo// mkhas pa yis ni mchod par bya// phonya las kyis bya ba yin/ / grub pa'i rnal 'byor don gyi phyir// rnal 'byor ma bzhi'i sgrub thabs ni// bcom ldan 'das las nyan par 'tshal// pho nya'i lus su sbyar ba yis// de nyid ji bzhin rdo rjes nyon// las
- 388b
rnams kun gyi snying po bas/ / rab tu 'bad de pho nya sgrub// shing gcig gi ni drung ba ru// cho ga bzhin du 'bum du bzlas// khru gang bzhi char bcas pa yi// thang ka la ni bre bya ste// mtheb sor bcu gnyis tshad du ni/ / kha dog ser po shin tu mdzes// phyag gnyis mgo bor thal sbyar ba'i// 'od zer me 'bar lha mo bri// sgrub pa'i mdun du bkram nas su// 'bad de mchod pa'i cho ga brtsam// dri dang me tog dmar po dang / / sha skam gyis ni bdug par bya// sha dang nya sha btsong la sogs// nye bar spyad pa'i gtor ma sbyin// rdzas lnga dang ni dngos po lnga// mchod nas de bzhin pa bum du bzlas// dang po la ni sgra 'byung ste/ gnyis pa la ni nya dri mnam// gsum par shing ni 'gul 'gyur te// bzhi pa la ni mdun du gnas// de yi sngags ni brjod nas kyang // dam tshig phyag rgya bstan par bya// oM dI pai shwa ri hUM phu// lag gnyis thal mo sbyar nas su/ / spyi bor bzhag ste brjod par bya// dam tshig gi sngags dang phyag rgya'o// bdud rtsi lnga yis bkang ba yi// dam tshig chu ni sbyin par bya// 'bad de dam tshig byin nas ni// lag pa g.yon pas bzung nas su// rnal 'byor ma dang gnyis med par// byin gyis brlabs la bdag sgrubs shig/ de nas rang gi gzugs bzung nas// bza' dang btung sogs ston mo dang / gser la sogs pa ci yang rung // bka' bzhin myur du ster bar 'gyur// thun phyed du ni lhan cig spyad// 'khrig la sred pa'i rnal 'byor la// gal te grub par ma gyur na// de tshe drag mo'i sa bon bzla//
- 389a
sa bon gnyis ni gzir tsam gyis// 'bar byed ma yi spyi bo gems// sems can don 'bang sgrub pa pos// 'bar ba chung mar bsgrub par bya// grub pa'i mkha' 'gro ma gzhan gyi// de nyid ji bzhin rdo rjes nyon// thang ka khru gnyis dman pa la// mchod dang gtor ma byin brlabs te// de 'og gzugs ni bri bar bya// dkar zhing dmar la shin tu mdzes// phyag gnyis rol pa'i stabs kyis bzhugs/ / shin tu mdzes pa'i na bza' gsol// phyag na sdigs mdzub lcags kyu bsnams// skra grol bas ni rnam par brgyan// 'od zer me ltar 'bar zhing gsal// mig g.yon ha ha ra bzhad pa bri// dur khrod kyi ni sa phyogs su/ / sgrub pa po yis bris sku dgram// kun tu khrag gis byugs nas ni// me tog dmar la sogs pas mchod// me tog dri dang bdug pa dang // sha dang nya sha btsong la sogs// bdud rtsi lnga yis bkang ba yi/ / nye bar spyod pa'i gtor sbyin cing // rnal 'byor sgom pas bzlas nas ni// 'bum gyis dngos grub skye bar 'gyur// lag gnyis thal mo bcings nas su// kha ru bcug/ ste bgad par bya// oM DA ki nI hUM phu phu/ sgrub pa'i sngags dang phyag rgya'o// dang po sa ni g.yo bar 'gyur// gnyis pa mdun du god rgyangs sgrog/ gsum pa mdun du snang gyur nas// bzhi pa la ni bka' lung nod/ / bdud rtsi lnga yi khyad par gyi// dam tshig 'bad de byin nas ni// g.yog mo ru ni sgrub pa yis// ci 'dod bka' ni bsgo bar bya// dgra rnams gsad cing rtse ba dang // yan lag gzir ba gang
- 389b
'dod pa'i/ / las la sogs pa thams cad ni// g.yog mo'i las kyis bsgrub par bya// gal te 'bum gyis gdon za na// rdo rje ma yi sa bon gyis// sngon du bstan pa'i cho ga bzhin// mkhas pas gzir bar byas te bzla/ / ra dag gi ni pags pa la// 'bad de thang ka brkyang bar bya// 'jib byed ma de bri ru gzhug/ kha dog dmar po shin tu mdzes// lus la rgyan gyis brgyan pa dang // mdzes pa'i gos ni gyon pa bri/ / g.yon pa sdigs mdzub zhags pa dang // g.yas su dgra sta dgod par bya// lam gyi bzhi mdo yid 'ong bar// mkhas pa yis ni bsgrub bya ste// lci ba yis ni byugs byas la// me tog sna tshogs dgram par bya/ / me tog bdug pa mar me sogs// 'byung po kun gyi gtor mo sbyin// khrag dang nya dang sha dang btsong // bza' ba dag dang sna tshogs dang // bdud rtsi lnga yis dgang ba sbyin// 'bad de gnas pas 'bum gcig bzla// oM tsu Shi Ni A kaR+Sha ya phu phaT/ lag gnyis mnyam par byas nas ni// snyim pa'i tshul gyis gar bskyed bya// snying po'i sngags dang phyag rgya'o// rnal 'byor pa yis 'bum bzlas pas/ / 'jib byed ma ni 'grub 'gyur te// dang po khyi mi drar ba'i sgra// gnyis pa la ni gsal bar dgod// gsum pa la ni mtshon thogs nas// bsdigs pa'i phyir ni 'ong bar byed/ / bzhi par mdun du gnas nas ni// bdag gis ci bgyi bka' stsol smra// bdud rtsi lnga yi khyad par gyis// dam tshig dag ni byin nas su// sems can rnams la phan pa'i phyir// dbul po dag
- 390a
gis khyod bsgrubs so/ / de nas nyi ma re re zhing // gser srang phyed phyed ster bar 'gyur// gal te 'bum gyis ma grub na// ro langs snying po gzir te bzla// sa bon 'di yis gzir tsam gyis/ / 'jib byed ma yi mgo 'gems so// chu 'gram gyi ni sa phyogs su// kam po tsi ni bsgrub par bya// ba lang la sogs ko ba ni// brgyang ste 'phrog byed 'dri ru gzhug/ lus ni sbrul gyis brgyan pa ste/ dzakha dog sngon po 'bar ba'i 'od// skra grol bas ni rnam par brgyan// gos dmar bgos shing phyag gnyis mdzes// ral gri dang ni zhags pa thogs// ha ha bzhad cing rnam gtsigs pa// khrag gis maN+Dal byugs nas ni/ / dri dang me tog bdug pas bdug/ rgyas pa'i gtor ma sbyin par bya// sha dang nya dang btsong la sogs// nye bar spyod pa'i gtor ma sbyin// bdud rtsi lnga dang ldan pa yi// sngon bzhin lha yi gtor ma sbyin/ / rnal 'byor pa ni sgom zhing bzlas// 'bum gcig gis ni 'grub 'gyur te// dang po chu ni g.yo bar 'gyur// gnyis pa la ni char chen 'bebs// gsum par thog ni 'bab 'gyur te/ / bzhi pa la ni mdun du gnas// bdud rtsi lnga yi khyad par gyis// dam tshig de nas 'bad de sbyin// oM k+ShA kruM hUM phu phaT/ lag gnyis khu tshur bcings nas su// de yi sngags ni brjod par bya/ / snying po sngags dang phyag rgya'o// mdun na thal mo sbyar bas ni// ci zhig bgyi zhes brjod par 'gyur// ti saM gangs kyi rtse ru ni// rtsa phyir khyod kyis nga khrid la// slar yang 'dir ni 'ong ba
- 390b
dang / rgyal po'i bu mo 'am gzhan yang rung // nga 'dod pa de khrid de shog/ gser dang dngul dang zangs la sogs// bza' dang btung dang bgo ba ni// ji ltar 'dod bzhin khyer te 'ong // lha mi'i chung ma gang yang rung / / ti se gangs kyi rtse ru ni// ji ltar 'dod bzhin 'khrid par byed// bstan pa'i las kyis ma grub na// las gzhan gyi ni bsgrub par bya// bdag nyid ye shes mkha' 'gro ma// mkhas pa yis ni bsgoms nas su// de yi rkang pa g.yon pa yis// mnan te lnga brgya bzlas na ni// gdon mi za bar 'grub par 'gyur// gal te des kyang ma grub na// dpa' bo'i dbus su bkug nas ni/ / dum bu dum bur gtub par bya// kri zhes bya dang gsod pa mtha'// hUM gi sa bon bsgoms pa yis// thams cad du ni bza' bar bsam// des ni bsgrub bya'i rnal 'byor ma// thams cad kyi ni dbang phyug ma'ang / / gal te ma grub 'chi bar 'gyur// bstan pa'i las kyis ma grub na// b+ha la ta ka nag po'i shing // me 'bar ba yi dbus su ni// khrag dang bcas pa'i yungs kar ni// nyi phyed na/ hUM zhes pa ni// brjod cing brgya rtsa brgyad bsregs na// mkha' 'gro ma rnams 'chi 'gyur ram// cho nges 'debs shing 'ongs nas su// nges par las rnams sgrub par byed// ngas bstan pa la the tshom med// khri bo sngon po mdzes pa ste// khyod ni dam tshig yid du bong // nor bu rin chen ches bcings pa'i// dbyug pa phyag na bsnams pa ste// bdag ni 'khor ba las spel phyir// dpa' bos gnang gis btang du
- 391a
gsol/ / rnal 'byor ma yi tshogs dbus su// bzang po sgo ba di phye ste thong // rnal 'byor rnal 'byor ma gsang che// gsang dang gsang bas shes bya ba// ngag gi phyag rgya'i mtshan nyid ni// bcom ldan 'das la nyan par 'tshal// ngag gi phyag rgya'i mtshan nyid ni// de nyid ji bzhin rdo rje nyon// g.yas kyi cha ru rnal 'byor pa// g.yon du rnal 'byor ma nyid de// sor mo khar ni 'jug byed pa// mkha' 'gro ma yi mtshan ma'o// thal mo spyi bor 'jog byed pa// g+ho g+ha/ 'bar byed ma yi mtshan ma yin// ga g+ha/ mthe bong 'tshir bar byed pa yi// 'jib byed ma yi mtshan ma'o// mu g+hu/ lag pa rna bar rdeb pa ni/ / blo ldan 'phrog byed rtags yin no// lu swa sU/ sna rtser sbyor mo rngab pa ni// thugs bde mi bde 'dri ba yin// DaSh+Ta/ sha ba'i mgo ltar stong byed pa// rnal 'byor byed pa'i mtshan ma'o// / g+han+d+ho daM/ gang zhig smin ma dbus reg pa// nga yi snying sdug grogs po'o// a li ni da ha/ so yis lce ni 'tshar byed pa// lus nang gtor ma bza' zhes pa'o// b+hak+Sha so/ lag pa skra la ba ju byed pa// khyod kyi khyim du ngas phyin pa'o// dwe ra ti/ lag pa snying kar reg byed na// da nI nga yi yid 'ong ba'o// ru tsa pa ta pa/ sna rtser khu tshur 'chang ba ni// med do zhes ni ston pa'o// shu na ta/ lag pa brkyang ste lhor rdeb na/ / phun sum ldan par yod ces pa'o// kri ka ha/ lte ba ru ni nyed byed na// kha zas bza' bar 'dod pa'o// tsan+da lig/ mdzub mo mdun du ston byed na// nye gnag gtum la drag
- 391b
pa yin/ / ni la tan+ta ba ta/ smin ma la ni reg byed na// 'dir 'dod pa ni nga ltar ston// a na ma ga yud/ lce ni 'dril bar byed pa dag/ da lta 'chi zhes bya ba'o// dur ka ti/ kun tu lta bar byed pa ni// tshes grangs shes par 'dod pa'o// ha ra ga na/ tshes gcig nas ni brtsams nas su// mthe bos ri mo bri bar bya// nyi tshed yi ge la sogs pa// sngar bstan pa bzhin mdun du reg/ gi ti to/ steng du lta bar byed pa ni/ / nyin phyed dga' bar rol pa'o// sa ma tsha ya/ 'jug dang bcas pas lta byed cing // lag pas lag pa bzung nas su// rgya mtsho lta bur ston byed pa// nor bzang byin zhes bya ba'o// dzi na ba ta/ lag gnyis khu tshur 'chang byed na// sap+ta pa ta/ mthe bong gis ni srin lag la// reg pa 'chi bar mi 'gyur ro// so ma/ mthe bong khro bo bza' la sogs// sa ru bad/ rnal 'byor pa dang rnal 'byor ma rnams kyi dga' ba la rol pa'i ngag gi phyag rgya dang brda'i mtshan nyid do/ / gzhan gyi gdan zhes bya ba'i rab tu byed pa bzhi pa'o// // mtshon bya'i mtshan nyid gzhan dag ni/ / bcom ldan 'das la nyan par 'tshal// de nyid bzhi po ji lta bu// shes nas ji ltar sbyar bar bgyi// 'khor ba las sgrol mtshan nyid ni// yang dag ji bzhin rdo rjes nyon// dang po de nyid rdo rjes ni// dril bu yang ni gnyis pa'o// bgrang ba'i 'phreng ba gsum pa ste// ye shes mtshan nyid bzhi pa'o// de nyid bzhi yi rba rlabs kyis// ji ltar 'dod bzhin pha rol rgol// dbus kyi lha ni rnam snang mdzad//
- 392a
thams cad thog mar mi bskyod pa// lho yi rtse mor rin chen 'byung // nub tu snang ba mtha' yas dgod// byang gi phyogs su don yod grub// rtse mo lnga ni lha rnams so// pad+ma byang chub yan lag brgyad/ / ji bzhin sa ru gzhag par bya// phyag na pad+ma byams pa dang // nam mkha' dang ni kun tu bzang // gnod sbyin bdag dang gzhan gyi dpal// sgrib pa rnam par sel ba dang // lha ni brgyad po 'di dag nyid/ / shar la sogs par ji bzhin bsam// dbus kyi bcu gsum sgo nga ru// ye shes lnga ni thim par bya// pad+ma brgyad pa lha mo brgyad// ji bzhin gnas su sbyar bar bya// rdo rje ljags kyu de bzhin du// zhags pa lcags sgrog sgrol ma ste// de ltar lha mo bzhi po dag/ de bzhin phyogs bzhir rol pa yin// mtshams kyi cha ni rnam pa bzhir// mkhas pa yis ni bsam bya ba// skul byed rin chen sgrol ma dang // rdo rje lcags sgrog ming can de/ / gzhan gyis mi thub ces bya ste// mtshams kyi 'dab ma kun la dgod// rtse mo lnga ni mkha' 'gro ma// snga ma ji bzhin bsam par bya// shar du rdo rje mkha' 'gro ma// byang du drag mo zhes bya ste/ / nub tu de bzhin ro langs ma// lho yi phyogs su gtum mo gnas// dbus su ye shes mkha' 'gro ma// rdo rje de kho na yi lha// mkhas pa yis ni shes par bya// cha gsum gsal bar bzung bal/ / ska rags kyis ni shin tu brgyan// ut+pal ku mu da ltar mdzes// rin chen pad+ma yang dag gnas// phyogs la sogs pa brgyad dang ni// dbus ma'i sangs rgyas nyid dang dgu// rtse mo'i dgu yi lha nyid do//
- 392b
lha dgu yi ni byin gyis brlabs// chu srin las ni byung ba yi// rtse mo'i 'od zer bzlas par gnas// rtse mo dgu pa zhes bya ba// ye shes rdo rje 'gro ba sgrol// rdo rje'i de nyid gang yin pas// bdag nyid rdo rje'i bdag nyid bsam/ / rdo rje'i snying po'i rnal 'byor pa// rdo rje yi ni sems su bya// rdo rje dag pas brtan byas nas// chos rnams rdo rje las gzhan med// thams cad rdo rje de nyid yin// rdo rje'i las kyi snying po yi// rdo rje 'phro ba sbyor ba'i bdag/ rdo rje 'khor ba sgrol bar byed// rdo rje 'gug pa sbyor ba'i bdag/ rdo rje bcing ba'i sbyor bar ldan// bdun pa de bzhin nyon mongs ldan// rnam shes bcas pa'i sgron ma ni// ye shes rdo rje bcom nas su// phyogs kun tu ni snang bar byed// rdo rje'i sgrub pa la sogs kun// rdo rje'i bdag nyid blta bar bya// chos kyis 'ching ba rdo rje ste// thar pa mchog 'bad rdo rje'o// / rdo rje pad+ma bzung nas su// de nyid thams cad bsgrub par bya// rdo rje pad+mor zhugs pa ni// mkhas pa yis ni bsgrub par bya// dril bu yi ni mtshan nyid rnams// nyon cig rdo rje 'dzin rgyal po// shes rab sgra yi de nyid ni/ / thos pas srid pa las sgrol ba'i// nam mkha'i khams kyi mthas gtugs pa// byang chub snying por rnam par gnas// thams cad rig pas phyogs kun tu// gnas pa'i 'jig rten khams mthar thug/ phyogs brgyad ces ni bya ba rnams// lha mo brgyad du rab tu grags// yi ge brgyad kyi sa bon ni// phyogs brgyad du ni dgod par bya// shar du lha mo sgrol ma ste// byang gi
- 393a
phyogs su gos dkar mo/ / nub kyi phyogs su mA ma kI/ lho yi phyogs su sangs rgyas spyan// mdog bzang dbyangs snyan mdzes pa dang // bzhi pa rdo rje 'phreng ba mo// dbus su nam mkha'i rang bzhin la/ / gzugs kun rdzogs shing shin tu mdzes// pad+ma rgyas la yang dag 'byung // gzugs med gnas kyi phyogs su ni// shes rab bdud rtsi bum pa 'dra// shes rab bdud rtsi gnas dug la/ de yi dbus kyi stan dag la// shes rab pha rol phyin lha mo// gzugs mdzes yon tan rnams kyi gnas// steng gi pad+ma rdo rje rnams// snga ma bzhin du bsam par bya// dbus kyi ye shes dbyug pa ste/ thams cad spro dang sdud pa po'o// a li ka li'i rab sbyor gyis// phyogs brgyad du ni bskyod par bya// a li ka li'i rab sbyor bas// 'khor ba thams cad gcod pa ste// rdo rje dril bu'i thabs yin te/ thabs kyis rdo rje'i dbus gnas so// g.yas par nyi ma bsams nas su// g.yon pa ru ni zla ba dgod// lag pa gnyis ni brkyang nas su// pad+ma'i rnam pa lag tu bskor// lus rnams la ni thabs dang sbyar/ / rang 'dod lha rnams bsam par bya// rdo rje gsor bas sgrol ba ste// 'khor ba sgrol ba yang dag byung // hUM zhes bya ba'i glu yis ni// sangs rgyas thams cad rjes chags bya// rdo rje gsor ba mdzes pa yis/ / sems can thams cad mdzes par bya// rnam thar chos su bya ba ste// rdo rje shin tu snying po mchog/ oM badz+ra g+haN+Te tsi hUM/ oM badz+ra g+haN+Te ra ni ta pra ra Ni ta saM pra ra Ni ta sarba bud+d+ha k+She tra pra tsa
- 393b
li lite/ pradz+nyA pa ra mi tA nA da sA b+hA be badz+ra d+harma hr-i da ya a ba san+to Shi hUM hUM hUM/ ho ho ho/ a a a swA hA/ shes rab thabs kyi gzugs brnyan gyis// shes rab thabs kyis dkrol bar bya// shes rab thabs kyi chos kyis ni/ / 'gre ba rnams kyis rtogs bya 'am// mi shes padam du bying ba yi// sems can don phyir dkrol bar bya// rdo rje de kho na yis gzung // chos kyi dril bu dkrol bar bya// sems can don byed rnal 'byor pas// shes rab thabs su blta bar bya// de nyid med pa'i rnal 'byor pa// glang chen dril bu sgra dang mtshungs// rnal 'byor de nyid dman pa yi// dngos grub ring bar shes par bya/ / de nas gsang dang phra ba yi// rdo rje'i mtshan nyid gzung ba ste// yang dag cho ga gang gis ni// 'dod pa'i dngos grub sgrub byed pa// dbus ma'i tshig ni bskor ba la// gsang ba'i rdo rje cha gsum bya/ / de nyid kyis ni cha gcig gi/ phra ba'i rdo rje rab tu brtag/ spyi gtsug lag pa la sogs pa// rtag tu dag byed khru tshur bcang // slob dpon rdo rje brtul zhugs 'dzin// 'dod don thams cad sgrub pa'i mchog/ bgrang 'phreng la sogs gzung ba ni// yang dag ji bzhin rdo rjes nyon// yang dag cho ga gang gis ni// 'grub 'gyur 'dir ni the tsom med// shal dang nya phyis mu tig dang / gzhan yang nor bu dkar po sogs// zhi sogs las la khyad par gyis// bgrang 'phreng gi ni khyad nyid ni// gser dang dngul dang zangs ma dang // pad+ma'i sa bon khyad par du// rgyas pa yi ni
- 394a
bgrang 'phreng ste/ / mkhas pa rnams kyis bgrang bar bya// gur kum la sogs dri zhim pa'i// dri rnams kun gyi khyad par las// ril bur byas te dmar por btsos// dbang du sdud par rab tu grags/ / ru rag sha dang lung tang dang // mi yi rus pa de bzhin te// drag po'i las la sbyar bar bya// mngon spyod du ni rab tu grags// zhi dang rgyas dang dbang drag la// bo di tsi ni las kun byed// sngags sgrub pa la lnga bcu ste// dbang la de yi phyed du bya// zhi la brgya phrag gcig yin te// rgyas pa la ni brgyad lhag pa'o// mngon spyod la ni drug cu'o// las kyi bye brag gis ni sbyar// las kyi bye brag ji bzhin du/ / bgrang baphreng dag ni brtag par bya// phyogs dang phyogs mtshams brgyad du ni// dbus ma nyid dang sangs rgyas dgu// lha dgu yi ni skud pa la// lha dgu byin gyis brlab par bya// gzug rdzogs shin tu mdzes pa dang / / gtsang zhing dang ldan snyan par smra// de yis bkal ba'i bgrang 'phreng gis// grol ba'i dngos grub skye bar 'gyur// skud pa thams cad sangs rgyas tshul// ril bu rnams ni dgra bcom yin/ / 'og ma mchod rten du ni bstan// snang ma chos kyi dbyings yin no// mchod rten chos kyi dbang po'o// lag par nyi ma bsams nas su// dbyangs kyi dang po yi ge ni// lag pa yi ni dbus dag tu/ / dmar po la ni dmar po bsgom// g.yon pa zla ba'i dbus su ni// bdud rtsi'i yi ge bsam bya ba// 'od zer sna tshogs 'bar ba yi// kha dog dkar po bsgom par bya// g.yas
- 394b
pa'i sor mo rdo rjer bsam/ / g.yon pa pad+ma'i bdab mar bsgom// rdo rje pad+ma sbyor ba yis// kha sbyor dbus su 'phreng bzhag la// de nyid thams cad bsgom pa yis// bgrang ba phreng byin gyis brlab par bya/ sor mo dag gi bye brag gis// de nas sngags pas bzlas par bya// rdo rje mo dngos g.yon pa ste// g.yas pa rdo rje'i ngo bo'o// dkar po dud pa dung dang ni// pad+ma g.yas kyi sor mo ste// gi wang dri gsum 'jig pa dang / / sa gdug g.yon par dgod pa dang // ye shes rnam shes mthe bong gnyis// lag la sogs pa'i las can ma// zhi ba la ni khro bos bgrang // rgyas pa la ni gung mo ste// srin lag la ni dbang du bstan/ / mtha' mar mngon par spyod pa ste// mthe bong rdo rje lcags kyu ni// lha nyid dgug pa'i bsam pa yin// mnyam par bzhag ste bzlas bsgom nu// 'grub 'gyur 'di la the tsom med// de nyid med pa'i rnal 'byor pa/ / de nyid med pa'i sngags bzlas dang // de nyid med pa'i rdo rje dril// phyag rgya de nyid med 'byung ba// rnal 'byor ma yis grub pa med// rnal 'byor de nyid dmigs na ni// de nyid thams cad kun bya'o/ / yi ge'i rgyu las byung ba'i dngos// sngags kyi snying po mdzes pa ste// rang bzhin med pa'i rang bzlas na// rnal 'byor ma yi snying po grub// bram ze rgyal rigs dmangs rigs gcig/ rnal 'byor ma yi dra ba 'grub// oM pa de pa de ma hA pa de dz+nyA na sarba bud+d+ha ma hA b+hA be/ hUM hUM hUM/ ho ho ho/ a swA hA/ sngags 'di yis ni sbyang byas na// bgrang 'phreng gis ni lha rnams
- 395a
'grub/ / las rnams thams cad 'grub 'gyur te// mi gsal ba ni ring bar 'gyur// ye shes de dag bye brag dag/ yang dag rdo rje chen pos nyon// ye shes bye brag ring du gnas/ / thun mong ye shes brjod pa ste// dman dang rab dman dman pa can// gnod sbyin lha min grub pa po// klu dang byol song gsang ba pa// lto 'phye dang ni mi 'am ci// mi dang yi dgas mkha' 'gro ma/ / dmyal bar 'tshed pa'i sems can dang // byol song gzugs su brjod pa ste// phra mo sgo nga gzung mi nus// chu dang me dang rlung dang ni// de bzhin du ni sa yi khams// bstan pa la sogs thams cad dang / / rtswa dang 'dab ma phra ba dang // bong brdo dang brag la sogs// thams cad ye shes byin gyis brlabs// ye shes med na skye mi 'gyur// ye shes thams cad kun rig pa'o// ye shes thar bar gang gis ni/ / ye shes thun mong byin brlabs pa// bye brag gzhan ni ji lta bu// lha las rol mo nyan par 'tshal// bcom ldan 'das kyis bka' stsal pa// nyi shu rtsa gsum lha yi gnas/ / gong nas gong du nyis 'gyur te// 'dod pa lnga yi ye shes dag/ gong ma'i ye shes ye shes 'phel// gsang ba'i ye shes reg pa ste// lha min ye shes khro bo'o// yi dgas ye shes zhan pa ste/ / dmyal ba'i ye shes 'jigs shing ngu// byol song ye shes glen pa ste// bstan pa rnams ni sems med pa'o// mi rnams ye shes rnam pa lnga// bye brag tu ni shes par bya// glen
- 395b
bas bsgribs dang lkugs pa dang / / bud med ye shes slu brid do// byis pa'i shes pa'i shes pa can// ye shes de nyid bye brag dag/ rnal 'byor bstan bcos kyis sbyangs pa// skye ba bye ba stong phrag tu/ / sangs rgyas ye shes kyis bskul yin// rnal 'byor bstan bcos rjes 'brangs nas// 'bad de dad pas bskyed par bya// sgra sgrogs phyi rol bstan bac+doMs ni// gar gyi gnas dang mtshungs pa ste/ / blo ldan rnal 'byor bstan bcos kyis// spyod dang grol ba'i 'bras bu thob// snying po snying po bstan bcos te// rnal 'byor gsang ba'i rim yin no// sbyor ba'i gdan gyi rab tu byed pa las rim par phye ba dang po'o/ / // 'khor los sgrub pa'i khyad par dag/ de nyid ji bzhin rdo rjes nyon// zhi dang rgyas dang dbang rnams dang // srung dang mngon par spyod pa dang / / re mig dgu sogs 'khor lo na// phyi rol mu khyud bskor bar bya// 'khor lo las kyi kha dog gis// mkhas pa yis ni shes par bya// oM tA re tut+tA re tu re swA hA/ sa bon de dag thams cad ni/ / phyogs mtshams tha ma dbus su bya// dbus su ming dang srung ba yi// tshig kyang de bzhin sbyar bar bya// mnyam nyid stong pa'i rang bzhin chus// bdag gi las ni bkru bar bya ramanyam nyid thams cad rig pas gnas/ / srung ba'i 'khor los bsrung bar bya// ye shes can gyis srung bsgom na// 'jig pa kun las ring bar 'gyur// sems can dngos po med pa ru//
- 396a
sbyor ba'i dngos po 'jigs pa la// zla ba'i dkyil 'khor dbus gnas par// pad+ma'i gdun ni bsam par bya// sgrol ma'i rgyud du bsgom pa yis// bdag gi lus ni rnam par sprul// / oM tA re swA hA/ mgo la'o// oM tut+tA re swA hA/ mig la'o// oM tu re swAhA/ sna la'o// oM n+ya swA hA/ rna ba la'o// oM r-I swA hA/ lce la'o// oM tA ra ni swA hA/ snying ka'o// yan lag drug tu rtag tu dgod/ / 'phags ma sgrol ma bsam bye ba// phyag gnyis sems dpa'i skyil krung bcas// rgyan rnams thams cad kyis ni klubs// kun tu mi 'jigs sbyin pa dang // gzhan gyi snu ru ut+pal bsnams/ / thams cad 'od zer rnams bsgoms nas// khyad par du ni sngags bzlas bya// thams cad yon tan can du bsgom// oM tA ra tut+tA ra tu re swA hA/ srung ba'i las thams cad kyi sngags so// rgyal po'i btson ra dgra phyogs dang // nyam nga'i lam du 'gro ba dang // yan lag sna tshogs rims dang ni// chu dang dug gis 'chi la sogs// gang dang gang du 'jigs pa'i gnas// de dang der ni bsam pabar bya/ / shes rab zhan dang le lo sogs// 'khor lo bris nas bcang bar bya// bsrung ba bzang po 'di yis ni// 'jigs pa kun las grol bar 'gyur// srung ba 'di dag thams cad ni// de nyid sbyor babasgrub par bya/ / 'khor lo 'dab ma brgyad pa la// phyi rol mu khyud bskor nas su// dbus su thog ma tha ma ste// bzlas pa thams cad gzhag par bya// mu khyud dbyangs kyis bskor nas su// 'tsho
- 396b
lo dkar po bsam par bya/ / yan lag thams cad bye ba yis// mnyam nyid stong par bsams nas su// sngon gyi mtshan nyid ldan pa yis// sngar bstan bzhin du sbyar bar bya// 'khor lo 'di ltar bsgom pa yis/ / las 'dis shes rab 'bar bar 'gyur// oM pradz+nyA pradz+nyA ma hA pra dz+nyA swA hA/ 'od zer sna tshogs 'bar ba su// dngos po bsgoms pas bsgom par bya// zla ba'i dkyil 'khor dbus gnas par/ / shes rab dag nyid bsgoms nas su// phyag gnyis sems dpa'i skyil krung bcas// rgyan rnams kun gyis rnam par klubs// kha dog dkar po shin tu 'bar// shes rab dngos po bsgoms nas su/ / sa bon 'di ni bzlas byas nas// shes rab myur du 'phel bar 'gyur// glen dang snyoms las blun po yang // sbyor ba 'di yis shes rab 'phel// snying po re mig dgu ru bya// de bzhin par ma bcu gnyis te// phyi rol re mig bcu drug go/ mthar thug mu khyud de bzhin te// phyag 'tshal sreg pa'i mthar sbyar ba'i// dbus su bdag gi sems bzhag la// sgra dang thig le ldan pa yi// yi ge brgyad po snying por dgod// bcu gnyis pa la dbyangs sa bon// ma ning spangs pa bri bar bya// sde tshan gsum gyi yi ge rnams// yi ge lhag pa gcig dang bcas// sgra dang thig ler ldan pa dag/ bcu drug gnas su gzhag par bya// gsod pa'i yi gau mu khyud la// thams cad rig pas kun tu bskor// dang po dkar por bsam bya ste// gnyis pa ser po bsgom par bya// gsum pa dag ni
- 397a
dmar po ste/ / de bzhin bzhi pa sngon po'o// sngon bzhin mtshan nyid ldan pa yis// mnyam nyid spong bar yang dag gnas// mnyam nyid lta ba bskyed nas su// 'khor lo 'di ni bsgom par bya/ / mnyam gzhag dngos po bsgom pa yi// 'grub 'gyur 'di la the tsom med// kun nas thams cad 'bar ba ste// me ltar 'bar ba'i 'od kyis ni// bdud rnams thams cad sreg par byed/ ye shes 'khor lo bsgoms pa yis// kun nas nyon mongs g.yogs pa yang // sangs rgyas 'bras bu thob par 'gyur// mnyam nyid ye shes bskyed nas su// bdag nyid nam mkha' bsgoms byas la/ 'od zer sna tshogs 'bar ba yi// nyi ma'i dkyil 'khor bsgom par bya// de yi dbus su sa bon ni// mkhas pa yis ni gzung bya ste// sde tshan dang po gang yin pa'i// yi ge dang po bzung nas su// ljalcags kyu yis ni gzir bya ba// rtsa bar re pa sbyar bya ba// bdud rtsi'i thig le stang du dgod// nyi ma'i dkyil 'khor dbus gnas par// 'od zer sna tshogs 'phro ba ni// shin tu mnyam par bzhag pas bsgom/ / rgyal po rgyal po'i pho brang dang // yid can gyis ni bsam par bya// yi ge gnyis 'gyur thig pa dang // rtsa bar sgra ni sbyar bar bya// bdud rtsi'i mtha' zhes bya ba ste// 'bum phrag gcig gis dbang du sdung / / bu mo rnams kyis gang bsam pa// ming dang bcas nas bsgrubs nas ni// bsam pa tsam gyis 'grub par 'gyur// ngas bstan pa la the tsom med// sngon gyi mtshan nyid thams cad mi/
- 397b
sngar bzhin du ni bstan pa nyid// thams cad bdag nyid bsams nas su// zla ba'i dkyil 'khor dbus gnas par// bdud rtsi kun rig phyi mo bcas// 'od zer sna tshogs rnam par 'phro// 'od zer ser po shin tu mdzes/ / gzugs sdug 'od zer 'phro bar bsams// rin chen la sogs gang 'dod pa// thams cad rang gi dbugs kyis dgug/ sgrub pa po yi lus la ni// de yi dkyil 'khor dbus gnas par/ / rlung gi sa bon gyis bskor ba'i// lcags kyu'i yi ge bsgom par bya// kha dog la sogs dmar bsam zhing // gzugs kyang kha dog dmar por bsgom// zla ba'i dkyil 'khor dbus gnas par/ / ye shes mkha' 'gro bsgom par bya// gzugs mdzes shin tu rdzogs pa ste// rgyan rnams kun gyis rnam par klubs// g.yon pa lcags kyu'i tshul gyis ni// yid ni 'gug pa bsgom par bya// lcags kyu'i yi ge bsgom pa yis// mdzub mo lcags kyu bskyod par bya// yi ge gnyis 'gyur thig pa dang // rtsa bar sgra ni sbyar bar bya// bdud rtsi'i mtha' zhes bya ba ste// 'bum phrag gcig gis dbang du 'grub/ / de ltar sgom zhing bzlas nas su// sor mo yang ni bskod byas nas// bsgrub bya'i yid ni bskyod 'gyur bar// 'bum phrag gcig gis 'grub par 'gyur// 'khor lo 'dab ma med pa la// mu khyud kyis ni bskor bar bya/ / dbyangs kyi yi ge thams cad kyis// mu khyud mkhas par bskor bar bya// sde tshan lnga pa gang yin pa// yi ge gsum pa bzung nas su// i dang re pa sbyar nas su// 'bad pas dbus su
- 398a
bzhag nas bya/ / ye shes can gyi sa bon 'di// sgra yig bdun pa dang sbyar la// 'dab ma rnams la'ang de nyid bya// 'dab mar 'di nyid gzhag par bya// rnal 'byor ma yi grub 'dod pas/ / 'od zer sna tshogs rab 'bar bas// gser gyi mdog tu bsgom par bya// sngon bzhin mtshan nyid ldan pa ru// sngar bstan shin tu mkhas pas bsgom// de 'og lha mo nor rgyun gyi// gzugs su bdag nyid bskyod par bya// gzugs mdzes shin tu yongs su rdzog// rgyan rnams kun gyis rnam par klubs// thams cad lag g.yas mi 'jigs sbyin// g.yon pa 'bras kyi sku ma bsnams/ / dbus su bstan pa'i sa bon ni// phyag 'tshal sreg pa'i mtha' sbyar te// de ltar bsgoms shing bzlas pa yis// rgyas pa'i sbyor ba 'grub par 'gyur// lha mo nor ldan rnal 'byor gyis/ / rgyas pa ru ni grags pa yin// bdag nyid bye brag gzhan dag tu// rnam gzhag thams cad de bzhin no// bdag nyid sngon gyi mtshan nyid kyis// stong pa'i de bzhin bsgoms nas su// ma'i dkyil 'khor dbus gnas par// sa yi dkyil 'khor bsgom par bya// zla ba'i dkyil 'khor dbus gnas par// ye shes rnam shes dngos po bsgom// 'dab ma brgyad pa'i 'khor lor ni// dbus su sa bon bsgoms nas mi// phyi rol 'khor lo'i mu khyud la// dbyangs kyi sa bon bskor bar bya// phyogs kyi 'dab mar bdud rtsi bzhi// gug skyed kun dang sbyar bar bya// mtshams kyi
- 398b
'dab ma bzhi la yang / / sangs rgyas lnga yis mngon par brgyan// zla ba'i dkyil 'khor rdzogs pa ni// 'od zer sna tshogs 'bar ba can// rin chen bdun gyis mdzes pa ste// rang gi lus la bsgom par bya/ / gang 'dod yid ni rtog bya'i phyir// de yi 'od zer sbyar bar bya// 'jigs pa med cing ba tshe med pas// dngos pos dngos po bsgom par bya// rmugs dang glen dang snyoms las dang // shes rab zhan cing lha ngan rnams// rnal 'byor pa yis skad cig la// snyoms las la sogs ring du spong // mnyam gzhag cung zad bltas nas su// rdul phran dkar po spro bar bya// phyogs bcur song ste khyab nas ni/ / thams cad rim pas kun snang bya// ye shes sems la bltas nas ni// rnal 'byor pha rol sems shes 'gyur// sems ni mnyam par bcings nas su// mnyam bzhag 'khor lor blta bar bya// mnyam nyid ye shes mthong ba yis// 'khor ba'i pha rol sgrol bar 'gyur// zla ba'i dkyil 'khor dbus gnas par// ye shes sa bon gyis bsrungs pa/ pad+ma'i gdan la bzhugs pa yi// kha dog dkar po bsgom par bya// phyag gnyis sems dpa'i skyil krung bcas// rgyan rnams kun gyis klubs pa ste// phyag gnyis phyag rgya che bcings nas/ snyi ka'i phyogs su 'tshor bar mdzad// kha dog dkar po mdzes pa yi// 'phags pa rnam par snang mdzad gtso// sangs rgyas sprin ni rnam par spro// spob sna tshogs mi zad pas// sems can khams ni tshul
- 399a
bar mdzad/ / shes rab rdo rjes 'gro sgrol ba// dbyangs yig dang po mchog sa bon// mtha' ru tsheg drag sbyar bar bya// phyag 'tshal sreg pa'i mtha' dang ldan// sa bon 'di ni bsgom nas su/ / mnyam gzhag dngos pos bzlas nas ni// byang chub rim pa mthong bar 'gyur// sbyor ba'i gdan gyi rab tu byed pa las rim par phye ba gnyis pa'o// // byin rlabs sbyor ba'i ngo bo dag/ gang gis sems can rnams la bstan// byin rlabs rim pa ji lta bu// lha las gzigs mo nyan par 'tshal// sems can rmongs pa gso ba'i phyir// byin gyis rlob pa'i chos bstan pa/ / yang dag 'khor ba sgrol ba yi// de nyid ji bzhin rdo rje nyon// snying kar zla ba bsams nas su// hUM gi sa bon dbus su bsam// 'od zer me ltar 'bar zhing gsal// nyi ma'i dbus su gzhag par bya/ / phyogs bcu'i 'jigs rten khams rnams su// ma yi dkyil 'khor bsam par bya// gnas rnams thams cad 'bar ba yis// kun nas thams cad bsregs nas su// sngon bzhin mtshan nyid bstan pa yi/ / dang po stong pa nyid du bya// me yi dkyil 'khor dbus gnas pa'i// sangs rgyas lnga ni bsam par bya// dbyug pa 'jig rten dbang phyug mgon// gya gru phyag na rdo rje ste// lus ni 'jam pa'i mchog yin no// mgo dang bum po byams pa ste// steng du 'bar ba'i ma yig ni// 'khor ba thams cad sgrol ba'o// 'jig rten gsum gyis grub 'don na// sa bon de ni bsgom par
- 399b
bya/ / pad+ma'i stan la gnas pa yi// nyi ma'i dkyil 'khor bsgoms nas su// ye shes mkha' 'gro'i rang bzhin du// bdag nyid ye shes kyis srung ba// phyag gnyis sems dpa'i skyil krung can/ kha dog dmar po shin tu mdzes// steng gi rdo rje cod pan la// sangs rgyas lnga yis rnam par brgyan// kha T+wAM ga dang rnal 'byor snod// rgyan rnams kun gyis rnam par klubs// 'od zer sna tshogs 'bar ba ru/ / dbugs kyis g.yo bar bsgom par bya// sde tshan gsum pa gang yin pa'i// rdo rje dbyug pa gug skyed bcas// ska bo che la sogs pas dkri// phyag 'tshal sreg pa'i mtha' dang ldan/ 'bum phrag gsum ni bzlas nas su// gnyis med gtor ba'i las kyis ni// de yi 'og tu las rnams bya// bdud rtsi lnga dang ldan pa la// brgyad brgya ru ni bzlas par bya// cho gar ldan pas sbyin par bya/ / de yi mod la 'bab par 'gyur// babs nas rnal 'byor pa yis ni// rdo rje'i glu ni blang bar bya// rol cig rol cig rdo rje khyod// gzhan dang drag po sbyor ba yis// thams cad kun nas khyod kyis gsol/ / skad cig 'khor las bdag ma'am bsgral// glu 'di yis ni gar byed de// rdo rje dril bu dkrol bar bya// oM tiSh+Tha yo ga hA kro d+ha hUM hUM hUM swA hA/ 'di ni tshom bya thams cad bya// rnal 'byor ma kun bstan par bya/ / dman dang bar dang mchog rnams la// de yi 'og tu chos bstan bya// oM yi ga A be sha ya/ shin tu mnyam bzhag rnal 'byor pas// 'di ni sngon du bsnyen par bya// gnyis med gtor ma ldan pa yis//
- 400a
rnal 'byor pa yis yungs kar dang // hUM gi sgra ni 'jigs pa yis// sgrub pa po yis 'dis gdab bya// sngar gyi spros pa'i sngags kyis ni// bdag nyid ji ltar 'dod bzhin byed// / oM man g+hu ru g+hu ru/ d+h+waM sti tsi li tsi li hUM hUM phaT/ rnal 'byor pa yis 'bum bzlas na// bltas pas 'bebs pa 'grub par 'gyur// mchod cing gang la bltas pa yi// mthong bar byas te gar byed do/ oM ma la ma li hUM phaT/ 'bum phrag gsum gyis 'grub 'gyur te// 'gro ba thams cad 'bebs par 'gyur// oM ma hA tsi li tsau li hUM hUM phruM phaT/ 'bum phrag gcig ni bzlas pa yis// skyes sogs ring po nas kyang 'bebs/ / oM ba ta li ba ta li hUM phaT/ rnal 'byor 'bum phrag gsum du ni// bzlas pas sngon du bsnyen pa bya// yi dgas 'byung po gsang ba sogs// lha rnams thams cad 'bebs par 'gyur/ / oM pa ta ni pa ta ni hUM phaT/ rnal 'byor pa yis 'bum phrag gcig/ bzlas pas sngon du bsnyen pa bya/ chu dang bong ba rdo dang ni// shing rnams kun la 'bebs par byed// dkyil 'khor sngon du slob dpon gyis/ / sngon du bsnyen pa byas nas ni// shin tu dul zhing brdeg pa yis// de 'og dkyil 'khor de nyid bsam// lha ni mnyes par ma byas na// bdag nyid la ni tse 'dri yin// oM be ta li rak+Sha rak+Sha hUM hUM hUM phru phru phaT/ thal bar lan bdun bar du ni// mngon par bzlas te ro la gtor// nyin zhag bdun du bzhag na yang // cis kyang za bar mi 'gyur ro// oM phu ru phu ru/ ma~M tra
- 400b
dzaHhUM phu phaT/ skud pa dmar la brgyad brgya ru// yongs su bzlas dang ldan pa yis// gang gi mgrin par bcings gyur na// ce spyang bzhin du 'khyam par 'gyur// skud pa dang ni bral gyur na// bdag nyid 'dod pa bzhin du byed/ / byin rlabs rim pa'i rnal 'byor gyis// mnyam par bzhag pas sgom zhing bzlas// zla ba'i dkyil 'khor dbus gnas par// rdo rje mkha' 'gro ma bsam bya// rgyan rnams kun gyis brgyan pa'i sku/ 'od zer sna tshogs shin tu 'bar// rlung gi dkyil 'khor dbus gnas bya// mngon du 'grub pa bya bar bsam// rkang mthil gnyis su rlung gi ni// sa bon stan du bsgom par bya// sgra dang thig ler ldan pa ni// rlung gi sa bon dbus gnas par/ / rlung gis bskor bar snying kar gzhag/ thams cad kha dog sngon por bsam// rang gi dbugs kyi rtse mo yi// rlung gi brda ru sbyar bar bya// oM yuM pre ta bA yu a mo ka s+ya yuM phaT/ rnal 'byor pa yis gsang sngags 'di/ / brgyad brgyar bzlas nas 'grub par gyur// 'gro ba la sogs bzung nas su// dug dang khrag gis bri bar bya// rnal 'byor mchog ni bzung nas su// thams cad gnas nas bri bar bya/ / brgyad brgya ru ni bzlas pa yi// skud pa dmar pos dkris nas ni// shing gi rtse mor gdags par bya// rlung gis spur bar sgom pa ste// gang du rlung ni bzhon 'gyur ba// de yi phyogs su 'gro bar 'gyur/ / rnal 'byor pa yis bslad pas ni// 'grub 'gyur 'di la the tsom med// zla ba'i dkyil 'khor dbus gnas par// rdo rje mkha' 'gro mar bsams te// bdag gi lus ni bsgoms nas su// zla
- 401a
dang ldan pas sngags bzlas na/ / gnyis med gang ba'i gtor ma ni// de yi dbus su sbyar bar bya// oM badz+ra DA ki nI shaM A kaR+Sha ya A kaR+Sha ya hUM hUM pre phreM phaT/ maN+Dal dmar pos byug nas ni/ / seng ldeng phur pa brgyad kyis gdab// dbus su ming ni bris nas su// gtor ma yongs su gang bar ldan// skud pa dmar la bzlas nas kyang // lan bdun bskor bas drang bar bya// rdo rje lcags kyus drangs nas su/ / gsang sngags 'a da ni bzlas byas nas// dpag tshad brgya yi phyi rol nas// las 'dis bzlog nas 'gugs par 'gyur// maN+Dal gyi ni dbus dag tu// las 'dis 'grub 'gyur the tsom med/ / nyi ma'i dkyil 'khor dbus gnas par// mkha' 'gro drag por bsam bya ba// rang gi lus ni rnal 'byor mar// mkhas pa yis ni bsgoms nas su// nyi mo gcig ni bzung nas su// mkha' 'gro'i/ gtor ma byin gyis brlabs// sngags dang bcas pa'i ming bris la// nya yi kha ru bcug nas ni// rkang pas mgo ni rab mnan la// brgyad brgya ru ni bzlas par bya// oM phruM phruM a mu ka s+ya mu kha baM d+ha baM d+ha/ hri hraM hri// phuM phaT/ de ni bzlas pa tsam gyis ni// bya ba thams cad bcing bar 'gyur// thams cad tshul bya ba ste// las gzhan cho ga bshad par bya// sngags 'di rab tu sbyar nas ni// bag zan gyis ni dril bar bya// gang du nya ni gnas pa yi// nya yi kha ru gzhug par bya// mkha' 'gro'i gtor ma byin brlabs te// ril bu brgyad brgya byas nas ni// lan re bzlas te zar bcug na// bya ba thams cad bcing bar 'gyur// rlung gi
- 401b
dkyil 'khor dbus gnas par/ / bdag nyid tsaN+Da li yi gzugs// gzugs rnams thams cad yongs rdzogs shing // me ltar 'bar ba bsams nas su// gnyis med gtor ma'i las rnams ni// de yi dbus su rab tu bya/ / lci bas pad+ma'i gzugs byas la// ming dang sngags kyi gzhag par bya// oM stam+b+ha ya stam+b+ha ya hUM/ b+ha ga na mu traM phru phruM phaT/ gsang sngags 'di dang ming dag ni// rkang pa g.yon pas mnan nas su/ lan grangs brgyad brgyar bzlas nas su// 'grub 'gyur 'di la the tsom med// chung ma shin tu g.yon can rnams// las 'di yis ni gdul bar bya// mthar ni chu dang 'o ma yis// bkrus nas bcings pa las grol 'gyur/ / rlung gi dkyil 'khor dbus gnas par// lha mo rdo rje ma ru bsgom// kha dog sngon po shin tu mdzes// 'od zer me dang mtshungs par 'bar// yongs su rdzogs shing mdzes par ldan// rgyan rnams kun gyis klubs pa ste/ / yi dgas kyi ni gdan la bzhugs// ha har bzhad pas 'jigs su rung // gnyis med gang ba'i gtor ma yi// las ni de ru byas nas kyang // 'bras phye la sogs khyad par las/ / pad+ma'i dbyibs ni byas nas su// khyi yi spu yis dgang bar bya// ming dang sngags su sbyar nas su// gnyis med gtor ma'i rnam pa ni// las der byin gyis brlab par bya// oM kro d+ha shwa ri phruM phruM phaT/ brgyad brgya ru ni bzlas nas su// rdo rje gsang bar gzhug par bya// las 'di sbyar zhing gzir ba yis// b+ha ga dag ni bzlog par 'gyur// las 'dis shin tu 'grub pa ste// phyung na de las thar par 'gyur//
- 402a
chung ma shin tu gdul dka' la// las ni de ltar sbyar ba dang // zla ba'i dkyil 'khor dbus gnas par// lte bar bdud rtsi'i yi ge bsgom// rtsa rnams kun las drangs nas su// bdud rtsi'i/ chu ni 'dzag par bya// ban d+ha'i me tog rgyas pa yi// dbus su lcags kyu'i yi ge ste// kha dog dmar po shin tu 'bar// gsang zhing gsang bas bsgom par bya// kho bo'i sor mo'i sor mo ru// bdud rtsi'i yi ge bsams nas ni/ / sor mo 'di yis bskyod par bya// sbyor ba gsum ni bsams pa yis// de yi dbus kyis gnas rnams// bdud rtsi'i chu ni 'dzag par bya// chung ma shin tu gdul dka' la// 'di yis b+ha gar brtag par bya/ / 'od zer can dang bla mar bya// smre byed yan lag lnga dang bcas// gu gul chen po tsha dang bsres// mar nag chen pos bskol bar bya// sngags pas bdud rtsi chu dang ni// lce yi dang po myang bar bya/ / 'dir ni smyo 'gyur the tsom med// mar zos pos ni grol bar 'gyur// yi dgas gos ni ma lhung bas// mar me yi ni sdong bu bya// klu dbang gi ni gong du gzung // rkang gi mar gyis sbar bar bya// gton ma yi ni gnas dag tu/ / mkha' 'gra ma yi snying sngags kyis// du ba dag ni dbab par bya// dur khrod du ni gter byin la// brgyad brgya ru ni bzlas nas su// lam gyi bzhi mdor shing gcig drung // gang la du ba byug pa des/ / mkha' 'gro ma kun mthong bar gyur// lhag ma'i snod ni gnyis bzung la// dur khrod kyi ni sol ba yis// tsha ba'i rdzas la sbyar nas ni// bya rog sgo rtsas bri bar bya// oM ki ri ki ri kr-i d+haH
- 402b
mu kaM pU phruM phaT/ snod ni gnyis la so so ru// gzugs gnyis ming dang bcas bris la// gnyis med gtor ma byin nas ni// khro bos bkang ste drud par bya// oM ki li ban+d+ha li bar+t+ta li kro d+ha mu khe a mu ka s+ya hi li hi li badz+ra tiSh+Tha mu khi phu phreM phreM phaT/ brgya phrag gcig tu bzlas nas ni// myur du bathab rtsod 'byung bar 'gyur// gnyis med gtor mar ldan pa yi// dbang bskur ba ni zhi bar 'gyur// sbyor ba'i gdan gyi rab tu byed pa las rim par phye ba gsum pa'o/ / / gnyis med sbyor ba'i snying po ste// gnyis med ming gis brjod pa yin// sbyor ba ji ltar brtsam bgyi ba// rol mo dag ni nyan par 'tshal/ / gnyis med sbyor ba de nyid kyi// rdo rje dril bu'i phyag rgya dag/ so sor gzung ba'i de kho na// yang dag ji bzhin rdo rjes nyon// de nyid ji bzhin bdag nyid dang // chos kyi dril bu lha mo'o/ / kha sbyor sbyor ba phyag rgya ste// thabs ni de ru thim pa'o// dang por re zhig rnal 'byor pas// rdo rjes thal mo dam bcings nas// sems can kun la rjes brtse bas// dag pa rnam gsum brjod par bya/ / oM swa b+hA ba shud+d+haHsarba d+har+m+ma swA b+hA ba shud+d+hohaM/ oM badz+ra shud+d+haHsar+b+ba d+har+m+ma badz+ra shud+d+hohaM/ oM yo ga shud+d+haHsar+b+ba d+har+m+ma yo ga shud+d+hohaM/ gzung dang 'dzin pa las grol bas// sbyin pa'i ra bas sbyin par bya// rnal 'byor ldan pa'i sems kyis ni// thams cad rtswa bzhin blta bar bya// sems can kun la mi 'jigs sbyin// 'gro rnams gtse bar mi bya sogs// sems can don ni dgag mi bya// steng du tshul khrims dra ba'o//
- 403a
gzhan la gnod pa 'go la sogs// bzod pa'i phur bu 'og tu gdab// phur bu rab dra ba yis// snang ba'i bdud dang dgra rnams bskrad// bdud ni bdud du 'char mi 'gyur// rang gi sem+ba/ kyis bsdams pa'o// rang gis rang sems btul ba na// bdud kyis 'tshe bar ga la 'gyur// mnyam nyid sems kyi dri yis ni// gru bzhi pa ru byug par bya// lus la lte 'jog tsan dan byug/ sems ni mnyam par gnas pa ste/ / bzod pa'i me tog rnal 'byor pas// 'bad dang ldan pas dgram par bya// mnyam nyid bsgoms pa'i bdug pa yis// rang bzhin dag pas bdug par bya// shes rab mar me'i snang ba ste/ / khams gsum gyi ni mun pa rnams// mar me 'di yis bcom nas su// ji ltar 'dod bzhin snang bar bya// sems kyis mi 'jigs sbyin pa yis// dbugs ma phyin pa dbugs dbyung bya// mchod pa'i dus dang khyad par du// gtor ma'i dus su rab tu sbyar// yid du 'ong ba'i sa phyogs su// bde ba'i stan la 'dug nas su// bdag nyid rdo rjer bskyed nas ni// shes rab dril bu zhes byar sprul// bar du khru gang bzhag nas su// mnyam nyid lta bas blta bar bya// snying kar hUM ni bsgom byas la// thams cad rig pas kun stong bya// khams gsum zad par byas nas ni// thams cad nam mkhar yang dag gnas/ / sngon bzhin mtshan nyid yang dag ldan// mnyam nyid stong par bsams nas su// pho brang yangs par ci 'dod par// ri rab rtse mor bsam par bya// lha ni nyi shu rtsa brgyad ldan// rdo rje sngon du bstan
- 403b
pa bzhin/ / 'od zer sna tshogs 'bar ba yi// hUM gi thig le las byung ba// zla ba'i dkyil 'khor dbus su ni// mi g.yo rdo rje bsgoms nas su// rdo rje sems dpa'i rang bzhin du// bdag gi lus ni sprul par bya// yi ge'i dgod pas dgod nas su// mkhas pas go cha byas nas hUM// sangs rgyas lnga yis brgyan pa ste// gangs dang kun da zla ba'i mdog/ phyag gnyis sems dpa'i skyil krung bcas// rgyan rnams kun gyis klubs pa ste/ / phyag rgya chen po snying por bcas// go 'phang mchog ni bsgom par bya// 'od zer sna tshogs 'bar ba kha// sangs rgyas sprin ni rnam par 'phro// dngos po sgom pa bsgoms nas su// hUM gi sgra yis dgang bar bya/ / rang nyid ji ltar 'dod sems kyis// ye shes sa bon bzlas par bya// btso ma'i gser ltar shin tu 'bar// sems can kun gyi don la chags// de nas stong pa'i mtshan nyid ni// sngar gyi mtshan nyid bdag nyid can/ / zla ba'i dkyil 'khor dbus gnas par// sngar gyi mtshan nyid kun rig pas// nyi shu rtsa gsum lha rnams kyis// dril bu'i bdag nyid bsgom par bya// 'od zer sna tshogs 'bar ba las// sangs rgyas 'od ni rnam par spro/ / de ltar bskyed pa'i lus rnams ni// shes rab pha rol phyin mas bskyed// phyag gnyis sems dpa'i skyil krung bcas// rgyan rnams kun gyis rnam par klubs// kha dog cung zad 'dres/ pa'i sku// sangs rgyas lnga yis mngon par brgyan// yi ge brgyad kyi sngags rnams ni// yan lag brgyad du dgod par bya// phyag gnyis phyag rgya chen po ste// go 'phang mchog ni bsgom par bya// a li ka
- 404a
las byung ba'i/ / de yi sa bon bzlas par bya// 'dod chags sems ni stobs kyi ni// bcom gser gyi 'od dang bcas// sems can bsgral phyir kun tu 'khyud// nu ma 'khyud cing zhal gnyis 'jib/ / rdo rje sor mo'i rtse mor ni// bdud rtsi'i yi ge bsams nas ni// lha mo'i g.yon gyi cha ru ni// bstan pa'i rtse mor gzung bar bya// bcu dang brgyad kyi gnas rnams ni// kun nas bdud rtsi gang gnas pamadzub mo 'di yis bskyod pa yis/ / bdud rtsi'i chu ni 'dzag par 'gyur// gnyis kyi kun sprod btang nas su// shar gyi phyogs su blta zhing bskyod// rol ba'i stobs kyis lha mo ni// rdo rje rkang pa'i stobs kyis mnan/ / nu ma lag pa gnyis kyis gzir// sgeg cing bzhad pa'i bzhin can te// 'og mas gnon po btsir bar bya// dril bu lag gnyis gsang ba'i sbyor// de bzhin sa bon gnyis med bzlas// shar phyogs su ni bskyod pa yis/ / sems can pha rol sgrol bar 'gyur// lha mo g.yon pa bskyod nas su// lho ru kha ni blta bar bya// rdo rje yang ni bskyod nas su// rkang mthil gnyis kyis de bzhin btsir// dril bu'i lag pa gnyis kyis ni/ / rked pa bsdams te btsir bar bya// rdo rje g.yas kyi nu ma dang // de bzhin gsang bar btso bar bya// rdo rje dril bu'i lus dag ni// yang dang yang du sprad par bya// sa bon gnyis ni bzlas pa yis// lho phyogs sems can sgrol bar 'gyur// nub phyogs snying po'i rkang stabs kyis// lha mo nub tu blta bar bya// rdo rje yi ni phyogs gcig gis// g.yas kyi brla ni mnan par bya// mgrin pa'i rgyab nas gnyis
- 404b
'khyud de/ / dril bu'i lce ni bskyod nas su// rdo rje lce la reg par bya// de bzhin sbyar nas gnyis ka bzlas// rdo rje mnyam pa'i dbus su ni// lag pa gnyis kyis bsdams pa'o// dril bu'i lag pa gnyis kyis kyang / rna ba'i drung bar gzug par bya// gnyis ka'i mchu ni kun sbyar nas// de yi bdud rtsi btung bar bya// rnal 'byor pa yis sngags bzlas nas// rdo rje dril bu dkrol bar bya// sems can thams cad bde gyur cig/ kun kyang 'tshe ba med par shog/ gang gis lam nas 'gro ba yis// sangs rgyas nyid du 'grub gyur cig/ skad cig tshul gyis rnal 'byor dang // skad cig tshul gyis phyag rgya can// kun nas kun tu skad cig ste// / skad cig gis ni gsang sngags 'don// dril bu lha ru sbyor ba yis// mkhas pa yis ni bsgom par bya// yi ge brgyad kyi sngags dag ni// gnas rnams kun gyi lha nyid de// rang nyid lha mor bsam pa dag/ slar yang 'di nyid rab tu bya/ / rang gis rjes su chags pa'i sems// de nas rdo rje kun tu 'khyud// de nas bdag nyid rdo rje ru// dkar nar bcas pa bsam par bya// rdo rje yi ni nga rgyal gyis// rdo rje sems dpa' bdag ces brjod/ / chu las byung ba'i me tog ni// gsang ba'i nang gi mtshan nyid las// rtsa ba myu gu me tog ste// ban du ka ni rgyas pa 'dra// thong ka gnyis kyi sa bon rnams// sa dang rlung dag nyid yin no// 'og tu chu yi rang bzhin la/ / myu gu me yi sa bon no// sde tshan gsum pa gang yin pa'i// yi ge gsum pa bzung nas su// dbyug pa phyi mo rdo rje can// skra bo tsha la sogs pas dkri// lha mo'i gzugs su bsams nas su//
- 405a
sa yi nang du thim par bya// dus ma'i yi dgas mer sbyor cing // yi dgas me dang dus mer sbyor// lag pa gnyis kyis kha sbyar ba// mthe'u chung mthe bos mnan nas su// gsum po dag ni/ rtse mor sbyor// phyag rgya gnyis kyis mgor btsug nas// bdud rtsi bza' ba'i bsam pa yis// gnod pos 'og ma btsir bar bya// bcu dang brgyad kyi lam dag nas// dril bu'i bdud rtsi bskul bar bya// g.yon gyi cha ni ban du ka/ chu 'dzag pa yi cha byad can// chu 'dzag bya mchu'i dbyibs lta bu// mkha' 'gro ma yi tshul dag la// der ni phyag rgyas bskul bar bya// rdo rje g.yas kyi chu dag ni// rang bzhin mnyam pa tshul du bya/ / thong ka la sogs gnas kun tu// de nas sor mo gdab par bya// de nas rdo rje rtse mo ni// phyag rgya glo ru sbyar nas bya// gnyis ka kun tu sbyar nas ni// rdo rje pad+mo bskul bar bya// hUM gi sgra yis/ bkang nas su// lha mo thams cad tshim par bya// dril bu yi ni dngos po yis// a li sa bon kun tu sbyin// ye shes sa bon rdo rje rtse// bdag nyid lha ni mnyes par bya// rdo rje dril bu lus yin te// phyag rgya kha sbyor sbyar bar bya/ / rdo rje dril bu'i phyag rgya yang // de kho na yis so sor gzung // rdo rje de kho na bskyod la// dril bu rang dgar dkrol bar bya// rdo rje dril bu rab sbyor te// phyag rgya'i de nyid sbyor ba yin// lus ni gnyis ka mnyes pa yis/ / sems can pha rol sgrol bar 'gyur// gnyis ka yi ni bdag nyid sems// chu de byin gyis brlab par bya// sgeg cing bskyod par gnas pa ste// bde ba'i stan la 'dug nas ni// rdo rje rol ban
- 405b
rkang pa ste/ / dril bu g.yon gyi brla yis rol// lag g.yon bakhyud cing nu ma gzung // g.yas kyis rdo rje gsor bar bya// bzhad cing khro dang sgeg pa yis// yang dang yang du spro bar bya// dril bu bskyod pa'i tshul gyis ni/ / brla yi stan la 'dug nas su// rkang pa g.yas pas dkris nas ni// dku yi gnas su gzhag par bya// mgrin pa gcig gis 'khyud nas ni// g.yon pas dril bu gsil bar bya// ngo mtshar bcas bzhad sgeg pa yis/ / yang dang yang du sprad par bya// de nas rdo rje glu blang zhing // sna tshogs hUM zhes bya bar 'dod// bdud rtsi'i chu ni bzung nas su// slar yang glu ni blang bar bya// 'khor ma stong pa snying po med pa ni/ / snying po dag ni shin tu bsam pa ste// rnam par thar pas rab tu bsgral ba ste// ngos las rnam par grol ba rab tu 'grub// phan tshun kun tu 'khyud pa'i sbyor byas pa// de yis don ni yang dag byed par 'gyur/ / 'khor ba'i snying po dag ni med pa la// rnal 'byor dbus su snying po 'grub// rdo rje dril bu'i sgrar bcas pas// de nas de ltar glu blang bya// mnyam bzhag sgom zhing bzlas pa yis// ba grub 'gyur 'di la the tsom med// las ni gang zhig bsam pa rnams// de yis thams cad 'grub par 'gyur// sman la sogs pa'i khyad par rnams// bskyed pa'i sbyor bar ldan par bya// gur kum dang ni gi wang dang / / ka ra sbrang rtsi ba la sha// yung ba ru rta cha mnyam pa// sbyor ba'i gnas su gzung bar bya// rdzas de dag ni bsgos nas su// rtag tu thig le byas gyur na// rgyal po blon po pho brang bcas// thams cad
- 406a
du ni dga' bar 'gyur/ / dbang po lag dang ru rta dang // rmongs byed ma dang rengs byed ma// bdag gi lnga dang yan lag lnga// lnga po thams cad cha bsnyams la// bza' dang btung dang so dang zhib tu btags te sbyar la sbyin/ / thams cad du ni dbang 'gyur te// 'chi ba na yang gtor mi 'gyur// khrag ni gtor ba'i sbyor ba yis// dbang la sogs pa'i las rnams 'grub// sngags ni 'bum du bzlas pa yis/ / 'gro ba thams cad rmongs par 'gyur// bdag gis lus la gshegs gsol ba// bdag nyid ji ltar dga' bar bya// sems can don phyir blo ldan pas// thams cad dbang du 'du bar sgrub// brtul zhugs bram ze'i nye du mos// zhi ba'i las ni skye bar 'gyur// rgyal po bla ma gsang ba mos// rgyas pa'i las ni sbyar bar bya// rje rigs dmangs mo thams cad kyis// dbang gi las ni bsgrub par bya// lham mkhan shan pa nya ba mos// mngon spyod du ni rab tu grags// kla klo gdol pa chos mkhan mas// sbyor ba'i dngos grub bshad pa yin// de bas 'bad pa thams cad kyis// rnal 'byor bstan bcos gzung bar bya// gzhan yang rkang stabs bcing bar bya// sems can bsgral ba'i gnas yin te// gnyis ni kun tu 'dus nas bskyod// de nyid phyag rgya zhes bya ba cing // mnyam pa'i rkang stabs dang / dbye ba'i stabs dang / zlum po'i stabs dang / gsum gnon pa'i stabs dang / rus sbal gyi stabs dang / g.yas brkyang dang / g.yon brkyang dang / gnas gcig pa dang / 'dug pa dang / bung ba'i tshogs dang / rgya mtsho rlab pa dang / ri bo dpung pa dang /
- 406b
sa rkang pa'i 'phen pa dang / mchod sdong gi tshul dang / pus mo btsir ba dang / bsdu ba'i tshul dang / mnyam du gnas pa dang / dus kyi me dang / snying po dang / dga' bas gnas pa dang / gcig tu bsdu ba'o// rkang stabs skyod pa bco brgyad ni/ / mchod pa'i dus su sbyar bar bya// yon tan thams cad 'byung ba'i gnas// rnal 'byor pa yis mtshon par bya// snying kar btsir ba dang / rkang pa sbyar ba dang / 'phreng ba'i tshul dang / nu ma'i tshul dang / gnyis ka sbyar te bza' ba dang / phyed kyis 'khyud pa dang / gsang bar reg pa dang / lus mnye ba dang / kos sgo steng ba dang / zhal bzhad cing skrag pa dang / mtshan nyid sna tshogs ldan pa yis/ de yi las rnams 'grub par bya// rdo rje dril bu'i phyag rgya dag/ de kho na yis so sor gzung // gsang ba'i rdo rje dang bral na// dril bus ji ltar 'bras bu 'bras// rdo rje bang dril bu dang bral na// rdo rje sgrub pa'ang ring bar 'gyur// rdo rje dril bu'i phyag rgya dag/ dmigs na pha rol sgrol bar 'gyur// mtshan mo zla ba med pa dang // nyin mo zla bas ci zhig nus// de nas rdo rje dril bu dang // mnyam pade nyid gsal bar byed/ / a li ka li mnyam bsgom nas// rnal 'byor chen po sgrub pa pos// a li rdo rje zhes byar brjod// ka li de bzhin gshegs ma yin// a li ka li mnyam sbyor bas// dgos pa thams cad sgrub par byed// sems can don rnams ma lus pa// lha yi gzugs kyis bri bar bya// phyi rol shes rab thabs rnams kyis// ji ltar 'khor ba sgrol bar 'gyur// rmongs pa
- 407a
phyi rol sems ldan pas/ / de yi dam tshig bstan pa yin// gsang ba'i gsung ba gsang ba che// rtag tu grub cing gsang ba yi// gang zhig lung ni shes gyur pa// de yi rnal 'byor pa ru grags/ / shel ltar dag pa'i sems la ni// de yi chos ni bstan par bya// gal te sems ni the tsom na// skad cig gis ni dmyal bar ltung // 'dod la dga' ba ma yin zhing // longs spyod phyir ni bstan/ mi bya// sems can don bya'i phyir du ni// rab tu 'bad pa'i de nyid dmigs// gal te 'dod dga'i rnal 'byor pa// thabs kyi mtshan nyid gcig yin te// rang dga' skad cig yang dag 'byung // rdo rje dril bu sbyor ba'o/ / skad cig tshul gyis bskyed nas ni// bdag gi rnal 'byor bdag ces brjod// gsang ba'i nang gi dbus gnas par// a li'i sa bon gzung bar bya// bdag nyid skad cig rnal 'byor ni// hUM zhes bya ba 'bad de bzla// gang yang cung zad lus dang ngag/ lha yi sbyor bar thim par bya// thal sbyor phyogs ni thams cad du// rnal 'byor rnal 'byor ma dbang gson// dgyes shing thugs ni tshom pa yis/ / 'gro ba thar pa de ring thob// e ma chos kyi mchog gi lam// e ma'o 'khor ba gcod pa po// e ma'o rnal 'byor grol ba'i gnas// e ma'o ngo mtshar rnal 'byor lam// tshes grangs med cing rgyu skar med bsnyung ba med par bstan pa ste/ / 'di ni bde ba'i sgrub par brjod// bde bas 'khor lo gcod par byed// las kyi 'khor lo'i cho ga rnams// sgrub pa po yi sna tshogs 'dod// zla ba'i dkyil 'khor dbus
- 407b
gnas par/ / drag mo'i gzugs su sprul par bya// de yi gzugs su bsams nas ni// sngon bzhin de nyid bsgom par bya// sngags pas sum 'bum bzlas nas su// phyi nas las ni bsgrub par bya// yi ge gnyis 'gyur thig le dang // rtsa ba'i sgra ni sbyar bar bya// phyag 'tshal sreg pa mthar bzhag pa// rnal 'byor pa yis sum 'bum du// bzlas pas sngon du bsnyen nas ni// de nyid las rnams 'bad de/ sgrub/ yi dgas gos la sogs bzung la// lha mo ser mo tshon rtsis bri// phyag gnyis rol pa'i rkang stabs can// dkar dang ser la 'bar ba'i lus// ha ha ra bzhad cing gtsigs pa ste// skra ni lcug pas rnam par brgyan/ / yi dgas kyi ni stan la bzhugs// skyes bu'i pags pa'i na bza' mnabs// don yod grub pa'i dbu rgyan can// sbrul gyi rgyan gyis rnam par klubs// glang po'i pags pa'i sham thabs can/ / kha T+wAM mchog gis brgyan pa ste// g.yon pa chang gi thod pa bsnams// hUM gi sgra ni 'jigs par mdzad// 'od zer me ltar 'bar zhing gsal// lha mo seng ge bsgom par bya// sa yi dbus sogs sbyor bar bya/ / mkhas pa yis ni bsgrub par bya// sngon gyi mtshan nyid ldan pa yis// gnyis med gtor mas dgang bar bya// gal te 'byor na yi dgas mo// tha mal me 'bar dbus su ni// yam shi thang shing las byas pa'am/ / zho can lnga yi shing las bya// mchod pa sna tshogs rgya chen dang // sha chen la sogs bsreg par bya// sbrang rtsi khrag la sbags pa dag/ brgyad brgya ru ni sbyin sreg bya// de ltar bsregs
- 408a
@pa tsam gyis ni/ / des ni mtshan ma ston par 'gyur// oM s+thA bruM pu phaT/ sbyin sreg gi rtsa ba'i sngags so// thams cad sngar bstan bzhin du bya// dang po sa ni 'gul 'gyur te// gnyis pa la ni bris gzugs 'gul/ / gsum pa la ni dri chen 'byung // bzhi par seng ge sgra sgrogs te// lnga par sgrub pa'i grogs por ni// seng ge'i tshul du babs nas su// drag po'i gzugs can rnam par gtsag/ 'jigs pa'i sgra ni sgrog par byed// dam tshig phyag rgya sogs byin nas// gtor ma'i mchod pas mnyes par bya// ji ltar 'dod bzhin gnas rnams dang // stan ni bdag gir tshang nga gso de ras lnga mo dngos bstan nas/ / bdag gis bu yi ci zhig sgrub// 'bad de dam tshig byin nas su// de la phyag rgya bstan par bya// dpa' bos de ltar byin nas su// da lta bdag gi 'dir mdzod cig/ bdag nyid la ni lha mo 'grub/ / oM tiSh+Tha ma ma ku ru hUM hUM hUM dza dza dza swA hA/ spyi bor lag pa bzhag nas ni// gsang sngags 'dir ni brjod par bya// sha dang khrag dang sran chan bcas// gnyis med gtor ma de la sbyi yi dgas bgrod par gnas nas su/ / rtag po'i dus su byin gyis brlab// lha min klu mo gnod sbyin mo// dri za mi'am tsi dang ni// yi dgas mi mo gang 'dod pa// bka' bzhin skad cig gis 'gugs na// phran chags ma/ mo smos ci dgos// bka' ni bsgo ba tsam gyis su// lha min klu yi gnas dag kyang // gang zhig don du gnyer ba rnams// myur du khrid nas 'ong bar 'gyur// gang yang dgra rnams gsang ba dang // bka'/
- 408b
bzhin du ni smod par 'gyur// las rnams kun byed lha mo ste// mkhas pa yis ni bsgru ba yar bya// stag mo ce sbyang bug pa mo// las de nyid kyis bsgrub bya ste// dngos grub de ltar shes byas la// mkhas pa yis ni bsgrub par bya/ / rdo rje dril bu'i phyag rgya ni// de bzhin nyid kyis so sor gzung // rdo rje de nyid kyis sbyar zhing // dril bu chos kyi lha mo yi// phyag rgya gnyis su ldan pa yin// kun rig pas ni thams cad sgrub/ sbyor ba'i gdan gyi rab tu byed pa rdzogs so// // rnal 'byor phyag rgya sogs mtshan pa'i// slob dpon dag ni gzung bya ba// sngags dang phyag rgya sbyor sogs ldan// 'khor ba las sgrol mnyam nyid kyi// ji bzhin lam gyi 'khor ba las// sgrol ba'i mtshan nyid rdo rje nyon// slob dpon yon tan ci 'dra zhing // bla ma zhes bgyi ji ltar lags// slob dpon ji ltar sbyar bar bgyibacom ldan ji ltar blta bar bgyi/ / thams cad byang chub mtshan nyid kyi// de nyid phyag na rdo rjes nyon// byang chub rdzogs pa'i mtshan nyid dang // lus ni sangs rgyas thams cad kyi// cha shas byang chub yan lag rnams/ / dbu rgyan rigs ni lnga nyid de// ba spu rnams ni dgra bcom mo// 'jig rten pa ni zhabs kyi gdan// 'od zer gnod sbyin gsang la sogs// de ltar yon tan ldan pa'i skur// rnal 'byor can ni rtag tu blta/ / ye shes can ni shes bya ba// mtshan nyid gang yin bstan par bya// shin tu dul zhing zhi ba'i gzugs// sems can kun la mi 'jigs sbyin// sngags dang rgyud kyi sbyor ba mkhas// rnal 'byor bzo
- 409a
dang bstan bcos rig/ thams cad du ni snyan par smra// sems can kun la bu bzhin lha// sbyin pa la sogs rtag tu dga'// rnal 'byor bsam gtan mngon par brtson// snying rje phan pa'i sems kyis ni/ / bden par smra zhing 'tshe mi byed// mnyam nyid sems ni bskyed pas na// sems can rnams kyi mgon skyob yin// de nyid bcu ni yongs shes pa// 'di ni slob dpon zhes byar brjod// gzhan yang slob mas spyod pa yi/ / de nyid mtshan nyid mnyan par gyis// rnal 'byor ma yi sbyor ba lta// dam tshig spyod pa dang lha nyid// gtor ma gsang ba la sogs ldan// slob dpon gsang ba smad mi bya// smad na myur du mnar med 'gro// / kun tu dam tshig med pa dang // stan dang mal dang lham sogs dang // gdugs dang na bza' nyer spyod rnams// grib ma 'gom zhing brdzi mi bya// bzlog dang gzir ba'i tshig brjod min// 'das na da ni dus kun tu// gnod kyis 'tshe bar 'gyur ba dang // nor nyams dpal las ring du 'gyur// bdud dang sdang bas 'joms par byed// de yi grib ma 'goms gyur na// mchod rten bshig pa'i sdig 'drar brjod// slob dpon smod par gang byed pa/ / rmi lam na yang dngos grub med// slob dpon yon tan gzung bya yin// skyon rnams nam yang gzung bya min// sngags dang phyag rgya'i sbyor la sogs// de yi lam gyis 'grub phyir ro// bslab pa sbyin pa sngon 'gro bas/ / de nas maN+Dal la sogs bya// sngar bstan yi ge gcig pa yis// sangs rgyas lnga ru bstan par bya// de yi rnal 'byor ldan pa yis// las rnams 'dod bzhin 'grub par 'gyur// sngags/
- 409b
kyi dbang bskur ldan pa yis// yi ge brgyad po bsgom par bya// gnyis med gtor sbyin dbang bskur ba'i// de yi chos ni shes par bya// sbyor ba'i dbang bskur ldan pa la// ye shes rnam shes bstan par bya// slob dpon dbang ni bskur nas su// thams cad gsang ba la sogs bstan// dang por slob mas bya ba ni// bla gos phrag par gzar nas su// pus mo g.yas pa'i lha nga dag/ sa la legs par btsugs nas ni/ / thal mo snying kar sbyar bar bya// bla ma stan la 'dug nas ni// rang gis lha ru rab bsgoms la// lag pas lag pa bzung nas ni// mkhas pas bslab pa sbyin par bya// sangs rgyas chos dang dge 'dun la/ / rtag tu bdag ni skyabs su mchi// theg pa gsum po thams cad dang // rnal 'byor gsang sogs mkha' 'gro ma// dpa' bo dpa' mo dbang lha mo// byang chub sems dpa' bdag nyid che// khyad par du yang slob dpon la/ / rtag tu skyabs su mchi bar bgyi// rnam snang mdzad dang mi bskyod pa// rin chen mchog dang 'jig rten dbang // don yod grub pa la sogs pa// sangs rgyas byang chub sems dpa' kun/ thams cad bdag la dgongs su gsol// bdag ming 'di zhes bgyi ba ni// dus tshed 'di las bzung nas su// byang chub snying por mchis bar du// ma bsgral ba rnams bsgral bgyi zhing // ma grol ba rnams bdag gis dgrol// de ltar rjes su brtse ba'i phyir// bdag gis chos khrims 'di bgyi'o// de ltar lan gnyis lan gsum du// mnyam nyid brtan pa'i sems ldan brjod// oM
- 410a
swa b+hA ba shud+d+ha sar+b+ba d+har+m+ma sA b+hA ba shud+d+hohaM/ oM badz+ra shud+d+ha sar+b+ba d+harmA badz+ra shud+d+hohaM/ oM yo ga shud+d+ha sar+b+ba d+harmA yo ga shud+d+hohaM/ lus kyi las ni rnam gsum dang // ngag gi las ni rnam pa bzhi yid kyi rnam pa gsum dag ni/ / lus bsdam pas ni dam tshig srung // sems ni mnyam nyid shes nas su// ji skad gsungs pa'i chos bshad bya// de nas ras kyis mig bkab nas// gtor ma'i gnas su gzhug par bya/ / lag pas lag pa bzung nas su// slar yang bslab pa bstan par bya// sangs rgyas kun gyi rang bzhin sku// slob dpon la ni skyabs su mchi// dpa' bo dpa' mo 'khor lo ma/ sbyor ba'i gdan la bdag phyag 'tshal// don dam rtogs mchog seng ge slob ma rnam shes nas// rnal 'byor ldan pas sgribs g.yogs rnams su bral ba'i phyir// srid pa'i nyes dmigs bskyod pa'i nyon mongs bcom nas su/ / rnal 'byor don dam grub byed de nyid rgyal por 'gyur// a ni yig 'bru kun gyi mchog/ gsung gi rdo rjer byin gyis brlab// hUM ni nyon mongs sreg pa ste// thugs kyi rdo rjer byin gyis brlab/ / oM ni ye shes 'gugs pa ste// sku yi rdo rjer byin gyis brlab// de nas mig phye mthong ma thag/ kun la yan lag lnga btud nas// bdag gi rang bzhin lus 'di nyid// sbyor ba'i gdan du gding bar bya/ / de nas mtshan nyid ci 'dra bar// lus ni ji ltar bstan pa bzhin// mkhas pa yis ni sbyin par bya// ji ltar bstan bzhin mtshon byas la// de nas bslab sogs yang bya ste// ji ltar bstan pa'i yid kyis
- 410b
/ brtags// bdud rtsi lnga dang ldan pa yis// dam tshig chu ni de nas sbyin// ha zhes pa yis kha dog 'phrog/ ho yis dri ni 'joms par byed// hri yis nus pa gzhom bya ste// la lar sngags ni bzlas par bya// / bla ma'i zhabs kyi drung du ni// mgo bos btud de dbul bar bya// oM pany+tsa DA ki nI pu dza u bas+thA na ya At+ma naM nir+ya ta yA mi/ oM A ya tsA pu dzo pas+tha nA ya At+ma naM nir+yA ta ya mi/ oM sarba satwa ya pa ri tA Na Ar+tha ya At+mA naM nir+ya ta ya mi/ nga rgyal dang ni khro ba dang // brlang dang tshig rtsub la 'bar bya// sdig pa'i grogs po spang bya ste// srog gcod rku ba de bzhin no// longs spyod kun la mi chags shing // bdag nyid nges par chog shes byagar gyi gnas dang tshul 'dra ba'i/ / phyi rol bstan bcos shes mi bya// sa ma ya s+t+waM/ sa ma ya ho/ a A aM aHdzaHrdo rje phyag rgya ldan pa yis// yan lag drug gi sa bon gzung // gzhan yang chos rnams thams cad kyis/ / rdzogs pa'i byang chub rim par bstan// de nas slob ma 'byor ldan pas// rtag tu bla mar yon dbul bya// rang gi bu dang chung ma dang // gnyen bdun bran khol bcas pa dang // glang chen rta dang ba glang khyu// rin chen khyim dang zhing yul bcas// gsar dang dngul dang zangs dang ni// gos dang 'bru la sogs pa'i nor// stan dang mal cha lham la sogs// gdugs sogs nye ba'i longs spyod dbul/ / mthar ni rang gi lus nyid kyang // bla ma'i yon du phul nas su// chos rnams rang bzhin dag pa nyid// dngos po'i rang bzhin med pa ru// rdzogs pa'i byang chub rim par bstan// sngon du
- 411a
bzod pa'i tshul gyis ni/ / sems can rnams la gzir mi bya// gzhan la tshig rtsub smra mi bya// thams cad mi dgar bya ba min// tshul khrims sdom pa srung ba dang // skye bo rnams la gnod mi bya/ / srog chags gsad par mi bya ste// de bas shi bar gyur kyang bla// rab tu 'bar me mtshungs pas na// gzhan gyi nor la reg mi bya// dngos la sred pa'i blun po rnams// bdag nyid srin po mi bzang ltung / / rags dang phra mo tsam la yang // rnal 'byor pa yis brdzun bsrung ngo // rnal 'byor spyod pa'i rnal 'byor pa'i// de la brdzun smra yod pa min// spyod la legs par bsdams pa dang // bza' bca' sogs la'ang legs par bsdam/ / dga' dang rtse la'ang legs par bsdam// gtor ma'i dus su'ang legs bsdam bya// rnal 'byor dngos grub 'dod pa rnams// sems can dga' bas grub par 'gyur/ / gang zhig kun shes slob ma la// sems can spro ba bstan par bya// mnyam nyid ye shes bskyed nas ni// thams cad mnyam par blta bar bya// rtag tu mnyam par spyod par bya// rnal 'byor bsam gtan 'bad par bya/ / sems can sprin la sred pa'i gzhes// tsheng byed myu gu 'phel 'gyur te// de yi myu gu ljon shing gis// 'gro ba'i 'bras lam 'gogs par byed// mtho ris longs spyod 'dod pa yis/ / lus can rnams ni byams pas na// dga' zhing rtse ba'i chos spyod kyis// bdag nyid srid par ltung bar 'gyur// mchod rten las ni mi bya zhing // glegs bam bklag par mi ma'o// lag pa'i
- 411b
phyag rgya mi bcing zhing / / sngags kyi ye shes bzla mi bya// bstan bcos dag ni rnyed sla ste// de yi sbyor ba rnyed pa dka'// slob dpon dag gis lam gyis ni// mkhas pa yis ni blta bar bya// bdag gis lha dang gzhan las ni/ / bdag gi lha ni lha yi mchog/ bdag gi gzugs su mi nus pas// gzugs brnyan la sogs bri bar bya// gsang ba'i gdan gyi rab tu phye ba las rim par phye ba dang po'o// / / der ni sbyor ba rnyed dka' ba// nyon cig rdo rje rgyal po gtso// de nyid med pa'i sngags pa rnams// srid pa 'phel byed 'og tu ltung // lus po ngo mtshar skyes gyur pas// de nyid chos ni bstan du gsol/ / rnal 'byor gyi ni tshad ma ci// sngags dang phyag rgya ji lta bu// chu dang me dang rlung rnams kyi// lus kyi tshad ni ji ltar lags// rnal 'byor pa yi gtor ma'i las// rab tu sbyar ba'i tshad ma gang // gang gis 'gro ba sgrub pa yin// mtshan nyid tshad mas ji ltar lags// mtshon bya'i lus dang sems kyi tshad// ji bzhin de nyid rdo rjes nyon// bdag gi khams ni bstan pas na// gtor ma'i las dang bzlas pa dang / / dkyil 'khor me dang chu yi las// phyag rgya gdugs sogs mchod pa yi// 'bras bu thob pa'i rnal 'byor pa'ang // srid pa'i rgya mtshor ltung bar 'gyur// phyag na rdo rjes yang gsol pa/ / srid pa so sor 'byung ba rnams// gang gis de yi tshad ma ste// sems ni ji ltar blta bar gyis// yid ni the tsom skyes par 'gyur// 'khor ba khyod kyis dris pa nyon// sems ni yid kyi
- 412a
bkrus nas su/ / rang dga' ye shes dngos med pa// mkha' 'gro rlung gi bcing ba yis// sems ni gzugs dang gzugs med par// bsam gtan dmigs pas 'grub par 'gyur/ 'a dod lha la sogs 'dod can rnams// rtag tu 'dod yon spyod pa ste// de ltar 'khor ba'i mi rnams ni// rang 'dod sa la sogs pa 'grub// de las sgrol ba'i dngos po rnams// rdo rje 'dzin gyis mdor bsdus nyon/ rnal 'byor can gyis rnam shes dang // lhan cig bgro bas 'gro bar 'gyur// rnam shes rnam par shes pa yis// phyogs kun gyis ni gsal bar 'grub// sems kyi ngo bo the tsom pas// bcom ldan de yang bshad du gsol/ / shes rab rnam shes dngos rang bzhin// mi shes ye shes ji ltar lags// rnam shes ye shes mtshan nyid kyis// the tsom gyur pa nyan par 'tshal// shel dang mtshungs pa dag pa'i sems/ / sems la skyon dang yon tan med// yul rnams dang ni sprad pa yis// srid pa'i skyon gyis gos pa yin// gang gis 'di yi srid pa'i dngos// yul gnas pa yis zhi gyur nas// ji ltar gnas bzhin rab sbyor ba/ / bu ga'i sgo ru gzir bar bya// de yi dbus su shes bya ba// rtag tu rnam shes nam mkha' 'dra// kha dog med cing thams cad 'tshod// mi ldan lus can ldan pa ste// gzugs med pa ni kun gyi gzugs/ / de bzhin thung ngu ring po min// sems kyi de kho na nyid kyi// dngos med rdzu 'phrul 'grub par 'gyur// mtshan nyid med pa'i sems kyis ni// mtshan nyid thams cad sbar ba'o// dngos po
- 412b
med par sgom pa yis/ / sgom pa dag ni mtshon par bya// gzugs dang stong pa'i dbus su ni// sems ni mkhas pas shes bya ste// thams cad kun nas dmigs pa yis// rnal 'byor lus ni skyon med pa'o/ / gsang las gsang ba gsang chen po// rnam shes ye shes gsang ba dag/ bstan bcos klog la sogs sbas shing // yul gyi mtshan nyid las kyang ring // mtshon bya'i mtshan nyid de nyid ni// bla ma'i lam gyis mthong bar 'gyur/ / sems dang lus su bcas mnyam zhing // sems kyang gdung bar mi bya'o// lus ni gdung bar mi bya'o// yid du 'ong ba'i sa phyogs su// mkhas pa yis ni bsgrub par bya// bde ba'i stan la gnas nas ni// sems dpa'i skyil krung bcas nas ni// lag gnyis gsang ba'i gnas su gzhag/ mig ni sna rtser bltas nas su// dbugs ni lte ba'i rtsa bar gzung // thong ka kun tu spangs pa ni/ / dkyil 'khor lta bur sbyar bar bya// 'bad de mnyam nyid sems kyis ni// de nyid rang bzhin dag byas la// yid kyi dri yis byug pa dang // yid kyis me tog mchod par bya// rang bzhin dri yis byugs nas su/ / shes rab sgron mas snang bar bya// bdud rtsi'i gtor mas tshim pa'i lus// kun nas drangs te bza' bar bya// kha dog ser po 'bar ba'i 'od// ka sha gnyis 'gyur yi ge ste// drag mor ldan pa'i sa bon nyid/ / tshangs pa'i sgo ru shin tu srung // thams cad gzugs kyi 'jigs byed pa// dril bu chu yi yi ge ste// stong par ldan pa'i sa bon ni// sna dang rna ba dag la dgod// bdud rtsi'i chu
- 413a
yi sa bon ni/ / lce dbang rtse mor gzung bar bya// seng ge'i sa bon brtsegs pa yis// rgyas pa'i sgo ni bsrung bar bya// stag mo'i sa bon brtsegs pa yis// thong ka kun tu gzung bar bya/ / ce spyang sa bon brtsegs pa ni// snying ka'i gnas su gzhag par bya// lte ba'i tshig ni gdan gyi sgor// phyugs kyi sa bon gyis srung ngo // lha mo brgyad du sbyar nas ni// sa bon brgyad po gzung bar bya/ / de yi mdog ni dkar mo ste// lus kun tu ni shin tu 'bar// steng gi mche ba gnyis las ni// dngul chu'i rgyun dang 'dra bar dbab// 'o ma'i chu zhes bya ba yin// 'jug pas rlabs pa'i mdog lta bu/ / steng gi mche ba gnyis kyis ni// lce yis bstan pa'i bdud rtsi'i chu// lce rlung gsang ba'i nang du dbab// dpral ba'i sde dang sna dang ni// rna ba gnyis kyi rgyab dag tu// kha zas lta bu'i dngos / bo ni// kun nas drangs te gzhag par bya// mchod rten sgo ru sa bon ni// hUM zhes bya ba dbang phyug mchog/ bdud rtsi'i chu yis bkrus nas su// lhag ma 'og tu thim par bya// ngag tu rlung gi sa bon gyis// 'khrul 'khor lta bur kun nas drangs// chu ni mjug do rtsib logs dang // de bzhin mchan khung gnyis dang ni// dus dang yi dwags ma rkang pa// tshig rnams kun dang snying sa nas// bdud rtsi btung ba gang yin pa/ / ba lang rmig par thim nas ni// sgo gcig nas ni sgo dgur gzhag/ lus kun la ni gnas pa yi// bdud rtsi gang gis shes pa dag/ lus rnams thams cad skye 'gyur bas// de yi rnal 'byor
- 413b
brtags pa yin/ / snying dbus zla ba bsam bya ba// mdangs ldan shin tu mdzes shing gsal// gangs dang kun da zla ba 'dra// zla ba de dbus 'o ma'i rgyun// bdud rtsi kun rig gug skyed bcas// bdud rtsi'i 'od ni shin tu bsil/ / ma ning rnams ni spangs pa yis// dbyangs kyi yi ge thams cad kyis// zla ba'i dkyil 'khor dngos rnams kyi// gnas rnams kun tu bskor bar bya// ba yang rmig pa'i steng du ni// rtag tu bdud rtsi bzhag nas su/ / gzugs dang kha dog mdzes pa yi// ye shes lus su bsgom par bya// mi g.yo 'tshe ba med pa ru// dngos po dngos po bsgom byas la// 'o ma'i zla ba sa bon dag/ phyag 'tshal sreg pa'i mtha' ldan pa/ / mnyam gzhag dngos pos bzlas byas na// 'grub 'gyur 'dir ni the tsom med// dbang po rnams kyi sred pa dang // bkres skom la sogs med par 'gyur// lo ni brgya phrag du mar ba tshe/ / gzugs dang gzi brjid na tshod ldan// rims dang dug la sogs pa dang // grang dang tsha sogs gnod pa rnams// ye shes can gyi ye shes lus// yan lag kun la gnas mi 'gyur// bdud rtsi'i rtsa ba dmigs pa yis/ / myu gu skye zhing 'byung bar 'gyur// de dang de ni 'phel 'gyur ram// gzugs dang ye shes bdag nyid che// de yi rnal 'byor gnas rnams ni// stong pa'i brag la sogs par brtan// bdud rtsi gang gis shes pa yis// bdud rtsi'i 'bras bu ster bar 'gyur// ji ltar bdag nyid kyi ni sems// ye shes can gyi de kho nas// dag bya 'khor ba'i pha rol mtshan// ye shes dbang las nyan par
- 414a
'tshal/ / gnyis med sngon gyi sems kyis ni// 'dod chags nyon mongs rgya mtsho yis// rang gi lus ni bkru bya ba// ye shes sems dpa' mnyan par gyis// rgya mtsho zab mo lta bu yi// stong nyid ye shes de nyid kyis// phyi nang dri ma bkrus pas na// lus ni shel ltar mtshungs par gyur// shel dang 'dra ba'i lus kyi dngos// dri med dung dang kun da' dra// ye shes dbang po sna tshogs kyis// chos kyi tshon gyis btso bar bya// rang bzhin gyis ni rnal 'byor pa// nyes byas legs byas las byung ba// gang gi rang bzhin las rgyal ba// ye shes kyis ni snang bar bya// sngon gyi mtshan nyid stong pa yis// 'gro ba'i dngos kun zad par bya// mnyam nyid sems ni bskyed pa yis// gzugs sogs thams cad zad pa na// de gnyis dbus su bsam bya ba// zla ba 'o ma'i sa bon te// a li ka li rab sbyor bas// de yi dbus su btu bar bya// de yi sa bon de nyid kyis// 'od zer 'phreng ba bsam par bya// sa bon de nyid gang gis ni// myur du ye shes snang bar 'gyur// gzugs mdzes yongs su mdzes pa yi// ye shes su ru de nas bsgom/ / phyogs bcu'i 'jig rten khams su ni// sangs rgyas sprin rnams spro bar bya// phyag 'tshal sreg pa'i mtha' ldan pa'i// sa bon gang zhig bzla ba ni// snga tshan gsum pa gang yin pa'i/ / yi ge gsum pa gzung bar bya// dbyug pa spyi mo rdo rje dang // skra bo che la sogs pa dkri// sems ni mnyam nyid bsgoms nas su// rnal 'byor can gyis bzlas par bya// mi g.yo 'tshe ba med pa ru//
- 414b
dngos pos dngos po bsgom byas la// rnal 'byor bsam gtan la 'bad pas// 'og min la sogs snang bar bya// 'od zer 'phro ba spros pa yis// sa 'og rim pa bdun yang bsam// rnal 'byor snang bar 'dod pa yis/ / rtag tu sems kyis bsgom par bya// snying khar dkyil 'khor dbus gnas par// hUM zhes bya ba dbang phyug mchog/ sngon gyi mtshan nyid kun rig pas// thams cad kun nas zad par bya// rlung gi dkyil 'khor dbus gnas par// zla ba'i dkyil 'khor bsgom par bya// 'od zer sna tshogs 'bar ba yi// ye shes sa bon de dbus bsam// de las byung ba'i ye shes lus// ye shes mkha' 'gro'i bdag nyid de/ / zla ba'i dkyil 'khor dbus gnas par// pad+ma'i stan la bzhugs pa ste// sngon gyi mtshan nyid kun rig pas// yan lag rdzogs pa'i skur bsgoms la// snying gi dkyil 'khor dbus gnas par/ / zla ba 'o ma'i sa bon bsam// kun nas mnyam pa'i sems kyis ni// rtag tu de nyid bsgom par bya// kha dog dkar po 'od 'bar las// kun tu rdul phran dkar pos dgang // pha rol dngos po dmar po ru/ / zla ba'i dkyil 'khor dbus gnas par// pad+ma'i stan la bzhugs pa yi// rdo rje sems dpar bsams nas su// gang gi snying gi dbus su ni// de yi rnam shes gzung bar bya// hUM zhes bya ba'i phyogs brgyad du/ / kha dog dmar po bsams nas ni// rtag tu mnyam nyid lta ba yis// blo ldan pha rol sems shes bya// kun nas dpag tshad phyi rol tu// rnal 'byor pas ni gang bsam na//
- 415a
de yi bsam pa thams cad ni// yi ge de yis ston par 'gyur// gal te pha rol cha yis ni// sems kyi mtshan nyid shes 'dod pas// gzhan gyi sems ni rig pa yis// kun nas thams cad shes byas la/ / dpa' bo sems can kun don phyir// rnal 'byor 'di yis sbyar bar bya// de nas me yi las kyi bdag/ sbyor ba ji ltar 'tshal bar bgyi// ye shes me yis bdag nyid la// sbyin sreg mtshan nyid ji ltar lags// thams cad sems kyis byin rlabs pas// skye bo'i lus can ye shes me// thams cad ye shes byin rlabs pa// me yi de nyid mnyan par gyis// bdag nyid sems kyis bsreg pas ni/ / rnal 'byor can gyis sbyin sreg bya// mdud pa'i lte ba'i dbus nyid kyi// dngos su sor ni bdun pa ste// me yi thabs kyi gnas yin la// klu dbang 'khyil ba'i bskor ba yin// yi ge thams cad 'bar bar bya// de dbus pad+ma rig pa yis// nyi ma'i dkyil 'khor dbus gnas par// ye shes lus ni 'bar bar gzung // mdud pa'i me la dkar po ru// rdo rje mkha' 'gro thim par byagayas kyi cha yi logs su ni/ / drag mo thim bya me dang 'dra// lte ba dmar po 'bar ba la// lha mo'i rtse mo ro langs ma// g.yon phyogs cha ni sngon po la// drag tu 'bar ba gtum mo ste// me lnga yi ni bdag nyid rnams/ / gzugs mdzes mthe bo'i tshad du blta// chu dang me dang rlung dang ni// sa dang ye shes rnam pa lnga// lha mo lnga yi bdag nyid la// sbyin sreg cho ga'i mchog yin no// bcu dang brgyad
- 415b
kyi rtsa rnams nas/ / dus su bdud rtsi dmigs par bya// ba lang rmig pa'i dbus su ni// 'dzag pa der ni thim par bya// me yi dbus su sreg pa'i bzhi// dbyangs yig dang po sogs sa bon// 'di ltar de kho na bsgoms nas/ / bdag nyid rgyas phyir bsreg par bya// cung zad bza' dang btung la sogs// rung bar byas nas bza' bar bya// 'di ltar spyod pa'i rnal 'byor pa// bu lon du yang mi 'gyur ro/ gsang ba'i gdan gyi rab tu byed pa las rim par phye ba gnyis pa'o// // spre'u 'dra bar mi gnas pa// mnyam nyid gang gis sbyar bar bgyi// lus kyi sbyor ba'i mtshan nyid rnams/ / lha la rol mo nyan par 'tshal// 'byung ba yi ni khyad par dang // gsang ba rdo rje chen pos nyon// sems ni mnyam par gnas pa ste// nye bar zhi nas ka lir 'jug/ lus las spu rnams skye ba ni/ kun tu chu yi tshad ma ste// chu la lus ni ma yin te// lus la chu yi tshad ma yin// lus kun la ni khyab pas na// blo ldan chu ni tshad ma'o// lus ni rdo rje lha mo yin// lus kyi yan lag thams cad la// me 'bar lta bur dro ba ste// kha zas smin pa'i tshad ma yin// me ni tshad mar rab tu grags// yan lag thams cad khyab pa yin// me ni kun rig dmar yin pas// lus ni drag mor bstan pa ste// bdag nyid tshad mar rab tu grags/ / bu gar zla ba 'dra gnas pas// rang gi lus kun khyab pa ste// dbugs rgyu ba yi tshad ma yis// mkhas pas sems ni tshad mar grags// lus la rten pa'i sbyor ba yis//
- 416a
dbugs ni gang gis shes nas su// thams cad lha mo re langs mar// mkhas pa yis ni shes par bya// sa ni kun gyi gnas yin te// gzugs sogs dbang po yon tan ldan// gzugs la sogs pa snang ba na// sa ni tshad ma'i gnas yin no// mdzes ma shes bya rab tu grags// de ni lha mo gtum mo ste// kun gyi gtso mor rab tu grags// yid ni the tsom gcod pa ste// byed po sdud po zab po'ang yin// dbang po kun gyis sems rnams kyi// mtshan bzhi mtshan nyid shes par bya// dbang rgyal nyer sbyor longs spyod pa// yul la sogs pa nyer spyod kyis// rnal 'byor tshad ma mkhas pa yis/ / lus la ye shes bsten par bya// sems las chu ni byung bas na// rnam shes chur ni 'gyur pa ste// gal te chur ni gzhan yin na// ci phyir zhe na chu mi 'gyur// lus la nges par drod yod na chu ni nang du bying mi 'gyur/ / lus la tshad ma lnga yod pas// lnga po gcig gi bdag nyid 'gyur// mtshan nyid gcig tu shes byas nas// rnal 'byor pa yis 'gro ba brtag/ de yi mtshan nyid shes bya'i phyir// / dge ba'i bshes gnyen bstan par bya// de nyid rnal 'byor grogs kyi ni// 'khor ba'i pha rol rgal bar 'gyur// yul dang dbang po'i ye shes ni// gzir dang bcas pas sdom par 'gyur// sgong skyes khyim gyi gnas su ni/ / dbus su gnas pa bcing bar bya// 'byung dang 'byung min sems kyis ni// g.yo ba'i dngos po bskor bar bya// bcing ba'i gnas dang stan dag ni// rnam shes pad+ma'i stan la'o//
- 416b
rnal 'byor pa yis de yi phyir// rnam shes rang bzhin mtshon par bya// gzugs zhes bya ba'i dngos po yi// rnal 'byor grub par bya ba'i phyir// rang bzhin zhes bya'i dngos por 'gyur// lte bar chu shing me tog/ ni/ snying khar yang ni 'greng ste gnas// rtag tu stong pa'i sgo yin te// mkhas pas rtag tu bzlog par bya// ge sar dang ni ldan pa yi// rtag tu 'dab ma brgyad du 'gyur// de dbus rtag tu gsungs pa ni// ye shes rnam shes sbyor ba ste// sbyor ba yi ni shar phyogs char// de dang mthun pa'i sor drug pa'o// mdud pa yi ni nub phyogs char// 'og tu sor ni lnga pa'o// zhing de la ni sa bon dang // 'od zer sna tshogs kyis myu gur 'gyur/ / sa bon da yi 'od zer gyis// chu shing lta bur bskor bar bya// rgyas pa lnga yi sa bon la// lho yi 'og nas dgar bar bya// pad+mo mdzes pa bkas pa yis// 'dab ma brgyad kyis rnam par brgyan/ / pad+mo da yi stan la ni// sgong skyes ye shes gnas dag la// dbus su shel ltar dag pa yis// ye shes rnam shes dbu ma nyid// mkha' 'gro ma bzhi'i sa bon rnams// phyogs kyi 'dab mar gnas pa ste/ / dbyangs yig dang po sogs sa bon// mtshams su sen mo la sogs pa'i// ma ning yi ger sngar bstan bzhin// snying khar dngos po dngos po las// snying khar yi ge blta bar bya// ba lang rmig pa'i steng du ni/ / sgo dgu pa yi bdud rtsi yis// rnal 'byor can gyis rtag tu bkru// yi ge dkar po brgyad po rnams// bdud rtsi'i yi ge dkar po yi// 'od 'bar ba spu'i khung nas spro// rnal 'byor
- 417a
can gyis thams cad du/ / 'gro dang 'chag dang 'dug pa dang // nyal ba la sogs dus kun tu// ye shes rnam shes sa bon bzla// shin tu mnyam gzhag sems kyis ni// rnal 'byor can gyis bsgom bzlas na/ / ye shes las byung rnal 'byor pa// 'khor ba'i pha rol rgal bar 'gyur// g.yo ba med cing 'tshe med par// dngos pos dngos po bsgom par bya// gong du 'pho ba'i sbyor mtshan nyid/ / ji bzhin rdo rjes mnyan par gyis// lam bzang po yi rnal 'byor pa// 'gro ba mdzes pa blta bar bya// sgo dgu po ni ji lta bu// ye shes sgo yi bye brag gis// yon tan skyon rnams ji lta bu// ye shes dbang las mnyan par 'tshal// 'chi ba'i dus kyi tshad ma rnams// yang dag par sbyor mnyan par gyis// lam bzang po yis mdzes pa'i gnas// lam ngan srid pa'i skyon gyis gos// thig le lte ba spyi gtsug dang // mig dang sna dang rna srid sgo// chu dang chu min sgo yin te// sgo dgu yi ni mtshan nyid yin// lte ba 'dod can mtho ris te// thig les gzugs khams kyi lus can// stang nas steng du gnas da ru/ / mi gdung la sogs de ru 'gro// sna nas gnod sbyin gnas su ste// rna ba dag gis grub pa'i lha// gal te mig las ye shes 'gro// mi rnams kyi ni bdag por 'gro// srid pa'i sgo yis yi dgas te/ / de bzhin gcibs dud 'gro'o// chu min rnam shes myur ba ru// dmyal ba brgyad du shes par bya'o// sgo rnams kyi ni bye brag gis// 'khor ba'i bye brag 'byung ba yin// de bas
- 417b
sgo yi bye brag las/ / sgrub pos lam ni bzang po ste// 'chi ba'i mtshan ma ston pa dang // 'chi ba'i dus la bab pa na// rims la sogs pas ma phog par// gong du 'pho ba sbyor ba'i mchog/ sngon du bum pa brtsam pa yi/ / sgo rnams thams cad bcing bar bya// rgyas pa lnga yi mchod rten gyis// sgo ni dgag pa bsgom bya ste// de la 'og gi sgo ru ni// chu yi sa bon dkar po bsam// chu dang chu min sgo la ni// me yi sa bon 'bar ba ste/ / de la shin tu mnyam bzhag pas// dbugs ni bum pa can du bsgom// lus ni rlung gi mdog tu ste// sems ni rlung gi dkyil 'khor la// rtsa ba rlung gi sa bon no// rlung gi mtha' ni rtsa ba can/ / thig le sgra dang ldan pa yis// rtsa ba'i sa bon drang bar bya// rdo rje'i sa bon drag mo yis// lcags kyu la sogs sbyar bar bya// nyi shu rtsa gcig dbugs rnams kyis// gnas nas drag tu drang bar bya/ / gnas na gnas nas steng du dbye// tshogs dgu las ni stang du bya// steng du smin pa'i sa bon dang // yi ge phyed dang gnyis kyis sbyang // drag mo'i nga ro brjod bya ste// brgyad kyi mtha' yi sa bon la/ / snga tshan dang po'i dang po ni// yi ge phyed du sbyar bar bya// 'og tu rlung gi dkyil 'khor gyis// sgra yi dbye bas bskul bar bya// rlung gi sa bon ldan pa yi// rlung gi dkyil 'khor bsam nas ni/ / nyi shu rtsa gcig gnas rnams nas// gong nas de bzhin steng gnas su// rnal 'byor pa yis smin byas la// stang gi rtsa tshig bzla bar bya// tshigs dgu las ni steng gzhan gyi// mod la 'pho bar shes
- 418a
bya ste/ nyin re bram ze gsod pa dang // mtshams med lnga ni byed pa dang // rku 'phrog 'dod la spyod pa dag/ lam 'di yis ni dag 'gyur te// sdig pas gos par mi 'gyur zhing // srid pa'i skyon las ring du 'gro// ji ltar 'dam nas skye ba yi// pad+ma dri med yid 'ongs pa// de bzhin lus kyi 'dam las ni// ye shes sku ni 'dod bzhin 'gro// dus la bab na 'pho bya ste// dus min lha rnams gsod par 'gyur/ / de bas lus la mtshan ma rnams// mthong nas mkhas pas sbyor ba brtsam// rnal 'byor sgrub pa'i khyad par gyis// de nyid ji bzhin rdo rjes nyon// sngar gyi mtshan nyid kun rig pas// / mnyam nyid sems ni bsgom par bya// snying kha'i dkyil 'khor dbus gnas par// sangs rgyas lnga yi sa bon bsam// de 'od nyi mar 'bar ba yis// gzugs rnams zad par bsams nas ni// sngon bzhin mtshan nyid ldan pa yi/ / sngar bstan stong nyid bsam par bya// gzugs sogs thams cad bcom nas ni// hUM zhes bya ba gnas par bsam// sa bon gyis ni bskyed bya ba// zla ba'i dkyil 'khor dbus gnas par/ / pad+ma'i stan la bzhugs pa yi// ye shes mkha' 'gro'i bdag nyid ni// zhal gsum phyag ni drug pa ste// spyan gsum cod pan gyis brgyan cing // bzhad dang khro dang sgeg pa ste// rgyan rnams kun gyis klubs pa yi// kun da zla ba ltar dkar zhing // shin tu mdzes pa'i na bza' mnapas// sems dpa'i skyil krung gnas nas ni// sangs rgyas sprin rnams spro ba mdzad// g.yas kyi
- 418b
dang po mda' yin te/ / gnyis pa yis ni lcags kyu rnams// gsum pa na ni rdo rje nyid// g.yon pa khro bo'i sdigs mjug ste// gnyis pa 'jigs pa'i zhags pa thogs// go cha'i gzhu ni steng na bsnams// 'od zer sna tshogs 'bar ba ru// dbugs mi g.yo bar bsgom par bya// yan lag brgyad du rab 'bad nas// sa bon brgyad kyi yi ge dgod// a li ka li rab sbyor bas// sa bon ji bzhin btu bar bya// / 'od zer ldan pa'i sa bon rnams// kun tu kha dog dkar por bya// chu shing me tog pad+mo la// snying khar sgong skyes gzhag par bya// de yi dbus su rnam shes dang // ye shes lhan cig ldan par ni// mi g.yo 'tshe ba med pa ru/ / dngos po dngos po bsgom par bya// de nas phyi rol sbyor ba ni// mkhas pa yis ni gzung bar bya// gnas gnyis dag ni bsams pa ni// rlung gi dkyil 'khor bsgom par bya// de yi dbus su me yin te/ / me yi dbus su nyi ma la// a li ka lir ldan pa yi// de yi sa bon dmar por dgod// rnal 'byor pa yis khyad par du// 'byung dang 'jug par bzlas par bya// 'byung ba ye shes sa / bon gyis// dbus su bsnun dang ldan par bya// 'jug pas snying gi rnam shes la// me tog lta bur ba skrun par bya// 'byung ba 'jug min bzlas bya zhing // 'jug pa 'jug pa min la bzla// rnal 'byor pa yis 'byung 'jug dang / / bdag nyid dang ni phyi rol bya// 'byung ba'i mtshan nyid mtshon pa dang // 'jug pa yis ni mtshon byas la// rnal 'byor pa yis 'byung 'jug dag/ de kho na nyid mnyam par bsgom// mnyam gzhag
- 419a
dngos po bsgoms nas ni/ / 'grub 'gyur 'dir ni the tsom med// de nas phyi rol lus la ni// sgrub pa po yis rnam par sprul// pha rol sems dang rjes 'thun par// mkhas pa yis ni shes par bya/ / bsgoms dang bzlas pa'i khyad par gyis// shin tu mnyam par gzhag pa ste// bsams pa gang gi lam nas ni// 'grub 'gyur 'dir ni the tsom med// gsang ba'i gdan gyi rab tu byed pa las rim par phye ba gsum pa'o/ / // gsang ba'i gdan gyi gsang ba nyid// sems dang ye shes 'dres pa yi// rdzogs pa'i byang chub rim ci 'dra// ye shes dbang las mnyan par 'tshal// gsang ba'i gsang ba chos kyi don// byang chub rim pa rdo rje nyon// 'dod chags la sogs rim spangs nas// mnyam nyid sems ni bskyed par bya// yid du 'ong ba'i sa phyogs su// bde ba'i stan la gnas nas ni// / khams dang sems ni bde ba yis// snying rjes phan pa bsam par bya// yang dag bstan bcos de nyid thos// slob dpon lung gis rjes 'gro zhing // gsang chen de nyid don sgom pa// gcig nas gcig rgyud de nyid can/ / thams cad sngon bzhin mtshon byas nas// thams cad stong pa nyid du bya// dri ma bkrus pa'i lus la ni// byang chub rim pas gtso bar bya// zla ba'i dkyil 'khor dbus gnas par// ye shes mkha' 'gro bsam byas te/ / zla ba'i 'od zer 'phro ba yi// kun da zla ba ltar dkar mdog/ zhabs gnyis sems dpa'i skyil krung bcas// pad+ma yi ni stan la bzhugs// rgyan rnams kun gyis brgyan pa'i
- 419b
/ sku/ sangs rgyas lnga yis brgyan pa ste// phyag gnyis phyag rgya che bcings nas// nyid kyis thugs kar 'tshir bar mdzad// gzugs mdzes shin tu rdzogs pa ste// ye shes sems dpa' bdag ces brjod// chu shing me tog lte ba nas// snying gi bar du 'greng ste gnas// sngar gyi mtshan nyid kyis bzlog nas// sngon bzhin pad+ma rgyas par bya// ge sar dang ni lte bar bcas// 'dab brgyad shin tu mdzes pa ste// dbus kyi sgong skyes la gnas par/ / yi ge'i dgod pa dgod par bya// kha dog dkar po dag cing gsal// dbus su bsgom bya zhu ba'i gtso// de yi dbus su rnam shes dang // ye shes dag ni sbyar bar bya// shar du / byams par ldan pa yi// mi bskyod pa yi sa bon bsam// lho yi sgo ru snying rje ste// rin chen sa bon de nyid do// nub kyi sgo yi 'dab ma la// 'od dpag med kyi sa bon dgod// byang gi cha yi 'dab ma la// don yod gtso bo bsam par bya// dbyangs yig thog ma sogs sa bon// thig le dbyug par ldan rim bzhin// 'od zer dkar pos brgyan pa ste// yi ge bzhi ni dgod par bya// phyogs mtshams dag ni bzhi po ru/ / sngon du bstan pa'i ma ning dgod// de yi dbus su de yi sems// yi ge ru ni mtshon par bya// stong pa mtshan nyid med pa las// ji ltar yi ge sbyar bar bgyi// sems ni ya mtshan skye bar 'gyur/ / bcom ldan bdag la bshad du gsol// bcom ldan 'das kyis bka' stsal pa// stong pa'i mtshan nyid mtshon pa las// chu shing snyi ma'i bdud rtsi bzhin// snying po med pa'i snying por gyur//
- 420a
de nyid ji bzhin rdo rjes nyon// dbus na gnas pa ye shes te// ye shes rang bzhin gzugs med cing // mtshan nyid med pa mtshan nyid can// dri ma med pa'i ye shes sku// dngos dang dngos med rnam par grol/ / yi ge gzugs ni yi ge med// gzugs dang stong pa'i dbus su ni// rnal 'byor can gyis de nyid gzung // gang gi mtshan nyid shes byas nas// mnyam nyid ye shes pa dang ldan// de yis rdzogs pa'i byang chub lam// myur ba nyid du mthong bar 'gyur// bla ma nyid kyi lam gyis ni// ye shes rnam shes rang bzhin nyid// bstan bcos la ni mtshan nyid bstan// de kho na nyid dpa' bos bshad// / 'od zer dkar pos rgyas pa ru// 'di ni kun tu rab bsgoms pa// rgyas pa'i lnga yi mchod rten te// bdud rtsi'i sa bon bsams nas ni// 'od zer dkar po gsal ba'i mdangs// bdud rtsi'i chu rgyun 'dzag pab bkru/ / thigs pa'i dbus su sa bon ni// mthe bong tsam gyis zlum por bya// de yi dbus kyi sa bon ni// a li ka li dag las btu// kha dog dkar po shin tu mdzes// zla ba'i 'odra zer kun tu 'phro// deyi dbus kyi sa bon ni// thig le bsam par rab tu grag/ skra yi rtse mo brgya yi che// rdul phran gzugs su kun tu bsam// rnam par shes pa'i dngos po yi// mtshan nyid mtshon pa'i ye shes can// sems kyis mtshan nyid mi shes pas// thig le gnas kyi go 'phang blta// snying dang tshangs pa'i sgo nga ni// thig pa'i lam gyi sgo dag tu// bla ma'i lung la gus pa yis// rnam shes ye shes gzung bar bya//
- 420b
phyi rol gyi ni lam dag dang // bstan bcos las kyang ring ba yin// bstan bcos dag ni rnyed sla ste// de yi sgor ba rnyed par dka'// bla ma'i bsnyen bkur la gus pa'i// thabs dang ldan na sgrub pa po// bla ma'i lug gi lam gyis ni/ / mkhas pa yis ni blta bar bya// mi g.yo 'tshe ba med pa ru// mnyam par gzhag pas dngos po bsgom// ches kyi sngon 'gro yid yin te// yid kyis 'jug cing yid kyis bdag/ de bas thams cad yid rang bzhin/ / blo ldan yid las 'byung zhes bya// gal te bzlas 'dod rnal 'byor pas// snying gi sdom pa bsam par bya// sa bon gyi ni rgyur gyur pa// de khe nar ni gzugs min no// rgyu dang 'bras bu'i sa bon ni/ / de kho na nyid mthong ba min// gzugs sogs srid pa'i longs spyod la// sa bon dmigs shing bzlas par bya// kun nas kun tu 'jug pa dang // 'og dang 'og min yang dag gnas/ / rtsa bar rtag tu gzer bar bya// ye shes rnam shes sa bon ni// thig le sgra dang yang dag ldan// srid pa'i longs spyod 'dod pa yis// phyi rol dag ni spangs nas su// yid kyis bzlas dang ldan par bya// / rtag pa chos kyi dbyings nyid kyis// mi g.yo go 'phang rgyun du gnas// rtag tu phra zhing gos med pas// ye shes pa ni rnam shes tham// rnam shes ye shes nyid gyur nas// byang chub rim pa mthong bar 'gyur// mar me lta bur thams cad du// snang gyur mtshan ma dang po ste// srin bu me khyer lta bu'i rdul// mthong ba'i mtshan ma gnyid pa yin// gsum pa la ni rnal 'byor pas// nyon mongs 'joms pa'i mtshan
- 421a
pa ste/ rdul phran dkar po'i tshul gyis ni// de bzhin phyogs bcur mthong bar 'gyur// 'dod pa lha yi longs spyod rnams// sems kyis mthong ba bzhi pa ste// mtho ris gzugs kyi lha rnams ni/ / sems kyis mthong ba lnga pa yin// gzugs med longs spyod drug pa ste// bdun pa chos kyi sa la'o// sangs rgyas 'bras bu brgyad pa ste// rnal 'byor pa ni rang dgar spyod// mchod rten gzugs kyi khyad par las/ / dbyibs kyi gzugs ni ji lta bu// lha yi rnam dag bsgoms pa rnams// bcom ldan 'das la nyan par 'tshal// lus can rnams la yang dag blta// yang dag de nyid shes nas su// de nyid sbyor ba brtsam pa yi// rab 'byor rdo rje mnyan par gyis// snying khar zla ba bsams nas su// dbus su hUM ni bsgom par bya// me ltar 'bar ba'i 'od zer gsal// spyi gtsug dkar por yang dag ldan/ / me lce 'bar bas bcom nas ni// thams cad kun nas zad par bya// sngon gyi mtshan nyid de kho nas// de nyid stong pa nyid du bya'i// de nas zla bar sa bon ni// mkhas pa yis ni bsams nas su/ / mchod rten pho brang gnas nyid ni// de la sems kyis bskyed par bya// gya gyus zhes brjod pa ste// phyogs brgyad dag ni khams yin na// dril bu nam mkha'i dbus gnas par// rdzun// po'i lha yi gnas nyid do// 'dod na spyod pa'i lus can rnams// bre ru nges par brtag par bya// 'og dang stang dang dbus nyid kyi// dbus su gnas pa bdag med chos// gzugs khams zhes bya'i
- 421b
mtho ris rnams/ / 'khor lo 'phreng bas rnam par brgyan// gzugs bcu dang ni brgyad por ni// go rims ji bzhin rnam par gnas// gzugs med srid pa'i sems can ni// chos kyi srog shing nyid du thim lha rnams kun gyi pho brang ni/ / gzugs su mchod rten bskyed par bya// steng gi sgong skyes gnas su ni// bdag gi sems ni mnyam bya ste// sems dang ye shes 'dres pas na// gnyis med mnyam pa'i khyad par gyis/ / gzugs dang stong pa'i mtha' dang ni// de bzhin dngos dang dngos med nyid// gzung dang 'dzin pa la sogs gzhan// legs byas dang ni bzlog pa rnams// mtshar bzhi mtshan nyid ston pa'o/ / de yi dbus su bsgom par bya// sbyin dang tshul khrims bzod sogs pa'i// rdzas 'di yis ni mchod nas su// mi g.yo 'tshe ba med pa ru// dngos po dngos po bsgom par bya// mnyam gzhag dngos po bsgoms nas ni// 'grub 'gyur 'dir ni the tsom med// chos kyi dbyings kyi rang bzhin gyis// de nyid bstan bcos lung la sogs// rnal 'byor dmigs pa goms byas pa'ing slob ma chen po'i lus can rnams/ / gdan bzhi pa yi de kho na// bla ma'i man ngag ldan pa yi// rim gyis rang dgar longs spyod de// bdag med blta zhing myang bar bya// bdud rtsi myong ba'i rnal 'byor pas/ / ye shes sku ni myur du thob// ye shes sku yi rnal 'byor pas// bdag dang gzhan don mchog tu 'gyur// shin tu rnam par dag pa yi// chos kyi dbyings kyi rnal 'byor ro//
- 422a
gsang chen sbyor ba'i mtshan nyid kyi// de nyid de nyid mchog de nyid// gang gis byang chub lam gyur pa// bcom ldan 'das la mnyan par 'tshal// bcom ldan 'das kyis bka' stsal ba/ dang por re zhig rnal 'byor pas// bdag nyid rang dgar byed pa yi// rta rgod lta bu'i sems de nyid// mkhas pa yis ni bsdam par bya// ji ltar bung ba me tog bsnyung ba yi// chang gis myos shing sems ni/ bstan 'gyur te// longs spyod zhugs shing sdug bsngal rmongs dang bral// de bzhin bsgoms pa'i lam gyis yi bcing bya// yid bsdams pas ni 'grub 'gyur bas// dang po yid ni bsdam par bya// yid kyis sgrub pa'i bye brag gis/ / byang chub ye shes mtshon par bya// zla ba'i dkyil 'khor dbus gnas par// ye shes mkha' 'gro sprul bya ste// phyag rgya chen po snying khar bcing // sngon gyi mtshan nyid kun rig pas// yi ge brgyad kyi sa bon rnams// yi ge'i gnas su dgod par bya// rgyal ba lnga yi mchod rten gyis// sgo ni dgag par bsam bya ste// bdud rtsi'i sngags kyi yi ge yis// rgyas pa'i sgo ni bsrung bar bya// me yi yi ge 'bar ba yis// chu dang chu min de bzhin bsrung // chu shing me tog pad+ma ni// mdzes shing 'khyil ba rgyas pa dbye// de yi dbus kyi sgo ngar ni// dung dang zla ba ltar dkar ba// phyogs phyogs gan+da su sa bon de/ / phyogs bzhir khams ni bzhi po yi// phyogs mtshams sa bon brtsegs pa bzhi// shin tu mnyam par bzhag pas bsgoms// 'od zer kun nas dkar zhing dag/ lha mo'i yi ge bsgom
- 422b
par bya/ / ye shes rnam shes ngo bo'o// de nyid dbus su dmigs nas ni// sems ni rang dgar bsgoms pa yis// phyi nas gzugs ni gzhom par bya// phyogs dang phyogs kyi mtshams dag tu// phyogs phyogs gnas su bzhag nas su/ / rang bzhin thams cad bcom pa yi// lhag ma rnam shes ye shes nyid// shar gyi phyogs su chu yin te// kha dog dkar po kun da'od// me ni ser po 'od 'bar bar// rtag tu byang du bsam par bya// rlung gi sa bon dmar po ni// nub kyi phyogs su brtag par bya// sa yi sa bon ljang khu ni// lho yi phyogs su bsam par bya// phyogs mtshams 'dre ba'i kha dog gis// grwa bzhi dag tu sbyar bar bya/ / lhag ma dbus kyi ye shes te// sgong skyes bcas pa gzhom par bya// de yi mtshan nyid mtshon par bya// mtshon bya mtshan nyid dngos med pa'o// sems kyi dngos po sdong pa bas// rang bzhin gnas rnams zad par bya/ / rnam rtog stong pa'i dbus dag tu// rdul phran tsa na lta bu'i gzugs// a li ka li sa bon ni// rdul phran zhes bya dbus su ste// rnam pa med cing brjod du med// thams cad rdul zhes bya ba la/ / stong nyid du yang mi dmigs te// gzugs la sogs par mi blta'o// rdul ni sa bon ma yin la// rang bzhin med cing mtshan nyid med// rlung dang nam mkha' ma yin te// mnyam nyid dbu mar mtshon par bya/ / gzugs dang spong pa de bzhin dbus// de bzhin rnal 'byor can gyis gzung // bla ma'i lung gis rtogs bya ste// lung gi dam pa dag dang ni// bstan bcos mtshan nyid dpyang nas su//
- 423a
lung dang bcas pa 'grub par 'gyur// mi g.yo'ang 'tshe ba med pa ru// dngos po dngos po bsgom par bya// mnyam gzhag dngos pos dpyad nas ni// byang chub rim pa 'grub par 'gyur/ / ye shes thim pa'i rnal 'byor pas// sems can don byed mchog tu brtson// kun rtog lus dang sems kyis ni// gang tshe yul 'khor srung 'dod na// ye shes dbang po'i longs spyod can// rang 'dod lus kyi dngos grub kyis// rgyun du zhugs pa'i 'bras 'dod cing // khams gsum ye shes kyis blta dang // rang 'dod yid kyi gnas dang ni// nam mkha' rgyu ba'i lus can dang // sem can kun gyi gzhan don gnyer/ / mchog ni myur du ster bar 'gyur// lus dang dbang po don gnyer bas// bdag med pa yis rang dgar bya// chos kyi dbyings kyi rang bzhin gyis// sbyor bas 'khor ba sgrol bar 'gyur/ / sangs rgyas 'dren pa rnams kyi yang // sbyor ba gzhan ni don gnyer 'gyur// sgrub po 'du 'dzi med pa dang // sgra sgrog skye bos dben pa yi// tshal dang ri sul brag phug tu// gnas nas de ru bsgom par bya// na ga mu la pa sha// rta ru cha ni gsum po dag/ ma ga da ni srang gcig ste// cha mnyam phye mar byas nas ni// ba yi 'o mar yang dag bcas// phye ma bzhi char bsres nas su/ 'di ni nyin re rnal 'byor pa// mkhas pa yis ni bza' bar bya// rnal 'byor can gyi lo brgya ru// brag phug stong sogs gnas nas ni// nges par shin tu smin pa yis// grang dang bkres
- 423b
skom la sogs grol/ / sman 'di dag ni ldan pa ru// brag phug stong sogs gnas nas ni// 'dul ba srung ba'i rnal 'byor pa// lus ni rtag tu bsrung bar 'gyur// ji ltar bud med byis gtam rjes yi rang // gnyis spyod gtam du smra zhing ston pa ste// de ltar lam bshad mchi ba yod ma yin// rnal 'byor lam ldan de ltar bstan pa min// rig byed chu dang de bzhin dur ba rnams// bram zer spyi bzhag sangs rgyas pas gzung min/ / dbang bskur sngags sogs nyams kyis 'jigs pas ni// gnas ngan lha tshogs rigs la phyag mi bya// de nas rnal 'byor pa dang / rnal 'byor ma dang / mkha' 'gro dang / mkha' 'gro ma dang byang chub sems dpa'i dge 'dun bye ba phrag brgyad cu du ma'i 'khor rnams sems tsham nas/ thams cad kyis ye shes thob par gyur te/ phyag na rdo rje la sogs pa'i byang chub sems dpa' dang / sems can rnams kyis thal mo sbyar te glu blangs pa/ rang dgar sems can sgrol ba yi// rgyu med dngos la 'dud par bgyis// te na hUM te na hUM ta na ta te hUM/ ston ka'i zla ltar zhal mdzes shing // dung lngar dkar ba'i sku 'dzin pa/ / te na hUM te na hUM te na te te hUM/ rdo rje dril bu'i phyag rgya can// gnyis su sbyor ba 'dzin pa po// te na hUM te na hUM ta na te te hUM/ sgyu ma'i lus su thim pa yi// 'gro ba mdzes pa rgyu mer dngos// te na hUM te na hU~M te na te te hUM/ srid pa gsum 'bar sku ni rjes chags 'dul bar ldan// 'od zer rnon po stong phrag nyi ma stong 'drar ldan// rnam mang sku dang cha byad rjes chags sems dpar ldan// rdo rje sems dpa'
- 424a
dbang phyug mchog/ rol pas gar mdzad ces bya ba'i// bkra shis sgra yis bkang nas su// thams cad kun nas glur blangs so// ji bzhin lam ni rdo rjes nyon// bstan bcos shin tu mnyam bzhag pas/ / yi ge'am tshig tsam nyan byed na// mtho ris longs spyod thob 'gyur te// yang na 'khor lo sgyur bar ro// 'dri'am 'drir 'jug klog pa dang // shin tu dang ldan sngags zlos pa'i// rnal 'byor pa rnams 'pho ba'i tshe// srid pa gzugs kun bsam bzhin 'grub// rnal 'byor bsam gtan byed pa rnams// myur du byang chub rim pa thob// ces bdag nyid kyis stsal pas phyogs bcu'i 'jig rten gyi khams kyi rnal 'byor pa dang rnal 'byor ma 'dus pa de dag dang / phyag na rdo rje la sogs pa'i byang chub sems dpa' sems dpa' chen po thams cad dang / lha dang / dang gnod sbyin dang / dri za dang / lha ma yin la sogs pa thams cad dang ldan pa'i 'khor gyis dga' zhing mgu nas/ bcom ldan 'das kyis gsungs pa la mngon par bstod do// dpal gdan bzhi pa zhes bya ba'i rnal 'byor ma'i rgyud kyi rgyal po chen po bcom ldan 'das rdo rje 'dzin pas 'bum phrag bco brgyad pa las snying po lta bur gsungs pa rdzogs so/ / / rgya gar gyi mkhan po chen po ga ya d+ha ra dang / zhu chen gyi lo tsa ba 'gos lnga btsas kyis bsgyur cing zhus te gtan la phab pa'o// / rgya gar skad du/ maN+Da aM sa
- 424b
/ tan+t+ra rA dza nA ma/ bod skad du/ sngags kyi cha'i rgyud kyi rgyal po zhes bya ba/ thugs rje chen po 'phags pa spyan ras gzigs dbang phyug la phyag 'tshal lo// gdan bzhi pa yi rgyud kyis ni// gsum pa yi ni dang po'o/ / de yi sbyor ba rnyed nas ni// sngags kyi de nyid khyad par nyid// snying po snying po'i chos// rab sbyor gsang zhing gsang ba yi// de nyid de nyid de las mchog/ snying po'i de nyid bsdus pa'o// bla ma'i ma ning gnyis bzung la/ / rtsa bar bskor zhing mnan par bya// spyi bor 'od dang zla ba'o// sa bon bskyed pa'i rim pa bzhin// zla ba dkar dang kun da'i mdog/ bcom po'i sngon du sbyor bar bya// sngags kyi bzlas pa rdzogs bya zhing / / dbyangs yig mngon par mthong ba ni// las rnam gsum gyi sngon du ni// bla ma'i yi ge sngon du'o// dka dang ser dang dmar po'o// bzhi pa dag pa ru ni brjod// myu gu'i gnas ni gtse bopo nyid/ / srid pa mchog na sgrol ba'o// dbyangs yig dbyangs kyis sgom pa ni// rnal 'byor pa yis mtshon par bya// dor grub 'dod pa'i bzlas pa yi// ban du ka yi me tog 'dra// rdo rje dbyug pa la / rtag tu// de nyid du na rna ba thim// dkar po zla bas mnan pa yi// gnyis ka bsgoms pas bkru bar bya// pad+ma rdo rje zla ba dang // bdud rtsi yis ni bkru bar ldan// dang po'i sa bon gtso bo yis// dbyangs yig kun la khyab pa po// dkar zhing dag la mnyam pa'i 'od// gsum pa'i las kyi sa bon ni// bzhi par nam yang ma yin no// ji ltar dang po mthar gnas pa'i// khyab par dbyangs yig
- 425a
sa bon nyid/ / mtha' yi sngon du sa bon nyid// de bzhin sngon du nyis 'gyur ro// bzhi po mnyam pa'i cha ru ni// mnyam par gnas su sbyar bar bya// bzhi pa gsum pa'i sa bon ni// mgo smos go ba'i lus nyid do// yi ge gsum gyi lus nyid ni// rang bzhin gyis ni dbyangs yig dngos// lus dang lus sogs yi ge ni// lcags kyu yis ni mnan par bya// dmar dang gnag sogs sa bon ni/ / rnal 'byor pa yis khyad par du// lnga pa drug pa'i sa bon ni// thams cad sgra yi yi ge'o// dkar dang ser la lci bar bshad// dmar dang sngon po de bzhin yang // zhi rgyas dbang la sogs pa ni// kun kyang sgra yi dbye ba'o// thams cad las la sgra yis ni// kha dog bzhi ru rab tu grags// bdun pa brgyad pa'i sa bon gyis// skyes bu rang 'dod pa yi la// nges par lus ni sdom pa dang // gnyis pa sa bon gyis mnan pa'o/ / yang bas dmar dang gnag la sbyar// rnal 'byor pa yis khyad par du// mtshams ni gcad cing mnan pa'i las// nyid pa lcags kyu'i yi ge ni// rang bzhin yi ge ming gis ni/ / de nyid las rnams 'gugs pa dang // sa bon 'di ni dbye ba'o// kha dog dmar po mchog gi 'od// thams cad 'dres pa'i sa bon ni// dbyangs yig skyed pa'i sa bon ni// las rnams thams cad byed pa'o/ / ma ning gis bskyed sa bon ni// brtan zhing rtag pa'i sa bon no// bud med dang ni skyes pa 'am/ 'di nyid kun nas rab tu sbyar// sde tshan bzhi pa'i bzhi pa ni// tha ma bzhi ni rnam spangs
- 425b
/ pa dkar dang kun da zla ba'i mdog/ nyi ma'i yi ge rnam par shes// tha ma bzhi dang lnga pa dang // sde tshan drug pa yang dag ldan// kun nas mtshan mo'i stong par ni// khyad par du ni shes par bya// bdud rtsi chu yi sa bon ni/ / dkar zhing shel ltar mnyam pa'i 'od// de nyid kun gyi de nyid ni// kun nas bdud rtsi'i grub pa'o// lha min grub pas 'gugs pa dang // lha dang mi dang gnod sbyin dang // thams cad lnga rnams grub pa ni/ / sa bon 'di ni khyad par nyid// sbom po ma ning gnyis kyis la// lcags sgrog bzhin du kha sprad pa// rtsa bar yang ba nyis 'gyur ro// spyi bor bdud rtsi rnam par dgod// steng du ji 'bar ba'i mchog/ sangs rgyas lnga yi rang bzhin sku// sa bon lnga yi ngo bo nyid// rnam bzhir phye zhing phye ba yis// lce rtse lce rtser gsungs pa ni// kha dog dmar po mnyam pa'i 'or// zhi dang chu yi bye brag la/ / hUM gi rnam pa rkan la sbyar// rtsa bar sgra dang 'od bral ba// bar ma yi ni dbyangs su gsungs// gal te 'dod na lha yi lus// khyad par du ni bzhi pa'i las// snying kha'i rtsa bar gsungs pa ni// kha dog ser po'i 'od mnyam pa/ / sbom po'i sgra dang thig le dang // rgyas pa dang ni me yi las// lte bar sgra dang 'joms pa ni// kha dog dmar po 'od mnyam pa// sbom po'i sgra dang ldan pa'i 'od// dbang gi las la rab tu sbyar/ / snga rtser sbrid pa gsum pa ni// kha dog sngon po mnyam pa'i 'od// yang ba'i sgra yi 'od du ni// ldan par blo nang ldan par bskul// bskrad dang gsad dang bcing ba dang // mnan dang gdug sogs bskrad pa dang /
- 426a
gtor ma la sogs nag po'i las// hUM gi rnam pa sbrid par sbyar// de nyid de nyid bzhi par ni// hUM gi rnam pa nye bar mtshon// sa bon thams cad 'byin mdzad pa// hUM gi rnam pa dbang phyug mchog/ thams cad 'byin pa'i ngo bo bas// hUM gi yi ge mchog gi lha// stong nyid yi ge hUM gyur pas// hUM gi rnam pa phyag 'tshal bstod// stong pa'i gzugs dang rab ldan pa// dngos dang dngos med 'byin mdzad pa/ / bcom gser dang 'dra ba'i mdog/ sgra dang thig le yang dag ldan// ri rab rgya mtsho ri ni grags// brtan pa dang ni g.yo bar ldan// lha dang lha min grub pa dang // mi dang gnod sbyin rnal 'byor pa// lha rnams kun nas g.yo ba ni// gsungs pa'i sa bon gyis 'gugs byed// sna tshan dang po'i sa bon ni// rtsa bar ra pa mnan pa dang // lcags kyu mgor ni rnam par dgod// steng du zla ba'i 'od dang bcas// kha dog dmar po mnyam pa'i 'od/ / lcags kyu yis ni snying po sgrub// lcags kyu yi ge sa bon bzhin// lcags kyu yis ni kun 'gugs pa'o// stong par rlung gi sa bon ni// sde tshan brgyad kyi dang po la// rtsa bar sgra yis bkri bar bya/ / spyi bor bla tshes thig le dang // rlung gi kha dog drag po yis// lus can kun ni bskul bar bya// bskul ba'i las kyi sa bon gyis// sa bon de nyid kun tu sbyar// lnga pa sde tshan gnyis pa yi/ gsum pa'i yi ge bzung byas la// yi ge gsum pas mnan par bya// reb rtsa bar sbyar ba dang // steng du bdud rtsi'i theg pa'o// kha dog dkar po mnyam pa'i bod// dgyel ba la sogs sa bon gyi/
- 426b
lha sogs kun nas mnyes par byed// sde tshan dang po'i gsum pa ni// gsang ba'i sgra ni rtsa bar ro// steng du bdud rtsi'i thig le dang // dkar zhing yid 'ong shin tu 'bar// mchod pa'i sngags kyis dus dang ni// gtor ma sbyin sreg phyag rgya sogs// rgyas pa'i las ni thams cad la// rgyas pa'i sa bon du ni grags// dang po'i sde tshan bzhi pa la// rtsa bar ra pha sgra dang ni// spyi bo'i steng du 'bar ba'o// kha dog dmar po mnyam pa'i 'od/ / zhi ba'i las ni rnam spangs pa// las rnams kun gyi sngon du'o// rmongs shing lus kun rmongs byed pa// rmongs pa'i sa bon du ni grags// sde tshan lnga pa'i gsum pa dang // gnyis pa'i sa bon blang byas pas/ / mtha' ru stong pa gnyis kyi so// kha dog dkar po mnyam pa'i 'od// lha dang lha min gsang bar sogs// rang gi 'dod pa'i gnas su gzhag/ bzhag pa'i las la rnal 'byor pas/ / blo ldan yi ge 'di yis gzhag/ stong pa'i sde tshan la spyad la// de yi bzhi pa gzung bar bya// rtsa bar ma ning sbom po dang // steng du bdud rtsi'i thig le'o// 'jig pa srung ba'i las nyid la// kha dog dkar po mnyam pa'i 'od// rnal 'byor de nyid 'dod pa yi// sa bon 'di nyid kyis bsrung ngo // sreg pa'i yi ge sngags nyid ni// dbye ba rnam pa gsum du bshad// dkar dang ser dang dmar sogs kyis/ / las gsum gyi ni mtha' ru'o// bdun pa yi ni mtha' bzung la// brgyad pa gnyis pa yi ni gdan// bdud rtsi yi ni gdan du chu// kha dog dkar po mnyam pa'i 'od// ma ning sde tshan gyis bskyed pa'i//
- 427a
me ltar dmarab mnyam pa'i 'od// logs su dbyangs yig dbyug pa'o// zhi ba la ni sreg pa'i mthar// bdud rtsi'i sa bon kha dog ser// chu yi sa bon dkar ba'i gdan// logs/ su dbyangs yig dbyug pa'o// brgyad kyis mtha' ma kun nas 'bar// rdo rje'i 'od bzhin 'bar ba'i me// sa bon 'od bzhin 'bar bcas pa// dbyangs yig dbyug pa'i sreg pa'o// rgyas pa'i sreg paba'i mtha' mar ro/ / de yi bdud rtsi 'bar ba ni// brgyad mtha'i logs su dbyug pa'o// kun nas dmar ba yi// mthar ni dbyug pa lcags kyu'o// dbu mar drang ba'i sems kyis ni// dbyug pa'i dbugs kyis zla bar bya/ / chags pa'i las la rnal 'byor gsum// rnam pa bzhi la don gnyer bas// 'joms pa'i yi ge gnyis su shes// bskrad dang gsad dang dbye ba dang // mnan dang nye bar bzlog pa la/ / stong pa'i sde tshan gnyis pa ni// dbyug pa glo ru rnam par sbyar// nyin mo'i sde tshan gsum pa las// dang po gnyis pa'i glo ru'o// kha dog nag po 'jigs chen po// 'od zer ma bzhin kun nas ldan/ / rdo rje sa bon mnyam 'bar las// lus kyi dbus su dbugs par bya// gsad dang gdug pa bskrad la sogs// drag po'i las ni thams cad la// dngos grub 'dod pa rnal 'byor pas/ / 'joms pa'i yi ge mtha' mar ro// de yi sa bon ldan pa ni// sngon gyi dbyug tshogs rnam pa spangs// dang po dbu yi steng rnams su// kha dog sngon po rab rno bas// gsad dang dbye dang
- 427b
gdug pa ni/ / khro bo'i lha yis bskrad par bya// 'joms pa'i yi ge'i mtha' mar ni// sa bon 'di yis sbyar bar bya// dkar po'i sde dang sde tshan gyis// dang po'i dang po blang byas la// kun nas rdo rje'i sa bon yi ge phyed dang gnyis/ / 'pho bar sbyor ba'i sngon dus su// rnam shes gong du bskul ba'o// lte bar rtsa ba'i phyogs nas ni// yi ge phyed dang gnyis kyis drang // brgyad pa'i mtha' ni mngon du'o// ma la ta yi sbyor dus su/ / 'pho bar sbyor bso sngon du'o// 'pho ba'i dus kyi sngon du ni// rnal 'byor pa yis rab tu spyod// u la pa li ta sa bon// sbyang bya'i yi ge phyed dang gnyis// dngos dang dngos med sa bon la// sgra dang thig le rnam par sbyar// rlung gis rtse ba'i gnas su ni// sgra dang sgra yis bstan pa'o// chu shing me tog lte bar gnas// sa bon 'di yis bsgyur bar bya// sngon du sbyor ba'i bsam gtan dang / mnyam par gzhag pa'i sems kyis bcing // bdun pa'i mtha' yi sa bon gyis// bzlog byas rgyas pa'i gnas su ni// chu shing me tog lta bur gyis// ji ltar sde tshan gsum pa ni/ yi ge gsum pa bzung byas la// dbyug par phyi ma'i sa bon dang // 'od dpag gis ni sngon dkris pa// de nyid de nyid kun dang ni// sa bon sa bon mchog gi gtse// theg pa rnam gsum dag byed pa/ / a li'i sa bon rab tu grags// sde tshan brgyad pa'i gnyis pa la// lcags kyu yis ni spyi bor gnas// spyi bo zla tshas thig la dang // kha dog dmar po mchog gi 'od// sems
- 428a
can kun nas rmongs byed pas/ / yid dbye ba la kun nas sbyar// kun tu rmongs pa'i las la rab tu sbyar// brgyad pa'i mtha' yi sa bon ni// spyi bor lcags kyu mgrin pa dang // rtsa bar re pha'i sa bon no/ / kha dog sngon po 'bar ba yi// dri dang me tog ro sogs ming // las kyis kun nas 'phrog byed ming gi sa bon gyis// 'phrog pa'i las la kun tu sbyar// bdun pa dkar po'i sa bon ni// dung dang kun da mnyam pa'i 'od/ / bdud rtsi chu yi sa bon no// chu yi yi ge ming can no// ka shar ldan pa'i sa bon ni// kha dog ser po 'od mnyam pa// me bzhin 'bar zhing 'bar ba yi// me yi yi ger rnam par grags/ / sde tshan brgyad kyi dang por ni// de nyid sde pa'i dngos po dang // rlung gi sa bon dmar po na// rlung gi sa bon du ni grags// brgyad pa'i mtha' yi sa bon ni// kha dog sngon po'i 'od mnyam pa// snying kha ra sa yi sa bon ni/ / de nyid pa yi sa bon no// 'di rnams sa bon sa bon la// thig le yi ge rtsa bar nyis 'gyur ro pha dang // rlung gi sa bon gsum par ro// rtsa bar sgra ni bzhi pa po// steng du thig le sbyar ba dang // de nyid bzhi pa'i sa bon ni// bzhi pa'i yi ge drug pa'o// rmongs pa chu yi sa bon ni// g.yo ba'i rlung gi sa bon dang // sa ni nyon mongs par 'gyur ro// phyug ni ma la kun tu sbyar// yi ge brgyad pa'i sa bon ni// rnal 'byor ma brgyad sems dang bcas// bdag nyid de nyid gtso bo yi// 'khor ba thams cad gcod mdzad pa// thams cad kun nas spyi bo dang // yi ge kun nas gnas pa'o// sa bon 'di ni kun nas gzung //
- 428b
ye shes sa bon zhes bya'i ming // rtag pa'i rtsa bar man pa dang // sgra dang thig ler sbyar bar bya// dkar po kun da zla ba'i mchog/ ye shes rnam shes sa bon nyid// rgyu ba'i gzugs kyi sa bon ni// sa bon sa bon de bas mchog/ ye shes rnam shes bya ba'i ming // las kun la ni rab sbyar bya// byang chub sems dpa' zhi ba ni// zhi ba'i gzugs can rdzu 'phrul che// mthar ni swA hA ring por ldan// sngon du bsnyen pa'i sngags pa yis/ / gnyis ka lus la bsgoms nas ni// 'di yis lha mo sbyor bar bya// sngags pas sreg pa'i lan la ni// sngon du dbyug pa med pa'o// lha mo'am yang na lha mo la// khro bo'i gzugs 'joms la sogs pa'i/ / 'joms pa'i yi ge mthar bzhag ste// bzlas shing bsnyen pa la sogs bya// gzugs dang gzugs can dngos po yis// khro bo khro mo khyad par nyid// bsreg dang 'joms pa'i sa bon ni/ / khyad par dang ni khyad par can// de nyid de nyid kun gyis ni// rab tu spyod cing blta bar bya// de nyid med pa'i sngags pa ni// dngos grub ring du bstan pa yin// sgrub pa'i dus su lha nyid kyiHsa bon mtha' ru bzlas pa bya/ / mchog tu zhi ba'i de nyid la// dang po dbyangs yig mtha' ru'o// khro bo khro mo'i lha la ni// rdo rje'i sa bon mtha' mar ro// lha mo kun gyi de nyid sa// bdud rtsi yis ni mtha' mar ro/ / dang po sngags kyi sa bon ni// phyag 'tshal gcig ni rnam spangs nas// bdag nyid ming gi sa bon dang // gnyis ka yongs su 'jig pa'i rgyu// stong dang stong pa'i sa bon ni// bar ma sgrub
- 429a
pa'i lha nyid do/ / nyi mo'i yi ge dang po ru// bsgrub bya sgrub pa'i ming nyid ni// de yi sgrub pa'i las rnams ni// rnal 'byor ma yi rnam par mtshon// sngags pas sngon gyi dus su ni// rab tulta zhing spyad par bya'o/ / nyin mo stong pa'i sgrub pa ni// 'chi bar yang na the tsom med// nyin mo nyin mo nyin mo sgrub// stong pa stong pa bar ma'o// go bzlog pa yi sa bon no// lhag ma'i yi ge brtsi bar bya// nyinyonyin par bsgrub bya lhag pa ni// sgrub pa po la bu lon ni// bsgrub bya stong pa lhag pa ni// dgra nyid pas na 'bras bu med// rab tu lta zhing spyad pa yis// sngags kyis bsgrub pa shes pa yin// sngon du ma ni nga sa bon dang / / de bzhin bsgrub bya'i ma ning nyid// dngos grub stong par bshad pa yin// de nyid 'di yi sa bon gyis// rang 'dod lha nyid bsgrub par bya// thog ma tha ma khyad par du// dbus su bsgrub bya'i ming nyid do/ / mtho dang dma' dang bar ma dang // khya nyid kyang ni khyad par ro// zhi dang rgyas pa la sogs la// khyad par sa bon ldan pa nyid// stong pa'i sde tshan gnyis pa la// rtsa bar rI pa sgra nyid dang / / stang du zla tshes thig le dang // kha dog ser po kun 'od la// lha mo rnal 'byor ma kun gyis// snying po yis ni snying po mchog/ gong du phyag 'tshal yi ge dang // 'dod bzhin ming ni dbus su'o/ / mtha' dang mtha' ni sreg sogs nyid// thams cad du ni kun nas ldan// stong pa'i sde tshan gnyis pa la// spyi bor e yi rnam pas mtshan// rtsa bar ra thig ler bcas// kha
- 429b
dog dkar po mnyam pa'i 'od/ / dga' byed las kyi sa bon gyi// rnal 'byor ma kun dga' bar byed// de nyid kun gyi sa bon ni// rnal 'byor ma kun gyis rab spyad// de nas sman sogs rim pa ni// khyad par nyid du sbyar bar bya/ / bla re bla re nyid dang ni// spos dang bdug pa dri la sogs// sngags dang phyag rgya'i cho ga yis// mkha' 'gro gtor ma byin brlabs pa// sngon du gnyis med gtor mar ldan// dri yi maN+Dal gru bzhi pa// dbus su rnal 'byor pas bri ba// gur kum shin tu dri zhim ldan// re mig nyi shu rtsa lnga pa// blo dang ldan pas gru bzhi bri// dbang po la sogs re mi ga nas// blo dang ldan pas yi ge dgod/ / dngos dang dngos dang ldan pa yis// de yi sa bon spang dbus so// nyin mo'i yi ge thams cad nyid// lhag ma'i sde tshan brgyad pa yis// sa bon mnyam pa gzhag pa dgod// sgra dang thig ler yang dag ldan// kha dog dmar po 'od mnyam pa'o// gu gul dbang po'i lag pa dang // rmongs byed rengs byed de bzhin sgra// satwa sa hI tsam pa ka/ ku tu ru dang ko li ki/ son tsi ka dang ba bla dang / / gu gul ru rta dur ba ka/ me dang dri dang gur kum dang // tsan danA gi'u wang yang dag ldan// sha khar dang li shi dang // pri yang ku dang ge sar dang // chu srin sder mo nub phyogs cha/ rerimig kun dang gnas kun tu// dbang po la sogs sman rim bzhin// rdzas ni re re ra ra dang // cha la sa bon bzlas par bya// phyag 'tshal dang po sreg pa mtha'// brgya dang brkyang du bzlas pa byed//
- 430a
tsha dang ldan sogs sa bon ni// sman dang ldan na de bas mchog/ bdud rtsi lnga dang yang dag ldan// gu gul la sogs sbyar byas nas// rgyal po'i btsun mo rgyal dbang la// mkhas pabs byin pas dbang du byed/ / bdag nyid lnga yi lnga dang ni// sha da wa sogs sbyar byas nas// re pha'i rdzas la bsgoms byas na// ji ltar sngon dang sngon bzhin nyid// rje rigs bram ze dmangs rigs dang // skyes ba'am yang na bud med la/ / bza' ba'i dngos po byin pa yis// dbang du 'gyur bar yongs su grags// smyo byed la sogs rnam pa lnga// son rtsi ka yi cha dang sbyar// brtul zhugs dman pa'i rigs rnams ni/ bdag nyid kyi ni dbang du byed// me la sogs sman rim dang // mi yi mar khu yang dag ldan// mkhas pas dpyad cing brtag pa yis// mnyam pa'i cha dang cha ru bya// thig le ru ni sbyin byas na// rgyal po'i rigs la 'gro ba dang / / tha snyad la ni rnam par rgyal// 'gro ba yang dag rmongs par byed// dang po sha kha ra sogs dang // tsan dan dang ni rnam par sbyar// sde tshan gcig gi cha dang ni// tsan dan gyi ni cha nyid dang / / byams pa'i gnas su rnal 'byor pa// yan lag nying lag byug byas nas// dri ni sna la mnams tsam gyis// nges par dbang du byed pa'o// 'tsham dang 'tsham gyi sha kha ra// sbrang rtsi'i cha dang sbyar nas ni// mchog tu bsgoms shing bdug pa yis// kun nas nges par dbang du byed// 'tshams kyi nang gis kun bzang nas// sha kha ra yau cha dang bsre// bdug pas bdug cing bdug
- 430b
byas nas/ / mi ni kun nas rmongs par byed// zla ba'i dkyil 'khor dbus gnas pas/ ye shes mkha' 'gro sprul nas ni// sa bon so so'i sa bon nyid// kun nas brgya phrag gcig tu'o// de bzhin du ni dmar po las/ de yi rjes ni kun bzung la// bdag nyid ye shes lha ru'o// nyi ma'i lag pa'i rdzas rnams ni// kha dog dmar po mnyam pa'i 'od// de nyid sa bon bzlas pa yis// g.yo ba dang ri ltung bar byed// snyi kha'i dkyil 'khor dbus gnas par/ / nyi ma'i dkyil 'khor bsams nas ni// de yi dbus su sa bon ni// bskyed par re pha thig le can// khri phrag gcig tu bzlas pa yin// gnyis kyis ltung ba'am g.yo bar byed/ / phyi nas gtor ma'i las kyis ni// g.yo dang mi g.yo grub par byed// gu gul la sogs srin bu lngas// rtsa ba brgyad dang sbyar nas// phra ba'i sgo nga tsam zos pas// mod la myur du 'chi bar 'gyur/ / sha ta tsa sogs srin bu ni// 'o ma bdun par sbyar byas pa'i// zhag bdun las lhag par zos na// 'chi ba 'di la the tsom med// son rtsi dkar sogs srin bu lnga// sbrang rtsi spyi byed lnga pa ni// bza' dang btung bar sbyin byas nas// smyo byed myos par 'gyur ba'o// me da la sogs srin bu lnga// sbrul gyi sgo ngar bzlas byas nas// thig le tsam zhig zos pas ni// skad cig de la mdzi yis 'dzin/ kha ra'i sde tshan srin bu ni// mgo la sgo nga dang ldan par// de yi phye ma zos pa yis// mi ni dbyangs dang bral bar 'gyur// 'tsham gyi kha ra kun bzang la// sbrang rtsi mar gyi cha dang sbyar// de yi phye ma bza' byas na// de
- 431a
yi mod la gzir bas 'dzin/ / 'tsham gyis nang gi yang dag gzung // sbrang rtsi lhan cig bsgo byas pa'i// phra rab tsam zhig zos pa yis// mod la rims kyis gdung bar byed// de nyid rab sbyor snying po ni// gsang zhing gsang ba'i lung gi don// ye shes ldan zhing blo ldan pa'i// lus kyis rim pa rnam par blta// dkon mchog gsum la gnod pa dang // slob dpon dang ni gsang smod par// sdig gis gos par mi 'gyur te// rnal 'byor ma ni kun gyis gsungs// lnga pa'am lnga pa'i rim pa zhes bya ba bstan pa rdzogs so// / de nas gzhan gyi rim pa ni// sman rnams kyis ni khyad par nyid/ / de nyid kun gyi mchog gyur pa// mchog gi snying po snying po nyid// sngon gyi mtshan nyid dang ldan pas// cho ga rim bzhin sman dang sngags// de nyid gtor ma'i las dang ni// dri yi re mig dgod par bya/ / bcu dgu dang ni sum cu yi// gru bzhi pa yi re mig dgod// nyin mo stong pa'i sa bon dang // sde tshan tha ma dgod par bya// dbang po la sogs gnas rnams su// dang por dbyangs yig rim ji bzhin/ / re mig kun gyi sa bon ni// sman sogs bzhin du gzhag par bya// nA ki b+ha la bing ling ga/ ma ru rta raM b+ha sa ka/ ka sa la sogs bdun pa ni// dbang ldan la sogs gnas su dgod/ / dbang po'i lag pa shu dag dang // rmongs byed dang ni tsan dan dang // tsan dan dang ni gur kum nyid// bdun pa'i gnas su gzhag par bya// cha mnyam pa ni gnyis pa'o// ga pur sa li shu
- 431b
dug dang / / gur kum kun mo gi'u wang dang // sdang rtsi bdun pa yi ni cha// gsum pa'i re mig sna tshan no// sa rdzar gu gul ru rta dang // g+han d+hi kha ra ku tu ru// me tog 'phreng ba bdun pa ni// bzhi pa'i re mig gnas su'o/ / ka ko la dang sha ta dang // ge sar son rtsi rgya skyags dang // pa tra bdun pa'i cha nyid ni// lnga pa'i gnas su yongs su grags// dri dang bcud len k+Sha ra dang // yung ba dang ni kha ra tra// k+Sho'u dri bi pi ling gi cha// drug pa'i re mig mig yin no// dan ta dan ta ku sum ma// ram dang gar sma be ta ki/ sa rA la bdun pa yi cha// bdun pa'i sman gyi rim pa'o// brgya phyed gcig/ sa tshang bar// rerarimig kun sogs sman nyid do// re re la yang sngags 'di ni// brgya phrag mngon par rab bsngags te// dang po chu srin sde tshon sogs// bdag nyid bdun gyis bdun pa ni// mthar na phye ma sbyar byas te// shin tu zhib mor mkhas pas brtag/ 'dus pas rgyal po rgyal dbang ni// bza' dang btung dang ldan par sbyin// thams cad bdag nyid 'dod pa bzhin// kun nas thams cad dbang du 'gyur// dbang po la sogs sde tshan ni/ / phra zhing zhib par rab tu bya// phye ma kun nas blangs nas ni// bdag nyid mchil mas de bzhin bdun// bza' dang ston mor cho ga bzhin// rab tu mnyam par bzhag pas bya// skyes pa'am ni bud med dam// thams cad kun nas 'ong 'gyur ro// dang por shel gyi sde tshan ni// mnyam por cha de phyed mar bya// mi yi snum dang kun tu sbyar// grib ma dang ni grib mar bskams//
- 432a
tshe lor 'jug cing dga' ba dang // snga dro thig le sbyin byas nas// rgyal po'i rigs la nyer 'gro ba// skye bo skal can myur du 'gyur// sardza sngon sogs dang por sbyar// phye ma zhing tu byas nas ni/ / ljang rtsi kha ra'i cha nyid dang // rang 'dod thos chu rab sbyar nos// mi dga' ba kun dga' ba dang // ngag gi 'dron pa nyid du 'gyur// de la bdug pas bdug pa'i lus// 'gro ba kun tu mong par 'gyur/ / ka ko la sogs dang ldan pas// phye ma mnyam por char byas te// tsan dan dang po thams cad kun// cha gsum du ni bya bar bya// mi byams sman zhing bkur ba ni// skal ldan mdzes par 'dod 'gyur na/ / de yi yan lag la byugs la// 'gro ba rnam par rmongs byed yin// dri yi sde tshan bdun par ni// ka ko la sogs dang ldan par// mar dang 'o ma dang bsreg nas// kun gyis dang sbyar byas nas/ / grib ma'i grib mar bskum par bya// rig dman kla klo la sogs kun// yid mi 'ong ba byams par 'gyur// 'di yi sbyor ba sbyin byas nas// rang gi 'dod bzhin byed pa'o// tan ni mnyam pa'i cha nyid dang / / rgya skyegs la sogs kun gyi cha// ma la bsro bar rab tu sbyar// ka ran dza yi rdog ma tsam// yid du mi 'ong ba yi gnas// khar bcug kun tu de yi ngag/ tshig gsum tshig tu brjod pa yi/ / bdag 'dod pa bzhin dbang du byed// 'tsham gyi ta ni la sogs pa// smyo byed chu ni lnga pa dang // bdag nyid bcing bar sngon ldan pas// mchog tu bsgom na bdug par bya//
- 432b
bdug pa 'di yis bdug byas na// sgrub pos sna la mnams tsam gyis// de yi rang 'dod su la ni// dbang du gyur par yongs su grags// 'tsham gyis sa ra la sogs blang // phye ma zhib mor byas nas ni/ / bdag nyid dri ma lnga dang ni// kun nas cha ni mnyam byas la// phye ma zhib mo yang dag ldan// ba de yi sman dang ldan pa yis// bsgrub bya'i lus la reg byas na// nges par dbang du byed pa'o/ / cha dang cha yi bye brag ni// mkhas shing bzo bar sbyar bar bya// khyad par smyan gyi las nyid ni// cho ga bzhin du rnam par blta// rdo rje sems dpar sbyor ba ni// pad+ma'i gdan gyi gdan la bzhugs/ / kun nas yongs su rdzogs pa yin// bcom gser dang 'dra ba'i 'od// snying kha'i nyi ma'i dkyil 'khor la// a ni thig le yang dag ldan// 'bar zhing rab tu 'bar ba yis// bsgrub bya'i sems ni 'gugs par byed// mi 'gyur yi ge'i thig le dang // rtsa bar sgra yis rab tu sbyar// mthar ni bdud rtsi'i yi ge'i ming // 'bum phrag gcig gis rab tu sgrub// sman gyi sbyor bar ldan pa yi// zla ba'i dkyil 'khor kun nas bya// gtor ma de nyid byin brlabs nas// 'bum dang 'bum du bsnyen pa bya// sngon du dan ti'i yan lag dang // thig le brgya par kun nas ldan/ / bza' ba'i dngos por sbyin byas na// mi yi skad cig rnam par spang // dan da la sogs srin bu dang // ra yi 'o mar bsres byas nas// gang gis zos pa tsam gyis ni// zhag bdun na ni
- 433a
smra / smra rgyu / ni sa su sa sa gas na ldan mam
- 433b
gdan bzhi pa yi rgyud kyis ni/ / gsum pa yi ni gsum pa'o// de yi sbyor ba mthong nas ni// brda yi skad kyis bsdus pa'o// le'u bzhi pa zhes bya ba rdzogs so// de mi rtsa ba'i snying / donapar sngags kyi sbyor ba'i rim pa yi// de nyid bsdus pa'i 'grub pa'o// de nyid sman pas lus nyon mongs// shes rab thabs ni rgyur gyur pas// rang 'dod las ni bsgrub par bya// shes rab ye shes snang ba'o/ / thabs ni rig pa'i tshul nyid do// rnal 'byor shes rab rtsa ba 'di// thabs ni de yi grogs nyid do// gang zhig thabs dang shes rab ldan// nyon mongs lus las rnam par rgyal// srid pa'i nyes skyon du ma yang / / srid pa dang ni rmongs pa bzhi// dngos po'i gnas ni mi rtag pas// de phyir shes rab yongs su spangs// dngos med dngos po yang ma yin// skye ba dang ni 'gag pa med// dngos po yongs su gnas pa med/ / 'jig pa yi ni rnam pa med// dngos dang dngos med la sogs mtha'// dag dang ma dag dbus su ni// de yi mtshan nyid sngon shes nas// mnyam pa'i lta ba ldan par gzung // gzung dang 'dzin pa rnam grol ba'i// dngos po'i 'du shes rnam par spangs// sangs rgyas kyis rtogs bstan bcos las// yongs su brtags nas snying po blang // dngos med dngos por gzung bar bya// / dngos por rang bzhin rnam par spangs// dngos dang dngos med mnyam byas pas// 'o ma bsrubs pa las ni mar// mchog gi snying po yang dag blang // mnyam pa lta ba 'ba' zhig go// bstan bcos
- 434a
bstan zhig yong shes na/ / de yi mtshan nyid dngos po med// yang dag lam la dmigs pa yis// dngos po mchog dang mchog tu 'grub// ji bzhin gnas kyis rim pa sten// ye shes mchog tu gong nas gong // gzhan gyis gnas las 'phangs pa yi// mda' yi mda' ni bsnun par bya// gong nas gong la sogs pa blta// rang 'dod dngos por yang dag blang // bdun pa sgra las rnam par rgyal/ / 'khor ba'i dgra yi g.yul nyid ni// gang zhig thabs dang shes rab ldan// dgra ni dngos po gang du gnas// le lo gnyid dang 'dod pa dang // khro dang rmongs pa sred pa dang // khro ba yis ni yan lag gzir// thabs kyis bdud ni rnam par spangs// le lo nyes skyon kun gyi gnas// gnyid kyis dge ba rnam par 'joms// khro ba yis ni srid pa 'dren// 'dod pas dran pa rnam par nyams/ / rmongs pa yis ni gnyid kyis non// sred pa yis ni 'khor bar 'jug/ bkres pas dman zhing sdang ba yi// bdud bdun po ni yongs su spangs// kun nas bdud kyis 'big pa yis/ / lus ni nyon mongs sdug bsngal gnas// rang 'dod pa yis sems kyis ni// dul bar bsrub cing mnan par bya// gang dang gang gi lam du ni// rang 'dod sems kyis 'bad pa yis// thams cad snying por bsdus nas ni/ / rnal 'byor mchog ni brtsam par bya// rdo rje khu tshur dam bcings nas// smon lam bla med rgyu yi ni// oM swa b+hA ba shud+d+haHsarba d+harmA swa b+hA ba shud+d+hohaM/ yo ga shud+d+haHsar+b+ba d+harmA
- 434b
yo ga shud+d+hohaM/ badz+ra shud+d+haHsar+b+ba d+harmA badz+ra shud+d+hohaM/ smon lam kun mchog don du ni// lha nyid dmigs par bya ba yis// rnam shes rang 'dod par byas pas// sred dang rmongs pa rnam par spangs/ zla ba'i dkyil 'khor dbus gnas pas// bdag nyid lus ni rnam par brgyan// sangs rgyas lnga yi cod pan can// dung dang kun nga mnyam pa'i 'od// bdag nyid sems dpa'i skyil mo krung // phyag na rdo rje dril bu dang / / sku la rgyan rnams kun gyis brgyan// rdo rje ma 'od rab 'phro ba// 'jigs pa med cing 'tshe med par// dngos po dngos por bsgom par bya// a li ka li rab sbyor bas// sa bon sa bon byung ba yi/ / phyag 'tshal sreg pa mthar bzhag pa// rang 'dod pa yi sems kyis bzla// rim bzhin 'gags pa'i phyi nas ni// bdag med shin tu mnyam par gzhag/ gzugs kun rnam par dbus nas ni/ khams gsum du ni mi rtog go// zla ba la sogs bdag nyid med// kun nas thams cad stong par rig/ stong nyid stong pa stong chen dang // dngos med dngos por bsgoms pa yis// bsgoms nas lhag ma'i mtha' ru ni/ / rnam shes sgron ma lta bur 'bar// de yi 'od zer snang ba yis// khams gsum mun pa bsal nas ni// 'bar zhing rab tu phra ba'o// rnam shes ye shes snang ba nyid// dngos dang dngos po med pa'i dbus// gzugs dang gzugs med dbus nyid dang // 'du shes 'du shes med par ldan// yud tsam lta bar reg pa'o// gzugs dang stong pa la sogs dbus//
- 435a
'di yi mtshan nyid mtshon pa nyid// 'gog pa'i sbyor ba'i rim pa ni// shin tu mnyam par banag pas bsgom// yan lag gzir ba med pa dang // sems kyis skyo ba med pa yis// rim dang rim pa brtsam byas nas// 'khor ba gcod cing gcod pa'o// rtag tu nyid kyis sems kyis ni// yang dag byang chub rim pa bstan// shin tu bcad cing bltas nas ni// rnal 'byor 'di ni blang bar bya/ / oM bai ta li ba ta li be ta mu khi hUM phaT swAhA/ rdo rje mkha' 'gro rnal 'byor gyis// brgyad brgya ru ni bzlas par bya// gzugs kun rdzogs shing mdzes pa yi// btso ma'i gser dang 'dra ba'i 'od/ / pad+ma'i gdan la bzhugs nas ni// rdo rje 'od zer kun nas 'phro// ye shes sbyor ba'i sems kyis ni// sngags pas 'bum phrag gsum bzlas na// 'dod dang grol ba rgya chen po'i// phyis ni las rnams brtsam par bya// dur khrod thal ba sogs blangs la// snod la dkyil 'khor bri bar bya// de yi sol ba'i phye ma yis// gang du dkyil 'khor sprul pa yis// gru bzhi pa la sgo bzhi pa/ / rta babs bzhis ni rnam par brgyan// de yi dbus su pad+ma bri// thod pa brgyad kyis rnam par brgyan// dri dang bdug pa mar me dang // gtor ma'i de nyid de nyid dang // kun nas nya phyis dngos po yi/ / sna tshogs mchod pa rgya chen po// ye shes mkha' 'gro dgug pa ni// pho nya bzhi dang kun tu ldan// seng ge stag mo ce spyang dang // 'ug pa mo ni phyogs bzhir ro//
- 435b
thams cad kun nas kun tu ni// mnyam pa nyid kyi sems kyis mchod// de yi shar gyi gnas su ni// me yi las ni rab tu byas// dur khrod shing gi lhag ma dang // de yi shing gis ba dan gsum/ de'am 'on te rdol ba'i mes// 'bad pas me ni rab tu sbar// rdo rje lcags kyu rgya chen po// mar dang sbrang rtsi bsres byas pas// mchog gi sngags ni bzla bya zhing // bsreg pas lha mo tshim par 'gyur/ / thams cad gnas dang phyogs nas ni// sna tshogs gzugs ni 'jigs pa dang // mi bzad ku co rab sgrog na// 'jigs par mi bya 'joms par 'gyur// dpung gi tshogs ni yan lag bzhi/ / rgyal po myur du 'ong 'gyur ba// de la tshang ngam sbyin par bya// ri rab ri la sogs pa dang // sa gzhi'ur 'ur 'gul ba dang // sna tshogs mi bzad dri dang ni// 'dren pa'i sems ni'ajigs mi bya/ / sems can chen po'i rnal 'byor pas// khri phrag gcig tu bsreg byas na// rdo rje mkha' 'gro bdun nyid ni// 'grub pa 'di la the tsom med// sngags dang phyag rgya'i bya ba dang // gtor ma'i las dang las nyid dang // lus la ltos pa med pa yis// 'grub par 'di la the tsom med// phyi nas ye shes lha mo ni// me yi dbus su ston par byed// bdud rtsi lnga dang ldan pa yis// gtor ma dang ni arga dbul// zab cing rgya cher sgrog pa yi// de la lha mo tshig tu brjod// sems can chen po ci zhig 'grub// gang 'dod dngos grub rab tu spros// de la sgrub pos smras pa ni/
- 436a
dngos grub chen po grub ldan pa'i// gal te mchog gi dngos grub 'dod// grub pa brgyad ni gsol ba gdab// bdud dang nyon mongs gza' sogs kyis// gal de yid gnyis skyes na ni/ / til mar chen po dang ldan pa'i// lcags kyu chen po sbyin sreg bya// rdo rje sems dpas gsung ba bzhin// 'grub par 'di la the tsom med// dngos grub thams cad rab ster ba'i// mchog gis lha mo sgrub pa ni// lus dang srog la mi ltos par// mkhas pa yis ni bsgrub par bya// de nas ye shes de nyid mchog/ shin tu phra la rab zhi ba// gzung dang 'dzin pa rnam par spangs ba byung ba kun la 'dis khyab pa/ / 'od kyi bdag nyid gnas pa'i mi// ma rig nyon mongs gcod byed pa// srid pa la sogs nyon mongs rnams// gang du gnas kyi rnam pa 'byung / lus la sems shing sems dpa' dang / / bcu gnyis dus kyi gnas su yang // gzugs med sems kyi longs spyod pa'o// rmongs pa'i gnas dang gnas su ni// srid pa'i ngo bo nyid dam rod// rmongs pa gcod sogs rnal 'byor pa// srid pa bdam sogs rgal dka' ba// dag pa'i chos kyi sgrol ma yis// sgrib pa'i mtshan ma 'joms pa yi// chos dag pa yi thabs kyis ni// dag pa'i lus ni skyon med pa'o/ / dngos dang dngos med ldan pa yis// legs byas nyes byas 'du shes can// 'dod chags la sogs nyon mongs dag/ rgya mtsho lta bur gting dpag dka'// bcu/
- 436b
gnyis lus kyi bdag nyid can// rmongs pa ye shes rnam par gnas// dag pa'i chos kyi chu yis ni// lhan cig gnas pa'i dri ma 'khru// rang bzhin pad+ma'i dbye ba yis// nyon mongs la sogs gdung ba gcod/ / rnam rtog 'jigs pa chen po ni// srid pa'i rgyu ste mi bzhin no// de phyir rnam rtog ring du spang // rnal 'byor pa yi 'gro ba rtogs// mnyam nyid sems ni bskyed byas nas// kun nas thams cad mnyam par lta/ / rab tu mi gnas ming can la// las dang las kyi mtshan nyid med// bdud rtsi lnga yi rang bzhin yang // bdud rtsi lus ni tshom par bya// rtag tu bdud rtsis mchod pa'o/ / dngos su med na rnam par brtag/ lcags kyu rnam pa lnga drangs nas// thams cad kun nas rim pas mchod// sbyor bas mkha' 'gro la sogs ni// bdag nyid dbang du myur du 'gyur// rtag tu de nyid kyis bza' zhing // med na gzhan las rnam par brtag/ gsher ba'i bdud rtsi kun nas bsam// bza' ba yang na sha nyid du// rtag tu dga' ba'i ngo bo yis// rtag dang rnam rtog rnam par spang / / rang bzhin dag pa'i dpa' bo ni// dag pa'i lus su gdon mi za// rtag tu rnal 'byor pa spangs pa// bgrod dang bgrod min rnam par spangs// lo ma'i dang ni 'dab ma'i rgyu// snod la thams cad myu gu'o/ / de yi pad+ma rgyas byed pa// dag pa'i mtshan ma dang po'o// kha dog ngan zhing dri mi zhim// btung ba dro ba rnam par spangs// dag pa'i ngo bo gcod byed pa// gnyis pa'i mtshan mar bstan
- 437a
/ pa'o// kun la dga' zhing byams pa dang // gnod pa nas yang mi byed cing // sems can kun la snying brtse ba// gsum pa'i mtshan ma nyid du bstan// rtag tu stong pa'i tho ldan/ pas/ zab cing rgya che'i sems kyis ni// thams cad rtsa bzhin du ni stong // bzhi pa'i mtshan ma nyid du bstan// dag cing bstan pa'i nga bo nyid// lus gcig la ni rab ltos pa// rtag tu gas sogs za ba ni/ / lnga pa'i mtshan ma ru ni gsungs// brtson 'grus kun nas ldan pa dang // sprin dang tshul khrims bzod pa dang // bsam gtan mchog tu brtan byed pa// drug pa'i mtshan ma ru ni brtag bzo dang sgyu rtsal nyan pa dang / / rtag tu mnyam pa'i sems dang ni// rtag tu sems can don la brtson// bdun pa yi ni mtshan mar bstan// mi shes 'dam du bying ba yi// sems can kun gyis blo rtog byed/ / srid pa yang dag byang chub lam// mtshan ma brgyad pa ru ni bstan// 'ga' yang nam du mi smod cing // rdzas dang rdzas min rnam rtog bcas// gdug pa'i bdud dang bgegs sogs dang / rnam par rtog pas srid par ltung // dka' thub sdug bsngal mi zad pas// bsnyen pa 'grub par mi 'gyur te// lus ni dka' bar spyod pa yis// 'khor zhing srid pa'i mtha' ru bo// rnam rtog med pas mnyam par byas// dngos po mtshan ma'i sems dang bcas// sbyor ba grub pa'i don du ni// rnam par mi rtog sems kyis bza'// bsrubs pa rang 'dod snying po ni// g.yo dang
- 437b
mi g.yo dngos grub rgyu/ / chos kyi snying po snying po nyid// sems ni ye shes rang bzhin ldan// sbyor ba'i bstan bcos cha nyid ni// de nyid de nyid khyad par ro// sbyar dang bsam gtan byas pa yis// rtag tu sems ni sbyang bar bya// rnal 'byor rjes su rnal 'byor dang // rnal 'byor las 'das gnas chen po// las bzhi dang ni rab ldan pa'i// ye shes kyis ni 'khor ba sgrol// dang por bskyed rim spyod pa dang / / dbugs kyi sbyor ba rim sogs dang // las la sems shing sems pa dang // dang po'i sbyor ba'i mtshan nyid do// me bzhin du ni za ba dang // mnyam pa'i nyi ma bzhin du blta/ / rna dbang rlung gi rang bzhin du// rna ba sgra yi mchod par ldan// dngos po kun gyi rang bzhin ni// gzugs brnyan la sogs mchod pa'o// gtor mas ji skad gsungs pa bzhin// gnyis pa shin tu sbyor ba'o// dngos dang dngos med mnyam byas nas// sangs rgyas byang chub yang dag sbyar// phyag rgya chen po yi ni thabs// sbyor ba las 'das 'di yid do// rang bzhin gyis ni legs spyad na/ / thams cad bdag med pa las byung // lus sogs stong par rtogs pa ni// bzhi pa rnal 'byor chen po'o// 'di rnams mtshan nyid ldan pa ni// chen po'i sems kyi sdom pa'o/ / rtag tu bya ba der 'jug pas// 'byung zhing 'khor bar sgrol ba'o// spyan ni pad+ma ltar yangs shing // bzhin ni me tog rgyas pa 'dra// 'dod pa lnga po nye bar bsten// bde bar spyod
- 438a
cing bde bar reg/ 'dod pa kun dang nyer ldan pa// bde ba'i sems kyis bsgrub par bya// rnam par rtog pa'i rnal 'byor pas// srid par 'khor zhing 'jug pa'o// yid du 'ong ba'i sa phyogs su/ / bde ba'i stan la 'dug nas ni// rang bzhin ldan pa'i las kyis ni// mkhas pa yis ni bsgom par bya// zla ba nyi ma kha sbyar nas// sor mo 'brel bar byas nas ni// dri med gsum dang dud pas sbrel/ / sems ma rdo rje rab tu grags// tsham rngam phur bu ra ba dang // dra ba thams cad las nyid do// 'bar ba'i 'phreng ba mnyam pa'i 'od// 'di yi phyag rgyar bstan par bya// kha ga'i phyogs gzhan nyid dang ni// rtsa bar rlung dbang gnon pa dang // spyi bor 'bar ba'i re ba dang // mtshan ma'i mnga' bdag gis brgyan cing // rtag tu zhi zhing mchog gi nas// 'bar ba'i 'phreng ba mnyam pa'i 'od/ / 'di ltar sa bon mdor byas pa// thams cad las ni sgrub pa'o// lus la dgra yis kun tu dgang // gzugs la sogs pa zad par byed// sa bon lus kyi bdag nyid ni// sa bon lhag par bsam par bya// go cha'i srung ba dang bral zhing // thams cad yan lag drug gi las// stong pa'i de nyid snying po ni// sngon gyi mtshan nyid yang dag ldan// smad pa dang ni bstod pa'ang med ci 'byor dag pa'i bza' ba dang / / dbang po yul dang longs spyod ni// mnyam pa nyid du sems kyis bya// sngon du rig pas sngon lam rnams// bsgrub bya sgrub pa'i 'bras bu rtogs/
- 438b
gang zhig yid la 'dod spyod pa// de yi thabs ni rdo rje'o// rdo rje khu tshur gnyis bcings nas// rked pa'i phyogs su bzung nas ni// hUM gi dbyangs kyis kun bkang zhing // grub pa'i glu yis mnyam/ par bya// dza dza dza dza/ rdo rje sems dpa'i dngos grub bzhugs pa'i bdag po khyod// ha ha ha ha/ hUM yig mgon po dam tshig bdag po bdag phyag 'tshal// ba ba ba pa/ rdo rje sgrog gi gsang ba las byung gru 'dzin pa/ / a a a a/ a ho mgu ba'i rdo rje a l-i gcig tu thim par hUM/ 'di ltar gsang ba'i glu chen po// rnal 'byor ma kun tshim byed pa// rtse gcig rnal 'byor sems bcas pas// khru byug skad ltar snyan pa'i sgras/ / nam mkha'i khams kyi mtha' klas pa// khams gsum snying po'i dbus su ni// rlung gi nam mkha' ltar dag pas// sems nyid rlung bzhin nam mkhar brjod// rlung gi dkyil 'khor dbus gnas par// zla ba'i dkyil 'khor bsam par bya// de yi dbus su rab mdzes pa'i// a li sa bon 'od dang bcas// las kyi sa bon mdog tu ni// mnyam par bzhag pas bsgom par bya/ / 'byin dang sdud cing gcod mdzad ma// a li'i sa bon rab tu grags// ji ltar sde tshan gsum pa yi// yi ge gsum pa bzung byas te// glo rung dbyug pa rdo rje dang // 'og/ bag gis ni dkri bar bya// 'di ltar rnal 'byor mchog sgom pa// 'khor ba thams cad gcod par byed// phyi nas bdag nyid lus po ni// sems dpa' chen po rdo rje 'dzin// kun nas chu yis
- 439a
gang bar ni/ / phyogs brgyad du ni mnyam par ro// de yi dbus su rab mdzes pa// pad+ma dkar po yid 'ong ba'i// rlung gi dkyil 'khor dbus gnas par// 'o ma zla ba'i sa bon 'dzin/ / gdugs dkar po yis mngon par bkab// 'od zer 'bar ba rnam mang po// de yi sa bon las skyes pa// rdo rje sems dpa'i bdag nyid ni// kun da dkar dang zla ba'i mdog/ phyag gnyis pal mdzes pa'i brang / / dbu rgyan sangs rgyas lnga yi dngos// sems dpa'i skyil mo krung gis bzhugs// rdo rje snying khar mtha' 'dzin cing // g.yon pa dril bu dgu ru brten// sgeg cing spro ba'i rang bzhin dang / / rgyan rnams kun ni rnam par brgyan// 'od zer 'bar ba rnam mang po// dngos po'i tshon gyis btso bar bya// sangs rgyas sprin gyis rab rgyas pa'i// rdo rje rnon po'i 'od 'phro ba// 'jigs pa med cing gnod med par// dngos pos dngos po bsgom par bya// bzlas 'dod pa yi rnal 'byor pas// spro ba'i sems kyis mnyam par bsgom// dbus su mchog gi sa bon dang // phyag 'tshal a li mthar bzhag pa/ / yi ge drug pa'i sngags chen po// sangs rgyas kun gyis gsungs pa'o// blos dang bsam gtan rnal 'byor pas// rang 'dod las ni mngon par 'grub// 'bul phrag gsum du bsnyen pa yis/ / de nas de yi mngon du 'grub// de nas kun gyi snying po ni// skye dang 'jig dang rnam bral ba// gnyis med ye shes rnal 'byor pas// 'dod bzhin ye shes gnas rnyed
- 439b
pa'o/ / rdo rje dril bu de nyid dang // ye shes sku ni gnyis kyi gzugs// rdo rje g.yas brkyang gnas nas ni// dril bu mnan pa'i rkang pas mnan// pad+ma rdo rje sbyar byas nas// phyag rgya 'ching ba'i mchog tu brtson/ / dril bu lag gnyis kyis mgrin par// rdo rje gcig gis nu mar reg/ g.yon pas gzhung tshigs mtha' ru'o// tshams kyis ma mchu btsir mdzad cing // gnyis kyi sems kyis mchog brtson par/ / dngos pos dngos po bsgom par bya// steng dang 'og dang dbus gnyis dang // nam mkha'i dbyings kyi mtha' klas par// thams cad stong pa'i de nyid ni// sems kyis rab tu spyad par bya/ / mthar ni sgrol ma'i rnam pa'o// dbus su a li sa bon ni// 'bar ba'i 'phreng ba rab tu 'phro// khams gsum kun gyi cha dang bcas// phyis ni gzugs nyid yongs rdzogs pa// gnyis ka yod 'od gzugs mdzes pa'o/ / dbyig pa rdo rje 'jam pa'i mgon// 'od dpag shes rab kyi ni gzhi// rdo rje dril bu rab sbyor bas// mchog gi go 'phang bsgrub par bya// rdo rje gsang ba mtshan nas ni// gnyis kA 'khyud nas bzlas par bya/ / phyag 'tshal bsreg pa mthar bzhag nas// dbus su a li'i sa bon ni// rtag pa mchog tu phra ba nyid// bde ba'i sems kyis bsgrub par bya// yid kyi mchod pa'i cho ga yis/ kun nas yid kyis bsgrub par bya// shes rab rdo rje yang dag par sbyor ba'i le'u rdzogs so// / de nas thams cad snying po ni// mchog gi gtso bo bsdus pa'o// sbyor ba'i
- 440a
rgyud kyi rjes 'brangs nas/ / gus pa yis ni gzung bar bya// shel gyi rnam pa'i sems kyis ni// dag pa'i dngos por bza' bar bya// sngon gyi mtshan nyid dang ldan pa/ dag pa'i ngo bor sgom pa nyid// de nas rtog pa mi rtog pa// bza' dang bza' min mnyam pa nyid// btung dang mi btung rang 'dod du'o// 'khor ba'i pha rol rgal 'dod pas// sngon du dbang bskur dpa' bo rnams/ / 'bad pas brtul zhugs gzung bar bya// rim pa bzhin du zla ba dang // nyi ma bam ni lo dus su// brtul zhugs mtshan nyid bzhi pa'o// yon tan de yi yongs su bza'// bco lnga dang ni bcu bzhi dang // khyad par du ni tshes brgyad la'o// brtul zhugs rim pa 'di nyid ni// nan tan gyis ni gtor ma sbyin// de yi las rnams thams cad ni// ye shes de nyid 'bras bu sogs/ / de lta bden pa'i sngags kun gyis// 'grub par 'di la the tsom med// bza' sogs ston mo'i rnal 'byor pas// zla ba tha ma'i nyi ma gzung // rang 'dod chos ni rab brtags na// thams cad sngags ni 'grub par 'gyur// brtul zhugs ldan pa nyin re 'am// gal te ma 'byor pa na yang // dbyar zla 'bring po'i tha ma ni// lo yi nyi ma gzung bar bya// mtshan nyid ji ltar gsung pa bzhin/ / skyon med sngags kyis sbyin byas nas// de yis dus rnams thams cad du// dpal dang phun tshogs mdun na gnas// rnal 'byor chos sogs la dga' bas// gnyis med grogs
- 440b
mchog rab ldan pas/ / de yis chos la brten nas ni// mchog gi go 'phang bsgrub par bya// stong nyid kyis ni gzugs 'jig cing // blangs pa'i chos rnams zad par byed// thams cad sdom pa nam mkha' ni/ / shin tu mnyam par gzhag pas bsam// thams cad nam mkha'i gnas su ni// 'o ma zla ba'i sa bon bsam// 'od zer 'bar ba mang po ni// dkar dang kun da zla ba'i mdog/ a li'i sa bon mchog gtso bo/ / dbugs mi g.yo bas bsgom par bya// skad cig rnam par sbyor ba yis// ye shes mkha' 'gro bdag nyid ni// zhal gsum phyag ni drug pa nyid// kha dog sngon po mnyam pa'i bod/ / sems dpa'i skyil mo krung gis bzhugs// nyi ma'i dkyil 'khor gyis brgyan pa// steng du rdo rje cod pan dang // sangs rgyas lnga yis dbu la brgyan// rgod dang khro dang sgeg pa dang // spyan gsum gyis ni rnam par brgyan/ / smad g.yogs glang chen lpags pa dang // mi yi pags pa rab tu gsol// mi yi yan lag lnga rus pas// rgyan kun gyis ni rab tu brgyan// sgra yi rtse mo rab 'jam zhing // me 'bar ba dang mnyam pa'i 'od// dang po'i phyag na kha T+wAM ga/ gnyis pa na ni dgra sta bsnams// gsum pa na ni rdo rje'o// g.yon pa sdigs mdzub zhags pa dang // gnyis pa thod pa khrag gis bkang // ral gri phyag ni steng du'o// rdo rje 'od zer dri ma med// sangs rgyas sprin ltar rab 'phro ba// sa yis dbus su rnam rol bar// dngos po dngos po bsgom par bya// 'ug pa ce spyang seng ge dang // stag mo phyag
- 441a
su rnam par bsgom/ / bya rog ce sbyang bya rgod dang // tsi li ka ni mtshams su dgod// 'jigs pa'i sgra sgrog mche ba gtsigs// ha hUM rnam par 'jigs par byed// 'di ltar mkha' 'gro rgyal dbang ma/ / bdag nyid sems kyis bsgom par bya// rang gi dbugs las phyung nas ni// gzugs brnyan la sogs dgod par bya// rnal 'byor pa yis bris sku sogs// de yi gnas su kun tu bsam/ / 'dod dang grol ba'i go 'phang gnas// gnyis med gtor ma'i lha nyid yin// sbyor ba'i sgo nas sgrub pa pos// 'di yi mchod pa'i cho ga bshad// bza' dang ston mo de nyid dang // gsang ba'i mchod pas rab tu mchod// snying kha'i dkyil 'khor dbus gnas par// sems kyis hUM gi sa bon las// de yi gzugs la sogs bskyed pa// rdo rje sems dpa'i bdag nyid dgod// bza' ba la sogs khyad par nyid// dag pa'i dngos por bsgoms nas ni// sgrub pa shin tu mnyam bzhag pas// yud tsam gyis ni sbyor ba yis// oM ha ho dz+dzaHswA hA/ oM gyis 'bar bas/ bsam pa dang // ha li rnam pas so sor rtog/ sa bon ho yis snang bar byas// hrI yi rnam pas dri ma skyong // lus kyi sgra nyid tshim pa'i phyir// a yi rnam pas rtog par bya// sa bon lnga yis nyid ni/ / sangs rgyas lnga nyid mngon par thim// oM dzam+mu traM d+hu ma swAhA/ bza' ba la sogs khyad par nyid// sngags 'di yis ni gzung bar bya// oM gyi rnam pas lus dang ni// dzaM gyis rnam pas
- 441b
brdung ba dang / / gyis rnam par so ba dang // dzagis rnam par gyi med drug// rmugs rnam pas spyad par bya// sems kyis sgri lar migs// de nyid rtag su mchod byas nas/ 'byor ba yis thig spyang bya// dri dang mar me me tog dang // b+ha ba shos dang ni gtor ma yis// glu yi dus su dbyangs snyan dang // ba~M lang gling bu la sogs sgyur// rtag tu de dag gis mchod cing rdo rjemams dpa' bdag nyid brjod/ 'gro dang / la dang 'dug pa dang / bcag dang thams pad+ma du nyid / rtag tu sems shing sems pa mos/ rdo rje sems dpanga' bsam par bya/ a sud+d+hi s+thAd+d+ha/ ye shes gzugs brnyan sbyor ba yis// sa bon 'di ni bzlas byas nas// sdig pa thams cad thug bsrings shing // rang 'dod las ni 'grub par 'gyur// 'byung ba sbru las myur ba rdzo/ / gang gigasang bar bye byas pa 'dra // rtag tu bsgoms shing bsgos byas na// rdeg pakun las thol par 'gyur// oM ka ra kar ba d+hAs r+b+ba twA~Mr+N+Na bar+dz+dza d+hId+him a a mu mu mu swAhA/ sngags chen po yis bon 'di// sangs rgyas sems ni mdor bsdus pa'o// skyon med sbyor ba'i sgrub pa pos// thams cad ldan pa'i sa bon ni// mtshan mo ma mtha' nyid dang / / dang por ro hi ta dus la// nya phyis sdong du chu dang ni// ma ga d+ha ni srang gnyis nyid// kun nas zla ba'i dkyil 'khor bsam// bdud rtsi'i dbus su yang dag ldan// bdud rtsa
- 442a
bsam pa'i thabs kyis ni/ / shin tu mnyam gzhag rnal 'byor pas// lan bdun mngon par bsngags byas pa'i// de yi chu ni btung byas na// sdig pa thams cad 'jig pa dang / / ye shes bdud rtsi ye shes sku// yid gzhungs shes rab rno ba dang // rlung dang gzi brjid dpal 'phel zhing // kun nas skal ldan dag dang ni// thos dang shes rab nor dang ni// rlung mkhris dug dang bad kan dang / / 'dus dang glo sogs kyis gzer dang // mig dang yan lag gzer ba ni// chu 'di yis ni nad kun 'phrog/ oM ra ta a brta ni/ sarba pA paM ha ran+tu maM hUM/ bi kr-i ta kro d+ha hUM phaT swA hA/ 'di yi sngags ni sngags chen po// srung ba kun gyi bla na med// sngon gyi dus su bzhag byas nas// rnal 'byor lus ni srung ba'o// lan bdun mngon par bsdigs byas la// gnas lnga ru ni lan gsum mo// sangs rgyas lnga ni mngon bsams nas// spyi bo'i steng du bskur byas nas// rgyal po seng ge dgra sogs dang // rkun mo dang ni me dang chu// rlung dang mkhris pa la / sogs dang // 'jigs byed 'jigs pa 'joms par byed// oM bi mo ha ni/ saM mo ha ni/ sarba~M pri ye ti hUM hUM hUM swA hA/ 'di yi sngags ni sngags chen pos// 'gro kun rmongs par byed par gsungs// mi byams byams pa skyed byed cing // kun nas mdza' bar gyur pa'o// lag pa g.yon pa yi ni chu// snga dro'i dus su khe bkrus nas// rnal 'byor pa ni grub 'dod pa// dgos pa thams cad 'grub par
- 442b
gyur/ rede nas sbyor ba mchog tu bshad// snying po las ni snying po mchog/ rdo rje la sogs bsgom par bya// gnyis su med par mnyam par 'dres// yan lag 'di yis tha dad bsgom// dug med pa yang dug gis bsdun/ / shin tu mi bzad rmongs pa yis// rmongs pa rnal 'byor bdag nyid 'jig/ 'bad pas chos kyi thabs kyis ni// dag pa'i lus ni rnam dag byed// dag pa'i sgron ma bltas pa yis/ nyon mongs la sogs mun 'joms pa// nam mkha' rdo rje rdo rje la// sems dang sems ni rnam par thim// gcig sogs dngos po sgom pa ni// 'di yi rnal 'byor mtshan nyid ni// me yi lhag ma sogs lhag pa/ / dbus dang dbus su rnam par 'tsher// de yi 'od kyis nam mkha'i khams// shin tu mnyam par gzhag pas blta// sa bon 'di yi myu gu las// a li ka li rnam par 'byung // sa bonas bon rab 'phro ba/ / nam mkha'i khams su yang dag gnas// nyi ma'i dkyil 'khor dbus gnas pa'i// ro langs ma yi dbus su bsam// pad+ma'i gdan la rnam par bzhugs// gdugs dkar po yis mngon par g.yogs/ / phyag gnyis sems dpa'i skyil mo gung // kha dog dmar po 'od mnyam pa// lcags kyu zhags pa sdigs mdzub dang // spyan gsum gyis ni rnam par brgyan// sgeg pa'i nyams kyis blta ba dang / / na bza' dmar po mngon par g.yogs// mchog gi sems dang sems pa la// bdud rtsi'i yi ge rnam par bsam// lcags kyu'i rtse mor yi ge k+ShuM// bzlas shing 'di yis
- 443a
drang bar bya/ / gzugs brnyan gyis ni yid bskyod cing // rang gis dbugs kyis dgang bar bya// oM rA ga ta b+ha ti tsUk+Shu~M sUhA/ lcags kyu'i sngags dang phyag rgya yis// rnal 'byor pa yis 'dod bzhin drang / / rmongs chen shin tu rmongs pa ni// mnyam par bzhag nas rab tu sgrub// gdan bzhi pa yi rgyud kyi ni// sbyor ba'i gdan gyi gsum pa las// grub pa'i snying po bsdus pa ni/ mdor bsdus nas ni bsdus pa'o// de nas ye shes lus la ni// shin tu mnyam gzhag rnal 'byor pas// bza' dang bza' ba'i bsam pa yis// sbyangs dang rtog pa spyad par bya// dngos po smad pa ma yin zhing / / gang yang brtag par mi bya'o// mtho dang dma' ba'i rigs la sogs// mnyam nyid lha ni lnga pa'o// gang zhig skye ba po sogs pa// sems kyis gnod pa mi bya'o// gal te gnod pa byed sems na/ / rnal 'byor sdom pa ring bar 'gyur// gang zhig che dang phra ba yi// gzhan rdzas rang gir byed pa yi// rku ba'i sems ni mi bya'o// rnal 'byor sdom pa ring ba nyid// rdzun dang tshig rtsub phra ma dang / / 'khyal pa'i ngag ni ring du spang // gzhan gyis sems la gnod byas pas// rnal 'byor sdom pa ring ba nyid// don dang ling ga rab sbyor bas// sbyor ba'i chos kyis snying po nyid// rmongs pas log dkris ngag sogs kyis// de yi rab sbyor smod pa nyid// legs par byas pa'i las kyis ni// bde ba bskyed pa'i lus kyis ni// sems can bde ba lhur len pas// theg pa che la legs
- 443b
par bslabs/ / gal te sems can gnod sogs pa'i// mi dga' ba yi tshig mi smra// sdig pa'i las ni mi bya zhing // rnal 'byor gtsug lag mi smad do// rnal 'byor 'dod dag ba ma yin zhing / rmongs pas rgyags par mi bya'o// phyag rgya 'ching bar rab sbyor bas// rang 'dod kyis ni bsten par bya// bstan cing bstan pa'i rab sbyor bas// lha nyid tshim zhing bsgrub par bya// sems can don gyi ngo bo yis/ / sems can bde bas phan 'dogs byed// theg pa chen po'i 'bras bu che// 'di yi lam gyis bsten par bya// gang dang gang du rab sbyor bas// de dang der ni phan pas bde// sems can sdom pa la sogs pas/ / de yi sems ni gdon mi za// 'khor bar skyes pa'i dus na ni// thabs dang shes rab yang dag ldan// dngos po dngos po med byed dang // sems can don na a lir bsgyur// phyag rgya bzhi dang ldan pa'i rgya/ / gsang ba'i gsang ba bcing ba yis// de yi dbus su bdud rtsi ni// skye zhing myu gu 'byung ba'o// 'dab ma gsum dang kun ldan pa'i// a li mchog ni mtha' med do// gzhan yang bdud rtsi mchog nyid ni// phyi rol kun gyi snying po nyid// bdud rtsi yid 'ong skal bzang zhing // sems can la ni snyan par ston// sangs rgyas lnga yi kun gyi lus// bcom gser ltar 'bar ba'o/ / cod pan bcings shing 'phyar ba dang // phyag bzhi yis ni rnam par spras// rgod dang sgeg pa'i nyams dang ni// rgyan kun gyis ni rnam par brgyan// steng du rdo rje lcags kyu dang // gnyis pa rdo rje
- 444a
zhags pa'o/ / g.yon pa rdo rje dril bu dang // gsum pa lcags sgrog 'ching ba yi// phyag bzhi po yi phyag rgya ni// gsang ba gsang sogs 'ching ba dang // lus dang kha dog 'bar ba ru/ snang ba mtha' yas mnyam par gzhag/ ha yi rnam pa'i sa bon ni// yi ge mchog gi dga' bar byed// ho yi rnam pas lus dang lus// rnam snang mnga' bdag lha nyid do// sems dang sems pa bsgom pas ni/ lha nyid du ni yongs su grags// thams cad lus dang lus can gyi// srog dang sems ni 'phrog pa'o// hrI yi rnam pa'i sa bon ni// phyag na rdo rje stobs po che// oM gyi rnam pa gsal bar 'phro// kun nas sems ni rtogs mdzad pa'o// a yi rnam pa des tshim byed// blo dang ldan pas yongs su bsten// bdud rtsi chu yi lha mo ni// de yi shes bya rtogs pa'o// bdud rtsi gang gis myang ba yis// bdud rtsi yi ni 'bras bu thob/ / de bzhin gshegs dges lha mo ni// gzugs mdzes mchog tu yid 'ong ba'o// sangs rgyas kun gyi rnam pa yis// phyag rgya bzhi pa bcing bar bya// rnal 'byor pa ni sgrub 'dod na// gnyis ni gnyis su med par bsgom/ / gnyis ni dngos po dngos med pas// ye shes ldan pas yongs su gsal// nga rgyal chen pos bcing ba ni// spro ba'i sems dang ldan pas bcings// sgeg dang khro dang tshul gyis ni// lha mo'i snying po nyid du thim// nyi ma'i lag pa'i gdan la ni// zla ba'i lag pas reg byas la// de yis 'khyud cing 'khyud nas ni// lha mo'i ye shes nyid du thim// lto ba'i ye shes me yi lha// me yi gnas su
- 444b
tshim par bya/ / shes rab thabs la thim pa yis// gnyis med sbyor bas tshim par bya// oM ha ho hrIHa/ sa bon chen po'i sa bon ni// 'di yi sa bon bsam par bya// rim pa 'di yis mchod pa ni// sman/ gyi rgyur ni ma yin no// lha mo bkres dang sdug bsngal 'phrog/ sgeg cing snyan par smra ba dang // nga rgyal med pa'i nga rgyal byed// brtson med pa yi brtson 'grus bcas// kun nas skal ldan lha mo ni// rmongs byed 'jig dang 'gugs par byed/ / yid mi gzhung dang ngo tsha 'jig/ lha mo snyan mas 'joms par byed// de ltar yon tan lha mo ldan// yid 'ong bdud rtsi snyan pa mo// 'dod dam thar pa'i go 'phang gnas// gang zhig lha mo 'di yi lam// chu sbyar ne tso gtam dang ni// sgeg dang gar ni lnga ldan pa'o// lha min brtson 'grus bdun pa ste// dran pa nyams byed brgyad pa'o// lha mo pho nya brgyad kyi las// myur du sems ni 'phrog pa'o/ / rnal 'byor pa yi bdag nyid sems// 'dod pa'i sems kyis rnam par byed// ji ltar gsum pa'i mtshan nyid kyis// 'bad pas thang kha sna tshogs dgram// pad+ma'i gdan la bzhugs pa ni/ / nyi ma'i dkyil 'khor gyos brgyan par// kun nas pho nya brgyad pa ni// bud med gzugs su de yi tshul// phyogs kyi mdog dang mdog tu'o// gzugs mdzes yon tan ldan pa yi// dung chen la sogs lag pa na// gnas dang gnas la bdud rtsi'i chu// sha lnga yi ni snod la sogs// bza' dang ston mos nye bar mdzes// de yi gzugs brnyan mdun du ni// mkhas pa yis ni bsgrub/
- 445a
par bya// me tog spos dang dri la sogs// gnyis med gtor ma yang dag ldan// dang po re zhig dam tshig gi/ phyag rgya la sogs bcing bar bya// zla ba'i lag pa rab brkyang nas/ / rnam shes byed par kun tu ldan// oM hi li hi li hUM phaT/ dam tshig sngags dang phyag rgya yis// mchod pa'i las la rab tu sbyar// oM a mr-i ta kuN+Da ha ho hrIHa swA hA/ nye bar spyod pa'i sngags dang phyag rgya'o// nyi ma'i lag pa'i gdan la ni// zla ba'i lag pa kun sbyar la// snying po'i snying dang phyag rgya yis// rang 'dod las ni rab tu byed// 'bum phrag gcig zlos rnal 'byor pas// sngon du bsnyen pa la sogs bya/ phyis ni me la sogs pa'i las// gnyis med gtor ma'i las kyis so// me thab kha ran gsum par ni// snang byed shing ni rab sbar la// lha mo'i me tog rgyas pa ni// sbrang rtsis bsku zhing sbyar byas la/ / bdud rtsi'i chu dang kun nas bsra// gang gi ming nas yang dag bzung // brgyad brgya ru ni bsregs byas nas// nges par dbang du 'gyur ba'o// me yi lha sogs thal ba dang // bdag nyid khu ba lan lnga ru/ bdud rtsi dbus su sbyin byas na// bdag nyid 'dod bzhin dbang du byed// smyo byed sbrul ni lnga pa dang // su dza'i shing ni cha mnyam pa// bdud rtsir ldan par byin byas na// myur du skyo bar 'gyur ba'o// nim pa la sogs rtse mo la// mkhas pa yis ni bsgrub par bya// me tog bdug po dri sogs dang // gnyis med gtor ma'i las kyis ni// arga dkar po rtsa ba las// 'dab pas me ni rab
- 445b
tu sbar/ / pad+mo zhib mo phye ma ni// 'o ma dang ni bdud rtsis sku// brgyad brgya ru bsreg byas pa yi// lhag ma'i thal ba bgos pa'o// tsi tru ka yi rtsa ba'i chus// lan bdun bgos la grib mar bskam/ / mchod pa'i dus su rnal 'byor pas// de yi thal ba bdud rtsi nus// myur ba nyid du bgos pa ni// kha ba kun da 'o ma ru// lus ni mongs pa'i gzugs dang ni// shin tu rmongs shing rmo ba'i dri/ / pho nya brgyad kyi lha mo ni// stobs dang gzi brjid don me'o// rnam rtog rmongs pa'i sems can la// 'di yi las kyis rab tu sbyar// rmongs pa spang ba'i rnal 'byor pas// 'gro ba myur du rtog par 'gyur/ / 'di yis phye ma blang byas la// dzA ti mar khu lan gsum spang // bdud rtsi mchod pa'i dus su ni// thal ba lan cig bsres byas nas// thig le lce yi myang ba yis// pho nya brgyad kyis 'dzin par 'gyur/ / pho nya'i mtshan ma yongs rdzogs pa// spro zhing rgyags pa'o// smyo byed shing ni yang dag blang // 'bad pas me ni rab sngar la// me tog sbrang rtsi bdud rtsir ldan// brgyad brgya ru ni bsreg par bya/ / de yi thal ba blangs byas nas// rab tu sbyor ba la sogs bya// bdud rtsi bskyed pa'i gnas su ni// thal ba de yis byug byas nas// chu yi mdog ni gzhan du dang // de yi ro na gzhan du 'gyur/ / sbrang rtsi 'o ma ldan pa yis// de gzugs snga ma bzhin du 'gyur// de yi thal ba blangs byas la// ku sum pa yi cha dang bsres// bdud rtsi yi ni cha bdun dang // ma ru rtsa yi cha brgyad ni//
- 446a
mchod pa'i dus su chang la ni// de yi thal ba blugs byas na// gang la byin pa tsam gyis ni// bdud rtsi kun nas rang 'dod rig/ gang dang gang gi lam gyis ni// de dang de'i ni rmongs pa rnams/ / sems can don du rmongs bsal phyir// rtag tu lam ni bstan par bya// gzhan gyi don la brtson par bya// rang gi 'dod 'di bsdus pa'o// sman dang sngags kyi sbyor ba yang // shes rab dman la sogs pas dman/ / gdan bzhi pa yi rgyud kyi ni// gsum pa gtor ma'i las kyis ni// dngos grub snying po bsdus pa ni// de yi dngos po bsdus pa'o// sngags sgrub pa yi don du ni// gzugs brnyan rab tu sbyar bar bya/ / mchog gi gzugs brnyan rab sbyar bas// byin gyi rlabs kyis rim pas sgrub// zhi dang rgyas dang dbang dang ni// gsad dang bskrad dang dbye ba ni// gzugs brnyan gyis ni thams cad 'grub/ / gzugs brnyan mtshan nyid ldan par bya// sngon du ras kyi mtshan nyid dang // gnyis pa ta la'i mtshan nyid dang // gsum pa kha dog rim pa dang // bzhi pa gtor ma sbyin sreg nyid// gleng gzhi rang 'dod bskyed nas ni/ / ma nyams kha tshar yang dag ldan// steng 'og la sogs rab rgyas pa// ras la zhi ba'i ri mo bri// ma lhung ba yi yi dgas gos// ma nyams kha tshar bgo bar bya// mtshon gyis ma phog cha la ni/ / rgyas pa yi ni mtshan nyid do// yi dgas mo yi dmar po'i ras// ma lhung bar ni rab tu spyad// mtshon gyis ma phog rab sbyar ba// dbang nyid du ni yongs su grags// ra nag po
- 446b
yi pags pa dang / / ba lang rta sogs gzhan dag la// gnag cing drag sogs pa yi las// mngon spyod las kyi mtshan nyid do// de yi mnan pa'i gnas su ni// thig gi mtshan nyid gdab par bya// cha gsum du ni rab tu bgo/ gcig ni 'og tu dor bar bya// cha gnyis lnga pa'i steng du'o// gsum pa gsungs pa'i thig nyid ni// tshangs pa'i ri mo dbyug pa ni// cha lnga la ni bdun du'o// lus ni cha gsum nyid du 'dod/ / zhi dang yan lag mnyam pa'o// zhal ni bcu gnyis cha nyid do// mgrin pa la ni sor bzhi'o// mgo dang skra la'ang de nyid do// rna ba nyid kyang de yi tshad// zhal gyi cha ni gsum pa nyid// dpral ba lkog ma sna nyid do// sman ma'i mtha' ni rna ba'i lhag/ mig ni sor gnyis pa yi tshad// bug pa sor mo bzhi pa'o// de ni mig gi mtshan nyid do// mgrin pa'i mtha' yi dbus su ni// brang gi cha ni gnyis kyis mnan/ / snying kha'i gnas dang lde bar ni// mnan cing kun tu mnan pa'o// nu ma'i mthar ni mnan bcas pa// brang du nu ma gnyis mnan la// lag pa gnyis kas mnan pa ni// lag gnyis kun tu gnon pa'o// sor bzhi pa dang ldan pa ni// brla dang rje ngar kun tu ldan// pus mo gnyis la sor bzhi'o// rkang pa'i tshad kyang de bzhin no// bcu gnyis ta la'i tshad kyis ni/ lha yi gzugs ni ri mor bris// lhag pa'i sor mo bzhi po ni// lha brgyad kyi ni gdan du'o// dgu pa yi ni gdan nyid ni// sor mo gnyis su bshad pa'o// dbus kyi zla ba'i dkyil 'khor no// kun nas
- 447a
#na bza'i 'od zer sogs/ / rab zab rdo rje'i lha nyid ni// tal bcu gnyis kyi ni tshad// 'og ma'i cha dang cha sogs dang // nye bar mdzes sogs ri ma bri// steng gi lhag pa'i chal ni/ rigs ni lnga pa bstan pa'o// las kyi mdo sogs mdog tu ni// 'dod bzhin lha nyid bsgrub par bya// gzugs brnyan rab tu sbyor ba ni// bcu gnyis ta la'i rnam pa'o// de yi ta la'i tshad la ni// phyag gnyis kun nas bkug pa ni/ / sor mo gnyis ni rab dor la// gzhi pa'i lha yi rnam pa'o// de yi ta las zhal bzhi ni// gsus khyim che zhing che ba nyid// kun nas tshigs dang tshigs nyid ni// sor mo gnyis ni dor bar bya/ / khro bo khro mo dbang phyug ma// bran pho bran mo mngag gzhug ni// drag po 'jigs su rung ba'i gzugs// ta la bcur ni bri ba'o// dkyil 'khor sgrub par 'dod pa yis// mchod pa'i lha mo mngon par ldan/ / ras kyi brgyad kyi cha nyid ni// ta la'i steng du dor bar bya// dkyil 'khor lha mo'i rim pa ni// rim dang rim bzhin sbyar bar bya// dbus su mngab bdag rdo rje'i lnga// gcig pa'i mtshan nyid rnam par bri/ / mgrin pa ko sko zhabs nyid ni// de gsum ring na nyes skyon no// sngags pa nges par bdag nyid ni// skrod dang gnas ni rlag pa'o// shangs dang snyan dang sor mo ni// de gsum thung ba'i nyes pa ni/ / nges par dngos grub rlag pa dang // de yi dpal yang ring ba nyid// rje ngar zhag dang mkhur chos ni// de gsum sbom pa nyes pa che// nges par sgrub po'i bdag nyid ni// bdud
- 447b
dang bgegs dang dpal ring ngo / / 'gram pa brang dang rtsibs logs ni// de gsum dma' na skyon che'o// yun mi ring ba myur du ni// nor ni rlag par 'gyur ba'o// num rna ba dpral ba ni// de gsum yo na skyon che'o/ / 'thab mo yi ni dgra 'tshe bar// myur du sgrub pa po 'gyur ba'o// brang dang lus dang brla gnyis ni// de gsum dma' na skyon che'o// dgras ni 'jig par 'gyur ba dang // 'chi bar yang ni tha tsom med/ / sna zhom mig ni yo ba dang // rna ba mchu dang dpral ba ni// bgegs dang bdud dang sems 'jigs shing // dngos grub ring bar 'gyur ba nyid// gyen du lta ba'i dbugs dang ni// gdan ni yo zhing tha dad pa/ / brang dang mgrin pa yan lag ni// nyes skyon grangs ni med par grags// 'od zer yo zhing tha dad dang // phyag rgya phyag mtshan nor bas ni// mya ngan gdung bas sdug bsngal bar// sgrub po'i gzugs brnyan nyes skyon no// rgyab yol gdugs dang gdan rnams ni// rnam gsum dog pa'i nyes pa ni// 'chi zhing dpal nyams rlag pa dang // mi mdza' mdza' ba 'joms pa'o// de ltar nyes skyon skyon chen pos/ / dul zhing dul la bzod pa dang // sems ni shin tu mnyam bzhag pas// rnam par brtag cing rab tu dpyod// mtshan nyid thams cad yongs rdzogs shing // mdzes pa'i tshul gyis mchod par bstan/ / sngags grub rgyu yi don dang ni// dbang dang dgug pa yi ni lha// zhi ba la ni zhi ba'i tshul// drag la drag cing 'jigs su rung // dpa' zhing dpa' ba'i nga rgyal gyis// rgod cing khro dang
- 448a
sgeg pa dang / / khro ba'i gzugs kyi tshul dang ni// bran dang bran mo'i rnam par sprul// las kyi gnas dang gnas nyid du// bdag nyid kyis mi kha dog bsgyur// de ltar mtshan nyid mtshon pa yi dngos grub myur du rdzogs pa dang / / rnal 'byor pa yi 'dod pa las// sngags pas thang kha'i ri mi bri/ na maHsa man+ta bud+d+hA nAM/ saM bo d+ha ni/ bi shud+d+ha/ na maHsarba b+hi ga ha ra nan+tu hUM hUM hUM phaT phaT swA hA/ sngags pa yis ni sngags 'di yis// ras dang skud pa bkru ba'o// thams cad las kyi sngags kyis ni// sangs rgyas lnga yi byin gyis brlabs// gzugs brnyan so sor rab sbyor bas// sgrub pos thang kha bsgrub/ par bya// gzugs brnyan 'grub pa'i rgyu ru ni// sbyin sreg phyag rgya sngags bya'o// yi dgas kyi ni gos blangs la// gtor ma la sogs ldan pa yi// nan tan gyis ni thang kha brgyad// thig skud kyis ni ri mo bya// pad+ma'i gdan la bzhugs pa ni// zla ba'i dkyil 'khor dbus gnas par// sems dpa'i skyil mo krung gis bzhugs// phyag gnyis pa la thang kha mdzes// rdo rje cod pan mthong ka'i rtse// sangs rgyas lnga yI rnam par brgyan/ / rgyan rnams kun gyis brgyan pa'i sku// dar gyis dkri zhing rnam par 'phyang // rdo rje phyag gis gsor mdzad cing // snying khar gnon pa mchog tu brtson// g.yon pa po dril bu mngon ldan pas/ rker pa'i mtshams su rnam par gnon// bcom gsar gyi kha dog dang // skrag cing shin tu bzhad pa'i zhal// rdo rje dkyil 'khor la brten par// khro bo'i 'od zer rnam par spro// dkar dang zla ba
- 448b
kun da'i mdog/ lha mo gsang ba'i snod mdzad cing // rkang pas 'khyud pas thal mo sbyar// phyag gnyis kyis ni mgrin par 'khyud// tshems kyis ma mchu btsir nas ni// myos pas khro bo mchog gis te// rgyan rnams kyis ni brgyan pa'i sku// chags pa'i gos dkar bsnams pa nyid// ba spu nas ni rdo rje 'phro// gdugs dkar po yis mngon g.yogs pa'i// 'di ltar rdo rje dbang phyug rgyal// pad+ma'i lus can rdo rje 'dzin/ / rdo rje shar gyi cha ru ni// mo gzugs ri mor bris pa ni// gzugs kun la sogs rab rgyas pa'o// gnod sbyin mo ni rgyal dbang 'di// rin chen gdan la bzhugs pa ni// rgyan kun gyis ni rnam par brgyan/ / phyag na gtor ma'i snod sogs pa// phyogs kyi mdog tu btso bar bya// dngos grub kun ster lha mo ni// lus ngan gyi ni sring mo'o// phyag 'tshal tshul gyis 'dud pa ni// lha mo sgrub pa'i mtshan nyid do/ / rdo rje byang gi cha la ni// lha mo snyan par smra ba ni// de ltar rdo rje dbang phyug rgya la// pad+ma'i lus can ye shes 'dzin// snyan pa'i gser btso ma yi mdog/ bzang po'i gdan la bzhugs pa ni/ ngargyan rnams kun gyis rnam par brgyan// gnyis kyi phyag na bdud rtsi'i snod// sgeg pa'i nyams kyis lta ba ru// mkhas pa yis ni bri bar bya// ye shes nub kyi cha la ni// lha mo snyan pa'i dbang phyug ma/ / bcom gser gyi mdog dang ni// rgyan rnams kun gyis rnam par brgyan// thams cad mtshan nyid yongs rdzogs pa'i// lha mo gzhon nu grub pa ni// lcags kyu lnga sogs snod kyis ni/
- 449a
gnyis pa'i phyag ni rnam par brgyan// rdo rje lho yi cha ru ni// 'byung mo'i ming ni ska rags can// sku mdog sngon mo gzugs mdzes pa'i// rgyun kun gyis ni rnam par brgyan// bdud rtsi bum pa phyag gnyis na// gzhan gyi sgeg pa'i yan lag dang // gshin rje yi ni sring mo nyid// dngos grub kun ster lha mo ni// thams cad kun la gzugs mdzes par// rnam par brtags te ri mor bri/ / rdo rje dril sogs rim par yang // dbang ldan la sogs rim par sbyar// phyag gnyis sems dpa'i skyil mo krung // phyag ni phyag rgya mtshan ma sogs// de ltar rdo rje dbang phyug rgyal// rol pa'i 'khor lo bsam par bya// lha rnams dmigs pa dang bcas pa// sngags dang phyag rgya gtor mas mchod// oM sarba sid+d+hi ku ru hUM/ nye bar spyod pa'i sngags so// oM badz+ra hUM phaT/ nyi ma'i lag pa rab brkyang nas/ / ye shes kyis ni pad+ma mnan// dam tshig sngags dang phyag rgya'o// de yi sngags dang phyag rgya yis// yan lag drug tu bsrung bar bya// ye shes khu tshur gnyis bcings nas// dkar po dang ni sa gdugs bsgreng / / 'khyil bar sa gdugs 'khyud byas la// dkar po'i lcags kyus spyan drang ngo // oM badz+ra aM ku sha dza/ phyag rgya de nyid brtan bcing la// dkar po dang ni gi'u wang spel// zhag+sa pa'i dam tshig phyag rgya yis/ / kun nas lha mo bzhugs par ldan// oM badz+ra pA sha hUM/ phyag rgya de nyid dam bcings nas// rgyab dang rgyab tu sbyar bar bya// gsang zhing gsang ba'i lcags sgrog gis//
- 449b
lha rnams kun nas mnyes par bya// khu tshur de nyid dam bcings nas// rgyab dang rgyab tu yang dag ldan// sa gdugs pad+ma sbrel byas la// kun nas lha nyid tshim byed pa'o// spos kyi phyag gnyis rab ldan pas/ sor mo gnyis ka bsgreng byas la// zla ba nyi mar bzhugs byas la// snying rje chen po'i phyag rgya'o// oM su ra ta badz+ra hUM dza/ khu tshur gnyis ni bcings byas la// nyi ma'i steng du kha sbyar la/ shar gyi phyogs kyi lha mo ni// snying po sngags dang phyag rgya'o// oM shri ye ba ti hUM phu swA hA/ phyag rgya de nyid dam bcings te// ye shes dang ni rnam shes bsgreng // oM su tri ye hUM phu swA hA/ byang gi phyogs kyi lha mo no/ / snying po sngags dang phyag rgya'o// phyag rgya de nyid dam bcings nas// dkar po dang ni gi'u lang bsgreng // oM su ru su ru ma du re hUM phu swA hA/ nub kyi phyogs kyi lha ma ni// snying po sngags dang phyag rgya'o/ / phyag rgya de nyid dam bcings nas// sa gdugs pad+ma'i kha sbyin bya// oM pri ya me kha lA hUM phu swA hA/ lho phyogs lha mo rgyal dbang gi/ snying po sngags dang phyag rgya'o// gnyis med cho ga'i sngags kyis ni/ / mkhas pa yis ni mchod par bya// bdug pa me tog sogs glu dang // mkhas pas mchod pa nyi shu mchod// 'dod dang thar pa dge ba'i gnas// las rnams thams cad 'grub par byed/ rdo rje chos kyi bde spro ba// rnal 'byor sngags kyis sgrub par byed// de nas kun gyi snying po ni// khro bo gnod byed khro mo ni// dbye ba rnam gsum sku rang bzhin// sangs rgyas byang chub yan lag bzhi//
- 450a
khros pa'i khro bo'i mchog tu spro// 'jig pa theg pa rnam pa gsum// lha mo'i lta bas 'jigs par byed// bdud dang 'byung po gcod byed cing // bdud dang gdug pa skems pa dang / gnon cing yul nas skrod pa dang // 'dod dang thar pa'i go 'phang sgrub// tshangs pa mnan cing nyed pa dang // tsa muN+Di drag pos 'gugs// 'jigs byed kun nas sgrub pa yang // mkhas pa yis ni bsgrub par bya/ re zhig dang po bris pa'i sku// mtshan nyid ji ltar gsungs pa bzhin// bye ba bcu bzhi'i tshogs dang ni// sna tshogs gzugs can bzhin ngan pa// lha mo dka' bzlog gdan du ni// rgyab tu kun nas rnam par mnan/ / nyi ma'i dkyil 'khor dbus su ni// rdo rje mkha' 'gro rnam par sprul// zhal gsum phyag ni drug pa nyid// 'od zer sngon po 'bar ba'i zhal// rol pas 'phen pa'i gdan la ni/ tshangs pa'i mgo ni zhabs kyis mnan// spyan gsum khro la nga rgyal can// dmar zhing dmar ba'i spyan dang ldan// 'khyil zhing rnam par dgyes pa yi// dbu skra dmar pos rnam par brgyan// rus pa'i thod pa'i 'phreng ba yis/ / sangs rgyas mi bzad cod pan no// bgegs kyi mgo bo bsam pa yi// klu gnyis kyis ni rnam par brgyan// shin tu rgod cing mche ba gtsigs// zhal gsum kha dog gsum pa'o/ / glang chen lpags pa bsnams pa'o// mi yi pags pa rab tu gsol// rgyan brgyad kyi ni gnas nyid du// dkar zhing rab 'bar rus pa'o// sangs rgyas mgo bo'i 'phreng ba dang /
- 450b
mche ba rno zhing sor mo 'bar// steng gi phyogs su mda' dang ni// gnyis pa la ni kha T+wAM ga/ gsum pas rdo rje gsor ba'o// g.yas pa sdigs mdzub zhags pa dang // gnyis pa la ni thod pa'o// gsum pa gzhu dang kun nas ldan// rgan byad drag mo 'jigs su rung // zhags pas bcings shing rnam par brgyan// drag mo mnan cing mche ba gtsigs// khrag 'dzag pa dang rgyal ba ni// so sor dbus su brgyan pa yi/ / so so'i pho nya rab tu sgrub// tshen bdun gyis ni gos pa yi// rgyun mi 'chad par rtag tu spro// khro bo mche ba gtsigs pa'i lus// 'bar ba'i 'od zer rdo rje can// mi yi keng rus keng rus dang / / gdugs dkar po yis mngon par g.yogs// ye shes khro bo dbang phyug bdag/ drag cing shin tu drag pa 'dul// bdud rnams thams cad gnon mdzad pa// shin tu gdug pa'i sems can rnams/ / zhi bas 'dul bar mi 'gyur bas// thabs dang shes rab sbyor ba yi// khro bo'i gzugs la sogs pa bstan// khwa dang bug pa bya rgod dang // ce spyang srin po khyi la sogs// 'jigs pa'i ku co rab sgrog dang / / mi yi keng rus kyis bkang ba'i// de ltar gzugs brnyan rab sbyor bas// 'dod dang thar pa'i don gnyer dang // thams cad khro bo 'jigs mdzad pa'o// sngags pas gzugs brnyan bsgrub par bya/ / oM ta hUM ma tha ma tha duny+dzan g+ha ta ya hUM phaT swA hA/ ba dan gsum sogs phyag rgya yis// las rnams kun nas rab tu byed// spos dang bdug pa la sogs dri// rgyas pa'i mchod
- 451a
pa kun ldan pas/ / dpa' bo mchod srog yang dag ldan// dkyil 'khor cho ga mthong ba yis// cho ga'i yan lag sbyin sreg las// gtor ma'i las ni khyad par nyid// ma brtags pa yi sha dang ni/ / khrag gis kyang ni de nyid las// gang gang dngos grub 'dod pa yi// de yi rnam pas tshim par bya// oM bi dr-it+ti ni ma hA kro d+ha hUM phaT/ zla ba nyi ma brkyang nas ni// rgyab dang rgyab tu sbyar bar bya/ dkar po gi'u wang sbrel byas nas// sa yi gdug dang pad+ma sbrel// de nyid snying po phyag rgya dang // sngags de nyid ni rnam par sbyang // phur bu ra ba tsham rngam dang // dra ba go cha mtshon cha rnams// las kyi gnas su dgod pa ni/ / phyag rgya 'di ni rab tu drag/ phyag rgya 'di nyid snying khar bcing // ye shes dang ni rnam shes sbyar// oM kr-i d+ha ni hUM a/ snying po mchog gi sa bon dang // phyag rgya de nyid rnam par bya// lus dang srog la ltos med par// chen po'i sems kyis bsgrub par bya// drag cing rno ba'i lha mo na// rno ba'i sems kyis grub par bya// cung zad zhi ba'i lha mo ni// thabs gcig gi ni mtshan nyid do// chu yi 'gram gyis phyogs su// sngon du bsnyen pa la sogs bya// 'bum phrag lnga ni bzlas pa dang // phyis ni 'bum phrag gcig gis so// zhi ba'i mchod pa phul nas ni// maM yi lus la sogs pa byas/ / nag por mi sha dang ni// khrag dang rnam par bsres nas mi// bris sku la sogs gzugs brnyan mdun// rdzogs pa'i tshogs sbyin phrag bya// gtor ma sbyin sreg gis tshim bya/
- 451b
thams cad las ni 'grub par 'gyur// zhi dang rgyas dang dbang drag dang // mngon par spyod pa la sogs 'grub// dri zhim chu yis bkang ba yis// bum pa rgya cher mchod pa yis// nad kyis yan lag gzir ba la/ / sngon du dbang bskur byin byas nas// nad kun dang ni bral ba dang // de bzhin gza' yis gnod pa nyid// skal ba dman dang mi byams pas// thams cad zhi ba thob par 'gyur// ser po'i tshon dang spra tshil las// log 'dren lha yi gzugs brnyan nyid// mnyam pa'i don la thal mo sbyar// phyag bzhi yis ni rnam par spras// mche ba gtsigs pas yan lag rgyas// pad+ma'i snod la gnas pa ni/ / rtse gsum dang ni bza' ba'i snod// dgra sta la phug phyag na'o// sor mo bzhi yi tshad du ni// rgyan kun gyis ni rnam par brgyan// bris sku'i gzugs brnyan mdun du ni// 'khrul 'khor 'di ni bri bar bya// gro ga 'am ni shing shun la// ga'u wang dang ni gur kum gyis// sgrub pa po yi gzugs brnyan bri// gzugs dang rnam pa kun ldan pa// snying khar ming ni bri bar bya/ g.yo dang lhung dang srog 'dren pa// lcags kyu kun nas ldan pa dang // dpral bar drangs nas gzhag par bya// bgegs kyi dbang po mi ni gdan// snying khar mnan nas gzhag par bya/ me tog bdug pa sogs pas mchod// nan tan gyis ni gtor ma'i las// don 'dod 'bras bu don gnyer ba'i// rnal 'byor pas ni sngags yig bzlas// oM tra~M tha tha tha hUM dza swA hA/ me tog
- 452a
dkar po la bzlas shing / / re re zhing ni 'ardeg par bya// brgya rtsa brgyad du yongs rdzogs na// 'grub par 'di la the tsom med// sngags 'di yi ni sbyor ba yis// sgrub pa po yi yid g.yo zhing / / myur du 'gags shing lon pa'o// rgyal po'i dbang po dbang phyug sogs// rgyal po dang ni rgyal tsha ba dang // phyug po'i byis pa la sogs dang // shin tu mdzes pa'i bdag nyid lus/ / sha rtsi dang ni brgya byin sogs// gal te kun nas 'dod tsam gyis// sgrub pa po yi dbang du 'gyur// ji srid lus ni 'tsho ba'i bar// dus rtag tu ni rnam par 'dud// nga rgyal yan lag gtso bo bas/ / nga rgyal gyis ni 'grub par 'gyur// khro bo'i lus ni bstan pa yis// las dang las ni myur du 'grub// khro bo'i lus rnam par bstan pa zhes bya ba rdzogs so// spyod pa'i chos can kun bsdus pa// brtul zhugs mtshan nyid bstan pa'o// ye shes longs spyod 'bras 'dod pas// spyod pa'i mtshan nyid shes par bya// mi bzad 'a'akhor ba 'jigs pa ni/ / chags pas srid par ltung ba'o// chags pa spang ba'i lus kyis ni// rgyun du brtul zhugs yang gzung ngo // dben par shin tu mnyam bzhag pas// dngos po thams cad mdor bsdus pa'o/ / chags pas srid par ltung ba dang // zhen pas 'khor bar 'jug par byed// rmongs pa'i bdag nyid ring du spangs// sems can don du chos bstan phyir// sems can don byed
- 452b
gyur pas kyang / / brtul zhugs dka' thub mi zad pas// dben par sbyor bas 'grub par 'gyur// chags pa'i nyes pa rgya mtshor 'khor// bdag nyid nyon mongs las rgyal phyir// sems can don blo/ baba' zhig go/ sems can don 'gyur dus su ni// spyod dang sdom pa'i sngon bzhin no// 'du 'dzi dang bral dben pa ni// dag pa ru ni lus srung ngo // dang po re zhig rnal 'byor pas// bstan bcos tshig rnams blangs byas nas/ / sdom pa thams cad yang dag ldan// rab tu rno bas chos spyod do// gnas dang gnas la'ang mi gnas pa'i// nam du yang ni mi gzung ngo // bza' dang bza' min/ par rtog pa'i// dman sogs nges par mi bya'o// 'bad pas rtag tu dga' ba yis// lham mkhan nya bshan pa dang // bram ze dmangs rigs rgyal rigs rnams// mnyam pa'i sems kyis lam gyis ni/ / rtag tu slong mo bslang bar bya// gal te gong du spyod pa'i tshe// gang zhig bza' ston zos pa dang // mal cha ras dang mchil lham yang // longs spyo longs spyod yid 'ong ba'i/ brtul zhugs la gnas tsam gyis ni// rnal 'byor sdom pa ring ba nyid// spyod pa spyod dgur rnal 'byor pas// bsod nams lag tu blang bar bya// thams cad bslangs kyang nyes med de/ / dngos po yang ni mi gzung ngo // sems ni rnam par dag pa yi// thams cad bza' zhing bza' ba nyid// dag cing gus bcas nga rgyal gyis// de yis gnas ni yongs su spang // dad pas
- 453a
/ dkyil 'khor 'bri ba dang // yang na gtor ma'i las la ni// bsam pa'i rdzas kyi dngos po ni// de yi gnas su dbul bar bya// chos gos gsum gyi lhag ma ni// slar la gus pa yis ni gzung / / spyi bor ngur smrig mtshan ma dang // sangs rgyas byang chub yan lag dang // rin po'i tshem ber chos gos gsum// steng du rdo rje dbyug pa dang // lhung bzed mchan khung chu tshags bcas/ / de ltar 'dzin pa'i lus la ni// glegs bam la sogs gzhan yang med// grog mo la sogs bsal ba'i phyir// rnga ma'i chun po bsngags pa yin// sangs rgyas byang chub yan lag dang / / chos don rtsa ba snying rje nyid// de nas bslab par bya ba ni// bla ma'i tshig gi sdom pa'o// sangs rgyas ye shes rdzu 'phrul che// mchog la skyabs dang skyabs su mchi// rdo rje dbang phyug mchog gi lus/ / rdo rje sems dpa' bdag phyag 'tshal lo// lha mo shes rab sbyor rang bzhin// mkha' 'gro lnga la phyag 'tshal lo// oM a mu ka sa ma yo haM sa ma ya/ a mu ka sa ma yo/ oM a mu ka sa ma yo haM sa ma ya/ oM badz+ra badz+ra ma hA badz+ra badz+ra/ kA ya su pa ra/ hi hi hi/ ho ho ho/ hUM na ni pa ta daM/ 'di yis slob ma rab tu gzung // brtul zhugs rdo rje rdo rje can/ / gnyis pa'i las kyis bsgrub par bya// sbyor dang gsang ba'i sngags rig pas// thams cad dus dang dus nyid du// tshigs bcad gnyis ni brjod par bya// gang zhig pha dang gang zhig/
- 453b
ma gang zhig mdza' ba'ang mi rtag pa'o// sangs rgyas lus ni sgyu ma nyid// rtag tu chos kyis yongs su skyob// kye ma stong pa nyid kyi mthus// dngos kun rnam par mnan pa'o// sangs rgyas 'bras bu rab ster ba'i/ / mkhas pa yis ni gzung bar bya// rmongs pa gcad pa'i don du ni// dus gsum du ni tshig bcad brjod// 'chag dang nyal dang 'gro ba dang // 'dug dang 'gro ba thams cad du/ / sngags kyi sbyor ba brtan byas nas// sems dang sems kyis nyal bar bya// bskyed dang skye bar brgyud pa yi// 'byung ba lnga yi lus kyi sdig/ nyin mtshan gnyis kyi spyod pa yis// lus kyi dri ma dag pa nyid/ / zla ba drug tu spyad byas pas// rang 'dod lha ni 'grub pa'o// brtul zhugs spyod pa'i rnal 'byor pas// mi shes pas kyang ye shes 'thob// de ltar yon tan rang bzhin zhing / brtul zhugs spyod pa yi ni rgyu// brtul zhugs sbyor ba sbyor ba yis// thams cad rmongs pa rnam par spang // thabs kyi mtshan nyid mtshon pa yis// mnyam nyid lta ba rdzogs byas nas// rnam dag lta ba 'ba' zhig go/ kun nas stong pa mnyam pa'i ros// dngos po kun gyi mtshan nyid med// kun nas stong pa nyid kyi mthar// rnam par rtog pa ji lta bur// rmongs pas brtags shing rnam brtag pa'i// dag pa'i sems dang sems dpar bcas// rmongs pa nyon mongs rgya mtsho'i lus// 'dod pa khro bo'i bzhi de ni// rno ba'i sems kyis rmongs pa ni// ye shes ldan pa'i lus kyis dbye// sdum pa'i
- 454a
bza' dang 'jam pa'i gos/ / sna tshogs dbang pos reg pa yis// gti mug chags pas go bzlog pas// srid par lhung ba'i las su 'gyur// las ni bya ba'i dbang por 'gyur// rmongs pa ye shes mi rtag pa'o// 'dod dang khro dang nga rgyal 'joms// srid par 'ching ba'i bza' ba'o// 'byung po 'byung la rtsa ba dang // kun nas sdig pa mi brtag go// mgon med sdug bsngal 'phongs pa la/ / nor bas mdar med gyur pa bzhin// 'jig rten 'dir ni rma 'bebs dang // mtshang 'dru ba ni mchog tu gtso// theg pa che la legs bslabs pas// ngan 'gro'i dngos por yang ma yin/ kun nas bza' dang legs bza' bas// yang dag dga' bas lus srung ngo // brnying pa'i bza' ston ngan pa yis// nges par bdag nyid dga' bar bya// sngon gyi brlab sogs bslab pa dang / / sngon du thams cad bsdam pa nyid// brtul zhugs spyod pa mnyam bzhag pas// mnar med dmigs pa med pa'o// sngon gyi mtshan nyid mchod pa yis// sngon du bslab sogs bslab par bya/ / brtul zhugs spyod pa mnyam bzhag pas// bslab pa gus pas bslab par bya// bud med 'jigs gzugs drag ma nyid// sgra ni 'dzings shing 'khyil ba dang // ngur smrig dmar po 'jam pa nyid/ phra mo'i rdul gyis 'jam pa bgo/ mi yi rus pas byas pa yang // bdud med rgyan du rnam par brgyan// brnyings pa'i tsham ber dmar po ni// mi yi pags pas g.yog par bya// snod chen
- 454b
bo ni gnyis pa ru/ / gzung la dbang po lnga ni gzung // steng du rdo rje'i dbyug pa ni// mi yi yan lag rus pas brgyan// ba dan dril bu 'phreng ba ni// dbyug pa lag pa g.yon pas gzung // de ltar/ bsdu ba'i lus kyis ni// 'bud pas brtul zhugs spyad par bya// 'di ltar rdzas sogs dngos po ni// me bzhin 'bar bas rag mi bya// bza' dang btung ba la sogs gzhan// dang po bsdu bar yang mi bya/ / snying rje phan pa'i sems kyis ni// kun nas dga' zhing bza' bar bya// thams cad gnod med pas// dngos po kun nas yongs su spang // lus ni srung ba tsam gyis ni// slong mo'i bza' ba bslang bar bya/ / stong pa'i khyim dang dur khrod dang // bas mtha' dang ni dgon par gnas// mtshan mo kun nas bgrod par bya// bzlas dang bsam gtan mchog tu brtson// 'chag dang nyal dang 'dug pa'am/ / shel gyi rnam pa'i sems dang ni// rang bzhin yongs su dag pa nyid// bzlas dang bsam gtan 'ba' zhig go// de yis thams cad 'grub 'gyur bar// sangs rgyas kun gyis gsungs pa nyid/ / sdig spangs rnam par spyod pa yis// 'khor ba ru ni mi gnas pa'o// thams cad dngos po dngos med par// rtag tu sems kyis lta ba nyid// bdag nyid sangs rgyas rgyu ru ni// de nas tshig bcad gnyis ni brjod// sbyin pa chos kyi srung bar ni// tshig bcad gcig ni gnang bar bya// e ma'o rmongs pa yi ni mthus// lus can kun nas dbang du byas// 'dod tshogs chos
- 455a
sogs mi bzad pas/ / mkhas pa yis ni yongs su spangs// dngos med dngos po yang ma yin// gzung dang 'dzin pa mi rtog pas// srid pa'i dgon pa las rgal zhing // dmigs pa med pa'i bde ba 'thob// gzhan gyis brtag pa'i longs spyod sogs// nyal dang 'chag par dus gsum du// rnal 'byor tshig bcad gcig gis ni// rnal 'byor rmongs pa gcod byed pa'o/ / sems chen po yi sems kyis ni// brnyings pa'i ras ni bsags pa yis// de yi gos su rab tu bgos// kang rus kyis ni yan lag kun// shin tu mdzes pa'i dbyig pa bzung // pa Ta ha yi chos kyi brdung // rdo rje'i glu ni blang ba nyid// sems can sgrol ba'i rgyu dang ni// grong nas grong du kun tu rgyu// dmigs pa med pa'i rang bzhin gyis// brtul zhugs spyod pa mnyam par gzhan dag pa'i sems ni mi dmigs pas/ / dga' ba yis ni bsrung bar bya// spyod pa yis ni rgyur gyur pas// rnal 'byor spyod pa don gyi rgyu// sdig pa thams cad rnam bsal zhing // nyes pa kun nas rnam spangs la/ / brtul zhugs zla drug spyad pa yis// rang 'dod ye shes 'grub par 'gyur// brtul zhugs kyi spyod pa rnam par bstan pa'i le'u zhes bya ba rdzogs so// de nas thams cad snying po ni// de nyid kun gyi don bsdus pa// 'khor bar brtan dang g.yo bcas pa'i// kun gyi snying por rab sbyor ba'o// dang po re zhig rnal 'byor pas// yid du 'ong ba'i sa
- 455b
phyogs su/ / bde ba'i stan la 'dug nas ni// sngon du bsnyen pa la sogs bya// rdo rje'am shes rab rnal 'byor gyis// 'bum phrag gsum du bzlas byas nas// phyis ni rang 'dod pa yi las// 'grub par 'di la the tsom med// spra tshal la ni gzugs brnyan bya// tsha ba'i mar khus byugs byas la// snying khar ming ni gzhag pa dang // tshogs dang tshigs su tshar mas dgang // skyur po cha dang ma ru tse ra/ / gzugs brnyan dang ni yang dag ldan// snod du bsres la yang dag gzhag/ ye shes lus la lus kyis ni// rkang pa g.yas pas mnan par bya// rno ba'i sems kyis bzlas byas pas/ / mtshan mo gcig gi mtha' ru ni// 'grub par 'di la the tsom med// smin pa'i me la bzhag byas na// rgyal po myur du gdung bar 'gyur// dkon mchog gsum la gnod pa la/ las 'di yis ni sbyar bar bya// hrIHa mo g+ha si sid haM da ha gr-ih+Na gr-ih+Na hUM hrI phaT/ snga dro nyi ma shar dus la// me tog dkar po'i maN+Dal dang // spos dang mar me'i cho ga yis// zhi ba'i las ni rnam par bya/ / chu dang 'o ma bsres pa'i snod// de ni gtor mar sbyar nas ni// sngags ni brgya rtsa brgyad du bzlas// rgyal po nad dang bral bar 'gyur// oM a mr-i ta ba ra de hUM hUM hUM a a a/ thams cad las ni bsdus byas la/ chu bo chen po'i rgyun la bskur// rims nad rab tu zhi bar byed pa zhes bya ba'i le'u rdzogs so// / de nas rab sbyor snying po 'di// sngags pas rab tu rnam par spyad// yungs kar
- 456a
las ni gzugs brnyan bya/ / snying khar ming ni rnam par sbyar// rdo dang tsher ma lte bar ro// rkang pas mnan cing bzlas par bya// su tIk+Sh+Na shU la hUM dza phaT hrIHme la bsgo zhing gdung ba dang / / lhag par bzlas shing gzhag par bya// 'di ltar mtshon pa'i mtshan nyid kyis// mod la gzer bas yang 'dzin to// zhi ba'i mchod pa'i cho ga las// 'o ma dang ni sbrang rtsis / bkru/ chu bo'i rgyun la bskur byas na// gzer zhing gzer ba'i nad dang bral// oM sarba ka ri hA dza swA hA/ gzer ba rab tu zhi bar byed pa'i sngags so// de nas thams cad snying po yis/ gzhan gyi las kyi mtshan nyid ni// sngon du bsnyen sogs bsten byas pas// las kun 'grub par 'gyur ba'o// nag po'i mtha' dang tha ma la// ba skam gyi ni lci ba las// bsgrub bya yi ni ming dang gzugs/ / dmar po'i tsan dan gyis ni bsku// bsgrub bya'i ming ni kun nas gzhag/ seng ldeng phur pas mig 'bras la// g.yon pa'i rkang pas mnan nas ni// brgya rtsa brgyad du bzlas byas shing / / me la bdug cing bdugs pa yis// mig ni gzer bas 'dzin par 'gyur// oM tsak+Shu ma li ni hUM phaT/ 'di yi sngags dang sngags kyis ni// 'grub par 'di la the tsom med// zhi ba'i mchod pas mchod byas nas// oM badz+ra tIk+Sh+Na ya hUM swA hA/ lan bdun mngon par bsngags byas nas// de'i 'o rgyun la bkrus na// bsgrub bya'i nad dang gnod pa sal// mig 'bras rno/
- 456b
zhing gsal bar 'gyur// mig nad rab tu zhi bar byed pa zhes bya ba'i cho ga'o// lhang tsher las ni bsgrub par bya// mkhas pas khrag gis bri ba'o// dug dang dur khrod sol ba yig/ mig gi 'bras bu byugs byas la/ / kang pa g.yon pas mnan nas ni// brgya rtsa brgyad du bzlas pa'o// oM kriSh+Na piM ga li hUM khaM phaT/ 'di yis sngags dang sngags kyis ni// bdag nyid lci bas bran par bya/ / de ltar mtshan nyid kun ldan pas// bsgrub bya myur du long bar 'gyur// sbrang rtsi mar gyis bsku byas nas// bsgrub bya'i nad dang gnod pa sel// brgya rtsa brgyad du mngon par bzlas/ / oM a mr-i ta lo tsa ne a swA hA/ long ba rab tu zhi bar byed pa'i sngags so// gzhan yang bsgrub bya sgrub pa pos// las ni shin tu rnam par spyod// dkon mchog gsum la gnod byed pa/ / sdig gis gos par mi 'gyur ro// bag zan las ni pad+ma'i dbyibs// bsgrub bya'i ming ni dbus nyid du'o// khyi yi spu yis bug pa dgang // tsha ba'i mar khus bskus byas la/ g.yon pa'i rkang pas mnan nas ni// brgya rtsa brgyad du bzlas par bya// oM badz+ra ba ke hUM phu phaT/ ma la bsro zhing bsres pa yis// b+ha ga myur du bzlog par bya// shin tu gdug pa'i chung ma ni/ / 'di yi las kyis rab tu sbyar// lan bdun du ni mngon bsngags nas// sbrang rtsi 'o ma'i rgyun gyis bkru// oM su ko b+ha bi hUM he swA hA/ zhi bar byed pa'i sngags so// 'ji
- 457a
ba'i snod ni blang byas la/ / pad+ma'i dbyibs kyi rnam par bya// rdo ba'i til mar yungs kar gyis// bug pa dgang zhing sbyor bar bya// rkang pa g.yon pas mnan nas ni// sa ldeng phur pas brdung bya zhing / / sngags ni brgyad brgya rab bzlas na// b+ha ga gzir zhing gzi bar 'gyur// hri pi la ta hUM phaT/ 'di yi sngags dang sngags kyis ni// b+ha ga gzir ba'i las nyid do/ / chu dang 'o mar bkru bya zhing // sngags dang mngon du sbyar bar bya// oM sarba sho d+ha ni swA hA/ 'di yi sngags dang sngags kyis ni// b+ha ga gzir sogs las grol lo// gzhan yang las kyi mtshan nyid ni/ / shin tu rnal 'byor pas spyad do// rgyal po lam gyis rdul blang // yang ni bzhi mdo'i sa rdul las// pad+ma'i mtshan nyid mtshan nyid ni// b+ha ga'i snying po khrag dang ni// yi dgas phyag rgya phyag rgya yis/ / brgya rtsa brgyad du mngon par bzlas// hri pri phaT/ 'di yi sngags dang sngags kyis ni// pad+ma sdom pa'i las su 'gyur// oM a mr-i ta wa ti swA hA/ dkon mchog gsum la gnod pa dang / / bla ma dang ni slob dpon smod// dam tshig spyod la 'phya ba ni// sdig gis gos par mi 'gyur ro// gal te rmongs shing khro ba ni// las kyis rtag tu byas nas ni// 'dis ni nges par ltung ba ru/ sangs rgyas kyis gsung the tsom med// las kyi rab tu dbye ba zhes bya ba'i le'u rdzogs so// / gsang zhing gsang ba'i de nyid don// snying po'i mchog ni mdor bsdus pa/
- 457b
rol mo bstan bcos sogs glu yi// de nyid thar pa go 'phang gnas// gnyis med dngos po'i ngo bo la// gzung dang 'dzin pa ji ltar 'gyur// gnyis kyi dngos po bdag min pas// gnyis dngos dngos po med pa yi/ / dngos po dngos min dngos med la// mnyam nyid lta ba'i sems kyis su// rnam par rten dang brten bya med// rtog cing rnam rtog 'khrul pa dang // gzugs dang gzugs can zad par byed// rang bzhin med pa'i rang bzhin nyid// sems kyi brtan pa'i gnas su ni// bsam gtan bsam bya bsam par bya// dmigs pa med pa'i rang bzhin nyid// thams cad dbyibs su 'jig par byed// stong nyid stong la sogs stong pa'i/ / nam mkha'i khams kyi mtha' can nyid// dag cing phra la phra ba'i don// sems dang sems pa dang bcas pas// kun tu dngos po dngos med pas// thams cad nam mkha' bsdam pa'o// rtag cing rtag la rtag pa'i/ don nam mkha'i khams ltar bstan sems pas// me stag rdul phran yan lag 'phro// chu skyar bzhin du brtag pa yi// rnam shes ye shes lhag ma ni// nam mkhar 'phro zhing snang ba'o// nyon mongs de bzhin mun pa ni/ / ye shes rdo rjes bcom nas su// rnam par shes pa lhan cig 'bar// ye shes snang ba sogs thob 'gyur// sems dang sems byung sems pa yis// rnam par lta zhing rab tu spyad// 'jigs pa med cing 'tshe med par/ / dngos pos dngos po bsgom par bya// thams cad kun tu snang byed cing // thams cad 'od zer kun bsdus pa// snying po'i sa bon sa bon ni// dkar dang kun da zla ba'i mdog/ a li ka li rab sbyor bas//
- 458a
byung ba yi ni sa bon mchog/ sbyor ba 'grub pa'i rgyu ru ni// mnyam nyid rnal 'byor pa yis sgom// sa bon nam mkha' spros pa yis// 'jig rten gsum bsnang bar byas// ma lus sprin ltar spro ba nyid/ / skad cig gis ni spro zhing bsdu// phyis ni rang 'dod dmigs med cing // yi ge med pas yang bsam mo// gzugs ni stong par brtag pa yi// mnyam nyid sems dang sems kyis ni// ma lus rnam par bltas pa yis// khams gsum snang bar byed pa'o// de ltar sems kyis bsams pa yis// byang chub rim pa mthong bar 'gyur// skad cig gzugs dang gzung nyid dang // skad cig phung po'i rnam pa dang / / skad cig thams cad dbyibs rnams ni// de phyir mi rtag pa yi gnas// legs byas nyes byas ming can ni// nyes pas spyad par mi bya'o// gzugs dang stod pa la sogs dbus/ / sems dang sems byung rnam par mtshon// dngos po'i lhag ma dngos med pas// de yi lhag ma gzugs med pa'o// ye shes ri mo 'bar ba yis// 'od zer mnyam par gnas pa nyid/ / de yi mtshan nyid mtshon pa nyid// rnal 'byor pa yis rab tu spyad// rtag tu zhi zhing mchog gi las// yang dag byang chub brtag pa'o// yid du 'ong ba'i sa phyogs su/ / bde ba'i stan la 'dug nas ni// sngon du bsnyen pa rab brtsams nas// las dang don kun rab grub pa'o// ri rab rtse mor kun bsams pa// rang 'dod rgyal
- 458b
chen gzhal yas khang / / sna tshogs rin chen rang bzhin mchog/ dril bu dra bas mngon par brgyan// gdugs dkar po dang ba dan dang // sna tshogs mchod pas mngon par brgyan/ rdo rje sems dpa'i bdag nyid ni// dkar dang kun da zla ba'i 'od// de ni rgyan kun gyis brgyan cing // sangs rgyas lnga yis mngon par chas// rab tu mdzes pa'i gos bsnams shing // phyag gnyis na ni rdo rje dril// 'od zer 'phro ba rnam mang po// kun nas rdo rje'i 'od zer 'phro// khams gsum pa yi rnam pa ni// sems dang sems kyis sgom pa'o// snying khar dkyil 'khor dbus gnas par/ / dmar po'i hUM ni rab 'bar ba// bor thig le maM ri'o// ba spu'i bu gnas 'phro ba'o// shar du rdo rje gzhag pa dang // lho ru mda' ni rnam par dgod/ / nub tu ral gri mtshon pa dang // byang du gzhu ni yang dgan// rdo rje'i zhags pa la sogs bzhi// mtshams dang mtshams su gzhag par bya// 'di ltar mtshan nyid sngon ldan pas/ / shin tu mnyam par gzhag pas sgom// ma la'i sa bon gcom na// de nyid ldan pas yang sngags bzlas// phyag 'tshal sreg pa mthar bzhag @'bum phrag gsum du rab bsnyen pas/ / rdo rje'i lus dang lus nyid ni// rdo rje sems dpa' dang mnyam 'gyur// sbas pa'i snying po snying po dang // rdo rje chos dang
- 459a
@##/ chos mchog go/ rdo rje sems ni rjes mchod pa'i// hUM gi glu yi rnam pas bya// bkra shis sgra ni snyan pa yis// mnyam par bzhag pas blang bar byA/ tri b+hu ba na dzA la ti mUrti a nu ra ya na wa ti/ rasmi saM ha sra tIk+tA d+ha sa su pa ra sra wa ti/ ba hU bi da ru pa pe sha a nu ra ya na ta ta ta wa ti/ na ta i badz+ra sa pa bai sa ra li la wa ti swA hA/ gdan bzhi rgyud ni rgya chen las// stong phrag bcu gnyis mdor bsdus pa// de yi dngos po mdor bsdus las// snying po mdor ni bsdus pa'o/ / sdebs sbyor sgra dang rtog sogs med// don dang don ni yang dgra bsdus// rnal 'byor sbyor ba'i don ni sbas pa nyid// brda yi skad kyis bshad pa'o/ / gdan bzhi pa las yang dag par btus pa sngags kyi cha'i rgyud bshad pa sbyor ba'i dkyil 'khor zhes bya ba rdzogs so// // rgya gar gyi mkhan po ga ya d+ha ra dang