Text
ff. 1a–329a · 657 folio sides
- 1a
mdo sde dgongs pa zab mo nges par 'grel pa'i rgya cher 'grel ba rgyal mkhan po wen tshegs kyis mdzad pa'i bam po lnga bcu nga lnga ba man dang dam pa'i chos pad+ma dkar bo'i 'grel pa sing ga gling gi slob dpon sa'i rtsa lags gi mdzad pa bzhugs/
- 1b
#/ bam po lnga bcu nga lnga pa/ byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das sa de dag la kun tu rmongs pa ni du mchis gnas ngan len mi mthun pa'i phyogs ni du mchis zhes bya ba 'di man chad ni gsum pa kun tu rmongs pa rnam pa nyid shu rtsa gcig las brtsams nas sa rnams rnam par dbye ba ston to/ /de yang rnam pa gnyis kyis bstan te/ zhu ba gsol ba dang/ lan du gsungs
- 2a
pa ste/ 'di ni dang po sa bcu gcig po dag la kun tu rmongs pa ni du mchis/ gnas ngan len du zhig ni mi mthun pa'i phyogs su gyur pa lags zhes zhu'o/ /kun tu rmongs pa dang gnas ngan len de dag kyang bstan pa rnams las so so nas bshad pa mi mthun te/ mtshams rnam par grol ba'i mdo dang/ dgongs pa zab mo rnam par dgrol ba'i mdo dang/ bstan bcos rnal 'byor spyod pa'i sa las ni/ mdo 'di nyid las gsungs pa dang mthun par ston to/ /'phags pa gser 'od dam pa'i mdo las yongs su
- 2b
sbyong ba'i le'u las ni ming bkod par zad kyi rnam par bshad pa ni med do/ /bstan bcos theg pa chen po bsdus pa lyang gi tshe bsgyur ba dang/ slob dpon dbyig gnyen gyis mdzad pa'i 'grel pa las kyang kun tu rmongs pa nyi shu rtsa gnyis dang/ gnas ngan len bcu gcig ces ston te/ kun tu rmongs pa nyi shu rtsa gnyis las dang po brgyad kyis ni rnam pa bzhi la sbyor ba'i skye shi mngon par 'grub par byed do/ /de'i 'og ma drug gis rkyen gyi skye shi mngon par 'grub par byed do/ /de'i 'og ma drug gis ni/ srid pa dang bcas pa'i skye shi mngon par 'grub par byed do/ /phyi ma gnyis kyis ni srid pa med pa'i skye shi mngon par 'grub par byed de/ de ni rnam par 'gyur ba'i rnam par smin pa la gnas ngan len zhes bya'o zhes bshad do// 'dir theg pa chen po bsdus pa'i 'grel pa lyang gi tshe bsgyur ba de brtags na skyon rnam gsum yod de/ dang po ni rgya gar gyi theg pa chen po bsdus pa'i 'grel pa'i dpe nyid la de
- 3a
ltar rnam par phye ba med pas so/ /gnyis pa ni 'phags pa dgongs pa zab mo nges par 'grel pa'i mdo'i khungs su bstan pa nyid las/ skye shi rnam pa bzhir bstan pa med pas so/ /gsum pa ni shes bya'i sgrib pas dngos po'i 'chi 'pho ba dang rnam par 'gyur ba'i 'chi 'pho mngon par 'grub par mi 'gyur bar ston pas so/ /bstan bcos rnam par rig pa ci ma du grub pa las ni mdo 'di dag rgya cher ston par 'dir ni de dang sbyar nas mdo 'di nyid las gsungs pa'i tshig de dag bshad par bya'o/ /bcom ldan 'das kyis byang chub sems dpa' spyan ras gzigs dbang phyug la bka' stsal ba dang/ rigs kyi bu sa de dag la kun tu rmongs pa nyi shu rtsa gnyis dang/ gnas ngan len mi mthun pa'i phyogs bcu gcig yod do zhes bya ba 'di man chad ni gnyis pa ni de bzhin gshegs pas yang dag par lan
- 3b
du gsungs pa ston to/ /'di yang rnam pa gsum du dbye ste/ mdor bstan pa dang/ rnam par phye ste bshad pa dang/ rigs kyi bu zhes bya ba man chad rmongs pa la sogs pa gsungs pa'i dgongs pa bstan pa ste/ 'di ni dang po sa bcu gcig po dag la kun tu rmongs pa nyi shu rtsa gnyis dang/ mi mthun pa'i phyogs gnas ngan len bcu gcig yod pas mdor bstan pa'o/ /'di lta ste sa dang po la kun tu rmongs pa rnam pa gnyis yod de gang zag dang chos la mngon par zhen pa kun tu rmongs pa dang/ ngan song ba'i kun nas nyon mongs pa'i kun tu rmongs pa dang/ de'i gnas ngan len mi mthun ba'i phyogs so zhes bya ba la sogs pas ni gnyis pa rnam par phye ste bshad pa ston to/ /sa bcu gcig po re re la yang kun tu rmongs pa gnyis gnyis dang/ gnas ngan len re re yod pa nyid la rnam pa bcu gnyis su dbye ste/ 'di ni sa dang po kun tu rmongs pa gnyis dang/ gnas ngan len bstan pa'o/ /kun tu rmongs pa 'di gnyis kyang bstan bcos rnam par rig pa tsam du grub pa las bshad pa rnam pa gnyis yod de/ kha cig na re kun tu rmongs pa'i phyogs rnams ni mdor bsdu na kun tu rmongs pa zhes bya ste/ 'di ltar sa dang po ba'i kun tu rmongs pa rnam pa gnyis la bdag tu mngon par zhen pa gang yin pa de ni/ 'dis so so'i skye
- 4a
bo nyid kyi bsgom pa'o/ /ngan song ba'i kun nas nyon mongs pa kun tu rmongs pa gang yin pa de ni/ ngan song ba'i las rnams dang 'bras bu la sogs pa'o/ /kun tu rmongs ba'i phyogs rnams kyang kun tu rmongs pa yin par rig par bya ste/ phyi ma rnams kyang de bzhin du sbyar bar bya'o/ /kha cig na re kun tu rmongs pa 'ba' zhig bstan pa yin pas de'i phyir yang sgrib pa rnon po dang/ rtul po'i phyogs gnyi gas kun tu rmongs pa gnyis bskyed pa kho nar bstan to/ /zhes bya ba smos pa yin no zhe'o zhes 'byung ste/ de la sgrib pa rnon po lnga po dag gis kun tu rmongs par gyur pa gang yin pa de ni/ gang zag dang chos la mngon par zhen pa kun tu rmongs pa zhes bya'o/ /ltung ba lnga po dag gis kun tu rmongs par gyur pa gang yin pa de ni ngan song ba'i kun nas nyon mongs pa kun tu rmongs pa zhes bya'o/ /gal te de ltar rnon po dang brtul ba gnyis ka kun tu rmongs pa yin na/ rmongs pa gang gis bsdus she na/ smras pa rjes su 'brang ba'i dbang du byas nas ni nyon mongs pa zhes bstan la/ dus mtshungs pa'i dbang du byas nas ni kun tu rmongs pa zhes bstan to/ /slob dpon chos skyong gi gzhung gi so so'i skye bo nyid kyi
- 4b
sgrib pa de gang gis ngo bo byed par ston ce na/ smras pa slob dpon chos skyong nyid kyis rnam pa gnyis su bshad de/ dang po ni yang dag pa'i don gyi dbang du byas te brjod na sgrib pa gnyis las kun tu brtags pa las byung ba gang yin pa de ni/ theg pa gnyis mthong ba'i lam mngon du gyur pa rnam pa gcig kho na spang bas 'phags pa'i ngo bo nyid thob pa ces bya'o/ /byang chub sems dpa' i mthong ba'i lam mngon du gyur pa'i che ni rnam pa gnyi ga spong bas/ 'phags pa'i ngo bo nyid thob pa zhes bya'o zhes bshad do/ /gnyis pa ni yang dag pa nyid kyi mthong ba'i lam mngon du gyur pa na sgrib pa de gnyi ga'i sa bon gdon mi za bar grub par mi 'gyur te/ dper na snang ba dang mun pa nges par cig car mi skye ba dang/ srang mda'i mtho dman dus mtshungs pa bzhin du phan tshun mi mthun pa'i chos rnams kyi rigs pa yang de bzhin te/ de'i phyir ngo bo nyid gnyis cig car 'grub pa'i nyes pa med do/ /bar chad med pa'i lam gyi tshe nyid ni nyon mongs pa'i sa bon med pa yin na yang rnam par grol ba'i lam bskyed cing dgos she na/ nyon mongs pa spangs nas 'gog pa mngon du byed pa'i dus kyi sems tha dad pa'i phyir dang/ de'i phyogs kyi gnas ngan len gyi ngo bo spong ba'i phyir dang/ bar chad med pa'i lam gyi tshe nyon mongs pa'i sa bon med mod kyi/ 'on kyang de'i las su mi rung ba nyid pa spangs pas/ yongs su spang ba'i phyir rnam par grol ba'i lam skyed nas/ de'i phyogs so sor brtags pa'i 'gog pa'i 'dus ma byas mngon du byas pa yin no zhes bshad do/ /byas pa yin no zhes bshad do/ /kha cig na re yang dag pa'i don dun sgrib pa gnis ka bsdu ba in yang mdo sde dang bstan bcos la ni shes bya'i sgrib pa kho nas bcud la sgrib pa dgongs pa'i phyir/ byang chub sems dpas spang bar bya ba yin no zhe'o/ /de la gnas ngan len ces bya ba yang bstan pa rnams las so so nas bshad pa mi mthun te/ mtshams par grol ba'i mdo las ni mi mthun pa'i phyogs bcu gcig gi nyes pa ces 'byung
- 5a
ngo/ /dgongs pa zab mo rnam par dgrol ba'i mdo las ni mi mthun pa'i phyogs bcu gcig ces 'byung ngo/ /'phags pa gser 'od dam pa'i mdo las ni/ gnas ngan len zhes sems gnyis la gnas zhes 'byung ste/ de ltar bstan pa rnams las tshig tha dad par 'byung yang don ni 'gal ba med do/ /bstan bcos theg pa chen po bsdus pa'i 'grel pa lyang gi tshe bsgyur ba las/ gnas ngan len gyi rnam par smin pa zhes 'byung ba ni/ /lo tsA ba yang dag bden pas de ltar bzhag pa yin gyi/ rgya gar gyi dpe nyid las de skad 'byung 'byung ba ni ma yin no/ /bstan chos rnam par rig pa tsam du grub pa las ni rnam pa gnyis su bshad de/ de phyir bstan bcos de nyid la gnas ngan len ces bya ba ni rnam pa de gnyis sam yang na de nyid las 'byung ba'i lus su mi rung ba nyid rab tu bstan te/ dper na snyoms par 'jug pa gnyis la zhugs pas sdug bsngal gyi dbang po spangs so zhes bstan pa sdug bsngal gyi dbang po nyid sa pa de mngon du gyur pa'i sa bon ma yin yang gnas ngan len ces brjod pa bzhin du 'di yang de bzhin te/ 'og nas gnas ngan len ces 'byung ba dag la yang de bzhin sbyar ro/ /sa gnyis pa la kun tu rmongs pa gnyis yod de/ ltung ba phra mo'i 'khrul pa la kun tu rmongs pa dang/ las kyi 'gro ba rnam pa sna tshogs la kun tu rmongs pa dang/ de'i gnas ngan len mi mthun pa'i phyogs so zhes bya ba ni gnyis pa dri ma med pa'i sa'i sgrib pa bstan pa'o/ /bstan bcos rnam par rig pa tsam du grub pa dang sbyar na/ de las bshad pa rnam pa gnyis yod de/ kha cig na re ltung ba phra mo'i 'khrul pa kun tu rmongs pa zhes bya ba ni/ lhan cig skyes pa'i phyogs gcig gang yin pa'o/ /las kyi 'gro ba rnam pa sna tshogs la kun tu rmongs pa zhes bya ba ni/ de las byung ba'i 'khrul pa'i nyes pa'i las gsum po dag gang yin pa'o zhe'o kha cig na re de las byung ba de kho na mi rtog pa'i las kyi kun tu rmongs pa'o zhes zer te/ snga ma'i don ni kun tu rmongs pa'i phyogs gnyis ka la kun tu rmongs pa zhes
- 5b
ston to/ /rnam grangs phyi ma'i don ni go rim bzhin du las slong ba'i kun tu rmongs pa dang/ las mi rtog pa'i kun tu rmongs pa bstan pa ste/ gong du bstan pa'i rmongs pa de gnyis ni/ sgrib pa rnam pa bcu las/ log par sgrub pa'i sgrib pa nyid do/ /sa gsum pa la kun tu rmongs pa rnam pa gnyis yod do/ /'dod pa'i 'dod chags kyi kun tu rmongs pa dang/ thos pa'i gzugs yongs su rdzogs pa la kun tu rmongs pa dang/ de'i gnas ngan lan mi mthun pa'i phyogs so zhes bya ba ni gsum pa 'od byed pa'i sa'i sgrib pa bstan pa'o/ /bstan bcos rnam par rig pa tsam du grub pa las/ 'dod pa'i 'dod chags kyi kun tu rmongs pa zhes bya ba ni/ ting nge 'dzin mchog dang bsgoms pa'i shes rab la sgrib par byed pa gang yin pa ste/ de mngon 'dod pa'i 'dod chags dang lan mang du lhan cig gnas pa'i phyir 'dod pa'i 'dod chags zhes bya'o/ /'dir ting nge 'dzin mchog dang bsgoms pa las byung ba 'thob pas des 'dod pa'i 'dod chags spangs te/ thog ma med pa'i dus nas de'i rjes su 'jug pa'i rnam par gnon pa'i phyir ro/ /thos pa'i gzungs yongs su rdzogs pa la kun tu rmongs pa zhes bya ba ni/ 'dir gzungs dang thos pa dang bsams pa'i shes rab la sgrib par byed pa gang yin pa'o zhes 'byung ste/ kun tu rmongs pa gnyis la mi gnas pa'i sgrib par bstan to/ /sa bzhi pa la kun tu rmongs pa rnam pa gnyis yod de/ snyoms par 'jug pa la sred pa'i kun tu rmongs pa zhes bya ba ni/ 'dir tiing nge 'dzin la sred pa dang lda gang yin po'i/ /chos la sed pa'i kun tu mi mthun pa'i phyogs so zhes bya ba ni bzhi pa 'od 'phro ba can gyi sgrib pa bstan pa'o/ /bstan bcos rnam par rig pa tsam du grub pa las snyoms par 'jug pa la sred pa'i kun tu rmongs pa zhes bya ba ni /'dir ting nge 'dzin la sred pa dang ldan pa gang yin pa'o/ /chos la sred ba'i kun tu rmongs pa zhes bya ba ni/ 'dir chos la sred pa dang ldan pa gang yin pa ste/ shes bya'i sgrib pas bsdus pa'o/ /kun tu rmongs pa gnyis spangs pa'i phyir/ nyon mongs pa'i sred pas gnyis kyang kun tu 'byung bar mi 'gyur ro zhes gsung ngo/ /gzhan yang de nyid las 'di ni sgrib pa bcu las
- 6a
bzhi pa nyon mongs pa phra mo kun tu 'byung ba'i sgrib pa ste/ shes bya'i sgrib pa las lhan cig skyes pa'i phyogs gcig go/ /yid kyi rnam par byed pa dang lhan cig pa 'jigs tshogs la lta ba la sogs pa bsdus shing mchog tu dman pa'i rnam pa yin pa'i phyir bar/ yid lam byas par yang dmigs pa'i phyir dang/ mngon du spyod pa dang mi mthun pa'i phra mo zhes bya ba zhes bshad do/ /don rnam pa gsum gyi shin tu phra ba'i don bstan pa yin par rig par bya'o/ /des sa bzhi pa'i byang chub kyi phyogs dang mthun pa'i chos la sgrib par byed/ sa bzhi par zhugs pa ni gtan du spong bar byed do/ /de sngon phal cher yid kyi rnam par shes pas rang gi dang gi bdag tu 'dzin pa la sogs pa'i bdag nyid dang gcig pa lta bur 'byung ba'i phyir/ nyon mongs pa'i ming du bstan pa yin no/ /'dir sa bzhi pa la zag pa med pa'i byang chub kyi phyogs dang mthun pa'i chos thob pa des gtan spong bar byed bas/ bdag tu lta ba la sogs pa yang kun tu 'byung bar mi 'gyur ro/ /sa dang po dang gnyis pa dang gsum pa la sbyin pa dang/ tshul khrims dang/ bzod pa bsgom pa ni 'jig rten dang mtshungs pa yin la/ sa bzhi pa la byang chub kyi phyogs dang mthun pa'i chos thob pa dag mi 'jig rten las 'das pa yin pa'i phyir/ 'jig tshogs la lta ba gnyis po dag gtan du bcom par byed do/ /'di nyid kyi rnam par shes pa dang/ nyon mongs pa can gyi yid dang ldan pas ji ltar shes she na/ bdag tu lta ba la sogs pa'i ni zag pa med pa'i lam dang/ mi mthun pa nyid kyi phyir dang/ sa brgyad pa yan chad la gdong kun tu mi 'byung la/ sa bdun pa man chad la ni kun tu 'byung zhing nyon mongs pa'i gnas byed pa'i phyir dang/ 'di ni rags pa yin la/ de ni phra ba yin zhing rnam par gnon pa la snga phyi yod pa'i phyir dang/ 'di ni yid kyi rnam par shes pa kho na dang mtshungs pa ldan pa yin la 'jig tshogs la lta ba la sogs ba'i tshig gis ni thog ma med ba'i dus kyi shes bya'i sgrib pa dang/ snyoms bar 'jug pa la
- 6b
sred pa dang/ chos la sred pa yang bsdus pa yin te/ snyoms par 'jug pa la sred pa dang/ chos la sred pa ni sa gsum pa dag kyang 'phel bar byed bas sa bzhi bar zhugs pa'i tshe gdod yongs su spong bar byed de/ byang chub kyi phyogs kyi chos dang shin tu mi mthun pa'i phyir ro/ /sa lnga ba la kun tu rmongs pa rnam pa gnyis yod de/ 'khor ba la gcig tu mi phyogs pa nyid yid la byed pas kun tu rmongs pa dang/ mya ngan las 'das pa la/ /cig tu phyogs pa nyid yid la byed pas kun tu rmongs pa dang/ de'i gnas ngan len mi mthun ba'i phyogs so zhes bya ba ni lnga pa shin tu rgyal bar dga' ba'i sa'i sgrib pa bstan pa'o/ /bstan bcos rnam par rig pa tsam du grub pa las/ 'di ni go rim bzhin du 'khor bas shin tu skyo ba dang/ mya ngan las 'das pa la mos pa'o/ /sgrib pa gsum las 'dis ni lnga pa theg pa dman pa'i mya ngan wa 'dra pa'i sgrib pa nyid de/ shes bya'i sgrib pa las lhan cig skyes pa'i phyogs gcig gis 'khor ba las shin tu skyo zhing/ mya ngan las 'das pa la mos par byed pas theg pa 'og ma pa gnyis dang mtshungs par sdug bsngal gyis skyo zhing 'gog pas so/ /des sa lnga ba'i tha dad pa med pa'i lam la sgrib par byed de/ sa lnga par zhugs pa na gdod spong bar byed do zhes bshad de/ /sa lnga pa'i ni bden pa bzhi bsgoms pas bden pa bzhi po de dag la kun nas nyon mongs pa dang/ rnam par byang ba'i rgyu dang/ 'bras bu tha dad pa med pa'i lam la 'jug bar 'gyur bas/ de'i phyir mi phyogs pa nyid dang/ phyogs pa nyid kyi kun tu rmongs pa nyid spong bar byed do/ /sa drug pa la kun tu rmongs pa rnam pa gnyis yod de/ 'du byed rnams kyi 'jug pa mngon du bya ba la so sor rtog pa'i kun tu rmongs pa dang/ mtshan ma mang po kun tu 'byung ba kun tu rmongs pa dang/ de'i gnas ngan len mi mthun pa'o phyogs so zhes bya ba ni drug pa mngon du gyur ba'i sgrib pa bstan pa'o/ /bstan bcos rnam par rig pa tsam du grub pa las/ 'du byed kyi 'jug pa mngon du bya ba la so sor rtog pa'i kun tu rmongs pa zhes bya ba ni
- 7a
'dir kun nas nyon mongs pa yod pa nyid du 'dzin pa ste/ 'du byed rnams kyi 'jug pa ni kun nas nyon mongs pa'i phyogs kyi bsdus pa'i phyir ro/ /mtshan ma mang po kun tu 'byung ba kun tu rmongs pa zhes bya ba ni 'di rnam par byang ba la yod pa nyid 'dzin pa ste/ rnam par byang bar mtshan ma len pa'i phyir/ mtshan ma mang po kun tu 'byung ba ni mtshan ma med par bsgribs pa la lan mang du gnas par mi nus so zhes 'byung ste/ de la kun tu rmongs pa dang pos ni/ sdug bsngal dang kun tu 'byung ba la 'khor bar 'jug pa'i sgo nyid du 'dzin to/ /kun tu rmongs pa phyi mas ni 'gog pa dang lam rnam par byang ba'i mtshan nyid kyi sgo nyid du 'dzin to/ /sgrib pa bcu las 'di ni drug pa mtshan ma rags pa kun tu 'byung ba'i sgrib pa nyid de/ lhan cig skyes ba'i phyogs gcig gis kun nas nyon mongs pa dang/ rnam par byang ba'i mtshan ma yod pa nyid du 'dzin pa'o/ /des sa drug pa'i kun nas nyon mongs pa dang/ rnam par byang ba med pa'i lam la sgrib pa byed de/ sa drug par zhugs pa nag dod spong bar byed do/ /sa bcun pa la kun tu rmongs pa rnam pa gnyis yod de/ mtshan ma phra mo kun tu 'byung ba kun tu rmongs pa dang/ mtshan ma med pa gcig tu yid la byed pa'i thabs kun tu rmongs pa dang/ de'i gnas ngan len mi mthun pa'i phyogs so zhes bya ba ni bdun pa ring du song ba'i sa'i sgrib pa bstan pa'o/ /bstan bcos rnam par rig pa tsam du grub pa las/ mtshan ma phra mo kun tu 'byung ba kun tu rmongs pa zhes bya ba ni/ 'dir skye ba bo yod pa nyid du 'dzin pa ste/ 'jug pa phra mo'i mtshan ma skye ba nyid du 'dzin pa'i phyir ro zhes bshad de/ 'di ltar rkyen rnams las skye ba dang 'gag pa'i 'jug pa yod pa nyid du 'dzin pa ste/ yang dag pa'i don du na 'gag pa zhes sdus pa yin mod kyi ri zhig skye ba kho na smos pa yin no/ /gzhan yang de nyid las mchan ma med pa gcig tu gnyer ba'i kun tu rmongs pa zhes bya ba ni/ 'dir 'gag pa po yod pa nyid du 'dzin pa ste/ lugs las ldog pa'i mtshan ma phra mo yod pa nyid du
- 7b
'dzin pa'i phyir ro zhes 'byung ste/ ji ltar rten cing 'brel par 'byung ba la lugs las bzlog pa'i mtshan pa yod pa nyid du 'dzin cing/ gcig tu mtshan ma med pa'i yid la byed pa gnyer bar mi nus kyang/ stong pa nyid la sbyod pa mchog bskyed pa'o/ /sgrib pa rnam pa bcu las 'di ni bdun pa mtshan ma phra mo kun tu 'byung ba'i sgrib pa nyid de/ 'di ltar shes bya'i sgrib pa las lhan cig skyes pa'i phyogs gcig gis skye ba dang/ 'gag pa'i mtshan ma phra mo kun tu 'byung ba yod pa nyid du 'dzin pas so/ /des sa bcu pa'i mtshan ma med pa'i khyad bar du 'phags pa'i lam la sgrib par byed de/ sa bdun par bzhugs pa na gtan du spong bar byed do/ /sa brgyad pa la kun rtsa rmongs pa rnam pa gnyis yod de/ mtshan ma med pa la rtsol ba kun tu rmongs pa dang/ mtshan ma la dbang ba kun tu rmongs pa dang/ de'i gnas ngan len mi mthun ba'i phyogs so so? zhes bya ba ni brgyad pa mi g.yo ba'i sa'i sgrib pa bstan pa'o/ /bstan bcos rnam par rig pa tsam du grub pa las mtshan ma med pa la/ rtsol ba kun tu rmongs pa dang/ mtshan ma la dbang ba kun tu rmongs pa yang 'dir mtshan ma la mi dbang ba nyid kyi phyir dang 'dis kyang zhing dang mtshan ma'i phyogs gcig bstsas? pa'i phyir dang/ sa brgyad pa yan chad gcig du zag pa med pa'i lam rang gi dang gis skye ba'i phyir dang/ khams gsum pa'i nyon mongs ba kun tu mi 'byung ba nyon mongs pa can gyi yid la shes bya'i sgrib pa phra mo ni kun tu 'byung ste/ stong pa skyes pa'i ye shes kyi 'bras bu da dang mi mthun pa med pa'i phyir ro zhes 'byung ste/ de la stong pa skyes pa'i ye shes kyi 'bras bu zhes bya ba ni 'di lta ste/ stong pa skyes pa'i shes pas mngon par bsgrubs pa phyis thob pa'i shes pa dang/ 'gog pa'i snyoms par 'jug pa'o// sgrib pa rnam pa bcu las 'di ni brgyad pa mchan ma med pa la rtsol ba'i sgrib pa nyid de/ 'di ltar shes bya'i sgrib pa las lhan cig skyes pa'i phyogs gcig gis mtshan ma med par sgom pa rang gi dang gis 'jug par mi 'gyur ba'o/ /snga ma'i sa lnga po dag la ni mtshan ma dang
- 8a
bcas par bsgoms pa ni mang la/ mtshan ma med par sgom pa ni nyung ngo/ /sa drug pa la mtshan ma dang bcas par bsgom pa ni nyung la/ mtshan ma med par sgom pa ni mang ngo/ /sa bdun pa ni gcig tu mtshan ma med par bsgom pa rtag par rgyun mi 'chad mdo kyi/ 'on kyang rtsol ba dang bcas pa yin te/ mtshan ma med pa la rtsal ba dang bcas pa'i phyir/ rang gi dang gis mtshan ma dang bcas zhing stong bar mi nus so/ /rtsol ba dang bcas pa'i sgrib pa de yangs brgyad rtsol ba'i lam med ba'i phyir/ sa brgyad par bzhugs pa na gtan spong bar byed de/ de gtan du spang ba'i phyir dbang rnam pa gnyis kyang 'thob par 'gyur ro/ /sa dgu pa la kun tu rmongs pa rnam pa gnyis yod de/ chos bstan pa dpag tu med pa dang/ chos kyi tshig dang yi ge dpag tu med pa dang/ gong nas gong du shes rab dang/ spobs pa'i gzungs kyi dbang la kun nas rmongs pa dang/ spobs pa la dbang ba kun tu rmongs pa dang/ de'i gnas ngan len mi mthun pa'i phyogs so zhes bya ba ni dgu pa legs pa'i blo gros kyi sa'i sgrib pa bstan pa'o/ /bstan bcos rnam par rig pa tsam du grub pa las/ chos bstan pa dpag tu med pa dang/ chos kyi tshig dang yi ge dpag tu med pa dang/ gong nas gong du shes rab dang/ spobs pa'i gzungs kyi dbang la kun tu rmongs pa zhes bya ba la/ chos bstan pa dang dpag tu med pa'i gzungs kyi dbang zhes bya ba ni so so yang dag par rig pa ste/ brjod par bya ba'i gzungs la dbang thob pas don gcig gi nang du thams cad ston pa'i phyir ro/ /chos kyi tshig dang yi ge dpag tu med pa'i gzungs kyi dbang zhes bya ba ni chos so so yang dag par rig pa ste/ rjod pa byed pa'i gzungs la dbang thob pas yi ge gcig gi ming dang/ tshig dang yi ge'i nang du ming dang tshig dang yi ge thams cad ston pa'i phyir ro/ /gong nas gong du shes rab dang sbobs pa'i gzungs kyi dbang zhes bya ba ni nges pa'i tshig so sor yang dag par rig pa ste/ sgra skad gcig gis phan tshun nges tshig rnam
- 8b
par bshad pa'i gzungs la dbang thob par sgra skad cig gi nang du sgra skad thams cad ston pa'i phyir ro/ /spobs pa la dbang ba kun tu rmongs zhes bya ba la/ spobs pa la dbang ba zhes bya ba ni/ spobs pa so so yang dag par rig pa ste/ dbang po legs par rtogs shing chos bstan pa la mkhas pa'i phyir ro/ /kun tu rmongs pa la dbang rnam pa bzhi po de dag la sgrib par byed pa gang yin pa de ni/ sa dgu pa'i sgrib pas bsdus pa yin par rig par bya'o/ /sgrib pa rnam pa bcu las 'di ni dgu pa gzhan la phan 'dogs pa la ma moS pa'i sgrib pa nyid de/ 'di ltar shes bya'i sgrib pa las lhan cig skyes pa'i phyogs cig gis sems can la phan 'dogs pa'i bya ba la brtson par ma mos shing rang gi don la mos par byed pas so/ /des sa dgu pa'i so so yang dag par rig pa bzhi la sgrib par byed/ sa dgu bar zhugs pa na gtan du spong bar byed do zhes 'byung ngo/ /sa bcu pa la kun tu rmongs pa rnam pa gnyis yod de/ mngon par shes pa chen po la kun tu rmongs pa dang/ gsang ba'i rjes su 'jug pa shin tu phra mo khong du chud pa la kun tu rmongs pa dang/ de'i gnas ngan len mi mthun pa'i phyogs zhes bya ba ni bcu pa chos kyi sprin gyi sa'i sgrib pa bstan pa'o/ /bstan bcos rnam par rig pa tsam du grub pa las/ de la mngon par shes pa chen po la kun tu rmongs pa zhes bya ba i/ 'dir bya ba'i dngos po'i las la sgrib par byed pa gang yin pa'o/ /gsang ba'i rjes su 'jug pa shin tu phra mo khang du chud pa la kun tu rmongs pa zhes bya ba ni/ 'dir chos chen po'i ye shes kyi sprin dang/ yongs su sba par bya ba la sgrib par byed pa gang yin pa'o/ /sgrib pa rnam pa bcu las ni chos bstan la dbang du ma gyur pa'i sgrib pa nyid de/ 'di ltar shes bya'i sgrib pa la lhan cig skyes pa'i phyogs gcig gis chos rnams la dbang thob par mi byed pas so/ /des sa bcu pa'i chos chen po'i ye shes kyi sprin dang/ yyongs su sbas ba las 'byung ba'i bya ba'i dngos po dag la sgrib par byed de/ sa bcu par zhugs pa na gtan du spong ngo zhes 'byung ngo/ /de
- 9a
bzhin gshegs pa'i sa'i sgrib pa bstan pa'o/ /bstan chos rnam par rig pa tsam du grub pa las/ shes bya thams cad la chags pa shin tu phra mo kun tu rmongS ba? zheS bya ba'i 'dir sheS bya'i? sgrib pa phra mo bstan pa gang yin pa'o/ /thogs pa shin tu phra mo kun tu rmongs pa zhes bya ba ni 'di rang gi ngang gis 'jug pa'i nyon mongs pa'i sgrib pa sa bon gang yin pa thams cad/ de'i phyir bstan bcos mngon pa kun las btus pa las/ de byang chub thob pa na nyon mongs pa'i sgrib pa dang/ shes bya'i sgrib pa cig car spangs nas dgra bcom pa dang de bzhin gshegs par 'gyur te/ mya ngan las 'das pa chen po dang/ byang chub chen po thob par byed pa'i phyir ro zhes 'byung ngo/ /sgrib pa rnam pa bcu las 'di ni logs shig tu sgrib pa gcig tu phye nas bstan pa yin te/ de'i phyir bstan bcos rnam par rig pa tsam du grub pa las/ sa 'dir chos la dbang thob pa yin mod kyi/ 'on kyang sgrib pa lhag ma dang bcas pas shin tu mthar thug pa zhes mi bya ste/ 'dir lhan cig skyes pa'i shes bya'i sgrib pa phra mo dang ldan pa dang/ rang giS dang gis 'jug pa'i nyon mongs pa'i sgrib pa'i sa bon dang ldan pas rdo rje lta bu'i ting nge 'dzin mngon du gyur pa na/ de dag cig car spangs nas de bzhin gshegs pa'i sa la 'jug ces bstan pa yin no/ /rgya cher rnam par dbye ba ni mtshan nyid bstan pa dag las 'byung ba bzhin du rig par bya'o/ /rigs kyi bu kun tu rmongs pa nyi shu rtsa gnyis dang/ gnas ngan len bcu gcig po de dag gi phyir sa rnam par gzhag ste zhes bya ba 'di man chad ni gsum pa rmongs pa la sogs pa gsungs pa'i dgongs pa ston to/ /'di yang rnam pa gnyis su dbye ste/ rmongs pa la sogs pa gsungs pa nyid kyi dgongs pa bstan pa dang/ byang chub kyi 'ching pa rnams dang bral bar bstan pa ste/ 'di ni dang po'o/ /'di ltar sa bcu gcig rnam par bzhag par bzhed pa'i phyir kun tu rmongs pa dang/ gnas ngan len rnams bstan pa yin no zhes bya ba'i tha tshig go /bla na med pa yang dag par rdzogs pa'i byang chub ni 'ching ba de dang mi ldan pa yin no
- 9b
zhes bya ba la sogs pas ni bla na med pa'i byang chub 'ching ba rnams dang bral bas bstan to/ /'di yang rnam pa gnyis te/ de bzhin gshegs pa nyid kyis gsungs pa dang/ byang chub sems dpa' bsngags pa brjod pa'o/ /'di ni dang po de bzhin gshegs pa nyid kyis gsungs pa bstan pa ste/ 'di ltar gya nom par mngon par rdzogs par byang chub pa'i gnas skabs su kun tu rmongs pa dang/ de'i gnas ngan len rnams yongs su spong ba'i phyir ro/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ /bcom ldan 'das bla na med pa yang dag par rdzogs pa'i byang chub ni shin tu ngo mtshar che zhing phan yon che ba dang/ 'bras bu yongs su grub par bgyid pa lags pas zhes bya ba la sogs pas ni gnyis pa byang chub sems dpa' bsngags pa brjod pa ston to/ /'di yang rnam pa gnyis te/ spyi dang bye brag ste/ 'di ni dang po spyir bsngags pa brjod pa'o/ /'di yang rnam pa gnyis te/ dang po phan yon che ba yongs su grub pa ni gzhan la phan 'dogs pa'i yon tan no/ /gnyis pa 'bras bu chen po yongs su grub pa ni bdag la phan 'dogs pa'i yon tan no/ /yang na byang chub thob par byed pa'i phyir phan yon che ba zhes bya'o/ /mya ngan las 'das pa thob par byed pa'i phyir 'bras bu che ba zhes bya'o/ /yang na shes bya'i sgrib pa spangs pa gang yin pa de ni phan yon che ba zhes bya'o/ /nyon mongs pa'i sgrib pa spangs pa gang yin pa de ni 'bras bu che ba zhes bya'o/ /byang chub sems dpa' rnams de ltar kun tu rmongs pa'i dra ba chen po rab tu dral zhing de ltar gnas ngan len gyi thibs po las yang dag par 'das nas bla na med pa yang dag par rdzoD pI byang chub mngon du thob par bgyid pa lags so zhes bya ba ni gnyis pa bye brag tu bsngags pa brjod pa'o/ /mdo'i tshig 'di la yang don rnam pa gsum yod de/ kun tu rmongs pa rnams dral ba dang/ gnas ngan len las yang dag par 'das pa dang/ byang chub mngon du byed pa ste/ byang chub sems dpa' rnams phan yon rnam pa gsum po 'di dag dang ldan par byed pas so/ /kun tu rmongs pa 'di dag ni sems can la 'gegs shing
- 10a
dkri bar byed pa'i phyir dra ba lta bur bstan to/ /gnas ngan len ni mang bas thibs po lta bur bstan to/ /bshad pa'i rnam grangs gzhan du na kun tu rmongs pa nyi shu rtsa gnyis bstan pa la rnam pa bzhir dbye ste/ zhu ba gsol ba dang/ len du gsungs pa dang/ rigs kyi bu zhes bya ba man chad bstan pa dang/ 'phags pa spyan ras gzigs dbang phyug gis byang chub kyi yon tan brjod pa'o// //bam po lnga bcu drug pa'o/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ /bcom ldan 'das de dag khyad par du 'phags pa rnams pa du dag gis rnam par bzhag lags zhes bya ba 'di man chad ni bzhi pa khyad par du 'phags pa rnam pa brgyad kyis sa rnam par dbye ba zhes bya ba ston to/ /'di yang rnam pa gnyis te/ zhu ba gsol ba dang/ lan du gsungs pa'o/ /'di ni byang chub sems dpa' zhu ba gsol ba ste/ 'di ltar sa bcu gcig po de dag rnam pa du dag gis rnam par bzhag ces bya ba'i tha tshig go /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu mdor bsdun rnam pa brgyad de zhes bya ba la sogs pas ni gnyis pa de bzhin gshegs pas lan duyang dag par gsungs pa bstan to/ /'di yang rnam pa gsum gyis bstan te/ grangs smos nas lan mdor gsungs pa dang/ grangs bzhin du ming du bkod pa dang/ rigs kyi bu zhes bya ba man chad sa rnams la brtsams nas khyad par du 'phags pa dang/ khyad par du 'phags pa ma yin pa rnam par 'byed pa ste/ 'di ni dang po'o/ /grangs smos nas sa bcu gcig po dag la khyad par du 'phags pa rnam pa brgyad yod par lan mdor gsungs pa'o/ /lhag pa'i bsam pa rnam par dag pa dang/ sems rnam par dag pa dang/ snying rje rnam par dag pa dang/ pha rol tu phyin pa rnam par dag pa dang/ sangs rgyas mthong zhing bsnyen bkur byed pa rnam par dag pa dang/ sems can yongs su smin par byed pa rnam par dag pa dang/ skye ba rnam par dag pa dang/ mthu
- 10b
rnam par dag pas so zhes bya ba ni gnyis pa grangs bzhin du ming bkod pa'o/ /'phags pa mtshams rnam par grol pa'i mdo dang/ dgongs pa zab mo rnam par grol ba'i mdo dang/ bstan bcos theg pa chen po bsdus pa'i 'grel pa lyang gi tshe bsgyur ba dang/ rnal 'byor spyod pa'i sa? las kyang bkod pa phal cher mthun? te/ de la lhag pa'i bsam pa zhes bya ba ni sngar gong du ltag pa'i bsam pa rnam bar dag pa bstan pa'i skabs su bshad pa bzhin du rig par bya'o/ /sems rnam par dag pa zhes bya ba ni snyoms par 'jug pa brgyad la spyir sems rnam par dag pa zhes bstan pa ste/ de'i phyir 'phags pa'i gsung rab rnams las spyir sems rnam par dag pa zhes bstan pa yin no/ /bstan bcos rnam par bshad pa las ni bsam gtan bzhi la sems rnam par dag pa zhes bya bar bstan to/ /bstan bcos rnal 'byor spyod pa'i sa las ni dang po kho nar 'phags pa'i bden pa mngon par brtogs pa yang dag pa nyid du skyon med pa la 'jug pa'i phyir lhag pa'i sems kyi bslab pa zhes bya'o zhes bshad do/ /snying rje rnam par dag pa zhes bya ba ni tshad med pa bzhi las snying rje tshad med pa'o/ /snying rje dang snying rje chen po la bye brag ci yod ce na/ smras ba/ thams cad yod par smra ba'i gzhung mdzod kyi bstan bcos las rgyu rnams pa rgyad kyis tha dad do zhes bshad do/ /de'i phyir bstan bcos de nyid las/ dang po ni rang bzhin gyis gti mug med pa ste/ phyin ci log gis rang bzhin tha dad pa med pa'i phyir ro/ /gnyis pa ni rnam pa ste/ sdug bsngal gsum dang/ sdug bsngal gcig gi rnam pa tha dad pa'i phyir ro/ /gsum pa ni dmigs pa ste/ khams gsum dang/ khams gcig gi dmigs pa tha dad pa'i phyir ro/ /bzhi pa ni sa la brtsams pa ste/ bsam gtan bzhi pa ni kun tu gtogs pa yin pa/ gzhan ni tha dad pa'i phyir ro/ lnga pa ni lus la btsams pas ste/ de bzhin gshegs pa'i sku kho na'i sku ni kun tu khyab pa yin la/ lus gzhan dag ni tha dad pa'i phyir ro/ /drug pa ni mngon du thob pa ste/ srid pa'i rtse mo'i 'dod chags dang bral ba tha dad pa'i phyir ro/ /bdun pa ni skyob pa'i dngos po yongs su
- 11a
grub pa ste/ bskyab par bya'o snyam pa'i re ba tha dad pa'i phyir ro/ /brgyad pa ni snying brtse ba ste/ mnyam pa nyid du snying brtse ba'i bye brag yod pa'i phyir ro zhes bshad do/ /bstan bcos yang dag par rig pa dang rjes su mthun pa las rnam grangs rnam pa lngas bye brag gi mtshan nyid ston to/ /rgya cher de nyid las bstan pa yin na/ /mdo sde pa'i bstan bcos de kho na nyid las ni don rnam pa bdun gyis ston to/ /de'i phyir bstan bcos de nyid las snying rje dang/ snying rje chen po la bye brag ci yod ce na/ smras pa/ snying rje ni snying brtse ba kho na yin la/ snying rje chen po ni bya ba'i dngos po bsgrub par nus pa'i phyir snying rje chen po zhes bya'o/ /de ci'i phyir zhe na/ byang chub sems dpa' sems can sdug bsngal ba de mthong na/ sdug bsngal zad par bya ba'i phyir brtson 'grus kyis brtson par byed pa dang/ gzhan yang bskal pa dpag tu med pa nas bsgoms pa las mngon par grub pa'i phyir snying rje chen po zhes bya'o/ /gzhan yang shes rab kyi mig gis sems can sdug bsngal ba mthong na gdon mi za bar yongs su bsal bar bya'o snyam du sems skyed pa'i phyir snying rje chen po zhes bya'o/ /gzhan yang phan 'doD pa mang? ba'i phyir snying rje chen po zhes bya'o/ /thogs pa med pa'i phyir yang snying rje chen po zhes bya'o/ /de ci'i phyir zhe na/ snying rje'i sems ni gzhan gyi nyes pa rjes su dran pa'i phyir thogs pa skye bar 'gyur la/ snying rje chen po ni shin tu nyes pa chen po byas bdag la yang thogs pa med pa nyid du rab tu rtogs pas so/ /gzhan yang snying rje la ni ma snyoms pa'i mtho dman yod gyi/ 'di ni thams cad la mnyam pa nyid du gyur pa'i phyir snying rje chen po zhes bya'o/ /gzhan yang bdag nyid la phan pa spangs nas gzhan phan yon? sogs pa yongs su gnyer bar byed pa'i phyir snying rje chen po zhes bya'o/ /snying rje ni de lta bu ma yin pas 'di ni bye brag go zhes 'byung ngo/ /'dir theg pa chen po'i bstan pa dang sbyar nas bstan bcos mdo sde'i rgyan las ni don rnam pa drug gis snying rje'i bye brag ston te/ de'i phyir de nyid las/ mnyam bas yon rtag
- 11b
pa min/ /zab pa ma yin rjes mthun min/ /lam yang ma yin mi dmigs min/ /snying rje drug ni de ltar zlog ces 'byung ste/ 'di nyid kyi 'brel pa las/ snying rje chen po ma yin pa rnam pa drug gi bye brag yin pas 'di lta ste/ mnyam pa nyid dang rtag par rgyun tu byed pa dang/ shin tu zab pa dang/ rjes su mthun pa dang/ lam rnam par dag pa dang/ mi dmigs pa'o/ /de la mnyam pa nyid ces bya ba ni bde ba'i tshor ba la sogs pa sems can gyi tshor ba ji snyed yod pa de dag ni sdug bsngal bar rig par bya'o/ /rtag par rgyun tu zhes bya ba ni lhag ma med pa'i mya ngan las 'das pa'i bar du yang zad pa med pa'i phyir ro/ /shin tu zab pa zhes bya ba ni sa la zhugs pa'i byang chub sems dpa' rnams bdag dang gzhan mnyam pa nyid du gyur pa'i phyir ro/ /rjes su mthun pa'i zhes bya ba ni sems can thams cad sdug bsngal las ci rigs par rab tu 'dren pa'i phyir ro/ /lam rnam par dag pa zhes bya ba ni mi thun pa'i phyogs nyon mongs pa rnams yongs su spangs pa'i phyir ro/ /mi dmigs pa zhes bya ba ni mi skye ba'i bzod pa thob pa na chos rnams mi dmigs pa'i phyir ro zhes 'byung ngo/ /'phags pa shes rab kyi pha rol tu phyin pa'i 'grel pa las kyang don rnam pa drug gis de gnyis kyi bye brag ston pa yang/ bstan bcos mdo sde'i rgyan las bstan pa dang mi mthun te/ rgya cher de nyid las bstan pa bzhin du rig par bya'o/ /bstan bcos rnal 'byor spyod pa'i sa dang/ rnam par bshad pa dang/ mdzod kyi bstan bcos las ni rkyen rnam pa bzhis de bzhin gshegs pa'i thugS rje chen po nyid du yongs su grub par ston gyi/ bye brag rnam pa gnyis su bshad pa med do/ /bstan bcos mdo sde'i rgyan las kyang rgyu rnam pa bzhis snying rje chen po nyid bsgrubs pas rnal 'byor spyod pa'i sa la sogs pa la bstan pa dang mi mthun te/ rgya cher de nyid las bstan pa bzhin no/ / snying rje chen po de yang thams cad yod par smra ba'i gzhung mdzod kyi bstan bcos pas ni bstan bcos byang chub kyi phyogs bstan pa dang/ 'phags pa shes rab kyi pha rol tu phyin pa'i 'grel pa dang/ mdo sde'i rgyan las bstan pa dag dang mthun par byang chub sems dpa' la yang
- 12a
snying rje chen po yod par ston to/ /'phags pa shes rab kyi pha rol tu phyin pa'i 'grel pa las/ gzhan yang de bzhin gshegs pa rnams kyi thugs kyi rgyud las mda' ba' i byams pa dang thugs rje gang yin pa de ni chen po'o/ zhes bya'o/ /gzhan gyi sems kyi rgyud pa yod pa gang yin ba de ni chung ba zhes bshad do/ /gal te de lta na ci'i phyir byang chub sems dpa' ni byams pa dang snying rje chen po la spyod ces bstan ce na/ smras pa/ byang chub sems dpa' i snying rje chen po gang yin pa de de bzhin gshegs pa la bltos nas ni chung ba yang yin la/ theg pa gnyis la bltos na ni chen po zhes bya ste/ 'di ni btags pa'i snying rje chen po'o/ /de bzhin gshegs pa'i byams pa dang/ thugs rje chen po gang yin pa de ni yang dag pa mchog tu che ba yin pas so/ /de la pha rol tu phyin pa rnam par dag pa zhes bya ba ni/ pha rol tu phyin pa drug dang bcu la sogs pa ste/ 'og nas bstan pa bzhin du rig par bya'o/ /de la sangs rgyas mthong zhing bsnyen bkur byed pa rnam par dag pa zhes bya ba ni 'phags pa sa bcu'i mdo'i 'grel pa las/ ma lus pa gsum po sangs rgyas mthong ba lus pa med pa dang/ mchod pa lus pa med pa dang/ rim gro bya ba lus ba med pa dang/ sa ji skad bstan pa lta bu ste/ de'i phyir 'grel pa de nyid las byang chub sems dpa' i smon lam chen po ma lus pa ni rnam pa gsum ste/ sangs rgyas thams cad mthong ba ma lus pa dang mchod pa thams cad ma lus pa dang/ rim gro bya ba thams cad ma lus pa'o/ /de la sangs rgyas mthong ba ma lus pa yang rnam pa gsum ste/ sgrub pa'i sku dang/ longs spyod rdzogs pa'i sku dang/ chos kyi sku'i sangs rgyas mthong ba gang yin ba'o/ /mchod pa yang rnam pa gsum ste/ rnyed pa'i mchod pa ni na bza' dang/ zhal zas la sogs pa'o/ bkur sti'i mchod ba ni spos dang/ me tog dang/ rgyal mtshan la sogs pa'o/ /sgrub pa'i mchod pa ni dad pa dang/ tshul khrims la sogs pa'i sgrub pa'o/ /rim gro bya ba yang rnam pa gsum ste/ yang dag par tshol ba'i rim gro bya ba dang/ bsu bskyal gyi
- 12b
rim gro bya ba dang/ sgrub ba'i rim gro bya ba zhes 'byung ba yin no/ /yang na sangs rgyas mthong zhing bsnyen bkur byed ba rnam par dag pa zhes bya ba ni mchod pa rnam pa bcu la bya ste/ de'i phyir bstan bcos rnal 'byor spyod pa'i sa las/ de la byang chub sems dpa' i de bzhin gshegs pa rnams la mchod pa gang zhe na/ de ni mdor bsdu na rnam pa bcur rig par bya ste/ sku la mchod pa dang/ mchod rten la mchod pa dang/ mngon sum du mchod pa dang mngon sum ma yin par mchod pa dang/ bdag gis byas pa'i mchod pa dang/ gzhan byed du bcug ba'i mchod pa dang/ rnyed pa dang bkur sti'i mchod pa dang/ rgya chen po'i mchod pa dang/ kun nas nyon mongs pa can ma yin pa'i mchod pa dang/ sgrub? pa'i mchod pa'o/ /de la byang chub sems dpa' de bzhin gshegs pa'i gzugs kyi sku nyid la mngon sum du na chod pa de ni de'i sku la mchod ba zhes bya'o/ /de la byang chub sems dpas de bzhin gshegs pa'i phyir mchod rten nam/ gtsang? khang phyur bu 'am/ gtsang khang dam/ mchod rten snying ba 'am/ mchod rten gsar ba la mchod pa byed pa de ni de'i mchod rten la mchod pa zhes bya'o/ /de la byang chub sems dpas de bzhin gshegs pa'i sku 'am/ de bzhin gshegs pa'i mchod rten la mngon du gyur pa dang/ dbang po la snang bar mngon sum du mchod pa byed pa ni mngon sum du mchod pa zhes bya'o/ /de la byang chub sems dpa' de bzhin gshegs pa'am/ de bzhin gshegs pa'i mchod rten mngon sum du mchod pa byed pa na/ 'di ltar lhag pa'i bsam pa dang ldan pa dang/ dga' ba dang ldan pa'i sems mngon par 'du byed de bzhin gshegs pa gcig gi chos nyid gang yin pa de ni 'das pa dang ma byon pa dang/ da ltar byung ba'i de bzhin gshegs pa thams cad kyi chos nyid yin la/ de bzhin gshegs pa'i mchod rten gcig gi chos nyid gang yin pa de ni/ de bzhin gshegs pa'i mchod rten thams cad kyi chos nyid yin te/ de phyir bdag gis de bzhin gshegs pa mngon sum du gyur pa 'di la mchod pa bya'o/ /'das pa dang sa? byon ba dang/
- 13a
de ltar byung ba'i de bzhin gshegs pa thams cad la mchod pa bya'o/ /de bzhin gshegs pa'i mchod rten mngon sum du gyur pa 'di la yang mchod pa bya'o/ /de ma yin pa'i phyogs bcu'i 'jig rten gyi khams mdza' yas mu? mod? pa dag na mchod rten dang/ gtsang khang phyur bu dang/ gtsang khang dang/ mchod rten rnying pa dang/ mchod rten gsar pa bzhugs pa thams cad la yang mchod pa bya'o/ /snyam pa de ni re zhig byang chub sems dpa' de bzhin gshegs pa dang/ de bzhin gshegs pa'i mchod rten la mngon sum dang/ mngon sum ma yin pa spyi'i mchod pa'i yin par rig par bya'o/ /byang chub sems dpa' de bzhin gshegs pa 'am/ de bzhin gshegs pa'i mchod rten mngon sum du ma gyur pa las sangs rgyas thams cad kyi phyir dang/ de bzhin gshegs pa'i mchod rten thams cad kyi phyir de bzhin du sems mngon par 'du bya ste/ mchod pa byed pa de ni mngon sum ma yin pa 'ba' zhi? mchod pa yin pa rig pa bya'o/ /de bzhin gshegs pa yongs su mya ngan las 'das nas de bzhin gshegs pa'i phyir byang chub sems dpas de bzhin gshegs pa'i sku 'am/ mchod rten nas gtsang khang phyur bu 'am/ gtsang khang gcig gam/ gnyis sam/ mang po nas bye ba 'bum gyi bar du ci nus ci lcogs kyis byed du 'jug pa de yang byang chub sems dpa' de bzhin gshegs pa rnams la mngon sum ma yin pa'i mchod pa rgya chen po bsod nams tshad med pa'i 'bras bu can tshangs pa du ma'i bsod nams kyis yongs su zin pa yin te/ de byang chub sems dpa' bskal pa chen po bskal pa du mar yang log par ltung bar mi 'gyur la/ gzhi des bla na med pa yang dag par rdzogs pa'i byang chub kyi chogs kyi yongs su rdzogs par mi byed par mi 'gyur ro/ /de la byang chub sems dpa' de'i de bzhin gshegs pa 'am/ de bzhin gshegs pa'i mchod rten kho na la mchod pa gang yin pa de ni re zhig bsod nams kyi 'bras bu rgya che bar blta bar bya'o/ /mngon sum ma yin pa 'bab? chig gi
- 13b
bsod nams kyi 'bras bu de bas rgya che bar bstan par bya'o/ /mngon sum dang mngon sum ma yin pa'i spyi'i mchod pa'i bsod nams kyi 'bras bu ni de bas kyang rgya che bar lta bar bya'o de la byang chub sems dpa' de bzhin gshegs pa'i mchod rten la mchod pa bya bar 'dod pas bdag nyid kyi rang gi lag gis byed de/ snyoms las dang bag med pa'i gnas la bsten te/ bran dang bran mo dang/ las byed pa dang/ zho shas 'che ba dang/ mdza' bshes dang/ gros grogs dang/ nye du dang/ snag gi gnyen mtshams rnams byed du mi 'jug pa de ni byang chub sems dpa' i bdag gis byas pa'i mchod pa yin par rig par bya'o/ /de la byang chub sems dpas de bzhin gshegs pa 'am/ de bzhin gshegs pa'i mchod rten la mchod pa bya bar 'dod pas bdag nyid 'ba' zhig mi byed par pham gnyis kyang byed du 'jug pa dang chung ma dang/ bran dang bran mo dang/ las byed pa dang/ zho shas 'tsho ba rnams dang/ mdza' pa shes dang/ gros grogs dang/ nye du dang/ snag gi gnyen mtshams rnams nas mu stegs can rab tu byung ba rnams kyi bar dag de la de bzhin gshegs pa'am/ de bzhin gshegs pa'i mchod rten la mchod pa byed du 'jug pa de ni byang chub sems dpa' i bdag dang gzhan gyis byas pa'i thun mong gi mchod pa yin par rig par bya'o/ /byang chub sems dpa' mchod pa bya ba'i sbyin par bya ba'i dngos po chung ngu yod la/ snying rje dang ldan pa'i sems can sdug bsngal ba bsod nams chung zhing mi nus pa 'di dag gis de bzhin gshegs pa'am/ de bzhin gshegs pa'i mchod rten la bya ba byas nas bde bar 'gyur ro/ /snyam nas dngos po de bsams bzhin du gzhan dag kho na la sbyin par byed la/ gzhan dag gis kyang dngos po des de bzhin gshegs pa 'am/ de bzhin gshegs pa'i mchod rten la mchod pa byed la/ byang chub sems dpa' ni mi byed pa de ni byang chub sems dpa' i pha rol 'ba' zhig gis byas pa'i mchod pa yin par rig par bya'o/ /de la bdag 'ba' zhig gis byas pa gang yin pa de ni bsod nams kyi 'bras
- 14a
bu che ba yin no/ /gzhan 'ba' zhig gis byed du bcug pa gang yin pa de ni bsod nams kyi 'bras bu ches che ba yin no/ /thun mong gang yin pa de ni bsod nams kyi 'bras bu shin tu che ste gong na med par rig par bya'o/ /de la byang chub sems dpa' de bzhin gshegs pa'am/ de bzhin gshegs pa'i mchod rten lan bza' dang/ zhal zas dang/ gzims cha dang/ gdan dang/ bsnyun gyi gso sman dang/ yo byed rnams dang/ gus par smra ba dang/ byag? 'chal? ba dang/ mngon du ldang ba dang/ thal mo sbyor ba dang/ mchod pa'i las bdug pa'i spos rnams dang/ phye ma'i spos rnams dang/ byug pa'i spos rnams dang/ me tog 'phreng ba rnam pa sna tshogs dang/ gdugs dang/ rgyal mtshan dang/ ba dan dang/ mar me rnam pa sna tshogs pa 'bul ba dang/ bstod pa rnam pa sna tshogs dang/ yan lag lngas phyag bya ba dang/ g.yas phyogs su bskor ba dag gis mchod pa byed pa dang/ de bzhin du zad mi shes ba can gyis sbyin pa la sogs pas mchod pa de ni byang chub sems dpa' i de bzhin gsh+gs pa 'am/ de bzhin gshegs pa'i mchod rten la rnyed pa dang/ bkur bstis mchod ba byed pa yin par rig par bya'o/ /de la byang chub sems dpa' 'am/ de bzhin gshegs pa'am/ de bzhin gshegs pa'i mchod rten la rnyed pa dang bkur sti de dag nyid kyis yun ring por mchod pa byed de /dngos po mang po dang/ dngos po gya nom ba dang/ mngon sum dang/ mngon sum ma yin pa dang/ bdag gis byas pa dang/ gzhan gyis byas pa dang/ snying thag pa nas dga' ba mngon du gyur cing mos pa dag pos mchod pa byed la/ dge ba'i rtsa ba de yang bla na med pa yang dag par rdzogs pa'i byang chub tu yongs su sngo bar byed pa de ni byang chub sems dpa' i mchod pa rnam pa bdun rgya chen po zhes bya'o/ /de la byang chub sems dpas de bzhin gshegs pa 'am/ de bzhin gshegs ba'i mchod rten la rang gi lag gis bya ba byed/ khyad du gsod pa'am/ le los gzhan dag byed du 'jug pa ma yin pa dang/ gus bar
- 14b
byed de ma gus pas ma yin pa dang/ sems mi g.yongs pa byed pa dang/ sems can kun nas nyon mongs pa can ma yin pas byed pa dang/ sangs rgyas la mngon par dad pa'i rgyal po la sogs pa sems rgya chen po dag las rnyed pa dang bkur sti'i rgyus tshul 'chos pa'i phyir mi byed pa dang/ mi mthun pa'i dngos pos mchod pa byed de/ phab? blas byug pa dang/ mar kus bkru ba dang/ gu gul gyi bdug pa dang/ arka'i me tog la sogs pa dang/ gzhan yang yo byad du rung ba ma yin pa dag gis mi byed pa de ni byang chub sems dpa' i mchod pa rnam pa drug kun nas nyon mongs pa can ma yin par rig par bya'o/ /gzhan yang byang chub sems dpa' rnams longs spyod rang gis zho shas bsgrubs pa yang med la/ gzhan yang btsal te rnyed pa yang med/ byang chub sems dpa' yo byad la dbang thob pa yang ma yin na yang/ de bzhin gshegs pa'i mchod pa gang ci yang rung ba 'dzam bu'i gling ngam/ gling bzhi pa 'am/ stong nga/ stong gnyis sam/ stong gsum gyi stong chen po 'am/ phyogs bcu'i 'jig rten mthA yas mu med pa dag na chung ngu dang/ 'bri dang/ chen po yod pa de dag thams cad kyang byang chub sems dpa' dang pa? can gyi? dga' ba dang ldan pa dang/ rgya chen po la mos pa dang ldan pa'i sems kyi khyad par byas nas rjes su yi rang bar byed de/ de yang byang chub sems dpa' i tshogs chung dus de bzhin gshegs pa la mchod pa chen po tshang med pa byang chub kyi tshogs chen pos yongs su bsdus pa yin te/ de la ni byang chub sems dpa' rtag tu rgyun mi 'chad par sems nyams bde ba dang/ sems dga' bas brtson par bya'o/ /de la byang chub sems dpa' ni cung zad su bzad? dang/ yud tsam yud tsam du tha na bar zhos tsam gyi bar du yang sems can srog chags 'byung po thams cad la byams pa'i sems bsgom par byed/ snying rje dang ldan pa dang/ dga' ba dang ldan pa dang/ btang snyoms dang ldan pa'i sems bsgom par byed de/ de bzhin du 'du byed thams cad la mi rtag pa'i 'du shes dang/ mi rtag pa la sdug bsngal ba'i
- 15a
'du shes dang/ sdug bsngal ba la bdag med pa'i 'du shes dang/ mya ngan las 'das pa la phan yon gyi 'du shes sgom par byed/ debzhin gshegs pa rjes su dran pa dang/ chos dang dge 'dun rjes su dran pa sgom bar byed/ de bzhin du cung zad cung zad dang/ yud tsam yud tsam la yang chos thams cad la bzod pa chung bu'i shes pa phyogs gcig bas kyang brjod du med pa'i ngo bo nyid de bzhin nyid la mos shing rnam par mi rtog pa dang/ mtshams med pa'i sems kyis gnas par byed na/ de'i gong dang de las lhag par lta ci smos/ de bzhin du byang chub sems dpa' i tshul khrims kyi sdom pa yongs su bsrung ba dang zhi gnas dang lhag mthong dang/ byang chub kyi phyogs kyi chos rnams la brtson bar byed pa dang/ de bzhin du pha rol tu phyin pa rnams dang/ bsdu ba'i dngos po rnams la yang dag par btsom bar byed pa de ni byang chub sems dpa' i sgrub pas de bzhin gshegs pa la mchod pa'i mchog gya nom pa gong na med pa yin te/ snga ma rnyed pa dang/ bkur sti'i mchod pa rnam pa thams cad la yang mchod pa de'i brgya'i cha dang/ stong gi char yang nye bar mi 'gror nas rgyas par rgyu'i bar du yang nye bar mi 'gro ste/ de ni rnam pa bcu po dag gis de bzhin gshegs pa la mchod pa'i rnam pa thams cad yin par rig par bya'o/ /de bzhin gshegs pa la mchod pa ji lta ba bzhin du chos la mchod pa dang/ dge 'dun la mchod pa yang de dang 'dra ba ci rigs par byad do zhes bya ba 'byung ste/ zhib tu de nyid la bstan pa bzhin no/ /rgya cher rnam par 'byed pa ni legs pa'i tshul khrims bstan pa'i mdo dag/ bstan bcos sa yongs su 'dzin pa dang/ mdo sde rgyan dang/ 'phags pa shes rab kyi pha rol tu phyin pa'i 'grel? pa dang /bye brag tu bshad pa chen po las bstan pa bzhin du rig par bya'o/ /de la sems can yongs su smin par byed pa rnam par dag pa zhes byang ni bsdu ba'i dngos pa bzhi po dag nyid de/ de'i phyir bstan bcos rnam par bshad pa las/ yongs su smin par byed pa'i spyod pa
- 15b
ni 'di lta ste/ bsdu ba'i dngos po bzhi la mngor bsdu na sems can yongs su smin par byed pa'i spyod pa zhes bya'o/ /'phags pa'i gsung la bzhugs pa yongs su gdul bar bya ba'i sems can gang yin ba ste/ 'di ltar zang zhing dang chos rnam pa gnyis kyi yongs su bsdu ba'i don yin pa'i phyir ro/ /de la zang zing gis bsdu ba ni ye shes kyis phyogs byas na yongs su bsdud pa ste/ thabs kyi yongs su smin par byed ba'i phyir ro/ /chos kyis bsdu ba ni yang dag par sdung ba ste/ 'jug pa dang rjes su 'jug pa'i thabs kyis yongs su smin par byed do/ /bsdu ba'i dngos po de dag kyang bsdu ba'i spyad pa rnam pa lnga la bsten nas/ bsdu ba'i dngos po zhes bshad de/ de la bsdu ba'i spyod pa rnam pa lnga ni brten nas yongs su bsdu ba dang/ dge ba yang dag par len du gzhug pa'i phyir yongs su bsduba dang/ legs par yang dag par rtsol du gzhug pa'i phyir yongs su bsdu ba dang/ legs par yongs su smin par bya ba'i phyir yongs su bsdu ba dang/ legs bar rnam par grol bar bya ba'i phyir yongs su bsdu ba'o zhes bshad do/ /bstan bcos rnal 'byor spyod pa'i sa las yongs su smin pa ni mdor bsdu na rnam pa drug tu rig par bya ste yongs su smin pa'i ngo bo nyid 'di lta ste/ dge ba'i chos kyi sa bon dang/ dge ba'i chos la kun tu bsten pa'i ngo bo nyid gang yin pa'o/ /de la yongs su smin pa'i gang zag rnams ni mdor bsdu na rnam pa bzhi ste/ theg pa gsum gyi rigs can dang/ rigs med pa'i gang zag gang yin pa'o/ /yongs su smin pa'i rnam pa'i dbye ba ni mdor bsdun na rnam pa drug ste/ dbang po yongs su smin pa dang/ shes pa yongs su smin pa dang/ yongs su smin pa chung ngu dang/ chen po'o/ /de la yongs su smin par bya ba'i thabsni rnam pa nyi shu rtsa bdun du rig par bya ste/ khams brtas pa nas/ de gnyi ga yongs su smin pa'i bar du'o/ /de la yongs su smin pa'i gang zag ni rnam ba drug ste/ mos pas spyod pa'i sa pa sa'i mdun rol pa dang/ lhag pa'i bsam pa dag pa ste/ sa dang po ba dang/ spyod pa'i sa la gnas pa ste/ sa gnyis pa nas sa bdun pa'i bar dang/ nges pa'i sa la
- 16a
gnas pa ste/ sa brgyad pa dang/ spyod par des par grub pa'i sa la gnas pa ste/ sa dgu pa dang/ mthar thug pa'i sa la gnas pa ste/ sa bcu pa dang sangs rgyas kyi sa gang yin pa'o/ /de yongs su smin pa'i gang zag ni mtshan nyid 'di lta ste theg pa gsum gyi gang zag ni re re la yang rnam pa'i dbye ba rnams gsuM gsuM yod de zhes bshad do/ /zhib tu de nyid las bstan pa bzhin no/ /de la skye ba rnam par dag pa zhes bya ba ni 'di lta ste/ byang chub sems dpa' rnams sems can la phan gdags pa'i phyir skye ba rnam pa sna tshogs len pa gang yin pa de ni skye ba rnam par dag pa zhes bya ste/ de'i phyir bstan bcos rnal 'byor spyod pa'i sa las/ byang chub sems dpa' rnams kyi skye ba sems can thams cad la phan ba dang/ bde ba'i phyir kha na ma tho ba med pa thams cad ni mdor bsdun rnam pa lnga ste/ lnga gang zhe na/ gnod pa yang dag par zhi bar byed pa dang/ de yang skal pa mnyam par mthun par 'jug pa dang/ chen por skye ba dang/ bdag por skye ba dang/ tha ma'i skye ba'o/ /de la yang gnod pa yang dag par zhi bar byed pa'i skye ba ni 'di lta ste/ 'di la byang chub sems dpa' ni mu ges phongs zhing gnod ba chen po byung ba'i dus dag tu skye bar 'gyur te/ der skyes nas 'gror mdza' dag rang gi shas tshem par byed do/ /sems can na dmang pa rnams la nad de dag rab tu zhi par bya ba'i phyir smon pa btab nas rig sngags 'chang grub pa'i sman chen no'i lus yongs su 'dzin par byed do/ /pha rol gyi dmag tshogs kyi shin tu gnod par 'gyur ba'i sems can dag la ni chos bzhin du snyoms par thabs la mkhas pas pha rol gyi dmag tshogs kyi gnod pa rab tu zhi bar bya ba'i phyir stobs dang ldan pa'i rgyal por 'gyur ro/ /sems can phan tshun mi mthun pa rnams la ni sdums bya ba dang/ kho na? gyi bsam pa spang ba'i phyir tshig btsan par 'gyur ba la sogs pa'o/ /de dang skal pa mnyam par mthun par 'jug pa'i skye ba ni 'di lta ste 'di la byang chub sems dpa' ni smon lam gyis sam/ dbang thob pas 'gro ba drug po dag gi skye gnas rnam pa sna tshogs su skyes par gyur nas/
- 16b
de dag dge ba gang kun tu mi spyod pa de ni kun tu spyod do/ /dge ba kun tu spyod par bya ba'i phyir yang chos ston pa gang yin pa de ni skal pa mnyam par mthun par 'jug pa'i skye ba zhes bya'o/ /chen por skye ba'i ni 'di lta ste 'di la byang chub sems dpa' ni skye ba na rang bzhin gyis 'jig rten thams cad las khyad par du 'phags pa'i tshe dang/ kha dgog? rigs dang dbang phyug la sogs pa'i rnam par smin pa mngon par 'grub par 'gyur ba'o/ /de la bdag por skye ba ni 'di lta ste/ byang chub sems dpa' i sa rab tu dga' ba dang po nas bzung ste/ sa bcu pa'i bar dag gi skye ba brjod pa dzam+bu gling gi dbang phyug nas bzung ste/ 'og min las 'das nas skye ba'i gnas thams cad la khyad par du 'phags pa gang du gnas pa mchog thob pa na kho na'i byang chub sems dpa' i rnams skye bar 'gyur ba dbang phyug chen po'i bar de ni/ de'i bdag por skye ba zhes bya ste/ de ni de dag gi las kyi dbang gi grub pa yin no/ /de la tha ma'i skye ba ni 'di lta ste/ skye ba ni gang du byang chub sems dpa' i byang chub kyi tshogs yongs su rdzogs nas mdun na 'don gyi khyim 'am/ rgyal po'i pho brang du skye ste/ bla na med pa yang dag par rdzogs pa'i byang chub mngon par rdzogs par 'tshang rgya zhir/ sangs rgyas kyi phrin las thams cad kyang mdzad pa de ni tha ma'i skye ba yin te phyi ma zhes bya'o/ /byang chub sems dpa' 'das pa dang/ ma 'ongs pa dang/ da ltar byung ba'i dus dag tu dge ba dang bzang ba dang/ shis pa'i skye ba rnams su? skyes pa dang/ skye bar 'gyur pa dang/ skye pa gang su dag kyang rung/ skye ba de dag thams cad kyang skye ba lnga po 'di dag tu skye bar zang de/ 'di las gong na yang med do/ /'di las lhag pa yang med do/ /byis pa'i sar skye ba ni ma gtogs te/ de ci'i phyir zhe na/ 'di ltar skye ba lnga po 'di dag gyi ni byang chub sems dpa' mkhas pa rnams kyi yin par 'dod pa'i phyir ro/ /skye ba de dag ni byang chub chen po pa'i 'bras bu can yin te/ de dag la brten nas byang chub sems dpa' rnams myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes 'byung ba yin te/ de ni skye ba rnam par dag pa zhes bya ste/ zhib tu de
- 17a
nyid las bstan pa bzhin no/ /legs pa'i tshul khrims bstan pa'i mdo dang/ bstan bcos sa yongs su 'dzin pa las kyang phal cher rnal 'byor spyod pa'i sa las bstan pa dang mthun par bshad do/ /gzhan yang byang chub sems dpa' i skye ba len pa'i rgyu dang rkyen rnam pa bzhi dang ldan na skye ba rnam par dag pa zhes bya ste/ rgyu dang rkyen rnam pa bzhi ni 'og nas bstan pa las 'byung ba bzhin du rig par bya'o/ /sa la gnas pa'i byang chub sems dpa' nyes bar spyod pa yongs su skangs? pa yin na ji ltar gnod pa yang dag par zhi bar byed pa la soD pa'i skye ba srid ce na/ smras pa dang/ sprul pa la dgongs nas de skad bshad de/ de'i phyir 'phags pa shes rab kyi pha rol tu phyin pa'i mdo las/ ji ltar na byang chub sems dpa' sems dpa' chen po rnams rang gi 'phags pa'i zag pa ma mchis pa'i chos der g.yongs su grub par gyur kyang ngan 'gro'i skye ba rnams su skye ba len par bgyid lags/ bcom ldan 'das kyis bka' stsal pa/ rab 'byor 'di ji snyam du sems /ci de bzhin gshegs pas ngan 'gro'i skye ba sprul pa de yang dag par ngan 'gro yin zhing de dag gis sdug bsngal myong bar 'gyur ram// rab 'byor gyis gsol pa bde bar gshegs pa de ma lags so/ /de bzhin gshegs pas ngan 'gror skye pa'i lus ston par mdzad kyang yang dag par ngan 'gro'i skye ba ma lags shing de dag gi sdug bsngal myong bar mi 'gyur ro/ /bcom ldan 'das kyis rab 'byor la bka' stsal pa/ byang chub sems dpa' sems dpa' chen po rnams kyang de bzhin te/ rang gi rnam par dag pa zag pa med pa'i chos thams cad yongs su grub kyang sems can rnams yongs su smin par bya ba'i phyir/ thabs kyi ngan 'gro'i lus yang dag par len par byed de/ lus de yang dag par blangs pas kyang ci rigs par sems can rnams yongs su smin par byed do zhes gsungs so/ /gzhan yang de nyid las byang chub sems dpa' rnams ni ngan 'gro'i lus rnam pa sna tshogs len par ston par byed de/ de dag gi lus yang dag par len par byed kyang/ yang dag par de dag gis
- 17b
lus kyang ma yin la/ de dag gis nyes pas kyang gos par mi 'gyur ro zhes gsungs te/ rgya cher de nyid las bstan pa bzhin no/ /byang chub sems dpa' sems dpa' chen po rnams kyang de bzhin te zhes gsungs pa dang/ gzhan yang yang dag par de dag gi lus kyang ma yin no zhes gsungs pa'i? phyir sprul pa yin gyi yang dag pa'i yus ma yin par shes par bya'o/ /gal te sprul pa'i lus yin na go /de bzhin gshegs pa de dag mtshungs pa yin na/ ci'i phyir sangs rgyas kyi skabs su skye ba rnam par dag pa ma gtogs zhes bstan ce na/ smras pa/ ngan song rnam pa gsum po dag du de bzhin gshegs pa dang tha dad pa med kyang lha dang mi'i gnas su byang chub sems dpa' skye ba yang dag par len pa yang yod pas/ de phyir sangs rgyas kyi gnas skabs su skye ba rnam par dag par ma gtogs zhes bstan te/ 'di ltar skye ba rnam pa lnga las/ dang po gnyis ni de bzhin gsher pa dang mtshungs so/ /phyi ma gsum ni de bzhin gshegs pa dang bye brag yod pas so/ /de la mthu zhes bya ba ni mthu stobs la bya ste/ bstan bcos rnal 'byor spyod pa'i sa'i nang nas mthu'i le'u las ji skad bstan pa bzhin te/ de'i phyir bstan bcos de nyid las/ sangs rgyas dang byang chub sems? dpa' line missing
- 18a
skyes pa'i ngo mtshar rmad du byung ba'i chos gang yin pa de dag gi lhan cig skyes pa'i mthu yin par rig par bya'o/ gzhan yang sangs rgyas dang byang chub sems dpa' rnams kyi mthu de yang rnam pa'i rab tu dbye bas rnam pa lngar 'gyur te/ mngon par shes pa'i mthu dang/ chos kyi mthu dang/ lhan cig skyes pa'i mthu dang/ nyan thos dang rang sangs rgyas rnams dang/ thun mong du gyur ba'i mthu dang/ thun mong ma yin pa'i mthu'o/ /de la mngon par shes pa drug po rdzu 'phrul gyi yul dang/ lha'i rna ba dang/ sems kyi rnam grangs dang/ sngon gyi gnas rjes su dren pa dang/ 'chi 'pho dang/ skye ba mthong ba dang/ zag pa zad pa'i shes pa mngon sum du bya ba na mngon par shes pa'i mthu zhes bya'o/ /sbyin pa'i pha rol tu phyin pa nas/ shes rab kyi pha rol tu phyin pa'i bar gyi mthu gang yin pa de ni chos kyi mthu zhes bya'o/ /lhan cig skyes pa'i mthu ni 'di lta ste/ rang bzhin gyi tshe rabs dgongs pa dang/ sems can rnams kyi don gyi phyir so sor ma brtags par yang sdug bsngal yun ring po rnam pa sna tshogs mi zad pa rgyun mi 'chad pa rnams bzod cing ji mi snyam pa la sogs pa'o/ /de la thun mong dang mthun mong ma yin pa yin pa ni mdor bsdu na rnam pa gsum du rig par bya ste/ cha phra ba dang/ rnam pa dang/ khams so/ /'di la de bzhin gshegs pa'am/ byang chub sems dpa' ni mthu'i thabs dpag tu ? grangs med pas ji ltar sems can dpag tu med grangs med pa rnams kyi don mdzad pa de yang dag pa ji lta ba bzhin du rab tu mkhyen pa de lta bu ni cha phra ba zhes bya'o/ /mngon par shes pa'i mthu dang/ chos kyi mthu dang/ lhan cig skyes pa'i mthu rnam pa thams cad dang ldan pa de ni rnam pa zhes bya'o/ /'jig rten gyi khams thams cad dang/ sems can gyi khams thams cad de'i mthu'i yul du gyur pa gang yin pa de ni khams zhes bya'o/ /nyan thos mngon par shes pa'i yul ni stong gnyis pa'i 'jig rten gyi khams dang/ sems can gyi khams yul du gyur ba'i yin no/ /rang sangs rgyas kyi mngon par shes pa'i yul
- 18b
ni stong gsum pa'i 'jig rten gyi khams thams cad yul du gyur pa yin no/ /de ci'i phyir zhe na/ 'di ltar de dag ni bdag gcig du 'dul pa'i phyir zhugs pa yin gyi/ sems can thams cad kyi phyir ma yin pas de'i phyir de dag gi mthu'i yul ni 'jig rten gyi khams gcig bur zad do/ /rnam pa 'di dag ma gtogs pa sangs rgyas dang byang chub sems dpa' rnams kyi mthu de las gzhan pa ni nyan thos dang/ rang sangs rgyas rnams dang/ thun mong ma yin par rig par bya'o/ /de'i phyir de ltar nyan thos dang/ rang sangs rgyas rnams kyang sangs rgyas dang byang chub sems dpa' mngon par shes pa dang/ mnyam pa ma yin na/ lha dang/ mi dang/ mu stegs can so so'i skye bo thams cad dang lta mtshungs re skan zhes bstan pa yin no/ /legs pa'i tshul khrims bstan pa'i mdo las mngon par shes pa'i le'u dang/ bstan bcos sa yongs su 'dzin pa'i nang nas mthu'i le'u las kyang phal cher rnal 'byor spyod pa'i sa las bstan pa dang mthun par 'byung ste/ gong du bstan pa lta bu'i mthu dang ldan pa'i phyir mthu rnam par dag pa zhes bya'o/ /rigs kyi bu sa dang po la lhag pa'i bsam pa rnam par dag ba nas/ mthu rnam par dag pa'i bar gang yin pa dang/ sa gong ma gong ma rnams dang/ sangs rgyas kyi sa'i bar la lhag pa'i bsam pa rnam pa dag ba nas mthu rnam par dag pa'i bar gang yin pa'i rnam par dag pa de dag ni gong nas gong du khyad par du 'phags par rig par bya ste/ sangs rgyas kyi sa la ni skye ba rnam par dag pa ma gtogs so zhes bya ba'i dman chad ni gsum pas rnams las brtsams nas khyad par du 'phags pa ma yin pa rnam par dbye ba ston to/ /'di yang rnam pa gnyis te/ khyad par du 'phags pa rnam pa brgyad las brtsams nas khyad par du 'phags pa dang/ khyad par du 'phags pa ma yin pa rnam par dbye ba dang/ gzhan yang sa dang be zhes bya ba man chad spyir yon tan gzhan dag las ba rtsa mis nas khyad par du 'phags pa dang/ khyad par du 'phags pa ma yin pa rnam par 'byed pa ste 'di ni dad pa'o/ /'di ltar sa dang po nas sa bcu pa'i bar du sa
- 19a
re re phang? gong nas gong du khyad par du 'phags pa rnam pa brgyad dang ldan pa yin la/ sangs rgyas kyis la ni rnam pa bdun kho na ste/ skye ba rnam par dag pa ma gtogs pa ni gnod pa gang yang dag par zhi bur byed pa'i skye ba la sogs pa la dgongs nas bstan pa yin no/ /bstan bcos rnal 'byor spyod pa'i sa la sogs pa las skye ba yang dag par lan pa rnam pa lnga bstan pa yang/ sa bcu kho na la bstan pa yin gyi/ sa'i mdun rol pa dang /sangs rgyas kyi sa ni ma gtogs pa'i phyir ro/ /gzhan yang? sa bcu pa dag gis rnam par smin pa'i 'bras bu bsdus pa yin te/ rgyal po bcu rnam par smin pa'i bdag nyid ni dngos po dang bcas pa dang/ rnam par 'gyur ba yang gtogs pas sa'i mdun rol gyi zag pa dang bcas pa'i pha rol tu phyin pa rnams kyi bdag pa'i rkyen byas pa gang yin pa de ni yongs su dag pa'i rgyu las byung ba yin te de'i bdag nyid kyi khyad par du 'phags pa'i rnam par smin pa'i 'bras bu yin pa'i phyir/ skye ba rnam par dag pa zhes bya ste/ de'i phyir 'og nas mdo las kyang/ dge ba'i rtsa ba shin tu rnam par dag pa bsags pa las byung ba'i phyir zhes gsungs pas skye ba rnam par dag pa ma gtogs so/ /gzhan yang sa dang po'i yon tan ji snyed pa dag ni sa gong ma rnams la yang mnyam pa nyid du yod kyang/ rang gi sa'i yon tan gyi khyad par du 'phags par rig par bya'o/ /zhes bya ba la sogs pas ni/ gnyis pa yon tan gzhan dag las khyad par du 'phags pa dang/ khyad par du 'phags pa ma yin pa rnam par 'byed de/ /'di yang rnam pa gnyis te/ khyad par du 'phags pa ma yin pa bstan pa dang/ bla na yod pa dang/ bla na med pa'i bye brag bstan pa ste/ 'di ni dang po khyad par du 'phags pa ma yin pa bstan pa'o/ /'di ltar sa dang po yon tan ji snyed yod pa dag ni sa re re kun la yang yod de/ ji ltar pha rol tu phyin pa bcu po dag sa rnams kun la yod kyang/ sa dang po la ni sbyin pa'i pha rol tu phyin pa khyad par du 'phags pa yin la gzhan dgu po dag ni khyad par du 'phags pa ma yin pa dang/ sa gnyis pa la ni
- 19b
tshul khrims kyi pha rol tu phyin pa khyad par du 'phags pa yin la/ gzhan dgu po dag la ni khyad par du 'phags pa ma yin pa lta bu ste/ sA? gzhan rnams la yang 'di bzhin du rig par bya'o/ /byang chub sems dpa' i sa bcu po'i yon tan thams cad ni bla na yod pa yin la/ sangs rgyas kyi sa'i yon tan ni bla na med pa yin par rig par bya'o zhes bya ba gnyis bla na yod pa dang bla na med pa'i bye brag las sa rnam par 'byed pa'o/ /sa bcu'i yon tan dag ni yang gang na khyad par du 'phags pa dang bcas pa'i phyir bla na yod pa yin la/ sangs rgyas kyi sa'i yon tan ni khyad par du 'phags pa gzhan med pa'i phyir bla na med pa zhes bya'o/ /legs pa'i tshul khrims bstan pa'i mdo las/ bla na med pa'i byang chub ni bla na med pa'i rnam pa bdun dang ldan pa'i phyir bla na med pa zhes bya ste/ mtshan sum cu rtsa gnyis kyis skur brgyan pa'i phyir dang/ bla na med pa'i bdag dang gzhan la phan 'dogs pa'i bde ba yongs su 'dzin pa'i phyir dang/ phun sum tshogs pa bla na med pa ni 'di lta ste/ sku tshe phun sum tshogs pa dang/ tshul khrims phun sum tshogs pa dang/ spyod pa phun sum tshogs pa'i phyir dang/ ye shes bla na med pa ni 'di lta ste/ so so yang dag par rig pa bzhi la sogs pa'i phyir dang/ bsam gyis mi khyad ba bla na med pa ni 'di lta ste/ pha rol tu phyin pa drug phun sum tshogs pa'i phyir rang rnam par grol pa bla na med pa ni 'di lta ste/ de bzhin gshegs pa'i sgrib pa gnyis po dag bcom pa'i phyir dang/ spyod pa bla na med pa ni 'di lta ste/ 'phags pa'i spyod pa dang/ lha'i spyod pa dang/ tshangs pa'i spyod pa dang ldan pa'i phyir ro/ /de bzhin gshegs pa ni bla na med pa ni bla na med pa'i sku yin pa'i phyir skyes bu chen po zhes bya'o/ /yongs su 'dzin pa bla na med pa'i phyir thugs rje chen po can zhes bya'o/ /phun sum tshogs pa bla na med pa'i phyir pha rol tu phyin pa zhes bya'o/ /ye shes bla na med pa'i phyir thams cad mkhyen pa zhes bya'o/ /bsam gyis mi khyab pa'i phyir bla na med pa zhes bya'o/ /rnam par ? pa bla na med pa'i phyir mya ngan las
- 20a
'das pa zhes bya'o/ /spyod pa bla na med pa'i phyir yang dag par rdzogs pa'i sangs rgyas zhes bya'o/ /zhes gsungs te/ don rnam pa 'di bdun dang ldan pa'i phyir sangs rgyas kyi yon tan ni bla na med pa zhes bya'o// //bam po lnga bcu bdun pa/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ /bcom ldan 'das ci'i slad du byang chub sems dpa' i skye bo ni srid par skye ba rnams kyi nang na rab mchog ces bgyid lags zhes bya ba 'di man chad ni lnga ba skye ba khyad par du 'phags pa las brtsams nas sa rnams rab tu dbye ba ston to/ /'di yang rnam pa rnam pa gnyis te/ zhu ba gsol ba dang/ lan du gsungs pa'o/ /'di ni dang po byang chub sems dpas zhu ba gsol ba dang/ 'di ltar sngar skye ba khyad par du 'phags pa zhes gsungs pas/ de don gang la dgongs pa'i phyir khyad par du 'phags pa zhes bgyi lags zhes bya ba'i tha tshig go/ bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu rgyu dang rkyen rnam pa bzhi'i phyir te zhes bya ba la sogs pas ni/ gnyis pa de bzhin gshegs pas yang dag par lan du gsungs pa ston to/ /'di yang rnam pa gnyis su dbye ste/ grangs lan mdor gsungs pa dang rkyen rnam pa bzhi pa rnam par phye nas bstan pa ste/ 'di ni dang po'o/ /dge ba'i rtsa ba shin tu rnam par dag par bsags pa las byung ba'i phyir dang/ ched du yid kyis so sor brtag pa'i stobs kyi len pa nyid kyi phyir dang/ snying brtse bas sems can rnams yongs su bskyab pa'i phyir dang/ bdag nyid kun nas nyon mongs pa med pa nyid kyi gzhan gyis kun nas nyon mongs pa rnam par sel ba'i phyir ro zhes bya ba ni gnyis pa rkyen rnam pa bzhi rnam par phye ste bstan pa'o/ /dang po ni byang chub chen po yongs su tshol ba'i dge ba'i rtsa ba shin tu rnam par dag pa bsags pa las byung ba'i phyir te/ 'di ni bstan bcos rnal 'byor spyod pa'i sa las shes pa'i stobs kyi skye ba len pa zhes bstan pa nyid do/ /gnyis pa ched du yid gnyis kyi so sor
- 20b
brtags pa zhes bya ba ni smon lam gyi stobs kyis skye ba len pa ste/ de phyir bstan bcos mdo sde'i rgyan las/ de la smon lam gyi stobs kyis skye ba len pa chen po la zhugs pa'i byang chub sems dpa' gang yin pa'o zhes bshad de/ gang du bstan pa rnam pa 'di gnyis ni nye ba'i rkyen yin no// gsum pa snying brtse ba zhes bya ba 'dis ni sa la gnas pa'i byang chub sems dpa' dag sems can yongs su bskyab pa'i phyir skye ba yang dag par len pa yin par bstan te/ de'i phyir 'phags pa dri ma med par grags pas bstan pa'i mdo las/ byang chub sems dpa' ni sems can gyi phyir 'khor bar 'jug go zhes gsungs pa yin no/ /bzhi pa ni bdag nyid kun nas nyon mongs pa nyid kyis gzhan kun nas nyon mongs pa sel ba'i phyir te/ 'di ltar sa la gnas pa'i byang chub sems dpa' nyon mongs pa dang/ shes bya'i sgrib pa spang pa'i phyir gzhan gyi kun nas nyon mongs pa rnam sel bar byad te/ gal te bdag nyid nyon mongs pa dang ldan par gyur na gzhan gyi bsal bar mi nus pas de'i phyir 'phags pa dri ma med par grags pas bstan pa'i mdo las/ bdag nyid nad las bskyab par yang mi nus na gzhan rnams ji ltar yongs su skyab par nus so zhes gsungs pa yin no/ /gzhan yang de nyid las bdag nyid 'ching ba dang ldan pas gzhan dag gi 'ching ba las grol bar byed pa ni gnas med do/ /bdag nyid 'ching ba med pas gzhan 'ching ba laS grol bar byed pa ni gnas yod do zhes gsungs te/ 'phags pa sa bcu'i 'grel pa las kyang de skad du bshad do/ /'di ltar khyad par du 'phags pa zhes gsungs pa de skye ba gang la dgongs pas gsungs she na/ smras pa/ gong du bstan pa'i gnod pa yang dag par zhi bar byed pa'i skye ba la sogs pa'i rnam pa lnga la dgongs nas gsungs pa yin par bstan na yang don du 'gal ba med do/ /bstan bcos mdo sde'i rgyan las/ byang chub sems dpa' i skye ba len pa ni mdor sdu na rnam pa bzhi'o zhes bshad de/ de'i phyir de nyid las/ byang chub sems dpa' i skye ba rnam pa bzhi rnam par dbye ba'i tshigs su bcad pa ni/ las kyi stobs dang smon lam stobs
- 21a
ting 'dzin stobs dang mngon shes stobs/ /stobs bzhi 'di la brten nas ni/ /byang chub sems dpa' skye ba len/ zhes 'byung ste/ 'di nyid kyi 'grel pa las/ de la skye ba rnam pa bzhi la yang las kyi stobs la dbang thob pa ni ji ltar 'dod pa bzhin du skye pa len pa'i phyir ro/ /smon lam gyi stobs kyis skye ba ni 'di lta ste/ sa chen por zhugs pa'i byang chub sems dpa' smon lam gyi stobs kyi dbang gis gzhan yongs su smin par byed pa'i phyir byol song la sogs pa'i skye ba len pa'i phyir ro/ /ting nge 'dzin gyi stobs kyi skye ba ni 'di lta ste/ ting nge 'dzin la dbang thob pa'i byang chub sems dpa' i ting nge 'dzin gyi stobs kyi dbang gis gong ma'i skye ba spangs nas 'og ma'i skye ba len pa'i phyir ro/ /mngon par shes pa'i skye ba ni 'di lta ste/ mngon par shes pa thob pa'i byang chub sems dpas mngon par shes pa'i stobs kyi dbang gis dga' ldan gyi gnas la sogs par mtshan ma rnams bstan nas skye ba len pa'i phyir ro zhes 'byung ngo/ /mdo 'di las ni dang po las kyi stobs ma gtogs pa skye ba gzhan rnams las brtsams nas bstan pa yin no/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das rgyu dang rkyen gang gi slad du byang chub sems dpa' rnams ni smon lam rgya chen po dang/ smon lam gya nom pa dang/ smon lam mchog spyod pa zhes bka' stsal lags zhes bya ba 'di man chad ni drug pa smon lam rnam pa gsum las/ brtsams nas sa rnams rnam par dbye ba bstan to/ /'di yang rnam pa gnyis te/ zhu ba gsol ba dang/ lan du gsungs pa ste/ 'di ni dang po smon lam rnam pa gsum bskyed pa'i rgyu dang rkyen zhus pa'o/ /smon lam rnam pa gsum po 'di yang so so nas bshad pa mi mthun te/ kha cig na re sems can rnams la dmigs pa gang yin pa de ni/ smon lam rgya chen po zhes bya ste/ dmigs pa rgya che ba'i phyir ro/ /gong du byang chub yongs su tshol ba gang yin pa de ni/ smon lam gya nom pa zhes bya ste/
- 21b
gya nom par mngon par rdzogs par 'tshang rgya bar smon pa'i phyir ro/ /rnam pa gnyis pa 'di nyid las smon lam mchog ces bya ste/ theg pa gnyis kyi smon lam dang/ sa'i mdun rol pa'i smon lam las yang dag par 'das pa'i phyir ro zhe'o/ /kha cig na re smon lam rnam pa gsum po dag rkyen rnam pa bzhi'i brtsamS nas bstan pa yin te/ rkyen dang po gnyis kyis ni smon lam rgya chen po bstan to/ /rkyen gsum pas ni smon lam gya nom pa bstan pa'o/ /rkyen bzhi pas ni smon lam rgya chen po bstan pa yin no zhe'o/ /kha cig na re smon lam gsum po dag de ro nyid gcig pa yin yang don gyi rjes su gsum du bstan pa yin te/ dmigs pa rgya che ba'i phyir smon lam chen po zhes bya'o/ /theg pa gnyis las khyad par du 'phags pa'i phyir/ gya nom pa dang mchog ces bya'o/ /bcom ldan 'das kyis byang chub sems dpa' 'phags pa spyan ras gzigs dbang phyug la bka' stsal pa rigs kyi bu/ rkyen rnam pa bzhi'i phyir te zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang rnam pa gsum du dbye ste/ grangs smos nas lan mdor gsungs pa dang/ rnam par phye ste bshad pa dang/ rkyen rnam pa bzhi bstan pa'i mjug bsdu ba ste/ 'di ni dang po rkyen rnam pa bzhis lan 'dor gsungs pa nyid kyi smon lam rnam pa gsum bskyed pa bstan pa yin gyi/ smon lam rnam pa gsum gyi bye brag gi mtshan nyid rnam par phye ste bsten pa ni ma yin no/ /'di ltar byang chub sems dpa' rnams ni mi gnas mya ngan las 'das pa'i bde ba la gnas pa mkhas shing myur du thob par nus pa zhes bya ba la sogs pas ni gnyis pa rkyen rnam pa bzhis rnam par phye nas bshad pa ston to/ /'di ni dang po mya ngan las 'das pa thob par nus pa bstan pa'o// myur du thob nas kyang bde bar gnas pa yang spong ba zhes bya ba ni gnyis pa med par gnas pa myur du spong bar bstan pas te/ 'di ni rtag pa snying rje chen po skye ba'i phyir yongs su mya ngan las mi 'da' ba' o/ /rkyen med cing bltos pa med par yang smon lam chen po'i sems skye ba
- 22a
zhes bya ba ni rkyen gsum po ston te/ lan du phan 'dogs pa la mi dmigs shing/ lan du phan 'dogs pa la mi bltos par yang snying rje chen po'i sems skye ba ste/ de'i phyir dgongs pa zab mo rnam par grol ba'i mdo las/ lan du phan 'dogs pa'i phyir sems rgya chen po bskyed pa ma yin zhes gsungs so/ /mtshams rnam par grol ba'i mdo las ni dgos pa med cing bya ba med par yang zhes 'byung ngo/ /sems can rnams la phan 'dogs phyir sdug bsngal mang po sna tshogs yun ring du gnas pa ste zhes bya ba ni rkyen rnam pa bzhi bstan pa ste/ rkyen rnam pa lnga las ni 'dir ni gnod pa yang dag par zhi bar byed pa'i skye ba'am/ yang dag skal pa mnyam pa mthun par 'jug pa'i skye ba nyid do/ /de'i phyir byang chub sems dpa' de dag smon lam rgya chen po dang/ smon lam gya nom pa dang/ smon lam mchog spyod pa zhes bshad do/ /zhes bya ba ni gsum pa spyi'i mjug bsdu ba yin par rig par bya'o/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das byang chub sems dpa' rnams kyis bslab par bgyi ba'i gzhi du mchis lags zhes bya ba 'di man chad ni gnyis pa pha rol tu phyin pa rnams rgya cher bshad pa zhes bya ba ston to/ /'di yang sgo rnam pa bco brgyad yod pa nyid las rnam pa bco brgyad du dbye ste/ bslab par bya ba'i rnam grangs mang nyung bstan pa'i sgo dang/ bslab pa gsum po dag bsdu bar rnam par dbye ba'i sgo dang/ bsod nams dang ye shes kyi tshogs su bsdu ba rnam par dbye ba'i sgo dang/ mtshan nyid rnam pa lngas pha rol tu phyin pa drug bslab par bstan pa'i sgo dang/ pha rol tu phyin pa rnams kyi grangs 'phel 'grib med par bstan pa'i sgo dang/ pha rol tu phyin pa rnams kyi go rim bstan pa'i sgo dang/ pha rol tu phyin pa rnams kyi rnaM par rab tu dbye ba'i sgo dang/ pha rol tu phyin pa rnam par dag pa'i rnaM pI grangs bstan pa'i sgo dang/ mtshan nyid rnam pa lnga po dag gis las
- 22b
rnam pa lnga rab tu dbye ba'i sgo dang/ shin tu rgya che ba la sogs pa'i mtshan nyid rnam pa lnga bstan pa'i sgo dang/ pha rol tu phyin pa drug gi rgyu dang 'bras bu zad mi shes pa nyid du bstan pa'i sgo dang/ pha rol tu phyin pa la sred cing pha rol tu phyin pa'i 'bras bu la mi sred par bstan pa'i sgo dang/ pha rol tu phyin pa'i mthu'i rnam par bstan pa'i sgo dang/ pha rol tu phyin pa rnams kyi rgyu dang 'bras bu rab tu dbye ba'i sgo dang/ sems can rang gi las kyi nyes pa yin par bstan pa'i sgo dang/ shes rab kyi chos rnams kyi ngo bo nyid med par yongs su 'dzin par bstan pa'i sgo dang/ pha rol tu phyin pa rnam pa gsum bstan pa'i sgo ste/ 'di ni dang po bslab par bya ba'i rnam ba'i grangs mang nyung bstan pa'i sgo'o/ /'di yang zhu ba gsol ba dang/ lan du gsungs pas bstan te/ 'di ni zhu ba gsol ba'i sgo nyid do/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu byang chub sems dpa' i bslab par bya ba'i gzhi ni mdor bsdu na rnam pa drug yod de/ zhes bya ba la sogs pa ni/ gnyis pa de bzhin gshegs pas yang dag par lan du gsungs pa'o/ /'di yang rnam pa gnyis te/ grangs smos nas lan 'dor gsungs pa dang/ grangs smos pa bzhin du ming bkod pa'o/ /'di ni dang po grangs smos nas lan mdor gsungs pa ste/ 'di ltar bslab par bya ba'i gzhi ni mdor bsdu ba na rnam pa drug go zhes bya ba'i tha tshig go /'di lta ste/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab kyi pha rol tu phyin pa'o zhes bya ba ni gnyis pa grangs smos pa bzhin du ming bkod pa'o/ /pha rol tu phyin pa drug po 'di yang spyi dang bye brag gi ming gis bstan te/ de la pha rol tu phyin pa drug ces bya ba ni ci'i ming ngo/ /sbyin pa dang/ tshul khrims zhes bya ba la sogs pa ni bye brag gi ming ngo/ /pha rol tu phyin pa de yang bstan pa rnams la so so nas bshad pa mi mthun te/ bstan bcos rnal 'byor spyod pa'i sa las ni don rnam pa gsum gyis na pha rol tu phyin pa zhes bya ste/
- 23a
dus dang rang bzhin rnam par dag pa dang/ 'bras bu mchog 'thob par byed pas so zhes bshad do/ /de'i phyir bstan bcos de nyid las chos bcu po 'di dag ni shin tu yun ring po bskal pa grangs med pa gsum gyis yang dag par 'grub pa dang/ de ma yin pa 'jig rten pa dang/ nyan thos dang/ rang sangs rgyas kyi dge ba'i rtsa ba thams cad pas rang bzhin rnam par dag pa'i khyad par dang/ byang chub mchog gis 'bras bu yongs su 'dzin pa'i phyir dus kyi mchog gis yang dag par 'grub pa dang/ rang bzhin rnam par dag pa'i mchog gis rnam par dag pa dang/ 'bras bu'i mchog sbyin par byed pas na de'i phyir pha rol tu phyin pa zhes 'byung ba yin no/ /legs pa'i tshul khrims bstan pa'i mdo dang/ bstan bcos yongs su 'dzin pa las kyang phal cher rnal 'byor spyod pa'i sa las bstan pa dang mthun bar bshad do/ /bstan bcos theg pa chen po bsdus pa'i 'brel pa lyang gi tshe bsgyur ba las ni mtshungs pa med pa gsum gyis pha rol tu phyin pa'o/ /zhes bstan te/ de'i phyir 'grel pa de nyid las/ de la dus mtshungs pa med pa ni 'di lta ste/ bskal pa grangs med pa gsum gang yin pa'o/ /sbyor ba mtshungs pa med pa ni 'di lta ste/ bsgom pa rnam pa bzhi la sogs pa'o/ /'bras bu mtshungs pa med pa 'di lta ste/ sku gsum po dag go/ byang chub sems dpa' ji tsam du pha rol tu phyin pa rnams bsgom pa dag ni don rnam pa 'di bzhi dang ldan pa'i phyir spyir pha rol tu phyin pa zhes brjod do zhes 'byung ste/ zhib tu de nyid la bstan pa bzhin no/ /bstan bcos theg pa chen po bsdus pa las ni pha rol tu phyin pa drug po dag ni phul du byung ba'i don gyi phyir pha rol tu phyin pa zhes bya'o zhes bshad do/ /de'i phyir bstan bcos de nyid las pha rol tu phyin pa 'di dag ni nges pa'i tshig ji ltar blta zhe na/ 'jig rten pa dang/ nyan thos dang/ rang sangs rgyas kyi sbyin pa la sogs pa'i dge ba'i rtsa ba thams cad las phul du byung bar pha rol tu 'gro bas de'i phyir pha rol tu phyin pa zhes brjod do zhes
- 23b
'byung ngo/ /slob dpon dbyig gnyen gyis mdzad pa 'grel pa las ni 'jig rten pa dang/ nyan thos dang/ rang sangs rgyas kyi sbyin pa la sogs pa'i pha rol tu phyin pa'i las yang dag par 'das pas na de'i phyir spyod pa pha rol tu phyin pa zhes brjod do/ /slob dpon ngo bo nyid med gyi? 'grel? pa las kyang phal cher de skad du ston to/ 'phags pa shes rab kyi pha rol tu phyin pa'i 'grel pa las ni rnam pa lngas pha rol tu phyin pa zhes ston te/ dang po ni sbyin pa la sogs pa las rab tu ldog pa gyur nas theg pa chung du la phyogs par byed pa ste/ 'phags pa shA ri'i bu la sogs pa ? yin pa de ni tshur rol zhes bya'o/ /ldog pa med par sangs rgyas kyi lam bsgrub par nus pa gang yin pa de ni pha rol tu phyin pa zhes bya'o/ /gnyis pa ni ser sna la sogs pa'i sgrib pa drug pa gang yin pa de ni tshu rol zhes bya'o/ /sbyin pa la sogs pa'i pha rol tu phyin pa drug po dag ni pha rol tu phyin pa zhes bya'o/ /gsum pa ni yod pa dang med pa'i lta ba gnyis po dag ni tshu rol zhes bya'o/ /yod pa dang med par lta ba 'jig par byed pa'i shes pa gang yin pa de ni pha rol tu phyin pa zhes bya'o/ /bzhi pa ni kun tu sbyor ba'i 'ching ba dang bcas pas sbyin pa gtong ba la sogs gang yin pa de ni tshu rol zhes bya'o/ /kun tu sbyor pa'i 'ching ba med pas sbyin pa gtang ba la sogs pa gang yin pa de ni pha rol tu phyin pa zhes bya'o/ /lnga pa ni 'khor ba'i rgya mtsho chen po gang yin pa de ni tshu rol zhes bya'o/ /mya ngan las 'das pa'i grong khyer chen po gang yin pa de ni pha rol tu phyin pa zhes bshad de zhib tu de nyid las bstan pa bzhin no/ /bstan bcos chos mngon pa sna tshogs kun las btus pa las ni khyad par du 'phags pa rnam pa gsum gyis pha rol tu phyin pa zhes bya'o/ zhes ston te/ de'i phyir de nyid las dang po ni rang bzhin gyis khyad par du 'phagS ste/ 'dis ni bsten pa bstan to/ /gnyis pa ni thabs khyad bar du 'phags pa'o/ /gsum pa ni 'bras bu khyad par du 'phags pa'o/ /de la bsten pa zhes bya ba ni 'di lta ste yun ring por ro/ /don rnam pa gsum dang ldan pa'i phyir pha rol tu phyin pa zhes bya'o zhes bshad do/ /gzhan yang de nyid laS
- 24a
khyad par du 'phags par byas pa'i phyir dang/ khyad par du 'phags par 'gro pa'i phyir pha rol tu phyin pa zhes bya ste/ /sangs rgyas dang byang chub sems dpa' thams cad kyis byon pa'i gnas su gyur pa'i phyir ro/ /gzhan yang shes bya'i pha rol tu phyin pa'i phyir pha rol tu phyin pa zhes bya ste/ sangs rgyas kyi rang bzhin la gnas pa'i phyir ro/ /gzhan yang bdag dang gzhan gyi shin tu gnon pa las yongs su skyob bar byed pa'i phyir pha rol tu phyin pa zhes bya ste/ bdag dang gzhan 'khor ba'i rgya mtsho chen po las yongs su zla por byed pa'i phyir ro zhes 'byung ngo/ /de la bye brag gi ming bstan pa ni bstan bcos mdo sde'i rgyan las/ dbul ba rnam par sel ba'i phyir sbyin pa zhes bya'o/ /bsil bar byed pa'i phyir tshul khrims zhes bya ste/ 'di ltar tshul khrims dang ldan pa ni spyod yul rnams shin tu gdung ba'i nyon mongs pa rab tu zhi bar byed pa'i phyir ro/ /khong khro 'joms pa'i phyir bzod pa zhes bya ste/ khong khro bcom nas zad par byed pa'i phyir ro/ /dge ba rnam par 'jog pa'i phyir brtson 'grus zhes bya ste/ dge ba rnam par 'jog pa ni 'di'i stobs kyi grub pa'i phyir ro/ /sems 'dzin par byed pa'i phyir bsam gtan zhes bya ste/ yid nang du sdud pa'i phyir ro/ /de kho na nyid kyi chos shes pa'i phyir shes rab ces bya ste/ don dam pa khong du chud pa'i phyir ro zhes 'byung ngo/ /bstan bcos theg pa chen po bsdus pa las ni ser sna dang dbul ba 'joms pa dang/ longs spyod chen po dang/ bsod nams kyi tshogs thob par byed pa'i phyir sbyin pa zhes bya'o/ /'chal pa'i tshul khrims dang/ ngan 'gro zhi bar byed pa dang/ bde 'gro dang/ ting nge 'dzin thob par byed pa'i phyir/ tshul khrims zhes bya'o/ /khro ba dang/ kho na zad par byed pa dang bdag dang gzhan la bde ba la gnas par byed pa'i phyir bzod pa zhes bya'o/ /le lo dang sdig pa mi dge ba'i chos rnams dang bral bar byed pa dang/ dge ba'i chos tshad med pa rnam par sbel pa'i mthar phyin par byed pa'i phyir brtson 'grus zhes bya'o/ /rnam pa dag yel bar sel ba dang/ nang du sems gnas pa sgrub pa byed pa'i phyir
- 24b
bsam gtan zhes bya'o/ /lta bar gyur pa dang/ 'chal pa'i shes rab thams cad sel ba dang/ yang dag par rnam pa thams cad du chos rnams tha dad pa rab tu shes pa'i phyir shes rab ces bya'o zhes 'byung ngo/ /slob dpon dbyig gnyen gyi mdzad pa'i 'grel pa las ni 'di ltar rgyu'i dus su ser sna bcam nas sbyin pa btang bas 'bras bu'i dus su dbul ba thams cad 'joms pa dang/ longs spyod chen po dang/ bsod nams kyi tshogs rgya cher sogs pa'i phyir sbyin pa zhes bya'o/ /'di ltar rgyu'i dus su 'chal pa'i tshul khrims rnam pa bzhi bar byas pas 'bras bu'i dus su ngan 'gro zhi bar byed pa dang/ ma 'ongs pa ni bde 'gro len pa dang/ da ltar ting nge 'dzin thob par byed pa'i phyir tshul khrims zhes bya'o/ /de ni du pha rol tu phyin pa thams cad la nges pa'i tshig ci rigs par bshad par bya'o/ /bdag dang gzhan de dag bde ba la gnas par byed ces bya ba 'di lta ste/ bdag nyid kyi lus la 'khon pa'i nyes pa'i gnod pa med pa nyid kyis gzhan la sdug bsngal mi skye ba'i phyir bde ba thob par zhes bshad do/ /slob dpon ngo bo nyid kyi 'grel pa las 'di ltar rgyu'i dus su ser sna bcom pa dang/ bsod nams kyi tshogs rgya chen po skyed pas 'bras bu'i dus su yang dbul ba 'joms pa dang/ longs spyod chen po thob pa'i phyir sbyin pa zhes bya ste/ nges pa'i tshig gzhan ni go sla'o zhes 'byung ste/ slob dpon dbyig gnyen gyi mdzad pa'i 'grel pa las ni bsod nams kyi tshogs 'bras bu gtogs par bstan to/ /slob dpon ngo bo nyid med kyi 'grel pa las ni bsod nams kyi tshogs rgyur gtogs par bstan te/ gzhan ni mi mthun pa med pa'o/ /bstan bcos lag na rin po che dang/ 'phags pa phreng ldan ma'i mdo las/ nges pa'i tshig bstan pa ni cung zad tha dang te/ mangs kyi dogs nas 'dir ma brjod do/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ /bcom ldan 'das bslab par bya ba'i gzhi rnam pa drug po de dag las/ du ni lhag pa'i tshul khrims kyi bslab par bsdu lags/ du ni lhag pa'i
- 25a
sems kyi bslab par bsdu lags/ du ni lhag pa'i shes rab kyi bslab par bsdu lags zhes bya ba 'di man chad ni gnyis pa bslab pa gsum po dag bsdu ba rnam par dbye ba'i sgo zhes bya ba ston to/ /'di yang rnam pa gnyis te/ zhu ba gsol ba dang/ lan du gsungs pa bstan te/ 'di ni dang po zhu ba gsol ba nyid do/ /bcom ldan 'das kyis byang chub sems dpa' spyan ras gzigs dbang phyug la bka' stsal ba rigs kyi bu dang po gsum ni lhag pa'i tshul khrims kyi bslab pas bsdus par rig par bya'o/ /bsam gtan ni lhag pa'i sems kyi bslab pas bsdus pas so/ /shes rab ni lhag pa'i shes rab kyi bslab pas bsdus so/ /ngas brtson 'grus thams cad ni 'gro yin par bstan to/ zhes bya ba ni gnyis pa ni de bzhin gshegs pas yang dag par lan du gsungs pa'o/ /'di ltar nus pa'i rjes su tshul khrims kyi snga ma gsum bsdus par gsungs te/ tshul khrims kyi tshogs gang yin pa de ni/ tshul khrims kyi rang bzhin dang/ tshul khrims kyi 'khor du gtogs pa'i phyir ro/ /shes rab ni lhag pa'i shes rab kyi bslab pa yin te/ gsung rab kun las kyang de skad du gsungs pas mdo nyid kyis brda''phrad par zad do/ /brtson 'grus ni gsum char kun la khyab pa yin te/ bslab pa gsum po dge slong bar byed pa'i phyir ro/ /'tshams rnam par grol ba'i mdo dang/ dgongs pa zab mo rnam par grol ba'i mdo las kyang/ mdo 'di las gsungs pa dang mthun par 'byung ngo/ /legs pa'i tshul khrims bstan pa'i mdo las/ lhag pa'i tshul khrims kyis ni tshul khrims kyi pha rol tu phyin pa bsdus so/ /lhag pa'i sems kyis ni bsam gtan gyi pha rol tu phyin pa bsdus so/ /lhag pa'i shes rab kyis ni shes rab kyi pha rol tu phyin pa bsdus so/ zhes gsungs na/ ci'i phyir mdo 'di dang tha dad par gyur ce na/ smras pa/ phan tshun bsdu ba la don mangs pas de phyir de snga? ni bslab pa gsum bstan la/ de'i 'og tu ni phan tshun bsdu ba'i bye brag bstan par bya'o/ /de la bslab pa gsum zhes bya ba ni theg pa chen po bsdus pa'i 'grel pa/ slob dpon dbyig gnyen gyis mdzad pa
- 25b
las/ ji skad du lhag pa'i tshul khrims ni 'di lta ste/ sa bcu po dag gis bsten nas slob par byed pa'i phyir/ lhag pa'i tshul khrims zhes bya ste/ byang chub sems dpa' i sdom pa ji snyed yod pa dag gis mi dge ba rnams mi byed pa'i sems gang yin pa'o/ /lhag pa'i sems ni 'di lta ste/ sems gang du gnas pa'am/ sems la bsten nas slob pa'i phyir lhag pa'i sems zhes bya ste/ ting nge 'dzin rnams gang yin pa'o/ /lhag pa'i shes rab ni 'di lta ste/ mngon du byed bar 'gro ba'i shes rab yin pa'i phyir te/ lhag pa'i shes rab ces bya ba 'am/ yang na shes rab la bsten nas slob par byed pa'i phyir/ lhag pa'i shes rab ces bya ste/ de ni rnam par mi rtog pa'i ye shes so zhes bshad do/ /de la lhag pa zhes bya ba ni/ mchog dang dam pa'i don yin te/ de'i phyir bstan bcos rnal 'byor spyod pa'i sa las/ sangs rgyas kyi bstan pa 'di kho na la slab pa gsum po 'di yod kyi/ 'di la phyi rol pa rnams dang thun mong ma yin pa'i phyir/ 'di ni lhag pa'i don dang/ dbang du bya ba'i don yin no zhes bshad de/ zhib du de nyid las bstan pa bzhin no/ /bslab gsum rgya cher rnam par bshad pa ni theg pa chen pa bsdus pa'i 'grel pa/ slob dpon ngo bo nyid med kyis byas pa/ lyang gi tshe bsgyur ba dang/ bstan bcos rnam par bshad pa dang/ rnal 'byor spyod pa'i sa dang/ chos mngon pa kun las btus pa dang/ lung sna tshogs dang/ rnam par rig pa tsam du grub pa dang/ theg pa chen po bsdus ba las bstan pa bzhin du rig par bya'o/ /de la phan tshun gcig gis gcig sdu ba'i bye brag bstan pa yang legs pa'i tshul khrims bstan pa'i mdo las/ tshul khrims kyis ni lhag pa'i tshul khrims kho na bsdus so/ /bsam gtan gyis ni lhag pa'i sems kho na bsdus so/ /shes rab kyis ni lhag pa'i shes rab kho na bsdus so/ /zhes 'byung gi/ pha rol tu phyin pa gzhan dang sbyar ba ni med de/ de'i phyir mdo 'di nyid las/ pha rol tu phyin pa drug po dag la tshul khrims rnam pa gsum yod de/ tshul khrims kyi rjes su 'brang ba'i tshul khrims dang/ sems kyi rjes su
- 26a
'brang ba'i tshul khrims dang/ shes rab kyi rjes su 'brang ba'i tshul khrims so/ /de la tshul khrims kyi pha rol tu phyin pa ni tshul khrims kyi rjes su 'brang ba'i tshul khrims zhes bya'o/ /bsam gtan gyi pha rol tu phyin pa ni sems kyi rjes su 'brang ba'i tshul khrims zhes bya'o// shes rab kyi pha rol tu phyin pa ni shes rab kyi rjes su 'brang ba'i tshul khrims zhes bya'o zhes gsungs te/ 'di ni rang bzhin gyis gcig gis gcig bsdus pa'o/ /mtshams rnam par grol ba'i mdo dang/ dgongs pa zab mo rnam par grol ba'i mdo las kyang dang po gsum gyis ni lhag pa'i tshul khrims bsdus te/ tshul khrims kyi tshogs dang/ tshul khrims kyi rang bzhin dang/ tshul khrims kyi 'khor yin pa'i phyir ro/ /bsam gtan gyis ni lhag pa'i sems bsdus so/ /shes rab kyis ni lhag pa'i shes rab bsdus so/ /brtson 'grus ni gsum po kun tu 'gro ste/ bslab pa gsum po dag slong ba'i phyir ro/ zhes gsungs te/ 'di ni las kyis gcig gis gcig bsdus pa'o/ /bstan bcos mdo sde'i rgyan las kyang don gyi mdo 'di las gsungs pa dang mthun par bshad de/ de'i phyir de nyid kyi tshig le'ur byas pa las/ dang po gsum ni rnam gnyis dang gcig dang gsum las 'byung ste/ 'di nyid kyi 'grel pa las/ de la dang po gsum zhes bya ba ni 'di lta ste/ pha rol tu phyin pa dang po gsum mo/ /rnam pa gnyis zhes bya ba ni 'di ltar pha rol tu phyin pa dang po gsum ni tshogs dang 'khor gnyis su 'gyur bas tshul khrims ni tshogs yin la/ /sbyin pa dang bzod pa ni 'khor yin pas so/ /dang po gcig ces bya ba ni 'di ltar dang po gsum dang/ gnyis pa ni bslab pa gsum las dang po tshul khrims kyi bslab pa yin pas so/ /de la phyi ma gnyis zhes bya ba ni pha rol tu phyin pa phyi ma gnyis po bsam gtan gyi pha rol tu phyin pa dang/ shes rab kyi pha rol tu phyin pa'o/ /yang gnyis zhes bya ba ni 'di ltar pha rol tu phyin pa phyi ma gnyis po dag ni go rim bzhin du lhag pa'i sems dang/ shes rab kyi bslab pa gnyis yin pas so/ /de la gcig ces bya ba ni
- 26b
'di lta ste/ brtson 'grus kyi pha rol tu phyin pa gcig kho na'o/ /gsum zhes bya ba ni 'di ltar pha rol tu phyin pa gcig po 'di ni bslab pa gsum po kun la khyab pa'i phyir ro zhes 'byung ngo/ /bstan bcos rnal 'byor spyod pa'i sa las snga ma bzhin no lhag pa'i tshul khrims bsdus so// drug pas ni lhag pa'i shes rab bsdus so zhes bshad do/ /de'i phyir bstan bcos de nyid las/ pha rol tu phyin pa bzhi'i tshogs dang/ rang bzhin dang/ 'khor dang/ kun du bsrung ba dang bcas ba ni byang chub sems dpa' rnams kyi lhag pa'i tshul khrims kyi bslab pa yongs su rdzogs bar rig par bya'o/ /bsam gtan gyi pha rol tu phyin pa ni lhag pa'i sems kyi bslab pa yongs su rdzogs par rig par bya'o/ /shes rab kyi pha rol tu phyin pas ni lhag pa'i shes rab kyi bslab pa yongs su rdzogs par rig par bya'o/ /zhib tu de nyid las bstan pa bzhin no/ /bstan bcos sa yongs su 'dzin pa las kyang rnal 'byor spyod pa'i sa ya bstan pa dang mthun par bshad de/ 'di ni rab tu phye ba'i rjes su gcig gis gcig bsdus par bstan pa yin no/ /bstan bcos dag las bstan pa dang sbyar na pha rol tu phyin pa drug las re res kyang phan tshun gcig gis gcig sdud par ston bas bslab pa gsum po dag las bslab pa re res kyang pha rol tu phyin pa drug po dag sdud par byed de/ bstan bcos theg pa chen po bsdus pa las/ pha rol tu phyin pa drug po 'di dag gi phan tshun rnam par nges pas ji ltar blta zhe na/ bcom ldan 'das kyis la lar ni pha rol tu phyin pa thams cad sbyin pa'i sgrar bstan pa nas/ la lar ni shes rab kyi sar gyi sgrar bstan pa de la dgongs pa gang zhe na/ pha rol tu phyin pa thams cad la sbyor ba ni 'di dag thams cad kyi spyad pa la 'gro ba la dgongs pa'o zhes 'byung ste/ rgya cher de nyid las bstan pa bzhin no/ /'di ni grogs kyi sgo nas gcig gis gcig bsdus par bstan to/ /bstan pa rnams mdor bsdu ba mi mtshungs bas de'i phyir bstan bcos rnam par rig pa tsam du grub pa las ni don rnam pa bzhi las brtsams nas phan tshun bsdu ba ston te/ rang bzhin
- 27a
gyi bsdu ba dang/ grogs kyi bsdu ba dang/ las kyi rjes su bsdu ba dang/ rab tu phye ba'i rjes su bsdu ba'o zhes bshad de/ de phyir de nyid las gal te/ rang bzhin gyi bsdu na ni tshul khrims kyis ni tshul khrims kho na bsdus so/ /bsam gtan gyil ni bsam gtan po na bsdus so/ /shes rab kyis ni phyi ma lnga bsdus te/ 'di ni pha rol tu phyin pa bzhu las brtsams nas phan tshun bsdu ba bstan to/ /grogs dang bcas na yang phan tshun bsdu ba dang ldan no/ /gal te las kyi rjes su bsdu na tshul khrims kyis ni ? po gsum bsdus te/ tshogs dang rang bzhin dang/ 'khor gyi ngo bo nyid do/ /ting 'dzin gyis ni bsam gtan bsdus so/ /shes rab kyis ni phyi ma lnga bsdus so/ /pha rol tu phyin pa bcu'i sgo nas brtsams nas brtson 'grus ni gsum po dag gi bsdu bar bshad de/ gsum po dag slong bar byed ba'i phyir ro/ /gal te rab tu phye ba'i rjes su bstan tshul khrims kyis ni snga ma bzhin bsdus so/ /snga ma gsum ni sngar bstan pa bzhin te/ kun tu srung ba nyid kyi phyir ro/ /ting nge 'dzin gyis ni bsam gtan bsdus so/ /shes rab kyis ni phyi ma lnga bsdus so zhes 'byung bas so/ /'phags pa'i gsung rab dag ni so so nas don re re smos pa'i phyir phan tshun 'gal ba med do/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das bslab par bgyi ba'i bzhi rnam pa drug po de dag las/ du ni bsod nams kyi tshogs kyis bsdu ba lags/ du ni ye shes kyi tshogs kyis bsdus lags zhes bya ba 'di man chad ni gsum pa bsod nams dang/ ye shes kyi tshogs su bsdu ba rnam par dbye ba'i sgo zhes bya ba ston to/ /'di yang zhu ba gsol ba dang/ lan du gsungs pa bstan te/ 'di ni zhu ba gsol ba nyid do/ /bcom ldan 'das kyi byang chub sems dpa' spyan ras gzigs dbang phyug la bka' stsal pa/ rigs kyi du lhag pa'i tshul khrims kyi bslab pa bsdus pa gang yin pa de ni/ bsod nams kyi tshogs kyis bsdus pa zhes bya'o/ /lhag pa'i shes rab kyi bslab pas bsdus pa
- 27b
gang yin pa de ni ye shes kyi tshogs kyis bsdus pa zhes bya'o/ /ngas brtson 'grus bsam gtan rnam pa gnyis ni kun tu 'gro ba yin par bstan to zhes bya ba ni gnyis pa de bzhin gshegs pas yang dag par lan du gsungs pa ston to/ /'di ltar pha rol tu phyin pa drug las/ dang po gsum ni bsod nams kyis so/ /tha ma gcig ni ye shes kyi tshogs kyis so/ /lhag pa gnyis ni tshogs rnam pa gnyis kar gtogs pas so/ /mdo'i tshig 'di rnam par bshad pa ni bstan bcos rnal 'byor sbyod ba'i sa las ji skad bstan pa bzhin te/ de'i phyir de nyid las/ de la bsod nams ni gang yin/ ye shes ni gang zhe? na/ bsod nams zhes bya ba ni mdor bsdu na pha rol tu phyin pa gsum ste/ sbyin pa dang tshul khrims dang/ bzod pa'i pha rol tu phyin pa'o/ /ye shes ni gcig pu ste/ 'di lta ste/ shes rab kyi pha rol tu phyin pa'o/ /brtson 'grus dang bsam gtan gyi pha rol tu phyin pa ni bsod nams kyi phyogs dang/ ye shes kyi phyogs su rig par bya ste/ brtson 'grus la bsten nas sbyin pa byin pa dang/ tshul khrims yang dag par len cing bsrung ba dang/ byams pa la sogs pa chod med pa rnams sgom pa'am/ de lta bu dang mthun pa gang yin pa de ni/ bsod nams kyi phyogs brtson 'grus so/ /brtson 'grus la bsten nas/ thos pa dang/ bsam pa dang/ bsgom pa'i shes rab la sbyar bar byed do/ /phung po la sogs pa la mkhas pa gang yin pa de ni/ ye shes kyi phyogs kyi brtson 'grus zhes bya'o/ /bsam gtan la brten nas sbyin pa byin pa 'am/ tshul khrims yang dag par len cing bsrung ba 'am/ byams pa la sogs pa tshad med pa rnams bsgom pa 'am/ de lta bu dang mthun pa gang yin pa de ni bsod nams kyi phyogs kyi bsam gtan yin no/ /bsam gtan la stan nas thos pa dang bsam pa dang/ sgoms pa'i shes rab la sbyor bar byed cing phung po la sogs pa rnam pa sna tshogs la mkhas pa gang yin pa de ni ye shes kyi phyogs kyi bsam gtan yin no zhes 'byung ba
- 28a
yin no/ /legs pa'i tshul khrims bstan pa'i mdo dang/ bstan bcos sa yongs su 'dzin pa dang/ theg pa chen po bsdus ba'i 'grel ba slob dpon dbyig gnyen gyis mdzad pa dang/ lyang gi tshe bsgyur ba las kyang phal cher rnal 'byor spyod pa'i sa las bstan pa dang mthun par bshad do/ /bsod nams dang ye shes kyi tshogs rnam pa gnyis po 'di yang sngar mdo tsam du ming gi don bstan nas/ de'i 'og tu phan tshun gcig gis gcig bsdu ba bstan par bya'o/ /de la ming gi don ni bsod nams kyi 'bras bu bskyed cing bsod nams kyi rgyu byed pas/ bsod nams kyi tshogs zhes bya'o/ /ye shes kyi 'bras bu bskyed cing ye shes kyi rgyu byed pas na ye shes kyi tshogs zhes bya'o/ /de la tshogs zhes bya ba ni/ bstan bcos theg pa chen po bsdus pa'i 'grel pa lyang gi tshe bsgyur ba las/ mngon par grub par byed pa'i don gyi phyir/ tshogs zhes bya'o zhes bshad de/ de'i phyir 'grel ba de nyid las/ bsod nams dang ye shes 'di gnyis la nus pa rnam pa gnyis yod de/ byang chub kyi grogs su gyur pa dang/ /byang chub kyi bdag nyid mngon par 'grub par byed de/ rnam pa 'di gnyis kyi dbang gis mngon par 'grub par 'gyur ba'i phyir 'di gnyis la byang chub kyi tshogs zhes bshad do zhes 'byung ngo/ /bstan bcos theg pa chen po bsdus pa'i 'grel pa/ slob dpon ngo bo nyid med kyis byas pa las ni bsags pa'i don gyi phyir/ tshogs zhes bya'o/ zhes bshad de/ de'i phyir 'grel ba de nyid las/ de la tshogs zhes bya ba ni bskal ba dpag tu med pa nas brtsams pa'i phyir ro zhes 'byung ngo/ /bstan bcos byang chub kyi tshogs bstan pa las ni don rnam pa lngas bstan te/ yongs su rdzogs pa'i don dang/ yongs su 'dzin ba'i don dang/ gse ba'i don dang/ rgyu'i don dang/ phun sum tshogs pa'i don te/ de'i phyir bstan bcos de nyid las/ tshogs zhes bya ba ni yongs su rdzogs pa'i don yin te/ 'dis byang chub kyi tshogs yongs su rdzogs par byed pa'i phyir ro/ /yongs su 'dzin pa'i don yang yin te/ 'dis
- 28b
byang chub kyi chos yongs su 'dzin par byed pa'i phyir ro/ /gso ba'i don yang yin te/ 'dis byang chub kyi chos yongs su gso bar byed pa'i phyir ro/ /rgyu'i don yang yin te/ 'dis byang chub kyi chos skyed par byed pa'i phyir ro/ /yan lag mang po phun sum tshogs pa'i don yang yin te/ 'dis byang chub kyi chos phun sum tshogs par byed pa'i phyir tshogs zhes bya'o zhes 'byung ste/ zhib tu de nyid las bstan pa bzhin no/ /de la phan tshun gcig gis gcig bsdu ba yang bstan pa rnams las so so na bshad pa mi mthun pas mdor bsdus nas rnam pa brgyad tu bstan te/ dang po ni snga ma gsum ni bsod nams yin la/ phyi ma gsum ni ye shes yin te/ bstan bcos theg pa chen po bsdus pa'i 'grel ba slob dpon ngo bo nyid med kyis byas pa las ji skad du/ de la bsod nams kyi tshogs ni 'di lta ste/ sbyin pa dang/ tshul khrims dang/ bzod pa sbyor ba rnam pa gsum gang yin ba'o/ /ye shes kyi tshogs ni 'di lta ste/ brtson 'grus dang/ bsam gtan dang/ thos pa'i shes rab la sogs pa'o zhes 'byung ba dang/ gzhan yang 'phags pa shes rab kyi pha rol tu phyin pa'i 'grel pa las/ bla na med pa'i byang chub sgrub bar 'dod pa sgo rnam pa gnyis yod de/ bsod nams dang ye shes kyi sgo'o/ /de la sbyin pa dang/ tshul khrims dang/ bzod pa ni/ bsod nams kyi sgo'o/ /chos thams cad kyi de kho na nyid kyi mtshan nyid shes pa'i shes rab ni ye shes kyi sgo'o/ /shes rab kyang bsam gtan gyi rgyu la bltos dgos la/ bsam gtan yang nges par brtson 'grus chen po'i stobs la bltos so zhes bstan pa lta bu'o/ /gnyis pa ni dang po gnyis dang bzhi pa ni bsod nams yin la/ phyi ma gnyis dang gsum pa ni ye shes yin te/ dge bsnyen gyi sdom pa bstan pa'i mdo'i nang nas bkod pa'i le'u las ji skad du/ sbyin pa dang/ tshul khrims dang/ brtson 'grus ni bsod nams kyi bkod pa zhes bya'o/ /bzod pa dang/ bsam gtan dang/ shes rab ni ye shes kyi bkod pa zhes bya'o zhes gsungs pa lta bu'o/ /gsum pa ni snga ma gnyis ni bsod nams yin no/ /phyi ma gcig ni ye shes yin no/ /
- 29a
gsum pa ni rnam pa gnyis kar gtogs pa yin te/ bstan bcos mdo sde'i rgyan las ji skad du tshogs pa gnyis kyis pha rol tu phyin pa drug bsdu ba ji lta bu zhe na/ tshig le'ur byas pa las/ dang po gnyis ni bsod nams tshogs/ /drug pa de ni ye shes yin// gzhan gsum dag ni tshogs gnyis rgyu/ /lnga po yang ni ye shes tshogs zhes 'byung ba lta bu ste/ 'di nyid kyi 'grel ba las/ sbyin pa dang/ tshul khrims ni bsod nams kyi bdag nyid do/ /shes rab ni ye shes kyi bdag nyid do/ /bzod pa dang/ brtson 'grus dang/ bsam gtan gsum ni tshogs gnyi ga'i rgyu ste /'di ltar gnyi ga'i byed ba'i phyir ro/ /lnga po dag kyang ye shes kyi tshogs su 'gyur te/ 'di ltar ye shes kyis bsngos pa'i phyir ro zhes 'byung ste/ zhib du de nyid las bstan pa bzhin no/ /bzhi pa ni dang po gsum ni bsod nams yin no/ /phyi ma gcig ni ye shes so/ /gzhan ni rnam pa gnyi gar gtogs te mdo 'di nyid dang/ mtshams rnam par grol pa'i mdo dang/ dgongs pa zab mo rnam par grol ba'i mdo dang/ legs pa'i tshul khrims bstan pa'i dang/ bstan bcos yongs su 'dzin pa dang/ theg pa chen po bsdus pa'i 'grel pa slob dpon dbyig gnyen dang ngo bo nyid med kyis mdzad pa dang/ lyang gi tshe bsgyur ba dang/ rnal 'byor spyod pa'i sa las ji skad du bstan pa lta bu'o/ /lnga pa ni dad pa lnga bsod nams yin la/ phyi ma gcig ni ye shes yin te/ ga ? mdo las ji skad du grogs su gyur ba'i lam ni pha rol tu phyin pa lnga po dag go/ spong ba'i lam du gyur pa ni shes rab kyi pha rol tu phyin pa'o zhes gsungs pa dang/ gzhan yang 'phags pa shes rab kyi pha rol tu phyin pa'i 'grel ba las/ pha rol tu phyin pa lnga po dag ni bsod nams skyed pa'o/ /shes rab kyi pha rol tu phyin pa ni sems kyi mngon par zhen pa rab tu sel ba'o zhes bstan pa lta bu'o/ /drug pa ni dang po lnga ni bsod nams yin la/ phyi ma gcig ni bsod nams ni ye shes gnyi gar gtogs pa yin te/ 'phags pa mya ngan las 'das pa
- 29b
chen po'i mdo'i nang nas/ seng ge'i sgra bsgrags pa'i le'u las ji skad du/ de la bsod nams kyis brgyan pa ni 'di lta ste/ sbyin pa'i pha rol tu phyin pa nas/ shes rab kyi pha rol tu phyin pa gang yin pa'o/ /pha rol tu phyin pa dang/ shes rab kyis brgyad pa ma yin pa ni 'di lta ste/ sa dang po nas sa bcu pa'i bar gang yin pa'o/ /zhes 'byung ba lta bu ste/ de las zhes bya ba ni shes rab la bya ste/ de'i phyir theg pa chen po bsdus pa'i 'grel pa slob dpon ngo bo nyid med kyis byas pa las/ chos bdag med pa'i shes pa'i gnas skabs gang yin pa de ni sa zhes bya'o zhes bshad do/ /bdun pa ni snga ma lnga ni bsod nams yin la/ drug pa ni ye shes yin te/ bstan bcos mdo sde'i rgyan las/ ji skad du/ lnga po yang ni ye shes tshogs zhes bya ba ni 'di ltar phyi ma shes rab kyis yongs su bsngos pa'i phyir pha rol tu phyin pa thams cad kyang ye shes kyi tshogs su 'gyur ro zhes bstan pa lta bu ste/ pha rol tu phyin pa lnga po dag ni bsod nams kho na ma yin gyi ye shes kyi tshogs su yang gtogs pa yin te/ 'di ltar shes rab kyi yongs su bsngos pa'i phyir ro/ /brgyad pa'i sbyin pa dang/ tshul khrims dang/ bsam gtan ni bsod nams so/ /shes rab ni ye shes so/ /bzod pa dang brtson 'grus gnyis kar gtogs te/ byang chub sems dpa' i sde snod kyi mdo nang nas shes rab bstan pa'i le'u las ji skad du/ ji ltar tshogs rnam pa gnyis la mkhas pa gang yin zhe na/ bsod nams dang/ ye shes la mkhas pa gang yin pa'o/ /bsod nams gang zhe na 'di lta ste/ sbyin pa dang tshul khrims bsgom pa gang yin pa'o/ /ye shes gang zhe na/ 'di lta ste/ shes rab yongs su bsgom pas 'dus pa'i shes pa gang yin pa'o zhes gsungs pa lta bu ste/ zhib tu de nyid las bstan pa bzhin no/ /yang na pha rol tu phyin pa drug po dag kun kyang bsod nams dang ye shes su gtogs pa yin te/ pha rol tu phyin pa re re yang phan tshun gcig gis gcig grogs byas pas so so nas drug po de dag dang ldan pa'i phyir ro/ /mdo sde dang bstan bcos rnams las dbang po'i rjes su rnam pa
- 30a
sna tshogs mi mthun par bstan pa yin pa 'gal ba med do// //bam po lnga bcu brgyad pa/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das bslab pa'i gzhi drug po de dag la byang chub sems dpa' ji ltar blta bar bgyi lags zhes bya ba 'di man chad ni bzhi pa mtshan nyid rnam pa lngas pha rol tu phyin pa drug la bslab par bstan pa'i sgo zhes bya ba ston to/ /'di yang zhu ba gsol ba dang/ lan du gsungs pas bstan te/ mtshan nyid rnam pa lnga po dag gis bsgrub pa'i chos zhus pa'o/ /bcom ldan 'das kyis byang chub sems dpa' spyan ras gzigs dbang phyug la bka' stsal ba rigs kyi bu mtshan nyid rnam pa lnga bslab bar bya ste zhes bya ba la sogs pas ni gnyis pa de bzhin gshegs pas yang dag par lan du gsungs pa ston te/ 'di ni yang rnam pa gnyis te/ grangs mdor smos pa dang/ go rim bzhin du rnam par phye nas bstan pa ste/ 'di ni dang po'o/ /dgongs pa zab mo rnam par dgrol ba'i mdo las ni bsgoms ba'i chos rnam pa lnga ste zhes 'byung ngo/ /thog ma kho nar byang chub sems dpa' i sde snod pha rol tu phyin pa dang ldan par/ dam pa'i chos bstan pa dga' shin tu mos pa zhes bya ba la sogs pas ni gnyis ba'i go rim bzhin du rnam par phye ste/ bshad pa ston to/ /'di yang mtshan nyid rnam pa lnga bstan pa nyid kyis rnam pa lngar dbye ste/ 'di ni dang po'i shin tu mos pa'i mtshan nyid bstan pa'o/ /bstan bcos theg pa chen po bsdus pa las ni/ pha rol tu phyin pa dang ldan pa 'phags pa'i gsung rab shin tu zab pa dag la mos pa zhes 'byung ste/ de la pha rol tu phyin pa dang ldan pa'i bstan pa shin tu zab pa zhes bya ba ni bstan bcos chos mngon ba sna tshogs kun las btus pa las ji skad du/ shin tu rgyas ba'i phyogs gang yin pa de ni byang chub sems dpa' i sde snod do zhes bstan pa dang/ mdo dag las ji tsam du theg pa chen po bstan pa de dag ni byang chub sems dpa' i
- 30b
pha rol tu phyin pa'i sde snod do zhes gsungs pa lta bu'o/ /gzhan yang de nyid la ci'i phyir shin tu rgyas pa la rgya che ba dang/ zab par bstan to zhes 'byung ngo/ /de'i 'og tu chos spyod pa rnam pa bcu dge las thos pa dang/ bsams pa dang/ bsgoms pa las byung ba'i shes rab gya nom pas nan tan gyis bsgrubs pa zhes bya ba ni gnyis pa chos spyod pa rnam pa bcu bsgrub pa'i mtshan nyid ston to/ /chos spyod pa rnam pa bcu ni/ gong du bstan bcos rnal 'byor spyod pa'i sa dang rnam par bshad pa khungs su bzhag nas bstan pa las 'byung ba bzhin du rig par bya'o/ /mdo'i tshig 'di la bshad pa mi mthun pa rnam pa gnyis yod de/ kha cig na re chos spyod rnam pa bcu ni shes rab rnam pa gsum yin pa'i phyir/ shes rab gsum ni brtson 'grus kyi ngo bo nyid kyi chos spyod pa rnam pa bcu bsgrub pa'i phyir ste/ de'i phyir mtshams rnam par grol ba'i mdo las kyang/ chos spyod rnam pa bcu po de dag la thos pa dang/ bsam pa dang/ bsgoms pa'i shes rab kyis zhes gsungs so/ /gzhan yang dgongs pa zab mo rnam par dgrol ba'i mdo las kyang/ chos spyod pa rnam pa bcu po dag gis yang dag pa ji lta ba bzhin du/ thos pa la sogs pa'i shes rab bsgrubS pa'i phyir ro zhes gsungs pa yin no zhe'o/ /kha cig na re shes rab rnam pa gsum gyis ni rnal 'byor yang dag par rab tu bstan la/ chos spyod pa rnam pa bcu'i ni grogs su gyur bar bstan pa yin te/ de'i phyir bstan bcos dbus dang mdza' rnam par 'byed pa'i tshig le'ur byas pa las/ theg pa chen po ji lta bur/ chos rnams bstan pa mdzad pa dag/ byang chub sems dpa' rtag par yang/ /shes rab gsum gyis yid byed pa'o zhes bya ba dang/ gzhan yang de nyid las/ yid la byed pa'i yang dag par sgrub pa de la grogs ci yod ce na/ tshig le'ur byas pa las/ de ni chos spyod rnam bcu dang/ /yang dag ldan par shes par bya/ /bcu gang zhe na/ yi ge 'dri mchod sbyin pa dang/ /nyan dang klog dang len pa dang/ /'chang dang kha don byed pa dang/ /de sems pa dang sgom pa'o zhes 'byung ste/ de nyid kyi 'grel pa las/ theg pa chen po chos spyod pa rnam pa
- 31a
bcu yod de/ yi ge 'dri ba dang/ mchod pa dang/ gzhan dag la sbyi pa dang/ gzhan klog ba dang/ nyan ba dang/ bdag nyid klog pa dag/ len pa dang/ tshig dang don 'chad pa dang/ kha don du byed pa dang/ sems pa dang/ bsgom pa'o zhes 'byung ba yin no zhes zer te/ bshad pa ni phyi ma bzang ngo/ /de ci'i phyir zhe na/ bstan bcos de las yid la byed pa yang dag par sgrub pa de yang chos spyod pa rnam pa bcus yongs su 'dzin pas so zhes 'byung bas so/ /byang chub sems kyi rjes su bsrung ba zhes bya ba ni gsum pa byang chub kyi sems bsrung ba'i mtshan nyid bstan pa'o/ /yongs su mi nyams par bsrung ba gang yin pa de ni byang chub kyi sems bsrung ba zhes bya'o/ /byang chub tu sems bskyed pa rgya che ba bshad pa ni byang chub du sems bskyed pa'i mdo las bstan pa bzhin du rig par bya'o/ /byang chub kyi bsngags pa rgya cher brjod pa ni 'phags pa sangs rgyas phal po che'i mde las bstan pa bzhin no/ /dge ba'i bshes gnyen yang dag pa la bsten pa zhes bya ba ni bzhi pa dge ba'i bshes gnyen la bsten pa'i mtshan nyid ston te/ bstan bcos rnal 'byor spyod pa'i sa las ji skad du/ yan lag brgyad dang ldan na byang chub sems dpa' i dge ba'i bshes gnyen rnams thams cad yongs su rdzogs pa yin par rig par bya ste/ byang chub sems dpa' i sdom pa'i tshul khrims la gnas shing mnyams pa dang/ skyon med par byed pas tshul khrims la gnas pa yin/ blo ma byang ba ma yin pas mang du thos pa yin/ bsgom pa las byung ba'i dge ba gang yang rung ba thob cing/ zhi gnas dang lhag mthong thob pas rtog pa dang ldan pa yin/ snying rje dang ldan bas snying brtse ba yin te/ tshe 'di la rang gi bde bar gnas pa yal bar bor nas/ gzhan dag gi don la sbyor ba yin/ gzhan dag chos ston pa ni bag cha ba'i 'jigs pas dran pa dang/ spobs pa nyams pa med pas 'jigs pa med pa yin /gzhan dag gis brnyas ba rnams dang/ 'phya ba dang/ bsting ba dang/ nad du brjod pa dang/ ngan pa 'ongs pa la sogs pa
- 31b
mi 'dod ba'i tshig gi lam rnams dang/ sems can gyi log par zhugs pa rnam pa sna tshogs bzod pa yin/ 'khor bzhi po dag la chos ston pa la stobs dang ldan zhing ngal ba med bas yongs su mi skyo ba yin/ tshig gi chos nyid las ma nyams shing gsal ba tshig gi bya ba dang ldan pas dge ba'i tshig dang ldan pa yin no zhes 'byung ba lta bu ste/ dge ba'i bshes gnyen gyi bsngagS brgya cher brjod pa ni 'phags pa'i chos kyi tshig gi mdo dang sangs rgyas phal po che'i mdo las bstan pa bzhin du rig par bya'o/ /gzhan yang bstan bcos rnal 'byor spyod pa'i sa las/ de la byang chub sems dpa' i dge ba'i bshes gnyen la brten pa ni rnam pa bzhis yongs su rdzogs par rig par bya ste/ dus dus su nang g.yog dang/ tha mal pa'i g.yog bya ba dang/ khyams pa dang/ nus pa dang/ dga' ba dang ldan pa dung/ dus dus su gus par smra ba dang/ phyag bya ba dang/ mngon du ldang? ba dang/ thal mo sbyar ba dang?/ 'dung? par bya ba dang/ mchod pa dang/ chos dang mthun pa'i gos dang/ zas dang/ mal cha dang/ ston dang/ na ba'i gso sman dang/ yo byang sbyin pa mchod pa dang/ gnas bcas nas yang dag par gzung ba dang/ rnam par gzung pas chos dang mthun pa'i don la dbang byed la/ rnam par mi g.yo zhing yang dag pa ji lta ba bzhin du 'chags pa dang/ dus dus su shes par bya ba'i bsam pas drung du 'gro ba dang/ bsnyen bkur byed pa dang/ dri ba dang nyan pa'o zhes 'byung ste/ zhib du de nyid las/ bstan pa bzhin no/ /rgyun mi 'chad par dge ba'i phyogs la sbyor bas bslab par bya'o zhes bya ba ni lnga pa rgyun mi 'chad par nan tan gyis sgrub pa'i mtshan nyid bstan te/ bstan bcos theg pa chen po bsdus pa las ji skad du/ rtag par rgyun du rgyun mi 'chad pa'i tshul du pha rol tu phyin pa drug bsgom pa yongs su rdzogs par 'gyur ro zhes bstan pa lta bu ste/ 'di ni rgyun ring po dang/ bar chad med pa dang/ gus pa dang/ lus med pa'i bsgom pa rnam pa bzhi las bar chad med pa'i bsgom pa nyid do/ /bstan bcos rnam par rig pa tsam du grub pa las ni yang yan lag gi sems
- 32a
kyis bsnan te/ bsgom pa rnam pa lngar byas nas/ mdo 'di nyid kyi don ston to/ /de la mtshan nyid rnam pa lnga bstan pa yang pha rol tu phyin pa drug sgrub par 'dod pas mtshan nyid rnam pa lnga phun sum tshogs par bya dgos te/ dang po ni gsung rab kyi yan lag la smos pa ste/ gal te bstan pa lam bsten na spyod pa ma yin pa nyid du 'gyur ba'i phyir ro/ /gnyis pa ni 'phags pa'i gsungs rab la mngon par yid ches par gyur nas chos spyod pa rnam pa bcus shes rab gsum bskyed par byed de/ spyod pa'i bdag nyid yin pa'i phyir/ /gsum pa ni dge ba'i rtsa ba rjes su bsrungs nas mi nyams par byed ba'i phyir ro/ /bzhi pa ni dge ba'i bshes gnyen la brten pa ste/ rkyen khyad par du 'phags pa la bltos ba'i phyir ro/ /lnga pa ni rgyun mi 'chad par bsgoms pa ste/ myur du yongs su rdzogs par bya ba'i phyir ro zhes bshad do/ /bstan bcos theg pa chen po bsdus pa las bsgom pa rnam pa lnga zhes bshad de/ kun tu spyod pa las sbyor bas bsgom pa dang/ mos pas bsgom pa dang/ yid la byed pa bsgom pa dang/ thabs la mkhas pa bsgom pa dang/ bya ba bsgrub pa bsgom pa'o zhes 'byung ngo// gzhan yang bstan bcos chos mngon pa sna tshogs kun la btus pa las bsgom pa ni mdor sdun rnam pa lnga po 'di lta ste/ gnas pa yongs su 'dzin pa la brten pa la bsgom pa dang/ yid la rten pa la brten pa'i bsgom pa dang/ yid kyi mos pa la brten pa'i bsgom pa dang/ thabs la brten pa'i bsgom pa dang/ dbang la brten pa'i bsgom pa'o zhes 'byung bas rgya cher de nyid las bstan pa bzhin te/ mangs kyi dogs nas 'dir ma brjod do/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to// bcom ldan 'das ci'i slad du bslab par bgyi ba'i gzhi de dag grangs drug kho nar gdags pa mdzad lags zhes bya ba 'di man chad ni lnga pa pha rol tu phyin pa rnams kyi grangs 'phel 'grib med par bstan pa'i sgo zhes bya ba ston to/ /pha rol tu phyin pa rnam pa bcu po yod pa de yang rnam pa gnyis su dbye
- 32b
ste/ pha rol tu phyin pa drug po dag gis grang 'phel 'grib med par bstan pa dang/ pha rol tu phyin pa bzhi po dag gis grangs 'phel 'grib med pa ri bstan pa'o/ /dang po yang rnam pa gnyis te/ zhu ba gsol ba dang/ lan du gsungs pa ste/ 'di ni dang po drug kho na nyid du nges pa'i gtan tshigs zhus pa'o/ bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi du rgyu rkyen rnam pa gnyis kyi phyir te zhes bya ba la sogs pa ni gnyis pa de bzhin gshegs pas ? lan du gsungs pa ston to/ /'di yang rnam pa bzhi ste/ grangs smos pa dang/ rkyen gnyis so sor bstan pa dang/ rkyen rnam pa gnyis so sor bsdu ba dang/ rnam par phye ste bshad pa'o/ /'di ni dang po grangs smos nas rgyu dang rkyen rnam pa gnyis kyi phyir/ grangs de ltar nges bar 'gyur ro zhes lan mdor gsungs pa'o/ /mtshams rnam par grol ba'i mdo las ni dngos po gnyis te zhes 'byung ngo/ /sems can rnams la phan gdags pa'i phyir dang/ nyon mongs pa rnams kyi gnyen por gyur pa'i phyir ro zhes bya ba ni gnyis brkyen rnam pa gnyis so so bstan pa ste/ mdo'i 'di nyid kyis brda phrad par zad do/ /de la dang po gsum ni sems can rnam la phan gdags pa yin la/ phyi ma gsum ni nyon mongs pa rnams kyi gnyen po yin par rig par bya'o zhes bya bas ni gsum pa dang po dang phyi ma'i rnam pa gsum rkyen gnyis su so sor bsdu ba ston to/ /'di ltar sbyin pa dang/ tshul khrims dang/ bzod pa gsum ni sems can la phan 'dogs par byed do/ /brtson 'grus la sogs pa gsum ni nyon mongs pa rnams kyi gnyen por gyur bas so/ /dang po gsum gyis sems can rnams la phan 'dogs pa ni 'di ltar byang chub sems dpa' rnams sbyin pas ni yo byad nye bar bsgrub nas sems can la phan 'dogs so/ /tshul khrims ni gnod pa dang/ dngos pa dang/ rnam par mtho 'tsham pa nye bar mi bsgrub pas sems can la phan 'dogs so/ /bzod pas ni gnod pa dang/ phongs pa dang/ rnam par tho 'tshams pa dag la ji mi snyam par bzod pas sems can la phan 'dogs so zhes bya ba la sogs pas ni bzhi pa go rim
- 33a
bzhin du rnam par bye ste bshad pa ston to/ /'di yang rnam pa gnyis te/ dang po phan 'dogs pa gsum bstan pa dang/ phyi ma gnyen par gyur pa gsum bstan pa ste/ 'di ni dang po sems can la phan 'dogs pa gsum bstan pa'o/ /dgongs pa zab mo rnam par 'dres pa'i mdo la sogs pa las/ pha rol tu phyin pa dang po gsum ni go rim bzhin du phan 'dogs pa rnam pa gsum po yo byed nye bar bsgrubs nas phan 'dogs pa dang/ gnod pa mi byed pas phan 'dogs pa dang/ gnod pa byed pa la lan bya ba'i sems med pas phan 'dogs pa dang sbyar bar bya'o zhes bshad do/ /bstan bcos rnam par rig pa tsam du grub pa las/ gzhan yang dang po gsum ni sems can la phan 'dogs pa dag yin te/ de dag la yo byang sbyin zhing de dag la gnod par mi byed pa'i phyir dang/ de dag gis gnod pa byas pa bzod cing phan 'dogs pa'i phyir ro zhes 'byung ste/ rgya cher ni bstan bcos mngon pa sna tshogs kun las btus pa la sogs pa las bstan pa bzhin du rig bar bya'o/ /phyi ma gsum nyon mongs pa rnams kyi gnyen por gyur pa ni 'di ltar byang chub sems dpa' rnams brtson 'grus kyis ni nyon mongs pa thams cad rnam par ma bcil/ bag la nyal thams cad ma bcom par yang/ nan tan gyis dge pa'i phyogs rnams sgom par byed pas nyon mongs pa de dag gi dge ba'i phyogs la sbyor ba las skyed par mi nus so/ /bsam gtan gyis ni nyon mongs pa rnam par gnon to/ /shes rab kyis bag la nyal ba gtan du 'joms par byed do/ /zhes bya ba ni gnyis pa phyir gnyen por gyur pa gsum bstan to/ /'di ltar brtson 'grus de bsam gtan ltar kun tu spyod pa'i nyon mongs pa thams cad rnam pa bcil ba yang ma yin/ shes rab ltar sa bon bag la nyal thams cad gtan du bcos pa ma yin gyi/ 'on kyang brtson 'grus kyis dge ba rnams sgom par byed pa nges nyon mongs pa rnams kyis mi bskyod par dge ba'i phyogs la sbyor bar byed do/ /dge pa'i phyogs la sbyor bar byed pa gang yin pa de ni brtson 'grus yin te/ bsam gtan dang shes rab kyi thabs su gyur pa'i phyir
- 33b
sbyor ba zhes bshad do/ /bsam gtan gyis ni nyon mongs pa kun tu spyod pa rnam par gnon par byed la/ shes rab kyis ni sa bon gtan du 'joms pa'i phyir/ phyi ma gsum ni nyon mongs pa'i gnyan por gyur pa'o zhes bshad do/ /bstan bcos rnam par rig pa tsam du grub pa las kyang/ brtson 'grus la sogs pa gsum ni nyon mongs ba'i gnyen po gyur pa yin te/ rnam par bcil bar ma gyur kyang/ nan tan gyi dge ba'i phyogs la sbyor zhing gnyen po bsgoms nas nyon mongs pa rnam par gnon cing nye bar byed pa'i phyir ro zhes 'byung te/ rgya cher ni bstan bcos chos mngon ba sna tshogs kun las btus pa la sogs pa las bstan pa bzhin no/ /pha rol tu phyin pa drug po de dag kyang/ gtan tshigs rnam pa drug gis ni rnam pa lngar bstan te/ kha cig las ni don gcig gis grangs drug du bstan pa yang yod de/ dge bsnyen gyi sdom pa bstan pa'i mdo las ji snyed du/ mu stegs can dag gis log par smra ba phyogs rnam pa drug rab tu bsal ba'i phyir pha rol tu phyin pa drug bstan te/ bcom ldan 'das kyis shar phyogs ni sbyin pa lta bu ste/ thog ma kho nar byung ba'i phyir ro/ /lho phyogs ni tshul khrims lta bu ste/ g.yas phyogs dang 'dra ba'i phyir ro/ /nub phyogs ni bzod pa lta bu ste/ nyes pa la bzod pa de'i 'og tu byung ba'i phyir ro/ /byang phyogs ni brtson 'grus lta bu ste/ ming mchog tu gyur pa'i phyir ro/ /'og ma'i phyogs ni bsam gtan lta bu ste/ ngan 'gro la so sor rtog pa'i phyir ro/ steng gi phyogs ni shes rab lta bu ste/ bla na med pa ma skye ba nyid kyi phyir ro zhes gsungs pa dang/ gzhan yang 'phags pa shes rab kyi pha rol tu phyin pa'i 'grel pa las/ ci'i phyir de bzhin gshegs pas pha rol tu phyin pa drug kho na nyid du yang dag par gsungs shing mi mang mi nyung zhe na/ smras pa sangs rgyas ni chos kyi rgyal po'i mdzad pas sems can gyi dbang po'i rjes su res 'ga' ni mdo nas gcig dang/ gnyis dang/ gsum la sogs par gsungs so/ /re 'ga' ni rgya cher ston par yang mdzad de/ bskal pa bzang po'i mdo las ji skad du/ pha rol tu phyin pa brgyad khri bzhi stong zhes
- 34a
gsungs pa dang/ gzhan yang 'gro ba drug gi sems can rnams ni/ lus dang sems kyi gnod pa nyams su myong bas/ byang chub sems dpa' rnams snying rje chen po'i sems skyed nas sems can 'gro ba drug gi sdug bsngal rab tu zhi bar bya ba'i phyir/ pha rol tu phyin pa drug bskyed pa yin pas mi mang mi nyung ngo zhes 'byung ba dang/ gzhan yang bstan bcos rnal 'byor spyod pa'i sa las/ bslab pa gsum pa dag bsdu ba'i phyir/ drug kho nar bstan te/ dang po bzhes ni lhag pa'i tshul khrims bsdus so/ /de'i 'og ma gcig gis ni lhag pa'i sems bsdus so/ /tha ma gcig gis ni lhag pa'i shes rab bsdus pa des na pha rol tu phyin pa rnam pa drug kho nar rnam par bzhag ste/ mi mang mi nyung zhes bshad pa lta bu kho na'o/ /kha cig las ni don rnam pa gnyis kyi mi mang mi nyung bar bstan pa yod de/ mdo 'di nyid dang/ mtshams rnam par grol ba'i mdo dang/ dgongs pa zab mo rnam par dgrol ba'i mdo dang/ bstan bcos theg pa chen po bsdus pa'i 'grel pa lyang gi cha bsgyur ba las ji skad du bstan pa lta bu'o/ /kha cig las ni don rnam pa gsum gyis mi mang mi nyung bar bstan pa yang yod de/ bstan bcos theg pa chen po bsdus pa las ji skad du/ ci'i phyir pha rol tu phyin pa drug kho na zhe na/ mi mthun pa'i phyogs dang/ gnyen por rnam bar bzhag pa'i phyir dang/ sangs rgyas rnamS kyi gnas su gyur pa'i phyir dang/ sems can thams cad yongs su smin par bya ba dang/ mthun par gyur ba'i phyir ro zhes 'byung ba lta bu ste/ rgya cher de nyid las bstan pa bzhin ni/ /gzhan yang bstan bcos chos mngon pa sna tshogs kun las btus pa las/ de la grangs ni rnam pa gnyis te/ bgrang ba'i grangs dang/ nges pa'i grangs so/ /bgrang ba'i grangs ni 'di lta ste/ pha rol tu phyin pa drug ces bya'o/ /nges pa'i grangs ni 'di lta ste/ pha rol tu phyin pa'i grangs ni drug kho na yod pas mi mang mi nyung ngo zhes bya'o/ /de ci'i phyir zhe na/ byang chub sems dpa' rnams kyi lam ni mdor bsdu na rnam pa gnyis te/ dang po ni mngon par mtho pa'i lam ste/ pha rol tu phyin pa
- 34b
snga ma gsum po dag go/ gnyis pa ni nges par legs pa'i lam ste/ pha rol tu phyin pa phyi ma gsum po dag go zhes 'byung ste/ zhib du de nyid las bstan pa bzhin te/ 'di ni rkyen dang po'o/ /gzhan yang de nyid las pha rol tu phyin pa ni mi gnas pa'i mya ngan las 'das pa'i thabs yin pa'i phyir/ de'i grangs su drug kho na'o/ /de ci'i phyir zhe na/ pha rol tu phyin pa dang po gsum gyi phyir ni/ mya ngan las 'das pa la mi gnas so/ /pha rol tu phyin pa phyi ma gsum gyi phyir ni/ 'khor ba la mi gnas so zhes 'byung ste/ zhib du de nyid las bstan pa bzhin te/ 'di ni rkyen gnyis pa'o/ /gzhan yang de nyid las sems can bsdud cing phan 'dogs pa'i phyir dang/ nyon mongs pa'i gnyen por gyur pa'i phyir/ grangs drug kho na'o zhes 'byung ste/ 'di ni mdo 'di nyid las gsum pa dang mthun par don rnam pa gnyis kyi drug du gsungs par bstan te 'di ni rkyen rnam pa gsum pa'o/ /kha cig las ni don rnam pa bzhis mi mar mi nyung bar bstan pa yang yod de/ bstan bcos rnam par rig pa tsam du grub pa las ni ji skad du bstan pa bzhin te/ bstan bcos de nyid las ni don rnams gsum gyis bstan to/ /dang po ni pha rol tu phyin pa bcu'i rnam grangs mi mang mi nyung bar bstan pa la snga don rnam pa gnyis te/ sgrib pa bcu rab tu sel ba'i phyir dang/ de bzhin nyid bcu mngon du byed pa'i phyir dang/ gnyis pa ni pha rol tu phyin pa drug gi grangs mi mang mi nyung bar bstan pa yang don rnam pa bzhi yod de/ dang po rgyu ni rnam pa gsum la brten nas ni mi mthun pa'i sgrib pa rnam pa drug rab tu sel ba'i phyir dang/ rim gyi sangs rgyas kyi chos rnams sgrub pa'i phyir rim gyi sems can yongs su smin par byed pa'i phyir te/ zhib tu de nyid las bstan pa bzhin no/ /gnyis pa ni lam gnyis la brten pa ni/ 'di lta ste/ mngon par mtho ba'i lam dang/ nges par legs pa'i lam gang yin pa ste/ chos mngon pa sna tshogs kun las btus pa las rnam grangs dang pos bstan pa dang mthun no/ /gsum pa ni sems can la phan 'dogs shing sgrib pa rab tu sel ba dang/ mdo 'di nyid las gsungs
- 35a
pa dang mthun no/ /bzhi pa ni mi gnas pa'i lam gyis mi mang mi nyung bar bstan pa ni 'di lta ste/ dang po gsum gyi phyir ni mya ngan las 'das pa la mi gnas pa dang/ phyi ma gsum gyi phyir ni 'khor la mi gnas pa gang yin pa ste/ zhib tu de nyid de las bstan pa bzhin no/ /bstan bcos theg pa chen po bsdus pa las ni/ dang po gsum kho na ston te/ rim gyis sgrib pa rab tu sel ba dang/ sangs rgyas kyi chos sgrub pa dang/ sems can yongs su smin par byed pa'o/ /bstan bcos mngon pa sna tshogs kun las btus pa las ni/ phyi ma gsum kho na'i don dang/ lam rnam pa gnyis la sogs pa ston to/ /bstan bcos rnam par rig pa tsam du grub pa las ni bstan bcos gnyis kyi don ni spyir bsdus nas rnam pa drug du bstan pa'i phyir rkyen bzhir gyur pa yin no/ /yang bstan bcos rnam par rig pa tsam du grub pa las/ rkyen rnam pa drug du phye nas bstan te/ theg pa chen po bsdus pa las bstan pa'i rgyu rnam pa gsum log shin tu phye ba'i phyir ro/ /mdo 'di las gsungs pa'i rkyen rnam pa gnyis ni bstan bcos chos mngon pa sna tshogs kun las btus pa dang/ rnam par rig pa tsam du grub pa las ni ji skad du bstan pa bzhin te/ de rtags na khong du chud par 'gyur ro/ /gsum pa ni pha rol tu phyin pa bzhi'i grangs mi mang mi nyung bar bstan pa te/ mdo'i tshig thad kar babs na bshad par bya'o/ /bstan bcos mdo sde'i rgyan las ni tshigs su bcad pa drug gis drug du rnam par bzhag pa'i gtan tshigs ston te/ bdag la phan 'dogs pa'i bzhi rnam pa gsum bsdu pa'i phyir dang/ bdag nyid gzhan la phan 'dogs pa'i rnam pa drug bsdu ba'i phyir dang/ bdag dang gzhan la phan 'dogs pa gzhi rnam pa drug bsdu ba'i phyir dang/ theg pa chen po'i rgyu rnam pa bzhi bsdu pa'i phyir dang/ theg pa chen po'i 'am drug bsdu pa'i phyir dang/ theg pa chen po'i bslab pa gsum bsdu ba'i phyir te/ brtags na khong du chud par 'gyur bas zhib du ma bshad do/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsob to?//
- 35b
bcom ldan 'das ci'i slad du pha rol tu phyin pa gzhan dag grangs bzhi kho nar mdzad par gdags lags zhes bya ba 'di man chad ni gnyis pa pha rol tu phyin pa phyi ma bzhi'i grangs 'phel 'grib med par bstan pa'o/ /de bzhi bya ba pha rol tu phyin pa bcu las pha rol tu phyin pa phyi ma bzhi po 'di lta ste/ thabs dang/ smon lam dang/ stobs dang/ ye shes so/ /'di yang rnam pa gnyis te/ zhu ba gsol ba dang/ lan du gsungs pa ste/ 'di ni dang po grangs bzhi'i gtan migs zhus pa'o/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu snga ma'i pha rol tu phyin pa drug po dag gi grogs su gyur pa'i phyir te zhes bya ba la sogs pa ni gnyis pa de/ de bzhin gshegs pas yang dag par lan du gsungs pa ston to/ /'di yang rnam pa gnyis te/ grangs bzhi las mi mar mi nyung ba'i lan mdor bstan pa dang/ pha rol tu phyin pa bzhi'i gangs mi mang mi nyung bar gyur pa'i don rnam par bye ste bshad pa'o/ /'di ltar rnam pa drug po dag gi grogs su gyur pa'i phyir rnam pa bzhi lo na ste/ mi mang mi nyung ngo/ /de'i phyir bstan bcos rnam par rig pa tsam du grub pa las/ phyi ma bzhi kho nar gyur pa yang snga ma'i pha rol tu phyin pa drug po dag gi grogs su gyur cing yongs su rdzogs par byed pas mi nyung mi mang ba'i phyir/ thabs la mkhas pa ni sbyin pa la sogs pa gsum gyi grogs su gyur pa yin no/ /smon lam ni brtson 'grus kyi grogs su gyur pa yin no/ /stobs ni bsam gtan gyi grogs su gyur pa yin no/ /ye shes ni shes rab kyi grogs su gyur pa yin te so so nas yongs su rdzogs par byed pa'i phyir ro zhes bstan pa yin no/ /'di ltar byang chub sems dpa' rnams pha rol tu phyin pa snga ma gsum gyi yongs su bsdus pa'i sems can gang yin pa bsdu ba'i dngos por zin pa'i thabs la mkhas pas dge ba'i phyogs la 'jog par byed de zhes bya ba la sogs pa ni gnyis la go rim bzhin du pha rol tu phyin pa bzhi po dag rnam par phye ste bshad pa ston to/ /'di yang pha rol tu phyin pa bzhi rnam par phye ste bshad pa nyid kyis rnam pa bzhir
- 36a
dbye ste/ 'di ni dang po thabs kyi pha rol tu phyin pa snga ma gsum gyis grogs su gyur par bstan pa'o/ /re re la yang rnam par bshad pa dang mjug bsdu ba bstan te/ pha rol tu phyin pa phyi ma gsum la yang de bzhin du spyad bar bya'o/ /'di dang po thabs rnam pa gsum gyi grogs su gyur ba nyid rnam par bshad ba ste/ 'di ltar byang chub sems dpa' rnams pha rol tu phyin pa snga ma gsum gyi yongs su bsdus pa'i sems can gang yin pa de dag bsdu ba'i dngos po thabs la mkhas pas yongs su bzung nas/ dge ba'i phyogs la 'jog par byed do/ /bsdu ba'i dngos po de yang thabs rnam ba sna tshogs kyi spyir yongs su bzung ba la bya'o/ /mtshams rnam par grol ba'i mdo dang/ dgongs pa zab mo rnam par grol ba'i mdo las kyang bsdu ba'i dngos po zhes 'byung gi bzhi zhes pa ni mi 'byung ngo/ /yang na bsdu ba'i dngos po zhes bya ba ni bsdu ba'i dngos po bzhi yin pa'i phyir ro/ /bstan bcos theg pa chen po bsdus pa'i 'grel pa lyang gi tshe bsgyur ba las ni pha rol tu phyin pa snga ma gsum gyi yongs su bsdus pa'i sems can gang yin pa bsdu ba'i dngos po bzhis dge ba la 'jog par byed ces 'byung ngo/ /de'i phyir ngas thabs la mkhas pa'i pha rol tu phyin pa ni snga ma gsum po dag gi grogs su gyur pa yin par yongs su bstan to/ /zhes bya ba ni gnyis pa mjug bsdu ba bstan te/ brda 'phrad par zad do/ /gal te byang chub sems dpa' rnams mthong ba'i chos la nyon mongs pa med pa'i phyir/ rgyun mi 'chad par bsgom mi nus pa dang/ lhag pa'i bsam pa'i stobs chung ba'i phyir dang/ khams dang mos pa dman pa'i phyir sems nang du 'jig mi nus pa dang/ byang chub sems dpa' i sde snod thos pa dang/ dmigs pa dang/ legs pa ma bsgom pa'i phyir bsam gtan gyi 'jig rten las 'das pa'i shes rab mngon par sgrub par mi nus pas zhes bya ba la sogs pas ni gnyis pa smon lam la brtson 'grus kyi grogs su gyur pa ston to/ /'di yang rnam pa gnyis te rnam par bshad pa dang/ mjug bsdu ba ste/ 'di ni dang po rnam par
- 36b
bshad pa'o/ /'di yang rnam pa gnyis te/ smon lam 'debs pa'i rgyu bstan pa dang/ smon lam brtson 'grus kyi grogs su gyur pa nyid du bstan pa'o/ /'di ni dang po smon lam 'debs pa'i rgyu bstan pa ste/ mdo'i tshig 'di yang rkyen rnam pa gsum du dbye'o/ /dang po ni byang chub sems dpa' rnams mthang ba'i chos la nyon mongs pa mang ba'i phyir/ rgyun mi 'chad par dge ba'i phyogs kyi chos sgom par mi nus pa ste/ dgongs pa zab mo rnam par grol ba'i mdo las ni lus kyi mngon sum du zhes 'byung ngo// //gnyis pa ni lhag pa'i bsam pa'i stobs chung ba'i phyir dang/ 'dod pa'i khams kyis rnam par g.yeng ba'i gnas skabs kyi mos pa yin pa'i phyir rkyen rnam pa 'di gnyis kyi sems kyi nang du ting nge 'dzin la 'jog par mi nus pa ste/ theg pa chen po bsdus pa'i 'brel pa lyang gi tshe bsgyur pa las ni 'bras bu'i 'og mar skye ba sman pa dang/ sems dman pa rgyun du bsgom pa dang/ sems nang du 'jog par mi nus zhes 'byung ngo/ /gsum du ni theg pa chen pa'i bstan pa nyan par mi nus pa dang/ bsam gtan la dmigs shing legs par bsgoms par mi nus pa'i phyir bsam gtan gyi 'jig rten las 'das pa'i shes rab mngon par bsgrub mi nus pa'o/ /gang du bstan pa'i rkyen rnam pa gsum gyi phyir/ smon lam gyi pha rol tu phyin pa bskyed pa yin no zhes bya ba'i tha tshig go/ de bsod nams kyi tshogs cung zad yang dag par blangs te/ phyi ma nyon mongs pa yang zhing chung ba nyid du sems kyi yang dag par smon par byed pa zhes bya ba la sogs pas ni gnyis pa smon lam brtson 'grus kyi grogs su gyur pa ston to/ /'di yang rnam pa gnyis te/ smon lam 'debs pa yang dag par bstan pa yang/ smon lam brtson 'grus kyi grogs su gyur pa nyid du bstan pa ste 'di ni dang po smon lam 'debs pa yang dag par bstan pa'o/ /'di ltar byang chub sems dpa' de sbyin pa la sogs pa'i bsod nams kyi tshogs cung zad yang dag par blangs nas 'di skad du smon lam 'debs te/ bsod nams 'di'i mthus ma 'ongs pa na nyon mongs pa spangs
- 37a
shing chung ba nyid du gyur cig ces su? zer ba'o/ /theg pa chen po bsdus pa'i 'grel pa lyang gi tshes bsgyur ba las ni dge ba'i rtsa ba sra ba cing chung ba zhes 'byung ngo/ /de'i smon lam gyi pha rol tu phyin pa zhes bya ste/ smon lam de nyid kyi phyir nyon mongs pa yang zhing srab mor gyur nas brtson 'grus rtsom nus par 'gyur bas zhes bya bas ni gnyis pa smon laM? brtson 'brus? kyi grogs su gyur pa nyid du bstan pa ste/ mdo 'di nyid kyi brda 'phrad par zad do/ /de'i smon lam gyi pha rol tu phyin pa ni brtsen 'grus kyi pha rol tu phyin pa'i grogs su gyur pa yin par yongs su bstan to/ zhes bya ba ni gnyis pa mjug bsdu ba yin par rig par bya'o/ /gal te byang chub sems dpa' rnams skyes bu dam pa la yang dag par brten pa dang/ dam pa'i chos mnyan nas tshul bzhin yid la byed pas rgyu dang rkyen bya ba'i phyir lhag pa'i bsam pa stobs chung ba nyid bzlog nas lhag ba'i bsam pa khyad par can du gyur pa dang/ khams dang chos pa la gya nom pa yang thob bar gyur pa zhes bya ba la sogs pa ni gsum pa stobs bsam gtan gyi grogs su gyur pa bstan pa'o/ /'di yang rnam par bshad pa dang/ mjug bsdu bas bstan /'di ni rnam par bshad pa'o/ /'di yang rnam pa gnyis te/ stobs kyi pha rol tu phyin pa bstan pa dang/ stebs bsam gtan gyi grogs su gyur pa nyid bstan pa'o/ /'di ni dang po stobs kyi pha rol tu phyin pa nyid bstan pa ste/ 'di ltar byang chub sems dpa' rnams rgyu dang rkyen rnam pa gsum gyis lhag pa'i bsam pa dang/ mos pa khyad par du 'phags pa thob par 'gyur ba'o/ /de la rgyu dang rkyen rnam pa gsum ni dge ba'i bshes gnyen la brten pa dang/ yang dag pa'i chos mnyan pa dang/ tshul bzhin du yid la byed pa'o/ /rgyu dang rkyen rnam pa 'di gsum lhag pa'i bsam pa'i stobs chung ba las bzlog nas lhag pa'i bsam pa khyad par can du gyur pa'i khams dang/ mos pa gya nom yang thob par 'gyur pas chos gsum po 'di la stobs bya ba'o/ /'di lhag pa'i bsam pa dang/ mos pa zhes bya ba la bye brag ci yod ce na/ smras pa/ mtshams rnam
- 37b
par grol ba'i mdo las/ spongs? chung ba nyid bzlog pa las bltos pa dang stobs thob pa las bltos pa dang/ khams khyad par 'phags pas nang du sems rtse gcig pa nyid ces gsungs pa dang skyar na/ de la stobs chung ba las bzlog pa las bltos pa zhes bya ba ni khams dman pa dang/ mos pa zhan pa gang yin pa'o/ /stobs thob pa la bltos pa zhes bya ba ni 'dod pa'i khams kyi lhag pa'i bsam pa khyad par thob pa gang yin pa'o/ /nang du sems rtse gcig pa nyid ces bya ba ni bsam gtan la bya'o/ /dgongs pa zab mo rnam par dgrol ba'i mdo las sems chung ba de nyid bzlog nas/ dge ba'i stobs 'phel ba dang/ de bzhin nyid dang/ chos kyi dbyings de la gnas pa zhes 'byung ngo/ /mdo 'di las lhag pa'i bsam pa stobs chung ba nyid bzlog nas zhes gsungs pa ni dman pa'i bsam pa spangs nas khyad par du 'phags pa'i bsam pa thob par 'gyur ba'o/ /yang thob par 'gyur zhes bya ba ni khams dman pa 'ba' zhig ma yin kyi khams gya nom pa yang thob par 'gyur ba gang yin pa de ni stobs kyi pha rol tu phyin pa zhes bya'o zhes bya ba'i tha tshig go/ bstan bcos theg pa chen po bsdus pa'i 'brel pa lyang gi chos bsgyur ba las/ sems dman pa'i las spangs nas yul gyi gya nom pa las brgyal ba zhes 'byung ba lo tsA bdag gis nor to/ /stobs kyi pha rol tu phyin pa ni rjes la thob pa'i shes pa yin na/ ci'i phyir 'dun pa dang/ mos pa'i ngo bo nyid du bstan ce na mdo dag las/ shes rab kyi pha rol tu phyin pa zhes gsungs kyang/ 'di ni grogs byed pa'i dbang du mdzad nas ngo bo nyid bstan pa yin pa'i phyir 'dun pa la sogs pa bstan to/ /de ni stobs kyi pha rol tu phyin pa zhes bya ste/ stobs de nyid kyi phyir sems nang du 'jug nus pas zhes bya bas ni gnyis pa stobs bsam gtan gyi grogs su gyur pa nyid du bstan pa'o/ /'di ltar gong du bstan pa lta bu'i phyir stobs kyi pha rol tu phyin pa zhes bshad de stobs de nyid kyi phyir sems nang du bsam gtan gyi pha rol tu
- 38a
phyin pa la 'jog nus pa 'gyur pa'o/ /de'i phyir pas stobs kyi pha rol tu phyin pa ni bsam gtan gyi grogs su gyur pa yin par yongs su bstan to zhes bya ba ni gnyis pa mjug bsdu pa ste mdo de nyid kyi brda phrad bar zad do/ /gal te byang chub sems dpa' rnams kyis byang chub sems dpa' i sde snod thos pa dang/ dmigs pa dang/ legs par bsgom ba'i phyir/ bsam gtan mngon par bsgrub nus pa gang yin pa zhes bya ba la sogs pas ni bzhi pa ye shes rang gi grogs byed pa nyid du bstan pa'o/ /'di yang rnam par bshad pa dang/ mjug bsdu bas bstan pa'o/ /rnam par bshad pa yang rnam pa gnyis te/ ye shes kyi pha rol tu phyin pa nyid bstan pa dang/ ye shes shes rab kyi grogs su gyur pa nyid du bstan pa ste 'di ni dang po'o/ /'di ltar byang chub sems dpa' i sde snod thos par nus pa ni thos pa'i shes rab bo// dmigs par nus pa ni bsam pa'i shes rab bo/ /legs par bsgoms pa ni bsgom pa'i shes rab ste/ da dag gi bsam gtan mngon pa na bsgrub par nus par gyur pa'o/ /yang na nang gi yid la byed pas bsam gtan bskyed pa bsam gtan gang yin pa de ni bsgoms pa'i shes rab kyis bsdus pa'o/ /rgya cher rnam par 'byed pa ni theg pa chen po bsdus pa'i 'grel pa lyang gi tshe bsgyur ba las bstan pa bzhir te/ 'grel pa de las ni/ byang chub sems dpa' i sde snod kyis tshig 'bru la dmigs pa las byung ba'i thos pa dang/ pha rol pa'i gnas lnga la dmigs pa'i shes pa de rnam par mi rtog pa'i ye shes kyi mdun rol na yod pa dang/ rnam par mi rtog pa'i ye shes kyi rjes la yod pa gang yin pa de ni byang chub sems dpa' i ye shes kyi pha rol tu phyin pa yin te/ ye shes des ting nge 'dzin skyes pa'i phyir dang/ 'jig rten las 'das ba'i sheS bar rab tu 'dren pa dbyed pa'i ye shes kyi pha rol tu phyin pa'i grogs su gyur ba yin no zhes 'byung ngo/ /de ni ye shes kyi pha rol tu phyin pa zhes bya ste/ ye shes ni de nyid kyi phyir 'jig rten las 'das ba'i shes rab mngon par
- 38b
sgrub par nus par 'gyur bas zhes bya ba ni gnyis pa ye shes shes rab kyi grogs yin par bstan pa ste/ mdo nyid kyi brda' phrad par zad do/ /de'i phyir ngas ye shes kyi pha rol tu phyin pa ni shes rab kyi pha rol tu phyin pa'i grogs su gyur pa yin par yongs su bstan te zhe na bya ba ni gnyis pa mjug bsdu pa ste/ mdo nyid kyi brda phrad par zad do/ /mtshans rnam par dgrol ba'i mdo las/ dgongs pa zab mo rnam par dgrol ba'i mdo las kyang phal cher mdo de nyid las gsungs pa dang mthun par bshad do/ pha rol tu phyin pa bzhi'i rgya cher rnam par 'byed pa ni 'phags pa legs ba'i tshul khrims bstan pa'i mdo dang/ bstan bcos yongs su 'dzin pa dang bstan bcos rnal 'byor spyod pa'i sa las bstan pa bzhin du rig par bya'o// //bam po lnga bcu dgu pa byang chub sems dpa' spyan ras gziD dbang phyug gis kyang bcom ldan 'das la 'di skad ces gsol to/ /bcom ldan 'das ci'i slad du pha rol tu phyin pa drug po de dag gi go rim de ltar bstan par mdzad logs zhes 'di man chad ni drug pa pha rol tu phyin pa rnams kyi go rim bstan pa'i sgo zhes bya ba ston to/ /'di yang zhu ba gsol pa dang/ lan du gsungs pa bstan te/ 'di ni dang po pha rol tu phyin pa drug po dag gi go rim gtan tshigs zhus pa'o/ /mdor bstan pa yin pas phyi ma bzhi'i go rim ni ma bstan to/ /yang na sngar gong du bstan pa nyid kyis don bstan zin pa'i phyir yang ma gsungs so/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu phyi ma'i rab tu 'dren pa'i sten yin pa'i phyir te zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang rnam pa gsum du dbye ste/ lan/ mdor gsungs pa dang/ gzhung bzhin rgya cher rnam par bshad pa dang/ mjug bsdu ba'o/ /'di ni dang po de bzhin gshegs bas lan mdor gsungs pa ste/ ngas rab tu 'dren par byad pa la dgongs pa'i
- 39a
phyir pha rol tu phyin pa drug po dag gi go rim de ltar bstan te/ phyi ma phyi ma'i don gyi don nyid du gyur pa'i phyir ro zhes pa'i tha tshig go/ de ltar byang chub sems dpa' rnams longs spyod la mi lta na tshul khrims yang dag par len par byed do/ /tshul khrims yang dag par bsrungs na bzod pa bsgom par byed do/ /bzod pa bsgom nas brtson 'grus brtsom par 'gyur ro/ /brtson 'grus brtsams nas bsam gtan sgrub par 'gyur ro/ /bsam gtan dang ldan na 'jig rten las 'das pa'i shes rab thob par 'gyur ro/ /zhes bya ba ni gnyis pa gzhung bzhin du pha rol tu phyin pa drug gi snga phyir go rim rgya cher bshad pa'o/ /'di ni bstan bcos mdo sde'i rgyan las rab tu 'dren pa'i go rim zhes bstan pa nyid de de'i phyir bstan bcos de las snga ma la phyi ma zhes bya ba ni 'di lta ste/ snga ma la brten nas phyi ma 'byung ba'o/ /de ci'i phyir zhe na/ longs spyod la mi lta na tshul khrims yang dag par len to/ /tshul khrims dang ldan pas bzod pa bskyed do/ /bzod pa bskyed nas brtson 'grus brtsams pas ting nge 'dzin bskyed par byed do/ /ting nge 'dzin bskyed nas de kho na nyid kyi chos rab tu shes bar 'gyur ro zhes bshad do/ /gzhan yang bstan bcos theg pa chen po bsdus pa las/ ci'i phyir pha rol tu phyin pa drug po dag gi go rim bstan ce na 'di ltar pha rol tu phyin pa snga ma rnams pha rol tu phyin pa phyi ma 'byung ba dang rjes su mthun pa'i phyir ro zhes 'byung ngo/ /slob dpon ngo bo nyid med kyi 'grel pa las pha rol tu phyin pa phyi ma 'byung ba dang rjes su mthun pa'i phyir zhes bya ba ni longs spyod lam chags na tshul khrims srung nus so/ /tshul khrims dang ldan na bzod do/ /bzod na gnyen po la mi brjed do/ /gnyen po la mi brjed pas brtson 'grus rtsom mo/ /brtson 'grus brtsams na sems mnyam par 'jog go /sems mnyam par bzhag na yang dag pa ji lta ba bzhin du shes pa'i phyir/ rnam pa drug po dag gi go rim de ltar bstan to zhes 'byung ngo/ /slob dpon dbyig gnyen gyis mdzad pa'i 'grel ba las/ pha rol tu phyin pa drug po de dag ni snga ma las brten nas phyi ma
- 39b
'byung ba la dgongs nas go rim de ltar bstan pa yin no/ zhes 'byung ngo/ /de'i phyir ngas go rim de ltar bstan to zhes bya ba gsum pa mjug bsdu ba yin par rig par bya'o/ /pha rol tu phyin pa de dag gi go rim kyang bstan pa rnams las so so nas bshad pa mi mthun pa'i kha cig nas ni don rnam pa gcig gis go rim bstan pa yod de mdo de nyid dang/ mtshams rnam par dgrol ba'i mdo dang/ dgongs pa zab mo rnam par dgrol ba'i mdo dang/ bstan bcos theg pa chen po bsdus pa dang theg pa chen po bsdu ba'i 'grel pa rnam pa gnyis las rab tu 'dren pa las snga phyir bstan pa lta bu'o/ /kha cig las ni don rnam pa gnyis kyi ston pa yang yod de/ bstan bcos theg pa chen po bsdus pa'i 'grel ba lyang gi tshe bsgyur ba las ji skad du/ dang po ni rab tu 'dren pa'i go rim mo zhes 'byung ste/ mdo 'di la gsungs pa dang mthun no/ /gnyis pa ni rnam par dag pa yongs su 'dzin pa'i phyir go rims te/ pha rol tu phyin pa snga ma snga ma rnams pha rol tu phyin pa phyi mas rnam par dag par byed pa'i phyir ro zhes bstan pa lta bu'o/ /kha cig las don rnam pa gsum gyis ston pa yang yod de/ 'phags pa legs pa'i tshul khrims bstan pa'i mdo dang/ bstan bcos yongs su 'dzin pa dang/ rnal 'byor spyod pa'i sa las ji skad du gnyen po'i phyir dang/ 'byung po'i phyir dang/ 'bras bu thob pa'i phyir ro zhes bstan pa lta bu ste/ zhib du de nyid las bstan pa bzhin no/ /gzhan yang don rnam pa gsum gyis bstan pa yang yod de/ chos mngon pa sna tshogs kun las btus pa las ji skad du/ rab tu 'dren pa dang rnam par dag dang rnam par dag pa yongs su 'dzin pa dang/ rags pa dang/ phra ba zhes bstan pa lta bu ste/ rab tu 'dren pa dang rnam par dag pa ni snga ma bzhin no/ /de la ragS pa dang phra ba zhes bya ba'i spyod pa rnams kyi nang ni sbyin pa ni mchog du rags pa'i phyir thog mar rnam par bzhag go/ /bzod pa la sogs pa'i spyod bas tshul khrims rags pa'i phyir de'i 'og tu rnam par bzhag go/ de bzhin du shes rab las bsam gtan rags pa'i bar du phye ste/ shes rab ni thams
- 40a
cad pas phra ba'i phyir tha mar rnam par bzhag go zhes 'byung ngo/ /bstan bcos mdo sde'i rgyan las kyang don rnam pa gsum gyis ston te/ dang po snga mas phyi ma 'dren par byed pa ni sngar bshad pa dang 'dra'o/ /gnyis pa mir ba dang 'bring dang/ tha ma ste/ snga ma ni tha ma yid la/ phyi ma ni rab? yin no/ /gsum pa ni rags pa dang phra ba ste/ chos mngon pa sna tshogs kun las btus pa las bstan pa dang mthun te/ de'i phyir de de nyid kyi tshig le'ur byas pa las/ snga ma la brten phyir skye/ /tha mal ni rab kyi gnas/ /rags pa dang ni phra ba'i phyir/ /pha rol phyin drug go rim bstan/ /mi 'khrungs pa la rgyu gsum yod ces 'byung ba yin no/ /kha cig las ni don rnam pa bzhi bstan pa yod de/ bstan bcos rnam par rig pa tsam du grub pas ji skad du rab tu 'dren pa dang/ rnam par dag pa yongs su 'dzin pa dang/ rags pa dang/ phra ba dang ? ba dang dka' ba'o/ /yang na sla pa dang/ dka' bas gong ma'i rags pa dang/ phra ba bstan pa yin te/ de'i phyir bstan bcos de nyid las go rim ni 'di lta ste/ snga ma snga mas/ phyi ma phyi ma rab tu 'dren pa dang/ phyi ma phyi mas snga ma snga ma rnam par dag par byed pa dang/ snga ma snga ma ni dags pa yin la/ phyi ma phyi ma ni phra ba yin pa dang/ bsgom par sla ba dang/ dka' bas go rim de ltar bstan to zhes 'gyur ba lta bu'o/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das pha rol tu phyin pa drug po de dag re re la yang rnam pa rab tu dbye ba du mchis lags zhes bya ba 'di man chad ni pha rol tu phyin pa rnams kyi rnam pa rab tu dbye ba'i sgo zhes bya ba ston to/ /'di yang zhu ba gsol ba dang/ lan gsungs pa bstan te/ 'di ni dang po pha rol tu phyin pa drug gi rnam par rab tu dbye pa zhus pa'o/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu re re la yang rnam pa gsum gsum yod de zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang
- 40b
rnam pa gnyis te/ rnam pa drug bco brgyad du gyur par mdor bstan pa dang/ go rim bzhin du rnam pa drug po re re la yang rnam pa gsum gsum yod pa ston te/ 'di ni dang po 'di dag gi rab tu rnam par dbye ba yang bstan pa rnams las so so nas bshad pa mi mthun pas mdo 'di nyid dang/ mtshams rnam par grol pa'i mdo dang/ dgongs pa zab mo rnam par dgrol ba'i mdo dang/ bstan bcos theg pa chen pho bsdus pa dad/ rnal 'byor spyod pa'i sa las ni pha rol tu phyin pa drug po ? pas brtsams nas/ re re la yang rnam pa gsum gsum du zad kyi/ rnam par bshad pa ni med do/ /rnal 'byor spyod pa'i sa las/ byang chub sems dpa' sa dang/ slob dpon dbyig gnyen dang/ ngo bo nyid med kyis mdzad pa'i theg pa chen po bsdus pa'i 'grel pa dang/ theg pa chen po bsdus pa'i 'grel pa lyang gi tshe bsgyur ba dang/ chos mngon pa sna tshogs kun las btus pa las ni rnam pa drug po dag la re re yang rnam pa gsum du yang dbye la/ rnam par bshad pa yang mdzad do/ /bstan bcos rnam par rig pa tsam du grub pa las ni pha rol tu phyin pa bcu las brtsams nas pha rol tu phyin pa lnga ma drug la ni re re la yang rnam pa gsum du dbye'o/ /pha rol tu phyin pa phyi ma bzhi la ni re re la yang rnam pa gnyis su 'byed kyi/ rnam par bshad pa ni med do/ /bzhi po dag la gnyis gnyis su 'byed pa yang thabs rnam pa gnyis ni yongs su bsngo ba la mkhas pa'i thabs dang/ yongs su bskyab pa'i thabs so/ /smon lam yang rnam pa gnyis te/ byang chub yongs su tshol ba'i smon lam dang/ gzhan la phan 'dogs pa'i smon lam mo/ /stobs kyang rnam pa gnyis te/ rab tu 'byed pa'i stobs dang/ bsgom pa'i stobs so/ /ye shes kyang rnam pa gnyis te/ chos kyi bden pa la longs spyod pa'i ye shes dang/ seMs can yongs su smin par byed pa'i ye shes so zhes bshad do/ /'di ni mdo las gsungs pa bzhin du pha rol tu phyin pa snga ma drug bstan te/ de la bye brag ci yod pa ni mdo'i thad kar bab pa na bshad par bya'o/ /sbyin pa rnam pa gsum ni chos sbyin pa dang/ zang zing sbyin pa dang/ mi 'jigs
- 41a
pa sbyin pa'o zhes bya ba la sogs pas ni gnyis pa go rim bzhin du rnam pa drug po dag re re la yang rnam pa gsum gsum yod par ston to/ /'di yang rnam pa drug bstan pa nyid kyis rnam pa drug du dbye ste/ 'di ni dang po sbyin pa rnam pa gsum bstan pa'o/ /bstan bcos rnal 'byor spyod pa'i sa las ni/ mtshan nyid rnam pa dgus sbyin pa rnam pa gsum ston te/ de nyid las zang zing sbyin pa ni 'di lta ste/ ser sna'i dri ma dang/ gsog 'jog gi dri ma bsal nas bzang po dang/ gtsang ba dang/ rung ba sbyin par byed pa ste/ rgya cher de nyid las bstan pa bzhin no/ /mi 'jigs pa'i sbyin pa ni 'di lta ste/ seng ge dang/ stag dang/ chu srin dang/ rgyal po dang/ chom rkun dang/ chu la sogs pa'i 'jigs pa las yongs skyob pa yin par rig par bya'o/ /chos kyi sbyin pa ni phyin ci ma log par chos ston pa dang/ rig par ston pa dang/ bslab ba'i gzhi yang dag par 'dzin du 'jug pa ste/ byang chub sems dpa' i sbyin pa rnam pa dgu po de dag thams cad gcig du bsdus pa ni zang zing dang/ chos dang/ mi 'jigs pa'i sbyin pa zhes bya'o/ /zhes bshad do/ /slob dpon dbyig gnyen gyis mdzad pa'i 'grel ba las ni chos dang zang zing dang/ mi 'jigs pa gsum ni go rim bzhin du gzhan gyi dge ba'i rtsa ba dang/ lus dang sems la phan 'dogs pas rgyu dang rkyen de'i phyir rnam pa gsum du bstan to zhes 'byung ngo/ /slob dpon ngo bo nyid med kyi 'grel pa las ni rnam grangs gnyis kyis ston te/ dang po ni rnal 'byor spyod pa'i sa las bstan pa dang rjes su mthun no/ /gnyis pa ni slob dpon dbyig gnyen gyis bstan pa dang mthun pas de'i phyir 'dir ma brjod do/ /bstan bcos chos mngon pa sna tshogs pa kun las btus pa las ni ston pa rnam pa bco brgyad kyis drug pa dag gi rnam pa gsum ston te/ zang zing dang/ mi 'jigs pa dang/ chos ni go rim bzhin du lus dang/ sems dang/ dge ba'i rtsa ba yongs su rtogs par bya'o zhes slob dpon dbyig gnyen gyis lus dang/ sems la sogs pa la phan 'dogs pa zhes bstan pa dang mthun par bshad do/ /theg pa chen po
- 41b
bsdus pa'i 'grel pa lyang gi tshe bsgyur ba las/ rnam grangs gnyis kyis bstan te/ chos kyi sbyin pa ni gzhan gyi sems la phan 'dogs so/ /zang zing gi sbyin pa ni gzhan gyi lus la phan 'dogs so/ mi 'jigs pa'i sbyin pa ni lus dang sems la phan 'dogs so/ /gzhan la phan 'doD pa sbyin pa ni nyes par spyod pa ni nyes par spyod pa dag dge ba la phyogs par byed do/ /mi 'jigs pa'i sbyin pas ni de dag 'khor bsdud par byed do/ /chos kyi sbyin pas ni dge ba'i rtsa ba dang/ rnam par grol ba de dag yongs su smin par byed do/ /don de dag dang ldan pa'i phyir sbyin pa la rnam pa gsum bshad do zhes 'byung ngo/ /tshul khrims rnam pa gsum ni mi dge ba las ldog pa'i tshul khrims dang/ dge ba la 'jug pa'i tshul khrims dang/ sems can gyi don la 'jug pa'i tshul khrims so zhes bya ba ni gnyis pa tshul khrims rnam pa gsum bstan pa'o/ /ming cung zad mi mthun pa yang don ni bstan bcos theg pa chen po bsdus pa las bstan pa dang mthun no/ /bstan bcos rnam par rig pa tsam du grub pa las ni tshul khrims rnam pa gsum na 'di lta ste/ sdom pa'i tshul khrims dang/ dge ba'i chos bsdud pa'i tshul khrims dang/ sems can la phan 'dogs pa'i tshul khrims so zhes 'byung ngo/ /bstan bcos rnal 'byor spyod pa'i sa las ni khyim pa dang/ rab tu byung ba'i phyogs la brten pa'i tshul khrims rnam par gzhag pa ni/ mdor bsdu na rnam pa gsum ste/ sdom pa'i tshul khrims ni 'di lta ste/ byang chub sems dpa' rnams kyi ris bdun po dag gi so so thar pa'i sdom pa yang dag pa'i blangs pa gang yin pa'o/ /dge ba'i chos bsdud pa'i tshul khrims ni 'di lta ste/ byang chub sems dpa' rnams kyi so so thar pa'i sdom pa yang dag par blang pa'i 'og tu byang chub chen po'i phyir/ lus dang ngag gis dge ba bsags pa gang ci yang rung ba de dag thams cad ni mdor bsdu na dge ba'i chos bsdud pa'i tshul khrims zhes bya'o/ sems can la phan 'dogs pa'i tshul khrims ni 'di lta ste/ byang chub sems dpa'
- 42a
rnams kyi sems can la phan 'dogs pa gang yin pa ste/ zhing? tu de nyid las bstan pa bzhin no/ /slob dpon dbyig gnyen gyis mdzad pa'i theg pa chen po bsdus pa'i 'grel ba las/ dang po ni rten du gyur pa yin te/ tshul khrims gzhan rnam pa gnyis rnam par gzhag pa'i phyir/ de'i dbang gis sangs rgyas kyi chos thams cad bsgrubs nas byang chub la 'jug pa thob par byed pa dang/ gzhan yang sems can la phan 'dogs pa'i tshul khrims rnam par 'jog pas so/ /zhes bshad do/ /slob dpon ngo bo nyid med kyis 'grel pa las/ sdom pa'i tshul khrims ni 'di lta ste/ mi dge ba las sdom pa yang dag par blangs shing 'dis lus dang ngag la sogs pa'i las rnams bsdom pa'i phyir/ sdom pa zhes bya ste/ de nyid tshul khrims yin pas gnyis kyi rten to zhes 'byung ste/ 'grel pa de la sogs pa zhes smos pas ni yid kyis bsam pa'i tshul khrims bzung ngo/ /tshul khrims phyi ma gnyis kyis bshad pa ni/ slob dpon dbyig gnyen gyis mdzad pa'i 'grel pa las bstan pa dang mthun no/ /gzhan yang 'brel pa de nyid las/ tshul khrims rnam pa gsum po 'di dag ni mi 'jigs pa bzhi'i rgyu'o/ /de ci'i phyir zhe na/ tshul khrims dang po de ni spangs pa'i yon tan no/ /tshul khrims gnyis pa ni ye shes kyi yon tan no/ /tshul khrims gsum pa ni drin gyi yon tan no/ /mi 'jigs pa bzhi ni yon tan 'di gsum las gud na med pa'i phyir/ mi 'jigs pa bzhi'i rgyur bstan zhes 'byung ngo/ /chos mngon pa kun las btus pa'i 'grel pa las sdom pa dang/ dge ba sdud pa dang/ sems can la phan 'dogs pa'i tshul khrims ni go rims bzhin du dge byang chub dang/ snying rje gsum gyis yongs su bzung ba yin no zhes bshad do/ /bzod pa rnam pa gsum ni/ gnod pa la mi mjed pa'i bzod pa dang/ sdug bsngal la ji mi snyam pa'i bzod pa dang/ chos la nges par rtog pa'i bzod pa'o zhes bya bas ni gsum pa bzod pa rnam pa gsum bstan to/ /bstan bcos rnal 'byor spyod pa'i sa'i nang nas bzod pa'i le'u las bzod?
- 42b
pa ni rnam pa gsum yod de/ gnod pa byed pa la ji mi snyam pa'i bzod pa ni 'di lta ste/ byang chub sems dpa' ni gzhan la gnod ba byed pa laS byung ba'i sdug bsngal mi bzod pa rgyun mi 'chad pa sna tshogs yun ring ba mngon du 'byung ba na 'di ltar yang dag par slob par byed de/ 'di ni rang gi las kyi le lan yin te/ des na bdag rang gi byas pa'i mi dge ba'i las kyi sdug bsngal gyi 'bras bu 'di 'dra ba nyams su myong ngo zhes bya ba la sogs pa rgya che bde nyid las bstan pa bzhin no/ /gzhan yang de nyid las de la byang chub sems dpa' sdug bsngal dang du len pa'i bzod pa ni 'di lta ste/ 'di la byang chub sems dpa' ni 'di ltar yang dag par slob ste/ bdag sngon 'dod pa spyod pa ngag la gnas shing 'dod pa rnams yongs su 'tshol ba na/ sdug bsngal gyi rgyu yin par tshor bzhin du 'dod pa sdug bsngal gyi rang bzhin can rnams kyi phyir zhing las dang/ tshong dang/ rgyal po la zho shas 'tsho ba la zhugs nas sdug bsngal mang po mi bzod pa dag nyams su blangS shing/ dad du blangS pa la nyams su myong ba di ltar don ming/ sdug bsngal kho na'i phyir tshor ba bzhin du mi shes pa'i nyes pas bdag gi sdug bsngal chen po nyams su blangs na/ da ni bdag bde ba sgrub pa'i dge ba la zhugs pa tshor ba bzhin du/ de las bye brag 'bum 'gyur sdug bsngal dang du blangs shing nyams su blangs pa ni cha yin na/ de bas chung du lta ci smos snyam ste/ byang chub sems dpa' i byang chub la zhugs pa de ltar tshul bzhin yid la byed cing/ gzhi thams cad byung ba'i sdug bsngal dang du len par byed do/ /de la byang chub sems dpa' i chos nges par sems pa la mos pa'i bzod pa ni 'di lta ste/ 'di la byang chub sems dpa' ni/ yang dag par chos thams cad rab tu rnam par 'byed pa shin tu brtan pa'i blos mos pa'i zhes bya ba la sogs pa rgya cher de nyid las bstan pa bzhin du rig par bya'o/ /slob dpon dbyig gnyen gyis mdzad pa'i theg pa chen po bsdus pa'i 'grel pa las/ gnod pa byed pa la ji mi snyam pa'i bzod pa ni gzhan gyis gnod pa byas pa la bzod pa'o/ /sdug bsngal la ji mi snyam pa'i
- 43a
bzod ba ni sdug bsngal mang po nyams su myong ba yang dag par bzod pa'o/ /chos la nges par rtog pa'i bzod pa ni chos rnams la nges par so sor rtog bar nus pa'o zhes bshad de/ zhib tu de nyid las bshad pa bzhin no/ /slob dpon ngo bo nyid med kyi 'grel pa las/ de la gnod pa byed pa la ci mi snyam pa'i bzod pa ni sems can yongs su smin par bya ba las mi ldog pa'i rgyu'o/ /gnyis pa ni sangs rgyas nyid las mi ldog pa'i rgyu ste/ grang ba dang/ tsha ba dang/ bkres pa dang/ skom pa la sogs pa'i sdug bsngal rnams kyis mi ldog pa'i phyir ro// chos la nges par rtog pa'i bzod pa ni/ bzod pa snga ma gnyis kyi rten te/ zab pa dang/ rgya che ba'i chos la bzod pa'i phyir ro zhes 'byung ste/ theg pa chen po bsdus pa'i 'grel pa lyang gi tshe bsgyur ba las kyang/ phal cher de dang mthun par ston to/ /slob dpon dbyig gnyen gyis mdzad pa'i 'grel pa dang/ chos mngon pa sna tshogs kun las bsdus pa las kyang/ bzod pa gsum gyi ming ni mdo 'di las gsungs pa dang mthun par 'byung ste/ go rim bzhin du sems can mi spong ba dang/ dman pa'i sems spangs pa dang/ mi skye ba'i chos la bzod pa dang/ gsum gyi yongs su bzung ba yin par rab tu ston to/ /brtson 'grus rnam pa gsum ni go cha'i brtson 'grus dang/ dge ba'i chos sdud pa'i sbyor ba'i brtson 'grus dang/ sems can gyi don la sbyor ba'i brtson 'grus so zhes bya ba ni bzhi pa brtson 'grus rnam pa gsum bstan pa'o/ /mtshams rnam par grol ba'i mdo las ni yi dam rgya che ba'i brtson 'grus dang/ dge ba'i thabs kyi brtson 'grus dang/ sems can la phan 'dogs pa'i brtson 'grus zhes 'byung ngo/ /dgongs pa zab mo rnam par dgrol ba'i mdo las ni sems skyed pa'i brtson 'grus dang/ dge ba'i chos bsgom pa'i brtson 'grus dang/ sems can la phan 'dogs pa'i brtson 'grus so zhes 'byung ngo/ /bstan bcos rnal 'byor spyod pa'i sa'i nang nas/ brtson 'grus kyi le'u las brtson 'grus ni rnam pa gsum yod de/ go cha'i brtson 'grus ni 'di lta
- 43b
ste/ 'di la byang chub sems dpa' ni brtson 'grus brtsom pa la sbyor ba'i dngos po la nas sems mngon par spro ba'i sngon du 'gro ba'i go cha 'di ltar gyon par byed de/ bdag ni gal te sems can gcig sdug bsngal las thar bar bya ba'i phyir yang nyin mtshan bskal ba chen po dang mnyam bdag gis 'gro ba gzhan du mi gnas pas sems can dmyal ba kho nar gnas pas dus ji srid gcig gis byang chub sems dpa' rnams bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i dus de nyid bye brag 'bum 'gyur gyis srid kyis/ bdag gis bla na med pa yang dag par rdzogs pa'i byang chub thob par 'gyur ba lta na yang dag spro bar byed de/ bla na med pa yang dag par rdzogs pa'i byang chub kyi phyir mi brtson par yang mi byed la/ brtson 'grus la zhags pa yang dor bar mi byed na/ dus kyi yun ches thung ba dang/ sdug bsngal ches chung bas lta ci smos snyam pa de lta bu ni byang chub sems dpa' go cha'i brtson 'grus zhes bya'o zhes bya ba la sogs pa rgya cher de nyid las bstan pa bzhin no/ /gzhan yang de nyid las/ de la dge ba'i chos sdud pa'i tshul khrims ni 'di lta ste/ byang chub sems dpa' i tshul khrims gang pha rol tu phyin pa drug la sbyor bar byed cing/ yang dag par grub par byed pa'o zhes bshad de/ zhib tu de nyid las bstan pa bzhin no/ /gzhan yang de nyid las sems can don bya ba'i brtson 'grus ni 'di lta ste tshul khrims kyi le'u las 'byung ba bzhin du rnam pa bcu gcig tu rig par bya'o zhes 'byung ngo/ /bstan bcos theg pa chen po bsdus pa las ni mdo las gsungs pa'i tshig lnga po dag mdor sdu na rnam pa gsum du bstan te/ 'di lta ste/ go cha'i brtson 'grus dang/ sbyor ba'i brtson 'grus dang/ mi zhum zhing mi 'khrugs la chog par mi 'dzin pa'i brtson 'grus so zhes 'chad do/ /slob dpon dbyig gnyen gyis mdzad pa'i 'grel pa las ni brtson 'grus gsum po dag gi ngo bo tha dad pas mdo las mthu dang ldan pa dang/ brtson 'grus dang ldan pa dang/ spro ba dang ldan pa dang/ brtul ba dang
- 44a
ldan pa dang/ brtson pa mi gtong ba zhes gsungs te/ mdo de nyid las tshig lnga gsungs pa yin pa de ni 'dir brtson 'grus gsum po dag gi ngo bo nyid du bsdu'o zhes bshad de/ 'di nyid kyi 'grel pa las cho ga dgos pa'i phyir thog ma kho nar mthu dang ldan pa'o/ /ji lta ba bzhin du spyod pa'i phyir brtson 'grus dang ldan pa'o/ /zhum pa med pa dang/ ldog pa med pa dang/ cho ga pa med pa'i phyir go rim bzhin du spo ba dang ldan pa dang/ brtul ba brtan pa dang/ brtson pa mi gtong ba zhes bya ba nas rgya cher bshad pa'i bar du bstan pa'o/ /theg pa chen po bsdus pa'i 'brel pa slob dpon ngo bo nyid med kyis byas pa dang/ lyang gi tshe bsgyur ba las kyang/ slob dpon dbyig gnyen gyis mdzad pa'i 'grel ba las bstan pa dang mthun par bshad de mangs kyis dogs nas 'dir ma brjod do/ /chos mngon pa sna tshogs kun las btus pa las ni go cha dang/ sbyor ba dang/ phan 'dogs pa ni go rim bzhin du gzhan dge ba'i rtsa ba dang/ sbyor ba'i dge ba'i rtsa ba dang/ yongs su rdzogs pa'i dge ba'i rtsa ba rnam pa gsum yongs su 'dzin pa'o zhes bshad do/ /bsam gtan rnam pa gsum pa ni rnam par mi tog cing zhi la rab tu zhi bas kho na ma tho ba med pa'i phyir nyon mongs pa dang/ sdug bsngal gyi gnyen por gyur pa bde bar gnas pa'i bsam gtan dang/ yon tan mngon par grub pa'i bsam gtan dang/ sems can gyi don mngon par grub pa'i bsam gtan no zhes bya ba ni snga ma bsam gtan rnam pa gsum bstan pa'o/ /le'u dang po las tshig bzhi yod kyang de dag gi mtshan nyid khong du chud par dka' bas/ de'i phyir mdo sde dang bstan bcos rnams la brten nas tshig bzhi po de dag bshad par bya'o/ /de la dang po rnam par mi rtog cing zhi la zhes bya ba ni yang dag pa ma yin pa kun tu rtog pa dang/ gnas ngan len thams cad dang bral ba'i phyir rnam par mi rtog cing zhi ba zhes bya ste/ de'i phyir mtshams rnam par grol ba'i mdo las yang dag pa ma yin pa dang bral ba'i zhi ba zhes gsungs ba
- 44b
dang/ gzhan yang bstan bcos rnal 'byor spyod pa'i sa las/ rnam par rtog pa thams cad spangs pa'i phyir/ lus dang sems shin tu spangs pa skyed par byed do zhes bstan pa yin no/ /gnyis pa rab tu zhi ba zhes bya ba ni bstan bcos rnal 'byor spyod pa'i sa las srid pa'i ro myong ba rnams yongs su spangs pas mtshan ma thams cad nye bar zhi ba zhes bshad do/ /gsum pa kha na ma tho ba med pa'i phyir zhes bya ba ni slob dpon ngo bo nyid med kyi byas ba'i 'brel ba las/ nga rgyal dang/ lta ba dang/ sred pa dang bral nas rnam par dag pa thob pa'i phyir ro zhes bshad do/ / bstan bcas rnal 'byor spyod pa'i sa las/ kha na ma tho ba med pa'i yul drug dang/ nye ba'i nyon mongs pa'i yongs su spangs pa'o zhes bshad do/ /bzhi pa nyon mongs pa dang/ sdug bsngal gyi gnyen por gyur ba bde bar gnas pa zhes bya ba'i ting nge 'dzin nyon mongs pa dang/ sdug bsngal gyi gnyen por gyur cing mngon par shes pa la dbang thob pas / mthong ba'i chos la bde bar gnas so/ /theg pa chen po bsdus pa'i 'grel pa lyang gi tshe bsgyur ba las ni ting nge 'dzin 'dis kun nas nyon mongs pa rnam par spangs pa'i phyir/ tshe 'di la bde bar gnas pa thob bo zhes bshad do/ /slob dpon dbyig gnyen gyis mdzad pa'i 'grel ba las/ 'di'i dbang gis mthong ba'i chos la bde bar gnas pa'o zhes bshad de/ /gzhan rnam pa gnyis ni mdo nyid kyis brda phrad par zad do/ /bstan bcos rnal 'byor sbyod pa'i sa'i nang nas bsam gtan gyi le'u las/ bsam gtan ni rnam pa gsum yod de/ Ftshe 'di la bde bar gnas pa'i bsam ba tan ni 'di lta ste/ byang chub sems dpa' rnams kyi bsam gtan rnam par rtog pa thams cad dang bral ba/ lus dang sems shin tu sbyangs pa bskyed ba dang mchog tu rab tu zhi ba/ rlom sems dang bral ba/ ro myong ba med pa/ mtshan ma thams cad dang bral pa gang yin pa de ni/ de dag gi tshe 'di la bar mar gnas pa'i bsam gtan pa yin par rig par bya'o/ /de la byang chub sems dpa' rnams kyi ting nge 'dzin gyi yon tan mngon
- 45a
par bsgrub pa'i bsam gtan ni 'di lta ste/ byang chub sems dpa' rnams kyi bsam gtan stobs bcu'i rigs kyis bsdus pa'i ting nge 'dzin rnam pa sna tshogs bsam gyis mi khyab cing tshad med par sgrub par byed pa gang yin pa dang/ ting nge 'dzin gang dag nyan thos dang/ rang sangs rgyas rnams kyis kyang ming yang mi shes na snyoms par 'jug par lhag la 'gyur zhes bya ba la sogs pa rgya cher bshad pa'i phyir ro/ /sems can gyi don bya ba'i bsam gtan ni 'di lta ste/ byang chub sems dpa' rnams bsam gtan la brten nas sems can gyi bya ba dang ldan pa ngag la grogs su 'gro ba dang/ sems can sdug bsngal ba rnams kyi sdug bsngal sel ba dang/ rigs pa ston pa dang/ byas pa gzo zhing byas pa tshor te phan 'dogs pa rnams la lan du phan 'dogs pa dang/ 'jigs pa rnams las byung ba dang/ yo byang med pa rnams la yo byad stobS pa dang/ yang dag pa'i 'khor legs par sdud pa dang/ sems dang mthun par 'jug pa dang/ yang dag ba'i yon tan rnams kyis dga' bar byed ba dang/ legs par tshar gcod pa dang/ rdzu 'phrul gyis skrag par byed pa dang/ mdun par byed pa'o zhes 'byung ste/ zhib du de nyid las bstan pa bzhin no/ /slob dpon dbyig gnyen gyis mdzad pa'i 'grel pa las/ bde bar gnas pa'i bsam gtan zhes bya ba 'di ni mthong ba'i chos la bde bar gnas par byed do/ /mngon par bsgrub ba'i bsam gtan zhes bya ba 'di ni mngon par shes pa drug mngon par sgrub par byed do/ /bya ba sgrub pa'i bsam gtan zhes bya ba 'di ni sems can la phan 'dogs pa'i bya ba dag mngon par sgrub par byed do/ /zhes bshad do/ /slob dpon ngo bo nyid med kyi 'grel pa las/ gnas pa'i bsam gtan ni mthong ba'i chos la bde bar gnas ba'i phyir te/ nga rgyal dang/ lta ba dang/ sred pa la sogs pa spangs nas rnam par dag pa thob pa'i phyir ro/ /mngon par sgrub pa'i bsam gtan ni mngon par shes pa drug la sogs pa yon tan khyad par du 'phags pa
- 45b
mngon par bsgrub pa'i phyir ro/ /bya ba sgrub pa'i bsam gtan ni sems can rnams la phan 'dogs pa'i phyir mu ge dang nang kyi 'jigs pa la sogs pa zhi bar byed pa'i phyir ro zhes 'byung ngo/ /bstan bcos chos mngon pa sna tshogs kun las btus pa las/ mthong ba'i chos? la bde bar gnas pa dang/ mngon par shes pa mngon par bsgrub pa dang/ sems can la phan 'dogs pa ni go rim bzhin du yongs su 'dzin pa gsum po yongs su ngal ba med pa dang/ bsam pa rnamS yongs su rdzoD ba dang/ 'khor 'bul bI laS dang sbyar ro/ zheS bshad do/ theg pa chen po bsdus pa'i 'grel pa lyang gi tshe bsgyur ba las kyang/ phal cher slob dpon dbyig gnyen gyis mdzad ba'i 'grel pa las bstan pa dang mthun par bshad do/ /mangs kyi dogs nas 'dir ma brjod do/ /bstan bcos mdo sde'i rgyan las ni rnam par rtog ba dang bcas pa la sogs pa rnam pa gsum du bstan te/ /shes rab rnam pa gsum ni kun rdzob kyi bden pa la dmigs pa'i shes rab dang/ don dam pa'i bden pa la dmigs pa'i shes rab dang/ sems can gyi don la dmigs pa'i shes rab po zhes bya ba ni drug pa shes rab rnam pa gsum bstan pa'o/ /bstan bcos rnal 'byor spyod pa'i sa las/ shes rab rnam pa gnyis so zhes bshad do/ /dang po shes rab gsum ni zhes bya la de kho na nyid du khong du chud cing rtog par bya ba'i shes rab rig pa'i gnas lnga po rnams dang/ tshogs gsum la mkhas pa'i shes rab dang/ sems can thams cad la phan 'dogs pa'i shes rab po zhes 'byung ste/ dang po ni de kho na nyid la dmigs pa'o/ /bar ma ni rang gi don la dmigs pa'o/ /tha ma ni kun rdzob la dmigs shing gzhan la phan 'dogs pa'o/ /de la rig pa'i gnas lnga ni nang gi rig pa la sogs te lnga po dag go/ tshogs gsum ni don dang ldan pa'i chos rnams kyi tshogs dang/ don dang mi ldan pa'i chos rnams kyi tshogs dang/ don dang ldan pa yang ma yin/ don dang mi ldan pa yang ma yin pa'i
- 46a
chos rnams kyi tshogs so/ /de la shes rab kyi phyi ma gsum ni chos bdag med pa zab mo shes pa'i shes rab bo/ /sems can rnams 'dul ba'i thabs shes pa'i shes rab dang/ shes bya thams cad la sgrib pa med pa shes pa'i shes rab bo zhes 'byung ste/ dang po ni chos stong pa nyid shes pa'o/ /bar ma ni gang zag stong pa nyid du shes pa'o/ /tha ma ni stong pa nyid gnyis mngon du byas pa'i shes pa'o/ /bstan bcos rnam par rig pa tsam du grub pa las ni sems can stong pa dang/ chos stong pa dang/ gnyi ga stong pa'i shes rab ces bshad do/ /bstan bcos theg pa chen po bsdus pa las ni sbyor ba'i shes pa dang/ rjes thob pa'i shes pa zhes bshad do/ /bstan bcos ngo bo nyid med pa gsum bstan pa las/ /rnam par mi rtog pa'i sbyor ba'i shes rab ni 'di lta ste/ de kho na nyid bsgom pa mdun rol gyi thabs khyad par du 'phags pa'i shes rab bo/ /rnam par mi rtog pa'i shes rab ni 'di lta ste/ de kho na nyid du bsgom pa'i shes rab bo/ /rnam par mi rtog pa phyis thob pa'i shes rab ni 'di lta ste/ mngon par rtog pa'i mdza' kun rdzob rnam shes pa ches ston pa la sogs pa dngos po sna tshogs ston pa yin no/ /zhes 'byung ngo/ /bstan bcos mngon pa kun las btus pa las ni kun rdzob la dmigs pa dang/ sems can la dmigs pa'i shes rab dag ni rim bzhin du sa la 'jug pa dang/ sangs rgyas kyi chos mngon par bsgrub pa dang/ sangs rgyas kyi mdzad pa'i bsgrub pa'i ston pa gsum dang sbyar ro zhes bshad do/ /pha ro tu phyin pa drug po re re la yang rab tu dbye ba rnam pa gsum yod pa rgya cher rnam par 'byed pa ni bstan bcos theg pa chen po bsdus pa'i bgrel pa lyang gi tshe bsgyur ba dang/ rnam par bshad pa las 'byung ste/ mangs kyi dogs nas ma brjod do/ /de phyir bstan pa rnams las de ltar tha dad par gyur ce na don gyi rnam pa gcig kho na ma yin te/ so so nas don re
- 46b
re smos pa'i phyir/ phan tshun 'gal ba med do/ /pha rol tu phyin pa drug po dag gi ngo bo nyid kyi bye brag mdo tsam du bstan pa yang/ bstan bcos rnam par rig pa tsam du grub pa las ji skad du/ pha rol tu phyin pa bcu po dag gi ngo bo nyid kyang/ sbyin pa ni mi chags pa dang des bskyed pa'i las gsum po dag gi ngo bo nyid do/ /tshul khrims ni byang chub sems dpa' i tshul khrims yang dag par len pa'i las gsum po dag gi ngo bo nyid do/ /bzod pa ni zhe sdang med pa dang/ brtson 'grus dang/ nges pa'i shes rab dang/ de dag gis bskyed pa'i las gsum po dag gi ngo bo nyid do/ /brtson 'grus ni rtsol ba dang/ des bskyed pa'i las gsum po dag gi ngo bo nyid do/ /bsam gtan ni ting nge 'dzin gyi ngo bo nyid do/ /phyi ma lnga ni chos rab tu rnam par 'byed pa'i ngo bo nyid do/ /de'i rtsa ba dang/ phyis thob pa'i ye shes zhes 'byung ngo/ /zhib du de nyid las bstan pa bzhin no/ /rgya cher rnam par 'byed pa ni mtshan nyid bstan pa dag las byung ba bzhin du rig par bya'o// //bam po drug bcu pa/ byang chub sems dpa' spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das ci'i slad du pha rol tu phyin pa de dag pha rol tu phyin pa zhes bgyi lags zhes bya ba 'di man chad ni brgyad pa pha rol tu phyin pa'i ming thob pa bstan pa'i sgo zhes bya ba ston to/ /'di yang zhu ba gsol ba dang/ lan du gsungs pa bstan te/ /de ni dang po ci'i slad du pha rol tu phyin pa zhes bgyi ba lags zhes zhu ba'o/ /spyi dang bye brag gi ming ni gong du bstan pa bzhin te/ 'di ni rgyu dang rkyen gang gi phyir dang/ don gang gi phyir pha rol tu phyin pa zhes bya ba'i ming thob par 'gyur ces bya ba'o/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu rgyu dang rkyen rnam pa lnga'i phyir te zhes bya ba la sogs pas ni gnyis pa de bzhin gshegs pas
- 47a
yang dag par lan du gsungs pa ston to/ /'di yang rnam par dbye ste/ grangs mdor smos pa dang/ grangs bkod pa dang/ go rims zhin du rnam par dbye ste/ bshad pa dang/ rgol ba'i rten du bzlas te bshad pa'o/ /'di ni dang po grangs mdor smos pa ste/ rgyu rnam pa lnga'i phyir pha rol tu phyin pa zhes bya'o zhes bya ba'i tha tshig go/ mtshams rnam par grol ba'i mdo las ni rnam pa lnga zhes 'byung ngo/ /dgongs pa zab mo rnam par dgrol ba'i mdo las ni don rnam pa lnga zhes 'byung ngo/ /chags pa med pa nyid kyi phyir dang/ mi lta ba nyid kyi phyir dang/ kha na ma tho ba med pa nyid kyi phyir dang/ rnam par rtog pa med pa nyid kyi phyir dang/ yang dag par yongs su bsngo ba nyid kyi phyir ro zhes bya ba gnyis pa grangs bzhin du ming bkod pa'o/ /mtshams rnam par grol ba'i mdo las ni thog ma med pa dang/ nyes pa med pa dang/ rnam par rtog pa med pa dang/ yongs su bsngo ba'o/ /zhes 'byung ngo/ /dgongs pa zab mo rnam par dgrol ba'i mdo las ni ma chags pa dang/ re ba med pa dang/ nyes pa med pa dang/ rnam par rtog pa med pa dang/ yongs su bsngo ba'o zhes 'byung ngo/ /bstan bcos rnam par bshad pa las ni ming bkod par zad kyi/ rnam par bshad pa ni med do/ /de ci'i phyir zhe na/ bstan bcos de nyid las sbyin pa'i pha rol tu phyin pa yon tan lnga dang ldan pas na pha rol tu phyin pa zhes bya ste/ mngon par zhen pa med pa'i phyir gtong ba dang/ mi lta ba'i phyir gtong ba dang/ skyon med pa'i phyir gtong ba dang/ rnam par mi rtog pa'i phyir gtong ba dang/ yongs su bsngo ba'i phyir gtong ba'o/ /sbyin pa ji lta ba bzhin du tshul khrims nas shes rab kyi bar du de bzhin du rig par bya'o zhes 'byung ngo/ /de la chags pa med pa nyid ni 'di lta ste/ pha rol tu phyin pa dang mi mthun ba'i dngos po la mngon par zhen pa gang yin pa'o zhes bya ba la sogs pas ni gsum pa go rim bzhin du rnam par phye ste bshad pa ston pa'o/ /'di yang rkyen rnam pa lnga bstan pa nyid kyis rnam pa lngar dbye ste/ 'di ni dang po chags pa med pa'i mtshan nyid
- 47b
bstan pa'o/ /pha rol tu phyin pa drug dang mi mthun pa'i sgrib pa gang yin pa de ni mi mthun pa'i dngos po zhes bya ste/ mi mthun pa'i dngos po de dag la mngon par zhen pa med pa'i phyir ro/ /sgrib pa drug rgya cher bshad pa ni 'og nas mdo las gsungs pa bzhin du rig par bya'o// bstan bcos rnal 'byor spyod pa'i sa las kyang mdo 'di las gsungs pa dang mthun par 'byung ste/ de'i phyir bstan bcos de nyid las/ de la byang chub sems dpa' rnams kyi sbyin pa ni mdor bsdu na yon tan lnga dang ldan na sbyin pa'i pha rol tu phyin pa'i grangs su 'gro ste/ lnga gang zhe na/ chags pa med pa nyid dang/ mi lta ba nyid dang/ kha na ma tho med pa nyid dang/ rnam par mi rtog pa nyid dang/ yongs su bsngo ba nyid kyis so/ /sbyin pa la ji lta ba bzhin du tshul khrims la sogs pa la yang de bzhin du rig par bya'o/ /de la chags pa med pa nyid ni sbyin pa la sogs pa'i gnas 'gyur ba'i chos rnam pa thams cad la chags pa med pa gang yin pa'o zhes 'byung ngo/ /mtshams rnam par grol ba'i mdo las ni 'di lta ste/ pha rol tu phyin pa dang mi mthun pa'i dngos po la mngon par zhen pa med pa gang yin pa'o zhes 'byung ngo/ /dgongs pa zab mo rnam par dgrol ba'i mdo las kyang chags pa med pa nyid ni 'di lta ste pha rol tu phyin pa dang mi mthun pa'i dngos po la mngon par zhen pa gang yin pa'o zhes 'byung ngo/ /bstan bcos theag pa chen po bsdus pa'i 'grel pa lyang ge tshe bsgyur ba las/ chags pa med cing rnam par dag pa ni 'di lta ste/ pha rol tu phyin pa dang mi mthun pa'i chos mi skye'o zhes bshad do/ /de la mi lta ba nyid ni 'di lta ste/ pha rol tu phyin pa thams cad kyi 'bras bu rnam par smin pa dang/ lan du phan 'dogs pa la sems 'grel pa med pa gang yin pa'o zhes bya ba ni gnyis pa mi lta ba gnyis kyi mtshan nyid bstan pa ste/ 'di ltar pha rol tu phyin pa drug po dag gi 'bras bu dang/ lan du phan 'dogs pa la mi re bar sbyin pa la sogs pa gtong ba gang yin pa de ni mi lta ba
- 48a
nyid ces bya'o/ /pha rol tu phyin ba drug po dag gi 'bras bu ni 'og nas mdo las bstan pa bzhin du rig bar bya'o/ /bstan bcos rnal 'byor spyod pa'i sa las kyang/ de la mi lta ba nyid ni 'di lta ste/ zang zing dang/ de'i 'bras bu la sems 'brel pa med pa nyid gang yin pa'o/ /zhes 'byung ste/ de la zang zing la sems 'brel ba med pa zhes bya ba ni mdo las lan du phan 'dogs pa la sems 'brel pa med pa zhes gsungs pa'o/ /mtshams rnam pa dang grol ba'i mdo las/ mi lta ba nyid ni 'di lta ste/ pha rol tu phyin pa rnams kyi 'bras bu rnam par smin pa dang/ da ltar gyi rnyed pa la sems 'brel ba med pa gang yin pa'o zhes 'byung ngo/ /dgongs ba zab mo rnam par dgrol ba'i mdo las/ mi re ba nyid ni pha rol tu phyin pa rnams kyi 'bras bu rnam par smin pa dang/ longs spyod pa dang/ lan du phan 'dogs pa la sems kyi tshol ba med pa gang yin pa'o zhes 'byung ngo/ /bstan bcos theg pa chen po bsdus ba'i 'grel pa las/ mi lta ba rnam par dag pa ni 'di lta ste/ rang gi lus dang/ pha rol tu phyin pa rnams kyi 'bras bu rnam par smin pa dang/ lan du phan 'dogs pa la sems kyi rtag tu mi lta ba gang yin ba'o zhes 'byung ngo/ /'phags pa shes rab kyi pha rol tu phyin pa rdo rje gcod ba'i 'grel ba las ni rang gi lus dang/ lan du phan 'dogs pa dang/ rnam par smin pa la mngon bar zhen pa med pa gang yin pa'o zhes 'byung ste/ 'di ni bstan bcos rnal 'byor spyod pa'i sa las/ sbyin pa gnyis zhes bstan pa nyid de/ de'i phyir sbyin pa'i le'u las lan la mi lta ba'i sbyin pa gang zhe na/ byang chub sems dpa' snying rje'i sems dang/ snying brtse ba dang ldan pa ni sbyin pa sbyin pa na pha rol nas phan 'dogs su re ba med de/ skye ba bde ba dang/ sred byu'i? mes tshig pa dang/ mthu med ba dang/ rang bzhan gyi sdug bsngal dag mthong ba'i phyir/ sbyin pa gtong ba'o/ /rnam par smin pa la mi lta ba'i sbyin pa gang zhe na/ byang chub sems
- 48b
dpa' ni sbyin pa byin nas phyi ma la longs spyod phun sum tshogs pa 'am/ lus phun sum tshogs par 'gyur bar sbyin pa'i 'bras bu rnam par smin pa la re ba med de/ 'du byed thams cad ni snying po med bar lta la/ byang chub mchog la ni phan yon du lta ba'i phyir sbyin pa gtong ngo zhes 'byung ste/ 'di dag gi mtshan nyid rgya cher bshad pa ni slob dpon dbyig gnyen gyis mdzad pa'i 'grel pa dang/ 'phags pa shes rab kyi pha rol tu phyin pa rdo rje gcod pa'i 'grel pa slob dpon yon tan byin gyis mdzad pa bzhin du rig par bya'o/ de la kha na ma tho ba med pa nyid ni 'di lta ste/ pha rol tu phyin pa de dag kun nas nyon mongs pa'i chos dang ma 'dres shing/ thabs ma yin pa'i spyod pa rnam par spangs pa gang yin pa'o zhes bya ba ni gsum pa kha na ma tho ba med pa'i mtshan nyid bstan to/ /de la kha na ma tho ba ni rnam pa gnyis te/ dang po ni kun nas nyon mongs pa'i chos 'dres pa ste/ 'og nas mdo las snying rje med pa'i sbyor ba la sogs pa skyon rnam pa bzhi bstan pa lta bu'o/ /gnyis pa ni thabs ma yin pa'i spyod pa ste/ 'og nas mdo las zang zing gi phan 'dogS pa zhes bya ba la sogs pa zhib cu ji skad bstan pa lta bu'o/ /rnam pa 'di gnyis spangs nas sbyin pa byin pa gang yin pa de ni/ kha na ma tho ba med ba zhes bya'o/ /bstan bcos rnal 'byor spyod pa'i sa las de la kha na ma tho ba med pa nyid ni 'di lta ste/ rnam pa thams cad kyi sbyin pa la sogs pa nye ba'i nyon mongs pa'i rnam pa thams cad rnam par spangs pa gang yin pa'o zhes 'byung ste/ de la nye ba'i nyon mongs pa zhes bya ba bstan bcos rnal 'byor spyod pa'i sa las de nyid las ji skad du/ sbyin pa'i pha rol tu phyin pa'i nye ba'i nyon mongs pa nang dang phyi rol las brten pa rnam pa bcu yod de/ de dag gi gnyen por byang chub sems dpa' i sbyin pa'i pha rol tu phyin pa'i rnam par dag pa bcu bstan pa'i rnam pa gcig las 'phros pa'i rig bzhin du rig par
- 49a
bya'o/ /de la phyi rol las brten pa'i nye ba'i nyon mongs pa ni rnam pa lnga ste/ yongs su nyon mongs pa nyid dang spong ba nyid dang/ byams pas zhen pa med pa nyid dang/ yid la bsams pas yongs su ma rdzogs pa nyid dang/ yongs su ma smin pa nyid do/ / nang la brten pa'i nye ba'i nyon mongs pa yang rnam pa lnga ste/ nges par 'byin pa ma yin pa nyid dang/ kun nas nyon mongs pa can nyid dang/ stobs dang mi ldan pa nyid dang/ phyogs su ltung ba dang bcas pa nyid dang/ zad pa'i chos nyid do zhes 'byung/ /dgongs pa zab no rnam par grol ba dang/ mtshams rnam par grol ba'i mdo las kyang/ mdo 'di nyid las gsungs pa dang mthun no/ /bstan bcos theg pa chen po bsdus pa'i 'grel pa lyang gi tshe bsgyur ba las gsum pa kha na ma tho ba med pa ni 'di lta ste/ pha rol tu phyin pa kun nas nyon mongs pa'i chos dang 'dres pa dang/ thabs ma yin pa'i spyod pa rnam par spangs pa gang yin pa'o zhes 'byung ngo/ /de la rnam par rtog pa nyid kyi 'di lta ste/ pha rol tu phyin pa de dag nyid kyi rang gi mtshan nyid la sgra ji bzhin du mngon par zhen pa med pa gang yin pa'o/ zhes bya ba ni bzhi pa rnam par rtog pa med pa'i mtshan nyid bstan to/ /'di ltar sgra ji bzhin du pha rol tu phyin pa drug gi mtshan nyid rab tu 'dzin pa dang bral ba gang yin pa de ni rnam par rtog pa med pa zhes bya ba'i tha tshig go /bstan bcos rnal 'byor spyod pa'i sa las/ de la rnam par rtog pa med pa nyid ni 'di lta ste/ sbyin pa la sogs pa la kun brtags pa'i ngo bo nyid du lta ba gang yin pa'o zhes 'byung ste/ yang na rnam par rtog pa med pa nyid ces bya ba ni 'khor gsum yongs su dag pa'o/ /pha rol tu phyin pa drug pa dag gi 'khor gsum kas yongs su dag pa rgya cher rnam par bshad pa las ni theg pa chen po bsdus pa'i 'grel pa lyang gi tshe bsgyur ba las bstan pa bzhin du rig par bya'o/ /mtshams rnam par grol ba'i mdo las/ rnam par rtog pa med pa ni 'di lta ste/ pha rol tu phyin pa rnams
- 49b
la sgra ji bzhin du rang gi mtshan nyid du mngon par zhen pa med pa'o zhes gang yin pa'o/ /dgongs pa zab mo rnam par grol ba'i mdo las kyang rnam par mi rtog pa ni pha rol tu phyin pa las sgra ji bzhin du rang gi mtshan nyid du mngon par zhen pa med pa'o zhes 'byung ngo/ /theg pa chen po bsdus pa'i 'grel pa lyang gi tshe bsgyur ba las/ bzhi pa rnam par rtog pa med pas rnam par dag pa ni 'di lta ste/ sgra bzhin du pha rol tu phyin pa'i mtshan nyid du 'dzin pa rnam par spangs pa'o/ /zhes 'byung ngo/ /de la yang dag par yongs su bsngo ba nyid ni 'di lta ste/ de ltar byas shing bsags pa'i pha rol tu phyin pa dag bla na med pa'i byang chub chen po'i 'bras bur smon pa gang yin pa'o zhes bya ba ni lnga pa yang dag par yongs su bsngo ba'i mtshan nyid bstan pa'o/ /de la dang por byas pa gang yin pa de ni byas pa zhes bya'o/ /'phel bar gyur pa'i dus gang yin pa de ni bsags pa zhes bya'o/ /bstan bcos rnal 'byor spyod pa'i sa las/ de la yongs su bsngo ba nyid ni sbyin pa la sogs pa thams cad kyi 'bras bu bla na med pa yang dag par rdzogs pa'i byang chub thob par smon lam 'debs pa gang yin pa de zhes 'byung ngo/ /yongs su bsngo ba rgya cher bshad pa ni byang chub tu sems bskyed pa'i mdo dang/ sangs rgyas phal po che'i mdo'i nang nas yongs su bsngo ba'i le'u las bstan pa bzhin no/ /mtshams rnam par grol ba'i mdo las/ yongs su bsngo da ni 'di lta ste/ pha rol tu phyin pa rnams byas nas 'phel bar 'gyur ba dag byang chub chen po'i 'bras bu gnyer ba gang yin ba'o zhes 'byung ngo/ /dgongs pa zab mo rnam par grol ba'i mdo las kyang yongs su bsngo ba ni 'di lta ste/ pha rol tu phyin pa dag byas shing/ bsags pa dag las kyang byang chub chen po'i 'bras bur smon pa gang yin pa'o zhes 'byung ngo/ /theg pa chen po bsdus pa'i 'grel pa khyad? gi tshe bsgyur ba las kyang/ lnga po yongs su bsngo ba rnam par dag pa ni 'di lta ste/ pha rol tu phyin pa drug po dag skyes shing 'phel bar
- 50a
'gyur ram/ ma skyes shing 'phel bar ma gyur pa yang rung ste/ rtag par byang chub thob par smon pa gang yin pa'o zhes 'byung ngo/ /mtshan nyid rnam pa lnga rgya cher bshad pa ni slob dpon yang dag bden pas theg pa chen po bsdus pa'i 'grel pa lyang gi bsgyur ba'i brjed byang byas pa las bstan pa bzhin du bstan par bya'o/ /pha rol tu phyin pa'i mtshan nyid de yang bstan pa rnams las so so nas bshad pa mi mthun pas kha cig las mtshan nyid rnam par zhis pha rol tu phyin pa'i don bstan pa yod de/ bstan bcos mdo sde'i rgyan las pha rol tu phyin pa drug po re re la yang mtshan nyid bzhi bzhi yod par bstan pa lta ba ste/ dang po ni sgrib pa'i gnyen por gyur pa ste/ ser sna la sogs pa'i gnyen thor? gyur pa'i phyir ro/ /gnyis pa ni shes par bya ste/ rnam par mi rtog pa'i ye shes dang lhan cig 'grogs pa'i phyir ro/ /gsum pa ni re ba yongs su rdzogs par byed pa ste/ sbyin pas slong ba dag ji ltar 'dod pa bzhin du sbyin par byed pa nas/ de bzhin du shes rab kyis ni the tsom can dag gis ji ltar 'dod bzhin du the tsom gcod pa'i phyir ro/ /sbyin pa ni sems can yongs su smin par byed pa ste/ sngar sbyin pas yongs su bsdus nas de'i 'og tu theg pa gsum po dag gi ci rigs par smin par byed pa nas/ de bzhin du sngar shes rab kyis yongs su bsdus nas de'i 'og tu theg pa gsum gyis ci rigs par yongs su smin par byed pa'i bar du'o/ /chos mngon pa sna tshogs kun las btus pa las kyang mtshan nyid bzhis stan de de'i phyir de nyid las/ de la pha rol tu phyin pa'i mtshan nyid gang zhe na/ rtsol ba nyid kyi phyir dang/ bag chags kyi phyir dang/ bdag nyid kyi lus kyi phyir dang/ rgyu mthun pa'i phyir ro zhes 'byung ngo/ /de rung brtag na khong du chud par 'gyur ro/ /kha cig las ni mtshan nyid rnam pa lngas bstan pa yang yod de/ mong de de nyid dang/ mtshams rnam par grol ba'i mdo dang/ dgongs pa zab?
- 50b
so rnam par dgrol ba'i mdo dang/ bstan bcos rnal 'byor spyod pa'i sa dang/ rnam par bshad pa dang/ theg pa chen po bsdus pa'i 'grel pa lyang gi tshe bsgyur ba las ji skad bstan pa lta bu'o/ /gzhan yang chos mngon pa sna tshogs kun las btus pa las kyang mtshan nyid lngas ston te/ de'i phyir de nyid las pha rol tu phyin pa'i mtshan nyid gang zhe na 'di lta ste/ rigs kyi phyir dang/ smon lam gyi phyir dang/ bsam pa'i phyir dang/ dngos po'i phyir dang/ ngo bo nyid kyi phyir ro zhes 'byung ste/ de nyid brtags na khong du chud par 'gyur ro/ /kha cig las ni mtshan nyid rnam pa drug gi bstan pa yang yang de/ bstan bcos theg pa chen po bsdus pa las/ drug po 'di dag gi mtshan nyid ji ltar blta zhe na/ dam pa drug gi blta bar bya ste zhes ji skad du bstan pa lta bu'o/ / mtshan nyid rnam pa drug ni bstan bcos rnam par rig pa tsam du grub pa las bstan pa dang 'dri ba'i phyir 'dir ma bstan to/ /kha cig las ni mtshan nyid rnam pa bdun gyis bstan pa yang yod de/ bstan bcos rnam par rig pa tsam du grub pa las ji skad du mtshan nyid bdun po 'di dag ni dam pa bdun gyis yongs su bsdud pas gdod pha rol tu phyin pa zhes rnam par bzhag pa yin te/ de la gnas pa dam pa ni 'di lta ste/ byang chub sems dpa' i rigs la gnas pa gang yin pa'o/ /rten dam pa ni 'di lta ste/ byang chub chen po'i sems la brten pa gang yin pa'o/ /bsam pa dam pa ni 'di lta ste/ sems can thams cad la snying brtse ba gang yin pa'o/ /ched du bya ba dam pa ni 'di lta ste/ bya ba thams cad phun sum tshogs par spyod pa gang yin pa'o/ /thabs la mkhas po dam pa ni 'di lta ste/ rnam par mi rtog pa'i ye shes kyis bsdus pa gang yin pa'o/ /yongs su bsngo ba dam pa ni 'di lta ste/ bla na med pa'i byang chub tu bsngo ba gang yin pa'o/ /rnam par dag pa dam pa ni 'di lta ste/ sgrib pa ba nyis dang 'dres
- 51a
par ma gyur ba gang yin pa'o/ /bdun po de dag gis yongs su ma bsdus pa'i sbyin pa la sogs pa ni/ pha rol tu phyin pa ni ma yin no zhes bstan pa lta bu'o/ /kha cig las mtshan nyid rnam pa brgyad kyis bstan pa yod de/ bstan bcos rnam par bshad pa las? ji skad bstan pa lta bu'o/ /mtshan nyid rnam pa bcu gnyis kyis bstan pa yang? yod de/ bstan bcos mngon pa sna tshogs kun las btus pa dang/ dbus dang mdza' rnam par 'byed pa las ji skad bstan pa lta bu'o/ /bcom ldan 'das pha rol tu phyin pa de dag dang mi mthun ba'i dngos po gang lags zhes bya ba 'di man chad ni bzhi pa gzhan dag gi rgol ba'i rjes su bzlas te bshad pa zhes bya ba 'am/ yang na zhus pa dang/ lan dag gis rgya cher bshad pa zhes bya ba ston to/ /'di yang rnam pa bzhir dbye ste/ zhus pa dang lan dag gis pha rol tu phyin pa dang mi mthun pa'i dngos po rnams rnam par 'byed pa dang/ zhus pa dang lan dag gis rnam par smin pa'i 'bras bu rnam par 'byed pa dang/ zhus pa dang lan bdag gis pha rol tu phyin pa dang 'dres pa'i chos rnam par 'byed pa dang/ gang du bstan pa'i thabs ma yin pa'i spyod pa bstan pa ste/ mdor bsdus pa'i phyir rnam par rtog pa med pa dang/ yang dag par yongs su bsngo ba ni ma bstan te/ khong du chud pa bla ba'i phyir ro/ /'di ni dang po rol? tu phyin pa dang mi mthun pa'i dngos po bstan pa'o/ /'di yang zhu ba gsol ba dang lan du gsungs pa bstan te/ 'di ni dang po pha rol tu phyin pa dang mi mthun pa'i dngos po zhus pa'o/ /rigs kyi bu dngos po de ni mdor bsdu na rnam pa drug du rig par bya ste zhes bya ba la sogs pas ni gnyis pa de bzhin gshegs pa yang dag par lan du gsungs pa ston to/ /'di yang rnam pa gnyis te/ grangs 'dor smos pa dang/ go rim bzhin du rnam par phye nas bshad pa ste/ 'di ni dang po mi mthun pa'i dngos po drug mdor bstan pa'o/ /'dod pa'i dga' ba dang/ longs spyod dang/ dbang
- 51b
phyug dang/ 'dod pa'i bsod nams las shin tu yon tan gyi phan yon du lta ba zhes bya ba la sogs pas ni gnyis pa go rim bzhin du rnam par phye ste bshad pa ston to/ /'di yang mthun pa'i dngos po rnam pa drug bstan pa nyid kyis rnam pa drug du dbye bar bya'o/ /mi mthun pa'i dngos po de yang rnam pa gnyis te/ dang po'i bye brag gi mi mthun pa'i sgrib pa pa ste/ theg pa chen po bsdus pa'i 'grel pa slob dpon ngo bo nyid med kyis mdzad pa las ji skad du/ mi mthun pa'i kun nas nyon mongs pa ni 'di lta ste/ ser sna dang/ 'chal pa'i tshul khrims dang/ khro ba dang/ le lo dang/ rnam par g.yeng ba dang/ 'chal pa'i shes rab po zhes bstan pa lta bu'o/ /gnyis pa spyi dang bye brag bsdus pa'i sgrib pa ni 'di lta ste/ longs spyod la sogs pa la mngon par zhen pa gang yin pa de ni bye brag gi sgrib pa'o/ /re re la yang yon tan gyi phan yon du lta ba gang yin pa de ni/ spyi'i sgrib pa yin no/ /mdo 'di las kyang spyi dang bye brag gi sgrib pa ston pa dang/ mdzad pas 'di ni dang po sbyin pa dang mi mthun pa'i dngos po bstan pa'o/ /de 'dod pa'i dga' ba zhes bya ba la sogs pa bshad pa rnam pa gsum yod de/ kha cig na re 'dod pa'i dga' ba zhes bya ba ni 'dod pa'i dga' ba'i ming gi rnam grangs so/ /longs spyod la dbang phyug ces bya ba ni dga' bar bya ba'i yul lo/ /'dod pa'i bsod nams la zhes bya ba ni gong ma'i yul gsum po dag gi dga' ba la'o zhe'o/ /kha cig na re/ 'dod pa'i dga' ba zhes bya ba ni 'dod pa la dga' ba'i don te/ 'dod pa'i bdag nyid do/ /de la 'dod pa lnga ste/ yul? lnga po dag go/ longs spyod ces bya ba ni nor bu rin po che la sogs pa mang du bdog pa'o/ /dbang phyug ces bya ba ni gong ma'i dngos po gnyis la longs spyod pa'i dbang thob pa'o/ /'dod pa'i bsod nams zhes bya ba ni 'dod pa la dga' ba'i yul bstan pa'o/ /'dod pa'i dga' ba dang/ longs spyod dang/ yid bde ba la dbang ba 'dod pa'i dga' ba rnam pa gsum ni 'dod pa'i bsod nams zhes bya ste/ 'dod pa'i dga' ba rnam pa gsum po de dag la shin
- 52a
tu yon tan gyi phan yon du lta ba'o/ /de ni 'di skad du/ 'dod pa'i dga' ba rnam pa gsum po dag la dga' zhing yon tan gyi phan yon du lta ba gang yin pa des ni sbyin pa'i pha rol tu phyin pa la sgrib par byed do zhes bstan par 'gyur ro zhe'o/ /kha cig na re 'dod pa'i dga' ba zhes bya ba ni 'dod pa'i dga' ba'i tshor ba'o/ /gzhan ni snga ma bzhin no zhe'o/ /mtshams rnam par grol ba'i mdo las ni 'dod pa la dga' ba dang/ longs spyod dang/ dbang phyug ces 'byung ngo/ /dgongs pa zab mo rnam par dgrol ba'i mdo las ni 'dod pa lnga'i longs spyod la dbang ba zhes 'byung ngo/ /theg pa chen po bsdus pa'i 'grel pa lyang gang gi tshe bsgyur ba las/ pha rol tu phyin pa la sgrib pa rnam pa drug yod de/ dang po'i sgrib pa ni 'dod pa'i yul la dga' ba dang/ longs spyod dang bdag nyid kyi bsod nams la yon tan khyad par du 'phags par lta ba ste/ sbyin pas ni rab tu sel bar byed do zhes 'byung ngo/ /lus dang/ ngag dang/ yid 'dod dgur kun tu spyod pa dag la shin tu yon tan gyi phan yon du lta ba zhes bya ba ni gnyis pa tshul khrims kyi pha rol tu phyin pa dang/ mi mthun pa'i dngos po bstan pa'o/ /ji ltar 'dod pa bzhin du srog gcod pa la sogs pa'i las rnams la yon tan gyi phan yon du lta ba ste/ dper na lug bsad na mtho ris su skyes par 'gyur ro zhes zer ba la sogs pa lta bu ste/ theg pa chen po bsdus pa'i 'grel pa lyang gang gi tshe bsgyur ba las/ gnyis pa sgrib pa ni the tsom dang bcas pa'i sems kyis/ lus dang/ ngag dang/ yid kyi las slong ba ste/ tshul khrims kyis 'di rab tu sel bar byed do zhes 'byung ngo/ /gzhan gyis brnyas pa mi bzod pa dag shin tu yon tan gyi phan yon lta ba zhes bya ba ni gsum pa bzod pa'i pha rol tu phyin pa dang mi mthun pa'i dngos po bstan to/ /mdo 'di nyid kyis brda phrad par zad do/ /theg pa chen po bsdus pa'i 'grel pa lyang gang gi tshe bsgyur ba las/ gsum pa'i sgrib pa ni brnyas pa dang/ smong pa dang/
- 52b
grang ba dang/ tsha ba la sogs pa'i sdug bsngal la ji mi nus pa ste/ bzod pas rab tu sel bar byed do/ /nan tan gyis mi brtson pas 'dod pa la dga' ba la mngon par zhen pa dag yon tan gyi phan yon du lta ba zhes bya ba ni bzhi pa brtson 'grus dang mi mthun pa'i dngos po bstan pa ste/ le lo dang/ bag med pa la sogs pa la yon tan du lta ba gang yin pa'o/ /theg pa chen po bsdus pa'i 'grel pa lyang gi tshe bsgyur ba las/ bzhi pa'i sgrib pa ni nan tan du sgrib par byed pa las bde ba nyid du 'dzin cing/ ma thob par thob po snyam du sems pas yon tan du lta ba ste/ brtson 'grus kyi 'di sel bar byed do/ zhes bshad do/ /'du 'dzi la gnas shing 'jig rten gyi sna tshogs dang/ rnam par g.yeng ba dag la shin tu yon tan gyi phan yon zhes bya ba ni lnga pa bsam gtan gyi pha rol tu phyin pa dang mi mthun pa'i dngos po bstan pa ste/ 'di ltar rnam par g.yeng ba rnam pa lnga po dag la 'am/ rnam par g.yeng ba rnam pa drug po dag la yon tan khyad par du 'phags par lta ba la'o/ /mtshams rnam par grol ba'i mdo las ni 'jig rten gyi 'du 'dzi mang po dngos la/ brten pa zhes 'byung ste/ dgongs pa zab mo rnam par dgrol ba'i mdo las kyang de skad du bstan to/ /theg pa chen po bsdus pa'i 'grel pa lyang gi tshe bsgyur ba las/ lnga pa'i sgrib pa ni 'dre bar gnas par mos pa dang/ 'jig rten pa'i ya mtshan gyi dngos po dang/ rnam par g.yeng pa'i rgyu dang rkyen dag la yon tan nyid du lta ba ste/ bsam gtan gyis 'di rab tu sel bar byed do zhes 'byung ngo/ /mthong ba dang bye brag phyer ba dang/ rnam par shes pa'i tha snyad kyi spyod pa dag la yon tan gyi phan yon du lta ba zhes bya ba ni drug pa shes rab kyi pha rol tu phyin pa dang mi mthun pa'i dngos po bstan pa ste/ mdo 'di nyid kyis brnga phrad par zad do/ /dgongs pa zab mo rnam par dgrol ba'i mdo las lnga pa ni 'jig rten pa'i 'du 'dzi mang po'i dngos pos bstan pa dang/ mthong ba dang/ thos pa dang/ bye brag phyed pa dang/ rnam par
- 53a
shes pa'i rnam par rig pa'o/ /drug ni 'jig rten pa'i spros pa dag la bsod nams byas pa bzhin du mthong ba zhes bya ba lo tsA ba dag gi nor te/ mthong ba dang/ thos pa la sogs pas dngos po ni drug pas gtogs pa'i phyir ro/ /bstan bcos theg pa chen po bsdus pa las ni lta bar stong ba dang/ 'chal pa'i shes rab thams cad sel ba zhes 'byung ngo/ /theg pa chen po bsdus pa'i 'grel pa lyang gi tshe bsgyur ba las/ drug pa'i sgrib pa ni mthong ba dang/ thos pa dang/ bye brag phyed pa dang/ rnam par shes pa dag la yang dag pa nyid du 'dzin pa dang/ 'jig rten gyi spros pa dag la sems kyis brtson par byed pa dang/ don ma nges pa'i don gyis mdo dag las/ ji bzhin du don du 'dzin pa ste/ shes rab kyis 'di rab tu sel bar byed do zhes bshad do/ /rgya cher ni slob dpon yang dag bden pas/ theg pa chen po bsdus pa'i 'grel par bshad pa las bstan pa bzhin du rig par bya'o/ /bcom ldan 'das pha rol tu phyin pa de dag gi rnam par smin pa'i 'bras bu gang lags zhes bya ba 'di man chad ni gnyis pa zhus pa dang lan dag gi pha rol tu phyin pa drug po dag gi rnam par smin pa 'bras bu rnam par 'byed pa'o/ /'di yang zhu ba gsol ba dang/ lan du gsungs pas bstan te/ 'di ni dang po pha rol tu phyin pa drug po de dag so so'i rnam par smin pa'i 'bras bu ji lta ba zhig lags zhes zhus pa'o/ /rigs kyi bu de yang mdor bsdu na rnam pa gsum du rig par bya ste/ zhes bya ba/ la sogs pas ni gnyis pa de bzhin gshegs pas yang dag par lan gsungs bston to/ /'di yang rnam pa gnyis te/ grangs mdor smos pa dang/ go rim bzhin du rnam par phye nas bshad pa ste 'di ni dang po'o/ /sgrub pa'i rgyu rnam pa drug yod pa'i bye brag gis mngon par sgrub pa'i rnam par smin pa'i 'bras bu yang rnam pa drug go zhes bya ba'i tha tshig go /longs spyod chen po nyid dang/ bde 'gro skye ba dang/ kho na
- 53b
med cing dbyen med la bde ba dang yid bde ba med pa dang/ sems can gyi bdag po byed pa dang/ lus la gnod pa med pa dang/ dbang che bar grags pa'o zhes bya ba ni gnyis pa go rim bzhin du rnam par phye nas bstan pa ste/ go rim bzhin du sbyin pa'i stobs kyi longs spyod chen po thob par 'gyur ba dang/ tshul khrims bsrungs pa'i phyir de bde 'gror skye ba dang/ bzod pa bsgoms pa'i phyir kho na med cing dbyen med la/ bde ba dang yid bde ba mang bar gyur pa dang/ brtson 'grus brtsams pa'i phyir mang po kun gyis bkur pas sems can gyi bdag po byed par 'gyur ba dang/ bsam gtan gyis nyon mongs pa rab tu bsal ba'i lus la gnod pa med pa thob par 'gyur ba dang/ shes rab kyis rig pa'i gnas lnga la shin tu mkhas pas dbang cher grags pa'o/ /mtshams rnam par dgrol ba'i mdo las/ longs spyod chen po dang/ bde 'gror 'gro ba dang/ kho na med pa gsum ni mdo 'di las gsungs pa dang mthun no/ /bzhi pa ni 'phal ba med pa'o/ /lnga pa ni bde ba med zhing sems can gyi bdag po byed pa'o/ /drug pa ni rang gi lus la gnod pa byed pa med cing las su rung ba chen po dang ldan pa'o zhes 'byung ngo/ /dgongs pa zab mo rnam par dgrol ba'i mdo las ni bsod nams can gyi longs spyod thob pa'i phyir dang/ bde 'gror 'gro pa'i phyir dang/ kho na med pa'i phyir dang/ dbyen med? cing bde ba mang ba'i phyir dang/ rtag par sems can gyi bdag po byed pa'i phyir bdag nyid kyi lus gnod pa med pa'i phyir dang/ mthu chen po'i phyir ro zhes 'byung ste/ mtshams rnam par grol ba'i mdo las ni go rim nor ba dang/ dgongs pa zab mo rnam par grol ba'i mdo las 'bras bu bdun bstan pa dang/ mi gsal bar 'gyur ba ni lo tsA ba dag gis bsam pa tha dad pa'i phyir ro/ /bstan bcos chos mngon pa sna tshogs kun las btus pa las ni pha rol tu phyin pa drug po dag so so nas 'bras bu lnga lnga thob par ston to/ /mdo 'di las ni 'bras bu re re thob par bstan to/ /de'i phyir bstan bcos de la phan yon ni
- 54a
rnam pa lnga'i skabs su dpag tu med pa'i bsngags pa brjod pa gang yin pa de ni phan yon zhes bya'o/ /'di lta ste/ pha rol tu phyin pa de dag gi mi mthun pa'i phyogs spangs pa ni bral ba'i 'bras bu'o/ /mthong ba'i chos la sbyin pa la sogs pas bdag dang gzhan rjes su 'dzin pa ni skyes bu byed pa'i 'bras bu'o/ /phyi ma la gong nas gong du khyad par du 'phags pa mchog dam pa 'byung ba ni rgyu mthun pa'i 'bras bu'o/ /byang chub chen po thob par 'gyur ba ni dbang gi 'bras bu'o/ /longs spyod chen po dang/ bde 'gror 'gro ba dang/ kho na med pa dang/ dbyen med pa dang/ bde ba dang/ yid bde ba mang ba dang/ sems can la dbang ba dang/ lus la gnod pa med pa dang/ dbang che bar grags pa ni go rim bzhin du sbyin pa la sogs pa pha rol tu phyin pa'i rnam par smin pa'i 'bras bur rig par bya'o zhes 'byung ngo/ /gzhan yang bstan bcos rnam par rig pa tsam du grub pa las/ zag pa dang bcas pa ni rnam pa bzhi ste/ bral ba'i 'bras bu ma gtogs pas so/ /zag pa med pa la yang rnam pa bzhi ste/ rnam par smin pa'i 'bras bu ma gtogs pas so/ /gang 'bras bu lnga tshang bar bstan pa de ni phan tshun gcig gis gcig la phan 'dogs pa 'am/ gnyi ga bsdus te bstan pa yin no zhes 'byung ste/ 'di ni bstan bcos chos mngon pa sna tshogs kun las btus pa de dag brda sbrong? pa yin no// // bam po drug cu gcig pa/ bcom ldan 'das pha rol tu phyin pa dang 'dres pa'i kun nas nyon mongs pa'i chos gang lags zhes bya ba 'di man chad ni gsum pa zhus pa dang/ lan dag gis pha rol tu phyin pa dang 'dres pa'i chos rnam par 'byed pa ston to/ /'di yang zhu ba gsol ba dang/ lan du gsungs pa bstan te/ 'di ni dang po gong du kha na ma tho ba med pa bstan pa'i skabs su kun nas nyon mongs pa dang ma 'dres pa zhes gsungs pa de zhu ba'o/ /rig kyi bu mdor bsdu na rnam pa bzhir rig par bya'o zhes bya ba la sogs pas ni gnyis pa
- 54b
de bzhin gshegs pas yang dag par lan du gsungs pa ston to/ /'di yang rnam pa gsum ste/ grangs smos nas lan 'dor gsungs pa dang/ rnam par phye ste bstan pa dang/ gzhan dag gis rgol ba'i rjes su bzlas te bstan pa ste/ 'di ni dang po grangs smos nas lan mdor gsungs pa'o/ /snying rje med pa'i sbyor ba'i phyir dang/ tshul bzhin ma yin pa'i sbyor ba'i phyir dang/ rtag tu mi byed pa'i sbyor ba'i phyir dang/ ma gus pa'i sbyor ba'i phyir dang zhes bya ba ni gnyis pa go rim bzhin du rnam par phye ste bstan pa'o/ /'di ltar sgo? pa bzhi la sgrib pa'i phyir rnam pa bzhi zhes gsungs pa yin te/ de la bsgom pa rnam pa bzhi ni/ mdzod kyi bstan bcos las ji skad du/ bsgom pa ni rnam pa bzhi yod de/ dang po lus pa med par bsgom pa ni bsod nams dang/ ye shes rnam pa gnyis kyi tshogs lus pa med par bsgom pa'i phyir ro/ /gnyis pa yun ring por bsgom pa ni bskal pa chen po grangs med pa gsum du sgom par byed kyang/ ngal ba med pa'i phyir ro/ /gsum pa rgyun chad med par sgom pa ni nan tan brtson 'grus kyi skad cig gcig la bsgom zhing yongs su skyo ba med pa'i phyir ro/ /bzhi pa gsum par bsgom pa ni bslab par bya ba dag la gus pa dang/ nga rgyal med pa'i phyir ro zhes bstan pa lta bu ste/ bstan bcos rnam par bshad pa las kyang de skad du bshad do/ /bstan bcos rnam par rig pa tsam du grub pa las ni/ bsgom pa rnam pa lnga zhes bshad de/ de'i phyir de nyid las/ dang po sems bskyed pa dang/ yun ring po dang/ rgyun chad pa med pa dang/ gus pa med pa dang/ lus pa med par bsgom pa'i phyir ro zhes 'byung ba yin te/ rnam par bshad pa ni med do/ /'dir ni dang po sems bskyed pa bsgol? ba'i phyir rnam pa bzhir gsungs pa yin no/ /de la snying rje med pa'i sbyor bas ni yun ring por bsgom pa la sgrib par byed de/ 'di ltar byang chub sems pa rnams bskal pa chen po grangs med pa gsum du bsgrub par nus pa yang snying rje chen po'i stobs kyis yin gyi/ snying rje'i stob
- 55a
yun ring po bas ni ma yin pas so/ /de la tshul bzhin ma yin pa'i sbyor bas ni lus med par bsgom pa la sgrib par byed spyod pa gcig sgrub pa'i tshe/ pha rol tu phyin pa rnams kyi spyod pa khyad par bsgom mi nus pa'i phyir ro/ /rtag tu mi byed pa'i spyod bas ni rgyun chad med par bsgom pa la sgrib par byed de de la rtag tu zhes bya ba ni rgyun du bya ba la bya'o/ /'di ltar le lo'i dbang gis rgyun chad pa med par rgyun du spyod pa rnams bsgrub par mi nus pas so/ /ma gus pas ni gus par bsgom pa la sgrib par byed de/ 'di ltar byang chub sems dpa' rnams pha rol tu phyin pa drug gi chos la spyod pa na spyod pa re re la gus pas skyed nas sbyin pa la sogs pa spyod pas so/ /rnam pa bzhi po 'di dag gis pha rol tu phyin pa spyod pa'i tshe 'dren mar 'byung bas 'dres pa'i kun nas nyon mongs pa zhes bya'o/ /de la tshul bzhin ma yin pa'i sbyor ba ni 'di lta ste/ pha rol tu phyin pa gzhan bsgom pa'i tshe/ pha rol tu phyin pa gzhan yongs su spong zhing nyams pa gang yin pa'o/ zhes bya ba ni gsum pa rgol ba'i rjes su bzlas te bstan pa ston to/ /'di yang gong du tshul bzhin ma yin pa zhes gsungs pas kyang nyes pa bsdus pa yin mod kyi /yang dag pa'i riD pa dang yang 'gal bas 'dir mdo 'di las rnal 'byor pas 'gal te/ pha rol tu phyin pa gcig kho na las spyod par 'gyur na/ pha rol tu phyin pa gzhan rnams kyi spyod pa yongs su spong bar 'gyur bas tshul bzhin ma yin pa zhes bya ste/ de'i phyir dgongs pa zab mo rnam par dgrol ba'i mdo las/ pha rol tu phyin pa rnams la spyod pa na gal te spyod pa gzhan dang bral bar gyur na tshul bzhin ma yin pa zhes bya'o zhes gsungs pa yin no/ /bcom ldan 'das thams cad ma lags pa'i spyod pa gang lags zhes bya ba 'di man chad ni bzhi pa zhus pa dang/ lan dag gis gong du bstan pa'i thabs ma yin pa'i spyod pa rnam par 'byed pa ston to/ /'di yang rnam pa drug ste/ zhu ba
- 55b
gsol ba dang/ lan gsungs pa dang/ brtag pa dang/ rnam par bshad pa dang/ dpes bstan pa dang/ dpe dang don du sbyar ba ste/ 'di ni dang po gong du bstan pa'i thabs ma yin pa'i spyod pa zhus pa'o/ /rigs kyi bu gal te byang chub sems dpa' rnams pha rol tu phyin pa bdag gis sems can la phan 'dogs pa na zang zing gis bsdu bas phan 'dogs pa nye bar bsgrub pa tsam gyis chog par 'dzin cing mi dge ba'i gnas nas bslangs te/ dge ba'i gnas su 'jog par mi byed pa gang yin pa de ni thabs yin pa'i spyod pa zhes bya ba ni gnyis pa yang dag par lan du gsungs pa ste/ 'di ltar byang chub sems dpa' rnams bsdu ba'i dngos po bzhi las/ zang zing gis bsdu ba kho nas phan 'dogs pas chog par 'dzin cing/ gzhan dag mi dge ba'i gnas nas slong bar mi byed pa gang yin pa 'di ni thabs ma yin pa'i spyod pa zhes bya'o zhes bya ba'i don to/ /de ci'i phyir zhe na zhes bya ba ni thabs ma yin pa'i spyod par gyur pa'i gtan tshigs brtag pa ste/ zang zing gtang bas kyang pha rol dga' bar 'gyur bas phan 'dogs pa yin na/ don gang gi phyir thabs ma yin zhes bya ba'i tha tshig go /rigs kyi bu sems can la dngos po de tsm zhig byas pas yang dag par phan btags pa zhes bya ba ma yin te zhes bya ba ni bzhi pa de bzhin gshegs pas yang dag par rnam par bshad pa ste/ 'di ltar byang chub sems dpa' rnams sems can la zang zing gis bsdus nas 'jig rten la 'di dga' ba tsam byas pa yang phan btags pa zhes bya ba ma yin gyi/ chos kyi sbyin pa btang nas sems can rnams mi dge ba'i gnas nas bslang ba gang yin pa de ni gdod phan btags pa zhes bya bas so/ /dper na mi gtsang ba ni che yang rung chung yang rung rnam grangs gang gis kyang dri zhim por bya bar mi nus so zhes bya ba ni lnga pa dpes nye bar mtshon pa ste/ dper na 'jig rten na mi gtsang ba ni che yang rung chung yang rung/ nams kyang dri zhim po'i dngos por mi 'gyur bzhin no/ /de la
- 56a
mi gtsang ba ni 'du byed kyi sdug bsngal gyi dper bstan pa'o/ /dri zhim por mya ngan las 'das pa'i dper bstan pa'o/ /de bzhin du sems can kyang 'du byed kyi sdug bsngal nyid kyi phyir/ de'i ngo bo nyid kyang sdug bsngal yin pas thabs med pa gang gis zang zing kho nas re zhig tsam du phan btags kyang bde ba nye par bsgrub par mi nus kyi/ dge ba 'ba' zhig la 'jog pa gang yin pa de ni gdod phan 'dogs pa'i mchog ces bya ba'i ming 'thob po zhes bya ba ni drug pa dpe dang don sbyar pa ste/ 'di ltar sems can rnams 'du byed sdug bsngal nyid kyi phyir/ de'i ngo bo nyid kyang sdug bsngal yin pas/ nor dang/ zas dang/ skom tsam gyis phan btags pas bde ba nyid du mi 'gyur gyi byang chub kyi mya ngan las 'das pa dge ba'i chos gya nom pa la 'jog pa gang yin pa de 'ba' zhig ni phan 'dogs pa'i mchog ces bya'o zhes bya ba'i tha tshig go /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das pha rol tu phyin pa de dag gi rnam pa du mchis pa lags zhes bya ba ni 'di man chad ni dgu pa pha rol tu phyin pa rnam par dag pa'i grangs bstan pa'i sgo zhes bya ba ston to/ /'di yang rnam pa gnyis po zhu ba gsol ba dang lan du gsungs pa bstan te/ 'di ni pha rol tu phyin pa drug po dag la rnam par dag pa'i phyir zhes zhus pa'o// bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu nga ni nam yang pha rol tu phyin pa rnams gong du bstan pa bzhin mtshan nyid lnga po ma gtogs par rnam par dag pa gzhan yod par mi smra mod kyi zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang rnam pa gnyis te/ snga ma lnga las rnam par dag pa gung na med par bstan pa dang/ lnga pa dag la brten nas bsdus pa dang/ so so bdun gyi mtshan bstan pa ste/
- 56b
'di ni dang po'o/ /'di ltar da ni gong du chags pa med pa nyid kyi phyir zhes bya ba nas yang dag par yongs su bsngo ba nyid kyi phyir zhes bya ba'i bar gyi mtshan nyid lnga po dag ma gtogs par gud na rnam par dag pa'i mtshan nyid yod par mi gsung ngo zhes bya ba'i tha tshig go / 'on kyang yang dngos po de dag gis bsdus pa dang/ so so ba la brten nas pha rol tu phyin pa rnams kyis ni rnam par dag pa'i mtshan nyid bshad par bya'o zhes bya ba la sogs pas ni gnyis pa lnga'i mtshan nyid snga ma la brten nas bsdus pa dang/ so so ba bdun bstan pa'o/ /'di yang rnam pa gnyis te/ snga ma'i mtshan nyid rnam pa lnga la brten nas bsdus pa dang/ so so bdun gyi lan mdor gsungs pa dang/ go rim bzhin du bsdus pa so so bdun mtshan nyid bstan pa ste/ 'di ni dang po'o/ /de la dngos po de dag gi zhes bya ba ni pha rol tu phyin pa rnams la dngos po de dag ces bya bar bstan te/ 'di ltar pha rol tu phyin pa de dag re re dag la yang so so nas bsdus pa dang/ so so ba rnam pa bdun yod pas so/ /de la pha rol tu phyin pa thams cad gyi rnam par dag pa'i mtshan nyid bsdus pa yang rnam pa bdun du rig par bya ste zhes bya ba la sogs pas gnyis pa go rim bzhin du rnam par phye ste bshad pa ston to/ /'di yang rnam pa gnyis su dbye ste/ bsdus pa'i mtshan nyid bdun bstan pa dang/ so so'i mtshan nyid bdun bstan pa'o/ /dang po la yang rnam pa gnyis te/ grangs mdor smos pa dang/ zhus pa dang/ lan dag gis rnam par phye nas bstan pa ste/ 'di ni dang po mtshan nyid rnam pa bdun smos pa'o/ /bdun gang zhe na/ byang chub sems dpa' chos de dag gis gzhan las shes kyi khe yongs su mi tshol ba zhes bya ba la sogs pas ni gnyis pa zhus pa dang/ lan dag gi mtshan nyid rnam pa bdun rnam par phye nas bshad pa ston te/ 'di ni mtshan nyid dang po bstan pa'o/ /'di ltar byang chub sems dpa' ni gsang ste/ pha rol tu phyin pa drug spyod pas gzhan shes
- 57a
par byas nas grags pa dang rnyed pa mi chol ba'i phyir ro/ /chos de dag la lta bas mngon par zhen par mi byed pa zhes bya ba ni gnyis pa mngon par zhen par mi byed pa'i mtshan nyid bstan pa ste 'khor gsum yongs su dag pa'i phyir ro/ /pha rol tu phyin pa drug po dag re re dag la yang gsum yongs su dag pa chen po ni theg pa chen po bsdus pa'i 'grel pa lyang gi tshe bsgyur ba las rgya cher bstan to/ /chos 'di dag byang chub chen po 'thob par 'gyur ba yin nam ma yin snyam du yid gnyis dang the tshom skyed par mi byed pa zhes bya ba ni gsum pa the tshom mi skyed pa'i mtshan nyid bstan pa ste/ mos pa bstan pa'i phyir ro/ /bdag la mi bstod gzhan la mi smod cing gzhan dag la phrag dog mi byed pa yin no zhes bya ba ni bdag la bstod cing gzhan la mi smod pa'i mtshan nyid bstan pa ste/ lci ba'i nyes par 'gyur pa'i phyir ro/ /dregs par mi byed cing bag med par mi byed pa zhes 'byung ba ni/ lnga pa bag med par mi byed pa'i mtshan nyid bstan pa ste/ le lo dang bral ba'i phyir ro/ /cung zad tsam dang ngan don tsam gyis chog par mi 'dzin pa zhes bya ba ni drug pa chog? par mi 'dzin pa'i mtshan nyid bstan pa ste/ spyod pa rgya che ba rnam spyod cing yongs su skyob med pa'i phyir ro/ /chos de dag gis ser sna mi byed pa gzhan la phrag dog mi byed pa yin no zhes bya ba ni bdun pa phrag dog dang ser sna mi phyed pa'i mtshan nyid bstan pa ste/ byang chub sems dpa' ni bdag nyid chos spyod pa'i phyir gzhan dag kyang spyod pa mthong na ser sna dang phrag dog gis zang zing dang chos la ser sna mi byed pa'i phyir ro/ /pha rol tu phyin pa rnam par dag pa'i mtshan nyid so so tha dad par bstan pa yang rnam pa bdun yod do zhes bya ba ni 'di man chad gnyis pa so so tha dad pa'i mtshan nyid bstan pa'o/ /'di yang rnam pa gnyis te/ grangs mdor smos pa dang/ zhus pa dang lan dag gis pha rol tu phyin pa drug gi mtshan nyid bdun bstan pa ste/ 'di ni dang po grangs mdor smos pa'o//
- 57b
bdun gang zhe na/ 'di lta ste/ byang chub sems dpa' rnams ngas rnam par dag pa'i mtshan nyid rnam pa bdun ji ltar bstan pa bzhin du yang dag par rjes su bsgrub cing spyod pa gang yin pa zhes bya ba la sogs pas ni gnyis pa zhus pa dang lan dag gi pha rol tu phyin pa drug gi mtshan nyid rnam pa bdun ston to/ /'di yang pha rol tu phyin pa drug bstan pa nyid kyis rnam pa drug du dbye ste/ 'di ni dang po sbyin pa'i mtshan nyid bstan pa'o/ /'di yang rnam pa gsum ste/ byang chub sems dpa' rnam par dag pa'i mtshan nyid rnam pa bdun bskyed pa mdor bstan pa dang/ mtshan nyid rnam pa bdun rnam par phye ste/ bstan pa dang/ mtshan nyid bdun bshad pa'i mjug bsdu pa ste/ 'di ni dang po spyin pa'i mtshan nyid bdun bskyed pa mdor bstan pa'o/ /sbyin par bya ba'i dngos po rnam par dag pas sbyin pa rnam par dag pas spyod pa dang/ tshul khrims rnam par dag pas sbyin pa rnam par dag pa spyod pa dang/ lta ba rnam par dag pas sbyin pa rnam par dag pa la spyod pa dang/ sems rnam par dag pas sbyin pa rnam par dag pa spyod pa dang/ ngag rnam par dag pas sbyin pa rnam par dag pas spyod pa dang/ shes rab rnam par dag pas sbyin pa rnam par dag pa spyod pa dang/ dri ma rnam par dag pas sbyin pa rnam par dag pa spyod pa zhes bya ba ni gnyis pa sbyin pa'i rnam par dag pa'i mtshan nyid rnam pa bdun rnam par phye ste bstan pa'o/ /de la dngos po ma brtag pa la sogs pa ma yin pas sbyin par byed pa gang yin pa de ni sbyin par bya ba'i dngos po rnam par dag pa zhes bya'o/ /nyes pa rnams rab tu bsal te/ sbyin pa gtong ba gang yin pa de ni tshul khrims rnam par dag pa zhes bya'o/ /bdag ni sbyin par byed pa'o/ /sbyin par bya ba ni bdag gi'o/ zhes bya ba la sogs par mi 'dzin pa gang yin pa de ni/ lta ba rnam par dag pa zhes bya'o/ /snying brtse pa'i sems la soD pas sbyin pa gtong ba gang yin pa de ni sems rnam par dag pa zhes
- 58a
bya'o/ /mdog mdangs bzang zhing sngar gsong por smra pa la sogs pas sbyin pa gtong ba gang yin pa de ni dag rnam par dag pa zhes bya'o/ /sbyin pa'i ming dang ngo bo nyid la sogs pa yang dag pa ji lta ba bzhin la sogs pas sbyin pa gtong ba gang yin pa de ni/ shes pa rnam par dag pa zhes bya'o/ /le lo dang/ 'dod chags dang/ zhe sdang dang/ gti mug la sogs pa'i dri ma yongs su spangs nas sbyin pa gtong ba gang yin pa de ni dri ma rnam par dag pa zhes bya ste/ byang chub sems dpa' i sbyin pa gtong pa na rnam par dag pa'i mtshan nyid bdun po 'di dag dang ldan na/ 'dod? sbyin pa rnam par dag pa yongs su grub par 'gyur te/ zhib du ni bstan bcos rnal 'byor spyod pa'i sa las bstan pa bzhin du rig par bya'o/ /gzhan yang byang chub sems dpa' rnams kyi sdom pa bcas pa la zhes bya ba ni gsum pa mjug bsdu ba yin par rig par bya'o/ /mtshan nyid bdun po 'di dag re re zhing yang mtshan nyid rnam pa bcu bcur dbye bar bya ste/ bstan bcos rnal 'byor spyod pa'i sa las ji skad du/ gzhan yang byang chub sems dpa' ji ltar sbyin pa byin par byed pa de la brten nas sbyin pa yongs su dag pa rnam pa bdun du rig par bya'o/ /'di ltar sbyin pa bya ba'i dngos po yongs su dag pa dang/ tshul khrims yongs su dag pa dang/ lta ba yongs su dag pa dang/ sems can yongs su dag pa dang/ dag yongs su dag pa dang/ shes pa yongs su dag pa dang/ dri ma yongs su dag pa ste/ yongs su dag pa de dag thams cad kyang rnam pa bcur rig par bya'o/ /de la sbyin par bya ba'i dngos po yongs su dag pa rnam pa bcu gang zhe na/ de rgya chen po sbyin par byed pa ni 'di lta ste/ mang po sna tshogs bye brag gi phyir ro/ /mtshungs par sbyin pa ni 'di lta ste/ mi mang mi nyung ba nyid kyi phyir ro/ /dus su sbyin pa ni 'di lta ste/ de 'dod pa'i dus dang mtshams pa'i phyir ro/ /gya nom par sbyin par byed pa 'di lta
- 58b
ste/ /kha dog la sogs pa phun sum tshogs pa'i phyir ro/ /yongs su gtsang ba sbyin par byed pa ni 'di lta ste/ mi gtsang ba'i dngos po dag dang ma 'dres pa'i phyir ro/ /chos bzhin du sbyin par byed pa ni 'di lta ste/ kha na ma tho ba med pa dang ldan pa'i phyir ro/ /ci 'dod pa sbyin par byed pa/ ni 'di lta ste/ slob ba dag gi 'dod pa bzhin du gyur pa'i phyir ro/ /phan pa sbyin par byed pa ni 'di lta ste/ de dang phrad par gyur pa'i phyir ro/ /gcig dang rims kyis sbyin par byed pa ni 'di lta ste/ slong mo ba de la rtog pa nyid kyi phyir ro/ /rgyun 'chad med par sbyin par byed pa ni 'di lta ste/ rgyun mi 'chad pa nyid kyi phyir ro zhes 'byung ba lta bu ste/ tshul khrims dang/ lta ba dang/ sems dang/ ngag dang/ shes pa dang/ dri ma drug po re re la yang mtshan nyid rnam pa bcu bcud rnam par dbye ba yang zhib du de nyid las bstan pa bzhin du rig par par bya'o/ /gzhan yang byang chub sems dpa' rnams kyis sdom pa bcas pa la bslab pa'i gzhi thams cad la mkhas pa dang/ ltung ba las bslang ba la mkhas pa zhes bya ba 'di man chad ni gnyis pa tshul khrims kyi mtshan nyid rnam pa bdun ston te/ 'di yang rnam bar bshad pa dang/ mjug bsdu bas bstan pa yang dang po mtshan nyid bdun bshad pa yang rnam pa gnyis su dbye ste/ mtshan nyid rnam pa gnyis la mkhas par bstan pa dang/ mtshan nyid kyi rnam pa lnga la yang dag par slob par bstan pa ste/ 'di ni dang po'o/ /dang po ni sdom pa'i tshul khrims kyi bslab pa'i gzhi thams cad la mkhas pa ste/ de'i phyir mtshams rnam par grol ba'i mdo las/ sdom pa sdom pa'i tshul khrims thams cad legs par bcas pa zhes gsungs pa yin no/ /gnyis pa ni ltung ba las bslang ba la mkhas pa de ni nyes pa las 'byin cing bshags par bya ba'i chos yin te/ de'i phyir mtshams rnam par grol ba'i mdo las/ ltung ba las bslang ba la mkhas pa zhes gsungs pa yin no/ /dgongs pa zab mo des pa dang grol ba'i mdo las ni skyon gyi chos dang
- 59a
bral bzhes 'byung ngo/ /rtag pa'i tshul khrims dang ldan pa dang/ bstan pa'i tshul khrims dang/ rtag tu 'byed pa'i tshul khrims can dang/ rtag tu 'jug pa'i tshul khrims can bslab pa'i gzhi thams cad yang dag par blangs te slob par byed pa zhes bya ba ni gnyis pa mtshan nyid rnam pa lnga la yang dag par slob par byed pa zhes bya ba ston to/ /de la mtshan nyid lnga ni rtag pa'i tshul khrims can dang/ rtag tu byed pa'i tshul khrims can dang/ rtag tu 'jug pa'i tshul khrims can dang/ bslab pa bzhi yang dag par blangs te slob par byed pa dag yin no/ /mtshan nyid lnga po 'di dag ni rnal 'byor spyod pa'i sa las go rim bzhin du ston to/ /de'i phyir rnam par bshad pa bsdus pa las/ de la ji ltar nges pa'i tshul khrims can yin zhe na/ 'di lta ste/ bslab pa bzhi rnams mi dbul ba'i phyir ro zhes 'byung ba yin no/ /gzhan yang tshul khrims kyi le'u las/ nges pa'i tshul khrims can ni ji srid 'tsho ba'i bar du bslab pa 'bul bar mi byed pa'i phyir ro zhes 'byung ngo/ /rnam par bshad pa las/ 'jig rten na bstan pa'i tshul khrims can yin zhe na/ bslab pa'i gzhi nyams par mi byed pa'i phyir ro zhes 'byung ngo/ /tshul khrims kyi le'u bstan pa ni tshul khrims can ni rnyed pa dang/ bkur sti dang/ phas kyi rgrol pa dang/ nyon mongs pa dang/ nye ba'i nyon mongs pa rnams kyi gril gyis mi gnon pa'i phyir dang/ 'phrog par mi nus pa'i phyir ro zhes 'byung ngo/ /rnam par bshad pa bsdus pa las ni ji ltar na rtag tu 'byed pa'i tshul khrims can zhe na/ bslab pa'i tshul 'bral bar mi byed pa'i phyir ro/ /ji ltar du 'jug pa'i tshul khrims can yin zhe na/ ral na yang phyir gso bar byed pa'i phyir ro/ /ji ltar na bslab pa'i gzhi rnam pa yang dag par blangs te slob pa yin zhe na/ bslab pa mdza' dag rjes su bsrung ba'i phyir ro zhes 'byung ngo/ /mtshan nyid 'di dag rgya cher bshad pa ni bstan bcos rnam par bshad pa dang/ rnal 'byor spyod pa'i sa las
- 59b
bstan pa bzhin du rig par bya'o/ /'di ltar rtag pa'i tshul khrims dang ldan pa dang/ bstan pa'i tshul khrims can gnyis kyis ni bslab par mi dbul zhing/ ral par mi byed pas gnyis su ston te/ rtag tu byed pa dang/ rtag tu 'jug pa'i tshul khrims rnam pa gnyis kyi ni/ nan tan gyis 'dral bar mi byed cing/ ral na yang bshags par byed pas gnyis su bstan to/ /bslab pa'i ? ni rnams yang dag par blangs te slob pa ni/ bslab pa mdza' dag rdzas su sbyang bar byed pas so/ /kha cig na re rnam pa bdun las dang po gnyis ni sdom pa'i tshul khrims so/ /de'i 'og ma gnyis ni dge ba bsdud pa'i tshul khrims so/ /de'i 'og ma gnyis ni sems can la phan 'dogs pa'i tshul khrims so/ /tha ma gcig ni snga ma gsum sbyir bsdus pa yin zhe'o/ /de ni tshul khrims rnam par dag pa'i mtshan nyid bdun zhes bya'o// zhes bya ba ni gnyis pa mjug bsdu ba yin par rig par bya'o/ /byang chub sems dpa' gang gis bdag nyid kyi las kyi rnam par smin par? bris bu la shin tu mngon par yid ches pa la brtan pas gnod pa thams cad nye bar gnas pa nad 'khrug pa mi bskyed pa zhes bya ba 'di man chad ni gsum pa bzod pa'i mtshan nyid rnam pa bdun bstan to/ /'di yang rnam pa gnyis te/ rnam par bshad pa dang/ mjug bsdu ba'o/ /rnam par bshad pa yang mtshan nyid kyi rnam pa bdun bstan pa nyid las bdun du phye sta/ 'di ni mtshan nyid dang po bstan pa'o/ /'di ltar byang chub sems dpa' rnams rgyu dang 'bras bu la shin tu mngon par yid ches pas bdag nyid kyi las kyis mi mthun pa'i yul mngon du gyur ba na 'khrug pa skyed par mi byed do/ de la las mngon par yid ches pa gang yin pa de ni bzod pa'i rgyu'o/ /gnod pa'i dngos po gang yin pa de ni bzod par bya ba'i yul lo/ /'khrug pa mi skyed pa gang yin pa de ni bzod pa'i ngo bo nyid de/ rgyu dang rkyen 'di gsum gyi mtshan nyid dang po bstan to/ /gzhan yang bstan bcos rnal 'byor spyod pa'i sa las 'di lta ste/ 'di la byang
- 60a
chub sems dpa' ni gzhan gnod pa byed pa las byung ba'i sdug bsngal mi bzang pa rgyun mi 'chad pa sna tshogs yun ring po mngon du byed pa la 'di ltar yang dag par slob te/ 'di ni rang gi las kyi le lan yin te/ des na bdag gang gis byas pa'i mi dge ba'i las kyi sdug bsngal gyi 'bras bu nyams su myong la/ bdag ni sdug bsngal mi 'dod de/ mi bzod pa de phyi ma la yang sdug bsngal gyi rgyu'o gnas su 'gyur la/ bdag gi sdug bsngal gyi rgyur gyur pa'i chos de yang dag par blangs te/ 'dug na ni bdag nyid mi sdug? pa gang yin pa de la bdag nyid kyis bdag nyid sbyor bar byed par nges so zhes bya ba la sogs pa rgya cher de nyid las bstan ba bzhi no/ /lan bya ba'i phyir slar yang spyod pa dang/ gshe pa dang/ rdeg pa dang/ bsdigs pa dang/ 'tshang 'bru ba'i gnod pa sna tshogs sbyor bar mi byed pa zhes bya bas ni mtshan nyid gnyis pa ston to/ /'di ltar byang chub sems dpa' rnams stong pa nyid rnam pa gnyis rab tu rtog par spyod pa mi dmigs pa dang/ gzhan yang bzod pa myur du 'grub pa'i phyir/ lan mi bzod par byed de/ gal te lan bya bar gyur na/ phan yon chen po las rab tu nyams par gyur pa'i phyir ro/ /gzhan yang bstan bcos rnal 'byor spyod pa'i sa las/ 'di la gshe bar byed pa dang/ gshe bar bya ba dang/ khro bar bya ba dang/ 'tshar 'dru bar bya ba dang/ brdeg par byed ba dang/ brdeg par bya pa 'ga' yang med de/ 'di dag ni yi ge dag gis brjod par bya ba kho nar zad pas/ de dag gi sgra tsam dang skad tsam du zad pa'i phyir dang/ gzhan yang bdag gang la gnas pa'i lus 'di la 'di lta ste/ sgra'i reg pa dang/ lag pa dang bong ba dang/ dbyug pa dang/ mtshon cha'i reg pa'i reg pa de lta bu dag 'ong bar 'gyur ba'i lus 'di ni gzugs can dags pa/ 'byung ba chen po bzhi las gyur pa de lta bu yin te/ bdag gi lus 'di yang mi rtag pa yin pa la rig pa de dang de dag dang gnod par byed pa de dag kyang mi rtag pa yin pa'i
- 60b
phyir dang/ gzhan yang sems can thams cad ni/ skye ba dang/ rga ba dang/ na ba dang/ 'chi ba'i chos can yin te/ de dag ni rang bzhin gyis sdug bsngal ba yin pas so/ bcom ldan 'das kyis yun ring po 'das pa nas gang dag khyed kyi pha ma dang/ phu nu dang/ bu srid dang/ mkhan po dang/ slob dpon dang/ bla ma dang/ bla ma lta bu 'gyur pa'i sems can de lta bu ni 'ga' yang yang dag par rjes su ma mthong ngo zhes gsungs pa'i phyir te/ de'i phyir rnam grangs nges kyang mdza' bshes kyi phyogs nyid kyang dgra bo'i phyogs yin la dgra po'i phyogs nyid kyang mdza' bshes kyi phyogs yin pas 'di la mdza' bshes dang/ dgra bo'i dngos po 'ga' yang yongs su grub pa med de/ mdza' bshes la la dgra bor 'gyur la/ dgra bo yang mdza' bshes su 'gyur shes/ de'i phyir bdag gis sems can thams cad la sems mnyam pa nyid dang/ lta ba mnyam ba nyid dang/ phan pa'i bsam pa dang/ bde ba'i bsam pa dang/ bde ba nye bar sgrub pa dang/ bde ba nye bar sgrub par smos pa nyid du bya'o snyam du sems pa ste/ zhes 'byung ste/ de lta bu'i bsam gtan gyi bzod pa bsgom par byed do/ /khon gyi bsam pa mi mdzad pa zhes bya bas ni mtshan nyid gsum bstan pa ste/ bzod pa'i phan yon khong du chus par gyur na 'dod pa ma za bar khon du 'dzin pa med de/ de'i phyir bstan bcos rnal 'byor spyod pa'i sa las/ gzhan dag gi gnod pa byas pa na /phyir gnod pa yang mi byed pa dang/ yid 'khrug par yang mi 'gyur ba dang/ dgrar bsam pa yang mi 'dzin la/ sngar ji lta ba bzhin du phyis kyang phan gdags pa'i phyir brtson par byed ces bstan pa yin no/ /shad kyis chags phan yongs su nyon mongs par mi byed pa zhes bya ba ni mtshan nyid bzhi pa bstan pa ste/ dgra bo dag gis shad? kyis chags su 'od ba'i tshe bshags pa dang du len cing nyon mongs pa skyed par mi byed pa ste/ de'i phyir bstan bcos rnal 'byor spyod pa'i sa las/ pha rol yongs su ngal bar
- 61a
byas ba'i 'og tu chags pa mi len gyi/ de yongs su skyo zhing ngal bar 'gyur bar dogs nas 'ong ma theg tu 'chags pa len par byed do zhes bshad do/ /dgongs pa zab mo rnam par dgrol ba'i mdo las ni/ gal te bshags par gsol ba 'debs na dus bzhin du len par byed pas gzhan pa gnod pa mi skye ba zhes 'byung ngo/ /shad kyi 'chags pa sdong pa zhes bya bas ni mtshan nyid lnga pa bstan te /byang chub sems dpa' ni dgri? bos byang chub sems dpa' nyid la gnod pa byed du dogs pas/ byang chub seMs dpa' nyid myur du dgro de nyid du 'gro zhing bshags par byed kyi/ pha rol 'ongs pa la brdad nas bshags pa ni ma yin pa'o/ /bstan bcos rnal 'byor spyod pa'i sa las kyang/ khon yod pa dag la bdag nyid 'gro zhing bshags par byed do zhes bshad do/ /mtshams rnaM par grol ba'i mdo las ni/ gal te gzhan gyis gnod par byas na yang mi brjed par 'chags par byed pa zhes 'byung ngo/ /'jigs pa dang zang zing gi sems kyis bzod par byed pa ma yin pa zhes bya bas ni mtshan nyid drug pa bstan te/ 'di ltar byang chub sems dpa' rnams ni 'jigs pa'i phyir bzod par byed pa ma yin te/ dper na rgyal po la sogs pa la 'jigs pa lta bu ni ma yin pa'o/ /zang zing gi sems kyi yongs su tshol bar byed pa yang ma yin te/ zas dang skom pa la sogs pa tshol ba'i phyir ma yin gyi/ gzhan dogs pa'i phyir bzod pa bsgom pa'o/ /mtshams rnam par grol ba'i mdo las ni 'jig rten med pa dang/ tshol ba med pas bzod par byed pa zhes 'byung ngo/ /dgongs pa zab mo rnam par dgrol ba'i mdo las ni/ 'jigs pa dang bcas pa dang/ zas dang skom gyi phyir bzod par byed pa ma yin pa zhes 'byung ngo/ /phan gdags par bya ba la yal bar mi dor ba zhes bya ba ni mtshan nyid bdun bstan te/ byang chub sems dpa' ni rtag par sems can la phan 'dogs par byed kyi/ lan cig sems can la phan
- 61b
btags pas chog go zhes yal bar dor nas bya ba gzhan mi byed pas phan 'dogs pa'o/ /bstan bcos rnal 'byor spyod pa'i sa las kyang/ lan cig tsam phan btags nas yal bar bor te/ phan 'dogs pa ma yin no/ zhes 'chad do/ /mtshams rnam par grol ba'i mdo las ni/ rtag par phan btags pa'i sems kyis yal bar mi dor ba zhes 'byung ngo/ /de ni bzod pa rnam par dag pa'i mtshan nyid bdun pa zhes bya'o zhes bya ba ni gnyis pa bzod pa'i mtshan nyid rnam pa bdun bshad pa'i mjug bsdu ba'o/ /byang chub sems dpa' gang gi brtson 'grus mnyam pa nyid rab tu shes pa/ zhes bya ba 'di man chad ni bzhi pa brtson 'grus kyi mtshan nyid rnam pa bdun ston to/ /'di yang rnam pa gnyis to/ rnam par bshad pa dang/ mjug bsdu ba'o/ /rnam par bshad pa yang mtshan nyid rnam pa bdun bshad pa dang/ mjug bsdu ba'o/ /rnam par bshad pa yang mtshan nyid rnam pa bdun bstan pa nyid kyi rnam pa bdun du dbye ste/ 'di ni dang po brtson 'grus mnyam pa nyid bstan pa'o/ /de la dam lhod ran bar gyur pa'i phyir mnyam pa nyid ces bya ba ste/ de'i phyir bstan bcos rnal 'byor spyod pa'i sa las/ yang byang chub sems dpa' ha cang mi zhum pa/ ha cang yang brtun mi ngas par brtson 'grus brtsom ste/ sbyor bsnyoms par byed cing/ brtson 'grus bya ba thams cad snyoms par gus par byed pa ni 'di ni byang chub sems dpa' i snyoms pa'i brtson 'grus zhes bstan pa yin no/ /'dul ba dum bu lnga pa las kyang/ rnal 'byor spyod pa'i sa las bstan pa dang mthun par 'byung ste/ de phyir 'dul ba 'di las/ de'i tshe nyan thos rna ba bye ba nyi shu pas bcom ldan 'das la bdag rab tu 'byung zhing bsnyen par rdzogs par byed par ci gnang zhes gsol pa dang/ bcom ldan 'das kyis kyang rab tu phyung zhing bsnyen par rdzogs par gnang ngo/ /nges ring por ma lon par sgo khang dang tshal dang/ 'chags dag tu brtson 'grus spyad pas rkang pa
- 62a
las khrag mdzags pas nyan thos rna pa bye ba nyid shu pa 'di snyam du sems de/ bcom ldan 'das kyi nyan thos kyi nang na brtson 'grus ni bdag las lhag pa med na yang/ de dung sdug bsngal rnams kyi rtsa ba zad par ma gyur to/ /bdag gi khyim na nor dang rin po che mang du yod pas slar khyim par babs te/ bsod nams yid la ma gcag par byas kyang ci ma rung snyam du sems pa bcom ldan 'das kyi thugs su chud par gyur nas de'i thad du gshegs te/ nyan thos rna ba bye ba nyi shu pa la khyod 'di lta bu'i sems bskyed pa bden nam zhes bkas smras pa dang/ des mang ngo zhes gsol to/ /bcom ldan 'das kyis yang bka' stsal pa/ ngas khyod la dri ba dris/ khyod kyis kyang ? dri ba dris pa'i rjes su lan thob cig/ khyod sngon khyim na gnas pa'i tshe bi wang la mkhas sam/ gsol pa/ mkhas lags so/ /yang bka' stsal pa/ pi wang gi rgyud thad chad pa'i tshe sgra ran cing snyan par 'gyur ram/ gsol pa snyan par ma gyur lags so/ /yang bka' stsal pa/ pa wang gi rgyud lhod pa'i tshe sgra snyan cing ran par 'gyur ram/ gsol pa snyan par mi 'gyur lags so/ /'o na ji ltar byas na snyan bar 'gyur/ gsol pa ha cang dam pa yang ma lags/ ha cang lhod pa yang ma gyur na/ gdod snyan bar 'gyur lags so/ /bcom ldan 'das kyis bka' stsal pa/ da'i chos la yang de bzhin te/ ta cang lhod pa dang/ ha cang brtun pas lam thob par mi 'gyur gyi/ /brtson 'grus ran pa la gnas na gdong sdug bsngal zad par 'gyur ro/ /nyan thos rna ba bye ba nyi shu pas/ bcom ldan 'das kyis bka' stsal pa thos nas 'chags de nyid du zag pa rnams ma lus par byang bar gyur to zhes gsungs pa yin te/ zhib du de nyid las bstan pa bzhin no/ /lung gcig las 'bros pa dang/ lung sna tshogs dang/ 'dul ba dum bu bzhi pa la sogs pa las kyang phal cher de skad du ston to/ /brtson 'grus brtsams pa nyid kyis/
- 62b
bdag la mi bstod cing gzhan la mi smod pa zhes bya bas ni gnyis pa nga rgyal dang bral ba'i brtson 'grus bstan te/ byang chub sems dpa' i brtson 'grus ni gzhan la phan 'dogs pa sngon du 'gro bas gzhan dag la phyir nga rgyal skyed par lta ga la byed ces bya ba'i tha tshig go/ bstan bcos rnal 'byor spyod pa'i sa las kyang/ brtson 'grus brtsams pa'i nga rgyal dang bral ba'i phyir/ nga rgyal pa bral ba'i brtson 'grus zhes bya'o zhes 'byung ngo/ /mthu dang ldan pa dang/ brtson 'grus chen po dang ldan pa dang/ spro ba dang ldan pa dang/ brtul ba bstan pa dang/ dge ba'i chos rnams la brtson pa mi gtong ba zhes bya ba 'di ni brtson 'grus phyi ma lnga po mthu dang ldan pa dang/ brtson 'grus chen po dang ldan pa dang/ spro ba dang ldan pa dang/ brtul ba bstan pa dang/ dge ba'i chos rnams brtson pa mi gtong pa bstan pa ste/ tshig lnga po 'di yang bstan pa rnams las so so nas bshad pa mi mthun pas/ bstan bcos rnam par bshad pa dang/ rnal 'byor spyod pa'i sa las ni mdo'i tshig lnga po 'di ming smos par zad kyi rnam par bshad pa ni med do/ /bstan bcos chos mngon pa sna tshogs kun las btus pa las ni/ don gyis rnam pa lnga'i ming rnam par bzhag par zad kyi rnam par bshad pa ni med do/ /bstan bcos rnam par rig pa tsam du grub pa dang/ chos mngon pa sna tshogs kun las btus pa dang/ rnal 'byor spyod pa'i sa las kyang/ don gyis rnam pa lnga'i ming bzhag nas mdo'i tshig dang sbyar bar zad kyi rnam par phye ste bshad pa ni med do/ /bstan bcos rnal 'byor spyod pa'i sa mdo sde'i gzhi bsdu pa'i skabs ni don gyi rnam pa lnga'i ming bzhag nas rnam pa ni yod kyi/ mdo'i tshig dang sbyar ba ni med do/ /theg pa chen po bsdus pa'i 'grel pa slob dpon dbyig gnyen dang/ ngo bo nyid med kyis mdzad pa las ni/ don gyi rnam pa lnga'i ming yang bzhag nas mdo'i tshig? dang sbyar te bshad pa yod pas/ 'dir re zhig bstan bcos rnam par rig pa tsam du
- 63a
grub ba dang/ de nyid med kyi 'grel pa dang/ rnal 'byor spyod pa'i sa mdo snga'i gzhi bsdu pa las bshad par sbyar nas mdo 'di bshad par bya ste/ de'i phyir bstan bcos rnam par rig pa tsam du grub pa dang/ go cha dang/ sbyor ba dang/ zhum pa med pa dang/ mi 'khrugs pa dang chog par mi 'dzin pa zhes bya ba ni mdo las mthu dang ldan pa dang/ brtson 'grus dang ldan pa dang/ spro ba dang ldan pa dang/ brtul ba bstan pa dang/ dge ba la brtson pa mi gdong ba dang/ go rim du sbyar bar rig bar bya'o/ /zhes 'byung ngo/ /slob dpon ngo bo nyid med kyi 'grel pa las/ go cha'i brtson 'grus ni 'di lta ste/ thog ma kho nar bdag gis 'di 'ang bya'o zhes brtson pa ste/ 'di ni mthu dang ldan pa zhes bya ba'i tshig bstan to/ /sbyor ba'i brtson 'grus ni 'di lta ste/ sbyor ba ni bsam pa ji lta ba bzhin du nan tan gyis stong par byed pa ste/ 'di ni mdo las brtson 'grus dang ldan pa'i zhes bya ba'i tshig gis bstan to/ /bdag nyid ngal zhing sdug bsngal ba las sems ldog cing ma nyams par byed pa ni zhum pa med pa zhes bya'o/ /gzhan gyis gnod pa byas pa rnams kyi sems mo g.yas pa ni mi 'khrug pa zhes bya'o/ /byang chub la thugs gi bar du dag pa'i phyogs la brtson zhing bar mdor yongs su mi gtong pa ni chag par mi 'dzin pa zhes bya'o zhes 'byung ngo/ /bstan bcos rnal 'byor spyod pa'i sa las/ brtson 'grus brtsams ba de yang rnam par lngar rig par bya ste/ 'di lta ste/ go cha'i brtson 'grus dang/ sbyor ba'i brtson 'grus dang/ zhum pa med pa'i brtson 'grus dang/ mi bskyod pa'i brtson 'grus dang/ cho ga mi shes pa'i brtson 'grus dang/ de la thog ma kho nar ni 'dun pa drag po bskyed do/ /de'i 'og tu ni ji ltar mos pa bzhin du mngon par spro ba bstan po'i sbyor bar byed do/ /de'i 'og tu chos rgya chen po rnams rgya chen po thob par bya ba'i phyir/ bdag nyid la yang khyad du mi gsod do/ /zhum par yang mi 'gyur ro/ /de'i 'og tu ni grang
- 63b
ba la sogs ba'i gnod pa rnams kyang bzod do/ /ngan don gyis chag par mi 'dzin pas yon tan gong ma bas kyang ches gong ma gya nom pa 'dod pa'i tshul gyis gnas so zhes 'byung ngo/ /de ni brtson 'grus rnam par dag pa'i mtshan nyid rnam pa bdun ? bya'o zhes ba ni gnyis pa'i mtshan nyid rnam pa bdun bshad pa'i mjug bsdu ba'o// //pham pho drug cu gnyis pa'o/ /byang chub sems dpa' gang gi mtshan ma legs par rtogs pa dang ldan pa'i ting nge 'dzin la bsam gtan dang/ yongs su rdzogs pa dad ldan pa'i ting nge 'drin la bsam gtan dang/ gnyi pa'i cha dang ldan pa'i ting nge 'dzin pa bsam gtan pa zhes bya ba 'di man chad ni lnga pa bsam gtan gyi mtshan nyid rnam pa bdun ston to/ /'di yang rnam pa gnyis pa rnam par bshad pa dang/ mjug bsdu ba bstan de/ 'di ni bsam gtan dang po gsum bstan pa'o/ /kun rdzob kyi bden pa'i mtshan nyid legs par rtog pa'i ting nge 'dzin gang yin pa de ni mtshan ma legs par rtogs pa zhes bya'o/ /yongs su rdzogs pa'i de bzhin nyid kyi yul la dmigs pa'i ting nge 'dzin gang yin pa de ni yul las yul mi thob pa yin pas yongs su rdzogs pa zhes bya'o/ /kun rdzob dang/ don dam pa'i yul gnyi ga la dmigs pa'i ting nge 'dzin gang yin pa de ni gnyi ga'i cha zhes bya'o/ /shugs kyis 'jug pa dang ldan pa'i ting nge 'dzin las bsaM gtan pa dang/ mi gnas pa'i ting nge 'dzin bsam gtan pa dang/ shin tu sbyangs pa byas pa dang ldan pa'i ting nge 'dzin la bsam gtan pa dang zhes bya bas ni mtshan nyid bzhi pa dang/ lnga pa dang/ drug pa bstan te/ go rim bzhin du sbyor ba dang/ yang dag pa'i ye shes dang/ rjes pa thob pa'i ye shes gsum dang mtshungs par ldan pa'i ting nge 'dzin dang sbyar bar bya'o/ /de la sbyor ba'i shes pa de ni zag pa dang bcas pa'i yid la byed pa shugs kyis 'jug pa'i gnas su gyur pa'i ting nge 'dzin kho na yin pas shugs kyis 'jug pa zhes bya'o/ /rtsa ba'i ye
- 64a
shes de ni tha dad pa'i spyod yul gyi gnas su med pa'i brten pa'i ting nge 'dzin yin pas mi gnas pa zhes bya'o/ /rjes la thob pa'i ye shes ni spyod pa rnam pa sna tshogs 'grub pa'i rten du gyur pa'i ting nge 'dzin yin pas shin tu sbyang ba byas la zhes bya'o/ /byang chub sems dpa' i sde snod thos pa dang/ dmigs pa dang yongs su bsgom pa dpag tu med pa dang ldan pa'i ting nge 'dzin la bsam gtan pa gang yin pa dang zhes bya bas ni mtshan nyid bdun bstan pa ste/ 'dis ni sbyor ba'i dus kyis shes rab bstan to/ /de la byang chub sems dpa' i sde snod ces bya ba ni 'di lta ste/ theg pa chen po'i gsung rab yin pas gsung rab 'di thos par nus pa'i ting nge 'dzin la don gyi thos pa'i shes rab ces bstan te/ ting nge 'dzin gyi gnas skabs su yang gsung rab thos par 'gyur bas so/ /dmiD pa'i zhes bya ba ni ting nge 'dzin la gnas pa la don gyis bsam pa'i shes rab ces bstan to/ /yongs su bsgom pa'i dpag tu med pa'i ting nge 'dzin ces bya ba ni bsgoms pa'i shes rab yin te/ ting nge 'dzin gyi gnas skabs su yang ting nge 'dzin dpag tu med pa rnam pa sna tshogs bsgom par nus pa'i phyir ro/ /bshad pa'i rnam pa bzhin du ni shes rab dang mtshungs par ldan pa'i ting nge 'dzin dang/ shes rab dbang du gyur pa'i phyir chos kyi mtshan ma rab tu rtog pa gang yin pa de ni chos kyi mtshan ma legs par rdzogs pa zhes bya'o// nang gi so so yang dag par rig pa yongs su rdzogs pa'i ting nge 'dzin shes rab dang mtshungs par ldan pa'i ting nge 'dzin gang yin pa de ni shugs kyis 'jug pa dang ldan pa zhes bya'o/ /rnam par mi rtogs pa'i ye shes dang mtshungs par ldan pa'i ting nge 'dzin gang yin pa de ni mi gnas pa zhes bya'o/ /rjes la thob pa'i ye shes dang mtshungs par ldan pa'i ting nge 'dzin gang yin pa de ni shin tu sbyangs pa zhes bya'o/ /byang chub sems dpa' i sde snod la sbyor ba'i ting nge 'dzin bstan pa 'di lta ste/ theg pa chen po'i byang chub
- 64b
sems dpa' i sde snod kyi bstan pa thos ba'i shes rab kyis dmigs pa byas nas dpag tu med pa'i bsam gtan rnams bsgom pa'i phyir ro/ /brgyud de bshad pa dag las dang po gcig ni ting nge 'dzin gyi cha lhan cig ma snyoms pa'i bsam gtan pa rgyu mtshan gyi rnam pa la rtog pa yin pas mtshan ma legs par rtogs pa zhes bya'o/ /gnyis pa ni shes rab kyi chad lhan cig ma snyoms pa'i bsam gtan pa lta ba'i rnam pa la rtog cing/ rang gi ngo bo nyid yongs su rdzogs par byed pa yin pas yongs su rdzogs pa zhes bya'o/ /ting nge 'dzin dang shes rab cha mnyam pa'i bsam gtan pa gang yin pa de ni gnyi ga'i cha zhes bya'o/ /tshul bzhin yid la byed pa'i shes pa dang/ mtshungs par ldan pa mthong ba'i lam gyi bsam gtan pa gang yin pa de ni mi gnas pa zhes bya'o/ /tshul bzhin yid la byed pa'i shes pa dang/ mtshungs par ldan pa'i sgom pa'i lam gyi bsam gtan pa gang yin pa de ni shin tu sbyangs pa zhes bya'o/ /byang chub sems dpa' i sde snod las bstan pa'i sbyor ba'i bsam gtan thob pa gang yin pa de ni thos pa'i shes rab po/ /dmigs par byed pa gang yin pa de ni bsam pa'i shes rab bo/ /bsgom pa gang yin pa de ni bsgoms pa'i shes rab yin te/ shes rab gsum po 'di dag la brten nas ting nge 'dzin dpag tu med pa rgya cher bsgom pa'i phyir ro/ /de la ting nge 'dzin dang bsam gtan dang zhes gsungs pa yang/ ting nge 'dzin ting nge 'dzin gyi ngo bo yin la/ bsam gtan ni ting nge 'dzin gyi rtsal yin pas so/ /da ni bsam gtan rnam par dag pa'i mtshan nyid rnam pa bdun zhes bya ba ni gnyis pa mjug bsdu ba yin par mig par bya'o/ /byang chub sems dpa' gang gi sgro 'dogs pa dang/ skur pa 'debs pa'i mdza' rnam par spangs te/ dbu ma'i lam gyi nges par 'byung ba ni shes rab ces bya'o zhes bya ba 'di man chad ni drug pa shes rab kyi mtshan nyid rnam pa bdun
- 65a
bstan to/ /'di yang rnam par bshad pa dang/ mjug bsdu bas bstan to/ /rnam par bshad pa yang mtshan nyid rnam pa bdun bstan pa gnyis kyis rnam pa bdun du dbye ba 'di ni mtshan nyid dang po bstan pa'o/ /de la sgro 'dogs pa dang/ sku des 'debs pa'i mdza' rnam par spangs te/ dbu ma'i lam gyis nges par 'byung ba zhes bya de ni theg pa chen po bsdus pa'i 'grel pa slob dpon ngo bo nyid med kyis byas pa las/ med pa dang rgyu med pa la nan tan gyis yod pa nyid du rnam par 'jog pa'i phyir sgro 'dogs pa zhes bya'o/ /yod pa dang med pa'i rgyu la nan tan gyis med do zhes skur pa 'debs zhes bya ba ste/ de ltar sgro 'dogs pa dang skur ba 'debs pa de dag ni gnyig yang mdza' zhes bshad do/ /da la mdza' ni ltung bar byed pa'i don yin te/ 'di gnyis 'byung bar gyur pa dbu ma'i lam las nyams par gyur pas so/ /kun tu brtags pa ni sgro 'dogs pa kho na yod kyi/ skur pa ni med de/ ci yang med pa'i phyir ro/ /de ltar yod pa la bltos nas gdong skur pa byung bas so/ /gzhan gyi dbang la ni sgro 'dogs par mi byed de bdag nyid yod pa'i phyir ro/ /'di ltar yod pa ma yin pa las/ gdong sgro 'dogs pa 'byung bas so/ /skur pa mi byed de/ yang dag pa ma yin pas rnam par rtog pa tsam du yod pa'i phyir ro/ /yongs su grub pa ni sgro 'dogs par mi byed de/ yang dag pa nyid du yod pa'i phyir ro/ /skur pa kho na yod do zhes bshad de/ zhib du de nyid las bstan pa bzhin no/ /gzhan yang bstan bcos rnam par rig pa tsam du grub pa las/ bdag dang chos ni yod pa yin la stong pa nyid kyi rnam par rig pa ni med pa ma yin te/ yod pa med pa dang bral ba'i phyir dbu ma'i lam dang mthun pa'o/ /'di la bcom ldan 'das kyis tshigs su bcad pa gnyis gsungs pa ni 'di lta ste/ yang dag ma yin kun rtog yod/ /de la gnyis po yod ma yin/ /stod pa nyid ni 'di la yod/ /de la yang ni de yod do/ /
- 65b
stong pa ma yin mi stod min/ /de lta bas na thams cad bshad/ /yod pas med pas yod pas na/ /'di ni dbu ma'i lam yin no/ /zhes gsungs pa yin no zhes 'byung ngo/ /dbu ma'i lam rgya cher bstan pa ni/ dbu ma'i lam gyi mtshan nyid bstan pa dag las bstan pa bzhin du rig par bya'o/ /shes rab des rnam par thar pa'i sgo 'di lta ste/ stong pa nyid pa dang mtshan ma sde pa'i sgo rnam par thar pa'i sgo gsum po dag yang dag pa ji lta ba bzhin du rab tu shes pa zhes bya bas ni mtshan nyid gnyis pa rnam par thar pa'i sgo gsum gyi shes rab bstan to/ /rnam par thar pa'i sgo gsum gyi don ni bstan bcos rnam pa bshad pa las ji skad du bstan pa bzhin te/ de'i phyir de nyid las rnam par thar pa'i sgo ni 'di lta ste/ rnam par thar pa gsum po/ /stong pa nyid rnam par thar pa'i sgo dang/ mtshan ma med pa rnam par thar pa'i sgo dang/ smon pa med pa rnam par thar pa'i sgo gang yin pa'o/ /de la stong pa nyid ni rnam pa gnyis te/ shes bya dang shes pa'o shes bya ni 'di lta ste/ sems can rnams kyis kun brtags pa'i ngo bo nyid kyi brtags pa'i chos dag la kun brtags pa'i ngo bo nyid gnyis po de dag ngo bo nyid med pa dang/ de las gzhan pa bdag med pa nyid yod pa gnyis ka dang bral ba gang yin pa'o/ /de la chos rnams la kun brtags pa'i ngo bo nyid med pa gang yin pa de ni bdag med pa nyid yod pa yin la/ chos rnams la bdag med pa nyid yod pa gang yin pa de ni kun brtags pa'i ngo bo nyid yin no/ /de yod pa dang yod pa ma yin pa gnyis su med pa'i ngo bo nyid gang yin pa de ni/ rnam par mi rtog pa'i sbyong yul lo zhes bya ba 'di lta ste/ yul de la dmigs shing yang dag pa ji lta ba bzhin du rab tu shes pa gang yin pa'o/ /mtshan ma med pa rnam pa gnyis te/ shes bya dang shes pa'o/ /de la shes bya ni 'di lta ste/ yongs su shes par bya ba stong pa nyid kyi yul te/ des yul gyi mtshan ma la mi 'jug pa gang yin pa'o/ /shes pa ni 'di lta
- 66a
ste/ sngar bstan pa lta bu med pa gang yin pa'o/ /smon pa med pa yang rnam pa gnyis te/ shes bya dang shes pa'o/ /de la shes bya ni 'di lta ste/ shes pa med pa'i phyir phyin ci log gi 'du byed rnams kyi mtshan ma bskyed pa gang yin pa'o/ /shes pa ni 'di lta ste/ yul dmigs shing yongs su skyo ba'i khong du chud pa gang yin pa'o/ /de la stong pa nyid du bsgom pa ni 'di lta ste/ 'du byed rnams la bdag mi dmigs pa dang/ mtshan ma rnams la kun rdzob kyi rnam par rtog pa'i tshes mi dmigs pa gang yin pa'o/ /mtshan ma med par bsgom pa ni 'di lta ste/ 'du byed rnams sems can dang/ bdag med pa nyid dmigs pa dang/ mtshan ma rnams la kun rdzob kyi rnam par rtog pa'i chos dang bdag med pa nyid dmigs shing 'gog pa la 'gog pa dang/ zhi ba dang/ gya nom pa dang/ nges par 'byung ba nyid du bsgom pa gang yin pa'o /smon pa med pa bsgom pa ni 'di lta ste/ mi rtag pa dang/ sdug bsngal ba dang/ mi gtsang ba dang/ nang lta bu dang/ 'bras lta bu dang/ zag rngu lta bur bsgom pa gang yin pa'o/ /rgyu dang kun 'byung ba dang/ rab tu skyo ba dang/ rkyen du sgom pa la dmigs pa'i shes pa gang gis stong pa nyid kyi lam la lam dang/ rig pa dang/ sgrub pa dang/ nges par 'byin pa nyid du bsgom pa 'di yang stong pa nyid du bsgom pa'o/ /dmigs pa'i shes pa gang gis mtshan ma med pa'i lam la lam dang/ rigs pa dang/ sgrub pa dang/ nges par 'byin pa nyid du bsgom pa 'di yang mtshan ma med par bsgom pa'o/ /dmigs pa'i shes pa gang gis smon pa med pa'i lam la lam dang/ rigs pa dang/ bsgrub pa dang/ nges par 'byin pa nyid du bsgom pa 'di yang smon pa med par bsgom pa yin no/ /gal te bye brag med par kun la yang stong pa nyid dang/ mtshan ma med pa dang/ smon pa med pa zhes brjod na ni thos pa dang/ bsam pa dang/ bsgoms pa las byung ba'i shes
- 66b
rab 'jig rten pa dang/ 'jig rten las 'das pa yin par rig par bya'o/ /gal te stong pa dang mtshan ma med pa dang/ smon pa med pa'i ting nge 'dzin ces brjod na ni bsgomS pa las byung ba kho na'i shes rab 'jig rten pa dang/ 'jig rten las 'das par rtog par rig par bya'o/ /gal te stong pa dang/ mtshan ma med pa dang/ smon pa med pa rnam par thar pa'i sgo zhes brjod na/ de ni 'jig rten pa las 'das pa kho na yin par rig par bya'o/ /zhes 'byung ste/ rgya cher rnam par byed pa ni/ mtshan nyid bstan pa dag las 'byung ba bzhin du rig par bya'o/ /ngo bo nyid dang bsam pa'i don 'di lta ste/ kun brtags pa dang/ gzhan gyi dbang dang/ yongs su grub pa'i ngo bo nyid dang/ gsum po dag yang dag pa ji lta ba bzhin du shes par zhes bya bas ni mtshan nyid gsum bstan te/ 'di ltar mdza' gnyis su lta ba'i shes rab dang bral ba'i phyir ngo bo nyid gsum gyi don yang dag pa ji lta ba bzhin du shes so/ /ngo bo nyid rnam pa gsum gyi don ni sngar gong du ngo bo nyid gsum bstan pa'i skabs su bshad pa bzhin no/ /ngo bo nyid med pa'i don ni 'di lta ste/ mtshan nyid dang/ skye ba dang don dam pa'i ngo bo nyid med pa gsum po dag yang dag pa ji lta ba bzhin du rab tu shes pa zhes bya ba ni mtshan nyid bzhi pa bstan te/ ngo bo nyid med pa'i don rnam pa gsum yang sngar bstan pa bzhin no/ /kun rdzob kyi bden pa'i don 'di lta ste/ rig pa'i gnas lnga po dag la ji lta ba bzhin du rab tu shes pa zhes bya bas ni mtshan nyid lnga pa bstan te/ 'di ltar rig pa'i gnas lnga dag khong du chud pa'i shes pa la kun rdzob kyi shes pa zhes bya'o/ /bstan bcos shin tu rgyas pa brgya pa las/ de la kun rdzob kyi bden pa ni 'di lta ste/ rkyen las skyes pa dang/ btags pa tsam du grub pa sgyu ma rnams kyi dngos po ltar rnam par rtog pa las byung ba rmi lam lta bur mtshan ma las tshig du brjod pa gang yin pa de ni kun rdzob kyi bden pa zhes bya'o zhes 'byung ngo/ /gzhan yang bstan bcos
- 67a
rnam par bzhed pa las kun rdzob kyi bden pa ni 'di lta ste/ ming dang tshig dang yi ge'i tshogs dang/ de dag gi don la bstan pa'i brjod pa thams cad dang/ brjod pa la brten nas khong du chud pa'i don dang/ bzhin yang sngar 'jig rten pa'i sems dang sems las byung ba'i chos dang/ de la brten pa'i don thob pa'o zhes bshad do/ /gzhan yang rnal 'byor spyod pa'i sa las/ 'di ltar ji tsam du tshig gi lam gyi brjod par bya ba thams cad ni kun rdzob kyi bden pa zhes bshad do/ /de la rig pa'i gnas lnga la yang/ nang rig pa ni 'di lta ste/ yang dag pa'i rgyu dang 'bras bu la sogs pa rab tu bstan pa gang yin pa'o/ /gtan tshigs kyi rig pa ni 'di lta ste/ gzhan yang 'gong bar byed pa la sogs pa ston pa gang yin pa'o/ /sgra rig pa ni 'di lta ste/ dag la mkhas pa'i mtshan nyid la sogs pa rab tu ston pa gang yin pa'o/ gso ba'i rig pa ni 'di lta ste/ nad kyi ngo bo nyid dang/ nad kyi rgyu la sogs pa rab tu ston pa gang yin pa'o/ /bzo dang las kyi gnas kyi rig pa ni 'di lta ste/ las bya ba la sogs pa rab tu ston pa gang yin ba ste/ rgya cher ni bstan bcos rnal 'byor spyong ba'i sa las bstan pa bzhin/ /byang chub sems dpa' rig pa'i gnas lnga yongs su tshol ba'i dgongs pa ni bstan bcos rnal 'byor sbyod pa'i sa las ji skad du bstan pa bzhin te/ de'i phyir de nyid las/ de la byang chub sems dpa' ci'i phyir thos pa tshol bar byed ce na/ 'di ltar byang chub sems dpa' ci'i phyir thos pa tshol bar byed ce na/ 'di ltar byang chub sems dpa' nang gi rig pa tshol ba ni chos kyi rjes su mthun pa'i chos kyi nan tan gyis yang dag par sgrub par bya bI phyir dang gzhan dag la yang rgya cher bstan par bya ba'i phyir sangs rgyas kyi bka' yongs su chol bar byed do/ /gtan tshigs kyi rig pa yongs su tshol ba ni/ bstan bcos de nyid las nyes par bshad pa dang/ nyes par brjod pa yang dag pa ji lta ba bzhin du yongs su shes
- 67b
pa'i phyir dang/ phas kyi rgol ba tshar bcad pa'i phyir/ bstan pa 'di la ma dang pa rnams dad par bya ba'i phyir dang/ dad pa rnams phyir zhing 'phel bar bya ba'i phyir ro/ /sgra'i rig pa tshol ba ni tshig dang yi ge nges pa'i tshig bzang po spyod pas legs par sbyar te/ brjod pa la mos pa rnams bdag la yid ches bskyed pa'i phyir dang/ don gcig pa la nges pa'i tshig rnam pa sna tshogs kyi rjes su tha snyad gdags pa la 'jug par bya ba'i phyir ro/ /gas ba rig pa tshol pa ni/ sems can rnams kyi nang sna tshogs rnam par zhi bar bya pa'i phyir dang/ skye bo'i tshogs chen po la phan btags pa'i phyir ro/ /'jig rten pa'i bzod pa las kyi gnas shes pa rnams tshol ba ni sems can rnams kyi don tshigs chung dus sgrub pa'i phyir dang/ sems can rnams kyis gces par bya ba bskyed pa'i phyir dang/ bzo dang las kyi gnas shes par bya ba'i sbyin pa'i phan 'dogs pas bsdus pa'i phyir ro/ /byang chub sems dpa' rig pa'i gnas lnga po 'di dag thams cad tshol ba yang bla na med pa yang dag par rdzogs pa'i byang chub kyi ye shes kyi tshogs chen po yongs su rdzogs par bya ba'i phyir te/ thams cad la de ltar ma bslabs na/ rim gyis thams cad mkhyen pa'i ye shes sgrib pa med pa thob par mi 'gyur ro zhes 'byung ste/ zhib du de nyid las bstan pa bzhin du rig par bya'o/ /legs pa'i tshul khrims bstan pa'i mdo dang/ bstan bcos yongs su 'dzin pa dang/ mdo sde'i rgyan las kyang don gyis de skad du ston to/ /don dam pa'i don 'di lta ste/ de bzhin nyid rnam pa bdun yang dag pa ji lta ba bzhin du rab tu shes pa zhes bya ba la sogs pas ni mtshan nyid drug pa ston to/ /'di yang rnam pa gnyis te/ yul mos nas shes pa bstan pa dang/ rgyu rnam pa gsum gyis sgrub pa bstan pa ste/ 'di ni dang po'o/ /de la dam pa ni ye shes dam pa'o/ /don ni yul gyi don to/ /de bzhin nyid rnam pa bdun ni ye shes dam pa'i yul gyi don yin pa'i phyir/ don dam ba bden pa
- 68a
zhes bya ste/ 'di ni bdag po'i dbang du bya ba'i rnam par bshad pa'o/ /'phags pa shes rab kyi pha rol tu phyin pa'i mdo las kyang lha'i rgyal po ji tsam du tshig gi brjod pa dang bcas pa gang yin pa de ni kun rdzob kyi bden pa zhes bya'o/ /tshig las dben pa 'phags pa'i ye shes kyi sbyong yul gang yin pa de ni don dam pa'i bden pa zhes bya'o/ /zhes gsungs so/ /bstan bcos shin tu rgyas pa brgya pa las kyang/ don dam pa'i bden pa ni 'phags pa dag gis shes par bya ba rnam par rtog pa'i ming dang tshig gis thog du mi phebs pa rang gi nang gi rig pa/ gzhan dag gi rkyen la mi bltos pa mtshan ma med pa/ tha snyad chad pa gang yin pa de ni don dam pa'i bden pa zhes bya'o zhes bshad do/ /gzhan yang rnam par rtog pa med cing spros pa med la tshul gcig tu de las mang du gnas pa'i phyir dang/ 'dres pa'i chos tshad med pa la dmigs pa'i phyir dang/ lhag mthong gi phyir zhes bya ba ni gnyis ba rgyu rnam pa gsum gyis bsgrubs pa ston te/ 'di ni de bzhin nyid la dmigs pa'i ye shes so/ /gzhan yang rnam par rtog pa med ces bya ba la sogs pas ni/ yang dag pa'i ye shes kyi bdag nyid bstan te/ rnam par rtog pa sna tshogs dang/ spros pa med cing de bzhin nyid kyi tshul gcig 'ba' zhig yod pa la mang du gnas pa'o/ /ye shes ni rgya cher bshad pa ni bstan bcos mngon pa kun las btus pa dang/ theg pa chen po bsdus pa'i 'grel pa las bstan pa bzhin du rig par bya'o/ /'dres pa'i chos tshad med pa la dmigs pa zhes bya ba ni 'dres pa'i chos de bzhin nyid yang dag pa'i ye shes 'di'i dmigs pa byed pas so/ /gzhan yang 'dres pa'i chos tshad med pa la dmigs pa zhes bya bas ni/ rjes la thob pa'i ye shes bstan pa'o/ /'di ltar 'dres pa'i chos ni rnam pa gsum ste/ dang po ni 'dres pa chung du'i chos te/ gsung rab yan lag bcu gnyis
- 68b
so so tha dad pa la dmigs pa'i phyir ro/ /gnyis pa ni 'dres pa chen po'i chos te/ gsung rab yan lag bcu gnyis bsdus pa la dmigs pa'i phyir ro/ /gsum pa ni 'dres pa tshad med pa'i chos te/ de bzhin gshegs pa tshad med pa'i gsung rab yan lag bcu gnyis po dag gcig tu bsdus pa la dmigs pa'i phyir ro/ /ye shes 'di ni gsum gsum pa la dmigs pa'i phyir ro/ /de la lhag mthong gi phyir zhes bya ba ni/ ye shes 'di bsgom pa'i shes rab yin par bstan pa'i phyir ro/ /chos kyi rjes su mthun pa'i chos legs par sgrub par byed pa zhes bya bas ni bdun pa chos kyi rjes su 'brang ba bstan te/ /chos kyi rjes su mthun ba'i chos de yang bstan pa rnams las so so nas bshad pa mi mthun pas/ bstan bcos bye brag bshad pa chen po las/ de la chos ni 'di lta ste mya ngan las 'das pa'o/ /rjes su mthun pa'i chos ni 'di lta ste/ 'phags pa'i lam yan lag brgyad pa'o/ /'dir don gyi sgor zhugs pa ni 'di lta ste/ mya ngan las 'das pa yongs su nye ba'i phyir ro/ /'phags pa'i lam yan lag brgyud pa gang yin pa de ni chos kyi rjes su mthun pa'i chos zhes bya ba'o/ /'di la gnas par nus pa gang yin pa de ni chos kyi rjes su mthun pa zhes bya'o zhes gsungs te/ zhib du de nyid las bstan pa bzhin no/ /bstan bcos theg pa chen po bsdus pa'i 'grel pa slob dpon ngo bo nyid med kyis byas pa las/ chos kyi rjes su mthun pa'i chos zhes bya ba la thob par bya ba gang yin pa de ni chos zhes bya'o/ /lam gang yin pa de ni rjes su mthun pa'i chos zhes bya ste/ de'i rjes su 'brang ba'i phyir ro/ /gzhan yang 'jig rten las 'das pa'i lam gang yin pa de ni chos zhes bya'o/ /'jig rten ma'i lam gang yin pa de ni rjes su mthun pa'i chos zhes bya ste/ de rang gi sems kyi rgyun mi 'chad par bya ba'i phyir dang/ de mngon su du dbang thob par byed pa'i phyir ro zhes 'byung ste/ 'dis ni bsgom pa las byung ba'i shes rab bstan to/ /de la rang gi sems
- 69a
rgyun mi 'chad pa zhes bya ba ni/ bsgom pa las byung ba'i shes rab de ting nge 'dzin gyi sems kyi rgyud la spyod pa'i phyir ro/ /'phel bar byed pa'i phyir zhes bya bas ni/ de la spyod pa'i don bstan te/ rnam par 'jog pa 'debs pa don to/ /ting nge 'dzin gyi sems der bsgom pa las byung ba'i shes rab de 'phel bar byed pa'i phyir spyod pa zhes bya'o/ /de mngon sum du dbang thob par byed pa'i phyir zhes bya bas ni 'phel bar byed pa'i don mnan nas bshad pa ste/ 'di ltar sgom pa'i shes rab kyi dbang gi sems kyi kun tu spyod pa la dbang thob par byed cing de kho na nyid kyi don rtog pas nyon mongs pa spangs nas 'bras bu thob par 'gyur ba'o/ /slob dpon dbyig gnyen gyis mdzad pa'i 'grel ba las/ chos kyi rjes su mthun pa'i chos zhes bya ba ni bstan pa bzhin du spyod pa'i phyir zhes bshad do/ /des ni shes rab rnam par dag pa'i mtshan nyid rnam pa bdun zhes bya'o zhes bya ba ni gnyis pa mjug bsdu ba ste/ mdo nyid kyis brda phrad par zad do/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ /bcom ldan 'das mtshan nyid rnam pa de dag gi so so'i las gang lags zhes bya ba 'di man chad ni mtshan nyid rnam pa lnga dag gi las rnam pa rab tu dbye ba'i sgo zhes bya ba ston to/ /'di yang zhu ba gsol ba dang/ lan du gsungs pa ston to/ /'di ni gong du bstan pa'i chags pa med pa la sogs pa'i mtshan nyid rnam pa lnga dag gi las kyi nus pa zhu ba ste/ 'di ltar mtshan nyid rnam pa lnga po dag re re la yang las rnam pa du mchis zhes bya ba'i tha tshig go/ bcom ldan 'das kyis kyang byang chub sems dpa' la spyan ras gzigs dbang phyug la bka' stsal pa/ rigs kyi bu mtshan nyid de dag gi las ni rnam pa lngar rig par bya'o/ zhes bya ba la sogs pa las ni gnyis pa de bzhin gshegs paS
- 69b
yang dag par lan du gsungs pa gsungs pa ston to/ /'di yang rnam pa gnyis te/ mdor bstan pa dang/ rnam par phye ste bstan pa'o/ /'di ni dang po mdor bstan pa ste/ re re la yang las re re yod pa'i phyir/ dgongs pa zab mo rnam par dgrol ba'i mdo las/ /bcom ldan 'das kyis byang chub sems dpa' spyan ras gzigs la bka' stsal pa/ rnam pa lnga po de dag re re la yang las re re yod par rig par bya'o/ zhes gsungs so/ /'di lta ste byang chub sems dpa' rnams chags pa med pa'i phyir/ tshe 'di la pha rol tu phyin ba rnams rtag tu 'jug pa dang/ gus par byed pa'i sbyor bas bag yod par byed do/ /zhes bya ba la sogs pas ni gnyis pa rnam par dbye ste/ bshad pa ston to/ /'di yang las rnam pa lnga pa bstan pa nyid kyis rnam pa lngar dbye ste/ 'di ni dang po chags pa med pa'i mtshan nyid kyis las bstan pa ste/ 'di ni nan tan gyi sbyor ba bag med pa'i las so/ /chags pa med pa'i mtshan nyid ni/ gong du rgya cher bstan pa bzhin du shes par bya ste/ 'di ltar chags pa med pa'i phyir ni/ tshe 'di la las rgyun chad med par gus par byed pa'i nan tan gyi pha rol tu phyin pa drug po dag bsgoms pas bag yod pa dang bcas bar gyur pa'o/ /mi lta ba nyid kyi phyir ni phyi ma la bag yod pa'i rgyu yongs su 'dzin par byed do/ zhes bya ba ni gnyis pa mi lta ba nyid kyi las bstan to/ /ji ltar pha rol tu phyin pa drug gi rnam par smin pa'i 'bras bu dang/ lan du phan 'dogs pa dang/ 'brel pa med pa'i phyir/ phyi ma la bag yod pa'i rgyu yongs su 'dzin par byed de/ ma 'ongs pa na bag yod pa dang bcas pa'i phyir pha rol tu phyin pa drug po dag khad kyis 'phel bar 'gyur ba'o/ /kha na ma tho med pa'i phyir ni pha rol tu phyin pa rnams yang dag par bsgom pa dang/ yongs su rdzogs pa dang/ yongs su dag pa dang/ yongs su byang bar byed pa'o zhes bya ba ni gsum pa kha na ma tho ba med
- 70a
pa'i mtshan nyid kyi las bstan to/ /'di yang kha na ma tho ba med pa'i phyir ni las kyi tshig bzhi yod par 'gyur te/ 'di lta ste/ yang dag par bsgom pa dang/ yongs su rdzogs pa dang/ yongs su dag pa dang/ yongs su byang bar byed pa'o/ /gong du bstan pa'i 'dres pa'i chos bzhi po 'di lta ste/ snying rje med pa'i phyir dang/ tshul bzhin ma yin pa'i sbyor ba dang/ rtag tu mi 'byed pa'i sbyor ba dang/ ma gus pa'i sbyor ba dag dang bral ba'i phyir tshig bzhi po 'di dag gsungs pa yin no/ /kha cig na re yang dag par bsgom pa zhes bya ba ni mdor bstan pa'i tshig go/ tshig 'og ma gsum po dag ni yon tan gyi rgyu rnam par phye nas bstan pa yin te/ de la yongs rdzogs zhes bya bas ni spangs pa'i yon tan gyi rgyu bstan to/ /yongs su dag pa zhes bya bas ni ye shes kyi yon tan gyi rgyu bstan to/ /yongs su byang ba zhes pas ni lan du phan 'dogs pa'i yon tan gyi rgyu bstan to/ zhe'o/ /rnam par rtog pa med pa'i phyir ni thabs la mkhas pa pha rol tu phyin pa myur du yongs su rdzogs par byed do/ zhes bya ba ni bzhi pa rnam par rtog pa med pa'i mtshan nyid kyi las bstan te/ 'di ltar ji bzhin du mtshan ma rnams yongs su 'dzin par mi byed pa'i phyir/ thabs la mkhas pa pha rol tu phyin pa rnams myur du yongs su rdzogs par byed pa las bya'o/ /pha rol tu phyin pa bcu'i thabs la bya ba ni ma yin no/ /yang dag par yongs su bsngo ba nyid kyi phyir ni tshe rabs thams cad du pha rol tu phyin pa dang/ de dag gi 'dod pa'i rnam par smin pa'i 'bras bu bla na med pa yang dag par rdzogs pa'i byang chub kyi bar du mi zad pa nyid thob par byed do zhes bya ba las lnga pa yongs su bsngo ba'i mtshan nyid kyi las bstan te/ /mdo nyid kyi brda phrad bar zad do/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ /bcom ldan 'das pha rol tu phyin pa gang gsungs pa 'di dag shin tu rgya che ba nyid ni gang lags/ kun nas
- 70b
nyon mongs pa mchis pa nyid ni gang lags/ rab tu sbyangs pa nyid ni gang lags/ mi g.yo ba nyid gang lags/ shin tu rnam par dag pa ni gang lags zhes bya ba 'di man chad ni bcu gcig pa shin tu rgya che ba la sogs pa'i mtshan nyid rnam pa lnga bstan pa'i sgo zhes bya ba ston to/ /'di yang zhu ba gsol pa dang/ lan du gsungs pa bstan te/ 'di ni dang po zhu ba gsol ba nyid do/ /'di ni byang chub sems dpa' sngon don gzhan dag las mtshan nyid rnam pa lnga po 'di dag thos pa'i phyir/ zhu ba 'di gsol ba yin no/ /yang na de bzhin gshegs pas phyin gyis brlabs pa'i phyir zhu ba 'di gsol ba yin no/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu chags pa med pa nyid dang/ mi lta ba nyid dang/ yang dag par yongs su bsngo ba nyid gang yin pa de ni shin tu rgya che ba zhes bya'o zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang rnam pa gnyis su dbye ste/ mtshan nyid rnam pa lnga las brtsams nas rnam pa gnyis su dbye ba dang/ /sa'i gnas skabs la brtsams nas mtshan nyid phyi ma gsum bstan pa'o/ /'di ni dang po ste/ mtshan nyid rnam pa lnga laS chags pa med pa nyid dang/ mi lta ba nyid dang/ /yang dag par yongs su bsngo ba nyid rnam pa gsum dag la shin tu rgya che ba'i spyod pa zhes bya ste/ gnas skabs rnams su mi mthun pa med pa'i phyir ro/ /kha na ma tho ba med pa nyid dang/ rnam par rtog pa med pa nyid gang yin pa de ni kun nas nyon mongs pa med pa zhes bya'o/ zhes bya bas ni mtshan nyid gnyis bstan pa ste/ mtshan nyid rnam pa lnga las kha na ma tho ba med pa nyid dang/ rnam par rtog pa med pa nyid la kun nas nyon mongs pa med pa zhes bya ste/ 'di ltar pha rol tu phyin pa spyod pa na rang bzhin gyi kun nas nyon mongs pa med pa dang/ rnam par rtog pa'i ye shes kyi kun nas
- 71a
nyon mongs pa ni rab tu sbyangs pa'i phyir kun nas nyon mongs pa med pa 'di yang gnas skabs rnams dang sbyar ro/ /so so rtag cing bya ba nyid gang yin pa de ni rab tu sbyangs pa zhes bya'o zhes bya ba la sogs pas ni gnyis pa sa'i gnas skabs la brtsams nas mtshan nyid phyi ma gsum bstan pa ston to/ /'di ni rab tu sbyangs pa'i mtshan nyid bstan pa ste/ 'di ltar pha rol tu phyin pa drug po de dag la so sor rtag pa khyad par du 'phags pa brgyad kyis bya ba byed pa'i phyir rab tu sbyangs pa zheS bya ste/ 'di ni sa bdun pa man chad kyi gnas skabs su rtog pa'o/ /yongs su mi nyams pa'i chos sar zhugs pa gang yin pa de ni mi g.yo ba zhes bya'o zhes bya bas ni bzhi pa mi g.yo ba'i mtshan nyid bstan to/ /'di ni sa brgyad pa dang dgu pa nas te/ mi g.yo ba'i don ni gong du bstan pa bzhin no/ /dgongs pa zab mo rnam par dgrol ba'i mdo las/ sa dang pho yan chad la mi g.yo ba zhes bya ba zhes 'byung ba ni lo tsA ba dag gi bsam pa tha dad pa'i phyir ro/ /sa bcu par gtogs pa dang/ sangs rgyas kyi sar gtogs pa nyid gang yin pa de ni shin tu rnam par dag pa zhes bya'o zhes bya ba ni lnga pa rnam par dag pa'i mtshan nyid bstan to/ /'di ltar sa bcu pa'i tshe ni rgyus khyad par du 'phags pa yin la/ de bzhin gshegs pa'i sar ni 'bras bus/ khyad par du 'phags shing mthar thug pa'i rnam par dag pa yin pa'i phyir/ bstan bcos mngon ba kun las btus pa las/ yongs su rdzogs pa'i khyad par du 'phags pa ni 'di lta ste/ sa bcu pa dang/ de bzhin gshegs pa'i sa la mnga' ba'i sbyin pa la sogs pa'i pha rol tu phyin pa rnams go rim bzhin du byang chub sems dpa' yongs su rdzogs pa'i phyir ro/ /zhes bshad pa yin no/ /ming 'di gsum la bye brag yod pa ni/ bstan bcos rnal 'byor spyod pa'i sa las/ de la rang bzhin gyis brling ba'i phyir dang/ rab tu gsal ba'i phyir dang/ 'bras bu che ba rnam pa lnga
- 71b
dang ldan pa'i phyir dang/ phan che ba'i phyir dang/ rab tu sbyangs ba zhes bya'o/ /yongs su mi nyams pa'i phyir dang/ khyad du 'gro ba'i phyir mi g.yo ba zhes bya'o/ /byang chub sems dpa' sa'i nang na mchog tu bla na med pa'i phyir shin tu rnam par dag pa zhes bya bar rig par bya'o zhes 'byung ngo// //bam po drug cu gsum pa/ /byang chub sems dpa' spyan ras gzigs dbang phyug gis kyang bcom ldan 'das la 'di skad ces gsol to/ /bcom ldan 'das ci'i slad du byang chub sems dpa' pha rol tu phyin pa'i 'bras bu dang/ rnam par smin pa'i 'bras bu yid du mchi bas ma 'tshal ba 'thob cing pha rol tu phyin pa yang ma 'tshal ba dang ldan lags zhes bya ba 'di man chad ni bcu gnyis pa pha rol tu phyin pa drug gi rgyu dang 'bras bu zad mi shes pa nyid du bstan pa'i sgo zhes bya ba ston to/ /'di yang zhu ba gsol ba dang/ lan du gsungs par ston te/ 'di ni zhu ba gsol pa'o/ /'bras bu dang rnam par smin pa lnga po dag ni mdor bsdu na 'bras bu zhes bya ste/ 'bras bu rnam pa lnga rgya cher bshad pa ni sngar gong du bstan bcos chos mngon pa sna tshogs kun las btus pa khungs su bzhag nas bstan pa las byung ba bzhin no/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu gcig la gcig brten nas bsgom pa bskyed pa rgyun mi 'chad pa'i phyir ro zhes bya ba ni gnyis pa de bzhin gshegs pas yang dag par lan du gsungs pa'o/ /'di ltar pha rol tu phyin pa drug la brten nas 'bras bu rnams thob par 'gyur la/ 'bras bu la ma brten pa'i phyir ni pha rol tu phyin pa drug bsgom nus par 'gyur bas/ gcig la gcig brten bsgom pa skyed pa rgyun 'chad pa med pa'i phyir/ zad mi shes pa nyid du 'gyur ro zhes bya ba'i don to/ /bstan bcos chos mngon pa sna tshogs kun las btus pa las/ ma 'ongs pa na gong nas gong
- 72a
du khyad par du 'phel zhing gcig gis gcig bskyed pa gang yin pa de ni pha rol tu phyin pa'i rgyu mthun pa'i 'bras bu'? zhes bshad do/ /mtshams rnam par grol ba'i mdo las/ ci'i slad du rtag par pha rol tu phyin pa'i rnam par smin pa'i 'bras bu yid du mchis pas ma 'tshal ba dang/ pha rol tu phyin pas ya 'tshal ba thob lags/ bcom ldan 'das kyis 'phags pa spyan ras gzigs dbang phyug la bka' stsal pa/ gcig la gcig brten nas bsgom pas spangs pa'i phyir ro/ / zhes 'byung ngo/ /lo tsA ba dag gis nor to/ /dgongs pa zab mo rnam par dgrol ba'i mdo las/ bcom ldan 'das kyis bka' stsal ba/ 'di lta ste/ gcig la gcig brten pa'i rgyus 'bras bu gya nom pa bskyed par rig par bya'o/ /zhes 'byung ba ni lo tsA ba dag gi bsam pa tha dad pa'i phyir ro/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das ci'i slad du byang chub sems dpa' rnams pha rol tu phyin pa rnams las shin tu tha dad ba de ltar pha rol tu phyin pa 'thob pa'i rnam par smin pa'i 'bras bu la ni ma lags zhes bya ba 'di man chad ni bcu gsum pa pha rol tu phyin pa la mos shing/ pha rol tu phyin pa'i 'bras bu la mi srid par bstan pa'i sgo zhes bya ba ston to// 'di yang zhu ba gsol ba dang/ lan du gsungs pas bstan te/ 'di ni zhu ba gsol ba nyid do/ /ji skad du byang chub sems dpa' rnams pha rol tu phyin pa la sred cing pha rol tu phyin pas 'thob pa'i 'bras bu la srid par 'gyid pa lags zhes bya ba'i tha tshig go/ zhu tshig 'di yang mdo nyid kyi dpe mi mthun pas/ mtshams rnam par grol ba'i mdo las ni/ ci'i slad du byang chub sems dpa' pha rol tu phyin pa'i 'bras bu rnam par smin pa tha dad par 'gyid ces 'byung ngo/ /dgongs pa zab mo rnam par dgrol
- 72b
ba'i mdo las ni/ mdo 'di nyid las gsungs pa dang mthun par 'byung ste/ mdo 'di las gsungs pa'i zhu tshig dang sbyar nas/ mtshams rnam par grol ba'i mdo'i tshig ni lo tsA ba dag gis bsgyur te nor bar bsgyur to/ /bcom ldan 'das kyis byang chub sems dpa' spyan ras gzigs dbang phyug la bka' stsal ba/ rigs kyi bu rgyu dang rkyen rnam pa lnga'i phyir te zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang grangs mdor bstan pa dang/ go rim bzhin du rnam par phye nas bshad pa bstan te/ 'di ni dang po'o/ /pha rol tu phyin pa ni chos lhag par bde ba dang/ yid bde ba'i rgyu yin pa'i phyir dang/ pha rol tu phyin pa ni bdag dang gzhan thams cad la phan 'dogs pa'i rgyu yin pa'i phyir dang/ pha rol tu phyin pa ni phyi ma la de'i rnam par smin pa'i 'bras bu 'dod? ba'i rgyu yin pa'i phyir dang/ pha rol tu phyin pa ni kun nas nyon mongs pa'i gnas kyi gzhi yin pa'i phyir dang/ pha rol tu phyin pa ni mthar rnam par 'gyur zhing 'jig pa'i chos can yin pa'i phyir ro zhes bya bas ni gnyis pa go rim bzhin du rnam par phye ste bshad pa ston to/ /rgyu'i mtshan nyid rnam pa lnga po dag ni go rim bzhin du gzhan longs spyod pa dang/ sangs rgyas kyi sa'i chos kyi bde ba dang/ yid bde? pa la longs spyod pa'i rgyu yin pa'i phyir dang/ rnam par smin pa lta bur myong nas zad ba ma yin pa'i phyir ro/ / ? nyid las kyang phal cher 'di dang mthun par 'byung bas 'di ma brjod do/ /byang chub sems dpa' spyan ras gzigs dbang phyug gis yang bcom ldan 'das pha rol tu phyin pa de dag gi so so'i mthu mchog tu gyur pa du zhig mchis lags zhes bya ba 'di man chad ni bcu bzhi pa pha rol tu phyin pa'i mthu'i rnam grangs bstan pa'i sgo zhes bya ba ston to/ /'di la yang zhu ba gsol ba dang/ lan gsol bas bstan te/ 'di ni zhu ba gsol ba'o/ /mtshams rnam par grol ba'i mdo las/ yon tan gyi stobs zhes 'byung ba dang/ dgongs ba
- 73a
zab mo rnam par dgrol ba'i mdo las khyad par du 'phags pa gya nom pa'i stobs zhes 'byung ba ni lo tsA ba dag gis bsam pa tha dad pa'i phyir te/ don la ni 'gal ba med do/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu pha rol tu phyin pa de dag gi so so'i mthu mchog tu gyur pa ni rnam pa bzhir rig par bya ste zhes bya ba la sogs pas ni gnyis pa de bzhin gshegs bas yang dag bar lan du gsungs pa ston to/ /'di yang grangs mdor smos pa dang/ go rim bzhin du rnam par phye nas bshad ba bstan pa'o/ /'di ni dang pa'o/ /pha rol tu phyin pa de dag yang dag bar bsgom ba ni mi mthun pa'i phyogs ser sna dang/ 'chal ba'i tshul khrims dang/ le lo dang/ rnam bar g.yeng ba dang/ lta bar song ba rab tu spong ba zhes bya ba la soD pa ni gnyiS? pa go rim bzhin du rnam pa phye nas bshad pa ston to/ /'di yang mthu rnam pa bzhi bstan pa nyid las rnam pa bzhir phye ste 'di ni dang po/ 'di ltar pha rol tu phyin pa drug po de dag gi go rim bzhin du sgrib pa rnam pa drug po dag sal bar byed pas so/ /bstan bcos mngon pa sna tshogs kun las btus pa las/ 'di lta ste/ bdag nyid kyi spangs par bya ba'i tshe sgrib pa dag gtan du spang bar byed pa gang yin pa de ni/ pha rol tu phyin pa rnams kyi bral ba'i 'bras bu'o zhes 'byung ngo/ /yang dag par bsgom pa na bla na med pa yang dag par rdzogs pa'i byang chub kyi tshogs yang dag pa nyid du 'gyur ba zhes bya ba ni mthu gnyis pa bstan pa ste/ byang chub kyi tshogs yang dag pa nyid du 'gyur ba zhes bya ba ni chos kyi sku'i ni rtog pa'i rgyu byed pa'i phyir dang/ sku gnyis po dag ni skyed pa'i rgyu byed pa'i phyir dang/ bstan bcos chos mngon pa? sna tshogs kun las btus pa las/ byang chub chen po ni pha rol tu phyin pa rnams kyi dbang gi 'bras bu'o zhes 'byung ngo/ /de dag rnam par bsgom pa na/ tshe 'di
- 73b
nyid la bdag nyid kyis sems can rnams sdud cing phan 'dogs pa 'gyur ba zhes bya bas ni mthu gsum ba bstan te/ mthong ba'i chos la phan 'dogs pa'i phyir ro/ /bstan bcos chos mngon pa sna tshogs kun las btus pa las/ mthong ba'i chos la sbyin pa la sogs pas bdag dang gzhan sdus pa gang yin pa de ni/ skyes bu byed pa'i 'bras bu'o zhes bshad do/ /de dag yang dag par bsgom pa na/ phyi ma la rnam par smin pa'i 'bras bu 'dod pa rgya chen po 'thob bar 'gyur ba zhes bya bas ni mthu bzhi pa bstan te/ pha rol tu phyin pa drug po dag gis thob par bya ba rnam par smin pa'i 'bras bu dag go/ bstan bcos chos mngon pa sna tshogs kun las btus pa las/ longs spyod chen po thob ba dang bde 'gror 'gro ba dang/ kho na med cing dbye ba med pa dang/ bde ba dang yid bde ba mang? ba dang/ sems can gyi nang na gtso bor gyur pa dang/ lus la gnod pa med pa dang/ dbang che bar grags pa ni go rim bzhin du sbyin pa la sogs pa'i rnam par smin pa'i 'bras bur rig par bya'o zhes 'byung ngo/ /byang chub sems dpa' spyan ras gzigs dbang phyug giS yang bcom ldan 'das la 'di skad gsol to/ /bcom ldan 'das pha rol tu phyin pa de dag gi rgyu ni gang lags/ 'bras bu na gang dang ldan lags/ phan yon gyi don ni gang dang ldan lags/ zhes bya ba 'di man chad ni bco lnga pa pha rol tu phyin pa rnams kyi rgyu dang/ 'bras bu dang/ phan yon gyi don rab tu phye ba'i sgo zhes bya ba ston to/ /'di yang zhu ba gsol ba dang/ lan du gsungs pas bstan te/ 'di ni dang po dang/ rgyu dang/ 'bras bu dang phan yon gyi don zhus pa'o/ /bcom ldan 'das kyis byang chub sems dpa' spyan ras gzigs dbang phyugs bka' stsal pa/ rigs kyi bu pha rol tu phyin pa de dag thams cad snying rje chen po ni rgyu byed do/ /shin tu gya nom pa yid du 'ong ba rnam par smin pa'i 'bras bu dang/ sems can thams cad la phan 'dogs pas ni 'bras bu
- 74a
byed do yongs su rdzogs pa bla na med pa'i byang chub rgya chen po ni phan yon don chen po byed do zhes bya ba ni gnyis pa de bzhin gshegs pas yang dag par lan du gsungs po'o/ /'di ltar byang chub sems dpa' rnams snying rje chen po'i stobs kyis ni pha rol tu phyin pa drug spyod pa la pha rol tu phyin pa spyad pa'i phyir ni rnam par smin pa'i 'bras bu khyad par du 'phags la mngon par 'grub cing/ sems can la phan 'dogs par byed de/ rgyu dang rkyen des na bla na med pa yang dag par rdzogs pa'i byang chub par gyur pas so/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das gal te byang chub sems dpa' rnams longs spyod bsam 'chal ba dang ldan pa dang/ snying rje chen pos yongs su grub pa lags na/ ci'i slad du 'jig rten na sems can dbul po dag gda' ba lags zhes bya ba 'di man chad ni bcu drug pa sems can gyi rigs kyi las kyi nyes pa yod par bstan pa'i sgo zhes bya ba bstan to/ /'di yang zhu ba gsol ba dang/ lan du gsungs pas bstan te/ 'di ni dang po zhu ba gsol ba nyid do/ /'di ltar byang chub sems dpa' rnams kyi longs spyod pa dang/ snying rje chen po'i rkyen gnyis phun sum tshogs pa lags na/ ci'i slad du 'jig rten na sems can dbul ba'i sdug bsngal gyis nyon mongS ba dag gda' bar gyur ces bya ba'i tha tshig go/ bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu de ni sems can rnams kyi rang gi las kyi nyes pa kho na yin no zhes bya ba la sogs pas ni gnyis ba de bzhin gshegs pas yang dag par lan du gsungs pa ston to/ /'di yang rnam ba gsum du dbye ste/ don 'di yang dag par bstan pa dang/ dpe nye bar mtshon pa dang/ dpe dang don du sbyar ba ste/ 'di ni dang po'i don nyid yang dag bstan pa'o//
- 74b
dang po yang rnam pa gnyis te/ rjes su mthun ba dang/ bzlog ste bshad pa'o/ /'di ni dang po ste/ byang chub sems dpa' longs spyod dang/ snying rje chen po dang ldan mod kyi/ sems can rnams kyi rang gi las kyi nyes pa'i phyir/ byang chub sems dpa' i longs spyod pa spyod par mi nus bar gyur pa byang chub sems dpa' i nyes pa ma yin no zhes bya ba'i tha tshig go /gal te de lta yin na byang chub sems dpa' ni rtag par gzhan la phan par bya ba'i sems dang ldan pa dang/ gzhan yang rtag par longs spyod zad mi shes pa dang ldan pas/ gal te sems can rnams rang gnyis pa'i las gnas su gyur pa med du zin na/ 'jig rten na dbul ba'i sdug bsngal ltar snang bar ga la 'gyur zhes bya ba ni gnyis pa bzlog ste bshad pa'o/ /gal te sems can rnams rang gi las kyi dbang gis gyur ba ma yin pa lta na 'jig rten na dbul bo dag snang bar gal 'gyur te/ byang chub sems dpa' ni 'di ltar rtag tu gzhan la phan 'dogs pa'i phyir ro/ /de ltar dbul po dag dmigs pa'i phyir rang gi las yin par mngon te/ de'i phyir 'phags pa shes rab kyi pha rol tu phyin ba'i 'grel pa las/ sangs rgyas 'jig rten na bzhugs pa'i tshe yang sems can bkres pa dang/ skom pa la sogs pa'i sdug bsngal dang ldan de/ sangs rgyas kyis kyang bskyab par mi spyod na/ byang cub sems dpa' dag gis ji ltar skyob par nus she na/ smras pa/ byang chub sems dpa' i sems kyang tshad med la/ bsod nams kyi rnam par smin pa yang tshad med mod kyi/ sems can bskal ba tshad med pa nas byas pa'i nyes pa shin tu stug po dag gis bsgribs pa'i phyir 'thob bar mi nus te/ dper na 'phags pa shA ri'i bu'i slob ma dge slong tshul khrims dang ldan zhing brtson 'grus can zhig bsod snyoms bslang ba las/ zhag drug gi bar du ci yang ma thob par/ zhag bdun la srog chad la thug pa dang/ tshangs ba 'tshungs bar spyod pa zhig gis bsod snyoms blangs nas sbyin par
- 75a
bya ba las/ byas 'phrogs te khyed ro/ /'phags pa shA ri'i bus mo'u dag la gyi bu chen po la smras pa/ khyed rdzu 'phrul chen bo dang ldan pas zas 'di srungs la 'dis thob par gyis shig /de nas 'phags pa mo'u dag pa gyis de la zas sbyin pa dang des khar zos pa las 'jim par gyur to/ /de nas yang 'phags pa shA ri'i bu khyod kyis bsod snyoms bslangs nas byin pa las kyang/ de kha 'thams par gyur pa lta bu ste/ de'i phyir byang chub sems dpa' sems can thams cad kyi re ba bskang bar 'dod kyang de dag nyid kyis nyis pa'i phyir thob par ma gyur kyang byang chub sems dpa' la ni nyes pa med do/ /gzhan yang dper na klu'i rgyal pos char phab pa mi rnams la ni chur snang la/ yi dags rnams kyi ni mer mthong la/ gzhan yang 'on bas 'brug sgra thos bar mi nus pas 'brug la nyes pa med pa lta bu'o zhes 'byung ngo/ /gzhan yang 'phags pa dri ma med par grags pa'i med las/ nyi ma dang zla ba gsal ba yin mod kyi/ long ba rnams kyis mi mthong ba de long ba nyid kyi nyes pa yin gyi/ nyi ma dang zla ba'i nyes pa ma yin pa ltar/ sems can nyes pa dang bcas pa'i phyir bcom ldan 'das kyi zhing bkod pa can yongs su dag pa mi mthong ba de bzhin gshegs pa'i skyon ma yin no zhes gsungs so/ /'phags pa sangs rgyas kyi sa'i 'brel pa las/ sems can rnam pa gsum ni rang gi las kyi nyes pas de bzhin gshegs pa'i me long lta bu'i ye shes kyi gzugs brnyan mthong bar mi 'gyur ro zhes bstan pa yang 'dir khungs su bstan par rig par bya'o/ /gzhan yang slob dpon dbyig gnyen dang/ ngo bo nyid med kyis mdzad pa theg pa chen po bsdus pa'i 'grel pa las/ sangs rgyas thams cad la mnga' brnyes par 'gyur mod kyi/ sgrib pa dang ldan pa'i gang zag dang/ rigs med pa'i gang zag tu nges pa gnyis po 'di dag la sangs rgyas mnga' mdzad par mi spyod do zhes 'byung
- 75b
pa yang 'dir brjod par bya'o/ /dper na yi dags lus skom pas gdungs ba rnams kyi rgya mtsho'i chu skams par mthong ba de ni/ rgya mtshos nyes pa ma yin gyis/ yi dwags de dag nyid kyi rang gi las kyi nyes pa yin no zhes bya ba ni gnyis pa dpe nye bar mtshon pa ste/ dper na yi dags rang gi nyes pa'i las kyi stobs kyi rgya m tsho skams par mthong brgya mtsho'i nyes pa ma yin pa lta bu'o/ /slob dpon thogs med kyis mdzad pa'i bstan bcos theg pa chen po bsdus pa las ni rgyu dang rkyen rnam pa lnga sems can rnams byang chub sems dpa' i sbyin pa thob par mi nus so zhes 'byung/ /rgyu dang rkyen rnam pa lnga po de dag kyang slob dpon dbyig gnyen dang ngo bo nyid med kyis mdzad pa'i 'grel pa las 'chad do/ /mdo las gsungs pa ni dang po yin te/ de'i phyir bstan bcos de las gal te byang chub sems dpa' rnams de ltar lhag pa'i tshul khrims dang/ lhag pa'i sems dang/ lhag pa'i shes rab kyi yon tan phun sum tshogs pa dang ldan zhing/ nor thams cad la dbang 'byor pa chen po thob par gyur pa yin na ci'i phyir sems can brel 'phongs pa dag snang zhe na/ semS can de dag longs spyod gegs su gyur pa'i las lci ba mthong ba'i phyir dang zhes 'byung ste/ 'di ni rgyu dang po'o/ /slob dpon dbyig gnyen gyi 'grel pa las/ 'di ltar byang chub seMs dpa' rnams ni sems can de dag longs spyod la/ las kyi sgrib pa lci ba yod par mthong ba'i phyir ro/ /zang zing dag sbyin par mi byed/ sbyin pa'i 'bras bu med par mi 'gyur bar bya ba dang/ gal te sbyin par gyur na yang de longs spyod par mi nus pas sbyin pa btang bas ci zhig bya snyam pa'i phyir te/ tshigs su bcad pa las ji skad du/ dper nam mas bu chung la nu ma mnun?/ zla gcig lon yang ngal ba med mod kyi ? chung gal te lkog ma 'gags gyur na/ ma mas de la ci zhig bya bar nus zhes/ zhes bstan pa lta bu'o zhes 'byung ngo/ /slob dpon dbyig gnyen gyis mdzad pa'i 'grel pa las ni/ 'di
- 76a
ltar sems can rnams la byang chub sems dpa' i rdzu 'phrul la sgrib par byed pa'i las ngan pa yod pas/ las ngan pa des byang chub sems dpa' i sgrib pa med pa'i ye shes la sgrib par byed pa de'i phyir dus ba dang/ dbul po dag yod kyang yongs su sbyong bar byed do/ /'dir yi dwags dang klung gi dpe khungs su bstan par bya ste/ dper na klung gi chu sgrib pa med cing btung bar bya ba yin mod kyi/ 'on kyang yi dwags rnams kyi nyes pas btung bar mi nus so/ /'di yang de bzhin te/ de la klung ni byang chub sems dpa' rnams kyi dpe'o?// chu ni longs spyod kyi dpe'o/ /yi dwags ni sems can gyi dper bstan te/ ji ltar yi dwags de dag klung gi chu yongs su dag pa la btung zhing spyod par mi dbang bde bzhin du/ sems can rnams kyang byang chub sems dpa' i longs spyod la spyod par mi dbang ngo zhes bshad do/ / gzhan yang bstan bcos de las sems can de dag la zang zing gi sbyin pa byin na/ dge ba'i chos skye ba'i bar du gcod pa nyid du mthong ba'i phyir dang/ zhes 'byung ste/ 'di ni rgyu gnyis pa'o/ /slob dpon ngo bo nyid med kyi 'grel ba las/ 'di ltar byang chub sems dpa' rnams sems can de dag gi longs spyod la nyes pa lci ba med par mthong yang/ de gal te longs spyod dag 'thob par 'gyur na/ des bag med pa mang zhing sdig pa mi dge ba'i chos skye bar mthong na de 'di snyam du de dag gi tshe 'di la cung zad cig dbul por gyur pa ni bla'i/ de dag ma 'ongs pa na tshe rabs mang po dbul bar ma gyur cig snyam pa'i phyir/ de dag la zang zing gi sbyin par mi byed do zhes 'byung ngo/ /slob dpon dbyig gnyen gyis mdzad pa'i 'grel pa las ni/ sems can kha cig la las kyi sgrib pa med mod kyi/ byang chub sems dpa' de dag rgyun du dge ba'i chos skye bar mthong la/ gal te longs spyod dag sbyin par gyur na/ longs spyod kyi bde ba myong ba'i phyir/ de'i dge ba'i chos skye ba'i bar du gcod pa nyid du gyur na 'di snyam du sems te/ 'di dag dbul bzhin du dge ba'i chos 'phel bar 'gyur ba
- 76b
ni bla'i/ 'di dag longs spyod dang ldan par gyur nas dge ba skye ba'i bar du chod par gyur pa ni mi rung ngo/ /snyam nas/ rig pa des longs spyod dag sbyin bar mi byed do zhes 'byung ngo/ /gzhan yang bstan bcos de las sems can de dag dbul por gyur na kun tu skyo ba mngon du gyur par mthong ba'i phyir dang zhes 'byung ste/ 'di ni rgyu gsum pa'o/ /slob dpon ngo bo nyid med kyi 'grel pa las/ 'di ltar byang chub sems dpa' rnams sems can de dag nor bdag gi phung por gyur na/ 'khor ba la shin tu skyo ba'i sems mngon du gyur nas/ nges par 'byung ba tshol bar 'gyur la/ gal te longs spyod dag thob par gyur na ni dregs par 'gyur ba mthong ba'i phyir/ zang zing dag gtong bar mi byed /de 'di snyam du de dag dbul zhing 'khor ba las skyo ba'i sems rtag par mngon du gyur ba bla'i/ de longs spyod thob nas bde ba myong zhing bag med par 'gyur te/ 'khor ba las skyo ba med bas/ sdig pa mi dge ba'i chos bskyed pa ni mi rung ngo snyam mo zhes bshad de/ slob dpon dbyig gnyen gyis mdzad pa'i 'grel pa las kyang de skad du bstan to/ /gzhan yang bstan bcos de nyid las/ sems can de dag la longs spyod dag sbyin na mi dge ba'i chos la sogs pa'i rgyu nyid du mthong ba'i phyir dang zhes 'byung ste/ 'di ni rgyu bzhi pa'o/ /slob dpon ngo bo nyid med kyi 'grel pa las/ 'di ltar byang chub sems dpa' rnams sems can de dag la gal te longs spyod phun sum tshogs pa dag sbyin na bag med par gyur cing/ sdig pa mi dge ba'i las rnam pa sna tshogs la sogs pa nyid du mthong ba'i phyir/ de dag longs spyod dag sbyin par mi byed de/ tshigs su bcad pa las ji skad du longs spyod dag gi phongs par gyur nas ni// ngan 'gro'i nyes par spyod pa spang bla yi/ /de dag phyug pas dbang po yongs gyur te/ /ma 'ongs sdug bsngal snod gyur mi rung/ zhes gsungs ba lta bu'o zhes 'byung ste/ slob dpon dbyig gnyen gyis mdzad ba'i 'grel pa las kyang de skad du bshad do/ /gzhan yang bstan bcos
- 77a
de nyid las/ sems can de dag la gal te longs spyod dag byin par gyur na/ de ma yin pa'i sems can ches mang bdag la gnod pa'i rgyu nyid du mthong ba'i phyir ro zhes 'byung ste/ 'di ni rgyu lnga pa'o/ /slob dpon ngo bo nyid med kyi 'grel pa las/ 'di ltar byang chub sems dpa' rnams sems can de dag longs spyod thob par gyur na/ des sems can mang po dag la gnod pa nyid du mthong ba'i phyir/ /de dag la longs spyod bdog pa dag sbyin bar mi byed de/ de 'di snyam du 'di gcig bu dbul 'phangs ba'i sdug bsngal myong ba ni bla'i/ de ma yin pa'i sems can ches mang po dag la gnod par gyur na mi rung ngo snyam sems so zhes 'byung ste/ slob dpon dbyig gnyen gyis mdzad pa'i 'grel ba las kyang de skad du bshad do/ /gzhan yang bstan bcos de las de'i phyir sems can brel 'phongs pa can dag snang ngo/ /'dir tshigs su bcad pa yod de/ mthong dang las sgrib mngon gyur dang/ /sogs gnod byed pa mthong ba'i phyir/ /byang chub sems dpa' rnams las ni/ /sems can longs spyod mi thob brjod/ /ces 'byung ste/ 'di ni slob dpon thogs med kyis mdzad ba'i spyi mjug bsdu ba'o/ /slob dpon dbyig pa gnyen gyis mdzad pa'i 'grel pa las/ don de dag yang bstan pa'i phyir/ yang tshigs su bcad pa bstan pa yin te/ sems can de dag la las kyi sgrib pa yod bar mthong ba'i phyir dang /dge ba skye ba la sgrib pa'i phyir dang/ kun tu skyo ba mngon du gyur pa'i phyir dang/ sdig pa la sogs pa'i phyir dang/ gzhan dag la gnod pa'i phyir dang/ byang chub sems dpa' i longs spyod gtong ba dag 'thob par mi 'gyur bas/ de'i phyir sems can brel 'phongs dag snang ngo/ /zhes bshad do/ /khyad gi tshe bsgyur ba'i 'grel pa las rgyu rnam pa bstan pa yang don phal cher mthun pa'i phyir 'dir ma brjod do/ /de bzhin du byang chub sems dpa' rnams nor rin po che gtong ba yang rgya mtsho lta bur gyur ba yin pas nyes pa med pa yin gyi/ de ni sems can
- 77b
rnams kyi rang gi las kyi nyes pas na/ yi dwags bzhin du rang gi las kyi stobs kyi 'bras bu med par gyur pa yin no zhes bya ba ni gsum pa dpe dang don du sbyar ba ste/ mdo de nyid kyis brda phrad par zod/ /'phags pa shes rab kyi pha rol tu phyin pa'i 'grel pa las/ yi dwags gyi rnam pa gnyis te/ zil gyis gnon pa'i yi dwags dang/ yi dwags ltogs pa'o/ /zil gyis gnon pa'i yi dwags ni/ lha dag dang dbang 'dra ba bde ba myong ba ste/ yi dwags ltogs pa dang lhan gcig gnas te/ de dag gi bdag po byed do/ /yi dwags ltogs pa'i lto ni ri rab tsam mo/ /mid pa ni khab mig tsam mo/ /lus kyi pags pa dang/ rtsa rgyus dang/ dus pa ni rnag go/ lo brgya stong grangs med pa dag tu zas dang/ skom gyi ming yang thos par ma 'gyur na/ mthong ba lta smos kyang ci dgos yi dwags kha cig ni kha naS? me 'bar zhing phye ma leb med mchod ba dag za ba yang yod do/ /kha cig ni phyi sa dang/ 'chil ma dang/ snabs dang/ rnag khrag dag za zhing 'thung ba yang yod do/ /kha cig ni gtor ma dang bcas pa'i mi gtsang ba sna tshogs zab yang yod do zhes 'byung ngo/ /bstan bcos rnal 'byor spyod pa'i sa las/ yi dwags mdor bsdu na rnam pa gnyis te/ zas dang skom la phyi rol gyi sgrib pa yod pa dang zas dang skom la nang gi sgrib pa yod pa dang/ zas dang skom la sgrib pa med pa dang/ de la zas dang skom la phyi rol gyi sgrib pa yod pa gang zhe na/ 'di lta ste sems can gang dag ser sna shas cher bsten pa'i phyir/ yi dwags kyi gnas su skyes pa de dag kyang bkres shing skom pa dang ldan pas pags pa dang/ sha dang khrag kun nas skams nas sdong dum tshig pa lta bur 'dug la/ gdong skras khebs pa dang/ bkres shing skom pa dang ldan pa'i bzhin dang/ kha shin tu skams lcas blags pa dang/ bzhin gyur pas chu mig dang/ mcho dang/ mtshe'u rnams su de dang/ der kun tu rgyu bar byed de/ de dag tu yang sems can lag na ral gri thogs pa dang/ lag na mdung thogs pa dang/ gzhan dag gi
- 78a
chu mig dang/ mtshe'u dang/ mtsho de dag las phyir 'gog par byed pa la/ chu de yang rnag dang/ khrag du mthong ste/ de na de dag bdag nyid kyang 'thung mi 'dod par 'dug ste/ de lta bu de dag ni zas dang skom la phyi rol gyi sgrib pa'i yi dwags zhes bya'o/ /zas? dang skom la nang gi sgrib ba yod pa gang zhe na/ 'di lta ste/ kha khab tsam la kha 'bar ba dang/ spa ba can dang/ gsum po che ste/ 'di ltar de dag gzhan gyis gegs ma byas par bdag nyid kyis zas dang skom rnyed du zin kyang/ bza' bar mi nus ba de lta bu de dag ni/ zas dang skom la nang gi sgrib pa yod pa'i yi dwags rnams zhes bya'o/ /zas dang skom la sgrib pa med ba zhe na/ 'di lta ste yi dwags me lce'i phreng ba can zhes bya ba yod de/ de dag gi zas so cog dang/ 'thungs so cog thams cad tshig par 'gyur te /des na de dgag? bsres shing skom pa'i sdug bsngal nam yang med bar mi 'gyur ro/ /yi dags ljan ljin za ba dag kyang yod de/ de dag kha cig gis phyis za zhing gcin 'thung ste/ gang mi gtsang zhing man ma la dring ba dang/ gnod ba dang sman bar bya ba de ni za 'am 'thung bar nus so/ /yang kha cig ni rang gi sha rnams kyang bcad de za la/ gtsang ba 'am bsod ba gang yin ba de ni bza' ba dang btung bar mi nus te/ de lta bu de dag ni zas dang skom la sgrib pa med pa'i yi dwags rnams zhes bya ba zhes 'byung ngo/ /byang chub sems dpa' spyan ras gzigs dbang phyug gis ? bcom ldan 'das la 'di skad ces gsol to/ /bcom ldan 'das byang chub sems dpa' pha rol tu phyin pa dag gis chos thams cad kyi ngo bo nyid ma mchis ba nyid ma mchis ba nyid 'dzin bar bgyi lags zhes bya ba 'di man cad ni bcu bdun ba shes rab kyi pha rol tu phyin bas chos rnams kyi ngo bo nyid med pa yongs su 'dzin ba bstan ba'i sgo zhes bya ba ston to/ /'di yang rnam pa lngas bstan te/ zhu ba gsol ba dang/ lan du gsungs pa dang/ bal du gsol ba dang/ rung ba nyid du sgrub pa dang/ mjug bsdu ba'o/ /'di ni dang po byang chub sems dpa'
- 78b
zhu ba gsol ba ste/ pha rol tu phyin pa drug po dag las pha rol tu phyin pa gang gi chos rnams kyi ngo bo nyid ma mchis pa nyid 'dzin par bgyid ces bya ba'i tha tshig go /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu 'di ltar shes rab kyi pha rol tu phyin pa chos rnams kyi ngo bo nyid med pa 'dzin par byed ngo zhes bya ba ni gnyis pa de bzhin gshegs pas yang dag par lan du gsungs pa'o/ /pha rol tu phyin ba drug pas shes rab kyi pha rol tu phyin pa ni shes rab kyi pha rol tu phyin pa'i ngo bo nyid yin pa'i phyir ro/ /chos rnams kyi ngo bo nyid med pa nyid du 'dzin par byed/ 'dir gsungs pa'i ngo bo nyid med pa nyid ni de bzhin ngo bo nyid med pa nyid do/ /yang na ngo bo med ba rnam ba gsum mo bcom ldan 'das gal te shes rab kyi pha rol tu phyin pas chos rnams kyi ngo bo nyid ma mchis pa nyid 'dzin pa lags na/ ci'i slad du ngo bo nyid dang bcas pa nyid du 'dzin bar mi bgyid lags zhes bya ba ni gsum pa byang chub sems dpa' gal gsol ba nyid de/ de ni 'di skad bu gal te ngo bo nyid ma mchis ba nyid kyang 'dzin bar byed na/ 'on ni mngon bar zhen pa nyid du gyur pas/ mngon par zhen pa yang 'dzin par rigs na ci'i slad du ngo bo nyid med pa nyid dang bcas pa nyid 'dzin par mi bgyid ces bstan par 'gyur ro/ /bshad pa'i rnam ba gzhan du na/ gal te shes rab kyi pha rol tu phyin pas chos rnams kyi ngo bo nyid med pa nyid kyang 'dzin par byed na ni/ ngo bo nyid dang bcas pa nyid kyang 'dzin par 'gyur ba'i rigs te/ 'di ltar de bzhin nyid kyis rnam pa gcig la ngo bo nyid dang bcas pa dang/ ngo bo nyid med pa'i don tshang bar yod pa'i phyir ro/ /yang na ngo bo nyid med pa nyid rnam ba gsum po dag la yang ngo bo nyid med pa dang/ ngo bo nyid dang bcas pa'i don yang rnam pa gnyis kyang yod na/ ci'i phyir ngo bo nyid dang bcas pa'i don 'dzin par mi byed ces bya ba'i tha tshig go/ rigs kyi bu nga? ni nam yang ngo bo nyid med pa nyid kyi/ ngo bo nyid med pa nyid 'dzin par
- 79a
mi smra mod kyi zhes bya ba la sogs pa bzhi pa/ de bzhin gshegs pas rung ba nyid du sgrub ba bstan to/ /'di yang rnam pa gsum te/ zlog pa'i rnam par bshad pa dang/ rjes su mthun pa'i rnam par bshad pa dang/ rgol ba'i lan bstan pa'o/ /'di ni bzlog pa'i rnam par bshad pas pha rol kyis brgal ba'i lan btab pa'o/ /'di la yang bshad pa rnam pa gnyis yod de/ kha cig na re bzhin ma yang ngo bo nyid med pa nyid la mngon par zhen pa ngo bo nyid med pa nyid 'dzin par mi smra ba'i phyir/ ngas ngo bo nyid dang bcas pa nyid 'dzin pa mi gsung ngo zhes bstan pa yin no zhe'o/ /kha cig na re nga ni nam yang ngo bo nyid med pa nyid 'dzin par mi smra ste/ 'di ltar ngo bo nyid med pa nyid ni ming tshig dang bral ba'i phyir te/ de'i phyir ngo bo nyid dang bcas pa nyid 'dzin par byed do zhes brjod par mi bya'o zhes bstan pa yin no zhe'o/ /'on kyang ngo bo nyid med pa nyid yi ge rnams dang bral na nang gi so so rang gi rig pa zhes bya bas ni gnyis pa rjes su mthun pa'i rnam par bshad pas ngo bo nyid med pa ni tshig bral ba'i phyir te/ de phyir ngo bo nyid dang bcas pa nyid 'dzin na nang gi so so rang gi rig pa nyid bstan pa'o/ /'di ni gong du mdo de nyid las bas don dam pa ni brjod du med pa yin par bshad la/ rtog ba dang dpyod ba ni brjod pa'i spyod yul la spyod pa zhes gsungs pa dang/ gzhan yang don dam pa ni 'phags pa rnams kyi rang gi so sor rang gis rig pa yin par bshad la/ rtog pa dpyod pa'i spyod pa ni so so'i skye bo rnams kyi phan tshun rig par bya ba yin pas zhes gsungs pa nyid do/ /gzhan yang bstan bcos rnal 'byor spyod pa'i sa las gzhan yang byang chub sems dpa' de ni chos bdag med pa'i ye shes la ring du zhugs pa de chos thams cad kyis brjod du med pa'i ngo bo nyid yang dag pa ji lta ba bzhin du rtog pas dngos bo tsam 'am de bzhin nyid tsam du 'dzin pa ma gtogs par chos gang la yang rung ste/ ji lta bur yang rnam par rtog par mi byed do/ /'on kyang de 'di
- 79b
snyam du 'di ni dngos po tsam mo/ /'di ni de bzhin nyid tsam mo snyam du yang mi sems par don spyod par byed do zhes 'byung ngo/ /brjod pa dang yi ge spangs pas kyang bstan par mi nus pas zhes bya ba ni gsum pa rgol ba'i lan bstan pa'o/ /kha cig ni 'di skad du gal te de lta na/ ci'i phyir gong du shes rab kyi pha rol tu phyin pas ngo bo nyid med pa nyid yin na 'dzin par byed ces bstan snyam pa la/ de'i phyir 'di brjed pa spangs pas kyang bstan par mi nus pas zhes bya ba las gsungs te/ 'di yis dris ba dang lan ni bstan bcos rnal 'byor spyod pa'i sa las ji skad bstan pa bzhin du rig par bya ste/ de'i phyir de nyid las gal te chos thams cad brjod du med pa'i ngo bo nyid yin na/ ci'i phyir sbyor bar byed ce na/ smras pa/ 'di ltar brjod ba med na yang/ brjod du med ba'i chos nyid de bzhin dag la bsnyad pa dang/ thos par byed kyang mi nus la/ tshig dang thos ba med na yang brjod du med pa'i ngo bo nyid du shes par mi nus so/ /de bas na thos pa dang/ shes rab bya ba'i phyir brjod pa yang sbyor bar byed do zhes 'byung ba yin no/ /gzhan yang de nyid las chos thams cad kyang brjod du med pa'i bdag nyid dang/ spros pa chad pa dang/ tshig gi spyod yul las 'das pa'i ngo bo nyid yin pas de dag ni brjod pa pa la brten nas gzung bar bya ba dang/ blta bar bya ba dang/ rtog bar bya ba yin pa'i phyir te/ de lta bas na zab mo mthong bar dka' ba yin bar rig par bya'o zhes 'byung ngo/ /de'i phyir nga shes rab kyi pha rol tu phyin pa ni chos rnams kyi ngo bo nyid med pa nyid 'dzin par byed do zhes brjod ngo zhes bya ba ni lnga ba mjug bsdu ba ste/ brda phrad par zad do/ /byang chub sems dpa' spyan ras gzigs dbang phyug gis yang bcom ldan 'das la 'di skad zhes gsol to/ /bcom ldan 'das/ bcom ldan 'das kyi ji skad du pha rol tu phyin pa dang nye ba'i pha rol tu phyin pa dang/ pha rol tu phyin pa chen po'o zhes gang gsungs pa de la pha rol tu phyin ba ni gong lags/ nye ba'i pha rol tu phyin pa
- 80a
ni gang lags/ pha rol tu phyin pa chen po ni gang lags zhes bya ba 'di man chad ni bco brgyad pa pha rol tu phyin pa'i rnam pa bstan pa'i sgo zhes bya ba ston to/ /'di yang nub gsol ba dang/ lan gsungs bas bstan te/ 'di ni zhu ba gsol ba nyid do/ /mdo'i zhum? tshig 'di yang rnam pa gnyis su dbye ste/ sngar gsungs ba nyid gsungs pa dang smos pa dang/ gang zhu ba'i dngos po nyid smos pa'o/ /dpe kha cig las ni gang zhu ba'i dngos po smos pa las ni gsum 'byung la/ gang zhu ba'i dngos bo smos pa'i skabs nas ni gnyis 'byung bas/ zhus tshig dang po ma tshad ste/ bstan bcos rnal 'byor spyod pa'i sa dang/ mtshams rnam par grol ba'i mdo dang/ dgongs ba zab mo rnam par dgrol ba'i mdo las kyang zhus tshig gsum 'byung ba'i phyir ma tshang bar mngon no/ /bcom ldan 'das kyis byang chub sems dpa' spyan ras gzigs dbang phyug la dka' stsal pa/ rigs kyi bu gal te byang chub sems dpa' rnams dus dpag tu med pa nas sbyin pa la sogs pa yongs su bsgom pas dge ba'i chos dang ldan pa yin yang/ nyon mongs pa rnams kun tu 'byung zhing sa de zil gyis gnon par mi nus kyi de zil gyis gnon par 'gyur ba 'di lta ste/ mos pa spyod pa'i sa la/ mos pa chung du dang/ 'bring la zhugs pa de ni pha rol tu phyin pa zhes bya'o/ /zhes bya ba la sogs pas ni/ gnyis pa de bzhin gshegs pas yang dag par lan du gsungs pa ston to/ /'di yang rnam pa gsum du bstan pa nyid las rnam pa gsum du dbye ste/ 'di ni zhus ba dang po'i lan du gsungs pa'o/ /'di dag ni bskal pa grangs med pa gsum du sbyin pa la sogs pa bsgom pa'i ming rnam pa gsum gyi bye brag yin te/ 'di ltar bskal pa grangs med pa dang po sbyin pa la sogs pa mngon par sgrubs na mthun pa'i phyogs drug kun du 'byung bas de dag zil gyis gnon par mi nus kyi mi mthun ba'i phyogs drug po dag gis zil gyis gnon par 'gyur ba'o/ /'di lta ste mos pa'i sa la zhes bya bas ni sa'i
- 80b
gnas skabs bstan to/ /mos pa chung du dang/ 'byid la zhugs pa zhes bya bas ni bsgom pa'i dus bstan te/ sa mthun rol? ba'i sgom pa dag ni bdud chen po nyid du mi 'gyur gyi/ mos pa chung du dang/ 'bring kho na la 'jug pa'i dus yin pa'i phyir ro/ /de ni pha rol tu phyin pa zhes bya'o zhes bya ba ni ming bstan pa'i mjug bsdu pa'o/ /yang nus dpag tu med pa nas yongs su bsgoms pa'i sbyin pa la sogs pa khang kyi dbang du gyur cing dge ba'i chos dang ldan pas nyon mongs pa rnams kun tu 'byung yang/ de zil gyis gnan cing de zil gyis gnon bar mi 'gyur pa 'di lta ste/ sa dang po nas bzung ba 'di lta ste/ nye ba'i pha rol tu phyin pa zhes bya'o zhes bya ba ni zhus ba gnyis pa'i lan du gsungs pa'o/ /mdo'i tshig 'di yang rnam pa gsum du dbye ste/ rnam par bshad pa dang/ sa'i gnas skabs bstan ba dang/ mjug bsdu ba'o/ /'di ltar sa dang po yan chad kyis bskal pa grangs med pa gnyis bdag tu yongs su bsgoms pa'i sbyin pa la sogs pa khad kyis dbang du gyur pa'i phyir/ 'dod chags la sogs pa'i nyon mongs ba kun tu 'byung bar 'gyur mod kyi/ 'on kyang de dag zil gyis gnon cing/ de dag gis zil gyis gnon bar mi 'gyur ba gang yin pa de ni nye ba'i pha rol tu phyin pa zhes bya'o zhes bya ba'i tha tshig go/ yang dpag tu med ba nas yongs su bsgoms pa'i sbyin pa la sogs pa ches dbang du gyur cing/ dge ba'i chos dang ldan bas nyon mongs ba thams cad kun tu mi 'byung ba 'di lta ste/ sa brgyad pa nas bzung ba de ni pha rol tu phyin pa chen po zhes bya'o zhes bya ba ni zhus pa gsum pa'i lan gsungs pa'o/ /mdo'i tshig 'di yang rnam pa gsum du dbye ste gong ma bzhin du rig par bya'o/ /'di ltar brgyad pa yan chad kyis bskal pa grangs med pa gsum pa dag tu yongs su bsgoms pa la sogs ? dbang du gyur pa'i phyir dang/ rtag tu rnal 'byor la zhugs ba'i phyir nyon mongs pa thams cad kun tu mi 'byung ba'o/ /sa brgyad ba yan chad rtsol ba med par spyod pa re re
- 81a
bsgoms pa la sogs pa dpag tu med pa 'byung ba'i phyir chen po zhes bya'o/ /bstan bcos rnam par rig pa tsam du grub pa las kyang/ mdo 'di las gsungs pa dang don mthun par ston to/ /de phyir de nyid las/ rgyu'i gnas skabs rnam pa bcu po 'di dag la ming rnam pa gsum yod de/ dang po pha rol tu phyin pa zhes bya ba ni 'di lta ste/ bskal pa grangs med pa dang po la de'i tshe/ sbyin pa la sogs pa mthu chung bas nyon mongs pa dag gi zil gyis gnon cing de dag gis gnon par nus pa des na nyon mongs pa la kun tu 'byung ba mi gtogs so/ /gnyis pa nye ba'i pha rol tu phyin pa zhes bya ba ni 'di lta ste/ bskal pa grangs med pa gnyis pa la de'i tshe sbyin pa la sogs pa'i mthu stobs khad kyi 'phel bar gyur pas nyon mongs pas zil gyis gnon par 'gyur ba ma yin no/ /de dag zil gyis gnon par gyur pa des na nyon mongs pa la ched du kun tu spyod do/ /gsum pa pha rol tu phyin pa zhes bya ba ni 'di lta ste/ bskal pa grangs med pa gsum la de'i sbyin pa la sogs pa'i mthu stobs ches 'phel bar 'gyur bas nyon mongs pa thams cad btan du zil gyis gnon par nus pa des na nyon mongs pa rnams thams cad kyi thams cad du kun tu mi 'byung ste/ 'on kyang shes bya phra mo kun tu 'byung ba'i sa bon dang/ nye ba'i nyon mongs pa'i sa bon dang ldan pa'i phyir/ mthar phyin pa ma yin no zhes 'byung ngo/ /bstan bcos rnal 'byor spyod pa'i sa las ni chung du dang 'bring dang chen po zhes bshad de/ de'i phyir de nyid las/ byang chub sems dpa' i bsod nams dang/ ye shes kyi tshogs de yang bskal pa chen po grangs med pa dang po la ni chung bar rig par bya'o/ /bskal pa chen po grangs med pa gnyis pa ni 'bri ba zhes bya'o/ /bskal pa chen po grangs med pa gsum la ni che bar rig par bya'o zhes 'byung ste/ legs pa'i tshul khrims bstan pa mdo dang/ bstan bcos sa yongs su 'dzin pa las kyang de skad du bstan to/ /mtshams rnam par dgrol ba'i mdo
- 81b
missing page
- 82a
las bstan pa bzhin du rig par bya'o/ /de skad ces ston pa de dag ni rig pa dang mthun pa ma yin te/ bag la nyal gyi ming gi don dang mthun pa ma yin pa'i phyir te de'i phyir mdo sde dang theg pa chen po'i gzhung gis ni sa bon la bag la nyal zhes bya'o zhes/ bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu mdor sdu na rnam pa gsum yod de zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang rnam pa gnyis te/ grangs smos nas lan mdor gsungs pa dang/ go rim bzhin du rnam par phye ste bshad pa'o/ /'di ni dang po ste/ 'di ltar nyon mongs pa'i sa bon ni rnam pa mang mod kyi/ mdor bstan na rnam pa gsum mo zhes bya ba'i tha tshig go /grogs yang dag par bcom pa'i bag la nyal 'di lta ste/ snga ma'i sa lnga po dag go/ de ci'i phyir zhe na/ rigs kyi bu lhan cig skyes pa ma yin pa kun tu 'byung ba'i nyon mongs pa rnams ni lhan cig skyes pa'i nyon mongs pa kun tu 'byung ba'i grogs yin te/ de de'i tshe bstan du med cing yang yod par mi 'gyur bas/ de'i phyir grogs yang dag par bcom pa'i bag la nyal zhes bya'o zhes bya ba la sogs pas ni gnyis pa go rim bzhin du rnam par phye ste/ bshad pa ston to/ /'di yang bag la nyal rnam pa gsum rnam par phye ste bshad pa nyid kyi rnam pa gsum du dbye ste/ 'di ni dang po grogs yang dag par bcom pa'i bag la nyal rnam par bshad pa'o/ /mdo'i tshig 'di yang rnam pa lngar dbye ste/ ming mdor bstan pa dang/ gnas skabs bstan pa dang/ brtag pa dang/ yang dag par rnam par bshad pa dang/ mjug bsdu ba bstan pa'o/ /de la grogs yang dag par bcom pa'i bag la nyal zhes bya ba ni ming mdor bstan pa'o/ /'di lta ste/ snga ma'i sa lnga po dag go zhes bya ba ni gnas skabs bstan pa'o//
- 82b
ci'i phyir zhe na/ zhes bya ba ni brtag pa'o/ /rigs kyi bu zhes bya ba la sogs pas ni ming gi don yang dag par rnam par bshad pa'o/ /theg pa chen po'i gzhung dang sbyar na nyon mongs pa thams cad ni mdor bsdu na rnam pa gnyis su 'gyur te/ lhan cig skyes pa dang/ kun brtags pa las 'byung ba'o/ /de la kun brtags pa ni mthong bas spang bar bya ba'i nyon mongs pa'o/ /lhan cig skyes pa ni bsgoms pas spang bar bya ba'i nyon mongs pa'o zhes bshad de/ de'i phyir bstan bcos rnam par rig pa tsam du grub pa las/ bdag tu 'dzin pa rnams ni mdor bsdu na rnam pa gnyis te/ lhan cig skyes pa dang kun brtags pa'o/ /de la lhan cig skyes pa'i bdag tu 'dzin pa ni thog ma med pa'i dus na yang dag pa ma yin pas yongs su bsgom pa'i bag chags kyi rgyu'i stobs kyi phyir/ rgyun du lus dang lhan cig pa log pa'i bstan pa dang/ log par rtog pa la mi bltos par rang gi dang gi 'jug pa'i phyir lhan cig skyes pa zhes bya'o zhes 'byung ste/ zhib du de nyid las bstan pa bzhin no/ /gzhan yang de nyid las kun tu brtags pa'i bdag tu 'dzin pa ni da ltar gyi phyi rol gyi rkyen gyi stobs kyi lus dang lhan cig ma yin pa log pa'i bstan pa dang/ log par rtog pa la bltos nas/ gdod 'byung ba'i phyir kun tu rtog pa zhes bya'o zhes 'byung ste/ zhi ba du de nyid las bstan pa bzhin no/ /'dir lhan cig skyes pa ma yin pa kun tu 'byung ba'i nyon mongs pa rnams zhes gsungs pa ni lam mthong bas spang bar bya ba kun tu brtags pa'i nyon mongs pa la bya'o/ /lhan cig skyes pa zhes bya ba ni rnam par shes pa drug po dag dang mtshungs par ldan pa bsgom pas spang bar bya ba'i nyon mongs pa ste/ mthong ba'i lam gyi gnas skabs kyi mdun rol tu ni gcig la gcig phan tshun groD byas nas kun tu 'byung la 'dir lam mthong ba'i 'og tu ni mthong bas spang bar bya ba'i nyon mongs pa lhan cig skyes pa ma yin pa'i grogs yang dag par bcom pa'i phyir grogs yang dag par bcom pa zhes bya'o/ /yang dag pa'i
- 83a
don du na grogs yang dag par bcom pa ni kun tu 'byung ba'i nyon mongs pa yin na bag la nyal la grogs yang dag par bcom pa zhes bya ba gsungs pa ni grogs yang dag par bcom pa'i bag la nyal yin pa'i phyir grogs yang dag par bcom pa zhes bya ste/ rnam par bshad pa drug las 'di ni bdag po'i dbang du byas pa'i rnam par bshad pa'o/ /de'i phyir grogs yang dag par bcom pa'i bag la nyal zhes bya'o/ zhes bya ba ni mjug bsdu ba ste brda phrad par zad do/ /nyams stobs chung ba'i bag la nyal ni/ 'di lta ste/ sa drug pa dang/ bdun pa cha phra mo'i kun tu 'byung ba nyid dang/ gal te sgom pas mnan pas kun tu mi 'byung ba nyid kyi phyir ro zhes bya ba ni gnyis pa nyams stobs chung ba'i bag la nyal rnam par bshad pa'o/ /mdo'i tshig 'di yang rnam pa gsum du dbye ste/ ming smos pa dang/ gnas skabs bstan pa dang/ ming nyid rnam par bshad pa'o/ /de la nyams stobs chung ba'i bag la nyal zhes bya ba ni ming smos pa ste/ 'di yang bdag po'i dbang du byas pa'i rnam par bshad pa yin pas gong ma bzhin du rig par bya'o/ /sa drug pa dang bdun pa la cha phra mo'i kun tu 'byung ba nyid ces bya ba ni gnas skabs bstan pa ste/ snga ma'i rig pa la bltos pa'i phyir phra mo zhes gsungs so/ /gal te bsgoms pas mnan pas kun tu mi 'byung ba nyid kyi zhes bya ba ni nyams chung ba'i ming gi don bstan pa'o/ /de la gal te na zhes bya ba ni ma nges pa'i tshig ste/ 'di ltar byang chub sems dpa' kha cig sa bdun pa man chad du nyon mongs pa zil gyis mi non pa yang yod pa'i phyir 'dir kun tu 'byung ba yin no/ /byang chub sems dpa' kha cig ni zil gyis non nas mi 'byung bar byed pa yang yod de/ ma nges pa 'di lta bu dag yod pa'i phyir/ gal te na zhes bya ba gsungs so/ /de ni 'di skad du/ gal te de kun tu 'byung na yang nyams stobs chung ba zhes bya ste/ de ci'i phyir zhe na/ gal te bsgom pas mnan pas kun tu mi 'byung ba nyid kyi phyir ro zhes bstan bar
- 83b
'gyur ro/ /nyams stobs chung ba'i ming gi don rnam par bshad pa ni gong ma bzhin du rig par bya'o/ /shin tu phra ba'i bag la nyal ni 'di lta ste/ sa brgyad pa dang/ de'i gong ma rnams la nyon mongs pa thams cad yang kun tu mi 'byung ba dang/ shes bya'i sgrib pa tsam gyis ba nas byed pa'i phyir ro zhes bya ba ni gsungs pa shin tu phra ba'i bag la nyal rnam par bshad pa'o/ /mdo'i tshig 'di yang rnam pa gsum du dbye ste/ ming smos pa dang gnas skabs bstan pa dang/ ming gi don rnam par bshad pa'o/ /de la shin tu phra ba'i bag la nyal zhes bya ba ni ming smos pa'o/ /'di lta ste sa brgyad pa zhes bya ba ni gnas skabs bstan pa'o/ /de'i gong ma rnams zhes bya ba la sogs pa ni shin tu phra ba'i ming gi don bstan pa'o/ /'di yang rgyu rnam pa gnyis te/ dang po ni sa brgyad pa yan chad la nyon mongs pa thams cad kun tu mi 'byung ste/ dus thams cad du brtag par rnal 'byor la gnas pa'i phyir ro/ /gal te rnal 'byor la zhugs na yang de'i rgyu mthun pa 'gog pa'i snyoms par 'jug pa kun tu 'byung ba'i phyir/ rig pa des nyon mongs pa thams cad mi 'byung ngo/ /gnyis pa ni shes bya'i sgrib pa tsam gyis gnas byed pa'i phyir te/ 'di ltar sa brgyad pa yan chad la nyon mongs pa med pa'i phyir te/ nyon mongs pa can gyi yid 'ba' zhig dang/ lhan cig pa'i shes bya'i sgrib pa la sogs pa zag pa dang bcas pa'i chos kyi gnas byed pas so// bshad pa'i rnam pa gzhan du na gnas par byed pa kun tu 'byung ba'i nyon mongs pa med kyang gnas par bya ba kun tu 'byung ba'i shes bya'i sgrib pa yod pa'i phyir dang/ rgyu rnam pa 'di gnyis kyi dbang gi sa bon yod kyang de'i mtshan nyid shes par dka' ba'i phyir shin tu phra ba zhes gsungs so/ /rgyu phyi ma 'di yang dgongs pa zab mo rnam par dgol ba'i mdo las ni yul thams cad kyi shin tu phra mo'i sgrib pa yod pa zhes 'byung ngo/ /mtshams rnam par dgrol ba'i mdo las ni shes bya'i sgrib pa cung zad tsam la gnas pa'i phyir ro
- 84a
zhes 'byung ngo/ /bstan bcos rnam par rig pa tsam du grub pa'i nang nas mdo sde'i khungs su bstan pa las ni gnas par bya ba shes bya'i sgrib pa yod pas zhes 'byung ngo/ /de la 'di shin tu phra ba zhes gsungs pa ni bag la nyal la bya ba'i phyir ro/ /'di ni rnam par bshad pa drug las/ las yongs su 'dzin pa'i rnam par bshad pa'o/ /bag la nyal rnam pa 'di gsum sgrib pa gang dag gis bsdus zhe na/ smras pa/ 'di la rnam par bshad pa rnam pa gsum yod de/ kha cig na re 'di gsum ni shes bya'i sgrib pa kho na'o zhe'o/ kha? cig na re dang po gnyis ni nyon mongs pa'i sgrib pa'o/ /bag la nyal gsum ni shes bya'i kho na'o/ /kha cig na re gsum po 'di dag la nyon mongs pa'i sgrib ba kho na'o zhe'o/ /de ltar rnam pa gsum du bshad pa yod kyang bshad pa phyi ma ni yang dag pa yin no/ /mdo'i tshig dang rjes su mthun pa'i phyir ro/ /bag la nyal rnam pa gsum po 'di ngo bo nyid gcig pa yin nam zhe na/ 'di la bshad pa rnam pa gsum yod de/ kha cig na re rnam pa gsum po dag gi ngo bo nyid ni so so nas mi mtshungs te/ rags pa dang phra ba tha dad ba'i phyir ro zhe'o/ /kha cig na re phyi ma phyi mas snga ma snga mas sdus pa'i phyir yangs dog? tha dad do zhe'o/ /kha cig na re gsum po 'di dag gi gnas skabs la brtsams nas tha dad par bstan kyang ngo bo nyid la ni bye brag med de 'di ltar sa lnga po dag la gnas pa gang yin pa de ni grogs yang dag par mtsom ba zhes bya'o/ /sa drug pa dang bdun pa la ni nyams stobs chung ba zhes bya'o/ /sa brgyad pa yan chad la ni shin tu phra ba zhes bya'o/ /zhes zer te/ bshad pa rnam pa gsum las bshad pa ni gsum pa bzang ngo/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das bag la nyal de dag gnas ngan len de dag spangs pa rnam pa dus rab tu dbye ba lags zhes bya ba 'di man chad ni gnyis pa gnas ngan len spangs pas rab tu dbye ba zhes bya ba ston to/ /
- 84b
'di yang rnam pa gnyis te/ zhu ba gsol ba dang/ lan gsungs pas bstan to/ /mdo'i tshig gi sgo 'di gcig gis dgongs pa khong du chung par dka' bas de'i phyir sngar bag la nyal dang/ gnas ngan len gyi bye brag gi mtshan nyid rab tu phye nas/ de'i 'og tu gdod mdo'i? tshig gi don bshad par bya'o/ /de la bag la nyal zhes bya ba ni sa bon gyi grangs kyi ming ste/ sgrib pa gnyis kyi sa bon rnal 'byor ba dag gi rjes su 'brang zhing/ bag la nyal mi ldang ba'i phyir bag la nyal zhes bya'o/ /nyon mongs pa'i bag la nyal spang bar bya ba gang yin pa de ni sa dang por zhugs pa na spong ba'o/ /gzhan bsgom pa spang bar bya ba gang yin pa de ni sa re re zhing so so nas spong ba yang bar chad med ba dang/ rnam par grol ba'i lam gyis spong bar byed de/ rnam par grol ba'i lam gyis so sor brtags pa thob pa'i phyir ro/ /de la gnas ngan len ces bya ba ni sgrib pa gnyis kyi sa bon gyi mthu'i bye brag tha dad pa'i phyir zag pa dang bcas pa'i lus las su mi rung pa nyid du byed bas gnas ngan len ces bya'o/ /bag chags zhes kyang bya ste/ zag pa dang bcas pa'i chos dang/ gcig pa yang ma yin tha dad pa yang ma yin te/ spangs pa dang ma spangs pa'i gnas skabs kyi bye brag gi phyir gcig ces byar yang mi rung la/ phung po lnga las gud na bdag nyid tha dad pa med pa'i phyir tha dad ces byar yang mi rung ste/ don de'i phyir yang logs shig na bar chad med pa dang/ rnam par grol ba spong pa'i lam rnam pa gnyis kyang spong bar mi 'gyur la/ so sor brtagS pa'i 'dus ma byas kyang gud na mi dmigs te/ 'on kyang shes pa'i stobs kyis gong nas gong du sa bon gyis bskyed pa'i gnas ngan len rnam par sel to/ /gnas ngan de dag dang/ bag la nyal de dag la yangs dogs yod pa yang bstan bcos rnal 'byor spyod pa'i sa las ji skad du/ lus de dag gi sa bon nyon mongs pa'i phyogs gang yin pa de dag ni gnas ngan len zhes bya ba dang/ bag la nyal zhes bya bar 'gyur ro/ /rnam par smin pa'i phyogs gang yin pa rnams
- 85a
dang/ las gzhan pa lung du ma bstan pa'i phyogs de dag ni gnas ngan len zhes bya ba nyid de/ bag la nyal zhes mi bya'o/ /dad pa la sogs pa dge ba'i phyogs kyi sa bon gang yin pa de dag la ni bag la nyal zhes bya ba yang med la/ gnas ngan len ces bya ba yang med do/ /de ci'i phyir zhe na/ de ltar chos de dag skyes pa na lus las su rung ba kho nar 'gyur gyi/ lus mi rung bar mi 'gyur ba'i phyir ro zhes bstan pa lta bu ste/ de las sa bon gang nyon mongs pa'i phyogs kyis bsdus pa gang yin pa de dag la gnas ngan lan ces pa bstan pa ni nyon mongs pa'i sa bon nyid la gnas ngan len ces bya'i /'dir bstan pa'i skabs su mi rung ba nyid la bya ba ni ma yin te/ 'di ltar sa bon de dag la bdag nyid yod pa'i phyir ro/ /gnas ngan len de yang mdor bsdu na sgo bzhir dbye ste/ nges pa'i tshig bstan pa dang/ ngo bo nyid bstan pa dang/ rnam pa'i grangs mang nyung bstan pa dang/ spong ba'i gnas skabs bstan pa'o/ /de la nges tshig bstan pa yang spyi dang bye brag gis bstan to/ /de la gnas ngan len gsum zhes bya ba la/ gsum zhes bya ba ni grangs smos pa ste/ 'di ltar gsum po de dag gis dge ba'i chos dag rnams la las su rung ba med pa'i phyir gnas ngan len ces bya ste/ rnam par bshad pa rnam pa drug las grangs dang bcas pa'i rnam par bshad pa'o/ /de la bye brag gi ming bstan pa'i pags shun dang/ spri dang/ snying po la yod pa'i zhes bstan pa ste/ /bstan bcos sangs rgyas kyi rang bzhin bstan pa dang/ ngo bo nyid med pa gsum bstan pa dang/ theg pa chen po bsdus pa lyang gi tshe bsgyur ba dang/ rnal 'byor spyod pa'i sa las kyang/ pags shun dang spri dang/ snying po la yod pa zhed bshad do/ /gzhan yang rnal 'byor spyod pa'i sa las ni bags shun dang/ spri dang/ dus ba la yod pa zhes bshad do/ /'phags pa legs pa'i tshul khrims bstan pa'i mdo dang/ dgongs pa zab mo rnam par dgrol ba'i mdo dang/ mtshams rnam par dgrol ba'i mdo dang /mdo 'di nyid dang/ bstan bcos
- 85b
sa yongs su 'dzin pa las rnam pa gsum zhes bstan pa dag ni dpe las ming du btags pa yin te/ las yongs su 'dzin pa'i rnam par bshad pa yin/ /yang na bdag po'i dbang du byas pa'i rnam par bshad pa yin te/ brtags na khong du chud pa la 'gyur ro/ /de la ngo bo nyid bstan pa yang slob dpon yang dag bden pas bstan bcos ngo bo nyid med pa gsum bstan pa la bsten nas/ 'dod chags la sogs pa bsgom pas spang bar bya ba'i nyon mongs pa gang yin pa de ni pags shun la sogs pa lta bu'o/ /mthong bas sbrang par bya ba gang yin pa de ni spri dang snying po la yod pa ste/ nyon mongs pa'i bag chags nyid do/ zhes bshad de/ des slob dpon rnams phal cher de skad du ston to/ /slob dpon hyan tsang? ni slob dpon chos skyong gis bshad pa'i gzhung la brten nas 'di skad du sgrib gnyis kyi sa bon ni bag la nyal gyi zhes bya'o/ /des skyes pa'i las su mi rung ba'i gnas ngan len ces bya'o zhes bshad de/ de'i phyir bstan bcos rnam par rig pa tsam du grub pa las ni/ gzhan yang ma rig pa bcu po kun nas nyon mongs par ma gyur pa zhes bstan pa ni sa bcu po dag gis bsgom pas spang bar bya ba las brtsams nas bstan pa yin te/ gnas skabs de dag tu nyon mongs pa zil gyis gnon cing/ gnas ngan len dag spong bar byed mod kyi/ yid kyi yang dag par bag la nyal mi spong ba yang yin pas de'i phyir 'dir ma bstan to zhes bshad do/ /gzhan yang de nyid las sgom pa'i lam gyis sa bcu po dag gi gnas skabs su nyon mongs pa'i sgrib pa'i sa bon spong bar mi byed kyi/ gnas skabs na de dag ni rim gyis spong par 'gyur bas de na de'i sgrib pa gnyis kyi gnas ngan len re re la yang gnas skabs gsum du spang ba'i don yod par bshad do/ /gnas skabs rnams su yang gnas ngan len spong bar byed mod kyi/ gnas skabs gsum po dag tu bsal bas na de'i phyir phyogs gcig tu de skad bstan te/ rig pa nges na 'dir gnas ngan len ces bya ba'i sa bon bya ba ma yin no zhes 'byung ngo//
- 86a
bstan bcos rnal 'byor spyod pa'i sa las/ pags shun dang/ spri dang/ snying po la yod pa lta bu zhes bstan pa yang mthong bas spang bar bya ba'i nyon mongs pa'i gnas ngan len gang yin pa de ni phags shan? la yod pa lta bu'o/ /bsgom pas spang bar bya ba'i nyon mongs pa'i gnas ngan len gang yin pa de ni pri la yod pa lta bu'o/ /mthong bas bsgom pas spang bar bya ba shes bya'i sgrib pa'i phyogs kyi gnas ngan len gang yin pa de ni sdong po la yod pa lta bu ste/ 'di ni sgrib pa gnyis pa mthong pa dang bsgom pas spang par bya ba'i phyir dang/ bye brag las rnam par bzhag pa yin te/ bstan bcos rnal 'byor spyod pa'i sa las/ pags shun dang snying po la yod pa lta bu gsum po dag ni shes bya'i sgrib pa'i ngo bo nyid do zhes bstan pa lta bu'o/ /theg pa chen po bsdus pa'i 'grel pa lyang gi tshe bsgyur ba las sa'i mdun rol dang sa bcu po dag tu sa re re la yang 'jug pa dang/ gnas pa dang/ 'byung ba dag yod pa la brten nas pags shun dang/ spri dang snying pa la yod pa lta bur rags pa dang/ phra ba'i don gyi rnam pa gsum du dbye'o/ /zhes bshad do/ / bstan bcos ngo bo nyid med pa gsum bstan pa las mi ston pa brgyad kyi nyon mongs pa gsum skye bar rab tu 'byed de/ 'dod pa la sogs pa'i nyon mongs pa'i dngos po pags shun lta bu zhes bya'o/ /nga rgyal la sogs pa'i dngos po'i rnam pa ni spri lta bu'o zhes bya'o/ /spros pa rnams kyi dngos po ni snying po lta bu'o zhes bshad do/ /bstan bcos sangs rgyas kyi rang bzhin bstan pa las ni/ 'du shes dang 'dad? pa dang/ sems phyin ci log tu gyur pa gang yin pa de ni go rim bzhin du pags shun dang/ spri dang snying po la yod pa lta bu zhes sbyar ro zhes bshad do/ /yang na bstan bcos mdzad pa'i dgongs pa tha dad pas de ltar bshad du mi rung ngo/ /de la rnam pa'i grangs mang nyung bstan pa dang/ kha cig las ni shes bya'i sgrib pa kho na las brtsams nas/ gnas ngan len rnam pa gsum du dbye ba yang
- 86b
yod de/ 'phags pa legs pa'i tshul khrims kyi mdo las bstan bcos sa yongs su 'dzin pa dang/ rnal 'byor spyod pa'i sa las ji skad bstan pa lta bu ste/ de'i phyir rnal 'byor spyod pa'i sa las gzhan yang byang chub sems dpa' i gnas la bcu gnyis pod dag ni bskal pa chen po grangs med pa gsum po de dag gi nyon mongs pa'i sgrib pa'i phyogs dang/ mthun pa'i gnas ngan len thams cad dang/ shes bya'i sgrib pa'i phyogs dang mthun pa'i gnas ngan len thams cad spong bar 'gyur ro/ /de la gnas pa gsum po dag la ni nyon mongs pa'i sgrib pa phyogs dang mthun pa'i gnas ngan len spong bar rig par bya ste/ rab tu dga' ba la ni ngan song ba'i nyon mongs pa'i phyogs dang mthun pa'i gnas ngan len thams cad gtan du spong ngo/ /kun tu spyad pa las ni nyon mongs pa'i phyogs dang mthun pa chen po dang/ 'bring thams cad do/ /mtshan ma med pa lhun gyis grub pa la gnas pa la ni mi skye ba ni chos la bzod pa rnam par dag pa la legs byed pa'i nyon mongs pa'i phyogs dang mthun pa'i gnas ngan len thams cad spong bar rig par bya'o/ /kun tu spyod pa las ni nyon mongs pa thams cad do/ /gnas pa'i mchog la ni nyon mongs pa dang/ bag chags dang bag la nyal gyi sgrib pa thams cad spong bar rig par bya ste/ de bzhin gshegs pa'i gnas pa la 'jug pa'o/ /shes bya'i sgrib pa'i phyogs dang mthun pa'i gnas ngan len ni rnam pa gsum du rig par bya ste/ pags? shun la yod pa dang/ spri la yod pa dang/ snying po la yod pa lta bu'o/ /de la pags shun la yod pa lta bu ni rab tu dga' ba'i sa la gnas pa la spong ngo/ /spri la yod pa lta bu ni mtshan ma med pa lhun gyis grub pa la spong ngo/ /snying po lta bu ni de bzhin gshegs pa'i gnas pa la spong ba ste/ sgrib pa thams cad rnam par dag pa'i ye shes thob pa nyid kyang yin no/ /gnas pa gsum po dag la nyon mongs pa dang/ shes bya'i sgrib pa spong ba de'i chogs? su gyur pa ni go rim bzhin du de ma yin pa'i gnas pa rnams yin no zhes 'byung
- 87a
ba yin no/ /kha cig las ni nyon mongs pa dang/ shes bya'i sgrib pa las rnam pa gsum du bstan pa yod de/ bstan bcos rnal 'byor sbyor pa'i sa las nyon mongs ba'i sgrib pa yang mthong ba dang/ sgom pa las rnam pa gnyis phye nas pags shun dang/ spri la yod pa zhes bstan pa dang/ shes bya'i sgrib pa las snying po la yod pa'i gnas ngan len ces bstan pa lta bu ste/ de'i bstan bcos de nyid las grub pa la theg pa dus rnam par rig par byed cing dus ji tsam gyi thob ce na/ smras pa/ dbang po rnam pa gsum gyi bye brag yod pa'i phyir/ theg pa gsum gyis rnam par 'jog ste/ theg pa gnyis kyang bla na med pa yang dag par rdzogs pa'i byang chub kyi theg pa'i rtsa ba can yin pa'i phyir ro/ /gzhan yang theg pa gnyis kyis ni dus nges pa med par 'job? ste/ rkyen ji lta ba dang/ ji ltar yongs su smin pas so/ / tha maS ni gnas ngan len gsum gyi dbang du byas nas bskal pa grangs med pa gsum gyi dus kyi thob par 'gyur ro/ /gnas ngan len gsum gang zhe na/ ngan song la mi dga' ba'i phyogs dang/ mthun ba pags shun la yod pa lta bu'o/ /spang bas ngan song du 'gro par ni 'gyur zhing/ sbyor bar byed pa na yang mi dga' ba dang/ 'dre par mi 'gyur ba dang/ nyon mongs pa'i sgrib pa'i phyogs dang mthun pa'i spri la yod pa lta bu gang spangs pas rnam pa thams cad du nyon mongs pa shin tu phra mo yang kun du mi 'byung zhing bag la nyal yang dag pa ni 'jom par mi 'gyur ba dang shes bya'i sgrib pa'i phyogs mthun pa rkang pa la yod pa lta bu gang spang ba yi bag la nyal yang dag par 'jom shing shes bya thams cad la sgrib pa'i ye shes 'jug par 'gyur ro/ /zhes 'byung ba yin pa'o/ /de la spong ba'i gnas skabs bstan pa yang mdor bsdu na sgo rnam pa bzhis bstan te/ dang po ni gnas pa gsum la gnas pa spong ba'i phyir pags shun la yod pa lta bu zhes bya ba la sogs pa bstan te sngar bstan bcos rnal 'byor spyod ba'i sa la sogs pa las ji skad bstan pa lta bu'o/ /gnyis pa
- 87b
ni bag la nyal rnam pa gsum rab tu phye ba'i sgo nas pags shun la yod pa lta bu la sogs pa spang ba zhes bshad de/ mdo 'di nyid las ji skad bstan pa nyid do/ /gsum pa ni 'jug pa dang/ gnas pa dang/ 'byung ba'i rjes su pags shun la yod pa lta bu la sogs pa spang ba nas bshad de/ bstan bcos theg pa chen po bsdus pa'i 'grel pa lyang gi tshe bsgyur ba las ji skad du sa'i mdun rol dang/ sa bcu po dag tu 'jug pa dang/ gnas pa dang/ 'byung ba la brten nas bskal pa grangs med pa gsum du sa re? re zhing pags shun la yod pa lta bu la sogs pa gsum spong bar byed do zhes bshad pa lta bu'o/ /bzhi pa ni yang dag pa nyid las brtsams nas gnas pa bcu'i gnyis po dag gi gnas ngan len spong bar rab tu dbye ste/ mtshan nyid kyi rjes su dbye ba'i phyir gnas pa ngag gi gsum po dge spong ngo zhes bshad de/ bstan bcos rnam par rig pa tsam du grub pa las ji skad bstan pa lta bu'o/ /'di ltar bstan pa rnams tha dad par gyur cig pags shun la yod pa lta bu la sogs pa gsum bstan pa yang don gyi spang bar bya ba la rags pa dang/ phra ba'i don yod pa nyid du rab tu bstan pa'i phyir sgo rnam pa bzhi la brten nas gnas ngan len gyi don bstan pas 'gal pa med de brtags na khong du chud par 'gyur ro/ de yang chad du bag la nyal dang/ gnas ngan lan gyi bye brag gi mtshan nyid bstan nas/ da ni mdo'i tshig gi don bshad par bya'o/ /de la 'dir zhu pa gsol pa'i dgongs pa 'di yin te/ gnas ngan len rnam pa gsum las rnam pa du zhig spang bas bag la nyal de dag rab tu dbye ba lags zhes bya ba'i tha tshig go/ mtshams rnam par grol ba'i mdo las ni skyon rnam pa du zhig spang bas nyon mongs pa de dag spang ba zhes bgyi ba lags zhes 'byung ste/ mdo las nyon mongs pa zhes gsungs pa ni gnas ngan len la brtags pa tsam du nyon mongs pa spang ba zhes gsungs kyi yang dag pa'i don du ni ma yin te/ byang chub sems dpa' ni rdo rje lta bu'i bar du 'jog pa'i
- 88a
phyir ro/ /dgongs pa zab mo rnam par dgrol ba'i mdo las/ skyon rnam pa du zhig spangs pas nyon mongs pa rnams spong zhes 'byung ba yang mtshams rnam par grol ba'i mdo las gsungs pa dang don mthun no/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu rnam pa gnyis kyi ste zhes bya ba la sogs pas ni gnyis pa de bzhin gshegs pas yang dag par lan du gsungs ba ston to/ /'di yang rnam pa gnyis te/ grangs smos nas lan mdor bstan pa dang/ rnam par phye nas bstan pa'o/ /'di ni dang po grangs smos nas lan mdor gsungs pa ste/ 'di ltar pags shun dang spri dang rkang la yod pa lta bu'i gnas ngan len rnam pa gsum spang pa'i phyir bag la nyal rab tu dbye ba yin no zhes bya ba'i don to/ gnas ngan len spangs ba'i don ni gzhan nas bstan pa bzhi no/ /'di ltar pags shun la yod pa lta bu ni gnas ngan len spangs pa'i phyir ni dang po dang/ gnyis pa de dag gi rab tu dbye ba yin no/ /spri la yod pa lta bu'i gnas ngan len spangs pa'i phyir ni nges rab tu phye ba yin no zhes bya ba la sogs pas ni gnyis pa rnam par phye ste bshad pa ston to/ 'di yang rnam pa gnyis kho na bstan pa dang/ rkang la yod pa lta bu spangs pa nyid bstan cing logs shig tu rnam par phye ste ma bstan pa'o/ /'di ni dang po rnam pa gnyis kho na bstan pa ste/ 'di ltar spyir bstan pa'i bag la nyal rnam pa gsum gsum las shes bya'i sgrib pa'i gnas ngan len rnam pa gnyis kho na rab tu phye ba yin te/ 'di lta ste/ dang po ni sa rab tu dga' ba nas sa bdun pa'i bar gyis pags shun la yod pa lta bu'i gnas ngan len spong bar byed de/ gnas ngan len 'di gcig spangs pa'i don gyi phyir ni grogs yang dag par bcom ba dang/ nyam stobs chung ba'i bag la nyal? gyi gnas ngan len spangs pa'i don rab tu dbye ba yin no/ /gnas ngan len spangs pa'i phyir ni sa brgyad pa dang/ dgu pa dang bcu pa'i shin
- 88b
tu bra 'gal nyal gyi gnas ngan mtsho rlangs pa'i don du rab tu phye ba yin no/ /gal te de lta na bstan bcos rnal 'byor spyod pa'i sa las gnas pa gsum gyis gnas ngan len rnam pa gsum spang bar byed do zhes bstan pa ji ltar go zhing rnam par bshad par bya zhe na mdo 'di dang bstan bcos de las mi 'dra yang don mi mtshungs pas brnga sprad cing rnam par bshad ? dgos so/ /yang na mdo 'di dang bstan bcos rnal 'byor spyod pa'i sa la bstan pa de don la bye brag med de/ 'di ltar pags? shun la yod pa lta bu'i gnas ngan len ni sa dang po pas spong ngo/ /sa brgyad pa ni spri la yod pa lta bu spong ngo/ /sangs rgyas kyi sa las mi rkang pa yod pa lta bus spong bas so/ /grogs yang dag par bcom pa la sogs pa gsum gyi don gyi mtshan nyid rab tu phye bas sa dang po pas bags shun la yod pa lta bu'i gnas ngan len spangs na grogs yang dag par bcom pa dang/ nyoms stobs chung ba nyid kyi don gdod rab tu gsal bar 'gyur ba'i phyir pags shun la yod pa lta bu spangs pa'i phyir ni dang po dang gnyis pa de dag rab tu phye ba yin no/ /zhes bya ba gsungs pa yin no// gnyis pa ni sa brgyad pa la spri la yod pa lta bu'i gnas ngan len spangs bas shin tu phra ba'i don bsal bar 'gyur pa'i phyir spri la yod pa lta bu'i spang ba'i phyir ni gsum pa de rab tu phye ba yin no zhes bya ba gsungs pa yin no/ /gnyis pa ni sa brgyad pa la spri la yod pa lta bu'i gnas ngan len spangs pas shin tu phra ba'i don gsal bar 'gyur ba'i phyir spri la yod pa lta bu spangs pa'i phyir ni gsum pa de rab tu dbye ba yin no zhes bya ba gsungs pa yin no/ /lan gsungs pa la bshad pa rnam pa gnyis yod pa bzhin du zhu ba gsol pa yang dgos pa rnam pa gnyis yod pa ni lan du gsungs pa bzhin du rig par bya'o/ /rkang pa la yod pa lta bu'i gnas ngan len spang ba gang yin pa de ni ngas bag la nyal thams cad gtan du spang ba'i gnas skabs sangs rgyas kyis yin par yongs su bstan to zhes bya bas/
- 89a
ni gnyis pa rkang pa la yod pa lta bu spang ba nyid du bstan cing logs shin tu rnam bar phye ste rnam par mi bstan to/ /de ni 'di skad du shes bya'i sgrib pa las rkang pa yod pa lta bu'i gnas ngan len ni shin tu phra ba'i phyir rnam par grol ba'i lam gyi gdod spong bas zad par 'gyur te/ gnas skabs 'di ni bag la nyal rnam pa gsum gyi gnas ngan len dang bral ba'i don logs shig tu rnam par phye nas mi ston gyi/ spyir sangs rgyas kyi gnas pa la bag la nyal rnam pa gsum gyi sa bon gtan du spong ba rab tu ston to/ /zhes bstan par 'gyur ro/ /mtshams rnam par grol ba'i mdo las ni skyon rnam pa du zhig spangs pas nyon mongs pa de dag spangs pa zhes bgyi lags/ bcom ldan 'das kyis spyan ras gzigs dbang phyug la bka' stsal pa/ rnam pa gsum gyi ste dang po ni pags shun la bstan to/ / zhes bstan par 'gyur ro/ /mtshams rnam par grol ba'i mdo las ni/ skyon rnam pa du zhig spangs pa nyon mongs pa de dag spangs pa nyon mongs pa de dag spangs pa zhes bgyi lags/ bcom ldan 'das kyis spyan ras gzigs dbang phyug la bka' stsal ba/ rnam gsum gyis te dang po ni pags shun la yod pa lta bu'i skyon spangs pa'o/ /gnyis pa ni spri la yod pa lta bu'i skyon spangs pa'o/ /gsum pa ni rkang la yod pa lta bu'i skyon spangs pa'o/ /nyon mongs pa thams cad spangs pa gang yin pa de ni sangs rgyas kyi sa kho na la bskal pa gsum du bstan to/ zhes 'byung ngo/ /dgongs pa zab mo rnam par dgrol ba'i mdo las ni rkang la yod pa lta bu rnam pa du zhig spangs pas nyon mongs pa spang ba zhes bgyi lags bcom ldan 'das kyis bka' stsal pa/ rkang la yod pa lta bu rnam pa gnyis spangs pas nyon mongs pa rnams spong bar 'gyur te/ spyan ras gzigs dbang phyug dang po pags shun la yod pa lta bu'i sgrib pa spangs pas ni skyon dang bral bar 'gyur ro/ /de'i 'og tu spri la yod pa lta bu'i sgrib pa spang pas ni skyon gnyis pa dang bral bar 'gyur ro/ /de'i 'og tu rkang la yod pa lta
- 89b
bu'i sgrib pa spangs paS ni skyon gsum dang bral bar 'gyur ro/ /ngas nyon mongs pa thams cad zad pa gang yin pa de ni sangs rgyas la bskal pa gsum mo zhes bstan to zhes 'byung ste/ mdo de gnyis mdo 'di nyid dang tha dad par 'gyur pa ni lo tsA ba dag gi bsam pa tha dad pa'i phyir ro/ / bshad pa'i rnam pa gzhan du na 'dis gnas ngan len rnam pa gsum ni nyon mongs pa'i sgrib pa'i gnas ngan len rnam pa gsum bstan pa yin te/ rkang la yod pa la sangs rgyas kyis la mnga' bar gsungs pa ni rnam par grol ba'i lam gyi gnas ngan len spong ba'i phyir ro/ /yang na 'dir gnas ngan len rnam pa gsum gsungs pa ni sngar gong du rnam pa gnyis ni nyon mongs pa'i sgrib par gtogs so/ /gsum pa ni shes bya'i sgrib par gtogs so zhes bstan pa'i phyir te/ bstan bcos rnal 'byor spyod pa'i sa las ji skad du bstan pa lta bu'o/ /sgrib pa gnyis po so sor nas bag la nyal dang gnas ngan len dang ldan pa yin nam zhe na ci'i phyir mdo 'di la bag la nyal bstan pa'i skabs su ni nyon mongs pa kho na bzung la gnas ngan len bstan pa'i gnas skabs su ne shes bya kho na gzung 'di la dgongs pa ci yod ce na/ smras pa/ 'phaD pa rnams kyi bstan pa la chos bstan pa'i sgo mang bas dang po de kho na nyid las brtsams pa don mthar thug pa'i sgo ste bstan bcos rnal 'byor spyod pa'i sa las 'di ltar nyon mongs pa'i sgrib pa'i gnas ngan len rnam pa dang shes bya'i sgrib pa'i gnas ngan len rnam pa gsum so sor phye nas bstan pa lta bu ste/ sngar bstan pa bzhin du rig par bya'o/ /gnyis pa ni phan tshun gcig gi gcig bstan pa'i sgo ste 'di ltar mdo 'di nyid kyi nang nas bag la nyal bstan pa'i sgo nas nyon mongs pa 'ba' zhig yin par bstan gyi/ shes bya'i ni ma yin par bstan pa lta bu ni gcig gis gcig bstan pa yin pas shes bya'i sgrib pa la rnam pa gsum yod par bstan to/ /gnas ngan gyi don bstan pa'i gnas ngan len skabs su shes bya'i sgrib pa kho na yin par bstan pa
- 90a
yang gcig gi gcig bstan pa yin pas nyon mongs pa'i sgrib pa la yang rnam pa gsum yod par bstan to// //sgrib pa gnyis po de dag re re la yang gnas ngan len rnam pa gsum yod par bstan pa ni/ /bstan bcos rnal 'byor spyod pa'i sa las bshad pa bzhin du rig par bya ste der brtags nas khong du chud par bya'o// //bam po drug cu lnga ba/ byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das bskal pa grangs ma mchis pa du dag gis gnas ngan len de dag yongs su spong bar 'gyur lags zhes bya ba 'di man chad ni gsum pa gnas ngan len spong ba'i dus rab tu dbye ba ston to/ /'di yang zhu ba gsol ba dang/ lan du gsungs pas bstan te/ 'di ni zhu ba gsol ba nyid do/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu bskal pa grangs med pa gsum gyis sam/ yang na bskal pa dpag tu med pa 'di lta ste/ lo dang zla ba dang/ zla ba phyed dang/ zhag dang/ nyi ma phyed dang/ thun dang/ thun phyed dang/ yud tsam dang/ thang cig dang/ skad cig gi tshad kyi bskal pa grangs med par mi nus pa'i phyir ro zhes bya ba ni gnyis pa gnas ngan len spong ba'i dus ston te/ 'dir bskal pa grangs med pa gsum gyis sam/ yang na bskal pa dpag tu med pa dag gis so so zhes bya ba'i tha tshig go/ mdo 'di nyid kyi dpe gsum char las kyang mi mthun par bstan pa med do/ /mdo'i tshig 'di yang bshad pa rnam pa gnyis yod de/ kha cig na re bskal pa grangs med pa dang po la ni pags shun la yod pa lta bu spong ngo/ /gnyis pa la ni spri la yod pa lta bu'o/ /gsum pa la ni dus pa la yod pa lta bu ste/ de'i phyir bstan bces theg pa chen po bsdus pa'i 'grel pa lyang gi tshe bsgyur ba las/ pags shun dang/ spri dang/ snying po la yod pa lta
- 90b
bu'i nyon mongs pa rnam pa gsum bsal ba'i dbang du mdzad pa'i phyir bskal pa grangs med pa gsum rnam par bzhag pa yin no zhes bshad do/ /gzhan yang bstan bcos rnal 'byor spyod pa'i sa las/ theg pa thams ni gnas ngan len gsum gyi dbang du byas nas/ bskal pa grangS med pa gsum gyi dus kyi thob par 'gyur ro zhes 'byung ste/ gnas ngan len rnam pa gsum yongs su spang ba las spang ba'i bye brag gi phyir ro zhes zer ro/ /kha cig na re bskal pa grangs med pa snga ma gnyis pa ni pags shun la yod pa lta bu'i gnas ngan len spong ngo/ / gsum pa la ni spri la yod pa lta bu spong ngo/ /de bzhin gshegs pa'i sa la bzhugs nas ni dus pa la yod pa lta bu'i gnas ngan len spong ngo/ zhes zer te/ de ltar rnam pa gnyis su bshad pa yod kyang/ bshad pa phyi ma ni mdo'i tshig dang rjes su mthun te yang bsam par bya'o/ /de la dpag tu med pa zhes bya ba ni lo dang zla ba la sogs pa la brten nas bgrangs par mi nus pa'i phyir bskal pa dpag tu med pa zhes bya'o/ /'di ltar grangs rnam pa dgu yod de/ 'di lta ste/ lo dang/ zla ba dang/ zla ba phyed dang/ nyin zhag dang/ thun dang/ thun phyed dang/ yud tsam dang/ thang cig dang/ skad cig ni dgongs pa zab mo rnam par dgrol ba'i mdo las ni skal pa grangs med pa gsum gyis sam/ dus tshad med pa dang/ zla ba dang/ zla ba tshad med pa dang/ nyi ma tshad med pa dang/ thang cig tshad med pa dang/ skad cig tshad med pa dang/ yud tsam tshad med pa zhes 'byung ngo/ /don gyis ni skad cig la sogs pa'i tshad bstan nas/ de'i 'og tu bskal pa chen po bshad pa yin na ci'i phyir skad cig la sogs pa phyis bstan ce na/ smras pa/ bstan bcos bye brag du bshad pa chen po las ji skad du bstan pa bzhin te/ de'i phyir de nyid las skad cig la sogs pa'i 'og tu nyin zhag mngon par 'grub po/ /nyin zhag bsags pa las ni/ zla ba phyed dang/ zla ba la sogs bas mngon par 'grub bo zla ba phyed dang/ zla ba la sogs pa bsags pa las ni bskal pa chen po
- 91a
mngon par 'grub pa yin na/ ci'i phyir sngar rags pa bstan la phyis phra ba bstan ce na/ smras pa/ bstan bcos byed pa dag gis rab tu bstan pa 'dod pa'i phyir/ kha cig 'di skad du chos mngon pa dag gi ngo bo nyid kyi mtshan nyid kyi chos chol bar byed kyi/ snga ma ni ma yin te/ chos kyi mtshan nyid dang mi 'gal na/ ji ltar 'dod pa bzhin du bshad kyang nyes pa med do zhes zer ro/ /slob dpon gzhan kha cig ni 'di skad du bstan bcos byed pas sngar rags pa bstan la/ phyis phra ba bstan par 'dod pa rnams rim gyi 'jug pa'i phyir zhes 'byung ngo// mdo 'di yang de dang 'dra bas nyes pa med do/ /mdo'i tshig 'di yang mas yar bshad par bya ste/ de la skad cig ces bya ba ni skad cig dang de'i skad cig ces bya ba la bya'o/ /de la skad cig ces bya ba ni 'phags pa shes rab kyi pha rol tu phyin pa'i 'grel pa las/ dus kyi nang nas mchog tu thung ba ste/ thang cig drug cu'i cha cig go zhes bshad do/ /bstan bcos sems sna tshogs bstan pa las skad cig ces bya ba ni 'di lta ste/ skad cig ma gcig gi nang na mchog tu thung ba'i skad cig yin pa'i phyir skad cig la dus kyi tshad du bstan pa yin no/ / de la skad cig gi tshad kyi dngos po ni kha cig na re dper na skyes bu stobs dang ldan pas shin tu myur bar lus bsgyur nas skar ma mang po blta ba ji ltar skar ma gcig kho na la lta ba'i tshad de ni skad cig go zhes 'byung ste/ rgya cher de nyid las bstan pa bzhin no/ /gzhan yang bstan bcos bye brag du smra ba chen po las/ skad cig gi tshad de ji ltar shes par bya zhe na/ kha cig na re bstan bcos gdags pa byas pa las/ dper na bud med dar la bab pa bal 'khal ba 'bring gis ha cang yang mi ring/ ha cang yang mi thung bar bal? snyod pa de tsam gyi yun gang yin pa de ni de'i skad cig gi tshang yin no zhes bshad de/ de las bstan pa yang bal dang skud pa'i ring thung la bya ba ma yin gyi/ bal de lag pa nas 'byin cing snyod pa'i tshad la de'i skad cig ces bstan pa yin no/ /sngar skad cig gi tshad dris
- 91b
pa yin na ci'i phyir bstan bcos gdags pa byas pa las bstan pa de'i skad cig gi tshad khungs su bstan ce na/ smras pa/ 'dir ni rags pa smos nas phra ba bstan pa yin te/ 'di ltar phra ba ni khong du chud pa dka' zhing bsal bar bstan par mi nus pa'i phyir ro/ /'di lta ste/ skad cig brgya nyi shu la ni skad cig gcig go zhes bya ba nas rgya cher bshad pa'i bar du'o/ /kha cig na re 'di ni rigs pa yin pa skad cig gi tshad ni ma yin te/ bdag gis bshad pa'i don lta na skyes bu stobs dang ldan pa'i sa gol gtogs pa gcig la ni skad cig drug cu rtsa bzhi yod do zhes zer ro/ /kha cig na re 'di ni de lta ma yin te bdag gi bshad pa de lta na/ dper na skyes bu stobs dang ldan pa gnyis kyis/ ka shi ka'i skud pa phra mo ma mang po phan tshun drangs nas gcod pa/ skud pa ji tsam chad pa skad cig kyang de snyed do zhes zer ro/ /kha cig na re 'on kyang de dag ni rags pa yin pas skad cig gi tshad ni ma yin te/ yang dag pa'i skad cig gi tshad ni bcom ldan 'das kyis ma gsungs so/ /de ltar ci mngon zhe na/ mdo las ji skad du dge slong zhig bcom ldan 'das ga la ba der logs su song ste/ zhabs gnyis la phyag byas nas phyogs gcig tu 'dug ste bcom ldan 'das la 'di skad ces gsol to/ /bcom ldan 'das srog dang ldan pa dag gi skye ba dang/ 'jig pa shin tu myur ba ji lta bu lags bcom ldan 'das kyis bka' stsal pa/ ngas bshad par nus kyang khyod kyi shes par mi nus so/ /dge slong des gsol ba dpe 'ga' zhig gis des gsal bar bgyir rung blta mchis sam/ bcom ldan 'das kyis bka' stsal pa/ skad cig ma zhes bya ba yod de/ khyod la dpe bstan par bya'o/ /dper na 'phong? la shin tu mkhas pa'i skyes bu bzhi zhig so so nas mda' thong zhig phan tshun rgyab sprad de/ 'greng nas phyogs bzhir mda''phang bar 'dod pa las yang skyes bu shin tu skyen myur che ba zhig 'ongs nas 'di skad du kye khyed kyi deng dus gcig tu mda''phongs shig dang/ bdag gis gcig kyang mi ltung
- 92a
bar 'dzin nus zhes zer na de ji snyam du sems/ sems shin tu myur ba yin nam/ dge slong gis bcom ldan 'das la gsol ba/ bcom ldan 'das shin tu myur ba lags so/ /bcom ldan 'das kyis bka' stsal pa/ gang zag de'i myur ba ni gnod sbyin sa la 'gro ba tsam gyis myur ba mi bod do/ /gnod sbyin sa la 'gro ba'i myur ba ni nam mkha' la 'gro ba'i gnod sbyin gyi myur ba tsam mi phod do/ /nam mkha' la 'gro ba'i myur ba ni rgyal chen bzhi'i ris kyis lha'i myur btsam mi phod do/ /lha de dag gi myur ba ni nyi ma zla ba'i dkyil 'khor ba dag gi myur ba tsam mi phod do/ /nyi ma dang zla ba'i dkyil 'khor bdag gi myur ba ni lha'i bu'i bstan par 'gro ba tsam mi phod do/ /de ni nyi ma dang zla ba'i dkyil 'khor 'dren par byed pa'o/ /lha 'di dag la sogs pa ni gong nas gong du ches myur ba yin bas srog dang ldan pa'i skye ba dag 'jig pa ni de dag la ches shin tu myur ba yin bas skad cig ma 'jug pa re zhig tsam du yang mi gnas ba'o zhes gsungs pa lta bu ste/ de'i phyir bcom ldan 'das kyis yang dag pa'i skad cig ma'i tshad ni ma gsungs par shes so/ /ci'i phyir bcom ldan 'das kyis gzhan dag la yang dag pa'i skad cig ma'i tshad ma gsungs she na/ smras ba/ sems can gang yang shes par nus pa med pa'i phyir ro/ /ci 'phags pa shA ri'i bus kyang shes par mi nus ? smras pa/ nges shes par nus nor kyi/ de la dgos pa med pas de'i phyir ma gsungs te/ bcom ldan 'das don med par chos ston par mi mdzad pa'i phyir ro zhes 'byung ngo/ /de la thang cig ces par bya ba ni 'di lta ste/ mig 'tshum pa tsam mo/ /yang na dbug? dbyung ba tsam gyi don to/ /bstan bcos bye brag tu bshad pa chen po las skad cig brgya nyi shu la ni de skad cig gcig go de'i skad cig drug cu la ni thang cig gcig ste/ de la skad cig bdun stong nyis brgya yod do zhes bshad do/ /de la yud tsam zhes bya ba ni bstan bcos bye brag du bshad pa chen po las/ thang cig sum cu la ni yud tsam gcig
- 92b
ste/ 'di la ni skad cig khrig phrag nyi shu rtsa gcig dang drug stong yod do zhes bshad do/ /de la thun phyed ces bya ba ni 'phags pa shes rab kyi pha rol tu phyin pa'i 'grel ba dang/ nyin dang zhag la so so nas dus gsum yod bas dus drug du 'gyur te/ 'dir thun phyed ces gsungS pa ni dus gcig gi dus phyed la bya'o/ /de la thun zhes bya ba ni dus drug las dus gcig go/ bshad pa'i rnam pa gzhan du na mdzod kyi bstan bcos las ni lo gcig pa dus gsum du 'byed de/ 'di lta ste/ grang ba dang/ tsha ba dang/ char gyi dus so/ /re re la yang zla ba bzhi bzhi ste/ thun phyed ces gsungs pa ni tshar gyi dus so/ /thun zhes gsungs pa ni zla ba bzhi pa bya'o/ /de ltar rnam pa gnyis su bshad pa yod kyang bshad pa ni snga ma bzang ste/ de'i phyir mdo 'di dgongs pa ni thung du nas ring por brtsegs te bstan pa yin no/ /mdzod kyi bstan bcos laS? ni dus ring po gang yin pa de ni nyin zhag gcig go zhes ston bas de'i phyir bshad pa snga ma ni yang dag pa yin no/ /'phags pa pad+ma dkar po'i mdor 'grel pa las ni dus ring po gang yin pa de ni zla ba'o zhes bshad de/ de'i phyir 'grel pa de nyid las/ nyi ma dang/ zhag dang/ zla ba dang/ dus dang/ lo 'grang bar mi nus pa'i phyir ro zhes bshad pa yin no/ /de la nyi ma dang zhag ces bya ba ni bstan bcos bye brag du bshad pa chen po las yud tsam sum cu la ni nyin zhag gcig ste/ 'di la skad cig ma 'bum phrag drug cu rtsa bzhi dang/ /dri phrag brgyar yod de zhes bshad de/ phung po lnga'i lus 'di ni nyin zhag gcig la skye shi'i mi rtag pa de snyed dang ldan no/ /de la zla ba phyed ces bya ba ni zhag bco lnga'o/ /de la zla ba zhes bya ba ni zhes sum cu'o/ /de la lo zhes bya ba ni zla ba bcu gnyis te/ da'i? phyir mdzad gyi bstan bcos las/ skad cig brgya nyi shu la de'i skad cig gcig go/ de'i skad cig drug cu la thang cig go/ thang sum cu la yud tsam gcig go/ yud tsam sum cu la nyid zhag cig go /nyin zhag sum cu la zla ba gcig go/ zla ba bcu gnyis
- 93a
lo gcig go/ lo gcig la 'dus gsum du dbye ba 'di lta ste/ grang ba dang/ tsha ba dang/ char gyi dus so/ /re re la yang zla ba bzhi'o zhes 'byung ste/ rgya cher de nyid las bstan pa bzhin du rig par bya'o/ /skad cig la soD bal bskal pa zhes bstan pa ni bstan bcos bye brag du bshad pa chen po las ji skad bstan pa bzhin te/ de'i phyir bstan bcos de nyid las ci'i phyir bskal pa zhes bya ba bskal ba zhes bya ba'i don ci yin zhe na/ smras pa/ dus gsum gyi cha rab tu 'byed ba'i phyir bskal pa zhes bya ste/ 'di ltar skad cig dang/ thang? cig dang/ yud tsam gyi dus kyi char rab tu dbye ba las ni nyin zhag mngon par 'grub par 'gyur ro/ /nyin zhag gi dus kyi cha rab tu dbye ba las ni zla ba phyed dang/ zla ba dang/ dus dang/ lo mngon par 'grub par 'gyur ro/ /zla ba phyed la sogs pa'i dus kyi rab tu dbye ba las ni bskal pa mngon par 'grub par 'gyur te/ bskal ba'i tshad kyi cha ni dus rab tu dbye ba'i mdza' yin pa'i phyir spyi'i ming thob pa yin no/ /sgrar smra ba dag ni gnas skabs rab tu 'byed pa'i phyir bskal pa zhes bya'o zhes zer te/ de ci'i phyir zhe na bskal pa ni 'dus byas kyi 'du byed rnam par 'byed pa'i nang na mthar thug pa'i gnas skabs yin pa'i phyir re zhes 'byung ngo/ /de la a sa khya zhes bya ba la bsgyur na grangs med pa zhes zer te/ grangs med pa de yang bstan pa rnams las so so nas bshad pa mi mthun bas mdzod kyi bstan bcos las grangs kyi 'grel pa drug cu las grangs med pa zhes bya ba ni gcig gi min yin te/ de'i bstan bcos de las bskal pa ni rnam pa bzhir rig par bya'o/ /'di lta ste/ 'jig pa dang/ chags pa dang/ bar ma chen po'o/ /de la 'jig pa ni sems can dmyal ba dag tu mi skye ba nas phyi rol gyi snod ci yang ma lus pa'i bar gang yin ba'o/ /chags pa'i bskal ba ni rlung gi dkyil 'khor langs pa nas sems can dmyal bar dang por skye ba'i bar gang yin pa'o/ /bar gyi bskal pa ni dang po dpag tu med pa las 'grib nas
- 93b
lo bcu la thug pa dang/ bar du yang skye ba dang/ mar 'grib pa bco brgyad dang/ tha mar yang skye ba nas lo brgyad khri la thug pa ste/ de ltar chags nas gnas pa gang yin pa de ni bar gyi bskal pa zhes bya'o/ /chags pa dang 'jig pa dang/ zhig nas stong par gnas pa'i dus kyang 'dra bas gnas pa'i bskal ba ni bar gyi bskal pa brgyad cu'o/ /de la bskal ba chen po ni bskal pa grangs med pa gang yin pa'o zhes bya ba nas/ gzhan yang de las de ltar bstan pa'i chags pa dang/ gnas pa dang 'jig pa dang/ stongs pa yang so so nas bar gyi bskal ba nyi shu nyi shu yod pa las brgyad cur 'gyur ro/ /brgyad cu po dag bsdus pa las ni bskal pa chen po'i tshad mngon par 'grub par 'gyur ro/ /bar du bstan pa yin no/ /bskal pa zhes bya'i ngo bo nyid ci yin zhe na/ 'di lta ste/ phung po lnga po dag nyid kho na'o/ /mdo dag las ni skal pa grangs med pa gsum po dag tu nan tan brtson 'grus spyad nas gdong sangs rgyas su 'grub po zhes gsungs na sngar bstan pa'i bskal pa bzhi po dag las/ bskal ba gang dag brtsegs pa las/ bskal pa grangs pa med pa gsum mngon par 'grub par 'gyur zhe na/ snga ma'i bskal pa chen po dag bcu dang brgyad stong du brtsegs pa nas/ de bzhin du bskal ba grangs med pa gsum gyi bar du brtsegs pa las so/ /gal te grangs med pa zhes brjod pa yin na/ ci'i phyir gsum zhes kyang brjod ce na/ grangs med ba ma yin pa'i tshig gis bgrang du med pa rab tu ston pas so/ /rnam par grol ba'i mdo las ni grangs rnam pa drug cu las grangs med pa zhes bya ba ni grangs gcig gi ming ngo zhes bya ba nas rgya cher bshad pa'i bar du 'byung ste/ de la grangs med pa zhes bya ba ni lnga bcu gnyis pa'i ming yin te/ 'di ltar 'don pa brgyud pa dag gis phyi ma brgyad brjed pa'i phyir ro/ /bstan bcos bye brag du bshad pa chen po las/ grangs med pa zhes bya ba ni grangs drug cu las lnga bcu gnyis pa yin no zhes bstan to/ /yang na grangs med pa zhes
- 94a
bya ba ni grangs drug cu pa'i ming yin te/ 'dod pa brgyud pa dag gis snga ma dag gi ming brjed pas so/ /'phags pa sangs rgyas phal po che'i nang nas/ grangs med kyi le'u las ni grangs kyi bsgyur ba brgya nyi shu las/ brgya rtsa gsum pa ni grangs med pa zhes bya'o zhes 'byung ngo/ /'phags pa shes rab kyi pha rol tu phyin pa'i 'grel ba las ni/ grangs kyis bsgyur ba bcu gcig las grangs bcu gcig pa ni grangs med pa zhes bya'o zhes bshad do/ /gzhan yang 'phags pa shes rab kyi pha rol tu phyin pa'i 'grel pa las/ bsam gyis mi khyab pa'i mdo khungs su bstan pa las ni grangs brgya nyi shu rtsa gnyis la grangs med pa zhes bya ba ni grangs brgya bdun pa'i ming 'byung ste/ rgya cher rnam par 'byed pa ni mchan nyid bstan pa dag las bshad pa bzhin du bshad par rig par bya'o// byang chub sems dpa' byang chub chen po mngon par sgrub pa la bskal pa grangs med pa gsum dgos sam/ 'on te ma nges zhe na/ smras pa/ bstan bcos rnal 'byor spyod pa'i sa dang/ sa yongs su 'dzin pa dang/ 'phags pa legs pa'i tshul khrims bstan pa'i mdo dang/ theg pa chen po bsdus pa'i 'grel pa ngo bo nyid med kyi byas ba las ni/ nges par bskal pa grangs med pa gsum dgos so zhes bshad do/ /'phags pa don tshad med pa'i mdo dang/ sangs rgyas phal po che'i mdo la sogs pa las ni bskal pa grangs med pa gsum mtshang bar yang sangs rgyas su 'grub pa zhes gsungs so/ /'phags pa shes rab kyi pha rol tu phyin pa'i mdo las ni/ bskal pa grangs med pa gsum du spyod pa spyad pa/ sangs rgyas su grub po zhes bstan pa de'i don ni de lta ma yin te/ bskal pa dpag tu med pas 'grub pa'i phyir ro// zhes gsungs so/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das byang chub sems dpa' de dag gis sa de dag la nyon mongs pa skye ba'i mtshan nyid gang lags/ skyon ni gang lags
- 94b
yon tan ni gang lags par rig par bgyi lags zhes bya ba 'di man chad ni bzhi pa byang chub sems dpa' i nyon mongs pa dang/ skyon dang yon tan rab tu dbye ba zhes bya ba ston to/ /'di yang zhu ba gsol ba dang/ lan gsungs pas bstan te/ zhu pa gsol ba'i dgongs pa ni lan du gsungs bzhin du rig par bya'o/ /bcom ldan 'das kyis byang chub sems dpa' spyan ras gzigs dbang phyug la bka' stsal pa/ rigs kyi bu kun nas nyon mongs pa med pa'i mtshan nyid du'o/ /gnyis pa bcom ldan 'das kyis yang dag par lan du gsungS pa ston to/ /'di yang gong ma zhus tshig gsum gyi lan bstan pa nyid las rnam pa gsum du dbye ste/ 'di ni zhus pa dang po'i lan bstan pa'o/ /'di yang rnam pa bzhi ste/ 'di ni dang po ming smos nas lan mdor gsungs pa'o/ /de ci'i phyir zhe na zhes bya ba ni gnyis pa slar brtag pa'o/ /byang chub sems dpa' de dag sa dang po la so sor nges pa kho nar chos rnams kyi chos dbyings thams cad rab tu rtog pas/ rgyu dang rkyen des na byang chub sems dpa' i nyon mongs pa ni shes bzhin kho nar skye ba yin gyi/ mi shes pa ni ma yin pa zhes bya ba ni gsum pa yang dag par rnam par bshad pa bstan pa ste 'di ltar nyon mongs pa'i skyon khong du chud nas gdod nyon mongs pa skyed pa'i phyir kun nas nyon mongs pa med pa'i mtshan nyid ces bya'o/ /yang dag pa'i don du na kun nas nyon mongs pa yin yang shes pa las skyes pa las nyon mongs pa med pa zhes bya'o/ /gzhan yang 'phags pa bla na med pa'i gnas bstan pa'i mdo las/ kun dga' bo sangs rgyas thams cad ni rgyu'i gnas skabs su de bzhin gshegs pa'i dbyings la brten nas dge ba'i rtsa ba mngon bar bsgrubs pas sems can la phan 'dogs pa'i ched du khams gsum dag tu 'jug kyang byang chub sems dpa' de dag la skye ba dang/ rga ba la sogs pa sdug bsngal ni yang dag par yod pa ni ma yin no/ /de ci'i phyir zhe na/ de kho na nyid du de bzhin gshegs pa'i dbyings mthong ba'i phyir ro/ /nyon mongs pa
- 95a
dang ldan yang kun nas nyon mongs pa can du mi 'gyur ro zhes gsungs pa ste zhib du de nyid las bstan pa bzhin no/ /de'i phyir kun nas nyon mongs pa med pa'i mtshan nyid ces bstan to zhes bya ba ni bzhi pa mjug bsdu ba ste brda phrad par zad do/ /rang gi rgyud la sdug bsngal skyed par mi nus pa'i phyir skyon med pa yin no/ /zhus pa'i lan gnyis pa'i lan bstan pa ste/ nyon mongs pa dang ldan yang zil gyis mi non pa'i phyir dang/ sdug bsngal skyed par mi nus pa'i phyir ro/ /skyon du mi 'gyur ro zhes bya ba'i tha tshig go/ slob dpon ngo bo nyid med kyi 'grel pa las ni/ sdug bsngal 'dren par mi byed pa'i phyir kha na ma tho ba med pa yin no zhes bshad do/ /gzhan yang bstan bcos chos mngon pa sna tshogs kun las btus pa las byang chub sems dpa' de dag nyon mongs pa ma spangs su zin kyang sngags dang sman gyis gsang ba'i dug lta bur nyon mongs pa'i nyes pa thams cad mi skye ste/ dper na nyon mongs pa spangs pa'i dgra bcom pa ltar sa thams cad du nyon mongs pa'i nyes pa mi bskyed do zhes bshad do/ /bstan bcos rnam par rig pa tsam du grub pa dang/ chos mngon pa sna tshogs kun las btus pa dang/ rnal 'byor spyod pa'i sa las kyang de skad du bstan to/ /gzhan yang bstan bcos theg pa chen po bsdus pa las/ nyon mongs thul la spangs pa med/ /sngags kyis bsad pa'i dug dang 'dra/ /sangs rgyas rnams ni nyon mongs las/ /nyon mongs zad pas kun mkhyen brnyes zhes 'byung ste/ slob dpon ngo bo nyid med kyi 'grel pa las/ nyon mongs thul la spangs pa med ces bya ba ni 'di lta ste/ byang chub sems dpa' i gnas skabs dang/ de dag nyon mongs pa med cing ma spangs pa'o/ / sngags kyi gsad pa'i dug dang 'dra zhes bya ba ni dper na sngags kyis gsang ba'i dug ni ngo bo nyid ma spangs kyang/ nad du mi 'gyur ba de bzhin du nyon mongs pa yang de bzhin te/ 'di ltar dran pa dang/ shes rab kyi stobs kyi kun nas dkris pa zil gyis mnan kyang bag la
- 95b
nyal ni lus pa'i phyir ro/ /ci'i phyir nyon mongs pa'i bag la nyal lhag ma 'jog ce na/ nyan thos kyi theg pa dang 'dra bar myur du yongs su mya ngan las 'das par 'gyur ro snyam pa'i phyir ro/ /rigs pa des na nyon mongs pas rgyu byas pas nyon mongs pa zad na thams cad mkhyen pa nyid thob par 'gyur te/ tshigs su bcad pa las ji skad du/ dran dang shes pa'i stobs kyis rab zin na/ /nyan thos byang chub dag ni thob par 'gyur/ /ji ltar dug ni sngags kyis bsad pa bzhin/ /skyon ni yon tan nyid du mngon par 'grub ces bshad pa lta bu'o/ /zhes 'byung ste/ slob dpon dbyig gnyen gyis mdzad pa'i 'grel pa las kyang/ phal cher de skad du bstan to/ /byang chub sems dpa' ni nyon mongs pa de lta bu bskyed nas sems can gyi khams su sdug bsngal gyi rgyu bzlog par nus pas de'i phyir de dag yon tan dpag tu med pa dang ldan pa yin no/ zhes bya ba la sogs pas ni zhus tshig gsum pa'i lan bstan to/ /'di yang rnam pa gnyis su dbye ste/ de bzhin gshegs pas lan du gsungs pa bstan pa dang/ byang chub sems dpa' bsngags pa brjod pa'o/ /'di ni dang po ste/ 'di ltar byang chub sems dpa' rnams ched du nyon mongs pa bskyed nas sems can gyi sdug bsngal rlag par byed pas na byang chub sems dpa' i nyon mongs pa la sdug bsngal spong ba'i rgyu zhes bshad do/ /bshad pa'i rnam grangs gzhan du na byang chub sems dpa' ni ched du sems can gyi nyon mongs sa gcod par byed pas sems can gyi nyon mongs pa nyid la sdug bsngal gyi rgyu zhes bshad de/ skye shi'i sdug bsngal mngon par 'gyub pa ni nyon mongs pa las 'byung ba'i phyir ro/ /sa dang po nas bdun pa'i bar du nyon mongs pa bskyed ba la yang dgos pa gnyis yod de/ dang po ni rang gi shes pa la dbang ba'i stobs yod par rab tu bstan pa'i phyir ched du nyon mongs pa bskyed nas zil gyis mnan cing rab tu sel bar byed de/ dper na byi las byi ba la rtsed mo byed pa bzhin no/ /de'i phyir slob dpon ngo bo nyid med kyi 'grel pa
- 96a
las/ ched 'ga' ni zil gyis gnon bar yang byed/ de'i mthu nyams sad pa'i phyir ched du sems bskyed nas re shig sdang bar byed do zhes bstan pa yin no/ /gnyis pa nyon mongs pa skyed de dngos po can gyi lus blangs nas sems can la phan 'dogs par byed bas/ de na de'i phyir yon tan dpag tu med pa dang ldan pa yin te/ de'i phyir bstan bcos rnal 'byor spyod ba'i sa las/ 'on kyang byang chub sems dpa' rnams ni rang gi nyon mongs pas sems can thams cad kyi phan pa'i bya ba dag byed bas bsod nams dpag tu med pa dag skyed do zhes bshad pa yin no/ /gzhan yang bstan bcos theg pa chen po bsdus ba las/ byang chub sems dpa' thabs la mkhas pas srog gcod pa la sogs pa'i las rnam pa bcu byas kyang kha na ma thob med pa la bsod nams dpag tu med pa yang skye bar 'gyur zhing byang chub kyang thob bar 'gyur ro/ /zhes bshad do/ /slob dpon ngo bo nyid med kyi 'grel ba las/ sdug bsngal mi bskyed pa'i phyir kha na ma tho ba yang med do/ /lam gyi grangs su gyur ba'i phyir bsod nams dpag tu med pa skye bar yang 'gyur ro zhes bshad do/ /byang chub sems dpa' spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das bla na ma mchis ba'i byang chub gang yon tan gyi phan yon chen po de lta bu dang ldan pa ni ngo mtshar che ba lags pas zhes bya ba la sogs pas ni gnyis pa byang chub sems dpa' bsngags pa brjod pa ston to/ /'di yang rnam pa gnyis te sangs rgyas kyi yon tan gyi bsngags pa brjod pa dang/ byang chub sems dpa' i yon tan gyi bsngags pa brjod pa'o/ /'di ni sangs rgyas kyi yon tan gyi bsngags pa brjod pa ste/ 'di ltar byang chub sems dpa' rnams ma 'ongs pa na/ bla na med pa'i byang chub gter bar byed pas/ yon tan gyi phan yon de lta bu dang ldan par gyur pa'o/ /yang na da ltar gyi 'am/ yang na dus gsum gyi sangs rgyas rnams kyi byang chub kyi phan yon gyi dbang gis byang chub
- 96b
sems dpa' rnams kyi bya ba khyad par du 'phags par 'gyur ba'o/ /byang chub sems dpa' rnams las/ nyon mongs pa skye bdag gis kyang sems can dang/ nyan thos dang/ rang sangs rgyas thams cad kyi dge ba'i rtsa ba las khyad par du 'phags par bgyid na/ de las gzhan pa'i yon tan rnams lta smos kyang ci 'tshal zhes bya bas ni gnyis pa byang chub sems dpa' i yon tan gyi bsngags pa brjod pa'o/ /byang chub sems dpa' nyon mongs pa skye ba dag gis dge ba'i rtsa ba yang so so'i skye bo theg pa gnyis po thams cad kyi dge ba'i rtsa ba las khyad par du 'phags na/ de las gzhan pa'i dge ba'i yon tan dang ldan pa lta smos kyang ci dgos te/ so so skye bo las sems bskyed pa yang theg pa gnyis pa las khyad par du 'phags pa yin na/ sa la gnas pa'i byang chub sems dpa' sems can la phan 'dogS pa'i ched du nyon mongs pa bskyed pa la smos kyang lta ci dgos zhes bya ba'i tha tshig go/ de'i 'phags pa shes rab kyi pha rol tu phyin pa'i 'grel ba las/ dgra bcom pa dang/ rang sangs rgyas kyang zag pa zad pa yin yang/ byang chub sems dpa' sems dang po bskyed ba tsam mi phod de/ dper na 'khor los sgyur ba'i rgyal po'i bu mngal na gnas kyang/ gzhan dag gi bu las khyad par du 'phags pa dang/ gzhan yang dper na rgyal po'i bu rgyal por dbang ma bskur mod kyi/ 'on kyang blon po thabs dang ldan pa dang/ phyug po dag las khyad par du 'phags pa bzhin no/ /de ci'i phyir zhe na/ sems can ni rang gi bde ba gnyer ba dang/ bdag nyid kyi lus kyi phyir gnyen bshes la sred par byed do/ /theg pa pa gnyis po dag ni 'jig rten pa/ bde ba la sred pa med kyang/ rang gi sdug bsngal nye bar zhi ba'i phyir/ mya ngan las 'das pa'i bde ba tshol bar sems can la phan mi 'dogs te/ byang chub sems dpa' ni sems can yongs su 'da' ba' i phyed du sems bskyed pa yin pa yin pas/ de'i phyir khyad par du 'phags pas so/ /gzhan ji skad du dper na mngon par shes pa drug dang ldan pa'i dgra bcom pa zhig
- 97a
gis/ dge tshul cig la chos gos dang lhung bzed bskur nas lam du zhugs te song ba las dge tshul de 'di snyam du/ bdag gi theg pa gang gi yongs su mya ngan las 'da' bar bya zhes bsam pa las/ sangs rgyas bcom ldan 'das mchog dam pa yin pas bdag ni sangs rgyas kyi theg pas yongs su mya ngan las 'da' bar bya'o/ /zhes sems bskyed pa de'i bsam pa slob dpon gyis rig nas/ chos gos dang lhung bzed slar blangs te/ bdag nyid kyis khyer na dge tshul mdun du gnyed do/ /dge tshul de yang 'di snyam du bla na med pa'i byang chub ni shin tu thag ring ste/ yun ring por 'khor ba na gnas shing sdug bsngal tshad med pa dang du blang dgos pas re zhig theg pa chung ngu'i mya ngan las 'das pas myur du yongs su mya ngan las 'das na rung ngo snyam du sems bskyed pa dang/ slob dpon gyi rig nas chos gos dang lhung bzed de dag dge tshul la bskur nas phyi bzhin 'gror bcu go/ de ltar lan gsum du byas pas dge tshul des slob dpon la smras pa/ slob dpon bgus? pas byis pa chung ngu dang 'dra ste/ res 'ga' ni bdag mdun du btang/ res 'ga' ni bdag phyi bzhin du mchir gsal ba ci lags/ slob dpon gyis smras pa/ khyod dang po ni sangs rgyas mngon par bsgrub par sems bskyed pas sems de btsun par byas pa yin te/ de ni slob dpon gyi lam la gnas pa yin pas/ gang zag de lta bu de la ni rang sangs rgyas kyis kyang mchod par bya ba yin na dgra bcom pa lnga ci smos te/ de'i phyir khyod mdun du btang ba yin no/ /khyod kyang sems 'gyod par gyur nas/ theg pa chung ngu gnyer bar 'dod pa ni khyod dang nga'i bar na thag shin tu ring bas de'i phyir khyed phyi bzhin du 'gror bcug pa yin no/ /dge tshul de skad thos pas shin tu skrag pa skyes te bdag gi slob dpon ni bdag gi sems shes te/ bdag gi lan cig tsam sems bskyed pa yang theg pa gnyis las khyad par du 'phags par gyur na yongs su rdzogs par gyur pa lta ci smos zhes bdag nyid rtag
- 97b
par theg pa chen po'i chos la gnas par gyur to zhes 'byung ba lta bu'o/ /gzhan yang 'phags pa shes rab kyi pha rol tu phyin pa'i 'grel pa las/ stong gsum gyi stong chen po'i 'jig rten gyi khams yongs su gang ba'i theg pa pa gnyis 'od ma'i tshal bzhin du gyur pa la mchod pa byas pas/ gang gis sems dang po skyed pa'i byang chub sems dpa' la mchod pa byas pa bsod nams che'o/ /theg pa pa gnyis ni de kho na nyid kyi mdza' mngon tu gyur pas sems can thams cad kyi bsod nams kyi gzhi yin na/ ci'i phyir sems bskyed pa'i byang chub sems dpa' tsam mi phod ce na/ smras pa/ dngos po gsum gyi phyir de tsam yin te/ thams cad mkhyen pa'i sems la spyad pa dang/ rtag par pha rol tu phyin pa drug la sogs pa'i yon tan dang mi 'bral ba dang/ byang chub sems dpa' khams gsum gyi nyes pa spang zhing theg pa gsum po dag 'byung bar byed pa yin la/ theg pa pa gnyis ni de lta ma yin pas de'i khyad par du 'phags so/ /byang chub sems dpa' spyan ras gzigs dbang phyug gis bcom ldan 'das la 'di skad ces gsol to/ /bcom ldan 'das bcom ldan 'das kyis ji skad du nyan thos kyi theg pa gang yin pa dang/ theg pa chen po gang yin pa de ni theg pa gcig go zhes bka' stsal pa de la dgongs pa gang lags zhes bya ba 'di man chad ni bzhi pa de bzhin gshegs pas theg pa gcig tu gsungs pa'i dgongs pa zhes bya ba ston to/ /'di yang zhu ba gsol ba dang lan gsungs pa bstan te/ 'di ni zhu ba gsol ba nyid do/ /'di ltar bcom ldan 'das kyis sngar nyan thos kyi theg pa zhes gang gsungs pa dang/ theg pa chen po'i mdo dag las/ byang chub sems dpa' i theg pa zhes gang gsungs pa de dag ni theg pa gcig go/ zhes dam pa'i chos pad+ma dkar po'i mdo las ji skad gsungs pa lta bu ste/ de dag gi dgongs pa gang lags zhes bya ba'i tha tshig go/ bcom ldan 'das kyis byang chub sems dpa' spyan ras gzigs dbang phyug la bka' stsal pa/
- 98a
rigs kyi bu ji ltar nyan thos kyi theg pa de dag tu chos rnam pa sna tshogs kyi ngo bo nyid 'di lta ste/ phung po lnga dang/ nang gi skye mched drug dang/ phyi rol gyi skye mched drug dang/ de la sogs pa gang dag bstan pa ni theg pa chen por chos de dag chos kyi dbyings gcig par mtshungs shing tshul gcig par mtshungs pa'i phyir pa ni theg pa tha dad pa nyid du mi smra'o zhes bya ba la sogs pas ni gnyis pa de bzhin gshegs pas yang dag par lan gsungs pa ston to/ /'di yang rnam pa gsum du dbye ste/ dgongs pa yang dag par bshad pa dang/ rmongs pa dag gi nor pa 'dzin par bstan pa dang/ dgongs pa bshad pa'i mjug bsdu ba'o/ /'di ni dgongs pa rnam par bshad pa ste/ bcom ldan 'das kyis byang chub sems dpa' spyan ras gzigs dbang phyug la bka' stsal pa/ ji lta rangs nyan thos kyi theg pa de dag tu phung po la sogs pa bshad pa'i dgongs pa des na theg pa rnam pa tha dad par 'gyur pa yin la/ ngas 'dir theg pa chen po'i bstan pa las ni ngo bo nyid gcig pa'i de bzhin nyid dang mtshungs pa'i phyir dang/ tshul gcig pa'i lam mtshungs pa nyid du bstan pa'i phyir theg pa gcig tu bstan kyang theg pa rnams kyi tha dad pa ni med pa ma yin no/ /de la gang dag don la sgra ji bzhin kho nar yang dag pa ma yin pa rnam par rtog pa skyed pa kha cig ni sgro 'dogs par byed de/ kha cig skur pa 'debs par byed ces bya ba la sogs pas ni gnyis pa rmongs pa dag gi nor par 'dzin pa ston to/ /'dir yang rnam pa gnyis te/ sgro 'dogs shing skur pa 'debs pa dang bstan pa dang/ rtsod par smra pa bstan pa'o/ /'di ni dang po ste/ 'di 'di ltar de bzhin gshegs bas theg pa gsum gyi bstan pa dang/ sgrub pa bshad pa la sgra ji bzhin du don 'dzin pas theg pa gsum po dag yod par bstan pa thos na/ nges par theg pa gsum po dag yod par 'dzin cing phyogs gcig tu tha dad do zhes zer ba ni sgro 'dogs pa
- 98b
zhes zer ba ni sgro 'dogs pa zhes bya ste/ sangs rgyas su grub par ma nges pa'i don ni mi 'dod pa'i phyir ro/ /gal te theg pa gcig gi thams cad du sangs rgyas su 'grub par 'gyur ro zhes thos na theg pa ni gcig kho na zhes zer ba ni skur pa 'debs pa zhes bya ste/ zhib phyogs cig pa sangs rgyas su mi 'grub pa'i phyir ro/ /gzhan yang theg pa rnams tha dad par gyur pa'i rig pa la phan tshun mi mthun par sems shing de bzhin du gcig la gcig phan tshun rtsod pa smra bar byed par gang yin pa zhes bya bas ni gnyis pa rtsod par smra ba bstan te/ 'di ltar theg pa gcig tu gsungs par thos na nges par gsum du gsungs pa thabs kyi bstan pa yin par shes par bya'o/ /theg pa gsum du gsungs par thos pa las nges par theg pa gsum yod pa nyid du 'dzin par byed na ni theg pa gcig tu gsungs pa mi mthun par 'gyur ro/ /tha dad pa'i don rjod pa'i don phyir theg pa gsum yod par gsungs kyang theg pa gcig tu gsungs pa dang 'gal bar mi 'gyur te/ theg pa gsum po dag tha dad par 'gyur kyang/ de bzhin nyid gcig tu mungs pa'i phyir theg pa gsum dang/ gcig tu gsungs kyang 'gal ba med de/ de'i phyir gong du mdo las/ gzhan yang don dam yang dag 'phags nyan thos pa'i rigs can gyi sems can dag gis kyang lam 'di nyid dang/ sgrub pa'i gnas 'di nyid kyi phyir bla na med pa'i bde ba mya ngan las 'das pa thob bar gyur la/ sangs rgyas kyi theg pa'i rigs sems can gyi rigs can gyi sems can dang/ de bzhin gshegs pa'i rigs can gyi sems can rnams kyis kyang lam 'di nyid dang/ sgrub pa'i gnas 'di nyid kyi phyir bla na med pa'i bde ba'i mya ngan las 'das pa thob par 'gyur te/ gnyis pa gang yang med pas sa de las dgongs nas theg pa ni gcig kho na'o/ /zhes bstan kyang sems can gyi khams thams cad na sems can gyi rigs rnam pa sna tshogs dbang po rtul po nyid dang/ dbang po 'bring po nyid dang/ dbang po rnon po nyid kyi bye brag dang
- 99a
med pa ni ma yin no/ /rigs kyi bu zhi ba la phyogs gcig tu bgrod pa'i nyan thos kyi rigs can gyi gang zag ni sangs rgyas rnams kyi brtson pa dang/ sbyong ba'i thabs rnam pa sna tshogs kyis gdul bar mdzad kyang byang chub kyi snying po la bzhag ste/ bla na med pa yang dag par rdzogs pa'i byang chub thob bar mi nus so/ /zhes gsungs te/ zhib tu de nyid las bstan pa bzhin no/ /de'i phyir gcig tu gsungs pa ni don dang spyod pa'i dbang du mdzad nas gsungs pa yin par rig par bya'o/ /de ni 'di'i dgongs pa yin no/ zhes bya ba ni gsum pa mjug bsdu pa ste/ mdo 'di nyid kyis brda phrad par zad do/ /de ltar theg pa gsum po dag tha dad par 'gyur kyang don gyi tshul gyi dbang du mdzad na tshul gcig tu gyur pas de'i phyir dgongs bas theg pa gcig tu gsungs te/ de yang phung po la sogs pa'i chos las yin gyi/ tshig las brtsams nas gcig ces gsungs pa ni ma yin no/ /theg pa gcig rgya cher bshad pa ni sngar gong du bstan pa bzhin du rig par bya'o/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag bka' stsal to/ /zhes bya ba 'di man chad ni gnyis pa tshigs su bcad pa mdor bstan pa zhes bya ba ston to/ /'di yang rnam pa gnyis te/ gleng bslang ba dang/ tshigs su bcad pa nyid kyis yang dag par bstan pa ste/ 'di ni dang po'o/ /sa rnams bsdus dang 'du shes mi mthun phyogs/ /khyad bar skyed dang smon dang bslab pa rnams/ /'di brten sangs rgyas rnams kyi theg chen bshad/ /'di la rang sgoms sangs rgyas 'grub par 'gyur zhes bya ba la sogs pas ni gnyis pa tshigs su bcad pas yang dag par bshad pa ston to// 'dir tshigs su bcad pa gsum gsungs pa 'dis ni gong du bstan pa'i tshig rkyang ba yin no/ /'di yang rnam pa gnyis su dbye ste/ de la tshigs su bcad pa dang po ni gong du bstan pa'i sa dang pha rol tu phyin pa rnams zlos pa yin no/ /tshigs su bcad pa phyi ma gnyis ni gong du
- 99b
bstan pa'i theg pa gcig tu gsungs pa zlos pa yin no/ /'di ni dang po'o/ /de las rnams bsdus zhes bya ba ni gong du mdo las gsungs pa ni rnam par dag pa bzhi dang/ yan lag bcu gcig bstan pa dang zlos pa'o/ /de la 'du shes bsdus zhes bya ba ni gong du bstan pa'i sa bcu gcig gi ming bstan pa zlos pa'o/ 'du shes ni ming la bya ste/ ming ni 'du shes la skye bas rgyu la ming du btags pa'i phyir 'du shes zhes bya'o/ /sa rnams kyi mi mthun pa'i phyogs zhes bya ba ni kun tu rmongs pa nyi shu rtsa gnyis dang/ gnas dan len bcu gcig zlos pa ste/ 'phags pa sa bcu'i mdo las/ spyod pa'i mi mthun pa'i phyogs yin par gsungs pa'i phyir ro/ /sa rnams kyi khyad par zhes bya ba'i ming ni gong du bstan pa'i rnam par dag pa brgyad zlos pa'o/ /sa rnams kyi khyad par zhes bya ba ni gong du mdo las byang chub sems dpa' i skye ba khyad par du 'phags pa gsungs pa zlos pa'o/ /sa rnams kyi smon lam zhes bya ba ni/ gong du mdo las smon lam gsum gsungs pa zlos pa'o/ /sa rnams kyi bslab pa rnams zhes bya ba ni gong du bstan pa'i pha rol tu phyin pa'i rnams kyi sgo sna tshogs zlos pa'o/ /ci'i phyir bag la nyal la sogs pa bzlas te ma bstan ce na/ sngar bstan pa'i mi mthun pa'i phyogs kyi nang du bsdus pa'i phyir logs shin tu ma bstan to/ /de yan chad ni yang dag par bshad pa 'tshigs su bcad pa bstan nas/ da ni tshig phyi ma gnyis kyi theg pa chen po bslab pa rnams bla na med pa'i byang chub len par bstan to/ /yang na tshig phyi ma gnyis ni tshigs su bcad ba phyi ma gnyis kyi mtshams sbyar ba yin no/ /chos rnams pa sna tshogs nyid ni gang bstan pa dang/ de dag nyid ni tshul gcig pa yang bstan/ 'di ltar theg pa dman dang/ theg chen dang/ de phyir ngas ni theg nyid tha dad med par bshad ces bya ba la sogs pas ni gnyis pa tshigs su bcad pa gnyis kyi gong du theg pa gcig tu gsungs pa zlos pa ston te/ 'di ni gong du mdo las bcom ldan 'das kyis bka' stsal
- 100a
pa zhes bya ba nas ? ni theg pa tha dad pa nyid du mi smra'o/ /zhes bya ba'i bar du gsungs pa dag zlos pa ste/ 'di ltar nyan thos dang de bzhin gshegs pa tshul gcig pa nyid du mtshungs pa'i phyir/ nga ni theg pa tha dad du mi smra'o/ zhes gsungs te/ de bzhin du mtshungs pa'i phyir ro/ /don la sgra ji bzhin rnam par rtog par byed pa/ kha cig sgro 'dogs kha cig skur pa 'debs shing zhes bya ba ni gong du mdo las de dag la gang dag ces bya ba nas/ kha cig ni skur ba 'debs par byed ces bya ba'i bar du gsungs pa dag zlos pa'o/ /de nyid 'gal ba tsam du gang sems pa/ /rmongs pa'i blo can mi mthun rtsod smrar 'gyur zhes bya ba ni gong du mdo las gzhan yang theg pa rnams zhes bya ba nas/ de ni 'di'i dgos pa yin no zhes bya ba'i bar du gsungs pa dag zlos pa'o/ /theg pa gcig tu gsungs pa rgya cher bstan pa ni gong du bstan pa bzhin du rig par bya'o/ /de nas spyan ras gzigs dbang phyug gis yang bcom ldan 'das la 'di skad ces gsol to/ /bcom ldan 'das dgongs pa zab mo rnam par dgrol ba'i chos kyi rnam grangs 'dir bstan pa 'di'i ming ci lags/ bdag gis ji ltar bzung bar bgyi zhes bya ba 'di man chad ni gnyis pa bka' bzhin du ma bsgrubs pa'i phyogs zhes bya ba ston to/ 'di yang zhu ba gsol ba dang/ lan du gsungs pas bstan te/ 'di ni dang po ji ltar gsungs pa'i don du zhus pa'o/ /bcom ldan 'das kyis spyan ras gzigs dbang phyug la bka' stsal pa/ rigs kyi bu 'di ni sa dang pha rol tu phyin pa'i nges pa'i don bstan pa zhes bya ste/ sa dang pha rol tu phyin pa'i nges pa'i don bstan pa 'di khyod kyis yongs su bzung bar bya'o/ /zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang yongs su zhu zhing bslab par bskul ba dang/ bstan pa gsungs pa'i phan yon gyis bstan te/ 'di ni dang por yongs su bzung zhing bslab par skul ba'o/ /sa dang pha rol tu phyin pa'i nges pa'i
- 100b
don bstan pa 'di bshad pa na/ 'khor 'dus pa chen po de las byang chub sems dpa' bdun khri lnga stong gis byang chub sems dpa' i ting nge 'dzin theg pa chen po snang ba thob par gyur to/ /zhes bya ba ni gnyis pa bstan pa gsungs pa'i phan yon bstan to/ /de la ting nge 'dzin theg pa chen po snang ba zhes bya ba ni bstan bcos rnam par rig pa tsam du grub pa las ji skad du/ theg pa chen po snang ba'i ting nge 'dzin ces bya ba ni 'di lta ste/ 'dir theg pa chen po'i don dam pa dang/ bstan pa dang/ bsgrub pa dang/ 'bras bu'i shes pa'i snang ba slong zhing gsal bar byed pa'i phyir ro zhes bstan pa lta bu'o/ /gzhan yang bstan bcos theg pa chen po bsdus pa'i 'grel pa lyang gi tshe bsgyur ba las/ theg pa chen po snang ba'i ting nge 'dzin ces bya ba la/ theg pa ni rnam pa gsum te/ ngo bo nyid dang/ rjes su 'brang ba dang/ thob pa'o/ /de la ngo bo nyid ni dang po ngo bo nyid med pa gsum mo/ /rjes su 'brang ba ni bsod nams dang ye shes kyi sa bcu dang/ pha rol tu phyin pa bcu yongs su bsdus pas ngo bo nyid med pa dang/ rjes su mthun pa'o/ /thob pa yin yon tan bzhi dang ldan pa'i 'bras bu thob par gyur pa ste/ ting nge 'dzin ni yul rnam pa 'di gsum la dmigs pa'i phyir theg pa chen po zhes bya'o/ /ting nge 'dzin 'di la gnas nas ni rnam par mi rtog pa'i ye shes 'thob par 'gyur la/ ye shes 'dis ni de bzhin nyid dang sangs rgyas tha dad pa nyid du gsal bar byed pa'i phyir gsal ba zhes bya'o/ gzhan yang ting nge 'dzin 'dis 'dod chen po'i ma rig pa'i mi mthun pa'i phyogs 'jom par byed pa'i phyir snang ba zhes bya'o zhes 'byung ngo// //bam po drug cu rtsa drug pa /dgongs pa zab mo nges par 'grel ba'i mdo las de bzhin gshegs pa'i bya ba bsgrub pa'i le'u ste brgyad pa'o// //le'u 'di gcig bstan pa yang sgo rnam pa gsum du rnam par phye nas bshad par bya ste/ le'u nyid kyi ming gi don bstan pa dang/ le'u bstan pa'i dgongs pa bstan pa dang/ tshig gi don yang dag par bshad pa'o//
- 101a
de la le'u ming gi? don? bstan pa la yang don rnam pa gnyis yod de/ de la dang po de bzhin gshegs pa zhes bya bas ni 'dul par mdzad pa'i bdag po bstan to/ /gnyis pa bya ba sgrub pa'i le'u zhes bya bas ni las su bya ba nyid bstan to/ /de la de bzhin gshegs pas zhes bya bas ni mthong? bsdu na don rnam pa gsum dang ldan te/ don dam pa yas brtsams te/ de bzhin gshegs pa zhes bstan pa dang/ sgrub pa las brtsams pa dang/ don dam pa dang /sgrub pa gnyis ka las brtsams pa'o/ /de la don dam pa kho na las brtsams pa ni de bzhin nyid la brten nas bstan pa gang yin pa ste/ 'phags pa shes rab kyi pha rol tu phyin pa'i mdo las ji skad du/ gang nas kyang ma byon pa gang du yang mi gshegs pas de'i phyir de bzhin gshegs pa zhes bya'o/ /zhes gsungs pa dang/ gzhan yang 'phags pa shes rab kyi pha rol tu phyin pa rdo rje gcod pa'i mdo las/ de bzhin gshegs pa zhes bya ba ni de kho na nyid kyi de bzhin nyid de/ gang du yang mi gshegs gang nas kyang ma byon pa'i phyir de bzhin gshegs pa zhes bya'o/ /zhes gsungs pa dang/ 'phags pa stug po bkod pa'i mdo las/ skye ba med pa dang/ 'gag pa med pa'i phyir de bzhin gshegs pa zhes bya'o zhes gsungs pa lta bu ste/ 'di la sogs pa'i gtan pa dag las de bzhin gshegs pa zhes gsungs pa ni/ las yongs su 'dzin pa ni rnam par bshad pa'o// de la bsgrub pa kho na las brtsams nas bstan pa ni gnas pa bcu'i 'grel pa las ji skad du/ de bzhin nyid ni pha rol tu phyin pa drug ces bya ste/ chos drug po 'di dag gis sangs rgyas kyi sar 'gro bar byed pa'i phyir de bzhin gshegs pa zhes bya'o/ zhes gsungS pa dang/ 'phags pa shes rab kyi pha rol tu phyin pa'i 'grel pa las de kho na nyid kyi lam la bcibs nas mngon par rdzogs par byang chub pa'i phyir ro zhes bstan pa lta bu ste/ bshad pa 'di dang sbyar na de bzhin nyid kyi de bzhin gshegs pa yin pa'i phyir de bzhin gsheD
- 101b
pa zhes bya ste/ 'di ni bdag po'i dbang du byas ba'i rnam par bshad pa'o/ /de la don dam pa dang/ bsgrub pa las brtsams nas bstan pa ni 'phags pa mya ngan las 'das pa chen po'i mdo las ji skad du/ pha rol tu phyin pa drug dang/ stong pa nyid bcu gcig la bcibs nas de bzhin gshegs pa'i phyir de bzhin gshegs pa zhes bya'o zhes gsungs pa dang/ gzhan yang 'phags pa gnas bcu'i 'grel pa las/ de la de bzhin zhes bya ba ni de kho na nyid kyi mtshan nyid do/ /gshegs pa zhes bya ba ni shes rab yin pa'i phyir/ de bzhin gshegs pa zhes bya'o zhes bsten pa lta bu ste/ de la pha rol tu phyin pa drug ni sgrub pa yin la/ stong pa nyid dang de kho na nyid kyi mtshan nyid ni mngon du bya ba'i don yin te/ 'di ltar rgyu dang yul ma mngon par sangs rgyas par gshegs pa'i phyir de bzhin gshegs pa zhes bya ste/ 'di yang dbang po'i dbang du byas pa'i rnam par bshad pa'o/ /rgya cher rnam par 'byed pa'i mtshan nyid rnam par bstan pa las/ bshad pa bzhin du rig par bya'o/ /de la sgrub pa'i le'u zhes bya ba ni las su bya ba nyid yang dag par bstan pa'o/ /bsgrub pa zhes bya ba 'di lta ste/ bya ba nyid la sogs par bsgrub par nus pa'o/ /bya ba zhes bya ba ni 'di lta ste/ yul la brten nas sgrub pa mngon par grub pa gang yin pa ste/ de bzhin gshegs pa'i sku dang/ zhing la sogs pa ston pa'i sku 'phrin las su bya ba rnams 'byor par 'gyur? pa'o// yang dag pa'i don du sku gsum bsgrub pa'i le'u zhes bya ba las/ de bzhin gshegs pa rnams ni sems can la phan 'dogs pa sngon du gtong bas de'i phyir gdul pa'i dbang du mdzad nas le'u 'di smos pa yin no/ /yang na sku sum car yang sems can gdul ba'i bya ba mdzad par sbyod pas so/ /mtshams rnam par dgrol ba'i mdo las kyang/ de bzhin gshegs pa'i mdzad pa dang rjes su mthun pa'i gnas nges pa'i don bstan pa'i le'u zhes 'byung ngo/ /dgongs ba zab mo rnam par dgrol ba'i mdo las ni/ byang chub sems dpa' 'jam
- 102a
dpal chos kyi rgyal bus zhu ba zhus pa'i le'u zhes 'byung ngo/ /de la le'u nyid bstan pa'i dgongs pa bstan pa ni/ de yan chad du spyod yul dang/ sgrub pa mtshungs pa med pas bshad zin pas/ de'i phyir 'dir mtshungs pa med pa'i 'bras bu don yang// dag par bstan pa yin te/ don de la brten nas spyod pa skye ba dang/ spyod pa'i rgyu 'bras thob pa ni don gyi go rim yin pa'i phyir ro/ /de nas byang chub sems dpa' sems dpa' chen po 'jam dpal gyis/ bcom ldan 'das la 'di skad ces gsol to/ /bcom ldan 'das bcom ldan 'das kyis ji skad du/ de bzhin gshegs pa chos kyi sku zhes gsungs na/ de bzhin gshegs pa'i chos kyi sku'i mtshan nyid ji lta bu lags zhes bya ba 'di man chad ni gnyis pa tshig gi don yang dag par bshad pa zhes bya ba ston to/ /le'u 'di gcig kyang mdor bsdu na rnam pa gnyis su dbye ste/ zhu ba gsol ba dang/ lan dag gis yang dag par bshad pa'i phyogs kyang zhu ba gsol ba dang/ lan du gsungs pa bcu gnyis yod pa gnyis las rnam pa bcu gnyis su dbye ste/ zhu ba gsol ba dang/ lan dag gis chos kyi sku'i mtshan nyid rab tu dbye ba dang/ de bzhin gshegs pa'i sprul pa'i sku skye ba med pa 'byung ba'i mtshan nyid bstan pa dang/ sprul pa'i sku ston pa'i thabs la mkhas pa bstan pa dang/ de bzhin gshegs pa'i gsung gi bye brag bstan pa dang/ de nas byang chub sems dpa' 'jam dpal gyis zhes bya ba man chad de bzhin gshegs pa rnams kyi thugs skye ba'i mtshan nyid bstan pa dang/ sprul pa'i sku la sems mnga' 'am/ mi mnga' ba bstan pa dang/ de bzhin gshegs pa'i spyod yul gyi bye brag gi mtshan nyid bstan pa dang/ de bzhin gshegs pa'i chos kyi 'khor lo bskor ba la sogs pa gnyis su med pa'i mtshan nyid rnam pa gsum bstan pa dang/ de bzhin gshegs pa sems can rnams kyi dmigs pa mdzad pa'i bye brag bstan pa dang/ de bzhin gshegs pa'i chos kyi sku dang/
- 102b
theg pa pa gnyis kyi rnam par grol pa'i sku'i bye brag gi sku'i mtshan nyid bstan pa dang/ de bzhin gshegs pa dang byang chub sems dpa' i byin gyis brlabs kyi mthu sems can yongs su 'dzin pa'i mtshan nyid bstan pa dang/ zhing yongs su dag pa dang/ yongs su mdag pa gnyis kyi bye brag gi mtshan nyid bstan pa dang/ 'di ni dang po zhu ba gsol ba dang/ lan dag gi chos kyi sku'i mtshan rab tu dbye ba'o/ /yang na rnam pa bcu gnyis po de dag rnam pa gsum du bsdus te/ chos kyi sku'i mtshan nyid bstan pa dang/ byang chub sems dpa' 'jam dpal gyi zhes bya ba nas de bzhin gshegs pa rnams kyi skye pa 'byung ba'i mtshan nyid ji lta bur rig par bgyi lags zhes bya ba man chad kyi sprul pa'i sku'i mtshan nyid bstan pa dang/ de nas byang chub sems dpa' 'jam dpal zhes bya pa man chad kyis longs spyod rdzogs pa'i sku'i mtshan nyid bstan pa'o/ /de ltar rnaM pa gnyis su bshad pa yod kyang 'dir ni re zhig bshad pa phyi ma dang sbyar nas bshad par bya'o/ /sku gsum po de dag gi mtshan nyid kyang khong du chud par dka' bas de'i phyir 'dir sku gsum gyi don bstan nas/ de'i 'og tu mdo'i tshig gi don bshad par bya ste/ sku gsum gyi don gyi mtshan nyid bstan pa dag bshad pa bzhin du rig par bya'o/ /tshig gi don bshad pa yang zhu ba gsol ba dang lan du gsungs pa bstan te/ 'di ni dang po byang chub sems dpa' 'phags pa 'jam dpal gyis zhu ba gsol ba nyid do/ /de la byang chub sems dpa' 'phags pa 'jam dpal zhes bya ba ni de kho na nyid kyi bden pa'i sems rtag par zhi zhing dben la/ dag zun kun la phan 'dogs shing gnod pa mi byed pa'i phyir 'jam dpal zhes bya'o/ /'phags pa sangs rgyas pa'i 'grel pa las/ 'jig rten pa thams cad kyi bsnyen bkur byed cing mchod pa dang kun gyi bsngags pa brjod pa'i phyir dpal gyi don dang ldan pa yin no zhes bshad do/ /'phags pa shes rab kyi pha rol tu phyin pa'i 'grel pa dang/ dpa' bar 'gro ba'i ting 'dzin gyi mdo las/ byang chub sems dpa' 'jam dpal ni/ 'das
- 103a
ba'i sangs rgyas klu'i rigs kyi gtso bo zhes bya ba yin no zhes 'byung ngo/ /'phags pa sor mo 'phreng ba'i mdo las/ 'phags pa 'jam dpal gyi byang phyogs kyis sangs rgyas rab tu dga' ba'i nor bu rin po che brtsegs pa yin no zhes gsungs so/ /byang chub sems dpa' 'di dag yang dag par de bzhin pa yin kyang sangs rgyas kyi chos rab tu bstan pa'i phyir/ byang chub sems dpa' i gzugs su ston to/ /bcom ldan 'das kyis byang chub sems dpa' 'jam dpal la bka' stsal pa/ rigs kyis dang shes rab kyi pha rol tu phyin pa shin tu bsgom pa'i nges par 'byung bas gnas su gyur pa'o/ /yongs su rdzogs pa gang yin pa de ni/ de bzhin gshegs pa'i sku'i mtshan nyid ces bya'o zhes bya ba 'di man chad ni gnyis pa de bzhin gshegs pas yang dag par lan du gsungs pa ston to/ /'di yang rnam pa gnyis te/ chos kyi sku'i mtshan nyid bstan pa dang/ rnam par grol ba'i sku bstan pa'o/ /dngos po yang rnam pa gnyis te/ chos kyi sku'i mtshan nyid yang dag par bstan pa dang/ bsam gyis mi khyab pa'i mtshan nyid du bstan pa ste/ 'di ni dang po'o/ /mdo'i tshig 'di yang rnam pa bzhir dbye ste/ de la dang po bcom ldan 'das kyis 'jam dpal la bka' stsal pa zhes bya ba ni 'chad pa po dang/ nyan pa po smos so/ /gnyis pas dang pha rol tu phyin pa ni shin tu bsgoms pa'i nges par 'byung ba zhes bya ba'i chos kyi sku'i rgyu rnam pa gnyis yod pa nyid du rab tu bstan te/ sa bcu dang pha rol tu phyin pa drug go/ de las ni rgyu yang dag par bsgrub pas gnas par bya ba'i sa'o/ /pha rol tu phyin pa ni sa la brten nas mngon par bsgrub pa yang dag pa'i rgyu nyid de/ chos kyi sku la bltos na ni gsal par byed pa'i rgyu yin la/ rgyu gnyis kyis ni skyed pa'i rgyu yin no/ /'dir ni gsal par byed pa'i rgyu nyid du yang dag par ston to/ /chos kyi sku gsal bar byed pa'i phyir ro/ /de la shin tu bsgoms pa'i nges par 'byung ba zhes bya ba ni pha rol tu phyin pa drug bsgoms pa'i dbang gis nyon mongs pa nges par 'byung ba'i phyir ngas
- 103b
par 'bru? ba? zhes bya'o/ /de'i phyir bstan bcos rnal 'byor spyod pa'i sa las spyad pa rnams mya ngan las 'das ba dang rjes su mthun par gyur pa'i phyir ngas par 'byung ba zhes bshad do/ /yang na mya ngan las 'das pa la nges par 'byung ba zhes bya ste/ 'dir yang lam bsgoms pa las mya ngan las 'das pa dang rjes su mthun par gyur pa'i phyir nges par 'byung ba zhes bya'o/ /gzhan yang nges par 'byung pa zhes bya ba ni bgrod pa'i don yin te/ de'i phyir bstan bcos theg pa chen po bsdus pa'i 'grel pa las/ bgrod par bya ba mthar thug pa'i phyir ngas par 'byung ba zhes bya'o/ /bshad pa nges par 'byung ba ni mya ngan las 'das par bgrod pa'i don yin no/ /gsum pa gnas gyur pa yang dag par bsgrub cing yongs su rdzogs pa zhes bya ba ni chos kyi sku'i mtshan nyid yang dag bar bstan to/ /de la gnas gyur ba zhes bya ba ni bstan bcos theg pa chen po bsdus pa'i 'grel pa las ji skad du/ 'di ltar de kho na nyid kyi don ma yin pa dag ni mngon du mi snang la/ de kho na nyid kyi don ji snyed pa dag ni mngon du snang ba'i phyir/ gnas gyur pa lta bu'o/ /zhes bstan pa lta bu'o/ /de la yongs su grub par rdzoD pa zhes bya ba ni tha dad pa'i yongs su rdzogs pa las rab tu dbye ba'o/ /de bzhin nyid kyi chos kyi sku ni rnam pa gnyis te/ rgyu'i gnas skabs la gnas pa gang yin pa de ni rdzogs pa zhes bya'o/ /'bras bu'i gnas skabs la gnas pa gang yin pa de ni yongs su grub par rdzogs pa zhes bya ste yongs su grub pa dang/ yongs su grub pa'i ming gi rnam grangs so/ /mdo 'di nyid las kyang de gong du de bzhin gshegs pa'i sa la ni sgrib pa gnyis po bcom pa ste/ dgongs pa yongs su grub pa la brten nas chos kyi sku bzhin tu rnam par dag pa rnam par bzhag pa yin no zhes gsungs so/ /gzhan yang bstan bcos chos mngon pa kun las btus pa las/ chos kyi sku ni 'di lta ste/ shes bya'i sgrib pa gtan bcom pa gnas su gyur pas bsdus pa gang yin pa'o/ /de yangs bcu pa la ni yongs su rdzogs pa zhes bya'o/ /de bzhin gshegs
- 104a
pa'i sa la ni yongs su grub pa zhes bya'o zhes bshad do/ /slob dpon dbyig gnyen dang/ ngo bo nyid med kyis mdzad pa theg pa chen po bsdus pa'i 'grem pa dang bstan bcos rnal 'byor spyod pa'i sa las kyang de skad du bstan to/ /de ring skad du sa bcu dang pha rol tu phyin pa shin tu bsgom pa'i nges par 'byung ba'i lam gyi gnas gyur pa thob pas/ chos kyi sku mngon par grub pa yin no/ zhes bstan par 'gyur te/ 'phags pa bla na med pa'i gnas bstan pa'i mdo las/ theg pa chen po bsdus pa'i 'grel pa byang? gi tshe bsgyur ba las kyang/ sa bcu dang pha rol tu phyin pa bcu yongs su bsgom pa'i nges par 'byung ba'i lam gyi gnas kyur pa thob pa'i mtshan nyid zhes bshad do/ /gnas gyur pa'i mtshan nyid de yang rgya cher ni mtshan nyid bstan pa dang/ bstan bcos kun las btus pa dang/ theg pa chen po'i bsdus pa'i 'grel pa slob dpon dbyig gnyen dang ngo bo nyid med kyis mdzad pa dang/ lyang gi tshe bsgyur ba dang/ mdo sde'i rgyan dang/ ngo bo nyid med pa gsum bstan pa dang/ rnam par rig pa tsam du grub pa la sogs pa las bstan pa bzhin du rig par bya'o/ /mtshan nyid de yang rgyu rkyen rnam pa gnyis kyi phyir/ bsam gyis mi khyab pa nyid du rig par bya ste zhes bya ba la sogs pas ni/ gnyis pa bsam gyis mi khyab pa nyid du bstan to/ /'di yang rnam pa gsum ste/ dam bca' ba dang/ rgyu gnyis kyi mtshan nyid bstan pa dang/ nor bar bzung ba'i nyes pa bstan pa dang/ 'di ni dang po'o/ /spros pa med pa'i phyir dang/ mngon par 'du bya ba med pa nyid kyi phyir ro zhes bya ba ni gnyis pa rgyu gnyis kyi mtshan nyid bstan te/ dang po ni ? pa med pa'o/ /gnyis pa ni mngon par 'du bya ba med pa'o/ /mtshams rnam par grol ba'i mdo las ni yang dag pa ma yin pa dang bral ba dang/ mngon par 'du bya ba med pa'o zhes 'byung ngo/ /dgongs pa zab mo rnam par grol pa'i mdo las ni/ spros pa dang bral pa dang /'dus byas kyi rnam pa'i mtshan nyid thams cad dang bral/ zhes 'byung ngo/ /de la spros pa zhes bya ba ni 'di lta ste//
- 104b
yod pa dang med pa la sogs pa'i spros pa rnam pa bzhi dang/ de bzhin du thams cad rtag go/ mi rtag go zhes bya ba la sogs pa spros pa rnams so/ /de la mngon par 'du bya ba zhes bya ba ni thoD pa rang bcas pa/ skye ba dang 'gag pa la sog pa dang nyon mongS pa'i ngo bo nyid do/ /chos kyi sku de la ni spros pa dang/ skye ba dang 'jig pa la sogs pa med pa'i phyir bsam gyis mi khyab pa zhes bya ste/ 'dir theg pa chen po bsdus pa'i 'grel pa slob dpon ngo bo nyid med kyis byas pa las/ de la chos kyi sku'i gnas gyur pa'i mtshan nyid de sgrib pa thams cad dang bral ba rtag par de bzhin nyid du gnas pa/ rnam par 'gyur ba med pa'i phyir/ las dang nyon mongs pas mngon par 'du byas pa ma yin pa zhes bshad do/ /gzhan yang bla na med pa'i gnas bstan pa'i mdo las ? /rgyu dang rkyen rnam pa gnyis kyi phyir bsam gyis mi khyab pa'o/ /dang po ni tshig gis brjod du med pa ste/ tshig gi spyi dang g.yul las yang dag par 'das pa'i phyir ro/ /gnyis pa ni 'jig rten pa'i mtshan nyid thams cad las 'das pa ste/ jig? rten na dpe zla med pa'i phyir gsungs te/ bstan bcos rnam par bshad pa dang/ theg pa chen po bsdus ba'i 'grel pa las kyang de skad du bshad do/ /bstan bcos theg pa chen po bsdus pa las ni/ don rnam pa gsum gyis de bzhin nyid bsam gyis mi khyad pa nyid ston de de'i phyir bstan bcos de nyid las/ bsam gyis mi khyab pa'i mtshan nyid ni/ 'di ltar de bzhin nyid rnam par dag pa de so so rang gi rig par bya ba yin pa'i phyir dang/ 'jig rten pa'i dpes/ dper byar med pa'i phyir dang/ yi ge'i spyod yul ma yin pa'i phyir/ zhes 'byung ba yin te/ slob dpon ngo bo nyid med kyi 'grel pa las/ de la bsam gyis mi khyab pa zhes bya ba ni 'di lta ste/ rig pa nges par sems pa las 'byung ba rnam par rtog pa'i shes pa rtog pa dang dpyod par rtogs pa dpe rab tu dbye pa'o/ /sangs rgyas rnams ni de dag gi spyod yul ma yin pas bsam gyis mi khyab pa ste/ rtog pa dang dpyod pa'i sa thams cad las yang dag par
- 105a
'das pa'i phyir mos pa bskyed par bya ba yin gyi/ bsam par bya ba ni ma yin no zhes bshad do/ /sems can rnams ni spros pa la mngon par zhen cing mngon par 'du bya ba dang bcas pa'i phyir ro zhes bya ba ni gsum pa nor bar bzung ba'i nyes dmigs bstan te/ 'di ltar sems can rnams thog ma med pa'i dus nas shes pa med pa'i phyir ro/ /chos kyi sku la yod pa dang med pa la sogs pa'i spros pa dang/ skye ba dang 'jig pa la sogs pa 'dus byas kyi mtshan nyid du mngon par zhen pa'i rgyu dang rkyen nges chos kyi sku thob par ma gyur to/ /zhes bya ba'i tha tshig go /bcom ldan 'das nyan thos dang rang sangs rgyas kyi thob pa'i gnas gyur pa gang yin pa de yang chos kyi sku legs par brjod par bgyi'am zhes bya ba 'di man chad ni gnyis pa rnam par bral ba'i sku ston to/ /'di yang rnam pa bzhis bstan te/ zhu ba gsol ba dang/ lan du gsungs pa dang brtag pa dang/ rnam par bshad pa'o/ /'di ni dang po zhu ba gsol ba ste/ 'di ltar theg pa gnyis po de dag gis nyon mongs pa'i sgrib pa spangs pas 'thab pa'i dus byas kyang chos kyi sku zhes bgyi ba lags sam zhes bya ba'i tha tshig go /rigs kyi bu chos kyi sku zhes brjod par mi bya'o/ /zhes bya ba ni gnyis pa de bzhin gshegs pas yang dag par lan du gsungs pa ste/ mya ngan las 'das pas yongs su mngon du byas pas yin yang chos kyi sku zhes brjod par mi bya ste/ yon tan gyi chos kyi gnas su gyur pa ma yin pa'i phyir ro/ /bcom ldan 'das 'o na ji'i lus lags bar brjod par bgyi zhes bya ba ni gsum pa bstan pa'o/ /rigs kyi bu rnam par 'grol ba'i lus zhes brjod par bya ste/ zhes bya ba la sogs pas ni de bzhin gshegs pas yang dag par bshad pa ston to/ /'di yang rnam pa gnyis te/ rnam par dgrol ba'i mtshan nyid mdor bstan pa dang/ bye brag gi mtshan nyid bstan pa'o/ /'di ni dang po mdor bstan pa ste/ 'di ltar nyon mongs pa'i 'chid pa las rnam par grol bas na rnam par grol
- 105b
pa'i lus zhes bya'o zhes bya ba'i tha tshig go/ rnam par grol ba'i lus kyi phyir ni nyan thos dang rang sangs rgyas thams cad de bzhin gshegs pa rnams dang mtshungs shing mnyam mo zhes ston to/ /zhes bya ba la sogs pas ni gnyis pa sku gnyis kyi bye brag gi mtshan nyid bstan to/ /'di yang rnam pa gnyis te/ rnam par grol ba'i sku las brtsams nas/ theg pa gsum po dag bye brag med par bstan pa dang/ chos sku las brtsams nas bye brag yod par bstan pa'o/ /'di ni dang po ste/ 'di ltar theg pa gnyis po de dag kyang de bzhin gshegs pa rnams nyon mongs pa spangs pa dang/ bye brag med pa'i phyir dang/ so sor brtag pa thob pa la yang bye brag med pa'i phyir de bzhin gshegs pa rnams dang/ mtshungs shing mnyam mo zhes bya ba gsungs so/ /don de yang so so nas bshad pa mi mthun pas thams cad yod par smra ba'i gzhung gis ni rnam pa gnyis su bshad de/ de'i phyir bstan bcos bye brag du bshad pa chen po las/ dpyad pa dag gis smras pa/ de ni 'di skad du brjod par bya ste/ zag pa dang bcas pa'i chos kyi bdag nyid ji snyed yod pa'i rjes su so sor brtag pa yang de snyed do/ /'ching bar bya ba'i dngos po bdag nyid ji snyed pa'i rjes su 'ching ba dang bral ba'i bdag nyid kyang de snyed do/ /sems rnams so sor brtag pa thob pa na so so nas thob pa gcig yin nam/ 'on te thun mong par 'gyur zhe na/ slob dpon gzhan kha cig na re so so nas tha dad pa 'thob par 'gyur ro zhes zer ro/ /gal te de lta na mdo las gsungs pa da ltar go zhing rnam par bshad par bya ste/ ji skad du de bzhin gshegs pa'i rnam par grol ba dang/ gzhan dgra bcom pa la sogs pa'i rnam par dgrol ba ni gnyis su med do zhes gsungs so zhe na/ smras pa/ theg pa chen po dag gi rgyud la yod pa'i rnam par grol ba'i tha dad? mod kyi/ dag ba nyid du brtag par mtshungs pa'i phyir tha dad pa med pa zhes bstan to/ /gzhan yang rgyud kyi rgyun gcig la theg pa gsum gyi rigs dang ldan pas rnam par grol ba 'thob par mtshungs te/ 'di ltar
- 106a
gzhan gyi rgyud la yod pa'i rnam par grol ba 'thob pa la bltos nas so so tha dad pa yang rgyud gcig la theg pa gsum gyi rigs yod pa dang/ rnam par grol ba thob par mtshungs pas na theg pa gang la brten nas 'phags pa'i lam skye bar 'gyur ba de la mya ngan las 'das pa 'di thob par 'gyur ba'i phyir ro/ /dpyad pa dag gis smras pa/ des de skad du smra ba'i ma rigs kyi/ /'di skad du ci tsam du sems can gyi rigs su gtags pa rnams ni theg? pa dang bcas pa'i chos re re kun las so sor brtags pa'i bdag nyid re re 'thob par 'gyur ro/ /zhes brjod par bya'o zhes 'byung ste/ dpyad pa dag gis thun mong du 'gog pa rnams mngon du byed par bstan pa'i phyir/ rnam par grol ba yang dag tu med do zhes bshad de zhib du de nyid las bstan pa bzhin no/ /mdo sde dag gi gzhung gis ni nyon mongs pa yang spangs shing/ 'gog pa mngon du byed par mtshungs pa'i phyir btags pa tsam du mtshungs par zhes bya ba'i tshig bstan pa yin zhes zer te/ gur na bdag nyid gzhan yod pa dag gi mtshungs pa dang/ tha dad par bstan pa ni yod pa ma yin te/ de'i gzhung gis 'dod pa'i so sor btags pa'i 'gog pa la bdag nyid med pa'i phyir ro/ /'dir yang theg pa chen po'i bstan pa las ni/ de bzhin gcig la so sor brtags pa'i 'gog pa zhes ston pa'i phyir thams cad yod par smra ba dang mi mtshungs so/ /de bzhin nyid la brtags pa tsam du rnam par bzhag pa'i phyir mdo sde pa dag dang mi mtshungs so/ /kha cig na re 'dir gsungs pa'i ches kyi sku ni ye shes dang/ spangs pa/ cha rnam pa lnga'i chos kyi sku yang bsdu ba yin no zhes zer te/ de ltar rnam pa gnyis su bshad pa yod kyang bshad pa ni snga ma yang dag pa yin no/ /chos kyi sku'i phyir ni khyad par yod par bston to zhes bya ba la sogs pas ni gnyis pa chos kyi sku las brtsams nas khyad par yod par ston to/ /'di yang rnam pa gnyis te/ mdor bstan pa dang/ yang dag par bshad pa'o/ /'di ni mder?
- 106b
brtan pa ste/ sgrib pa gnyis spangs pa'i phyir dang yon tan dpag tu med pa'i gnas su gyur pa'i phyir khyad par yod par gyur to/ zhes bya ba'i tha tshig ge/ de bzhin gshegs pa'i chos kyi sku'i khyad par dang ldan pa'i phyir ni yon tan dpag tu med pas kyang khyad par du 'phags pa yin te/ bgrang ba dang dper bya ba yang sla ba ma yin no zhes bya ba 'di gnyis pa bye brag yod par bshad pa bstan pa ste/ 'di ltar chos kyi sku khyad par dang ldan pa'i phyir yon tan dpag tu med pa khyad par du 'phags pa'i bye brag rnam pa sna tshogs gang yin pa de ni/ dpe la sogs pas shes par bya ba mi yin no zhes bya'o/ /yang na yon tan dpag tu med pa'i rten du gyur pas khyad par du 'phags pa dag gis theg pa gnyis las bye brag tu gyur pas na / bgrang ba dang dpar bya bar sla ba ma yin te/ 'di ni sku gnyis kyi bye brag gi mtshan nyid do// gzhan yang theg pa chen po bsdus pa'i 'grel pa las/ de la chos kyi sku dang/ rnam par grol ba'i lus kyi khyad par ni 'di yin te/ rnam par grol ba ni nyon mongs pa 'ching ba dang bral ba tsam du zad de/ dper na grong mi zhig lcags sgrog la sogs pa'i 'ching ba dang bral na sdug bsngal ba'i 'bras bu tsam zad kyi/ de las lhag pa'i dbang phyug dang ldan pa ni ma yin pa lta bu'o/ /chos kyi sku ni bag chags dang bcas pa'i nyon mongs pa dang/ shes bya'i sgrib pa las rnam par grol ba ste/ stobs dang mi 'jigs pa la sogs pa'i ngo mtshar gyi yon tan du mas brgyan pa 'byor pa thams cad kyi gnas so/ /ji ltar 'dod pa bzhin du spyod pas rang dbang mchog brnyes pa'o/ /dper na rgyal bu'i bu bcings pa dang bral ma thag tu spyi bo nas dbang bskur ba dbang phyug phun sum tshogs pa mchog dang ldan pa lta bu'o zhes 'byung ste/ lyang gi cho? bsgyur ba'i 'grel pa las kyang de skad bstan to/ /gzhan yang bstan bcos rnam par rig pa tsam du grub pa las/ theg pa gnyis kyis yongs su rdzogs pa'i gnas skabs gang yin pa de ni rnam par grol ba'i lus zhes bya ste/ thub pa chen po gang yin pa
- 107a
de ni chos kyi sku zhes bya ba'i phyir ro zhes bshad de/ rnam par grol ba gnyis la gal te phye brag med pa yin na/ bstan bcos theg pa chen po ma 'jug pa de ji ltar go zhing rnam par bshad par bya ste/ de las de bzhin gshegs pa'i dar? bar gol ba ni theg pa gnyis las khyad par 'phags pa yin te/ bag chags spangs pa'i phyir ro zhes bshad do zhe na/ slob dpon hwang tsang? gis mdo sde dang/ bstan bcos phan tshun brnga phrang de bshad pa las yang dag pa'i don du na de bzhin gshegs pa dang/ theg pa gnyis kyis rnam par grol pa'i ngo bo nyid la bye brag med cing nyon mongs pa spangs par mtshungs kyang 'gog pa mngon du byed pa'i phyir dang/ bag chags spangs shing 'gog pa mngon du mi mdzad pa'i phyir bye brag yod par gyur pa yang theg gnyis kyi rnam par grol ba ni bag chags da dung ma zad pa yin la/ de bzhin gshegs pa'i rnam par grol ba ni bag chags gtan du spangs pas rab tu phye ba yin pas des na mdo sde dang bstan bcos dag las so so nas don re re smos pas phan tshun 'gal ba med do zhes bshad do/ /byang chub sems dpa' 'jam dpal gyis kyang bcom ldan 'das la 'di skad ces gsol to/ /bcom ldan 'das bdag gis de bzhin gshegs pa rnams kyi skye ba 'byung ba'i mtshan nyid ji lta bur rig par bgyi lags zhes bya ba man chad ni gnyis pa de bzhin gshegs pa'i sprul pa'i sku skye ba 'byung pa'i mtshan nyid bstan pa'o/ /dang po zhu ba gsol ba dang/ lan du gsungs pa bstan te/ 'di ni dang po sprul pa'i sku'i mtshan nyid zhus pa'o/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu de bzhin gshegs pa thams cad sprul pa'i sku'i 'phrin las mngon par 'du mdzad pa ni 'jig rten gyi khams na rnam pa thams cad 'byung ba lta bu de bzhin gshegs pa'i yon tan sna tshogs kyis brgyan pa byin gyis brlab pa'i mtshan nyid de zhes bya ba la sogs pas ni gnyis pa de bzhin gshegs pas yang dag
- 107b
par lan du gsungs ba ston to/ /'di yang rnam pa gnyis te sprul pa'i sku'i mtshan nyid bstan pa dang/ sku'i bye brag gi mtshan nyid bstan pa dang/ 'di ni dang po'o/ /mdo'i tshig 'di yang rnam pa gsum du dbye ste/ don dang dpe dang don du sbyar ba'o/ /de bzhin gshegs pa thams cad kyi sprul pa'i sku'i 'phrin las ni/ 'phags pa gser 'od dam pa'i mdo las ji skad du bstan pa bzhin du rig par bya ste/ de'i phyir mdo de nyid las/ byang chub sems dpa' sprul pa'i sku ji ltar rig par bya zhe na/ rigs kyi bu de bzhin gshegs pa sngon spyod pa'i sa la gnas pa na sems can thams cad kyi ched du chos rnam pa sna tshogs sgrub par byed do/ /bsgrub pa'i chos de dag kyang bsgom pa yongs su rdzogs pa dang/ bsgom pa'i stobs kyi dbang thob par 'gyur ro/ /dbang thob pa'i stobs kyi ni sems can gyi mos pa dang/ sems can gyi spyed pa dang sems can gyi spyod pa ji lta ba bzhin du rnam pa sna tshogs khong du chud cing dus la mi bltos pa dang/ dus dang gnas la mi 'da' bar dus dang mthun pa dang/ spyod pa dang mthun pa dang/ rjes su mthun par chos bstan pa dang rjes su mthun par sku rnam pa sna tshogs ston pa gang yin pa de ni sprul pa'i sku zhes bya'o/ /zhes gsungs so/ /mdo 'di yang de bzhin te sngon rgyu dang smon lam rnam pa sna tshogs bsgrub pa pas de bzhin gshegs pa rnams kyi phrin las sna tshogs 'byung ba yang dper na 'jig rten gyi khams na las rnam pa sna tshogs kyi dbang gis dngos po sna tshogs byung naS sems can yongs su 'dzin par byed pa ltar de bzhin gshegs pa'i sprul pa'i sku yang de bzhin du spyod pa sna tshogs dang/ yon tan gyi rnam pa dpag tu med pas brgyan pa sems can bsdud pa gang yin pa de ni sprul pa'i sku'i mtshan nyid do zhes bya ba'i don to/ /sprul pa'i sku'i mtshan nyid ni skye zhing 'byung ba dang bcas pa'o/ /chos kyi sku'i mtshan nyid ni skye ba 'byung ba nyid du rig par bya'o zhes bya bas ni gnyis pa sku rnam pa gnyis kyi bye brag gi mtshan nyid bstan to/ /'di ltar
- 108a
sku rnam pa gnyis las sprul pa'i sku ni rgyu las byung ba'i phyir skye ba 'byung ba'i mtshan nyid dang bcas pa'o/ /de bzhin nyid kyi chos kyi sku ni ngo bo nyid de rtag pa yin pa'i phyir skye ba 'byung ba med pa'i mtshan nyid do// //bam po drug cu bdun pa/ /byang chub sems dpa' 'jam dpal gyis yang bcom ldan 'das la 'di skad ces gsol to/ /bcom ldan 'das sprul pa'i sku ston pa'i thabs la mkhas pa gang lags par bgyi lags zhes bya ba 'di man chad ni gnyis pa sprul pa'i sku ston pa'i thabs la mkhas pa'i mtshan nyid bstan to/ /'di yang zhu ba gsol ba lan du gsungs pa'i bstan to/ 'di ni zhu ba gsol ba nyid do/ /sprul pa'i sku ston pa'i thabs la mkhas pa 'di ni/ 'phags pa sangs rgyas pa'i 'grel pa las ji skad bstan pa bzhin du rig par bya ste/ de'i phyir 'grel pa de nyid las bya ba bsgrub pa'i ye shes las 'byung ba'i 'phrin las rnam pa gsum sems can gyi dbang po dang mtshams par gyur pa'i phyir mkhas pa zhes bya'o/ /sbyor ba rgyun gyi 'chad pa'i phyir thabs zhes bya'o zhes bshad do/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu stong gsum gyi stong chen po'i sangs rgyas kyi zhing thams cad du bdag por grags pa 'am/ sbyin gnas chen por grags pa'i khyim du shes bya ba la sogs pas ni gnyis pa de bzhin gshegs pas yang dag par len du gsungs pa ston to/ /'di yang rnam pa gnyis te rnam par bshad pa dang/ mjug bsdu ba'o/ /rnam par bshad pa gnyis su dbye ste/ sprul pa ston pa'i gnas bstan pa dang/ sprul pa'i mtshan nyid bstan pa ste/ 'di ni dang po'o/ /gnas bstan pa yang rnam pa gnyis te/ dang po ni gnas spyod yul gyi spyir bstan ste/ 'di ltar stong gsum gyi stong chen po'i sangs rgyas kyi zhing thams cad gang yin pa de ni sprul pa'i sku thams cad kyi spyod yul yin pas so/ /gnyis pa ni gnas tha dad par skye bar bstan to/ 'di
- 108b
ltar bdag po'i grags pa ni rgyal rigs kyi khyim mo/ /sbyin gnas chen por grags pa ni bram ze'i khyim ste/ de'i phyir bstan bcos rnal 'byor spyod pa'i sa las rgyal rigs kyi 'khor ni mi 'gro ba'i nang na mchog tu bdag por gyur pa'i phyir ro/ /bram ze'i 'khor ni 'jig rten na kun gyi spyin gnas su gyur pa'i phyir ro/ /zhes bshad pa yin no/ /dus gcig tu mngal tu 'jug pa dang bcas pa dang/ 'dod pa la longs spyod pa dang/ mngon par 'byung ba dang/ dka' ba spyod pa kun tu ston pa dang/ dka' ba spyod pa btang nas mngon par byang chub pa'i rim pa kun tu ston pa gang yin pa gnyis pa sprul pa'i mtshan nyid bstan pa'o/ /sprul pa'i mtshan nyid mang nyung gi mtshan nyid bye brag kyang bstan po rnams las so so nas bshad pa mi mthun pas bla na med pas gnas bstan ba'i mdo las ni mtshan nyid rnam pa bcu gsum ston te/ dga' ldan gyi gnas su skye ba dang/ lha'i gnas de las bcas pa dang/ lhums su zhugs pa dang/ bltam pa dang/ gzhon nur gyur pa dang/ bslab pa rnams slob pa dang/ skyed mos tshal du rnam par rol pas ston pa dang/ mngon par 'byung ba dang/ dka' ba spyod pa kun tu ston pa dang/ byang chub kyi snying por bshegs pa dang/ mngon par rdzogs par byang chub pa dang/ chos kyi 'khor lo bskong ba dang/ yongs su mya ngan las 'das pa'o/ zhes bstan pa'o/ /mtshams rnam par grol ba'i mdo las ni mtshan nyid rnam pa bcu gcig tu ston te/ lhums su zhugs pa dang/ bltams pa dang/ cher skyes pa dang/ 'dod pa la longs spyod pa dang/ mngon par 'byung ba dang/ dka' thub spyod pa dang/ byang chub kyi snying por gshegs pa dang/ bdud btul ba dang/ mngon par rdzogs par byang chub pa dang/ chos kyi 'khor lo bskor ba dang/ yongs su mya ngan las 'das pa'o zhes 'byung ngo/ /dgongs pa zab mo rnam par dgrol ba'i mdo las mtshan nyid rnam pa bcu gnyis su ston pa yang/ phal cher mtshams rnam par dgrol ba'i mdo las
- 109a
gsungs pa dang mthun par cung zad cig tha dad pa ni 'di lta ste/ yang ltums su gnas pa dang/ yongs su btang ba chen po'i mtshan nyid kyi bsnan pa dang/ byang chub kyi snying por gshegs pa dang/ bdud btul ba ma tshang bas so/ /'dir mdo las ni mtshan nyid rnam pa bdun las mi sten pas mdo sde rnams las lha'i gnas su gnas pa dang/ ltums su gnas pa dang/ chos kyi 'khor lo bskor ba dang/ yongs su mya ngan las 'das zhes gsungs pas kyang bsnan nas mtshan nyid bcu gcig du byas te/ mdo 'di bshad par bya'o/ /de la lha'i gnas su gnas pa zhes bya ba ni bkod pa chen po'i mdo'i nang nas dga' ldan gyi le'u las/ bcom ldan 'das kyis dge slong rnams la bka' stsal pa/ bkod pa chen po zhes bya ba'i mdo gang zhe na 'di lta ste/ byang chub sems dpa' dga' ldan gyi pho phrang na zhugs shing rtag par lta ba mthu bo che rnams mchod par byed par rab tu ston pa gang yin pa'o zhes bya ba nas rgya cher bshad pa'i bar du gsungs pa dang/ gzhan yang mya ngan las 'das pa chen po'i mdo las/ dga' ldan gyi lha ni 'dod pa'i khams gyi nang na mchog yin te/ lha 'og ma dag ni bag med pa dang ldan pa yin la lha gong ma dag ni mi gsal zhing rmongs rtul ba yin pas sbyin pa gtong zhing tshul khrims bsrungs pas ni gong ma dang/ 'og ma'i lus thob par 'gyur ro/ /sbyin pa dang tshul khrims dag ting nge 'dzin bsgoms pas ni dga' ldan gyi lus thob par 'gyur bas/ de phyir mchog ces bya'o zhes gsungs pa dang/ gzhan yang 'phags pa shes rab kyi pha rol tu phyin pa'i 'grel pa las/ byang chub sems dpa' ci'i phyir dga' ldan gyi gnas kho na nas skye zhing/ lha'i ris gong ma nas/ 'og ma dag tu mi skye zhe na/ smras? pa/ sangs rgyas ni rtag par dbu ma'i lam la gnas pa'i phyir dga' ldan gyi lha ni 'dod pa'i khams kyi lha? 'di? sa drug dang tshangs pa'i gnas gong ma gsum dang/ 'og ma gsum gyi bar na gnas te lha de la babs la gdon mi?
- 109b
za bar yul gyi dbus su skye ba dang/ nam gyi gung thun la lhums su zhugs pa dang/ nam gyi gung thun la rab tu 'byung ba dang/ dbu ma'i lam la spyad de sangs rgyas kyi byang chub brnyes nas kyang dbu ma'i lam gyi chos ston pa dang/ nam gyi gung thun la yongs su mya ngan las 'das par 'gyur ba dang/ chos dbu ma legs par rtogs par 'gyur ba'i phyir lha'i gnas bar mar skye ba yin no zhes bstan pa lta bu ste/ rgya cher de nyid las bstan pa bzhin no/ /gzhan yang 'phags pa shes rab kyi pha rol tu phyin pa las/ ci'i phyir byang chub sems dpa' dga' ldan gyi gnas 'ba' zhig tu skye zhe na/ gzugs med pa'i khams su ni gzugs med pas chos bstan du med pa'i phyir der mi skye'o/ /gzugs kyi khams su ni gzugs kyi phung po dang ldan mod kyi/ der chos bshad du yang bsam gtan la mngon par zhen pas der mi skye'o/ /'deng? pa'i lha'i ris 'og ma gsum po dag ni nyon mongs pa stug cing sems rnam par g.yeng ba dag yin la 'dod pa'i lha'i ris gong ma gnyis kyang nyon mongs pa stug cing sems mnyan pa yin yang rno ba yin te/ dga' ldan gyi lha ni nyon mongs pa yang srab/ sems kyang mnyen zhing rne ba'i phyir/ der skye ba yin zhes bshad do/ gzhan yang bstan bcos bye brag du bshad pa chen po las/ ci'i phyir byang chub sems dpa' dga' ldan gyi lha'i gnas kho nar skye zhe na/ smras pa/ dga' ldan gyi lha'i gnas tshad kho nas byang chub sems dpa' mngon par rdzogs par 'tshang rgyal dang/ 'dzam bu'i gling gi mi rnams sangs rgyas mthong par 'gyur ba'i las yongs su smin pa'i dus kyi cha gcig gi gcig bsdus pas 'di ltar mi yul na lo bya ba phrag lnga bcu rtsa bdun dang/ stong phrag drug cu na 'dul bar byed pa dang/ 'dul bar bya ba'i rtsa ba gdod yongs su smin par 'gyur ba gang yin pa de ni dga' ldan gyi lha'i tshe'i tshang yin pas/ de'i phyir byang chub sems dpa' lha'i gnas de 'ba' zhig tu skye'o/ /gal te lha'i 'og ma dag tu skye bar gyur na tshe'i tshad ni zad la dge ba'i rtsa bar dung?
- 110a
yongs su smin par mi 'gyur ba'i phyir der mi skye'o zhes 'byung ste/ rgya cher de nyid las bstan pa bzhin no/ /gzhan yang de nyid las ci'i phyir lta'i gnas de nyid du mngon par rdzogs par 'tshang mi rgya bar mi'i nang du gshegs she na/ srid pa tha ma'i byang chub sems dpa' ni gdon mi za bar nang la nas skye ba 'dzin? pa yin la/ lha'i 'gro ba dag gcig tu rdzas? te skye ba'i phyir ro/ /gzhan yang lha? dang mi ni chos kyi gnod yin pas gnyi ga bsdu ba'i phyir mi'i nang du gshegs pa yin te/ gal te lha'i nang du skyes par gyur na mis der 'gro bar mi nus pas so/ /gzhan yang lha'i gnas su mngon par rdzogs par sangs rgyas nas mi'i nang du gshegs te/ mi rnam pa gdul bar mdzad pa yang mi rung ste/ de dag 'di snyam du sangs rgyas ni sprul pa yin no/ /zhes chos yang dag par 'dzin par mi 'gyur ba'i phyir ro/ /des na byang chub sems dpa' mi rnams kyi nang na mngon par rdzogs par sangs rgyas pa yin no zhes 'byung ste/ rgya cher de nyid las bstan pa bzhin du rig par bya'o/ /theg pa chen po bsdus pa'i 'grel pa lyang gi che bsgyur ba las/ 'phags pas bcu? pa'i 'grel pa las bshad ba'i rnam grangs mang po 'byung ba ni mangs kyi dogs nas 'dir ma brjod do/ /de la mngal du 'jug pa zhes bya ba ni 'phags pa kun tu khyab par gsal ba'i mdo las/ bcom ldan 'das kyis dge slong rnams la dka' stsal pa/ de'i tshe byang chub sems dpa' lha rnams la chos bshad zin nas lha'i bu rnams ma kye ra? ji lta bu'i gzugs kyi yum gyi lhums su 'jug pa rigs zhes dris pa dang/ de dag la kha cig ni gzhon nu'i gzugs kyis so/ /kha cig ni brgya sbyin dang tshangs pa'i gzugs kyis so/ /kha cig ni bya gseng? 'bab? can gyi gzugs kyi so zhes bya ba'i bar du'o/ /de nas tshangs pa'i mchog tu dar ba zhes bya ba sngon drang srong gi lam nas 'ongs? pa zhig gis lha rnams la smras pa/ bdag gis bram ze'i smrang ba rnams btags pa las/ de'i nang nas byang chub sems dpa' yum gyi lhums su
- 110b
'jug pa ni glang po che'i gzugs mchog go zhes bsngags te/ glang chen de yang dkar zhing so drug dang ldan pa/ mgo shin tu legs pa gzi byin dang ldan pa/ gzugs khyad par du 'phags pa'i zhes bram ze'i smrang las byung ba ni de lta bu zhes gsungs te/ de ci'i phyir zhe na/ 'jig rten na srog chags gsuM pa/ ri bong dang rta dang glang po che yod de/ de la ri bong chu long? las bsgral ba ni bdag gcig pu thar par zad do/ /rta ni dpa' ba' i shugs dang ldan chu'i gting zab pa ma mi zab dpag par mi nus so/ /glang po che ni gting zab tu rtogs pa'i phyir/ nyan thos dang rang sangs rgyas ni ri bong dang rta 'dra ste/ 'khor ba las yang dag par 'das kyang chos kyi rtsa ba nyid mi rtogs so/ /byang chub sems dpa' i theg pa chen po ni dper na glang po che dang 'dra bas khams gsum na rten cing 'brel par 'byung ba'i yan lag bcu gnyis bsgrags nas 'byung ba'i rtsa ba rab tu rtogs par byed pas gang la yang mi skyob pa'am/ phan mi 'dogs pa med pas so/ /mdzod kyi bstan bcos rnying 'gyur las/ de la so drug ni pha rol tu phyin pa drug gi dper bstan pa'o/ /rkang pa bzhi ni rdzu 'phrul gyi rkang pa bzhi'i dper bstan pa'o/ / yan lag bdun ni byang chub kyi yan lag bdun gyi dper bstan pa bzhin no zhes bshad do/ /skyob dpon yang dag bden pa'i 'gral pa las/ byang chub sems dpa' glang po che'i gzugs su ston pa ni don rnam pa gsum gyis te/ lus che ba dang/ so drug dang ldan pa dang/ rkang pa bzhi'i nang nas mchog tu gyur pas so/ /de lus che ba che ba yang mi'i yul na yod pa'i glang po che ni lus kyi tshad dpag tshad gcig go /lha'i ris na yod pa'i glang po che'i lus kyi tshad dpag tshad dgu yod do/ /'dir che ba zhes bya ba ni lha'i ris na yod pa'i glang po che la bya ste/ 'dis ni byang chub sems dpa' bsod nams che bar bstan to/ /de la rkang pa bzhis ni spyod pa bzhi po ye shes dang bden pa dang 'gog pa dang rab tu bden par bstan to/ /so drug gis ni bla na med pa drug po rnyed pa dang/ mthong ba dang/ thos pa dang/ bslab pa
- 111a
dang/ rjes su dran pa dang/ rim gro dag bstan pa'o/ /seng ge ni ri dags kyi rgyal po yin na/ ci'i phyir seng ge'i gzugs su mi ston ce na/ seng ge ni gcig tu grogs med pas 'khor rjes su 'brang ba med pa yin la/ byang chub sems dpa' ni gdon mi za bar 'khor bzhi po dag rjes su 'brang bas so zhes bshad do/ /'phags pa mya ngan las 'das pa'i mdo dang 'bras bu ston pa'i mdo las kyang/ byang chub sems dpa' ni glang po che dkar po la bcibs pa lta bur dmigs nas yum gyi lhums su 'jug go zhes bshad do/ /de la lhums su gnas pa zhes bya ba ni/ 'phags pa dkon mcho brtsegs pa'i mdo'i nang nas lhums su gnas pa'i le'u las/ byang chub sems dpa' lhums su zla ba bcu gnas ba'i gzhal med khang de ni tshangs bas phul ba/ chu mnyam par dpag tshad sum brgya yod pa rnam pa sna tshogs kyis brgyan pa/ 'dod pa'i khams kyi lha'i ris drug yod pa dag gis mthong bar mi nus pa'o/ /bcom ldan 'das kyis kun dga' bo la bka' stsal pa/ byang chub sems dpa' thams cad lhums su 'jug pa na sngar yum gyi lhums kyi g.yas phyogs su gzhal med khang rin po che sna tshogs kyis bkod pa de lta bu yod par 'gyur la/ de'i 'og tu gdod byang chub sems dpa' dga' ldan gyi lha'i gnas kyi gzhal med khang nas lhums su zhugs nas gzhal med khang der skyil mo krungs bcas te 'dug go /'jig rten gyi khams thams cad kyi rgyal po chen po bzhi dang/ gnod sbyin gyi sde dbon chen po bzhi dang/ gnod sbyin gyi sde dpon chen po bzhi nyi shu rtsa brgyad 'khor dang bcas pa rtag tu nad par byang chub sems dpa' la mchod pa byed cing/ chos yang dag par nyan par byed de/ /brgya sbyin lha'i dbang po yang sum cu rtsa gsum gyi lha dag dang rtag par nyi ma gung la byang chub sems dpa' la mchod pa byed cing/ tshangs pa chen po lha'i rgyal po la tshangs ris kyi lha rnams dang rtag par nyi ma gung la byang chub sems dpa' la mchod pa byed cing/
- 111b
chos yang dag par nyan par byed do/ /phyogs bcu thams cad nas byang chub sems dpa' dpag tu med pa mchod pa byed cing chos mnyan pa'i phyir der 'ongs te/ de'i tshe byang chub sems dpa' seng ge'i khri tshad med pa sprul nas byang chub sems dpa' de dag so so nas de'i steng du 'dug ste/ phan tshun dris lan dag gis theg pa chen po bstan cing dri bar byed kyang btsun mo sgyu mas mthong bar mi nus so/ /kun dga' bo byang chub sems dpa' zla ba bcu lhums su gnas pa na yang lha dang mi sa ya sum cu rtsa drug theg pa chen po la dgod par byed do zhes gsungs so/ /de la btsas ba zhes bya ba ni 'phags pa bkod pa chen po'i mdo las/ bltam pa bstan pa'i le'u nas de'i tshe btsun mo sgyu ma byang chub sems dpa' i mthus byang chub sems dpa' ring por mi thogs par bltam par rig nas lum ba'i tshal du zhugs te/ shing rnams kun tu bltas nas rin po che'i shing dA? ksha'i drung du phyin pa dang/ shing la gyen du bltas lag pa g.yas shar phyogs kyi yal ga la 'jus te/ lus brtsigs nas glal btsam gyi sku drang por 'grer ba bzhin du yum gyi mtshan bung g.yas phyogs nas gde bar bltams so/ /de'i ches su la yang mi brten bar shar phyogs su gom pa bdun por ba las/ gom pa por ba'i rjes re re la pad+ma re re skyes te/ de bzhin du lho dang nub dang byang phyogs su yang gom pa bdun bdun bor ba las pad+ma bdun bdun skyes so /'di skad du nga ni 'jig tan mchog tu btsun zhing mchog tu khyad par du 'phags pa yin te/ sems can thams cadkyis bsnyen bkur bya ba yin no zhes bsgrags ba'i tshe/ sgra de stong gsum yi stong chen po'i 'jig rten gyi khams thams cad tu grags par gyur to/ /zhes gsungs so/ /gzhan yang kun tu gsal ba'i mdo las ni brgya byin lha'i dbang po dang/ lha'i rgyal po yang de ma thag tu 'ongs nas spos rnam pa sna tshogs kyi chus byang chub sems dpa' i sku bsil to/ /klu'i rgyal po dgus steng nas spos kyi chu phab nas 'phags pa'i sku bsil to zhes gsungs so/ /'phags pa
- 112a
mya ngan las 'das pa chen po las ni/ bltams ma thag tu sa ya ma rig par brgya byin lha'i dbang pos blangs so/ /klu'i rgyal po dga' bo dang nyer dga' bos chu'i rgyun phab nas sku bsil to/ /lha'i rgyal po nor bu bzang gis rin po che'i gdugs thogs nas zhan 'bring byas so/ /sa'i lta dag gis ni pad+ma sprul nas zhabs nas bteg ste/ phyogs bzhir gom ba bdun bdun gshegs so zhes bshad do/ /'phags pa sangs rgyas phal po che'i mdo las na/ ci'i phyir byang chub sems dpa' gom pa bdun bdun bor zhe na/ rin po che sna bdun rab tu bstan pa'i phyir gom pa bdun bor ro/ /sa'i lha dag gi ni bsam pa yongs su bkad ba'i phyir gom pa bdun bor ro/ /byang chub kyi yan lag bdun gyi mtshan nyid rab tu bstan pa'i phyir gom pa bdun por ro zhes bshad do/ /de la tshar skyes ba zhes bya ba ni 'phaD pa bkod pa chen po'i mngon sa yi ge bstan pa'i le'u las ji skad du/ lo bdun lon nas yi ge bslab pa'i gan du phyin pa dang/ slob dpon gyis bdag nyid byang chub sems dpa' slob dpob du mi sdom pa mthong ngo/ /de nas rgyal bu yi ge rnam ba drug cu rtsa bzhi las yi ge gang zhig bdag la slob par byed ces smras ba dang/ de'i? tshe sngon slob dpon mthos ba thos pas do mtshur tshar? skyes nas/ rgyal bu la bshad par gsol ba btab bo zhes gsungs pa dang/ gzhan yang zhing las byed ba la rtog ba'i le'u las/ byang chub sems dpa' rim gyis cher skyes nas dus gzhan zhig na 'dzam bu'i gling gi shing drung na skyes mo krung bcas te/ bsam gtan zhing snyoms par zhugs ba las shing gzhan rnams kyi grib ma ni nyi ma'i rjes su 'phos so/ /byang chub sems dpa' bzhugs ba'i? shing gi grib ma ni mi bskyod par gnas so zhes gsungs pa dang/ gzhan yang rtsal bstan pa'i le'u la/ de'i tshe rgyal bu shAkya lnga brgya dang/ 'phod sa dang yi ge dang grangs dang/ phan tshun bsnun ba la sogs pa rtsal rnam pa sna tshogs 'gran pa las/ thams cad rgyal bar gyur
- 112b
to zhes gsungs pa lta bu ste/ rgya cher de nyid las gsungs ba bzhin no/ /de la 'dod ba la longs spyod pa zhes bya ba ni 'phags pa bkod pa chen po'i mdo nas rtsal bstan pa'i le'u las ji skad du/ de nas shAkya rnams kyis rgyal po la rgyal du ni tshar? skyes te mtsham? mkhan dag gis gal te rab tu 'byung bar 'gyur na ni gdon mi za bar sangs rgyas su 'grub par 'gyur ro/ /gal te khyim na gnas na ni 'khor los sgyur ba'i rgyal por 'gyur ro/ zhes lung bstan pas btsun mo btsal te mngon par zhen par bgyis? nas? rgyu dang gyen? des rab tu 'byung bar mi 'gyur ro/ /zhes gsol to/ /de'i tshe grong khyer ser skya nyid na blon po lag na dbyig ba thogs pa zhes bya ba zhig gnas pa de la bu mo grags 'dzin mo zhes bya ba mtshan gyis brgyan ba mchog tu byang bzhin bzang ba zhig yod de/ de nas rgyal bu'i yab kyis de rgyal bu'i btsun mor blangs te khab tu bzhes so/ /de'i tshe byang chub sems dpa' yang 'jig rten pa'i chos dang mthun par btsun mo brgyad khri bzhi stong gi nad na bzhugs shing/ 'dod pa la long spyod par bstan te/ grags 'dzin ma ni mchog tu gyur to zhes bstan pa gsungs pa lta bu ste/ rgya cher de nyid las bstan pa bzhin no/ /'phags pa mya ngan las 'das pa chen po bstan pa'i mdo las/ byang chub sems dpa' ni btsun mo drug khri dang lhan cig pho brang na bzhugs te/ 'dod pa'i bde ba la longs spyod par gyur to/ zhes bshad do/ /de la mngon par 'byung ba zhes bya ba ni 'phags pa bkod pa chen po'i mdo las ji skad du/ byang chub sems dpa' grong khyer gyi phyi rol tu byung ste gshegs pa las grong khyer gyi shar phyogs kyi sgor mi rgan po zhig dang phrad pa dang/ lho phyogs kyi skor nad ba dang phrad pa dang/ nub phyogs kyi sgor? shi ba dang/ byang phyogs kyi sgor dge sbyong rdzu 'phrul gyis nam mkha' la 'gro ba dang phrad nas rab tu byung ba'i phan yon gyi yon tan rgya cher bshad pa thos nas/ rab tu 'byung bar gsol pa las rgyal po yab
- 113a
kyis ma gnang ngo zhes gsungs pa dang/ gzhan yang rab tu byung ba'i le'u las/ de'i byang chub sems dpa' la lha rnams kyis nam gyi gung thun las myur du 'byung bar bskul bas/ mos pa can la chibs sga gtod cig ces bsgo ba dang/ mos ba can gyis ched du pho brang gi nang gi mi rnams thos bar bya ba'i phyir skad cher phyung ba las nam mkha' i lha rnams kyi mthus de dag thams cad gnyid log bar gyur te/ gang gi kyang ma tshor ro/ /mos pa can gyis chibs sga gtang nas byang chub sems dpa' ? phul lo/ /der rta'i rgyal po las bcibs nas dang por 'byung ba'i tshe phyogs bcu ras chen po rnam pa drug du rab tu g.yos so/ /nam mkha' la gshegs pa'i tshe rgyal po chen po bzhis ni rta'i rkang pa la btegs ste gshegs so/ /de nas byang chub ses dpa' i yul ni mi shes bya ba nas sngon gyi drang srong rnying pa? rnams dka' thub spyad pa'i tshal yod par byon nas chibs pa la gshegs te mos pa che la spro ba bskyed nas/ khyod kan da ka khrid la slar song zhig ces bsgo ba dang/ de nas mos pa can skad cher phyung steng dus so/ /kan da ka yang mgo smad lags pa gnyis bkug nas sa la btsugs te byang chub sems dpa' i zhabs la lces bldags nas skad phyung nas dus so/ /byang chub sems dpa' gal te skra dang kha sbu ma bregs na ni rab tu byung ba'i chos ma yin no snyam nas/ mos pa can las ral gri rin po che ral gri bzhes te/ nyid kyi dbu sla? bregs so/ /de'i tshe gnas gtsang ma'i lta zhig/ rngon pa gos ngur smrig gyon pa lta bur sprul nas byang chub sems dpa' i spyan sngar 'greng ba dang/ byang chub sems dpa' rin po che'i na bza' ma nabs nas de rnams kyis gos ngur smrig de brjes so/ /de nas byang chub sems dpa' dbu skra bregs chos gos ngur smrigs man bas nas 'di skad du/ bdag dang? gdon yang dag pa'i rab tu byung bar gyur to/ zhes bka' stsal to zhes gsungs pa lta bu ste/ rgya cher de nyid las bstan pa bzhin no/ /de la
- 113b
dka' ba spyad pa kun tu ston pa zhes bya ba ni /'phags pa kun tu gsal ba'i mdo'i nang nas dka' ba spyad pa'i le'u las ji skad du/ lo drug gi bar du dka' thub spyad pa gang yin pa de ni lha 'am mi gang gis kyang spyad par mi nus kyi/ tshe ba cig gis thogs pa'i byang chub sems dpa' 'ba' zhig gis spyod par nus so/ /zhes gsungs pa dang/ gzhan yang 'phags pa shes rab kyi pha rol tu phyin pa'i 'grel pa las/ mu stegs can la sogs pa ni dka' thub la mngon par yid ches shing mngon par zhen pas na gal te bcom ldan 'das kyis lo drug gi bar du dka' thub rnams spyad par ma gyur na gzhan dag mngon par yid ches bar mi 'gyur te/ 'di skad du rgyal bu bde ba la goms pas dka' thub spyod bar mi nus so zhes zer ba dang/ gzhan yang mu stegs can dka' thub la dga' ba kha cig zla ba gsum dang/ lo phyed dang/ lo gcig gi bar du spyod par zad kyi/ gang zag lo drug gi bar du nyi ma gcig la til 'bru cig tsam za zhing dka' thub spyod pa byed pas mu stegs can rnams 'di ni dka' thub spyod pa'i mchog yin no snyam du sems pas/ mngon par yid ches par gyur nas/ yang dag pa'i lam la 'jug par 'gyur bas rgyu dang rkyen des na lo drug gi bar du dka' ba spyad pa yin no zhes bshad ba lta bu'o/ /de la dka' ba spyod pa btang nas mngon par rdzogs par byang chub pa zhes bya ba ni/ 'phags pa mya ngan las 'das pa chen po'i mdo las/ lo drug gi bar du dka' ba spyad kyang/ dka' ba spyad pa des lam rtog par 'gyur bar rig nas de dag spangs te/ chu po naM rang? mnar sku bsil nas ba lar rdzig mo las 'o thug gsol te/ /byang chub kyi shing drung du gshegs nas bdud sdig can btul te/ bla na med pa yang dag bar rdzogs pa'i byang chub mngon par rdzogs par sangs rgyas so zhes dang/ gzhan yang 'phags pa kun tu bsil ba'i mdo las/ khyim bdag gi mu khye'u 'dod pa'i phyir 'o thug gis ri dang shing gi lta dag la mtshan pa byas pa las de bzhin du khye'u btsas par gyur
- 114a
nas rab tu dga' bar gyur nas pa stong bzhos nas gcig nas gcig tu brgyud de blud de nas tha ma'i 'og ma bska ba las thug pa bcos pa las zangs kyi kha nas 'dom do ltag tsam du 'phags pa dang/ bu mo de yang la mtshan du bzang ngo/ /bram ze zhig der 'ongs nas bu mo de la 'o thug de ni so so skye bos btud bar bya ba ma yin gyi/ gang de nyid du mngon par 'tshang rgya ba nges 'o thug 'di bzhu bar nus so zhes smras so/ /bu mo des khyer nas drang srong byang chub sems dpa' la phul ba dang/ de gsol ma thag tu mngon par rdzogs par sangs rgyas zhes gsungs pa lta bu'o/ /gzhan yang bstan bcos bye brag tu bshad pa chen po las das mu stegs can gyi dka' ba spyod ma nus pa'i spangs pa ma yin gyi/ dka' ba spyod pa de dag las rtags na mthar nyon mongs pa rnams spangs nas yang dag ba'i phan yon thob par mi nus pa'i phyir/ nges spangs nas yang de kho na nyid kyi dbu ma'i spyod pa gya nom pa spyad pas bla na med pa'i byang chub thob nas sems can 'khor ba'i sdug bsngal shin tu mi bzang ba las brangs pa yin no zhes bstan pa lta bu'o/ /de la chos kyi 'khor lo bskor ba zhes bya ba ni sngar gong du bstan pa las 'byung ba bzhin du rig par bya'o/ /de la yongs su myur na las 'das pa zhes bya pa ni bstan bcos bye brag tu bshad pa chen po las/ mdo las ji skad du/ bcom ldan 'das grong khyer rtswa can kyang kyi shing sA la zung cig gi drung du mya ngan las 'das so/ /zhes gsungs pa de la/ bcom ldan 'das ci'i phyir grong khyer rtswa can du yongs su mya ngan las 'das she na/ smras pa/ grong khyer rtswa can na gnas pa'i gyang rnams gdul bar bzhed pa'i phyir dang/ gzhan yang mu stegs can su b+ha dra bsdu zhing 'dul bar bzhed pa'i phyir ro/ /kha cig na re gnas der bcom ldan 'das yang nas yang du sku lus btang ba'i phyir te/ mdo las ji skad du/ bcom ldan 'das kyis kun dga' bo la bka' stsal ba/ de bzhin gshegs pa ni
- 114b
gnas 'dir lan drug 'khor lo sgyur ba'i lus btang ngo/ /'ding bdun pa la ni de bzhin gshegs pa'i mngon par rdzogs par sangs rgyas pa'i sku yongs su btang ba yin no zhes bya ba nas rgya cher bshad pa'i bar du'o/ /gzhan yang de las bcom ldan 'das kyis kun dga' bo la bka' stsal pa/ khyed shing sA la zung cig gi drung du song la de bzhin gshegs pa'i phyir khri gshoms la sngas byang phyogs su ston cig/ de bzhin gshegs pa ni dang gi nam gyi gung thun la lhag ma med pa'i dbyings su yongs su mya ngan las 'da' o zhes bya ba nas rgya cher bshad pa'i bar du'o/ /bcom ldan 'das ci'i phyir khri stan bting la sngas byang phyogs su ston cig ces bka' stsal ce na/ yul de'i smra ba'i slob dpon rnams chos de yin par bstan pa'i phyir te/ 'di ltar yul de smra ba'i slob dpon sngas byang phyogs bstan ba'i khri stan bshams nas nyal bar byed pas bcom ldan 'das kyang de bzhin te/ 'di ltar bcom ldan 'das ni ston pa rnams gdul bar spyod pa'i phyir dang/ bla na med pa'i ston pa mchog yin pa'i phyir 'dir bdag gis rjes su gdan shoms shig ces gsungs pa yin zhe'o/ /kha cig na re 'jig rten pa'i yang dag pa ma yin pa la bkris kyi dngos po 'dzin pa dang bral ba yin par rab tu bstan par bzhed pa'i phyir te/ 'di ltar yul de na gang shi ba de dag khri'i steng du bzhag nas mgo byang du bstan nas nyal bar byed pas bcom ldan 'das ni yang dag pa ma yin pa la bkris kyi dngos por 'dzin pa shig par mdzad pas/ de'i phyir mya ngan las 'das par sngas byang du shoms shig ces gsungs pa yin no/ /zhes zer ro/ /kha cig na re bcom ldan 'das chos yang dag pa la shin tu bkur bar yang dag par bstan pa'i phyir te/ 'di ltar bcom ldan 'das kyis snga nas mya ngan las 'das pa'i 'og tu bla na med pa'i chos kyi sgron ma byang phyogs su rab tu dar zhing yun ring du gnas par thugs su chud pa'i phyir dbu byang du bstan nas gzims pa yin no zhes bya ba nas rgya cher bshad pa'i
- 115a
bar du'o/ /gzhan yang de nyid las 'di skad du/ de nas bcom ldan 'das gdan bshams pa logs su gshegs te rtsibs logs g.yas pas la phan nas zhabs gzhibs te/ dbu byang du bstan nas snang ba'i 'du shes dran pa dang yang dag pa'i mkhyen ba dang ldan par gzigs so zhes bya ba nas rgya cher bshad pa'i bar du'o/ /ci'i phyir bcom ldan 'das blo g.yas pa phabs te gzims she na/ smras pa/ sangs rgyas rnams ri dags kyi rgyal ba seng ge dang 'dra bar gzims par rab tu bstan ba'i phyir te/ mdo las ji skad du/ nyal ba ni rnam pa bzhi po 'di lta ste/ ri dags kyi rgyal po seng ge nyal ba dang/ lha'i nyal ba dang/ yi dags kyi nyal pa dang/ 'dod pa la zhen pa'i nyal pa'o/ /de la seng ge'i nyal pa ni glo g.yas par nyal bar byed do/ /lta ni gan rgyal du nyal bar byed do/ /yi dags ni kha sbub du nyal bar byed do/ /'dod pa la zhen pa ni glo g.yon pas la phab nas nyal par byed do/ /bcom ldan 'das ni bla na med pa'i seng ge yin pa'i phyir glo g.yas pas gzims so/ /bcom ldan 'das ci'i phyir gzims nas yongs su mya ngan las 'das par mdzad kyi bzhugs nas ni ma yin zhe na/ smras pa/ bcom ldan 'das rgyu spangs pa yin par rab tu spangs par bzhed pa'i phyir te/ gal te bcom ldan 'das bzhugs nas yongs su mya ngan las bar gyur na/ ma dad bdag 'di skad du 'ong rgyu byed pa yin te/ shi ba'i rol rtsog gung 'dug pa gal yod ces zer bas so/ /kha cig na re ma 'ongs pa na 'phags pa rnams la skur ba 'debs ba dgag pa'i phyir te/ gal te zhugs nas yongs su mya ngan las 'das par gyur na/ da ltar gyi dgra bcom pa lus kyi nyams stobs chung ba nyal nas yongs su mya ngan las 'das pa dag la 'jig rten pa dag dgra bcom pa ma yin no zhes skur bar 'gyur te/ gal te dgra bcom pa yin na ci'i phyir bcom ldan 'das dang 'dra bar ci'i phyir 'dug bzhin du yongs su mya ngan las ma 'das zhes zer
- 115b
pas so/ /bcom ldan 'das ci'i phyir nam gyi gung thun cha las yongs su mya ngan las 'das she na/ slas? pa/ dus de'i tshe mchog tu dben par gyur pa'i phyir te/ di ltar yul de na tsha ba'i dus su las byed mi nus pas phal cher nam gyi cha stong la las rnams byed de/ nam gyi gung thun kho na la thams cad dben pa dang/ de bzhin gshegs pa yang rtag par dben pa la dgyes shing/ dben pa'i bsngags pa brjod pa'i phyir nam gyi gung thun la mya ngan las 'das so zhes zer ro/ kha cig na re bcom ldan 'das dus gcig na dbu ma'i spyod pa la dgyes pa'i phyir te/ 'di ltar bcom ldan 'das sngon byang chub sems dpa' mdzad pa na lhar skye pa'i nad na tha ma kho nar dga' ldan gyi lta'i gnas pa bar mang skyes pa dang/ mir skye ba'i nad na tha ma yul gyi dbus grong khyer ser skyar skyes te/ nam gyi gung thun la mngon bar byung? nas dbu ma'i sbyor ba bsgoms pas bla na med pa'i byang chub brnyes nas sems can la pha gdags pa'i ched du yod pa dang/ med pa dang bral ba nyid du gsungs shing/ dbu ma'i chos dam pa las gnas pas na/ nam gyi gung thun la yongs su mya ngan las 'das pa yin no zhes bya ba nas rgya ched bshad pa'i bar du'o zhes zer te zhes 'byung blta bu yin no/ /'phags pa sangs rgyas phal bo che'i mdo las ni/ don rnam pa bcu'i phyir/ yongs su mya ngan las 'das pa bstan pa yin no zhes bshad de/ 'di lta ste/ 'du byed thams cad mi rtag pa nyid du bstan pa'i phyir dang/ 'dus rgyas thams cad bde pa ma yin pa nyid du bstan pa'i phyir dang/ mya ngan las 'das pa mchog tu bde ba nyid du bstan pa'i phyir dang/ 'jig rten pa thams cad yongs su spangs pa'i phyir dang/ lha dang mi rnams ni gzugs kyi lus la mngon par zhen pas na gzugs lus mi rtag cing 'jig pa'i chos can nyid du bstan cing rtag bar gnas pa'i rnam par dag pa'i chos kyi sku gnyer du bzhugs pa'i phyir dang/ mi rtag pa'i mthu stobs che zhing bsgyur du mi rung ba nyid du bstan pa'i phyir dang/ 'dus byas kyi chos ji ltar
- 116a
'dod pa bzhin du mi 'gyur zhing rang dbang med pa nyid du bstan pa'i phyir dang/ khams gsum gyi chos rnams ni som btang pa'i snod nyid du bstan pa'i phyir dang/ yongs su mya ngan las 'das pa ni de kho na nyid mchog yin te/ 'jig pa med pa nyid du bstan pa'i phyir dang/ skye she yongs su spangs pas byung nas zhig pa nyid du bstan pa'i phyir te/ dngos po rnams 'di bcus yongs su mya ngan las 'das pa bstan pa yin no zhes gsungs so/ /'phags pas bcu ba'i 'grel pa las ni/ ci'i phyir yongs su mya ngan las 'das pa chen po ston par mdzad ce na/ sems can le lo can brtson ba'i sems kyis lam bsgom du gzhug pa'i phyir ro zhes bshad do/ /'phags bshes rab kyi pha rol tu phyin ba'i mdo las ni/ gzhan yang lha dang mi kha cig yongs su rdzogs pa'i rab tu dben ba thos bar mos pas na byang chub sems dpa' de dag gi ched du yongs su mya ngan las 'das pa bstan to zhes gsungs so/ /de yan chad du de bzhir gshegs pas sbrul pa ston ba'i mtshan nyid mdo tsam du bstan te/ rgya cher de rnam par dbye ba ni 'phags pa rgya cher rnam par rol ba'i mdo dang/ kun tu gsal ba'i mdo dang/ rgyu dang 'bras bu bstan pa'i mdo dang/ sangs rgyas phal po che'i mdo dang/ bkod pa chen pa'i mdo la sogs pa las bstan ba bzhin rig par bya'o/ /zhes bya ba ni gnyis pa de bzhin gshegs pas sprul pa'i sku bston pa'i thabs la mkhas pa bshad pa'am mjug bsdu ba'i phyir gsungs pa'o/ /bam po drug cu brgyad pa/ byang chub sems dpa' 'jam dpal gyis yang bcom ldan 'das la 'di skad ces gsol to/ /bcom ldan 'das de bzhin gshegs pa'i thams cad sku byin gyis brlab ba'i gsung khyad bar bu zhig mchis na/ gsung des 'dul ba'i sems can yongs su ma smin pa ni yongs su smin par mdzad la/ yongs su smin pa ni de dmigs pa de nyid kyis myur du rnam par grol bar thob par
- 116b
bgyid ba lags zhes bya ba 'di man chad mi gsum pa gsung gi bye phrag gi mtshan nyid bsten pa zhes ston to/ /'di yang rnam pa bzhir dbye ste/ zhu ba mdor gsol ba dang/ lan ma dor gsungs pa dang brtag pa dang/ rgya cher rnam par bshad pa'o/ /'di ni dang po zhu ba mdor gsol ba ste/ gsung gi bye brag gi mtshan nyid bstan pa'i mdo'i tshig 'di yang rnam pa gsum du dbye'o/ /de yang 'jam dpal zhes bya ba la sogs pa ni zhu ba gsol ba'i gleng bslang ba'o/ /rnam pa du zhig mchis na zhes bya ba la sogs pas ni rnam pa'i grangs mang nyung zhus pa'o/ /gsung nges zhes bya ba la sogs pas ni gsung gi nus pa'i phan yon bstan pa'o/ /zhu ba gsol ba'i dgongs pa ni 'di skad du de bzhin gshegs pa thams cad la sku la brten nas bskyed pa byin gyis brlabs pa'i 'phags pa'i bsten pa rnams du zhig mchis na gsung des yongs su smin pa ni yongs su smin bar mdzad la/ gang yongs su ma smin pa ni rnam par grol bar mdzad ces bstan par 'gyur ro/ /bstan bcos chos mngon ba kun las btus pa las kyang/ don gyi mdo 'di las gsungs pa dang mthun par ston to/ /bstan bcos yang dag pa'i rig pa dang/ rjes su mthun pa las ni/ tshig yongs su rdzogs pas gsung gi bye brag rnam pa gsum ston te/ de'i phyir bstan bcos de nyid las sde snod gsum po de dag gis bye brag gang zhe na/ dge ba'i rtsa ba ma bskyed pa dang/ don dam pa la spro ba med pa rnams spro bar bya ba'i phyir ni mdo sde gsungs pa yin no/ /gang spro ba skyed pa dang spro bar 'gyur ba dag yongs su smin cing rgyun chad pa med par bya ba rnams med par bya ba'i phyir ni 'dul ba'i gsungs pa yin no/ /yongs su smin cing bya ba byas pa'i rnams rnam par grol ba'i yang dag pa'i sbyor ba khong du chud par bya ba'i phyir ni chos mngon pa gsungs pa yin zhes 'byung ngo/ /'phags pa sangs rgyas pa'i mdo las ni/ bya ba sgrub pa'i ye shes la tshigs gsum yod par ston te/ 'phags pa'i bstan pa la gzung ba dang/
- 117a
yongs su smin pa dang/ rnam par dgrol bar mdzad pa ste/ de'i phyir mdo de nyid las/ bya ba sgrub pa'i ye shes thabs la mkhas pa nges kyang 'phags pa'i bstan pa la gzung par mdzad/ yongs su smin par mdzad do zhes gsungs ba yin no/ /slob dpon nye ba'i 'od kyi 'grel pa las ni/ rnam grangs 'dis mdo'i tshig/ /gsum bshad de/ de la dang po ni thog ma kho nang yid ches bskyed par byed pa'i phyir sems can rnams 'phags pa'i bstan pa la 'jug par mdzad pa zhes bya ste/ ji ltar rdzu 'phrul mngon par bstan nas 'od srungs la sogs pas btul ba lta bu ste/ 'phags pa sangs rgyas kyi sngon gyi spyod ba bstan pa'i mdo las ji skad du bstan pa bzhin no/ /de'i 'og tu dul zhing las su rung ba'i phyir yongs su smin pa zhes bya'o/ /dge ba'i rtsa ba rnams 'phel zhing rnam bar bya ba'i phyir rnam par grol ba dang cha mthun pa'i dge ba'i rtsa ba dang/ nges par 'gyed pa dang cha mthun pa'i dge ba'i rtsa ba dang/ khams gsum pa dang/ ngan 'gro las rigs dang ldan pa dang/ rigs med pa dag go ris bzhin du rnam par grol par mdzad pa'i phyir rnam par grol ba mdzad pa zhes bya'o/ /'di ltar bstan pas pad+ma? ba'i stobs kyi rigs dang ldan pa gang yin pa de dag ni 'phags pa'i sa lam skyes par khams gsum pa las rnam par grol bar mdzad la/ rigs med pa gang yin bdag ni 'jig rten pa'i dge ba sgrub tu bcug pas rtag par bde 'gror skye bar mdzad de/ dge ba'i rtsa ba de dag gi phyir chos yang dag par bstan pas ni khams gsum las rnam par grol bar mdzod do/ /'od zer bkye nas sdug bsngal nye bar zhi bar mdzad pas ni bde 'gro la 'jog par mdzad do/ /gzhan yang de dag thos pa dang bsam pa dang bsgom pa'i shes rab skyed par mdzad pas go rim bzhin du tshig gsum gsungs so/ gzhan yang rnam par grol ba dang cha mthun pa dang nges par 'byed pa dang/ cha mthun pa dad/ 'phags pa'i lam skye par
- 117b
mdzad pas go rim bzhin du tshig gsum gsungs so/ /gzhan yang de dag mthong ba'i lam dang/ bsgom pa'i lam dang/ mi slob pa'i lam la gzung pa'i phyir go rim bzhin du tshig gsum gsungs so zhes 'byung ngo/ /bstan bcos mngon pa kun las btus pa dang/ rnam par bshad pa dang/ mdo sde'i rgyan dang/ theg pa chen po bsdus pa'i 'grel pa lyang gi tshe bsgyur ba dang/ rnal 'byor spyod pa'i sa las rnam par sna tshogs su bshad ba 'byung ba ni ma nges kyi dogs nas 'dir ma brjod do/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu de bzhin gshegs pa'i gsung ni mdor bsdus na rnam pa gsum yod de/ mdo sde dang/ 'dul ba dang/ ma mo'i zhes bya bas ni de bzhin gshegs pas lan 'dor gsungs bston to/ /mdo'i tshig 'di yang rnam pa gsum du dbye ste/ rigs kyi bu zhes bya ba la sogs pas ni grangs smos pa'o/ /mdo sde zhes bya ba la sogs pas ni grangs smos pa bzhin du ming smos pa'o/ /de la mdo sde zhes bya ba ni 'di ltar rig pa dang mthun zhing sems can gyi dbang po dang 'tsham par gyur pa'i phyir mdo sde zhes bya'o// mdo zhes bya ba'i don de yang bstan pa rnams las so so nas mi mthun pas 'phags pa sangs rgyas kyi sa'i 'grel pa las/ don rnam pa gnyis kyis mdo sde zhes bshad de/ de'i phyir mdo de nyid las brgyus pa sdud par byed pa'i phyir mdo zhes bya ste/ 'di ltar 'phags pa'i gsung rab kyis bshad par bya ba'i don dang/ gdul bar bya ba'i sems can brgyus shing sdud par byed pa'i phyir ro zhes 'byung ste/ 'dul ba dum bu bzhi pa las kyang/ 'phags pa sangs rgyas sa'i 'grel pa las bstan pa dang mthun par bshad// bstan bcos sems sna tshogs kun las btus pa las ni don rnam pa lngas ston te/ de'i phyir de nyid las mdo sde zhes bya ba ni don rnam pa lnga dang ldan te/ dang po ni 'byung gnas de don rnams 'byung bar byed pa'i phyir ro/ /gnyis pa ni chu mig lta bu ste don gyi rol zad
- 118a
pa med pa'i phyir ro/ /gsum pa ni rab tu bstan pa ste don rab tu ston pa'i phyir ro/ /bzhi pa ni thig lta bu ste log par yang dag par rab tu 'byed pa'i phyir ro/ /lnga ba ni phreng ba brgyud pa lta bu ste chos rnams rab tu brgyud pa'i phyir ro/ /don rnam pa snga? bor 'di dag ni mdo'i don ces bya'o/ /zhes 'byung ngo/ /bstan bcos legs par mthong ba las ni/ don rnam pa bdun gyis ston te/ rgya cher de nyid las bstan pa bzhin no/ /theg pa chen po bsdus pa'i 'grel pa slob dpon dbyig gnyen gyis mdzad pa dang/ lyang gi tshe bsgyur ba las/ sde snod gsum po dag re re la yang bshad pa mang po 'byung ba ni 'dir mangs kyi dogs nas ma bshad do/ /de la 'dul ba zhes bya ba ni 'di ltar rnam par dag pa'i sdom pa dag gis nyes pa rnam pa bdun 'dul bar byed pa'am/ dbang po drug 'dul bar byed pa'i phyir 'dul ba zhes bya ste/ de'i phyir bstan bcos legs par mthong ba las/ lus dang ngag gi las 'dul bar byed pa gang yin pa de ni 'dul pa'i don du zhes bstan pa dang/ gzhan yang mdzod kyi bstan bcos las/ de la 'dul ba zhes bya ba ni don gyi 'dul ba bstan pa yin te/ 'di'i dbang gis dbang po rnams shin tu 'dul bar 'gyur ba'i phyir ro zhes bstan pa yin no bstan bcos gzhung rab tu bstan pa dang/ yang dag pa'i rig pa dang rjes su mthun pa las kyang phal cher mdzod? kyi bstan bcos las bshad pa dang mthun par bshad do/ /'dul ba ni 'di la'ang ming gi don mang po yod pas so/ /de'i phyir bstan bcos bye brag tu bshad pa chen po las/ mdo las tshul khrims la shI la/ spyod pa dang/ rkang pa dang/ gzeb ces dang/ bya zhes gang gsungs pa de la/ shI la zhes bya ba ni bsil bar byed pa'i don yin te/ 'di ltar nyes pa dag gis lus dang sems kun tu gdung bar byed pa yin la/ tshul khrims kyis ni bde zhing zhi bar byed pa'i phyir bsil byed ces ba'o/ /gzhan yang nyes pa dag gis ngan 'gro'i shin tu
- 118b
gdungs pa 'dren par byed pa yin la/ tshul khrims kyis ni bde 'gro 'dren pa'i phyir bsil bar byed ces bya'o/ /de la tshul khrims la spyod pa zhes bya ba ni 'di ltar 'jig rten tshul khrims spyod pa zhes brjod pas na de'i phyir tshul khrims dang ldan pa mthong na/ 'di ni spyod pa dang ldan pa'o/ /zhes zer la/ tshul khrims zhig pa dag mthong na 'di ni spyod pa med pas so zhes zer bas so/ /gzhan yang tshul khrims yongs su dag pa dang ldan pa gang yin pa de ni spyod pa mang po'i gzhi yin pas mya ngan las 'das par byed pa'i phyir spyod pa zhes bya'o/ /de la tshul khrims la rkang pa zhes bya ba ni bde 'gror 'gro zhing mya ngan las 'das par phyin par byed pa'i phyir ji ltar rkang pa dang ldan pa dag yang ba spangs nas gnas par 'gyur zhing phyin par 'gyur pa bzhin du/ tshul khrims yongs su dag pa dang ldan pa yang ngan 'gro las yang dag par 'das nas lha dang mi'i gnas su skye bar 'gyur bas so/ /yang na 'khor ba las yang dag par 'das nas/ mya ngag las 'das pa'i 'gram du phyin par byed pa'i phyir rkang pa zhes bya'o/ /de la tshul khrims la gzeb ces bya ba ni yon tan gyi chos thams cad yongs su 'dzin par byed pa'i phyir te/ 'di ltar tshul khrims dang ldan pas yon tan yongs su ldan cing mi nyams pa dang/ stong par mi 'gyur par byed pa'i dper na gzeb kyis rin po che yongs su 'dzin par byed pa dang mtshungs pas so/ /btsun pa rab dbyangs na re/ tshul khrims ni 'jig par mi 'gyur ba zhes bya ste/ de ci'i phyir zhe na/ 'di ltar rkang pa nyams pa med pas rang dbang kho nar bde ba'i gnas su 'gro ba bzhin du/ tshul khrims yongs su dag pa dang ldan pa 'ang de bzhin du mya ngan las 'das par 'gro ba'i phyir ro zhes 'byung ste/ rgya cher de nyid las bstan pa bzhin du rig par bya'o/ /gzhan yang mdzod kyi bstan bcos las/ so sor thar pa'i sdom pa'i ming gi bye brag tu gyur pa ni 'di lta ste/ nyam da'i las rnams mnyam pa nyid du
- 119a
dbye ba'i phyir shI la zhes bya ba'o/ mkhas pa rnams kyis bsngags pa'i phyir spyod pa mchog ces bya'o/ /rang gi ngo bo nyid byed pa'i phyir las zhes bya'o/ /lus dang ngag bsrung pa'i phyir sdom pa zhes bya'o zhes 'byung ste/ bstan bcos gzhung rab tu bstan pa dang/ yang dag pa'i rigs pa las mdzod kyi bstan bcos las bshad pa dang mthun par ston to/ /bstan gcos rnal 'byor spyod pa'i sa las/ /de la tshul khrims ni 'di lta ste/ 'chal pa'i tshul khrims kyi kha na ma tho bas kun tu gdugs pa nye bar zhi ba'i phyir dang/ gzhan yang rnam par dag pa'i don dang ldan pa'i phyir ro/ /sdom pa zhes bya ba ni 'di lta ste/ spong ba'i rang bzhin gyi mtshan nyid yin pa'i phyir ro zhes bshad do/ /gzhan yang bstan bcos theg pa chen po bsdus pa las/ nyes pa rnams zhi bar byed pas 'dul pa zhes bshad do/ /de ltar mi mthun pa'i ming mang po yod kyang de dag thams cad ni 'dul ba'i bye brag gi ming yin no/ /de lam mo zhes pa ni chos thams cad kyi rtsa ba bskyed ba dang/ rab tu ston par byed pa'i phyir ma mo zhes bya ste/ de'i phyir bstan bcos yang dag pa'i rigs pa dang/ rjes su mthun pa las/ gtan la phab bar bstan pa la yang ma mo zhes bya ba ste/ mdo sde gzhan dag gi don rnam par bshad pa ni 'dis ma mo phyed ba'i phyir ro zhes bshad do/ /dper na yi ge'i ma mos yi ge rnams skyes par byed pa bzhin no/ /shes pa thams cad skyed par byed pa'i phyir yang ma mo zhes bya ste/ de'i phyir bstan bcos chos rnal 'byor spyod pa'i sa las/ mdo sde rab tu rnam par dbye ba'i phyir mdo sde bzhi po 'di dag las lhag par bshad pa gang yin pa de las brtsams te/ mdo sde'i ma mo de bzhin gshegs pas bsdus shing de bzhin gshegs pas bstan la bsngags shing brjod pa'i gtsug lag bstan par bya ste /dper na ma mo byed pa'i yi ge rnams gsal ba ma yin pa de bzhin du/ ma mo yongs su ma zin pa'i mdo
- 119b
sde rnams ni don mi gsal ba yin no/ /de las bzlog pa ni don gsal ba yin te/ de bas na ma mo zhes bya'o zhes 'byung ngo/ /gzhan yang bstan bcos rnam par bshad pa las gtan la phab par gtan pa ni 'di lta ste/ mdo sde rnams las ma mo bsdu bar bya ba gang yin pa rnams te/ re zhig dper nges pa'i don gyi mdo sde gang yin pa de dag ni ma mo zhes bya'o/ /'di lta ste/ de bzhin gshegs pa nyid kyi chos rnams kyi ngo bo nyid kyi mtshan nyid rgya cher rnam par phye ba gang yin pa rnams dang/ gzhan yang slob pa rnams las gang gis 'phags pa/ gnas mthong ba dag gis rang gi rigs la brten nas phyin ci ma log par chos rnams kyi ngo bo nyid kyi mtshan nyid ston par byed pa de dag la'ang ma mo zhes bya'o/ /ma mo de nyid la tshos mngon pa zhes bya ste/ dper na 'jig rten pa'i yi ge dang rtsis dang/ /gtsug lag thams cad la ma mo yod pa ltar /mdo dag las chos kyi mtshan nyid gtan la 'bebs pa'i brjod pa rnams la yang de bzhin du rig bar bya'o/ /gzhan yang dper na 'jig rten na gal te yi ge rnams lam mo med na yi ge rnams gsal bar mi 'gyur te/ de bzhin du gsung rab yan lag bcu gnyis la'ang/ gal te chos rnams kyi ngo bo nyid kyi mtshan nyid rnam par bzhag pa med na ni chos rnams gsal par mi 'gyur la/ gal te rnam par bzhag na chos rnams kyi mtshan nyid gsal bar 'gyur bas so/ /gzhan yang chos 'dres pa med pa'i mtshan nyid rab tu ston pa'i phyir/ ma mo de nyid la chos mngon pa zhes kyang bya'o/ /ma mo 'di las gzhan pa mdo sde rnams kyi don ston pa gang yin pa de dag ni gtan la phab par bstan pa zhes bya'o zhes 'byung ngo/ /mdo sde'i ma mo dang/ 'dul ba'i ma mo dang/ chos kyi mchon nyid kyi ma mo gsum po dag gis bye brag ni bstan bcos rnal 'byor spyod pa'i sa las zhib du bstan pa bzhin du rig par bya'o/ /ma mo de dag la yang ming mang du yod pas theg pa chen po bsus pa'i 'grel bslob dpon dbyig gnyen gyis mdzad pa las/ chos mngon pa
- 120a
ni mngon du gyur pa'i chos zhes kyang bya ste/ chos 'dis mi gnas pa'i mya ngan las 'das pa mngon par byed cing/ bden pa dang/ byang chub kyi phyogs kyi chos dang/ rnam par thar pa'i sgo la sogs pa ston pa'i phyir ro/ /rgyun mi 'chad pa'i zhes kyang bya ste/ chos re re la'ang rgyun 'chad pa med par yang/ yang nas yang du nges pa'i tshig dang /rang gi mtshan nyid dang/ spyi'i mtshan nyid la sogs pa dpag tu med pa'i bye brag ston pa'i phyir ro/ /zil gyis gnon pa'i chos zhes kyang bya ste/ smra ba phun sum tshogs ba dang ldan pa 'dis gzhan dag gis smra ba la mchog tu gyur pa'i phyir ro/ /rtogs pa'i chos zhes kyang bya ste/ 'di'i dbang gi mdo'i don rtog par 'gyur ba'i phyir ro zhes 'byung ngo/ /lyang gi tshe bsgyur ba 'grel pa las kyang de skad bstan to/ /bcom ldan 'das mdo sde ni gang lags 'dul ba ni gang lags/ mngon pa ni gang lags zhes bya ba ni gsum pa gsum po dag gi mtshan nyid gang yin pa bstan pa'o/ /'jam dpal gang du ngas bsdu pa'i dngos po'i dbang du byas nas chos bstan pa de ni mdo sde zhes bya'o/ /zhes bya ba 'di man chad ni bzhi pa bdag gi mtshan nyid rgya cher rnam par bshad pa ston to/ /'di yang rnam pa gnyis te/ gsum po dag gi mtshan nyid rgya cher rnam par bshad pa dang/ byang chub sems dpa' 'jam dpal gyis kyang zhes bya ba nas thun mong ba'i gzugs zhes bya'i bar dag gis sde snod gsum po dag gi thun mong ma yin pa gzugs pa'o/ /dang po yang rnam pa gsum du dbye ste/ mdo sde rnam par bshad pa dang 'dul ba bshad pa dang/ ma mo rnam par bshad pa'o/ /'di ni dang po mdo sde rnam par bshad pa ste/ 'di yang rnam pa gsum du dbye ste/ 'di lta ste/ mtshan nyid mdor smos pa dang/ sgo rnam pa gsum du rab tu dbye ba dang/ go rim bzhin du rnam par phye ste bshad pa'o/ /'di ni dang po mdo sde'i mtshan nyid smos pa'o/ /de la gang du zhes bya ba ni mdo sde nyid gnas su bstan pa'o/ /de la
- 120b
yang zhes bya ba ni gshegs nyid de/ phung po lnga la btags pa tsam gang yin pa'o/ /dngos po ni ngo bo nyid kyi dngos po nyid de bsdu ba'i dngos po bzhi la sogs pa'o/ /'di ltar mdo ni dngos po rnams bsdus pa dag gi chos rnams rtog pas na de'i phyir bcom ldan 'das kyi ngas bsdu ba'i dngos po'i dbang du byas nas chos rnams bsten pa de ni mdo zhes bya'o zhes gsungs pa yin no/ /'di lta ste/ dngos po bzhi'i dbang du byas pa'am/ dngos po dgu'i dbang du byas pa'am/ dngos po nyi shu rtsa dgu'i dbang du byas pa gang yin pa'o zhes bya ba ni gnyis pa sgo rnam pa gsum du rab tu dbye ba'o/ /'di ltar sdu ba'i dngos po ni rnam pa gsum yod do/ /dngos po bzhi dang/ dngos po dgu dang/ dngos po nyi shu rtsa dgu gang yin pa'o/ /dngos po bzhi gang zhe na zhes bya ba la sogs pas ni gsum pa go rim bzhin du rnam par phye ste bshad pa ston to/ /'di'ang dngos po gsum rnam par bshad pa nyid las rnam pa gsum du dbye ste/ 'di ni dang po'i dngos po bzhi rnam par bshad pa'o/ /'di yang zhu ba gsol pa dang lan du gsungs pa bstan te/ 'di ni zhu ba gsol ba'o// thos pa'i dngos po dang/ skyabs su 'gro ba'i dngos po dang/ bslab par bya ba'i dngos po dang/ byang chub kyi dngos po'o zhes bya ba ni gnyis pa lan gsungs pa'o/ /dngos po 'di bzhi rnam par bshad pa bsdus pa dang/ rgyas par rnam par dbye ba ni bstan bcos rnam par bshad pa las ji skad bstan pa bzhin du rig par bya'o/ /de la gsum ste bstan pa ni bstan bcos de nyid kyi tshig le'ur byas pa la ji skad du gsung rab yan lag bcu gnyis po dag ni sde snod gsum dang ldan te/ dam pa mchog gsum la ni skyabs su 'gro ba dang/ /bslab pa gsum po dag dang byang chub gsum/ /sems can rnam dag thob bya'i phyir ni gsungs/ /zhes bstan pa lta bu'o/ /'di nyid kyi 'grel pa las/ de la thob pa zhes bya ba ni gsung rab yan lag bcu gnyis thob pa gang yin pa'o/ /gsung
- 121a
rab yan lag bcu gnyis po dag ni sde snod gsum dang ldan te/ de la mdo dang dbyangs kyis bsnyad pa dang/ lung du bstan pa dang/ tshigs su bcad pa dang/ ched du brjod pa dang/ rtogs pa brjod pa dang/ de lta bu 'byung ba dang/ skyes pa'i rabs dang/ shin tu rgyas pa dang/ rmad du byung ba'i sde gang yin pa de dag ni mdo sde'i sde snod do/ /de la gleng gzhi'i sde gang yin pa de ni 'dul ba'i sde snod nyid do/ /de la gtan la phab bar bstan pa'i sde gang yin pa de ni chos mngon pa'i sde snod nyid do/ /zhes 'byung ste/ gsung rab yan lag bcu gnyis ni zhib du de las bstan pa bzhin du rig par bya'o/ /gzhan yang de nyid las/ dam pa mchog gsum la ni skyabs su 'gro ba dang zhes bya ba ni 'di lta ste/ sangs rgyas dang chos dang dge 'dun rnams la skyabs su 'gro ba'o/ /bslab ba gsum zhes bya ba ni 'di lta ste/ tshul khrims dang/ ting nge 'dzin dang/ shes rab kyi bslab pa rnam pa gsum po dag go/ byang chub ces bya ba ni 'di lta ste/ theg pa gsum gyi byang chub dag go/ sems can rnams rnam dag thob bya'i phyir ni gsungs zhes bya ba ni sems can rnams rnam par dag pa thob par bya ba'i phyir go rim bzhin du chos rnams la gsum gsungs pa yin te/ 'dzin par byed pa dang/ thabs dang 'bras bu'o/ /de la 'dzin par byed pa ni 'di lta ste/ thos pa dang/ skabs su 'gro ba'o/ /thabs ni 'di lta ste/ bslab pa gsum dag go/ 'bras bu ni 'di lta ste/ byang chub rnam pa gsum po dag go zhes bshad do/ /de rgyas par bstan pa ni/ bstan bcos de nyid las/ dngos po bzhi ji ltar rgya cher bstan pa nyid yin te/ mongs? kyi dogs nas 'dir ma brjod do/ /dngos po gang zhen zhes bya ba 'di man chad ni gnyis pa dngos po dgu phye ste bshad par bstan to// 'di yang zhu ba gsol ba dang/ lan du gsungs bas 'di ni zhu ba gsol ba nyid do/ /sems can du gdags pa'i dngos po dang/ de'i longs spyod kyi dngos po dang/ de 'byung ba'i dngos po dang/ de byung ba'i gnas pa'i dngos po dang /de'i kun nas
- 121b
nyon mongs pa dang/ rnam par byang ba'i dngos po dang/ de'i bye brag gi dngos po dang/ ston par byed ba'i dngos po dang/ bstan par bya ba'i dngos po dang/ 'khor gyi dngos po'o zhes bya ba ni gnyis pa de bzhin gshegs pas yang dag par lan du gsungs pa'o/ /dngos po dgu po 'di dag rnam par bshad pa ni/ bstan bcos rnal 'byor spyod pa'i sa ji skod bstan pa bzhin du rig par bya ste/ de'i phyir bstan bcos de nyid las/ sangs rgyas kyi bka' i dngos po dgu yang spangs par rig par bya'o/ /dngos po dgu gang zhe na/ de la sems can gyi dngos po ni nye bar len pa'i phung po lnga po dag rnams so/ /de la longs spyod pa'i dngos po ni skye mched bcu gnyis rnams so/ /skye ba'i dngos bo ni rten cing 'brel bar 'byung ba'i yan lag bcu gnyis pa'o/ /skye ba'i zas bzhi po'i dngos po ni zas bzhi pa rnams so// kun nas nyan mongs pa dang/ rnam par byang ba'i dngos po ni 'phags pa'i bden pa bzhi po rnams so/ /ston pa'i dngos po ni sangs rgyas dang de dag gi nyan thos rnams so/ /bstan bar bya ba'i dngos ni dran pa nye bar gzhag pa la sogs pa byang chub kyi phyogs gyi tshes rnams so/ 'khor gyi dngos po ni 'khor brgyad de/ rgyal rigs kyi 'khor dang/ gram ze'i 'khor dang /khyim bdag gi 'khor dang/ dge sbyong gi 'khor dang/ rgyal chen bzhi ba'i ris kyi 'khor dang /sum cu rtsa gsum ba'i 'khor dang/ bdud kyi 'khor dang/ ? 'khor zhes 'byung ba yin te/ lung ring po dang lung gcig la spros pa dang /'phags pa shes rab kyi pha rol tu phyin pa'i 'grel pa las 'khor brgyad bkod pa dang/ rnal 'byor spyod pa'i sa las gsungs pa dang mthun par bstan te/ /mtshams rnam par grol ba'i mdo dang? dgongs pa zab mo rnam par grol ba'i mdo las tshig cung zad tha dad kyang dngos po dgu bstan pa la ni don mi mthun pa med do/ /bstan bcos rnam bar bshad pa las/ dngos po dgu 'byung ba yang mdo 'di las gsungs ba dang mthun no/ /lha dang mi dag las so so
- 122a
nas 'khor bzhi bstan pa la gtan tshigs ci yod ce na/ smras pa/ bstan bcos rnal 'byor spyod pa'i sa las/ rgyu rnam pa bdun gyi phyir 'khor rnam pa brgyad rnam par gzhag pa yin no zhes bshad de /de'i phyir bstan bcos de nyid las/ rgyu bzhis ni mi rnams kyi nang na de bzhin gshegs pa'i 'khor rnam bzhir bzhag par rig par bya'o/ /rgyu gsum gyis ni ltar gyur pa rnams kyis 'khor bzhin rnam par bzhag par rig par bya ste /bdag po'i mchog tu gyur pa'i phyir 'jig rten pa rnams yon gnas su bkur ba'i phyir dang/ gzhan la rag ma lus pa'i longs spyod kyis 'tshe ba'i phyir dang/ longs spyod thams cad spangs pa'i phyir dang/ rgyu 'di bzhi ni ming 'gyur ba'i nang na 'khor bzhir rnam par gzhag par rig par bya'o/ /sa gzhi la brten pa'i mthar gyur pa'i phyir dang/ 'dod pa'i khams kyi mthar gyur pa'i phyir dang/ dag gi 'du byed kyi mthar gyur pa'i phyir ni ltar gyur pa rnams kyi 'khor bzhir rnam par bzhag par rig bar bya'o zhes 'byung ba yin no/ /'phags pa shes rab kyi pha rol tu phyin pa'i 'grel pa las logs shin tu dge sbyong dang/ bram ze dang/ sum cu rtsa gsum pa dang/ bdud dang tshangs pa'i 'khor rgya cher bstan ba ni mangs kyi dogs nas 'dir ma brjod do/ /dngos po nyi shu rtsa dgu gang she na zhes bya ba 'di man chad ni gsum pa dngos po nyi shu rtsa dgu rnam par phye ste bshad pa bstan to/ 'di yang zhu ba gsol ba dang/ lan du gsungs ba bstan te 'di ni zhu ba nyid do/ /'di lta ste/ stan nas nyon mongs pa'i phyogs las brtsams te 'du byed rnams bsdu ba'i dngos po'o zhes bya ba la sogs pa ni gnyis pa de bzhin gshegs pas dngos po nyi shu rtsa lnga rnam par bye ste/ bshad bstan to/ /'di gang bshad pa rnams gnyis su dbye ste/ kun nas nyon mongs pa'i phyogs kyi dngos po bstan ba dang/ rnam par byad ba'i phyogs las brtsams pa'i dngos po
- 122b
nyi shu rtsa lnga bstan pa'o/ /de'i bstan bcos rnam bar bshad pa las/ dngos po nyi shu rtsa dgu ni 'di lta ste/ dngos po dgu po yongs su bsdus pa gang yin pa'o/ /mdo las kun nas nyon mongs pa'i phyogs las brtsams nas ni dngos po bzhi bstan to/ /rnam par byang ba'i phyogs las brtsams nas ni dngos po nyi shu rtsa lnga bstan to/ /zhes 'byung ba yin no/ /kun nas nyon mongs pa'i phyogs bstan pa yang rnam pa bzhir dbye ste/ phung po lnga bstan pa dang/ rten cing 'brel par 'byung ba bstan pa dang/ chos 'dzin pa bstan pa dang /kun nas nyon mongs pa la de ltar rnam pa bzhi yod par gyur pa yang kun nas nyon mongs pa ngo bo nyid gang yin pa de dag ni phung po lnga yin pa'i phyir dang/ kun nas nyon mongs pa 'khor bar 'jug pa gang yin pa de ni rten cing 'brel par 'byung ba yin pa'i phyir dang/ 'khor bar 'jug pa'i rtsa ba ni 'dzin pa gnyis yin pa'i phyir ro/ /'dzin pa gnyis las kyang bdag tu 'dzin pa rags pa yin pas sngar bstan la/ chos su 'dzin pa ni phra bas na phyis bstan te/ bdag tu 'dzin pa ni gdon mi za bar chos su 'dzin pas 'byung ba'i phyir ro/ /'di yang phung po lnga'i dngos po bstan pa ste/ de la kun tu nyon mongs ba'i phyogs zhes bya ba ni nyon mongs pa dang /las dang/ skye ba'i kun nas nyon mongs pa rnam pa gsum mo/ /'du byed rnams bsdu ba'i dngos po zhes bya ba ni phung po lnga nyid de/ phung po lngas 'dus byas kyi dngos po rnam par bsdus pa'i phyir 'du byed bsdu ba'i dngos po zhes gsungs so/ /yang na 'du byed rnams zhes bya ba ni phung po dang khams dang skye mched rnams bsdu'o/ /de ltar rnam pa gnyis su bshad pa yod kyang bshad pa ni snga ma bzang ste/ khams dang skye mched sgo gnyis po dag ni 'du byed ma yin par yang gtogs pa'i phyir ro/ /de'i go rim rjes su 'jug pa'i dngos po zhes bya bas ni gnyis pa rten cing 'brel par 'byung ba yan lag bcu gnyis ston to/ /'di ltar kun nas nyon mongs pa'i
- 123a
rten cing 'brel par 'byung ba yan lag bcu gnyis po de dag gi go rim bzhin du rjes su 'jug pa ni ji ltar ma rig pa'i rkyen gyis 'du byed 'byung ba na skye ba'i rkyen gyis na shi'i bar 'byung ba lta bu'o/ /yang na de zhes bya ba ni phung po lnga po de nyid do/ /bstan bcos rnam par bshad pa las/ de nyid go rim bzhin du 'jug pa'i dngos po zhes 'byung ngo/ /de dag nyid la gang zag 'du shes su byas nas phyi mar 'byung ba'i rgyu'i dngos po dang/ chos kyi ming du byas nas phyi mar 'byung ba'i rgyu'i dngos po dang zhes bya ba ni gsum dag tu 'dzin pa'i dngos po ston to/ bstan bcos rnam par bshad pa las ni de nyid la sems can gyi 'du shes su rnam par bzhag pas phyi mar 'jug pa'i rgyu'i dngos po zhes 'byung ngo/ /de ni 'di skad du/ ji ltar 'dzin pa 'di nyid kyis kun nas nyon mongs pa phung? po dag la bdag tu shes pa dang chos 'du shes pa'i dbang gis phyi mar 'khor bar 'jug pa'i rgyur 'gyur ro/ /rnam par byang ba'i phyogs las brtsams te dmigs pa la nye bar gtong ba'i dngos po zhes bya ba 'di man chad ni gnyis pa rnam par byang ba'i phyogs kyi dngos po nyi shu rtsa lnga ston to/ /'di yang rnam pa gnyis te/ 'jig rten pa'i rnam par dag pa'i dngos po bzhi bstan pa dang/ 'jig rten las 'das pa'i rnam par dag pa'i dngos po nyi shu rtsa gcig bstan pa'o/ /dngos po yang rnam pa bzhi ste/ thos pa'i shes rab bstan pa dang/ bsam pa'i shes rab bstan pa dang/ sbyor ba'i ting nge 'dzin bstan pa dang /dngos po bzhi'i ting nge 'dzin bstan pa'o/ /de la 'jig rten pa'i rnam par dag pa'i dngos po bzhi yod par gyur pa yang rnal 'byor gyi sgo'i go rim gyis gdon mi za bar sngar thos pa'i shes rab kyi dbang gis ni bsam pa' shes rab tu 'dren par 'gyur/ bsam pa'i shes rab kyis ni sbyor ba'i ting nge 'dzin 'dren ba dang/ sbyor ba'i ting nge 'dzin gyis dngos gzhi'i ting nge 'dzin thob par 'gyur ba'i go rim de'i phyir
- 123b
rnam ba bzhir gsungs pa yin no/ /'di ni dang po thos pa'i shes rab kyi dngos po bstan pa ste/ de la rnam par byed ba'i phyogs zhes bya ba ni 'di lta ste/ 'jig rten pa dang/ 'jig rten las 'das ba dang/ zag ba dang bcas pa dang/ zag pa med pa'i rnam par byang pa'i chos rnams gang yin pa'o/ /rnam par byang ba'i phyogs las ni 'di ni 'jig rten pa'i rnam par byang ba'i phyogs bstan pa'o/ /dmigs pa la nye bar gtong ba'i dngos zhes bya ba ni dngos pa'i khams kyi thos pa'i shes rab ste/ bstan pa dag la sems nye bar gtod pa gang yin pa'o/ /yang na brjod bar bya ba'i don dang/ dran pa nye bar gzhag pa yul la sems nye bar gtod ba'o/ /de nyid la rtsol ba'i dngos po zhes bya ba ni gnyis pa bsam pa'i shes rab kyi dngos po ston to/ /'di ltar thos pa'i shes rab kyi yul de nyid la gcig tu bden par mthong nas/ nan tan brtson 'grus kyis yid la byed pa gang yin pa'o/ /sems gnas pa'i dngos po zhes bya ba ni gsum pa sbyor ba'i ting nge 'dzin ston te/ 'di ltar bsam pa'i shes rab kyi dbang gis sbyor ba'i ting nge 'dzin la sems gnas pa gang yin pa'o/ /tshe 'di la bde bar gnas pa'i dngos bo zhes bya ba ni bzhi pa dngos bzhi'i ting nge 'dzin ston to/ /mngon par shes pa drug thob nas mthong ba'i chos la bde bar gnas ba gang yin pa'o/ /sdug bsngal thams cad las yang dag bar 'das pa'i dmigs ba'i thabS kyi dngos po zhes bya ba 'di man chad ni gnyis pa 'jig rten las 'das pa'i dngos po rnam pa'i dngos po nyi shu rtsa gcig ston to/ /'di yang rnam pa drug du dbye ste/ dngos po gcig gis rnam par grol ba'i phyogs bstan pa dang/ dngos po bzhis mthong ba'i lam bstan pa dang/ dngos po drug gis bsgom pa'i lam bstan pa dang/ dngos po bzhis mi slob pa'i lam bstan pa dang/ dngos po gnyis kyi khyad par du 'phags ba dang/ khyad bar du 'phags pa ma yin par bstan pa dang/ 'di ni dngos po gcig
- 124a
gis rnam par grol ba'i phyogs bstan pa'o/ /mdo'i tshig la yang bshad pa rnam pa gnyis yod de/ ci kha cig na re sdug bsngal thams cad las yang dag par 'das zhes bya ba ni mya ngan las 'das ba ste/ 'di ltar mya ngan las 'das pa'i dbang gis sems can rnams sdug bsngal ba thams cad las yang dag par 'das par 'gyur bas rnam par grol ba'i phyogs kyi dge ba la dmigs ba gang yin pa de ni mya ngan las 'das pa'i thabs kyi rgyur gyur pa thabs kyi dngos po zhes bya'o/ /kha cig na re rnam par grol ba'i phyogs kyi dge pa la don rnam pa gnyis su yod de/ dang po ni 'khor ba'i sdug bsngal thams cad las yang dag par 'das pa la dmigs pa'o/ /gnyis ba ni mya ngan las 'das pa'i thabs kyi dmigs ba byed pa'i phyir sdug bsngal thams cad las yang dag par tha 'das pa'i thabs kyi dmigs pa'i dngos po zhes bya'o zhes so zhes bya ba la sogs pas ni gnyis pa dngos po bzhi las brtsams nas nges par 'byed pa'i cha bstan pa ston to/ /'di yang rnam pa gnyis te/ sdug bsngal yongs su shes par bya ba'i dngos po bstan pa dang/ kun 'byung ba spang pa dang /'gog pa mngon du bya ba dang/ lam bsgom pa'i dngos po bstan pa'o/ /'di ltar 'phags pa'i bden pa bzhi la brten nas dra bar gyur ba dang/ rtse mo la sogs pa'i dge ba'i rtsa ba bzhi skyed pa'i phyir/ dngos po rnam pa bzhi bstan pa yin no/ /'di ni dang po sdug bsngal yongs su shes bar bya ba'i dngos po bstan pa yin te/ ? yang rnam pa gnyis su dbye ste/ sdug bsngal yongs su shes par bya ba'i mdor bstan pa dang/? yongs su shes pa gsum rnam par phye ste/ bshad pa'o/ /'di ni dang po ste/ 'di ltar khams gsum gyi sdug bsngal gyi bden pa yongs su shes pas yongs su shes pa zhes bya'o/ /de'ang rnam pa bsum yod pas phyin ci log gis gnas yongs su shes pa'i phyir dang/ des?
- 124b
can du shes pa las brtsams te/ phyi rol gyi sems can rnams la log par bsgrub pa'i gnas yongs su shes pa'i phyir dang /nang mngon pa'i nga rgyal dang bral pa yongs su shes pa'i phyir ro/ zhes bya ba ni gnyis pa yongs su shes pa gsum rnam par phye ste/ bshad pa ston to/ /de yang rnam pa gsum yod pas zhes bya ba la/ dang po phyin ci log las brtsams pa'i gnas yongs su shes pa'i phyir ro/ /gnyis pa ni sems can 'du shes pa'i las brtsams pa'i phyi rol gyi sems can rnams la log par sgrub pa'i gnas yongs su shes pa'i phyir ro/ /gsum pa ni nang mngon pa'i nga rgyal dang bral ba'i phyir gnas yongs su shes pa'i phyir ro/ /mdo'i tshig 'di gsum yang so so nas bshad pa mi mthun pas kha cig na re phyin ci log gi gnas yongs su shes pa'i phyir zhes bya ba ni khams gsum pa'i sdug bsngal gyi bden pa phyin ci log rnams kyi gnas yin pa nyid du yongs su shes pa'i phyir ro/ /sems can du 'du shes ba las brtsams te phyi rol gyi sems can rnams la log par sgrub pa'i gnas yongs su shes ba'i phyir zhes bya ba ni 'dod pa'i khams kyi sdug bsngal gyi bden ba yongs su shes ba ste/ sems can du 'du shes pa la brten nas srog gcod pa la sogs pa'i lam 'byung ba 'ang des par sngar sems can gyi 'du shes bskyed ba las 'byung bas so/ /phyi rol gyi sems can rnams la zhes bya bas ni las slong ba'i gnas bstan to/ /log par sgrub pa'i zhes bya bas ni des bskyed pa'i las kyi spyod ba nyid de ni 'di skad du 'dod pa'i khams kyi sdug bsngal gyi bden pa yongs su shes bas sems can du 'du shes pa las brtsams te phyi rol gyi sems can rnams la log bar bsgrub pa'i gnas nyid du yongs su shes ba'i phyir ro/ /zhes bstan par 'gyur ro/ /nang mngon ba'i nga rgyal dang bral ba'i gnas yongs gsu shes pa'i phyir zhes bya ba ni gzugs kyi khams kyi nang
- 125a
gi lus sdug bsngal gyi bden pa nyid du yongs su shes pa ste/ 'di ltar khams gong ma gnyis kyi nyon mongs pa thams cad ni nang gi lus la brten nas byung ba'i phyir nang mngon ba'i nga rgyal dang dral ba'i zhes gsungs so zhe'o/ /kha cig na re yongs su shes pa dang po gnyis ni 'dod pa'i khams kho na'o zhes pa'o/ /yongs su shes pa gsum ba ni khams gong ma gnyis shes pa'o/ /zhes zer te/ gzhan ni snga ma'i bshad pa bzhin kha cig na re gsum po dag ni go rim bzhin du khams gsum po dag gi sdug bsngal yongs su shes pa yin no zhes zer ro/ /de ltar rnam pa du mar bshad pa yod kyang /slob dpon hwang tshang gis ni rnal 'byor spyod pa'i sa'i 'grel pa dang/ gtugs nas bshad pa gnyis pa bzad bar bshad do/ /sgom pa'i gnas kyi dngos po dang/ mngon du bya ba'i dngos po dang /sgom pa'i dngos po'o zhes bya ba ni gnyis pa kun 'byung spang ba dang 'gog pa mngon du bya ba dang lam bsgom pa'i dngos po bstan pa ston to/ /'di yang kun 'byung ba'i bden pa ni bsgom pa mi mthun ba'i phyogs kyi nyon mongs pa gnyis yin pa'i phyir bsgom pa'i gnas kyi dngos bo zhes bya'o/ /'gog ba ni 'dus ma byas ba yin pas mngon du bya ba'i dngos po zhes bya'o/ /'phags pa'i lam sgom ba'i dngos po zhes bya ste/ de'i phyir mdo dang bstan bcos dag las/ sdug bsngal yongs su shes par bya/ lam bsgom bar bya zhes gsungs pa yin no/ /de'i snying por bya ba'i dngos po dang/ de'i rnam pa'i dngos po dang/ de'i dmigs pa'i dngos po dang/ spangs ba dang/ ma spangs pa'i spyod pa la mkhas pa'i dngos po dang ngo zhes bya ba ni gsum pa dngos po bzhi las brtsams nas mthong ba'i lam bstan pa ston to/ /de la snying por bya ba'i dngos bo zhes bya ba ni yang dag pa'i lam ste/ yang dag pa nyid du lam mthong ba'i dbang gis yang dag pa dang /mtshan ma dang bcas pa'i mthong ba'i lam rnam ba gnyis
- 125b
? mi nyams par byed pa'i phyir ro/ /bshad pa'i rnam pa gzhan du na/ lam mthong ba thob pa'i dbang gis rnams kyang so so'i skye bo nyid du phyir mi ldog ba'i phyir mthong ba'i lam snying por bya ba'i dngos po zhes bstan to/ /de'i rnam pa'i dngos po zhes bya ba na mtshan ma dang bcas pa'i mthong ba'i lam ste/ sems rnam pa gsum dang /sems rnam ba ngan drug gi rnam pa tha dad ba'i phyir ro/ /de'i dmigs pa'i dngos bo zhes bya ba ni mtshan ma dang bcas pa'i mthong ba'i lam gyi dmigs pa yul gyi dngos po bstan pa'o spangs ba dang ma spangs pa spyod pa la mkhas pa'i dngos po zhes bya ba ni mtshan ma dang bcas ba'i mthong ba'i lam gyis mthong ba'i spang bar bya ba'i nyon mongs pa spangs pa dang/ bsgom pas spang? bar bya ba'i nyon mongs pa da rung ma spangs ba nyid du so sor rtog ba gang yin pa'o// //bam po drug cu dgu pa'o// de la rnam par g.yeng ba'i dngos po dang/ rnam par mi g.yeng ba'i dngos po dang/ rnam par mi g.yeng ba'i gnas kyi dngos po dang /sgom pa las yongs su skyo ba'i sbyor ba bsam pa'i dngos po dag bsgom pa'i phan yon gyi dngos po dang/ de bstan pa'i dngos po'o zhes bya ba ni bzhi pa dngos po rnam pa drug las brtsams nas bsgoms pa'i lam bstan pa zhes bya bas ston to/ /mdo yi tshig 'di yang so so nas bshad ba mi mthun pas kha cig na de de las rnam par g.yeng ba'i dngos po bya ba ni mthong ba'i lam las yang dag par 'das nas sgom pa'i lam la ma zhugs pa'i bar skabs der re zhig tsam du sems rnam par g.yeng bar gyur ba gang yin ba de/ kun nas nyon mongs pa can ma yin pa'i phyir rnam par g.yeng ba zhes bya'o/ /de la rnam par mi g.yeng ba'i dngos po dang rnam par mi g.yeng ba'i gnas kyi dngos po zhes bya ba ni ting 'dzin la gnas pa na 'dod ba'i khams kyi bsgom pas spang bar bya ba'i nyon mongs ba spong ba'i sbyor ba'i/ laM yin
- 126a
te/ rnam par mi g.yeng ba'i dngos bo ni ting nge 'dzin gyi rnam pa ma gtogs pa gzhan dus mtshungs pa'i chos so/ /rnam par mi g.yeng ba'i gnas kyi dngos bo ni ting nge 'dzin gyi bdag nyid kho na bzung ste/ 'di ni shes rab kyis stong du gyur pa'i phyir gnas zhes bya'o/ /bsgom pa la yongs su skyo ba'i sbyor ba gsal ba'i dngos bo zhes bya ba ni gzugs dang gzugs med pa'i khams kyi sgom pas spang? bar bya ba'i nyon mongs pa spang bar thob ba med pa'i lam gang yin pa'o/ /de bstan pa'i dngos po zhes bya ba ni rdo rje lta bu'i sems thogs pa med pa'i lam gang yin pa'o zhes so/ /kha cig na re dngos bo snga ma gsum ni sngar bshad pa bzhin no/ /dngos po bzhi pa ni khams gsum gyi bsgom pas spang bar bya ba'i nyon mongs pa spong bar byed pa'i bar chad med pa'i lam mo/ /dngos po lnga pa ni gzugs dang gzugs med pa'i khams kyi dngos gzhi ting nge 'dzin to/ /dngos po drug ba ni sngar bshad pa dang 'dra'o zhe na /kha cig na re de las rnam par g.yeng ba dngos po zhes bya ba ni 'di lta ste/ lam bsgom pa ni thos ba? /bsam pa'i shes rab gnyis la brten nas khams gsum gyi sgom pa spyad par bya ba'i nyon mongs pa spong bar mi byed pas sbyor ba'i lam ring ba gang yin pa'o/ /de la rnam par mi g.yang ba dngos po de rnam par mi g.yeng ba'i gnas kyi dngos po zhes bya ba ni 'di lta ste/ ting nge 'dzin la gnas nas khams gsum gyi bsgom pas spang bar bya ba'i nyon mongs pa'i spyod ba'i lam nye bar bstan pa gang yin pa'o? de la de rnam par g.yeng ba'i dngos po ni mnyam par gzhag pa na gzhan sems dang sems las byung ba rnam pa rnam par mi g.yeng ba gang yin pa'o/ /gnas kyi dngos bo ni ting nge 'dzin gyi rnam par kho nas bzung ste/ shes rab kyi gnas byed pa'i phyir gzhan zhes bya'o/ /sgom pas yongs su skye ba'i sbyor ba brtsams pa'i dngos po zhes bya ba ni 'dod ba'i khams kyi
- 126b
sgom bas spang bar bya ba'i nyon mongs pa spong bar byed ba bar chad med ba dang/ rnam bar grol ba'i lam mo/ /bsgoms pa'i phan yon gyi dngos po zhes bya ba ni gzugs kyi khams kyi sgom pas spang bar bya ba'i nyon mongs pa spong bar byed pa bar chad med pa dang /rnam par grol ba'i lam mo/ /de bstan pa'i dngos po zhes bya ba ni gzugs med pa'i khams kyi sgom pas spang bar bya ba'i nyon mongs ma spong par byed pa bar chad med pa'i lam ste/ rdo rje lta bu'i ting nge 'dzin to/ /ci'i phyir rnam par grol ba'i lam bstan ce? na/ rnam par grol ba'i lam de mi slob pas bsdus pa'i phyir ro zhe'o/ /dgongs pa zab mo nges par 'grel pa'i dpe gzhan kha cig dang /dgongs pa zab mo rnam par dgrol ba'i mdo las/ rnam par mi g.yeng ba'i dngos po zhes bya ba med de/ mchod do/ /dpe 'di las ni dngos po drug char tshang bar 'byung ste/ rgya gar gyi dpe nyid dang/ mtshams rnam par grol ba'i mdo dang bstan bcos rnal 'byor spyod ba'i sa la sogs pa dang gtugs pa las kyang dngos po drug chad ba 'byung ba'i phyir/ /'dir dngos po drug tshang bar bstan ba mi yang dag pa yin no/ /'phags pa'i spyod yul pa bsdus pa'i dngos po dang /'phags pa'i phyogs dang /g.yog 'khor bsdus pa'i dngos po dang/ de kho na rab tu togs pa'i dngos po dang/ mya ngan las 'das pa yang dag par 'thob pa'i dngos po zhes bya ba ni lnga de ngos? po rnam ba bzhi las brtsams nas mi slob ba'i lam bstan ba ste /de la 'phags ba'i spyod pa bsdus ba'i dngos pa zhes bya ba ni yang dag pa'i ye shes kyis bsdus pa zad pa dang/ mi skye ba shes pa gang yin pa'o/ /'phags pa'i phyogs dang g.yog 'khor bsdus ba'i dngos po zhes bya ba ni rjes las thob pa'i ye shes kyi bzung ba zad ba dang mi skye ba'i ye shes gang yin pa'o/ /de kho na rab tu rtog pa'i dngos po zhes bya ba ni lhag ma med par mjug tu nye bar yang de kho na nyid du bsgom ba gang yin pa'o/ /mya ngan las 'das pa
- 127a
yang dag par thob ba'i dngos po zhes bya ba lhag ma med par 'jug tu nye ba na sngar 'gog pa snyoms par zhugs pas kun gzhi rnam par sems de nyid kyi yongs su mya ngan las 'das pa gang yin pa'o/ /legs par gsungs pa'i chos 'dul ba la 'jig rten ba'i yang dag pa'i lta ba 'di las phyi rol ba thams cad yang dag pa'i lta ba las spyi bor gyur pa nyid kyi dngos po dang/ de mi bsgom pas yongs su nyams pa'i dngos po zhes bya ba la sogs pas ni drug pa dngos po rnam pa gnyis las brtsamS nas/ khyad bar du 'phags pa dang/ khyad bar du 'phags pa ma yin pa zhes bya ba ston to/ /'di yang rnam pa gnyis dngos po gnyis bstod ba dang /rgol ba'i las bstan pa'o/ /'di ni dang po ste de legs par gsungs pa'i chos yul zhes bya ba ni sde snod gsum gyis bstan pa rnams so// legs par gsungs pa'i chos zhes bya ba ni mdo sde dang /chos mngon pa'i sde snod do/ /'dul ba zhes bya ba ni 'dul ba'o sde snod nyid do/ /de'i phyir bstan bcos rnal 'byor spyod ba'i sa las /legs bar chos gsungs pa ni rig pas bsdu ba'i phyir yon tan khyad bar du 'phags pa yongs su 'dzin par byed pa'i 'dul ba ni nyon mongs pa thams cad zhi bar byed pa dang mthun pa'i phyir ro zhes bstan pa yin no/ /legs par gsungs ba'i chos 'dul ba zhes bya ba ni 'di ni rgya cher bshad ba ni sdad gong du bstan pa bzhin du rig bar bya'o/ /de ni 'di skad du sde snod gsum las gsungs pa'i rnam par grol ba'i phyogs kyis bsdus pa 'jig rten pa'i yang dag pa'i lta ba dman pa yin yang/ 'di las phyi rol pa thams cad kyi yang dag pa'i lta ba las spyi bor gyur pa'i dngos po yin no zhes bya ba bstan par 'gyur ro/ /yang dag par lta ba las spyi bor gyur pa'i dngos po zhes bya ba 'di la yang bshad ba rnam pa gnyis yod de/ /kha cig na re spyi bor mthong ba'i sa yang dag pa'i lta ba yin pa'i phyir/ yang dag ba'i lta ba las spyi bor gyur pa'i dngos bo zhes bya'o zhe'o/ /kha
- 127b
cig na re 'di ni dpe las /ming du btags pa yin te/ de dag gi gzhung gi bstan pa'i yang dag pa'i lta ba khyad par du 'phags pa de ni dang re na?/ mi'i spyi bo dang 'dra ba'i phyir yang dag pa'i lta ba las spyi bor gyur ba'i dngos po zhes bya'o/ /de mi bsgom pa yongs su nyams pa'i dngos po zhes bya ba ni dngos po gnyis pa bstan te/ 'di ltar lta ba legs par gsungs pa'i chos 'dul ba de las dge ba bsgom zhing /dngos po snga ma mi bsgom pa'i phyir mi bsgom pas yongs su nyams pa'i dngos po zhes bya'o zhes bya ba'i tha tshig go/ legs par gsungs pa'i chos 'dul ba bsgom pa'i phyir yongs su nyams par gyur pa zhes bshad kyi/ lta ba'i nyes pa'i phyir yongs su nyams pa zhes brjod pa ni ma yin no zhes bya ba ni gnyis pa rgol ba'i lan ston pa 'di ltar phyi rol pa 'di dag 'di skad do/ /mi bsgom pas yongs su nyams pa'i dngos po yin no/ /nyes pa'i skyon du 'gyur ro zhes zer pas de'i phyir tshig 'di gsungs pa yin te/ yongs su nyams pa zhes brjod pa ni ma yin no zhes bya ba ni gnyis pa rgol ba'i lan ston pa 'di ltar phyi rol pa 'di dag 'di skad do/ /mi bsgom pas yongs su nyams pa'i dngos po yin no// nyes pa'i skyon du 'gyur ro zhes zer pos de'i phyir tshig 'di gsungs pa yin te/ yongs su nyams pa zhes bya ba yang legs par gsungs pa'i chos 'dul ba la mi bsgom pa'i phyir yongs su nyams pa zhes bya'i/ dngos po gnyis pa la nyes ba nyid du blta ba'i phyir yongs su nyams pa zhes brjod pa ni ma yin te/ 'di ni ma thob pa dang /ma bsgom ba gnyis kyi yongs su nyams pa la bya'o/ /des na dngos po gnyis pa 'di ni dbyad na phyi rol ba rnams kyis yang dag pa'i lta ba ji snyed yod bdag las khyad par du 'phags so zhes bya ba'i tha tshig go/ 'jam dpal gang dngus? nyan thos dang/ byang chub sems dpa' rnams las brtsams nas so sor thar ba'i/ so sor thar pa dang ldan pa'i chos yongs su bstan pa gang yin pa de dul ba zhes bya'o/ zhes bya ba 'di man chad ni gnyis pa 'dul ba rnam par phye ste bshad pa zhes bya ba ston to/ /'di yang rnam pa gnyis te/ mtshan nyid mdor bstan ba dang/ zhus ba dang lan dag gis rnam par dbye'o/ /'di ni dang po mtshan nyid mdor bstan pa'o/ /'di la gang du zhes bya ba ni 'bul
- 128a
ba'i bstan ba la gang du zhes pa ni gnas su bstan pa'o/ /ngas zhes bya ba ni de bzhin gshegs pa ste/ phung po lnga la tha snyad du btags pa'o/ /'di ltar de bzhin gshegs pa des nyan thos dang byang chub sems dpa' rnams la so sor thar ba dang ldan pa'i chos yongs su bstan pa gang yin pa ste/ rigs bdun po dag yang dag par blangs pa'i sdom pa'i tshul khrims gang yin ba de ni so sor thar pa zhes bya'o/ /de la bye brag yod pa dang/ theg pa gnyis kyis yang dag par blangs pa gang yin pa de ni lus dang dag gi yan lag bdun kho na la ngo bo nyid tu rnam par 'jog go/ byang chub sems dpa' ni spyir lus la sogs ba'i las gsum po dag las ngo bo nyid du 'jog go/ de la so sor thar ba zhes bya ba'ang so so nas bshad ba mi mthun pas thams cad yod bar smra ba'i gzhung gis ni rigs brgyad po dag gis sdom pa yang dag par len pa dang po rnam par rig byed kyi so so nas sdig pa sna tshogs spong bar byed pa'i phyir so sor thar ba dang lam gyi zhes bya'o zhes bshad do/ /de'i phyir mdzod kyi bstan bcos las so sor thad pa'i sdom pa'i bye brag gi ming bstan pa'i phyir/ tshig le'ur byas pa las/ de dag thams cad kyang ni tshul khrims dang/ legs par spyod pa dang/ sdom pa zhes bya ste/ dang po ni rnam rig min kho na so sor thar ba dang las kyi lam zhes 'byung ste/ 'di nyid kyi 'grel pa las/ mi mnyam pa rnams mnyam par 'jog bar byed pa'i tshul khrims zhes bya ste/ nges pa'i tshig tu ni bsil phyir zhes bya ste/ tshigs su bcad ba las ji skad du/ tshul khrims yang dag blangs pa dpe// lus la yongs su gdung ba med ba ces 'byung ba'i tshul khrims zhes bya ste/ mkhas pa rnams kyis bsdigs pa'i phyir/ /legs par spyad pa zhes bya ste/ nges ba'i tshig bya ba'i rang bzhin yin pa'i phyir lus dang ngag sdom pa'i phyir sdom pa zhes bya'o//
- 128b
so sor thar ba de ni gnas skabs dang po dang /tha ma las bye brag med pa'i ming du rig par bya'o/ /skad cig ma dang po rnam par rig byed dang/ rnam bar rig byed ma yin pa kho na ni so sor thar pa dang/ las kyi lam zhes bya ba'i ming thob ste/ 'di ltar dang po sdom ba yang dag par len pa na/ dang po'i rnam par rig byed dang rnam par rig byed ma yin pas so so nas sdig ba rnam pa sna tshogs yongs su spong bar byed pa'i phyir dang bo so so nas spong ba'i don las brtsams nas ni so so thar pa'i ming du rnam par bzhag ?/ de nyid kyi tshe bya ba mthar phyin nas las rnams bsal ba'i don las brtsams nas ni las kyi lam gyi ming du bzhag pa yin pas de'i phyir skad cig ma dang po las so sor thar pa zhes bya'o/ /so sor thar pa'i sdom pa zhes kyang bya'o/ /rtsa ba las kyi las zhes kyang bya'o/ /skad cig ma gnyis pa nas ma btang ba'i bar gang yin pa de ni so sor thar ba zhes kyang mi bya'o/ /so sor thar pa'i sdom pa zhes kyang mi bya'o/ /las kyi lam zhes kyang mi bya ste/ phyis 'byung ba zhes bya'o zhes 'byung ste/ zhib tu de nyid las bstan pa bzhi no// bstan bcos gzhud rab tu bstan pa dang/ yang dag pa'i rig pa dang rjes su mthun pa las kyang/ phal cher mdzod kyi bstan bcos las bshad ba dang mthun bar ston to/ /de la bye brag yod pa ni don rnam pa gsum gyi phyir so sor thar pa zhes bya'o/ /zhes bshad do/ /dang po ni mdzod kyi bstan bcos las bstan pa dang mthun no/ /bar ma ni yang na dang por bsgom bar bya ba yin pa'i phyir so sor thar pa zhes bya'o zhes bshad do/ /tha ma ni yang de dang bor 'byung ba ni nyam da? ba'i ngan 'gro las yang dang por 'dab bar 'gyur ba'i phyir so sor thar ba zhes bya'o zhes bshad do// bshad ba'i rnam pa gzhan du na yan lag bdun gyi 'byung ba chen po rgyur byas pa tha dad ba las so/ /so sor thar pas na so sor thad pa zhes bya ste/ las dang ting nge 'dzin gyi yan lag bdun gyi rgyu thun mong du yod pa dang mi mtshungs ba'i phyir dang/ 'byung ba chen po
- 129a
gcig gis byas pa'i phyir ro/ /mdzod kyi bstan bcos las/ 'dod pa'i khams na yod pa'i rnam par rig byed ma yin pa'i rgyu mthun pa ni zag? pa dang bcas pa dang 'byung ba chen po skye bas tha dad de?/ de la 'byung ba chen po skye ba zhes bya ba'i tshig ni lus dang ngag gi yan lag bdun po dag re re 'byung ba chen po dag gis tha dad par byas par ston to/ /ting 'dzin las skyes pa'i rnam par rig byed ma yin pa'i bye brag kyang rnam pa gnyis yod de/ 'di lta ste/ bsam gtan rnams dang/ zag pa med pa'i sdom pa gang yin pa'o/ /rnam pa 'di gnyis ka'i ting nge 'dzin la brten nas 'phel pa dang/ ma zin ba dang/ tha dad pa ma yin pa'i 'byung ba chen po zhes bya ba'i tha tshig gis ni rnam par rig byed ma yin pa'i yan lag bdun po dag 'byung ba chen po bzhi po dag gis rgyu byas pa mtshungs pa nyid du bstan te bshad pa yin no/ /de ci'i phyir zhe na/ gnas su gyur pa'i 'byung ba chen po rnams sems bzhin du gcig pa nyid du gyur cing/ bye brag tu gyur pa med pa'i phyir ro zhes bshad do/ /bstan bcos yang dag pa'i rig pa dang rjes su mthun pa dang/ gzhung rab tu bstan pa las kyang/ mdzod kyi bstan bcos las bshad pa dang mthun par 'byung ngo/ /gzhan yang bstan bcos yang dag pa'i rig pa dang rjes su mthun pa dang/ gzhung rab tu bstan pa las kyang/ mdzod kyi bstan bcos las bshad pa dang mthun par 'byung ngo/ /gzhan yang bstan bcos yang dag par rig pa dang/ rjes su mthun pa las/ yang na lam dang/ ting nge 'dzin las skyes pa'i sdom pa gang yin pa de ni sems kyi rjes su 'brad ba'i sdom pa yin la/ so sor thar pa'i sdom pa ni sems kyi rjes su 'brang ba ma yin pa'i phyir/ gzhan yang bstan bcos rnam par g.yeng bas byas pa'i dge ba ni lus dang dag dang sems tha dad par spyod cing thun mong du yod pa'i rgyu mthun yin pa'i phyir yang so sor zhes bya'o/ /gzhan yang tshul khrims ni mya ngan las
- 129b
'das pa'i rgyu dang po yin pa'i phyir/ de'i phyir bstan pa gzhan bstan pa'i mdo las/ tshul khrims ni rnam par grol ba dang rjes su mthun pa'i yang dag pa yin ba'i phyir so sor thar ba zhes bya'o zhes gsungs so/ /yang na so sor zhes bya ba ni 'di lta ste/ so sor tha dad pa'o/ /thar ba ni mya ngan las 'das ba'i 'bras bu'o/ /lam dang ting 'dzin las skyes ba'i sdom pa gnyis ni yang dag par grol ba thob par 'gyur ba yin la/ so sor thar ba'i sdom pa ni lus dang ngag dag gi dge ba rnam par g.yeng bas byas pa yin yang/ mya ngan las 'das pa'i 'bras bu mthar thug pa'i phyogs yin bas so sor thar pa zhes bya'o/ /yang na lam dang ting nge 'dzin las byung ba'i sdom pa gnyis ni sems dang lhan cig 'grogs ba'i yin pas na tshungs ba dang bras bu mthar thug pa la gzhol ba yin la/ so sor thar ba'i sdom pa ni 'di ni sems dang so so pha dang cing 'gog ba'i 'bras bu la gzhol ba ring bas so sor thar nga? zhes bya'o/ /gzhan yang so sor thar pa'i sdom pa ni da ltar gyi kho na dgag pa dang/ sbyor pa dang/ rtsa ba dgag bar rtogs pa yin la/ lam dang ting nge 'dzin las byung ba'i sdom pa gnyis kyis ni dus gsum dgag par yang rtog shing rtsa ba kho na dgag pa yin pa'i phyir so sor thar ba zhes bya'o zhes bshad do/ /'dir theg pa chen po bstan ba las ni/ rigs bdun po dag yang dag bar blangs ba'i sdom pa dag gis so so nas nyes ba srung bas lam dang ting nge 'dzin las byung ba'i sdom pa gnyis dang 'dra bar rig bdun po yang dag bar blangs ba'i sdom pas nye bar bsrungs pa'i tha dad ba ma yin pa'i phyir so sor thar ba zhes bya'o/ /thar ba zhes bya ba ni nyes pa bdun las thar cing mya ngan las 'das pa rnam par grol ba'i 'bras bu thob ba'i phyir thar pa zhes bya'o zhes bshad do/ /gang du yang tha dad pa'i 'byung ba chen po so sor thar ba zhes bstan pa ni med do/ /de la so sor thar pa dang ldan pa'i chos yongs su bstan pa zhes bya ba ni 'di la bshad pa gnyis yod
- 130a
de/ kha cig na re yang dag pa'i tshul khrims kyi rgyu dang/ rkyen dang/ rjes su mthun pa gang yin pa de ni ldan pa'i chos zhes bya'o zhes so/ /kha cig na re lus la sogs pa'i las gsum po dag las ni tshul khrims kyi rang bzhin yin la/ sems pa dang me zhus par? ldan pa'i sems las byung ba'i chos rnams ni ldan pa'i chos zhes pa'o/ /chos kyi gsung rab de la ni 'dul ba zhes bstan to/ /bcom ldan 'das byang chub sems dpa' rnams kyi so sor thar pa rnam pa du ma dag gis bsdus pa lags zhes bya ba la sogs pas ni gnyis pa zhus? pa dang lan dag gis rnam par dbye ba zhes bya ba ston to/ /'di yang rnam pa gnyis te/ zhu ba gsol ba dang/ lan du gsungs pa'o/ /'di ni dang po ste/ gtso bo'i dbang du mdzad nas zhu ba gsol ba'i phyir byang chub sems dpa' kho nas smos so? rigs kyi bu rnam pa bdun du rig par bya ste zhes bya ste zheS bya ba la soD pas ni gnyis pa de bzhin gshegs pas yang dag par lan du gsungs pa ston to/ /'di yang mdor bstan pa dang/ rnam par phye nas bstan pa nyid do/ /yang dag par blangs pa'i cho ga'i dngos po bsdus pa'i phyir zhes bya pa la sogs pa'i ni gnyis pa mtshan nyid rnam pa bdun rnam par phye ste bshad pa ston to/ /'di yang mtshan nyid rnam pa bdun bstan pa nyid las rnam pa bdun du dbye ste/ 'di ni dang po'i yang dag par blang ba'i cho ga'i mtshan nyid bstan pa'o/ 'di ni tshul khrims yang dag par blang ba'i cho ga bstan pa yin pas de'i phyir yang dag par blang ba'i cho ga'i dngos po zhes bya'o/ /mtshams rnam par grol ba'i mdo las ni/ yang dag par blang ba'i spyod lam bstan pa zhes 'byung ngo/ /dgongs pa zab mo rnam par grol ba'i mdo las ni yang dag par blang ba'i chos bstan pa zhes 'byung ngo/ /sdom pa yang dag par blang ba'i chos 'di rgya cher bshad pa ni/ bstan bcos rnal 'byor spyod pa'i sa'i nang nas byang chub sems dpa' i sa'i nang nas bstan pa bzhin du rig par bya'o/ /yang
- 130b
na sdom pa yang dag par blang ba'i cho ga zhes bya ba ni bstan bcos rnal 'byor spyod pa'i sa las ji skad du/ ji ltar du na cho ga phun sum tshogs pa yin zhe na/ 'di lta ste/ spyod pa'am/ phral gyi bya ba 'am/ dge ba'i phyogs kyi sbyor pa la brten nas 'jig rten pa dang rjes su mthun zhing 'jig rten pa dang mi 'gal ba dang 'dul ba dang rjes su mthun zhing 'dul ba dang mi 'gal bas na de'i phyir cho ga phun sum tshogs pa zhes bya'o zhes 'byung ba lta bu ste/ rgya cher de nyid las bstan pa bzhin no/ /bstan bcos rnam par bshad pa las kyang de skad du ston to/ /pham pa'i gnas lta bu'i dngos po bstan pa'i phyir na zhes bya ba ni gnyis pa pha ma pa'i gnas lta bu'i dngos po'i mtshan nyid bstan pa'o/ /'di ltar lci ba bzhi po dag gi nyes pa 'byung bar 'gyur na gdon mi za bar phas pham pa'i nyon mongs pa'i dbang du 'gyur zhing?/ byang chub sems dpa' las rgyal bar 'gyur ba'i phyir ro/ /phas pham pa de yang rnam pa bzhi yod do/ /bstan bcos rnal 'byor spyod pa'i sa las ji skad du/ rnyed pa dang bkur sti la lhag par zhen cing/ bdag la bstod cing gzhan la smod pa dang ster snas zang zing dang chos sems can la mi gter ba dang/ khro ba'i sems kyis sems can la rdeg cing tshig rtsub po smras pa dang/ byang chub sems dpa' i sde snod la skur pa 'debs shing log pa'i chos ston pa gang yin pa de ni phas pham pa bzhi'o bshad pa lta bu ste/ zhib tu de nyid las bstan pa bzhin no/ /yang na phas pham pa ni bcu ste/ snga ma bzhi'i steng du yang srog gcod ba dang/ ma byin par len pa dang/ log par g.yem pa dang/ brdzun du smra pa dang/ chang 'tshong ba dang/ gzhan gyi skyon nas smra ba bsnan te/ tshangs pa'i dra ba'i mdo dang/ phreng ba'i mdo las ji skad bstan pa bzhin du rig par bya'o/ /ltung ba'i gnas lta bu'i dngos po bstan pa'i phyir zhes bya ba ni gsum pa ltung ba'i dngos po mtshan nyid bstan pa'o/ /'di ni de las gzhan pa'i nyas pa
- 131a
mang ba rnams te/ 'phags pa tshangs pa dra pa'i mdo las/ dri ma dang bcas pa bzhi bcu rtsa brgyad gsungs pa dang/ bstan bcos rnal 'byor spyod pa'i sa las/ nyes pa yang ba rnams bstan pa lta bu ste/ zhib du de nyid las bstan no/ /ltung ba dang bcas pa'i ngo bo nyid bstan pa'i phyir zhes bya ba ni bzhi pa ltung pa dang bcas pa'i ngo bo nyid bstan pa'o/ /gzhan yang ltung ba dang bcas pa'i ngo bo nyid ces bya ba ni/ bstan bcos rnal 'byor spyod pa'i sa las/ 'gal bar 'gyur ba'i nyes pa bstan pa rnams te/ bstan de chos de nyid las ji skad du/ byang chub sems dpa' gang byang chub sems dpa' i sdom pa yongs su dag pa la gnas pa nyin gcig bzhin du dkon mchog gsum po dag la mchod pa'i bya ba chung ngu 'am?/ chen po yang rung sta/ tha na lus kyi phyag gcig tsam btsal ba dang/ tha na dkon mchog gsum las brtsams te/ tshig bzhi pa tshigs su bcad pa gcig tsam du tshigs su brjod pa dang/ tha na dkon mchog gsum gyi yon tan rjes su dran pa sngon du 'gro ba'i dang ba gcig tsam yang ma byas par nyin mtshan 'da' bar byed na nyes pa dang bcas shing 'gal ba dang btsas par 'gyur ro zhes bya ba nas/ rgya cher bshad pa'i bar du bstan pa lta bu ba med pa'i/ ltung ba med pa'i ngo bo nyid bstan pa'i phyir zhes bya ba ni lnga pa med pa'i ngo bo nyid bstan pa ste/ bcas pa'i kha na ma tho ba nyid do/ /yang na bstan bcos rnal 'byor spyod pa'i sa laS/ thams cad du nyes pa med pa ni sems 'khrug pa dang/ sdug bsngal gyi tshor bas nyen pa dang/ sdom pa ma mngos? pa la ni thams cad du nyes pa med par rig par bya'o zhes bstan pa nyid do/ /gzhan yang rnal 'byor spyod pa'i sa las/ nyes pa med pa rnam pa bzhi ste/ gsum na sdir bshad pa dang mthun te/ yang na las dang po las/ bstan pa'o/ /ltung ba las 'byung ba bstan pa'i phyir zhes bya ba ni drug pa ltung ba las 'byin pa'i mtshan nyid
- 131b
bstan pa ni sdig pa bshags shing nyes pa las 'byin pa'i chos yin te/ de'i phyir bstan bcos rnal 'byor spyod pa'i sa las/ gal te kun nas dkris pa chen pos byang chub sems dpa' la pham pa'i gnas pa lta bu'i chos 'byung bar 'gyur na slar yang nod par bya'o/ /gal te kun nas dkris pa 'bring gis nyes par byung na ni de gang zag gsum mam/ de yan chad la nyes byas bshags par bya'o/ /kun nas dkris pa chung dus pham? pa'i gnas lta bu nyes pa byung ba dang/ de las gzhan pa'i nyes pa rnams ni gcig gis mdun du bshags par bya'o/ /gang gi mdun du bshags par bya ba'i gang zag chos mthun pa med na byang chub sems dpa' bsam pa thag pa nas phyin chad mi bya bar sems bskyed par bya zhing phyin chad kyang bsdam par bya'o/ /de ltar byas na de nyes pa de las 'byung ba zhes bya'o zhes bstan pa yin te/ zhib du de nyid las bstan pa bzhin no/ /sdom pa gtong ba bstan pa'i phyir zhes bya ba ni bdun pa sdom pa gtong ba'i mtshan nyid bstan pa ste/ bstan bcos rnal 'byor spyod pa'i sa byang chub sems dpa' i sa las/ byang chub sems dpa' gal te kun nas dkris pa chung du dang 'bring gi nyes pa pham pa lta bu'i nyes pa byung mtshul khrims kyi sdom pa yang dag par blangs pa de btang bar mi 'gyur ro/ /kun nas dkris pa chen pos ni btang bar 'gyur te/ gang gi phyir byang chub sems dpa' pham pa'i gnas lta bu'i chos 'di dag rgyun ma 'chad par kun spyod pa ngo tsha shes ba dang/ khrel yod pa chung du tsam yang mi skyed pa dang/ des mgu bar byed cing/ de la dga' ba dang/ de nyid la phan yon du lta ba can du gyur pa 'di ni kun nas dkris pa chen po yin par rig par bya'o/ phag? pa'i chos rnams byas pas dge slong gi so sor thar pa'i sdom pa btang bar 'gyur ba bzhin du/ byang chub sems dpas pham pa'i gnas lta bu'i chos gnas cig tsam kun tu spyod pas ni byang chub sems dpa' i tshul khrims kyi sdom pa yang dag par
- 132a
blangs pa btang bar mi 'gyur ro/ /byang chub sems dpas ni yang dag par blangs pa yongs su btang du zin kyang/ tshe 'di la byang chub sems dpa' i tshul khrims yang dag pa'i sdom pa yang dag par blangs pa gnod pa'i bskal pa yod de/ 'di lta ste/ dge slong so sor thar pa'i sdom pa la gnas pa pham pa byung ba bzhin du/ bskal pa med pa kho nar 'gyur ba ni ma yin no/ /mdor bsdu na rgyu rnam pa gnyis kho nas byang chub sems dpa' i tshul khrims kyi sdom pa yang dag par blangs pa btang bar 'gyur te/ bla na med pa yang dag par rdzogs pa'i byang chub tu smon pa yongs su btang ba dang/ pham pa'i gnas lta bu'i chos kyi kun nas dkris pa chen po kun tu spyod pa'o/ /byang chub sems dpa' i gang gis smon lam yang ma btang la/ pham pa'i gnas lta bu'i chos rnams kyi kun nas dkris pa chen po 'ang kun tu ma spyad na/ tshe rjes su zin kyang/ 'og dang steng dang thad ka thams cad du skyes pa na byang chub sems dpa' i tshul khrims kyi sdom pa yang dag par blangs pa yongs su btang bar mi 'gyur ro/ /byang chub sems dpa' tshe brdzas te brjed na'ang dge ba'i bshes gnyen bsten pa la brten nas dran pa gso ba'i phyir yang dang yang gso bar byed par zad kyi/ gsar du yang dag par len pa ni ma yin no zhes 'byung ba lta bu'o/ /gzhan yang bstan bcos rnal 'byor spyod pa'i sa las/ rkyen rnam pa bzhis sdom pa btang bar 'gyur ro/ /zhes bshad de/ de'i phyir de nyid las/ gzhan yang sdom pa de ma btang ba ni tshe rabs gzhan du yang rjes su 'jug par rig par bya'o/ /gal te btang na ni ma yin no/ de gtong ba ni mdor bsdu na rgyu bzhis 'gyur te/ yang dag par len pa'i sems kyis mi 'dra ba'i sems skyad bar byed ba dang/ mi brnga phrad pa'i drung du dbul ba dang ldan pa'i tshig rjod par byed pa dang/ pas pham pa'i gnas lta bu'i chos bzhi po dag la thams cad dam re re'i nyes pa 'byin pa dang/ pham pa'i gnas lta bu'i chos bzhi po dag thams cad dam/ de re re la kun nas
- 132b
dkris? pa chen bos nyes pa 'byin par byed na/ byang chub sems dpas sdom pa btang bar rig par bya'o/ /gal te phyis blangs pa'i sems yongs su dag par thob par 'gyur na yang gyis blangS bar bya'o/ zhes 'byung ngo/ nyan thos kyi tshul khrims gtang? ba'i rkyen mang nyung ni bstan pa rnams las so so nas bshad pa mi mthun pas thams cad yod par smra ba'i gzhung gis ni rgyu rnam pa lngas gtong bar 'gyur ro/ /zhes bshad de/ de'i phyir mdzod kyi bstan bcos kyi nang nas/ so sor thar ba'i sdom po ji ltar gtong bar 'gyur zhe na/ tshig le'ur byas pa las/ so sor thar pa'i 'dul ba gtong/ /bslab ba phul dang shi 'phos dang/ /mtshan gnyis dag ni byung ba dang/ /rtsa ba chad dang mtshan 'das las/ /zhes 'byung ba yin te/ 'di nyid kyi 'grel pa las/ de la 'dul ba zhes bya ba ni so sor thar pa'i sdom pa yin par bstan par dgongs te/ des dbang po rnams 'dul bar byed pa'i phyir ro/ /bsnyen gnas pa'i sdom pa ma gtogs pa gzhan so sor thar pa'i sdom pa rnam pa bdun po dag ni rgyu rnam pa bzhis gtong bar 'gyur te/ brda phrad pa'i drung du bslab pa'i gzhi bsam pa theg pa nas slar phul ba'i phyir dang/ rigs mthun pa btang ba'i phyir dang/ mtshan gnyis cig char? byung pa'i phyir dang/ rgya nges dge ba'i rtsa ba bcad pa'i phyir ro/ /bsnyen gnas pa'i sdom pa ni snga ma'i rgyu bzhi dang/ mtshan mo zad pa las te/ de'i phyir de dag ni bsdu na gtang ba'i rgyu lngar 'gyur/ /ci'i phyir rgyu de dag gis gtong bar 'gyur zhe na/ yang dag par blangs pa dang 'gal pa'i rnam par rig byed skyed pa'i phyir dang/ lus bor bya ba'i phyir dang/ rten nyams pa'i phyir dang/ gzhi char? pa'i phyir dang/ tshad kyi dus las 'das pa'i phyir ro zhes 'byung ste/ bstan bcos yang dag par rig pa dang rjes su mthun pa dang/ gzhung rab tu bstan pa dang/ bye brag du bshad pa chen po las bslab pa dbul ba'i rgyu rnam pa lnga 'byung ba la yang mdzod kyi bstan pa dang mthun no/ /bstan bcos sems skye tshogs bstan pa las/ sdom pa'i
- 133a
tshul khrims la gnas pas dang po'i ltung ba rnams byung na/ de ni nyes pa yin pas/ gang zag de ni tshul khrims la gnas pa dang/ tshul khrims zhig la? yin par rig par bya ste/ gal te 'gyod par gyur na tshul khrims zhig ba blang ? tshul khrims dang ldan pa la gnas bar gyur te/ dper na mi phyug po bu lon tshogs pa yod na phyug po zhes kyang bya bu lon chags pa zhes kyang bya ste/ bu lon btsal zin nas/ phyug po kho na zhes brjod pa bzhin no zhes 'byung ste/ mdzod kyi bstan bcos dang/ bye phrag tu bshad pa chen po las kyang de skad du ston to/ /chos gang ba'i sde pa dag la ni/ rgyu rnam pa drug gis gtong bar 'gyur ro zhes bshad de/ lnga ni mdzod kyi bstan bcos las 'byung ba dang mthun no/ /yang chos 'jig par bstan pa'o/ /de'i phyir mdzod kyi bstan bcos las sde pa gzhan kha cig na re yang dag pa'i chos nub pas kyang so sod thar pa'i sdom ba gtang bar 'gyur te/ 'di ltar chos nub pa'i tshe bslab pa'i gnas dang/ mtshams gcod pa'i las la sogs pa thams cad kyang nub bar 'gyur pa'i phyir ro zhes 'byung bo/ /mdo sde pa dag gi gzhung gis/ rgyu rnam pa lngas sdom pa gtong bar 'gyur ngar? bshad pa'ang ma rdod? kyi bstan pa dag dang/ mthun te/ mtshan mo zad pa zhes par mi 'byung bar yang nyes pa lci bar byung bas bsnan te/ de'i phyir bstan bcos de kho na nyid grub pa las/ sde pa gzhan kha cig nang nyes blci? pa bzhi po ltung bar 'gyur ba'i nyes pa dag las gang yang rung ba'i nyes ba gcing byung na/ dge tshul dang/ dge slong gi sdom pa gter bar 'gyur ro/ zhe na/ 'byung ba yin no/ /theg pa chen po bstan pa dang sbyar na/ nyan thos kyi sdom pa ni rgyu rnam pa sngas spod par 'gyur ro zhes mdo sde pa dag gis bstan pa dang mthun bar bshad de/ de'i bstan bcos rnal 'byor spyod pa'i sa las/ de la rgyu dus na/ dge slong gi sdom ba blang pa gtong dang 'gyur zhi na/ mdor su? na rgyu rnam pa lnga? ste/ bslab pa'i gzhi rnams phul ba'i phyir dang
- 133b
ltung ba'i rtsa ba lhag par spyod pa'i phyir dang/ mtshan nub cing mtshan gnyis skye ba'i phyir dang/ dge ba'i rtsa ba chad pa'i phyir dang rigs mthun pa spang pa'i phyir dge slong gi sdom pa blangs pa gtong par 'gyur ro/ /dam pa'i chos rab tu rnam par zhig cing dam pa'i chos nub na ni dge slong gi sdom pa ma blangs pa ni blang du med la/ sngar blangs pa ni yongs su mi gtong bar rig par bya'o zhes 'byung ste/ rgya cher de nyid las bstan pa bzhin no/ /'jam dpal gang ngas mtshan nyid rnam pa bcu gcig gis chos rnams bshad ba dang/ rnam par phye ba dang/ bstan pa gang yin pa de ni ma mo zhes bya'o zhes bya ba 'di man chad ni gsum pa ma ma'o? mtshan nyid rnam par bye ste bshad pa ston to/ /'di yang rnam pa gnyis te/ grangs mdor smras nas/ len mdor gsung ba dang/ zhu ba gsol ba ste /'di ni dang po'o/ /de la mtshan nyid rnam pa bcu gcig gang zhe na zhes bya ba la sogs pas ni gnyis pa zhus pa dang/ lan dag gis rnam par phye ste bshad pa ston to/ /'di'i zhu ba gsol ba dang/ lan du gsungs pa ston to/ /'di ni zhu pa gsol pa nyid do// kun rjo ba kyi mtshan nyid dang/ don dam pa'i mtshan nyid dang/ byang chub kyi phyogs kyi chos rnams kyi dmigs pa'i mtshan nyid dang/ rnam pa'i mtshan nyid dang/ ngo bo nyid kyi mtshan nyid dang/ de'i 'bras bu'i mtshan nyid dang/ de myong ba rnam par bstan pa'i mtshan nyid dang/ de'i bar du chod pa'i chos kyi mtshan nyid dang/ de dang rjes su mthun pa'i chos kyi mtshan nyid dang/ de'i nyes dmigs kyi mtshan nyid dang de'i phan yon gyi mtshan nyid do zhes bya ba 'di man chad ni gnyis pa bcom ldan 'das kyis yang dag par lan du gsungs ba'o/ /'di yang rnam pa gnyis po grangs bzhin du ming dgod ba dang/ go rim bzhin du rnam par phye ste/ bshad pas bstan te/ 'di ni dang po grangs bzhin du ming bkod? pa'o/ /mtshams rnam par grol ba dang/ dgongs ba zab mo rnam par grol ba'i mdo las ni
- 134a
ming cung zad 'di dang mi 'thun no/ /bstan bcos rnal 'byor spyod pa'i sa las/ rnam par bshad pa las ni mdo? 'di las gsungs pa dang mthun par 'byung ngo/ /de la kun rdzob kyi mtshan nyid mi rnam pa gsum du rig par bya ste zhes bya ba 'di man chad ni gnyis pa go rim bzhin du mtshan nyid rnam pa bcu gcig rnam par phye ste bshad pa ston to/ 'di yang mtshan nyid rnam pa bcu gcig bstan pa nyid kyi rnam pa bcu gcig tu dbye ste/ 'di ni dang po kun rdzob kyi mtshan nyid bsten ba'o/ /'di yang rnam pa gnyis po grangs smos pa dang/ go rim bzhin du rnam par phye ste/ bshad pa bstan te/ 'di ni dang po'o/ /gang zag bstan pa'i phyir dang/ kun brtags pa'i ngo bo nyid bstan pa'i phyir dang/ chos rnams kyi byed ba dang/ g.yo ba dang/ las byed pa bstan pa'i phyir ro zhes bya ba ni gnyis pa go rims bzhin du rnam par phye ste/ bshad pa ston to/ /'di ni mtshan nyid rnam pa gsum las brtsams nas kun rdzob bstan pa yin te/ de'i phyir bstan bcos rnam par bshad pa las/ dang po bdag dang chos byed bstan/ /gzhan gyi rjes su mthun phyir ni bshad ces 'byung ste/ 'di nyid kyi 'grel ba las dang po kun rdzob kyi bden ba ni bdag bstan pa dang/ chos bstan pa dang/ byed pa bstan pa'o/ de las bdag bsten pa ni 'di lta ste/ sems can dang/ srog dang skye ba po dang/ gang zag dang/ mi dang/ skyes pa dang bud med dang/ sangs rgyas bshes gnyen dang/ chos kyi skur ba zhes bya ba la sogs pa bstan pa gang yin pa'o/ /chos bstan pa ni 'di lta ste/ gzugs nang tshor pa zhes bya ba la soD pa bstan pa gang yin pa'o/ /gal te kun rdzob kyi bden pa don dam par yod pa ma yin na/ don gang gis phyir bstan ce na/ smras pa/ gzhan gyi rjes su mthun phyir ni bshad ces bya ba smos te/ 'di ltar don dam pa'i bden pa rjes su mthun par bya ba'i phyir kun rdzob kyi bden pa bstan pa yin no zhes bshad do/ /gzhan yang bstan bcos ngo bo nyid med pa
- 134b
gsum bstan pa las/ kun rdzob kyi bden pa'i mtshan nyid gang zhe na/ smras pa/ mtshan nyid rnam pa gsum yod de/ 'di lta ste/ bdag bstan pa dang/ chos bstan ba dang/ dngos po bstan pa'o/ /de la bdag bstan pa ni 'di lta ste/ sems can dang/ srog dang/ spyod pa bo dang/ lha dang/ mi dang/ skyes pa dang/ bud med ces bya ba la sogs pa gang yin ba'o/ /chos bstan pa ni 'di lta ste/ gzugs dang/ tshor ba dang/ 'du shes dang/ 'du byed dang/ rnam par shes bzhes bya ba la sogs pa gang yin pa'o/ /dngos po bstan pa ni 'di lta ste/ mthong pa dang/ thos pa dang/ skyes pa dang/ 'gag pa zhes bya ba la sogs pa gang yin pa 'di ni kun rdzob kyi bden pa zhes 'byung ngo/ /de la don dam pa'i mtshan nyid ni de bzhin nyid rnam pa bdun bstan pa yin par rig bar bya'o/ /zhes bya ba ni gnyis pa don dam pa'i mtshan nyid bstan pa ste/ bstan bcos rnam par bshad pa'i tshig le'ur byas pa las ji skad du/ don dam pa'i bden pa'i mtshan nyid ni de bzhin nyid ni bdun dag go zhes 'byung ste/ 'di nyid kyi 'grel pa las/ don dam pa'i bden pa ni 'di lta ste/ de bzhin nyid rnam pa bdun po dag go zhes 'byung ste /gong du sngar bstan pa bzhin du rig bar bya'o/ /rgyu dang rkyen gang gi phyir de bzhin nyid rnam pa bdun la/ don dam pa'i bden pa zhes bya zhe na/ smras pa/ ye shes mchog gnyis kyi spyod yul du gyur pa'i phyir te/ 'di lta ste/ 'jig rten las 'das pa'i ye shes dang rjes su las thob ba'i 'jig rten pa'i ye shes te/ don dam ba 'di la spros pa med pa'i phyir ro zhes pa gzhan gyi spyod yul ma yin no/ /gzhan yang bstan bcos ngo bo nyid med pa gsum bstan pa las kyang/ de bzhin nyid rnam pa bdun la don dam pa'i bden pa zhes bshad de zhib tu de nyid las bstan pa bzhin no/ /byang chub kyi phyogs kyi chos kyi mtshan nyid ni shes bya'i dngos po rnam pa thams cad bstan pa yin bar rig par bya'o/ /zhes bya ba ni gsum pa byang chub kyi phyogs kyi chos kyi dmigs pa'i mtshan nyid bstan pa'o/
- 135a
'di lta ste/ dran pa nye bar gzhag pa la sogs pa byang chub kyi phyogs kyi chos sum cu rtsa bdun gyis dmigs par bya pa'i yul gang yin pa ste/ sngar bstan ba ji lta ? bzhin du yod pa nyid la sogs pa nyid do// //bam po bdun cu la/ /rnam ba'i mtshan nyid ni brtag pa rnam pa brgyad bstan pa yin par rig par bya'o zhes bya ba 'di dman chad ni bzhi pa rnam pa brgyad kyi mtshan nyid bstan pa'o/ /'di yang rnam pa gsum ste/ grangs mdor smos pa dang/ ming bkod pa dang/ go rim bzhin du rnam par phye ste bstan pa'o/ bde ni dang po ste/ de la rnam pa zhes bya ba ni shes pa'i rnam pa'o/ /mtshan nyid ni ngo bo nyid kyi mtshan nyid de/ lam gyi phyogs yang dag par bshad pa dang/ dmigs pa'i rnam par shes pa'i mtshan nyid yin pa'i phyir rnam pa'i mtshan nyid ces bya'i/ /gal te de ltar ci'i phyir de bzhin nyid la sogS la rnam pa'i mtshan nyid ces bstan ce na/ smras pa/ 'di ltar yul rnam pa brgyad smos nas rnal 'byor gyi brtag pa bstan pa'i phyir ro/ /bsten pa rnam pa brgyad gang zhe na/ bden pa kho na'i phyir dang/ gnas pa'i phyir dang/ skyon gyi phyir dang/ yon tan gyi phyir dang/ tshul khrims dang/ 'jug pa'i phyir dang/ rigs pa'i phyir dang/ bsdus pa dang/ rgyas pa'i phyir ro zhes bya ba ni gnyis pa grangs bzhin du ming bkod pa ste/ 'og nas re re nas ston pas de'i phyir 'dir ma bstan to/ /bstan bcos rnam bar bshad pa las ni/ bden pa dang/ rnam par bzhag pa dang/ skyon dang/ yon tan dang/ tshul dang/ 'jug pa dang/ rigs dang/ sdus pa dang/ rgyas pa zhes 'byung ste/ re? re'i? mgor ni so sor brtag pa dang/ mjug tu ni spyod pa zhes 'byung yang/ don ni mdo 'di las gsungs pa dang mthun no/ /de la bden pa ni 'di lta ste/ chos rnams kyi de bzhin nyid gang yin pa'o zhes bya ba 'di man tshad ni gsum pa go rim bzhin du rnam par phye ste bshad pa ston to/ /'di yang rnam pa brtag ba rnam pa brgyad kyi mtshan nyid bstan pa las/ rnam pa
- 135b
brgyad du dbye ste/ 'di ni dang po'i bden pa kho na'i mtshan nyid bstan pa'o/ /'di ltar rtsa pa'i ye shes kyis de bzhin nyid mngon sum du gyur cing/ rang bzhin mi 'dor ba gang yin pa de ni bden pa zhes bya'o/ /brdzun pa ma yin phyir ni kho na zhes bya ste/ de'i phyir bden ba kho na zhes gsungs so/ /gnas pa ni 'di lta ste/ gang zag gi rnam par bzhag pa 'am/ chos rnams kyi kun brtags pa'i mtshan nyid rnam par bzhag pa zhes bya ba la sogs pas ni gnyis pa gnas pa'i mtshan nyid ston to/ /'di yang rnam pa gsum du dbye ste/ bdag dang chos su 'dzin pa gnyis rnam par bzhag pa bstan pa'ang/ lung bstan pa rnam pa bzhi rnam par bzhag pa'am/ chos dang rnam par dbye ba rnam par bzhag pa bstan pa'o/ /'di ni dang po bdag dang/ chos su 'dzin pa rnam par bzhag pa bstan pa ste/ 'di ltar kun brtags pas bdag dang chos yang dag pa nyid du 'dzin pa dag ni yang dag pa ma yin pa'i sems kyi yod cing/ don dam par med pa yin yang/ yang dag pa ma yin pa'i sems kyi rjes su yod par 'dzin pa'i phyir rnam par bzhag pa zhes bya ste/ de'i phyir bstan bcos rnam par rig pa tsam du grub pa las/ kun tu brtag pa'i bdag yang dag pa dang/ chos yang dag pa ni yod pa ma yin yang/ yang dag pa ma yin pa'i sems kyi rjes su rnam par bzhag pa'i phyir ro zhes bstan pa yin no/ /mgo gcig pa dang/ rnam par dbye ba dang/ dris nas lan gdab pa dang/ bzhag pas lung bstan pa rnam par bzhag pa zhes bya ba ni gnyis pa lung bstan pa rnam par bzhag pa zhes bya pa ni gnyis pa ni lung bstan pa rnam pa bzhi rnam par bzhag pa bstan pa'o/ rgol ba'i lan gdab ba'i chos las brtsams nas lung bstan pa bzhi'i smra ba rnam par bzhag pas de'i phyir rnam par bzhag pa zhes bya ste/ 'phags pa sangs rgyas kyi sa'i 'grel pa las ji skad du/ lung bstan pa'i smra ba rnam pa bzhi ni mgo gcig tu lung bstan pa dang/ rnam
- 136a
par phye nas lung bstan pa dang/ dris nas lung bstan pa dang/ cang mi sma bar bzhag pas lung bstan pa'o/ /de la mgo gcig tu lung bstan pa ni kha cig 'di skad du/ skye bas thams cad gdon mi za bar 'gag par 'gyur ba yin nam/ sangs rgyas dang chos dang dge 'dun dkon mchog bsod nams kyi zhing gshin pa yin nam zhes dris? pa la sogs pa la/ lan du don 'di nyid ni de ltar nges par yin no/ zhes lung bstan pa lta bu'o/ /rnam par phye nas lung bstan pa ni ji ltar kha cig 'di skad du/ ci 'gags pa thams cad skye bar 'gyur ram/ sangs rgyas dang chos dang dge 'dun dkon mchog gcig kho nar zad dam zhes dris pa la sogs pa la don 'di ni de ltar ma nges so zhes rnam par phye nas lung bstan pa lta bu'o/ /dris nas lung bstan pa ni ji ltar kha cig 'di skad du/ byang chub sems dpa' i sa bcu mchog yin nam/ 'on te mchog ma yin sangs rgyas dang chos dang dge 'dun dkon mchog khyad par du 'phaD pa yin nam/ 'on te khyad par 'phags pa ma yin zhes dris pa la sogs pa la khyod gang la bltos te 'dri zhes dris nas lung bstan pa lta bu'o/ /cang mi smra bar bzhag pas lung bstan pa ni ji skad du/ kha cig 'di skad du bdag ces bya ba'i dngos po nyid yang dag pa yod pa yin na/ cing ge ba zhig gam 'on te mi dge ba zhig ces 'dri ba dang/ mo gsham gyi bum dog dkar ba zhig gam/ 'on te gnag pa zhig ces 'dri pa la sogs pa la cang mi smra bar bzhag pas lung bstan pa lta bu ste/ lung bstan par bya ba ma yin pa'i phyir dang/ spros pa bskyed pa'i phyir ro zhes 'byung ba lta bu ste/ rgya cher rnam par dbye ba ni bstan bcos rnal 'byor sbyor pa'i sa dang/ 'phags pa shes rab kyi pha rol tu phyin pa'i 'gral pa dang/ sa bcu pa'i 'grel pa dang/ mya ngan las 'das pa chen po'i mdo dang/ mjod? kyi bstan bcos dang/ yang dag pa'i rig pa dang rjes su mthun pa dang/ bye brag tu bshad pa chen po las
- 136b
bstan pa bzhin du rig par bya'o/ /gsang ba dang rnam par dbye bas lung bstan pa'i bye brag rnam par bzhag pas gang yin pa'o zhes bya ba ni gsum pa gsang ba dang rnam par dbye ba rnam par bzhag pa bstan pa'o/ /'di ltar de bzhin gshegs pa rnams ni dbang gi rjes su phan gdags pa'i phyir ched 'ga' ni gsang ba dang/ ched 'ga' ni rnam par dbye ba'i rnam par bzhag pas chos ston pas so/ /bstan bcos rnam par bshad pa las/ gsang ba dang/ rnam par dbye ba smra ba zhes bya ba 'byung ngo/ /bstan pa 'di gnyis kyang so so nas bshad pa mi mthun pas kha cig na re tshig 'di nye la /don ring ba gang yin pa de ni gsang ba zhes bya ste/ 'phags pa dam pa'i chos pad+ma dkar po'i mdo las ji skad du/ sangs rgyas la phyag 'tshal gcig gang brjod pa de dag thams cad sangs rgyas su 'grub par 'gyur zhes gsungs pa lta bu'o/ /tshig dang don gnyis ka ring ba ni rnam par dbye ba zhes bya ste/ 'phags pa legs pa'i tshul khrims bstan pa'i mdo la sogs pa las/ bskal pa grangs med pa gsum gyis gdod sangs rgyas 'grub par 'gyur ro zhes gsungs pa lta bu zhe'o/ /kha cig na re 'phags pa shes rab kyi pha rol tu phyin pa'i mdo las/ chos thams cad stong zhing dben pa nyid tu gsungs ba gang yin pa de ni gsang ba zhes bya'o/ /'phags pa dgongs pa zab? mo nges par 'grel pa'i mdo las/ ngo bo nyid rnam pa gsum tshang bar gsungs shing/ stong pa nyid dang ldan pa dang/ mi stong ba dang ldan pa gang yin pa de ni rnam pa dbye ba zhes bya'o zhe'o/ /kha cig na re theg pa chung du'i bstan pa rnams ni gsang ba zhes bya'o/ /theg pa chen po'i bstan pa rnams ni rnam par dbye ba zhes bya ste/ de'i phyir bstan bcos rnam par bshad pa las gsang ba'i bstan pa ni 'di lta ste/ phal cher nyan thos kyi sde snod kyi bstan pa rnams so/ /rnam par dbye ba'i bstan pa ni 'di lta ste/ phal cher theg pa chen po'i sde snod kyi bstan pa rnams so zhes bstan pa yin no/ /kha cig na re dgongs pa tha dad pa'i gsang ba zhes bya ste/ de'i phyir
- 137a
bstan bcos chos mngon ba sna tshogs kun las btus pa las/ ldem bor dgongs pa ni 'di lta ste/ ming dang/ tshig dang/ yi ge'i tshogs rnams kyis tshig bshad du brjod pa don gzhan du yongs su bsgyur ba ste/ ji skad du/ pha dang ma? zhi bas dbyams? shing/ /rgyal po gtsang sgra? can gnyis dang/ /yul 'khor dang bcas bcom pa nas/ /mi de dag par 'gyur zhes bya/ zhes bya ba ni 'jig rten na shin tu kha na ma tho bar grags pa ni pha dang/ ma dang rgyal po dang/ mang du thos pa'i bram ze rnam gnyis dang/ yul 'khor gyi mi dbang phyugs bsad ba'i las don pa gang yin pa de ni yongs su ma dag pa zhes bya ste/ 'dir dag par 'gyur zhes gsungs pa gang yin pa de ni dgongs pa don gzhan ston te/ 'di lta ste/ las dang/ srad ba dang/ nye bar len pa dang bcas pa'i rnam par shes pa dang/ tshul khrims dang/ lta ba dang/ brtul zhugs mchog tu 'dzin pa rnam gnyis dang/ dmigs pa la sogs ba'i skye mched drug spyod yul dang bcas pa'i dbang du byas nas go rim bzhin du pha ma la sogs par blta bar bya ste/ de dag dang chos 'dra ba'i phyir ro zhes 'byung ste/ rgya cher de nyid las bstan pa bzhin no/ /tshig dang don mthun pa gang yin pa de ni rnam par dbye ba zhes bya ste/ 'di ltar ba la sogs pa bsang ba gang yin ba de ni shin tu kha na ma tho ba'i las yin pas yongs su ma dag pa zhes bya'o/ /pha ma la sogs pa las bsnyen bkur byed pa gang yin pa de ni yongs su dag pa zhes bstan pa lta bu'o/ /skyon ni 'di lta ste/ ngas kun nas nyon mongs pa'i chos rnams la nyes dmigs kyi rnams grangs dpag tu med pa'i bye brag yod par bstan pa gang yin pa dag go zhes bya ba ni gsum pa nyes dmigs kyi mtshan nyid bstan ba'o/ /'di lta ste/ zag ba gsum dang/ mdud pa bzhi dang/ kun tu sbyor ba'i rgyu dang/ kun nas dkris pa bcu la sogs ba'i rnam grangs sna tshogs kyi nyon mongs kyi nyes dmigs bstan pa gang yin pa'o/ /yon tan ni 'di lta ste/ ngas rnam par byang ba'i chos rnams la phan
- 137b
yon gyi rnam grangs dpag tu med pa'i bye brag yod pas bstan pa gang yin pa dag go zhes bya ba ni bzhi pa'i yon tan gyis tshan nyid bstan pa'o/ /'di lta ste/ mngon par shes pa dang/ rnam par thar pa dang/ ting nge 'dzin dang/ stobs dang/ mi 'jigs pa la sogs pa rnam pa sna tshogs kyi yon tan gyi khyad par bstan pa gang yin pa'o/ /tshul ni rnam pa drug tu rig bya ste/ zhes bya ba 'di man chad ni lnga pa tshul khrims kyi sgo zhes bya ba ston to/ /'di yang rnam pa gnyis te/ grangs mdor smos pa dang/ grangs bzhin du ming bkod pa ste/ de kho na'i don gyi tshul dang/ thob pa'i tshul dang/ bshad pa'i tshul dang/ mdza' gnyis rnam par spangs pa'i tshul dang/ bsam gyis mi khyab pa'i tshul dang/ dgongs pa'i tshul zhes bya ba ni gnyis pa grangs bzhin ming bkod pa'o/ /mtshams rnam par grol ba'i mdo las ni/ de kho na'i don rtogS pa dang/ thob pa'i rtogs pa bshad pa'i rtogs pa dang/ /mdza' gnyis par bral ba'i rtogs pa dang/ bsam gyis mi khyab pa'i rtogs pa dang/ dgongs pa'i rtogs pa zhes 'byung ngo/ /dgongs pa zab mo rnam par grol ba'i mdo las ni rtogs pa'i mtshan nyid ces 'byung/ phal cher mtshams rnam par grol ba'i mdo las gsungs pa dang mthun no/ /tshul rnam pa 'di drug ni/ bstan bcos rnam par bshad pa las/ bsdus pa dang rgyas pa'i sgo rnam pa gnyis rnam par dbye ste/ de la bsdus pa zhes bya ba ni bstan bcos de nyid las tshul las brtsams pa ni mdor bsdu na rnam pa drug po 'di lta ste/ de kho na'i don gyi tshul dang/ dngos po'i tshul zhes bya ba'i bar du'o/ /de la tshul snga ma gsum ni tshul phyi ma gsum gyis bshad de/ 'di ltar mdza' gnyis rnam par spang ba'i tshul gyis ni de kho na'i don gyi tshul bshad pa yin pas so/ /sgro 'dogs pa dang/ skur pa 'debs pa'i mdza' gnyis dang/ rtag pa dang chang ba'i mdza' gnyis dang/ bde ba dang sdug bsngal gnyis spangs nas/ dbu ma'i lam dang mthun par 'gyur ba ni kho na'i don ces bya'o/ /bsam gyis mi khyab pa'i tshul gyis ni thob
- 138a
pa'i tshul bshad pa yin te/ 'di ltar bdag dang/ sems can nas sangs rgyas rnams dang/ spyod yul gyi bar du bsam gyis mi khyab pa'i phyir ro/ /rgyu bsgrubs nas 'bras bu thobs? ni thob pa bstan to/ /dgongs pa'i tshul gyis ni bshad pa'i tshul bshad pa yin te/ 'di ltar don gzhan dang/ dus la sogs pa'i dgongs pa la/ brten nas brtan pa 'byung ba'i dgongs pa ston pas so/ /don gzhan la sogs pa'i dgongs pa de dag ni bstan bcos theg pa chen po bsdus pa'i 'grel pa slob dpon dbyig gnyen dang/ ngo bo nyid med kyi mdzad pa dang/ lyang gi tshe bsgyur ba dang/ mdo sde'i rgyan dang/ chos mngon pa kun las btus pa dang/ chos mngon pa sna tshogs kun las btus pa dang/ rnal 'byor spyod pa'i sa la sogs pa las bstan pa bzhin du rig par bya'o/ /de kho na'i don gang yin pa de ni de nyid kyi tshul yin pa'i phyir de kho na'i don gyi tshul zhes bya la/ de bzhin du dgongs pa nyid don gyi tshul yin pa'i phyir dgongs pa'i tshul zhes bya'o/ /zhes bya ba'i bar du ste/ de dang de dag tu phyin ci log med pa'i ngo bo nyid/ gang yin pa de ni tshul gyi don yin pas so zhes 'byung ste/ de dang de dag tu phyin ci log med pa'i phyir ngo bo nyid gang yin pa zhes bya ba ni 'di ltar so so nas bdag nyid kyi mtshan nyid kyi gnas gang du phyin ci log med pa'i ngo bo nyid gang yin pa ni tshul gyi don yin pas so/ /de la rgyas par bstan pa ni bstan bcos de las de kho na'i tshul ni mdor bsdun rnam pa drug ste/ 'jig rten pa'i de kho nas rnam par bzhag pa ma yin pa'i de kho na'i bar du'o/ /de la 'jig rten pa'i de kho na ni 'di lta ste/ brda dang kun rdzob las 'dris pa'i rjes su 'gro bas zhugs pa'i blos dngos po gang la 'jig rten pa'i lta ba thams cad kyi lta ba mtshungs par 'gyur ba 'di lta ste/ sa la 'di ni sa kho na yin gyi/ me la sogs pa ma yin no zhes bya ba lta bu ste/ mdor bsdu na 'di yin te/ 'di ni ma yin te/ 'di ni 'di lta bu yin gyi/ gzhan ni ma yin no zhes dngos po gang 'jig rten
- 138b
pa'i sems can thams cad kyi nges par mos pa'i spyod yul gcig nas gcig tu 'ongs pa'i ming gis rang gi rnam par rtog pa las grags pa/ ma bsam ma dbyad ma brtags par gzung ba gang yin pa de ni 'jig rten pa'i de kho na zhes bya'o/ /rig pa'i de kho na 'di lta ste/ mkhas pa rnams kyi mngon sum dang/ rjes su dpag pa dang lung gi tshad ma gsum po dag la brten nas shin tu rnam par phye ba nges pa'i shes pa'i spyod yul shes bya'i dngos po dag 'thad pa 'grub pa'i rigs pas rab tu bsgrubs shing/ rnam par bzhag pa gang yin pa de ni rigs pa'i de kho na zhes bya'o/ /nyon mongs pa'i sgrib pa rnam par dag pa'i spyod yul gyi de kho na ni 'di lta ste/ nyan thos dang rang sangs rgyas thams cad kyi zag pa med pa'i thabs kyi shes pa dang/ zag pa med pa'i yang dag pa'i shes pa dang/ zag pa med pa'i rjes las thob pa'i 'jig rten pa'i shes pas spyod yul du bya ba'i yul de ni nyon mongs pa'i sgrib ba rnam par dag pa'i shes pa'i spyod yul gyi de kho na zhes bya'o/ /shes bya'i sgrib pa rnam par dag pa'i shes pas spyod yul gyi de kho na ni 'di lta ste/ shes bya shes pa'i gags byed pa'i phyir shes bya'i sgrib pa zhes bya ste/ shes bya'i sgrib pa de las rnam par grol ba'i shes pa'i spyod yul gang yin pa de ni shes bya'i sgrib pa rnam par dag pa'i shes pa'i yul gyi de kho na zhes 'byung ste/ rgya cher de nyid las bstan pa bzhin te/ bstan bcos rnal 'byor spyod pa'i sa las kyang de skad du 'byung ngo/ /gzhan yang de nyid las/ rnam par gzhag pa'i de kho na ni 'di lta ste/ 'phags pa'i bden pa bzhi po dag go /sdug bsngal ni sdug bsngal bar bden pa'i phyir sdug bsngal nyid du rnam par bzhag pa nas lam yang lam du bden pa'i phyir lam nyid du rnam par bzhag pa'i bar du'o/ /rgyu dang rkyen gang gi phyir rnam par bzhag pa zhes bya zhe na/ smras pa/ kun rdzob rnam pa gsum gyi rnam par bzhag pa'i phyir ro/ /dang po 'jig
- 139a
rten pa'i kun rdzob ni 'di lta ste/ zhing dang/ khang khyim dang bum pa dang/ dmag dang/ nag chal dang grangs la sogs pa nas bdag dang sems can zhes bya ba'i bar la sogs pa'i bar du rnam par bzhag pa gang yin pa'o/ /gnyis pa rigs pa'i kun rdzob ni 'di lta ste/ phung po dang khams dang skye mched la sogs pa rnam par gzhag pa gang yin pa'o/ /gsum pa thob pa'i kun rdzob ni 'di lta ste/ rgyun tu zhugs pa'i 'bras bu la sogs pa dang/ de dag gnas pa'i chos rnam par gzhag pa gang yin pa'o/ /gzhan yang rnam par bzhag pa rnam pa bzhi yod de/ 'di lta ste/ snga ma gsum dang/ don dam pa rnam par gzhag pa gang yin pa'o/ /don dam pa'i bden pa nyid rnam par bzhag par bya ba ma yin yang/ nang gi so so rang gis rig par bya ba yin pa'i phyir te/ de'i shes pa 'dren pa dang/ rjes su mthun par bya ba'i phyir kun rdzob kyi dbang du byas nas rnam par bzhag pa yin no/ /de la rnam par bzhag pa smin pa'i de kho na ni 'di lta ste/ chos thams cad kyi de bzhin nyid dang/ yang dag pa'i ngo bo nyid gang yin pa'o/ /zhes 'byung ste/ bstan bcos rnal 'byor spyod pa'i sa las kyang/ rnam par bzhag pa ma yin pa'i de kho na ni 'di lta ste/ chos rnams kyi de bzhin nyid dang/ yongs su grub pa'i ngo ba nyid 'phags pa'i ye shes kyis bgrod par bya ba'i 'phags pa'i ye shes kyis spyod yul 'phags pa'i ye shes kyi dmigs pa gang yin pa'o zhes 'byung ngo/ /de la thob pa'i tshul zhes 'byung ba ni mdor bsdu na rnam pa bzhi ste/ sems can thams cad kyi las kyi rnam par smin pas thob pa nas/ nyan thos kyi theg pa thob pa dang/ rang sangs rgyas kyi theg pa thob pa dang/ theg pa chen pos thob pa'o/ /de la sems can thams cad kyi las kyi rnam par smin pas thob pa ni 'di lta ste/ sems can thams cad las las yongs su dag pa dang/ yongs su ma dag pa byas shing rang gi las gnas pa'i phyir 'go ba lnga po dag tu 'khor zhing rnam par
- 139b
smin ba sna tshogs mngon par 'grub pa dang/ rnam par smin pa sna tshogs myong ba gang yin pa'o/ /de la 'bras bu len pa gang yin pa de ni mngon par 'grub? pa zhes bya'o/ /'bras bu byin pa gang yin pa de ni myong ba zhes bya'o/ /gzhan yang rgyu byed pa'i don mngon par grub nas 'bras bu myong ba gang yin pa de ni mngon par 'grub pa zhes bya'o/ /'bras bu byung nas kun tu sbyong ba'i sems kyis bsdus pa gang yin pa de ni myong ba zhes bya'o/ /de la nyan thos kyi theg pa thob pa ni 'di lta ste/ dang po gsum las skyabs su 'gro ba yang yang dag par blangs nas yang dag par thos pa dang/ dge sbyong gi bar rgyan gyi bar la brten nas rnam pa lnga thob pa gang yin pa'o/ /de la thos pa dang rgyan thob pa ni yang dag pa'i chos thos pa ste/ bstan bcos rnal 'byor spyod pa'i sa las ni/ dge sbyong gi rgyan zhes 'byung ngo// de la thos pa lnga ni mngon du byas ba thob pa dang/ shes pa mngon du byas pa thob pa dang/ dad pa mngon du byas pa dang/ 'bras bu mngon du byas pa thob pa dang/ yon tan mngon du byas pa thob pa'o/ /de las mngon du byas pa'i thob pa ni 'di lta ste/ sa gsum po mthong ba'i sa dang/ bsgom pa'i sa dang/ mthar thug pa'i sa gang yin pa'o/ /shes pa mngon du byas pa thob pa ni 'di lta ste/ sa dgu pa'i shes pa gang yin pa ste/ chos shes pa dang/ rjes su rtog pa shes pa dang/ sdug bsngal shes pa dang/ kun 'byung shes pa dang/ 'gog pa shes pa dang/ lam shes pa dang/ de dag gis rjes las thob pa kun rdzob shes pa dang/ mi skye bar shs pa rnams so/ /dad pa mngon du byas pa ni 'di lta ste/ sangs rgyas dang chos dang dge 'dun tshul khrims rnam pa bzhi po dag la mngon par yid ches pa gang yin pa ste/ rgya cher bstan bcos rnam par bshad pa las/ bstan pa bzhin du rig par bya'o/ /'bras bu mngon du byas pa'i theb pa ni 'di lta ste/ dge sbyong gi 'bras bu bzhi po dag thob pa gang yin pa'o/ /yon tan mngon du byas pa thob pa ni 'di lta ste/ tshad
- 140a
med pa dang rnam par thar ba dang/ zil gyis gnon ba'i skye mched dang/ zad bar gyi skye mche dang/ nyon mongs pa med pa dang/ smon nas shes ba dang so so yang dag par rig pa dang/ mngon par shes pa la sogs pa'i yon tan rnams so/ /de la rang? sangs rgyas gyi theg pa thob pa ni mdor bsdu na rnam pa gsum ste/ dang po ni sngar nges par 'byed ba'i cha dang rjes su mthun ba'i dge pa'i rtsa ba thob pa'i phyir te/ 'di ltar snga ma'i lus kyis sngar nges par 'byed pa'i tsha? dang/ rjes su mthun ba'i dge ba'i rtsa ba thob pas phyi ma lus kyi bstan ba gcig kho na la rang sangs rgyas kyi 'bras bu thob par 'gyur ba'o/ /gnyis ba ni zag ba med pa'i de kho na thob pa'i phyir te/ 'di ltar sngar 'phags ba'i las thob nas/ gdod dang sangs rgyas kyi 'bras bu thob par 'gyur ba ste/ bstan bcos rnal 'byor spyod pa'i sa las kyang/ gnyis pa ni snga rol nyid nas thob pa zhes bshad do/ /gsum pa ni rims kyi thob pa'i phyir te/ 'di ltar lus gcig dang/ stan gcig gis thob par 'gyur ba ma yin gyi/ dang po nges par 'byed pa'i cha bzhi'i dge ba bskyed nas mthar brad? pa dang/ mi skye ba shes pa'i bar du rim gyis thob pa ste /de'i phyir bstan bcos rnal 'byor spyod pa'i sa las/ gsum ba ni snga rol lteng? nas ma thob ba zhes bstan pa yin no/ de la thob pa dang po gnyis kyis mngon du byas pa de ni rang rgyal rnams su 'gyur ba yin no/ /thob pa thams mngon du byas pa gang yin pa de ni bse rus lta bu'i rang sangs rgyas zhes bya'o/ /de la theg pa chen pos thob pa 'di lta ste/ snying rje chen pos thob ba dang /sems bskyed pas thob pa dang/ bsam gyis mi khyab pa'i mthus thob pa dang/ pha rol tu phyin bas thob pa dang/ bsdu ba'i dngos bos thob pa dang/ sa rnams kyis thob ba dang/ sangs rgyas kyi chos ma 'dres bas thob pa ste/ 'di dag thams cad ni sngar bstan pa bzhin du rnam par dbye bar bya'o/ /snying rje chen po'i bstan bcos rnal 'byor spyod pa'i sa la so ji skad du
- 140b
bstan pa bzhin du rig par bya'o/ /sems bskyed ba ni bstan bcos sems rnam par bshad pa las/ sems bskyed pa rnam pa gnyis bstan pa dang/ rnal 'byor spyod pa'i sa las/ mtshan nyid rnam pa lngas sems bskyed pa las 'byung ba bzhin du rig par bya'o/ /bsam gyis mi khyab pa'i mthun ni mngon bar shes pa drug gi mthu yin te/ rnal 'byor spyod pa'i sa'i nang nas mthu'i le'u las bstan pa bzhin du rig par bya ste/ gzhan ni brda phrad par zad do/ /de la bshad ba'i tshul zhes bya ba ni mdor bsdu na rnam pa bcu gnyis yod de/ dngos po bshad pa ni 'di lta ste/ so so tha dad pa'i gzugs la sogs ba dang/ mig la sogs pa'i chos bstan pa'i 'di lta ste/ phung po khams dang skye mched dang/ rten cing 'brel par 'byung ba gnas dang/ gnas ma yin pa dang/ dbang po rnams dang/ bden pa rnams dang/ dran pa nye bar gzhag pa dang/ gzugs yod pa dang/ gzugs med pa dang/ bstan du yod pa dang/ bstan du med pa dang/ thogs pa dang bcas pa dang thogs pa med pa la sogs pa'i 'du shes tha dad tu gyur pa dpag tu med pa ston pa'i bstan pa rnams so/ /rang gi gzhung lugs rtag pa'i bshad pa ni/ 'di lta ste/ mdo'i sde dang/ dbyangs kyis bslad pa'i sde dang/ lung bstan pa'i sde la sogs pa'i bstan pa rnams so/ /gzhan gyi gzhung lugs la brtags pa'i bshad pa ni 'di lta ste/ gtan tshigs? kyi rigs pa'i gnas bdun la bstan nas gzhan dag gis smra ba tshar gcod cing rang gi gzhung 'dzugs pa'i bshad ba rnams te/ gtan tshigs kyi rigs pa bdun ni bstan ba des rnam par bshad pa las rnal 'byor spyod pa'i sa las bstan pa bzhin du rig par bya'o/ drang ba'i don bstan pa ni 'di lta ste/ mdo dang dbyangs gyis bstang ba'i dang/ lung du bstan ba'i sde la sogs pa las/ bcom ldan 'das kyis don mdor smos nas rgya cher rnam par ma phye ba rnams yang rnam par phye nas ston pa'i bstan pa rnams so/ /nges pa'i don
- 141a
bshad pa ni 'di lta ste?/ snga ma las bzlog pa las rig par bya'o/ /kun rdzob kyi bden pa bshad pa la 'di lta ste/ tshig gi lam gyis brjod pa gang ci yang rung ste/ de thams cad ni kun rdzob ces bya'o/ /gzhan yang ming dang 'du shes dang/ brjod pa'i dbang du bya ba 'di lta ste/ mtshan dang ming dang/ rnam par rtog pa gang yin pa de yang kun rdzob yin no/ /don dam pa'i bden pa bshad pa ni 'di lta ste/ 'phags pa'i bden pa bzhi po bshad pa dang/ de bzhin nyid dang/ de kho na nyid dang/ yang dag pa'i mdza' dang/ chos nyid ces ston pa'i bstan pa rnams so/ /gsang ba bshad pa ni 'di lta ste/ phal char nyan thos kyi ston pa'i bstan pa gang yin pa dag go /rnam par phye ba bshad pa las 'di lta ste/ phal cher theg pa chen po'i sde snod kyi bstan pa gang yin pa dag go /lan gdab pa'i dngos po bshad pa ni 'di lta ste/ chos kyi mdo bzhi po dag bshad pa gang yin pa ste/ 'du byed thams cad mi rtag pa'o zhes bya ba nas/ mya ngan las 'das pa ni zhi ba'o zhes bya ba'i bar du bstan pa dang/ de lta bu la sogs pa ni bshad pa rnams so/ /lan mi gdab pa'i dngos po bshad pa ni 'di lta ste/ kha cig 'jig rten rtag pa zhig yin nam 'on te mi rtag pa zhig yin zhes 'dri ba nas/ de bzhin du de bzhin gshegs par shi phan chad yod dam med ces bya ba'i bar du 'dri ba la/ de bzhin gshegs pas de'i tshe/ cad? mi gsung zhing lung ma bstan par de dag la 'di skad du dngos po 'di dag lung bstan du mi rung ba'o/ /zhes bka' stsal pa lta bu'o/ /rgyu rnam pa bzhi'i phyir lan mi gdab par rig par bya ste/ dang po bdag nyid med pa'i phyir te/ ji ltar kha cig bdag dang phung po rnams tha dad pa zhig yin nam/ /'on te tha mi dad pa zhig la ni zhes 'dris pa la sogs pa lta bu'o/ /gnyis pa ni don dang mi ldan par rab tu 'dren pa'i phyir sha? sha pa'i dpe'i lo ma'i dpe'i mdo las ji skad du/ chos dpag tu med pa zhes ngas? yang dag par rtog kyang
- 141b
rab du ma bstan to/ /de ci'i phyir zhe na/ chos de dag ni don dang ldan pa ma yin pa 'dren pa'i phyir ro zhes gsungs pa lta bu'o/ /gsum pa ni zab pa'i phyir te/ kha cig 'di skad du/ bdag ces bya ba yod pa yin nam/ med pa zhig yin zhes 'dri ba ba sogs pa de dag ni lan gdab tu mi rung ba'o/ /gal te bcom ldan 'das kyis bdag yod par lung bstan par gyur na/ gang zag de yang na phung po la bdag yod pa nyid du 'dzin pa'am/ yang na phung po las logs shig na bdag yod pa nyid du 'dzin par 'gyur ro/ /gal te bdag med de zhes lung bstan bar gyur na ni gang zag de 'jig rten pa'i kun rdzob kyi tha snyad kyang bdag bzhin du med do zhes brjod par gyur pas so/ /bzhi pa ni chos nyid kyi phyir te/ 'di ltar chos rnams kyi de bzhin nyid chos rnams dang gcig go zhe'am tha dad do zhes lung bstan du mi rung ste/ de bzhin nyid mtshan nyid de chos nyid kyis gcig pa dang/ tha dad pa'i ngo bo nyid tu rnam par bzhag tu mi rung bas so/ /gzhan yang rkyen rnam pa bzhis lung bstan du mi rung ste/ dngos po 'di phyi rol pa dag gis brjod pa'i phyir tshul bzhin ma yin pa'i phyir dang/ don mi ldan pa'i phyir dang/ rtsod pa smra ba'i kun nas dkris pa bskyed pa'i phyir ro/ /de la mdza' gnyis rnam par spang ba'i tshul zhes bya ba ni mdor bsdu na rnam pa drug po de/ yang dag par yod pas yin pa la sgro 'dogs pa'i mdza' rnams rnam par spangs pa dang/ yang dag par yod pa la skur ba 'debs pa'i mdza' rnam par spangs nas rtags pa nyid du 'dzin pa'i mdza' rnam par sdangs pa dang/ chad pa nyid du 'dzin pa'i mdza' rnam par spangs pa dang/ 'dod pa'i bsod nams kyi bde ba la longs spyod pa'i mdza' rnam par spangs pa dang/ bdag nyid ngal bar sbyor ba'i mdza' rnam par spangs pa'o/ /de la kun tu brtags pa'i ngo bo nyid yod par 'dzin pa ni sgro 'dogs pa'i mdza' zhes bya'o/ /gzhan gyi dbang dang yongs su grub pas yang med par 'dzin pa ni skur pa 'debs pa'i mdza' zhes bya'o/ /gzhan dbang dang yongs su grub pa yang
- 142a
med par 'dzin pa ni skur pa 'debs pa'i mdza' zhes bya'o/ /gzhan yang nges par bdag yod pa nyid du 'dzin pa ni sems can du sgro 'dogs pa'i mdza' 'o/ /nges par bdag med pa nyid tu 'dzin pa ni sems can la skur pa 'debs pa'i mdza' ste/ des brtags pa'i sems can yang med par skur pa brtab pa'i phyir ro/ /sems yang dag par yod par 'dzin pa ni chos su sgro 'dogs pa'i mdza' o/ /sems yang dag par med pa nyid du 'dzin pa ni chos la skur pa'i mdza' ste/ 'di yang bstan bcos dbus dang mdza' rnam par 'byed pa las ji skad bstan pa bzhin du rig par bya'o/ /gzugs la sogs par rtag par gnas pa nyid du 'dzin pa gang yin pa de ni mu stegs can gyi mdza' o/ /mi rtag pa nyid du 'dzin pa gang yin pa de ni nyan thos kyi mdza' ste/ 'di yang dbus dang mdza' rnam par 'byed pa las/ bstan pa bzhin du rig par bya'o/ /gzhen yang 'du byed rnams mi rtag pa nyid du mthong ba ni chod pa'i mdza' o/ /mya ngan las 'das pa rtag pa nyid du mthod pa ni rtag pa'i mdza' ste/ 'di yang 'phags pa phreng ldan ma'i mdo las bstan pa bzhin du rig par bya'o// 'dod pa lnga'i bde ba la spyod pa gang yin pa de ni bde ba'i mdza' o/ /bdag nyid ltogs bzhin du dka' ba spyod pa ni sdug bsngal la spyod pa'i mdza' ste/ 'di yang bstan bcos rnal 'byor spyod pa'i sa las bstan pa bzhin du rig par bya'o/ /gong du bstan pa lta bu'i phan tshun pa ltos pa rnam pa gsum gyi mdza' gnyis spangs nas dbu ma'i lam la spyod pa gang yin pa de ni don spangs pa'i tshul zhes bya'o/ /de bsam gyis mi khyab pa'i tshul zhes pa ni mdor bsdu na bsam gyis mi khyab pa'i dngos po rnam pa drug yod de/ bdag bsam gyis mi khyab pa dang/ sems can bsam gyis mi khyab pa dang/ 'jig rten bsam gyis mi khyab pa dang/ sems can gyi las kyi rnam par smin pa bsam gyis mi khyab pa dang/ bsam gtan rnams kyi bsam gtan gyi spyod yul bsam gyis mi khyab pa dang/ sangs
- 142b
rgyas rnams kyis sangs rgyas kyi spyod yul bsam gyis mi khyab pa'o/ /'di dag yang bstan bcos rnal 'byor spyod pa'i sa las bstan pa bzhin du go rim bzhin du bshad par bya ste/ bstan bcos de las des bdag la sems pa ni 'di ltar 'di ni la la 'jig tshogs la lta ba brten nas 'di snyam du sems te/ ci bdag 'das pa'i dus na 'byung bar gyur tam/ 'on te byung bar ma gyur zhes bya ba la sogs pa ste/ da ltar dang/ ma 'ongs pa'i dus gnyis la yang de bzhin no/ /de la sems can sems pa ni 'di ltar 'di na la la 'jig tshogs la lta ba kho na la brten nas 'di snyam du sems can de dag ga las 'byung/ sems can gyi byed pa po su yin/ sems can gang gi bar du 'gro /sems can gang gi bar du 'gag par 'gyur snyam du sems pa'o/ /de la 'jig rten la sems pa ni 'di ltar 'di na la la 'jig rten sa la blta ba brten nas 'di snyam du sems te/ 'jig rten rtag go zhes bya ba la sogs pa rgya cher bshad pa'i bar du chos nyid las brtsams nas kyang 'di snyam du sems te/ bdag gi chos nyid dang/ sems can gyi chos nyid dang/ 'jig rten gyi chos nyid 'di ci las de ltar 'byung snyam du sems shing/ chos nyid kyi rigs pa kho nas mi 'jug pa yin te/ de'i phyir de yang bsam gyis mi khyab pa'i gnas la sems pa zhes bya'o/ /sems can rnams kyi las kyi rnam par smin pa la sems pa ni rnam par bzhis bsam gyis mi khyab pa yin te/ gnas kyi bye brag gi phyir dang/ dngos po'i bye brag gi phyir dang/ rgyu'i bye brag gi phyir dang/ rnam par smin pa'i bye brag gi phyir ro/ /de la bsam gtan rnams kyi bsam gtan pa'i yul ni rnam pa gsum gyis bsam gyis mi khyab pa yin te/ de bzhin nyid zab pa'i don gyi phyir/ dbang sgyur ba nyid kyi phyir dang/ zag pa med pa'i dbyings yang dag pa thob pa'i phyir ro/ /de la sangs rgyas kyis rnam par bshad pa las ni/ bsam gyis mi khyab pa rnam pa dgu zhes ston to/ /'di ltar snga ma drug gi
- 143a
steng du yang rnam pa gsum po bstan par mi bya ba'i dngos po bcu bzhi dang/ yang dag pa'i chos ma yin pa dang/ nyon mongs pas mngon par bsgrub pas bsnan pas so/ /de'i phyir bstan bcos de nyid las/ rgyu dang rkyen gang gi phyir dngos po dgu po dag la bsam par mi bya zhe na/ smras pa/ rgyu rkyen rnam pa lnga'i phyir te/ bdag dang sems can la rang gi mtshan nyid med pa'i phyir bsam par mi bya ba dang/ 'jig rten ngar? ltar mngon grub pa'i mtshan nyid yin pa'i phyir bsam par mi bya ba dang/ las kyi rnam par smin pa dang/ spyod yul rnam pa gnyis zab pa'i mtshan nyid yin pa'i phyir bsam par mi bya'o/ /lung ma bstan pa'i dngos po gcig tu nges pa'i mtshan nyid ma yin pa'i phyir bsam par mi bya ba dang/ yang dag pa'i chos ma yin pa dang/ nyon mongs pas mngon par bsgrubs pa ni don dang mi ldan pa'i mtshan nyid rab tu 'dren pa'i phyir bsam par mi bya'o/ /gal te dngos po de dag sems par byed na nyes pa rnam pa gsum skyed par rig par bya ste/ sems 'khrugs pa'i nyes pa bskyed pa dang/ bsod nams ma yin bskyed pa'i nyes pa dang/ legs par mi thob pa'i nyes pa'o/ /gal te sems par mi byed na/ yon tan rnam pa gsum 'dren par byed do/ /gong ma las bzlog pa las rig par bya'o zhes 'byung ste/ rgya cher de nyid las bstan pa bzhin no/ /de la dgongs pa'i tshul ni mdor bsdu na rnam pa bcu drug ste/ yang dag par ston pa'i dgongs pa dang/ 'dun pa'i zlog pa'i dgongs pa dang/ yang dag par 'dzin du 'jug pa'i dgongs pa dang/ yang dag par gzeng bstod pa'i dgongs pa dang/ yang dag par rab tu dga' bar mdzad pa'i dgongs pa dang/ gzung pa'i dgongs pa dang/ the tshom gcang pa'i dgongs pa dang/ yongs su smin par bya ba'i dgongs pa dang/ ting 'dzin du bya ba'i dgongs pa dang/ rnam par grol bar bya ba'i dgongs pa dang/ don gzhan dang 'brel pa'i dgongs pa dang/ rtogs par byed pa rnams la kha na ma
- 143b
tho ba med pa'i dgongs pa dang/ mchog tu dga' ba'i dgongs pa dang/ smra ba po la nyan ba rnams rim gro cher bskyed par bya ba'i dgongs pa dang/ phyis kyi tshul 'jug par bya ba'i dgongs pa dang/ dge ba 'phel bar byang chub nges pa dang/ mtshan ma thams cad kyis zil gyis gnon pa'i dgongs pa'o/ /bstan bcos rnal 'byor spyod pa'i sa las tshul rnam pa drug gi mtshan nyid rnam par bshad pa yang phal cher bstan bcos rnam par bshad pa las 'byung ba dang mthun par ston to/ /gzhan yang bstan bcos rnal 'byor spyod pa'i sa las/ ji ltar mdza' gnyis rnam par spangs pa'i tshul gyis don gyi tshul khong du chud par bya zhe na/ 'di ltar gzhan gyi dbang gi ngo bo nyid dang/ yongs su grub pa'i ngo bo nyid la kun brtags pa'i ngo bo nyid du mngon par zhen pa gang yin pa de ni sgro 'dogs pa'i mdza' yin par rig par bya'o/ /gzhan gyi dbang gi ngo bo nyid dang/ yongs su grub pa'i ngo bo nyid la med de zhes pa ni rang gi mtshan nyid la skur pa 'debs pa'i mdza' yin par rig par bya ste/ de ltar mdza' gnyis rnam par spangs pa'i tshul gyis de kho na'i don gyi tshul khong du chud par bya'o// gzhan yang thob pa'i tshul dang/ bshad pa'i tshul gnyis ka ni bsam gyis mi khyab pa'i tshul dang/ dgongs pa'i tshul gyis ci rigs par khong du chud pr bya'o/ /gzhan yang de la mdza' gnyis rnam par spangs pa'i tshul gyis khong du chud par 'gyur te de yang ci rigs par 'gyur zhes 'byung ste zhib tu de nyid las bstan pa bzhin no/ /bstan cos chos mngon pa sna tshogs kun las btus pa las/ tshul rnam pa drug gi bshad pa 'byung ba ni/ bstan bcos rnal 'byor spyod pa'i sa las/ rnam par bshad pa las bstan pa dang/ cung zad tha dad de/ de'i phyir de nyid las/ tshul gyi snod ni 'di lta ste/ gang du tshul drug gang zhe na/ de kho na'i don gyi tshul dang/ thob pa'i tshul dang/ bshad pa'i tshul dang/ mdza' gnyis rnam par spangs pa'i tshul dang/ bsam gyis mi khyab pa'i tshul dang/ dgongs pa'i tshul gyis so/ /tshul
- 144a
drug po 'di dag las gong ma gsum ni tshul 'og ma gsum gyi go rim bzhin du rig par bya'o/ /ngo myang ba'i mdo las ji skad du/ bcom ldan 'das kyis dge slong rnams la bka' stsal pa/ dge slong dag gzugs la ro myang ba yod do zhes bya ba la sogs pas ni skur pa 'debs pa'i mdza' dang/ sgro 'dogs pa'i mdza' spangs nas de kho na'i don gyis tshul ston to/ /ro myang ba dang nyes dmigs dang/ nges par 'byung ba yod do zhes bya ba 'di ni skur pa 'debs pa'i mdza' spangs so/ /gzugs nas rnam par shes pa zhes bya ba'i bar 'dis ni sgro 'dogs pa'i mdza' spangs te/ phung po brtsams la kun nas nyon mongs pa'am rnam par byang bar zad kyi/ bdag ni med do zhes rab tu bstan to/ /dge slong dag ci tsam du ngas bla na med pa yang dag par rdzogs pa'i byang chub kyi bar du mngon par rdzogs par sangs rgyas so zhes bya ba'i nang du shes so zhes bya ba 'dis ni/ thob pa'i tshul bsam gyis mi khyab pa'i tshul gyis yongs su bstan te/ so so rang gis rig par bya ba thob par ston pa'i phyir ro/ /mdo 'di dag thams cad ni bshad pa'i tshul lo/ /de yang dgongs pa'i tshul gyis khong du chud par bya ste/ yongs su shes par bya ba'i dngos po dang/ yongs su shes bar bya ba'i don dang/ yongs su shes pa dang/ yongs su shes pa'i 'bras bu dang/ de rab tu shes pa la dgongs nas mdo 'di dag bshad do/ /de yongs su shes par bya ba'i dngos po ni 'di lta ste/ gzugs la sogs pa'i yongs su shes par bya ba'i don ni 'di lta ste/ ro myang ba la sogs pa ste/ rnam pa des gzugs la sogs pa'i dngos po de yongs su shes pa'i phyir ro/ /yongs su shes pa ni 'di lta ste/ nye bar len pa'i phung po lnga po de dag de ltar gsum du bsgyur bas yang dag pa ji lta ba bzhin du rtog pa'i shes pa'o/ /yongs su shes pa'i 'bras bu ni 'di lta ste/ lha dang bcas pa'i 'jig rten 'di las zhes bya ba nis lha dang mi dang bcas pa'i bar las grol ba nas rnam par thar par rab tu grol
- 144b
pa zhes bya ba'i bar du'o/ /de rab tu shes pa ni 'di lta ste bla na med pa yang dag par rdzogs pa'i byang chub mngon par sangs rgyas pa'i nang du shes so zhes bya ba'i bar 'byung pa yin no// //bam po bdun cu gcig pa/ /'jug pa ni 'di lta te/ dus gsum dang 'dus ma byas kyi mtshan nyid dang/ rkyen bzhi po dag go zhes bya ba ni drug pa 'jug pa'i mtshan nyid do/ /'di ltar 'dus byas kyi chos rnams dus gsum po dag du skye ba dang/ gnas pa dang/ 'jig pa'i dbang gis 'dus byas kyi mtshan nyid gsum dang rkyen bzhi po dag yod par 'gyur ba'i phyir 'jig rten tu 'khor bar gyur pa'o/ /bstan bcos rnam par bshad pa las/ snga phyi rgyun gcig nas gcig tu mi 'chad cing/ mngon sum du gyur pa gsal zhing dmigs su rung ba/ rgyu dang bcas shing mi gnas pa rnam pa gzhan du 'gyur ba'o/ zhes bya ba ni 'jug pa'i zhes bya'o zhes bshad do/ /mtshan nyid bzhi pa dang/ dus gsum gyi don ni mtshan nyid gsum dang/ las 'byung ba bzhin du rig par bya'o/ /mtshams rnam par grol ba'i mdo las/ skye ba ni bsam gtan gsum pa dang/ 'dus byas kyi mtshan nyid gsum dang/ rkyen bzhi po dag go zhes 'byung ba dang/ dgongs pa zab mo rnam par grol ba'i mdo las/ mtshan nyid 'di ni 'di lta ste/ 'dus byas kyi mtshan nyid gsum dang /rgyu dang rkyen bzhi po dag go zhes 'byung ba ni lo tsA ba dag gis nor to/ /rig pa ni rnam pa bzhir rig par bya ste zhes bya ba 'di man chad ni bdun pa rigs pa bzhi ston to/ /'di yang rnam pa gsum du dbye ste/ grangs mdor smos pa dang grangs smos pa bzhin du ming bkod pa dang/ go rim bzhin du phye ste/ bshad pa ste/ 'di ni dang po ste/ bltos pa'i rigs pa dang/ bya ba byed pa'i rigs pa dang/ 'thad pa sgrub pa'i rigs pa dang/ chos nyid kyi rigs pa'o zhes par gyur pa'i grub pa dang/ bya ba'i dngos po grub pa dang/ /mtshams rnam par grol ba'i mdo las/ grub pa ni bzhi ste/ yod par gyur pa'i grub pa dang/ bya ba'i dngos po grub pa dang/ grogs byas te grub pa
- 145a
dang/ chos kyi grub pa'o zhes 'byung ngo/ /dgongs pa zab mo rnam par grol pa'i mdo las/ mthun par gyur pa'i mtshan nyid ni rnam pa bzhir? rig par bya ste/ phan tshun bltos pa'i mthun pa dang/ bya ba byed pa'i mthun pa dang/ bya ba byed pa dang mthun pa skye ba'i mtshan nyid dang/ chos kyi ngo bo nyid kyi mthun pa zhes 'byung ngo/ /de la bltos pa'i rig pa ni 'di lta ste/ rgyu gang dag dang/ rkyen gang ngag gis 'du byed rnams skyes pa dang/ rjes su tha snyad 'dogs pa 'byung ba gang yin pa de na bltos pa'i rigs pa zhes bya ba 'di man chad ni gsum pa'i go rim bzhin du rnam par phye ste bshad pa ston to/ /'di yang rigs pa rnam pa bzhis rnam par phye ste/ bshad pa nyid las rnam pa bzhir dbye ste/ 'di ni dang po bltos pa'i rigs pa rnam par bshad pa'o/ /'di yang rnam par bshad pa dang/ mjug bsdu bas bstan te/ rigs pa phyi ma gsum po dag la yang de bzhin du rig par bya'o/ /'di ltar 'du byed kyi chos rnams ni rgyu dang rkyen rnams la bltos pa dang/ ming dang tshig dang yi ge'i tshegs la yang bltos nas/ gdong gsal bar 'gyur bas de'i phyir ming la sogs pa ni bltos pa zhes bya ste/ de'i phyir bstan bcos rnal 'byor spyod pa'i sa'i nang nas nyan thos kyis las 'di lta ste/ mdor bsdu na bltos pa na rnam pa gnyis te/ skye ba'i bltos pa dang/ gdags pa'i bltos pa'o/ /de la skye ba'i bltos pa ni 'di lta ste/ rgyu gang dag dang rkyen gang dag gis phung po rnams skye bar 'gyur ba'i phung po skye ba de ni rgyu de dag dang rkyen de dag la bltos pa yin no/ /gdags pa'i bltos pa ni 'di lta ste/ ming gi tshogs dang tshig gi tshogs dang/ yi ge'i tshogs gang dag gis phung po rnams gdags par 'gyur ba'i phung po'i gdags pa de ni ming gi tshogs dang/ tshig gi tshogs dang/ yi ge'i tshogs de dag la bltos pa yin te/ de ni phung po rnams kyi skye pa'i bltos pa dang/ gdags pa'i bltos pa'o zhes bya'o zhes 'byung ste/ bltos pa'i chos gang yin pa de
- 145b
nyid ni phung por gdags pa'i rigs pa yin te/ zhib tu de nyid las bstan pa bzhin/ mtshoms? rnam par grol ba'i mdo dang/ dgongs pa zab mo rnam par grol ba'i mod dang/ bstan bcos rnam par bshad pa las kyang/ phal cher mdo de nyid las gsungs pa dang mthun par 'byung pa'i phyir bshad pa mang po ma byas so/ /bya ba byed pa'i rigs pa ni 'di lta ste/ rgyu gang dag dang rkyen gang dag gis chos rnams thob pa 'am/ 'grub pa 'am /skyes pa rnams las byed par 'gyur ba gang yin pa de ni bya ba byed pa'i rigs pa zhes bya'o zhes bya ba ni gnyis pa bya ba byed pa'i rigs pa rnam par bshad pa'o/ /mdo'i tshig 'di yang so so bshad pa mi mthun pas/ kha cig na re dbang po drug gis yul drug mthong bar 'gyur ba gang yin pa de ni thob pa zhes bya'o/ /'byung ba chen po bzhi po dag rgyur byas pa'i gzugs su 'gyur ba gang yin pa de ni 'grub pa zhes bya'o/ /chos rnams skyes na ni so so'i bya ba byed de /dper na mig gis gzungs la lta ba nas yid kyis chos 'dzin pa'i bar lta bu'o zhe'o/ /kha cig na re dge ba spyad pas mya ngan las 'das pa thob pa dang/ yon tan yongs su rdzogs par 'grub pa'o/ /mthong ba dang thos pa la sogs pa ni bya ba byed pa zhes bya ste/ de'i phyir nyan thos kyis las/ phung po rnams rang gi rgyu dang/ rang gi rkyen gyis bskyed pa gang yin pa rnams ni rang gi byed pa de dang de dag la sbyong bar byed pa yin te/ 'di lta ste/ dper na/ mig gis gzugs rnams la lta bar byed pa dang/ rna bas sgra rnams nyan par byed pa dang/ yid kyi chos rnams la shes par byed pa'i bar lta bu dang/ gzugs kyis mig gi spyod yul du gnas par byed pa dang/ sgras rna pa'i spyod yul du gnas par byed pa dang/ de bzhin du chos rnams kyis yid kyi yul du gnas par byed pa'i bar lta bu dang/ gzhan yang de lta bu dang /'thun pa'i chos rnams de dang /de dag gi gcig la gcig bya ba byed pa'i rig pa dang/ sbyor ba dang thabs su gyur pa gang yin pa de ni bya ba byed pa'i rigs pa zhes bya'o/ zhes
- 146a
'byung ba yin no/ /'thad pa bsgrub pa'i rigs pa 'di lta ste/ rgyu gang dag dang rkyen gang dag gis dam bcas pa dang/ bshad pa dang/ smos pa'i don bsgrub pa dang/ yang dag par khong du chud par 'gyur ba gang yin pa de ni 'thad pa sgrub pa'i rigs pa zhes bya'o zhes bya ba 'di man chad ni gsum pa 'thad pa sgrub pa'i rigs pa rnam par bshad pa ston to/ /'di yang rnam grangs gnyis kyis bstan to/ /'di ni dang po'i mdo'i tshig 'di la yang bshad pa rnam pa gnyis yod de/ kha cig na re de la rgyu gang dag dang/ rkyen gang dag gis shes bya ba ni 'di lta ste/ dam bcas pa'i tshe gtan tshigs dang/ dpe la bltos pa gang yin pa de ni rgyu dang rkyen zhes bya'o/ /dam bcas pa zhes bya ba ni/ dam bcas pa'i gzhung gi don rnam par bzhag pa gang yin pa'o/ /bshad pa zhes bya ba ni bsgrub pa'i don gyi khungs smos pa'o/ /don bsgrub pa zhes bya ba ni gong ma'i don bcas pa de rnam par bshad pa'o/ /yang dag par khong du chud par byed pa zhes bya ba ni gong ma'i bshad pa dang/ smos pa'i don rnam par bshad nas/ yang dag par khong du chud par byed pa'o zhe'o/ /kha cig na re rgyu gang dag dang/ rkyen gang dag ces bya ba ni tshad ma rnam pa gsum mo/ /dam bca' pa dang/ bshad pa dang/ smos pa'i don ces bya ba ni don gcig go /de la bye brag yod pas yang tshad ma gsum rnam par gzhag par nus pa la bltos pa gang yin pa de ni dam bcas pa zhes bya'o/ /ston par byed pa'i bstan pa la bltos pa gang yin pa ni bshad pa zhes bya'o/ /rgya cher bshad pa la bltos pa gang yin pa de ni smos pa zhes bya'o/ /rgyu dang rkyen de dam bcas pa'i don gang yin pa bsgrub nas/ gzhan dag gi mi rtag pa nyid du dam bcas pa ste/ yang dag par khong du chud par byed pa'o zhe'o/ /nyan thos kyi ma las ni/ 'thad pa sgrub pa'i rigs pa ni 'di lta ste/ phung po rnams mi rtag pa'am/ rten cing 'brel bar 'byung ba 'am/ sdug bsngal ba 'am/ stod pa 'am/ bdag med pa'am zhes tshad ma
- 146b
gsum po 'di lta ste/ yid ches pa'i lung dang/ mngon sum dang rjes su dpag pa dag gis rtogs par byed cing/ 'thad bsgrub pa'i rigs pa ni dam pa rnams kyi snying po 'phrog par byed pa'i tshad ma gsum po de dag gis 'di lta ste/ phung po rnams mi rtag pa nyid dam/ rten cing 'brel par 'byung ba nyid dam/ sdug bsngal pa nyid dam/ stong pa nyid dam/ bdag med pa nyid du rnam par 'jog par byed cing /sgrub par byed pa yin te/ de ni 'thad pa sgrub pa'i rigs pa zhes bya'o zhes 'byung ngo/ /gzhan yang rigs pa 'di ni mdor bsdu na rnam pa gnyis ta zhes bya ba 'di man chad ni rnam grangs gnyis pa 'thad pa'i rigs pa ston to/ /'di yang rnaM? pa bzhi ste/ grangs mdor smos pa dang/ grangs bzhin du ming bkod pa dang/ mtshan nyid mdor bshad pa dang/ brtags pa dang lan dag gis rgya cher rnam par bshad pa ste/ 'di ni dang po'o/ /yongs su dag pa dang/ yongs su mdag pa'o zhes bya ba 'di ni gnyis pa grangs smos pa bzhin du mi ba dkod pa'o/ /'di ltar gtan tshigs kyis don sgrub pa la skyon med pa'i phyir yongs su dag pa zhes bya'o/ /skyon dang bcas pa'i phyir yongs su ma dag pa zhes bya ste/ 'og nas rgya cher ston to/ /mtshan nyid rnam pa lngas ni yongs su dag pa zhes bya'o/ /mtshan nyid rnam pa bdun gyis ni yongs su dag pa zhes bya'o/ /zhes bya ba ni gsum pa mtshan nyid mdor bshad pa ste/ mtshan nyid rnam pa lnga dang/ bdud gyi dbang gi yongs su dag pa dang/ yongs su ma dag pa'o zhes bya'o zhes bya ba'i tha tshig go/ yang na mdo'i tshig 'di man chad rnam grangs gnyis pa la rnam pa gnyis su dbye ste/ mdor bstan pa dang/ brtag pa dang/ lan dag gis rgya cher bshad pa'o/ /dang po yang rnam pa gsum ste/ grangs mdor smos pa dang/ grangs smos pa bzhin du ming bkod pa dang/ mtshan nyid mdor bstan pa'o/ /mtshan nyid rnam pa lngas yongs su dag par 'gyur ba gang zhe na zhes bya ba 'di man chad ni gnyis pa brtag pa dang/ lan dag gis rgya cher rnam par bshad pa
- 147a
ston to/ /'di yang rnam pa gnyis te/ yongs su dag pa rnam par bshad pa dang/ yongs su mdag pa rnam par bshad pa'o/ /yongs su dag pa la yang/ brtag pa dang/ lan du gsungs pa bstan te/ 'di ni brtag pa'o/ mngon sum dmigs pa'i mtshan nyid dang/ rang gi rigs kyi dpe nye bar sgrub pa'i mtshan nyid dang/ yongs su grags pa'i mtshan nyid dang/ shin tu rnam par dag pa'i lung gi mtshan nyid do zhes bya ba la sogs pa ni gnyis pa de bzhin gshegs pas yang dag par lan du gsungs pa'o/ /'di yang rnam pa gnyis te/ mtshan nyid rnam pa lnga bshad pa dang/ mtshan nyid lnga gshad pa'i mjug bsdu ba'o/ /dang po yang rnam pa gnyis te/ mtshan nyid lnga yang dag par bshad pa dang/ rgol ba dag gis rjes su bzlas te bshad pa'o/ /mtshan nyid lnga yang dag par bshad pa rnam pa gsum ste/ mtshan nyid lnga mdor bkod pa dang/ go rim bzhin du rnam par phye ste bshad pa dang/ spyi'i mjug bsdu ba ste/ 'di ni dang po'o/ /de la mngon sum dmigs pa'i mtshan nyid ni zhes bya ba la sogs pas ni go rim bzhin du rnam par phye ste/ bshad pa ston to/ /'di yang mtshan nyid rnam pa lngas bstan pa nyid las rnam par dbye ste/ 'di ni dang po mngon sum du dmigs pa'i mtshan nyid bstan to/ /'di yang rnam pa gsum ste/ mdor bstan pa dang/ rnam par bshad pa dang/ mjug bsdu bas bstan to/ /'di ni dang po mdor bstan pa nyid do/ /'di lta ste/ 'du byed thams cad mi rtag pa nyid dang/ 'du byed thams cad sdug bsngal ba nyid dang/ chos thams cad bdag med pa nyid 'di ni 'jig chen na mngon sum gyi mtshan mas dmigs pa yin te/ zhes bya ba 'di ni gnyis par bshad pa'o// mdo'i tshig 'di yang rnam pa gnyis su dbye ste/ dang po 'di lta ste/ 'du byed thams cad ni mi rtag pa nyid ces bya la sogs pas ni dngos po bstan nas/ yang dag par bshad pa'o/ /'di ni 'jig rten na mngon sum gyi tshad mas dmigs pa yin te zhes bya ba ni tshad ma'i ?
- 147b
rnam par dbye ba'o/ /de ni 'di skad du/ 'jig rten na btags pa tsam du mngon sum gyi tshad ma yin pa mngon sum gyi tshad ma yin par zad do/ mngon sum gyi tshad ma yin pa'i phyir mngon sum gyi tshang ma zhes bya ste/ 'di ltar mi rtog par gso po nyid la brten nas mi rtag pa phra mo la sogs pa rjes su dpag pa'i phyir mngon sum gyi tshan ma la gnas nas dmigs pa'i mtshan nyid ces bya'o/ /zhes bstan par 'gyur ro/ /dngos po de yang ji lta bu zhe na/ de la re zhig tshe gcig gi mi rtag pa'i don rags pa las brten nas mi rtag pa nyid du mngon sum mthong ba ni mi rtag pa'i mngon sum gyi tshad ma zhes bya'o/ /rang gi lus kyi gnod pa sna tshogs myong ba'i phyir sdug bsngal mngon sum du 'gyur ba'i tshad ma la bya'o/ /smod cing chos rnams la rang dbang med pa'i phyir bdag med par shes pa gang yin pa de ni bdag med pa'i mngon sum gyi tshad ma zhes bya'o/ /'di dag ni thos pa dang bsam pa'i shes rab rnam par g.yeng ba'i sems kyis rnam par rtog pa yin pa'i phyir mngon sum gyi tshad ma yin no/ /'di nyid la ni 'jig rten gyi mngon sum zhes bshad do/ /bshad pa'i rnam pa gzhan du na/ de la 'du byed thams cad mi rtag pa ces bya ba ni 'dus byas rnams sbyir bsdus pa'o/ /'du byed thams cad sdug bsngal ba nyid ces bya ba ni zag pa dang bcas pa'i 'du shes dag go/ chos thams cad bdag med ces bya ba ni chos thams cad bsdu pa'o/ /'di dag ni chos gsum zhes bya ste/ de'i phyir bstan bcos rnal 'byor spyod pa'i sa las des pa'i don ni 'du byed thams cad mi rtag pa nyid do/ /zag pa dang bcas pa thams cad ni sdug bsngal ba nyid do/ /chos thams cad ni stong pa nyid dang/ bdag med pa nyid do zhes 'byung ba yin no/ /mi rtag pa la sogs pa 'di dag gi rigs pa yang don rnam pa gnyis dang ldan te/ dang po ni rang gi mtshan nyid kyi mi rtag pa la sogs pa'i rigs pa ste/ mngon sum gyi mtshan mas dmigs pa so so dag yid dang ldan pa'o/ /gnyis pa mi spyi'i mtshan
- 148a
nyid de dper na skud pas me tog rgyus pa dang 'dra bar 'di ltar ni rtag pa gcig gis phung po la sogs pa la khyab par gyur te/ sdug bsngal dang/ bdag med pa yang de bzhin no/ /'dir mngon sum gyi tshad ma zhes bya ba ni spyi'i mtshan nyid phyi ma la brten pa yin pas/ de'i phyir brtags pa tsam du 'jig rten pa'i mngon sum zhes bya ba yang/ yang dag pa'i mngon sum gyi tshad ma ni ma yin no/ /bstan bcos rnal 'byor spyod pa'i sa las ni yang dag pa'i mngon sum gyi mtshan ma la brten nas 'jig rten gyi mngon sum gyi tshang ma zhes bya ste/ de'i phyir bstan bcos de nyid las/ mngon sum de su'i mngon sum du brjod par bya zhes na/ smras pa/ mjug bsdu na bzhi ste/ dbang po gzugs can gyi mngon sum dang/ yid kyis myong ba'i mngon sum dang 'jig rten gyi mngon sum dang/ dag pa'i mngon sum mo/ /dbang po'i gzugs can gyis mngon sum ni 'di lta ste/ ji skad bstan pa'i mngon sum gyi mtshan nyid kyis dbang po gzugs can lnga po rnams kyis spyod yul gang yin pa'o/ /yid kyi myong ba'i mngon sum ni 'di lta ste/ yid kyi spyod yul gang yin par 'jig rten gyi mngon sum ni 'di lta ste/ de gnyi ga gcig tu bsdus pa ni 'jig rten gyi mngon sum zhes bya'o/ /yang dag pa'i mngon sum ni 'di lta ste/ 'jig rten gyi mngon sum gang yin pa de ni dag pa'i mngon sum yang de yin no/ /dag pa'i mngon sum yin la/ 'jig rten gyi mngon sum ma yin pa yang yin te/ 'jig rten las 'das pa'i spyod yul gang yin pa ste yod pa la yang yod par/ med pa la yang med par/ bla na yod pa la yang bla na yod par/ bla na med pa la yang bla na med par shes shing 'jig rten pa rnams dang thun mong ma yin pa 'di ni dag pa'i mngon sum gyi tshad ma zhes bya'o zhes 'byung ba yin te/ bstan bcos rnam par bshad pa las kyang de skad du bstan to/ /bstan bcos rnal 'byor spyod pa'i sa las bstan pa dang sbyar na/ zag pa med pa ma yin pa'i phyir yang 'jig rten gyi zhes bya'o/ /mngon?
- 148b
sum ma yin pa'i phyir yang 'jig rten gyi zhes bstan to/ /gal te de ltar na mngon sum gang gis ngo bo nyid byed ce na/ slob dpon ? cing gis rnam par shes pa drug pa thams cad kyang mngon sum ma yin la/ rnam par g.yeng ba'i gnas skabs kyi rnam par shes pa lnga po dag dang/ dus gcig pa'i yid kyi rnam par shes pa yang mngon sum ma yin no/ /mnyam pa dag zhag pa'i sems thams cad kyang mngon sum gyis bsdus pa yin no zhes bshad do/ /slob dpon ji nas bstan bcos tshad ma bsdus pa mdzad pa las kyang/ mnyam par gzhag pa'i sems thams cad ni mngon sum gyi tshad ma yin no zhes bshad pa'i phyir ro/ /de lta bu dang mthun par gang yin pa de ni mngon sum du dmigs pa'i mtshan nyid ces bya'o/ /zhes bya ba ni gsum pa mjug bsdu ba ste/ brda phrad par zad do// gnas mngon sum du dmigs pa'i mtshan nyid ni zhes bya ba 'di man chad ni gnyis pa nas mngon sum du dmigs pa'i mtshan nyid rnam par bshad pa'o/ /'di yang rnam pa gsuM ste mdor bstan pa dang/ rnam par bshad pa dang mjug bsdu ba'o/ /'di ni dang po mdor bstan pa ste/ 'di ltar mi rtag par rags pa la brten nas skad cig ma shin tu phra ba'i mi rtag pa la sogs pa rab tu bstan pa'o/ /'di lta ste/ 'du byed thams cad skad cig ma nyid dang/ 'jig rten pha rol yod pa nyid du las yongs su dag pa dang/ yongs su ma dag pa chud mi zab nyid de zhes bya ba la sogs pas ni gnyis pa rnam par bshad pa ston to/ /'di yang rnam pa gsum te/ gnas mngon sum du dmigs pa'i ngo bo nyid gsum bstan pa dang/ de la zhes bya ba man chad kyis dmigs su yod par gyur pa'i gtan tshigs bstan pa dang/ rgyu dang rkyen des shes bya ba man chad kyis des par grub pa nyid du bstan pa dang ste/ 'di ni dang po'o/ /'di ltar gnas mngon sum du dmigs pa ni rnam pa gsum yod pas 'di lta ste/ 'du byed thams cad skad cig pa nyid dang/ 'jig rten pha rol yod pa nyid dang/ las yongs su dag pa
- 149a
dang/ yongs su ma dag pa tshung? mi za pa nyid do/ /de ni 'di skad du mi rtag par rags pa la sogs pa'i dbang gis ngo bo nyid rnam pa 'di gsum rjes su dpag tu yod par gyur to/ /zhes bstan par 'gyur ro/ /de gnas pa'i mi rtag pa dags pa nyid mngon sum du dmigs pa'i phyir zhes bya ba la sogs pas ni gnyis dmigs su yod par gyur pa'i gtan tshigs bstan pa'o/ /'di yang gtan tshigs rnam pa gsum bstan pa nyid kyis rnam pa gsum du dbye ste/ 'di ni dang po'o/ /'di ltar des gnas pa'i mi rtag pa rags pa nyid mngon sum du dmigs pa'i phyir gdon mi za bar skad cig ma'i skye 'gag dang bcas pa mi rtag pa phra mo'i don yod par rjes su dpag pa ste/ 'di ni mngon sum gyi tshad ma dang/ rjes su dpag pa'i tshad ma la brten nas skyes par gyur pa'o/ /sems can gyi bye brag sna tshogs dang las sna tshogs dngos su dmigs pa'i phyir zhes bya ba ni gnyis ba sdug bsngal rags pa la brten nas dmigs pa'i mtshan nyid bstan pa'o/ /'di ltar da ltar gyis dus su sdug bsngal sna chags yod pa gang yin pa de ni snga ma'i las sna tshogs la brten nas/ mngon sum du dmigs pa'i phyir des gdon mi za bar 'ongs pa na yang sdug bsngal ba'i 'bras bu yod par rjes su dpag pa'o/ /sems can bde ba dang/ sdug bsngal gyi las yongs su dag pa dang/ yongs su ma dag pa la gnas pa na/ mngon sum du dmigs pa'i phyir zhes bya ba ni gsum pa bdag med pa rags pa la brten nas/ bdag med pa phra ba rab tu bstan pa'o/ /'di ltar sems can rnams da ltar bde pa dang/ sdug bsngal gang ci myong ba dag? ni las dge ba dang/ mi dge ba la gnas pa nyid du mthong ba'i las yongs su dag pa dang/ yongS su ma dag pa dag gis ni gdon mi za bar 'bras bu rab tu 'dren cing chung mi za bar rab tu shes pas bdag bde ba dang/ sdug bsngal myong ba ci yang med pa kho na rab tu shes pa'o/ /rgyu dang rkyen nges/ mngon sum du ma gyur pa la rjes su dpag par byed pa la zhes bya ba ni
- 149b
gsum pa cig pa'i sgo nas phra ba nyid du rjes su dpag par bstan te/ 'di ltar gong du bstan pa'i rgyu dang rkyen rnam pa gsum po nges mi rtag pa rags pa de dag gis shin tu phra zhing/ mthong bar dka' ba'i dngos po rjes su dpag par byed pa'o/ /de lta bu dang mthun pa gang yin pa de ni gnas mngon sum du dmigs pa'i mtshan nyid ces bya'o zhes bya ba ni gsum pa spyi'i? mjug bsdu ba yin par rig par bya'o/ /rang gi rigs kyi dpes nye bar bsgrub pa'i mtshan nyid ni zhes bya ba 'di man? chad ni gsum la rang gi rigs kyi dpa' mtshan nyid bstan pa'o/ /'di yang rnam pa gsum du dbye ste/ mdor bstan pa dang/ rnam par bshad pa dang/ mjug bsdu pa'o/ /'di ni dang po chos mtshungs pa'i dpe mdor bstan pa'o/ /nang dang phyi rol gyi 'du byed rnams kyi tshogs la 'jigs rten pa rnams kyis thun mong du shes pa'i skye ba dang/ 'chi 'pho dag gis dpe nye bar bsgrubs pa zhes bya ba la sogs pa la ni gnyis pa yang dag par rnam par bshad pa ston to/ /'di yang rnam pa bzhir dbye ste/ mi rtag pa'i dpe bstan pa dang/ sdug bsngal ba'i dpe dang/ bdag med pa'i dpe dang/ 'byor pa dang/ rgud pa'i dpe ste/ 'di ni dang po mi rtag pa'i dpe bstan pa'o/ /de la nang dang phyi rol ces bya ba ni sems can dang/ sems can ma yin pa las brtsams nas phyi nang gi dpe bstan pa ste/ nang dang phyi rol gyi tshigs rnam pa gnyis la 'jig rten pa dag gi thun mong du skye ba dang/ 'chi 'pho la sogs pa'i dngos po nyid du shes pa mi rtag pa phra mo la sogs pa de dag gi dpe bstan pa'i phyir ro/ /yang na dags pa dang/ phra ba mi dbye bar spyi'i dper bston pa'o/ /bstan bcos rnam par bshad pa las ni/ skye ba dang 'jig pa dag gis zhes 'byung gi 'chi 'pho zhes mi 'byung ngo/ /'jig rten pa rnams kyis thun mong du shes pa skye ba la sogs pa'i sdug bsngal gyi mtshan nyid dper nye bar bsgrub pa zhes bya ba ni gnyis pa sdug bsngal dper bstan pa ste/ 'di ltar 'jig rten na yod pa la sogs pa'i sdug bsngal brgyad po
- 150a
dag bdag nyid kyi sdug bsngal ba'i dper nye bar sbyar ba'o/ /'jig rten pa rnams kyi thun mong du shes pa rang dbang med pa'i mtshan nyid dmigs pa dag gis dpe nye bar bsgrub pa zhes bya ba ni gsum pa bdag med pa'i dpe bstan pa ste/ brda phrad par zad do/ /gzhan yang phyi rol dag la 'jig rten pa rnams kyi thun mong du shes pa'i 'byor ba rgud pa dmigs pa dag gis dper nye bar bsgrubs pa zhes bya ba ni bzhi pa 'byor pa dang rgud pa'i dpe bstan pa'o/ /de lta bu dang mthun pa gang yin pa de ni rang gi rigs kyi dpe nye bar bsgrub pa'i mtshan nyid cas bya'o zhes bya ba ni gsum pa mjug bsdu ba ste/ brda phrad par zad do/ /yongs su grags pa'i mtshan nyid ni zhes bya ba 'di man chad ni bzhi pa yongs su grags pa'i mtshan nyid ston to/ /'di rnam la gsum po mdor bstan pa dang/ rnam par bshad pa dang/ mjug bsdu bas bstan te/ 'di ni dang po'o/ /'di lta ste/ 'di ltar mngon sum du dmigs pa'i mtshan nyid gang yin pa dang/ gnas mngon sum du dmigs pa'i mtshan nyid gang yin pa dang/ rang gi rigs kyi dpe nye bar bsgrub pa dmigs pa'i mtshan nyid gang yin pa de ni grub par bya ba la gcig tu nges par grub par byed pas zhes bya ba ni gnyis yongs su grags pa'i mtshan nyid yang dag par bshad pa ste/ 'di ltar mngon sum du dmigs pa dang/ dpe'i dag gis dam bcas pa'i don nges par grub par byed pa'i phyir yongs su grags pa zhes bya'o/? /bstan bcos rnam par bshad pa las ni yongs su grub pa nyid ces 'byung ngo/ /yongs su grags pa'i mtshan nyid yin par rig par bya'o zhes bya ba ni gsum pa mjug bsdu ba sde/ brda phrad par zad do// shin tu rnam par dag pa'i lung gi mtshan nyid ni zhes bya ba 'di man chad ni lnga pa shin tu rnam par dag pa'i lung gi mtshan nyid bstan to/ /'di yang rnam pa gsum ste/ mdor bstan pa dang/ rnam par bshad pa dang/ mjug bsdu pas
- 150b
bstan te/ 'di ni dang po'o/ /'di lta ste/ thams cad mkhyen pas gsungs pa ji skad du mya ngan las 'das pa ni zhi ba'o/ /zhes bya ba la zhes pa ni gnyis pa rnam par bshad pa'o/ /de lta bu dang mthun pas gang yin pa de ni shin tu rnam par dag pa'i lung gi mtshan nyid yin par rig par bya'o/ /zhes bya ba ni gsum pa mjug bsdu pa'o/ /rigs kyi bu de lta bas na mtshan nyid lnga po dag gi phyir shin tu so sor rtag pa yongs su dag pa yongs su dag pa'i rigs pa zhes bya ste/ yongs su dag pa yin pa'i phyir brten par bya'o/ /zhes bya ba ni gsum pa spyi'i mjug bsdu pa'o// //bam po bdun cu gnyis pa/ /byang chub sems dpa' 'jam dpal gyis yang bcom ldan 'das la 'di skad ces gsol to/ /bcom ldan 'das thams cad mkhyen pa'i mtshan nyid rnam pa du mchis par rig par bgyi lags zhes bya ba 'di man chad ni gnyis pa rgol ba dag gi rjes su bzlas te rnam par bshad pa zhes bya ba ston to/ /'di ltar gong ma lnga pa shin tu rnam par dag pa'i lung gi mtshan nyid bstan pa'i skabs nas thams cad mkhyen pas gsungs pa zhes bya ba'i tshig gsungs pas thams cad mkhyen pa zhes bya ba mtshan nyid rnam pa du dang ldan pa khong du ma chud pas de'i phyir 'dir yang bzlas te bstan pa yin no/ /'di yang rnam pa gnyis te/ zhu ba gsol ba dang/ lan du gsungs pa ste/ 'di ni dang po thams cad mkhyen pa'i mtshan nyid zhus pa'o/ /'dir thams cad mkhyen pa zhes zhus pa dang/ gzhan nas rnam pa thams cad mkhyen pa zhes gsungs pa la bye brag yod ce na/ yul 'di'i slob dpon rnams kyis brgyud de bshad pa las/ de bzhin nyid la dmigs pa'i ye shes gang yin pa de ni thaMs cad mkhyen pa zhes bya'o/ /kun rdzob la gnas pa'i ye shes gang yin pa de ni rnam pa thams cad mkhyen pa zhes bya'o zhes bshad/ /slob dpon yang dag bden pas 'phags pa gser 'od dam pa'i brjed byang byas pa las ni/ theg pa chen po'i gzhung dang sbyar na stod pa nyid
- 151a
la dmigs pa'i ye shes gang yin pa de ni rnam pa thams cad mkhyen pa zhes bya'o/ /shes pa dang bcas pa la dmigs pa de ni thams cad mkhyen pa zhes bya'o/ /theg pa chung du bas 'dod pa'i don ni mtshan nyid gong ma las bzlog pa las rig par bya'o zhes 'byung ngo/ /gzhan yang 'phags pa gser 'od dam pa'i mdo las/ rnam pa thams cad mkhyen pa ni/ rtsa bdag tu gyur pas na/ yon tan dpag tu med pa dang/ /rab tu brgyad ? byung ba yin zhes gsungs pa yin te/ slob dpon yang dag bden pa'i brjed byang las rnam pa thams cad mkhyen pa ni rtsa bdag tu gyur pas na zhes bya ba ni sngar ye shes skye ba bstan pa'o/ /yon tan dpag tu med pa dang/ rab tu brgyan par gyur pa yin/ zhes bya ba ni yon tan skye bar bstan pa'o/ /de la rnam pa thams cad mkhyen pa zhes bya ba ni stong pa nyid kyi shes rab yin la/ stong pa nyid kyi shes rab kyis ni mkhyen pa skyed pa'i phyir rnam pa zhes bya'o/ /thams cad ces bya ba ni mkhyen pa dang ldan pa yin la mkhyen pa'i bye brag kyang mi mtshungs pa'i phyir thams cad ces bya ba gsungs so/ /theg pa chung du pa'i gzhung gis thams cad stong pa nyid du mkhyen pa zhes bshad de /de la stong pa ni thams cad ces bya ba'i rtsa ba yin la/ thams cad ces bya ba ni stong pa'i yan lag yin te/ rtsa ba las mi thob pa yin pas stong pa la rnam pa thams cad ces bya'o/ /mkhyen pa'i shes pa dang ldan pa ste/ shes pa dang ldan pa'i nang na rnam pa sna tshogs mi mtshungs pa'i phyir ro zhes 'byung ngo/ /'dir mkhyen pa rnam pa gnyis bshad pa yang bstan pa rnams la so so nas bshad pa mi mthun pas be'u'i sde pa rnams ni gang zag gi chos thams cad shes par nus pa la/ thams cad mkhyen pa zhes bya'o zhes bshad de /de'i phyir mdzod kyi bstan bcos kyi nang nas/ bdag 'jig pa'i le'u las/ gal te logs shig tu gang zag gi bdag nyid yang dag par yod par rnam par ma bzhag/ bcom ldan 'das ni thams cad mkhyen pa nyid du 'gyur te//
- 151b
sems dang sems can las byung ba'i chos thams cad mkhyen pa yin no/ /skad cig gcig la tha dad par skye zhing 'jig pa'i phyir ro/ /thams cad yod par smra ba'i bzhung gis ni rgyun la brten nas thams cad mkhyen pa zhes 'dod kyi/ bdag ni ma yin no zhes zer te/ de'i phyir mdzod kyi bstan bcos las/ de ni bcom ldan 'das thams cad gcig par mkhyen pa'i phyir thams cad mkhyen pa zhes mi zer te zhes 'gyur ba yin te/ bshed? pa 'di dang sbyar na/ be'u'i sde pa dag ni ded thams cad mkhyen pa zhes zer bar zad kyi/ bdag gis shes so zhes mi smra ste/ 'di ltar rgyud kyi dbang du byas nas sbyor pa dang ldan pa'i phyir sangs rgyas zhes bya ba'i mtshan brnyes pa yin te/ phung po rnams kyi rgyud la nus pa ? bar du 'phags pa de lta bu yongs su grub pas thugs la dgongs pa tsam gyis mkhyen par mdzad pa'i dgongs pa'i yul dag la phyin ci log mi mnga' bar mkhyen pa skye ba'i phyir thams cad mkhyen pa zhes bya'o/ skad cig ma gcig lo cig tshad mkhyen pa ni ma yin pa'i phyir te/ tshigs su bcang ? las ji skad du/ dper na rgyun gyis nus pa'i phyir/ /me yis thams cad sreg 'dod ltar de bzhin thams cad mkhyen 'dod kyi/ /gcig par thams cad mkhyen phyir min/ /zhes bshad ba lta bu'o/ /de ltar rgyun gyi dbang du byas nas thams cad mkhyen pa zhes bya'i/ /bdag gi kun shes pa ni ma yin par shes na 'di dang de dag gis brtag pa dang sbyar na bdag gis sangs rgyas bcom ldan 'das la yang dul dus gsum mnga' bar gsung bar shes pa'i phyir ro/ /gang du bstan ce na/ tshigs su bcad pa las ji skad du/ 'das pa'i sangs rgyas ? ma byon sangs rgyas gang yin dang/ /da ltar bzhugs pa'i sangs rgyas gang/ de dag sems can mya ngan srel/ /zhes bshad pa lta bu'o/ /khyod kyi gzhung gis na phung po kho na la dus gsum yod pa? 'dod kyi/ gang zag las ni ma yin pa'i phyir gdon mi za bar de ltar bes? zhes 'byung ngo/ /thams cad yod par sgra ba de'i gzhung gis thams cad mkhyen pa
- 152a
zhes bya ba de yang dag pa dang kun rdzob kyi ye shes las ye shes gang gi dbang du byis nas bstan ce na/ srung pa/ yang dag pa dang/ kun rdzob la dmigs pa gnyi ga la brjod pa yin pa'i phyir thams cad mkhyen pa zhes bya'o/ de lta ma yin na ni theg pa gnyis kyang thams cad mkhyen pa zhes bya par 'gyur ba'i phyir ro/ /mdo sde'i gzhung dang/ gzhan yang mdzod kyi bstan bcos las/ ye shes ni rnam pa bzhi ste/ slob dpon med pa'i ye shes dang/ thams cad mkhyen pa dang/ rnam pa thams cad mkhyen pa dang/ rtsol ba med pa'i ye shes so zhes 'byung? ste/ rnam par phye ste bshad pa mngon pa'i dga' phye bras ci yod ce na/ kha cig na re thams cad mkhyen pa zhes bya ba ni don dam pa la dmigs pa'o/ /rnam pa thams cad mkhyen pa zhes bya ba ni dngos po la dmigs pa'i mkhyen pa'o zhes zer ro/ /dge 'dun phal chen pa'i sde pa dang/ lan cig brjod pa'i bde pa dang/ bya ma la ba'i sde pa dag ni 'di skad du/ skad cig ma'i sems gcig gis thams cad khong du chud par 'gyur ro/ /skad cig ma gcig gi sems dang mtshungs par ldan pa'i shes rab kyi chos thams cad shes so/ /zad pa dang mi skye ba'i ye shes rtag par rgyun du 'jug go zhes bshad de/ sde pa tha dad pa'i gzhung lugs kyi bstan bcos las bstan pa bzhin du rig par bya'o/ /'dir theg pa chen po'i bstan pa dang sbyar na/ yang so so nas bshad pa mi mthun pas bstan bcos theg pa chen po bsdus pa'i 'brel pa slob dpon ngo bo nyid med kyis byas pa las/ theg pa gnyis kyis thams cad mkhyen pa thob par lta bas rnam pa thams cad mkhyen pa ma yin no/ /zhes bshad do/ /de'i phyir 'grel pa de nyid las/ lung gi tshul legs par mi rtogs pa'i phyir te/ tshigs su bcad pa las ji skad du/ rgyun dag gis nus pa'i phyir ni thams cad par 'dod cig char thams cad rig min pas/ thams cad mkhyen pa de ltar 'dod ces smra'o/ /de lta bas na kun gzhi rnam par shes pa ma shes pas thams cad mkhyen pa'i ye shes
- 152b
'thob pa de dpa' ba dang/ sla ba'i 'gyur ro zhes de'i? gzhung gis de ltar 'dod par shes so/ /chos thams cad bdag med pa'o/ /zhes thugs su chud pa thams cad mkhyen pa ma yin nam zhe ma thams cad mkhyenpa yin mod kyi/ rnam pa thams cad na khyen pa ni ma yin no zhes 'byung ste/ rgya cher 'di'i ? sa bstan pa bzhin no/ /bshad pa 'di dang sbyar na thams cad mkhyen pa zhes bya ba ni mtshan nyid tha dad pa nyid du chos thams cad thugs su chud cing rnam par ma rtog pa'i ye shes kyang bsdus pa yin no/ zhes bshad kyang 'gal ba med do// gzhan yang bshad pa 'di dag dang sbyar na de bzhin gshegs pas skad cig ma gcig la rang gi ngo bo nyid dang mtshungs par ldan pa'i chos la sogs pa thugs su chud par 'dod pa yang/ phal cher dge 'dun phal chen pa'i sde pa dag dang mthun no/ /de la bye brag yod pa de'i gzhung gis cha bzhi'i don rnam par mi 'jog pas 'dir bstan bcom rnam par rig pa tsam du grub pa la/ lta ba'i rnam pa ma gtogs pa ni rgyu mtshan la dmigs pa ma yin no zhes bya ba la sogs pa bstan pa rnams kyang brjod par bya'o/ /'phags pa shes rab kyi pha rol tu phyir pa'i 'grel pa las ni slob dpon gnyis kyi bshad pa byung ste/ kha cig na re ye shes gnyis la bye brag med do zhes zer/ kha cig na re bye brag yong zhes zer te/ de'i phyir 'grel pa de nyid las thams cad mkhyen pa dang/ rnam pa thams cad mkhyen pa la bye brag ci yod ce na/ smras pa/ kha cig na re bye brag med pas/ res 'ga' ni thams cad mkhyen pa zhes gsungs so/ /nges 'ga' ni rnam pa thams cad mkhyen pa zhes gsungs so zhe'o/ /kha cig na de spyi'i mtshan nyid tu ni thams cad mkhyen pa zhes bya'o/ /bye brag gi mtshan nyid tu ni rnam pa thams cad mkhyen pa'o/ /rgyu gang yin pa de ni thams cad mkhyen pa zhes bya'o/ /'bras bu gang yin pa de ni rnam pa thams cad mkhyen pa zhes bya'o/ /mdor bstan pa gang yin pa de ni thams cad mkhyen ba zhes bya'o/ /rgya cher ston pa gang yin pa
- 153a
de ni thams cad mkhyen pa zhes bya'o/ /de la thams cad mkhyen pa zhes bya bas ni chos thams cad la kun tu rmongs pa'i ma rig pa 'jig? par byed do/ /rnam pa thams cad mkhyen pa zhes bya bas ni chos rnam pa sna tshogs la so sor rtog pa'i ma rig pa 'jig par byed do zhes bya ba nas rgya cher bshad pa'i bar du'o/ /gzhan yang le'u phyi ma las/ bcom ldan 'das nyid kyis thams cad shes pa zhes bya ba ni nyan thos dang rang sangs rgyas kyi dngos po'o/ /lam gyi rnam par shes pa ? ni byang chub sems dpa' i dngos po'o/ /rnam pa thams cad mkhyen pa ni sangs rgyas kyi dngos po'o/ /nyan thos dang rang sangs rgyas la ni thams cad mkhyen pa kho na yod kyi/ rnam pa thams cad shes pa nyid ni med do/ /gzhan yang nyan thos dang rang sangs rgyas ni bye brag gi mtshan nyid la rnam par rtog pa'i spyod pa dang ldan yang/ zad par shes par mi nus pas spyi'i mtshan nyid kyi ming thob pa yin no/ /sangs rgyas kyi thams cad mkhyen pa dang/ rnam pa thams cad mkhyen pa dang/ rnam pa thams cad mkhyen pa nyid ni yang dag pa nyid yin la/ theg pa gnyis kyi gdags pa'i ming can no/ /thams cad mkhyen pas mkhyen par mdzad pa'i chos gang yin zhe na/ smras pa/ skye mched bcu gnyis so zhes 'byung ste/ rgya cher de nyid las bstan pa bzhin no/ /gzhan yang de nyid las bcom ldan 'das kyis lam brnyes pa na/ lam gyi mkhyen pas thams cad mkhyen pa dang/ rnam pa thams cad brnyes pa yin na/ 'dir ci'i phyir thams cad mkhyen pa dang ldan par bstan ce na/ smras pa/ bcom ldan 'das kyis lam brnyes pa na/ 'di nas lam gyi mkhyen pas thams cad mkhyen pa dang/ rnam pa thams cad mkhyen pa nyid phun sum tshogs par brnyes pa yin yang/ rnam pa thams cad mkhyen pa nyid ni spyod par mi mdzad de/ dper na rgyal po chen por dbang skur ba thob na/ rin po che'i bang mdzod la sogs pa la dbang thob pa yin yang/ da dung ma bye?
- 153b
ma spyod pa dang 'dra bar 'di ltar rnam pa thams cad mkhyen pa nyid kyis nyon mongs pa'i bag chags spangs nas/ shes rab kyi pha rol tu phyin pa bsgrub pa nyid du bstan par bzhed pa'i phyir ro/ /sems gcig gis thams cad mkhyen pa dang rnam pa thams cad mkhyen pa nyid brnyes nas nyon mongs pa'i bag chags spangs pa yin na/ 'dir ci'i phyir thams cad mkhyen pas rnam pa thams cad mkhyen pa nyid brnyes nas nyon mongs pa'i bag chags spong bar sten ce na/ dus gcig tu brnyed pa yin mod kyi/ 'dir gzhan dag shes rab kyi pha rol tu phyin pa la mngon par yid ches par mdzad pa'i dang/ rims kyi bye brag gis rnam pas bstan ce na/ sems can rnams yongs su dag pa'i sems 'thob par 'gyur ba'i phyir de skad du bstan to/ /gzhan yang sems gcig gis brnyes pa yin yang/ dang pa dang/ bar ma dang/ tha ma'i go rim kyang yod pas/ dper na sems gcig la mtshan nyid gnyis pa rgyu dang rkyen la gnas pa dang/ rgyu dang rkyen 'gag pa gnas pa skye ba lta bu'o zhes 'byung ste/ bstan bcos rnam par rig pa tsam du grub pa las/ bstan pa las phan tshun zlog pa yin par rig par bya'o/ /'phags pa sangs rgyas kyi sa'i 'grel pa las ni/ me long lta bu'i ye shes kho na las brtsams nas thams cad mkhyen pa nyid du ston te/ dus thams cad du rtag par chos thams cad thugs su chud pa'i phyir ro zhes 'byung ste/ zhib tu de nyid las bstan pa bzhin no/ /bstan bcos rnal 'byor spyod pa'i sa las ni/ thams cad mkhyen pa'i ye shes yin pa'i phyir ro zhes bshad do/ /de'i phyir de nyid las khams thams cad dang/ dngos po thams cad dang/ rnam pa thams cad dang/ dus thams cad du mkhyen pa thogs pa med par 'jug pa gang yin pa de ni thams cad mkhyen pa zhes bya'o/ /de la khams ni gnyis te/ 'jig rten gyi khams dang/ sems can gyi khams so/ /dngos po ni rnam pa gnyis te/ 'dus byas dang/
- 154a
'dus ma byas so/ /'dus byas dang 'dus ma byas pa'i dngos po de nyid la yang/ rang gi mtshan nyid kyi phyi ma phyi ma'i rnam par rab tu dbye ba'i phyir dang/ spyi'i mtshan nyid kyi rab tu dbye ba'i phyir dang/ rgyu dang 'bras bu'i rab tu dbye ba'i phyir dang/ khams dang 'gro ba dang/ dge ba dang/ mi dge ba dang/ lung du ma bstan pa la sogs pa'i rab tu dbye ba'i phyir rnam pa'i rab tu dbye ba tshad med do/ /de la dus ni rnam pa gsum ste/ 'das pa dang/ ma 'ongs pa dang/ da ltar byung ba'o/ /da ltar khams thams cad dang/ dngos po thams cad dang/ rnam pa thams cad dang/ dus thams cad mkhyen pa ni thams cad mkhyen pa'o zhes 'byung ste/ 'phags pa legs pa'i tshul khrims bstan pa'i mdo dang/ bstan bcos sa yongs su 'dzin pa las kyang de skad du bstan to/ /'dir 'phags pa shes rab kyi pha rol tu phyin pa'i 'grel pa dang/ lung gcig las 'phros pa dang/ lung sna tshogs las ba lang skyod ba'i chos rnam pa bcu gcig gis thams cad mkhyen pa'i mtshan nyid bstan pa dang/ gzhan yang 'phags pa shes rab kyi pha rol tu phyin pa'i 'greb? pa las/ phug ron shin tu yun ring po'i dus su sangs rgyas su 'grub par 'gyur ro/ /zhes bstan pa la sogs pa'i bstan pa dag kyang thams cad mkhyen pa nyid du 'grub pa yin pas khungs su brjod par bya'o/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu mdor bsdu na rnam pa lnga ste zhes bya ba la 'di man chad ni de bzhin gshegs pas yang dag par lan du gsungs pa ston to/ /'di yang mdor bstan pa dang/ rnam par bshad pa dang/ mjug bsdu ba bstan te/ 'di ni dang po grangs mdor smos nas lan mdor gsungs pa'o/ /gang su yang rung ba zhig byung na/ 'jig rten du thams cad mkhyen pa nyid du sgra rnam par grags pa zhes bya ba la sogs pas ni gnyis pa go rim bzhin du rnam par bshad pa'o/ /'di yang mtshan nyid rnam pa lnga rnam par phye ste/
- 154b
bshad pa 'di nyid kyis rnam lngar dbye ste/ 'di ni dang po kun tu grags pa'i mtshan nyid bstan pa yin te/ de'i phyir bstan bcos rnam par bshad pa las/ sangs rgyas 'jig rten du byung nas thams cad mkhyen pa'i sgra yang dag pa nyid 'jig rten kun tu khyab par gyur pa zhes bstan to/ /skyes bu chen po'i mtshon sum cu rtsa gnyis dang ldan pa zhes bya ba ni gnyis pa skyes bu chen po gya nom ba'i mtshan nyid bstan pa ste/ bstan bcos bye brag tu bshad pa chen po las ji skad du/ mtshan zhes bya ba'i don ci yin zhe na/ smras pa /rtags bstan pa'i don gang yin pa de ni mtshan gyi don to/ /khyad par du 'phags pa'i don gang yin pa de ni mtshan gyi don to/ /bkra shis kyi rtags kyi don gang yin pa de ni mtshan gyi don to/ /ci'i phyir skyes bu chen po'i mtshan sum cu rtsa gnyis kho na yin la/ mi mang mi nyung zhe na/ smras pa/ gal te mtshan sum cu rtsa gnyis kyis sangs rgyas kyi sku brgyan par gyur na ni 'jig rten na dpe zla med par 'gyur la/ gal te de las nyung na ni ma tshang ba nyid du 'gyur bas so/ /de las mangs na ni 'dres shing 'khrug pas khyad par du 'phaD pa ma yin pa nyid du gyur pa'i phyir de ltar nges pa yin te/ ji ltar bcom ldan 'das kyis chos bstan pa la/ lhag pa dang nyung ba med pa ltar sangs rgyas kyi mtshan yang de bzhin te/ ma tshang ba ci yang med pas skyed du med la/ lhag pa ci yang med pas dbring? med pa'i phyir ro/ /byang chub sems dpas 'thob pa'i mtshan sum cu rtsa gnyis gang yin pa dang/ 'khor lo sgyur ba'i rgyal pos thob pa'i mtshan la bye brag tu gyur pa ci yod ce na/ smras pa/ byang chub sems dpa' ni dngos po rnam pa bzhis khyad par 'phags pa yin te/ rab tu sbyangs pa dang/ gsal ba dang/ yongs su rdzogs pa dang/ gnas thob pa'o/ /gzhan yang dngos po rnam pa lngas khyad par du 'phags te/ gnas thob pa dang/ shin tu mdzes pa dang/ ri mo shin tu zab ba dang/ ye shes dam pa'i rjes su 'brang ba dang/ kun nas
- 155a
nyon mongs pa'i rjes su mi 'brang ba'o/ /ci byang chub sems dpa' mtshan gyis lus brgyan par byed ce na/ bla na med pa yang dag par rdzogs pa'i byang chub kyi gnas dang snod du bya ba'i phyir ro/ /de ci'i phyir zhe na/ yon tan khyad par du 'phags pa dag ni de ? par lus? khyad du 'phags pa la gnas pas de la ma 'ongs pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i don gyis byang chub sems dpa' la khyod kyi bdag lus la gnas par 'dod na sngar khyod kyi lus yongs su dag cing khyad par du 'phags pa dang/ mtshan dang dpe byang rnams kyi rgyan par bya'o/ /gal te de lta ma yin na ni bdag ni khyed kyi lus la skye bar mi nus so zhes zer bas/ dper na la la zhig bud med rin po che chung mar blangs nas khyim du bsdu bar 'dod pa la ngas gsang thabs su pho nya btang nas 'di skad du khyod kyis bdag khyim du 'ongs par 'dod na sngar chag chag thob/ phyag dar byos la/ mi gtsang ba dag bsal nas dar gyi lnga ldis bres shing/ spos kyis bdugs la me tog thor cig /bkod pa rnam pa sna tshogs kyis brgyan par gyis shig dang/ gdong? bdag 'ong ngo/ /de lta ma yin na ni bdag khyod kyi khyim du 'ong mi nus so zhes zer ba dang 'dra bas na/ de'i phyir byang chub sems dpa' lus brgyan par byed do zhes 'byung ste/ 'phags pa shes rab kyi pha rol tu phyin pa'i 'grel pa las kyang/ phal cher bye brag du? bshad pa chen po las 'byung ba dang mthun par bshad do/ /gzhan yang 'phags pa shes rab kyi pha rol tu phyin pa'i 'grel pa las/ mtshan gyi dgongs pa ston te/ de'i phyir 'grel pa de nyid las phyogs bcu'i sangs rgyas rnams dang/ dus gsum gyi chos ni mtshan ma yod pa ma yin no/ 'di ci'i phyir mtshan sum cu rtsa gnyis bstan/ /mtshan gcig kyang yang dag par yod pa ma yin na/ sum cu rtsa gnyis lta smos kyang ci dgos she na/ smras pa/ sangs rgyas kyi chos la bden pa gnyis
- 155b
yod de/ kun rdzob kyi bden pa dang/ don dam pa'i bden pa'o/ /kun rdzob kyi bden pa'i phyir ni mtshan sum cu rtsa gnyis bstan to/ /don dam pa'i bden pa'i phyir ni mtshan med par bstan to/ /gzhan yang lam gnyis te/ sems can bsod nams kyi spel ba'i lam dang/ / sems can shes rab sgrom par byed pa'i lam mo/ /bsod nams kyi lam gyi phyir ni mtshan sum cu rtsa gnyis bstan to/ /shes rab kyi lam gyi phyir ni mtshan med par bstan to/ /skye ba'i lus kyi phyir ni mtshan sum cu rtsa gnyis bstan to/ /chos kyi sku'i phyir ni mtshan mod par bstan te/ 'di ltar skye ba'i lus gang yin pa de ni mtshan sum cu rtsa gnyis dang/ dpe byad bzang pos bdag nyid brgyan pa yin la/ chos kyi sku ni stobs bcu dang/ mi 'jigs pa bzhi dang/ so so yang dag par rig pa bzhi dang/ sangs rgyas kyi chos ma 'bres pa bco brgyad la sogs pas bdag nyid brgyan? pas so/ /sems can rnams la rgyu dang rkyen rnam pa gnyis yod de/ bsod nams kyi rgyu dang rkyen dang/ /shes rab kyi rgyu dang rkyen no/ /bsod nams kyi rgyu dang rkyen can gyi sems can rab tu 'dren par bzhed ba'i phyir ni mtshan sum cu rtsa gnyis dang ldan pa'i sku spyod par mdzad do/ /shes rab kyi rgyu dang rkyen can gyi sems can rab tu 'dren pa'i phyir ni/ chos kyi sku spyod par mdzad do/ /sems can ni rnams gnyis te/ chos rnams la btags pa can gyi ming can dang/ ming la mngon par zhen pa'o/ /'di? la mngon par zhen pa'i sems can gyi phyir ni/ mtshan med par bstan to/ /chos rnams btags pa tsam du shes pa'i sems can gyi phyir mtshan sum cu rtsa gnyis bstan to/ /gzhan yang sems can thams cad las khyad par du 'phags pa yin par rab tu bstan pa'i phyir ni mtshan sum cu rtsa gnyis bstan nas/ mtshan med pa'i chos 'jig par mi mdzad to zhes 'byung ste/ mtshan sum cu rtsa gnyis rgya cher rnam par bshad pa ni mtshan nyid bstan pa dag las byung ba bzhin du rig par bya'o/ /stobs bcu dang ldan pas sems
- 156a
can thams cad gyi the tshom thams cad gcod ba zhes bya ba ni gsum pa stobs bcu dang ldan pa'i mtshan nyid bstan pa'o/ /mi 'jigs pa bzhi dang ldan zhing chos yang dag par ston pas pas kyi rgal ba thams cad kyi brgal? du med cing/ lag par smra ba thams cad tshar gcod pa zhes bya ba ni bzhi'i mtshan nyid bstan pa'o/ /mdo 'di nyid las mdor bsdus nas de bzhin gshegs pa'i yon tan rnam pa bzhi bcu rtsa drug bstan pa'o/ /bstan bcos rnal 'byor spyod pa'i sa las ni/ de bzhin gshegs pa'i yon tan brgya bzhi bcu ston to/ /bla na med pa'i gnas pa'i mdo las ni/ yon tan rnam pa brgya brgyad cu ston te/ zhib tu mtshan nyid bstan pa dag las 'byung ba bzhin du rig par bya'o/ /legs par gsungs pa'i chos 'dul ba la 'phags pa'i lam yan lag brgyad dang/ dge sbyong bzhi snang ba yin te zhes bya ba ni lnga pa lam dang 'bras bu snang pa'i mtshan nyid bstan pa'o/ /'di ltar de bzhin gshegs pa 'jig rten du byung nas chos legs par gsungs pa'i phyir 'phags pa'i lam yan lag brgyad dang/ des mngon du byas pa'i dge sbyong gi 'bras bu bzhi dang/ 'phags pa nyi shu rtsa bdun la sogs pa 'bras bu sna tshogs snang bar 'gyur ba yin la/ gal te sangs rgyas byung bar ma gyur na/ thams cad mi snang bas de'i phyir 'phags pa shes rab kyi pha rol tu phyin pa'i 'grel pa las mi ni bsod nams dang shes rab dang ldan mod kyi gal te sangs rgyas 'jig rten du ma byung na rnam par smin pa myong ba dang/ lam 'thob par mi 'gyur la/ gal te sangs rgyas 'jig rten du byung bar gyur na ni/ gdod lam thob par 'gyur te/ dper na mi'i mig dang ldan yang/ nyi ma ma shar na ci yang mthong bar mi 'gyur gyi/ nyi ma shar nas gdod mthong bar 'gyur bas bdag la mig yod pas nyi ma ci dgos zhes bya bar mi rung ba bzhin no/ /bcom ldan 'das kyis ji skad du/ phyi nang gi rgyu dang rkyen gyis yang dag pa'i lta ba skyed de/ gzhan las chos thos pa dang/ bdag nyid nang du tshul bzhin
- 156b
yid la byed pa ste/ bsod nams kyi dngos po bskyed pa'i phyir dang/ dge ba'i sems kyi dngos po dang/ shes rab bskyed ba'i tshul bzhin yid la byed pas/ de'i phyir sangs rgyas las thos pa yin no zhes 'byung ste/ zhib tu de nyid las bstan pa bzhin no/ /dge sbyong la? 'bras bu bzhi ni mtshan nyid bstan pa dag las 'byung ba bzhin no?/ /de ltar skye ba'i phyir dang/ mtshan dang ldan pa'i phyir dang/ the tshom gyi dra ba gcod pa'i phyir dang/ gzhan dag gis brgal du med cing gzhan dag zil gyis gnon pa'i phyir dang 'phags pa'i lam dang/ dge sbyong dmigs pa'i phyir zhes bya ba la sogs bas ni gsum pa mtshan nyid lnga bshad pa'i mjug bsdu ba'o/ /'di yang rnam pa gnyis te/ mtshan nyid rnam par bye nas bstan pas 'jug bsdu ba dang/ mtshan nyid lnga po spyi'i mjug bsdu ba'o/ /'di ni dang po ste/ go rims bzhin du mtshan nyid lnga po dgar? dang sbyor bar bya'o/ /de ltar sky ba zhes bya ba ni gang su yang rung ba zhig byung na 'jig rten du zhes gsungs pa'o/ /bstan bcos rnam par bshad pa las ni de ltar 'byung ba'i phyir zhes 'byung ste/ gzhan ni mdo 'di las gsungs pa dang mthun no/ /de ltar rnam pa lnga po dag gis thams cad mkhyen pa'i mtshan nyid rig par bya'o/ /zhes bya ba ni gnyis pa mtshan nyid lnga bshad pa'i spyi'i mjug bsdu ba'o/ /rigs kyi bu de lta na 'thad pa bsgrub pa'i rigs pa ni mngon sum gyi tshad ma'i phyir dang/ rjes su dpag pa'i tshad ma'i phyir dang/ 'phags pa'i lung gi tshad ma'i phyir dang/ mtshan nyid lnga po dag gis yongs su dag pa yin no zhes bya ba ni gnyis pa tshad ma gsum las brtsams nas mtshan nyid snga ma lnga po dag yongs su dag pa'i mtshan nyid tu bstan pa'o/ /'di ltar bstan pa'i ma thad bas bsgrub pa'i rigs pa las mtshan nyid lngar bstan pa de yang tshad ma gsum gyis bsdus pa yin te/ mtshan nyid dang po gcig ni mngon sum gyi tshad mas bsdus so/ /mtshan nyid bar ma gsum ni rjes su dpag pa'i tshad mas bsdus so/ /mtshan nyid phyi ma gcig ni 'phags pa'i lung gi tshad mas bsdus
- 157a
so/ zhes bya ba'i tha tshig go /bstan bcos rnal 'byor spyod pa'i sa dang/ mtshams rnam par grol ba'i mdo las kyang/ mdo las gsungs pa dang mthun par 'gyur ba'o/ /bstan bcos rnam par bshad pa las ni/ mtshan nyid snga ma ma pa dag so sor sbyar bar bshad de/ de'i phyir bstan bcos de nyid las/ da ltar da? 'thad bas bsgrub pa'i rigs pa ni/ mngon sum kyi tshad ma'i phyir dang/ rjes su dpag pa'i tshad ma'i phyir dang/ dpa' i phyir dang/ yongs su grags pa'i phyir dang/ lung gi tshad ma'i phyir mtshan nyid lnga po dag yongs su dag pa'o/ /zhes 'byung ste/ dgongs pa zab mo rnam par grol ba'i mdo las kyang de skad du ston to/ /de la mtshan nyid rnam pa bdun gyi yongs su dag par mi 'gyur ba gang zhe na zhes bya ba 'di min chad ni gnyis pa mtshan nyid yongs su ma dag pa bdun rnam par phye ste bshad pa ston to/ /'di yang zhu ba gsol ba dang/ lan du gsungs pas bstan te/ 'di ni zhu ba gsol ba nyid do/ /de las gzhan pa mthun par dmigs pa'i mtshan nyid dang/ de las gzhan pa dang mi mthun par dmigs pa'i mtshan nyid dang/ thams cad mthun par dmigs pa'i mtshan nyid dang/ thams cad mi mthun par dmigs pa'i mtshan nyid dang/ gzhan gyi rigs kyi dpe nye bar bsgrub pa'i mtshan nyid dang/ yongs su grags pa ma yin pa'i mtshan nyid dang/ shin tu rnam par dag pa ma yin pa'i lung gi mtshan nyid do zhes bya ba la sogs pas ni gnyis pa de bzhin gshegs pas yang dag par lan du gsungs pa ston to/ /'di yang mdod bkod pa dang/ rnam bar bshad pas bstan te/ 'di ni mdo bkod pa'o/ /mtshan nyid bdun po 'di dag skyon dang bcas pa'i phyir yongs su ma dag pa zhes bya'o/ /bstan bcos yang dag pa'i rig pa la 'jug pa las/ skyon dang bcas pa'i rgyu rnams ni mdor bsdu na rnam pa bcu bzhi yod pas rgyu 'dra ba zhes bshad de/ 'di lta ste/ yongs su ma grags pa ni rnam pa gnyis yod pas 'di lta ste/ gang yang rung ba cig
- 157b
yongs su ma grags pa la sogs pa'o/ /ma nges pa ni rnam pa drug yod de/ 'di lta ste/ thun mong dang thun mong ma yin pa la sogs pa'o/ /phan tshun 'gal ba ni rnam pa bzhi yod de/ 'di lta ste/ chos rnams kyi rang gi mtshan nyid phan tshun 'kal? bar rgyu la sogs pa'i zhes 'byung ste/ zhib tu de nyid las bstan pa bzhin du rig par bya'o/ /'dir bstan pa'i mtshan nyid bdun las/ mtshan nyid snga ma bzhi ni bstan bcos gtan tshigs kyi rigs pa las bstan pa'i ma nges pa drug las/ snga ma lnga po dag yin te/ drug pa phan tshun dag pa par nges pa nyid ces bya ba ma rtogs pa'i phyir ro/ /'di ni sngar bstan bcos yang dag pa'i rigs pa la 'jug pa las bstan pa'i ma nges pa'i mtshan nyid drug bkod nas/ de'i 'og tu bstan bcos de dang/ mdo'i tshig gi 'di dang sbyar bar bya'o/ /bstan bcos yang dag pa'i rig pa la/ 'jug pa las/ ma nges pa ni drug ste thun mong dang/ thun mong ma yin pa dang/ phyogs mtshungs pa cha gcig 'jug la phyogs tha dad pa kun 'jug pa dang/ phyogs tha dad pa cha gcig 'jug la/ phyogs mtshungs pa kun 'jug pa dang/ gnyi ga'i phyogs kyi cha gcig 'jug pa dang/ phan tshun 'gal bar nges pa'o/ /de la thun mong ba ni dper na sgra ni rtag pa yin te/ gzhal bar bya ba'i ngo bo nyid yin pa'i phyir ro/ /zhes zer ba lta bu ni rtag pa dang mi rtog pa'i phyogs kun kyang gtan tshigs 'di thun mong du gyur pas de'i phyir ma nges pa yin te/ bum pa la sogs pa ltar gzhal bar bya ba'i ngo bo nyid kyi phyir sgra ni mi rtag pa'o/ /dper nam mkha' la sogs pa lta bur gzhal bar bya ba'i ngo bo nyid kyi phyir sgra ni rtag pa yin no/ /de la thun mong ma yin pa ni dper na sgra ni rtag pa yin pa te/ thos par bya ba'i ngo bo nyid yin pa'i phyir ro zhes zer ba lta bu ni rtag pa dang mi rtag pa'i phyogs kyi gtan tshigs 'di spangs nas rtag pa dang mi rtag pa las gud na gzhan yod pa ma yin pa'i phyir ro som nyi'i rgyu yin te/ thos par bya ba'i ngo bo nyid ci
- 158a
'dra ba zhig ces bya ba la sogs pa lta bu'o/ /de la phyogs mtshungs pa cha gcig 'jug la/ phyogs tha dad pa kun 'jug pa ni dper na sgra ni rtsol ba ma yin pa'o/ zhes bya? ba lta ste/ bar chad med pas bskyed ba'i mi rtag pa nyid yin pa'i phyir ro de la rtsol ba dang/ bar chad med pas bskyed pa ma yin par dam bca' ba ni/ 'di ltar glog dang nam mkha' la sogs ba ni phyogs mtshungs pa yin pas mi rtag pa nyid de glog la sogs pa la ni yod la/ nam mkha' la sogs pa la med pa lta bu'o/ /rtsol pa ma yin pa bar chad med pas bskyed par dam bca' ba ni/ 'di ltar bum pa la sogs pa gang yin pa de ni phyogs tha dad pa yin te/ de la gtan tshigs 'di tshang bar yod pas glog dang bum pa ni chos mtshungs pa yin pa'i phyir ma nges pa'ang yin no/ /bum pa la sogs pa ltar mi rtag pa nyid yin pa'i phyir de rtsol ba dang bar chad med pas bskyed pa'o/ /glog la sogs pa lta bur mi rtag pa nyid yin pa'i phyir de rtsol ba ma yin pa bar chad med pas bskyed pa'o/ /de la phyogs tha dad pa'i cha gcig la 'jug la/ phyogs mtshungs pa kun 'jug pa ni/ dper na sgra ni rtsol ba dang bcas pa bar chad med pas bskyed pa'o zhes dam bca' blta bu ste/ mi rtag pa nyid kyi phyir ro/ /rtsol ba dang bcas pa bar chad med pas skyed par dam bca' ba ni 'di ltar bum pa la sogs pa ni phyogs mtshungs ba yin pas mi rtag ba nyid de 'di dag la tshang bar yod bas so /glog dang nam mkha' la sogs pa ni phyogs tha dad ma yin te/ ngo bo phyogs gcig glog ni yod pa yin la/ nam mkha' la sogs pa ni med pas de'i phyir snga ma bzhin du ma nges pa yin no/ /de la gnyi ka'i phyogs kyi cha gcig 'jug pa ni sgra rtag ces zer ba lta bu ste/ gzugs dang thogs pa med pa'i phyir ro/ /de lhag par dam bca' ba ni nam mkha' lta bu'o/ /rdul phra mo la sogs pa ni phyogs mtshungs pa yin te/ thogs pa med
- 158b
pa'i phyir nam mkha' la sogs pa la ni yod la/ rdul phra mo la sogs pa ni med pa'o/ /bum pa la sogs pa ni phyogs tha dad pa yin te/ bde ba la sogs pa ni yod la/ bum pa la sogs pa ni med pas de'i phyir gtan tshigs 'di ni bde ba dang/ nam mkha' chos mtshungs ba med ba'i phyir ma nges pa zhes bya'o/ /de la phan tshun 'gal bar nges pa ni dper na sgra ni mi rtag pa'o zhes dam bca' ba lta bu ste/ byam pa'i rang bzhin gyi phyir ro/ /dper na bum pa la sogs pa la rtag pa'i sgrar rnam par bzhag pa lta bu ste thos par bya ba'i ngo bo nyid kyi phyir ro/ /dper na sgra'i ngo bo nyid lta bu ste 'di gnyi ga yang yid gnyis za ba'i rgyu yin pa'i phyir gnyi ga ma nges pa zhes bya'o zhes 'byung ste/ de yan chad du bstan bcos yang dag ba'i rigs pa las 'byung ba'i don bshad de/ gzhan ni ma ngas pas 'dir ma brjod do/ /de la bstan bcos de las byung ba dang/ mdo 'di'i tshig sbyar bar bya ba yang 'di la bshad pa gnyis yod de/ kha cig na re 'di las gsungs pa'i gnyis kyis ni bstan bcos las 'byung ba gsum po dag bsdus te/ 'di ltar de las gzhan pa dang mthun par dmigs pa'i mtshan nyid kyis ni bstan bcos las 'byung ba'i gsum pa phyogs mtshungs pa cha gcig 'jug la/ phyogs tha dad pa la kun 'jug pa dang/ lnga pa gnyi ga'i phyogs kyi cha gcig gis 'jug pa las/ phyogs mtshungs pa cha gcig 'jug pa bsdus so/ /de las gzhan pa dang mi mthun par dmigs pa'i mtshan nyid kyis ni bstan bcos las 'byung ba'i bzhi pa tha dad pa cha gcig 'jug la/ phyogs mtshungs pa kun 'jug pa dang/ lnga pa gnyi ga'i phyogs kyi cha gcig 'jug las phyogs tha dad pa cha gcig 'jug pa gsungs so/ /thams cad mthun par dmigs pa'i mtshan nyid kyis/ bstan bcos las 'byung ba dang po thun mong gi ma nges pa gsungs so/ /thams cad mi mthun par dmigs pa'i mtshan nyid kyis ni bstan bcos las 'byung ba'i
- 159a
gnyis pa thun mong ma yin pa'i ma nges pa bsdus so zhe'o/ /bshad pa 'di dang sbyar na gzhan gyi rigs kyis dpes nye bar bsgrubs pa dmigs pa'i mtshan nyid la bshad pa rnam pa gnyis yod de/ kha cig na re mi mtshungs pa'i dpe kho na yod par zad kyi mtshungs ba'i dpe ni med kyi/ dper na sgra ni rtag pa nyid du sgrubs na byas pa'i phyir ro zhes zer ba lta bu'o zhe'o?/ /kha cig na re 'di ni dpe la skyon rnam pa bcu yod pa nyid zhe'o/ /yongs su grags pa ma yin pa'i mtshan nyid gong du skyon rnam par bzhag pa nyid kyi dam bca' ba'i don yongs su ma grub pa'o// shin tu rnam par dag pa ma yin pa'i lung gi mtshan nyid ni 'di lta ste/ 'phags pa ma yin pa'i lung gis mngon par bsgrub pa gang yin pa'o zhe'o/ /kha cig na re mdo las gsungs ba'i mtshan nyid rnam pa lnga las/ dang po ni bstan bcos las 'byung ba'i gsum pa phyogs mtshungs pa gcig 'jug la phyogs tha dad pa kun 'jug ba bsdus so/ /mdo las gsungs pa'i mtshan nyid gnyis pas ni bstan bcos las 'byung ba'i bzhi pa phyogs tha dad pa cha gcig 'jug la/ phyogs mtshungs pa kun 'jug pa bsdus bas so/ /mdo las gsungs ba'i mtshan nyid gsum pas ni bstan bcos las 'byung ba'i dang po thun mong ba'i nges pa bsdus so/ /mdo las gsungs pa'i mtshan nyid bzhi pas ni bstan bcos las 'byung ba gnyis pa thun mong ma yin pa'i ma nges pas gsungs so/ /mdo las gsungs pa'i mtshan nyid lnga pas ni/ bstan bcos las 'byung ba'i lnga pa gnyi ga'i phyogs kyi cha gcig 'jug pa bsdus so zhes zer te/ slob dpon 'di'i bshad pa ni 'di ltar gzhan gyi rigs kyi dpe'i chos la/ rgyu'i chos kyi cha cung zad cig dmigs bas chad bar bya na/ 'di skad du mtshungs pa dang tha dad pa'i dpe'i chos la so so nas rgyu'i chos cha gcig dmigs so zhes brjod pa'i rigs pa las/ mdo 'di las mdor bsdu bar dgongs pa'i phyir gzhan gyi rigs kyi dpes nye bar bsgrub pa dmigs pa'i mtshan
- 159b
nyid 'ba' zhig bston to/ /mtshan nyid gzhan gnyis ni sngar bstan ba bzhin du rig par bya'o/ /de las gzhan pa dang mthun par dmigs pa'i mtshan nyid zhes bya ba las/ de zhes bya ba la gzhung de'o/ /gzhan ba zhes bya ba ni rigs mtshungs pa te/ 'di ltar gzhung de dang rigs mtshungs pa'i chos las gtan tshigs kyi chos kyi cha cung zad dmigs pas tshig tshang bar bstan na/ 'di skad du phyogs mtshungs pa cha gcig 'jug pa dang/ phyogs tha dad pa kun 'jug ba zhes brjod pa'i rigs pa las/ mdo las mdor bsdu bar dgongs? pa'i phyir phyogs mtshungs pa cha gcig 'jug pa 'ba' zhig bstan to/ /de las gzhan ba mi mthun par dmigs pa'i mtshan nyid ces bya ba la de zhes bya ba de ni bzhud de'o/ /gang? ni zhes bya ba ni rigs mtshungs pa ste/ 'di ltar gzhung de dang rigs mtshungs ba'i chos las gtan tshigs kyi chos kyi cha cung zad cig dmigs pas tshig tshang bar bstan na 'di skad du/ phyogs tha dad pa cha gcig 'jug pa dang/ phyogs mtshungs pa kun 'jug pa zhes brjod pa'i rigs pa las/ mdo'i tshig bsdus pa'i phyir/ phyogs tha dad pa'i cha gcig 'jug pa zhes bya ba 'ba' zhig bstan to/ /mtshan nyid ni snga ma bzhin du rig par bya'o// //bam po bdun cu gsum pa/ de la chos thams cad yid kyi rnam par shes bas shes par bya ba nyid gng yin pa de ni thams cad mthun par dmigs pa'i mtshan nyid ces bya ba zhes bya ba 'di man chad ni gnyis pa mtshan nyid gong ma bdun po dag rnam par bshad de/ 'di yang so so nas bshad pa mi mthun pas kha cig na re 'di yang rnam pa bzhi ste/ gsum pa thams cad mthun par dmigs pa'i mtshan nyid bstan pa dang/ chos thams cad rtag zhes bya ba man chad kyis bzhi pa thams cad mi mthun par dmigs pa'i mtshan nyid bstan pa dang/ rigs kyi bu zhes bya ba man chad kyis mtshan nyid dang po dang gnyis pa dang/ drug pa yongs su 'dras ba ma yin pa'i mtshan nyid spyir bstan pa dang/ yang
- 160a
de las gzhan pa zhes bya ba man chad kyis lnga ba gzhan gyis rigs kyi dpes nye bar bsgrub pa'i mtshan nyid dang/ bdun pa shin tu rnam par dag pa ma yin pa'i lung gi mtshan nyid bstan pa ste/ 'di ni dang po thams cad mthun par dmigs pa'i mtshan nyid bstan pa'o/ /de la chos thams cad ces bya ba ni dam bcas pa'i chos las bya ba dpe chos thams cad do/ /tshad ma'i don ni 'di skad du re zhig dper na sgra ni rtag pa yin te/ yid kyi rnam par shes pas shes par bya ba nyid yin pa'i phyir nam mkha' la sogs pa bzhin no zhes dam bca' ba lta bu ste/ rtag pa dang mi rtag pa'i phyogs gnyi g.yong rgyu 'di thun mong du gyur pas de'i phyir ma nges pa'o/ /bum pa la sogs pa bzhin du shes par bya ba'i ngo bo nyid yin pa'i phyir sgra ni mi rtag pa'o/ /nam mkha' la sogs pa bzhin du shes par bya ba'i ngo bo nyid yin pa'i phyir sgra ni rtag pa'o/ /dam bca' ba'i tshogs las gzhan pa rnams ni rgyu'i phyogs mtshungs pa yin pa'i phyir de thams cad mthun par dmigs pa'i mtshan nyid ces bya'o/ /'di ni bstan bcos yang dag pa'i rigs pa la 'jug pa las/ thun mong ba'i ma nges pa zhes bstan pa nyid do/ /bstan bcos las gzhal bar bya ba zhes 'byung ba dang/ 'dir mdo las shes par bya zhes gsungs pa tshig mi mthun yang don ni gcig go /chos thams cad rtag dang ngo bo nyid dang/ las dang chos dang/ rgyu dang 'bras bu'i mtshan nyid mi mthun pa rnams kyis mtshan nyid mi mthun pa gang yang rung bas nges par phan tshun so so nas mtshan nyid mi mthun par dmigs pa'i mtshon nyid ces bya'o/ /zhes bya ba ni gnyis pa mtshan nyid bzhi pa thams cad mi mthun pa dmigs pa'i mtshan nyid rnam par bye ste/ bshad pas ston to/ /mdo'i tshig 'di yang khong du chud par dka' bas sngar rtags dang ngo bo nyid la sogs par rnam par phye ste/ de'i 'og tu don nyid bstan par bya ste/ mtshams rnam par grol ba'i mdo las ni/ dbyings
- 160b
rang bzhin dang/ las dang/ chos dang/ rgyu dang/ 'bras bur rnam par smin pa zhes 'byung ngo/ /dgongs pa zab mo rnam par grol ba'i mdo las ni/ chos thams cad rtags dang/ ngo bo nyid dang/ las dang/ chos dang/ rgyu dang/ rnam par smin pa'i 'bras bu'i mtshan nyid ces bya ba nas rgya cher bshad pa'i bar du 'byung ngo/ /bstan bcos rnal 'byor spyod pa'i sa las ni/ mtshan nyid rnam pa lngar bsdus nas bstan to/ /de'i phyir de nyid las rjes su dpag pa ni 'di lta ste/ mngon par brtag pa dang/ bcas pas mngon par rtag pa dang/ mngon par brtg par bya ba'i yul lo/ /de yang rnam pa lngar blta bar bya ste/ rtags dang/ ngo bo nyid dang/ las dang/ chos dang/ rgyu dang/ 'bras bu'o/ /rtag las rjes su dpag pa ni 'di lta ste/ da ltar ram/ sngar mthong ba'i mngon mtshan dang/ mtshan ma 'ga' zhig gi 'grel pa las yul mngon par brtag pa gang yin pa ste/ dper na ru mtshon las shing rta rjes su dpag pa dang/ dud pa las me dang/ rgyal po las yul 'khor dang/ khyim thab las bud med dang/ nog dang nga las zhes bya ba nas rgya cher bshad pa'i bar du'o/ /ngo bo nyid las rjes su dpag pa ni 'di lta ste/ mngon sum gyi ngo bo nyid kyi lkog na 'dug pa'i ngo bo nyid brtags pa 'am/ ngo bo nyid phyogs gcig las phyogs gcig rtag pa yin pa ste/ dper na da lta las 'das pa rjes su dpag pa dang/ 'das pa las ma 'ongs pa dang/ da ltar byung ba nye ba las thag ring ba dang/ da ltar byung ba las/ ma 'ongs pa'i rjes su dpag ba zhes bya ba nas rgya cher bshad pa'i bar du'o/ /las rjes su dpag pa ni 'di lta ste/ byed pas las gyi rten brtag pa gang yin pa ste/ dper na mi 'gul ba dang/ bya tshang gnas pa la sogs pa las/ sdong dum du rjes su dpag pa dang/ 'gul ba dang/ yan lag bskyod pa la sogs pa las mi rjes su dpag pa dang/ rkang lag gi rjes las glang po che dang/ lus kyi 'gro ba'i rjes las sprul dang/ skang rtse 'di? zer bar las rta dang/ nga ro sgrog ba las seng ge dang/ 'bu'u zhes zer ba las khyu ba zhes
- 161a
bya ba nas rgya cher bshad pa'i bar du'o/ /chos las rjes su dpag pa ni 'di lta ste/ ma 'brel ba'i chos dang/ 'brel pa las de dang 'brel ba'i chos nyid rtag pa gang yin pa ste/ dper na mi rtag pa dang/ 'brel pa las sdug bsngal rjes su dpag pa dang/ sdug bsngal dang 'brel pa las stong pa dang/ bdag med pa dang/ skye ba dang/ 'brel pa las dga' ba'i chos nyid ces bya ba nas rgya cher bshad pa'i bar du'o/ /rgyu dang/ 'bras bu las rjes su dpag pa ni 'di lta ste/ rgyu las 'bras bu 'am/ 'bras bu las rgyu rjes su dpag pa gang yin pa ste/ dper na 'gro ba las yul gzhan du phyin pa rjes su dpag pa dang/ yul gzhan du phyin pa las 'gro ba rjes su dpag pa dang/ rgyal po mnyes par byas pa las bya dga' chen po thob pa dang/ bya dga' chen po thob pa las rgyal po mnyes? par bya ba rjes su dpag pa nas/ lam las dge sbyong gi 'bras bu dang dge sbyong gi 'bras bu las lam rjes su dpag pa'i bar du ste/ rgya cher de nyid las bstan pa bzhin du rig par bya ste/ bstan bcos rnam par bshad pa las kyang de skad du ston to/ / de las de'i 'og tu don nyid bstan pa yang chos thams cad brtag pa dang/ ngo bo nyid dang/ las la sogs pa gcig la gcig bltos nas phan tshun mi 'dra bas thams cad mi mthun pa zhes bya ste/ de la re zhig dper na sgra la yod pa'i thos pa'i ngo bo nyid la sogs pa gang yin pa de ni sgra kho na la yod kyi/ chos la yod pa ma yin pas de'i phyir 'di la rgyu zhes byar mi rung ngo/ /thos par bya ba'i sgra de ni dam bcas pa'i chos kho na la yod kyi dpe mtshungs pa ni med do/ /rgyu'i rnam pa tha dad pa yod kyi/ thos par rjes su bya ba'i mtshan nyid kyi ma yin pas de'i phyir thams cad mi mthun par dmigs pa'i mtshan nyid ces bya'o/ /'di ni bstan bcos yang dag pa'i rig pa la 'jug pa las/ thun mong ma yin pa'i nges pa zhes bstan pa nyid de/ de'i phyir
- 161b
yang dag pa'i rigs pa la 'jug pa las thun mong ma yin pa zhes bya ba ni dper na sgra ni rtag pa yin te/ thos par bya ba'i ngo bo nyid kyi phyir ro zhes zer ba lta bu'o/ /rtag pa dang mi rtag pa'i phyogs ni rgyu 'di dang bral ba yin te/ rtag pa dang mi rtag pa las gung na gzhan yod pa ma yin pa'i phyir ro/ zhes 'byung ngo/ /rigs kyi bu de la de las gzhan pa dang mthun pas dmigs pa'i mtshan nyid dpe dang bcas pa la thams cad mi mthun par dmigs pa'i mtshan nyid yod pa zhes bya ba la sogs pa ni gsum pa mtshan nyid dang gnyis pa dang dag pa yongs su grags pa ma yin pa'i mtshan nyid tu bsdus te rnam par bshad pa dang/ bstan bcos las gnyi ga'i phyogs kyi cha gcig dang/ 'jug pa zhes bstan pa bsdu ba ston to/ /'di yang rnam pa gnyis te/ mtshan nyid rnam pa gsum gcig tu bsdus te bstan pa dang/ yongs su ma grags pa'i phyir zhes bya ba man chad kyis brten par mi bya bar bskul pa'o/ /dang po yang rnam pa gnyis te/ mtshan nyid dang po dang/ yongs su greg pa ma yin pa rnam par bshad pa dang/ mtshan nyid gnyis pa dang/ yongs su greg pa ma yin pa'i mtshan nyid rnam par bshad pa'o/ /dang po yang rnam pa gnyis te/ mtshan nyid dang po rnam par bshad pa dang/ yongs su greg pa ma yin pa'i mtshan nyid rnam par bshad pa'o/ /'di ni mtshan nyid dang po las gzhan pa dang mthun par dmigs pa'i mtshan nyid rnam par bshad pa ste/ de las gzhan pa dang mthun par dmigs pa'i mtshan nyid 'di yang tshig tshad? par bya ste/ brjod na 'di skad du/ phyogs mtshungs pa'i cha gcig 'jug pa dang/ phyogs tha dad pa'i phyir 'dir de las gzhan pa dang mthun par dmigs pa'i mtshan nyid ces bya ba ni phyogs mtshungs pa'i cha gcig 'jug pa'i don to/ /de la dpe dang bcas pa la thams cad mi mthun par dmigs pa'i mtshan nyid yod pa zhes bya ba ni phyogs tha dad pa kun 'jug pa'i don to/ /zhes brjod par bya ste/ don de'i phyir mdo'i tshig
- 162a
'dis bstan bcos yang dag pa'i rig pa la 'jug pa las phyogs mtshungs pa'i cha gcig 'jug pa dang/ phyogs tha dad pa kun 'jug pa dang/ gnyi ga'i phyogs kyi cha gcig 'jug pa las phyogs mtshungs pa'i cha gcig 'jug pa'i don bsdus pa yin no/ /de bzhin du 'og ma de las gzhan pa dang mi mthun par dmigs pa'i mtshan nyid rnam par bshad pa yang gong ma las zlog pa las rig par bya'o/ /rgyu dang rkyen des na de grub par bya ba la gcig tu nges pa ma yin pa'i phyir de'i yongs su grag pa ma yin pa'i mtshan nyid ces bya'o zhes bya ba ni gnyis pa yongs su greg pa ma yin pa'i mtshan nyid rnam par bshad pa'o/ /'di ltar de las gzhan ba dang mthun bar dmigs pa'i mtshan nyid kyi gang yin pa de nyid yongs su greg pa ma yin pa'i mtshan nyid de/ nges par dam bcas pa'i don bsgrub par mi nus pa'i phyir ro/ /yang de las gzhan pa dang/ mi mthun par dmigs pa'i mtshan nyid dpe dang bcas pa las yang thams cad mthun par dmigs pa'i mtshan nyid yod pas zhes bya ba la sogs pas ni gnyis pa mtshan nyid de las gzhan pa dang mi mthun par dmigs pa'i mtshan nyid dang/ yongs su greg pa ma yin pa'i mtshan nyid rnam par bshad pa ste/ 'di ni de las gzhan pa dang mi mthun par dmigs pa'i mtshan nyid rnam par bshad pa'o/ /'di yang chig tshang bar byas te/ brjod na 'di skad phyogs tha dad pa cha gcig 'jug pa dang/ phyogs mtshungs pa kun 'jug pa dang/ gnyi ga'i phyogs kyi cha gcig 'jug pa'i don bsdus pa yin no zhes brjod par bya ste/ gong ma bzhin du rig par bya'o/ /rgyu dang rkyen nges na de grub par bya ba la gcig? du ma nges pa'i phyir yongs su ma greg pa'i mtshan nyid ces bya'o zhes bya ba ni gnyis pa yongs su ma greg pa'i mtshan nyid rnam par bshad pa ste/ gong ma bzhin du rig par bya'o/ /yongs su ma greg pa'i phyir legs par so sor brtags pa'i
- 162b
rigs pa ma yin te/ yongs su ma dag pa'i phyir brten par mi bya'o zhes bya ba ni gnyis pa mi brten pa bskul ba'o/ /gong du bstan pa'i rigs pa dang/ sbyar na thams cad mthun par dmigs pa'i mtshan nyid dang/ thams cad mi mthun par dmigs pa'i mtshan nyid kyang yongs su grag pa ma yin na ci'i phyir mdo las de skad du ma gsungs zhe na/ smras pa/ nges pa'i rig pa las ma bstan pa ni mdor bsdus pa'i phyir ma gsungs so/ /gzhan yang mdo'i tshig 'dis snga ma lnga po dag chad bar bsdus nas yongs su greg pa yin pa nyid du rab tu bstan te/ de las gzhan pa dang mthun par dmigs pa'i mtshan nyid bzhi pa bstan to/ /dpe dang bcas pas zhes bya ba mtshan nyid lnga pa bstan to/ /thams cad mi mthun par dmigs pa'i mtshan nyid yod pa zhes bya bas na mtshan nyid bzhi pa bstan to/ /yang de las gzhan pa dang mi mthun par dmigs pa'i mtshan nyid ces bya bas ni mtshan nyid gnyis pa bstan to/ /dpe dang bcas pa zhes bya bas ni mtshan nyid lnga pa yang bzlas te bstan to/ /thams cad mthun par dmigs pa'i mtshan nyid yod pa zhes bya bas ni mtshan nyid gsum pa bstan te/ rigs pa des na snga ma lnga po dag las brtsams nas yongs su greg pa ma yin pa nyid du rab tu bstan pa yin no/ /de ltar bshad na ni sngar yongs su dag pa'i mtshan nyid bstan pa'i skabs nas mngon sum du dmigs pa la sogs pa gsum po dag gis yongs su geg pa nyid du bstan pa dag dang yang rjes su mthun par 'gyur ro/ /gzhan gyi rigs kyi dpes nye bar bsgrub pa gang yin pa dang/ shin tu rnam par dag pa ma yin pa'i lung gi mtshan nyid de ni rang bzhin nyid kyi yongs su dag pa ma yin par rig par bya'o/ /zhes bya ba ni bzhi pa mtshan nyid lnga pa dang/ bdun pa gcig bsdus pa te rnam par bshad pa ston to/ /de la gzhan gyi rigs kyi dpes nye bar bsgrub pa'i mtshan nyid ces bya ba ni mi mthun pa'i rgyu yin te/ dper na sgra
- 163a
ni rtag pa yin te zhes dam bcas pa dag gis byas pa'i phyir ro/ zhes zer ba lta bu ste/ de la nam mkha' la sogs pa ni cha mtshungs pa yin la/ bum pa la sogs pa ni cha mi tshungs pa yin pas gtan tshigs 'di ni cha mi mtshungs pa kho na la yod pas de'i phyir gzhan gyi rigs kyi dpes nye bas bsgrub pa'i mtshan nyid ces bya'o/ /yang dpe'i skyon rnam pa bcu dang ldan pa'o/ /de la shin tu rnam par dag pa ma yin pa'i lung gi mtshan nyid ces bya ba ni phyi rol pa'i log par bstan pa rnams so yang na dam bcas pa dang/ gtan tshigs dang/ dpe skyon dang bcas pa rnams so/ /kha cig na re bzhi po 'di dag ni phal cher sngar bshad pa dag dang mthun te/ de la bye brag yod pa yang/ mtshan nyid bzhi pas ni gnyi ga'i phyogs kyi cha gcig 'jug pa zhes bya ba ma bsdus so/ /mtshan nyid bzhi pa las gzhan gyi rigs kyi dpes nye bar bsgrub pa'i mtshan nyid ces bya ba nyid ni gnyi ga'i phyogs kyi cha gcig 'jug pa zhes bya ba yin te/ gzhan ni sngar bstan pa bzhin no zhe'o/ /kha cig na re bzhi po 'di dag ni snga ma'i bshad pa dang 'dra ste/ de bye brag yod pa bzhin rigs kyis nye bar bsgrub pa'i mtshan nyid ni gsum pa dang/ bzhi par rtogs pa yin te/ gzhan ni snga ma bzhin no zhe'o/ /de ltar rnam pa gsum du bshad pa yang kyang/ bstan bcos rnam par bshad pa dang/ mdo'i dpe rnam pa gnyis las bstan pa dag dang sbyar na gzhan gyi rigs kyi dngos? nye bar bsgrub pa'i mtshan nyid ni gsum pa dang bzhi pa las gzhan gyi rigs kyi dpe zhes bya ba'i tshig phyir med do/ /bstan bcos rnal 'byor spyod pa'i sa dang/ rnam par bshad pa las ming bkod pa ni mthun la/ bshad pa ni cung zad tha dad de/ de'i phyir bstan bcos rnal 'byor spyod pa'i sa las chos thams cad rtags dang/ ngo bo nyid dang/ las dang/ chos dang/ rgyu dang/ 'bras bu la sogs pa'i mthun pa dang/ mi mthun pa'i mtshan nyid gang yang rung ba'i
- 163b
cha gcig phan tshun mthun pa dang/ mi mthun pa'i mtshan nyid gang yin pa de ni de las gzhan pa dang mthun pa dang/ mi mthun par dmigs pa'i mtshan nyid ces bya'o/ nges par phan tshun so so tha dad pa'i mtshan nyid gang yin pa de ni thams cad mi mthun par dmigs pa'i mtshan nyid ces bya'o zhes bshad de/ bstan bcos rnam par bshad pa las kyang de skad du ston to/ /de las gzhan pa'i mtshan nyid rnams ni mdo 'di las gsungs pa dang/ mthun par 'byung ngo/ /bshad pa 'di dag sbyar na rtag dang ngo bo nyid la sogs pa lnga po dag ni mthun pa dang mi mthun pa'i mtshan nyid dang gcig tu tha dad pa'i mtshan nyid du yang rtogs so/ /de la chos nyid kyi rigs pa ni 'di lta ste/ de bzhin gshegs pa lnga 'jig rten tu byung yang rung/ 'jig rten du ma byung yang rung te/ chos nyid gnas pa dang chos kyi dbyings gnas pa gang yin pa de ni chos nyid kyi rigs pa zhes bya'o/ zhes bya ba ni bzhi pa chos nyid kyi rigs pa rnam par phye ste bshad pa'o/ /bstan bcos rnal 'byor spyod pa'i sa las ni rten cing 'brel par 'byung ba'i don las brtsams nas mdo'i tshig gsum po chos nyid gnas pa dang/ chos gnas pa dag dang chos kyi dbyings kyi don ston te/ de'i phyir bstan bcos de nyid las bcom ldan 'das kyis ji skad du/ rten cing 'brel par 'byung ba ni ngas byas pa 'ang ma yin/ gzhan dag gis byas pa yang ma yin te/ de bzhin gshegs pa rnams 'jig rten tu byung yang rung/ 'jig rten tu ma byung yang dung? ste/ chos nyid dang/ chos gnas pa dang/ chos kyi dbyings 'di ni gnas pa nyid do/ /zhes gang gsungs pa la chos nyid ni gang/ chos gnas pa ni gang chos kyi dbyings ni gang zhe na/ thog ma med pa'i dus nas grag pa gang yin pa de ni chos nyid chos bya'o/ /ji ltar grag pa de rigs pa'i tshig dang/ yi ge rnams kyis rnam par bzhag pa de ni chos gnas ba zhes bya'o/ /gnas pa de'i rgyu chos nyid de yin pas na
- 164a
de'i phyir dbyings zhes bya'o zhes 'byung ngo/ /gzhan yang bstan bcos rnal 'byor spyod pa'i sa'i nang nas nyan thos kyi sa la sogs pa'i chos nyid kyi rig pa ni 'di lta ste/ ci'i phyir phung po rnams de lta bur gyur pa yin/ 'jig rten gnas pa de lta bur gyur pa yin/ ci'i phyir sa'i mtshan nyid sa? ba yin/ chu'i mtshan nyid gsher ba yin/ me'i mtshan nyid tsha ba yin/ rlung gi mtshan nyid g.yo ba yin/ ci'i phyir phung po rnams mi rtag pa yin/ ci'i phyir mya ngan las 'das pa zhi ba yin/ de bzhin du ci'i phyir gzugs kyi mtshan nyid gzugs su rung ba yin/ tshor ba'i mtshan nyid myong ba yin/ 'du shes kyi mtshan nyid kun shes pa yin/ 'du byed rnams kyi mtshan nyid mngon par 'du byed pa yin/ rnam par shes pa'i mtshan nyid rnam par shes pa'i byed pa yin zhe na/ de ni chos nyid yin te/ chos de dag gi rang bzhin ni de yin zhing/ de dag gi ngo bo nyid lta bu yin pas chos nyid de kho na yin pa de nyid 'dir rig pa zhes bya'o zhes 'byung ngo/ /gzhan yang bstan bcos chos mngon pa sna tshogs kun las 'dus pa las chos la brtson pa chos rnam par dpyad pa ni rig pa du zhig gis rnam par dpyod ce na/ smras pa/ rigs pa rnam pa bzhis dpyad de/ 'di lta ste/ bltos pa'i rigs pa dang/ bya ba byed pa'i rigs pa dang/ gtan tshigs bsgrub pa'i rigs pa dang/ chos nyid kyi rigs pa'o/ /de la bltos pa'i rigs pa ni 'di lta ste/ gang 'du byed rnams skye ba na rkyen la bltos pa gang yin pa ste/ dper na myu gu 'byung ba na sa bon dang/ dus dang/ tshung? dag? zhing rnams la bltos pa dang/ rnam par shes pa skye ba na dbang po dang don dang yid la byed pa zhes bya ba'i rkyen la sogs pa la bltos pa lta bu'o/ /bya ba byed pa'i rig pa ni 'di lta ste/ gang zag gi mtshan nyid tha dad pa'i chos rnams so so rang gi bya ba byed pa gang yin pa ste/ dper na mig gi dbang po la sogs pas ni mig gi
- 164b
rnam par shes pa la sogs pa'i gnas kyi dngos po'o/ /mig gi rnam par shes pa la sogs pa ni gzugs la sogs pa so so rnam par rig par byed pa'o/ /gser mgar la sogs pa la gzo rnams ni gser? la sogs pa'i las byed ces bya ba la sogs pa lta bu'o/ /gtan tshigs bsgrub pa'i rig pa ni 'di lta ste/ gang bsgrubs pa'i don chad ma dang/ mi 'gal bar ston pa gang yin pa ste gang bsgrub pa'i don ngo bo nyid dang/ khyad par gyi bsdus pa mngon sum la sogs pa'i tshad ma dang mi 'gal bar dam bcas pa la sogs pa bstan pa'o/ /chos nyid kyi rigs pa ni 'di lta ste /theg ma med pa'i dus na/ rang dang spyi'i mtshan nyid gnas pa'i chos rnams la chos nyid du grags pa gang yin pa ste/ dper na mes ni tshig par byed do/ /chus ni 'gul bar byed ces bya ba la sogs par grags pa'i chos rnams kyi chos nyid de/ mdo las ji skad du/ mig ni yongs su dag pa yin yang/ rtag pa med pa gnas bdag med pa'i bar gyi stong ngo/ /de ci'i phyir zhe na/ 'di'i rang bzhin ni chos nyid kyis de yin pas so zhes gsungs pa lta bu'o zhes 'byung ste/ rgya cher rnam par 'byed pa ni bstan bcos chos mngon pa sna tshogs kun las btus pa dang/ rnal 'byor spyod pa'i sa dang/ mdo sde'i rgyan dang/ rnam par bshad pa las bstan pa bzhin du rig par bya'o/ /de la spyi dang bye brag lnga ni 'di lta ste /sngar mder bstan nas tshig gi bstan pa'i chos phyi ma phyi ma'i tshig bye brag tu rnam par phye nas mthar thug par ston pa gang yin pa'o/ /zhes bya bas ni brgyad pa spyi dang bye brag gi mtshan ston to/ /bstan bcos rnam par bshad pa las ni bsdus pa dang/ rgyas pa zhes 'byung ste/ de'i phyis bstan bcos de nyid las bsdus pa dang rgyas pa ni 'di lta ste/ sngar chos tshig gcig bstan pa'i tshig phyi ma phyi ma dpag tu med pa dag gis phan tshun rnam par phye nas mthar thug pa gang yin pa'o zhes 'byung ngo/ /gzhan yang bstan bcos chos mngon
- 165a
pa sna tshogs kun las btus pa las spyi dang bye brag gi sgo ni sngar tshig gcig mdor bstan nas tshig phyi ma gzhan gyis rnam par phye ste bshad pa'o zhes 'byung ngo/ /'phags pa shes rab kyi pha rol tu phyin pa'i 'grel pa las/ de la spyi'i mtshan nyid ni mi rtag ces bya ba la sogs pa lta bu'o/ /bye brag gi mtshan nyid ni chos rnams mi rtag pa yin yang so so'i bye brag gi mtshan nyid ni tha dad de/ sa'i mtshan nyid ni sra ba'o/ /chu'i mtshan nyid ni gsher ba'o/ /zhes bya ba la sogs pa lta bu'o/ /de la rang gi ngo bo nyid kyi mtshan nyid ni 'di lta ste/ ngas rnam pa dang bcas pa dmigs pa dang bcas pa byang chub kyi phyogs dang mthun pa'i chos len par byed pa 'di lta ste/ dran pa nye bar gzhag pa la sogs pa bstan pa gang yin pa de ni de dag gi rang gi ngo bo'i mtshan nyid ces bya'o zhes bya ba ni ma mo bstan pa la mtshan nyid ni rnam pa bcu gcig tu phye ba las mtshan nyid bzhi pa'i sgo nas bstan nas/ 'di ni mtshan nyid lnga pa rang gi ngo bo nyid kyi mtshan nyid ces bya ba ston to/ /'di ltar gong du bstan pa'i byang chub kyi phyogs dang mthun pa'i chos dran pa nye bar gzhag pa la sogs pa de dag gi bdag nyid ni 'dzin par byed pa yin pas/ yul la dmigs pa'i rnam pa dang bcas pa dmigs pa'i bdag nyid dang bcas pa dran pa nye bar gzhag pa la sogs pa byang chub kyi phyogs sum cu rtsa bdun len par byed pa'i rang gi ngo bo nyid do/ /de la de'i 'bras bu'i mtshan nyid ni 'di lta ste/ 'jig rten pa dang 'jig rten las 'das pa'i nyon mongs pa rnams spong ba dang/ 'jig rten pa dang 'jig rten las 'das pa'i 'bras bu dang/ yon tan mngon par bsgrub pa gang yin pa dang/ de ni de'i 'bras bu thob pa'i mtshan nyid ces bya'o zhes bya ba ni drug pa de'i 'bras bu'i mtshan nyid rnam par bshad pa'o/ /'di ltar 'jig rten pa'i lam gyis nyon mongs pa rnams zil gyis gnon pa dang/ 'jig
- 165b
rten las 'das pa'i lam gyi nyon mongs pa rnams gtan du spangs pa thob pa'i mya ngan las 'das pa dang/ de dag gis mngon par bsgrub pa 'dus byas kyi yon tan gang yin pa de ni 'bras bu'i mtshan nyid do zhes bya ba'i tha tshig go /de myong ba rnam par bsnyad pa'i mtshan nyid ni 'di lta ste/ de nyid las rnam par grol ba'i shes pas so sor yang dag par myong ba gzhan dag la rgya cher sgogs pa dang/ 'chad pa dang/ yang dag par ston pa de ni myong ba rnam par bsnyad pa'i mtshan nyid ces bya'o zhes pa ni bdun pa de myong ba rnam par bsnyad pa'i mtshan nyid rnam par bshad pa'o/ /'di ltar byang chub kyi phyogs dang mthun pa'i chos des nyon mongs pa spangs pa'i shes pas 'dus byas dang 'dus ma byas kyi yon tan myong ba gang yin pa de dge ba gzhan dag ston par byed pas so/ /de'i bar du gcod pa'i chos kyi mtshan nyid ni 'di lta ste/ byang chub kyi phyogs dang mthun pa'i chos bsgom pa las bar chad byed pa kun nas nyon mongs pa'i chos gang yin pa de ni de'i bar du gcod pa'i chos kyi mtshan nyid ces bya'o zhes bya ba ni brgyad ba de'i bar du gcod pa'i chos kyi mtshan nyid rnam par bshad pa ste/ bdag dang chos su 'dzin pa nyid dang/ sgrib pa gnyis po dag go/ de dang rjes su mthun pa'i chos kyi mtshan nyid ni 'di lta ste/ de da nyid la ces sbras byed pa'i chos gang dag yin pa de ni de dang rjes su mthun pa'i chos kyi mtshan nyid ces bya'o/ zhes bya ba ni dgu pa de dang rjes su mthun pa'i chos kyi mtshan nyid rnam par bshad pa ste/ rnam par grol ba'i phyogs kyi dge ba'i rtsa ba la sogs pas byang chub kyi phyogs sum cu rtsa bdun gyi bya ba byed pa gang yin pa de dag ni de dang rjes su mthun pa'i chos zhes bya'o zhes bya ba'i tha tshig go /de'i nyes dmigs kyi mtshan nyid ni bar du gcod pa'i chos de dag nyid la yod pa'i skyon rnams gang yin ba de ni de'i nyes dmigs kyi mtshan nyid yin par rig par bya'o zhes bya ba ni bcu pa bar
- 166a
du gcod pa'i chos rnams kyi nyes dmigs kyi mtshan nyid rnam par bshad pa ste/ 'gro ba dang skye ba la sogs pa mngon par 'grub ba'i nyon mongs pa bya ba'i mtshan nyid la sgrib par byed pa gang yin pa dag go /de'i phan yon gyi mtshan nyid ni rjes su mthun pa'i chos de dag nyid la yod pa'i yon tan gang yin pa de ni de'i phan yon gyi mtshan nyid yin par rig par bya'o zhes bya ba ni bcu gcig pa phan yon gyi mtshan nyid rnam par bshad pa'o/ /bstan bcos rnam par bshad pa las ni/ bsngas pa brjod pa'i mtshan nyid ces 'byung ste/ 'di ltar rjes su mthun pa'i chos la yon tan ji snyed yod pa gang yin pa de ni bsngags pa brjod pa'i mtshan nyid ces bya'o zhes bshad do/ /byang chub sems dpa' 'jam dpal gyis kyang bcom ldan 'das la 'di skad ces gsol to/ /bcom ldan 'das kyis byang chub sems dpa' rnams la mdo sde dang 'dul bar dang ma mo dag 'di las slar rol pa rnams dang thun mong ma lags pa gzungs kyi don mdor bsdus te/ bshad tu gsol zhes bya ba ni gong du bzhi pa ste/ snod gsum rgya cher rnam par bshad pa dang thun mong ma yin pa'i gzungs kyi don rnam par bshad pa'o zhes gnyis su phye ba las/ de yan chod du sde snod gsum rgya cher rnam par bshad zin te/ 'di man chad ni gnyis pa thun mong ma yin pa'i gzungs kyi don rnam par bshad pa ston to/ /'di yang bshad par gsol ba dang/ yang dag par bshad pas bstan par bya'o/ /bshad pas gsol ba yang rnam pa gnyis te/ yang dag par bshad par gsol ba btab pa dang/ bshad par gsol ba btab ba'i dgongs pa bstan pa ste/ 'di ni dang po yang dag par bshad par gsol ba btab pa'o/ /de la gzungs zhes bya ba ni dran pa dang shes rab kyi ngo bo nyid do/ /de bshad par gsol ba'i gong du bcom ldan 'das kyi sde snod gsum rgya
- 166b
cher bshad pas/ 'dir de bzhin gshegs pas sde snod gsum mdor bsdus te bshad du gsol/ /des byang chub sems dpa' rnams zab mo ldem por dgongs te/ gsungs pa rnams rjed par mi 'gyur zhing/ gnas ngan len gyi lus spangs nas 'dus ma byas 'thob par 'gyur bar dgongs pa ste/ mu stegs can log par bstan pa'i gzungs dang thun mong du ma gyur pa'i phyir thun mong ma yin pa'i gzungs kyi don ces bya'o/ /bshad pa'i rnam pa gzhan du na gang zag dang chos gnyis kyis stong pa'i tshul gyis gang zag dang chos gnyis kyis stong pa'o/ /shes pa skye ba gang yin pa de ni thun mong ma yin pa'i gzungs kyi don yin te/ de khong du chud pa'i phyir de bzhin gshegs pas gsungs pa'i chos zab mo ldem por dgongs pa'i rjes su 'jug par 'gyur ba'o/ /bstan bcos rnal 'byor spyod pa'i sa las ni/ don rnam pa gsum gyi phyir 'di ltas phyi rol pa rnamS dang thun mong ma yin pa'o zhes bshad de/ de'i phyir de nyid las gzhan yang legs par gsungs pa'i chos 'dul ba ni mdor bsdu na ma 'dres pa'i yan lag gsum gyi phyir 'di las phyi rol ba rnams dang/ thun mong ma yin par bstan te/ legs par gsungs pa zhes bya ba'i grangs su yang 'gro'o/ /de la yan lag gsum ni yongs su grub pa dang/ mthar thug pa las rnam par grol bar bstan pa'i phyir dang/ de nyid kyi thabs bstan pa'i phyir dang/ de nyid kyi nang gi so so rang gis rig pa bstan pa'i phyir ro zhes 'byung ste/ rgya cher de nyid las bstan pa bzhin no/ /thun mong ma lags pa'i gzungs kyi don des byang chub sems dpa' rnams de bzhin gshegs pas gsungs ba'i chos zab mo rnams kyi ldem por dgongs pa'i rjes su 'jug pa 'thob par 'gyur lags so zhes bya ba ni gnyis pa bshad par gsol ba'i dgongs pa bstan pa ste/ 'dir mdor gsungs pa'i dbang gis de bzhin gshegs pas gsungs pa'i chos zab mo byed pa med pa la sogs pa'i ldem par dgongs
- 167a
bar rjes su 'jug par 'gyur ba'o/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu khyod legs par nyon cig dang/ ngas khyod la thun mong ma yin pa'i gzungs kyi don mdor bsdus te/ bshad pas zhes bya ba 'di man chad bshad/ gnyis pa de bzhin gshegs pas yang dag par lan du gsungs ba'o/ /'dir yang rnam pa gnyis te mnyan par bskul zhing bka' bshad par snang ba bstan pa dang/ rigs kyi bu zhes bya ba man chad zhes? pa bzhin du yang dag par bshad pa'o/ /dang po yang rnam pa gnyis te/ bshad par gnang ba bstan pa dang/ bkas? bshad pa'i phan yon bstan te/ 'di ni dang po'o/ /byang chub sems dpa' rnams nges? bshad pa'i sdem por dag la legs par 'jug par 'gyur ba'o/ /zhes bya ba ni gnyis pa dang bkas bshad pa'i phan yon bstan pa'o/ /rigs kyi bu thun? nas nyon mongs pa'i chos gang yin pa dang/ rnam par byang ba'i chos gang yin pa de dag ni ngas thams cad byed pa med pa dang/ gang zag ci yang med par bstan te/ rnam pa thams cad du byed pa dang bral ba'i phyir ro/ /kun nas nyon mongs pa'i chos kyang sngon kun nas nyon mongs pa can du 'gyur la/ phyis rnam par byang bar 'gyur ba ma yin/ rnam par byang ba'i chos kyang phyis rnam par byang la/ sngon kun nas nyon mongs pa can du 'gyur ba ma yin na zhes bya ba ni 'di man chad ni gnyis pa zhus pa bzhin du yang dag par bshad pa ston to/ /'di yang rnam pa gnyis te/ tshig rkyang pas bstan pa dang/ tshigs bcad pa bzlas te/ bstan pa'o/ /dang po yang rnam pa gnyis te/ rnam par bshad pa dang mjug bsdu ba'o/ /rnam par bshad pa yang rnam pa gsum ste/ yang dag pa'i don nyid bstan pa dang/ byis pa so so'i skye bo zhes bya ba yan chad kyis kun tu rmongs pas 'dzin pa'i nyes dmigs bstan pa dang/ gang la la zhes bya ba man chad kyis
- 167b
khong du chud pa'i phan yon bstan te/ 'di ni dang po yang dag pa'i don nyid bstan pa'o/ /mdo'i tshig 'di la yang bshad pa rnam pa gnyis te/ kha cig na re kun nas nyon mongs pa'i chos gang zag du? zhes bya ba nas/ gang zag ci yang med ces bya ba'i bar gyis ni sems can gyis stong pa'i don bstan te/ 'di ltar bcom ldan 'das kyis ngas ni kun nas nyon mongs pa dang/ rnam par byang ba'i chos thams cad la so so tha dad pa'i byed pa ci yang med par bstan te/ ji ltar gzugs la sogs pa mthong ba bzhin du gang zag la ni bdag ci yang med do zhes gsungs pas so/ /yang na byed pa med pa zhes bya ba ni mchog tu smra ba zhes bya ba'i gzhung gi chos las gung na med pa dgag pa lta bu ste/ de lta bu la sogs pa'i don gang yin pa de ni sems can gyi stong pa'i don to/ /de la rnam pa thams cad du byed pa dang bral ba'i phyir ro zhes bya ba la sogs pa ni chos stong pa'i don bstan te/ 'di ltar chos thams cad ni gzung ba dang 'dzin pa'i dang spros pa sna tshogs kyi byed pa dang bral ba'i phyir kun nas nyon mongs pa'i chos kyang sngon kun nas nyon mongs pa can du gyur la/ phyis rnam par byang par 'gyur ba ma yin/ rnam par byang ba'i chos kyang phyis rnam par byang la/ sngon kun nas nyon mongs pa can du gyur pa ma yin no/ /de ci'i phyir zhe na/ kun nas brtags pa'i kun nas nyon mongs pa dang/ rnam par byang ba'i chos rnams ni sems kyi rjes su ni yod du ni yin pa/ don dam par ni yod pa ma yin pas de'i phyir sngon kun nas nyon mongs pa can du gyur la/ phyis rnam par byang bar 'gyur zhes bya ba la sogs pa yin no/ /mdo'i tshig 'di las ni brtag pa'i ngo bo nyid ce bya ba'i tshig bstan pa med na/ ji ltar kun nas? brtags ba'i ngo bo nyid kho na yin par shes zhe na/ smras pa/ gong du spyi'i mtshan nyid stong pa nyid du bstan pa dang sbyar na/ kun brtag pa kho na bstsal ba yin gyi/ ngo bo nyid gzhan gnyis ni ma yin pas/ de'i phyir mdo 'di las kun
- 168a
brtags pa'i ngo bo nyid bstsal bar shes so/ /yang na rnam pa thams cad du byed pa dang bral ba'i phyir gong du bstan pa'i kun nas nyon mongs pa dang/ rnam par byang ba'i chos rnams kyang bdag gir 'dzin pa la sogs pa'i spros pa'i byed pa dang bral? pa'i phyir ro zhe'o/ /kha cig na re kun nas nyon mongs pa'i chos gang yin pa dang/ rnam par byang ba'i chos gang yin pa zhes bya ba ni kun nas nyon mongs pa dang/ rnam par byang ba'i chos rnams spyir smos pa'o/ /ngas thams cad byed par bston to zhes bya ba ni chos bdag med par rab tu bstan pa'o/ /gang zag ci yang med par bstan zhes bya ba ni gang zag la bdag med par bstan pa'o/ /rnam pa thams cad du byed pa dang bral ba'i phyir ro zhes bya ba la sogs pas ni bdag med pa gnyis cig car bstan te/ 'di ltar kun nas nyon mongs pa dang/ rnam par byang ba'i chos rnams gzung ba dang 'dzin pa'i byed pa bral ba'i phyir sngon kun nas nyon mongs pa can du gyur pa las phyis rnam par byang bar 'byung ba med pa yin te/ de'i phyir bstan bcos dbus dang mdza' rnam par 'byed pa las/ sems can dang chos gnyi ga yod pa ma yin pa'i phyir kun nas nyon mongs pa dang/ rnam par byang ba'i ngo bo nyid de gnyi ga yang yod pa ma yin te/ 'di ltar kun nas nyon mongs pa dang/ rnam par byang ba'i don gnyi ga dmigs su med pa'i phyir ro zhes bshad do/ /de las kun nas nyon mongs pa ni 'di lta ste/ sdug bsngal dang kun 'gyur ba'o/ /rnam par byang ba ni 'di lta ste/ 'gog pa dang lam mo/ /yang na kun nas nyon mongs pa'i kun nas brtags pa dang/ kun nas nyon mongs pa'i phyogs kyi gzhan gyi dbang ngo/ /rnam par byang pa ni rnam par byang ba'i phyogs kyi gzhan gyi dbang dang yongs su grub pa nyid do/ /yang na kun nas nyon mongs pa dang las dang skye ba'i kun nas nyon mongs pa rnam pa gsum mo/ /rnam par byang ba'i 'jig rten pa dang 'jig rten las 'das pa'i rnam par byang ba rnam
- 168b
gnyis so/ /byis pa so so'i skye bo rnams gnas ngan len gyi lus la chos dang gang zag gi ngo bo nyid kyi bye brag la mngon par zhen pa'i bag la nyal yang dag pa ma yin pa'i lta bas dmigs par byas pa'i phyir bdag gam bdag gir 'dzin pa des na yang dag pa ma yin pas bdag gis mthong ngo/ /bdag gis thos so/ /de dag gis ma nams so/ /bdag gis rig go /bdag gis rnam pa shes so/ /bdag gis zos so/ /bdag gis byas so/ /bdag kun nas nyon mongs so/ /bdag rnam par byad do/ /zhes 'di lta bu la sogs pa leg pa'i sbyor ba 'jug go zhes bya ba ni gnyis pa kun tu rmongs pas 'dzin ba'i nyes dmigs bstan pa'o/ /de la byis pa so so'i skye bo zhes bya bas ni rmongs pas 'dzin pa'i gang zag bstan te/ so so'i skye bo zhes bya bas ni lta ba tha dad pa 'dzin pa las skyes pa'i phyir so so'i skye bo zhes bya'o/ /gnas ngan len gyi lus zhes bya bas ni rmongs pa'i yul bstan te/ zag zhing kun gzhi rnam par shes pa la nyal ba dang/ nyes ba rjes su 'phel bar byed pa'i phyir bag la nyal zhes bya'o/ /de ni gnas ngan len gyi lus zhes bya'o/ /chos dang gang zag gi rang gi ngo bo nyid kyi bye brag la mngon par zhen pa zhes bya bas ni 'dzin pa gnyis bstan te/ 'di ltar gnas ngan len gyi lus la chos kyi rang gi ngo bo nyid kyi bye brag gi mngon par zhen pa skyed pa dang/ gang zag gi rang gi ngo bo nyid kyi bye brag gi mngon par zhen pa skyed pa gang yin pa de ni bdag dang chos su 'dzin pa gnyis zhes bya'o/ /bag la nyal yang dag pa ma yin pa'i lta bas dmigs pa byas pa'i phyir zhes bya bas ni bag la nyal na sa bon gyi rnam grangs te/ 'dzin pa gnyis kyi sa bon la bag la nyal zhes bya'o/ /de'i phyir bstan pa ces rnam par rig pa tsam du grub pa las/ 'dzin pa gnyis kyi bag chags de'i bag la nyal zhes bya ste/ sems can gyi rjes su 'brang zhing kun gzhi rnam par shes pa la nyal ba dang/ nyes ba rjes su 'phel bar byed pa'i phyir bag la nyal zhes bya'o/ /de ni shes bya dang
- 169a
nyon mongs pa'i sgrib pa'i sa bon yin te/ kun tu 'byung ba de dag la bltos na bdag dang/ chos su 'dzin pa gnyis yongs su bsgo bar byed pas so zhes bshad do/ /bdag gam bdag gis 'dzin pa zhes bya ba la sogs pa ni snga ma'i kun tu 'byung pa'i sa bon gyi stobs kyis tshe 'di la bdag dang bdag gir 'dzin par byed la/ bdag dang bdag gir 'dzin pa'i phyir ni bdag gis mthong ngo zhes bya ba nas/ bdag gis bdag rnam par byang ngo zhes de lta bu la sogs pa log pa'i rnam par rtog pa skyed pa'i bar du byed par 'gyur ba'o// //bam po bdun cu bzhi pa/ gang la las de ltar yang dag pa ji lta ba bzhin du rab tu shes pa de ni gnas ngan len gyi lus rab tu spang zhing nyon mongs pa thams cad kyi gnas pa yin pa shin tu rnam par dag pa spros pa rnams dang bral ba/ 'dus ma byas gnas su gyur pa/ brtsol pa med pa 'thob par 'gyur ste zhes bya ba ni gsum pa khong du chud pa'i phan yon bstan pa'o/ /de la yang dag pa ji lta ba bzhin du rab tu shes pa zhes bya ba ni gong du bstan pa de ltar sems can dang/ chos stong pa nyid gnyis rab tu shes pa ste/ stong pa nyid gnyis kyi don yang dag pa ji lta ba bzhin du shes pa'i phyir phan yon thob par 'gyur ba'o/ /gnas ngan len gyi lus rab tu spong zhing/ nyon mongs pa thams cad ni gnas ma yin pa zhes bya ba ni go rim bzhin du sdug bsngal nye bar zhi pa dang/ nyon mongs pa nye bar zhi bar sbyar te/ de'i phyir bstan bcos rnal 'byor spyod pa'i sa las/ mya ngan las 'das pa de'i ngo bo nyid ni rab tu zhi ba yin par rig par bya ste/ sdug bsngal mang po thams cad gtan du nye bar zhi ba'i phyir nyon mongs pa thams cad gtan du nye bar zhi ba'i phyir ro/ zhes bshad do/ /gzhan yang bstan bcos rnal 'byor spyod pa'i sa las/ ma 'ongs pa yang srid phyi ma'i sdug bsngal sna tshogs yongs su spangs nas/ ma
- 169b
'ongs pa na mi skye ba'i chos can thob pa'i phyir sdug bsngal mang po zhi ba zhes bya'o/ /nyon mongs pa thams cad gtan du spangs nas mthar mi skye ba'i chos can thob pa'i phyir nyon mongs pa zhi ba zhes bya'o zhes bshad do/ shin tu rnam par dag pa spros pa rnams dang? gral ba zhes bya ba ni mya ngan las 'das pa gnas gyur pa'i mtshan nyid de/ de'i phyir bstan bcos rnal 'byor spyod pa'i sa las/ phung po'i lhag ma med pa'i dbyings su yongs su mya ngan las 'das pa'i gnas gyur pa mtshan ci lta bur brjod par bya zhe na/ smras pa/ spros pa med pa'i mtshan nyid do zhes 'byung ngo/ /gzhan yang bstan bcos rnal 'byor spyod pa'i sa las/ mya ngan las 'das pa'i mtshan nyid ni 'di lta ste/ zhi ba'i mtshan nyid dang/ spros pa med pa'i mtshan nyid de nang gi so so rang gi rig pa'i mtshan nyid kho na yin par rig par bya'o zhes bshad do/ /'dus ma byas gnas su gyur pa/ rtsol ba med pa thob par 'gyur te/ zhes bya ba ni 'dus ma byas pa'i chos kyi sku thob par 'gyur pa ste/ de'i phyir bstan bcos rnam par bshad pa las/ 'dus ma byas pa'i chos kyi sku la gnas pa las rtsol pa'i 'bad pa mi mnga' yang sngon gyi smon lam gyi stobs gyis drangs pa'i phyir rang gi de bzhin gshegs pa thams cad kyi mdzad de/ dper na rnal 'byor pa dag 'gog pa'i snyoms par 'jug pa las/ ldang ba bzhin no zhes bshad do/ /gzhan yang bstan bcos rnal 'byor spyod pa'i sa las/ gal te lhag ma med pa'i mya ngan las 'das pa'i dbyings la sgrib pa med de/ ji ltar de bzhin gshegs pa la sgrib pa mi mnga' ba de kho na bzhin du/ dgra bcom pa la yang sgrib pa med pa yin na/ ci'i phyir dgra bcom pa yang de bzhin gshegs pa'i mdzad pa mi byed ce na/ smras pa/ sngon smon lam bsgom pa med pa'i phyir dang/ de lta bu'i rigs pa can ma yin pa'i phyir dgra bcom pa ni ldang ba'i bsam pa med pa kho na yongs su mya ngan las 'das pas na de'i phyir sangs rgyas
- 170a
rnams kyi mdzad pa mi byed do/ /gang gi tshe spros pa med pa'i dbyings de gang gi grangs su yang 'gro ba yin na ci ltar mngon du 'byed ce na/ smras pa/ sngon yang dag pa'i smon lam dang/ lam de lta bu bsgoms pa'i stobs kyis 'di lta ste/ dper 'gog pa'i snyoms par zhugs pa snyoms par 'jug pa las ldang bar bya'o/ /ldang do snyam du de ltar sems med kyang sngon mngon par 'du byas pa'i dbang gis langs nas yang sems dang bcas pa'i spyod pa la spyod par byed pa bzhin du/ 'di la yang tshul de bzhin du blta bar bya'o/ zhes 'byung ste/ 'phags pa gser 'od dam pa'i mdo las kyang don gyis mdo 'di las gsungs pa dang mthun par ston to/ rigs kyi bu 'di ni thun mong ma yin pa'i gzungs kyi don mdor bstan pa zhes bya'o zhes bya ba ni gnyis pa spyi'i mjug bsdu pa ste brda phrad par zad do?/ /de nas bcom ldan 'das kyis kyang tshigs su bcad pa 'di dag bka' stsal to zhes bya ba 'di man ched ni gnyis pa tshigs su bcad pas bzlas te/ bshad pa zhes bya ba ston to/ /'di yang rnam pa gnyis te/ tshigs su bcad pa'i gleng bslang pa dang/ tshigs su bcad pa nyid kyis yang dag par bshad pa ste/ 'di ni dang po'o/ /kun nas nyon mongs rnam par byang ba'i chos/ /thams cad byed pa med cing gang zag med/ /des ni nga yis byed dang bral bar bshad/ /de dag kun nas nyon mongs snga phyi min/ zhes bya ba la sogs pas ni gnyis pa tshigs su bcad pa nyid kyis yang dag par bshad pa ston to/ /'di yang tshigs su bcad pa gsum po yod pa nyid kyis rnam pa gsum du dbye ste/ 'di la tshigs su bcad pa dang pos ni yang dag pa'i rigs pa rnams bzlas so/ /tshigs su bcad pa bar mas ni rmongs pas 'dzin pa'i nyes dmigs rnams zlos so/ /tshigs su bcad pa thams ni khong du chud pa'i yon tan zlos pa yin te/ 'di ni dang po'o/ /mdo'i tshig 'di yang rnam pa gnyis te/ tshigs su bcad pa phyed dang pos ni/ gang zag stong pa nyid kyi tshul ston to/ /tshigs su bcad pa
- 170b
phyed 'og mas ni chos stong pa nyid kyi tshul ston to/ /bshad pa'i rnam grangs gzhan du na mdo'i tshig 'di ni rnam pa gsum du dbye ste/ tshig dang po gcig gis ni kun nas nyon mongs pa dang/ rnam par byang ba'i chos spyir ston to/ /de'i 'og ma gcig gis ni stong pa nyid rnam pa gnyis rnam par phye ste bstan to/ /tshig phyi ma gnyis kyis ni stong pa nyid rnam pa gnyis cig car bstan te/ tshig rkyang ba dang sbyar ba ni gong du bstan pa bzhin du ci rigs su bya'o/ /gnas ngan len lus bag? la nyal ldang bas/ dmigs pa byas pas bdag dang bdag gir 'dzin/ /de nas brdzun du bdag gis mthong sogs dang/ bdag za'o byed dang nyon mongs rnam dag snyams zhes bya ba ni gnyis pa rmongs pas 'dzin pa'i nyes dmigs bstan to/ /gang gis yang dag ci bzhin rab shes pa/ /gnas ngan len gyi lus ni smong byed cing/ /kun nas nyon mongs rnam dag spros med dang/ /'dus ma byas rnams rtsol ba med pas 'thob/ /ces bya ba ni gsum pa khong du chud pa'i phan yon bstan pa te/ tshig rkang pa dang po ni mdo 'di nyid kyis brda phrad par zad do/ /de nas byang chub sems dpa' sems dpa' chen po 'jam dpal gyis kyang bcom ldan 'das la 'di skad ces gsol to/ /bcom ldan 'das de bzhin gshegs pa rnams kyi sems 'byung ba'i mtshan nyid ji lta bur rig par bgyi lags zhes bya 'di man chad ni gnyis pa de bzhin gshegs pa'i longs spyod rdzogs pa'i sku'i mtshan nyid ston to/ /'di yang rnam pa bdun du dbye ste/ de bzhin gshegs pa'i yang dag par longs spyod pa'i sku'i sems 'byung ba'i mtshan nyid bstan pa dang/ de bzhin gshegs pa'i spyod yul gyi bye brag gi mtshan nyid bstan pa dang/ mngon par rdzogs pa'i byang chub pa la sogs pa rnam pa gsum gnyis su med pa'i mtshan nyid tu bstan pa dang/ de bzhin gshegs pa sems can rnams kyi dmigs pa mdzad pa'i bye brag bstan pa dang/ de
- 171a
bzhin gshegs pa'i chos kyi sku dang/ theg pa gnyis kyi rnam par grol ba'i lus kyi bye brag bstan ba dang/ de bzhin gshegs pa dang byang chub sems dpa' i byin gyis brlabs kyi mthus sems can gyi lus yongs su 'dzin par bstan pa dang/ zhing yongs su dag pa dang/ yongs su ma dag pa na dngos po gang dag rnyed dka' ba dang/ gang dag mod pa'i mtshan nyid bstan pa'o/ /dang po yang rnam pa gnyis te/ longs spyod rdzogs pa'i sku'i sems 'byung ba'i mtshan nyid yang dag par bstan pa dang/ sprul pa'i sku la sems mnga' pa'am mi mnga' ba bstan pa'o/ /dang po yang rnam pa bzhir dbye ste/ zhu ba gsol ba dang/ lan du gsungs ba dang/ bstan pa dang/ rnam par bshad pa ste/ 'di ni dang po longs spyod rdzogs pa'i sku'i sems 'byung ba'i mtshan nyid zhus pa'o/ /'dis longs spyod rdzogs pa'i sku ston par ci mngon ce na/ smras pa/ de'i 'og tu sprul pa'i sems mdza' ba yang yin mi mnga' yang yin bar ston pa'i phyir 'dir sems bstan pa ni longs spyod rdzogs ba'i sku ston pa yin par rig par bya'o/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu de bzhin gshegs pa ni sems dang yid dang rnam par shes pas rab tu phye ba ma yin mod kyi/ 'on kyang de bzhin gshegs pa rnams ni rtsol ba mi mnga' bar sems kyi chos 'byung ste/ dngos po 'di ni sprul pa lta bur rig par bya'o/ /zhes bya ba ni gnyis pa de bzhin gshegs pas yang dag par lan du gsungs pa'o/ /mdo'i tshig 'di yang rnam pa gnyis te/ de bzhin gshegs pa la sems dang yid dang/ rnam par shes pa'i rnam par rtog pa'i rtsol pa mi mnga' bar bstan pa dang/ de bzhin gshegs pa la rtsol pa mi mnga' ba yang sems kyi chos 'byung bar bstan pa'o/ /sems dang/ yid dang/ rnam par shes pa'i don de
- 171b
yang rnam pa gnyis te/ zag pa dang bcas pa dang zag pa med pa'o/ /zag pa dang bcas pa'i sems de yang rnam pa gnyis te/ dang po ni bye brag gi ming du sems dang yid dang rnam par shes pa zhes bya ba yin te/ kun gzhi rnam par shes pa ni sems zhes bya'o/ nyon mongs pa can gyi yid ni yid ces bya'o/ /rnam par shes pa drug po dag ni rnam par shes pa zhes bya'o/ /gnyis pa ni spyi'i ming du rnam par shes pa brgyad po thams cad kyang sems dang yid dang rnam par shes pa zhes bya ste/ de'i phyir bstan bcos rnam par rig pa tsam du grub pa las/ 'di ltar bcom ldan 'das kyis mdo dang de dag tu sems dang yid dang rnam par shes pa gsum po dag gi don tha dad pa gsungs te/ bsags pa las byung bas na sems zhes bya'o/ /sems pas na yid ces bya'o/ /rnam par rig pas na rnam par shes pa zhes bya ste/ don rnam pa gsum po de dag rnam par shes pa brgyad po kun la khyab pa yin yang gtso bo'i rjes su byas te/ bstan nas kun gzhi rnam par shes pa ni sems zhes bya ste/ sa bon rnams bsags nas chos rnams 'byung bar byed pa'i phyir ro/ /nyon mongs pa can gyi yid ni yid ces bya ste/ kun gzhi rnam par shes pa la sogs pa la dmigs shing rtag par nges par bdag la sogs par sems pa'i phyir ro/ /gzhan drug po dag ni rnam par shes pa zhes bya ste/ rags par g.yo ba bar chad dang bcas pa nyid rnam par rig pa 'jug pa'i phyir ro zhes 'byung ba yin no/ /gzhan yang 'phags pa lang? kar gshegs pa'i mdo'i tshigs su bcad pa las ji skad du/ /kun gzhi la ni sems zhes bya/ /sems pa'i bdag nyid yid ces bya/ /yul gyi mtshan nyid rnam rig pa/ /de ni rnam par shes zhes bstan/ zhes gsungs pa lta bu'o/ /gzhan yang de bzhin gshegs pa'i yon tan bkod pa'i mdo las/ de bzhin gshegs pa'i dri ma med pa'i rnam par shes pa
- 172a
zhes gsungs so/ /ched 'ga' ni mdo las/ 'jig rten las 'das pa'i yid ces gsungs so/ /ched 'ga' ni sems zhes bya ba'i ming nas skabs thams cad rtog par gsungs pas de'i phyir sangs rgyas kyi sa'i gnas skabs kyang rnam par brtan pa la sogs pa zhes bya'o/ /mdo 'di las ni zag pa dang bcas pa rnam par rtog pa'i sems dang/ yid dang rnam pa'i dbang du mdzad nas bstan pa'i phyir ro/ /de bzhin gshegs pa ni sems dang yid dang rnam par shes pas rab tu phye? pa yin zhes gsungs kyi/ zag ba med pa'i sems dang yid dang rnam par shes pa ni ma yin te/ chos bsdus pa'i mdo las/ sems dang yid dang rnam par shes pa zhes bya ba ni rnam par rtog pa'i sems so zhes gsungs so/ /gzhan yang bstan bcos byang chub kyi tshogs bstan pa las/ sems dang yid dang rnam par shes pa zhes bya ba ni mtshan mar 'dzin pa rnam par rtog pa can zhes bya'o zhes 'byung ngo/ /de la 'on kyang de bzhin gshegs pa rnams ni rtsol ba mi mnga' bar sems kyi chos 'byung ste zhes bya ba 'dis ni de bzhin gshegs pa la rnam par rtogs pa'i yid byed pa mi mnga' mod kyi/ sngon gyi rgyu'i gnas skabs kyi shes rab kyi stobs kyis rtsol ba mi mnga' bar yang sems kyi chos 'byung ste/ dper na sprul pa lta bu'o/ /ting nge 'dzin gyi stobs kyis phyir ni thugs la dgongs pa bzhin du mngon du 'gyur zhing yid la byed pa'i rnam par rtog pa'i dbang gis ni ma yin pa'o/ /bshad pa'i rnam pa gzhan dun yang dag pa'i ting nge 'dzin la zhugs pa na yin la byed pa mi mnga' mod kyi/ mnyam par bzhag pa'i mdun rol na yid la bya ba de'i stobs kyis sprul pa ston par mdzad do/ /'di yang de bzhin te rgyu'i gnas skabs kyi shes rab kyi stobs kyis sems kyi chos 'byung ba'o/ /gzhan yang bstan bcos theg pa chen po bsdus pa'i 'grel ba
- 172b
lyang gi tshe bsgyur ba las/ bcom ldan 'das gzhan la phan 'dogs pa'i bya ba mdzad par gyur/ /mdzad par 'gyur/ mdzad mod kyi/ dus gsum po dag tu/ mngon par 'du mdzad pa'i dgongs pa mi mnga' la/ mngon par 'du mdzad pa mi mnga' yang phan 'dogs pa'i bya ba mngon par 'grub par 'gyur te/ dper na yid bzhin gyi nor bu dang/ lha'i rdal yid la byed pa med kyang bya ba'i dngos po rnams mngon par 'grub par 'gyur ba bzhin no zhes bshad do/ /gzhan yang bstan bcos theg pa chen po bsdus pa'i 'grel pa slob dpon ngo bo nyid med kyi byas pa las/ rnam par mi rtog pa'i ye shes bsgrubs pa las mngon par 'grub pa'i sangs rgyas kyi 'bras bu rnam par mi rtog pa yin par 'gyur na/ ji ltar sems can la phan 'dogs par bya ba mdzad ce na/ yid bzhin nor bu dang ni lha'i rda/ /bsam med rang gi bya ba grub pa ltar/ /sangs rgyas mdzad pa sna tshogs grub gyur kyang/ /rtag par dgongs pa mi mnga' de bzhin no/ /zhes gsungs te/ 'di nyid kyi 'grel pa las/ tshigs su bcad pa 'di las yid bzhin nor bu dang/ lha'i rda'i dpe rnam pa gnyis kyis ni rnam par mi rtog pa'i ye shes brnyes pa la rnam par mi rtog pa'i rtsol ba mi mnga' yang mdzad pa rnam pa sna tshogs mngon par 'grub pa ni dper na yid bzhin gyi nor bu dang/ lha'i rnga la 'di snyam du/ bdag gi 'od 'byung bar bya'o/ /bdag gi sgra dbyung ngo snyam pa'i bsam pa med kyang sems can de dag gis bsod nams kyi las kyi mos pa'i mthu ci lta ba dang/ brdung ba la mi bltos par yang 'od sna tshogs gtor zhing sgra sna tshogs 'byung ba ltar sangs rgyas rnams kyang de bzhin te/ rnam par rtog pa'i rtsol ba dang bral ba yin yang gdul ba'i sems can de dag gi bsod nams kyi mos pa'i stobs ji lta ba bzhin du phan 'dogs pa'i dngos po rnam pa sna tshogs ston to mngon par
- 173a
bsgrub pa yin no zhes 'byung ste/ slob dpon dbyig gnyen gyis mdzad pa'i 'grel pa dang/ la yang gi tshe bsgyur pa'i 'grel pa las kyang de skad du ston to/ /byang chub sems dpa' 'jam dpal gyis yang bcom ldan 'das la 'di skad ces gsol to/ /bcom ldan 'das gal te de bzhin gshegs pa rnams kyi chos kyi sku mngon par 'du bgyi ba thams cad dang bral te/ rtsol ba ma mchis pa lags na/ 'o na ci ltar sems kyi chos 'byung bar 'gyur lags zhes bya ba ni gsum pa rtag pa'o// chos kyi sku zhes bya ba 'di yang bshad pa rnam pa gnyis yod de/ kha cig na re longs spyod rdzogs pa ni chos kyi sku zhes bya ste/ 'dis ni longs spyod rdzogs pa'i chos kyi sku la mngon par 'du mdzad pa'i dgongs pa mi mnga' yang/ sems 'byung ba yin na ji ltar de bzhin gshegs pa la tha dad pa'i dgongs pa mi mnga' bar yang longs spyod rdzogs pa'i skus bsdus pa'i sems bskyed pas de'i phyir zhu ba 'di zhus pa yin te/ ji ltar na/ yid la byed pa med pa yang sems skye bar 'gyur zhes zhu ba yin no zhe'o// bcom ldan 'das kyis byang chub sems dpa' 'jam dpal la bka' stsal pa/ rigs kyi bu sngon thabs dang shes rab bsgom pa mngon par 'dus byas pa'i dbang gi phyir sems 'byung bar 'gyur te zhes bya ba la sogs pas bzhi pa rnam par bshad pa ston to/ /'di yang rnam pa gsum ste/ don nyid yang dag par bstan pa dang/ dpes nye bar mtshon pa dang/ dpe dang don du sbyar ba'o/ /'di ni don yang dag par bstan pa ste/ 'di ltar sa bcu po dag tu shes rab dang/ mngon par 'dus byas pa'i dbang gi dgongs pa mi mnga' bar yang sems skye bar 'gyur bas so/ /de la mngon par 'dus byas pa zhes bya ba ni rgyu'i gnas skabs kyi sbyor ba dang/ yang dag pa'i shes pa dang rjes la thob pa gsum po dag sbyir mngon par 'dus byas pa zhes bya ste/ 'bad
- 173b
pa'i rtsol ba dang bcas pa'i phyir ro/ /mtshams rnam par grol pa'i mdo las ni/ sngon shes rab bsgoms pa las byung ba'i phyir ro zhes 'byung ngo/ /dgongs pa zab mo rnam par grol ba'i mdo las ni/ sngon thabs dang shes rab bsgoms pas rang gi rang? gi 'byung bar 'gyur te zhes 'byung ngo/ /rigs kyi bu dper na gnyid log pa sems med pa las sad pa na mngon par 'du bya ba med kyang sngon mngon par 'dus byas pa'i stobs kyi sad par 'gyur zhes bya ba la sogs pas ni gnyis pa dpe nye bar mtshon pa ston to/ /'di yang dpe rnam pa gnyis kyis bstan pa las/ 'di ni dpe dang po ste/ 'di ltar sems med pa'i gnyid kyi gnas skabs na phyis sad par bya'o zhes mngon par 'dus byas pa med kyang sems snga ma'i dbang gi phyir te/ gnyid ma log pa'i mdun rol du bdag phyis ldang bar bya'o zhes mngon par 'dus byas pa'i dbang gi sad pa'i sems skye ba lta bu'o/ /'gog pa la snyoms par zhugs pa ldang bar mngon par 'du bya ba med kyang mngon par 'dus byas pa'i dbang gi stobs kyis ting nge 'dzin las ldang bar 'gyur te zhes bya ba ni dpe gnyis pa bstan pa'o/ /'di lta ste/ dper na 'gog pa'i snyoms par zhugs pa'i ting nge 'dzin las ldang ngo snyam pa'i mngon par 'du bya ba med kyang sems snga ma'i dbang gis phyir te/ 'di ltar 'gog pa la ma zhugs pa'i sngon rol na bdag phyis ldang bar bya'o snyam du mngon par 'dus byas pa'i dbang gis ting nge 'dzin las ldang ba lta bu ste/ bstan bcos bye brag tu bshad pa chen po las/ ji skad du/ 'gog pa'i ting nge 'dzin la snyoms par zhugs pa'i dus ji srid du gnas she na/ smras pa/ 'dod pa'i khams kyi sems can gyi dbang po rnams kyi 'byung ba chen po ni kham gyi zas kyi dbang gis gnas pas ting nge 'dzin la yun ring du gnas pa dag gi ting nge 'dzin la gnas pa'i tshe/ lus la nyams pa
- 174a
med kyang ting nge 'dzin las langs pa na lus 'jig par 'gyur te/ de'i phyir ting nge 'dzin 'di la gnas pa dus yun mi ring? ba zhig tu gnas pa/ kho na yin pas de ltar yun ring na yang nyin zhag bdun las mi 'da' te/ khams kyi zas zad? pa'i phyir ro/ /'di ltar ci mngon zhe na/ kun dga' ra ba zhig na dge slong gcig 'gog pa'i snyoms par 'jug pa'i ting nge 'dzin thob pas snga dro'i dus kyi chos gos bgos lhung bzed thogs nas dge 'dun gyi bkod sar song ba las/ de'i nyin par gaN+Di brdung ba dang sbyar ba dag cung zad cig thogs pa dang/ dge slong de yang brtson 'grus can zhig pas 'di snyam du bdag gis ci ste dge ba mi spyod par dus zad par byed ces phyi ma'i mdza' la mi rtog par bdag gis nam gaN+Di brdung ba na gdong ldang bar bya'o/ /zhes dam bcas nas 'gog pa la snyoms par zhugs so/ /de'i tshe dge 'dun gyi kun dga' ra ba der bar chad kyi rkyen byung bas dge slong rnams so sor gyes nas gnas gzhan du dong ngo/ /zla ba gsum 'das te bar chad kyi rkyen zhi nas dge slong rnams slar kun dga' ra bar 'dus te gaN+Di brdungs ma thag tu dge slong de ting nge 'dzin las langs nas dus las 'das so zhes grag go/ gzhan yang dge slong 'gog pa'i snyoms par 'jug pa thob pa rtag par bsod snyoms slong slong ba zhig snga dro'i dus kyi tshe/ chos gos bgos lhung bzod thogs nas grong khyer du 'gro bar byas pa las char chen po babs pas gos kyi kha dog nyams par 'gyur bar dogs nas cung zad cig bsdad pa las/ de 'di snyam du bdag gis dge ba mi spyod par ci'i phyir dus zad par byed ces phyi ma'i mdza' la mi rtog par char pa ma chad kyi bar du snyoms par zhugs la nam char pa chad pa na gdod ldang bar bya'o zhes dam bcas nas 'gog pa la snyoms par zhugs so/ /kha cig na re zla ba phyed lon nas
- 174b
char pa gdod chad ces zer ro/ /kha cig na re zla ba gcig lon nas gdod char pa chad do zhes zer te/ ting nge 'dzin las langs ma thag tu dus las 'das so zhes grags te/ de nas 'dod pa'i khams su skyes pa'i ting nge 'dzin la gnas pa gang yin pa de ni ting nge 'dzin la gnas pa'i tshe/ lus la nyams par 'gyur ba'i phyir ting nge 'dzin 'di la gnas pa de ni yun mi ring ba zhig tu gnas pas/ de lta yun ring na yang nyid zhag bdun las mi mda' bar shes par bya'o/ /gzugs kyi khams kyi sems can gyi dbang po rnams kyi 'byung ba chen po ni kham gyi zas kyi dbang gis gnas shing bzung ba ma yin pa'i phyir ting nge 'dzin 'di la gnas pa bskal pa ched dam/ bskal pa gcig gam/ yang na de las lhag pa yang gnas so/ /gal te dge slong 'ga' zhig dam bcas par 'gog pa'i snyoms par zhugs pa de ci ltar sdang bar 'gyur zhe na/ smras pa/ chos nyid kyis ldang bar 'gyur te/ sems yod pa'i ting nge 'dzin ji lta ba bzhin du dge slong de bza' ba dang/ btung ba 'dod pa 'am/ bshad gci'i phyir 'gro bar 'dod pa ste/ 'di ltar ting nge 'dzin la gnas pa'i tshe/ gnod pa med kyang langs pa gnod par 'gyur pa'i phyir rgyu dang rkyen des na gdon mi za bar ldang bar 'gyur ro zhes 'byung ba lta bu'o/ /gzhan yang 'phags pa shes rab kyi pha rol tu phyin? pa'i 'grel pa las/ gal te byang chub sems dpa' rnams ting nge 'dzin gya nom pa la zhugs par gyur pa na/ su zhig slong bar nus she na/ smras pa/ rnal 'byor pa dag dang por 'jug pa na bdag nyid kyis dus kyi tshad byas nas de'i 'og tu gdod ting nge 'dzin la 'jug pas dus la bab na de'i sems rang gi ngang gi ting nge 'dzin las ldang bar 'gyur te/ ji skad du/ dge slong zhig 'gog pa la snyoms par 'jug pa na bdag gis gaN+Di'i sgra thos pa'i tshe ldang bar zhes dam bcas nas 'gog pa'i snyoms par zhugs pa las dge 'dun gyi gnas khang du me
- 175a
shor bas dge slong rnams skrag nas gaN+Di ma brdungs par dong ngo/ /lo bcu gcig 'das nas yon bdag rnams kyis dge 'dun bsdus te/ gtsug lag khang brtsig pa'i phyir gaN+Di brdungs pa las des gaN+Di'i sgra thos te/ langs ma thag tu lus zhig nas dus las 'das so zhes bshad pa lta bu'o zhes 'byung ngo/ /gnyid log yod pa dang/ 'gog pa la snyoms par zhugs pa'i sems 'byung ba ci lta ba de bzhin du/ de bzhin gshegs pa yang sngon thabs dang/ shes rab bsgom pa mngon par 'dus byas pa'i dbang gis yang sems kyi chos 'byung bar rig par bya'o zhes bya ba ni gsum pa dpe dang don du sbyar ba ste/ ci ltar sems med pa'i gnyid sngon mngon par 'du byas pa'i dbang gi phyis sems 'byung ba bzhin du/ de bzhin gshegs pa la yang mngon par 'du mdzad pa mi mnga' mod kyi/ sngon rgyu'i gnas skabs su mngon par 'du mdzad pa'i dbang gis sems 'byung bar 'gyur ro zhes bya ba ste/ de'i phyir 'phags pa sangs rgyas kyi sa'i 'grel pa las gzhan yang ye shes dang sprul pa dang/ sems can gyi don bya ba sgrub pa thams cad kyis go 'byed pas kyang zhes bya ba ni 'di lta ste/ chos kyi dbyings rnam par dag pa la longs spyod rdzogs pa dang sprul pa'i sku gnyis kyis sems can gyi bya ba bsgrubs pa'i rgyu mtshan thams cad kyi go 'byed ces bya ba ste zhes bya ba nas so/ /gzhan yang de las/ de'i tshe de bzhin gshegs pa rnams la 'di ni mdzad do/ /'di ni mi mdzad do snyam pa la sogs pa'i rnam par rtog pa mi mnga' mod kyi/ 'on kyang sngon gyi smon lam gyi dbang gi bya ba thaMs cad smon lam bzhin du 'gyur te/ dper na gnyid log pa dang/ 'gog pa'i snyoms par 'jug pa las ldang pa yid la byed mod kyi/ ci ltar dam bcas pa bzhin du sad cing/ ting nge 'dzin las ldang bar 'gyur te/ 'phags pa blo gros rgya mtsho bston pa'i
- 175b
mdo las ji skad du/ dper na dge slong gaN+Di brdungs pa la bab kyi bar du byin gyis brlabs te 'gog pa la snyoms par zhugs pa de'i rna lam du gaN+Di'i sgra mi grag pa la rnam par rtog ba med mod kyi/ 'on kyang dam bcas pa'i dbang gis ldang bar 'gyur ro zhes gsungs pa lta bu ste/ 'phags pa sangs rgyas sa'i 'grel pa las/ 'phags pa blo gros rgya mtsho bstan pa'i mdo khungs su bstan pa ni 'phags pa 'dus pa chen po'i mdo las/ byang chub sems dpa' blo gros rgya mtsho'i le'u zhes bya ba nyid yin te/ de'i phyir mdo de nyid las/ rigs kyi bu dper na dge slong 'gog pa la snyoms par 'jug par 'dod pas sngar bdag gis gaN+Di brdungs pa'i sgra thos na gdod ldang bar bya'o/ /zhes dam bcas nas snyoms par zhugs pa'i ting nge 'dzin la gnas pa'i tshe/ gaN+Di sgra? med mod kyi/ 'on kyang sngon gyi smon lam gyi dbang gis gaN+Di brdungs pas ting nge 'dzin las ldang bar 'gyur ro zhes gsungs pa yin no/ /byang chub sems dpa' 'jam dpal gyis yang bcom ldan 'das la 'di skad ces gsol to/ /bcom ldan 'das de bzhin gshegs pa'i sprul pa'i sku la sems mchis zhes bgyi 'am/ sems ma mchis zhes bgyi lags zhes bya ba 'di man chad ni gnyis pa de bzhin gshegs pa'i sprul pa'i sku la sems mnga' pa 'am mi mnga' ba ston to/ /'dir yang rnam pa bzhi ste/ zhu ba gsol ba dang/ lan du gsungs pa dang/ brtags pa dang/ rnam par bshad pa ste/ 'di ni zhu ba gsol ba nyid do/ /de la sprul pa'i sku zhes bya ba ni gzhan longs spyod pa dang/ sprul pa'i sku bsdu ba ste/ sprul pa dang mtshungs pa'i phyir ro/ /sku gnyis po 'di dag sems mnga' bzhes bgyi 'am/ 'on te sems mi mnga' ba zhes bya ba'i tha tshig go bcom ldan 'das kyis byang chub sems dpa' 'jam dpal la bka' stsal pa/ rigs kyi bu sems yod pa yang ma yin/ sems med pa yang ma yin no zhes
- 176a
bya ba ni gnyis pa de bzhin gshegs pas lan 'dor gsungs pa ste/ yod ces byar yang mi rung la/ med ces byar yang mi rung ngo zhes bya ba'i tha tshig go/ de ci'i phyir zhe na zhes bya ba ni gsum pa gtan tshig brtag pa ste/ yod pa dang med pa zhes gsungs kyang gtan tshigs ma gsungs pa'i phyir 'dir brtags pa yin no/ /bdag nyid la brten pa'i sems med pa'i phyir dang/ gzhan la brten pa'i sems yod pa'i phyir ro zhes pa ni/ bzhi pa de bzhin gshegs pas yang dag par bshad ba'o/ /de la bdag nyid la brten pa'i sems zhes bya ba ni lta ba'i rnam pa'i sems te/ bdag nyid kyi dmigs pa'i byed pa lta ba'i rnam pa'i sa bon la brten nas skye ba'i phyir ro/ /gzhan la brten pa'i sems zhes bya ba ni rgya'i mtshan gyi rnam pa'i sems te/ lta ba'i rnam pa'i sems la brten nas skye ba yin gyi/ dmigs par ni mi byed pa'i phyir ro/ /'dir lan du gsungs pa'i dgongs pa ni 'di lta ste/ lta ba'i rnam pa yang dag pa'i sems med pa'i phyir ni bdag nyid la brten pa'i sems med pa zhes bya ba gsungs so/ /gzhan du brten pa'i rgyu mtshan gyi rnam pa'i sems yod pa'i phyir ni med ces byar mi rung ngo/ /zhes bstan pa yin te/ de'i phyir bstan bcos rnam par rig pa tsam du grub pa las/ sprul ba dang gzhan longs spyod pa'i sku de la yang dag pa'i sems dang/ sems las byung ba mi mnga' yang/ sems dang sems las byung ba'i chos lta bur snang ste/ bla na med pa'i byang chub 'di'i rdzu 'phrul gyis mthu shin tu bsam par dka' ba'i phyir gzugs med pa chos sprul cing ston par byed do/ /gal te de ma yin na/ ji ltar de bzhin gshegs pa'i 'dod chags dang zhe sdang la sogs pa ston par mdzad de snga nas gtan du spang ba'i phyir ro/ /ji ltar nyan thos dang byol song la sogs pa de bzhin
- 176b
gshegs pa'i yang dag pa'i sems shes par nus te/ mnyam pa nyid du byang chub sems dpas kyang shes par mi nus pa'i phyir/ des na mdo dag las rigs dpag tu med ba dang/ sprul nas thams cad kyang sems yod blta bur ston to zhes gsungs pa yin te/ 'phags pa mya ngan las 'das pa chen po'i mdo la sogs pa las ji skad bstan pa lta bu'o/ /gzhan yang de bzhin gshegs pa'i bya ba sgrub pa'i ye shes ni 'phrin las rnam pa gsum ston par mdzad do zhes gsungs te/ 'phags pa sangs rgyas kyi sa'i mdo la sogs pa las ji skad bstan pa lta bu'o/ /gzhan yang sprul pa la gzhan la brten pa'i sems yod par gsungs te/ gzhan gyi yang dag pa'i sems la brten nas rgyu mtshan gyi rnam par snang pa'i phyir te/ mdo 'di nyid la sogs pa las ji skad bstan pa lta bu'o/ /sprul pa las dbang po dang/ sems la sogs pa med par gsungs kyang/ gzhan las dgongs nas bstan pa yin gyi/ de bzhin gshegs pa las brtsams pa ni ma yin no/ /gzhan sprul ba'i dbang po gzugs can dang/ sems dang sems las byung ba'i chos la dbang po sogs pa'i nus ba med pa'i phyir yod pa nyid du ma bstan to zhes 'byung ste/ 'phags pa sangs rgyas kyi sa'i 'grel pa las phal cher de skad du ston to/ /mtshams rnam par grol pa'i mdo las ni/ de bzhin gshegs pa'i sprul pa'i sku sems mchis la zhig lags sam/ sems ma mchis pa lags/ bcom ldan 'das kyis 'jam dpal la bka' stsal pa/ sems med de sems rang dbang med pa'i phyir ro zhes 'byung ngo// dgongs pa zab mo rnam par grol ba'i mdo las ni/ de bzhin gshegs pa'i sprul bas sprul pa'i sku de sems mchis pa zhes bgyi 'am/ sems ma mchis ba zhes bgyi lags/ bcom ldan 'das kyis bka' stsal pa/ sems yod ces byar
- 177a
yang mi rung la/ sems med ces byar yang mi rung ngo/ /de ci'i phyir zhe na/ rang gi sems la dbang ma thob pa'i phyir sems med ba zhes bya'o/ /gzhan gyi stobs kyi phyir sems yod pa zhes bya'o zhes 'byung ngo/ /byang chub sems dpa' 'jam dpal gyis yang bcom ldan 'das la 'di skad ces gsol to/ /bcom ldan 'das de bzhin gshegs pa'i spyod yul gang lags pa dang/ de bzhin gshegs pa'i yul gang lags pa de gnyis la bye brag tu bgyi ba ni ci mchis lags zhes bya ba 'di man chad ni gnyis pa de bzhin gshegs pa'i spyod yul gyi bye brag gi mtshan nyid stan to/ /'di yang rnam pa gnyis bo zhu ba gsol ba dang/ lan du gsungs pas bstan te/ 'di ni dang po zhu ba gsol ba nyid do/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu de bzhin gshegs pa'i spyod yul ni 'di lta ste/ de bzhin gshegs pa rnams rnam pa thams cad tu thun mong ba/ yon tan bsam gyis mi khyab pa dang/ tshad med bdag gis bkod ba/ sangs rgyas kyi zhing yongs su dag pa gang yin pa'o zhes bya ba la sogs pas na gnyis pa de bzhin gshegs pas yang dag pa lan du gsungs pa ston to/ /'di yang rnam pa gnyis te/ rnam par bshad pa dang/ mjug bsdu pa'o/ /rnam par bshad pa la yang rnam pa gnyis su dbye ste/ spyod yul rnam par bshad pa las/ yul rnam par bshad pa'o/ /'di ni dang po spyod yul rnam par bshad pa ste/ 'di ltar de bzhin gshegs pa rnams thun mong du mnga' ba bsam gyis mi khyab pa'i stobs dang/ mi 'jigs pa la sogs pa'i yon tan dpag tu med pa dag gis brgyan pa/ sangs rgyas kyi zhing yongs su dag pa gang yin pa de ni de bzhin gshegs pa'i spyod yul zhes bya ste/ 'di na 'phags pa sangs
- 177b
rgyas kyi sa'i mdo las/ phun sum tshogs par bco brgyad kyi bkod pa dang ldan pa dang stan pa nyid de/ de'i phyir 'phags pa sangs rgyas kyi sa'i mdo la sogs pa las/ gzhal med khang chen po rin po che sna bdun du 'bar ba bkod ba zhes bya ba la sogs pa rgya cher gsungs pa yin no/ /de bzhin gshegs pa'i yul ni 'di lta ste/ rnam pa thams cad du khams lnga po dag bye brag tu gyur pa gang yin pa'o/ /zhes bya ba la sogs pas ni gnyis pa de bzhin gshegs pa'i sbyod yul rnam bar bshad ba'o/ /'di yang rnam pa gnyis te/ grangs mdor bstan pa dang/ grangs mdor smos pa bzhin du rnam par phye ste/ bstan pa ste/ 'di ni grangs mdor bstan pa'o/ /lnga gang zhe na/ sems can gyi khams dang/ 'jig rten gyi khams dang/ chos kyi khams dang/ gdul ba'i khams dang/ gdul ba'i thabs kyi khams te zhes bya ba ni gnyis pa grangs mdor smos pa bzhin du rnam par phye ste bstan pa'o/ /dpag tu med pa lnga po 'di dag ni bstan bcos rnal 'byor spyod pa'i sa las ji skad bstan pa bzhin du rig par bya ste/ de'i phyir bstan bcos de nyid las/ de la sems can gyi khams dpag tu med pa ni 'di lta ste/ sems can gyi ris drug cu rtsa bzhi po de dag yin pa ste sngar yid kyi sa las bstan pa bzhin no/ /'jig rten gyi khams dpag tu med pa ni 'di lta ste/ phyogs bcu dpag tu med cing ming yang dpag tu med de/ /dper na 'di ni 'jig rten gyi khams mi mdzad de/ de'i ming lam mi mjed kyi bdag po tshangs pa zhes bya ba bzhin no/ /chos kyi khams dpag tu med pa ni 'di lta ste/ dge ba dang/ mi dge ba dang/ lung du ma bstan pa'o/ chos rnams kyi rab tu dbye ba'i tshul gyi dpag tu med pa'i rig par bya'o/ /gdul ba'i khams dpag tu med pa 'di lta ste/ sems can thams cad gdul bar bya ba yin pa'i phyir gdul
- 178a
ba ni gcig du 'gyur ro/ /gdul ba'i khams rnam pa gcis kyang yod de/ 'ching ba mdza' dag dang ldan pa dang/ 'ching ba mdza' dag dang gi ldan ba'o/ /de bzhin du rnam pa bdun yod pa nas/ rnam ba'i rab tu dbye bas rnam pa lnga bcu rtsa lnga yod pa'i bar du'o/ /rgyud kyi rab tu dbye bas ni tshad med par rig par bya'o zhes 'byung ste/ zhib tu de nyid las bstan pa bzhin no/ /gzhan yang de nyid las/ de la sems kyi khams dang/ gdul ba'i khams la tha dad du bya ba ci yod cen/ smras pha/? til la gnas pa dang/ rigs la gnas ba ma yin ba'i sems can thams cad ni sems can gyi khams su bye brag med do/ /rigs la gnas pa gnas skabs de dang de dag la gnas pa gang yin pa de ni gdul ba'i khams zhes bya'o/ /de la gdul ba'i thabs kyi/ gnas dpag tu med pa ni sngar ji skad du bstan pa bzhin du rig par bya'o/ /de yang rnam pa'i dbye bas ni dpag tu med do/ /ci'i phyir dpag tu med pa lnga po 'di dag ni go rim de ltar bstan ce na/ smras pa/ 'di ltar byang chub sems dpa' rnams nan tan brtson 'grus kyis sems can gyi don la sgyar ro bas de'i phyir dang por sems can gyi khams dpag tu med pa bstan to/ /sems can de dag gang la gnas pa yang dmigs pa las gdul bar 'gyur bas/ de'i phyir gnyis pa 'jig rten gyi khams dpag tu med pa brgyan? te/ sems can de dag 'jig rten gyi khams de dang de dag ni chos gang dag gis kun nas nyon mongs pa dang rnam par byang ba'i bye brag kyang dmigs pas/ de'i phyir gsum la chos kyi khams dpag tu med pa bstan to/ /sems can de dag gi nang nas sems can gdang kyi bsras pa dang ldan zhing gtan du sdug bsngal las rnam par thar par byed pa yang mthong bas de'i phyir bzhi pa'i gdul ba'i khams dpag tu med pa ston to/ /thabs la
- 178b
mkhas pa de dag gis sems nyan rnams gtan du rnam par thar par byed par 'gyur bas de'i phyir lnga pa gdul ba'i thabs kyi khams dpag tu med pa ston to/ /de lta bas na byang chub sems dpa' i rnams kyi dpag tu med pa lnga pa de dag ni thams cad la mkhas pa byed par 'gyur ba'i zhes 'byung ste/ bstan bcos rnam par bshad pa dang/ mdo sde'i rgyan dang/ sa yongs su 'dzin pa dang/ 'phags pa legs pa'i tshul khrims bstan pa'i mdo las kyang de skad du ston to/ /de dag ni rnam pa gnyis kyi bye brag ces bya'o zhes bya ba ni gnyis pa mjug bsdus pa'o// //bam po bdun cu lnga pa// byang chub sems dpa' 'jam dpal gyis kyang bcom ldan 'das la 'di skad ces gsol to/ /bcom ldan 'das de bzhin gshegs pa mngon par byang chub pa gang lags pa dang/ yang dag pa'i chos kyi 'khor lo bskor ba gang lags pa dang/ yongs su mya ngan las 'das pa chen po gang lags pa rnams/ gsum po de dag gi mtshan nyid ji lta bur rig par bgyi lags/ zhes bya ba 'di man chad mi gsums mngon par rdzogs par byang chub pa la sogs pa la gsum po dag gnyis su med pa'i mtshan nyid tu bstan pa zhes bya ba ston to/ /'di yang rnam pa bzhi ste/ zhu ba gsol ba dang/ lan du gsums pa dang/ brtag pa dang/ rnam par shes pa/ ste/ 'di ni dang po rnam pa gsum po de dag so so nas mchan nyid ji lta bu zhig dang ldan zhes zhu ba'o/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu gsum po de dag ni gnyis su med pa'i mtshan nyid yin par rig par bya ste/ zhes bya ba la sogs pas ni/ gnyis pa de bzhin gshegs pas yang ngan par lan du gsungs pa son ngo/ 'di yang rnam pa gnyis te/ lan 'dor bstan pa dang/ lan rnam par phye ste bstan pa'o/ /'di ni dang po gsum po de dag gnyis su
- 179a
med pa'i mtshan nyid yin no/ /lan mdor gsungs so/ /'di ltar mngon par rdzogs par byang chub pa yang ma yin/ yang dag pa'i chos kyi 'khor lo bskor ba yang ma yin/ yang dag pa'i chos kyi 'khor lo mi skor ba yang ma yin yongs su mya ngan las 'das pa chen po yang ma yin/ yongs su mya ngan las 'das pa chen po med pa yang ma yin no zhes bya ba ni gnyis pa rnam par phye ste bstan pa'o/ /rnam pa gsum po dag ni gnyis su med pa'i mtshan nyid yin pas mngon par rdzogs par byang chub pa yang ma yin/ chos kyi 'khor lo bskor ba yang ma yin yongs su mya ngan las 'das pa yang ma yin no/ /rnam pa gsum med pa yang ma yin te/ tshig tha dang kyang don gcig pa'i phyir ro/ /dgongs pa zab mo rnam par dgrol ba'i mdo las/ byang chub thob pa yang ma yin/ byang chub mi thob pa yang ma yin zhes bya ba la sogs par 'byung ngo/ /dpe gzhan gnyis las kyang ma yin zhes bya ba'i tshig tu 'byung bas/ de'i phyir ma yin zhes bya ba'i tha tshig gis ni gnyis su med pa'i mtshan nyid bstan to/ /de ci'i phyir zhe na zhes bya ba ni gsum pa gtan tshigs bstan pa ste/ gnyis su med pa zhes gsungs kyang/ rnam par ma bshad pas de'i phyir brtag pa yin no/ /de bzhin gshegs pa'i chos kyi sku ni gtan du yongs su dag pa nyid kyi phyir dang de bzhin gshegs pas sprul pa'i sku ni rtag tu kun tu stong pa nyid kyi phyir ro zhes bya ba ni bzhi pa rnam par bshad pa ste/ 'di ltar de bzhin nyid kyi chos kyi sku ni shin tu rnam par dag pa nyid kyi phyir mtshan nyid gsum po de dag med la/ sgrub pa'i sku ni dbang pho ji lta ba bzhin du kun tu stan pa'i phyir/ mtshan nyid gsum po dag med pa yang ma yin no/ /mtshams rnam par grol ba'i mdo las kyang/ 'di las gsungs pa dang mthun par 'byung ngo/ /dgongs pa zab mo rnam par grol ba'i mdo las/ sprul pa'i sku kun tu ston pa'i da
- 179b
phyir ro zhes 'byung ba ni sprul pa'i sku nyid la sprul pa zhes bya ste/ de'i phyir 'phags pa shes rab kyi pha rol tu phyin pa rdo rje gcod pa'i 'grel pa las/ sprul pa yang dag sangs rgyas min/ /chos bstan pa yang dam yin/ zhes 'byung ba yin no/ /bdag dang gzhan longs spyod pa'i sku mtshan nyid 'di gsum dang ldan nam zhe na/ smras pa/ nyid kyi longs spyod rdzogs pa'i sku ni nges par mtshan nyid gcig dang ldan pas/ 'di lta ste/ mngon par byang chub pa nyid do/ /mtshan nyid gzhan gnyis la ni bshad pa rnam pa gnyis yod de/ kha cig na re chos kyi 'khor lo bskor bar mi mdzad/ yongs su mya ngan las mi 'da' ste/ sa chen po la gnas pa'i byang chub sems dpa' dag gis mi mthong/ /mi thob ba'i phyir dang/ sku 'gags nas lhag ma med pa'i mya ngan las 'das pa mngon du mdzad pa ma yin pa'i phyir ro zhe'o/ /kha cig na re mtshan nyid gnyis dang ldan te mthong ba'i chos dang bde ba'i ched du chos ston pa'i phyir dang/ sku 'gag pa ma yin yang 'gog pa mngon du mdzad pa'i phyir ro zhe'o/ /gzhan yang longs spyod rdzogs pa'i sku ni mtshan nyid gsum dang ldan par bshad kyang 'gal ba med de/ ji skad du/ sangs rgyas 'od dpag med par rdzogs par byang chub pa dang/ yongs su mya ngan las 'das pa dang/ byang chub sems dpa' spyan ras gzigs de'i rgyal tshab yin pa'i phyir ro zhes gsungs pa lta bu ste/ rgya cher rnam par dbye ba ni mtshan nyid rnam pa brgyad kyis mngon par rdzogs par byang chub par bstan pa dag las 'byung ba bzhin du rig par bya'o// byang chub sems dpa' 'jam dpal gyis bcom ldan 'das la 'di skad ces gsol to/ /bcom ldan 'das sems can rnams ni sprul pa'i sku la lta ba dang/ nyan pa dang/ bsnyen bkur bgyis pas bsod nams skye bar 'gyur lags na/ de bzhin gshegs pa dang de dag tu rgyu dang rkyen ci zhig mchis lags zhes bya ba 'di man chad ni bzhi pa de bzhin gshegs pa sems can rnams
- 180a
kyi dmigs pa mdzad pa'i bye brag ston to/ 'di yang zhu ba gsol ba dang/ lan du gsungs pa bstan te/ 'di ni zhu ba gsol ba nyid do/ /zhu ba gsol ba'i dngos po yang so so nas bshad pa mi mthun pas/ kha cig na re 'dir ni sprul pa'i sku de bzhin gshegs pas gdul bar bya ba'i sems can dag la rkyen rnam pa bzhi las rgyu dang rkyen gang zhig mdzad nas bsod nams bskyed par mdzad pa lags zhes zhu ba yin no zhe'o/ /kha cig na re 'di ni chos kyi sku dang/ longs spyod rdzogs ba'i sku rnam pa gnyis kyi de bzhin gshegs pa'i sprul pa'i sku de dag gi rgyu dang rkyen gang zhig mdzod ces zhu ba yin no zhe'o/ /kha cig na re 'di ni chos kyi sku dang longs spyod rdzogs pa'i sku rnam pa gnyis kyi de bzhin gshegs pa gdul bar bya ba'i sems can dag la rgyu dang rkyen gang zhig mdzad nas yon tan rnams bskyed par bgyid ces zhu ba yin no zhes zer te/ 'og nas lan du gsungs ba'i tshig dang sbyar na dgongs pa rnam pa 'di gsum yod do// bcom ldan 'das kyis byang chub sems dpa' 'jam dpal la bka' stsal ba/ rigs kyi bu de bzhin gshegs pa bzhi de dag gi lhag par bya ba'i dmigs pa yin pa'i phyir dang/ sbrul pa'i sku de yang de bzhin gshegs pa'i byin gyis brlabs pa yin pa'i phyir ro zhes bya ba ni gnyis pa de bzhin gshegs pas yang dag par lan du gsungs pa ste/ lan du gsungs pa 'di bshad pa yang gong du zhu ba gsol ba la rnam pa gsum du bshad pa dang sbyar nag rim bzhin du 'di la yang bshad pa rnam pa gsum yod de/ kha cig na re sprul pa'i de bzhin gshegs pa ni sems can de dag la rkyen rnam pa gnyis po bdag po'i rkyen dang dmigs pa'i rkyen mdzad do/ /de ci'i phyir zhe na/ sems can rnams ni sprul pa'i sku bdag po'i rkyen dang/ dmigs pa'i rkyen mdzad nas bsod nams skye bar 'gyur bas so/ /rgyu'i rkyen dang mtshungs pa de ma thag
- 180b
pa'i rkyen ni ma yin te/ lus tha dad bdag phan tshun bltos na rgyu'i rkyen ma yin pa'i phyir dang/ bskal pa mtshungs pa rnams kyi sems la sogs pa dus mtshungs par skye ba'i phyir mtshungs pa de ma thag pa yang ma yin pa'i phyir ro/ /sbrul pa'i sku de yang de bzhin gshegs pa'i byin gyis brlabs yin pa'i phyir ro zhes bya ba ni sprul pa'i skus sems can gyi bsod nams bskyed par bzlas de bshad pa ste/ des na sku rnam pa gnyis kyi byin gyis brlab pa'i phyir bsod nams bskyed pa yin no zhe'o/ /kha cig na re lan du gsungs pa 'di'i dgongs pa chos kyi sku dang/ longs spyod rdzogs pa'i sku sbrul pa'i sku de la bltos na chos kyi sku'i dbang dang/ longs spyod rdzogs pa'i rkyen gyi dbang gis yin gyi/ rkyen gnyis po dag ma yin te/ sbrul ba ni sems ma yin pa'i phyir ro zhes zer te/ bshad pa 'di dang sbyar te/ mdo'? tshig 'di bshad de chos kyi sku dang/ longs spyod rdzogs pa'i sku rnam pa gnyis kyi de bzhin gshegs pa de dag ni bdag bo'i rkyen gyis bsdus pa'i sbrul pa'i rgyu dang rkyen yin te/ sku rnam pa gnyis po de dag gi dbang gis sbrul pa'i sku 'byung ba'i phyir dang/ gzhan yang sprul pa'i sku de ni de bzhin gshegs pa de gnyis kyi byin gyis brlabs yin pa'i phyir sku rnam pa gnyis po de dag ni sprul pa'i sku de dag gi skyed pa'i rgyu dang yongs su 'dzin ba'i rgyu'o/ /de la rgyu dang rkyen zhes bya ba ni nye bar bskyed pa'i phyir don gyi rgyu dang rkyen zhes gsungs kyi/ yang dag ba'i rgyu rkyen ni ma yin no/ /kha cig na re chos kyi sku dang longs spyod rdzogs pa'i sku rnam pa gnyis kyi de bzhin gshegs pa ni gdul bar bya ba'i sems can de dag ni dbang po dang/ dmigs pa'i rkyen rnam pa gnyis yin pa'i phyir bsod nams bskyed de/ rir ba'i rkyen 'di'i dbang gis de bzhin gshegs pa rnam pa gnyis sems can rnams kyi bsod nams bskyed pa zhes bstan to/ /gzhan yang sprul pa'i sku de dag ni de bzhin gshegs pa gnyis po dag gi mthus byin gyis brlabs ba'i phyir ro zhes
- 181a
zer te/ de ltar rnam pa gsum du bshad pa yod kyang gsum pa ni yang dag pa yin te/ mdo'i tshig dang rjes su mthun pa'i phyir ro/ byang chub sems dpa' 'jam dpal gyis kyang bcom ldan 'das la 'di skad ces gsol to/ bcom ldan ? mngon par 'du bgyi ba ma mchis par 'dra lags na rgyu dang rkyen gang gi slad du de bzhin gshegs pa chos kyi sku kho na las ni sems can rnams la ye shes kyi snang ba chen po 'byung zhing sprul pa'i gzugs brnyan dpag tu med pa dag kyang 'byung la nyan thos dang rang sangs rgyas kyi rnam par grol ba'i lus la ni dngos po 'di dag mi 'byung lar zheS bya ba 'di man chad ni lnga pa de bzhin gshegs pa chos kyi sku dang/ theg pa gnyis kyi rnam par grol ba'i lus kyi bye brag ston to/ 'di yang zhu ba gsol ba dang/ lan du gsungs pas bstan te/ 'di ni zhu ba gsol ba nyid do/ /'di ltar sangs rgyas la chos kyi sku dang/ theg pa gnyis kyi rnam par grol ba'i lus mngon par 'du bgyi ba dang/ rnam par grol ba'i yid la bgyi ba ma mchis pa 'dra lags na/ ci'i slad du de bzhin gshegs pa'i chos kyi sku las ni ye shes bzhi'i snang ba chen po dang/ sbrul pa'i gzugs brnyan dag 'byung la/ theg pa gnyis kyi rnam par grol ba'i lus las ni dngos po 'di dag mi 'byung lags zhes bya ba'i tha tshig go/ bcom ldan 'das kyis byang chub sems dpa' 'jam dpal la bka' stsal pa/ rigs kyi bu dper na sngon par 'du byed pa med par 'dra yang nyi ma dang zla ba'i dkyil 'khor gyi chu shel dang me shel rnam pa gnyis ni snang ba chen po 'byungs/ de las gzhan pa'i chu shel dang de dag las ni ma yin te zhes bya ba la sogs pas ni/ gnyis pa de bzhin gshegs pas yang dag par lan du gsungs pa ston to/ /'di yang rnam pa gnyis te/ dpes nye bar mtshon pa dang/ dpe dang don du sbyar ba'o/ /dpes te bar 'tshon pa yang rnams
- 181b
gnyis kyis bstan pa nyid las rnam pa gnyis su dbye ste/ 'di ni dpe dang po bstan pa'o/ dang po yang rnam pa gnyis te/ nyi ma dang zla ba las snang ba chen po 'byung bar bstan pa dang/ de gnyis kyi rgyu bstan pa ste/ 'di ni dang po'o/ /nyi ma dang zla ba'i mchan nyid bstan pa ni/ mdzod kyi bstan bcos las ji skad du/ nyi ma zla ba ri rab phyed/ dpag tshad lnga bcu lnga bcu gcig/ ces 'byung ste 'di nyid kyi 'grel ba las/ nyi ma dang zla ba la dpag tshad du yod ce na/ nyi ma ni lnga bcu gcig go/ zla ba ni lnga bcu'o/ / nyi ma'i dkyil 'khor gyi 'og gi ngos ni rin po che me shel las mngon par grub pa ste tsha zhing gsal bar byed pa'o/ /zla ba'i dkyil 'khor gyi 'og gi ngos ni rin po che chu shel las mngon par grub pa ste/ bsil zhing gsal bar byed pa'o/ /nyi ma la sogs pa'i gzhal med khang deng sems can ji lta bu dag gnas she na/ rgyal po chen po bzhi'i rigs su gtogs pa'i lha rnams so zhes 'byung ste/ rgya cher de nyid las bstan pa bzhin du'o/ /bstan bcos yang dag pa'i rig pa dang rjes su mthun pas kyang mdzod kyi bstan bcos las bshad pa dang/ mthun par 'byung ngo/ /'phags pa shes rab kyi pha rol tu phyin pa'i 'grel pa las nyi ma dang zla ba ni dpag tshad lnga bcu zhes bshad do/ /de ni 'di skad du/ rin po che chu shel la sogs pa la rnam par rtog pa med kyang nyi ma dang zla ba las snang ba chen po 'byung gi/ rin po che gzhan las ni ma yin no zhes bstan bar 'gyur ro/ /'di ltar sems can mthu chen po'i byin gyis brlabs kyi phyir dang/ sems can gyi las kyi dbang gi phyir ro zhes bya ba ni gnyis pa rnam pa gnyis kyi rgyu bstan pa'o/ /'di ltar nyi ma dang zla ba'i rin po che la snang ba chen po 'byung ni rgyu rnam pa gnyis kyis te/ mthu chen po dang ldan pa lha'i bu nyi ma dang zla bas byin gyis brlabs pa'i phyir dang/ sems can thams cad
- 182a
kyi thun mong gi las kyi dbang gi mngon par grub pa'i phyir ro/ /de bzhin du chos sku yang de bzhin gshegs pa mthu chen po dang ldan pas byin gyis brlabs pa'i phyir dang/ gzhan yang sems can sangs rgyas mthong bar 'gyur ba'i las thun mong las mngon par grub pa'i phyir/ ye shes kyi snang ba chen po 'byung zhing sprul pa'i gzugs brnyan 'byung gi rin po che gzhan dag ni mthu chen po dang ldan pa dag gis byin gyis brlabs pa ma yin pa'i phyir dang/ sems can gyi thun mong gi las kyi dbang las mngon par grub ba ma yin pa'i phyir snang ba rgyal chen por gtod par mi nus so/ /de bzhin du theg pa gnyis kyi rnam par grol ba'i lus kyang de bzhin gshegs pa mthu dang ldan pa dag gis byin gyis brlabs? ba ma yin pa'i phyir dang/ sems can gyi thun mong gi las kyi dbang gis grub pa ma yin pa'i phyir snang ba chen po 'byung zhing sku'i gzugs brnyan ston par mi nus so/ /gzhan yang nor bu rin po che las byi dor legs par byas pa de dag las ni rgyu'i gzugs brnyan 'byung la/ de las gzhan pa'i byi dod ma byas pa dag las ni ma yin zhes bya ba ni dpe gnyis pa bstan te/ 'di ltar gzo bo mkhas pas nor bu rin po che byi nor legs par byas pa las ni rgyan gyi gzugs brnyan 'byung gi/ de las gzhan ba'i byi dor ma byas pa dag ni ma yin pa bzhin no// de bzhin du chos kyi dbyings dpag tu med pa la dmigs pa'i thabs dang shes rab bsgoms pas shin tu sbyang ba byas pa las yang dag par grub pa de bzhin gshegs pa'i chos kyi sku las ye shes kyi snang ba chen po dang sprul pa'i gzugs brnyan dpag tu med pa dag 'byung gi/ rnam par grol ba'i lus bab'? zhig las ni dngos po de dag yod pa ma yin no zhes bya ba ni gnyis pa dpe dang don du sbyar ba'o/ /chos kyi dbyings dpag tu med pa dag la dmigs pa zhes bya ba ni de bzhin nyid kyi chos kyi sku ni chos
- 182b
dpag tu med pa'i rgyu yin pa'i phyir chos kyi dbyings zhes bya'o/ /thabs dang shes rab ces bya ba ni chos kyi dbyings la dmigs pa'i shes pas dge ba bsgoms te/ nyon mongs pa rab tu bsal nas chos kyi sku gsal bar byed ba'i phyir thabs zhes bya de ni 'di skad du de bzhin nyid la dmigs pa'i thabs dang/ shes rab kyis shin tu legs par nyon mongs pa sbyangs te/ pha rol tu phyin pa drug brtsams pa las ni chos kyi sku mngon par grub la chos kyi sku las ni ye shes kyi snang ba 'byung zhing sbrul pa'i gzugs brnyan ston par 'gyur gyi/ gang zag stong pa nyid du lta ba'i shes pa rnam par grol ba'i lus las ni gnang ba chen po stong ba dang/ sbrul pa'i gzugs brnyan ston par 'gyur ba ma yin no zhes bstan par 'gyur ro/ /mtshams rnam par grol pa'i mdo las ni rnam par grol ba'i lus las dngos po 'di lta bu'i yod pa ma yin no zhes 'byung ngo/ /dgongs pa zab mo rnam par grol ba'i med los ni/ rnam par grol ba'i lus las dngos po 'di lta bu 'byung ba ma yin no zhes 'byung ngo/ /byang chub sems dpa' 'jam dpal gyis kyang bcom ldan 'das la 'di skad ces gsol to// bcom ldan 'das bcom ldan 'das kyis ji skad du/ de bzhin gshegs pa dang/ byang chub sems dpa' i mdza' i byin gyis brlabs kyis sems can rnams 'dod pa'i khams kyi mi lus phun sum tshogs pa rgyal rigs dang bram ze'i rigs shing sna la chen po lta bu rnams dang/ 'dod pa'i khams kyi lta dang/ gzugs dang gzugs med pa'i khams kyi lha'i lus phun sum tshogs pa thams cad snang ngo zhes gang gsungs pa de la/ bcom ldan 'das dgongs pa ji lta bu zhig mchis lags zhes bya ba 'di man chad ni drug pa de bzhin gshegs pa dang/ byang chub sems dpa' i byin gyis brlabs kyi mthus sems can gyi lus yongs su
- 183a
'dzin pa ston to/ 'di yang zhu ba gsol ba dang/ lan du gsungs pa bstan te/ 'di ni zhu ba gsol ba nyid do/ zhu ba gsol ba'i dgongs pa de ni de bzhin gshegs pas dge ba bcu'i las gyi lam dang/ theg pa gsum gyi sgrub pa la sogs ba gsungs pas gang gis bstan pa bzhin du bsgrub pa dag ni lus dang longs spyod phun sum tshogs par 'gyur la/ gang dag bstan pa dang 'gal bas byas pa dag ni lus yongs su nyams bar 'gyur bar thob pa dang ldan pa nyams pa dang ldan no zhes bka' stsal ba'i rigs pa las lus phun sum tshogs pa thob pa dang ldan pa'i phyogs gcig kho na gsungs kyi/ nyams par 'gyur ba ma gsungs pa la dgongs pa ci mchis zhes zhu ba yin no/ /bshad pa'i rnam pa gzhan du na ci tsam du sems dang bcas bdag ni rang gi las kyi dbang gis lus phun sum tshogs pa thob par 'gyur ba yin na/ mdo dag las ni de bzhin gshegs pa dang/ byang chub sems dpa' i mthu'i byin gyis brlabs kyis sems can gyi ? phun sum tshogs par spyod zhes gsungs pas/ des dgongs pa ji lta bu zhig ces khong du mchud nas zhus pa yin no/ /bcom ldan 'das kyis byang chub sems dpa' 'jam dpal la bka' stsal pa/ rigs kyi bu de bzhin gshegs pa dang/ byang chub sems dpa' i mthus byin gyis brlabs nas lam gang dang sgrub pa gang gis thams cad du sems can rnams lus phun sum tshogs pa thob par 'gyur ba dag ci rigs par de dag la lam de dang sgrub pa de yang dag par bstan pas zhes bya ba la sogs bas ni/ gnyis pa de bzhin gshegs pas yang dag par lan du gsungs pa ston to/ 'di par rnam pa gnyis te/ nam par bshad pa dang mjug bsdu ba'o/ /rnam par bshad pa yang rnam pa gnyis te/ dngos pa'i bstan ba smos pa dang/ gang dag ces bya ba man chad kyis bstan pa'i rjes su grub pa dang ?
- 183b
bar byed pas smos nas dgongs pa de yang dag par bstan pa ste 'di ni dang ba'o/ /'di ltar sangs rgyas dang/ byang chub sems dpa' rnams kyi thugs rje chen po'i byin gyis brlabs kyis dge ba bcu'i las kyi lam dang/ theg pa gsum gyi spyod pa gsungs pas khams gsum gyi sems can rnams lus phun sum tshogs pa thob par 'gyur ba dag la lam de dang sgrub pa de bstan par mdzad kyang bstan pa dang 'gal bar byad ba med pa ni ma yin ba'i phyir/ ldem po dang gongs te gsungs ba mngon par grub pa yin no zhes bya ba'i tha tshig go/ yang dag lam de dang sgrub pa de yang dag par sgrub par byed pa dag ni thams cad du lus phun sum tshogs par 'gyur zhes bya ba la sogs pas ni/ gnyis pa bstan pa'i rjes su sgrub pa dang/ 'gal bar byed pa smos nas dgongs ba yang dag par bstan pa ston to/ /'di yang rnam pa gnyis te/ bstan pa'i rjes su sgrub pa'i phan yon bstan pa dang/ bstan pa dang 'gal ba'i ces dmigs bstan pa'o/ /'di ni dang po ste/ mdo 'di nyid kyis brda phrad par zad do/ /sems can gang dag lam dang sgrub pa de'i phyir spong zhing mi snyan par brjod? pa dang/ ngal yang kun nas mnar sems kyi sems dang/ khong khro ba'i sems bskyod nas 'chi ba'i dus byed pa dag ni thams cad du lus dman pa thob par 'gyur bas zhes bya bas ni gnyis pa bstan pa dang 'gal ba'i nyas dmigs bstan pa'o/ /sems can gang dag dge ba bcu'i las kyi ? la rgyab kyi phyogs shing theg pa gsum gyi sgrub pa dag la mi snyan par brjod pa dang ltas byin bzhin du sangs rgyas la kun nas mnar sems kyi sems bskyed ba dang/ sor mo'i 'phreng ba ltar sangs rgyas la khong khro ba'i sems bskyed ba dag ni/ skye ba thams cad du lus phun sum tshogs pa ma yin pa thob par 'gyur bas so/ /'jam dpal rgyu dang rkyen des na de bzhin gshegs pa dang/ byang chub sems dpa' rnams kyis mthus byin gyis brlabs na
- 184a
lus phun sum tshogs pa 'ba' zhig du byed ba ma yin gyi/ de bzhin gshegs pa dang/ byang chub sems dpa' i byin gyis brlabs kyi mthus ni sems can gyi lus dman par byed pa yang rig par bya'o/ /zhes bya ba ni gnyis pa mjug bsdu ba ste/ 'di yang rjes su mthun par sgrub pa'i phan yon dang 'gal ba'i nyes dmigs bstan pa'i mthug bsdu ba yin te/ mdo 'di nyid kyi brda phrad par zad/ /byang chub sems dpa' 'jam dpal gyis yang bcom ldan 'das la 'di skad ces gsol to// bcom ldan 'das zhing yongs su dag pa na dngos po gang ni mod pa lags/ dngos po gang ni dka' ba lags zhes bya ba 'di man chad ni bdun pa zhing yongs su dag ba dang zhing yongs su ma dag pa dag na gang dag rnyed par dka' ba dang/ gang dag mod pa'i mtshan nyid ston to/ /'di yang zhu ba gsol ba dang/ lan du gsungs pa bstan te/ 'di ni dang po zhing yongs su dag ba dang ma dag pa dag na dngos po gang dkon pa dang/ mdo pa cig car zhus pa'o/ /bcom ldan 'das kyis byang chub sems dpa' 'jam dpal la bka' stsal pa rigs gyi bu zhing yongs su dag pa dag na dngos po brgyad ni mod la/ dngos po gnyis ni dkon no zhes bya ba 'di man chad ni gnyis ba de bzhin gshegs pas yang dag par lan du gsungs pa'o/ /'di yang rnam pa gnyis te/ zhing yongs su ma dag pa dag gi dngos po bstan pa dang/ zhing yongs su dag pa dag gi dngos po bstan pa'o/ /zhing yongs su su ma dag pa dag gi dngos po bstan pa yang rnam pa gnyis te/ grangs smos nas lan mdor bstan pa dang/ rnam par phye ste bshad pa ste/ 'di'i lan mdor bstan ba'o/ /dngos po mod pa brgyad gang zhe na/ zhes bya ba la sogs pas ni gnyis pa rnam par phye ste/ bshad bstan to/ /'di yang rnam pa gnyis te/ dngos po brgyad rnyed bla ba bstan pa dang/ dngos po gnyis rnyed dka' bar bstan pa ste/ 'di ni dngos po brgyad bla bar bstan ba'o//
- 184b
'di yang brtag pa dang lan du gsungs pas bstan te 'di ni brtag pa'o/ /mu ste can rnams dang sems can sdug bsngal ba rnams dang rigs pa dang/ dus dang tshe rigs 'byor ba dang/ rgyud pa tha dad pa rnams dang/ nyes pa spyad pa spyod pa rnams dang/ tshul khrims ngal pa rnams dang/ /ngan song rnams dang/ theg pa dman pa rnams dang/ bsam pa dang sbyor ba dman pa'i byang chub sems dpa' rnams so zhes bya ba ni gnyis pa de bzhin gshegs pas dngos po brgyad rnyed bla ba'i lan du gsungs pa'o/ /'di lta ste/ sdom pa yang dag par ma blangs pa'i gang zag nyes byas pa gang yin pa de ni nyes par spyod pa zhes bya'o/ /sdom pa blangs pa gang yin pa des mtshams las 'das pa ni tshul khrims ral bzhes bya'o/ /sa'i mdun rol ba dang po sems bskyed pa zhen sa gang yin pa de ni bsam 'das? na zhes bya ste/ tshig gzhan ni brda phrad par zad do/ /dngos po dkon pa gnyis gang zhen zhes bya ba la sogs pas ni/ gnyis pa dngos po gnyis rnyed? dka' bar bsnyen pa'o/ /'di yang bstan pa dang lan du gsungs bar bstan te 'di rtag pa'o/ /byang chub sems dpa' bsam pa dang/ sbyor ba mchog dang ldan pa rnams kyi spyod pa dang rnam par rgyu zhing 'du ba dang/ de bzhin gshegs pa 'jig rten du 'byung ba'o zhes bya ba ni/ gnyis pa de bzhin gshegs pas yang dag par lan du gsungs pa'o/ /'di lta ste/ sa dang po yang chad kyi byang chub sems dpa' rnam par rgyu zhing 'dub dang/ de bzhin gshegs pa rtag par 'jig rten du 'byung ba shin tu dga' bas so/ /'jam dpal zhing yongs su dag na? ni gong ma las bzlog pa dngos po brgyad ni dkon la/ dngos po gnyis ni mod par rig bar bya'o zhes bya ba ni gnyis pa zhing yongs su dag pa dgan? dngos po brgyad ni dkon la/ dngos po gnyis ni rnyed blang bar bstan pa yang gong ma las bzlog pa yin par bstan pa ste/ mdo nyid kyis brda phrad par ?/ /mtshams rnam par grol ba'i mdo dang/ theg pa
- 185a
chen po bsdus pa'o 'grel pa las kyang mdo 'di las gsungs pa dang mthun par 'byung ngo/ /zhing yongs su dag pa rnams khams gsum gyis bsdus sam zhe na/ smras pa/ khams gsum gyis bsdus pa ma yin te/ de'i phyir mdo 'di nyid las 'jig rten las 'das pa de'i bla ma'i dge ba'i rtsa ba las byung ba zhes gsungs pa yin no/ /gzhan yang 'phags pa shes rab kyi pha rol tu phyin pa'i 'grel pa las/ sangs rgyas kyi zhing dag tu skyes pa rnams 'dod pa'i khams su gtogs pa zhig yin nam/ 'on te 'dod pa'i khams su ma gtogs pa zhig yin zhe na/ smras pa/ sangs rgyas kyi zhing gzhan gang sna tshogs 'dres shing yongs su ma dag pa gang yin pa de ni 'dod pa'i khams zhes bya'o/ /yongs su dag pa gang yin pa de ni ngan song gsum dang/ dug gsum gyi ming dang/ theg pa gnyis kyi ming dang/ skyes pa dang bud med ces bya ba yang med la mtshan sum cu rtsa gnyis dang ldan zhing 'od dpag tu med pas 'jig rten gyi khams snang bar byed pa dang/ skad cig ma gcig la lus tshad med pa sprul nas 'jig rten gyi khams gang+gA'i klung gi bye ma snyed tu phyin nas sems can grangs med pa rnyed yongs su bzlas te slar rang gi gnas su phyin pa'o/ /'jig rten gyi khams de lta bu de ni sa la mi gnas pa'i phyir gzugs kyi khams zhes mi bya'o/ /'dod chags med pa'i phyir 'dod pa'i khams zhes mi bya'o/ /gzugs dang ldan pa'i phyir gzugs med pa'i khams zhes mi bya'o zhes 'byung ngo/ /gzhan yang bstan bcos rnal 'byor spyod pa'i sa las/ sems can gyi khams dpag tu med pa la sogs pa dpag tu med pa lnga gsungs pa de la 'jig rten gyi khams thams cad mtshungs shing mnyam pa yin nam/ 'on te bye brag yod par brjod par bya zhe na/ smras pa/ bye brag yod par brjod par bya'o/ /de dag kyang rnam pa gnyis te/ yongs su dag pa dang/
- 185b
yongs ma dag pa'o/ /de la 'jig rten gyi khams yongs su dag pa dag na ni sems can dmyal ba rnams kyang med/ dud 'gro rnams kyang med/ yi dags rnams kyang med/ 'dod pa'i khams kyang med/ gzugs kyi khams kyang med/ gzugs med pa'i khams kyang med/ sdug bsngal gyi tshor ba med la/ de dag ni byang chub sems dpa' i dge 'dun 'ba' zhig gnas pas na de'i phyir 'jig rten gyi khams de dag yongs su dag pa zhes bya ste/ de dag tu byang chub sems dpa' sa gsum par chad pa rnams smon lam gyi dbang gis skye'i/ de dag na so so'i skye bo 'am/ so so'i skye bo ma yin pa'i nyan thos rnams kyi skye ba rnams skye ba med do/ /gal te de dag na so so'i skye bo'i byang chub sems dpa' rnams dang/ so so'i skye bo ma yin pa'i nyan thos rnams kyi skye ba med na byang chub sems dpa' rnams smra ba na/ byang chub sems dpa' gang su dag de dag tu yid kyis smon par byed pa de dag thams cad ni de dag tu skye bar 'gyur ro zhes/ ci'i phyir smra zhe na/ smras pa/ gdul ba'i le lo dang ldan pa'i rang bzhin can dag ba'i rtsa ba ma bsags pa rnams la bsams nas smras pa yin te/ de ci'i phyir zhe na/ 'di dag ltar de dag spro par gyur na le lo spangs te/ dge pa'i chos rnams la brtson par byed cing der rim gyis de dag tu skye ba'i chos nyid 'thob pa'i skal pa can du 'gyur ba'i phyir te/ de ltar na de la bsams pa ni de yin par rig par bya'o/ /zhes 'byung ngo/ /zhing yongs su dag pa dag na ngan song yang med na/ ji ltar lha dang klu la sogs pa srid ce na/ 'phags pa sangs rgyas kyi sa'i 'grel pa las/ 'di'i dris tshig dang/ lan dag 'byung ste/ de'i phyir de nyid las khams gsum pa las yang dag par 'das pa'i spyod yul yin na ni/ lha la sogs pa mi srid de/ de dag ni khams gsum pa na spyod pa yin pa'i phyir ro zhe'o/ de bzhin gshegs pa'i rnam par
- 186a
rig pa de lta bu'i rnam par snang ste/ sangs rgyas kyi zheng brgyan pa'i phyir dang/ sems can yongs su smin par bya ba'i phyir dang/ byang chub sems dpa' rnams klu la sogs pa dag tu sprul nas mchod ba byed pa yin pa'i phyir dang/ yang bdag nyid de lta bur sprul nas de bzhin gshegs ba'i zham ring byed pa yin pa'i phyir ro zhes 'byung ste/ zhib tu de nyid las bstan pa bzhin no/ /bstan bcos theg pa chen po bsdus pa'i 'grel pa ngo bo nyid med kyis byas pa dang/ lyang gi tshe bsgyur ba las kyang de skad du ston to/ gal te zhing yongs su dag pa na theg pa dman pa med na/ 'phags pa shes rab kyi pha rol tu phyin pa'i 'grel pa las bstan pa ji ltar go zhing rnam par bshad par bya ste/ de las ni sangs rgyas kyi zhing yongs su dag pa khamS gsum pa las yang dag par 'das pa yod de dgra bcom pa la sogs pa yang der skye bar 'gyur ro zhes 'byung ngo zhe na/ smras pa/ 'di ni rigs ma nges pa'i nyan thos mi slob ba theg pa chen por sems bsgyur ba rnam par 'gyur ba'i lus len pa dbang 'byor ba'i gzhal med khang na gnas pa'i byang chub sems dpa' yang dag pa yin te/ dang po'i gzhi nyid las dgongs nas dgra bcom pa la sogs pa'i zhing yongs su dag par skye zhes bstan pa yin gyi yang dag par de na theg pa gnyis yod pa ni ma yin no/ /gal te de ltar na ci'i phyir 'od dpag tu med pa'i mdo las/ nyan thos kyi slob ma tshang med pa/ mdza' med pa/ thams cad kyang dgra bcom pa sha stag go/ zhes gsungs/ gzhan yang bsgom pa bstan pa'i mdo las/ gang zag 'bring rnam pa gsum ni zhing der gdod 'bras bu bzhi thob par 'gyur po zhes gsungs she na/ smras pa/ sangs rgyas 'od dpag med kyi zhing yongs su dag pa ni rnam pa gnyis te/ gzhan longs spyod ba dang/ ? pa'i zhing ngo/ /de'i phyir 'phags pa shes rab kyi pha rol
- 186b
tu phyin pa'i 'grel pa las/ sangs rgyas shAkya thub pa'i zhing khams ni 'jig rten gyi khams yongs su dag pa yod de/ sangs rgyas 'od dpag med kyi zhing yongs su dag pa lta bu'o/ /sangs rgyas 'od dpag med kyi zhing khams na yang 'jig rten gyi khams bkod pa yongs su dag pa yod de/ sangs rgyas shAkya thub pa'i zhing yongs su dag pa lta bu'o zhes 'byung ste/ mdo 'di las ni gzhan longs spyod pa'i zhing gi dbang du mdzad nas theg pa dman pa med ces gsungs pa yin no/ /gzhan yang mdo 'di las brtsams nas/ bstan bcos sangs rgyas kyi zhing yongs su dag par skye bar 'gyur ba bstan pa las/ theg pa pa gnyis kyi rigs can dag mi skye zhes bstan la/ 'od dpag med kyi mdo la sogs pa las ni sbrul pa'i zhing la dgongs nas nyan thos yod par gsungs te 'di ltar de bzhin gshegs pa da'i sngon gyi smon lam gyi dbang gi phyir ro/ /gzhan yang 'phags pa shes rab kyi pha rol tu phyin pa'i 'grel pa las/ gal te de ltar sangs rgyas 'od dpag med dang/ sangs rgyas mi g.yo ba la sogs pa snyigs ma lnga'i dus su byung ba ma yin na/ ci'i phyir theg pa gsum yod par 'gyur ce na/ smras pa/ sangs rgyas dang po thugs bskyed pa'i tshe/ sangs rgyas rnams theg pa gsum gyis sems can sgrol ba gzigs pas 'di skad du/ bdag kyang theg pa gsum gyis sems can sgrol bar gyur gcig ces smon lam btab pa'i lung dang/ rig pa des na sprul pa'i zhing yongs su dag pa dag na yang theg pa gsum yod par gyur pa yin no/ /de nas byang chub sems dpa' 'jam dpal gyis bcom ldan 'das la 'di skad ces gsol to/ /bcom ldan 'das dgongs pa zab mo nges par 'grel pa'i chos kyi rnam grangs 'di bstan pa 'di'i ming ci lags/ bdag gi ji ltar bzung bar bgyi zhes bya ba 'di man chad ni gnyis pa bka' bzhin du spyod pa'i
- 187a
phyogs zhes bya ba ston to/ /mdo'i tshig 'di/ /yang bshad pa rnam pa gnyis yod de/ kha cig na re mdo 'di la phyogs rnam pa gnyis yod de/ gleng gzhi'i phyogs dang/ 'phags pa'i gsung rab yang dag par bstan pa'i phyogs te/ gsuM pa bka' bzhin du yang dag par bsgrub pa'i phyogs ni med de zhes zer te/ bshad ba 'di dang sbyar na le'u brgyad pa 'di la phyogs rnam pa gnyis yod de/ zhu ba dang lan dag gis yang dag par bshad pa'i phyogs dang/ bka' bzhin du yang dag par bsgrub pa'i phyogs so/ /de yan chad du zhu ba dang/ lan dag gi /yang dag par gshad pa'i phyogs bshad zin nas/ 'di man chad gnyis pa bka' bzhin du sgrub pa'i phyogs ston to/ /kha cig na re mdo 'di las phyogs rnam pa gsum yod de/ le'u dang po gcig ni bstan pa 'byung ba'i rgyu dang rkyen gyi phyogs zhes bya'o/ /le'u gzhan bdun po dag ni 'phags pa'i bstan pa yang dag par bshad pa'i phyogs zhes bya'o/ /gsum pa bka' bzhin du yang dag par bsgrub pa'i phyogs ni le'u bzhi po dag gi mjug tu bstan pa dag yin te/ 'di lta ste/ rang gi ngo bo nyid kyi mtshan nyid kyi le'u dang/ rnal 'byor rnam par 'byed pa'i le'u dang/ sa dang pha rol tu phyin pa'i le'u dang/ de bzhin gshegs pa'i bya ba bsgrub pa'i le'u ste/ de yan chad tu le'u snga ma gsum po dag las 'byung ba'i bka' bzhin du yang dag par bsgrub pa'i phyogs ni bstan nas/ 'dir ni bzhi po de bzhin gshegs pa'i bya ba sgrub pa'i bka' bzhin du yang dag par bsgrub pa'i phyogs bstan pa yin no zhe'o/ /kha cig na re phyogs dang po gnyis ni bshad pa snga ma gnyis dang mthu mo gsum pa bkab? bzhin du yang dag par bsgrub pa'i phyogs ni logs na yod de/ dgongs ba zab mo rnam par dgrol ba'i mdo las ji skad du byang chub sems
- 187b
dpa' sems dpa' chen por? rnam? dpa' ? chos kyi rgyal bu dang/ lha dang mi dang lha ma yin dang bcas pa'i 'khor rnams cad rab tu dpa' o? zhes gsungs pa lta bu'o/ /mdo gzhan dag las chig mi 'byung ba ni rgya gar gyi dpo? nyid mi mthun pa'i phyir do?/ /yang na lo tsA? bdag gi bsam pa tha dad pa'i phyir ro zhes zer te/ de ltar rnam pa gsum du bshad pa yod kyang 'dir ni re zhig gnyis pa dang sbyar ro/ /phyogs 'di yang rnam pa gnyis su dbye ste/ zhu ba gsol ba dang/ lan du gsungs pa'o/ /'di ni dang po 'phags pa'i gsung rab kyi mtshan dang bka' bzhin bsgrub ba'i chos zhus pa'o/ /bcom ldan 'das kyis byang chub sems dpa' sems dpa' chen po 'jam dpal la bka' stsal pa/ rigs kyi bu 'di ni de bzhin gshegs pa'i bya ba bsgrubs pa nges pa'i don bstan pa zhes bya ste/ khyod kyis yongs su gzung par bya'o zhes bya ba la sogs pas ni/ gnyis pa de bzhin gshegs pas yang dag par lan du gsungs pa ston to/ /'di yang rnam pa gnyis te/ gsung rab kyi mtshan smos nas/ 'khor rnam pa bzhin du bsgrub par bskul ba dang/ bstan pa thos pa'i phan yon bstan pa ste 'di ni dang po'o/ /de bzhin gshegs pa'i bya ba bsgrub pa'i nges pa'i don bstan pa 'di bshad pa na/ 'khor 'dus pa de las/ byang chub sems dpa' sems dpa' chen po bdun khri lnga stong gis chos kyi sku/ yongs su rdzogs pa so so yang dag par rig pa thob par gyur to zhes bya ba ni/ gnyis pa bstan pa thob pa'i phan yon sten to/ /'di ltar 'khor 'dus bde las/ byang chub sems dpa' bdun khri lnga stong gis bstan pa thos pas sa bcu pa rgyu yongs su rdzogs pa'i chos kyi sku thob nas da dung gya nom par mngon par rdzogs par sangs? ma rgyas pas 'bras bu yongs su rdzogs pa'i chos kyi sku ma thob pa yin te/ gzhan longs spyod pa'i zhing mngon par rdzogs par byang chub pa'i gnas ma yin pa'i phyir ro/ /dpe gzhan gnyis las
- 188a
byang chub sems dpa' bdun khri lnga stong gis chos kyi sku yongs su rdzogs pa thob par gyur to zhes 'byung ngo/ /'phags pa dgongs pa zab mo nges par 'grel pa'i mdo rgya cher 'grel pa rgya'i slob dpon len tshig gis mdzad pa rdzogs so// //dpal lha btsan po'i bka' lung gis/ zhu chen gyi lotsA ba dge slong 'gos chos grub kyis rgya'i dpe las bsgyur cing zhus te gtan la phab pa// //*/ /dam pa'i chos pad+ma dkar po'i 'grel pa sing+ga gling gi slob dpon sa'i rtsa lag gis mdzad pa rgya las bsgyur ba bzhugs/ /dam pa'i chos puN+Da ri ka'i 'grel pa rgya las bsgyur ba/ bam po dang po/ mdo sde 'di bshad pa'i don rnam pa bzhis dbye bar bya ste/ mdo sde bshad pa'i gleng gzhi dang/ mdo sde 'di'i le'u rnams kyi don bstan pa dang/ le'u rnams kyi go rim bstan pa dang/ gzhung dgrol ba dang bzhi'o/ /mdo 'di'i gleng gzhi yang don rnam pa lnga ste/ gleng gzhi dang/ gleng slong ba dang/ the tshom du 'dzin pa bsal ba dang/ lung ston pa'i spyod pa bstan pa dang/ tshe 'di dang gzhan du phan gdags pa'i don bstan pa dang/ dus dang dbang po bstan pa dang lnga'o/ /gleng bzhi la yang rnam pa lnga ste/ spyod pa dang smon lam dang/ tshol ba dang/ 'dzin pa dang/ ltas dang lnga'o/ /bla na med pa'i sangs rgyas su 'grub pa'ang spyod pa dam pa dang ldan pas gdod 'grub spyod pa'ang smon lam gyi bstan dgos/ spyod pa dang smon lam du ldan yang 'bad pa dang bcas pas tshol zhing 'dzin na gdong 'bras bu 'thob par 'gyur ro/ /'bras bu phun sum tshogs pas 'gro ba mang po'i don mdzad par dgongs ste/ mdo sde zla? ba mo 'di bshad pa'i ltas chen po ston to/ /ltas chen po bstan nas mdo sde 'di ston te/ sangs rgyas bcom ldan 'das 'jig rten du 'byung ba yang don chen po gcig gi phyir 'byung zhes bya ba yang de'o/ /de la spyod pa'i gzhi yang thabs mkhas ?
- 188b
le'u las mdo sde 'di'i 'grel pa ba su gnas zab mo brgyad bstan pa bzhin te/ sngon sangs rgyas mang po grangs med pa la rim gro dang bsnyen bkur byas te/ sangs rgyas bcom ldan 'das kyi mdzad pa dang/ spyod pa grangs med pa la brtson pa dang grags pa phun sum tshogs pas zab mo sngon ma byung ba'i chos chud par dka' ba de bzhin gshegs pa nyid kyis dgongs te/ so so'i yid dang mthun par ston pa nyan thos dang rang sangs rgyas kyis shes par mi nus te/ de yang bzung ba dang 'dzin pa shin tu zab ba dang/ klog cing 'don pa shin tu zab pa ste/ spyod pa shin tu zab pa dang/ 'bras bu shin tu zab pa dang/ bsod nams spel ba'i sems shin tu zab pa dang/ don dam pa la mos pa'i sems shin tu zab pa dang/ bla na med pa shin tu zab pa dang/ 'jug pa shin tu thab? pa dang/ thun mong ma yin pa shin tu zab pa ste/ nyan thos dang rang sangs rgyas kyi spyod pa las khyad par du 'phags pa'i phyir shin tu zab pa 'di dag sangs rgyas bcom ldan 'das kyi spyod pa thams cad rdzogs par byed pa theg pa gcig pa'i spyod pa dang ldan cing rnam pa thams cad mkhyen pa'i rgyu grub pas bla na med pa'i 'bras bu 'thob par byed pa de'i gleng gzhi'i rgyu bstan pa'i phyir dam pa'i chos 'di ston to/ /de la smon lam gyi rgyu ni yang thabs mkhas pa'i le'u las/ shA ri'i bu nga sngon gyi dus na sems can thams cad nga bzhin du bla na med pa yang dag par rdzogs pa'i sangs rgyas su grub par bya'o zhes smon lam btab pas/ da smon lam grub ste /sems can dgrol ba la mnga' brnyes pa dang/ sngon gyi dus na dam bca' zhing smon lam btab pa de nyid spyod pa dang 'bras bu mthun bar gyur pa bzhin sems can thams cad kyang spyod pa de la gzud pa'i phyir don de bstan to/ /de la tshol ba'i rgyu ni mos pa bya ba'i le'u las/ bston 'das pa'i dus na dam pa'i chos ni
- 189a
'dod pa'i phyir bskal pa mang por skyo mi shes pas tshol zhing sngon rgyal po mdzad pa'i tshe phyogs bzhir dung bus rnga brdungs te chos tshol ba na drang srong las? chos mnyan pa'i phyir rim gro bkur sti grangs med par byed pa ni dge ba'i bshes gnyen las chos thos par tshol ba'i rgyu dang gleng gzhi ston pa'o/ /de la 'dzin pa'i rgyu ni sngar smos pa'i shin tu zab pa brgyad las dang por sngon sangs rgyas bcom ldan 'das sangs rgyas brgya stong grangs med pa la rim gro dang bsnyen bkur byas pa ste/ 'di la byang chub sems dpa' chu bo gang gA'i bye ma smer kyi sangs rgyas mchod par 'gyur ba nas/ rim gyis sangs rgyas mang po la bsnyen bkur byas pa dang dge ba'i bshes gnyen dang yun ring du 'gro pa'i phyir mdo 'dzin cing glog pas dbang po drug rnam par dag pa dang sangs rgyas mang? po la rtag tu bsnyen bkur byed par 'gyur ba'i phyir 'dzin cing klog pa nyid shin tu zab par bstan to/ /de la ltas ni sangs rgyas bcom ldan 'das bla na med pa'i 'bras bu brnyed nas mdo sde 'di bshad par dgongs te/ sngar byang chub sems dpa' rnams la ltas bstan pa'i phyir lha'i me tog 'brul ba dang/ sa rnam par g.yo ba dang/ 'od kyis snang bar mdzad pas 'khor mang po zhal du lta zhing dga' ba dang spro ba'i sems kyi deng ni bcom ldan 'das kyi dam pa'i chos puN+Da rika bshad par dgongs pa'i ltas mang po ston pa mdzad pa snyam du sems pa la sogs pa bsam pa skyed pa'i ltas mdo sde gzhan bshad ba dang mi 'dra bar ston pa ni ltas chen po'o/ /de la bshad pa'i rgyu ni de bzhin gshegs pa 'jig rten du 'byung pa'ang don chen po gcig gi phyir zhes 'byung zhes bya ba nas gnas der nyan thos kyi 'khor rnams med de byang chub sems dpa' 'khor 'ba' zhig la chos ston to/ rnam pa
- 189b
thams cad mkhyen pa'i ye shes thob pa'i bar du 'gyur ba la sogs pa'i bar du rgyas par bstan te/ dus gsum gyi sangs rgyas bcom ldan 'das kun gyi nges pa'i don theg pa chen po ston pa 'ang dus dang? dbang po smin par ston pa de ni bshad pa'o/ /de la bshad par gled slong pa 'ang ji ltar mdo las gsungs pa bzhin te/ bcom ldan 'das dang po bltams pa'i tshe phyogs bzhir gom pa bdun bdun bor te/ 'od chen pos phyogs su snang bar mdzad nas kun la seng ge'i sgrib sgrags par dgongs pa mdza' yas pa'i sems can thams cad bsgral bar thugs dam bcas te/ sku khang kyis skyes nas mkhar gyi sgo bzhing gshegs shing 'jig rten sdug bsngal ba'i ltas gzigs nas bla na med pa'i la mtshol ba'i phyir khab nas 'byung zhing dka' thub rnam pa sna tshogs mdzad de/ mngon par rdzogs par sangs rgyas nas byang chub kyi shing drung du rdo rje'i gdan la bzhugs pa'i bar du 'khor mang po la'ang dang po chos ston pa ste/ dbang po ma smin ba rnams dkri ba dang bcas pa'i chos ston pa dang/ mdo sde 'di ston pa'i dus ni sems can dbang po smin pa rnams la nges pa'i don bstan pa dgongs te/ 'phags pa shA ri'i bu dang/ byams pa byang chub sems dpa' dang/ 'jam dpal gzhon nur gyur pas gsol ba'i don rnams gcig tu nges par ston pa la sogs pa ni gleng bslangs nas chos ston pa'o/ /the tshom bsal ba ni bcom ldan 'das mngon par rdzogs par sangs rgyas na byang chub sems dpa' rnams bla na med pa yang dag par rdzogs pa'i sangs rgyas su 'grub par lung bston par mdzad kyi nyan thos rnams nang du bla na med pa'i byang chub thob par lung ma bstan pa'i phyir 'phags pa shA ri'i bu la sogs pa nyan thos rnams bla na med pa'i byang chub kyi rgyu med do snyam du the tshom du gyur pa dang/ byang chub sems dpa' rnams kyis kyang nyan thos rnams nam du yang sangs rgyas su 'grub pa'i rgyu med pa snyam du sems pa dang/ kha cig mdzes?
- 190a
ba'i rang bzhin can rnams kyang the tshom du gyur pa de bsal ba'i phyir mdo sde 'di las nyan thos dang byang chub de bsal ba'i phyir mdo sde 'di las nyan thos dang byang chub pa gang gi thos pa tsam gyis kyang bla na med pa'i sangs rgyas su 'grub par lung bstan pas de dag gi the tshom bsal to/ /de la lung bstan pa dang spyod pa yang dang bo mngon par sangs rgyas pa nas de'i bar du nyan thos gyi spyod pas mngon par rdzogs par 'tshang rgya bar lung ma bstan gyis/ 'dir thabs kyi drangs pa'i dus la bab ba lung bstan pa'i phyir ro/ /spyod pa ni byang chub sems dpa' i theg pa spyod pa gcig pa 'di'i nang nas 'chang pa'i phyir te/ mdo 'di nyid las kyang rgyal ba'i sras sems zhi ba dul ba dbang po rno ba sangs rgyas mang po la dge ba'i rtsa ba bskrun pa rnams la theg pa chen po'i spyod pa 'di bstan pa'i phyir mdo 'di gsungs so/ /de la tshe 'di la phan? pa ni dam pa'i chos puN+Da ri ka 'di 'phags pa dang ma rabs su gyur pa gang gis thos kyang phan 'dogs par gyur pa'i phyir ro/ /de la yang rnam pa gnyis te/ 'bras bu thob par lung ston pas phan 'dogs pa dang/ 'phral du mngon par 'grub par byed pas phan 'dogs pa'o/ /'bras bu thob par lung ston pa ni 'phags pa nyan thos lnga brgya bla na med pa'i byang chub tu lung bstan pas tshe 'di la phan 'dogs pa'o/ /de lung ston pa yang rnam par drug ste shA ri'i bu la sogs pas nyan thos chen po gzhi mtshan mi mthun te so sor lung bstan par rnam par phye ste/ lung bstan pa dang/ 'phags pa gang po la sogs pa nyan thos lnga brgya mtshan mthun par lung bstan pas spyir lung bstan pa dang/ slob pa dang mi slob pa phal mang po gzhan rnams dbang po zhan pa'i phyir phyis lung bstan pa dang/ lhas byin lung bstan pas byams sdang med par lung bstan pa dang/ rab tu byung ba dang/ khyim na gnas pa dang/ lta'i bu mo la sogs pa lung bstan pa'i phyir dang/ bkol ba med par
- 190b
lung ston pa de/ de ni mdo sde 'di bshad pa'i dus su de bzhin gshegs pa nyid kyi lung bstan pa'o/ /rtag tu mi brnyas par byang chub sems dpa' la sems can thams cad ni de bzhin gshegs pa'i rang bzhin can no zhes rgyu la dgongs shing ston pa ste/ de la gong gi lnga ni tshe 'di la phan pa'i sgo nas lung bstan pa'o/ /'phral du mngon par 'gyur bar byed pas phan pa ni ji ltar mos par bya ba'i le'u las klu'i rgyal po'i bu mo dam pa'i chos 'di thos pa nyid kyis bla na med pa'i 'bras bu thob pa 'khor brgyad po thams cad kyis mngon du mthong ba'i phyir kun gyi dga' ba dang mgu pa grangs med ba thob pa lta bu ste/ mdo sde 'di bshad pa'i tshe lha dang mi dang lha ma yin la sogs pas gzungs dang ting nge 'dzin grangs med pa thob pa dang/ mig rnam par dag cing byang chub sems dpa' kun tu bzang po'i spyod pa la 'jug pa la sogs pa phan 'dogs pa mang po ni tshe 'di nyid la phan pa'o/ /tshe rabs gzhan du phan pa ni mdo sde 'di bshad pa thos pa'i bsod nams kyi dge ba'i rtsa ba mang po 'phel ba'i tshe rabs gzhan du 'phel ba ste/ mdo sde 'di la rjes su yi rang ba'i bsod nams ni stong gsum gyi stong chen po'i 'jig rten gyi khams gyi sems can thams cad la rin po che sna bdun gyi sbyin pa byin pa dang/ sems can thams cad dgra bcom pa'i 'bras bu la bkod pa bas bsod nams 'di tshe? gang? bstan pa dang/ gzhan yang dam pa'i chos 'di 'don pa'i dge slong la rim gro byas pa tsam gyis kyang nam du yang 'on pa dang klug par mi skyo ba dang su 'dri ba dang/ klog pa dag dbang po rnam par dag pa'i bsod nams grangs med pa 'thob pa ni tshe rabs gzhan du phan pa'o/ /dus dang dbang po bstan pa ni dus la yang rnam pa gnyis te/ sangs rgyas bcom ldan 'das chos ston pa yang cig car ston pa'i dus dang/ rim gyis ston pa'i dus so/ /cig car ston pa ni dbang po rnon po'i ched du ston te/ sems can ma rabs kyis nas bla na med pa'i 'bras
- 191a
bu thob par stsol pa'i phyir ro/ /sangs rgyas bcom ldan 'das chos ston pa'i dus kyang rnam pa lnga ste/ dang por mngon par rdzogs par sangs rgyas nas tshong pa lnga brgya la skyabs gsuM rang dge ba bcu la sogs pa 'jig rten gyi bden pa'i dge pa'i rtsa ba bstan de'i 'og tu mya ngan las 'das nas lo bcu gnyis kyi bar du yod pa can gyi bstan pa theg pa chung ngu'i mdo sde A gam? la sogs pa bstan/ de'i 'og tu mngon par byang chub nas lo sum cu'i bar du yod pa deng med pa'i phyogs las brtsams te chos bstan/ de'i 'og tu mngon par byang chub nas lo bzhi bcu'i bar du theg pa gcig pa la brtsams te/ de bzhin gshegs pa'i rang bzhin rtag pa nyid tu ston pa'i gzhung dam pa'i chos puN+Da ri ka nyid kyi gzhung bstan/ de'i 'og tu shing sA la'i drung du sems can thams cad la de bzhin gshegs pa'i rang bzhin yod pa nyid du bstan zhes kyang zer te/ de bzhin gshegs pa'i chos ston pa ni gsung rab tshig gi dbang po so sor smin par byed de/ ji ltar ro gcig tu 'bab pa'i chad pas shing rtsi sna tshogs so sor smin pa bzhin pas 'di skad du bstan pa nges pa tsam ma yin no/ /ji ltar dgongs pa nges par 'grel pa las byang chub sems dpa' don dam yang dag 'phags kyis zhus pa las kyang/ bcom ldan 'das mngon par byang chub nas dang po ri dags ma'i tshal drangs/ drang srong bab pa'i gnas su 'phags pa nyan thos pa rnams la bden pa bzhi las brtsams te chos kyi 'khor lo bskor ba yang ngo mtshar rmad du bya ba 'jig rten thams cad du mngon ma byung ba'i chos kyi 'khor lo skor to zhes bsgrags kyang de yang bla ma dang bcas pa skabs dang bcas pa/ rtsod pa'i glag yod pa gcig tu nges pa ma yin no/ /de'i 'og tu byang chub sems dpa' rnams la theg pa chen po las brtsams te/ chos thams cad ma byung ba ma skyes pa thog ma nas zhi ba/ rang bzhin gyis mya ngan las 'das pa mi mngon
- 191b
ba'i tshul gyis bsgrags te/ chos kyi 'khor lo bskor ba yang shin tu dkon pa rmad du byung ba/ sngon ma byung ba yin mod kyi/ de yang bla ma dang bcas ba skabs can cig tu ma nges pa dang rtsod pa dang bcas pa yin no/ /de'i 'og tu bcom ldan 'das kyis theg pa thams cad pa la brtsams te/ chos thams cad rang bzhin gyis ma skyes pa mya ngan las 'das pa de mngon pa nyid du bsgrags te/ chos bstan pa ni bla na ma mchis ba skabs ma mchis pa rtsod pa'i glags ma mchis pa'o/ zhes gsungs te/ dang po nyan thos rnams la A ga ma'i gzhung bshad de/ yod pa mngon pa nyid du ma bstan pa yang yod pa nyid rang bzhin mi 'grub pa/ shes rab kyi pha rol tu phyin pa'i nang du stong pa nyid du bstan pa yang stong pa'i rang bzhin nyid grub pa med sdong? pos brgyan pa la sogs la nga? yod pa nyid du mngon par bsgrags pa la yang gzhan gyi dang/ yongs su grub pa'i mtshan nyid yod pa las brten te gsungs pa'i dper mya ngan las 'das pa chen po las kyang dper na sman pa mkhas pa zhig gi yul phyogs su 'am lus la gsod par smas pas mi kun 'o ma 'ba' zhig 'thungs pas nad du gyur te 'chi ba yang mang bar gyur to/ /de'i gnyen por 'o ma gcod pa'i phyir 'o ma ni dug yin gyi 'o ma ni su yang ma 'thung zhig ces bsgo bas phyogs su nang nyung bar gyur to/ /de'i 'og tu yul de'i rgyal po la sman pa'i phyir sman 'o ma dang sbyar ba dang/ smin pa la rgyal pos bkyon te/ sngar 'o ma ni dug yin zhes zer na ngar bza ba'i sman 'o? mo dang sbyar ram zhes zer ba la/ 'o ma 'ba' zhig 'thung na ni de skad smras pa yang bden na/ da sman dang sbyar te nad la phan pa'i dus su mi gtang ba yang ma yin te/ de bzhin gshegs pa'i bstan pa yang de bzhin du lta'o/ /dbang bo ni ji ltar mya ngan las pa chen po'i mdo las sems can thams cad dbang gcig pa ste/ kun kyang de bzhin gshegs pa'i
- 192a
rang bzhin can pas ji tsam du sems kyis zin pa de thams cad bla na med pa yang dag par rdzogs pa'i byang chub tu mngon par 'tshang rgya'o zhes gsungs so/ /yang mdo las kyang phyogs bcu'i de bzhin gshegs pa'i zhing thams cad ni theg pa gcig pa ste/ gnyis dang gsum du med pas thabs mkhas pas rol ba ni ma gtogs zhes 'byung ngo/ /mdo sde 'di'i nang nas kyang theg pa gcig bstan pa'i phyir rang bzhin yang gcig pa yin na/ yod rang bzhin la rnam pa gnyis te/ grub pa'i rang bzhin dang/ grub pa'i rang bzhin no/ /grub pa'i rang bzhin ni mdo spe? dag las sems can la de bzhin gshegs pa'i rang bzhin yod ces bya'o/ /sgrub pa'i rang bzhin ni bsgrubs na 'grub pa'i rang bzhin no/ /yang sems can la rang bzhin can dang/ rang bzhin med pa gnyis te/ thog ma med pa nas gnas drug du mthong man du 'khor zhing gnas pa ni bsgrub pa la brten pa'i sems can te rang bzhin can no/ /rang bzhin med pa ni ji ltar sems bskyed de brtson 'grus brtsams su zin kyang lha dang mi'i dge ba smin pa tsam las bla na med pa'i byang chub 'thob par mi nus so/ /'phags pa lang kar gshegs pa las ni rigs rnam pa lnga ste/ nyan thos kyi rigs dang rang sangs rgyas kyi rigs dang/ de bzhin gshegs pa'i rigs dang/ ma nges pa'i rigs dang/ rigs med pa'o/ /rigs med pa yang rnam pa gnyis te/ dag ba'i rtsa ba thams cad sreg pa'i sems can dang/ byang chub sems dpa' thugs rje chen pos sems can gyi mdza' dang/ sbyar zhing mya ngan las mi 'da' ba dang/ gnyis so/ /de bas na mdo sde 'di bshad pa'i dgongs pa yang theg pa gcig tu bstan pa ni byang chub sems dpa' i rigs can rnams la bsten nas cher pa'i ro gcig rtsi shing rnam pa gsum so sor smin pa ni nyan thos kyi ched du bstan pa yin no/ /'di man chad rtsis mgo
- 192b
gnyis pa ste/ mdo sde 'di nyid kyi gzhung bstan pa'o/ /yod mdo sde'i cho ga la spyir tshul rnam pa bzhir bstan te/ rang bzhin yod pa'i gzhung ste/ phung po lnga'i rang bzhin dngos por yod pa dang/ rang bzhin gsal pa'i gzhung ste chos thams cad dngos po can ma yin gyi mtshan nyid tsam du yod par smra ba dang/ mtshan nyid 'jig pa'i gzhung ste/ shes rab kyi pha rol tu phyin pa'i lta bu chos kyi mtshan nyid kyang bsal nas stong pa nyid du bstan pa'i gzhung dag yang dag pa nyid bstan pa'i gzhung ste/ sdong pos brgyan pa lta bu yang dag pa nyid mngon du bstan ? dbu ma'i tshul bshad pa dang bzhi las/ mdo sde 'di ni bzhi pa'i gzhung du blta'o/ /yang nyan thos pa so so'i gzhung mi mthun pa ma hA sang gi gal sogs pa gzhung mi mthun pa nyi shu rtsa gnyis su lta ba mi mthun pas so sor smos pa yang mang mod kyi mdor rnam pa gsum ste/ yod par smra ba theg pa chung ngu'i gzhung A ga ma la sogs pa bsten pa yang mthar stong ba nyid kyi mtshan nyid dang tha dad pa ma yin shes rab kyi pha rol tu phyin pa'i gzhung lta bu stong pa nyid du bstan kyang yod pa las pa gal ba ma yin no/ /sdong pos brgyan pa dang/ dgongs pa nges par 'grel pa la sogs par yod med gnyi ga'i mdza' bsal te bstan pa yang 'dus byas dang 'dus ma byas pa'i mtshan nyid ni yod par bstan no/ bdag dang bdag gir 'dzin par ni bsal ba tsam las 'das pa ma yin no/ /sdong po brgyan pa las de bzhin gshegs pas tshig gcig gsungs pas sems can so so'i dbang po bzhin du go bar gyur pa dang gzhan yang mdo dag las de bzhin gshegs pa mngon par byang chub nas lo bzhi bcu'i bar du rtag par chos thams cad ma byung ba ma skyes pa/ 'gro ba med pa/ 'od pa med pa/ thab? pa med pa/ nyams pa med pa mtshan nyid med par mtshan nyid gcig pa sha rtag tu ston gyis kyang sems can rnams kyi go ba mi mthun
- 193a
par gyur pa yang so so'i dbang po las gyur ba yin te/ ji ltar lha'i yid bzhin gyi rnga brdungs pa'i sgra las chos thos pa mi mthun ba bzhin thag pa che chung la rim pa dang/ cig car du chung pa yang de bzhin du blta'o/ /mdo sde? 'di'i mtshan bshad pa ni mdo sde 'di dam? pa'i chos pad+ma dkar po zhes bya ba'i mde sde ste/ mdo sde 'di 'chad par dgongs pa'i ltas smin mtshams kyi mdzod spu nas 'od dkar pos snang bar mdzad de/ glang dkar po'i shing rta la bcibs nas pad+ma dkar po la gzigs te/ chos ston pa yang dkar po ni kha dog thams cad kyi gzhi yin/ theg pa gcig pa yang theg pa thams cad kyi phye mo yin par bstan pa'i phyir pad+ma dkar bas dpe bstan te/ /mdo sde 'di'i nang nas rgyu dang 'bris bu dang rigs pa dang ye shes gtsor ston pa de nyid la dam pa'i chos pad+ma dkar po zhes bya ste/ de bzhin gshegs pa'i ye shes snang ba 'byed pa bla na med pa'i sku thob pa'i phyir ro/ /rigs pa dang ye shes la brten pas de bzhin gshegs pa'i spyod yul du 'jug pa ni rgyu yang theg pa gcig po la gnas ste/ bla na med pa'i gnas su phyin pa ni theg pa gcig po'i 'bras bu yin par blta'o/ /yang chos 'di pad+ma dkar po zhes gdags pa yang don rnam pa gnyis pa chu las skyes pa dang kha 'phye ba'o/ /theg pa rnam gnyis kyi chu 'dam can las khyad par 'phags pa'i phyir dang/ gsung rab? dam pa la brten nas yang dag pa'i don gyi sgo 'bye zhes bya'o/ /yang de bzhin gshegs ba'i dgongs pa bsam gyis mi khyab pa rig pa dang chub par dka' ba de nyid la dam pa'i chos zhes bya ste/ de yang rtogs pa shin tu zab ba dang gzhung shin tu zab ba'i phyir lung dang gzhung dang sgrub pa dang/ 'bras bu kun kyang theg pa gcig pa nyid yin pas dam pa'i chos pad+ma dkar po zhes bya ba yang de yin no/ /de la lung ni gzhung dam ba sgrog pa'i las byed/ /gzhung ni gdon
- 193b
par bya ba chu las 'byin pa'i mthu yod/ stub pa ni 'bras bu smin par byed pa'i? mthu yong/ 'bras bu ni rgyas sgrub pa don yod par byed ba'o/ /mdo sde 'di'i nang nas le'u'i grangs dang ming bstan pa ni le'u nyi shu rtsa bdun zhig yod pa las dang por gleng gzhi'i le'u dang/ thabs mkhas pa'i le'u dang dpa' i le'u dang/ dad pa'i le'u dang/ sman gyi le'u dang/ lung bstan pa'o? le'u? dang/ sngon byung ba'i le'u dang/ dge slong lnga brgya lung bstan pa'i le'u dang/ dge slong gzhan nyis stong lung bstan pa'o le'u dang chos smra ba'i le'u dang mchod rten bstan pa'i le'u dang/ mos pa bya ba'i le'u dang/ bde ba la gnas pa'i le'u dang/ byang chub sems dpa' ? nas 'thon pa'i le'u dang/ de bzhin gshegs pa'i tshe'i tshad kyi le'u dang/ bsod nams kyi gzhung gi le'u dang/ rjes su yi rang ba'i bsod nams bstan pa'i le'u dang/ skye mchod drug rnam par dag pa'i yon tan gyi le'u dang/ rtag tu mi brnyas pa'i le'u dang/ de bzhin gshegs pa'i rdzu 'phrul mngon par 'du byed ba'i le'u dang/ gzungs sngags kyi le'u dang/ sman gyi rgyal po'i sngon gyi tshul gyi le'u dang/ sang sang po'i dbyangs kyi le'u dang/ kun gyi sgo'i le'u dang/ dge ba'i rgyan gyi sngon gyi tshul gyi le'u dang/ kun tu bzang po mos par bya ba'i le'u dang/ yongs su gtong pa'i le'u'o/ /le'u de dag kyang chos kyi don las btags pa rnam pa bzhi dang/ dpe las btags pa rnam pa gsum dang/ byang chub sems dpa' gang gi gsol pa/ de mas btags pa rnam pa bzhi dang/ don las btags pa rnam pa bzhi dang/ don dang byang chub sems dpa' gnyis ka las btags pa rnam pa dgu dang/ ma nges pa rnam pa gnyis te/ bde ba la gnas pa dang/ mchod rten bstan pa gnyis ni rgyu dang 'bras bu gnyis kar 'grel pa'i phyir ma nges pa ste/ spyir nyi shu rtsa bdun no/ /le'u nyi shu rtsa bdun gyi rim pa bshad pa ni/ de bzhin gshegs pa'i
- 194a
chos bshad par dgongs te/ 'gro ba mang po la gzigs nas gzengs bstod cing rmags pa bsal te dbang po dang bar byas nas so so'i dbang po dang mthun bar chos bstan pa'i phyir dang po gleng gzhing le'u bstan to/ /gleng gzhi'i le'u bstan nas yang dag pa'i gzhung nyid bstan par bzhed de/ theg pa gcig pa'i gzhung ston pa yang bkri? ba dang nges pa'i don gyi dbang po rna rtul so sor phan gdags pa'i phyir de'i 'og tu thabs mkhas pa'i le'u bstan to/ /dbang po rna rtul la chos rim par phye ste/ bstan zin gyis kyang zab mo rtogs par mi nus bas dpes go bar bya ba'i phyir de'i 'og tu dpe'i le'u bstan to/ /dpes don zab mo mthong zhing dad ba skyed pa'i phyir de'i 'og tu dad pa'i le'u bstan to/ /dad pa skyes su zin kyis kyang da dung nges pa tsam ma yin pas de bstan par bya ba'i phyir yang sman gyi dpe'i le'u bstan to/ /nyan thos chen po bzhi don zab mo mthong bas de'i 'bras bu bstan pa'i phyir de'i 'og tu lung bstan pa'i le'u bstan to/ /dbang po rnan pa dang bar ma gnyis kyi shes pa skyes zin gyis kyang dbang po rtul ba rnams ? dang yang du bzlas shing chud par bya ba'i phyir sngon byung ba grong khyer gyi dpe'i le'u bstan to/ dbang po rnon po rnams gleng ba tsam gyi chung pa dang/ ngad pa skyes te lung bstan pa bzhin dbang po rtul po rnams kyang lan gnyis lan gsum du bzlas pas rtog pa skyes te/ de'i lung bstan par dgongs pa'i phyir/ de'i 'og tu dge slong lnga brgya lung bstan pa'i le'u bstan to/ /dbang po'i rim pa bzhin dge slong gzhan dag kyang rtogs pa skyes pa'i phyir de'i 'og tu slob pa dang mi slob pa rnams lung bstan pa'i le'u bkod do/ /dbang po rna rtul rim pa gsum po rnams so sor lung bstan te/ yun ring po ma 'ongs pa'i dus su chos bzang ba'i dpe lugs gzhag pa'i phyir de'i 'og tu chos smra ba'i le'u gzhag go/ lung bzhin du sgrubs te/ yang dag pa nyid chung pa'i
- 194b
rtog gzhan dad pa bskyed pa'i phyir sngon gyi 'phags pa rnams 'byung ba'i mchod rten gyi le'u bstan to/ /don de bdag nyid kyis chung par ma zad kyi gzhan gyi don yang bya dgos pos rgyal po'i lus su sprul te chos ston pa'i phyir de'i 'og tu sngon byung ba'i le'u bstan to/ /mdo sde 'di lta bu bdag dang gzhan gyis rin che ba dang/ gus par bya ba'i phyir byang chub sems dpa' rnams kyis rjes su 'dzin par gsol bas de'i 'og tu rjes su 'dzin pa'i le'u bstan te/ /ma 'ongs pa'i dus na chos sgrub pa'i spyod lam mi mthun par byed pa rnams kyi lus nyon mongs par skye ba la spyod lam gyi tshul bstan pas spyod lam bslab pa'i phyir de'i 'og tu bde ba la gnas pa'i le'u bstan to/ /chu bo gang gA'i? bye ma snyed kyi byang chub sems dpa' rnams kyis dam pa'i chos 'di thos nas rjes su 'dzin cing slob par dga' ste smon lam las sangs rgyas bcom ldan 'das kyi sngon yang byang chub sems dpa' skyon gyi dri ma dang rgyal ba rnams langs nas 'di 'den par smon pa rnams la bstan ba'i phyir byang chub sems dpa' sa'i 'go nas mang du mthon pas de'i 'og tu byang chub sems dpa' sa rum nas 'thon pa'i le'u gzhag go /'khor mang po rnams kyis byang chub sems dpa' sa'i 'og nas 'thon pa mthong nas 'di ni de bzhin gshegs pa shAkya thub pa bas sngar grub pa sha stag ste/ 'di ni shAkya thub pas sprul pa ma yin no/ /snyam pa'i dogs pa bsal ba'i phyir de bzhin gshegs pa rnams ni tshe mdza' yas pa ste/ de'i 'og tu de bzhin gshegs pa'i sku tshe'i chid kyi le'u gzhag go/ de bzhin gshegs pa'i sprul pa'i sku'i cha? tshad? de lta na chos dang longs spyod rdzogs pa'i sku'i yon tan dang tshe'i tshang kyang grangs med par thabs kyi bstan pas sems can rnams de ba mos pa bskyed pa'i phyir de'i 'og tu bsod nams kyi rnam grangs dbye ba'i le'u bstan to/ /de ltar bsod nams kyi rnam grangs
- 195a
grangs med par bstan bras sems can rnams dod pa skyed pa'i phyir de'i 'og tu rjes su yi rang ba'i le'u gzhag go/ gzhan byed pa rjes su yi rang ba tsam gyis kyang bsod nams grangs med pa thob na/ dngos su 'chad pa dang 'don pa rnams ? smos kyang mi dgos par bstan ba'i phyir de'i 'og tu skye mchod drug rnam par dag pa'i yon tan gyi le'u gzhag go/ gang chos smra bar bla na med pa'i byang chub tu 'gyur bas chos smras pa la smod pa kha na ma tho ba che bar bstan pa'i phyir de'i 'og tu rtag tu mi brnyas pa'i le'u gzhag go/ de bzhin gshegs pas bsod nams rtse ba'i rim? pa bstan kyang sems can mos pa chung ba rnams dogs pa skye ba yang yod de/ de bsla ba ma yin pa'i gtan tshigs su de bzhin gshegs pa'i rdzu 'phrul mngon par 'du byed pa'i le'u gzhag go/ sman gyi rgyal po mngon dam pa'i chos 'di 'tshol ba la lus dang srog mi 'phang bas brtson par tshol ba sngon gyi tshul bstan pa'i phyir de'i 'og tu sman gyi rgyal po byang chub sems dpa' i le'u gzhag go/ yang dag pa'i chos spyod pa 'jig rten 'di dang khams gzhan du rgyas par bsgrags ba'i phyir dbyangs dam pa dang ldan pa'i byang chub sems dpa' sgrogs su gzhug pa'i phyir de'i 'og tu sang sang po'i dbyangs kyi le'u gzhag go/ sems can rnams mdo 'di 'dzin pa la bgegs dang bar chad che bas thugs rje chen po dang ldan pa'i byang chub sems dpa' 'phags pa spyan ras gzigs la brten pa'i kun gyi sgo'i le'u gzhag go/ bgegs dang par chad zhi bar bya ba'i phyir gzungs kyi le'u gzhag go /sngon gyi gtan tshigs dang gleng gzhi la brten pa'i phyir de'i 'og tu dge ba'i rgyan gyi sngon gyi tshul gyi le'u gzhag go yul khams thams cad du rgyas par bstan pa'i phyir de'i 'og tu byang chub sems dpa' kun tu bzang po'i le'u
- 195b
gzhag go/ mdo sde 'di bshad ba'i gzhung rdzogs shing mthar phyin pas de'i 'og tu gdams shing gtad par 'os pa'i phyir de'i 'og tu yongs su gtan ba'i le'u gzhag go/ de la mdo sde'i gzhung 'grel ba ni 'di skad bdag gis thos pa zhes pa la don rnam pa gsum ste/ de ci'i phyir bshad pa dang de cir dgos pa dang/ de'i gzhung 'grol ba dang rnam pa gsum mo/ /de la ci'i phyir bshad pa ni sangs rgyas bcom ldan 'das mya ngan las 'da' kar 'phags pa dga' bos don rnam pa bzhi zhig dris pa bcom ldan 'das mya ngan las 'das pa'i 'og tu dge slong rnams ji ltar bcom ldan 'das la gnas 'cha' ba bzhin ma 'ongs pa na su la brten par bgyi ci la gnas par bgyi/ dge slong ma rungs pa ni ji ltar gdul bar bgyi/ mdo sde thams cad kyi klad la ni tshig ji skad du smos zhes dris pa dang/ bcom ldan 'das kyis bka' stsal pa/ nga? mya ngan las 'das pa'i 'og tu so sor thar pa la ston par zung zhig tshul khrims la gnas shing dran pa nye bar gzhag pa bzhi la gnas 'chang bar gyis shig /dge slong ma rungs pa rnams mi smra bar thul cig/ mdo sde thams cad kyi glad la 'di skad bdag gis thos ba zhes dris shig ces gsungs pas de'i phyir 'dir yang 'di skad bdag gis thos pa zhes smos/ /de skad smos pa de cir dgos ba bstan pa'i phyir phun sum tshogs pa bstan te/ gzhung las kyang 'di skad bdag gis thos pa zhes smos pas dang ba skye bar gyur to/ /mngon par dga' zhes smos pas ye shes skye bar 'gyur ro zhes 'byung ste/ dad pas ni 'jug nus par 'gyur/ ye shes kyis ni 'byung nus par 'gyur te dad pa ni dge ba'i chos thams cad kyi rtsa ba/ ye shes ni zab mo rtog par 'gyur ba'i mthe'o/ /yang slob dpon gzhan gyis bshad pa las kyang 'di skad ces bya ba don rnam pa bzhi ste/ rnam thos bu bzhin phyug ba'i phyir dpe de kho na bzhin zhes bya ba dang/
- 196a
ji skad du sgo de bzhin nyid du mnyam pa'i phyir de bzhin zhes bya ba dang/ ji skad du dris pa de bzhin du lan btab pa'i phyir 'di skad ces bya ba dang/ gzhan gyis smras pa de lhag chad med par de bzlos pa de la la yang 'di skad ces bya ste/ mdo sdud pa'i byang chub sems dpa' sngon bcom ldan 'das kyis ji skad du bshad pa de bzhin du zlos pa'i phyir 'di skad ces bya'o/ /yang 'dul ba phran tshegs kyi nang nas 'phags pa dga' bo 'khor mang po la chos ston pa na 'khor rnams the tshom du gyur ba/ 'di gsum bsal ba'i dga' bos 'di skad ces smos te/ dga' o mtshan dang dpe byang du ldan pas chos ston pa la 'khor kyi rnams bcom ldan 'das thugs rje dang ldan pas mya ngan las 'das pa las/ slar bzhengs te 'khor rnams la chos ston pa zhig gam phyogS gzhan gyi de bzhin gshegs pa zhig 'dir chos ston cing byon pa zhig gam/ dga' o 'di nyid mngon par sangs rgyas te chos ston pa zhig gam snyam pa'i the tshom de bsal ba'i phyir dga' ? 'os 'di skad bdag gis thos? pa zhes smras so/ /yang slob dpon gzhan na re dus gsum gyi sangs rgyas bcom ldan 'das lhag chad med par mthun par ston pa'i phyir de bzhin zhes bya'o/ /yang na chos rnams kyi de kho na lugs gcig pa mnyam pa nyid de bzhin zhes bya ba dang/ yang na 'phags pa dga' 'os bcom ldan 'das las ji skad thos pa de skad du bzlas pa'i phyir 'di skad ces bya'o/ /bdag gis thos pa ni chos 'di lta bu bdag nyid kyis mngon sum du thos kyi/ nyid nas nyid du brgyad de thos pa ma yin pa'i phyir bdag gis thos pa zhes smos so/ /bdag ces bya ba ni phung po lnga la 'jig rten pa'i tha snyad tsam du btags pa la bdag go zhes gdags kyi ji ltar mu stegs can gyi btags pa lta bu ni ma yin te/ ltas sbyin dang mchod sbyin zhes btags pa la bdag ces gdags pa bzhin no/ /yang 'dir sus thos pa ming mi smos par sbyir bdag gis
- 196b
thos zhes pa ci'i phyir zhes dris pa la/ dga' 'os thos pa mang ba thos pa bsags pa/ thos pa rgya mtsho yin pas theg pa gsum gyi sde snod kun dga' 'os bsdus pa'i phyir ming ma smos so/ /thos pa ni rna ba'i dbang po dang rnam par shes pa gcig tu bsdus pas thos pa'i nga rgyal skye ba'o/ /thos pa nyi tshe smos kyis mthong ba la sogs pa ma smos pa ni don zab mo? rtogs ? thos ba'i shes rab sngon du 'gro ba dang/ khams 'dir sgras sangs rgyas kyi mdzad pa mdzad pa'i phyir thos pa zhes smos so/ /yang bdag gis thos pa zhes smos pas ji ltar de bzhin gshegs bas bshad pa de kho na bzhin smras te/ bskyed pa dang skur pa'i mdza' bsil ba'i phyir 'di skad bdag gis thos zhes smos so/ /dus gcig na zhes bya ba ni 'dir dus phun sum tshogs pa bstan te/ de yang rnam pa gnyis so/ /chos kyi? rgyal po thugs rjes 'gro ba'i don mdzad par dgongs pa dang/ sems can skal ba can dbang po smin pa'i dus dus dang mnyan pa dang 'chang pa bar chad med par dus gcig tu gyur ba'o/ /yang dus la rnam pa gnyis te/ rigs pa'i dus dang/ rnam par shes pa tsam gyis dus so/ /de la rigs pa'i dus ni 'chad pa dang nyan pa rnams 'du byed kyi phung po skad cig la skye zhing 'jig ba'i rang bzhin can snga ma ma 'das ba dang phyi mas ma phul ba'i dus kyi cha ji tsam du rgyun du gnas pa da ltar gyi dus de la dus gcig ces gdogs kyis skad cig ma gcig la skye zhing 'jig pa'i dus la mi bya'o/ /de la rnam par shes pa'i dus ni 'chad pa dang nyan pa rnams kyi yid la dus gsum lta bur snang zhing yun ring thung dang nyin mtshan du snang ba de'i dus te/ ji ltar rmi lam na yun ring du lon kyang sad nad lta ma yin pa bzhin no/ /yang dus gcig ces smos pa yang skad cig ma'i dus dang/ dus bzhi dang drug rang brgyad la mi bya'i/ nam thugs rjes phan 'dogs pa dang/ dbang po smin pa dus gcig tu gyur ba de la dus zhes bya ba'o/ /bcom ldan
- 197a
'das zhes smos pa ni ston pa phun sum tshogs pa ste/ dbang phyug phun sum tshogs pa la soD pa'i yon tan drug dang ldan pa ni bcom ldan 'das zhes bya'o/ /rgyal po'i khab bya rgod phung po'i ril bzhugs zhes pa ni gnas phun sum tshogs pa bstan te/ der gnas pa dang bzhugs pa dang gzhengs zhes pa'i don te/ 'phags pa dang lha dang tshangs pa'i bzhugs pa las khyad par du bstan pa'i phyir/ bcom ldan 'das der bzhugs zhes smos so/ /rgyal po'i khab ces smos pa ni sngon rgyal po gsal rgyal gyi pho brang 'bangs mang po dang 'dab chags su 'dug pa la rtag tu me shor bas bslengs te/ rgyal khrims su bcas pa dang slan chad su'i khyim nas me shor bde dur khrod 'dre gdon gyi gnas su gcig pur sbyug par byas pa las/ dang po rgyal po'i khab me shor bas rgyal po nyid dur fkhrod der 'phos te/ pho brang btab nas 'bangs der 'phos pa rnams kyang 'dre gdon gyi mi rtse ba'i phyir sgo sgo la rgyal po'i khab ces bris pas/ de'i phyir yul 'khor de rgyal po'i khab du chags so/ /rgyal po'i khab dang bya rgod phung po'i ri gnyi ga smos pa ni khyim na gnas pa dang/ rab tu byung ba gnyig la phan gdags pa'i phyir gnyi ga smos so/ /rgyal po'i khab de rin po che thams cad kyi 'byung khung gnas gzhan thams cad las 'phags pa bzhin dam pa'i chos 'di der bshad pa yang mdo sde gzhan thams cad la khyad par du bstan pa dang/ bya rgod phung po'i ri de yang ri gzhan thams cad las 'phags pa bzhin theg pa gcig pa'i theg pa 'di yang theg pa gnyis las khyad par du 'phags pa'i phyir gnas der bshad do/ /mdo las dge slong gi dge 'dun chen po dge slong stong phrag bcu gnyis zhes 'byung ba 'di ni 'khor phun sum tshogs pa'o/ /'khor phun sum tshogs pa ni yang rnam pa lpa? ste/ de'i gtan tshigs bstan pa dang/ bkri? ba dang nges pa'i don rnams gleng ba dang/ grangs mang nyung gtan la
- 197b
dbab pa dang/ 'khor rnams kyi rim pa bstan pa dang/ 'grel pa'i don bstan pa'o/ /gtan tshigs bstan pa la yang rim pa lnga ste/ dad pa dang yid ches pa'i gtan tshigs su dga' o 'dis rang bzor smras pa ni ma yin pa dang/ gzhan las brgyud de smras pa ma yin pa dang/ gzhan gyi tshig zlos pa ma yin par bstan pa'i phyir lhan cig tu thos pa yang mang du yod par bstan pas gzhan dag yid ches par 'gyur ba'i gtan tshigs dang gnyis su che ba phun sum tshogs pa bstan pas gzhan yid ches par 'gyur ba'i gtan tshigs te/ lha'i rgyal po brgya byin dang tshangs pa'i 'khor gyis bskor ba smos pa dang/ yang shA ri'i bu dang 'jam dpal gzhon nur gyur pa dang/ byams pa dang byang chub sems dpa' bkri ba dang nges pa'i don lan gnyis lan gsum du gsol te/ rgyu dang 'bras bu dang bslab pa'i mdo bstan pas 'khor rnams la phan pa dang bde bas yid ches par 'gyur ba dang yang so so'i dbang po las theg pa gcig pa'i gzhung 'di lan gsum bzlas te bshad pas theg pa chen por sems skye ba dang mi skye ba'i chos la bzod pa thob pa la sogs pa dbang po gsum po rnams la chos 'di bstan pa dang/ yang sngon gyi dus na byung ba bstan pas da ltar gyi sems can rnams dad pa skyed pa ste/ de lta bu'i 'phags pa ste dam pa rnams dang thabs gcig pa lta zhes dad pa skye bar 'gyur ro/ /de la dkri ba dang nges pa'i don bstan pa ni ji ltar bcom ldan 'das sprul pa bzhugs pa'i zhing na nyan thos rnams la nges pa'i don ston/ byang chub sems dpa' rnams la bkri ba'i don ston/ rdzogs longs spyod pa'i sku ni byang chub sems dpa' rnams la ni nges pa'i don ston/ nyan thos la rnams la ni bkri ba'i don ston/ da 'dir bkri ba dang nges pa'i don gnyig ston pa'i sa bstan to/ /de la grangs mang nyung bstan pa yang sngar 'khor bco lnga ste/ yon tan che la ming yod pa? rnams dang/ yon tan che la ming med pa rnams dang/ dge
- 198a
'dun ma yon tan che ba rnams dang/ dge 'dun ma nye ba'i 'khor rnams dang yon tan 'phags pa bsam gyis mi khyab pa rnams dang/ brgya byin lha'i dbang po rnams dang/ rgyal chen bzhi'i lha rnams dang/ dbang phyug lha'i bu rnams dang/ gzugs kyi khams kyi lha'i bu rnams dang/ klu'i rgyal po rnams dang/ mi 'am ci'i rnams dang/ dri za'i rnams dang/ lha ma yin gyi rnams dang/ nam mkha' lding gi rnams dang/ mi'i rgyal po'i rnams so/ /yang 'khor rnam pa drug ste/ bcom ldan 'das rin chen mang gi 'khor dang/ skus sprul pa'i 'khor dang/ klu'i pho brang nas lhag pa dang sa ru ma nas 'thon pa'i 'khor dang/ byang chub sems dpa' sang sang po'i dbyangs dang/ kun tu bzang po'i 'khor ro/ /'khor de dag kyang chos nyan pa dang/ chos rtog pa dang/ chos spyod pa dang/ chos 'dzin pa dang/ chos 'chad pa dang/ chos rig pa'i bye brag gi tha dad pa de dag go/ 'khor 'dir rang sangs rgyas kyi 'khor ma smos pa ni rang sangs rgyas sangs rgyas 'jig rten na mi bzhugs pa'i tshe 'byung ba'i phyir ro/ /gzugs med pa'i khams kyi lha rnams kyang de bzhin gshegs pa'i 'od kyis reg pa rnams chos nyan cing 'khor du 'du ba yin na/ khams de dbang po ma smin pas 'od kyi snang bar mi mdzad de/ de nas 'dir ma smos so/ /sems can dmyal ba 'dir ma smos pa ni skal pa dang mi ldan pa'i phyir 'dir ma smos so/ /de bzhin gshegs pa'i byin gyi brlabs kyi gzungs kyi sgo 'chang pa'i tshe ngan song zhi bar mdzad pa'i phyir de dag tu smos pa yang yod do/ /'khor gong du ma smos pa rnams kyang 'og nas bstan pa yin no/ /'khor de dag gi rim pa ni spyir rnam pa bzhi ste/ nyan thos pa'i 'khor dang byang chub sems dpa' i 'khor dang/ 'khor rgyal po dang rgyal po rnams kyi 'khor ro/ /de yang phyi nang du dbye na nyan thos dang byang chub sems dpa' i 'khor ni nang gi 'khor ro/ /lha ma srin 'khor brgyad po ni phyi'i 'khor ro/ /byang chub sems
- 198b
dpa' bas nyan thos pa'i 'khor sngar smos pa ni rnam pa bzhi'i phyir te/ nyan thos pa rab tu byung bas de bzhin gshegs pa'i cha lugs dang mthun pa'i phyir nyan thos pa sngar smos pa dang/ nyan thos pa rtag tu zham 'bring na mchis shing gnas te/ ring du ma gyur pa'i sngar smos pa dang/ rab tu byung ba tshul khrims bsrung ba'i sgo nas sngar smos pa dang/ khyim bas rab tu byung ba la gus pa bstan pa'i phyir sngar smos so/ /yang 'khor phun sum tshogs pa la rnam pa bzhi ste/ grangs phun sum tshogs pa dang/ sgrub pa phun sum tshogs pa dang/ yon tan phun sum tshogs pa dang/ spyod lam phun sum tshogs pa'o/ /grangs phun sum tshogs pa ni 'khor grangs med pa zhes smos pa'o/ /sgrub pa phun sum tshogs pa ni nyan thos pa rnams theg pa chung du sgrub pa dang/ byang chub sems dpa' rnams ni theg pa chen po sgrub cing gzhan gyi don byed pa'o/ /yon tan phun sum tshogs pa na nyin thos pa'i rnams tshig gi don rnam pa bcu drug tu bstan pa dang/ byang chub sems dpa' i rnams tshig don rnam pa bcu gsum gyi ston pa'o/ /spyod lam phun sum tshogs pa ni bcom ldan 'das 'khor rnams kyi bskor to/ gus pa ri mo byed pa'i tshul gyi mdzes par gnas pa rnams so/ /de la dge slong zhes bya ba'i don rnam pa gsum ste/ bdung dang mu stegs 'jig par byed pa dang/ slong ba dang tshul khrims bsrung bas dge 'dun gyi grangs su 'gro ba dang/ 'tsho ba gtsang bas 'tsho zhing sgo gsum dag par gnas pa'o/ /dge 'dun ni dge slong bzhi yan chad de mang ba mthun pa rigs dang/ gzhung la 'dres pa'i don to/ /chen po ni chos dang grangs la sogs pa'i chen po rnams dang ldan pa dang/ slob pa dang mi slob pa las 'phags pa'i phyir khyad par che ba dang/ shes rab dang ye shes mthong ba'i phyir yon tan che ba dang/ stong phrag bcu gnyis snyed bzhugs pa'i phyir grangs mang bas che ba'o/ /thabs gcig ni gnas pa gcig pa'i tha tshig go/ thams cad
- 199a
kyang dgra bcom pa sha stag gzhes bya ba nas/ dbang du gyur pa sha stag gi bar smos pa ni 'dis yon tan phun sum tshogs pa ste/ mdo sde las tshig gi don rnam pa bcu drug smos pa'o/ /de yang mdor bstan pa gsum du bsdu na tshig gong ma? 'og mas bshad pa'i mdo dang/ spyi dang dbye ba'i mtshan nyid bstan pa dang/ don gyi mdo bsdu ba dang gsum mo/ /tshig gong mas 'og ma sngon pa ni tshig gong mas tshig 'og ma skyed pa dang/ yang na tshig 'og ma gong mas bgrol ba ni zag pa zad pa nyid dgra bcom pa zhes bstan pa dang/ nyon mongs pa thams cad zad pa nyid ni dgra bcom pa zhes bshad pa lta bu'o/ /zag pa zad pa zhes pa ni nyon mongs pa mngon du rgyu bas srid pa rnams su zag par byed pa'i phyir zag pa zhes bya'o/ /mngon du rgyu ba dang bag chags kyi tshul du gnas pa de gnyi ga yang spyir zab pa zhes bya ste/ de yang 'dod pa'i zag pa dang/ srid pa'i zag pa dang/ ma rig pa'i zag pa dang gsum mo/ /bden pa bzhi mthong ba dang bsgom pas spang ba'i bya ba'i nyon mongs pa dang/ bag la nyal ba rnams ni 'dod pa'i zag pa'o/ /gzugs dang gzugs med pa'i khams na khro ba bton pa'i nyon mongs pa lhag ma ni srid pa'i zag pa'o/ /khams gsum gyi ma rig pa bco lnga ni ma rig pa'i zag pa'o/ /de la 'dod pa'i khams kyi nyon mongs pa yang 'dod pas gzhi byas pa'i phyir 'dod pa'i zag pa'o/ /gzugs dang gzugs med pa'i khrams na nyon mongs pa gzhan gyi mi skyed kyi srid par sbyor ba nyid nyon mongs pa yin pas srid pa'i zag pa'o/ /ma rig pa yang dngos sum rig pa nyid kyi zag par byed pa'i phyir ma rig pa'i zag pa'o tshig bzhi pas tshig gnyis pa dgrol ba ni dbang du gyur pas/ zag pa zad cos bya'o/ /tshig gnyis pa dang gsum pas bzhi pa dgrol ba ni zag pa zad pa dang nyon mongs pa med par gyur pas/ dbang yang dag pa thob ces bya ba'o/ /nyon mongs pa mngon
- 199b
du rgyu dang bag chags su gnas pa spangs bas dbang thob pa zhes bya ba'o/ /tshig drug pas tshig bzhi pa dgrol ba ni shes rab dang sems shin tu rnam par grol bas dbang rab tu thob pa ste/ ting nge 'dzin gyi sgrib pa spangs pas sems rnam par grol ba dang/ rang bzhin sgrib pa spangs pas shes rab rnam par grol ba'o/ /ma rig pa dang sred pa la sogs pa spangs pas shes rab rnam par grol ba dang/ de dang sbyor ba'i sems nas 'phos pas sems rnam par grol ba dang/ de gnyi ga'i skyon dang bral te 'dus ma byas nyid rtogs pa'i phyir dbang du gyur pa zhes bya'o/ /de dag gi 'ching ba mngon du rgyu dang bag chags kyi tshul du gnas pa yang spangs pa'i phyir nyon mongs pa med pa zhes bya'o/ /sems dang shes rab shin tu rnam par grol ba'i phyir ha cang shes bzhin du zhi zhing dul? pa dang/ glang po che zhes bya ba ni ji ltar mi bden pa'i gnas thams cad du song yang lam bde ba ma nyams pa la 'gro ba bzhin gang bgrod pa'i gnas su son pa dang thogs pa med par gyur pa ste/ de'i? bya ba byas pa byed pa byas pa'o/ /bya ba byas pa byed pa byas? pa'i phyir phung bor bya ste/ lam dang 'gog pa'i bdren pa mngon du gyur pas srid pa phyi ma mi len ces pa'i don to/ /srid par sbyor ba'i khur lci ba bor bas rang gi don thob pa yin te/ mya ngan las 'das pa'i bde ba thob zhes pa'i don to/ /rang gi don bde ba thob pa yang nyon mongs pa'i rgyu spangs pas srid par sbyor ba thams cad yang? mi len? te/ khams gsum du mi skye zhes pa'i don to/ /zag pa zad pa nyid bka' yang dag pas sems shin tu rnam par grol ba ste/ sems shin tu rnam par grol pa ni mthong bas spang pa dang bsgom pas spang ba'i nyon mongs pa thams cad bsal te/ sems kyi dbang po thob pa dang/ yon tan gyi mthar thug pas rdzu 'phrul dang mngon par shes pa la sogs pa rdzogs par gyur pa'o/ /dbye ba gnyis pa ste/ spyi dang
- 200a
dbye ba bstan pa'i sgo ste kun kyang ngag bcom? pa sha stag go zhes bya ba ni spyi'i mtshan nyid do/ /tshig gi don bco lnga po gzhan ni dbye ba'i mtshan nyid do/ /dgra bcom pa'i don ni 'ongs? pa'i don rnam pa bco lnga ste/ de la zag pa zed pa'i phyir zhal zas dang khri stan la sogs pa thams cad kyi mchod par 'os pas mchod pa'i zhing du mdzes pa'o/ /nyon mongs pa thams cad dang bral ba'i phyir sten pa la dbang du gyur pa ste/ khe dang grags pa tshel ba dang bral ba'i phyir ro/ /'jug par yang 'os pa ste/ grong dang grong khyir? du 'jug na sems kyi dbang? du gyur pas 'dod pa'i yul gyis mi bslu ba'i phyir ro/ /bdud dang mu stegs 'dul bar 'os pa ste/ sems shin tu rnam par grol ba'i ye shes kyi spobs pa dang ldan pa'i phyir ro/ /chos rnams la shes rab myur bar 'os pa ste/ shes rab shin tu rnam par grol ba'i phyir chos rnams kyi mtshan nyid la mkhas pa'o/ /chos 'chad pa la ha cang myur ba dang bul ba'i skyon dang bral bar 'os pa ste/ chos 'chad pa la mkhas pa la 'brel ba skye ba dang bral ba ji ltar rta cang? shes bzhin sems shin tu dul ba'i phyir ro/ /gcig pu dben par 'os pa ste/ zas dang gos la sogs pa yo byad thams cad mi sogs mi sdud pas tshog shes par gnas pa ni ji ltar glang po che 'du 'ji dang bral ba bzhin no/ /gcig tu na bsam gtan rnams la mchags pa ste/ bya ba byas pas rtag tu bla ma'i sa la brtson pa'i phyir/ /rtag tu stong pa nyid kyi spyod pa'i phyir byed pa byas pas bdag dang bdag gir 'dzin pa dang bral ba'i phyir ro/ /rtag tu mtshan ma med pa'i spyod pa dang ldan pas khur lci ba bor ba'i phyir 'gog pa nyid la gnas pa'o/ /rtag tu smon pa med pa'i spyod pa dang ldan pas/ rang gi don bde ba thob pa'i phyir 'khor ba la smon pa med par gnas pa'o/ /'jig rten rnams kyi bsam gtan dga' ba'i rol chags pa med pa'i phyir srid par sbyor ba yongs su spang ba'o/ /chos rnams kyi yon tan khyad par can
- 200b
la/ rdzu 'phrul gyi rol ba'i phyir bka' yang dag pas sems shin tu rnam par grol ba'o/ /don dam pa nyid kyi yon tan la bde bar gnas pa ste/ sems kyi dbang po thob pas 'dus ma byas reg pa'i phyir sems kyi dbang po thob pa'o/ yang dag pa ji lta ba bzhin du shes pa'i phyir sems can thamS cad la phan pa'i yon tan thos par byed pa'i phyir ro/ /bsdu pa'i don ni gong du smos pa'i tshig bco lnga po yon tan bcu? bsdu bar bya ste/ bstan du yod pa'i 'bras bu dang bstan du med pa 'bras bu ste/ dag bcom? 'dres bu la 'dus byas ni bstan du yod par byas? pa byas? ni bstan du med pa'i 'bras bu'o/ /yon tan rnam pa bcu la zag pa zad pa dang nyon mongs pa med pa ni 'ching pa dang bag la nyal pa gnyis spangs pa'i phyir ro/ /dbang du gyur ba dang/ sems dang shes rab rnam par grol ba ni sems? dbang du gyur pas 'jig rten gyi yon tan thams cad zil gyis mnan te/ 'khrug pa sna tshogs zhi ba'i phyir ro/ /de bzhin gshegs pa'i bstan pa'i rjes su zhugs pa'i phyir/ cad shes lta bu zhi zhing dul ba yid bzhin du dbang du gyur pa'o/ /yon tan khyad par can thob pa ni glang po che? ltar ? zi? brjid che bas mthu dang rdzu 'phrul phun sum tshogs pa'o/ /bya ba byas pa yon tan khyad par can ni bcom ldan 'das nyi ma gro dang bsti stang byed pa ni yang dag pa'i chos kyi rim gro byed pa yin gyi nor rdzas kyis ni ma yin no/ /yon tan phun sum tshogs pa ni byed pa byas ba rdzogs pa ste/ slob pa'i sa rnams rdzogs pas 'gog pa'i bden pa yi mthar phyin pa'i phyir ro/ /shin tu 'das par gyur pa'i yon tan ni khung por ba rang gi don thob pa srid pa'i sbyor ba yongs su zad pa ste/ shi 'pho'i khur lci ba bor ba dang? ze log pa'i 'tsho ba spangs pas kha? dang grags pa mi tshol ba dang/ srid pa'i mdud pa gcad pa slob pa'i sa las 'das pa'i phyir ro/ /yon tan bla ma'i yang bla ma bsdud pa ni yang dag pa'i ye shes Fkyi sems rnam par grol bas 'dus ma byas kyi 'bras bu la reg pa'i phyir ro/ /sems
- 201a
can la phan 'dogs pa'i yon tan sdud pa ni sems kyi dbang dam pa thob pa'i phyir rdzu 'phrul dang mngon par shes pa thob pa'i phyir ro/ /bla ma'i yang bla ma'i yon tan sdud pa ni yon tan thams cad kyi mthar phyin pa ste/ pha rol tu phyin pa rdzogs pa'i phyir ro/ /yang mdo las 'di lta bu zhes bya ba nas chu bo 'od srungs kyi bar du ste/ 'di man chad nyan thos chen po rnams kyi mtshan bshad pa la rnam pa gnyis te/ sngar so so'i mtshan smos pa dang yon tan bsdu pa'o/ /nyan thos de dag gi rim pa ni la la rab tu byung ba lnga phyi las bkod pa dang/ la la yon tan che bas sngar bzhag pa yod yang de/ de dag kyang bcom ldan 'das dang po mngon par rdzogs par sangs rgyas pa'i tshe nyan thos chen po lnga rab tu byung ngo/ /de'i 'og tu grags pa 'dzin gyi 'khor lnga bcu rab tu byung ngo/ de'i 'og tu lteng rgyas 'od srungs kyi 'khor lnga brgya dang/ ga ya 'od srungs kyi 'khor sum brgya dang/ chu bo 'od srungs kyi 'khor nyis brgya dang/ shA ri'i bu'i 'khor brgya dang/ mong+ga la gyi 'khor brgya rab tu byung ba dang sbyir stong nyis brgya lnga bcu rab tu byung ngo/ /nyan thos chen po lnga yang dang po bcom ldan 'das mngon par byang chub nas chos kyi 'khor po bskor ba'i tshe dang por cad shes ko'u di n+yas bden pa dang por rtogs te ngas kun shes so zhes smras pa las rus ko'u di n+yi? ming kun/ shes su btags so/ /'od srungs chen po ni dang po dang drang srong 'od can gyi rigs te/ /'od srungs 'di nyid dang por bcas pa'i tshe yang 'od byung ba'i phyir 'od srungs zhes btags te/ 'od srungs gzhan las dkar ba'i phyir 'od srungs chen po zhes btags so/ /lteng rgyas 'od srungs dang gzhan ni chu dang ri dang/ shing gi 'bras bu las btags te ming tsam du zad do/ /mdo las shA ri'i bu nas ka pi na'i bar du ste so so'i ming bshad pa ni shA ri'i bu ni ma bya shA ri ka'i mig dang 'dra bar mig mdzes pa'i bu yin pas shA
- 201b
ri'i bu zhes btags so/ /maung+gal chen po ni sngon drang srong zhig ril gnas shing sran ma med pa las rus su chags te/ maung+gal gyi mde'i rgyud yin pas na maung+gal zhes btags te/ rdzu 'phrul che ba'i phyir maung+gal zhes btags so/ /tya ya ra chen po ni sngon drang srong zhig skra breg pa las rus su chags ste/ de'i rgyu las rus las ming du btags pa'o/ /'di man chad nyan thos kyi rnams la la ni skar ma las btags/ la la ni sngon gyi bram ze'i rus las btags/ la la ni dbyibs 'dra ba las btags te/ spyir ming tsam du zad do/ /mdo las slob pa dang mi slob pa zhes bya ba ni tshul khrims dang/ ting nge 'dzin dang/ shes rab ni slob par bya ba dang/ de gsum la gnas pa ni slob pa'o/ /de gsum rdzogs par gyur pa ni mi slob pa'o/ /mdo las byang chub sems dpa' sems dpa' chen po stong phrag brgyad cu zhes smos pa lnga pa ste/ 'phags pa'i yon tan bsam gyis mi khyab pa bstan pa de yang rnam pa gsum dur bya'o/ /de'i grangs dang de'i yon tan dang/ de dag gi mtshan so sor dbye ba'o/ /de byang chub sems dpa' sems dpa' chen po zhes smos pa don rnam pa gnyis te/ ye shes chen po gtsor byas pas bdag gis don bstan pa dang thugs rje chen po gtsor byas pas gzhan gyi don bstan pa'o/ /byang chub ni rtog pa'i don te bsgrub par bya ba'i 'bras bu'o/ /sems dpa' ni thugs rjes sems can sgrol ba la dpa' ba' o/ /yang na byang chub gsum pos bsgrub pa la yul dang dus kyi sba bkod pa med par brtson pa'i phyir byang chub sems dpa' o/ /yang na byang chub ni shes rab bo/ /sems dpa' ni thabs te/ chos de gnyis kyi sems can rnams la phan pa dang bde ba stobs pa'i phyir/ /chen po ni sa brgyad pa yan chad chen po zhes bya ste/ byang chub sems dpa' gzhan par theg pa gnyis pa dag dgar ba'i phyir chen po zhes smos so/ /mdo las bla na med pa yang dag pa'i byang chub phyir mi
- 202a
ldog pa sha stag ces 'byung ba 'di man chad tshig bcu gsum gyis 'phags pa'i yon tan bstan pa ste/ de yang rnam pa gnyis su dbye'o/ /bla 'og gi yan lag tu dbye ba dang bsdus pa'i don bstan pa'o/ /yan lag ni cha ste cha snga mas ni spyi'i mtshan nyid bstan pa'o/ /cha 'og mas ni so so'i mtshan nyid bstan to/ /bla na med pa yang dag par rdzogs pa'i byang chub las phyir mi ldog pa sha sdag ces smos pa ni de spyi'i mtshan nyid/ gzhan ni so so'i mtshan nyid do/ /bla na med pa yang dag par rdzogs pa zhes pa ni chud pa rtogs pa'i don rnam pa bzhi'o/ /chos kyi dbyings rnam par dag pa rtogs pa nyid bla na med pa'i rtogs pa dang/ phyi rol mu stegs can gyi rtogs pa las khyad par du bstan pa'i phyir yang dag pa'i rtogs pa dang/ theg pa rnam gnyis kyi rtog pa las khyad par du bstan pa'i phyir rdzogs par rtogs pa dang/ byang chub sems dpa' yang spyod pa ma rdzogs pa dag la khyad par du bstan pa'i phyir yang dag par rdzogs pa'i byang chub ces bstan to/ /phyir mi ldog pa'ang mos pa phyir mi ldog pa dang/ gral phyir mi ldog pa dang/ chung pa phyir mi ldog pa dang/ spyod pa phyir mi ldog pa'o/ yang phyir mi ldog pa rnam pa gnyis te/ thob zin pa phyir mi ldog pa dang/ thob par 'gyur ba phyir mi ldog pa'o/ /thob pa ni sa dang po pa'o/ /thob par 'gyur ba ni sa brgyad pa yan chad do/ /yang mdo las gzungs thob pa sha stag ces pa nas phyir mi ldog pa'i chos kyi 'khor lo bskor bsha stag ces bya ba'i bar du ni 'di man chad tshig bcu gnyis kyi dbye ba'i cha bstan te/ de la dbye ba rnam pa bcu ste/ de la tshig dang po dgus ni rang gi don bstan/ 'og ma gcig gis ni gzhan gyi don bstan/ dang po dgu la yang rnam pa gnyis te/ dang po brgyad kyis ni 'dus byas kyi yon tan bstan/ 'og ma gcig gis 'dus ma byas kyis yon tan bstan/ dang po la'ang rnam pa gnyis te/ dang po lngas ni bsod nams dang ye shes kyi tshogs bstan phyi ma gsum kyis ni
- 202b
thugs rje dang ye shes bstan to/ /dang po lnga la yang gnyis su dbye ste dang po gsum gyis ni nang gi spyod pa bstan/ de'i 'og ma gnyis kyis ni dge ba la dmigs pa bstan te/ /dang po la yang rnam pa gsum ste/ bdag gi don bsgrub pa dang/ gzhan gyi don bsgrub pa dang/ dge ba'i chos la dmigs pa'i phan pa'o/ /dmigs pa yang rnam pa gnyis te/ spyod pa bsgrub pa la dmigs pa dang/ the tsom bcang pa'o/ /thugs rje dang ye shes bshad pa yang sngar ni byams pa dang snying rje bstan/ de'i 'og tu ni shes rab dang ye shes bstan to/ /de yang rnam pa gsum mo/ /chos thos pa rnams las phyir mi ldog pa ni de kun kyang gzungs thob pa sha stag gi phyir ro/ /gzungs ni 'dzin pa'i phyir gzungs te/ de yang rnam pa gnyis te/ bsdus pa 'dzin pa dang/ spros pa 'dzin pa'o/ /yang 'dzin pa ni tshig dang don 'dzin pas chos thos pa rnams mi brjed par 'dzin pa'i phyir bsdus pa 'dzin pa'o/ /byang chub sems dpa' sa brgyad pa yan chad kyi chos thams cad la bzod par nus pa/ sems bar nus pa 'dzin par nus pa ste/ bzod pa ni thob pa'i shes rab/ /sems ni bsam pa'i shes rab/ 'dzin pa ni bsgoms pa'i shes rab bo/ /de la yang spros pa 'dzin pa ni rnam pa bzhi ste/ chos spros pa 'dzin pa dang/ don spros pa 'dzin pa dang/ chos dga' ba bzod pa dang/ rigs sngags kyi gzungs rnams so/ /de yang rnam pa gnyis te/ dang po ni sgrub pa/ bsum pa ni sgrub par bya ba'o/ /thos pa la sogs pa ni bdag gi don to/ /chos dang don la sogs pa ni gzhan gyi don te/ de yang rgyu dang 'bras bu'i tshul du dbye'o/ /chos ston pa la phyir mi ldog pa ni spobs pa chen po bzhi dang/ bdun du ldan pa'i phyir dang/ sa rnam pa gnyis la phyir mi ldog pa'i phyir ro/ /'khor lo yang rnam pa gsum ste/ 'phags pa'i lam yan lag brgyad pa lte ba dang/ mu khyud la sogs pa tshang pa'i phyir yongs su rdzogs pa'i don dang 'gyur zhing
- 203a
'pho ba'i don te/ mthong ba'i lam gyis bsgom pa'i lam bskyed pa dang/ bsgom pas mi ldog pa'i lam la gnas te/ 'phags par gyur pa dang/ bdag nyid 'phags pas don gzhan la ston pa bzhin gcig nas gcig tu brgyud cing 'pho ba'i don dang/ ji ltar 'khor lo 'khrul pa gcig cing gnod pa bzhin 'phags pa'i lam la gnas pa'i sems kyis nyon mongs pa 'joms pa zhes pa'i don dang gsum mo/ /yang 'khor lo 'di'i don rnam pa lnga ste/ chos rnam par 'byed pa'i yan lag dang yang dag pa'i lta ba la sogs pa 'khor lo'i rang bzhin du gnas pa dang/ thos pa dang bsam pa la sogs pa 'phags pa'i lam bskyed pa rnams 'khor lo'i rgyu lta bur gnas pa dang/ rnam par grol ba'i phung po lnga la sogs pa 'phags pa'i lam la stong pa 'khor lo'i yan lag tu gnas pa dang/ 'phags pa'i bden pa bzhi la sogs pa 'khor lo'i spyod yul du gnas pa dang/ mya ngan las 'das pa dang/ byang chub mngon du gyur pa rnams 'khor lo'i 'bras bu gnas pa ste/ chos de lnga yang lung dang gzhung dang spyod pa dang 'bras bur blta'o/ /mdo las sangs rgyas brgya stong mang po la bsnyen bkur byas pa dang sangs rgyas brgya stong mang pos yang dag par bstod pa'i bar du ste/ de la 'di ni dge ba'i bshes gnyen la brten pa'i phyir mi ldog pa yin te/ sangs rgyas brgya stong mang po la bsnyen bkur byed pa/ sangs rgyas brgya stong mang po la dge ba'i rtsa ba bskyed pa sangs rgyas brgya stong mang pos yang dag par bstod pa ni/ rang gi lus dang sems shin tu bsdus pas dge ba'i las thams cad mchod cing rim gro byad pa'o// de rim gro byed pa yang rnam pa bcur dbye ste/ de bzhin gshegs pa'i ring bsrel dang mchod rten mngon du bzhugs pa la mchod cing rim gro byed pa dang/ yang na de bzhin gshegs pa gzhan gyi ring bsrel dang mchod rten mngon du byas te/ mchod cing rim gro byed
- 203b
ba'o/ /yang de bzhin gshegs pa gcig gi mchod rten la phyogs bcu dus gsum gyi de bzhin gshegs pa'i mchod rten du bsams te/ mchod cing rim gro byas nas thams cad la rim gro dang mchod pa byas pa yin pa dang/ de lta bu'i mtshan nyid du bdag nyid mchod par byed pa dang/ yang snying rje'i sems kyi dbul 'phongs pa rnams la nyams kyi ji nus su sbyin par byas te/ thams cad bde bar gyur cig ces spyod pa de gzhan la'ang stobs shing mchod pa byed pa dang/ bdag ji ltar mchod pa dang rim gro byed pa bzhin gzhan yang byed 'jug pa dang/ spos dang me tog dang rin po che la sogs pa gus par 'bul bas mchod cing rim gro byed pa dang/ rgya chen po'i rim gro dang mchod pa byed pa ni yun ring por mchod pa dang rim gro byed pa ste/ rnam par dag pa'i sems kyi byang chub chen por bsngos naS rang gi lus brgya stong du mas de bzhin gshegs pa grangs med pa la spos dang me tog tshad med pas mchod cing rim gro byas te/ tshig snyan pa dang yid du 'ong ba grangs med pa phyogs bcur khyab par byas te mchod cing rim gro byed pa dang/ yang nga rgyal dang dregs pa spangs te/ mchod pa rnam par dag pas rim gro byed pa dang/ yang dag pa'i spyod pas mchod pa dang rim gro byed pa ni tshad med pa bzhi mngon du bsgoms te su ji 'dod pa rnams la de bzhin du ster ba dang/ skad cig tsam yang yang dag pa'i nyid dang bzod pa dang dang pa la gnaS pa laS mi g.yo bar mtshan ma med pa'i sems kyi byang chub sems dpa' i sdom pa mi gtong ba bsdu ba rnam bzhi'i spyod pa dam pas mchod cing rim gro byed pa ni snga ma'i mchod pa sgrun cing dper yang mi bzod do/ /bzang ba phul du gyur pa'i rim gro ste/ bsod nams dang yon tan tshad med pa'i phyir chos dang dge 'dun la yang de bzhin du mchod do/ /mdo las lus dang sems byams pas yongs su bsgoms pa nas pha rol tu phyin pa'i tshul rtog pa dag ces pa ni chos de dang de dag la 'jug pa ni byams pa dang snying rje lus
- 204a
dang sems bsgom pa'i phyir gzhan la phan 'dogs pa ste sdug bsngal gyi gnas nas 'don pa dang/ bde pa'i gnas la 'jog pa'o/ /yang dag pa'i dbyings nyid las ye shes phyir mi ldog par 'jug pa dang/ bdag tu lta pa gnyis dang bral pa'i ye shes kyis shes rab chen po rtog pa dang/ de bzhin nyid kyi dbyings las phyir mi ldog pa'i phyir pha rol tu phyin pa'i tshul rtog pa'o/ /mdo las 'jig rten gyi khams brgya stong mang po rnam par grags pa dag srog chags bye ba khrag khrig brgya stong mang po kun nas sgrol ba dag ces 'byung ba ni bya ba byas pas chos la gnas pa'i phyir mi ldog pa ste/ de bzhin gshegs pa'i bstan pa 'dzin pas phyogs su rnam par grags shing/ sems can brgya stong mang po sgrol bar byed pa'o/ /yon tan gyi khyad par bsdu ba ni ci la gnas pa dang/ sems gang la gnas pa dang/ ye shes gang la gnas pa dang/ spyod yul gang la gnas pa dang/ spobs pa ci la gnas pa shes pa ni de bzhin gshegs pa brgya stong grangs med pa la mchod cing rim gro byed pas dge ba'i rtsa ba bskyed pa dang/ dge ba'i bshes gnyen la gnas pa'o/ /sems ji lta bu la brten pa ni byams pa dang snying rje'i sems bsgom pa la gnas te mdza' yas pa'i sems can thams cad sgrol zhing phan 'dogs par sems pa'o/ /ye shes ji lta bu la gnas she na/ de bzhin gshegs pa'i ye shes la 'dzud pa/ shes rab chen pos shes rab kyi pha rol tu phyin pa'i tshul rtogs pa ste/ ye shes kyang rnam pa gsum ste/ ye shes zab mo rnam par phye bas sems can rnams de bzhin gshegs pa'i ye shes la 'dzud pa dang/ mngon par shes pa'i ye shes te/ mthu dang rdzu 'phrul chen po'i 'gro ba 'dren pas phan 'dogs pa'i ye shes so/ /shes rab chen po yang dag pa'i mdza' rtogs pa'i ye shes ni shes rab kyi pha rol tu phyin pa'i tshul rtog pa'i ye shes so/ /
- 204b
spyod yul ji lta bu la gnas she na/ 'jig rten gyi khams brgya stong mang por rnam par grags pa ste/ snod dang sems can gyi 'jig rten ni byang chub sems dpa' rnams kyi sgrub pa'i spyod yul lo/ /spobs pa ci la gnas shen srog chags bye ba khrag khrig brgya stong mang po kun nas sgrol ba dag ste/ byang chub sems dpa' ye shes rnam pa gsum gyi sems can mang po sgrol zhing phan 'dogs pa'i/ /mdo las 'di lta ste 'jam dpal gzhon nur gyur pa/ byang chub sems dpa' sems dpa' chen po dang/ spyan ras gzigs dbang phyug byang chub sems dpa' sems dpa' chen po dang/ mthu chen thob pa byang chub sems dpa' sems dpa' chen po zhes pa ni 'di man chad byang chub sems dpa' rnams kyi mtshan so sor dbye ba la spyi'i mtshan dang so so'i mtshan no// byang chub sems dpa' 'di dag kun byang sngon gyi smon lam dang spyod pa las mtshan brtags pa ste/ dum bu bdun du phye ste bshad par bya'o/ /dang po'i byang chub sems dpa' 'di gsum ni sems can rnams sdug bsngal las 'don pa dang bde ba la 'jog pa'i mthu can te/ 'jam dpal gzhon nur gyur ba ni byang phyogs kyi de bzhin gshegs pa rin chen brtsegs pa ste/ de'i mtshan thos pa tsam gyis sdig pa thams cad byang bar 'gyur te/ yang sangs rgyas phal po che'i mdo las kyang shar phyogs kyi spang ri rtse lnga la gnas shing byang chub sems dpa' khri dang lhan cig tu bzhugs par 'byung ngo/ /byang chub sems dpa' spyan ras gzigs ni gzigs pa la mnga' brnyes pa ste/ sems can la gzigs shing sdug bsngal gyis nas 'don pa la brnyes pa'o// lung bstan pa'i mdo las de bzhin gshegs pa snang ba mdza' yas mya ngan las 'das pa'i 'og tu 'phags pa spyan ras gzigs lung bstan/ de'i 'og tu 'phags pa mthu chen thob lung bstan te/ byang chub sems dpa' mthu chen thob gang du byon pa'i
- 205a
'jig rten gyi khams de g.yo ba la sogs te mthu chen po ston cing/ sems can gyi sdug bsngal zhi bar mdzad pa'i phyir mthu chen po thob pa zhes bya'o/ /mdo las rtag tu brtson byang chub sems dpa' dang/ mi gtor brtson byang chub sems dpa' ni bdag gi don spyod pa dang/ gzhan gyi don la brtson pa ste rim pa bzhin no/ /lag na rin chen dang rab tu sbyin pa'i byang chub sems dpa' dag ni sems can dbul ba dang nad kyi nyon mongs pa rnams la ci rigs par phan 'dogs pa'i phyir mtshan gsol pa'o/ /rin chen zla ba dang/ zla rgyal dag ni sems can rnams kyi ma rig pa'i mun pa sel ba'i sgro nas mtshan gsol ba'o/ /gnon pa chen po byang chub sems dpa' dag ni sems can 'dul ba dang mdza' yas pa'i sems can mthu che chung gi sgrol ba'o// 'jig rten gsum gnon byang chub sems dpa' dang/ bzang skyong byang chub sems dpa' ni 'jig rten sgrol ba dang/ dam pa'i chos srung ba las mtshan gsol to/ /byams pa la sogs pa'i byang chub sems dpa' ni 'jig rten dang 'jig rten las 'das pa'i don las btags pa ste/ sdug bsngal gyis nas 'don pa'i byang chub chen po rin po che sems can la stobs shing mya ngan las 'das pa'i zhi ba la 'jog pa las btags so/ /de la sogs pa dang thabs gcig tu bzhugs pa ni bsdus pa'i tshig go/ mdo las brgya byin lha'i dbang po'i 'khod lha'i sras po stong phrag nyi shu ni gong du phyi'i 'khor dang nang gi 'khor du smos pa gnyis la/ nang gi 'khor lnga ni gong du bstan pa yin phyi'i 'khor bcu la mi dang mi ma yin par dbye ba dang/ mi ma yin pa la'ang lha dang/ lha ma yin du dbye ba dang/ lha la yang 'dod pa dang gzugs kyi lhar dbye ba dang/ 'dod khams kyi lha la yang brgya byin dang/ rgyal po chen po bzhi dang dbang phyug dang gsum mo/ /de la 'di ni dang po ste/ sa la gnas pa dang/ nam mkha' la gnas par dbye'o/ /sa la gnas pa
- 205b
ni brkya byin dang/ rgyal po chen po bzhi ste/ brgya byin ni ri rab kyi rtse la gnas shing sum cu rtsa gsum lha'i rgyal po'o/ /mdo las zla ba lha'i sras po zhas pa nas stong phrag nyi shu dang thabs gcig go zhes pa'i bar ni 'od can de gsum ni rgyal po chen po 'bri'i khams su gtogs te/ nyi ma lha'i sras po ni 'phags pa spyan ras gzigs/ zla ba lha'i sras po ni 'phags pa mthu chen po thob pa nam mkha' i mdzod byang chub sems dpa' ni rin chen 'od byang chub sems dpa' yin par mdo las 'chad do/ /nyi ma ni dpag chad lnga bcus 'khor/ zla ba ni de bzhin no/ /skar ma ni chu shel las byas te/ nang gi chen po la rgyang grags bco brgyad kyi 'khor/ nang gi chung du ni rgyad grags bzhis 'khor zhes 'chad de/ de dag thams cad kyang nam mkha' la rgyu zhing gling bzhi 'khor bar rgyu la rgyu ba'i sa ni ring rked nas 'khor ro/ /mdo las lha'i dbang po chen po lha'i sras po'i 'khor dang thabs gcig tu bzhugs zhes pa ni nam mkha' la gnas pa'i lha ste/ mche ma rnams dang dga' ldan gyi lha ni dbang phyug lha'i sras po ste/ dge ba'i rnam par smin pa che ba'i phyir gong nas gong du 'bras bu dam pa 'byung ba'i lha'i yid bzhin gyi shing las ci 'dod pa len cing dbang skyur bas bdag dang gzhan gyi longs spyod rdzogs pa'o/ /mdo las tshangs pa mi mdzad kyi bdag po tshangs pa'i 'khor dang thabs gcig ces pa ni de dag gzugs kyi khams kyi lha rnams te/ bsam gtan gyi rim pas gnas shing lha'i rgyal po de gnad pa phan pa dang bde ba'i byed pas mi skyo zhing thub pa nyams su len pas mi mdzad pa'o/ /mdo las klu'i rgyal po brgyad 'khor mang po dang thabs gcig tu bzhugs pa'i bar du ni 'di man chad lha ma yin pa'i 'khor lnga las dang po ste klu'i 'khor ro/ /dga' bo dang bsnyen dga' ni sngon sbun yin te/ dge ba'i sems kyi char dang rlung dus su 'bebs pa'i rgyal po ste/ gzhan yang so sor yon tan dang mthu las ming du btags pa'o/ /mdo las mi 'am ci'i rgyal po
- 206a
bzhi'i 'khor dang thabs gcig tu bzhugs zhes pa ni sgra snyan pa'i yon tan dang ldan pa dag go/ mdo las dri za'i rigs kyi 'khor rnams dang thabs gcig tu bzhugs zhes pa ni de dag rgyu zhing gar dang rol mo'i sgra snyan pa 'byin cing dris 'tsho bar byed pa'o/ /mdo las lha ma yin gyi dbang po'i 'khor bzhi rnams dang thabs gcig ces pa ni lha'i spyod pa med de/ g.yo dang sgyus spyod pa mang bas lha ma yin te/ ji ltar mi'i gzhung nyams pa la mi ma yin zhes bya ba bzhin no/ /rnal 'byor spyod pa'i gzhung las ni lha'i khams su bshad do/ /gzhan las ni yi dags dang byol seng gi khams su gtogs par yang 'chad do/ /mdo las 'dab bzangs kyi dbang po 'khor bzhi dang/ thabs gcig tu bzhugs zhes pa ni 'dab bzang 'di skye ba rnam pa bzhi'i las skye ste/ klu'i rigs kyang rnam pa bzhi las skyes te/ 'dab bzang 'di zas su klu za'o/ /za ba'i thabs ni 'dab bzang 'di 'dab mas rgya mtsho la slebs pas klu rnams thon pa la za ste/ klu bsod nams dang ldan pa de bzhin gshegs pa'i 'khor du skye/ pa rnams 'dab bzangs kyis mi sod par tshad med pa bzhi'i sems kyis bskyab pa'i phyir te/ dge slong dag su 'che ba thams cad las thar par 'dod pa'i phyir tshad med pa bzhi la brtan par bya'o/ /zhes gsungs pa yin no/ /mdo las lus 'phags mo'i? bu ma skyes dgra dang thabs gcig go zhes pa ni mi'i rgyal po'i 'khor bstan te/ rgyal po smos pa na gtso bo bsdu ba'i phyir te/ ma skyes dgra'i gleng gzhi ni ma btsas pa'i snga rol tu pha bsad pa'i bsam pa dang bcas pa'i phyir ma skyes par pa'i dgrar gyur pa ste/ des pha bsad pa de nyan thos pa'i gzhung du sdig pa bshags pas sems can dmyal bar pho long brdabs pa tsam zhig skyes te/ phyis rang sangs rgyas kyi 'bras bu 'thob par yang 'chang/ theg pa chen po las ni chos zab mo rtogs pa'i
- 206b
bshags pas sems can dmyal bar ma lhung bar yang 'chad de/ zhib tu mya ngan las 'das pa/ chen po'i mdo las gsungs pa bzhin no/ /mdo las dbang de'i tshe bcom ldan 'das 'khor bzhis bskor te/ mchod pa dang rim gro byas zhes pa'i bar du ni 'khor phun sum tshogs pa ste/ 'khor phun sum tshogs pa bzhir phye ba la/ gsum ni gtan zin/ 'di bzhi pa ste/ 'khor bzhi la bdud dang tshangs pa dang/ dge slong dang bram ze'i 'khor zhes kyang 'chad/ yang 'khor rnam pa bzhi ste/ nyan thos pa'i 'khor shA ri'i bu dang/ byang chub sems dpa' byams pa lta bu chos glang ba'i 'khor dang/ dbang po smin pa de chos rtog pa'i 'khor dang/ dge ba'i rgyu la sogs pa'i 'khor dang/ ma 'ongs pa na chud par 'gyur ba'i 'khor ro/ /yang 'khor bzhi ste/ dge slong dang/ dge slong ma dang/ dge bsnyen dang/ dge bsnyen ma'i 'khor ro/ /mdo las gdon mi za ba bstan pa chen po zhes bya ba chos kyi gzhung mdo sde shin tu rgyas pa chen po/ /byang chub sems dpa' rnams la gdams pa/ sangs rgyas thams cad kyi yongs su zin pa bshad par bzhed do zhes pa ni de bzhin gsheD pa chos bshad par byed dus de yang rnam pa gsum ste/ sngar byang chub sems dpa' rnams la theg pa chen po mdza' yas gdon mi za ba bstan pa zhes bya ba'i chos kyi gzhung bstan/ 'og tu nyan thos pa rnams kyi ched du theg pa gcig bu bstan pa dang/ gzhan gyi don du lung dang rigs pas byang chub sems dpa' rnams la theg pa gcig po bstan/ de'i 'og tu bdag gi don du spyod pa dang/ 'bras bu bstan/ gsum du sngar chos kyi mtshan nyid bstan/ 'og tu chos kyi mthu bstan pa'i phyir gdon mi za bar bya bas mdo 'di bstan to/ /theg pa chen po zhes bya ba ni don rnam pa drug ste/ theg pa rnam pa gnyis las 'das pa dang/ sangs rgyas kyi sar 'dis phyin par byed pa dang/ sangs rgyas kyi theg pas theg pa chen po yin pa dang/ sdug bsngal chen po zhi bar byed par bde ba chen po sbyin
- 207a
par byed pa dang/ 'phags pa spyan ras gzigs la sogs te/ skyes bu chen po rnams kyi theg pa yin pa dang/ chos rnams kyi mthar thug par byed ba'i phyir theg pa chen po bsdus pa las kyang theg pa yang yin la chen po yang yin pas theg pa chen po'o/ /'dis 'degs par byed pa'i phyir theg pa'o/ /chen po ni rnam par bdun dang ldan pa'i phyir chen po ste/ spyod yul dang/ sems dang ye shes dang brtson 'grus dang thabs dang/ thob pa dang/ las chen po'i phyir chen po zhes bya'o/ /mdza' yang gdon mi za bar bstan pa zhes pa ni mdo sde 'di'i rnam grangs kyi ming ste/ 'di'i 'grel pa las mdo sde'i ming gi rnam grangs bcu bdun yod de/ mdo sde 'di byang chub sems dpa' theg pa chen po spyod pa rnams la bshad pas mdza' yas gdon mi za ba'i don to/ /byang chub sems dpa' rnams la bstan pa/ de bzhin gshegs pa rnams kyi bsrung pa/ de bzhin gshegs pa rnams kyi gsang ba/ de bzhin gshegs pa rnams kyi yon tan gyi mdzod/ de bzhin gshegs pa rnams kyi man ngag gi gnas/ de bzhin gshegs pa rnams skyed pa/ de bzhin gshegs pa rnams kyi dbyings/ de bzhin gshegs pa rnams kyi ring bsel bstan par byed pa/ thabs mkhas pas theg pa gcig ston pa/ bla na med pa'i gnas dam pa'i chos puN+Da ri ka zhes bya ba chos rnams kyi dam pa'o/ /'grel pa las mdza' yas gdon mi za bar bstan pa zhes pa ni tshig dang don rdzogs pa ming gi rnam grangs bcu bdun ste/ chos kyi sgo mo 'di chos kyi sgo mo zab mo yang ston par byed do/ /'chad pa'i lus dang bshad pa'i 'bras bu gnyi ga yang mdza' yas pa'i phyir ro/ sems can rnams kyi rang bzhin mdza' yas pa'i phyir chos rnams kyang mdza' yas so/ /chos mdza' yas pa'i phyir don yang mdza' yas so/ /don mdza' yas pa ni chos gcig skyed pa'o/ /chos gcig ni mtshan ma med pa'i chos te/ byang chub sems dpa'
- 207b
rnams kyis gnas par bya ba'o/ /de nyid yang dag pa ste/ byams pa dang snying rjer ldan pa/ sems can rnams sdug bsngal gyis gnas 'dren pa/ bde pa'i gnas su 'jog pa'o/ /rigs kyi bu byang chub sems dpa' rnams mdza' yas pa'i chos kyi sgo de gcig bsgrubs pas myur du bla na med pa'i byang chub thob bo/ /'di lta ste dper na sa bon gcig skyed pas brgya stong mang po skyed par 'gyur ro/ /brgya stong mang po las kyang de bzhin du skye de mdza' yas par 'gyur ba bzhin/ mdo sde 'di yang de bzhin te/ chos gcig gis don brgya stong grangs med pa bskyed do/ /don de las kyang de bzhin du mang du skyed pas don mdza' yas mu med par 'gyur ba'i phyir mdo sde 'di yang mdza' yas gdon mi za bar bstan pa zhes bya'o/ /yang na mdo sde 'di mchog gam dam pa zhes bya ste/ sde snod gsum gyi nang na 'di mdzod dam pa yin pa'i phyir ro/ /yang mdo sde 'di theg pa chen po shin tu rgyas pa chen po gdon mi za ba'i sgo yin te/ sems can rnams kyi dbang po dang mthun par 'dzin pa'i phyir 'dzin pa phun sum tshogs pa'o/ /yang 'di byang chub sems dpa' rnams la gdams pa'i chos te/ dbang po rnams la snod bzhin du chos ston pas theg pa rnam gnyis su mi 'gyur ba'i phyir ro/ /yang 'di de bzhin gshegs pa rnams kyis yongs su gzung ba ste/ gnas gzhan med pa'i phyir ro/ /yang 'di de bzhin gshegs pa rnams kyi gsang ba'i chos te/ chos 'di shin tu thab pa'i phyir sangs rgyas nyag gcig gis mkhyen pa ste/ gsang pa ni mdzod ces pa'i don to/ /yang 'di de bzhin gshegs pa rnams kyi yon tan gyi mdzod de/ bsod nams dang ting nge 'dzin la sogs pa'i mdzod yin pa'i phyir ro// // dam pa'i chos puN+Da ri ka'i 'grel pa/ /bam po gnyis pa/ /yang 'di de bzhin gshegs pa rnams kyi gsang ba'i gnas te/ dbang po ma smin cing snod du ma gyur pa rnams la sbyin par bya ba ma yin pa'o/ /yang 'di de bzhin gshegs pa rnams skyed pa ste/
- 208a
chos kyi sgo 'di thos bas sprul pa dang rdzogs longs spyod pa'i sku thob par byed pa'o/ /yang 'di de bzhin gshegs pa rnams kyi dbyings te/ chos 'dis bla na med pa'i byang chub 'grub par byed kyi mdo sde gzhan gyis ma yin pas de bzhin gshegs pa'i chos kyi sku dang ye shes ston par byed pa'i phyir ro/ /yang de bzhin gshegs pa rnams kyi chos kyi sku ste/ chos kyi sgrib ba sbyor bar byed pa'i phyir ro/ /yang 'di'i dus gsum gyi de bzhin gshegs pa rnams kyi ring bsrel bstan par byed pa ste/ de yang de bzhin gshegs pa'i yon tan dang chos kyi sku 'di'i nang nas ston pa'i phyir ro/ /yang 'di thabs mkhas pa ste/ chos kyi don 'di la brten pas mngon par rdzogs par 'tshang rgya pa'o/ /sangs rgyas nas kyang lha dang mi la sogs pa'i sems can rnams la theg pa rnam pa lnga'i chos kyi byang chub thob pa'i ye shes dang thabs ston pa'i phyir ro/ /yang 'di theg pa gcig po ston pas bla na med pa'i byang chub kyi ngo bo nyid sngon pa yin gyi/ nyan thos dang rang sangs rgyas kyis ni yang dag pa'i mdza' ma yin no/ /yang 'di don dam pa'i gnas te/ chos 'di de bzhin gshegs pa'i chos kyi sku'i yang dag pa'i gnas te/ chos kyi sku nyid dam pa yin pa'i phyir dam pa'i gnas zhes bya'o/ /yang 'di dam pa'i chos pad+ma dkar po zhes pa ni 'grel pa las rnam pa gnyis te/ chu las byung ba'i don dang/ kha 'bye ba'i don to/ /chu las byung ba yang don rnam pa gnyis te/ theg pa rnam pa gnyis kyi chu rnyog pa can las byung ste/ cig car chud ba'i byang chub sems dpa' nyid padmo dang 'dra bar rnyog pa dang bral zhing chos nyid bstan pa'i tshul theg pa gcig bu'i gzhung rtogs zhes pa'i don ston to/ /yang na theg pa rnam pa gnyis chu rnyog pa can gyi nang nas byung ste de bzhin gshegs pa'i 'khor chen por zhugs pa ni byang chub sems dpa' padmo'i gdan la bzhugs shing mdza' yas gdon mi za ba'i ye shes rnam par dag pa'i
- 208b
spyod yul de bzhin gshegs pa'i mdzod rtogs pa bzhin nyan thos pa rnams kyis kyang rim gyis lung yang dag pa dang/ gzhung dang spyod pa dang 'bras bu la zhugs zhes pa'i don to/ /yang 'di bla na med pa'i chos kyi sgo ste/ phun sum tshogs pa thams cad bsdud pa'i phyir ro/ sdud pa ni mdza' yas pa'i ming dang tshig dang 'bru'i tshogs thams cad bsdud pa'i phyir bla na med pa ste/ bshad pa dang bshad par bya ba'i chos thams cad 'dir 'dus pa'i phyir ro/ /rnam grangs bcu bdun po 'di las 'di ni spyi'i tshig go/ gzhan ni dbye ba'i tshig go/ mdo sde 'di nyid kyi rnam grangs gsum zhig 'byung ste/ mdza' yas gdon mi za zhes pa ni byin gyis brlabs kyi khyad par bstan pa'o/ /byang chub sems dpa' rnams la gdams pa ni dbang po smin pa rnams kyi ched du gsungs pa'i don to/ /sangs rgyas thams cad kyi yongs su zin pa ni sangs rgyas nyid la brten zhes pa'i don te/ /'di gsum gtso bo yin pa'i phyir smos so/ /mdza' yas pa ni rnam pa gnyis te/ don mdza' yas pa dang tshig mdza' yas pa'o/ /tshig mdza' yas pa ni ston pa'i chos so/ /don ni bstan par bya ba'i chos so/ /mdo las bcom ldan 'das chos kyi gdan de nyid la skya'i mo krung bcas nas mdza' yas gdon mi za ba bstan pa zhes bya ba'i ting nge 'dzin la snyoms par zhugs te/ sku mi g.yo bar bzhugs shing sems mi g.yo bar gyur ba ni spyod lam phun sum tshogs pa'i chos dam pa ston pa ste/ chos zab mo 'di ston pa la spyod lam dam pa la bzhugs te chos ston par 'os pa'i phyir skyil mo krung bcas te bzhugs so/ /bzhugs ba'ang rnam pa gnyis te/ bdud 'dul ba'i bzhugs ba dang/ bkra shis pa'i tshul du bzhugs pa las 'di ni dang po'i chul du bzhugs pa'o/ /spyod lam dam pa yang rnaM pa gsum ste/ ting nge 'dzin phun sum tshogs pa la bzhugs pas sku dang thugs mi g.yo bar gyur pa'o/ /yang na snod gyi 'jig rten na lha'i me tog 'bul ba dang zhing rnam par g.yo ba la bzhugs pa'o/ /yang na bcu pa?
- 209a
kyi 'jig rten na bzhugs pa ste/ 'khor bzhi dang brgyad kyis bskor cing ting nge 'dzin du bzhugs pa dang/ chos zab mo rtog par mdzad pas 'khor dga' zhing zhal du blta ba dang bzhugs pa'o/ /snyoms par bzhugs zhes pa ni mdza' yas pa'i don zab mo la sems mnyam par bzhag ces pa'i don to/ /'grel pa las ting nge 'dzin la rnam pa gnyis te/ thugs dang skul mnga' brnyes shing phun sum tshogs pas zab mo 'di bshad pa la ting nge 'dzin la ma zhugs nag yol dang rtog pa 'byung ba'i phyir ting nge 'dzin du zhugs pa dang sgrib pa thams cad dang bral pa ni mnga' brnyes pa ste/ ting nge 'dzin du zhugs pas ting nge 'dzin gyi sgrib pa thams cad gsal bas chos ston pa la mnga' brnyes zhes pa'i don to/ /'grel pa las mnga' brnyes pa yang rnam pa gnyis te/ sems can so so'i dbang po mthun par bstan pas byang chub kyi phyogs la 'dzud cing so so'i thabs dang gnyen po la sbyor ba zag pa med pa'i lam ston pa dang/ gnyis su sems can rnams thog ma med pa'i dus nas nyon mongs pas dam du bcings pa rnamS de'i gnyen por rnam par rtog pa dang g.yo pa dang/ khro sems la sogs pa'i las zhi bar bya ba'i phyir/ ting nge 'dzin de la zhugs shing mthus dbang sgyur pa'o/ /'grel pa las ting nge 'dzin du zhugs pa'i phyir sa g.yo ba dang/ sngon bskal pa grangs med pa 'das pa'i don rnams zhes pa'ang ting nge 'dzin du zhugs pa las 'byung gi gzhan gyi ma yin no/ /bcom ldan 'das ting nge 'dzin du ma zhugs pa'i thugs dang spyod pa mi mnga' ste/ dus thams cad du ting nge 'dzin gyi spyod pa dang ldan pa'o zhes 'byung na/ ci'i phyir bcom ldan 'das ting nge 'dzin du bzhugs zhes smos/ /don rnam pa bcu'i phyir te/ ting nge 'dzin du zhugs pa dang ting nge 'dzin las bzhengs pas 'gro ba la ban 'dogs pa'i phyir dang/ bcom ldan 'das chos nyid kyi ting 'dzin tu zhugs nas 'od gtong ba la sogs pa
- 209b
mdzad pa'i phyir/ ting nge 'dzin du ma zhugs na ltas de dag kyang bcom ldan 'das kyi ma yin par dogs pa gsol pa dang/ yang na chos ston pa ting nge 'dzin gyi dbang po bsdu bar bstan pa dang/ chos zab mo 'di ting nge 'dzin du ma ? pas chud dka' ste bus bskye bar bstan pa dang/ shes rab ni ting 'dzin du zhugs pas gdod skye'i gzhan gyis ma yin zhes ting nge 'dzin bsgom pa la gzung pa'i phyir dang/ ting nge 'dzin dang shes rab rdzogs pas chos ston gyis ma rdzogs pas ni ma yin no bar bstan pa dang ma 'ongs pa na chos ston pa rnams tshul de dang 'dra ba'i sems kyi chos ston cig par bstan pa dang/ tshul 'di bstan pas gzhan dag kyang sems shin tu nges par byas pa ni thos pa 'dzin pa'i mtshan nyid pas gzhan dag kyang sems nges par bstan pa dang/ ting nge 'dzin du zhugs te ltas mang po bstan pa sa 'phags pa byams pa la sogs pa chos gsol ba'i rtog pa skye'i gzhan gyi ma yin pa dang/ yang gsang pa gsum bstan pa'i phyir te/ ting nge 'dzin du zhugs pas thugs gsang ba dang/ 'od la sogs pa'i ltas kyi sku gsang ba dang/ chos ston pas gsung gi gsang pa bstan pa'o/ yang rtog pa na re dam pa'i chos puNda ri ka 'chad par dgongs na dam pa'i chos pad+ma dkar po'i ting nge 'dzin la 'jug par 'os kyi don mdza' yas pa'i ting nge 'dzin la 'jug par mi 'os so zhes pa la da ni ji ltar rdo rje gcod pa las kyang/ lus bsrangs dran pa mngon du bzhag ste chos ston to zhes 'byung ba bzhin te/ sngar mdza' yas gdon mi za pa'i ting nge 'dzin la snyoms par zhugs te phyis dam pa'i chos paN+Da'i ri ka ston pa yang snga ma ni byang chub sems dpa' i ched du bstan/ phyi ma ni nyan pa rnams kyi ched du bstan/ yang snga ma ni rang bzhin ba phyi mas ni byed pa'i las bstan te/ so so'i dbang po'i rim pa dang sbyar te ming du btags pas 'gal ba med do/ mdo las bcom ldan 'das snyoms par zhugs ma thag tu zhes pa nas/ me tog gi char mngon du bab cing 'brul
- 210a
lo zhes pa'i par du ni snod kyi 'jig rten rnam pa gnyis la me tog 'brul ba dang sa g.yo ba ste/ da 'dir me tog 'brul ba ni me tog yid du 'ong ba dang/ dga' bar byed pa dag yin pas chos 'di nyan pa rnams sems zhi zhing dga' ba bskyed pa'i phyir ro/ me tog de dag gi yon tan yang rnam pa lnga ste/ kha bye zhing zum pa yang chos 'di thos pas nyon mongs pa'i dri ma bsal bar bstan pa dang/ 'jig rten gyi rgyan du byed pa ni chos 'di thos pas yon tan mang pos lus rgyan du byed pa dang/ kha dbye bas ni theg pa rnams gcig gi don 'byed par ston pa dang/ me tog gi rjes la 'bras bu 'byung pa bzhin chos thos pas byang chub chen po'i 'bras bu thob pa dang/ dri zhim po yid du 'ong pa ni chos 'di thos pas nang gi yon tan phun sum tshogs pas phyogs bcu'i 'jig rten gyi khams yon tan yid du 'ong pas khyab par gyur pa'o/ /lha'i me tog rnam pa bzhi smos pa ni 'khor rnam bzhis 'phags pa'i yon tan chos bzhi pa rdzu 'phrul gyi rkang pa bzhi la sogs pa thob pa dang/ mdud pa la sogs pa gcod pa'i don du bstan to/ /mdo las sangs rgyas kyi zhing thams cad kyang rnam pa drug tu g.yos par gyur te/ zhes pa ni de bzhin gshegs pa shAkya thub pa'i zhing ni stong gsum gyi stong chen po'i 'jig rten gyi khams te/ g.yo 'gul zhes pa'i don no/ /zhing thams cad ces pa ni zhing de g.yos pa la bya'i/ phyogs bcu'i 'jig rten gyi khams g.yo ba ni ma yin no/ /de g.yo ba yang rnam pa gsum ste/ de bzhin gshegs pa yum gyi lhums su zhugs pa dang/ bltams pa dang/ rab tu byung ba dang mngon par byang chub pa dang chos kyi 'khor lo bskor ba dang/ mya ngan las 'das pa'i dus su g.yo ste 'di ni chos kyi 'khor lo bskor ba dang sbyor pa'o/ /yang shes rab kyi pha rol tu phyin pa chen po'i mdo las rnam drug tu g.yo ba ste/ shar phyogs dma' na nub phyogs mtho/ mdza' dma' na dbus ? ba'i bar
- 210b
du ste drug go/ yang mtshan nyid drug tu g.yo ba ste/ shes rab kyi pha rol tu phyin pa las 'gul rab tu 'gul zhes bya ba nas 'khrugs rab tu 'khrugs pa'i bar du ste/ 'gul zhes pa ni chung du 'gul ba'o/ /rab tu 'gul ba ni phyogs thams cad 'gul ba ste/ thog ma'i rnams kyang de bzhin du sbyar ro/ /de bsgul ba cir dgos zhe na/ don rnam pa bdun gyi phyir te/ bdud dang mu stegs can rnams sdang ba dang/ sems g.yeng ba'i 'khor rnams sems bsdu ba dang/ yang drigs? pa la gnas pa rnams chos la gzung pa'i phyir bzhin gdab pa dang/ chos kyi mtshan nyid la sems su gzhug pa dang/ rtog pa'i gnas bstan pa dang smin pa rnams grol ba thob par bya ba dang/ yang dag pa'i don 'dri bar bskul pa'i phyir sa g.yo ba bstan to/ /mdo las yang de'i tshe 'khor der yang dge slong rnams dang zhes pa nas/ bcom ldan 'das la lta zhing ngo mtshar du gyur rmad du gyur dga' par gyur to zhes pa'i bar du ni 'di man chad bcud kyi 'jig rten bstan te/ de yang tshoD bzhir bsdu'o/ /'khor bzhi pa dang/ 'khor brgyad pa dang/ rgyal po gn yis dang mngon par dga' ba rnams so/ /mdo las bcom ldan 'das kyi smin mtshams kyi bar gyi mdzad spu nas 'od zer gcig byung zhes pa ni de man chad bshad pa'i rgyu phun sum tshogs pa bstan te/ 'grel pa las 'gro pa phal po che rnams de lta bu'i ltas ngo mtshar gyur pa mthod na de bzhin gshegs pa de yang bdag cag la chos 'chad do/ /snyam pa'i spro ba'i sems skye ba'i bshad pa'i rgyu phun sum tshogs pa ste/ 'od de btang bas 'jig rten gyi khams na don gyi rnam pa thams cad snang bar mdzad do/ /yang bcom ldan 'das chos ston pa ni 'gro ba mang po la phan po'i ched pas nyan pa rnams spro zhing thos par dka' ba'i sems skye pa'i phyir bshad pa'i rgyu zhes bya bas de'i phyir 'od kyi rgyad ring po tshun chad snang bar mdzad do/ /rnam pa gnyis su rnam pa drug tu g.yo bar bstan nas/ de'i 'og tu chos bstan par mdzad pa ni/ chos
- 211a
zab mo rang gi rig pa'i don yin pas sngar cho 'phrul bstan te bzod chos 'di ston par mdzad pas de'i phyir chos bshad pa'i rgyu zhes bya'o/ /sngar lha'i me tog 'bul? pa dang ma rnam par g.yo ba bstod ba yang ngo mtshar du bya ba yin mod kyi 'od kyis snang bar mdzad pa 'di nyid chos zab ma rang gis rig pa bstan pa'i ltas bsam gyis mi khyab par kun gyis mthong byas bshad pa'i rgyu zhes bya'o/ /'od gtong ba dang yul gnang bar mdzad pa mthong mar byed pa ste/ 'di ni dang po smon ma bzhin gyis rgyan yin pa bzhin theg pa chen po'i gzhung de yang gtsor yin par bstan pa dang/ mtshams zhes bstan pas dbu ma'i don mtshon pa dang/ dkar pa zhes smos pas kha dog thams cad kyi gzhi yin te/ de bzhin du mdo sde 'di yang theg pa rnam gsum gyi gzhi yin par bstan pa'o/ /mdzod spu de yang shin tu dkar ba brgyad na ring ba bskum na thung ba'o/ /'od de yang rnam pa bdun te/ mi chen po'i cha yin pas 'gro ba dad pa skye pa 'gyur pa dang/ mun pa sel bas ma rig pa'i sa 'joms pa dang/ snang ba nges mtshon pas 'jig rten nas 'dren pa rang nang gis bstan pa ye shes kyi 'od yin par mtshon pa dang/ 'od reg pa rnams sdug bsngal zhi bar byed pa dang/ 'od kyis reg pa rnams chos nyan par bskul pa dang/ yul la chags pa rnams skyo ba bskyed pa'i phyir te bdun no/ /gcig tu rdzu 'phrul bshad pa'i skabs su bstan to/ /mdo las dre shar phyogs su sangs rgyas kyi zhing stong phrag bco brgyad ces pas nas 'od kyi shin tu khyab par snang ngo zhes pa'i par du ni yul snang bar mdzad pa bstan pa ste/ zhing ni stong phrag bco brgyad pa'o/ /shar phyogs zhes smos pa ni phyogs kyi gtso po yin pa bstan pa 'di theg pa'i gtso po yin pa'o/ /dang po der 'char pa yang dper nyi ma ri mtho ma tho la dang por 'char ba bzhin mod sde 'di yang dang por dbang po smin pa rnams la snang par
- 211b
mdzad do/ /sems can dmyal pa snang bar mdzad pa ni sdug bsngal zhi bar mdzad pa/ lta'i khams snang bar mdzad la ni theg pa chen po nyan par bskul pa ste/ thugs rjes khyab par mdzad cos pa'i don to/ /sems can dmyal ba bsting med pa zhes pa ni sdug bsngal myos pa mna' ba' i skabs med pa'i phyir ro/ /mdo las sangs rgyas kyi zhing de dag gi 'gro ba drug na sems can gang yod pa de dag thams cad ma lus par snang ngo zhes pa ni 'di snang bar bya ba'i yul bstan te/ de yang rnam pa bdun no/ /'gro ba drug dang sangs rgyas dang chos dang dge 'dun dang/ byang chub sems dpa' dang mya ngan las 'das pa rnams dang/ mchod rten rnams so/ /de yang dum bu gsum du dbye ste/ 'khor bar 'khor ba'i sems can rnams snang bar byas pa dang/ dkon mchog gsum snang bar byas pa dang/ mya ngan las 'das pa'i spyod pa bstan pa'o/ /'gro ba drug la yang drug tu dbye ste/ de'i ming bstan pa dang/ bskyed pa'i rgyu dang/ dbye ba dang bsdu ba bstan pa dang/ gnas bstan pa dang/ tshe tshad bstan pa dang/ rgyu dang 'bras bu'i tshad nyid bstan pa'i/ /ming bstan pa ni drug ces pa ni grangs so// 'gro ba zhes pa ni nyon mongs pa dang las kyi bskyed pa'i phung po lnga la gnas pa 'gro ba sna tshogs su 'gro zhes pa'i don to/ /rang gi byas pa'i las la spyod pa'i phyir lha'o/ /yang na 'od dang rdzu 'phrul du ldan pa ni lha'o/ /sems pa mang ba ni mi'o/ /bkres pa'i sdug bsngal gyis mnar ba ni yi dags so/ /dud de 'gro bas dud 'gro'o/ /btub pa dang /gshegs pa la sogs pa'i gzhir gyur pa'i phyir dmyal ba'o/ /lha ma yin ni sngar bstan pa yin no/ /skyed pa'i rgyu ni 'gro ba drug po kun kyang rnam par smin pa'i rnam par shes pas skyed pa'i rang bzhin can ma bsgribs la lung ma bstan pa'o/ /bsdu ba dang dbye ba la/ 'gro ba drug ces pa ni bsdu pa'o/ de yang dge bas bskyed pa da mi dge bas /bskyed pa ni dbye ba'o/ /yang na 'khor ba zhes pa ni bsdus pa'o/ /srid pa gsum dang skye ba rnam bzhi
- 212a
ni dbye ba'o/ /gnas ni khams gsum pa'o/ /mdo las sangs rgyas kyi zhing de dag na sangs rgyas bcom ldan 'das gang bzhugs shing 'tsho skyong ba nas 'bras bu thob pa dang ma thob pa thams cad kyang snang zhes pa ni 'di ni dkon mchog gsum 'byung ba bstan pa ste/ sangs rgyas dang chos dang dge 'dun snang ba'o/ /dge 'dun la yang rnam pa gnyis te/ nyan thos kyi dge 'dun dang/ byang chub sems dpa' i dge 'dun no/ /nyan thos kyi dge 'dun la yang 'phags pa'i 'bras bu thob pa dang/ rnal 'byor pa lam la gnas shing 'bras bu ma thob pa dang rnam pa gnyis so/ /mdo las sangs rgyas kyi zhing de dag na byang chub sems dpa' sems dpa' chen po zhes pa nas spyad pa spyod pa thams cad snang ngo zhes pa de ni byang chub sems dpa' i dge 'dun te/ 'gro ba mang po sdug bsngal gyis nas gdon pa'i phyir dad pa dang thabs sna tshogs kyi byang chub kyi phyogs la 'dzud cing spyod pa dang sangs rgyas kyi zhing yongs su brgyan pa'i phyir bsdu ba rnam pa bzhi dang pha rol tu phyin pa la sogs te byang chub kyi spyod pa sna tshogs spyod pa ni byang chub sems dpa' i spyod pa ste/ dad pa ni mos pas spyod pa'i sa na spyod cing 'phags pa'i 'bras bu mthob pa'i sa'o/ /'grel pa las kyang bsdu pa rnam bzhis sems can thams cad thabs su sdud cing bstan pa la 'jog pa ni byang chub sems dpa' i spyod pa ste/ sbyin pa dang tshig snyan pa dang don spyod pa dang don mthun pas 'dren pa'o/ /mdo las sangs rgyas kyi zhing de dag na ring bsrel gyi mchod rten rin po ches byas pa snang ngo zhes pa ni mya ngan las 'das pa'i 'og gi spyod pa bstan pa ste/ mya ngan las 'das par 'jug pa dang mchod rten bstan pa'o/ /mya ngan las 'das pa yang rnam pa drug ste/ rang bzhin dang ming dang dus dang gang zag dang bstan pa dang mya ngan las 'da' phar 'jug pa'i don to/ /rang bzhin la rnam pa bzhi ste/
- 212b
rang bzhin gyi mya ngan las 'das pa dang/ lhag ma dang bcas pa dang/ lhag ma med pa dang mi gnas pa'i mya ngan las 'das pa'o/ /de bzhi spyir mya ngan las 'das pa ste yang dag pa nyid du don gcig pa'o/ bcom ldan 'das mngon par byang chub nas sems can ma grol ba rnams grol bar mdzad do/ /rgyu yod pa rnams mya ngan las 'das pa'i 'og tu mchod rten bzhag pas grol bar 'gyur ba'i rgyu bstan to/ /mdo las de nas byang chub sems dpa' sems dpa' chen pos byams pa 'di snyam du sems te/ de bzhin gshegs pas cho 'phrul chen po mdzad pa 'di ci'i ltas zhes pa ni 'khor mang po rnams ltas de dag dbang po zhan pa rnams kyis ci'i ltas su bstan pa mi shes pas 'phags pa byang chub sems dpa' byams pas 'gro ba mang po'i the tshom bsal ba'i phyir 'dri bar brtsams so/ /mdo 'di'i don bdag gis su la dri/ lan ldan no sus nus/ de yang 'di ltar zhes pa nas 'jam dpal gzhon nur gyur pa la don 'di 'dri'o snyam du bsams pa ni bcom ldan 'das kyi cho 'phrul bsam gyis mi khyab pa bstan pa 'di 'jam dpal gzhon nur gyur pa la 'dri'o zhes pa legs ma chen po 'jam dpal la yod pa bstan pa ste/ sngon gyi rgyal ba la bya ba byas chos kyi rgyal tshab tu dbang bskur ba ste/ 'grel pa las kyang don zab mo gcig la dris dang mang po thos par 'gyur bas kun gyi the tshom gcod pa ni 'jam dpal gzhon nur gyur pa'o zhes 'byung/ yang 'grel pa las kyang sangs rgyas dang byang chub sems dpa' dgongs pa mthun par gyur pas sgrub pa dang bshad pa'i chos gnyi ga 'grub par 'gyur pa'i phyir ltas chen po bstan pa'i don dam pa'i chos 'di nyid bshad pa'i gleng gzhi yin pa'i phyir ro/ /chos 'di the tshom ci'i phyir 'jam dpal gzhon nur gyur pa 'ba' zhig la dri zhe na/ don rnam pa gnyis kyi phyir te/ chos 'di nyid 'jam dpal gzhon nur gyur pa 'ba' zhig gi sngon du gyur pa'i phyir dang/ rang gi sems
- 213a
kyis rtogs pa nyid yin gyi/ gzhan la mnyan mi dgos pa'i phyir ro/ /yang 'grel pa las 'jam dpal gzhon nur gyur pas dris pa de'i lung bstan par nus pa mi 'jam dpal de phun sum tshogs pa gnyis dang ldan pa'i phyir te/ bsod nams phun sum tshoD pa dang ye shes phun sum tshogs pa'o/ /rgyu de gnyis phun sum tshogs pa'i phyir ches de ston par 'os pa'o/ /mdo las dge slong pha dang dge slong ma nas bdag cag gis su la dri snyam pa'i bar du ni don sla bsam bshad do/ /de nas byang chub sems dpa' sems dpa' chen po byams pas 'jam dpal gzhon nur gyur pa la 'di skad smras so zhes pa ni don rnam pa gnyis kyi gleng bzhi chos 'dri ba la sngar ni tshig lhug pas bshad/ de'i 'og tu ni tshigs su bcad pas bsdus te bstan pa'o/ /yang mdo las 'jam dpal la bcom ldan 'das kyi gang 'di lta bu'i ltas zhes pa nas 'di ci'i rgyu ci'i rkyen zhes pa'i bar du ni ltas dang tshe 'phrul dri ba bsdu ba'o/ /zhing 'di dag sna tshogs lta na sdug pa zhes pa ni de bzhin gshegs pa'i zhing rnam pa sna tshogs te/ zhing yongs su dag pa dang ma dag pa rnams so/ /sangs rgyas thog mar bzhud pa ni byang chub sems dpa' rnams kyi 'dren pa yin pa'i phyir ro/ /med las tshigs su bcad pa 'di gsungs pa ni 'di tshigs bcad kyis bsdu ba ste dum bu bcur dbye'o/ /dbang po rno rtul gnyi ga la phan pa dang snga phyi rnam gnyis kyi 'khor la phan gdags pa dang/ drang po dang re ma yin pa gnyis dga' bar bya ba dang/ dka' sla gnyi ga'i che ba dang don dam pa dang kun rdzob gnyi ga'i don dang/ blang dor gnyi ga'i cha dang/ gsal mi gsal dbye ba dang/ shes pa dang spobs par bye ba dang /the tshom dang 'ching ba dbye ba dang/ bshad pa dang spyod pa bstan pa'o/ /mdo las 'jam dpal zhes pa nas zhal gyi mdzad spu zhes pa'i bar du ni tshigs su bcad pa 'di dag la rtsa ba
- 213b
drug cu rtsa gnyis yod de/ dum bu gnyis su dbye'o/ /dang po rtsa ba lnga bcu rtsa bzhis ni ltas rnams kyi don bstan/ rtsa ba brgyad kyis ni don 'dri ba'o/ /dang po la yang rnam pa gsum ste tshigs bcad dang po gcig gis ni 'od kyi snang bar mdzad pa'i gleng gzhi ston to/ /de'i 'og ma rtsa ba gsum gyis ni me tog 'brul ba dang sa g.yo ba'i spyod lam bstan to/ /de'i 'og gi rtsa ba lnga bcus ni yul rnams snang bar mdzad pa'i gleng gzhi bstan te 'di ni dang po'o/ /mdo las me tog mandar ba'i char chen kyang zhes pa nas gang gis de ni kun tu mdzes pa zhes pa'i bar du de la rtsa ba gsum gyis ni spyod lam gsum gyi don bstan /rtsa ba phyes dang gnyis kyis ni me tog gi char bab pa bstan/ rtsa ba phyed kyis ni sa g.yo ba bstan/ rtsa pa gcig gis ni 'khor bzhir ba tu dga' ba bstan/ 'di ni me tog gi char 'bab pa bstan to/ /me tog de dag tsan dan gyi dri bsung dang ldan cing dri zhim po yid du bong bas zhing de mdzes par byas pa'o/ /mdo las 'khor bzhi 'di dag shin tu dga' ba 'thob zhing 'di thams cad kun nas rab tu g.yos zhes pa ni sa g.yo bas 'khor 'di rnams dga' ba bstan to/ /mdo las 'od zer de yis shar gyi phyogs logs su zhes pa nas bstir med yan chad srid pa'i thog ma'i bar zhes pa'i bar du ni tshigs su bcad pa'i rtsa ba bco lngas yul rnams snang bar mdzad pa bstan te/ de la rtsa ba phyed kyis ni snang ba'i bstan /gzhan gyis ni blta bar bya ba bstan te/ 'dis ni snod kyi 'jig rten snang bar byas pa bstan to/ /gser gyi kha dog du snang zhes pa ni theg pa gcig po 'dir na che bar bstan pa'o/ /mdo las de dag zhing gi ji snyed sems can dag ces pa nas 'gro ba bde dang mi bde rnams kyang snang zhes pa'i bar du ni snang bar bya ba rnams bstan te/ dum bu drug du dbye'o/ /tshig bcad rtsa ba phye dang gnyis kyis ni 'gro ba drug po rnams bstan/ rtsa ba phyed kyis ni sangs rgyas bcom ldan 'das bstan/
- 214a
de'i 'og tu rtsa ba phye dang bdun gyis ni chos thos pa bstan/ yang phye dang gnyis kyis ni 'khor bzhi bstan/ de'i 'og tu rtsa ba sum cu rtsa gcig gis ni byang chub sems dpa' i spyod pa bstan/ rtsa ba bdun gyis ni mya ngan la 'das pa dang mchod ston bstan te/ 'dis ni dang po las dge dang mi dge bas bskyed pa'i 'gro ba drug po rnams las dang nyon mongs pas bde ba dang mi bde ba rnam par smin pa myong bar byed pa rnams snang bar mdzad pa'o/ /yang mdo las bzang po ngan pa de bzhin bar ma yang zhes pa nas sangs rgyas chos 'di rab tu ston pa ni zhes pa'i bar du ni bcom ldan 'das snang ba bstan te/ bcom ldan 'das nyid seng ge bzhin bag cha ba mi mnga' bar chos ston pa la mnga' brnyes pa'o/ /sangs rgyas chos 'di rab tu ston pa ni zhes pa ni chos thos pa bstan te/ spongs pa so so yang dag par rig pas dpe dad don gsal bar ston pa'o/ /mdo las sems can gang dag sdug bsngal gzir ba rnams zhes pa nas de dag la ni byang chub phyir bsngags gsung zhes pa'i bar du ni theg pa che chung gsum gyi rim pa bstan te/ mdo las 'byung ba bzhin du chud bar bya'o/ /ma'o las shin tu mthong bar thos so 'jam pa'i dbyangs zhes pa nas de dag las ni cha tsam smos par bya zhes pa'i bar du ni tshigs su bcad pa 'das ni 'khor rnam bzhi snang bar bstan te/ 'khor de dag gi lam bsgrubs pa dang 'bras bu thob pa 'ang snang zhes pa'i don te/ /tshig gong mas ni nyan thos tshig 'og mas ni byang chub sems dpa' i theg pa bstan to/ /mdo las mthong zhing rnam pa mang po dag na yang zhes pa nas brtson 'grus sna tshogs byang chub bskyed pa dag ces pa'i bar du ni byang chub sems dpa' i spyod pa bstan te/ tshigs su bcad pa 'di ni brtson 'grus sna tshogs bstan/ rtsa pa bdun gyis ni dngos po bstan/ yang rtsa ba phye dang bcu bzhis ni mos par spyod pa sna tshogs bstan to/ /gi gA zhes pa ni chu bo mngos pa las chu bo
- 214b
bzhi 'byung ba'i gcig go/ de bye ma ? pa'i phyir mang ba'i dper bstan to/ /mdo las la la sbyin pa byin pa 'ang de bzhin te zhes pa nas smon ba de bzhin gshegs kyi ye shes la zhes pa'i bar du 'di ni sbyin pa sna tshogs kyi mtshan nyid bstan te/ de la'ang rnam pa gnyis su dbya'o/ /dang po'i tshigs bcad bco lngas ni pha rol tu phyin pa drug bstan/ tshigs su bcad pa gnyis kyis ni rlung brgyad kyis mi bskyod par bstan/ tshigs su bcad pa drug gis ni sbyin pa bstan/ de'i 'og ma gnyis kyis ni tshul khrims bstan/ de'i 'og ma gnyis kyis ni bzod pa dang brtson 'grus bstan/ de'i 'og ma gnyis kyis ni bsam gtan bstan/ de'i 'og ma gsum gyis ni shes rab bstan to/ /sbyin pa la yang rnam pa gsum ste rtsa ba bzhis ni phyi'i nor gyis phan gdags pa/ de'i 'og ma gcig gis ni nang gi phan gdags pa/ de'i 'og ma gcig gis ni phyi nang gnyis ka'i phan gdags pa'o/ /dang po bzhi la yang rin po che bdun sbyin ba dang dbyig brgyad sbyin pa dang/ theg pa sbyin pa dang rdzas sna tshogs sbyin pa'o/ /rin po che bdun ni gser dang dngul la sogs pa bdun no/ dbyig brgyad? ni bran pho mo dang shing rta dang/ khyogs rin po ches spras pa la sogs pa'o/ /mdo las 'jam dpal bdag gis mthong ba la la na zhes pa nas ngur smrig gos rnams rab tu gyon bar byed ces pa'i bar du 'di ni rab tu byung ba'i mtshan nyid bstan te/ gang rab tu byung nas 'dul ba la gnas pa ngo spyod pa thams cad kyi gzhi yin pa'i phyir ro/ /de rab tu byung ba'i yon tan yang rnam pa lnga ste/ de bzhin gshegs pa rnams kyi skyob pa dang/ 'chi kar dga' ba bskyed pa dang/ tshul khrims bsrung bas bshes gnyen bzang pa dang yon tan phun sum tshogs pha dang/ skye ba thams cad du rab tu byung ba'i rgyu la sogs pa'o/ /mdo las bdag mthong byang chub sems dpa' la la dag ces pa nas la la lung nor kha ton byed pa la dga' zhes pa'i bar du 'dis ni
- 215a
mdo sde dka' ba 'don cing mdo zab mo la sems dpa' i bzod pa dang ldan pas bzod pa dang ldan pa bstan to/ /yang mdo las bdag mthong byang chub sems dpa' la la dag ces pa nas yongs su bsams pas nye bar rtog par gyur ces pa'i pas du 'di ni go cha bgos pa dang dge pa sdud pa'i brtson 'grus bstan te/ brtson 'grus rnam pa lnga dang ldan zhes pa'i don to/ /yang mdo las kha cig gis ni 'dod pa ma lus spangs zhes pa nas tshigs bcad stong gis rgyal brgyal po la'o zhes pa'i bar du 'di gnyis kyis ni bsam gtan la gnas pa bstan to/ /bsam gtan gyi mngon par shes pa la sogs pa bskyed pas/ de bzhin gshegs pa mang po la bstod pa'i spobs pa skye ba'o/ /mdo las dran dang ldan zhing dul ba mi 'jigs pa zhes pa nas/ thos nas de dag chos rnams 'dzin par 'gyur zhes pa'i bar du ni shes rab kyi pha rol tu phyin pa spyod pa zab mo dang ldan zhing thos pa 'dzin par gyur pa'o/ /mdo las yongs bsgom bdag nyid rgyal dbang sras po rnams zhes pa nas chos kyi rnga 'di shin tu rdung bar byed/ ces pa'i bar du ni shes rab dang ting nge 'dzin dang ldan par gyur pa'o/ /chos ston pa ni rnam pa bzhi ste/ dga' bas ban 'dogs pa'i phyir ston pa dang/ byang chub sems dpa' rnams kyis ched du ston pa dang/ bdud rnams sdang bar byed pa dang/ bkra shis? ba dang nges pa'i don gyi rnga brdud pa'o/ /mdo las mngon pa ba la las bde gshegs bstan pa la zhes pa nas snyems med zhi zhing rab tu zhi bar spyod ces pa'i bar du ni 'jig rten gyi rlung brgyad kyis mi bskyod pa'i don te/ 'jig rten gyi chos brgyad ni bstod pa dang smad pa la sogs pa'o/ /mdo las mang du nags nas de bzhin gzhan dag kyang zhes pa nas de dag rnams kyang byang chub phyir du 'jug ces pa'i bar du 'di ni thugs rjes 'dren par bstan te/ thugs rje'i 'od kyi sems can dmyal ba'i gnas rnams
- 215b
zhi par byed pa'o/ /rgyal pa'i sras po la la brtson 'grus nas zhes pa nas de dag brtson 'grus byang chub mchog la zhugs zhes pa'i bar du ni sems can mos pas spyod pa'i sa na pha rol tu phyin pa drug tshol bar spyod pa bstan pa'i phyir 'di man chad tshig bcad pa ? phye dang bcu bzhis bstan to/ /de la dang po 'dis ni brtson 'grus bstan/ de'i 'og ma gcig gis ni tshul khrims bstan yang phyed dang gnyis kyis ni bzod pa bstan/ yang gnyis kyis ni bsam gtan bstan /lngas ni sbyin pa bstan/ gsum gyis ni shes rab bstan te/ 'di ni dang po brtson 'grus rtsom pa yang sdig pa mi dge ba'i chos skyes pa gsal ba dang/ dge ba'i chos ma skyes pa skye bar bya pa la sogs pa'o/ /mdo las la la srung brtag tu rnam dag pa zhes pa nas/ de las spyod pa yongs su rdzogs par 'gyur zhes pa'i bar du ni bslab pa la gnas shing sgo gsum la spyod pa skyon med par gyur pa'o/ /ji ltar rin po che phyi nang gsal pa 'od yod pa kun gyis yid du 'ong ba bzhin tshul khrims mnyams pa skyon med par gyur pa'o/ /rgyal sras la la bzod pa'i stobs can te zhes pa nas bzod pa de dag byang chub mchog la zhugs zhes pa'i bar du ni rdeg pa dang spyo pa dang smad pa la sogs pa smad dbab pa sna tshogs nyams su len cing bzod pa'o/ /de bzod pa yang rnam pa lnga'i tshul gyi bzang de/ thog ma med pa nas gnyen du gyur pa'i bsam pa dang/ chos la bsam pa dang/ sdug bsngal pa la bsam pa dang /mi rtag pa la bsam pa dang/ bsdu ba'i bsam pas bzod pa'o/ /mdo las bdag mthong byang chub sems dpa' la la ni zhes pa nas de bdag bsam gtan byang chub mchog la zhugs shes pa'i bar gyis ni bsam gtan la gnas pa bstan te/ g.yeng ba'i skyon 'di dag gsal te gnas so/ /rnam par rtog pa dang rtser mo'i dga' ba dang/ byis pa ma rabs spangs ba dang/ bshes gnyen ngan pa dang mi 'grogs shing sems
- 216a
sdud pa'o/ /yang mdo las la las de bzhin sbyin pa byin pa ni zhes pa nas sbyin pa de dag byang chub mchog la zhugs zhes pa'i bar du sbyin pa rnam pa sna tshogs bstan pa'o/ /sbyin pa de dag kyang rgya cher sbyin pa dang/ mi skyod pa sbyin pa dang/ dga' bar sbyin pa dang/ chags pa med par sbyin pa dang/ dge ba'i rgyud 'gyur ba'i sbyin pa'o/ /de la kha zas kyi sbyin pa byas na ni mu ge'i bskal par mi skye ? smon sbyin pas ni bla na med pa'i chos kyi sman dang ldan par 'gyur ro/ /gos sbyin pa ni rin po che sna bdun dang ldan zhig khrel dang ngo tsha yod par 'gyur/ khri stan la sogs byin pas ni bsod nams dang ye shes kyi tshogs dang ldan par 'gyur/ ra ba dang skyed mos tshal byin pas ni gzungs kyi skyed mos tshal dang ldan par 'gyur/ me tog byin pas ni byang chub kyi yan lag bdun dang ldan par 'gyur/ 'bras bu byin pas ni 'phags pa'i 'bras bu bzhi dang ldan par 'gyur/ rdzing dang khron pa byin pas ni rnam par grol pa'i chu dri ma med pa dang ldan par 'gyur zhes gsungs so/ /mdo las de dag byang chub mchog zhugs ye shes kyi zhes bya ba nas de dag shes rab byang chub mchog la zhugs zhes pa'i bar du ni shes rab kyi mtshan nyid bstan te/ mtshan ma med pa gnyis su med pa nam mkha' dang mtshungs pa'o/ /mtshan ma yod pa dang mtshan ma med pa ni gzhan gyi don dang bdag gi don pa spyod pa'i ye shes so/ /mdo las gang gi gzhan yang mthong ba 'jam pa'i dbyangs zhes pa nas rgyal ba'i ring bsrel dag la rim gro byed ces pa'i bar du ni 'di? man chad dum bu drug ste/ tshigs bcad rtsa ba bdun gyi mtshon rten slong ba bstan/ de la yang rnam pa gnyis te/ ring bsrel mchod pa dang mchod rten la mchod pa'o/ /yang byang chub sems dpa' la mchod pa dang 'khor brgyad la mchod pa'o/ /mdo las mchod rten bye ba stong phrag mi nyung ba zhes bya ba nas dril dang dril bu g.yer ba rtag tu 'khrol zhes pa'i bar 'dis ni mchod rten slong ba bstan
- 216b
te/ bcom ldan 'das mya ngan las 'das pa'i 'og tu ring bsrel gyi mchod rten la mchod pa dang rim gro byas na bskal ba du mar ngan song du mi gtong byang chub chen po'i tshogs kyang rdzogs par 'gyur zhes bstan to/ /dpag tshad ces pa ni bzhu 'dom lnga brgya la rgyad grags gcig/ rgyad grags brgyad la dpag tshad gcig go/ mdo las me tog dri dang de bzhin sil snyan gyi zhes pa nas 'di 'dra'i mchod rten rgyal ba'i ring bsel la zhes pa'i bar du ni 'khor brgyad kyi mchod pa bstan to/ /mdo las gang gi phyogs bcu'i de dag brgyam pa ni zhes bya ba nas lha dang bcas pa'i 'jig rten rgyas pa ni zhes pa'i bar du ni mchod rten de byas pas 'jig rten thams cad la mdzes pa ni dper na lha'i me tog pa ri ya ta rgyas pa bzhin du mdzes pa bstan to/ /mdo las rgyal bas 'od zer gcig pu 'di gtang bas zhes pa nas stong phrag mang po'i zhing rnams ston pa'o zhes pa'i bar du tshigs bcad rtsa ba brgyad kyis ni gsol ba'i don bstan te/ rtsa ba bzhis ni lan btab pa'o/ /mdo las lhas rnams mthong nas bdag cag ngo mtshar thob ces pa nas the tshom sol la dga' ba bskyed par bgyis zhes pa'i bar du ni bdag dang gzhan gyi re bskor bar bstan pa'o/ /mdo las bde gshegs sras po khyod kyis lung ston cig ces pa nas 'di 'dra'i rgya chen 'od kyang rab tu bstan zhes pa'i bar du 'dis ni dris pa'i lan gsol ba'o/ /mdo las/ bde gshegs sras po khyod kyis lung ston la zhes ba nas 'di yi rgyu ni chung par mi 'gyur te zhes pa'i bar du ni dris pa'i lan btab pa dang/ lung bstan pa dang/ don che ba bstan pa dang/ zhing rnam par dag pa 'di'i don chung ba ma yin par bstan pa'o/ /mod las zhing rnams stong phrag du mig pa bstan pa zhes pa nas 'jam dbyangs 'di ru ci zhig lung ston ces zhes pa'i bar du ni dris pa'i lan dngos su btab pa'o/ /mdo las de nas zhes pa nas rigs kyi bu rnams zhes pa'i par du ni 'jam dpal gzhon nur gyur pa?
- 217a
lan glon par nus pa ni 'grel pa las/ 'jam dpal sngon gyi gnas rjes su dran pa'i ye shes kyis 'das brgya dang 'bras bu phun sum tshogs pa mngon du gzigs pa'i phyir lan glon nus pa ste/ rjes su dpag pa 'am yid chod tsam gyis lan 'debs pa ma yin no/ /'jam dpal gyis rang gi sku sangs rgyas mang po la bya ba byas pa'i rgyu de da ltar gyi 'bras bu 'di nyid pas sngon dam pa'i 'od ces bya ba'i dge slong du gyur pa na/ de bzhin gshegs pa las chos 'di mngon du thos pa'i phyir/ nga 'gro ba mang po la sngon nus te/ 'di man chad dum bu gsum du bcad de ston to/ /dang po ming smos te mdor bstan pa dang/ dris pa'i lan gdab pa dang 'og ma nyan pa rnams la gdams pa dang gsum mo/ /mdo las 'di ni bde bar gshegs pas chos chen po bsgrags shing yang dag par brjod par mdzad par dgongs pa zhes pa ni dris pa'i lan gdab pa ste/ 'di 'grel pa las lan gdab pa la ngon rnam pa bcu ste/ ngon chen po mngon du mthong ba'i rgyu ste 'di nyid yin pa dang rigs kyi bu rnams sngon 'das pa'i dus 'jig rten gyi tshig dang 'bru dang le'u shin tu zab ba'i rgyu dang mthong ba dang/ yang rigs kyi bu rnams sngon 'das pa grangs med dpag tu med pa nas ngo mtshar rmad du bya ba'i rgyu mthong ba mngon par de bzhin gshegs pa nyi zla sgron? ma zhes bya ba nas rgyu dam pa mthong ba dang/ yang de bzhing gshegs pa nang gi tha ma khyim nas ma byung ba nas longs spyod pa'i rgyu chen po mthong ba dang/ sangs rgyas mya ngan las 'das pa'i 'go tu dam pa'i 'od byang chub sems dpa' nam pa'i chos 'di 'dzin pa nas de bzhin gshegs pa rnams kyi chos bsdud cing 'dzin pa'i rgyu mngon du mthong ba dang/ yang nyi zla sgron ma de bzhin gshegs pa'i sras brgyad po 'ang? dam pa'i 'od la brten nas shin tu bstan pa'i de bzhin gshegs pa ni
- 217b
chog mngon du mthong ba'i rgyu dang rgyal bu de dag gis mchod pa dang rim gro grangs med par byas pas 'jug par nus pa'i rgyu mngon du mthong pa dang de bzhin gshegs pa nam gyi tha mar mngon par sangs rgyas sgron ma mdzad pa la mngon du dran pa'i rgyu mthong ba dang/ byams pa khyod gyis shes par gyis shig /de'i tshe dam pa'i dbyangs byang chub sems dpa' dam pa'i 'od la bdag nyid kyis mngon du spyad pa spyod pa'i rgyu mthong ba ste/ rgyu ni gtan tshigs kyi don to/ /'jam dpal gzhan nur gyur bas gtan tshigs de dag sngon du gyur pa las dpag nas 'phags pa byams pa la lan btab pa'o/ /rgyu de bcu yang don lngar bsdus te/ don bstan pa dang ya mtshan du gyur pa dang/ grol ba dang bcings pa dang/ brtson 'grus bstan pa dang/ bdag dang gzhan du sbyar ba'o/ /rgyu bcu po de dag kyang ltas las dpags te lan gdab ba dang/ sngon gyi dang da ltar sbyar te lan gdab ba dang/ don gzhan las glengs te lan gdab pa dang/ sngon gyi lugs dang sbyar te lan gdab pa'o/ /de la'ang dang po'i gnyis dang tha ma'i gcig ni gong ma'i rim ba bzhin du sbyar/ bar gyi rgyu bdun po ni gzhan las glengs te lan gdab pa dang sbyar ro/ /'di ni ltas las dpags te lan gdab pa'o/ /'grel pa las don chen po mthong ba'i rgyu phun sum tshogs pa mthong ba ni ltas rnam ba brgyad de/ chos chen po'i char 'bebs ba dang chos kyi rnga brdung ba dang dung 'bung pa la sogs pa'o/ /'grel pa las the tshom can rnams the tshom bsal ba'i phyir chos chen po 'chad de the tshom char na ye shes kyi lus smin par bya ba'i phyir chos kyi char chen po phab bas dge ba'i myu gu skyes te 'phags pa'i gnas 'thob par 'gyur ro dbang po smin pa rnams sbyong yul gsang ba rnam pa gnyis ston te/ nyan thos rnams la ni chos kyi rnga chen po brdung ngo/ /byang chub sems dpa' rnams la bla ma'i bla ma rnam par dag pa'i don bstan pa'i phyir chos kyi rgyal mtshan 'phreng ba/ byang chub sems dpa'
- 218a
chos kyi ye shes rtog pa'i phyir ye shes kyi sgron ma snang bar mdzad pas chos kyi sgron ma 'bar bar mdzad pa'o/ /ye shes thams cad mngon du gyur pa'i phyir tshig 'bru dang don sgrog ba'i phyir chos kyi dung 'bung ba zhes pa'o/ /de dag kyang sdig pa spong zhing dge par 'jug pa dang/ drang ba'i don gyi deng pa'i don ston pa dang/ shes rab kyi yang dag pa'i don chung pa dang/ chos ston pas 'gro ba la phan pa'o/ /mdo dang 'grel pa las 'byung ba 'di dag ci rigs pa dang gang 'os su sbyar?/ /mdo las rigs kyi bu 'di ni de bzhin gshegs pas chos chen po bshad par dgongs pa ste zhes pa ni 'jig rten gyi tshig 'bru'i don shin tu zab pa'i rgyu ston te/ de ni sngon gyi lugs las drangs? te 'di lnga'o don sbyar ba'o/ /mdo las rigs kyi bu rnams bdag gis ji lta bur spong ba dang/ ji ltar sngon gyi de bzhin gshegs pa zhes pa nas 'od zer btang zhing snang ba thog ma mthong ba mngon par bstan to zhes pa'i bar du ni gzhung bzhin chung par bya'o/ /mdo las rigs kyi bu rnams bdag gis dran pa 'das pa'i dus bskal pa grangs med pa'i yang grangs med pa zhes pa ni rgyu brgyad sbyir dum bu gnyis su phye ste/ tshig lhug pa dang tshigs su bcad pas bsdu ba'o/ /sngar rgyu bdun gyi na don gzhan las glengs te lan btab rgyu gcig gis sngon gyi lugs las drangs te lan btag dang po la yang rnam pa gsum ste/ ngo mtshar du gyur pa las bstong de lan btab ba dang/ phyis khyad par du gyur pa las lan btab pa dang/ phyi ma lngas ni don mthun pa las drangs te lan btab/ ngo mtshar du gyur pa las bstod de lan btab pa ni 'grel pa las ya mtshan mngon du gyur pa'i rgyu dang/ sbyar ro/ /grangs med pa'i yang grangs med pa zhes ba ni bskal? pa'i dus yun ring pas te/ bskal pa grangs med pa zhes pa ni grangs kyi mdza' lnga bcu rtsa gnyis la grangs med pa zhes bya'o/ /yang na bskal pa zhes pa ni lha'i tshe dang sbyar pa'i bskal pa dang/
- 218b
lo dang dus mi mthun pa'i bskal pa zhes 'dir bskal pa zhes ba ni lo nang? spyar te/ de bzhin gshegs pa rnams kyi bskal pa chen po ni brgya lam na lan gcig 'byung bas/ 'jam dpal gyi thos pa'i dus ha cang yun ring ba'i phyir ro/ /mdo las rgyang ring pa dpag tu med pa/ bsam gyis mi khyab pa bskyod du med pa/ tshad med pa de'i pha rol gyi yang pha rol tu gyur pa de'i dus de'i tshe na zhes pa nas sangs rgyas bcom ldan 'das 'jig rten du byung ste/ zhes pa'i bar du ni nyi zla sprin ma de bzhin gshegs pa ni nyi ma la ngon rnam pa gnyis te/ snang ba'i don dang smin pa'i don to/ zla ba la don rnam pa gnyis te/ the tshom sel ba'i don dang bsil ba'i don to/ /sgron ma la'ang rnam pa gnyis te mun pa sel ba dang/ snang ba mched pa'i don to/ /de bzhin gshegs pa dgra bcom pa zhes pa ni de bzhin gshegs pa yon tan gyi mtshan rnam pa bcu'o/ /de bzhin gshegs pa ni sngon gyi de bzhin gshegs pa'i lugs bzhin du gshegs pa'i phyir de bzhin gshegs pa'o/ /yang de bzhin gshegs pa ni gang nas kyang ma byon/ gang du yang mi bzhud ba'i phyir de bzhin gshegs pa de chos kyi sku'o/ /yang na de bzhin nyid kyi bden pa las byung ba'i phyir de bzhin gshegs pa'o/ /dgra bcom ba zhes pa ni nyon mongs pa'i dgra thams cad tshams pa'i phyir dgra bcom pa'o/ /shes bya'i sgrib pa thams cad spangs pa'i phyir yang dag par rdzogs pa'i ste rig pa dang zhabs su ldan pa ni sngon gyi gnas dran pa'i rig pa dang 'chi 'pho shes pa dang zag pa zad pa shes pa'i rig pa ni rig pa'o/ /bstan pa dang spyod pa dang smon lam rnam par dag pas 'chi? ba dag par gyur pa ni zhabs? te/ rig pa dang zhabs su ldan ba'o/ /bde bar gshegs pa ni bdag dang gzhan la phan 'dogs pa'i yon tan chen po dang ldan pas byang chub chen por gshegs pa'i phyir bde bar gshegs pa'o/ /'jig rten mkhyen pa zhes pa ni snong dang bcud kyi 'jig rten
- 219a
ma lus par mkhyen pa dang ci dang ci 'dul ba so sor mkhyen pa dang/ sems can gyi spyod pa brgya khri bzhi stong ma mthun? pa so sor mkhyen pa dang/ snod kyi 'jig rten 'jig pa dang lta ba mkhyen pa dang /sems can so so'i rang bzhin dang rgyu rkyen la sogs pa kun mkhyen pa'o/ /bla na med pa skyes bu 'dul pa'i kha lo sgyur ba ni zla med pa'i phyir bla na med pa skyes bu chen po'i mtshan bzang po dang ldan pa phur? du gyur pa'i phyir ro/ /lta dang mi'i mkhan po ni lha dang mis don zab mo chud pa'i skal pa dang ldan pas de'i mkhan po zhes bya'o/ /sgrib pa thams cad bsal te/ chos thams cad mngon du gyur ba ni sangs rgyas so/ /bcom ldan 'das zhes pa ni bdud rnam bzhi bcom la/ dbang phyug la sogs pa yon tan drug dang ldan pa'i phyir bcom ldan 'das so/ /mdo las des chos thams cad ces pa nas tshangs par spyod pa la yang dag par ston pa zhes pa'i bar du ni chos khyad par can du bstan pa'i phyir te/ thog mar dge ba ni thos ba tsam gyis dga' ba'o/ /bar du dge ba ni sgom pa la bar chad med cing mdza' gnyis spangs pa'i spyod yul dri ma dang bral bas 'jug pa'o/ /tha mar dge ba ni spyod pa dang sgrub pa'i mthar phyin pa'i 'bras bu la gnas pa'o/ /yang na thog mar dge ba ni sbyin pa bar du dge ba ni tshul khrims tha mar dge ba ni ting nge 'dzin to// yang na sdug bsngal shes pa dang kun 'byung spangs pa ni thog mar dge ba yang dag pa'i lam bsgom pa ni bar du dge ba 'gog pa mngon du gyur pa ni tha mar dge ba ste/ nyan thos pa dang sbyar ro/ /byang chub ni sems mi gtong ba dang/ theg pa gnyis par mi bsngo bar bla na med pa'i ye shes thob pa ni byang chub sems dpa' i thog ma dang bar ma dang tha mar dge pa'o/ /'phags pa'i lam yan lag brgyad yang dag pa'i ngag la sogs pas tshig sbyar legs shing don zas mo dang ldan pas mang po
- 219b
la phan par 'gyur ba/ mu stegs kyi lam dang ma 'dres pa/ don dang tshig tshang ba khyad par du 'phags pa ni don bzang ba tshig 'bru bzang pa ma 'dres pa yongs su rdzogs pa zhes bya'o/ /yongs su dgar bar ni rnam par grol bar 'gyur ba'o/ /tshangs par spyod pa ni 'phags pa'i yan lag brgyad dang 'gog pa'i bden pa dang tshangs par spyod pa ste/ lam de gzhan dang ma 'dres pa'i phyir ma 'dres pa'o/ /mdo las 'di ltar nyan thos rnams la zhes pa nas ye shes kyi mdza' i bar du chos ston to zhes pa'i bar du ni 'gro ba la phan gdags pa'i phyir chos ston pa ste/ de bzhin gshegs pa 'jig rten du byung nas theg pa rnam pa gsum gyi chos stn pa ni nyan thos pa rnams la bden pa bzhi bstan/ rang sangs rgyas la rten cing 'grel par 'byung ba bcu gnyis bstan/ byang chub sems dpa' rnams la pha rol tu phyin pa drug ston pa yang/ dbang po'i rim pa bzhin du gyur to/ /mdo las yang rigs kyi bu nyi zla sgron ma zhes pa nas 'di ltar ba ra d+hwa dza'i rigs su mthun pa yang de bzhin gshegs pa stong phrag nyi shu byung zhes pa'i bar du ni phyir 'byung ba khyad par can las dpags te lan btang pa'o/ /'grel pa las rgyu khyad par can mngon du mthong ba'i rgyu ste/ rigs dam pa dang ming dam pa dang ldan par bstan pa'i gtan tshigs smos pa'o/ /mdo las de la ma pham pa de bzhin gshegs pa stong phrag nyi shu po de dag ces pa nas khang? na gnas shing rab tu ma byung ba'i che sras brgyad yod do zhes pa'i bar du ni don 'thun pa las dris te lan btab pa'o/ /yang rgyu rnam pa lnga ste longs spyod che ba'i rgyu dang/ de bzhin gshegs pa rnams chos kyi 'khor lo bskor ba'i rgyu dang/ de bzhin gshegs pa shin tu bstan pa'i chos kyi 'khor lo'i rgyu dang 'jug par 'gyur ba'i rgyu dang dran pa'i rgyu'o/ /de la yang rnam pa gnyis te/ rgyu dang po ni bcom ldan 'das chos ston pa'o/ /rgyu phyi ma ni mya ngan las 'das pa'i spyod
- 220a
pa'o/ /longs spyod pa'i rgyu chen po ni 'grel pa las sngon bcom ldan 'das rgyal bu mdzad pa nas longs spyod chen po spangs te/ khab nas byung bar mdzad na 'gro ba ma rabs rnams yun de srid du skyo ba'i sems mi skyed pa de ngo mtshar du bstan pa'o/ /longs spyod kyang rnam pa gnyis te/ khyim na gnas shing 'dod pas longs spyod pa dang/ khyim nas byung nas chos la longs spyod pa'o/ /bcom ldan 'das khab nas ma byung ba'i tshe sems can bsgral ba'i ched du 'dod pas longs spyod pa dang sras mnga' bar yang bstan to/ /mdo las 'di lta ste/ blo gros zhes bya ba nas chos kyi blo gros kyi bar du gzhon nu de dag ni shes rab tsha ba dang/ thugs rje che ba dang yod pa dang med pa la mkhas pa dang dge ba la 'jug cing sdig pa spong ba las mtshan du btags pa sha stag go /mdo las ma pham pa bcom ldan 'das zhes pa nas longs spyod cing de dag rgyal po byed do/ /zhes pa'i bar du ni go sla bsam bshad do/ /mdo las de dag gis bcom ldan 'das de khab nas mngon par 'byung bar shes shing zhes pa nas dge ba'i rtsa ba bskyed par gyur to zhes pa'i bar du ni rab tu byung ba bstan te/ rten dam pa dang 'grogs pa dang nyon mongs pa las 'byung bar rtsol ba rgyu dam pa la spyor zhing bsod nams dang ye shes kyi tshogs sgrub pa'o/ /mdo las ma pham pa de'i tshe na yang zhes pa nas sangs rgyas thams cad kyi yongs su zin pa bshad nas zhes pa'i bar du ni dus mthun par grub par bstan to/ /de'i tshe skad cig yud tsam thang cig ces pa nas sems mi g.yo'o zhes pa'i bar du ni spyod lam mthun pa bstan te/ ting nge 'dzin du zhugs pa dang snod kyi 'jig rten dang bcud kyi 'jig rten te/ 'di dang po'o/ /mdo las me tog manda? ra nas rab tu 'khrug pa'i bar gyis ni snod kyi 'jig rten bstan
- 220b
to/ /ma pham ba de'i tshe 'khor der zhes pa nas rmad du dga' bar gyur to zhes pa'i bar du 'di mi bcud kyi 'jig rten bstan te/ /mdo las de nas de'i tshe bcom ldan 'das zhes pa nas shin tu khyab par snang ba'i bar du ni ston pa mthun pa'i rgyu ste 'od stong pa dang snang bar bya ba dang srung bar byad pa bstan to/ /mdo las ma pham pa 'di lta ste zhes pa nas ngo mtshar du gyur rmad du gyur/ lhad mo rab tu byung ngo zhes pa'i bar du ni de yang chos thos par dga' ba dang/ sngon gyi rgyu bstan par 'dod pa'o/ /gzhan ni go sla bas ma bshad do// mdo las ma pham pa de'i tshe na yang bcom ldan 'das de'i bstan pa la 'od mchog ces bya ba'i byang chub sems dpa' zhes pa nas brgyad brgya yod do zhes pa'i bar du ni de dang mthun pas lan btab pa ste snang bar byed pa'i 'khor mdo 'di las gleng ba dang yun ring ba dang skyid pa ste 'di ni dang po'o/ /mdo las bcom ldan 'das de yang zhes pa nas lus skyo ba yang med sems skyo ba yang med ces pa'i bar du 'di dag ni mdo 'di gleng ba dang dus ring thung dang 'khor bzhi dga' zhing mos pa go rim bzhin du sbyar te/ gzhan ni go sla bas ma bshad do/ /mdo las de nas bcom ldan 'das nyi zla sgron ma zhes pa nas mya ngan las 'das so zhes pa'i bar du ni ltas kyi lugs mthun pa bstan pa ste/ sangs rgyas mya ngan las 'das pa ni theg pa rnam pa gnyis las khyad par du bstan pa'i phyir lhag ma ma lus pa'i mya ngan las 'das pa'o/ /mdo las de nas ma pham pa zhes pa nas lung bstan nas zhes pa'i bar ni dge ba'i rtsa ba smin pa'i phyir/ lung bstan pa yin no/ /mdo las dge slong rnams dpal gyi snying po byang chub sems dpa' zhes pa nas sangs rgyas su gyur to zhes ba'i bar du ni yongs su sangs rgyas 'jig rten du byung ba don rnam pa lnga'i phyir te/ chos kyi 'khor lo bskor ba dang pha ma byang chub la dgod pa dang/ ma dad pa rnams dad par bya ba dang byang chub sems dpa' ma bskyad pa rnams sems
- 221a
bskyed pa dang lung ma bstan pa rnams lung bstan pa'o/ /mdo las dge slong rnams dpal gyi snying po zhes pa nas dgra bcom pa yang dag par rdzogs pa'i sangs rgyas su 'gyur ro zhes pa'i bar du ni de bzhin gshegs pa shin tu bstan pas chos 'dzin pa'i rgyu'o/ /'grel pa las bcom ldan 'das de mya ngan las 'das nas bskal pa grangs med pa'i 'og tu de bzhin gshegs pa'i shin tu bstan pa'i chos 'dzin par 'gyur ro/ /mdo las de lam pham pa de'i sras blo gos la sogs pa zhes pa nas mngon par sangs rgyas te zhes ba'i bar du ni 'jug par nus pa'i rgyu bstan te/ mchod pa dang rim gro ni chos dang zang zing gi spyod pas so/ /mdo las de dag gi tham mar me mdzad de bzhin gshegs pa dgra bcom pa yang dag par rdzogs pa'i sangs rgyas yin no zhes pa nas rim gror byas so zhes pa'i bar du na drin pa'i rgyu dang bstan pa'i rgyu dang dag pa'i rgyu bstan to/ /mdo las ma pham pa khyod de'i dus na zhes pa nas chos smra ba yin no zhes pa'i bar du mthun pa'i don gyis lan btab pa dang sngon gyi lugs las lan btab pa ste 'di ni nga'i yin no zhes pa ni gtan tshigs kyi rgyu smras so/ /mdo las gang yang grags 'dod byang chub sems dpa' zhes pa nas snyam byed do zhes pa'i bar du ni spyir bsdus te lan btab pa'o/ /mdo las de nas 'jam dpal zhes pa nas mdza' yas bye ba stong rnams shes pa'i bar du ni 'di man chad tshigs su bcad pa bzhi bcu rtsa gsum gyi don snga ma rnams bzlas te snga ma'i lugs kyi ltas bstan to/ /mdo las de'i tsha? rgyal po de'i sras su gyur pa zhes pa nas thams cad rab tu byung ngo zhes pa'i bar du ni 'di man chad tshigs bcad sum cu rtsa brgyad kyi don mthun pa'i lugs bstan te/ rgyu lnga pa dang sbyar ro/ /tshigs su bcad pa nyi shu rtsa dgus ni longs spyod kyi rgyu che ba bstan tshigs su bcad pa dgus ni rgyu bzhi po bstan/ dang po la'ang rnam pa bzhi ste dang go'i?
- 221b
tshigs su bcad pa nyi shus ni ltas mthun pa bstan/ de'i 'og ma tshigs su bcad pa bzhis ni mya ngan las 'das pa mi mthun pa bstan/ yang phyed dang gsum gyis ni/ lung bstan pa bstan/ tshigs bcad gnyis kyis ni mya ngan las 'da' ba bstan to/ /dang po la la'ang rnam pa drug ste 'khor phun sum tshogs pa dang/ dus phun sum tshogs pa dang spyod lam phun sum tshogs pa dang/ rgyu phun sum tshogs pa dang/ thos pa phun sum tshogs pa dang/ lam phun ku mtshogs ba'o/ /tshigs bcad dang po gnyis kyis ni khyim na gnas pa bstan/ de'i lag? ma gnyis kyis ni rab tu byung ba bstan to/ /mdo las 'jig rten mgon po de'i chos bshad pa zhes pa nas/ srog chags stong phrag bye ba dag la bshad ces pa'i bar du ni dus phun sum tshogs pa bstan to/ /mdo las rnam par 'dren bzhes pa nas bzhugs nas bsam gtan mdzad ces pa'i bar du ni 'dis spyod lam phun sum tshogs pa bstan te/ de la tshigs bcad gcig gis ni bsam gtan la 'jug pa bstan /de'i 'og ma gnyis kyis ni snod dang bcud kyi 'jig rten bstan to/ /mdo las 'phrul gyi ma tog ces pa nas zhing rnams thams cad de ma thag tu g.yos zhes pa'i bar du 'di ni snod dang bcud kyi 'jig rten bstan te/ de la yang snyoms par 'jug pa dang me tog gi char 'bab pa dang/ mchod pa bstan pas g.yo ba la sogs pa bstan pa'o/ /mdo las de ni ngo mtshar rmang du gyur ce sa pa nas rab tu snang bas 'jig rten thams cad mdzes zhes pa'i bar du ni rgyu phun sum tshogs pa ste/ 'od stong pa dang yul snang bar byas ba dang/ sangs rgyas kyis kyang mngon du snang ba ste/ 'di ni dang po'o/ /mdo las sems can rnams kyi 'chi 'pho skye ba ston zhes pa nas des mngon du mthong ba bstan te/ dang po tshigs bcad phyed dang drug gis ni 'gro ba drug bstan/ tshigs bcad gsum gyis ni sangs rgyas mthong ba bstan gcig gis ni chos thos pa bstan/ gcig gis ni 'khong bzhi?
- 222a
mthong pa bstan/ tshigs bcad bzhis ni byang chub sems dpa' mthong ba bstan te 'di ni dang po'o/ /'gro ba ni las dang rgyu rnams kyis 'gro bar byed pa'o/ /mdo las 'di ltar de na la las rin chen zhing zhes pa nas rnam par 'dren pa'i 'od zer de ye mthu zhes pa'i bar ni sangs rgyas mthong ba bstan te/ zhing bzhed pa dang mchod pa mthong ba dang sangs rgyas mngon du mthong ba dang gsum te 'di ni dang po'o/ /shAkya thub pa'i 'od kyis ni gser gyi kha dog tu snang bar byas/ nyi zla sgron ma'i 'od kyis shel dang bai DUrya'i 'od du? snang bar byas te/ theg pa chen po 'di gzhan dang ma 'dres pa nyid dam pa yin par bstan pa'i phyir ro/ /mdo las lha dang mi dang de bzhin gnod sbyin klu zhes pa nas gser gyi mchod sdong lta bur blta na mdzes zhes pa'i bar du ni 'khor brgyad rnams kyis mchod nas de bzhin gshegs pa mthod pa'o/ /mdo las bai DUrya'i dbus na gser gzugs bzhin zhes pa nas chos ni rab tu gsungs zhes pa'i bar du ni chos thos par bstan to/ /mdo las so so'i zhing du rnam par 'dren pa yi zhes pa nas 'di lta ci zhig ces ni phan tshun 'dri zhes pa'i bar du 'khor rnam bzhi bstan pa dang/ byang chub sems dpa' rnams kyis chos rtogs shing mos pa skye ba dang khyim na gnas pa dang rab tu byung ba gnyis kas byang chub kyi skyod pa thob pa dang/ pha rol tu phyin pa la dbang du gyur pa bstan to/ /mdo las gnod sbyin lha mis de mchod ma thogs par zhes pa nas nga yi chos mdzod 'di la khyod mngon sum zhes pa'i bar du ni lan btab pa phun su mtshogs pa ste/ tshigs bcad dang po gcig gis ni bshad pa'i rgyu bstan/ phyi ma gnyis kyis ni yun ring thung bstan/ ting nge 'dzin las bzhengs ma thag tu sems can rnams byang chub la 'dzud ces pa'i don to/ /mdo las ji ltar srog chags phan phyir ngas bstan pa zhes pa nas de tshe rgyal bas chos rab 'di gsungs pa/ bar gyi bskal ba drug cu
- 222b
tshang par de zhes pa'i bar du ni dus ring ba bstan pa dang/ ltas mthun pa bstan pa dang/ brtson 'grus kyi 'byung bar bstan pa dang/ de bzhin gshegs pas yang bskal par ting nge 'dzin las mi bzheng nas sems can mar bas nyon mongs pa spong bar mi rtsol ba mi rigs par bstan pa dang/ sems can la thugs rje zhing phan gdags par dgongs pa dang dus la bab pa'i rnams lung bstan cing mya ngan las 'das pa'i bde ba la 'jog pa dang longs spyod che pa'i rgyu bstan te/ chos 'dzin cing dge ba'i rgyu la 'jug bar bstan pa'o/ /mdo las de'i slob mar gyur pa brgyad brgya dag ces pa nas de dag sangs rgyas bya ba mang po mthong zhes pa'i bar du 'dis ni de bzhin gshegs pa shin tu bstan pa'i chos kyi rgyu bstan pa ste/ theg pa chung du'i tshul du bskal pa grangs med pa gsuM ni lugs las ldog pa bstan pa'o/ /bskal pa dang po'i tshe sangs rgyas shAkya thub pa mthong/ de'i 'og tu sangs rgyas khri phrag bdun cu rtsa lnga mthong/ bskal pa gnyis par sangs rgyas rin chen gtsug phud mthong ste/ yang sangs rgyas khri phrag bdun cu rtsa drug mthong/ bskal pa gsum par sangs rgyas mar me mdzad mthong ste/ sangs rgyas khri phrag bdun cu rta bdun mthong ngo/ /mdo las drang srong chen po de dag bkur sti byas zhes pa nas byang chub mchog tu gcig gis gcig lung bstan ces pa'i bar gyi ni 'jug par 'gyur ba'i rgyu bstan te/ kun gyis byang chub chen po 'thob ces pa'i don to/ /mdo las sangs rgyas de dag gi rim gyis 'byung ba'i zhes pa nas srog chags bye ba stong yang dul bar byas zhes pa'i bar du tshigs bcad drug gis na dran pa'i rgyu bstan te/ tshigs bcad dang po gcig gis ni rgyal du? rgyad la dgongs pa bstan/ de'i 'og ma lngas ni 'khor brgyad brgya la dgongs pa bstan to/ /mdo las gang sngon bde bar gshegs pa de yi sras zhes pa nas/ /phyogs rnams rnam par grags so zhes pa'i bar
- 223a
du ni 'khor rnams la dgongs pa bstan te/ tshigs bcad phye dang gsum gyis nyon mongs pa'i rgyu bstan/ yang tshig phye dang gsum gyis ni dag pa'i rgyu bstan te/ 'di ni dang po dang sbyar ro/ /khe dang grags pa dang cho rigs la chags pa ma thos pa thos par rtsol ba'i chags pa ste/ de dag grags par 'dod pa'o/ /mdo las de yang dge ba rnams kyi las de dag ces pa nas/ srog chags stong phrag bye pa 'dul bar 'gyur zhes pa'i bar gyis ni rnam par dag pa'i rgyu bstan to/ /mdo las de'i tshe le lo can du gang gyur pa zhes pa nas chos smra ba ni/ kho bo yin zhes pa'i bar du ni don gzhan las gleng ba'i rnams bstan nas sngon gyi lugs dang sbyar ba bstan pa ste/ tshigs bcad dang pos ni gang zag bstan/ de'i 'og mas ni chos bstan/ de'i 'og mas ni bsdu bste 'di ni dang po'o/ /mdo las ye shes 'di'i ltas snang 'gyur zhes pa nas byang chub gang 'dir zhugs zhes pa'i bar du ni chos bstan pa dang/ ltas bstan nas gzengs bstod pa dang chos zab mo la sems su gzhug pa'i phyir lha'i 'od kyis btang ba dang/ chos kyi char pa phab pas dge ba'i myu gu skyed pa dang byang chub tshol ba'i rnams the tshom bcad pa'o/ /dam pa'i chos puShDa ri ka'i 'grel pa// //bam po gsum pa/ /'di man chad thabs mkhas pa'i le'u ston te/ de yang gdags pa'i gtan tshigs dang ming dgrol ba dang/ rang bzhin bstan pa'o/ /'di la yang le'u brgyad gzhung yang dag par 'grel pa ste/ pad+ma chu las skyes pa dang kha 'bye ba'i don gyis dam pa'i chos kyi 'bras bu rtog bar ston te/ theg pa gcig po ston pa yang theg pa rnam pa gnyis bsal nas dbang po rnam gsum lung bstan pa dang/ the tshom bsal ba'i phyir dpe dang thabs rnam pa sna tshogs ston pas thabs mkhas pa'i le'u ston par dgongs pa dang/ yang na le'u bcu dgu pa yang dag pa'i gzhung nyid ston pa la
- 223b
thabs mkhas pa'i le'u 'di man chad le'u bcu gnyis kyis theg pa gcig po ston pa'i dmigs pa ston pa dang/ bde ba la gnas pa dang sa rum nas 'thon pa'i le'u gnyis kyi theg pa gcig po'i spyod pa bstan pa dang/ de bzhin gshegs pa'i tshe'i tshad kyi le'u dang/ rtag tu mi brnyas pa'i le'u dang/ spyir le'u lngas theg pa gcig po'i 'bras bu bstan pa ste/ dmigs pa bstan pas ni theg pa 'di'i drang ba dang nges pa'i don mtshon nas nyan thos pa rnams de rtog pa lung bstan pa'o/ /de la yang dang po'i le'u brgyad kyis ni drang pa dang nges pa'i don dngos po bstan pas dbang po rnams gsum lung bstan pas thob pa dang/ le'u gsum gyis chos dang gang zag la bstod cing mde 'di la gzung pa dang le'u gcig gis dkri ba'i don te nges pa'i don la 'jug pa'o/ /'grel pa las 'di man chad rgyu dang 'bras bu'i mtshan nyid ston te/ gleng gzhi'i le'u bshad pa'i rjes la gzhung nyid bstan pa'i phyir rgyu dang 'bras bu ston pa'i mtshan nyid rnam pa gsum ste/ de bzhin gshegs pa rnams kyi ye shes bla na med pa'i 'bras bu'o/ /ye shes kyi 'bras bu ni mtshon par byed pa'i rgyu'o/ /phugs su 'gro ba sgo nas 'jug pa bzhin bstan pa'i lung 'di la gnas te/ yang dag pa'i 'bras bu len par byed pa zhes pa'i don to/ /de yang mdo sde 'di nyid kyi gzhung dang lugs su blta ba yang dag pa'i ye shes kyi sgo dbye ba dang de bstan pa dang de rtog pa dgang chud bsted de nyid rgyu dang 'bras bur blta'o/ theg pa rnam pa gsum gyi gzhung thos/ theg pa rnam pa gcig gi chul la zhugs de nyid kyi 'bras bu thob pa ni chos kyi padmo zhes pa'i don to/ /'di ming bshad pa ni de bzhin gshegs pa'i ye shes rnams gnyis te/ yang dag pa'i ye shes dang sbyor ba'i ye shes so/ /yang dag pa'i ye shes kyang 'dus byas par 'dus ma byas kyi ye shes dang gnyis su dbye ba la/ 'dis ni zag pa med pa'i ye shes rtsa ba dang rgyab nas thob pa'i ye shes gnyis dang sbyar ro//
- 224a
sbyor ba ni yang dag pa'i ye shes la sbyor zhing 'jug pa'i phyir kun rdzob gyi ye shes te thabs nyid do/ /thabs de yang bdag dang gzhan gyi don sgrub pa la sbyor ba/ sgrub pa la mkhas pa de thabs zhes gdags so/ /de yang 'og ma 'dres pa dang bla ma la sbyar ba'o/ /ji ltar mdo las snod mi gtsang ba 'dzin cing gos mi gtsang ba gyon pas mngon par byang chub pa ni lus kyi thabs so/ /bden pa bzhi la sogs pa chos kyi 'khorlo bskor ba dang/ theg pa chen po la 'jug pa'i mdo ston pa ni dag gi thabs mkhas pa'o/ /sngon gyi de bzhin gshegs pas mdzad pa dang 'dra bar thabs mkhas pa rnam pa sna tshogs dgongs pa ni yid kyi thabs mkhas pa'o/ /yang na 'dren pa'i thabs mkhas pa ste/ phyi rol gyi drug spyod pa'o/ /bsngo ba la thabs mkhas pa ste nang du drug spyod pa'o/ /'di rang bzhin ni shes rab kyi rang bzhin te/ rnam par mi rtog pa'i ye shes so/ /yang na phyis thob pa'i ye shes te gzhan la phan 'dogs pa'i phyir spyod pa dam pa dang ldan pa'i phyir zhes kyang 'chad do/ /mdo las de nas bcom ldan 'das dgongs pa dang ldan cing zhes pa nas rang sangs rgyas thams cad kyi shes par dka' o zhes pa'i bar du ni 'di man chad tshig rkyang bas rgyas par bshad pa dang/ tshigs su bcad pas bsdus te/ bstan pa'i don ni dam pa'i chos kyi don chung par bya ba de bzhin gshegs pa nyag gcig gis mkhyen pa de ston te/ bcom ldan 'das dgongs pa dang mkhyen bzhin du ldan zhes pa ni yang dag pa ye shes kyis gzigs shing ting nge 'dzin las bzhengs pa'o/ /ting nge 'dzin de la bzhengs pa yang chos la mnga' brnyes pa'i don dang/ bcom ldan 'das ting nge 'dzin du bzhugs pa la gzhan gyis bzhengs par bskul mi nus kyi bcom ldan 'das nyid de las bzhengs shing 'byung ba dang/ 'jug pa la mnga' brnyes pa ston to/ /de las bzhengs nas yang dag pa'i don de gzhan la
- 224b
bka' mi stsol gyis/ /shA ri'i bu zhes bos te/ bka' stsal pa ni shes rab mchog tu rno pas chos dam pa'i snod du 'gyur ba dang/ 'phags pa nyan thos rnams gzengs bstod cing dam pa'i chos 'di 'phags pa'i nyan thos rnams kyi ched du gsungs pa dang nyan thos pa'i rnams byang chub chen po la gzhol zhing 'bras bu bla na med pa la gzud pa dang 'phags pa nyan thos pa'i rnams snying rje zhan pa yin pas byang chub sems dpa' la bka' stsal na chos 'di la nyan thos rnams bskal pa med pa dang don du ma bshad ces 'jug tu mi btub pa'i phyir shA ri'i bu la bka' stsal na 'phags pa nyan thos pa gzhan yang mdo 'di la 'jug par sems skye ba dang blta ba dang/ rtogs pa dka' ba ni ye shes dang ye shes kyi sgo'o/ /'grel pa las kyang shin tu zab pa rnam pa gnyis te/ rtogs pa shin tu zab pa dang gzhung shin tu zab pa'o/ /rtogs pa ni shes rab bo/ /gzhung ni shes rab kyi sgo'o/ /shes rab ces pa ni thams cad mkhyen pa dang/ rnam pa thams cad mkhyen pa ste/ thams cad mkhyen pa ni yul mkhyen pa'o/ /rnam pa thams cad mkhyen pa ni gang yod pa dang med pa dang 'dus byas dang 'dus ma byas dang zag pa dang zag pa med pa la sogs pas te/ rnam pa thams cad thugs su chud pa'o/ /shes rab kyi sgo ni gzhung shin tu zab pa ste/ de bzhin gshegs pas gsungs pa'i tshig dang don thams cad de bsam gyis mi khyab po'i chos ye shes rnam pa lnga'i spyod yul du gyur pa'o/ /rtogs par dka' ba ni theg pa rnam gcig rang bzhin gyi shin tu zab pa bla na med pa ste/ yang dag pa nyid kyi don no/ /yang zab pa ni dngos po dam pa yin pa dang chud par dka' ba'o/ /dngos po dam pa ni rtogS pa shin tu zab pa lnga'o/ /chud par dka' ba ni nyan thos dang rang sangs rgyas kyi shes par mi nus pa'o/ /shin tu zab pa lnga ni don zab pa ste don tha dad pa dang/ rang bzhin zab pa ste ngo bo nyid kyi phyir dang/ rang gi rig pa zab pa ste/
- 225a
yang dag pa'i ye shes kyi rang rig pa'i ye shes gzhan gyis shes par mi nus pa dang/ gnas zab pa ste chos kyi dbyings chos nyid ni de bzhin gshegs pa rnams kyi gzhi yin pa dang bla na med pa'i zab pa ste/ dngos po dam pa'i phyir zab pa'o/ /mdo las de ci'i phyir zhe na zhes pa nas shes par dka' ba'i chos shes pa rnams so zhes pa'i bar du ni 'dir gzhung las shin tu zab pa brgyad 'byung ba bstan te/ ci'i phyir zhes dris pa ni theg pa rnam gsum rnam par grol ba thob par 'dran khyad par ci yod ces pa la shin tu zab pa 'di dag gis 'phags pa nyan thos pa las khyad par du bstan pa'i phyir shin tu zab pa'i tshig gis don rnam pa brgyad ston te/ sangs rgyas mang po la bsnyen bkur zhes pa ni gzung zhing 'dzin pa dang/ klog cing 'don pa shin tu zab pa bstan te/ bcom ldan 'das sngon bskal pa grangs med pa gsum gyi bar du sangs rgyas chu bo gang gA'i bye ma snyed la bsnyen bkur byas shing lung mnos pa'i phyir shin tu zab pa'o/ /byang chub kyi spyad pa spyod ces pa ni mngon par sgrub pa shin tu zab pa ston pa ste/ de bzhin gshegs pa rnams bsod nams dang ye shes kyi tshogs gnyi ga rdzogs pas mngon par byang chub pa ston gyi nyan thos pa rgyu bsgrub pa tsam du zad pa ma yin par bstan pa'i phyir shin tu zab pa 'di bstan to/ /brtson 'grus spyod pa rnams zhes pa ni 'bras bu sgrub pa shin tu zab pa ston to/ /brtun pa'i brtson 'grus kyi skyo ba dang dub pa med par sgrub pas 'bras bu dam pa 'thob pa ni 'bras bu shin tu zab pa'o/ /ngo mtshar dang zhes pa ni bsod nams spel ba'i sems shin tu zab pa ste byang chub sems dpa' de dka' ba spyod cing brtson pa mi gtong ba'i sems phyogs thams cad du grags pa gzhan gyi thos te ngo mtshar du gyur pa shin tu grags pa zab pa'o/ /rmad kyi chos dang ldan pa
- 225b
zhes pa ni chos dam pas tshim pa'i sems shin tu za bar ste sngon ma thob pa'i chos dam pa mngon du gyur pas sems dga' ba dang mos pa skyes pa shin tu zab po/ /shes rab dga' ba'i chos zhes pa ni bla na med pa shin tu zab pa ste/ shes par dga' ba'i chos de bzhin gshegs pa nyag cig gis thugs su chud pas bla na med pa'i zab po/ /ldem po dag shes par dka' o zhes pa ni 'jug pa shin tu zab pa ste/ ming dang tshig dang/ don shin tu shes par dka' ba'i phyir de bzhin gshegs pa rang gis rig pa ste/ de yang shin tu 'jug par dka' ba dang/ bsnyed par dka' ba'o/ /'jug pa ni bdag nyid 'jug pa'o/ /bshad pa ni gzhan la bshad par dka' ba ste/ de gnyis ka de bzhin gshegs pa nya gcig gis spyod ces pa'o/ /nyan thos dang rang sangs rgyas kyis shes par dka' ba ni gnas pa shin tu zab par bstan pa ste/ phyi nang gi spyod pa thun mong ma yin pa bstan pa'o/ /mdo las shA ri'i bu de bzhin gshegs pa zhes pa nas rnam pa sna tshogs kyi thabs mkhas pa dang/ ye shes dang mthong pa dang/ rgyu dang gzhi dang/ dmigs pa dang nges pa'i tshig dang zhes pa'i bar du ni sngar bshad pa dang chud par bya ba'i chos dam pa bstan/ de'i 'og tu de bzhin gshegs pas dgongs pa dang/ ston pa'i chos smra ba nyid kyi yon tan 'chad de/ de bzhin gshegs ba ston pa'i rgyu phun sum tshogs pa'o/ /thabs mkhas pa dang ye shes mthong ba dang rgyu dang nges pa'i tshig ces pa tshig 'og mas gong ma 'grel te/ bcom ldan 'das mngon par byang chub nas/ /sems can drang ba'i ched du gnas de dang de dag tu dpe dang thabs rnam pa sna tshogs kyis chos bstan te/ sems can chags pa'i gnas la dgrol bar mdzad do/ /dang po tshig de bzhi so sor dgrol ba dang/ de'i 'og tu tshig rnams lan gnyis lan gsum tsam du/ bzlas te 'chad pa'o/ /de yang de
- 226a
bzhin gshegs pa'i yon tan rnam pa bzhi rdzogs par bya ba ste/ sems can dgral ba'i phyir byon pa dang bzhung pa ston cing thabs mkhas pa rdzogs par mdzad pa ste/ dang po dga' ldan gnas na gnas pa dang mya ngan las 'das par gshegs pa'i bar du sems can la phan pa'i don rnam pa sna tshogs mdzad pa ni thabs mkhas pa'o/ /ye shes mthong pa zhes pa ni chos rnam par dag pa'i rgyu bstan pa ste/ ye shes dang gzigs pa mnga' ba'i phyir chos rnam par dag pa gzigs shing mkhyen par 'os pa ste/ sngar ni lus kyi sgo nas sems can gyi don mdzad pa bstan/ 'dir ni rig pa dang bshad pa'i sgo nas ston pa'o/ /ye shes mthong ba zhes pa ni yon tan phun sum tshogs pa'i mdza' bstan te/ chos ston pa la dbang po dang mthun pa ci dang cis 'dul ba mkhyen gzigs shing chos ston pa'o/ /des pa'i tshig ces pa ni so so yang dag par rig pa bzhis ci rig par chos ston pa ste/ de la dang po sprul pa'i sku thabs sna tshogs kyis chos ston pa bstan/ de'i 'og mas ni chos rnam par dag pa'i rig pas sems can gyi don mdzad pa bstan/ de'i 'og mas ni yang dag pa ji lta ba bzhin du chos ston pa'i mthar phyin pa bstan/ de'i 'og mas ni so sor yang dag par rig pas so so'i yid dang mthun par chos ston pa ni de bzhin gshegs pa nya gcig gi go bar bstan pa'o/ /yang na tshig de bzhi yang sprul pa'i sku dang longs spyod rdzogs pa'i sku dang/ chos kyi sku dang/ spobs pa mdza' yas pa dang ldan pas ston pa zhes sbyar ro/ /mdo las rnam par bstan pa rnams kyi yang dag par ston te/ thabs mkhas pa de dang des sems can de dang de la chags pa rnams rab tu 'grel to zhes pa ste gong gi tshig de bzhi yang dang yang du bzlas te dgrol zhing bshad pa la 'di ni thabs mkhas pas ston te/ thabs mkhas pa ni mu stegs can gyi rnams thabs sna
- 226b
tshogs kyis yang dag pa'i bstan pa la 'dzud par mkhas pas thabs mkhas pa ste/ mu stegs can de dag kyang dge ba la gzung dang/ the tshom bcad pa dang ye shes dam pa la gzung pa dang/ bsdu pa rnam pa bzhis bsdu zhing rnam par grol ba thob lab? mdzad pas thabs mkhas pas te/ gong ma bzhi dang/ rim pa bzhin du sbyar ro/ /yang na thabs sna tshogs kyi drang zhing chags pa las dgrol ba ste khams la chags pa dang/ sa la chags pa dang/ phyogs la chags pa dang/ theg pa la chags pa'o/ /khams la chags pa ni khams gsum la chags pa'o/ /sa la chags pa ni tshul khrims dang brtul zhugs dang/ bsam gtan dang/ ting nge 'dzin gyis la chags pa'o/ /phyogs la chags ba ni khyim pa'i phyogs dang/ rab tu byung ba'i phyogs la ste las dang 'tsho ba sna tshogs dang khe dang grags pa la chags pa'o/ /theg pa la chags pa ni theg pa che chung gi lta ba la go tsar 'dzin cing chags pa'o/ /mdo las shA ri'i bu de bzhin gshegs pa zhes pa nas/ rmad du byung ba'i chos dang ldan te zhes pa'i bar du ni gong ma'i ye shes mthong ba zhes pa ston te/ chen po ni bla na med pa mchog ces pa ni dam pa'o/ /de kun kyang ye shes rnam gnyis kyi 'khor ste/ thogs pa med pa ni slobs pa so sor yang dag par rig pa bzhi'o/ /stobs ni stobs bcu'o/ /mi 'jigs pa ni mi 'jigs pa bzhi'o/ /ma 'dres pa ni bco brgyad do// dbang po dang stobs ni lnga lnga'o/ /byang chub kyi yan lag ni bdun no/ /bsam gtan ni bzhi'o/ /rnam par thar pa ni brgyad do/ /ting nge 'dzin ni gsum mo/ /snyoms par 'jug pa ni dgu'o/ /de dag gi mtshan nyid dang rnam grangs bshad pa ni mdo dang gtsug lag las rgyas par bshad pa bzhin no/ /mdo las rmad du byung ba'i chos dang ldan pa zhes pa nas yang dag par ston pa rnams so zhes pa'i bar du ni nges pa'i tshig ston to/ /'grel pa las ston pa phun sum tshogs pa rnam pa bdun ston pa la 'di dang po ste/ 'jig rten dang 'jig rten las
- 227a
'das pa'i chos rnams shin tu zab mor 'jug pa'o/ /mdo las shA ri'i bu zhes pa nas/ gyis shig ces pa'i bar du ni tshig phun sum tshogs pa dang/ ming dang mtshan ma phun sum tshogs pa ston te/ de bzhin gshegs pas gsung snyan pa yid du 'ong bas chos ston te/ de ni 'brug sgra ltar shin tu zab pa gsung gsal zhing dag pa rgyad du sgrog cing thos pa rnams dga' bskye pa dang/ sems la zhen par dad cing gus pa skye ba'i gsung dang/ bden pa'i don go bla ba'i gsung dang/ nyan pa rnams mi skyo zhing chos rnam par 'byed pa la mkhas pa'i gsung ngo/ /ming dang mtshan nyid phun sum tshogs pa ni de tsam gyis chog gis zhes pa ste/ sems can chos kyis snod du gyur pa rnams smin par gyur zin pa'i phyir te/ chos kyi snod la yang yang dag pa dang yang dag pa ma yin pa rnam pa gnyis te/ yang dag pa ni shA ri'i bu la sogs pa'o/ /yang dag pa ma yin pa ni nga rgyal can rnams so/ /chos yang dag pa'i snod du gyur pa ni 'phags pa rnams ni dam pa'i chos kyi dga' bas sems rgyas par gyur pa'i phyir mchog ces bka' stsal ba dang/ chos yang dag pa ma yin pa'i snod can rnams kyang rang gi 'phags pa'i sems thob pa tsam du sems shing rnam par grol ba'i cha thob pas chog par sems pas chog ces gsungs pa'o// mdo las shA ri'i bu de bzhin gshegs pa zhes pa nas/ ngo mtshar rab tu thob pa ste zhes pa'i bar du ni 'di bshad par 'os pa ston te/ 'phags pa shA ri'i bu la sogs pa dbang po smin pa rnams yon tan rmad kyi chos rnams bshad par 'os pa'i phyir ngo mtshar rab tu thob pa'o/ /mdo las shA ri'i bu de tsam zhes pa nas shA ri'i bu de bzhin gshegs pa nyid mkhyen no zhes pa'i bar du ni ched med pa'i rnam pa phun sum tshogs pa ston te/ de bzhin gshegs pa'i snying po ni mi 'gyur
- 227b
bas chos kyi sku'i rang bzhin te/ 'dus byas dang 'dus ma byas kyi chos thams cad mkhyen pa'i phyir rnam pa tshad med pa mkhyen pa'o/ /tshig de dag gis gong du smos pa'i thabs mkhas pa dang ye shes mthong ba la sogs pa'i tshig gi don rnams mdo sde nyid kyi bkrol pa dang bcas su bstan te/ go rim bzhin du sbyar zhing chud sbyar zhing chud par bya'o/ /mdo las chos de dag gang yin pa dang zhes pa nas de bzhin gshegs pa nyid mngon sum ste/ mi mngon pa ma yin no zhes pa'i bar du ni de bzhin gshegs pa yang chos thams cad mngon du gzigs shing mkhyen nas chos ston to/ /tshig gi don rnam pa lnga po de ni lan bzhin bzlas te bshad par bya'o/ /de la chos dag yin zhes pa ni theg pa rnam pa gsum la 'jug pa bkri ba'i don gsal te/ nges pa'i don gang yin pa la 'jug pa dang/ chos de dag ji lta bu yin pa ni theg pa gcig pu la don rnam pa sna tshogs su ston pa'o/ /chos de dag ci 'dra bzhes pa ni theg pa rnam gsum gyi sgor zhugs pa la spyod pa rnam par dag pa sgrub pa'o/ /mtshan nyid ji lta bu yin pa ni theg pa rnam gsum gyi mtshan nyid gcig tu bstan pa'o/ /ngo bo nyid ci yin pa ni mthar theg pa gcig tu zad de gnyis dang gsum gyi ngo bo nyid med par bstan pa'o/ /yang 'di man chad tshig de dag las gzhan du dgrol na chos de dag gang yin zhes pa ni 'dus byas dang 'dus ma byas pa'i chos so/ /chos de dag ji lta bu yin pa ni rgyu dang rkyen gyis bskyed pa dang/ rgyu dang rkyen gyis ma bskyed pa ste/ de la rgyu dang rkyen gyis bskyed pa ni 'dus byas kyi chos so/ /rgyu dang rkyen gyis ma bskyed pa ni 'dus ma byas pa'i chos so/ /chas de dag mi 'dra ba ni rtag pa dang mi rtag pa'i chos te/ de yang rkyen gyis ma bskyed pa ni rtag pa'i chos so/ /rkyen gyis bskyed pa ni mi rtag pa'i chos so/ /mtshan nyid ji lta bu yin pa ni skye ba dang gnas pa dang 'jig pa'i chos kyi mtshan nyid/ mtshan nyid de gsum dang ldan
- 228a
bral ba ni 'dus ma byas rtag pa'i chos so/ /ngo bo nyid ci yin pa ni phung po lnga'i ngo bo nyid dang phung po lnga dang bral ba'i ngo bo nyid kyi chos te/ phung po lnga ni skye ba la sogs pa'i mtshan nyid do/ /phung po lnga dang bral ba ni skye ba med pa la sogs pa'o/ /yang bshad pa gsum ni tshig de lnga las dang po'i gnyis ni gong du bshad pa dag dang 'dra/ chos de dag ci 'dra zhes pa ni rang gzhan med pa ste rten cing 'brel te byung ba'i chos so/ /mtshan nyid ji lta bu yin pa ni ltar rung ba'i mtshan nyid kyi chos rnams so/ /ngo bo nyid ji lta bu yin pa ni phung po lnga gzung ba dang 'dzin pa'i chos te/ kun 'byung gi ngo bo nyid dam las gyi bden pas bzung ba'o/ /yang chos de dag la bshad pa bzhi ste chos ston pa'i byed pa las brten te bshad na chos de dag gang yin zhes pa ni ming dang tshig dang 'byung ba'i tshogs kyis bshad pa'i chos so/ /chos de dag ji lta bu yin pa ni de bzhin gshegs pas bshad pa'i chos rnams las brten te/ bshad pa'i chos rnams so/ /chos de dag ci 'dra ba zhes pa ni 'dul pa gdul bar bya ba'i sems can rnams so/ /mtshan nyid ji lta bu yin pa ni tshig gi sgra la brten nas chung par byed pa ste/ tshig gi sgra la 'jug pa'i mtshan nyid do/ /ngo bo nyid ci yin pa ni ngo bo tsam la brten nas chos yang dag pa 'jug pa nges pa ma yin te/ de la chags shing zhen pa yang yod de/ chos kyi ngo bo nyid tshig gi tha snyad dang bral ba'i ngo bo nyid du rtog pas 'jug pa bstan pa'o/ /mdo las de nas bcom ldan 'das kyis de nyid kyi don rgya cher bstan pa zhes pa nas sus kyang shes par mi nus so/ zhes pa'i bar du ni 'di man chad tshigs su bcad pa nyi shu rtsa gcig la rnam pa gnyis su phye ste/ tshigs bcad phyed dang bco brgyad kyis ni gong gi dam pa gnyis bstan/ de'i 'og ma tshigs bcad phye dang bzhis ni dang pa'i sems skye ba dang yang dag pa'i don ston pa
- 228b
bshad do/ /dang po la yang rnam pa gnyis su dbye ste/ gong ma gnyis kyis ni dam pa gnyis bstan/ de'i 'og ma tshigs bcad phye dang bcu drug gis ni dam pa gnyis kyi dbye ba bsten te 'di dang po'o/ /tshigs bcad dang pos ni ston pa'i yon tan bstan /de'i 'og gcig gis ni chos gyi bsngags pa bstan to/ /mdo las sngon can bsnyen cing bcad pa ni zhes pa nas shes dka' shin tu lta ba dka' zhes pa'i bar du ni 'di man chad tshigs bcad bco lngas dam pa gnyis kyi dbye ba ston te/ de yang rnam pa gnyis so/ /tshigs bcad bcu bzhis ni chos dam par bsngags/ de'i 'og ma gcig gis ni chos smra ba dam par bsngags pa'o/ /de'i dang po la yang rnam pa lngar dbye ste/ tshigs bcad dang po gcig gis ni klog cing 'don pa dang grub cing spyod pa'i shin tu zab pa gnyis bstan/ de'i 'og gi tshig bcad gcig gis ni 'bras bu spyod cing yon tan rnam par 'phel pas sems bde ba'i dam pa thob ste shin tu zab pa gsum bstan yang tshigs bcad gcig gis ni bla na med pa'i zab pa bstan/ yang phyed dang gnyis kyis ni 'jug pa shin tu zab pa bstan/ yang tshigs bcad phye dang dgus ni theg pa rnam gnyis dang thun mong ma yin par 'dzin ba shin tu zab pa bstan te 'di ni dang po'o/ /mdo las de ltar spyad pa spyod pa ni zhes pa nas/ de ni ci 'dra ba yang mthong zhes pa'i bar du ni tshigs bcad 'di gcig gis ni 'bras bu spyod pas bsod nams rnam par 'phel ba ston te/ sems dpa' ba' i dam pa thob pa yang brtson 'grus bskal pa grangs med par spyad pas 'bras bu dam pa thob ste/ ci yang mkhyen cing gzigs pa'i dam pa thob pa'o/ /mdo las de ni de'i sa rab tu shes zhes pa nas/ de'i mtshan nyid ci 'dra ba zhes pa'i bar du ni 'di bla na med pa'i shin tu zab pa bstan te/ de'i ngo bo nyid dang gzhung ci 'dra bar de bzhin gshegs pas rab tu ma byin ces pa'o/ /mdo las de ni bstan du mi nus te zhes pa nas rnam dag gang rnams dang
- 229a
la gnas pa'o zhes pa'i bar du ni 'jug pa shin tu zab pa bstan te/ de bzhin gshegs pa'i chos ston pa ming dang yig 'brus? chos ston pa 'jug pa dang shes par dka' bas 'jug pa shin tu zab pa'o/ /yang na de bzhin gshegs pa nyid zab mo 'di la gnas shing zhugs pa'i phyir mu stegs can la khyad par du bstan te/ mu stegs can lta bu rang gi chos spyod kyang chos nyid ma rtogS pa lta bu ma yin te/ rten cing 'brel te 'byung ba zab mo tshig gi tha snyad dang bral ba sems can rnams kyis 'jug par mi nus kyi/ byang chub sems dpa' dang pa bstan pa la gnas pa nyag gcig gis mkhyen ces pa'o/ /byang chub sems dpa' sa dang po la gnas pa yan chad chos bzhi la dang po'i phyi mi nus pa rnams kyis chos 'di la bzod pas bshad par 'os kyi gzhan la ma yin zhes pa'o/ /chos bzhi ni dkon mchog gsum dang tshul khrims la yid ches shing phyir mi nur pa'o/ /mdo las gang 'jig rten mkhyen pa'i rnam shes pa nas de dag yul med rgyal ba'i ye shes la zhes pa'i bar du 'di man chad tshigs bcad phyed dang bcus theg pa rnam pa gnyis dang thun mong ma yin pa ston te/ gnas shing 'dzin pa shin tu zab pa dang sbyar ro/ /de yang rnam pa gsum du dbye ste/ dang po tshigs bcad bzhis ni nyan thos dang thun mong ma yin pa bstan/ tshigs bcad gnyis kyis ni rang sangs rgyas dang thun mong ma yin pa bstan/ tshigs bcad phyed dang bzhis ni byang chub sems dpa' dang thun mong ma yin par bstan to// tshig rkyang pa las ni theg pa rnam gnyis dang thun mong ma yin pa nyi tshe bstan/ tshigs su bcad pa las ni byang chub sems dpa' i dang thun mong yin pa'ang ston to/ /nyan thos dang thun mong ma yin pa'ang dbang po rnon po shA ri'i bu dang thun mong ma yin pa dang/ 'khor gzhan dang yang thun mong ma yin pa bstan pa las 'di ni dang po dang sbyar ro/ /? pa
- 229b
zad pa 'phags pa dgra bcom pa'i lus thob pa'i ye shes kyis kyang mi bskrun ces pa'o/ /mdo las gal te 'jig rten 'di dag thams cad du zhes pa nas de'i sa bder gshegs ye shes shes mi nus zhes pa'i bar du 'di ni dbang po rnon po 'phags pa shA ri'i bu'i ye shes kyis kyang shes bar mi nus pas de bzhin gshegs pa'i ye shes shes pa dang chud par dka' ba bstan to/ /mdo las gal te khyod 'drar mkhas pa rnams kyis su zhes pa nas thams cad 'dus par shes par mi nus te zhes pa'i bar du ni phyogs bcu'i gang shes rab rnon pos gyur pa 'phags pa'i shA ri'i bu lta bu dang/ gzhan yang dbang po rno ba rnams kyis ye shes gcig tu bsdus pa'i shes rab kyis kyang shes par mi nus zhes bstan to/ /mdo las ji tsam tshad med ye shes ngas shes pa zhes pa nas de yi yang dag don ni yongs mi shes zhes pa'i bar du ni rang sangs rgyas dang thun mong ma yin pa bstan te/ rang sangs rgyas la yang bse ru bzhin gcig bur gnas pa dang/ mang po khyus lding ba ste chos rnam par 'byed pa lam zhugs pa ni gcig pu gnas pas sgrub pa'o/ /chos rnam par 'byed pa la zhugs pa ni khyus lding ba dang 'grub pa ste/ rnam par grol ba'i cha ma skyes pa dang rnam par grol ba'i cha skyes pa'i bye brag gis dbye'o/ /mdo las byang chub sems dpas theg par gsar zhugs rnams zhes pa nas 'di la de dag gi yang yul med do zhes pa'i bar du ni byang chub sems dpa' dang thun mong ma yin pa bstan pa ste/ byang chub kyang byang chub sems dpas ma dpog pa dang/ byang chub sems dpa' chen pos mi dpogs pa dang gnyis te/ 'di ni dang po'o/ /sems gsar du bskyed ces pa ni yon tan drug dang ldan pa ste/ bsnyen bkur byed pa don rtogs pa 'chad ? pa 'khor mang ba sems gcig tu gyur pa rnams kyis kyang mi dpogs zhes pa'o/ /mdo las phyir
- 230a
mi ldog pa'i byang chub sems dpa' gang zhes pa nas 'di la de dag gi yang yul med do zhes pa'i bar du ni dbang po rnon pa'i byang chub sems dpa' chen po rnams kyis kyang mi rigs pa ston te/ phyir mi ldog pa ni sa brgyad pa yan chad do/ /mdo las zab cing shin tu phra ba'i chos shes pa zhes pa nas/ yun ring bshad kyang mchog gi don yin no zhes pa'i bar du ni 'di man chad tshigs su bcad pa phyed dang bzhis dad pa'i sems bskyed par bskul ba ste/ de yang tshigs bcad phyir dang gnyis kyis ni shA ri'i bu la mchog gi don bstan te bskul/ 'og ma tshigs bcad gnyis kyis ni theg pa rnam gnyis kyi 'khor mang po la thabs kyis bskul ba bstan te/ bcom ldan 'das kyi bstan pa 'di la dad pa skyed cig pa'o/ /mdo la bsgo'o nyan thos 'di dag thams cad dang zhes pa nas theg pa gsum rnams nye bar bstan pa ni zhes pa'i bar du ni tshigs su bcad pa 'di gnyis kyis theg pa gnyis pa'i 'khor la theg pa chen po bstabs shing bla na med par gtad pa'i phyir theg pa gsum pa bstan to/ /mdo las de nas zhes pa nas de dag thams cad 'di snyam du sems so zhes pa'i bar du ni 'khor bzhi po rnams kyi the tshom du gyur pa ched du gleng ste bcom ldan 'das la don de dgrol bar yid kyis bsam pa'o/ /mdo 'di las kye ma gang gi rgyu ci'i phyir zhes pa nas shes par dga' o zhes pa'i bar du ni the tshom gyi don nyid gleng ba ste/ theg pa rnam gnyis dang byang chub sems dpa' rnams kyis shes par dka' ba'i don de dngos su gang yin zhes pa'o/ /mdo las de ltar bcom ldan 'das kyi rnam pa grol gcig go zhes bka' stsal pa zhes pa nas ma rig go snyam pa'i bar du ni 'di nyid the tsom gyi don nges pa ste/ mya ngan las 'da' ba thob pa yan chad ni bsam gtan g yi don la the tsom zag 'phags pa nyan thos pa rnams lhag? zab mo
- 230b
la gzung pa dang /mya ngan las 'das pa chen po la brten pa'i phyir shes pa dang chud par dka' ba'i don zhes smos so/ /mdo las de nas tshe dang ldan pa shA ri'i bus zhes pa nas yang dang yang gsungs pa de bcom ldan 'das kyis dge bar bshad du gsol zhes pa'i bar du ni 'phags pa shA ri'i bus the tshom gleng bsngar ni tshigs rkyang pas gsol/ de'i 'og tu ni tshigs su bcad pas bsdus te gsol ba'o/ /de yang sngar ni the tshom gyi don glengs/ de'i 'og tu ni the tshom bcad par gsol ba'o/ /the tshom gyi don ni theg pa rnam gsum gyi rnam par grol ba so so'i bye brag dang/ khyad par yod pa yang bstan/ theg pa rnam gsum rnam par grol gcig ste/ rnam par gol ba'i khri gcig la bzhugs so zhes kyang bstan pa de nyid rgyu la the tshom du gyur to/ /de ni shes rab kyi pha rol tu phyin pa ye shes kyi mtshan nyid dang chos kyi sku gnyis su med pa las dgongs pa dang/ mya ngan las 'das pa chen po las rnam pa gsum bstan pa bzhin ci rig par chud par bya'o/ /ci'i rgyu zhes pa ni don ci las glengs pa'o/ /ci'i phyir zhes pa ni dngos po'o/ /gang las dris zhes pa'i don to/ /mdo las de nas tshe dang ldan par shA ri'i bu zhes pa nas de dag tshad med ngas thob dang zhes pa'i bar du ni tshigs su bcad pa bcu gcig la rnam pa bzhir dbye ste/ dang po tshigs su bcad pa phyed dang bzhis ni bcom ldan 'das la thabs mkhas shing shin tu zab pa'i sgo nas stong pa dang/ yang tshigs su bcad pa gsum gyis 'khor bzhi pa rnams kyi the tshom gleng ba dang/ tshigs bcad phyed dang gnyis kyi the tshom de lta bu sngon ma thos pa gleng ba dang/ yang tshigs bcad gsum gyis bcom ldan 'das la yang don de bshad par gsol ba'o/ /de dag la yang de bzhin gshegs pa nyid kyis dgongs shing mkhyen pa zab cing rgya che ba dang/ thog ma med par 'jug pa bstan to/ /nyi ma zhes pa ni bcom ldan 'das kyi yon tan gyi dpe ste/ nyi ma de mun pa sel ba dang/
- 231a
bya ba la 'jug pa slong ba dang/ bya mang po skad 'byin pa dang /gdung ba bskyed pa bzhin bcom ldan 'das 'jig rten du byung bas kyang ma rig pa'i mun pa sel ba dang/ bsod nams kyi bya ba byed pa ston pa dang/ 'khor mang po la chos sgrog pa dang/ bdud dang mu stegs gdung ba bskyed pa'o/ /mdo las snying po byang chub brjod mdzad pa zhes pa nas ma 'dres par yang gsung mdzad pa zhes pa'i bar du ni tshigs bcad grong ma gnyis kyis ni mngon par byang chub pa dang/ mya ngan las 'da' bshes par dka' ba bstan/ 'og ma gnyis kyis ni gong ma de nyid thag pa rnam gnyis kyis ni mi shes te/ ye shes zab mo'i spyod yul du bstan pa'o/ /mdo las nyid kyi spyod pa kun kyang rjod ces pa nas/ thub pa chen po lung bstan gsol zhes pa'i bar du ni de la dang po'i tshigs bcang gcig gis ni bcom ldan 'das ting nge 'dzin las bzhengs shing chos nyid kyis bsgrags pa dang/ de'i 'og mas ni 'khor bzhi rnams kyi the tshom gleng zhing dgrol bar gsol pa'o/ /mdo las ji snyed 'khor pa'i nyan thos ni zhes pa nas 'on te bdag la spyod bstan tam zhes pa'i bar du ni 'bras bu thob pa de 'bras bu nyid mngon du gyur pa'am/ rgyu mngon du gyur pa yin/ 'bras bu mngon du gyur pa yin na ni mngon par bstod kyang ci dgos/ rgyu mngon du gyur pa yin na ni rgyu sgrub pas bzod 'bras bu rtsom pa yin pa'i phyir 'khor rnams kyi thob par nges pa'i sems bskyed de/ de nges pa'i don med pas shA ri'i bu the tshom du gyur pa bstan to/ /mdo las rnga mchog dbyangs kyis rab tu sgra phyung ste zhes pa nas kye ma ji ltar spyod rdzogs byas shes pa'i bar du ni 'phags pa nyan thos pa'i 'khor rnams kyi chos bshad par gsol ba dang phyi'i 'khor rnams kyis chos bshad par gsol ba'o/ de bzhin gshegs pas bstan pa'o thugs
- 231b
pas skyes pa'i sras pos/ mngal nas skye ba la sogs pa gsol pa gsol pa'o/ /mdo las de skad ces gsol pa dang zhes pa nas sdang bar 'gyur ro zhes pa'i bar du ni 'di la dum bu gnyis su dbye ste/ sngar dgag pa dang phyis gsol ba ste/ 'di ni mi bshad par dgag pa'o/ /yang 'chad cing lung ston pa yang rnam pa bzhi ste/ nges par lung bstan pa la sogs pa'o/ /yang lung bstan pa yang rnam pa gsum ste/ sngon 'das pa'i dus na 'khor rnams kyi legs nyes ci byas pa ston pa dang/ skyes bu chen po sangs rgyas su lung ston pa dang/ ldem po dag gi don nges par ston pa'o/ /yang 'grel pa las don rnam pa bzhi la brten te/ sems nges pa dang/ lung ston pa'i rgyu dang lung nod pa dang/ lung dpog par gsol ba ste/ sems nges pa la ni de bzhin gshegs pa'i rang bzhin nges par yod pa las dgongs te mi bshad par dgag pa'o/ /sdang ba la rnam pa lnga ste/ skur pas sdang pa dang sgrub dka' ba'i phyir sdang pa dang phyin ci log tu sdang pa dang 'gyod pas sdang pa dogs pas sdang pa'o/ /skur pas sdang pa ni thos pa'i sgras sdang pa ste nyan thos kyi mya ngan las 'da' ba nyid yang dag pa'i mdza' yin par sems pa la theg pa chen po'i mya ngan las 'da' ba thos pas gnyi ga la skur cing sdang ba dang sgrub dka' ba'i phyir sdang ba ni byang chub sems dpa' i spyod pa bskal pa grangs med par bsgrub pas gdod 'grub pa las sems nur zhing sdang ba dang/ phyin ci log gis sdang ba ni dbang po ma smin pa'i sems can mar ba kyi rigs can nyon mongs pa stug pa bdag dang bdag gir 'dzin pa la zhen pa la chos zab mo bstan na phyin ci log tu 'dzin cing sdang ba dang 'gyod pa'i sdang ba ni 'phags pa shA ri'i bu lta bu theg pa chung du la gnas pa'i sems la 'gyod cing sdang bas theg pa chen po la 'jug pa lta bu'o/ /dag pas sdang bas ni lhag pa'i nga rgyal can de/ de yang nyan thos kyi rigs la ni rigs nges pa dang ma nges pa
- 232a
gnyis so/ /sems can mar bsal ni ma thob pa thob bar sems pa dang/ nyon mongs pa stug po dang ldan pa'o/ /byang chub sems dpa' la ni phyir ldog pa dang mi ldog pa la gnas pa ste/ nges pa'i rigs can gyi nyan thos ni srungs? pas sdang ma nges pa'i rigs can ni 'gyod pas sdang ngo/ /ma thob pa thob par sems pa ni dogs pa sdang ngo/ /nyon mongs pa stug pa ni phyin ci log gis sdang ngo/ /phyir ldog pa'i byang chub sems dpa' ni sgrub par dka' bas sdang ngo/ /phyir mi ldog pa'i byang chub sems dpa' ni sdang ba rnams dang bral ba ste/ theg pa gcig po bshad par 'os pa'i snod gyur pa'o/ /yang mi bshad par dgag pa ni gang zag rnam pa gnyis kyi don te/ de bzhin gshegs pa'i snying po la nges pa'i sems pa dang sgrub pa dka' ba las lhag par sems pa gnyis kyi phyir ro/ /yang mi bshad par dgag pa ni lha dang mi la sogs pa don mi rtogs par sdang ba dang/ 'khor mang po don zab mtshol du gzhug pa dang/ gus shing rin che bar sems su gzhugs pa dang/ lhag pa'i nga rgyal can rnams dul ba'i phyir ro/ /mdo las yang tshe dang ldan pa shA ri'i bus zhes pa nas bde bar gshegs bas bshad du gsol zhes pa'i bar du ni 'das pa'i de bzhin gshegs pa grangs med pa rnams kyi sems can gyi don mdzad pa ston pa ste/ 'di chos bshad par gsol ba gnyis pa la sngar ni tshig rkyang pas gsol/ de'i 'og tu ni tshigs su bcad pas bsdus pa ste/ 'di ni dang po'o/ /mdo las de ci'i slad du zhe na/ zhes pa nas yid ches pa dang 'dzin pa mchis so/ zhes pa'i bar du ni 'di bstan par 'os pa'i rgyu bstan pa ste/ sngon de bzhin gshegs pa mthong ba'i rgyu bzang po yod pa shes rab rno zhing dbang po gsal pa don zab mo mkhas pa'i 'khor rnams zhes sbyar ro/ /mdo las de nas tshe dang ldan pa shA ri'i bu zhes pa nas
- 232b
khyod kyis chos bstan gang gis 'tshal bar 'gyur zhes pa'i bar du ni tshigs su bcad pas bsdus pa'o/ /mdo las de nas bcom ldan 'das kyis zhes pa nas/ g.yang sa chen por lyang bar 'gyur ro zhes pa'i bar du ni dgag pa gsum pa ste/ thos pa'i rgyu dang ? ldan pa nga rgyal can rnams 'jig rten pa'i bsam gtan bzhi la gnas pa dgra bcom pa'i 'bras bu ma thob pa thob par sems pa 'chi ba'i dus kyi tshe na 'phags pa'i lam med do zhes skur bas sems can dmyal ba'i g.yangs chen por ltung ngo zhes pa'o// mdo las de nas bcom ldan 'das kyis zhes pa nas sman pa dang bde bar 'gyur ro zhes pa'i bar du ni chos bshad par gsol ba gsum pa ste/ bshad par gsol ba dang chos kyi snod du rung ba'i gtan tshigs smos te/ 'phags pa shA ri'i bu nyid bdag nyid tshe rabs kyang dran la gzhan kyi dbang po'ang rtogs pa yin pas chos kyi snod du 'gyur ba'i gtan tshigs kyis gsol to/ /mdo las de nas tshe dang ldan pa shA ri'i bus de'i tshe zhes pa nas de dag khyod kyis chos bshad dad par 'gyur zhes pa'i bar du ni tshigs su bcad pa bzhi la dang po tshigs bcad gcig gis ni shA ri'i bu nyid sras kyi thu bo yin pa'i sgo nas chos bshad par gsol ba dang/ de'i 'og gi tshigs bcad phyir dang gnyis kyis ni sngon de bzhin gshegs pas byin gyis brlabs ba sha sta go zhes gzhan las glengs te gsol pa dang/ de'i 'og ti tshigs bcang phyed dang gnyis kyis ni bdag dang gzhan gnyi ga las glengs te gsol pa las 'di ni dang po'o/ /rkang gnyis kyi gtso zhes pa ni lha dang mi chos kyi snod du gyur pa yin la de'i gtso bo bas na bcom ldan 'das rkang gnyis kyi gtso bos gsungs so/ /mdo las gang du khyod kyi rtag par sngon 'khor na zhes pa nas gang dag dang 'gyur khyod kyi chos 'di la zhes pa'i bar du ni rgyu smin pa las glengs te/ chos bshad par gsol ba'o/ /mdo las 'di dag bdag 'dra brgya phrag bcu
- 233a
gnyis te zhes pa nas de dag dga' ba'i mchog kyang bskyed du gsol zhes pa'i bar du ni bdag dang gzhan/ gnyi ga las glangs te/ chos bshad par gsol pa'o/ /mdo las de nas bcom ldan 'das kyis zhes pa nas ngas khyod la bshad do zhes pa'i bar du ni lung bstan pa rnam bzhi la nges par lung ston pa dang/ khas blang zhing lung ston pa ste de yang sngar ni lung bstan pa rnam gnyis glengs/ de'i 'og tu na snyig ma rnam pa lnga dang sbyang/ the tsom rnam bzhi bsal ba la 'di ni dang po ste/ /bas blangs pas lung bstan pa yang bcom ldan 'das kyi bshad par gnang ba dang/ nga rgyal can gyi rnams bsal ba stan to/ /legs par shin tu nyon la 'di la zung zhig pa ni dbang po bsdus te bka' snyan du gzung pa'o/ /mdo las bcom ldan 'das kyis tshig de gsungs ma thag tu zhes pa nas 'khor de nas dong ngo zhes pa'i bar du ni nga rgyal can gyi rnams dong ba bstan to/ /mdo las 'di ltar nga rgyal can gyis zhes pa nas 'khor de nas dong ngo zhes pa'i bar du ni nga rgyal can de dag ci'i phyir dong pa'i gtan tshigs bstan te/ thob par dga' ba rnam pa lnga ste mi'i lus thob pa dang/ yul gyi dbus su skye pa dang dbang po tshang ba dang de bzhin gshegs pa 'jig rten du byung ba mthong ba dang/ dam pa'i chos thos pa 'di dag dka' ba las rnyed pa yin na nga rgyal can gyi 'khor 'di rnams ci'i phyir? bstan las langs te/ dong ngo zhes pa'o/ /de ni rnam ga gnyis kyi phyir te sdig pa'i rnam par smin pa stug pa dang/ nga rgyal can du gyur pa'i phyir te/ sdig pa stug ches pa ni nyon mongs pa'i sgrib pa dang/ las kyi sgrib pa dang/ rnam par smin pa'i sgrib? pa ste/ de nyid rang gi skyon du gyur pa'o/ /skyon de gsum gyi bsgribs pas 'phags pa'i 'bras bu mi 'thab ces pa'o/ /de rgyal can zhes pa ni nga rgyal rnams bdun las 'di ni lhag ba'i nga rgyal dang/
- 233b
ma thob pa thob par sems shing log pa'i nga rgyal dang ldan pa'o/ /'phags pa'i 'bras bu ma thob pa dang/ 'dus ma byas ma rtog pas snong du ma gyur pa'i phyir langs te dong ngo zhes sbyar ro/ /mdo las bcom ldan 'das tsang? mi gsung bar bzhugs so zhes pa ni nges pa'i 'bras bu smin pa ni bcom ldan 'das kyi mthus kyang bstang ba mi mdzad pa bstan to/ /mdo las de nas bcom ldan 'das kyi zhes pa nas de'i don bshad do zhes pa'i bar du ni 'khor ma brtag pa bsal te/ snod du gyur pa 'khor dam pa nyi tshe? la chos bshad par dgongs pa'o/ /mdo las bcom ldan 'das la slar nyan to zhes pa nas brgya lam na res 'ga' 'byung zhes pa'i bar du ni 'di man chad ma thos par thos par bya ba dang/ 'di bshad par bya ba'i chos shes par dga' ba bstan pa dang/ de bzhin gshegs pas gsungs pa'i thabs la sogs pa la brten pa dang/ theg pa gcig po la gnas par bya ba dang/ 'dzin pa rnam gnyis bsal bston te 'dis ni ma thob pa thob par bya ba dang/ thos par dka' ba dang de'i dpe bstan to/ /'khor los sgyur pa'i rgyal po rnam byung ba'i tshe rgya mtsho gri bar gyur pas me tog u dum ba ra 'di 'byung ba bzhin sangs rgyas bcom ldan 'das 'jig rten du byung bas 'khor ba'i rgyud bsnrabs shing theg pa chen po'i don gsal bar 'byung zhes pa'i don to/ /mdo las shA ri'i bu de bzhin du zhes pa nas nga ni gzhan du mi smra'o zhes pa'i bar du ni de bzhin gshegs pa'i gsung la yid chas par bya bston to/ /mdo las shA ri'i bu de bzhin gshegs pa'i ldem po dag ni chud par dka' o zhes pa ni bshad par bya ba bstan to/ /mdo las de ci'i phyir zhes pa nas de bzhin gshegs pas mkhyen pa'o zhes pa'i bar du ni bshad par bya ba'i don mtshon par bya ba ste/ brtag pa dang rtog pa'i spyod yul las 'das pa ni de bzhin nyid bden pa'i don te/ tshig gi tha snyad thams cad las ?
- 234a
ba yin na bcom ldan 'das thabs mkhas pa dang ldan pas dmigs dang tshig 'bru'i sgo nas theg pa rnam gsum gyi don mtshon pa'o/ /mdo las de ci'i phyir zhe na zhes pa nas/ 'jig rten du byung ste zhes pa'i bar du ni gang la brten par bya ba'i don ston te de yang bya ba gcig pa de sngar gleng ba dang phyis dgrol ba la 'di ni dang po'o/ /gang la brten par bya ba ni bcom ldan 'das nyag gcig gis mkhyen pa'i chos te/ shes par dka' pa'i don to/ /don de sems can rnams la phan gdags pa'i phyir so so dbang po dang sbyor zhing chos ston pa mdzad do/ /mdo las de ltar na shA ri'i bu zhes pa nas ye shes mthong ba'i lam du 'jug go /zhes pa'i bar du ni 'di man chad bstan par bya ba'i chos rgyas par dgrol ba ste/ don chen po bya ba gcig pa zhes pa ni/ de bzhin gshegs pa'i mkhyen gzigs pa ste de yang dbye ba dang bstan pa dang/ chud par bya ba dang 'jug pa dang 'di bzhi ston to/ /rnam pa 'di bzhi de bzhin gshegs pa'i mkhyen gzigs pa rtog par byed do/ /ye shes de'i byed pa dang/ rang bzhin gnyi ga la mkhyen gzigs pa zhes bya ste/ don dam pa dang kun rdzob gnyi ga'i spyod yul la 'jug pa'o/ /de la dbye ba la ni bla na med pa'i don bstan pa ni mthun pa'i don rtog par bya ba ni mi shes pa shes par bya ba'i don 'jug pa ni phyir mi ldog pa'i sa 'jug cing ye shes kyi las tshad med bar ston pa'o/ /bla na med pa'i byang chub dang mya ngan las 'das pa gnyi ga gzhan las 'phags pa'i phyir bla na med pa zhes gdags so/ /bstan pa 'thun pa'i don ni theg pa rnam gsum kun las chos kyi skus 'dra bar khyab pa'i phyir mthun pa zhes gdags so/ /rtogs par bya ba ni theg pa rnam gnyis pa dang/ yang dag pa'i ngo bo mi shes shing theg pa rnam gcig gi don la mi gnas ba'i phyir de bzhin gshegs pas mi shes pa de
- 234b
shes par bya ba'i phyir 'di bstan pa dang/ 'jug par bya ba na mtshan nyid gsum po gang du bstan pa de la 'jug pa dang thob par bya ba'i thabs bstan to/ /de bzhin gshegs pa 'jig rten du byung bar chos ston pa yang rim dang cig car dang che chung gi rnam pa mi mthun gyis kyang sems can thams cad ye shes de ma thong ba dang 'jug par bya ba las gzhan mi ston to/ /ye shes mthong ba dang 'jug pa la mthong ba ni mngon du rtog pa shes pa ni rnam par shes pa lnga dang ldan pa ste/ chos mngon par las kyang mkhyen la mi gzigs pa dang/ gzigs la mi mkhyen pa dang/ mkhyen kyang mkhyen la gzigs kyang gzigs pa ste rnam pa gsum mo/ /mkhyen la mi gzigs pa ni zad pa'i ye shes dang mi skye ba'i ye shes so/ /gzigs la mi mkhyen pa ni bzod pa brgyad dang 'jig rten pa'i yang dag par blta ba'o/ /mkhyen kyang mkhyen la gzigs kyang gzigs pa ni ye shes lhag ma gzhan dag go /rnabs sgra thos pa lta bu ni mkhyen pa dang sbyar ro/ /mig gis mngon du mthong ba ni gzigs pa dang sbyar ro/ /yang don chen po zhes pa ni de bzhin gshegs pa'i rang bzhin bstan pa ste/ ma rig pa'i sgrib pas bsgribs pa'i sems can rnams la yang dag pa'i rang bzhin mtshon pa ni dbye ba'o/ /de nyid rnam par phye ste dgrel ba ni bstan pa'o/ /yang na rnam pa thams cad mkhyen pa'i ye shes ma rtog par don gzhan med do/ /zhes gsungs te thams cad mkhyen pa ni chos dang gang zag la bdag med par mkhyen pa'o/ /ye shes ni rnam pa thams cad mkhyen pa'i ye shes te/ de gnyis las 'da' ba' i chos gzhan med pa'i phyir bla na med pa'o/ /de la dbye ba dang bstan pa dang rtogs pa 'di gsum gyis ni bla na med pa'i 'bras bu bstan/ 'jug par bya bas ni bsgrub pa'i rgyu bstan to/ /mdo las shA ri'i bu zhes pa nas ye shes mthong ba'i lam du 'jug go zhes pa'i bar du ni de bzhin gshegs pa'i
- 235a
mkhyen pa dang/ gzigs pa sems can rnams la ston pa ste/ theg pa rnam pa gnyis pa dag bla na med pa'i skal pa med pa tsam du sems pa de dag 'bral bu de la gzung ba'i phyir rnam pa de bzhin bstan to/ mdo las shA ri'i bu da ni theg pa gcig la brtsams te zhes pa nas gnyis sam gsum zhes bya ba cung zad kyang med ces pa'i bar du ni lung bstan pa'i nang na theg pa gcig brtsams pa la gnas pa ste/ theg pa gcig brtsams pa 'dis sems can rnams la chos ston gyi rang sangs rgyas zhes theg pa gnyis pa'am/ nyan thos zhes theg pa gsum pa'i khyad par rim par bkod pa med de/ de la zab pa 'am mi zab ba'am dka' ba'am bla ba las rim par bkod pa yang ma yin no/ /skabs 'dir theg pa gnyis bsal te theg pa chen po gcig bstan pa'i don ston to/ /mdo las shA ri'i bu phyogs bcu'i 'jig rten thams cad kyi don yang de'o zhes pa ni chos la gnas pa ste/ da ltar bzhugs pa'i sangs rgyas shAkya thub pa yang sangs rgyas thams cad kyi chos lugs la brten te/ 'gro ba mang po la dang po bskyed cing bdag dang 'dra bar bya ba'i phyir sngar thabs tsam bstan nas phyis yang dag pa gang yin ba ston te/ sngar ni phyogs bcu'i sangs rgyas kyi chos lugs kyang 'di'o/ /dus gsum gyi sangs rgyas bcom ldan 'das kyi chos lugs kyang 'di'o/ /da ltar ngas bstan pa'i chos lugs kyang 'di'o zhes bstan pa ste/ 'di ni phyogs bcu'i sangs rgyas kyi chos lugs bstan pa'o/ /dus gsum las phyogs bcu'i zhes bya ba gzhan pa med la phyogs bcu las dus gsum zhes bya ba gzhan yang med med kyi chu zhib las khyad par du bshad do/ /mdo las de ci'i phyir zhes pa nas theg pa gcig la brtsams te/ chos bshad pa de yang thams cad mkhyen pa'i mdza' i bar du zhes pa ni dus gsum kyi sangs?
- 235b
rgyas kyi chos lugs bstan pa ste 'di la yang rnam pa gnyis so/ /sngar dus gsum gyi chos so sor bstan pa thams cad dang mthun pa ste snga ma las yang rnam pa gsum ste/ 'das pa dang ma 'ongs pa deng da ltar dang gsum mo/ /gsum pa la yang gnyis gnyis te/ sangs rgyas kyi chos bstan pa'i chos lugs mthun pa dang/ sems can gyi don byas pa'i 'bras bu thob pa mthun pa ste/ 'di ni 'das pa'i sangs rgyas kyi chos lugs dang mthun par bstan pa'o/ /sngar rgyu dang rkyen rnam pa mang pos thabs su bston pa ni phyis sangs rgyas kyi theg pa gcig thob par bya ba'i phyir bstan to/ 'grel pa las thabs ni sbyor ba ste/ theg pa chung ngu'i phung po dang khams dang skye mched la rtog cing sdug bsngal las skye ba dang sdug bsngal spang ba dang/ rnam par grol ba thob par byed pa theg pa chen po'i pha rol tu phyin pa rnams dang bsdu ba rnam bzhis bdag dang gzhan gyi don byed pa gnyen po'i chos rnams so/ /rgyu zhes bya ba ni 'grel pa las sdang don drug smos pa las gnyis pa'i nang nas bshad pa bzhin no/ /sngar rgyu dang rkyen rnam pa sna tshogs zhes smos pa ni theg pa gsum yang tshig dang ming du btags pa tsam du zad de yang dag pa'i don yod pa ma yin la/ /? 'di dag pa'i don la bshad du md ces bya ba'i don to/ /dpe zhes bya ba ni dper na ba la 'o ma dang zho dang mar dang zhun mar dang mar gyi snying po yod pa dang 'dra ste/ de la theg pa chung ngu ni 'o ma lta bu yin no/ /theg pa chen po ni mar gyi snying po lta bu yin no/ /dpe 'dis na theg pa chen po bla na med pa bstan to/ nyan thos la sogs pa yang theg pa chen po'i bla na med pa dang mthun par bstan to/ /nyan thos dang mthun par bstan pa ni sangs rgyas bcom ldan 'das kyis chos kyi sku nyir sems can dang rang sangs rgyas la sogs par chos kyi skur mnyam zhing khyad par med par bstan pa ste/ dpe 'di dang sbyor na sems can ni blta bu/ nyan thos ni 'o ma lta bu dang sangs
- 236a
rgyas ni zho lta bu/ byang chub sems dpa' ni mar lta bu byang chub sems dpa' chen po ni zhun mar lta bu/ sangs rgyas bcom ldan 'das ni mar gyi snying po lta bu ste/ mar gyi snying po mchog dam pa yin pa ltar sangs rgyas kyi theg pa gcig kyang de dang 'dra ste/ ba'i 'o ma gcig las mar gyi snying po'i bar du 'gyur ba'i phyir sems can las sangs rgyas kyi bar du mtshan ma tha dad kyang rang bzhin ni mnyam ste gnyis su med do/ /mdo las de ni sems can rnams zhes pa nas byang chub thob par gyur to zhes pa'i bar du ni 'das pa'i sems can gyi don byas pa'i 'bras bu mthun par bstan pa ste/ sngar theg pa gnyis kyis don byas nas phyis sangs rgyas su rnam pa thams cad mkhyen pa'i ye shes 'thob pa bstan te/ rnam pa thams cad mkhyen pa'i ye shes ni sangs rgyas kyi yang dag pa'i ye shes so/ /rnam pa zhes bya ba ni chos kyi rnam pa thams cad mkhyen pa ste/ yang dag pa ni glang po'i shing rta lta bu /mdo las 'di ltar shA ri'i bu ma 'ongs pa'i dus zhes pa nas thams cad mkhyen pa'i mdza' i bar du zhes pa'i bar du ni ma 'ongs pa'i sangs rgyas rnams kyi chos lugs mthun pa bstan to/ /mdo las de ni sems can rnams zhes pa nas byang chub 'thob par 'gyur ro zhes pa'i bar du ni ma 'ongs pa'i sems can gdul ba 'gyur ba'i 'bras bu mthun par bstan pa'o/ /mdo las shA ri'i bu da ltar gyi dus na zhes pa nas thams cad mkhyen pa'i chos 'chad do zhes pa'i bar du ni da ltar gyi sangs rgyas bcom ldan 'das chos lugs mthun par bstan pa ste/ don dang phan pa dang bde ba ni bde bar byed pa'i don to/ /bde ba ni bde ba byin pa'o/ /sdug bsngal las ston te bde ba byin pa dang ye shes dang bsod nams byin pa dang/ 'jig rten dang 'jig rten las 'das pa'i 'bras bu byin pa dang/ 'bras
- 236b
bu chung ngu dang 'bras bu chen po byin par go rim bzhin sbyar ro/ /mdo las shA ri'i bu nga yang zhes pa nas thams cad mkhyen pa zhes pa'i bar du ni da ltar gyi sems can thams cad 'bras bu 'thob par mthun par bstan pa'o/ /mdo las de ni sems can rnams zhes pa nas byang chub thob par 'gyur ro zhes pa'i bar du ni sems can rnams la chos 'chad pa yang theg pa gcig la brtsams te/ de bzhin gshegs pa'i ye shes mthong ba nyid la mdzud pa dang ston pa dang/ 'jug pa dang ston pa dang/ 'jug pa dang chud par byed pa'i phyir ro/ /'jug pa ni mu stegs can dag log par lta ba las bzlog ste yang dag pa'i chos la zhugs pa'o/ /chud par byed pa ni nyan thos pa dag byang chub chen po chung par byed cing/ chung ngu las bzlog nas chen po chud par byed pa'o/ /'grel pa las 'dzud pa ni bla na med pa'i don to/ /ston pa ni mthun pa'i don te the tshom yod na sgom zhing spyod pa'o/ /'jug pa ni mi shes pa'i don te sems ma skyed pa skyed pa dang mu stegs can dag dam pa'i don la zhugs pa'i phyir ro/ /chud par byed pa ni phyir mi ldog pa'i sa la chud par byed dang sems? bskyed pa dag chos chud pa dang nyan thos pa dag byang chub chen po chud par byed pa'o/ /mdo ls de ni sems can rnams zhes pa nas byang chub thab par 'gyur ro zhes pa'i bar du ni nga yang chos lugs 'di la brten te/ thams cad kyi chos kyang de'i zhes bstan pa ste/ sangs rgyas nyag gcig la sna tshogs mkhyen pa'i stobs mnga' bas sems can gyi dbang pa sna tshogs mkhyen cing ye shes kyi stobs kyi shin tu mos pa mkhyen te mos pa mkhyen pa ni spyod pa la mos pa'o/ /khams sna tshogs mkhyen pa'i stobS mnga' bas rang bzhin mkhyen te/ rigs ma nges pa'i khams su gtogs pa mos pa bskyed pa'i phyir sngar theg pa gsum thabs tsam du gsungs nas/ phyis mthar phyin pa'i theg pa gcig gsungs te/ so so'i skye'o dag sangs rgyas kyi theg pa gcig thob
- 237a
pa dang rnam pa thams cad mkhyen pa'i ye shes thob par bya ba'i phyir mdo las theg pa gcig la brtsams te thams cad mkhyen pa'i mdza' i bar du gsungs so/ /mdo las shA ri'i bu zhes pa nas theg pa gnyis su gdags pa yang med na gsuM du lta ci smos zhes pa'i bar du ni rang sangs rgyas kyi theg pa gnyis pa yang med na nyan thos kyi theg pa gsum pa yod pa lta ci smos zhes bstan pa ste/ mdo las ra'i shing rta dang ri dwags kyi shing rta dang/ glang po cha'i shing rta 'dod pa'i phyir me 'bar ba'i grong khyer las byung ba ni theg pa gnyis bsal bar zad kyi glang po che'i theg pa yang bsal ba ma yin te/ de bas na 'di la theg pa gnyis kyi mya ngan las 'da' ba dang mthar phyin pa med do zhes gsungs so/ /'grel pa las theg pa gnyis med pa ni theg pa gnyis kyi mya ngan las 'da' ba med pa ste/ sangs rgyas bcom ldan 'das nyag cig gis mya ngan las 'das pa chen po brnyes te/ ye shes thams cad yongs su rdzogs pa'i mthar phyin pas mya ngan las 'das pa chen po zhes bya'o/ /de yang dngos po gsum yongs su rdzogs te theg pa gnyis pa ltar brtogs te 'gog pa la bltos pa ma yin/ ye shes chen po'i chos kyi sku yod pa ma yin/ mya ngan las 'das pa chen po yod pa ma yin te/ sangs rgyas gyi theg pa 'ba' zhig la mnga' o/ /'grel pa las lung bstan pa'i nang nas don rnam pa drug gis chos gang bstan pa la sogs pa don rnam pa lnga bstan pa ste/ chos gang la sogs pa zhes bya ba ni ma thos pa thos par bya ba ste/ sngon ma byung ba'i chos bstan nas thos par byed pa'o/ /chos gang dag ces bya ba ni sna tshogs bsgrub par bshad pa dang/ rgyu dang gzhi rnam pa tha dad par stan pa dang/ dmigs pa dang nges pa'i tshig gis thabs la mkhas pa bstan pa'o/ /chos ji lta bu zhes bya ba ni chos gang la brten zhe na bya ba'i don chen po
- 237b
gcig gi phyir zhes smos pa'o/ /chos kyi mtshan nyid ji lta bu zhes pa ni theg pa gcig la gnas nas sems can gyi dbang po ji lta ba bzhin tu sangs rgyas kyi rang bzhin yod de/ sangs rgyas kyi chos la gnas pa'o/ /ji lta bu'i rang bzhin zhes bya ba ni theg pa gnyis kyi rang bzhin bsal te/ theg pa gcig gis rang bzhin 'ba' zhig go zhes smos pa de dag ni sangs rgyas bcom ldan 'das rnams kyi chos kyi sku mnyam pa'o/ /mdo las 'on kyang de bzhin gshegs pa zhes pa nas tshe'i rnyog pa la byung na zhes pa'i bar du ni 'dir yang dag pa'i mtshan nyid bstan pa ste 'di man chad the tshom rnam pa bzhi 'grel pa las don rnam pa lnga ston te/ the tshom rnam pa bzhi gang zhe na nam zhig ston par 'gyur ba dang/ nga rgyal gyi dbang du 'gyur ba ji ltar shes pa dang/ bstan pa'i snod du ji ltar gyur pa dang ji ltar na rdzun du mi 'gyur ba dang bzhi'o/ /skabs 'dir the tsom dang po bsal ba bstan te/ 'grel pa las sangs rgyas bcom ldan 'das nam zhig gis dus na thabs tsam du bstan pa ston par 'gyur ba dang/ sangs rgyas bcom ldan 'das nam zhig gi dus na sngar theg pa gnyis thabs tsam du bstan te/ phyis theg pa gcig pa yang dag pa bstan par 'gyur zhes smos pa la yang rnam pa gnyis te/ sngar rnyog pa lnga'i dus su byung ba bstan pa dang/ phyis ci'i phyir bstan pa ste rnyog pa la yang rnam pa lnga'o// ming bstan pa dang/ mtshan nyid bstan pa dang/ gnyen po dang gzhag pa dang gzugs dang gcig gis gcig bsdu ba dang lnga'o/ /de la ming bstan pa ni rnyog pa ste/ rnyog ces bya ba ni dri ma'am mi gtsang ba'i don to/ /dper na kha zas mi gtsang ba dri ma can ni brtsog pa ste/ rnyog pa zhes bya'o/ /mdor na bskal pa skye ba'i tshe bskal pa gsum ni phags kyis dams nyon mongs pa ni khad kyi bsrabs te/ sems can dag dge ba la phyogs shing log par lta ba nyung bas tshe'i dbang po ni phyi phyir ring/ bzang zhing legs pa
- 238a
ni phyi phyir skye ba dang sems can sdug bsngal ba med cing sangs rgyas sprul pa 'jig rten du ma byung ba'i dus ni gtsang ma zhes bya'o/ /sangs rgyas sprul pa 'jig rten du byung na bskal pa 'grib pa'i dus su 'byung du nye ste/ bskal pa chad du gsum yang bags kyis 'byung nyon mongs pa yang phyi phyir skye/ sems can yang nyes pa la dga' zhing lta ba la phyi phyir zhen pa dang/ tshe'i dbang po phyir zhing thung ba dang/ phyi phyir zhing? ngan la brtsog pa'i dus ni rnyog pa zhes bya'o/ /lnga zhes pa ni grangs bstan pa'o/ /de la mtshan nyid bstan pa ni 'grel pa las da ltar gyi mi rnams rab tu tshe thung ste/ lo brgya las mi 'da' ba ni tshe'i rnyog pa zhes bya ste/ kun gzhi rnam par shes pa la bag chags kyi rnam pas las tha dad par gyur pa ni tshe'i dbang po'i mtshan nyid do/ /dge ba'i las kyi 'bras bu'i mthu ban par gyur te/ tshe'i dbang phyi phyir zhing thung bar gyur pa ni srog gcod pa'i las kyi dbang gi gyur to/ sems can gang pha ma mi shes pa dang dge sbyong dan bram ze dang bla ma mi shes pa dang/ chos mi shes pa dang/ 'jig rten 'di dang 'jig rten pha rol las kyi rnam par smin pas mi 'jigs mi skrag pa dang/ sbyin pa mi byed bsod rnams mi byed cing tshul khrims mi bsrung pa ste/ mdor na sdig pa byed cing dge ba med pa ni sems can gyi rnyog pa zhes bya'o/ /sems can gang chos ma yin pa la chags pa mtshon cha dang sems can la bsngon par 'gyur ba'i yo byad sbyin pa dang/ 'thab cing rtsod pa la dga' ba dang brdzun dang g.yo sgyu byed pa dang log pa'i chos 'dzin cing dge ba'i chog ma yin pa spyod pa ni nyon mongs pa'i rnyog pa zhes bya ste/ lta ba lnga ma rtogs pa nyon mongs pa thams cad dang nye ba'i nyon mongs pa thaMs cad ni nyon mongs pa'i rnyog pa'i mtshan nyid ces bya'o/ /chos ma yin pa'i 'dod chags kyi mtshon cha la sogs pa byin ?
- 238b
gsod du bcug pa dang/ nor rdzas la chags te mtshon cha byin pas 'thab cing rtsod pa'i gzhir gyur pa dang/ gzhan yang sdig pa mi dge ba'i chos su gtogs pa nyon mongs pa dang/ nye ba'i nyon mongs pa bag chags kyi dbang gis nyon mongs pa skye ba dang/ 'jig rten na dam pa'i chos nub ste/ nam gzugs brnyan tsam la spyad pa log par lta ba skyes ba ni lta ba'i rnyog pa zhes bya'o/ /mu stegs can ngan pa blta ba mang du byung ste/ mu ge'i bskal pa dang nad kyi bskal pa dang/ mtshon gyi bskal pa byung ba ni bskal pa'i rnyog pa zhes bya'o/ /de la gnyen po ni spyod pa las gzhan pa bstan te/ 'grel pa las grub pa'i mdza' rnam pa bzhi dang rnyog pa lngar sbyar ro/ /grub pa'i mdza' bzhi ni 'jig rten gyi grub pa'i mdza' dang dbang po so so'i grub pa'i mdza' dang/ gnyen po'i grub pa'i mdza' dang don dam pa'i grub pa'i mdza' o/ /de la bskal pa'i rnyog pa dang sems can gyi rnyog pa'i gnyen po ni 'jig rten gyi grub pa'i mdza' o/ /tshe'i rnyog pa'i gnyen po ni dbang po so so'i grub pa'i mdza' o/ /nyon mongs pa'i rnyog pa dang/ lta ba'i rnyog ba'i gnyen po ni/ gnyen po'i grub pa'i mdza' o/ /grub pa'i mdza' i gsum gyi rnyog pa lnga bcom nas don dam par zhugs te yang dag pa nyid ni rig pa'o/ /de la gzugs pa dang gzhig pa ni dris pa/ ci'i phyir rnyog pa lnga las mi mang mi nyung zhe na/ lan btab pa sems can la rnam pa gnyis te/ sdig pa spyod pa khyim pa skya bo dang log par lta ba ste rab tu byung ba'i mu stegs can no/ /khyim pa shes pa med pa nyon mongs pa bskyed pa ni nyon mongs pa'i rnyog pa zhes bya'o/ /mu stegs can log par lta ba don med pa tshol ba ni lta ba'i rnyog pa zhes bya'o/ /gzhan yang dbang po brtul po ni nyon mongs pa'i rnyog pa zhes bya/ dbang po rnon po ni lta ba'i rnyog pa zhes bya ste/ rgyu rnam pa gnyis kyis ma 'ongs ba'i 'bras bu thob pa'i tshe bsdu ba dang dbye ba mi mthun pa'i rnyog pa
- 239a
rnam gnyis su phye ste nang gi 'bras bu gnyis dang spyir bsdu ba ni sems can gyi rnyog pa zhes bya'o/ /sems can sdig pa phyi'i 'bras bu gnyis dang spyir bsdus pa ni bskal pa'i rnyog pa zhes bya'o/ /rtsa ba bstan pa'am/ nang gi mi dge ba'i 'bras bu ni tshe'i rnyog pa zhes bya/ phyi rol gyi mi dge ba'i 'bras bu ni bskal pa'i rnyog pa zhes bya/ sdig pa'i rgyu dang 'bras bu sems can sdig pa las yod pa 'gyur bas sems can gyi rnyog pa zhes bya ste/ de bas na rnyog pa lnga'i mtshan nyid bstan pas de la skyo bar bya ba'i rnyog pa lnga bshad do/ /de la gcig gis gcig bsdu ba ni mdo dag las rnyog pa bcu gnyis gsungs te/ bskal pa'i rnyog pa bstan pa dang/ dus kyi rnyog pa bstan pa dang/ sems can gyi rnyog pa bstan pa dang/ nyon mongs pa'i rnyog pa bstan pa dang/ tshe'i rnyog pa bstan pa dang/ theg pa gsum gyi khyad par gyi rnyog pa bstan pa dang/ yongs su ma dag pa'i zhing gi rnyog pa bstan pa dang/ sems can gdul dka' ba'i rnyog pa bstan pa dang/ nyon mongs pa sna tshogs bstan pa'i rnyog pa bstan pa dang/ mu stegs can 'khrug pa'i rnyog pa bstan pa dang/ bdud kyi rnyog pa bstan pa dang bdud kyi las kyi rnyog pa bstan pa dang bcu gnyis so/ /rnyog pa bcu gnyis po 'di sprul pa'i sangs rgyas kyi zhing na theg pa chen po pa 'ba' zhig la yod do/ /rnyog pa lnga'i yongs su ma dag pa'i zhing na theg pa che chung gnyi ga la yod do/ /bskal pa dang dus ni bskal pa'i rnyog pa sems can dang gdul dka' ba'i sems can ni sems can gyi rnyog pa nyon mongs pa dang nyon mongs pa sna tshogs ni nyon mongs pa'i rnyog pa/ che ni tshe'i rnyog pa mu stegs can 'khrug pa ni lta ba'i rnyog pa ste/ brgyad po 'di ni rnyog pa rnam pa lnga'o/ /lhag ma bzhi po ni theg pa gsum gyi khyad par du bstan to/ /yongs su ma dag pa'i zhing na bdud dang bdud kyi las ni rnyog pa lngar mi bsdu'o/ /'grel pa las rnam par dag pa ni rnyog pa ma yin pa'i don te/
- 239b
rnyog pa la yang rnam pa drug ste/ rnyog pa 'di dang bral na rnam par dag pa zhes bya'o/ /drug gang zhe na chags pa'i rnyog pa dang spyod lam gyi rnyog pa dang sgrib pa'i rnyog pa dang/ mtshan ma tha dad pa'i rnyog pa dang/ yon tan dang mi ldan pa'i rnyog pa dang/ gti mug gi rnyog pa dang/ drug go /gnyen po'i phyir le lo spang ba'i phyir dag pa'i phyir bstan pa'i phyir/ bsod nams dang ldan pa'i phyir/ ye shes dang ldan pa'i phyir gnyen po 'di drug dang zag pa drug go rims su sbyar? ro/ /chos nyid sangs rgyas ni rnyog pa lnga'i tshe 'jig rten du gsheD te/ de bas na sangs rgyas bcom ldan 'das ni rnyog pa lnga'i dus su 'jig rten du gshegs so/ /ci'i phyir byams pa ni tshe lo brgyad khri'i dus su gshegs la/ shAkya thub pa ni tshe lo brgya'i dus su gshegs par gyur smras pa/ smon li ni tha dad kyi gnyid yang rnyog pa lnga'i dus su gshegs bar 'dra bar sngar theg pa gsum thabs tsam du bstan nas phyis yang dag pa bstan te/ sprul pa'i skur 'dra'o/ /gal te bsod nams kyi sku dang sprul pa'i skus theg pa gnyis po la 'dul ba mi mdzad na nges par rnyog pa ma yin pa'i dus su gshegs nas theg pa gnyis po la gdul bar mdzad pas nges pas rnyog pa'i dus su gshegs so/ /rnyog pa zhes bya ba ni 'grib pa'i bskal pa las 'jug ste rnyog pa lnga khang kyis skye bas de la rnyog pa zhes bya'o/ /sangs rgyas byams pa gshegs pa'i tshe lo brgyad khri las khad kyis bri bas de la yang rnyog pa'i dus zhes bya ba'i tshe lo bcu 'am nyi shu las mi thub pa bskal pa chung ngu 'byung ba 'ba' zhig la rnyog pa zhes bya ba ma yin no/ /de bas na bskal pa 'grib pa'i tshe sangs rgyas 'jig rten du gshegs pa la bskal pa skye ba'i che 'khor los sgyur ba'i rgyal po 'byung ngo/ /de ltar bskal pa 'grib pa'i tshe sangs rgyas gshegs la bskal pa skye ba'i tshe 'khor los sgyur pa'i rgyal po byung na ci'i phyir rgyal po dung zhes bya ba sangs rgyas byams
- 240a
pa dang gcig car byung la gal te rab tu ma byung na 'khor los sgyur ba'i rgyal por 'gyur zhing sangs rgyas mar me mdzad kyi sras brgyad car gling bzhi la dbang bar 'gyur zhes gsungs/ lan btab pa rgyal po dung zhes bya ba bskal pa skye ba'i tshe byung ba ni bden na tshe ring bas byams pa dang phrad bar zad kyi sangs rgyas byams pa bskal pa 'grib pa'i dus ma yin par gshegs pa ni ma yin no/ sangs rgyas rab tu byung nas 'khor los sgyur ba'i rgyal por 'gyur zhes bstan pa yang nges par lung bstan pa ma yin no/ /sangs rgyas mar me mdzad kyi sras brgyad kyang snga ma dang 'dra ste/ bsod nams kyi sku yin bas de 'dra'i skyon du nges so/ /gser gyi 'khor los sgyur ba'i rgyal po ni bskal pa yang skye ba'i tshe 'jig rten du nges par 'byung gi /dngul dang zangs dang lcags kyi 'khor los sgyur ba'i rgyal po 'byung ba'i dus ni nges pa med de/ de bas na rgyal po d+harma a sheg? sangs rgyas mya ngan las 'das nas lo brgya lon pa'i 'og tu 'byung ngo// //dam pa'i chos puN+Da ri ka'i 'grel pa/ bam po bzhi pa/ /mdo las shA ri'i bu 'di lta ste zhes ba nas theg pa gsum du bshad de bstan to zhes pa'i bar du ni sangs rgyas rnyog pa lnga'i dus su ci'i phyir 'byung ba bstan pa'i phyir 'di ltar bskal pa dang 'khrug pa'i rnyog pa dang dri ma mang po dang brkam pa'i sems can dge pa'i rtsa ba chung ba dag la bcom ldan 'das thabs mkhas pa rnam pa gsum du ston to/ /mu ge'i bskal pa dang mtshon gyi bskal pa dang nang kyi bskal pa byung ba'i tshe sems can 'khrug pa'i rnyog pa dang/ dri ma mang zhes bya'o/ /dri ma ni rnyog ba 'am mi gtsang ba'i don mang po ni gzhig dka' ba'i don to/ /dri ma la rnam pa drug ste/ 'tshe ba dang/ kho na du 'dzin pa dang/ 'khrug pa dang/ g.yo dang/ rdzun du smra ba dang/ nga rgyal dang drug go /de la gang/ sems can la gnod bar
- 240b
byed pa dga' ba ni 'tshe ba zhes bya'o/ /khong khro ba'i dbang gis zhe la 'dzin pa ni khon du 'dzin pa zhes bya'o/ /nyes pas rkyen byas te/ smre sngags 'don pa ni 'khrug pa zhes bya ste/ 'di gsum ni zhe sdang gi rang bzhin no/ /bdag gi nyes pa 'chab cing pha rol po'i skyon rtogs pa dang gzhan gyi yid dang sbyor te tshul 'chos pa ni g.yo zhes bya'o/ /bkur sti'i phyir yon tan sgyus ston pa ni brdzun zhes bya ste 'di gnyis ni 'dod chags dang gti mug gi rang bzhin no/ /dang? cing rgyags pa la chags par byed pa ni nga rgyal zhes bya ste 'dod chags kyi rang bzhin no/ /sems can dag dri ma drug po mang ba'i phyir dge sbyong du mi shes/ dge ba'i chos mi spyod ba ni sems can gyi rnyog pa'o/ /ser sna dang 'jungs pa dang phrag dog ni nyon mongs pa'i rnyog pa ste/ chos dang zang zing bdog pa gtong mi phod ba ni ser sna zhes bya'o/ /ma thob ba'i zang zing la thob par byed pa'i thabs sbyor te chags zhing re ba ni brkam pa zhes bya'o/ /dge ba'i rtsa ba chung zhes bya ba ni 'dod chags dang zhe sdang dang gti mug mi dge ba'i rtsa ba'o/ /de ltar na sems can dge ba chung bas lha dang mi ni 'gribs/ ngan song ni 'phel zhing skye ste/ sems can dag theg pa chen po la/ cig car dgong par dka' bas sangs rgyas rnams thabs mkhas bas sangs rgyas kyi theg pa gcig po de las theg pa gsum du bcad de bstan to/ /mdo las shA ri'i bu de ltar zhes pa nas sangs rgyas kyang ma yin par mig par bya'o zhes pa'i bar du ni de bzhin gshegs pas nga rgyal gyi dbang du gyur pa la mi ston to zhes the tshom du gyur ba 'gro ba ste/ de dag nga rgyal gyi dbang du gyur pa ji ltar shes zhe na de la rnam pa gsum ste yang dag pa ma yin pa theg pa gnyis kyi 'phags ba'i mtshan nyid bstan pa dang/ nga rgyal gyi dbang du gyur pa'i mtshan nyid bstan pa dang/ yang dag pa'i 'phags pa bsdus pa'i mtshan nyid do/ /'dir ni yang dag pa ma yin pa bstan pa ste /nyan
- 241a
thos dang rang sangs rgyas 'phags pa yang dag pa rab tu zhi ba la zhugs pa ni sangs rgyas dang phrad kyang phal cher theg pa chen po'i chos dang mi phrad do/ /gang rigs ma nges shing sems bskyed pa ni thos ma thag tu nyan pa dang 'jug pa dang khong du chud par 'gyur ro/ /de ni 'phags pa yang dag pa'o/ /gang de ltar mi shes pa de ni sangs rgyas kyi nye gnas ma yin te/ 'phags pa yang dag pa ma yin par rig par bya'o/ /mdo las 'di ltar shA ri'i bu zhes pa nas nga rgyal can du shes par bya'o zhes pa'i bar du ni nga rgyal gyi dbang du gyur ba'i mtshan nyid bstan pa ste/ ma rabs bsam gtan bzhi ba thob pa 'bras bu gsum gyi nyon mongs pa ma zad pa dgra bcom pa'i 'bras bu phung po nang gi tha ma mya ngan las 'da' ba thob snyam ste/ sangs rgyas mi 'dod pa ni nga rgyal can ces bya'o/ /mdo las de ci'i phyir zhes pa nas ma yin no zhes pa'i bar du ni yang dag pa'i 'phags pa bsdus pa'i mtshan nyid bstan pa ste/ 'phags pa yang dag pa dang phrad pa rab tu zhi ba la zhugs pa ni phal cher chos dang phrad do/ /de dag spyod mi nus kyang dad cing yid ches par byed do/ /gang rigs ma nges pa ni thos nas kyang 'jug cing spyod par byed do de bas na de bzhin gshegs pa dang mngon sum du gyur te chos 'di thos nas dad par mi 'gyur ba'i skabs med de gnas pa yin no zhes smos so/ /mdo las de bzhin gshegs pa mya ngan las 'das pa ni ma gtogs so zhes pa ni skabs 'dir ji ltar chos kyi snod du 'gyur zhes pa'i the tshom bstan pa ste/ la la ni sangs rgyas las chos thos nas skur pa'i sems skye ste/ ci'i phyir na de bzhin gshegs pas kha cig las sangs rgyas su mi 'gyur pa dang chos kyi snod du mi 'gyur ba zhes bstan pa the tshom skyes te/ de ltar smod du ma gyur pa'i sems can la chos ston pa mi mdzad na thams cad mkhyen pa'i ye shes zhes byar rung dam zhes
- 241b
pa'i dogs pa bsal ba'i phyir de bzhin gshegs pa mya ngan las 'das pa ni ma gtogs so zhes smos so/ /mdo las de ci'i phyir zhes pa nas mi 'byung zhes pa'i bar du ni da mya ngan las 'das nas thabs mi mkhas pa rab tu zhi ba la zhugs pa chos 'di dang phrad kyang mdo sde 'di lta bu 'dzin pa'am 'chad pa mi 'byung ngo zhes smos so/ /mdo las shA ri'i bu zhes pa nas the tshom med par 'gyur ro zhes pa'i bar du ni gang chos dang phrad pa ni da mya ngan las 'das kyang sangs rgyas gzhan dang 'phrad de thabs mkhas pas bstan? na chos 'di la the tshom med par 'gyur ro zhes smos so/ /mdo las shA ri'i bu zhes pa nas sangs rgyas kyi theg pa'o zhes pa'i bar du ni sngar theg pa gsum bstan pa las/ da theg pa gcig bstan zhes pa'i the tshom bcad pa ste/ sngar bstan pa dang phyis gsungs pa mi mthun pa yang rdzun du mi 'gyur pa ni nga 'ba' zhig gis mkhyen gyi khyed mi shes pas dad par gyis shig/ yid ches par gyis shig/ khyed thog ma sems bskyed pas rtogs par gyis shig dgra bcom pa'i sems bskyed nas bskal pa stong phrag nyi shu 'das na gdod bskal pa grangs med pa gsum du spyod pa'i dad pa'i sems dang 'dra bas khyed the tshom ma byed par yid ches par gyis shig dang ngas gsungs pa la brdzun med de theg pa cig tu zad do zhes smos pa yin no/ /mdo las de nas bcom ldan 'das zhes pa nas dge bsnyen ma rnams ma dang de zhes pa'i bar du ni 'di man chad tshigs bcad tshig brgya nyi shu rtsa gcig la gnyis su dbye ste/ tshig brgya rtsa bco brgyad ni rkyang ba zlos so/ /tshig gsum ni gzhung 'og ma dang mtshams sbyor ba'o/ /snga ma la yang rnam pa gnyis su dbye ste tshig brgya rtsa bco lngas ni snar lung bstan pa rnam pa gnyis po ston to/ /tshig gsum gyis ni the tshom bzhi bsal ba bstan te snga ma la yang rnam pa gnyis so/ /snga ma'i tshig bzhis ni lung bstan pa las ngan pa skyon thon phyir
- 242a
dong ba bstan to/ /tshig brgya rtsa bcu gcig gis ni lung bstan pa bstan to/ /tshig snga ma bzhi po las tshigs sngar smos pa gcig gis ni nga rgyal gyi dbang du gyur pa bstan to/ /tshigs sum gyis ni mi dge ba'i rtsa pa che ba bstan to/ /tshigs bcad 'dis ni nga rgyal gyi dbang du gyur pa bstan te/ rab tu byung ba ni tshul la gnas pa yin na ma thob par thob ces smra bas nga rgyal can no/ /khyim na gnas pa dge bsnyen pa yang nga? zhes pa la zhen bas nga rgyal gyi sems skyes te/ nga rgyal can dge bsnyen ma ni nga zhes pa'i lto med kyang khyim thabs kyi rjes su bzhes bas skyed pas nga rgyal can zhes smos so/ /mdo las lnga stong las ni mi nyung ba zhes pa nas de dag snying po rab tu gnas zhes pa'i bar du ni tshig gsum ni mi dge ba'i rtsa ba che ba bstan pa ste/ skyon sbed pa ni tshul khrims nyams nas nyes pa 'chab pa'o/ nyams pa ni tshul khrims las shas kyis nyams pa'o/ /ma thob par thob ces smras ni tshul khrims kyi rtsa ba med pa ste/ de la tshul khrims kyang med pa rnam par dag pa yang ma yin/ ting nge 'dzin kyang mngon du mi 'gyur ro/ /snyigs ma zhes bya ba ni cir yang dgos pa med pa ste/ byis pa'i blo can dag sangs rgyas kyi mthus dong ba yang ci ste dam pa'i chos thos na de la skur pa 'debs pas sdig pa skye bar 'gyur te/ phan pa med pa'i phyi phyir dong ngo/ /mdo las 'di 'drang la nyon cig shA ri'i bu zhes pa nas thabs la mkhas pa brgya phrag du ma zhes pa'i bar du 'di man chad ni tshig brgya rtsa bcu gcig gis lung bstan pa brjod de sngar mdo las rnam pa drug tu phye ba ltar 'dir yang rnam pa drug du dbye ste tshig drug gis ni ci'i phyir bshad pa bstan to/ /tshig phyed dang brgyad kyis ni gnas pa bstan to/ /tshig phye dang gnyis kyis ni bcas pa bstan to/ /tshig phyed dang dgus ni don gong la brtan pa
- 242b
bstan to/ /tshig bdun cu rtsa gcig gis chos bsdu ba bstan to/ /tshig bdun gyis ni ma thos pa thos par bya ba bstan te/ mdo dang 'grel pa las bshad pa dang/ ltag 'og ni mi mthun no/ /tshig drug gis ci'i phyir bshad pa las yang rnam pa gnyis su dge ste/ tshig phyed dang lngas ni ci'i phyir bya ba bstan to/ /tshig phyed dang gnyis kyis ni dbang po ji bzhin du bshad pa bstan to/ /de la tshigs bcang gcig gis rgyu sna tshogs bstan to/ /tshig gnyis kyis ni gdon mi za ba'i tshigs dang rgyu dang dpe sna tshogs bstan to/ /tshig phyed dang gnyis kyis ni chos sna tshogs bstan pa ste/ tshigs bcad 'di ni dbang po ji bzhin du rgyu sna tshogs bsnyan pa'o/ /mdo las de'i bsam pa spyod pa ji 'dra mkhyen zhes pa nas ci nas sems can thams cad mgu bar byas zhes pa'i bar du ni gdon mi za ba'i tshig dang rgyu dang dpe rnam pa sna tshogs bstan pa'o/ /khong du chud pa ni byang chub rtogs pa'o/ /dad pa sna tshogs ni mos pa'i mchog ces bya ba'i don to/ /bsam pa dang sbyor ba ni dge ba dang mi dag pa'i las so/ /de ltar bsan pa dang spyod pa dang dad pa sna tshogs mkhyen pas gdon mi za ba'i tshig dang rgyu dang dpe mang po bstan pas thams cad mgu bar gyur to/ /mdo las de bzhin mod sde zhes pa nas gtan la bab kyang de bzhin bshad ces pa'i bar du ni skabs zhes mdo sde bcu gnyis bstan te/ de la yang rnam pa gsum mo/ /mtshan nyid bstan pa dang/ ming bstan pa dang/ khyad par bstan pa'o/ /mdo sde'i mtshan nyid la yang rnam pa gnyis te/ spyi'i mtshan nyid dang rang gi mtshan nyid do/ /de la spyi'i mtshan nyid ni 'di skad bdag gis thos pa nas mngon par dga' o zhes pa'i bar du ni tshig gi don gang brjod pa de dag thams cad ni spyi'i mtshan nyid ces bya'o/ /'grel pa dag las mdo sde'i tshigs su bcad de gsungs pa ma rtogs par tshig rkyang pa las tshig gi
- 243a
don mtshon te brjod pa ni rang gi mtshan nyid ces bya'o/ /dbyangs kyis bsnyad pa la yang rnam pa gnyis te/ phyis 'ongs pa la phan gdags pa dang rkyang pa las don ma nges pa nges par bstan pa'o/ /'grel ba dag las mdo sde dag/ snga phyi mi mthun te rkyang pa las smos pa'i 'og tu tshigs su bcad bzlas pa ni phyis 'ong ba la phan pa'o/ /rkyang pa las don ma nges pa dag tshigs su bcad de bzlas pas don gsal bar bya ba'i phyir don ma nges pa nges par bstan pa zhes bya'o/ /lung bstan pa la rnam pa gsum ste nye gnas kyi skye shi'i rgyu dang 'bras bu lung bstan pa dang/ nges pa'i don la gsal bar lung bstan pa dang/ byang chub sems dpa' la sangs rgyas su lung bsnan pa da gsum mo/ /'phags pa'i nye gnas dag la khyod 'das pa'i dus na legs pa dang nyes pa 'di lta bu zhig bya ste/ skye ba'i gnas kyi khyad par lung bstan pa ni skye zhing rgyu dang 'bras bu lung bstan pa'o/ /mdo sde ma nges pa nges pa'i don du lung bstan pa ni ngas pa'i don zab mor lung bstan pa'o/ /ma pham pa khyod ma 'ongs pa'i dus su rgyal po dung zhes bya ba de'i tshe byams pa zhes bya ba'i sangs rgyas su 'gyur zhes lung bstan pa ni sangs rgyas su lung bstan pa'o/ /tshigs su bcad pa ni mdo sde dag la tshig rkyang pa las mi smos par tshig sum? cad pa gnyis sam gsum mam bzhi 'am lnga 'am drug la sogs pa don gang brjod pa tshigs su bcad de gsungs pa ni tshigs su bcad pa'i sde zhes bya'o/ /ched du brjod pa ni mdo sde las gsol pa ma btab par yang dag pa'i chos dang bstan pa dang yun du gnas par bya ba'i phyir gsol ba gdab mi dgos par gsungs pa ni ched du brjod pa'i sde zhes bya'o/ /gleng gzhi la yang rnam pa gsum ste gsol ba btab nas bstan pa dang nyams pa la tshul khrims bcas pa bstan pa dang/ gleng pa yod pas chos bstan pa dang
- 243b
gsum mo/ /'grel bdag las glengs nas bstan pa ni gsol ba btab nas bshad pa'o/ /bslab tshig bcas pa ni bcas pa'o/ /mdo sde dag las pha rol pos glengs te dper na mnyan du yod pa na mi zhig gis bya zhig bzung nas phyir yang btang ba las glengs te bcom ldan 'das kyi sngon gyi rgyu yang glengs nas bstan pa ni glengs nas bstan pa zhes bya'o/ /dpe ni mdo sde dag las dpe rnam pa mang pos chos ston pa'o/ /da ltar dang 'das pa'i sde ni skyes pa'i rabs ma rtogs par sngon 'das pa'i gang zag dang chos kyi rgyus bstan pa'o/ /skyes pa'i rabs kyi sde ni bcom ldan 'das sngon 'das pa'i dus na che ge mo zhig na skye ba dang 'chi 'pho pa byang chub sems dpa' i spyod pa dka' ba spyod pa dang/ mdo sde dag la 'das pa'i dus na sha ba dang dred mo dang ri bong dang bya nam mkha' lding la sogs pa'i lus byas pa bstan pa ni skyes pa'i rabs shes bya'o/ /shin tu rgyas pa la rnam pa gnyis te/ byang chub sems dpa' i lam la ston pa dang/ rgya che la yun ring pa'o/ /nyan thos la'ang shin tu rgyas pa yod de/ 'dir ni gnyi ga la shin tu rgyas ba zhes bya'o// rmad du byung pa ni mdo sde dag las sangs rgyas dang nye gnas 'phags pa 'khor brgyad kyi yon tan thun mong dang thun mong ma yin pa ya mtshan ngo mtshar du gyur pa bstan pa ni rmad du byung ba zhes bya'o/ /gzhan yang mdo sde las sangs rgyas bcos ma thag tu gom pa bdun bdun gshegs pa dang/ 'od zer chen pos phyogs bcu snang par byas pa dang/ spre'u sa sbra rtsi phul ba dang/ khri dkar pos chos nyan pa la sogs te/ ngo mtshar rmad du byung ba'i chos rnams ni rmad du byung ba zhes bya'o/ /gtan la bab pa bstan pa zhes bya ba la rnam pa gnyis te/ sangs rgyas nyid kyi bstan pa dang/ 'phags pa nyi gnas kyi bstan pa'o/ /'grel bdag las mdo sde gang ltag 'og bstan la bab pa ni gtan la bab par bstan pa zhes bya'o/ /gang mdo sde nges par bstan pa la yang
- 244a
gtan la bab pa zhes bya'o/ /de la ming bstan pa ni mdo sde bcu gnyis kyi ming bstan pa'o/ /de la khyad par la yang rnam pa gnyis te rang bzhin gyi khyad par dang bstan pa'i khyad par ro/ /rang bzhin gyi khyad par ni dbyangs kyis bsnyad pa'i nang na tshigs su bcad pa med la/ tshigs su bcad pa'i nang na dbyangs kyis bsnyad pa med de snga phyi dang/ rkyang pa dang bzlas pa tha dad pa'i phyir ro/ /mdo sde dag las thog ma 'di skad bdag gis thos pa nas tha ma rjes su spyad pa'i bar du mdo'i sde zhes smos pas sde bcu gnyis kyang 'dus te/ mdo'i sde ni tshig rkyang pa 'ba' zhig la bya bas dbyangs kyis bsnyad pa dang tshigs su bcad pa ma gtogs par sde bdun po kun la bcu gnyis tshad bar yod par shes par bya'o/ /bstan pa'i khyad par zhes bya ba ni theg pa chen po la tshang bar yod la theg pa chung du la dgu las med de/ 'di'i skabs su theg pa chung du smos pas lung bstan pa dang/ ched du brjod pa dang/ shin tu rgyas pa dang gsum ma smos te/ 'di ni khyad par bstan pa'o/ /mdo las mi mkhas don la chags par gang 'gyur zhes pa nas de bas mya ngan las 'das pa nye bar bstan ces pa'i bar du tshig phyed dang gnyis kyis dbang po ji lta ba bzhin du rtog par dka' ba bstan pa ste /'di la rnam pa lnga'o/ /dbang po rtul bas go dka' ba dang chung du la mos shing chen pos skrag pa dang 'khor ba la chags shing 'jig rten las 'das pa la ma dad pa dang/ skal pa yod kyang mi spyod pa dang/ sdug bsngal mang pos mngon du gzir ba de/ de dag la mya ngan las 'das pa nye bar bstan pa'o/ /dbang po rtul zhing mi mkhas la don te 'khor ba la chags pas sangs rgyas rnams dang phrad kyang theg pa chen po'i chos zab mo mi spyod de de sdig pa mi dge bas spyod pas sdug bsngal myong bar gyur te/ sdug bsngal thar par bya ba'i phyir theg pa gnyis kyi mya ngan las 'das pa
- 244b
bstan to/ /mdo las de ltar rang byung bas ni thabs mdzad pa zhes pa nas khyed cag sangs rgyas su yang 'grub bo/ zhes pa'i bar du 'di man chad chig phyed dang brgyad kyis gnas par bya ba bstan pa ste/ de la chig gcig ni spyir bstan to/ /chig gcig ni bshad pa'o/ /chig bzhi ni bsdus pa'o/ /tshig gcig ni gnas par bskul pa'o/ /'di ni spyir bstan pa ste/ gnyis thabs tsam du bstan nas mthar sangs rgyas kyi ye shes theg pa gcig la 'jug pa bstan pa'o/ /mdo las ci'i phyir zhe na/ spyod pa dus la sdod ces pa nas yang dag gdon mi za bde bshad do zhes pa'i bar du ni 'dir spyir bstan pa las dmigs te/ sngon khyod kyi dbang po ma smin pas theg pa chen po mi rtogs te bstan pa'i snod du ma gyur to/ /da ni dbang po smin pas dus la bar ste gdon mi za ba'i don bshad do zhes bstan to/ /mdo las da'i bstan pa sde dgu de rnams kyang zhes pa nas rab tu gzhug pa'i phyir ni ngas? bshad do zhes pa'i bar du ni 'di man chad chig phyed dang lngas bsdus pa bstan pa ste/ de la yang gsum du dbye'o/ /chig gcig gis ni chos chung du yang dag pa ma yin te/ chen po ni yang dag pa'o zhes bstan to/ /chig gcig gis ni chos ma chen pa dam par bstan te skyes bu dam pa la bshad pa bstan pa'o/ /tshig gnyis kyis ni chos dang gang zag bstan pa ste/ 'di ni thog ma sems bskyed pa'i mthu stobs ji lta ba bzhin du bstan pa sde dgu bshad de/ mthar phyin pa ma yin te sa chen po la rab tu gzhug go zhes bstan to/ /mdo las 'di ltar rtag tu rnam par dag 'gyur ba zhes pa nas de la shin tu rgyas pa'i mdo sde bshad ces pa'i bar du ni skabs 'dir chos chen po dam pa skyes bu dam pa la bshad pa bstan te/ mdor na byang chub sems dpa' i chos spyod pa thams cad la sangs rgyas kyi sras zhes bya'o/ /sangs rgyas kyi sras kyang yon tan lnga dang ldan pa'o/ /lnga gang zhe na bsam pa
- 245a
rnam par dag pa ste theg pa chen po'i sangs rgyas kyi ye shes 'ba' zhig tshol ba dang gnyen nges ba ste nges pa'i sems kyi theg pa chen po la brtson pa dang dbang po rno ba ste sdug bsngal pa las 'don cing bde ba sbyin pa dang chod med pa ste sangs rgyas mang po la bsnyen bkur byed pa dang/ shin tu zab mo spyod pa ste/ bsod nams dang ye shes kyi tshogs la nan tan byed pa'o/ /de yang byang chub tu sems pa skyed pa bste chos bcu pa 'di dang ldan pa byang chub tu sems bskyed ba zhes bya'o// gang zhe na dge ba'i bshes gnyen la bsnyen bkur byed pa dang/ sangs rgyas mang po la bya ba byed pa dang/ dge ba'i rtsa ba skod pa dang/ chos mchog tshol ba dang/ sems mnyes zhing nges pa dang/ sdug bsngal la bzod pa dang/ snying rje shas che ba dang/ bsam pa dag pas snyoms pa dang/ theg pa chen po la mos pa dang/ sangs rgyas kyi ye shes tshol ba dang bcu ste/ yon tan 'di dag dang ldan na sangs rgyas kyi sras zhes bya ste theg pa chen po ston par 'gyur ro/ /mdo las 'di ltar de dag bsam brdzogs pa dang zhes pa nas shin tu rgyas pa'i mdo sde rab tu bshad ches pa'i bar du ni yon tan lnga dang ldan pa'i gang zag ma 'ongs pa'i dus su 'tshang rgya bar 'gyur ro/ /de yang sangs rgyas dran pa'i bsam pa rdzogs pa dang/ rnam par dag pa'i tshul khrims dang ldan pa'o/ /sangs rgyas dran pa la rnam pa gnyis te/ sems kyi dran pa dang/ tshig gis brjod pa'o/ /tshul khrims dang ldan pa bslab pa gsum rdzogs la lung ston par 'gyur te/ de dag thos nas shin tu dga' bar 'gyur zhes smos so// mdo las 'di ltar 'dren pa'i nyan thos de dag las zhes pa nas thams cad byang chub 'gyur pa the tshom med ces pa'i bar du ni dad pa skyed par bskul ba ste/ chos 'di thos sam gzung yang rung theg pa chen po la gnas par 'gyur par bstan pa'o//
- 245b
mdo las theg pa gcig ste gnyis su med ces pa nas theg pa sna tshogs mngon par bstan zhes pa'i bar du ni tshig phyed dang gnyis po 'dis gnyis su med pa bstan pa ste/ gnyis su med pa ni rang sangs rgyas kyi theg pa med ces pa'i don to/ /gsum du med pa ni nyan thos kyi theg pa med pa ste/ sangs rgyas kyi thabs su gsungs pa ma gtogs par theg pa chen po las gnyis dang gsum du med ces bstan to/ /mdo las sangs rgyas ye shes bstan pa'i phyir zhes pa nas theg pa chung dus mi 'dren sangs rgyas zhes pa'i bar du ni 'di man chad tshigs bcad phyed dang bcu dgus don gang la gnas par bya ba bstan pa ste/ de la tshig phyed dang gnyis kyis ni bya ba chen po gcig bstan pa'o/ /tshig bcu bdun gyis ni 'dzud pa dang ston pa dang/ 'jug pa dang chud bar byed pa bstan pa'o/ /sangs rgyas 'jig rten du byung ba ni bya ba gcig gi phyir te/ sangs rgyas kyi theg pa gcig ste gnyis su yod pa ma yin no/ /mdo las rang 'byung bdag nyid ci la gnas pa dang/ zhes ba nas de dag la yang sems can so sor 'jog ces pa'i bar du 'di man chad tshigs bcad bcu bdun gyis 'dzud pa dang ston pa dang/ 'jug pa dang chud par bya ba bstan pa ste/ thog ma'i tshig gcig gis 'dzud pa bstan to/ /tshig lngas ni 'jug pa bstan to/ /tshig gcig gis ni chud par bya ba bstan to/ /tshig bcus ni ston pa bstan pa ste gnas pa ni brten pa'i don te mya ngan las 'da' ba dang/ byang chub la bde bar gnas pa'o/ /stobs dang bsam gtan tshad med pas brgyan te bsod nams dang ye shes kyi tshogs su 'gyur ba'i yon tan thamS cad chos 'di gnyis kyi nang du 'du ste/ sems can thams cad de la 'jog pas 'dzud pa zhes bya'o/ /mdo las ser sna'i nyes pa nga la yod pa 'gyur zhes pa nas sems can gcig kyang rung ste da mi dge zhes pa'i bar du 'di man chad tshigs bcad
- 246a
lngas ni 'jug pa bstan pa ste/ de la gsum du dbye'o/ /tshigs bcad phyed dang gnyis kyis ni mnyan ba bstan to/ /tshig phyed dang gsum gyis ni yon tan gyi khyad par bstan to/ /tshig gcig gis ni 'jug pa nyid bstan te/ byang chub mchog rab ces bya ba ni bla na med pa'i theg po chen po don dam pa'o/ /sangs rgyas kyi bla na med pa'i theg pa mnyam pa brnyes na de la bdag gam pha rol zhes tha dad par ga la zhig 'byed de/ nang gi ye shes mi mnyam na bdag 'ba' zhig theg pa chen po la 'jug par byed phyi rol g yi ye shes mi mnyam na pha rol po theg pa chung du la 'jog par 'gyur/ sgrib pa dang ma bral na bla na med pa'i theg pa chen por ga la rung ste/ de bas na ser sna'i? nyes pa nga la yod na mi dge zhes smos pa yin no/ /mdo las ngal ser sna dag ni cung zad med ces pa nas 'gro ba kun rig de bas nga? sangs rgyas zhes pa'i bar du ni yon tan gyi khyad par bstan pa ste/ de la tshig phyed dang gnyis kyis da 'dod chags dang bral bas 'jigs pa med pa'i yon tan bstan to/ /tshig 'og ma gcig gis ni phyi rol gyi rgyan dang yang dag pa'i chos kyi yon tan bstan te/ ser sna med ces bya ba ni theg pa chen po bcabs to/ theg pa chung du ston cing sems can bslu ba'am/ sngar theg pa chen po sbyin par bya ba las phyis ma byin pa ma yin pas ser sna med do// sems can gyis theg pa chen po rig cing chud kyi dogs pa'i thugs mi mnga' bas phrag dog med do/ /sdig pa'i chos ni gang nyon mongs pa'i las dang bcas pa sdug bsngal ba 'khor ba'i chos yongs su bcad pas nyes pa'i skyon gang yang med de/ yang dag pa'i ye shes rdzogs nas phyogs bcur seng ge'i sgra bsgrags te 'jigs pa mi mnga' bas 'gro ba kun rig da sangs rgyas zhes bya'o/ /mdo las ji ltar mtshan rnams kyis ni da brgyan te zhes pa nas chos kyi rang bzhin phyag rgya 'dir bshad do/ /zhes
- 246b
pa'i bar du ni phyi rol gyi mtshan gyis brgyan pa bstan pa ste/ mtshan bzang pos brgyan pa'i sku'i 'od dang/ ye shes kyi 'od kyi snod kyi 'jig rten dang bcud kyi 'jig rten snang par byas nas srog chags kun gyis nga la bkur sti byas so/ /nang na nyon mongs pa med pas phyi rol gyi mtshan gyis brgyan te chos kyi rang bzhin gyi phyag rgya 'di bshad do/ /phyag rgya ni stong pa gnyis kyi theg pa chen po'i phyag rgya ste phyag rgya 'dis btab pa ni theg pa chen po'i chos yang dag pa zhes bya'o/ /mdo las de lta rangs bsam shA ri'i bu zhes ba nas bdag 'od rang 'byung 'jig rten rig par ro zhes pa'i bar du ni go bar bya ba bstan pa ste/ theg pa chen po yang dag pa'i ye shes ngas ji ltar rig pa bzhin du sems can thams cad la yang bstan zhes pa'i don to/ /mdo las ji ltar mthong zhing ji ltar bsam pa dang zhes pa nas du ras de dag phyi phyir skye bar 'gyur zhes pa'i bar du tshigs bcad gcig gis chud par byed pa bstan pa ste/ sngon gyi smon lam yongs su rdzogs nas smon lam bzhin du byang chub la bkod de/ byang chub ni rgyu'i don to/ /sa dang po nas sa brgyad kyi bar du chud par byed de/ phyir mi ldog pa thob pas sangs rgyas su 'gyur ba'i rgyu'o/ /'di man chad tshig bcus ni sngon pa 'grol pa ste/ de la thog ma'i tshig brgyad kyis mi mthun pa ston to/ /tshig phyi ma gnyis kyis ni phyis mthun par 'gyur ba bstan pa ste/ de la gang shes pa dang ldan pa ni de bzhin du 'dzin par 'gyur gyi gang mi shes pa rnams ni de la myos te/ skur ba 'debs so/ /'di man chad tshig drug gis mi mthun pa'i mtshan ma bstan te/ de la yang rnam pa gnyis so/ /thog ma tshig gcig gis ni dge ba med la sdig pa dang bcas pas mi mthun pa bstan to/ /'og ma tshig lngas ni sdig pa dang bcas la dag ba med pas mi mthun pa bstan to/ /spyod pa ma spyad tshe rabs snga ma la zhes pa ni 'jig rten las 'das pa'i dge ba'i rtsa ba ma bskyed pa ste/ cung
- 247a
zad skyed pa yang zag pa med pa'i rgyur 'gyur ba ma yin gyis 'dod ba lnga'i? yon tan gyi rgyur 'gyur bas 'di lnga la chags shing zhen te/ gti mug gis las byas bas sred pa skyes te/ skye shi'i sdong po phyi phyir skye bar 'gyur to/ /? char tshig lngas sdig pa dang bcas la dge ba med pas mi mthun par bstan te/ de yang rnam pa gnyis so/ /de la snga ma tshig bzhis ni sdig pa dang bcas pas mi mthun pa bstan to/ /'og ma tshig gcig gis ni dge ba med pas mi mthun pa bstan to/ /snga ma la yang rnam pa gnyis te/ 'dod pa lnga'i yon tan la chags shing zhen pas mi mthun pa dang/ bslab pa myos shing 'khrul bas mi mthun pa ste/ 'dod pa'i dbang gis mi dge ba'i las 'ba' zhig spyad pas ngan 'gror ltung zhes bya'o/ /las 'dren mar spyad pas 'gro ba drug tu nyon mongs bar 'gyur ro/ /skye ba rnam bzhir las dang 'grogs pas sdug bsngal gsum dang lnga dang brgyad kyi gdungs pas bcir ba zhes bya'o/ /phyi phyir skye bar 'gyur ba ni 'khor pa'i rgyun mi 'chad pa'o/ /mdo las bsod nams chung bas sdug bsngal kun gyis bcir zhes pa nas tshe rabs skye ba stong phrag du ma'o zhes pa'i bar du'i dman chad tshig phyed dang gnyis kyis bslab pa 'khrug pas mi mthun pa bstan pa ste/ thog ma'i tshig phyed dang gnyis kyis ni 'jig tshogs su lta ba dang mdza' lta bas lta ba drug cu rtsa gnyis su 'gyur ba bstan to/ /phyi ma tshig gcig gis ni lta ba bsnyems pa dang tshul khrims bsnyems pa'i rgyur 'gyur ba dang ? ma yin pa gzhan yang skye ba bstan to/ /sems can rnams thog ma med pa nas bsod nams dang ye shes kyi tshoD chung bas sdug bsngal g yis bcir bar gyur to/ /de dag kyang thar pa'i lam 'dod mod kyi yang dag pa dang log pa ma rtogs te mu stegs can du gyur na log par lta ba la slob pa dang spyod pa 'khrul pas log par lta ba zhes bya'o/ /lta ba la rnam pa mang ste/
- 247b
gang sems can gyi 'byung ba'i lam gyi bar du gcod cing rnam par grol bar mi 'gyur ba la lta ba stug bo zhes bya'o/ /yod pa dang med pa zhes bya ba ni lnga ba lnga la bzhi ni yod par lta ba'o/ /ngan par lta ba ni med par lta ba'o/ gzhan yang lta ba sna tshogs ni yod ces bya'o/ /gzhan yang yod pa ni bdag gi phung po phyi ma yod par 'dzin pa ste/ rtag par lta pa'o/ /med pa ni bdag gi phung po phyi ma med par 'dzin pa ste/ chad par lta ba'o/ /mthar lta ba dang log par lta ba las lta ba drug cu rtsa gnas su 'dzin pa ni yod med ces bya'o/ /de ltar ngar 'dzin par lta ba drug cu rtsa gnyis la sogs par 'dzin cing chags te gtong du mi gtug pas log par byed pa nga rgyal can zhes bya'o/ /'di man chad tshig gcig gis ni dge ba med pas mi mthun pa bstan te/ gang dge ba dang ldan pa ni bsnyen pa bzhi la bsnyen par byed do/ /dge ba'i bshes gnyen la bsnyen pa dang/ yang dag pa'i chos nyan pa dang/ tshul bzhin yid la byed pa dang/ thos pa bzhin du nan tan byed pa'o/ /byis pa g.yo byed pa sdig pa can ni tshe rabs du mang sangs rgyas kyi ? yang mi thos na dge ba'i bshes gnyen dang gang zhig phrad do/ de ltar sangs rgyas kyang mi mthong chos kyang mi thos te/ chos thos pa'i skal pa med na yid la byed ba dang nan tan tu spyod par ga la zhig 'gyur te/ de ni shin tu gdul dka' bas thog ma nas theg pa chen po bstan par dka' o/ /mdo las/ nga'i thabs kyis de la shA ri'i bu zhes pa nas de dag mya ngan 'das pa nye bar bstan zhes pa'i bar du ni mi mthun pa bsdu ba bstan pa ste/ ngas sngar thabs kyi mya ngan las 'da' ba sdug bsngal zhig tsam bstan to// mdo las 'di ltar rtag tu ngas bshad mya ngan 'das zhes pa nas theg pa 'di ni gcig ste gnyis su med ces pa'i bar du ni 'di man chad tshig bcad bdun cu rtsa phyed dang gcig gi chos la gnas pa bstan pa ste/ de la rnam pa gsum mo/ /tshig phyed dang
- 248a
gnyis kyis ni phyogs bcu'i sangs rgyas kyi chos bstan to// bar gyi tshigs bcad sum cu rtsa phyed dang dgus ni dus gsum gyi sangs rgyas kyi chos bstan to/ /tha ma'i tshigs bcad sum cu rtsa phyed dang gcig gis ni nga? yang de bzhin no zhes pa bstan to// 'di ni phyogs bcu'i sangs rgyas kyi chos bstan pa ste/ mdo las theg pa gcig ste gnyis su med ces 'byung na gsum med par bya ste/ gcig tu bsdu bar ga la zhig rung/ mdo las sngon gyi de bzhin gshegs par 'byung ba zhes pa nas de dag tshang gzung du ni yod med ba zhes pa'i bar du ni 'di man chad tshigs bcad sum cu rtsa phyed dang dgus dus gsum gyi sangs rgyas kyi chos bstan pa ste/ de la yang rnam pa gsum mo/ /thog ma'i tshig nyi shu rtsa phyed dang brgyad kyis ni sngon 'das pa bstan to/ bar gyi tshig drug gis ni ma 'ongs pa bstan to/ /tha ma'i tshig bzhis ni da ltar bstan te 'das pa bstan pa la yang rnam pa gnyis te/ thog ma'i tshig phyed dang lngas ni sangs rgyas kyi chos bstan pa thog ma dkri ba'i thabs tsam bstan nas phyis yang dag par stan pa'o/ /tshig nyi shu rtsa gsum gyis ni sems can rnams chos thos nas mthar thams cad mkhyen pa'i ye shes thob pa bstan pa'o/ /snga ma la yang bzhi ste/ tshig gcig gis ni sangs rgyas mang ba bstan to/ /tshig gcig ni thabs tsam bstan to/ /tshig gcig gis ni yang dag par bstan to/ /tshig byed dang gnyis kyis ni ci'i phyir thabs dang yang dag pa bstan pa brjod do/ /mdo las skyes bu dam pa de dag thams cad kyi zhes pa nas thabs la mkhas pa brgya brag du ma yis zhes pa'i bar du ni thabs tsam du bstan pa brjod pa'o/ /mdo las de dag kun gyi theg pa gcig tu bstan zhes pa nas srog chags du ma bsam gyis mi khyab rnams zhes pa'i bar du ni yang dag pa bstan pa'o/ /mdo las rgyal ba'i thabs gzhan rnam pa tha dad pas zhes pa nas de bzhin gshegs pas 'jig rten ltar
- 248b
bcas pa zhes pa'i bar du ni ci'i phyir rgyal bas thabs tsam bstan pa dang/ yang dag pa bstan pa brjod pa ste/ sems can mang po cig car theg pa gcig la 'jug mi nus te de bas na dbang po dang sbyar te/ sngar thabs rnam pa tha dad pa bstan te/ phyis theg pa gcig tu bstan to/ /mdo las sems can gang gi de la mngon sum der zhes pa nas de dag thams cad byang chub thob pa 'gyur zhes pa'i bar du ni 'di man chad tshig nyi shu rtsa gsum gyis sems can mang po chos thos nas mthar thams cad mkhyen pa'i ye shes thob par bstan pa ste/ de la yang rnam pa gsum mo/ /thog ma'i tshig gnyis kyis ni sangs rgyas de ltar bzhugs pa brjod do/ /tshig nyi shus ni 'das pa'i sangs rgyas brjod do/ /tshig gcig gis ni bsdu ba bstan to/ /'di ni thog ma ste sangs rgyas dang phrad nas chos thos pas pha rol tu phyin pa drug dang bsdu ba bzhi la sogs pa ni bsod nams rnam pa tha dad pa zhes bya ste/ sangs rgyas kyi rgyur 'gyur ba bsgoms zhing byang chub sems dpa' i spyad pa spyod pas de dag thams cad byang chub thob par 'gyur ro/ /mdo las mya ngan las 'das rgyal bde dag gi/ zhes pa nas de dag thams cad byang chub 'thob par 'gyur/ zhes pa'i bar du 'di man chad tshig bcad nyi shus sangs rgyas 'das pa bstan te/ de la rnam pa lnga'o/ /tshig gcig gis ni byams pa bstan to/ /tshig phyed dang lngas ni mchod rten byas pa bstan te/ tshig phyed dang bdun gyis ni sku gzugs byas pa bstan to/ /tshig bdun gyis mchod pa byas pa bstan to/ /tshig gcig gis ni sangs rgyas brjod pa bstan to/ /'di ni thog ma ste/ bzod kyang zhil dul pa med dam/ zhil dul yang bzod pa med na byang chub kyi sems zhes mi bya ste/ gang bzod cing zhi la dul pa ni byang chub kyi sems zhes bya ste/ tshul bzhin du phan pa'i don du 'gyur la rab tu zhi zhing dul na de dag byang chub thob par 'gyur ro/ /'di 'di sangs rgyas mya ngan las 'das nas
- 249a
phyi ma gdul dka' ba rnams kyi spyod pa yin gyi sangs rgyas bzhugs pa'i tshe spyod pa 'dis rgyur bya ba ma yin no/ /pha rol tu phyin pa drug kyang sangs rgyas mya ngan las 'das nas thun mong du spyod pa yin te/ de dag kyang byang chub thob par 'gyur ro// mdo las gang gis ring srel la ni mchod byed pa zhes pa nas de dag gis kyang byang chub thob par 'gyur zhes pa'i bar du ni 'di man chad tshigs bcad phyed dang lngas mchod rten byas pas byang chub thob pa bstan pa ste/ de la yang rnam pa gnyis so/ /thog ma'i tshig bcad bzhis ni mchod rten byas pa bstan to/ /'og ma'i tshig bcad phyed kyis ni mdor bsdus pa bstan to/ /thog ma'i tshig gnyis kyis ni mchod rten mang po la rin po ches brgyan pa bstan to/ /tshig gcig gis ni rnam pa la mchod rten byas pa bstan to/ /tshig gcig gis ni rtsed mo'i phyir bye ma las mchod rten byas pa bstan pa ste/ gang gi mchod rten byas na tshangs pa'i rgyal po'i bsod nams dang mnyam mo/ /tshangs pa'i bsod nams ni gling bzhi dang/ 'dod pa'i khams drug gi lha'i bsod nams dang mnyam ste/ mchod rten byas nas byang chub thob par 'gyur ro/ /mdo las gang gis mchod rten rdo yi snying la byas zhes pa nas rgyal ba'i mchod rten dga' bzhin bas pa dang zhes pa'i bar du tshig cig gis ni rnam pa dgu la mchod rten du byas pa bstan to/ /mdo las de'i phyir rdul gyi phung po dag las kyang zhes pa nas de rnams kyis kyang byang chub thob par 'gyur zhes pa'i bar du tshig gcig gis ni rtse mo'i phyir dngos po rin chung ba la mchod rten byas kyang byang chub tu 'gyur ro/ /zhes bstan te/ bye ma las phung po byas te/ rgyal ba'i mchod rten byas na byang chub thob par 'gyur ba ni gang byang chub tu sems bskyed pa/ byang chub sems dpa' i spyad pa spyod pa/ dge ba'i rtsa ba gal
- 249b
byas kyang byang chub thob por byed pa la bya ba'i ma rabs ma nges pa'i rigs can nyan thos sam byang chub tu sems bskyed pa ni thob par 'gyur ba ma yin no/ /de'i tshul du chung du na thal mo sbyar te btung ba tsam yang byang chub thob par 'gyur zhes brjod pa yang de bzhin du sbyar ro/ /mdo las la las de bzhin rin chen gzugs byas pa zhes pa nas de dag thams cad byang chub thob par 'gyur ro zhes pa'i bar du tshig drug gi sku gzugs byas pa bstan pa ste/ de la yang rnam pa gnyis so/ /tshig lngas so ni sku gzugs byas pa bstan tshig phyed dang gnyis kyis ni mdor bsdus pa bstan to/ /sku gzugs byed pa yang gzhog pa dang ri mo bra ba la sogs pa'o/ /mdo las la las de ni rin chen sna bdun dang zhes pa nas de dag thams cad byang chub thob par 'gyur zhes pa'i bar du tshig gnyis kyis rin po che la sogs pas sku gzugs byas pa bstan pa'o/ /mdo las gang gis rtsig ngos sku gzugs bris pa ste zhes pa nas/ de dag thams cad byang chub thob par 'gyur zhes pa'i bar du tshig bcad 'di ni sku gzugs ri mor bris pa bstan pa'o// mdo las la las de ni slob pa'i tshe na'ang rung zhes pa de dag thams cad byang chub thob pa yin zhes pa'i bar du tshig bcad 'di ni rtsed mo las sku gzugs bris pa bstan pa'o/ /mdo las de dag thams cad snying rje can du 'gyur zhes pa nas byang chub sems dpa' mang po rab tu 'dzud ces pa'i bar du tshig bcad 'di ni mdor bsdus pa bstan pa ste/ gang snying rje chen po'i sems dang ldan pa ni dge ba ci byed kyang snying rje'i sems dang bcas pas pha rol tu phyin cing byang chub thob par 'gyur ro/ /mdo las de bzhin gshegs pa rnams kyi ring bsrel dang zhes pa nas de la me tog dang ni sbes gsol te zhes pa'i bar du ni 'di man chad tshigs bcad bdun gyis mchod pa bya ba bstan te/ de la tshig bcad phyed dang drug gis ni mchod pa bya ba bstan to//
- 250a
phyed dang gnyis kyis mdor bsdus pa bstan to/ /de la tshigs bcad gcig gis ni dngos po bzhis mchod pa bya ba bstan/ tshigs bcad gcig gis ni rol mos mchod pa bya ba bstan/ /tshigs bcad gcig gis ni dbyangs kyis mchod pa bya ba bstan/ tshigs bcad gcig gis ni lus kyi las kyi mchod pa bya ba bstan te/ /me tog gis mchod pas byang chub kyi yan lag bdun gyi me tog 'thob po/ /spos phul bas chos kyi sku'i gsung thob po/ /ba dan phul bas gzungs thob cing sdig pa las bzlog par 'gyur ro/ /gdugs phul bas tshad med pa bzhis sems can 'gebs par 'gyur ro/ /mdo las der ni gang gi bsil snyan brdung bcug pa zhes pa nas chu la brdabs dang thal mo brdabs pa dang zhes pa'i bar du ni rol mos mchod pa bya ba bstan pa ste/ mdo las rol mo dang na chung bzang mo pha rol gyi sems 'phrog pas sbyin par mi bya'o zhes 'byung ste/ sangs rgyas la mchod na 'gal ba med do/ /mdo las bde bar gshegs pa de la mchod pa'i phyir zhes pa nas ring bsrel de la rnam pa mang pos mchod ces pa'i bar du ni tshigs bcad 'dis dbyangs dang glu snyan pas mchod pa bya ba bstan pa ste/ tshangs pa'i dbyangs thob par 'gyur ro/ /mdo las bde gshegs ring bsrel la ni cung zad kyis zhes pa nas de dag rim gyis sangs rgyas bye ba mthong zhes pa'i bar du ni me tog gi mchod pa bya ba bstan pa ste/ sngar dngos po bzhis mchod pa las me tog gis mchod pa dang ci mi 'dra zhes na/ 'di ni 'khrug bzhin pa'i sems kyis mchod pa la bya'o/ /mdo las mchod rten de la gang gis thal mo sbyar zhes pa nas de bzhin lan cig lus kyang btud pa dang zhes pa'i bar du tshigs bcad 'di ni lus kyi las kyi mchod pa bya ba ste/ glu dang dbyangs kyis mchod pa ni dag gi las so/ /de ltar mchod pa bya bar bsam pa ni yid kyis las so/ /'di las gzhan pa ni phyi rol gyi zang zing gis mchod pa
- 250b
zhes bya'o/ /mdo las phyag 'tshal sangs rgyas lan cig smras pa dang zhes pa nas de dag kun gyis byang chub thob par 'gyur zhes pa'i bar du tshigS bcad 'di ni sangs rgyas kyi mtshan brjod pas byang chub thob par bstan pa ste/ sangs rgyas kyi mtshan lan cig brjod pas byang chub mchog thob na lan mang du brjod pa lta ci smos/ mdo las de'i tshe bde bar gshegs pa de dag ni zhes pa nas de dag thams cad byang chub thob par 'gyur zhes pa'i bar du tshigs bcad 'di ni sems can chos thos nas thams cad mkhyen pa'i ye shes thob pa bstan pa'o/ /mdo las phyis 'byung ba sangs rgyas bye ba mang po rnams zhes pa nas thabs 'di yang ni rab tu 'chad par 'gyur zhes pa'i bar du 'di man chad tshigs bcad phyed dang bdun gyi ma 'ongs pa'i chos bstan pa ste/ de la tshigs bcad phyed dang bzhis ni de ltar bshad pa dang mthun no zhes bstan to/ /tshigs bcad gsum gyis ni don snga ma bzlas te bstan to/ /snga ma la yang gnyis te/ tshigs bcad gcig gis ni thabs tsam du mthun pa bstan pa dang/ tshigs bcad phyed dang gnyis gyis ni yang dag pa bstan to/ /tshigs bcad gcig gis ni ci'i phyir bshad pa bstan to/ /mdo las thabs la mkhas pa dag ni mdza' yas pa zhes pa nas chos 'di thos nas sangs rgyas mi 'gyur ba zhes pa'i bar du tshigs bcad 'di ni yang dag par 'grub par 'gyur pa bstan pa ste/ de ltar chos thos pa thams cad kyi sangs rgyas su mi 'gyur pa med do/ /mdo las de bzhin gshegs pa rnams kyi smon lam ni zhes pa nas byang chub phyir du spyad nas spyad par 'jug ces pa'i bar du tshigs bcad 'di ni ci'i phyir bshad pa bstan pa ste/ de yang sngon gyi smon lam gyi dbang ngo zhes bstan to/ /mdo las dbye ba stong phrag du ma chos gyi sgo zhes pa nas de bzhin gshegs pa nyid du chos rnams bshad ces pa'i bar du 'di man chad tshigs bcad gsum gyis don snga ma bzlas te bstan
- 251a
to/ /de la tshigs bcad gcig gis ni sngar thabs tsam du bstan pa yang theg pa gcig tu zad pa dang/ tshigs bcad gnyis kyis ni mtshan nyid gsum gyi khungs bstan to/ /mdo las 'di ltar rtag tu chos kyi tshul gnas pa zhes pa nas thabs la mkhas pa shin tu ston par 'gyur zhes pa'i bar du tshigs bcad 'dis ni mtshan nyid gsum gyi khungs bstan te/ theg pa gcig ni yongs su rdzogs pa'i mtshan nyid la bya ste sngar bshad pa bzhin no/ /chos kyi gnas nyid ni chos thams cad la yang dag par gnas pas chos kyi gnas nyid do/ /chos la nyon mongs pa dang/ rnam par dag pa yod de nyon mongs pa spangs nas rnam pa thob pa ni chos mi 'gyur ba nyid do/ /yang dag pa'i mtshan nyid rtag tu gnas pas mi g.yo bar gnas pa'o/ /snying po byang chub la bzhugs shing chos thams cad la thabs mkhas pas shin tu ston to/ /chos thams cad la rnam pa gnyis te stong pa nyid dang yod pa nyid do/ /stong pa la khyad par med pas mtshan nyid gcig ste kun tu rtog pa zhes bya'o/ /yod pa la khyad par yod de rnam pa gnyis so/ /rtag pa dang mi rtag pa ste rtag pa ni yongs su rdzogs pa'i mtshan nyid do/ /mi rtag pa ni gzhan gyi dbang las kyi mtshan nyid do/ /de la yang gnyis te/ zag pa dang bcas pa dang zag pa med pa'o/ /zag pa dang bcas pa ni gzhan gyi dbang las mtshan nyid do/ /zag pa med pa ni yongs su rdzogs pa'i mtshan nyid de /de bas na yongs su rdzogs pa'i mtshan nyid kyi dbang du bya ste/ de la theg pa gcig ces bya'o/ /theg pa gcig gis yang dag pa nyid rig pas chos kyi gnas nyid dang chos mi 'gyur ba nyid de/ de la mi g.yo bar gnas nas sems can la thabs mkhas pas chos ston to/ /mdo las lha mi kun gyi mchod pa phyogs bcu na zhes pa nas de dag rnams kyang theg mchog 'di 'chad ces pa'i bar du 'di man chad tshigs bcad phyed dang lngas da ltar gyi ston to/ /mdo las thabs mkhas
- 251b
pa rab tu 'chad pa dang zhes pa nas dang pa zhi ba'i sa 'di rig nas so zhes pa'i bar du tshigs bcad 'di ni sngar thabs tsam bstan la phyis yang da pa bstan pa'o/ /mdo las lus can kun gyi spyod pa rig pa dang zhes pa nas sna tshogs mngon par bsgrub pa rab tu bstan zhes pa'i bar tshigs bcad 'di ni ci'i phyir sngar thabs tsam bstan la phyis yang dag pa bstan pa nyid ston pa ste/ lus can kun gyi spyod pa ni sems kyi spyod pa'i mtshan nyid do/ /ci bsams pa ni kun tu 'gro ba'i mtshan nyid do/ /mthu ni las kyi mthu'o/ /stobs zheS kyang bya ste sems can gyi dbang po sna tshogs shes pa'i stobs so/ /brtson 'grus ni gnas dang gnas ma yin pa'i stobs so/ /de ltar sems can gyi dad pa rig gnas dpe dang bzhi rnam pa mang po sems can gyi dbang po bzhin du sna tshogs mngon pa ston te// ma byon pa'i sangs rgyas rnams kyang mtshan nyid gsum rig par 'gyur ro/ /da ltar bzhugs pa yang sems can gyi dbang po mkhyen pas sngar thabs tsam bstan nas phyis yang dag pa ston to/ /mdo las 'dren pa'i dbang po rgyal rang yang 'dir zhes pa nas de ni nga yi rang rig ye shes stobs zhes pa'i bar du 'di man chad tshigs bcad sum cu sang yang de bzhin no/ /zhes pa bstan pa ste/ des la tshigs bcad gnyis kyis dngos su dmigs te bstan to/ /nyi shu rtsa brgyad kyis ni rgyas par bstan to/ /mdo las nga yis mthong ba'i sems can dbul po rnams zhes pa nas 'dod pas 'di dag rtag tu ldongs par byas zhes pa'i bar du tshigs bcad 'di ni rgyas par bstan pa ste/ thog ma'i tshig nyi shu rtsa phyed dang gcig gis ni nar theg pa gsum thabs tsam du bstan pa ste tshig rkyang pa las sems can gyi mos pa sna sogs mkhyen no zhes bstan pa'o/ /tshigs bcad bdun gyis ni da ltar yang dag pa nyid du stan pa brjod do/ /sngar sangs rgyas kyi theg pa gcig pu rnam pa thams cad mkhyen pa'i ye shes thob par
- 252a
bya ba'i phyir bstan pa'o/ /snga ma la yang rnam pa bzhi ste/ tshigs bcad byed dang bzhis ni skye ba'i gnas su bgegs las thar par bya ba bstan to/ /tshig gsum gyis grol bar bya ba bstan to/ /tshig gsum gyis grol bar bya bar mi nus pa sems pa bstan pa'o/ /tshig phyed dang du gnyis kyis ni thabs tsam du bstan par dgongs so/ /tshig phyed dang bzhis ni theg pa gsum sprul pa bstan to/ /snga ma la yang gnyis te tshig gis ni dge ba med pa bstan to/ /tshig phyed dang gsum gyis ni sdig pa yod par bstan to/ /nga yis mthong ba zhes bya ba ni spyan snga'i nang nas sangs rgyas kyi spyan gyis gzigs so/ /shes rab dang bsod nams spong ba ni 'gro ba drug gi sems can thog ma med pa nas bsod nams dang ye shes kyi rgyur 'gyur ba mi byed/ 'phags pa'i nor bdun dang mi ldan lha dang mi'i chos kyi nor bdun dang/ pha rol phyin pa drug dang thabs mkhas pa med pa ni shes rab dang bsod nams spangs pa'o/ /'di man chad tshigs bcad phyed dang gsum gyis ni sdig pa yod par bstan pa ste/ de la tshigs bcad phyed dang gnyis kyis ni da ltar gyi dus na 'khor bar nub cing sdug bsngal skye ba bstan to/ /tshigs bcad gcig gis ni 'grol bar 'dod kyang log par lta ba spyod pa bstan to/ /'jig rten na g.yag rnga ma la chags pa bzhin du sems can dag kyang 'dod pa lnga la chags nas sdug gyis gdungs te ngan song du lhung bar 'gyur te/ mdo las sangs rgyas mthu chen rnams kyang yongs mi tshol zhes pa nas nga yi snying rje stobs chen de dag la zhes pa'i bar du tshigs bcad 'di ni grol bar 'dod la log par lta ba spyod pa bstan pa ste/ sangs rgyas kyi mthu chen po dang/ ye shes kyi sdug bsngal gcod pa ni mu stegs can gyi lta ba dang 'dra bar ngan par lta bar ltung ste/ lus sdug bsngal bar byas nas 'khor ba'i sdug bsngal las grol bar 'dod pa ni mi gsha'o/ /lo drug gi bar du nas 'bru'i
- 252b
las ma zos kyang byang chub ma thob na tsher phung gi steng na nyal pas byang chub ga la zhig thob ste/ khyi rdo la bsnyeg la dang 'dra ba'i seng ge ltar mi la bsnyegs pa ma yin no/ /'di man chad tshig gsum gyis grol bar bya mi nus pa sems pa bstan pa ste/ de la yang gsum mo/ /tshigs bcad phyed kyis ni sngon spyod ba'i rgyus sems pa bstan to/ /tshigs gcig gis 'bras bu thob nas kyang sems pa bstan to/ /tshigs phyed dang gnyis kyis ni mi nus par sems pa bstan to/ /'di ni dang po lta sems can dag rgyu 'di gnyis dang ldan pas de'i snying rje stobs che ste de dag la'o zhes bstan to/ /mdo las de dag ngas bsams byang chub snying po deng zhes pa nas de'i drung na phan tshun 'chag cing gnas pa nas zhes pa'i bar du tshigs bcad 'di 'bral bu thob nas dgongs pa bstan pa ste/ mngon par sangs rgyas nas shing rgyal gyi drung du phan chun 'chag cing sems can gyi don ji lta ba bya ba dgongs pa'o/ /gzhan yang sdong po la brtag pa ni don la thugs bzhag pa bstan to/ /'chag pa ni sems can gyi de na mdzad pa'o/ /sdong po la brtag pa ni skye ba rnam bzhi'i skyabs mdzad par dgongs pa'o/ /'chag pa ni bsod nams dang ye shes sbyin par dgongs pa'o/ /mdo las ye shes 'di ni dam pa ngo mtshar che/ sems can 'di dag mi mkhas gti mug ldongs zhes bya ni thar par byar mi rung bar dgongs pa ste rgyu rnam bzhi'i phyir ro/ /chos zab pas shes par dka' ba dang/ dbang po rtul bas shes par dka' ba dang/ 'dod pa la chags pas gtong mi phod pa dang/ gti mug gi ldongs pas thar par byar mi rung ngo snyam dgongs so/ /mdo las de tshe ngal gsol ba tshangs pa dang/ zhes pa nas thams cad thal mo sbyar nas gus par 'khor ces pa'i bar du 'di man chad tshigs bcad phyed dang bcu gnyis thabs com du bstan par dgongs pa bstan pa ste/ de la yang rnam pa bzhi'o/ /dang po ni tshig gnyis kyis ni lhab rnams
- 253a
kyis chos bshad par gsol ba btab pa bstan to/ /tshig gsum gyis ni dgongs pa bstan to/ /tshig byed dang lngas ni bskal pa dang ldan pa bstan to/ tshig gnyis kyis ni thabs tsam gyis bstan to/ /'di ni tshangs pa'i rgyal po la sogs pas? gsol ba btab na theg pa gsum gyi chos bstan pa ste chos nyid kyis gsol ba ma btab par chos mi ston to/ /mdo las don rnams ji ltar bya bar gtu bsam zhes pa nas nga de dang zhi bar mya ngan 'dab bar shog ces pa'i par du 'di man chad tshig gsum gyis dgongs pa bstan pa ste/ 'di la yang rnam pa gnyis so/ /tshig gnyis kyis ni theg pa chen po'i sems can la gnod par 'gyur ba bstan to/ /tshigs bcad gcig gis ni theg pa gsum gyi sems can la phan par gyur pa bstan pa ste/ sems can 'di dag sdug bsngal gyis mngon sum du gzir bas khyim nas byung ba yang chos ma yin pa'i sdug bsngal spyod pas de dag la cig car theg pa chen po'i chos bstan na yid ches par mi 'gyur te/ byis pa'i blo can dag skur pas ngan song du lhung bar 'gyur te/ khyim pa rnams ni sdug bsngal gyis gzir bas yid ches par mi 'gyur/ rab tu byung ba phyi rol ba rnams ni chos bshad pas yid mi ches te/ de bas na chos ma bshad par myur du mya ngan las 'das kyang bla'o snyam dgongs so/ /mdo las mngon par dga' ba sngon gyi sangs rgyas dang zhes pa nas rnam pa gsum du phye ste rab tu bshad ces pa'i bar du ni theg pa gsum gyi sems can la phan pa ste/ sangs rgyas rnams dang mthun pa'i phyir ro/ /mdo las nga yis don de de ltar bsams pa ni zhes pa nas 'jig rten 'dren pa rnams kyi rjes thob pa zhes pa'i bar du 'di man chad tshig phyed dang lngas ni skal pa dang ldan pa la 'dul bar 'gyur ba bstan pa ste/ tshig phyed dang gnyis kyis ni da ltar gyi sangs rgyas bsngags pa bstan pa'o/ /tshig phyed
- 253b
kyis ni sangs rgyas rnams dang mthun pa bstan to/ /tshig phyed dang gsum gyis ni phyi ma bden gyi snga ma thabs tsam du bstan to zhes dbang du 'gyur ba bstan to/ /mdo las nged kyang dam pa'i gnas rig de yi tshe/ rnam pa gsum du phye ste rab tu bshad ces pa ni bdag dbang du 'gyur ba bstan to/ /thabs tsam du theg pa gsum bshad ces pa'i don to/ /mdo las mkhas pa ma yin dad pa chung ba'i mi zhes pa nas byang chub sems dpa' mang po gzung par bya zhes pa'i bar du ni byis pa'i blo can dad pa chu bdag chung bo//? mos pas 'tshang rgya bar 'gyur ba'i don chen po la yid mi ches pas sngar theg pa gsum thabs tsam du bstan te/ byang chub sems dpa' gzung byed do/ /mdo las de'i sgra thos pa ni dga' 'gyur ba zhes pa nas drang srong che mchog gdon mi za ba gsum chos pa'i bar tshigs bcad gnyis kyis thabs tsam du 'dren pa bstan pa ste/ sgra thos te dga' bas bstod pa dang de'i rjes su spyod pa dgongs pa bstan pa'o/ /mdo las bdag kyang de bzhin kun tu spyad pa ni zhes pa nas sems can rnyog pa can gyi nang du skyes zhes pa'i bar ni rjes su spyod pa bstan par dgongs pa ste/ skal pa dang ldan pa la rtog pa can gyi nang du skyes kyang de'i rjes su spyod pa dgongs pa'o/ /mdo las de ltar pa zhes nas ni shA ri'i bu zhes pa nas thabs kyi rab tu zhi ba'i chos bshad ces pa'i bar du 'di man chad tshigs bcad phyed dang bzhis theg pa gsum sprul par yang dag par bstan pa ste/ de la rnam pa gsum mo/ /tshig phyed dang gnyis kyis ni thabs tsam du bstan to/ /tshig gcig gis ni dkon mchog gsum byung ba bstan to/ /tshig gcig gis ni da ltar dang 'das pa grub pa bstan pa ste/ bA ra Na si ni ri dwags la ma'i ? pa byin pa'i gnas so/ /gnas der thog mar ston lnga ba la chos bstan te thabs kyis rab tu zhi ba'i chos bstan to/ /mdo las de nas nga ni chos kyi 'khor lo bskor zhes pa der ni dge 'dun sgra yang de bzhin
- 254a
byung zhes pa'i bar du ni dkon mchog gsum byung ba bstan pa ste/ chos kyi 'khor lo bskor ba ni lan gsum du tshul bcu gnyis kyis bskor ba'o/ /'khor lo zhes bya ba ni 'khor cing mi gnas pa'i don to/ /'phags pa'i lam gyi yan lag brgyad dang ci rigs su sbyar ro/ /'phags pa'i lam bstan pas pha rol 'bras bu thob pas bskor ba zhes bya'o/ /de ltar 'phags pa'i lam 'jig rten du byung bas dkon mchog gsum gyi sgra yang 'jig rten du byung bar gyur to/ /sangs rgyas nyid ni sangs rgyas dkon mchog mya ngan las 'das pa dang 'bras bu dang chos bstan pa ni chos dkon mchog go/ rten lnga la sogs pa ni dge 'dun dkon mchog go/ mdo las lo yi grangs ni mi nyung bar yang bshad ces pa nas de bzhin rtag par dus gsum dungs smras so zhes pa'i bar du da ltar dang sngon yang 'grub pa bstan pa ste/ de ltar gyi dus 'di 'ba' zhig du mya ngan las 'das pa bstan pa ma yin gyi lo'i grangs mi nyung bar sdug bsngal gyi mdza' zad kyi bar du bshad cing bstan to/ /mdo las da ni de'i tshe na shA ri'i bu zhes pa nas thabs la mkhas pa rnam pa mang po'o zhes pa'i bar du 'di man chad tshigs bcad bdun gyis chos 'di bshad pas thams cad mkhyen pa'i ye shes thob po zhes bstan pa ste/ 'di la yang rnam pa bzhi'o/ /thog ma'i tshig gnyis kyis ni dbang po smin pas phrad pa bstan to/ /tshig gcig gis ni don bya bar dgongs par bstan to/ /tshig gsum gyis ni yang dag par bshad pa bstan to/ /ngas thabs tsam du bstan pa yang sngon gyi rgyal ba dag las thabs tsam du bstan pa thos pas dge ba'i rtsa ba dang ldan zhing nga dang phrad pa las chos bshad par dgongs pa bstan pa las mdo las de ma thag tu ngas ni 'di snyam bsam zhes pa nas byang chub mchog de 'dir ni rab tu bshad ces pa'i bar du don
- 254b
bya bar dgongs pa bstan pa ste/ dbang po smin pa rnams la sangs rgyas kyi ye shes bshad de byang chub mchog la ci'i phyir dgod par mi bya snyam dgongs te/ dus la bab par bstan pa'o/ /mdo las de ring 'di la dad par dka' ba ni zhes pa nas mi mkhas pa dang nga rgyal ldan pa'o zhes pa'i bar du 'di man chad tshigs bcad gsum gyis yang dag par bshad pa bstan pa ste/ de la tshig gcig gis ni mi mkhas pa byis pa'i blo can 'dzin mi nus pa bstan to/ /tshig gnyis kyis ni dbang po rnon po blo dang ldan pas 'dzin nus pa bstan to/ /chos 'dzin mi nus pa'i skyon rnam pa lnga ste/ dbang po rtul pos chos thos kyang don mi go ba dang byis pa'i blo can shes pa chung ba dang/ mtshan mar 'du shes pa stong pa dang/ yod pa'i mtshan ma gnyis su 'dzin pa dang/ nga rgyal can longs spyod kyis rgyags pa dang dregs pa mi mkhas pas nyon mongs pa dang bcas pa'o/ /mdo las de la nga yang 'jigs med rab tu dga' zhes pa nas 'di dag thams cad 'jig rten sangs rgyas 'gyur zhes pa bar du 'dzin nus pa bstan pa ste/ dga' ba ni dga' ba tshad med pas sems can 'tshang rgya ba la phrag dog med pa'o/ /'jigs pa med pa ni gdon mi za ba'i don te seng ge'i sgra sgrogs pa la gdon mi za ba'o/ /rnam par kun spangs pa ni thabs tsam du gsum du bstan pa'o/ /sar ma phyin pa'i byang chub sems dpa' ni bdag gi byang chub sems dpa' thob par 'dzin te/ nyan thos la skal pa med par 'dzin pa dang/ rigs ma des pa dag bdag kyang skal pa med par sems pas chung ngur phyir nur bdag gis phyir chos 'di bstan pas the tshom dang bral ba bstan pa'o/ /nyan thos brgya phrag bcu gnyis kyang 'tshang mi rgya bar sems pas de dag gi phyir yang chos bstan to/ /mdo las 'di ltar snga ma'i skyob pa de dag dang zhes pa nas de ltar khyod la de ring des bshad do zhes pa'i bar du ni chos bsdus pa bstan pa ste/ theg pa chen po'i
- 255a
don dam par ni ngo bo nyid kyi rnam par rtog pa spangs te/ theg pa gsum la tha dad pa med pas thams cad 'tshang rgya bar 'gyur ro zhes bstan to/ /mdo las res 'ga' gang du ci yi 'jig rten du zhes pa nas gang gi chos mchog thos nas dang pa'o/ /zhes pa'i bar du 'di man chad tshigs bcad bdun gyis ma thos pa thos par bya ba bstan pa ste 'di la yang rnam pa bzhi'o/ /de la tshig gnyis shin tu dka' ba bzhi bstan to/ /tshigs bcad phyed dang gsum gyis ni dpe rnam pa gnyis shin tu dka' ba bstan to/ /tshigs bcad phyed dang gnyis kyis ni dad pa bskyed par bskul ba bstan to/ /tshigs bcad gcig gis ni don bsdus pa bstan to/ /dka' ba bzhi la sangs rgyas 'byung bar dka' ba dang chos bshad par dka' ba dang/ chos thos par dka' ba dang/ nyan par dka' ba'o/ /de la sangs rgyas 'byung bar dka' ba ni bskal pa bzang po'i sangs rgyas stong 'byung ba lta bu'o/ /de bzhin du bskal pa du mas sangs rgyas 'byung zhing sangs rgyas 'od srungs lta bu zhag bdun las mi bzhugs pas sangs rgyas 'byung ba de ltar dka' ba'o/ /de ltar sangs rgyas 'byung bar dka' ba mi khom pa brgyad kyis bskal te/ sangs rgyas dang phrad par dka' bas chos thos par dka' o/ /chos mi thos pas spyod pa'ang shin tu dka' o/ /mdo las u dum wa ra me tog rnyed dka' bzhin zhes pa nas sangs rgyas thams cad mchod pa byas par 'gyur zhes pa'i bar du tshigs bcad 'di ni dpe gnyis kyis rnyed par dka' ba bstan pa ste/ de la tshig gcig gis ni chos 'byung bar dka' ba bstan/ tshig phye dang gnyis kyis ni thos nas bstod par dka' ba bstan te/ chos 'byung ba dang thos nas bstad par dka' ba yang u dum wa ra'i me tog dang 'dra ba'o zhes bstan to/ /mdo las the tshom som nyin ma par spongs zhes pa nas 'di nang la nyan mongs
- 255b
gang yang med ces pa'i bar du ni dad pa skyed par bskul te/ the tshom spongs shig par bstan pa'o/ /mdo las shA ri'i bu khyod 'di yang gsang bar gyis zhes pa nas nga yi gsang ba 'di rnams thub par gyis zhes pa'i bar du ni sangs rgyas rnams kyi gsang bar bsngagS pa bstan pa'o/ /mdo las ji lta zhe na rnyog pa lnga yi tshe zhes pa nas de dag rnams kyang byang chub sems mi skye zhes pa'i bar du 'di man chad spyir tshigs bcad gsum gyis the tshom bzhi gsal ba bstan te/ de la yang rnam pa gsum mo/ /thog ma tshigs bcad gcig gis sangs rgyas nas 'jig rten du 'byung zhing theg pa gsum gyi rnyog pa lnga'o tshe 'byung ba 'gyur ba bstan to/ /tshigs bcad gcig gis ni ji ltar na nga rgyal gyi dbang du gyur pa dgra bcom pa'o/ /zhes brjod cing chos 'di la yid ches pa'i chos med par bstan to/ /tshigs bcad gcig gis ni ji ltar ston par 'gyur snyam pa ston to/ /mdo las nga yi theg pa gcig po 'di thos pa zhes pa nas mdo sde skur pas sems can dmyal bar 'gro zhes pa'i bar du tshigs bcad 'dis ni ma 'ongs pa'i dus na/ sems can sdig pa can nga rgyal gyi dbang du gyur pa sems can dmyal bar 'gro bar bstan to/ /mdo las 'dzom zhing gtsang bar 'gyur ba'i sems can dag ces pa nas theg pa gcig gis bsngags pa mdza' yas so zhes pa'i bar du tshigs bcad 'dis ni ji ltar bstan par 'gyur ba bstan te 'dzam pa ni khrel pa dang ngo tsha dang ldan pa'i don to/ /mdo las 'dren pa rnams kyis bshad pa de lta bu zhes pa nas sangs rgyas 'gyur gyis dga' ba rab tu skyed ces pa'i bar du tshigs bcad 'di gsum ni dga' ba'i sems dang ldan pa nges par 'tshang rgya bar bstan pa ste/ tshig phyed dang gnyis kyis ni sangs rgyas kyis chos rnams mthun te ma bslab na mi rtog par bstan to/ /tshig phyed dang gnyis ni dga' ba'i sems bskyed pas 'tshang rgya bar
- 256a
'gyur ba bstan to/ /dam pa'i chos puN+Da ri ka'i 'grel pa// //bam po lnga pa/ 'di man chad dpe'i le'u ste/ rnam pa gsum du dbye'o/ /ci'i phyir bstan pa dang le'u'i ming bstan pa dang/ dogs pa bsal ba'o/ /ci'i phyir bstan pa la yang gnyis te/ shA ri'i bu dbang po rnon pos thos pa tsam gyis rtog pa dang/ gang zag bzhi po dbang po 'brid pos dpe bstan pas shes par 'gyur ba ste/ dbang po 'bring po'i phyir dpe'i le'u 'di bstan to/ /'grel pa las 'di man chad nyon mongs pa dang bcas pa'i skye bo bdun po'i phyir dpe rnam pa bdun gyis nga rgyal rnam pa bdun dang nyon mongs pa gsum gyi gnyen por bstan to/ /de le'u'i ming bstan pa ni dpe'i le'u ste/ dpe zhes bya ba ni 'jig rten gyi mngon sum gyi 'jig rten las 'das pa'i don zab mo rtogs par byed pa'i don to/ /de la dogs pa bsal ba ni dris pa las 'dir ni dpes don bstan pas le'u yang dpe'i le'u zhes gdags su dung na le'u snga ma las chos 'ba' zhig ston na de la chos kyi le'u zhes gdags pas/ lan btab pa snga phyi 'grel pas gzhung gis de lta bu yin yang mi gdags pa la so so ste/ thabs zhes bya ba ni bye brag tu dbye'o/ /dpe ni spyir bsnyegs te tha dad pa med do/ /mdo las de nas tshe dang ldan pa shA ri'i du zhes pa nas dga' ba thob ces pa'i bar du 'di man chad le'u 'di la spyir rnam pa gnyis dbye ste/ shA ri'i bu chos thos nas dga' rangs te lung bstan pa thob pa dang dpes dbang po 'bring po la chos bstan pa'o/ /'di man chad shA ri'i bu chos thos nas dga' rangs pha la rnam pa gnyis te/ tshig rkyang pa la smos pa dang/ tshigs su bcad de bzlas pa'o/ /ji ltar re ba bzhin du yid dang mi 'gal ba thos pas dga' ba dang spro ba'o/ /bshad par gsol bas thal mo sbyar ro/ /bshad pa'i lan sdod pas bcom ldan
- 256b
'das la lta'o/ /'di lta bu'i sgra zhes pa ni theg pa chen po'i gsung rab po/ /sngon ma thos pa thos pas ngo mtshar rmad du gyur to/ /gzhan yang don rnam pa gsum gyis dga' ba thob bo/ /sangs rgyas las thob nas sems rab tu bde zhing bdud ma yin par rtogs dga' ba dang yang dag pa gcig thos pas snga ma gsum po thabs tsam du bstan par shes pas dga' pa dang/ sangs rgyas kyi dgra bcom pa brgya phrag byed dang bcu gsum yang sangs rgyas su lung bstan pa thos pas dga' ba thob po/ /mdo las de ci'i slad du zhes pa nas yongs su gdung bar gyur to/ /zhes pa'i bar du 'di man chad ni ci'i phyir dga' ba bstan te/ de la yang rnam pa bzhi'o/ /chos chen po las nyams pas gdung bar gyur pa dang/ theg pa chung dus bstan pas 'gyod pa dang/ thos nas mya ngan zad pas dga' ba dang sangs rgyas kyis sras rnams byang chub thob par rtogs pa'o/ /'di ni chos chen po nyams pas gdung bar gyur pa bstan pa ste/ bdag cag gis sngon byang chub sems dpa' la lung bstan pa thos kyang lung bstan pa ma thob po snyam nas gdung bar gyur pa dang/ de bzhin gshegs pa'i ye shes dang gzigs pa las nyams pas gdung bar gyur to/ /mdo las bcom ldan 'das zhes pa nas sha stag gis spyod do zhes pa'i bar du ni theg pa chung dus bstan pas 'gyod pa bstan pa ste/ 'di la yang rnam pa gnyis so/ /chung dus gnas pas 'gyod pa dang/ log par gyur pas 'gyod pa'o/ /chos kyi dbyings ni gang zag la bdag med pa'i yang dag pa nyid de/ de la byang chub sems dpa' dang bdag cag zhugs par mtshungs na ci'i slad du bcom ldan 'das kyis bdag cag theg pa chung ngus bton snyam 'gyod do/ /mdo las bcom ldan 'das zhes pa zhes de snyam du sems so/ zhes pa'i bar du ni 'dir bdag 'gyod pa bstan te/ nongs zhes bya ba ni sdig pa la zhes/ mdo las ci'i slad du zhes pa nas
- 257a
bton par 'gyur zhig na zhes pa'i bar du ni ci'i phyir zhes bya ba bstan te/ de yang bla na med pa'i byang chub du brtsams pa'i rgyu byang chub kyi phyogs dang pha rol tu phyin pa dang mngon par shes pa dang/ sems can yongs su smin bar byed pa'o/ /bsdang ba ni re ba'i don te de bas na bdag cag gis bla na med pa'i byang chub kyi rgyur 'gyur ba re ba'i sems kyis bsdad na ni theg pa chen po'i chos la ston par 'gyur ba zhig bdag cag la re ba med pas na theg pa chen po la dgod par ma gyur to snyam 'gyed do/ /byang chub kyi sems la rnam pa gsum ste/ 'dus byas las skye ba dang/ byang chub tshol ba dang sems can la shin tu dgongs pa'o/ /mdo las bcom ldan 'das zhes pa nas dgra bcom pa thob bo zhes pa'i bar du ni shin tu 'gyod pa bstan pa ste/ bcom ldan 'das kyis ldem po dag tu gsungs pa rig nas thabs tsam du bstan pa thos ma thag tu gzung ba dang/ bsgoms pa dang/ bsams pa dang/ yid la byas pas theg pa chen po la ma bkod pa ni bdag cag gis nongs so snyam 'gyod par gyur to/ /de la thos nas mya ngan zad pas dga' ba ni sngon theg pa chen po'i rnam par grol ba la skal ba med snyam du 'dzin te/ de bcom ldan 'das las theg pa chung du gnyis nges pa'i don ma yin te/ sangs rgyas kyi byang chub la skal ba yod par rtogs pas mya ngan zad nas dga' ba dang bsil ba thob par gyur to/ /de ltar the tshom med pas bde ba dang bsil bar gyur to/ /mdo las bcom ldan 'das kyi sras thub bo zhes pa nas yongs su gdung pa dang bral lo zhes pa'i bar du ni sangs rgyas kyi sras rnams byang chub thob par rtogs pa bstan pa ste/ 'phags pa'i ye shes thob cing sangs rgyas kyi thugs las byung bas sras thu ba'o/ /so so'i skye bo las gzhan pa ni thugs las byung ba'o/ /chos kyi gsung rab las byung bas zhal nas skyes pa'o/ /chos kyi rjes su tshul bzhin yid la byed pa ni chos las skyes pa'o
- 257b
chos kyi sku'i rjes su de dang 'dra ba'i chos thob pa ni chos kyi sprul pa'o/ /chos kyi nye mtshams chos kyis grub pa ni zag pa med pa'i chos rin po che la longs spyod pa ste/ chos ni chos dkon mchog dang 'phags pa'i nor bdun no/ /sangs rgyas dang byang chub sems dpa' rnams kyis ji ltar chos la longs spyod pa dang 'dra bar gdag kyang chos kyi nor la longs spyod par bya'o zhes pa'i don to/ /sangs rgyas kyi sras zhes bya ba ni 'jig rten gyi skyon dang bcas pa mi gtsang ba'i mngal nas skyes pa las bzlog pa'o/ /thugs las 'byung ba ni pha ma'i khu ba mi gtsang ba las 'byung ba ma yin par bstan pa'o/ /zhal nas skyes pa ni chos ma yin pa'i 'dod chags las 'byung ba ma yin par bstan pa'o/ /chos las skyes pa ni chos kyi sku'i rigs 'tsho ba pa bstan pa ste/ ji ltar bram ze dag rigs 'tsho bab bzhin no/ /chos kyi sprul pa ni chos kyi nor la longs spyod pa ste ji ltar 'jig rten na pha nor la bu dag spyod pa bzhin no/ mdo las de nas tshe dang ldan pa zhes pa nas theg pa mchog 'dir bdag ni yongs smin mdzad ces pa'i bar du 'di man chad tshig bcad kyis bstan te/ tshigs bcad nyi shu rtsa phyed dang drug la rnam pa gnyis te/ thog ma'i tshig phyed dang gsum gyis ni gleng ba bstan to/ /tshigs bcad nyi shu rtsa gsum gyis ni bshad pa bstan to/ /gleng ba bstan pa la gnyis te/ thog ma'i tshig gcig gis ni the tsom med pas rab tu dga' ba bstan to/ /tshig phyed dang gnyis kyi ni the tsom dang mya ngan zad pas ngo mtshar du gyur pa bstan to/ /bde bar gshegs pa'i gsung de ngo mtshar du gyur zhes pa nas gsung thos pa yis thams cad med par gyur zhes pa'i bar du the tsom dang mya ngan zad pas ngo mtshar du gyur pa bstan to/ /sngon theg pa chen po ma thos pas the tshom dang mya ngan du gyur pa las de theg pa chen po thos pas the tshom dang mya ngan slos pa bsal zhes smos so/ /mya ngan slos pa zhes bya ba ni sangs rgyas su mi 'gyur du dogs
- 258a
ba'o/ /mdo las gdugs la spyod cing phan tshun 'chi ba dang zhes pa nas/ kye ma sdig gi sems kyi bdag bslus pas zhes bya ba'i bar du 'di man chad ni 'gyod pa bstan pa ste/ kye ma zhes bya ba ni shin tu 'gyod pa'i tha tshig ste/ sngar theg pa chung du la gnas pas theg pa chen po la skal ba med pa tsam du 'dzin pas sdig pa'i sems kyis bslus pa zhes bya'o/ /mdo las zag pa med pa'i chos su 'dra ba la zhes pa nas 'chad par mi 'gyur ro zhes pa'i bar du tshig 'di ni cis 'gyod pa bstan pa ste/ zag pa med pa'i chos kyi dbyings kyi yang dag pa nyid de/ shes pa med pa dag ni ma 'ongs pa'i dus su sangs rgyas su 'gyur zhing chos 'chang par mi 'gyur ro zhes bstan to/ /mdo las bdag ni sum cu rtsa gnyis mtshan las nyams zhes pa nas bdag rmongs so zhes pa'i bar du 'di man chad tshig phyed dang drug gis chos chen po las nyams pas/ 'gyod pa bstan te 'di la yang rnam pa gnyis su dbye'o/ /de la tshig phyed dang bzhis ni chos chen po gang nyams pa bstan te tshig gnyis kyis ni bdag 'gyod pa bstan to/ /chos gang nyams pa bstan pa la yang gnyis su dbye ste/ thog ma'i tshigs bcad gnyis kyis ni phyi nang gi mtshan gyis brgyan pa'i yon tan bstan to/ /tshig phyed dang gnyis kyis ni grags pa dang rnyed ba'i yon tan bstan to/ /mtshan gyis brgyan pa la yang rnam pa gnyis te/ tshigs bcad gcig gis ni mtshan rdzogs pas bdud brtul ba'i yon tan bstan to/ /tshigs bcad gcig gis ni dpe byad rdzogs pas ma 'dres pa'i yon tan bstan pa ste/ 'dir ni mtshan rdzogs pa'i yon tan to/ /mtshan sum cu rtsa gnyis zhes bya ba ni shes rab kyi pha rol tu phyin pa chen po las rgyas par bshad pa bzhin no/ /mdo las thub pa chen po'i dpe byad bzang po gang zhes pa nas de la bdag cag nyams
- 258b
shing? ches bslus so zhes pa'i bar du ni dpe byad bzang po rdzogs pas ma 'dres pa'i yon tan bstan pa ste/ dpe bya bzang po brgyad cu yang shes rab kyi pha rol tu phyin pa chen po las rgyas par bshad pa bzhin no/ /sangs rgyas kyi chos ma 'dres pa bco brgyad kyang 'grel pa las rgyas par bshad pa bzhin te/ theg pa chung du gnyis la med pas ma 'dres pa zhes bya'o/ /mdo las 'jig rten phan pa thugs brtse khyod mthong nas zhes pa nas kye ma bdag ni bslus zhes rnam par sems zhes pa'i bar du ni grags pa dang rnyed pa'i yon tan bstan to/ /de ltar bdag slus pas sangs rgyas kyi yon tan las nyams te chung dus chog par 'dzin to/ /mdo las ma chags ye shes bsam gyis mi khyab las zhes pa nas rnam par 'dren pas bstan pa'o/ /zhes pa'i bar du ni bdag 'byor pa bstan pa ste/ de la tshigs bcad gcig gis ni theg pa chen po las nyams ma nyams zhes dris pa'o/ /tshigs bcad gcig gis ni bdag rtag tu sangs rgyas mthong yang byang chub sems dpa' la ni bsngags shing bstod kyi bdag cag lam bstod do snyam sems pa'o// mdo las sangs rgyas gsungs 'di bdag gis thos pa ni zhes pa nas/ byang chub snying por gsungs zhes pa'i bar du 'di man chad tshigs bcad bcu bzhis ni thos nas dga' bas mya ngan zad pa bstan ste/ /de la gnyis su dbye'o/ /tshig phyed dang bcu gsum gyis ni the tshom dang mya ngan bsal ba bstan to/ /tshig phyed dang gnyis kyi shin tu bde ba thob pa bstan to/ /snga ma la gnyis te/ tshigs lngas ni sngon gyi mya ngan zad pa bstan to/ /tshig phyed dang brgyad kyis ni da ltar gyi the tshom du gyur pa bstan to/ /snga ma la yang gnyis te tshig gcig gis ni ci'i phyir the tshom bsal ba bstan to/ /tshig bzhis ni the tshom bsal ba bstan to/ /'dir ni chos thos pa mya ngan zad pa bstan to/ /sangs rgyas kyis gsungs pa 'di thos pas zag pa med pa'i ye shes dpag dka' ba byang chub kyi
- 259a
snying por 'gyur ba thos pas mya ngan dang bral te/ mya ngan dang bral bas zag pa med pa zhes bya'o/ /mdo las sngon chad bdag ni lta la chags gyur pa zhes pa nas bdag gis stong pa nyid kyis chos thob ste zhes pa'i bar 'di man chad tshig bzhi la mya ngan bsal ba bstan te/ de la yang gnyis su dbye'o/ /tshig phyed dang gnyis kyis ni sngon ngan par lta ba las phyis yang dag par gyur pa bstan to/ /tshig phyed dang gsum gyis ni da theg pa chung dur rtogs nas theg pa chen po la 'jug pa bstan to/ 'dir ni ngan par lta ba las yang dag par lta ba bstan pa ste/ sngon mu stegs can gyis ston pa las 'khor brgya dang bcas te sangs rgyas kyi bstan pa la rab tu byung nas gang zag la bdag med pa chung de dgra bcom par gyur bas stong pa nyid kyis chos thob ces bya'o/ /mdo las de phyir bdag ni mya ngan 'das snyem bgyid/ mya ngan 'das zhes bya ba de ma lags zhes pa ni theg pa chung dur rtogs nas theg pa chen po la 'jug pa bstan pa ste/ de la yang gnyis so/ /tshig gcig ni theg pa chung dur rtogs pa dang tshig gcig ni chen po las nyams pa zhes bya'o/ /mdo las nam zhig sangs rgyas sems can gtsor gyur te zhes pa nas gsung thos de ring bdag ni mya ngan 'das zhes pa'i par du ni yang dag pa'i 'gog pa rtogs shing mngon par byang chub pa bstan te/ mchan dam pas sku brgyan pas sems can mang po 'du ba'i gnas su gyur pa nyid skye ba rnam pa gnyis spangs shing zag pa med pa brnyes pa'i phyir theg pa chen po mya ngan las 'das pa thob po/ /mdo las gang tshe bdag ni byang chub mchog lung bstan zhes pa nas bdag ni bag tsha ba'i mthu skyes pa zhes pa'i bar du ni 'di man chad tshigs su bcad pa phyed dang brgyad la bag tsha ba'i the tshom bsal ba bstan te sngar tshigs bcad gcig gi the tshom gyi gzhi gleng ba bstan /de'i 'og
- 259b
mas ni the tshom bsal ba'i bstan tshigs bstan/ de'i 'og ma gzhan gyis ni dngos su the tshom bsal ba bstan te 'di ni dang po'o/ /mdo las thog mar rnam par 'dren gyi gsung thos nas zhes pa nas gang tshe rgyu dang gzhi yi rnam pa dang zhes pa'i bar du ni the tshom dngos su bsal ba bstan te/ de la yang dang po'i tshigs bcad 'dis ni the tshom skye ba'i gtan tshigs bstan 'og ma phyed dang drug gis ni the tshom dngos su bsal ba bstan to/ /sngon bcom ldan 'das kyi theg pa rnam pa gsum bshad de de so so'i 'bras bu yang thob pa'i rjes la da? theg pa gcig go zhes gsungs pa 'di sngar gsungs pa dang mi 'gal pa'i phyir gzhung la the tshom med kyang smra ba'i tshig 'di bdud kyis bshad pa ma yin nam zhes the tshom du gyur pa'o/ /mdo las dpe rnams bye ba khrag khrig snyed kyis bstan zhes pa nas de nas bdag ni chos thos the tshom bral zhes pa'i bar du ni the tshom dang bral ba dngos su bstan pa ste/ 'di man chad thabs mkhas pas dpe dang don bsal pa'i phyir the tshom dang bral ba dang/ dus gsum gyi de bzhin gshegs pa thabs mkhas pa ston pa mthun pa'i phyir the tshom dang bral ba dang/ de bzhin gshegs pa'i gsung rab dang bdud kyi tshig dang mi mthun pa'i phyir the tshom dang bral ba ste/ 'di ni dang po'o/ /bcom ldan 'das chos ston pa yang dpe'i sgo nas chos ston pa dang/ don dngos su bstan pa'i phyir chos ston pa la dpe dang don du sbyar ba la mi 'gal ba'i phyir the tshom dang bral ba'o/ /mdo las de ltar bdag la sangs rgyas bye ba stong zhes pa nas shin tu ston par 'gyur zhing de ltar 'chad ces pa'i bar du ni 'dis dus gsum gyi de bzhin gshegs pa thabs mkhas pas chos ston pa la lugs mthun pa ston te/ tshig dang po ni 'das pa dang sbyar/ de'i 'og ma ni ma 'ongs pa dang de ltar gyi dang sbyar te/ dus gsum gyi de bzhin gsheD pa chos ston pa la drang ba dang dres par ston
- 260a
pa gzhung lugs mthun pa'i phyir the tshom dang bral ba'o/ /mdo las de ltar khyed ni spyod pa ni ci 'dra ba zhes nas chos kyi 'khor lo ci 'dra khyod kyis mkhyen zhes pa'i bar du ni dus gsum gyi sangs rgyas kyang mtshungs pa'i sgo nas the tshom bral ston te/ dang po bltams pa dang khab nas byung ba'i bar du ni sku'i spyod pa bstan to/ /'phags pa'i lam brnyes pas ni thugs kyi spyod pa bstan to/ /chos kyi 'khor lo bskor bas ni gsung gi spyod pa bstan to/ /de ltar ston pa la 'khrul pa dang 'gal ba med pa'i phyir the tshom bsal to/ /mdo las ji ltar khyod gyis chos bshad gnas pa las zhes pa nas bdag nyid de ltar sems la the tshom skyes zhes pa'i bar du ni de bzhin gshegs pa'i gsung rab dang/ bdud kyi tshig mi 'dra ba las the tshom dang bral ba bstan to/ /mdo las gang tshe 'jam zhing zab mo snyan pa'i zhes pa nas the tshom dang bral ye shes gnas zhes pa'i bar du ni 'dis nyon mongs pa zad pas dga' ba skye ba bstan te/ thugs rjes 'dren pa'i gsung ni 'jam pa'o/ /'brug sgra lta bus rgyad du thos par byed pa ni zab pa'o/ /ka la bingka'i sgra lta bu yid du 'ongs pa ni snyan pa'o/ /drang ba'i don bsal te nges pa'i don la gnas pa ni ye shes la gnas pa'o/ /mdo las de bzhin gshegs par bdag 'gyur the tshom med ces pa nas byang chub sems dpa' mang po yang dag 'dzud ces pa'i bar du theg pa chen po la phyogs pa'i rgyu chen po bskyed pas sangs rgyas su 'grub cing lha dang mi la sogs par mchod pa dang/ byang chub sems dpa' mang po bla na med pa'i gnas su 'jog par 'gyur ba bstan pa'o/ /mdo las de skad ces gsol ba dang/ bcom ldan 'das kyis tshe dang ldan pa shA ri'i bu la 'di skad bka' stsal to/ /zhes pa nas da'i rjes su slob par gyur to zhes pa'i bar du 'di man chad 'phags pa shA ri'i bu'i sngon gyi spyod la
- 260b
bstan pa dang da ltar de bzhin gshegs pa dang phrad pa dang phyis kyang yang dag pa nyid la gnas par 'gyur ba ston pa la bde ni dang po'o/ /shA ri'i bu ston sangs rgyas bye ba khrag khrig mang po'i thad du byang chub sems dpa' i spyod pa spyad pa las bram zas mig bslangs te/ mig byin pa dang/ migs la rdzi ste don med par byas pa dang/ sems chen po las nur te theg pa chung du la zhugs pa sngon gyi spyod pa bstan pa'o/ /mdo las shA ri'i bu khyod byang chub sems dpa' i man ngag dang zhes pa nas da'i gsung rab 'di la skyes par gyur to/ /zhes pa'i bar du ni da ltar gyi dus nas sangs rgyas dang phrad pa bstan te/ sngon spyod pa chen po las nyams pa dang thabs kyis bsgyur te stong pa zag pa med pa'i ye shes rtogs shing thog pa chen po'i chos la gnas par gyur pa 'di nyid de bzhin gshegs pa'i gsung la skyes pa'o/ /mdo las shA ri'i bu khyod 'di lta ba nas la nas mya ngan las 'das so snyam du sems te zhes pa'i bar du ni phyis yang dag pa nyid la gnas par 'gyur ba bstan te/ mi dran nas zhes pa ni drang pa'i don rten cing nges pa'i don brjod pa'o/ /'phags pa nyan thos pa'i ye shes dang mya ngan las 'da' ba nyid mthar phyin pa'i gnas tsam du sems shing theg pa chen po'i ye shes mya ngan las 'das pa mi 'grub pa'o/ /mdo las shA ri'i bu ngas khyod kyi spyad pa dang zhes pa nas nyan thos pa rnams la yang dag par bstan to/ /zhes pa'i bar du sngon theg pa chen po spyod pa'i sems dran pa dang bskul ba ste/ dam pa'i chos dang bsam gyis mi khyab pa byang chub sems dpa' la gdams pa dang sangs rgyas kyi yongs su bzung ba ni mdo sde 'di nyid kyi rnam grangs te 'di theg pa chen po la 'jug pa'i thabs dang spyod pa thob par 'gyur ba bstan to/ /mdo las shA ri'i bu khyod ni 'di ltar ma 'ongs pa'i dus zhes pa nas 'di dag yongs su rdzogs par byas nas zhes
- 261a
pa'i bar du ni 'di man chad dum bu bzhir dbye ste/ sngar lung bstan pa dang/ lha dang mis mchod cing bstod pa'o/ /dang po la yang gnyis te/ rgyu'i sgo nas lung bstan pa dang/ 'bras bu'i sgo nas lung bstan pa'o/ /de'i dang po la yang bzhi ste/ bskal pa tshad med ces pa ni dus bstan pa'o/ /de bzhin gshegs pa bye ba khrag khrig ces pa ni bshes gnyen dam pa bstan pa'o/ /dam pa'i chos 'dzin pa dang/ sems can mang po la phan pa sna tshogs byas nas bla na med pa'i sangs rgyas su 'grub ces pa'o/ /mdo las padmo'i 'od ces bya ba zhes pa nas 'jig rten du 'byung ngo zhes pa'i bar du ni 'bras bu dngos su lung bstan pa ste/ de yang tshig rkyang pa dang tshigs su bcad pa dbye'o/ /tshig rkyang pa la yang rnam pa drug ste nang gi yon tan phun sum tshogs pa dang/ phyi'i zhing rgyan dam pa dang ldan pa dang/ chos ston pa'i lugs gcig pa dang/ bskal pa'i ming mi mthun pa dang/ 'khor bzang ngan dang chos gnas pa'i yun ring thung dang drug la 'di ni dang po'o/ /sangs rgyas kyi mtshan 'dogs pa yang la la ni sngon gyi sangs rgyas mthong ba las dras te mtshan btags pa dang sems bskyed pa'i sgo dang mtshan ma las mtshan 'dogs pa dang/ yul dang sems can gyi don mdzad pa las mtshan 'dogs pa ste/ 'phags pa shA ri'i bu mngon par byang chub pa'i mtshan pad+ma'i 'od ces btags pa ni me rtog gi 'char bab cing 'od kyi snang bar mdzad pas de bzhin gshegs pa'i padmo'i ye shes 'od kyi snang bar mdzad pa las padmo'i 'od ces gdags pa dang/ dam pa'i chos kyi ro myang bas ye shes kyi 'od shar te/ theg pa rnam gnyis pa la snang bar mdzad pa'i padmo'i 'od ces btags so/ /de la lung ston pa yang rnam pa bzhi te ci'i phyir lung ston pa dang/ sus lung ston pa dang/ dogs pa bsal ba dang bzhi'o/ /ci'i phyir lung bstan pa yang rnam pa lnga ste/ 'phags pa nyan
- 261b
thos pa'i rnams nges pa'i sems bskyed pa ste/ nyan thos pa'i chos nyid ma yin pa dang/ bdag med pa rnams gnyis nyan thos pas chud par bya ba ma yin par sems bdag sems nges pas theg pa chen po la zhugs pa'i phyir lung bstan pa dang/ de bzhin gshegs pa'i chos kyi sku mnyam pa nyid 'dus byas kyi dbye ba tsam du zad kyi theg pa rnam gsum yang dag pa'i gzhung mi mthun pa med par lung bstan pa dang/ byang chub sems dpa' 'phags pa nyan thos pa rnams theg pa chen po'i mya ngan las 'das pa gtan mi thob pa tsam du sems dpa' i the tshom bcad pa'i phyir lung bstan pa dang/ lung bstan pa 'dis kun la sangs rgyas su 'grub pa'i rgyu yod par bstan pas sangs rgyas kyi spyod pa la mang po gzung ba'i phyir lung bstan pa dang/ theg pa gcig po 'di rtogs pa lung bstan pa dang lnga'o sus lung ston pa ni rnam pa gsum du dbye ste/ ci la gnas pa dang lung ston pa'i rang bzhin dang lung ston pa'i las so/ /ci la gnas te lung ston pa ni lung ston pa rnam drug las/ lnga ni bcom ldan 'das nyag cig gis mkhyen cing lung ston/ gcig ni byang chub sems dpas lung ston te/ de bzhin gshegs pas lung ston pa lnga ni bye brag tu lung ston pa dang/ mthun par lung ston pa dang/ phyis lung ston pa dang/ bkol ba med pa'i lung ston pa dang/ spyod pa las lung ston pa'o/ /byang chub sems dpas ni rgyu dang ldan pa tsam la lung ston te/ ji ltar rtag tu mi brnyas byang chub sems dpa' sems can thams cad de bzhin gshegs pa'i rang bzhin can no zhes lung ston pa ste/ lung ston par nus pa de gnyis las gzhan med do zhes pa'o/ /lung ston pa'i rang bzhin ni phyis thob pa'i ye shes dang/ kun rdzob kyi ye shes so/ /lung ston pa'i la ni tshig gi spyod pa ste/ sprul pa'i sku la sogs pa la ldan pa dang bcas pa'o/ /sus lung ston pa ni gang la rten pa rang bzhin no/ /gang lung bstan par bya ba nyid gang la rten pa ste/ lung bstan par bya ba rnam drug la/ 'phags pa shA
- 262a
ri'i bu la sogs pa nyan thos chen po bzhi so sor phye ste lung bstan pa dang/ 'phags pa gang po la sogs pa dge slong lnga brgya mtshan gcig pa la sogs pa sbyir? mthun par lung bstan pa dang/ slob pa dang mi slob pa la sogs par bang po zhan pa rnams phyis lung bstan pa dang/ lhas byin lta bu lung bstan pas bkol ba med par lung bstan pa dang/ spyod pa las lung bstan pa te/ dge slong ma dang lha'i bu mo la sogs pa lung bstan pa dang/ rgyu dang ldan pa tsam las lung bstan pa te sems can thams cad sangs rgyas kyi rang bzhin yod par lung bstan pa ste/ zhib tu mdo 'di nyid kyi so so'i le'u las 'byung ba bzhin du sbyor ro/ /dogs pa gsal ba ni 'phags pa nyan thos pa rnams lung bstan pa nges par sangs rgyas su 'grub pa yin nam/ thabs kyi bstan de ste nges par 'grub pa yin na ni byang chub sems dpa' i spyod pa brlabs po che de snyed spyad kyang ci dgos/ de ste nges par 'grub pa ma yin na ni 'grub par ci'i phyir lung bstan/ de ni 'phags pa nyan thos pa rnams theg pa chen por nges pa'i bskyed pa la dgongs te lung bstan gyi grub zin pa'i rang bzhin las lung bstan pa ma yin pa dang/ yang de bzhin gshegs pas theg pa gsum mnyam pa ste/ theg pa gcig por bsdu zhing chos kyi sku dang/ 'phags pa nyan thos pa'i lus su yang mnyam pa nyid bstan pa yin gyi/ spyod pa dang yon tan thams cad rdzogs pa'i sgo nas lung bstan pa ma yin no/ /mdo las shA ri'i bu de'i tshon zhes pa nas lha dang mi mang pos rab tu gang zhes pa'i bar du ni phyi'i zhing rgyan dam pa dang ldan pa bstan te/ zhing rnam par dag pa'o/ /de la yang dge ba 'ba' zhig gis bskyed pa'i phyir rdul med pa'i zhing zhes bya ste/ dri ma'i skyon med pa'o/ /nga rgyal gyi sems spangs pas mnyam zhing mtho dman med pa dang/ sems can kyi sems rnam par dag pa phyir zhing rnam par dag pa rgyan sna tshogs kyis brgyan pa dang /gsod pa dang
- 262b
phrog pa'i sems dang bral ba'i phyir bde ba skyid pa nad dang mu ge med pa'i zhing dang/ sdig pa'i bshes gnyen dang brel ba'i phyir lta dang mis yongs su rgyas pa'o/ /mdo las baiDUrya las byas pa zhes bya ba nas me tog 'bras bur ldan no zhes pa'i bar du ni sems kyi skyon dang bral ba'i phyir zhing bai DUrya ltar rnam par dag pa stong pa brgyad la gnas shing 'phags pa'i lam brgyad sgribs pa'i phyir gser gyi thig gis phyogs brgyad du re'u bres pa'o/ /gzungs gzhi la gnas pa'i phyir skyed mos tshal dang ldan pa/ byang chub kyi yan lag bdun spyod pa'i phyir rin po che'i shing me tog dang 'bras bur ldan pa'o/ /mdo las shA ri'i bu pad+ma'i 'od de bzhin gshegs pa zhes pa nas theg pa gsum nyid brtsams te chos ston zhes pa'i bar du ni sngon gyi de bzhin gshegs pa dang chos ston pa'i lugs mthun pa bstan pa ste/ de la sngar ni lugs mthun pa bstan/ de'i 'og tu ni de'i gtan tshigs bstan te/ zhing rnam par dag pa zhes smos pa nyid sprul pa'i zhing du lta'o/ /mdo las gzhan yang shA ri'i bu zhes pa nas smon lam gyi dbang gis chos ston par 'gyur ro zhes pa'i bar du ni de'i gtan tshigs bstan te/ shAkya thub pa de bzhin gshegs pa yang thabs la mkhas pa'i smon lam gyi dbang gis 'jig rten rnyog pa'i dus su byung zhing chos ston pa bzhin padmo'i 'od de bzhin gshegs pa yang sngon gyi smon lam gyi mthu bzhin drang ba dang nges pa'i don gyi sems can rnams la chos ston to/ /mdo las shA ri'i bu bskal pa de'i ming zhes bya ba nas byang chub sems dpa' rnams ni rin po che zhes bya ste zhes pa'i bar du ni bskal pa mi mthun pa bstan pa'o/ /mdo las de'i dus de'i tshe zhes pa nas mang por byung ste zhes pa'i bar du ni 'khor gyi khyad par bstan te/ de yang so sor smos pa dang phyir bsdu pa la/ dang po la rnam pa bcu ste/ 'di ni gangs dpag tu med ji ltar tsan dan gyi tshal tsan dan gyis bskor ba bzhin no/ /mdo las de
- 263a
bzhin gshegs pas bgrangs pa ni zhes pa nas rin po che'i padmo'i steng nas 'gro ba zhes pa'i bar du ni rin po che pad+ma'i steng nas 'gro ba ston te/ de sems rnam par dag pa dgu la rtag tu gnas pa'i phyir te rnam par dag pa dgu ni tshul khrims dang ldan pa dang the tshom dang bral ba dang lam shes pa dang spyod pa shes pa dang/ smon lam shes pa dang/ mi dmigs par 'gog pa dang zhing rnam par dag pa ste dgu dang ldan pa'i phyir ro/ /dge ba'i rtsa ba sman pa sha stag pas las thog pa ma yin pa'o// mdo las dge ba'i rtsa ba yun ring po nas spyad pa zhes pa nas de bzhin gshegs pas yongs su bstod pa zhes pa'i bar du ni de yang yon tan gnyis te/ yun ring po nas smon lam chen po btab pa'i dbang gis thos pa phun sum tshogs shing mang po kun gyis shes pa'i phyir bstod pa'o/ /mdo las sangs rgyas kyi ye shes la brtson zhes? pa? nas zhing de yongs su gang bar 'gyur ro/ /zhes pa'i bar du ni bla na med pa'i mos pa dang ldan pa/ snying rje chen pos 'gro ba 'dren par sems pa bsam pa dag pas g.yo dang sgyu med pa/ sems spyod pa phyir ma nur ba nyon mongs pas mi bskyod pa'i phyir dran pa dang ldan pa dag gis zhing de yongs su gang zhes sbyar ro/ /mdo las shA ri'i bu 'di ltar yang zhes pa nas bskal pa brgyud du 'gyur ro/ zhes pa'i bar du ni bcom ldan 'das de'i bstan pa pa gnas pa'i yun ring thung bar bstan te/ de bzhin gshegs pa'i sku tshe'i tshad dang/ skye ba dang sangs rgyas su 'grub par lung bstan pa dang/ bstan pa ji srid du gnas pa bstan pa pa 'di ni dang po'o/ /bcom ldan 'das shAkya thub pa ni sems can bsod nams dang shes rab chung bas bcom ldan 'das kyi sku tshe yang thung bar bstan padmo'i 'od de bzhin gshegs pa'i zhing na sems can bcom ldan 'das kyis ma bstan pa bshad kyang dge ba la rang rtsal zhing bsod nams shes rab che ba sha stag pas sku tshe ring
- 263b
ba bstan to/ /mdo las shA ri'i bu padmo'i 'od ces ba nas byang chub tu lung bstan nas zhes pa'i bar du ni ma 'ongs pa nas sangs rgyas su 'grub pa bstan pa ste/ de yang dang por dus bstan /de'i 'og tu dngos su lung bstan/ de'i 'og tu zhing bstan pa'o/ mdo las yongs su mya ngan las 'das te zhes pa nas 'jig rten du 'byung po zhes pa'i bar du dngos su lung bstan te/ dam pa'i chos 'di thos bas mngon par byang chub pa'i phyir stabs brjid pa padmo la mdor ba nyid khyu mchog gi 'gros lta bu de bzhin gshegs par 'gyur/ /mdo las shA ri'i bu zhes pa nas de dag 'dra ba nyid du 'gyur ro zhes pa'i bar du ni da bzhin gshegs pa de'i zhing padmo'i de bzhin gshegs pa'i zhing dang 'dra bar rgyu dam pa nyid kyis bskyed pa'o/ /mdo las yang shA ri'i bu zhes pa nas gzugs brnyan gnas par 'gyur de/ /zhes pa'i bar du ni bcom ldan 'das mya ngan las 'das nas de'i bstan pa yun ji srid du gnas pa ston te/ yang dag pa'i bstan pa ni lung dang spyod pa dang mngon par 'grub pa dang bcas pa'o/ /chos kyi gzugs brnyan ni mngon par 'grub pa med de lung dang spyod pa tsam du zad pa la bstan pa de yang med par gyur pa'i dus na lung nyi tshe bzhugs so/ /bcom ldan 'das shAkya thub pa'i bstan pa yang dag pa ni yun thung/ chos kyi gzugs brnyan ring te bud med ? tu byung ba las yang dag pa'i bstan pa lo lnga brgyas thung par 'gyur ro/ /padmo'i 'od de bzhin gshegs pa'i yang dag pa'i bstan pa dang chos kyi gzugs brnyan dus mnyam par gnas so/ /mdo las de nas bcom ldan 'das kyi zhes pa nas srog chags bye ba phrag stong rnam par 'du ? zhes pa'i bar du 'di man chad tshigs bcang phye dang bcu gcig ba/ tshogs bcad bcus ni gong du lung bstan pa zlas/ tshig gcig ni bsdus te dbye ba'i tshul gong ma dag dang 'dra bar sbyar ro/ /kun tu spyan zhes pa ni thams cad mkhyen pa dang rnam pa thams cad mkhyen pa gnyis dang ldan pa'o/ /mdo las sangs rgyas bye ba mngal
- 254a
bkur sti byas zhes pa nas byang chub dam pa'i mchog kyang thob par 'ong zhes pa'i bar du ni rgyu'i sgoms lung bstan pa la sngon bshes gnyen dam pa la brten pa dang/ byang chub kyi spyod pa rdzogs par byas pa bstan to/ mdo las tshad med bsam gyis mi khyab bskal pa na zhes pa nas blta na sdug pa me tog 'bras bus brgyan zhes pa'i bar du ni sangs rgyas su 'grub pa nyid bstan te/ 'di man chad bskal pa'i ming bstan pa dang/ zhing gi rgyan bstan pa dang/ 'khor bzad ngan bstan pa dang/ sku tshe'i tshad bstan pa la 'di ni dang po'i gnyis so/ /phyi'i zhing gi rgyan bstan pa yang ming dang dag pa'i mtshan nyid dngos gzhi dang lam dang rin po che'i shing dang/ me tog dang 'bras bu la sogs pa bstan pa'o/ /mdo las sran ldan byang chub sems dpa' dam mang? zhes ba nas de dag sangs rgyas kyi zhing der skye bar 'gyur zhes pa'i bar du ni 'khor gyi khyad par bstan te phyir mi ldog pa sprul te 'ong ba dge ba'i bshes gnyen dang bstan pa rgyu dam pa bskyed pa sha stag ces sbyar ro/ /mdo las rgyal ba de yi tha ma'i lus kyi che zhes pa nas de dag de na tshe'i chad du gyur zhes pa'i bar du ni sku tshe'i tshad dang 'khor rnams kyi tshe'i tshad dang yang dag pa dang gzugs brnyan gyi bstan pa yun ji srid du gnas pa rnams ston te/ skye ba thams cad kyi tha ma rgyal bar gyur cing khyim nas byung ba nyid bla na med pa'i byang chub tu 'grub pa'i dus bstan to/ /mdo las rgyal ba de ni mya ngan 'das nas kyang zhes pa nas zil gyis mi non rkang gnyis gtso bo ste zhes pa'i bar du ni dam pa'i chos dang gzugs brnyan gyi bstan pa ji srid du gnas pa dang/ bsdus pa bstan to/ /mdo las de nas 'khor bzhi'i dge slong dang zhes pa nas rang rang gi gos bcom ldan 'das lam de ni du gsol to zhes pa'i bar du ni lung bstan pa'i tshe lha rnams kyi mchod pa dang bstod pa bstan to/ /sngar ni 'khor bzhi nga rgyal gyi mchod/ de'i 'og tu ni lha rnams kyis mchod pa la 'di ni dang po'o//
- 254b
gos ni 'gebs pa'i don te bla na med pa'i 'bras bu chen po bsnyes pa 'gro ba mang po la thugs rjes 'gebs pa'i don tam/ dam pa'i chos 'di 'dzin pa de bzhin gshegs pa'i na bzas g.yog pa'o zhes byung ba nyid dang yang sbyar ro mdo las lha'i dbang po brgya byin dang zhes gnas 'phrul gyi gos mngon du gsol to zhes pa'i par du ni lta rnams kyis mchod pa dang bstod pa bstan te me tog mang por mthong ba ni dam pa'i chos 'di don rtog par ston pa'o/ /mdo las 'phrul gyi me tog dang zhes pa nas bar snang la bun long du gyur to// zhes pa'i bar du ni ngo mtshar du gyur pa bstan te bar snang la gnas las chos 'di thos pas 'gro ba rnam bzhi las khyad par gyur ba bstan to/ /mdo las lha rdzas kyi sil snyan brgya stong dang zhes pa nas mngon par phab nas zhes pa'i bar du na lha'i rol mos mchod pa bstan te/ chos kyi sgra thos pas don rtogs pa la phyi rol mo sil snyan gyis mchod pa bstan to/ /mdo las 'di skad smra'o zhes pa nas chos kyi 'khor lo bskor to zhes pa'i bar du ni mngon par bstod pa yang tshig rkyang pa dang tshigs su bcad par bya ste/ bstan pa gzhan dag las bltos na drang ba dang nges pa'i don du ldan pa'i chos kyi 'khor lo bskor ba 'di nyid bla na med pa'o/ /mdo don chung/ da 'dir bshad pa ni don che bar bstan pa dang/ de'i dad par dka' zhes pa'i bar du ni tshigs su bcad pa phyed dang bdun la bzhir dbye ste tshigs bcad dang po gnyis kyi sngon bshad pa'i don chung/ da 'dir bshad pa ni don che bar bstn pa dang/ de'i 'og tu tshigs bcad phyed dang gnyis kyis ni don dam pa'i chos la rjes su yi rang bar bstod pa dang/ tshigs bcang gnyis kyi ni gzhan rtogs pa bskyed pas bdag nyid kyang sangs rgyas su 'grub par bstan pa dang/ tshigs bcad gcig gis ni bsngo ba ston te 'di ni dang po'o/ /phung po lnga'i skye ba dang 'jig pa smos pas bden pa bzhi'i don ston te/ /drang ba'i don spang zhing nges pa'i don la
- 265a
'jug pa bstan pa'o/ /mdo las rnam par 'dren pas deng bshad do zhes pa nas dpa' bo bdag cag rjes su yi rang zhes pa'i bar ni chos dam pa la rjes su yi rang zhing spyod pa chen po la gzhol ba bstan to/ /mdo las ldem ngag drang srong zhes gsungs te zhes pa nas byang chub tu yang smon par shog ces pa'i bar du ni gzhan rtogs pa skyed pa'i sgo nas bdag nyid byang chub pa dang bsngo ba bstan to/ /mdo las de nas che dang ldan pa shA ri'i bu zhes pa nas som nyi dang bral bar gyur te?/ /zhes pa'i bar du ni lnga? dpang po rnon po la drang ba dang nges pa'i don ton te/ don tu gyur pas dbang po bar ma la dpe'i sgo nas bstan ba'i phyir 'di ston te/ 'phags pa shA ri'i bu don rtogs te lung bstan pa thob pas yang bcom ldan 'das la gsol ba ni bdag dang gzhan la phan gdaD pa dang de bzhin gsheD pa'i dgongs pa dang mthun par bya ba'i phyir shA ri'i bus gsol te/ mdo las bcom ldan 'das gang 'di dag ces pa nas the tshom 'tshal bar gyur na zhes pa'i bar ni gzhan gyi dogs pa gleng ba ste/ 'byung bar lta ba dang/ 'jig par lta ba zhes pa ni yod med du lta ba'i mdza' o/ /bdag tu lta ba ni log par lta ba'o/ /lta ba de dag gi mu stegs can gyi lta ba drug cu rtsa gnyis der 'dus te de las 'phel ba'o/ /lta ba de dag gi skyon dang bral ba'i phyir 'di ltar bstan to/ /yang na lta ba de gsum gyi nyon mongs pa thams cad skyed pa'i phyir bcom ldan 'das kyis lta ba de dag dang bral ba'i phyir nyon mongs pa'i rgyu bkag na 'bras bu yang mi skye bar 'gyur ro/ /de ltar theg pa chung ngu'i mya ngan las bzla ba'i mthar phyin pa dag yang nges pa dang drang ba'i don 'di bstan? las the tshom du gyur pa'o/ /mdo las bcom ldan 'das ci nas 'khor sa ni po 'di dag ces pa nas bde bar gshegs pas bka' stsal du gsol zhes pa'i bar du ni the tshom bsal bar gleng ba la sngar ni gtan tshigs gsol de'i 'og tu ni rigs pas zhu ba'o/ /mdo
- 265b
las de skad ces gsol ba dang zhes pa nas byang chub sems dpa' i theg pa nyid la 'jud do/ /zhes pa'i bar du ni bcom ldan 'das kyi don chen po ston par bzhed pa la mdor bsdus te/ glengs? pa'i lan btab pa dang/ grong khyer gyi dpe bstan pa dang dpe dang don du sbyar ba dang gsum de yang 'phags pa nyan thos pa rnams byang chub sems dpa' i theg pa la gzung cing so so'i dad pa bzhin ston pa'i phyir rgyu dang dpe sna tshogs kyis sngar ni drang ba'i don bstan phyis 'dir ni nges pa'i don stong pa nyid du shes par bya'o/ /mdo las 'di ltar yang shA ra'i bu zhes pa nas dpes don shes par 'gyur ro zhes pa'i bar du bcom ldan 'das kyis the tshom dgrol bar dgongs pa'i dper gleng pa'o/ /mdo las shA ri'i bu 'di lta ste zhes pa nas dgog tu phyin pa zhes pa'i bar du ni dpe 'di la tshig rkyang pa dang tshigs su bcad pa gnyis su dbye'o/ /tshig rkyang pa la sngar dpe bstan/ de'i 'og tu don ston to/ /dpe yang sngar ni drang ba'i don gyi dpe phyis ni nges pa'i don gyi dpe'o/ /drang ba'i don gyi dpe la yang khams gsum na sangs rgyas bzhugs pa'i dpe dang/ 'gro ba rnam lnga g.yang za ba'i dpe dang khyim bdag phyug pos me 'bar ba chen po mthong pas thabs kyis 'dren pa'i dpe dang/ bu rnams kyis khyim bdag de'i tshig gnyan pas sdug bsngal de las thar pa'i dpe'o/ /dpe dang po la yang rnam pa drug tu dbye ste/ de'i gnas dang de'i bdag po dang/ de'i rgan gzhon dang de'i 'byor pa dang/ de'i khang khyim dang de'i skar khung dang drug tu dbye'o/ /grong khyer dang grong rdal dang/ ljongs zhes pa ni gnas so/ /theg pa rnam gsum stong pa nyid sprul pa'i sangs rgyas su mngon te/ de nyid stong/ gsum gyi 'jig rten gyi khams na mnga' mdzad pa'i bdag po ste/ ded dpon phyug po grong khyer gyi bdag po byed pa bzhin no/ /dgog tu phyin pa zhes pa ni rgan gzhon bstan pa ste/ bcom ldan 'das mkhyen pa sna tshogs kyis bgres shing mthar phyin zhes pa'o/ /
- 266a
mdo las phyug po rin po che zhes pa nas sgo gcig pa zhes pa'i bar du ni 'byor pa bstan te/ phyug cing rin po che mang ba ni 'phags pa'i nor bdun dang ldan pa'o/ /khang pa zhes pa ni rnam par smin pa'i rnam par shes pa nyid khang khyim lta bur blta'o// yang na 'jig rten gyi rgyal po chen po ngos bzhi la dbang byed pa bzhin bcom ldan 'das kyang sems can mang po'i gnas dang bdag por gyur pa'o/ /sgo gcig pa zhes pa sgo na 'byung ba dang 'jug pa'i dgos pa byed pa bzhin theg pa gcig po'i bstan pa 'dis sems can thams cad mya ngan las bzla ba'i gnas su 'dis 'jug pa'i phyir sgo zhes bya'o/ /mdo las zhig la thug pa btsas g.yogS pa zhes pa naS? srog chags brgya phrag gcig gam gnyis sam lnga'i bar du de na gnas zhes pa'i bar du ni 'gro ba rnam lnga g.yang za ba'i dpe ste/ 'di man chad srog chags mang du gnas pa dang khang khyim rnyings pa dang phyogs bzhi nas me 'bar ba dang bu mang po de na gnas pa'i dpe ston pa la 'di ni dang po'o/ /mdo las khyams rnams kyang 'drums pa zhes pa nas gogs par gyur pa'i khang pa de la zhes pa'i bar du ni gnas rnyings pa bstan te/ dpe rnam pa bzhi zhing ston to/ /khang pa'i dpe ni gzugs kyi dpe'o/ /rtsig pa ni 'du shes kyi dpe'o/ /ka ba'i rtsa ba rul ba ni 'du byed kyi dpe'o/ /gdung ma g.yo ba ni tshor ba'i dpe'o/ /spyir khang pa ni rnam par shes pa'i dpe ste/ phung po bzhi rnam par shes pa la brten zhes pa'i don to/ /mdo las glo bur du me'i phung po chen po ngos thams cad nas rab tu 'bar bar gyur la zhes pa la me kun nas 'bar zhes pa ni skye ba dang 'jug pa'i mtshan nyid bzhi po dag gis phung po lnga 'joms zhes pa'i don to/ /glo bur zhes pa ni lugs dang rgyu med par nyon mongs pa'i mtshan nyid skad cig gcig la skye zhing 'byung zhes pa'i don to/ /kun nas zhes pa ni skye ba dang rga ba dang na pa dang 'chi bas 'joms pa'o/ /mdo las skyes bu de la yang zhes
- 266b
pa nas phyi rol du byung bar gyur na zhes pa'i bar du ni 'gro ba rnam lnga'i sems can thams cad la bcom ldan 'das sras dang 'dra ba'i phyir bu zhes bka' stsal to/ /mdo dag las theg pa rnam gsum so so'i spyod pa dang/ rigs las byang chub sems dpa' ni grangs bcu dang sbyar/ rang sangs rgyas ni grangs nyi shu dang sbyar/ nyan thos ni grangs sum cu dang sbyar zhes 'byung ngo/ /mdo las de nas shA ri'i bu skyes bu de zhes pa nas sems mi dga' bar gyur to zhes pa'i bar du ni drang ba'i thab sbyor ba'i dpe ston te/ 'dis bcom ldan 'das thugs rje chen pos sems can la dgongs shing 'dren pa'i dpe ston pa la me dang kun las 'bar ba'i don ni gong du bstan pa yin no/ /mdo las 'di ltar bdag ni me yi phung po 'di zhes pa nas phyir 'byung bar yang yid la bya ba mi skyed do snyam du sems so zhes pa'i bar du ni 'dis bcom ldan 'das thugs rjes sems can rnams la phan 'dogs par dgongs pa'i dpe ste/ 'bar ba'i sgo zhes pa ni theg pa gcig du ston pa dam pa'i chos la bskur pa 'debs shing ma dad pa rnams nyon mongs pa phrag dog gi sems kyi mdo sde 'di la 'jug pa stong pa rnam gnyis dang phan pa rnam gnyis kyi spyod pa sreg ces pa'i don to/ /rtse dga' zhes pa ni gnas dang khams dang theg pa la sogs pa la chags shing bag med par spyod pa'i don to/ /mi shes khong du mi chud pa ni mngon sum dang rjes su dpog pa'i sgo nas mi 'jug pa'o/ /yang na mi dang mi 'jigs mi skyo zhing spong bar mi byed ces pa'i don to/ /phyir 'byung bar yid la mi byed pa ni theg pa chen po'i mya ngan las 'da' ba mi 'tshol ba'o/ /mdo las sha ri'i bu skyes bu de zhes pa nas 'byung ngo snyam du bsams pa dang zhes pa'i bar du ni theg pa chen po 'dir gzung pa yang theg pa chen po'i 'bras bu bstan te gzud pa dang rgyu bstan te gzung pa dang/ theg pa chen po'i spyod pa bstan te gzud pa dang/ chen po la reg pa skyed de gzung pa la 'di ni dang po'o//
- 267a
theg pa chen po'i 'bras bu ni ye shes rnam gnyis dang ldan pa'o/ /stobs dang ldan pa ni yang dag pa'i ye shes rnam gnyis sku lta bur blta ba de dang ldan pa'o/ /stobs che ba zhes pa ni mngon par shes pa drug dang ldan pa'i sku'i yan lag lta bur lta bas de gnyis dang ldan pa'i phyir theg pa rnam gnyis pa dag theg pa chen po la mngon du dad pa med kyis kyang yon tan de gnyis kyis ma thus bsgyur zhing theg pa chen po la 'dzud ces pa'o/ /theg pa bar ma ni bcom ldan das kyi ye shes rnam gnyis kyis mthus 'dzud do/ /nyan thos pa'i rnams ni nus pa pang du blangs te sgor 'byin pa bzhin mngon par shes pa'i mthus theg pa chen po la 'dzud do/ /mdo las de yang 'di snyam du sems te khang pa 'di srang gcig la sgo yang dog shes pa ni theg pa chen po'i rgyud bstan te 'dzud pa ste/ de la rgyu bstan pa yang theg pa chen po'i spyod pa chen po la brten pa dang/ skur pa'i sems skyes na ngan song du ltung par bstan pa dang/ dka' ba sna tshogs ston cing theg pa chen po nyid gsangs te ston pa dang gsum la 'di ni dang po'o/ /khamS gsum nas 'byung ba'i srang theg pa chen po gcig yin pa'i phyir srang gcig ces pa dang byang chub sems dpa' i spyod pa la nyan thos pa'i spyod pas mi chung pa'i phyir sgo yang dog pa zhes smos te/ rgya mtsho shin tu yangs kyang mi ro zhag tu mi 'jogs pa bzhin no/ /med las khye'u 'di dag kyang zhes pa nas byis pa de dag la 'bod de zhes pa'i bar du ni gang 'di la ma dad pa rnams ngan song du ltung ba bstan pa ste/ sems can rnams 'jig rten las 'byung ba'i rgyu yod du zin gyis kyang 'byung bar rtsol ba med pas na byis pa zhes bya'o/ /ji ltar byis pa legs nyes kyi bye brag mi shes pa bzhin theg pa chen po 'di'i yon tan ma rtogs shing skur ba'i sems skyed pa rnams sdug bsngal sna tshogs myong ba yang ji ltar me'i phung po las skyol bar mi sems pa'i
- 267b
byis pa bzhin no/ /mdo las khyim 'di la zhes pa nas tshung shegs phyir 'byung zhes pa'i bar du ni sems can rnams la theg pa chen po gsangs te bstan pa'i dpe dang/ theg pa chen po'i spyod pa bstan te 'dzud pa ston pa la de yan chad rgyu dang 'bras bu dang spyod pa la gzung pa'i dpe bstan to/ /mdo las/ de nas de ltar phan par 'dod pa'i skyes bu nges zhes pa nas khyim 'di nas gdon to snyam zhes pa'i bar du ni phung po lnga la chags shing nyon mongs pa sna tshogs kyi sems gdung bar byed pa'i phyir tshul bzhin ma yin pa'i mes tshig ces pa'i don to/ gdon to snyam pa ni ji ltar de bzhin gshegs pa rnams mya ngan las 'das pa'i bde ba brnyes pa'i sa na bzhugs pa bzhin sems can thams cad kyang sa der gdon cing 'jog ces pa'i don to/ /mdo las skyes bu des byin pa de dag gi bsam pa shes zhes pa nas rnam pa du ma yin na zhes pa'i bar du ni theg pa rnam gsum dngos su bshad pa'i dpe ston par gleng pa la sngar so so'i dbang po shes pa dang phyis dngos su ston pa la 'di ni dang po'o/ /byis pa de dag gi bsam pa dang dad pa rig nas zhes pa ni theg pa rnam gsum gyi rigs shes pa ste/ dbang po mtho man shes pa'o/ /mdzes pa dang sdug pa dang yid du 'ong ba zhes pa ni theg pa rnam gsum gyi don to/ /mdo las de dag kyang dkon par gyur te zhes pa nas myur du brgyugs te shegs shig ces pa'i bar du ni theg pa rnams gsum gyi dpe shing rta rnam gsum dang sbyar te ston pa la sngar sbyin no bya bar gleng ba dang/ rnam gsum gyi ming bstan pa dang/ dngos su byin pa dang gsum du bgo ste/ 'di ni dang po'o/ /theg pa rnam gsum gyi mthu dang spyod rlabs khyad par yod pa'i phyir dpe yang bzang ngan gsum du bkod do/ /phyi sgor bkod ces pa ni 'jig rten gyi dge ba'i rtsa ba sna sogs dang ting nge 'dzin gyi yon tan thams cad theg pa de gsum gyi sgo nas 'jug cing 'thob pa'i phyir sgo zhes bya'o/ /bstan pa 'di las brtan te theg pa rnam gsum
- 268a
gyi mya ngan las 'da' pa'i 'bras bu phyis thob par byed pa'i phyir gyi sgor bkod ces bya ste/ rgyu las brten te 'bras bu 'thob pa'i phyir ro/ /theg pa 'di rnam gsum yang skyed pa dang phyin par byed pa'i don du 'dra bas ji ltar shing rta yang mang nyung skyes pa la mi 'dra yang spyir shing rta zhes ming gcig ste/ 'dus ma byas la dbye ba med mdo kyi 'dus byas kyi sgo nas che chung rim par dbye ba'i phyir glang dang ra dang ri dags kyi shing rta zhes smos so/ /mdo las/ de nas phyis pa de dag ces pa nas de nas myur tu phyir 'thon to zhes pa'i bar du ni bcom ldan 'das kyi gsung rab la brten pas khams gsum las thar pa'i dpe bstan te/ de yang bus pa rnams nyon mongs pa las thar ba dang/ pha bde bar 'dug pa'i dpes sems can rnams theg pa rnam gsum la bshad bas bcom ldan 'das dgyes zhes pa'i don to/ /gcig gis gcig bangs shing brgyugs te zhes pa ni brtson 'grus chen po rtsol ba bstan to/ /mdo las de nas skyes bu nges zhes pa nas 'jigs pa med pa thob par gyur te zhes pa'i bar du/ /dpong sa bzhi mdo zhes pa'i ni bden pa rnam bzhi'i don bstan pa'o/ /'phags pa nyan thos pa rnams lhag ma dang bcas pa'i mya ngan las 'das pa thob pas nyon mongs pa las rnam par grol ba dang/ byang chub sems dpa' lhag ma ma lus pa'i mya ngan las 'das pa thob dang shes bya'i sgrib pa las rnam par grol pa'i phyir skyabs dang sgrib pa med pa ni blag pa med par gnas pa bzhin no/ /mdo las de nas byis pa de dag ces pa nas bdag cag stsal du gsol zhes pa'i bar du ni dang/ sna mas ni drang pa'i don bstan /dpe 'dis ni nges pa'i don ston te/ de yang bu rnams kyis sbyin par byas pa de bslangs pa dang/ phas gcig byin pa bstan pa dang/ phas bsams pa'i don dang bus pa rnams kyi bsam pa dang 'gal ba dang bzhid? dbye ba la 'di ni dang
- 268b
po'o/ /theg pa rnam gnyis pa dag ni phung po dang bral ba'i rnam par grol ba thob du zin gyi kyang mya ngan las 'das pa chen mo thob pa dang/ /byang chub sems dpa' ni rnam pa thams cad mkhyen pa'i ye shes ma thob pa de gnyis kyi dper bus pha phyir 'thon pa rnamS pha la so so nas sngar byin par bya ba de slangs zhes par sbyar ro/ /yang na lhag ma dang bcas pa'i mya ngan las 'das pa thob tu zin gyis kyang lhag ma ma lus pa'i mya ngan las 'das pa thob tu zin gyis kyang lhag ma ma lus pa'i mya ngan las 'das pa ma thob pa'i phyir sbyin par byas pa de blangs so/ /mdo las de nas shA ri'i bu skyes bu des zhes pa nas bdag gi bu rnams la rlung ltar mgyogs shing mthu dang ldan pa'i glang po che'i shing rta byin te zhes pa'i bar du ni pas kun la 'dra bar byin pa bstan te de yang shing rta byin pa dang/ de'i rgyan dang glung de'i mtshan par de'i 'khor bstan pa la 'di ni dang po'o/ /glang po che'i shing rta ni theg pa chen po'i 'bras bu bstan te/ rnam pa thams cad mkhyen pa'i ye shes kyi rang bzhin can ma ye shes bzhi dang lnga'i dngos po'o/ /mdo dag las kyang de bzhin nyid kyi ngo bo ni dpes shing rta bzhin no zhes 'byung ba lta bu ste/ glang de yang rlung bzhin du mgyogs pa'i dpes theg pa chen po 'di la gnas pa'i phyir mi ldog pa'i sa la myur du son par byed ba'i phyir mgyogs pa bstan to/ /de bzhin gshegs pas chos ston pa yang sems can la dbye ba dang rim pa mi mdzad mdo kyi so so'i snod ji bzhin pa las mya ngan las 'da' ba thob pa'ang khyim bdag des bu rnams la 'dra bar glang po che'i shing rta byin pa'i dpe bstan to/ /mdo las rin po che bdun las byas pa logs dang ldan pa dril bu mang pos rab tu sbyangs pa mtho zhing brtan pa zhes pa ni shing rta de'i rgyan bstan te de la yang rnam pa bcu yod pa la 'dir bzhi zhig ston te de'i tshad dang rgyan dang kha lo sgyur ba dang 'phyang ba mang po ston to/ /mtho zhing bstan pa ni tshid? de de bzhin gshegs pa'i ye shes kyi dpe ste/ phyogs thams
- 269a
cad du gzigs shing 'phags par gyur ces pa'i don to/ /rin po che mang po ni de'i rgyan te yon tan thams cad kyis brgyan par bya ba ni bcom ldan 'das kyi ye shes nyid do/ /logs dang ldan pa zhes pa ni kha lo sgyur ba dang ldan pa ste gzungs rnam bzhis brtan zhes pa'i don to/ /dril bus rab tu sbyangs zhes pa ni sbyang bar bya ba'i rgyan te spobs pa rnam pa bdun la sogs pa sbyangs pa'i rgyan zhes pa'i don to/ /mdo las rin po che ngo mtshar rmad du byung ba'i rgyan gyis brgyan zhes pa ni rgyan de ni gdugs kyis 'gebs pa'i rgyan te/ 'gro ba mang po la tshang med pa bzhi'i gdugs kyis 'gebs zhes pa'i don to/ /mdo las rin po che'i phreng bas mdzes par brgyan ba zhes pa nas rtan pa dmar ba gnyis su gzhag pa zhes pa'i bar du ni 'di la brgyan bzhi ste phreng ba dang me tog dang gding pa dang/ rgyab rten dang bzhi la phreng ba ni smon lam rgya chen po bzhi'i don te/ bzhi ni byang chub sems dpas dge ba ci brtsams pa rnams sems can thams cad la bsngo ste/ sems can sdug bsngal las mthar ba rnams sdul las thar bar gyur cig/ bde ba ma thob pa rnams bde ba dang ldan par shog tsig sdig pa spong zhing dge ba la 'jug pa'i byang chub kyi sems ma skyed pa rnams sems de skyed par gyur cig/ bla na med pa'i byang chub kyi 'bras bu ma thob pa rnams thob par gyur cig ces smon lam 'debs pa'o/ /rin po che'i me tog gi phreng ba zhes pa ni bsdu ba rnam bzhi'i don te/ spyin pa dang tshig snyan pa dang phan par spyod pa dang don mthun pa'o/ /gdad? pa ni yang dag pa'i 'tsho ba ste rgyu dang log par spyod pa slo gsum nas mi rgyu zhes pa'i don to/ /rten dmar po zhes pa ni mya ngan las 'da' ba' i bde ba la brten sa zhes pa'i don te/ zag pa med pa'i 'gog pa la gnas shing 'phags pa'i lam 'phel bar byed pa'i don tam?/ /dad pa'i dbang po la sogs pa dbang po lngas lhan
- 269b
zhes pa'i don to/ /mdo las glang dkar po rab tu dkar zhing zhes pa nas byis pa rnams la re re byin te zhes pa'i bar du ni glang dkar po ni rtsa ba'i ye shes dang sbyar ro/ /glang zhes pa ni shing rta 'dren pa'i don to/ 'gro ba mang po 'dren pa'o/ /dkar po zhes pa ni kha dog thams cad kyi gzhi ste padmo dkar po dang 'dra'o/ /yang glang de la yon tan rnam pa gsum ste/ dgra 'dul ba'i don te sgrib pa rnam gnyis 'joms pa'o/ /mdzes pa'i don te 'phags pa'i yon tan thams cad kyis brgyan pa'o/ /'degs pa'i don te bdag dang gzhan dgrol ba'o// yang na glang gi drang ba'i shing rta ni ra dang ri dags kyis drang ba'i shing rta las khyad par du bstan te theg pa chen po 'di yang theg pa rnam gnyis las 'phags zhes pa'i don to/ /stobs dang ldan pa zhes pa ni yang dag pa'i ye shes te/ nang gi yon tan phun sum tshogS pa'o/ /kha dog dkar ba zhes pa ni sgrib pa thams cad bsal te tshul khrims kyi yon tan dang ldan pa bstan to/ /yang mdzes pa zhes pa ni mtshan dang dpe byad bzang pos brgyan pas lta dang mis mchod par 'os pa bstan to/ /yang stobs dang ldan pa ni mnga' phun sum tshogs pa bstan te/ rnam pa thams cad kyis mi bsnyengs zhes pa'i don to/ /rlung bzhin du mgyogs pa zhes pa ni thugs rjes sems can 'dren pa dang yod pa dang med pa'i chos gzigs pa la thogs pa med par 'jug pa'i don te/ mdo las shA ri'i bu de ci'i phyir zhe na zhes pa nas des 'di snyam du bsams so zhes pa'i bar du ni pha? de'i bsam pa bstan te/ bang mdzod dang nor mang po dag ni 'dus byas dang 'dus ma byas pa'i yon tan no/ /bang mdzod ces pa ni sde snod gnyis dang gsum du ldan pa'o// mdo las bdag gis byis pa 'di rnams bzhon pa dan pa byin te ci zhig bya snyam zhes pa nas 'di dag thams cad la snyoms par bsam gyi mi snyoms par mi bya'o zhes pa'i bar du ni byang chub tu sems ma bskyed pa phyir zhus? pa zhes gdags so/ /theg pa chen po
- 270a
la zhugs pa'i phyir da'i bur 'dra'o zhes smras so/ /thugs rjes dgongs pa gnyis su mi mdzad pa'i phyir snyoms pa'o/ /mdo las bdag kyang bang mdzod mang gi zhes pa nas bdag gi bu rnams lta ci smos zhes pa'i bar du ni bcom ldan 'das thugs rje chen po dang ldan pas 'gro ba lngar skyed pa'i sems can thams cad dang rigs med pa dang rigs nges pa rnams la yang snyams par ston na theg pa chen po'i rigs can dang rigs ma nges pa rnams la lta ci smos zhes pa'i don to/ /mdo las de'i tshe byis pa de dag kyang zhes pa nas de ji snyam du sems zhes pa'i bar du ni bu rnams kyi sngar bsam pa'i re ba las 'gal ba bstan te/ sngar theg pa rnam gsum bstan la phyis theg pa chen po 'ba' zhig bstan pas 'gal zhes pa'i don to// mdo las skyes bu des byis pa de dag la zhes pa nas de rdzun du smras par mi 'gyur ram zhes pa'i bar du ni sngar ni nges pa'i don gyi dpe bstan/ phyis ni the tshom dgrol pa'i dpe stan te gong du bcom ldan 'das ni bden par gsungs pa yang dag pa nyid du gsung pa'o zhes 'byung la theg pa rnam gsum bstan pa 'dir theg pa chen po gcig tu bsdus na gsung dam par gyur ces pa'i don to/ /mdo las shA ri'i bus gsol pa/ bcom ldan 'das de lta ma lags zhes pa nas srog dang ldan par bgyis pa'i slad du'o zhes pa'i bar du ni srid pa'i lan btab pa ste sngar glang ba dang phyis dgrol ba'o/ /nyon mongs pa las ston pa dang ngan 'gro gsum las thar par byas pa ni srog dang ldan par byas pa'o /mdo las de ci'i slad du zhe na zhes pa nas skyes bu de sho pa 'chi bar mi 'gyur ro zhes pa'i bar du mi bsam gsum 'bar ba'i khang pa dang 'dra ba las thar bar byas pa'i phyir rdzun du mi 'gyur ba dang skyes bu de thabs mkhas pa dang ldan pas chen po sbyin pa'i bsam pas chung ngur brjod de chen po thob par byas pas 'gal ba med pa'i phyir ro/ /mdo las de ci'i slad
- 270b
du zhe na bcom ldan 'das skyes bu de sho be mchi ba ma lags so zhes pa'i bar du ni theg pa chen po bstan pa'i phyir rdzun du mi 'gyur ba bstan pa'o/ /mdo las de skad ces gsol pa dang bcom ldan 'das kyis tshe dang ldan pa sha ri'i bu la 'di skad ces bka' stsal to// shA ri'i bu la legs so legs so/ /de de bzhin te/ ji skad smra ba bzhin no zhes pa ni don de nyid yin par bcom ldan 'das kyis kyang bstan par byas/ /mdo las shA ri'i bu de bzhin du zhes pa nas de bzhin gshegs pa'i ye shes dang zhes pa'i bar du ni dpe dag kyang snga ma ni drang ba'i don gyis dpe phyi ma ni nges pa'i don dang sbyar ba'o/ /de la de'i gnas dang khyim bdag dang rgyan gzhon dang 'byor pa dang/ khyim gyi rtags dang/ sgo drung drug gcig gcig ston te/ 'jig rten zhes pa'i gnas so/ /khyim bdag ces pa ni bdag po'o// 'jig rten yang snod dang bcud du dbye'o/ /'jigs pa thams cad bsal ba zhes pa ni 'byor pa bstan te/ 'jigs pa ni rnam pa lnga ste 'tsho ba mi 'byor pas 'jigs pa dang/ gtam ngan gyis 'jigs pa dang/ 'chi bas 'jigs pa dang/ ngan song gis 'jigs pa dang/ 'khor gyi nang du dang 'gong pas 'jigs pa'o/ /'che ba dang 'khrug pa zhes pa ni me bde ba'i sdug bsngal sna tshogs so/ /de dag ni 'khor ba'i 'jigs pa dang sbyar ro/ /yid mi bde ba dang/ ma rigs pa la sogs pa ni nyon mongs pa'i rtsa ba gti mug ste sdug bsngal gyi rgyu yin pas dus gsum dang sbyar ro/ /yang na dkon mchog gsum ma rig pa yang sbyar ro/ /nyon mongs pa de dag ma lus pa spangs pas yon tan thams cad dang ldan pa'i de bzhin gshegs pa nyid sems can thams cad kyi pha yin par sbyar ro/ /mdo las stobs dang 'jigs pa zhes pa nas ye shes dam pa'i mchog thob pa zhes pa'i bar du ni 'byor pa bstan to stobs dang mi 'jigs pa dang sangs rgyas kyi chos ma 'dres pa la sogs pa nang gi yon tan phun sum tshogs pa'i phyir phyug cing nor mang pa lta bur bstan to
- 271a
rdzu 'phrul ni bran g.yogs 'khol ba dang 'dra bar des dbang dang sems can gyi don byed pa'o/ /mdo las snying rje chen po mi skyo ba'i yid kyis phan par 'dod pa zhes pa nas zhig pa'i khang pa dang 'dra bar sems can zhes pa'i bar du ni sems can la phan 'dogs pa la thugs rje chen po skyo mi mkhyen par bstan pa ston te/ spong pa phun sum tshogs pa dang ye shes phun sum tshogs pas bdag dang gzhan gyi don rdzogs par mdzad pa dang khang pa me 'khor ba dang 'dra ba khams gsum gyi sems can 'gro ba lngar skye ba rnams la phan 'dogs shing 'jig rten du gshegs ste/ de las byung ba bstan pas theg pa rnams gcig gis don spyod pa la gzung bar thabs mkhas pa chen pos phan 'dogs pa bstan pa'o/ /mdo las skye ba dang rga ba dang/ na ba dang/ 'chi ba zhes pa nas bla na med pa yang dag par rdzogs pa'i byang chub tu gzung ba'i phyir 'byung ste zhes pa'i bar du ni sems can 'gro ba lngar skyes pa rnams 'khor ba g.yang zab na gnas pa'i dpe ste/ de yang don rab tu mang bar gnas pa dang/ /khang khyim zhig pa dang/ phyogs thams cad nas me 'bar bar bus pa rnams don gnas par ston pa la rab tu mang ba gnas pa'i sems can mang po zhes pa'i don to/ /skye ba dang rga ba dang/ na ba dang 'chi ba la sogs pa ni khang pa rnyings pa dang sbyar ro/ /ma rig pa'i mun pa zhes pa la sogs pa ni gdug pa gsum gyi ma phyogs bzhi nas 'bar ba bstan to/ /byang chub la gzung ces pa ni bu rnams la thugs rje skye zhing nyon mongs pa'i gnas nas 'don zhes pa'o/ /phung po bzhi la mi rtag pa la sogs pas 'joms pa dang/ skye rga na 'chis rnyings par byed pa ni khang pa rnyings pa lta bu'o/ /mdo las da byung ma thag tu sems can rnams zhes pa nas sdug bsngal rnam pa mang po rab tu myong ba zhes pa'i bar du ni de yang bcom ldan 'das thugs rje skye ba ston pa la thugs rje skye ba dang /thugs rje skye ba'i dngos
- 271b
po rnam gnyis ston te/ sems can rnams zhes pa ni thugs rje skye'o/ /skye rga sa na 'chil sogs pa ni thugs rje skye ba'i dngos po'o/ /de 'dra' ba' i sdug bsngal sna tshogs la sems can 'di dag gnas so zhes bcom ldan 'das thugs rje skye ba'o/ /de yang sngar? ni 'dod pa'i khams kyi sdug bsngal bdun bstan/ sdug bsngal rnam pa mang po zhes pa ni gzugs dang gzugs med pa'i khams kyi sdug bsngal bstan to/ /'dod pa'i khams kyi sdug bsngal yang 'du byed kyi mtshan nyid bzhis 'joms pa dang/ 'dod pa rnam lngas srogs pa dang rgyud rnams su 'khor ba'o/ /de yang snga ma gsum ni cha 'di'i sdug bsngal lo/ /gcig ni tshe phyi ma'i sdug bsngal ba'o/ /yang na snga ma gnyis ni 'dod pa mi rnyed pa'i sdug bsngal lo/ /'khor bar 'khor ba ni sdug pa dang khral ba dang mi sdug pa bsngal lo// rnam pa sna tshogs zhes pa ni nye bar len pa'i phung po lnga rnams la sdug bsngal bar gyur pa'am/ sdug bsngal brgyad la sogs pa rnams bsdu'o/ /dbang po lnga dang mngon par gyur pa ni sdug bsngal ba'o/ /yid kyi dbang po dang phrad pa ni 'khrug pa la sogs pa'o// mdo las da ltar gyi tshe la chol ba'i phyir yongs su bsags pa'i phyir zhes pa nas sdug ba dang bral ba'i sdug bsngal rab tu myong ba zhes pa'i bar du ni 'dod pas gdungs pa dang/ 'khor bar 'khor ba bstan te/ ma rnyed pa 'tshal ba dang rnyed pa yongs su sogs pa'i phyir sdug bsngal skye'o/ /dpal 'phongs pa'i sdug bsngal ni mi sbyar ro/ /mi sdug pa dang phrad pa dang sdug pa dang bral ba'i sdug bsngal ni mi dang lta gnyis ka dang sbyar ro/ /lha dang mi la sdug bsngal de rab tu che ba'i phyir gzhan las dkar te smos so/ /mdo las de nyid du sdug bsngal gyi phung por 'khor zhing zhes pa nas yid la bya ba me? skyed par gzigs so zhes pa'i bar du ni sdug bsngal de dag la gnas kyang spong zhing skye bar mi sems te rjes su dpogs pa'i sgo nas rig pa mi skyed/ mngon sum gyi sgo nas tshor bar mi byed/ 'bras bu la?
- 272a
mi 'jig pa dang rgyu la dmigs pa de dag kun la skyo ba mi skyed 'byung bar mi sems te de la gzhor der rgyugs ces pa'i don to/ /mdo las de la shA ri'i bu da ni sems can 'di dag gi pha ste zhes pa nas de ltar gzigs so zhes pa'i bar du ni 'di theg pa chen po la re bskyed pa bstan te/ de yang theg pa chen po'i 'bras bu sems su bcug ste gdul ba dang theg pa chen po'i rgyu bstan te gdul ba dang theg pa chen po'i spyod pa gsang ba bstan te gdul ba dang theg pa chen po mngon du chud phar bya ba ston pa dang bzhi la 'di ni dang po dang sbyar ro/ /mdo las de la shA ri'i bu zhes pa nas sems can de dag chos de dag gis 'byung bar mi 'gyur ro zhes pa'i bar du ni theg pa chen po'i rgyu sems su gzhug pas gdul ba de/ gong du khang pa de sgo yang gcig la zhes byung ba de dang sbyar te/ sgo de las byang chub sems dpa' i theg pa 'ba' zhig gis 'byung gi gzhan gyis 'byung nus pa ma yin pa bstan te/ stobs dang rdzu 'phrul la sogs pa rgya chen po bstan pas theg pa rnam gnyis snod chung du can spyod pa zhan pa mdor zhing theg pa chen po la zhugs pas 'dod khams gsum la 'byung gi gzhan gyi thabs dang spyod pa la gnas pas 'byung bar mi dus pa'i zhes pa'i don to/ /mdo las de ci'i phyir zhe na sems can 'di dag ni zhes pa nas de bzhin gshegs pa de ltar gzigs so zhes pa'i bar du ni re ba med par chen po thob pa bstan te/ de bzhin gshegs pa'i ye shes zab mo de shes par mi nus pa'i phyir re ba med ces pa'i don to/ /mdo las de shA ri'i bu zhes pa nas theg pa gsum mngon par ston te zhes pa'i bar du ni de ltar 'byung ba'i thabs sbyor ba bstan pa dang sbyar te/ stobs la sogs pa rdzu 'phrul gyi rnam gzhag te gsung gi thabs mkhas pas sems can rnams me 'bar ba'i khang pa las thar par byas nas gdod theg pa chen po ston zhes pa'o/ /bcom
- 272b
ldan 'das ji ltar sman pa mkhas pa nad thabs dang sbyor zhing sman gtong ba gzhan sems can gyi dbang po dang sbyor zhing chos ston zhes pa'o/ /mdo las khyed cag 'bar ba'i khyim dang 'dra ba'i zhes pa nas khams gsum 'di nas byung ba la zhes pa'i bar du 'di ni theg pa rnam gsum dngos su bstan pa ste /de yang khams gsum la skyo ba skyed pa dang/ theg pa rnam gsum la gzud pa dang/ mngon du chud pa rnams kyi dpe dang theg pa chen po'i bsngags pa dang bzhi zhig don pa la 'di ni dang po dang sbyar ro/ /'dod pa lnga ni phyi'i yul lo/ /gdung ba zhes pa ni nang gi dmigs pa ste/ de gnyis spong pa la khams gsum nas 'byung ba'i lam tshol cig pa'o/ /mdo las nyan thos kyi theg pa dang/ zhes pa nas thob par gyis shig ces pa'i bar du ni theg pa rnam gsum thob rtsol du bzhugs pa'o/ /mdo las nga ni gnaS 'di la khyed kyi snying rdeng ba ste zhes pa nas brtson 'grus gyis shig ces pa'i bar du ni 'phags pa rnams kyi mngon du chud pa'i dpe bstan te/ theg pa rnam gsum gyi don 'phags pa rnams kyis mngon du gzigs pa'i phyir bsdu ba ma yin no zhes ston pa'o/ /mdo las kyi sems can dag ces pa nas kun tu rgyug par 'gyur gyis zhes pa'i bar du ni theg pa chen po'i yon tan bsngags pa ste/ sngar ni 'khor ba dang mi mthun pa bstan/ de'i 'og tu ni theg pa gzhan las khyad par du gyur pa las bsngags pa ste 'di ni dang pa'o/ /'jig rten gyi 'khor ba ni nyon mongs pas bcings pa rang dbang med pa yin na/ 'phags pa rnams kyis gzigs shing brnyes pa'i theg pa ni zag pa med pa yin pas dga' ba chen po dang ldan pa'o/ /mi 'phangs par brtson zhes pa gzhan la rag lus med pa'i phyir ro/ /mi 'phongs pa ni mi tshol ba'i don te/ tshol ba rnam gsum spangs pa'o/ /tshol ba rnam gsum ni 'dod pa'i tshol ba dang/ log pa'i spyod pas tshol ba'o/ /mdo las dbang po dang stobs dang/ zbyang chub kyi yan lag dang zhes pa nas yid bde ba chen po dang ldan pa?
- 273a
byos shig ces pa'i bar du ni 'dis theg pa'i dmigs pa'i yon tan bstan te theg pa chen po de stobs dang/ mi 'jigs pa dang byang chub kyi yan lag bdun dang 'phags pa'i lam brgyad dang/ bsam gtan bzhi dang/ snyoms par 'jug pa dgu dang/ rnam par thar pa brgyad dang/ ting nge 'dzin gsum la sogs pa la dmigs shing gnas pa'i phyir bde ba dang yid bde ba skye zhes pa'i don to/ /mdo las de la shA ri'i bu sems gang mkhas par 'gyur zhes pa ni byis pa kha cig ri dags kyi shing rta 'dod de 'byung ba bzhin zhes pa'i bar du ni 'di man chad de bzhin gshegs pa'i gsung rab la brten te/ theg pa rnam gsum so sor grol ba thob par ston pa la/ 'di nyan thos kyi theg pa dang sbyar te dpe dang don de sbyar bar dbye'o/ /mkhas par gyur pa zhes pa ni mthu rnam bzhi ston te mkhas pa ni rgyu dang ldan pa'i mthu'o/ /de bzhin gshegs pa zhes pa ni dge ba'i bshes gnyen gyi mthu'o/ /pha rol gyi sgra thos zhes pa ni yid la byed pa'i mthu'o/ /brtson par byed chos pa ni tshogs gsog pa'i mthu ste/ de bzhin gshegs pa 'jig rten du byung ba dang phrad de rigs kyi rgyu bzhin du sems bskyed la dad pas chos mnyan cing brtson pas tshigs sogs pa zhes pa'o/ /brtson pa ni spyod pa thams cad sdud pa'i gtso bo yin no/ bdag yongs su mya ngan las 'das zhes pa ni spyod pa zhan pas gzhan gyi don mi byed pa'o/ /pha rol las thos zhes pa phreng 'phags pa'i man ngag bas 'bras du rnyed par 'gyur gyis gzhan gyi ma yin zhes pa'o/ /mdo las sems can gzhan slob dpon med pa'i ye shes dang zhes pa nas byis pa kha cig pa'i shing rta 'dod pa de 'byung ba bzhin no/ /zhes pa'i bar du na 'di ni mthu rnam gsum gyi 'byung bar byed de'i rgyu'i mthu mi dgos pa rang bzhin gyis shes pas sangs rgyas mi bzhugs pa'i 'jig
- 273b
rten du 'bras bu thob pa'i byed pa ste/ 'phags pa nyon thos ltar bcom ldan 'das kyi gsung mngon du thos pas lam thob pa ltar ma yin te/ rten cing 'brel te 'byung ba'i don zab mo rtog pas 'bras bu thob ces pa'o/ /de yang bse ru bzhin gnas pa dang khyus lding pa'o// sngar bcom ldan 'das kyi bstan pa la zhugs pa la phyis 'bras bu thob pas na rang gis rigs ces pa'o/ /mdo las sems can gzhan yang thams cad mkhyen pa'i ye shes zhes pa nas bus pa kha cig glang shing rta 'dod de 'byung ba bzhin no/ zhes pa'i bar du ni theg pa chen po dang/ byang chub sems dpa' i theg pa zhes dbye zhing ston te/ thams cad mkhyen zhes pa ni stong pa mkhyen pa'i ye shes so/ /theg pa rnam gsum kun la yang ye shes mnga' mod kyi dngos po la gzigs pa'i ye shes ni bcom ldan 'das nyag gcig la mda' ba dang/ rang rig pa'i ye shes nyid ni rang byung gi ye shes so/ /gzhan la bstos pa med par mkhyen pa'i mkhan po med pa'i ye shes so/ /yang na de ye shes kyi rang bzhin ni rang 'byung gi ye shes so/ /ye shes kyi mtshan nyid ni mkhan po med pa'i ye shes so/ /ye shes de gnyis kyi 'khor ni stobs dang mi 'jigs pa la sogs pa nang gi yon tan dag go/ yon tan de dag gi 'gro ba rnams byams pa dang thugs rjes phan pa dang bde bar mdzad cing sems can sgrol pas theg pa chen po zhes bya'o/ /byang chub ces pa ni theg pa rnam gsum thun mong gi ming ste de dag la khyad par du bstan pa'i phyir sems dpa' chen po zhes smos so/ /mdo las shA ri'i bu 'di lta ste dper na zhes pa nas bus pa de dag la bzhon pa chen po gcig byin pa de bzhon du zhes pa'i bar du ni yang dag pa nyid ston pa la rnam pa gnyis su dbye ste/ yang dag pa bstan pa dang the tshom dgrol ba'o/ /de yang bu rnams kyi the tshom dgrol ba'o/ /de yang bu rnams kyi re ba las 'gal pa bstan pa dang dpe dang don du sbyar pa'o/ /dpal yang bu'i phyir 'thon pa mthong pa dang/
- 274a
pa'i yid rangs pa la bstan pa ste/ mdo dang ci rigs par sbyar ro/ /mdo las shA ri'i bu de bzhin gshegs pa zhes pa nas mya ngan las 'da' ba' i bde ba thob par gzigs na zhes pa'i bar du ni pa'i bsam pa bstan te khams gsum g.yang zab me 'bar ba'i khang pa lta bu las 'gro ba mang po bton nas de bzhin gshegs pa'i bstan pa yang dag pa'i skror gzung ba dang/ mya ngan las 'da' ba' i bde ba dam pa la yongs su bkod de 'jigs pa dang/ 'tsho ba thams cad las thar zhes pa'i don to/ /med las shA ri'i bu de dag la de'i tsho zhes ba nas yongs su mya ngan las 'da' bar byed kyis zhes pa'i bar du ni theg pa rnam gnyis dang byang chub sems dpa' las sras su 'dra bas gzung ba'i phyir de gnyi ga yang theg pa chen po'i mya ngan las 'da' ba la dgod kyi gzhan la mi gsung zhes pa'i don to/ /mdo las sems can gang la yang zhes pa nas dga' bar 'gyur ba thams cad kha dog cig pa sbyin par mdzad do zhes pa'i bar du ni de yang theg pa'i rang bzhin dang theg pa'i yon tan ston pa la 'di ni dang po'o/ /ma nges pa'i rigs can dang/ byang chub sems dpa' i rigs dang nyan thos pa'i rigs rnams la dge ba thams cad rdzogs pa bstan pa'i phyir theg pa rnam gcig byin pa bstan to/ /kha dog gcig pa bde ba dam brtsen pa zhes pa ni theg pa'i yon tan bstan? te/ rgyu dang 'bras bu thams cad nyon mongs pa dang ma 'dres pa ni yon tan thams cad kyi bzhir gyur pa'o/ /zag pa med pa'i chos can 'phags pa rnams kyi bsngags pa bya ba'o/ /mdo las shA ri'i bu 'di lta ste thams cad la byin pa'i phyir brdzun du smra ba ma yin pa de bzhin du zhes pa ni the tsom bsal ba bstan te/ dpes gleng ba dang/ dogs pa bsal ba dang/ dris pa dang/ de'i lan la sogs pa ci rigs ba dang sbyar ro/ /mdo las shA ri'i bu de bzhin gshegs pa zhes pa nas yongs su mya ngan las zlo ba'i phyir
- 274b
brdzun du smra ba ma yin no zhes pa'i bar du ni go sla bas ma bshad do/ /mdo las de ci'i phyir zhe na zhes pa nas /bar mdzod mang po dang ldan te zhes pa'i bar du ni theg pa gcig po 'di yon tan bsam gyis mi khyab pa dang ldan te/ sems can rnam pa sna tshogs kyi rigs can thams cad kyis de la longs spyod du zin gyis kyang mi zad pa bstan to/ /mdo las sems can kun thams cad mkhyen gyi ye shes dang ldan pa'i chos zhes pa nas gzhung 'dis kyang de lta bur rig par bya'o zhes pa'i bar du ni 'dis bsdus pa bstan te theg pa gcig po ston pa'i rigs pa dang/ rgyu dang rkyen gyis theg pa rnam gsum du ston pa'i bye brag gtan tshigs bstan pas 'bras bu bla na med pa ni gcig tu zad par bshad pa yin no// //dam pa'i chos puN+Da ri ka'i 'grel pa/ bam po drug pa/ /mdo las de nas bcom ldan 'das kyis de'i tsho tshigs su bcad pa 'di dag gsungs so zhes pa nas ka ba'i rtsa ba rul bar gyur ces pa'i bar du ni 'di man chad tshigs bcad brgya drug cu rtsa lnga zhig yod pa las dum bu gnyis su dbye ste/ dang por tshigs bcad brgyad cu rtsa phyed dang/ lngas ni chos dang dper sbyar pa sngar smos pa rnams bstan te/ shA ri'i bu khyhod la sogs pa thams cad da'i sras yin zhes ba la sogs pa'o/ /de'i 'og tu tshigs bcad brgyad cu zhig 'byung ba de bzhin gshegs pa'i ye shes la dad pa bskyed cing gzung pa'i don du bstan pa'o/ /dang po la yang rnam pa gsum ste/ tshigs bcad drug cu rtsa lngas ni dpe bstan/ de'i 'og ti tshigs su bcad pa brgyad kyis ni dpe dang don du sbyar/ de'i 'og ma tshigs su bcad pa gcig gis ni bsdus pa'i don bstan to/ /dang po'i tshigs su bcad pa drug cu rtsa lngas dpe bstan pa la yang rnam pa gnyis te/ tshigs bcad lnga bcu rtsa gsum gyis ni bkri pa'i dpe bstan de'i 'og ma tshigs su bcad pa bcu gnyis kyis ni nges pa'i don bstan/ dang po la yang rnam pa bzhir dbye ste/ dang po tshigs su bcad pa phyed
- 275a
kyis ni 'jig rten gsum na de bzhin gshegs pa bzhugs pa'i dpe bstan/ de'i 'og tu tshigs su bcad pa sum cu rtsa phyed dang gsum gyis 'gro ba lnga rnams g.yang za zhing bag tsha ba'i dpe bstan/ de'i 'og ma tshigs su bcad pa bcu bshis? ni thabs rnam pa sna tshogs bshams pa'i dpe bstan/ de'i 'og gi tshigs bcad phyed dang bcu bdun gyis ni gsung rab la brten nas nyon mongs pa'i sa nas 'byung ba'i dpe bstan te/ 'di la khyim chen po zhes pa ni ji ltar sngar don rnam pa gsum du ba byed? ? bzhin te/ tshigs su bcad pa sum cu rtsa phyed dang gsum gyis ni 'gro ba lnga g.yang za ba bstan pa la sngar tshig lhug pas rnam pa bzhir phye ste/ da 'dir tshigs su bcad pa la rnam pa gsum du dbye'o/ /dang po tshigs bcad gsum gyis ni khang pa 'drums shing rul ba bstan/ de'i 'og gi tshigs bcad phyed kyis ni de la gnas pa mang bar bstan/ de'i 'og ma'i tshigs bcad nyi shu rtsa dgus ni phyogs thams cad nas gnod pa sna tshogs g.yo ba bstan/ khang ba 'drums pa la yang rnam pa gnyis su phye ste/ tshigs su bcad pa bcu bzhis ni khams gsum dang phung po lnga rnams mi rtag pa bstan/ de'i 'og gi tshigs bcad lngas ni gzugs kyi phung po mi rtag pa dang/ bdag med pa dang mi gtsang ba dang/ stong pa'i don bstan/ khang pa rnying pa 'drums zhes pa ni rnam par shes ba'i phung po skad cig ma gcig la skye zhing 'jig pa sgyu ma dang 'dra ba'i don bstan to/ /khang khyim che zhes pa ni gzugs kyi phung po mi rtag pa dbu ba'i gong bu dang 'dra'o/ /ka ba'i rtsa ba rul ba zhes pa ni 'du byed kyi phung po skad cig ma gcig la skye zhing 'jig pa bya ba btang bas med pa la gnas pa ni chu shing gi sdong po 'dra'o/ /khyams rnams zhig ces pa ni tshor ba'i phung po mi rtag pas bde ba dang bral ba ste chu bur 'dra bar bstan pa'o/ /mdo las khang thog dang ni skar khung skabs rer bral zhes ba nas ?
- 275b
g.yogs thams cad 'brul zhing 'dzag ces pa'i bar du ni 'du shes kyi phung po mi rtag pa bstan te/ tshigs su bcad pa 'di lngas kyang gzugs kyi phung po mi rtag pa la sogs pa bstan pa'i phyir te/ tshigs bcad gsum gyis ni mi rtag pa bstan/ tshigs su bcad pa gcig gis ni bdag med pa bstan/ yang gcig gis ni mi gtsang ba bstan te/ de gsum gyi phyir stong pa nyid du bstan to/ /skyang nul zhig ces pa ni sha dang bral ba'i don /ro lnga ni pags pa dang bral ba'i don/ kha ran brnyings zhes pa ni dus pa dang chu rgyus su bral ba'i don/ gtsug lag dang mdo gzhan dag las kyang/ lus 'di ni mkhar dang khang pa 'dra bar gnas pa ste/ rnam par shes pa brgyad ni mkhar lta bu'o/ /chu rgyus ni gzungs lta bu'o/ /sha ni skyang nul lta bu'o/ /shing dang rdo la sogs pa ni rus blta bur gnas pa'o// 'dod chags dang zhe sdang dang gti mug dang ma rig pa la sogs pas glags shing bstan par gnas pa'o/ /mdo las brgya phrag lnga dag las ni mi nyung ba/ de na de dag gi yang gnas gyur la zhes pa ni mang du gnas pa'i don bstan to/ /mdo las khang phran mang po shin du dog pa rnams zhes pa nas rab rtsig ba dag kyang de bzhin zhig ces pa'i bar du ni 'dis ni dbang po med cing mi gtsang ba'i gnas lus 'di rdzas sum cu rtsa drug gis glags shing khyab par byas pa'i don bstan to/ /mdo las de nas bya rgong? bye ba dag dang ni zhes pa nas mi ma yin mang gnas dang gnas dag na zhes pa'i bar du ni tshigs su bcad pa nyi shu rtsa dgu sa phyogs sna tshogs nas gnod pa'i ltas ngan mang du 'byung ba bstan te/ de la yang rnam pa gsum du dbye'o/ /dang po tshigs phyed dang bco brgyad kyis ni 'dre dang srin bu rnams bstan/ de'i 'og tu tshigs bcad phyed dang bcu gcig gis ni de dag 'byung ba'i gnas bstan/ tshigs bcad gcig gis ni bsdus pa'i don bstan te/ de dag kyang nyon mongs pa bcu'i mtshan nyid ltas ngan gyi don du bstan te/ 'gro ba rnams de la 'jiD
- 276a
shing skye ba dang/ spong du gzhug pa'i phyir bstan to/ /srog chags snga ma'i ltas kyis ni 'dug pa chung zhing gnod pa bags kyis byed pa'i don de/ 'dod chags la sogs pa lnga dang sbyar ro/ /de'i 'og ma 'dre gdon mthu che la gnod pa myur ba byed pa'i dbes ni lta ba rnams lnga bstan to/ /de'i 'og gi tshigs bcad phyed dang gnyis ni nyis pa'i skyon bsdu ba bstan/ de la yang rnam pa gnyis su phye ste/ tshig phyed dang drug gis ni so so'i mtshan nyid ci 'dra ba bstan/ de'i 'og ma chigs bcad phyed kyis ni bsdus pa'i don bstan dang po la yang rnam pa lngar dbye ste/ dang po'i tshigs bcad phyed kyis ni 'dod chags kyi dpe bstan/ de'i 'og ma tshigs bcad phyed dang gnyis kyis ni zhe sdang gi dpe bstan/ de'i 'og ma chigs? bcad gcig gis ni gti mug gi dpe bstan/ de'i 'og ma gcig gis ni the tshom gyi dpe bstan/ gcig gis ni nga rgyal gyi dpe bstan to/ /'dod chags la rnam pa bzhi ste mngon du chags pa dang/ chags par 'gyur ba dang/ chags pa dang zhen pa gnyi ga ldan pa dang/ yul de dang de la dga' zhing chags pa rnam pa bzhi ste/ bya rgod dang phug ron la sogs pa rim par sbyar ro/ /byed dga' 'dod chags che ba'i phyir 'dod chags pa ni dang brgyad du sbyar ro/ /zhe sdang la yang dpe rnam pa bcu gcig ste/ sprul la sogs pa rnams so/ /de la zhe sdang rnam pa bcu ni de'i lus kyi phyir zhe sdang ba dang/ yid du 'od ba'i sems can gyi phyir zhe sdang ba dang/ yid du mi 'ong pa'i phyir zhe sdang ba dang /'das pa'i dgra la zhe sdang pa dang/ da ltar gyi dgral zhe sdang ba dang/ ma 'ongs pa'i dgra la zhe sdang ba dang/ yid du mi 'ong ba'i spyod yul la zhe sdang ba dang/ phrag dog pa'i phyir zhe sdang ba dang/ sngon gyi bag chags kyi phyir zhe sdang ba dang/ gzhan gyi nyon mongs pa mthong bas zhe sdang ba'o/ /mdo las bshad gcig rab tu smre bar byas zhes pa dag ni rdzas sum cu rtsa drug gi glags pa gti mug gi phung po yin pa ste/ skyo pa dang spang
- 276b
bya ba yin gyi dka' ba'i gnas ma yin par bstan pa'o/ /spyad ki dang khyi dang wa ni khams gsum ma ma dus gsum du sbyar ro/ /mdo las mi'i ro la rab tu za zhes pa ni nga rgyal bstan te nga rgyal gyi rnyed pa la 'thab cing rtsod ces pa'i don to/ /mdo las gnas dang gnas na rnams par 'cha' zhing za/ /'thab mo byed de rab tu sgra yang 'byin/ /rnam pa de 'bras khyim de shin tu 'jigs/ /shin tu sems gtum gnod sbyin de na 'khod/ /mi yi ri dag la yang rnam 'dren zhing zhes pa ni tshig 'di dag gis nam mkha' la gnas pa'i 'brag nor kyi dge lta ba rnam lngar stan te/ de la tshig dang po gsum gyis ni log par blta ba'i dpe bstan/ de'i 'og ma tshig phyed kyis ni tshul khrims dang brtul zhugs kyi dpe bstan/ de'i 'og mas ni 'jig tshogs la lta ba'i dpe bstan /de'i 'og mas ni lta ba bsnyoms pa'i dpe bstan de'i 'og nas mthar lta ba bstan to/ /yang lta ba de dag la dang por lta ba'i sbyi'i mtshan nyid bstan/ de'i 'og tu lta ba so so'i mtshan nyid dang spyod pa bstan/ gnod sbyin la sogs pa sems gtum pa de dag log par lta bas dag ba thams cad kyi rtsa ba med par byed pa nyid gnod sbyin mi'i ro la 'brang pa bzhin no/ /mdo las sbrul dang rkang brgya pa dang gcan zan rnams zhes pa nas zhig pa'i khyim der ni yang gnas 'cha' ste/ zhes pa'i bar du ni log par lta bas nyon mongs pa thams cad skyed pa'i phyir dper sems can go tum po gdug pa de dag gis bstan te/ skye zhing 'phel ba'i gnas su gyur pa phrug gu glog pa zhes smas/ /mdo las ji tsam gnod sbyin de dag 'drangs gyur pa zhes pa nas 'khang du bcug pa dol dga' bar byed ces pa'i bar du ni log par lta ba la sogs te/ lta ba rnam lngas rgyas shing 'phel bar gyur pa nyid 'drangs par gyur pa skye /sgo gsum nas spyod pa rnams gzhan gyis 'jigs rung ba'i phyir ba dang/ tshul khrims dad brtul zhugs bsnyems pa sems can gces pa'i 'khang pas bdag dga' bar byed pa bzhin du
- 277a
tshul khrims dang brtul zhugs bsnyems pas mtho ris bgrong pa'ang de dang 'dra'o/ /mtho gang tshad dang de bzhin khru gang tshad ces pa ni tshul khrims bsnyems pa dang/ brtul zhugs bsnyems pa gtso yin par 'dzin pas 'jig rten las 'das pa'i don tshol ba nyid do/ /mdo las de dag khyi rnams rkang nas bzung nas ni/ zhes pa nas 'khang du bcug pa de la dga' bar byed ces pa'i bar du ni spyod pa'i mtshan nyid so sor dbye ba ste/ mu steD can thar pa tshol ba ni yang dag pa'i chos ma yin te/ spyod pa khyi lta bus tshul khrims dang brtul zhugs bsnyems pa ni khyi'i rkang pa nas 'dzin pa'o/ /rab tu mgrin dgags zhes pa ni tshul khrims dang brtul zhugs kyi mya ngan las 'das pa'i gnas bde ba la gnas par sems pa nyid khyi'i mgrin pa la rdzib dang 'dra'o/ /log pa'i brtul zhugs kyis rnam par grol pa'i dga' ba tshol ba ni khyi 'khang pas dga' bar byed pa bzhin no/ /mdo las gcer bu gnag cing nyam chud ring pa yi zhes pa nas rab tu bkres te kha zas kun tshol zhing zhes pa'i bar du ni 'jig tshogs su lta ba'i dpe ste/ lhan cig skyes pa dang brtags te skyes pa ni tshe zhing ring ba'o/ /dge ba'i rgyu med par 'dzem pa dang/ ngo tsha ba med pa ni/ cer bu lta bu'o/ /ma rig pa dang bcas pas sgrib pa ni gnas pa yang dag pa'i gzhung gi shas chung ba'i phyir ring pa'o/ /phung po lnga la dam du 'dzin pa'i phyir der gnas pa'o/ /nyon mongs pa'i chos rnams kyi rgyus bdag tu 'dzin pa skye zhing 'phel bar /gyur pas gnas dang gnas su bdag tu lta ba 'phel bar byed pa ni rab tu bkres te nas tshol ba'o/ /mdo las la la bal glang gdod la khab kyi kha zhes pa ni lta ba bsnyems pa'i dpe ste/ gzhan gyi lta ba bzang po mi chud mi lom zhes pa'i don to/ /mdo las mi tsam dad ni de bzhin khyi tsam dang/ zhes pa 'di ni thar 'dzin pa bstan te/ ji ltar glang gi mgo la rwa gnyis
- 277b
yod ba dang 'phra bar lta ba bsnyams pa rnams la 'dzin pa gnyis 'gyur ste/ rtag par 'dzin pa dang/ chad par 'dzin pa gnyis te/ chad par 'dzin pa ni rgyu dang/ 'bras bu thams cad spangs pa'i phyir sdig pa can mi'i sha za ba bzhin no/ /rtag par 'dzin pa ni sdig pa de tsam du mi che ba'i phyir khyi sha zab bzhin no/ /mdo las lhag pa'i skra de bshig cing sgra yang 'byin zhes pa nas zas la sred pas rab tu gdungs pa'i phyir/ de na phyogs bzhir rab tu lta bar byed/ ces pa ni spyod pa gzhan rnams kyi dpe bstan te/ mthar lta ba 'di gnyis la mu stegs kyis lta ba sum cu rtsa bdun zhig 'dir bskyed pa'i phyir skra 'dzings pa lta bu'o/ /yang dag pa'i lung gi zas dang bral ba yang dag pa'i gzhung gi chu ma rnyed pa bkres pa dang skom pas nang gi sems gdungs pa'i phyir phyogs bzhir lta zhing sga? 'byin pa'o/ /mdo las rtag tu skar khung dang mthong sa dag nas kyang zhes pa nas de ltar khyim de mi bzang 'jigs gyur la zhes pa'i bar du ni bsdu ba bstan te/ mu stegs can rnams phyin ci log sna tshogs kyis log par lta ba ni dper gnod sbyin la sogs pa'i gdon lta bu ste/ yang dag pa'i lta ba spangs shing shes pa med pas log pa la zhin pa rnams sred cing kha zas kyis mnar ba lta bu ste/ skye rga na 'chis 'jigs pa las nam du yang mi thar zhes pa'o/ /mu stegs kyis spyod pas yang dag pa'i lam la lta ba ni/ skad khung nas nam mkha' la blta ba tsam mo/ /mdo las che la mtho zhing rab tu mi brtan no/ /zhes pa nas me lce stong snyed kun tu 'bar bar gyur/ zhes pa'i bar du ni 'dre gdon sna tshoD dang/ lha sna tshoD gnas pa'i sa bstan pa ste mi gcig cig ni yongs su dbang 'gyur la zhes pa ni byang chub sems dpa' mos pas spyod pa'i sa nas bla na med pa'i byang chub thob pa'i bar du 'jig rten la gnas shing 'gro ba sgrol ba'i dpe ste/ mi de khyim gyi phyi rol du byung zhes pa yang ji ltar khyim bdag med pa'i khang pa 'chos shing lta ba med pa 'drum zhig par gyur pa bzhin/ bcom ldan
- 278a
'das mya ngan las 'das pa'i 'og tu 'jig rten na chos kyi bdag po med pas khams gsum stongs zhes pa'i don te/ /me lce 'bar zhes pa yang nyon mongs pa sna tshogs mchod pas skye rga na 'chi'i bar du bzhi mched ces pa'i don to/ /mdo las 'od ma dad ni shing dag mes tshig ste/ zhes pa nas ka ba dang ni rtsig pa de bzhin 'bar/ /zhes pa'i bar du ni gdung ma ni tshor ba'i phung po'i don/ gral bu ni rus pa'i don gzugs kyi phung po ni ka ba'i don te/ skye ba la sogs pa phung po lnga khyab pa'i phyir brtsig pa'i don do// 'jig pa ni 'du byed kyi phung po mi rtag pa'i don te/ spyir na phung po lnga po 'di 'jigs su rung ba mi brten pa skye ba dang rga ba dang/ na ba dang/ shi bas nam du yang 'jigs par 'gyur zhes pa'i don no/ /khang pa'i nang ma med pa srog chags gnas pa'i dpe 'di gnyis la bye brag ci yod ce na/ lus dang sems tshig bar byed pas me'i dpe bstan/ ma rig pa la sogs pas nyon mongs pas glo bur du 'byung ba ni srog chags sna tshogs kyis 'jigs par byed pa'i dpe ste/ rnam par shes pa ni phung po bzhi? rnams kyi gnas su gyur pa'i phyir khang pa lta bur blta'o/ /mdo las gnod sbyin yi dags 'di dag sgra yang 'byin zhes pa nas don sha za mang po phan chun rgyu zhes pa'i bar du ni 'dod pa dang/ gzugs kyi khams na ltas ngan dang 'dre gdon sna tshogs bstan pa ste/ 'dod pa'i khams na mu stegs can khyim nas byung ba dang/ khyin nas ma byung ba gnyi ga yang sred pa'i nyon mongs pas las dang 'jig rten gyi zang zing la rtsod cing sgra 'byin pa dang/ log par lta ba'i nyon mongs pas lus tsho? gcing gdug pa sna tshogs kyis gtses zhes pa'i don to/ /mdo las bsod nams med pa me yis kun tshig nas zhes pa nas tshig par gyur pa dag la khrag gis 'thor zhes pa'i bar du ni gnas/ da na dag pa'i bsam gtan gyis? nyon mong pa tshams pa'i phyir nyon mongs pa mi skye mod kyi yang dag
- 278b
pa'i bsod nams can ma yin pas bsod nams zhan pa ste/ nyon mongs pa 'dod chags dang gti mug dang/ nga rgyal dang the tshom dang/ 'jig tshogs su lta ba la sogs pa'i nyon mongs pas bsregs pa'i phyir nyon mongs pa ma spangs pas gzugs med pa'i khams na 'ang ? ba yod pa'i phyir phan tshun sos 'debs shes pa dang/ rang gi lta ba dam por 'dzin pa ni khrag gis 'thor ba lta bu'o/ /mdo las de ni dus byas shi la spyang gi dag ces pa nas 'jig rten dag na phyogs bzhir rab tu 'thul zhes pa'i bar du ni nyon mongs pa ? thar bar tshol yang lta ba dam par 'dzin pa'i phyir/ mi 'thar pa'i don du bstan pa'i dpe ste/ spyang gi dag ces pa ni 'dod pa'i khams kyi nyon mongs pa gzhan dag kyang bsdu ba ste/ gzugs kyi khams na 'dod pa la sogs pa'i nyon mong pa ni/ phan tshun ? bar bstan nyon mongs pa'i dri ? phyogs bzhir 'thul ba ni bsam gtan bzhi pa rnams kyi nyon mongs pa'i dpe bstan to/ /mdo las srin bu rkang brgya ba dag 'bros gyur pa/ /zhes pa nas bkras pa dang ni bsrags pas shin tu gdungs/ /zhes pa'i bar du ni 'dis kyang gzugs med pa'i khams kyi nyon mongs/ pa bstan pa ste/ gzugs med pa'i khams 'og ma gsum gyi 'gog pa'i bsam gtan gyi sems khams gong mar rgyu zhes pa'i don to/ /grul bum zhes pa ni mu stegs can gyi lta ba mang po dam du bzung pas bla ma bla ma'i so tshal par sems pa ste/ lta ba nga pa'i zan zos pas nyon mongs pa phyir zhing 'phel zhes pa'i don to/ /me lce stong snyed rab tu 'bar zhes pa ni srid pa'i rtse mo la gnas pa'i mu stegs can yang dag pa'i sten pa'i zas dang skom gyis gdungs pas nyon mongs pa'i mes tshig ces pa'i don do/ /mdo las khyim 'di'i bdag po mi de ni/ sgo na 'dug cing shin tu rnam par lta zhes pa ni 'di man chad tshigs bcad rtsa ba bcu bzhis drang ba'i don bstan pa'i dpe dang/ sdug bsngal ba rnams la snying rje skye ba'i dpe dang/ ngo mtshar bstan pa'i dpe dang/ sdug bsngal gyi
- 279a
sa nas gdon pa'i dpe dang theg pa rnam gsum bshad pa'i dpe la/ 'di ni sdug bsngal ba rnams la snying rje skye ba'i dpe ste/ /sdug bsngal ba bstan pa tshig gnyis la yang tshig gong mas ni sangs rgyas 'jig rten du 'byung ba bstan pa'i dpe de'i 'og ma chig phyed dang gnyis kyis ni sems can sdug bsngal ba rnams la snying rje bar bya ba'i don bstan pa'o/ /smon 'dug ces pa ni sdod pa dang 'dug ces pa'i don te/ khang pa de'i nang na gnas pa'i bu rnams gdon pa'i sems kyis 'dug pa dang/ skyabs bya ba'i sems kyis sdod pa/ dbang po smin ma thag tu phan gdags par sems par sdod pa dang/ nyon mongs pa'i gnas nas bslangs te grub pa'i gnas bde ba la dgod par sems pa'o/ /mdo las des thos den? de yis bdag gi bu zhes ba nas de ltar bya ba dag ni mi shes phyir zhes pa'i par du dpe 'dis ni sems can nyon mongs pa'i sa na sdug bsngal ba bstan pa ste/ zhib du chig sdug pa'i nang du bstan pa yin no/ /thos pa zhes pa ni dus gsum gyi de bzhin gshegs pas sems can sdug bsngal gyi sa na gnas par bshad pa thos pa dang/ bdag nyid kyis sems can sdug bsngal bar mthong ba'o/ /thog ma med pa'i dus nas 'jom pa dang/ /khrel pa med pas nyon mongs pa sna tshogs la bag med par spyod pa de nyid byis ba mi shes pa'o/ /mdo las des thos de nas myur du der sod ste/ zhes pa nas sdug bsngal chen po dag ni gcig phyir gcig ces pa'i bar du ni snying rje skye bar bstan pa ste/ sems can 'khor ba na gnas pa ni me'i khang par zhugs pa bzhin te/ myur ru mi thar ces pa'i don to/ de la khyim gyi nyes pa des brjod 'di/ sdug bsngal 'di dag mi bzang rigs kyi bu/ zhes pa ni sdug bsngal 'jigs pa chen po dang ldan par bstan pa ste/ theg pa chen pos bskya zhing gdon zhes pa'i don to/ /gcig phyir gcig ces pa ni thog ma med pa'i dus nas gcig gis gcig sdud cing/ nyon mongs pa'i
- 279b
gnas na skye ba dang rga ba dang na ba dang shi ba rgyun mi 'chad ces pa'i don to/ /mi bzang ces pa ni mu stegs can gyi khyim nas byung ba dang khyim na gnas pa gzhan bslu bar byed pa mi bzad ces pa'i don te/ /mdo las sbrul dang gnod sbyin gtum sems dang zhes pa nas me med zin kyang rab tu 'jigs zhes pa'i bar du ni/ sbrul ni zhe sdang do/ /gnod sbyin ni las ngan par spyod pa'o/ /grul bum ni tshul khrims ngan pa la gnas pa'o/ /wa ni the tshom dang sbyar ro/ /khyi ni nga rgyal dang spyad do/ /bya rgod ni 'dod cing brkam pa dang sbyar ro/ /de lta bu'i nyon mongs pa sna tshogs kyis gzir zhes ba'i don to/ /mdo las de 'dra ba'i sdug bsngal 'ba' zhig ste zhes pa nas de'i tshe de'i thabs bsams pa zhes pa'i bar du ni thugs rjes phan 'dogs pa nyid dang sbyar ro/ /mdo las byis pa de dag rtse la chags zhes pa nas dga' bar lhan cig phyir 'thon zhes pa'i bar du ni/ 'di man chad theg pa rnam gsum dang sbyar te/ ri dags dang ra dang glang gi bzhon pas theg pa rnam gsum dang sbyar te bstan pa'o/ /de la yang dang por bzhon pa byin par khas blangs ba dang bzhon pa khyim gyi phyi rol na yod par bstan pa dang bzhon pa nyid ci dang ci yin pas bstan pa'o/ /bzhon pa ngal yod ces pa ni bzhon pa sbyin par khas blangs pa'o/ /ri dags dang ra dang glang zhes pa ni phyi rol na yod pa dang dngos bstan pa'o/ /'bras bu ni rgyu'i sgo nas byung/ gzhung nyid ni bstan pa las phyi rol pas phyi rol na yod ces smras so/ /bla na med pa'i khams gsum las 'das pa'i phyir phyi rol na zhes bstan to/ /khyed cag gi phyir ngas byas zhes pa ni bzhon pa'i dgos pa bstan te/ mya ngan las 'das par gnas dam pa ni 'dus ma byas pa yin mod kyi theg pa nyid 'dus byas yin pa'i phyir byas zhes smras mdo las /bzhon par 'dra yod par shes nas su zhes pa nas sdug bsngal dag las thar ste stod bar 'dug ces pa'i bar du ni gsung rab la brten nas sdug bsngal las thar bar bstan te/ de yang bu rnams sdug bsngal gyis nas thon pa dang/ pha bde bar gnas pa ste/ 'dis ni bu rnams
- 280a
sdug bsngal gyi sa nas 'thob pa bstan to/ /stong bar 'dug ces pa ni sgrib pa gsum dang bral ba'i gnas bslab pa med pa'i sa dang sa dang po la gnas pa'o/ /mdo las mi des byis pa 'thon pa mthong nas su zhes pa nas bde bde bar 'dug pa rig nas zhes pa'i bar du ni bu rnams thon nas pha bde bar gnas pa bstan te/ dpong sa ba ni mdo pa zhes pa ni bden pa bzhi'o/ /seng ge'i khri la bzhugs zhes pa ni mi 'jigs pa'i sa la gnas pa ste/ sngon byang chub sems dpa' i spyod pa mdzad pa na sems can thams cad sgrol ba'i thugs dam dang ches pas de sems can 'khor ba'i gnas nas thon pas dgongs pa grub pa'i phyir bde bar bzhugs zhes smras so/ /mdo las bu rnams dong ste 'di skad smras zhes pa nas de dag dus de stsal du gsol zhes pa'i bar du ni de yan chad ni drang pa'i don bstan/ 'di man chad ni nges pa'i don bstan te/ bdag cag stsol zhes pa ni dbang po smin zhes pa'i don to/ /mdo las mi de mdzod kyi mthu ldan pa zhes pa nas/ gang la rin chen shing rta bcas zhes pa'i bar du ni mi de mdzod kyi mthu dang ldan pa ni 'dus byas dang 'dus ma byas kyi mdzod dang ldan pa'o/ /yul 'khor thams cad kyi mi la byin na yang mi zad pa'i nor dang ldan pa yin na/ byis pa rnams la byin pas gang la zad par 'gyur pa ni yon tan gyi chos mang po dang ldan pa'o/ /rnam pa thams cad mkhyen pa'i ye shes zag pa med pa'i phung po lnga dang ldan pa'i sku ste/ shing rta zhes pa ni de bzhin nyid kyi chos la bya'o/ /rgyan sna tshogs kyis brgyan pa'i shing rta de yang ? ba lo sgyur ba dang dril bu dang/ g.yer ka dang/ gdugs dang/ lta ba ltub dang/ mu tig gi dra ba dang/ gser gyi phreng ba dang/ gding ba 'jam po la sogs pa'i rgyu ni rnam par dkar ba sgrib pa gnyis dang bral ba'i rkyen spyod pa dam pa dang ldan pa 'tsho pa rnam par dag pa'i gdan la bzhugs zhes pa'i don to/ /glang dkar po tshol pa zad pa ni/ gcig tu
- 280b
dkar pa/ gcig tu tsho zhing lta bos dang ldan pa gcig tu 'phang pa/ gcig tu mdzes pa dang ldan zhes pa'i don to/ /mdo las/ skyes bu du mas rab khris pa/ skyes bu de yis de 'dra byin zhes pa nas phyogs dang phyogs mtshams rtse bar dong zhes pa'i bar du ni/ phyogs dang phyogs mtshams zhes pa ni phyogs bzhir skye ba rnam bzhis skye ba'i sems can gyi don la rol ba'o/ /rtse zhes pa ni rdzu 'phrul gyis rol ba'o/ /mdo las/ de bzhin da yang shA ri'i bu zhes pa nas skye na rga ba du ma rgya zhes pa'i du tshigs bcad drug cu rtsa lngas ni dpe bstan/ bco brgyad kyis ni don dang sbyar ba bstan te/ de la dang po tshigs bcad bcu gcig gis ni drang ba'i don bstan tshigs bcad bdun gyis ni nges pa'i don bstan/ drang ba'i don la yang tshiD bcad gsum gyis ni khams gsum na sangs rgyas bzhugs pa dang sbyar/ de'i 'og ma tshigs bcad gsum gyis dge ba rnam lnga g.yang sa'i gnas su sbyar/ de'i 'og ma tshigs bcad lngas ni drang ba'i don gyi dpe bstan to/ /mdo las/ khams gsum nas ni da thar zhi zhes pa nas mi ldog byang chub sems dpa' zhes pa'i bar du ni drang pa'i thabs kyi dpe bstan pa dang/ sdug bsngal ba rnams la thugs rje skye ba dang/ don chen po bstan kyang mi dang dab dang/ bdag nyid khams gsum gyi gnas las byung bar bstan pa dang/ gnas de nyid sangs rgyas kyi yin pa bstan pa'o/ /nags tshal dben pa'i gnas zhes pa ni yon tan mang po'i tshal du sbyar ro/ /phyir mi ldog ces pa ni sa dang po la gnas pa yan chad do/ /drug shes pa ni dgra bcom pa'o/ /gsum rig pa ni sngon gyi gnas dran pa dang/ lha'i spyan dang/ zag pa zad par mkhyen pa'o/ /mdo las/ mkhas pa rnams la dpe mchog 'dis zhes pa nas/ mi mchog thabs rnams ma gtogs so zhes pa'i bar du ni/ theg pa mchog yin par bstod cing bsngags pa ste/ theg pa de yang tshigs bcad dang po gcig gis ni theg pa de yon tan bzhi dang ldan par bstan/ de'i 'og ma gcig gis ni
- 281a
'phags pa rnams kyis bsngags pa bstan/ de'i 'og ma gcig gis ni longs spyod dam pa dang ldan pa bstan/ de'i 'og ma gnyis kyis ni dga' ba'i mchog yin par bstan to/ /de la yon tan bzhi ni dam pa khyad par can sgrib pa med pas rnam par dag pa dang/ mchog dam pa yin pa dang/ bla na med pa dang zla med pa'o/ /yangs pa'i dngos po phyag gi gnas zhes pa ni 'phags pa rnams kyis bsngags pa'o/ /'phags pa rnams de ltar nam rabs rnams la ci smos zhes sbyar ro/ /bsam gtan dang stobs dang ting nge 'dzin zhes pa ni longs spyod kyi gnas dam pa yin par bstan pa'o/ /nub dang nyin par lo dang bskal pa 'da' bar byed ces pa ni/ theg pa gcig po 'di la gnas pa dga' ba'i dam pa yin par bstan te/ bla na med pa'i byang chub kyi snying po la reg par 'gyur zhes pa'i don to/ /de yan chad bstan pa dang/ gzhung dang spyod pa dang/ 'bras bu thams cad theg pa chen po dang ldan par bstan to/ /mi mchog thabs mkhas ma gtogs zhes pa ni/ de bzhin gshegs pa thabs mkhas pa dang ldan pas sems can rnams rim gyi theg pa gcig po la drang zhing gzung ba'i phyir phyogs bcu gang du yang thabs kyis rol pa ma gtogs par theg pa gnyis dang gsum du ma bshad do/ /mdo las/ khyod kyi pha da'i bu khyod ces pa nas byang chub sems dpa' gang mang 'dul zhes pa'i bar du ni 'di man chad mos pa skyed cig par bstan pa ste/ sngar tshigs bcad bcu bzhis ni drang ba dang/ des pa'i don la 'jug par bstan/ de'i 'og ma tshigs bcad drug cu rtsa drug gis ni bslab par bya ba'i gnas bstan to/ /dang po la pha bu byams pa'i dpes sdug bsngal las 'don pa bzhin nges pa dang drang ba'i don dngos su ston pa'o/ /'di ltar mya ngan 'das pa ngas bstan kyang zhes ba ni/ bcom ldan 'das kyis yang dag ba'i don sngar drang ba'i tshul gyis bstan du zin gyis de mya ngan las 'das pa chen po ma yin pas da mya ngan las 'das pa nyid bstan pa'i phyir nges
- 281b
pa'i don bstan te/ kun nyon nga'i sangs rgyas tshul zhes pa'o/ /tshul ni chos kyi sku nyid do/ /sgrib pa rnam gnyis dang bral ba'i phyir mya ngan las 'das pa chen po'o/ /mdo las byang chub sems dpa' gang mang 'dul zhes pa nas lam rnams bsgoms nas thar par 'gyur zhes pa'i bar du ni de ltar drang ba dang/ nges pa'i don bstan pa yang bden pa bzhi dang sbyar te bstan pa'i phyir tshigs su bcad pa 'di dag gsungs so/ /dang po tshigs bcad gnyis kyis ni sdug bsngal gyi bden pa bstan/ de'i 'og ma phyed dang gnyis kyis ni kun 'byung gi bden pa bstan/ yang phyed dang gnyis kyis ni 'gog pa'i bden pa bstan/ de'i 'og ma gcig gis ni lam gyi bden pa bstan te/ 'dod ngan de la chags gyur pa ni phyi nang gi yul la dga' bar bya ba de thams cad sdug bsngal nyid yin par bstan pas 'jig rten gyi bden pa ma spangs par yang dag pa'i bden pa nyid la gzud pa'o/ /gang rnams mi shes sdug bsngal gyi zhes pa la sogs pa ni kun 'byung gi bden pa bstan te/ sdug bsngal gyi rgyu kun 'byung las 'byung zhes pa'i don to/ /sdug bsngal 'byung ba sred 'dus pa zhes bya ba la sogs pa ni 'gog pa'i bden pa'i stan te/ sdug bsngal skye par byed pa'i rtsa ba sred pa yin na/ sred pa de yang 'gog bas bsal zhes bya ba'i don to/ /gang gi thar zhes pa la sogs pa ni lam gyi bden pa bstan te/ lam bsgoms pas 'gog pa 'grub ces pa'i don to/ /mdo las rtsi? thar zhe na shA ri'i bu zhes pa nas 'jig rten 'dir skye ba de bya'i phyir zhes pa ni/ drang ba dang nges pa'i don gyis bden pa bzhi bstan pa yang 'di man chad chig bzhis ni dris/ tshig bzhi ni lan btab pa ste/ bden pa bzhi dang ci rigs par sbyar ro/ /mya ngan las 'da' ba dang/ ma 'das pa yang drang ba'i don gyis theg pa rnams gnyis la bstan pa dang/ nges pa'i don gyis bla na med pa'i lam dang sbyor ba'o/ /de ltar dgongs te chos rgyal zhes pa'ang/ nges pa'i don la mngon sum du gzung pa'i phyir 'jig rten la bde pa'i phyir zhes pa dang
- 282a
sbyar ro/ /chos rgyal zhes pa ni sems can rnams la so so'i dbang po la sbyor zhing chos la mnga' brnyes pa'i phyir chos rgyal zhes bya'o/ /mdo las/ 'di da'i chos rgyal shA ri'i bu zhes pa nas khyod kyis mi de mi ldog zung zhes pa'i bar du de ni/ snod ma rtogs par chos ma gtong cig par bstan pa ste/ chos kyi phyag rgya zhes pa ni theg pa gcig po'i gzhung dam pa nges pa nyid la bya'o/ /rjes su yi rang zhes pa ni mos pa che ba'i phyir mi ldog ces pa ste/ yun ring po nas dge ba'i rtsa ba bskyed pas la gnas par gyur pa'o// theg pa rnam gnyis lta bu las khyad par du bstan pa'o/ /mdo las/ sngon gyi de bzhin gshegs pa des mthong zhes pa nas/ sangs rgyas kyi 'di ni shes zhes pa'i bar du de dag gis ni sngon de bzhin gshegs pa'i bstan pa la zhugs shing thos pa'i rgyus 'di la 'jug nus par bstan pa dang/ mdo 'di la dang cing 'jug pa ni nges da dang nga'i dge 'dun mthong zhes pa yang dkon mchog gsum tha mi dad pa'i mtshan nyid bstan pa'o/ /shes pa chung ba dang/ dge ba'i rtsa ba zhan pa rnams kyis 'jug par mi nus pa'i phyir byis pa myos gyur pa zhes gsungs so/ /theg pa rnam gnyis su rigs nges pa rnams kyis kyang 'jug par mi nus pa bstan pa'i phyir nyan thos dang rang sangs rgyas gyis ma yin zhes gsungs so/ /mdo las/ shA ri'i bu khyod da dang 'bring na zhes ba nas 'di dag rang rig ye shes med ces pa'i bar du ni rigs ma nges pa'i nyan thos rnams kyang da'i gsungs 'di thos nas gdod dang pa skye zhing rjes su 'brang bar 'gyur na gzhan lta ci smos zhes bstan pa'o/ /mdo las khyed kyis khengs pa dang ni nga rgyal can/ mi rigs zhugs pa dag la 'di ma bstan zhes pa ni tshig sum cu rtsa drug gis mi shes pa dang pa med pa sdig pa can bzhi dang bdun dag la bstan du mi rung bar gsungs ba ste/ de la sdig can bzhi ni khengs pa/ nga rgyal can le lo can/ bdag tu lta ba'i mu stegs can rnams so/ /mdo las/ bus pa 'dod las rtag tu rab mos shes chos
- 282b
bstan mi shes bas na spong bar byed ces pa ni sdig can gsum las mi bshad pa ste/ shes pa chung pa log pa'i shes rab can dang/ 'dod pa rnam lngas myos shing nyon mongs pa sdug pa'i rnams dang/ rigs med pa'i sems can thos kyang 'jug par mi nus pa rnams so/ /mdo las/ nga yi thar pa 'di ni spong ba ni/ /'jig rten rtag nas sangs rgyas tshul yang spang zhes pa'i don te/ de yang ma dang pas sdig pa mi dge ba'i rgyu skyed pa dang/ sdug bsngal ba'i 'bras bu len pa'o/ /zag pa med pa'i rgyu spong ba ni sangs rgyas kyi rigs gcod pa'o/ /bag pa dang bcas pa'i rgyu spong ba ni 'jig rten gyi dge bas mtho ris spong ba ste/ mdo sde 'di lam dad pas de gnyis spangs zhes pa'i don to/ /mdo las/ khro gnyer byas shing theg pa spangs pa yi zhes pa nas/ de dag rnam smin ma bzang pa las nyon zhes pa'i bar du ni mdo sde 'di la ma dad pas sdig pa skye bar bstan pa ste/ khro gnyer byas zhes pa ni/ lus dang sems ma dang pa'i tshul ston pa'o/ /mdo sde 'di 'dra pa klog pa'i dge slong la ngan byas na zhes pa ni chos spyod pa rnam pa bcu'i bar chad byas pa'o/ /dar byas pa ni brnyas pa smad pa phrag dog? byas pa khon du bzung pa'o/ /mdo las/ mi las shi 'phos bstir med pa de'i zhes pa nas bus pa shi zhing 'phos nas der yang ltung zhes pa'i bar du ni/ mdo sde 'di la ma dad pa rnams sdug bsngal myong ba'i 'bras bu bstan pa ste/ tshig dang po nyi shu brgyad kyis ni ma dad pa rnams kyis 'bras bu bstan/ de'i 'og ma gnyis ni bsdu ba bstan te 'di ni dang po'o/ /de la yang tshig nyi shu gnyis gyis ni ngan song rgyud gsum gcig nas gcig tu 'pho ba rnam par smin pa bstan/ tshig drug gis ni 'gro ba bzhir rnam par smin pa bstan/ de la tshig dang po gcig gis ni sems can dmyal ba myong ba bstan/ tshig bcus ni byol song gi 'bras bu myong ba bstan/ de'i 'og ma tshig ba cus ni mi'i nang na tha mar skye ba bstan/ 'dir yi dags pa smos pa ni yi dwags sred pa'i dbang gis skye ba'i phyir 'di ma
- 283a
smos so/ /de dag kyang rnam pa drug gis dbye bar bya ste/ de'i ming dang/ de'i lus dang/ de bsdu ba dang/ de'i gnas dang/ de'i 'bras bu dang/ de'i che'i tshad da/ grang ba brgyad par tsha ba brgyad la sogs pa gzhan dag las 'byung ba bzhin du shes par gyis shig/ mdo las/ sems can dmyal ba las nam zhig 'phos na yang zhes pa nas/ 'di 'dra ba'i mdo sde'i des spangs pa zhes pa'i bar du ni byol song du gyur pa rnams kyi sdug bsngal sna tshogs myong bar bstan pa'o/ /khyir 'gyur pa ni rnam par smin pa bcu ste/ ske ba/ ring pa mdog nyams pa/ rngos nyen pa gzhan gyis gtso pa/ shes pa med pa/ bkres pa/ skom pas nyen pa/ brdeg pa dang/ gzhu pa'i gnas su gyur pa'o/ /rnga mo'i rnam par smin pa ni khur lci bas mnan pa/ zas kyis gdungs pa/ gzhu brdeg gi gnas gyur pa/ shes pa'i blo med pa'o/ /thar? gyur pa'i rnam par smin pa ni rngos 'khongs pa mi gzhar ba/ brdeg pa'i gnas su gyur pa'o/ /sbrul du gyur pa'i sdug bsngal ni lus ha cang cheb rna ba 'on pa/ shes pa med pa'o/ /mdo las/ nam zhig mi'i lus thob gyur kyang ni zhes pa nas mgon med gyur cing 'jig rten ngag na rgyu zhes pa'i bar du ni mdo sde 'di spong ba'i rnam par smin pas mi zhig tu skyes na yang/ ma rabs dbang po mtshang ba skyon sna tshogs kyis mnar bar skye ste/ lus kyi skyon ni dbang po rtul ba/ ha cang thur ba/ mtshan du mi sdug gzhol? 'gyur pa/ grum por gyur pa long pa 'on pa/ sgur por gyur pa/ tshig smras pa mis yid mi ches par gyur pa/ kha nas rul ba'i dri mnam pa/ 'dre gdon gyis gtse ba/ dbul ba/ dman pa/ gzhan gyis bkol ba nad mar pa/ ring bar gyur pa ste/ lus dang/ ngag dang/ yid dang gsum gyi sgo nas sdig pa byas pa'i rnam par smin pa yin par sbyar ro/ /mdo las/ de ni gang la de yis nyer gnyen kyang zhes pa nas byin na yang ni myur du mi za ste zhes pa'i bar du ni mdo sde 'di la ma dad pa'i phyir gzhan la brten kyang des skyabs mi byed ces pa'i don to/ mdo
- 283b
las/ de dag 'di 'dra sdig gi 'bras bu ni zhes pa nas nam yang de yi nad rnams mthar mi sos zhes pa'i bar du ni mdo sde 'di la skur bas bsod nams chung bar bstan pa'o/ /mdo las/ gzhan gyis rkun po byas par gyur pa yang zhes pa nas sdig pa'i las can de la 'du shes 'bab ces pa'i bar du ni mdo sde 'di la skur bas nyes pa glo bur 'ong zhes pa'i don to/ /mdo las kyang nges kyang 'jig rten mgon po yod mi mthong zhes pa nas de dag sems mi dran zhing 'on par gyur/ zhes pa'i bar du ni mdo sde 'di spangs pas nam du yang sangs rgyas mi mthong ba dang/ chos mi thos pa dang/ dbang po nyams par 'gyur ba la 'di ni dang po gnyis dang sbyar ro/ /mdo las byang chub 'di 'dra ba 'di spangs pas na zhes pa nas/ blun zhing yan lag dag ni tshang mi 'gyur zhes pa'i bar du 'dis ni dbang po nyams pa bstan te/ mdo las de ni mdo sde 'di spangs sdig gi 'bras/ /zhes pa nas de na de dag rtag tu de gnas gyur/ /zhes pa'i bar du ni nges ngan song bzhi myong bar bstan pa ste/ sems can dmyal ba dang/ yi dwags dang/ byol song dang/ mi ma rabs su 'gyur ba rim bzhin ci rigs par sbyar ro/ /mdo las /de dag ni mi'i lus du gyur na yang zhes pa nas/ de tsha de yi rgyan ni de dag ste zhes pa'i bar du ni mi ma rabs su gyur pa'i rnam par smin pa bstan te/ rgyan ngan pas brgyan pa dang/ rten ngan pa dang brten pa dang/ mi mdzes par gyur pa dang/ spyod pa ngan par gyur pa ste/ 'og nas 'byung ba dang sbyar ro/ /mdo las nang rnams de'i lus las bye ba khrag khrig rma zhes pa nas/ de ni byol song du skye gnas der rtag dga' / /zhes pa'i bar du ni 'dis mi mdzes par gyur pa dang/ spyod lam ngan par gyur pa bstan to/ /mdo las de ring gal te ngas dang shA ri'i bu zhes pa nas/ 'di 'dra'i mdo sde ma bshad cig ces pa sgo zhes pa'i bar du ni mdo sde 'di lam dang pa'i rnam par smin pa mdor sdus te bshad pa'o/ /mdo las/ 'di ltar gang dag gsal zhing mang thos dang zhes pa nas de la khyod kyis don dam 'dir der
- 284a
sgrogs zhes pa'i bar du tshig bcu dgu po 'dis ni bshad par 'os pa rnams kyis mtshan nyid bstan te/ sngon byang chub tu sems ma bskyed du zin gyis kyang de bzhin gshegs pa'i rigs can bshad par 'os pa dang/ byang chub tu sems kyang bskyed pa pha rol tu phyin pa drug spyod spyod pa'i bag chags can 'og nas 'byung ba rnams la bshad par 'os pa ste/ de bzhin gshegs pa'i rigs kyi rtags yod pa ni dbang po rno ba/ shes rab can legs nyes rtogs pa/ mi rmongs pa'i rang bzhin can mar du thos pa sems gsal? zhing brtul phod pa/ dam pa'i chos 'di nyan par dga' zhing thos pa gzhan mi 'tshol ba ni de bzhin gshegs pa'i rigs su nges ba ste/ bshad par 'os pa'o/ /mdo las/ gang gis sangs rgyas bya ba mang po mthong zhes pa nas de la khyod kyi don dam 'di sgrogs shig ces pa'i bar du ni byang chub tu sems bskyed pa pha rol tu phyin pa drug gi bag chags can ni 'di dag ste 'di ni sangs rgyas mang po mthong zhing sbyin pa rgya chen pa byas shing dge ba'i rtsa ba bskyed pa ste/ sbyin pa'i bag chags can dang sbyar ro/ /mdo las gang rnams brtson 'grus gang ldan rtag byams sems zhes pa nas/ de dag la ni mdo sde mngon shod ces pa'i bar du brtson 'grus dang/ bsam gtan du sbyar ro/ /mdo las/ phan tshun rtog cing rim gro bcas pa can/ zhes pa nas de mdun mdo sde bzang po 'di smos shig/ ces pa'i bar du ni shes rab dang tshul khrims kyi bag chags rim pa bzhin du sbyar ro/ /mdo las/ rtag tu khro ba med cing gang dran pa/ zhes pa nas/ de'i mdun du mdo sde 'di smras zhes pa'i bar du ni/ bzod pa'i bag chags dang sbyar ro/ /mdo las gang dag 'khor gyi dbus su chos ston cing zhes pa nas de la khyod kyis mdo sde rab 'di sgrogs/ /zhes pa'i bar du ni mdo sde 'di tshol ba dang rim gror byed pa rnam pa gnyis la gzhan gyis bstan pa thams cad spangs ste/ theg pa chen po'i mdo sde 'ba' zhig tshol ba'i phyir tshol ba bstan to/ /mdo
- 284b
las/ ji ltar de bzhin gshegs pa'i gdung 'dzin pa/ /zhes pa nas de dag mdun du mdo sde mchog 'di smos/ /shes pa'i bar du ni mdo sde 'di la rim gro bskyed pa dang/ bshad par 'os pa rnams kyi mtshan nyid kyi bsdu ba bstan to// //'di man chad dad pa ni ? bstan te/ gong du drang ba dang des pa'i tshul rtog par bya ba'i phyir dpes don mtshon pas dbang po rno ba 'phags pa shA ri'i bu lta bu dang/ dbang po bar ma 'phags pa bzhi po yang dpe nyid kyis don go bar gyur pas zab mo nyid la mos pa skyes pa'i phyir dang pa'i le'u bstan to/ /'phags pa'i nyan thos pa'i rnams spyod yul dam pa'i mthar ma phyin bar phyin ba tsam du sems shing theg pa chen po pa dang khyad par med pa tsam du snyems pa de'i don du sprang po dang 'dra bar bstan pa'i phyir de'i nang nas sprang po'o dpe bstan to/ /dad pa zhes pa ni chos ji bzhin par bzod pa sems rnam par dag pa'i mtshan nyid do/ /mdo las de nas tshe dang ldan pa rab 'byor zhes pa nas shin tu dga' bar gyur to zhes pa'i bar du ni 'phags pa de bzhi dga' bar gyur pa dang/ 'phags pa de bzhis go ba dang/ 'phags pa de bzhis byas pa gzo pas drin bsab pa ste/ de la dang pos dga' ba'i mtshan nyid bstan pa dang/ gus pa'i tshul bstan pa ste 'di ni dang po'o/ /tshe dang ldan pa zhes pa ni 'jig rten pa lus ring du 'tshe ba'i tshe dang 'phags pa rnams ye shes kyi srog gis 'tsho ba'i tshe gnyi ga dang ldan pas tshe dang ldan pa zhes bya'o/ /'phags pa gzhan ni dus las btags pa dang/ chung du las dgar ba/ ltas bzang po las btags pa ste/ ci rigs par sbyar ro/ /sngar dpe las don rtog par gyur cing bla na med pa'i lung bstan pa thos pas shin tu dga' bar gyur pa'o/ /mdo las/ de'i tshe stan las langs te zhes pa nas bcom ldan 'das la 'di skad ces gsol to zhes pa'i bar du ni gus pa'i tshul bstan te/ tshul de yang rnam pa dgur dbye'o/ /stan las langs pa ni theg pa rnam gnyis las 'phags shing sems chen
- 285a
po bskyed pa'i don to/ /gos tshags bcos zhes pa ni byang chub sems dpa' i sdom pas brgyan zhes pa'i don to/ /phrag pa gcig tu gzar zhes pa ni theg pa rnam gcig la/ zhugs shing bkris pa'i tshul ston pa'o/ /bus mo g.yas pa'i lha ngas la btsugs zhes pa ni theg pa rnam gnyis 'dzin pa'i sems thul zhes pa'i don to/ /sems gcig tu byas pa ni theg pa chen po gcig po tshel gyis gzhan mi sems pa'i don to/ /thal mo sbyar zhes pa ni sems sangs rgyas la 'dud pa drang ba dang/ nges pa'i don bstan par mos pa'i don dang/ lus dang ngag dang/ yid gsum dga' bar dmigs pa'i don to/ /mngon du lta zhing zhes pa ni/ /lung dang gzhung gi tshul rtogs par 'dod ces pa'i don to/ /gsol to zhes pa ni dang pa'i mtshan nyid bstan to/ /mdo las/ bcom ldan 'das bdag cag rgal zhes pa brtson 'grus brtsams pa'i rngo mi thog go zhes pa'i bar du ni 'phags pa bzhi pas slar sol ba ste/ sngar ni tshig lhug pas gsol/ de'i 'og tu tshigs su bcad pas gsol/ tshig lhug pa la yang rnam pa gsum ste/ chos las gleng ba dang/ dpes gleng ba dang gnyis ka bsdus te gleng ba'o/ /de yang sngon chos 'di thos pas ma sdangs te da mngon du chung ba'o/ /de yang sngar ni bsdus te bstan/ phyis ni rgyas par bstan to/ gsol ba la yang dge 'dun gyi nang na gral mtho ba dang/ na so rgan pa dang/ byang chub thob bzhin pa tsam du sems pa dang/ yang bla na med pa'i byang chub chen po tshol bar mi sems pa'o/ /mdo las/ nam bcom ldan 'das kyis chos ston cing zhes pa nas/ bdag cag gis mos pa ma bskyed do zhes pa'i bar du ni/ sngar chos kyi don glengs/ 'og tu ni dgongs pa'i don bstan te/ 'di ni dang po dang sbyar ro/ /'phags pa nyan thos pa rnams rang gi spyod pa sgrub cing sngon bcom ldan 'das kyis shes rab kyi pha rol tu phyin pa bshad pa na stong pa nyid dang/ mtshan ma med pa dang/ smon pa med pa nyid la sems mi 'job/ /theg pa chen
- 285b
po'i chos byang chub kyi chos rnams la mi sems so/ /sngon bcom ldan 'das kyis byang chub kyi phyogs rnams ston pa'ang bdag cag lus dang yan lag bro 'tshal bar gyur zhes smras ba yin te/ stong pa ni bdag med pa'i spyod yul lo/ /mtshan ma med pa ni 'gog pa'i spyod yul lo// smon pa med pa ni mya ngan las 'das pa'i 'dus ma byas so/ 'dus byas kyi chos thams cad ni smon pa med pa ste/ zag pa dang bcas pa dang/ zag pa med pa'i shes rab kyis bsdus pa'o/ /byang chub sems dpa' i chos nas? pa ni/ byang chub kyi phyogs rnams kyi chos te/ dran pa nye par bzhag pa bzhi dang/ yang dag par spong ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa'o/ /byang chub sems dpa' ni rnam par rol pa yang rnam pa bcu ste/ lha'i sku tshe spang ba dang/ gzhan du skye ba ston pa dang/ mngon du btsas te dbyes rol pa dang/ khab nas byung ba dang/ dka' thub mdzad pa dang/ byang chub kyi shing drung du gshegs pa dang/ bdud 'dul ba dang/ ting nge 'dzin gyi dga' ba la bzhugs shing lha'i yang lhar grub pa ston pa dang/ chos kyi 'khor lo bskor ba ston pa dang mya ngan las 'das pa ston pa'o/ /sangs rgyas kyi zhing gi rgyan dag ces pa ni/ mdo las rgyu rnam pa brgyad de/ bla na med pa'i byang chub tu sems bskyed pas/ yid gcig tu mos pa lhag pa'i spyod pa mkhas pas bla na med par mes pa'i yid dang/ pha rol tu phyin pa drug spyod pa'i sems dang ldan pa dag go/ tshad med pa bzhi dang/ bsdu ba rnam pa bzhi dang/ thabs mkhas pas byang chub kyi phyogs rnams spyod pa thams cad bla na med par sngo ba ni byang chub tu mes bskyed pa'o/ /mdo las/ de ci'i slad du zhe na/ bcom ldan 'das zhes pa nas mos pa'i sems gcig kyang bskyed par ma gyur te zhes pa'i bar du ni/ gtan tshigs smos pa ste/ lam mngon du gyur pas sdug bsngal mi skye ba dang/ rgas pas spyod pa gzhan la 'jug mi nus zhes pa'i don to/ /mdo las/ bcom
- 286a
ldan 'das bdag cag gis bcom ldan 'das kyi drung nas zhes pa nas 'di la du'i rin po che 'di thob ste/ zhes pa'i bar du 'dir theg pa chen po'i don? rtogs pa bstan te rung bstan pa thos pa dang/ chos bshad pa'i dga' pas ngoms pa dang/ theg pa chen po'i chos rin po che thob pa'o/ /mdo las bcom ldan 'das 'di lta ste/ dper na mi la la zhig 'di ltar zhes pa ni tshig dang po des ni byang chub tu sems bskyed pa'i dper bstan pa las/ logS shig tu song zhes pa ni 'khor bar 'khor ba'i dpe bstan/ na ston te zhes pa ni/ phyis sangs rgyas su 'grub pa'i dpe bstan phas bu dran pa yang zhes pa ni theg pa chen po la 'jug tu mi btab pa'i dpe bstan/ phas rgyad nas mthong zhes pa ni theg pa gnyis kyi dpe bstan/ khyim bdag de la mdzod dang nor mang du yod ces pa ni theg pa chen pos dpe bstan to/ /de na gzhon pa zhes pa ni bla na med pa'i byang chub tu sems bskyed pa la bya'o/ /mdo las/ pha'i gan nas logs shig tu mchis la zhes pa nas lo lnga bcur gnas te zhes pa'i bar du ni 'jig rten dang 'khor ba'i dpe ste/ mdo las dbang po rnon po byang chub tu sems bskyed pa ji ltar yun ring du 'khor bar 'khor yang ngan song tu mi ltung ste/ phyis kyang byang chub kyi sems skyegs? pa'i don to/ /las kyi sgrib pas zin te yid gcig tu nges pas sangs rgyas mi 'tshol pa'i phyir pha las logs shig tu song zhes bya'o/ /yul phyogs gzhan zhes pa ni sangs rgyas kyi yul las gzhan du gyur pa rnams so/ /lo nyi shu dang sum cu zhes pa ni rgyud rnam lngar 'khor zhes pa'i don to/ /mdo las/ bcom ldan 'das de nas mi nges chen po zhig tu lags la zhes pa nas/ yul phyogs zhig tu phyin te zhes pa'i bar du ni sangs rgyas dang phrad pa'i dpe bstan te/ byang chub kyi sems ma stong ba'i phyir theg pa chen po thos shing sangs rgyas su 'grub pa zhes pa'i don to/ /de yang bu nar son te yul 'khor du phyin pa nas/ phas kyang snga nas btsal pa las phyis phrad ces par sbyar te 'di
- 286b
ni dang po'o/ /dang po de la yang rnam pa drug tu dbye ste/ dbang po khang kyis smin pa ni nar son pa dang sbyar/ shes rab ma bsgoms pa ni dbul por gyur zhes pa dang sbyar kha? khor bar 'khor ba ni phyogs dang phyogs mtshams su son pa dang sbyar/ skyo shing sdug bsngal las 'byung par rtsol ba ni 'tsho ba tshol ba dang sbyar/ shes rab rnam gsum gyi las spyod pa ni khang kyi khyim du nye ba dang sbyar ro/ /mdo las de'i pha de yang zhes pa nas 'tsho ba yang mang du gyur to zhes pa'i bar du ni 'di man chad rnam pa gsum du bsdus te/ sngon tshol tshol pa'i bu mkhar? du slar phyin pa dang/ nor dang 'tsho ba mang par gyur pa dang/ g.yog dang yul chen por gyur pa ste/ de la pa zhes pa na sdrul pa'i sku ste/ de bzhin gshegs pa sems can gyi don dang 'dren pa mdzad du zin gyis kyang sems can so so'i las kyis dbang gis re bzhin gshegs pa la mi phyogs pa dang/ nor sna tshogs mang zhes pa ni rin po che sna bdun te/ 'phags pa'i nor bdun dang sbyar/ mdzod dang bad pa ni 'dus ma byas kyi chos kyi mdzod dang ldan zhes pa'i don/ nyon mongs pa rnams kyi dbang du gyur pa'i phyir bran dang 'dra'o/ thabs mkhas pas spyod pa ni g.yog dang 'dra'o/ /smon lam dang stobs la sogs pa ni las byed pa'i mi dang sbyar ro/ /mngon par shes pa lnga ni glang po che dang rta dang sbyar/ theg pa rnam pa lnga ni shing rta dang sbyar/ spyod pa brgyad khri bzhi stong ni/ pa glang dang/ lug mang po dang ldan pa dang sbyar/ don dam pa kun rdzob kyi bstan pa ni kha 'du zhing 'phel ba dang sbyar ro/ /de bzhin gshegs pa'i bstan pa sgrogs pa ni 'tsho ba mang ba zhes sbyar ro/ /de nas bcom ldan 'das mi dbul po de zhes pa nas/ der phyin par gyur te zhes pa'i bar du ni/ theg pa rnam gsum gyi spyod pa ni grong dang grong khyer zhes pa'i don te/ de la chos bshad pa dang/ rdzu 'phrul bstan pa'i don ni ljongs dang rgyal po'i pho brang dang sbyar ro/ /ji ltar gnas thams cad du 'khyams kyang mthar rgyal po'i pho brang du phyin pa bzhin bstan pa sna tshogs
- 287a
la zhugs kyang rigs ma gyur te/ de bzhin gshegs pa'i rigs kyi gnas su 'khor cing/ yab sangs rgyas bcom ldan 'das dang phrad ces pa'i don to/ /mdo las/ de nas bcom ldan 'das mi dbul po'i pa de zhes pa nas gzhan su la yang mi smra ba ? 'di snyam du bdag ni zhes pa'i bar du ni theg pa chen po la phyogs su mi btub pa'i dpe ste/ lo lnga bcu zhes pa ni rgyud rnam lngar 'khor ba'i don to/ /nang du gdung ba ma gtogs par gzhan sul ma smra zhes pa ni theg pa chen po'i don 'di 'khor mang po'i nang du ma gsungs zhes pa'i don to/ /gdung ba zhes pa ni 'gro ba rnams theg pa gcig pu 'di'i snod du mar gyur pas gdung ba zhes sbyar ro/ /mong las/ rgas shing khogs te 'dug na zhes pa nas 'di la spyod par gyur na ni bdag mya ngan med par sems na zhes pa'i bar du ni/ theg pa chen po la gnas pa yun ring ba dang/ spyod pa rdzogs pa'i phyir rgas khogs zhes pa'i don to/ /bsod nams dang ye shes kyi tshogs zad mi shes pa'i phyir nor zas dang bar mdzod mang zhes pa'i don to/ /byang chub sems dpa' rnams bzhugs kyang da dung nyan thos pa rnams kyi sangs rgyas kyi gdung 'tsho ba'i phyir bu med pa zhes pa'i don to/ /sangs rgyas nam zhig mya ngan las 'da' bar ston pa na theg pa chen po'i nor rdzas dbang po ma smin pa rnams la gtad du med pa'i phyir thugs rjes mya ngan du dgongs pa zhes sbyar ro// mdo las de nas bcom ldan 'das mi dbul po de zhes pa nas gang na bder mchis te zhes pa'i bar du ni 'di man chad bu nges pha mthong ma thag tu skrag nas bros pa dang/ pha'i sgo drung du phyin pa dang zhes pa 'tshol zhing seng seng zhes pa ni 'byung ba'i don tshol pa'o/ /ched du bcol ba ma yin par gnas der son pa ni theg pa chen po'i rigs can du 'gyur ba smin pa'i dus la bya'o/ /pha'i gnas der byin zhes bya ba ni lung dang rigs pa'i sgo nas spyod pa la zhugs zhes ba'i don to/ /gnas gang na bder phyin zhes pa ni
- 287b
theg pa chen po'i phyogs la brnyen zhes pa'i don to/ /'gron bu dang gser dang/ 'bru mdzod mang du yod ces pa ni theg pa chen po rin po che thams cad kyi 'byung gnas su gyur pa nyid la bya'o/ /mdo las de nas bcom ldan 'das mi dbul po de'i zhes pa nas/ rgyan pa la mchi ste zhes pa'i bar du ni 'dis pha mthong ba bstan pa la yang pha bde bar 'dug pa dang 'khor mang pos bskor ba'o/ /mthong zhes pa ni rgya dam nas mthong zhes pa'i don to/ /theg pa chen po'i spyod pa la da dung ring zhes pa'i don to/ /khri ni mi 'jigs pa bzhi'i khri dang/ bsam gtan bzhi'i khri'o/ /rgyan sna tshogs kyis brgyan ces pa ni gdug pa gsum dang bral ba'i rgyan gyis brgyan pa'o/ /lhag pa'i tshul khrims ni bram ze dang sbyar ro/ /lhag pa'i shes rab ni rgyal rigs dang sbyar ro/ /lhag pa'i bsam gtan ni rje'u rigs dang sbyar ro/ /mdo las/ 'gron bu bye ? rgya stong gis spyod pa bgyid de zhes pa nas/ longs spyod chen pos mchis pa zhes pa'i bar du ni rgyan de las yang rnam pa gnyis te/ dran pa nye bar gzhag pa rnams kyi lus brgyan pa dang/ stobs dang mi 'jigs pa la sogs pas 'khor byas pa dang/ nyan mongs pa thul ba nyid bran du byas pa dang bsdu ba rnam bzhi'i sems rtag tu 'dzin pa rngal ba byas pa tshad med pa bzhi'i bla re bres pa/ rnam par dag pa'i yan lag bdun gyi me tog dang/ de la sogs pa'i te spyod pa dam pas thams cad kyis brgyan pa'i gnas na 'dug ces pa'i don to/ /bu nges pa mthong nas bros pa ni rdzogs longs spyod pa'i sku mthong ces pa'i don to/ /mdo las/ bcom ldan 'das mi dbul po des zhes pa nas 'di snyam du sems so zhes pa'i bar du mthong zhes pa ni mngon du rtogs pa ma yin te/ thos pa dang bsams pa'i sgo nas dpog pa'o/ /longs spyod tshe zhes pa ni stobs dang mi 'jigs pa la sogs pa'i mthu che bas longs pa'o/ /de 'dra ba'i longs spyod chen po bdag gis ma bsgrubs na mi 'thob pas skrag ces pa'i don to/ /mdo las rgyal po'i blon po 'di
- 288a
dang zhes pa nas phrad par 'gyur du mi 'ong ngam snyam zhes pa'i bar du rgyal po zhes pa ni chos kyi sku'o/ /blun po zhes pa ni rdzogs longs spyod pa'i sku'o/ /dbul po'i gnas su 'gro zhes pa ni theg pa rnam gnyis gyi spyod pa la 'jug pa'o/ /zas dang gos kyi nyon mi mongs zhes pa ni bsod nams dang ye shes kyi tshogs der yang bsag tu yod ces pa'i don to/ /tsham zungs su zin par mi 'gyur ram zhes pa'i theg pa chen po'i spyod la dbang med par zhugs par mi 'gyur ram zhes pa'i don to/ /mdo las/ de nas bcom ldan 'das mi dbul po de zhes pa nas/ brgyal te sa la 'gyel nas myos par 'gyur la zhes pa'i bar du ni myur du bros zhes pa ni rang gi nyams la spyod pa chen po la 'jug par mi nus nas ldog ces pa'i don to/ /phas myur du 'dzin du bcug pa ni theg pa chen po la 'jug pa'i rgyu smin par gzigs nas dgyes pa skyes shing 'dzin du bcug pa'o/ /sred pas gdungs zhes pa ni thugs rje chen pos 'gro ba mang po la 'dren par dgongs pa ji ltar sred pas gdungs pa bzhin no/ /'di dag 'dzin du bcug ces pa ni tshig gi don mtshon pa bsnyems pa ma yin pa'i phyir mi 'dzin dag tu bcug ces pa'i don to/ /spyod pa chen po la mdzom pas 'jigs shing skrag pa dang/ spyod pa de la yid kyis 'jug par mi 'dod pa ni dngangs pa'i sgra drag pos ku co 'don pa dang/ theg pa chen po la dbang med par bcug pa ni mi rung bar byas par sems pa'o/ /rings par myur du zhes pa ni thugs rje'i sems g.yos pa'o/ /bzung ste zhes pa ni chung du las chen por bsgyur ba'o/ /ma rung bar bya zhes pa ni yang byang chub kyi spyod pa dka' pa la btsud ba'o/ /rgyal te sa la 'byel zhes pa ni 'khor ba la sbyor bar sems pa'o/ /mdo las de'i pha de yang nye ba zhig na mchis nas zhes pa nas gzhan mi mchi ste zhes pa'i bar du ni 'di man chad theg pa rnam gnyis drang zhing gzung pa la dang bor sems bskyed pa
- 288b
dang/ mi dbul po dga' bar bya ba dang/ rin po che blangs pa dang/ dge ba'i rtsa ba la gzung ba dbul po'i ming btags pa dang/ thabs bstan pa'o/ /ma bzung bar zhes pa ni thabs kyis drang ba la gzung cing phyis chen po bstan pa'i don no/ /gdong du chus gtor ces pa ni sgrib pa dang rmongs pa bsal ba'i don to/ /mdo las ci'i slad du zhe na zhes pa nas 'di bdag gi bu yin zhes su la yang mi smra ste zhes pa'i bar du ni nyan thos pa rnams theg pa chen po la dad pa skye ba'i skal pa chung ba la thabs mkhas pas khad kyis drangs nas de bzhin gshegs ba'i rigs su 'gyur bas de'i bu yin yang su la yang ma smras zhes pa'i don to/ /mdo las de nas bcom ldan 'das khyim bdag des zhes pa nas gar dga' bar 'grol rag go zhes bgyis pa nas/ 'tshal ma dang rang ba 'tshol ba'i slad du mchi ste zhes pa'i bar du ni theg pa chung du de dag so so'i dbang po dang sbyar nas theg pa chen po la gzung pa'i dus lam bab te thabs kyis drang ba'i phyir slar btang zhes pa'o/ /ngo mtshar rmad du gyur ces pa ni dang po sems bskyed nas theg pa rnam gnyis la zhugs pa'o/ /dbul po'i gnas su song zhes pa ni theg pa rnam gnyis kyi yon tan chung du la zhugs pa'o/ /zas tshol zhes pa ni zag pa med pa'i chos la zhugs pa'o/ /mdo las/ de nas khyim bdag des mi dbul po de dgug pa'i slad du zhas pa nas las byed du chug ces pa'i bar du ni dran pa nye bar gzhag pa la sogs pa bsgom du gzhug cing rnam par grol ba thob par bya ba'i phyir ro/ /mi gnyis zhes pa ni theg pa rnam gnyis kyi bstan pa la gzung pa'o/ /theg pa rnam gnyis kyi bstan pa rgya chung zhing nges pa'i don ma yin pas mdog mi sdug la mdangs dan zhes sbyar ro/ /yang na bstan pa phyogs gcig pa'i mdog mi sdug pa dang/ gzhung ma rdzogs pa'i phyir mdangs ngan zhes sbyar ro/ /mdo las/ de la gal te 'di skad du las ci bya 'zhes pa nas/ smos shig ces pa'i bar du phyag dar gyi phung po zhes pa ni
- 289a
nyon mongs ba'i tshogs so/ /mdo las de nas mi de gnyis kyis dbul po de brtsal nas zhes pa nas mi dngul po de yang khyim bdag de la par 'du shes zhes pa'i bar du ni mi de gnyis kyis bka' mnyan de zhes pa ni theg pa rnam gnyis pa nyon mong pa spong pa la bzhugs zhes pa'i don to/ /slar yang mi ngan pa'i las byed cing zhes pa ni theg ba rnam gnyis dang po byang chub tu sems bskyed pa rnams kyang thos pa dang/ sems pa'i shes rab la 'jug pa'o/ /de nye bar bsnyen ba dang/ thabs kyi drang ba'i phyir khyim bdag des bsten cing tshig smras pa'o/ /mdo las/ khyim bdag de skad khung gi gseb nas bu phyag dar byed pa mthong nas/ gos dang rgyan phu de bu'i gan du phyin zhes ba ni lus kyi tshul 'dra ba bstan pa yang dang po nas theg pa chen po la gzung pa'i dbang po dang mi ldan pas bgas kyis thabs kyis drang ba dang/ bsnyen zhes pa'i don te/ bsod nams dang ye shes ma rdzogs pa'i phyir rgyang ma nas mthong zhing rgyan med pa'o/ /zhing rnam par dag pa ni bzhugs shing rgyan thams cad kyis brgyan pa'i sku bstan na skrag cing nyer mi bzod pa'i phyir yul khams ngan pa dang/ rgyan med pa'i lus kyi gdul bar 'os pa'i phyir gos dri ma can gyon cing lag na phyag dar gyi skon pa thogs pa bzhin drang ba'i don gyis nyon mongs pa sel pa'i phyir las kyis gzhen 'debs par ston cing/ de dang sla bar byed pa ni thugs rjes thabs kyis 'dren cing rnam par dag pa'i phyogs la brtson par gzhan 'debs pa'o/ /gla gzhan pas bskyed de sbyin no zhes pa ni sngar thos pa dang bsam pa'i shes rab las dge ba'i rtsa ba rnam pa bzhir spar ga bzhan du ma 'gro zhig pa yang lta ba ngan pa gzhan la zlog pa'i don to/ /ci dang ci dgos pa thams cad sbyin no zhes pa ni rnam par grol ba'i mthu las byung ba tshad med pa bzhi la sogs pa'i rgyus bskyed pa 'phags
- 289b
pa'i yon tan thams cad do/ /bum pa dang/ phru ba dang/ shing dang/ lan tshwa zhes ba ni zag pa dang bcas pa'i ye shes rnam gnyis kyis zin pa 'phags pa nyan thos rnams kyi rdzu 'phrul dang/ stobs dang mngon par shes pa dag go khyed kyi pha ji lta ba bzhin zhes pa ni 'phags ba nyan thos rnams nyon mongs pa spangs shing 'phags pa'i gnas su son pa'i phyir bu zhes bka' stsal/ yang dag ba'i bden pa nyid mi mthong ba'i phyir ni bu dang 'dra ba zhes smos so/ /sgyu 'am gya gyu 'am/ g.yo zhes pa ni lus dang ngag dang yid gsum gyi dri ma spang zhes pa'i don to/ /mi dbul bo de bu zhes ming du btags ba zhes pa ni 'phags par gyur ces ba'i don to/ /'bras bu dang po la gnas pa'o/ /mdo las/ lo nyi shu 'das pa dang/ zhes pa nas sbyil po de nyid na gnas shing mchis pa las zhes pa'i bar du ni/ bsgom ba'i lam la gnas pa'o/ /nyi shu zhes pa ni zag pa med pa'i chos bcu spyod pas khams gnyis kyi nyon mongs pa spong ba'o/ /spyil po de nyid na gnas pa ni rdo rje lta bu'i ting nge 'dzin la gnas pas ting nge 'dzin nas mi slob pa'i lam la gnas pa gang zag la bdag med par rtog ba'i rnam par grol ba thob pa ste/ sems can sgrol ba la 'jigs pa dang/ thogs pa med par gnas pa/ 'bras bu chen po sgrub pa la mi 'jigs pa'i phyir/ spyil po de nyid na gnas zhes pa'o/ /mdo las de nas bcom ldan 'das khyim bdag de bro ba tshal bar gyur te zhes pa nas de thams cad khyod kyi shes par 'dod do zhes pa'i bar du ni don chen po la dga' ba'i don bstan te/ khyim bdag de na bar gyur zhes pa ni/ bcom ldan 'das mngon par rdzogs par sangs rgyas nas/ lo bcu gnyis lon pa dang/ sems can rnams nyon mongs pa'i nad kyis btab na bcom ldan 'das kyang bskur ba zhes pa'i don to/ /dam pa'i chos 'di bshad pa'i dus ni bcom ldan 'das mya ngan las 'das pa'i dus dang nye bas sems can bsgral ba rnams bsgral zin pa'i nyon mongs pa
- 290a
phyir zhing 'phel bar gyur bas sems can phyir khyim bdag gum pa'i dus la bab par mthong zhes bya'o/ /sangs rgyas dang byang chub sems dpa' rnams kyis 'dus byas dang 'dus ma byas kyi yon tan thams cad ni bang mdzod mang po'i nor zhes bya'o/ /de la yang theg pa chen po ni shas che/ theg pa chung ngu ni shas chung zhes so/ /sbyin pa dang sba bar bya zhes pa ni blang ba ni bdag gi don to/ /sbyin pa ni gzhan gyi don zhes pa'o/ /shes bar byos shig ces byo ba ni theg pa chen po'i gzhung mi shes pa shes par bya ba dang/ sems ma bskyed pa skyed cig par bstan pa'o/ /mdo las de ci'i phyir zhe na zhes pa nas chung ma zan zhes pa'i bar du ni 'di theg pa chen po la mos pa bstan pa ste/ ji ltar 'jig rten na pa dang bu spyod pa mthun ba ltar/ de bzhin gshegs pa dang/ theg pa rnam gnyis kyang rnam par grol ba dang/ de bzhin nyid mthun par bstan pas chos chen po la gzhug cing/ don ma nyams par gyis shig par bstan pa'o/ /mdo las de nas bcom ldan 'das mi dbul po de zhes pa nas cung zad kyang re ba med do zhes pa'i bar du ni re ba med par bstan te/ theg pa rnam gnyis kyi de ltar theg pa chen po'i chos thos su zin kyang da cung sems pa gzhan pa sngon gyis sa 'dzin cing spobs pa mi che ba'i dpe'o/ /mdo las/ sbyil po der gnas shing zhes pa nas de nyid kyi rjes su sems so zhes pa'i bar du ni sems zhan pa dang/ da dung ma spangs zhes bsdus pa'o/ /mdo las/ de nas bcom ldan 'das zhes pa nas/ gnyen bshes mang po dang brang de zhes pa'i bar du ni nges thob pa'i dpe bstan te/ de yang dus la bab pa dang/ mang po bsdus te btad pa'o/ /shes rab kyi pha rol tu phyin pa nas dam pa'i chos 'di bstan pa'i bar du khang kyi dbang po bogs pa'i phyir yongs su smin par shes pa'o/ /shes pa ni stong ba rnam gnyis kyi don shes pa'o/ /nyam pa zhing ngo tsha ba ni sngon
- 290b
gyi spyod pa gzhan pa theg pa chung ngu la zhugs pa'i sems so/ /'chi ba'i dus la bab pa zhes pa ni yongs la gtad pa ste/ dam pa'i chos 'di bshad pa nas bcom ldan 'das mya ngan las 'das ba'i bar du lo lnga zhig lus pa'i phyir 'chi ba'i dus la bab pa'o/ /gnyen bshes mang po zhes pa ni 'phags pa nyan thos chen po dag go/ rgyal po blon po zhes pa ni byang chub sems dpa' i rigs rnams so/ /mdo las/ khyod nyon cig 'di ni kho ba'i snying gi bu kho bos skyed pa ste zhes pa ni sngon gyi rgyal bu bcu drug gi cho na nga'i bstan pa 'di la sems bskyed de dge ba'i rtsa ba btsugs pas da'i gsung las skyes pas nga'i chos kyis bskyed pa yin pas yang dag pa'i sras zhes bya'o/ /mdo las dgrong khyer gyi ming 'di 'khyams lo lnga bcu lon te zhes ba ni 'khor bar 'khor ba bstan te/ grong khyer zhes pa ni theg pa chen po'o/ /theg pa chen por rigs nges pa dang/ dbang po rnon pa rnams ni lan cig sems bskyed pas phyir mi ldog par yang mi 'gyur na/ dbang po zhan pa dang/ rigs ma nges pa rnams ldog cing lhung bar gyur pa yod do bar bstan to/ /mdo las/ 'di'i ming ni 'di zhes bya zhes pa nas de kun kyang 'di nyid shes so zhes pa'i bar du ni sngon yang de bzhin gshegs pa nga'i bstan pa la bzhugs pa las bar du 'khyams pa dang/ da yang theg pa chen po la zhugs zhes pa'i don to/ /ji ltar 'phags pa shA ri'i bu skal pa drug cu'i bar du theg pa chung ngu spyod spyod pa las da theg pa chen po la zhugs pa nyid grong khyer de na gnas pa zhes bya'o/ /chol zhes pa ni thugs rjes dgongs pa'i don to/ /byang chub dang mya ngan las 'das pa'i nor thams cad ni 'di la gtad pas/ bdag gi don du 'gyur ba dang/ gzhan la phan 'dogs pa'i yon tan thams cad 'di la gtad do zhes pa'o/ /mdo las/ de nas bcom ldan 'das zhes pa nas mang po rnyed snyam sems so zhes pa'i bar du ni bus thob pa rnams la bstan te/ sangs rgyas
- 291a
kyi yon tan phun sum tshogs par re ba med pa las rnyed ces pa'i don to/ /mdo las de bzhin du bcom ldan 'das bdag cag ni zhes pa nas ji lta ba bzhin no zhes pa'i bar du ni ma rabs kyis nas sems pa tsam la gnas par phyir sras dang 'dra zhes smras so/ /dam pa'i chos 'di thos shing dbang po smin par gyur pas/ sras yang dag ces pa'i don to/ /mdo las/ bcom ldan 'das bdag ni sdug bsngal gsum gyis gzir to zhes pa nas sdug bsngal la zhes pa'i bar du ni theg pa chen po las ldog pas 'khor ba'i rgyu bstan pa'o/ /sdug bsngal ba'i yang sdug bsngal ni gnas dang/ mtshan nyid dang/ spyod yul dang/ dbang po dang/ ldan pa'i chos thams cad sdug bsngal te/ phung po lnga'i phyoD gcig ni sdug bsngal ba'i yang sdug bsngal ba ste/ yid dang 'gal ba mi mthun pa myong pa ni sdug bsngal ba'o/ sdug bsngal brgyad la lnga ni sdug bsngal ba'i yang sdug bsngal ba'o/ /bde bar tshor ba'i bdag nyid bde bar tshor ba'i rjes su 'brang ba yul lam dbang po 'am ldan pa'i chos rnams 'gyur pas sdug bsngal skyed pa ste/ phung po lnga'i cha gcig ni 'gyur ba'i sdug bsngal te/ sdug bsngal brgyad las mdza' ba dang bral ba dang/ 'dod pa mi rnyed pa'i sdug bsngal ni 'gyur ba'i sdug bsngal lo/ /btang snyoms kyi tshor ba'i rang bzhin dang/ de'i rjes su 'jug pa yul dang dbang po dang ldan pa'i chos rnams mi rtag par gnas pa'i 'du byed kyi sdug bsngal te/ zag pa dang bcas pa'i phung po lnga thams cad ni 'du byed kyi sdug bsngal bas nye bar len pa'i phung po lnga rnams kyang 'du byed kyi sdug bsngal la zhes gsungs so/ mdo las 'khor ba na chung ngu la dang pas bdag cag bcom ldan 'das kyis chos ngan pa mang po phyag dar gyi phung po dang 'dra ba'i sems su bcug ste zhes pa ni chung ngu la phyogs shing chen po bsgrub par mi nus pa'o/ /mdo las/ de rnams la zhes pa nas 'tsho zhing gsol
- 291b
te zhes pa'i bar du sems su bcug ces pa ni bsgom pa la sems pa'o/ /phyag dar gyi phung po zhes pa ni nyon mongs ba'i sgrib pa'o/ /rtsol ba ni brtson 'grus kyi sems kyis gcig tu 'bad pas gzong mya ngan las 'das pa thob ces pa'i don to/ /nyin gcig gi glu zhes pa ni mya ngan las 'das pa chen po ni bskal pa grangs med pa gsum gyi thob pa yin na/ bskal pa drug cus bsgrubs pa'i rnam par grol ba ni nyi ma gcig gi gla tsam mo yang yang mya ngan las 'das pa las nyon mongs pa'i sgrib pa spangs shing ye shes chen po thob pa ma yin zhes pa'i don to/ /mdo las/ bcom ldan 'das bdag cag mya ngan las 'da' ba de rnyed ces pa nas ma bstan te zhes pa'i bar du ni 'di man chad theg pa chen por pa'i sems med pa rnam gsum ste/ sngar nyan thos pa chos chung ngu la dga' ba'i phyir bcom ldan 'das kyis ma bshad bas re ba med pa dang/ nyan thos pa'i mya ngan las 'das pa thob pa nyid kyis cho ga par sems pa'i phyir ro ba med pa dang/ theg pa chen po byang chub sems dpa' i ched du bshad kyi nyan thos pa bdag cag gi ched du ma bshad do zhes re ba med pa gsum la 'di ni dang po'o/ /pags kyis bzhag ste zhes pa ni chung ngu la mos pa'i sems ma spangs shing dbang po ma smin pa'i phyir/ re zhig gzhan ces pa'i don to/ mdo las/ bcom ldan 'das thabs mkhas pa zhis pa nas bdag cag gi mang du byas par shes so zhes pa'i bar du ni nyan thos kyi mya ngan las 'da' ba thob par re ba med pa bstan te thabs mkhas pas ye shes kyi nye mtshams su bkod pa ni dang pa drang ba'i don gyis bstan nas yang dag pa'i ye shes mthong ba dang nye bar bzhag ces pa'i don to/ /mdo las bcom ldan 'das de bdag cag gis zhes pa nas/ de mi 'dod do zhes pa'i bar du ni theg pa chen po byang chub sems dpa' i ched du bstan gyi nyan thos kyi ched du ma bshad pas re ba med par bstan te/ byang chub sems dpa' i ched du
- 292a
bcom ldan 'das kyi byin gyis brlabs kyi shes rab kyi pha rol tu phyin pa bshad pa yang nyan thos pa'i ched ma yin pas mi 'dod do zhes pa'i don to/ /mdo las/ de ci'i phyir zhe na zhes pa'i nas sras yang dag pa zhes gsungs pa'i bar du ni sngon nyan thos pa'i rnams la shes rab kyi pha rol tu phyin pa gsal ba nyid du ma bstan mod kyi de bzhin gshegs pa'i rang bzhin dang rigs yod pas sngon yang thabs kyis bstan to zhes pa'o/ /mdo las bcom ldan 'das kyi zhes pa nas de bzhin gshegs pa'i sras 'di dag bzhin no zhes pa'i bar du ni de bzhin gshegs pa'i sras su gyur te/ de bzhin gshegs pa'i sras nyid thob ces pa bstan to/ /de yang bcom ldan 'das chos 'chad pa mi mdzad pa dang mya ngan las 'da' ba nyid theg pa chen pos thob par bstan pa yang de dag gi don bsdu ba'o/ /de la 'di ni dang po dang sbyar ro/ /rgya chen pas byang chub tu 'dzud pa ni gnyis pa dang/ sbyar ro/ /thams cad mkhyen pa'i rin po che thob ste/ de bzhin gshegs pa'i sras 'di dag bzhin no zhes pa ni gsum dang sbyar ro/ /de bzhin gshegs pa'i sras 'di dag bzhin no zhes pa yang ji ltar byang chub sems dpa' theg pa gcig gis rgyus 'bras bu chen po thob pa bzhin 'phags pa nyan thos pa rnams kyang/ de bzhin du 'gyur zhes pa'i don to// //dam pa'i chos puN+Da ri ka'i 'grel pa/ bam po bdun pa/ mdo las/ de nas tshe dang ldan pa 'ong sangs chen pos de'i tshe tshigs su bcad pa 'di dag gsol to zhes 'phags pa nyan thos chen po bzhis don 'di chud pa dang/ dris par 'dra na/ 'dir 'od srungs gcig pu smos pa de ci'i phyir zhe na/ 'od srungs sku bgres pa'i phyir gcod smos pas so/ /'di man chad tshigs bcad brgyad cu rtsa drug cig yod pa'o/ bdun cu rtsa gsum gyis ni bcom ldan 'das kyi drin chen po la sogs pa bstan/ tshigs bcad bcu gsum gyis ni bcom ldan 'das kyi dka'
- 292b
drin thob pa bstan to/ /dum bu dang po la yang gsum du dbye ste/ dang po tshigs bcad gnyis kyis ni don bstan/ de'i 'og gi tshigs bcad bzhi bcu rtsa gcig gis dpe bstan/ de'i 'og mchigs bcad sum cu rtsa gcig gis ni dpe dang don du sbyar ba bstan te/ /de yang thob pa nyi tshe smos kyi tshig gzhan ma smos so/ /de la yang tshig phyed dang gnyis kyis ni don rnam pa gnyis bstan tshigs bcad phyed kyis ni dpe bstan/ mdo las ji lta ba skyes bu bus par gyur pa zhig 'gro ba'i byis pa rnams kyis bslus pa ste zhes pa ni 'di man chad tshigs bcad bzhi bcu rtsa gcig gis dpe 'chad de la yang gnyis su dbye'o/ /tshigs bcad sum cu rtsa bzhis ni sngar re ba med pa bstan/ tshigs bcad bduun gyis ni 'di thob pa bstan to/ /de la yang dang po tshigs bcad phyed kyis sems bskyed pa'i dpe bstan/ de'i 'og ma gcig gis ni 'khor bar ldog pa'i dpe bstan/ de'i 'og ma bdun gyis ni sangs rgyas mthong ba'i dpe bstan/ de'i 'og ma bcu bzhis ni chen po sgrub tu mi btub pa'i dpe bstan/ de'i 'og ma phyed dang bcus ni theg pa rnam gnyis drang ba'i dpe bstan/ de'i 'og ma gnyis kyis ni chen po la re ba med pa'i dpe bstan te 'di ni dang po'o/ /mdo las/ pha'i gnas gal te song ba ni zhes pa nas lo ni lnga bcu las kyang ma nyung bar zhes pa'i bar du ni 'khor bar log pa'i dpe bstan/ lnga bcu ni 'gro ba rnam lnga'i dpe ste gzhan du 'khyams zhes pa'i don to/ /mdo las/ des ni de lta bu de 'tshol ba na zhes pa nas/ de bzhin phyugs dang ba lang lug rnams te zhes pa'i bar du 'dis ni sangs rgyas mthong ba dang/ de bzhin gshegs pa'i thugs rje skye pa'i dpe bstan te/ phyogs dang phyogs mtshams su phyin zhes pa na 'khor bar 'khyams zhes pa'i don te grong khyer chen por brad ces pa ni theg pa chen po'i gnas su son pa'i don /khyim rtsigs zhes pa ni thugs rje chen pos skyabs zhes pa'i don/ 'dod pa rnam lnga la
- 293a
sogs pa longs spyod pa ni chos rnam par dag pa'i dbyings la longs spyod pa shing rta dang gzhon pa rnams ni theg pa'i don to/ /mdo las/ 'phel zhing 'dug dang ni de bzhin zhing zhes pa nas 'di ltar bdag la mdzod ni mang du yod do zhes pa'i bar du ni 'jig rten gyi khams thams cad du dge ba sna tshogs kyis sems can sdud pa ste/ gdung ba dang 'phel ba'i khe tshol ba'o/ /kun gyis gus par bya zhing bkur bas sems can don byed pa bstan pa'o/ rgas la zhom zhing zhes pa ni theg pa chen po'i chos la gnas shing shes pa'i rgyus rgan pa thugs rje chen pos nyin mtshan gcig la lan drug drug sems can gyi khams su gzigs pas gdung bar gyur pa'o/ /mdo las/ bdag ni 'chi ba'i dus la nye bar gyur ces pa nas pa la skyed dang spogs kyang rab tu gtong zhes pa'i bar du ni chos kyi zas kyi rab tu 'phongs pa'i phyir bkres pa'o/ /spyod pa dam pa ma rdzogs pa'i phyir ring pa'o/ /lta ba ngan pas sgribs pa'i phyir g.yan pa byung ba lta bu'o/ /ltag pa'i sdom pas ma bsdams pa'i phyir rgom? pos g.yogs pa lta bu'o/ /mthar gyis rgyu zhes pa ni yang dag pa'i don tshol ba'o/ /pha'i khyim du phyin zhes pa ni theg pa chen po dbu ma'i lam du zhugs pa zhes pa'i don to/ /sgo na 'dug ces pa ni 'bras bu'i sgo ni rgyu yin/ don dang bstan pa ni phugs dang sgo lta bur blta'o/ /bgrang ba ni 'phags pa'i nor rnams sems pa'o/ /skyed dang sbogs gtong zhes pa ni phyi nang gi spyod pas phan 'dogs pa'o/ /mdo las/ de na dbul po nges ni mthong ba zhes pa nas khyod ni gla yang nyis 'gyur sbyin par byas zhes pa 'dir ni nyes par gyur na mi rung ste zhes pa yang sngon gyi spyod pa dang bral te chen po/ /spyod du ma bcug gam zhes dogs pa skye ba'o/ /zhar ba 'thang grum can zhes pa ni theg pa rnam gnyis kyi bden pa ston pa gzhung ma rdzogs pa'i dpe'o/ /mdo las/ mi nges 'di lta bu yi sgra thos nas zhes
- 293b
pa nas nga yi bu yin yang dag gdon mi za zhes pa'i bar du ni nyon mongs pa'i phyag dar byas shing phung po lnga'i khang pa gtsang mar byas pa dang/ rkang pa bsku zhes pa/ rkang pa ni rdzu 'phrul gyi rkang pa bzhi'o/ /bsku ba ni sdom pa 'dzin pa'i spyod lam mo/ /mdo las/ de ni khang kyi phags kyi khyim du bcug ces pa nas bgan kyi mi re res yid rnam par phab ces pa'i bar du ni 'dis 'phags pa'i gnas su son pa bstan te/ lo nyi shu zhes paS ni/ tshig ltug pa'i nang nas bstan zin to/ /mdo las/ de ni shel lam 'gron bu mu tig kyang zhes pa ni chung ngu la dad pa'i yon tan te/ bkol ba de rnyed de ring shin tu bde zhes pa'i bar du ni rin po che sna tshogs bstan pa yang chen po bstan kyang de ba med pa'i phyir ro/ /dbul po'i bsam pa rjes su shes pa la soD ba ni rnyed ? po rnyed pa'i dpe'o/ /dog nas lo nyi shu zhes pa ni slob pa dang/ mi slob pa'i 'bras bu thob pa zhes kyang sbyar ro/ /shin tu bde zhes pa ni 'bras bu chen po thob pa'i phyir yon tan phun sum tshogs pas kun dang ldan pa'o/ /mdo las de bzhin rnam par 'dren pas bdag cag rnams zhes pa nas khyed kyi nyan thos nga yi phu? yin na zhes pa'i par du 'di ni dpe dang don du sbyar te bstan pa'o/ /chung ngu la dad pas re ba med pa bstan pa yang de bzhin gshegs pa'i ye shes kyi skal pa yod par bstan pa ste/ zag pa med pa'i gnas nyid kyis chog par sems pas re ba med pa'o/ /mdo las bdag la 'jig rten mgon gyis bka' stsal pa zhes pa nas gang gi lam goms sangs rgyas 'gyur ba'o/ /zhes pa'i bar du ni byang chub sems dpa' ched du bstan gyi nyan thos pa'i don du ma bstan pas re ba med pa bstan te/ gang shes rab kyi pha rol tu phyin pa la zhugs pa rnams la shod cig par sbyar ro/ /mdo las de phyir bde bar gshegs pas bka' stsal nas zhes pa nas bdag gi bla na med pa'i lam bstan nas zhes pa'i bar du ni theg pa rnam gnyis kyang de bzhin gshegs pa'i gsung la brten zhes
- 294a
pa'o/ /mdo las de phyir bde bar gshegs pas bka' stsal nas zhes pa nas lung ni mya ngan las 'das pa mthar thug pa zhes pa'i bar du ni de bzhin gshegs pa rnams kyis lung bstan pa ste/ ji ltar gcig gis lung ston pa bzhin gzhan dag kyang de bzhin du gsungs zhes pa'o/ /chos kyi mdzod rnams yang dag gsungs pa ni rgyal pa'i sras te/ byang chub sems dpa' rnams bstan pa'o/ /rgyal ba'i ye shes rab tu bshad mod kyi zhes pa ni dpe dang don du sbyar ba'o/ /'gog pa dang skye ba rnam par spangs nas theg pa chen po la dad par ma gyur pa ni nyan thos kyi zhi ba mya ngan las 'das pas chog par sems pa'o/ /bdag cag nam yang 'di la mi smon pa zhes pa ni stong pa nyid dang mtshan ma med pa dang smon pa med pa'i rim pa bzhin du ston te/ theg pa chen po'i ye shes la mi re zhes pa'i don to/ /mdo las yun ring stong pa nyid la yongs su bsgoms zhes pa de la nam yang bdag cag 'dod pa med ces pa'i bar du ni nyan thos kyi mya ngan las 'das pa rnyed pas de bzhin gshegs pa'i drin bsam pa'i phyir gzhan gyi chos bshad pa thos kyang re ba med pa ni lhag ma dang bcas pa'i mya ngan las 'das pa la gnas pa'i phyir ro/ /mdo las bdag cag 'jig rten slob dpon rang byung gi zhes pa nas brtul nas ye shes 'di dag rab tu phyin zhes pa'i bar du ni bcom ldan 'das kyis nyan thos pa'i ched du 'di ma bstan to/ /zhes tshig brtul ba ste/ dbang po ma smin pa'i phyir ro/ /ji ltar nor mang du bdog pa'i skyes bu chung ngu pa dang pa rnams thabs mkhas pas bags kyi btul zhing sbyin pa zhes pa ni dpe dang don gnyi ga sbyar te phyis thob par 'gyur ba bstan pa'o/ /mdo las de ring bdag cag 'phral la ngo mtshar gyur zhes pa nas tshangs par spyod pa mchog rab rnam dag gang zhes pa'i bar du ni/ che? ba med pa las 'bras bu chen po thob par bstan pa
- 294b
dang/ de yang lam bsgom pa dang tshul khrims rnam par dag pa'i rgyu las 'bras bu de thob ces pa'o/ /mdo las/ 'dren pa'i bstan pa rnaMs la shin tu bsnyen zhes pa nas 'di 'dra pa yi dka' ba gang mdzad pa zhes pa'i bar du ni 'bras bu mngon du thob ste/ 'phaD pa nyan thos su nges pa gzhan las phan 'dogs par 'os pa mchod pa'i gnas su gyur pa bstan pa'o/ /de bzhin gshegs pa'i drin gyi lan 'don pa ni gzhan gyi ma yin gyis 'di 'dra ba thob pa zhes so/ /mdo las/ mgo dang lag pa dang ni rkang pas kyang zhes pa nas de la nam yang lan 'don ma gyur to/ /zhes pa'i bar du ni nang gi rdzas drug dang/ spyi'i spyod pa rnam pa bzhi 'di gang byas kyang lan mo lon zhes pa'o/ /mdo las/ nyid kyis che chos mtshungs pa med pa'i mthu zhes pa nas mtshan ma spyod pa rnams la chos bshad de zhes pa'i bar du ni 'di man chad ci phyir lan dka' ba'i gtan tshigs rnam pa gsum zhig 'chad pa la sangs rgyas bcom ldan 'das spyod pa zhan pa mtshan mar 'dzin pa rnams la yid dang mthun par chos ston pa dang/ so so'i mos pa dang/ dad par mthun par chos ston pas dka' pa mdzad pa dang/ dbang po smin pa dang/ ma smin pa rnams la chos ston pa ste/ rnam pa gsum gyi phyir lan glan dka' ba'o/ /'di ni dang po dang sbyar te sku dag pa rdzogs longs spyod pa'i yon tan spangs shing sprul pa'i sku 'jig rten dag? pa can du gshegs pa dang yang dag pa'i gzhung dam pa bsri ste tshig mang po'i sgo nas don ston pa dang zhing rnam par dag pa spangs te/ phyogs ma dag par gshegs shing ma rabs kyi yid dang mthun par chos ston cing 'dren pa de lan bla na dka' ba ma yin nam/ mdo las chos kyi dbang po 'jig rten kun la mnga' zhes pa nas brgya phrag stong gi rab tu chos bshad do zhes pa'i bar du ni/ so so'i mos pa dang rang bzhin tu chos ston pa dang sbyar ro/ /mdo las de bzhin gshegs pas spyod pas
- 295a
rab mkhyen nas zhes ba nas byang chub mchog rab 'di ni shin tu bstan zhes pa'i bar du ni dbang po smin pa dang/ ma smin pa dang/ dbang po dul ba dang/ mngul? ba dang/ bkri pa dang/ des pa'i don gang gis gdul bar 'os pa rnams 'dun 'thun du chos ston pa'o/ /'di man chad sman gyi rtsi? shing las dpe bstan pa'i le'u ste/ de la yang ci'i phyir btags pa dang/ ci las btags pa rnam pa gnyis so/ /gong du dbang po rtul po'i ched du dpe dang don du sbyar te bstan pas 'phags pa shA ri'i bu la sogs pa chos rtogs shing lung bstan pa dang yang 'dir dbang po bar ma'i ched du dpes chos ston cing/ lung bstan par bzhed pa'i phyir dpe 'di gsungs pa las bshad pa dang 'grel pa las kyang/ le'u 'di ni theg pa chen po la nga rgyal du 'dzin par dgongs pa'i phyir theg pa gcig las logs shig na gnyis dang gsum med do bar bstan pa'i phyir te/ dang por khang khyim tshig ba'i dpes sems can ma rabs rnams thabs kyi dangs te lha dang mi'i bde ba la dgod pa dang/ dad pa'i le'u bstan pa'i nang du sems nams gnyis de bzhin gshegs pa'i theg pa dang mnyam par sems shing /theg pa chen po bsgrub du mi btub pa theg pa chen po bsgrub du gzhug pa dang le'u 'di'i nang nas ni theg pa chen po ba gcig tu nga rgyal gyi theg pa gsum sdong gis so so nas yod par sems ba'i nga rgyal gzhom par theg pa gcig po bstan pa'i phyir char pa gcig 'bab pa'i rlan gyi shing rtse mi mthun par skye ba bzhin du de bzhin gshegs pa'i gsung gcig gis dge ba'i rtsa ba so sor smin pa bzhin te/ 'phags ba mya ngan las 'das pa chen chen po'i mdo las kyang/ de bzhin gshegs pa chos ston pa na theg pa gcig ba lam gcig pos ston te/ zhes 'byung ste/ bstan pa gcig las dbang pos so sor dbye bar bstan pa'o/ /thabs mkhas ba'i le'u las ye shes dang sbo? bstan pa gnyi ga yang shin
- 295b
tu zab pa theg pa gcig tu sbyar ba'o/ /bden pa bzhi la dbang po mi mthun pas so sor go ba bzhin no/ /ming ni sman gyis nad 'tsho bar byed pa bzhin bla na med pa'i sman dam pa 'dis kyang nyon mongs pa'i nad thams cad 'tsho bar byed pa'i phyir lung dang/ gzhung dang spyod pa dang/ 'bras bu ni sman dam pa zhes bya'o/ /sman che chung so sor phan pa bzhin bla na med pa'i theg pa 'di yang theg pa rnam gsum gcig tu smin pa'i phyir ro/ /mdo las de nas bcom ldan 'das kyis tshe dang ldan pa zhes pa nas de dag gi mdza' bde bar mi rtogs so zhes pa'i bar du ni le'u 'di la dang por bstod pa dang/ 'od srungs kyis shes par byos shig pa dang/ don gyi mdo bsdus te lung bstan pa la 'di ni dang po'o/ /de bzhin gshegs pa'i yon tan brjod par dka' bas mdza' med ces par bsdus pa'o/ /mdo las/ 'od srungs de bzhin gshegs pa ni zhes pa nas de dag de bzhin du 'gyur ro zhes pa'i bar du ni de bzhin gshegs pa 'jig rten du 'byung ba dang/ 'gro ba mang po la phan pa mdzad pa dang/ chos kyi don togs pa ni mi mthun pa dang/ bdag nyid kyi rigs par dka' bar ston pa la 'di ni dang po ste/ de bzhin gshegs pa'i mnga' phun sum tshogs pa mi brdzun par bstan pa'o/ /mdo las 'od srungs de bzhin gshegs pa chos thams cad rig par 'jog ste/ zhes pa nas de ltar 'jog go /zhes pa'i bar du ni chos bshad pas phan 'dogs pa ste/ de bzhin gshegs pa thugs rje chen po dang/ thabs mkhas pa dang ldan pas mtshan ma dang bral pa'i chos ston pas 'gro ba smin par byed de/ lung ni rigs pa can rigs pa'i gzhung bsgrub pas 'bras bu thob par byed pa nyid ye shes kyis la 'jog pa'o/ /mdo las chos thams cad kyi don gyi rim pa la zhes pa nas dam pa'i mchog thob ste/ zhes pa'i bar du ni chos ston pa'i rim pa rnam pa gsum du mi mthun pa'i phyir sems can rnams ni yod pa dang med par lta ba gnyis las
- 296a
mi 'da' ba dang/ yang dag pa'i don gyi mdza' dang/ sems can rnams kyi sems kyi spyod pa mi mthun pas skyed pa ste/ mdo las kyang yod pa dang med pa'i phyogs la 'dzud cing mos pa dang mtshan nyid gsum gyi yang dag pa'i mdza' la 'jug pa'o/ /zhes 'byung ste/ spyod pa thams cad dang mthun par 'jug pa la mkhas pas mkhyen pa thogs pa med pa'i phyir sems can gyi sems kyi rim pa bzhin du chos ston pa'o/ /mdo las 'od srungs de bzhin gshegs pa dgra bcom pa zhes pa nas ye shes la mngon par 'jog go zhes pa'i par du ni sems can rnams kyi de bzhin nyid yang dag par ji lta ba bzhin rang gis mi shes pa'i phyir de bzhin gshegs pa gdon mi za ba'i mdza' mkhyen pa sems can gyi dbang po'i rim pa mkhyen pas sems can rnams la de bzhin gshegs pa'i ye shes bstan te/ ma bstan par ni bdag dang gzhan gyi mtshan nyid mi shes pa'o/ /yang chos ston pa snga phyi'i mtshan nyid ston pa la mnga' brnyes pa'i phyir ston pa dang/ yang na thabs mkhas pa'i ye shes kyis thams cad kyi so so'i mtshan nyid ston pa'o/ /de la yang rnam pa bzhi ste/ byang chub dang mya ngan las 'da' ba' i mtshan nyid 'byed pa la mkhas ba thabs mkhas pa'i ye shes kyi sems can rnams kyi spyod pa 'byed pa la mkhas pa dang/ de bzhin nyid kyi mtshan nyid sems can rnams la ston par mkhas pa dang/ byang chub kyi ye shes dang 'bras bu sems can rnams rtog par byed pa la thogs pa med par 'dzud pa dang/ bdag nyid sngon de 'dra ba'i spyod pa la zhugs pa'i phyir gzhan yang ye shes de la 'jog pa'o/ /yang de dbye ba la rnam pa bzhi ste/ chos rnams kyi bden pa nyid la thug pa dang/ yod pa dang med pa la mkhas pa dang/ ye shes skye ba la sems dga' ba dang/ bkri ba dang nges pa'i don ston pa la mkhas pa'o/ /yang thabs mkhas pa'i ye shes ni bden pa nyid ni tha
- 296b
snyan dang bral ba na tshig gi mtshon cing ston pa ni thabs mkhas pa'i ye shes so/ /ye shes kyis zhes pa ni brten pa'i don te/ sangs rgyas kyi ye shes gzigs pa'i gnas ni yang dag pa'i mdza' 'o/ /yang na lung ni rig pa la gzhol ba/ rigs pa ni spyod pa dang mthun pa spyod pa ni 'bras bu dang 'brel pa de sangs rgyas kyis zhes brjod do/ /de bzhin gshegs pas gzigs te zhes pa ni yod pa dang med pa'i chos rnams gzigs te/ chos rnams ni kun brtags pa dang/ gzhan gyi dbang dang/ yongs su grub pa'i mtshan nyid de gsum mo/ /semS can rnams kyi lhag pa'i bsam pa mkhyen pa ni sems can rnams kyi spyod pa dang/ de'i lhag pa'i mos pa dang 'jug pa thogs pa med par mkhyen pa'o/ /chos rnams kyi mtshan nyid yang dag pa ji lta ba bzhin du gzigs pa de sems can rnams la yang de bzhin du ston pa'o/ /de 'dra bar ston pa nyid gdon mi za ba'i ye shes te/ de 'dra ba'i brnyes pas sems can la chos gcig ston pas dbang po mi mthun pa theg pa rnam lngar gyur pa rnams gcig ste/ gnyis dang gsum du med do/ /mdo las/ 'od srungs 'di lta ste dper na zhes pa nas ji snyed skyes pa zhes pa'i bar du ni dpe de dag la yang rnam pa gnyis su dbye ste/ spyi'i dpe dang/ so so'i dpe'o/ /'di ni dang po ste/ ri dang sa zhes pas yan chad ni bskyed par bya'o/ /stong gsum gyi stong chen po zhes pa ni bskyed pa'i gzhi'o/ /shing rtsi de dag kyang 'jig rten dang/ 'jig rten las 'das pa'i dge ba'i chos rnams kyi sa bon gyi dpe ste/ sman dang nags zhes pa theg pa rnam lnga'i sa bon so so mi mthun par gyur pa'i dpe'o/ /mdo las/ sprin chu chen po rgyas pa langs zhes pa nas/ stong chen po'i 'jig rten gyi khams zhes pa'i bar du ni dpe de dag rnam pa bzhir dbye ste/ chos kyi rgyal po 'jig rten du byung ba'i dpe dang/ bstan pas phyogs su brlan pa'i dpe dang/ 'bras bu mi mthun pa'i smin pa'i dpe dang/ de ltar brlan par mi sems pa'i dpe dang bzhi'o/ /sprin rgyas par langs zhes pa ni dpe
- 297a
dang po dang sbyar/ de'i 'og ma ni gnyis pa dang sbyar te/ sprul pa'i skus phan pa'i don mang po la khyab par khebs pa ni sprin gyi don to/ /sprin de yang yon tan bcu dang ldan pa ni tshigs su bcad pa'i nang nas ston to/ /sprul pa'i sku gcig gis 'jig rten gyi khams thams cad du smon cing khyab par snang bas khebs zhes pa'i don to/ /dus gcig tu char mnyam par phab ces pas ni 'bras bu so sor smin zhes pa'i don dang gsung gcig gis chos ston pa'i don to/ /mdo las/ 'di'i rtsa dang/ shing khrang po dang zhes pa nas 'phel zhing rgyas par 'gyur ro/ /zhes pa'i bar du ni 'bras bu so sor smin pa'i dpe ste/ de la'ang dngos brlan te smin pa dang/ zhar la smin pa'o/ /de la dang rigs rnams gsum yod pa'i phyir theg pa 'ang rnam gsum du 'gyur te/ de la yang mdo las dper na mi nad ba gsum zhig yod pa la gcig ni sman pa mkhas pa dang phrad kyang rung ma phrad kyang rung nges par 'tsho ba dang/ nad pa gcig ni sman pas gsos na 'tsho'i ma gsos na mi 'tsho ba dang/ gcig ni sman pas gsos kyang mi 'tsho ba ste/ 'bras bu che chung gi rim pa 'ang/ de bzhin du sbyar ro/ /sdong bu chen po dang/ bar ma dang/ chung du la smos pa yang lung dang/ gzhung dang/ spyod pa dang/ 'bras bu'i dpe ste/ 'bras bu rim pa bzhin du sbyar ro/ /chu ro gcig pas chung du bangs pa ni mi 'dogs pa'i sa la gnas pa rnams so/ /cher bdas? pa ni rnam pa gnyis te sa bdun pa man chad chung bangs pa/ sa brgyad pa yan chad ni tshar bangs pa'o/ /de yang sa dang po man chad ni gcig tu zag pa dang bcas pa'i bsgrub pa'o/ /sa bdun pa man chad ni zag pa dang zag pa med pa gnyi ga'i sgrub pa'o/ /sa brgyad pa yan chad ni gcig tu zad pa med pa'i bsgrub pa'o/ /yang na sa dang po man chad ni chung du bangs pa/ sa dang po yan chad ni mi ldog pa'i sa ste cher bdas? pa'o/ /mdo las/ de bzhin du me tog dang zhes pa nas ming thob bo zhes pa'i bar
- 297b
du ni lung dang 'bras bu so sor bstan pa ste/ bstan pa gcig las 'bras bu mi mthun par sgrub ces pa'i don to/ /char pa gcig gis brlan pa las me tog dang 'bras bu so sor skye ba bzhin te/ dang po thos pa dang bsam pa'i shes rab ni me tog lta bur blta ba'o/ /bsgrub na 'bras bu thob pa'i dpe 'di ni 'bras bu'i dpe'o/ /char pa ro gcig gis zhes pa ni gsung rab gcig gis zhes pa'i don to/ /lhag pa'i tshul khrims dang/ shes rab dang/ ting nge 'dzin kyang so so'i dbang po'i las sa theg pa che chung gi so sor mthong ba'ang de dang 'dra'o/ /mdo las sa gcig la gnas pa'i sman mang po dang zhes pa nas bangs pa de bzhin du zhes pa'i bar du ni so so nas de ltar byas pa mi sems pa'i dpe ste/ theg pa rnam gsum gyi rigs kyang yang dag pa'i gzhung gcig la brten pa ni sa gcig la gnas pa dang 'dra/ de bzhin gsheD pa'i cig gis bstan pa las go ba ni char pa'i ro gcig gi bangs pa bzhin te/ 'bras bu so sor smin pa dang/ shing rtsi sna tshogs su 'gyur ba yang mi sems mi shes so/ /mdo las/ 'od srungs de bzhin gshegs pa zhes pa nas gsung gcig gis 'jig rten gyi khams thams cad khebs pa zhes pa'i bar du ni de bzhin du dpe don du sbyar ba ste/ mdo las/ 'byung ba bzhin du go bar bgyis shig/ mdo las 'od srungs de bzhin gshegs pa zhes pa nas yang dag par rdzogs par sangs rgyas zhes pa'i bar du ni 'bras bu brlon pa mi mthun pa'i dpe ste/ sngar ni don bstan phyis ni mi mthun pa'i dpe dang sbyar pa'o/ /dang po 'ang de bzhin gshegs pa nyid las gleng ba ste/ don rnam pa gsum mo/ /yon tan gyi mtshan las gleng ba dang/ don mdzad pa las gleng ba dang/ mkhyen gzigs pa las gleng ba ste/ 'di ni dang po'o/ /mdo las /ma rgal ba sgral lo zhes pa nas mya ngan las bzla'o zhes pa'i bar du ni don mdzad pa las gleng ba ste/ smon pa bzhi yongs su rdzogs par byed pa'o/ /sdug bsngal las bsgral pa dang/ sdig pa mi dge ba'i las las dgrol?
- 298a
ba dang/ bde pa ma thob pa rnams bde ba la bzhag pa dang/ /mya ngan las 'das pa ma thob ba thob par bya ba ste/ sdug bsngal shes pa dang/ kun 'byung ba spangs pa dang/ lam sgom pa dang/ 'gog pa mngon du bya ba ste rim pa bzhin du/ mdo las da ni da ltar gyi 'jig rten 'di dang zhes pa nas lam mkhas pa'o zhes pa'i bar du ni thams cad mkhyen pa dang/ thams cad gzigs pa ston te de yang rig pa gsum dang/ ye shes gnyis dang/ chos shes pa dang gsum ston no/ /rig? pa gsuM ni dus gsuM rig pa'o/ /yis gnyis ni don dam pa'i ges dang/ kun rdzob kyi ye shes so/ /yul rab tu shes pa spyod pa rab tu chad pa/ 'bras bu rab tu rig pa'o/ /shes pa ni yang dag pa dang/ yang dag pa ma yin no pa shes pa/ 'chad pa ni dge ba dang/ mi dge ba 'chad pa/ mkhas pa ni bsgom pa dang/ bsgrub pa la mkhas pa'o/ /yang na theg pa rnam gsum rim pa bzhin du sbyar ro/ /mdo las de ltar 'od srungs srog chags mang po zhes pa nas mthu ji lta ba bzhin du 'jug go zhes pa'i bar du/ dbang po dang zhes pa ni dbang po rnon po'i ched du theg pa chen po bstan/ /dbang po rtul po la ni theg pa rnam gnyis bstan/ dbang po rnon po'i ched du sdong bu'i sman chen po bstan/ dbang po rtul po la ni sman chung du bstan/ brtson 'grus can la ni sgrub pa'i spyod pa bstan/ le lo can ni sangs rgyas rjes su dran pa ston to/ /sems can rnams tsho 'di la bde bar gyur cing/ mthar gyi pa thams cad mkhyen pa'i chos la stobs dang mthu ji lta ba bzhin du mjug go/ zhes pa na sems can rnams chos thos pa tsam gyis bde ba thob ste/ de yang 'jig rten gyi bde ba dang/ 'jig rten las 'das pa'i bde ba'o/ /'jig rten gyis? de ba ni tshe 'di la spyod pa yid du 'ong ba dang ldan zhing dge ba'i spyod pa bsgrubs pas bde ba'i 'bras bu thob pa'o/ /'jig rten las 'das pa'i bde ba ni sgrib pa
- 298b
byang bas chos nyid la zhugs te/ byang chub sems dpa' i lam mo/ /de yang lhag pa'i mos bas skyed pa'i lam dang/ nges pa'i lam ste sgrib pa rnam gnyis spangs pa las rim pa bzhin du 'jug go/ mdo las 'di lta ste 'od srungs dper na/ zhes pa nas bdag bdag gi rigs dang tshad du skye'o zhes pa'i bar du ni dpe dang don du sbyar te/ 'bras bu mi mthun par gyur pa'o/ /mdo las/ 'od srungs de bzhin du de bzhin gsheD pa zhes pa nas bdag gi bdag shes pa'am rig pa 'am/ rtogs pa med do zhes pa'i bar du ni dpe phye ma dang/ don du sbyar ba ste/ ro gcig ces kyi? mtshan ma med par ro gcig pa/ mtshan ma med pa'i ro dang/ zag pa med pa'i ro dang/ rnam par grol ba'i ro gcig pa'o/ /de ltar ro gcig gis so sor smin pa dang/ shing dang 'bras bu so sor brlan pa yang bdag dang bdag so so nas sems dpa' med do/ /mdo las/ de ci'i phyir zhe na/ 'od srungs zhes pa nas ji lta ba bzhin du gzigs so/ zhes pa'i bar du ni de la 'das mas can gyi spyod pa spyir mkhyen pa dang/ so sor mkhyen pa dang/ mkhyen pa de gnyis bsdu ba'o/ /sems can de dag ci lta ba bzhin du mkhyen pa ni 'dus byas sam 'dus ma byas kyi tshul du 'am/ spyod pa'am sems kyi sgo nas ji lta ba bzhin du mkhyen pa'o/ /ci la sems zhes pa dag ni mkhyen pa so sor smos pa ste/ shes rab rnam gsum gyi sgo nas rang bzhin mkhyen pa dang/ spyod pa dang/ dngos po mkhyen pa dang/ spyod pa gang gis 'bras bu ci thob pa dang/ lung gang gis gzhung ci sgrub pa ste/ chos de bzhi'i rim pa bcom ldan 'das kyis mkhyen zhes pa'o/ /mngon sum du gzigs pa dang ji lta ba bzhin du gzigs pa ni mkhyen pa de dag bsdu ba ste/ sems can gyi gzhi dang/ sems kyi spyod pa mtshan ma dang/ dngos po dang/ rang bzhin ma lus par gzigs pa'i phyir gzigs pa'o/ /mdo las de dang de dag na gnas pa'i sems can de rnams zhes pa nas thams cad mkhyen pa'i ye shes glo bur
- 299a
du mi ston to zhes pa'i bar du ni de bzhin gshegs pa'i mkhyen pa dang/ sems can gyi mkhyen pa shes pa de gnyis bsdu ba'i khyad par bstan pa ste/ de bzhin gshegs pa'i ye shes zab pa dang/ sems can gyi shes pa chung bar gyur pa? de bzhin gshegs pa'i zab mo'i gnas ma yin par bstan pa'o/ /mdo las/ 'od srungs de bzhin gshegs pas/ ldem po dag ni bshad pa la zhes pa nas ldem po ngag ni shes par dka' o zhes pa'i bar du ni 'od srungs chen pos zab mo 'di shes kyi gzhan gyis mi shes te/ mtshan nyid ni 'og nas ston to/ /mdo las de nas bcom ldan 'das kyi de'i tshe zhes pa nas shin tu dang ba shes nas su zhes pa'i bar du ni 'di man chad tshigs su bcad pas don gong ma'i rnams bzlas te ston pa la/ tshigs bcad lnga bcu rtsa gcig gis ni gong ma'i don bzlas/ 'og ma gcig gis ni bsdus pa'i don bstan to/ /chos rgyal zhes pa ni chos la mnga' brnyes pas chos ci ston pa 'khrul pa mi mnga' ba'i phyir chos kyi rgyal po'o/ /'byung ba 'joms zhes pa ni 'jig ten gsum 'joms pa'am/ srid pa bzhi dang lnga 'joms zhes pa'i don to/ /yang na tshigs bcad bzhi po 'di la chos kyi sku dang/ rdzogs longs spyod pa'i sku dang/ sbral pa'i sku rim pa bzhin du sems can gyi don mdzad par sbyar ro/ /mdo las/ dpa' bo chen po blo brtan pa zhes pa nas srog chags rnams la mi smra'o zhes pa'i bar du ni de bzhin gshegs pa'i chos ston pa ngo mtshar du bya ba ste/ bkri ba dang nges pa'i don bshad pa la so so'i dbang po dang sbyar te/ gzod 'chad kyi glo bur du mi gsung zhes ba'i don to/ /mdo las/ ye shes de ni chud dka' ba zhes pa nas de lta bas na 'khor pa'o zhes pa'i bar du ni so so nas the tshom dang/ dogs pa skye bas chud dka' bas ma bshad ces pa'i don to/ /mdo las bshad pa tshig 'dra yul rang zhes pa nas lta ba dag
- 299b
ni dang por bya zhes pa'i bar du ni sems can rnams de bzhin gshegs pa'i gsung dang byin gyis brlabs kyis ma bstan par rang gis rig pa'i blo mi skye bas yang dag pa'i don/ bcom ldan 'das kyis rnam par phye bas sems can rnams dbang po ji lta ba bzhin du don rtogs shing rig skye zhes pa'i don to/ /mdo las/ 'od srungs sbyin pa ni ji lta bur zhes pa nas thams cad du ni chu yang gtang zhes pa'i bar du ni de bzhin gshegs pa 'jig rten du byung ste/ chos ston pa yang ji ltar 'jig rten du char 'bab pa klu'i rgyal pos zhag bdun gyi bar du sprin bsdus nas char 'bebs pa bzhin du thugs rje chen po'i sprin phyogs bcu thams cad du khebs bar mdzad de/ sems can gyi dbang po smin pa'i dus dang sbyor zhing chos ston to/ /sprin de yang gleg gi phreng ba dang bcas pa/ 'khrug gi sgra grags gnyi ma'i 'od sgrib pa/ dkyil 'khor thams cad bsil bar byed pa/ lag gi brnyab? du rung ba 'dra bar 'dug pa bzhin de bzhin gshegs pa'i 'od kyis phyogs bcur snang bar mdzad pa/ chos kyi 'brug sgra sgrog pas bdud dang log par lta ba rnams dngangs par mdzad pa/ thuD rje'i sprin gyis phyogs thams cad du khebs pas 'gro ba dga' bar mdzad pa/ log pa'i nyi ma 'char ba zil gyis gnon pa sdug bsngal gyi gnas thams cad bsal te/ mya ngan las 'das pa'i gnas bsil par mdzad pa/ thugs rje'i lhun lus dang sems 'dun pa'i lag gis brtab? du dud ba tsam du sems pa'o/ /mdo las/ de ni snyemS par 'bebs pa dang zhes pa nas spyod por gyur pa yang rung ba zhes pa'i bar du ni so sor smin par byed pa la yon tan gyi char 'bebs pa dang/ dngos po so sor skyes ba dang/ skyes pa rnams de na du 'gyur bar mdzad pa ste/ mtho man med par snyoms pa'i thugs rjes kun gyi don mdzad ces par sbyar ro/ /mdo las/ de dag? sman ldong rnams nas sam zhes pa nas 'bras du me tog rnams kyang de bzhin 'beb zhes pa'i bar du ni brlan par bya ba'i dngos po bstan te/ de yang/
- 300a
spyi dang khyad par du dbye ba'o/ /theg pa rnam gsum rigs so sor smin pa ni sdong po dang yal ga dang me tog bzhin no/ /mdo las/ sprin gyi char gyis mang po sman rnams la zhes ba nas de ni char pa ro gcig phab pa'o zhes pa'i bar du ni brlan par bya ba rnams don du sgrub ste/ so sor smin par byed pa'i dpe'o/ /mdo las/ de bzhin 'od srungs sangs rgyas 'jig rten 'dir zhes pa nas srog chags la ni yang dag spyod bstan zhes pa'i bar du ni dpe dang don du sbyar pa ste/ tshig dang po gnyis kyis ni sbyor ba bstan/ gzhan gyis ni 'bras bu mi mthun pa bstan te/ 'di ni dang po'o/ /mdo las/ de ltar drang srong chen po yang dag sgrog ces ba nas ngas ni 'dod nged mya ngan 'da' ba sbyin zhes ba'i bar du ni 'dis ni 'bras bu so sor brlan pa bstan te/ 'di man chad ched du bsgrags pa ste/ 'khor bsdu ba dang phan gdags shing drang ba thos pa rnams phan pa 'thob pa dang/ de thos nas 'du ba ste/ 'di ni dang po'o/ /rigs yod du zin gyis kyang dam pa'i chos kyis ma brlan pa'i phyir lus bskam pa'o/ /mdo las/ lha dang mi yi tshogs rnams de la nyon/ nga la lta ba'i phyir ni nye bar sheg ces pa'i 'khor bsdu ba'o/ /mdo las/ da ni de bzhin gshegs bcom zil mi don zhes pa nas de ni rnam gol mya ngan las 'das pa'o/ /zhes ba'i bar du phan gdags pa ste/ dam pa'i chos ston pa dang/ theg pa chen po rgyu ston pa dang/ chos snyoms par ston pa dang/ gcig tu phan gdags pa'i phyir dang/ bzang ngan bkol ba med pa ste/ 'di ni dang po'o/ /mdo las/ byang chub gzhug pa'i phyir ni rtag bar de zhes pa nas dbyangs gcig gis ni rab tu ches bshad de zhes ba'i bar du ni theg pa chen po'i rgyu ston pa ste/ dang ba'i don rnam pa gnyis ga yang theg ba chen po'i don te/ rnam pa thams cad mkhyen pa'i rgyur gyur pa'o/ /mdo las de ni snyoms pa'i yid kyis ma snyoms med ces pa nas sems can gcig bzhin 'gro
- 300b
ba'i gzhan la'o/ /zhes pa'i bar du ni 'di snyoms par ston pa ste/ bdag dang bdag gi ba dang bral ba dang/ byams sdang spangs pa dang/ nye ring gi sems med pa dang chos 'chab pa med pa dang/ phrag dogs med pas thams cad la 'dra bar chos ston pa'o/ /mdo las/ las gzhan mi byed rab tu chos 'chad de zhes pa nas sbrin gyis char ba mngon par phab pa bzhin zhes pa'i bar du ni gcig tu phan 'dogs shing chos 'chad pa ste/ nga zhung ces ba ni mya ngan las 'das pa'o/ /byon zhes ba ni mngon par byang chub par ston pa'o/ /bzhugs zhes pa ni chos 'tshad cing phan 'dogs pa'o/ /lang zhes pa ni sems can gyi dbang po smin pa la bzhengs pa ste/ thugs rje chen pos nam yang sems can gyi don mdzad par skyo mi mnga' ba'o/ /mdo las/ 'phags pa dang ni ma rabs mtshungs pa'i blo zhes pa nas skyo ba thams cad rab tu rnam spangs nas zhas pa'i bar du ni bzang ngan bkol ba med par chos ston pa ste/ dge ba'i rtsa ba la gzigs shing chos ston pa'o/ /mdo las/ ngas ni yang dag chos kyi char pa phab ces pa nas/ rnam pa mar po'i sa la gnas 'gyur ba zhes pa'i bar du ni sems can rnams su thos pas bde ba rnyed pa ston to/ /dang po tshig dbus ni dpe dang don du sbyar te/ de'i 'og ma tshig? phyed dang bzhis ni 'bras bu dang me tog rgyu mi mthun pa'i dpes 'bras bu dang sbyor ba bstan/ sngar tshig brgyad kyis ni don bston/ yang tshig phyed kyis ni dpe bstan/ tshig dang po la yang gnyis su phye ste/ sngar tshig gcig gis ni skyir glengs/ tshig bdun gyis ni so sor phye ste/ bstan pa la 'di ni dang po'o/ /sa la gnas 'gyur zhes pa ni theg pa chen po'i sa bcu dang rigs kyis dang kha rgyad pa dang/ de bzhin gshegs pa'i ma'i bar du so sor phye ston pa'o/ /mdo las/ lha mi nang na yid du 'od pa dang zhes pa nas de dag rab tu phra zhing phra ba'i sman zhes pa'i bar du dbyer na rigs med pa'i dpe ste/ ji ltar rtsa ba rab tu phral? char
- 301a
gyis brlan pa bzhin no/ 'phags pa nyan thos rnams ni sman par ma bzhin no/ /'phags pa byang chub sems dpa' rnams ni sman gyi sdong po chen po bzhin no/ /mdo las/ de dag chung ste 'jig rten 'di ni gang zhes pa nas de ni sman gyi mchog ces bya ba yin zhes pa'i bar du ni sman gyi sdong po'i dpe rnam ba gnyis bstan ba ste/ sangs rgyas su de 'dra ba'i spyod pa can sangs rgyas su nges zhes pa'i don to/ byang chub sems dpa' sa bdun ba man chad ni sman chung ngu zhes bya/ sa brgyad pa yan chad ni sman gyi sdong po chen po zhes bya ste/ spyod pa mi nyams zhes pa'i don to/ /mdo las/ bde bar gshegs pa'i sras po gang zhugs pa zhes pa nas de lta bu yi dpe? dag bstan pa yis zhes pa'i bar du ni rigs can gyis nas theg pa chen po'i 'bras bu thob pa dang/ mya ngan las 'das pa'i bar du 'dras bu che chung thob pa dang/ grub pa'i dpe bstan pa yin no/ /mdo las/ de bzhin gshegs pa'i ? rnams shes par dgyis zhes pa nas phyogs bcu kun na ji ltar mdzes pa bzhin zhes pa'i bar du ni 'dras bu so sor smin cing thob pa khyad par du gyur pa dang dpe dang don du sbyar te/ rgyas par bstan pa'o/ /mdo las/ 'di na rtag tu 'jig rten phan pa'i tshes zhes pa nas ngoms par byed ces pa'i bar du ni lha dang mi rnams la phan pa'i don byas pa'o/ /mdo las/ 'jig rten thams cad bebs? par byas nas ni zhes pa nas sdong po chen po zhes ni de dag bya zhes pa'i bar du ni 'bras bu che chung las theg pa che chung gi rim pa bstan pa'o/ /mdo las/ 'od srungs 'di lta bu'i chos bshad pa zhes ba nas nga'i nyan thos thams cad sangs rgyas 'gyur zhes pa'i bar du ni don bsdu ba ste/ sngar bkri ba'i don bstan/ phyis nges pa'i don bstan pa dang/ 'bras bu thob pa'i phyir lung bstan pa ste/ 'phags ba nyan thos pa rnams kyi spyod pas sangs rgyas su gyur par lung bstan pa'ang 'grub pa la dgongs te lung bstan pa yin no/ /byang
- 301b
chub sems dpa' i spyad pa spyod pa dang/ byang chub kyi spyod pa las nyams pa dang/ phyis byang chub tu sems bskyed cing/ dge pa'i rtsa ba ma nyams na bla na med pa'i 'bras bu thob ces bstan to// //'di man chad lung bstan pa'i le'u ste/ de ci'i phyir lung bstan pa zhes gdags ba dang/ ming bshad pa dang rnam pa gnyis so// //de la gtan tshigs ni 'phags pa shA ril bu dbang po rnon po yin pas chos thos pa tsam gyis go ba'i phyir lung bstan pa dang/ gzhan dbang po bar ma rnams don dpes mtshon te bstan pas go ba'i phyir lung bstan pa'o/ /yang na nga rgyal can rnams spa bkod pa'i phyir theg pa thams cad gcig ste/ che chung med ba'i phyir lung bstan pa'o/ /de yang lung bstan pa'i chos rnam pa gsum ste/ rang bzhin yod pa'i phyir lung bstan pa dang/ khyad par yod pa'i phyir 'bras bu yod pas lung bstan pa dang/ che ba'i bdag nyid can rnams la che ba'i gzhung 'os pa dang/ rgyu che ba rnams la 'bras bu chen por 'os bas lung bstan pa dang gsum mo rang bzhin gyis yod pa'i yang lung bstan par 'os pa dang/ lung bstan par mi 'os pa ni ma rig pa la thog ma yod dam med ces 'dri ba la/ lung mi bstan pa lta bu'o/ /rgyu khyad par can rnams ni lung bstan par 'os pa'o/ /rgyu che ba dang/ 'bras bu che ba yang lung bstan par 'os pa'o/ /rgyu chung ba dang 'bras bu chung ba rnams ni lung bstan par mi 'os pa'o/ /dge ba'i rtsa ba smin pa rnams myur du lung bstan pa dang/ ma smin pa rnams phyis lung bstan pa dang/ 'khor ba spong zhing 'bras bu myur du thob par 'dod pa rnams la myur du lung bstan pa dang/ thugs rje che bas 'khor bar sbyor ba rnams bags kyi lung bstan pa'o/ /yang spyir lung bstan pa dang so sor phye ste lung bstan pa'o/ /ming dgrol ba ni rgyu ni byed pa 'bras bu de 'thob ste/ de so sor ston pa'i phyir lung ston pa zhes bya'o/ /mdo las/ de nas bcom ldan 'das kyis tshigs su bcad pa 'di gsungs nas zhes pa nas dam pa'i chos 'dzin par 'gyur zhes pa'i bar
- 302a
du ni 'phags pa nyan thos bzhi mngon du lung bstan pa la sngar ni tshig rkyang pas bstan/ 'og tu ni tshigs su bcad pas bsdus te bstan/ de yang 'phags pa 'od srungs dang por lung bstan/ 'phags pa gzhan de'i 'og tu lung bstan to/ /de dag kyang so so'i dbang po las kha cig sngar 'phags pa'i 'bras bu thob la/ sangs rgyas su phyis 'grub pa yang yod de/ ji ltar dge slong lnga brgya khyad par med pa las sangs rgyas su snga phyir grub ste/ gcig gis gcig lung bstan pa lta bu dang/ theg pa chen po las kyang slob pa dang mi slob pa rnams khyad par yod pa las/ dus gcig tu sangs rgyas su 'grub pa dang/ kha cig sngar 'phags pa thob la phyis de bas 'phyi ba rnams sangs rgyas su 'grub pa lta bu ste/ 'phags pa 'od srungs chen pos sangs rgyas khri phrag sum brgya la bsnyen bkur byas/ 'phags pa rab 'byor gyis sangs rgyas bye ba khrag khrig sum brgya la bsnyen bkur byas/ 'phags pa ka tyA ya nas sngar sangs rgyas khrag khrig brgya la bsnyan bkur byas/ phyis khrag khrig gnyis la bsnyen bkur byas/ 'phags pa maung+gal chen pos sngar sangs rgyas brgya stong la bsnyen bkur byas/ phyis khrag khrig nyis stong la bsnyen bkur byas ste/ sangs rgyas su lung bstan pa yang sangs rgyas la bsnyen bkur byas pa lan mang du yod mod kyi spyod pa brgya chen po ldog pa rnams drang ba'i phyir bstan te/ so so'i dbang po rno brtul las snga phyir lung bstan pa yin no/ /mdo las de lus tha ma'i tshe brgyan chen po zhes bya pa'i bskal pa la zhes pa nas sangs rgyas bcom ldan 'das te zhes pa'i bar du ni 'bras bu thob pas lung bstan pa ste/ yang dag pa'i chos mthong ba'i snang bas mdzes pa'i phyir 'od zer rab tu snang zhes brtags so/ /mdo las/ de'i che tshang ni zhes pa nas me tog gi gtor ba zhes pa'i bar du ni zhing 'od zer snang ba thob pa'i yon tan la btags pa dang/ bskal pa spyod pa sna tshogs kyis brgyan
- 302b
pa'i rgyan las btags pa dang/ zhing gi brgyan de dag kyang dam pa dang ldan pa/ sdig ba mi dge ba med pa dang/ mnyam pa rin po che bzhi las gzhi byas pa/ shing rin po ches rgyan pa thig gis ri bo bres pa/ me tog sna tshogs bkram pa'i rgyan dang ldan pa'o/ /mdo las/ der byang chub sems dpa' brgyad stong mang po 'byung bar 'gyur ro/ /zhes pa nas chos kun 'dzin la brtson par 'gyur ro/ /zhes pa'i bar du ni 'khor mang po thams cad kyis dam pa'i chos bsrung ba dang/ yongs su 'dzin zhes pa'o/ /mdo las/ de nas bcom ldan 'das zhes pa nas/ bla na med pa'i ye shes 'di bsgrub ste/ zhes pa'i bar du ni tshigs bcad de rnams kyis ni dang po gleng ste bsgo ba dang/ lung mngon du bstan pa dang bsdu ba'o/ /mdo las/ de ni tha ma'i lus tshe 'jig rten mgon zhes pa nas mnyam zhing bzang la lta na sdug par gyur ces pa'i bar du ni de la yang tshigs bcad dang po phyed kyis ni rang bzhin bstan/ de'i 'og ma tshigs bcang gsum gyis ni ngo mtshar gyi mtshan nyid bstan/ de'i 'og ma gsum gyis ni 'khor bstan/ de'i 'og ma tshigs bcang phyed kyis ni tshe'i tshang bstan/ ngo mtshar gyi mtshan nyid ni mi dge ba med pa la sogs pa rnam par dag pa'i zhing rgyan brgyad do/ /spos dri yid du 'ong ba 'byung ba ni tshig rkyang pa'i nang nas mi 'byung ste/ tshul khrims kyi dri dam pa dang sbyar ro/ /mdo las de ni byang chub sems dpa' bye ba stong zhes bya ba nas bskal pa 'phrul gyi ye shes kyi bgrangs kyang zhes pa'i bar du ni 'khor rnams ston te/ byang chub sems dpa' dang 'khor rnams kyi don to/ /mdo las/ de ni bar gyi bskal pa bcu gnyis nas zhes pa nas/ 'od zer bar snang de yi brgyan 'di 'dra zhes pa'i bar du ni tshigs bcang phyed kyis ni tshe tshad bstan/ phyi mas ni bsdus pa'o/ /mdo las/ de nas tshe dang ldan pa gnas bstan maung+gal gyi bu chen po dang zhes pa nas 'di skad gsol to zhes pa'i bar du ni 'dis 'phags ba nyan thos chen po gsum gyis lung bstan par gsol ba dang/
- 303a
bcom ldan 'das kyis dngos su lung bstan pa'o/ /lus 'dar zhing mig mi 'dzum par lta zhing zhes pa ni gcig tu bdun pa'i sems so/ /mdo las/ dgra bcom zhing ni cher dpa' ba zhes pa nas rgyal bas bdag cag lud ston cig ces pa'i bar du ni tshig de dag la bstod de gsol ba dang/ dpes loS? gleng ste gsol ba dang/ gsol pa'i mdo bsdus pa dang gsum ste/ 'di ni bcom ldan 'das la yon tan chen po'i sgo nas bstod de gsol ba'o/ /mdo las/ mu ge byung tshe la la'i zhes pa nas thub pa chen po mthar 'gyur ro zhes pa'i bar du ni/ mu ge byung tshe zhes pa ni dpe las glengs te gsol ba ste/ nyan thos pa rnams theg pa chen po'i chos kyis bkres pa'i phyir mu ge zhes pa'o/ /bcom ldan 'das kyis lung sgo ba la bltos zhing theg pa chen po 'jug pa la mi spobs pa yang dpe de dang 'bra'o/ /dpa' ba chen pos lung ston cig ces pa ni gsol ba'i mdo bsdus pa'o/ /mdo las/ de nas bcom ldan 'das kyis zhes pa nas byang chub bsgrub par 'gyur ro zhes pa'i bar du ni 'di sa na chad nyan thos chen po gsum so sor lung bstan pa ste/ dang po tshig rkyad pas spro ba dang/ de'i 'og tu tshigs? su bcad pas bsdu ba'o/ /tshig rkyang pa la yang rnam pa gnyis te/ sngar ni rgyu bstan/ de'i 'og tu 'bras bu bstan te/ 'di ni rgyu'o/ /mdo las/ de lta bu'i lhag pa'i bya ba byas te lus tha ma la zhes pa nas/ sangs rgyas bcom ldan 'das zhes pa'i bar du ni 'bras bu bstan pa ste/ lung bstan pa'i mtshan nyid dgu ste/ rang bzhin gyis lung bstan pa la sogs pa'o/ /mdo las sangs rgyas kyi zhing ni rin po che 'byung ba zhes bya bar 'gyur ro zhes pa'i bar nyan thos brgya stod mang po 'dul lo zhes pa'i bar du ni/ de bzhin gshegs pa'i zhing rgyan sna tshogs kyis brgyan pa na 'khor phyi? nang rnam gnyis dang bzhugs pa bstan to/ /mdo las/ de nas bcom ldan 'das kyis de'i tshe na zhes pa nas rab tu rig par bya'o/ /da las nyon
- 303b
zhes pa'i bar du ni 'di man chad tshigs su bcad pa bcu gnyis la gnyis su dbye ste/ dang po tshig gcig gis ni bsgo ba bstan/ de'i 'og ma bcu gcig gis ni dngos su bstan pa ste/ 'di ni dang po'o/ /mdo las/ nga yi nyan thos gnas brtan rab 'byor 'di zhes pa nas drang srong chen po gser gyi sdong po 'dra zhes pa'i bar du ni 'di dngos su bsgo ba ste/ rgyu dang 'bras bu sbyar te/ bstan pa dang/ ngo mtshar bdun dang/ 'khor dang tshe'i tshang la sogs pa ston te/ 'di ni dang po'o/ /mdo las/ 'jig rten la phan zhing thugs brtse 'gyur/ zhes pa nas srog chags bye ba khrag khrig sgrol bzhin du zhes pa'i bar du ni ngo mtshar ba'i mtshan 'di bstan pa'o/ /mdo las/ de nas byang chub sems dpa' mthu che mang du zhes pa nas rdzu 'phrul stobs ni bsam gyis mi khyab ba gyur zhes pa'i bar du ni 'khor rnams ston te/ byang chub sems dpa' i 'khor dang nyan thos ba'i 'khor rnams ci rig par sbyar ro/ /mdo las/ byang chub mchog der rab tu bshad pa nas zhes pa nas de la rtag tu thal mo sbyar bar 'gyur zhes pa'i bar du ni de bzhin gshegs pas sprul pa dang chos nyan pa'i 'khor rnams ston to/ /mdo las/ de na bar gyi bskal pa bcu gnyis gnas zhes pa nas rkang gnyis mchog gi'o zhes ba'i bar du ni tshe'i tshang bstan pa'o/ /mdo las/ de nas bcom ldan 'das kyis dge slong gi dge 'dun thams cad la bka' stsal pa zhes pa nas gso bar byed par 'gyur ro/ zhes pa'i bar du ni 'phags pa ka tyA ya na lung bstan pa ste/ dbye ba dang sa bcad pa god ma dag 'dra bar sbyar ro/ /mdo las/ sangs rgyas bcom ldan 'das de dag yongs su mya ngan las 'das nas yang zhes pa nas lha dang mi'i mkhan po sangs rgyas bcom ldan 'das de zhes pa'i bar du ni 'phags pa ka tyA ya na des sngon gyi dus de bzhin gshegs pa mang po la dngos su bsnyen bkur bgyis ba dang/ de mya ngan las 'das pa'i 'og tu yang rin po che'i mchod rten byas pa dang/
- 304a
mchod rten de la mchod pa sna tshogs byas pa ste/ byang chub sems dpa' spyod pa mang du byas pas de 'dir lung bstan te/ 'phags pa de nyid sngon dge 'dun gyi gnas khar phyag dang byas pa las tshe rabs thams cad du lus gser gyi kha dog can du gyur te spyod lam mdzes pa 'od dang ldan par gyur pa las 'di sangs rgyas su grub pa lung bstan pa'o/ /mdo las/ sangs rgyas de'i zhing yongs su dag pa zhes pa nas me tog gis chal bar dkang zhes pa'i bar du ni de bzhin gshegs pa'i zhing gi rgyan? sna tshogs bstan pa'o/ /mdo las/ sems can dmyal ba dang zhes pa nas chos kyi gzugs brnyan gnas par 'gyur ro/ zhes pa'i bar du ni zhing de na ngan song gsum med pa lta dang/ mi mang ba dang/ phyi nang gi 'khor mang du 'dus pa dang/ sku tshe'i tshad bstan pa'o/ /mdo las/ de nas bcom ldan 'das kyis de'i tshe na zhes pa nas gzhan du ma yin pa'i tshig smra zhes pa'i bar du ni 'di yan chad ston pas lung bsgo pa'o/ /mdo las/ nga'i nyan thos gnas brtan ka tyA ya na 'di zhes pa nas dri dang me tog rnams kyis mchod par 'gyur zhes pa'i bar du ni rgyu las glengs te lung bstan pa'o/ /mdo las/ de yis tha ma ni lus thob nas zhes pa nas ltar bcas 'jig rten rnams kyis bkur sti byas zhes pa'i bar du ni lung bstan pa'i 'bras bu ste/ de yang zhing gi mtshan nyid dang/ bsod nams kyi mtshan nyid do/ /mdo las/ 'od byed gtso bo bcom ldan 'das 'gyur ba zhes pa nas/ kun kyang 'byung spangs 'byung ba med pa yin zhes pa'i bar du ni tshig dang po gnyis kyis ni rang bzhin bstan/ tshig phyi mas 'khor bstan to/ /mdo las/ de nas yang bcom ldan 'das kyis dge slong gi dge 'dun thams cad la bka' stsal pa zhes pa nas gsol ba byed par 'gyur ro zhes pa'i bar du ni 'phags pa maung+gal lung bstan pa ste/ tshul dbye ba ni gong ma dang 'phrog? lung
- 304b
bstan pa yang snga ma'i dus dang phyi ma'i dus so/ /snga ma'i dus la yang sangs rgyas mngon du bzhugs pa dang/ mya ngan las 'das pa ste/ 'di ni mngon du bzhugs pa dang sbyar ro/ /mdo las sangs rgyas bcom ldan 'das de dag yongs su mya ngan las 'das nas kyang zhes pa nas/ rnam pa mang pos mchod pa byed do/ /zhes pa'i bar du ni/ mya ngan las 'das pa'i 'og tu bkur sti byed pa ste/ sngar mchod brten brtsigs pa dang/ de'i 'og tu mchod pa byas pa'o/ /mod las/ de'i pha rol gyis yang pha rol tu zhes pa nas/ gsol bar byed do/ zhes pa'i bar du ni phyi ma'i rgyu bstan to/ /mdo las/ de'i 'og tu lus tha ma la zhes pa nas sangs rgyas bcom ldan 'das te zhes pa'i bar du ni dngos su 'bras bu bstan pa'o/ /mdo las/ de'i sangs rgyas kyi zhing yid mngon par dga' ba zhes bya bar 'gyur zhes pa nas me tog gsil mas gtor ba zhes pa'i bar du ni bskal pa'i ming dang/ rgyu'i ming dang/ zhing gi mtshan nyid kyi rgyan bstan pa'o/ /mdo las zhing mang pos rab tu gang zhes pa nas/ dam pa'i chos kyi gzugs bsnyan gnas par 'gyur ro zhes pa'i bar du ni dge ba mang pos bskyed pa dang/ 'khor dang/ che'i tshad dang grangs bstan pa'o/ /mdo las/ de nas bcom ldan 'das kyis de'i tshe zhes pa nas sil snyan gyis ni 'jig rten phan skyongs pa'o/ /zhes pa'i bar du ni 'dis yongs su lung bstan pa ste/ sngar ni rgyu bstan phyis ni 'bras bu bstan to/ /rgyu bstan pa la yang sangs rgyas 'jig rten na bzhugs pa dang/ 'jig rten nas 'das pa la mchod pa byed pa'o/ /mya ngan las 'das zhes pa ni/ mya ngan las 'das pa'i 'og tu mchod pa byed pa'o/ /de nas 'di ltar tha mar lus kyi tshe zhes pa nas/ /'di man chad bshad pa'i tshul gong ma dag dang 'dra bar dbye'o// //'di man chad sngon byung ba'i le'u 'chad de/ /sngon de bzhin gshegs pa sangs rgyas kyis mdzad pa mdzad cing theg pa chen po'i don spyod pa de bstan na rjes su 'jug pa skyed pa'i phyir rgyu de bstan cing mos pa?
- 305a
skye bar bya ba'i phyir le'u 'di bstan to/ /'di ci las brtags pa dang/ de'i ming dang/ de dris pa'i lan rnam pa gsum zhig ston te/ 'di'i nang nas sngar dbang po rnon po dang bar ma chos thos pas rtogs pa skyes te lung bstan/ dbang po tha ma rnams tshos thos kyang da dung rtogs pa ma skyes ba rnams sngon theg pa chen po'i spyod pa la zhugs pa rnams ji ltar spyod pa'i dpe bstan na/ rtogs pa skye bar 'gyur bas sprul ba'i grong khyer gyi dpe bstan pa dang/ 'grel pa las sems can nga rgyal can bdun yod de/ nga rgyal gyi nyon mongs pa de spang ba'i phyir 'di gsungs te/ nga rgyal de bdun las kyang bzhi pa lta bu bsam gtan spyod cing 'jig rten gyi ting nge 'dzin la gnas pa nyid mya ngan las 'das pa tsam du sems pa de'i gnyen por sprul pa'i grong khyer gyi dpe bstan ting nge 'dzin la gnas shing 'bras bu chung dus tshig par sems pa 'de la theg pa chen po'i mya ngan las 'das pa'i grong khyer chen po la thabs kyis gzung pa'i phyir/ sngon gyi gtam gyi grong khyer gyi dpe bstan na/ slob pa la gnas pa'i ma rabs rnams sprul pa'i grong khyer bsti ba'i gnas tsam du bstan nas kyang mya ngan las 'das pa'i grong khyer chen po rin po che'i 'byung gnas nyid du gzung pa'i phyir dpe 'di bstan to/ /bla na med pa bcu bstan pa'i nang nas gnyis pa ste/ sngon gyi spyod pa bla na med pa ston pa dang sbyar na/ de bzhin gshegs pa mngon par shes pa chen po'i ye shes kyis zil gyis gnon pa zhes bya ba byang chub kyi spyod pa dka' ba spyod pa'i tshe bskal pa mang po zhig tu spyad nas gzod mngon par sangs rgyas pa dang sbyar na theg pa chung du'i byang chub tu nye bas thob pa nyid bsti ba'i gnas yin par bstan pa'o/ /yang bla na med pa bcu'i gsum pa las lhag pa'i brtson 'grus kyi mthus skyed pa dang sbyar nas tshong dpon gyi dngos dka' ba sna tshogs spyad nas don grub pa bzhin de bzhin gsheD
- 305b
ba'i 'bras bu thob pa yang de dang 'dra par sbyar ro/ /le'u 'di'i nang nas de bzhin gshegs pa mngon par shes pa chen po'i ye shes kyi zil gyis gnon pa'i spyod pa ston na bcom ldan 'das de'i mtshan las le'u 'di'i ming du gdags pa'i rigs nas sprul pa'i grong khyer dang sngon byung ba zhes ci'i phyir gdags/ de ni lhag pa'i nga rgyal can dag mya ngan las 'das pa nyid thob par sems pa'i gnyen por grong khyer gyi dpes ched du bzlog pa'i phyir des bstan pas don las bris te btags so/ /mdo las/ dge slong rnams sngon 'das pa'i dus na byung ba zhes pa nas pha rol tu yang pha rol na zhes pa'i bar du ni 'dis dbang po tha ma la bstan pa'i gleng ba ste/ sngar tshig rkyang pas rgyas par bstan/ de'i 'og tu tshigs bcad kyis bsdu ba ste/ de la yang dang por phyogs su bsgo ba dang/ de'i 'og tu dris pa'i lan no/ /dang po la yang rnam pa bzhi ste/ dus dang/ yun dang/ yul dang/ bskal pa sde/ 'di ni dang po'o/ nad do las ji ltar sngon de'i tshe de'i dus zhes pa nas sangs rgyas bcom ldan 'das so zhes pa'i bar du ni dngos su bstan pa'o/ /mdo las/ dge slong dag da bzhin gshegs pa de byung nas zhes pa nas sa'i khams de thams cad brtags na zhes pa'i bar du ni 'di man chad dris pa dang/ lan gdab pa ste/ 'di ni dris pa'o/ /mdo las/ dge slong rnams de yid la ji snyam zhes pa nas/ bcom ldan 'das de ma lags so zhes pa'i bar du ni dris pa'i lan btab pa'o/ /mdo las/ bcom ldan 'das kyis zhes pa nas/ yongs su mya ngan las 'das pa bzhin no zhes pa'i bar du ni 'dis ni mngon par shes pa chen po ston te/ ye shes kyi gzigs pas mkhyen zhes pa'o/ /yang de dgongs shing mkhyen pa yang dgongs pa rnam bzhi'i tshul gyis mkhyen te/ mnyam pa la dgongs pa dang/ dus tha dad pa la dgongs pa dang/ don tha dang pa la dgongs pa dang/ sems can gyi mos pa la dgongs pa'o/ /mdo las/ de nas bcom ldan 'das kyis zhes pa nas/ mngon shes ye
- 306a
shes zil gnon thub chen po zhes pa'i bar du ni/ dus kyi mdza' bstan pa dang/ mkhyen gzigs bstan pa ste/ de la yang sngar ni sgo/ /phyis ni bskal pa'i grangs bstan pa ste/ 'di ni dang po'o/ /mdo las/? de'i tshe na bla med rgyal bar gyur zhes pa nas/ bskal pa mang po de rnyed zad par gyur zhes pa'i bar du ni/ bskal pa'i grangs bstan pa'o/ /mdo las/ de ltar 'dren pa mya ngan 'das yun ring zhes pa nas dran pa phra zhing zag pa med pa po zhes pa'i bar du ni mkhyen gzigs bstan to/ /mdo las/ dge slong 'di yang mngon par shes pa chen po'i ye shes kyis zil gyis gnon pa zhes pa nas lnga bcu rtsa bzhir gyur to zhes pa'i bar du ni dris pa'i don nyid 'og nas ston to/ /'di ni de bzhin gshegs pa'i tshe'i chad dang/ chos rnyed par dka' ba dad/ chos mngon du rnyed pa dang gsum ste/ 'di ni dang po'o/ /mdo las/ bcom ldan 'das de bla na med pa zhes pa nas des ches mngon du ni ma gyur to zhes pa'i bar du ni 'dis chos rnyed par dka' ba bstan pa ste/ de mngon du bya bar ston pa dang/ 'dug du bcug pa dang/ me tog gis gtong ba dang/ mngon du dga' ba bstan pa'o/ /'grel pa las kyang 'dis byang chub thob par dka' bar bstan pa ste/ mdo dag las don rnam pa bcus byang chub kyi snying po la gnas par 'gyur zhes gsungs ste/ sa thams cad g.yo bar mdzad pa nas/ sems can thams cad bsdu bar mdzad nas gdong byang chub kyi snying po la bzhugs so/ /bdud btul ba yang sangs rgyas shAkya thub pa ni sngar mngon par byang chub ste/ phyis bdud btul zhes kyang 'byung/ mdo gzhan dag las sngar bdud btul te phyis mngon par byang chub ces kyang 'byung sangs rgyas byams pa ni nam rab tu byung ba'i nyin par byang chub kyi snying po la reg par 'gyur/ sangs rgyas shAkya thub pa ni lo drug gi bar du ni dka' ba spyad nas gzod sangs rgyas bcom ldan 'das 'di yang bskal ba bcu'i bar du gzhes shing chos mngon du gyur
- 306b
to zhes gsungs so/ /mdo las/ 'di ltar yang dge slong bcom ldan 'das de zhes pa nas seng ge'i khri chen po 'phang du dpag tshad brgya pa bshams zhes pa'i bar du ni bzhugs pa bstan te/ lta thams cad kyi bcom ldan 'das kyi gdan bshams zhes pa'i don to// mdo las/ bcom ldan 'das de byang chub kyi snying por bzhugs ma thag tu zhes pa nas bcom ldan 'das de la mngon par phab po zhes pa'i bar du ni bcom ldan 'das de la me tog gi phung po ri rab tsam spungs te mchod pa dang sbyar na/ longs spyod pa'i sku yin bar mngon no/ /mdo las/ rgyal chen bzhi yi ris kyi lha'i sras po zhes pa nas rgyun mi 'chad pa rab tu gsil to/ /zhes pa'i bar du ni/ rol mos dgyes pa bskyed cing mchod pa'o/ /mdo las/ de na dge slong rnams la zhes pa nas mngon par sangs rgyas so zhes pa'i bar du ni 'bras bu brnyes pa bstan to/ /mdo las/ de ltar mngon bar sangs rgyas ma thag tu zhes pa nas ye shes 'byung gnas zhes bya bar gyur to/ /zhes pa'i bar du ni 'di man chad chos kyi 'khor lo bskor ba ston te/ sngar mchod pa byas nas chos kyi 'khor lo bskor bar gsol ba dang/ phyis kyang de bzhin gshegs pas phyogs bcu'i lha dang tshangs pa la bshad par snang ba ste/ dang po la yang sngar rgyal bu bcu drug gis mchod de chos bshad par gsol pa dang/ phyis lha dang tshangs pas mchod de gsol ba'o/ /de yang gnyen rnams mngon du gyur pa dang/ mngon du ma gyur pa'o/ /chos bshad par gsol ba yang sngar bcom ldan 'das kyi drung du dong ba dang/ phyis bstod de mngon par gsol ba'o/ /bcom ldan 'das kyi gan du 'gro ba yang so so'i 'khor dang gnyen du bcas te dong ba bstan to/ /mdo las/ 'di ltar dge slong rnams rgyal bu gzhon nu bcu drug po de dag ces pa nas gan pa der dod ngo zhes pa'i bar du ni bcom ldan 'das kyi gan du chas pa bstan to/ /mdo las/ bcom ldan 'das 'di la bkur sti byas zhes pa nas/ khyod ni
- 307a
rab zhi zag pa med la gnas nas zhes pa'i bar du ni phyag 'tshal ba ni lus kyi phyag 'tshal ba dang/ ngag gis bstod de phyag 'tshal ba'o/ /bcom ldan 'das la bstod pa yang dgongs pa'i smon lam rdzogs pa'i sgo nas bstod pa dang/ sngon mdzad pa'i yon tan gyi sgo nas bstod pa'o/ /stan cig de la bzhugs te zhes pa ni rnam pa bcu ste/ 'khor los sgyur ba'i rgyal po'i tshul du bzhugs pa ste/ dge ba bcu la gnas pa dang/ rgyal po bzhi'i tshul tu zhugs pa ste/ 'jig rten pa thams cad kyis de bzhin gshegs pa'i chos spyod pa la rang dbang yod par mos pas gnas pa dang/ brgya byin gyi tshul du bzhugs pa ste/ sems can thams cad la dbang du gyur pas bzhugs pa dang/ tshangs pa'i tshul gyis bzhugs pa ste/ bdag dang gzhan gyis sems la dbang du gyur pas bzhugs pa dang/ seng ge bzhin zab mo ston pa la bsnyengs pa med pas bzhugs pa dang/ yang dag pa'i chos la bzhugs pa ste/ gzungs dang mthu ston par bzhed pas bzhugs pa dang/ shin tu bstan pa'i ting nge 'dzin du bzhugs ba ste/ byang chub chen po'i mdza' la bzhugs pa dang/ thugs rje chen po la gnas pas sems can thams cad dga' bskyed pa dang/ thugs rje chen po la bzhugs pa ste/ nyon mongs pa'i sdug bsngal thams cad bzod par bzhugs dang/ rdo rje la bzhugs pa ste/ bdud dang log par lta ba thams cad 'joms pas bzhugs pa'o/ /de la 'di ni shin tu bstan pa'i ting nge 'dzin dang rdo rje la bzhugs pa dang sbyar ro/ /zhi ba zhes pa ni sems zhi pa'o/ /mi yo ba ni lus mi g.yo ba'o/ /mdo las/ dge ba dang ni bde ba dga' pa dang zhes pas mi dbang seng ge bdag cag dge bar skyes zhes pa'i bar du ni bcom ldan 'das mngon par byang chub pas 'gro ba thams cad dga' ba skyes zhes pa'i don to/ /mdo las/ skye dgu 'di kun mgon med sdug bsngal ba zhes pa nas de na rgyal ba'i sgra
- 307b
yang thos pa med ces pa'i bar du ni sems can rnams sdig pa'i grogs po dang sten pa dang dge ba'i bshes gnyen dang phrad par ston to/ /sdug bsngal zhes pa ni sdug bsngal gyi bden pa'o/ /mi shes zhes pa ni lam gyi bden pa'o/ /mun nag/ ces pa ni kun 'byung gi bden pa'o/ /thar pa zhes pa ni 'gog pa'i bden pa ste/ de ma spangs de mngon du ma rgyas zhes pa'i don to/ /mdo las/ 'jig rten rigs pa khyod kyi dang thob pa zhes pa nas/ mgon po khyod la rab tu skyabs su mchi zhes pa'i bar du ni dge ba'i bshes gnyen dang phrad pa bstan pa'o/ /mdo las de ltar dge slong rnams zhes ba nas tshigs su bcad pa 'di skad gsol to zhes pa'i bar du ni chos kyi 'khor lo bskor bar gsol pa'o/ /phan pa zhes pa ni legs pa bstan pa'o/ /bde ba zhes pa ni sdug bsngal las gdon pa'i phyir chos bshad du gsol zhes pa'o/ /mdo las/ bsod nams rgyu yi mtshan can zhes pa nas 'jig rten rnams la shod cig ces pa'i bar du ni bcom ldan 'das la phyi nang gi yon tan thams cad tshang ba'i phyir chos bshad par gsol ba dang/ phan ba chen po thob pa dang/ de bzhin gshegs pa'i mkhyen pa bsgrags pa'i phyir chos bshad par gsol ba'o/ /mdo las/ bdag cag rnams dang zhes pa nas/ /sems can 'di rnams kyis ni thob par ro/ /zhes pa'i bar du ni phan pa chen po thob pa'i phyir chos bshad pa gsol ba'o/ /mdo las kun mkhyen pa ni zhes pa nas dam pa rab tu bskor zhes pa'i bar du ni de bzhin gshegs pa'i mkhyen pa bsgrags pa'i phyir gsol ba ste/ mos pa sna tshogs mkhyen pa dang/ lam sna tshogs mkhyen pa dang/ dbang po rab 'bring mkhyen pa dang/ sngon gyi gnas mkhyen pa la sogs te mkhyen pa 'di dag dang ldan zhes pa'o/ /mdo las/ de nas dge slong rnams zhes pa nas snang ba chen pos khyab par gyur to zhes pa'i bar du ni tshangs pa'i rgyal pos mchod de chos kyi 'khor lo bskor bar gsol pa'o/ /de'i tshe na sa g.yo ba dang/ 'od kyis
- 308a
snang bar byas pa'o/ /mdo las/ 'jig rten thams cad kyi bar gyi 'jig rten na zhes pa nas phan tshun du smra'o zhes pa'i bar du khor yug chen pos bskor pa'i ri grag gi phug na gnas pa'i sems can snang bar byas pa'o/ /mdo las/ 'jig rten gyi khams de thams cad dang zhes pa nas snang ba chen po byung bar gyur to/ zhes pa'i bar du tshangs pa'i gzhal med khang la sogs pa g.yo bar byas pa'o/ /mdo las/ de nas shar phyogs kyi 'jig rten gyi khams zhes pa nas tshigs su bcad de smras pa zhes pa'i bar du ni de dag chos nyan pa yang dang po 'od kyis bskul ba dang/ bcom ldan 'das kyi gan du phyin pa dang/ chos bshad par gsol ba dang/ cang mi gsung bas gnang bar shes pa ste/ bsam gtan la gnas pa'i lha thams cad lhags zhes pa'o// mdo las/ bdag cag thams cad de ring shin tu dga' zhes pa nas 'di ltar phyogs bcu kun tu deng dpal 'bar zhes pa'i bar du ni lha rnams kyis bstod de chos bshad par gsol ba'o/ /mdo las/ de nas dge slong rnams zhes pa nas/ nub phyogs su dong nas mthong ba zhes pa'i bar du ni 'od gang nas 'byung ba logs su tshol zhing dong ba bstan pa'o/ /mdo las/ de na dge slong rnams zhes pa nas gzhal med khang bcom ldan 'das de la phul zhes pa'i bar du ni lha'i gzhal med khang bzhes par gsol ba dang/ bcom ldan 'das cang? mi gsung bas gnang bar shes pa dang/ tshangs pa rnams gzengs bstod cing dge ba la bgod pa ste/ 'os 'os su sbyar ro/ /mdo las/ tshang med rgyal ba ngo mtshar gyur zhes pa nas/ 'jig rten rig pa ji ltar dgyes bzhin spyod ces pa'i bar du ni gzhal med khang dbul pa dang/ bstod de phyag 'tshal ba'o/ /mdo las/ de nas dge slong rnams tshangs pa chen po de dag ces pa nas de bzhin gshegs la gsol ba lags zhes pa'i bar du ni chos kyi 'khor lo bskor bar gsol ba'o/ mdo las?
- 308b
dge slong dag de nas tshangS pa chen ngo zhes pa nas de nas dge slong rnams bcom ldan 'das des tshangs ba de rnams la cang mi gsung bar de na bzhugs so zhes pa'i bar du ni chos bshad par snang ba'o/ /de nas yang dge slong rnams zhes pa nas phan tshun dong zhing smra'o zhes pa'i bar du ni/ tshangs pa rnams la bskul pa'o/ /de nas dag slong rnams zhes pa nas gdon mi za bar 'byung bar 'gyur zhes pa'i bar du ni lha rnams kyis gsol ba'o/ /de nas dge slong rnams tshangs pa bye ba khrag khrig ces pa nas bzhes su gsol zhes pa'i bar du ni chos bshad par gsol pa dang/ mchod par gsol ba'o/ /de nas dge slong rnams tshangs pa chen po de dag gis zhes pa nas phyag kyang 'tshal zhes pa'i bar du ni bstod de phyag 'tshal ba'o/ /mdo las/ ngo mtshar gyur pa rgyal ba 'jig rten du zhes pa nas rtag tu mnyam par gyur zhes pa'i bar du ni 'jig rten du gshegs pa bkod pa bstan pa'o/ /mdo las/ bskal pa khrag khrig brgyad cu zhes pa nas bsod nams kyis ni 'jig rten zhes pa'i bar du ni spyan du gyur pa dang skyabs su gyur pa bstan to/ /mdo las/ de nas dge slong rnams zhes pa nas dul zhing zhi la rab tu bde bar 'gyur zhes pa'i bar du ni de bzhin gshegs pa la bstod pa dang/ zhi zhing dul bas 'phags pa'i lam bsgrub pa bstan to/ /mdo las/ de nas dge slong rnams bcom ldan 'das zhes pa nas mi gsung bar bzhugs so zhes ba'i bar du ni snang bar stan to/ /mdo las/ de nas yang dge slong rnams zhes pa nas yang na 'dir ni sangs rgyas mngon par byung zhes pa'i bar du ni gong ma dang 'dra bar sbyar ro/ /chos bshad par gsol ba'o/ /mdo las/ de nas dge slong rnams 'jig rten gyi khams zhes pa nas bdag cag la ni brtse phyir yongs su spyod ces pa'i bar du ni/ bshad pa'i tshul gong ma dag dang 'dra bar sbyar ro/ /mdo las/ de nas dge slong rnams tshangs pa chen po de dag ces pa nas byang chub mchog la reg par ro zhes pa'i
- 309a
bar du ni lam 'di sdig can zhes pa ni khyim na gnas pa sdig spyod pa ma stegs can spyod pa ngan pa la gnas sdig spyod pa'o/ /bde ba'i 'du shes ni gnyen pos gnas pa ste/ sdug bsngal skad cig tsam zhi pa la bde bar sems pa la bde ba de nyid kyang stong zhes ba'o/ /mdo las de nas dge slong rnams tshangs pa chen po de dag gis zhes pa nas bskal pa bye ba stong du bsgrubs pa'o zhes pa'i bar du ni bstod de bshad par gsol pa'o/ /mdo las/ de nas dge slong rnams bcom ldan 'das mngon par shes pa chen po'i ye shes kyis zil gnon zhes pa nas rnam pa bcu gnyis su bskor ba zhes pa'i bar du ni de ltar chos bshad par gnang nas bshad do zhes pa dang/ gzhan gyis mi nus zhes pa dang/ bshad pa'i dus dang/ bshad pas phan pa thob pa dang bzhir dbye ste/ 'di ni dang po'o/ /chos kyi 'khor lo gsum du bzlas te zhes pa ni bdag gi don dang/ gzhan gyi don la 'di ni gzhan gyi dang sbyar ro// //sdug bsngal zhes pa ni sdug bsngal gyi bden pa ste/ mtshan nyid de bstan pa'i phyir chos kyi 'khor lo bskor ba'o/ /'khor lo'i don ni gong du bstan pa yin/ 'khor lo de bskor pas zag pa med pa'i ye shes skye bar 'gyur ba'i phyir bstan to/ lan gsum bzlas pa yang de gcig cing yang mtshan nyid bcu gsum dang ldan par ston pa'o/ /dge spyod dang tshangs pa gzhan gyis bskor mi nus kyis bcom ldan 'das thams cad mkhyen pa nya gcig gis zhes pa'o/ /mdo las/ 'di ltar te 'di ni sdug bsngal lo zhes pa nas 'gro ba sgrub pa'i bden pa'o zhes pa'i bar du ni chos gyi 'khor lo bskor pa yang bden pa bzhi la brten te bskor ba dang/ rten cing 'brel par? 'byung ba bcu gnyis la rten te bskor ba'o/ /sdug bsngal ni 'jig rten rnam gnyis kyi chos zag ba dang bcas pa thams cad do/ /kun 'byung ni sdug bsngal skye zhing
- 309b
'byung pa'i rgyu 'byin pa las dang nyon mongs pa'i rang bzhin can no/ /'gog pa ni yang dag pa dang brtags te 'gog ba dang/ mi g.yo ba dang/ 'dus ma byas 'gog pa'i bden pa ste/ yang dag pa'i lam gyis sdug bsngal mi sde bar gyur pa'o/ /'am ni zag pa med pa'i phung po lnga ste/ tshogs pa'i lam dang/ lhag bar spyod pa'i lam dang/ mthong ba'i lam dang/ bsgom pa'i lam dang/ mthar gyur pa'i lam te/ lam gyi 'khor rnams thams cad ni lam gyi bden pa'o/ /bden pa zhes pa ni 'phags pa rnams kyis chung pa'i chos pas 'phags pa'i bden pa'o/ /mdo las/ rten cing 'brel par 'byung ba zhes pa nas 'gag par 'gyur ro zhes pa'i bar du ni/ rten cing 'brel par 'byung ba lugs las bzlog pa bstan pa ste/ nyon mongs pa dang/ rnam par byang ba'i tshal ci rigs par sbyar ro/ /ma rig pa zhes pa ni nyon mongs pa mi shes pa'i rang bzhin can/ 'du byed ni lus dang ngag dang yid dang gsum gyi sgo nas dge ba dang mi dge ba 'jug pa'o/ /rnam par shes pa zhes pa ni rnam par smin pa'i rang bzhin can sa bon gyi bag chag su gnas pa'i rnam par shes pa'o/ /ming dang gzugs zhes pa ni de'i 'og ma'i rkyen gsum spangs pa thams cad ni ming dang gzugs so/ /skye mched drug ni rnam par smin pa'i dbang bo drug can no/ /reg pa ni rnam par smin pa'i reg pa myong ba nyid reg pa'o/ /tshong ba ni rnam pa gsum myong ba'o/ /sred pa ni phyi nad gi yul la che chung rnam pa gsum du zhes pa'o/ /len pa ni nyon mongs pa'i bdag nyid can gzung ba dang/ 'dzin pa'i chos kyi nyon mongs pa'i phung po len pa'o/ /srid pa ni rnam par smin pa'i 'bras bu 'khor ba len cing khams gsum du 'byung zhes pa'i don to/ /skye ba ni rgyus 'phags nas 'bras bu len pa'o/ /rgas ba ni 'bras bu'i mthar gyur pa'o/ /slos pa'i mya ngan zhes pa ni 'tshi khar yid kyi gdung ba'o/ /smre sngags 'don zhes pa na chig tu 'don pa'o/ /yid mi bde
- 310a
ba dang/ 'khrug pa nang gi gdung ba ste/ zhib tu chos mngon pa dang/ rnal 'byor spyod pa las 'byung ba bzhin du chos kyi 'khor lo bskor ba'o/ /mdo las/ de ltar dge slong rnams zhes pa nas bsam gtan byed par gyur to zhes pa'i bar du ni/ so so nas bde ba'i? thob pa bstan to/ /len pa zhes pa te chags pas te/ chos rnams la chags pa med pa nyid rnam par grol ba'o/ /mdo las de zhes yang mthar gyis zhes pa nas/ rnam par grol lo zhes pa'i bar du ni de'i 'og ma rnams kyang de bzhin du rnam par grol ba thob po zhes pa'o/ /mdo las/ de'i 'og tu dge slong pa rnams zhes pa nas grangs bgrangs pa las 'das par gyur pa'o/ /zhes pa'i bar du ni nyan thos pa rnams kyis 'khor bstan to/ /mdo las/ de nas dge slong rnams yang de'i tshe zhes ba nas byang chub 'dod pa zhes pa'i bar du ni rjes 'tsho zhing ches ston pa ste/ rgyal bu bcu drug gi yon tan ni 'khor ba'i dra ba spyod pas rab tu byung ba chos thos pas dbang po rno ba/ rang bzhin gsal bas shes rab rno ba/ sngon de bzhin gshegs pa la bsnyen bkur byas pas dge ba'i bshes gnyen dang phrad pa/ tshul khrims gtsong pas 'bras bu chen po la re ba'o/ /mdo las/ de na dge slong rnams dge sbyod de dag gi zhes pa nas bdag cag gi bsam pa yang mkhyen te zhes pa'i bar du ni sngar nyan thos pa rnams de dang mthun pa'i chos bshad/ byang chub sems dpa' i rigs can rnams la thag pa chen po bshad bu gsol zhes pa'o/ /mdo las/ de nas de dag dge slong rnams de'i tshe na zhes pa nas rab tu byung bar gyur to/ /zhes pa'i bar du ni de dang mthun pa'i 'khor rnams rab tu byung ba'o/ /mdo las/ de nas dge slong rnams zhes pa nas de dag thams cad la rgyas par bshad do zhes ba'i bar du 'dis ni sems can gyi dbang po smin pa'i phyir bskol pa stong phrag nyi shu'i 'og tu
- 310b
bshad pa'i dus la bab pa dang/ bshad par bya ba'i chos gang yin pa bstan pa'o/ /mdo las de nas yang dge slong rnams zhes pa nas khong du chud do zhes pa'i bar du ni dge slong rnams kyis chud pa bstan te/ /mdo las/ de nas dge slong rnams zhes pa nas the tshom za ba thob par gyur to zhes pa'i bar du ni 'dis dbang po rim pa ston te/ dbang po rnon po dang bar mas rnam par grol ba thob pa dang dbang po tha ma the? tshom du gyur pa ste/ chos 'di go dka' bas ston te/ /mdo las/ de nas dge slob rnams bcom ldan 'das zhes pa nas gtsug lag khang du zhugs sa zhes pa'i bar du ni sras kyi rnams dbang po smin cing sems can sgrol nus par bstan pa'i phyir bcom ldan 'das ting nge 'dzin du zhugs pa bstan pa'o/ /mdo las/ de nas dge slong rnams dge sbyong de dag gi zhes pa nas rgyas par bshad do zhes pa'i bar du ni sras rnams chos ston pas 'gro ba rnams kyi bde ba rnyed pa bstan pa'o/ /mdo las/ byang chub sems dpa' re res kyang zhes pa nas yongs su smin par byas so zhes ba'i bar du ni bden pa'i don bstan pa dang mos pa rnyed pa rnamS spro bar byas pa dang/ nyams kyi dgos pa rnams gzeng stod de dga' bar byas pa dang/ 'bad pa rnams bstod cing byed du gzhugs pa zhes pa'o/ /mdo las/ de nas dge slong rnams zhes pa nas stong mang po la chos ston ngo/ /zhes pa'i bar du ni dge sbyong bcu drug po de dag la bstod pa dad lung ston pa ste/ bstod pa yang ngo mtshar du gyur pa dang/ dbang po rno ba dang rig pa dang ldan pa dang/ 'phags pa rnams la bsnyen bkur byas pa dang/ dka' ba spyod pa dang/ de bzhin gshegs pa'i ye shes 'dzin pa dang/ sems can rnamS la chos ston pa'o/ /mang las/ 'di lta ste dge slong rnams zhes pa nas sangs rgyas so zhes pa'i bar du ni sangs rgyas de dag ni nyon mongs pas mi bskul ba der yon tan 'phags pa dang/ seng ge bzhin sgra mi 'jigs pa sgrogs pa dang/ bdud kyi dpung
- 311a
'joms pa la btags so/ /mdo las/ lho phyogs na zhes pa nas sangs rgyas so zhes pa'i bar du ni sangs rgyas kyi mtshan de dang de dag nyon mongs pa 'joms pa dang/ yon tan gyi mtshan nyid la gnas pa dang/ bdag? dang gzhan gyi don mdzad pa las btags pa las shes par bya'o/ /mi mdzad ces pa ni 'jig rten gyi khams de sdug bsngal sna tshogs spyod pa la ji mi snyam pa'i phyir mi mdzad pa ste/ shAkya thub pa'i sangs rgyas kyi zhing po/ /mdo las/ dge slong rnams zhes pa nas ye shes de la mos bar dka' o zhes pa'i bar du ni mdo sde 'di la 'jug par dka' ba'i phyir sngar drang ba'i don bstan/ phyis nges pa'i don bstan cing mos pa skyes pa'o/ /mdo las/ de ci'i phyir zhe na zhes pa nas dge slong rnams byang chub sems dpar gyur to zhes pa'i bar du ni bsdus pa'o/ /mdo las/ da mya ngan las 'das nas zhes pa nas mya ngan la 'da' bar 'gyur ro zhes pa'i bar du ni 'phags pa nyan thos pa rnams mthar bla na med pa'i sangs rgyas su grub par 'gyur ro zhes pa sangs rgyas bzhugs te dge ba'i bshes gnyen gyi bla na med pa'i gnas su bsgrub pa ma bzhugs na ni de ltar yang rung na/ sangs rgyas mi bzhugs pa'i khams su nyan thos la sogs pa'i rigs su sems bskyed pa rnams byang chub sems dpa' spyod pa rgya chen po ma thos pa'i rnams thal byung nyan thos pa'i rigs su ltung zhing lhag ma ma lus ba'i mya ngan las 'das par mi 'jug gam zhes pa'i dogs pa bsal ba'i phyir 'di smras pa ste/ de la yang dang po gleng ba dang/ de yang sangs rgyas su grub pa dang/ de grub pa'i gtan tshigs te 'di ni dang po'o/ /mdo las yang dge slong rnams 'jig rten gyi khams gzhan du gzhes pa nas ye shes tshol zhing skye'o zhes pa'i bar du ni de sangs rgyas su 'grub pa bstan te/ bcom ldan 'das khams 'dir mya ngan las 'das pa ston kyang yul
- 311b
khams gzhan du sems can gyi don mdzad par nyan thos rnams kyang der skye ba dang/ der skye ba yang nyan thos kyi bskal pa smin pa dang/ de bzhin gshegs pa'i thugs rjes kyang bskyabs te/ der skye bas sangs rgyas su lung ston to/ /mdo las/ de nas yang de bzhin gshegs pa nas yin par rigs par bya zhes pa'i bar du ni de 'grub ba'i gtan tshigs bstan te/ theg pa de gnyis kyang mthar theg pa chen por 'du ste/ mya ngan las 'das par 'gyur gyis logs shig na mya ngan las 'das pa med de/ gnyis dang gsum bstan pa yang sems can gyi dbang po mi mthun pa las thabs kyis bshad par zad kyis nges par gnyis dang gsum du med do/ /mya ngan las 'das pa chen po'o mdo las kyang/ mya ngan las 'das pa ni ji lta bu/ mya ngan las 'das pa chen po ni ji lta bu zhes dris pa dang/ nyan thos dang rang sangs rgyas bskal pa brgyad khri'am/ drug khri'am/ bzhi khri 'am/ nyi khri'am/ khri gcig gi bar du bzhugs pa'i gnas de ni mya ngan las 'das pa'o/ /'phags pa chos kyi rgyal pa'i gnas de ni mya ngan las 'das pa chen po zhes gsungs so/ /dam ba'i chos puN+Da ri ka'i 'grel pa// //bam po brgyad pa/ mdo las dge slong rnams gang gi tshe na zhes pa nas bsam gtan chen po dang ldan ba gzigs na zhes pa'i bar du ni rnam pa gsum du dbye ste/ don dang/ dpe dang/ bsdu pa'o/ /dang po la yang rnam pa gnyis te/ sngar ni nges pa'i don bstan phyis ni drang ba'i don bstan/ yang spyir rnam pa gnyis te/ dbang po smin pa'i dus dang/ theg pa gcig du bshad pa'o/ /dbang po smin pa yang mya ngan las 'das pa'i dus su bstan pa dang/ nyon mongs pa zad cing rnam par byang ba bstan pa dang/ theg pa rnam pa gsum nyon mongs pa las 'byung bar bstan pa dang/ stong pa nyid rtogs pa dang/ ting nge 'dzin la mnyam par 'jog pa ste/ ting nge 'dzin ni bsam gtan bzhi dang/ dgu las ldang ba dang/ 'jug pa bstan to//
- 312a
mdo las/ dge slong rnams de bzhin gshegs pa zhes ba nas gsum du lta ci smos zhes pa'i bar du ni theg pa gcig po'i don bstan te/ dgongs pa nges par 'grel pa las ni theg pa rnam bzhir bstan pa ni nges pa'i don te/ theg pa gcig bu ston pa ni bkri pa'i don zhes ston te/ 'di ni byang chub kyi sems las log pa rnams bzlog pa'i don ston pas 'dir theg pa gcig pur 'di nges pa'i don du ston to/ /mdo las/ dge slong rnams 'di ni zhes pa nas mya ngan las 'das pa 'chad do zhes pa'i bar du ni 'di dran pa'i don gyi gtan tshigs bstan te/ sems can dad pa mi mthun pa rnams so so'i yid dang mthun par thabs kyi chos te/ sems can dbang po zhen pa 'dod pa rnam lnga las bzlog pa'i don tsam du 'khor ba las bzlog pa bstan/ de las bzla ba'i phyir theg pa gcig po rin po che'i 'byung gnas su 'dzud do/ /mdo las/ 'di lta ste dge slong rnams dpe las zhes pa nas lhag par gyur to zhes pa'i bar du ni dpe 'dis ni sngar drang pa'i don gyi dpe bstan phyis ni nges pa'i don gyi dpe ston te/ de drang ba'i don la yang dpe/ rnam pa bzhi ste/ mya ngan dgon pa las bsgral ba'i dpe dang/ 'khor rnams sems nur ba'i dpe dang/ tshod dpon thabs mang po ston pa'i dpe dang/ gling du lta ba ston pa'i dpe ste/ 'di ni dang po'i dpag tshad lnga brgya zhes pa ni 'gro ba rnam lngar 'khor ba'o/ /rin po che'i gling zhes pa ni mya ngan las 'das pa'i gling ngo/ /mdo las/ de dag la mya ngan las 'don pa'i mtshan ma gcig po zhes pa nas de dag sgrol lo zhes pa'i bar du mtshan ma zhes ba ni sangs rgyas bcom ldan 'das nas de'i yon tan yang lnga'o/ /gsal pa zhes pa'i dbang po rno ba'o/ /mkhas pa zhes ba ni dge don 'byed pa'o/ /rig pa zhes pa ni don dam pa dang kun rdzob rig pa'o/ /dge ba zhes pa ni yon tan thams cad dang
- 312b
ldan pa'o/ /lam la sgrol ba ni 'gro ba rnam lnga las sgrol ba'o/ /mdo las/ de dag 'bro ba mang po zhes pa nas slar ldog go zhes pa'i bar du ni 'dis/ ldog pa'i dpe bstan ste/ theg pa chen po'i sgrub pa bskal pa drug cu'i bar du dka' ba spyod pa byang chub sems pa spyod pas dub pa dang/ 'phags pa'i spyod pas skrag cing 'bras bu chung du la gzhol bar sems pa'o/ /mdo las de nas dge slong rnams zhes pa nas grong khyer mngon par sprul zhes ba'i bar du ni sprul pa'i grong khyer bstan pa'i dpe ste/ de la yang sems su gzhug pa dang/ grong khyer bstan pa dang/ der 'jog pa dang/ grong khyer de'i yon tan bstan pa dang bzhi ste/ 'di ni dang po'i gnyis pa dang sbyar ro/ /theg pa chen po sdus pa las kyang ji ltar lha'i rnga ched du bsam pa med pa 'bad pa med par sgra 'byung ba bzhin de bzhin gsheD pa'i thugs rjes sems can rnams la nyin lan gsum mtshan lan gsum gzigs pa yang lhun gyis grub pa'i dbang gis dgongs zhes pa'i don to/ /dpag tshad brgya 'am nyis brgya zhes pa ni 'khor ba'i gnas pa dang/ sdug bsngal ba'i sa ci rigs par sbyar ro/ /grong khyer zhes ba ni bsam gtan dang ting nge 'dzin gyi grong khyer te/ theg pa chen po'i mya ngan las 'das pa nyid dang sbyar ro/ /mdo las/ des skyes bu de dag la zhes pa nas rin po che'i gling der dong ngo zhes pa'i bar du ni der gnas pa dang/ 'jigs pa med pa dang/ grong khyer dang zhugs pa'i yon tan bstan to/ /der 'jug pa'i yon tan yang bde ba thob pa dang/ sdug bsngal zhi bar gyur pa'o/ /mdo las de nas dge slong rnams zhes pa nas bsil bar 'du shes so zhes pa'i bar du ni dub pa rnams bsti pa'i dpe bstan pa ste/ de la yang rnam pa gnyis so/ /sngar slob pa rnams sems bsdu zhing brtson pa bskyed pa dang/ phyis mi slob ba rnams rnam par grol ba'i lam la gzung cing lhag ma dang bcas pa'i mya ngan las 'das par 'gyur ba'i 'chi 'pho las ma bral ba'i phyir grong khyer zhugs
- 313a
pa'i bsam pa bskyed pa dang/ mi slob pa'i sa thob pa 'god pa dang/ lam gyi mthar phyin bdag kyang rgal ba dang bsil ba'i 'du shes bskyed pa'o/ /mdo las mtshan mngal sos bar shes nas zhes pa nas khyed 'dod do zhes pa'i bar du ni dpe rnam pa gnyis la 'di ni nges pa'i don bstan te/ sngar ni sprul pa bstan/ phyis ni yang dag pa bstan te/ sprul ba'i grong khyer zhes pa ni theg pa rnam gnyis kyi gnas de bsti ba'i gnas dang/ 'dra bar bstan pa'i yin gyi theg pa chen po rin po che'i 'byung gnas de nas nye zhes par dpe smras pa yin no/ /mdo las/ de bzhin du dge slong rnams zhes pa nas spang bar bya'o zhes pa'i bar du ni don phyi ma dang sbyar ba ste/ sngar ni drang ba dang sbyar phyis ni nges pa dang sbyar te/ 'khor ba dang sdug bsngal las brgal ba dang spangs pa'o/ /mdo las/ de nas sems can 'di dag ces pa nas mi rung gi zhes pa'i bar du ni 'dis ni byang chub sems dpa' spyod pa dka' bal sems zhum pa bstan pa'o/ /mdo las/ de bzhin gshegs pas zhes pa nas sa gnyis bstan to zhes pa'i bar du ni dpe dang don du sbyar ba te/ sa gnyis zhes pa ni dbang po gnyis kyis bslab par bya ba dang/ ye shes gnyis pas chud par bya ba'i sa'o/ /mdo las/ dge slong rnams gang gis dus na zhes pa nas thabs mkhas pa'o zhes pa'i bar du ni dpe 'og mas nges ba'i don dang sbyar ba ste/ bya ba ma byas zhes pa ni skye ba'i lhag ma lus pa'o/ gang skye ba'i lhag ma lus pa ni tshangs par spyod pa ma spyad pa mthar ma phyin pa dang sbyar ro/ /bltos shing rtogs shig pa ni sdug bsngal dang kun 'byung gi ye shes la 'jug pa'o/ /mdo las de nas bcom ldan 'das kyis zhes pa nas rgyal ba de la mchod cing bkur sti byed ces pa'i bar du ni 'di man chad tshigs su bcad pa bzhi bcu rtsa dgu las sum cu rtsa phyed dang gcig gis ni sngon gyi rgyu bstan/ de'i 'og ma rnams kyis ni da ltar gyi 'bras bu bstan do/?
- 313b
mdo las/ de nas rgyal bas sdug bsngal ba zhes pa nas/ tshangs pa ? zhal med khang rnams rab tu bskyed ces pa'i bar du ni chos bshad par gsol ba ste/ ci rigs par sbyar ro/ /mdo las/ shar phyogs su bye ba stong phrag ni zhes pa nas mi'i 'chi dag de yang shes par bya zhes pa'i bar du ni chos bshad par gsol ba dang/ yang dag par ston pa 'chad pa dang/ sems can rnams kyis phan pa thob pa'o/ /mdo las/ de'i chos rnams bshad ma thag tu ni zhes pa nas de dag mthar mi phyin zhes pa'i bar du ni sems can gyi phan pa thob pa bstan to/ /mdo las/ rgyal bu bcu drug de dag kyang zhes pa nas ji ltar dpa' o spyan gtsang khyod bzhin du zhes pa'i bar du ni chos kyi sras kyi rgyud bsab pa bstan te/ mdo las/ 'byung ba bzhin du go bar gyis shig/ mdo las/ rgyal ba des ni de dag bas mkhyen nas zhes pa nas dge slong rnams 'dis 'jigs par mkhyed cig ces pa'i bar du ni tshig ltug pa dag dang sbyar zhing go bar gyis shig/ mdo las/ ji ltar dgon pa ma rungs 'jig par gyur zhes pa nas dgon pa mya ngan rab tu 'jigs pa zhes pa'i bar du ni 'di man chad tshigs bcad bcu dgus 'bras bu thob dang/ bkri ba'i don spangs shing nges pa'i don las 'jug pa bstan to/ gcan zan 'jigs pa las sgrol ba ni nyon mongs pa'i las sna tshogs so/ /chu zhes bya ba ni de bzhin gshegs pa'i bstan pas dbugs 'byin zhes pa'o/ /mdo las/ srog chags bye ba stong po dag skyo'o zhes pa nas ldog par dga' zhes pa'i bar du ni ldog pa'i dpe bstan to/ /mdo las/ de na mkhas shing rtog pa de yin zhes pa nas phyir ldog pa zhes pa'i bar du ni sbrul pa'i grong khyer shom pa'i dpe'o/ /mdo las/ 'di ltar nga yi rdzu 'phrul stobs kyis dang zhes pa nas/ skyes pa bud med mtshungs med ldan zhes pa'i bar du ni grong khyer mngon par sbrul pa nyid bstan te/ grong khyer zhes pa ni mya ngan las 'das pa'i grong khyer ro/ /khang pa zhes pa ni stong pa
- 314a
nyid kyi mdza' ste/ mdo ngag las kyang don dam pa'i stong pa nyid ni bdag byang chub kyi yan lag ni me tog gi rgyan gzung ni skyed mos kyi rab chos chen po ni chos/ bsam gtan dgu ni chu'o/ /rnam par thar la brgyad ni rdzing bu/ rnam par thad pa gsun ni sgo khang/ mtho ba dang mdzes par brgyan pa ni mu stegs can las 'phags pa'i dpe yang dag pa/ bden pa'i chos ni stong pa nyid kyi ye shes snying rje chen po ni bu mor blta'o/ /mdo las/ sprul pa byas nas de la 'di skad smra zhes pa nas zhugs te don rnams rab tu myur ba byos zhes pa'i bar du ni 'jug par gzhen gdab pa'o/ /mdo las/ mya ngan 'das shing sems ni dga' bar byos zhes pa nas/ de nas de dag thams cad mthar 'gro ba zhes pa'i bar du ni dub pa bsti pa'i dpe bstan to/ /mdo las/ thams cad ngal ba sos pa'i tshul rig nas zhes pa nas/ gling du 'gro ba'i phyir ni brtson 'grus skyed ces pa'i bar du ni nges pa'i don ston pa'i dpe'o/ /mdo las/ dge slong de bzhin da yang 'dren pa ste/ zhes pa nas khyed cag bya ba byas zhes pa'i bar du ni 'di man chad dpe dang don du sbyar ba dang/ bkri ba'i don dang nges pa'i don ston te/ 'di ni dang po'o/ /mod los/ dus su nam zhig gnas 'dir 'dug pa yi zhes pa nas chos 'di ji bzhin yang dag don bshad do zhes pa'i bar du ni yang dag par ston pa'i gleng pa'o/ /mang las/ drang srong chen po theg pa gsum bstan pa zhes pa nas/ sangs rgyas gyur nas mya ngan 'das pa yin zhes pa'i bar du ni drang pa'i don 'or? pa/ nges pa'i don la zhugs zhes par bstan pa'o/ /mdo las 'dren pa rnams kyis bstan pa 'di 'dra'o/ /zhes pa nas thams cad mkhyen pa'i ye shes thob par byed ces pa'i bar du ni bsdus pa bstan to// //'di man chad dge slong lnga brgya lung bstan pa'i le'u ste/ /gtan tshigs dang/ ming dang/ dris pa'i lan dang gsum du dbye'o/ /le'u 'di'i ming
- 314b
gdags pa'i gtan tshigs kyang rnam pa bzhi ste/ dbang po'i rim pa bzhin du lung ston pas dbang po rnon po rnams lung ston pa'i 'og tu lung ston pa 'di 'byung ba dang/ lhag pa'i nga rgyal can bsam gtan spyod pa med pa dag sems g.yeng ba bsdu pa'i don theg pa chen po'i dge ba'i rtsa ba yod par mi shes pa'i dper lus la rin po che thogs pa'i dpe bstan te/ ting nge 'dzin dang theg pa chen pos gzhug pa'i phyir le'u 'di ston pa dang/ bla na med pa bcu las shes par bya ba bla na med pa bstan pa'i phyir theg pa chen po'i dge ba'i rtsa ba yod pa bstan pa'i phyir le'u 'di bstan pa dang/ lung ston pa rnam pa drug las nyam pa las dgongs te lung ston pa nyid bstan pa'i phyir le'u 'di bshad pa'o/ /lnga brgya ni grangs so/ /dge slong zhes pa ni dngos po'o/ /lung bstan zhes pa ni don de las mang du btags pa'o/ /le'u 'di'i nang nas rin po che'i lus la thogs pa'i dpes don ston na ming de las mi gdags par ci'i phyir lung bstan pa'i phyir le'u zhes gdags zhes dris pa dang de ni dbang po smin pa sems skyes pa rnams sngar lung bstan te/ de'i 'og tu dpe sten pa'i phyir ming der btags kyang nyes pa med do/ /yang 'khor der dge slong stong nyis brgya lung bstan pa thob na 'dir lnga brgya nyi tsher smos pa ci'i phyir dris pa dang/ dge slong de rnams 'khor de nyid na 'dug gi gzhan don? mi 'dug pas mngon du gyur pa rnams lung bstan pa dang/ stong nyis brgya ni spyir lung bstan gyi/ 'di ni phye ste lung bstan pa'i phyir zhes kyang 'chad do/ /mdo las/ de nas chi dang ldan pa gad po mai ti'i bu zhes pa nas 'di dag thos nas zhes pa'i bar ni bcom ldan 'das la dad po gus pa bstan pa dang/ de'i 'og tu bka' dam pa mnos pa ste /de'i dad po la yang gus pa'i tshul dang/ mnos pa'i don no/ /mnos ba'i don yang nges pa'i don dang/ drang ba'i don no/ /bcom ldan 'das kyi che ba nyid ces pa ni/ chos ston par dgongs pa'i ltas 'od kyis khyab par mdzad pa dang/ sa g.yo ba dang me tog 'bul bas 'khor gyi
- 315a
rnams bskul ba dang gzed bstod pa la sogs pa mdzad pa'o/ /mdo las/ ngo mtshar du gyur zhes pa nas zhabs la phyag 'tshal nas zhes pa'i bar du ni bcom ldan 'das la gus pa'i tshul bstan to/ /mdo las/ ngo mtshar to bcom ldan 'das zhes pa nas mig mi 'dzums par blta'o/ /zhes pa'i bar du ni 'dis sems kyi bsam pa mkhyen pa ston te/ /sngar ni de bzhin gshegs pa'i yon tan bsam gyis mi khyab pa bstan/ de'i 'og tu ni sems kyi rnam pa ci dang cir dgrol ba mkhyen gzigs pa ston pa de yang sangs rgyas nyag cig gis mkhyen gyi/ gzhan gyis ni mi nus so zhes bar sbyar ro/ /mdo las/ de nas bcom ldan 'das kyis zhes pa nas mai tri'i bu ltos shig ces pa'i bar du ni bcom ldan 'das kyis dris pa bstan te/ mngon du gyur ba 'di ltos shig ces bstan to/ /mdo las?/ 'di ni ngas dge slong gi zhes pa nas mang pos bstod de zhes pa'i bar du ni da ltar gyi yon tan ston te/ yon tan de yang sngar ni yon tan gyi spyi bstan/ de'i 'og tu ni yon tan gyi khyad par ston to/ /mdo las/ rnam pa mang pos da'i bstan pa 'di la zhes pa nas gzhan gyis mthar phyin par mi nus so zhes pa'i bar du 'dis ni yon tan gyi khyad par bstan to/ /mdo las/ dge slong rnams 'di yid la ji snyam du sems zhes pa nas sangs rgyas bdun po de dag gi tha ma ni nga yin te de dag gi yang chos 'chad pa'i mchog tu gyur to/ /zhes pa'i bar du ni yon tan gyi khyad par de dag la yang de bzhin gshegs pa'i bstan pa 'dzin pa dang/ 'khor dga' zhing phan pa skyed pa dang/ de bzhin gshegs pa'i chos sgrogs pa la mkhas pa dang/ tshangs par tshungs pa spyod pa rnams la phan gtags pa dang/ spobs pa khyad par can du gyur ba'o/ /stong pa nyid kyi 'gros su zhes pa ni dge ba'i blo gros kyi sa la gnas pa ste/ the tshom thams cad spangs pa'o/ /yongs su smin par byas so zhes pa ni chos kyi sprin?
- 315b
gyis la gnas pas sems can mang po la phan thogs zhes pa'o/ /sangs rgyas kyi zhing yongs su dag par byed pa ni/ lhag ma ma lus pa'i mya ngan las 'da' ba rnams byang chub du sems bskyed de/ theg pa chen po la bkod pas bla na med pa'i byang chub tu bsgyur to/ /byang chub tu bsgyur ba de nyid gzhan gyi don byed pa ste/ sangs rgyas kyis mdzad pa nges zhing rgyan zhes pa'o/ /mdo las/ dge slong rnams bskal pa bzang po 'di la zhes pa nas yongs su smin par byed do zhes pa'i bar du ni de bzhin gshegs pa'i chos 'dzin pa dang/ byang chub sems pa'i spyod pa bstan pa'o/ /mdo las/ rtag tu rgyun mi gcod do zhes pa nas sangs rgyas bcom ldan 'das te zhes pa'i bar du ni sems can gyi don byed pa dang/ byang chub sems dpa' i spyod pa'i lam bstan pa dang/ dngos po 'bras bu mtshon te lung bstan pa'o/ /mdo las/ sangs rgyas kyi zhing 'dir zhes pa nas yongs su gang bar 'gyur ro zhes pa'i bar du ni de bzhin gshegs pa'i zhing gi rgyan ston te/ rgyan de yang rin po che las byas pa dang mnyam pa zhes par bsdu'o/ /mdo las/ lha'i gzhal med khang dang zhes pa nas bud med kyang med de zhes pa'i bar du ni de na dge ba 'ba' zhig ces pa'i don te/ lha dang nye ba gcig gis mthong ba/ ngan song gsum med pa/ 'dod chags kyi gzhi med pas sdus te skye ba sha stag go'i bar sbyar ro/ /mdo las/ brdzun te skye ba tshangs par spyhod pa zhes pa nas lus brgyan par 'gyur ro zhes pa'i bar du ni lha dang mi'i mtshan nyid ni rdzu 'phrul dang ldan pa/ lus 'od can nam mkha' la 'gro ba/ yid brtan pa/ brtson 'grus dang ldan pa/ shes rab can mtshan dang ldan pa zhes dbye'o/ /mdo las/ dge slong rnams yang de'i dus na zhes pa nas bsam gtan gyi dga' ba'i zas so zhes pa'i bar du lus cis gzung ba'i don ston te/ mdo dag las zas rnam pa bzhi dang dgu dag tu gsungs pa spyir rnam pa gnyis te/ 'jig rten dang 'jig rten las 'das pa'i zas sam//
- 316a
zag pa dang bcas pa dang/ zag pa med pa'i zas so/ /'jig rten gyi zas ni kham gyi zas dang/ reg pa'i zas dang/ sems pa'i zas dang/ rnam par shes pa'i zas so/ /'jig rten las 'das pa'i zas ni bsam gten gyi thas? dang/ smon lam gyi zas dang/ /dran pa'i zas dang/ rnam par thar pa brgyad kyi zas dang/ dga' ba'i zas te/ zas de lnga las gtsor smos pa 'di gnyis kyi tshe 'dis 'dzin pa'i don to/ /mdo las de'i byang chub sems dpa' zhes pa nas/ bsam gtan pa sha stag go zhes pa'i bar du 'di ni byang chub sems dpa' nyan thos rnams kyi 'khor te/ yon tan gsum gsum dang ldan pa sha stag dang sbyar ro/ /mdo las/ sangs rgyas kyi zhing de de lta bur tshad med pa'i yon tan dang ldan bar 'gyur ro zhes pa nas ji ltar byang chub spyod pa 'di spyad pa zhes pa'i bar du ni sangs rgyas kyi zhing gi rgyan gyi don du bsdus pa'o/ /bskal pa ni zhes pa nas/ yang ston pa 'di skad gsung ngo zhes pa'i bar du ni bskal pa dang zhing dang/ sku tshe'i tshad dang mchod rten bstan pa'o/ mdo las/ dge slong don 'di ngal ston zhes pa nas byang chub sems dpa' mang po smin par byed ces pa'i don du ni tshigs bcad nyi shu rtsa phyed dang gnyis su dbye ste/ dang po'i tshig bcu gnyis kyis ni de bzhin gshegs pas glengs pa/ tshig dgus ni mngon du lung bstan ba/ tshig gong ma la yang rnam pa gnyis te/ tshig bdun gyis ni da ltar gyi yon tan bstan/ tshig lngas ni phyi ma'i yon tan bstan pa'o/ /mdo las/ 'di skad smras pa bdag cag nyan thos zhes pa nas sems can lta la chags pa rig pas na zhes pa'i bar du ni nyan thos ba'i gnas de bzhin gshegs pa'i sa las ring ba dang/ sems can gyi don byed pa chung ba dang gnas dang zhing chung du na dag par ston pa bstan pa'o/ /mdo las/ de'i lta ba rnams la nye bar gnas zhes pa nas/ mi mkhas mi rnams shin tu myos par 'gyur zhes pa'i
- 316b
bar du ni bsdus pa'o/ /mdo las/ de yi spyod pa thams cad rab bstan pa zhes pa nas mang du thos shing 'jigs med sna tshogs 'chad ces pa'i bar du 'di ni 'das pa'i dus kyi yon tan bcu smos pa la tshig lhug pa las ma byung ba chos smra ba khyad par du 'phags ba/ mang du thos pa/ shes rab dang ldan pa 'dir smos so/ /mdo las/ rtag tu mi sgyo yang dag dga' bar byed ces pa nas bdag gi zhing mchog rnam par dga par byed ces pa'i bar du 'dis don rnam pa bdun pa zhig ston te/ ston mkhas pa mngon par shes pa dang ldan pa/ yang dag par rig pa brnyes pa dbang po rig pa chos kyi mchog ston pa/ phan pa chen po byed pa/ sangs rgyas kyi zhing dag par byed pa'o/ /mdo las/ ma 'ongs pa'i dus na de bzhin du zhes pa nas/ rtag tu 'dzin par 'gyur ro zhes pa'i bar du ni 'dis lung bstan pa ste/ sngar mig gnyis kyis ni rgyu bstan/ tshig bdun gyis ni 'bras bu bstan te/ sangs rgyas rnams la mchod pa dang/ chos ston pa dang/ sangs rgyas kyi zhing dag par byed pa dang/ sems can la phan 'dogs pa'o/ /mdo las/ 'jig rten du ni rang byung sangs rgyas gyur zhes pa nas ngan song dang ni ngan 'gros 'jigs pa med ces pa'i bar du ni 'bras bu bstan te de yang de'i rang bzhin dang/ de'i zhing dang de'i bskal pa'i ming dang/ zhing gi rgyan dang/ byang chub sems dpa' i 'khor rnams te/ gong du bshad pa rnams dang 'dra bar sbyar ro/ /mdo las de 'dra ba yi dam pa'i zhing du 'gyur zhes pa nas 'di ni cung zad tsam zhig bshad pa yin zhes pa'i bar du ni byang chub sems dpa' sa brgyad yan chad nas rdzogs longs spyod pa'i sa ba'i bar du ni yin par sbyar ro/ /mdo las/ de ni dbang du gyur pa zhes pa nas rmad du 'gyur ro zhes pa'i bar du ni 'di man chad dge slong lnga brgya lung bstan pa ste/ sems kyi re ba dang/ bcom ldan 'das kyis gnad ba dang/ mngon du lung bstan pa dang/ rjes su 'dzin pa'o/ /de nas bcom ldan 'das kyis zhes pa nas/ lung bstan to zhes pa'i bar du ni bcom
- 317a
ldan 'das kyi gnang ba dang sbyar ro/ /mdo las/ de la 'od srungs chen po zhes pa nas sangs rgyas bcom ldan 'das te zhes pa'i bar du ni mngon du lung bstan pa ste/ de yang tshig rkyang pa dang tshigs su bcad par dbye'o/ /mdo las/ 'od srungs de ni zhes pa nas dbang du gyur pa lnga brgya'o zhes pa'i bar du ni dge slong lnga brgya lung bstan pa ste/ de la kha cig na re lnga brgya po 'di stong nyis brgya'i grangs su gtogs zhes kyang zer/ logs shig tu ston pa yang yod do/ /mdo las/ de nas bcom ldan 'das kyis de'i tshe zhes pa nas/ byang chub dam par chog kyang ston par 'gyur zhes pa'i bar du ni mngon du lung bstan pa ste de la dang po'i tshig drug gis ni 'phags pa cang shes kyi phyir glangs/ de'i 'og mas ni gzhan gleng ste 'di ni dang po ring bzhin bstan pa'o/ /mdo las/ byang chub sems dpa' brtson pa rnams zhes pa nas lha dang mi rnams sdug cing bsam par 'os zhes pa'i bar du ni zhing dang/ 'khor dang/ tshe'i ched bstan pa'o/ /mdo las rgyal pa de dang mi mthun 'gyur ba ni zhes pa nas ji ltar 'jig rten thams cad ngas bstan bzhin zhes pa'i bar du ni dge slong lnga brgya lung bstan pa'i rang bzhin dang bsdus pa bstan pa'o/ /mdo las/ de ltar de dag 'od srungs khyod kyis deng zhes pa nas de bzhin bsgo'o zhes pa'i bar du ni 'khor 'dir ma 'dus pa rnams brgyud de lung bstan pa'o/ /mdo las/ de nas dgra bcom pa lnga brgya po de dag ces pa nas nyes pa de dag bdag cag gi bshags so zhes ba'i bar du ni dga' po'i sems kyis bka' yang dag pa mnos pa dang sngar sems zhum pa gnod pa glengs pa'o/ /mdo las/ bcom ldan 'das 'dis ni zhes pa nas chung dus chog go snyam zhes pa'i bar du ni/ sngar ni mos pa chung bas glengs/ de'i 'og tu ni chud pa ston pa'o/ /mdo las/ de 'di lta ste zhes pa nas/ gos kyi tha mar bur to/ /zhes pa'i bar du ni 'di ni drang ba'i don gyi dpe
- 317b
bshad de/ de la nyam dpal? dbral ba mi de m yos par gyur pa dang/ yul gzhan du song ba dang/ dub pa lte bar gyur pa ste/ de ni dang po dang sbyar ro/ /khyim du phyin zhes pa ni theg pa chen po'i rten dang phrad pa'o/ /ra ro zhes pa ni ma rig pa ma spangs zhes pa'o/ /nyal ba ni 'khor ba na gnas pa'o/ /rin po che zhes pa ni theg pa chen po ste/ ji ltar yid bzhin gyi rin po che dgos pa sna tshogs 'byung ba bzhin theg pa gcig pu la phyogs pa'i byang chub sems dpa' yid bzhin du 'grub ces pa'o/ /gos kyi mthar 'dur zhes pa ni sngon gyi theg pa chen po pa'i bshes gnyen dang phrad pa'i bag chags so/ /mdo las/ de nas bcom ldan 'das de skyes bu zhes pa nas des mgu rab tu dga' ba'o zhes pa'i bar du ni/ sems nur ba'i rnams sprul pa'i grong khyer bstan pa bzhin gzhan du song ste zhes pa ni spyod pa gzhan la zhugs pa'o/ /theg pa chen po'i don dang chos kyi ros phongs pa ni kha zas dang gos tshol ba'o/ /mdo las/ de nas bcom ldan 'das zhes pa nas/ 'di skad smras so zhes pa'i bar du ni nges pa'i don ston pa'i dpe'o/ /mdo las/ skyes bu khyod zas dang skom zhes pa nas cho ga par 'dzin tam zhes pa'i bar du ni nges pa'i don ston pa ste/ 'dod pa zhes pa ni bde ba sdug pa rnam pa lnga ste/ rang bzhin bde ba dang/ rgyu bde ba dang/ spong ba bde ba dang/ nyon mongs pa'i gnyen pos bde ba dang/ gnod pa med pa'i bde ba ste/ de bzhin gshegs pa'i chos kyi dbyings rnam par dag pa dang/ ye shes bzhi rang lnga yang bsgrub par bya ba'i bde ba zhes gdags pa dang/ zag pa med pa'i phung po lnga yang bde bar bya ba nyid pas bde ba zhes gdags so/ /mdo las kyi skyes bu khyod ces pa nas bya ba thams cad byos shig ces pa'i bar du ni theg pa chen po la zhugs pas yon tan thams cad rdzogs te/ ji ltar yid bzhin gyi rin po che bsgyur ba bzhin zhes par sbyar ro/ /mdo las/ de bzhin du bcom ldan 'das zhes pa nas sems bskyed par gyur pa zhes pa'i bar du ni
- 318a
dpe dang nges pa'i don du sbyar ba ste spong ba'i yon tan dang sbyar ro/ /mdo las/ de bdag cag gis ma rtogs ma chud ces pa'i sems bskyed pa las ldog pa bstan to/ /mdo las/ bcom ldan 'das de'i slad du zhes pa nas rtag tu ma nyams pa zhes pa'i bar du ni 'phags pa dgra bcom pa de spyod pa dga' ba'i rnams chud zos pa dang theg pa chen por smon lam ma btab pas ye shes chung dus chog par 'dzin zhes pa'o/ /mdo las/ de nas bcom ldan 'das bdag cag ces pa nas thabs mkhas pa ste zhes pa'i bar du ni dbu pa'i don dang sbyar ba mya ngan las 'das pa'i mtshan nyid bstan pa'o/ /mdo las/ de ltar bcom ldan 'das te zhes pa nas chog par 'dzin pa bde gshegs bstan pa la zhes pa'i bar du tshigs su bcad pa phyed dang bcu gsum gyis ni nyes par gnod bkur ba dang/ shes pa skyes pa bstan to/ /mdo las/ ji lta bur skyes bul la zhig ces pa nas 'dod pa'i yon tan lnga dang shin tu ldan pa zhes pa'i bar du ni dpe de yang yang dang po sems bskyed pa'i dpe dang/ bar du sems nur pa'i dpe'o/ /stong pa nyid bstan pa dang/ stong pa de chud pas bla na med pa'i bde ba chen po dang ldan pa'i dpe bstan to/ /mdo las/ de bzhin bcom ldan 'das bdag cag 'di lta bur zhes pa nas bdag cag mya ngan las 'das tsam mchog tu gzung zhes pa'i bar du ni sngar ni sngar ni drang ba'i don bstan yang spong ba'i yon tan dang/ bar du ldog pa'i dpe bstan pa'o/ /mdo las/ bla med de ni mi 'dod mi tshol lo zhes pa nas mgon po gcig la gcig lung bstan pa'i phyir zhes pa'i bar du ni drang ba dang nges pa'i don bsdus pa ste ci rigs par chud par bya'o/ /'di man chad dge slong nyis stod lung ston pa'i le'u 'chad do// //de yang rnam pa gnyis su dbye'o/ /le'u 'di ci las btags pa'i gtan tshigs dang/ le'u 'di'i ming bshad pa'o/ /de'i gtan tshigs kyang rnam pa gnyis te/ dbang po rnon po rnams sngar lungs bstan
- 318b
pa'i rjes la 'di dag lung ston par 'os pa dang/ lung bstan pa rnam pa bzhi las lung bstan pa tha ma dang sbyar ba'i phyir le'u 'di bstan to/ /ming bshad pa ni slob pa dang mi slob pa'i rnams 'di'i nang du lung ston pa'i phyir dge slong gzhan nyis stong lung bstan pa'i phyir ro/ /mdo las/ de nas tshe dang ldan la 'ga' po zhes pa nas rnam par sems te smon nas zhes pa'i bar du ni rnam pa gnyis te/ 'khor re ba'i sems skyes pa dang/ bcom ldan 'das kyis rab bskad ba'o/ /'khor rab yang sngar ni skyes bu gnyis kyis gsol de'i 'og tu ni 'khor nyis stong gi gsol ba ste 'di ni dang po'o/ /mdo las/ stan las langs te zhes pa nas skabs dbyer gsol zhes pa'i bar du ni skyes bu de gnyis kyi lung bstan par gsol ba'o/ /mdo las/ bcom ldan 'das bdag gis zhes pa nas bcom ldan 'das la blta zhing 'dug ste zhes pa'i bar du ni lung bstan par gsol ba'i rigs dang tshul gsol ba'o/ /mdo las/ 'di nyid sems shing rnam par sems zhes pa nas 'jig rten du byung ste zhes pa'i bar du ni bcom ldan 'das kyi dngos su lung bstan pa ste/ de yang sngar ni dga' bo lung bstan de'i 'og tu ni sgra gcan 'dzin lung bstan/ de'i 'og tu ni dge slong nyis stong lung bstan/ dang po la yang rnam pa brgyad du dbye ste/ sangs rgyas kyi mtshan dang/ sngon gyi spyod pa bstan pa dang/ sems can la phan 'dogs pa dang yul gyi ming dang/ zhing gi rgyan dang/ bskal pa'i ming dang/ tshe'i tshad dang/ mngon par bstod pa'o/ /mdo las/ sangs rgyas bye ba phrag ces pa nas/ khrag khrig brgya stong gi bsngags pa brjod par 'gyur ro zhes pa'i bar du ni gong du smos pa brgyad po dang ci rigs par sbyar ro/ /mdo las/ de'i dus na bcom ldan 'das kyis zhes pa nas ma 'ongs dus kyi tshe la rgyal bar 'gyur zhes pa'i bar du 'dis ni rgyu las dgongs rte lung bstan pa'o/ /mdo las/ bde gshegs bye ba brgyad cu mchod byas nas zhes pa nas/ sangs rgyas byang chub 'di la rgyur ba bskyed ces pa'i bar du ni
- 319a
'bras bu las dgongs te lung bstan pa la mtshan dang/ zhing gi rgyan dang/ yul gyi ming dang/ phan 'dogs pa dang/ rjes su bsngags pa dang/ sku tshe'i tshad dang/ sems can la phan 'dogs pa dang/ de bzhin gshegs pa'i spyod pa'i rgyu sgrub pa ste/ 'di ni tshig dang po dang sbyar ro/ /mdo las/ de nas 'khor de na zhes pa nas ci'i rkyen du 'gyur zhes pa'i bar du ni 'khor gyi the tshom mo/ /mdo las/ de nas bcom ldan 'das kyis zhes pa nas/ byang chub tu sems bskyed de zhes pa'i bar du sngar ni sngon gyis rgyu bstan pa dang/ de'i 'og tu 'phral gyi spyod pa bstan pa dang/ bsdus te lung ston pa las 'di ni dang pa'o/ /mdo las/ de na rigs kyi bu 'di ni zhes pa nas/ byang chub tu lung bstan pa thos zhes pa'i bar du ni spyod pa phyi ma bstan pa dang/ mdor bsdus te lung bstan pa'o/ /mdo las/ bdag gi sangs rgyas kyi zhing gi zhes pa nas/ sngon gyi smon lam dran no zhes pa'i bar du ni dga' pos mngon du rtogs pa bstan to/ /mdo las/ de nas tshe dang ldan pa dga' bos zhes pa nas/ dam pa'i chos 'dzin pa ni byang chub kyi phyir zhes pa'i bar du ni dga' pos rang gi yon tan bsgrags pas gzhan de 'dra ba byed du gzhug pa'o/ /mdo las/ de nas bcom ldan 'das kyis zhes pa nas 'tshang rgya bar 'gyur ro zhes pa'i bar du ni 'dis gnyis pa lung bstan pa'o/ /mdo las/ de nas bcom ldan 'das kyis de'i tshe na zhes pa nas/ 'gyur pa byang chub tshol ba nas zhes pa'i bar du ni/ 'di man chad bzhir dbye ste/ rtag tu de bzhin gshegs pa'i sras su gyur pa dang/ de bzhin gshegs pa gzhan gyi sras su yang ston pa dang/ rgyu dam pa 'chad pa dang rnam pa bzhi ste 'di ni dang pa'o/ /mdo las/ mi shes spyod pa sgra gcan 'di zhes pa nas de ltar byang chub kyi phyir gnas so zhes pa'i bar du ni mya ngan las ma 'das te 'jig rten 'di na bzhugs pa bstan pa'o/ /mdo las/ de nas bcom ldan 'das kyis zhes pa
- 319b
nas gsol ba mthong ngo zhes pa'i bar du ni slob pa dang mi slob pa nyis stong lung bstan pa ste de la dris pa dang/ lan btab pa dang/ mngon du lung bstan pa dang/ mngon par dga' ba ste/ bzhir dbye ba la 'di ni dang po'o/ /'jam pa zhes pa ni sems dul pa'o/ /nyen pa zhes pa ni dbang po smin pa'o/ /mdo las/ bcom ldan 'das zhes pa nas dam pa'i chos kyang mnyam par gnas par 'gyur ro zhes pa'i bar du ni lan btab pa dang/ rgyu dang 'bras bu bstan pa dang/ mtshan mthun pa bstan to/ /mdo las/ de nas slob pa dang mi slob pa zhes pa nas lung bstan pa dang/ 'di thos pa zhes pa'i bar du ni/ bar du 'khor rnams kyi dga' ba'i tshig go/ /'di man chad chos smra pa'i le'u ston te/ le'u 'di'i gtan tshigs dang/ ming dang/ dogs pa bsal ba'o/ /gtan tshigs ni mdo sde 'di dang por ni gleng gzhi'i le'u bstan/ de'i 'og tu le'u brgyad kyis ni gzhung nyid bstan te/ gzhung ni theg pa gcig pu thabs dang dpe rnam pa sna tshogs kyis ston cing theg pa rnam pa gnyis dang/ rigs ma nges pa rnams kyi ched du bstan pa dang/ lung bstan pa'o/ /de man chad le'u bcu dgu ni rjes su 'dzin pa stan te/ mdo sde 'di rgya che zhing thab la dbang po zhen pa rnams mos par dka' ba'i phyir mdo sde gzhan dang mi 'dra bar bsngags pa dang/ rjes su 'dzin pa'i yon tan mang du bshad do/ /yang rjes su 'dzin pa'i don ston pas spyir rjes su 'dzin par gdags pa dang/ mdo sde 'di'i gzhung ston pa'i le'u bcu dgu yod pa la/ bcu gnyis kyis ni theg pa gcig pa'i spyod yul ston to/ /le'u snga ma brgyad kyis ni drang pa dang nges pa'i don dbye ba dang/ dbang po rnams gsum po rim par lung bstan pa ston/ de'i 'og ma bzhis ni chos dang gang zag gnyi ga'i yon tan ston pas 'di yang rjes su 'dzin pa nyid du bsdu ba dang/ yang mdo sde 'di'i 'grel pa las dpe rnam pa bdun dang/ mnyam pa gsum dang/ bla na med pa bcu ston pa la/ 'dir bcu pa ste/ stobs bla na med pa khyad par
- 320a
can ston to/ /stobs la yang rnam pa gnyis te/ chos kyi stobs dang/ spyod pa'i stobs so/ /chos kyi stobs kyang rnam pa lnga ste/ chud par dang? mos pa dang/ mtshams chod pa dang/ chos nyid thos pa dang klog cing 'dzin pa'o/ /spyod pa'i stobs kyang rnam pa bdun te/ rjes su 'dzin pa dang/ chos 'chad pa dang/ dka' ba spyod pa dang/ sems can 'dul ba dang/ sems can rnams kyi sdug bsngal ston pa dang/ yon tan khyad par can dang/ chos 'dod pa'o/ /'dzin pa'i stobs la le'u gsum sdud de/ chos smra ba'i le'u dang/ bde ba la gnas pa dang/ rjes su 'dzin pa'i le'u'o/ /le'u 'di'i nang du gzung pa dang 'dzin pa dang/ gang zag dang chos gnyis ga ston to/ /ming ni chos smra ba zhes pa chos 'don pa dang lung smra pa'i gang zag de chos smra ba yin pas chos smra ba'i le'u'o/ /dogs pa bsal ba ni chos smra ba zhes pa 'di sangs rgyas 'jig rten na bzhugs pa dang/ mi bzhugs pa gang gi tshe na chos smra ba zhes gdags/ de gnyi ga yang chos smra ba yin mod kyi sangs rgyas 'jig rten na bzhugs pa'i tshe ni slob pa la gnas pas 'khor brgyad po zhes gdags gyi/ bcom ldan 'das mya ngan las 'das pa'i 'og tu chos ston pa de chos smra ba zhes gdags so/ /le'u 'di'i nang nas kyang lung bstan pa 'byung na lung bstan pa'i le'u zhes ci'i phyir mi gdags zhe na/ gtso las dras pa'i phyir mi gdags so/ /mdo las/ de nas bcom ldan 'das kyis zhes pa nas byang chub tu lung bstan to zhes pa'i bar du ni le'u 'di yang tshig rkyang pa dang tshigs su bcad pa gnyis su dbye'o/ /chos smra ba yang rnam pa gnyis te/ sangs rgyas 'jig rten na bzhugs pa'i tshe chos smra pa dang/ mi bzhuD pa'i tshe chos smra ba gnyis la 'di ni dang po'o/ /sman gyi rgyal po sngon gyi dus na mdo sde 'di 'dzin pa'i phyir sman gyi rgyal po zhes ched du bkar te bka' stsal to/ /chos spyod pa bcu las rjes su bsngags zhes pa ni rjes su yi rang ba'o brjes su yi rang ba'i tshigs gcig
- 320b
gis? bla na med pa'i byang chub chen po'i gzhir 'gyur zhes pa'o/ /mdo las/ sman gyi rgyal po gang la la zhes pa nas byang chub tu lung bstan to zhes pa'i bar du ni sangs rgyas sngon du mi bzhugs pa'i chos smra ba'i yon tan ston te/ de yang rjes su yi rang ba dang/ mngon du spyod pa rnam pa gnyis la 'di ni dang po'o/ /rjes su yi rang ba tsam gyis kyang 'di lta na mngon du spyod pa lta ci smos/ mdo las sman gyi rgyal pa rigs kyi bu 'am/ rigs kyi bu mo zhes pa nas thal mo sbyar ba'i las kyi mchod ces pa'i bar du ni/ 'dis chos mngon su spyod pa ston pa las 'dir chos spyod pa rnam pa drug ston/ dbus dang mdza' rnam par 'byed pa las ni chos spyod pa bcu ston te/ 'di'i drug po la 'dzin pa dang/ klog pa dang/ 'don pa dang/ mos pa dang/ 'dri ba dang/ mchod pa'o/ /mchod pa ni phyi nang gi mchod pa'o/ /chos spyod pa de la ji ltar bcom ldan 'das mngon du mthong ba dang/ 'dra bar dad pa dang gus pa'i las bskyed pa'o/ /mdo las/ sman gyi rgyal po rigs kyi bu dang/ rigs kyi bu mo gang la la zhes pa nas 'jig rten du 'byung ngo zhes pa'i bar du 'di ni thugs rje dang smon lam gyi dbang gis der skye ba dang rgyu dam pas 'jig rten du 'byung ba'o/ /mdo las/ de ci'i phyir zhe na zhes pa nas/ phyag 'tshal zhing btud pa la lta ci smos zhes pa'i bar du ni gang zag gi yon tan bstod cing mchod par 'os pa dang/ yon tan che bas thugs rje dang smon lam gyis 'dir skye zhing phan pa chen po byed pa'o mdo las/ sman gyi rgyal bo zhes pa nas skyes par rig par bya'o zhes pa'i bar du ni yon tan chen po dang ldan pa de thugs rje 'dir skye bar bstan pa dang/ chos 'di ston pa yang 'phags pa yin par bstan pa dang/ theg pa rnam gnyis las dgar ba'i phyir/ byang chub sems dpa' sems dpa' chen po zhes smos pa dang/ sangs rgyas kyi zhing yangs par mi skye ba yang thugs rjes sems can la phan 'dogs pa'i phyir/ lha dang/ khams bla ma gnyis su mi skye bar 'dir skye bar ston to/ /phyir mi ldog pa'i byang chub sems dpa' chos la smos 'pa'i
- 321a
rtags ni chos thos pa tsam gyi skra dang ba spu ldang bdeng? gdung bas mchi ma 'byung ba de ni byang chub sems dpa' i rtags so/ /mdo las/ sman gyi rgyal po rigs kyi bu 'am zhes pa naS de bzhin gshegs pas skye bar rig par bya'o/ /zhes pa'i bang du ni chos smra ba rnam pa drug la gus pa dang btsun par bya ba bstan te/ gus par bya ba la 'chad pa ni sangs rgyas kyi pho nya lta bur blta'o/ /smod pa ni de bzhin gshegs pa la skur pas sdig pa che bar bstan pa dang/ klog pa dang/ 'don pa ni da bzhin gshegs pa la rgyan gyis brgyan pa bzhin bzhugs pa'i gnas ni mchod cing phyag bya ba'i gnas su bstan te/ mchod pa rnam bzhis mchod par bya'o/ /pho nya zhes pa ni de bzhin gshegs pa'i dgongs pa dang mthun pa/ skye ba zhes pa ni gsung dang mthun pa/ bya ba byed pa zhes pa ni sku'i 'phrin las dang mthun pas/ de bzhin gshegs pa'i mdzad pa thams cad byed pa'o/ /mdo las/ yang sman gyi rgyal po sems can gang la la zhes pa nas/ shin tu sdug par bshad do zhes pa'i bar du ni tshe smra ba la smod pa sdig pa che bar bshad pa ste/ de ni bcom ldan 'das la ngan sems kyis smad pa ni phan par spyod pa rnam gnyis nyams par mi 'gyur pa ni bcom ldan 'das la 'khrug pa mi mnga' ba'i phyir ro/ /chos smra pa la smad pas ni phan par spyod pa gnyis nyams shing 'khrug pa skye pa'i phyir ro/ /yang sangs rgyas la smad pas ni byams sdang gi thugs mi dgongs tam sems can mi spong gi chos smra pa ni de lta ma yin no/ /sangs rgyas 'jig rten na bzhugs pa'i tshe/ sems can dbang po bstan pas 'ga' zhig smod pa yod kyang gzhan gyis sems nur bar mi 'gyur gyi/ deng sang gi chos smra ba la smad pas gzhan gyi sems ldog pa'i phyir bdag dang gnyi ga la gnod do/ /mdo dag las kyang byang chub sems dpa' i sems dkrugs pa ni sems can thams
- 321b
cad kyi chos kyi snang sgrib bar byed pas mnar med pa lnga byas pa bas kha na ma tho ba 'di che bar bshad do/ /byang chub kyi sems dkrugs zhes pa yang sangs rgyas kyi chos 'jig pa'o/ /mdo las/ de ci'i phyir zhe na/ sman gyi rgyal po zhes pa nas de bzhin gshegs pa phrag pa la thogs pa yin no zhes pa'i bar du ni dam pa'i chos 'di 'don pa yon tan thams cad kyi rgyan gyis brgyan pa'i phyir sdong pos brgyan pa las byang chub sems dpa' i rgyan rnam pa bcus brgyan pa'am/ de bzhin gshegs pa'i rgyan thams cad kyis brgyan pa'o/ /mdo las de gang du 'gro ba der zhes pa nas yongs su rdzogs par 'gyur ro zhes pa'i bar du ni dam pa'i chos 'di shin tu zab pa'i phyir 'phags pa dga' po la ma gtad kyi/ byang chub sems dpa' sman gyi rgyal po la sogs pa la gtang pa yang ji ltar sman pa chen po dug sman du bsgyur ba bzhin sman pa mi mkhas pas mi nus so/ /de bzhin du chos 'di byang chub sems dpa' la gtang par 'os kyi nyan thos pa rnams la ma yin te/ byang chub sems dpa' ni thos pa tsam gyis mthar phyin par 'gyur ba dang bdag dang gzhan gyis don 'grub par 'gyur pa'i phyir ro/ /mdo las/ de nas bcom ldan 'das kyi de'i tshe zhes pa nas 'dzin pa la bkur sti bya zhes pa'i bar du ni 'di man chad tshig bcu drug la rnam pa gsum du dbye ste/ tshig dang po gnyis kyis ni chos smra ba'i yon tan dang mchod par 'os pa glengs tshig bcu gsum gyis ni chos smra ba'i yon tan nyid glengs/ tshig gcig gis ni chos khyad par can bsdus pa bstan to/ /tshig dang po de la yang rnam pa gnyis te/ tshigs bcad gcig gis ni lhun gyis grub pa'i ye shes thob pa bstan te/ yang dag pa'i ye shes dang/ stong pa nyid kyi ye shes so/ /de'i 'og mas ni yang dag pa'i ye shes kyi mtshan nyid bstan te/ rnam pa thams cad mkhyed pa'i ye shes dang/ phyis thob pa'i ye shes dang/ rtsa ba'i ye shes so/ /su mdo 'di 'dzin pa dang/ mched?
- 322a
pa dang bsti stang byed pa de ye shes de dag thob pa la the tshom med ces bya bar sbyar ro/ /mdo las/ 'jig rten mgon gyi skye ba ste/ zhes pa nas bla na med pa'i mdo sde 'di zhes pa'i bar du na tshigs bcad bcu gsum gyis chos smra ba'i yon tan ston te/ de la yang tshigs bcad gsum gyis ni chos smra ba'i khyad par bstan/ tshigs bcad bcus ni btsun pa dang gus par bya ba bstan/ dang po'i tshig gsum gyis ni de bzhin gshegs pas bsngags pa dang/ skye ba bzang po bstan pa dang/ smon lam gyi dbang gi skye ba bstan to/ mdo las/ 'phrul gyi me tog bkur sti bya zhes pa nas chos smra de la rin chen 'thor zhes pa'i bar du ni tshigs bcad bcus mchod pa dang gus par bya ba bstan te/ de la yang tshigs bcad bzhis ni chos smra ba la rim gro bkur sti bya ba bstan/ tshigs bcad phyi ma drug gis ni bsod nams kyi khyad par bstan te/ gus pa skye ba bstan/ dang po'i tshigs bcad bzhi la yang/ dang po'i tshig gcig gis ni chos smra ba nyid bstan/ 'og ma gsum gyis ni 'dzin pa bstan te 'di ni dang po'o/ /chos smra ba de 'bras bu dam pa 'thob pa'i phyir ro/ /mdo las/ de dag rtag tu thal sbyar te zhes pa nas de bzhin gshegs kyi bya ba byed ces pa'i bar du ni 'dis 'dzin pa bsod nams che ba bstan te/ gus pa dang/ mchod pa dang/ gsung mnyan pa dang/ 'don zhing kha don byed pa'o/ /mdo las/ mi rung byung na ngas de btang zhes pa nas sdig pa shin tu de mang bshad ces pa'i bar du ni tshigs bcad gnyis kyis ni sdig pa'i khyad par bstan/ tshigs bcad bzhis ni dge ba'i khyad par bstan to/ /mdo las/ mi gang de la mngon bstod pa zhes pa nas de las bsod nams chos mang rnyed ces pa'i bar du ni bsod nams kyi khyad par bstan to/ /mdo las/ dka' skyes ngal bstod pa ni zhes pa nas ngo mtshar chen po des thob 'gyur zhes pa'i
- 322b
bar du ni chos thos pa'i bsod nams dang phyi nang gi mchod pa rnam gnyis kyi khyad par bstan pa'o/ /mdo las/ sman gyi rgyal po khyod mos par bya zhes pa nas bshad par bya'o zhes pa'i bar du ni chos 'di khyad bar can du bstan pa'o/ /mdo las ? sman gyi rgyal po chos kyi gzhung 'di dag ces pa nas/ dad par mi 'gyur ro zhes pa'i bar du ni chos smra ba nyid ston te sngar ni tshig rkyang bas bstan 'og tu ni tshigs su bcad pas bsdus te/ tshig rkyang pa la'ang chos chud par dka' ba dang/ 'don pa'i gnas te mchod rten du gyur ba bstan pa dang/ 'khor rnams kyi tshul bstan pa'o/ /mdo las/ sman gyi rgyal po 'di ni zhes pa nas lta ci smos zhes pa'i bar du ni bcom ldan 'das zhal bzhugs pa na yang gsangs te kun la bstan pa ma yin pa'ang chud dka' ba'i phyir ma 'ongs pa'i dus na dbang po ma rtogs pa rnams la bstan na/ skur pa 'debs pa'i phyir/ ma ston cig par bstan pa'o/ /mdo las/ 'di ltar sman gyi rgyal po zhes pa nas de bzhin gshegs pa'i phyag gis byug par 'gyur ro zhes pa'i bar du ni chos 'di'i mthus 'don pa'i gang zag yon tan tu 'gyur ba bstan te/ de bzhin gshegs pa'i na bza' ni bzod pa/ zhi ba/ dul ba byams pa dang snying rjer ldan pa/ ngo tsha ba dang 'jom pa spangs pa ste/ na bza' nges bkab par gyur pa dang/ dbang po smin pa'i phyir de bzhin gshegs pa rnams kyi dgongs shing skyob par 'gyur ba dang/ mos pa che bar 'gyur ba dang/ smon lam dang dad pa la brtson pa'i rang bzhin can du 'gyur ba dang/ dge ba'i rtsa ba can du 'gyur ba dang/ stong pa nyid dang snying rje'i khyad pa bcom ldan 'das dang 'dra bar 'jug pa dang/ de bzhin gshegs pa'i phyag gis byug cing gnas 'tshob par lung bstan pa 'thob pa'o/ /mdo las/ sman gyi rgyal po zhes pa nas mchod par bya'o zhes pa'i bar du ni chos kyi sku dang/ ring bsel mchod par 'os pa bstan te/ de la dang por chos kyi sku dang/ ring bsrel
- 323a
bstan pa dang/ 'di la brten te chos smra ba yon tan can du 'gyur ba bstan to/ /chos de dang ring bsrel mchod par 'os pa ni gzhung dang ye shes ldan pa'i phyir te/ sems can rnams la yang dag pa'i ye shes phye ba dang/ bstan pa dang rtogs shing 'jug par 'gyur pa'i phyir ro/ /mdo las/ yang sman gyi rgyal po zhes pa nas shin tu nye bar gyur par rig bar bya'o zhes pa'i bar du ni chos 'di la brten nas chos smra ba yon tan can du 'gyur ba bstan te/ byang chub tu bsnyen pa dang/ spyod pa dam pa la gzhol ba dang/ byang chub chen po 'grus par 'gyur ba bstan to/ /mdo las/ de ci'i phyir zhe na zhes pa nas nye bar gnas pa yin no zhes pa'i bar du ni chos 'di thos bas spyod pa dam pa la gzhol ba'i rgyu bstan te/ mthong ba dang/ thos pa dang/ glog pa dang/ 'don pa dang/ 'dri ba dang/ 'dzin pa dang/ mchod pa'o/ /de dag kyang dpe dang/ don dang/ bsdu ba dang/ gsum mo/ /yang thos pa dang/ bsam pa dang/ bsgoms pa'i shes rab ci rigs par sbyar ro/ /mdo las 'di lta ste dper na sman gyi rgyal bo zhes pa nas chu 'di ni thag nye'o snyam zhes pa'i bar du ni dpe bstan te/ slob pa 'byung ba rtsol ba 'khor ba la gnas shing yang dag pa'i lam tshol ba'o/ /yang na 'grel pa las kyang chu ni de bzhin gshegs pa'i rang bzhin no/ /rko zhes pa ni yang dag pa'i shes rab sngon du btang bas lus dang ngag dang yid gsum gyi las kyis 'bad pa'o/ /sa skam po mthong ba ni theg pa rnam gnyis kyi bstan pa drang ba'i don du bshad pa dang sbyar ro/ /sa gsher ba mthong zhes ni shes rab kyi pha rol tu phyin pa theg pa chen po'i bstan pa dang phrad pa ste/ bla na med pa'i byang chub dang nye zhes pa'i don to/ /'grel pa las kyang mdo 'di 'dzin pa'i gang zag de de bzhin gshegs pa'i rang bzhin gyi chu dang phrad pas bla na med pa'i byang
- 323b
chub dang nye zhes pa'i don to/ /mod las/ de bzhin du sman gyi rgyal po zhes pa nas bla na med pa yang dag par rdzogs pa'i byang chub spyi'o zhes pa'i bar du ni 'dis dpe dang/ don du sbyar ba ste/ shes rab rnam gsum dang chos spyod pa bcu dang ci rigs bar sbyar ro/ /mdo las/ de ci'i phyir zhe na zhes pa nas gsang ba'i gnas bshad do zhes pa'i bar du ni 'dis gtan tshigs ston te/ byang chub chen po'i chos 'di rgyu dang bcas/ 'bras bu dang bcas pa/ nye ba'i rgyu dang ldan pa/ ring ba'i rgya dang ldan pa/ lung dang gzhung dang/ spyod pa dang/ 'bras bu bcas pa ye shes kyi mtshan nyid dang/ ye shes kyi rang bzhin dang/ ye shes rnam lnga kun kyang mdo 'di las skye mdo 'di las thob pa'o/ /ldem po dag mchog 'grel pa ni drang pa dang nges pa'i don 'grel pa'o/ / mdo las/ sman gyi rgyal po byang chub sems dpa' la la zhig pa nas yang dag par ston na zhes pa'i bar du ni/ chos ji ltar bshad pa'i tshul bstan te/ de la yang bshad pa'i tshul dang/ bka' bzhin du mnyan pas de bzhin gshegs pas rjes su skyob pa'o/ /tshig dang po la yang dris pa dang/ bshad pa dang/ bsdus pa ste/ 'di ni dris pa'o/ /mdo las/ sman gyi rgyal po byang chub sems dpa' des zhes pa nas yang dag par bshad do zhes pa'i bar du 'di ni bstan pa'o/ /mdo las/ sman gyi rgyal po zhes pa nas chos kyi gzhung 'di 'khor bzhi la yang dag par bstan pa'o/ /zhes pa'i bar du ni dngos su bstan pa ste/ byams pa dang snying rje la sku dang thugs rtag tu gnas pa'i phyir gnas lta bur lta'o/ /yang na theg pa chen po nyid mthar phyin pa'i gnas nyid do/ /zhi zhing dul ba dang bzod cing byams pas lung mdzes par byas pa'am/ de'i dgos pas phyi rol gyi gnod pas mi rdzi ba'i phyir gos lta bur blta'o/ /chos stong nyid stan du bstan pa yang mdo dag las kyang bsam
- 324a
gtan bzhi ni gdan te zhes pa stong pa nyid dang mtshan ma med pa la gnas pa nyid gdan lta bur blta'o/ /mdo las/ byang chub sems dpa' mi gzhan pa'i sems kyis zhes pa nas yang dag par bshad par bya'o zhes pa'i bdud? ni gsum pa ste bsdus pa'o/ /mdo las/ sman gyi rgyal po nga 'jig rten gyi khams zhes pa nas kha ton byed pa nas slar 'thon to zhes pa'i bar du ni tshig de dang mthun par byas na de bzhin gshegs pa yang rjes su skyob cing nyan du 'jud pa thong bar byed/ mi brjed par byed do/ /sprul pas sbrul pa bsdu zhing chos ston pa'o/ /mdo las/ bcom ldan 'das kyis de'i tshe zhes pa nas shin tu dad pa rnyed par dka' zhes pa'i bar du ni tshigs su bcad pa bco brgyad la rnam pa gsum du bgos te/ tshigs bcad dang po gcig gis ni mos par dka' ba dang/ kun la bsnyed du mi rung ba bstan/ tshigs bcad bzhis ni chos kyi sku dang ring bsrel la mchod pas byang chub du nye bar bstan pa dang/ tshigs bcad bcu gsum gyis ni chos 'chad pa'i tshul bstan te/ 'di ni dang po'o/ /mdo las/ ji ltar la la chu 'dod pa zhes pa nas 'di nas chuAng ring ma yin zhes pa'i bar du ni tshigs su bcad pa 'di bzhis ni chos kyi sku ring bsrel du bsgyur ba la bsti stang byas pas byang chub tu nye bar stan pa ste/ dpe dang don ci legs par sbyar ro/ /mdo las/ de bzhin de dag rgyang ring ba zhes pa nas chu dang me zhes bya ba bzhin zhes pa'i bar du ni sbyar ro// //mdo las/ sems can rnams la zhes pa nas mchod par byed ces pa'i bar du ni tshigs bcad bcu gsum pa 'dis chos 'chad pa'i tshul bstan te/ de la tshigs bcad bcu gcig gis ni tshul nyid bstan/ tshigs bcad gnyis kyis ni nyan pa dang 'chad pa bstan to/ /mdo las/ 'khor rnams la yang zhes pa nas sangs rgyas mthong
- 324b
zhes pa'i bar du ni de bzhin gshegs pas rjes su bzung ba bstan te/ tshig gcig gis ni bzod pa spyod pa bstan/ tshigs bcad gsum gyis ni gzhan gyi sprul pas mchod pa dang 'khor byed pa bstan/ tshigs bcad gcig gis ni skyo zhing bsrung ba bstan tshigs bcad gnyis kyis ni lus mngon du bstan te/ dmigs pa dran par byas pa bstan/ tshig gcig gis ni yon tan dang ldan pa la/ mngon du ston pa bstan/ tshig gcig gis ni 'khor brgyad kyis rnams chos nyan pa bstan te/ de dag ci rigs par sbyar ro/ /'di man chad rin po che'i mchod rten bstan pa'i le'u 'chad do// //de yang rnam pa gsum du dbye'o/ /le'u 'di'i gtan tshigs de'i ming dang/ dgos pa bsal lo/ /gdags pa'i gtan tshigs las yang rnam pa bzhi ste/ nyon mongs pa med pa'i gang zag gi nga rgyal rnam pa gsum spang ba'i phyir te/ de gsum ni theg pa thams cad tha dad par mos pa dang/ 'khor ba dang mya ngan las 'das pa tha dad par mos pa dang/ sku tha dad par mos la mnyam pa gsuM gyis de sel bar byed de/ mnyam pa nyid gsum ni theg pa mnyam pa dang/ 'khor ba dang mya ngan las 'da' ba mnyam pas/ de bzhin gshegs pa'i rin po che'i mchod rten bstan pa dang/ sku tha dad par mos pa rnams rin chen mang de bzhin gshegs pa'i sku nyid de bzhin gshegs pa thams cad kyi sku yang de yin te/ bye brag med par bstan pa dang/ 'grel pa las bla na med pa bcu bstan pa'i nang nas zhing rnam par dag pa bstan pa bla na med pa ni de bzhin gshegs pa rin chen mang dang mchod rten byung bas de bzhin gshegs pa'i sprul pa'i sku thams cad der 'dus shing/ de nas 'od gcig btang bas phyogs thams cad du khyab par mdzad cing zhing ma dag pa dang /dag pa bye brag med par de bzhin gshegs pa'i zhing dag pa nyid du bstan pa'i phyir
- 325a
dang/ dam pa'i chos 'di ston cing bzhugs pa'i sa thams cad mngon byung ba dang 'dra bar rin po che'i mchod rten nyid du bstan zhing/ dam pa'i chos la rim gro bskyed pa'i phyir le'u 'di bstan to/ /ming bshad pa ni rin po che las byas pa'i mchod rten yin pas na rin po che'i mchod rten no/ /yang na de bzhin gshegs pa rin chen mang gis mchod rten yin pas na/ rin po che'i mchod rten no/ /dogs pa bsal pa le'u 'di'i phyogs bcu'i de bzhin gshegs pa 'dus shing rnam par dag pa bstan pa yin na ci'i phyir ming dor mi gdags mchod rten de nam mkha' la 'phags shing ngo mtshar du gyur pas zhing rnam par dag pa ston pas dpe gtsor byas te ming du btags pas nyes pa med do/ /mdo las de nas bcom ldan 'das kyi zhes pa nas bar snang la 'dug te zhes pa'i bar du ni 'di man chad tshig rkyang pa ston pa la rnam pa gnyis te mchod rten par snang la 'phags te byung ba bstan pas dam pa'i chos 'di khyad par can du bstan to/ /rin po che'i mchod rten de kha phye ste bstan pa ni 'khor rnams dang pa dang bsti stang skyed pa'i phyir ro/ /sngar ni rin po che'i mchod rten bstan pa nyid kyis yid ches par bskabs/ de'i 'og tu sku gdung mngon par bstan pas ni lung las yid ches pa bstan to/ / rin po che'i mchod rten de las sil stan sna tshogs byung ba ni mchod rten mthong bar bstan pa dang/ che chung gi tshad bstan pa dang/ nam mkha' la 'phags pa bstan pa dang/ de'i rgyan bstan pa'o/ /de'i dang po la yang yon tan rnam pa gsum ste/ bla na med pa bcu'i nang nas zhing rnam par dag pa bla na med pa bstan to/ /de bzhin gshegs pa rin chen mang gi mchod rten bstan pa yang don rnam pa dgu ste/ de bzhin gshegs pa thams cad kyi zhing rnam par dag pa dang/ de'i
- 325b
mchod rten dang/ mchod rten de'i tshad dang/ mdo bstan pa dang/ de 'dzin cing brten pa dang/ de bzhin gshegs pa grangs med pa ston pa dang/ zhing ma dag pa rnam par spong ba dang/ rin chen mang ba dang/ gdan gcig la bzhugs bston pa ste/ de dag ni 'og nas 'byung ba'i dkyus? dang sbyar ro/ /mchod rten de'i nang nas ring bsrel 'byung ba bstan pa ni de bzhin gshegs pa'i chos kyi sku mdo sde 'di la gnas pa bstan pa'o/ /mchod rten nam mkha' la 'phags pa yang de bzhin gshegs pa'i zhing rnam par dag pa yang 'jig rten pa'i dge ba'i rtsa ba las khyad par du bstan pa'o/ /lnga brgya la yang nam mkha' la 'phags pa ni de bzhin gshegs pa 'khor ba thams cad las 'das te mya ngan las 'das pa'i dbyings la gnas pa bstan to/ /yang na theg pa gcig po der thog pa gnyis pa las khyad par du 'phags pa bstan to/ /nam mkha' bar snang zhes pa na yang dag pa stong pa nyid la gnas pa bstan to/ /mdo las/ sna tshogs pa lta na sdug ces pa nas 'jig rten gyi khams thams cad khyab bar gyur to zhes pa'i bar du ni rgyan gyi mtshan nyid bstan te/ rgyan brgyad dang/ gdugs dang/ ba dan la sogs pa'o/ /mchod rten rgyan thams cad kyis brgyan pa bzhin de bzhin gshegs pa'i sku dang dam pa'i chos 'di yon tan thams cad kyis brgyan par sbyar ro/ /rgyan thams cad ni yon tan sna tshogs kyi dpe'o/ /kha ran lnga stong ni dad pa dang brtson 'grus dang dran pa dang ting nge 'dzin dang shes rab kyi dpe'o/ /rta babs stong phrag mang po zhes pa ni bsam gtan dang ting nge 'dzin to/ /rgyal mtshan dang ba dan zhes pa ni ye shes dang gzungs su lta'o/ /'phreng ba ni dran pa nye bar gzhag pa dang sbyar la/ /dri ba spos dam pa ni de bzhin gshegs pa'i sku rnams dang/ nyon mongs pa thams cad sel ba yang dag pa de bzhin nyid do/ /mdo las/ de'i gdugs kyi phreng ba zhes pa nas/ kar ke ta na'o zhes pa'i
- 326a
bar du ni rin po che sna bdun 'phags pa'i nor bdun dang sbyar ro/ /mdo las/ mchod rten de la zhes pa nas thal mo sbyar te 'khod do zhes pa'i bar du ni mtho zhing 'phags pas 'gro ba las khyad par du bstan pa dang/ yang mtshan du gyur pas 'khor rnams dad pa skyed pa dang/ rdzu 'phrul mdzad pa'i yon tan gyis mdo sde 'di dam pa yin par bstan pa dang/ mchod rten phyung bas gus bskyed pa dang/ 'khor rnams kyi bsam pa rig nas the tshom mngon par gsol ba ste/ de yan tshad ni rigs par sbyar ro/ /mdo las/ de nas de'i tshe spobs pa chen po zhes bya ba nas 'di lta bu'i sgra 'byin pa su zhes pa'i bar du ni don dris pa'o/ /med las/ de skad ces gsol ba dang/ zhes pa nas de sgra 'di phyung ngo zhes pa'i bar du ni bcom ldan 'das kyis bka' stsal pa ste/ dang por gleng ba dang dngos su bstan pa dang bsdus pa'o/ /'grel pa las stug por gnas so zhes pa ni de bzhin gshegs pa rnams kyi chos kyi sku mnga' brnyes pa bzhugs pa'am sprul pa'i sku gser gyi mdog can mnga' brnyes par bzhugs te/ mdo 'di nyid dang sbyar ro mdo las/ spobs pa chen po shar phyogs su zhes pa nas sangs rgyas rin chen mang zhes bya ba byung ste zhes pa'i bar du ni de yang rnam pa bzhi ste/ de bzhin gshegs pa'i sku dang sngon gyi dang smon lam dang/ lung bsgo ba dang/ smon lam bzhin mdzad pa'o/ /rin chen mang zhes pa de bzhin gshegs pa gcig gam mang du bzhugs 'grel pa las/ mdo bstan pa la de bzhin gshegs pa rin chen mang gi sku gcig bstan pa'i nang du de bzhin gshegs pa thams cad kyi sku 'dus pas sku mnyam par bstan pa dang/ theg pa gcig po bstan pa yang theg pa thams cad bsdu ba dang/ rin po che mang yang rin po che rang bzhin mtshungs pa bzhin/ sbrul pa dang rdzogs longs spyod pa'i sku la sku mtshungs pa ste/ lung dang gzhung rnam par dag pa la gnyis su med ces pa'o/ /mdo las bcom ldan 'daS
- 326b
de'i smon lam 'di lta bu zhes pa nas yongs su rdzogs bar gyur to zhes pa'i bar du ni sngon gyi smon lam bstan pa'o/ /mdo las/ yang spobs ba chen po bcom ldan 'das zhes ba nas mchod rten chen po gcig byos shig ces pa'i bar du ni lung bsgo ba'o/ /mdo las/ mchod rten gzhan ni nga'i phyir bya'o zhes pa nas dge'o zhes bya ba sbyin zhes pa'i bar du ni smon lam bzhin grub par mdzad pa'o/ /mdo las/ spobs pa chen po de lta bas na zhes pa nas dge'o zhes bya ba byin zhes pa'i bar du ni mdor bsdus te bsgo ba'o/ /mdo las/ de nas spobs? pa chen po zhes pa nas de bzhin gshegs pa'i sku mthong ngo zhes pa'i bar du ni sngar gleng ba dang mchod rten dbye ba ste/ de la yang gsol ba dang/ lan btab pa dang/ bzlas te gsol ba dang dbye bar snang ba'o/ /mdo las/ de skad ces gsol ba dang/ bcom ldan 'das kyis zhes pa nas 'dir dkug bar bya'o zhes pa'i bar du ni sprul pa'i sku slar bsdu ba ste/ der 'dri ba na re de bzhin gshegs pa'i sprul pa ni sum stong las mi 'da' o zhes gsungs na/ 'di phyogs bcu'i 'jig rten gyi khams sku mang pos khyab ces gsungs ba ci'i phyir dang po sprul pa mthong ba rnams la grangs bstan bar zad kyi yon tan tshad med pa'i phyir sku sprul pa yang grangs med ba dang/ sku tha mi dad pa'i phyir/ sprul ba thams cad ni da'i sku zhes par sbyar ro/ /mdo las/ de nas spobs ba chen po zhes pa nas bdag cag gis phyag bgyi'o/ /zhes pa'i bar du ni bzlas te gsol ba'o/ /mdo las/ nas de'i tshe bcom ldan 'das kyi zhal gyi mdzod spu nas zhes pa nas/ de dag thaMs cad snang ngo zhes pa'i bar du ni dbye ba snang ste/ sngar sprul pa'i sku rnams bsdu pa dang/ mchod rten dngos su phye ba'o/ /de'i tshig dang po la rnam pa bzhi ste/ 'od kyis snang bar mdzad pa dang/ sprul pa'i sangs rgyas slar gshegs pa dang/ de bsu ba dang/ mgon po de la me tog 'bul ba'o/ /sprul pa'i sku de dag 'phags pa dgongs pa dag pa rnams 'od kyis bskul mi dgos par byon par 'os na ci phyir 'od kyis bskul/ de ni 'jig rten pa rnams de bzhin gshegs pa'i rdzu 'phrul bsam/
- 327a
gyis mi khyab par bstan pa'i phyir ched du 'od kyis sbran? te/ byon par bstan pa'o/ /'od zer btang zhes pa ni theg pa gcig po bstan pa'i don to/ /sangs rgyas mang po snang par mdzad ba ni de bzhin gshegs pa rnams kyi mdzad pa mthun pa bstan pa'o/ /mdo? las sangs rgyas kyi zhing de dag ni shes las? byas pa zhes pa nas/ gser gyi dra bas g.yogs par gnang ngo zhes pa'i bar du ni 'di'i nang du don rnam pa gsum ston te/ zhing gi mtshan nyid dang/ 'khor dang/ bla re chen po ci phyir zhing rnam par dag pa'i tshul du stan zhe na/ bcom ldan 'das rnams kyi yang dag pa'i spyod yul du rin po che'i rgyan sna tshogs snang bar bstan pa dang/ theg pa gcig pa'i nang du yon tan thams cad bsdu bar bstan pa'o/ /mdo las/ de dag na sangs rgyas bcom ldan 'das zhes pa nas yongs su gang bar snang ngo zhes pa'i bar du ni chos ston pa'o/ /mdo las/ de bzhin du shar dang lto phyogs zhes pa nas gshin rje'i 'jig rten yang med ces pa'i bar du ni phyogs gzhon du phyin pa dang/ de bzhin gshegs pa gzhan yang der byon pa dang/ bsu ste gshegs pa bstan to /'jig rten gyi khams sbo ba dang/ de bzhin gshegs pa bzhugs pa dang/ der bzhugs nas kyang rdzu 'phrul chen po bstan pa'o/ /'jig rten gyi khams spo ba yang rnam par dag pa'i zhing du bstan te/ ri dang/ chu dang nags la sogs pa gsal ba bstan pa des ni zhing rnam par dag pa mnyam pa nyid bstan to/ /dang po rin chen mang gi mchod rten zhing ma dag pa na bzhugs pa bstan pa ni theg pa rnam gnyis drang ba'i don to/ sprul pa'i sku 'dus nas zhing rnam par dag bar gyur ba ni byang chub sems dpa' i don du bstan pa'o/ /yang na dang po zhing ma dag pa ni ma rabs kyis bstan to/ /de'i 'og tu stong chen po gcig gi bsgyur ba ni 'phags pa nyan thos pa'i dpe'o/ /de'i 'og tu bsgyur ba na 'phags pa dang sangs rgyas ba rnams kyi dpe'o/ /yang de'i 'og tu bsgyur ba ni theg pa chen po yongs su rgyas pa'i dpe'o?
- 327b
mdo las/ de'i tshe'i mi mjed kyi khams na zhes pa nas de ltar de bzhin gshegs pa de dag thams cad kyi rang rang gi zham 'bring ba skye'o zhes pa'i bar du ni rgyas par bsgyur zhing spo ba ste/ de yang gcig gis bsgre zhing bsgyur ba dang/ brgyar bsgre zhing bsgyur ba ni de bzhin gshegs ba tha dad pas so/ /der bsgyur ba yang dang po ni zhing bsgyur/ de'i 'og tu sems can bsgyur ba dang/ dag pa'i mtshan nyid bsgyur ba dang/ ma dag pa bsal dang/ rgyan gyi brgyan pa'o/ /'od kyis snang bar mdzad pa ni phyogs bcu'i de bzhin gshegs pa bskul pa'o/ /sems can dmyal ba med ces pa ni sems can bsgyur ba'o/ /ri dang mtsho la sogs pa med par byas pa ni zhing bsgyur ba'o/ /'di bzhag ste zhes pa'i 'khor 'di dag chos kyi snang du gyur pa bstan pa'o/ /sangs rgyas kyi zhing gcig tu byas zhes pa ni rgyan gyi brgyan pa bstan to/ /mdo las de nas bcom ldan 'das shAkya thub pas zhes pa nas nam mkha' bar snang la bzhugs so zhes pa'i bar du ni mchod rten dbye bar dgongs pa te/ de yang don 'grub nas nam mkha' la bzhugs pa dang/ 'khor bzhi po langs nas zhal du lta ba dang mchod rten mngon par phye ba'o/ /mdo las/ 'khor bzhi po de dag stan las langs nas/ thal mo sbyar te bcom ldan 'das logs su blta zhing 'khong ngo zhes pa'i 'khor langs pa bstan pa'o/ /mdo las/ de nas bcom ldan 'das kyis zhes pa nas/ sa ler byas so zhes pa'i bar du phyag g.yas bzhes pa ni bkra shis par bya ba'o/ /mdo las/ de bzhin gshegs pa'i zhes pa nas kho bo 'dir 'ongs so zhes pa'i bar du ni mchod rten phye bas 'chad pa dang/ nyan pa rnams spro bar bya ba'i gtan tshigs bstan te/ sku mngon par ston cing gsung smra ba dang/ me tog mthor ba gnyis la 'di ni dang po'o/ /mdo las/ de nas 'khor bzhi po de dag gi zhes pa nas/ rin po che'i phung pos gtor to zhes pa'i bar du ni me tog 'thor ba bstan to/ /mdo las/ de nas bcom ldan 'das rin chen mang zhes pa nas 'dir bzhugs te de skad
- 328a
gsung ngo zhes pa'i bar du ni 'khor mang po la mchod cing yongs su gtad pa ston pa'o/ /mdo las/ de nas bcom ldan 'das shAkya thub pa zhes pa nas/ bzhugs par snang ngo zhes pa'i bar du ni sku gsum don chen po mdzad par 'dra bar bstan pa'i phyir sangs rgyas de nyid gdan gcig la bzhuD pa dang theg pa cig la 'du bar bstan pa'i phyir gdan gcig la bzhugs pa'o/ /mdo las/ de na 'khor bzhi po de dag ces pa nas par snang la 'phags par bya'o snyam du sems so zhes pa'i bar du ni thams cad stong pa'i mtshan nyid la gnas par bya bar bstan to/ /mdo las/ de nas bcom ldan 'das kyis zhes pa nas/ bar snang la bkod do zhes pa'i bar du ni theg pa chen po thos pas bla na med pa'i 'bras bu 'grub par bstan to/ /mdo las/ bcom ldan 'das shAkya thub pas zhes pa nas/ yongs su mya ngan las 'das pa bzhed do zhes pa'i bar du ni/ yongs su gtad pa bstan to/ /mdo las/ de nas bcom ldan 'das kyi de'i tshon zhes pa nas chos kyi phyir du brtson 'grus mi skyed ces pa'i bar du ni/ 'di man chad tshigs bcad bzhi bcu rtsa brgyad la gnyis su dbye ste/ tshigs bcad bcu gnyis kyis ni mchod rten mngon par 'byung ba bstan/ chos thos pa'i gtan tshigs kyi dam pa bstan/ de'i 'og gi tshigs bcad sum cu rtsa drug gis ni 'khor rnams mdo 'di thos par mos pa dang yongs su gtang pa bstan to/ /mdo las/ tshig dang po la yang rnam pa gnyis su dbye ste/ tshigs bcad phyed dang gnyis kyis mchod rten mngon par byung bas 'khor rnams spro ba bskyed/ de'i 'og gi tshig phyed dang bcu gcig gis ni mchod rten phye ste 'khor la chos ston pa bstan to/ /mdo las/ bskal pa bye mang mya ngan las 'das kyang zhes pa nas/ yongs su rgyu ba phyogs bcu thams cad du zhes pa'i bar du ni mchod rten phye ste 'khor rnams spro ba bskyed pa la tshig dang po gnyis kyis ni gleng gzhi bstan/ phyi ma phyed dang
- 328b
dgus ni mchod rten phye ste mngon par ston pa bstan to/ /mdo las/ 'di dag thams cad nga'i gzugs te zhes pa nas/ rdzu 'phrul gyis yongs su dag par byas zhes pa'i bar du ni/ 'di man chad zhing bsgyur ba dang/ sangs rgyas bzhugs pa dang/ sku la spos kyi dri 'byung ba dang/ sems can gyi don la 'jig rten na bzhugs pa'o/ /mdo las/ 'di lta bur ni 'di dag ngas bshad pa zhes pa nas mun nag chen po'i nang nas me bzhin no zhes pa'i bar du ni sangs rgyas bzhugs pa bstan to/ /mdo las/ phyogs bcu rnams su yid du 'ongs pa'i dri zhes pa nas chos kyi gzhung yang 'dzin pa ni zhes pa'i bar du ni dri 'byung ba dang/ sems can la chos 'chad pa ston to/ /mdo las/ myur du tshig rnams rab smros shig ces pa nas 'dren pa mang po bya ba 'dir lhags zhes pa'i bar du ni 'khor rnams mdo 'di thos par mos pa dang/ yongs su gtad pa'o/ /de yang gsum du dbye ste/ tshigs bcad phyed dang bcus ni 'khor chos nyan pa mos pa bstan/ de'i 'og ma tshig bcu dgus ni khyad par bstan yang tshig phyed dang brgyad kyis mi spyod pa dam pa bsdu pa bstan/ dang po la rnam pa gsum ste/ tshig phyed dang bzhis ni 'dzin pa dang glog pa dang 'don par mos pa bstan/ tshig bzhis ni chos bsrung ba rnams yi dam gyi mthar phyin pa bstan/ yang tshig gnyis kyi ni chos 'chad par mos pa rnams bsam pa bzhin du 'grub par ston te 'di ni dang po'o/ /mdo las/ brtson pa nyan par bya ba rgyal ba'i bu zhes pa nas de'i sa 'di mdzes shing rnam par bkra zhes pa'i bar du ni chos srung bar mes pa rnams yi dam gyi mthar phyin pa bstan pa'o/ /mdo las/ de dag la yang mchod pa rgya che mdza' yas pa zhes pa nas spro ba byed pa 'dren pas so zhes pa'i bar du ni chos 'chad par mos pa rnams de bzhin gshegs pa mthong bar bstan pa'o/ /mdo sde stong phrag mang po yang zhes pa'i bar du ni klog pa
- 329a
dang 'don pa dang/ 'dzin pa la sogs pa'i khyad par bstan pa dang/ chos spyod pa rnam pa bcu'i khyad par bstan nas/ bsdus pa dang de bzhin gshegs pa'i dgongs pa dang mthun par bstan pa dang/ yang dag pa'i spyod pa la gzhol ba bstan pa dang/ de bzhin gshegs pa'i sras kyi gral 'tsho ba bstan pa dang/ 'jig rten pa 'di dag la phan pa chen po mdzad pa bstan pa ste/ de dag mdo'i tshig dang ci rigs par sbyar ro/ /dam pa'i chos pad ma dkar po'i 'grel pa yul siM ga la'i slon po sa'i rtsa lag gis byas ba rdzogs so// // // //bkra shis// //