Text
ff. 1a–400a · 783 folio sides
- 1a
tshad ma'i de kho na nyid bsdus pa zhes bya ba slob dpon zhi ba mtshos mdzad pa bzhugs//
- 1b
rgya gar skad du/ t+ttwa saM gra ha kA ri kA /bod skad du/ de kho na nyid bsdus pa'i tshig le'ur byas pa/ 'phags pa 'jam dpal gzhon nur gyur pa la phyag 'tshal lo/ /rang bzhin dbang ldan gnyis ka dang/ /bdag sogs byed dang bral g.yo ba/ /las dang de 'bras 'brel bdag /rnam par bzhag la sogs pa'i rten/ /yon tan rdzas dang bya ba dang/ /rigs dang 'du sogs khyad par gyis/ /stong dang sgro btags rnam can ni/ /sgra dang shes pa'i spyod yul can/ /mtshan nyid gsal dang
- 2a
ldan pa yi/ /tshad ma gnyis kyis gtan la dbab/ /cha shas shin tu phra bas kyang/ /'dres pa gzhan gyi bdag nyid min/ /mi 'pho thog mdza' med pa can/ /gzugs brnyan la sogs dag dang 'dra/ /spros pa kun gyi tshogs dang bral/ /gzhan gyi rtogs pa ma yin dang/ /rang dbang thos la mi brten pa/ /'gro la phan pa mdzad bzhed pa/ /bskal pa grangs med mi nyung bas/ /thugs rje chen po'i bdag gyur pa/ /rten cing 'brel par 'byung ba ni/ /gang gis gsungs pa smra ba'i mchog /kun mkhyen de la phyag 'tshal
- 2b
nas/ /de nyid rnams ni bsdu bar bya/ /nus pa ma lus dang ldan pa'i/ /gtso bo nyid ni 'ba' zhig las/ /'bras bu'i khyad par rab skye ste/ /de dngos can nyid yang dag par/ /gal te rgyu'i bdag nyid la/ /nus pa 'bras bu don yod min/ /de ni bya bar mi nus te/ /ngo bo med phyir mkha' pad bzhin/ /med par mtshungs na ci'i phyir/ /sA lu sa bon la sogs pa'i/ /bye brag phyir na nges pa yi/ /nyer ni len len byed gzhan ma yin/ /skye ba'i chos can thams cad kyang/ / dngos po kun la skye 'gyur te/ /'di kun la ni de dag nyid/ /khyad par khyad par med phyir ro/ /'di'i nus pa nges pa'i phyir/ / de lta min zhes lan mi rung/ /gang phyir nus pa'i rgyu dag gis/ /nus par 'os pa'i 'bras nyid byed/ /khyad par byar med gang yin pa/ /dngos po
- 3a
med dang 'gyur ba med/ /gyur na bdag nyid nyams gyur phyir/ /de dag gis de ji ltar byed/ /de ltar 'bras nyid mi rung phyir/ /ci zhig byed pas rgyu ru 'gyur/ /de'i phyir sa bon la sogs pa/ /rgyu'i dngos por yang mi 'gyur/ /gsal ba 'di ni bde sogs kyi/ /rdzas 'gro'i bar ni gsal bar snang/ /rab tu gdung dang btang snyoms sogs/ /'bras bu 'di la dmigs phyir ro/ /de phyir de bdag can las byung/ /de rigs rjes 'gro mthong phyir te/ /bum sogs bye brag bzhin gtso bo/ /de yang yin zhes ser skya smra/ /'di la blo bzang rnam chad pa/ /yod pa la yang klan ka mtshungs/ /de la khyed kyi lan gang yin/ /blo bzang rnams kyi'ang de dang 'dra/ /gal te zho sogs 'o ma sogs/ /bdag nyid la ni rnam kun yod/ /rgyu la sogs dang 'dra bdag nyid/ /yod pa de dag ci zhig skye/ /'bras bu
- 3b
de rgyus bskyed bya min/ /yod phyir rgyu dang rig pa bzhin/ de phyir mngon 'dod rgyu min te/ /bsgrub bya med phyir bdag mchog bzhin/ /gal te gsal sogs mtshan nyid can/ /khyad par gyur pa 'ga' zhig la/ /'di ni rgyu rnams kyis byed na/ /tha snyad du ni 'gyur pa min/ /gal te snga na de yod na/ /de ltar ci yang lan ma thebs/ /'on te de med de dag las/ /med par ji ltar skye bar 'gyur/ / de phyir bsgrub bya med pas na/ /nyer len yongs su 'dzin pa med/ /nges pa las kyang skye ba med/ /nus pa med cing bya ba 'ang med/ /bdag nyid thams cad rdzogs pa'i phyir/ /'di ni 'bras bu ci yang med/ / de phyir rgyu yi tha snyad kyang/ /'thad pa nyid ni ma yin no/ /sgrub byed zhugs pa thams cad ni/ /phyin ci log ni bzlog pa dang/ /nges pa skyed byed de lta bur/ /'di ni rigs pas 'thad ma yin/ /the tshom dang ni phyin ci log /rtag tu gnas phyir zlog tu med/ /nges pa skye ba 'ang yod ma yin/ /de nyid phyir na kun don med/ /yang na nges pa med pa ni/ /sgrub byed las ni skye 'gyur na/ /yang dag ma yin skye zhe na/ /de nyid kyis na 'di dag kun/ /'khrul pa can 'gyur ma yin nam/ /gal te mi gsal de dag las/ /gsal rten zhe na de gsal gang/ /ngo bo khyad par skye min te/ /dbyer med phyir dang ma
- 4a
'brel phyir/ /yul de rigs pa 'ang ma yin la/ /dmigs pa'i sgrib pa zad pa 'ang min/ /rtag pa'i phyir dang dmigs pa ni/ /gnyis pa yang ni mi srid phyir/ /yon tan gsum ldan dbyer med kyang/ /thams cad kun gyi byed po min/ /gang 'dra med pa'ang de dang 'dra/ /thams cad byed po kun min na/ /bltos pa ma grub pa yi phyir/ /khyod ni nus pa nges pa med/ / yod na de yi nges pa ni/ /bltos bcas rig pa ma yin nam/ /de min de dag ma skyes na/ /de lta'i sgra ni med du zad/ /khyad par kun gyis dben pa yi/ /dngos po'i ngo bo nyams pa med/ /mi ni dngos po'i ngo bo min/ /gang phyir brjod dang rnam rtog ni/ /rnam pa sna tshogs dbyer med la/ /ji ltar goms pa bzhin du 'jug /skye ba'i dngos po'i dngos de ni/ /med dang de bzhin yod pa dang/ / 'brel pa med de rnam rtog blos/ /med dang sbrel pa kho nar zad/ /gal te dngos po'i ngo bo nyid/ /gcig gi rjes la mthong ba dang/ /sngar med zhes pa de sa bon/ /sngar yod pa la 'di med do/ /'o ma sogs la zho la sogs/ /nus pa'i ngo bor 'dod pa gang/ /de la nus gang gal te zho/ /'o ma bzhin du snang bar 'gyur/ /gal te gzhan yin gzhan yod na/ /ji ltar dngos kun gzhan zhes bya/ /snying stobs
- 4b
yod pa sdug bsngal dang/ gti mug yod pa ma yin no/ /gsal ba snying stobs sogs rjes 'gro/ des la ji ltar yang ma grub/ /bde sogs nang gi yin pa'i phyir/ /de ni rang rig gsal phyir ro/ /sgra sogs gcig pu kho na yang/ /goms dang rig pa'i bye brag las chags pa la sogs nges pa ni/ /skye ba dag tu gsal bar snang/ /dngos gcig rjes su 'brangs nas ni/ /rigs pa rna tshogs thal bar 'gyur/ gal te ma mthong sogs dbang gis/ /dngos po'i rjes su 'brang mi 'gyur/ dngos po ngo bo rnam gsum pa/ de'i rig pa rnam gcig can/ de dang mi mthun de dag ni/ /de la yang dag ji ltar rigs/ /skyes bu gcig la rnal 'byor pa'i/ /bde dang skyo dang btang snyoms skye'i/ /pha rol rnams kyi skyes bu ni/ de'i ngo bor 'dod ma yin/ /gsal ba yon tan gsum can du/ /grub kyang gtso bor ba? ma grub/ /de rgyu gcig dang rtag nyid min/ /de ni rigs gcig dang ldan min/ /gsal ba thams cad lcags kyi ni/ /thur ma dang 'dra rim pa dang/ 'brel pa'i lus can dag tu snang rtog dang 'dres pa'i bdag nyid can/ de bzhin 'ji ba'i 'gyur la sogs/ /khyad par rigs gcig ldan min dang/ /rgyu gcig min par yang 'grub ste/ /'jim gong la sogs tha dad phyir/ skyes bu rnams la sems yod sogs/ /rjes 'gro ni yang rgyu gcig ni/ sngon 'gror mi 'dod dngos min zhes/ /gal te dngos su min zhes na/ /'di la ni yang ces mi mtshungs/ de phyir gtso bo'i rgyu med na/ /rgyu dang 'bras bu la sogs pa/ /sna tshogs thams cad nus pa yi/ /khyad par las ni rung bar 'gyur/ /de kho na nyid bsdus pa'i rab tu byed pa las rang bzhin rtag pa ste dang po'o// //gzhan dag skye ldan kun gyi ni/ /rgyu ni dbang phyug yin zhes zer/ /shes pa med pa'i bdag nyid ni/ /rang gi
- 5a
'bras bu rtsom mi byed/ /rab rtsom byed pa'i yan lag gi/ dbyings kyi khyad par dang ldan gang/ /de ni blo ldan rgyas bskyed bya/ /bum pa sogs bzhin dbang po ni/ /gnyis kyis gzung par bzung ba min/ /rtsod pa'i gzhi dang 'di 'dra bar/ /des na blo ldan sngon 'gro bar/ /chos mi mthun pa rdul du 'dod/ /de bzhin lus sems pa yi rgyu/ /shes pa yod pas byin brlabs te/ /gzugs sogs ldan phyir rgyu spun sogs/ /rang gi 'bras bu byed mthong bzhin/ /chos dang chos min rdul phran bzhin/ /sems dang ldan pas byin brlabs te/ rang gi 'bras bu byed sdod do/ /'jug phyir tshig pa rgyu spun bzhin/ /skyes bu skye ba'i dang po ni/ /tha snyad gzhan gyis bstan las byung/ /rab sad rnams kyis des pa'i phyir/ /byis pa yi ni tha snyad bzhin/ /'byung ba chen sogs gsal ba ni/ /sems dang ldan pas byin brlabs na/ /'jig rten kun gyi bde ba dang/ /sdug bsngal rgyu mtshan nyid du 'gyur/ /shes pa med pa nyid 'bras nyid dang/ 'jig pa nyid sogs rgyu yi phyir/ /ste'u sogs bzhin de yi phyir/ /de ni yod par gsal bar shes/ /kun gyi byed pa nyid grub na/ /de ni sgrib med kun shes nyid/ /grub ste 'di ltar byed pos ni/ 'bras bu'i ngo bo sogs rigs byed/ /rtsod pa'i rten gyis dngos po ni/ /'gal ba mngon sum du ni gsal/ /dngos po yod sogs gtan tshigs phyir/ /bde sogs ngo bo'i bye brag gi/ sgrub pa dang po de la ni/ /gtan tshigs ma grub gang gi phyir/ /bkod par 'byor pa zhes bya dang/ /de bzhin yan lag can ma grub/ /bltar rung nyid du khas blangs pa/ /gnyis ka mi dmigs pa yi phyir/ /de yi phyir ni dpe 'di yang/ /sgrub dang ldan pa ma yin na/ /mig dang rig pa'i rnam shes ni/ tha dad snang ba nye bar skye/ /de dag dmigs
- 5b
ba gcig nyid med/ /dri la sogs pa'i sems bzhin no/ /de dag gis ni mthu byung na/ /rtog dang 'brel pa'i bdag nyid can/ /nying mtshams sbyor ba'i shes pa yi/ /bsdus la zhen par byed pa yin/ /de phyir chu dang me sogs 'di/ /dbang po gnyis kyis gzung bya med ji skad bshad pa'i chos can ni/ /ma grub phyir na gzhi ma grub/ /lha khang la sogs la bkod pa/ /khyad par can nyid ci 'dra ba/ /byed pa po ni mi dmigs na/ gang mthong bas ni blo ldan rtogs/ /lus dang ri sogs chos can la/ /gal te de 'dra nyid snang na// sgrub pa 'di las ji lta bur/ /'dod pa sgrub pa de rigs so/ /rjes su 'gro dang ldog pa yis/ /gang gis 'bras bur gang nges pa/ /de mthong ba na de des pa/ /zhes byar rig pas gnas pa yin/ /dbyibs kyi khyad par de lta bu/ /lus dang shing la sogs pa'i dbyibs/ /khyad par 'di dag la med de/ /de 'dra ba ni rab brjod pa'i/ /sgra tsam 'ba' zhig kho na yis/ /ldog na the tshom za bar ni/ /sgrub par 'grub ste grogs mkhar dag /rdza mkhan gyis ni byas pa bzhin/ /chos kyi khyad par rnam rtag phyir/ /'di ni ltag sbyong ma yin nam/ /'bras bu la sogs spyi nyid ni/ /sgrub pa yin par bstan ce na/ de dngos min pa las log pa'i/ /'bras bu tsam zhig mi rtag nyid/ /sgrub par byed de bdag phyir ro/ /sgrub byed de la de tshul med/ /me la 'khrul pa med par ni/ /du ba'i bdag nyid skye bo mthong/ /skya bor brjod pa ce na nyid kyis// //kha ba las kyang de rtog med/ /spyir 'brel ba lang gang gi tshe/ /khyad par dag la brtod pa yi/ /klan ka de la tshol byed na/ ltag chod yin par yang dag brjod/ /gal te tshul 'dir mi brten par/ gzhan du go sgra'i brjod pa tsam/ /nyid kyis rdo rje la sogs la/ /rwa can nyid ni 'grub par 'gyur/ /gal te 'di la 'brel pa ni/ /tshad ma yis ni sgrub byed na/ /de phyir rig pas grub byed na/ /rtsod pa 'ga' yang yod ma yin/ /'on kyang rtag
- 6a
gcig kun shes pa'i/ /blo rtag pa yi rten yin par/ 'grub par mi 'gyur khyab med phyir/ /bsgrub bya med pa nyid phyir ro/ /'di ltar kha skya them skas dang/ /khang bzang chod dus la sogs pa/ rnam shes du ma mi rtag pas/ /sngon du 'gro ba can du des/ /de nyid phyir na 'dod pa la/ /gnod par byed par yang 'dod do/ /rnam shes du ma mi rtag pa/ /sngon 'gro can nyid sgrub phyir ro/ /rgyu ni blo dang ldan tsam la/ /khyod kyis 'brel pa brjod pas na/ /gnyis pa la ni kho bo yis rnam pa gsal ba brjod pa yin/ /rtag rnams rim dang rim min pa/ /'gal phyir bya ba byed ma yin/ /yul rnams rim can nyid kyi phyir/ /de shes rnams la'ang rim pa yod/ /shes bya rim can dang 'brel phyir/ /dbang phyug shes pa rim pas 'byung/ /lha sbyin sogs kyi rnam par shes/ /'bar sogs spyod yul can bzhin no/ /kho bos bum pa la sogs pa/ /rdul phran tshogs can yin par 'dod/ /de'i byed po rdza mkhan sogs/ /rdul phran kho na'i byed por 'dod/ /de phyir chos mi mthun pa'i dpe/ /rdul phran rab tu bstan 'di las/ /bsgrub bya nyid du mngon 'dod pa'i/ /chos 'di log pa ma yin no/ /gal te spyir na blo ldan zhig /sngon du 'gro ba can 'dod na/ /de la brtsod pa yod med do/ /ngo bo sna tshogs las skyes pa/ /rtag lo gcig can sngon 'gro bar/ /bsgrub na bsgrub byas stong pa nyid/ /mang po rnams kyis khang skye sogs/ /byas par mthong phyir 'khrul pa yin/ /skyon 'di nyid ni ci rigs par/ /gtan tshigs lhag ma dag la yang/ /sbyar bar bya ste gzhan yang ni/ /cung zad tsam zhig rab bstan te/ /skad cig 'jig phyir rdul phran sogs/ /'dod nas 'jug par ma grub po/ /de yang rim dang ldan 'jug phyir/ /de nyid kyis na 'khrul pa 'ang yin/ /kho bo 'jig tshe skyes
- 6b
bu rnams/ /rnam shes dran pa 'jig mi 'dod/ /'od gsal lha sogs skye phyir dang/ /de nyid las ni 'di skye phyir/ /kha med lung 'bog byed pa po/ /gal te dad pas rtogs 'gyur gyis/ /lus 'bras nyid phyir kha med de/ /chos dang chos min med phyir ro/ /sgrub byed kun la khyab ba ni/ /rjes su dpag dang 'gal ba dang yin/ /'gal ba'i chos kyi gtan tshigs ni/ /khyab par rung ba ma yin no/ /skye ba med phyir dbang phyug ni/ /skye ba can gyi rgyu ma yin/ /nam mkha' yi ni pad+ma bzhin/ /gzhan du thams cad cig car 'gyur/ gang dag rim gyis 'byung bar yang/ /de dag dbang phyug rgyu can min/ /ji skad bshad pa'i sgrub pa las/ /blun po yid ches skyed pa bzhin/ /de dag kyang de las byung na/ /sgrub pa brjod pa don med do/ /rtag phyir gso byed min pa la/ de ni lhan cig byed ma yin/ /gang dag yod na 'byung mthong la/ /med na nam yang ma yin pa/ /de yi rgyu gzhan nyid rtog na/ /khyed la ji ltar thug med min/ /byed pa po nyid bkag pa'i phyir/ /kun shes nyid kyang bsal par ni/ /rtogs bya de yi stobs nyid kyis/ /kun shes nyid du 'thad phyir ro/ /ci skad bshad pa'i nyes pa yi/ /sgrub rnams sun phyung ma gyur kyang/ /'on kyang 'khrul pa mthong ba'i phyir/ /byed pa po gcig ma grub na/ /thams cad shes nyid ci lta brten/ /de sgrub phyir ni sgrub smras pa/ /rgyal dpog pa rnams la mdzes so/ /de kho na nyid bsdus pa'i rab tu byed pa las dbang phyug brtag pa ste gnyis pa'o// //de ltar rang bzhin dbang phyug dag/ so sor rgyu nyid bkag pa'i phyir/ /gnyis ka lhan cig pa 'di yang/ /skye ba can gyi byed po min/ /de dag lhan cig byed nyid du/ /brtags pa gang yin pa de yang/ /khyad par skyed par byed phyir ram/ /don gcig byed pa'i phyir yin grang/ /rtog pa dang po rigs min te/ /de dag 'gyur pa med phyir ro/ /gnyis pa 'ang ma yin 'bras bu rnams/
- 7a
cig car thal bar 'gyur phyir ro/ /ci ste gtso bo'i ngo bo ni/ /tshul gsum nyid du rnam par gnas/ /de la dbang phyug 'di rdul dang/ /ldan na 'byin pa'i rgyu yin no/ /snying stobs sha cher? 'jug pa la/ /gang tshe rten par byed pa na/ /de tshe 'jig rten thams cad kyi/ /gnas pa'i rgyu mtshan nyid du 'gyur/ /gang tshe mun pa'i nus pa ni/ /shas chen po dang sbyor ba na/ /de tshe 'di ni 'gro ba kun/ /'jig par byed pa yin zhes grags/ /de ltar rdul dang snying stobs sogs/ /dngos po rnams 'di yi lhan cig byed/ /rim pa kho nar 'byung 'gyur te/ de phyir 'bras bu rin med yin/ /'dir brjod bya ste 'di dag ni/ /gcig byed tshe na srid dam gcig sgrub pa'i mthu ste yod dam med/ gal te yod na 'byin tshe gzhan/ gnyis pa yang ni yod par 'gyur// de bzhin gzhan zhig yod na yang/ gnyis pa gzhan du thal bar 'gyur/ /de yi ngo bo gzhan gyis ni/ /gzhan gyis byed po ma yin pas/ /'di yi rang bzhin 'di nyid ni/ de yi bye brag ga la yod/ /de yi nus pa dang bral na/ gzhan tshe de'i skyed pa por/ /mi 'gyur nus pas stong pa'i phyir/ /nam mkha' yi ni me tog bzhin/ /nus pa shas tshan ngo bo yang/ /gal te de tsam gyi rgyu na/ /rgyu'i ngo bo rtag nye'i phyir/ /dus kun tu ni de yod 'gyur/ /gzhan dag gis gzhan mi 'dod pa/ /de phyir gzhan las kyang de min/ /res 'ga' 'byung ba nyid kyi phyir/ /de ni rang dbang can yang yin/ /rang las byung na rgyu nyid min/ rang la byed pa 'gal phyir ro/ /dngos po rnams ni bltos pa yis/ /res 'ga' ba nyid srid pa yin/ /'di ltar rang gi bdag nyid la// rang dngos bya ba 'jug mi 'dod/ /bdag nyid grub par gyur pa yang/ /gnas skabs 'di la grub phyir/ /bdag gi de nyid ma grub pa/ /'ga' la byed pa min nyid de/ /nus pa kun dang bral ba'i phyir/ /nam mkha' i pad+ma la sogs bzhin/ de kho na nyid bsdus pa'i
- 7b
rab tu byed pa las gnyis ka brtag pa ste gsum pa'o// //rang bzhin smra ba rnams kyis ni/ /dngos po rnams kyi skye ba 'di/ /rgyu kun la ni bltos med smra/ /de dag rang yang rgyur mi smra/ /pad+ma'i ge sar la sogs pa'i/ /sna tshogs gang gis byed 'gyur ba 'am/ /rma bya'i mdongs la sogs pa yis/ /sna tshogs pa'i gang gis sprul/ /dper na tsher? ma la sogs pa'i/ /sna tshogs rgyu med can nyid de/ /res 'ga' 'byung phyir de bzhin du/ /sdug bsngal la sogs rgyu med nyid/ /rjes su 'gro ldog ldan pa yi/ /mtsho skyes ge sar la sogs pa/ /gnas skabs khyad par ldan pa yi/ /sa bon 'dam dang chu sogs can/ /mngon sum mi dmigs pa dag gi/ rgyu ni nges pa nyid yin na/ /gang tshe 'di dag gi rgyun ni/ gzhan gang yin zhes 'dri bar byed/ /yul dang dus kyi nges pa dag /ji ltar dngos po rnams la yod/ /gal te 'di yi de rgyu min/ /de dag kun tu kun 'byung tshe/ /gang du gang tshe 'ga' zhig la/ /de las gzhan pa spangs nas ni/ /des pa nyid du 'byung 'gyur ba/ /de dag de la bltos pa yin/ /de ltos de ltar 'byung ba yin/ /bltos pa 'bras bu nyid du brjod/ /mngon sum gyis kyang de ltar brjod/ /des ni 'di la rgyu dag 'grub/ /yang na de la zhes byar sbyar/ /de phyir rang bzhin smra ba 'di/ /mngon sum gyis ni rab gnod 'gyur/ /mngon sum dang ni mi dmigs pas brgya yi ngo bo des phyir ro/ /rgyu yod par ni bsgrub don ste/ /tshad ma yod nyid ma gyur mod/ /de lta na yang tshad med pas/ /don med nyid du nges pa yin/ /gang phyir don ni yod pa yi/ /tshad ma khyab byed dang rgyu min/ /tha dad par ni yod phyir dang/ /'khrul phyir de las byung phyir ro dngos gang de lta'i rnam pa min/ /de nyid dang ni ldog pa las/ /gzhan ldog par ni nges pa ru/ /mi rtog 'brel pa med phyir ro/ /kun gyis ma mthong the tshom dang/ /rang gi ma mthong 'khrul pa ste/ /'bigs byed ri phug ngur pa sogs/ ma mthong bar yang yod phyir ro/ /gal te
- 8a
rgyu med can nyid du/ bsgrub phyir gtan tshigs mi sbyor na/ tshad ma med par mi 'grub ste/ /de yi phyir na phyogs mi 'grub/ gal te de grub phyir gtan tshigs/ /rab tu sbyor ba de lta na'ang/ /grub pa de rgyus bskyed nyid phyir/ /khyed kyi phyogs kyi 'grub mi 'gyur/ de ltar shes byed gtan tshigs dang/ /de gsal byed pa'i yang de ni/ /grub pa'i rgyu mtshan nyid gyur pa/ /bsgrub bya'i shes byed yin par bshad/ /de phyir byed pa 'di nyid ni/ shes par byed pa'ang rgyur 'dod do/ /sgrub bya'i skyed byed ma yin phyir/ byed pa por ni mi brjod do/ /de phyir dngos po gzhan dag kyang/ /rgyu bcas nges las skyed phyir ro/ /khyed kyi bsgrub bya'i don yul can/ /shes pa bzhin du bsgrub 'byung phyir/ /de kho na nyid bsdus pa'i rab tu byed pa las 'gro ba rang bzhin du smra ba brtag pa ste bzhi pa'o// //skye 'jig med par yang dag ldan/ /sgra yi rang bzhin tshangs pa mchog /gang de yongs su gyur pa ni/ /dngos po'i grong nyid rab shes bya/ /de ltar gang dag brjod pa la'ang/ /de la brjod bya ba 'di ni/ /rang gi sgra yi ngo bo ni// btang nas sngo sogs nyid thob bam/ /de lta min na gang gi tshe/ /dang po'i phyogs rten de mi tshe/ yi ge nyid dang bral 'gyur te/ sngar yod dag ni 'jig phyir ro/ /ji ltar de ma thag pa'i phyogs/ de la sngo sogs myong ba'i tshe/ /'on pa la yang gsal por ni/ sgra yi bdag nyid myong bar 'gyur/ /gang gis gtso bor 'jug pa yis/ /thams cad sgra yi ngo bor gnas/ /sgra yi ngo bo ma btang na/ /yongs 'gyur bar brjod phyir ro/ /sngon po la sogs gcig nyid du 'phal ba min par rnam gnas na/ de rigs pa yi dus su ni/ /ji ltar 'di rig yang ma yin/ /'di rig med na sngo sogs kyang/ /rab tu myong bar mi 'gyur te/ /gcig bdag nyid phyir tha dad chos/ /shin tu tha dad thal bar 'gyur/ 'gal ba'i chos dang 'brel pa yi/ /dngos rnams tha dad mtshan nyid yin
- 8b
gzhan du gsal ba'i pha dang la'ang/ /rtog pa 'di ni med par 'gyur/ /gal te dngos po so so yang/ /sgra gcig bdag nyid dbyer med 'dod/ /thams cad yul gcig nyid dang ni/ /rnam pa gcig tu rig par 'gyur/ /'di gsal so so tha dad na/ /tshangs pa du mar thal 'gyur te/ tha dad du ma dngos po'i bdag/ ngo bo nyid phyir dngos po'i bzhin/ /sgra yi rang bzhin rtag nyid ni/ /dngos rnams kyang ni rtag nyid de/ de dag cig car grub pa'i phyir/ /yongs su grub pa mi rigs so/ /ngo bo gcig ni mi gsal bzhin/ /ngo bo gzhan ni 'byung 'gyur na/ /'jig sogs bzhin du 'grub 'gyur ba/ /rim med la ni yongs gyur med/ /gzhan yang 'bras bu'i ngo bor ni/ /'gro ba'i sgra tshangs rang bzhin na/ /de lta na yang 'gyur med phyir/ /de las rim pa 'byung ba med/ /rang bzhin gcig po de nyid las/ /gzhan gzhan ngo bor 'byung min na/ /don gyi ngo bo yongs gyur par/ /de la ji ltar brjod par bya/ /de yi ngo bo min las ldog/ 'ji ba'i ngo bo nyid dmigs phyir/ kham bum la sogs khyad par la/ /'ji ba'i bdag nyid gcig tu rtog/ sngo dang ser sogs khyad par la/ /sgra bdag min las ldog pa ni/ /de nyid la ni mi dmigs te/ /de phyir rtog pa'ang sa bon med/ /ci ste tshangs pa'i de nyid 'di/ /rtag tu cha med nyid gnas pa/ /ma rig gis bslad 'jig rten gyi/ /sna tshogs nyid du mngon par sems/ /de la'ang ma rig pas 'khrul pa'i/ /skye bo rnams kyis gzugs rtogs 'gyur/ /gang zhig sngo sogs rnams pa ru/ /blang dang dor ba'i rgyu mtshan ni/ /de yi ngo bo las rtog pa'i/ /tshangs pa'i ngo bor shes pa med/ /ji ltar ldang ba'i sems rnams kyis/ /yod pa nyid du shes mi 'gyur/ /de ni mngon sum gyis 'grub min/ /cha med snang ba med phyir ro/ /rtag las skye ba rigs yin pas/ /de las 'bras bu'i rtags kyang med/ /chos can yod nyid ma grub phyir/ /rang bzhin grub byed ma yin no/ /de dag las ni ma gtogs pa'i/ /yod par grub pa'i rtogs
- 9a
med do/ /shes bya yin ni go rim las/ /shes kun go rims can du grub/ /gzhan du cig car nyid du ni/ /de 'bras rnam shes thal bar 'gyur/ /'di ni shes pa tsam la yang/ /nus pa'i dngos med de la gzhan/ /yin na 'di na mo gsham gyi// bu dang mtshungs par thal bar 'gyur/ /rnam dag ye shes rgyu can gyi/ /rnal 'byor bas kyang tshangs pa'i dngos/ /de mi shes te de yi phyir/ /shes la bya ba 'brel med phyir/ /gtso bo yongs su gyur pa dang/ /tshangs pa'i lta ba mtshungs pa 'ang min/ /tshangs pa'i mthong ba gtso bo yi/ /yongs su 'gyur ba dang yang mtshungs/ /de yi sun 'byin rjes 'brangs nas/ /'di la sun 'byin rtogs par bya/ /de kho na nyid bsdus pa'i rab tu byed pa las sgra'i tshangs pa brtag pa ste lnga pa'o// //nyes par bshad pa'i grub mdza' yi/ rjes 'jug blo can gzhan dang ni/ /dbang phyug chos mtshungs skye bu ni/ /'jig rten rgyur ni rtog par byed/ /dngos po ma lus 'jig na yang/ /shes pa nus ldan 'jig pa med/ /brgya rnams kyi ba bzhin du/ /de ni skye ldan rgyu ru grags/ /dbang phyug bzhin du 'di la yang/ /sun 'byin thams cad brjod par yang/ /'di yi bya ba 'di 'dra 'di/ /ci yi phyir na byed pa yin/ /gal te gzhan gyis rab sbyar phyir/ /'di ni rang dbang nyid 'gyur min/ /'on te brtse bas byed 'gyur na/ /'gro ba gcig tu bde bar 'gyur// nad dang dbul dang mya ngan sogs/ /sdug bsngal du mas gzir ba yi/ /skye ba 'byin par byed pa de'i/ /rjes su brtse pa ji ltar shes/ /'byin pa'i snga na snying rje'i yul/ /med na rjes brtse 'thad ma yin/ /gang dang 'brel par gyur pa las/ /'di ni 'byin pa bor rtog byed/ /rtag tu bde dang ldan rnams kyis/ /'jig pa 'di yis byed mi 'gyur// de yis ma mthong la bltos na/ /rang dbang nyid ni nyams par 'gyur/ /ma mthong sdug bsngal gyis rgyu la/
- 9b
ci phyir de ni ltos par byed/ /'di ni brtse dang ldan yin na/ de la btang snyoms bya bar rigs/ /gal te de 'jug rtsed mo'i don/ /rtsed mo la ni gtso bo min/ /rtsed mo'i thabs ni sna tshogs la/ /bltos pa'i phyir na gzhon nu bzhin/ /rtsed mo bsgrub bya'i dga' gang dang/ /de yi bsgrub byed gang yin de/ /gal te de byed nus ldan na/ de kun cig car byed par 'gyur/ /dang por de nus ldan min na/ /mi gzhan du yang nus med 'gyur/ /dngos po dbye ba med pa la/ /nus dang mi nus mi rigs so/ /'on te rang bzhin nyid las 'di/ /'jug pa la sogs la brjod de/ /dper na me sogs rang bzhin gyis/ /sreg pa la sogs las la bzhin/ /gal te de la yin de las/ /dngos po ma lus cig car 'byung/ /de dag skyed pa'i nus pa dang/ /ldan pa'i rgyu ni nye phya'i ro/ /me la sogs pa'i dngos rnams la/ /nges pa nyid ni nus pa dag/ dus kun tu ni 'byung min te/ /rang gi rgyu stobs las 'byung phyir/ /gzhan du gal te dag gi 'am/ /des 'di khas mi len na ni/ /'bras bu thams cad cig car ni/ /yang dag 'byung ba nyid du 'gyur/ /brgya bal gyi rang bzhin gyi/ /snal ma'i rgyur ni mi 'dod de/ /gang phyir srog chags pa 'dod las/ /kha chu yi ni dra ba byed/ /gal te ji zhig ltar 'jug na/ /'di yi 'byung ldan ci 'dra zhig /gang gi phyir na nya pa yang/ /ma dpyad las la 'jug mi 'gyur/ /dpa' bo'i bu dang bdag skyes so/ /rnam pa de dag nyid kyis ni/ /byed pa por yongs brtags pa yang/ /yongs su 'ang de dag sun phyung 'gyur/ /de kho na nyid bsdus pa'i rab tu byed pa las skyes bu brtag pa ste drug pa'o// //gzhan dag kyang ni 'dir bdag nyid/ /'dod la sogs pa'i rten gyur pa/ /de bzhin rtag dang kun 'jug can/ /rang nyid sems med ngo bor 'dod/ /dge dang mi dge'i las rnams kyi/ /byed pa po dang de 'bras kyi/ /za ba po yin sems 'brel phyir/ /sems yin rang gi ngo bos min/ /shes dang rtsom sogs dang 'brel pa/ /de la byed pa po nyid brjod/ /bde dang sdug bsngal sogs rig pa'i/ /'dul ba
- 10a
las ni za ba po/ /de yis ris mthun khyad par dang/ /blo rnams dang ni tshor ba ni/ /sngar med rnams dang 'brel pa yi/ /de skye mngon par mngon par brjod/ /sngar blangs pa dang bral ba ni/ /'chi ba yin te 'tsho ba yang/ /chos dang chos min 'dus byas pa'i/ /lus babs yid dang 'brel pa yi/ /lus dang mig sogs gnod pa'i phyir/ /'di la 'tshe par rnam par brtag/ 'di ltar skyes bu brtag pa 'ang/ /tha dad 'di ni dri med 'dod/ /nga shes bya ba'i nus pa dang/ /lus la sogs ni tha dad pa'i/ /rig par byed pa'i rig yin te/ /shes phyir de las gzhan pa bzhin/ /'dod pa la sogs thams cad kyang/ /de dag 'ga' zhig la brten nyid de/ /dngos nyid yin pas 'bras nyid phyir/ /gzugs bzhin nyid kyi skyes bu de/ /dngos nyid dngos po'i phyir na 'di/ /'jig pa 'khrul ldan ma yin te/ /'jig ba rgyu can nyid na yang/ /gang phyir dngos nyid ma yin no/ /gzugs sogs shes pa thams cad kyang/ /gcig dang du ma'i mtshan nyid can/ /nga zhes bya ba'i shes pa dang/ /de dag mtshams ni sbyor nyid phyir// gar mkhan smin khyug g.yo ba la/ /mang po dag gis shes pa bzhin/ /rnam pa du ma mtshams sbyor ba/ /rgyu med par ni skye mi 'gyur/ /bdag ces bya ba'i tshig 'di ni/ /blo dang dbang sogs tshogs pa las/ /tha dad par ni rjod byed min/ /rab grags mi las tha dad na/ /gang phyir tshig gcig nyid 'dod phyir/ /gang yang de ltar des gyur pa/ /ji skad bshad pa'i chos dang ni/ /der 'brel bum pa'i sgra bzhin no/ /gson pa yi ni lus 'di ni/ /srog sogs dang yang bral 'gyur te/ /bdag nyid phyir na bum pa bzhin/ /de phyir 'di la bdag med med/ /rnam shes phyi ma thams cad ni/ /skyes ma thag pa'i thog ma yi/ /shes pa'i rig byed kyis rig ste/ /shes phyir de yi rang so bzhin/ /thag ring yul na gnas gyur pa'i/ /bdag dang ldan pa nyid yin te/ /lus can sogs phyir
- 10b
bdag lus med/ /de ltar bdag ni yod dang rtag /khyab byed dag tu nges yin na/ /chos rnams thams cad bdag med pa/ /zhes byar gnas pa ma yin no/ /de ltar bu 'dir re zhig ni/ /sgrub byed dang po grub pa sgrub/ /gang phyir khyod kyis shes pa ni/ /kun mkhyen sogs kyi shes byar 'dod/ /gsal byed la ni ltos med par/ /rang rig ngo bor skye 'gyur ba/ de ltar gzhan gyi rnam shes kyang/ /dpe ni bsgrub byas stong pa yin/ /de yi rnam par nyer bsgyur ba'i/ /gzhan gyis rab tu shes par 'gyur/ /de dpe nyid du brjod na yang/ /gzhan gyi sgo nas the tshom 'gyur/ /gal te 'dod pa la sogs kyi/ /'ga' zhig rten du rab sgrub na/ /gal te de la rgyu tsam nyid/ /rten du yongs su rtog na ni/ /'dod pa grub yin gal te yang/ /de gzhi rten du khyod 'dod na/ /de tshe 'ang rgyu bas stong pa yis/ /rten du rtog pa don i med yin/ /rgyu shugs 'bras bu sogs kyi gzhi/ /mkhar gzhong la sogs bcad pa yi/ /ltung pa'i bgegs pa dang byed phyir ram/ khyad par dag ni skyed phyir ro/ /'jigs pa dngos po med pa yang/ /'bras bu nyid du rigs ldan min/ /de phyir gzhan gyi gtan tshigs 'dir/ /khyad par smras pa'i don med do/ /ma rig pa yis bslad pa las/ /da yis zhes dang mtshams sbyor 'di/ /dngos po skad cig ma dag la'ang/ /byed po gcig tu zhen par 'jug /log pa'i rnam par rtog 'di las/ /de nyid gnas pa rig ma yin/ /nus khyad par las tha dad kyang/ /gcig gi rgyu mtshan byed par 'gyur/ /gzugs dang sgra sogs sems dag ni/ /rjes 'khor gcig gis 'bras nyid na/ /snga phyi dag ni 'gal 'gyur te/ /nus pa'i rgyu ni nye phyir ro/ /rnam shes de ma thag gcig las/ /rnam shes drug po 'byung ba ni/ /gsal bar cig car rig 'gyur te/ /de phyir 'dod pa'i sgrub byed yin/ /rim pa can/ la rgyu gcig nyid/ /med ces de ma thag tu bstan/ /de phyir de ni yid khyab la/ /rjes dpag gis gnod gsal por mthong/ /gar mkhan
- 11a
smin khags g.yo ba ni/ /don dam par ni gcig nyid min/ /rdul phran du ma'i tshogs nyid phyir/ /de la gcig tu rtag pa'i phyir/ /'bras bu gcig la nye sbyor phyir/ /sgra gcig gi ni spyod yul yin/ /bsgrub bya rnam pa de lta bur/ gal te 'dod na grub pa sgrub/ /blo dang sems la sogs pa'i sgra/ /kho bo cag gi rnam grangs dag /tshig gcig yin yang tha dad pa'i/ /rjod par byed pa nyid ma yin/ /de phyir gtan tshigs ma nges pa'o/ /de'i khyad par smras yin nam/ /de nyid ma grub par smra te sems rnam grangs su gnas shes bya/ /nga rgyal gyis ni rten nyid kyis/ /sems la bdag ces brjod pa ni/ /kun rdzob tu yin don dam par/ /'di yi yul ni yod ma yin/ /mkha' dkyil pad+ma sogs pad+ma/ /byed pa po la sogs pa'i tshig/ gcig ni rnam par sbyor byed na/ /des ni 'khrul ba dag kyang mthong/ /brda tsam las ni byung ba yi/ /tshig dag gang du 'brel pa med/ /bdag la sogs pa'i tshig dag la'ang/ /rang bzhin gyi don gsal byed med/ /gang tshe bdag dang lhan cig tu/ /srog sogs 'brel pa 'grub 'gyur ba/ de tshe thal ba 'di rigs kyi/ /rnam pa gzhan du mi rigs so/ /mo gsham bu yi stong nyid ni/ gson lus srog sogs dang bral ba/ /thal bar mi 'gyur de bzhin du/ khyod kyi thal 'gyur 'di nyid yin /re zhig 'di la de bdag med/ /de dag tha dad khas len phyir ro/ /rgyu dang 'bras bu nyid kyang min/ /cig car thal bar 'gyur phyir ro/ /de yi phyir na nyid ldog pa/ /de dang 'brel pa med pa yi/ /dbugs kyi 'byung rdub sogs 'di dag /ci phyir lus las ldog par 'gyur/ /de ltar sgrub byed thams cad kyis/ /bdag sogs ma grub pa yi phyir rtag dang khyab pa nyid dag gi /dpe ni sgrub byas stong par bstan/ /gzhan dag gis bdag mngon sum gyis/ /grub pa nyid du yongs su brtags/ /gang phyir 'ong zhes rang rig ste/ /yul ni bdag yin par 'dod do/ /de ni mi rigs ba zhes la/ /de yi ngo bor mi snang
- 11b
zhes/ /gang phyir de la rtag pa dang/ /khyab sogs snang ba shes pa med/ /'di ni kha dog dkar sogs su/ /snang ba gsal bar rig 'gyur na/ /de yi rang bzhin bdag mi 'dod/ /de phyir de yi yul can ni/ gal te skyes bu yang dag par/ /mngon sum gyis ni shes gyur na/ /de bas ci phyir rtsod pa 'di/ /de yongs sogs la 'jug par 'gyur/ /'di ltar nges par bya ba 'di/ /nges pa'i bdag nyid du 'jug cing/ /nges pa dang ni sgro 'dogs blo/ /gnod bya gnod byed nyid du gnas/ /de phyir 'dod sogs thams cad? ni/ /bdag dang 'du ba ma yin nyid/ rim gyi skye ba nyid kyi phyir/ /sa bon myu gu'i lcugs sogs bzhin/ /yang na nang gi bdag nyid kun/ /bdag med nyid kyis lus can ni/ dngos dang yid sogs gtan tshigs phyir/ /dper na phyi rol bum sogs bzhin/ /bdag bcas nyid de rgyu can/ /rtag pa nyid du thal bar 'gyur/ rtag rnams kyang don byed nus min/ /de phyir yod nyid la sogs srid/ /bum sogs la mtshungs bdag med pa gzhan dag gis ni gson lus la/ /bkag pa gang yin de yang/ /kho bo cig gis 'dir bsgrub bya/ /da ltar bdag ni ma grub na'ang/ /de la rnam bzhag byas pa gang/ /de kun gnas med nyid yin te/ /mo gsham la ni rnam gzhag bzhin/ /de kho na nyid bsdus pa'i rab tu byed pa las rigs pa can dang bye brag pas kun tu brtags pa'i skyes bu brtag pa ste bdun pa'o// //gzhan dag bdag ni ldog pa dang/ /rjes 'gro bdag nyid can gyi ni/ /sems pa'i ngo bo nyid du 'dod/ /sems pa'i blo yi mtshan nyid can/ /dper na sprul 'khyil gnas skabs na/ /ldog cing de ma thag tu ni/ /drang po'i gnas skabs byung na yang/ /sprul nyid du ni rjes 'jug 'gyur/ /de bzhin? bdag ni rtag tu ni/ /sems pa'i rang bzhin can yin yang/ /ngo bo ma lus ldog pa dang/ /kun gyi rjes su 'jug pa'ang min/ /'on kyang 'di yi bde sdug sogs/ /mtshan nyid gnas skabs ldog 'gyur zhing/ /de dag ldog cing skye 'gyur yang/ /sems nyid rjes su 'jug
- 12a
par 'gyur/ /gtan du 'jig na byas chud zos/ ma byas phrad pa dag tu 'gyur/ dngos gcig la'ang sdug bsngal med/ /bde sogs longs spyod med par 'gyur/ /byed po nyid dang za bo dag/ skyes bu'i gnas la de mi brten/ /de phyir skal ldan de nyid phyir/ /byed pa po nyid de'i 'bras thog /rnam pa de lta'i skyes bu 'di/ /ngo shes pa ni yod pa'i phyir/ /rtog par 'gyur te 'di nyid kyis/ /bdag med pa la rab tu gnod/ /bdag rig byed do zhes bdag blos/ shes pa po ni rtogs byed na/ /gal te de ni 'ga' yin nam/ /gcig tu 'jig pa'i shes pa yin/ /gcig tu mi rtag nyid du 'gyur/ /gal te de yul bdag yin na/ /de tshe ma lus 'tsham par 'gyur/ /skad cig ma'i shes phyogs la/ /thams cad shin tu 'brel par dka' / 'di ltar sngon ni nga nyid kyis shes 'gyur da ltar dus yang yin/ /nga nyid rig par byed ces pa'i/ /blo gang skye bar 'gyur pa ste/ /'on te de yis yul shes pa'i/ /skad cig ma ni gang yin brtag /'das pa 'am ni da ltar ci/ /gnyis ka 'am ni 'on te rgyun/ /de la dang po'i shes pa'i yul/ shes par gyur zhes bya bar rigs/ /shes par byed ces de mi rigs/ /gang phyir da ltar de rigs med/ /da ltar ba ni yul nyid na/ /rig pa 'thad par byed do zhes/ /shes 'gyur zhes bya brdzun yin te/ /de nyid phyir ni de yi ni/ /gnyis ka bzung brtag de mi bya ba gang phyir gnyis ka shes gyur dang/ /da ltar gnyis ka shes byed min// rgyun yang de mtshungs bya min te/ /gnyis ka yang ni med phyir ro/ /'di ni shes par gyur min zhing/ /da ltar kyang min dngos med phyir/ /de phyir bshad pa las gzhan ba'i/ /spyod yul gar la nga 'di snyam/ /'jug phyir brtag pa'i dngos ldan phyir/ /bdag 'di 'grub par 'gyur ba yin/ /nga zhes pas bzung 'das pa yi/ /shes byed da ltar yang 'jug ste/ /nga yi shes pas rtog bya'i phyir/ /de la rig par byed po bzhin/ /shes bya
- 12b
de yang la rtsad yod/ /shes byed phyir dang de nyid phyir/ /kha rtsad shes pa po bzhin no/ /shes pa de dag bsgrub bya nyid/ /rgyud gcig dang shes pa po yi/ /nga shes shes pa nyid kyi phyir/ /kha tsang de ring yod pa kun/ /don mtshungs can yin blo gcig bzhin/ /de lta bu 'dir dpyad bya ste/ /gal te sems ni rtag gcig pur/ /'dod pa de ltar yin blo yang/ /de yi rang bzhin nyid thob 'gyur/ /blo dag dang ni skyes bu ni/ /des kyi sems kyi rang bzhin phyir/ /rtag nyid dang ni gcig nyid 'dod/ /gal te tha dad yul rten can/ /dper na ma ni rang bzhin gyis/ /rtag tu sreg par byed las can/ /sreg bya'i don nye gyur pa sreg/ gzhan du min gzhan gyi tshe na'ang/ /dper na gsal pa'i me long dang/ /ji ltar shing gi sngo dang ni/ /gang zhig len nyer gyur pa/ /de yi rnam pa der thob byed/ /de bzhin rtag pa'i sems nyid kyi/ /skyes bu lus la gnas pa rnams/ /dbang pos blangs pa'i lus la sogs/ /'dzin byed 'di ni kho bos blo/ /nye phyir nye bar 'thob byed pa'i/ /byed pa 'jig phyir blo 'jig can/ /ji ltar bsreg bya nye med phyir/ /me ni rtag tu sreg byed min// de la rtog pa'i blo bdag nyid/ /blo ni ngo shes par byed de/ /bum pa glang po la sogs blo/ /de tha dad phyir 'jig rten 'dod/ /tha dad don rjes 'bras rnams kyis/ /blo de nyid ces brjod mi bya/ /don tha dad la mi brten na/ /ngo shes med pa ma yin no// 'o na glang po sogs stong pa'i/ /sa la sgro 'dogs byed pa yi/ shes pa gang dag rab 'jug pa/ /der ni tha dad ci la brten/ /gal te yul gzhan sogs yod pa'i/ /gsal ba rnams ni rgyu mtshan yin/ /gang phyir yul dus gzhan gyi bdag /thams cad du ni dmigs pa yin/ /'o na yul de dang 'brel pa/ /de ltar de dag la med nyid/ /de phyir der yang rang bzhin des/ /ci phyir de ltar snang bar byed/ /khyod kyis gzhung gi blo rnams ni/ /blo min phyi rol tu rjod byed/ /brjod par 'dod pa'i yul dang yang/ /glang
- 13a
po rta sogs gnas pa med/ /gal te don kun rig ba med/ /ngo bor blo ni rtag gnas na/ /thams cad tshe na kun rig pa/ /des na ci phyir rig ma yin/ /sgra yi khyad par can blo gang/ /de nyid ro gzugs sogs yul can/ /'di yin phyi rol gal te min/ /tha dad rang gi tshig gis bstan/ /bsreg bya'i dngos po ma lus pa/ /me yang rtag tu sred byed pa'i/ /bdag nyid can min gzhan du na/ /ma lus thal bar byed par 'gyur/ /bsreg bya'i don nyid nye ba na/ /de ni de bsreg bdag nyid rigs/ /de lta na ni don rnams kun/ /cig car nyid sreg thal mi 'gyur/ /utpal sngo sogs 'brel pa las/ /me long dang ni shel la sogs/ /de gzugs brnyan du 'khrul bskyed pa'i/ /rgyu yin skad cig gis 'jig can/ /gzhan du khyad par bcas pa dang/ /cig shos gnas skabs gcig nyid phyir/ /rtag tu de yi rnams pa 'am/ /de dang bral bar snang bar 'gyur/ /brtan gnyis phyir dang gting med phyir/ /lus can lhan cig mi gnas phyir/ /me long dbus kyi gzugs brnyan ni/ /nam yang 'dzin par byed ma yin/ /log gnyis gnas pa dag gis kyang/ /shel rdo bzhin du dkar po ru/ /mthong 'gyur 'di yi phyir 'dis kyang/ /gzugs brnyan thob par 'gyur ba min/ /gal te de yi gzugs brnyan thob/ /de la don dam par yod na/ /khyad par so sor shes sogs ni/ /tha dad par ni thal bar 'gyur// de phyir sna tshogs bsam mi khyab/ /nus can de dag la 'di 'khrul/ /blo la 'khrul pa'i dngos po yang/ /mi rigs tha dad bral phyir ro/ /ma rtogs ngo bo las ldog pa/ /blo kun dag la mtshungs pa yin/ /sgro btags pa yi gcig shes nyid/ /sna tshogs nyid la'ang 'jug par 'gyur/ /gnas skabs rnams kyi tha dad kyi/ /tha dad pas stong nges gnas pa'i/ /brtan pa'i rang bzhin can bdag la/ /gang gzhan gyis ni kun brtags ni/ /kho bo'i skyes bu sdug bsngal sogs/ /gnas skabs thob par byed
- 13b
na yang/ /shel dang rdzas yod nyid sogs kyis/ /ngo bo 'dod par mi byed nyid/ /gnas skabs gzhan ni skye 'gyur tshe/ /snga ma shin tu 'jig mi 'gyur/ /phyi ma'i rjes mthun don du na/ /spyi bdag nyid la thim par 'gyur/ /rang gi ngo bos gnas skabs dag / phan tshun du ni 'gal pa nyid/ /spyi yi bdag ni thams cad du/ /'gal med par ni shes par bya/ /de la gal te skyes bu las/ /gnas skabs gcig tu tha dad min/ /de dag skye 'jig yod pa na/ /'di la'ang de dag de bzhin 'gyur/ /'gal ba'i chos dang 'brel 'gyur na/ /gcig tu tha dad nyid 'gyur te/ /ji ltar khyed kyi skyes bu rnams/ /rang bdag so sor nges pa bzhin/ /gal te khyed kyi gnas skabs rnams/ /rang gi ngo bos skyes bu la/ /zha thim 'gyur sogs 'byung pa'i tshe/ /sdug bsngal sogs de 'ang myong bar 'gyur/ /gzhan gyi ngo bo 'pho 'gyur ba/ /gzhan 'pho bar yang mi 'dod cing/ /de yi bdag nyid 'pho 'gyur na'ang/ /de phyir bdag ni skye ldan 'gyur/ /gal te byed po za bo dag /gnas skabs la brten ma yin na/ /de phyir skabs ldan de nyid phyir/ /byed po sogs nyid yod mi 'gyur/ /de phyir rtag smras brjod bya nyid/ /bdag la bzlog par bya ba nyid/ /rang gi ngo bo'i 'gyur ldan phyir/ /de ni chad par 'gyur ba yin/ /sprul yang skad cig 'jig nyid phyir/ /'khyog pa la sogs thob 'gyur gyi/ /rten dngos yin na skyes bu bzhin/ /gnas skabs bzhin dang 'brel ba med/ /nga'o snyam pa'i shes pa 'di/ /dmigs pa med pa nyid du ni/ /thog med sems can du lta ba'i/ /sa bon stobs las 'gar nyid 'jug /gang phyir 'du byed 'ga' zhig nyid/ /de yi rang gi ngo bor zhe na/ bdag po nyid ni thob byed pa/ /de phyir kun tu 'jug mi 'gyur/ /gzhan du khyed kyi skyes bu la'ang/ /brgal zhing brtag pa mtshungs pa yin/ /de phyir tha dad nus yod
- 14a
pas/ /thams cad rtsod pa med par 'gyur/ /rtag pa dmigs pa'i phyogs med par/ /de bas nga'o snyam pa kun/ /cig car nyid du skye 'gyur te/ /nus rgyu rnam par gnas phyir ro/ /mi rtag dmigs pa nyid la'ang/ /gsal bar snang 'gyur de'i phyir/ /gzhan dag dmigs don yod pa ru/ /brgal zhing rtag pa don med do/ /shes pa po la ngo shes ni/ /bag chags kyis ni byed rigs kyi/ /de ma yin la de shes pa'i/ /shes min 'di ni 'khrul rgyu min/ /de phyir nga snyam shes 'khrul pa/ /mi 'dod gnod med phyir zhe na/ /ma yin bshad ma thag pa yi/ /rigs pas de la gnod mthong phyir/ /dbang phyug sogs la dang rnams kyi/ /de rgyu sogs su 'khrul pa ni/ /bag chags tsam gyi ngo bo las/ /ji ltar sna tshogs skye par 'gyur/ /de ltar gang tshe nga'o snyam/ /dmigs med nyid du gnas pa yin/ /de phyir nga zhes kyis gzung ba'o/ /shes byed 'ga' yang yod ma yin/ /de phyir tshad ma thams cad la/ /dpe ni 'ga' yin yod ma yin/ /gtan tshigs rnams kyang gzhi ma grub/ /bstan pa rnams la ci rig sbyar/ /de kho na nyid bsdus pa'i rab tu phye ba las spyod pa bas brtags pa'i bdag brtag pa ste brgyad pa'o// //gzhan ni shes pa'i blo yi ni/ /rang dngos khyad par yin par sems/ /de dag sems la bdag nyid kyi/ /rang gi ngo bor rtog par byed/ /gtso bos bstabs pa'i 'bras bu la/ /de ni longs spyod 'ga' zhig byed/ /de la byed pa nyid yod min/ /rang bzhin kho na der 'dod do/ /de la 'ang gal te sems gcig 'dod/ /gzugs dang sgra sems sogs dag gi /rang bzhin tha dad dang ldan par/ /shin tu gsal shin ji ltar rigs/ /sems ni rang bzhin gcig pa can/ /dus kun tu ni gnas pa la/ /rnam pa sna tshogs don rnams kyi/ /longs spyod por ni ji ltar 'thad//
- 14b
lta 'dod la sogs tha dad rnams/ /de yi longs spyod rgyu mtshan du/ /'byung min de ltar 'byung yin na/ /skyes bu skye ba dang ldan 'gyur/ /gang phyir sems las tha dad pa'i/ /lta 'dod la sogs de mi 'gyur/ /de la skye dang 'jig thob na/ /skyes bu la yang 'di bzlog dka' / /gal te dge dang mi dge ba'i/ /las ni bdag gis byas nyid min/ /de phyir 'di yi longs spyod kyi/ tha dad pa ni ga las skye/ /gal te 'dod dang rjes mthun par/ /rang bzhin gyis rab ster byed de/ /de dag gi ni 'brel pa 'di/ /zha bo long ba bzhin du gnas// gal te de ltar 'dod pa la/ /sred pa yod kyang ci yi phyir/ /'grub par mi byed rang bzhin ni/ /gzhan la cung zad ltos mi 'gyur/ /don la longs spyod dus su yang/ /gal te 'di la 'gyur med na/ /'di ni za bo nyid min zhing/ /rang bzhin yang ni phan byed min rnam par 'gyur ba yod gyur na/ /rtag pa nyid ni nyams gyur 'gyur/ /rnam 'gyur rnam pa gzhan nyid na/ /gnas skabs na yang de ji ltar/ /yul gyi rnam pa can blo ni/ /thog mar rab tu 'jug byed cing/ /de yis nges par byas pa'i don/ /skyes bu yis ni rtogs par 'gyur/ /de ltar 'di yi za bo nyid/ /gzugs brnyan skye ba'i sgo can te/ /skye bu 'di yi rang ngo bo/ /nam yang 'dod med min snyam na/ /brjod par bya ste gzugs brnyan ni/ /de yi bdag nyid du skye 'gyur/ /skye ldan du nyid du 'gyur zhing/ /tha dad min na za bo med/ /sems nyid bdag nyid can gtso bo/ /sna tshogs bsgrub pa'i khyad par la/ /lta 'dod sogs kyi rjes mthun par/ /ji ltar yang dag 'byung bar 'gyur/ /gtso bos tshad ma la sogs pa/ /byed pa shes pa rnam shes dang/ /bza' par mi shes zhes bya bar 'di las mi rig gzhan ci yod/ /gtso bor blo dang ldan nyid phyir/ /'di la kun dga' med ce na/ /'o na blo ldan nyid yin na/ /skyes bu bzhin du sems nyid thob/ /blo dang rnam zhen sa dang ni/ /de bzhin rig dang rig byed dang/ /sems dang nyams myong zhes bya ba//
- 15a
thams cad sems kyi brjod byed yin/ /skye ldan 'jig pa'i rtags dag gis/ /sgra dri ro sogs bzhin du ni/ /blo ni sems pa med pa yi/ bdag nyid can du 'dod ce na/ /sgrub byed rang rgyud nyid 'dod na/ gtan tshigs 'di dag gnyis ka la/ /ma grub thal 'gyur brjod 'dod na/ /bzlog pa la ni gnod pa med/ /sems pa nyid la'ang bdag gis sgrar/ /zhen na'ang nga la gnod pa med/ /gal te rtag nyid bsgrub dka' ste/ /mig sogs 'bras bcas nyid phyir ro/ /gal te sems pa nyid rtag na/ /mig dang don sogs 'bras med 'gyur/ /gal te me ni rtag gyur na/ /bud shing don med 'gyur ba yin/ /mal cha dang ni bstan bzhin du/ /'dus pa'i gtan tshigs de nyid kyis/ /mig la sogs pa rnams la ni/ /gzhan don nyid gang rab bstan nas/ /gal te khyad par byar rung gi /de nyid de dag la sgrub na/ /'dod bsgrub gang phyir de dag ni/ /'jig pa'i shes pa phan byed 'dod/ /'gyur med phan la phan byed nyid/ /sgrub na dpe ni bsgrub bya yis/ /stong pa yin te de dag kyang/ /g.yo ba nyid la phan byed rigs/ /gal te phyir ni gzhan don du/ /de dag la ni rab sgrub pa/ /de lta na yang sgrub don med/ /sems la phan byed grub phyir ro/ /phan bde du ma smos pa'i phyir/ /tshangs pa nyid 'dir brjod pa yin/ /bya ba yi ni yul nyid na/ gzhan gyi don ni sgrub byed min/ /de kho na nyid bsdus pa'i rab tu byed pa las/ /ser skya bas kun tu brtags pa'i bdag brtag pa ste dgu pa'o// //rgyal dpog pa bzhin rgyal ba pa/ /rdzas dang rnam grangs ngo bo yi/ /ldog dang rjes 'gro bdag nyid can/ /skyes bu shes pa'i mtshan nyid smra/ /de la'ang rdzas ni rnam grangs dang/ gal te 'brel du gyur med na/ /de la khyad par med pa'i phyir/ /de ni 'gyur ba can mi 'gyur/ /yul dang dus dang rang bzhin dag /tha dad med phyir gcig tu brjod/ /grangs dang mtshan nyid ming dang don/ /tha dad phyir na tha dad phyir/ /gzugs sogs rnams
- 15b
dang bum pa zhes/ /grangs dang ming gi rnam dbye dang/ /'bras bu dang ni rjes su 'jug ldog /mtshan nyid dang ni don rnam dbye/ /rdzas dang rnam grangs dag gi yin/ /de ltar gcig tu khyad med can/ /rdzas min rnam grangs tha dad kyis/ /bdag nyid khyad par 'gyur zhe na/ /des par khyad par ldan pa yi/ /rang bzhin dbyer med gcig nyid do/ /de lta yin na tha dad nyid/ /de ltar yang ni sgrub dka' ste/ /rnam grangs sogs kyi dngos dag bzhin/ /de ltar rdzas dang rnam grangs dang/ /dngos kun gcig nyid du gnas na/ /rdzas ni mdog dang ldan gyur te/ /rnam grangs dag gi rang dngos bzhin/ /gal te rnam grangs de kun yang/ /rdzas bzhin rjes 'gro'i bdag nyid ni/ /thob gyur de dag rdzas dang ni/ /bdag nyid gcig tu gnas phyir ro/ /de yi phyir na rnam grangs las/ /tha dad med phyir bdag sogs rdzas/ /gnas pa cung zad yod min te/ /rnam grangs rang gi ngo bo bzhin/ /skye dang 'jig par gnas pa yi/ /rnam grangs rnams kyang cung zad med/ /rdzas las tha dad med pa'i phyir/ /rdzas de nges pa'i bdag nyid bzhin/ /de phyir rjes 'gro med 'jig pa 'am/ /thams cad rtag la nyid 'od kyis/ /gcig bdag nyid las ldog pa dang/ /rjes 'gro 'di dag med pa nyid/ /dmigs su rung ba'i rang bzhin can/ /rnam grangs la rjes 'gro bdag nyid/ /rdzas ni so sor snang ba med/ /de phyir khar par bzhin du med/ /sna tshogs don byed rung pa dang/ /mtshungs sogs shes pa'i rgyur gyur dag /da lta'i rnam pa'i don gyi brda/ /sgra dang shes pa'i spyod yul dag /skye dang 'jig pa'i chos can gyi/ /rnam grangs kho na 'ba' zhig dag /yang dag yod 'gyur de yi phyir/ /bdag med gsal snang dri ma med/ /'on te rdzas dang rnam grangs kyi/ /ngo bo yang dag 'dres par gnas/ /dngos nyid can de dbyer med pa/ /'dod de mi yi seng ge bzhin/ /dngos nyid can zhes brtan pa 'di/ /sna tshogs
- 16a
don gyi rgyu mtshan can/ /yin te dngos po'i sgra yang ni/ /rang bzhin rjod par byed phyir ro/ /mi yi seng ge'ang gcig pu ni/ /gnyis bdag can du 'thad min te/ /gang phyir rdul phran du ma yin/ /'dus bdag can de de ltar shes/ / de kho na nyid bsdus pa'i rab tu byed pa las/ /nam mkha' i gos can gyis kun tu brtags pa'i bdag brtag pa ste bcu pa'o// //sa dang me chu la sogs par/ /de shes brtags pa'i 'jug pa 'di/ /de bdag can nyid bdag yin zhes/ /gzhan dag kyang ni rjod par byed/ /gzur pa'i mtshan nyid dang ldan pa'i/ /'di ni cung zad yod min te/ /de phyir 'di dag thams cad ni/ /rnam shes 'gyur bar yang dag gnas/ /de dag gi ni lta ba dang/ /de gzhung rtag nyid brjod pa'i phyir nyes pa chud ldan rtag brjod phyir/ /de dag nyes pa chud ldan te/ /gzugs sgra la sogs shes pa rnams/ /tha dad nyer mtshon gsal ba yin/ /shes pa'i bdag nyid gcig nyid ni/ /gzugs dang sgra dang ro sogs rnams/ /cig car rtog par thal bar 'gyur/ /rtag la'ang gnas skabs gzhan med do/ /gzugs sogs rnams kyi rig pa las/ /tha dad shes pa dmigs pa med/ /de ni skad cig tha dad na/ /tha mi dad du gnas pa ci/ /phyin ci log tu ma log pa'i// shes pa tha dad yod min na/ /skyes bu shes nyid bdag nyid can/ /de phyir 'ching 'grol ji ltar yin/ /rnal 'byor goms pas rnal 'byor pa/ /ci zhig bzlog cing ci zhig sgrub/ /gang phyir de dag phyin ci log /spang bar nus pa ma yin no/ /de dag nyid du rtag gnas phyir/ /de nyid shes pa'ang skyed bya min/ /de phyir khyed kyi rnal 'byor ni/ /goms pa 'di kun 'bras med 'gyur/ /de kho na nyid bsdus pa'i rab tu byed pa las/ /u pa ni sha de kas brtags pa'i bdag brtag pa ste bcu
- 16b
gcig pa'o// //bde gshegs par sems 'ga' zhig kyang/ /gang zag tha snyad sgo nas ni/ /de nyid gzhan yin sogs bral ba/ /bdag tu rab tu brjod par byed/ /mu stegs lta bar thal 'gyur phyir/ /gang zag phung po la gzhan min/ /du ma sogs 'gyur phyir de nyid/ /ma yin de phyir brjod med legs/ /de dag la smra gang zag ni/ /don dam par med de nyid dang/ /gzhan nyid sogs par brjod med phyir/ /nam mkha' i pad+ma la sogs bzhin/ /dngos po dngos po las gzhan nam/ gzhan min par yang mi 'da' nyid/ /de phyir brjod du med pa gang/ /dngos po med par rtog pa la/ /tha dad tha dad med rnams rtogs/ /dngos la brten pa yin pa'i phyir/ /de nyid gzhan sogs brjod med pa/ /rang bzhin med pa la rig kyi/ /dngos po la ni yod min zhes/ /de lta bu yis bkag pa gang/ /de ni dngos po gzhan bzhin du/ /de las gzhan du gsal bar brjod/ /de nyid min pa bkag pas kyang/ /de nyid du ni rjod par byed/ /de phyir dngos de dngos po ni/ /de nyid gzhan 'ga' mi byed na// gang zag phung po las gzhan yin/ /zhes pas 'di ni gzhan min brjod/ /phung po gang zag min zhes pas/ /de ni gzhan 'di yin par gsal/ /'gal ba'i chos dang 'brel pa ni/ /dngos po tha dad par brjod do/ /phung po gang zag dag la yang/ /de bzhin ci phyir tha dad med/ /'di ltar tshor ba la sogs las/ /gang zag brjod du med par brjod/ /de las gzugs dang 'du shes sogs/ /de nyid gzhan nyid du brjod par bya/ /gzugs la sogs pa'i phung po dang/ /mi rtag nyid du brjod byar 'dod/ /de ltar gang zag min phyir yang/ /de las gzhan du gsal nyid yin/ /don byed par mi nus pa yang/ /yod pa nyid kyi mtshan nyid de/ /skad cig ma nyid ma nges yin/ /de ldan brjod med dngos nyid yin/ /lung dang 'gal ba dag la ni/ /bdag nyid chen pos brtson par byas/ /med pa
- 17a
pa ni dgag pa'i phyir/ /brtse ldan gsung ni sna tshogs yin/ /tshogs pa la sogs thugs kyi ni/ /khur khyer la sogs ston mdzad pa/ /khyad par sgo nas bkag pa ni/ /lta ba de yod rnams la mdzes/ /de kho na nyid bsdu ba'i rab tu byed pa las/ gnas ma'i bus bdag rtags pa ste bcu gnyis pa'o// //yang na gang phyir skad cig ma/ /'jig pa rab tu grub nyid kyi/ /rang bzhin la sogs sun phyung bas/ /gnas med nyid la 'bad 'di byed/ /bshad dang 'chad par 'gyur ba yin/ /rig sogs khyad par med par ni/ /dag pa'i don du de yi phyir/ /skad cig 'jigs pa gsal bsgrub bya/ /byas dang ma byas nyid sgo nas/ /'ga' zhig phung po gnyis su 'dod/ /skad cig skad cig ma yin pas/ /gzhan gyi dngos rnams la 'dod 'di/ /de la byas pa'i dngos po gang/ /de kun skad cig mar 'jig can/ /thams cad dag ni 'jig pa la/ /bltos med nyid du gnas phyir ro/ /gang zhig dngos gang yin pa la/ /rgyu gzhan la bltos med nyid de/ /de ltar rang rgyud las skye phyir/ /de ni de las des zhes bya/ /dper na rang 'bras skye ba la/ /gegs byed med pa'i tshogs pa bzhin/ /skye ba can ni thams cad kyang/ /'jig pa la ni bltos pa med/ /gal te 'di bltos med yin na 'ang/ /yul dang dus gzhan la 'gyur na/ /de dag la ni bltos nyid phyir/ /bltos med thal ba nyid 'gyur na/ /skye ba can kun 'jig pa la/ /thams cad du ni bltos pa pa med/ /'jig pa'i rgyu rnams rnam kun tu/ /de la cung zad byad med phyir/ /'di ltar 'jig par byed pa'i rgyu/ /dngos la tha dad med pa yi/ /'jig pa'i byed por mi rigs phyir/ /dngos po rang rgyu las skye phyir/ /'di la sgra'i sogs kyang mi rigs/ /'jig pa'i zhes bya ba'i dngos po yi/ /dngos po'i 'jig byed ces bya ba brdzun/ /gzhan nyid la sogs rnam rtog dag /don de la yang 'jug phyir ro/ /dngos po'i ngo bo med bdag nyid/ /'jig pa zhes bya'i ming gzhan can/ /'jig byed ce na de la yang/ /byed pa rigs pa ldan ma yin/ /med pa yang ni
- 17b
'bras nyid na/ /myu gu sogs bzhin dngos nyid du/ /thal 'gyur ba skyed bya'i ngo bo ni/ /rgyu mi nus pas bskyed phyir ro/ /de ltar dngos med sgrub sgo nas/ /byas yin ma yin dgag rten phyir/ /gang yin de la tha dad sogs/ /slar yang rnam rtog 'jug par 'gyur/ /'on te bya ba bkag par 'di/ /dngos nyid byed pa ma yin nyid/ /de lta na yang rgyu med grub byed po min na rgyu nyams phyir/ /'o na dngos po yod dus su/ /'jig pa 'di yod ma yin nyid/ /sngon min yun ring kyang min/ /dngos po'i de ma thag tu 'di/ /de lta na yang dus nges phyir/ /'di ni rgyu ldan rig pa yin/ bltos med pa la ris 'ga' dang/ /'brel pa su ni phyung ba yin/ /dngos po'i de ma thag tu ni/ /'byung ba'i phyir dang ma byung las/ /'byung phyir 'di ni rgyu ldan rigs/ /dper? na skad cig gzhan bzhin 'dod/ /mo gsham gyi ni bu bzhin du/ /rgyu med phyir 'di cung zad med/ /yang nam mkha' bzhin rtag 'gyur te/ /gang phyir rnam pa gzhan med do/ /med pa yin na 'jig med phyir/ /dngos po thams cad rtag par 'gyur/ /'dus byas thams cad 'jig pa yi/ /shes pa'ang rgyu mtshan med pa can/ /rtag pa nyid na'ang 'jig pa med/ /lhan cig gnas 'gyur 'gal med phyir/ /skye ba med la'ang 'jig bshad pa/ /rig pa'i rjes 'brangs nyid ma yin/ /de lta bu la gzhan dag gis/ /ji lta bu zhig 'jig par rtog /skad cig mar gnas chos rnams kyi/ /dngos nyid min nam 'on te na/ /dngos po'i ngo bo ldog 'gyur pa/ /zhig myong can la de ltar brjod/ /de 'dir 'jig pa'i rang bzhin gang/ /chos rnams skad cig mar gnas pa'i/ /dngos med de ltar brjod dam ci/ /gzhan la brgal zhing rtag pa mtshungs/ /'on te dngos po'i rang ngo bo/ /ldog pa 'jig pa'i ming yin na/ /snga ma la ni rtag bya ste/ /'gal ba cung zad med pa nyid/ /skad cig mar gnas dngos gang la/ /'jig pa zhes ni rjod byed na/ /de ni rgyu dang rnam par 'dod/ /gzhan dngos med phyir rgyu med can/ /dngos po'i
- 18a
de ma thag 'byung nyid/ /de 'dra de la yod min te/ /g.yo ba dngos po'i rang ngo bo/ /dngos dang lhan cig skye phyir ro/ /de phyir 'jig pa yod pa'i phyir/ /'dus byas thams cad rtag pa min/ /'jig pa zhes pa'i blo dag kyang/ /rgyu mtshan med par thal mi 'gyur/ /zhig pa nyid ni bdag med phyir/ /de ma thag 'byung yod pa min/ /ma byung byung ba ldan pa yang/ /nam mkha' i pad+ma la sogs bzhin/ /zhig 'gyur zhes bya de ltar 'dir/ /dngos por ma gyur zhes bya yi/ /don 'di rtogs par byed yin gyi/ /bsgrub pa 'ga' yang mi 'dod do/ /mi 'ga' zhig la bong bu zhes/ /de ltar ming tsam byas pa na/ /bong bu'i chos rnams thams cad ni/ /'di la thos 'gyur ma yin no/ /zhig pa zhes bya'i dngos po ni/ /dngos po bcom pa zhes bya ba/ /sgrub pa na yang dngos 'di la/ /cung zad kyang ni skye med phyir/ /'di ni ji ltar ldog par 'gyur/ /'jig pa dngos po zhig bdag nyid/ /ji ltar dngos po'i ngo bo dang/ /bral phyir med pa nyid 'dod kyi/ /dngos po ngo bo min phyir min/ /'di la ldog pa'i dngos nyid kyang/ /sgrub pa'i sgo nas rjod mi byed/ /dngos po yi ni rjes 'jug pa/ /skad cig las phyir 'gegs par byed/ /de phyir 'di yi rnam gzhag gi /ngo bo sgrub pa cung zad med/ /de phyir 'di la brtag pa yi/ /rnam rtog byed pa gnas med do/ /nam mkha' la sogs dngos gang dag /ma byas par ni yang dag 'dod/ /dngos po 'jug pa yod min te/ /de dag yod nus bral phyir ro/ /skad cig skad cig min sogs rtogs/ /de tshe de la gnas med do/ /gang gis dngos nyid skad cig ma 'am/ /gal te rnam pa gzhan du 'gyur/ /skad cig gnas pa'i rang bzhin gang/ /dngos po skad cig ma ru brjod/ /brtan pa'i ngo bor gnas pa yi/ /dngos nyid skad cig pa ma yin/ /skyes ma thag tu mi gnas pa'i/ /dngos po'i ngo bo gang yin de/ /skad cig tu brjod gang
- 18b
la/ /yod pa skad cig mar 'dod do/ /don la tha dad med na yang/ /de 'di la 'di ces gnod med/ /'dod pas sbyar ba'i brda tsam gyi/ /dngos po rjod par byed pa yin/ /byung ma thag tu mi gnas pa'i/ /dngos la de ltar brjod 'dod pa/ /de la sgra ni rkyen bcas pa 'am/ rkyen med rab tu sbyor bar 'gyur/ /gal te nam mkha' dus la sogs/ /de dag yod 'gyur de ltar na/ /de dag kyang ni byas bzhin du/ /skad cig 'jig 'di las mi 'da' / /'di ltar gang dag yod ces pas/ /de kun skad cig 'jig can de/ /dper na 'dus byas dngos po dag /de ltar de ma thag grub bzhin/ /nam mkha' dus dang dbang phyug sogs/ /'di yang khyod kyi yod par 'dod/ /de dag skad cig ma nyid dang/ /bral na med par thal bar 'gyur/ /gang phyir brtan pa'i dngos po rnams/ /rim gyis sam ni cig car duAng/ /don gyi bya ba byed min pa/ /de phyir de dag med par 'dod/ /rgyu ni nye ba med pa'i phyir/ /'bras bu rnams ni sdod pa ni/ /nus pa'i rgyu ni yod gyur na/ /de dag sdod pa gang gis byas/ /'on te 'ang rtag pa rim can gyi/ /lhan cig byed rnams yod 'gyur na/ /'di ni gang dag la ni bltos so/ /'bras bu'i tshogs rim rten par byed/ /'di legs 'on kyang de la ni/ /lhan cig byed de rnam yod pa/ /rung ba'i ngo bo'i rgyu nyid phyir/ /don gcig byed pas yin nam ci/ /rung ba'i ngo bo'i rgyu nyid na/ /dngos de dag gis byas 'gyur na/ /de yang bya bar mi nus phyir/ /de rang bzhin du rtag gnas pa/ /'di yi rang bzhin byas na yang/ /'di yi rtag pa nyams par 'gyur/ /de las khyad par tha dad na/ /'di ni byed por ji ltar 'gyur/ /de yod na ni 'bras bu dag /skyed pa'i phyir dang de med na/ /mi skyed phyir de de ltar na/ /de nyid rgyu nyid rnam par gnas/ /'on te de dang 'brel pa'i phyir/ /de la'ang rgyu nyid yod pa na/ /de dag la 'brel gang yin 'dod/ /tha dad phyir na de bdag men/ /de ni de las 'byung ba'ang
- 19a
min/ /cig car bar du thal phyir ro/ /de las kyang ni 'bras bu rnams/ /cig car nyid du skyed par 'gyur/ /de la'ang gzhan la bltos pa med/ /thug pa med par thal bar 'gyur/ /de las 'bras bu dus gcig na'ang/ /'brel pa med phyir brtag mi bya/ /gal te 'brel pa 'du ba yin/ /de la'ang 'dir ni dpyad bya ste/ /de ni de la 'gyur ba'am/ /de lta ma yin zhes bya ba/ /'du ba can du 'dod dam ci/ /gal te rtog pa dang po 'dzin/ /de las byung ba de nyid thob/ /de yang de ma thag bsal zin/ /gal te na ni de la 'di/ /phan mi byed par 'dod gyur na/ /dngos gzhan kun kyang de bzhin du/ /'du ba can 'gyur khyad par med/ /tha dad tha dad med rnam rtog /so so dag tu bkag pa'i phyir/ /ngo bo nyid can khyad par ni/ /dngos po de la bsal ba yin/ / gang zag la sogs rtag rnams su/ /phung po gnyis ni bstan pa'i phyir/ /ngo bo gnyis can khyad par med/ /gnyis med bdag nyid can yang med/ /'on te lhan cig byed pa yin/ /rkyen la 'jug pa mi bltos la/ /de lta na yang de bral 'di/ /byed pa ma yin mdza' rgyu bzhin/ /de yi bdag gi rang bzhin 'di/ /de dag nyid ni nye ba na/ /byed po nyid yin te phyir de/ /yod na'ang kun tshe 'bras bu min/ /de lta yin na 'on kyang ni/ /tshogs pa na re rang bzhin 'dod/ /gang de ma tshogs na 'dod na/ /der 'brel rang bzhin yod na ni/ /de dag kyang na 'di gnas phyir/ /bral ba'i ngo bo'i gzhan yin na/ /gcig pa nyid ni nyams par 'gyur/ /de phyir de ltar bltos pas kyang/ /'bras bu rnams ni rim skye'ang min/ /cig car mi 'dod nyid dang ni/ /de 'bras rim gyis mthong phyir ro/ /gal te 'bras bu ma lus rnams/ /cig car byas nas nus pa yi/ /bdag nyid don de ldog 'gyur na/ /'di ni skad cig 'jig can grub/ /de dngos can ni rjes 'jug na/ /slar yang 'bras bu skye bar 'gyur/ /cung zad mi byed ngo bo ni/
- 19b
ji ltar yang ni nyid du 'dod/ /nus pa kun gyis stong nyid phyir/ /rgyu skar lam gyi pad+ma bzhin/ /skad cig yin par thams cad med/ /gang phyir na ba dngos mtshan nyid/ /nus pa'i mtshan nyid dngos nyid 'di/ /gcig ste khas len mi byed na/ /gal te de ltar gzhan dag gis/ /dngos po'i mtshan (nyid gzhan ston gyi/ /gal te dngos po'i mtshan/) nyid ni/ /yod nyid dang 'brel 'dod de min/ /'du sogs ma grub phyir dang ni/ /ji ltar gzhan gyi gzhan mtshan nyid/ /don byed don du gnyer byed pa/ /g.yeng ba med pa'i blo can gyi/ /don la dpyod sogs bya ba grub/ /rigs kyi smyon pa nyid kyis min/ /myos par gyur pas kyang ma yin/ /de la gang dag 'ba' zhig la/ /la lar dus 'gar ji ltar yang/ /nye bar 'khor gyur de nyid la/ /yod nyid rnam pa gzhag rigs pa yin/ /de yi dngos can don nyid la/ /skad cig ma nyid rab sgrub byed/ /thams cad sdud phyir khyad par ni// de nyid la ni brjod par bya/ /mo gsham gyi ni bu lta bu'o/ /nus pa ma lus stong pa dang/ /thams cad mkhyen pa'i thugs kyi yang/ /nam yang rgyu nyid ma yin pa/ /de la mkhas pas yod nyid kyis/ /rnam gzhag 'di ni yod mi bya/ /rgyu med phyir ro 'bras bu dang/ /ngo bo 'bras sogs ma mthong phyir/ /de la skad cig ma nyid du/ /bsgrub pas don ni cung zad med/ /de la brgal zhing rtag pa yang/ /byed pa'ang 'bras bu med pa yi/ /'on te nam mkha' i pad+ma sogs/ /rang gis shes pa'i rgyur gyur phyir/ /don gyi bya ba byed nus kyang/ /de dag dngos por yod ma yin/ /nam mkha' i chu skyes pa de sogs la/ /der rtogs bag chags tsam las ni/ /'byung ba dmigs pa med nyid ni/ /shes pa 'di ni rab 'jug byed/ /med pa rgyu nyid yin na ni/ /rgyun mi 'chad par 'byung bar 'gyur/ /rtag tu khyad par med nyid phyir/ /dngos med bltos pa ci yang med/ /skad cig pa yi dngos rnams kyang/ /ji ltar don byed pa nyid yod/ /thog ma'i lhan cig byed rnams ni/ /phan tshun khyad par byed min te/ /skyes na bdag kun grub phyir dang
- 20a
ma skyes rang bzhin med phyir ro/ /khyad par med las khyad par ni/ /'byung nas 'bras bu cis mi 'byung/ /gzhan las khyad par can de min/ /brgal zhing rtag pa mtshungs phyir ro/ /khyed la lhan cig byed pa'i tshogs/ /thug pa med par yang 'gyur ro/ /de ltar gang phyir de dag ni/ /rim dang cig car don bya med/ /mi 'gyur de phyir de dag ni/ /skad cig ma nyid rten don med/ /de ltar lhan cig byed byas pa/ /gang tshe la lar khyad med na/ /de tshe de phyir dus kun tu/ /rgyun dang khyad par med pa nyid/ de tshe de phyir rgyun la yang/ /gal te 'jig pa rgyu med ni/ /'di ni thog ma nyid du 'gyur/ /gal te thog ma 'di med na/ /mdza' yang de ni ji ltar 'gyur/ /gal te dngos po 'jig pa la/ /rang gi rgyu las rgyu gzhan ni/ /mi 'dod na ni de ga la// 'ga' zhig tu ni ji ltar lags/ /smras pa thog ma'i gnas skabs rnams/ /phan tshun phan pa byed nyid na/ /de dag don cig byed nyid kyis/ /lhan cig byed rnams su 'gyur te/ /phan tshun phan byed min na yang/ /'di dag khyad par yod gang phyir/ /rang gi nyer len stobs las byung/ /skyed byed tshogs pa'i tha dad yin/ /'di las brtsams nas gang skyes pa'i/ /khyad par de dag des byas pa'i/ /de la dgongs pa de dag ni/ /dngos de'i rang bzhin can yin phyir/ /dngos rnams skad cig so sor ni/ /nus pa nges par bsam mi khyab/ /'byung ba brtag par bya min te/ /me la sreg par byed nyid bzhin/ /rgyun chad ngo bo gang yin pa'i/ /'jig pa rgyu dang ldan pa min/ /der ni mthar yang 'byung yod min/ /de ltar skye ba bkag ba yin/ /gyo mo la sogs mi 'dra ba'i/ /skye ba rgyu dang bcas pa 'di/ /de yang thog mar skyes min nyid/ /de tshe rgyu ni med phyir ro/ /dngos po skad cig ma rnams ni/ /rnam gnyis kha cig 'grib pa'i rgyu/ /grang ba sogs kyi me sogs bzhin
- 20b
gzhan dag de lta min pa yi/ /thog mar smras pa rgyu 'bras bu/ /yin na de nyid ma mthong ba'i/ /'jig rten pa yis 'gal ba ni/ /rnam pa du mar mngon par zhen/ /dngos po rnams la gnod bya dang/ /gnod byed ngo bo don dam par/ /yod min de nyid phyir na yang/ /'gal ba rtog pa zhes bshad do/ /'o na dbang po bya ba ni/ /yod na mi g.yo gnod med can/ /de nyid 'di yin zhes bya ba'i/ /ngo shes pa ni nye bar skye/ /de phyir skad cig gis 'jig pa/ /bsgrub phyir bkod pa'i gtan tshigs ni/ /kun la mngon sum gyis gnod 'di/ /bzlog dka' bar ni thal bar 'gyur/ /ngo shes par ru gyur na ni/ /mngon sum yin par mi 'thad do/ /gang phyir de ni rnam rtog bcas/ /dngos po'i ngo bo bstan bya min/ /ngo shes pa ni 'khrul pa ste/ /mngon sum mtshan nyid de las gzhan/ /tha dang min pa'i zhen pa yis/ /tha dad dngos la 'ang 'jug phyir ro/ /mngon sum de las gzhan pa yin/ /gal te 'di ni sngar rtogs pa'i/ /rnam pa'i spyod yul can 'gyur na/ /'di ni sngar nyid skye 'gyur te/ /de don can phyir sngon blo bzhin/ /de ltar ma yin des na 'di/ /don de 'dzin byed 'dod min te/ /de shes dus su mi skye'i phyir/ /yul gzhan gyi ni blo bzhin no/ /tha dad min pa'i zhen pa yis/ /tha dad dngos la'ang 'jug phyir ro/ /sgong gi 'khrul pa'i shes pa bzhin/ /'di ni 'khrul pa gnas pa yin/ /bya ba bsgrub pa'i don la yang// 'jug pa'i phyir dran sogs bzhin te/ /byed pa'i don ni rnam nyams phyir/ /'di ni tshang mar rig ma yin/ /da ltar dus su yod pa nyid/ /snga ma'i blo yis shes pa nyid/ /de phyir dran pa la med gang/ /khyad par 'di la yod min te/ /gang phyir sngar ni shes tsam la/ /de yin zhen byas dran pa skye/ /de nyid 'di zhes bya ba yis/ /ngo shes par ni khyad par can/ /the tshom phyin ci log gang dang/ /de dag spangs nas ngo shes pa/ /tshang ma nyid ni thob par byed/ /shes par gyur la med phyir ro/ /cig shos kyis ni rtog don yang/ /mngon
- 21a
sum gyi ni bcad pa la/ /cig shes skye ba srid pa min/ /tshad ma gtso bo bstan pa yi/ /nges par gzung ba'i don nyid la/ /ci shos stobs chung dag gis phyir/ /bzlog par su zhig zhen par byed/ /'o na da lta yod de nyid/ /gang tshe khyod kyis tha dad 'dod/ /de tshe sngar yod dngos po la/ /tha dad khyod kyis ma bstan to/ /yod pa gzhan nyid ma yin na'ang/ /ji ltar snga bla shes pa yin/ /de shes min na dngos po nyid/ /ma dmigs pa ni thal bar 'gyur/ /rjes dpog la sogs kyi spyod yul/ /mngon sum gyis ni gnod pa ni/ /rjes dpag la sogs tshad ma yin/ /gnod phyir rab rib can sogs bzhin/ /don la mi bslu ba nyid du/ /mtshungs na 'dis cig gtso? bo yin/ /de yod min na rjes dpag sogs/ /tshad mar gyur pa ma yin nyid/ /'o na gtan tshigs thams cad kyi/ /thams cad nye bsus khyab pa la/ /rjes su dpag pa 'dis gnon cing/ /dam bca' i don la gnod pa'ang/ /brjod 'dod nyi zla sogs pa yi/ /yul can shes pa gang yin gzhan/ /de dus dang 'brel nyid sogs kyi/ /yul can du ni 'jug byed de/ sa las byung yul can min pa/ /de shes nyid du brjod pa'i phyir/ /dper na dang po'i shes pa ni/ /rang dus nyid sogs yul can bzhin/ /gzugs nyid sogs pa rten kun dang/ /de dag gis ni rten kun dang/ /de rnams gang la yang dag brten/ /'ga' zhig de yi yul gang yin/ /'ga' zhig de ltar skye 'gyur ba/ /de dag skyes ma thag tu ni/ /'jig la rten pa nyid min te/ /gzhal bya nyid dang brjod bya nyid/ /gtan tshigs phyir ni mkha' pad bzhin/ /rnam par spyod pa'i yul gyur pa'i/ /shes pa rim gyis 'byung gang dag /de rnams thams cad yul cig can/ /yin no zhes ni brjod bya ste/ /gnod med rtem? gcig can yin te/ /brjod pa 'thun par sbyor ba'i phyir/ /dper na da lta'i skad cig na/ /gcig la du ma'i blo rnams bzhin/ /re zhig gtan tshigs
- 21b
dang po la/ /dpe ni sgrub byas stong pa ste/ /yul nyid rgya nyid yin pa'i phyir/ /shes pa'i rang gi dus can min/ /gang tshe nyi ma sogs pa'i sgras/ /'dod pa tsam gyis 'byung dag rnams/ /mar me sogs la sbyar bya ba/ /de shel dag gis 'khrul pa nyid/ /rig sogs rang bzhin med pa nyid/ /skad cig gis 'dod can 'dod min/ /de med par ni sgrub pa'i phyir/ /sgrub byed brtan pa don med yin/ /sgra mtshungs pa yis brjod bya nyid/ /mar me la sogs shes pa la'ang/ /'jug pa de phyir de yi ni/ /gtan tshigs 'di ni 'khrul par 'gyur/ /de dag la ni gzhi mthun nyid/ /gnod 'gyur du ni rtog zhes na/ /brjod par 'dod pa'ang gnod pa 'di/ /gsal bar ci yi phyir ma mthong/ /rtsod pa'i gnas su gyur pa yi/ /blo rnams don zhig yul can min/ /rim gyis 'byung ba nyid kyi phyir/ /glog dang mar me sogs blo bzhin/ /don gcig las 'byung shes rnams la/ /rim gyi 'byung ba 'gal ba yin/ /gzhan gyis tha dad bya min pa/ /de la bltos pa 'gal phyir ro/ /gtan tshigs de rnams thams cad la/ /ldog la the tshom tha? nyid de/ /mi mthun phyogs la bzhugs pa la/ /gnod byed bstan pa med phyir ro/ /de kho na nyid bsdus pa'i rab tu phyed pa las brtan pa'i dngos po brtag pa ste bcu gsum pa'o// //dngos po thams cad skad cig ma'i/ /mi rtag nyid dang 'brel de'i phyir/ /las dang de yi 'brel pa dang/ /rgyu rnams 'bras sogs ji ltar 'bras// dge rnams dag la skad cig gang/ /byed po nyid du brtag byed pa/ /'di ni 'bras bu byung dus su/ /rjes su 'jug pa nyid ma yin/ /'bras bu 'byung che skad cig gang/ /longs spyod por ni brjod bya/ /de ni las byas nyid min te/ /don sngar mi srid phyir ro/ /las dang de yi 'bras bu dag/ byed po gcig gis ma bzung phyir/ /byas pa chung zos ma phrad zos ma phrad gang/ /thal bar 'gyur ba shin tu 'gal/ /bdag med sgra yi phyogs la yang/ /bdag med phyir ni 'bras med pa'am/ /bdag las gzhan phyir bya bar ni/ /sngar nyid du ni rtogs
- 22a
byed pa/ /de phyir rtog ldan 'brel 'dod pa/ /ge ba dang ni mi dge ba'i/ /bya ba rtsom la mi 'jug nyid/ /'bras bu ring du gnas pa yin/ /dngos po 'bras bu byed nus pa/ /ma 'ongs ma yin 'das ma yin/ /de ltar ba yang de snyed kyi/ /dus su gnas pa ma yin no/ /dngos po bdag nyid ma thob pa/ /gzhan gyi yan lag phyir nus min/ /'gas pa ma yin de yin no/ /'bras bu med nus gnas pa'am min/ /skad cig snga ma gzhan zhig la'ang/ /rjes 'gro med par brten byed na/ /phyis 'byung skye bar 'thad? min te/ /rgyu mtshan med pa nyid phyir ro/ /'jig dang skye ba dus mtshungs na'ang/ /rgyu 'bras dag ni yod pa min/ /phan tshun bltos ba med phyir te/ /de yi bya ba ma bzung phyir/ /bum pa'i gzugs ni zhig pa na/ /dri la sogs pa'ang skyes pa na/ /ji ltar de 'bras mi 'dod ltar/ /gzugs gzhan rnams kyang de bzhin te/ /de phyir 'bras bu 'byung ba la/ /sngon du gang gi bya ba mthong/ /de nyid de yi rgyu yin gyi/ /de ma thag pa tsam ni min/ /gal te 'di ni 'dor bsdus na/ /rgyu zhig pa las 'bras 'byung na/ /zhig pa brjod du med pa'i phyir/ /'di ni rgyu med nyid du 'gyur/ /ma zhig pa las de 'byung na/ /skad cig du mar gnas pa'i phyir/ /de tshe dngos rnams skad cig nyid/ /ji ltar nyams par 'gyur ba min/ /skad cig gnas pa'i ngang tshul can/ /bum sogs mig gi mthong min te/ /gang phyir zhig pa rtog ma yin/ /yun ring 'das pa'i dngos po bzhin/ /dngos rnams rang bzhin mi dmigs phyir/ /rgyu dang 'bras bu'i dngos por yang/ /mngon sum dang ni mi dmigs pas/ /mgu bar 'gyur ba ma yin no/ /'di mthong ba las 'di mthong la// 'di yang mthong na ma mthong bar/ /rim ldan 'gyur ba'i mtshams sbyor ba/ /byed por rnam par gnas pa gang/ /skad cig gis 'jig dngos rnams la/ /ngo shes pa yang 'brel par dka' / /skyes bu gzhan gyis mthong ba'i don/ /gzhan gyi ngo shes 'gyur
- 22b
ba min/ /sgra la sogs pa tha dad la/ /shes pa po zhig yod pa'i phyir/ /'dra ba las ni ngo shes 'gyur/ /gnyis tha dad na rgyu med can/ /gal te mtshams sbyor byed pa'i rgyu/ /don zhig yod pa ma yin na/ /gzugs mthong ba na ro sogs la/ /mngon 'dod sogs de ji ltar 'gyur/ /srid pa'i btson rar chags sogs kyis/ /'ching bas bcings pa'i skad cig gzhan/ /ma bcings gzhan ni gral 'gyur ba/ /zhes bya 'di yang rtogs ma yin/ /bcings pa grol ba nam yang ni/ /mi srid gcig tu 'jug phyir ro/ /de phyir thar pa don gnyer rnams/ /dal ba don ni med par 'gyur/ /'ching ba sogs kyis bcings gyur pa/ /grol pa thob par byed pa mthong/ /ma bcings grol ba thob byed pa/ zhes bya 'di 'dra mthong bas gnod/ /bcings dang grol ba 'di dag ni/ /gzhi gcig de bzhin gnas pa'i phyir 'jig rten pa'i de dag bzhin/ /de bzhin thams cad mdzes par gnas/ /rnam pa de dag nyid kyis ni/ /dngos rnams skad cig gis 'jig la/ /gzhi gcig pa ni med pa'i phyir/ /dran pa la sogs mi srid do/ /'di la mngon par brjod bya ba/ /bdag med rnams la rgyu 'bras nyid/ /gnas pa yin na 'di dag kun/ /gnod pa med par grub pa nyid/ /ji ltar myu gu la sogs la/ /rjes 'gro can gyi bdag med la/ /sa bon sogs kyi nus des? pa/ /de bzhin nang gi bdag nyid can/ /dngos su 'am ni brgyud pa yi/ 'gal ba kha cig nus bcas yin/ /de phyir las 'bras sogs rnams kyi/ /'brel pa nyid ni 'thad ma yin/ /byed po nyid sogs rnam gzhag ste/ /rgyu gcig nyid du brjod 'dod pas/ /rtog pas sgro btags nyid 'dod kyi/ /yang dag gnas pa'i yang dag min/ /rdzas 'gro med na rgyu 'bras nyid/ /khyad par can de mi 'thad de/ /rgyud gzhan las ni ming rnams dang/ /gang zhig rgyu 'bras mi 'thad bzhin/ /'o na sa bon myu gu sogs/ /rgyu 'bras nges pa nyid mthong ste/ /de la rjes 'gro'i bdag nyid can/ /cha shas phra mo yod ma yin/ /sa bon
- 23a
myu gu sogs pa la/ /zhing sogs khyad par med yin na/ /tha dad mi rigs gcig bdag phyir/ /tha dad rjes 'gro med pa grub/ /de phyir las 'bras sogs rnams kyis/ /yod dang med pa bsgrub don du/ /rgyu 'bras grub dang ma grub phyir/ /gzhan gyis rab tu 'bad par bya/ /de la brjod bya skad cig ma/ /gnyis pa la ni 'bras skye zhing/ /dang por rgyu ni rgyes gyur pa/ /de ni de tshe zhig pa 'ang min/ /de ni skad cig pa nyid phyir/ /'bras bu'i skad cig dus gnas phyir ro/ /gnas na 'ang don med gang gi phyir/ /de la 'bras bu de grub yin/ /slar skyes slar yang de yis ni/ /skyed par nus min skye bar ni/ /ma byung ba las byung dngos phyir gzhan du na ni gnas pa min/ /de phyir ma zhig pa yi rgyu/ /skad cig dang por byung ba las/ /de yin skad cig ma yin phyir/ /cir car thal ba yod ma yin/ /skad cig gsum la sogs pa la/ /dper na rnams par smin pa'i rgyu/ /zhig las 'bras bu brjod pa yin/ /gal te dang por de 'byung na/ /cig car du yang thal 'gyur te/ /lhan cig 'byung rgyu bzhin de yang/ /rigs pas 'thad min gang gi phyir/ /med pas sngar ni nus med phyir/ /nus pa'i tshe na 'bras 'byung phyir/ /rgyu 'bras dag ni cig car nyid/ /'gal bar gsal ba nyid yin te/ /skam pas bzung ba bzhin du ni/ /rgyu 'dis rang gi 'bras bu 'dis/ /bzung nas skyed par byed pa min/ /gang phyir cig cang ba ru 'gyur/ /'dod ldan bud med la bzhin du/ /'bras bu rang bzhin la brtan par/ /'khyung nas skye ba ma yin na/ /gang gis de dag ci dgar 'gyur/ /cig car pa nyid 'gal ba yin/ /gang phyir rgyu de rang nyid kyi/ /'bras bu sos bsdams bzhin bzung nas/ /skyed pa yin na cig car bar/ /'gyur na de ni de ltar yin/ /'bras buAng rang bzhin de la ni/ /'dod ldan sdug bsngal/ 'khyud bzhin pas/ /skye ba yin na cig car ba/ /'gyur na de yang de ltar min/ /rang
- 23b
gi rgyu las 'byung ba ni/ /skad cig dang por gang byung ba/ /skad cig gnyis pa nye ba yi/ /de ma thag tu gang byung yin/ /bya ba med pa'i dngos la yang/ /de ni de yi skyed byed yin/ /'dod pa tsam las byung ba yi/ /brda ni rjes su sgrub byed yin/ /skye pa las ni dus gzhan pa'i/ bya bas 'dir ni ci zhig dgos/ /gang phyir yod las 'bras byung ba/ /yod pa nyid ni de yi bya'o/ /de ma thag par gang nges pa/ /de nyid bltos pa yin zhes brjod/ /rtag tu 'bras bu 'byung ba dang/ /ldan pa'i rgyu yi bya ba'o/ /de yod pa na 'byung ba tsam/ /bya ba zhes kyang kun tu rtag/ /de dang ldan pas rgyu nyid de/ /de phyir de ldan de nyid mchog/ gang phyir sa bon myu gu sogs/ /yod na yod par mthong nyid kyi/ /bya ba dngos po yod pa las/ /cung zad kyang ni mthong ma yin/ /nus pa ma mthong bzhin du yang/ /rgyu nyid du ni rtogs byed na/ /'di dang bye brag ci yod na/ /gzhan yang ci phyir rgyur mi 'dod/ /ji ltar gzhan ni med na yang/ bya ba 'bras bu rgyur 'dod bzhin/ /gzhan yang ci phyir rgyu ma yin/ /yang na dngos bcas mthong bar ni/ /'dod na 'ang 'di ni kho bo cag/ /mthong bar 'dod yin rgyu med na/ /de la dngos po yod pa yang/ /ci ya phyir na khas len byed de/ /ji ltar skye ba can blo nyid/ /tshad ma nyid du nges smra ba/ /de bzhin dngos po thams cad la/ /de rgyu nyid du ci ni 'dod/ /ji ltar blo ni skad cig lan/ de bzhin skye ba can gzhan yang/ /bsgrubs pa de phyir 'gro ba 'di/ /de bzhin kho na bya bral ba'o/ /rgyun gyis 'jug pa'i dri la sogs/ /phan tshun rgyur 'dod kho na ste/ /de rgyu nyid du thal 'gyur te/ /'di la gnod pa can min no/ /gang yang rung ba'i rgyu rnams kyi/ /gzhan gyi de ma thag 'byung ba'ang/ /de bzhin des pa la 'dod pas/ /brtan par 'dod la skyon 'di yang/ /gang zhig gang la bya ba dang/ /bcas te de yi rgyur 'dod na'ang/ /gang la yang dag nges gang yin/ /de rgyu yin par 'dod pa yin/ /mngon sum dang ni mi
- 24a
dmigs pas/ /yod na yod par grub 'di dag gal te rnam bcas rnam shes kyi/ /dngos rnams rig par khyod 'dod dam/ /'on te rnam med pas dngos rnams/ /rnam par rig par khyed 'dod pa/ /skad cig gis 'jig phyogs la'ang de/ /mtshungs bar nye bar mtshon par bya/ /snga ma'i rang gi rgyu rnams dang/ /gzugs sogs rig pa'i rang bzhin gyi/ /rnam par shes pa thams cad nyid/ /dus mnyam nyid du skye ba yin/ /gal te rnam shes rnam pa dang/ /bcas na sems ni sna tshogs 'gyur/ /rnam pas mtshan pa nyid min 'ang/ /nye ba na gnas rgyu med pa'o/ /zhen de'i lan 'dir cung zad/ /khyed kyis kyang ni smra bar gyis/ /'di la khyed cag lan gang yin/ /de ni kho bo cag gis 'gyur/ /gal te rgyu ni 'brel bu dag /skyed par mi 'dod? de lta na/ /byas 'jig 'gyur na 'di yin te/ /rgyun gyis rgyu nyid 'gyur ba yin/ /gal te rgyu ni med par yang/ /la lar 'bras bu 'byung 'gyur na/ /ma byas pa thob par 'gyur na/ /de min nus pa des phyir ro/ /skad cig gis 'jig rnam rtog gis/ /byas pa 'jig tshogs phas rgol ba/ /des ni mi 'dod pa nyid du 'gyur pa cung zad yod ma yin/ /mi 'jig yod pa lta ba rnams/ /rgyun la gcig bar mngon sems pas/ /skad cig cig phye'i rnam rtog gis gis /ji ltar yang ni 'jug mi 'gyur/ /skad cig re re rnam 'jig pa'i/ /de kho na nyid rnam rtogs shing/ /rgyu yi nges pa rig nas ni/ /dge pa'i las ni rtsom par 'gyur/ /'bras bu 'bras bu can nyid dag/ nges pa'i khyad par can nyid kyi/ /sems gang yin pa'i dran pa sogs/ /kun la'ang gnod pa med pa yin/ /de la rgyu 'bras gyur pa yi/ /ma rig la sogs pas bcings 'dod/ /de dang bral zhing dri med pa'i/ /blo nyid bur pa yin par 'dod/ /thams cad skad cig pa nyid kyi/ /bcings dang grol ba rab grags pa/ /bzhi gcig pa nyid yin par ni/ /'jig rten pa'ang grub pa min/ /bdag la bye
- 24b
brag thams cad du/ /med phyir byed pa zab po/ /bcings sogs 'di 'dra la gnod kyi/ /gzhan du mi rtag pa nyid do/ /de kho na nyid bsdus pa'i rab tu byed pa las/ /las dang 'bras bu'i 'brel pa brtag pa ste bcu bzhi pa'o// //rdzas la sogs pa'i don grub ni/ /dam pa'i don du yod pa'i phyir/ /ris sogs dngos med nyid du ni/ /sngar bstan rigs pa ma yin zhes/ /rkang mig pa dang gzigs zin pa/ /lung tsam pa ni smra byed pa'o/ /rdzas la sogs pa dgag pa 'di/ /mdor bsdus pa ni brjod par bya/ /sa la sogs pas phye ba yi// rdzas dgu tha dad par 'dod pa'i/ /sa la sogs pa grangs bzhin ni/ /rtag dang ma rtag gis rnam gnyis/ /re shig sa sogs bdag nyid kyis/ /gang 'dod pa yi rdul phran rnams/ /de rnams rtag pa 'od la sogs/ /rtsol ba gang yin dang 'jig 'dod/ /de la rdul phran rnams rtag pa/ /yin par rigs pa ma yin te/ /dngos po ma lus pa yi yul/ /skad cig gis 'jig bsgrubs phyir ro/ /rtag tu gong bu ma lus pa/ /cig car skye ba kho nar 'gyur/ /de rnams phrad pa la sogs pa/ /bltos min bye brag med phyir ro/ /rdul phran skyed ga bor 'dod pa/ /yod pa chos su rtog min te/ /don yod la dmigs tshad ma yin/ /yul gur ma yin zhe na ni/ /gang gis thags mkhan sogs mthong bas/ /rdul phran rgyu ni mi 'grub min/ /gang phyir snam bu sogs thams cad du/ /rdul phran bdag nyid kho na'o/ /yod 'dzin tshad ma med tsam gyis/ /med pa ma grub ma yin te/ /gang phyir tshad ma log pa ni/ don med yin pa nges pa med/ /de rnams rtsom pa'i cha shas can/ /yon tan cha shas thams cad ldan/ /mthong ba min pa nyid kyi na/ /des na tshad ma can grub min/ /shel gong nye bar bsgyur ba yi/ /bsgyur ba snang ba ma yin nam/ /chu skyar? sogs pa'ang de gzugs su// 'dzin pa nyid duAng mthong min nam/ /ral gra'i nang gi skyes bu la/ /de yi gzugs sogs mi shes
- 25a
kyang/ /skyes bur shes pa mthong ba dang/ /gos dmar blo yang yod ma yin/ /gzugs sogs utpal la sogs las/ /gcig tu tha dad pa yin te/ /des na de ni nag pa'i las/ /rta bzhin rnam par gcod phyir ro/ /sa la sogs dang gzugs dri sogs/ /shin tu tha dad 'gyur ba ste/ /gcig dang snga ma'i tshig dbye bas/ /zla ba skar ma'i tha dad bzhin/ /byed po nas sogs tha dad par/ /snal ma snam bu tha dad bzhin/ /'gal ba'i chos dag sbyor bas na/ /ka ba bum pa'i dngos bzhin no/ /gong bu'i don yod ma yin na/ /shing sogs mthong ba nyid mi 'gyur/ /de yi ngo bo las gzhan pa/ /gzhan gyi bdag nyid mthong min te/ /gzhan gyi rnam pa rigs pa'i blo/ /mi rigs shin tu thal 'gyur phyir/ /de bzhin dkar po la sogs par/ /rig pa nyid kyang srid par 'gyur/ /de phyir dud la ser sogs kyi/ /blo bzhin blo 'di 'khrul pa yin/ /ral ka nang chud skyed bu yi/ /shes pa de rjes dpag pa ste/ /de yi gtan tshigs su 'gyur pa/ /ral ka nyid ni mthong phyir ro/ /skad dang gur gum sogs rnams pas/ /gos rnams skad cig pa nyid pas/ /snga ma'i gzugs ni zhig pa yin/ /sngar yang chu sogs ltos bcas las/ /gzugs de nyid las dkar po yi/ /gzugs gzhan du yang 'byung bar 'gyur/ /lcags sogs sngon po sogs bzhin du/ gnas skabs de nyid kyi gzugs la/ /rang dngos rjes su 'jug phyir ro/ /drug pa'i chog la sogs dbye ba/ /'dod pa tsam gyis 'byung ba ste/ /de phyir dngos rnams de nyid kyi/ /ngo bor rnam gnas rig ma yin/ /'di ltar drug po la gzhan pa'i/ yod nyid tha dad nyid mi 'dod/ /de rnams sde tshan gcig nyid don/ /gzhan yang khas blangs pa min no/ /yod pa shes pa'i tshad ma yi/ /yul du de nyid 'dod pas na/ /drug po'i yod nyid yin zhe na/ /khyed la drug las gzhan thal 'gyur/ /de drug chos can du
- 25b
brjod de/ /chos ni de dag las gzhan par/ /'dod pa nyid yin zhe na yang de dang de yi 'brel 'dod gang/ /sa sogs des phyir phrad pa yang/ /mi rigs gzhan yang 'du ba yang/ /'brel pa gzhan ni khyod 'dod min/ /'brel ba mi 'thad de rnams kyis/ /chos su ji ltar 'gyur ba yin/ /de las byung tsam gyis zhes na/ /gzhan yang de dang 'dra 'gyur la/ /de'i yang yod pa nyid yin na/ /tha dad pa can gyis dbye ba/ /thob 'gyur de la'ang gzhan yin pas/ /mdza' med par ni thal bar 'gyur/ /chos gzhan la ni 'jug pa yis/ /der ni chos can nyid thob na/ /de nyid thob na/ /de nyid kyi phyir rdzas sogs nyid/ /chos can nyid du 'dod mi 'gyur/ /gal te snga rol snal ma las/ /snam bu tha dad sgrub byed na/ /sgrub par byed pa don med nyid/ /de bzhin bzlog par dka' ba yin/ /snal ma de rnams gnas skabs kyi/ /bye brag gzhan ni thob pa na/ /khyad par can don byed nus pa/ /snga ma las gzhan mtshan nyid kyi/ /bya ba gcig nyid lam kho la/ /so sor shes pa po bstan na/ /mangs dang nus med 'bras med pa'i/ /skyon rnams bsal bar 'dod pa yi/ /tha snyad 'dogs pa po rnams kyis/ /gang dag ma lus pa rnams la/ /tha snyad nyung ba'i bsam pa yis/ /tshig gcig gis ni brjod pa yin/ /byed po nus pa tha dad la/ /yongs su gyur sogs chos ldan phyir/ /de rnams dus gcig nyid du ni/ /snam bu nyid du 'grub pa yin/ /rdul phran rnams ni phan tshun du/ /bstangs pas skye ba nyid yin na/ /de rnams dbang po'i spyod yul nyid/ /min pas dbang po las 'das min/ /rdul phran sngo sogs rnam pa'i dngos/ /ngo bo nyid yin brtags pa min/ /sngon po sogs su snang ba yang// mig sogs shes pas rig pa yin/ /gal te'ang de rnams shar nyid dang/ /gzhan nyid du 'byed mtshan nyid min/ /de lta'ang sbyar ba'i btung ba bzhin/ /gnas la mngon sum gyis gnod min/ /dngos po 'di rnams thams cad nyid/ /rgyun las log pa'i rang
- 26a
bzhin du/ /mthong ba yin yang rang bzhin du/ /rnam pa thams cad des pa min/ /brtags min dbang rton rtogs bya ba'ang/ /cha shas don med rang mtshan nyid/ /gang las tha dad nges pa la/ /rgyu yod na ni de 'byung 'gyur/ /ji ltar mar me 'bar ba'i rgyun/ /'dra bar 'byung la gcig par 'dra/ /de bzhin phra ba du ma rnams/ /rgyun mi 'chad rnams blos gcig rtogs/ /dbye ba mi rtogs de rnams la/ /mngon sum du 'dod min zhe na/ /mar me sogs te ji ltar mthong/ /de bzhin cha shas can cis 'dod/ /'di rnams rdul du ma nges na/ /sngon po la sogs rnam pa'o zhes/ /de lta bur yang rtogs bya bar/ /'di ni ji ltar 'gyur ba yin/ /gang phyir de la'ang rgyu med de/ /shes pa de ni yul med min/ /gong bu yul gcig ma yin te/ /gcig dang gong bu nyid 'gal phyir/ /gong bu gcig dngos nyid yin na/ sbrang ma'i rkang pa g.yogs tsam gyis/ /de dag thams cad g.yogs par ni/ /'gyur te dbye ba med phyir ro/ /cha gcig tu ni dmar ba yang/ /thams cad la 'gyur dmar po bzhin/ /'gal ba'i chos dag sbyor ba yang/ /sna tshogs nyid du thal bar 'gyur/ /gcig gi dngos nyid ma yin na/ /thams cad sgra 'dir ci zhig bya/ /de yang du ma'i yul yin na/ /yan lag can ni du ma yin/ /gos dang lus dang ri sogs gang/ /'jig rten la grub ma yin nam/ /de nyid yan lag can nyid du/ /khyed cag gis ni smras pa yin/ /gos dmar kun tu thams cad dang/ /lhag med de bzhin ma lus pa/ /de la thams cad rab 'byor ba/ /'dod pa tsam gyis 'byung ba yin/ /de 'dra mngon par 'dod pa ni/ /kho bo cag kyang smra ba ste gos kun dmar por 'gyur sogs pa/ /smra la bar du gcod pa med/ /brtags nas de brjod yin zhe na/ tshig gzhan du ni thal 'gyur zhing/ /gtso bo phal bar 'dod dag gi /tha dang blo yang yod ma yin/ /sbyor ba kun la khyab byed pa/ /'jug pa nyid ni ma yin phyir/ /thams cad dmar por thal ba min/ /thams
- 26b
cad g.yogs par 'dod pa'ang min/ /rdzas ni cha shas med min nam/ /ci'i phyir ma khyab par rnam gnas/ /rang dngos de ltar gnas na ni/ /de nyid kyi phyir tha dad grub/ /yul mang la gnas pa des na/ /gnas gcig byed pa nyid ma yin/ /de phyir snam bu la sogs pa/ /du ma'i ngo bo nyid du grub/ de nyid don ni mi shes pa'i/ /'jig rten gong bu gcig snyam sems/ /rnam rtog de la bltos nas ni/ /phra rab rdul zhes 'dir brjod pa 'am/ /rgyu mtshan rnam bltos min par yang/ /brda yi rjes 'gro ldan pa yi/ /dbul la'ang phyug po zhes brjod yin/ /'di na de 'dra'i ming du gnas/ /snal ma dang ni lag pa sogs/ /cha shas can gcig rjes 'jug min/ /dper na du ma nyid grub pa'i/ /re lde snam bu rtsig sogs bzhin/ /gal te 'ang mngon par 'dod pa'i rdzas/ /gcig phyir yan lag du ma la/ /rten min rdul bzhin 'jug par ni// mi rigs gnod can tshad ma'o/ /gcig 'jug gnas de 'ang cha shas kyi/ /rten gzhan la ni 'jug pa na/ /dngos de nyid kyis sam gzhan gyis/ /rnam pa gzhan yod min pas so/ /de la 'di ni de nyid kyis/ /gzhan la 'jug par brtag min te/ /de dbang byas pa nyid kyis ni/ /gzhan du der 'jug yod ma yin/ /dper na khu 'jo ba'i ma ma/ /gzhan gyi dbang bya yi rten 'gyur/ /de bzhin gcig gis dbang byas pa'i/ /rdzad ni gzhan gyi rten byed min/ /gang phyir de 'brel rang bzhin no/ /de min yul la'ang 'jug pas na/ /de ni yul gcig nyid thob bam/ /gcig bdag nyid 'gyur dbyer med phyir/ /gzhan nyid bdag nyid kyis 'jug na/ /rang bzhin tha dad pa yi dngos/ /tha dad bdag nyid nyid yin pas/ /gcig ni du mar gnas 'grub min/ /de de rnam la 'du ba yi/ /bdag nyid kyis 'jug yin zhe na/ /skyo ba nyid kyis 'di 'gro 'am/ /de yang rnam par dpyad bya yin/ /gzhan yang bdag nyid thams cad kyis/ /'jug na du ma nyid thob 'gyur/ /phyogs
- 27a
gcig gis na 'tha' med 'gyur/ /de gcig min pa'am gang du 'ang min/ /rang rgyud pa'ang thal 'gyur pa'i/ /bsgrubs pas gang zhig 'jug pa na/ /de ni rang nyid kyis mthong ba/ /yin na 'brel par 'gyur ba yin/ /ma lus pas sam phyogs gcig gis/ /'jug pa gang du 'ang ma shes nyid/ /gang gi yod pa min phyir rdzas/ /med pa 'am gzhan du 'gyur ba'o/ /de ni la lar mthong ba ni/ /rdzas la sogs pa bsal ba bzhin/ /de bzhin der ni ma mthong na/ /tha dad par rgol mi rigs so/ /de dag tsam gyis 'jug pa nyid med par brjod 'gyur zhe na 'ang de/ /mi rigs 'di na 'di zhes pa'i/ /blo yi mngon sum gyis grub pa'i/ /de ni mngon sum 'dod min na/ /gnod pa can 'ga' brjod pa'i rigs/ /gzhan du gzugs sogs shes pa yang/ /mngon sum min pa nyid du 'gyur/ /'di la 'jug pa de med par/ /dbyer med tshul gyis sngar bstan zin/ /'di la zhes pa'i shes pa med/ /de'i ngo bo mi snang phyir/ /ma lus pa dang phyogs gcig pa'i/ /sgra dang don 'di bshad mdzad pa'i/ /cha shas med 'di'i 'jug pa ci/ /de ni de las gzhan duAm/ /ji ltar gnod la sogs bzhag pa'i/ /dpal 'bras la sogs ji bzhin pa'am/ /stan ni du ma la 'jug pa'i/ /nag pa sogs mthong lta bu yin/ /bum pa mar me la sogs bzhin/ /'jig pa la sogs gtan tshigs kyis/ /sgra rnams 'ga' zhig la brten yin/ /de ni nam mkhar 'gyur ba yin/ /nyi sogs bya ba'i rdzas rnams las/ /tha dad pa yi rgyu mtshan ni/ /gzhen na gzhen min sogs shes pa/ /ji ltar bum sogs shes bzhin no/ /skra dkar gnyer ma lus rtsub sogs/ /gyur la sogs pa'i shes phyir 'dir/ /gang las mtshan nyid mi 'dra rgyu/ /de ni 'du shes bya bar 'dod/ /shar dang gzhan sogs blo rnams las/ /phyogs nyid rjes su dpog pa yin/ /shes pa rim gyis skye ba las/ /yid kyang rjes su dpag par 'dod/ /gzugs la sogs pa'i shes
- 27b
ba ni/ rim gyis skye phyir gzugs sogs las/ /gzhan pa'i rgyu la bltos pa ste/ /dper na shing rta sogs bzhin no/ /zin sogs 'byung ba chen po rnams/ /rgyu nyid yin par khas len na/ /sgra rnams de rnams la brten par/ /'grub phyir snga ma sgrub byed min/ /mkha' gcig rtag pa khyab byed pa/ /'du ba nyid du 'grub min te/ /'di rnams rjes 'gro mtshad phyir/ /de bzhin min sogs thob par 'gyur/ /gzhan dang gzhan min sogs shes pa'i/ /rgyu ni brda'i bye brag las/ /byung ba'i yid las byung ba dag/ yin phyir dus dang phyogs de dag/ cha shas med gcig dngos yin phyir/ /gzhan dang gzhan sogs srid pa min/ /de dang 'brel pa can dbye bas/ /zhe na de dag 'bras med 'gyur/ /mig la sogs pa la gzhan pa/ /drug po de ma thag 'byung ba'i/ /shes pa gang yin de yid du/ kho bo cig kyang 'dod pa yin/ /yin nyid rtag na shes pa rnams/ /cig car pa nyid thob par 'gyur/ /des 'dir sngar smras gtan tshigs su/ /'dod pa rnam par nyams bcas 'gyur/ /sangs rgyas pa dang phyi rol pas/ /bstan pa'i yid 'grub mi 'grub pa/ /gzhan gyis mdor smra A bcas dang/ /gzhan du yang ni bzlas nas so/ /de kho na nyid bsdus pa'i rab tu byed pa las rdzas kyi tshig gi don brtag pa ste/ bco lnga pa'o// //rdzas rnams bkag pa de las ni/ /de bzhin brten par 'dod pa yi/ /yon tan la sogs kun la nyid/ /med par 'gyur ba kho na'o/ /'brel pa can rnams pa bkag pa na/ /'du ba'ang gang la gang zhig yin/ /de lta na'ang bye brag tu/ /dgag pa 'di ni brjod par bya/ /sngon po la sogs rags pa'i rdzas/ /gal te gcig pa nyid 'dod na/ /bu ga'i snang bas ? 'od bsal bzhin/ /gsal ba ci phyir snang min/ /yangs pa'i phyogs na gnas pa yi/ /sngon po la sogs mthong ba dang/ /gsal 'gyur min pa de yi tshe/ /de las de de tha dad 'gyur/ /de min gzhan la blo log cing/ /glang po sogs las tha dad pa'i/ /
- 28a
grangs ni snang bar khyed 'dod de/ /shes las snang ba yod nyid min/ /'dod pas rab tu sbyar ba yin/ /brda ni yid byed rjes 'gro ba/ /bum sogs gcig sogs rnam shes 'di/ /shes pa sogs bzhin 'jug pa ste/ /de rnams rdzas nyid min pa'i phyir/ /rnam 'byed rdzas ni gang zhig yid/ /ma 'khrul pa yi de nyid kyis/ /shes de brjod pa rigs min nyid/ /de ni rdzas dang 'brel pa las/ /gcig nyid yin dang don gcig la/ /'du phyir yon tan la sogs la/ /rnam shes gcig tu 'dod ces na/ /de ltar gcig pa'i shes pa nyid/ /yin yang gnyis sogs blo gang yin/ /tshig gi don drug sogs gang la/ /de rnams la bltos rgyu gang yin/ /don gcig la ni 'du sogs kyi/ /shes pa 'di ni med par 'gyur/ /des na 'di ni 'khrul 'gyur te/ /mi la me yi blo bzhin no/ /glang po la sogs shes de las/ /gzhan pa las byung dmag gi blo/ /mtshan nyid mi 'dra las bsgrubs pa/ /snam bu sngo sogs blo bzhin 'dod pas sbyar ba'i brda dang ni/ /yid la byed sogs thabs yin na/ /blo de 'dod yin de nyid kyi/ /blo la sogs 'ang grangs su 'gyur/ /gal te blo la bltos pa las/ /grangs 'grub par ni smra ba yang/ /brda la 'jug pa tsam gyis ni/ de ci yi phyir mi 'dod/ /tshe dang ring sogs dbye ba yi/ /bong tshod gang zhig rjod byed pa'i/ /don de 'ang de bzhin min dngos kyi/ /dbye ba nyid las ci mi 'dod/ /khang bzang phreng ni ring po dang/ /chen por ji ltar snang ba yin/ /de la 'di 'dra'i bong tshod kyi/ /ngo bor rtog pa ma yin no/ /don gcig la ni 'du ba yis/ /de ltar bstan pa yin zhe na/ /gang phyir phan tshun tha dad pa/ /so so bar brjod de'i yan lag/ dang bral gzhan las gzhan de bzhin/ /gang dang phrad? dang dbye ba
- 28b
yang/ /gzhan la rjes su nges pa dang/ phrad sogs blo dag gi ni rgyun/ /brtags pa de dag don med nyid/ /phrad pa yod pa ma yin na/ /sa bon chu dang zhing la sogs/ /rtag tu 'bras bu 'byin par ni/ /thal 'gyur bye brag med phyir ro/ /zhing dang sa bon chu sogs rnams/ /bltos dang bcas par shes byas te/ /rang 'bras rtag tu mi 'jig phyir/ /'phyin pa 'khor lo'i chu bzhin no/ /de rnams gang la ltos gyur pa'i/ /dngos po phrad pa yin par 'gyur/ /de ni bye brag dngos gyur phyir/ /tha dad nyid ces shes bya ste/ /phrad snga 'dod pa gang dag dang/ /phrad la longs spyod pa zhes brjod/ /de las gzhan pa yongs spangs nas/ /de nyid longs spyod pa 'di'o/ /dngos 'di bar chad med pa 'am 'di ni bar chad dang bcas zhes/ /'di 'dri'i blo yi dbye ba dag /'di dag med gang las 'dir rig /gang 'dir bar chad bcas blo la/ /bar chad med pa'i blo nges dang/ /bar chad med la'ang gang gzhan pa/ /'di gnyis log pa'i shes pa ste/ /log pa'i shes pa thams cad cing/ /don gyi gtso bo'i rjes 'jug la/ /gtso bor 'dir ni brjod bya ba/ /brjod pas de dag kyang 'grub 'gyur/ /gdub 'khor can zhes blo 'di yang/ /rgyu gang gis skye mi la ni/ /gdub 'khor yod pa'i phyir zhe na/ /de ni rtag tu thar bar 'gyur/ /gzhan du mthong ba yod pa la/ /gzhan du dgag pa nyid rigs kyi/ /phrad pa gang duAng ma mthong ba/ /de ko ji ltar dgag tu zung/ /nag pa gdub 'khor med de bzhin/ /de phyir dngos rnams yod nyid yin/ /dgag dang sgrub sogs gang yin pa'i/ rnam par dbye ba'i gnas yin zhes/ /smra la skad cig pa nyid kyis/ /chu sogs bye brag med pa ste/ /bar chad med pa sogs yod kyang/ /gnas skabs gzhan la bltos bcas yin/ /gal te rgyu la sogs de rnams/ /phrangs
- 29a
tsam la bltos bcas na/ /phrad pa thag nyid 'bras 'byung 'gyur/ /de min mthar yang 'byung mi 'gyur/ /bar chad med par 'byung ba las/ gnas skabs bye brag thob pa la'ang/ /gang dag 'di longs spyod mthong ba'ang// dngos de dag gyad de bzhin 'grub/ /bar du chod dang gzhan nyid bar/ /skye ba'i rgyu las bar chad dang/ /bcas dang bar chad med shes pa/ /log pa'i shes pa thams cad kyang/ /chos mthun la bltos min par yang/ /'khrul rgyun la yod 'ga' zhig/ gzhan du 'gyur ba'i sems la ni/ /zla ba gnyis sogs blo bzhin no/ /bar chad med sogs la byung ba/ /gtso bor 'dir ni yod na'ang/ /gnas skabs bye brag las skyes pa/ /gdub 'khor can zhes pa blo 'di/ /nag pa dang ni gdub 'khor bzhin/ /phrad pa dang ni 'dra ba yi/ /gnas skabs khyad par can las so/ /de 'drar mthong bzhin gzhan du min/ /phrad pa nyid du mthong min las/ /nag pa gdub 'khor med sogs pa'i/ /pha rol po yi 'dod pa las/ /phrad pa'i dngos po'i blo skye min/ /phrad pa'i blo ni gang yin pas/ /khang bzang sogs la phrad blo 'byung/ /yang na dngos po du ma nyid/ /yod la snal ma mang po la/ /sogs yul can blo bzhin du/ /tha dad par ni skye bar 'gyur/ /bya ba yang ci rigs par/ /tshad ma gnyis kyi brjod bya ste/ /gcig ni du ma 'jug pa'ang/ /mi rigs gnod pa can yin no/ /pha rol pha rol min brjod sogs/ /rtog pa'i rgyu mtshan gang yin pa/ /pha rol nyid dang pha rol min/ /'di yin phyogs dus yi rgyu yin/ /dper na sngon po sogs dngos rnams/ /rim gyis 'byung dang gnas pa las/ /gzhan pa'i rgyu mtshan gyis dben pa'ang/ /de ltar bstan cing gzhan de bzhin/ grangs dang phrad pa la sogs kun/ rdzas las tha dad min pa min/ /de ni rnam gcod byed nyid kyis/ /dbyug pa sogs bzhin 'dod ce na/ /de rnams kun rdzob tu yod par/ /smra bas 'dod pa sgrub byed yin/ /gang phyir kun rdzob tu yod par/ /de nyid gzhan nyid kyis brjod min/
- 29b
'on te brjod bya nyid min pa'i/ /tshogs la sogs pa 'gog byed pa/ /gang phyir nges pa'i chos nyid de/ /gzugs sgra dri ro sogs bzhin no/ /de ni de kho na nyid du/ /dngos med nam mkha' i pad+ma bzhin/ /chos nges pa nyid mi 'grub ste/ /de rnams rtogs pa sgro btags pa'o/ /gang phyir nam mkha' i pad? sogs kyis/ /de skad smras nyid ma nges pa'o/ /tha dad min dang tha dad pa'ang/ /dngos po nyid la rnam par gnas/ /grangs sogs rdzas las tha dad pa/ /de ltar bsgrub bya yin zhe na/ /gzhi nyid ma grub pa yi phyir/ /grangs sogs rnams ni mi 'grub bo/ /bsdus pa sogs las tha dad pa'i/ /rdzas nyid de ltar brjod bya ba/ /rang dngos nyid las tha dad pa/ /rnam par nyam par sgrub par 'gyur/ /byas pa'i shugs ni rnams gsum du/ /bstan te shugs su brjod pa dang/ /goms pa brjod dang gnas 'jig pa/ /'di dag ma lus mi 'thad de/ /dngos rnams skad cig pa yin phyir/ /byas pa gang yang yod min no/ /byas pa'i shugs kyi bka' can las/ /gang gi rgyun ni rgyur yin/ /goms pa brjod pa'i byas pa'i shugs/ /sems kyi bag chags bdag nyid rigs/ /bdag gi yon tan nyid de ni/ /mi rig de ni bsal phyir ro/ /gnas su 'jog byed dngos nyid du/ /mi rigs skad cig gi 'jig phyir/ /gnas don 'byung ba nyid gyur las/ /de yi ngo bo nyid du gnas/ /rang gi rgyud nyid las byung ba/ /skad cig gcig ni gnas pa rnams/ /snga ma snga ma'i nus mthu las/ /rgyun gyis rjes su 'jug pa yin/ /de ni gzhan du 'byung min pa/ /de phyir 'di yi 'jog byed gang/ /'di yi mthong ba'i rgyu nyid min pa gzhan yang byas pa'i shugs su 'gyur/ /gos sogs skye ba 'di nyid la/ /'jog byed yon tan du 'dod na/ /de bzhin byas shugs yon tan yang/ /thams cad du yang yod mi 'gyur/ /yid dang bdag tu sbyor ba dang/ /gong du rgyas par bkag pa'i phyir/ /ma mthong ba la pha rol pos/ /smras pa mtshan nyid ldan mi rigs/ de kho na nyid bsdus pa'i rab tu byed pa las yon tan gyi tshig gi don brtag pa
- 30a
ste bcu drug pa'o// //dngos rnams skad cig gcig gis la/ /bdeg pa la sogs las yod min/ /skye ba'i yul du zhen pa nyid/ /de las gzhan thob yod ma yin/ /skye ba'i las ni gzhan pa'i dus/ /las kyi dus shes pha rol smra/ /shin tu myur bar zhig 'dod pa/ /mar me la sogs dngos la yang/ /rgyab ma mdun sa'i yul dag las/ /bral dang phrad pa'i 'byung dag la/ /'gro ba can nam gzhan kun yang/ /las kyi gzhir ni rab brtags las/ /gang skyes nam duAng skad cig kyang/ /gnas min g.yo ba'i bdag nyid do/ /de ni rdul phran tsam gyis kyang/ /yul du 'pho ba yod ma yin/ /rtag pa'i dngos po thams cad ni/ /'gro la sogs par shin tu yang/ /bsgrub dka' gnas skabs thams cad du/ /'di la bye brag med nyid do/ /gal te 'gro bo sogs dngos de'i/ /dngos yin rtag tu 'gro sogs 'gyur/ /skad cig gcig kyang mi g.yo bar/ /gcig tu gnas pa ma yin no/ /gang du 'gro sogs med pa yang/ /'dis ni rtag tu thob 'gyur na/ /snga ma'i ngo bo mi 'dor phyir/ /'gro sogs rtsom pa'i dus bzhin no/ /'on te 'gro min sogs dngos po'i/ dngos yin rtag tu 'gro mi 'gyur/ /skad cig gcig kyang 'gul bar ni/ /'gyur ba nyid ni ma yin no/ /gang phyir 'gro sogs yin na yang/ /mi g.yo'i bdag nyid phyir yin te/ /snga ma'i ngo bo mi 'dod phyir/ /g.yo min ngo bo'i dus bzhin no/ /gal te 'gro min dus gcig tshe'ang/ /gzhan du yang ni 'gyur yin na/ /phan tshun 'gal ba'i bdag nyid dang/ /'dres pas tha dad nyid du 'gyur/ /de dag shin tu tha dad pa'i/ /bdag nyid du ni nges pa ste/ /'gal ba'i chos dag 'dre ba'i phyir/ /g.yo dang mi g.yo'i dngos bzhin no/ / mthong ba nyid du mngon 'dod pa'i/ /las ni dngos po las gzhan min/ /'di ni mthong ba nyid kyang min/ /rigs pa'i rdzas 'brangs yod ma yin/ /mi brtan nyid dang brtan nyid la/ /de lta'i 'gro sogs rnam yod min/ /thob dang gzhan pa'i yul dag las/ /byed dang
- 30b
phrad pa'i rigs ma yin/ /rgyun mi 'chad par skye ba yin/ /'dra ba gzhan dngos rnams kyi/ /yul gzhan nye bar thob pa la/ 'gro bar 'khrul yin sgron ma yin/ /de kho na nyid bsdus pa'i rab tu byed pa las/ las kyi tshig gi don brtag pa ste rab tu byed pa bcu bdun pa'o// //rdzas la sogs pa bkag pa ni/ /rigs rnams kyang ni bsal ba yin/ /de dag thams cad tshig gi don/ /gsum la gnas par kun tu brtags/ /de la rigs 'di rnam gnyis su/ /pha rol pos ni khas blangs pa/ /ma lus pa la rjes 'jug pa/ /yod par brjod pa spyi nyid dang/ /bye brag yod par mngon brjod pa'i/ /rdzas la sogs pa'i spyi nyid de/ /rang gnas rnams su rjes 'jug pa'i/ /sems kyi rgyur gyur dngos las so/ /rigs mi mthun pa thams cad dang/ /rang gi gnas kyi bye brag las/ /log pa'i blo yi rgyu nyid de/ /de rnams de ltar gnas pa nyid/ /bye brag nyid ni kha cig gi /log pa nyid kyis rgyu rnams te/ /rtag pa'i rdzas su gang gnas rnams/ /bye brag ces ni brjod pa yin/ /gang gi stobs kyi rdul phran las/ /sogs la rnal 'byor pas blo 'byung/ /'di ni de dang mtshan nyid ni/ /mi 'dra bar ni so sor gnas/ /yod nyid ba lang nyid sogs rigs/ /mngon sum gyis kyang rab grub ste/ /dbang po'i bya ba yod pa la/ /yod sogs shes pa 'byung phyir ro/ /rjes su dpag pa'i stobs kyis kyang/ /'di dag yod par shes bya ste/ /shes pa'i bye brag gis/ /rgyu mtshan gzhan las byung ba'o/ /ba lang glang po sogs rnams la/ /glang sogs sgra dang shes bye brag /brda dang dbyibs dang ril bo sogs/ /tha dad don gyi rgyu mtshan no/ /ba lang la sogs yul nyid la'ang/ /de yi sgra blo yod pa las/ /gzhan phyir dper na de nyid la'ang/ /lcags kyu be'u bcas blo sgra bzhin/ /ri bong rwa sogs rnam shes kyis/ /bye brag la ni rnam 'phrul phyir/ /de yi ngo bo brjod rnams kyang/ /chos mi mthun par lta bar byed/ /ba lang sogs rjes
- 31a
'jug shes pa'ang/ /ril po las gzhan par skye ste/ /bye brag ldan phyir sngon po las/ /sogs pa'i shes pa lta bu'o/ /ba lang nyid ni ba lang las/ /don gzhan tha dad blo yul phyir/ /de bzhin gzugs dang reg sogs bzhin/ / brjod pa nag pa'i rta bzhin no/ /de kun snying po med pa ste/ /gzhung lugs tsam du smra ba rnams/ /'di las shes byed tshad ma ni/ /cung zad tsam yang ma mthong ngo/ /dbang po bya ba yod pa yi/ /rjes byung yod sogs shes pa ni/ /'grub pa min te de rnams ni/ /brda la 'jug pa nyid phyir ro/ /dper na sna tshogs pa yin/ /bsal la sku ru rang shing sogs/ /re re'am ni sbyar ba 'ang rung/ /nus pa sna tshogs nyid du 'ang rigs/ /de rnams la ni spyi zhes pa'i/ /nus ldan cung zad yod ma yin/ /yun ring mur ba'i dbye ba yis/ /nad rnams zhi bar thar phyir ro/ /zhing sogs dbye bas 'ga' zhig la'ang/ /gcig gi ngo bo la rtag pa'i/ /khyad par can spyi yod spyi yi/ /skyu ru ra'i shing sogs de yod/ /de ltar shin tu tha dad kyang/ /kha cig nus pa nges pa yis/ /mtshungs par bsre ba la sogs pa'i/ /rgyu nyid thob kyi gzhan du min/ /bya ba tsam la mkho ba yi/ /brjod par 'dod pa'i sgra de yang/ /brda ru byas pa de la 'am/ /yang na ci 'dod gzhan yang ngo/ /dgal dang bzho sogs ngo bo yi/ /bya ba'i dbye ba la mkho ba/ / ba lang sogs sgra'i brda ru ni/ /tha snyad 'dogs pa po rnams byed/ /de brda yin la byed pa la/ /yod pa la sogs pa 'di ni/ /skye bar yang ni shes bya yi/ /dbang po'i bya ba'i rjes thogs min/ /rtog med rnam pa'i shes pa nyid/ /dang po nyid du skye 'gyur zhing/ /de nas brda rnams yid byed la/ /de las de dran de rnams las/ /gzhan du son pa'i sems la ni/ /dngos po'i gtan tshigs kyang 'bras med/ /phyogs de phyi rol la min te/ /bsgrub byas stong par
- 31b
ston pa yin/ /dngos su de yi rgyu min te/ /phyi yi lcags kyu be'u sog bzhin/ /rang gi mtshan nyid 'di la ni/ /rjong dang rnam rtog 'jug yod min/ /gang gis rang gi mtshan nyid ni/ /dag kun spyod yul las 'das dngos/ /nang tsam la ni brten nas 'di kun rdzob nyid du dmigs byed de/ /lcags kyu la sogs phyi dngos por/ /nges pas 'jug par 'gyur ba yin/ /las dang yon tan tha snyad dag /med pa rgyur ni gang smras pa/ /med pa'i shes par bye brag ni/ /de yang mi rigs nus pa yi/ /rgyu nyid las ni dngos po nyid/ /gzhan yang yod sogs bye brag dang/ /med las med pa'i shas pa thob/ /ril las tha dad blo yin pas/ /shes pa de dag rnams dang ni/ /mtshan nyid mi 'dra ba mi 'grub/ /des ni gtan tshigs mi 'grub 'gyur/ /gang phyir rjes 'jug ldan shes pas/ /sgra dang gsal bar snang bcas la/ /mdog dbyibs yi ge'i rnam pa yis/ /stong pa rigs yin zhes smra byed/ /spyi yang sngon po la sogs pa'i/ /dngos nyid yin na yon tan dang/ /'di la dbye ba ci zhig yod/ /sngon po sogs la gcig nyid ni/ /rjes 'jug par yang snang ba yin/ /snang bzhin yin yang 'di yi ni/ /dbye ba shes 'gyur min zhe na/ /de yi stobs kyis de dag ni/ /sgra blo ji bzhin gsal 'jug 'gyur/ /spyi yi shes pa pha rol po/ /nges pa'i bdag nyid nyid 'dod pa/ /nges pa med par mi rigs te/ /mi 'dzin pa nyid thob par 'gyur/ /rgyu mtshan gzhan nyid las grub kyang/ /rjes 'jug gcig pu mi brtan las/ /tha dad spyi ni mi 'grub ste/ /rim gyis 'byung ba nyid phyir ro/ /tshig gi don sgra drug po yis/ /bdag nyid rgyu gzhan la bltos pa/ /gang yang yod pa sogs rjes 'jug /yod pa shes pa'i shes pa'o/ /chos can rgyu mtshan yin zhe na/ /de la'ang yod pa'i blo yod pas/ /chos gzhan de yi rgyu nyid de/ /thug med chos can nyid
- 32a
kyang 'thob/ /de phyir 'di rnams kyis gtan tshigs/ /'di ni 'khrul par mthong ba ste/ /nye bar sbyor ba thams cad la/ /khyab par 'di ni sgrub pa min/ /de yi 'og tu de bstan pa/ /'di nyid kyis ni bsal ba yin/ /thun mong du sgrub de la ni/ /'dod pa 'grub par sogs par mtshungs/ /'tshod pa po la sogs pa yang/ /rjes 'jug can zhig min na yang/ /shes pa bye brag can skye zhing/ /med la med pa'i blo yang ngo/ /'dod pas sbyar ba'i ngo bo dang/ /zhig dang ma skyes pa rnams la/ /ji skad bstan pa de kun gyis/ /gtan tshigs ma nges pa nyid do/ /'tshed pa po sogs blo rnams kyis/ /rgyu mtshan cung zad yod ma yin/ /las yod ces na de bzhin du/ /bsal ba so so phye min nam/ /phye la rjes 'jug can gyi blo rjes 'jug yod par rigs ma yin/ /de phyir gcig tu 'dod pa'i phyir/ /gsal ba kun rjes 'jug ldan 'gyur/ /rjes 'jug gis phongs las la ni/ /gal te rgyur rtog de lta ni/ /gsal ba rnams ni de nyid la/ /ci phyir rgyu nyid du ni 'dod// las rnams dang ni bral ba der/ /'tshod po sogs blo med 'gyur te/ /rigs bzhi las ni dus kun tu/ /gnas par pha rol po 'dod min/ /'das dang ma 'ongs las ni de'i/ /rgyu mtshan can du byas zhe na/ 'tshod pa po sogs blo sgra yi/ /rgyu de ma yin med pas so/ /gal te las nyid kyi rigs dang/ 'brel pa'i las dang sbyor ba'i blo/ /de ni zhig pa'i las la yang/ /des pa'i rgyu ni mtshon phyir ro/ /'das pa'i las ni de yi tshe/ /mtshon du zin yang yod pa dang/ /gzung bya min te rigs kyi ni/ /rang rten log pa nges pas so/ /dbyib pa gdub 'khor sogs rigs rnams/ /lan cig dmigs la de dang ni/ /bral yang dbyig nga la sogs blo/ /de rnams la ni 'jug pa min/ /'on te'ang 'tshed pa po la sogs/ /rigs
- 32b
gzhan du ni smra byed na/ /skyes ma thag la de sbyor bas/ /'tshed po la sogs blo ru 'gyur/ /de tshe yod sogs blo bzhin du/ /'du ba can rnams med ce na/ /phyis kyang de la de bzhin du/ /'gyur te bye brag med phyir ro/ /de dang 'brel pa'i rang bzhin no/ /yon tan ldan min de dag la/ /'du ba 'di ni de lta na/ /phyis de'i bdag nyid ji ltar 'gyur/ /gal te gsal ba mi rtag pas/ /khyad par can gyur de lta na'ang/ /rigs kyi yon tan mi ldan pa'i/ /ngo bo nam yang 'dod mi 'gyur/ /'tshod pa la sogs bya ba las// gtso bo sgrub par 'dod pa yi/ /'tshed pa bo sogs zhes pa de'i/ /gtso bo'i 'tshod po gzhan yod min/ /gtso bo zhes bya 'di ci zhig /rjes 'jug min phyir nus pa min/ /rdzas dang las dang yon tan sogs/ /bdag nyid nyid du de rtag min/ /de dang rigs mi 'dra ba las/ /log pa'i ngo bor nges pa tsam/ /brda yi bye brag la ltos pa/ /me la sogs pa'i blo yin no/ /brda nyid ji lta ba nyid de/ /de phyir gcig nyid rjes 'jug pa/ /med kyang sgra dang blo nyid kyi/ /dbye ba yis ni 'jug pa yin/ /de lta na yang med rnams la/ /med pa'i blo dang sgra dag kyang/ /rjes 'jug 'gal min de dag gi /don med brda rjes 'jug phyir ro/ /bum pa snga na med 'di'o zhes/ /de phyir dngos po'i bye brag can/ /nyid kyi mig blor shes bya ste/ /bye brag la brten spyi dbang gis de ni kun tu rjes 'jug nyid/ /co na de lta min mtshan nyid/ /min 'dra de min la brten phyir/ /bum pa zhes bya la sogs blo/ /de rnams rjes 'jug par rigs kyi/ /med pa'o med pa'o snyam blo 'di/ /mtshan nyid mi 'dra'i phyir yin no/ /yod pa'i dbang gis ba lang dang/ /rta'i blo byar 'dod min gyi/ /thams cad spyi ni yin bsgrub phyir/ /gcig nyid gzhan du brtag pa'o/ /gang rnams dmag sogs blo rnams kyi/ /rgyur ni grags la sogs 'dod pa'i/ /rjes mthun par 'dor min zhe
- 33a
na/ /gal te de ltar yin na ni/ /'dod pas sbyar ba'i brda dbye ba/ /yid la byed pas rjes 'jug pa'i/ /blo dbye ba ni cis mi 'dod/ /bye brag shes na brdar byed pa'i/ /'dod pa de las byung ba yin/ /de byas pa las de thos pa'ang/ /yid byed de las de blo 'di/ /rjes su 'gro ldog dag gis ni/ /de nyid kyi ni blo 'di yi/ /rgyu yi nges pa'i nges pa grub/ /gzhan 'dod thug pa med par 'gyur/ /rjes su mthun pa dang 'dra ba/ /'gyur na don gzhan du rtog na// mtshan nyid mi 'dra can blo rnams/ /'di nyid la brten pa ni mchog /'di la nus pa nges par ni/ /ldog pa rjes su 'gro ldog gi /nus pa shes pa rnams la ni/ /rtog na de yang mchog yin no/ /spyi rnams la yang rjes 'gro bar/ /byed pa dag ni yod min te/ /rtag rnams rtag tu yod pa'i phyir/ /ldog pa nyid ni mi srid do/ /rdzas sogs min pa'i blo rnams ni/ /yon tan nyid sogs rigs pa min/ /du ma rnams ni 'du ba yang/ /grangs la sogs pa'ang yod 'gyur te/ /de rnams la ni spyi bzhin du/ /spyi zhes bya ba'i blo ru 'gyur/ /bum pa nyid sogs pa'i spyi yang/ /bum sogs nyid la 'jug 'gyur gyi/ /med rnams la 'di 'jug min phyir/ /de rnams blo ni ji lta bu/ /rten gzhan la brten phyir gzhan du blo dang sgra dang rigs min te/ /glang po sogs bzhin rta sogs la'o/ /'dir ni don gcig la brten min/ /dro dang grang dang lci ba yang/ /don gcig la brten blor 'gyur gyi/ /'di la 'di yang don med nyid/ /med pa gang duAng gnas pa min/ /bye brag bye brag can nyid kyi/ /'brel pa 'di la yod ce na/ /'di la 'brel pa gzhan yod par/ /rtog par byed pa ma yin nam/ /de dag sbyor ba la brtan nas/ /bye brag bye brag can rtog na/ /de med rgyu mtshan med pa nyid/ /de ni grub pa ma yin no/ /bum pa'i snga na med pa zhes/ /
- 33b
bya ba la sogs tshigs 'di yang/ /rtog pa can gyis sprul pa ste/ /brtags pa'i dpa' bo nyid sogs bzhin/ /bye brag bye brag can nyid 'di/ /gang yin dngos po la brten te/ /'brel pa gzhan zhig yod par ni/ /de las nges par brtag par bya/ /de la med pa med pa zhes/ /'dir ni shes pa tsa med rjod pa/ /bye brag la gnas spyi yin te/ /rang gi rten rnams la gnas pa'o/ /de rnams rjes 'jug 'dod min gyi/ /gal te gzhan yod 'dod min na/ /tshig gi don las tha dad pas/ /med pa'i blo ni skye ba yin// 'dod pas sbyar ba'i gzugs sogs pa'i/ /don la rigs ni yod min te/ /gsal ba med pa nyid kyi phyir/ /de ni 'khrul pa nyid du bstan/ /'das pa dang ni ma byung ba'i/ /rtag pa'i spyi yi yul can gyi/ /shes yod ce na 'di ni byin/ /'ba' zhig mi 'dzin na yin nam/ /'ba' zhig dmigs pa yin na ni/ /gsal ba rnams kyir 'dir mi 'gyur/ /spyi'i gsal byed de min te/ /gangs can 'bigs byed nyid bzhin no/ /'di ni de rnams bskyed pa la/ /gzhan dbang yin pas 'brel pa med/ /rtag phyir gcig pu 'dzin pa'i phyir/ /shes pa gzhan dbang nyid kyang min/ /rang rten dbang por sbyor ba la/ /sogs la bltos pa med phyir ro/ /yod pa rtag tu dmigs nyid dam/ /yang na nam yang ma yin te/ /rang gi bdag nyid shes bskyed par/ /rung ba 'am yang na mi rung nyid/ /gal te lan cig de lta'i dngos/ /yin na rtag tu de nyid 'gyur/ /de ni dung ba'am mi rung ba'i/ /ngo bor rang bzhin gyis gang gnas/ /de ni rtag phyir g.yo min te/ /'jig par 'gyur ba gang zhig yin/ /ba lang nyid ni ba lang las/ /don gzhan tha dad blo yul phyir/ /de ni gzugs dang reg sogs bzhin/ /brjod pa nag pa'i rta bzhin no/ /zhes 'dir 'khrul pa smra ba ste/ /'tshed pa po nyid sogs de bzhin/ /'di ni tshul gyis gzhan la yang/ /dman pa'i gtan tshigs sun kun bton/ /gzhan yang spyi ni du ma la/ /'jug
- 34a
pa nyid du gang smras pa/ /de la 'jug par 'dod 'di ci/ /gnas pa 'am 'on te gsal ba nyid/ /re zhig rang dngos mi nyams pa/ /'di gnas pa yi dngos yin na/ /rten ni de byed nus min na/ /gang gis 'jogs pa po nyid 'gyur/ /de ni ba dri dang sogs bzhin/ /'gro ba'i bgegs kyang yod min te/ /bya ba med pa nyid kyis na/ /de phyir gzhir ni brtag pa min/ /de ni 'du bar gnas zhe na/ /de ltar rnam par dpyad min te/ /des na tha dad mi grub rnams/ /rten dang rten can bdag nyid 'dod 'bras sogs rnams kyi 'gro ba la/ /gegs byed pas mi gzhir gyur na/ /'gro ba smin pa'i spyi rnams la/ /rang gi shes pa skye rung nyid/ yin na gsal ba'i rgyu ci yin/ /gal te nus med 'di nus dang/ /ldan par gsal byed kyis byed na/ /'byung ba mi brtan 'gyur nyid de/ /mar me gsal bya bum sogs bzhin/ /bum sogs rigs kyi bye brag kyang/ /rang gnas rnams nyid la yin na/ /thams cad la gnas rten du yang/ /'gyur te dam pa'i rigs bzhin no/ /de la yul gzhan nyid du yang/ / dngos po 'byung ba de la ni/ /de rnams ji ltar mthong ba'am/ /gnas pa'i rten yin mi shes so/ /de dang lhan cig skye ba min/ /de rnams rtag phyir de la sngar/ /gnas min khyab pa min pas so/ /gzhan nas 'ongs min byas med phyir/ /rang gnas dbang por sbyor la sogs/ /de ni gcig pa 'dzin pa ni/ /thams cad du yang dmigs 'gyur te/ /de yi rang dngos mi 'dor phyir/ /rtogs las tha dad min zhe na/ /de yang 'dzin par byed 'gyur ba 'am/ /de bzhin de nyid mi 'dzin par/ /'gyur ba'am tha dad nyid du 'gyur/ /pha rol pos dag rigs dag la/ /shing sogs shes pa 'di mi 'byung/ /rim nyid dang rjes 'jug sogs phyir/ /dper na 'tshed po sogs blo bzhin/ /rtag pa skyed pa po min pa/ /gnod pa can du shes bya zhing/ /gong du phrad pa sun dbyur bar/ /
- 34b
brtan pa'ang gnod pa can yin no/ /de ltar rigs 'di tha dad pa/ /gcig tu gsal ba byas pa yin/ /rgyal dpog sogs pas smras pa lnga/ /yod smra rtag par brtags par 'gyur/ /'grel par mtshal ba 'dir/ /spyi'i tshig don brtag pa ste bco brgyad pa'o// //gang yang bye brag ces bya ba/ /mthar dbyung bar brtags de dag ni/ /rtag pa'i rdzas ni bsal ba yis/ /de yang mi srid mtshan nyid yin/ /rdul phran mkha' dang phyogs sogs rnams/ /gal te ma 'dres par gnas na/ /de phyi rang gi ngo bos te/ /mtshan nyid mi 'dra nye bar mtshon/ /gal te 'ang de rnams bdag nyid gzhan/ /'dres par gyur pa yin na yang/ /gzhan yod na yang mi 'dra ba'i/ /mtshan nyid ma 'khrul mtshon min na/ /ji ltar bye brag 'di rnams kyi/ /mtshan nyid mi 'bra? mtshon pa yin/ /rang nyid kho nas yin zhe na/ /rdul phran sogs la ci mi 'dod/ /ji ltar khyi sha la sogs pa/ /rang nyid kho nas mi gtsang gnas/ /de dang 'brel pas gzhan rnams kyang/ /de bzhin gal te 'dir 'dod na/ /ji ltar mar me nu sogs 'di/ /gsal byed yin bzhin 'di yang ni/ /de gsal byed pa'i bdag nyid du/ /nges par gnas bzhin 'di de bzhin/ /mi gtsang dngos 'di kun rdzob pa/ /yin gyi de nyid don min na/ /de nyid kyang ni gzhan duAng ste/ /'di ni ji ltar 'gyur ba yin/ /'on te 'gyur ba nyid yin yang/ /rang gi sha sogs dbang gis 'di/ /rtag pa skye ba med pa'i phyir/ /mi gtsang dngos po 'thob pa min/ /sgron ma la sogs pa yi mthus/ /skad cig pa yi don bum pa/ /rgyan la sogs pa'i shes pa rnams/ / r skyed byed dngos po thob 'gyur gyi/ /rtsod pa'i gnas gyur bye brag gi /stobs kyi mtshan nyid mi 'dra'i blo/ /de rnams dag ni 'byung min te/ /rim gyis 'byung phyir bde sogs bzhin/ /de kho na nyid bsdus pa'i rab tu byed pa las spyi dang bye brag gi tshig gi don brtag
- 35a
pa ste bcu dgu pa'o// //snal ma 'di rnams la snam bu/ /smyig tshal 'di rnams lar lde/ /zhes sogs 'di yi blo 'byung bas/ /'du ba rtog par bya ba yin/ /de med blo 'di'i rgyu mtshan du/ /'gyur ba yang ni ci zhig yin/ /rgyu mtshan gzhan ni med pa na/ /bye brag blo ni mthong ma yin/ /bye brag 'di yi blo las kyang/ /sbyor ba bzhin du tha dad min/ /'byung ba bzhin du thams cad la/ /'di ni gcig pa nyid shes bya/ /rtag pa de nyid 'byung ba bzhin/ /rgyu mtshan mi dmigs pa yang ni/ / 'di la rgyu ni cung zad kyang/ /tshad mas nye bar dmigs pa min/ /de ltar de yi shes pa yang/ /rang gi grub mdza' i rjes 'brangs nas/ /pha rol po rnams 'jug byed kyi/ /'jig rten pa la'ang de ma mthong/ /rten dang brten par gyur pa dag /sna tshogs pa nyid mtshan nyid 'gyur/ /kundi? sogs gnas dpal 'bras bzhin/ /'di la 'di zhes pa blo yi/ /de bzhin gang gi de rnams la/ /'di la de yi blo 'byung ba/ /snal ma snam bu sogs rnams la/ /sna tshogs nyid mtshon yod ma yin/ /dngos po rnams la rang 'dod kyi/ /sbyor bas 'di'o zhes rtogs pa/ /'di ni rgyu la mngon sbyor ba/ /pha rol po smra de mi 'thad/ /shing las yal ga 'gro min la/ /brag ces 'jig rten pa blo 'byung/ /mi 'gror brjod las lhag yan lag /bar mtshams med par mthong pa'i phyir/ /de dag la yang 'di yi blo/ /'jig rten dang 'gal smra ba yin/ /bum pa'i gzugs dang sgra la sogs/ /de yi bdag nyid du shes bya/ /gzugs dang bum sogs gnas skabs kun/ /sgra yi brjod bya nyid yin te/ /de yi bye brag brjod pa'i phyir/ /de rnams de bzhin 'jug pa yin/ /de la brten pa'i blo 'di rnams/ /de rnams rnam pas 'jug pa ste/ /'du bas ma yin tha dad pa/ /kun kyang mthong ba min phyir ro/ /gal te dngos po thams cad la/ /dngos po gcig gyur yod gyur na/ /'jim gong sogs la'ang sni?
- 35b
pa la/ /sogs pa'i shes pa'ang thal bar 'gyur/ /glang po sogs la'ang ba lang nyid/ /la sogs yod par thal 'gyur te/ /des na ba lang sogs gzugs nyid/ /'di 'gyur ba la'ang khra bo bzhin/ /snal ma rnams la snam bu dos/ /yod par 'du ba las shes na/ /'jim gong rnams la de bzhin du/ /de yod ces par cis mi shes/ /'jim gong la de brten pa min/ /zhes na 'du bas snal ma yang/ /brten par 'dod pa ma yin nam/ /'jim gong la de ci phyir min/ /'du bas snal ma la snam bu/ /zhes byar sgrub par byed na de/ /'jim gong rnams la bum pa yi/ /blo de rgyu mtshan med par 'gyur/ /de ltar glang po sogs gang la/ /'du bas glang po nyid sogs yin/ /de nyid rang gnas la rigs kyi/ /dbye bas ba lang nyid sogs 'gyur/ /de ni gcig nyid du yod kyi/ /rten dang brten par dbye ba yis/ /rdzas rnams la ni de rigs nyid/ /las rnams la'ang las nyid/ /'du las byung 'di la zhes pa'i/ /shes pa rjes 'gror bstan pa'i phyir/ /thams cad la yang 'du ba 'di gcig du kho na yin zhes bya/ /rdzas nyid la sogs rgyu mtshan rnams/ /tha dad par ni bstan pa'i phyir/ /rdzas sogs rigs kyi blo rnams kyi/ /des pa nyid du nges pa yin/ /rten dang brten pa'i nges pa yis/ /dper na snod dang zho dag kyang/ /'brel pa gcig tuAng snang ba yin/ /de bzhin 'di la'ang nges par 'dod/ /'du ba gcig pu yin na yang/ /gsal bya gsal byed nus pa yang/ /dbye bas rdzas sogs rigs rnams la/ /de ni 'gal ba min zhe na/ /gcig nyid rten dang brten par ni/ /des par bsgrub dka' ma yin nam/ /'du ba las ni rdzas nyid du/ /rdzas rnams kho na la 'dod pa'i/ /'du ba de ni yon tan la/ /sogs la'ang yod par ji ltar 'gyur/ /yon tan rdzas sogs de dag gi /'brel pas 'di ni gcig nyid ma/ /gzhan du 'di ni yon tan dang/ /rigs sogs tha dad nyid du 'gyur/ /gsal ba so so 'ang sbyor dbye bas/ /sbyor ba
- 36a
ji bzhin tha dad 'gyur/ /rdzas la nyid sogs rgyu rnams dang/ /tha dad par ni mi rigs te/ /rgyu mtshan yod na blo yin la/ /de phyir de yi nges pa'ang min/ /der brten pa nyid sogs pa nyid/ /'du ba las yin de nyid na/ /nges pa don du rigs ma yin/ /gsal bya gsal byed nus pa yi/ /dbye ba'i 'du ba las yin na'ang/ /gzhan min pa de rtag pa rnams/ /skyed par byed pa rigs pa min/ /mar me la sogs yod pa las/ /skyes pa'i bum sogs 'di rnams kyi/ /shes pa ji ltar skyed rung ba/ /de bzhin rigs la sogs pa min/ /kun dang zhor phrad pa yi/ /gcig tu gong du gsal ba yin/ /de yi phyir yang nges pa 'di/ /mi rigs shin tu thal 'gyur phyir/ /'di ni rtag pa nyid yin na/ /bum sogs kun kyang rtag 'gyur te/ /'du pa'i dbang gis de rnams ni/ /rang rten la rtag gnas phyir ro/ /rang gi rtsom byed bye ba'am/ /yang na de zhig pa las sam/ /phrad pa sogs las bya ba yang/ /de rnams zhig pa yin zhe na/ /de lta min te de rnams kyang/ /rang rten la rtag 'dur 'dod pa 'am/ /de rnams rnam par 'jig 'gyur na/ /'di la nges par 'jig par 'gyur/ /'brel pa can ni 'jug min na/ /'brel pa yod par bsgrub par 'dogs/ /phrad pa med na'ang sbyor ba ni/ /rnam par gnas pa ma yin te/ /dper na sbyor ba yod gyur na/ /phrad pa rnam par gnas pa bzhin/ /de bzhin 'du ba yod pa na/ /'du ba can rnams gnas pa yin/ /'brel pa can gcig zhig na yang/ /'brel pa can gzhan yod pa las/ /'du ba rnam par gnas yin gyi/ /sbyor min tha dad phyir zhe na/ /gal te de ltar bum pa sogs/ /'du ba can rnams zhig na yang/ /de rnams gnas pa'i bdag nyid gang/ /de ni rtog pa de dang ni/ /de phyir 'brel pa can gzhan la/ /rten pas rnam par gnas pa'am/ /'on te phrad pa'am bye pa ni/ /du ba bzhin du gzhan nyid yin//
- 36b
de la brten pa'i mtshan nyid kyi/ /'du ba kun tu gnas yin na/ /snga ma bzhin du bum pa sogs/ /de rnams gnas pa nyid thob 'gyur/ /de rnams de ltar gnas min na/ /de rnams brten pa'i bdag nyid kyi/ /'du ba ji ltar gnas par 'gyur/ ming tsam yin na'ang de bzhin no/ /de phyir snang na la yod na'ang/ /de rnams gyen la gnas min te/ /phyis bzhin 'di ni de rnams la/ /de bzhin dngos su gnas ma yin/ /'on te gzhan nyid phrad pa'am/ /bye ba du ma bzhin yin na/ /'brel pa can gzhan yod pa la/ /'du ba rnam par gnas 'gyur na/ /de ltar phrad pa la sogs pa bzhin/ /'di ni mi 'gyur ma yin nam/ /de la sogs pa 'di yod pa/ /du ma'ang 'brel pa yin/ /de kho na nyid bsdus pa'i rab tu byed pa las/ 'du ba'i tshig gi don brtag pa ste nyi shu pa'o// //gal te dam pa'i don du? na/ /bye brag cung zad yod min na// dbyig bcas dkar g.yo yod bdag nyid/ /ba lang 'di la sogs blos sgra/ /'di bdag rgyu med 'dod min na/ /'di dag yod pa'i yul gang yin/ /kun la bye brag med par ni/ /de dag 'jug mi srid phyir ro/ /smras pa blo sgra 'di dag la/ /yul ni gang yang yod yin te/ nang tsam la ni nges gnas pa'i/ /sa bon 'di rnams rgyu mtshan yin/ /sgra rnams gang dang gang dag gis/ /yul du gang dang gang brjod pa/ /de de kun tu sbyor ba ni/ /dngos su med de chos nyid yin/ /gang phyir rang gi mtshan nyid dang/ /rigs dang de 'grel rigs ldan dang/ /blo yi rnam pa'i sgra don du/ /de kho na nyid du mi 'thad/ /de la re zhig sgra mi 'thad/ /rang gi mtshan nyid rjod byed min/ /brda dang tha snyad thob pa yi/ /dus su khyab dang bral phyir ro/ /yul dus bya ba nus pa dang/ /snang ba la sogs dbye ba las/ /gcig la gcig dngos de rnams kyi/ /gsal ba'i bdag nyid rjes su 'jug min/ /de phyir brda la mthong ba'i don/ /tha snyad la ni mthong ma yin/ /brda yi dus sum bzung ba/ /rtog pa ma yin sgra gzhan bzhin/ /gangs can la sogs gang yin pa/ /yul dus tshogs
- 37a
kyis mi dbye bar/ /'dod pa rdul phran dbye ba yis/ /skad cig pa nyid du bsgrubs zin/ /rang gi mtshan nyid 'di dag kun/ /brdar bya bar ni nus min/ te/ /skye med dngos su brdar bya ba/ /mi rigs rta'i rwa bzhin no/ /skyes pa'i dus su bzung ba yang/ gang tshe tshig de rjes dran nas/ /bya byed de la brda med/ /'das nas yun ring lon phyir ro/ /gang yang skyes pa'i skad cig de'i/ /stobs kyis yin na phyi ma'i tshe/ /de la brda 'jug yod ma yin/ /'dra ba nyid kyang brtags pa yin/ /dro ba la sogs par snang ba'o/ /de la dbang ba'i shes pa ni/ /rnam par gsal bar rigs bzhin/ /dro ba sogs las byung rnams kyi/ /don gang yin pa des bskyed blo'i/ /don de snang ba min pa'i phyir ba sgra de'i yul du ma rigs te/ gzugs kyi sgra yi ro bzhi'o/ /rnam pa de dag nyid kyis mi/ /gsal ba dang ni rnam pa dag/ dang? gi rang gi mtshan nyid du/ /pha rol pos brtag dag kyang bsal/ /rdzas la sogs dang phrad pa dag/ dgag pa gong du bstan pa'i phyir/ /de dag sgra yi don nyid du/ /de nyid don du gnas mi rigs/ /rigs dang de bzhin 'brel pa dag /gong du rgyas par bkag pa'i phyir/ /de 'og sgra don rnam gsum po/ /gzhan yang brtag par bya ba min/ /de la gsal ba rnam pa dang/ /rigs kyi sgra don gang smras pa/ /gang de kun kyang dngos med bar/ /mtshungs phyir de rnams yod ma yin/ /blo ru gnas pa'i blo'i rnam pa/ /don dang blo gzhan la 'jug min/ /mngon 'dod don yang byed min te/ /de nyid don du brjod bya min/ /gzhan dag sgra yi don gzhan du/ /kho na yod can sogs par smra ba/ /de rnams kyang ni gsal ba nyid// yin yang de lta'ang brjod bya ste/ /sgra rnams gzhan bcad don yod can/ /zhes byang brjod bya'i mtshan nyid do/ /kha lang sogs la'ang sngar ma mthong/ /lha dang mtho ris la mtshungs zer/ /sdud dang rnam grangs pa med pa'i/ /bsdus ba'ang brjod par
- 37b
bya ba 'am/ /yod pa min pa dang 'dra ba'ang/ /sgra yi don du 'ga' 'dod pa 'am/ /yod min bye brag yod gang dag /rgyu yi rgyu mtshan yin pa 'am/ /brjod pa nyid las 'ongs pa'i sgra/ /brjod bya nyid ni thob pa ni/ /de 'di'i zhes byar mngon 'brel phyir/ /gang tshe sgra la don gyis ni/ /gcig gi ngo bor byas gyur te/ /mngon par brjod pa sgra ru 'dod/ /gang yang rung don blo yi yul/ /phyi yi dngos po'i rgyu mtshan gyis/ /phyi yi dngos po zhes 'dzin te/ /sgra yi don du kha cig 'dod/ /dper na byis pa rnams dang ni/ /dud 'gro rnams kyang goms pa las/ /so sor snang ba rgyu yin te/ /de la don yod zhes brjod 'di/ /rang gi mtshan nyid 'dod dam ci/ /'on te rigs dang 'brel dang ldan/ /blo nyid kyi ni gzugs brnyan na/ /don gcig la yang sngar bstan pa'i/ /skyon de rnams dang ldan pa yi/ /rtogs par bya ba'i dbye ba yis/ /tha snyad du ni rnam rtog byed/ /ba lang nyid sgra'i dbye bas don/ /yod tsam rtogs te yin zhe na/ /rwa dang dbyibs dang sngo la sogs/ /bye brag mi rtogs de 'dod na/ /de dang ldan 'dod bye brag rnams/ /brjod par 'gyur ba yin na ni/ /der 'byung skyon dag yod min nam/ /yod don can ni gzhan min no/ /bsdus par brjod pa yin na yang/ /dka' thub bya ba rigs sogs rnams/ /ma lus mngon par brjod pa'i phyir/ /rigs kyi dbye bar gsal brjod yin/ /des par ma bzung gzugs rnams kyi/ /rdzas sogs rnams su gang 'dod dang/ /gang zhig 'brel pa yod pa yi/ /spyi dang slar yang gsal ba yin/ /bye brag rigs sogs ngo bo yi/ /sgra yi don ni mi 'thad phyir/ /don dang gcig par bya ba yi/ /de'i sgra 'di mi rigs te/ /blo gnas brjod pa 'di nyid ni/ /phyi rol dag las tha dad phyir/ /de phyir blo la phyogs gzhan las/ /'di la bye brag ci zhig yod/ /blo yi rnam pa'i sgra don yang/ /gong du gsal ba nyid kyi na/ /shes las tha dad min pa yi/ /khyab byed nyid ni med
- 38a
pas so/ /so sor snang ba'i sgra don yang/ /gal te phyi don yul yin na/ /gang phyir gcig bdag min phyi yi/ /ji ltar sna tshogs so sos snang/ /'on te bag chags tsam dngos phyir/ /de ni yul med yin na yang/ /phyi don rnams la shes pa yang/ /ji ltar 'jug par 'gyur ba yin/ /gal te phyi don du des pas/ /rang dngos la de rnams su 'dod/ /de ltar 'khrul pas 'jug pa'i phyir/ /sgra don de kho na nyid min/ /thams cad nyid la thal 'gyur de phyir/ /sa bon med pa'ang mi rigs so/ /'di rnams phan tshun tha dad pa/ /sa bon zhe na phyogs bdag nyid/ /gal te'ang 'di rnams thams cad nyid/ /skad cig pa na rjes 'gro med/ /gzhan na shes pa rigs kyis min/ /'di nyid kyi ni brjod 'dod pa'ang/ /sgra las rtogs pa bsal ba ste/ /'di ltar sgra med med 'di la/ /gang zhig brjod 'dod gang zhig thob/ /phyi yi don la sgra 'jug pa/ /ji ltar sgra min pas brjod 'gyur/ /ming sogs de rnams kyis brjod yin/ /brjod 'dod rjes dpog rnam pa dang/ /'dri pa phyi yi dngos por ni/ /zhen pas 'di la 'jug ce na/ /de nyid kho bo 'dod pa'ang yin/ /phyogs snga mas/ gzhan sel pa ni byed par sgra/ /khyed kyi phyogs rjod pa yin ma/ /dgag pa tsam yin snang 'di la/ /go bar byed pa ma yin gyis/ /'on kyang ba yang ba min dang/ /glang po shing sogs bsgrub pa yang/ /yang dag ngo bor nges pa yis/ /sgra can blo ni 'jug pa yin/ /gal te pa lang zhes bya'i sgra/ /gzhan bsal don ni byed pa ste/ /ba lang gsal ba'i sgra phyi ma/ /skyed byed sgra ni btsal dgos so/ /shes pa sgra 'bras ma yin ma/ /gcig la 'bras bu gnyis med de/ /dgag dang sgrub pa'i shes pa dag/ ji ltar gcig gi 'bras bu yin/ /ba lang sgra ni thos pa na/ /sngon du ba lang min zhes 'gyur/ /gang gis ba lang min dgag phyir/ /ba lang zhes bya'i sgra la 'jug/ /ba lang min las
- 38b
ldog ba'i spyi/ /gang phyir brjod byar yongs rtags pas/ /de yis ba lang nyid dngos nyid/ /gzhan sel sgra yis gsal bar bstan/ /gang gis med pa thams cad ni/ /gzhan pa'i dngos po bdag nyid gnas/ /de las sta sor las ldog pa'i/ /bdag nyid med pa gang yin pa/ /re zhig thun mong min bye brag/ rtog min yin phyir mi 'dod na/ /khra bo sogs la'ang spyi min par/ /thal bar 'gyur phyir de bzhin no/ /de phyir dngos kun gang yin pa/ /so sor yongs su rdzogs pa ni/ /ba lang blo de'i rgyur 'gyur te/ /ba lang nyid las gzhan yod min/ /dgag pa tsam gyi ngo bo yang/ /sgra yi don du rtog byed na/ /stong nyid gzhan gyi rnam pa can/ /med pa'i sgra yi brjod byar 'gyur/ /de la 'ang rta sogs blo rnams kyi/ /bdag nyid cha shas 'dzin par 'gyur/ /dang ni gzhan sel brjod bya nyid/ /brdzun pa nyid du khas len pa'o/ /ngo bo spyi ru 'gyur min na/ /sgra don dag la mi ltos par/ /sel bar brtags ba brdzun pa yin/ /blo de'ang dngos po'i ngo bo ste/ /sgra'i don rnams la skye bas na/ /brjod bya dngos po nyid du brtag/ blo ni sel ba min pa can/ /yod pa min pa phyi don la/ /so sor snang ba'i tshig don bzhin/ /de bzhin tshig don yang 'gyur na/ /ci phyir sal bar rtog par byed/ /blo gzhan pa la rnam gcod pas/ /blor rtogs pa ni ma yin te/ /rang gi ngo bor grub tsam las/ /gzhan pa'i cha ni 'dzin de min/ /gal te gzhan sel brjod bya na/ /tha dad spyi yi tshig rnams kyang/ thams cad rnam grangs pa ru 'gyur/ /'dres dang gcig nyid sna tshogs nyid/ /rnam rtog dang bral bdag nyid can/ /dngos po min phyir sel rnams kyi/ /dbye ba yod ni min pa nyid/ /gal te dbye ba med pa'i phyir/ /thun mong min dngos cha shas bzhin/ /dngos min sna tshogs min nyid phyir/ /rnam grangs pa las thar pa yin/ /bsal bar bya ba'i bye brag gis/ /gal te tha dad par 'dod na
- 39a
'di ni rang las bye brag min/ /gzhan las kyang ni brtags pa yin no/ /'dres can rten tha dad pa yi/ /ngo bos phyi rol gnas pa yi/ /gsal bya gang yin de 'byed pa/ /de ni cher yang rtog pa yin/ /de bzhin rten ni tha dad pas// 'di yang tha dad rigs ma yin/ /'brel pa can ni tha dad pas/ /dngos po tha dad 'dod ma yin/ /'on kyang dngos dang ma 'dres pa/ /gang yin gzhan las ldog pa yin/ /bye brag tshan ma thob par/ /ci yi phyir na nges pa min/ /'dra ba nyid du ma grub pa// sel ba'i lus kyi bdag nyid du/ /shes par lus kyang nus min te/ /ba lang sogs su dbyer med phyir rta sogs gsal bya med par yang/ /chos gcig rjes 'jug dang bral bar/ /nges par bya bar mi nus pa/ /des na sel bar mi 'grub bo/ /rjes su 'jug pa dang bral na/ /sgra dang rtags dag 'byung ma yin/ /de dag med na sel pa 'ang min/ /thun mong min pa'ang rjes 'jug min/ /sel ba yang ni ma grub na/ /lhan cig spyod pa gang na gsungs/ /de la ma mthong ba de dag/ /tshad ma nyid du 'gyur ma yin/ /ma mthong ba tsam gyis de dag /rtogs par byed par 'gyur ba min/ /thad nyid la ma mthong phyir/ /rtogs byar bye brag 'gyur ma yin/ /'on te 'phra ba nyid med kyang/ /sel bar rtog pa yin na ni/ /'di na pa lang rta dag la/ /sel bar ci phyir rtog mi byed/ /khra bo las ni gzhan nyid du/ /ser skya dang ni rta dag mtshungs/ /spyi ni gzhan min 'dod ce na/ /ba min gang la sel ba 'jug/ /ba min sel ba'ang dbang po yis/ /dang por nges pa ma yin na/ /gzhan la sgra ni 'jug min na/ /ci zhig mthong na de sbyor byed/ /sngar bstan pa yi rnam pa yis/ /'di la rdzas dpag kyang yod min/ /'di dang de ni 'brel pa dag nyams myong bar yang rigs pa dag/ /ba lang min sgra brjod bya ba/ /nyid du ji ltar go bar bya/ /gang la ba lang sgras 'bral ba/ /nyams
- 39b
myong tshe na mthong ba min/ /ba lang rol po gcig nyid las/ /gang gzhan yin pa de thams cad/ /de bzhin gsal ba zhes byar brjod/ /spyi yi brjod byar mi 'gyur ro/ /grub kyang gsal bya glang min pa/ /ba lang dgag bdag nyid kyang de/ /dgag pa'i tshigs gis gang 'gegs pa'i/ /ba lang de nyid 'dir smra dgos/ /ba lang min las log bdag de/ /zhe na gcig la gcig brten 'gyur/ /ba lang grub pa sel 'dod yin/ /zhe na sel par rtog pa brdzun/ /ba lang ma grub ba lang min/ /de med pa lang ga la yod/ /rten dang brten par gnas la sogs/ /'brel pa'ang med pa dag la min/ /thun mong yin pa'i dngos po ni/ /sel ba yis ni go bya min/ /dngos po dang ni dngos med la/ /'brel pa ji ltar brtag bya yin/ /rang gi ngo bo med tsam gyis/ /cung zad bye brag byed 'gyur min/ / rang blo gang gis bye brag tu/ /gsal bar bya ste bye brag ste/ /sta sogs sgra rnams las byung ba'i/ /sel ba rtogs byed ma yin no/ /'dir ni bye brag tu bya'i blo/ /bye brag ma gtogs la mi 'dod/ /gzhan gyi dngos las gzhan 'dra ba/ /byed min shes pa'i bye brag gi/ gzhan 'dra pa yi shes pa de/ /ji ltar bye brag tu brjod pa/ /'on te bye brag tu bya ba'ang/ /gzhan la bye brag tu rtog na/ /de lta yin na gang cung zad/ /thams cad bye brag tu thal 'gyur/ /med pa go cha'i ngo bo yis/ /dngos su bye brag bya ba med/ /de phyir sel bas bye brag tu/ /byas dngos khyed la brjod bya min/ /gal te sel ba ma gtogs par/ /sgra dang rtags dag 'jug rigs na/ /de bzhin shes pa po'i blo yang/ /dngos po la ni dmigs par 'gyur/ /thun mong ma yin dngos po la/ /blo ni rnam gnas ma yin te/ /rnam rtog med pa nyid phyir yang/ /de ni go byang rigs ma yin/ /sgra'i go bya'ang bye brag tu/ /bya ba yin zhes bsgrub par dka' / /des ni sgra dang blo dag gi/ /yul ni spyi yin par 'dod bya/ /gang tshe gsal ba rnams sgra yis/ /brjod bya min phyir gsal bya min/ /de tshe spyi ni gsal byed de/ /de na dngos nyid sel ba
- 40a
yang/ /med pa rnams ni bsal bya min/ /med pa dor las med yin na/ /sel ba gzhan las sel ba ni/ /bsal phyir spyi ni dngos po yin/ /gang de med pa gang yin pa/ /med ba de dang mi 'dra na/ /dngos po nyid 'gyur min zhe na/ /ba lang ba lang mi thal 'gyur/ /gal te 'ang sgra gzhan rnams la yang/ /dngos su bsal bya nyid 'gyur na/ /yod sgra med par brjod pa las/ /tha dad bsal bya 'dod pa min/ /de la med pa dngos nyid du/ /'gyur phyir ngal ba chen por 'gyur/ /de ma grub na yod mi 'grub// grub na 'ang rab tu grub par 'gyur/ /bag chags dbye bas phye ba yis/ /yod pa'i dngos dang sel rnams su/ /rtog pa'i rigs pa ma yin te/ /dngos med nyid la bag chags med/ /khyed kyi sgra yi dbye ba yang/ /de yi rgyu mtshan ma mthong ste/ /thun mong min sgra rjod byed nyid/ /ma yin sngar ma mthong phyir ro/ /de la sgra gzhan sel ba la/ /spyir ni kun tu rtog byed na/ /de bzhin dngos med ngo bo'i phyir/ /sgra yi dbye ba brtag pa min/ /tshig rnams ji lta de bzhin du/ /brjod bya rjod byed dag kyang ngo/ /bsal bya'i dbye ba tha dad pa/ /yod par ston pa'ang ma yin zhing/ /sel pa go bya go byed du/ khyed kyi phyogs la mi 'gyur te/ /dngos po min phyir na mkha' yi/ /me tog ri bong rwa bzhin no/ /gal te char dang sprin med par/ /mthong bas ma nges pas smra na/ /kho bo'i phyogs la dngos yod nyid/ /khyed phyogs gal te'ang ga la yod/ /'ga' zhig sgra yi don sgrub pa'i/ /ngo bor khas len mi byed ba/ /de la ldog pa'ang grub min te/ /de ni de sngon 'gro phyir ro/ /gal te yang ni sel ba tsam/ brjod bya nyid du khas len na/ /smra ba rnams la utpal sngo/ /sogs sgras tshogs pa'i don du 'gyur/ /bye brag byed dang bye brag dag gzhi mthun pa dag mi 'grub ste/ /sngon po nyid min zhig pa na/ /utpa la min pa zhig pa min/ /cig shos kyang min de yi phyir/ /brjod bya la ni bltos min pa'i/ /sgra dag bye brag bya ba dang/ /bye
- 40b
brag byed par 'gyur ba'ang min/ /sel pa dag ni gzhi mthun las/ /ma yin tha dad yin phyir ro/ /don de las 'dod min zhe na/ /brten pa de dag ji lta bur/ /thun mong min pa'i dngos po ni/ /go bya min gzhan khyed la med/ /go bya min pa'i don cig nyid/ /gang du sgra dag sbyor ba byed/ /'on te 'ang gzhan sel ldan dngos po/ /brjod bya yin par smra ba na/ /de la'ang gzhan dbang yin pa'i phyir/ /sgra yis khyab pa rnyed par dka' / /rtags dang grangs sogs 'brel pa ni/ /sel ba la ni yod ma yin/ /gsal ba'ang brda bya ma yin phyir/ /de'i sgo nas kyang de yod min/ /a k+Sha ta'ang gzhan las ni/ /log par kun tu shes pa med/ /ma yin par ni dgag bya ba'i/ /ngo bo de la yod ma yin/ /min pa min zhes smra ba yang/ /dgag pa yang ni 'gegs pa ste/ /'tshod byed ces pa mi dgag pa'ang/ /rang dngos nyid kyis gnas pa yin/ /bsgrub bya nyid du shes pa dang/ /de bzhin byung gyur sogs mthong ba'ang/ /sel ba grub 'dir yin pa'i phyir/ /rgyu mtshan med par thal bar 'gyur/ /sgrub pa la sogs don sogs kyang/ /gzhan sel ba la mtho min pa/ /dag pa la yang dgag yod na/ /sel ba ci 'drar 'gyur ba yin/ /dang la sogs pa'ang dgag pa dang/ /sbyor ba med phyir sel ba min/ /dag don las gzhan sel pa yang/ /smra bar nus pa ma yin no/ /gzhan sel min pa sgra la sogs/ /brjod byar mthong ba ma yin no/ /gzhal bya shes bya sogs la ni/ /bsal bya nyid ni gang la yin/ /bsal byar bya 'di brtag 'di yang/ /dngos po nyid rtag yin na bzang/ /shes pa'i rnam pa bkag pas kyang/ /nang gi don ni brjod bya min/ /sel pa'ang min phyir de rnams la/ /sel ba yang ni grub pa min/ /de ltar sgra rnams la sogs ni/ /bsal bya la ni mthong min no/ /thams cad sgra ni don gang gis/ /rnam par bcad byar rtog par byed/ /thams cad min pa cung zad kyang/ /med pas gang zhig bsal byar 'gyur/ /gcig sogs thams cad min zhe na/ /rang don sel bar thal bar 'gyur/ /cha shas rnams ni bkag
- 41a
phyir yang/ /logs su cha shas can min 'dod/ /de bzhin bsdus pa'i sgra de rnams/ /bsdus pa can ni rnam bsal bas/ /gzhan rnams kun kyang mi 'dod pas/ /don med pa can thob par 'gyur/ /gnyis sogs sgra 'dir 'dod na yang/ /yang dag bsdus pa'i spyod yul can/ /gcig la sogs pa bkag pa na/ /de lta'i rnam pa der mi 'gyur/ /ba lang min min sel ba gang/ /ba lang sgra yid don du brjod/ /de ci yod pa'am yang na med/ /yod na'ang ba 'am pa min yin/ /ba lang zhe na ming tsod yin/ /don du bsgrub pa'i mtshan nyid yin/ /go bya'i brjod bya'i a go nyid/ /yin na sgra don shin tu mtshar/ /med la 'di yang mi rigs te/ /don la sbyor sogs med phyir ro/ /ba lang sgra las su zhig kyang ba med par go ba ma yin no/ /ba lang sgra don ba min pa/ /min na spyi phyir sel bar 'dod/ /gang gis ba lang ba min pa/ /bzhed cing gang gis bsal byar byed/ /ba lang sgra ni ba min pa'i/ /gang 'di'i sel don du smra na/ /de ci ba lang las gzhan pa 'am/ /gzhan pa min par khas len byed/ /tha dad na'ang 'dir brten ni/ /'gyur ba'am yang na mi brten 'gyur/ /brten pa yin na yon tan nyid/ /thob kyi rdzas kyi tshigs yin no/ /de phyir ba lang zhes bya'i sgras/ /yon tan tsam zhig rjod byed pas/ /ba lang 'gro dang 'dug ces pa'i/ /gzhi mthun pa nyid du mi 'gyur/ /gang gis ba min dgag 'di la/ /ba lang zhes bya'i sgra rjod byed/ /'on te 'di ni tha dad par/ /min las gzhan srel bar khyed 'dod/ /de phyir 'dis ni ba lang nyid/ /thob phyir lhag pa ci zhig smras/ /dngos po re re'i sel ba 'di/ /gcig pa 'am yang na du mar 'gyur gcig pa ba lang mang yod na/ /'di ni ba lang nyid du 'gyur/ /du ma nyid na'ang gong bu bzhin/ /mdza' yas par ni thal bar 'gyur/ /des na bye brag bzhin du 'di/ /brjod bya nyid du rigs pa min/ gzhan sel pa'am brjod bya 'am ci/ /brjod bya min
- 41b
par 'dod pa yin/ /brjod bya'ang sgrub pa'i ngo bos sam/ /yang na gzhan ni 'gegs pa yin/ /sgrub pa'i bdag nyid brjod bya na/ /gcig tu lta ba btang ba yin/ /thams cad du yang gzhan sel 'di/ /sgra yi don ces smra ba na/ /gzhan sel min pa 'jig pa yis gal te gzhan sel brjod bya ni/ /de la de bzhin du 'dod pas/ /thug pa med par khyed la 'gyur/ /'on te gzhan sel pa 'di nyid/ /brjod bya min par khyed 'dod na/ /des na khyed kyi gzhan sel byed/ /sgra yi tshig la gnod byed yin/ /gzhan yang gcig nyid rtag pa nyid/ /so so la ni 'du ba nyid/ /dngos med par brjod sel rnams la/ /smra ba snal med snam bu bzhin/ /de phyir sgra gang kho na la/ /dgag sbyor de la gzhan las ni/ /ldog pa'i cha ni 'ba' zhig 'gyur/ /rang nyid gzhan du go byed yin/ /gzhan sel yongs su ma shes phyir/ /de dag de lta'i lta ngan 'chang/ /ngan pa'i bdag nyid rang nyid 'joms/ /gzhan rnams kyang ni 'jig par byed/ /'di ltar sel ba rnam gnyis te/ /ma yin dgag dang med pa'o/ /ma yin dgag pa 'ang rnam gnyis te/ /blo dang don gyi dbye bas so/ /gcig tu sngo bar byed pa yi/ /gtan tshigs sngar smras gang yin rnams/ /'jigs med la sogs don mtshungs pa/ /rang bzhin gyi gzhan las tha dad/ /der rten shes pa'i snang ba gang/ /don gyi gzugs brnyan rtog pa can/ /don gyi bdag nyid min pa la/ /don zhes bya bar nges pa yin/ /snang ba gzhan las tha dad phyir/ /gzhan las log pa'i dngos po ni/ /thob pa'i rgyu las ma 'dres pa/ /dngos po'i sgo nas 'ongs pa ste/ /rigs mi mthun pa las ldog pa/ /de 'bras gang yin rang mtshan nyid/ /de la de yi bdag nyid du/ /des phyir 'di ni 'khrul pa yis/ /de la 'di ni gzhan sel ces/ /min du bstan pa rgyur bcas pa'o/ /gzhan dang ma 'dres par med pas/ /rang gi mtshan nyid kyang de'i rgyu/ /ba lang 'di la ba min
- 42a
med/ /med par dgag pa nyid yin zhes/ /gzhan sel pa 'di rab bsal ba/ /kho nar shes par bya ba yin/ /de la 'di ni dang po yin/ /sel bar sgra las ldog pa ste/ /sgra las yang dag byung ba'i blo/ /phyi yi don du zhen pa'o/ /de yi ngo bo gzugs brnyan gyi/ /sgro ni sgra las skye ba ste/ /brjod bya rjod byed dngos 'di ni/ /rgyu 'bras bdag nyid can grub pa'o/ /dngos kyi rnam pa gcig nyid la/ /de ltar rab tu bsgrubs pa yi/ /shugs kyis med par dgag pa yang/ /rab tu rtogs par 'gyur ba yang/ /de yi bdag nyid gzhan bdag nyid/ /ming zhing 'brel yod dngos rnams ni/ /ldog pa'i dngos po rtogs pa yang/ /don gyis go 'gyur de yi phyir/ /de nyid kyis na sgra 'di yang/ /rang gi don du brtags pa yin/ /sgra 'di rnams kyis dngos su min/ /sel ba rnam pa gnyis bstan na/ /don gzhan rnam par gcod par ni/ /byed pa sgrar ni brjod pa yin/ /rang don mngon par rjod byed pa/ /zhes bya de ni 'gal ba yin/ /phyi yi don du zhen pa yis/ /'jug pa gang las rnam rtog gi/ gzugs brnyan 'di ni skyed byed pa/ /de yis brjod ces bstan pa yin/ /rang gi mtshan nyid kyi bdag nyid/ /dbyer med pa la 'di reg min/ /de tsam cha las log pa las/ /gzhan ni brjod par bya ba min/ /gzugs brnyan de ni rtogs pa yi/ /shugs kyis gzhan dang ma 'dres pa/ /'di ni rtogs 'gyur gang gi phyir/ /'di gzhan bdag ni min phyir ro/ /nyin mo'i bza' pa'i tshig sogs bzhin/ /'di yi 'bras buAng gnyis yin te/ /dngos su ba dang shugs kyis te/ /gang phyir rjes 'gro ldog par ldan/ /de phyir sgra ni dngos po rnams/ /rang don rjod par byed pa dang/ /gzhan las kyang ni ldog pa yang/ /gnyis ka gtso bor byed ma yin/ /so sor snang ba'ang de 'dra ba/ /spyi de ba lang nyid du 'dod/ /ba lang khra
- 42b
ba sogs kun la/ /mtshungs pa nyid du nges phyir ro/ /dngos po'i snyam pa'i zhe na pa las/ /de la dngos po zhes kyang brjod/ /shes pa de ni blo bur du/ /rang sa bon las 'khrul pa skye/ /de yi rnam pa de nyid kyi/ /sgra yi don khas len par brjod/ / spyi yi dngos po ngo bor yang/ /de ltar 'khrul pas nges pa yin/ /spyi ni dngos po dngos nyid du/ /dam pa'i don du rigs ma yin/ /blo las tha dad min ngo bo/ /ji ltar don gzhan las 'ongs yin/ /gal te 'ang tha dad min pa 'di/ /blo yi rnam pa'i ngo bo yin/ /de ltar phyi yi dngos nyid du/ /'khrul pas de ni nges pa yin/ /de ni don min mi bltos nyid/ /de na brgyud pas 'ongs pa yin/ /des na bdag nyid dngos po nyid/ /yod nyid min par bstan pa yin/ /gzugs brnyan bdag nyid can sel ba/ /tshig las kyang ni skyes pa ste/ /so sor snang brjod blo bur bzhin/ /kho bo cag la tshig don 'di/ /rang gi ngo bor grub tsam las/ /gzhan gyi cha ni de 'dzin yin/ /blo gzhan rnam par gcod byed pa/ /des na blo ni shes byas te/ /ji ltar yod pa min pa nyid/ /dam pa'i don du tha dad min/ /tha dad min pa'ang de bzhin zhes/ /gang gis rnam grangs nyid du 'gyur/ /tha dad min pa'ang gcig dngos nyid/ /dngos med la de? ga la yod/ /don gcig nyid du rjod byed pas/ /rnam grangs pa ni thob par 'gyur/ /med pa'i ngo bo'ang gcig nyid/ /rtog las sul ba ji bzhin du/ /tha dad pa'ang de bzhin no/ /de las rnam grangs ga la yin/ /rjod byed la ni dngos su pa'i/ /rnam grangs gnyis min pa'ang med/ /brjod bya'ang de rnams la med par/ /rnam pa du mar bstan pa yin/ /'on kyang du ma'ang bya pa gcig /gal te byed par mthong ba na/ /de la chos gcig tu sgro btags/ /sna gcig kyang ni 'jug pa yin/ /dper na mig sogs 'ga' zhig tu/ /gzugs kyi rnam shes gcig 'bras byed/ /gcig pa'i dngos nyid med na yang/ /'ga' dag sgra sog sgra gcig
- 43a
byed/ /bum sogs chu sogs 'dzin la sogs/ /bya ba gang yin byed pa na/ /yul de'i shes pa gang yin pa/ /gal te'ang tha dad pa de gnyis/ /gcig tu sre bar byed pa yi/ /chu nyid yin phyir gcig ces brjod/ /shes pa bzhin du 'ang de yi rgyu/ /yin phyir don la dbye ba med/ /de la spyi yi tshigs gis ni/ /bum pa la sogs brjod pa'i sgra/ /rigs mi 'dra ba rnam gcod pa/ /gzugs brnyan gcig gi rgyu rnams so/ /de bzhin gcig nyid don du ma'i/ /byed? phyir du ma zhes brjod de/ /de 'bras min pa las ldog pas/ /mang po nyid du yongs su btags pa'o/ /dper na thogs pa dang bcas gzugs/ /bstan du yod pa yin na yang/ /dper na sgra ni brtsal ma thag 'byung ba'i shes dang mnyan bya yin/ /de rgyu min pa'i dbye ba yis/ /kha cig la sgra 'jug pa yin dper na brtsal las 'byung sgra dang/ /dper na sbrang ma'i sbrang rtsi yang/ /de 'bras rgyu dang bral ba las/ /kha cig la 'dir sgra zhes brjod/ /mnyan bya min dper gzugs bzhin dang/ /ma brtsal par 'byung glog bzhin no/ /de lta bu sogs dbye ba yis/ /tha dad don gyi rgyu mtshan ni/ /ldog pa rnams las brtag bya ste/ /de bzhin de la brten pa'i sgra/ /de bzhin brda nyid de yi phyir/ /ma 'dres don du brjod bya yin/ /sgra rnams tha dad par 'jug la/ /nga la rnam grangs 'gyur ma yin/ /mang dang nyung ba'i yul rnams kyis// brda de yin rjes 'brangs nas/ /spyi dang bye brag gis brjod bya/ /de rnams la yang 'gal ba med/ /don de rnams kyi ldog pa rnams/ /rnam rtog bzo yis sprul pa de/ /rten dang bsal bya'i dbye ba yis/ /phye ba don dam par yod min/ /phyi yi dngos nyid de rnams ni/ / btags pa yin gyi dngos su min/ /dbye dang dbye min dngos po la/ /de kho na nyid kyis gnas min/ /rang sa bon gyi du ma las/ /bral pa'i dngos po'i brda rnams kyis/ /nus pa'i rnam rtogs gis dbye ba/ /de yi ngo bor nges pa yin/ /rang gi mtshan nyid bdag nyid de na/ /gcig gi
- 43b
bdag nyid du min zhing/ /dum bur byed pa'ang ma yin gyi/ /'di ni rnam rtog 'khrul pa'o/ /chos gcig rjes 'gro med par yang/ /bsal bya dang ni sel ba'i yul/ /mtshan nyid mi 'drar rtogs min pa/ /dbye ba med par bsre bas so/ /gcig tu bsre ba shes pa ni/ /rang bzhin gyis kyang tha dad pa'ang/ /kha cig la ni sbyor ba yin/ /gzhan pa min zhes pa min zhes bsgrubs pa yin/ /de min ngo bo las bzlog pa'i/ /dngos po tsam gyi rang mtshan nyid/ /gang yin des ni byas pa yi/ /rjes su 'gro ba 'gal ba med/ /gang na du ba men pa las/ /ldog pa'i rang gi mtshan nyid yod/ /de na me med las ldog pa/ /rang gi mtshan nyid yod pa'o/ /dper na tshad? bang? bzhin 'di la/ /du ba min las log yod pa/ /de phyir me min las ldog pa/ /'di na yod pa rang mtshan nyid/ /mi yi rwa sogs med pa las ldog pa gang yin rang mtshan nyid de kun bstan pa las kyang ldog/ blo dang mar me lta bu'o/ /de bzhin sgra sogs rang mtshan nyid/ /med pa'i ngo bo 'di yang med min/ /de ltar dbye bas ma bstan/ /de ltar rjes 'gror 'gyur nyid yin/ /dbye ba brjod 'dod min pa yang/ /de nyid ces ni yongs su bsgrags/ /spyi yi mtshan nyid nyid kyis ni/ /gzhan min min 'dod phyir yang ngo/ /khra mo'i bu las tha dad par/ /ser skya'i bu dang rtar mtshungs na/ /mur 'gro yongs su dor nas ni/ /ba lang nyid la ci phyir 'jug/ de gsal byed par nus pa dag nyid/ /gal te de nyid yin 'dod na/ /bsre bar mtshungs pa yin no yang/ /nus pa de ni rta yi min/ /de lta bu yi sre ba yang/ /dngos po gang la yod 'gyur pa/ /de la ba lang rigs med kyang/ /ba lang min pa sel ba 'jug/ /ba lang min las ldog dngos gang/ /de ni dbang pos des par byed/ /gzugs brnyan du ni nges pa ste/ /rang rig pas ni rtogs pa'ang yin/ /'di mthong bas ni 'jig rten pa/ /de la sgra ni sbyar bar byed/ /'brel pa nyams su myong ba la'ang/ /des na 'di gsal byed par rigs/ /de lta bu yi bse? ba yang/ /dngos po gang la med gyur pas/ /ba lang min sgra brjod bya nyid/ /de ni gsal?
- 44a
bar rtogs byed yin/ /so so'i bsre ba shes pa yis/ /ba lang ba lang min pa'ang 'grub/ /gcig pur grub pa'i sku nyid ni/ /ji ltar 'dod bzhin de sbyor byed/ /dngos po'i dbye ba rig pa ni/ /gzhan 'dzin pa la bltos min par de phyir gcig la gcig brten pa'i/ /skyon ni 'di la gnas med do/ /phyi yi de nyid ma shes pa'ang/ /rang bzhin nyid la rmongs phyir 'di/ /rang rnam pa la phyi'i ngo bor/ /sgra dang blo ni nges par byed/ /sgras ni de tsam du byed kyi/ /don la sgra ni rig pa'ang min/ /bye brag can gyi don ni 'ga' / /sel bas brjod par bya ba min/ /don gzhan las ni ldog pa la/ /bye brag can ni yin zhes kyang/ /mtshan nyid mdzad pas gang gsungs pa/ /de la brjod 'dod don 'di yin/ /gzhan las gzhan pa'i dngos gang yin/ /rgyu yis sam ni byed pa yis/ /bye brag can de tha dad pas/ /rigs dang ma 'dres par 'dres par/ /shing sogs sgra des brjod pa yis/ /zhes pa de ni skyes pa las/ /rigs la sogs pa de 'gog byed/ /gang zhig blo la rnam gnas pa/ /de rnams 'dir rjod skyed byed phyir/ /ldog pa yin ni bye brag can/ /de rnams 'das pa thag bstan pa'o/ /don la gzhan las ldog pa yis/ /dngos po de yi cha 'ga' ni/ /rtogs pa yin zhes gang gsungs pa/ /de ni gzugs brnyan nyid yin te/ /don gzhan las ni ldog pa yi/ /dngos po mthong ba la brten nas/ /'ongs pa de la sgro btags nas/ /de yi cha zhes bstan pa yin/ /rgyu yi don dang byed pa'i don/ /des na sngar bzhin bdag nyid kyang/ /gal te dngos rigs mi 'dra las/ /ldog dang de dang de bzhin du/ /ba lang min las ldog gzhan nyid/ /de yang bdag nyid la yod de'o/ /ldog par brjod pa'ang med pa nyid/ /'ba' zhig las ni ldog min te/ /de ni bye brag dngos las kyang/ /yin phyir dngos po'i blo mi nyams/ /dbye bar bye brag byed 'di yang//
- 44b
rnam par rtog pas sprul pa ste/ /de phyir chos 'di nyer 'dzin pas/ /bye brag ldan zhing bzhag pa yin/ /des na de ni dbyig sogs bzhin/ /bye brag byed par skye ba ste/ /so sor snang ba'i sgra yi don/ /de nyid sems pa pos bstan to/ /mthong dang rnam rtog dbye mi shes/ 'jigs? khyi'o snyam du sems/ /de phyir 'di ni zhen pa las/ /gsal ba rnams ni brjod byar byed/ /de nyid don du sgra rnams kyang/ /brjod bya min par bsgrubs zin to/ /'dis sgra'i brjod bya yin pa'i phyir/ /gsal ba rnams kyang gsal bya nyid/ /spyi ni sel pa nyid kyang dngos po min/ /med la med nyid bsal kyang zhes/ /de ltar byed min 'di dngos phyir/ /dngos ni de bdag min pa'i phyir/ /de ni bsal bya nyid 'dod gang/ /gang zhig de yi bdag nyid min/ /de ni de yi bsal byar brjod/ /yod pa med pa'i dngos yin pas/ /de'i sel dngos po med ma yin/ /rang bzhin dbang phyug sogs rnams kyi/ /dngos rnams bskyed bya min smra ba/ /rang bzhin dbang phyug sogs bskyed byar/ /dgos po grub pa ma yin no/ /de phyir med pa'ang dngos po nyid/ /min phyir ngal ba ga la yin/ /de grub na yang yod pa yod?/ /des kyang med pa grub pa yin/ /ba lang min las ldog pa yi/ /ba lang mtshan nyid mi 'drar 'dod/ /de phyir dngos nyid ba lang 'di/ /de la ba min thal 'gyur min/ /dngos med yul la dang sems tsam gyis/ /sprul pa'i rnam rtog sna tshogs pa'i/ /dbye bas sbyar ba rnams la bzhin/ /bag chags yod pa nyid yin no/ /des na 'ang bag chags dbye ba yis/ /phye ba 'am yod pa'i dngos nyid du 'ang/ /rtog par byed cing sel ba rnams/ /rtog pas sbyar ba rnams bzhin no/ /don gzhan sel ba'i brjod bya 'di/ /ji 'dra ba ni bstan zin cing/ /sgra gzhan gyi ni sel ba yang/ /de 'dra nyid du rtogs bya min/ /dngos po nyid du nges pa'i phyir/ /sel pa dag ni dngos nyid min/ /kun rdzob lam du rab grub phyir/ /de nyid don du 'dod bsgrub yin/ /dam pa'i don du brjod bya dang/ /rjod byed
- 45a
cung zad kyang yod min/ /skad cig gis 'jig dngos rnams la/ /khyab par byed pa sbyor ba min/ /de la go bya go byed nyid/ /de nyid don la brten nas ni/ /sel ba dag gi dngos nyid min/ /kun rdzob pa ni 'gags she na/ /de lta na yang 'khrul pa nyid/ /bzlog par dka' ba thal bar 'gyur/ /rtog pas sbyar ba'i don dang ni/ /de rjod byed pa'i sgra dag kyang/ /de rnams la spyi brjod bya dang/ /de yi rjod byed yod ma yin/ /sgra yi rang gi mtshan nyid ni/ /skad cig gis 'jig rjod byed min/ /de phyir de gnyis gzugs brnyan rdzogs/ /kun rdzob par ni 'dod par bya/ /gsal par dga' ba gnas pa yin/ /bsgrub pa'i ngo bo'i sgra yi don/ /gang gis khas len par mi byed/ /gang tshe sgra las shes pa ni/ /skyes pa'i don du zhen pa ste/ /sgra rnam rang rjod byed pa yi/ /shugs kyis gzhan las ldog pa yin/ /de sngon 'gro ba can gyi ni/ /ldog pa 'di yang rigs pa yin/ /sgrub pa yod min gang gsungs pa/ /spyi la sogs pa med phyir te/ /sgra rnams dang ni rnam rtog rnams/ /dngos su yul med nyid phyir ro/ /utpal sngon po sogs sgra las/ /gcig nyid kun tu snang ba ste/ /sngon min utpal min sogs las/ /ldog pa yin gzugs brnyan no/ /gzhan sel pa dang ldan dngos so/ /brjod byar kho bo cag 'dod de/ /gzhan las ldog pa'i dngos po las/ /gzhan pa'i ldog pa'i de la med/ /de phyir rigs pa sogs bzhin pa'i/ /gzhan dbang skyon dang 'brel pa med/ /blo gros bzang pos gsungs pa ni/ /sgra don logs pa min pas mi/ bye brag byed dang bye brag tu/ /bya ba bzhin mthun pa nyid de/ /de phyir sel ba sgra yi don/ /rnam par gnas pa 'gal ba med/ /sngon po'i sgra sogs 'ba' zhig kyang/ /gzugs brnyan bye brag can yin te/ khu byug utpal bung ba sogs/ /yid gnyis bcas bzhin 'jug pa ste/ /si ka stang zil
- 45b
sogs sel bas/ /bye brag can gyi yul la yang/ /de ni utpal yi sgra/ /rnam par bzhag par nges pa dang/ /gnas gzhi mthun pa la sogs pa/ /de ltar 'dir ni bsgrubs pas na/ /rnam gzhag de kun pha rol po'i/ /phyogs la bsgrub par dka' ba yin/ /'di ltar sgra gcig gis rang gi/ mtshan nyid thams cad du bstan la/ /de skad bstan pa de la yang/ /ci phyir bye brag gzhan blo med/ /gang gi don du phyi ma'i sgra/ /sbyor byed dngos po de la ni/ /thang du brjod min zhe na/ /de ni du mar thal par 'gyur/ /sngon po'i rigs ma yon tan nam/ /sngon po'i sgra yis rtogs she na/ /gzhan la utpal yi rigs/ /utpal sgra yi des pa yin/ /de ltar de dag dbye ba yis/ /ba kul utpal sgra bzhin du/ /bzhi mthun pa la sogs pa rnams/ /shin tu 'thad pa ma yin no/ /yon tan de rigs dang 'brel pa'i/ /rdzas ni sngon po'i sgra rtogs pa/ /yin no zhe na de lta na/ /utpa la'i sgra don med 'gyur/ /de dag gang kho na dang 'brel/ /de nyid utpal rigs ldan na/ /sngon po'i sgra nyid kyis te bstan/ /utpa la'i sgra don med 'gyur/ /yon tan de'i rigs 'brel las gzhan/ /utpal rigs ldan yin zhe na/ /utpal dang sngon po'i sgra/ /gzhan gzhi tha dad par 'gyur ro/ /'on te utpa la nyid dang/ /'brel pa'i ngo bo nyid dang ni/ /yon tan de'i rigs dang 'brel rdzas/ /sngon po'i sgra yis mi ston na'o/ /utpal dang 'brel ngo bo nyid/ /de bdag min par 'gyur na yang/ /gang zhig utpal nyid 'brel pa/ /de gnyis dang 'brel kho na ste/ /sngon po'i sgra yis de brjod pa'i/ /sgra yi shes pa'i yul du ni/ /bdag nyid kun de cha shas min/ /utpal sgra de don med yin/ /cha shas las ni grol ba la/ /zas dang cha shas rnam rtog med/ /dag don yongs su ma shes phyir/ /'dir ni 'di dag brjod 'dod yin/ /dang po'i sgra nyid kho na yis/ /de ni thams cad du gsal byas/ /bdag nyid ci yang ma dor bar/ /ji 'dra de 'drar de
- 46a
bstan te/ /rnam grangs de dag nyid kyis ni/ /de la sgra gzhan dag gis yang/ /brjod la 'bras bu yod min la/ /brjod na 'bras bu nyid du des/ /kho bo cag ni sgra rnams kyis/ /phyi'i don rtogs byar mi 'dod de/ /sgra dang rnams shes dag gi yang/ yul ni phyi yi don min no/ /gang phyir de dag thams cad kyi/ /bdag nyid yul byed las gzhan pa'i/ /sgra dang shes pa gzhan der ni/ /rnam grangs pa nyid thob par 'gyur/ /sgra las rnam rtog gzugs brnyan nyid/ /rim gyis skyed par byed pa yin/ /gcig nyid de ltar snang ba la/ /phyi yi nyid du 'ang 'khrul phyir ro/ /gzugs brnyan la ni brten nas su/ /gzhi mthun pa nyid sogs yin gyi/ /dam pa'i don du sgra 'di ni/ /yul dang bral bar 'dod pa yin/ /rtags dang grangs sogs sbyor ba 'di/ /gsal ba rnams la 'ang yod ma yin/ /'dod pas sbyar ba'i brda dag gis/ /sprul pa yin gyi dngos la min/ /mo dang pho dang ma ning gi /rtags gsum dngos po la yod min de la sems de thams cad kyi/ /sna tshogs par snang nyid du 'gyur/ /brjod 'dod rjes 'jug nyid de rnams/ /de yi dbang gis gcig dngos ni/ /gcig dngos nyid duAng dngos su min/ /gal te gnas pa dang skye dang/ /'jig la brten nas rtags rnams ni/ /gnas pa yin na rtags gsum nyid/ /dper med par ni thal 'gyur zhing/ /yod pa min par? med pa dang/ /rang gzhan med dang gso ba nyid ces/ /gang smra de la gnas pa sogs/ /'brel par ci phyir rtog par byed/ /dngos 'di rnams kyi skye ba ni/ /rab tu 'byung yin 'jig pa ni/ /nyams pa nyid de gnas pa ni/ /rang dngos grub par brjod bya stod/ /de la skye ba 'jig min pa/ /de la ci yi skye bar brjod/ /gnas la 'brel pa yod min na/ /de la skye ba ji ltar brjod/ /'jig la gnyis yod brjod min na/ /'jig pa'i dngos dang nyams pa dang/ /zhig pa'i ngo bo zhes bya ba/ /de la ji ltar ston par byed
- 46b
gnas dang gnas la 'ang rang bzhin duAng/ /rgyu gang gis na smra bar byed/ /'on te 'di rnams dbyer med dngos/ /kho na yin na rtags gcig 'gyur/ /gal te de rnams ba lang nyid/ /sogs bzhin ma rtogs sogs 'dod na/ /spyi bsal bas ni de 'dra ba/ /de rnams bsal ba kho na yin/ /rigs dang yod dang phyi zhes pa'ang/ /de rnams la de ci phyir sbyor/ /spyi rnams la yang gzhan pa yis/ /spyi ni rigs pa ma yin no/ /med dang rang bzhin med pa dang/ /gso ba ces bya sogs ji ltar yin/ /des na de rnams rtags gnas pa'i/ /gnas pa'i brdar ni byas pa yin/ /grangs la sogs pa'i brda can nyid/ /brjod par 'dod pa brtags pa yin/ /tha dad tha dad min dben yang/ /btsun mo rnams dang nags tshogs bzhin/ /gsal ba dag ni rig dag la/ /btsun mo la sogs sbyor zhe na/ /gsal ba'i cha shas rnams la yang/ /grangs blangs nas ni 'jug pa yin/ /bsal ba mang po'i grangs nyid kyis/ /bye brag byas la nags sgras brjod/ /yang na rigs la gsal ba ni/ /mang po yod la brten nas so/ /rnam pa des ni thams cad kyi/ /gcig gi tshig nyams 'gyur min nam/ /gzhan la brjod 'dod min zhe na/ /'di la de nyid rgyu mtshan yin/ /rigs la'ang grags yod ma yin la/ /yod na'ang ji ltar bye brag las/ /gal te 'brel dang 'brel pa 'am/ /yang na dngos su 'brel pa zhes/ /gal te de ltar smra ba na/ /rtsa thung gcig kyang nags 'gyur te/ mang po la ni smras pa yis/ /'brel pa 'di la'ang yod phyir ro/ /gsal ba du ma la brten gang/ /de nyid gcig la'ang gnas pa yin/ /de yi rgyu mtshan mtshungs pa'i phyir/ /de la'ang nags kyi blo 'byung 'gyur/ /gang gi phyir na de lta bu'i/ /rjes su 'gro dang ldog pa dag /brjod 'dod de las 'di des kyi/ /don las min te de 'khrul phyir/ /las dang dus sogs dang 'brel ba'am/ gong du bsal ba kho na ste/ /de phyir de ni brda can yin/ /gsal ba 'byung ba ma yin no//
- 47a
gsal ba'i ngo bor zhen pa yis/ /gal te sel bar smra byed na/ /de phyir rtags sogs dang 'brel pa'i/ /gsal ba'i sgo nas 'di yod de/ /mngon 'dod pa la blo 'jug phyir/ /sgra sbyor ba ni byed pa yin/ /de yi shugs kyis mngon 'dod pa/ /min las ldog nyid grub pa yin/ /thams cad nyid kyang 'dod min te/ /sgra yi don ni des med 'gyur/ /de phyir 'tshod pa sogs sgra rnams/ /mchog tu gsal bar ldog pa yin/ /'di ltar 'tshed sogs brjod pa rnams/ /byed pa med par 'dug pa min/ /za ba'am gsal bar byed ces pa'am/ /gzhan las ldog pa go ba ste/ /ma yin par dgag bdag nyid kyi/ /gsal byar gang dang gang 'dod des/ /'tshed byed ces pa mi dgag pa'ang/ /rang dngos nyid kyis gnas pa yin/ /de lta bu yi dag de dag /phan tshun gnod pa byed pa yin/ /'di ni gzhan gyi dngos dgag pas/ /rang gi ngo bos gnas pa yin/ /de las gzhan du nges bzung bar smras la don ni med par 'gyur/ /nam mkha' utpal sogs rnams kyi/ /grub pa gang na'ang yod min na/ /dngos med par brjod sel ba nyid/ /grub pa nyid ni ji lta bu/ /dngos bcas 'di nyid dngos po zhes/ /nges par snang ba yin zhe na/ /de las cing 'gyur dngos po dang/ /'di ni chos mtshungs par rtogs 'gyur/ /de phyir bsgrub bya nyid shes dang de bzhin byung gyur sogs ngo bo/ /dngos po rnams su chos mtshungs phyir/ /de ni rgyu mtshan du thal 'gyur/ /sgrub pa la sogs don tshogs kyang/ /yod min min sogs dgag byed pa'o/ /sgra yi shugs kyis mngon 'dod pa'i/ /min pa gang de nyid min nam/ dgag pa la yang dgag ldan pa'i/ /sel ba de 'drar 'gyur ba yin/ /ci 'dra yang dag rtogs pa la/ /dgag pa bzhi pa yod pa yin/ /don gang yin pa 'ba' zhig la/ /dgag pa nyid sbyor sgrub pa yin/ /dgag pa gsum pas de dang ni/ /bral ba ston par byed pa yin/ /de yang dgag
- 47b
phyir phyi ma na/ /phyi mas gang yin sbyar bya ste/ /de la brjod 'dod pa des na/ /rtogs byed gzhan ni sel pa yin/ /'di ni mi 'tshed mi smra na/ /'tshed byed nyid du go bar byed/ /gsum pas byed pa med sogs par/ /sbyor pa go bar byed pa yin/ /bzhi pas de ni dbye na pa yi/ /'tshed byed de ni nges byed de/ /des na 'dir ni sgrub pa yi/ /tshigs gis sel bar mtshungs pa yin/ /bsdu ba la sogs don gang yin/ /'ga' la dro sogs sgrar 'dod pa/ /de yis sel bar 'gyur ba yin/ /gzhan sel ba yi dag don yang/ /rtogs sla nyid de 'di ltar 'di/ /dngos po nyid dang lhan cig pa'i/ /dag don 'ga' zhig brjod bya ste/ /de rnams rang rigs mi 'dra gang/ /de rnams gsal byar shin tu gsal/ /de rnams la gzhan la 'di med/ /nag pa ba ni khyer shog sogs/ /dag gis don ni rtogs pa yis/ /byed pa po gzhan la sogs rnams// don gyis sel bar go bar byed/ /gzhan sel min pa'i sgra sogs kyis/ /sgrub pa nges pa ma yin te/ /pha rol mngon 'dod rigs la sogs/ /gong du gsal ba yin phyir ro/ /'on kyang sgra ni gang zhig las/ /sgrub pa'i rnam ston des skyes la/ /phyis ni sel ba'i sgra don gyi/ /dgag pa'i blo ni skye bar 'gyur/ /de 'dra de ni dngos po dang/ /'brel pa 'jig pa mi bslu ste/ /sgra dang shes pa thams cad ni/ /yang dag don la nges pa min/ /gzhal bya shes pa'i sgra la sogs/ /bsal bya ci phyir med pa yin/ /'di 'ba' zhig gis skabs min par/ /rtog dang ldan rnams sbyor byed min/ /'on te ma nges phyin ci log/ yod pa srid pa 'ga' zhi la/ /kha cig la ni de bzlog cing/ /the tshom phyin ci log med pa'i/ /shes pa bskyed par bya ba'i phyir/ /blo gros ldan rnams de sbyor byed/ /de nyid kyis na de rnams kyis/ /sbyar pas 'bras bcas nyams myong byed/ /de la bems po'i blo can rnams/ /gang yin yid gnyis gnas su 'dod/ /des nang nyid dor bya ste/ /gzhan du smras pa don med yin/ /'di la yid gnyis cung zad kyang/ /med na ci phyir 'dri
- 48a
bar byed/ /de min 'du byed sgrar brjod nyid/ /tha mal gnas blos ji ltar 'gyur/ /gzugs dang mig la sogs pa yi/ /shes pa'i shes byar gang bstan pa/ /de ni kha cig gis sgro brtags/ /gang yin de ni dgag pa yin/ /snga sogs gzugs rnams mig nyid la/ /brten par kho nar rig min gyi/ /'on kyang snang ba la brten pa/ /rtag pa gcig pu'i sems kyang ngo/ /chos rnams skad cig sogs ngo bor /shes bya 'am ci zhes rnams 'phrul dang/ /chos de thams cad mkhyen pa yi/ /shes pa'i shes pa yin nam ci/ /med pa shes pa skyed byed min/ /med pa'ang shes bya yin nam ci/ /de la sogs pa 'khrul par 'gyur/ /shes bya de yi tshig brjod bya/ /de la de 'dra'i shes bya nyid/ /skad cig la sogs sgrub phyir yod/ /'di yi shes bya'i dngos po yang// yang dag rig par 'jog phyir ro/ /de lta'i dag gzhan rnams nyid la/ /gzhal bya shes bya'i tshig sogs kyi/ /rtogs pa yi ni rgyu mtshan nyid/ /dus gzhan du yang mthong ba yin/ /'ba' zhig dag gi dmigs pa la/ /rtogs pa'i ngo bo gang skyes pa/ /de ni dag gi rjes 'jug pas/ /bye brag don la 'khrul pa yin/ /bum sogs la yang sgra rnams las/ /de lta'i rnam pa de yod na'ang phyir bum sogs sgra rnams dang/ /shes bya'i sgra sogs mtshungs par 'gyur/ /gsal bar bya bar brtag 'di yang dngos po nyid rtag ces smra ba/ /des pa yis ni gzhan 'dor phyir/ /de nyid nyams par 'gyur ba yin/ /brjod 'dod gang yin de nyid la/ /dngos po nyid du rtog 'dod na/ /de phyir brjod 'dod mi 'dor 'gyur/ /kun ni brjod 'dod ma yin no/ /rang nyid rig phyir shes pa yin/ /rnam par dgag par nus ma yin/ /dmigs pa med kyang sgro 'dogs pa'i/ /rnam pa du mar rig pa yin/ /shes pa'i bdag nyid rtog 'ga' yang/ /so so'i yul la nges pa yi/ /rang bzhin gang yin de nyid kyang/ /khyed
- 48b
kyis nges pa khas blang dgos/ /kho bo cag smra'i rnam pa dang/ /gzugs brnyan dang de'i snang ba dang/ /gsal dang so sor snang ba yang/ /rnam pa'i ming gi bye brag yin/ /des bzung la sogs sgra rnams la/ /des min la sogs bsal bya ba/ /rnam pa gzhan gyi mtshan nyid ni shin tu gsal bar yod pa yin/ /thams cad kyi ni sgra la yang/ /tha snyad bzung ba yod pa ste/ /don de bsal ba 'di la ni/ /gzhan sel ba brjod 'dod pa yin/ /thams cad chos rnams bdag med dang/ /thams cad min rnams 'gro ba dag /ma lus par go byad? de la/ /cha shas cung zad bsal bya yin/ /phyi yi bum sogs las 'ga' zhig/ kho na bdag med 'dod pa dang/ /kha cig 'gro ba nyid du ni/ /'khrul pas de ni bzlog pa'i phyir/ /cha shas thams cad dgag pa ni/ /der ni brjod 'dod nyid min te/ /de phyir rang don sel bar ni/ /thal bar mi shes pas smra yin/ /sel ba dngos su yod med min/ /rten pa ma yin mi rten min/ /gcig min du ma ma yin te/ /de la ji ltar nges pa bzhin/ /de kho na nyid du mi 'dod/ /med pa de med pa yang min/ /dngos po nyid du zhen phyir ro/ /tha dad tha dad min sogs kun/ /dngos po la yod la brten pa/ /sgra don dngos po med pa ste/ /de phyir de dag gzhi med yin/ /sgra ni dngos su don gzhan las/ /ldog ba byed pa ma yin te/ /rang don rjod par byed pa yi/ /shugs kyis de nyid go ba yin/ /de bdag ma yin gzhan bdag min/ /zhes ni rgyas par bstan par yin/ /gzhan pa'i phyogs kyis ma shes pa/ /de phyir de ltar smra ba yin/ /gang gis ba lang ma yin par zhen cing gang gis bsal byar byed/ /de ltar sgra yis gtso bor ni/ /de ni bsal bya ma yin te/ /ji lta bu yi sgra yi ni/ /brjod bya nyid yin 'dri bar byed/ /sel pa de yis yin nam ci/ /'on te bum pa sogs kyi yin/ /sgra
- 49a
don sel ba yin nam ci/ /sgrub pa yin zhes nges rtogs la/ /sel ba yin zhes brjod pa yin/ /gang yin de nyid rtogs par byed/ /sgra don gzugs brnyan yin par ni/ /dngos su byed pa'i blo yin la/ /rigs sogs sgrub pa nyams par ni shugs kyis khong du chud pa yin/ /bum pa shing sogs sgra rnams kyang/ /brjod pa yis ni gzugs brnyan nyid/ /bskyed pa'i phyir na dngos su ste/ /shugs kyis gzhan ni 'dor ba yin/ /de phyir bsgrub pa las 'byung ston/ /mdza' med thal 'gyur 'di la min/ /brjod bya min phyogs kho bo cag /khas mi len phyir skyon 'di med/ /gcig nyid rtag nyid sogs rtag pa/ /yin gyi de kho na nyid min/ /'di la bzhad gang byed ba ni/ /mkhas pa chen por mtshon byed yin/ /nges par bzung ba'i shugs kyis ni/ /gzhan sel bar yang go ba yin/ /gzhan du rang bdag nyid rtogs par/ /gang la nges bzung don med yin/ /de ltar gang yang phyi ma'i yang/ /gzhan las ldog pa yod min te/ /des na mo gsham bu sogs gang/ /gang la sel brjod bar byed/ /med pa rnams ni dngos med phyir/ /sgra rnams rigs sogs rjod byed par/ /dogs par mi byed de rnams ni/ /cha med mtshon byed grub phyir ro/ /don gyis stong sogs rtog pa las/ /sad pa'i bag chags tsam gyis sprul/ /gzugs brnyan gang tshe snang ba na/ /sgra de rnams kyis ston pa yin/ /sgra de rnams ni de tsam du/ /dngos su bsal byed the tshom yang/ /brda la bltos pa dang bcas phyir/ /brtags pa'i don rjod byed bzhin no/ /sgra de rnams ni pha rol pos/ /khas blang bye brag sogs bsgrub par// ston par byed pa ma yin te/ /de phyir de bzhin zhes rtogs min/ /bye brag la sogs 'di la brda/ /med dang 'bras med nyid du dang sngar/ /bsgrub pa'i phyir na gtan tshigs te/ /ldog la the tshom za ba min/ /'on te sel ba'i phyogs la yang/ /brda ni ji ltar yod ma yin/ /de yi
- 49b
'bras bcas ji lta bur/ /smra ba po dang nyan pa po/ /gnyis la phan tshun shes pa de/ /rigs pas grub pa ma yin zhing/ /brda yi dus su gang mthong des/ /tha snyad dus su mthong phyir ro/ /rang rang gi ni snang ba ni/ /rig pa la yang 'jug pa ste/ /gang phyir 'di ni phyi don du/ /zhen par gnyis ka'ang mtshungs pa yin/ /dper na rab rib kyis nyams pa'i/ //mig can zla ba gnyis shes smra/ /rang dang mtshungs pa'ang de bzhin du/ /sgra kun las byung tha snyad 'dod/ /'di la de yi khyab byed du/ /'dod pa zhen pa ma yin te/ /rgyu yis sprul pa shes pa ni/ /de rnams 'khrul pa'i snang ba yin/ /de kho na nyid bsdus pa'i rab tu byed pa las sgra yi don brtag pa ste nyi shu gcig pa'o// //mngon sum ni dang rjes dpag la/ /bye brag can du bsgrub pa'i phyir/ /pha rol pos smras de mi 'grub/ /de ni mtshan nyid 'di dag ldan/ /mngon sum rtog pa dang bral zhing/ /ma 'khrul pa'o rtog pa ni/ /brjod pa dang ldan shes pa ste/ /tha snyad rgyu sogs bdag nyid ni/ /ma yin sgra don 'drer rung ba/ /shi zhes bya sogs tshul gyis ni/ /gang zhig sgra dang ma 'dres kyang/ /de ni brjod pa nyid du 'gyur/ /'das dus srid pa ming don la/ /goms pa'i bag chags rjes 'jug phyir/ /skyes ma thag pa gang 'brel bas/ /'di ltar bya zhes sgrin por 'gyur/ /sems kyis spyod sogs dus su yang/ /de ni rnam par gsal bar rtogs/ /sgra yis rjes rtogs de nyid la/ /bsnyon par nus pa ma yin no de yang nges pa med pa yi/ /des kyang mngon par zhen pa las/ /'khrul pa'i sgra dang don du gnas/ /de dang 'dra 'ang mi srid do/ /rigs la sogs dang 'byor 'os la/ /rtog pa yang na gzhan gyis shes/ /rigs la sogs pa de bsal phyir/ /mi snang bas ni mi 'thad do/ /rigs la sogs rnams mi snang bas/ /de dang 'brel pa mi snang phyir/ /chu dang 'o ma sogs 'dra na/ /don la sbyor ba ji ltar 'grub/ /glang dang dor ba'i yul dag ni/ /bstan pa'i phyir na gnyis gsungs te/ /bdag dang gzhan la 'di
- 50a
'grub pa'i/ /rtogs pa rnam gnyis gsungs pa yin/ ming la sogs dang sbyor byed 'di'i/ /rang gi rgyu mtshan de ma thag /gang gis 'phags par gnas gyur ba/ /des na gnas skabs min brjod min/ /ming dang rigs sogs kyi 'am/ /yang na 'di la de sbyor bas/ /brjod pa dang ldan shes pa de/ /rtogs par brjod ces gsungs pa yin/ /yang na brjod pa 'ba' zhig nyid/ /bstan pas rang gi 'dod pa grub/ /thams cad du yang ming dang don/ /sbyor bas sbyor ba zhes gsungs so/ /des na byed pa'i byed tshig nyid/ /'bras bu dang bcas shes par bya/ /ming dang rigs la sogs rnams kyis/ /de yi zhen bya'i don du gnas/ /'dod rgyal sgra yi brjod bya ba'i/ /'di yi ma khyab par shes bya/ /so so'i sgror ni rab tu grub/ /'o na brjod bya gzhan gsal phyir/ /rigs sgra 'ba' zhig yin pa'am/ / brjod 'dod gzhan dbang gyur pa'i phyir/ /'dod rgyal sgra nyid ma yin nam/ /'jig rten rjes 'brangs 'di yod par/ /rigs pa mkhyen pas gsungs pa yin/ /'di nyid tsam gyis sgra yis ni/ /'dir ni tha snyad lam du zhugs/ /rigs sogs de yang 'jig rten bzhin/ /'dir ni tha snyad yod ma yin/ /de dag 'di las rtogs bya'i phyir/ /gzhan du 'di skad gsungs pa yin/ /gang zhig rtog pa la brten nas/ /gang dag rigs sogs sbyor bas kyang/ /des kyang brjod pa dang ldan pa'i/ /rtogs pa nges par khas blangs 'gyur/ /gzhan du dngos po gnyis dag gi /sbyor ba yod par mi 'gyur te/ /rang dbang du ni yongs gcod pas/ /rtog pa nyid du brtags ba min/ /de ltar na yang sna tshogs pa/ /'di kun tha snyad med par 'gyur/ /rigs sogs tshul la brten nas ni/ /'di ni tha snyad nyid du 'dod/ /rigs la sogs dang sbyor ba'i sgra/ /sbyor ba la ni ma 'khrul pa'o/ /de skad bstan pa'i tshig de rnams/ /'bras bu dang bcas tshig tu 'gyur/ /de phyir gol ba pa rnams kyis/ /grub mdza' yang dag gnas kun gyis/ /cod pa med par
- 50b
rtogs 'di'o/ /kho bos dpyad de bsgrubs pa yin/ /ming dang rigs sogs brjod pa yis/ /kun tu brtags pa de dag kun/ /de ni de bzhin bdag gzhan gyis/ /'di ni 'di ltar khas blangs pa'o/ /de rnams dang ni bdag nyid kyi/ /khyad par 'di nyid tsam mo zhes/ /des gsungs gzhan du 'ang la sogs/ /tshig ni de rjes gsungs pa yin/ /de bzhin rigs pa'i sgo yi gzhung/ /lam 'di nyid kyis bshad bya ste/ /shes pa zhes byar 'brel pa phyir/ der ni rtogs pa zhes kyang gsungs/ /yang na gzhan sel byas pa'i sgra/ /ldog pas tha dad byas pa yin/ /'dir ni rigs la sogs pa rnams/ /rnam par bcad pa 'di mdzad do/ /de lta'i shes pa'i ngo bo nyid/ /'di la gang tshe rtog par 'dod pa/ /de yi bdag nyid dgag pa yang/ /mngon sum nyid du nye bar brjod/ /de'i tshe shing la sogs pa'i sgras/ /brjod bya shing sogs dgra de yis/ /rtogs pa dang bral la gnod min/ /gzhan du gzugs sgra la sogs pa/ /rtogs pa dang bcas nyid du 'gyur/ /gal te mngon sum zhes bya'i sgra/ /mngon sum rtog pa dang bral bar/ /shin tu gsal bar shes bya ste/ /sems ni gzhan du kun zhen kyang/ /dbang rten sngon por rtogs phyir ro/ /rnam par rtog pa 'di nyid ni/ /don de rtogs par byed pa yin/ /'das pa la sogs ming gtang nas/ /de yi ming gis sbyor byed 'thob/ /de tshe ming dang don 'dres pas/ rnam rtog la yod gzhan du min/ /snang ba so sor ma dmigs pas/ /cig car gnyis snang bar mi 'dod/ /rtog bcas yid kyi rnam shes dang/ /lhan cig 'byung bar shes byas te/ /de phyir dbang po'i shes pa 'di/ /rtog pa med par gsal ba yin/ /rnam rtog rim gyis skye bo nyid/ /yin yang mgal me'i 'khor lo bzhin/ /myur bar 'jug la cig car bar/ /mngon par sems pa yin zhe na/ /ma yin de tshe mngon gyur ba'i/ /dngos po min dang rjes 'brel par/ /ldan pa'i rnam rtog snang ba zhes/
- 51a
'di ni cung zad bstan pa med/ /'khrul pa'i mngon pa'i nga rgyal de'ang/ /don gyi shes pa de nyid dang/ /rgyun mi 'chad par lhan cig par/ /de yi phyir na gsal pa yin/ gang mkhan la lha'i gnas skabs sogs/ /ma lus par ni cig car mthong/ /mang po rnams kyis bar bcad kyang/ /myur du 'jug pas de 'khrul pa'i/ /lcug ma'i sgra la sogs rnams kyis/ /blo ni shin tu myur 'byung ba'i/ /nga rgyal ci phyir 'byung mi 'gyur/ /yid kyi rtog pa 'ba' zhig la'ang/ /rim du nges pa bas byed min/ /blo rnams kun kyang myur 'byung zhing/ /rim du gnas pa min par mtshungs/ /de phyir yul rnams thams cad la/ /rim gyis 'dzin par mi 'gyur gyi/ /sgra la sogs pa'i blo bzhin du/ /cig car 'jim snang par 'gyur mgal me la yang 'khrul pa yis/ /cig car 'khor lor snang bar 'byung/ /gsal bar so sor snang ba'i phyir/ /mthong bas mtshams sbyor ma yin no/ /'di ltar mtshams rnams sbyor ba ni/ /dran par byed pas sbyor yin gyis/ /mthong pas min te 'das pa yis/ /yul dang 'dzin pa min phyir ro/ /'di yi yul du gang gyur pa/ /de ni zhig pas gsal ma yin/ /de phyir 'khor lor snang ba 'di/ /gsal ba min par 'gyur ba'i phyir/ /gzhan yang dngos po gang shig gis/ /gang gi ngo bor bzhag pa'i rgyu/ /med phyir de ni de nyid du/ /blo ldan rnams kyis bzhag mi bya/ /dung dkar po la ba lang gi /rang bzhin lkog shal med sogs bzhin/ /bye brag can pa bye brag gi/ don 'dzin pa yang med pa yin/ /'di la rtog pa dang bcas pa'i/ /dngos por bzhag pa'i rgyu mtshan med/ /pa khra bo sogs mi mthun phyogs/ /gzhan du ha cang thal che sa 'gyur/ /rigs la sogs pa bkag pa yis/ /gtan tshigs ma grub pa nyid yin/ /dbye bas yongs su ma bcad phyir/
- 51b
de bzhin byed brag rnams kyang med/ /sgra yi rang gi mtshan nyid gang/ /ming yang rjod byed min pa nyid/ /brjod bya rang gi mtshan nyid dang/ /brjod byed nyid kyang sun bton te/ /de phyir brjod bya rjod byed du/ /'dod pa de ni sgro btags yin/ /sgro brtags dang bral don nyid du/ /mngon sum nyid ni shes par bya/ /rang gi mtshan nyid yod gyur la/ /mod la de ni med gyur na/ /de yang ldog par 'gyur ba ni/ /dngos po bar bcad sogs phyir ro/ /sngon po la sogs bdag nyid la/ /brda sbyor mi nus bzhan rten min/ /des na de dag rang rig ni/ /brjod dang rjes 'brel can mang yin/ /de ni gzung bya'i bye brag las ming sogs sbyor ba ma yin yang/ /'on kyang gtan tshigs ma grub pa/ /gang gis rjes su 'jug pa min/ /gal te don gzhan rnam bcad pa'i// / tshul gyis 'dzin pa ma yin na/ /don tsam 'dzin par 'gyur pa'am/ /'dzin par mi 'gyur bum pa bzhin/ /gal te bum gzhan rnam bcad pa'i/ /tshul gyis 'dzin pa ma yin na/ /bum pa tsam zhig 'dzin 'gyur ram/ /'dzin par mi 'gyur bu ma nyid bzhin/ /gzung bya gzhan ni rnam bcad pa'i/ /tshul gyis 'dzin pa yin snyam nas/ /shing ngo zhes bya sogs blo bzhin/ /rtog pa dang bcas pa'i rnam shes 'gyur/ /spyi dang 'brel pa ma yin na/ /bye brag gang na'ang yod min te/ /'dzin tshe de la ma reg pas/ /dngos po med phyir gzung bya min/ /de phyir nam mkha' i me tog bzhin/ /dngos med 'di na'ang gzung bya min/ /bye brag dag dang ma 'brel pa'i/ /bye brag can ni mi srid pas/ /bye brag can gyi yul gyi blo/ /rtog pa yin zhes gya tshom smra/ /mthun dngos mi mthun dngos dag las// ldog pa'i don ni 'dzin par 'dod/ /bye brag can gyi yul gyi blo/ /bye brag dag dang 'brel min na/ /tha dad de yang bye brag can/ /zhes brjod bye brag 'brel pas min/ /tha dad ces bya 'ang de sgra dang/ /'brel pa med par shes bya ste/ /rang bzhin las gzhan dngos dag ni/ /ma lus
- 52a
pa las ldog pa can/ /gzung bar gyur pa de nyid la/ /de lta'i rnam rtog skye bar 'gyur/ /bye brag tu ni ma bzung la/ /phyi zhes pha rol pa 'dod pa/ /rtog pa dang bcas shes pa la/ /'dzin na der yang de dang mtshungs/ /bye brag dag las bye brag can// de la spyi ru shes bya na/ /de ni 'dzin pa yin pa'i phyir/ /rtog dang bcas pa'i rnam shes 'gyur/ /bye brag med pa 'dzin snyam? na/ /ldog pa las ni spyi zhes brjod/ /des ni spyi ni bye brag las/ /bye brag can nyid du mi 'thad/ /'thun dang mi mthun ngo bo yis/ /'di dag shes bya yin 'dod la/ /spyi dang bye brag du gnas par/ /bdag nyid kyis ni rab tu btags/ /gal te mthun dang mi mthun pa'i/ /dngos ni tha dad par 'dod na/ /bye brag dag las bye brag can/ /nyin ni phyi dang 'dra bar 'gyur/ /'on te 'di ni mi byed na/ /'di ltar ma 'dres par gnas pa phan tshun spangs te gnas pa yis/ /'gro ba gzhan ni yod ma yin/ /bye brag bdag nyid las ldog par/ /dbye bas mtshan nyid gzhan yod min/ /de yi ngo bo ma gzung na/ /de la 'dzin par ji ltar brjod/ /de yi dngos la rag na'ang 'di/ /tha dad gzhan las ldog pa yi/ /'dzin pa zhes bya'i rnam shes 'di/ /'di la rtog pa dang bcas par 'gyur/ /spyi ni dngos po med pas na/ /gang gis bye brag can rtogs 'gyur/ /de phyir khyod la de yang ni/ rtog bcas shes pa'i gzung byar 'gyur/ /ming gis bye brag can yin na/ /de ci de yi bdag nyid dam/ /gal te min na'ang bye brag can/ /de phyir 'di la cis mi 'dod/ /de yi bdag nyid min pa 'di/ /dngos po'i bye brag can yang yin/ /dngos med spyi de khyod la ni/ /ji ltar bye brag can nyid min/ /de phyir rang gi mtshan nyid la/ /shes pa cung zad skye bar 'gyur ldog pa'i dngos po'i yul can ni/ /de kun rtag med yin par 'gyur/ /dmigs pa tsam gyis shes pa de/ /rtag pa med pa yod pa yin/ /byis pa lkugs sogs mtshungs shes pa/ bye brag ma yin spyi yang min/ /dag pa'i dngos la dmigs dus su/ /skye bar nyams
- 52b
su myong bar 'gyur/ /de dag gi ni gzhir 'gyur pa'i/ /gsal ba nyid ni rtogs par 'gyur/ /de las gzhan duAng rigs la sogs/ /dngos po'i chos ni ji lta bar/ /nges par byed pa'i blo gang yin/ /de yang mngon sum nyid du 'dod/ /yang dang yang du rnam rtog pa'ang/ /ji srid 'dzin par gyur pa rnams/ /de dang 'brel pa'i rjes 'brangs nas/ /thams cad mngon sum nyid du 'dod/ /snang ba las ni khyim phugs su/ /zhugs pa'i mdo la don mthong min/ /byas kyang dbang pos mi rtogs sam/ /ji ltar snang ba'i mdo nyid la/ /dang por rang gi ngo bor shes/ /phyi nas rigs la sogs chos kyis/ /de la nges par rtogs par byed/ /gal te dmigs nas mig btsubs te/ /'ga' zhig rnam par rtog 'byung ba/ /'brel pa'i rjes 'brengs de min pas/ /de ni mngon sum nyid du 'dod/ /zer ba mi rigs gal te yang/ /shes pa rang gi mtshan nyid la/ /zhugs pa rigs sogs par 'dzin kyang/ /brjod pa de ni zhugs pa la/ /de lta'ang rang gi mtshan nyid 'di/ /brjod bya min par gong du bsgrubs/ /de la dmigs pa'i shes pa yang/ /rtog pa med pa nyid du nges/ /rigs tsam 'dzin par 'gyur na yang/ /bye brag gcig tu tha dad pa/ /nyid du pha rol po de yang/ /'dod pa yin par ji skad smras/ /gang tshe bye brag can dag las/ /bye brag gcig tu tha dad pa/ /rang dang rjes mthun rang bzhin blo/ /bye brag can las ji ltar te/ /rang dang spyi yi bdag nyid can/ /shes pa gcig gis rigs mi 'thad/ /rtog bcas gzhan du gyur nas ni/ /sa ma rig min gzhan du 'gyur/ /gal te rigs sogs rtog pa can/ /gcig tu tha dad ma yin na/ /bcad pa'i don la 'dzin pa'i phyir/ /phyi ma dran pa'i blo dang mtshungs/ /spyi yi dngos po du ma yis/ /mi gsal ba ni rtogs shes na/ /de dang mtshungs min nges pa la phyi ma phyi ma nges pa yin/ /sgro 'dogs rnam par gcod pa yi/ /ji ltar yul la rjes dpag la/ /de bzhin nges pa pa yis kyang/ /yul la sgro 'dogs rnam gcod yin/ /sgro 'dogs rnam par bcad pa yi/ /yul can nyid kyis tshad ma yin/ /rjes su dpag pa tshad ma yin//
- 53a
yid la dran pa mngon sum gyi/ /rjes sogs sgro 'dogs sel pas yin/ /rtags las byung ba'i shes pa ni/ /tshad mar 'dod de khyod la med/ /de nyid dang ni gzhan bdag nyid/ /rigs la sogs pa yod min na/ /rtog pa dang bcas shes pa gang// mngon sum nyid du 'gyur ba min/ /rjes 'gro med pa'i tha dad las/ /tha dad par ni snang ba min/ /de nyid dang ni gzhan pa dag /phan tshun spangs te gnas pa yang/ /rtog pa med pa'i shes pa yang/ /rtog bcas shes pa'i nus par ldan/ /tha snyad ma lus yan lag gi/ /de yi sgo nas 'byung ba yin/ /rtog med rtog bcas skyed nus min/ /yul tha dad phyir rtog med phyir/ /gzugs sogs rnam par shes pa bzhin/ /de dag dang yang rtog bcas dag /'dir ni lhan cig 'gal ba min/ /don de nyid la nges 'byed phyir/ /yum ni tha dad pa yang min/ /dngos su na ni dmigs med la/ /rtog pa yang dag 'jug pa yin/ /de la yul nyid yod min na/ /gang gis tha dad yod pa min/ /gzugs sgra la sogs blo rnams kyi/ /rgyu ni gzhan dang gzhan yod pas/ /de phyir gong du smras pa'i dpe/ /bsgrub byas stong pas 'di mi 'grub/ /me dang du ba sogs blo rnams/ /'bras bu rgyu yi ngo bo yis/ /'khrul pa kho na yin par yang/ /'di la gsal bar mtshon par bya/ /ma 'khrul pa zhes smos pas ni/ /skra shad 'dzings sogs shes pa rnams/ /'khrul phyir tshad mar mi 'dod de/ /de rnams bsal phyir 'di byas so/ /kha cig yid phyir 'dod pa'ang/ de min dbang po yod na ni/ /yod la dbang po med min yang/ /nyams par gyur pa 'gyur ba yis/ /bsgyur ba yang ni dmigs pa yin/ /sprul la sogs pa 'khrug pa bzhin/ /yid kyi 'khrul ba ldog 'gyur zhing/ /gsal bar mi snang bar yang 'gyur/ /de yod pa las yod pa ni/ /dngos su ma grub 'khrul pa yin/ dran pa'i blo ni rjes 'jug pas/ /yid ni brgyud pa ma yin te/ /de yi 'gyur bas bsgyur ba nyid/ /'di la'ang
- 53b
brgyud pas skye bar ni/ /mda' yid shugs sogs dag pa yang/ /'jig rten na yang gsal bar snang/ /yid kyis 'khrul pa thams cad ni/ rnam par dpyad pas ldog 'gyur na/ /dngos po spyi yi blo rnams kyis/ /'di la 'khrul pa nyid yin no/ /dngos po'i rang gi mtshan nyid la/ /ngo bo nyid kyis de 'jug min/ /de bzhin de yi ldog pa yang/ /zla ba gnyis la sogs dang mtshungs/ /yod pa ldog pa ma yin te/ /spyi yi blo dang mtshungs she na/ /dbang phyug la sogs 'khrul pa rnams/ /de yi gzhung las zhen rnams kyis/ /rigs pa bye ba snyed thos kyang/ yod 'dod mi ldog slar la yang/ /de dag rigs pa ma yin zhes/ /skyes po de dag rang nyid smra/ /de yod pa las yod pa nyid/ /dngos su ma grub ces pa de/ /mi 'grub ma 'khrul rnams blo la/ /brgyud pa grub pa ma yin te/ /de ni shin tu med ces bya/ /sems ni gzhan du zhe na gyur kyang/ /zla ba gnyis sogs snang ba yin/ /rgyun mi 'chad pa med pa'i phyir/ /brgyud pa las skye ma yin no/ /dngos po spyi yi blo rnams ni/ /so sor sdud pa yod pa'i phyir/ /ldog par gyur pa yod pa nyid/ /rang 'dod dbang phyug gzhung yang ldog /dung la ser sogs blo rnams kyang/ /don byed sogs la mi slu bas/ /gzhan dag tshad ma yin par 'dod/ /de yang don byed nus min te/ gzhan du ha cang thal 'gyur phyir/ /skra shad 'dzings sogs par mi mthong/ /bslu ba'i shes pa mthong bar 'gyur/ /nga phyir de yang tshad ma nyid/ /yin par bzlog par dka' bar 'gyur/ /kha dog las ni tha dad pa'i/ /dbyibs ni 'thad pa ma yin no/ /kha dog du ni snang ba can/ /mi bslu bar ni mthong ma yin/ /rnam pa la ni ma bltos par/ /gal te tshad mar rtog byed na/ /don byed pa la mi slu bas/ /de yi ngo bo don la nges/ /de skad ces sogs smra ba kun/ /ji ltar 'gal bar 'gyur ma yin/ /bag chags smin pa'i rgyus bslang ba/
- 54a
de'i phyir mi bslu ma yin no/ /yid dang dbang po'i shes pa ni/ /rtogs med par sgrub pa la/ /bde sogs rigs pa gang yin pa/ /rtog pa med par sgrub byed yin/ /gzhan rig byed pa'ang ma yin pa/ /rang rig ji ltar yin par dpyod/ don gcig la brten rnam shes ni/ /de dag rig par 'gyur zhe na/ /spyi yi dngos po la dmigs pa/ /rgyun mi 'chad par 'jug pa na/ /de tshe rgyun mi 'chad par yang/ /bde sogs ci phyir rig pa yin/ /gal te yid kyis de rig pa/ /nyid du 'dod na'ang de min te/ /rim gyis skye bar byed smra pas/ /dus der? de ni yod ma yin/ /cig car skye bar mi 'dod kyi/ /gnas pa de lta min zhe na/ /skad cig gis 'jig par bsgrubs pas/ /de la gnas pa zhes bya med/ /myur bar 'jug pa cig car bar/ /'khrul pa zhen te la 'ang bsal/ /dran pa'i shes pa'i spyod yul ni/ /gsal bar snang bar mi 'gyur ro/ /bde ba dang bde min sogs ngo bo/ /de la'ang gal te 'khrul par ni/ /rtog na bde sogs de tsam du/ /yod pa'i mtshan nyid can du 'gyur/ /gang tshe rnal 'byor pas gzhan gyi/ /bde la sogs pa rig pa na/ /des kyang de bzhin mngon sum du/ /nyams su myong bar mtshungs par 'gyur/ /rang nyid kyis kyang sdug bsngal la'ang/ /yod nyid nyams myong khyed mi 'dod/ /'on kyang gzhan gyi rgyud de yi/ /yul la shes pa de yang yod/ /gzhan gyis sdug bsngal rjes dpog pa'ang/ /de ni mtshungs te 'on kyang de/ /gzhan gyi sdug bsngal sogs zhes yul/ /smra ba spyad yul ma yin no/ /bde dang sdug bsngal la sogs pa/ /bde ba nyid ces go 'gyur gyi/ /shes pa nyid ces go mi 'gyur/ /de ni shes min bum sogs bzhin/ /gal te 'di brda gzhan yin na/ /shes pa zhes bya'i blo de yang/ /sems
- 54b
la yod phyir de yi min/ /khyed la de yang shes mi 'gyur/ /gsal bar snang ba dngos yin phyir/ /de ni de ltar 'gyur ba min/ /bde ba dang sdug bsngal bar mtshungs par/ /'di dag thams cad cis ma gyur/ /yang dag don bsgom las byung ba/ /rtogs dang 'khrul pa rnam spangs pa/ /bshad pa rnal 'byor pas shes pa/ /dri med bsgrub par nus pa yi/ /yul rtogs pa 'am rang rig pa/ /'di ni tshad ma'i 'bras bur 'dod/ /tshad ma nyid ni 'dra ba 'am/ /reg tu rung ba nyid kyang ngo/ /seng ldeng bcad par gyur pa yi/ /pa la sha ni mi 'chad ltar/ /'jig rten na yang sta gri dang/ /gcang? bya gcig 'dod min zhe na/ de min rnam gzhag la brten nas/ /bsgrub bya bsgrub byed yang dag gnas/ /rnam pa med pa'i shes pa la/ /rnam gzhag de ni mi rigs so/ /de phyir tha dad par rtog na// gzhu la sogs bzhin yod pa yin/ /bskyed bya skyed byed nyid kyi ni/ /rnam par gzhag pa 'di mi 'dod/ /shing sogs sta gis bcad pa na/ /phye ba'i mtshams su zhugs pa la/ /chad pa zhes ni brjod pa yin/ /des na de nyid gcig nyid log /rnam par bzhag par gyur pa nyid/ /bskyed bya bskyed byed nyid du ni/ /gzhan du yang ni rnam brtags kyang/ /rnam gzhag de ni 'gal ba min/ /byed pa zhugs pa'i de ma thag /chad pa 'bras bu nyid min par/ /shes pa tshad ma ma yin te/ /'bras bu gzhan du 'dod pa yin/ /rang rig 'bras bu nyid ce na/ /de ni bkag phyir mi rigs te/ /yul gyi rnam pa tshad ma ni/ /don ni tha dad 'gyur zhe na/ /thams cad mi rigs par 'gyur pas/ /dgag par nus pa ma yin no/ /tha dad don yang 'dir yod min/ /rang rig pa yang don rig 'dod/ /rang las tha dad bya ba byed/ /byed pa yin phyir tshad ma ste/ /ste'u la sogs bzhin zhe na/ /'bras bu med pa 'am 'bras gzhan phyir/ /smras pa'i rigs pas ste'u sogs la/ /'bras bu gzhan yang yod ma yin/ /byed pa po nyid kho
- 55a
bo la/ /ma grub brtags pas skyed byed yin/ /'jog pa bo nyid btags pa yin/ /'gal ba ci yang yod min pas/ /des na gtan tshig ma nges pa'o/ /'gal bar bstan pa ma yin phyir na rnam pa gzung ba dang mthun min/ /de phyir rigs gzhan yin pas/ /gzugs dang ro sogs bzhin shes pa/ /de nyid rigs pa yin zhe na/ /gzung bar 'dzin pa rnams spangs shing/ /'di yang gzhan par rnam bsal bar/ /thams cad rigs pa'i rjes 'brangs nas/ /kho bo cag kyang smra ba yin// bdag nyid thams cad kyi 'dran/ /shes pa shes mod nyid du 'gyur/ /cha 'gas 'dra ba yin na ni/ /kun kyang thams cad rigs byed 'gyur/ /'on kyang phyir yi don yod par/ /smra la 'dra ba yod par ni/ /nges pa kho nar khas len par/ /bya phyir de ni bstan pa yin/ /shes pa rnam bcas phyogs la yang/ /sems ni gzung ba las gzhan yang/ /de yi gzugs brnyan ngo bo yis/ /phal ba yang na rig tu rung/ /de'ang rnam pa yod min pas/ /phyi rol rig pa'i snod ma yin/ /de kho na nyid bsdus pa'i rab tu byed pa las/ /mngon sum gyi mtshan nyid brtag pa ste nyi shu gnyis pa'o// //rang dang gzhan don dbye ba yis/ /rjes dpag rnam pa gnyis su 'dod/ /rang don tshul gsum pa'i rtags las/ /dpag bya'i don ni shes pa yis/ /tshul gsum pa yi rtags brjod pa/ /gzhan gyis don duAng bstan pa yin/ tshul re'ang gnyis gnyis don ldan pa/ /de phyir rtags ltar snang bar 'dod/ /gzhan du mi 'thad pa nyid ni/ /gtan tshigs bsha' mar ma mthong min/ /yan lag gsum yang yod min pa/ /de phyir mtshan nyid gsum min pa'i/ /gzhan du mi 'thad pa nyid na/ /gang 'di gtan tshigs yin par 'dod/ /'di ni mtshan nyid gcig pa'i don/ /mtshan nyid bzhi pa'ang ma yin no/ /dper na bu gsum yod pa la'ang/ /de yi bu gcig ces ba'i phyir/ bu gcig pa
- 55b
zhes 'jig rten smra/ /de bzhin 'dir yang blta bar bya/ /med na mi 'byung 'brel pa'i phyir/ nam yang tshul gsum la yod min/ /gzhan du mi srid pa yi chad/ /gcig ni gtan tshigs la yod dmigs/ /gzhan du mi 'thad pa nyid ni/ /gang yin de nyid gtan tshigs te/ /dpe gnyis yod dam med kyang rung/ /de yi rgyu nyid ma yin no/ /gang na gzhan du mi 'thad yod/ /der ni gsum gyis ci zhig bya/ /sngo bsangs yin te pha de'i bu/ /yin phyir cig shos snang ba bzhin/ /'dir ni tshul gsum pa yin yang/ /des pa'i phyir ni 'jug pa min/ /de yi dpe gnyis ma gtogs pa/ /mtshan nyid gcig gi gtan tshigs so/ /dngos po 'am dngos med yod bdag nyid/ /ci ltar yang ni dmigs phyir ro/ /zla ba nyid ces brjod pa'i phyir/ /ri bong gis mtshan zla min min/ /'di ni mtshan nyid gnyis pa'o/ /gtan tshigs gzhan yang brjod bya ste/ /mchu sbrang ba bas pa'i reg pa las/ /byung ba dmigs par 'gyur ba ni/ /mchu sbrad? bcas pas tshor ba 'di/ /byas pa yin zhes nges par shes/ /gzugs 'dzin pa yi bya ba la/ /mig ni nus dang shin tu ldan/ /de la bya ba byed phyir dang/ /de ni mthong ba'i phyir yang ngo/ /gzhan yang bdag dang bum pa sogs/ /ji ltar yang ni med bdag nyid/ /ji ltar yang ni ma dmigs phyir/ /bong bu dang 'brel rab bzhin na/ /ri bong rwa la sogs pa yang/ /ji ltar yang ni yod bdag nyid/ /ji ltar yang ni dmigs phyir te/ /dper na bdag dang bu sogs bzhin/ /khyed kyi pha yang khyim 'di na/ /yod do zhes ni shes bya ste/ /khyed kyi pha yi skad nyid ni/ /khyam 'di na ni grag phyir ro/ /sgra dang mar me sogs dngos la/ /gzhan du mi 'thad pa nyid do/ /phyogs kyi chos dngos med na yang/ /rtogs par byed pa nyid du 'ang mthong/ /des na mtshan nyid gcig pa yi/ /gtan tshigs rtogs byed gtso bo yin/ /don med phyogs chos
- 56a
sogs gzhan gyi/ /brtag pas khyed la ci zhig bya/ /mtshan nyid 'di ldan gtan tshigs de/ /de ci spyi yis rtogs bya 'am/ /shes par 'dod pa'i bye brag gi /chos gzhan yin nam 'on te dpe/ /der ni spyi yis rtogs zhe na/ /bsgrub par bya ba'i chos can la/ /gtan tshigs yod par bstan pa na/ /brjod 'dod 'grub pa min pa rten/ /dper na mig gis gzung bya ni/ /mi rtag pa la 'khrul pa nyid/ /spyi yis go bar byed de yang/ /sgra yang de ni sgrub byed min/ /de la chos can yod gyur bar/ /shes bya zhe na de lta na/ /tshul gsum po ni khyed cag gi /gzhung lugs la yang 'byung bar 'gyur/ /gzhan du mi 'thad pa nyid ni/ /log dang rjes 'phro dag tu rtogs/ /de ni chos can la yod phyir/ /phyogs kyi chos la brtan pa yi/ /gzung bya'i chos la de yi chos/ /khyab pa'i gtan tshigs 'di ltar na'o/ /'di 'dra'i mdo bsdus mtshan nyid ni/ /slob dpon gyis kyang rgyas par bstan/ /'on te gtan tshigs mtshan nyid 'di/ /chos can nyid la shes bya na/ /gang gis tshad mar de grub kyang/ /de las bsgrub bya'ang nges par grub/ /bsgrub bya rtogs par ma gyur na/ /gtan tshigs la'ang nges pa med/ /gzhan las bsgrub bya grub na ni/ /des na gtan tshigs las nges pas/ /phan tshun brten pa'i skyon yang ste/ /gnyis las cig shos ma grub pas/ /gzhan pa'ang des pa ma yin no/ /dpe yi yin na de grub kyang/ /bsgrub bya'i chos can blor mi 'gyur/ /de yis thams cad bsdus pa la/ /khyab par nges pa ma yin no/ /gang yang ji ltar yang dmigs phyir/ /zhes bya'i gtan tshigs 'dir smras pa/ /phyi la yul nyid med pa ste/ the tshom can phyir 'bras bu med/ /dngos po'i de yi bdag nyid nyid/ /thams cad la ni rnam des nyid/ /ji ltar yang ni bsgrub byar de/ /gang gis 'di skad rdzong par
- 56b
byed/ /'gyur ba'i bdag nyid sogs dbye bas/ /dngos kun gcig par smra ba yang/ /ci nas kyang ni yod pa yi/ /bdag nyid nyid du ston par byed/ /gang zhig dngos por gnas pa kun/ /rang bzhin med nyid la brten pa/ /de yang de kho na nyid/ /zhes sogs bye brag la brten pa'o/ /gzhan du yang ni ji ltar yang/ /dmigs pa nyid ni mi 'grub po/ /tha snyad nyid du bsgrub bya la/ /dper na grub par gyur pa min/ /zla ba nyid ces brjod pa na/ /mthun pa'i phyogs la'ang rjes 'jug ste/ /la lar mi 'am gzhan yang ste/ /ga bur dngul skya sogs pa la'o/ /zla ba nyid sgrub gtan tshigs la/ /thun mong min pa nyid gsungs pa/ /grags pa las ni tha dad pa/ /dngos po'i ngo bo la brten pa'o/ /mchu sbrang? bcas pas byas pa nyid/ /khyad par mthong ba ma yin te/ /mchu sbrang bcas pa'i reg pa las/ /byung ba dmigs par gyur pa yang/ /de yi bcas pa zhes bya ba/ /gtan tshigs khyad par nges pa dogs/ /gzhan du 'khrul pa nyid yin pa/ bzlog par dga' bar thal bar 'gyur/ /'bras bu nyid kyi tha snyad ni/ /brjod pa yin pas bsgrub bya na/ /gal te gong du grub pa'i dpes/ /bsgrub pa yin na tshul gsum 'gyur/ /chos can mig gi ngo bo la/ /yod pa re zhig des? dmigs nyid/ /ma grub sogs par thal 'gyur bas/ /de ni bsgrub par mi rigs so/ /'on kyang gzugs ni yod gyur kyang/ /mig gis rnam shes mi 'byung ba/ /de nyid tsam gyis nam du yang/ /de rnam rtogs byed ma yin gyi/ /rang gi rgyu yis des pa las/ /skye ba myu gu sogs la'ang yod/ /de ni dpe yang de bzhin du/ /mtshan nyid gsum par shin tu gsal/ /bum pa la sogs ji ltar yang/ /med pa'i bdag nyid du sgrub pa/ /rang bzhin gtan tshigs 'bras med pa 'am/ /shin tu ma grub par yang mthong/ /'di la'ang chos mi mthun pa'i dpe/ /gsal bar yod pa min na ni/ /de rnams nyid kyi ngo bo ni/ /mi mthun phyogs
- 57a
nyid du 'gyur ro/ /me bdag nyid la ji ltar yang/ /med pa'i bdag nyid du sgrub pa'ang/ /'dod pa grub pa'i ma grub pa'i/ /de bzhin mi mthun phyogs su 'ang 'gyur/ /pha yi skad thos gang yin pa'ang/ /khyim na pha yod par grub la/ /pha dang 'brel pa nyid yin na/ /gtan tshigs mtshan nyid gsum par gsal/ /la lar pha dang 'brel pa'i skad/ /sngar ni nye bar dmigs pa ni/ /sngar chad nyams su ma myong na/ /gtan tshigs ma grub par bzlog dka' / /gang du sngan tshad dmigs pa'am/ /gang du de na dmigs pa la/ /rjes su 'gro dang ldog pa dag /der ni rnam pa gsal bar mthong/ /shes pa'i byed pa'i sgra yi don/ /ji ltar yang ni phyi rol min/ /gzhan yod ma yin dngos min phyir/ /brjod par 'dod pa nyid nyid ni/ /go byed yin par de bsgrub na/ /mtshan nyid gsum par shin tu gsal/ /brjod 'dod mngon du ma gyur ba/ /yin na sgra ni sbyor mi byed/ /mar me nyid ni sngo sogs la/ /rtags nyid las ni shes byed min/ /shes pa skyed par rung ba ni/ /bud ba yin phyir de skad brjod/ /shes byed rtags kyi dngos yin na/ /phyogs kyi chos la sogs pa soms/ /gzhan du mi sogs de lta bur/ /ci'i phyir na rtsod mi byed/ /gzhan du mi 'thab pa nyid du/ /mig gis gzung ba cis mi bsgrub/ /phyogs kyi chos dang bral bas na/ /de phyir mtshan nyid gcig pa dman/ /tshul gcig pa gang smras pa ni/ /tshul gnyis pa nyid mtshon par byed/ /tshul gnyis pa rnams smras pa yis/ /phyogs kyi chos las tshul gsum pa'o/ /gzhan du mi 'thad pa nyid kyis/ /'phangs phyir zhes na de min te/ /gzhan duAng sgra la sogs pa la/ /mig gis gzung bya 'di nyid 'dod/ /de'i bu yin phyir sogs gtan tshigs/ /mi mthun phyogs dang 'gal min phyir/ /ldog pa the tshom za ba de/ /tshul gsum po ni yod ma yin/ /de yi bu yi bu yin yang/ /las dang kha zas sogs
- 57b
rnams kyi/ /rgyu yi dbye bas thams cad duAng/ /dngos po gzhan du 'gyur ba yin/ /'di ni 'bras bu 'am rang bzhin nam/ /snang ba mi dmigs nyid kyang min/ /de las tha dad pa min na/ /'khrul pa med pa nyid du 'gyur/ /gal te ma 'khrul pa nyid ni/ /gzhan pa rnams la'ang mthong ba ste/ /dper na ku ma da la sogs/ /kha bye rgya mtsho 'phel ba la/ /zla ba 'chang ba rtags yin zhing/ /gdung byed yod par mthong ba las/ /cha gzhan dag na grib ma ni/ /yod par rab tu shes pa yin/ /mun par 'gal dum tshigs mthong bas/ /ring nas du ba dpog par byed/ /smin drug shar ba las kyang ni/ /snar ma nye bar yin par rtogs/ 'di la gtan tshigs chos de ni/ /de lta bur ni rtogs pa yin/ /gang las byung ba de rnams dang/ /dus gcig pa gzhan de kun rtogs/ de lta bu yi dbye ba 'di/ /'bras bu las ni rgyu grub pa'o/ /'brel pa nyid ni mi 'thad na/ /thams cad kun kyang rtogs byed 'gyur/ /smin drug 'char ba'i rgyur gyur pa/ /rlung gi khyad par gang yin pa'i/ /tshogs pa yin pa de dag ni/ /snar ma nye ba'i rgyu yin no/ /rgyu yi chos ni shes pa las/ /de phyir de ni shes par 'dod/ /rang dbang du ni de shes pa/ /'di gzhan su yang yod ma yin/ gzugs brnyan du brjod rtags las ni/ /rjes su dpag pa 'jug pa yin/ /gang zhig lus kyi yul ldan min// gzhan las 'bras bu'i rtags skye min/ /dngos med gzugs brnyan dang lhan cig /gnyis ni gcig na yod min na/ /dam pa'i don du de nyid ni/ /ji ltar de 'brel ldan zhe na/ /gzhan du lus dang gzugs brnyan dag /dngos por yod pa ma yin no/ der snang ba yi rnam shes ni/ /gang gis dngos po med par 'gyur/ /de nyid 'dir ni rtags nyid de/ /de nyid 'bras bu yin par 'dod/ /de lta'i bdag po'i skyen lus gang/ /dmigs pa med la 'jug pa yin/ /gzhan don la ni dam bcas sogs/ /tshogs gzhan
- 58a
dag kyang brjod pa ni/ /bsgrub pa'i yan lag gyur min phyir/ /dam bca' ba ni mkho ba min/ /'brel pa med phyir dngos su ni/ /don dang ldan par rtogs byed min/ /mtshon par byed nus ma yin phyir/ /brgyud pas kyang ni rigs ma yin/ bsgrub bya sgrub byed chos dag gi /yul la gtso bo ma yin phyir/ /de ni dpe yi tshig bzhin du/ /gal te sgrub byed yan lag tu/ /'dod na khas len sogs tshig gis/ gzhan du 'khrul pa ma yin no/ /yul ni nye bar ston byed na/ /'dir yang 'di ni 'bras bu med/ /phyogs la spyod med ji ltar na/ /mthun pa'i phyogs su bzhag ce na/ /tshul gsum po ni med na yang phyogs 'dren pa yi rgyu mtshan yin/ /phyogs la sogs pa brtags pa ste/ /phyogs brjod pa ni yod ma yin/ /bstan bcos kyi ni rab dbye bas/ /de ltar tha snyad 'dogs pa yin/ /yang na de yang gnas skabs kyi/ /don la brten nas 'gal ba med/ /gzhan yang sgrub par byed pa na/ /tshig gi cha yis smra mi bya/ /shes par 'dod pa'i bye brag la/ /brten nas phyogs kyi chos nyid de/ /de ni mthun phyogs dang 'dra phyir// mi mthun phyogs la'ang de med pas/ /dam bcas brjod pa ma yin zhing/ /rgyu ni brjod pa ma yin pas/ /nye bar sbyar bar brjod par bya/ /yod par grub pa ma yin te/ /sngon du dngos po tsam brjod cing/ /phyi nas khyab pa bstan par bya/ /rjod 'dod don ni grub pas na/ /'dra ba la ni 'bras bu med/ /tshul gsum pa yi rtags brtan pa'i/ /shugs nyid kyis ni grub pas ni/ /phyin ci log ni dgos med pas/ /mjug sdud bzhi don med pa'o/ /'brel med nyid kyi tshig gis ni/ /don gcig par ni rtogs byed par/ /'brel pa de grub bya ba'i phyir/ /mjug sdud logs su brjod bya min/ /rjes su dpag pa rnam gnyis la/ /kha cig gzhan du smra bar byed/ /khyad par du ni mthong ba dang/ /spyir mthong ba yi dbye bas so/ /'brel pa
- 58b
mngon sum mthong ba ni/ /gang ngag yin nyid khyad par te kha lang lci bas de yi phyogs/ /khyad par la sogs blor byas pa'o/ /phyogs de na yod de nyid ni/ /sngon nas dus gzhan che na yang/ /de sngon yang dang yang shes pas/ /me gang yin pa de shes 'gyur/ /yod la the tshom za ba la/ /yod par rtogs phyir tshad ma ste/ /de yang khyad par mthong ba zhes/ /ri bo 'bigs byed la gnas smra/ /me dang du ba gzhan nyid de/ /spyi nyid kyi ni glo bur 'dod/ /spyir mthong ba la gcig tu ni/ /'di'o zhes sogs smra ba ni/ /de 'dir skad cig gis 'jig pas/ /khyab pa nyid du bstan pa'i phyir/ de nyid kyis ni sngar bstan nyid/ /rjes su dpag par 'gyur ma yin/ /gal te rgyun la gcig nyid du/ /btags par 'dod pa yin zhe na/ /de ni gang na'ang long min te/ /dngos po nyid kyi dngos min phyir/ /yul med tshad ma ma yin par/ /khyed cag rjes su sems pa yin/ rnam par brtags pa'i don nyid ?/ /yul med par ni gsal bar 'gyur/ /gsal ba'i ngo bo zhig na yang/ /de dag rigs nyid du gnas na/ /gal te skad cig gis 'jig pa/ /min na de yang rtag nyid 'byung/ /'brel pa mngon sum mthong bar 'gyur/ /gang yin pa nyid khyad par zhes/ /nges pa 'di yang khyed cag ni/ /rgyu gang gis ni smra bar byed/ /lan cig rjes dpag gis thong ba/ /de nyid la ni rjes dpog pa/ /gang phyir snga ma shes las khyod/ /med pas tshad mar mi 'dod do/ /rtogs pa'i don la rtogs byed phyir/ /gal te 'di ni dran pa bzhin/ /tshad ma yin na snga mas kyang/ /de dang mtshungs par cis ma mthong/ /bar du the tshom oskyes pas ni/ /bzlog phyir de ni lhag pa yin/ /zhe na de dag 'dir yang ni/ /ci zhig gis ni mtshungs ma yin/ /de phyir ci 'di yod dam med/ /ces byas the tshom bzlog byas pas/ /the tshom med pa nyid ni zhes/ /spyi ni de ltar mthong ba yin/ /kha cig rjes su dpag pa ni/ /tshad ma mang yin zhes bya ba/ /brjod 'dod tshig gis rig byed par/ /'dod pa'i log par lta ba'o/ /rang don rjes
- 59a
dpag mi rigs te/ /tshul gsum pa'i rtags sngon 'gro'i phyir/ /'dod pa la gnod skyed byed pa/ /log pa'i shes pa bzhin smra grag /rjes su dpag pa'ang dngos por med/ /rjes su dpog pa'i rgyu yang med/ /tshul gnyis pa yi rtags bzhin du/ / tshul gsum med rjes bas? dpag med/ /rjes su dpag pa dang 'gal ba'i/ /'gal ba rnams ni bsgrub pa na/ /'on kyang 'gal ba mi 'khrul pas/ /thams cad la ni 'byung ma yin/ /yul dang dus dang gnas skabs kyi/ /dbye bas nus pa tha dad pa'i/ /dngos po rnams kyi rjes dpag gis/ /'grub pa shin tu rnyed par dga' / /dngos po rnams ni de dang ni/ /don byed par ni nus pa la/ khyad par can gyi rjes 'brel pas/ /de yi nus pa'i bar du gcod/ /rjes dpag la ni mkhas rnams kyi/ /'bad pas rjes dpag don la yang/ /shin tu 'bad pa gzhan dag gis/ /gzhan du yang ni sgrub par byed/ /gzhan don rjes dpag smra ba po/ /la bltos pas ni tshad ma min/ /rjes su brjod phyir des na 'di/ /rang nyid kyis don rtogs ma yin/ /thos pa po la ltos pa'i phyir/ /de na rang don nyid du 'thad/ thos? dang mthong 'di rigs pa la/ /gang gtso 'di yi khyed par ci/ /gzhan don rjes su dpag pa nyid/ /tshig de thos pa ma bltos min/ /nyan pa'i rgyud bgyi rnam shes kyi/ /rgyu nyid yin phyir shes byed phyir/ /dbang po ji lta ba bzhin no/ /dngos su dpag bya gsal byed min/ /de phyir nyid med mi 'byung ba'o/ /'brel pa can gyi shes pa bzhin/ /'on te gzhan don nyid gzhan las/ /log pa la brten phyir zhe na/ /rang don la yang de yod phyir/ /gzhan gyi don du thal bar 'gyur/ /tshul gsum par rtags sngon 'gro nyid// nges par mi bslu'i mtshan nyid can/ /mtshan nyid de ldan tshad ma nyid/ /de phyir de ni ci phyir bdag /phyogs snga ma la ltos nas ni/ /'dod pa la gnod skyed byed pa/ /log pa'i shes pa dang mtshungs pa'i/ /shes par smras kyang dngos po min/ /mi bslu bar ni nges pa yis/
- 59b
dngos po la yod shes pa de/ /smra ba po 'dod gzhan min pa/ /de phyir de nyid tshad mar 'dod de phyir gtan tshigs 'gal ba nyid/ /dpe la'ang bsgrub bya nyid med pa'i/ /rnam pa de dag nyid kyis ni/ /gtan tshigs gnyis pa ma grub pa'o/ /gang de de yi bdag nyid dang/ de las byung ba'i 'brel par nges/ /de bzhin sgrub pa bsgrub byed pa/ /yin par rigs pa gsungs pa bstan/ /'di ltar sgrub pa'i rjes dpag la/ /'gal ba la sogs yod ma yin/ /rang bzhin gtan tshigs dag med par/ /de ni gang na'ang srid ma yin/ /phan tshun 'gal pa'i chos dag kyang/ /dngos po gcig pa mi rigs te/ /de ni 'gal ba mi 'khrul pa/ /can du gyur pa ma yin no/ /mtshan nyid la ni goms rnams kyi/ /rtags ni yang dag rnam nges pa'i/ /rjes su dpags pa la 'jug gi /gzhan ni rjes dpag yin par brjod/ /yul dang dus dang gnas skabs kyis/ /dbye ba nus pa tha dad la/ /dngos po rnams ni rjes dpag gis/ /de sgrub shin tu rnyed dka' min/ /rjes dpag la ni mkhas rnams kyis/ /'bad pas rjes su dpag don la/ /shin tu 'bad pa gzhan gyis kyang/ /gzhan du bsgrub par nus ma yin/ /rang bzhin dang ni 'bras bu dag /rang bzhin dang ni rgyu min las /rang bzhin dang ni 'bras yod min/ /tha dad pa dang rgyu min 'gyur/ /de dag med pa'i rjes dpag med/ /tshul gsum pa yi rtags kyi tshig /nus pa mtshon byed nyid yin pas/ /gzhan don rjes dpag gang yin nyid/ /nyan pa la bltos nas de gsungs/ /rjes dpag nyid la brten nas ni/ /brdar brtags can nyid phal pa'o/ /nus pa mtshon byed nyid yin pas/ /des na ha cang thal 'gyur min/ /rjes dpag tshad ma ma yin zhes/ /khyad kyis smras pa 'bras med de/ /tshig gang gis kyang brjod 'dod pa/ /ston par nus pa ma yin no/ /'jig rten pa yi rtags 'dod kyi/ /gzhan ni brtag nus min zhe na/ 'jig rten 'bras sogs
- 60a
gtan tshigs la/ /sogs pas rtogs pa ma yin pa/ /gzhan gyis de nyid bstan par ni/ /shis pa gsungs pas kyang spyod min/ /'jig rten pa de khas blangs pa/ /khyed la 'dor bar 'gyur ram ci/ /tshad ma min pa de yin no/ /gzhan gyis ci zhig rtogs par byed/ /tshad ma min la 'dir byas pa/ /ci 'dra ba las yid ches 'gyur/ /rjes dpag tshad ma ma yin te/ /smra ba pa'o tshig nyid ni/ ston byed bdag nyid ma yin pa/ /des ni de bzhin 'gyur zhen/ /mi shes don ston ma yin phyir/ /de ni tshad ma mi 'dod pa/ /de min nus pa mtshon byed pas/ /khyed kyi dang ni mtshungs ma yin/ /de kho na nyid bsdus pa'i rab tu byed pa las/ /rjes su dpag pa brtag pa ste nyi shu gsum pa'o// //sgra las byung dang nyer 'jal sogs/ /tshad ma gzhan yod pa yin na/ /tshad ma gnyis po kho na yi/ /mtshan nyid ci phyir ston par byed/ /smras pa gnyis po las gzhan pa'i/ /tshad ma 'thad pa ma yin te/ /tshad ma'i mtshan nyid mi ldan pa'am/ /ldan na'ang 'di'i khongs gtogs phyir/ /gzhan ni sgra las byung ba yi/ /shes pas don rtogs sgra las byung/ /de yang byed bsam byas pa'am/ /yang na yid ches tshig yin zer/ /'di na lkog tu gyur pa yi/ /yul can yin phyir mngon sum min/ /rjes dpag tu yang mi 'thad de/ /de yi mtshan nyid bral phyir ro/ /chos kyi bye brag ldan chos can/ /de ni rtags can du rab des/ /ji srid de yul ma gyur pa/ /de srid rjes su dpag pa min/ /'di la chos can du rtog gang/ de nyid dpag pa yin na ni/ /de nyid nges par ma gyur par/ /de yi chos ni des mi 'gyur/ /gal te snga rol phyogs chos nyid/ /des na de yi 'og rol du phyogs chos sogs kyi bya gang/ /gang gis rjes dpag nyid du 'gyur/ /gzhal bya'i don la nges rtogs pa'o/ /rjes su 'gro ba sgra la med//
- 60b
yod pa yis ni thams cad kyi/ /rjes su 'jug pa rtogs par byed/ /gang na du ba yod de na/ me med rjes 'gro med par gsal/ /de bzhin gang na sgra yod pa/ /de na yod par nges min te/ /da ltar sa phyogs de na med/ /de'i dus na'ang med shes bya/ /rtag cing khyab phyir yod ce na/ /sgra rnams thams cad der mtshungs pa/ des na kun tu mthong ba'i phyir/ /ldog pa'am grub par mi 'gyur te/ /sgra rnams kun gyis ma lus pa'i/ /don rnams brtags par thal bar 'gyur/ /de phyir sgra las byung ba la/ /de 'dra'i yul ni med pa'i phyir/ /tshul gsum po nyid dang bral bas/ /rjes dpag ma yin mngon sum bzhin/ /me la sbyin sreg sogs tshig gis/ /mi g.yo'i shes pa skye ba las/ /de ni tshad ma nyid yin pa'ang/ /'di ni bzlog par nus pa min/ /de la byed pas ma byas pa'o/ /tshig dang don dag kyang med pa/ de phyir mi srid par bstan pa/ /sgra las byung ba'i mtshan nyid gcig /nus dang nus min ngo bo yis/ /thams cad du yang rjes 'jug phyir/ /rtag tu rnam shes de 'byung ba'am/ /nam yang 'byung bar mi 'gyur ji ltar brdzun pa nyid kyi rgyu/ /zhe sdang gti mug sogs nyes pa/ /de bzhin bden pa nyid kyi rgyu/ /shes rab snying rje sogs shes bya/ /de'i rten mi nyid med pa la/ /de dag kyang ni srid pa min/ /de phyir don med nyid 'gyur ba 'am/ /sgra ni skyes bu rten 'thob pa/ /don rtogs zhe 'am min na ste/ /'di ni bstan pa las yin no/ /dngos su don mthong bar 'dod pa/ /skyes bu'i rang 'dod kyi yin gyi/ /yang dag don gsal nus pa ni/ /rang bzhin nyid kyis yod ce na/ /rang bzhin tha dad pa nga? can/ /brda shes pa nyid ma yin yang/ /de las don rtogs 'gyur ba yin/ /rang bzhin gyis gsal mar me ni/ /brda la bltos pa ma yin no/ /brda nyid gzhan du 'gyur ba na/ /don kyang gzhan 'gyur sgra las min/ /brda yod gyur kyang sgron mas ni/ /dri ro
- 61a
la sogs gsal byed min/ /rnam par rig par bya ba ni/ /de yi nus pas nus min pa/ /de las me g.yog dam gyur/ /de yang brda can la rigs te/ /skyes bu'i tshig dang dbyer med do/ /rigs pa shes pas de dag gi/ dbye ba gang yang rtogs mi 'gyur/ /rig byed 'don pa rigs pa'o/ /lam las mi g.yo 'di mi rtogs/ /yid ches pa nyid mi 'dod pas/ /sgra las byung ba gnyis pa yang/ /mi bzod 'dod na de nyid do/ /zhes bya'i rnam par des pa med/ /gang gi tshig las mi bslu bar/ /lan grangs du mar mthong ba yi/ /yid ches gyur pa de yi tshig/ lkog rtogs phyir ni bzung zhe na/ /snga rol dag du mi slu ba 'ang/ /dus nyid tshe na yid ches min/ /dus gcig nyid na mi bslu ste/ /thams cad du ni nges pa min/ /tshig dang phyi ma'i dang sa dag las/ /'brel pa yang ni ci yod na/ /gang gis de rtogs gyur pa las/ /'di ni tshad ma nyid du 'gyur/ /dbang po tha dad sogs 'dzin pas/ /'khrul phyir bdag nyid gcig min zhing/ /de las 'byung min ma 'khrul pa/ /gzhan yod pa ma yin no/ /ma lus pa yi tshig dag las/ /rjes su bsam pa rjes dpag ste/ /mngon sum mi dmigs pa dag las/ /de'i rgyu de yang des pa yin/ /'khrul pa 'am bsam pa gzhan pa la/ /tshig gzhan par ni mthong ba ste/ /de phyir bsam pa ji lta bar/ /de ni 'jug pa ma yin no/ /'khrul dang ma 'khrul sbyor ba rnams/ /mtshan nyid khyad par can du gsal/ /mkhas dang skabs la sogs pa yi/ /des byas tshig gis nus pa'o/ /mtshan nyid khyad par can gyur pa'i/ /rgyu las de yi bye brag ste/ gang zhig shes pa ma yin pa'i/ /des pa 'di yin rtags kyi min/ /yod gnyis ldan pa'i du ba'i dngos/ /dus gcig tshe ni gzhan gyur pas/ /nges pa'i dus suAng du ba ni/ /me yi rtags su mi 'gyur ro/ /bsam pa de rnams gcig bu ni/ /rjes dpog
- 61b
yin par 'gal ba med/ /des par yod pa nyid kyi phyir/ /srog chags bcas sogs bsgrub pa yi/ /bsam pa rtogs par bya ba la/ /tshul gsum po nyid rnams gsal nyid/ /me ni chos can bsgrub bya ni/ 'bras bu tshig gang las rtogs te/ /me 'di shing gi bsam pa dang/ /ldan pa yin par shes byas te/ /shing gi sgra las rab sbyor phyir/ /dper na sngon dus bdag bzhin no/ /de phyir phyi las pha rol po/ /tshul gsum sogs gsal sgra rnams la/ /de la kho bo dang tshad ma nyid/ /zhing pa nyid duAng 'dod ma yin/ /gang du de rnams mngon 'dod de/ /tshul gsum pa nyid yin par gsal/ /gang phyir bsam pa bsgrub pa las/ /mtshan nyid khyad par can du bstan/ /de lta yin na sgra nyid ni/ /tshul gsum po nyid dang ldan pas/ /de 'dra'i yul na yod pa'i phyir/ /du ba sogs bzhin rjes dpag yin/ /sgra las byung ba rnam par dpyad pa'o// //gang gis ba med ci 'dra zhes/ /grong pa dag gis dris pa na/ /ba lang ci 'dra de 'dra zhes/ /'brog pas smras pa lta bu'o/ /nye bar 'jal bar grags ldan pa/ /de la slar yang ri khrod pas/ /byas pa'i lung las de nyid kyis/ /nang du 'dus par gzhan smras pa/ /ba lang mthong nas 'brog gnas pa'i ka ba min gang tshe mthong ba na/ /mgrin pa zlum pa'i rnam pa la/ /yan lag phal cher 'dra bar snang/ /de tshe ba min du shes pa/ /gzugs tsam? khong du chud pa ni/ /mngon sum nyid yin gang yang gzhan/ /bye brag gis ni rtogs bya ste/ /ba lang dang 'dra'i gzugs can 'di/ /de phyir 'di 'dra 'di phyugs zhes/ /dbang po'i byed pa yod pa la/ /skyes phyir mngon sum nyid du 'dod/ /der ni gal te ba lang nyid/ /dran pa'i shes ba skyes pa de/ /ba min nye ba na gnas phyir/ /dbang po'i yul du 'gyur ba yin/ /spyi bzhin du ni 'dra ba nyid/ /re re la yang tshang ba yin/ /ma mthong na yang 'dra ba ni/ /de phyir de ni dmigs pa ste/ 'dra ba'ang dngos po yin pa la/ /nod par nus pa ma yin no/ /de na rigs pa gzhan na yang/ /yan lag mang pos
- 62a
'dra bas 'brel/ /gnas skabs de nyid tshe na yang/ /des na de yi phyugs nyid du/ /mtshungs pa'i rnam shes gang skyes pa/ /de yi dpe ni ba lang gzugs/ /de phyir bye brag can nyid du/ /'dra bas gang zhig dran pa de/ /'dra ba nyid la de brten nas/ /nye bar 'jal bar gzhal byar 'gyur/ /mngon sum gyis ni rtogs pa dang/ /'dra ba'i ba lang dran pa na/ /nye bar 'jal ba'i tshad ma las/ /khyad par can gzhan grub pa ste/ /ji ltar sa phyogs mngon sum gyur/ /me nyid kyang ni dran bzhin pa'i/ /khyad par can gyis yul nyid kyis/ /rjes dpag tshad ma ma yin min/ /rnam shes pa de ni mngon sum nyid/ /yin par rigs pa ma yin te/ /don dang dbang por mngon 'brel pa'i/ /bya ba de tshe med phyir ro/ /tshul gsum pa nyid mi 'thad pas/ rjes dpag nyid ni de la med/ /'dir ni phyogs chos la sogs pa/ /med par ji ltar brtags par bya/ /gzhal bya yi ni 'dra ba nyid/ /chos kyi snga rol gzung ba min/ /ba men gzung bar gyur pa ni/ /ba lang rjes dpog ma yin te/ /dam bca' i don dang yul gcig phyir/ /ba lang la yod rtags nyid min/ /'brel pa med phyir ba min yang/ /ba lang brtags rigs pa min/ /shes pa de ni ma rtogs pa'i/ /don gsal byed phyir tshad ma ste/ /ba min mthong ba'i snga rol du/ /de 'dra ma bzung phyir na'o/ /gzhal bya dngos po med pas na/ /'di ni tshad mar mngon 'dod min/ /yan lag mang po thun mong bas/ /'brel pa'i 'dra ba yod ce na/ /spyi rnams bsal bas de dag la/ mang dang de 'brel ga la yod/ /de nyid sgrub par byed pa yi/ /tshad ma yang ni yod pa ste// spyi yang dngos po nyid yin zhing/ /mngon sum gyis ni gzung bya yang/ /dngos med las gzhan gzhal bya yi/ /thun mong min pa'i dngos bzhin no/ /dngos po med pa'i phyogs bzhag nas/ /spyi yi don ni rab brjod pa/ /grub min dang po'i bsgrub bya
- 62b
yang/ /dam bca' i don du yul gcig nyid/ /der ni 'di ltar rig 'gyur te/ /ba lang gzugs kyi yan lag dang/ /ba min yan lag kha cig ni/ /mtshungs pa'i sgyu las shes pa yin/ /der ni ba min mthong ba na/ /sngan chad lan cig min par yang/ /ba lang gzugs kyi yan lag dag /mthong phyir 'di yi dran pa byung/ /de nyid phyir rta la sogs pa/ /de dag 'dra la ba min? ni/ /mthong ba'i tshe na ba lang glo/ /ci'i phyir mi 'jug khyad par ci/ /gzhan du sngar shes don gsal phyir/ /'di ni tshad ma ma yin min tshad ma gzhan ni med pa na/ /gang las de las de ltar 'gyur ba yin/ /'dra ba'i dngos de'ang ba lang gi/ spyi bzhin yod pa yin na ni/ /yongs su 'brel par ma mthong yang/ /mdun na 'dug pa mthong ba nyid/ /de lta 'ang dran pa'i ngo bo nyid/ /ji ltar gsal bar bya ba min/ /ba lang ngo bor 'dra ba de/ /yod pa tsam du shes pa ni/ /ba min dang yang 'dra'o zhes/ /de ltar rnam par nges pa min/ /nye bar 'jal ba'ang de lta bur/ /des par dran la mtshan nyid gzhan/ /gal te ming ni 'di nyid kyis/ /de yi sngon du bzung ba min/ /gang 'di'i bdag nyid sngon brjod pa/ /rang gi ngo bo bzung ba yang/ /dngos po yi ming dngos ming ste/ /gang phyir de mi 'dzin pa na/ /rang gi de nyid yongs shes kyang/ /yongs su shes pa nyid mi 'gyur/ /de tsam gyi ni cha yis ni/ /tshad ma nyid du rnam 'jog la/ /tshad ma rnams ni 'di tsam zhig /bya min gzhan la thal 'gyur phyir/ /shing gi phreng sogs mthong ba na/ /rtsa thun gcig nyid mthong la min/ /gnyis pa'i yal ga can shes pas/ /dang po'i yal ga can nges pa/ /tshad ma gzhan du 'gyur ba yin/ /'dra ba bltos la mi sogs phyir/ /nye bar 'jal ba rnams la yang/ /gzung bar 'dzin pa nyid du mtshungs/ /ba chen nye bar dmigs pa na/ /rta la sogs pa de dang ni/ /mi 'dra'i shes pa 'byung 'gyur gang/ /de ni gzhan pa'i tshad min/ /dngos po la yang
- 63a
dmigs pa'i phyir/ /dngos po med pa'i khong gtogs min/ /phan tshun med par nyid du ni/ /'dra ba nyid kyi blo la'ang mtshungs/ /'dra ba nyid kyis dben par ni/ /ji ltar de la shes pa bzhin/ /yan lag thams cad mtshungs pa dang/ bral ba yin par shes par bya/ /yan lag du mthun mong bas/ /'brel par rang gi shes pa ni/ /yan lag thams cad thun mong du/ /'brel pa de nyid thal bar 'gyur/ /shin tu brtan pa'i ngag thos nas/ /'dra ba'i don du dmigs pa na/ /ming dang 'brel pa rnam rtogs pas/ /nye bar 'jal bar kha dog 'dod/ /der ni shin tu brtan pa'i dag/ gnyan pa la ni skyes pa nyid/ /gal te nye bar 'jal ba na/ /mkho ba mtshungs don 'dzin pa na/ /khyad par can gyi yul nyid kyis/ /'brel pa rtogs par 'gyur ba yin/ /gang phyir lung las 'brel pa de/ /spyi yi yul ni rig pa ste/ /khyad par can gyi yul ni der/ /nyer 'jal brten nas rnam rtogs 'gyur/ /gal te 'di la ming dang ni/ /'brel pa rtogs par gyur pa na/ /de las gzhan pa'i don rtogs par/ /mi rigs shin tu thal 'gyur phyir/ /sna tshogs lag rgyan can 'ga' yi/ /ming ni gzung bar gyur pa na/ /phyi ma'i dus su sgra de las/ /mdzes pa'i cod pan can rtogs 'gyur/ /de phyir snga ma de nyid 'di'i/ /phyi'i rnam rtog gzugs brnyan 'di/ /blo ni spyi yi ming can/ /ba min nye bar dmigs na yang/ /de nyid la yang 'di ltar 'gyur/ /mthong dang rtog pa'i rnam dbye ba/ /mi shas phyi'i snyam du sems/ /de ltar yang ni shes byas te/ /sga? dang rnam par rtog pa'i yul/ /rang gi mtshan nyid yin pa ni/ /rgyas par gsal bar nyid yin no/ /de ni de rnams yul yin du/ /zin kyang nyer 'jal rjes dpag nyid/ /tshul gsum pa yi rtags nyid las/ /skyes pa 'di ltar shes byas te/ gang
- 63b
zhig ba lang 'dra bar ni/ /thos pa'i yul gyi ba min te/ /brda 'dzin pa yis gnas skabs kyi/ /ba min blo gnas lta bu'o/ /gal te blo gnas pa yang/ /dus der yod pa ma yin na/ /'di ni ba lang dang 'dra zhes/ /brda? yi ci lam 'brel ba yin/ /'brel pa can las tha dad pa'i/ /'brel ba gzhan yod min par bsgrubs/ /sngon du brda las rna ba yi/ /rnam shes kyis ni sgra bzung la/ /mig gi mdun na gnas pa yi/ /ba min bzung bar gyur pa na/ mngar ba dang ni dri zhim sogs/ /so sor bzung ba kun sbyor ba/ /rnam shes so ba dag ni/ /sbyar 'di tshad mar rigs pa min/ /ming dang sbyor ba yang dag rigs/ /dran pa nyid ni bsal ba min/ thabs mdza' yas pa las byung pa'ang/ /ming 'brel yang dag rigs pa rnams/ /chos mthun nyid la mi bltos kyang/ mi bdag nyid lam? 'byung 'gyur te/ /nyi ma'i 'od zer gyis gdungs pa/ /rnam par sel ba'i gdugs dkar can/ de rnams nang na mi bdag ces/ /smras pa'i nyer bstan bye brag gis/ dus phyis de ni mthong ba na/ /mi de 'di'o snyam blo de/ /khyad la tshad ma gzhan thos 'gyur/ /chos mthun la sogs ltos med phyir/ /rjes dpag stobs kyis tshad ma gzhan/ /yod pa nyid du gzhan sgrub byed/ /mngon sum rjes dpag las gzhan pa/ /gnyis bcas tshad ma gzhan yin te/ /tshad ma yin phyir rjes dpag bzhin/ rjes su dpag pa'ang de de bzhin/ /gtan tshigs la gnod ma bstan phyir/ /de rnams 'brel pa med pa yin/ /de ltar de bzhin yin na ni/ /tshad ma bzhi po'ang khyed kyis bsal/ /khyod kyis der smras lan gang yin/ /de nyid 'dir ni lan du 'gyur/ /nye bar 'jal ba rnam par dpyad pa'o// //tshad ma drug du shes byas te/ /gang du don gzhan du 'gyur yin/ /ma mthong ba la rtog pa gzhan/ /de ni don gyis ngo bor bstan/ /de la bsreg par mngon sum rig/ me la bsreg pa'i nus yo dang/ /nyi ma 'gro bar rjes dpag las/ de
- 64a
yi nus pa la sbyor bas/ /dngos po rnams kyi nus pa ni/ /'bras las don gyis gos sgyur byed/ /'brel pa bzung ba med par ni/ /sngar med de yang rtogs par byed/ /'di rnams sngar 'bras 'brel 'ang? min/ /de ltar gzhan 'dzin pa'i min/ /gang las phyogs chos rjes 'gror 'gyur/ /rna ba la sogs nus phyogs la'ang/ /gtan tshigs ji snyed rab sbyor ba/ /de kun chos can ma grub pas/ /gzhi ma grub par thal bar 'gyur/ /lha byin tshon po nyin par ni/ mi za zhes sogs tshig thos pa/ /mtshan mo za bar shes pa ni/ /thos las don gyis go bar bshad/ /mtshan mo la sogs tshigs rnams don/ /nyin mo'i tshig gis rtogs pa min/ /nyin mo la sogs tshig gi don/ /zab mo'i bza' la 'dre ba min/ /gang gis tshig de bsgrub par/ /byed par 'gyur gyi gzhan pa min/ /don gzhan la ni 'jug phyir yang/ /gnyis pa'i don la rtogs pa yin/ /de yi phyir na tshigs gzhan gyis/ /blo la brten par 'di zhes bya/ /des ni go byed min par yang/ /tshig gang yin te shes bya ste/ /mngon sum sogs par gang 'gyur ba'i/ /tshad mar de ni brjod bya na/ /tshig tu ma smras pa nyid ni/ /re zhig mngon sum par mi 'dod/ /'di ni de dang lhan cig par/ /nam yang ma mthong rjes dpag min/ /gal te 'brel pa ma mthong yang/ /rtags nyid du ni 'dod pa na/ /de ni brjod pa tsam gyis kyang/ /tshig rnams thams cad rtogs par 'gyur/ /'brel pa med par gzhan dag la/ /de la bye brag med par yin/ /ba min gyis mtshon ba lang gang/ /shes pas bzung ba nus pa nyid/ /nye bar 'jal stobs las byung ba'i/ /nus pa nyid kyis rtogs par byed/ /brjod pa smra bo'i nus pa las/ /gzhan du 'grub par mi 'gyur te/ /don gyis go bar rtogs par 'gyur/ /de las gzhan pa 'gro ba min/ /slar yang don gyis go
- 64b
pa gzhan/ /nyid kyis sgra ni rtag nyid des gang phyir rtag pa min na brda/ /tha snyad la ni rjes 'jug min/ /tshad mas nges pa'i dngos med pas/ /nag pa'i khyim na med pa yi/ /bye brag las ni phyi rol na/ /yod pas 'grub ces gang smra ba/ /dngos med de las byung ba gzhan// don gyis gong zhes bshad do/ /phyogs chos la sogs yan lag ni/ /min phyir rjes dpag las gzhan 'di/ /phyi yul bye brag can don nam/ /de yi bye brag can gyis yul/ /gzhal bya yin na gang khyim na/ /med 'di ji ltar phyogs chos yin/ /srog bcas khyim na med pa ni/ /phyogs kyi chos su 'dir rtogs na/ /rgyab na de yod par rigs pa'i/ /blo ni skye ba ma yin no/ /yod pa nyid dang bral ba yin/ gang zhig khyim na med pa tsam/ /shi ba la yang de mthong phyir/ /phyi rol gnas par sgrub byed min/ /de la nus bcas dang bral ba'i/ /nus pa gang na srid min pa/ /nus bcas mngon sum nyid min na/ /don gyis go bas rtogs bya gang/ /sreg pa la sogs rgyu gang yin/ /me la sogs pa ma nor bar/ /the tshom med par mthong ba ni/ /de la bum pa gzhan cir 'gyur/ /tha dad yin na 'bras bu las/ de ni dgos pa yin pa'i phyir/ /dngos po byed pa min nyid 'gyur/ /dgos pa yin na tha dad 'gyur/ /don byed nus pa'i ngo bo ni/ /nus pa rang gi mtshan nyid de/ /de 'dra'i bdag nyid du snang ba/ /mngon sum gyis ni nges pa yin/ /mtshan nyid gzhan du grub pa nyid/ /tshad ma cung zad kyang yod min/ des rtogs na yang don med de/ /ngo bos de 'bras bu 'grub phyir ro/ /nus pa'i mtshan nyid gzhan bral bas/ /don gyis go ba rtogs zhe na/ ma yin gzhan du 'brel 'byung phyir/ /dngos po las de 'byung ba yin/ /tshul? sogs pa las ldog pa/ sreg pa la sogs nus bcas med/ /mngon sum gyur bzhin de las gzhan/ /nus pa dgos pa ci zhig yod/ /nus de gcig tu tha dad min/ /gnyis ka'i bdag nyid can zhe na/ /ma yin 'gal phyir gzhan yin na/ /gang phyir de yang mngon sum gyur/ /mngon sum nyid gnas 'di
- 65a
rnams rjes su dpag bya nyid bsal ba/ /nyams min gang gis 'di la ni/ /yul na rjes dpag tu mi 'dod/ /snang ba la sogs dngos po gang/ /mngon sum gyi ni yul min pa/ /de rnams nus pa'i mtshan nyid du/ /yod nyid rtags kyis rtogs par byed// rgyu gzhan la ni bltos bcas pa'i/ /sgra la sogs pa rigs pa po/ /rgyu gzhan dag ni yod gyur kyang/ /mi 'byung myu gu la sogs bzhin/ /nyi ma nye bar len pa yis/ /yul las yul gzhan dag tu yang/ /rgyun mi 'chad 'gro yul gzhan thob/ /'bar ba sogs bzhin shes par bya/ /brtan bdag nyid du dbyer med phyir/ /gzhan par 'di ni mi rigs te/ /de ni yul gzhan phyin pa las/ /gzhan pa'i nus pa bsal ba yin/ /tsho la nyin mo mi za'ang/ /don de la ni nges pa min/ /zhe sdang gti mug sogs 'brel mi// gzhan du yang na smri ba byed/ /don du gtogs la mi bltos pa/ /'dis ni gal te tshig gzhan yang/ /don dang bcas pa'i dran byed na/ /tshig gzhan dag kyang 'dren par 'gyur/ /ji ltar nye bar 'gro ba yi/ /ngo bor der ni rtogs pa yi/ /tshad ma gzhan nyid gang yin des/ /don rtogs 'gyur ba brjod 'dod na/ /mtshan mo'i bza' ba dang 'brel pa/ /brjod 'dod mir ni shes par bya/ /nyin mo'i bza' ba dang bral ba/ /tshe phyir de la gzhan bzhin no/ /za ba yin dang tsho ba nyid/ /rjes su 'gro dang ldog pa yi/ /'brel pa nges pa de yi ni/ /dngos po las ni dngos po rtogs/ /'brel pa thams cad kyis stong pa'i/ /tshig las ji ltar rtogs 'gyur te/ /gcig las gzhan kun rtogs min gyi/ /gzhan du yang ni 'gyur ba yin/ /de phyir 'brel pa med pa dang/ /yod kyang nges ba ma bzung ba/ /tshig 'di rtogs bzhin pa na'ang/ /tshad ma can du 'gyur ma yin/ /'brel pa tshad ma nyid gnas ba/ /gal te rgyal po'i bka' yin nam/ /mngon sum 'brel pa med bzhin du/ /ji ltar tshad ma nyid du 'gyur/ /'brel pas rtogs byed nyid yin na/ /ci phyir
- 65b
gzhan yang rtogs phyir min/ /'brel pas stong pa nyid du ni/ /bye brag ci yang med bar 'dod/ /mngon sum la yang 'brel pa nyid/ /tshad ma nyid du rnam par gnas/ /mi bslu pa ni tshad ma nyid/ /rdo rje las ni bdag nyid thob/ /de rgyu min pa 'am rgyu med pa/ /de yang nges par mi slu bar/ /rigs pa min te ma lus pa/ /mi bslu bar 'gyur gzhan du min/ /gnyis pa'i tshigs ni snang ba yi/ /bsam pa'i rjes su dpog pa ste/ /rjes su 'gro ba'i tshig 'di las/ /ldog par go bar 'dod pa yin/ /nye bar 'jal bar tshad ma nyid/ /yin pa rgyas par bsal bas na/ /des bskyed don gyis go ba yi/ /tshad ma nyid kyang bsal ba yin/ /ba lang nye bar dmigs pa ni/ /nye bar 'jal ba'i tshad mar 'dod/ /de yod pa la dmigs pa yang/ /rang gnyis bskyed byed pa/ /'dod phyir don gang rtogs pa la/ /bltos pa'i nus pa gang zhig yin/ /gzhan min pa nyid ma yin yang/ /lag pa bskyod sogs las bzhin du/ /sgra rnams kyis ni don rtogs par/ /'gal bar 'gyur ba ma yin no/ /ji ltar 'dra ba'i chos dag ni/ /bsres pa rgyur gyur pa yi phyir/ /de phyir sgra rnams go byed pa/ /nyid du 'gal ba ma yin no/ /mngon sum rdzas la brten par ni/ /mthong ba'i bya ba gang yin pa/ /de rnams yi ge ji bzhin du/ /sngar mthong ngo shes rtags par 'dod/ /gsal bar byed pa med phyir yang/ /'di ni yod kyang mi dmigs nyid/ /khyed kyi skyed byed gang yin nyid/ /de nyid kho bo gsal byed yin/ /de min nus pa thogs med pa/ /yin na shes pa mi rtag 'byung/ /de dang ldan pa ma yin na/ /de ni nam yang 'byung mi 'gyur/ /de phyir de rnams gsal byed pa'i/ /rgyus bskyed pa nyid mi rigs so/ /sngar mthong ngo shes pa nyid/ /gong du bsal ba nyid yin no/ /nag pa khyim na med pa las/ /phyi rol yod pa mi rigs te/ /gang phyir shi bar dogs pa las/ /gzhan du na ni 'thad pa yin/ /gson la khyim na med pa ni/ /phyi rol yod par rab bsgrub pa'i/ /don gyi go ba 'dir smra ba/ /de
- 66a
min der yang ma nges phyir/ /tshu rol mthong bas nag pa ni/ khyim du ma mthong tshar ma min/ /de ni srog bcas dang 'brel pa/ /'di ltar rjes su 'jug pa yin/ /ci ste skad la sogs pa de/ /srogs dang bcas par nges yin na/ /des 'di tshad ma nyid yin na/ /khyim na med pas med par yang/ /nges 'di tshad ma nyid yin na/ /de lta'ang khyim na med pa nyid/ /bltar rung ma mthong bar nges pa'ang/ /de phyir dar ni phyi rol na/ /yod par rtags nyid las des yin/ /khyim du gang zhig ma phrad pa/ /'di ni phyi rol na yod nges/ /khyim gyi dang ra khyim sgo nas/ /yod pa mthong ba'i mi bzhin no/ /'dir ni khyim gyi khong gtogs pa/ /mi mthun phyogs na'ang yod pa'i phyir/ /de phyir don gyis go ba 'di/ /rjes dpag las ni mi phyed do/ /don gyi go ba rnam par dpyad pa'o// // dngos po gang zhig ngo bo la/ /tshad ma lnga po ma skyes pa'i/ /dngos yod rtogs phyir de la ni/ /dngos po med pa'i tshad ma nyid/ /mngon sum la sogs mi bskyed pa'ang/ /dngos po med pa'i tshad mar 'dod/ /bdag nyid yongs su ma gyur pa'ang/ /dngos gzhan rnam par rig pa 'am/ /tshad ma med pa'i dngos po rnams/ /dngos po med par rtogs par byed/ /snga na med pa la sogs pa/ /'di ni rnam par bzhi ru dbye/ /zho sogs 'o ma la med gang/ /de ni snga na med par brjod/ /zho la 'o ma med pa nyid/ /zho gnas med pa'i mtshan nyid do/ /rta sogs ba lang la med gang/ /gcig la cig med par brjod de/ /de las gzhan dngos med cing de'i/ /bdag nyid gzhan la med pas so/ /mgo yi cha na dma' mo la/ /'phel dang sra sogs ngo bo yi/ /ri bong rwa dag med gyur ba/ /'di ni shin tu med par 'dod/ /gal te snga na med pa sogs/ /dbye bas dngos med yod min na/ /rgyu la sogs pa rnam dbye ba'i/ /tha snyad 'di yang med par 'gyur/ /de dngos min na dbyer med pa/ /des na 'di ni dngos po nyid/ /'bras bu la sogs dngos med gang
- 66b
rgyu sogs dngos med yin bdag 'dod/ /gang 'di rjes 'jug mi 'jug gi /blo yi gzung ba gang de'i phyir/ /ba lang sogs bzhin dngos po nyid/ /gzhal bya'i phyir yang shes par bya/ /dngos med sgra yi brjod bya nyid/ /yin phyir mngon sum sogs las gzhan// gzhal bya dngos po med pa bzhin/ /tshad ma rnams kyang dngos med pa'o/ /tshad ma dngos po med pa'ang tshad yin/ /rang dang rjes mthun dpag bya ste/ /gzhal bya yin phyir dngos po bzhin/ /de phyir dngos bdag nyid las gzhan/ /de 'dir rtags pa'i bdag nyid kyi// yongs su gyur pa bsal bas na/ /de las bzlog pa'i dngos yod pa/ /res 'ga' ba ni mi rigs so/ /gal te de yongs dor tsam gyi/ /bdag nyid du ni 'di sems na/ /rtag tu dngos po med nyid du/ /'di ni rgyun mi 'chad ces bya/ /yongs su ma gyur 'di yod na'ang// de lta na yang 'khrul pa nyid/ /gnyis dang brgyal sogs gnas skabs su/ /don yod na yang don 'byung phyir/ /gal te rkyen gzhan yod pa la/ /des dben pa yi gzhan mthong phyir/ /bum pa shes pa la sogs pa'i/ /ngo bos de ni yin 'dod na/ /gnyis pa'i phyogs su bstan pa yin/ /'di la bye brag ci yod na/ /gang 'di khyod kyis rnam grangs kyis/ /phyogs gnyis dag tu bshad pa yin/ /dngos gzhan sgrub pa'i shes pa la/ /'jug pa thams cad med pa nyid/ /dngos med gnyis pa la brten nas/ /ma mthong ba yang go bar 'gyur/ /rgyu gzhan nye bar gyur pa na/ /rung bar mtshungs pa'i ngo bo de/ /des dben gzhan ni ma shes pa/ /de ni med ces bya zhe na/ /blta nus dngos po snang ba ni/ /med nyid mngon sum nyid kyis te/ /de ltar yang dag bstan pa ni/ /'khrul pa can gzhan rnams kyi min/ /gang blo mngon sum mi 'dod pa/ /dngos gzhan rnam par rig pa ni/ /skye bar ji ltar shes par byed/ /gal te don gyis go ba las/ /yin na de yang shes bdag nyid/ /yin pas de yang ga la go /don gyis go ba gzhan dgos na/ /thug pa med par thal bar 'gyur/ /dngos med tshad ma dngos yin na/
- 67a
gzhal bya dngos med kyang de bzhin/ /dngos med mngon sum nang 'dus pa/ /de bzhin khyod la ji ltar min/ /'bras bu la sogs dngos med pa/ /gang yin rgyu sogs dngos med pa'o/ /de yang gzhan gyis dben bdag nyid/ /mngon sum gyis ni rtogs par byed/ /rang dngos gzhan gyis dngos bdag ni/ /rtag tu yod dang med bdag nyid/ /dngos po'i ngo bo cung zad na/ /res 'ga' 'ga' zhig gis rtogs 'gyur/ /mngon sum la sogs 'jug pas kyang/ /gang tshe dngos po'i cha 'dzin ba/ /bya ba de ni ma skyed pa/ /dngos po med pa'i cha 'dzin 'dod/ /dngos po rnams kyi rang dngos nyid/ /gzhan las log pa ma yin nam/ /des ni de bdag nyid yod pa'i/ /bdag nyid 'dis ni mngon sum mo/ /yod pa don byed nus pa ste/ /gzhan ni med par bstan ba yin/ /de dag gcig tu nyams gyur pas/ /rigs pa ma yin 'gal phyir ro/ /gal te rang sgrub par nus pa/ /gzhan sgrub mi nus ma yin nam/ de nyid kyi phyir gnyis dngos nyid/ /dngos po gcig la yod ma yin/ /gal te nus med gzhan nyid las// gzhan duAng 'dod pa de lta na/ /dngos po gnyis ni thob 'gyur/ /gcig ni gnyis kyis dngos nyid min/ /dngos po med pa'ang dngos po nyid/ /yin par gong du khas blangs pa/ /de nyid slar yang ngo bo nyid/ /med ces ci phyir smra bar byed/ /ngo bo med phyir shes pa yin/ /ngo bo nyams pas tshad ma nyid/ /mi rigs de ni gzhal bya nyid/ /yang dag rig pa'i rang bzhin no/ /de rgyu yin phyir tshad ma ste/ /mig sogs bzhin zhes bya zhe na/ /ngo bo med pa rgyu nyid du/ /'gyur ba nam yang mi srid do/ /shes pa'i ngo bo'i shes pa ni/ /de dngos med par ji ltar shes/ /de yi yul dngos tshad ma nyid/ /la yin dug? med ma yin nam/ /dngos po dngos med las tshad ma/ /tshad ma dngos med las dngos po/ /gal te med pa go byed nyid/ /min na phan
- 67b
tshun gnas par 'gyur/ /de yi gcig mthong gang yin pa/ /de ni gzhan mthong yin par brjod/ /rang gi ngo bos thams po nyid/ /min phyir de yang rang dbang 'grub/ /blo ni blo gzhan las grub pa/ /blo gzhan gyi ni rtags las te/ /yang na gzhan du mi 'thad pa'am/ /thams cad du yang mi 'byung ba'o/ /brgal zhing rtag pa gsum po 'di/ /re re zhing yang yod srid na/ /thug pa med pa du ma yi/ /khyod kyi 'di la khyab par 'gyur/ /rung ba'i ngo bor mtshungs pa'i phyir/ /gcig nyid nye bar dmigs pa las/ /dung ba nyid gzhan med par ni/ /nges par yang dag rtogs par byed/ /mkhas la zla ba med shes par/ /gcig po gang las rigs pa yin/ /sgra kun gyi ni dben par 'di/ /gang du ji ltar nges par byed/ /snang ba dang ni mun pa yi// phung po dag las sgrub pa po/ /de nyid shes mkha' o snyam sems te/ /gang phyir gnas med bltar yang med/ /sgra kun gyis ni dben par yang/ /'bras bu ma mthong ba las shes/ /de ltar shes pa gzhan dag gi/ /nyams su myong las de yang/ 'grub/ /'di mi dngos med tshad ma ni/ /dngos po dngos po de gnas pa/ /dngos med sgra yis brjod bya nyid/ /nang du 'dus kyang gnod pa med/ /dngos po med pa'i tshad ma ni/ /rang dang rjes mthun pas dpog med 'dir grub pa las sgrub nyid/ /de 'dra rjes mthun yod phyir ro/ /dngos po med pa rnam par dpyad pa'o// //de yod par der 'di 'byung la/ /med par yang ni mi 'byung ba/ /de phyir de las 'byung ba de/ /'di ni rigs pa zhes brjod de/ /'di yod bas ni 'di 'byung gi/ 'di med par 'di mi 'byung/ /'di ni chang ma gzhan nyid ces/ /thub pa ca ra ka smra ste/ /gang phyir 'di dpe ma dmigs phyir/ /'di ni rjes dpag ma yin no/ /dmigs pa gang gis don gang zhig/ rtogs pa de ni dngos med las/ /med pa nyid du rtogs pa ste/ mi dmigs pa zhes bya bar 'dod/ /dpe la bltos pa med pa'i phyir/ /'di
- 68a
yang tshad ma gzhan yin no/ /dpe yang med pa nyid du ni/ /'di nyid kyis ni rab tu grub/ /rgyu 'bras nyid dang dngos med dang/ /rtogs pa dang ni 'brel med kyi/ /sgrub dang bsgrub bya gang yin pa/ /de dang 'di la 'di dbyer med/ /de yod 'byung ba ma gtogs par/ /rgyu dang 'bras bu nyid gzhan med/ /snang ba mi dmigs ma gtogs par/ /med pa gzhi nyid rtogs pa min/ /dngos po de yi tha snyad du/ /rung ba nyid du rab sgrub byed/ /brda yis dngos su rtogs pa yis/ /don yod nges par mthong ba'o// tshogs par rnam par gnas pa yi/ /rgyu ni tshogs pa can nyid de/ /stod yod 'bras bu'i rtags las ni/ /brgya sogs yod pa'i shes pa skye/ /zhes grags pa dang de bzhin du/ /mthangs kyis tshor ba la sogs pa/ /'di 'dra'i 'khrul bcas du ma dag/ tshad mar mi sbyar thal 'gyur phyir/ /gal te 'di ni gnas min pa/ nyid la nyam thag las byed na'ang/ /mngon sum dang ni lkog gyur te/ /don ni rnam pa gnyis su gnas/ /gnyis ka gnyis ka min bdag nyid/ /don gzhan rigs pa min pa nyid/ /gcig la bya dang bya min par/ /shes na gcig nyid nyams pa yin/ /dngos su rnam shes skyed byed pa/ /mngon sum don du brjod par bya/ /ji skad bstan pa las bzlog pa/ /lkog tu gyur ces bya bar brjod/ /re zhig sgra 'byung nyer 'jal sogs/ /'di ni dang po'i don yul min/ /mngon sum khong gtogs thob pa'am/ /'bras med nyid de dran pa bzhin/ /lkog tu gyur pa'i yul de yang/ /de rnams yul du ji ltar 'gyur/ /gal te dngos gyur lkog gyur 'di/ /min te mngon sum dngos po bzhin/ /gzhan la rnam par brten na yang/ /'di ni de rtogs ji ltar yin/ /gzhan dang 'brel pa'am ma 'brel pa 'am/ /tha snyad snang ba'am/ de bzhin min/ /ma 'brel pa las de 'byung na/ /nges pa med par thal bar 'gyur/ /gal te tha dad snang 'gyur na/ /khyab pa 'brel par mi 'gyur ro/ /gang zhig lkog tu gyur pa'i don/
- 68b
'drel pa'i don la brten pa dang/ /tha dad de gzhan mi brten te/ /rjes dpag yin par gsal zhes bya/ /de kho na nyid bsdus pa'i rab tu byed pa las/ /tshad ma gzhan brtag pa ste nyi shu bzhi pa'o// //gal te nor bu gzi lta bu/ /dngos po du ma'i bdag nyid can/ /rang bzhin de ltar min pa 'am/ /yod la sogs pa 'gal ci yod/ /dngos po dngos gzhan mtshungs pa yin/ /nam mkha' me tog khyad par med/ /gal te mtshungs ma ni nyid bral na/ /de dag thams cad grub pa min/ /gang phyir thams cad mtshungs min phyir/ /mngon par 'dod pa'i dngos po la// dngos po gzhan du nges pa ni/ /dngos po nyid na med par 'gyur/ /dngos po las ni ldog pa ni/ /med pa nyid ni spangs nas ni/ /gzhan du 'gro yod ci zhig mtshon/ /rgyu skar lam gyi mtsho skyes phyir/ /de phyir dngos der 'dod pa na/ /nam mkha' i me tog dang mtshungs min// nam mkha' i me tog mtshungs min par/ /'dod na de phyir dngos po de ni/ /de dang mtshungs pa'i dngos po nyid/ /spyi zhes bya bar 'dod par gyis/ /rnam pa gzhan du blo de ni/ /gtor zas so brtag la 'jug min/ /dngos po rnams su nges nas so/ /'jug pa de ni gang gis byas/ /gal te 'dra bas nges 'di ni/ /de nyid phyir ni bdag can 'dod/ /rang bzhin rjes su nus pa ni/ /de nyid kyis ni bshad pa yin/ /de phyir shin tu tha dad blo/ /'ba' zhig nyid du grub pa min/ /gang phyir dngos pos ngo bo kun/ /phan tshun du ni tha dad min/ /dngos po'i mthar ni byas pa las/ /gal te 'dra min dang bral ba'i/ /dngos po de ni tha dad min/ /de dbye med phyir de bdag bzhin/ /de las tha dad rang ngo bo/ /mi 'dra bar ni mngon par brjod/ /'dra ba min yang tha dad min/ /de ni phan tshun 'gal ba yin/ /de phyir don rnams tha dad nyid/ /ji ltar yang ni 'dod pa na/ /mi 'dra bar ni 'dod par gyis/ /de nas khyad bar bdag nyid kyang/ /de nyid kyis na dngos gcig dang/ /rnam pa du mar 'dod pa yin/ /de dag rjes 'jug ldog pa yin/ /blo yi gzung bya nyid du gnas/ /thog mar gang dag rjes 'jug phyir/ /spyi zhes bya bar grags pa yin/ /de las
- 69a
gzhan ni log pa'i phyir/ /khyad par yang ni brjod pa yin/ /spyi dang khyad par dag gi ni/ /phan tshun rang bzhin nyid la ni/ /'dre bar gyur pas de nyid du/ /rnam pa gnyis 'di rigs ma yin/ /phan tshun rang bzhin med pa nyid/ /sna tshogs nyid du rjes su 'jug /de lta bu yi ngo bo yang/ /rnam pa gnyis ni rigs ma yin/ /gal te gcig dngos nyid yod na'ang/ /chos kyi dbye ba rab grub phyir/ /gal te tha dad gnas 'gal min/ /dper na byed pa'i nus pa bzhin/ /mthong ba la yang rigs min med/ gang phyir spyi dang khyad par la/ /gcig pu nyid dang tha dad du/ /'jig rten tha snyad rjes 'jug mthong/ /gcig pu ngo bo nyid yod na/ /tha dad chos grub ma yin nam/ /gang phyir ma brtags dbye ba ni/ /sna tshogs nyid du mngon par brjod/ /nus pa sna tshogs bdag nyid ni/ /brjod par 'dod pa tsam gyis sprul/ /dngos po gcig pu'i bdag nyid ni/ /de la tha dad rigs pa min/ /gang de nyid dngos ces brjod pa/ /de nyid gcig ces bshad pa yin/ /de dngos mi 'gyur slar gang de/ /sna tshogs bdag nyid ces bya'o/ /de dngos dang ni de dngos min/ /phan tshun du ni 'gal ba'i phyir/ /dngos po gcig pu nyid du ni/ /ji ltar yang ni rigs ma yin/ /sgrub pa dang ni dgag pa ni/ /phan tshun du ni 'gal ba yin/ /gang gis ma 'khrul sems kyi ni/ gcig tu bya ba nus ma yin/ /rigs mthun pa dang rigs mi mthun/ /du ma las ldog dngos po la/ /de dang de las ldog pa na/ /chos kyi tha dad rab tu brtags/ /de phyir gcig la'ang du ma yi/ /ngo bo nyid brtags rigs pa min/ /dngos po gcig la rnam pa gnyis/ /yang dag par ni yod ma yin/ /gang yang mi yi seng ge sogs/ /rnam pa gnyis su nye bar bshad/ /de dag la yang rnam pa gnyis/ /yang dag par ni yod ma yin/ /de ni rdul phran du ma'i tshogs/ /ngo bo gzugs gcig ldan ma yin/ /sna tshogs
- 69b
gang yang yang de gcig min/ /sna tshogs rim gyi ra chen bzhin/ /gcig nyid na ni rnam gnyis pas/ /sna tshogs rnam par snang mi 'gyur/ /sbrang ma'i rkang pa tsam gyis kyang/ /bsgribs te ma bsgribs pa la ni/ /mi yi seng ge'i cha rjes 'brang/ /ngo shes pa yi rgyu dag ni/ /de yang rdul phran rang bzhin te/ /khyad par can gyi rkyen 'byung bzhin/ /de nyid kyis ni rnam pa yis/ /sna tshogs rin chen la sogs bshad/ /du ma'i bdag nyid sna tshogs te/ /gcig pu nyid dang 'gal ba yin/ /don byed par ni nus pa nyid/ /dngos po nyid du bas par brjod/ / gal te rjes 'gro nyid de ni/ /thams cad kun ni bya byed 'gyur/ /dngos po gcig pu nyid dang ni/ /skyed par nus pa dang sbyor ba/ de yang gzhan la khyad med yod/ /ji lta bur ni skyed byed min/ /sngo sogs kho na dngos po nyid/ /gal te rjes 'gror 'dod na ni/ /dkar po ser po la sogs kyang/ /sngon po 'bras bu skyed byed 'gyur/ /gnyis pa'i bdag nyid dang bral ba/ /gcig pu nyid ni de las skyes/ /de phyir khyed kyis sna tshogs kun/ /gcig la du ma'i rnam pa med/ /gzegs zan 'dod pa'i yod pa bzhin/ /gal te de nyid dngos nyid min/ /gcig ni du ma'i ngo bo nyid/ /de ltar 'gyur min tha dad phyir/ /'gal ba'i chos dang 'dre ba yang/ /dngos po'i tha dad mtshan nyid de/ /sngon po ser po'i tha dad de/ /'dod pa ji ltar yang mi 'gyur/ /rjes 'gro rnam pa gzhan dngos phyir/ /de yang spyi dang khyad par la// de dag gsal por tha dad du/ /yod pa de ni ji ltar med/ /ji bzhin kha dog khra bo la/ /ji ltar 'dod pa'i kha dog 'dzin/ /sna tshogs nyid phyir dngos de bzhin/ /tha dad tha mi dad par nges/ /gang tshe dngos po khra bo ni/ /cig car du ni rtogs par byed/ /de tshe gzhan dang gzhan min sogs/ /dbye ba thams cad rab thim nyid/ /dngos po du ma'i ngo bo la/ /brjod par 'dod pa ngo bor 'dod/ /rim dang cig car 'jug pa yis/ /tshig rnams rnam pa gzhan yod min/ /de ma thag tu 'gag pa'i phyir/ /gcig ni sna tshogs nyid ma
- 70a
yin/ /du ma'i ngo bo sna tshogs te/ /gcig nyid lhan cig gnas pa min/ /ji srid rnam pa de dag ni/ /dngos po de las yang dag yod/ /de srid kho nar skyed pa ste/ /de srid dngos por gcig nyid ni/ /dngos po gcig las bzhin nyid du/ /de yi bdag nyid dang bral 'gyur/ /nam mkha' i me tog dang 'dra min/ /de yang don byed nus pa min/ /gcig pu'i nus pa'i rang bzhin te/ /dngos po gzhan la 'jug ma yin/ /'bras bu dmigs par snang pa yi/ /tha dad la sogs bshad pa'i phyir/ /dngos de'i bdag nyid min pa yang/ /de dang ma 'dres pas ni rigs/ /dngos med nyid ni khyad med min/ /dngos po'i mtshan nyid yod pa'i phyir/ /de yang don byed nus pa ru/ /de ltar dngos po zhes su brtag /nus pa med pa la ldog pa/ /'dra ba nyid du brtags pa yin// des ni shin tu tha dad pa/ /mtshungs pa nyid du yod par brtags/ /dang po dngos gzhan dang mtshungs pa/ /nam mkha' i me tog de khyad yod/ /mthun dang gzhan dang dngos po las/ /gang gi bdag nyid dngos de ni/ /gal te ldog na mthun pa'i rigs// de nyid kyis mtshungs ma yin nam/ /de tshe mthun pa'i rigs rnams kyis/ /mtshungs pa nyid du shes par 'gyur/ /de yi bdag nyid khyad med phyir/ /de bzhin du yang de shes min/ /gang phyir rigs mthun pa yi ming/ /gang gis 'di ni 'gyur ba yin/ /de dang mthun pa'i bdag nyid kyang/ /de dang rang bzhin tha dad 'gyur/ /rang bzhin de nyid kyis ni de/ /mthun pa zhes byar rtogs pa yin/ /gcig tu rtogs pa'i shes pa la/ /rgyu nyid gzhan ni? tha dad phyir/ /gang phyir gcig tu rtogs pa la/ rgyu ni 'ga' zhig kho na ste/ /nus pa rang bzhin nges tha dad/ /dbang po bdud rtsi la sogs bzhin/ /gal te sngo sogs las min ni/ /ldog pa'i ngo bo'i rten nyid 'dod/ /sngon po la sogs shes pa ni/ /de ni ji ltar skyed yin nam/ /sngo sogs skye ba sngon po las/
- 70b
ji ltar tha dad ldan pa yin/ /rna bas de ni mi skyed de/ /de bzhin mig kyang 'dod par gyis/ /skyed byed las ni ldog pa yis/ /gang gzhan skyed byed dngos por 'gyur/ /de phyir dngos po rnams la ni/ /rjes 'gro yang ni nges pa yin/ /rnam pa gzhin du khyad med phyir/ /rna ba la sogs tha dad kyang/ /de yi skyed byed ci mi 'dod/ /mig gzugs la sogs khyad par bzhin/ /skyed byed la sogs las ldog pa/ /mig sogs pa ni grub pa min/ /gang phyir khyad med de dag ni/ /bdag nyid kyang ni skyed byed 'dod/ /dngos po rnams kyi rang bzhin las/ /ldog pa nyid ni mig mi 'gyur/ /rang bzhin las ni ldog pa na/ /rang bzhin med par thal bar 'gyur/ /skyed byed gzhan las de dag ni/ /ldog pa nyid du brjod pa na/ /des bskyed ngo bo nyid ma yin/ /de yang kho bo cag nyid 'dod/ /de yi skyod byed de yang ni/ /rang bzhin nyid du brjod pa yin/ /de kun de las nges par ni/ /rang gi rgyu las yang dag 'byung/ /gcig pu'i bdag nyid rjes 'gro'i phyir/ /gal te de dag skyed byed yin/ /bdag nyid gcig la'ang de yod yin/ /lhan cig byed pa gzhan ci zhig /khyad par gzhan ni med pa'i phyir/ /gal te gcig pu skyed byed phyir/ /de tha dad phyir nus min ma/ /tha mi dad yin ma tshang ci/ /ji ltar rjes 'gro khyad med kyang/ /thams cad thams cad byed pa min/ /sna tshogs nyid la khyad med kyang/ /de lta nyid du nges par 'gyur/ /tha dad 'ga' zhig kyang skyed byed/ /rang bzhin gyis ni nges par 'gyur/ /rjes 'gro nyid ni gcig gcig la/ /skyed byed skyed byed min ci zhig /gal te der yang khyad yod na/ /yod chu de ci dngos de nyid/ /de tha dad phyir mi skyed pa/ /rjes 'gro las gzhan ma yin nam/ /de nyid yang dag pa yi don/ /gang zhes don byed nus pa yin/ /de la rjes 'gro can ma yin/ /rjes 'gro gang des 'bras bskyed min/ /bdag nyid gang zhig mngon 'dod pas/ /skyed bu de ni rab 'jug 'gyur/ /de la gnas pa nyid spyod pas/ /tha dad tha mi dad mi rtogs/ /gzhan de bdag nyid tha dad la
- 71a
log pa nyid du mtshungs nyid du/ /yod nyid dngos po'i rjes 'gro na/ /rab 'jug la sogs thal bar 'gyur/ /bram ze gcer bu ser skya bas/ /rtog pas byas pa nyid du ni/ /sna tshogs su ni brjod pa na/ /ci zhes phul du byung ba smras/ /gser gyi phor bu chag pa yis/ /gang tshe gser gyi gdu bur byas/ /de tshe snga 'dod mya ngan bskyed/ /phyi ma 'dod pas dga' ba'ang bskyed/ /gser 'dod pa ni btang snyoms so/ /de phyir mngon sum bdag nyid can/ /skye dang 'jig dang gnas med na/ /blo gros gsum du 'gyur ma yin/ /'jig pa med na mya ngan med/ /skye ba med na dga' ba med/ /gnas pa med na btang snyoms med/ /des ni spyi ni rtag pa nyid/ /de ltar de yang rigs pa min/ /rten ni mi mtshungs nyid kyi phyir/ /gang phyir skye dang gnas dang 'jig /don gcig la ni brten pa min/ /phan tshun 'gal ba rnams la ni/ /dus ni mtshungs pa thob par 'gyur/ /'di ni skad cig 'jig pa nyid/ /yod na thams cad 'khrul ma yin/ /gser phor gyi ni dngos po yang/ /gser gyi bdag nyid rang bzhin las/ /rjes 'gro med pa 'jig pa yis/ /'ga' zhig la ni mya ngan skyed/ /rnam kun sngon ni med ngo bo'o/ /de yi bdag nyid gdu bu ni/ /'byung ba na ni dga' ba bskyed/ /gang na yang ni brten pa med/ /gser gyi bdag nyid dngos po dag /gang tshe mthong ba blo gros rmongs/ /'dra ba gzhan ni 'byung ba na/ /de tshe brtan pa nyid du sems/ /gser ni brten pa'i ngo bo nyid/ /de yi ngo bo gdu bu yang/ /snga phyi la sogs gnas skabs la/ /mthong 'gyur gzhan gyi du ma nyid/ /de kho na nyid bsdus pa'i tshigs le'ur byas pa las/ /'gyur bar smra ba brtan pa ste nyi shu lnga pa'o// //gser gyi rjes 'gro mtshungs pa yid/ /dus gnyis rjes 'gro ma yin no/ /gnas skabs tha dad ldan dngos po/ /dga' zhig sangs rgyas pa yang 'dod/ /gnas skabs tha dad yod na yang/ /ji ltar kha dog ma spangs gser/ /dus gsum du ni de bzhin dngos/ /'di ni rdzas nyid
- 71b
spangs pa min/ /'das dang ma 'ongs pa'i shes pa/ /gzhan du yul med par ni 'gyur/ /gnyis la brten pa'i rnam shes ni/ /skyob pas ji ltar gsungs pa yin/ 'das pa'i las kyang yod min na/ /ji ltar 'bras bu ster bar 'dod/ /'das dang ma 'ongs shes dbye ba/ rnal 'byor pa la ji ltar 'grub/ /de phyir 'das dang ma 'ongs pa'i yul ni rdzas su med pa min/ /dus kyis bsdus pa'i gzugs la sogs/ /dngos po la sogs da ltar bzhin/ /gang las dus tha dad rjes 'gro/ /de ltar 'di ni bsam mi bya/ /gang phyir byed pas rnam phye ba/ /'dir ni dus rnams rtags par 'gyur/ /byed pa la ni gang gnas pa/ /de ni de lta bu ru brjod/ /byed pa zhig la 'das pa ste/ /de ma thob pa ma 'ongs pa/ /byed pa 'bras bu 'bren pa ste/ /chos rnams kyi ni skyed byed min/ /'das pa 'dren pa yod min te/ /de la byed pa yod ma yin/ de dag chos la byed pa 'di/ /gzhan nyid dam ni de nyid du/ /khas long gang phyir gzhan 'gro ba'i/ /dngos po nyid du yod ma yin/ /gzhan nyid du ni gnas pa na/ /snga phyi la yang rang bzhin med/ /rgyu nyid 'dus byas nyid sogs bzhin/ /byed pa yang ni rtogs par gyis/ /rang bzhin rtag tu gnas pa'i phyir/ /gzhan du rtag pa nyid du 'gyur/ /gang phyir gzugs las tha dad pa'i/ /rtag pa'i mtshan nyid yod pa min/ /rim dang rim ma ni 'gal ba'i phyir/ /rtag pa yid na rgyu nyid ni/ /sngar sun phyung ste 'dus byas ni/ /rtag pa la ni gsal rten min/ phung po la sogs tha dad pa'i/ /byed pa du ni rjod byed pa/ /rang gi grub mdza' dang 'gal ba/ /bzlog par dka' bar thal bar 'gyur/ /gzhan nyid min yang byed pa ni/ /chos dang tha mi dad pa'i phyir/ /chos kyi rang gis ngo bo bzhin/ /dus kun tu ni thal bar 'gyur/ /des na dus kyi rnam dbye 'di/ /de yi dbang gis rtag mi 'gyur/ /de yi rnam par dbye ba yin/ /zhig dang thob dang ma thob med/ /byed dang tha mi dad pa'i phyir/ /chos ni byed ma bzhin du 'gyur/ /sngon dang phyi ma rnam gcod cing/ /
- 72a
dbus tsam du ni yod pa tsan/ /rgyun tu byed pa yod pa min/ /chos ni rtag tu 'ang yod par brjod/ /chos las gzhan ni byed pa min/ /lha yi spyod pa bsal ba yin/ /byed pa gzhan ni bltos bcas na/ /gal te der yang dus gnas pa/ /mtshungs par rjes su rtsod pa ni/ kun tu 'gro ba ma yin nam/ /rang gi ngo bo tha mi dad/ /gal te khyad par mthong na yang/ /thogs dang bcas pa nyid bzhin du/ /de ni rang bzhin la phan min/ /dngos po rjes su 'gro ba la/ /thogs dang bcas pa nyid sogs ni// 'ga' zhig res 'ga' bar 'dod min/ /dngos po nyid du brjod phyir ro/ /gzhan gyi bye brag 'gugs pa min/ /dngos po nyid du de ltar brjod/ /gzugs kyis de zhes sgra yis ni/ /'on kyang sems kyi bag chags so/ /byed pa rgyun la sogs pa bzhin/ /de nyid gzhan nyid rnam pa yis/ /'on te brjod du med par brjod/ /byed pa rgyun la sogs pa bzhin/ /de ltar kun rdzob ma yin ma/ /des na rtag pa nyid kyis ni/ /rgyu bzhin du ni 'bras bu la'ang/ /de ni gang duAng dgos pa min/ /gang phyir dngos nyid don byed nus/ /de dang 'di ni nye ba ste/ /ngo bo nyid du yod pa min/ /de yi byas pa'i dus gsum gyi/ /rnam gzhag de nyid du mi 'thad/ /byed pa zhes bya'i 'bras 'gugs pa'i/ /nus gsang sgra yi spyod yul min/ /nus pa kho na'i dngos nyid phyir/ /tha snyad du de ji ltar yod/ /gang 'di dngos po snang ba ni/ /btso dang sreg sogs 'bras bur byed/ /'das dang ma 'ongs par gnas pa/ /de nyid khas len byed dam ci/ /gal te de nyid ces bya ba/ /de nyid gcig pu'i bdag nyid yod/ /byed dang byed pa'i ngo bo ni/ /zhig pa zhes bya ji ltar yin/ /dngos po gcig pu 'di nyid la/ khyad par med ni phan tshun du/ /'gal ba'i rnam pa de dag tu/ /ji lta bur na rigs pa yin/ /gnas skabs gcig ni yongs btang nas/ /gnas skabs gzhan ni yongs 'dzin phyir/ /de ni khyad med ma yin te/ /khyad par med ces btags pa min/ /dngos po gnas
- 72b
skabs tha dad cing/ /ma yin byed bo? mi 'thob phyir/ /de dag nyid ni yod pa'i phyir/ /'bras bu yod par dmigs par 'gyur/ /dus rnams su ni dngos de dag /tha mi dad pa ji ltar 'gyur/ /ma byung ba ni byung bdag /'jig 'gyur de bdag nyid ci ltar/ /gnas skabs su yang dbus ma la/ /rang bzhin gyis ni byed po nyid/ /de phyir de nyid ra ngo bo/ /de nyid gnas skabs gzhan dag la'ang/ /de yi byed pa zhig pa dang/ /de yi de dag ji ltar 'dod/ /gzhan gyi ngo bos byed pa na/ /byed pa nyid ni thob pa'ang med/ /'das dang ma 'ongs par gnas pa'i/ /me sogs gal te gzhan yin na/ /de phyir 'dres sogs skyon de ni/ /phyogs 'di la ni gzhi med pa/ /da ltar ma byung de nyid ni/ /'bras bu skyer rung 'byung ba ni/ /'byung na de ni gnas pa min/ /'di rjes 'gro med bdag nyid grub/ /gang phyir don byed nus pa ni/ /de nyid yang dag dngos po ste/ /de dag la ni de yang med/ /gang yod de las 'bras mi 'byung/ /mi 'byung ba ni byung ba'i phyir/ /'das pa yang ni dngos po 'di/ /gzhan bzhin da ltar ba bsal thob/ /res 'ga' la ni nyid kyis kyang/ /rgyu med gzhan la mi bltos phyir/ /rtag tu yod pa 'am med par 'gyur/ /rgyu ni nges par yod pa can/ /don ni da ltar rab tu brjod/ /so sor brtags pa'i 'gog pa las/ /mtshan nyid mi 'dod gzhan dag 'dod/ /gzugs la sogs pa'i 'dus byas nyid/ /skye dang gnas sogs 'brel pa'i phyir/ /de la skye ba'i khyad par gang/ /bskyed pas skyed byed brjod pa yin/ /'di zhes bya ba yod pa'i dngos/ /ma skyed de nyid gzhan nyid yin/ /de la gzhan min khyad par ni/ /re zhig byed par nus ma yin/ /yid phyir sngar? yang grub pa'i phyir/ /grub pa yis ni dus phyis bzhin/ /'di ni khyad par gzhan nyid min/ /tha dad phyir dang ma 'bral phyir/ /de ni snga ma med pa'i phyir/ /yod pa'i 'bras bur thal bar 'gyur/ /rnam pa gzhan
- 73a
dang gnas dang 'jig/ gzhan nyid de nyid brtags pa dang/ /rga sogs yul gyi skyon rnams ni/ /de dag kho nar yongs su sbyar/ /nus pa nges pa'i bdag nyid kyis/ /'di dag rang gis 'bras bu sogs/ /rigs la sogs pa'ang de'i ngo bor/ /snga phyi la yang yod pa min/ /nus pa'i ngo bo yod pa'i phyir/ /rang dang mthun pa'i bya ba ni/ /de tshe ci phyir rtsol ba min/ /de rtsom dpag med dus ni thob/ /'on kyang 'das dang ma 'ongs dngos/ /skad cig ma 'am min pa ni/ /de dag slar yang thog ma nas/ /des ni dpag med dus thob 'gyur/ /de skyes ba yi skad cig gang/ /des ni de lta ba ru brjod/ /skyes nas 'jig pa gang yin pa/ /de ni 'das pa 'byung ma 'ongs/ /'on te de dag skad cig min/ /khyad kyi grub mdza' dang 'gal 'gyur/ /'dus byas thams cad skad cig mar/ /grub mdza' las ni rab tu bshad/ /rigs pas gnod kyang yod na ni/ /nges par skad cig mar 'jig yin/ /da ltar bzhin 'dir yang ni/ /'brel pa sngar ni bsgrubs pa yin/ /'di dag 'dis ni ma 'ongs pa/ /don byed nus pa yin nam min/ /don byed nus pa yod pa ni/ /da ltar ba ni de gzhan bzhin/ /da ltar ba ni ma yin na/ /nus pa thams cad dang bral phyir/ /nam mkha' i pad+ma la sogs bzhin/ /'jig dang mi skyer thal bar 'gyur/ /brgal zhing brtag pa mtshungs par byas/ /ma nges par ni brtags pa las/ /de dag kyang ni rgyu mtshan min/ /don byed nus par nges pa ni/ /dngos po rnams kyi rkyen las so/ /rgyu med nyid kyis mtshungs pa ni/ /thams cad thams cad la dngos yin/ /nges par don phyir? cus pa yi/ /skye ba skyen gyis nges par 'byung/ /da ltar ba yi dngos po yi/ /mtshan nyid yod pas gzhan yod min/ /'das dang ma 'ongs pa dag la/ /de nyid khyed la ma nyams yod/ /de phyir da ltar ba nyid ni/ /de dag las ni cis mi 'byung//
- 73b
des na mtho ris thar pa yi/ /'brel pa'i brtson pa 'di don med/ /'bad pas 'bras bu bsgrubs pa ni/ /de ni cung zad dmigs su med/ /'on te don byed nus pa yang/ /med par de dag la khas len/ /de ltar yin na de yi phyir/ /gtan tshigs rnams ni dngos med chos// ma grub phyir na grub rten min/ /da ltar nyid ni grub pas na/ /'gal yin chos can la gnod phyir/ /byung nas gzugs ni gang song ba/ /der ni 'das par rab tu bshad/ /rkyen dang ldan pa yod pas na/ /gang byung de ni ma 'ongs pa/ /yod pa da ltar ba nyid du/ /'gyur ba zhes byar bsgrubs pa yin/ /gang yin yod pa tsam nyid ni/ /da lta ba yi mtshan nyid yin/ /'das la sogs pa gzugs sogs nyid/ /de bzhin 'byung ba'i khongs chud de/ /sgro btags gnas skabs 'di la ni/ /bshad pa yin te yang dag min/ /gnyis la brten pa'i shes pa ni/ /grang gsungs de nyid gzigs pa yis/ /yul dang bcas pas sems dgongs nas/ /de ni brtan par bzheng pa yin/ /rtag pa'i dbang phyug sogs kyi blo/ /gang phyir dmigs pa med pa yin/ /sgra dang ming la sogs pa'i chos// de yi rnam pa dang bral phyir/ /rtog pa'i rjes 'gro tsam gyis ni/ /rnam shes zhes byar bshad pa yin/ /de 'dir bems po ngo bo nyid/ /rab gsal nas ni yongs brtags yin/ /'das pa rnam smin rgyu 'bras ni/ /ster ba khas len ma yin te/ /de'i bag chags ldan shes pa'i/ /rgyu las 'bras bu 'dod pa yin/ /de nyid kyi ni bag chags kyi/ /sems kyi rgyu la brten nas ni/ /las de yod ces nyer brtags te/ /brtan pas dngos po mi 'jig bzhin/ /chang pa'i lta ba spangs bya'i phyir/ /de ltar bstan bcos las bshad yin/ /rnam pa gzhan du stong nyid mdor/ /gsungs pa da ni ji ltar 'dod/ /dngos sam brgyud pa'i sgo nas ni/ /rgyu 'am 'bras bu nyid gyur pa/ /da lta pha yi ngo bo gang/ /de ni rnal 'byor pa dag shes/ /rnam rtog rjes
- 74a
'gro'i bdag nyid kyi/ /dad pa 'jig rten pa'i ye shes/ /de nyid du na yul med kyang/ /slar yang rjes su shes pa yin/ /des na rgyu dang 'bras bu ni/ /'das dang ma 'ongs pa yi rgyun/ /de la brten nas rab 'jug 'gyur/ /'das dang ma 'ongs bstan pa'o/ /rtog pa'i dra ba ma lus pa/ /spangs pa'i ye shes rgyun ldan pa'i/ /de bzhin gshegs pa'i bstan pa ni/ /lhun gyis grub par 'jug pa yin/ /de kho na nyid bsdus pa'i rab tu byed pa las/ /dus gsum brtag pa ste nyi shu drug pa'o// //gal te dngos po'i rjes 'gro ba/ /'dir ni cung zad yod ma yin/ /de tshe 'jig rten pha rol ba/ /med phyir 'jig rten pha rol med/ /lus dang blo la dbang po sogs/ /so sor skad cig 'jig pa'i phyir/ /'jig rten pha rol pa rigs min/ /gzhan ni khas len ma byas pas/ /de yi 'byung ba'i khyad par las/ /de ltar de dag las shes nyid/ /ji ltar rgyu dang nus sogs bzhin/ /skye ba 'am gsal bar byed pa'o/ /de yang sa la sogs pa yi/ /khyad par rnams la 'jug la ste/ /lus dang dbang po sogs kyi ming/ /gzhan ni de nyid du yod min/ /rtsod ba'i gzhir gyur sems dag ni/ /tha dad lus la gnas pa'i phyir/ /rgyu 'bras nyid ni yod pa min/ /ba lang rta yi shes pa bzhin/ /brjod par 'dod pa'i shes pa yis/ /blo rnams skyed par 'dod pa min/ /shes pa nyid phyir rgyud gzhan dang/ /'brel pa'i blo rnams lta bu'o/ /chags pa dang bcas 'chi ka'i sems/ /sems gzhan dang ni 'brel byed min/ /'chi ba'i sems kyi ngo bo'i phyir/ /nyon mongs bral ba de ji bzhin/ /de phyir srog rtsol sogs byin rlabs/ /lus nyid las ni shes pa na/ /skye bar 'gyur ba rigs so zhes/ /zla ba can dang rta mchog zer/ /nur nur bo sogs
- 74b
bas? yod la/ /rigs pa med par smra ba yin/ /dbang po dag ni ma skyes phyir/ /de la rtogs bya'i don ni med/ /don rtogs pa las gzhan nyid du/ /ngo bo'i shes pa rigs pa min/ /de tshe nus pa'i ngo bo yis/ /blo zhes bya ba'ang yod pa min/ /nus pa rnams ni rten med par/ /gnas par 'thad pa ma yin te/ /shes pa'i rten gyi bdag nyid ni/ /yod na lus nyid de yi rten/ /mthar ni lus ni ldog pa na/ /shes pa'i 'jug pa ci la brten/ /de yi de ma thag byung ba'i/ /gal te lus gzhan la brten na/ /lus gzhan mthong ba med pas na/ /de ni yod par ji ltar shes/ /glang po rta sogs sems bzhin du/ /tha dad lus la 'jug pas na/ /shes pa de ni rgyun gcig pu/ /'brel pa ru ni ji ltar 'gyur/ /de phyir shes pa'i rten gcig ni// thog mdza' med pa'i skyes bu 'ga' / /'khor ba par ni 'dod par gyis/ /yang na med pa nyid khas long/ /de la 'jig rten pha rol ni/ /nye bar len dang blang bya ru/ /'gyur ba'i shes rgyun la sogs las/ /'ga' zhig gzhan ni yod ma yin/ /de yi thog mdza' med pa yi/ /sngon dang phyi ma da ltar gyi/ /'ga' zhig nges pa'i bar mtshams kyi/ /gnas skabs nyid du yongs su bshad/ /mthong ba'i bde ba tsam zhen pas/ /ji ltar de tsam brtags pa yin/ /'jig rten pha rol yul gzhan sogs/ /de ltar de ni kho bo smra/ /gal te de dang tha dad pa'i/ /'jig rten pha rol bkag yin na/ /de tshe bsgrub pa don med de/ /de mang nyid la rtsod med phyir/ /rgyun ni dngos med ma yin phyir/ /gnas skabs gzhan ni yod pa min/ /de la gnas pa'i 'jig rten ni/ /pha rol ji ltar de nyid kyis/ /de ltar ma yin rgyun gyi sgras/ /skad cig rgyun can de dag ni/ /zor yang phyir na nags tshogs bzhin/ /ma lus pas ni rab bstan te/ /gcig bu nyid du
- 75a
brtags pa ni/ /de nyid gzhan nyid sogs brjod med/ /nam mkha' i me tog phreng ba bzhin/ /rang bzhin med pa nyid du 'dod/ /de yang thog mdza' med pa ni/ /ji ltar yang dag bsgrub par 'gyur/ /gal te thog mar 'dod pa'i sems/ /de ni rgyu med 'gyur ba 'am/ /yang na rtag pa'i rgyu las byung/ /da yang rang bzhin nyid kyis rtag/ 'byung ba tsam las byung ba 'am/ /yang na gzhan shes tsam las byung/ /ma la sogs pa theg ma'i sems/ /de la rgyu med res 'ga' bar/ /rigs min gzhan du de yi ni/ /yod nyid rtag tu snang bar 'gyur/ /rtags pa'i yid dus phyogs dang ni/ /dbang phyug bdag sogs kyis byas min/ /de nyid kyis na rtags yod nyid/ /thal 'gyur phyir ro de med phyir/ /rnam shes gcig pu rtag pa yi/ /rang bzhin zhes smra gzu lums yin/ /gzugs dang sgra sogs kyi sems dag /gsal bar tha dad snang ba'i phyir/ /sa dang chu dang me sogs pa'i/ /'byung ba las ni skyes pa dang/ /gsal ba min pa'i sems rnams ni/ /cig car 'byung bar thal bar 'gyur/ /'byung ba bzhi po de yang ni/ /gzhan gyi bstan pa'i ngo bor 'dod/ /lhan cig byed pa'i bltos la yang/ /'on te 'di nyid skad cig mar/ /gzhan dag gis kyang brjod na ni/ /de ltar yin na de dag gi ci ltar grub mdza' la mi gnod/ /de ni nges par gnod gyur kyang/ rigs pa yin zhes khas len byed/ /sngar bshad rigs pas skad cig mar/ /thams cad nyid du rigs pa yin/ /rang gi phyogs la bltos med cing/ /gal te rigs pa'i rjes chags na/ /'byung ba nyid ni yod min pa'i/ /rigs pa'i mchog 'di 'dod par gyis/ /de dag yan lag can dngos med/ /rdul phran dngos nyid kyang rigs min/ /rdul phran
- 75b
rnams ni med pa'i phyir/ /de ltar de ni 'chad par 'gyur/ /bag chags yongs su smin pas na/ /phyi rol med pa'i ngo bo ni/ /rnam shes la ni so sor snang/ /rmi lam sogs mtshungs gzhan du min/ /rnam shes nyid kyi snang ba la/ /brten nas rab tu brtags pa yin/ /gal te 'byung ba bzhi po ni/ /rmi lam rgyu ma dang 'dra ste/ /de tshe de las gzhan med phyir/ /rgyu nyid du ni mi 'thad do/ /sngar gyur 'byung ba nges gnas pa/ /shes pas gzhan ni skyed byed yin/ /gal te rgyud gzhan gyi rnam shes/ /de yi rgyur ni 'dod pa na/ /de ci nye bar len yin nam// yang na lhan cig byed pa 'am/ /gal te nye bar len 'dod na/ /bu tsha'i shes pa'i rgyun la ni/ /pha ma 'dus sogs 'dus byas las/ /khyad par rjes 'gror 'gyur ba yin/ /gang phyir nyer len nyer blang pa'i/ /chos 'di nyid ni rnam gnas pa/ /rjes su 'gro dang ldog pas na/ /rang gi rgyu la nges pa yin/ /rang gi nyer len stobs byung na/ /rgyud gzhan pa yis rnam shes ni/ /lhan cig byed nyid du brtag la/ /gang yang 'gal ba slar yang med/ /de phyir thog ma'i rnam shes ni/ /rang gi nyer len stobs las byung/ / rnam shes nyid sogs gtan tshigs kyis/ /da ltar ba yin rnam shes bzhin/ /rgyu gzhan pa ni spangs pa'i phyir/ /rgyu nyid med par gnas pa la/ /rnam pa gzhan du nges pa'i chos/ /'di ni de yi thal 'gyur min/ /shi ka'i skad cig rnam shes ni/ /rang gi nyer blad skyed nus te/ /chags pas byas pa'i 'brel pa nyid/ /sngon gyi rnam par shes pa bzhin/ /gang gi ngo bos rnam shes ni/ /skyed par byed pa yod nges yin/ /snga phyir de ni ma nyams su/ /zin kyang ci phyir rgyu ma yin/ /pha rol phyogs kyi rnam shes ni/ /lus skyes kho na yin pas na/ /bsgrub par bya ba'i chos ldan pa/ /dpe ni de dag ji ltar 'grub/ /lus ni rnam shes rgyu nyid du/ /sngar ni bkag byas ma yin nam/ /sems rnams cig car thob phyir dang/ /tha dad pa la med pa'i phyir/ /'dod na sdug pa yid byed
- 76a
sogs/ /dran pa tshags sogs rnam shes ni/ /'byung ba nyid du rnam par nges/ /de ni dgag par mi nus so/ /goms pa'i khyad par sngar yod pa/ /'phel dang 'grib pa dag las ni/ /blo rnams 'grib dang phul du byung/ /blo la snang bar gyur pa yin/ /don gzhan la chags mi mthun sems/ /don gzhan 'dzin pa med phyir ro/ /shes pa shes pa'i rgyu nyid la/ /rtsod pa nyid du 'gyur ba min/ /de nyid phyir lus tha dad la/ /brten pa nyid du 'grub mi 'gyur/ /sems ni ltung ba'i chos can min/ /lus can rnams la ji ltar rten/ /'bab pa la ni gegs byed phyir/ /chu la sogs pa'i rten du 'gyur/ /'gro ba med pa'i sems rnams la/ /rten dag gis na ci zhig dgos/ /gal te de bdag nyid gnas pas/ /brtan par 'dir ni rtog na sems/ /lus ni bdag nyid mi rigs phyir/ /khyed kyi de yang 'thad pa min/ /ji ltar de yi bdag nyid lus/ /gzhan dag gis ni gsal bar rtogs/ /de ltar 'dod chags zhe sdang las/ /sogs pa'i sems kyang cis mi rtogs/ /sems ni bdag nyid kyi rigs ste/ /phus ni gzhan dag gis kyang rig/ 'di ltar gang dag de tha dad/ /rgyu gser dang ni zlos gar bzhin/ /gnyis su med pa'i phyogs la ni/ /gtan tshigs 'di ni 'grub ma yin/ /rang rang gi ni snang ba ni/ /rig phyir rab rib la sogs bzhin/ /sems ni skyen ma thag 'jig pa/ /bar chad med par mtshon gyur te/ /lus ni de'i dngos yin na/ /skad cig nyid du cis mi 'dod/ /de la brten nas 'byung ba dang/ /de ni ma 'khrul pa yi phyir/ /gal te de la brten 'dod na de ltar na yang 'khrul pa nyid yin/ /sngar gnas pa yi shes pa yang/ /skad cig so sor 'jig lus la/ /brten nas rgyun mi 'chad par ni/ /nyid mtshams sbyor ba kho nar byed/ /gal te rgyun gcig ngo bo yis/ /der ni tha dad nyid min na
- 76b
gzhan du yang ni rgyun gcig tu/ /yod nyid tha dad mi 'gyur mod/ /zag pa zad pa'i rnam shes ni/ /nyid mtshams sbyor med ci la shes/ /gal te gzhan grub mdza' yis ni/ /ma yin tshad mar ma bzung phyir/ /'dir ni blo bzang 'ga' ? mang dag /rgyal ba mi gnas mya ngan 'das/ /theg pa gnyis ni de'i theg par/ /'dus par yang ni rab tu bshad/ /phyir rgol 'dod pa'i grub mdza' la/ /khyod ni rten yang bsgrub bya yi/ /chos dang ldan pa'i dpe 'di ni/ /de dag la ni grub pa min/ /gnod pa can yang ma brjod phyir/ /ldog pa la yang the tshom za/ /rigs mi mthun la yod dogs phyir/ /nur nur sogs la rnam shes ni/ /yod ces bya ba gzu lums min/ /dbang po ma skyes pa nyid la/ /der ni shes pa ci phyir med/ /rnam shes kun ni dbang po dang/ /don gyis stobs las byung zhes pa/ /de ni mi rigs gang phyir de/ /gzhan du rmi lam sogs su 'ang rig/ don rtog pa las gzhan dngos kyang/ /'di la nges par byas pa yin/ /des brgyal ba la sogs pa la/ /'di ni yod par 'thad pa yin/ /de tshe nus pa'i ngo bo yis/ /blo ni gnas par 'gyur ba min/ /de tshe rang dngos kho na yis/ /blo rnams yod par 'dod pa yin/ /gnyid dang brgyal sogs gnas skabs su/ /sems med khyed kyis ci la des/ /gal te rig pa med pa'i phyir de yang gang las rtogs pa yin/ /gal te khyod ni de dag la/ /'di ltar nges par 'jug 'gyur te/ /sems ni rig pa min zhes min/ /de ltar yin na sems ldan 'grub/ /gal te brgya la rnam shes de/ /gnas skabs de dag la yod na/ /sad pa la sogs dran pa ni/ /dri yi rnam pa ci mi 'gyur/ /de ni grub pa'i rgyu min no/ /shin tu gsal sogs med pa'i phyir/ /dran pa rab tu mi 'gyur ste/ /skyes ma thag sogs sems bzhin no/ /gal te de ltar yid 'di la/ /yod nyid de dag
- 77a
la ci nges/ /sngar bston gtan tshigs nyid kyis ni/ /nges par 'gyur bar go bar gyis/ /gnyid dang brgyal sogs gnas skabs la/ /gal te sems med par 'dod na/ /'chir 'gyur der ni yang skyes na/ /'chi ba med pa kho nar 'gyur/ /mig la sogs la ltos med phyir/ /rang dga' yid ni blo yin te/ /rang gi nyer len stobs nyid kyis/ /rmi lam sogs ltar 'byung bar 'gyur/ /'di ltar rnam par rtogs rnams ni/ /dbang po dang don bltos pa min/ /de yi bya ba med na yang/ /nam mkha' i utpa la yod phyir/ /de dag yod phyir sngo sogs pa'i/ /rnam par rtog pa gang byung gyur/ /de ni don med snang ba dang/ /mtshungs pa kho na nges par 'gyur/ /rnam par rtog pa rnams la ni/ /sgra don so sor snang bas na/ /dngos po'i ngo bor mi snang ste/ /de ltar thams cad rgyas bstan zin/ /gsang nang la sogs gnas skabs su/ /lus ni rnam par 'gyur na yang/ /yid kyi blo ni mi 'gyur te/ /de phyir de la 'di brten min/ /rab rib la sogs phra mo yis/ /mig ni rnam par 'gyur ba na/ /mig la sogs la brten pa'i blo/ /rnam par 'gyur ba nyid du skyes/ /de phyir lus ni 'jig na yang/ /yid kyi blo ni der brten min/ /rang gi nye bar len stobs kyis/ /'byung 'gyur 'gal ba med pa can/ /gang phyir yid blo 'ba' zhig kyang/ /'gal ba med pa de ltar yin/ /de phyir lus gzhan yod grub phyir/ /kho bo cag gis 'bad mi dgos/ /de ni dgag par nus min te/ /ma mthong na yang the tshom phyir/ /mig mi gsal bas du ba ni phra sogs mi mthong bzhin de 'gyur/ /tha dad lus la brten na yang/ /de yi khyad par rjes byed phyir/ /rgyun cig tu ni 'brel pa yin/ /shes pa snga ma'i rgyun bzhin no/ /skyes ma thag pa dag la yang/ /'on kyang nu ma
- 77b
'thungs sogs la/ /mngon par 'dod pa 'byung ba dang/ /nye bar gnod las skye bar 'gyur/ /du dang nu ma 'thungs sogs pa'i/ /'bras bus de ni rtog par 'gyur/ /de yang thams cad rtogs bdag nyid/ /de dang ming ni rjes 'brel can/ /ming gi ngo bo goms pa ni/ /skye ba 'di la yod pa min/ /de dag la gzhan srid med na/ /de ni chad par thal bar 'gyur/ /des na mi nyams myong goms pas/ /de ni bag chags stobs las byung/ /de rnam rtog pa dngos nyid kyis/ /da ltar ba yi rnam rtog bzhin/ /gang phyir mi nyams myong goms pa'o/ /bag chags yongs su smin pa las/ /rtog skyes de dag la 'jug phyir/ /de phyir srid gzhan rab tu grub/ /ming gi goms pa'i stobs nyid de/ /gal te de dag la de 'byung/ /des na ci phyir dag gsal dang/ /dran pa'ang smra khams bzhin ma byung/ /gsal bar nye bar nyams pa dang/ /yongs smin 'khrugs pa nyid kyis na/ /de dag la 'di mi 'byung ste/ /'dus pa'i nad kyi gnas skabs bzhin/ /bdag nyid chen po gang dag la/ cung zad kyang ni nyams pa med/ /de dag gis gang gsal thos shing/ /dran pa gsal po de yang yod/ /'dod chags zhe sdang sogs 'di dag /gsal bar goms pa'i sbyor las byung/ /rjes 'gro dang ni ldog pa las/ /'byung 'gyur yongs su nges pa yin/ /gang dag thog mar byung gyur na/ /de dag 'dir goms dang bral yin/ /gal te srid pa gzhan med na/ /de dag skye ba'i rgyu ni gang/ /nye bar gnas pa dmigs pa las/ /de dag skye 'gyur mi 'thad de/ /so sor rtogs pa yod pa na/ /de yod na yang de mi 'byung/ /so sor rtog pa ldog pa na/ /de dag stobs 'phel snang ba'i phyir/ /phyin ci log tu nges 'phel bas/ /zhig dang ma skyes pa yi yul/ /gtsang dang bdag
- 78a
dang brtan sogs su/ /nyer brtag bud med sogs bdag la/ /'dod chags la sogs 'byung 'gyur te/ /yul yang de yi ngo bor min/ /de phyir rigs mthun goms nus las/ /dmigs pa med pa nyid du ni/ tshe 'di'i 'dod chags sogs 'byung ste/ /chags sogs nyid phyir phyi ma bzhin/ /so sor rtog pa dang bral zhing/ /yul ni nye bar gnas pa na/ /tshul bzhin ma yin yid byed pa'i/ /dbang gyur stobs ni ji lta bar/ /bde dang sdug bsngal sogs 'byung ste/ /de la rigs dang mthun pa yi/ /bag chags yongs su smin gyur pa/ /chags sdang la sogs nyon mongs 'byung/ /des na dngos su yul rnams ni/ /chags sdang la sogs rgyu ma yin/ /kun la de yi shes pa bzhin/ /de la nyon mongs cig car 'gyur/ /gzhan spyod pa la dmigs pa 'am/ /gzhan gyis smras pa'i stobs kyis ni/ /de dag la ni chags? skye min/ /'khrul pa ru ni dmigs pa'i phyir/ /spyod pa ma mthong ma thos pas/ /phag dang rig dags la sogs ni/ /rigs mtshungs 'gro ba la sbyor ba/ /bya ba sna tshogs grub par 'gyur/ /shes rab tshul khrims bzod sogs ni/ /'khor bar mi 'jug pa yi chos/ /rang bzhin gyis 'byung mi 'gyur te/ /de nyid kyis na smyon sogs bzhin/ /bad kan la sogs nus pa yis/ /de dag kyang ni 'byung ba min/ /snga ma bzhin du 'khrul pa ni/ /thams cad du ni dmigs pa'i phyir/ /de phyir thog mar byung de dag/ gang zhig goms pa sngon song ba/ /de nyid srid pa bzhin grub pas/ /des na med nyid log pa nyid/ /'dir ni goms pa sngon song bas/ /sgrub par byed na mthong 'dod gnod/ /srid pa gzhan ni sngon song nyid/ /bsgrub byas stong pa'i
- 78b
dpe yin te/ /khyad par med pas bsgrub byas na/ /gtan tshigs 'di ni 'gal ba nyid/ /de bzhin srid la gzhan goms pa'i/ /rgyu nyid yongs su gyur pa'i phyir/ /spyi tsam nyid kyis bsgrub bya ni/ /gtan tshigs kyang ni 'gal ba min/ /gang phyir des na 'gal med pas/ /gang gis de ni ldog par 'gyur/ /de kho na nyid bsdus pa'i tshig le'ur byas pa las/ /'jig rten rgyang pan pa'i brtags pa ste nyi shu bdun pa'o// //gal te shes pa las gzhan bar/ /'byung ba bzhi pa yod pa min/ / gsal bor snang bar gyur ba yi/ /rnam bcad 'di ni ci zhig yin/ /'di ltar snang ba de nyid kyang/ /med pa nyid du khas len na/ /sems ni yod pa nyid du yang/ /khyod la tshad ma ci zhig yod/ /phyi rol don du snang ba 'di'i/ /bdag nyid ji ltar snang ba yin/ /'on te rdul phran rang bzhin nam/ /yang na yan lag can mtshan nyid/ /re zhig phra rab rnams kyis ni/ /rnam pa so sor rig pa min/ /phra rab che med du ma dang/ /lus can shes la mi snang phyir/ /cha shas dbye bas dang bral bar/ /rdul phran rnams ni snang bar 'gyur/ /rang gi rnam pa mi snang phyir/ /gzhan du de dang mngon sum min/ /lhan cig tu ni skyes pa yang/ /de dag rang bzhin du ni snang/ /gnas skabs de dag la 'di nyid/ /cha med ngo bo nyid mi spong gal te 'grib pa'i mthar thug pa'i/ /rang bzhin de ltar yod na ni/ /tshor ba la sogs lta bur ni/ /de dag lus med ci mi 'gyur/ /skad cig mtshungs pa gzhan skye'i phyir/ /rtag pa nyid du 'khrul pa bzhin/ /gal te rigs mthun par med par/ /'dzin na rigs pa 'khrul pa yin/ /mngon sum dang gi bya ba yi/ /stobs nyid kyis ni shes pa bsre/ /gal te skyed byed ma yin par/ /de ci mngon sum spyod yul yin/ /dngos po rnams ni skad cig ma/ /rjes su
- 79a
dpag pas nges pa yin/ /sor po dkar po la sogs ni/ /rdul phran yin par ci las shes/ /phyi rol mig gis gzung bya ni/ /rags phyir ri la sogs bzhin du/ /phra sogs sngon song de la yang/ /rjes su dpag 'di nyid yod ce na/ rags pa nyid ni dngos chos su/ /chos can gnyis la grub pa min/ /rags pa yan lag can ni med/ /rdul phran yang ni de lta min/ /'on te yul ni rgya che bar/ /gnas pa'i gzugs ni de bzhin 'byung/ /de lta yin na 'khrul shes la/ /snang ba'i gzugs kyis the tshom za/ /gal te des rdzun de ltar min/ /bye brag rab tu bsgrub par gyis/ /de dang 'di dang khyad par ci/ /gal te don byed mi bslu ba/ /don byed snang ba'i rnam shes ni/ /mi bslu bar ni brjod pa yin/ /rgyu yi nus pa ngas pa yis/ /gzhan du thams cad 'byung bar 'gyur/ /gang tshe mtshungs dngos gzung bya zhing/ /mtshungs min nyid ni gzung bya min/ /rdul phran ngo bo gnyis nyid phyir/ /de tshe ci phyir mi 'thad pa/ /gang tshe phyi dang khyad par gyi/ /bdag nyid dngos po thams cad kyi/ /mtshungs dang mi mtshungs dngos nyid kyis/ /rdul phran ngo bo gnyis su brjod/ /de la mtshungs pa'i ngo bo gang/ /de ni mig go shes pa'i yul/ /des na rnam gcig shes pa ni/ /rdul phran rnams la 'thad pa nyid/ /mtshungs pa min pa ngo bo gang/ /de ni rnal 'byor mngon sum yul/ /de ltar blo dman 'ga' zhig ni/ /'khrul pa ru ni brtags pa yin/ /dngos po gcig la ngo bo gnyis/ /ji ltar shes bya rigs pa yis/ /de dag dngos nyid thob pa 'am/ /phan tshun ngo bo med pa'i phyir/ /phan tshun bdag nyid yin na yang/ /ngo bo gnyis te 'gal bar 'gyur/ /khyad par yang ni mig sogs pa'i/ /dbang po rnams
- 79b
kyis dmigs pa yin/ /phan tshun 'gal ba'i bdag nyid kyis/ /ngo bo ji ltar gcig tu 'gyur/ /rig phyir dngos po gcig pu la/ /'gal ba dag ni mi srid min/ /gcig ni rnam par gcig 'gyur bar/ /de shes dbang phyug bka' ni min gang zhig ji ltar dmigs 'gyur bar/ /de ni de ltar khas blang gis/ /de min med kyang rig pa'i phyir/ /dung la ser sogs ngo bo bzhin/ /'gal ba'i ngo bo dang 'brel las/ /tha dad mtshan nyid gzhan ni med/ /tshad mas grub par ma gyur kyang/ /rdul phran rnams la the tshom za/ /'di dag la ni med pa yi/ /rtog ldan nges pa ji ltar skye/ /yang dag 'byar dang bskor ba 'am/ /bar med rnam par gnas kyang rung/ /dpus nas rdul phran rdul gcig la/ /bltas pa'i rang bzhin gang yin pa/ /rdul phran gzhan la lto ba yang/ /de gnyid gal te yin rtog na/ /de lta yin na sa 'dzin sogs/ /rgyas par 'gyur ba rigs pa min/ /rdul phran gzhan la lta ba'i dngos/ /gal te gzhan du 'dod na ni/ /rdul phran gcig pu cha shas ni/ /med pa ru ni ji ltar 'gyur/ /cha shas dbye ba med pa gang/ /rdul phran du ni gzhan dag 'dod/ /de nyid la ni rnam dpyad byas/ /de phyir thug med srid pa min/ /gang tshe de dag dngos rnams kyi/ /rdul phran nyid du khas len byed/ /de tshe de dag dam bca' ni/ /gdon mi za bar nyams par 'gyur/ /gtan tshigs gzhi ma grub pa min/ /gzhan gyi khas len sbyor sogs pa'i/ /stobs kyis gcig nyid sel ba yin/ /de ltar phyogs rnams thams cad la/ /bdag nyid gcig pu de mi rigs/ /gcig ni ma grub pa yi phyir/ /du ma'i rang bzhin yang mi srid/ /de phyir rdul phran nges pa ni/ /med pa nges par skye rung yin/ /gcig dang du ma'i rang bzhin gyis/ /stong phyir
- 80a
nam mkha' i pad+ma bzhin/ /rdul phran mi rigs pa yi phyir/ /yan lag can yang yod pa min/ /gang phyir de ni rdul phran gyis/ /rtsom par gzhan dag gis khas blang/ /snang ba med dang snang dang bcas/ /gzhan gyi snang pa kho na yi/ /rnam par shes pas phyi rol don/ /rnam pa gang gis kyang mi shes/ /rnam shes bems po'i rang bzhin las/ /bzlog par rab tu skye ba ste/ /bems min rang bzhin gang yin pa/ /de 'di'i bdag nyid shes pa yin// gcig pa cha med rang bzhin las/ /gsum gyi rang bzhin mi 'thad phyir/ /'di yi rang gis rig pa ni/ /bya dang byed pa'i ngo bor min/ /de phyir 'di ni shes pa yis/ /rang bzhin yin pas bdag shes rung/ /don gyi ngo bo gzhan pa ni de yis ji ltar shes par 'gyur/ /de yi rang bzhin gzhan la med/ /gang gis de shes gzhan yang shes/ /dngos po rnams ni don dam par/ /tha dad nyid du gnas phyir ro/ /shes pa'i ngo bor skyes pas na/ /shes pa shes par rigs pa yin/ /don ni shes dngos ma skyes pas/ /des ni ji ltar shes par 'gyur/ /shes pa rnams bcas phyogs la ni/ /dngos su de nyid tha dad kyang/ /de dang gzugs brnyan 'dra bas na/ /gdags pa tsam gyis tshor bar rung/ /don gyis rnam pas bsgyur ldan pa'i/ /rnam shes su zhig mi 'dod pa/ /de la phyi rol rig pa yi/ /rnam pa 'di yang yod ma yin/ /brgya la glang po shing la sogs/ /ji ltar ral gri'i me sogs kyis/ /de yi ngo bo ma yin yang/ /bcad bsreg sogs byed 'di de bzhin/ /gang phyir de dang 'di mtshungs min/ /de dag 'dir bskyed pa yi rgyu/ /yin pas de lta'i ngo bo grub/ /shes pa de 'drar skyed byed min/ /gang tshe gzung bya'i yongs gcod ni/ /shes pa'i ngo
- 80b
bor srid pa yin/ /de yi yongs gcod ngo bo nyid/ /shes pa la ni 'thad pa yin/ /gzhan du na ni yongs gcod pa'i/ /ngo bor shes pa zhes bya bar/ /gsal bar brjod bya nyid yin no/ /'di ltar don rig ma bstan to/ /longs gcod de ni gang gis shes/ /brgal zhing brtag pa'i gzhi ma yin/ /de yi bdag nyid yongs gcod de/ /bde sogs bde ba nyid sogs bzhin/ /rang gi ngo bor rig pa'i phyir/ /shes byed gzhan las ltos pa min/ /'di lta ma rtogs pa yod min/ rang rig pa yi don 'di yin/ /gal te don rtogs bya ba byed/ /shes pa nyid du mi rtogs pas/ /des na gsal byed nyid yin pas/ /rtogs phyir gzhan la bltos pa yin/ /de don bdag nyid nyams myong na/ /de 'dra'ang gsal ba nyid du yod/ 'di la bdag nyid nyams myong med/ /de phyir bdag nyid gsal byed min/ /dngos po rnams kyi nus pa ni/ /brgal zhing brtag pa ma yin no/ /don la rnam par rig pa ni/ /shes nyid brjod pa ma yin nam/ de ni de bdag nyid 'gyur na/ /bya ba gzhan ni ci zhig 'gyur/ /don gyi nyams myong ngo bo ni/ /gal te de yang shes bdag nyid/ /de tshe don nyams myong bdag nyid/ /shes la rigs so de yod min/ /khas len don yod yangs par ni/ /thel 'gyur phyir te rang nyid las/ /nyams myong bdag nyid skye na yang/ /don rig rab tu grub pa min/ /ji ltar rnam bcas shes pa yi/ /phyogs la don gyi gzugs brnyan ni/ /pha rol po der nyer ba'i/ /rgyu mtshan yod pa ma yin no/ /rang bzhin bems po'i dngos nyid phyir/ /gal te 'di bdag nyams myong 'jig/ don gyi nyams myong zhes bya bar/ /shes pa kho nar brjod pa yin/ /de ni ma grub dngos nyid na/ /de ni rab grub gzhan cir 'gyur/ /shes pa gzhan gyis
- 81a
nyams myong na/ don de rang gis myong ma grub/ /grub pa ma grub pa yi phyir/ /gang gi tshe na grub par 'gyur/ /gal te de shes shes skye na/ /rang bdag rig par ma gyur par/ /gzhan gyis rig pa grub smra na/ /de ltar de ni legs smras yin/ /de yi nyams myong ma grub na/ /snga ma la yang ma grub nyid/ /de la gzhan rig skye ba na/ /thug pa med par thal bar 'gyur/ /spyod yul gzhan la 'pho ba na/ /de ltar 'gyur min de yang snang/ /spyod yul gzhan du 'pho ba na/ /tha ma gang yin de rang ngam gzhan las grub pa ma yin te/ /de ma grub pas kun grub min/ /de na 'gro ba ma lus pa/ /dmus long nyid du thal bar gyur/ /tha ma rang gis grub pa ni/ /gzhan dag la yang de nges yod/ /shes phyir gzhan du khyed cag la/ /de dag shes med bum sogs bzhin/ /mig ni gzugs la rnam shes ni/ /skyed byed phyir ni gsal byed min/ /de ni rig phyir ma yin te/ /des na shes rang 'di cis mtshungs/ /gang zhig rig pa nyid 'gyur na/ /gang zhig rig par nges pa yin/ /de las de ni tha dad min/ /de las de yang dbyer med 'gyur/ /ji ltar sngon po blo bdag nyid/ /ji ltar zla ba gnyis pa yang/ /sngon po'i rnam pa shes pa 'di/ /sngon po'i blos kyang rig pa yin/ /gal te tha mi dad yin na/ /shes pa'i bdag nyid gzhan bdag min/ /shes bya sngon po'i bro rig ni/ /des sngon rnam pa ji ltar rig /rig pa 'di dag thams cad ni/ /don gzhan spyod yul can ma yin/ /rig pa'i rang bzhin nyid kyi phyir/ /rang gi bdag nyid rig pa bzhin/ /gtso bor don ni 'dzin byed min/ /rang gi rang bzhin la gnas phyir/ /don gyis rnam pas bsgyur ldan dang/ /bral zhig brtags pas don 'dzin min/ /dag pa'i shel dang 'dra bar ni/ /don gyi rnam pa dang bral ba/ /shes pa gang su 'ga' zhig 'dod/ /de dag
- 81b
la ni sgrub pa yin/ /'dra ba dang bcas rnam shes ni/ /phyi rol don rig 'gyur zang mod/ /de yang thams cad du med phyir/ /don rig gnas pa rigs pa min/ /shel las tha mi dad pa'i phyir/ /rnam pa du ma nyid mi 'gyur/ /des na de yi stobs kyi ni/ /don rig pa gnas pa yod pa min pa rnam pa dang tha mi dad phyir/ /shes pa'ang gcig nyid du mi 'gyur/ /gzhan du 'di la gcig nyid du/ /ji ltar yongs su brtags par 'gyur/ /kun nas bdag nyid dang mtshungs na/ /shes pa mi shes sogs nyid 'gyur/ /ma 'ga' zhig ni mtshungs pa na/ /thams cad thams cad rig par 'gyur/ /gzhan gyi rnam pa'i shes pa yang/ /gal te don rig yin pa na/ /kun kyang kun gyis shes par 'gyur/ /nges par byed pa'i rgyu yang med/ /ji ltar khyed cag gis shes pa/ /de nyid kyis na rnam med ni/ /yang dag ma yin rnam par rig /gal te yang dag don de bzhin/ /sems dang sems las byung ba yi/ rang bzhin thun mong ma yin 'di/ /des na gzhan dag gtso bor ni/ /rig pa de ni gang gis min/ /tshogs pa gcig la rag las nyid/ /rgyu dang 'bras bu nyid sogs sam/ /yang dag brten nas zhes bya bar/ /yang dag rig par nye btags 'gyur/ /gzugs med pa yi dngos po ni/ /tshogs pa gcig la rag las min/ /'di yi rig pa phal pa yang/ /shin tu med pa kho na'ang min/ /'on kyang yang dag min rnam pa/ /'khrul pas reg ces bya bar brjod/ /de nyid kyis rig ma yin te/ des na yul med pa de yin/ /gal te der yang rnam shes ni/ /'khrul pas de ltar snang 'gyur na/ /rig par byed par brjod pas na/ /de ni yul med gsal bar 'gyur/ /rnam pa dang bcas rnam med pa/ /de gzhan med rigs ma yin//
- 82a
des na sangs rgyas rnam shes la/ /kho bo cag ni rtag 'jug byed/ /de dang 'dra ba nyid byung pas/ /gzhan gyi 'dod chags sogs rig nas/ /sgrib pa yod pa 'thob 'gyur te/ /dmigs pa can gyi gzhung lugs la/ /dpag bsam shing dang 'dra bar ni/ /kun rtog rlung gis ma bskyod kyang/ /thub pas 'jig rten thams cad kyi/ /don gyi phun sum tshogs pa mdzad/ /rgyal ba thams cad mkhyen pa ni/ /des na gzigs pa med par bstan/ / lhun gyis grub pa thams cad kyi/ /ma lus kun mkhyen don bsgrub phyir/ /dkar sogs ngo bo blo min na/ /de ni re zhig ji ltar 'gyur/ /blo ni dkar sogs dngos nyid na/ /phyi don tshad ma gang gis grub/ /sngo sogs so sor snang ba ni// mi bslu nyid kyis shes pa yi/ /rnam pa nyid kyi rigs mthun las/ /skye bar sgrub na shes pa bzhin/ /phyi rol don ni thob byed dam/ /gal te de yi nus pa ni/ /mi bslu ba nyid du 'dod na/ /phyi don smyon la de grub min/ /gal te don byed par snang ba'i/ /shes pa la ni rgyu nyid du/ /mi bslu ba nyid du 'dod na/ /de ltar mig med la de srid/ ji ltar phyi rol chu sogs la/ /nus pa nyid du des 'dod na/ /shes dag nyid la yang de bzhin/ /des na ldog nyid the tshom za/ /rjes su dpag la snang ba yis/ /gsal bar ma nges thun mong 'di/ /ma sogs gsal ba'i gzugs dang ni/ /'di ni mtshungs pa ma yin no/ /gal te yul gyi rnam bcad snang/ /nang gi nyams myong las tha dad/ /gzhal bya nyid sogs gtan tshigs kyis/ /rgyu gzhan la gnas sems gzhan no/ /'dir yang 'khrul pa nyid yin te/ /sems de rang gi ngo bo dang/ /de bzhin mi gnad las byung ba'i/ /zla ba gnyis la sogs kyis 'khrul/ /gal te phyi don rnam gzhan
- 82b
du/ /'dir ni rig pa yin brjod na/ /snang par 'gyur pa'i rnam pa ni/ /de ni don de bdag nyid min/ /de ni de ltar snang 'gyur bas/ /rnam par shes pas rtogs ni 'gyur/ /gal te snang 'gyur mi rig ma/ /de rig rnam pa gzhan yang rig /de ni phan tshun 'gal nyid na/ /ji ltar 'thad pa zhes byar 'gyur/ /de nyid kyi phyir sems rnams la/ /rang rig nyid ni bsgrub dka' min/ /bdag nyid 'gyur ba'i snang ba ni/ /de tshe rig par snang ba'i phyir/ /de phyir don nyid rtogs byed dang/ /yod pa rnam gzhan rtog pas na// blo 'di nyid ni 'khrul pa yin/ /des na bdag nyid rig pa yin/ /'on te 'dzin pa'i ngo bo gang/ /de ni de gzung las tha dad/ /de rig na de mi rig phyir/ /ji ltar ro sogs 'dzin pa ltar/ /gzung ba'ang de 'dzin pas de bzhin/ /gang gis de ni rtog pa na/ /nges par rtogs pas mi 'gyur te/ /ro 'dzin pa la sogs pa bzhin/ /tha dad ro sogs bzhin du bsgrub/ /yang na dngos gcig mi shes phyir/ /rgyud gzhan la gnas blo bzhin no/ /shes pa rang cha 'dzin byed min/ /shes las skyes gyur rang nus bzhin/ /gzung ba la dgag pa de bzhin/ /gang gis bag chags gnyis bral yin/ /nag pa'i shes pas de byung ba'i/ /shes pa'i gzung bya rtog byed min/ /shes pa nyid phyir ji bzhin du/ /de ni gzhan pa'i lus byung ba/ /so so ma yin rig phyir dang/ /de nyid sngar ni bstan pa'i phyir/ /ngo bo gcig pu mi shes pa'i/ /bar du gtan tshigs ma grub nyid/ /de ni phyi rol phyogs dang 'brel/ /zhes bya 'dis ni gzung ba yi/ /rnam pa gzhan dag rig 'gyur te// 'dzin par nyams myong med par brjod/ /de tshe bdag gi don cir yang/ /'dzin pas byas pa dran pa med/ /gzung ba'i ngo bo dang bral ba/ /'dzin pa skyes par dran par 'gyur/ /de phyir tha mi dad yin na/ /gzung ba la yang dran par 'gyur/ /
- 83a
'dzin pa dran pa yod pa na/ /der ni de nyid 'dzin par 'gyur/ /rjes su 'gro dang ldog pa yi/ /de ltar de dag tha dad grub/ /de ltar gtan tshigs de dag ni/ /bsgrub bya'i chos can la ni grub/ /dmigs pa rab tu ma grub na/ /don mthong rab tu mi 'grub po/ /de phyir 'dzin pa rig med par/ /gzung ba rig par 'gyur ba min/ /mig nad can gyis mthong ba yi/ /ser sogs de bzhin gsal por snang/ /'dzin pa'i cha la rig bya min/ /de bzhin du ni gzhan yang ni/ /khyad par mtshon pa med pa yi/ /gzung ba'i ngo bo la de'ang dran/ /thams cad las ldog ngo bo la/ /de myong gom sogs med pa'i phyir/ /gzhan du cir yang de lta bu/ /'dzin ces dran par mi 'gyur ro/ /dag cing shel dang 'dra bar ni/ /dran pa yod pa'ang ma yin no/ /dung la ser sogs rnam shes kyis/ /gtan tshigs phyi ma gnyis po yang/ /gsal por ma nges nyid yin te/ /sgrub pa gzhan la'ang phyogs 'dis yin/ /des na rtsod pa'i gzhir gyur yin/ /shes pa nyid phyir gnyis su med/ /rig bya rig par byed po dag /bral zhing gzugs brnyan lta bu'o/ /gzugs brnyan la yang shes pa ni/ /dmigs pa dang ldan 'dod min nam/ /mig gi snang ba ldog pa na/ /rang gdong de bzhin mthong phyir ro/ /mngon du phyogs de snang phyir dang/ /tshad yul bye brag sogs mthong phyir/ /rang gi don sogs de bzhin no/ /mi mthong dngos po gzhan bzhin no/ /rnam shes nyid dang gsal ba nyid/ /de yang phyi rol la brten min/ /rnam med la sogs mi rung bas/ /des na 'di yi khyab pa des/ /de ma thag pa'i shes nus la/ /gzung ba'i cha ni yul dngos gnas/ /de nyid min par kho bo 'dod/ /des na
- 83b
de ni ma bsgrubs so/ /rnam rig tsam nyid bsgrub pa ni/ /blo ldan rnams kyis dri med mdzad/ /kho bo cag gis de phyogs ni/ /don dam nges par bskyed par byas/ /de kho na nyid bsdus pa'i tshig le'ur byas pa las/ phyi rol gyi don brtag pa ste nyi shu brgyad pa'o// //yang 'dir gzhan dag mi shes pa'i/ /bri mas gos pa'i blo can rnams/ /sems tsam tshul 'di mi rigs te/ /thos pas gnod pa'i phyir zhes smra/ /de ni kun la tshad ma ru/ /skyes bus ma byas par ni gnas/ /gang phyir skyes bus byas ?tshig gis/ /log pa nyid du rtogs par 'gyur/ /nyes pa yod dam med par ni/ /skyes bu'i dag la the tshom za/ /byed po med phyir thos po la/ /skyon yod the tshom yod pas min/ /byed po re zhig ma mthong na/ /gang tshe yod ces 'dod pa yin/ /sngon ma mthong dang 'brel pa ni/ /mi shes rgyu yis da ltar smod/ /rjes su dpag pa dang bral yang/ /de ni yod par brtags pa yin/ /byas dang ma byas pa'i lung ni/ /kho bo cag la de grub min/ /rang nyid tshad ma yin pa'i phyir/ /byas pas 'di ni rtog byed min/ /drang srong yid sogs tshigs kyang ni/ /de nyid kyis ni bden par 'gyur/ /ma 'brel zhe sdang dang bcas pa/ /bden par smra bar ji ltar 'gyur/ /de phyir byed po sgrub pa'i lung/ /gzhan byas bdag cag la grub min/ /gal te rig byed byed po dang/ /'dra ba da ltar cung zad snang/ /de phyir nye bar 'jal ba des/ /byed po la yang nyer 'jal 'gyur/ /gal te byed po med cung zad/ /gzhal byas grub par mi 'gyur na/ /des nas nges par byed po ni/ /don gyis go ba'i gzhal byar 'gyur/ /de med kyang ni rig byed la/ /mi 'thad cung zad gang yang med/ /de yod na ni tshad ma sogs/ /mang po grub par mi 'gyur ro/ /der ni lnga por ma nges phyir/ /dngos med nyid kyis rtog par 'gyur/ /des na de yod rnyed dka' ste/ /dngos
- 84a
med tshad mas gnod pa'i phyir/ /tshad ma ma yin nyid log phyir/ /rigs byed skyes bus ma byas nyid/ /gang 'dod de yang dngos min pas/ /sgrub pa rnams kyis bsgrub bya min/ /rtogs ge rnams kyis gang smras zhes/ /skyes bus byas pa nyid sgrub pa/ /de ni spangs par byas pa min/ /rig byed skyes bus ma byas grub/ /dngos po'i ngo bor phyogs gang dag/ gtso bo dang ni rdul phran bzhin/ /de dag gang rung ma grub na/ /cig shos rang nyid kyis mi 'grub/ /gtso bo yin rgyu nyid kyi/ /sgrub pa yang ni spang byas kyang/ gtan tshigs gzhan ma rnams kyis ni/ /rdul phran gyis byas 'gro bsgrub bya/ /dngos po'i phyogs ni bsgrub don du/ /sgrub pa gang zhig brjod pa yin/ /de ni gzhan dag spong byas na/ /med pa rang nyid kyi ni grub/ /snga phyi yi ni mdza' dag la/ /gzhan gyis sgrub pa gad brjod yin/ /de ci spang par byas nas ni/ /rig byed smra ba'i bya ba rdzogs/ /rtag nyid dngos po 'di gang/ /de ni ma bsgrubs na yang ni/ /phyogs snga ma gnyis sun bton te/ /rang nyid kyis te grub par 'gyur/ /thog ma'i rig byed kyis mdza' gang/ /skyes bus byas pa'i mtshan nyid can/ /phyi mdza' 'jig pa'i ngo bo yang/ /de dag med pa rtag pa nyid/ /thog mar rig byed gang byas min/ / phyis kyang 'jig par mi 'gyur pa/ /de nyid de yi rtag pa nyid/ /gal te shes bya der yang 'dod/ /ma byas nyid dang 'jig med kyis/ /rtag pa nyid du 'dod pa yin/ /de dag dngos med pa dag nyid kyis/ /rang gi bsgrub pa la bltos min rig byed dag don log pa nyid/ /rjes su dpag pas gang brjod pa/ /de yi rig byed sgrub shes pa'i/ /stobs kyi phyogs ni ldog par 'gyur/ /de ni mngon sum mtshungs nyid phyir/ /rig byed las byung stobs tshan can/ /des na rjes su dpag
- 84b
pas ni/ /ji ltar yang ni gnod nus min/ /mngon sum phyogs la dgod pas na/ /gang phyir bstan bcos nyid gnas yin/ /de ni shin tu stobs ldan phyir/ /rjes su dpag pa la gnod byed/ dpe la bltos pa med phyir dang/ /skyon med phyir na zor yang min/ /lung ni tshad ma nyid yin la/ /de dang rjes dpag 'dra ba min/ /nges na lung dang rjes dpag pas/ /don gang la ni the tshom 'gyur/ /de la stobs chen lung gis ni/ /de nyid kyis ni nges par byos/ /rig byed kyis don rtogs byed kyang/ /bdag la tshad ma min de ltar/ /bden smras zhe sdang tsam gyis ni/ /brjod par nus pa ma yin no/ /mi 'dod pa dang zhe sdang gis/ /tshad ma min pa nyid mi 'gyur/ /dga' ba dang ni 'dod pa yis/ /tshad mar brtags par mi 'gyur ro/ /zhe sdang can yang rig byed la/ /tshad ma yin pa nyid kyis rgyu/ cung zad smra bar mi byed de/ /gang gis de dag bden smrar 'gyur/ /'dzin dang 'dod dang 'chad pa yis/ /las la rtag tu mngon sbyor ba/ /log pa nyid rgyu mi shes na/ /ring na gnas pas ji ltar shes/ /gang phyir des ni nges sbyor ba/ /de dang 'brel pa'i dgos pa can/ /der gnas yon tan skyon rnams ni/ /de dag shes pa'i dbang du byas/ /tshangs la gang dag sdang ba ni/ /sdig can rig byed las ring gnas/ /rig byed skyon dang yon tan tshig /ngo tsha med par ji ltar brjod/ /gzhan yang rga skyes ngo shes pas// sgra yi rtag pa nyid dang ni/ /khyab pa nyid dang 'grub pas na/ /bzlog la nges par su zhig byed/ /des na dus ni thams cad dang/ /yul kun tu ni gcig nyid gang/ /ngo shes pa yi mngon sum gyis/ /rang grub 'di la gnod pa ma yin/ /'bar sogs skad cig nyid yin yang/ /ngo shes zhe na de min te/ /kho bo'i spyi ni rtag nyid pas/ /'di yi ngo shes pa 'di yin/ /khyad par 'ga' zhig gi ni chags gang la blo ni tha dad 'gyur/ /de la ngo shes ma yin te/ /tha dad blo yis nges par 'gyur/ /yul
- 85a
dang dus sogs pa dad? pa'i/ /ba lang sgra gsal blo rnams ni/ /thams cad mtshungs pa'i yul can nam/ /sna tshogs don gyi yul can min/ /ba lang zhes bya las skyes phyir/ /da ltar skyes pa'i blo bzhin no/ /snga? de'i ba lang sgra blo yis/ /ba lang sgra ni rab brtan yin/ /ba lang sgra yi yul nyid kyis/ /ji ltar phyi de skyes pa bzhin/ /'di yang de ni shes yin te/ /gtan tshigs de phyir snga lo bzhin/ /gnyis ka yang ni yul gcig yin/ /ji ltar blo ni gcig bzhin blo/ /yul dang dus sogs tha dad pas/ /ba lang nyid blo ma lus pas/ ba lang sgra gcig skyed 'gyur te/ /ba lang blo phyir blo gcig bzhin/ /snga de'i ba lang sgra brjod pa/ /phyi de yang ni yod pa yin/ /ba lang sgra yis shes rtogs phyir khyi de brjod pa'i sgra bzhin no/ /phyi de ba lang sgra thos pa/ /bdag gis sgra de snga de 'ang thos/ /sngar bstan gtan tshigs nyid kyis ni/ /phyi de brjod pa'i sgra bzhin no/ /sgra yang brjod par bya ba gang la/ /de bston yul ni ring bo phan/ /'brel ba nyams myong la bltos pas/ /shes bya la shes 'jug phyir ro/ /de 'dra gang yin brtan par mthong/ /du ba'i spyi'i cha bzhin no/ /'brel ba'i shes pa la bltos pa/ /ma brtan pa ni rtogs byed min/ /de tshe rgyu mtshan nyid yin phyir/ /mar me glog shi gsal ba bzhin/ /sgra yi mi rtag nyid phyogs las/ /rjes su dpag pas gtan grub pas/ /de kun gyis ni 'gal bar 'gyur/ /bum sogs gcig nyid thob gyur ni/ /rigs rten 'dod pas grub pas sgrub/ /gsal ba rnams la gcig nyid du/ /phyogs 'di yis ni byed pa na/ /de tshe mthong ba dang 'gal nyid/ /tshad ma kun gyis brjod par bya/ /bcos ma'i 'brel pa nyid yin na/ /de yi sbyor ba med pa'i phyir/ /gsal ba de gcig la gnas pas//
- 85b
'brel pa thams cad khyab 'gyur min/ /sa las byung dang yod rdzas sogs/ /mjug ma nyid sogs 'jol ba'i phyir/ /sbyor ba mang du byed pas na/ /ba lang nyid nges 'gyur ba min/ /de phyir sgra ni bcos ma min/ /res 'ga' yang ni 'jig mi 'gyur rtag pa dang ni rten 'brel phyir/ /nam mkha' rdul phran lta bu'o/ /spyi rnams du ma mngon phyogs pa'i/ /yul can yan cig thos pa na/ /rang don brjod nyid dmigs dgar bas/ /sgra yi rtogs par mi 'gyur ro/ /mang du thos pas de nyid ni/ /srog chags nyid la sogs pa dang/ /gar sogs 'gro ba la sogs dag/ lkog shal mjug ma nyid sogs kyang/ /khral lo sogs dang khu yu sogs/ /gsal ba'ang rang gi rgyu spangs nas/ /dmigs dgar ba la ba lang nyid/ /yun ring nas ni rtogs par 'gyur/ /dus de tsam du bstan pa 'di/ /phyogs ni su zhig rjod par byed/ /slar yang rgyu mtshan 'di yis ni/ /'di la 'dzin pa mi srid nyid/ /ji ltar bum sogs rnying pa'am/ /mtshon sogs gyis ni bcag pa yis/ 'jig par 'gyur ba rtogs pa yin/ /de bzhin sgra las rgyu yod min/ /yul dang dus dang sbyor byed rnams/ /tha dad kyang dbye ldan min/ /ga sogs yi ge gang gis ni/ /de la ngo shes gsal bar yod/ /myur ba la sogs dbye bas kyang/ ga gsal gzhan la rnam bcad par/ /ga yi gsal gzhan gas pa po ru/ /rdzogs par 'gyur ba rtogs pa yin/ /shin tu dmigs bkar yi ge ga/ ga nyid rten ni yod po min/ /ga gzhan blo yis ma rtogs phyir/ /gzhan gyis brtags pa'i ga nyid bzhin/ /yi ge nyid sbyor 'di bsgrub bya/ /yi ge kha sogs nyid bzhin no ldog pa yang ni ma mthong phyir/ /'dir ni mthong ba ldog byed min/ /yi ge'i bdag nyid gnyis grub ni/ /rtag pa nyid sogs rtogs pa la
- 86a
ji ltar 'dod yin de bzhin du/ /grub pa nyid las khas blang gis/ /des na yi ge gcig nyid du/ /blo ni gcig nyid skye bar 'gyur/ /gsal bar byed pa'i dbye ba yis/ /khyad par gyi blo yod par 'gyur/ /gang la rna ba'i yul gnyis la/ /de la blo gnyis skye min nam/ /khyed la dbang pos las 'das phyir/ /ji ltar sgra yis khyad par blo/ /sgra tsam legs byas rna ba yis/ /gang tshe sgra ni rtogs par 'gyur/ /de dang nyer bsres de yi ni/ /rtogs pa yin zhes 'ga' zhig zer/ /yang na de dag 'dzin pa min/ /de yi dbang gis sgra blo skye/ /legs par byas pa'i rjes byed phyir/ /de yang chen po nyid sogs rtogs/ /mngar ba kha ba'i ngo bo dang// de bzhin dkar po'ang ser po ru/ /mkhris pa'i gnad kyis sems 'khrul pas/ /de ltar yul ni 'dzin par byed/ /de bzhin shugs kyis rgyug pa dang/ /gru la zhugs nas 'gro ba yis/ /'khrul pa ri la sogs pa 'di? de dag 'gro bar snang bar 'gyur/ /sbal pa'i zhag gis mig byugs pas/ /'od ma'ang sprul gyi ngo bor snang/ /gsal ba nyung dang mang nyid kyis/ /de brten spyi yang che chung 'dzin/ /de dag rnams ni ji bzhin du/ /rgyu mtshan 'dzin pa med na yang/ /gsal byed la gnas ma rtogs nas/ /de ltar gsal bya la 'khrul 'gyur/ /thung sogs dbye ba rang bzhin gyis/ /rtag par smra ba la 'gal yin/ /gang zhig rtag tu yod pa yin/ /rang nyid kyis de tshad gcig cis/ /de phyir de yi brjod pa yi/ /tshad kyi dus ni rtogs par gyis/ /tshad gnyis sam ni tshad gsum mam/ /rang nyid kyis ni tshad gcig min/ /sgra tsam rnams kyis gsal ba ni/ /sgra la mi 'thad ma yin nam/
- 86b
sgra ni legs par byas pas sam/ /dang po 'am ni gnyis der 'gyur/ /de la gal te sgra legs byas/ /thams cad kyis ni rtogs par 'gyur/ /cha shas med pa'i khyab pa la/ /phyogs gcig legs par sbyor mi 'dod/ /brten pa yi ni dbye bas kyang/ /legs par dbye ba nges mi 'gyur/ /gang phyir sgra ni rten med pa/ /nam mkha' i bdag nyid la sogs bzhin/ /'on te nam mkha' i rten yin na/ /de yang cha med dngos yod pas/ /ma lus sgra ni rtogs pa'i phyir/ /phyogs gcig legs byar mi 'gyur te/ /phyogs gcig legs par byas pa na/ /ji srid nam mkha' la gnas pa/ /ma lus ngo bo nyid kyis ni/ /lus ba med par rtogs nus min/ /mkha' nyid rnam par 'dod phyogs la/ /khyab pa nyid phyir mtshungs thob 'gyur/ /ring du gnas kyang sgra rnams kyang/ /shes pa 'byung bar thal bar 'gyur/ /srog chogs kun gyi rna ba ni/ /gcig nyid du ni de ltar 'gyur/ /des na gcig gis thos dus su/ /de dag thams cad kyis thos 'gyur/ /de yang cha shas med nyid phyir/ /chos dang chos min legs byas pa/ /gnas skabs gnyis ni grub pa'i phyir/ /rna ba nam mkha' i phyogs 'gyur min/ /lan cig rna ba legs byas pas/ /sgra ni thams cad rtogs par 'gyur/ /bum pa'i phyir ni mig phye bas/ /snam bu mi mthong bar mi 'gyur/ /yul yang legs par byas pas na/ /de nyid kho nar thal bar 'gyur/ /yul mtshungs par ni gnas pa na/ /legs par byas la khyad med phyir brtan pa'i rlung ni yongs spangs pas/ /'di la legs byas 'gyur ba min/ /sgrib pa rnams ni yongs spangs nas/ /de yi phyogs gzhan dmigs par 'dod/ /sgra ni gcig nyid yin pa na/ /legs byas ma byas mi 'grub po/ /gnas
- 87a
skabs gcig ni khas len na/ /kun gyis rtogs 'gyur yang na min/ /gnyis ka legs par byas pa ni/ /so sor bstan skyon kun 'byung 'gyur/ /des na sgra la gsal byed ni/ /ji ltar yang ni mi 'thad do/ /bshad pa byed pa po yis na/ /rna ba legs byas phyir lan brjod/ /de dbye thos pa'i dbye ba la'ang/ /thos pa po la'ang gnas pa yin/ /ji ltar mig la phan brtags pas/ /bum sogs rnams la mar me sogs/ /gsal 'dod rna ba legs byas phyir/ /sgra tsam de ltar byung ba yin/ /legs byas rnam pa gang gis ni/ /'dir ni brgal zhing brtag pa med/ /skye ba dang yang mtshungs nyid pas/ /der yang nus pa dbang 'das phyir/ /nus pa 'bras bus gtan rjes dpog/ gang gis de ni brgal zhing brtag/ de yod de 'byung tsam gyis ni/ /tshad pas de ni rtogs par 'gyur/ /des na dbang 'das nus pa yin/ /de dag dbang 'das nus pa ni/ /dbang po la ni skyed byed pas/ /mngon gsal rgyu ru kho bo 'dod/ / gang dag ma phrad par skye ba/ /sgra 'di rna bas 'dzin par byed/ /ring dang par du chod sogs la/ /de dag la phra mtshungs nyid yin/ /de la ring dang nyer gnas pa'i/ /gzung dang ma bzung mtshungs par 'gyur/ /rim gyis kyang ni mi 'gyur te/ /myur dang da la sogs kyang mi 'byung/ /de phyir gtsang sgra can mthong ba'ang/ /blta ba 'di ni blta bar gyis/ /'bad rtsol gyis ni bsgul ba'i rlung/ /lte ba las byung rgyu zhing 'gro/ /skan la sogs par ldan pa dang/ /rnam par dbye ba rjes su byed/ /shugs nyid ldan phyir de yang ni/ /ji srid shugs yod par du gnas/ /de yi rang gi yan lag ni/ /brtan pa'i rlung dang lhan cig tu/ /'gro zhing ldan dang rnam dbye ba/ /des pa skyed par 'gyur ba yin/ /rnam pa'i
- 87b
nam mkha' phyin gyur na/ /rna ba'i nus pa skyed byed yin/ /de yod pas na sgra rtogs phyir/ /legs byas ma mthong na yang legs/ /skye ba'i nus pa bzhin de yang/ /bdag la ci yang lhag pa med/ /sgra yi bye brag bzur pa'i phyir/ /de'i khyad par yang de bzhin 'gyur/ /rtsig pa la sogs rlung gi ni/ /gegs su rab tu 'thad pa yin/ /de ni drag por 'jug pa yis/ /rna ba'i phyogs kyis gegs byed rigs/ /de ni rim pas 'jug nyid phyir/ /'jig pa dang ni shugs bcas yod/ /legs byas rim pas gsal po nyid/ /mi gsal la sogs pa'i rgyu mtshan rigs/ /kho bo nges par rna ba ni/ /nam mkha' khas len mi byed do/ /nam mkha' cha shas med min te/ /rgyal ba grangs can gyis bkag phyir ro/ /de nas nam mkha' i phyogs gcig gam/ /yang na dngos po gzhan du 'gyur/ /so so'i mi la gnas rna ba/ /'bras bu'i don dgos kho bos rtogs/ /gal te khyab pa gcig nyid ni/ /de lta na yang rten gang la/ /sgra tsam gyis legs byas de yod/ /des ni sgra rnams rtogs par byed/ /'on kyang dbang po legs bya ba/ /da yang rten gyi phyogs kyis 'byung/ /des na rna ba legs byas na/ /rna bas sgra ni thos 'gyur min/ /sgra tsam rna phyogs ma yin pas/ /rna ba'i dbang po legs byas min/ /des na rten gi dbye ba yis/ /legs par byed pa nges par gnas/ /'o na rten ni gcig la ni/ /dbang po legs par byas pa thob/ /lus kun la ni rtogs byed pa/ /dbang po gcig tu sgra la 'gyur/ /skyes bu'i lus kyi phyogs rnams la/ /rnam par shes pas skyed 'dod yin/ /des na gtso bo tha dad pas/ /rna ba'i legs byas tha dad 'gyur/ /bdag ni phyogs rnams dang bral yang/ /ma lus par ni rtogs byed pa/ /lus nyid la gnas 'dzin pa na/ /kho bos de smras 'gal ba med/ /de nyid kyis na rgyu yis ni/ /'on pa nyid sogs gnas
- 88a
pa yin/ /chos dang chos min dbang byas pa/ /de nyid kun na logs sbyor bya? yin/ /ji ltar dbang dang bral ba rna/ /yul der gnas par gyur na yang/ /longs spyod mi rnyed de bzhin du/ /gzhan gyis thos kyang 'on pas min/ / rna ba sgra dang rten dag ni/ /dang nyid kyis ni yan lag bral/ /phyogs gcig la ni gnas pa min/ /de lta na yang de skyan med/ /gsal bar byed pa'i rlung rnams la/ /tha dad yan lag phyogs nyid dang/ /rigs kyi tha dad pa yod pas// de nyid kyi ni legs par gnas/ /gzhan gyi don du rlung bskul bas/ /ji ltar khyed la gzhan byed min/ /de bzhin yid gzhan legs byas pa'i/ /nus pa gzhan ni legs byed min/ /rkan sogs spyod ba gzhan dag gis/ /ji ltar yi ge gzhan byed min/ /de nyid sgra tsam gzhan bskul bas/ /sgra tsam gzhan ni byed pa ni/ /de phyir skye dang gsal dag ni/ /'bad rtsol brjod par 'dod pa la/ /kun la nus pa'i bye brag ni/ /'bras bu'i don gos mtshungs par des// yang na rig byed rjes 'brangs pas/ /phyogs ni rna ba nyid des bya/ /nam mkha' i bdag nyid rna ba ru/ /brjod par rig byed gang na'ang med/ /phyogs ni rna ba yin no zhes/ /de ni rab tu thim skabs brjod/ /de yang rang bzhin 'gro nyid kyis// tshig gis mig la sogs pa bzhin/ /ji ltar 'di mig gzi? brjid kyi/ /rang bzhin du nges nyi ma la/ /'gro bar 'gyur ces brjod pa yin/ /de bzhin rna ba phyogs bdag nyid/ /phyogs ni kun 'gro gcig pu nyid/ nam mkha' ji srid du gnas pa/ /rna ba'i bu gas yongs bcad la/ /rna ba yin no nam mkha' ? phyogs bzhin/ /nam mkha' cha nyid brtag pa la/ /ji srid cung zad rigs pa yin/ /phyogs kyi cha la'ang de mtshungs te/ /lung gis khyab par 'gyur ba yin/ /des na
- 88b
bsod nams bsod nams min/ /dbang byas rna bug gis yongs bcad/ /phyogs rdzas cha yi sna gang yin/ /de ni legs par bya ba 'gyur/ /yul yang legs par byed pa na/ /des na gcig la legs byas yin/ /mi yi nus pa tha dad phyir/ /thams cad kyis ni rtogs 'gyur min/ /ji ltar skye bar gyur pa 'di/ /phyogs dang yul la sogs pa yi/ /dbye bas kun la yod na yang/ /thams cad kyis ni rtogs bya min/ /de bzhin gang dang nyer gnas pa/ /sgra tsam gyis ni legs byas gang/ /de dag nyid kyis sgra thos 'gyur/ /ring na gnas par cis mi 'gyur/ /sgra yi skye ba bkag pa'i phyir/ /gzhan du mi 'thad pa yin na/ /sgra tsam rnams kyi khyad par las/ /legs par bya pa des skyed 'gyur/ /'dir ni de yod de 'byung nyid/ /nus pa yod nyid rtogs byed pa/ rna ba'i nus pa bzhin du 'dod/ /de ru blo ni yang dag bsdus/ /gnyis ka legs par byas phyogs la/ /nyes pa gnyis car brdzun pa yin/ /gang gis gang rung ma tshang na/ /thams cad kyis kun rtogs mi 'gyur/ /ji ltar nye gcig chu sogs la/ /dbyer med de yang du ma yi/ /bdag nyid du ni snang bar 'gyur/ /sgra yang de bzhin shes par bya/ /gsal byed sgra tsam grags pa las/ /de'i yul ni de bzung 'gyur/ /bar mtshams med pa'i nam mkha' las khyab nus sgra tsam la ni med/ /des ni ma bcad pa'i ngo bos/ /de na thams cad du rtogs min/ /sgra tsam yul gyi tha snyad nyid/ /thos pa der ni rjes su byed/ /bar mtshams ma khyab pa nyid kyis/ /rnam gcod kyang ni nges par 'gyur/ /de dag nyung la yul gcig pas/ /sgra yang ma khyab pa du des/ /'gro dang shugs nyid bcad pa yis/ /de dag gang dang gang las 'byung/ /nyan po de dang de las ni/ /sgra ni byung ba bzhin du sems/ /gzugs brnyan re re tha dad pa/ /so so'i
- 89a
snod du cig car du/ /snang ba rgyu mtshan gang gis ni/ /'dzin par 'gyur zhes brjod pa na/ /'dir smras gang tshe re zhig na/ /tshul yid 'ong g.yo ba yi/ /mig gi snang ba gang byung ba/ /de ni ldog par gyur ba na/ /nyi ma rnam pa du ma ni// ci ste snod du tha dad gzugs/ /rang gnas la gnas 'dzin gyur na/ /de tshe du ma ga las byung/ /sor mos cung zad mnan mig gis/ /ji ltar gcig ni du ma ru/ /snang 'gyur mi 'jug tha dad pa/ /kho bos sgra yang de bzhin no/ /gzhan dag 'di la rgol ba na/ /gzugs brnyan 'char bar 'dod pa can/ /gal te de nyid rtogs 'gyur na/ /ci phyir steng du snang mi 'gyur/ /khron pa la sogs gting du ni/ /gzugs brnyan med na ji ltar snang/ /shar bltas me long la bltas na/ /nub tu bltas par ji ltar 'gyur/ /chu la nyi ma snang ba na/ /mig gcig steng dang 'og gi ni/ /phyogs gnyis su ni rtag 'jug 'gyur/ /rten ni yin por gnas nyid phyir/ /de la stong phyogs gsal ba yi/ /bdag gis 'di ma mthong bar 'gyur/ /brgyud nas bkod par gyur pas na/ /'og na gnas pa mthong bar 'gyur/ /de ni gcig nyid phyi steng na/ /gnas pa 'og tu snang bar 'gyur/ /des na 'og ni kho na ru/ /bar mtshams bcad par nyi ma snang/ /de bzhin shar du song 'jug pas/ /nub phyogs song 'jug la bkod la/ /gdod mthong ba na 'khrul pa yis/ /nub phyogs lta bar rtogs pa yin/ /du ma'i yul rnams la gnas pa/ /gzugs brnyan yod pa yin na yang/ /mtshungs pa'i blos ni rtogs nyid phyir/ /du ma nyid du yang pa min/ /yul gyi dbye bas tha dad nyid/ /de ni rjes su dpag las byung/ /de 'di yin zhes shes pa ni/ /mngon sum yin des gnod par 'gyur/ /ji ltar rim gyis skyes bu ni/ /tha rang yul du 'gro na yang/ /lta sbyin tha dad mi 'gyur te//
- 89b
de ltar sgra yang tha dad min/ /gcig bu nyid du rtogs 'gyur bas/ /ji ltar yang yang mthong 'gyur ba/ /de ni du dbyes phye mi 'gyur/ /de bzhin sgra yang yul gyis min/ /gal te rim gyis 'gral? med na/ /khyab pa nyid duAng blta bar gyis/ /mthong ba grub kyi chos gang yin/ /rnam pa kun gyis de khas long/ /ji ltar sa zhung yang bskos pas/ /shin tu ma byas pa yin yang/ /nam mkha' la ni che blo nyid/ /dog pa la ni blo chung 'gyur/ /des 'dir gzhan gyi khyad par gyis/ /sgra 'jug de ltar blo 'khrul yin/ /sgra las gnas pa'i rigs nyid dang/ /phra ba nyid ni mtshon 'gyur min/ /blo yi gsal ngang mi gsal nyid/ /che chung nyid du rtags pa yin/ /bum sogs la yang rtag par ni/ /'od chen bos ni gsal byas nas/ /de yang gsal po kho nar 'gyur/ /'od chung gsal byas min gsal 'gyur/ /de bzhin ring sogs thams cad ni/ /sgra la chos rnams gnas yin zhes/ /don dang 'brel par ma mthong na/ /sgra ni rjod par byed 'gyur min/ /de lta yin na sngar med pa'i/ /kun gyis rang don rtogs par 'gyur/ /mi rtag yin na 'di la ni/ /'brel pa mthong bar 'thad pa min/ /gal te 'brel shes grub pa ni/ /nges par dus gzhan la gnas min/ /gzhan la 'brel par rtogs pa na/ /gzhan la brjod par byed 'gyur min/ /ba lang sgra la 'brel shes na/ /rta yi sgra ni rjod byed min/ /'on te gzhan yang rang bzhin gyis/ /cung zad kho na rtogs byed na/ /de la rgyu mtshan med pas na/ /de gang yin zhes nges mi 'gyur/ /gang phyir nyan pa po rnams la/ /de lta bu yi tha snyad kyi/ /shes pa zhes byar 'thad par 'gyur/ /de ltar brjod pa po rigs min/ /mi shes pa yis thog mar ni/ /sgra ni gang zhig brjod par 'dod/ /gal te shes par gyur na ko /nges par de sngar shes pa
- 90a
min/ /mngon sum yan lag nyid kyi phyir/ /'od ni sngar yang gsal bar byed/ /'dra ba nyid ni ma rtogs phyir/ /de yi sgo nas rjod byed min/ /gang gcig dang ni 'dra ba yis/ /gzhan ni rjod par byed par brtags/ /'brel pa nyid du ma mthong na/ /gang tshe thams cad mtshungs nyid yin/ /gal te sngar mthong don ldan na/ /de ni de tsam ga las khom/ /lan 'gar dmigs par ma gyur na/ /don dang ldan par rtogs mi 'gyur/ /sgra gzhan rtogs par ma byas la/ /dus der de ni don med yin/ /sgra gzhan thos la de nyid ni/ /don dang ldan 'gyur do/ /tshar che/ re zhig sgra ni ma brjod na/ /'brel pa byar ni mi 'dod do/ /brjod ma thag tu 'jig pa la/ /'brel pa yis ni dgos pa med/ / des na 'brel med 'jig nyid kyis/ /snga ma re zhig don med yin/ /phyi ma 'brel par ma byas par/ /don dang ldan par ji ltar shes/ /sgra brjod dad ni 'brel byed dang/ /'jig rten tha dad snyad bya ba rnams/ /rim pa'i rang bzhin nyid yin pas// su zhig la la cig car byed/ /yul dus sogs tha dad skyes bus/ /sgra gzhan sngar ni ma thos pas/ /sgra gcig la yang bcos ma yi/ /'brel pa grub pa ma yin no/ /'di la 'brel pa brjod na yang/ /sun dbyung de nyid kho nar 'jug zhig dang med dang da ltar la/ /brjod pa srid pa ma yin na/ /smra pos don ldan sgra gang zhig/ nyan pa po las rjod par byed/ /de ni brjod par nus pa min/ /brjod pa de ni don ldan min/ /'dra ba nyid ni rjod byad na/ /nyan pa po la de ru ni/ /don ldan 'dra ba'i sgra 'thad min/ /don dang ldan par 'dzin med phyir/ /rang nyid kyis de don ldan min/ /smra po nyan ba'i dus su yang/ /de nyid du ni thal bar 'gyur/ /de phyir sgra don mi 'brel pa/ /rtag pa nyid du khas len gyis//
- 90b
brda las byung bar rigs min te/ /rnam pa kun gyis de med phyir/ /brjod bya rjod byed phan tshun du/ /bdag nyid kyis ni nus yod min/ /gal te mig gis brda bzhin du/ /brda yis skyes bu rtogs 'gyur na/ /mi re re la brda re 'am/ /yang na bzlas nas brjod pa yin/ /'gro ba yi ni thog ma ru/ /'ga' yis cig car byas yin grad/ /re re 'brel pa tha dad dam/ /yang na gcig pu kho nar 'gyur/ /gcig nyid yin na byas ma 'gyur/ /tha dad yin na blo tha dad/ /smra nyan blo ni tha dad phyin/ /tha snyad 'grub par mi 'gyur ro/ /smra po'i blo la 'brel pa gzhan/ /de bzhin gzhan ni nyan pa la/ /nyan ba po la 'brel byed na/ /brjod pa po yis gang rtogs 'gyur/ /de yis sngar ni mthong ba gang /de ni nyan pa la med min/ /gsar du gang zhig byed pa na/ de yang ston byed mthong ba yin/ /bum sogs la mtshungs nyid ces na/ /de min phyir ni rab grub phyir/ /gal te nus pa rtogs pas ni/ /gsal bar byed par mi nus so/ /gang zhig byed pa de la yang nus pa 'bras bu la nges yin/ /de lta na yang rnam pa yis/ /chu mchu la sogs nus grub yin/ /de la thog ma nyid yod min/ /khyed la 'brel pa thog mar bcas/ /gal te de la yang spyi ni/ /rtag par khas len byed pa na/ /de lta na yang bdag 'dod grub/ /rnam pa gnyis ni mi srid do/ /nus pa nyid ni 'brel pa ste/ /de la dbye ba snang mi 'gyur/ /de yang 'bras bus rjes dpag yin/ /de yi dbye ba rjes byed 'gyur/ /gzhan du mi 'thad pa yis ni/ /nus pa yod par brtags pa yin/ /gcig gis don ni grub pa na/ /mang por brtags pa 'dod pa min/ /'brel pa brjod pa'i dus su yang/ /ba lang sgra sogs brjod pa na/ /'ga' zhig 'brel ba'i blo yis ni/ /don rtogs de bzhin gzhan
- 91a
gyis min/ /de la 'brel ba med pas na/ /kun gyis don ni nges mi 'gyur/ /gal te yod na kun gyis rtogs/ /de min 'ga' sogs ma bzung phyir/ /shes byed nyid kyis 'brel pa na/ /rang? bdag nyid ces rtogs pa yin des na 'di ni yod na yang/ /ma bzung bar ni gsal byed min/ /la lar don ni yod na yang/ /ma bzung bar ni mthong pa yin/ /shin tu med pa'ang yod nyid du/ /'ga' zhig la yang mi 'thad do/ /dngos po gcig la yod med dag/ 'gal ba gnyis ni mi 'gyur ro/ /zhes dang mi shes nyid dag la'ang/ /'gal nyid mtshungs pa ma yin nam/ /shes pa skyes bu'i rten yin pas/ /de dbye de dbye 'gal ba min/ /skyes bu gzhan la gnas pa ni/ /zhes pa de yis gnod 'gyur min/ /lod dang ma lod nyer gnas pa'i/ /dkar po long bas med mthong ste/ /cig shos kyis ni mthong bar 'gyur/ /bde dag la de yod med min/ /mi yi nus dang mi nus pa'i/ /dbye ba der ni 'gal bar 'gyur/ /'brel pa ma rtogs las rgyu gzhan/ /'dir shes pa la yod pa min/ /de bzhin dbang po dang mtshungs pa/ /tha snyad la ni dmigs pa ni/ /gang dag la yod de dag des/ /don rtogs gzhan min long ba bzhin/ /mi shes pa ni thams cad la/ /snga ma snga ma'i grags pa yis/ /'brel pa grub ces de bzhin du/ /'brel pa thog ma med pa yun/ /zlos nas brjod par 'jug pa ni/ /mi rigs tha snyad yod phyir ro/ /'byin pa'i dang por byar med de/ /de 'dra'i dus ni 'dod pa yin/ /'gro ba thams cad re 'ga' yang/ /mi 'dra bar ni 'dod pa min/ /rab tu thim pa chen po zhes/ /don dam par ni rtogs 'gyur min/ /mtshan mor ba thim zhes bya yin/ /las kun thim pa nyid kyi phyir/ /nyin
- 91b
mo 'byin pa zhes bya ste/ /las rnams kun ni 'jug pa yin/ /yang na yul zhig rig rgyud ni/ /chad pa'i ngo bor rab thim yin/ /thams cad chad pa'i bdag nyid kyi/ /thim pa'i tshad ma bdag la med/ /dran pa ma nyams pa 'ga' zhig/ /'byin dang bsdu ba'i byed po na/ /dbang phyug la sogs brtan rigs min/ /gang gis 'brel pa rtog par byed/ /go rims mi rtag pa nyid kyis/ /rjod byed mi rtag 'gyur min nam/ /tshig ni rjod byed 'dod pa ste/ /rim pa la ni rig las blo/ /kun 'gro nyid phyir khyed la ni/ /rang nyid kyis yin rim ldan min/ /mi rtag sgra tsam gyis 'bras phyir/ /des na rim pa 'jig pa yin/ /de yi brjod 'dod dbang gis ni/ /skyes bu la de rag las 'gyur/ /des na yi ge rtag pa nyid/ /khyed la 'bras bu med par 'gyur/ /rim pa med pa'i yi ge ni/ /ston par byed par shes 'gyur min/ /khyed la rim pa tshig nyid de/ /de phyir de ltar thal bar 'gyur/ /gang dag rim pa dang bral dang/ /yi ge dang bral tshig yin te/ /de dag la ni sgra rtag nyid// rtogs pa de ni don dang ldan/ /re zhig go rims nyid tshig tu/ /bdag cag la ni thal 'gyur min/ /gang gis dngos po gzhan rten pa/ /de ni gsal byed mthong 'gyur min/ /de dag la ni chos tsam 'di/ /dngos po gzhan du mi 'dod do/ /des na 'di ltar rtogs pa na/ /yi ge rnams ni go byed 'gyur/ /rim pa 'bras bu nyid min te/ /sngar grub yongs su 'dzin pa'i phyir/ /smra bo 'ga' zhig rang dbang gis/ /rim pa shes par 'gyur min te/ /ji ltar gzhan dag gis brjod pa/ /de ltar 'dir ni brjod par 'dod/ /gzhan yang de ltar nges na yang/ /'brel pa bzhin 'di thog ma med/ /des na brtser gnas brtan min yang/ /tha snyad du ni de rten yin/ /skyes bu rnams kyi rang dbang nyid/ /kho bos 'bad
- 92a
pas bkag pa yin/ /'o na yi ge rnams kyis ni/ /brtser gnas brtan min de ltar grub/ /yi ge rtag pa yod yin na/ /tha snyad las ni rim par byung/ /rdul phran rtag pa yod na ni/ /ji ltar bum sogs la bkod yin/ / de med rtsa ba med pa yis/ /bkod pa'i nges par bzung ba yin/ /gzhan gyis brjod pas bdag gis brjod/ /brjod 'dod de 'dra nges par 'gyur/ /de lta na yang brtan nyid 'gyur/ /tshad ma gzhan ni khyod la med/ /ji ltar rigs kyi bum sogs kyi/ /tha snyad nye bar mtshon pa yin/ /de bzhin go rims la sogs pa'i/ /tha snyad rigs kyi sgo nas grub/ /ro zhig rkan la sogs pa'i rigs/ /skyes bu thams cad la gnas 'gyur/ /smra bo de dag rnams kyis ni/ /sgra tsam mtshan nas bskul bar byed/ /ji srid yid yid sgra tsam gyis/ /rigs tha dad pa sgra la ni/ /mngon par gsal ba ni rgyud 'jug pa'am/ /yang na gsal ba de ldan yin/ /de la rkan sogs ldan pa dang/ /rnam dbye'i rim pa sngon 'gro can/ /sgra tsam rnams la go rims 'gyur/ /rigs kyis gnyis ka'i rtag nyid kyang/ /ji ltar bskor ba sogs rnams kyi/ /dbye rigs sogs kyis mtshan byas pa/ /rim pa'i rjes dran 'gyur de ltar/ /rkan sogs sgra tsam yig rten yin// phra ba nyid phyir gsal rnams la/ /rigs kyis chos ni nges gzung yin/ /de yi dbang gis yig rnams la/ /khyab nyid yin yang rim par 'dzin/ /da ltar sgra tsam gyis yon tan/ /thams cad rtag nyid du gnas pa/ /yi ge'i rjes su byed pas na/ /don gyi dbye ba rtogs par 'gyur/ /yi ge rnams kyi go rims dang/ /thung dang ring dang ches rang gang/ /sgra tsam khyad par can dus kyi/ /rnam dbye de dag shes par 'gyur/ /dus ni gcig yin khyab cing rtag/
- 92b
rab tu dbye ba'ang rtog par 'gyur/ /dngos po kun la yi ge bzhin/ /la lar 'ga' zhig gis gsal byas/ /yi ge rnams la gsal 'gyur na/ /de ni don rtogs yan lag 'gyur/ /gzhan du yang ni yod pa'i phyir/ /de'i rang bzhin rtag nyid yin// de phyir dga' zhig 'jig de 'dra/ /tshig gi chos ni yod pa yin/ /des na yi ge rtag smra la/ /tshig rtag nyid du grub pa yin/ /gzhan gyi chos kyang yan lag nyid/ /rta yi shugs sogs bzhin du brjod/ /sgra kun rtag pa nyid yin/ /don gyis go ba tshad ma yin/ /sgra ni mi rtag nyid sgrub na/ /rang gi tshig la sogs dang 'gal/ /bsgrub par bya ba'i don rtogs phyir/ /dam bca' thams cad brjod pa yin/ /mi rtag na de rang gi don/ /smra nus min zhes dpyad zin te/ des na don rtogs pas grub phyir/ /rtag nyid ces byas gnod par 'gyur/ /don gyis rjod byed nus par na/ /khas blangs byas nas bsgrub pa na/ /sngar ni khas blangs byas pas kyang/ /gzhan gyis 'jig nyid la gnod 'gyur/ /bstan bcos so so la brtan pa'i/ /don rtogs nus pa rnams kyis ni/ /'jig pa nyid du smra kun la/ /lung gis kyang ni gnod par 'gyur/ /sngar bshad pa kyi phyogs kyis ni/ /'jig rten kun la grags pas gnod/ /sngar bshad gtan tshigs kho na yis rjes dpag dang yang 'gal bar 'gyur/ /rna ba las skyes ngo shes pas/ /sgra ni rtag par nges byas phyir/ /mngon sum gyis kyang 'gal ba nyid/ /snga ma kho nar gtan zin to/ /'jig pa nyid du sgrub pa yis/ /sgra de gang yin zhes brjod dgos/ /yon tan gsum ma ma de gang zag /kho bo 'am yang mkha' i yon tan/ /'on te yig gzhan sgra bdag nyid/ /yang na brjod min rlung ngo bo/ /tshig dag bdag nyid gsal ba'am/ /yang na 'dra nyid gzhan sel yin
- 93a
de rnams mi rtag nyid yod mod/ /kho bo'i de rtag nyid mi 'dod/ /ma grub khyad par nyid dang na/ /gzhi ma grub pa'i gtan tshigs 'gyur/ /'on te bdag 'dod phyogs khyod 'dod/ /rang nyid kyis ni de gnyis 'gyur/ / 'on te sgra tsam mi rtag brjod/ /de yin sgra yin khyed cag la/ /mi rtag yin bas kun gyis ni/ /de yang rtag par 'dod dang 'gal?/ /gal te shin tu 'jig nyid du/ /mi rtag nyid du brjod pa ni/ /de yis khyad par mi grub pa'i/ /phyogs 'gyur kho po la ni yin/ /gal te ji zhig ltar 'dod pas/ /rtag pa 'di ni brjod pa na/ /mngon par mi gsal gnas skabs las/ /de ni mngon gsal bdag nyid 'dod/ /dbang po 'ga' zhig gis bzang nyid/ /gtan tshigs su ni 'dir rtog bsgrub par byas pa'i rigs kyis ni/ /da ltar 'khrul par rtogs par 'gyur/ /phyogs kyi chos nyid ma grub na/ /ji ltar phyir rgol ba la ni/ /gtan tshigs brjod par mi 'thad de/ /de bzhin rjes 'gro ldog pa yang/ /gal te der bsgrubs smra ba la/ /rigs grub ma gyur de lta na'ang/ /ji srid de ni btsal ma byas/ /de srid gtan tshigs nyid 'gyur min/ /dbang po las byung nyid sogs la'ang/ /dngos po ji ltar yin dpyad bya/ /gsal las gzhan pa'am bzhin nyid min/ /tha dad tha mi dad gsal dpyad/ /de la thun mong ming ma grub/ /mthun phyogs bsgrub par bya dang bral/ /smra ba po la ltos nas ni/ /rnam par brtag pa'i rjes 'brangs brjod/ /btsal ma thag byung shes pa ni// byas dang mi rtag sgrub pa gang/ /skad cig ma ni ldog pa yis/ /so sor brtags dang mi brtags pa'i/ /'gog dang nam mkha' dang gsum 'os/ /de ni ma nges pa nyid yin/ /blo ni sngon song 'jig pa la/ /sor brtags pa'i 'gog pa'i/
- 93b
blo/ /blo ni sngon du ma song ba'i/ /'gog pa sor ma brtags yin/ /'jig nyid phyir na de dag gnyis/ /ma byas par yang mthong ba yin/ /rang bzhin gyis grub 'jig pa yis/ /rgyu med ces ni de dag smra/ /me dang 'brel pas shing las ni/ /sol ba'i rgyu ni 'byung bar 'gyur/ rang bzhin las 'byung 'jig pa ni/ /skyes ma thag pa tsam du gnas/ /phra zhing 'dra ba'i rgyun 'jug phyir/ /nye bar mtshon par mi 'gyur ro/ /gang tshe mi mthun pa yi rgyu/ /'dra ba'i rgyun la bsnun pa na/ /mi mthun pa yi 'bras bu yis/ /de tshe rags par mngon gsal 'gyur/ /des na rgyu las mi mthun rgyun/ /gang phyir skye bar 'gyur ba yin/ /de nyid kyis ni ma byas na'ang/ /'jig pa nges par gsal bar 'gyur/ /de ni tho bas bsnun sogs pa'i/ /btsal ma thag tu 'byung ba yin/ /gang phyir ma byas par ni snang/ /des na gtan tshigs 'khrul pa yin/ /nam mkha' yang mi rtag yin na/ /gang tsha sa dang chus gang ba/ /sa brkos chu ni 'chu sogs kyis/ /de bsal bas na bsil bar 'gyur/ /de tshe btsal ma thag byung zhes/ /de la yang ni snang bar 'gyur/ /de phyir dang shes gang brjod pa/ /gtan tshigs ma nges pa nyid yin/ /'dir mthun phyogs kyang brtag bya ste/ /thos pa'i don ni bsgrub bya med/ /gsal ba'i mtshan nyid phyogs yin yang/ /rigs dang gzhan nyid gzhan min dpyad/ /gzhan yang chos can bdag ma grub/ de nyid chos can gzhan ma grub/ /khyad par med na mi rtag dang/ /rtag dngos de dag la mi 'grub/ /'di la rigs zhes kha cig brtag/ /cig shes 'jig pa du ni 'dod/ /'dres pa'i ngo bo gcig yin zhes/ /dngos po star ni bstan zin to/ /de ltar ma rtag? la dpyad bya/ /'jig pa bdag cag pas byas stong/ /gzhan min khyed cag bsgrub byas stong/ /de ni sun byung tshig gi phyogs/ /gal te tshig dang don 'brel na/ /rtag pa nyid du bsgrub byas kyang/ /dag gi don la zhig byed ni/ /tshad ma nyid
- 94a
du grub mi 'gyur/ /skyes bu rnams la brda yis ni/ /yon tan 'phel la sogs la bzhin/ /rgyu med kyang ni mchod sbyin pas/ /med pa'i don ni yongs brtags yin/ /gzhan yang tshogs pa can phyir te/ /skyes bu las byung gtam bzhin no/ /'dir ni yid ches skyes bu med/ /de na rig byed tshad ma yin/ /'brel pa byar mi 'dod pa yis/ /rigs las dag kyang brtag par brjod/ /gang gis mthong don tha snyad phyir/ /brda las byung ba'i shes pa ni/ /'phel sogs las ni srid pa yin/ /rig byed las ni mi 'thad do/ /mtho ris mchod sbyin sogs 'brel pa/ /dbang po las 'das su yi mthong/ /de yang don med ma yin te/ /de yi ngan shes 'byung ba'i phyir/ /tshogs pa can gyi sgrub pa la/ /'di 'dra'i min mthun bsgrub brjod bya/ /rig byed 'don pa thams cad ni/ /bla ma'i 'don pa sngon song yin/ /rig byed 'don pa brjod nyid phyir/ /de ltar 'don pa ji bzhin no/ /b+ha ra ta yang de ltar 'gyur byed po dran pas gnod par 'gyur/ /rig byed po ni dran med de/ /gang de don gzhan brjod rgyu mtshan/ /'das dang ma 'ongs dus dag ni/ /rig byed byed po dang bral ba/ /dus nyid phyir na 'di ltar de/ /de ltar snang ba'i dus bzhin no/ /rig byed la ni tshangs la sogs/ /byed po min par rtogs par gyis/ /skyes bu nyid sogs gtan tshigs kyis/ /dper na tha mal mi bzhin no/ /des na rig byed kyis ni tshig/ brdzun min par ni shes par gyis// rang don smra po ma bltos phyir/ /tshig don la ni tshig blo bzhin/ /de byas shes pa yod dag yin/ /rtag pa'i dag las byung nyid phyir/ /de yang dag gis blo bzhin rtag /rtag pa nyid du grub pas so/ /bskul pa las ni
- 94b
byung ba'i blo/ /tshad ma yin te skyon brel ba'i/ /rgyu rnams kyis ni bskyed byas phyir/ /rtag yid ches sogs dbang blo bzhin/ /de bzhin yid mi ches smras pa'i/ /dag gis bskyed phyir yul dus sogs/ /dbye sogs la ni gnod med phyir/ /yid ches dag byung shes par bzhin/ /rig byed tshad mar gnas pa na/ /slob dpon slob ma'i brgyud pa yi/ /thog ma med nas brtags pa yod/ /skyon med nyid du 'gyur ba yin/ /nges na 'jig rten kun mig gcig/ rig byed snang ba 'dra ba la/ /gzhan dag 'ug pa bzhin du ni/ /ma mthong? chos min las skyes lo/ /gnyis skyes las ni de kun ni/ /long bar rgyal gyis spros yin/ /'dir ni srin bus yig 'drar yang/ /de dag legs bshad cung zad med/ /byed po med pa yin na yang/ /de ni bden don 'gro ba yin de rgyu yon tan bral ba'i phyir/ /skyon med pa yis brdzun don bzhin/ /skyes bu yis ni byas pa la/ /yon tan yod ces dogs par 'gyur/ /rig byed byed po med pa'i phyir/ /bdag la yon tan yod dog med/ /des na bden dang leg don nyid// rgyu rnams mi la brten pa'i phyir/ /shes rab snying brtse med la sogs/ /med phyir de nyid yod pa min/ /des na don med 'thog 'gyur te/ /khur ba drug sogs dag bzhin no/ /gal te bya ba byed dang ldan/ /don rnams rtog par 'gyur/ zhe na/ /de ni rang bzhin gyis don dang/ /ldan pa min yang khyed la ni/ /rtogs pa der 'gyur skyes bu yis/ /bshad pas lha mi'i bshad sogs bzhin/ /skyon med na yang bden pa'i don/ /grub min gzhan yang yod pa'i phyir/ /gang phyir don med ces bya ba/ /phung po gzhan yang yod pa min/ /'on te rig byed rang nyid kyis/ /mi rnams la bltos med pa can/ /bden don rnam shes skyes nus yin/ /des na 'di ni bden don 'dod/ /de lta na ni bar med par/ /shes pa
- 95a
de ni brtag 'byung 'gyur/ /rgyu ni rtag tu gnas nyid phyir/ /dper na mngon 'dod skad cig la/ /yang na rnam shes gcig pu la/ /de skyes ma lus 'byung bar 'gyur/ /rgyu ni nus pa can yod phyir/ /rig byed 'di ni mi rtag 'gyur/ /nus pa slar yang blo byung 'gyur/ /'on te lhan cig byed pa ni/ /bshad sogs la ni bltos pa na/ /de dag la ni rim yod pas/ /rnam shes de yang rim ldan 'dod/ /de lta min zhes nus de la/ / nga ltos pa ci 'dra ba 'byung 'gyur/ /gal te de ldan de nus na/ /khyed la rtag ste 'di gang gis/ /gal te sngar ni nus med pa'ang/ /des dag gis ni nus ldan byas/ /khyed la skyes bus byas thal 'gyur/ /shes pa'i yan lag skyes rten phyir/ /ji ltar srid skyes bu rnams kyis te/ /mar med 'gyur bas gsal byes min/ /de srid rig byed de gnas pas/ /khyed la shes pa skyed byed min/ /gang phyir shes pa de yi rgyu/ /skyes bu'i shes pa las byung 'gyur/ /des na skyes bus ma byas nyid/ /yang dag don shes rgyun mi rtag /skyes bus ma byas pa nyid de/ /rig byed la yod kyang don med/ /'di yi 'dod pa'i 'bras bu gang/ /de shes skyes bu la brten 'byung/ /gal te rtag tu nus na 'dir/ /ci ste gzhan la bltos pa yin/ /des na khyed la nus rgyu gcig/ yod kyang shes pa nyid 'byung 'gyur/ /'dir ni rang dgar skyes bu rnams/ /rig byed ji gar 'chad byed na/ /de dag rnams ni dgag pa ru/ /su zhig gis ni nus pa yin/ /des na gti mug nga rgyal sogs/ /skyon gyis 'di dag bslad pa yin/ /thos pa phyin ci log bshad pa/ /byed ces dgos par 'gyur ba yin/ /de dag dbang po la 'das pa/ /mthong ba'i mi gcig kyang 'dod min/ /bskul ba ma ltos
- 95b
mtho ris dang/ /mchod sbyin sogs 'brel shes nyid med/ /gang phyir dbang po las 'das don/ /khyed kyis dngos su mthong 'dod min/ /rtag pa'i tshig gis gang mthong ba/ /de ni mthong bar 'gyur ba yin/ /gang gis rig byed mi la ni/ /ma bltos rang nyid don brjod min/ /long ba mkhar pa thog pa ltar/ /skyes bu'i bshad pa la bltos yin/ /de ni de yis drangs gyur na/ /lam log par ni ltung bar 'gyur/ /des na rig byed snang bzhin du/ /mig gcig 'gyur ba 'thad pa min/ /rang dgar shes pa skyed na yang/ /tshad ma nyid du gsal ba ru/ /'di nyid la ni mi srid do/ /skyes bu la ni bltos phyir ro/ /ji bzhin don rtogs rgyu nyid ni/ /tshad ma nyid du brtags pa yin/ /skyes bu'i bshad pa la bltos pas/ /'di la tshad mas brtags legs min/ /rig byed tshad mar mi gnas pas/ /slob dpon slob ma'i brgyud pa 'di/ /thog ma med par brtags bya ba'ang/ /skyon med nyid du rig pa min/ /gang phyir de na gcig kyang ni/ /dbang po las 'das mthong 'dod min/ /de phyir thog ma med pa yi/ /dmus long brgyud pa bstan pa yin/ /long bas long pa khrid pa na/ /yang dag lam ni nges rtogs min/ /da lta min pas 'di la ni/ /thog med brtags pa 'bras med yin/ /yid dang rgyas pa la sogs kyang/ /gzhan las rig byed de nyid shog/ /de dag gis don 'di bkod min/ /zhes pa 'di la tshad ma'ang med/ /bden don rtag pa'i 'brel can gyis/ /tshad ma nyid ni yin yang bla/ /dbang po ? ? 'dis sbyor pa de/ /'dir ni 'ga' yis nges pa min/ /gang phyir don de dbang 'das pa/ /der gnas sbyor de'ang dbang po 'dis/ /khyad la mi kun de dag gis/ /rang gis dbang po 'das mi mthong/ /thos pa de yi bdag gi ni/ /don 'brel 'di yin zhes brjod min/ /skyes bus brtags pas don 'brel nyid/ /skyes bus byas pas tha dad min/ /de phyir ji ltar mi byas pa/ /phyin ci log pa nyid du dogs/ /mi rnams kyis ni nyer brtags la'ang/ /de bzhin dogs
- 96a
der cis mi 'gyur/ /rig byed tshad mar gnas na yang/ /slob dpon slob ma'i rgyud pa ni/ /thog ma med par brtags pa de/ /dmus long rgyud pa 'dra bar 'gyur/ /me la sbyin sreg sogs tshig gis/ /the tshom sogs med mtho ris la/ /mngon sum gyi ni blo bzhin du/ /mi g.yo blo skyes ma yin nam/ /rig byed kyis de byed pa na/ /ji ltar tshad ma nyid dmigs yin/ /gang phyir tshig des don de ni/ /'ga' zhig the tshom za? rtogs yin/ /phyin ci log gang gzhan bzhin du/ /the tshom skyes phyir de bzhin min/ /rtogs pa dang ldan 'ga' zhig gis/ /de la bye brag mthong ba med/ /dbang po las 'das don la ni/ /yod med nges pa rigs pa min/ /gal te rig byed dag des na/ /gzhan las gzhan 'dra ci ste min/ /dad pas dbang med blo can ni/ /gtsang sbra can rnams mi g.yo ba'i/ /blo nyid skye bar 'gyur ba yin/ /gzhan las gzhan dag la de mtshungs/ /'di ltar bde gshegs pa sogs la/ /mchod sbyin srog gcad dang ldan pas/ /ngan song sdug bsngal 'byung 'gyur ba'i/ /blo ni mi g.yo skye bar 'gyur/ blo 'di la ni 'ga' zhig kyang/ /gnod pa da ltar snang 'gyur min/ /gal te la lar res 'ga' dogs/ /rig byed dag la'ang de dang mtshungs/ /gal te mi 'dod rag las pa/ /brda ni mi rtags rig byed 'dis/ /rang gis don ni gsal byed na// de tshe tshad ma nyid rigs yin/ /de tshe gti mug nga rgyal sogs/ /skyon gyis bslad pa'i blo rnams kyis/ /gzhan du bshad par byas na yang/ /rang gi don ni 'dor mi byed/ /gang phyir de yi yul can nyid/ /blo ni myur du skyes par byed/ /skyes bu rnams kyis 'dod pa yi/ /'di ni don gzhan gsal byed min/ /mi'i 'dod la ni bltos pa na/ /skyes bus byas dang bye brag med/ /de la rag las gsal ba yin/ /de yang phyin ci log par 'byung/ /gzhan yang skyes bus ma byas la/ /ji ltar rang
- 96b
bzhin gyis bden don/ /'dod yin de bzhin brdzun nyid ni/ /ci ste dgos par byed pa min/ /bdag nyid kyis bden don rtogs pa'i/ /rgyu nyid yin pas 'di bden na/ de ltar bdag nyid kyis log par/ /rtogs pa'i rgyur yang dogs par 'gyur/ /gzhan yang rig byed chad ma ni// gang tshe khyed la gal che na/ /de tshe skyon me dbyed po sogs/ /nges par sgrub la 'bad par gyis/ /skyon med pa yi byed pa pos/ /'di byas skyon med gsal byas kyis/ /gsal bar byas na 'jig rten 'dir/ /yang dag don shes sgrub byed yin/ /shes rab snying rjes sogs ldan pa'i/ /skyes bus byas pa'i tshig dam pa/ /de ltar legs par nges byas na/ /ji bzhin don shes rgyu ru 'gyur/ /mis ni ma byas pa tsam gyis/ /ji bzhin don shes rgyu min te/ /nags kyi me la sogs pa ni/ /log pa'i shes pa'i rgyur yang mthong/ /me yi snang ba yod pa na/ /mtsho skyes sngon po'ang dmar snang 'gyur/ /gal te me sogs byas nyid kyis/ /de yi rgyu ru 'thad 'gyur na/ /don rnams kyis ni byas nyid kyis/ /log pa'i shes pa'i rgyu mtshan nam/ /de ltar du ba me la ni/ /ji bzhin gsal bar byed 'gyur ma ni/ /de ltar rig byed ma byas pa/ /de kho na nyid shes pa yi/ /rgyu mtshan gnas pa ma yin pas/ /de phyir 'di brtags don med yin/ /des na skyes bus ma byas nyid/ /gsal dang rtag nyid kyis grub pa/ /sgra don 'brel pa brtags pa yang/ /don med nyid du brjod pa yin/ /de ni yod pa na yang 'di/ /ji bzhin shes don rgyu nyid du/ /mi 'dod par ni 'das ma thag /rgyas pa ru ni bshad zin to/ /des na de nyid rab spong la// kho bo la ni char mos med/ /gnas skabs nye bar mkho min la/ /su zhig gegs ni byed pa yin/ /thos pa de la ji bzhin don/ /shes pa'i rgyu nyid 'thad pa yin/ /skyes bus ma byas yin na yang/ /de ni ma grub ces bsgrubs zin/ /phra ba'i blo
- 97a
yi mi gcan gyis/ /blo rnams lam gang la dpyod pa'i/ /de yis bdag gis brlabs nas ni/ /'di ni cung zad bsdus nas brjod/ /tshad ma rnams ni log na yang/ /gzhal bya ldog par mi 'gyur ro/ /gang phyir khyab byed dang rgyu nyid/ / de dag la ni der yod min/ /des na thos pa'i byed pa ni/ /tshad ma lnga pos ma rtogs kyang/ /byed po mi shes rabs sogs bzhin/ /dngos med nyid kyis rtogs mi 'gyur/ /'on te don bcas nyid kyis sam/ /rnam par dbye don nyid kyis kyang/ /de rnams kyi ni byed po dpog/ ci ste thos pa'ang de bzhin min/ /sems can kun gyis ma rtogs nyid/ /the tshom za min de re 'ga' / /su zhig tshad ma 'ga' yis kyang/ /rtogs pa yin yang the tshom 'gyur/ /srid gsum nang na gnas pa yi/ /srog chags thams cad gsal po ru/ /rnam pa kun gyis yongs shes gang/ /des ni nges par byed 'di nus/ /rang nyid kyis ni ma rtogs nyid/ /'khrul pa yin zhes 'di lta bur/ /skyes bu gzhan gyis kun rtog gang/ /de med par ni nges pa yin/ /rig byed la 'don par byed na/ /byed po yin zhes mngon sum rtog /de dag gsal byed rigs yin te/ /rtag la gsal ba mi srid phyir/ /dmigs par gyur pa'i rang ngo bo/ /de yi bya bas yang dag 'byung/ /de dag sngar yang yod pa na/ /dmigs pa long par thal bar 'gyur/ /rig byed de yi 'bras bu ni/ /tha snyad sogs su rung bar des/ /de yi bya bas 'di yod phyir/ /sa bon las ni myug sogs bzhin/ /gsal byed yi ge'i dngos yod phyir/ /zlos gar gyi ni gtan sogs bzhin/ /skyes bus byas nyid rig byed la/ /rjes su dpag pas kyang rtogs 'gyur/ /gzhan du rim dngos nyid min te/ /rtag nyid phyir dang khyab byed phyir/ /gsal bas byas pa'i rim yod min/ /rtag las gsal ba mi 'thad phyir/ /lung dang nye bar 'jal ba dag /don gyis go
- 97b
la tshad nyid de/ /dgag par byas yin de na yang/ /'di dag nyer dgod rigs pa min/ /tshad ma nyid yin ldog pa'i phyir/ /rig byed skyes bus ma byas nyid/ /gang 'dod de yang dngos nyid phyir/ /sgrub pa rnams kyis bsgrub bya min/ /de dag gis thos rang dbang yin/ /skyes bu'i bya ba mi ltos phyir/ /de yang dngos po la yod chos/ /yang na dngos bdag nyid de bzhin/ /dngos po'i phyogs ni grub don du/ /sgrub pa gang yang brjod pa yin/ /khyed la de ni bsal byas kyang/ /rang nyid dngos med grub 'gyur min/ /de yod sgrub pa gsal byas nas/ /de yod nges par mi 'gyur ro/ /de yod pa ni ldog pa yi/ /de tsam gyis ni nges yod min/ /tshad ma rnams ni log na yang/ /don med par ni mi 'grub po/ /de na gnyis ka la phyogs ni/ /mi 'grub pa ste tsam du 'gyur/ /lus can min phyir sgra rtag min/ /bde sogs rnams kyis 'khrul phyir ro/ /de ltar brjod kyang ji bzhin sgra/ /'jig nyid rab tu mi 'grub po/ /de na snga phyi mdza' dag la/ /gzhan gyis sgrub pa gang brjod yin/ /de ni gsal bar byas na yang/ /rig byed smra de'i don rdzogs min/ /ma byas dang ni mi 'jigs pas/ /gal te rtag nyid 'dod pas na/ /bkag pa tsam gyi dngos dag gi /nus med la yang de mtshungs yin/ /des na nam mkha' i me tog bzhin/ /des na ji ltar mkha' i pad+ma/ /rtag pa nyid ni dngos min te/ /de bzhin rig byed la yang ni/ /des na tshad ma nyid grub min/ /byas pa nyid dang 'jig nyid ni/ /dgag par yang ni mi 'grub po/ /sgrub par byed pa sun phyung bas/ /des na rtag nyid smra mi 'grub/ /gal te ma yin dgag bdag nyid/ /de dag gis ni rtag nyid 'dod// de dag dngos po'i bdag nyid kyis/ /rang gi grub pa la bltos yin/ /phyogs snga ma gnyis sun phyung bas/ /dngos po'i ngo bor rtag nyid gang/ /de na bsgrub par ma byas na/ /bdag nyid kyis te sgrub 'gyur min/ /tshul gsum ngo bo nges pa ni//
- 98a
sgrub pa gang zhig rab bsal byas/ /khyod kyi phas kyang nam du yang/ /de ni dgag par mi nus so/ /rig byed las ni skyes bu ni/ /mi 'jig par ni gang bshad pa/ /de la rjes su dpag pas gnod/ /gsal par bdag med bstan zin to/ /der ni rigs sogs gzhan smras pa'ang/ /tshad mar gnod byar bsgrub byas zin/ /rjes su dpag pa de yang ni/ /'brel pa nges can sngar bshad zin/ /dngos po'i rjes 'brel pa'i de la/ /sgra tsam snying po med pas sam/ /yang na de las byung blo yis// rmongs pa su zhig gnod snyam sems/ /skyes bu'i dag las shes pa yang/ /dbang po las 'das 'jug pa yin/ /de yang mngon sum dang mtshungs nyid/ /ci phyir khyod cag mngon 'dod min/ /'brel pa ma mthong ba yi phyir/ /dpe la ma bltos skyon med pa'ang de la yang yod kho na yin/ /skyes bu la brten phyir 'di la/ /gnod pa yod par dogs zhe na/ /de ltar rig byed ngag la yang/ /dogs pa de yang ldog mi 'gyur/ /de ni log rtog rgyu nyid kyi/ /rang bzhin du ni 'gyur ba yin/ /mis byas sgra yi don rtogs kyang/ /de ni bdag la chad ma min/ /zhes bya de ltar zhe sdang gis/ /mkhas pas byed pa nus ma yin/ /des na dbang 'das las sgra kun/ /stobs dang stobs min mtshungs yin na/ /gcig nyid la ni rjes chags 'di/ /rgyu mtshan gang gis sbyor bar byed/ /'das ma thag brjod rig pa ni/ /rig byed tshad ma min pa'i rgyu/ /shes rab can rnams kyis gsungs pas/ /des na de dag bden smar 'gyur/ /log par rjes chags las skyes pa'i/ /rig byed bsam pas rmongs byas pas/ /rig byed log pa nyid kyi rgyu/ /mi shes cung zad ngo mtshar med/ /sogs po par tshig sogs rnams pa/ /mi ni bag mar legs sogs pa'i/ /de spyod rtag tu lhur len pa/ /de'i skyon cung zad mthong ba med/ /ngo shes mngon sum yin par ni/ /sngar ni bkag
- 98b
ba kho na yin/ /'khrul pa'i phyir dang rtogs bcas phyir/ /de yis rtag nyid nges 'gyur min/ /'di ni ne tso'i smra ba yin/ /re skags tshig tu 'di snang phyir/ /sgra yi shes pa mang du ni/ /ldog par 'gyur ba'i ngo bo yin/ /de ni gsal byed dbye zhe na/ /gsal ba spong pa 'chad par 'gyur/ /rigs pa 'di nyid kyis khyed la/ /thams cad 'dir ni gcig nyid 'gyur/ /des na khyad la gsal byed dang/ /gsal bar bya ba cung zad med/ /rnam dbye dang bral gcig la ni/ /dbye bar brtags pa 'gal ba yin/ /sgra 'di dag ni skyes bus byas/ /'di dag skyes bus ma byas zhes/ /de yi rnam par bzhag pa yang/ /ngo shes rjes 'brangs byed grub min/ /gsal byed rim pa gnas pa'i phyir/ /'ga' zhig rim pa nyid du gnas/ /rim pa nges par sbyor ba can/ /de dag skyes bus ma byas 'dod/ /skan sogs gsal byed rim pa ni/ /skyes bus byas chos 'di min nam/ /de ni 'dod la rag las phyir/ /phyin ci log tu rtogs par 'gyur/ /me nyid la sogs spyi nyid ni/ /rgyas pa ru ni bsal byas zin/ /des na der ni ngo shes pa'i/ /spyi nyid rtag par kho bos 'dod/ /skad cig re rer 'jig 'gyur bas/ /yi ge rnams lo khyad med phyir/ /ngo shes spyi yis gang nyid ni/ /de bzhin du ni yin zad mod/ /myur dang ngal sogs cha gang la/ /tha dad blo ni 'byung bar 'gyur/ /de la ngo shes pa'i shes pa// tha dad blos ni nges byas min/ /sgra gcig nyid ni grub don du/ /gtan tshigs rnams ni smras pa la/ /mi mthun phyogs la 'gal med phyir/ /so sor 'brel grub mi 'gyur ro/ /du pa'i spyi ni cha yang ni/ /bdag la brtan par grub pa min/ /de min ngo bo las ldog pa/ /dngos po tsam ni bsgrubs pa yin/ /gang sogs gcig nyid thob gyur na/ /rigs rten 'dod pas grub pa sgrub/ /de min ngo bo yongs log pas/ /dbyer med nyid du brtags pa yin no/ /gsal ba gcig tu nyid 'gyur na/ /tshad ma kun
- 99a
gyis gnod par 'gyur/ /dbang po las byung sogs rnams kyis/ /so sor sbyor yig dbye nges phyir/ /yid 'ong yid mi 'ongs sogs kyi/ /dbye gang mngon sum gyis rtogs 'gyur/ /blo rnams rim par 'byung ba'i phyir/ /tha dad 'grub 'gyur myur sogs bzhin/ /yul dang dus sogs tha dad pa'i/ /ba lang sgra gsal blo rnams kyi/ /don gcig pa min tha dad par/ /snang phyir gzugs ro sogs blo bzhin/ /drug snang la sogs dbye snang bar/ /mngon sum gyis ni nges par 'gyur/ /gsal byed kyis chos 'di min te/ /zhes bya de ni brjod par 'gyur/ /snga de phyi de'i zhag la ni/ /ba lang sgra zhes kun 'di dag/ don gcig pa min rim 'byung phyir/ /sgra dang dri sogs pa'i blo bzhin/ /de lta min na blo kun ni/ /dmigs pa gcig tu 'gyur ba yin/ /nus ldan rgyu ni nye gnas phyir/ /rim gyis 'gyur ba'ang 'gal ba yin/ /dngos po rnams ni tha dad kyang/ /rang bzhin nyid kyis gcig rtogs pa'i/ /nus pa nges par yod min te/ /sngar ni rab tu bstan zin te/ /gcig tu rtogs pa de la ni/ /sgra ni gcig tu nges byed pa// 'jig rten pas ni sgra gcig la/ /sbyor ba mang po snyam du sems/ /gsal ba du ma la gnas phyir/ /'brel pa 'thad par 'gyur ba yin/ /de phyir gsal ba rnams la ni/ /'jig rten thams cad pa nyid 'gyur/ /sgra don lhan cig don dam par/ /'brel pa yod min de las ni/ /ma skyes phyir dang tha dad phyir/ /des na 'khrul pas nye bar brtags/ /khyab min srid phyir sgra don gyis gnas pa kun ni bslang ba yin/ /'di ltar de ni rgyas pa ru/ /sngar ni bstan par byas zin to/ /ba lang nyid ni rtag pa dang/ /'brel par brtags pa'ang spangs pa yin/ /rdul phran mkha' sogs kyang spangs pas/ /des na gtan tshigs kyi dpe min/ /ngo bo gcig nyid 'khrul pa yis/ /shes pa rnams kyis nges byas phyir/ /dmigs bkar ba la nyid brjod nyid/ /min nas nas ni rtogs par 'gyur/ /yang dag skad
- 99b
cig ma nyid phyir/ /des tsam dus 'di brten min yang/ /shes bya de yi brtan pa ni/ /phyis ni ji ltar yang 'dod yin/ /bum sogs la yang cung zad ni/ /'jig pa'i rgyu ni yod pa min/ /zhes bya ba 'di yang bstan zin to/ /de ci sgra la 'byung 'gyur yin/ /ngo shes pa ni slad pa ru/ /sngar ni rab tu bstan zin pas/ /yul dus sbyor ba po rnams kyi/ /dbye bas yi ge'ang dbye bar 'gyur/ /drug ldan drang srongs 'dzin dang/ /lnga pa la sogs rab dbye bas/ /ga yi gsal bas gzhan gsal bar/ /mngon sum gyis ni rtogs par 'gyur/ /gsal par byed pa'i dbye ba yis/ /dbye ba'i gnas pa 'di rigs min/ /rtag pa la ni gsal yod min/ /zhes bya'o gnas 'chad par 'gyur/ /ga las tha dad pa yi spyi/ /yang dag par gnyid 'dod min/ /de yi phyir ni sbyor ba la/ /grub pa la sgrub bzlog par dka' / /gzhan sel bdag nyid can la yang/ /gnyid la ni rten yod min/ /rnam pa 'di nyid kyis zhe na/ /de min rten mi 'grub thob 'gyur/ /yi ge ga min las ldog pas/ /gnyid rnam pa nyid du 'gyur/ /chos can gang la chos yin no/ /yang dag par ni rjes dpag kun/ /gnyis ka la grub la bltos yin/ /dpe sogs rang nyid la bltos pa/ /des dpe'i chos can ma grub 'gyur/ /khyod kyis 'bad pa 'di kun gyi/ /ga yig gcig nyid bsgrub don du/ /de la khyed la mngon sum gyis/ /gnod pa bzlog par dka' ba'ang smras/ /snga de phyi de la sogs pa'i/ /yi ge ga zhes 'di dag ni/ /rim gyis 'byung bas don gcig min/ /gzugs dang ro sogs blo bzhin no/ /des na yi ge gcig brtan par/ /gnas pa gnyis ka la mi 'grub/ /de'i phyir nyer btags nyid 'di la/ /rtag pa nyid ni btags pa yin/ /sgra ni dmigs pa'i dus su ni/ /rna ba legs par byas pa dang/ /rna bug mdza' la gnas gyur pa'i/ /rlung rnams rtogs par 'gyur ba min/ /sgra tsam legs byas rna ba yis/ /gang tshe sgra ni rtogs par 'gyur/ /de dang nyer bsres de yis
- 100a
ni/ /rtogs la mngon sum gyis gnod 'gyur/ /mngar pa la sogs la 'jug pa/ /kha dang ser po'i ngo bor yis/ /ji ltar shes pa yul med pa/ /de bzhin sgra yang shes par 'gyur/ /myur dang ngal sogs ngo bo yis/ /gzhan pa'i sgra ni snang mi 'gyur/ /da min ngo bo de dngos nyid/ /shes phyir ji ltar yul med min/ /de ltar min na don de nyid/ /rtogs par byed pa de 'gal 'dod/ /rnam pa gzhan ni rig pa na/ /don de nyid ni ji ltar rig/ rnam pa med pa'i shes pa ma/ /khyed la phyi'i don rnam de des/ /de yi bdag nyid phyi rol min/ /de bzhin du de ji zhig rig/ shes pa rnam bcas phyogs la yang/ /phyi rol rnam pa rjes mthun par/ /shes pa la ni snang gyur pas/ /don rtogs zhes ni brjod pa yin/ /'dir ni phyi rol rjes mthun par/ / shes pa 'jug par mi 'gyur te/ /des na yul med pa yi sems/ /thams cad 'khrul pa yin zhes gdags/ /rtag pa la ni khyad par du/ /gsal byed yod pa rig pa min/ /de yi legs byas rjes mthun pas/ /des sgra la blo tha dad min/ /bum pa la sogs bzung don du/ /ji ltar mig la mar me yis/ /nus pa skyed byed de bzhin du/ /sgra dmigs phyir ni sgra tsam gyis/ /rna ba la ni nus pa bskyed/ /sgra ni rtag tu dmigs rung bar/ /rang bzhin gyis ni gnas zhes bya/ /rna ba legs par ma byas kyang/ /de ni ci yi phyir mi dmigs/ /de phyir legs byas rna ba ni/ /yod pa'i dus bzhin de yang ni/ /rung ba'i rgyu ni yod pas na/ /dmigs pa kho na yod par 'gyur/ /gal te de dmigs rung min na/ /phyogs kyang de ni ji ltar 'gyur/ /'gyur ba rung ba nyid ldan pa'i/ /sgra gzhan skye bar 'gyur ba yin/ /yang na phyis kyang shes pa ni/ /de yi stobs las byung ba min/ /legs byas rna ba la sogs las/ /de ni skye bar brjod pa yin/ /de ltar sgra ni shes bya ru/ /mi 'gyur nye bar mkho min
- 100b
phyir/ /ri sogs las ni de la ni/ /khyad par cung zad kyang yod min/ /legs byas rna ba la sogs las/ /sgra la bltos med de dag gis/ /shes pa 'di ni sgra rtogs pa'i/ /rang bzhin zhes bya bskyed pa yin/ /don shes shes bya'i ngo bo 'di/ /de lta na yang sgra 'jug 'gyur/ /khyed la de yi rnam shes kyang/ /zhes bya rjes su 'jug par 'gyur/ /de lta min na rnam shes ni/ /rjes 'jug ma yin de shes bya/ /sgra de rjes su 'jug 'gyur zhes/ /khyed la de ltar 'gal bar 'gyur/ /shes dang shes bya'i rang bzhin ni/ /de dag lu gu rgyud bzhin 'brel/ /gcig yod pa na gnyis pa'i ni/ /thob 'gyur ma 'khrul pa yi phyir/ /legs byas rna bas bskyed pa yi/ /shes dang 'brel nyid yin na ni/ /rna ba legs par ma byas kyang/ /gsal bar shes pa 'phen par 'gyur/ /gal te de yi shes bya yi/ /bdag nyid sgra ni min zhe na/ /de lta na ni rna ba'i shes/ /de rtog rang bzhin 'gyur min te/ /de bdag nyid min ro sogs bzhin/ /shes pa la ni sgra dang ni/ /'brel pa gang yod gang gis na/ /de ni sgra blo'i ngo bor 'dod/ / de bdag nyid ni dbye ldan min/ /de ni de las byung min te/ /sgra ni skyed byed nyid min phyir/ /de las byung ba'i nges pa'i phyir/ /de ni gtan du 'byung par 'gyur/ /de lta na de'i yul can shes/ /rtag tu 'byung ba 'am yang na min/ /de ltar nges par gnas pa na/ /rna ba legs byas rtags don med/ /res 'ga' legs par byas pa ni/ /yod pa nyid na res 'ga' yang/ /shes pa 'byung 'gyur zhes bya ba/ /legs byas brtags pa mdzes pa yin/ /legs byas nus pa'i mtshan nyid can/ /shes 'bras nges par byas zhe na/ /shes pa de yang rtag yod pa'am/ /yang na rtag tu med par 'gyur/ /rnam par shes pa res 'ga' bar/ /de yi legs byas ji ltar ston/ /rna ba legs par byas phyir lan/ /de phyir der ni legs smras min/ /gal te tha mi dad pa yi/ /nus pa rna ba
- 101a
la byed na/ /de tshe nam mkha' phyogs la ni/ /rtag nyid nyams 'gyur bskyed pa'i phyir/ /dngos dang tha mi dad nyid phyir/ /legs par byas pa'ang rtag nyid yin/ /dngos po bzhin du de yis na/ /de bskyed rnam shes rtag tu na/ /tha dad na ni de'i zhe na/ /'brel pa 'thad par mi 'gyur ro/ /nus pa las zhes 'byung ba'i phyir/ /rna ba'i shes pa nyid kyang med/ /tha dad tha mi dad grol ba'i/ /phyogs ni spangs par byas zin to/ /des na rna ba legs byas phyir/ /lan ni blo dman brjod pa yin/ /de nyid kyis ni yul dang ni/ /gnyis ka legs par byas pa bkag /de phyir rtag la gsal ba ni/ /thams cad du yang rten med yin/ /des na gsal ba la brten nas/ /ring thung rim pa sogs rnams ni/ /'ga' zhig gang dag snang gyur pa/ /de dag kun kyang rten med 'gyur/ /ma phrad tsam du mtshungs na yang/ /thams cad gzung nyid mi 'gyur te/ nus pa nges par gnas pa'i phyir/ /khab len gyis ni lcags la bzhin/ /gal te khab len 'od 'phros pas/ /de yang drangs par gyur ce na/ /'o na 'od 'di ma mthong bas/ /ji ltar yod par rtog par 'gyur/ /ci phyir 'od de shing sogs dang/ /phrad kyang 'dren par byed pa min/ /de nus des nyid phyir zhe na/ /ma phrad pa la 'ang de mtshungs yin/ /sbyor ba'i de ma thag tu ni/ /ring dang bar mar nyer gnas pas/ /rim pa med pas rtogs par 'gyur/ /thams cad la ni der shes skyed phyir/ /ring dang nye sogs dbye ba yis/ /gzugs ni gsal dang mi gsal bar/ /ji ltar snang 'gyur de bzhin du/ /sgra yang myur dang ngal sogs 'gyur/ /tha dad snang ba'i blo rnams ni/ /dmigs pa gcig par ji ltar 'gyur/ /zhe na phyi rol don smra la/ /gzugs blo la de brgal brtag mtshungs/ /phrad nas 'dzin pa'i phyogs la yang/ /rna ba'i nang du sgra'i sgra bzhin/ /'brug sgra la sogs shes pa ni/ /tha dad bar ni 'gyur ba min/ /des na skyed
- 101b
byed phyir shes pa/ /tha dad min te yin bzhin no/ /gzhan du reg bya la sogs bzhin/ /rna dang ma phrad byed 'gyur min/ /yid kyang phrad par byed pa yin/ /gang brjod skad cig tsam gyis ni/ /shin tu ring ba'i don la ni/ /de dag gi sems 'jug mi 'thad/ /phyi rol dbang po nyid phyir sogs/ /phrad nas 'dzin byed nyid sgrub gang/ /bsgrub bya'i chos mi mthun pa la/ /'gal ba med phyir de 'khrul yin/ /ldan pa dang ni rnam dbye ba/ /tha dad pa can sngar spangs zin/ /de nyid kyis ni khyad med phyir/ /'di la rtogs pa mi 'thad do/ /de phyir shugs med pas de ni/ /ji srid shugs ni gnas pa min/ /rna ba'i nam mkhar phyin pa yis/ /de ni rna nus byed ce na/ /ci phyir lcag gis bsnun pa bzhin/ /sgra rig pa na de shes min/ /gang tsher sgra yis shes pas de'i/ /rig pa so ro bkag ce na/ /lcag gis bsnun dang rlung gzhan par/ /de tshe rig pas brjod rigs min/ /rim gyis 'byung yang mgyogs pa na/ /cig car du ni 'khrul zhe na/ /cung zad min rnam kun tuAng/ /rlung 'di ma dmig pa yi phyir/ /'on kyang dbang po las 'das rlung/ /gzegs zan sogs bzhin khyed cag kyang/ /brjod na bshad pa las de yis/ /reg bya thob /gyur ci phyir byas/ /yang na rlung na dbang 'das blo/ /de dang de sbyor thob 'gyur la/ /dro dang grang dang gnyis ka yis/ /reg bya rig 'gyur gzhan gyi bzhin/ /'on kyang rna mchog la de dang/ /min ldan pas na rtogs mi 'dod/ /rna ba'i nam mkha' mi phyin ces/ /de ni ji ltar rtogs par gyur/ /de phyir gtsang sbra can mthong ba'i/ /brtags pa rgyu mtshan med yin te/ /mkhas pa rnams ni tshim byed min/ /nam mkha' cha med rna gang brjod/ /de la skyon de sngar bstan gang/ /de dag cha med phyogs rna bar/ /'dod pa nyid la'ang mtshungs rtogs bya/ /nam mkha' gcig bu khyab phyogs la'ang/ /legs byas la brten dang gzhan gyi/ /rnam par dbye ba 'thad pa min/ /gang phyir nam
- 102a
mkha' de gcig yin/ /mkha' gcig bdag nyid rna ba ni/ /rna mchog legs par ma byas med/ /de byor rten gyi dbye ba yis/ /legs par byas pa nges mi gnas/ /de bas na brten gcig la ni/ /dbang po legs par byas thob na/ /dbang po gcig pur smra ba la/ /lus can kun gyis rtogs byed 'gyur/ /skyes bus lus kyi phyogs rnams la/ /rnam par shes pa skyed 'dod kyi/ /'on kyang khyed la mkha' gcig phyir/ /gtso bo tha dad par 'gyur min// de phyir bdag phyogs dang bral yang/ /ma lus par ni rtogs byed pa/ /lus nyid la gnas 'dzin pas na/ /de ltar smras kyang 'gal ba yin/ /de gnyis na ni rgyu yis ni/ /'on pa nyid sogs lta bur rtogs/ /gzugs ni me long la mngon lta/ gzugs brnyan de ltar ma yin no/ /chu sogs nang du zhugs pa 'di/ /gzugs ni ring du gnas pa yin/ /rten gyi rjes su byed pa yis/ /gzugs brnyan che chung dbye ba dang/ /ldan gyi gzugs ni ma yin te/ /des na gtan tshigs ma grub min/ /mi mthun par ni sang ba yang/ /don shes pa rin 'gyur ba ni/ /gzugs dang sgra sogs sems thams cad/ /don kun gyi ni yul can 'gyur/ /sor? mos cung zad mnan mig la/ /gcig kyang du mar snang ba gang/ /de yang de ltar 'khrul pa ste/ /yul med nyid du 'dod pa yin/ /'dir ni gzugs brnyan 'byung ba ni/ /sngar ni gsal bar byas nyid yin/ /gcig la lhan cig gnyis mi rung/ /lus can thogs pa dang bcas phyir/ /yul rnam pa du ma la gnas par/ /gzugs brnyan yod pa yin na yang/ /che chung sogs rig dbye ba yis/ /gcig nyid yod pa ma yin no/ /skyes bu rnams la nges pa yang/ /gang la 'di ltar 'jug par 'gyur/ /bdag gi steng na nyi gnas zhes/ /de ni nges par 'khrul pa yin/ /gang phyir srogs chags thams cad ni/ /cig car du ni nyid
- 102b
gcig nyid/ /mthong bar 'gyur ba yin pas de/ /gnyis ba nam yang ma yin no/ /des na nyi ma'i dkyil 'khor ni/ /gnyis pa nam yang yod ma yin/ /snang ba mi dmigs pa yi phyir/ /des na nyi ma gcig tu nges/ /de ltar sgra ni gcig nyid du/ /ji ltar yang ni nges pa min/ /rim gyis sam ni cig car yang/ /de ni du ma nyid mtshon phyir/ /gang tshe rjod par byed mang po/ /gsogs yi ge cig car du/ /sbyor bar byed pa de yi tshe/ /dbye bar gsal bar dmigs par 'gyur/ /rim gyis kyang ni sbyor ba la/ /dbye ba mngon sum 'ba' zhig gis/ /rtogs 'gyur ma yin 'on kyang ni/ /rtags las kyang blo'i rim snang phyir/ /sgra tsam gsal byed rag las pa/ /'di yi dmigs par zad 'gyur mod/ /'on kyang ji ltar dngos gnas pa/ /'di ni 'dzin par 'gyur ba yin/ / de lta min na de 'dzin 'di/ /de dngos mi snang la nges 'gyur/ /nam mkha' i cha ni ma lus pa/ /sgra ni khyab cing gsal 'gyur min/ /des na sgra tsam yul tha dad/ /thos pa de cis rjes su byed/ /rang bdag nyid ni gsal ba ru/ /gsal bar 'gyur te bum sogs bzhin/ /'di dag khyed gzhung khas blangs na/ /rgyu mtshan med par brjod pa yin/ /gsal ba med phyir gsal byed rnams/ /nus pa med phyir bsgrubs zin to/ /de 'di yin zhes shes pa ni/ /mngon sum yin par bsal zin to// de'i phyir yul dbyes tha dad nyid/ /shes bya de ni gdon mi yin/ /'ga' zhig yul ni tha dad par/ /rim gyis 'gro bar byed pa ste/ /skad cig 'jig phyir tha dad 'gyur/ /de min 'gro ba dang ldan min/ /snga ma'i yul dang ma bral ba'i/ /rang bzhin rjes su 'jug pa'i phyir/ /brtags pas de ni yul gzhan du/ /phyin pas rig pa ma yin no/ /nam mkha' la ni mngon gsal ni/ /rigs min nus pa med phyir dang/ /dbang 'das phyir ro sa zhung la/ /snang ba de ni de ltar snang/ /gzhan yang sgra ni nam mkha'
- 103a
la'ang/ /mngon par gsal ba tha dad min/ /blo ni gsal yin de yang ni/ /rtag 'gyur rgyur ni nyer gnas phyir/ /gang tshe sgra la gsal byed pa/ /ji ltar yang ni rigs pa min/ /de tshe gzhan gyi khyad par can/ /sgra blo la ni 'khrul pa med de phyir ri sogs thams cad ni/ /sgra chos min zhes gnas par 'gyur/ /gang phyir sgra tsam gsal byed nyid/ /yod na der 'gyur de yang btsal/ /shin tu tha dad can de dag/ mtshungs par gcig tu rtogs pa la/ /nus pa can yin sgra dang de'i/ /de ni ces mang du sngar dpyad zin/ /des na don dang 'brel mthong bas/ /kun rdzob tu ni sgra rjod byed/ /'gyur zhing yang dag pa ru ni/ /rjod byed de min zhes bsgrubs zin/ /sgra las byung ba'i shes de dag/ log par snang bar 'gyur ba yin/ /rigs dang rang gi mtshan nyid sogs/ /brjod bya rjod byed mi gnas phyir/ /des 'khrul tha snyad 'don pa po/ /yang dag par ni ba lang sgra/ /tha dad yin yang mtshungs blo can/ /gcig nyid yin pa snyam du zin/ /des na mang du ma 'brel par/ /rjod par byed pa bram ze yi/ /sgra yi khyad par mdun byas pas/ /gang sgras de kun gzhi med yin/ /'di ltar brda la sogs pa/ /gcig nyid mi ma te myur bu la sogs/ /dbye ba tha dad blo yod phyir/ /de yi gsal ba'ang btsal byas zin/ /de la spyi gcig rjes 'gro ba/ /nye bar mtshon par mi 'gyur ro/ /brda ni dgag pa la sogs pa'i/ /shes pa'i yan lag tu ste 'gyur/ /sgra rnams dngos su phyi rol gyi/ /don rtogs min te 'brel med phyir/ /des na brjod par 'dod pa ni/ /'di dag gis ni bstan par gsungs// de yi 'bras bu nyid du ni/ /'di dag mngon sum mi dmigs pas/ /nges pa yin phyir des na 'dir/ /rgyu 'bras nyid du gsal bar 'gyur/ /brda yi rgyu dang 'bras ngo bo/ /gang gis nges par byas pa ni/ /de yi brjod 'dod sgra dag gis/ /rtogs
- 103b
par 'gyur te yang bskyod bzhin/ /brjod 'dod la gnas don dang ni/ /sgra rnams la ni rgyu 'bras kyi/ /bdag nyid can gyi 'brel pa de/ /brda yod na ni skye bar 'gyur/ /de rnams kyi ni 'brel pa ni/ /des na brda las byung zhes brjod/ /de yis gsal bar byed pa 'di/ /brda yi brjod ces dngos su min/ /rgyu dang 'bras bur 'gyur ba yis/ /dngos po las ni de gzhan min/ /de dag nyid ni de ltar bshad/ /rgyu 'bras nyid kyi 'brel pa yin/ /de dag kyang ni re re yi/ /bdag cag nyid du rmongs pas rtogs/ de na brda yis tha snyad kyi/ /dus kyis khyad par 'dod pa yin/ /yang dag bar ni gcig pu nyid/ /'brel pa 'dir ni yod rigs min/ /tha dad don rnams ma 'dres phyir/ /'brel med tha mi dad la yang/ /gzhan gyi gzhung lugs mi shes pas/ / ming re la brda re 'am/ /yang na bzlas nas brjod pa yin/ /zhes bya ba la sogs gzhan gyis smras pa/ /mi byas nyid phyir de dag la/ /brda 'brel yang dag yod min/ /de ni de yis gsal byas phyir/ /zhes bya 'brel ba nyid du 'gyur/ / 'dir ni bzlas nas brjod pa ste/ /gzhan gyis so sor rtogs pa min/ /dbang phyug la sogs bkag nyid phyir/ /'byin pa'i thog mar des byas min/ /re re la ni 'brel pa gang/ /de ni tha dad skad cig gi/ 'jig phyir mtshungs pa'i rtogs pa ni/ /tha dad pa la'ang 'gal ba min/ /de yi yul can blo rnams ni/ /rim gyis kyang ni skye 'gyur ba/ /de la'ang rim pa gsal bar smras /gzhan du de dag rim med 'gyur/ /mang po rnams la cig car du/ /brda byed pa ni yod pa na// brda ni tha dad par 'dod min/ /sngo sogs skad cig ma bzhin no/ /smra pha po yi blo yi gnas/ /de nyid gzhan longs spyad bya yis/ /khyad par med phyir mi 'thad do/ /snga ma'i dngos ni ma spangs shing/ /khyad par ma byung ba yod na'ang/ /khyed kyi gzhan
- 104a
gyi rna ba ni/ /longs mi spyod par ji ltar 'gyur/ /rtags kyi phyir dbang bltos med phyir/ /chos dang chos min dbang byas pa/ /gtan du nam mkhar rna ba min/ /thams cad longs spyod min par thal/ /nam mkha' la ni nam du yang/ / chos min chos kyi phan mi 'dogs/ /rtag pa nyid phyir bya ba min/ /'di la dbang byas 'di ci zhig /sngags dang sman sogs nus pa yin/ /yang longs spyad byar ji ltar 'gyur/ /rtog pa nyid phyir de dag las/ /de ni khyad par thob 'gyur min gal te rten mi rtag yin na'ang/ /skad cig mi rtag yin zhe na/ /de tshe bdag la bgos med pas/ /'on pa la sogs mi 'thad do/ /de la bogs ni yod bla ste/ /nam mkha' la ni de yod min/ /rten dang 'brel ba yod min te/ /rtag nyid yin pas bltos med phyir/ /des na de yi sgo nas kyang/ /'dir ni 'on pa sogs mi 'thad/ /nam mkha' cha shas med yin yang/ /rtag pa nyid kyis 'di mtshungs yin/ /yul der gnas par 'gyur yang ni/ /gal te de yang skad cig ma/ /nyid min na ni dbang las ni/ /gton par rig pa ma yin no/ /de la phyis kyang phul byung ni/ /ci zhig skye bar 'gyur ba yin/ /gang gis dbang las gton ba ni/ /des slar longs spyod thob 'gyur min/ /gang tshe rna ba dang sgra ni/ /legs byas de ltar 'thad min te/ / tha dad tha mi dad rtogs pas/ /legs par bya ba mi 'thad phyir/ /legs par byas pa tha dad na/ /rna ba sgra legs byas mi 'gyur/ /de dag dar ni legs byas pa/ /'brel pa cung zad kyang yod min/ /tha dad pa la 'brel ba ni/ /rgyu 'bras nyid du 'gyur ba yin/ /de yod na ni 'di rtag tu/ /'byung 'gyur rgyur dag gnas pa'i phyir/ /tha mi dad pa'i phyigs la yang/ /de 'drar 'di yang rtag par 'gyur/ /de yang bya bar 'dod pa min/ /de las shes pa rtag thal 'gyur/ /de phyir rlung la sogs
- 104b
ba la/ /nus pa nges pa 'thad min te/ /bya ba yi ni yul med pas/ /nus pa dang ni mi ldan phyir/ /des na mngon gsal sbyor med pas/ /gzung ba bskyed bar mi 'khrul pa/ /sgra ni shes pa 'di 'bras 'gyur/ /bum sogs gsal ba'i blo bzhin no// de phyir rtsol dang brjod 'dod pas/ /skyed dang mngon par gsal ba ni/ /nus pa'i bye brag thams cad du/ /'bras bu'i don gyi mtshungs nges 'gyur/ /nam mkha' i cha nyid sun 'byung bar/ /rigs pa 'ga' zhig ji snyed pa/ /phyogs cha la yang ma lus par/ /de ni mkhas par shes par bya/ /yul yang legs par byed pa na/ /de yis gcig la legs byas min/ /spangs nyid phyir dang nus nges phyir/ /des na yul legs byas pa min/ /shes pa skyed rung nyid min na/ /kun gyis sgra 'di thams cad du/ nam yang rtogs par mi 'gyur te/ /de shes pa la mi mkho'i phyir/ /shes pa skyed par nus yin na/ /shes rgyu nyid du gnas pa'i phyir/ /kun gyis sgra 'di yul kun dang/ /dus kun du ni rtogs par gyur/ /de ni nus sam mi nus pa/ /rang bzhin gyis gcig bdag nyid gnas/ /'gal ba 'am ni lhan cig byed/ /su zhig gis don 'jig byed nus/ /'ga' zhig la ni shes skyed par/ /rung ba nyid du 'di 'gyur te/ /de phyir skyed par 'gyur ba na/ /'di ni kun gyis rtogs 'gyur min/ /'on kyang dag la nyer gnas pa/ /sgra tsam gyis gang legs byas 'gyur/ /de rnams nyid kyis sgra thos la/ /ring na gnas pas ji ltar min/ /nye bar gnas la'ang legs byas ni/ /rgyu ru yongs su brtags pa yin/ /ring du gnas na'ang de dag la/ /legs par byas la'ang mtshungs pa yin/ /gal te sgra tsam rnams la ni/ /khyad par legs byas skyes rtogs na/ /de tshe sgra ni skyed pa ru/ /sus kyang spong bar byed nus min/ /sgra las khyad par can legs byas/ /de tha mi dad can yin te/ /sgra shes bya nyid mi
- 105a
'gyur phyir/ /des na sgra yang skye bar 'gyur/ /lan cig sgra ni legs byas na/ /bdag ni de ni nam du yang/ /spong par byed min mi rtag par/ /thal 'gyur phyir te rta dmigs 'gyur/ /gnyis ka legs byas phyogs la yang/ /nyes pa gnyis tshig bden pa yin/ /kang phyir gang rung ma tshad med/ /snga ma'i rang bzhin rjes 'jug phyir/ /'di ltar sngar ni gsal byed kyis/ /rna ba'i yi ge legs byas gang/ /de dag 'jig min 'pho thob phyir/ /des na kun gyis kun thos 'gyur/ /skyes bu 'ga' la thos rung par/ /rna ba yig legs byas zhe na/ /de tshe yig gzhan rtogs pa pos/ /rna ba las byung shes 'gyur min/ /de rig mi yi rnam shes ni/ /rung bar legs par byas zhe na/ /de dag nyid kyis rjes 'jug na/ /de dag kyang ni thos par 'gyur/ /ldog na khyed la yig rna ba/ /'di dag gzhan thob ces mi 'gyur/ /des na de dag rnams la ni/ /rtag pa nyid 'dod rgyu mtshan med/ /gang phyir gzugs brnyan blo kun ni/ /dmigs pa med par gnas pa man?/ /chu la sogs par nyi ma 'od/ /gcig ni du mar snang ba min/ /ci phyir khyed kyi phyogs la yang/ /blo rnams rnam pa med par gnas/ /phyi rol don ni rnam pa dang/ /ldan pa zhes ni khas blangs yin/ /gzugs brnyan de yang chu yi ni/ /nang du snang bar 'gyur ba yin/ /nam mkha' i dkyil na snang ba yi/ /nyi ma de ltar gnas min na/ /de ni ci phyir de ltar snang/ /'khrul pas zhe na de nyid kyi/ /de ni gsal bar dmigs med/ de yi ngo bo'i don med phyir/ /de nyid gzhan du rtog ce na// 'di ni legs par smras pa yin/ /'on kyang de nyid gzhan yin na/ /des na kun gyis kun rig 'gyur/ /gal te ji ltar gnas nang na/ /de yi rtogs par 'gyur ba yin/ /rnam pa gzhan du dmigs pa na
- 105b
de ni mthong bar ji ltar 'gyur/ /gang phyir rnams bcas shes la yang/ /de shes don dang mthun pa yi/ /rnam pa yod par snang ba dang/ /shes pa de ni 'dzin par rigs/ /brgyud nas bkod par gyur pas na/ /'og na gnas pa rtogs su chud/ /gcig nyid yin pas steng gnas pa/ /ci ste 'og na gnas snyam sems/ /gal te ji ltar nyi ma gnas/ /de ltar de ni snang gyur na/ /de rtog par ni brtags bya yin/ /gzhan du min zhes bstan zin to/ /shar du song 'jug pa yis ni/ /nub phyogs song 'jug la bkod pas/ /gdong mtheng pa na 'khrul pa yin/ /nub phyogs lha la rtogs pa min/ /gzugs brnyan yul can rnam par shes/ /de ni rang bzhin dmigs yin te/ /de dang mi mthun snang ba'i phyir/ /ro dang sgra sogs sems bzhin no// gang phyir me long chung ngu la/ /gdong ni chung ngur snang bar 'gyur/ /shing song thung du bya ltas nas ni/ /chu gang zhugs pa 'brel gzhan min/ /nyan pa po yang gzhan ma yin/ /ngo bo gcig tu nges pa ni/ /gnyis ka la yang rjes 'jug phyir/ /smra bo yi sngar med pa yi/ /'brel ba nyan pos ji ltar rtogs// de yi sngon du gang dmigs pa/ /de nyid de yis byas pa yin/ /gang phyir rnam pa gcig rtogs pa'i/ /blo ni de la 'jug pa min/ /de phyir sgra sogs tha dad kyang/ /gcig pu nyid du des nges yin/ /dum pa sogs kyi spyi yang ni/ /sngar nyid bsal bar byas zin to/ /'byung po'i mgul chings? lta bur ni/ /spyi 'ga' zhig ni snang mi 'gyur/ /'di la spyi yis chu 'dzin sogs/ /nus pa grub pa ma yin no/ /gal te spyi dang dbyer med na/ /de dag kyang ni rtag nyid 'gyur/ /tha dad 'brel med skyon yin te/ /de las byung na mi rtag 'gyur/ /de phyir spyi las chu 'dzin sogs/ /nus pa yod par rigs pa min/ /bum sogs la nus tha dad na'ang/ /nyes pa 'di dag nyes par 'gyur//
- 106a
chung 'dzin la sogs de'i 'bras bu/ /rtag pa kho nar thal bar 'gyur/ /nus pa nyid ni 'brel yin pas/ /'di tha dad mi 'dod ce na/ /nus las dbye ba med pa'i phyir/ /sgra dang don dag gcig nyid 'gyur/ /tha dad na yang de la ni/ / de dag dang 'brel 'ga' yang med/ /de las byung na de nyid min/ /dngos la gzhan du 'gro sa med/ /gang phyir 'brel pa ci 'dra ba/ /de 'dra yod par gsal byas pas/ /de phyir 'brel pa brjod dus su/ /ba lang sogs sgra brjod pa na/ /'ga' zhig gis ni 'grel pa'i blos/ /don rtogs gzhan gyis de bzhin min/ /khyed kyi 'brel pa yod pa na/ /kun gyi ngo? ni rtogs par 'gyur/ /rtag pa'i nus pa kho na yi/ /'brel pa ru ?? khyod kyis 'dod/ /de yang tshad med la nges par/ /don rtogs skyed dam yang na min/ /nges par tshad med pa skyed ma/ ci phyir kun gyis don ma rtogs/ /tshad bcas skyed na'ang rgyu mtshan ci/ /de nyid kyis de lta bur/ /rang bzhin zhe na brda bzung ba'i/ /sngon du 'am de ni brjod na yang/ /rtogs pa po ni gcig nyid la/ /ci phyir rnam shes 'jug pa min/ /de shes skyed pa'i nges pa can/ /de ni nus pa gnas phyir ro/ /'on te nus pa rtogs byas nyid/ /de la skyed par des rtags na/ /rtogs par byas dang ma byas dang/ /tha dad ce na rtags nyid nyams/ /gcig nyid na ni rgyu mtshan cis/ /rnam par dbye ba 'di brjod yin/ /gzhan yang thabs gang zhig ni/ /nus pa shes par 'dod pa yin/ /don gyis go bas shes zhe na/ /gang phyir rigs pa 'di ltar gnas/ /mngon sum gyi ni sgra dang ni/ /rgan dang sa brjod bya mthong ba yin// nyan pa po la rtogs pa nyid/ /bya bas rjes su dpag nas shes/ /de la brten pa'i nus pa ni/ /gzhan du mi 'thad pa yis rtogs/ /don gyis go bas rtogs 'gyur te/ /tshad ma gsum can 'brel pa'o/ /gzhan du 'thad pa kho na'i phyir/ /nus pa rtogs par
- 106b
mi nus te/ /gang phyir brda las byung sgra yis/ /don rtogs 'khrul pa med pa yin/ /nus pa rtag nyid phyogs la ni/ /brda sogs cung zad la ltos med/ /des na sgra don gyis rtogs pa/ /rtag tu 'byung bar 'gyur ba yin/ /brda ni gzhan ma'i ngo bo yis/ /ka li ma ri sogs sgra bzhin/ /sgra la nges pa'i nus yod phyir/ /don gzhan rtogs par mi 'gyur te/ /gal te sna tshogs don gsal phyir/ /nus pa gcig tu 'dod pa na/ /tha dad ce na sgra gcig gis/ /cig car sna tshogs don rigs 'gyur/ /don ni gsal bar byed nus pa/ /rtag pa kho nar gnas pa'i phyir/ /de rgyu don la rtogs pa yang/ /thams cad la ni gtan du 'gyur/ /de la brda la bltos pa can/ /nus par brtags par yin zhe na/ /de ni phan 'dogs la bltos min/ /mi g.yo bas de phan gdags med/ /don ni gsal bar byed pa'i rgyu/ /brda ni mi la brten pa'i phyir/ /mis ma byas pa'i nus pa la'ang/ /yod? pa nyid ni srid pa yin/ /sna tshogs don ni gsal byed pa'i/ /nus pa sgra gcig la yod na/ /me la sbyin sreg la sogs don/ /thams cad kun la nyer mkho? min/ /de 'dod phyin ci log don ni/ /gsal bar byed pa'ang srid pa'i phyir/ /des na sgra don 'brel brtag pa/ /brtag pa don med can yin no/ /brta? yang ltos par byed pa na/ /brtag sa par nus pa'i mtshan nyid can/ /rgyu mtshan med pa'i 'brel pa 'di/ /ci phyir yongs su g.yo ba yin/ /grub pa nyer bzhag pa la ni/ /brda ni ma rtogs par bya gzhan/ /don rtogs par byed pa ni/ /de la cung zad kyang snang min/ /'di ltar brda ni med pa na/ /tha snyad 'di ni mthong pa yin/ /de las 'bral pa grub ce na/ /brgyud pa 'di ni don med 'gyur/ /skyes bu 'dod tsam las byung pa'i/ /brda ni 'ba' zhig las kyang ni/ /tha snyad kyang na rigs yin te/ /des na 'grel
- 107a
pa mi 'grub po/ /gzhan du yang ni 'thad par ni/ /tha snyad la ni dogs par 'gyur/ /dbang po las 'das 'brel pa ni/ /mi rnams kyis ni rtogs ma yin/ /thams cad kyis ni mi shes pas/ /snga ma snga ma ma grags phyir/ /'bel pa ma grub ces bya bas/ /de ltar de cis yongs su brtags/ /des na ba lang rta sogs kyis/ /sgra ni rtag pa'i 'brel ldan min/ /brda la bltos bcas nyid kyi phyir/ /ga bi la sogs sgra bzhin no/ /rung pa'i ba lang sgra yod na/ /des nus min skyes kyis bcad byas/ /ga bi sogs las ba lang blo/ /rtsa ba'i sgra rjes 'brangs zhe na/ /de min nyan pa sogs rnams kyis/ /legs par sbyar ba mi rtogs phyir/ /rtse ba'i sgra yis rjes 'brang ba'i/ /ji ltar don gyi blo 'byung 'gyur/ /de phyir sgra don gyis 'brel pa// rtag par khas blangs par ma byas/ /de ni brda las byung rigs yin/ /rnam pa kun tu de srid phyir/ /yang na yul zhig rigs rgyud ni/ /chad pa'i ngo bo tha mi pa yin/ /sangs rgyas pas? 'dod 'dod med gang/ /tshangs la sogs la'ang yod par dogs/ /de yod na ni rig byed la/ /'jig rtsa'i blo ni srid pa yin/ /log pa'i gti mug rgyags sogs las/ /phyin ci log rtog gzhan yang srid/ /de dang 'dra bar 'gyur ba yi/ /rig byed gzhan nyid du ni 'gyur/ /ji srid gnod pa can ma bstan/ /de srid de ni dogs par 'gyur// gzhan du byed pa'i 'dod yod kyang/ /sgra ni 'jug par mi 'gyur na/ /de bzhin gal te mi rnams la/ /gzhan du byed 'dod mi skye na/ /de tshe rig byed 'di gzhun? dang/ /don ni gzhan bdag nyid mi rtogs/ /gzhan du byed pa'i 'dod 'jug na/ /dogs pa ldog par mi 'gyur ro/ /skyes bu thams cad dag gis ni/ /sngar grub rim pa bzung ma yin/ /tshig dag yi ge'i rim pa yis/ /rang dbang gis kyang byed par 'gyur/ /gzhan du khyed la rig byed bzhin/ /gzhung 'ga' byas par mi 'gyur ro/ /des na
- 107b
de bzhin don med pa'i/ /gzhung tsam la yang byas med 'gyur ba ji ltar gzhan dag gis brjod pa/ /des na de ni brjod 'dod ces/ /des ni nges pa ma yin te/ des na 'brel bzhin thog med yin/ /gzhan gyis brjod pa bdag gis brjod/ /brjod par 'dod pa de 'drar 'gyur/ /mtshungs pa'i rtogs pa'i 'khrul pa yis/ /las kyi bye brag ji bzhin no/ /dbyangs la sogs pa mi mthun phyir/ /gzhan gyis brjod pa brjod bya min/ /yi ge'i bdag nyid du snang phyir/ /gsal byar byed pa'i chos 'di min/ /des na mi re rig tha dad/ /snang ba yin te bum sogs bzhin/ /de phyir tha dad gsal bas na/ /de yi mtshan ma ci ste dgag /rigs kyis bum pa la sogs la/ /tha snyad nye bar mtshon pa ni/ /de med pas na sngar bkag yin/ /gsal ba dang de mi ldan phyir/ /de phyir rkang la sogs pa'i rigs/ /skyes bu thams cad la gnas min/ /des na smra po de rnams kyis/ /sgra tsam nyer mtshon bskul ba min/ /de phyir ji srid yig yod pa/ /sgra tsam gyi rigs tha dad ni/ /sgra bon? gsal ba'i rgyur 'jug pa'am/ /yang na gsal ba de ldan min/ /des na rkan sogs ldan pa dang/ /rnam dbye'i rim pa sngon 'gro can/ /byed la sgra tsam go rims dang/ /rigs kyis gnyis ka'i rtag nyid med/ /ji ltar skor ba sogs rnams kyi/ /cha rigs sogs kyis mtshon byas min/ /rim pa'i rjes 'jug 'gyur de ltar/ /rkan sogs sgra tsam yig rten min/ /gra ba nyid phyir gsal rnams la/ /rigs kyi chos ni nges bzung dang/ /yang de'i dbang gis don rnams la/ /khyab pa nyid yang rim mi 'dzin pa/ /des na sgra tsam gyis yon tan// thams cad rtag nyid du gnas pa/ /yi ge'i rjes su byed pa na/ /don gyi dbye ba rtogs ma yin/ /gzhan yang ji srid la yod pa/ /sgra tsam rigs tha dad sgra la/ /mngon par gsal ba'i rgyur 'jug pa'am/ /yang na gsal ba de ldan na/ /des na
- 108a
gsal byed yod pa'i phyir/ /sgra ni rtag tu dmigs par 'gyur/ /des na khyed la gsal rim gyis/ /bdag nyid yi ge'i rim rigs min/ /gsal ba dang 'brel ngo bo ru/ /rigs rnams gnas par gyur ba na/ /gsal ba rnams la'ang rtag pa nyid/ /bzlog par dka' bar thal bar 'gyur/ /rigs dang 'brel pa'i ngo bo ru/ /gsal ba rnams kyang gnas yin na/ /rigs la'ang mi rtag nyid du ni/ /khyed mi 'dod kyang thal bar 'gyur/ /mngon par gsal bar mi 'thad par/ /snga ni bstan par byas zin pas/ /de ltar rtogs par byed pa ni/ /khyed kyi yi ge'i rtog byed min/ /dus gcig khyab cing rtag pa yang/ /sngar ni bkag pa kho na yin/ /dngos po kun la yi ge bzhin/ /'ga' zhig gis gsal byas ma yin/ /yi ge rnams ni gsal bya na/ /'di ni rtogs pa'i yan lag min/ /gzhan las khyad par med phyir dang/ /gzhan du med phyir de rtag min/ /des na yi ge'i go rims dang/ /thung dang ring dang ches ring gang/ /de dag dus kyi rnam dbye bas/ /sgra tsam khyad par can dus kyi rnam dbye de dag rigs ma yin/ /de phyir khyed la rtag pa yi/ /de 'dra'i tshig gi chos yod min/ /des na yi ge mi rtag par/ /smra la tshig ni mi rtag grub/ /gal te gsal byed rkyen rnams kyis/ /'dir ni gsal bar rigs 'gyur na/ /gzhan gyi chos kyang yan lag nyid/ /rta yi shugs sogs bzhin du 'gyur/ /sgra kun rtag pa nyid la ni/ /don gyi go ba sun byung zin/ /mi rtag kyang ni don rtogs pa'i/ /rgyu nyid du ni bsgrub par byas/ /gang zhig gang gis brjod 'dod las/ /'byung bar brjod 'dod ?? gzhan pa las/ /yi ge skye bar 'gyur ba ni/ /de yi rjes thogs las de thos/ /snga ma'i yi ge rtogs byung ba'i/ /yang dag rig pa myur thos min/ /myur du thos pa ma yin pa/ /de ni de dran la bltos nas/ /phyi nas rang nyid dran par byed/ /de dag skye dang 'dzin
- 108b
ba yi/ /shes pa dag la brten nas ni/ /skyes dus byas pa'i yig go rims/ /'di ni skyed dang rgyus nyid yin/ /de phyir tshigs rnams so so la/ /yig rnams tha dad ces ni gsal/ /'dul bsnyon lcug ma shing ha la/ /zhes sogs rim ba'i bye brag phyir/ /de dag de 'dra'i rim pa yis/ /don tha dad bston byed yin/ /de nyid phyir na gsal ba yi/ /de ni don rtogs ched du ni/ /sgra bsnyams? kyis yongs su brtags/ /yi ge kho nas rtogs nus pas/ /der ni brtags pa don med yin/ /snang ba ma mthong ba yi phyir/ /'di ni med pas nges par 'gyur// 'di ni mi snang ba yin na/ /rtag bzhin shes par byed par 'gyur/ /yod pa tsam gyis de shes la/ /rgyu yi ngo bor gnas pa'i phyir/ /de ni shes byed 'dod ce na/ /mi bzhin rtag tu shes byed 'gyur/ /de bzhin brda ni ma rtogs dang/ /yi ge rnams ni ma thos kyang de las byung ba'i don shes ni/ /'byung rgyur nus rgyu nyen gnas phyir/ /'di ltar 'di ni rtag yod pa/ /'di la bltos pa cung zad med/ /sgra tsam brda yig rnams kyis kyang/ /de gsal ma yin ma mthong phyir/ /shes pa gsal ba yin zhes bshad/ /de yi shes pa rig ma yin/ /des na gsal bar byed 'di la/ /brtag pa nyid kyang don med 'gyur/ /sgra tsam gyis ni legs byas can/ /yongs su smin pa skyed pa na/ /mdza' ma'i sgra dang lhan cig tu/ /sgra ni blo la snang bar 'gyur/ /de ltar de yang de yis bar? ni// rgyu mtshan med par brtags pa yin/ /de la yang ni sgra gzhan la/ /snang bar 'gyur ba mtshon ma yin/ /gang dag gis kyang gsal ba la/ /rim gyis 'byung ba sgra tsam gyis/ /skye ba nyid dang gsal ba nyid/ /sems pa de dag la rim 'gal// cha shas med la rim gyis ni/ /skye ba dang gsal 'thad pa yin/ /ngo bo gcig las phyi med phyi/ /de dag rtag tu 'gyur ba yin/ /cha shas bcas pa nyid yin pas/ /ji ltar yig nges don ston min/ /gsal cha'ang cis na de ltar min/ /ma mthong
- 109a
gsal cha ci phyir brtags/ /gal te sgra gcig gis lhan cig /skyed dang gsal bar byas zhe na/ /shin tu gsal ba grub pa'i phyir/ /yi ge gzhan ni sbyor ba yin/ /gang phyir 'dogs dka' 'di yi ni/ /rang bzhin de ni de ltar byas/ /mtshungs pa'i dus ldan yig gzhan gyis/ /slar yang mngon par gsal bar byed/ /de nyid dam ni gzhan gcig gis/ /ci phyir 'das nas yang dang yang/ /gsal ba zlog par mi byed de/ /de la khyed med phyir min nam/ /yul dang dbang po legs byas pa'i/ /ngo bo gsal ba 'di la yang/ /yi ge bzhin du dgag bya ste/ /de snang sems ni yod na yang/ /de yi phyir na mngon sum gyi/ /rim gyis rtogs la phyin nas gang/ /ma lus yi ge rnam shes pa/ /de yi don shes rgyu can yin/ /tha ma'i yi ge rnams rtogs na/ /legs byas thams cad kyis byas pas/ /yi ge rnams la gcig car du/ /dran pa thams cad skye bar 'gyur/ /rim gyis shes pa yod na yang/ /smra ba po ni thams cad kyis/ /don rnams thams cad dag la ni/ /de ni yid bsdus shes par 'dong/ /rim par snang ba de nyid na/ /khas len byed pa min zhe na/ /brgya la sogs pa'i ngo bo ni/ /de bsdus shes pa skye mi 'gyur/ /gal te des na yig rim pa/ /sna ba yid kyi sngar shes pa/ /skye 'gyur yang na phyi nas ni/ /cig car dran shes 'byung bar 'gyur/ /des na yi ge der gnas min/ /ring na gnas pa rtogs pa'i phyir/ /des na sgra las don gyi blo/ /'jig rten pa rnams kyis mchod 'gyur/ /rnam pa dang bcas shes pa ni/ /thams cad de ni rigs pa yin// de lta min na 'jig 'gyur ba/ /dran pa la ni ji ltar snang/ /'on te yi ge mi snang ba'i/ /gsal ba can sngar rtogs 'gyur ba/ /gnas pa kho na dran zhe na/ /de min gsal snang thal 'gyur phyir/ /gnas pa sngar ni gsal zin te/ /
- 109b
de ni gnas na'ang yi ge yi/ /nyams myong shes pa'i dus nyid du/ /dran pa skye 'gyur rgyu gcig phyir/ /ba lang zhes bya'i blo gcig nyid/ /kho bo cag gis bkag byas min/ /de 'dzin don gcig nyid dag gis/ /sgra la blo gcig 'gyur ba yin/ /ba lang sgra la de yod kyang/ /myur phyir bar mtshams chung ba'i phyir/ /lhas byin la sogs sgra la ni/ /dbye ba gsal bar rtogs par 'gyur/ /yi ge las byung don blo de/ /de shes pa yi rjes las skyes/ /de 'dra de ni de las byung/ /du ba sogs las me blo bzhin/ /yig las tha dad sgra snang ba/ /shes pa rjes thogs 'byung ba can/ /don gyi blo ni rig pa min/ /des na sgra bzhin rjod byed med/ /'bras bu'i tha snyad kyi yan lag /rjes su 'gro dang ldog pa dag /thams cad du ni des byas pa/ /des na khyab pa 'dir nges yin/ /yi ge mi rtag nyid la ni/ /rjod byed nyid du bsgrubs zin to/ /rtag pa'i bsgrub pa ngo shes dang/ /rjes dpag dag kyang bsal zin to/ /mi shes pas rang tshig sogs dang/ /'gal bar rtsod par byas pa yin/ /gang phyir rtag pa'i phyogs la ni/ /khyed la de kun 'grub par 'gyur/ /rtag pa'i dag ni yod pa na/ /gsal byed rigs min dpyad zin te/ /go rim la sogs mi ldan dang/ /rtag tu ma dmigs pa yi phyir/ /chos can tha dad ma brtags par/ /bzhi ma grub pa gang brjod de/ rjes dpag mtshan nyid mi shes phyir/ /gang phyir snang 'gyur chos can yin/ /nya ba la sogs rnams la yang/ /ma dpyad rab tu grub don gang/ /shes pa la ni gang snang ba/ /de tsam chos can nyid du bshad/ /de nyid la ni rtsod pa 'di/ /smra po rnams la 'jug pa yin/ /'dod pas bkod pa'i bye brag la/ /rtsod pa suAng yod ma yin/ /des na khyad par med bstan pa/ /khyad par du ni rnam rtog pa/ /rjes su dpag pa thams cad kyis/ /'jug pa kho na la gnod 'gyur/ /bskul ba las
- 110a
ni skyes pa'i blo/ /tshad ma yin te skyon bral pa'i/ /rgyu rnams kyis ni skyed nyid phyir/ /zhes bya sogs kyang rnam dpyad bya/ /dag cing rtag pa'i don 'brel pa'i/ /bskul ba'i las ni skyes pa'i blo/ /phyogs yin zhe na gzhan brten nas/ /gzhi ma grub par thal bar 'gyur/ /de yi gnas skabs rtag pa nyid/ /de las gzhan pa mi rtag yin/ /de yi gnas skabs nyid log na/ /ci zhig gnas par 'dod pa yin/ /dbang po 'ba' zhig gis gzung nyid/ /gtan tshigs su ni 'dir rtog na/ /sngar gnod byas pa'i rigs kyis ni/ /'khrul par rtogs pa ma yin no/ /rang gi snang ba'i dbang shes la/ /rgyu yin dbang pos bzung bar 'dod/ /rtag pa rgyu nyid ma yin par/ /de ni rab tu bsgrubs zin to/ /de 'dra'i don la rgyu nyid ni/ /thams cad la'ang grub pa yin/ /de lta yin na du sogs la'ang/ /kun la rnam par rtag 'di mtshungs/ /kho bo cag la kun rdzob pa'i/ /so sor brtags 'gog la sogs pa/ /btsal ma thag 'byung shes 'bras bu/ /rtsom byed nyid duAng grub pa min/ /'gog pa dag ni 'jig bdag nyid/ /'dod min gang phyir zag bcas pas/ /so sor brtags pas 'gog pa gang/ /bral ba so so so so yin/ /skye la gtan du gags byed pa/ /'gog gzhan so sor brtags min pas/ /de phyir grub mdza' mi shes pa/ /log pa'i nga rgyal gyis ni slad/ /rang bzhin med phyir 'gog dang mkha' / /btsal ma thag las byung ba min/ /gyo mo snang ba'i tshogs sogs ni/ /de ltar shes pa'i rgyu mtshan yin/ /don gcig rang gi rang bzhin la/ /ngo bo gnyis nyid gsal bar byas/ /de phyir rigs zhes bya ba'i sgra/ /rtag pa bum 'di la grub min/ /de yi gnas skabs nyid spong tsam/ /mi rtag bsgrub bya nyid du ni/ /'dod pa yin te mar me sogs/ /de la dpe ni gsal ba ni/ /'bar sogs skad cig re rer yang/ /'jig nyid ma grub pa yin nam//
- 110b
der ni cha shas phra mo ni/ /yul gzhan du ni song ba yin/ /sdong bu phyogs la yang du ni/ /'bar ba bsdus nas gnas pa yin/ /de la ji srid gyen song ba/ /de srid 'bar ba zhes rtogs yin/ /de yang 'das nas gang song ba/ /de ni 'od kyi bdag nyid yin/ / de rjes la ni gang song ba/ /de na phra phyir nges bzung min/ /yan lag phyis mas lam bkag pas/ /nad ma 'gro bar mi 'gyur ro/ /ji ltar phyi mas go phye ba/ /nang ma de ltar de ltar 'gro /des na 'gro ba yin yang nges/ /rtsa sogs sreg par mi byed do// zhe na de ni brtags pa tsam/ /tshad ma ma smras pa yi phyir/ /gzhan yang nus ma nyams de dag /rtsa dang ras bal sogs phrad na/ /sreg par byed pa thal 'gyur 'di/ /snga ma bzhin du ldog mi 'gyur/ /gzhan du nus dang mi nus pa'i/ /gang tshe? rang bzhin dbye yod na/ /de tshe rtag dngos de dag la/ /de ni ji ltar yod par 'gyur/ /'brel pa la yang rtag pa nyid/ /sngar ni bkag pa byas pa yin/ /des ni 'brel byar mi 'dod pa'i/ /rigs pas dag rtag rigs ma yin/ /ji lta bu yi dag la ni/ /rtag pa nyid du khas blangs byas/ /yi ge tsam gyi bdag nyid dam/ /yig rim yang na tha dad yin/ /rim med yi ge rnams la ni/ /brjod pa nyid med de yis ni/ /de dag de 'dra'i dag pa yin/ /de dag la ni rim pa'ang med/ khyab pa'i phyir dang rtag nyid phyir// de dag la ni yul dus rim/ /me tog 'bras bu sogs dbye bzhin/ /yig bris bzhin du 'thad ma yin/ /de dag rang bzhin rim yod pa/ /mtsho ru zhes bya nyid srid na/ /phyi nas ro mtsho sogs mi 'gyur/ /brtan pa'i rim pa dang 'gal phyir/ /gang phyir yi ge rnam rtag par/ /brjod par byas pa de yi phyir/ /rim gzhan gnas pa'i ro mtsho sogs/ /rim pa gzhan la skye mi 'gyur/ /de ltar min khyod kyis smras pa'i/ /ngo shes pa ni rtag pa dang/ /gcig nyid sgrub par byed pa po/ /'khrul
- 111a
pa can du 'gyur ba yin/ /tha dad pa la 'jug pa'i phyir/ /gsal ba'i rim pa'ang ngag min te/ /brtag pa'i bkag pa gsal byas min/ /ngag ni 'thad pa ma yin pas/ /de phyir rtag pa nyid mi rigs/ /ji ltar 'phel ba la sogs sgra// 'dod pas bkod pa'i don can rnams/ /mtho ris mchod sbyin la sogs sgra/ /de bzhin du yang bsrings pa yin/ /rang nyid kyis byas gtam ngo bo'i/ /zlos gar gtam rgyud la sogs pa/ /rtag pa'i sgra dang don 'brel pa/ /brjod 'dod yang dag par yod min/ /de la'ang nus rtag nyid yod de/ /nges sbyor mi rtag nyid kyi phyir/ /nus pa 'khrul 'jug 'gyur zhe na/ /de la sun dbyung phyi rol don/ /med pa nyid ni ma yin nam/ /don gang la ni nus par brtags/ /rnam rtog gzugs brnyan la zhe na/ /de bzhin rig byed la yang mtshungs// dbang po las 'das don 'brel pa'i/ /nus pa su zhig gis rtogs 'gyur/ /de phyir rig byed la nges sbyor/ /mi la reg las pa'ang rig min/ /rgan po la'ang de rtogs min/ /de dag mi shes rang bzhin gnas/ /skyes bu la brtan bshad pa las/ /rtogs pa de ni srid pa yin/ /byas pa'i lung la brgal brtag pa/ /'di ni mtshungs pa ma yin nam/ /der min der ni dad pas sam/ /don la the tshom za bas 'jug/ mngon sum dang ni rjes dpag pas/ /yul ni rnam par brtags yod pas/ /rig byed sgra ni de lta min// gang phyir de ni rang las shes/ /byas ba'i don can gtam gyis chos/ /ma mthong ngo bo thos las mtshungs/ /de ltar rig byed ma 'brel pa/ /gzhan dag gis 'dir smras pa yin/ /sgra don thogs med spang byas nas/ /'brel pa thog med rgyu mtshan nyid// gzhan yod ma yin des na 'di/ /rig byed la ni 'brel sogs med/ /thabs dang bral ba nyid kyis ni/ /'brel pa byar med rjes su dpag/ bshad pa byar med rjes dpag ni/ /mthong ba nyid kyis 'gal bar 'gyur/ /rgan po rnams kyi rtogs pa ni/ /
- 111b
yang dang yang du snang 'gyur ba/ /thabs yin zhes par rtogs brten nas/ /de nyams pa ni mi 'grub ci/ /gal te rig byed don la nges/ /rgan po rnams las mi bslu bar/ /grub par gyur na de dag kun/ /de ltar 'gyur gyi gzhan du nyams/ /thams cad bsdus pa'i khyab pa na/ /grub phyir 'dus pa can nyid kyi/ /rtags la mi mthun sgrub pa ni/ /cung zad srid pa ma yin no/ /don bcas rnam dbye'i don can gyi/ /khyad par rim pa dang ldan pa/ /tshig dang dag gi tshogs zhes bya/ /yi ge kho na de ltar bshad// don bcas rnam dbye'i don can gyi/ /khyad par rim dang ldan nyid ni/ /skyes bus ma byas la bkag zin/ /des na khyab pa gnod med yin/ /rig byed 'don pa brjod nyid la/ /de ltar khyab pa nges pa med/ /des na sgrub pa 'di la ni/ /ldog pa the tshom gsal bar yod/ /de ltar rim pa byed pa yi/ /mi ni nus med nges byas na/ /'dir ni khyab pa 'di 'grub ste/ /de ni nges par mi nus so/ /ma lus mi yi chos rnams ni/ /mngon sum du ni byas yin na/ /nges pa kho na skye ba yin/ /'di ni thams cad khyed la dang/ /rig byed skyes bus byas nyid du/ /yod par gsal ba srid pa yin/ /'dod pas log par g.yem pa dang/ /srog chags 'tshe dang brdzun bshad pa/ /brjod dka' nyid dang thung brjod nyid/ /'brel med nyid dang mi snyan sogs/ /rig byed chos rnams chod smra ba'i/ /tshig la yang ni yod par snang/ /dug sel nus pa la sogs la/ /bden pa cung zad gang snang ba/ /de ni mkha' lding bya sogs snang/ /gzhan yang rnam pa 'di yis ni/ /skyes bus byas pa cung zad med/ /gang phyir bde gshegs kyis gsungs pa'i/ /gsungs pa'ang de ltar rjes dpag nus/ de yis mngon gsal byas dngos phyir/ /des byas pa zhes brjod par bya/ /byed pa dran pa de la yang/ /de ni don brjod rgyu mtshan nyid/ /de ltar
- 112a
gzhan mi 'dod ce na/ /rigs pa mtshungs phyir ces mi 'dod/ /de ltar gzhan mi 'dod par zad/ /rigs pas de bzhin dogs pa yin/ /thams cad du ni skyes bu rnams/ /phal cher brdzun ni smra ba yin/ /ji ltar de ltar yid mi chos de bzhin 'das pa'i don bstan la/ /de ltar de yi khyed smras pa'i/ /rigs par gzhung lugs 'ga' la yang/ /byed po cung zad grub min te/ /rang nyid byas par brjod na yang/ /des na skyes bus ma byas la/ /bden par re ba 'di dor cig /gang phyir rig byed don 'gal ba'i/ /don ni de dag las bstan yin/ /gzhan yang theg med grub na yang/ /des kyang ? ma byas mi 'grub/ /de las ma byas par 'grub na/ /lung gzhan rnams kyang ma byas 'gyur/ /'di ltar par tshig la sogs pa'i/ /tha snyad rnams ni gzhan brten pa'i/ /chad par smra ba'i grub mdza' yang/ /gzhan gyis 'dus byas pa las byung/ /de 'dra'i ma byas nyid grub kyang/ /yod la nan tan ci zhig yod/ /khyed kyi 'bad ba ma lus ni/ /yang dag don grub rgyur bcas yin/ /dus nyid skyes bu nyid sogs la/ /sngar bzhin ldog la the tshom za/ /skyes bu rnams la byed pa yi/ /nus pa med par ma bsgrubs phyir/ /bsal ba bkag par byas nyid phyir/ /smra po byed por shes par gyis/ /de phyir sbyor pa gnyis po yang dpe ni bsgrub byas stong par smras/ /mis bstan pa la ltos phyir dang/ /byas pa nyid du sgrub byas phyir/ /rang don smra po ma bltos nyid/ /chos can dpe dag la ni med/ /dag la stag nyid spangs pas na/ /chos can dang ni dpe dag la'ang/ /rtag pa'i dag las byung nyid ni/ /gsal bar ma grub par rtogs min/ /'di ltar bskul pa skyes bu yis/ /ma byas nyid du ma nges pas/ /gtan tshigs phyi ma rnams la yang/ /the tshom za ma grub skyon 'gyur/ /skad cig mas 'jig gsal bsgrubs
- 112b
pas/ /re zhig thos pa brtag pa yis/ /rang gi ngo bo la gnod par/ /des byas blo ni gang las 'gyur/ /thos pa las kyang skyes bu ni/ /'jig par mi 'gyur zhes bshad pa/ /sngar ni de la gnod bstan pas/ /de ni ma grub par gsal yin/ /lag mthil skyu ru ra bzhin du/ /yul dang dus dang skyes bu bzhin/ /gang gis mngon sum du ni gyur/ /des bder gnod med 'di des 'gyur/ /mi yis mi shes don ngo bo/ /de nas mun pa'i dngos gnas pa'i/ /rig byed la ni dman rnams chags/ /rang gi dpyod la par tshig bzhin/ /de yi don ni mi shes pa'ang/ /sdig pa'i rgyu mthun dang ldan phyir/ /srog chags 'tshe sogs sdig pa la/ /de bzhin 'di dag 'jug par 'gyur/ /de phyir chos la brtan nas ni/ /bskul ba tshad ma nyid ma grub/ /sgra de dag la bdag gzhan gyis/ /de don nges par rtogs mi 'gyur/ /ye shes snang bas nang gi ni/ /mun pa'i tshogs ni 'joms byed pa/ /thos don rnam dben ston byed pa/ /tshad ma grub pa 'dod par gyis/ /de kho na nyid bsdus pa'i tshig le'ur byas pa la/ /thos pa brtag pa ste nyi shu dgu pa'o// // rig byed skyes bus byas nyid du/ /de ltar sgrub par byas pas na/ /'bad mi dgos par de dag la/ /rang las tshad ma nyid kyang rtsal/ /rang las tshad ma thams cad kyi/ /tshad ma nyid ni gzung bar gyis/ /de lta bu'i dag de la ni/ /khyed kyi don ni ji ltar 'dod de dag la ni rang bzhin gyis/ /gzhal bya rtogs sogs nus gnas yin/ /rang la med pa'i nus pa ni/ /gzhan gyis byed par nus ma yin/ /bltos pa med nyid gcig kho na/ /tshad ma nyid kyi rgyu mtshan yin/ /bltos pa dang bcas nyid rten na// de ni 'jig pa kho nar 'gyur/ /rigs pa smra ba su zhig ni/ /rtsa ba la gnod phyogs des med/ /gang gis dag gi rang tshig gi /de grub thabs kyang 'jig par byed/ /bltos pa dang bcas tshad nyid ni/ /la lar yang ni gzhag byas min//
- 113a
gtan tshigs thug pa med pa yis/ /bsgrub bya su zhig bsgrub par byed/ /de lta'i don ni 'dod ce na/ /dngos po thams cad dag la ni/ /nus pa tha mi dad pa can/ /sngar bsgrubs byas zin ma yin nam/ /gang phyir 'dod 'bras nus pa can/ /rang bzhin nus pa med zhes brjod/ /de dag dngos bdag nyid min na/ /dngos de byed pa por mi 'gyur/ /rang rgyu'i stobs las byung ba can/ /de yang mi rtag de 'dra ba'i/ /nus pa tshad ma dag yin/ /rang bzhin gyis ni yod pa ru/ /khyed cag ji ltar 'dod pa yin/ /nus pa rang bzhin can yin na/ /rtag pa 'am ni rgyu med 'gyur/ /de bdag nyid phyir tshad ma yang/ /rtag pa nyid dang rgyu med yin/ /rgyu med gzhan la mi bltos phyir/ /rtag tu yod pa'am med par 'gyur/ /des na der reg las 'bras bu/ /res 'ga' pa ni rigs pa min/ /tshad ma rnams kyi rang bzhin dang/ /'bras bu nyid ni res 'ga' bar/ /snang rung des na nus pa yis/ /rang bzhin can khyed la mi rigs/ /tshad ma rnams kyi rang dngos ni/ /gsal byed kyis gsal snang bas ni/ /skyon gzhan la ni bltos nas ni// de 'bras rtsom par byed ce na/ /rtag dngos la ni gsal ba dang/ /rgyu gzhan la ni bltos pa spangs/ /de phyir de yi ngo bo dang/ /'bras bu rtag tu dmigs par 'gyur/ /dngos la nus pa tha dad dang/ /gnyis bdag nyid na'ang de lta na'ang/ /rtag pa'i nus dang 'brel pa can/ /de shes rtag tu 'byung par 'gyur/ /de ltar min na rtag mi 'gyur/ /dngos gcig rjes 'gro med pa'i phyir/ /gang phyir de shes dang nus pa/ /res 'ga' 'brel cing gzhan du min/ /rang gi rgyu las skye 'gyur ba/ /tshad ma rnams kyi nus pa ni/ /rang gi rgyu las skyes 'gyur te/ /phyis rkyen gzhan byas min zhe na/ /'dir ni bdag cig la rtsod med/ /gang phyir rang rgyu las skyes pa'i/ /cha shas med pa'i dngos po yi/ /nus pa phyi nas su zhig rtog /gzhan gyis phyis kyi dus su ni/ /ngo bo gang zhig byas pa ni/ /de ni dngos gzhan
- 113b
nyid yin pas/ /de'i bdag nyid du brjod min/ /gang phyir 'gal ba'i chos 'dre ba/ /dngos po'i tha dad nyid du bshad/ /de grub na de mi 'grub phyir/ /nus pa la yang de yod yin/ /dngos kun skad cig 'jig pa ru/ /bsgrub par byas pas de dag gi /nus pa 'ga' zhig rkyen gzhan gyis/ /skyed par byed par mi nus so/ /gang phyir de dag gis gnas pa/ /dus gzhan du ni rkyen gzhan gyis/ /'bras bu 'ga' zhig la nus thob/ /'di ni blo bzang sangs rgyas pa/ /de dag ji ltar brjod pa yin/ /shes pa 'ga' la nus gnas kyang// de ni rang las rtogs nus min/ /ji ltar gnas pa'i shes bya yi/ /dngos po rtogs dang thob nus nyid/ /nyams myong bdag nyid gcig pu yis/ /su zhig nges par byed pa nus/ /gang phyir tshad ma ma yin yang/ /skra shad la sogs shes pa ni/ /rnam pa gsal ba snang ba yis so/ /nyams myong bdag nyid de yod yin/ /des na nges par bya nyid phyir/ /don byed shes pa 'am gzhan bltos min/ /de byed phyir ni ma yin te/ /dug la sogs pa la bzhin no/ /ji ltar dug dang myos 'gyur sogs/ /de las mtshungs gzhan snang phyir dang// rjes thogs la ni 'bras med phyir/ /de'i bdag nyid nges gzhan bltos yin/ /brgyal dang dul dang 'tshol sogs pa'i/ /de yi 'bras bu des bskyed na/ /de'i bdag nyid du rtogs 'gyur te/ /de ltar shes la de nus des/ /gzhan yang tshad ma'i nus mtshan nyid/ /rtsed pa med pa nyid du 'dod/ /tshad ma gzhan gyis nges byas zhes/ /de ltar khyed kyis smras pa yin/ /dngos po rnams kyis nus pa rnams/ /'bras bu'i don gyis sgrub par byed/ /des na don gyis go bas grub/ /gzhan las ma 'grub ji ltar yin/ /rang gi rgyu las tshad nyid ni/ /cha shas med par grub yin na/ /de ltar yin dang rtsod med de/ /des bskyed gzhan la bltos pa'i phyir/ /rang gi ngo bo grub don du/ /tshad ma gzhan la bltos pa min/ /de yi ngo bo des
- 114a
don du/ /rtogs po de la bltos pa yin/ /gzhan yang tshad ma nyid min yang/ /de ltar rang nyid las thal 'gyur/ /rang las tshad ma min med na/ /gzhan las kyang ni srid ma yin/ /bltos pa med pa gcig kho na/ /tshad min nyid kyi rgyu mtshan yin/ /de lta bu sogs 'dir yang ni/ /ma lus brjod par nus ma yin/ /slu par byed pa nus pa ni/ /ji ltar gzhan las nges pa yi/ /de ltar mi bslu'i nus pa nyid/ /des na rnam kun gyi gnyis mtshungs/ /bzlog pa de las tshad nyid la/ /phul du byung ba ci zhig snang/ /gang gi rang las de nyid dang/ /gzhan las tshad ma min pa 'dod/ /'on te rang las tshad ma kun/ /tshad ma nyid du yod pa'i phyir/ /skyes nas rang gi 'bras bu la/ /rang nyid kyis ni 'jug 'gyu min/ /bdag nyid thob phyir dngos po rnams rgyu la bltos phyir byed pa ni/ /bdag nyid thob nas rang 'bras la/ /rang nyid kyis ni 'jug par 'gyur/ /des na skye tsam shes pa la/ /rang gi rgyu la bltos yod phyir/ /de dag rang gi yon tan la/ /nges pa bskyed phyir bltos pa min/ /gang phyir skyed la rang dbang can/ /tshad ma nyid dang don nges la/ /rang gi rgyu la ma bltos par/ /de dag 'gyur bum la sogs bzhin/ /'jim gong 'khor lo dbyug sogs la/ /bum pa skyes phyir bltos pa yin/ /'di yi chu mchu ba la ni/ /de dag la ni bltos pa med/ /de ltar rang las tshad ma nyid/ /tha mar gdon mi zad yin/ /gzhan las rag las tshad nyid ni/ /thug pa med par thal bar 'gyu/ /rtsa ba yi ni tshad ma nyid/ /tshad ma gzhan gyis grub byas na/ /de dang der ni de 'dod pas/ /mthar thug gnas rnyed mi 'gyur ro/ /ji ltar dang po'i shes pa de/ /don byed mi bslu'i shes la bltos/ /de ltar mi bslu'i shes pa yang/ /mi bslu gzhan la bltos pa yin/ /gal te 'ga' zhig rang nyid las/ /tshad ma nyid du 'dod pa na/ /dang po de ltar 'gyur bar
- 114b
rgyu mtshan gang gis sdang bar byed/ /gal te de ltar yon tan la/ /rag las mngon sum sogs tshad nyid/ /tshad ma med na yon tan yang/ /nam yang yod pa ma yin no/ /des na yon tan yongs gcod phyir/ /tshad ma gzhan ni 'dod pa na/ /de la'ang gzhan gyis yongs su bcad pa'i/ /yon tan rag las tshad ma nyid/ /dang po'i bzhin no des na yang/ /sngar bzhin thug pa med par 'gyur/ /de dang der de ltar 'dod na/ /mthar thug rnyed par mi 'gyur ro/ /'on te yon tan gyis shes pa/ /yon 'jin rag las tshad ma nyid/ /mi 'dod dang po'i don shes kyang/ /yon tan tshad ma la mi bltos/ /des na ring du dpyad byas kyang/ /'gal la rang la tshad nyid ni/ /gdon mi za bar khas len na/ /de bas thog mar gnas pa mchog /don byed pa dang yon tan shes/ /gang gis khyad par can du 'dod/ /gang gis stobs kyis dang po ni/ /de dag la ni rag las 'gyur/ /de phyir rag las tshad ma nyid/ /kun la spyir brtan pa can gnas/ /gnod dang rgyu rkyon bcas nyid kyis/ /shes pa dag gis de bsal yin/ /de ni gzhan la rag las kyang/ /thug pa med par mi 'gyur ro// de yi tshad ma la rag las/ /de yang rang las gnas pa yin/ /gang phyir tshad ma tshad gzhan gyis/ /ji ltar sgrub par mi byed pa/ /de ltar chad min nyid kyis ni/ /chad min gzhan las grub pa min/ /rigs mthun la brten nyid kyis ni/ /gnas la 'thad pa ma yin te/ /rigs mi mthun ni rgyu gzhan phyir/ /rtsa ba bstan par gnas pa yin/ /re zhig gnod pa'i shes pa ni/ /don gzhan nyid du nges gzung yin/ /de ni bltos med tshad nyid phyir/ /snga ma shes pas sel par byed/ /de la yang ni gnod pa gsal/ /slar yang bltos par 'gyur pa yin/ /la lar snga mar dogs skye na/ /de yang 'bad pa nyung dus ldog /gal te 'di la gnod pa bzhan/ /'tshol bas skye bar 'gyur ba na/ /des na dbus mar gnod 'gyur pas/ /snga ma kho na tshad ma yin/
- 115a
'on te rjes mthun 'bad pa yis/ /yang dag tshol bar byed pa na/ /rtsa ba med phyir gnod can las/ /gnod pa'i shes pas gnod mi 'gyur/ /des na dmigs gsal med pa'i phyir/ /stobs bcas de yi dang po ni/ /gnod 'gyur de yis de nyid kyi/ /tshad ma nyid ni gsal ba yin/ /de ltar rtogs ldan shes pa ni/ /gsum po spong bar mi byed do/ /des kyang gnod pa ma skyes na/ /gnod pa slar yang dogs mi bya/ /gang zhig rmongs pas ma skyes pa'ang/ /gnod pa can du nye bar rtog /the tshom bdag nyid can de ni/ /tha snyad thams cad nyams par 'gyur/ /'di ltar nor lha'i bu yis ni/ /the tshom bdag nyid la smad pa ni/ /kutwa ti bu skyes the tshom can/ /'jig rten 'di dang phyi ma med/ /la lar gang du ji snyed pa'i/ /mi gsal rnams ni srid pa yin/ /de bdag nyid la de snyed ni/ /btsal yang ma skyes pas der med/ /'jal byed don du gnyer rnams kyis/ /slar yang dngos po de la ni/ /re 'ga' 'di ltar srid pa yang/ /nye bar rtags shing gnas mi bya/ /gang la bul? dus mi'i gnas skabs/ /dbye ba tha dad kyis grub gang/ /gnod can don du gnyer ba ni/ /de dag la ni bltos pa yin/ /yul thag ring na gnas pa'i phyir/ /yang dag par ni ma mthong bas/ /la lar gzhan du dogs 'gyur ba/ /der ni nye bar phyin pa tsam/ /gnod pa'i mdza' ste dus dang ni/ /mi dang gnas skabs gzhan dag la/ /de la bltos pa yod min te/ /smig rgyu la sogs blo bzhin no/ /de ltar dmag dang bcas dus su/ /ba lang rtag sogs the tshom mam/ /'khrul pa gang yin de'i nges pa/ /gsal bar gyur pa mdza' can yin/ /de bzhin zla gnyis phyogs la 'khrul/ /rigs byed yi ge dbyangs sogs la'ang/ /skyes bu gzhan la dris pa na/ /rnam pa gzhan du nges 'dzin skye/ /chags dang zhe sdang rgyags dang sbyor/ /bkres skom sogs kyis dbang nyams
- 115b
pas/ /shes bya'i don la log shes skye/ /de med yang dag shes pa skye/ /bu lon la sogs tha snyad la'ang/ /gnyis brtsod par byed pa na/ /gcig ni bu lon chags pa'i tshig/ sngar gyi bu lon ded tshig gnyis/ /thug pa med pa'i 'jig pa yis/ /ngag lhag chad rgyar 'bri mi byed/ /des na gtso bo'i bdun ni/ /'dun sa ba sogs kyis nges brjod/ /de ltar shes pa gsum kho na/ /thams cad kyi ni dbang byas 'dod/ /de 'dod phyir ni lha rnams la'ang/ /bden pa gnyis gsum yod par brjod/ /des na rang la tshad nyid na// gnyis ka la'ang thug med med/ /tshad ma nyid dang tshad min nyid/ /des na ji ltar rigs par gnas/ /rtag pa 'am yid ches bas smras pa/ /ngag gang nges par gzung ba yin/ /smra ba po dang nyan pa yis/ /de ni cung zad skyon bcas su/ /mi byed la rig pa yis/ bla ma gang dag yin pa 'am/ /rtag tu gnod par byed pa pos/ /de 'drar skyo bar nus pa can/ /'jig med de ni 'dzin par byed/ /des na yon tan gyis bkag pa'i/ /skyon gyis dag sun 'byin mi byed/ /yang na byed po med phyir te/ /skyon ni rten med mi 'gyur ro/ /der yid ches smras la skyon med/ /yon tan bdag nyid gnyis su snang/ /yon tan gyis kyang tshad ma nyid/ /ji ltar grub min de ltar bstan/ /des na yon tan ldan pa'i phyir/ /des bsal smra po la skyon med/ /skyon med pas ni nyer mtshon pas/ /ngag ni rang las tshad ma yin/ /yid ches dag las skyon med par/ /yon tan dag gis rtogs zhe na/ /yon tan ldan nyid rjes 'gro la/ /de nyid thug pa med par 'gyur/ /de ni skyon med shes 'gyur bas/ /yon tan gyi shes de yi tshe/ /bltos par byed pa ma yin te/ /de la yon tan phan 'dogs min/ /yod pa tsam gyis de kun gyi/ /skyon rnams ldog par byed nus yin/ /de dag yod na mi'i skyon gyi/ /yul can shes pa skye mi 'gyur/ /mi shes nyid phyir skyon rnams kyis
- 116a
tshad ma nyid ni bsal ba yin/ /ma bsal bas ni grub pa yin/ /des na 'di yang rang la gnas/ /nyes pa yod dam med pa ni/ /skyes bu'i dag la the tshom za/ /byed po med phyir thos pa la/ /skyon yod the tshom bdag la med/ /rig byed la yang tshad ma nyid/ /ma bltos nyid phyir gang brjod pa/ /yid ches ma smras pa la yang/ /de ni rang las shin tu grub/ /rig byed don la tshad gzhan gyis/ /dus kun tu ni ma 'brel gang/ /de nyid kyis ni tshad ma nyid/ /gzhan du rjes su zlos nyid yin/ /gzhan la yang ni tshad nyid la/ /'brel pa rgyu nyid ma yin te/ /don mtshungs rnams la rtog pa yis/ /mtshungs pa'i don gcig la rtog pas/ /gcig nyid tshad ma nyid du 'gyur/ /gang la yang ni yongs gcod pa/ /tshad ma phyi mas slar yang 'gyur/ /der yang nges par snga ma yis/ don de gsal bar des gzung min/ /lan cig skyes nas 'jig pa ni/ /don la tshad min nyid 'gyur min/ /mig la sogs dang 'brel med pa/ /rna blo'ang tshad mar 'gyur ba min/ /'di la rna ba'i shes gzhan dang/ /'brel phyir tshad nyid 'gyur zhe na/ rig byed la yang de skyed pa'i/ /rnam shes gzhan dang 'brel pa grub/ /sgrub pa gzhan las skyes pa ni/ /blo ni gnyis la'ang yang yod min/ /des na rgyu gzhan gyis byas pa'i/ /shes pa mi bslu 'dod min te/ /ji ltar dbang po gcig dag las/ /rnam shes gzhan gyis 'brel pa ni/ /mngon sum gyi rgyur brtags pa yin/ /de bzhin rig byed la brtag gis/ /dag ni gcig pu kho na yis/ /yul dang dus dang mi sogs la/ /don gyis mi bslu rnyed pa ni/ /rgyu gzhan btsal bar mi bya'o/ /de phyir bstan par gang skyes pa'i/ /rnam par shes la yul gzhan sogs/ /rnam shes rnams kyi bslu med can/ /de ni tshad mar the tshom med/ /sgra rnams la ni tshad ma nyid/ /rjes su dpag pas bsgrub mi bya/ /mngon sum la yang
- 116b
de bsgrub byas/ /tshad mar mi 'gyur khyad med phyir/ /tshad rnams kyis tshad ma nyid/ /gzhan ma gang gis bsgrub par byas/ /de yang gzhan gyis bsgrub pa'i phyir/ /thug pa med par thal bar 'gyur/ /'on te sgrub par byed pa la/ /gzhan gyis ma bsgrubs tshad 'dod na/ /des na bsgrub bya la yang nges/ /ma bsgrubs pa yang de bzhin 'gyur/ /mngon sum la sogs tshad ma ru/ /de ltar gzung byas ma yin nam/ /de ltar gzung bar ma byas pas/ /tha snyad rigs pa ma yin no/ /nges par 'dzin pa'i sngon rol du/ /tshad mar rang nyid ni gnas na/ /de ni bltos med rang gi don/ /'jal bar byed de rang gis ngos/ ji ltar rtogs par ma byas nyid/ /mig sogs dbang po rnams kyis ni/ /yul kun 'dzin par byed pa yin/ /de bzhin tshad ma rnams kyis kyang/ /des na tshad ma nyid de la/ /rig par 'gyur nyid mkho ba min/ /blo ni ma gtogs 'di las kyang/ /yul gyi nyams myong dmigs par 'gyur/ /rang gi don la tshad min pa/ /tshad ma bzhin du rang las grub/ /de yi log nyid tshad ma gzhan/ /med na gzung bar mi 'gyur ro/ /gang phyir don ni log nyid du// snga ma 'dzin min de nyid bzhin/ /de yang don gzhan ngo bo blo/ /yang na rgyu ni skyon bcas pa/ /de tsam gyis kyang log nyid ni/ /'dzin 'gyur gzhan rgyu can ma yin/ /skye ba'i gnas skabs kho na la/ /'di ni tshad ma nyid du des/ / des na gang du 'ang log nyid na/ /gzhan dag gis ni rtogs 'gyur na/ /de la dang gnyis brjod bya ste/ /chos mthun tsam gyis brjod mi bya/ /tshad ma ma yin chos mthun tsam/ /gang cung zad tsam la brten nas/ / mi mkhas pa yis tshad ma kun/ /log pa nyid du sgrub par byed/ /de dag bdag nyid la gnod phyir/ /de 'dra'i sgrub pa rtogs par byed/ /gzhan la yang ni de 'dra yis/ /gzugs brnyan skye bar 'gyur ba yin/ /de yis bkag par byas pa'i
- 117a
phyir/ /log pa nyid du bsgrubs pas na/ /bskul la gnod pa byed mi nus/ /rang nyid tshad ma yin phyir ro/ /'di la brjod par bya ba ni/ /gang dag skyes nas gnas 'dod pas/ /de dag re zhig gnas skabs de'i/ /rgyu mtshan dang bcas yin du chug bdag nyid thob phyir bum sogs ni/ /rgyu la ltos par byed pa yin/ /bdag nyid thob nas rang 'bras la/ /rang nyid kyis ni 'jug par 'gyur/ /skyes ma thag tu mi gnas pa/ /shes pa gang zhig khyed kyang 'dod/ /bdag nyid thob nas phyis med la/ /nga la bya ba ci 'dra yod/ /gang phyir rgyu rnams kyi bya ba/ /skye ba las ni gzhan du mthong/ /tshad ma la yang de bzhin du/ mi 'gyur phyir ni skye bar brjod/ /skad cig kyang ni de gnas min/ /tshad ma'i bdag nyid kyang skye min/ /gang gis don bzung rjes la ni/ /bya ba byed 'gyur dbang sogs bzhin/ /'on te skad cig min shes la/ /yang na rtag par khas len ni/ /khas blangs pa dang 'di 'gal phyir/ /'di ltar rigs pas kyang gnod yin/ /gang phyir dngos kun khyab pa ni/ /skad cig 'jig par bsgrubs pa yin/ /rtag pa bskyed bya ma yin pas/ /rgyu la bltos pa gang zhig yin/ /des na brjod par nus yin te/ /phyis nas tshad ma rang 'bras la/ /rang nyid kyis 'jug ma yin te/ /dngos med phyir na mkha' par bzhin/ /skad cig ma yin shes pa de/ /yin chug rang gi tshad ma nyid/ /des phyir rang nyid 'jug ce na/ /the tshom la sogs ci phyir 'gyur/ /gang phyir tshad ma nyid nges pa/ /de tsam las ni byung ba yin/ /de ni skyes bur gyur pa na/ /the tshom phyin log rten med 'gyur/ /nges pa dang ni sgro 'dogs yid/ /gnod bya gnod byed ngo bo'i phyir/ /'di ni sgro 'dogs dben pa la/ /'jug ces bya bar shes par bya/ /des kyang bskul ba las byung blo/ /tshad ma nyid sgrub don du ni/ /skyon bral rgyu las byung ba'i phyir/ /rigs pa de ni don med 'gyur/ /rang las tshad ma nyid grub kyang/ /de ni gnod
- 117b
pa sel ba can/ /gal te 'dod na de la ni/ /ma yin the tshom mi srid phyir/ /ji srid nges pa ma skyes pa/ /de srid kho na the tshom yod/ /de la nges pa skyes gyur na/ /tshad ma min blo ga las 'gyur/ /gang gis de ni ldog don du/ /'bad pa don dang bcas par 'gyur/ /mtho yor de bdag nyid nges pas/ /gzhan nyid snyam du sems pa med/ /gang phyir dngos po gang la ni/ /ngo bo gang la nges skyes na/ /de las bzlog pa'i dges pa ni/ /rang nyid kyis ni ldog par 'gyur/ /ji ltar du sogs rtags dag gi/ me sogs yod par nges pa na/ /de med the tshom rnam gcod pa/ /de nyid phyir ni 'thad pa yin/ /tshad ma ma yin rnam gcod kyang/ /rang nyid kyis ni 'dod par gyis/ /de phyir tshad ma ma yin nyid/ /ldog phyir sgrub pa rigs ma yin/ /gal te der ni tshad min gnyis/ /dogs pa 'jug par 'gyur ba na/ /'khrul pa de yi yul byas pas/ /tshad ma nyid du nges mi 'gyur/ /gang zhig phyin ci log the tshom/ /shes pa rnams kyis yul du byas/ /mtho yor bzhin du de la ni/ /de tshe de dngos nges pa med/ /ji ltar gtor za du ba dang/ /rgyu las byung skyon sogs shes pas/ /yul dang me dang tshad min sogs/ /gzhan las nges par 'gyur pa yin/ /gang gis phyin ci log the tshom/ /yul nyid du rtogs de bzhin no/ /tshad ma nyid la de la ni// gzhan la nges par rtogs par gyis/ /khyed cag gi phyogs 'di yin te/ /gang dag la ni dgag thos pa/ /de nyid la ni rnam gcod du/ /gzhan du rang gi bdag nyid rtogs/ /bskul ba las byung ba yi blo/ /tshad ma yin pa de la yang/ /dgag pa'i sbyor ba yod min te/ /des na tshad min ldog mi 'gyur/ /gzhan yang gal te tshad kun la/ /tshad ma nyid ni nges gyur na/ /de nyid kyis na smra ba la/ /de tshe 'dod pa tha dad cing/ /gang zhig 'ga' zhig rang nyid kyis/ /nges par gsal ba smras pa yin/ /cung zad rang las cung zad gzhan/ /gzhan dag
- 118a
gis nges med par 'dod/ /gang gis 'khrul pa las byung rtsod/ /de yang nges pas gnod par 'gyur/ /des na de nyid nges byas la/ /rtsod pa po rnams rtsod mi bya/ /tshad ma rnams las rang las ni/ /tshad ma nyid du nges pas na/ /bslu ba'i don ni cung zad med/ /nges par byas pas 'jug phyir ro/ /tshan ma min la tshad nyid kyis/ /blo yis 'jug na bslu bar 'gyur/ /rang las tshad ma nyid rtogs pas/ /phyin ci log pa cung zad med/ /tshad ma ma yin la 'jug na/ /bslu bar thob 'gyur ma yin nam/ /nges pa de las gzhan na ni/ /gnod pa shes pa las 'dod yin/ /tshad ma nyid kyis 'jug pas na/ /bslu ba thob par mi 'gyur ro/ /kho bo cag gis 'di nyid las/ /rang la de bdag nyid nges brjod/ /de min dgongs pa ma shes phyir/ /'dir ni 'dir brjod 'dod pa yin/ /tshad ma thams cad reg las yin/ /tshad ma yin na nges yin nam/ /gang las rang gi tshad nyid kyi/ /nges pa med par 'gyur ba na/ /shugs kyis nges par de la ni/ /tshad ma nyid med par rtogs 'gyur/ /don gzhan rgyu skyon bcas pa yi/ /shes pa la ni ma bltos phyir/ de yin tshad min nyid nges phyir/ /tshad ma la ni tshad ma nyid/ /phyin ci log par rig pa min/ /bslu ba re las 'ga' zhig kyang/ /'jug par mi 'gyur de rtogs phyir/ skye ba las ni gzhan pa yi/ /bya ba la ni dus med yin/ /bum sogs skad cig yin nyid phyir/ /des na dpe ni ma grub po/ /de dag rnams ni dus phyi mar/ /rdza mkhan sogs la ma bltos pas/ /rang gi nyer len sogs bltos phyir/ /rang las 'jug pa yod pa min/ /gzhan las tshad ma gnas pa na/ /thug pa med par mi 'gyur te/ gang phyir don med shes pa ni/ /rang las tshad ma nyid du nges/ /snga ma'i shes la 'di la ni/ phul du byung ba ci zhig yod/ /gang gis sngar shes bzhin de yang/ /gzhan las khas mi len ce na/ /smra ba'i dngos po'i mi bslu bas/ /tshad ma nyid du brjod pa yin
- 118b
de yang don byed par snang ba'i/ /shes las gzhan mtshan nyid can min/ /don byed par yang snang ba yi/ /shes par gsal bar rig pa yin/ /de tsam las ni byung ba yi/ /bsre ba'i shes pas nges par 'gyur/ /des na de yi tshad ma nyid/ /rang las nges par byas pa'i phyir/ /phyis kyi don byed thob pa yi/ /shes pa la ni bltos pa min/ /'bras bu snang ba'i shes pa ni/ /tshad ma'i ngo bor nges byas pa/ /rgyu 'dis dang po'i shes pa yang/ /tshad ma nyid du nges pa yin/ /dang po dngos med yul can na/ dngos po mi bslu'i mtshan nyid can/ /gnyis pa 'jug par mi 'gyur te/ /de yi rgyu ni mi srid phyir/ /ya shwa ka yis me tog tshogs/ /me yis ngo bor nges byas kyang/ /srog dang btso bar snang ba can/ /shes pa nam yang skye mi 'gyur/ /skye na me la rigs mthun par/ /de ni thal bar mi 'gyur te/ /me ni bya ba bco sreg gi/ rgyu tsam mtshan nyid can yin phyir/ /des na don byed snang ba yi/ /shes pa ji srid mi skye bar/ /de srid 'khrul pa'i rgyu yis ni/ /dang po tshad min dogs pa skye/ / rjes thogs 'bras bu ma mthong dang/ /'dra ba nyid ni dmigs pa ni/ /blo yis mi gsal nyid la sogs/ /'dir ni 'khrul pa'i rgyu yin no/ /'bras bu snang ba'i shes pa ni/ /skyes par gyur na de yod min/ /dngos su dngos po dang 'brel pa'i/ /'bras bu so sor rigs pa'i phyir/ /'khrul med yul ni rtogs pa'i phyir/ /mi mthun par ni rtogs par 'gyur/ /de yi 'bras bu ma myong yang/ /dang po'i shes la goms bcas 'jug /mi mthun 'jug pa med na yang/ /rigs mi mthun don dogs pa yis/ /'bras bu snang ba'i shes pa ni/ /med na tshad ma des mi 'gyur/ /de la tshad ma nyid yod kyang/ /nges par byed pa nus pa min/ /phyis don byed shes 'ba' zhig gis/ /de ni rtogs par 'gyur pa yin/ /des na dang po'i shes pa ni/ /de ni mi bslu ba la bltos/ /mi bslu ba la
- 119a
yang mi bslu ba/ /de bzhin btsal bar mi bya ste/ /'khrul pa'i rgyu ni med pa'i phyir/ /rang las bde ni tshad ma yin/ /dang po'i rang las chad dngos la/ /zhe sdang 'khrul pa srid pa'i phyir/ /rnam par shes pa de la mi/ tshad nyid nges byas ma yin nam/ /'dod pa'i don ni ma rtogs phyir/ /de las rtog ldan ji ltar 'jug /smras pa rtog pa dang ldan de/ /the tshom las ni 'jug pa yin/ /de lta yin yang de la ni/ /rtog ldan ngo bo nyams mi 'gyur/ /gang gi tshad ma la the tshom yod kyang the tshom gyis 'jug na/ /de yang tshad ma nyid des pa'i/ /thabs nyid du ni nges pa ni/ /the tshom gyis ni 'jug pa ni/ /gal te bdag gis don thob 'gyur/ /de lta yin na shes de ni/ /tshad ma nyid du nges par 'gyur/ /gzhan du min te 'di ltar yang// 'di ni rtsod pa rigs bcas min/ /ci phyir thabs la 'jug ce na/ /gang phyir gzhan du nges pa med/ /thabs med na ni 'ga' zhig gis/ /thabs las byung ba rtags mi 'gyur/ /de ltar the tshom gyis 'jug kyang/ /rtog pa dang ni ldan nyid min/ /don byed snang ba'i shes pa ri/ /rtsi lam na yang yod min nam/ de ni tshad ma nyid min te/ /de rgyu dang po cis tshad min/ /de min 'khrul bcas gnas skabs kun/ /de ni phyi rol rgyu mtshan yin/ phyi rol dngos po'i mi bslu ba/ gnas skabs de dag la yod min/ /rang rig ngo bo sems dang ni/ /sems byung mi mthun mtshan nyid yang/ /de yis gnas skabs gnyis bye brag/ /gsal bar rtogs par 'gyur ba yin/ /brgya la de yis tshad ma nyid/ /gzhan nas nges par byed yin na/ gzhal bya nyid thal 'gyur zhe na/ /de ni 'ga' med ma yin nam /de ni gzung bya'i dngos bltos nas/ /tshad ma nyid du de ni brjod/ /gzhan las de ni rtogs pa'i phyir/ /gzhag bya nyid du rnam par gnas/ /bltos pa dbye bas de ltar yin/ /rgyu dang 'bras bu nyid sogs yin/ /tshad ma nyid dang gzhal bya nyid/ /rnam par bzhag pa
- 119b
'gal ba min/ /de ltar don byed shes pa las/ /tshad ma nyid du nges pas na/ /thug med ma yin gzhan la ni/ /'dod pa ldog phyir zhes byar gnas/ /rnam par shes pa skyed pa na'ang/ /ji srid rgyu yi dag pa nyid/ /tshad ma gzhan gyis ma rtogs na/ /de srid don ni des gzung min/ /'dir yang blo bzang smra ba ste/ /thug med ma yin gang gis na/ /bltos med mi bslu'i shes pa las/ /dag pa de ni rtogs par 'gyur/ /'bras bu mi bslu ba mthong bas/ /yul ni nye bar gnas des na/ /rgyu rnams kyis ni dag pa nyid/ /'bad mi dgos par rtogs par 'gyur/ bskal pa yi ni yul la gang/ /de la byung blo tshad ma yin/ /des skyed nyid phyir dper na ni/ /nyes gnas spyod yul can de bzhin/ /ji ltar mdun gnas dung la ni/ /dkar po bsgrub pa'i byed thob nas/ /mig ser gyis btab dbang po las/ /byung ba'i rnam shes yin par rtogs/ de la rgyu yi dag pa na/ /rtogs par 'gyur na de'i dus su/ /gser las byas pa'i dung la ni/ /ser po'i rnam pa'i blo 'byung gang/ /rnam par dag pa'i rgyus skyed phyir/ /de ni tshad ma nyid du nges/ /don gyi byed pa rdzogs gyur na/ /dung la dkar po'i blo bzhin no/ /bkres sogs kyis ni nyer sogs pa'i/ /tshig gis 'dir ni smras yin na/ /des na bshad pa byed pa po/ /rmongs pas thug med 'di na rtsod byas/ /skyon byas rgyu yis bskyed byas pa'i/ /dogs pas dang po tshad nyid du/ /rtogs par mi 'gyur de dag pa'i/ /shes pa khyad par can du 'dod/ /de ltar don byed shes pa yis/ /rgyu yi dag pa nges byas na/ /don byed ma byas pa'i yul la/ /'jug pa'i skyon mi brjod rigs yin/ /gal te rang las tshad ma nyid/ /kun la spyir bstan can du gnas/ /gnod dang rgyu skyon bcas nyid kyi/ shes pa dag gis de gsal yin/ /gnod dang rgyu skyon bcas pa yi/ /shes pa med phyin tshad ma nyid/ /thob 'gyur de ni gzhan las ni/ /tshad ma nyid nges de ltar 'gyur/ /'di ltar de med pa 'di ni/ khyed phyogs dngos
- 120a
mod ces bya ba'i/ /tshad ma gzhan yin bdag gzhung la/ /mi dmigs zhes bya'i rjes dpag yin/ /rigs pa 'di nyid kho na yin pa tshad min pa yang rang las yin/ /gang phyir der yang 'di 'dra ba'i/ /rigs pa 'di ni brjod par nus de phyir rang las tshad min nyid/ /kun la spyir bstan can du gnas/ /gnod dang rgyu skyon bcas nyid kyi/ /shes pa med phyir de bsal yin/ /de ltar rtogs pa'i bdag nyid kyi/ /blo ni tshad ma nyid thob 'gyur/ /ji ltar don shes rgyu las byung/ /yon tan shes pa dag gis sel/ /tshad min gzhan la rag las na/ /thug pa med pa kho nar 'gyur/ /de ni tshad ma la rag las/ /de yang rang la gnas pa min/ /'di ltar gnod pa med pa'i phyir/ /tshad ma nyid du khyed kyis smras/ /de bzhin dngos med la yang ni/ /dngos med zhes bya tshad gzhan 'dod/ /de yang gnod pa med pa'i phyir/ /tshad ma nyid du 'dod pa yin/ /de dang de de ltar 'dod na/ /des na mthar thug rnyed mi 'gyur/ /des na gnod can shes pa la/ /bltos med tshad ma nyid mi 'grub/ /de phyir snga ma'i shes pa ni/ /'di yi gsal bar mi 'gyur ro/ /'on te gnod med ma bltos par/ /gang zhig tshad ma nyid 'dod na/ /dang po de ltar 'gyur ba la/ /rgyu mtshan gang gis sdang ba yin/ /ma bltos tshad ma nyid yin phyir/ /gnod pa can gyi shes pa 'di/ /gal te gnod can shes pa 'dis/ /snga ma'i shes pa sel byed na/ /de las gang gis dogs par 'gyur/ /bltos med tshad ma nyid yin te/ /'di ni gnod pa can dogs 'gyur/ /gang phyir de 'gal nges byas na/ /dogs pa skye bar mi 'gyur ro/ /rang las tshad ma nyid phyogs la'ang/ /rang nyid kyis ni des pa skye/ /gnod pa yod par sgrub pa yi/ /'bad pa ci'i phyir byed pa yin/ /'di ltar rang nyid gang la yang/ /tshad ma nyid du nges pa med/ /'bad pa med par shugs kyis ni/ /de la gnod pa nges pa yin/ /des na rtog byed shes pa gsum/ /ci phyir
- 120b
'di ni brjod pa yin/ /de las de ni nges byas pas/ /gcig gi yang ni go skabs med/ /gal te ma dmigs pa la yang/ /the tshom gyis ni dogs skye na/ /gang phyir gnod pa med pa dang/ /med na mi 'byung ma dmigs yin/ /de ltar yin na shes gsum la/ /ci phyir khyod ni mgu bar byed/ /gnod pa ma mthong na yang gi /'dir ni snga ma bzhin gnod dogs/ /ji srid 'bras bu'i mi bslu med/ /de srid gnod pa'i dogs pa ni/ /gang phyir ldog par mi 'gyur te/ /de phyir shes gsum nges don med// des? na gnod ma skyes pas kyang/ /slar yang gnod pa dogs pa yin/ /gang phyir dngos po'i de nyid ni/ /nam yang tshig dor gyis gnas min/ /ji srid 'tsho ba'i bar du ni/ /dung la ser por snang shes pa/ /gnod pa'i shes pa dang bral zhing/ /ji srid 'tsho ba'i bar du skyes/ /gang phyir tshad mar skye mi 'gyur/ /rnam par dag pa'i rgyu med phyir/ /gang na rgyu mtshan gzhan gyis ni/ /gnod pa can du mi skye ste/ /des na dogs pa log mi 'gyur/ /des na rgyu mtshan dang bcas pa/ /dogs pa 'di yin rmongs pas min/ /dag pa mi bslu mthong bas na/ /blo bzang dogs pa med par 'gyur/ /de ni tha snyad thams cad la/ /the tshom bdag nyid skye mi 'gyur/ /dag dang mi bslu ba mthong bas/ /de tshe the tshom med pa yin/ /'dir yang rmongs pa 'ga' zhig gang/ /slar yang dogs par byed pa na/ /de la brten nas khyab 'jug gis/ /the tshom bdag nyid la smad byas/ /yul dus mi yi gnas skabs kyi/ /dbye ba la ni bltos nas su/ /tshad ma nyid nges rtogs na yang/ /gsal bar gzhan las tshad nyid nges/ /'di ltar yul dang dus sogs la'ang/ /tshad ma gzhan las gnod pa ni/ /med par nges phyir snga ma yi/ /shes la tshad ma nyid ni des/ /bu lon la sogs tha snyad ni/ /ngag gsum sbyor ldan gang de ni/ /de 'dra'i tshig dor bdag nyid can/ /tshad ma'i skabs su brjod bya min/
- 121a
gang phyir bu lon ded dang chags/ /des ni gsal bor dran dran nas/ /dngos po de la zhib tu ni/ /dpyad par bya ba 'dod pa min/ /dngos po'i gnas pa'i tshad ma ni/ /bzhag bya tshig dor gyi sa yin/ /de na skabs dang mi mthun pa'i/ /tha snyad 'di ni dper byas yin/ /lha rnams kyi yang bden pa gsum/ /nges bar byed pa'i rgyu ma yin/ /dang pos nges pa med pas na/ /gzhan las kyang ni de 'gyur min/ /gang phyir de nyid kho na yi/ /phyi ma'i tshig gnyis kyang yin te/ /des na dang po nges med na/ /de las gzhan na khyad ci yod/ /de phyir sngar bshad rigs pa yis/ /khyed kyi phyogs la thug med 'gyur/ /tshad ma dang ni tshad ma nyid/ /des na ji ltar rigs par gnas/ /ngo bo cag gis rtogs pa'i ngag /sngar ni rgyas par bsal bar byas/ /khyed kyi 'dod pas yid ches pa'i/ /gang zag ma lus skyon bral med/ /sgrib pa'i phung po ma spangs pa/ /ji ltar yid ches gang zag 'gyur/ /gang phyir de la skyon yod phyir/ /rnam pa gzhan du tshig srid yin/ /yid ches skyes kyang de yi ni/ /yon tan tshogs de sus rtog nus/ /gang la yid ches pas smras pa'i/ /ngag ni nges par bzung ba yin/ /de'i yon tan phun tshogs ni/ /gang gi dbang 'das mthong bas mthong/ /de la yang ni yid ches pas/ /smras pa'i tshig gis dgos pa med/ /de ni gang la'ang ma bltos par/ /rang nyid kyis ni don rtogs 'gyur/ /gzhan ni yid ches mi shes phyir/ /de las don rtogs ma yin no/ /rang las tshad ma nyid smra bas/ /rang nyid kyis ni nges skye'i phyir/ /'jigs pa srid pa ma rung bas/ /ci phyir skyon ni sel bar byed/ /yon tan gyis bsal skyon rnams kyis/ /dag sun 'byin byed ma yin bden/ /'on kyang yon tan ma nges par/ /des nges byed nus ma yin no/ /ngag la ma byas pa nyid ni/ /sngar nyid bkag par byas zin te/ /des na byed po med na sgyon/ /de dag rten
- 121b
med mi 'gyur min/ /yon tan rnams kyi tshad ma nyid/ /ji ltar rigs pa de ltar bshad/ /yon tan rnams ni ma shes par/ /skyon med par ni mtshon mi 'gyur/ /skyon med par mtshon dag de ni/ /rang las tshad ma nyid rigs min/ /yongs su ma shes pa yi phyir// skyon med nye bar mtshon ma yin/ /gang phyir dbyug pa ma shes par/ /skyes bu dbyug pa can mtshon min/ /des mtshon rang las tshad ma ni/ /zhes bya de ni phan tshun 'gal/ /dngos med tshad mas skyon med ni/ /tshad ma nyid ngos bdag nyid can/ /rang gi mtshan nyid rigs yin te/ /des na gzhan las tshad mar gnas/ /de dag yod na ma'i yi skyon gyi/ /yul can shes skye mi 'gyur min/ /yon tan rnams ni ma shes par/ /skyon med nges par ji ltar 'dod/ /zhe sdang gti mug brtse med skyon/ /brtse dang shes rab sogs kyis gnod/ /brtse sogs nges par ma byas par/ /de dag med par ji ltar 'dod/ /yon tan shes 'gyur nyid kyis ni/ /de tshe bya bcas 'jug min na/ /skyon med la ni yod pa tsam/ /phan 'dogs byed par shes par bya/ /gal te de ltar the tshom dang/ /de bzhin phyin log blo med 'gyur/ /yid ches 'dod pa yod pa na/ /skyon rnams yod dam med par 'gyur/ /des na 'dir ni 'ga' zhig la/ /the tshom phyin ci log yod na/ /ji srid yon tan sogs rten shes/ /de ni rtogs par ma byas dang 'on te skyon med ma shes na/ /ji ltar rang las tshad nyid med/ /de bzhin smra po de la ni/ /log pa'i blo ni skye mi 'gyur/ /skyon med par ni ma shes phyir/ /tshad ma gnyis po med pa ru/ /ji ltar rtogs par 'gyur ba yin/ /gang gis tshad ma nyid nges 'gyur/ /'on te tshad min gnyis med par/ /ma rtogs na yang rang nyid kyis/ /tshad ma nyid ni rtogs pas na/ /sngar bzhin log pa'i blo mi 'byung/ /de'i tshig tshad ma yin nam tshe/ /yang na tshad ma min te yin/ /tshad ma nyid du nges pa'i phyir/ /kun la tshad ma nyid du 'gyur/ /skyon med
- 122a
dang tshad min med/ /yon tan yod dang gsum la na'ang/ /des na nges par rtogs pa ni/ /gdon mi za bar khas blang dgos/ /de yang tshad ma yin nam min/ /de ltar de yang brtag par bya/ /ji bzhin don ni nges pa yi/ /yan lag tshad ma ni ji ltar 'gyur/ /tshad ma yin na gzhan las ni/ /de yis tshad ma nyid nges thob/ /rtogs pa de yi tshad ma nyid/ /ji ltar rtogs par 'gyur ba yin/ /gnod shes med pa'i phyir zhe na/ de yang tshad ma nyid yin nam ci/ /'on te min zhes slar yang 'dir/ /skyon ni thad kyang 'jug 'gyur/ /tshad ma yin na gzhan las ni/ /de ni tshad ma nyid du 'gyur/ /ji bzhin don shes rgyu nyid du/ /tshad ma min pa gang las 'gyur/ /'di la yang ni tshad ma nyid/ /gang gis rtogs zhes dpyad par bya/ /gnod can shes med phyir zhe na/ /des na phug pa med thal 'gyur/ /de phyir yon tan gyis skyon rnams/ /med par nges te med pas na/ /tshad min gnyis ni med pa yis/ /des na spyir bstan ma bstsal yin/ /thams cad la ni de bzhin du/ /tshad ma nyid du nges shes na// 'dir yang sngar bstan skyon tshogs dang/ /thug pa med par thal bar 'gyur/ /skyon med tshad min med pa nyid/ /skyon med tshad min med nyid ces/ /de ni 'gag pa'i 'ba' zhig gis/ /ngo bo gal te rtog byed na/ /de ni 'grub par mi 'gyur te// dngos med phyir ro dmigs pa yis/ /de grub rigs min dngos med phyir/ /thug pa med pa'i skyon yod pas/ /ma dmigs pas kyang de rig min/ /skyon dang tshad min gnyis med par/ /ma dmigs pa yis rtogs byed na/ /ma dmigs pa la med pa nyid/ /gzhan gyis rtogs pas thug med 'gyur/ /de yang ma yin dgag bdag nyid/ /de yis bden pa gzhan mthong phyir/ /skyon med yongs su shes pa ni/ /yon tan shes pa'i bdag nyid 'gyur/ /tshad min gnyis po med pa
- 122b
yi/ /shes pa de 'dra dben pa yi/ /brjod 'dod tshad ma'i shes pa yi/ /rang bzhin du yang thal bar 'gyur/ /yang na rang gi rgyud kyis ni/ /tshad min gnyis med shes grub na/ /khyed la lhag pa'i tshad nyid kyis/ /nges pa gang las gyur pa yin/ /gzhan du mi 'thad pas zhe na/ /don gyis go bar 'gyur min nam/ /rjes su dpag pa 'am gzhan las kyang/ /des na gzhan las nges par 'gyur/ /khyed la rigs pa 'di nyid kyis/ /tshad ma ma yin pa yang ni/ /rang las thal bar 'gyur ba ru/ /gang yang rung ba gsal brjod nus des na skyon phyis yon tan ni/ /med par 'gyur te de med pas/ /tshad ma ma yin dngos nyid ni/ /des na spyir bstan bsal ba min/ /gang phyir spyir bstan ngo bo 'di/ /brjod par 'dod pa tsam gyis sprul/ /tshad ma bzhin du tshad min la'ang/ /gsal bar brjod pa nus pa yin/ /gang phyir rtogs pa'i bdag nyid kyis/ /blo ni tshad ma nyid thob 'gyur/ /ji ltar don shes rgyu las byung/ /yon tan shes pa dag gis bsal/ /mi shes nyid phyin yon tan gyis/ /tshad min nyid ni bsal ba min/ /ma bsal ba ni grub min te/ /de ni rang las gnas pa yin/ /nyes pa yod dam med par ni/ /skyes bu'i ngag la the tshom za/ /byed po grub phyir rig byed la'ang/ /bdag la skyon gyi dgos med min/ /des na ma bltos nyid kyi phyir/ /rig byed tshad mar gang brjod pa/ /de grub min te gang gis ni/ /de yang byed pa ma bltos yin/ /gal te the tshom skye ba'i phyir/ /mi bslu ba yi shes pa 'am/ /rgyu yi dag pa ma nges na/ /de tshe rig byed tshad ma min/ /gzhan las yang ni tshad nyid la/ /de ltar gyur pa 'brel pa nyid/ /gang phyir rgyu ru brtags pa des/ /de rgyu mtshon du nges pa skye/ /de yi tshad nyid yod pa ni// de yis nges par byas pa yin/ /snga na med pa'i tshad ma nyid/ /de la 'di yis bskyed byas min/ /lan cig skyes nas 'jig pa yi/ /don ni tshad ma nyid du 'gyur/ /nges ma byas kyang de yod nyid/ /sngar bshad rim pas nges par 'gyur/ /gal te rgyu yi dag pa nyid/ /shes na
- 123a
de la nges par 'gyur/ /yang na btso sreg la sogs pa'i/ /mtshan nyid don byed thob pa yis/ /gal te 'bras 'byung la ma bltos/ /goms bcas 'jug pa yod na des/ /thabs thams cad dang bral ba na/ /tshad ma nyid ni nges 'gyur min/ /des na tshad ma nyid de ni/ /yod kyang nges par ma byas na/ /med pa dang ni 'dra ba yin/ /yod ces bya bar brjod mi bya/ /rna ba'i blo la'ang gsal ba ru/ /mig sogs blo dang 'brel pa yod/ /gang phyir tshogs cig dag las nas/ /gzugs dang sgra sogs zhugs pa 'gyur phan tshun tha mi dad rgyun gyis/ /gcig la gcig ni rgyu ru 'gyur/ /de lta yin na de dag las/ /des na 'brel pa gsal bar yod/ /de yi sgo nas de blo yang/ /du bas bud shing 'gyur ba bzhin/ /de yi phyir blo ni tshad mar 'gyur/ /de las gzhan blo dang 'brel phyir/ /'di ni bsgrub gzhan las skyes pa'i/ /blo ni nges par byas pa yin/ /des na rgyu gzhan gyis byas pa'i/ /shes pa'i mi bsdu 'dod pa yin/ /de ltar dbang po du ma la/ /rag las shes pa dang 'brel pa/ /mngon sum gyi rgyur brtags pa yin/ /rig byed la de ni snang ngo/ /'di ltar chu la dang po'i shes/ /mig las byung ba skye bar 'gyur/ /'thung dang reg sogs snang ba can/ /lce dang lus rten shes pa bzhin/ /ngag ni gcig pu kho na yis/ /yul dang dus dang mig sogs la/ /don gyi mi bslu rnyed min te/ /kun la the tshom 'byung ba'i phyir/ /nges pa'i yan lag dang bral ba/ /sgra rnams dgod pa tsam du ni/ /me'i sbyin sreg gis mtho ris 'gyur/ /de ltar mtshungs par thos pa yin/ /bram ze rnams la mtho ris sogs/ /'dod pa tha dad du ni snang// de phyir 'dir ni mi rnams la/ /don gyi mi bslu thob pa yin/ /bskul ba las byung shes pa la/ /brtan pa nyid ni sngar bsal zin/ /de 'dzin gzhan dang mtshungs pa'i phyir/ /yang dag dngos la the tshom za/ /thams cad ma mthong bram ze yis/ /bskul ba las
- 123b
ni 'byung ba'i blo/ /kun la mi bslu can yin par/ /de ni gang las nges par byas/ /mngon sum tshad ma nyid du yang/ /rjes su dpag pas nges par bshad/ /dag pa'i rgyu yis bskyed pa'i phyir/ /de ni nad yin de gzhan bzhin/ /thams cad la ni de nyid 'di/ /tshad ma gzhan gyis bsgrub bya min/ /de phyir don byed shes pa la/ /'khrul pa med par bsgrubs zin to/ /bdag nyid 'bras rtags ming can ni/ /ma 'khrul par ni nges pa yis/ /rjes su dpag pa skyes gyur kyang/ /'khrul pa cung zad yod pa min/ /la lar sna tshogs 'khrul pa yi/ /rgyu mtshan stobs kyi 'byung ba can/ /'khrul pa gzhan gyis spongs 'gyur te/ /gang phyir de la nges pa med/ /mi gsal gsal ba nyid yin pas/ /gsal ba don 'grub mi 'gyur te/ /gzhan gyi mngon sum bzhin des na/ /shes pa rig 'dod par gyis/ /rang nyid bems po'i dngos yin phyir/ /mig sogs dbang po rnams kyis ni/ /yul rnams 'dzin pa ma yin te/ /de dag shes pa'i rgyu nyid yin/ /des na tshad ma nyid 'di la/ /rig par byed pa nyer mkho yin/ /gang phyir rig par ma byas 'dis// yul gyi rnam pa nyams myong min/ /rang rig pas ni gzung byas kyang/ /'di ni 'di ltar 'gyur ba yin/ /'khrul pa'i rgyu ni yod pa'i phyir/ /deng ngos nyid kyang nges med 'gyur/ /de tshe don gyi de dngos kyang/ /'di nyid kyis ni nges 'gyur min/ /'dra ba nyid sogs dmigs pa yis/ /de las gzhan sgro btags srid phyir/ /gom pa las byung shes pa ni/ /ji ltar rang las tshad mar rtogs/ /de bzhin log shes 'ga' zhig ni/ /rar las tshad min nyid dus gnas/ /gnod dang rgyu skyon bcas shes pa 'ang/ /thug pa med par bshad pa yin/ /des na the tshom gyis log nyid/ /'dzin par nus pa ma yin no/ /skyes pa'i gnas skabs kho na ni/ /'di ni tshad ma nyid du nges/ /'di ni tshad ma nyid du ni/ /rang rig pa yis nges min te/ /mi 'dod pa dang rtogs med phyir/ /shes pa gzhan gyis
- 124a
kyang min te/ /dus der nye bar mi gnas phyir/ /de yang mi gsal dngos phyir ram/ /thug med thal bar 'gyur phyir yang/ /rig byed la yang gnod can gyi/ /tshad ma rjes dpag bdag nyid bstan/ /der bshad bdag sogs bsal byas pas/ /des ? mtshan mar mi 'thad do/ /skyes bus byas nyid grub zin pa/ /rgyu mtshan skyon dang bcas par dgos/ /me bzhin rang las nus pa ni/ /log pa'i shes pa la yod 'gyur/ /des ni bskul byung shes pa yis/ /rgyu mtshan skyon dang bcas par dogs/ /skyon mthong ba la skyon dogs pa/ /bye brag yod par mi 'gyur ro/ /de phyir rig byed ?? ni/ /rang las tshad ma nyid rig min/ /des na nges par skyon med pas/ /byas dang bshad pa nyid 'dod kyis/ /ji ltar ji ltar smra ba bo/ gang phyir chags sdang la sogs ldan/ /de lta de ltar rang 'don pa/ /shin tu srung byed ma yin nam/ /gang las gang zhig stobs chung ba/ /gang las 'dod pa sngar bslabs yin/ /su yis dbyangs ni nyams byas te/ /mtshams min mtshams bcad gang gis byas/ /de ltar gang zhig brtson 'grus ldan/ /skyon ni tshol bar byed pa yin/ /de ni mdzes bcas rig byed ni/ /skyon med ji ltar 'dod mi byed/ /gzhan gyis rig byed nyams byas nas/ /blo gtsang rig byed gdon skyes bus/ /yal bar dor nas gnas byed cig/ de dag gnod par mi byed na/ /de tshe dus mang btang snyoms kyis/ /rig byed nyams bar gyur nas ni/ /gzugs brnyan dang ni 'dra gyur nas/ /rig byed gzhan nyid du ni 'gyur/ /'dod chags zhe sdang rnams bral bas/ /rig byed nyams pas sel byed pa/ /rtag tu rig byed srungs pa yis/ /rang gi ngo bor 'dor mi byed/ /'gro ba thams cad nang du yang/ /'di 'dra ma yin par 'don min/ /don dam rab thim chen po ni/ /shes par 'gyur ba min zhe na/ /de ltar de min gang gi phyir/ /de ltas? gdon pa mtshungs nyid 'gyur/
- 124b
dbang po las 'das mthong med na/ /de don de nyid kyis rtogs med/ /skyes bu thams cad dag dang ni/ /de bzhin yul dus ma lus pa/ /lag mthil rkyu ru ra bzhin gsal/ /nang gi sems la dngos su snang/ /de ni 'dod pa 'ang mtshung nyid du/ /rtogs par nus te gzhan du na/ /yul dus mi yi gnas skabs kyi/ /dbye bas phyin log blo cis 'gyur/ /rtag tu 'gro ba 'di 'dra yin/ /'di yang khyed la tshad ma med/ /ma mthong tsam gyis 'jig pa yang/ /byed pa nyid du rig pa yin/ /rang las tshad ma nyid phyogs la/ /rig byed rang gi don la ni/ /rang las nges par byed des na/ /rang dngos la rmongs sogs mi srid/ /de ni mi shes dang the tshom/ /phyin ci log med go 'phang gnas/ /gnyis skyes phru gu 'ga' zhig kyang/ /bshad pa la bltos mi 'gyur ro/ /de bzhin mi shes rtsa pa ni/ /'di la 'jig pa mi srid do/ /rdo rje bas lcag rnam pa la/ /'jig pa ci 'dra ba zhig yod/ /med na gsal gzhan nyid yin zhe na/ /de ni rtag la spangs min nam/ /de phyir 'di la bsrung ba ni/ /bram ze rnams ni don med phyir/ /des na dbang 'das don mthong ba/ /nang gi mun pa'i tshogs 'dzems ba/ /rig byed don gyi dbye shes dang/ /byed pa po yang khas blang gis/ /de kho na nyid bsdus pa'i tshig le'ur byas pa las/ /rang las tshad ma brtag pa ste sum cu pa'o// // de ltar tshad ma thams cad ni/ /rang las tshad ma nyid mi gnas/ /dbang po las 'das don rig pa'i/ /skyes bu grub phyir 'bad mi dgos/ /gang phyir skyes bu las kyang ni/ /rig byed tshad ma nyid du gnas/ /de ni dbang 'das shes nyid ni/ /de las de nyid tshad nyid 'gyur/ gzhan du mi shes the tshom dag /phyin ci log dang rjes 'brel can/ /skyes bu byed po yin na 'di/ /gzhan bzhin tshad mar mi 'gyur ro/ /mtho ris mchod sbyin sogs 'brel pa/ /shes nas gang gis de bshad yin/ /gsal bar dbang 'das shes pa can/ /gzhan gyis de yang khas
- 129a
par nges/ /gsum rigs pas bsten bstan bcos can/ /de dag rig byed byung tshig ltar/ /rig byed dag rnams ma mthong ba 'am/ /tshad ma rnams la ma brten cing/ /de bzhin bstan bcos rtsom pa 'am/ /ston par 'thad pa ma yin no/ /mi sdug cig gcig kun mkhyen srid/ /yang na la lar kun mkhyen nyid/ /yod kyang sgrub gang rab sbyar byas/ /de ni dam bca' ma tshang nyid/ /sgrub par 'dod pa'i don gang yin/ /de ni 'di yis mngon brjod min/ /gang brjod de ni grub na yang/ /gos pa cung zad yod ma yin/ /gang gis lung ni bden nyid du/ /grub phyir kun mkhyen nyid brjod yin/ /de ni thams cad mkhyen pa yi/ /spyi sgrub tsam gyis mi rnyed do/ /ji srid sangs rgyas kun mkhyen min/ /de srid de tshig log pa yin/ /gang yang rung ba kun mkhyen nyid/ /grub kyang de bden gang la 'gyur/ /gang phyir kun mkhyen gzhan grub na/ /gzhan gyi tshig ni bden nyid med/ /gzhi mthun pa yis de dag ni/ /yan lag yan lag can nyid 'gyur/ /'jig rten na ni thams cad gang/ /de 'ba' zhig gi mngon sum yin/ /gzhal bya shes bya dngos nyid phyir/ /zho yi gzugs dang ro sogs bzhin/ /shes byed 'dir ni ma bstan pas/ /phyogs ni ma tshang nyid du 'gyur/ /gang zhig kun mkhyen 'dod pa yin/ /'di ltar de ni bstan byas min/ /gal te sangs rgyas las gzhan pa/ /'ga' zhig kun mkhyen nyid 'gyur na/ /sangs rgyas kyis gsungs tshad ma ru/ /de yis shes pas ci zhig dgos/ /sa bcu la bzhugs pa yang ni/ /'dod chags sogs kun zad pa na/ /dag cing shel dang mtshungs pa yi/ /ye shes kyis kun mkhyen pa yin/ /bsam gtan la bzhugs don kun gyi/ /yul can sems rtse gcig 'dzin pas/ /de bzhin don rnams kyis khyab par/ /nye bar bstan par nus ma yin/ /gang tshe spyi brjod byed po bzhin/ /su zhig cung zad ston byed na/ /phyogs
- 129b
gcig shes pas de smras yin/ /kun mkhyen shes pas mi 'gyur ro/ /de ni bsam gtan la bzhugs na/ /yid bzhin rin chen bzhin bzhugs pas/ /rtsig sogs las kyang bstan pa rnams/ /ji ltar bsam bzhin 'byung bar 'gyur/ /mi rnams shes par 'dod don kun/ /de rnams kyis ni shes par 'gyur/ /ji ltar rig pa phan pa rnams/ /de dag myur bar thob par 'gyur/ /de lta bu sogs brjod pa yin/ /dad drang ldan la mdzes pa yin/ /kho bo rig pa don gnyer gang/ /dad pa'i rjes su 'brang ba min/ /rtsig sogs las byung rtsig rnams ni/ /yid ches pas bstan mi 'gyur ro/ /de dag su yi smras byas pas/ /de dag la yid ches mi 'gyur/ /sangs rgyas kyis gsungs yin nam ci/ /bram ze slu bar byed pa yis/ /ring na gnas pas sgra brnyan bzhin/ /rtsed mo byed par smras sam ci// yang na gnod byed sha za sogs/ /ma mthong bas ni smras sam ci/ /des na shes rab nga rgyal can/ /de la yid ches mi bya'o/ /'di ltar skyes bu'i kun mkhyen nyid/ /rang dbang nyid kyis gzhi med yin/ /slar yang 'di ltar dpyad bya ste/ /kun mkhyen ji ltar 'dod pa yin/ /rim gyis sam ni cig car ram/ /dngos kun rang bzhin gcig gis sam/ /gtso bo ci zhug nam nus las/ /byung dang 'byung dang da ltar gyi/ /dngos po mdza' yas re re nas/ /rim gyis lo ni brgya yis kyang/ /su zhig gis ni shes par nus/ /cig car gtsang dang mi gtsang sogs/ /rang bzhin rnams ni 'gal ba can/ /blo gcig gis rtogs ma mthong ste/ tha dad blo rnams la lar bcas/ /rnam dbye ma byas pa'i ngo bos/ /dngos po kun ni gang gis rtogs/ /dngos po kun gyi rang mtshan nyid/ /de yis rtogs par mi 'gyur ro/ /spyi yi ngo bo rtogs byed po/ /kun mkhyen yin pa des ci dgos/ /rnam pa gzhan ni rtogs pa yis/ /dngos po rtogs par mi 'gyur te/ /rnam pa gcig bcas rnam shes te/ /yang dag ma yin log ma yin/ /yang dag yin
- 130a
na mthong gnod 'di/ /thams cad gnyis med thal bar 'gyur/ /des kyang kun mkhyen slob ma dang/ /chos dang chos min des bstan par/ /mi mthun tha dad dngos nyid kyi/ /rang bzhin nges bzung ma byas phyir/ /gcig rtogs log nyid yin pa na/ /kun mkhyen 'khrul pa thob par 'gyur/ /de tshe de'i tshig dang pa/ /rigs min nyon sogs dag bzhin no/ /gal te 'jig rten las 'das pa/ /ting 'dzin las byung ye shes kyi/ /rgyu bcas las bcas 'bras gang mkhyen de ni thams cad mkhyen 'dod na/ /mngon sum rjes dpag sgra las byung/ /don gyi go dang dngos med pa'i/ /tshad med 'di ni sgrub byed na/ /med pas de 'dra yod ma yin/ /rim gyis sam ni cig car gyis/ /ji ltar 'bras med rjes dpag yin/ /nus pa yang ni yod min te/ /yang na thams cad nus ldan nyid/ /kun gyis thams cad rtogs pa na/ /zhing zhes nus dang ldan pa rnams/ /thabs dang bral ba nyid kyi phyir/ /de dag gis ni kun shes min/ /thun mong ma yin thabs snyed pa/ /skyes kun ma lus mtshan nyid can/ /de la kun mkhyen gcig 'ga' zhig /zhes bya de ni tshad med can/ /gang tshe 'di ltar kun mkhyen ni/ /'ga' zhig 'thad pa ma yin te/ /de tshe chos rtogs pa yi rgyu/ /skyes bus byas pa'i tshig ma yin/ /dpyod pa pa rnams rang dbang gis// thos pa 'dod pas 'di ltar gnas/ /rig byed rnams la rgyas pa ru/ /skyes bus byas pa bsgrubs zin do/ /de phyir dbang 'das don rnams ni/ /dngos su gzigs pa kho na yin/ /rtog pa'i tshig ni 'ga' zhig gis/ /mthong min mi srid pa yi phyir// rtag pa'i tshig gi nus pa ni/ /rang dang gzhan las kyang med de/ /rang gi don shes skyed pa la/ /rim dang cig car 'gal phyir ro/ /de phyir mtho ris mchod sbyin sogs/ /rang nyid kyis shes nas gsal byas/ /khyed la rig byed byed po yang/ /de 'dra dbang
- 130b
'das don mthong yod/ /skyes bu'i don gyi gtso mkhyen pa 'am/ /chos rnams thams cad mkhyen pa nyid/ /de ni khas len ma yin na/ /gzhan du rig byed tshad mi 'gyur/ /des na don gyi grub pa yis/ /khyod kyis chos mkhyen khas blangs pas/ /khyed kyis rgyas par byas pa yi/ /dgag pa de la gnod par 'gyur/ /gzhan yang skra dang kha spu gang/ /da dag shes pa sus nus 'os/ /de ni rgyu med kho na ru/ /rgyal po'i bka' dang 'dra bar smras/ /gang phyir 'ga' yi mi g.yo ba'i/ /dri med ye shes mar me yi dngos po ma lus gsal byed pa/ /de la gnod can smras ma yin/ /mi snang ba tsam gyis kyang ni/ /de med par ni 'byung min de/ /dngos po rnams kyi dmigs pa ni/ /rgyu dang khyab byed med pa na/ /rgyu ldan khyab par bya ba dag /'dir ni ldog par rig pa yin/ /de las byung de'i bdag nyid phyir/ /me dang shing ni med pa ni/ /du ba a mra la sogs bzhin/ /de lta min na rgyu med dang/ /tha dad nyid du thal bar 'gyur/ /gal te don rnams ma lus la/ /rang gi dmigs pa'i rgyu dang ni/ /khyab byed nyid du khyed kyis ni/ tshad ma 'ga' las nges byas na/ /de yi tshe khyed 'bad med par/ /don kun shes par grub pa yin/ /des na khyed rang kun mkhyen pas/ /bdag nyid rang la ci phyir sdang/ /de nyid kyi phyir khyed la ni/ /kun mkhyen 'di ni snang mi 'gyur/ /des snang gyur na khyod rang ni/ /'bad pa med par kun mkhyen 'gyur/ /gal te khyod la'ang don kun gyi/ /yul can shes pa yod pa na/ /de tshe don kun yul can gyi/ /shes pa khyed la snang bar 'gyur/ /gang khyed don kun yul shes med/ /de la de ni ji ltar snang/ /des rgyu khyab byed bdag nyid kyi/ /rang bzhin mi snang ngo bo'i phyir/ /khyed kyi ma mthong khyad par 'di/ /kun mkhyen la ni mi 'grub bo/ /mi mthong rnam gsum can 'di yang/ /sna tshogs ngo bor 'jug 'gyur te/ /de dang de 'gal la sogs pa/ /mi rtogs rtogs dbye'i sbyor sgo nas/ /
- 131a
kun mkhyen med par bsgrubs pa la/ /rtsa ba'i skye ba'i ngo bo can/ /mi dmigs 'di ni nus bral ba/ bsgrubs na gzhan dga' 'bad byed sel/ /rgyu dang 'bras nyid khyab bya dang/ /khyab byed nyid dang 'gal ba nyid/ /snang nyid yin na 'grub 'gyur te/ /gang yang bdag nyid khyab pa can/ /khyed la kun mkhyen mi snang bas/ /des na mi dmigs de dag rnams/ /de spong bar ni byed nus min/ /dgag pa'i yan lag gzhan yang med/ /gal te ma mthong tsam gyis ni/ /kun mkhyen 'gog par byed yin na/ /de tshe khyed kyis mar me bskor/ /byas la sogs kyang bkag par 'gyur/ /bu zhes bya ba'i 'bras mthong phyir/ /de rgyu yod par rtogs shes na/ /de med kyang ni 'bras bu de/ /'ga' zhig la snang ma yin nam/ /gal te gzhan gyis dmigs pas na/ /de ni med par rtogs pa min/ /khyed la gzhan gyis dmigs de ni/ /yul can ji ltar grub min nam/ /nyer bstan phyir na de bzhin du/ /'di la kun mkhyen la cis med/ /rang gis smras pa 'di yang ni/ /'dir ni ci yi phyir ma mthong/ /skyes bu rnams kyang rtag tu ni/ /phal cher brdzun ni smra ba yin/ /ji ltar da ltar yid ches med/ /de ltar 'das don smras la 'ang yin/ /nyer bstan pa 'am 'dir tshad ma/ /nyid min min mod de lta na'ang/ /khyed kyis kun mkhyen ma dmigs zhes/ /nges pa 'di ni gang las skyes/ /sems can bdag nyid ma mthong na/ /de lta bu yi nges 'byung 'gyur/ /de dag mthong na khyed dang ni/ /kun mkhyen 'gyur bar bstan zin to/ /de lta min na the tshom ni/ /dmigs pa la'ang? yod bzhin rigs/ /'ga' zhig kun mkhyen yin pas na/ /rang bdag nyid kyis bdag nyid ni/ /rigs par 'gyur gyis dogs yin te/ /de ni bdag gsal mthang ba yin/ /de yang de ltar dogs pa na/ /kun gyi ma mthong nges pa
- 131b
med/ /'di ltar thams cad sgra yis na/ /srog chags thams cad 'dod pa yin/ /de yang kun la phyi nang med/ /des na ma mthong nges pa med/ /de gcig yongs su spong bas na/ /'dir ni 'brel pa 'ba' zhig yod/ /gzhan gyis yongs su mi shes phyir/ /rang gi chags sogs ldog mi 'gyur/ /tshu rol mthong ba 'ga' zhig kyang/ /rjes su dpag pas rtogs par 'gyur/ /res 'ga' kho na 'ba' zhig gi/ blo rnams la lar khyad bcas yin/ /'di ltar rig byed la sogs la/ /skad cig nyid sogs sgrub pa ni/ /sngar ni gsal bar bstan zin kyang/ /rmongs pa rnams kyis nyer mtshon min/ /de ltar dgos pa 'di la ni/ /tshad ma med pa 'ang nges mi 'gyur/ /gang la gnyis skyes dgos med par/ /kun mkhyen med nyid du rtogs yin// rjes su dpag pa med na yang/ /de yis kun mkhyen med nges yin/ /du sogs 'bras bu mi rtsol ba'i/ /me sogs yod nyid la bzhin no/ /res 'ga' dmigs pa'i don la ni/ /the tshom rigs pa ma yin nam/ /mtho yor bzhin du 'di ltar ni/ /de ni gnyis ka'i char brten yin/ /gang phyir res 'ga' mtho yor min/ /mthong na de la brten pa yi/ /the tshom der ni rigs pa yin/ /kun mkhyen de ltar mthong ba yin/ /rnam pa 'di nyid kho na yis/ /ma yi me skor la sogs pa/ /the tshom med pas med pa ru/ /blo ldan khyed la thal min nam/ /dngos po rnams ni yod med du/ /tshad ma nges par ldog pa'i phyir/ /kho bos tshad ma med na yang/ /'dir ni the tshom yod par smras/ /mig sogs rnams ni nyams pa ni/ /dngos yod kyang ni tshad mi 'jug /de rnams mnyams pa nyid kyang/ /dngos po med phyir bum sogs bzhin/ /des na mi dmigs 'ba' zhig ni/ /rnam pa gnyis su snang ba'i phyir/ /des na tshad ma med na yang/ /kun mkhyen the tshom 'gyur ba'i mchog /de ni yod kyang gzhan rtog bzhin/ /rmongs pas dngos su mthong
- 132a
yin/ /lcags gong dang ni mdag ma yi/ /me bzhin 'bras bu mi skyed do/ /gzhan rtog las byung chags pa bzhin/ /de yis 'bras bu la bltos min/ /'bras bu snang yang de dang ni/ /'di la rjes 'gro rtogs pa min/ gang phyir rmongs pa'i blo mthong la/ /rtag tu mkhyen kun snang mi 'gyur/ /de'i phyir rjes su dpag pa des/ /med par 'grub par mi 'gyur ro/ /tshad ma'i dngos po'i rgyu dang ni/ /khyab byed nyid ni min par bshad/ /de log na ni de yod par/ /mthong yin nges na the tshom bshad/ /de phyir kun mkhyen yod pa la/ /gnod pa can gyi tshad ma ni/ /cung zad yod min 'di sgrub byed/ /rgyas par mngon par 'chad par 'gyur/ /ma lus don ni yongs shes pas/ /sgrub pa 'bras bu med yin yang/ /blo bzang bde gshegs pa rnams ni/ /sems 'dis 'bad par byed pa yin/ /mtho ris thar pa thob byed pa'i/ /rgyu ni dngos su khyed 'ba' zhig /yod par rtogs te 'on kyang ni/ /thams cad mkhyen pa rtogs par 'gyur/ /des kyang gnod pa med pas na/ /sgrub pa gsal bar yod pa ni/ /spyi phyir thams cad mkhyen pa la/ /rmongs pa'i blo can log rtogs byed/ /'di la sgrub byed med na yang/ /gnod byed nges par ma byas par/ /the tshom 'gyur te de dag la/ /des 'di'i rgyu mtshan ga las byung/ /bskul ba kho nas byung la sogs/ /rtogs par nus te gzhan gyis min/ /gzhan ni med par nges pa na/ /de ltar nges 'di rig pa yin/ /skyes bu'i don kun mkhyen pa yi/ /don kun mkhyen pa rab sgrub phyir/ /tshad ma de la sngar bstan zin/ /phyi nas gzhan ni 'chad par 'gyur/ /des na 'gro kun phra ba yi/ /dbye ba mkhyen pa nyid sgrub na/ /gzhung rtsod dag la rtson pa yi/ /gnas min 'jig rten nyon mongs min/ /'jal bar byed pa kun 'brel pa'i/ /mngon sum sogs ni ma bkag phyir/ /sdig pa
- 132b
dang ni bsod nams dag/ lung tsam 'ba' zhig gis rtogs min/ /spyod pa pa rnams kyis phyogs ni/ de tsam gyis mi 'grub kyang bla/ /kun mkhyen spongs pa'i 'bad pa gang/ /de ni gzhan dag rmongs pas byas/ /rtsa ba ma chad pa nyid phyir/ /chos nyid mkhyen pa nyams pa min/ /kun mkhyen skyes bur gang gis smras/ /de dag gis blo'i khyad par bstan/ /lce yi dbang po dang 'brel pa'i/ /chang sogs mi gtsang ro sogs rnams/ /gal te de dag des ltar na/ /de lta na de smad par 'gyur/ /yang dag don bsgoms las byung bas/ /yid kyis rnam par shes pa yis/ /smad par gyur kyang kun rdzob tu/ ma phrad nyid dang reg par 'gyur/ /gang phyir skyob pa yi ni gsung/ /rig byed sogs kyis bsnan pa'i don/ /ston par byed phyir snang min te/ /des na de nyid kun mkhyen du/ /srid yin mu stegs ma lus dang/ /thun mong ma yin gnas pa na/ /tshad mas gnod pa'i bdag sogs ni/ /rig byed rdzun par bstan pa yin/ /gzhan gyi shes min zhi ba'i sgo/ /lta ba ngan pa 'jig byed pa/ /gdul bya rnams la phan pa'i phyir/ /bdag med de yis gsal bar gsungs/ /'khor ba pas ni ma goms pa/ /shes na phung khrol kun ltog med/ /de goms pa dang ldan rnams la/ /yon tan rin chen 'byung gnas mchog /de 'dra mchog gyur de nyid ni/ /gal te snyan ngag mkhan shes na/ /skyes bu'i don gyis gtso shes pas/ /su zhig kun mkhyen du 'dod min/ /bstod ris la sogs rnams la ni/ /bdag med ye shes de 'dra pa/ /yod min mu stegs thams cad ni/ /bdag tu lta ba la 'jug phyir/ /'gyur smra skad cig nyid min sogs/ /mngon sum sogs kyi gnod pa can/ /rig bral mang du de dag gis/ /smras yin de dag kun mkhyen cing/ /khu ba che sogs mngon sum gyis/ /don sgrub pa la'ang 'khrul pa gang/ /de dag la ni? dbang?
- 133a
'das pa'i/ rig pa gsal ba ji ltar srid/ /de ltar yin na kun mkhyen nyid/ /ma yin nyid du gsal bar rtogs/ /log pa'i shes pa dang 'brel phyir/ /phyin ci log don gsal byed phyir/ /rtogs pa po gzhan mtho yod la/ /mi zhes bya bar 'khrul pa bzhin/ /rtag pa thams cad? rnams kyis ni/ /gtan tshigs grub pa nyid shes bya/ /dngos kun rnams kyi de nyid ni/ /yang dag mkhyen pas kun mkhyen yin/ /des na rtog na the tshom can/ /gtan tshigs nyid du brjod mi bya/ /gal te de dag 'gyur smra sogs/ /tshig ni dgos pa'i don yin na/ /dngos po rnams kyi de nyid kyi/ /ngo bo de dag ji lta ba 'dod/ /gal te bdag med skad cig sogs/ /de lta na de kun mkhyen 'gyur/ /dngos po ma lus pa de nyid/ /ngo bo dngos su mthong ba'i phyir/ /de dag ma lus pa rnams ni/ /'dod pa gcig la gnas pa'i phyir/ /phan tshun 'gal ba'i don rnams ni/ /des pa'i don du smra ba min/ /bstan par bya ba'i ngo bo can/ /dngos po kun la gnas pa ni/ /de dag dngos su mkhyen pas na/ /bde par gshegs rnams kun mkhyen yin/ /de dag de lta'i rnam can gyi/ /ye shes bde gshegs nyid 'gyur yod/ /sngags dngos ye shes ldan pa'i phyir/ /de yis mtshan nyid de tsam yin/ /des na phyis kyang kun mkhyen ni/ /srid par sgrub par byas pa na/ /de mtshan nyid med mi 'byung phyir/ /bde bar gshegs pa nyid la gnas/ /gang zhig 'gro kun ji bzhin du/ /bdag med sogs dngos rigs pa yis/ /khyad par ma bstan pa na yang/ /su zhig kun mkhyen sred pa yin/ /bdag med mngon sum du byas na/ /skyon 'di gnas pa snyed mi 'gyur/ /de dang 'gal ba nyid kyi phyir/ /mar mes mun pa lta bu'o/ /dngos su byas pa'i khyad bcad phyir/ /bag chags bcas skyon med pa'i phyir/ /des na thams cad? mkhyen nyid grub//
- 133b
sgrub? ba nyid? las grol phyir/ /de yang bde bar gshegs la grub/ /thog mar bdag med nyid gsung phyir/ /de phyir mu stegs thams cad kyi/ /de bzhin gshegs pa lta na bzhugs/ /tshad ma yis ni mi bslu ba'i/ /de nyid mthong ldan de dang ni/ /'gal ba'i don ni ston byed ba/ /gzhan dag dang ni rgyu mtshungs min/ /gang dag tshad ma'i spyod yul la'ang/ /tshad ma'i gnod dkrugs tshig brjod na/ /de dag dngos po las 'das pa'i/ /shes pa'i nus ldan ring bar 'gyur/ /'brel pa dang ni rjes mthun thabs/ /skyes bu'i don ni rjod byed dag/ mthong ldan tshad ma gnyis kyis ni/ /cung zad kyang ni gnod pa med/ /bsreg dang bcad dang bdar ba yi/ /dri ma med pa'i gser bzhin du/ /rtogs par byed na gang zhig ni/ /'gyur bar 'jug pa ma yin no/ /snod dran pa lus mun pa ni/ /spang bas rjes mthun 'byung ba can/ /sdig can rnams kyis ma rnyed pa/ /de bzhin gshegs gsungs rin chen yin/ /des na bde bar gshegs pa nyid/ /blo gros rgyas pas kun mkhyen bshad/ /skyes bu don gtso mkhyen pas na// de nyid smad pa mchog tu gsungs/ /des na bde gshegs kun mkhyen yin/ ser skya min zhes tshad ma ni/ /'das ma thag tu gsal bar bshad/ /de ni rmongs bas mtshan byas min/ /mu stegs ngan? khu mchog sogs pas/ /'dod lha 'jig par mdzad ba ni/ /ji skad bshad pa'i khyad par gyis/ /khyad par bcas kyang nges par 'gyur/ /yi ge phyi mo rig tsam gyis/ /zos pa la sogs bde ba dang/ /bstan bcos kun don de nyid mkhyen/ /mtshungs snyam rmongs pa su zhig sems/ /des na gtan tshigs kyis kyang ni/ /gcig la kun mkhyen nyid grub ni/ /de yi gtan tshigs dngos med phyir/ /de ni gzhan la yod ma yin/ /des na rgyal ba kun mkhyen du/ /bsgrub la shAkya'i slob ma ni/ /khros min sun dbyung gang bstan de/ /phyogs gos
- 134a
sbyor nus can gyis min/ /bde bar gshegs pa'i sgrub mdza' la/ /gal te 'brel grub tshad ma yis/ /de nyid gang zhig bstan byas pa/ /de bzhin gzhan 'dod la grub min/ /des na de rnams kyis grub dang/ /sun dbyung tha dang gnas pa can/ /gzugs brnyan 'byung bas ma bzung bas/ /nges par byed par nus pa yin/ /rnam pa thams cad mkhyen nyid dang/ /lhan cig shes bya nyid sogs dag/ dngos su 'am brgyud pas 'gal ba ni/ /cung zad tsam yang yod ma yin/ /shes bya min nyid sogs ldan par/ /shes bya nyid sogs gnas pa yin/ /kun mkhyen ma yin las ldog pa/ /de yang gnas par 'dod pa yin/ /kun mkhyen nyid de rgyu tshang bar/ /sngar 'jug 'gyur ba la lar ni/ /ma mthong ba ni gang gis na/ /yod sogs srid na phyis log 'gyur/ /rang bzhin rang rig med pas na/ /de ni skye bar mi 'gyur te/ /sngar 'jug yod na 'di ltar ni/ /kun mkhyen de nyid grub bar 'gyur/ /'gal ba bsgrub par ma byas par/ /gzhan ni ldog par rigs ma yin/ /de lta min na gzugs yod pas/ /ro yang med par rtogs par 'gyur/ /des 'dis sogs pa'i sgras bsdus pa/ /phan tshun 'gal ba nyid kyi phyir/ /smra ba nyid la'ang ldog pa ni/ /nges pa yin snyam 'ga' sems na/ /rnam rtog yod pas smra ba yod/ /rtog med las ni kun mkhyen yin/ /brjod rtog bcas kyi shes rang bcas/ /dngos po rtogs par mi 'gyur ro/ /'dir yang yang dag kun mkhyen la'ang/ /smra ba nyid ni rtogs pa yi/ /rjes su byed pa yin snyam sems/ /de dag gis ni smra yod na/ /skyob pa kun mkhyen 'dod min te/ /rtog bcas shes pa 'jug phyir ro/ /rtog med skad cig de la ni/ /smra ba nyid ni ma grub po/ /de lta yin na'ang de la ni/ /kun mkhyen min smras nyid 'thad min/ /thams cad mkhyen pa la bltos phyir/ /de ni mi
- 134b
bslu ba ru 'gyur/ /gang zhig dro ba nyams myong nas/ /phyis ni smra bar byed pa bzhin/ /de phyir de don nyams myong las/ /byung phyir dngos la mi bslu yin/ /dngos po ma lus rnam shes pa'i/ /nus ba spong bar byed na yang/ /khyed la ldog pa the tshom nyid/ /gnas skabs de bzhin thal bar 'gyur/ /smra bar 'jug pa'i nus pa ni/ /gtan tshigs nyid du 'dod na yang/ ldog pa the tshom za ba yi/ /skyon nyid rjes su 'jug par 'gyur/ /'khor lo bskor ba'i sbyor ba bzhin/ /rtog pa med kyang skyob pa ni/ /tshogs kyi shugs kyis nus pa yis/ /bstan pa gzhan dag 'jug par 'gyur/ /de ltar blo bzang gang dag smras/ /de dag la yang grub 'gyur min/ 'jig rten pa ni zhen pa can/ smra nyid gang zhig 'dod pa yin/ /de la de 'dra'i gtan tshigs te/ /ldog la the tshom za ba yin/ /rigs pa dang bral gzhung gis ni/ /ji ltar 'dir ni ma grub 'gyur/ /smras pa gal te smra nyid ni/ rang rgyud kyis bsgrub 'dod ba na/ /de cho rten ni grub pa min/ /yang na the tshom za ma grub/ /don 'di the tshom za ba'i phyir/ /the tshom ma grub ba nyid gnas/ de phyir thal ba sgrub pa ni/ /khyed kyis de 'dra ba brjod dgos/ /de la yang ni lung tsam gyis/ grub pa'i chos ni gsal byed yin/ /yod par sgrub pa'i don du ni/ /shes byed gzhan ni tshol ba min/ /gang la de ltar gzhal bya dang/ /dngos po yod sogs mtshan nyid can/ /gtan tshigs 'joms pa'i nus med pas/ /de ni su zhig bsgrub mi byed/ /de bzhin rig byed smra ba'i khar/ /rig byed 'jig rten rigs pa 'ga' / /gnas pas shAkya'i slob ma yi/ /mi zad sprul drug shes mi sel// nus chung bram ze rmongs pa 'dir/ /mthong ba'i dug gis zin pas na/ /dbugs 'byin par yang mi nus na/ /smra bar byed par ji ltar nus/ /rig byed smra ba'i khar gnas pa'i/ /rigs pa bzang yang ngan pa nyid/ /smad pa'i rten la gnas pa'i phyir/ /mgul rgyan rkang pa?
- 135a
la btags bzhin/ /de yi me la ma 'khrul nyid/ /du ba la yang brjod pa ru/ /nus pa min te gang gi phyir/ /de gzhung du ba gzhan du gnas/ /dngos gcig ngo bo nyid kyi phyir/ /chu la yang ni 'jug par 'gyur/ /de la yang ni med yod na/ /log pa ci yang brten pa yin/ /yang de yi dngos 'bras bu yi/ /rnam rig der cis dmigs 'gyur min/ /mi mthun mtshan nyid dngos yin pa 'am/ /dngos dbye de nyid can yin chug/ kun mkhyen yin ma lus pa'i/ /dngos po dang 'brel de nyid kyi/ /goms pa'i stobs las byung ba can/ /yid ches tshang ma gcig bu btags/ /mig sogs rnam par shes pa min/ /des na nges par mig gis ni/ /ro sogs thams cad rtogs par 'gyur/ /ci phyir de ltar brjod pa yin/ / gzugs sogs nyams myong bdag nyid can/ /yid kyis shes pa'ang grub pa yin/ /gzhan la yang ni rtsod med/ /dngos po nyid ni gsal ba ru/ /gang phyir de yis dngos nyid la/ /gzugs sgra sogs pa'i spyod yul can/ /dran pa gsal bar brjod pa yin/ /rmi lam na yang yid shes na/ /de kun nyams myong bdag nyid can/ /des na thams cad mkhyen pa la/ /nges byed don can yin rtog na/ /gang gi phyir na mig gis ni/ /ro sogs rtogs par 'gyur ba yin/ /mig las byung nyid rtog na/ /skyon ni 'di ltar 'gyur ba yin/ /yid las byung ba'i sems kyis ni/ /de ni ro sogs mkhyen pa yin/ /gang la yang ni phul byung mthong/ /de yang rang don ma spangs phyir/ /ring dang bra? sogs mthong ba yin/ /gzugs la rna ba 'jug pa min// des na de lta bu sogs tshig/ gzhan gyis rigs dang bral smras/ /gang phyir dang don ma spangs pas/ /yid la phul byung 'dod pa yin/ /ji ltar rigs can tshad ma yis/ /ji ltar rigs pa'i don snang bar/ /de ltar 'jig rten na ni mthong/ /de bzhin
- 135b
dus gzhan bdag la'ang yin/ /rnam par dag pa'i shes kun nam/ /don kun spyod yul can yin te/ /'bras bu 'ga' zhig rgyu yis ni/ /byas pa'i phul byung cung zad srid/ /mya ngan na ni rgyu ru'i shing/ /'bras bu chung dang bcas mthong bas/ /de dag thams cad de nyid kyi/ /de dngos gzhan du yang 'jug min/ /sprul rnams mig gis nyan pa yin/ /de yang de ltar grags pa yin/ /des na sems can las nus rnams/ /sna tshogs don bcas srid pa yin/ /gang las dus gsum gnas pa yi/ /dngos po thams cad de bzhin du/ /nus pa nges pa can du snang/ /des ni de ltar brjod na mdzes/ /ji lta'i rigs can tshad ma yis/ /ji ltar rigs pa'i don snang yang/ /da ltar 'jig rten na ni mthong/ /de bzhin dus gzhan na yang 'gyur/ /khyod ni skye bo tsam yin pas/ /nus kun nges par ma byas phyir/ /'jig rten rnams kyis nus pa ni/ /da ltar nus na'ang shes nus min/ /nus pa ma lus thams cad ni/ /shes na khyod rang kun mkhyen 'gyur/ /rnam gzhan du yod dogs pas/ /rjes su dpag pas kyang grub min/ /dbang 'das don shes dang ldan pas/ /skyes bu rnams la shes rab sogs/ /yon tan ldan nyid dmigs 'gyur te/ /rigs la sogs pa nus yod phyir/ /lta ba can sogs zhes bya ba'i/ /rig pa yod pa legs bsgoms gang/ /tshe 'di nyid la gzhan gyis sems/ /yongs su shes par byed pa dang/ /tshe 'di la ni ma mthong dang/ /rjes su dpag pa ma thos pa/ /byung dang 'byung 'gyur da ltar ba/ /de kun shes 'gyur smra byed yin/ /sna tshogs sngags dang klu dbang po/ /srin po gnod sbyin la sogs mthus/ /'dir ni skyes bu la babs na/ /mi bslu ba can gsal bar smra/ /'khrul pa'i yul mthong med pa na/ /de lta na yang 'dir gnod can/ /tshad ma cung zad yod pa min/ /tshad ma cung zad med pa yis/ /de ni med par 'grub mi 'gyur/
- 136a
sngar bshad pa yi rim pa yis/ /rig byed byed pa po bsgrubs pas/ /khyed kyis dbang 'das mthong ba yis/ /gdon mi za bar khas blang dgos/ /des na shes rab can bskyes bus/ /don phra rnams mthong nus pa yin/ /rang gi rigs can spangs nas kyang/ /mi gzhan gzil gyis gnon pa yin/ /ji ltar 'gro sbyor sogs pa yi/ /khyad par gyis ni sna tshogs pa'i/ /nus pa rang yul khyad can 'gyur/ /de bzhin yid kyang 'gyur ba yin/ /'di ltar bya rgong rnams kyis ni/ /gzugs ni shin tu ring nas mthong/ /grub pa'i mig sman sogs rnams kyis/ /de bzhin bsgribs pa'i gter sogs kyang/ /de ltar 'gro ba'i khyad par gyis/ /lta la sogs pa rnams kyis na/ /phra dang bsgribs sogs mthong yin te/ /rang gi rig pa rjes mthun phyir/ /rnal 'byor goms pa'i khyad par gyis/ /rnal 'byor rnams kyis yod shes ni/ /de ltar phul byung dngos 'gyur bas/ /'dir ni gnod ba can yod min/ /gal te 'gro dang sbyor sogs ni// med pas shes la khyad spongs na/ /de tshe khyed kyis de rigs yin/ /rgyu med pas ni 'bras med phyir/ /ji ltar bstan bcos gzhan shes pas/ /de tsam gyis ni shes 'gyur min/ /de'i rgyu phyi ma phyin ma ni/ /med pas phul byung yang de bzhin/ /phyogs gcig rnam par shes pas na/ /kun mkhyen yod par smras pa yin/ /gang gis rigs byed sogs shes par/ /mtho ris sogs ni mngon sum 'gyur/ /'on kyang shes rab brtse sogs ni/ /goms pas 'phel bar mthong ba'i phyir/ de ni 'phel bar 'gyur bas na/ /phul byung gzhan yang rtogs par 'gyur/ /yid kyi yon tan nyid kyis ni/ /de dag rab kyi mthar thug yin/ /mi snod bzhin de yang goms pas/ /ma lus dan? rtogs phyir mthar thug/ chos kun rtogs pa'i
- 136b
ngo bo ni/ /shes rab mtshan nyid kyis ni gnas/ /gcig ni yongs su ma shes na/ /de nyid rdzogs par mi 'gyur ro/ /gang dag rig mthun snga ma yi/ /sa bon las ni 'byung 'gyur ba/ /'dus byas 'phel ba'i bye brag gis/ /de dag 'phel ba'i chos ldan par/ /srid pa yin te 'bru sogs bzhin/ /brtse ba dang ni blo dag kyang/ /ji skad bshad pa'i chos ldan yin/ /'phel pas kun mkhyen nyid du 'gyur/ /gang dag gnyen po nyer gnas na/ /'grib pa'i ches dang gang ldan pa/ /de dag shin tu 'grib pa srid/ /gser gyi dri ma la sogs bzhin/ /de ltar nyon mongs pa dang ni/ /shes bya'i sgrib sogs 'di dag ni/ /ji skad bshad pa'i chos ldan yin/ /de med dri med blo 'byung 'gyur/ /yang na ji skad bshad chos ldan/ /de dag shin tu rtsa 'byin la/ /dri ma med pa'i nus yod pa'i/ /de bzhin gnyen po srid pa yin/ /de nyid lta ba'i gegs nyid phyir/ /la lar shin tu 'grib pa can/ /phyi rol nyid kyi mun pa bzhin/ /nang gi yang ni rtogs par 'gyur/ /de ni 'grib par 'gyur ba dang/ /thogs med ye shes chen po ni/ /shes bya thams cad kyi tshogs la/ /rang dbang gis ni 'jug par 'gyur/ /gang dag brtan pa'i brten gnas pa/ /ci zhig gis ni khyad par byas/ /gnod can med na de dngos ni/ /thob phyir slar 'bad bltos pa min/ /de dag 'dus byas 'phel ba yis/ /dbye bas gsal ba'i rab kyi mthar/ /'jug par 'gyur ba srid pa yin/ /gser gyi rnam par dag pa bzhin/ /blo dang brtse ba la sogs pa/ /'di dag ji skad bshad ces ldan/ /de dag rab kyi mthar phyin pa/ /'od gsal kun mkhyen nyid 'byung 'gyur/ /mchod dang chu yi dro ba yis// 'di ni 'khrul pa nyid yod min/ /mchongs pa mchongs pa'i rgyus byung min/ /stebs dang 'bad pa las mchongs byung/ /yang na mchongs pa la yang ni/ /rang rgyud ting 'dzin las byung ba'i/ /khyad par gyis ni rab kyi mthar/ /phyin pa nyid du 'dod pa yin/ /yid mgyogs
- 137a
rdzu 'phrul zhes bya ba/ /mchog gyur de ltar grags pa yin/ /gang zhig dgos pa tsam gyis ni/ /gtso bo ring du gshegs par mdzad/ /ma mthong ba tsam gyis kyang ni/ /de med par ni grub pa min/ /'dir ni gzhan gyis gnod pa can/ /cung zad smra bar nus ma yin/ /dad pa'i rgyal po'i phru gu ni/ /tshang nas byung bar mi nus kyi/ /goms pa yis ni khyad par gyis/ /rgya mtsho yi ni pha mthar phyin/ /rten gyi khyad par goms pa yis/ /dbye bas 'di ni ji bzhin 'gro/ de lta de lta bu las ni/ /ci phyir lhag pa can srid min/ /byang chub sems dpa' i gnas skabs na/ /de 'dra'i 'gro ba thob pa min/ /ting nge 'dzin ni khyad par can/ /thob na nus pas yod pa can/ /khru bcu'i bar du nam mkha' la/ /gang zhig mchongs nas 'gro ba yin/ /de la rgyu las de 'dra yi/ /ring du 'gro ba'i nus pa'ang yod/ /chu ni dro bar byed pa na/ /chu ni zad par 'gyur ba yin/ /des na mi brtan rten can de/ /gang zhig gang du khyad can 'gyur/ /yid las byung yon tan rnams la/ /sems ni rgyu ni rten yin te/ /de ni rten 'brel pas 'jug pa/ /nam yang ldog par mi 'gyur/ /ji srid ji srid yon tan goms/ /mngon du phyogs nas gnas pa yin/ /de srid shin tu 'od gsal ba/ /de na shin tu gnas pa nyid/ /gang phyir dri ma blo bur 'dod/ /de nyid mthong ba'i bdag nyid can/ /'od gsal ba yis sems 'di ni/ /rang bzhin nyid kyi gnas pa yin/ /gal te sems ni gzhan gyis ni/ /rtogs pa'i bdag nyid des srid na/ /de tshe dmigs pa ma grub phyir/ /don la 'jug pa mi srid do// de phyir gsal bar byed pa'i phyir/ /rang nyid bdag nyid sems la yod/ /sgro btags med pa'i ngo bo can/ /rang rig pa 'di gnas pa yin/ /des na lam bdag nyid 'gyur na/ /'dod chags gti mug gi skyon gyis/ /sems ni zil gyis gnon pa min
- 137b
de ni sngar yang stobs chung yin/ /skyon kun 'jig rten byed pa can/ /lam gyi bdag nyid du 'gyur na/ /'bad pa med na spang mi 'gyur/ /yon tan mthong bas 'bad pa med/ /des na dri med mi g.yo ba'i/ /yon tan tshogs kyis brgyan pa can/ /skyon gyi rlung gis bskyod bdag min/ /rgyal ba kun mkhyen rtogs par 'gyur/ /gzhan yang gang dang gang bsgoms pa/ /bsgoms ba yongs su rdzogs pa na/ /de dang de dag gsal snang 'gyur/ /'dod pa la sogs pa'i yul bzhin/ /chos rnams kun yang dus ring du// rnam pa du mas bsgom bya min/ /bdag nyid chen pos stong pa dang/ /bdag med sogs te dngos nyid can/ /stong dang bdag med sogs ngo bo/ /yang dag nyid du bsgrubs zin to/ /des na yang dag don bsgoms la/ /byung phyir yi de tshad ma yin// gsal bar snang phyir mngon sum dang/ /dngos dang 'brel phyir tshad ma yin/ /mig sogs rten las byung ba yin/ /sngo sogs so sor snang bzhin/ /des na rnam shes gcig la ni/ /chos rnams bdag ni thams cad kyang/ /cig car gsal bar snang srid pas/ /de lta bu ni rtogs par gyis/ /'di ltar sgom bzhin pa nyid phyir/ /bud med bu dang tshom rkun bzhin/ /'dod pa tsam gyis mngon phyogs pas/ /bsgom pa rnyed par dka' ba yin/ /sgom pa'i rab mtho blo gcig la/ /chos kun gsal bor snang ba yin/ /dngos po yod sogs gtan tshigs phyir/ /bud med la sogs lta bu'o/ /gang la 'di ltar dngos nyid dang/ /yod dang skye sogs mtshan nyid can/ /des byed gtan tshigs nus can yod/ /de ni su zhig sgrub byed min/ /shes bya ma lus pa yi tshogs/ /shes pa'i skad cig 'jig khyab mdzad/ /lha dang lha min gtsub nur byur/ /gyur pa'i kun mkhyen 'di 'grub 'gyur/ /tshig ma bltos par 'ga' zhig gis/ /chos sogs de dag
- 138a
bltos yin te/ /bden bdag nyid kyis ston nyid phyir/ /gser la sogs pa rnam dag bzhin/ /rig byed skyes bus byas nyid du/ /grub phyir grub pa la bsgrub min/ /mi shes pa yi stes dbang gis/ /bden pa'i nyer bston yod ma yin/ /phyag rgya dkyil 'khor sngags rnams kyi/ /sha za mkha' 'gro las thar dang/ /dug la sogs pa sel ba yi/ /nus pa dbang 'das gang yin pa/ /thub dang mkha' lding sogs dbang gis/ /thos dang rjes dpag ma yin pa'i dri med dngos su mi mkhyen na/ /de dag ji ltar gsungs pa yin/ /rjes su dpag pas kyang mkhyen min/ /der ni sngar ma mthong ba'i phyir/ /de dang rtags kyi 'brel pa yi/ /'thong pa mi 'thad par 'gyur ro/ /gzhan la gsan nas gsungs min te/ /brgal zhing rtag pa mtshungs pa'i phyir/ /stes dbang mi bslu'i ngo bo ni/ /de 'dra gsungs pa ma yin no/ /de ltar chos bstan 'di ltar mdzad/ /rgyu mtshan gzhan du brtags pa min/ /gang phyir don gzhan 'jug byed la/ /stes dbang de rtogs skye bar 'gyur/ /skom pas gdungs pa'i bsam pa can/ /'bab chur nye bar 'gro ba na/ /ji ltar byi ru rnyed pa ltar/ /der ni ste dbang yod par rigs/ /g.yeng ba'i sems ldan rmongs rnams kyis/ /res 'ga' ba yis rim can 'di/ /khyad par 'bras bu sgrub byed pa/ /de smra nus pa ma yin no/ /ma thos rjes dpag ma byas pa'i/ /bden pa'i don ni ji ltar smra gang/ /de ni sngon shul gyis de'i dngos/ /shes shing de 'dra ston byed yin/ /gzhan gyis mngon sum gyis mthong ba'i/ /chu sogs ston par byed pa bzhin/ /ma thos rjes dpag ma byas pa'i/ /dben don dbang po las 'das pa'i/ /gzhan gyis mi rtogs nus can yang/ /des pa yis ni phyag rgya dang/ /dkyil 'khor rtag sogs mtshan nyid can/ /de lhur len thub mchog gis gsungs/ /de phyir
- 138b
phul gyur shes pa ni/ /thabs kyi stobs las byung rnams kyis/ /gang zhig dbang 'das thams cad nyid/ /des ni lhag par shes byed nus/ /khang khyim gcig la gnas pa yi/ /mngon sum gang zhig zhugs par gyur/ /de nyid du ni de mthong nus/ /khang khyim gzhan la ma yin no/ /sems can thams cad la gnas pa'i/ /nus pa'i nyams myong yod pa na/ /khyed kyis de ltar ngos nyid rigs/ /gzhan du rgyu mtshan ci zhig yod/ /skyes bu nyid sogs gtan tshigs kyis/ /nus pa med par nges byed na/ /bdag nyid dpe ru byas pa yi/ /ha cang thal bar 'gyur ba yin/ /de ltar khyed kyis rmongs pa nyid/ /nges par byas pas mkhas pa kun/ /khyod nyid dpe ru byas pa yi/ /rmongs pa'i blo can thal bar 'gyur/ /skyes bu gcig 'ga' zhig kyang ni/ /mthar thug shes pa yod pa yin/ /de ltar 'di yang dag tsam ni/ /rgyu mtshan med par smras pa yin/ /yang na rang mtshungs sems can rnams/ /rnam dag blo ni mi rmongs pa'i/ /dbang du byas nas de ltar dag/ rgyal ba'i dus mdab kyis ni smras/ /thams cad mkhyen pa srid pa yi tshad ma rgyas par bstan pa yin/ /gzhan gyis de la gnod pa can/ /smra ba sngar yang smras zin to/ /de yi srid pa sgrub pa ni/ /gzhan ni smra bar ma byas kyang/ /gnod pa can gsal ba tsam gyis/ /de ni srid par rtogs par 'gyur/ /'di ltar gnod pa can mthong na/ /sgrub byed rab sal ma byas kyang/ /the tshom skyes bar 'gyur ba des/ /de ni srid pa 'gyur ba na/ /rig byed kho na rang dbang gis/ /chos ni mtshon zhes nges pa 'di/ /khyed kyis nges pa grub 'gyur min/ /rnal 'byor pa rnams ma 'ongs pa'i/ /shes bya la ni mngon sum gyis/ /nus pa ji ltar yod de ni/ /dus gsum brtag pa las bshad zin/ /yang na rnal 'byor nus byung ba'i/ /'das dang ma 'ongs ltar gsal ba/ /rtags dang lung la ma bltos pa'i/ /yid ni rnal 'byor pa la
- 139a
yod/ /rang bdag snang ba rig pa'i phyir/ /de ni rang mtshan spyod yul can/ /gsal bar snang ba mi bslu'i phyir/ /de yang mngon sum 'dod pa yin/ /de phyir dbang 'das don rnams ni/ /dngos su mthong ba nyid yod min/ /rtag pa'i tshig ni med pa'i phyir/ /des ni cung zad mthong ba min/ /blo bzangs rnams kyis thub pa yis/ /dbang 'das don gyi rnam shes ni/ /sngar bshad rjes su dpag pas bshad/ /byas pa'i lung gzhan las ma yin/ /tshad ma nyid ni grub don du/ /byas pa gang dang byed po la/ /thog ma med nyid smras pa min/ /gang phyir de tshad min la 'jug/ /'di ltar med pa la sogs dang/ /de bzhin de tshig rnams dang ni/ /rig byed dang ni smra po rnams/ /thog med yin yang tshad ma min/ /tshad ma nyid ni grub don du/ /ma byas dag dang smra bo la/ /thog ma med nyid gang smras de/ /kho bo la bzhin bkag par 'gyur/ /smra po byed po dang mtshungs te/ /de la bltos nas rig byed rnams/ /tshad ma nyid 'gyur des byas pa'i/ /byas pas don shes skyong ba'i phyir des na rig byed ngag rnams ni/ /gzhan dbang nyid kyi tshad ma min/ /ran gi chos ni ma mthong phyir/ /smra po rnams la de yod min/ /de phyir de 'dra'i smra po la/ /thog ma med nyid brtags pa ni/ /tshad min go 'phangs gnas nyid phyir/ /med pa sogs las khyad par med/ /des na khyad par ma rtogs phyir/ /tshad ma dang ni tshad ma min/ /de lta yin pas thog med min/ /yang na thub dang de'i gsung la/ /khyad par 'di ni yod pa yin/ /gnyis med chos ni gzigs pa dang/ /brtse ba'i ngo bo gsung ba yin gang la mngon mtho 'grub pa dang/ /des par legs par 'grub 'gyur ba/ /mkhas rnams kun gyi de 'dra de/ /chos zhes bya bar bshad pa yin/ /des gsungs sngags dang rnal 'byor sogs/ /dam tshig cho ga bzhin byas pas/ /shes rab
- 139b
nad med sbyor sogs ni/ /mthong ba'i las la'ang skye bar 'gyur/ /ma lus chos bdag nyid mthong ba/ /de yis rab gsal mdzad pa yis/ /'jig tshogs lta las byung ba yis/ /nyon mongs tshogs 'di la med 'gyur/ /bdag dang bdag gir 'dzin lta can/ /yod pa'i stobs la 'jug par 'gyur/ /bdag dan bdag 'dzin nga rgyal gyis/ /nyon mongs dam lus 'byung bar 'gyur/ /yod par lta ba'i gnyen po ni/ /bdag med nges par mthong ba yin/ /gom pas bdag nyid 'gyur ba na/ /de yod pas ni de yang ldog/ /nyon mongs phung po de'i rtsa can/ /rgyu med pas na med par 'gyur/ /de med pas na de rgyu ni/ /khyed la slar yang skye mi 'gyur/ /de las shin tu rnal grol ba/ /thar pa zhes ni bshad pa yin/ /des na bdag med lta ba ni/ /gnyis pa med pa'i zhi sgo yin/ /mu stegs thams cad rnams kyang ni/ /nga rgyal nges par log pa yis/ /thar par 'dod pa de bdag yod pas/ /nga rgyal ldog par mi 'gyur te/ /nus pa can rgyu yod pa dang/ /yul ni sun dbyung ma byas phyir/ /des sun dbyung ba dngos med kyi/ /gzhan du phyin ci log thal 'gyur/ /gal te bdag ni yod pa ni/ /bdag med ces de ltar rigs min/ /de nyid rigs par nges par ni/ /mya ngan 'das 'gyur khyed kyi brdzun/ /de phyir mu stegs gzhan dag la/ /mi dge bcu ni spangs pa yis/ /gal te sngon mtho'i phyogs tsam ni/ /shin tu che chung thob yod na 'ang/ /thar pa'i 'bras bu thob pa na/ /cung zad yod pa ma yin te/ /yod par lta ba la 'jug pas/ /nyon mongs rtsa nas ma byung phyir/ /skyob pas slar yang dge ba yi/ /las lam bcu po gang gsungs pa/ yang dag lta dang yongs ldan pa/ /de dag shin tu stobs ldan 'gyur/ /yod pa'i lta bas bsgribs pa can/ /phyin ci log dang rjes 'brel phyir/ /dag min des na de dag las/ /dag pa'i 'bras bu skye mi 'gyur/ /des na thub pa'i mchog gis ni/ /rang nyid kyi chos ma gzigs
- 140a
bas/ /chos kyis de nyid gsung yin zhes/ /smyon pa min pa su zhig smra/ /skyob pa la ni kun mkhyen dang/ /rig byed las ni rtag nyid gang/ /mkhas pa min pa mtshungs par smras/ /rtag pa nyid ni mi srid phyir/ /de yi gnod pa can smras yin/ /rim pa cig car 'gal ba'i phyir/ /rnam shes la sogs de'i 'bras bu/ /cir yang 'thad pa ma yin no/ /de ltar dus su ci khyed la/ /thams cad mkhyen pa mi snang la/ /'on te kun la mi snang zhes/ /rgyas par sun phyung sngar bstan zin/ /khyod kyi ma dmigs 'ba' zhig tsam/ /'khrul pa dang ni ldan pa yin/ /gzhan kun gyi ni mi dmigs pa/ /the tshom za bas sgrub byed min/ /dgag par bya ba nus bzhin du/ /sngar yang med brtags nus shes na/ /rigs min 'das pa'i dus na yang/ /de yi dgag par rigs min phyir/ /gal te 'das dus gang yin pa/ /de ni kun mkhyen gyis stong yin/ /dus nyid yin pa'i phyir dper na/ /da ltar dus rtogs bzhin zhe na/ /ldog na the tshom za ba'i phyir/ /sgrub pa de ni rig ldan min/ de ltar ba yi dus 'di ni/ /de yis stong pa shes byas min/ /rgyu yi tshigs pa med pa'i phyir/ /'das pa da ltar dus su med/ /'das dus dga' byed la sogs bzhin/ /gang gis mi srid par 'gyur yin/ /shes rab la sogs chos can du byas nas rtags ni bshad pa yin/ /rtags ni mi snang ma grub yin/ /des na kun mkhyen med mi 'grub/ /kho bo cag gis kun mkhyen ni/ /lung gis grub par zhugs pa min/ /sngar bshad rtags ni yod pas na/ /lung gis grub par su zhig brjod 'on kyang rig byed tshad ma ru/ /gal te khyed cag mngon 'dod na/ /de cis bcom ldan 'das la ni/ /rmongs pa kun mkhyen khas len min/ /mtshan can zhes bya'i 'phros gzhan las/ /bram ze mkhas pa rnams kyis ni/ /thub pa rnams kyis mchog gyur pa
- 140b
bcom ldan kun mkhyen gsal bar 'dod/ /gang zhig glang chen thad kar ni/ /mche ba drug pa'i bdag nyid can/ /rmi ltas bstan nas nyid bltam 'gyur/ /byang chub sems dpa' i yon tan mtsho/ /'chi med go 'phang brnyes dag pa/ /thugs rje'i bdag nyid grags pas khyab/ /de ni kun mkhyen gyur pa dang/ /'jig rten kun gyi yab tu gyur/ /'on te 'phros pa'i khyad par 'di/ /rig byed khong gtogs mi 'dod na/ /des 'dir sdang ba spangs nas ni/ /khyed la rgyu mtshan nges 'gyur min/ /dbyangs la sogs pa'i cho ga dag/ thos la yod par rab grags pa/ /de la'ang de dag bya bar nus/ /mi yi 'dod tsam gyis 'byung phyir/ /de ltar lhur len rtag pa yi/ /lung rnyed nus min ma yin nam/ /gal te rtag na gab tshig nyid/ /de lhur len ni ma rtag 'gyur/ lung ni rtag nyid du grub na/ /de brtags pa ni don med yin/ /gang phyir mi rnams de las ni/ /chos ni rtogs par byed nyid 'gyur/ /'di ni rab tu grub na yang/ /rig byed rtag pa nyid yod min/ /gang gis btsal ma thag 'byung shes/ /rim gyis shes sogs de 'bras yin/ /'on kyang rab grub de la ni/ /tshad ma nyid khas len yod na/ /rig byed nyid phyir 'phros gzhan yang/ /khyed la tshad ma nyid du 'gyur/ /yang na rig byed min nyid du/ /byed la rig pas shes par gyis/ /gzhan du thos bsam smras nyid/ khyed la the tshom za bar 'gyur/ /rig byed rtag pa nyid dang de/ /lhur len yin bla de la ni/ /de lhur len pa ma rtag 'gyur/ /gang phyir 'jig don dang 'brel phyir/ /gal te de ltar dgang lung dang/ /'bru dang gser ral can sogs rnams/ /rtag bdag nyid yang de yis ni/ /mi rtag ngo bo ji ltar brjod/ /de la rig rtag yod ce na/ /de yang bsal byas ma yin nam/ /de tsam tshig gis brjod pas na/ /dgang lung sogs la blo 'byung min/ /de yang brjod la tshig la ni/ /rtag pa nyid ces nyams mi 'gyur//
- 141a
yang na kun mkhyen la rigs bla/ /des na de lhur len pas rtag /rig byed dag rnams rang dbang phyir/ /rig byed las don nges min te/ /rmongs sogs dbang byas bdag nyid dang/ /gzhan las kyang don nges skye min/ /des na mtho ris 'dod me la/ /sbyin sreg bya zhes thos pa la/ /rgyal ba kun mkhyen zhes bya'i don/ /'di min zhes 'dir tshad ma ci/ /mtho ris dang ni thar pa'i lam/ /gsal bar nye bar bstan pa'i phyir/ /gtso bo'i don ni yongs mkhyen phyir/ /kun mkhyen zhes byar rtog par 'gyur/ /rgya mtsho bye ma'i grangs snyed kyi/ /rnam shes gang la nye bar mkho/ /des na gzhan gyi don shes ma byin/ /kho bo cag la ci zhig dgos/ /sngags kyis kyang ba'i tshig bzhin du/ /de yang phal pa nyid du brjod/ /zhes bya 'di ltar nges ba 'di/ /kun mkhyen nges par gsal nas 'grub/ /sngar bshad gnod ba rigs min par/ /rgyas pa bsgrub par byas pas na/ /phal cher nges la the tshom za/ /gtso bo'i don ni yang srid phyir/ /gal te 'di ni chos sogs kyi/ /spyod yul can shes thogs med nyid/ /'bras bu dang bcas gsal brjod na/ /de tshe sangs rgyas 'gro las rgyal/ /gang phyir mngon mtho thar pa dang/ /rgyu bcas la yang shes pa ni/ /thogs med de dag ma grub na/ /des na ma 'dres shes gsal yin/ /bdag kho na yi rnam shes ni/ /bsam gtan goms bas 'jug pa gang/ /de la yang ni thogs med nyid/ /de dag la yang bsgrub zin to/ /glo bur dri ma spangs pa can/ /sems tsam rang rig pa'i ngo bo/ /rnam par dag pa'i bdag mthong gang/ /de nyid kho na de shes yin/ /rig bya rig byed rnam pa med/ /blo ni sngar nyid rab bsgrub byas/ /bslang pa nyid kyis stong pa can/ /sangs rgyas rnams kyis de gsal mdzad/ /des na blo gros chen po dag/ 'khor ba mi mthun shes
- 141b
bcas 'grub/ /gang gis dbang gis bstan pa rnams/ /'byung zhing da ltar yang snang 'gyur/ /rang bzhin gyis 'od gsal ba'i sems/ /gnyis ka'i rnam pas rnyog med pa/ /rnam gnyis rmongs med bdag nyid can/ /su zhig rnam gzhan du blo byed// bdag med rnam gnyis rtogs pa na/ /bud med sogs kun rtog 'byung na/ /'dod chags zhe sdang rmongs sogs dang/ /'bad pa med pas 'jig par 'gyur/ /de nyid gsung bas 'jig par 'gyur/ /de nyid gsung bas gsungs pa gang/ /'di de mchog gyur de nyid ni/ /phun sum tshogs kun go 'phang ste/ /ki sha ba sogs spyod yul min/ /gzhan dag gis ni bdag brten zhing/ /dag pa'i shel 'drar shes de dag/ de yang phyin ci log yin te/ /rtag pa'i bdag nyid bkag pa phyir ro/ /bdag tu 'dzin pa'i rnam shes ni/ bdag las gal te skye 'gyur na/ /des na kun bdag nyid rnam shes/ /cig car skye bar thal bar 'gyur/ /'on te de la mi skye ba 'am/ /yang na rtag par khas len na/ /de tshe de yul can mi 'gyur/ /skyes bu gzhan gyi sems bzhin no/ /gzung ba'i mtshan nyid 'gal ba ru/ /rgyas bar bsgrub par bya ba'i phyir/ /gang zhig rtag pa'i bdag mthong ba/ /de nyid de yi shes pa min/ /'on te bdag shes ngo bo ru/ /khas len byed kyang snang ba dang/ /lta ba du ma nyid med pas/ /de lta na yang de nyid med/ /gal te rang gsal dngos po nyid de yi shes pa 'dod pa na/ /de tshe rang rig thob pa dang/ /blo yang mngon sum du 'gyur ro/ /rig byed dang ni tshangs pa sogs/ /'brel pa cung zad yod pa min/ /tha dad phyir dang rtag nyid kyis/ /bltos med phyir de las gzhan bzhin/ /des na rig byed lus nyid ni/ /tshangs la sogs pa rig pa min/ /rig byed kun shes ngo bo ru/ /rigs min don nges med pa'i phyir/ /rang dbang nyid kyis kyang sangs rgyas/ /kun mkhyen bsgrub par byas pa yin/ /rig byed lus can nyid yin phyir/ /tshangs pa sogs bzhin brtags
- 142a
byas min/ /'gro lnga'i bdag nyid 'khor ba las/ /phyi rol gyur pas mir mi gtogs/ /kho bo sangs rgyas rnams la ni/ /de ltar sprul par 'dod pa yin/ /'og min gnas ni mchog gyur pa/ /gtsang ma'i gnas kyi steng gnas par/ /yang dag sangs rgyas der sangs rgyas/ /sprul pa po ni 'dir sangs rgyas/ /khyed kyis rang dga' nyid kyis ni/ /mi nyid du ni ji ltar nges/ /gzhan gyi lung gi sgo nas min/ /de ni de ltar gnas pas so/ /kho bos de dag dang 'dren par/ /kun mkhyen pa de ni 'dod pa min/ /bden pa rnams ni nam mkha' yi/ /me tog dang 'drar su zhig rtog/ nus pa thams cad dang bral bas/ /rtag pa dngos med sgrubs zin to/ /des na gzhan gyis 'dod pa yis/ /chung ma gsum can sogs yod min// gzhan yang de dag log shes yin/ /bdag la sogs pa mthong ba'i phyir/ /sangs rgyas log shes mi mnga' bar/ /rgyas par sngar ni bsgrubs zin to/ /des kyang de dang 'gran pa min/ /shin tu ches khyad yod pa'i phyir/ /rab rib can dang lhan cig tu/ /nad med mig can su zhig 'gran/ /yon tan las dang dbang phyug sogs/ /rig byed rnams kyis rtag pa nyid/ /spangs pas kho bo'i rtag pa yi/ /lung de yang ni 'dod ma yin/ /nye bar 'jal bas kun mkhyen ni/ /yod par grub par 'dod ma yin/ /de tshad nyid min smras pa'i phyir/ /de las yod pa ma 'grub po/ /yod pa rab tu grub pa na/ /des ni 'dra ba nyid rtogs 'gyur/ /kun mkhyen yod par sgrub pa yi/ /bsgrub pa rnal ma 'di yin no/ /des na nyer 'jal rab grub pa'i/ /dgag pa de ni 'bras med yin/ /gal te khyod kyis mi kun ni/ /kun la ma yin par mthong na/ /des na khyed rang kun mkhyen 'gyur/ /ring dang bar chod mthong phyir dang/ /rgyud gzhan dang 'brel shes pa ni/ /nus pa 'gas ni mthong
- 142b
pa'i phyir/ /mdun gnas pa yi skyes bu yang/ /kun mkhyen ma yin zhes de ltar/ /nges pa khyed la ji ltar yod/ /yod na dbang 'das rig par 'gyur/ /bdag nyid kun mkhyen ma mthong bas/ /ma lus kun mkhyen min des na/ /ha cang thal 'gyur phyir rmongs sogs/ /thams cad la yang nges par 'gyur/ /gal te gnod pa mthong ba'i phyir/ /chos kun min 'dod min zhe na/ /smras pa la yang gnod dgos la/ /gnod mthong las tha dad 'gyur min/ /rgyal bas mtho ris thar lam gyi/ /kha na ma tho med pa'i gsung/ /bsgrubs pa de ni rmongs pa yis/ /byams snyam rmongs las gzhan du sems/ /mthong chos mngon mtho sna tshogs dang/ /de bzhin skyon rnams zhi ba mchog/ de las thob par 'gyur ba na/ /des na gzhan dag rmongs par byed/ /sangs rgyas rnams kyis nyer bstan 'di/ /rig byed rtsa ba can ma yin/ /rnyog pa med pa de gsung yin/ /thos pa rtog pa dang bcas smras/ /de dag de ltar nyer bstan pa/ /de 'dra rab don bsgrub phyir min/ /de dag gi rtsom ma lus pa/ /de 'dra gzhan gyi don du yin/ /de phyir 'gro la phan byed pa/ /dbang thob snying rje'i bdag nyid can/ /rgyu mtshan med pa'i gnyen yin pas/ /kun la go 'phang de nyid gsungs/ /bskam chags 'jigs dang zhe sdang dang/ /ser sna sogs kyis dbang byas gang/ /brtse med bdag nyid de dag la/ /nyer bstan phyogs gcig ba ru 'gyur/ /thugs rje gzhan dbang gyur pa ni/ /de nyid gsal bar gzigs ba can/ /dmigs bsal kun la dogs med pas/ /thams cad du ni ston par mdzad// ji lta ji ltar rmongs sogs kyi/ /skyon gyi skye bo skyon bcas 'gyur/ /de lta de ltar mgon rnams kyi/ /thugs brtse de dag la ni 'jug/ /me bskor byas nas khyim sogs 'gro /'brel pa de dag gis bzhed min/ /phan pa gdags par
- 143a
bya ba ste/ des na 'di ltar legs smras yin/ /rigs dang dul dang phun tshogs pa'i/ /bram ze ba lang glang po che/ /khyi dang khyi 'tshed pa dag ni/ mkhas pa rnams ni mnyam par lta/ lan brgyar rigs ni bkag byas pa la/ /rigs kyi rkyegs pa ci phyir byed/ /de las gzhan las khyad med pas/ /gal te de brten dbang 'gyur sogs/ /yon tan gzhir gyur sdig pa ni/ /ma lus par zad nas 'dir ni/ /khyad par med par de ldan pas/ /kun kyang gnyis skyes su 'gyur na/ /de tshe khyad par can grub 'gyur/ /gnyis skyes rngon pa byed bzhin du/ /gzhan du khyad pa can nyid med/ /skyes nas cho ga tshogs gang dag /grub pa'i bya ba de kun rdzob/ /gang phyir de dag bcos ma la'ang/ /yod pas de las gzhan pa'ang bzhin/ /dus ni ring po 'das pa dang// bud med sems kyang g.yo ba yis/ /bram ze nyid ni yod na 'ang/ nges par bya bar nus ma yin/ /dbang 'das dngos don shes pa ni/ /'ga' zhig khyod la yod pa min/ /des na rnam par dag pa'i rigs/ /rig byed pas kyang smras mi byed/ /de phyir mid sogs rnams kyis kyang/ /de dag bram ze ma gtogs pas/ /bram ze rnams la nyer bstan ni/ /byas min de nges med pa'i phyir/ /yid la sogs pa rnams kyis ni/ /rang la rtogs pa'i nus med pa'ang/ /yod na rig byed rigs bral yin// rig byed 'don rmongs bram ze ni/ /dpyod byed nus pa ma yin zhes/ /gang las nges par byas pa yin/ /des na de yi bram ze la/ /rig byed la sogs nyer bstan byas/ /gna' rabs dang ni yid kyi ches/ /reg byed yan lag bcas sgos dpyad/ bka' yis grub pa bzhi bo la/ /gtan tshigs kyis gzhig mi bya'o/ /des na gang gang rmongs rnams la/ /de nyid kyis 'di 'jig skur snyam/ /gang tsam gyis ni gzhan du yang/ /bka' yis grub nyid ci mi 'gyur/ /bdag nyid chen po gang dag gis
- 143b
gang gsung rigs ldan don nyid dang/ /bdag la de don nus pa ni/ /gsal bar nges par mdzad pa yin/ /mu stegs ngan glang ches myos pa'i/ /dregs pa nyams par mdzad pa can/ /skrag pa ma lus mi mnga' ba/ /'di ltar de dag seng sgra sgrogs/ / dge slong dag gam mkhas rnams kyis/ /bsregs bcas brdar ba'i gser bzhin du/ /yongs su brtags la nga yi bka' / /blang bar bya yi gus phyir min/ /gang dag sdig pa spangs byas pas/ /don dam pa yi bram ze ni/ /dri med bdag med goms byed pa'i/ /de dag thub pa'i bstan pa yod/ /des na bstan pa 'di nyid la/ /dge slong rnam bzhi yengs grags yin/ /gzhan gyis bstan pa dge slong dang/ /de bzhin bram ze rnams kyis stong/ /mi su zhig gcig kun mkhyen srid/ /zhes bya sogs la bsgrub pa ni/ /dam bca' ma tshang ba'i skyon gyis/ /skyon dang bcas par mi 'gyur te/ /ma lus don ni yongs shes pas/ /sgrub pa 'bras med yin na yang/ /blo bzang bde gshegs pa rnams ni/ /'bad pa byed ces sngar bsgrubs zin/ /phyogs gcig shes pas de smras yin/ /kun mkhyen gyis gsungs mi 'gyur zhes/ /'dir yang thams cad kyis shes pa/ /rjes 'gro'i phyir zhes sngar bstan zin/ /ji ltar cung zad mthong ba yi/ /dri sogs don rnams nyams myong nas/ /de dag sems la sgro btogs pas/ /nyams myong la brten phyis rjod byed/ /de'i tshig de dngos po de'i/ /shes pa las byung min pa min/ /kun mkhyen gsung yang de ltar yin/ /rgyu yi dbye bas tha dad 'gyur/ /dngos po ma lus rnam shes na/ /'di'i rgyu nyid du 'gyur ba yin/ cung zad tsam don rnam shes pa ni/ /de yi rgyu mtshan gnas par 'gyur/ /rnam par rtog pa mi srid pas/ /de yi brjod 'dod ci 'dra yin/ /sgrib pa thams cad spangs pa'i phyir/ /rnam rtag 'di la 'jug min na /de min nyon mongs bcas kun rtog/
- 144a
de la mi mnga' sgribs zad phyir/ /'gro la phan pa rjes mthun pa/ /dge bcas su zhig spongs par byed/ /des kyang rnam rtog de nyid ni/ /don dang ldan par nges mi 'gyur/ sgyu ma phyed pa bzhin du ni/ /de yi dmigs med de rig yin/ /ji ltar sgyu ma mkhan 'ga' zhig /spyod yul sprul par byas na yang/ /sems kyis yul med can rigs te/ /des na 'khrul pa skye mi 'gyur/ /de lta bu sogs brjod pa ni/ /dad dang ldan la mdzes ma yin/ /skabs bab rjes 'thun don nyid du/ /de ni bram zes smras pa min/ /de bzhin don rnams kyis khyab par/ /nye bar bstan par nus ma yin/ /de ltar de yi skabs bab 'dir/ /'dir yang blo bzang gis gsungs yin/ /gal te de la nyer bstan pa'i/ /nus med na de de ltar 'gyur/ /des na lung du mi 'gyur zhes/ /khyed cag gis ni brjod dgos so/ /'dir yang smras de de ltar 'gyur/ /de gsung khyod kyis mthong ngam ci/ /gal te thal bar bsgrubs pa yis /'dod pa ma yin par rjod na/ /gal te sgra nyid mi 'dod pas/ /lung khas blangs par mi 'gyur ro/ /de gsung lung ni 'dod pa na/ /de la smra nyid 'dod par gyis/ /gal te de 'dra'i rigs pa ni/ /rigs par smra rnams la grub na/ /de tshe thal bar bsgrubs pas chos/ /dad pa tsam du gzhan gyis 'dod/ /rigs pa rab sgrub nyid yin no/ /rang rgyud pa yi sgrub par 'gyur/ /de gsung pa yi lung de ni/ /'di ltar gzhan gyis 'dod pa yin/ /tshig gi shugs kyis de las ni/ /skyes bu yid bzhin nor bu ltar/ /rtsig sogs las kyang chos kyi sgra/ /ji ltar 'dod bzhin 'byung bar 'gyur/ /bdag por 'gyur ba tsam rtogs pas/ /ston par byed pa de brjod yin/ /rnam rtog rjes 'gro can smra nyid/ /de phyir thal 'gyur ma shes pas/ /de la thal bar mi 'gyur ro/ /kho bo rigs pa don gnyer gang//
- 144b
dad pa'i rjes su 'brang ba min/ /zhes bya de ltar smras pa yin/ /rtsig pa la sogs las byung ba/ /yid ches min gsung ji ltar yin/ /gang phyir der bdag nyer gnas pas/ /de rnams 'jug par 'gyur ba yin na/ ngag khyal dang ni 'tsho sogs pa'i/ /smad pa'i don dang rnam par bral/ /rtsed mo'i tshul dang sha za sogs/ /de rnams ji ltar smras pa yin/ /ngag khyal dang ni rnam 'tshe sogs/ /smad pa'i don gyi nyer bstan pa/ /rtsed mo'i tshul dang sha za sogs/ /byis pa ngag khyal 'tshe sogs pa/ /smad pa'i don dang bcas pa yi/ /nyer bstan de dag yod pa min/ /tshad ma gnyis kyis mi bslu 'dod/ /de'i yul ma lus gang la ni/ /tshad ma gnyis kyis gnod pa can/ /cung zad mtho bar mi 'gyur zhing/ gang zhig shin tu lkog gyur la'ang/ /snga phyi yi ni gnod can min/ /skyes bu thams cad snying rje sogs/ /yon tan skye la 'jug byed la/ /rnam pa thams cad mchog ldan pa'i/ /dam pa'i tshul khrims ston byed la/ /'di dang phyi mar skal ldan la/ /mngon mtho sna tshogs sgrub byed cing/ /bag la nyal kun tshogs kyis ni/ /snyen po'i tshogs ni ston pa can/ /mya ngan 'das pa grong khyer gyi/ /de yi sgo 'phar 'byed pa po/ /gal te de ltar rtsed mo 'am/ /srin po'i tshig tu 'gyur yin na/ de mtshan nyid kun yod pa'i phyir/ /de nyid sangs rgyas yin zad mod/ /gang phyir ming gzhan btags pa yin/ /dngos po'i ngo bo ldog 'gyur min/ /khyad par can la dman pa'i ming/ /byed na khyed rang smad byar 'gyur/ /'dod pa log par g.yem pa dang/ /srog chags 'tshe sogs mtshan nyid can/ / goms dang de yi bya ba ni/ /tshig gang zhig gis gsal bar byas/ /de nyid spyad pa sha za sogs/ /smras pa zhes ni dogs par 'gyur/ /de'i spyod mngon par chags rnams la/ /de 'dra'i tshig ni srid pa yin/ /'gal bcas gtsang mi gtsang sogs kyi//
- 145a
rang bzhin rnams ni gcig car du/ /blo gcig gis ni rtag par mthong/ /de dag de dang 'gal ba yin/ /phan tshun spangs te gnas pa yi/ /mtshan nyid can rnams yang na ni/ /gcig la lhan cig mi gnas pa'i/ /'gal ba de dag la yod min/ /shes pa gcig la snang ba nyid/ /de dag la ni 'gal ba min/ /gtsang dang mi gtsang la sogs dang/ /sbrul dang rma bya la sogs ni/ /mig la cig car snang ba'i phyir/ /bde dang sdug bsngal sogs dbye bas/ /rgyu med nye bar gnas med pas/ /de shes bya ste 'gal pas min/ /sngo dang ser dang dkar sogs bzhin/ /yul dang rang bzhin dbye ba yis/ /dngos po'i dbye bas 'gal ba can/ /gang phyir cig car du snang 'gyur/ /shes bya'i dkyil 'khor ma lus pa/ /shes pa skad cig gcig khyab can/ /gang phyir kun mkhyen bsgrub bya ba/ /de ni rim pa la brten phyir/ /gang dang gang dag rtogs bzhed pa/ /de dang de rig nges sbyor las/ /de la nus pa de ltar mnga' / /gang phyir sgrib spangs can de yin/ /zag pa zad pa sogs rnams kyis/ /ye shes dbang gyur rnyed pa nges/ /rim gyis sam ni cig car du/ /rang gi bzhed pas mkhyen par gyur/ /shes pa'i skad cig bcu drug gis/ /bden pa bzhi yi rang bzhin can/ /shes bya kun ni rim gyis mkhyen/ /yang na kho bo la kun mkhyen/ /de la de 'dra'i ye shes ni/ /rim gyis gtso bo las byung gyur/ /thang gcig tsam yang sdod min na/ /lo brgya smos kyang ci dgos kye/ /rnam dbye ma byas pa'i ngo bos/ /dngos po kun ni gang gis rtogs/ /dngos po kun gyi rang bzhin nyid/ /des ni mkhyen par 'gyur pa yin/ /bdag bcas skad cig min sogs las/ /gang zhig log par rang mtshan nyid/ /rtag tu nyer rtogs rgyu mtshan phyir/ /de 'dir spyi zhes brjod pa yin/ /de 'dzin byed pa'i rnam shes ni/ /bsgoms pa'i stobs las byung ba gang/ /rnal
- 145b
'byor dbang phyug la mngon gsal/ /de ni rang mtshan spyod yul can/ /de nyid gzhan nyid sogs brjed mod/ /zhan dag gis kyang brtags pa yi/ /spyi de rnal 'byor ye shes des/ /'dzin par mdzad pa ma yin no/ /rnal 'byor dbang phyug gi yod ni/ /de ni rtog bral ma 'khrul yin/ /de 'dzin na ni rtog bcas dang/ /'khrul pa dang bcas thal par 'gyur/ /gang gis brjod du med pa'i spyi/ /rnam rtog bdag nyid can du bshad/ /rtag pa'i rjes 'gro'i rang bzhin spyi/ /dngos po med par bstan zin to/ /ting nge 'dzin las byung ba yi/ /ye shes 'jig rten las 'das pas/ /rgyu bcas 'bras bu las mkhyen pa/ /de ni bdag gis kun mkhyen 'dod/ /de ni yod pa nyid du ni/ /rjes su dpag pas sngar bsgrubs zin/ /des na de ni yod sgrub pa'i/ /tshad ma yod pas de yang yod/ /rim gyis sam ni cig car gyis/ /shes pa'i 'bras bu bsgrubs pa yis/ /de la yang ni nus yod de/ /gang tshe nyer bstan mdzad ma yin/ /chos la bdag med legs bsgoms pas/ /gang gis bstan pa dri med 'di/ /bstan bcos kun gyis bsgrubs byas pas/ /tshad ma kun gyis gnod pa min/ /'khor ba mi mthun shes pa can/ /khyab 'jug sogs kyi spyod yul min/ /mkhas pa rnams kyis gang zhig ni/ /dad pas spyi bos len par byed/ /nyon mongs ma lus dgra bo yi/ /tshogs ni 'jig par byed pa can/ /mngon par mtho ba sna tshogs kyis/ /rdzogs sgyu mya ngan 'das thob rgyu/ /thun mong min pa'i thabs brnyes pa/ /skyes bu ma lus dang mi mthun/ /gcig pu de nyid kun mkhyen mgon/ /de ni tshad ma dang ldan yin/ /gang tshe 'di ltar kun mkhyen ni// chos la sogs pa rtogs pa'i rgyu/ /'ga' zhig 'thad par 'gyur ba na/ /de tshe skyes bus byas tshig grub/ /rnam pa med sogs dpyad pa ni/ /kun mkhyen la ni nyer kho min/ /ji ltar khyed kyi shes pa ni/ /don 'ga' la 'jug de bzhin gzhan//
- 146a
de kho na nyid bsdus pa'i tshig le'ur byas pa las/ gzhan gyi dbang po las 'das pa'i don mthong ba can gyi skyes bu brtag pa ste sum cu rtsa gcig pa'o// //slob dpon zhi ba 'tsho'i zhal snga nas kyis mdzad pa/ de kho na nyid bsdus pa'i tshig le'ur byas pa rdzogs so// //gu g.yul gyi dbye na sa ro we dge gnas phun tshogs gling du/ rgya gar gyi mkhan po rig pa'i 'byung gnas kha che'i grong khyer dpe med na/ rgyal po chen po la li ta ste/ tyas mdzad pa'i chos skor gyi paN+Di ta chen po gu NA ka ra sh+rI b+ha tra'i zhal snga gnas dang/ sgra bsgyur gyi lo tsa ba chen po/ dpal lha btsan po shAkya'i dge slong lha bla ma zhi ba 'od kyi zhal snga nas kyis bsgyur cing zhus te gtan la phab pa/ /rnam grangs gcer bu bye brag pa dang rgyang pan rigs pa can dang sangs rgyas de dag gi phyogs ni/ /chu glung pa dang tsa ra ka dang dus smra spyod pa brda sprod zhi ba tshangs dang sna tshogs tshal/ /sgra yi tshangs pa rig byed mdza' dang bye brag smra dang mdo sde sems tsam dbu ma de dag gi /bye brag lung bcas shes pa'i spyod yul gang yin 'di ni rtogs nas 'gro la phan phyir bdag gis bsgyur// //'di bris dge bas sangs rgyas thob par shog/ //dge'o// //de kho na nyid bsdus pa'i dka' 'grel ka ma la shI las mdzad pa'i stong// rgya gar skad du/ tA ta saM gra ha pany+dzika/ bod skad du/ de kho na nyid bsdus pa'i dka' 'grel/ 'phags pa 'jam dpal gzhon nur gyur pa la phyag 'tshal lo/ /gang zhig shes bya'i rgya mtsho bsrubs pa'i stobs kyis gzhan don dmyal ba la sogs kyi// sdug bsngal zhi byed de nyid rtogs pa'i bdud rtsi thugs rjes 'gro ba tshim mdzad pa/ /de nyid rig mchog 'gro ba rnams kyi ston pa de la gus pas phyag 'tshal nas/ /de nyid bsdus pa 'di yi dka' 'grel ches rab gsal ba rab tu btsam par bya'o/ /bde ba 'dra'i blo
- 146b
gros blun po rnams kyis sngon med dngos po nam yang brjod mi nus/ /mkhas pas nyin re lam 'di mang du ma dpyad pa yang 'ga' tsam gang na yod/ /'on kyang bsod nams 'phel bar 'dod pa rang don mchog gi bdag gi blo gros 'di/ /dge ba 'phel ba'i 'bras bu can gyi de nyid goms pas 'di byed pa la brtson/ /bstan bcos 'di la ni rtogs pa dang ldan pa rnams dang por brjod par bya ba dang/ dgos pa nges par sngon du 'gro ba can gyi 'jug pa dang/ chen po dag la rab tu dang ba ni legs pa thams cad 'thob pa'i rgyu yin no zhes nges par byas nas bcom ldan 'das la dang ba bskyed pa'i don dang/ nyan pa po bstan bcos 'di la gus pas 'jug par bya ba'i phyir/ rang gi ston pa la mchod pa'i cho ga sngon du 'gro bas/ gang gis rten cing 'brel par 'byung zhes bya ba la sogs pa'i tshigs su bcad pa de nyid bsdu bar bya ba 'di'i bar dag gis bstan bcos 'di'i brjod par bya ba dang dgos pa bstan to/ /'di ltar gal te 'di'i brjod par bya ba ma bstan na de'i tshe smyon pa la sogs pa'i tshig dang 'dra bar don med pa nyid srid pas rtogs dang ldan pa/ nyan pa la yang 'jug par mi 'gyur ba'i phyir 'di yi brjod par bya ba gdon mi za bar bstan par bya ba yin no/ /de bzhin du brjod par bya ba yod na yang mngon par 'dod pa'i dgos pa dang bral ba'i bstan bcos ni bya rog gi so brtag pa sogs pa bzhin du rtog pa dang ldan pa nyan pa la yang gus par mi byed pa'i phyir/ de lta bas na dang por de la 'jug pa'i don du dgos pa brjod par bya'o/ /'jug pa'i yan lag la gtso bo nyid dgos pa yin te/ de don du gnyer bas nyan pa pa'o/ skye bo bstan bcos la 'jug pa'i phyir ro/ /de yang brjod byas stong pa'i bstan bcos kyis bsgrubs par mi nus pa'i phyir/ bstan bcos kyi dgos pa'i thabs bstan pa'i don du brjod par bya ba smras so/ /dgos pa de yang rjes su mthun pa'i thabs can du
- 147a
bstan par bya ba'i phyir de bsgrub pa nyams su lon pa mi nus pa ni ma yin te/ de lta ma yin dgos pa yod na yang 'jog pa'i gtsug gi rims nad sel ba'i rin po che rgyan gyi man ngag gi bstan bcos bzhin du de bsgrub par mi nus par rig nas rtog pa dang ldan pa 'jug par mi 'gyur ro/ /de nyid kyi phyir/ 'brel pa dang ni rjes mthun thabs/ /skyes bu'i don ni rjod byed dag /yongs brtags dbang du byas yin gyi/ /de las gzhan pa'i dbang byas min zhes bshad do/ /de lta bas na bstan bcos la 'jug par bya ba'i phyir brjod par bya ba la sogs pa bstan to/ /'on te rtog pa dang ldan pa rnams kyi 'jug pa ni nges pa ni nges pa nyid las yin zhing/ nges pa yang tshad ma nyid las yin la/ 'dir dgos pa'i tshig 'di ni brjod par bya ba sogs la phyi rol gyi don la tshad ma ma yin te/ de dang de la 'brel pa med pa'i phyir te/ 'di ltar re zhig de'i bdag nyid kyi mtshan nyid kyi 'brel pa ni med de/ shin tu tha dad pa'i phyir ro/ /de las byung ba'i mtshan nyid kyi 'brel pa yang med de/ tshig ni 'dod pa tsam dang rjes su 'brel pa nyid yin pa'i phyir ro/ /tshig 'brel pa med pa'i phyir shes par 'dod pa'i don la shes pa skyed bzhin pa na tshad mar rigs pa yang ma yin te/ ha cang thal bar 'gyur ba'i phyir ro/ /tshig ni brjod par 'dod pa la tshad ma nyid yin mod kyi/ 'on kyang de rtog pa dang ldan pa 'jug pa'i yan lag ni ma yin te/ 'di ltar ji ltar brjod par 'dod pa gang dag yin pa de dag de kho na bzhin du sgrub pa'i dus su byed pa ni ma yin te/ dam bcas na yang bslu ba'i bsam pas rnam pa gzhan du bstan bcos byed pa srid pa'i phyir ro/ /gzhan yang bstan bcos kyi dgos pa tshad ma gzhan gyis rtogs pa gang yin pa de la dgos pa'i ngag nye bar bkod pa don med pa nyid yin te/ de ni tshad ma
- 147b
gzhan kho na las 'jug pa'i phyir ro/ /gang yang bstan bcos kyi dgos pa tshad ma gzhan gyis gnod pa de la yang don med pa gsal rab pa nyid de/ da ni tshad ma gzhan gyis gnod pa nyid kyi phyir 'jug pa mi srid pa'i phyir ro/ /'di gnyi ga yang khas blangs nas brjod kyi/ gang gis 'di dag yod pa'am med par rtogs par 'gyur ba tshu rol mthong ba rnams kyis 'jug pa las sngar dgos pa la sogs pa'i sgrub pa byed pa 'am/ gnod par byed pa'i tshad ma ni cung zad kyang med de/ de ni 'jug pa las rtogs pa yin pa'i phyir ro/ /'on kyang bstan bcos kyi dgos pa la sogs pa ma rtogs pa gang yin pa de la dag 'di brtsam par bya ba yin na/ rtog pa dang ldan pa de yang dag 'di las the tshom nyid skye'i nges pa ni ma yin te/ tshad ma med pa'i phyir ro/ /the tshom de yang dag nye bar bkod pa las sngar yang yod pa'i phyir/ dgos pa la sogs pa'i ngag nye bar bkod pa don med pa ma yin nam zhe na/ de lta bas na 'di la brjod par bya ste/ re zhig rtog pa dang ldan pa rnams kyi 'jug pa ni nges pa nyid las yin zhing zhes smras pa gang yin pa de ni mi bden te/ zhing pa la sogs pa bzhin du the tshom las kyang 'jug pa mthong ba'i phyir ro/ /'di snyam du zhing pa la sogs pa 'byung bar 'gyur ba 'bras bu la the tshom za ba yin med kyi/ 'on kyang de dag la de'i 'bras bu sgrub pa'i nges pa yod pa nyid yin no/ /des na de dag nges pa sngon du 'gro bas 'jug go /snyam du sems na/ de ni yang dag pa nyid ma yin te/ 'dir gang zhig gang gi don du 'jug par 'gyur ro zhes bya ba de tsam zhig skabs bab pa yin no/ /gang gis sgrub par byed pa'i yul la nges pa srid pa'i phyir nges pa sngon du 'gro ba can gyi 'jug par brjod pa zhing pa la sogs sgrub par byed pa'i don du de dag la 'jug pa yang ma yin no/ /'o na ci zhe na/ 'bras bu'i don du de
- 148a
dag de la 'jug la/ 'bras bu de la gegs byed pa la sogs pa srid pa'i phyir nges pa yod pa ma yin no/ /de lta bas na de dag the tshom sngon du 'gro ba nyid kyis 'jug pa yin no/ /yang dang po'i 'jug pa ni sgrub par byed pa nges pa'i don du 'jug pa gang yin pa de la yang sgrub par byed pa nges pa med de/ de'i don nyid kyi phyir de la 'jug pa'i phyir ro/ /gzhan yang de dag gi sgrub par byed pa nges pa yang 'byung bar 'gyur ba'i 'bras bu la bltos nas 'di 'bras bu ma 'ongs pa rnam pa de lta bu gdon mi za bar sgrub par 'gyur ba yin no zhes de lta bu'i ngo bo yin pa 'am/ yang na gegs byed pa dang lhan cig byed pa ma tshang ba med pa yin na gdon mi za bar 'di mngon par 'dod pa'i 'bras bu bsgrub par nus pa de lta bu'i ngo bo yin grang/ de la re zhig dang po ni rigs pa'i ngo bo ma yin te/ lhan cig byed pa ma tshang ba dang gegs byed pa nye bar srid pa'i phyir 'ga' zhig dmigs kyang sa lu la sogs pa rnam pa de lta bu'i 'bras bu ma 'ongs pa la sgrub pa mi byed par mthong bas/ thams cad du dogs pa mi ldog pa'i phyir te/ tshogs pa'i 'bras bu nus pa rnams/ /'gyur pa dang 'brel 'bras bu la/ /ma nges pa ni nyid yin te/ /gegs byed pa dag srid phyir ro/ /zhes gang bshad pa yin no/ /ci ste gnyis pa'o zhe na/ de'i tshe 'di ni chos rigs pa ma yin te/ tshad ma mngon du 'gro ba can gyi 'jug pa thams cad ni de lta bu'i ngo bo yin pa'i phyir ro/ /de nyid kyi phyir slob dpon gyis/ 'di'i rung ba nyid ni gegs byed pa med na'o/ /zhes de ltar rung ba nyid rjes su dpag pa la khyad par smras pa yin no/ /'on kyang 'bras bu yang tshul 'dis nges pa'i phyir sgrub par byed pa nyid ni ma yin no/ /de lta bu'i 'jug pa la don dam pa'i 'bras bu nges pa mngon 'gro ba can gyi 'jug pa 'grub pa yang
- 148b
ma yin te/ tshu rol mthong ba rnams kyis gegs byed pa la sogs pa med pa nyid nges par mi nus pa'i phyir ro/ /'di snyam du don dam par gegs byed pa med par nges par mi nus mod kyi/ 'on kyang gal te gegs byed pa med pa yin na/ de'i tshe nges pa kho nar 'di las 'bras bu thob par nges pa yin no zhes bya ba rnam pa de lta bu nges pa tshad ma sngon du 'gro ba can gyis 'jug pa la yod pa nyid yin gyi/ tshad ma ma yin pa sngon du 'gro ba can la ni yod pa ni ma yin no/ /de lta ma yin na tshad ma dang tshad ma ma yin pa sngon du 'gro ba can dag gi 'jug pa la khyad par med par 'gyur ro/ /rnam pa de lta bu'i nges pa de yang tshig las phyi rol gyi don la 'byung bar mi 'gyur pa kho na ste/ de dang de la 'brel pa med pas tshad ma ma yin pa'i phyir ro snyam du sems na 'di ni bden te/ 'on kyang gal te tshig las rtog pa dang ldan pa 'ga' zhig 'jug pa med pa de grub pa yin na de'i tshe de thams cad 'gyur ba yin no/ /ji tsam du mngon sum du ma gyur pa'i 'bras bu la 'ga' zhig gi 'jug pa dang ldog pa'i phan yon chen po dang/ ngan song dag thos pa'i phyir lung gi tshad ma la ma brten par gnas mi nus pa 'ga' zhig dag tshig gis 'jug pa mthong ngo/ /de tsam gyis ni de dag rtog pa dang ldan pa las nyams pa yang ma yin te/ thabs khyad par can gyis 'jug pa'i phyir ro/ /gang gi phyir lung las ma gtogs pa'i shin tu lkog tu gyur pa'i don gyi yul la 'jug pa'i thabs gzhan yod pa ma yin te/ lung las gdon mi za bar 'jug par bya ba yin pa'i phyir ro/ /'gal ba'i lung yongs su 'dzin par byed pa na rtog pa dang mi ldan par 'gyur gyi/ gnod pa med pa'i lung la brten nas 'jug pa ni ji ltar rtog pa dang mi ldan par 'gyur te/ de nyid yang dag pa'i thabs yin pa'i phyir ro/ /lung
- 149a
khyad par du 'phags pa'i skyes bus byas pa nyid kyis don ji lta ba bzhin nges par bzung nas de la nges pa nyid kyis 'jug pa yin no zhes kyang brjod par mi rigs te/ khyad par du 'phags pa'i skyes bu nyid tshu rol mthong ba rnams kyis nges par mi nus pa'i phyir ro/ /rtog pa dang ldan pa yin na yang lung las mi 'jug pa yang ma yin du 'di la yang gnod pa med pa'i dgos pa la sogs pa'i tshig thos pa las bstan bcos la 'jug pa rnams ni rtog pa dang mi ldan pa mi 'gyur te/ thabs nyid kyis 'jug pa'i phyir ro/ /'di la 'jug pa'i thabs gzhan yod pa ma yin te/ 'jug pa las sngar bstan bcos kyi don shin tu lkog tu gyur pa'i phyir ro/ /tshig ni brjod par 'dod pa la tshad ma yin zhes bya ba la sogs pa smras pa gang yin pa de yang snying po med de/ gang gi phyir ji ltar brjod par 'dod pa'i don la bstan bcos kyis mthar phyin par dmigs so/ /de bzhin du 'di la yang res 'ga' ji lta ba bzhin du dam bcas pa'i don mthar phyin par 'gyur ba yin no snyam du rig nas rtog pa dang ldan pa 'jug pa gang gis bzlog par med par dogs pas bzlog par rigs pa yang ma yin te/ don la the tshom za ba las kyang 'jug pa'i phyir ro/ /gzhan du na tshad ma sngon du 'gro ba can gyi 'jug pa la yang 'bras bu med par dogs pa srid pa'i phyir su yang 'jug par mi 'gyur ro/ /gnod pa thob pa'i dogs pas kyang mi 'jug pa ma yin te/ bstan bcos las mi 'dod pa'i 'bras bu thob pa mi srid pa'i phyir ro/ /mngon par 'dod pa'i 'bras bu mi 'thob pa'i mtshan nyid kyi gnod pa thob par dogs pa yin no zhes kyang brjod par mi nus te/ de ni 'jug pa thams cad la mtshungs pa nyid kyi phyir ro/ /gang yang bstan bcos kyi dgos
- 149b
pa la sogs pa ma rtog pa gang yin pa de la dag 'di brtsam par bya ba yin no zhes gang smras pa kho bo cag kyang de skad du smra'o/ /'on kyang skyes bu de'i the tshom ni dgos pa'i dag nye bar bkod pa las gang yang yod mod kyi/ de ni ci 'di dgos pa dang bcas pa yin nam/ 'on te ma yin zhes de ni dgos pa'i spyi la yin no/ /dgos pa tsam la the tshom za ba las 'jug par rigs pa yang ma yin te/ thams cad la 'jug pa nyid du thal bar 'gyur ba'i phyir dang/ dgos pa tsam yang don du gnyer bar bya ba ma yin pa'i phyir ro/ /'on kyang so sor nges pa'i sgrub pa'i thabs nye bar len pa'i rgyu dgos pa'i khyad par gyi yul can gyi the tshom las 'jug pa mthong ste/ sgrub pa don du gnyer ba rnams 'ga' zhig kho na la 'jug pa ni dgos pa'i khyad par 'dod pa nyid yin pa'i phyir ro/ /gang gis bstan bcos yongs su spangs nas so sor nges pa'i bstan bcos yongs su 'dzin par byed pa dgos pa'i tshigs las sngar dgos pa'i khyad par gyi yul la the tshom skyed pa'i rgyu 'ga' zhig yod pa yang ma yin no/ /'on te dgos pa'i khyad par don du gnyer ba nyid kyi skyes bu dgos pa'i khyad par la the tshom skye ba'i rgyu sngar yod pa nyid ma yin nam/ 'di ltar dgos pa'i khyad par don du gnyer ba'i yid dang ldan pa ches dang por ci 'di kho bo cag gis mngon par 'dod pa'i dgos pas dgos pa dang bcas pa yin nam/ ci ste gzhan gyis dgos pa dang bcas sam/ 'on te dgos pa med pa yin zhes de lta bur 'gyur ba nyid yin te/ de'i sgrub par byed pa dang gnod par byed pa'i tshad ma med na de rigs pas thob pa nyid yin pa'i phyir dang/ dgos pa'i khyad par ston par byed pa'i bstan bcos gzhan dmigs pa'i phyir ro/ /des na dgos pa'i khyad par gyi yul la the tshom sngar yang yod pa nyid yin pa'i phyir dgos pa'i tshig nye bar bkod pa don med pa
- 150a
yin no zhe na/ de ni yod pa ma yin te/ dgos pa'i khyad par don du gnyer ba yang the tshom gyis khyad par gyi rgyu 'gyur ba yin mod kyi/ 'on kyang de thams cad la mngon sum du 'gyur ba ni ma yin te/ skyes bu'i don la mi mkhas pa rmongs pa'i blo can kha cig la mngon du mi 'gyur ba'i phyir te/ 'di ltar thar pa ni skyes bu'i don mchog nyid du grub mod kyi/ ci ste yang gang dag mi mkhas pa kha cig skyes bu'i don gyi mchog de la skyes bu'i don nyid du mi shes pa yod de de la sngar dang po nyid du don gnyer bar mi 'gyur ro/ /dgos pa'i khyad par 'dod pa mngon du ma gyur pa rnams ni dgos pa'i khyad par gyi yul la the tshom skyes pa'i rgyur rigs pa yang ma yin te/ 'bras bu rnams ni rgyu yod pa la rag pas pa'i phyir ro/ /'ga' zhig gi mngon sum du 'gyur ba yin mod kyi/ 'on kyang sgrub par byed pa? gzhan spangs nas so sor nges pa'i sgrub pa nye bar len pa'i rgyu the tshom gyi khyad par gyi rgyur mi 'gyur ro/ /thams cad sgrub par byed pa dang/ gnod par byed pa'i tshad ma med pas de'i rgyu nyid du rigs pas thob pa'i phyir ro/ /de tsam gyis 'jug par rigs pa yang ma yin te/ thams cad la 'jug par thal bar 'gyur ba'i phyir ro/ /'ga' zhig gis kyang thams cad du 'jug par mi nus pa de'i phyir 'bras bu'i khyad par don du gnyer ba rnams kyis kyang so sor nges pa'i sgrub par byed pa yongs su 'dzin pa'i rgyu mtshan med pas yal bar 'dor bar bya'o/ /de'i phyir so sor nges pa'i sgrub pa yongs su 'dzin pa'i rgyu dgos pa'i khyad par gyi yul la the tshom skyes pa'i phyir shin tu lkog tu gyur pa'i don gyi yul la lung byed pa bzhin du 'bras bu'i khyad par don du gnyer ba rnams so sor nges pa'i sgrub pa bzung ba'i phyir dgos
- 150b
pa'i ngag brjod par bya ba nyid yin te/ 'di ltar des ni bstan bcos 'di'i don gyi khyad par bstan gyi gzhan gyi ni ma yin no/ /des na 'dis so sor nges pa'i sgrub pa'i sgrub bya 'bras bu'i khyad par gyi yul can gyi the tshom skye par byed do/ /nyan pa po de yang res 'ga' bdag gi don gyi khyad par 'di bsgrub par 'gyur ro zhes shin tu lkog tu gyur pa'i don la lung gis bskyed pa bzhin du dgos pa'i khyad par gyi yul can dgos pa'i tshig gis bskyed pa'i the tshom las 'jug pa yang yin pa'i phyir des na dgos pa'i dag nye bar bkod pa yin no/ /'di na gdon mi za bar de lta bu yin par shes par bya'o/ /de lta ma yin na shin tu ? gyur pa'i don gyi yul can la lung byed pa yang don med par 'gyur te/ 'bras bu'i khyad par don du gnyer ba rnams ni sgrub par byed pa'ang gnod par byed pa'i tshad ma med par sbyin pa la sogs pa la dang por yang the tshom de yod pa'i phyir ro/ /'on kyang the tshom ni mtho ris la sogs pa'i 'bras bu la mi mkhas pa la mi skye ba nyid de/ de'i rgyur gyur pa'i 'bras bu'i khyad par don du gnyer ba mngon du ma gyur pa'i phyir ro/ /gang dag la skye ba de dag la yang rdo la sogs pa za ba thams cad du yang 'jug pa rgyu nyid du thams cad du thun mong ma yin pa'i phyir ro/ /de yongs su spangs nas sbyin pa la sogs pa so sor nges par yongs su 'dzin pa'i rgyur mi 'gyur ro snyam nas de'i don du lung byed pa po rnams kyis byed pa de bzhin du bstan bcos byed pa rnams kyis dgos pa'i dag kyang bkod pa'i phyir klan ka 'di med do/ /gang gis de dmigs pa'i stobs kyis mngon par 'dod pa'i dgos pa'i khyad par gyi yul la the tshom du gyur pa shes par 'dod pa'i dgos pa'i khyad par ston par byed pa'i bstan bcos gzhan dmigs pa yang ma yin no/ /mngon par 'dod pa'i khyad par sgrub pa'i bstan bcos gzhan
- 151a
srid pa yin na rtog pa dang ldan pa 'ga' zhig bstan bcos gzhan rtsom pa ni ma yin te/ rtog pa dang ldan pa nyid nyams par thal ba'i phyir ro/ /de'i phyir bstan bcos gzhan dmigs ? yang brjod par 'dod pa'i dgos pa'i khyad par la the tshom gyi rgyur mi 'gyur ro/ /de lta bas na nyan pa po'i skye bo 'jug par bya ba'i don du dgos pa la sogs pa'i dag nye bar bkod do zhes bya bar gnas so/ /gang yang nyan pa po'i skye bo 'jug pa'i don du dgos pa la sogs pa brjod pa ni ma yin te/ de las the tshom skye ba'i phyir la/ rtog pa dang ldan pa the tshom gyis 'jug pa mi srid pa'i phyir ro/ /'on kyang gang dgos pa dang bral ba 'am don med pa de ni brtsam par bya ba ma yin te/ dper na bya rog gi so brtag pa dang smyon pa la sogs pa'i tshig bzhin no/ /bstan bcos 'di yang dgos pa dang bral ba yin no/ /des na mnyan pa 'am bya ba brtsam par mi bya'o zhes bya ba de lta bu'i khyab par byed pa mi dmigs pas rtsod par byed pa gang yin pa de'i gtan tshigs ma grub par bstan par bya ba'i don du dang por dgos pa la sogs pa'i dag nye bar bkod pa yin no snyam du sems na/ de ni yang dag pa ma yin pa lta bu mngon te/ the tshom gyis kyang 'jug pa nyid bsgrubs zin pa'i phyir dang/ ma grub par bstan pa mngon pa'i phyir ro/ /gal te pha rol po de tshig 'di las 'jug par 'gyur ba de lta na don dang ldan par 'gyur ro/ /gang gis 'di 'jug par 'gyur ba'i ji tsam du dag 'dis ma grub pa brjod du zin kyang rtog pa dang ldan pa tshig 'di las ji skad du bshad pa'i khyab par byed pa yod pa nyid la nges pa skye ba ma yin te/ snga ma bzhin du tshig tshad ma ma yin pa'i phyir dang/ khyed kyis lugs kyis the tshom gyis kyang rtog pa sngon du gtong ba 'jug pa mi srid pa'i phyir ro/ /de'i phyir
- 151b
ma grub pa bstan pa 'bras bu med pa nyid yin no/ /rtog pa dang ldan pa 'ga' zhig bstan bcos kyi lung mi shes pa blo bur du khyab par byed pa med pa nges te/ gong gi rigs pa 'dis phyir rgol ba gzhan pa yang ma yin no/ /gang gi de dag 'jug pa'i don du ma grub pa brjod par bya bar 'gyur ba de la phyir rgol ba 'god pa'i phyir rang nyid kyis bstan bcos kyi dgos pa shes pa yang bstan bcos byed par rtsom pa'am/ nyan pa po rtog pa sngon du gtong ba rgyu mtshan med pa'i phyir rgol lan gdab rin mi mchog gi dag las ldog pa yang ma yin no/ /ci ste yang rtog pa mngon du mi gtong ba gang yin pa de blo bur rgyu mtshan dang bcas par yang ji skad du bshad pa'i khyab par byed pa med pa len cing gzhan dag kyang len du 'jug /de'i phyir de la ma grub par bstan par bya'o snyam na/ de yang mi rigs te gal te de dag de dag bstan bcos la 'jug pa'i yan lag ma yin pa de'i tshe de la ma grub pa bstan pa dgos pa med pa nyid de/ de lta ma yin na ha cang thal bar 'gyur ro/ /'di ltar kha cig 'brel pa med pa ches mang du smra ba yang yod/ de dag la yang mi rigs pa brjod pa nyid bstan par bya ba'i phyir bstan bcos la 'jug pa'i nye bar mi kho ba ches mang po dag kyang brjod par bya dgos par 'gyur ro/ /de lta bas na gdon mi za bar bstan bcos brtsam pa la gtan tshigs ma grub par bstan pa 'di ni 'bras bu med pa dang/ ha cang thal bar 'gyur du 'ongs pas de ltar na 'bras bu ni nyan pa'i skye bo 'jug pa nyid yin par brjod par bya'o/ /de lta bas na gang yang khyab par byed pa mi dmigs pas mi rtsod pa dang/ dgos pa ma thob pa mi 'jug pa de ci'i phyir don dang bcas par mi 'gyur te/ ji skad du sngar bstan pa bzhin no/ /de lta bas na nyan pa po'i skye bo 'jug pa'i don du brjod par bya ba la sogs pa bstan to zhes bya
- 152a
bar gnas so/ /rang gi don du yang ma yin te/ de las rang nyid mi 'jug pa'i phyir ro/ /de lta ma yin na smyon pa'i smre sngags la sogs pa bzhin du 'brel pa med par kho nar 'gyur ro/ /gang yang slob dpon gyis rigs pa'i thigs pas rang nyid kyang de ltar rtogs par 'gyur zhes bsams nas/ rang gi don gyi rjes su dpag pa la yang sbyor ba 'di yin no zhes bshad pa de yang phyi rol gyi sbyor ba'i dbang du byas pa ma yin no/ /'o na ci zhe na/ nang du brjod pa'i bdag nyid kho na yin te/ rang gi don gyi rjes su dpag pa ni shes pa'i bdag nyid yin pa'i phyir ro/ /gang yang skye bo phal cher phal la chags shing zhes bya ba la sogs pa bshad pa de yang gzhan dag phrag dog la sogs pa'i dri mas nyams pas yid can snod du bya ba'i phyir bshad pa yin te/ spros pas chog go /ston pa la mchod par byed pa legs pa thams cad thob pa'i rgyu bcom ldan 'das la dad pa skyed pa'i don du ste/ 'di ltar yon tan brjod pa'i sgo nas mchod pa byas pa 'dis bcom ldan 'das kyi che ba'i bdag nyid khyad par du 'phags pa dang ldan par ston par byed do/ /de thos nas kyang re zhig dang ba'i rjes su 'brang ba rnams ni the tshom med par myur du bcom ldan 'das la dang ba skye'o/ /dad yang chos kyi rjes su 'brang ba de dag kyang de lta bu lta gnod pa ma mthong ste/ shes rab la sogs pa'i yon tan goms pas khyad par du 'phags par 'gyur ba dang/ 'chad par 'gyur ba'i dbang po las 'das pa'i don du sgrub par byed pa'i tshad mas rnam pa de lta bu'i mkhas par 'gro ba ni srid par nges so snyam du nges par bzung nas bcom ldan 'das la dang bskyed par byed pa nyid yin no/ /de la dang bas kyang de'i yon tan mngon par 'dod pa rnams de'i gsung rab
- 152b
dang/ de la brten pa'i bstan bcos la sogs pa la brtag pa sngon du 'gro bas 'dzin pa la sogs pa'i don du gus par byed do/ /de las thos pa las byung ba la sogs pa'i shes rab skye ba'i rim gyis legs pa'i mchog thob pa'i bar du 'gyur ba'i phyir chen po dag la dad pa ni legs pa thams cad thob pa'i rgyu'i gtso bo yin no/ /de nyid kyi phyir bstan bcos byed pa phal cher ston pa po rab tu grags pa la brten nas bstan bcos byed pa la bstan bcos kyi dang por re zhig rang gi ston pa la mchod pa byed pa yin te/ de ni de la 'jug pa'i yan lag gi cha tsam yod pa'i phyir ro/ /de nyid kyi phyir bstan bcos byed par 'dod pas rang gi ston pa'i che ba'i bdag nyid shes par bya ba'i phyir de la phyag 'tshal brtsom mo zhes bshad do/ /de ni ston pa la mchod par byed pa ni don med pa ma yin no/ /de la phyag 'tshal nas zhes bya ba'i bar gyi ni ston pa la mchod par brjod pa bstan to/ /de kho na nyid bsdu ba bya zhes pa 'di ni brjod par bya ba dang/ dgos pa gnyis bstan te/ 'di ltar bstan bcos 'di'i brjod par bya ba ni rang bzhin la sogs pa'i byed pa dang bral ba'i de kho na nyid la sogs pa'i rten cing 'brel par 'byung ba'i khyad par gyi mtshan nyid kyi de kho na la sogs pa'i byed pa dang bral ba nyid yin no/ /de dag kyang de kho na nyid kyi sgras shugs kyis bstan pa kho na ste/ gzhan dag ni de kho na nyid du mi 'thad pa'i phyir ro/ /'on te dag nyid brjod par bya ba dang ldan pa yin gyi gzhan ni ma yin no zhes rigs pa ma yin nam/ bstan bcos mdza' dag ni dag ma yin gyi/ 'on kyang dag gi tshogs yin no/ /des na 'di la brjod par bya ba ga la srid ce na/ de ni yod pa ma yin te/ dag tshogs pa'i bdag nyid bstan bcos yin mod kyi/ 'on kyang dag de dag
- 153a
phan tshun bltos nas 'brel bar gnas te/ de lta ma yin na smyon pa la sogs pa'i tshig gi tshogs bzhin du don 'brel ba med pa nyid du 'gyur ro/ /de lta bas na phan tshun 'brel pa can sgra du ma tshogs pa'i bdag nyid yin pa'i phyir de las gzhan pa'i dag bzhin du bstan bcos ni dag nyid yin no/ /tshig kho nas dag bcom pa yang ma yin gyi/ 'on kyang ngag gis kyang rtsom pa yin pa de bas na bstan bcos ni ngag chen po yin pa'i phyir brjod par bya ba dang ldan pa yin pa'i phyir klan ka med do/ /dgos pa ni bsdus pa'i tshig gis bstan te/ 'di ltar bstan bcos la 'jug par 'dod pa rnams kyis dgos pa nye bar bstan pa na de ltar gtogs pa nyid bstan par bya ba'i/ gzhan du gtogs pa ni ma yin no/ /de lta ma yin na smra ba po 'brel pa med pa brjod pa nyid du 'gyur ro/ /smra ba po bstan bcos la sogs pa'i dgos pa brjod pa yang bstan bcos la gzhan dag gzhug bar 'dod pas yin gyi zhes pas ni ma yin no/ /ji ltar na gzhan dag dgos pa bstan pas bstan bcos la 'jug par 'gyur ba/ gal te der gtogs pa nyid kyi dgos pa brjod pa yin gyi gzhan du gtogs pas ni ma yin no/ /gang gi phyir gzhan gyi dgos pa brjod pas rtogs pa dang ldan pa gzhan la 'jug pa ni ma yin no/ /khyad par can gyi don ston par nus pa'i tshig ni bstan bcos su brjod kyi brjod par bya ba rtsam yang ston pa lhur len pa ni ma yin la/ sgra tsam don ston pa'i nus pas stong pa yang ma yin no// de lta bas na brjod par bya ba la sogs par gtogs pa'i dgos pa ni bstan par bya ba ma yin no/ /gang yang slob dpon gyis yang dag pa'i shes pa ni skyes bu'i don thams cad 'grub pa'i sngon du 'gro ba can yin pas
- 153b
na zhes gang bstan pa de ni dgos pa bstan pa yin gyi brjod par bya ba'i dgos pa ni ma yin te/ yang dag pa'i shes pa rtogs pa nyid yang dag pa'i shes pa'i sgrar brjod par 'dod pa'i phyir te/ yang dag pa'i shes pa rtogs pa sngon du 'gro ba can zhes bya ba'i don to/ de lta yin dang de bstan to zhes bya ba 'di ni dgos pa brjod pa'i don du 'brel ba yin gyi/ de lta ma yin na 'brel pa med pa nyid du 'gyur ro/ /bstan bcos kyi dgos pa de yang rnam pa gsum ste/ bya ba'i ngo bo dang/ bya ba'i 'bras bu dang/ bya ba'i 'bras bu'i 'bras bu'o 'di ltar pha rol rtog par bya ba'i don du brtsams pa'i bstan bcos ni byed pa nyid dam byed pa po nyid du 'gyur te/ byed pa po dang byed pa dag kyang sgrub par byed pa yin pa'i phyir ji skad du bshad pa'i dgos pa las ma gtogs pa'i dgos pa ni yod pa ma yin te/ sgrub par byed pa ni bya ba la bltos pa'i phyir dang/ bya ba la sogs pa rnam pa gsum po de med na mi 'byung ba'i phyir de dgos pa nyid du rigs la/ dngos dang brgyud pas byas pa'i khyad par ni yod do/ /bya ba rtsom pa ni de'i don du yin pa'i phyir dgos pa ni 'bras bu de'i gtso bo yin no/ /de la ngag thams cad rang gi brjod par bya ba ston par byed pa'i mtshan nyid kyi bya ba ni thun mong ba yin no/ /de yang shin tu grags pa'i phyir dgos pa nyid du bstan par bya ba ma yin te/ de ni bstan bcos la 'khrul pa med pa'i phyir ro/ /gal te brjod par bya ba med par dogs pa bsal ba'i bstan par bya ba yin no zhe na/ ma yin te/ brjod par bya ba bstan pa nyid kyis dogs pa bsal zin pa'i phyir ro/ /brjod par bya ba'i khyad par bstan par 'dod pa'i don du de bstan pa yang ma yin te/ brjod par bya ba'i khyad par bstan pa nyid kyis de bstan zin pa'i phyir ro/ /de lta bas na gang thun mong ma yin pa'i bya ba de bstan par bya'o/ /de kho na nyid bsdu ba'i mtshan nyid de yang bstan bcos 'di
- 154a
la yod pa nyid yin no/ /gang gi phyir bstan bcos 'dis de kho na nyid de dag de dang der 'thor ba rnams nyan pa po'i blo gcig la 'god pa'i mtshan nyid kyi bsdu ba byed pa yin no/ /de'i phyir de nyid bsdu ba'i sgras bstan pa yin no/ /de kho na nyid bsdus pa'i bya ba 'di'i 'bras bu bstan par bya ba'i rgyud du gtogs pa'i de kho na nyid bde blag tu rtogs pa yin te/ de yang bsdus pa'i sgra gsal bar byas pa nyid yin no/ /de kho na nyid gcig tu bsdus pa ni rtogs pa pos bde blag du rtogs par 'gyur gyi/ rnam par 'thor ba ni dka' bas 'dzin pa'i phyir bde blag tu 'dzin pa'i rgyur bsdus pa'i sgras bsdus pa ston pa na de kho na nyid bde blag du rtogs par bya ba'i don du 'di brtsams so zhes bstan pa yin no/ /de kho na nyid rtogs pa tsam ni 'di'i 'bras bu ma yin no/ /de lta na ni sngon gyi slob dpon ngag gis de kho na nyid bstan zin pa'i phyir ro/ bstan bcos byed pa don med pa 'gyur ro/ /de'i phyir pha rol rjes su 'dzin pa khyad par can med pa'i phyir dang/ bstan bcos kyang gzhan gyi don du yin pa'i phyir ro/ /de'i phyir sngon gyi slob dpon rnams kyis de kho na nyid bstan zin na yang blo dman pas shin tu 'thor ba nyid kyis bde blag tu bzung bar mi nus pa gang yin pa de la bde blag du gzung bar bya ba'i phyir de kho na nyid bsdus pa rtsom pa ni 'bras bu med pa ma yin par 'dod do/ /snyam du bsams nas bstan bcos 'di brtsams so/ /de nyid kyi phyir de kho na nyid bsdus pa'i zhes bshad kyi/ gzhan du na de nyid gtan la dbab pa bya zhes de skad du bstan par bya bar 'gyur ro/ /de ltar na brjod par 'dod pa'i don ji lta ba bzhin gsal por bstan par 'gyur ro/ /de lta bas na bsdu ba byed pa'i 'bras bu ni de kho na nyid bde blag du rtogs pa de'i yang dgos pa ni yun mi ring bas
- 154b
mngon par mtho ba dang nges par legs pa thob pa yin no/ /de yang rab tu grags pa'i phyir ma brjod de/ de kho na nyid shes pa las mngon par mtho ba dang nges par legs pa 'thob par 'gyur ro/ /zhes bya ba ni thams cad yod par smra ba rnams la grags pa'i phyir ro/ /yang na 'gro la phan pa mdzad bzhed pas zhes bya ba'i 'og tu de yang bstan pa yin no/ /'di lta ste de gang gi don du zhe na/ 'gro la phan pa mdzad bzhed pas/ de kho na nyid bsdu ba bya zhes bya ba 'byung ngo/ /ji ltar de kho na nyid bsdu ba'i bya ba 'gro la phan pa'i rgyur 'gyur zhe na/ gal te 'gro la phan pa sgrub pa ni de kho na nyid bsdu ba'i 'bras bu yin na 'gyur te/ dper na sgom pas chu lon cig ces bya ba 'di la chu 'thung ba de ni len pa'i 'bras bu yin par rtogs pa de bzhin du 'di la yang ngo/ /de'i phyir 'gro ba la phan pa bsgrub pa'i don du de kho na nyid bsdus pa bya'o zhes bya ba'i don du gnas so/ /dgos pa 'di la ni rjes su mthun pa'i thabs can du bstan pa yin te/ 'di ltar mngon par mtho ba dang nges par legs par thob pa ni 'gro la phan par brjod la/ de'i rgyu ni phyin ci ma log pa yin te/ kun nas nyon mongs pa thams cad kyi rtsa ba ni phyin ci log yin pa'i phyir dang/ 'gro ba la phan pa'i yang kun nas nyon mongs pa las bzlog pa yin pa'i phyir ro/ /de'i phyir de'i rgyu las bzlog pa 'di'i rgyu yin par gnas so/ /phyin ci ma log pa yang las dang 'bras bu'i 'brel pa ji lta ba bzhin du yid ches pa dang/ gang zag dang chos la bdag med par phyin ci ma log par rtogs pa yin te/ de yang rten cing 'brel par 'byung ba phyin ci ma log par ston par byed pa'i bstan bcos 'di las thos pa dang bsam pa dang bsgom pa'i rim gyis 'byung ba'i phyir/ des na de kho na nyid bsdu ba'i bya bas 'gro ba la phan pa yang sgrub pa
- 155a
yin no zhes bya ba yang khong du chud do/ /mngon par mtho ba dang nges par legs par thob pa yin na mngon par 'dod pa'i don yongs su rdzogs pas skyes bu'i 'dod pa chad pa'i phyir de las gong du dgos pa gzhan btsal bar bya ba ma yin pa'i phyir dgos pa yongs su ma rdzogs pa ma yin no/ /'brel pa yang 'bras bu med pa'i phyir brjod par bya ba dang dgos pa dag las legs shig tu bstan par bya ba ma yin te/ 'di ltar de ston pa na bstan bcos dang dgos pa gnyis bsgrub par bya ba dang sgrub par byed pa'i ngo bo'i mtshan nyid bstan par bya ba yin gyi/ gzhan bla ma brgyud pa'i rim pa la sogs pa'i mtshan nyid ni ma yin te/ de ni don la 'jug pa'i lan lag ma yin pa'i phyir ro/ /bsgrub par bya ba dang sgrub par byed pa'i ngo bo de yang dgos pa brjod pa nyid kyis bstan te/ 'di ltar 'di ni 'di'i dgos pa yin no zhes bstan pa na 'di ni 'di'i sgrub par byed pa yin no zhes bstan par 'gyur ro/ /gang zhig sgrub par byed pa ma yin pa de ni de'i dgos pa ma yin te/ ha cang thal ba'i phyir ro/ /de lta bas na shugs kyis thob pa'i phyir 'di'i brjod par bya ba dang dgos pa dag las logs shig tu brjod par mi bya'o/ /gang zhig gang brjod pa na yang mi rtogs pa ni dper na brjod par bya ba dang dgos pa gnyis gang yang rung ba brjod kyang cig shos mi rtogs pa yin pa ltar de de las logs shig du bstan par 'os so/ /gang gi phyir dgos pa brjod kyang ji skad du bstan pa'i 'brel ba mi rtogs pa ni mi srid pa'i phyir/ brjod par bya ba dang dgos pa gnyis kho na brjod par bya ?? la sogs pa 'di dag kyang/ kho bo cag gis dag gi don du rnam par ma phye'i/ 'on kyang ngag las de'i don du cha shas bsdus nas phye ba yin no/ /ngag gi don ni ji skad du bshad pa'i bsdu ba byed pa nyid yin no
- 155b
yang na brjod par bya ba la sogs pa phal par gyur pa yang dag 'di las rtogs par bya ba yin pa'i phyir ngag gi don nyid du yang 'gal ba med pa nyid do/ /ngag gtso bos don du ma rjod par byed pa ni 'gal gyi/ gtso bo dang phal pa'i ngo bos ni ma yin no/ /ci ste yon tan gyi tshogs dpag tu med pa'i rten bcom ldan 'das la ci'i phyir rten cing 'brel par 'byung ba ston pa kho nas bstod pa brjod ce na/ glan ka 'di ni med de/ thams cad du brtag ba mtshungs pa'i phyir dang/ yon tan dpag tu med pa brjod pa nyid kyi mchod par bya bar yang mi nus pa'i phyir ro/ /yon tan gyi phyogs gcig brjod pa nyid kyis brjod do/ /des na rten cing 'brel par 'byung ba ston pa nyid kyis de brjod pa 'am/ yang na rnam pa gzhan du yin pa'i phyir khyad par cung zad kyang med do// de lta na yang khyad par brjod pa/ 'di ltar yon tan phun sum tshogs pa yang dag pa'i lta ba dang ldan pa'i phyir 'gro ba mngon par mtho ba dang nges par legs pa thob par mdzad pa'i phyir bcom ldan 'das ston pa yin no/ /de nyid mngon par mtho ba dang nges par legs pa don du gnyer ba rnams bcom ldan 'das la skyabs su 'gro ba la sogs pa'i rgyur brjod par bya'o/ /rten cing 'brel par 'byung ba ston pa nyid kyis kyang bcom ldan 'das mngon par mtho ba la sogs pa thob par mdzad pa yin te/ 'di ltar rten cing 'brel par 'byung ba phyin ci ma logs par ston pa'i phyir/ de'i don nges par gzung ba la bde 'gro'i rgyu las dang 'bras bu phyin ci ma log pa la yid ches pa skye zhing nges par legs pa'i rgyu gang zag dang chos la bdag med par rtogs pa yang thos pa dang bsams pa dang sgom pa'i rim gyis skye'o/ /de skyes na yang 'khor ba'i rgyu ma rig pa ldog go /de log na yang de'i rtsa ba can nyon mongs pa dang/ shes bya'i sgrib pa mdza' dag ldog pa'i phyir/ sgrib pa thams
- 156a
cad dang bral bas byang grol thob par 'gyur ro/ /des na rten cing 'brel par 'byung ba ston pa'i bcom ldan 'das kyi gsung mngon par mtho ba la sogs pa 'thob par mdzad pa'i rin po che 'di ni gtso bo yin pa'i phyir/ rten cing 'brel par 'byung ba phyin ci ma log pa brjod pa nyid kyis bcom ldan 'das la bstod pa brjod do/ /rten cing 'brel par 'byung ba de yang gzhan dag gis mi mthun pa'i rgyu dang tshad ma dang 'gal ba'i dngos po la brten pa 'dod de/ de lta bas na de bsal ba'i sgo nas bcom ldan 'das kyis ji lta ba bzhin du gsang ba yin no zhes bstan pa'i don dang/ 'chad pa'i 'gyur ba'i bstan bcos mdza' dag gis brjod par bya ba'i don de kho na nyid bsdus pa'i phyir ji skad du bshad pa'i rten cing 'brel bar 'byung ba khyad par mang po rnams bzung ba yin no zhes bya ba ni spyi'i don to/ /yan lag gi don brjod par bya ste/ de la gang gis rten cing 'brel par 'byung ba zhes bya ba ni rang bzhin dbang dang gnyis ka dang/ bdag sogs bya ba dang bral ba zhes bya ba la sogs pa thams cad du sbyar bya'o/ /de la gang gis zhes bya ba la sogs pa la gang zhes bya ba spyir brjod du zin kyang sangs rgyas bcom ldan 'das la 'jug ste /gzhan la ji skad du bshad pa'i yon tan mi srid pa'i phyir ro/ /rten cing 'brel par 'byung ba zhes bya ba ni rgyu dang rkyen la brten nas de yang dag par brten nas phung po la sogs pa rnams kyi skye ba gang yin pa de ni rten cing 'brel par 'byung ba'o/ /ji skad du rgyu dang rkyen gyis stobs kyis bskyed pa'i phung po la sogs pa gang gis gsungs pa zhes bstan pa yin no 'byung ba zhes bya ba tha dad pa lta bur bstan pa yin mod kyi/ 'on kyang rten rten cing
- 156b
'brel bar 'byung ba'i dngos po nyid khyad par gzhan spongs pa tsam shes par 'dod pa la de skad du bstan to/ /yang na 'byung bar byed pas 'byung ba ste/ kretya lyaDau bar ba hu laM zhes bya bar ba hu la zhes 'byung bas byed pa po'i rkyen g+ha yin no/ /de nas pra ti tya'i sgra dang bsdu ba bya ste/ supsu po? yu rA b+hyAM la kal sogs pa nyid byung ba'i phyir ro/ /yang na bsdu ba med pa kho na yin no/ /de ltar na sngar ni med pa kho na yin pas ma byas la/ phyi ni dgos sam sems nas bcug go/ rang bzhin ni grangs can gyis kun tu brtags pa'i rdul dang mun pa dang/ snying stobs kyi rang bzhin te/ gtso bo'o/ /dbang ni dbang phyug go/ gnyi ga ni de dag kho na gnyis so/ /bdag ni 'byin pa dang sdud bar byed pa'i skyes bu ste/ de las gzhan yang 'khor ba yin no/ /sogs pa smos pas dus la sogs pas bzung ste/ de dag gi bya ba ni rgyu'i ngo bo'o/ /de dang bral ba ni de'i bya bas stong pa zhes bya ba'i don to/ /de la 'di ni bcom ldan 'das kyis myu gu de yang rang nyid kyis byas pa ma yin/ gzhan gyis byas pa ma yin/ gnyi gas byas pa ma yin/ dbang phyug gis sbrul pa ma yin/ dus spongs su gyur pa ma yin/ rang bzhin las byung ba ma yin/ rgyu gcig la rag las pa ma yin/ rgyu med pa las skye ba yang ma yin no zhes gsungs so/ /'dis ni gtso bo dang/ dbang phyug dang/ gnyi ga'i rgyu can dang/ sgra'i tshangs pa dang/ bdag brtag pa rnams bstan to/ /ci ste de lta bur gyur pa'i rten cing 'brel par 'byung ba de ci skad cig ma ma yin par gsungs sam zhe na/ ma yin no zhes smras pa/ g.yo ba ste/ g.yo ba zhes bya ba ni mi brtan pa skad cig ma zhes bya ba'i tha tshig ste/ gzhan la ni g.yo ba nyid mi rung pa'i phyir ro snyam du bsams pa yin no/ /de la 'di ni bcom ldan 'das kyis/ 'dus byas thams cad skad cig ma/ /mi gnas bya ba
- 157a
gal yod/ /'di dag 'byung ba de nyid ni/ /bya ba de nyid byed par brjod/ ces gsungs so/ /'dis ni brtan pa'i dngos po brtag pa bstan to/ /gal te de lta na rten cing 'brel par 'byung ba la brten nas las dang 'bras bu'i 'brel pa la sogs pa'i rnam par bzhag pa thob par mi 'gyur te/ g.yo ba'i phyir ro zhe na/ de'i phyir las dang zhes bya ba la sogs pa smos te/ 'di yang phyis ston par 'gyur ro snyam du bsams pa'o/ /de la las ni dge ba dang mi dge ba'o/ /de'i 'bras bu ni 'dod pa dang mi 'dod pa'o/ /de dag gi 'brel pa ni bskyed par bya ba dang skyed par byed pa'i ngo bo'i mtshan nyid do/ /de'i rnam par bzhag pa ni yang dag par gnas pa dang/ tha snyad ces bya ba'i tha tshig go /sogs pa'i sgras ni dran pa dang/ ngo shes pa dang/ the tshom dang/ nges pa dang/ rang gis gtams pa len pa dang/ don mthong ba la ngo mtshar dang bral ba dang/ rgyu dang 'bras bu'i dngos po dang/ de rtogs par byed pa'i tshad ma dang/ bcing ba dang thar pa la sogs pa'i rnam par bzhag pa gzung ngo/ /de dag gi rten zhes tshig rnam par sbyar ro/ /de la bcom ldan 'das kyis/ kye dge slong dag 'di la las yod do/ /'bras bu yod do/ /gang chos su brdar btags pa ma gtogs pa phung po 'di 'dor zhing phung po gzhan nye bar len pa'i byed pa po ni mi dmigs so/ /de la chos su brdar btags pa ni 'di yin te/ 'di lta ste/ 'di yod na 'di 'byung zhes bya ba la sogs pa gsungs so/ /'dis ni las 'bras bu'i 'brel pa brtag pa bstan to/ /rten cing 'brel par 'byung ba 'di yang phung po dang/ khams dang/ skye mched rnams su yang blta bar bya ste/ de dag nyid rten nas byung ba yin pa'i phyir ro/ /'on te rdzas dang/ yon tan dang las la sogs pa'i dngos po yang yod pa ma yin nas/ de dag ci'i
- 157b
phyir ma yin zhe na/ yon tan zhes bya ba la sogs pa smos te/ yon tan dang/ rdzas dang/ bya ba dang/ rigs dang/ 'du ba dang/ zhes bzlas dbye'o/ /rigs kyi sgras khyab pa dang/ nyi tshe ba'i spyi rnam pa gnyis gzung ngo/ /sogs kyi sgras rtag pa'i rang bzhin gyi khyad par rnam te/ gar dag gis chos can las tha dad pa'i chos 'ga' zhig brjod pa dper na tshig gi don drug po'i yod pa nyid dmigs pa dang bcas pa'i tshad ma'i yul yin no/ /zhes bya ba de lta bu la sogs pa de dag gzung ngo/ /yon tan la sogs pa yang de yin la khyad par te bye brag kyang yin no zhes bya ba ni/ khyad par gyi bsdu ba'o/ /de dag gis stong pa ni bral ba zhes bya ba'i don to/ /de la 'di ni bcom ldan 'das kyis gsungs te/ bram ze thams cad thams cad ces bya ba ni phung po lnga dang/ skye mched bcu gnyis dang/ khams bco brgyad kyi bar dag go ces bya ba yin no/ /'dis ni tshig gi don drug brtag pa bstan to/ /'on te khyad par med na ji ltar rten cing 'brel par 'byung ba sgra dang rnam par rtog pa dag gis yul du byed ste/ de dag gis yul du ma byas na brjod par mi nus shing/ khyad par med na sgra dang rnam par rtog pa dag 'jug pa yang med na de ji ltar bcom ldan 'das kyis bstan ce na/ sgro btags pas rnam pa zhes bya ba la sogs pa smos te/ sgro btags pa ni phyi rol nyid du sgro btags pa'i rnam pa'i rang bzhin sgra dang shes pa'i spyod yul gang la yod pa de la skad ces bya'o/ /rten cing 'brel par 'byung ba gang la sgro btags pa'i rnam pa sgra dang shes pa'i spyod yul gyi yul yin pa de la de skad ces bya'o/ /shes pa zhes bya ba ni sgra dang nye ba'i phyir nang gi brjod pa'i bdag nyid kyi shes pa'i khyad par rnam par rtog pa yin par blta bar bya'o/ /de dag ni yul gcig la 'khrul pa med pa nyid kyis lhan cig spyod pa'i
- 158a
phyir ro/ /des na 'di skad du bstan pa yin te/ khyad par med pa yin mod kyi/ 'on kyang phan tshun ldog pa'i dngos po mthong ba'i sgo nas 'das pa'i phyi rol gyi ngo bo nyid du zhen pa rnam par rtog pa'i gzugs brnyan gyi bdag nyid sgra'i don de la yod pa yin no/ /'dir sgra rnams kyi spyod yul ni don dam par ma yin te/ de ni rnam par rtog pa thams cad las 'das pa'i phyir ro/ 'on kyang 'jig rten na ma rtogs na nyams dga' bar sgra'i don grub pa ji lta ba de kho na ltar de kho na nyid kyi don btang snyoms su mdzad pa'i bcom ldan 'das kyis kyang glang po che'i lta stags kyi don dam pa la 'jug pa'i don du brjod pa'i kun rdzob tu bstan te/ thabs gzhan med pa'i phyir ro/ /sgro brtags pa'i rnam pa can yin na yang sgra'i don brgyud pas dngos po dang 'brel pa'i phyir ro/ /de rtogs pa'i rgyud nyid yod pas rnam pa de lta bu'i dngos pa de dag shugs kyis rtogs par 'gyur ba'i phyir bslu ba mi srid do/ /de la 'di ni skyob pas/ ming ni gang dang gang dag gis/ chos ni gang dang gang brjod pa/ /de ni chos rnams chos nyid do/ /de ni de la yod ma yin zhes gsungs pa yin no/ /'dis ni sgra'i don brtag pa bstan to/ /yang ci 'di mu stegs byed kyis kun tu brtags pa'i dngos po bzhin du rtogs par byed ba'i tshad ma'i nor gyis dbul ba nyid kyis tshig bkod pa'i rtsom pa tsam snying por gyur pa yin nam/ 'on te 'di'i rtogs par byed pa'i tshad ma cung zad cig yod ce na/ smras pa yod do/ /gsal ba'i mtshan nyid ces bya ba la sogs pa la de ni mtshan nyid kyang yin la gsal ba yang yin pas shes khyad par gyis bsdu ba'o/ /gsal pa'i mtshan nyid ni mi srid pa dang/ ma khyab pa dang/ ha cang khyab pa'i skyon dang bral ba'i phyir ro/ /mu stegs byed kyi tshad ma'i mtshan nyid ni mi gsal
- 158b
ba yin no zhes bstan pa'i don du bsal ba'i mtshan nyid ces bstan to/ /de dang ldan pa ni de dang yang dag par ldan pa'o/ /mngon sum dang rjes su dpag pa zhes bya ba'i tshad ma gnyis po gang yin pa des gtan la phab pa'o/ /'di yang brtag pa thams cad du sten par 'gyur ro/ /'di ni bcom ldan 'das kyang bzhed pa yin te/ ji skad du/ dge slong dag gi mkhas rnams kyis/ bsreg bcad brdar bas gser bzhin du/ /yongs su brtags nas nga yi bka' / /blang bar bya yi gus phyir min/ /zhes gsungs pa bzhin no/ / de la mngon sum gyi mtshan nyid ni 'khrul pa dang rtogs pa dang bral ba nyid de/ de yang bcom ldan 'das kyis/ mig gi rnam par shes pa dang ldan pas sngon po shes kyi sngon po'o snyam du ni ma yin no zhes gsungs te/ 'di ltar sngon po zhes bya ba 'dis ni phyin ci ma log pa'i yul can du bstan pa'i phyir ma 'khrul pa brjod la/ sngon po'o snyam ni ma yin no zhes bya ba 'dis ni ming dang 'brel ba'i don 'dzin pa spangs pa'i phyir rtog pa bral ba nyid brjod do/ /rjes su dpag pa'i mtshan nyid kyang rjes su dpag pa'i rten rtags ston pa na gsungs te 'di ltar bsgrub par bya ba'i don med na mi 'byung ba'i rtags nges pa ni rjes su dpag pa'i shes pa'i rgyu yin no/ de yang dge slong dag gang cung zad kun 'byung ba'i chos yin pa de thams cad 'gog pa'i chos can yin no zhes bya ba de lta bu bsgrub byas gtan tshigs la khyab pa bstan pas na gsal ba rab tu bstan pa nyid yin no/ /ji skad du/ med na mi 'byung mtshan nyid can/ rtags ni rjes dpag rten yin no/ /bsgrub byas gtan tshigs khyab pa ni bstan pa de yang gsal bar bshad ces gsungs par bzhin no/ rtags de yang rang bzhin dang 'bras bu dang/ mi dmigs pa'i khyad par gyi bye brag gis rnam pa gsum du dbye ste/ de la dge slong gang dag cung zad skyes pa'i chos can zhes bya ba 'das rang bzhin gyi rtags bstan to/ /'bras
- 159a
bu yang du pa las ni mer shes te/ chu skyar las ni chu yin no/ /byang chub sems dpa' blo ldan gyi/ /rigs ni mtshan ma rnams las shes/ zhes gsungs pas bstan pa yin no/ /mi dmigs pa'i khyad par yang mi dmigs pa tsam tshad ma yin pa spongs pa na bstan pa nyid de/ ji skad du/ dge slong dag gang zag gis gang zag gi tshod 'dzin pa ni nyams par 'gyur te/ nga 'am pa dang 'dra bas gang zag gi tshod gzung bar bya'o zhes gsungs pa yin te/ 'dis ni rang bzhin gyis skal ba la sogs pa la mi dmigs pa tsam tshad ma yin pa spangs pa yin no/ /nga 'am zhes bya ba la sogs pa gsungs pas ni mi dmigs pa'i khyad par tshad ma yin no zhes bya ba 'di yang gsal bar rab tu bstan pa yin no/ /'dis kyang mngon sum dang rjes su dpag pa la sogs pa brtag pa bstan to/ /yang ci ste rten cing 'brel par 'byung ba 'di 'gyur ba smra ba ji skad du brjod pa bzhin du dngos po la sogs pa'i ngo bo 'ga' zhig gis rjes su 'gro ba dang bcas pa yin nam/ 'on te ma 'dres pa'i ngo bo yin/ de las ci 'gyur rjes su 'gro ba dang bcas pa nyid yin na mngon sum la sogs pa'i mtshan nyid 'tshol ba yin pa dang/ rgyu dang 'bras bu dag kyang rang bzhin tha mi dad pa'i phyir skyed par bya ba dang skyed par byed pa nyid ma yin no/ /de lta bas na gsal ba'i mtshan nyid dang ldan pa'i tshad ma gnyis kyis nges pa'i ma yin la/ rten cing 'brel par 'byung ba'i don yang rigs pa ma yin te/ rang gi ngo bo ma 'dres pa nyid yin na yang lhan cig byed pa rnams kyi bye brag khyad par med pa'i phyir skyed par byed pa ma yin par mngon par 'dod pa'i dngos po bzhin du don gyi bya ba gcig byed pa nyid du ma 'gyur ro/ /'dir smras pa/ gzhan gyi bdag nyid ces bya ba la sogs pa la/
- 159b
'dir 'di snyam du phyogs phyi ma nyid yin no/ /snyam du bsams pa yin no/ /'di la ji skad du bshad pa'i skyon gyi go skabs med do zhes phyi nas bstan par bya'o/ /'bras bu la gzhan gyi bdag nyid dang 'dres pa ste/ 'tshol ba zhes tshig rnam par sbyar ro/ /rgyu la sogs pa'i rang gi ngo bo gzhan 'bras bu la sogs pa gang la cha tsam yang rjes su 'gro ba med do/ /zhes bya ba'i don to/ /phra rabs kyis kyang zhes bya ba la/ rang gi sgras ni yod pa dang/ shes bya la sogs pa mang po 'ba' zhig tu ma zad shin tu phra bas kyang zhes bstan to/ /ngo bo gcig rjes su 'gro ba yin na yang bdag nyid thams cad rjes su 'gro bar 'gyur ro snyam du bsams pa yin no/ /'di yang phyis ston par 'gyur ro/ /de yang bcom ldan 'das kyis ji ltar myu gu rtag pa ma yin zhe na/ gang gi phyir myu gu yang gzhan sa bon yang gzhan yin la/ myu gu gang yin pa de nyid sa bon ma yin te/ /de lta bas na sa bon 'dra ba las myu gu 'byung ngo zhes gsungs so/ /de lta bas na mi 'pho zhes bya ba'o/ / 'dis kyang ma nges par smra ba brtag pa bstan to/ /'on te ci phung po la sogs pa'i rang gi ngo bo ma 'dres pa rnams kyang/ thams cad yod par smra ba 'pho ba? smra ba kha cig gis ji skad du smras pa bzhin du dus rnams su rang gi ngo bo ma dor bar 'jug pa yin nam zhe na/ de lta ma yin no zhes smras pa/ mi 'pho zhes bya ba la/ gal te 'pho ba yin na de'i tshe bdag nyid thams cad kyis yod pa'i phyir cung zad kyang skyed par bya bar mi 'gyur ba'i phyir rten cing 'brel par 'byung ba nyid mi rung ngo snyam du bsams pa yin no/ /gang la phung po la sogs pa rnams su rgyu ba'i 'pho ba yod pa ma yin zhes tshig rnam par sbyar ro/ /'di yang bcom ldan 'das kyis gsungs te/ ji skad du/ mig
- 160a
ni skye ba na yang gang nas kyang ma 'ongs/ 'gag pa na yang gang du yang thim nas mi 'gro ste/ dge slong dag mig ni ma byung ba las byung zhing byung nas kyang 'jig par 'gyur ro zhes gsungs so/ /'dis kyang dus gsum brtag pa bstan to/ /'on te ci 'di ji ltar tshu rol mdzes pa pa rnams kyis/ shi nas thal bar gyur pa la/ slar skye ba lhag la yod/ ces smras pa ltar mthong ba'i dus tsam du 'byung ba yin nam zhe na/ ma yin no zhes smras pa/ thog ma med pa zhes bya ba la/ 'di la thog ma dang tha ma yod pa ma yin zhes tshig rnam par sbyar ro/ /'di yang bcom ldan 'das kyis/ dge slong dag 'khor ba'i skye ba ni thog ma dang/ tha ma med pa yin no zhe bya ba la sogs pas gsungs te/ thog ma zhes bya ba ni dang po la brjod la/ tha ma ni mthar brjod do/ /de dag bkag pas thog ma tha ma med pa zhes bya'o/ /'di yang 'phags pa'i lam ma skyes pa'i dbang du mdzad nas gsungs kyi 'phags pa'i lam skyes pa rnams la ni 'khor ba mdza' dang bcas pa nyid yin no/ /de nyid kyi phyir/ dam chos rnam par mi shes pa'i/ byis pa rnams la 'khor ba ring zhes gsungs so/ /'dis kyang 'jig rten rgyang pan pa brtag pa bstan to/ /'on te rten cing 'brel par 'byung ba 'di phyi rol gyi bdag nyid dam/ 'on te sems tsam gyi rang bzhin yin zhe na/ gzugs brnyan la sogs lta bu ste/ zhes bya ba smos so/ /'dis ni sems tsam gyi bdag nyid yin no zhes bstan ?? 'di ltar 'di skad du ji ltar gzugs brnyan dang mgal mo'i 'khor lo dang/ dri za'i grong khyer la sogs pa sems tsam gyi rang bzhin yin pa de bzhin du 'di yang yin no zhes bstan pa yin no/ /'di yang bcom ldan 'das kyis/ ji ltar byas pas rnam brtag ltar/ /phyi
- 160b
rol don ni yod ma yin/ /bag chags kyis ni dkrugs pa'i sems/ /don du snang ba rab tu 'byung zhes gsungs so/ /'dis kyang phyi rol gyi don brtag pa bstan to/ /de'i phyir de ltar rten cing 'brel par 'byung ba ji skad du bshad pa'i don med pa'i du ba dang bral ba nyid bstan nas mjug bsdu ba'i phyir spros pa'i tshogs kun zhes bya ba la sogs pa smos te/ ji skad du bshad pa'i rang bzhin gyi rgyu can yin pa nyid la sogs pa spros pa thams cad kyi tshogs ni bdus pa ste/ de las grol ba'o/ /'on te ci 'di khyab 'jug dang dbang phyug chen po dang dbyig gi snying po la sogs pa gzhan dag gis kyang de bzhin du rtogs sam zhe na/ ma yin no zhes smras pa/ gzhan gyis rtogs pa ma yin zhes bya ba la/ mu stegs byed thams cad ni/ ji lta ba bzhin nyid ma yin pa'i bdag tu lta ba la mngon par zhen pa'i phyin ci log 'di ni bcom ldan 'das nyid kyi ma 'dres mkhyen pa yin no zhes bstan to/ /'di yang brtag pa thams cad du ston par 'gyur ro/ /ci ste de lta bur gyur pa'i rten cing 'brel par 'byung ba 'di bcom ldan 'das rang nyid kyis mkhyen nas gsungs sam/ 'on te rgyal dpog pa rnams ji skad du de phyir dbang po las 'das don/ /dngos su mthong ba yod ma yin/ /tshig ni rtag pa gang zhig gis/ /mthong bde ni mthong ba yin/ /zhes smras pa ltar gzhan gyis mngon par 'dod pa'i skyes bus ma byas pa'i rig byed kyi tshig la brten nas mkhyen te gsungs she na/ de ltar ma yin no zhes smras pa/ rang dbang thos dang 'brel med cing zhes smras te/ rang dbang thos pa/ ni rang las tshad mar gyur pa ste/ tshig brtag pa zhes bya ba'i tha tshig go /de dang 'brel pa med pa ni mi gnas pa de la ltos pa nyid kho na ste/ dngos su gzigs nas rten cing 'brel par 'gyur ba gsungs pa zhes
- 161a
bya ba'i don to/ /skyes bus ma byas pa'i ngag kyang yod pa ma yin te/ ji skad du bcom ldan 'das kyis/ kun dga' bo de ltar na sngon gyi drang srong chen po de dag rig byed dag gi byed pa po dang/ sngags rnams kyi 'jug par byed pa yin no zhes gsungs so/ /'di yang phyis bstan par bya'o snyam du bsams pa yin no/ /'dis gyang thos pa brtag pa dang/ rang las tshang ma brtags pa bstan to/ /ci ste bcom ldan 'das rang gi don phun sum tshogs pa ma lus pa thugs su chud na ci'i phyir rten cing 'brel par 'byung ba 'di ston par mdzad ce na/ 'gro phan mdzad par bzheng pa yis zhes bya ba smos te/ 'gro phan ni 'gro ba la phan pa'o/ /de yang rten cing 'brel par 'byung ba phyin ci ma log par rtogs pa'i thabs can nyon mongs pa dang shes bya'i sgrib pa ma lus pa spangs pa yin no/ /de mdzad par bzhed pa ni 'gro la phan par mdzad pa bzhed pa'o/ /de ni de ston pa'i rgyu yin no/ /'di'i 'gro ba la phan par bzhes pa de yang ga las byung zhe na/ /bskal pa grangs med ces bya ba la sogs pa smos te/ gang la bskal pa grangs med pa mi nyung bar thugs rjes chen po'i bdag nyid du gyur pa zhes tshig rnam par sbyar ro/ /bcom ldan 'das rang gi don phun sum tshogs pa ma lus pa brnyes na gzhan gyi don mdzad pa'i bya ba yongs su mi 'dor ba'i phyir thugs rje chen po de yang mnga' ba yin no/ /ci ste thugs rje chen po'i bdag nyid du gyur pa 'dis ci zhig mdzad ce na/ goms mdzad pa gang gis zhes bya ba smos te/ gang gis zhes bya ba spyi'i tshig yin yang sangs rgyas bcom ldan 'das la 'jug te/ gzhan la ji skad du bshad pa'i yon tan med pa'i phyir ro/ /rten cing 'brel par 'byung ba ni zhes bya ba ni rgyu dang rkyen la brten pa ste/ yang dag par
- 161b
kun nas brten pas yang dag par kun nas brten nas phung po la sogs pa 'byung ba dag go /de skad du rgyu dang rkyen gyi stobs las 'byung ba'i phung po la sogs pa gang gis gsungs pa zhes bstan par 'gyur ro/ /'di ltar yang 'brel par 'byung ba zhes bya ba tha dad pa nyid du bstan pa de lta na yang rten cing 'brel par kho na dngos pa yin te/ tha dad pa gzhan dor ba tsam shes par 'dod pas de ltar bshad pa'o/ /yang na 'brel par 'byung bas na 'brel par 'byung ba ste/ mang po'i tshig gi byed pa'i rkyen sbyar te/ rten cing 'brel par 'byung ba nyid yin pas na zhes bya ba 'am/ bsdu ba med pa nyid yin no/ /'di thams cad kyi bcom ldan 'das gzhan la phan pa sgrub pa phun sum tshogs pa yang dag pa'i thabs can yin par gsal bar byas pa yin te/ 'di ltar rten cing 'brel bar 'byung ba de lta bur gyur pa gang gis gsungs pa zhes bya ba 'dis bcom ldan 'das ji lta ba bzhin du gzhan du la phan pa sgrub pa yin par bstan to/ /bcom ldan 'das gzhan dag la mtho rim dang byang grol gyi lam phyin ci ma logs pa ston pa gang yin pa 'di nyid phan pa sgrub pa yin te/ ji skad du/ de bzhin gshegs pa ston pa po/ khyed cag nyid kyis bya ba yin zhes gsungs pa bzhin no gzhan la phan pa sgrub pa phun sum tshogs pa phyin ci ma log pa 'di'i thabs ni/ chos rnams dngos su gzigs pa dang/ thugs rje chen po yin no/ /gang gi phyir snying rje can yin yang yang dag pa ji lta ba bzhin du mi shes na gzhan la phan pa yang dag par ston par mi nus so/ /yongs su shes pa dang ldan pa yin na yang brtse ba las nyams pas ni mi ston pa yin la/ ston na yang phan pa ston par 'gyur ro/ /de lta bas na bcom ldan 'das kyi snying rje dang shes rab gnyi ga yang gzhan la phan pa yang dag par
- 162a
sgrub pa'i thabs yin no/ /dngos su gzigs pa de yang rang dbang can gyi thos pa dang ma 'brel pa nyid kyis bstan to/ /thugs rjes chen po'i bdag nyid du gyur pa nyid kyis kyang thugs rje chen po dang ldan pa yin no/ /'on te rten cing/ 'brel par 'byung ba phyin ci ma log pa ni byang chub sems dpa' dang nyan thos la sogs pas kyang ston pa ma yin nam/ des na bcom ldan 'das 'di la khyad par du 'phags pa ci zhig yod ce na/ smra rnams kyi dam pa zhes bya ba smos te/ nyan thos la sogs pa de dag rten cing 'brel par 'byung ba ston pa yin mod kyi/ 'on kyang bcom ldan 'das nyid de dag gi smra rnams kyi dam pa ste/ gtso bo yin no/ /chos kyi de kho na nyid bcom ldan 'das kyis bstan pa nyid kyis ston par byed pa'i phyir ro/ /gang gi phyir de dag ni rang nyid kyis ji skad du bshad pa'i rten cing 'brel par 'byung ba sten par nus pa ma yin te/ yon tan dang skyon thams cad 'phel ba dang 'grib pa mthar phyin pa la brten pa'i phyir/ bcom ldan 'das kho na mchog yin gyi gzhan dag ni ma yin te/ de dag ni de las bzlog pa yin pa'i phyir ro/ /'dis ni bcom ldan 'das nyan thos la sogs pa las khyad par can du bstan pas bag chags dang bcas pa'i nyon mongs pa dang/ /shes bya'i sgrib pa ma lus pa spangs pa'i mtshan nyid can rang gi don phun sum tshogs pa bstan pa yin no/ /gal te de ltar ma yin na bcom ldan 'das ji skad bshad pa'i yon tan dang ldan pa ma yin na ji ltar de dag las khyad par can du 'gyur 'di nyid kyi phyir thams cad mkhyen pa zhes bya ba smos te/ 'dis ni thams cad mkhyen pa sgrub pa bstan to/ /ci ste de la phyag 'tshal nas ci zhig byed ce na/ de
- 162b
kho na nyi bsdu ba bya zhes bya ba smos te/ ji skad bshad pa'i khyad par du byas pa'i rten cing 'brel par 'byung ba kho na de kho na nyid de/ phyin ci ma log pa'i phyir ro/ /de dag de dang der rnam par 'thor ba rnams gcig tu bsdud pa ni don bsdus pa ste/ don de ston par byed pa'i phyir gzhung la de skad du bstan te/ sI ta phrogs pa'i snyan dag bzhi no/ yang na yang dag par ram kun nas de kho na nyid rnams 'dis sdud par byed pas gzhung nyid la bsdud pa zhes bya ba'o/ bya zhes bya ba ni rtsom pa na yongs su ma rdzogs pa'i dus las bltos nas da ltar gyi dus nyid bstan to/ /de la rang bzhin gyi bya ba dang bral ba'i de kho na nyid bstan par bya ba'i phyir grangs can gyi lugs bstan pa'i don du/ nus pa ma lus dang ldan pa'i zhes bya ba la sogs pa smos te/ ser skya pa rnams na re chen po la sogs pa 'bras bu'i tshogs skyed par byed pa'i bdag nyid du gyur pa'i nus pa ma lus pa dang rab tu ldan zhing yang dag par ldan pa rdul dang/ mun pa dang/ snying stobs dang cha mnyam pa'i gnas skabs kyi mtshan nyid can ni gtso bo'o/ /de dag nying las chen po las 'bras bu'i bye brag de dag 'byung ngo zhes zer te/ gtso bo kho na zhes nges par gzung ba ni/ skyes bu la sogs pa rnam par bcad pa'i don du'o/ /'ba' zhig las zhes bya ba'i tshig ni dbang phyug dang bcas pa'i grangs can gyi brtag pa'i dbang phyug la sogs pa bsal ba'i don du'o/ /rab tu 'byung zhes bya ba ni dngos dang brgyud pa sa skyed ces bya ba'i don te/ 'di ltar de dag gi tha snyad ni dang por gtso bo las blo skye'o/ /blo las kyang nga rgyal lo/ /nga rgyal las sgra dang/ rig bya dang/ ro dang gzugs dang/ ri'i bdag nyid de tsam lnga dang/ dbang po lnga bcu gcig skye bar 'gyur nye/ blo'i dbang po
- 163a
lnga ni/ rna ba dang/ pags pa dang/ mig dang/ lce dang/ sna'i mtshan nyid can no/ /las kyi dbang po lnga ni/ ngag dang/ lag pa dang/ rkang pa dang/ rkub dang/ 'doms so/ /bcu gcig pa na yid do/ /de tsam lnga las 'byung ba lnga skye te/ sgra las nam mkha' o/ /reg las rlung ngo/ /gzugs las me'o/ /ro las chu'o/ /ji las ni sa'o zhes bya'o/ /ji skad du dbang phyug nag pos/ rang bzhin las chen de las nga rgyal te/ /de las tshogs ni rnam pa bcu drug go /bcu drug po ni de dag rnams las kyang/ lnga po mas las 'byung ba chen po lnga zhes bshad do/ /de la chen po zhes bya ba ni blo la brjod do/ /blo yang 'di bun pa'o/ /snam bu'o zhes yul nges pa'i mtshan nyid can no/ /nga rgyal ni bdag ni skal pa dang ldan pa'o/ /bdag ni lta na sdug pa'o zhes bya ba la sogs pa'i mngon pa'i nga rgyal gyi mtshan nyid can te/ 'di lta ste/ dper na byis pa 'ga' zhig gis grong gzhan na ston mo yod do zhes thos te/ der bdag 'gro bar bya na ci den bu ram dang zho yod dam/ 'on te zho gcig pu yod ces de'i kun tu rtog par 'gyur ba de lta bu'i rtog pa 'jug pa ni yid ces bya'o/ /de lta bas na blo dang/ nga rgyal dang/ yid rnams kyi phan tshun gyi khyad par ni de lta bu yin par shes par bya'o/ /ltag ma ni go bar sla'o/ /chen po la sogs pa 'di dag dang/ gtso bo dang/ skyes bu zhes bya ba 'di dag ni de kho na nyid nyi shu rtsa lnga yin te/ ji skad du/ de nyid nyi shu lnga zhe na/ ral pa'am mgo mgo zlum cod pan can/ /gnas ni gang dang gar gnas kyang/ /grol 'gyur 'di la the tshom med ces bshad do/ /ji skad du bshad pa'i 'bras bu'i khyad par gtso bo las byung ba 'di ni sangs rgyas la sogs pas 'dod pa bzhin du 'bras bu'i khyad par rnams ni rgyu las shin tu tha pa ma yin te/ 'on kyang de'i ngo
- 163b
bo nyid yin no/ /gang dag la de'i ste gtso bo'i ngo bo ste bdag nyid yod pa zhes tshig rnam par sbyar ro/ /yon tan gsum la sogs pa'i ngo bos rang bzhin gyi bdag nyid du gyur pa ces bya ba'i tha tshig go /'di ltar 'jig rten na rgyu'i bdag nyid du gyur pa gang yin pa de'i bdag nyid du gyur pa'i 'bras bu dmigs dper na/ snal ma nag po dag las byas pa'i snam bu ni nag po dang/ /dkar po las byas pa ni dkar po yin no/ /de bzhin du gtso bo dang yon tan gsum gyi bdag nyid yin pa de ltar blo dang/ nga rgyal dang/ de tsam dang/ dbang po dang/ 'byung ba'i bdag nyid kyi gsal ba yang yon tan gsum yin par dmigs so/ /de'i phyir de'i ngo bo yin no/ /gzhan yang dbye ba med pa ni 'di ltar 'di dag ni snying stobs la sogs pa yin la 'di dag ni chen po la sogs pa gsal ba yin no zhes logs shig du bya bar mi nus kyi/ 'on kyang yon tan gang dag yin pa de ni gsal ba yin la/ gsal ba gang yin pa de dag ni yon tan rnams yin no zhes bya'o/ /gzhan yang gsal ba dang mi gsal ba ya nyi ga yang yul yin te/ longs spyad par bya ba'i rang bzhin yin pa'i phyir ro/ /spyi yang yin te/ skyes bu thams cad kyi longs spyod par bya ba yin pa'i phyir gya dang 'bangs mo bzhin no/ /sems med pa'i bdag nyid gang yin te/ bde ba dang/ sdug bsngal ba dang/ rmongs pa lam du bya ba rig par byed pa yin pa'i phyir/ skye ba'i chos can yang yin te/ 'di ltar gtso bos ni blo skyed par byed do/ /blos kyang nga rgyal dang/ nga rgyal las kyang de tsam lnga dang/ dbang po bcu gcig go /de tsam gyis 'byung ba chen po skyed par byed pa yin no/ /de lta bas na yon tan gsum la sogs pa'i ngo bos 'bras bu'i khyad par 'di dag de'i ngo bo nyid du 'jug go /ji skad du/ yon
- 164a
tan gsum dang dbye ba med yul dang/ /spyi dang sems med skye ba'i chos can ni/ /gsal ba dang ni de bzhin gtso bo ste/ de bzhin de las bzlog pa'i skyes bu'o zhes bshad do/ /gal te 'bras bu'i khyad par de'i ngo bo ma yin nam/ de'i phyir ci ltar bstan bcos su gsal ba dang mi gsal ba mtshan nyid tha dad par brjod/ 'di ltar dbang phyug nag pos/ rgyu ldan mi rtag mi khyab pa/ /byed bcas du ma brten pa rtags// cha shas dang bcas gzhan dbang gsal/ /bzlogs pa dag ni mi gsal ba'o zhes bstan te/ de la don ni 'di yin te/ gsal ba nyid ni rgyu dang ldan pa ni blo'o/ /blos rgyu dang ldan pa ni nga rgyal lo/ /nga rgyal gyis rgyu dang ldan pa ni de tsam lnga dang dbang po bcu gcig go /de tsam gyis ni 'byung ba rnams so/ /mi gsal ba ni de lta bu ma yin te/ de ni gang las kyang ma skyes pa'i phyir ro/ /de bzhin du gsal ba na mi rtag pa yin te/ skye ba'i chos can yin pa'i phyir ro/ /de ltar mi gsal ba ni ma yin te/ de ni skye ba dang mi ldan pa'i phyir ro/ /ji ltar gtso bo dang skyes bu de dag ni lha yul dang/ so steng dang/ bar snang thams cad du khyab pa nyid kyi 'jug pa de bzhin du gsal ba ni mi 'jug ste/ 'on kyang de ni ma khyab pa yin no/ /ji ltar 'khor ba'i tshe blo dang/ nga rgyal dang/ dbang po'i mtshan nyid can byed pa rnam pa bcu gsum dang ldan pa/ phra ba'i lus la brten pa'i gsal ba 'khor ba de bzhin du mi gsal ba ni ma yin te/ de ni khyab pa nyid kyis bya ba dang bcas pa nyid du mi rung ba'i phyir ro/ /blo dang nga rgyal la sogs pa'i bye brag gis gsal ba rnam du ma dmigs la/ mi gsal ba ni ma yin te/ de ni gcig nyid du yod
- 164b
ba na 'jig rten gsum gyi rgyu yin pa'i phyir/ gsal ba ni brten ba yang yin no/ /gang zhig gang las skye ba de ni de la brten pa yin pa'i phyir ro/ /mi gsal ba ni de lta ma yin te/ de ni 'bras bu ma yin pa'i phyir ro/ /gsal ba ni 'gro ba yin te/ khyim par 'gyur pa'i phyir/ /'di ltar 'jig pa'i dus na 'byung ba rnams ni de tsam la thim mo/ /de tsam ni dbang po lnga la'o/ /dbang po ni nga rgyal la'o/ /nga rgyal ni blo la'o/ /blo ni gtso bo la thim ste/ mi gsal ba ni de ltar gang la yang thim pa ma yin te de la rgyu med pa'i phyir ro/ /gsal ba ni cha shas dang bcas pa yang yin te/ sgra dang reg dang ro dang gzugs dang dri'i bdag nyid cha shes rnams dang ldan pa'i phyir ro/ /mi gsal ba ni de lta ma yin te/ gtso bo'i bdag nyid la sgra la sogs pa rnams mi dmigs pa'i phyir ro/ /gzhan yang dper na pha gson pa na bu la rang dbang yod pa ma yin pa de bzhin du gsal ba ni rnam pa thams cad las rag las pa'i phyir gzhan dbang yin no/ /mi gsal ba de lta ma yin te/ de ni rtag tu rgyu la rag ma las pa'i phyir ro/ /de lta bas na 'di thams cad dogs par byas nas yang dag du zhes bya ba smos so/ /yang dag du te/ don dam par de'i ngo bo nyid yin gyi/ rang bzhin dang 'gyur pa'i bye brag gis ni yongs su gyur pa'i khyad par las tha dad pa ji skad du bshad pa la 'gal ba med do zhes bya ba'i don to/ /yang na yang dag tu zhes bya ba ni rang bzhin gyis yon tan gsum gyi ngo bos de'i ngo bo nyid du 'jug ste/ snying stobs dang/ rdul dang/ mun pa phra ba dang rags pa'i khyad par las chen po la sogs pa'i dbye ba 'khor ba sna tshogs pa 'gal ba med do zhes bya ba'i don to/ /de'i phyir 'dis ni 'bras bu rgyu'i bdag nyid du yod do zhes dam bcas pa yin no/ /de la ji ltar skyes pa las sngar 'bras
- 165a
bu yod do zhes rtogs par bya zhe na/ gal te zhes bya ba la sogs pa smos te/ gzhan dag gis 'bras bu yod pa nyid bsgrub par bya ba'i phyir gtan tshigs snga smras te/ med pa mi byed pa'i phyir dang/ rgyu len pa'i phyir dang/ thams cad mi skye ba'i phyir dang/ nus pa ni nus pa byed pa'i phyir dang/ rgyu yod pa'i phyir 'bras bu yod pa yin no/ /de la gtan tshigs dang po bsgrub pa'i phyir 'di brjod de/ gal te rgyu'i bdag nyid la/ 'bras bu nus pa yod min na/ zhes bya ba la sogs pa la gal te rgyu'i bdag nyid la skyes pa las sngar 'bras bu yod pa ma yin pa de'i tshe nam mkha' i pad+ma bzhin du de sus kyang byed par mi 'gyur ro/ /sbyor ba ni gang med pa de ni gang gis kyang bya ba ma yin te/ nam mkha' i pad+ma bzhin no/ /gzhan gyis lugs kyis kyang 'bras bu ni skyes pa las sngar yod pa ma yin no/ /zhes bya ba ni 'gal ba dmigs pa'i thal bar 'gyur pa'o/ /de lta yang ma yin te/ gang gi phyir til la sogs pas til mar la sogs pa'i 'bras bu gang zhig byed de/ de'i phyir sngar yang yod do zhes bya bar grub po/ /nus pas zhes bya ba ni nus pa'i ngo bo yin gyi/ ser skya pa yang gsal ba'i ngo bos ni sngar yod par mi 'dod pa'i phyir ro/ /ngo bo med pa'i phyir zhes bya ba ni/ rang bzhin med pa'i phyir ro/ /gtan tshigs gnyis pa bsgrub pa'i don du med par mtshungs na zhes bya ba la sogs pa smos te gal te 'bras bu med pa'i de'i tshe skyes bu rnams so sor nges pa'i rgyu len par mi 'gyur te/ 'di ltar sa lu'i 'bras bu don du gnyer ba rnams sa lu'i sa bon kho na len par byed kyi/ ko tra pa'i sa bon ni ma yin no/ /de bzhin du bdag sang bram ze la ston mo bya'o snyam nas zho don du gnyer ba'am nyid len gyi chu ni ma yin no/ /de la ji ltar sa lu'i sa bon la sogs pa dag las
- 165b
lu la sogs pa med pa de bzhin du ko tra ba'i sa bon la sogs pa la yang med pa yin pas/ des na ci'i phyir thams cad du sa lu'i 'bras bu la sogs pa med par mtshungs na yang so sor nges pa nyid kyi sa lu'i sa bon la sogs pa len gyi ko tra pa'i sa bon la sogs pa ni ma yin/ sa lu'i 'bras bu gnyer ba rnams kyis ko tra pa la sogs pa yang ci ste len par mi byed de/ khyad par med pa'i phyir ro/ /ci ste de'i 'bras bus stong pa nyid kyis de dag des len? par mi byed pa gal te de lta yin na/ sa lu'i sa bon yang sa lu'i 'bras bu don du gnyer bas len par mi 'gyur te/ ko tra pa'i sa bon bzhin du de'i 'bras bus stong pa'i phyir ro/ /de lta na yang ma yin te/ de lta bas na de la de'i 'bras bu yod do zhes rtogs so/ /gtan tshigs gsum pa bsgrub pa'i phyir/ 'di la kun la zhes bya ba la sogs pa smos te/ gal te yang khyod kyi lugs kyis 'bras bu med pa skye'i zhes bya ba yin na de'i tshe/ rtsa dang/ rdul dang bod pa la sogs pa'i dngos po kun rtsa las gser dngul la sogs pa'i 'bras bu thams cad skye bar 'gyur ro/ /ci'i phyir zhe na/ de'i bdag nyid dang bral bar thams cad la khyab par med pa'i phyir ro/ /khyod kyi lugs kyis brjod par 'dod pa'i rtsa la sogs pa'i dngos po'i bdag nyid bral bar skye ba dang ldan pa'i dngos po thams cad la khyad par med pa'i phyir ro zhes bya ba'i don to/ /sngar ni rgyu'i sgo nas thal bar 'gyur pa brjod la/ de lta ni 'bras bu'i sgo nas yin no/ /zhes bya ba ni bye brag go /thams cad la thams cad 'byung ba yang ma yin te/ de'i phyir de nyid la de yod pa yin no/ /zhes bya ba 'di ni nges pa yin par rtogs so/ /'di snyam du so sor nges pa'i 'bras bu dag la rgyu rnams kyi nus pa des pa yin te/ des na 'bras bu med na yang 'bras bu cung zad cig byed kyi/
- 166a
nam mkha' i pad+ma la sogs pa ni ma yin no/ /nus pa gang yin pa'i rgyu cung zad len par byed kyi thams cad ni ma yin no/ /'ga' zhig nyid 'ga' zhig las skye'i thams cad thams cad las ni ma yin no/ /snyam du sems pa'i rtsod pa 'di bslang nas lan gdab pa'i zol gyis/ gtan tshigs bzhi pa bsgrub pa'i phyir/ 'di'i nus pa ngas pa'i phyir zhes bya ba la sogs pa smos te/ 'di'i zhes bya ba ni rgyur mngon par 'dod pa'i dngos po rnams kyi'o/ /de min zhes bya ba ni ji skad du bshad pa'i skyon du mi 'gyur ro zhes bya ba'i don to/ /sangs rgyas pa la sogs pa'i len de 'di ni ma yin te/ ci'i phyir zhe na/ rgyu nus pa rnams kyang 'bras bu byed pa na bya bar nus pa nyid byed kyi mi nus pa ni ma yin no/ /'on te gang gis de khyed cag 'gegs par byed pa mi nus pa kho na byed do/ /zhes bya ba 'di su zhig gis smras so/ 'on kyang 'bras bu med kyang byed do zhes bya ba de tsam zhig brjod de/ de yang de dag gis bya bar mi nus pa ni yin no zhe na/ de'i phyir khyad par byar med gang yin pa/ zhes bya ba la sogs pa smos so/ /'di snyam du sems te/ khyed kyis 'bras bu med pa nyid mnyam du khas blangs pa nyid kyis bya bar mi nus pa byed do zhes bstan to/ /'di ltar gang med pa de ni ngo bo med pa rang bzhin med pa yin la/ gang ngo bo med pa de ni ri bong gi rwa la sogs pa bzhin du khyad par bsgrub du med pa yin no/ /gang yang khyad par bsgrub du med pa de ni nam mkha' bzhin du mi 'gyur ba yin no/ /khyad par gyi rang bzhin bsgrub tu med pa lta bu de ji ltar 'ga' zhig gis bya bar nus/ ci ste yang de ni yod pa'i gnas skabs thob pa'i phyir/ 'gyur ba nyid yin no snyam du sems na/ de'i phyir/ 'gyur na bdag nyid nyams 'gyur phyir/ zhes bya ba smos te/ gang gi phyir rnam par 'gyur par
- 166b
'dod pa gang yin pa de ni bdag nyid kyi rang bzhin gyis ngo bo med par zhes bya bar brjod pa yin te/ de nyams par 'gyur ro/ /med pa'i rang bzhin yongs su ma spangs pa yin na yod pa'i ngo bo thob par rigs pa ma yin la yongs su gtang na yang 'o na ni med pa nyid ma yin pa yod pa'i ngo bo thob po zhes bya ba 'grub par mi 'gyur ro/ /yod pa'i ngo bo ni gzhan yin la med pa'i ngo bo yang gzhan yin te/ de dag ni phan tshun spangs te gnas pa'i phyir ro/ /de lta bas na gang med pa de bya bar nus pa ma yin na/ /de lta bur gyur pa'i dngos po byed pa nyid khas blangs pa yin na ni rgyu rnams mi nus pa byed pa nyid kho nar khas blangs par 'gyur ro/ /nam mkha' i pad+ma bzhin du gang gis kyang mi nus pa bya ba yang ma yin pa kho na'o/ /de'i phyir nus pa so sor nges pa'i phyir ro/ /zhes bya ba ni 'di ni lan ma yin no/ /gtan tshigs lnga pa bsgrub pa'i phyir/ de ltar 'bras bu mi rung ba'i phyir zhes bya ba la sogs pa smos te/ de ltar bshad ma thag pa'i rigs pas sam/ ji skad du bshad pa'i gtan tshigs gzhi gas 'bras bu yod par smra ba la rnam pa thams cad du 'bras bu mi rung ba'i phyir ci zhig byed pa na sa bon la sogs pa rgyur 'gyur/ de'i phyir sa bon la sogs pa ni rgyu ma yin te/ 'bras bu med pa'i phyir nam mkha' i pad+ma bzhin no zhes de skad du brjod par nus na/ de lta yang ma yin te/ de'i phyir skyes pa las sngar 'bras bu yod do zhes bzlog par grub pa yin no/ /'di snyam du gal te 'bras bu yod pa zhes bya bar grub na yang 'bras bu'i khyad par 'di dag gtso bo nyid las rab tu 'byung ba zhes bya ba 'di ji ltar 'grub ce na/ gsal ba 'di ni bde sogs kyi zhes bya ba la sogs pa smos te/ de la gtso bo yod pa nyid du sgrub pa la ldan pa'i sbyor ba lnga smras te/ ji skad du/ khyad par tshad phyir rjes 'gro'i phyir/ /nus pa'i sgo nas 'jug
- 167a
pa'i phyir/ /rgyu dang 'bras bu dbyer yod phyir/ /rang bzhin sna tshogs dbyer med phyir/ /mi gsal ba yi rgyu yod do/ /zhes bshad pa lta bu'o/ /don 'di yin te/ gtso bo ni yod pa yin te/ khyad par rnams la tshad yod pa'i phyir/ 'jig rten 'di na gang la byed pa po yod pa de la tshad yod par mthong ste/ dper na rdza mkhan dang ldan pas 'jim gong las bre lnga shong ba dang/ bre do shong ba dang/ bre bcu shong ba'i tshad dang ldan pa'i bum pa byed pa bzhin no/ /chen po la sogs pa'i gsal ba 'di yang blo gcig dang/ nga rgyal gcig dang/ de tsam lnga dang/ dbang po bcu gcig dang/ 'byung lnga zhes bya ba'i tshad dang ldan par mthong ngo/ /de'i phyir gang las tshad dang ldan pa'i bsal ba skye bar byed pa'i gtso bo yod par rjes su dpag pas bsgrub par bya'o/ /gal te yang gtso bo med na gsal ba 'di tshad dang mi ldan par 'gyur ro/ /'di las kyang gtso bo yod de/ khyad par rnams rjes su 'gro bar mthong ba'i phyir ro/ /gang rig dang ldan par dmigs pa gang yin pa'i ni de'i bdag nyid kyi rgyu las byung ba yin te/ dper na bum pa dang kham phong la sogs pa'i khyad par 'ji ba'i rigs dang ldan pa de dag ni 'ji ba'i bdag nyid kyi rgyu las byung ba bzhin no/ /gsal ba'i khyad par 'di yang bde ba dang sdug bsngal dang/ rmongs pa la sogs pa'i rigs dang ldan par dmigs so/ /ga las she na/ rab tu dang ba dang/ gdung ba dang/ zhum pa la sogs pa'i 'bras bu dmigs pa'i phyir ro/ /'di ltung snying stobs kyis 'bras bu ni rab tu dang ba dang/ yang ba dang/ zhen pa dang/ 'phel ba dang/ dga' ba rnams yin no/ /bde ba zhe bya bas kyang snying stobs nyid brjod do/ /rdul gyi 'bras bu ni gdung ba dang/ skam pa dang/ tha dad pa dang/ rangs pa
- 167b
dang/ skyo ba rnams yin no/ /rdul yang sdug bsngal gyi sgras brjod do/ /mun pa'i 'bras bu ni zhum pa dang sgrib pa dang/ sdom pa dang/ rnam par 'tshe ba dang/ lci ba rnams yin no/ /mun pa yang rmongs pa'i sgras brjod do/ /chen po la sogs pa de dag thams cad kyi 'bras bu rab tu dang ba dang/ gdung ba dang/ yang ba la sogs pa dmigs so/ de lta bas na 'di ni bde ba dang/ sdug bsngal dang/ rmongs pa rnam pa gsum po rnams kyi gnas lugs kyi khyad par yin no/ /zhes nges par bya'o/ /des na 'di dag ni rab tu dang pa la sogs pa'i 'bras bu las bde ba la sogs pa dang ldan pa nyid du grub cing/ de'i rjes su 'gro ba las kyang de'i bdag nyid kyi rang bzhin las byung ba nyid grub po/ /de grub pa yang shugs kyis rang bzhin gang yin pa de ni gtso bo yin no zhes bya bar grub po/ /gtso bo yod na tha dad pa dag rjes su 'gro bar mthong ba'i phyir ro/ /'di las kyang gtso bo yod pa yin te/ nus pa'i sgo nas 'jug pa'i phyir ro/ /zhes bya ba 'di las kyang gtso bo yod pa yin no/ 'jig rten 'di na gang zhig don gang la 'jug pa de ni de la nus pa yin te/ dper na thag pa snam bu byed pa la 'jug pa bzhin no/ /de'i phyir gang gis gsal ba skyed par byed pa'i gtso bo nus pa yod do zhes bsgrub par bya'o/ /nus pa de yang rten med pa can ma yin te/ de'i phyir gang la nus pa 'jug par byed pa'i gtso bo yod do/ /'di las kyang gtso bo yod pa yin te/ rgyu dang 'bras bu rnam par dbyer yod pa'i phyir 'jig rten 'di na rgyu dang 'bras bu dag gi rnam par dbye ba mthong ste/ 'di lta ste/ dper na 'ji pa'i gong bu ni rgyu yin la/ bum pa ni 'bras bu yin pa'i bzhin no/ /de yang 'ji pa'i gong bu las tha dad pa'i ngo bo yin te/ 'di ltar bum pa ni sbrang rtsi dang/ chu dang 'o ma 'dzin par nus kyi/ 'jim pa'i gong bu ni ma yin
- 168a
no/ /de ltar na chen po la sogs pa'i 'bras bu 'di mthong nas gang las chen po la sogs pa'i 'bras bu 'di skyed par byed pa'i rgyu gtso bo yod do/ /zhes bsgrub po/ /'di las kyang gtso bo yod de/ rang bzhin sna tshogs dbyer med pa'i phyir ro/ /rang bzhin sna tshogs zhes bya ba ni 'jig rten gsum la brjod do/ /'di dag ni 'jig pa'i dus na 'ga' zhig tu dbyer med par 'gyur te/ 'di ltar 'byung ba lnga ni de tsam lnga la dbyer med par 'gyur ro/ /de tsam dang/ dbang po dag ni nga rgyal la/ nga rgyal ni bla'o/ /blo ni gtso bo la dbyer med par 'gyur ro/ /de'i phyir de lta na 'jig pa'i dus su 'jig rten gsum dbyer med par 'gyur ro/ /dbyer med pa zhes bya ba ni rnam par dbye bar mi nus pa'o/ /de lta bas na gang du chen po la sogs pa zhum par dbyer med par 'gro ba'i gtso bo yod pa yin no snyam du sems so/ /de lta bas na 'dir slob dpon gyis rjes su 'gro ba'i phyir zhes lhag ma rnams nye bar mtshon pa'i don du gtan tshigs kho na bstan to/ /de la bde sogs zhes bya ba la sogs pa'i sgras sdug bsngal dang rmongs pa gnyis gzung ngo/ /gsal ba zhes bya ba ni chen po la sogs pa 'byung ba'i mthar thug pa'o/ /gsal bar snang zhes bya ba ni gsal bar dmigs zhes bya ba'i don to/ /ji ltar zhe na/ rab dang zhes bya ba la sogs pa smos te/ sogs pa'i sgras rar dang sbyar bar bya'o/ /'di ni kho bo cag gis dang po nyid du bshad zin to/ /de ltar rjes su 'gro ba'i phyir zhes bya ba'i gtan tshigs 'di grub par bstan nas/ tshad ma dgos pa'i phyir/ de bas de rigs zhes bya ba la sogs pa smos so/ /de rigs rjes 'gro mthong ba'i phyir zhes bya ba ni gtan tshigs te/ yon tan gsum gyis mtshan nyid de nyid kyi rig rjes su 'gro bar mthong ba'i phyir zhes bya ba'i don to/ /de'i
- 168b
dngos po las byung zhes bya ba ni bde ba la sogs pa'i dngos po'i rgyu gang pa yin pa de las byung zhes bya ba'i don to/ /'dis kyang bsgrub bya bstan to/ /bum sogs bye brag bzhin zhes bya ba ni bum pa la sogs pa'i khyad par bzhin no/ /de'i rang bzhin gyi rgyu gang yin pa de ni gtso bo yin no zhes ser skya ba ste/ grangs can rnams smra bar byed do/ /de'i phyir 'di la zhes bya ba la sogs pa lan 'debs par byed pa yin no/ /de la re zhig gtso bo kho na las 'bras bu'i khyad par 'di dag de'i ngo bor rab tu 'byung ngo zhes gang smras pa de la 'di dpyad par bya ste/ gal te 'bras bu'i khyad par 'di dag gtso bo'i rang bzhin kho na yin na/ de'i phyir ji ltar 'di dag las 'bras bu nyid 'jug par 'gyur/ gang zhig gang las tha mi dad pa de ni de'i 'bras bu 'am/ rgyu nyid du rigs pa ma yin te/ rgyu dang 'bras bu dag ni mtshan nyid tha dad pa'i phyir ro/ /de lta ma yin na 'di ni 'bras bu'o/ /'di ni rgyu'o zhes bya ba'i ma 'dres pa'i rnam par bzhag pa byas pa gang yin par ji ltar 'gyur/ de'i phyir/ khyed cag gis rtsa ba'i rang bzhin ni rgyu kho na yin la/ 'byung ba dang dbang po'i mtshan nyid kyi tshogs bcu drug ni 'bras bu kho na yin zhing/ blo dang nga rgyal dang/ de tsam rnams ni snga ma dang phyi ma la bltos na rgyu yang yin la 'bras bu yin no zhes rnam par bzhag pa byas pa gang yin pa der mi 'gyur ro/ /ji skad du/ rtsa ba'i rang bzhin 'gyur pa min/ chen po sogs bdun rang bzhin 'gyur/ /bcu po rnams 'gyur pa ste/ /skyes bu rang bzhin 'byung ba min/ /zhes bshad pa lta bu'o/ /phan tshun tha dad pa ma yin pa'i phyir thams cad rgyu 'am 'bras bu nyid du thal bar 'gyur pa las/ yang rgyu dang 'bras bu'i dngos po ni bltos pa dang bcas pa nyid kyi phyir dang/ bltos par bya ba ngo bo bzhin yang mi srid pa'i phyir/ skyes bu bzhin du thams
- 169a
cad rang bzhin yang ma yin la 'gyur ba yang ma yin par 'gyur ro/ /gzhan du na skyes bu yang rang bzhin dang 'gyur ba'i tha snyad du bya bar 'gyur ro/ /zho gang yin pa de 'o ma/ 'o ma gang yin te zho zhes/ drag po len gyis bstan pa ste/ de bzhin 'bigs byed gnas pa'ang 'chang/ /ces bshad do/ /yang rgyu dang ldan pa nyid la sogs pa'i chos dang ldan pa ni gsal ba yin la/ bzlog pa ni mi gsal ba yin no zhes gang yin brjod pa de yang byis pa'i tshigs nyid yin te gang zhig gang las rang bzhin tha mi dad pa de ni de las bzlog par mi rigs te/ bzlog pa'i mtshan nyid ni ngo bo gzhan yin pa'i phyir ro/ /de lta ma yin na tha dad pa'i tha snyad chad pa nyid du 'gyur ro/ /de'i phyir rdul dang/ mun pa dang/ snying stobs rnams dang/ sems can rnams phan tshun tha dad par khas blangs ba rgyu mtshan med pa kho nar 'gyur ba dang/ sna tshogs pa thams cad ngo bo gcig tu 'gyur ro/ /de'i phyir lhan cig skye ba dang 'jig par thal bar 'gyur ro/ /tha mi dad par rnam par bzhag pa'i mtshan nyid ni grub pa dang bde ba gcig pa yin pa'i phyir/ de lta bas na gsal ba'i ngo bo dang tha mi dad pa'i phyir mi gsal ba yang gsal ba'i ngo bo bzhin du rgyu dang ldan pa la sogs pa'i chos dang ldan par 'gyur ba dang/ gsal ba yang mi gsal ba'i ngo bo dang tha mi dad pa'i phyir rgyu dang mi ldan pa la sogs pa'i chos dang ldan par 'gyur ro/ /de ni rang gi ngo bo bzhin du nges pa nyid yin te/ gzhan du na ha cang thal bar 'gyur ro/ /gzhan yang 'jig rten na rjes su 'gro ba dang ldog pa nges pa rtogs na rgyu dang 'bras bu'i dngos por 'grub gyi/ gang gis gtso bo las chen po dang/ chen po las nga rgyal zhes bya ba la sogs pa 'grub par 'gyur ba gtso bo la sogs pa las chen po la sogs pa skye bar
- 169b
nges pa la rjes su 'gro ba dang/ ldog pa rtogs pa 'ga' yang yod pa ma yin no/ /de'i phyir gtso bo la sogs pa las chen po la sogs pa skyes pa'i tha snyad 'di ni rgyu mtshan med pa kho na'o/ /gang gis gtso bo las 'bras bu'i khyad par bskyed pa nyid du 'grub par 'gyur ba rtag pa la ni rgyu yi dngos po yod pa ma yin te/ rtag pa ni rim pa dang rim pa ma yin pa dag gis don byed pa 'gal ba'i phyir ro/ /'di snyam du gang gis ngo bo tha dad med pa na de 'gal bar 'gyur ba kho bo cag ni snga na med pa'i rang bzhin skye bas rgyu dang 'bras bu'i dngos po mi 'dod de/ gang gi phyir gtso bo sprul 'khyil ba ba? la sogs pa bzhin du chen po la sogs pa'i ngo bor yongs su 'gyur bar 'gro bas chen po la sogs pa de dag gi rgyu yin no/ /zhes bya ba bstan la/ chen po la sogs pa de dag kyang gtso bo yongs su gyur pa'i ngo bo yin pa'i phyir de'i 'bras bu nyid du bstan to/ /yongs su 'gyur ba yang dngos po gcig la gnas pa'i phyir tha mi dad kyang 'gal ba med do snyam du sems na /de ni yang dag pa ma yin te/ 'di ltar yongs su 'gyur ba ma grub pa'i phyir ro/ /'di ltar yongs su 'gyur ba na snga ma'i ngo bo yongs su dor nas sam/ yongs su ma dor bar yin grang gal te ma dor bar yin na de'i tshe gnas skabs 'tshol bar 'gyur te/ rgan po nyid la sogs pa'i gnas skabs na yang lang tsho nyid la sogs pa'i gnas skabs rnams dmigs par thal bar phyir ro/ /'on te yongs su dor nas yin na de'i tshe rang gi ngo bo las nyams par thal bar 'gyur ro// de'i phyir rang bzhin snga ma 'gag cing/ sngan med pa'i rang bzhin gzhan skye ba yin pa'i phyir/ yongs su 'gyur ba 'ga' yang mi 'grub bo/ /gzhan yang yongs su 'gyur ba'i mtshan nyid ni de nyid gzhan du 'gyur bar brjod la/ gzhan du
- 170a
'gyur ba de yang phyogs gcig gis sam/ bdag nyid thams cad kyis 'gyur ba yin grang/ de zhig phyogs gcig gis ni ma yin te/ gcig la phyogs gcig mi srid pa'i phyir ro/ /bdag nyid thams cad kyis kyang ma yin te/ don gzhan skye ba na snga ma 'jig par thal ba'i phyir ro/ /de lta bas na de nyid gzhan du 'gyur bar rigs pa ma yin te/ de'i rgyu mtshan ni rang bzhin gzhan skye ba yin pa'i phyir ro/ /ci ste yang chos can rnam par gnas pa la chos gzhan log pas chos gzhan skye ba ni yongs su 'gyur bar brjod kyi/ rang bzhin gzhan du 'gyur ba nyid ni ma yin no snyam du sems na/ 'di ni yang dag pa ma yin te/ /'di ltar 'jug pa dang ldog pa'i chos de chos can las don gzhan du gyur pa zhig gam/ don du gzhan du ma gyur pa zhig yin gal te don gzhan du gyur pa yin na de'i tshe/ chos can gyi gnas skabs de nyid yin pa'i phyir ji ltar 'di yongs su 'gyur ba zhes bya/ don gzhan du gyur pa'i snam bu dang rta dag skye ba dang 'jig pa na g.yo ba med pa'i bdag nyid kyi rang gi ngo bo'i bum pa la sogs pa yongs su 'gyur ba ni ma yin te/ ha cang thal bar 'gyur ba'i phyir ro/ /de lta na skyes bu yang yongs su 'gyur bar 'gyur// gal te de dang 'brel pa'i chos gnyis skye ba dang 'jig pas de yongs su 'gyur bar bzhag gi gzhan ni ma yin zhe na/ ma yin te/ yod pa dang med pa dag la 'brel ba med na de dang 'brel pa ma grub pa'i phyir ro/ /'di ltar 'brel par 'gyur na yod pa la 'am/ med pa la yin grang/ re zhig yod pa la ni ma yin te/ de ni rang bzhin phun sum tshogs pa ma lus pa thob pas bltos pa med pa nyid kyis 'ga' la yang rag las par mi 'thad pa'i phyir ro/ /med pa la yang ma
- 170b
yin te/ de ni nye bar brjod pa'i mtshan nyid thams cad dang bral ba yin pa nyid kyis 'ga' la yang brten pa nyid du mi 'thad pa'i phyir ro/ /gang gi phyir ri bong gi rwa la sogs pa rnams ni 'ga' la yang brten par mi rigs/ /chos gzhan tha dad pa skye ba dang 'jig pa na khyed cag gis yongs su 'gyur bar rnam par 'jog pa yang ma yin no/ /'o na ci zhe na/ gang la gnas skabs tha dad kyang bdag nyid gyur pa'i rang bzhin cig rjes su 'jug pa na de la khyed cag gis yongs su 'gyur bar rnam par bzhag la/ chos can las chos dag tha dad pa na rang bzhin gcig rjes su 'jug pa yod pa yang ma yin no/ /de dag gi gcig gi bdag nyid ni chos can nyid yin la/ chos las de yang tha dad pa'i phyir/ rang bzhin gcig gi bdag nyid gyur pa rjes su 'jug pa yin no/ /'jug pa dang/ ldog pa'i chos gnyis las tha dad pa'i chos can dmigs pa'i mtshan nyid du gyur pa mthong ba'i lam du 'jug pa ni 'ga' yang med pa'i phyir de 'dra ba ni mkhas pa rnams kyi med pa'i tha snyad kyi yul nyid yin no/ /ci ste don gzhan du ma gyur pa'i phyogs yin pa de ltar yang chos can nam chos su 'gyur ba yin chos gnyis chos can gyi gnas skabs can las tha mi dad pa'i phyir gnas skabs can gyi rang gi ngo bo bzhin du ldog pa yang med/ skye ba yang med do/ /chos gnyis las chos can ma yin pa'i phyir chos kyi rang gi ngo bo bzhin du snga na med pa skye zhing snga ma 'jig pa yin pa'i phyir gcig 'ga' yang yongs su 'gyur bar mi 'grub po/ /de'i phyir yongs su 'gyur pa'i dbang gis kyang khyed cag gi rgyu dang 'bras bu'i tha snyad rigs pa ma yin no/ /skyon 'di ni gsal ba nyid yin pa'i phyir de yal bar dor nas 'bras bu med par smra ba'i skyon gzhan gyis smras pa/ gang yin pa 'di de la yang phyis
- 171a
'chad par 'gyur ro snyam du bsams nas skyon mtshungs par bstan pa'i zol gyis/ re zhig 'bras bu yod par smra ba nyid sun 'byin par byed pa ni/ de'i phyir 'di la zhes bya ba la sogs pa'o/ /blo bzang rnams zhes bya ba ni bde bar gshegs pa'o/ /de dag gis smras pa'i med pa/ mi byed pa'i phyir zhes bya ba la sogs pas rtsod pa lnga byas pa gang yin pa de ni yod pa la yang ste/ 'bras bu yod par smra pa'i phyogs la yang mtshungs pa yin te/ 'di ltar 'di la 'di skad du brjod par nus te/ yod pa mi byed pa'i phyir dang/ rgyu len pa'i phyir dang/ thams cad skye ba med pa'i phyir dang/ nus pas ni nus pa byed pa'i phyir dang/ rgyu yod pa'i phyir 'bras bu yod pa zhes bya ba la/ gong na yod pa'i 'bras bu yod pa ma yin no/ /zhes bar du chod pa dang 'brel to/ ci'i phyir zhe na/ yod pa mi byed pa'i phyir dang/ rgyu len pa'i phyir zhes bya ba la sogs pa'i gtan tshigs gnyi ga'i skyon gang yin pa de gcig la klan kar rigs pa ma yin no snyam du bsams pa yin no/ /'on te 'dir med pa mi byed pa'i phyir zhes bya ba lta bu'i rtsod pa yin la/ gzhan du yod pa mi byed pa'i phyir zhes bya ba de lta bu'i rtsod pa 'di ma yin nam/ ji ltar 'di mtshungs par 'gyur zhe na/ ma yin te/ bsam pa yongs su ma shes pa'i phyir ro/ /mi byed pa dang/ nges pa'i rgyu len pa la sogs pa tsam brjod par 'dod nas 'di brjod la/ 'bras bu yod par smra ba la yang mi byed pa la sogs pa mtshungs pa'i phyir/ 'bras bu yod par smra ba khyed cag gi rtsod pa'i lan gang yin pa de ni 'bras bu med par smra ba blo bzang ste/ sangs rgyas pa rnams kyi yang yin par 'gyur ro/ /'di ji ltar mtshungs she na/ gal te zho sogs zhes bya ba la sogs pa smos te/ 'di yod pa mi byed pa'i phyir
- 171b
zhes bya ba 'di bsgrub pa'i don du'o/ /gal te 'o ma la sogs pa'i bdag nyid la ste/ 'o ma la sogs pa'i rnams kyi rang bzhin la/ zho la sogs pa'i mtshan nyid kyi 'bras bu rnams rnam kun te/ ro dang nus pa dang rnam par smin pa la sogs pa bdag nyid thams cad kyi khyad par gyi dbye ba'i ngo bos zho la sogs pa'i gnas skabs bzhin du yod pa de'i tshe de dag 'o ma la sogs pa'i rgyus bskyed par bya ba'i ngo bo ci zhig yod/ rgyu la sogs dang 'dra bdag nyid ces bya ba la/ rgyu la sogs pa dang 'dra ba'i bdag nyid gang la yod pa zhes tshig rnam par sbyar ro/ /rgyu ni rang bzhin no/ /sogs pa'i sgras ni sems pa can dang/ de dag gi sgra ni zho la sogs pa'i gnas skabs yang bskyed par bya ba ma yin par grub pa'i ngo bo gzung ngo/ /'dis ni rgyu dang 'bras bu med par thal ba sgrub pa'i tshad ma gnyis bstan to/ /de ni tshad ma gsal bar bstan pa'i phyir/ 'bras de yod phyir rgyu yis ni/ /zhes bya ba la sogs pa smos te/ 'bras de zhes bya ba ni chen po la sogs pa dang/ 'jig rten ni grags pa zho la sogs pa'o/ /yod phyir zhes bya ba ni yod pa'i phyir ro/ /rgyu rig bzhin zhes bya ba la/ rgyu ni gtso bo dang/ 'jig rten na grags pa ni 'o ma la sogs pa'o/ /rig pa ni sems pa can no/ /de dag dang mtshungs par 'jug pa'i phyir rgyu rig bzhin no/ /sbyor ba ni gang zhig rnam pa thams cad kyis yod pa de ni su zhig gis kyang bskyed par bya ba ma yin te/ dper na rang bzhin nam sems can bzhin no/ /gzhan gyis 'dod pas 'o ma la sogs pa gnas skabs su yang zho la sogs pa'i 'bras bu bdag nyid thams cad kyis yod pa yin no/ /zhes bya ba ni khyab par byed pa 'gal ba dmigs pa'i thal bar 'gyur ba'o/ /gtan tshigs ma des pa yang ma
- 172a
yin te/ khyad par bskyed par bya ba ma yin pa yang bskyed par bya ba nyid du thal bar 'gyur ba dang/ thug pa med par thal bar 'gyur ba ni gnod pa can gyi tshad ma ste/ bskyed zin pa yang bskyed par bya ba nyid du thal bar 'gyur pa'i phyir ro/ /de ltar na re shig 'bras bu nyid du mngon par 'dod pa rnams 'bras bu ma yin par thal bar 'gyur ba bsgrubs nas/ de ni rgyur mngon par 'dod pa rnams rgyu ma yin pa nyid du thal bar 'gyur bar bsgrubs par bya ba'i don du/ de phyir mngon 'dod rgyu min te/ zhes bya ba la sogs pa smos so/ /mngon par 'dod pa'i dngos po zhes bya ba ni lhag ma'o/ /des na don ni 'di yin te/ /rtsa ba'i rang bzhin la sogs pa dang/ sa bon dang 'o ma la sogs pa mngon par 'dod pa'i dngos po rnams ni brjod par 'dod pa'i chen po la sogs pa dang zho la sogs pa'i rgyu ma yin te/ skyed par byed pa'i rgyu'i tha snyad du rung bar mi 'gyur ro zhes bya ba'i don to/ /ci'i phyir zhe na/ bsgrub par bya ba med pa'i phyir ro/ /'di la sgrub bya yod pa ma yin pa'i phyir bsgrub bya med pa'o/ /de'i ngo bo ni bsgrub bya med pa nyid do/ /'di yang de ma thag tu brjod pa'i 'bras bu nyid bkag pa las grub ste/ de nyid kyi phyir de phyir zhes smos so// gzhan dag bzhin zhes bya ba ni/ gzhan gyi rang bzhin bzhin te/ rgyu ma yin par mngon par 'dod pa'i dngos po'i rang bzhin bzhin no zhes bya ba'i don do/ /rgyu ma yin par 'dod pa'i dngos po yang sems pa can te/ skyes bu 'gyur min rang bzhin min/ /zhes smras pa'i phyir ro/ /sbyor ba ni gang zhig bsgrub bya med pa de ni rgyu ma yin te/ dper na sems pa can lta bu'o/ /mngon par 'dod pa'i dngos po yang bsgrub bya med pa can yin no/ /zhes bya ba
- 172b
ni khyab par byed pa mi dmigs pa'o/ /'di gnyi ga yang thal ba bsgrub pa yin te des na gnyi ga la grub pa'i dpes ci zhig bya/ gang yang grangs can rnams skyes bu la yang gzugs brnyan 'char pa'i tshul gyis longs spyod la byed pa po yin no// snyam du sems pa de la de skad du bshad de/ 'di ni gzhan yang yin la bdag kyang yin te/ grol pa zhes bya ba'i don to/ /de ni grol ba yin pa'i phyir longs spyod par byed pa po nyid ma yin pa'i phyir dpe ma grub pa ma yin no/ /'on te gsal sogs zhes bya ba la sogs pas/ gzhan gyi lugs kyis gtan tshigs ma grub pa dogs par byed de/ de la gal te gtan tshigs dang po mngon par gsal ba la sogs pa'i bdag nyid thams cad kyi ngo bo yod pa'i phyir zhes khyad par dang bcas pa byed pa de'i tshe ni ma grub ste/ kho bo cag gis mngon par gsal ba la sogs pa'i ngo bos kyang 'bras bu yod par ni mi 'dod do/ /'o na ci zhe na/ nus pa'i ngo bos so/ /ci ste spyir khyad par med pa yin pa de'i tshe ma nges pa yin te/ 'di ltar mngon par gsal ba la sogs pa'i mtshan nyid kyi khyad par ni bskyed par bya ba ma yin pa'i phyir/ des na thams cad 'bras bu ma yin par thal bar mi 'gyur ro/ /de nyid kyi phyir gtan tshigs gnyis pa yang ma grub pa yin te/ bsgrub bya yod pa'i phyir ro// gsal sogs mtshan nyid ces bya ba la sogs pa'i sgras shas che ba dang shas chung ba la sogs pa'i gnas skabs kyi khyad par gzung ngo/ /de zhes bya ba ni khyad par ro/ /tha snyad ces bya ba ni klan ka'o/ /de phyir mngon 'dod rgyu min te/ /bsgrub bya med phyir zhes bya ba la sogs pa'i nyes par mi 'gyur ro zhes bya ba'i tha tshig go /gal te de ltar sngar de yod ces bya ba la sogs pas len 'debs par byed de/ de la rnam pa gnyis su brtag ste/ khyad par 'di mngon par gsal ba'i gnas skabs las
- 173a
sngar rang bzhin gyi gnas skabs 'ga' zhig gi tshe yang yod dam/ 'on te med/ gal te yod pa yin na de'i tshe khyed cag gis gtan tshigs gnyi ga yang ma grub pa la sogs pa la lan btab pa 'ga' yang med do/ /'on te sngar yod pa med pa de lta na yang khyad par de ji ltar rgyu de dag las 'byung bar 'gyur/ khyed kyi med pa mi byed pa'i phyir zhes pa rigs pa ma yin snyam du dgongs pa'o/ /de ltar re zhig med pa mi byed pa'i phyir ro zhes bya ba'i gtan tshigs 'di bsgrubs nas/ da ni rgyu len pa'i phyir zhes bya ba la sogs pa'i gtan tshigs bzhi po bsgrub pa'i phyir/ de phyir bsgrub bya med pas na zhes bya ba la sogs pa smos so/ /ji skad du bshad pa'i rigs pas bsgrub par bya ba med pa'i rgyu len par mi 'gyur te/ bsgrub par bya ba'i 'bras bu de 'dod pa nyid kyis de dag rtag pa dang ldan pa rnams kyis len pa'i phyir ro/ /'o ma la sogs pa des pa las zho la sogs pa skye'i zhes bya ba 'di yang mi 'gyur te/ bsgrub par bya ba med pa nyid kyi phyir ro/ /'dis kyang thams cad skye ba med pa'i phyir zhes bya ba 'di bsgrubs pa yin te/ 'di ltar thams cad las skye ba med pa nyid des pa las skye ba zhes bya'o/ /de yang 'bras bu yod par smra ba'i phyogs la mi rung ste/ bsgrub bya med pa'i phyir de bzhin du nus pa byed pa'i phyir zhes bya ba 'di gnyis kyang rigs pa ma yin te/ bsgrub bya med pa nyid kyi phyir/ gal te 'ga' zhig gis 'ga' zhig mngon par sgrub par byed pa ni nus par bzhag la/ bsgrub par bya ba yang byed par grub kyi/ gzhan du ma yin no/ /de ston par byed pa ni nus pa med cing bya ba'ang med ces bya ba'o/ /dngos po rnams kyi rgyu yod pa yang rigs pa ma yin te/ bsgrub bya med pa'i phyir ro/ /de
- 173b
ston pa ni/ bdag nyid thams cad rdzogs pa'i phyir zhes bya ba la sogs pa'o/ /'di yang rgyu yod pa'i phyir ro/ /zhes bya ba'i gtan tshigs 'di bsgrubs pa yin no/ /de ltar yang ma yin te/ de'i phyir 'bras bu yod pa ma yin no zhes gtan tshigs thams cad thal ba las bzlog par sbyar bar bya'o/ /yang skabs gzhan gyis 'bras bu yod par smra ba sun dbyung ba'i phyir bsgrub pa zhugs pa thams cad ni zhes bya ba la sogs pa smos so/ /zhugs pa zhes bya ba ni 'jug pa'o/ /phyin ci log smos pas the tshom yang bzung te/ de ni gnyi ga'i cha la dmigs pa nyid kyis sgro 'dogs pa nyid yin pa'i phyir ro/ /gang gi phyir sgrub par byed pa thams cad rang gi yul la 'jug pa na gnyis byed de/ gzhal bar bya ba'i don gyi yul la 'jug pa na/ phyin ci log dang the tshom zlog par byed pa dang/ yul de la des pa skyed par byed pa'o/ /'di ni 'bras bu yod par smra ba la rigs pas mi 'thad do// ji ltar zhe na/ the tshom dang ni phyin ci log ces bya ba la sogs pa smos te/ 'di ltar khyed cag gi lugs kyis the tshom dang phyin ci log dag sems can gyi bdag nyid yin nam/ blo dang yid kyi rang bzhin yin/ /phyogs gnyi ga yang de dag bzlog tu med pa yin te/ sems pa can dang blo dang yid rnam pa nyid kyis de dag kyang rtag pa'i phyir ro/ /bsgrub par byed pa las des pa skyed pa yang ma yin te/ gnas skabs thams cad du gnas pa'i rgyu 'di nyid kyi phyir ro/ /de'i phyir 'di la khyed cag gis sgrub par byed pa gang yin pa gang 'di smras pa de kun te thams cad don med pa yin no/ /'dis ni rang gi tshig dang 'gal ba bstan pa yin te/ 'di lar des pa bskyed pa'i
- 174a
don du sgrub byed smra ba na des pa yang med pa skye ba khas blangs pa yin la/ 'bras bu yod pa yin no zhes kyang dam bcas nas/ /de bkag pa'i phyir rang gi tshig dang 'gal lo/ /ci ste sgrub par byed pa'i sbyor ba don med par 'gyur du 'ong bas nges pa yang dag pa ma yin pa de med pa nyid sgrub par byed pa las skye'o zhes khas blangs pa yin no/ /de lta na med pa mi byed pa'i phyir zhes bya ba la sogs pa'i gtan tshigs kyi tshogs mdza' dag ma nges pa nyid du 'gyur te/ des pa bzhin du med pa yang skye ba 'gal ba med pa'i phyir ro/ de'i phyir ji ltar nges pa med kyang byed pa dang/ ji ltar de bsgrub par bya ba'i phyir sgrub par byed pa'i khyad par len pa dang/ ji ltar de sgrub par byed pa ltar snang ba la sogs pa thams cad las/ 'byung ba ma yin pa dang/ ji ltar 'di med na yang nus pa'i rgyu ngag gis byed pa dang/ ji ltar de la rgyu rnams kyi byed pa yod pa de bzhin du gzhan la yang 'gyur ro/ /ci ste sgrub par byed pa'i sbyor ba las sngar med pa yod pa yin mod kyi/ 'on kyang sgrub par byed pa don med pa ni ma yin te/ 'di ltar de 'di sngar mngon par mi gsal ba las phyis sgrub par byed pa de dag las mngon par gsal bar sgrub par byed do/ /de'i phyir mngon par gsal bar bya ba'i don du sgrub par byed pa'i bya ba yod pas 'di dag don med pa ma yin no snyam du bsams na/ de ni rigs pa ma yin te/ gsal ba ma grub pa'i phyir ro/ /'di ltar gsal ba rang bzhin gyi khyad par skye ba 'am/ yang na de'i yul can shes pa 'am/ de la dmigs pa'i sgrib pa bsal ba yin grang/ de la re zhig rang bzhin gyi khyad par skyed pa ni ma yin te/ 'di ltar rang bzhin gyi khyad par 'di des pa'i
- 174b
rang gi ngo bo las tha mi dad pa 'am/ tha dad par gyur pa zhig yin grang/ gal te tha mi dad pa yin na de'i tshe/ de ni des pa las dbyer med pas tha mi dad pa'i phyir/ des pa'i rang gi ngo bo bzhin du thams cad du gnas pas skye bar mi rigs so/ ci ste tha dad yin na/ de lta na yang de'i 'di zhes bya ba'i 'brel ba mi 'thad do/ /'di ltar rten dang brten pa'i mtshan nyid kyi 'brel ba yin nam/ bskyed par bya ba dang skyed par byed pa'i mtshan nyid kyi 'brel pa yin/ re zhig dang po ni ma yin te/ phan tshun phan gdags par bya ba dang/ phan 'dogs par phyed pa ma yin pa la de med pa'i phyir ro/ /phan pa ma yin na yang phan 'dogs par byed pa de tha dad pa nyid yin na 'brel ba ma grub cing thug pa med par thal bar 'gyur ba'i phyir ro/ /tha mi dad na yang sgrub par byed pa'i sbyor ba don med de/ des pa nyid las phan gdags par bya ba tha dad pa'i khyad par bskyed pa'i phyir ro/ /lus can ma yin pa'i phyir khyad par thur du ltung ba med pa'i phyir de la rten 'ga' zhig rigs pa yang ma yin te/ 'og tu ltung ba'i gags byed pa nyid kyis rten du rnam par bzhag pa'i phyir ro/ /bskyed bya skyed byed kyi mtshan nyid kyi 'brel pa yang med de/ thams cad du des pa zhes bya ba'i rgyu nye ba'i phyir/ khyad par rtag tu skyed par thal bar 'gyur ba'i phyir ro/ /sgrub par byed pa'i sbyor ba la bltos nas des pa khyad par skyed par byed pa nyid du rigs pa yang ma yin te/ phan 'dogs par byed pa ma yin pa la bltos pa mi rung ba'i phyir ro/ /phan 'dogs na yang gong du skyon snga ma bzhin dang/ thug pa med do/ /gzhan yang khyad par gang yin pa 'di tha dad par gyur pa yin na/ de ci med zhig gam/
- 175a
'on te yod pa zhig ces bya ba'i rnam par rtog pa gnyis po 'di yang 'jug pa nyid do/ /de la med pa yin na snga ma bzhin du sgrub par byed pa rnams des pa nyid du 'gyur la/ yod na yang sgrub par byed pa don med par 'gyur ro/ /de la yang mngon par gsal ba 'dod pa na mngon par gsal ba 'di yang ci zhig ces thug pa med par thal ba ldog par dka' o/ /de lta bas na tha dad pa'i phyogs la yang ma 'brel ba'i phyir te/ 'brel pa med pa'i phyir ngo bo'i khyad par skyed par mi rigs so/ /de'i yul la shes pa skyed pa'i mtshan nyid kyang gsal bar rigs pa yin te/ de'i yul rig pa ni rtag pa nyid kyi phyir te/ 'di ltar de'i yul yang dag par rig pa gang yin pa de 'bras bu yod smra ba khyed cag gi lugs kyis rtag pa nyid yin pa'i phyir de ci zhig bskyed par bya bar 'gyur/ dmigs pa gnyis pa mi srid pa'i phyir yang/ de'i yul can gyi shes pa skyed pa yang mngon par gsal ba'i mtshan nyid du mi rigs so/ /yang gi sgra ni sdud pa dang/ rim pa gzhan du sbyar ba ste/ mi srid pa'i phyir zhes bya ba'i 'og tu blta bar bya'o/ /des na 'di skad du bstan pa yin te/ spro ba nas sdud pa'i bar du blo ni gcig yin no zhes bya ba ni grub pa'i mdza' yin pa'i phyir/ khyed cag gi lugs kyis rig pa ni gcig nyid yin la/ de nyid des pa yin te/ gang zhig sgrub par byed pa rnams kyis byed par 'gyur ba de la dmigs pa'i gsal ba zhes bya ba gzhan ci zhig yod/ 'di snyam du de'i yul can gyi rigs pa blo'i rang bzhin ni ma yin no/ /'o na ci zhe na/ yid kyi rang bzhin yin no/ /snyam du sems na/ 'di ni yang dag pa ma yin te/ blo dang dmigs pa dang/ des pa dang yid dang/ yang dag par rig pa zhes bya ba la sogs pa rnams ni don gzhan ma yin pa'i
- 175b
phyir ro/ /'di yang phyis ston par 'gyur ro/ /de'i yul la dmigs pa'i sgrib pa zad pa'i mtshan nyid kyang gsal ba ma yin te/ rgyu rnam pa gnyis po de nyid kyi phyir ro/ /'di ltar de la dmigs pa'i sgrib pa gang yin pa des ni rtag pa'i phyir zad par 'gyur ba ma yin no/ /mi mngon pa'i mtshan nyid zad pa yang rigs pa ma yin te/ sngar gyi ngo bo ma btang par mi mngon pa srid pa'i phyir ro/ /dmigs pa gnyis pa yang med pa'i phyir dmigs pa'i sgrib pa ni yod pa ma yin no/ /med pa la ni sgrib pa mi rigs te/ /de ni dngos po yod pa'i yul can yul yin pa'i phyir ro/ /de lta bas na de zad pa ni rigs pa ma yin no/ /yang na rtag pa'i phyir zhes bya ba ni de'i yul can gyi rig pa ni rtag pa'i phyir sgrib pa med la/ de med pa'i phyir zad par mi rigs so zhes bya ba'i don 'di yin no/ /sgrib pa zad pa yang sus kyang bya ba med yin te/ de ni rang bzhin med pa'i phyir ro/ /'bras bu yod par smra ba'i phyogs la sgrub par byed pa'i sbyor ba don med par 'gyur ba 'ba' zhig tu ma zad kyi/ bcings pa dang/ thar pa med par thal ba dang/ 'jig rten gyi tha snyad thams cad chad par thal ba yang mi zlogs te/ 'di ltar khyed cag gis gtso bo dang skyes bu dag so sor dmigs pa'i mtshan nyid de kho na nyid shes pa skye ba na thar pa ni 'dod la/ de kho na nyid shes pa de yang thams cad du gnas pa nyid kyi phyir/ lus can thams cad thar pa nyid du 'gyur ro/ /de'i phyir bcing ba med do/ /log pa'i shed pa'i dbang gis kyang bcing par 'dod la/ de ni thams cad du gnas pa nyid kyis thams cad du thams cad bcings pa'i phyir gang las thar pa yin/ 'jig rten yang phan pa dang mi phan pa thob pa dang/ spong ba'i don du 'jug la/ 'bras bu yod par smra ba'i phyogs la yang cung zad thob par bya ba
- 176a
'am spangs par bya ba med pa'i phyir/ 'gro ba byed pa med pa nyid du 'gyur ro/ /de lta bas na tha snyad thams cad chad par thal bar 'gyur ro/ /de ltar re zhig 'bras bu yod par smra ba bsal nas/ 'bras bu med par smra ba'i phyogs la yod pa'i skyon spang pa'i phyir/ yon tan gsum ldan dbyer med kyang/ /zhes bya ba la sogs pa smos te/ 'bras bu yod pa bkag pa nyid kyi shugs kyis 'bras bu med pa yin par grub pa nyid de/ yod pa dang med pa dag ni phan tshun spangs te/ gnas pa'i mtshan nyid kyi rnam pa gzhan med pa'i phyir ro/ /de yang bshad pa don med do zhe na/ de lta na yang gzhan gyis bkod pa'i skyon ltar snang bar bstan pa'i phyir brjod par bya'o/ /de la re zhig de ni bya bar mi nus te/ ngo bo med phyir zhes gang smras pa de ni ma grub ste/ dngos po'i rang bzhin nyid bya ba khas blangs pa'i phyir la dngos po'i ngo bo de yang ngo bo med par ma grub pa'i phyir ro/ /gal te de skyes pa las sngar rang bzhin med pa nyid yin no zhe na/ ma yin te/ de nyid rang bzhin med pa nyid du mi rigs pa'i phyir ro/ /rang bzhin nyid rang bzhin med par rigs pa ni ma yin te/ rang bzhin med pa nyid kyi mtshan nyid ni dngos po'i rang bzhin bkag pa yin pa'i phyir ro/ /gang gis de nyid rang bzhin med par 'grub par 'gyur ba skye ba las sngar bya ba'i dngos po de yod pa yang ma yin no/ /ci ste dngos po dang bral ba'i mtshan nyid kyi ngo bo med pa'i chos can phyogs su byas nas ngo bo med phyir zhes bya ba'i gtan tshigs su bya ba de'i tshe grub pa la grub ste/ dngos po dang bral ba ni sus kyang byed par khas ma blangs so/ /gzhan yang gtan tshigs ma nges pa yin te/ mi mthun pa'i phyogs la gnod par byed pa'i tshad ma ma bstan pa'i phyir ro/ /'di ltar rgyu'i nus pa so so'i nges pa'i phyir gang la skyed par byed
- 176b
pa'i rgyu yod pa'i med pa 'ga' zhig ni byed la/ nam mkha' i pad+ma la sogs pa gang la rgyu med pa de ni mi byed pa'i phyir ma nges pa yin no/ /thams cad thams cad kyi rgyur mi 'dod cing gang dang gang med pa de dang de byed pa nyid do/ /zhes bya ba'i khyab pa yang mi 'dod do/ /'o na ci zhe na/ gang byed pa de ni skye ba las sngar med pa nyid do zhes 'dod do/ /'di snyam du rgyu rnams med par mtshungs pa la/ ci'i phyir rgyu thams cad rgyu med pa thams cad rgyur mi 'gyur snyam du sems na/ rtsod pa 'di ni khyed cag la yang yod par mtshungs par la ci'i phyir rgyu thams cad yod pa thams cad kyi rgyur mi 'gyur zhes mtshungs so/ /gang gis de mi byed pa khyed cag gi lugs kyis med pa ni cung zad kyang yod pa ma yin no/ /rgyu'i nus pa nges pa'i phyir yod pa yin na yang ri bong gi rwa la sogs pa mi byed do/ /zhe na de ni cig shos la yang mtshungs so/ /gzhan yang dper na khyed cag gi yon tan gsum dang ldan pa thams cad du khyad par med na yang nus pa nges pa'i phyir/ thams cad thams cad byed pa ma yin no/ /thams cad kyi 'am 'di la 'bras bu thams cad kyi byed pa zhes tshig rnam par sbyar ro/ /de bzhin 'bras bu med pa'am ngo bo 'ga' zhig rjes su 'gro ba med pa yin yang thams cad thams cad byed par ni mi 'gyur ro/ /gang yin de 'dra med na yang zhes bya ba 'di yang khas blangs nas brjod pa yin gyi mtshungs pa yang ma yin te/ 'di ltar bye brag yod na yang 'ga' zhig 'ga' zhig nyid kyi rgyur 'gyur te/ de lta bur gyur pa'i rang bzhin gyi khyad par des pa ni rang gi rgyu brgyud pa las yang dag pa 'ongs pa'i phyir 'gal ba med do/ /tha mi dad pa ni gcig la dus gcig tu rgyu dang rgyu ma yin pa phan tshun 'gal ba ji ltar srid pa yin te/ dngos po tha dad pa'i rgyu mtshan ni/ 'gal ba'i chos
- 177a
dang ldan pa yin pa'i phyir/ /de skad du yang/ tha dad na tha yang 'ga' zhig ni/ dngos chos nyid gyi byed por 'gyur/ tha dad med na gcig de yis/ /bya ba byed pa 'gal bar 'gyur/ /zhes bshad do/ /des pa grub pa ma rdzogs phyir// zhes bya ba la sogs pas gzhan dag nus pa nges pa med pa bstan pa'i dor rtsod par byed/ /khyed kyi hes bya ba ni 'bras bu med par smra ba sangs rgyas pa khyod kyi rgyu ngag ni nus pa nges pa mi 'thad pa'o/ /ci'i phyir zhe na/ nges pa rnams te 'bras bur gyur pa rnams ma grub pa'i phyir ro/ /'bras bu med par 'bras bu rgyu dang ldan pa yod pa ni yin no/ /sbyor ba ni gang dag yod par gyur pa'i 'bras bu'i nges pas stong pa ni de dag ni nus pa nges pa ma yin te/ dper na ri bong gi rwa la sogs pa bzhin no/ /sa lu'i sa bon la sogs pa'i dngos po yang yod par gyur pa'i 'bras bu nges pas stong pa yin no/ /zhes bya ba ni khyad par byed pa yi dmigs pa'o/ /rang gi phyogs legs par gnas par bstan pa'i phyir/ yod na de'i nges pa ni zhes bya ba la sogs pa smos te/ yod na ste/ 'bras bu rnams yod pa yin na zhes bya ba'i don to/ /de'i zhes bya ba ni nus pa yi'o/ /de lta min zhes bya ba la sogs pas gtan tshigs ma nges pa nyid du brjod do/ /'di ltar nges pa de dag ma grub pa na gal te zho skyed pa la 'o ma nus so zhes bya ba'i tha snyad 'di med du zad mod/ gang yang rnam pa de lta bu'i khyad par thams cad kyis stong pa sgro ma btags pa'i dngos po sngar ma mthong ba gang de ma thag dngos po gzhan skye ba de la 'gag pa med do/ /'di snyam du gang la sgra dang rnam par rtog pa dag mi 'jug pa de la dngos po'i rang bzhin yang ldog pa nyid yin snyam du sems na/ ming ni dngos po'i ngo bo min zhes bya ba la sogs pa smos te/ khyad par byed pa'i rang bzhin
- 177b
nyid log na rang gi khyab par bya ba ldog par byed la/ rgyu log pa na yang 'bras bu ldog ste/ 'grel pa yod pa'i phyir/ /gzhan ni ma yin te/ ha cang thal bar 'gyur ba'i phyir/ /gang gis de log pa na rnam pa de lta bu'i dngos po ldog par 'gyur ba 'o ma la ni zho ba'i nus pa yod do zhes bya ba ni de lta bu la sogs pa'i ming ste/ tha snyad dngos po rnams kyi rang gi ngo bo'i rang bzhin ni yod pa ma yin no/ /gang gis de ldog pa na de lta bu rnam pa'i dngos po ldog par 'gyur ro/ /ming smos pa ni mtshon pa ste/ rnam par rtog pa yang de dang bsres la bzung ngo/ /ngo bo smos pa yang mtshon pa ste/ ming dngos po rnams kyi rgyu yang ma yin te/ de med na yang dngos po yod pa'i phyir/ /'dir rgyu ni/ 'di ltar rnam rtog brjod pa ni/ /zhes bya ba la sogs pa smos te/ 'di ltar ni gang gi phyir te/ rnam rtog ni ming dang 'dres pa la brten pa'o/ /brjod pa yang sgra'o/ /rtogs pa sna tshogs rnam pa du ma ni dbyer med cing cha shas med pa'i dngos po'i rang bzhin gcig la /ji ltar goms pa bzhin du 'jug go /'di ltar sgra la sogs pa'i dngos po gcig kho na la rtag pa la sogs pa'i ngo bos gzhung lugs tha dad pa la gnas pa'i sgo nas rnams kyis rtog par byed cing brjod par byed de/ /sgra dang rnam par rtog pa de dag dngos po de'i bdag nyid dam de'i yul can yin na dngos po sna tshogs par 'gyur ba 'am/ dngos po'i rang gi ngo bo bzhin du sgra dang rnam par rtog pa rnams/ cig gi ngo bo nyid du thal bar 'gyur ro/ /gcig nyid sna tshogs pa yin no zhes ni rig pa ma yin no/ /ha cang thal bar 'gyur ba'i phyir ro/ /de lta bas na nus pa nges pa'i phyir med pa 'ga' zhig byed kyi/ thams cad ni ma yin pas ngo bos med phyir zhes bya ba'i gtan tshigs nges pa yang yin no/ /de nyid
- 178a
kyi phyir rgyu len pa'i phyir zhes bya ba la sogs pa gtan tshigs bzhi po yang ma nges pa yin te 'di ltar gal te 'bras bu yod pa byas pa nyid nges pa'i rgyu len pa 'ga' zhig tu grub par gyur na/ de'i tshe de lta yin par gyur na/ ji srid du rgyu'i nus pa nges pas byas pa yang nges pa'i rgyu len par rigs pa ma yin no/ /rgyu'i nus pa nges pa kho na'i phyir yang thams cad thams cad las skye ba ma yin te/ thams cad don gyi bya ba thams cad byed pa'i rang bzhin med pa'i phyir ro/ /gang yang khyad par byar med gang yin pa/ /zhes bya ba la sogs pa gang smras pa de yang bsam ma shes nas smra ba yin te/ gang gis 'gyur ba yin na de'i rang bzhin nyams par thal bar 'gyur ba kho bo cag gis ni med pa byed do/ zhes ma brjod do/ /'on kyang dngos po nyid byed do zhes sngar zin to/ /dngos po de yang dmigs pa'i mtshan nyid kyis gyur pa las ma dmigs pa'i phyir dang grub pa med? 'bras bu nyid du mi 'thad pa'i phyir/ skye ba las sngar med pa yin no zhes bya'o/ /rgyu gang zhig nye ba tsam gyis de da ltar bur gyur pa skyed pa na des de byed do zhes tha snyad du byas kyi/ bya ba dang 'brel bas 'ga' zhig gis 'ga' zhig byed pa ni ma yin te/ chos thams cad ni bya ba med pa nyid yin pa'i phyir ro/ /med pa zhes bya ba gang zhig cung zad yod pa 'am/ rnam par 'gyur ba ni ma yin no/ /med pa'i mtshan nyid ni dngos po'i rang bzhin bkag pa tsam yin pa'i phyir ro/ /gzhan yang gal te khyad par du byar med pa'i phyir med pa mi byed do/ /zhes brjod la/ yod pa yang rang bzhin thams cad grub bas khyad par du byar med pa'i phyir/ de ji ltar byed/ de lta bas na nus pas ni nus pa byed pa'i phyir zhes bya ba 'di ni ma nges la/ 'bras bu med par smra ba la yang
- 178b
rgyu'i dngos po rigs pa yin pa'i phyir rgyu yod pa'i phyir ro zhes bya ba 'di yang ma nges pa yin no/ /yang na sngar yod pa 'bras bu nyid du mi srid pa bstan pa'i phyir dang/ 'bras bu med par smra ba kho na'i rgyu len pa la sogs pa'i nges pa rigs pa yin pa'i phyir/ rgyu len pa'i phyir zhes bya ba la sogs pa'i gtan tshigs bzhi po 'gal ba yin te/ bsgrub par bya ba las bzlog pa sgrub par byed pa'i phyir/ gal te khyed cag gi lugs kyis med pa nyid skye'o zhes bya ba ma yin nam/ de'i phyir ji ltar mod las yod pa dang med pa skye ba bkag ste/ ji skad du/ blo gros chen po chos thams cad ni ma skyes pa ste/ yod pa dang med pa ni ma skyes pa'i phyir ro zhes gsungs zhe na/ 'di la skyes pa dngos po'i ngo bo'o zhes bya ba la sogs pa smos te/ 'ong gi sgra ni nges par bzung ba'i don to/ /khyad par gzhan spangs pas de tsam zhig shes par 'dod pa na/ dngos po rnams kyi sngon dang phyi ma'i mdza' stong pa skad cig ma tsam gyi gnas skabs kyi rang bzhin nyid la skye ba zhes brjod do// bye brag tu smra bas kun tu btags pa'i 'dus byas kyi mtshan nyid kyi skye ba ni ma yin te/ de ni dgag par bya ba yin pa'i phyir ro/ /bye brag pas yongs su btags pa'i yod pa'i 'du ba skye ba 'am/ rang gi rgyu 'du ba yang ma yin te/ de dag kyang 'gegs par 'gyur ba'i phyir ro/ /gzhan gyis lugs kyis kyang de dag rtag pa'i phyir dang/ rtag pa yang skye ba mi thad pa'i phyir ro/ /ji skad du/ yod pa rang rgyu dang 'brel ba/ /byed pas rgyu ni yin par grag/ yod pa de dang de 'brel pa de/ /rtag pa 'di la 'bras bu gang/ /zhes bshad do/ /de lta bu'i bdag nyid kyi skye ba de ni med pa dang de'i bdag nyid kyi 'brel pa ni med de/ yod pa dang med pa dag ni 'gal ba'i phyir ro/ /gang gis phyir med pa ni med par yang 'gyur ba ma yin no/ /yod pa dang
- 179a
med pa sngar byung ba dang 'brel pa med de/ de ni sngar med pa'i phyir ro/ /da ni 'bras bu med par smra ba khyed cag la ji ltar zhe na/ brtag pa'i blos zhes bya ba la sogs pa smos te /brtags pa'i blo byed pa por gyur pa 'am byed par gyur pas med pa'i byed pa po dang sprel pa 'ba' zhig tu zad de/ 'brel pa thob par byed ces bya ba'i don to/ /gang skye bar 'gyur ba med pa zhes bya ba ni cung zad med de/ 'on kyang gang med pa skye ba zhes bya ba 'di ni brtags pa'i tha snyad yin no zhes bya ba'i tha tshig go /yang gang gis 'di lta bu'i tha snyad 'di 'dod pas brtags pa'i sa bon gang zhig yin zhe na/ gcig gi rjes la dngos po yi/ /zhes bya ba la sogs pa smos te/ gcig gi so sor nges pa'i dngos po gang yin pa 'ga' zhig gi de ma thag tu sngar ma mthong ba'i dngos po dmigs te/ de bar gyis gnas skabs las sngar yod pa ma yin te/ dmigs pa'i mtshan nyid du gyur pa las ma dmigs pa'i phyir ro/ /de lta bas na 'di ni sngar med pa skye bo zhes bya ba brtags pa 'dis sa bon yin no/ /ci'i phyir zhe na/ snga na yod na zhes bya ba la sogs pa smos te/ bar gyi gnas skabs las sngar bar gyi gnas skabs bzhin du yod na ste/ bdog pa dngos po'i ngo bo yod pa yin na med pa skye'o zhes bya ba'i btag pa'i rgyu mtshan 'di yod pa ma yin no/ /'di ltar skye ba zhes bya ba 'dis bar ma'i gnas skabs su 'byung ba nges pa'i ngo bo kho na brjod do/ /gal te de sngar yang ? pa yin na de'i tshe de bar gyi gnas skabs 'byung ba'i phyir bya ba'i rang gi ngo bo nges pa gang yin pa de nyams par 'gyur te/ nam mkha' bzhin du thams cad du nges pa la sngar ba'i phyis dad par gyi bar gnas skabs med pa'i phyir ro/ /de'i phyir thams cad du thams cad skye ba zhes bya ba
- 179b
de lta bu'i tha snyad du 'gyur te/ khyad par med pa'i phyir ro/ /gzhan yang 'bras bu yod par smra ba rnam pa gzhan gyis sun dbyung ba'i phyir/ 'o ma sogs la zho la sogs/ /zhes bya ba la sogs pa smos te/ khyed cag gi rgyu la 'bras bu yod zhes gang brjod ba ni de ni don ci la bsams/ ci gsal ba'i ngo bos sam/ 'on te nus pa'i ngo bos yin grang/ gal te gsal ba'i ngo bos yin na de'i tshe 'o ma la sogs pa'i gnas skabs na yang zho la sogs pa phyis bzhin du dmigs par thal ba'i phyir ro// ci ste nus pa'i ngo bos yin na/ de la yang nus pa'i ngo bo gang yin pa de ci dmigs pa'i mtshan nyid du gyur a'i ngo bo zho la sogs pa'i 'bras bu las gzhan yin nam/ 'on te de nyid yin/ gal te de nyid yin na de'i tshe snga ma bzhin du dmigs bar thal bar 'gyur ro/ /'on te gzhan yin no zhes bya ba'i phyogs yin na/ de'i tshe 'bras bu rgyu'i bdag nyid du yod pa yin zhes bya ba'i phyogs btang bar 'gyur te 'bras bu las tha dad pa'i nus pa zhes bya ba'i dngos po gzhan yod par khas blangs pa'i phyir ro/ /'di ltar ro dang nus pa dang smin par byed pa la sogs pa'i yon tan dang ldan pa'i ngo bo'i khyad par bsal pa gang yin pa de nyid zho la sogs pa'i 'bras bu zhes bya'o/ /de yang 'o ma la sogs pa'i gnas skabs su dmigs su rung ba las ma dmigs pa'i phyir med pa'i tha snyad kyi yul yin no/ /gzhan nus pa'i ngo bor yod pa gang yin pa de ni 'bras bu nyid ma yin no/ /gzhan yod pa na gzhan yod pa yang ma yin te/ ha cang thal bar 'gyur ba ba'i phyir ro/ /'on te mar ni tshe yin no/ /lteng ka'i chu ni rkang na de zhes gzhan yod pa na gzhan du brjod bar mthong ba ma yin nam zhe na/ ji ltar dngos su zhes bya ba smos te/ dngos su ste/ nye bar ma btags par zhes bya ba'i don to/ /rgyu la 'bras bu btags nas mar la tshe zhes brjod kyi dngos su ni ma yin no/ /gal te
- 180a
khyed cag kyang ?? 'bras bus rgyu la yod do zhes brjod na de'i tshe ni 'gal ba cung zad med kyi/ dngos su yin na ni 'gal bar brjod do/ /'di nyid dpe'i sgo nas bstan pa'i phyir/ snying stobs yod pas sdug bsngal dang zhes bya ba la sogs pa smos so/ /khyed kyis snying stobs kyi ngo bo gang yin pa de nyid sdug bsngal dang rmongs pa dag tu ma bzhag ste/ de dag phan tshun mtshan nyid tha dad par gnas pa'i phyir ro/ /da ni khyad par rnams rjes su 'gro bar mthong ba'i phyir zhes bya ba'i gtan tshigs 'di ma grub pa nyid du bstan pa'i phyir ro/ /gsal ba'i snying stobs sogs ldan bar/ /zhes bya ba la sogs pa smos te/ sgra la sogs pa'i mtshan nyid kyi gsal ba bde ba la sogs pa'i ngo bor des la ste kho bo cag la ma grub ste/ gang gi phyir bde ba la sogs pa ni nang gi yin pas rig pa'i ngo bo yin pa'i phyir ro/ /sgra la sogs pa yang sems pa med pa nyid yin pas de'i phyir 'di dag ji ltar bde ba la sogs pa dang ldan par 'gyur ro/ /sbyor ba ni gang dag rig pa'i ngo bo ma yin pa de dag ni bde ba la sogs pa'i rang bzhin ma yin te/ dper na gzhan gyis khas blangs pa'i sems pa med pa'i skyes bu bzhin no/ /sgra la sogs pa yang rig pa'i ngo bo dang bral ba yin no zhes bya ba ni khyab par byed pa mi dmigs pa'o/ /'di snyam du gal te bde ba la sogs pa'i rang bzhin yin pa la rig pa'i ngo bo nyid kyis khyab pa grub par 'gyur na/ de'i tshe de log na sgra la sogs pa la bde ba la sogs pa'i rang bzhin nyid ldog par 'gyur ro/ /gang gi phyir de nyid ma grub ste/ skyes bu nyid rigs pa'i ngo bos 'dod pa'i phyir ro snyam sems na/ de'i rang rig gsal phyir ro/ /zhes bya ba smos te/ de'i phyir bde ba la sogs pa rnams ni rig pa la ngo bo nyid du grub ste/ ci'i phyir zhe na/ bde ba la sogs pa rnams ni rang rig pa yin
- 180b
la rang rig pa yang gsal ba'i phyir ro/ /bde ba la sogs pa rnams dga' ba dang gdung ba la sogs pa'i ngo bos sgra la sogs pa'i yul nye ba na yod dam med kyang rung gsal ba gzhan la mi bltos par rang gsal ba'i bdag nyid kyi mtshan nyid rang rig pa 'dir khyad par ni gsal ba yin pa'i phyir ro/ /gsal ba gzhan la mi bltos pa'i sim pa la sogs pa'i ngo bo gang yin pa de rang nyid kyis grub ste/ de ni sems pa can dang bde ba dang rig pa dang/ shes pa zhes bya ba la sogs pa'i rnam grang dag gis bstan to/ /gal te bde ba la sogs pa rnams rig pa gzhan gyi nyams su myong bar zhes bya bar 'gyur na/ de'i tshe de dag rig pa yin pa sim pa ma yin pa la sogs pa'i ngo bor 'gyur te/ rang nyid de'i bdag nyid ma yin pa'i phyir dper na rnal 'byor ba dang rjes su dpag pa po gzhan gyi bde ba la sogs pa myong bar byed pa bzhin no/ /de lta ma yin na rnal 'byor pa la sogs pa de dag kyang/ med pa la sogs pa bzhin du dngos su bde ba la sogs pa nyams su myong bar 'gyur ro/ /yang na rnal 'byor pa la sogs pa bzhin du gzhan dag la yang phan pa dang gnod par mi 'gyur te/ khyad par med pa'i phyir ro/ /rig pa yang sim pa la sogs pa'i ngo bor khas blangs pa na bde ba la sogs pa rig pa'i ngo bo nyid du grub po/ /sim pa dang sim pa ma yin par myong ba gang yin pa 'di nyid kho bo cag gi bde ba dang sdug bsngal yin no/ /de lta bas na gtan tshigs ma nges pa ma yin no/ /ma grub pa yang ma yin te/ phyi rol gyi don yod par smra ba thams cad la sgra la sogs pa'i ngo bo dang bral bar grub pa'i phyir ro/ /gzhan du rnam par shes par smra ba'i lugs nyid khas blangs pa byas par 'gyur la/ de yang 'dod pa kho na'o/ /gtan tshigs 'gal ba yang ma yin te
- 181a
mthun pa'i phyogs la yod pa'i phyir ro/ /'di snyam du ji ltar rig pa ni sngon po ma yin pa la sogs pa'i ngo bo yin na yang phyi rol na gnas pa'i sngon po la sogs pa nye ba'i phyir/ sngon po la sogs pa'i ngo bor snang ba de bzhin du sim pa ma yin pa la sogs pa'i ngo bo nyid yin na yang phyi rol gyi bde ba la sogs pa'i nye bar len pa'i stobs kyis sim pa la sogs pa'i ngo bo bzhin du rlom mo/ /des na rig pa ni sim pa la sogs pa'i ngo bo nyid yin na yang bde ba la sogs pa rig pa'i ngo bo nyid du grub pa ma yin no/ /de'i phyir rtsa ba'i gtan tshigs ma nges pa yin no snyam du dogs pa la/ sgra sogs gcig pu kho na la/ /zhes bya ba la sogs pa smos so/ /goms dang rigs kyis bye brag las zhes bya ba la/ goms pa ni mang du byas pa'o/ /rig ni rang gi rang bzhin no/ /de dag gi bye brag ni khyad par ro/ /chags pa la sogs zhes bya ba la/ chags pa ni mngon par zhen pa'o/ /sogs pa'i sgras dga' ba la sogs pa dang/ sdang ba skyo ba la sogs pa dang/ dman pa dang sgrib pa la sogs pa yon tan gsum dang ldan pa'i 'bras bu'i tshogs gzung ngo/ /nges pa zhes pa ni gcig gi rnam pa ste/ 'di ltar goms pa'i khyad par gyis chang dang bud med sogs pa rnams la sdug pa dang mi sdug pa'i mtshan mar goms pa'i 'dod pa la sogs pa rnams dang rigs kyi khyad par yang ste/ rta dang glang po'i phru gu la sogs pa so sor nges pa 'ga' zhig gi 'ga' ba la sogs pa 'byung ba yin gyi thams cad la ni ma yin no/ /sgra la sogs pa rnams bde ba la sogs pa'i ngo bo nyid yin pa na 'di yang mi rigs so/ /ci'i phyir zhe na/ dngos gcig rjes su 'brangs nas ni/ /zhes bya ba la sogs pa smos te/ de dag thams cad ni dngos po
- 181b
tha dad pa med pa'i yul can yin pa'i phyir/ sngon po la sogs pa'i yul can gyi rig pa bzhin du rig pa re re yang sna tshogs par thal bar 'gyur ro/ /'di snyam du dngos po gsum gyi bdag nyid yin mod kyi 'on kyang ma mthong ba la sogs pa la ste/ chos thams cad la sogs pa'i mtshan nyid kyi lhan cig skyed pa'i dbang gis 'ga' zhig 'ga' zhig gi ngo bor snang gi/ thams cad thams cad kyi ni ma yin no snyam du sems na/ sogs pa'i sgras ni goms pa dang rigs kyi bye brag dang len par 'dod pa la sogs pa gzung ngo/ /gal te de lta bas na dngos po'i rjes su 'brang mi 'gyur/ /rig pa de dngos po la dmigs par mi 'gyur ste/ de'i rnam pas stong pa'i phyir ro snyam du sems pa'o/ /de'i rnam pas stong pa de nyid bstan pa'i phyir/ dngos po'i ngo bo rnams gsum pa/ /zhes bya ba smos te/ snying stobs dang rdul dang mun pa'i ngo bo'o/ /de yi rig pa rnam pa gcig /ces bya ba'i skyes bu de de dag gi rig pa ni yang dag par rig pa dag ste/ re re la yang zhen pa la sogs pa tsam ngo bo gcig nges pa'i phyir/ rnam pa gcig rig par 'gyur/ zhes bya ba'i don to/ /de dag ni zhes bya ba ni rig pa rnams so/ /de la zhes bya ba ni sgra la sogs pa la'o/ /yang dag ces bya ba ni don dam par zhes bya ba'i tha tshig go/ ci'i phyir mi rigs she na/ de dang mi mthun zhes bya ba smos te/ de'i dmigs pa ni dngos po dang mtshan nyid mi mthun zhes bya ba'i don to/ /sbyor ba ni gang zhig gang gi rnam pa rig pa ma yin pa de ni de'i yul can ma yin te/ dper na mig gi rnam par shes pa sgra'i yul can ma yin pa rang bzhin no/ /ji skad du rig pa yang gsum gyi bdag nyid kyi dngos po'i rnam pas stong pa yin no zhes bya ba ni khyad par byed pa ni mi dmigs pa'o/ /ha cang thal bar 'gyur ba ni/ bzlog pa la gnod pa can gyi tshad ma'o/ /'di snyam du ji ltar sgra la sogs pa'i dngos po rnams
- 182a
bdag nyid thams cad kyis mngon sum gyi gzung nas goms pa la sogs pa'i dbang gis skad cig ma la sogs pa 'ga' zhig nyid du nges par skye bar 'gyur gyi/ thams cad la ni ma yin pa de bzhin du mthong ba la sogs pa'i dbang gis rig pa rnam pa gcig pa can du 'gyur ba yin no snyam du sems na/ de ni yang dag pa ma yin te/ kho bo cag ni skad cig ma nyid la sogs pa'i rnam par rtog pa yang don dam par dngos po'i yul can yin par mi 'dod de/ dngos po ni rnam pa rtog pa thams cad las 'das pa yin pa'i phyir ro/ /rgyud nas dngos po dang 'brel pa'i phyir ro/ /rnam pa de lta bu'i dngos po thob pa'i rgyu nyid kyis de tshad ma nyid yin no/ /gzhan dag gis dga' ba la sogs pa ni don dam par dngos po'i yul can nyid yin par 'dod de/ rnam pa gzhan du na dmigs pa med pa nyid yin na bde ba la sogs pa myong bas der mi 'gyur ro/ /dga' ba la sogs pa de dag kyang rtag ba dang bcas pa yin pa'i phyir/ ma nges pa'i ngo bo cung zad kyang yod pa ma yin pas bdag nyid thams cad kyis nyams su myong ba gsal bar 'gyur ro/ /rang gi don rtogs pa gang yin pa de 'di nyid nges pa rnams kyi nges pa yin no/ /ji skad du rab tu dang ba dang gdung ba dang spong ba la sogs pa'i 'bras bu dmigs pa'i phyir sgra la sogs pa rnams bde ba la sogs pa dang ldan pa nyid du grub pa yin no zhes smras pa gang yin pa de ni ma nges pa yin no zhes bstan pa'i phyir/ skyes bu gcig la zhes bya ba la sogs pa smos te/ 'di ltar ser skye ba'i rnal 'byor pa rnams tha dad par skyes bu la spom par byed pa na rnal 'byor pa legs par goms pa rnams skyes bu la dmigs nas rab tu dang ba dang dga' bar 'gyur ro/ /rnal 'byor la ma goms pa ches myur bar ma mthong bas
- 182b
skyo bar 'gyur la/ yang gang dag rang bzhin gyis blo gros blun pa de dag la sgrib pa skye'i/ gzhan dag gis skyes bu de yon tan gsum gyi bdag nyid de'i ngo bor 'dod pa yang ma yin te/ de lta bas na rab tu dang ba dang gdung pa dang/ spong ba la sogs pa'i 'bras bu dmigs pa'i phyir/ zhes bya ba 'di ni ma nges pa ma yin no/ /gal te dga' ba la sogs pa de dag kun tu rtog pa las 'gyur gyi skyes bu las ni ma yin no zhe na/ 'di ni sgra la sogs pa la yang mtshungs so/ /de'i phyir kun tu rtog pa tsam las byung ba nyid yod na phyi rol gyi bde ba la sogs pa mi grub ste/ kun tu rtog pa ni rig pa'i ngo bo yin pa'i phyir ro/ /de nyid kyi phyir phyi rol gyi bde ba la sogs pa'i rgyu'i dbang gis rig pa sim pa la sogs pa'i ngo bo yin no zhes bya ba 'di yang 'khrul pa can yin te/ phyi rol gyi yul gyi nye bar len par med na yang skyes bu la dmigs nas dga' ba la sogs pa rnams skye bar mthong ba'i phyir ro/ /gang yang 'dod pa dang/ mi 'dod pa'i rnam par rtog pa las phyi rol gyi yul nye ba la mi bltos par bde ba la sogs pa rig pa yin par 'grub pa de ji ltar gzhan gyi nye bar len pa las 'gyur te/ gal te yon tan gsum gyi yid kyang de'i nye bar len pa las 'byung ngo zhe na/ ma yin te/ de la yang gsal ba gzhan la ma bltos par rang nyid kyis grub pa gang yin pa zhes bya ba la sogs pas rig pa'i ngo bo nyid du bstan pa nyid yin pa'i phyir ro/ /de lta bas na rjes su 'gro ba'i phyir zhes bya ba'i gtan tshigs ma grub pa yin no/ /da ni gtan tshigs grub par khas blangs nas yang ma nges par bstan pa'i phyir/ gsal ba zhes bya ba la sogs pa smos te/ gal te gsal ba yon tan gsum gyi bdag nyid du grub pa ma yin mod kyi/ 'on kyang de'i rgyu gtso bor 'dod pa gang yin pa de mi 'grub ste/ de lta bur 'gyur
- 183a
ba'i rgyu dang gang du yang gtan tshigs rjes su 'gro ba ma grub bo snyam du bsams pa yin no/ /'di ltar de'i yon tan gsum gyi bdag nyid gcig pu rtag pa khyab pa sgrub par 'dod pa yin la/ de lta bu'i rgyu dang gang du yang gtan tshigs dang 'brel ba ma grub pa yin no/ /'bras bu gang gi bdag nyid du gyur pa dmigs pa rnams kyang gdon mi za bar de'i bdag nyid du 'gyur bar bya dgos pa yang ma yin te/ rgyu dang 'bras bu dag ni tha dad pa'i phyir ro/ /'di ltar khyed kyi gsal ba zhes bya ba'i 'bras bu rgyu dang ldan pa nyid dang/ mi ldan pa nyid dang/ khyab byed ma yin pa la sogs pa'i chos dang ldan par 'dod la/ de'i rgyu ni de'i ngo bor 'dod pa yang ma yin no/ /de lta bas na gtan tshigs ma nges pa yin no/ /chos can gyi khyad par phyin ci log tu sgrub pa'i phyir 'gal ba yang yin no zhes bstan pa'i phyir/ de rgyu zhes bya ba la sogs pa smos te/ gcig pu dang rtag pa dang yon tan gsum gyi bdag nyid rgyur gyur pa'i chos can bsgrub par 'dod la/ de yang de lta bur gyur pa ma grub po/ /'o na ci zhe na/ phyin ci log tu 'o snyam du bsams pa'o/ /ci'i phyir zhe na/ de ni rigs cig ldan ma yin no/ /zhes bya ba smos te/ ni'i sgra ni rgyu'i don te/ gang gi phyir gsal ba zhes bya ba'i 'bras bu de cig pu yon tan gsum gyi bdag nyid kyi rang gi ngo bor gyur pa'i rigs dang ldan par grub pa ni ma yin no/ /'o na ci zhe na/ du ma nyid dang/ mi rtag pa nyid la sogs pa'i chos dang ldan pa nyid du dmigs so/ /gal te gsal ba ji skad du bshad pa'i rigs gcig dang ldan pa yin na/ de'i tshe de'i rgyu yang ji skad bshad pa'i chos kyi khyad par dang ldan par 'grub bo/ /ji srid du 'bras bu mi rtag pa nyid dang/ du ma nyid kyi chos dang ldan par mthong ba'i phyir de'i rgyu yang de lta bu nyid du rjes su dpag par
- 183b
bya ste/ rtag pa ni rim dang rim ma yin pa dag gis don byed par 'gal ba'i phyir dang/ 'bras bu sna tshogs pa ni rgyu tha dad pas byas pa'i phyir/ de lta ma yin na rgyu med pa nyid thal bar 'gyur ba'i phyir/ de lta bas na gtso bo rtag pa dang gcig pu'i ngo bor ma grub po/ gal te yang rgyu mi rtag pa dang du ma'i ngo bo nyid la gtso bo zhes ming 'dogs na de'i tshe mi la mi rtsod do snyam du bsams pa yin no/ /yang ci'i phyir gsal ba rigs gcig dang ldan pa ma yin zhe na/ gsal ba thams cad lugs kyi ni/ /zhes bya ba la sogs pa smos te/ ji ltar lcags kyi rang bzhin gyi thur ma phan tshun 'byar ba de bzhin du sgra la sogs pa'i bsal ba 'di dag rang rang gi ngo bo la gnas pa nyid kyis yul dang dus dang nus pa dang snang ba la sogs pa tha dad pas phan tshun dus ma 'des pa yin no/ /'dis ni du ma nyid du bstan to/ /mi rtag pa nyid du bstan pa'i phyir rim pa dang 'brel pa'i lus zhes bya ba smos te/ skye ba'i rim pa dang/ 'brel pa ste/ yang dag bar sbrel pa'i lus gang la yod pa zhes tshig rnam par sbyar ro/ /'o na ji ltar yod pa zhes bya ba la sogs pa gcig gi ngo bo dang/ de bzhin du de nyid 'di yin no zhes dngos po rnams bstan pa'i rang bzhin dang ldan par nges pa yin zhe na/ rtog pa dang 'dres pa'i bdag nyid can/ /zhes bya ba smos te/ don rnam la gcig gi bdag nyid du 'dzin pa 'di ni log pa'i rnam par rtog pa yin no zhes bya ba'i don te/ /'di yang skad cig ma 'jig pa la sogs par phyis ston par 'gyur ro/ /de ltar re zhig rjes su 'gro ba'i phyir zhes bya ba'i gtan tshigs 'di ma grub pa dang 'gal ba dang ma nges pa nyid du bstan nas/ de ni bum sogs bye brag bzhin zhes bya ba'i dpe la bsgrub bya dang sgrub byed kyi chos rjes su 'gro ba med par bstan pa'i phyir/ dpe bzhin 'dzin
- 184a
pa'i 'gyur la sogs/ /zhes bya ba smos te /sogs pa'i sgras ni gser la sogs pa'i 'gyur ba gzung ngo/ /de bzhin zhes bya ba ni skyon gzhan sdud pa 'am/ 'dre ba nyid yin no/ /khyad par rigs gcig ldan ma yin/ /zhes bya ba 'dis ni sgrub par byed pa'i chos dang bral bar bstan to/ (/rgyu mtshan gcig par ma grub ste/) zhes bya ba la/ ma grub ces skabs dang sbyar ro/ /'dis kyang bsgrub bya'i chos rjes su 'gro ba med par bstan te/ 'on te 'ji ba'i gong bu dang gser la sogs pa gcig de dag gi rgyur grub pa nyid yin la/ de bzhin du 'ji ba dang gser la sogs pa'i rigs de dag gi rjes su 'gro bar mthong ba ma yin nam/ de ji ltar gnyis ka med pa yin zhe na/ 'ji ma gong la sogs tha dad phyir/ /zhes bya ba smos te/ 'jim gong la sogs pa'i yan lag can gcig ni yod pa ma yin te/ phyogs gcig bsgribs pa na thams cad bsgrib par thal ba'i phyir ro/ /rigs gcig kyang ma yin te/ gsal ba so so snang ba tha dad pa'i phyir ro/ /gzhan yang rjes su 'gro ba'i phyir zhes bya ba'i gtan tshigs 'di rang nyid kyis ma nges pa yin no zhes bstan pa'i phyir/ /skyes bu sems pa sogs ldan na'ang/ /zhes bya ba la sogs pa smos te/ 'di ltar skyes bu ni sems pa can nyid dang/ za ba po nyid la sogs pa'i chos tshad med pa rnams dang ldan par 'dod de/ khyed cag gis ni de dag rnam pa de lta bu'i rgyu gcig sngon du 'gro ba can yang mi 'dod do/ /ci ste yang sems pa can la sogs pa dang ldan pa'i skyes bu ni dngos su mi 'dod do/ /'o na ci zhe na/ nye bar btags pa yin no/ /gang gi phyir skyes bu thams cad sems pa can la sogs pa las ldog pa des na/ don gzhan las ldog pa'i ngo bo med sems med pa can gyi rigs de'i rjes su 'gro bar btang pa yin
- 184b
gyi/ de ni de kho na nyid du gcig tu yod pa ni ma yin no snyam du sems na/ gal te de lta na bde ba la sogs pa dang ldan pa nyid de lta bur gyur pa'i rgyu gcig sngon du song ba nyid med na yang dngos po ma yin pa'i skyes bu bzhin du gsal ba 'di la yang ci'i phyir mtshungs pa ste/ 'dra bar mi rtag/ de lta bas na gtan tshigs ma nges pa yin no/ /skyes bu zhes bya ba ni nye bar mtshon pa yin no/ /de bzhin du rtsa ba'i rang bzhin gyi gnas skabs yod pa'i bde ba la sogs pa nyid yon ten nyid sems pa med pa nyid dang/ za ba po la sogs pa rnams dang len pa dang/ gtso bo dang skyes bu ni rtag pa nyid la sogs pa rnams dang ldan la/ /de dag ni de lta bar gyur pa'i rgyu gcig sngon du 'gro ba can yang ma yin zhes bya ba 'dis ma nges pa nyid do/ /de ltar re zhig rjes su 'gro ba'i phyir zhes bya ba'i gtan tshigs 'di bkag go/ da ni 'jug bsdu ba'i thabs kyi gtan tshigs lhag ma sun dbyung ba'i phyir phyogs tsam zhig bshad pa de bas gtso bo'i rgyu med kyang zhes bya ba la sogs pa'o/ /de la re zhig chang yod pa'i phyir dang/ nus pa'i sgo nas 'jug pa'i phyir dang/ rgyu dang 'bras bu dbyer yod pa'i phyir dang/ gtso bo yod do zhes gang smras pa'i gtan tshigs 'di sum char ma nges pa yin te/ bsgrub par bya ba las bzlog pa la gnod par byed pa'i tshad ma ma bstan pa'i phyir dang/ gtso bo zhes bya ba'i rgyu med na yang tshad la sogs pa 'di dag mi 'gal ba'i phyir ro/ /'di ltar gal te re zhig rgyu tsam yod pa nyid du sgrub pa de'i tshe/ sgrub pa la sgrub pa yin te/ kho bo cag ni rgyu med par 'bras bu skye bar mi 'dod do/ /rgyu tsam la gtso bo zhes ming 'dogs pa ni cung zad kyang gnod pa med do/ /ci ste gsal ba tshad nges par skyed par byed pa dang/ nus pa'i sgo nas 'jug par byed pa gang yin pa zhes bya ba de lta bu'i rtog pa dang ldan pa'i rgyu yod
- 185a
pa de ltar sgrub pa yin na/ de'i tshe ma des pa yin te/ rtog pa dang ldan pa'i byed pa po med na yang rang gi rgyu'i nus pa las tshad nges pa la sogs pa dang ldan pa skyed pa la 'gal ba med pa'i phyir ro/ /gtso bo ni rtog pa dang ldan par rigs pa yang ma yin te/ de ni sems pa can ma yin pa'i phyir dang/ rtog pa yang sems pa can gyi rnam grangs yin pa'i phyir ro/ /gzhan yang nus pa'i sgo nas 'jug pa'i phyir zhes bya ba 'dis ni gal te pha? yi dad pa'i nus pa dang ldan pa'i rgyu tsam sgrub pa de'i tshe grub pa la sgrub po/ /'on te nus pa sna tshogs dang ldan pa'i rgyu tha dad pa gcig pu yin na/ de'i tshe gtan tshigs ma nges pa yin te/ de lta bur gyur pa dang gang du yang rjes su 'gro ba ma grub pa'i phyir ro/ /gtan tshigs ma grub pa yang yin te/ tha dad pa'i nus pa'i dbang gis rgyu 'ga' zhig 'bras bu 'ga' zhig la 'jug pa ma sgrub ste/ nus pa rnams ni rang gi bdag nyid du gyur pa'i phyir ro/ /gang yang rang bzhin dbyer med pa'i phyir zhes bya ba smras pa de yang ma grub ste/ rjes su 'gro ba med par 'jig pa'i chos nyid yin pa'i phyir ro/ / gang du yang thim pa grub ste/ 'di ltar thim par 'gyur ba rang gi ngo bo thams cad zhig pa 'am/ ma zhig pa la yin grang/ gal te re zhig zhig pa la yin pa de'i tshe rjes su 'gro ba med par 'jig par thal bar 'gyur ro/ /'on te ma zhig pa la yin na de'i tshe thim pa mi 'thad de/ ma tshang ba med pa'i bdag nyid kyi de kho na nyid nyams su myong ba la ni thim pa 'ga' yang mi 'thad do/ /ha cang thal bar 'gyur pa'i phyir ro/ /de'i phyir rang bzhin sna tshogs dbyer med pa'i phyir/ zhes bya ba 'di ni phan tshun 'gal ba yin no// de lta bas na de ltar gtso bo rgyu med na yang rgyu'i nus pa'i khyad par las 'bras bu'i tshad la sogs pa'i ngo bo sna tshogs pa dang/ rgyu dang 'bras bu'i rnam par dbye ba la sogs pa 'thad pa'i phyir gtan tshigs rnams ma nges pa yin no/ /sogs
- 185b
pa'i sgras nus pa'i sgo nas 'jug pa'i phyir zhes bya ba 'di gzung ngo/ /yang na/ de bas gtso bo'i rgyu med kyang/ /zhes bya ba la/ kyang gi sgra ni nges par gzung ba'i don to/ /des na don ni 'di yin te/ /gtso bo'i rgyu med pa kho nar rgyu'i nus pa'i bye brag gis 'bras bu'i tshad la sogs pa'i ngo bo sna tshogs pa dang/ rgyu dang 'bras bu la sogs pa'i rnam par dbye ba 'thad pa yin pa'i phyir/ gtan tshigs rnams ma nges pa yin no/ /'di ltar gang gi tshe gsal ba'i rgyu gtso bo yin no/ de'i tshe sna tshogs thams cad de'i bdag nyid yin pas de dang 'dra bar rdzas gcig tu 'gyur ro/ /de lta yin dang blo gcig dang/ /nga rgyal gcig dang/ de tsam lnga zhes bya ba la sogs pa'i tshad kyi rnam par dbye bar mi 'gyur ro/ /de lta yin dang 'gro ba tshad med par kho nar 'gyur ro/ /de bzhin du rdza mkhan la sogs pa rnams bum pa la sogs pa byed pa na/ nus pa'i sgo nas 'jug pa ni gtso bo'i rgyu med pa kho nar 'thad kyi/ de yod na ni ma yin te/ nus pa med cing bya ba 'ang med ces sngar ji skad du bshad pa yin no/ /rgyu dang 'bras bu rnam par dbye ba yang gtso bo rgyu med pa kho na yin na rigs so zhes sngar nyid du shes par byas so/ /rang bzhin sna tshogs pa yang gtso bo yod na mi 'thad pa nyid de/ 'gro ba thams cad de'i bdag nyid yin pas de'i rang gi ngo bo bzhin du gcig nyid du thal bar 'gyur ro zhes bshad zin/ de lta yin dang gang las 'di rnam par dbye ba med par 'gyur ba rang bzhin sna tshogs pa dang po nyid nas yod pa ma yin no/ /de kho na nyid bsdus pa'i bka' 'gro ba las/ rang bzhin brtag pa ste dang po'o// //nga ni dbang phyug gi bya ba dang bral ba nyid bstan pa'i phyir/ gzhan dag skye ldan thams cad kyi/ /zhes bya ba la sogs pa smos te/ skye ba dang mi ldan pa nam mkha' la sogs pa la ni rtag pa'i phyir
- 186a
rgyu cung zad kyang yod pa ma yin pas/ de'i phyir skye ldan zhes bstan to/ /gzhan dag ces bya ba ni rigs pa can la sogs pa'o/ /dbang ni dbang phyug go /de la kha cig ni dbang phyug yon tan khyad par can dang ldan pa dag las gzhan 'gro ba thams cad kyi byed pa po thams cad shes pa yin no zhes zer ro/ /gzhan dag ni bdag las tha dad pa rtag pa gcig pu don thams cad kyi yul can gyi blo dang ldan pa nyid kyis yon tan tha dad pa'i phyir rdzas gzhan nyid yin no zhe'o/ /'on te chos dang/ chos ma yin pa dang/ rdul phra rab la sogs pa 'gro ba'i rgyu yod pa ma yin nam/ de ci'i phyir gzhan dbang phyug rgyu nyid du rtogs par byed ce na/ de phyir/ sems pa med pa rang nyid kyis/ /zhes bya ba la sogs pa smos te/ chos la sogs pa rgyud yin mod kyi/ 'on kyang de ni sems pa med pa yin pa'i phyir/ phyin gyi rlab pa po med par rang nyid kyis rang gi 'bras bu rtsam par nus pa ma yin no/ /des na de byin gyis rlab pa po 'ga' zhig pa por 'gyur par bya dgos so/ /gang gi sems pa med pa 'ga' zhig rang dbang can dang byin gyis rlob pa por ma mthong ngo/ /sbyor ba ni gang sems pa med pa de ni byin gyis rlob pa po med par rang gi 'bras bu rtsom pa ma yin te/ dper na 'jim pa'i gong bu dang/ dbyig gu dang/ chu dang/ skud pa la sogs pa rdza mkhan dang bral ba'i bum pa lta bu'o/ /chos la sogs pa yang sems pa med pa can yin no zhes bya ba ni khyab par byed pa 'gal ba dmigs pa'o/ /de lta bas na byin gyis rlob pa po gang yin pa nyid dbang phyug yin pa grub po/ /de ltar na chos dang chos ma yin pa la sogs pa don med pa yang ma yin te/ dbang phyug ni rgyu mtshan gyi rgyu yin pa'i phyir ro/ /'di snyam du chos dang chos ma yin pa dang 'du ba'i bdag gang yin de nyid byin gyis rlob pa po yin par 'gyur na/ de'i phyir
- 186b
dbang phyug brtags pas ci zhig bya snyam du sems na/ de ni yang dag pa ma yin te/ bdag de de'i tshe shes pa med pa yin pa'i phyir ro/ /de ji srid du lus dang dbang po la sogs pa'i rgyu dang 'bras bu tshogs pa ma skyes pa de srid du 'di shes pa med pa yin la/ dmigs su rung ba yin na de srid du gzugs la sogs pa'i yul mi dmigs na dmigs su mi rung ba'i chos dang chos ma yin pa gang las dmigs par 'gyur/ ji skad du skye ba po 'di shes yod min te/ bdag gi bde sdug bdag la rang dbang med/ /dbang phyug gis btang yang na mtho ris sam/ /g.yang sa dag du 'gro ba kho nar 'gyur/ /zhes smras pa lta bu'o/ /'di la rnam phug pas dbang phyug sgrub pa las tshad ma gnyis bkod pa ni rang rtsom byed pa'i cha shas dag /ces bya ba la sogs pa smos te/ 'di skad du dbang po gnyis kyis gzung bar bya ba dang gzung bar bya ba ma yin pa'i blo mi mthun pa'i gzhi nyid du gyur pa ni blo dang ldan pa'i rgyu sngon du 'gro ba can yin te/ rang rtsom par byed pa'i cha shas kyi dbyibs kyi khyad par dang ldan pa'i phyir bum pa la sogs pa bzhin no/ /chos mi mthun pa ni rdul phra rab lta bu'o zhes smras te/ de la mthong ba dang reg pa'i don dbang po gnyis po de dag gi gzung ba chen po dang/ rdzas du ma dang ldan pa dang/ gzugs la sogs pa dmigs pa'i rgyu dang ldan pas sa dang chu dang/ me'i ming can rdzas rnam pa gsum ni mthong ba dang reg pa'i dbang po dag gis gzung bar bya ba ni/ dbang po gnyis kyis gzung bar bya ba yin la/ rlung la sogs pa ni bzung bar bya ba ma yin pa'o/ /gang gi phyir chen po nyid dang/ rdzas du ma dang ldan pa nyid dang/ gzugs dang/ 'du ba la sogs pa na dmigs pa'i rgyur 'dod la/ de yang rlung la sogs pa
- 187a
la med do/ /ji skad du/ chen po dang rdzas du ma ni gzugs dang ldan pa'i phyir dang/ gzugs yin pa'i phyir dmigs pa yin la/ rlung ni gzugs dang mi ldan pa'i phyir mi dmigs so/ /gzugs dang ldan pa ni gzugs dang 'du ba'o/ rdul phra rab gnyis pa la sogs pa ni dmigs pa ma yin te/ chen po ma yin pa'i phyir ro zhes bshad pa lta bu'o/ /de la spyir dbang po gnyis kyis gzung par bya dang gzung bar bya ba ma yin pa dang ldan pa'i rgyu sngon du sgrub par byed na grub pa la sgrub pa'i skyon yod de/ bum pa la sogs pa ni gnyi ga la grub pas rtsad pa med pa'i phyir dang/ khas blangs pas gnod pa'i phyir dang/ rdul phra rab dang nam mkha' la sogs pa rnams de ltar khas blangs pa'i phyir ro/ /de dag kyang rtag pa'i phyir mngon sum la sogs pas gnod do/ /de lta bas na de'i don du blo mi mthun pa'i rten du gyur pa smos te/ blo sna tshogs pa ni mi mthun pa ste/ log par rtogs pa zhes bya ba'i tha tshig go /'di'i gzhir gyur pa ni cod pa'i rten du gyur pa zhes bya ba'i don to/ /de lta ba yin na lus dang/ dbang po dang/ gnas la sogs pa nyid phyogs su byas pa nyid yin pa'i phyir/ rdul phra rab la sogs pa la thal bar 'gyur pa med do/ /rgyu rtsam sngon du 'gro ba nyid du sdu ba na grub pa las sgrub pa'i 'gyur du 'ong bas glo dang ldan pa'i rgyu zhes smos so/ /grangs can la ldan pa'i don mi 'thad pas grub pa la sgrub pa ma yin no/ /grangs can gyi blo gtso bo las tha mi dad par 'dod la/ de de nyid kyis de dang ldan pa ni ma yin no/ /rang rtsom par byed pa'i cha shas kyi/ dbyibs ni bsags pa'i bdag nyid du sbyor ba'o/ /des khyad par dang ldan pa ni/ rnam par rtsod pa'o/ /de yin pas na ste de'i phyir ro/ /cha shas bkod pa'i khyad par nyid ni ba lang? nyid na ba lang nyid la sogs pas 'khrul pa yin no/ /de'i phyir rang rtsom byed pa zhes smos so/ /ba lang nyid la sogs
- 187b
ba nyid ni rdzas rtsom pa'i cha shas kyi dbyibs khyad par du gyur pa yin gyi/ rang rtsom par byed pa'i cha shas kyi dbyibs kyi khyad par ni ma yin no/ /des na blo dang ldan pa de nyid dbang phyug yin no/ /tshad ma 'di ni rang rtsom byed pa zhes bya ba la sogs pa'i tshigs su bcad pa gnyid kyi bstan to/ /rang rtsom par byed pa'i cha shas kyi dbyibs kyi khyad par gyis khyad par du byas pa de 'di la yod pa de la de skad ces bya ste/ des khyad par du byas pa zhes bya ba'i don to/ /'dis ni gtan tshigs kyi khyad par bstan nas phyogs kyi chos nyid la sogs pa bstan pa'i phyir/ dbang po gnyis gzung zhes bya ba la sogs pa smos te/ bcod pa'i bzhi'o zhes bya ba ni rtsod pa'i rten pa'i gyur pa zhes bya ba'i don to/ /des smras pa'i tshad ma gnyis pa bstan pa'i phyir/ de bzhin lus la sogs pa'i rgyu/ /zhes bya ba la sogs pa smos te/ lus la sogs pa ste/ lus la sogs pa'i nye bar len pa'i rgyur rdul phra rab la sogs pa sems pa can gyi rgyus byin gyis brlabs pa yod na rang gi 'bras bu byed ces 'brel to/ /gzugs sogs ldan phyir zhes bya ba ni gtan tshigs so/ snal ma la sogs pa bzhin no/ /zhes bya ba ni dpe'o/ /ji skad du lus dang/ gnas dang/ dbang po nye bar len pa sems pa can gyis brlabs pa rnams ni rang gi 'bras bu rtsom par byed do zhes kho bo cag gis shes te/ gzugs la sogs pa dang ldan pa'i phyir/ snal ma la sogs pa bzhin no zhes bstan pa lta bu'o/ /gsal byed pa ni gnas pa la sogs pa'i rgyu gtso bo rdul phra rab dang ma mthong ba rnams ni rang gi 'bras bu skyed pa la khyad par du 'phags pa'i blo dang ldan pa'i byin gyis rlob pa po la bltos pa yin te/ bsdad nas 'jug pa'i phyir snal ma la sogs pa dang thag bzangs la sogs pa bzhin no zhes tshad ma ston par byed do/ /de
- 188a
'dir ston pa ni/ chos dang chos min rdul phran kun/ /zhes bya ba smos te/ go sla'o/ /blo gros bzang pos kyang 'byin? ba'i thog mar skyes bu rnams kyi tha snyad ni gzhan gyis nye bar bstan pa sngon du 'gro ba can yin te/ dus phyis rab tu byang bar gdon so sor nges pa'i phyir ro/ /dper na tshig gi tha snyad ma grub pa'i byis pa rnams la ba lang la sogs pa la tshigs gi tha snyad don so sor nges pa na mi la sogs pa'i nye bar bstan pa sngon du 'gro ba can bzhin no zhes zer ro/ /shes ldan dag la don nges phyir/ /zhes bya ba ni rab tu byed pa yod pa dag la don nges pa'i phyir zhes bya ba'i don to/ /tha snyad 'di de 'byin pa'i dang por gang zhig sngon du 'gro ba des ston par byed pa de ni dbang phyug go /'jig pa'i dus na yang shes pa'i khyad par du 'phags pa mi 'jig go zhes bya bar grub po/ /de ston pa 'byin pa'i dang po skyes bu yi/ /zhes bya ba la sogs pa la 'byin pa ni 'byung ba dang skyed pa zhes bya ba'i tha tshig go /de'i dang po ni thog ma'i dus so/ /lhag ma ni go sla'o/ /de bzhin du tshad ma gzhan 'od byed pas bstan pa ni/ 'byung ba chen po la sogs pa'i gsal ba ni blo dang ldan pa'i rgyus byin gyis brlabs nas bde ba dang sdug bsngal gyi rgyu mtshan du gyur pa yin te/ sems pa can ma yin pa'i phyir dang/ 'bras bu yin pa'i phyir dang/ 'jig pa dang ldan pa'i phyir dang/ gzugs la sogs pa dang ldan pa'i phyir dang/ ste'u la sogs pa bzhin no zhes bya ba'o/ /'di dag ston pa ni 'byung ba chol sogs shes bya ba la sogs pa'o/ /blo dang ldan pa pos byin gyis brlabs pa'o/ /de phyir zhes bya ba ni ji skad du bshad pa'i gtan tshigs kyi tshigs las so/ /de ni zhes bya ba ni 'gro ba'i ni rgyu dbang phyug go /ci ste gang gis mngon par mtho ba dang nges par
- 188b
legs par 'dod pa rnams kyis gus pa'i yul du 'gyur ba de thams cad shes pa nyid du ji ltar 'grub ce na/ kun gyi byed po nyid grub na/ /zhig bya ba la sogs pa smos te/ de skad du/ yang blo gros bzang po la sogs pas/ 'di gnas pa mdza' dag gi rgyu yin pa'i phyir thams cad shes pa nyid du grub ste/ byed pa po ni 'bras bu dang/ nye bar len pa dang lhan cig byed pa dang/ (dgos pa dang/) yang dag par sbyin pa shes pa'i phyir ro/ /'di la gang zhig gang zhig byed pa po yin pa de ni de'i nye bar len pa shes pa yin te/ dper na kham gzhong la sogs pa'i byed pa po rdzas mkhan gyis de'i nye bar len pa ni 'jig gong ngo/ /lhan cig byed pa ni 'khor lo la sogs pa'o/ /dgos pa ni chu la sogs pa len pa la sogs pa'o/ /yang dag par sbyin pa ni gnyen yin par shes pa zhes bya ba 'di rab tu grub pa bzhin no/ de bzhin du gnas pa thams cad kyi byed pa po dbang phyug gis de'i nye bar len pa rdul phra rab la sogs pa'i mtshan nyid do/ /de'i lhan cig byed pa ni/ chos dang/ chos ma yin pa dang phyogs dang dus la sogs pa'o/ /tha snyad kyi lhan cig byed pa ni spyi dang khyad par dang 'du ba'i mtshan nyid do/ /dgos pa ni nye bar long spyod pa'o/ /yang dag par srin pa'i ming can ni skyes bu rnams shes pa yin no zhes bya ba'o/ /de'i phyir 'di thams cad shes pa nyid du grub pa yin no zhes smras so/ 'bras bu'i ngo bo la sogs shes// zhes bya ba ni gang 'bras bu'i ngo bo la sogs pa ni rang bzhin la sogs pa'o/ /sogs pa'i sgras nye bar len pa la sogs pa gzung ngo/ /de dag gi shes pa zhes bya ba ni bsdu ba'o/ /ya dza ka las sogs pa'i tshogs ma rdzogs pas nyid kyi phyir ram las la aNa gyi sgra'i rkyen bsgrubs nas rang gi don ka'i sgrub pa yin no/ /lhag ma ni go sla'o/ /de bzhin du de dag gis smras pa'i tshad ma'i tshogs gzhan sna tshogs par 'byung ba dang/ rab tu g.yo ba dang/ gzhi dang gzhi ma yin pa blo mi mthun pa'i
- 189a
gzhir gyur pa ni gnyis pa la sogs pa'i tshad ma lnga las tha dad pa'i tshan ma gzhan gyis bcad par bya ba yin te/ dngos po nyid la sogs pa yin pa'i phyir gzugs la sogs pa bzhin no/ /chos mi mthun pa ni rus sbal gyi spu la sogs pa bzhin no zhe'o/ /de la sna tshogs par 'byung ba ni yon tan gyi tshig gi don la brjod de/ 'di sna tshogs par 'byung ba yin pa'i phyir ro/ /rab tu g.yo ba ni las kyi tshig gi don to/ /de dag gi gzhi ni 'du ba'i rgyu ste rdzas so/ /gzhi ma yin pa ni yon tan la sogs pa nas 'du ba'i bar lnga po rnams so/ /gnyis pa la sogs pa'i tshad ma lnga ni rjes su dpag pa nas gzung nas dngos po med pa'i bar ro/ /de las tha dad pa'i tshad ma gzhan ni mngon sum mo// lhag ma ni go sla'o/ /de dag gis smras pa'i gtan tshigs gzhan 'di yang yin te yod pa la sogs par med pa non pa dang ma non pa blo mi mthun pa gzhi'i ngo bor gyur pa 'ga' zhig ni mngon sum yin te/ yod pa'i phyir gzugs la sogs pa gzhin no zhe'o/ /de la yod pa la sogs pa khyad par med pa rnams drug pa ste/ yod pa ste/ mi rtag pa dang/ rdzas dang ldan pa dang/ rgyu dang 'bras bu dang/ spyi khyad par ldan pa zhes bya ba ni/ rdzas dang/ yon tan dang/ las rnams kyi khyad par med pa ni de dag gis non pa ste/ mnan pa ni/ ji ltar srid par rdzas dang/ yon tan dang/ las kyi bdag nyid kyi tshig gi don gsum mo/ /ma non pa ni spyi la sogs pa'o/ /lhag ma ni go sla'o/ /tshad ma'i tshogs de dag nyid ston pa ni/ mi mthun blo bzhi'i dngos po ni/ zhes bya ba la sogs pa'o/ /'di la sgrub byed dang po yi zhes bya ba la sogs pas phyogs phyi ma rtsam ste/ de la gang sems pa can ma yin pa de ni byin gyis rlab par?
- 189b
med par rang gi 'bras bu rtsom pa ma yin te/ zhes bya ba la sogs pa'i sbyor ba la/ bsgrub par bya ba bzlog pa la gnod par byed pa'i tshad med pa'i phyir mi mthun pa'i phyogs la ldog pa la the tshom zla ba nyid kyis gtan tshig ma nges pa yin no snyam du bsams pa yin no/ /gang yang rang rtsom par byed pa'i cha shas kyi khyad par dang ldan pa'i phyir ro/ zhes bya ba'i sgrub par byed pa'i gtan tshigs kyi sbyor ba dang po ni grub po/ /ci'i phyir zhe na/ gang gi phyir zhes bya ba la sogs pa smos te/ cha shas kyi dbyings kyi sgras ni ldan pa'i khyad par mngon par 'dod pa'o/ /de'i khyad par du byas pa yang yan lag can zhes bya ba'i rdzas so/ /khyad par dang khyad par can de dag gnyi ga yang ma grub pa'i phyir/ gtan tshig ma grub pa rnam pa gnyis so/ /yang ji ltar gnyi ga ma grub pa yin zhe na/ bltar rung nyid du/ zhes bya ba la sogs pa smos te/ de la mdor bsdus nas rang bzhin mi dmigs pa zhes pa nyid gnod par byed pa'i tshad mar bshad do/ /rgyas par ni 'di dag gi skyon tshig gi don drug brtag par ston par 'gyur ro/ /gnyi ga zhes bya ba ni dbyibs dang cha shas can du yang dag par 'dod pa'o/ /'di ltar dbyibs bltar rung ba nyid du khas blangs te/ grangs dang tshad dang/ tha dad pa nyid dang ldan pa dang/ rnam par dbye ba dang gzhan dang gzhan ma yin pa dag dang/ / las ni gzugs can dang 'du ba'i phyir mig gis gzung bar bya ba yin no zhes brjod pa'i phyir ro/ /cha shas can yang bltar rung ba nyid du 'dod de/ chen po ni du ma dang ldan pa'i phyir dang/ gzugs yin pa'i phyir dmigs pa yin no/ /zhes brjod pa'i phyir ro/ /gzugs la sogs pa las tha dad par ldan pa 'am cha shas can snang du rung ba nyid du 'dod pa ni blo la snang ba ma yin pas/ de'i phyir dmigs pa'i mtshan nyid du gyur pa las ma dmigs pa'i phyir/ /ri bong gi rwa bzhin du med pa'i tha snyad
- 190a
yul yin no/ /rdul phra rab rnams dbang po las 'das pa'i phyir gzugs la sogs pa rnams mi dmigs par thal bar 'gyur ba yang ma yin te/ khyad par can rnams dbang po'i yul du khas blangs pas dbang po las 'das pa ma grub pa'i phyir/ /de nyid kyi phyir ldan pa dang cha shas can dag med pa'i phyir/ chos mthun pa'i dpe bum sgrub par byed pa'i ches dang bral ba yin no zhes stan par byed pa ni/ de lta bas na dpe 'di yang/ zhes bya ba la sogs pa'o/ /de ltar re zhig khyad par dang khyad par can ma grub pas gtan tshigs rang gi ngo bo ma grub pa nyid du bstan nas/ da ni bzhi'i phyogs gcig ma grub pas kyang ma grub pa yin no zhes ston par byed pa ni/ mig dang reg pa'i zhes bya ba la sogs pa'o/ /'di la chos can rnam pa gnyis bstan te/ dbang po gnyis kyi gzung bar bya ba dang/ /gzung bar bya ba ma yin pa'o/ /de la dbang po gnyis kyi gzung bar bya ba'o chos can ni cung zad kyang ma grub ste/ 'di ltar mig dang rag pa'i rnam par shes pa gnyi ga go rim bzhin du sngon po la sogs pa'i gzugs tsam snang ba can yin pa'i phyir dang/ rtsub pa la sogs pa'i reg bya'i khyad par tsam snang ba can yin pa'i phyir/ tha dad par snang ba can du nye bar skye'o/ /de ltar yin dang mig dang reg pa'i rnam par shes pa de dag yul gcig pa nyid yod pa ma yin te/ tha dad du snang ba'i phyir dri dang ro la sogs pa'i rig pa bzhin no/ /sbyor ba ni gang dag tha dad du snang ba can gyi rnam par shes pa de dag ni yul gcig pa can ma yin te/ dper na dri dang ro'i rnam par shes pa gnyis bzhin no/ /mig dang reg pa'i rnam par shes pa gnyis kyang tha dad par snang ba can yin no zhes bya ba ni khyab par byed pa'i gal ba dmigs pa'o/ /snang ba tha dad pa can yang yul gcig pa nyid yin na gzugs dang sgra la sogs pa'i
- 190b
sems kyang yul gcig pa nyid du thal bar 'gyur ro zhes bya ba 'di ni 'dir gnod pa can gyi tshad ma'o/ /'o na gal te de dag yul gcig pa ma yin na/ de ji ltar ngas snang ba la mthong ba yin pa'i bum pa gang yin pa de nyid mun par dag go? ces bya ba'i nying mtshams sbyor ba'i rnam par shes par 'dir 'gyur/ de lta bas na dam bcas pa 'di rjes su dpag pas gnod pa yin no/ /de la 'od byed pas smras pa'i rjes su dpag pa ni 'di yin te/ yul dpyad par gyur pa'i mthong ba dang reg pa'i shes pa dag ni yul gcig pa yin te/ nying mtshams spyod pa'i phyir/ utpal sngon po'i shes pa bzhin no zhes bya ba'o/ /de la bshad pa de dag mthu las yang dag byung/ zhes bya ba la sogs pa ste/ de dag ste kha dog dang reg ba rtsam du snang ba'i mig dang reg pa'i rnam par shes pa dag gi mthu ni nus pa ste/ de las yang dag par byung ba'i rtog pa dang 'brel pa'o bdag nyid 'di la yod pas shes tshig rnam par sbyar ro/ /de'i phyir 'dis ni nying mtshams sbyor ba'i shes pa mngon sum ma yin pa nyid du bstan pa yin te/ du mal gcig tu zhen pa nyid kyis 'di 'khrul pa yin pa'i phyir dang rtog pa dang rjes su 'brel pa'i phyir ro/ /tshad ma gzhan yang yod pa ma yin te/ shes pa snga mas yongs su bcad pa'i yul des pa nyid kyis gzung zin pa 'dzin pa'i phyir dang/ 'khrul pa nyid pa'i phyir ro/ /de lta bas na nying mtshams sbyor ba'i phyir ro zhes bya ba'o gtan tshigs ma nges pa yin no/ /gal te nying mtshams sbyor ba'i shes pa tshad ma nyid du grub par gyur na/ de'i tshe gtan tshigs des pa kho nar 'gyur na/ ji tsam du gzugs la sogs pa dag la thun mong pa'i nus pa bstan pa'i phyir bum pa la sogs par brda byas te/ bdag nyid ji lta ba bzhin du mig dang reg pa dag gis nyams su myong ba de dag la
- 191a
dus phyis ji ltar mthong ba'i yul can rjes su mthun pa'i brda byas pa'i 'du byed kyi khyad par gcig nyid du zhen pa 'khrul pa'i rang bzhin gyi dran pa'i shes pa 'di skye'o/ /'di ltar de ltar zhen pa de la sngon po la sogs pa'i kha dog? snang gi reg pa'i nyes pa la ni kha dog snang bar rigs pa ma yin te/ de ni mig gi rnam par shes pa'i yul yin pa'i phyir ro/ /de lta bas na 'di ni slob dpon gyis mig dang reg pa dag gis bdag nyid ji lta ba bzhin du yul tha dad pa dmigs pa de dang lhan cig spyod pa'i spyi'i yul can gzhan tha mi dad pa dran pa'i shes pa skye'o zhes bshad pa gang yin pa de nyid rigs so/ /gal te spyi tha dad pa nyams su myong ba yin na de'i tshe dran pa 'di rigs kyi/ ji srid du khyed cag gis gang dag gis 'di nyams su myong bar 'gyur ba gzugs la sogs pa las tha dad pa'i spyi mi 'dod de/ gzugs la sogs pa nyams su myong ba la gzugs la sogs pa'o snyam par 'gyur gyi bum pa'o snyam du ni ma yin no/ /nyams su ma myong ba dran par mi rigs pa ma yin ni/ de ji ltar spyi'i yul can gyi dran pa'i shes pa 'di skye bar 'gyur zhe na/ de na med de/ gang gis der 'gyur ba gzugs la sogs pa las gzhan spyi sngar myong ba yin no/ /zhes ni mi brjod kyi/ 'on kyang chu la sogs pa 'dzin pa'i don bya ba byed pa gzugs la sogs pa de dag nyid chags pa dang bum pa zhes bstan pa yin no/ /dbang po'i shes pas so sor nyams su myong ba de dag la ji lta ba bzhin du brda byas pa'i khyad par bum pa zhes dran pa skye'o zhes brjod pa yin no/ /yang na spyi ni btogs pa yin te/ rtog pa'i shes pa'i bdag nyid yin pa'i phyir/ rig pa nyams su myong ba nyid yin no/ /de lta bas na ci'i phyir de'i dran pa mi 'thad/ de'i phyir rang rtsom par byed pa'i cha shas kyi dbyibs kyi khyad par ldan pa'i phyir ro zhes bya ba'i gtan tshigs 'di
- 191b
gzhi ma grub pa yin no/ /ci'i phyir zhe na/ ji skad bshad pa'i chos can ni/ ma grub phyir na zhes bya ba smos te/ ji skad du bshad pa'i dbang po gnyis kyis gzung bar bya ba'i chos can ma grub pa'i phyir te/ rgyu'i phyir gzhi'i phyogs gcig ma grub pas gtan tshigs ma grub po/ /des na de ltar na khyad par can dang/ khyad par dang/ gzhi ma grub pa'i phyir gtan tshigs ma grub pa rnam pa gsum bstan to/ /slob dpon gyi bstan pa'i ma grub pa rnam pa gzhi ni dbyibs kyi khyad par zhes bya ba la sogs pa smos so/ /gang zhig mthong bas byed? pa po ma mthong ba dag kyang blo dang ldan pa'i rgyu rtags par 'gyur ba lha khang la sogs pa la dbyibs kyi khyad par gang zhig rjes su 'gro ba dang ldog pa dag gis blo dang ldan pa'i skyes bu'i byed pa sngon du 'gro ba can nyid du 'jig rten na grub pa yin no/ /gal te de lta bur gyur pa lus dang/ shing dang/ ri la sogs pa bsgrub par bya ba'i chos can la gtan tshigs nyid khas len na/ de'i tshe khyed cag gi 'dod pa bsgrub bya 'grub par 'gyur ro/ /rjes su 'gro ba dang ldog pa dag gis shin tu rnam par phye ba'i 'bras bu ni rgyu la 'khrul pa med de/ de rgyu med pa nyid du thar par 'gyur ba'i phyir ro/ /de lta bur gyur pa'i dbyibs kyi khyad par ni shing la sogs pa la grub pa yang ma yin te/ dbyibs zhes bya ba'i ming tsam grub pa 'ba' zhig tu zad do/ /chos ni rang bzhin gyis phan tshun don gzhan nyid du gnas na yang sgra tsam gyis tha mi dad par gtan tshigs nyid du len pa na mngon par 'dod pa'i bsgrub bya bsgrub par nus pa yang ma yin te/ bsgrub bya las bzlog pa la yang de yod par 'gal ba med pa'i phyir ro/ /dper na chos can grog mkhar la rdza mkhan gyis byas pa nyid du bsgrub par bya ba la/ 'jim pa'i rnam par 'gyur ba tsam gtan tshigs nyid du khas blangs pa lta bu'o zhes bya ba ni spyi'i don no/ /yan lag gi don par?
- 192a
brjod par bya ste/ gang mthong blo dang ldan rtogs pa/ zhes bya ba ni dbyibs gang zhig mthong ba yod na/ blo dang ldan pa'i rgyu rtogs te/ rjes su dpog par 'gyur ro zhes bya ba'i don to/ /lus dang ri? sogs zhes bya ba la/ lus ni lus so// ri ni ri bo 'am shing ngo/ /sogs pa'i sgras rgya mtsho la sogs pa gzung ngo/ /ji lta bur 'dod pa zhes bya ba ni/ blo dang ldan pa sngon du 'gro ba'o/ /sgrub pa zhes bya ni sgrub pa'o/ /ji ltar rigs she na/ rjes su 'gro dang zhes bya ba la sogs pa smos te/ 'bras bu gang zhes bya ba ni du ba la sogs pa'o/ /gang gis zhes bya ba ni med la sogs pa'o/ /mthong zhes bya ba ni du ba la sogs pa'o/ /mthong zhes bya ba ni du ba la sogs pa'i 'bras bu mthong ba yod na'o/ /de nges zhes bya ba ni me la sogs pa nyid du 'o/ /gal te de lta na 'di la yang de kho na bzhin du 'gyur ro/ /zhe na/ dbyibs kyi khyad par de lta bu zhes bya ba la sogs pa smos te/ 'o na dbyibs kyi sgra'i spyi'i grub pa gang yin pa de nyid gtan tshigs su 'gyur ro zhe na/ de lta bu ni rab brjod na'ang/ /zhes bya ba la sogs pa smos te/ de lta bu na sgra tsam gyis tha mi dad pa'o/ /rdza mkhan gyis ni byas pa bzhin zhes bya ba la/ 'ji ba'i rnam par 'gyur ba tsam nyid ces bya ba lhag ma'o/ /de lta bas na de ltar dbyibs kyi khyad par ni ma grub la/ dbyibs tsam yang ma nges pa yin no/ /zhes bstan par 'gyur ro/ /chos kyi khyad par zhes bya ba la sogs pas gzhan gyi ltag chod rjod par byed de/ 'di ni 'bras bu dang mtshungs pa'i ltag chod yin no/ /'di ltar sgra ni mi rtag ste/ byas pa'i phyir ro zhes bya smras pa la/ ltag chod smra ba klan ka byed de/ ci 'di bum pa la sogs par gtogs pa'i byas pa nyid gtan tshigs su brjod dam/ ci sgrar gtogs pa 'am/ 'on te gnyis kar gtogs
- 192b
pa yin grang/ phyogs dang po ltar na gtan tshigs ma grub pa yin te/ 'di ltar chos gzhan gzhan du 'jug pa ni mdo/ /gnyis pa la yang dpe sgrub byed dang bral ba yin la/ gsum pa la yang skyon de dag nyid yod pa yin pa'i phyir 'di 'bras bu dang/ mtshungs pa zhes bya ba'i ltag chod yin no zhes bstan to/ /ji skad du 'bras bu nyid gzhan gyi shan gyis grub par bstan pa gang yin pa de ni 'bras bu dang mtshungs pa'o/ /zhes smras pa lta bu'o/ /gang gi phyir 'bras bu nyid kyi spyi gzung nas mi rtag pa nyid rjes su dpog par 'dod kyi khyad par ni ma yin no des na spyi'i sgo nas sgrub byed du 'dod la/ chos kyi khyad par rnam par rtog pa'i sgo nas lan 'debs pa gang yin pa de ni 'bras bu dang ltag chod ces rnam par gzhag go /'di yang chos kyi khyad par gyis rnam par rtog pa yin no/ /de'i phyir ltag chod yin no/ /de yi ngo bo min las log /ces bya ba la sogs pas lan 'debs pa'o/ /gang byas pa nyid tsam mi rtag pa nyid sgrub par byed do ces bya ba 'di ni rigs te/ de la de'i? bdag nyid kyi mtshan nyid kyi 'brel pa yod pa'i phyir ro/ /rang rtsom par byed pa'i cha shes kyi dbyibs kyi khyad par can nyid tsam gyi sgrub par byed pa 'di la 'di mi rigs te/ dbyibs kyi spyi la ni bzlog pa la gnod par byed pa med pas 'brel pa ma grub pa'i phyir ro/ /gang zhig dmigs pas byed pa ma mthong yang byas pa'i blor 'gyur ba de las byung ba'i mtshan nyid kyi 'brel pa grub pa'i khyad par gang zhig ma grub pa'i phyir snyam du bsams pa yin no/ /ci ste de las byung ba'i 'bral pa'i khyad par spangs nas spyi nyid rtags su brjod pa de'i tshe 'khrul pa yin no zhes bstan pa'i phyir/ du ba'i bdag nyid skye bo dag ces bya ba la sogs pa smos te/ du ba'i bdag nyid kyi skye bo'i dngos po me med na mi 'byung bar mthong?
- 193a
sgra? bzhes bya ba de tsam gyis skye bo'i sgras brjod par bya ba tsam gyi spyi yin pa'i phyir/ kha las kyang med de rtog par 'gyur ro/ /'o na ji ltar 'bras bu dang mtshungs pa ltag? ched du brjod ce na/ spyir 'brel ba la gang gi cha/ zhes bya ba la sogs pa la/ /bsgrub bya dang lhan cig sgrub par byed pa'i chos sbyor mi mthun pa'i phyogs la gnod par byed pa'i tshad ma 'jug pas 'brel pa grub na yang gang du chos kyi khyad par la brten nas klan ka byed pa de na lhag? chod yin no/ /'di la spyir 'brel pa ma grub la/ gang la dbyibs la khyad par gyi 'brel pa yod pa de ma grub pa'i phyir 'di lhag? tshad ma yin no/ /'on te 'brel pa med kyang spyi go bar byed pa yin no/ /de'i tshe ha cang thal bar 'gyur ro zhes bstan pa'i phyir ro/ /gal te rnam pa gzhan du na zhes bya ba la sogs pa smos te/ de lta na ni mtho ris dang/ phyogs dang/ sa dang/ dag dang/ mig dang/ 'od zer dang/ rdo rje dang chu rnams kyang go'i sgras brjod par bya ba tsam yin pa'i phyir khu yu'i? be'u la sogs pa bzhin du rwa tsam du rjes su dpog par thal bar 'gyur ro/ /'di snyam du byas pa la sogs pa bzhin du dbyibs kyi khyad par ldan pa 'di yang klo dang ldan pa'i rgyu sngon du 'gro ba nyid kyis 'brel pa yod pa nyid do snyam du sems na/ gal te 'di la 'brel pa ni/ zhes bya ba la sogs pa smos so/ /'on kyang 'brel pa de nyid ma grub pa yin no zhes pa bstan pa'i phyir ro/ 'on kyang rtag gcig /ces bya ba la sogs pa smos te/ khyed cag gis blo dang ldan pa sngon du 'gro ba nyid tsam bsgrub par 'dod pa ni ma yin gyi/ 'on kyang dbang phyug ces bya ba rtag pa gcig pa thams cad shes pa'i blo rtag pa'i rten srid pa thams cad kyi rgyu blo dang ldan pa'i dngos
- 193b
po gang yin pa de sngon du 'gro ba can 'di bsgrub pa 'dod pa yin te/ de nyid rtsod pa'i gzhir gyur pa'i phyir ro/ /de lta bur gyur pa'i phyir ro/ /de lta bur gyur pa de yang grub pa ma yin no/ /ci'i phyir zhe na/ bsgrub bya ma tshang bas khyab pa ma grub pa'i phyir ro// bum pa la sogs ba chos mthun pa nyid kyi dpe la ji skad du bshad pa'i bsgrub bya'i chos ma tshang ba'i phyir/ de lta bur gyur pa'i bsgrub bya'i chos kyi gtan tshigs la khyab pa ma grub pa'i phyir ro zhes bya ba'i don to/ /dpe 'ga' zhig la yang ji skad du bshad pa'i bsgrub bya'i chos dang gtan tshigs 'brel pa yod pa ma yin no/ /zhes bya ba'i tha tshig go/ 'di nyid bstan pa'i phyir/ 'di ltar skar khung zhes bya ba la sogs pa smos so/ /gzhan yang gtan tshigs ma grub pa dang ma nges pa 'ba' zhig tu ma zad de/ 'on kyang 'gal ba ma yin no zhes ston pa ni/ de nyid kyi phyir 'di zhes bya ba la sogs pa la de nyid kyi phyir bya ba sgrub bya las bzlog pa'i chos kyi khyab pa'i phyir ro/ /yang gi sgras ni sngar bshad pa'i tshul gyis ma grub pa dang ma nges pa 'ba' zhig tu ma zad kyi 'gal ba yang yin no zhes bshad do/ /'on te bzlog pa la 'brel pa yod na 'gal bar 'gyur na/ blo dang ldan pa sngon du 'gro ba tsam la yang 'brel pa med pa ma yin nam/ de ji ltar de'i khyad par 'gyur zhe na/ blo dang ldan pa tsam rgyu la la/ zhes bya ba la sogs pa smos te/ dbang phyug sgyu smra ba khyod kyis blo dang ldan pa'i rgyu tsam dang bral ba brjod la/ gzhan du spyi dang yang 'brel pa ma grub na/ ji ltar dngos po rnams dbang ?? gi rgyu tsam du 'grub par 'gyur/ de lta bas na khyed cig? gis 'dod pa blo dang ldan pa sngon du 'gro ba tsam grub pa nyid du khas blangs nas khyed cig gis 'dod pa'i sgrub bya'i khyad par las gnyis pa mi rtag pa du ma'i rnam par shes pa mngon du 'gro ba can
- 194a
gyi mtshan nyid 'dod pa las bzlog pa'i bsgrub par bya ba gnyis pa gang yin pa de la kho bo cag gis bsgrub bya'i khyad par dang/ gtan tshigs kyi 'brel pa gsal bar brjod pa yin no/ /ji ltar 'di gsal bar brjod ce na/ rtag pa rim dang rim ma yin/ /zhes bya ba la sogs pa smos te/ dbang phyug la sogs pa rtag pa'i dngos po rnams ni 'bras bu byed pa ma yin te/ rtag pa ni rim dang cig car dag gis don byed pa 'gal ba'i phyir ro/ /de lta bas na mi rtag pa kho na don gyi bya ba byed de/ de dag kyang skad cig re rer rang bzhin gzhan dang gzhan 'byung ba yin pas mi rtag pa nyid dang/ du ma nyid kyi blo dang ldan pa'i byed pa po grub pa yin no/ /gang yang dbang phyug rtag pa gcig pu'i blo dang ldan pa nyid du dam bcas pa de yang rjes su dpag pa dang 'gal ba yin no zhes bstan pa'i phyir/ yul rnams rim bcan zhes bya ba la sogs pas tshad ma ston te/ gang rim pa can gyi shes bya'i yul can gyi shes pa de ni rim gyis 'byung pa yin te/ dper na lhas byin la sogs pa'i me lce la sogs pa'i yul can gyi rnam par shes pa bzhin no/ /dbang phyug gi shes pa yang shes pa rim can gyi yul can yin no zhes bya ba ni rang bzhin gyi gtan tshigs so/ /'di ni thal ba bsgrub pa yin te/ des na gtan tshigs gzhi ma grub pa nyid dogs par mi bya'o/ /spyi la sogs pa'i tshig gis don gyi yul can gyi lhas byin la sogs pa'i shes pa ni sgrub par byed pa'i chos dang bral ba yin pa'i phyir/ me lce la sogs pa'i yul can dper brjod do/ /yang 'di la gnod pa can gyi tshad ma gang yin zhe na/ brjod pa/ gal te rim pa dang ldan pa'i yul gyi dbang phyug gi shes pa de sna tshogs su snang ba skye bar 'gyur na/ de'i tshe rim pa can du grub pa nyid do/ /gal te mi skye na/ de'i
- 194b
tshe nye ba'i rgyu mtshan med pa'i phyir de shes pa ma yin no/ /yul med na yang 'byung ba skye ba khas blangs pa'i tshad ma nyid nyams par 'gyur ro/ /zhig pa dang ma skyes pa'i yul can med pa nyid du thal bar 'gyur ro/ /zhes bya ba 'di ni 'dir gnod par byed pa'i tshad ma'o/ /gang yang chos mi mthun pa rdul du 'dod ces gang brjod pa de yang chos mi mthun pa'i dpe la bsgrub bya'i chos ldog pa med pa yin no zhes bstan pa'i phyir/ kho bo cag gis zhes bya ba la sogs pa smos te/ yan lag can rgyas par 'gags bar 'gyur ba'i phyir dang/ bkag zin pas de'i phyir rdza mkhan la sogs pa rdul phra rab kho na'i byed pa po nyid du grub bo/ /de'i phyir blo dang ldan pa sngon du 'gro ba can bsgrub bya'i chos chos mi mthun par bstan pa'i rdul phra rab dag las ldog pa med pa'i phyir bsgrub bya'i chos ldog pa med pa ni chos mthun pa'i dpe'i skyon yin no/ /'di snyam du gal te kho bo cag gis khyad par bsgrub byar 'dod pa yin na de'i chos mthun pa'i dpe bsgrub bya dang bral ba sngar bstan par 'gyur/ ji tsam du spyir blo dang ldan pa sngon du 'gro ba tsam sgrub ste grub pa na shugs kyis dbang phyug lus la sogs pa byed po bor 'grub po/ /bum pa la sogs pa gzhin du de dag gis byed pa po rdza mkhan la sogs pa ni ma yin te/ des ni spyi khyad par gyi mthar thug pa'i phyir dang lus la sogs te ba la yang byed pa po gzhan mi srid pa'i phyir ro/ /shugs kyi khyad par bzung ba med par yang de dag gi byed pa po dbang phyug kho na yin par grub pa snyam du sems na/ gal te spyir na blo ldan pa/ /zhes bya ba la sogs pa smos te/ de lta na ni grub pa la bsgrub pa'i nyes pa yod do/ /de ci'i phyir zhe na/ kho bo sna tshogs zhes bya ba la sogs pa smos te/ ngo bo sna tshogs na sems can dang snod kyi 'jig rten sna tshogs pa'o/ /las las skyes zhes bya ba ni thun mong dang thun mong ma yin pa'i
- 195a
dge ba dang mi dge ba'i las las byung ba'o/ /de'i phyir dge ba dang mi dge ba'i las byed pa'i skyes bu blo dang ldan pa rnams 'di'i rgyu nyid du grub pa la sgrub pa'o/ /'o na khyad par bsgrub par bya'o snyam na/ rtag gcig blo can zhes bya ba la sogs pa smos te/ 'di sngar bstan zin na yang mjug bsdu ba'i don du yang mngon par brjod do/ /'di la blo gcig yod pas na blo gcig go /'di ni rtag pa yang yin la blo gcig pa yang yin pas zhes tshig rnam par sbyar ba 'am/ yang na 'di la rtag pa dang/ /gcig pa'i blo yod ces bsdu bar bya'o/ /bsgrub byas stong pa nyid ces bya ba ni chos mthun pa'i ngo bo zhes bya ba lhag ma'o/ /'khrul pa yin zhes bya ba ni gtan tshigs shes pa khong nas dbyung ngo// ji ltar zhe na/ skar khung la sogs zhes bya ba la sogs pa smos te/ gang yang lus la sogs pa zhes bya ba la sogs pa gang smras pa de la/ sun dbyung 'di nyid yin ces bya ba la sogs pa smos te/ gzugs pa la sogs pa dang ldan pa'i phyir zhes bya ba la sogs pa'i sgrub par byed pa de dag la yang ji? ltar rig par sun 'byin pa 'di nyid brjod par bya'o/ /'di nyid ces bya ba ni ma grub pa nyid dang/ 'brel pa med pa'i phyir 'khrul pa dang/ 'brel pa yod na 'gal ba nyid dang/ bsgrub bya ma tshang pa dang/ spyir sgrub pa la bsgrub pa la sogs pa'o/ /'di ltar gzugs la sogs pa dang ldan pa nyid sems dang ldan pas byin gyis brlabs pa ci 'dra ba de 'dra ba lus la sogs pa de la yang ma grub po/ /gzugs la sogs pa dang ldan pa tsam dang 'brel ma grub pa'i phyir 'khrul pa yin no/ /'brel ba yod par khas len na 'dod pa la bzlog pa sgrub pa'i phyir 'gal ba yin la/ chos mthun pa'i dpe bsgrub bya
- 195b
dang bral ba yin te/ rtag pa dang gcig pu'i sems dang ldan pas byin gyis brlabs pa nyid kyis bsgrub bya'i chos rjes su 'gro ba ma grub pa'i phyir ro/ /spyir bsgrub na sgrub ba la sgrub la/ khyad par ni 'khrul te/ bum pa la sogs pa la gzhan du mthong ba'i phyir zhes bya'o/ /de ltar gtan tshigs gzhan dag la yang sbyar bar bya'o/ /gang yang sdod? nas 'jug pa'i phyir ro/ zhes bya ba'i sgrub par byed pa smras pa de la yang lhag pa'i sun 'byin pa na/ skad cig 'jig phyir zhes bya ba la sogs pa smos te/ dngos po thams cad skyes pa'i de ma thag tu 'jig pa nyid kyis skad cig tsam yang mi gnas pa'i phyir/ ga las sdod nas 'jig par 'gyur/ de lta bas na gtan tshigs phyir rgol ba la ma grub po/ /dbang phyug de nyid kyis ma nges pa yang yin te/ gang gi phyir dbang phyug ni rim pa can gyi 'bras bu rnams la sdod nas 'jug pa yin mod kyi/ 'on kyang 'di sems dang ldan pas byin gyis brlabs pa ni ma yin te/ thug pa med pas thal bar 'gyur ba'i phyir ro/ /ci ste ji ltar blo gros bzang pos byas pa bzhin du/ sems pa med pa can zhes khyad par dang bcas pa gtan tshigs su byed pa de lta na yang mi mthun pa'i phyogs las ldog pa la the tshom za ba nyid kyis ma nges pa nyid mi bzlog pa kho na'o/ /gtan tshigs mi mthun pa'i phyogs las ldog pa byed pa gang yin pa de nyid khyad par du rigs kyi/ mi mthun pa'i phyogs la the tshom zlog par mi byed pa gang yin pa khas blangs na yang med pa dang 'dra ba nyid yin no/ /khyad par bcas pa nyid yin na yang sngar? bshad pa'i ma grub pa la sogs pa'i nyes pa'i gnas skabs gon? 'dug pa yin no/ /gang yang/ 'byin pa'i thog mar skyes bu yi/ tha snyad ces bya ba la sogs pa de la/ 'jig pa'i tshe na skyes bu rnams/ /zhes bya ba la sogs pa smos te/ dus phyis rab tu
- 196a
byang ba rnams kyi zhes bya ba'i khyad par de ma grub po/ /'di ltar kho bo cag gi lugs kyis 'jig pa'i tshen skyes bu rnams shes pa dang dran pa 'jig pa dang/ lus dang dbang po dang bral bar gnas par yin te/ 'on kyang shes pa gsal ba khyad par du 'phags pa dang ldan pa'i 'od gsal ba la sogs pa'i lha'i ris de dag tu skyes par 'gyur ro/ /gang yang dmyal ba la sogs pa'i rnam par smin pa des bsgrub par byed pa'i las can de dag ni 'jig rten gyi khams gzhan dag du skye bar 'gyur ro zhes 'dod la/ chags pa'i dus na yang 'od gsal la sogs pa de dag nyid nas shi 'phos nas 'dir shes pa dang dran pa mi 'jig pa nyid du 'byung ngo/ /de lta bas na dus phyis rab tu byang ba rnams kyi zhes bya ba'i khyad par ma grub po/ /gtan tshigs ma nges pa yin te/ mi mthun pa'i phyogs las ldog pa la the tshom za ba'i phyir/ /gzhan yang gzhan gyi nye bar bstan pa sngon du 'gro ba tsam sgrub na grub pa la sgrub ste/ thams cad kyi tha snyad thog ma med pa ni gzhan gyis nye bar bstan pa sngon du 'gro ba can nyid du 'dod pa'i phyir ro/ /'on te dbang phyug gi mtshan nyid kyi skyes bus nye bar bstan pa sngon du 'gro ba nyid du sgrub na/ de'i tshe gtan tshigs ma nges pa nyid yin na/ gzhan du yang tha snyad srid pa'i phyir ro/ /dpe yang sgrub par bya ba dang bral ba nyid yin no/ /skyon 'di yang spyir sngar bshad zin to/ /gtan tshigs 'gal ba dang dam bca' ba khas blangs pas gnod pa yin no zhes bstan pa'i phyir/ kha med pa'i ston pa po zhes bya ba la sogs pa smos te/ gal te tha snyad dbang phyug gi bstan pa sngon du 'gro ba srid pa yin te/ de'i tshe gtan tshigs mi 'gal bar 'gyur na/ ji srid du 'di kha dang bral ba'i phyir stan pa por ma rigs la/ kha med pa de yang lus
- 196b
dang bral ba nyid kyis te/ lus dang bral ba'i phyir ro zhes bya ba'i don to/ /'di'i lus dang 'bral ba de yang ji ltar grub ce na/ chos dang chos min med phyir ro zhes bya ba smos te/ lus kyi rgyu chos dang chos ma yin pa bral ba'i zhes bya ba'i don to/ /de skad du yang byed pas ji ltar dbang phyug gi blo la tshad ma yod pa de bzhin du chos dang chos ma yin pa la sogs pa'i rtag pa nyid la ni tshad ma yod pa ma yin no zhes bshad do/ /de lta bas na dbang phyug ston pa por mi srid pa'i phyir/ tha snyad de'i nye bar bstan ba sngon du 'gro ba can nyid du ma grub po/ /'on kyang dbang phyug las tha dad pa'i skyes bu gzhan gyi bstan ba sngon du 'gro ba can nyid yin no/ /de'i phyir 'dod pa la gnod par byed pa'i phyir gtan tshigs 'gal ba yin no/ /'on te dbang phyug ston pa po nyid du khas len par byed pa de'i tshe kha med pa nyid du khas blangs pa nyams pas khas blangs pa la gnod do/ /'byung ba chen po la sogs gsal ba zhes pa la sogs pa'i sbyor ba la snga ma bzhin du gtan tshigs ma nges pa yin te/ mi mthun pa'i phyogs gnod par byed pa'i tshad ma med pa'i phyir ro/ /spyi bsgrub na grub pa la sgrub ba nyid dang/ khyad par dpe la bsgrub bya med pa zhes bya ba yang sbyar bar bya'o/ /de ltar dbang phyug sgrub par byed pa'i tshad ma rnams rgyas par bkag nas/ da ni khyab pa'i skyon brjod pa'i sgo nas de'i gnod par byed pa'i tshad ma rang gi phyogs bsgrub par bya ba'i don du bstan pa'i phyir/ sgrub byed kun la khyab pa ni/ /zhes bya ba la sogs pa smos te/ ji skad du bshad pa'i sgrub par byed pa thams cad la/ bsgrub par bya bas gtan tshigs la khyab pa gang yin pa de ni 'chad par 'gyur ba'i rjes su dpag pa dang 'gal lo/ /ci ste ci'i phyir dam bcas pa la rjes su dpag pa dang 'gal bar mi brjod ce na/ 'di snyam du sems te/ gal
- 197a
te dam bca' ba sgrub bar byed pa'i yan lag yin na/ de'i tshe de'i nyes pa brjod par bya ba yod na/ ji srid du dngos sam brgyud pas 'di bsgrub bya 'grub pa'i yan lag tu 'gyur ba ma yin no/ /de lta yin dang sgrub par byed pa'i nyes pa brjod ba'i skabs su dam bca' ba'i skyon brjod pa gang yin pa de ni rgol ba'i tsher gcad pa'i gnas su 'gyur ro/ /de lta bas na sgrub par byed pa'i sbyor ba la dam bca' ba'i skyon brjod par mi bya'o/ /gang la 'ba' zhig du dam bca' ba dang 'gal ba brjod ba de la de'i sgo nas khyab pa nyid la de sbyor ba byed do zhes bzung bar bya'o/ /yang na de sgrub par byed pa'i sbyor ba las gzhan du blta bar bya'o/ /ci ste khyab pa'i dus su yang ji ltar rjes su dpag pa dang 'gal ba brjod ce na/ 'gal ba'i chos kyis zhes bya ba la sogs pa smos te/ 'gal ba'i chos kyis zhes bya ba ni tshad mas gnod pas so/ /de tshad mas gnod pa de ni med pa yin pas med pa yin pas med pa nyid phyir khyab pa mi rigs te/ med pas khyab pa mi 'grub bo zhes bya ba'i tha tshig go/ gang gi khyab pa la gnod par 'gyur ba'i rjes su dpag pa de yang gang yin zhe na/ skye ba med phyir dbang phyug ni/ zhes bya ba la sogs pa smos te/ gang skye ba med pa de ni 'ga' zhig gi yang rgyu ma yin te/ dper na nam mkha' i pad+ma bzhin no/ /dbang phyug kyang skye ba med pa yin no zhes bya ba ni khyab par byed pa 'gal ba dmigs pa'o/ /'di ni thal bar 'gyur ba sgrub par byed pa yin te/ des na gzhi ma grub par bcad par mi bya'o/ /gzhan du thams cad cig car 'byung zhes bya ba ni rgyu nus pa thogs pa med pa yin pa'i phyir/ dus gcig tu mngon par 'dod pa'i 'bras bu'i tshogs bzhin du thams cad cig car 'byung ngo zhes bya ba'i don to/ /'di la di gnod par byed pa'i tshad ma yin no/ /yang
- 197b
na 'di don brjod pa tsam yin no/ /thal bar 'gyur ba'i sgrub par byed pa 'di ltar bya ste/ gang zhig rgyu ma tshang ba med pa de ni 'byung ba kho na yin te/ dper na tha ma'i gnas skabs su phyin pa las rgyu ma tshad la med pa'i myu gu 'byung pa lta bu'o/ /dbang phyug gi rgyu can gyi 'gro ba thams cad kyang thams cad du rgyu ma tshang ba med pa yin pa'i phyir cig car 'byung bar 'gyur ro/ /'di snyam du dbang phyug 'ba' zhig rgyu ma yin gyi/ 'on kyang chos dang chos ma yin pa la sogs pa'i lhan cig byed pa'i rgyu gzhan la bltos nas byed de/ dbang phyug ni rgyu mtshan gyi rgyu nyid yin pa'i phyir ro/ /des na chos la sogs pa rgyu gzhan ma tshang bas rgyu ma tshang ba med pa nyid ma grub pa snyam du sems na/ de ni yang dag pa ma yin te/ gal te de'i lhan cig byed pa rnams kyis phan gdags par bya ba 'ga' zhig yod na/ de'i tshe de lhan cig byed pa la ltos pa yin no/ /ji srid du rtag pa'i phyir gzhan gyis khyad par cung zad tsam yang byar med pa de ni lhan cig byed pa dag las thob par bya ba med pa'i phyir ci'i phyir de lta bur gyur pa'i phan pa mi byed pa de la ltos/ gzhan yang gang yang khyed kyi lhan cig byed pa de dag thams cad kyang dbang phyug la rag las te/ skye ba can nyid kyis rtag tu nye ba yin pa'i phyir/ ji ltar gtan tshigs ma grub pa min/ ma nges pa yang ma yin te/ rgyu ma tshang ba med pa nyid nyams par thal bar 'gyur ba'i phyir/ /rgyu ma tshang ba med pa yang ma skye na khyad par med pa'i phyir thams cad las mi skye bar thal bar 'gyur ro/ /gsal byed pa na re dbang phyug ce sbyar ba rtag pa'i dngos po rnams rgyu ma tshang ba med pa rtag tu nye bar yin mod kyi/ 'on kyang cig car mi skyed de/ dbang phyug ni blo sngon du btang nas byed pa'i phyir/ gang gi phyir gal te dbang phyug yod
- 198a
pa tsam nyid kyis sngon du ma song bar yang dngos po rnams skyed par byed pa yin na de'i tshe klan ka red 'gyur ba yin na/ gang gis tshe blo sngon du btang ste byed pa de'i tshe skyon med de/ de ni rang gi 'dod pas 'bras bu rnams la 'jug pa'i phyir ro/ /de'i phyir gtan tshigs ma nges pa yin na zhes zer ro/ /'di yang mi rigs te/ gang gis dbang phyug ces bya ba rgyu nus pa thugs pa med pa rtag tu nye na yang de'i 'dod pa med pas 'jug par mi 'gyur ba 'bras bu rnams ni rgyu'i 'dod pa yod pa dang med pa la bltos nas 'jug pa dang ldog pa ni ma yin no 'o na ci zhe na/ dngos po rnams ni rgyu la yod pa'i nus pa yod pa dang med pa'i rjes su byed pa yin no/ /'di ltar byed pa po 'dod na yang mi nus pa mi skyed la/ mi 'dod na yang sa bon la sogs pa nus pas bskyed do/ /de la gal te dbang phyug ces bya ba'i rgyu 'bras bu skye ba'i dus bzhin du dngos po rnams kyi nus pa thogs pa med pa rtag tu gnas na de'i phyir/ gang gis skye ba'i dus bzhin du cig car skye bar mi 'gyur bar de'i phan pa mi byed pa'i 'dod pa de la ltos/ gal te cig car 'byung ba yin na/ de dag gis bdag nyid rgyu ma tshang ba med pa nyid du de ltar bstan pa yin no/ /gang gis na 'dod pa la bltos par 'gyur ba gzhan gyis phan ma gtogs pa'i dbang phyug kyang bltos pa cung zad kyang med pa yin no/ gzhan yang blo las ma gtogs pa'i 'dod pa gzhan ni med la/ dbang phyug gi blo yang khyed kyis rtag pa gcig pur 'dod do/ /de lta yin dang dbang phyug blo sngon du gtong bar byed pa yin na yang ci'i phyir dngos po rnams cig car skye bar mi 'gyur te/ dbang phyug bzhin du de'i blo yang rtag tu nye ba'i phyir ro/ /gang gi tshe yang de'i blo mi rtag pa nyid du khas len par byed
- 198b
pa de'i tshe yang dbang phyug yod pas yod pa'i phyir te dbang phyug bzhin du rtag tu yod pa nyid yin no zhes bya ba'i nyes pa de nyid so na 'dug pa yin no/ /de lta bas na blo dang ldan pa'i phyir zhes bya ba'i khyad par cung zad kyang mi byed pa kho na'i phyir gtan tshigs ma nges pa ma yin no/ /'gal ba nyid kyang ma yin te/ mthun pa'i phyogs la yod pa'i phyir ro/ /de ltar yod pa yang ma yin te/ de lta bas na bzlog pa'i sbyor ba ni/ gang zhig gang gi tshe mi 'byung ba de ni de'i rgyu ma tshang ba med pa ma yin te/ dper na ? na gnas pa'i sa bon gyi gnas skabs kyi skye bzhin pa ma yin pa'i myu gu lta bu'o/ /dngos po gcig skye ba'i dus na yang sna tshogs thams cad 'byung ba ma yin no zhes bya ba ni khyab byed pa mi dmigs pa'o/ /sgrub pa la sgrub pa yang ma yin te/ dbang phyug rgyu yin na rgyu ma tshang ba mi 'thad par bsgrubs zin pa'i phyir ro/ /tshad ma gzhan yang gang dag rim gyis 'byung ba yang/ /zhes bya ba la sogs pa smos te/ rang rtsom par byed pa'i cha shas kyi dbyibs kyi khyab par dang ldan pa la sogs pa'i sgrub par byed pa ji skad du bshad pa dag las byung ba'i 'dod pa'i bsgrub bya'i chos kyi yul can blun po rnams dbang phyug rgyur mngon par zhen pa rnams kyi yid ches pa ste/ nges pa bzhin no zhes bya ba'i don to/ /'on te ji skad du nyes pas sun dbyung ba'i phyir de dag las 'dod pa'i bsgrub par bya ba la yid ches pa mi skye ba'i phyir de yid chos can ma grub pa ma yin nam zhe na/ 'di ni bden te/ de nyid kyi blun po yi/ /zhes bya ba smos te/ blun po rnams ni sgrub pa ltar snang ba 'byed par mi nus pa nyid kyis/ sgrub par byed pa ltar snang ba dag la kyang de dag yid ches skye ba nyid yin no/ /'on te de lta na yang dpe la bsgrub bya med pa yin te/ blun po'i yid ches pa de dag gi yang dbang phyug rgyu mtshan gyi rgyur 'dod pas
- 199a
de'i phyir/ de dag kyang zhes bya ba la sogs pa smos te/ de dag kyang zhes bya ba ni blun po'i yid ches pa'o/ /des byung zhes bya ba ni dbang phyug las byung bar 'dod na/ sgrub pa brjod pa don med de/ sgrub byed brjod pa don med par 'gyur ro/ /dbang phyug kho na las de dag skye'o snyam du bsams pa'o/ /dbang phyug sgrub par byed pa brjod pa'i lhan cig byed pa la bltos nas de dag gi skyed par byed pa yin gyi/ 'ba' zhig pa ni ma yin te/ des na 'di 'bras bu med par mi 'gyur ba ma yin nam zhe na/ rtag phyir gsos 'debs med pa la/ zhes bya ba la sogs pa smos te/ gal te bsgrub par byed pa brjod pa 'di dbang phyug 'di'i nus pa med pa'i rang bzhin bsal nas/ nus pa skye ba de'i tshe de'i lhan cig byed par 'gyur na/ ji srid du rtag pa'i dbang phyug bskyed par bya ba ma yin zhing/ bzlog par bya ba ma yin pa'i rang bzhin nyid kyi su zhig gis kyang gsos gdab par bya ba ma yin pas de 'di'i lhan cig byed par mi rig gzhan yang ji ltar sgrub par byed pa'i rgyu nus pa yongs su mthong ba las ma gtogs par nus pa yongs su ma mthong ba'i rgyu nyid dbang phyug la yang rtog na khyed cag la ha cang thal bar 'gyur ba kho na ste/ gang gi phyir dbang phyug der yongs su rtog na dbyug pa la sogs pa yang rtag par bya ba nyid yin te/ khyad par med pa'i phyir ro zhes bstan pa'i phyir/ gang dag yod na zhes bya ba la sogs pa smos te/ 'byung gyur mthong gang zhes kha skad do/ /de'i rgyu gzhan nyid rtog ces bya ba ni ji ltar nus pa yongs su mthong ba'i rgyu dag las 'di'i rgyu gzhan yin pas rgyu gzhan de/ de'i dngos po ni rgyu gzhan nyid do/ /de rtog pa ni rtog pa zhes tshig rnam par sbyar ro/ /gang yang/ kun gyi byed po nyid du grub na/ zhes bya ba la sogs pa smras pa de las byed
- 199b
pa po nyid ces bya ba la sogs pa smos te/ thams cad kyi byed pa po nyid yin pa'i stobs kyi 'di thams cad shes bar khyed cag gis 'dod de/ des na de bkag pa'i phyir de'i thams cad shes pa yang 'bad pa med par mi dgos par bsal ba yin no/ /sgrub bar byed pa rnams sun ma phyung bar khas blangs na/ skyon gzhan/ ji skad bshad pa'i nyes pa/ zhes bya ba la sogs pa smos te/ ji skad du bshad pa'i nyes pa ni rjes su dpag pa dang 'gal ba'i mthar thug pa rnams so/ /'di la bsdus pa'i don ni 'di yin te/ sgrub par byed pa de dag las lus dang ri la sogs pa rnams kyi byed pa po blo dang ldan pa yin par grub pa yin mod kyi/ 'on kyang 'di gcig gi rgyu gang yin pa de kho na gzhan gyi yang yin par ma nges pa de nyid de/ 'bras bu so so la byed pa po yang tha dad pa srid pa'i phyir ro/ /skar khung la sogs pa gcig kyang rgyu mang pos byas par mthong bas de'i phyir byed pa po gcig ma grub bo/ /ji srid du byed pa po gcig ma grub pa de srid du gang las thams cad shes par 'gyur/ 'di la blo gros bzang pos byed pa po gcig bsgrub pa'i phyir tshad ma byed de/ tshangs pa la sogs pa nas sha za'i bar ni gcig gis byin gyis brlabs pa yin te/ phan tshun khyad par du 'jug pa'i phyir ro/ /'di na gang dag phan tshun khyad par gyis 'jug pa de dag ni gcig la rag las par mthong ste/ dper na 'jig rten 'di'i grong dang/ grong rdal dang/ grong khyer dang yul gyi bdag po rnams ni sa thams cad kyi bdag po gcig la rag las pa bzhin no/ /de bzhin du klu dang/ srin bu dang/ gnod sbyin la sogs pa rnams kyang phan tshun khyad par gyis 'jug pa nyid de/ de dag kyang dbang phyug gcig gi gzhan gyi dbang yin snyam du kho bo cag sems so/ /de 'dis gal te dbang phyug ces bya ba byin gyis brlabs ba zhes
- 200a
bya ba'i don 'di sgrub par 'dod pa de'i tshe gtan tshigs ma nges pa yin te/ /bzlog pa la gnod par byed pa'i tshad ma med pas 'brel pa ma grub pa'i phyir ro/ /dpe yang sgrub par bya ba dang bral ba nyid yin no/ /'on te byin gyis rlob pa po tsam gyis byin gyis brlabs pa yin no zhes sgrub na de'i tshe grub pa la sgrub pa yin te/ 'di ltar bcom ldan 'das yang dag par rdzogs pa'i sangs rgyas 'jig rten mdza' dag gi gtsug gi nor bus 'gro ba thams cad snying rje'i dbang gis byin gyis brlabs par kho bo cag 'dod pa kho na yin te/ gang gi stobs kyis de ltar yang dam pa dag mngon par mtho ba dang nges par legs phun sum tshogs pa sgrub par byed pa yin no/ /brjod pa'i sgrub byed gzhan 'di yang yin te/ srid pa bdun ni blo gcig gis sprul pa yin te/ dngos po gcig gis khongs su 'dus pa'i phyir/ khang pa gcig gi nang du gtogs pa'i khang mig bzhin te/ ji ltar khang pa gcig gi khongs su 'dus pa'i khong mig rnams thig mkhan gyi blo gcig gis byas pa nyid du mthong ba de ltar srid pa bdun yang srid pa gcig khongs su 'dus pa yin te/ de'i phyir de dag kyang blo gcig gis byas pa nges so/ /gang 'di dag blo gcig gis sgrub par byed pa de ni srid pa mdza' dag gi thig mkhan gcig pu ste/ legs ldan dbang phyug chen po yin no zhes bya'o/ /de'i phyir gtan tshigs ma grub pa yin te/ gnas dang khang pa dag ni dngos po gcig ma yin te/ tha snyad zor yang bar bya ba'i phyir mang po dag la ming 'di byas so/ /de nyid kyi phyir dpe yang sgrub par byed pa dang bral ba yin te/ khang pa gcig tu gtogs pa khang mig la sogs pa ni thig mkhan du mas byas par mthong ba'i phyir yang gtan tshigs ma nges pa yin no/ /de bzhin du sgrub par byed pa gzhan dag
- 200b
la yang ji ltar rigs pa sun 'byin pa brjod par bya'o/ /gang yang mi mthun blo gzhi yi dngos po/ /zhes bya ba la sogs pa smos pa de la/ de bsgrub bya phyir sgrub smras pa/ zhes bya ba la sogs pa smos te/ gal te spyir thams cad shes pa 'ga' zhig yod do zhes sgrub na de'i tshe kho bo cag la khyed kyi sgrub par byed pa 'di mdzes pa ma yin te/ grub pa la sgrub pa'i skyon yod pa'i phyir ro/ /'on kyang gang dag thams cad mkhyen pa la skur ba 'debs pa'i rgyal dpog pa de dag la mdzes pa yin no/ /'on te dbang phyug tu brjod pa'i thabs shes pa nyid sgrub na de ni ma rigs te/ 'brel pa ma grub pas gtan tshigs ma nges pa nyid yin no/ /dpe yang sgrub par bya bas stong pa nyid yin no/ /de'i phyir kho bo cag la sgrub par byed pa 'di mdzes pa ma yin no snyam du bsams pa yin no/ /gang yang sna tshogs par 'byung ba/ zhes bya ba la sogs pa chos can gyi khyad par bstan pa de gang du yang nye bar mi mkho ste/ khyed kyis mgo rmong par bya ba'i phyir rang gi grub mdza' bsgrags pa 'di byas pa 'ba' zhig tu zad do/ /'di ltar rnam pa de lta bu'i chos can gyi khyad par med na yang/ gal te sgrub par byed pa ma grub pa la sogs pa'i skyon dang bral ba de'i tshe mngon par 'dod pa'i bsgrub bya 'grub par 'gyur ba kho na'o/ /'on te sgrub par byed pa ma grub pa la sogs pa'i skyon gyi skyon can yin pa de'i tshe rnams pa de lta bu'i khyad par bzung na yang bsgrub bya mi 'grub pas/ rnam pa thams cad du khyad par don med do/ /gang yang mi mthun pa'i phyogs las gtan tshigs zlog par byed pa de nyid khyad par du rigs so/ /gzhan yang gtan tshigs gzhi ma grub ste/ ji skad du bshad pa'i khyad par gyis khyad par du byas pa'i chos can ni phyir rgol ba ma grub pa yin no/ /de lta bas na bstan bcos la grags pa
- 201a
ni chos can du bya ba ma yin no/ /de kho na nyid bsdus pa'i bka' 'grel las dbang phyug brtag pa ste gnyis pa'o// //gnyi ga'i bya ba dang bral ba nyid du bstan pa'i phyir/ de ltar rang bzhin dbang phyug dag / ces bya ba la sogs pa smos te/ de la grangs can kha cig ni gtso bo 'ba' zhig las 'bras bu tha dad pa 'di dag 'jug pa ma yin te/ da ni sems pa med pa nyid kyi phyir ro/ /sems pa med pa ni byin gyis rlob pa po med par rang gi 'bras bu rtsom par byed pa ma mthong la/ skyes bu byin gyis rlob pa por yang mi rigs te/ de'i tshe mi shes pa'i phyir ro/ /'di ltar blo nges pa'i don nyid du skyes bus shes par byed de/ /'byin pa'i sngar blo 'di ni mi shes pa kho na te/ nam yang don 'ga' yang shes pa ma yin no/ /don mi shes par yang 'ga' yang bya par mi nus pas 'di byed pa po ma yin no/ /de lta bas na dbang phyug nyid gtso bo la bltos nas 'bras bu tha dad pa'i byed pa po yin gyi 'ga' zhig ni ma yin no/ /lhas byin la sogs pa gcig pu skyed par byed pa ni ma yin la/ rdza mkhan 'ba' zhig kyang bum pa byed pa ma yin no zhes zer ro/ /rang bzhin dang dbang phyug dag so sor rgyu yin pa bkag pa'i phyir/ dbang phyug dang gtso bo zhes bya ba gnyi ga lhan cig pa 'di yang skye ba can te/ skye ba dang ldan pa'i byed pa ste/ skyed par byed pa zhes bya bar ma grub pa'o/ /'on te 'di dag so sor byed pa po nyid bkag mod kyi/ 'on kyang lhan cig pa ma 'gag pa nyid de/ mig la sogs pa 'ba' zhig pa rnams ni mig gi rnam par shes pa bskyed pa la nus pa med la/ lhan cig pa rnams mi 'gyur ba ni ma yin no/ /zhes dogs pa la/ lhan cig de dag ces bya ba la sogs pa smos te/ lhan cig pa zhes bya ba ni lhan cig byed pa nyid do/ /de yang rnam pa gnyis te/ /phan tshun
- 201b
khyad par byed pa'am/ don gcig byed pa yin grang/ de la re shig khyad par skyed par byed pa'i mtshan nyid kyi lhan cig byed pa nyid kyis brtag pa dang po ni rigs pa ma yin te/ ci'i phyir zhe na/ dbang phyug dang gtso bo de rtag pa nyid kyis 'gyur ba med pa'i phyir ro/ /rtog pa gnyis pa yang rigs pa ma yin te/ zhes skabs dang sbyar ro/ /ci'i phyir zhe na/ 'bras bu rnams cig car thal bar 'gyur pa'i phyir/ /nus pa thogs pa med cing ma tshad pa med pa'i dbang phyug dang gtso bo zhes bya ba'i rgyu rtag tu nye ba nyid kyis rgyu ma tshang ba med pa nyid kyi phyir ro/ /'di yang snga ma bzhin du gang rgyu ma tshang ba med pa zhes bya ba la sogs pa'i thal ba'i sgrub par byed pa brjod par bya'o/ /ci ste brjod pa zhes bya ba la sogs pas gzhan gyi lugs kyis gang rgyu ma tshang ba med pa zhes bya ba'i gtan tshigs 'di ma grub pa nyid du brjod par byed do/ /rgyu gnyis po de dag rtag tu nye ba yin mod kyi/ 'on kyang rim gyis 'bras bu tha dad pa 'di dag la 'jug par 'gyur te/ 'di ltar dbang phyug gi lhan cig byed pa ni gtso bo la yod pa'i snying stobs la sogs pa'i yon tan gsum yin te/ de dag kyang rim gyis 'jug pa'i phyir/ de'i 'bras bu la yang rim gyis 'gyur ro/ /'di ltar gang gi tshe rdul shas tshar 'phel ba dang ldan pa de'i tshe dbang phyug skye dgu rnams kyi 'byin pa'i rgyu yin te/ rdul ni 'byin pa'i rgyu yin pa'i phyir ro/ /gang gi tshe snying stobs shas cher 'phel ba la brten par byed pa'i tshe 'jig rten gnas pa'i rgyur gyur te/ snying stobs ni gnas pa'i rgyu yin pa'i phyir ro/ /gang gi tshe mun pa shas che ba'i nus pa dang ldan pa de'i tshe 'gro ba thams cad 'jig pa dang nyams par byed par 'gyur te/ mun pa ni 'jig pa'i rgyu yin pa'i phyir ro/ /ji skad du skye ba dang ldan rdul la brten/ snying stobs 'phel ba gnas pa yin/ /mun pa la reg la skye dgu 'jig /skye
- 202a
med 'byin gnas 'jig pa'i rgyu gsum gyi rang bzhin yon tan ni/ gsum gyi bdag la phyag 'tshal lo/ /zhes smras pa lta bu'o/ /grag ces bya ba'i sgra ni mi srid pa'i don no/ /'dir bshad ces bya ba la sogs pas lan 'debs par byed do/ /dag ces bya ba ni rang bzhin dang dbang phyug go /gcig byed tshe zhes bya ba ni 'byin pa dang/ 'jig pa dag las gang yang rung ba cig byed pa'i tshe de las gzhan pa'i 'bras bu gnyis skyed par byed pa'i nus pa ci yod dam/ 'on te med ces bya ba'i rnam par rtog pa gnyis so/ /de la gal te yod na/ de'i tshe 'byin pa'i tshe yang rgyu ma tshang ba med pa'i phyir gnas pa dang/ 'jig pa'i bdag nyid kyi 'bras bu gzhan gnyis kyang skye ba bzhin du 'gyur ro/ /de bzhin du gnas pa'i dus su yang skye ba dang 'jig pa thob par 'gyur la/ 'jig pa'i dus na yang skye ba dang/ gnas par 'gyur ro/ /de ltar yang rigs pa ma yin te/ phan tshun spangs te gnas pa dag ni chos can gcig la dus gcig tu srid par rig pa yang ma yin no/ /'di snyam du 'bras bu gcig pa'o skye ba'i rang bzhin dang dbang phyug de dag 'bras bu gzhan skye ba la ngo bo gzhan mi nye ste/ des na de'i tshe de dag tu thal bar mi 'gyur ro snyam du sems na/ de ni ngo bo gzhan zhig gis zhes bya ba la sogs pa smos te/ de ni zhes bya ba ni rang bzhin dang dbang phyug du brjod pa'i rgyu'o/ /gzhan zhig gi zhes bya ba ni phyis kyi 'bras bu gnyis pa'o/ /gzhan zhig gi ngo bos ni ma yin te/ 'o na ci zhe na/ rang gi ngo bo kho nas rgyu yin no snyam du bsams pa yin no/ /'di snyam du gzhan gyi ngo bos byed pa ma yin mod kyi/ 'on kyang 'bras bu gcig bskyed pa'i dus na 'bras bu lhag ma gnyis po bskyed pa la 'di la nus pa med de/ des na de'i tshe 'bras bu gnyis
- 202b
po mi skyed do snyam du sems na/ de'i nus pa dang bral na/ zhes bya ba la sogs pa smos te/ gzhan tshe zhes bya ba ni mngon par 'dod pa'i 'bras bu rtsom pa'i tshe'o/ /'di snyam du gtso bo la nus pa thams cad nye ba yin mod kyi/ 'on kyang gang kho na shas cher 'phel ba de nyid rgyu yin par khong du chud par bya'o/ /gzhan ni ma yin no/ /des na 'bras bu rnams cig car 'byung bar mi 'gyur ro snyam na/ nus pa'i ngo bo shas cher yang/ zhes bya ba la sogs pa smos te/ snying stobs la sogs pa shas che ba'i ngo bo 'di ni re shig rtag go zhes ni brjod par mi rigs te/ res 'ga' ba nyid yin pa'i phyir ro/ /de lta yin pas na dngos po 'di 'ba' zhig dang dbang phyug tu brjod pa'i rgyu las sam/ rgyu gzhan las sam/ rang dga' ba yin zhes rnam par rtog pa gsum mo/ /de la phyogs dang po la ni shas che ba'i ngo bo de thad du 'gyur te/ rang bzhin dang dbang phyug ces bya ba'i rgyu ni rtag pa'i ngo bo nyid kyis rtag tu nye ba nyid kyi phyir ro/ /phyogs gnyis pa la yang/ gzhan gyis gzhan dag mi 'dod pa/ zhes bya ba la sogs pa smos te/ gang gis de gzhan las 'byung ba'i ngo bor 'gyur ba rang bzhin dang dbang phyug las ma gtogs pa'i rgyu gzhan 'dod pa ni ma yin no/ /phyogs gsum pa yang rigs pa ma yin no zhes bshad pa/ res 'ga' nyid ni srid pa'i phyir/ zhes bya ba la sogs pa'o/ /ci ste dang 'ga' ba yin mod/ res 'ga' ba nyid ni ci 'gal zhe na/ rang las yin na zhes bya ba la sogs pa smos te/ rang las te rang bzhin las skye ba yin na rgyu med pa can nyid du nges par 'gyur ro/ /'on te rang bzhin las skye na/ ji ltar rgyu med par 'gyur/ ji srid du rang bzhin kho na nyid de'i rgyu yin par rtogs pa ma yin nam/ zhe na/ rang la byed pa 'gal ba'i phyir ro/ /zhes bya ba la smos te/ rang rang gi ngo bo la byed pa rgyu'i ngo bor 'gal
- 203a
pa'i phyir ro/ /'di snyam du rgyu med pa nyid yin la rag mod/ de lta na yang ci'i phyir res 'ga' bar mi rig snyam du sems na/ dngos po rnams ni ltos pa yis/ /zhes bya ba la sogs pa smos te/ dngos po rnams rang bzhin gzhan la rag las nas 'jug pa ni res 'ga' bar rigs te/ de dag gi yod pa dang med pa dag ni gzhan yod pa dang med pa dang 'brel pa'i phyir ro/ /gang gi phyir gang dag gzhan la rag ma las par 'jug pa de dag ni ltos par bya ba 'ga' zhig kyang med pa'i phyir/ ci ste res 'ga' bar 'gyur/ 'on te yang rang la byed pa 'gal ba nyid ji ltar 'grub ce na/ 'di ltar zhes bya ba la sogs pa smos te/ dngos po bdag nyid skye ba yin na/ grub pa zhig gam/ ma grub pa zhig skye grang/ re zhig grub pa ni ma yin te/ de'i gnas skabs na bdag nyid kyang grub pa'i ngo bo las tha mi dad pa nyid kyis rang gi ngo bo bzhin du rab tu grub pa'i phyir te/ yongs su grub pa'i phyir ro/ /de lta yin dang bskyed par bya ba med pa'i phyir dngos po 'di gang du byed par 'gyur/ ma grub pa yang ma yin no zhes ston pa ni/ bdag gi de nyid ma grub na zhes bya ba la sogs pa la 'ga' zhig ces bya ba ni spyi'i tshig ste/ rang gi bdag nyid du gyur pa ma yin la/ gzhan gyi bdag nyid du gyur pa yang ma yin zhes bya ba'i don to/ /bya ba yod na grub pa'i bdag nyid kyi de kho na nyid du 'gyur te/ grub pa'i mtshan nyid ni de tsam yin pa'i phyir ro snyam du bsams pa yin no/ /de kho na nyid bsdus pa'i dka' 'grel las/ gnyi ga brtag pa ste gsum pa'o// //sogs pa'i sgras 'phangs pa rang bzhin du smra ba'i rtsod pa ni brjod par bya ba nyung ba nyid kyi go rim la ma brten par sel bar byed pa ni rang bzhin smra ba zhes bya ba la sogs pa smos te/ rang bzhin smra ba ni sogs pa'i sgras dngos su ma 'phangs
- 203b
mod kyi/ 'on kyang rang bzhin rgyur smra ba'i lugs blangs nas bstan pa kho na'o/ /de la gang dag dngos po rnams rang nyid las skye ba yin no zhes smra ba de dag rang la byed par 'gal phyir ro zhes bya ba la sogs pa bkag nas/ da ni rang bzhin smra ba 'gegs so/ /de dag ni 'di skad du smra ste/ dngos po rnams rang las skye ba ma yin zhing gzhan ma yin no/ /'o na ci zhe na/ rgyu rnams kun la mi bltos par rang dang gzhan gyi rgyu la bltos pa med par zhes bya ba'i don to/ /'on te gang dag dngos po rnams rang nyid las skye ba yin no/ /zhes smra ba de dag las 'di dag khyad ci yod ce na/ de dag rang yang zhes bya ba la sogs pa smos te/ de dag ni rang bzhin du smra ba dag go /rang yang zhes bya ba ni rang gi ngo bo'o/ /yang gi sgras ni gzhan gyi ngo bo yang ngo/ /snga ma ni rang bzhin rgyur 'dod la/ 'di ni de yang mi 'dod do zhes bya ba ni khyad par ro/ /'di la rigs pa brjod par gang zhig yod par mi dmigs pa de ni rtog pa dang ldan pa rnams kyi med pa'i tha snyad kyi yul yin te/ dper na ri bong gi rwa bzhin no/ /dngos po rnams kyi rgyu yang yod pa mi dmigs so? bzhin ni dmigs pa'o/ /gtan tshigs 'di ma grub pa yang ma yin no zhes bstan pa'i phyir/ 'dam skyes sogs kyi zhes bya ba la sogs pa smos te/ 'dam skyes ni pad+ma'o/ /de'i ge sar la sogs pa zhes tshig rnams par sbyar ro/ /sogs pa smos pas mgul ba dang/ 'dab ma dang/ ze 'bru la sogs pa dang/ tsher ma'i rna ba la sogs pa gzung ngo/ /sna tshogs zhes bya ba ni/ kha dog dang/ dbyibs dang/ rtsub pa la sogs pa'i bye brag go /gang gis byed ces bya ba ni sus kyang ma yin te/ dbang phyug la sogs pa'i rgyu mi dmigs pa'o/ ?phyir snyam du bsams pa'o/ /'di snyam du phyi rol gyi dngos po rnams kyi rgyu mi dmigs pa'i phyir rgyu med pa can du grub mod kyi sdug bsngal ba la sogs pa nang gi bdag nyid ji ltar grub snyam du sems na/ dper na tsher ma zhes bya ba la/
- 204a
sogs pa smos te/ gal te mngon sum gyis sdug bsngal la sogs pa rgyu med pa can ma grub pa yin mod kyi/ 'on kyang rjes su dpag pas grub pa kho na te/ 'di ltar gang zhig res 'ga' ba de ni rgyu med par nges ste/ dper na tsher ma rno ba la sogs pa lta bu'o/ /sdug bsngal la sogs pa yang res 'ga' pa yin no/ /zhes bya ba ni rang bzhin gyis gtan tshigs so/ /gang zhig yod pa dang med pa na/ des par gang zhig yod pa dang med par 'gyur ba de ni de'i rgyu yin no zhes bya ba yang rigs pa ma yin te/ 'khrul pa'i phyir ro/ /'di ltar reg pa yod na mig gi rnam par shes pa 'byung ba med na mi 'byung ba yin na yang 'di mig gi rnam par shes pa'i rgyu ma yin no/ /de lta bas na rgyu dang 'bras bu'i dngos po'i mtshan nyid 'di ni 'khrul pa yin pas de'i phyir rgyu rnams kun la mi bltos par dngos po skye ba zhes bya ba grub po zhe na/ mtsho skyes ge sar zhes bya ba la sogs pas lan 'debs par byed do/ /'dis ni gtan tshigs ma grub pa dang/ dam bcas pa'i don mngon sum dang 'gal bar ston to/ /pad+ma'i ge sar la sogs pa'i rgyu mi dmigs so/ /zhes gang smras pa de ni ma grub ste/ mngon sum dang mi dmigs pa dag gi sa bon dang/ 'dam dang chu la sogs pa rjes su 'gro ba dang ldog pa dang ldan pas rgyu nyid du des pa'i phyir ro/ /'di ltar gang zhig yod pa kho na gang zhig skye la/ gang zhig 'gyur bas gang 'gyur ba de ni de'i rgyu nyid du brjod do/ /de yang de lta bur gyur pa 'dam skyes kyi ge sar la sogs pa'i sa bon la sogs pa bangs pa la sogs pa'i gnas skabs kyi khyad par thob pa la rjes su 'gro ba dang ldog pa dang ldan pa ste/ yod pa dang med pa dang ldan par mngon sum dang mi dmigs pa dag gis nges pa'i phyir gtan tshigs ma grub bo/ /gang yang rgyu dang 'bras bu'i mtshan nyid 'khrul lo zhes smras pa de
- 204b
yang ma grub ste/ res pa yang gzugs kyi rgyu nyid kyi mig gis rnam par shes pa la yang rgyu mtshan gyi dngos por 'dod pa'i phyir ro/ /'di ltar reg pa ni 'byung ba dag la brjod la/ de dag la yang brten nas gzugs la 'jug go /de'i phyir mig gi rnam par shes pa la reg pa'i rgyu mtshan gyi dngos po yod pa nyid de/ dngos dang brgyud pas byas pa'i khyad par 'ga' zhig tu zad do/ /kho bo cag gis ni ldog pa tsam rgyu dang 'bras bu'i dngos po nges pa'i rgyu nyid du khas ma blangs so/ /'o na ci zhe na ? khyad par can nyid do/ /'di ltar nus pa'i rgyu gzhan gang dag yod na yod la/ gang zhig med pas gang mi 'byung ba de ni de'i rgyu yin no zhes smra'i/ gang zhig med par gang mi 'byung ba zhes bya ba'i ldog pa rtsam ni ma yin no/ /de lta ma yin na ma bag mar len par 'os pa'i yul du skye ba'i 'brag go /ma bag mar len pa'i phyir 'khrul par 'gyur ro/ /de lta bur gyur pa'i ldog pa la reg pas 'khrul pa med do/ /'di ltar gal te gzugs la sogs pa nye bar bstan nas reg pa gcig bu med pa'i phyir mig gi rnam par shes pa mi 'byung ngo zhes de ltar bstan na de'i che 'khrul par gyur na/ 'di yang bstan par mi nus te/ de'i phyir rgyu dang 'bras bu'i mtshan nyid kyi dngos po la 'khrul pa yod pa ma yin no// sa bon la sogs pa dngos po rnams kyi rgyu nyid du nges pa 'ba' zhig tu ma zad kyi/ so sor nges pa'i yul dang dus kyang nges pa yin no zhes ston pa ni/ yul dang dus kyi nges pa la'ang/ /zhes bya ba la sogs pa la/ gal te pad+ma la sogs pa de'i rgyu nyid so sor nges pa'i yul dang dus rgyu nyid du mi 'gyur na ni/ de'i tshe gang 'di rdo la sogs pa'i yul spangs nas chu la sogs pa so sor nges pa'i yul la 'jug pa dang/ gang dgun la sogs pa'i dus yongs su
- 205a
spangs nas sog la sogs pa'i dus su 'jug pa der mi 'gyur gyi/ /'on kyang yul thams cad dang dus thams cad du pad+ma la sogs pa'i dngos po de dag 'byung bar 'gyur te/ de ni bltos pa med pa yin pa'i phyir ro/ /de lta bas gang zhig de las gzhan pa'i yul dang dus yongs su spangs nas so sor nges pa'i yul la sogs par nges par 'jug de ni bltos pa dang bcas pa yin no zhes bya bar nges so/ /bsam pa med pa'i dngos po 'di dag ci la bltos she na/ de bltos de ltar 'jug pa yin/ zhes bya ba smos te/ de bzhin du de las gzhan pa'i yul la sogs pa spangs nas yul la sogs pa nges pa las 'jug pa gang yin pa 'di nyid bltos pa zhes bya ba'i bsam pa'i bdag nyid can ni ma yin no// 'di snyam du de la bltos nas 'jug pa de de ltar grub mod kyi/ 'on kyang de'i 'bras bu nyid du ji ltar des snyam du sems na/ bltos pa 'bras bu nyid du brjod ces bya ba smos te/ de'i 'bras bu nyid gzhan ni med do/ /'o na ci zhe na/ de'i phyir rang bzhin smra ba 'am/ de dag la rang bzhin smra ba 'am de bzhin smra ba zhes pa'o/ /gang 'di de ltar 'jug pa'i mtshan nyid kyi bltos pa de nyid de'i 'bras bu zhes bya'o/ /'di dag gi lta ba gnas par de yang ji ltar grub ce na/ de ltar 'jug pa'ang mngon sum yin/ zhes bya ba la sogs pa smos so/ /de'i phyir zhes bya ba ni de lta bas na 'am de dag la ste/ pad+ma la sogs pa la rang bzhin du smra ba dag ces bsdu'o/ /mngon sum gyis ni rab gnod 'gyur/ /zhes bya ba ni mi dmigs pa yang gzhan dmigs pa'i bdag nyid yin pas mngon sum gyi bdag nyid yin pa'i phyir ro/ /gang yang bde ba la sogs pa rnams rgyu med pa can du bsgrub pa'i phyir/ res 'ga' pa la sogs pa'i sgrub byed brjod pa de ni
- 205b
bsgrub bya las bzlog par sgrub par byed pa'i phyir 'gal ba yin te/ bltos pa med pa'i phyir rgyu med pa'i phyir rgyu med pa ni res 'ga' pa nyid du mi 'thad pa'i phyir ro/ /dpe yang bsgrub par bya ba ma tshang ba yin no snyam du bsams pa'o/ /de ltar re zhig dam bca' ba'i don mngon sum dang 'gal ba dang/ gtan tshigs ma grub pa nyid du bstan nas/ nga ni gtan tshigs grub par khas blangs nas ma nges pa nyid du bstan pa'i phyir/ rgyu yod par ni sgrub pa la/ /zhes bya ba la sogs pa smos te/ gal te mi dmigs pa tsam gtan tshigs nyid du khas len pa de'i tshe ma nges pa yin no/ /'di ltar tshad ma med pa ste/ tshad ma med pa tsam gyi gtan tshigs kyi don med pa ste/ mi bdog par nges pa ma yin no/ /ci'i phyir ma yin zhe na/ gang phyir zhes bya ba la sogs pa smos te/ khyab par byed pa'i rang bzhin dang rgyu ldog na rang gi khyab par bya ba dang 'bras bu ldog par byed de/ de la de'i bdag nyid dang de las byung ba dag gis khyab par bya ba dang 'bras bu dag 'brel pa'i phyir ro tshad ma ni don yod pa'i khyab par byed pa yang ma yin no/ /ci'i phyir zhe na/ tha dad pa ni yod pa'i phyir tha mi dad pa kho na khyab par byed pa yin te/ dper na shing sha pa'i shing lta bu'o/ /tha dad pa ni rgyu nyid kyi khongs su 'dus pa'i phyir ro/ /tshad ma dang don yod pa gnyis tha mi dad pa yang ma yin te/ snang ba tha dad pa'i phyir ro/ /tshad ma don gyi rgyu yang ma yin te/ 'khrul pa'i phyir ro/ /'di ltar yul dang/ dus dang/ rang bzhin gyis bskal pa'i don rnams tshad nas yul du ma byas na yang yod par mi 'gal ba nyid do/ /gang med par yang gang 'byung ba de ni de'i rgyur rigs pa yang ma yin te/ ha cang thal bar 'gyur ba'i phyir ro/ /rgyu nyid du khas len na yang rang gi phyogs btang pa yin no/ /de las byung ba'i phyir yang/ tshad ma ni don de yod pa'i rgyu ma yin
- 206a
no 'di ltar yul du gyur pa'i don nyid las tshad ma byung gi /tshad ma las gzhal bar bya ba'i don ni ma yin no/ /ci ste yang 'bral pa med par yang tshad ma don yod pa ldog par byed par 'gyur ro zhe na/ gang dngos de lta'i rnam pa min zhes bya ba la sogs pa smos te/ de lta'i rnam pa min zhes bya ba ni/ rgyu yang ma yin khyab par byed pa yang ma yin no pa'o/ /'brel pa med pa'i chos log pas ni nges par gzhan log par rigs pa ma yin te/ ha cang thal bar 'gyur pa'i phyir ro/ /de lta na ni rta log pa na ba lang ldog par 'gyur ro/ /gzhan yang mi dmigs pa gtan tshigs nyid du khas len pa na/ skyes bu thams cad kyi dmigs pa log pa'i mtshan nyid len nam/ rang gi dmigs pa logs pa'i mtshan nyid len grang/ re zhig dang po ni ma yin te/ de ni tshu rol mthong bas nges par mi nus pa nyid kyi the tshom za ba'i phyir ro/ /gang gi phyir skyes bu thams cad kyis rma bya'i mdod pa la sogs pa'i rgyu ma mthong ba'i mi dmigs pa zhes bya ba 'di la tshu rol mthong ba rnams kyi tshad ma zad kyang yod pa ma yin no/ /gang yang rang gis ma mthong ba ni rang gis ma mthong ba ste/ de yang 'khrul pa yin no/ /ci'i phyir zhe na/ ri'i phug la sogs pa'i nang na yod pa'i dur ba dang/ rtsa dang/ rde'i dum bu la sogs pa mi dmigs kyang yod pa'i phyir te/ yod pa'i ma 'gal ba'i phyir ro/ zhes bya ba'i don te/ yod pa nyid du nges pa ma yin te/ the tshom za ba'i phyir ro/ /gzhan yang 'di ltar khyed la brgal zhing brtag par bya ste/ ci dngos po rnams rgyu med pa zhes bya ba'i rang gi phyogs 'di grub par bya ba'i phyir/ khyed gtan tshigs 'ga' zhig len nam/ 'on te ma
- 206b
yin pa/ de la gal te mi len pa de'i tshe khyod kyi phyogs mi 'grub ste/ tshad ma med par don grub pa yod pa yin pa'i phyir ro/ /ci ste len pa de lta na yang khyed kyi phyogs mi 'grub po zhes 'chad par 'gyur ba dang 'brel to/ /ci'i phyir zhe na/ grub pa de rgyus skyed nyid phyir/ zhes bya ba ni gzhal bya'i yul gyi don grub pa ste/ nges pa ni rgyu nges pa skyed par bya ba yin pa'i phyir ro/ /de skad du yang slob dpon dpa' bo'i zhal snga nas kyis/ rgyu dang bcas par smra ba rgyu med ces/ dam bca' rang nyid kyis gnod ma yin ni/ ci ste'ang gtan tshigs sgrub la snyom las na/ dam bca' gcig pus 'di la ci zhig 'gyur zhes bshad do/ /'di snyam du bdag gis shes par byed pa'i rgyur sbyar gyi byed pa po ni ma yin no/ /des na ci'i phyir bdag gis phyogs 'grub par mi 'gyur snyam du sems na/ 'di ltar zhes bya ba la sogs pa smos te/ shes byed gtan tshigs zhes bya ba ni/ rang gi don gyi rjes su dpag pa'i dus na tshul gsum pa'i rtags so/ /tshi? gis ces bya ba ni gzhan gyi don gyi rjes su dpag pa'i tshe'o// de rab gsal byed ces bya ba ni/ gtan tshigs de gsal bar byed pa'o/ /grub pa'i zhes bya ba ni gzhal bar bya ba'i don nges pa'o/ /de lta ma yin na gal te grub pa'i rgyu mtshan gyi dngos por ma grub pa de'i tshe ji ltar de'i shes par skyed par 'gyur ro/ de lta na ni thams cad thams cad kyi shes par byed par 'gyur ro/ /gal te de lta na ji ltar slob dpon gyis byed pa po las shes par byed par dbye bar mdzad de/ 'dir yang shes pa'i dbang gis don bstan gyi skyed par byed pa bzhin du yang dag pa'i don gyis ni ma yin no/ /zhe na/ bsgrub bya bskyed par mi byed phyir/ /zhes bya ba la sogs pa smos te/ bsgrub bya'i don skyed par mi byed pa'i phyir 'di shes par byed pa (zhes bya ba'i byed pa) po ni ma yin no//
- 207a
gang yang myu gu la sogs pa'i sgrub par bya ba skyed par byed pa de ni byed pa po brjod do zhes bya ba la skyon med do/ /'di thams cad kyis ni slob dpon dpa' bos bshad pa'i skyon gyis thog tu rtsod pa phab pa gang yin pa de'i lan btab pa yin no/ /'di ltar de la rtsod pa de yin te/ rgyu med do shes rgyu dang bcas par smra ba na yang ci'i phyir dam bca' ba la gnod par byed/ de ni shes par byed pa'i rgyu smra zhing byed pa po ni spong ngo/ /de'i phyir 'dir lan ni shes par byed pa yang byed pa nyid yin te/ shes pa'i rgyu yin pa'i phyir ro/ /'dis ni rang gi tshig dang 'gal bar bstan to/ /rgyu med pa nyid la ni sgrub par byed pa'i gtan tshigs 'ga' yang yod pa ma yin te/ khyab pa la mngon sum la sogs pas gnod pa'i phyir ro/ /de'i phyir zhes bya ba la sogs pas 'jug bsdu ba'i thabs kyis dam bcas pa'i don rjes su dpag pas gnod par ston par byed do/ /gzhan dag kyang zhes bya ba ni pad+ma'i ge sar la sogs pa bsgrub par bya ba'i don gyi yul can gyi shes pa las ma gtogs pa rnams so/ /skye bar des phyir ro zhes bya ba ni nges pa'i dngos po nye ba na zhes bya ba lhag ma'o/ /sbyor ba ni gang zhig so sor nges pa'i dngos po nye ba na skye bar des pa de dag ni rgyu dang bcas pa yin te/ dper na khyed cag gi sgrub par byed pa nye ba na 'byung ba'i bsgrub bya'i don gyi yul can gyi shes pa lta bu'o/ /pad+ma la sogs pa'i dngos po yang de bzhin no zhes bya ba ni rang bzhin gyi gtan tshigs so/ /de kho na nyid bsdus pa'i dka' 'grel las/ 'gro ba rang bzhin du smra ba brtag pa ste bzhi pa'o// //skye 'jig dag dang mi ldan pa'i/ zhes bya ba la sogs pa'i sgra'i
- 207b
tshangs par smra ba'i gzhung bkod nas sun 'byin par byed do/ /de la sgra'i tshangs par smra ba rnams na re/ shar dang nub la sogs pa'i phyogs kyi cha dang bral/ skye ba med pa/ 'jig pa med pa/ sgra'i rang bzhin gyi tshangs pa gang yin pa de'i yongs su 'gyur pa ni gzugs la sogs dngos po'i tshogs 'di yin no zhes nges par bya'o/ /ji skad du/ thog mdza' med pa'i tshangs pa ni/ sgra'i de nyid yi ge gang/ gang la 'gro ba'i tha snyad 'byung/ don gyi dngos por yongs gyur pa/ zhes bshad de/ /de la thog ma ni skye ba'o/ /tha ma ni 'jig pa'o/ /de dag med pa'i phyir thog ma dang mdza' med pa'o/ /yi ge zhes bya ba ni a la sogs pa'i rgyu mtshan yin pa'i phyir ro/ /'dis ni rjod par byed pa'i ngo bos yongs su 'gyur pa bstan to/ /don gyi dngos por zhes bya ba la sogs pas kyang brjod par bya ba'i 'gyur bar bstan to/ /tha snyad ces bya ba ni khyad par tshangs pa ni zhes bya ba ni ming yang dag par bsgrags pa'o/ /tshigs su bcad pa 'di nyid kyi don ston pa ni/ skye 'jig dag dang mi ldan pa'i zhes bya ba la skye 'jig smras pa ni nye bar mtshan pa ste/ shar dang nub la sogs pa'i phyogs cha dang bral ba zhes bya ba 'di yang 'di ltar rtags par bya ste/ thog ma dang tha ma nyid kyis cha med cing shar dang nub kyi phyogs cha dang bral ba yang der bstan to/ /tshangs pa'i sgra'i rang bzhin ni sgra'i rang gi ngo bor de nyid kyi phyir 'di ni sgra'i de kho na nyid yin pas de ni sgra'i de kho na nyid ces bya'o/ /'di ni sgra'i phyin ci ma log pa'i ngo bo zhes bya ba'i don to/ /mchog ni zhes bya ba ni oM gyi bdag nyid de/ oM ni sgra thams cad dang don thams cad dang don thams cad kyi rang bzhin yin par grag pas/ de yang rig byed yin te/ 'di yi ge dang tshig gi rim pa'i ngo bos gnas pa'i rig byed de rtags pa'i thabs yin te/ de'i gzugs brnyan gyi tshul du gnas so/ /tshangs pa mchog
- 208a
gi bdag nyid de ni mngon par mtho ba dang nges par legs pa'i 'bras bu'i rjes su 'dzin pa'i nang gi byed pas mthong ba yin no zhes zer ro/ /'dir yang tshad ma byed de/ gang zhig gang gi rnam pa de dag ni de'i rang bzhin yin te/ dper na bum pa dang khang phor dang blug ma la sogs pa 'ji ba'i rnam par 'gyur ba 'ji ba'i rnam pa'i rjes su byed pa 'ji ba'i rang bzhin nyid du grag pa lta bu'o/ /dngos po thams cad kyang sgra'i rnam pa dang ldan pa yin no zhes bya ba ni rang bzhin gyi gtan tshigs so/ /gtan tshigs ma grub pa yang ma yin te/ gang gis phyir don thams cad sgra'i rjes su byed par mngon sum nyid kyis grub ste/ 'di ltar shes pa thams cad don la skye ba na sgra'i rnam pa dang ldan pa kho nar skye ste/ ji skad du/ sgra'i rjes 'jug ma gtogs gang/ /shes te 'jig rten na yod min/ /shes pa thams cad sgra dang ni/ /ldan pa bzhin du gnas pa yin/ /zhes bshad pa lta bu'o/ /dngos po rnams kyi rang bzhin du gdags pa'i rgyu mtshan yang/ shes pa'i rnam pa yin no/ /de'i phyir 'di dag sgra'i rnam pa dang ldan pa nyid grub po/ /de grub pa na de'i rang bzhin yin pa nyid kyi grub pa kho na ste/ de'i rang bzhin nyid ni de tsam gyi ngo bo yin pa'i phyir ro// zhes bya'o/ /nga la brjod bya zhes bya ba la sogs pas re zhig dam bcas pa'i don sun 'byin par byed do/ /'dis 'gro ba sgra'i rang bzhin du sgrub par 'dod pa/ res 'ga' sgra yongs su gyur pa'i ngo bo nyid yin pa'i phyir ram/ res 'ga' sgra las skyes pa'i phyir yin te/ dper na srog chags rnams ni zas las byung ba yin no zhes bya ba/ rgyu yi don la rgyu ma yin pa brjod pa'i phyir dang/ rgyu las byung ba'i rkyen du brjod pa'i phyir ro/ /de la re zhig phyogs dang po ni ma yin te/ yongs su 'gyur pa nyid mi 'thad pa'i phyir ro/ /'di ltar sgra'i bdag nyid kyi tshangs
- 208b
pa sngon po la sogs pa'i ngo bor 'gyur ba na res 'ga' rang nyid kyi sde rang gi ngo bo yongs su btang nas 'gyur ba'am/ ma btang nas 'gyur pa yin grang/ de la gal te btang nas zhes bya ba'i dang po'i phyogs la brten pa de'i tshe/ thog mdza' med pa zhes bya ba'i tshig 'di ma 'gyur ba med pa nyid mi 'jig pa nyid du khas blangs pa gang yin te nyams par 'gyur te/ sngon gyi rang bzhin zhig pa'i phyir ro/ /ci ste yongs su ma btang nas zhes bya ba de ma thag pa'i phyogs yin pa'i de'i tshe sngon po la sogs pa rig par byed pa'i dus na yang ma thos pas kyang sgra rig par 'gyur te/ sngon po la sogs pa'i rig pa bzhin du de las tha mi dad pa'i phyir ro/ /sbyor ba ni gang zhig gang las tha mi dad pa de ni de rig pa na rig pa yin te/ dper na sngon po la sogs pa rig pa'i gnas skabs na sngon po la sogs pa de'i bdag nyid bzhin no/ /sgra'i bdag nyid kyang sngon po la sogs pa las tha mi dad do zhes bya ba ni rang bzhin gyi gtan tshigs so/ /de lta ma yin na grub pa dang bde ba tha dad pa'i phyir ro/ /de'i rang bzhin nyid mi 'grub po zhes bya ba 'di ni 'dir gnod par byed pa'i tshad ma'o/ /'di nyid rgyas par bstan pa'i phyir/ gang gis thams cad ces bya ba la sogs pa smras pa la/ gang gis te gang gi phyir khyed cag gis dngos kho nar 'gro ba sgra'i rang bzhin no zhes brjod par byed de/ ci'i phyir zhe na/ sgra'i ngo bo ma btang par/ /zhes bya ba smos so/ /gal te dngos su sgra'i rang bzhin du gnas pa yin na de las cing 'gyur zhe na/ de ltar sngon po zhes bya ba la sogs pa smos te/ sngon po la sogs pa gcig nyid ces bya ba la/ sgra dang lhan cig ces bya ba lhag ma'o/ /de rig pa'i dus su ni zhes bya ba ni sngon po la sogs pa de dag rig pa'i gnas skabs na'o/ /ji ltar 'di rig pa ma yin
- 209a
zhes bya ba ni/ de la sngon po la sogs pa'i rang bzhin du dmigs pa'i mtshan nyid du gyur pa'i phyir te/ rig pa nyid du rigs so snyam du bsams pa'o/ /ci ste 'di rig pa nyid du mi 'dod pa de'i tshe sgra'i rang bzhin bzhin du sngon po la sogs pa yang mi rig par thal bar 'gyur te/ gcig gi bdag nyid yin pa'i phyir ro/ /sngon po la sogs pa rnams ni sgra dang lhan cig gcig gi rang bzhin nyid yin pa'i phyir zhes bya ba'i don to/ /de lta ma yin na sngon po la sogs pa rnams sgra dang lhan cig chos tha dad par khas len par shin tu tha dad par khas blangs par bya dgos so/ /ci'i phyir zhe na/ 'gal ba'i chos dang zhes bya ba la sogs pa smos te/ gcig dus gcig tu rtog pa po gcig la bltos nas 'dzin pa dang mi 'dzin pa ni mi rigs te/ gcig nyams par thal ba'i phyir ro/ /de lta ma yin na gal te 'gal ba'i chos dang ldan pa yang gcig nyid du 'gyur ba de'i tshe bum pa la sogs pa gsal ba tha dad pa brtag par 'dod pa'i gsal ba tha dad pa gang yin pa der yang mi 'gyur ro/ /yang gi sgra ni tshangs pa'i rang gi ngo bo tha dad pa med pa 'ga' zhig tu ma zad ces bya ba'o/ /gang gi phyir rang gi bdag nyid du rnam par gnas pa de la tha dad pa med de/ 'di ni 'gyur ba med pa'i rang bzhin yin pa'i phyir dang/ tha dad pa med pa'i rang bzhin yin pa'i phyir ro/ /zhes bya ba grub pa mdza' yin no/ /'di ltar don bum pa la sogs pa'i bdag nyid du thog ma dang tha ma med pa nyid du mi 'dod do/ /'o na ci zhe na/ mchog gi bdag nyid du ste/ bum pa la sogs pa snang bzhin pa na skye ba dang 'jig pa yongs su chad pa'i yul can rnams su dmigs pa tshangs pa yin no/ /ma thos kyang sgra gsal bar rig par 'gyur ro/ /zhes bya ba'i thal bar 'gyur ba smras pa 'di gang yin pa de yang gal te tshangs pa'i ngo bo dmigs pa'i mtshan nyid
- 209b
du gyur par 'dod pa de'i tshe blta bar bya'o/ /gal te yang shin tu phra ba dbang po las 'das pa'i zhes smra ba de'i tshe skyon 'di med do/ /'on kyang sngon po la sogs pa yang de'i ngo bo yin pa'i phyir de'i rang gi ngo bo bzhin du mi 'dzin par thal bar 'gyur ro/ /zhes bya ba'i skyon 'di brjod par bya'o/ /de lta yin dang tshu rol mthong ba rnams kyis skye ba dang 'jig pa dang ldan pa'i don tsam shes so zhes bya ba'i nges pa 'di mi thad do/ /'di snyam du ji ltar khyed cag gi skad cig ma nyid las sngon po la sogs pa tha dad la/ sngon po la sogs pa myong na yang mi myong ba de bzhin du sgra'i ngo bo la yang yin no snyam du sems na/ de ni yang dag pa ma yin te/ sngon po la sogs pa rig pa na skad cig ma nyid mi rig pa ni ma yin te/ 'on kyang rtog pa med pa shes pas bzung du zin kyang 'khrul pa'i rgyu mtshan gyis yon tan gzhan sgro btags pa'i phyir ma nges pa yin par brjod do/ /des na nyams su myong ba las bltos nas de bzung ba nyid yin la/ nges pa'i shes pa la ltos nas ni ma bzung ba yin pa'i phyir/ shes pa tha dad pas gcig bzung ba dang ma gzung ba nyid ni mi 'gal ba kho na'o/ /de ltar khyed cag gi phyogs la ni sgra gzung ba dang ma bzung bar rig pa ma yin te/ shes pa thams cad rtog pa dang bcas pa nyid du khas len pa'i phyir dang/ shes pa gcig gis kyang de'i bdag nyid thams cad nges pas ma bzung ba'i rang bzhin gzhan mi 'thad pa'i phyir ro/ /ji skad du/ nges pa rnams kyis ma nges gang/ /de ni ji ltar de dag yul zhes bshad do/ /ci ste rtog pa med pa'i shes pa yang cung zad cig khas len na 'o na/ sgra'i rjes 'jug ma gtogs gang/ /shes de 'jig rten na yod min/ /zhes brjod par mi bya'o/ /sgra'i rnam pa dang ldan pa'i phyir zhes bya ba'i gtan tshigs kyang 'grub par mi 'gyur ro/ /de lta bas na tshad ma med pa'i phyir/ dngos po
- 210a
rnams sgra'i bdag nyid du gnas pa rgyu mtshan med pa can kho nar 'gyur ro/ /gzhan yang dngos po rnams kyi skad cig ma nyid ni tshad ma gzhan las grub pa'i phyir nyams su myong ba yang ma nges pa yin no zhes bstan gyi/ gang gis de rnam par 'jog par byed pa dngos po rnams sgra'i bdag nyid du ga las grub/ sun 'byin pa'i lan gzhan yang/ gal te dngos po so so yi/ /zhes bya ba la sogs pa smos te/ sgra'i bdag nyid de yongs su gyur par 'gro ba na/ don tha dad par 'gyur ram ma yin pa 'gyur grang/ de la gal te tha dad pa med pa zhes bya ba'i phyogs yin na/ de'i tshe sngon po la sogs pa thams cad yul gcig pa nyid du 'gyur ro/ /yul gcig pa nyid du ces bya ba ni mtshon pa yin te/ dus dang yongs su 'gyur ba dang/ bya ba dang gnas skabs kyi khyad par la sogs pa yang gzung ngo/ /'di rnams kyang gcig tu 'gyur ro/ /gcig gi rnam par rig par yang ste/ so sor snang bar 'gyur zhing thob pa yin no te/ sngon po la sogs pa thams cad sgra gcig gi ngo bor tha mi dad pa'i phyir ro/ /ci ste sgra'i bdag nyid 'di rang gi mtshan nyid gsal ba so so tha dad pa nyid du khas len par byed pa de'i tshe/ tshangs pa du ma nyid 'gyur te/ /dngos po tha dad pa ni du ma'i ngo bo nyid yin pa'i phyir ro/ /tha dad pa du ma'i dngos po'i bdag nyid dngos po du ma'i rang bzhin gyi ngo bo gang la yod pa zhes tshig rnam par sbyar ro/ /de'i dngos po ni de nyid do/ /tshangs pa mchog kyang gcig tu 'dod de/ des na dam ba'i ba la khas blangs pas gnod pa yin no snyam du bsams pa'o/ /nyes pa gzhan yang/ sgra'i rang bzhin rtag nyid na/ /zhes bya ba la sogs pa smos te/ sgra rtag pa las 'byung ba nyid de/ 'gro ba sgra rtag pa'i rang bzhin nyid yin na sgra'i ngo bo bzhin du dngos po rnams kyang rtag pa nyid du 'gyur ro//
- 210b
de la yin dang dus thams cad dang dngos po rnam sgra dang lhan cig cig car grub pa na ste/ grub pa'i phyir yongs su 'gyur bar mi 'gyur ro/ /de dag ces bya ba ni de'i phyir gyi don ni/ de dag ste sngon po la sogs pa de dag rnams kyi cig car te/ de dag cig car zhes tshig rnam par sbyar ro/ /ci ste cig car ma grub na yang ci'i phyir yongs su 'gyur ba ma yin zhe na/ ngo bo gcig ni zhig 'gyur zhes bya ba la sogs pa smos te/ ni'i sgra ni go rims med pa la ni dngos po yongs su 'gyur ba 'grub par mi 'gyur ro/ /zhes rim pa gzhan du bya'o/ /de ltar re zhig yongs su 'gyur bas byas pa'i dngos po rnams sgra'i rang bzhin nyid mi rigs so/ /phyogs gnyis pa yang rigs pa ma yin no zhes bstan pa'i phyir/ ci ste yang zhes bya ba la sogs pa smos te/ de ltar yang sgra rtag pa nyid kyis 'gyur ba med pa'i phyir de las rim gyis 'bras bu skye ba rim 'gyur ro/ /thams cad la rgyu nus pa thogs pa med pa ma tshang ba med pa'i phyir/ cig car kho nar skye bar 'gyur ro/ /rgyu ma tshangs ba'i phyir 'bras bu sdod pa yin no/ /gang gi cig car bar mi 'gyur ba gal te de ma tshangs ba med na des na ci'i phyir gzhan la bltos/ gzhan yang gal te rang bzhin gcig po de las sgra'i rang gi ngo bo gzhan tha dad pa skye bar khas len pa de'i tshe/ tshangs pa de don gyi ngo bor rnam par 'gyur ba yin no zhes bya ba 'di 'grub par mi 'gyur ro/ /don gzhan skye ba na gzhan de'i rang bzhin du mi 'jug pa de'i ngo bo rnam par 'gyur ba ni mi rigs so/ /de lta bas na thams cad du yang dam pa'i brtag par mi bya'o/ /sgra'i rnam pa dang ldan pa'i phyir ro/ /zhes bya ba'i gtan tshigs kyang ma grub kyang bstan pa'i phyir de'i ngo bo min las log ces bya ba la sogs pa smos te/ dngos po rnams ni don dam par ngo bo gcig rjes su 'gro ba yod pa ma yin te/ thams cad rang rang gi la gnas pa nyid kyis rigs mthun pa dang
- 211a
mi mthun pa las ldog pa'i rang bzhin yin pa'i phyir ro/ /'di dag la ni rtog pa zhen pa rigs mi mthun pa las ldog pas byas pa rnam pa gcig dang ldan pa nyid rnam par 'jog par byed de/ dper na bum pa dang/ kham phor dang/ blug ma la sogs pa don dam par tha dad pa rnams la yang 'ji ba'i bdag nyid ma yin pa'i dngos po las ldog pas byas pa 'ji pa'i bdag nyid du rtog pa lta bu'o/ /de la sngon po la sogs pa'i dag gis btags pa de yang sgra'i rnam pa dang ldan pa nyid du srid pa ma yin te/ sngon po dang ser po la sogs pa rnams la sgra'i ngo bo mi dmigs pa ma dmigs pa yang ji ltar sgra'i bdag nyid ma yin pa rnam pas bcad pas byas pa'i sgra'i rnam pa dang ldan pa nyid rtog/ de phyir rtog pa'ang sa bon med/ ces bya ba ni gtan tshigs ma grub pa'o/ /gang yang/ thams cad yul gcig nyid dang ni/ gcig gi rnam par rig par 'gyur/ zhes smras pa de la gzhan gyi lugs kyi dogs pa bsu ba ni/ 'on te tshangs pa'i de nyid ces bya ba la sogs pa'o/ /ci ste yang tshangs pa'i bdag nyid kyi de kho na nyid mi 'gyur bar dbyer med pa nyid du rtag tu don dam par gnas pa gang yin pa de ni don par yongs su 'gyur ba ma yin gyi/ 'on kyang ma mig pa'i ling tog gi blo'i mig nyams pa rnams sngon po la sogs pa'i dbye bas sna tshogs pa bzhin du rlom mo/ /ji skad du/ ji ltar nam mkha' pa la/ rab rib kyis bslad skye bo yis/ /rab rib sna tshogs dag dang ni/ /ldan pa bzhin du mngon par rlom /de ltar bdud rtsi 'gyur med pa'i/ /tshangs pa 'di ni ma rig pas/ /rnyog pa bzhin du 'gyur ba ste/ /tha dad ngo bor rnam par 'gyur zhes bshad pa lta bu'o/ /des na thams cad yul gcig pa nyid du thal bar mi 'gyur te/ de dag ni dngos po med pa'i ngo bo nyid yin pa'i phyir ro/ /rig pa tha dad par yang mi 'gyur te/ de ni ma rig pas bslad pa byas pa nyid kyi phyir ro/ /snyam du bsams pa yin no/ /de la'ang zhes bya
- 211b
ba la sogs pas lan 'debs par byed de/ gang gi phyir tshad ma'i dbang gi gzhal bya yod par rnam par 'jog pa yin la/ de lta bu'i ngo bo'i tshangs pa grub par bya ba'i phyir tshad ma cung zad kyang med do/ /'di ltar re zhig de ni mngon sum gyis de grub pa ma yin te/ sngon po la sogs pa phan pa dang mi ldan pa thob pa dang spong ba'i rten las tha dad pa'i sgra'i no bo gzhan snang ba ni med la/ mi snang ba yang ji ltar de mngon du phyogs pa'i sems te/ rigs pa'i lam la gnas pas yod pa nyid du ma nges par 'gyur/ 'di snyam du shes pa'i bdag nyid kyi ngo bo bzhin du rang rig pa'i mngon sum kho nas de grub pa yin te/ 'di ltar de nyid gsal ba yin te/ sgra'i bdag nyid yin pa'i phyir dang sems pa can gyi ngo bo yin pa'i phyir ro snyam du sems na/ 'di ni rang rig pa dang 'gal te/ 'di ltar yid gzhan la yengs kyang mig gis gzugs lta ba na/ mngon par brjod pa dang mi ldan pa sngon po la sogs pa'i shes pa nyams su myong ba kho na yin no/ /'di yang rgyas par 'chad par 'gyur ro/ /des na shes de 'jig rten na yod min/ zhes bya ba la sogs pa smras pa de yang bsal ba yin no/ /de lta bas na dbyer med pa'i sgra'i rang bzhin gyi tshangs pa mngon sum gyis grub pa ma yin te/ de lta bur gyur pa da mi snang ba'i phyir ro/ /rjes su dpag pas kyang ma yin te/ /'di ltar rjes su dpag pa yin no/ /'bras bu'i rtags yin pa 'am/ rang bzhin gyi rtags yin grang/ mi dmigs pa ni dgag pa'i yul can yin pa'i phyir ro/ /sgrub pa la dbang du byed pa nyid ma yin de la re zhig 'bras bu'i rtags ni ma yin te/ rtag pa las 'bras bu 'ga' yang mi skye ba'i phyir te/ rtag pa ni rim dang cig car dag gis don byed pa 'gal ba'i phyir ro/ /rang bzhin gyi rtags kyang yod pa ma yin te/ tshangs par brjod pa'i
- 212a
chos can de nyid ma grub pa'i phyir ro/ /chos can ma grub pa na de'i rang bzhin bu gyur pa'i chos rab rgyud du grub par mi 'gyur ro/ /'o na gzhan rtags su 'gyur ro zhe na/ de dag las ni ma gtogs pa'i/ /zhes bya ba la sogs pa smos te/ rang bzhin dang 'bras bu las ma gtogs pa gzhan bsgrub bya'i don dang 'brel pa med pa'i phyir la/ 'brel pa med pa'i rtags kyang rigs pa ma yin te/ ha cang thal bar 'gyur ba'i phyir ro/ /gang yang dngos po rnams sgra'i ngo bo nyid du sgra'i rjes su 'gro ba nyid smras pa gang yin pa de/ ma grub pa'i phyir dang/ brdzun pa nyid yin pa'i don dam pa'i tshangs pa sgra'i ngo bo nyid du bsgrub par nus pa ma yin la/ lung las kyang de grub pa ma yin te/ de mi gnas pa'i phyir ro/ /gang yang mi dmigs pa zhes bya ba'i rtags yod mod kyi de ni rang bzhin gyi gtan tshigs kyi khongs su gtogs pa yin no snyam du bsams pa'o/ /yang na yod pa sgrub par byed pa brjod par 'dod pa'i phyir ro/ /de nyid kyi phyir/ yod pa'i sgrub byed rtags yod min/ zhes bya ba smos so/ /gzhan yang tshangs pa shes pa tsam gyi don byed par yang mi rung bar shes par gyis shig/ de mi rung ba nyid kyis de'i ngo bo med pa ni dngos po med pa rnams kyi mtshan nyid yin no zhes bya'o/ /'di nyid ston pa ni/ zhes bya ba la sogs pa smos te/ 'di yang dang po nyid du dbang phyug rtag par bstan zin to/ /de las gzhan zhes bya ba glang ba dang dor ba'i rgyu mtshan can sngon po la sogs pa las gzhan tha dad pa zhes bya ba'i don to/ /yang na de las zhes bya ba ni 'jug bsdud pa'o/ /gzhan zhes bya ba mi de kho na nyid do/ /mo gsham gyi bu dang mtshungs pa zhes bya ba ni mo gsham gyi bu dngos po med pa nyid du rnam par 'jog pa la don bya ba byed par nus pa dang bral ba las ma rtogs pa rgyu
- 212b
mtshan gzhan yod pa ni ma yin no/ /ci ste 'di skad du/ tshangs pa mchog gi bdag nyid de ni mngon par mtho ba dang nges par legs pa'i 'bras bu'i chos rjes su 'dzin pa'i nang gi byed pa can rnal 'byor pa rnams kyis mthong ngo zhes brjod pa de yang mi 'thad do zhes bya ba la sogs pa la/ gal te rnal 'byor goms pa'i shes pa la de'i bya ba yod pa yin na de'i tshe rnal 'byor pas de'i ngo bo mthong ngo zhes bya bar 'gyur na/ 'di ni rigs pa ma yin te/ ji tsam du/ ji skad du bshad pa'i rnam pas shes pa la de'i bya ba med pa'i phyir ro/ /'di snyam du de'i yul can gyi shes pa skyed pas rnal 'byor pa rnams kyis de mthong ba ni ma yin te/ de las ma gtogs pa'i rnal 'byor pa'i shes pa med pa'i phyir ro/ /'on kyang rnal 'byor gnas skabs na rang gi bdag nyid gsal ba'i ngo bo de gsal ba na rnal 'byor pa rnams kyis mthong bar brjod do snyam du sems na/ gal te de lta na sngar rnal 'byor pa ma yin pa'i gnas skabs na de'i ngo bo/ /ji lta bu zhig yin pa brjod par bya'o/ /gal te rtag tu gsal ba'i ngo bo yin pa de'i tshe / 'o na rnal 'byor pa ma yin pa'i gnas skabs nam yang yod pa ma yin te tshangs pa ni rtag tu bdag nyid gsal ba'i ngo bo yin pa'i phyir ro/ /de lta yin dang thams cad 'bad pa med par thal bar 'gyur ro/ /ci ste yang/ ji ltar khyad kyi rmi lam la sogs pa'i gnas skabs su shes pa gnyis su med pa yin na yang sna tshogs kyi rnam pa 'dzin par snang ngo/ /de bzhin du de gnyis su med pa yin na yang ma rig pa'i dbang gis rgyud rnam par ma dag pa rnams la de ltar snang ba yin no snyam du/ de ni yang dag pa ma yin te/ gang dag la de de ltar snang bar 'gyur ba de las ma gtogs pa'i rnam par ma dag pa'i rgyud gzhan 'ga' zhig yod pa ni ma yin no/ /gal te tshangs pa nyid de ltar snang ba yin no/ zhe na/ de lta na/ 'o na thar pa med par thal bar
- 213a
'gyur/ /tshangs pa ni thams cad du gnyis kyi ngo bor snang ba'i bdag gi nyid yin pa'i phyir ro/ /kho bo cag la ni rnam par dag pa'i shes pa gzhan skye ba'i phyir grol bar rigs pa nyid yin la/ khyed cig la ni gang gi dbang gis de de ltar snang ba zhes bya bar 'gyur ba de las ma gtogs pa'i ma rigs pa yod pa yang ma yin no/ /yang na tha mi dad pa'i ma rig pa de'i dbang gis de nyid de ltar snang ngo zhes bya ba 'di ni legs par bshad pa'o/ / ci ste yang ma rig pa'i dbang gis de gsal ba yin no/ /zhes bya ba 'dis ni de'i ma rig pa'i bdag nyid gsal bar byas pa yin no snyam na/ gal te de lta na thar pa med par thal ba nyid ches shin tu gsal bar byas par 'gyur ro/ / gang gis ma rig pa dang bral bas grol bar 'gyur pa rtag pa gcig pu'i ngo bo tshangs pa ma rig pa'i bdag nyid du gnas pa yin na/ de'i bdag nyid kyi ma rig pa dang bral ba ni ma yin no/ /'on te ma rig pa tha dad par khas len par byed na yang rtag pa nyid kyi phyir khyad par byar med pa'i tshangs pa la de ni cung zad kyang mi byed pa'i phyir ma reg pa'i dbang gis de ltar snang bar mi rigs so/ /de lta yin dang ma rig pa dang lhan cig de 'brel pa med pa'i phyir 'khor ba med par thal bar 'gyur ro/ /de ni de nyid dang gzhan nyid du brjod par mi nus so zhes kyang brjod par mi rigs te/ dngos po'i chos la go skabs gzhan med pa'i phyir ro/ /de lta ma yin na dngos po'i chos nyid du mi 'gyur ro/ /dngos po med pa'i dbang gis de de ltar gsal bar rigs pa ma yin te/ ha cang thal bar 'gyur pa'i phyir ro/ /kho bo cag la ni de lta bur gyur pa'i don bya ba byed pa'i rang bzhin la yang dngos med ces ming byed na rtsod pa med de/ de kho bo cag la ji lta ba bzhin ma yin par zhen pa'i bag chags nyid ma rig
- 213b
ba yin te/ bag chags de yang nus pa zhes bya ba la nus pa yang rgyu'i bdag nyid kyi shes pa'i bdag nyid du gyur pa nyid yin no/ /des na ma rig pa'i bdag nyid kyi shes pa rgyur gyur pa snga ma snga mas ji lta ba bzhin ma yin par zhen pa'i 'bras bu'i shes pa phyi ma phyi ma skye ba'i phyir ma rig pa'i dbang gis de ltar gsal bar rigs so/ /ma rig pa de yang rnal 'byor goms pa'i phyir nus pa med pa'i skad cig gong nas gong du skye ba'i rim gyis bral ba las shes pa'i rgyud rnam par skye ba'i phyir byang grol thob pa / des na bcings pa dang thar pa'i rnam par bzhag pa rigs pa dang ldan pa yin no/ /khyed la ni de lta bu yod pa ma yin te/ tshangs pa ni rtag pa gcig pu'i ngo bo nyid yin pa'i phyir ro/ /gnas skabs gnyis med pa'i tshangs pa ni gcig nyid yin pa'i phyir gcig thar pa na thams cad thar par thal bar 'gyur pa dang/ gcig ma grol na thams cad kyang ma grol bar thal bar 'gyur ba mi zlogs so/ /rnal 'byor pa ma yin pa'i gnas skabs na bdag nyid gsal ba'i ngo bo nyid du sgrub par byed pa'i tshad ma 'di la cung zad kyang yod pa ma yin la/ shes pa ni gsal ba'i bdag nyid du rang rig pas grub po/ /de ltar sgra'i bdag nyid ni shes pa'i bdag nyid thams cad la rig pa ma yin no zhes bya ba 'di ni bstan zin to/ /ci ste rnal 'byor pa ma yin pa'i gnas skabs na tshangs pa 'di bdag nyid gsal bar khas len par mi byed na/ da lta na yang sngar med pa'i gsal bar bdag nyid de tshangs pa sngar gyi ngo bo ma dor bar phyis rnal 'byor pa'i gnas skabs su ga las byung zhes brjod par bya'o/ de lta bas na khyod kyi sgra'i tshangs pa smra ba 'di ni log par smra ba yin pa'i phyir/ spros pas chog go /gtso bo yongs su 'gyur ba dang zhes bya ba la sogs pas sngar bshad pa'i skyon gyi lam 'di la yang sgre bar byed do/ /de la 'bras de yod phyir rgyu yis ni/ /
- 214a
bskyed bya min te rgyu rig bzhin/ /de phyir mngon 'dod rgyu min te/ /bsgrub bya med phyir gzhan dag bzhin/ /zhes bya ba la sogs pa de lta bu'i skyon brjod par bya'o/ /de kho na nyid bsdus pa'i dka' 'grel las/ sgra'i tshangs pa brtags pa ste lnga pa'o// //rig byed smra ba'i gzhung lugs grub mdza' nyes par bshad pa'i/ zhes bya ba la sogs pas 'god par byed de/ de dag ni 'di skad du skyes bu gcig nyid 'jig rten mdza' dag 'byin pa dang/ gnas pa dang/ 'jig pa'i rgyu yin la/ ma 'jig pa na yang shes pa'i nus pa khyad par du 'phags pa mi 'jig go ces zer te/ de skad du yang/ snal ma rnams la ba thag bzhin/ chu la chu shel ji bzhin dang/ /lcug ma rnams kyi blag sha bzhin/ /de ni skye ldan gyi rgyu/ /zhes bshad do/ /de bzhin du gang yang byung bar gyur pa dang gang yang 'byung ba 'di thams cad kyi ni skyes bu nyid yin no zhes bya'o/ /dbang phyug chos mtshungs pa ste/ gnyi ga yang sna tshogs 'byin pa dang/ gnas pa dang/ 'jig pa'i rgyu mtshan yin pa'i phyir ro/ /'di tsam zhig ni khyad par yin te/ dbang phyug par smra ba rnams kyis dbang phyug las tha dad pa gzhan yang bdag la sogs pa dang/ 'du ba la sogs pa rgyur 'dod la/ skyes bu rnams kyis ni/ /skyes bu smra ba kho na rgyur 'dod do/ /gnyi ga yang sna tshogs pa 'byin pa dang/ gnas pa dang/ 'jug pa'i rgyu mtshan gyi dngos por ni mtshungs so/ /grub mdza' nyes par bshad pa yi/ /rjeg 'jug blo can zhes bya ba ni/ gang dag la grub mdza' nyes par bshad pa'i rjes su 'jug pa'i blo yod pa zhes tshig rnam par sbyar ro/ /bal gyi lte ba ni ba thag pa rkyong ngo/ /'di
- 214b
dag la yang zhes bya ba la sogs pas sun 'byin pa rtsom mo/ /dbang phyug bzhin zhes bya ba ni drug pa'i mdza' can las rang bzhin gyi rkyen yin no/ /de la yang 'di skad du skyes bu ni skye ba dang ldan pa'i rgyu ma yin te/ skye ba dang bral ba'i phyir nam mkha' i pad+ma bzhin no/ / de lta ma yin na thams cad cig car bar 'gyur ro zhes bya ba'i nyes pa brjod par bya'o/ /yang ji ltar gzhan dag gis/ /dbang phyug bsgrub pa'i sgrub par byed pa brjod pa de lta skyes bu smra ba rnams kyis skyes bu grub par bya ba'i phyir len par byed pa de'i tshe de bzhin du ma grub pa la sogs pa'i skyon brjod par bya'o/ /sun 'byin pa'i rnam pa gzhan yang/ 'di 'dra'i byed pa de dag ces bya ba la sogs pa smos te/ rtog pa sngon du gtong ba'i 'jug pa la dgos pa dang ldan pas khyab pas de bas na ci'i phyir skyes bu 'di yang 'gro ba 'god par byed pa 'di 'dra ba byed ces brjod par bya'o/ /gal te dbang phyug la sogs pa gzhan gyis bskul bas mi 'dod kyang byed pa de'i tshe 'di rang dbang can du khas blangs pa gang yin pa de nyams par 'gyur ro/ /ci ste snying rjes gzhan rjes su bzung ba'i don du byed pa de'i tshe / dmyal ba la sogs pa sdug bsngal dang ldan pa'i sems can sprul par byed par mi 'gyur gyi/ gcig tu bde ba dang ldan pa kho na byed par 'gyur ro/ /gzhan yang 'byin pa ste skyed pa'i sngar brtse bar bya ba sems can med pa'i phyir/ rjes su brtse ba gang gis dbang gis 'di byed pa po dang 'byin pa por rtog pa ci la dmigs nas de'i rjes su brtse bar 'gyur/ gal te yang 'di rjes su brtse bas byed na/ lha dang mi la sogs pa gang dag rtag tu mngon par mtho ba dang ldan pa de dag ci'i phyir 'jig par byed de / gang yang sdug bsngal dang ldan pa'i rgyud ngan song ba'i sems can de dag nyid 'jig par byed par nges so/ /snyam du dgongs pa'o/ /ci ste yang rjes su brtse bar bya ba de dag gis ma mthong ba'i chos dang chos ma yin pa'i mtshan nyid gang
- 215a
yin pa de la bltos nas 'jig rten bde ba dang sdug bsngal dang ldan par byed do snyam nas/ de yang yod pa ma yin te/ de lta na ni rang dbang can du khas blangs pa nyams par 'gyur ro/ /nus pa yin na 'ga' la yang mi bltos pa 'am/ nus pa med na bltos nas lha'i 'jig rten su skye ba'i phyir skyes bu 'di de'i rgyu nyid nyams par 'gyur ro/ /de ma mthong ba ltos pa yin mod kyi/ 'on kyang yang ma mthong ba'i chos can ma yin pa'i bdag nyid kyi sdug bsngal gyi rgyu gang yin pa de la ltos na brtse ba dang ldan par mi rigs so/ /'on kyang de de la brtse ba'i gzhan dbang du gyur pa nyid la btang snyoms su bya ba nyid du rigs so/ /brtse ba dang ldan pa rnams ni gzhan gyi sdug bsngal gyi rgyu 'tshol ba ma yin te/ de dag ni gzhan sdug bsngal dang bral bar 'dod pa nyid kyis 'jug pa'i phyir ro/ /ci ste rjes su brtse bas byed pa ni ma yin no/ /'o na ci zhe na/ rtsed mo'i don du'o/ /'di yang yang dag pa ma yin te/ de lta na ni rtse mo'i don du bskyed na 'di rang dbang can du mi 'gyur te / skye ba dang/ gnas pa dang/ 'jig pa'i bdag nyid kyi rtsed mo'i rnam pa sna tshogs kyi thabs la bltos pa'i phyir ro/ /gzhan yang rtsed mo'i sna tshogs kyi thabs gang dag yin pa de byed pa la gal te 'di nus pa yin na/ de'i tshe de dag cig car kho nar byed pa 'gyur la/ 'on te dang por de la nus pa med pa de'i tshe rim gyis kyang byed par ma 'gyur te/ mi nus pa'i gnas skabs dang khyad par med pa'i phyir ro/ /gcig dngos po gcig la nas pa'am mi nus pa phan tshun 'gal ba'i chos gnyis rigs pa ma yin no/ /ci'i phyir bya ba 'di 'dra ba rtsom/ zhes bya ba la sogs pa rtogs pa thams cad dbang phyug la yang thun mong yin te/ de'i phyir gang blo gros bzang pos gzhan rjes su bzung ba'i don du dbang phyug 'jug ste/ dper na don byas pa
- 215b
thub pa kha cig bdag la phan pa dang mi phan pa thob pa dang spongs pa'i don med na yang gzhan rjes su gzung ba'i don du 'dom par byed pa de bzhin du dbang phyug kyang bdag nyid kyi dbang phyug gi 'byor pa ston cing srog chags rnams rjes su 'dzin pa la 'jug par 'gyur ro zhes bya ba dang/ yang na nus pa'i ngo bo nyid yin pa'i phyir/ dper na dus ni dpyid la sogs pa mngon par gsal ba la rnam grangs kyi rgyu ba dang mi rgyu ba'i rnam par 'gyur ba bskyed pa'i rang bzhin yin pa de bzhin dbang phyug kyang 'byin pa dang/ rjes su 'dzin pa dang/ sdud pa'i nus pa rnams gsal ba la rnam grangs kyi srog chags rnams kyi skye ba dang/ gnas pa dang 'jig pa'i rgyu nyid yin no/ /zhes smras pa de yang 'di nyid kyi lan btab pa yin no/ /'di ltar gzhan rjes su gzung ba'i don du 'jug pa yin no/ /zhes bya ba 'di la rjes su 'dzin pa ltar byed pa na 'gro ba cig tu bde ba dang ldan pa byed do zhes bya ba la sogs pa 'di nyid lan yin na/ /nus pa'i rang bzhin yin pa'i phyir ro/ /zhes bya ba 'di la yang/ 'byin dang gnas dang sdud pa la/ cig car nus pa gsal ba can/ /'gro ba cig car byed par 'gyur/ /de lta min na nus gsal bar/ /dbang phyug 'di ni nus gsal bar/ /rim gyis kyang ni 'thar ma yin/ /gal te nus gsal 'di las gzhan/ /dngos po gcig tu ji ltar 'gyur/ /zhes sun 'byin pa 'di nyid yin no/ /dus ni dpyid la sogs pa mngon par gsal ba la rnam grangs kyis 'jug pa la nyes pa 'di nyid yin no/ /grang ba dang dro ba tha dad pa gnyis bsten pa'i dngos po nyid cig re re la 'jig pa ni dus zhes bya ba 'di ni ston par 'gyur ro/ /'on te 'di 'byin la sogs pa/ /zhes bya ba la sogs pas gsal byed pa'i lugs kyi dogs pa bsu ba yin te/ des smras pa/ legs ldan byed ni rtsed mo'i don du 'jug
- 216a
ba ni ma yin gyi/ 'on kyang ji ltar sa la sogs pa'i 'byung ba chen po rnams rang gi 'bras bu la 'jug pa gang yin pa ni rang bzhin nyid de 'dra ba yin te/ de bzhin du dbang phyug kyang yin no zhes so/ /de yang 'di mi rigs te/ de lta na dngos po thams cad de'i bya ba tsam du 'byung ba'i rgyu nus ma tshang ba med pa nye ba'i phyir cig car skye bar 'gyur ro/ /blo dang ldan pa'i khyad par yang rigs pa ma yin no/ /zhes kho bo cag gis dang po nyid du bstan zin to/ /gal te de lta na me la sogs pa'i 'bras bu yang ci'i phyir cig car 'byung bar mi 'gyur zhe na/ rang rgyu'i stobs las byung ba'i zhes bya ba la sogs pa smos te/ de dag gi zhes bya ba ni/ me la sogs pa'o/ /gang gi sgra ni dbang phyug kho nar ma zad ces bya'o/ /des pa 'di zhes bya ba ni rang gi rgyu'i stobs kyi byas pa'o// 'di snyam du bal gyi lte ba can ci'i phyir rang gi 'bras bu brgya la sogs pa la ngo bo nyid kyis 'jug pas cig car mi byed na/ bal gyi lte ba'ang rang bzhin gyis zhes bya ba la sogs pa smos te/ ba thag pa rkyong yang rang bzhin gyis 'jug pa ma yin no/ /'o na ci zhe na/ srog chags za bar 'dod pa'i phyir/ res 'ga' yin pa'i phyir dang/ nges pa'i rgyu las byung ba'i phyir ro snyam du dgongs pa'o/ /'di ni rtag pa dang gcig bu'i ngo bo ma yin te/ de la yang rang gi rgyu'i stobs las byung ba'i nus pa res 'ga' yin no/ /ci ste yang brtse bas kyang ma yin la/ rtsed mos kyang ma yin te/ 'on kyang blo dang mi ldan pa gang du 'gro bas ci zhig ltar 'jug pa yin no snyam na/ gal te ci zhig ltar/ zhes bya ba la sogs pa smos te/ de lta na ni/ shin tu ma shes pa nyid kyi nya ba la sogs pa tha mal pa'i skyes bu las 'di'i tshig ji ltar rtog pa dang ldan pas gzung bar 'os par 'gyur/ blo ldan zhes bya ba ni rtog pa dang ldan pa'o/ /nye ba ni nya shor ba'o/ /skyes bu sun 'byin 'di nyid kyis gang yang dpa' bo'i bu la sogs pa gzhan dag gis 'gro ba'i byed pa por brtag pa de dag kyang gsal bar shes par bya'o zhes ston pa ni/
- 216b
dpa' bu bdag skyes zhes bya ba la sogs pa'o/ /de la dpa' bu ni khyab 'jug go /bdag skyes ni tshangs pa'o/ /sogs pa'i sgras gzhan gyis 'dod pa'i blo dang ldan pa'i dus gang yin pa de bzung ngo/ /ji skad du/ dus kyis 'byung ba smin par byed/ /dus kyis skye du gu sdud par byed/ /dus kyis gnyid log sad par byed/ /dus ni 'da' bar dka' ba yin/ /zhes smra ba lta bu'o/ /gnyid logs pa la/ zhes bya ba ni 'jig pa'i dus 'jig rten tham pa na zhes bya ba'i don to/ /de lta bur gyur pa blo ngan pas kun brtags pa gzhan dag kyang sogs sos bsdu'o/ /de kho na nyid bsdus pa'i dka' 'grel las/ skyes bu brtag pa ste drug pa'o// // bdag gis bya ba dang bral ba nyid du bstan pa'i phyir/ gzhan dag kyang ni zhes bya ba la sogs pa smos te/ gzhan dag kyang zhes bya ba ni rigs pa can dang/ /bye ba gra pa rnams so/ /de dag ni lus dang dbang po dang blo las tha dad pa'i bdag ces bya ba rdzas 'dod pa dang sdang ba dang 'bad pa dang/ bde ba dang/ sdug bsngal dang/ shes pa dang/ chos dang chos ma yin pa dang/ 'du byed rnams kyis rten 'du ba'i rgyu sems med pa'i ngo bo mi 'jig pa thams cad du 'gro ba/ dge ba dang mi dge ba'i las tha dad pa rnams kyi byed pa po de'i 'bras bu 'dod pa dang mi 'dod pa'i za ba por yongs su rtog par byed do/ /de lta ma yin te gal te bdag med par 'gyur na/ de'i tshe shi nas las kyi 'bras bu la longs spyod pa de su yin/ gzhan gyis byas pa gzhan longs spyod pa ni ma yin te/ de lta na ni byas pa dang phrad pa'i skyon du 'gyur te/ byed pa pa ma yin pa nyid 'bras bu dang 'brel pa'i phyir ro/ /byas pa chung gson par
- 217a
yang 'gyur te/ byed pa po 'bras bu dang 'brel ba med pa'i phyir ro/ /de ltar 'dod pa yang ma yin te /de lta bas na gdon mi za bar gang kho na byed pa po de kho na za ba por khas blangs par bya ba yin no/ /zhes yongs su rtog par byed do/ /des na byed pa po dang za ba po gang yin pa de ni bdag yin no/ /yang gal te 'di sems kyi ngo bo ma yin na de'i phyir ji ltar mi shes pa byed pa por rigs she na/ sems 'brel phyir zhes bya ba la sogs pa smos te/ 'di sems dang 'brel ba'i phyir/ shes par byed pas yin pas sems yin gyi/ ji ltar ser skya ba skyes bu'i rang gi ngo bo sems can ma? yin no zhes rjod par byed pa ltar sems kyi ngo bo nyid yin pa'i phyir rang gi ngo bo ni ma yin no/ /'o na gal te rtag pa 'di ji ltar byed pa po dang za ba po ma yin pa 'am/ ji ltar de'i skye ba 'am/ 'chi ba 'am/ gson pa rnam par 'jig ste/ rtag pa dang gcig pu'i ngo bo la ni 'di thams cad rung ba ma yin te/ dper na nam mkha' bzhin no zhe na/ shes dang zhes bya ba la sogs pa smos te/ shes pa dang/ 'bad pa dang/ byed par 'dod pa la sogs pa rnams bdag de la 'du ba ni byed pa po nyid do/ /bde ba la sogs pa nyams su myong ba dang 'du ba ni za ba po nyid do// ris mthun pa khyad par can dang/ lus dang/ dbang po dang/ blo dang tshor ba snga na med pa dag dang 'brel pa ni/ bdag de'i skye ba yin par brjod do/ /ris mthun pa ni lha dang mi la sogs pa'i bye brag go /tshor ba dag dang/ zhes bya ba la/ rang gi sgras lus dang dbang po dag sdud par byed do/ /de la lus dang dbang po dang yang dag par ldan pa'i mtshan nyid ni de'i 'brel pa'o/ /blo dang tshor ba dag ni 'du ba'i mtshan nyid do/ /ji ltar ldan pa dang ldan zhe na/ de lta yang ldan pa dang ldan pa yod do/ /
- 217b
de'i ma mthong bas mngon par 'dus pa'i rna ba'i bu ni bdag dang ldan pa/ de dang yang nam mkha' i bdag nyid kyi rna ba dang ldan no/ /sngar thob pa ste/ sngon nye bar blangs pa'i lus dang/ dbang po dang/ blo dang/ tshor ba rnams dang bral ba na 'di'i 'chi bar brjod do/ / de'i gson pa ni lus dang bcas pa chos dang chos ma yin pa la bltos pa'i yid dang ldan pa gang yin pa'o/ /'tshe ba ni lus dang mig la sogs pa la gnod pa'i phyir bdag 'di la 'tshe bar rtog ste/ brjod do zhes bya ba'i don to/ /de bzhin du yang 'bras bu'i rten dang byed po la gnod pa ni 'tshe ba yin no zhes bya ba mdo yin no/ /'bras bu'i rten ni lus te/ bde ba la sogs pa 'bras bu'i rten yin pa'i phyir/ byed pa po ni dbang po yin te/ yul dmigs pa'i byed pa po yin pa'i phyir ro/ /yang ji ltar bdag 'di yod pa nyid du shes par bya ba 'di la/ re zhig rnam phug pa tshad ma byed pa ni bdag cag gi yod pa la sogs par khyad par med pa'i yul dang/ yul ma yin pa'i shes bya'i yul can bdag gi mngon sum dang rjes su dpag pa dang/ nye bar 'jal ba dang/ sgra dang/ dran pa dang/ ngo shes pa dang/ grub pas mthong ba dang/ gtsug lag dang/ the tshom dang/ phyi ci log dang/ ma nges pa dang/ rmi lam dang/ rmi lam gyi mdza' i shes rab kyi khyad par rnams te/ bdag gis lus la sogs pa las tha dad pa'i rig par byed pas rig par bya ba yin te/ rang gi rgyu la rag las pa dang/ skye ba dang ldan pa dang/ spyi dang khyad par dang ldan pa dang/ rtog pa'i bdag nyid dang/ shin tu myur ba dang/ 'jig pa nyid dang/ 'dus byas skyed par byed pa nyid dang/ shes pa nyid yin pa dag gi phyir/ skyes bu gzhan gyi shes pa bzhin no/ /chos mi mthun pas ni zhig pa'i bum pa la sogs pa bzhin no zhes bya ba yin no/ /de la yod pa la sogs par khyad par med pa ni sngar bshad pa drug go /yod pa la
- 218a
sogs pa drug po de dag gi yul ni rdzas dang/ yon tan dang/ las rnams so/ /yul ma yin pa ni spyi dang/ khyad par dang/ 'du ba rnams so/ /de gnyi ga'i bdag nyid kyi shes bya'i yul can mngon sum la sogs pa'i shes rab kyi khyad par gang dag la yod pa de dag la de skad ces bya'o/ /mngon sum dang/ rjes su dpag pa dang/ nye bar 'jal ba zhes bya ba la sogs pa ni zlas dbye bar bstan to/ /grub pas mthong ba ni gang skar ma shes pa'i bstan bcos la sogs pa ston pa ste/ de ni grub pa rnams mthong ba 'am/ mthong ba grub pa yin pas grub pas mthong ba zhes bya'o/ /gtsug lag ni spobs pa'i shes pa ste/ dper na sngar bdag gi spun zla'i ngo zhes bya ba lta bu'o/ /de yang phal cher drang srong rnams las 'byung bas gtsug lag ces bya'o/ /the tshom ni yid gnyis so/ /phyin ci log ni bzlog pa'o/ /ma nges pa ni yul ma nges pa'o/ /dang po rmi lam gyi gnas skabs su byung ba'i shes pa ni rmi lam mo/ /rmi lam gyi mdza' i ni de'i yul la rmi lam na yang shes pa gzhan 'byung ba gang yin pa de yin te/ shes rab kyi khyad par ro/ /lhag ma ni go sla'o/ /tshad ma de don gyis bstan pa'i phyir/ /bdag gi zhes bya ba'i shes pa la/ zhes bya ba la sogs pa smos te/ lus la sogs pa smos te/ lus la sogs pa zhes bya ba 'di la sogs kyi sgras blo dang/ dbang po dang/ tshor ba rnams gzung ngo/ /shes phyir zhes bya ba ni mtshon pa ste/ rgyu la rag pa dang/ skye ba dang ldan pa la sogs pa de las gzhan pa dag kyang gzung bar bya'o/ /bde byed bdag po yang tshad ma rnam pa gzhan du byed de/ 'dod pa la sogs pa ni 'ga' zhig la brten pa yin te/ dngos po yod pa'i 'bras bu yin pa'i phyir/ gzugs la sogs pa bzhin no zhes bya ba ste/ de ston pa ni/ 'dod pa la sogs zhes bya ba la sogs pa'o/
- 218b
dngos po smos pa'i phyir zhes bya ba la sogs pas dngos po yod pa'i zhes bya ba'i khyad par 'bras bu dang bcas par ston par byed do/ /gsal byed pas tshad ma sbyor ba ni ltos byin gyi gzugs dang/ ro dang/ dri dang/ reg pa'i shes pa rnams ni/ gcig dang du ma rgyu mtshan can ste/ bdag gi zhes bya ba'i shes pas mtshams sbyor bar byed pa'i phyir dang/ brda byas pa rnams gar mkhan gyi smin ma bskyod pa la cig car skyes bu du ma'i shes pa bzhin no/ /'di'i don ni 'di yin te/ dper na gar mkhan smin ma bskyod ma thag tu kho bo cag gis gos 'phags par bya'o zhes bya ba de lta bu brdar byas pa mang po rnams kyi byed pa po du ma shes pa du mar gyur pa'i rgyu mtshan ni smin ma bskyod pa gcig yin pa'i phyir bdag gi mthong ngo/ /bdag gis mthong ngo zhes mtshams sbyor bar byed do/ /de bzhin du 'di la yang sna tshogs pa'i yul can gyi shes pa'i rgyu mtshan gcig nyid kyi phyir mtshams sbyor ba yin te/ rgyu mtshan gcig nyid kyi phyir mtshams sbyor ba yin te/ rgyu mtshan gcig po gang yin pa de ni bdag ces bya'o/ /dang por mtshams sbyor ba nges mthong ngo/ /ngas thos so zhes bya ba de lta bu la sogs pa'i shes pa rnams shes pa po gcig gi rgyu mtshan gyis byas pa yin la/ gar mkhan gyi smin ma bskyod pa ni shes pa rnams yul gcig pa nyid du bstan pa ni mtsham sbyor ba yin no/ /rnam pa thams cad du don gcig rgyu mtshan du byas pa gang yin pa shes pa rnams kyi 'brel pa ni mtsham sbyor ba zhes brjod do/ /tshad ma de 'di nyid kyis bstan pa'i phyir/ gzugs sogs shes pa zhes bya ba la sogs pa smos te/ go bar sla'o/ /'di ni de'i sbyor ba gzhan yin te/ bdag go ces bya ba'i tshig ni lus dang/ dbang po dang/ yid dang/ blo dang/ tshor ba'i tshogs las ma gtogs pa rjod pa byed pa yin te/ rnam grangs nges pa las tha dad pa nyid yin pa na gcig gi tshig yin pa'i phyin bum pa la sogs pa'i sgra bzhin no/ /de 'chad pa ni
- 219a
'di ltar bdag ces bya ba'i tshig ces bya ba la sogs pa ste/ rnam grangs nges las tha dad na/ /zhes bya ba ni blo dang dbang po la sogs pa rnam grangs grub pa'i blo la sogs pa gang dag yin pa de dag las tha dad pa yin par/ zhes bya ba'i don to/ /ji skad bstan pa'i chos kyis ni/ zhes bya ba ni blo la sogs pa las tha dad pa'i don brjod pa nyid kyis so/ /gang yang de ltar yongs des pa zhes bya ba ni/ rnam grangs nges pa las tha dad pa'i gcig gi tshig gi nyid kyis so/ /yang de nyid ldog pa'i sgo nas bdag grub par bya ba'i phyir gtan tshig sbyor bar byed pa ni/ gson pa'i lus 'di ni bdag med pa ma yin te/ srog la sogs pa dang mi ldan par thal bar 'gyur ba'i phyir/ bum pa la sogs pa bzhin no zhes bya ba'o/ /de ston par byed pa ni/ gson po yi ni zhes bya ba la sogs pa'o/ /'di la bdag med ces bya ba ni gson pa'i lus 'di la 'am/ yang na bdag 'di la bdag med pa dang rang bzhin med pa med kyi/ 'on kyang yod par grub bo zhes bya ba'i don to/ /ci ste rtag pa nyid dang khyab bdag nyid du ji ltar rtog par bya zhes bya ba 'di la/ re zhig rnam phug pa tshad ma ston pa ni/ de ma yin ba'i dus su nga'i rab tu shes pa ni/ ma'i lto nas byung ma thag pa'i dus kyi bdag gi dang po'i rig par byed pa'i rab tu shes pa dag gis rig par bya ba yin te/ de'i rab tu shes pa yin pa'i phyir/ bdag gi dang po'i rab tu shes pa bzhin no/ /re bzhin du sdug bsngal la sogs pa yang phyogs su bya'o/ /'di yang rtag pa nyid du rjes su dpag pa'o/ /da 'di nyid ston par byed pa ni/ shes pa phyi ma thams cad ni/ zhes bya ba la sogs pa'o/ /de dang po bzhin zhes bya ba ni dus phyis byung ba'i shes pa de'i dang po ni de'i dang po'o/ /de nyid kyi khyab pa nyid bsgrub pa'i phyir tshad ma ston pa ni/ sa dang/ chu dang/ me dang/ yid log par rtog pa'i yul du gyur pa'i chos ring du gnas pa rnams
- 219b
ni/ nga'i bdag dang lhan cig 'brel pa yin te/ lus can nyid dang/ shugs dang ldan pa dang/ gzhan nyid dang/ gzhan ma yin pa nyid dang/ phan tshun yang dag par sbyor ba dang/ rnam par dbye ba dang ldan pa dag gi phyir/ nga'i lus po bzhin no zhes bya'o/ /de ston pa ni yul thag ring por 'jub pa'i zhes bya ba la sogs pa'o/ /de ltar zhes bya ba la sogs pas mjug sdud pa'o/ /de'i phyir re zhig ces bya ba la sogs pas lan 'debs par byed do/ /sgrub byed dang bo zhes bya ba ni/ nga'i zhes bya ba'i shes pa dang zhes bya ba la sogs pa de la grub pa la sgrub pa nyid de/ khyed cag gi shes pa rnams kho bo cag gi khyed kyi lus la sogs pa las tha dad pa thams cad mkhyen pa dang/ nyan thos dang/ rang sangs rgyas la sogs pa dang/ de las gzhan pha rol gyi sems shes pa rnams kyis nyams su myong ba khas blangs pa'i phyir ro/ /gang yang skyes bu gzhan gyi shes pa bzhin no zhes bya ba'i chos mthun pa'i dpe de bsgrub par bya ba dang bral ba yin no zhes bstan pa'i phyir/ gsal bar byed pa bltos med par/ / zhes bya ba la sogs pa smos te/ gang gi phyir skyes bu gzhan dang 'brel pa'i shes pa yang gsal bar byed pa gzhan la mi bltos par rang rig pa'i ngo bo nyid du skye ste/ des ni lus la sogs pa las tha dad pa'i rig par byed pas rig par bya ba nyid kyi bsgrub byas dpe 'di stong pa yin na/ /ci ste yang gzhan dag gi sems tsam dper brjod par mi 'dod mod kyi/ 'on kyang yul la sogs pa'i shes pa gang las yongs su 'dzin pa'i shes pa de'i rnam pa skye ba de 'dir dper brjod par 'dod do snyam na/ de'i rnam par nye bar bsgyur bas/ zhes bya ba la sogs pa smos te/ de lta yang gang rang rig pa'i ngo bo nyid kyis shes par rig par byed pa'i shes pa gzhan dang bral ba skye la/ des na the tshom du 'gyur te/ gtan tshigs ma nges pa yin no
- 220a
zhes bya ba'i tha tshig go/ ci ste de yang rang las tha dad pa'i rig par byed pas reg par bya ba yin te/ skye ba dang 'jig pa'i chos dang ldan pa nyid dang/ gzhal bya nyid dang/ dran par bya ba yin pa'i phyir/ yul bzhin no zhes bya bar 'dod na de'i phyir 'di la yang bsgrub par bya ba las bzlog pa la gnod par byed pa med pa'i phyir bzlog ma nges so/ /shes pa phyi ma phyi mas nyams su myong na yang thug pa med do/ /gsal ba mi gsal ba can ni yul du mi 'grub ste/ de'i phyir yul gcig bsgrub pa'i phyir/ /shes pa'i rgyud la khas blangs na skyes bu'i tshe mdza' dag dgos so/ /ci ste yang thug pa med pas 'jigs pas shes pa cung zad rang rig pa'i ngo bor skye bo zhes bya ba 'dod na/ de'i tshe de dag nyid kyi skye ba dang 'jig pa'i chos dang ldan ba'i phyir zhes bya ba la sogs pa'i gtan tshigs rnams ma nges pa yin no/ /de bzhin du shes pa gzhan dag la yang rang rig pa nyid khas len pa la sdad du ci yod/ ci ste yang de ni rig pa ma yin pa'i ngo bo nyid du 'dod na/ de lta na yang ma grub pa na shes pa snga ma snga ma thams cad la bsgrub ste/ gsal ba mi gsal ba can yin pa'i phyir ro/ /de lta yin dang yul yang 'grub par mi 'gyur ro/ /rnam par shes par smra ba gang dag shes pa thams cad ni bzung ba dang 'dzin pa dang bral ba'i phyir rang nyid gsal ba yin gyi/ shes pa gzhan gyis rtags bar bya ba ni ma yin no zhes 'dod pa de la bsgrub par bya ba ma tshang ba'i nyes pa g.yo ba med pa nyid do/ /de bzhin du rgyu la rag las pa dang/ skye ba dang ldan pa la sogs pa'i sgrub par byed pa gzhan dag la yang grub pa la sogs pa'i skyon brjod bar bya'o/ /gang yang yod pa la sogs pa zhes bya ba la sogs pa chos can khyad par du byas pa de yang snga ma bzhin du don med
- 220b
pa yin no/ /'di yang skabs su bab pa'i bsgrub bya sgrub pa la yan lag ma yin te/ 'di ltar nga'i mngon sum la sogs pa'i shes pa ni nga'i lus la sogs pa las tha dad pa'i rig par byed pas rig par bya ba yin te/ zhes bya ba 'di tsam zhig gis ci zhig ma gtags/ mngon sum dang rjes su dpag pa la sogs pa rnam par dbye bas chos can rab tu dbye ba yang don med pa nyid yin te/ nga'i shes pa zhes bya ba de tsam zhig kho nas gtogs pa'i phyir ro/ /ji skad bshad pa'i khyad par gyis khyad par du byas pa'i chos can phyir rgol ba dag la ma grub pa nyid yin pa'i phyir gtan tshigs rnams gzhi ma grub pa kho na'o/ /ci ste yang 'bras bu med pa'i khyad par blangs nas/ de bsgrub pa'i don du sgrub byed gzhan nyid rjod pa de lta yin na/ skabs kyi don las skabs ma yin pa ma 'brel pa'i don can don gzhan ni tshar bcad pa'i gnas su 'gyur ro/ /gang yang 'dod pa la sogs pa/ zhes bya ba la sogs pa smras pa de la/ 'di ltar 'dod pa la sogs pa'i/ zhes bya ba la sogs pa smos te/ de la 'dod pa la sogs pa'i rten rgyu tsam zhig sgrub na/ de'i tshe grub pa la sgrub te/ kho bo cag 'dod pa la sogs pa rgyu med par ni mi 'dod de/ gzhi yi sems dang sems byung rnams/ /zhes bshad pa'i phyir ro/ /yongs su rtog na ni zhes bya ba ni sma bar byed na zhes bya ba'i don to/ /ci ste gzhi'i mtshan nyid kyi rten sgrub na/ de'i dam bcas pa'i don rjes su dpag pas gnod pa'i phyir des gtan tshigs la khyab pa ma grub pa zhes ston pa na/ gal te de rten ni/ zhes bya ba la sogs pa'o// 'dod pa la sogs pa de dag gi gzhi ni de'i rten yin no/ /dngos po lus can thur du ltung ba'i chos can yin na/ ltung ba'i gegs byas pas rten du brtag na/ gang dag bde ba la sogs pa ltung bas stong pa de dag la 'og tu ltung ba mi srid pa'i phyir/ ci zhig byed
- 221a
ba na/ bdag la sogs pa rten du 'gyur/ 'on te dper na bum pa la sogs cung zad mi byed pa rnams kyang rgya shug la sogs pa'i rten ma yin nam/ de bzhin du bdag kyang bde ba la sogs pa'i rten du 'gyur ro zhe na/ rgya shug 'bras bu la sogs zhes bya ba la sogs pa smos te/ ltung? ba'i gegs dag byed phyir ram/ zhes bya ba ni skad cig ma ma yin pa'i phyogs la'o/ /khyad par skyed par byed phyir ro/ /zhes bya ba ni skad cig ma'i phyogs la'o/ /khyad par skyed par byed pa ni nye bar len pa'i rgyu dang yul mtshungs par skyed par byed pa'o/ /'dod pa la sogs pa de dag la rnam pa 'di gnyi ga yang mi srid pa'i phyir/ de dag la rten 'ga' yang rigs pa ma yin no/ /gang yang dngos po yod pa'i zhes bya ba'i khyad par de ni don med pa nyid yin te/ rnam par bcad par bya ba med pa'i phyir ro/ /zhes bstan pa'i phyir 'jig pa'i ngo bo med pa la/ zhes bya ba la sogs pa smos te/ gal te 'jig pa'i 'bras bu yin par gyur na de'i tshe rnam par bcad par bya ba'i phyir/ dngos po yod pa'i zhes bya ba'i khyad par don dang bcas par 'gyur na/ ji tsam du de dngos po med pa'i phyir rgyu dag gis cung zad kyang ma yin pa'i phyir ji ltar rgyu dang ldan par 'gyur/ sbyor ba ni gang dngos po med pa de ni 'ga' i yang 'bras bu ma yin te/ dper na ri bong gi rwa bzhin no/ /'jig pa yang dngos po med pa yin no/ /zhes bya ba ni khyab byed 'gal ba dmigs pa'o/ /'bras bu yin na dngos po nyid du thal bar 'gyur te/ bde ba la sogs pa bzhin no/ /zhes bya ba 'di ni 'dir gnod pa can gyi tshad ma'o/ /gzhan yang khyed cag khas blangs pa dang 'brel ba yang yin te/ 'di ltar 'bras bu zhes bya ba ni rang gi rgyu dang 'du bas sam/ yod pa dang 'du bas bdag thob pa zhes brjod pa ni khyed cig nges pa yin no/ /rdzas la
- 221b
sogs pa'i rang bzhin dang bral ba'i 'jig pa la ni rang gi rgyu la 'du ba 'am/ de la yod po dang med pa yang ma yin te/ de ni ngo bo med pa yin pa'i phyir ro/ /de lta ma yin na 'di rdzas la sogs pa bzhin du ston pa dang dngos por yang 'gyur ba'i phyir gtan tshigs kyi khyad par gyis rnam par dpyad par bya ba cung zad du yang mi 'gyur ro/ /de'i phyir dngos po yod pa zhes bya ba'i khyad par don med do/ /gzugs sogs shes pa/ /zhes bya ba la sogs pa la ma rig pa yis zhes bya ba la sogs pa smos te/ nges mthong ngo/ /ngas thos so zhes bya ba de lta bu'i shes pa po gcig gi rgyu mtshan gyis shes pa rnams sbyor ba'i mtshan nyid kyi mtsham sbyor ba gang yin pa de 'di ma nges pa yin te/ 'di ltar dngos po skad cig ma rnams la yang 'khrul pas byed pa po gcig tu mngon par rlom pas mtsham sbyor ba srid pa'i phyir ro/ /de lta bas na de lta bur gyur pa'i mtsham sbyor ba las dngos po rnam par 'jog par rigs pa ma yin no/ /yang ji ltar skad cig ma med po mtsham sbyor ba'i rgyu mtshan du 'gro ba yin zhe na/ nus pa'i dbye bas tha dad kyang/ zhes bya ba la sogs pa smos te/ nus pa'i khyad par las don ma yin yang gcig rnam par mtshams sbyor ba la sogs pa 'bras bu gcig ni rgyu mtshan gyi rgyur gyur te/ dper na slu? tres la sogs pas rims la sogs bzhi par byed do zhes bya ba 'og nas rgyas par ston par 'gyur ro/ /ci ste yang 'di'i 'khrul pa nyid ji ltar nges she na/ gzugs dang sgra sogs zhes bya ba la sogs pa smos te/ gal te bdag la sogs? pa rtag pa gcig pu snga ma dang phyis ma'i? rjes su 'gro ba'i 'bras bu sngon po la sogs pa'i shes pa de dag yin par gyur na/ de'i tshe de dag gis rim gyis 'byung ba dang 'gal te/ rgyu ma tshang ba med pa nyid kyis cig car kho nar skye bar thal bar 'gyur ba'i phyir ro/ /rtag pa ni gzhan la
- 222a
ltos pa yang ma yin te/ de ni 'ga' zhig gis phan gdags par bya ba ma yin pa'i phyir ro/ /gzhan yang gal te spyi gcig rgyu sngon du 'gro ba tsam sgrub nas de'i tshe grub pa la sgrub pa yin no zhes ston pa ni/ rnam shes gcig gi mjug thogs su/ zhes bya ba la sogs pa smos te/ 'di ltar shes pa gcig gi mjug thogs su ste/ mtshungs pa de ma thag pa'i rkyen gcig las mig la sogs pa'i rnam par shes pa drug pa skye ba gsal por shes te/ 'di ltar gang kho na'i tsho gar mkhan gyi gzugs mthong ba de kho na'i tsha rnga zlum la sogs pa'i sgra thos shing/ utpal sogs pa'i dri snom pa dang/ ga bur la sogs pa'i ro myong ba dang/ bsil yab kyi rlung la sogs pa'i reg bya nyams su myong bar 'gyur zhing/ yid kyi gos sbyin par bya'o snyam du sems par byed do/ /mgal me'i 'khor lo mthong ba bzhin du de mthong ba myur bar rgyu ba'i phyir ro zhes brjod par yang mi rigs te/ mi gsal bar snang bar thal ba'i phyir ro/ /'di ltar khyed cag gis mthong ba la sogs pa rnams mtshan sbyor ba la cig car gzung bar mngon par rlom pa 'di brjod pa yin te/ mtsham sbyor ba yang dran pas byas pa yin la/ de yang 'das pa'i yul can yin pa'i phyir mi gsal ba yin no/ /cig car gzugs la sogs pa snang ba 'di ni gsal bar kho nar rig go /gzhan yang sar la sogs pa yi ge 'dzin pa'i shes pa rnams skye ba yod pa'i phyir sar ral sogs pa de la yang chos cig car 'dzin par rlom par 'gyur ro/ /de lta yin dang 'ga' zhig gzugs yang rim par nges pa ma yin te/ 'di yang 'og nas rgyas par mtshangs? par 'gyur ro/ /'di ni gsal ba zhes smos pas lan phyogs tsam zhig bstan pa yin no/ /ci ste rtag pa dang/ gcig bu'i dngos po'i rgyu nyid yin pa'i phyir ro/ /'di dag ni gcig gi rgyu mtshan nyid du sgrub par byed na/ de'i tshe
- 222b
khyab pa rjes su dpag pas gnod pa nyid du ston pa ni/ rim bzhin pa ni/ zhes bya ba la sogs pa ste/ de ma thag tu zhes bya ba ni gcig rjes shugs las zhes bya ba la sogs pas so/ /de la gnod par byed pa'i rjes su dpag pa ni 'di yin te/ gang dag rgyu nus pa thogs pa med pa nye ba de dag ni/ cig car 'byung ba yin no/ /dper na tshogs pa tshang ba cig car 'byung ba'i myu gu la sogs pa lta bu'o/ /lhas byin gyi gzugs la sogs pa'i yul can gyi shes pa yang rgyu nus pa thogs pa med par nye bar yin no zhes bya ba ni rang bzhin gyi gtan tshigs so/ /de ltar 'gyur ba yang ma yin te/ de'i phyir bzlog pa yin no/ /dpe yang bsgrub bya dang mi ldan pa yin no/ /zhes ston pa ni/ gar mkhan smin ma zhes bya ba la sogs pa'o/ /gar mkhan gyi smin ma bskyod pa la sogs pa ni gcig ma yin te/ de ni rdul phra rab tu ma 'dus pa'i bdag nyid yin pa'i phyir ro/ /gal te de lta na ji ltar sgra gcig gi yul du 'gyur zhe na/ de la cig tu btag pa'i phyir/ zhes bya ba smos so/ /'on te btags pa'i rgyu mtshan yang gang yin zhe na/ 'bras bu gcig la nyer sbyor phyir/ zhes bya ba la sogs pa smos te/ gang gi phyir smin ma bskyed pa 'di mig gis rnam par shes pa la sogs pa 'bras bu gcig la nye bar sbyor te/ de lta bas na tha dad kyang sgra gcig yul du 'gyur ro/ /ci ste yang kho bo cag gis rnam pa de lta bu'i brtag pa gcig bsgrub par bya bar 'dod de/ des na dpe bsgrub bya dang bral bar mi 'gyur ro zhe na/ gal te bsgrub bya yang zhes bya ba la sogs pa smos te/ de lta na ni grub pa la sgrub ste/ shes pa gcig gi rgyu mtshan gyi 'du byed snga ma dang phyi mar gyur pa rnams gcig tu yod par gdags pa'i yul yin pa'i phyir ro/ /gang yang ji ltar bdag ces bya ba'i tshig ces bya ba la sogs pa de la/ nged kyi blo
- 223a
dang sems sogs kyi zhes bya ba la sogs pa smos te/ tshig gcig yin pa'i phyir zhes bya ba'i gtan tshigs ma nges pa len te/ 'di ltar bla dang/ dbang po dang/ tshor ba dang/ lus kyi rnam grangs ni blo ni sems dang shes pa'o// dbang po ni ak+Shi dang/ char ba ni rig pa'o/ /lus ni sku dang lus so/ /zhes bya ba la sogs pa yin te/ tshig gcig yin na yang kho bo cag gi lugs la de las tha dad pa'i dang po'i dngos po brjod par bya ba ma yin pa'i phyir/ des na gtan tshigs mi mthun pa'i phyogs las ldog par ma grub pa'i phyir ma nges pa nyid yin no/ /'on te 'di nyid dogs par byas nas/ rnam grangs nges par grub pa las tha dad pa zhes bya ba'i gtan tshigs de'i khyad par brjod pa ma yin nam/ de ji ltar ma nges par 'gyur zhe na/ de lta bas na 'di la brjod pa/ gtan tshigs khyad par 'di ni ma grub bo/ ci'i phyir zhe na/ sems kyi rnam grangs su gnas pa'i phyir ro/ /bdag ces bya ba'i tshig 'di sems kyi rnam grangs nyid du rnam par gzhag pa'i phyir ro/ /ji skad du/ sems nyid nga rgyal gyi rten yin pa'i phyir/ bdag ces btags pa yin no zhes bshad do/ /nye bar btags te/ tha snyad du byas zhes bya ba'i don to/ /des na gang yang gsal byed pas dngos kyi don mi srid pa'i phyir nye bar btags par mi rigs/ /zhes bshad pa de ni bsam pa yongs su ma shes pa'i phyir ro zhes gzung bar bya'o/ /'di nyid brjod ces bya ba 'dis gsal bar byed do/ /de lta bas na gtan tshigs kyi khyad par ma grub po/ /kun rdzob dang yul dang bcas pa nyid du khas blangs nas gtan tshigs 'di ma nges pa nyid du bstan to/ /gal te don dam par blo la sogs pa las tha dad pa'i don rjod par byed pa nyid du sgrub na/ de'i tshe khyab pa rjes su dpag pas gnod pa'i phyir/ gtan tshigs 'di rigs pa ma yin zhes
- 223b
bstan pa'i phyir/ don dam du zhes bya ba la sogs pa smos te/ sgra'i tha snyad thams cad kyi yul ni/ sgro btags pa'i don yin phyir zhes 'og nas ston par 'gyur ro/ /de'i phyir bdag gi sgra 'di yul med pa yin pas/ ji ltar gtan tshigs bsgrub byas khyab par 'gyur snyam du? dgongs pa'o/ /khyad par dang bcas pa yin na yang gtan tshigs ma nges pa yin no zhes bstan pa'i phyir/ nam mkha' i dkyil gyi pad+ma sogs/ zhes bya ba la sogs pa smos te/ dper na nam mkha' i me tog la sogs pa gtan med pa la 'ga' zhig gi byed pa po la sogs pa'i tshig sbyor ba de'i tshe gnyi ga la grub pa'i lus la sogs pa'i rjod par byed pa'i sgra tha dad pa yin na/ tshig gcig yod de/ lus la sogs pa las tha dad pa'i dngos po'i yul nyid ma yin pas gtan tshigs ma nges pa yin no/ /yang ji ltar nye bar rjod pa med pa la sogs pa'i tshig sbyor bar nus she na/ brda tsam gyis ni 'jug pa'i zhes bya ba smos te/ rang dbang can 'dod pa tsam gyis 'byung ba'i tshig 'di dag ji ltar de 'ga' zhig tu 'jug pa'i rgyun zlol? par 'gyur/ ci ste yang gtan tshigs kyi don de yang rang bzhin gyis tshig gcig yin pa'i phyir zhes bya ba 'di brjod par 'dod de/ des na 'khrul par mi 'gyur ro zhe na/ bdag la sogs pa'i tshig dag kyang/ zhes bya ba la sogs pa smos te/ sgra rnams brda med par rang bzhin gyis gsal bar byed pa ma yin te/ ma byang ba yang de las don rtogs par thal ba'i phyir dang/ rang gis 'dod pas skyong ba med par thal ba'i phyir dang/ brda don med par thal ba'i phyir ro/ /de lta bas na bdag la sogs pa'i tshig rnams ni/ ngo bo nyid kyis don gsal bar byed pa grub pa ma yin pa'i phyir gtan tshigs ma grub pa yin no/ /ci ste snang bral gyis khyad par med pa'i gzhin dangs nga gzhan du gyur pa'i shes bya'i yul yin pa zhes bya ba'i khyad par gzhan med par byed pa de lta
- 224a
yang ji skad du bshad par khyad par ma grub pa'i phyir gtan tshigs ma grub pa dang/ khyab pa med pa'i phyir ma nges pa yin no/ /gang yang gson po'i lus po 'di/ zhes bya ba la sogs pa smra ba de la/ gal te bdag dang lhan cig tu// zhes bya ba la sogs pa smos te/ gal te srog la sogs pa bdag dang lhan cig de'i bdag nyid kyi mtshan nyid dam/ de las byung ba'i mtshan nyid kyi 'brel pa 'ga' zhig grub pa yin zhe na/ de'i tshe bdag log pa na lus la srog la sogs pa log par thal ba rigs pa dang ldan par 'gyur gyi/ de lta ma yin na 'brel pa med pa log na gzhan log par thal bar 'brel pa med pa nyid du 'gyur te/ ha cang thal bar 'gyur ba'i phyir ro/ /mo gsham gyi bu log pa na de dang 'brel pa srog la sogs pa ldog pa ni ma yin no/ /de'i phyir ji ltar mo gsham gyi bu log pa na de dang 'brel pa med pa'i srog la sogs la sogs pa rnams kyang log par 'gyur te/ bum pa la sogs pa bzhin no/ /zhes kha cig gis thal bar sgrub par byed pa na ma nges par 'gyur ba de bzhin du khyod la yang bdag log pa na srog la sogs pa ldog par thal ba ni ma nges pa nyid yin te/ 'brel pa ma grub pa'i phyir ro snyam du dgongs pa yin no/ /yang ji ltar 'brel ba ma grub pa yin snyam na/ 'di la re zhig de'i bdag min/ zhes bya ba la sogs pa smos so/ /de dag tha dad khas len phyir/ /zhes bya ba ni/ bdag dang srog la sogs pa de dag la de'i bdag nyid kyi mtshan nyid 'brel pa yod pa ma yin te/ rang bzhin tha dad par khas len pa'i phyir ro/ /'di ltar srog la sogs pa ni mi rtag pa dang/ ma khyab pa dang/ lus can ma yin pa yin la/ bdag ni de dag las bzlog pa yin no/ /de las byung ba'i mtshan nyid kyang ma yin te/ srog la sogs pa rnams rgyu ma tshang ba med pa nyid kyis cig car bar thal bar 'gyur ba'i
- 224b
phyir ro/ /de dag las ma gtogs pa'i 'brel pa gzhan yang yod pa ma yin no/ /de'i phyir 'brel pa dang bral ba'i srog la sogs pa lus de gson pos khyad par du byas pa'i lus la ci'i phyir ldog ste/ mi ldog pa nyid do/ /des na gtan tshigs ma nges pa yin no snyam du dgongs pa yin no/ /'dis ni 'dod pa dang/ ldang ba dang/ 'bad pa dang/ sdug bsngal dang/ bde ba dang/ shes pa la sogs pa dag gis rtags nyid du gzhan dag gis smras pa gang yin pa de dag dkag par blta bar bya ste/ 'brel pa ma grub pa'i phyir ro/ /sbyor ba ni gang dag gang dang 'brel pa med pa de dag ni go bar byed pa ma yin te/ dper na til la sogs pa la chu skyar 'gro ba la sogs pa bzhin no/ /srog la sogs pa yang bdag la 'brel pa med pa yin no/ /zhes bya ba ni khyab par byed pa mi dmigs pa'o/ /ma grub pa yang ma yin te/ 'brel pa rnam pa gnyis ga yang gong du bkag zin pa'i phyir ro/ /ma nges pa yang ma yin te/ thams cad thams cad kyi go bar byed pa nyid du thal bar 'gyur ba'i phyir ro/ /'gal ba yang ma yin te/ mthun pa'i phyogs la yod pa'i phyir ro zhes bya ba'o/ /gang yang byed pa grub pa'i phyir byed pa po grub pa yin no zhes smras pa de yang ma grub pa ste/ mig la sogs pa rnams ni don dam par byed pa nyid du ma grub ste/ thams cad mig gi rnam par shes pa skyed pa la rgyu'i dngos por mtshungs pa'i phyir dang/ byed pa po dang byed pa'i las kyi tha snyad ni rang gi 'dod pa tsam gyis yongs su brtag pa'i phyir ro/ /byed pa po tsam sgrub na grub pa la/ sgrub ste/ lus la sogs ba btabs pa'i byed pa po 'dod pa'i phyir ro/ /don dam pa'i byed pa po nyid sgrub pa'i phyir/ don dam pa'i byed pa po nyid sgrub par byed pa po 'dod pa'i phyir/ don dam pa'i byed pa po nyid sgrub par byed na ma nges pa yin te/ de lta bur gyur pa'i byed pa po 'ga' zhig tu yang mig la sogs pa rnams 'brel bar ma grub pa'i phyir ro/ /gang yang
- 225a
skyes ma thag pa'i dang po'i shes/ zhes bya ba la sogs pa smras pa yang/ de ltar sgrub byed thams cad kyis/ zhes bya ba la sogs pa smos te/ dang po'i shes pa bzhin/ nga'i lus bzhin no zhes bya ba'i dpe smras pa gang yin pa de ji skad bshad pa'i bsgrub bya'i chos dang bral ba yin te/ bdag ma grub pa'i phyir ro/ /de bas na gtan tshigs ma nges pa yin no/ /gzhan dag ces bya ba las yang gsal bar byed pa dang/ legs ldan pa la sogs pa'i lugs kyis dogs pa bsu ba yin te/ de dag 'di skad ces smra ste/ bdag mngon sum nyid kyis grub ste/ 'di ltar rtags dang rtags can gyi 'brel pa dran pa la bltos ba med par nga'o snyam pa'i shes pa ni/ gzugs la sogs pa'i shes pa bzhin du mngon sum yin no/ /'di yang gzugs la sogs pa'i yul can ma yin te/ de'i shes pa las tha dad du snang ba'i phyir ro/ /de lta bas na bdag kho na yul yin no snyam na/ de ni ma rigs zhes bya ba la sogs pa lan 'debs par byed do/ /bdag nga rgyal gyi yul nyid du ma grub ste/ de'i rnam pas stong pa'i phyir ro/ /sbyor ba ni gang zhig gang gi rnam pas stong pa de ni de'i yul can ma yin te/ dper na mig gi shes pa sgra'i yul can ma yin pa bzhin no/ /nga'o snyam pa'i shes pa yang bdag gi rnam pas stong pa yin no zhes bya ba ni khyab par byed pa mi dmigs pa'o/ /gtan tshigs 'di ma grub pa yang ma yin no zhes ston pa ni/ de la rtag dang khyab byed sogs/ /zhes bya ba la sogs pa'o/ /'di ltar bdag ni rtag pa dang/ khyab pa dang sems pa med pa can la sogs pa'i yon tan dang ldan par 'dod la/ nga'i snyam pa'i shes pa 'di la rtag pa la sogs par snang bar yang mi mngon no/ /'on kyang tha dad par bdag dkar gsham mo/ /mi gzhan pa'o/ /ring pa'o/ /tshor ba drag pos gzir ba'o zhes bya ba la sogs pa lus kyi gnas skabs kyi reg pas bskyed pa'i phyir kha dog dkar sham la sogs pa'i mtshan nyid du snang ba'i rnam pa'i nga rgyal
- 225b
can 'dir shes te/ de'i phyir lus la sogs pa'i gnas skabs kyi reg pas bskyed pa'i nga rgyal lus la sogs pa la dmigs pa yin no zhes bya bar shes so/ /gsal bar zhes bya ba ni gsal por te/ 'khrul pa med par 'jug pa'i phyir ro/ /de lta yin rang? gang yang gsal byed pa la sogs pa rnams kyis longs spyod pa'i gnas kyi lus la bdag 'di nye bar 'dogs te/ dper na rjes su mthun pa'i g.yog la rgyal pos smras pa nga gang yin pa de kho na bdag gi g.yog po 'di yin no/ /zhes bya ba lta bu'o/ /zhes smras pa de bsal ba yin no/ /'di ltar gal te 'di phal pa yin pa'i gyur na/ de'i 'khrul pas 'jug par 'gyur te/ 'jig rten na seng ge dang bram ze'i khye'u dag la dngos dang brtags pas de gnyi ga yang seng ge'i snyam du blo mi 'khrul par 'jug par mi 'gyur ro/ /nga'i lus la sogs pa zhes bya/ tha dad par mthong ba'i phyir lus la sogs pa la yang nga'o snyam pa ni 'khrul pas 'jug pa yin no ma yin te/ bdag la yang 'khrul pas 'jug pa nyid du thal bar 'gyur ba'i phyir ro/ /de la yang nga'i bdag ces tha dad par mthong ba yin no/ /'di la btags pa'i tha dad pa yin no zhe na/ gcig shes pa la yang mtshungs so/ /'o na bdag dkar sham mo zhes bya ba la sogs pa'i shes pa 'di dngos yin la rag mod/ de lta yang ci'i phyir bdag 'di'i yul du mi 'gyur zhe na/ de'i ngo bor zhes bya ba la sogs pa smos te/ dkar sham la sogs pa'i rang bzhin te/ de la gzugs la sogs pa'i yon tan med pa'i phyir ro/ /de ltar re zhig de'i rnam pas stong pa'i phyir nga rgyal gyi yul bdag yin par mi rigs par bstan to/ /de la rtsod pa med thal bar 'gyur ba'i phyir yang mi rigs so zhes ston pa ni/ gal te skyes bu yang bdag tu zhes bya ba la sogs pa ste/ de yod sogs zhes bya ba ni/ bdag de'i yod pa dang rtag pa dang khyab pa la sogs pa'o/
- 226a
'di snyam du ji ltar khyed cag gis mngon sum du byas kyang sngon po la sogs pa de'i rang bzhin las tha mi dad pa'i skad cig ma la sogs pa la rtsod pa 'jug pa de bzhin du bdag la yang 'gyur ro snyam du sems na/ 'di ltar zhes bya ba la sogs pa smos te/ sngon po la sogs pa mngon sum gyis gzung na yang de las tha mi dad pa'i skad cig ma la sogs pa rtsod pa rigs te/ mngon sum de ni rtog pa med pa nyid kyis ma nges pa'i bdag nyid yin pas skad cig ma nyid la sogs ma nges pa'i phyir ro/ /khyed kyis phyogs la ni mi rigs te/ nga'o snyam pa'i shes pa rtog pa dang bcas pa nyid yin? pas bdag nges pa'i phyir ro/ /gang gi rtsod par 'gyur ba nges pas yul du byas pa'i dngos po la ni de las bzlog pa'i rnam pa 'dzin pa'i sgrogs pa'i shes pa 'jug pa yod pa mang ma yin te/ de dag ni lhan cig mi gnas pa nyid kyis gnod par bya ba dang/ gnod par byed pa'i ngo bo yin pa'i phyir/ de nges pa gang yin pa 'di nyid nges pa rnams kyi rang rang gi don rtogs pa yin/ /gal te de dag nges pa dang ldan pa ma yin nam ma gzung ba kho nar 'gyur ro/ /de'i phyir de ltar gzhan gyi phyogs bsal bas/ rang gi phyogs bzhag pa'i phyir/ de'i phyir zhes bya ba la sogs pa smos so/ /sbyor ba ni gang dag rim gyis skye ba de dag ni bdag dang 'du ba ma yin te/ dper na sa bon dang myu gu la sogs pa bzhin na/ /bde ba la sogs pa yang rim gyis skye ba yin no zhes bya ba ni 'gal bas khyab pa dmigs pa'o/ /bdag dang 'du ba nyid dang 'gal ba bdag med pa dar 'du bas?/ rim gyi skye ba la khyab pa'i phyir ro/ /rgyu ma tshang ba med pa nye ba'i phyir cig car skye bar thal bar 'gyur ba ni bzlog pa la gnod pa can gyi tshad ma'o/ /yang na gang dag dngos po nyid dang/ byas pa nyid dang/ skye ba dang ldan pa nyid la sogs pa'i chos
- 226b
dang ldan pa de dag thams cad ni bdag med pa yin te/ dper na phyi rol gyi bum pa la sogs pa bzhin no/ /nad gi srog dang lus dang/ yid dang blo dang sdug bsngal dang/ bde ba la sogs pa dngos po nyid la sogs pa'i chos dang ldan pa yin no zhes bya ba ni rang bzhin gyi gtan tshigs so/ /yang ji ltar 'di la khyab pa grub pa ce na/ bdag bcas nyid na/ zhes bya ba la sogs pa smos te/ gal te bdag dang bcas pa nyid yin te/ lus la sogs pa bdag gis byin gyis brlabs pa nyid yin na de'i tshe 'di dag gi rgyu bdag yin par 'gyur ro/ /rgyu ma yin pa ni byin gyis rlob pa por rigs pa ma yin te/ ha cang thal bar 'gyur ba'i phyir ro/ /de lta yin dang de'i rgyu can te/ /bdag gi rgyu can gyi lus la sogs pa rnams rgyu ma tshang ba med pa nyid kyis/ rtag pa nyid dang/ rim can ma yin par thal bar 'gyur ro/ /gal te 'di snyam du 'di dag rtag pa nyid du thal ba yin mod kyi/ 'on kyang dngos po nyid la sogs pa mi ldog pa kho na'o snyam du sems na/ rtag pa yang zhes bya ba la sogs pa smos te/ rtag par yod pa'i lus la sogs pa rnams don byed nus pa ma yin par thal bar 'gyur ro zhes bya ba'i skabs kyis tshig yongs su bsgyur nas sbyar bar bya ste/ rtag pa ni rim dang cig car dag gis don byed par 'gal ba'i phyir ro/ /snyam du dgongs pa yin no/ /don byed par nus pa log na yang dngos po nyid ldog ste/ dngos po'i mtshan nyid don ni byed nus pa yin pa'i phyir/ dngos po nyid log na dngos po'i chos yod pa la sogs pa yang ldog pa'i phyir khyab grub po gsal byed pas 'on te yang bdag med pa zhes bya ba'i don ci zhig bsgrub bya nyid du 'dod/ gal te re zhig bdag la phan 'dogs par byed pa ma yin no zhes bya ba yin na dpe med do/ bdag la phan 'dogs par byed pa ma yin pa ni 'ga' yang yod pa ma yin no/ 'on?
- 227a
te lus bdag ma yin no zhes bdag 'gags na su zig gis lus bdag du 'dod/ med pa ni tshig phyi ma'i yul can yin pa'i phyir bdag dang bcas pa zhes bya ba yang gang zhig yin pa brjod par bya'o/ dper na sbrang bu med do/ /zhes bya ba lta bur med pa'i sbyor ba tshig phyi ma med par ma mthong ngo/ /ci ste lus la bdag 'gegs na grub pa la sgrub pa yin te/ lus la bdag yod par su zhig 'dod/ yang lus bdag 'brel pa ma yin no zhes bya bab yin na yang dpe yod pa ma yin no/ /'di thams cad ni khyad par bkag pa yin la/ khyad par bkag na yang spyi rtogs pa ma yin no/ /de yin na gang dgag par bya ba de rjes su gnang ba byas par 'gyur ro/ /ci ste bdag gi sgra ni ma rtag pa'i yul can yin te/ sgra yin pa'i phyir ro zhes bya ba de lta na yang rtag pa'i sgras ma nges pa yin no/ /lus la sogs pa rnams na nye bar brtags nas bdag gi sgras brjod par bya ba yin pa'i phyir grub pa la sgrub pa yin no/ /gal te lus la sogs pa las tha dad pa mi rtag pa'i dngos po yin pa nyid kyis bdag gi sgra'i yul mi rtag pa yin par sgrub par byed na/ de lta na yang gzugs la sogs pa las tha dad pa'i yul tha khas blangs pa'i phyir 'gal ba yin no/ /zhes smras pa/ de 'di lan 'debs par byed pa ni/ bum sogs la yang mtshungs zhes bya ba la sogs smos te/ klan ka de 'di ni khyed la yang mtshungs te/ 'di ltar khyed cag gis kyang phyi rol gyi bum pa la sogs pa rnams la bdag gis byin gyis brlabs pa med pa nyid dang/ de nye bar longs spyod pa'i gzhi ma yin pa nyid kyis bdag med par 'dod pa kho na'o/ /de lta ma yin na gson pa'i lus ni bdag med pa ma yin te/ srog la sogs pa dang mi ldan par thal bar 'gyur ba'i phyir bum pa la sogs pa bzhin no zhes bya ba'i thal bar 'gyur ba'i dpe nyid du de dag
- 227b
mi len par 'gyur ro/ /de lta yin dang bum pa la sogs pa de la yang ji ltar de dag bdag med pa yin/ gal te re zhig bdag la phan 'dogs par byed pa ma yin zhes bya ba la sogs pa la glan ka mtshungs pa yin no/ /de'i phyir bdag gis byin gyis brlabs sam de nye bar longs spyod pa'i gzhi ma yin pa'i rnam pa gang gis phyi rol gyi bum pa la sogs pa de dag thams cad la khyed cag dang yang bdag med pa nyid thun mong du grub la/ /gang yang gson pa'i lus 'di ni bdag med pa yin te zhes khyed cag gis gson pa'i lus la 'gags te/ gang zhig bkag pas gson po'i lus kho na bdag dang bcas par rtogs kyi/ shi ba'i lus dang bum pa la sogs pa ni ma yin no/ /de nyid kho bo cag gis gson po'i lus ni bdag med pa ma yin te/ dngos po nyid la sogs pa'i phyir ro zhes sgrub par byed do/ /de lta bas na bdag la phan 'dogs par byed pa ma yin no/ /zhes bya ba la sogs pa'i rnam par rtog pa ni gzhi med pa kho na yin te/ khyed cag la yang med par rab tu grub pa'i phyir/ gzhan yang re zhig bdag la phan mi 'dogs par grub pa'i dpe med do zhes gang smas pa de yang yang dag pa ma yin te/ 'di ltar sgrub par nus pa kho na ste/ gang zhig gang gis rang bzhin gyi khyad par skyed par byed pa ma yin pa de ni de'i phan 'dogs par byed pa ma yin te/ dper na gangs can dang 'bigs byed dag lta bu'o/ /lus la sogs pa yang bdag rtag pa dang gcig pu'i rang bzhin gyi khyad par skyed par byed pa ma yin no/ /zhes bya ba ni khyab par byed pa mi dmigs pa'o/ /gtan tshigs ma grub pa yang ma yin te/ rang bzhin gyi khyad par ni bdag las tha mi dad pa'i phyir ro/ /de byed na bdag kho na'i byed par 'gyur te/ de lta na mi rtag par thal bar 'gyur ro/ /rang bzhin gyi khyad par tha dad pa yin na yang 'brel pa'i rgyu mtshan med pa'i phyir de'i 'di zhes bya ba'i 'bral par
- 228a
mi 'gyur ro/ /de lta bas na/ rtag pa cung zad kyang phan 'dogs par byed pa ma yin te/ des de la cung zad kyang mi byed pa'i phyir ro/ /gang yang su zhig gis lus bdag tu 'dod ces smras pa de yang yang dag pa ma yin te/ de skad du smra ba kha cig kyang yod de/ dper na rig byed smra ba rnams ltar gang dag lus la sogs pa rnams ni bdag yongs su 'gyur ba'i ngo bo yin par smra bar byed do/ /de lta bas na de la brten nas dgag pa byed do/ /gang yang med pa ni tshig phyi ma'i yul can yin pa'i phyir bdag dang bcas pa yang gang zhig yin pa brjod par bya'o zhes smras pa de yang 'brel pa med de/ tshig phyi ma'i don yod pa kho na dgag par bya ba ma yin te/ 'o na ci zhe na/ sgro btags pa yin te/ yod par dgag par mi nus pa'i phyir ro/ /de lta bas na gzhan gyis 'khrul pas sgro btags pa'i don gang yin pa de nyid tshig phyi ma'i don yin no/ /'di lung de nyid rjes su brjod nas gzhan gyi log pa'i shes pa nyid du brjod par bya ba 'gegs par byed do/ /de lta ma yin na sgron ma la sogs pa skad cig ma ma yin no zhes bya ba la sogs par/ sangs rgyas pas kun tu btags pa'i skad cig ma nyid khyed kyis 'gegs par byed na dgag pa'i sbyor ba tshig phyi ma med pa la mthong ngo zhes bya ba'i rtsod pa 'di 'byung ba kho na'o/ /gang yang lus la bdag yod par su zhig 'dod ces smras pa de yang yang dag pa ma yin te/ 'di ltar gang dag gi lta ba la bdag ces bya ba 'the bo'i ri mo sngo bsangs 'dra ba'i 'bras bu phyed kyi tshad yin pa de dag gi lugs kyis bdag lus can yin pa'i phyir lus la gnas par yod pa nyid yin pas de dgag par rig pa nyid yin no/ /gang yang lus bdag dang 'brel pa 'gegs na dpe med do ces bya ba yang ma grub ste/ phan tshun phan gdags par bya ba dang phan 'dogs par byed pa'i phyir grangs can dang 'bigs byed bzhin du bdag dang lus gnyis 'brel pa
- 228b
med do zhes snga ma bzhin du bsgrub par nus pa'i phyir ro/ /gang yang khyad par bkag na spyi rtogs pa yin no zhes bya ba de ni ma yin te/ khyed cag gi sgron ma la sogs pa rnams skad cig ma nyid yin pa bkag na yang skad cig ma'i spyi 'ga' zhig khas mi len pa'i phyir ci ste yang kho bo cag gis dus yun mi ring bar gnas pa'i rgyu mtshan gyis sgron ma la sogs pa skad cig ma'i sgra 'jug par 'dod pa kho na yin te/ de lta bas na spyir skad cig ma nyid grub pa yin no snyam na/ gal te de lta na bdag gi sgra 'jug pa yang kho bo cag gis nga rgyal gyi rten sems yin par 'dod pa nyid yin pas spyir bdag grub po/ gang yang spyi ste bdag gi sgra ni mi rtag pa'i yul can yin te/ zhes bya ba la sogs pa phyogs gnyis smras pa de yang 'brel pa med pa med pa nyid de/ khas ma blangs pa'i phyir ro/ /rang gi 'khrul par 'gyur ba bdag gi sgra la don dam par yul 'ga' zhig kyang khas ma blangs la/ gzugs la sogs pa las tha dad pa yang ma yin no/ /rtag pa'i sgra yang don dam par dngos po rtog pa 'ga' zhig la 'jug par grub pa yang ma yin no/ /lus la sogs pa la bdag gi sgra nye bar btags nas 'jug pa ma yin te/ 'khrul pa med par rtogs pa'i phyir ro zhes bstan te/ des na grub pa la sgrub pa ma yin no/ /de'i phyir de ltar na bdag ces bya ba'i chos can tshad ma gnod pa nyid kyi ma grub pa'i phyir/ de la khyed kyis byed pa po nyid dang za ba po nyid kyi tha snyad btags pa gang yin pa de mo gsham gyi bu bzhin du rten med pa yin pa'i phyir 'di sun 'byin pa logs shig tu mi byed de/ rten bkag pa nyid kyis 'di dag spangs pa'i phyir/ byas pa chung zos pa dang ma byas pa dang phrad pa'i skyon yang ji ltar mi 'byung ba de ltar las dang 'bras bu'i 'brel pa brtag par ston par 'gyur ro/ /de kho na nyid bsdus pa'i dka' 'grel las/ rigs pa can
- 229a
dang bye brag pas kun tu brtags pa'i skyes bu brtag pa ste/ bdun pa'o// //spyod pas yongs su brtags pa'i bdag gsal bar bya ba'i phyir/ gzhan dag kyang ni ldog pa dang/ /zhes bya ba la sogs pa smos te/ log pa ni bde ba dang sdug bsngal la sogs pa'i gnas skabs dag gi phan tshun tha dad pa'o/ /rjes su 'jug pa ni sems pa can gyi rdzas dang/ yod pa la sogs pa rjes su 'gro ba'o/ /zhig pa dang rjes su 'jug pa 'di dag bdag gi ngo bo gang la yod pa zhes tshig rnam par sbyar ro/ /'di skad du bstan pa yin te/ gzhan dag rgyal dpog pa rnams ni bdag bde ba la sogs pa'i ngo bos ldog cing/ yod pa la sogs pa'i ngo bos rjes su 'jug pa'i sems pa can gyi ngo bor brjod par byed do/ /sems pa can de yang ji ltar grangs can pas 'dod pa ltar blo las tha dad pa gzhan ni ma yin no/ /'o na ci zhe na/ sems pa can blo'i mtshan nyid yin zhes bya bas blo nyid do zhes bstan pa yin no/ /blo'i mtshan nyid ni blo'i rang gi ngo bo zhes bya ba'i don to/ /blo las tha dad pa'i sems kyi ngo bo gzhan ma gtogs so snyam du dgongs pa yin no/ /yang ji ltar bdag gcig pu las ldog pa dang rjes su 'jug pa'i bdag nyid kyi phan tshun 'gal ba'i rang bzhin gnyis rigs pa yin zhe na/ dper na sprul bdag ces bya ba la sogs pa smos te/ ji ltar sbrul gcig yin na yang 'khyil pa la sogs pa'i gnas skabs log nas drang po'i gnas skabs 'byung ba'i gnas skabs gnyis ga la yang sprul nyid rjes su 'jug pa de bzhin du bdag kyang sems pa can gyi rang bzhin rtag pa gcig pu yin/ na yang rang bzhin ma lus pa dang bral ba ma yin na/ rig pa can la sogs pas kun tu brtag pa'i bdag bzhin du rang
- 229b
bzhin ma lus pa rjes su 'jug pa yang ma yin te/ 'o na ci zhe na/ bde ba la sogs pa'i gnas skabs ldog pa dang 'jug pa yang yin la/ sems pa can gyi ngo bo ni thams cad du 'gro ba yin no zhes bya ba 'di mi 'gal lo zhes grag ste/ bsdus pa'i don to/ /yan lag gi don yang brjod par bya ste/ sems pa can rtag pa'i rang bzhin zhes bya ba ni/ sems pa can gyi rang bzhin rtag pa gang la yod pa zhes tshig rnam par sbyar ro/ /kun gyi zhes bya ba la ngo bo zhes bya ba lhag ma'o/ /rjes su 'jug pa zhes bya ba la ma yin zhes skabs dang sbyar ro/ /de dag ces bya ba ni bde ba dang sdug bsngal la sogs pa'i gnas skabs so/ /ci ste yang ci'i phyir ji ltar sangs rgyas pa rjes su 'gro ba med pa'i 'jig pa smra ba dag gis 'dod pa bzhin du gcig tu nges par gcig tu ldog pa'i phyogs sam/ ji ltar rig pa can la sogs pa rnams kyis brten pa bzhin du gcig tu nges par mdza' gcig tu rjes su 'gro ba la mi brten ce na/ gtan du 'jig na zhes bya ba la sogs pa smos te/ gal te 'jig pa rjes su 'gro ba med pa yin na de'i tshe las byas pa chung zos par 'gyur te/ byed pa po 'bras bu dang 'brel pa med pa'i phyir/ ma byas dang phrad par yang 'gyur te/ byed pa po ma yin pa 'bras bu dang 'brel pa'i phyir/ bdag ngo bo gcig nyid yin na bde ba dang sdug bsngal la sogs pa longs spyod par mi 'gyur te/ nam mkha' bzhin du za ba po ma yin pa'i gnas skabs las za ba po'i gnas skabs la khyad par med pa'i phyir ro/ /de skad du yang/ gzhon nu ma len gyi/ de phyir gnyi ga dor nas ni/ /ldog dang rjes 'jug bdag nyid can/ skyes bu zhig ni khas blang bya/ /'khyil pa sogs la sprul bzhin no/ /zhes bshad do/ /'on te gnyi ga'i ngo bo'i skyes bu'i gnas skabs byed pa po gang yin pa de za ba po ma yin pa'i phyir/ byas pa chung zos pa dang ma byas pa dang phrad pa de dag 'di la'ang 'ong ba ma yin
- 230a
nam zhe na/ skyes bu'i byed po za po ni/ zhes bya ba la sogs pa smos te/ skyes bu byed pa po dang za ba po dag gnas skabs la brten pa ma yin gyi/ 'on kyang skyes bu nyid la'o/ /'di ltar skyes bu nyid byed pa dang longs spyod pa yin gyi/ gnas skabs ni ma yin no/ /de'i phyir te/ de lta bas na gnas skabs can skyes bu ni/ de nyid phyir te/ sngar gyi ngo bo yongs su ma btang ba'i phyir/ byed po nyid kyis de'i 'bras bu de las de'i 'bras bu thob pa de'i phyir skyon med do/ /yang 'di la bdag 'di yod pa nyid du sgrub par byed pa'i tshad ma ci yod ce na/ ngo shes pa'i ngo bo'i phyir/ zhes bya ba la sogs pa smos te/ de kho nas shes par 'gyur ro/ /nga kho na rig par byed do zhes bya ba de lta bu byed pa po gcig nyid kyis yul can ngo shes pa'i ngo bo'i phyir te/ yod pa'i phyir te bdag grub po/ / 'di nyid kyis te/ ngo shes pas sangs rgyas pa la sogs pas kun brtags pa'i bdag med par smra ba la gnod pa yang grub po/ /ji skad du/ des na ngo shes pa tshad mar bsgrubs pa nges na/ 'jig rten thams cad kyis nges par bzung ba'i ngo shes pa 'dis bdag med par smra ba la gnod par 'gyur ro zhes bshad do/ /yang ji ltar ngo shes pa 'di gnyis ka grub par 'gyur zhe na/ sa rig ces bya'i zhes bya ba la sogs pa smos te/ ngas rig go zhes bya ba 'di nga'i shes pas shes pa po 'di rtogs par 'gyur ro zhes bya ba 'di la rtsod pa med pa nyid yin te/ ngas rig go zhes bya ba byed pa po'i skyen gzhi mthun pa nyid yin pa'i phyir ro/ /shes pa po de yang yin na bdag tu gyur pa zhig gam/ khyed cag gi kun brtags pa'i gcig pu 'jig pa'i dang can skad cig ma rnam pa yin zhes bya ba'i rnam par rtog pa gnyis so/ /de la gal te bdag ces bya ba'i phyogs yin na de'i tshe thams cad mtsham ste/ thams cad mdzes so zhes bya ba'i don to/ /mngon par 'dod pa grub pa'i phyir ro/ /'on te shes pa'i phyogs yin na de'i tshe thams cad shin tu 'brel bar dka'
- 230b
ste/ 'di ltar ngas shes par gyur to/ /ngas da ltar rig go zhes ngo shes pa'i byed pa po gcig la brten nas de'i blo gang yin pa 'di 'byung ste/ de'i yul shes pa'i skad cig yin par rtog pa na/ res 'ga' 'das pa 'am/ yang na da ltar te da ltar byung ba'am/ gnyi ga 'am/ 'das pa dang/ da ltar dag gam/ yang na rgyun yin zhes bya ba phyogs bzhi'o/ /de la dang po ste 'das pa'i shes pa'i yul nyid du rtog par byed na/ shes par gyur to zhes bya ba de ltar rnam par nges pa 'di rigs te/ des sngar shes pa'i phyir ro/ /da ltar shes so zhes bya ba 'di mi rigs te/ 'das pa'i shes pa'i skad cig 'di na da ltar te/ da ltar byung ba'i dus na rig pa ma yin te/ de ni sngar 'gags zin pa'i phyir ro/ /ci ste da ltar yul yin no zhes bya ba'i phyogs gnyis pa de'i tshe/ ngas rig go zhes bya ba 'di rigs te/ da ltar de rig pa byed pa'i phyir ro/ /shes par 'gyur zhes bya ba de lta bu'i rnam par 'dzin par ni mi rigs so/ /gang phyir 'di ni sngar yod min 'di ni zhes bya ba ni da ltar byung ba'i shes pa'i/ /de nyid kyi phyir blo 'di sgo gnyis nas 'jug pa'i phyir 'das pa dang/ da ltar ba'i shes pa gnyis ma bzung ngo zhes bya bar rigs so/ /da ltar dang 'das pa gnyis ka'i shes pa'i skad cig shes par gyur pa ma yin la/ da ltar shes pa yang ma yin no/ /'o na ci zhe na shes par gyur pa gcig la/ gzhan ni shes pa yin no/ /de nyid kyi phyir rgyun yang blo de nyid kyis gzung bar bya ba ma yin te/ gnyis pa ste 'das pa dang da ltar gyi shes pa'i bya ba gnyis med pa'i phyir ro/ /'di ltar rgyun 'di sngar shes par gyur pa ma yin zhing/ da ltar shes pa yang ma yin te/ de ni brtags pa nyid kyis dngos po ma yin pa'i phyir ro/ /dngos po med pa'i yang yod pa ma yin te/ de ni dngos po'i chos yin pa'i phyir ro/ /de lta bas na ji skad du bshad pa'i shes pa'i ma gtogs par yul gang la nga rgyal 'di 'jug pa gang yin pa de ni bdag yin no zhes bya bar grub po/ /ci sde 'di dag shes pa'i ngo bor ji ltar 'grub ce na/ 'das pa'i nga rgyal gyi zhes bya ba la sogs pa
- 231a
smos te/ gang zhig nga'i shes par rtogs par bya ba de ni da dung yang 'jug pa yin te/ dper na da ltar ba'i rtogs pa bzhin no/ /'das pa'i nga rgyal gyi yul rtogs pa yang nga'i shes pas rtog par bya ba yin no zhes bya ba ni rang bzhin gyi gtan tshigs so/ /rnam pa gcig du na gang zhig shes pa po yin pa 'am/ nga'i shes pas gzung bar bya ba yin te/ khar tshang gi shes pa po bzhin no/ /da ltar ba'i blo 'di yang shes pa po dang/ nga'i shes pas rtogs par bya ba bzhin no zhes bya ba ni rang bzhin gyi gtan tshigs so/ /'di zhes bya ba ni da ltar ba'i rtogs pa'o/ /de nyid las sam zhes bya ba ni/ nga'i shes par rtogs par bya ba'i phyir ro/ /da ltar shes pa po chos can du byas nas sbyor ba gnyis bstan to/ /da ni nga'o shes pa bsgrub par bya ba'i chos can du byas nas sbyor ba gzhan bstan pa'i phyir/ shes pa de dag ces bya ba la sogs pa smos te/ de dag ces bya ba ni 'das pa dang/ da ltar gyi nga'i shes pa bsgrub bya ste/ bsgrub bya'i chos can nyid ces bya ba'i don to/ /ji ltar zhe na/ rgyud gcig dang 'brel zhes bya ba la sogs pa smos te/ khar tshang dang ni di ring yod pa kun gyi nga'i shes pa zhes bya ba 'di ni bsgrub bya'i chos can ston pa'o/ /don mtshungs can zhes bya ba ni bsgrub bya'i chos te/ yul gcig pa can zhes bya ba'i don to/ /lhas byin la sogs pa'i rgyud gcig dang 'brel pa'i shes pa pa'i don bdun pa der ram/ de'i nga'i shes pa gang yin pa de dag ni brgyud gcig dang 'brel ba'i shes pa po'i nga'i shes pa'o/ /de'i dngos po ni de nyid ni/ de yang gtan tshigs ston pa'o/ /nga'i shes pa nyid tsam ni skyes gzhan gyi nga rgyal la 'jug pas de'i phyir ma nges pa spangs pa'i sa phyogs don du rgyud gcig dang 'brel pa'i shes pa po'i yul nyid gtan tshigs kyi byed par du byas so/ /blo gcig bzhin zhes bya ba ni dpe ste/ nga'i shes pa de dag nyid kyi
- 231b
nad nas blo gcig tu brjod par 'dod pa bzhin zhes bya ba'i don to/ /de'i phyir 'di la zhes bya ba la sogs pas phyogs phyi ma rtsom par byed do/ /gal te rtag pa dang gcig pu'i ngo bo sems pa can khas len par byed na/ de'i tshe blo yang sems pa can gyi ngo bo las tha mi dad pa'i phyir dang rtag pa dang gcig pu'i ngo bor 'gyur ro/ /de ltar yang mi 'dod de/ de'i phyir dam bca' ba khas blangs pa dang 'gal ba yin no/ /'di ltar bshad sbyar byed pas/ de ni skad cig ma yin te/ blo gzhan gyi dus na mi gnas so zhes bshad do/ /de bzhin rgyal dpog pas kyang yod pa dang 'brel pa can skyes bu'i dbang po'i blo skye ba de ni mngon sum mo zhes bshad de/ rtag pa nyid yin na skye bar mi rung ba'i phyir ro/ /gzhon nu ma len gyi yang rang gi tshig dang 'gal ba yin te/ ji skad du de nyid kyis/ gang gis phyi nas don 'dzin par/ /dbang po bzhin du bye ba byed pa/ /de ni skad cig kyang 'dod la/ /tshad ma med par skye ba min/ /zhes bshad do/ /blo gcig yin pa'i phyir/ tshad ma drug khas blangs pa dang 'gal lo/ /de bzhin du mngon sum dang 'gal ba yang yin te/ bar med par sgro 'dogs pa rnam pa du ma sems pa can skye ba dang 'jig pa dang 'grel ba'i blo rnams shin tu gsal bar nyams su myong ba'i phyir ro/ /gzhon nu ma len gyis 'gal ba'i phung po 'di thams cad mthong nas/ blo dag kyang ni zhes bya ba la sogs pa smos te/ blo rnams dang skyes bu ni rtag pa nyid dang gcig pa nyid du 'dod de/ ci'i phyir zhe na/ sems pa can gyi rang bzhin yin pa'i phyir ro/ /skyes bu ni blo'i mtshan nyid kyis sems pa can gyi rang bzhin yin pa'i phyir/ kho bo cag ste/ nged kyi lugs kyis zhes bya ba'i don to/ /'o na ji ltar gzugs kyi blo ro'i blo zhes bya ba la sogs pa tha dad du rtogs par 'gyur zhe na/ yul rten tha dad yin zhe na/ zhes bya ba la sogs pa smos te/ zhe na'i sgra ni gzhan gyi lugs khas len pa ste/
- 232a
gal te de ltar rtog na zhes bya ba'i don to/ /'di snyam du gal te blo rtag pa dang gcig pu yin na/ de'i tshe ci'i phyir gzugs la sogs pa'i yul rim gyis rtog par 'gyur gang gi phyir cig car kho nar rtogs par 'gyur te/ khyad par med pa'i phyir snyam du sems na/ dper na rang gi ngo bos me/ zhes bya ba la sogs pa smos te/ dper na me rtag tu sreg pa'i bdag nyid yin par grags na yang/ thams cad thams cad kyi tshe sreg pa ni ma yin no/ /'o na ci zhe na/ nye ba ste bsnyan pa kho na sreg go /de la yang bsreg par bya ba kho na sreg par nus pa de kho nas sreg gi /sprin la sogs pa ni ma yin pa'i phyir bsreg bya zhes smos so/ /dper na me long zhes bya ba la sogs pas dpe gzhan bshad pa yin te/ dri ma can la gzugs brnyan snang ba med pa'i phyir ro/ /dad pa zhes bya ba smos so/ /nyer bzhag pa zhes bya ba ni drung du bzhag pa zhes bya ba'i don to/ /de ni zhes bya ba ni don la nye bar bstan pa yin no/ /skyes bu khyab par byed pa yin mod kyi 'on kyang ma mthong ba'i dbang gis lus 'di nyid la 'jug pa na mig la sogs pa'i dbang pos byas pa'i gzugs la sogs pa'i yul 'dzin pa yin gyi/ gzhan du ni ma yin no/ /sems pa can gang yin pa de nyid kho bo cag gi blo ste/ blo gros yin gyi grangs can gyi bzhin du sems pa can las tha dad pa ni ma yin no/ /gal te de lte na ji ltar 'di'i blo 'jigs pa zhes bya bar 'grub par 'gyur zhes bya ba 'di dogs par byas nas bshad pa/ de'i phyir dbang po'i zhes bya ba la sogs pas rgyu ston pa nyid nye bar bstan pa na blo 'jig pa nyid sgrub par byed do/ /dbang po ste gzugs la sogs pa'i yul thob par byed pa mig la sogs pa'o/ /de dag gi rtsom pa ni bya ba ste/ de 'jig phyir te/ rnam par 'jig pa'i phyir/ blo 'jig
- 232b
par mngon gyi/ 'di rang las 'jig pa ni ma yin no/ /gal te rang las 'jig pa ma yin na/ /de'i tshe 'o na don thams cad rtog par 'gyur ro zhes bya ba'i klan ka'i gnas skabs de nyid yin no zhe na/ de'i phyir/ dper na rtag tu sreg byed me/ zhes bya ba la sogs pa smos te/ de bzhin du blo na rtag tu don thams cad dmigs pa ma yin te/ dus thams cad du mi nye ba'i phyir ro snyam du bsams pa yin no/ /ci ste 'di'i blo rtag pa nyid ji ltar rtogs par bya zhe na/ de la zhes bya ba la sogs pa smos te/ de la zhes bya ba ni ngag nye bar dgong pa'o/ /rtags pa'i bdag nyid yin pas blo blo zhes bya bar ngo shes par bya ba yin pa'i phyir sgra bzhin du blo rtags pa yin no/ /gal te da lta na 'di ni glang po che'i blo/ shing rta'i blo'i zhes bya ba/ blo rnams mtshan nyid mi mthun pa'o/ /'di ci ste 'jig rten na rtogs pa gzhan du gyur zhe na/ bum pa zhes bya ba la sogs pa smos te/ de'i dbye bas zhes bya ba ni/ glang po la sogs pa tha dad pa'i phyir ro/ /'di nyid tha dad pa'i zhes bya ba la sogs pas gsal bar byed do/ /don tha dad pa'i rjes 'brang bas zhes bya ba ni rtogs pa po rnams kyis so/ /'dis ni blo'i blo tha dad pa ni rjes su 'gro ba ldog pa dag gi don tha dad pa nyid kyis byas pa yin no zhes ston par byed de/ ngo shes pa la yod pa ma yin no zhes bya ba'i don bya ba'i don to/ /'on te glang po zhes bya ba la sogs pas lan 'debs par byed do/ /gal te blo tha dad pa don tha dad pas byas pa kho na yin na/ de'i tshe gang dag glang po la sogs pas stong pa'i sar rim gyis rda dang glang po la sogs pa mi gnas pa'i sgro 'dogs par byed pa'i shes pa rnams 'jug pa de dag la tha dad par rtogs pa ci la brten par 'gyur tha dad pa rnam par bzhag pa'i rten 'ga' yang yod pa nyid ma yin no/ /zhes bya ba'i tha tshig go /'di ltar rang las tha dad pa yod pa ma yin te/ blo thams cad gcig
- 233a
nyid du khas blangs pa'i phyir ro/ /khyad par du byed par 'gyur ba'i yul sna tshogs pa'i phyir yang ma yin te/ der khyad par du byed pa'i don 'ga' yang med pa'i phyir ro/ /'di snyam du don gyis stong pa nyid ma grub ste/ de skad du yang gzhon nu ma len gyis/ rmi lam la sogs shes pa la/ /phyi rol rnam kun med mi 'dod/ /yul dus gzhan gyi bdag nyid can/ /phyi rol kun la dmigs pa yin zhes bshad do/ /zhes bya ba de'i dogs pa bsu ba ni/ gal te yul la sogs gzhan yod pa'i/ zhes bya ba la sogs pa smos te/ rgyu mtshan yin zhes bya ba ni blo rnam par bzhag pa la/ rgyu yin no zhes bya ba'i don to/ /yul dang dus rnam pa gzhan gyi bdag nyid de/ rnam pa gzhan gang la yod pa de la de skad ces bya'o/ /yang na yul dang dus dag gi sam gzhan gyi bdag nyid ga la yod pa zhes tshig rnam par sbyar ro/ /'on te de dag ces bya ba la sogs pas lan 'debs pa yin no/ /yul gang la rim pa gang gis sgro 'dogs pa'i bsal ba de dag snang ba de'i tshe/ yul de dang yul gzhan dang dus gzhan gnas pa rnams 'brel ba med pa nyid ma yin zhing/ de bzhin du rim pa des yod pa ma yin no/ /de ci'i phyir zhe na/ rang gi 'dod pas sgro btags pa'i ngo bo des snang gi /gzhan ngo bo gzhan gyi snang bar ni rigs pa ma yin te/ ha cang thal bar 'gyur ba'i phyir ro/ /de lta yin na thams cad shes pa thams cad kyi yul du thal bar 'gyur ro/ /de lta yin dang so sor nges pa'i don gyi rnam par bzhag pa chad pa kho nar 'gyur ro/ /gzhan yang khyed cag spyod pa'i lcags kyis snang bzhin pa'i rnam pa de ni blo ma yin gyi/ 'on kyang 'di phyi rol gyi don gyi rang bzhin du brjod do/ /rnam pa dang ldan pa ni phyi rol gyi don yin la/ blo ni rnam pa med pa yin no/ /zhes bshad pa'i phyir ro/ /gal te de ltar gyur na de las cir 'gyur zhe na/ brjod par 'dod pa'i yul ni/
- 233b
zhes bya ba la sogs pa smos te/ brjod par 'dod pa'i yul ni gang du sgro btags par byas pa ste/ de lta bas na yul dang dus gang dang 'brel ba glang po la sogs pa de dag yul de dang 'brel pa nyid du snang ba yin na/ rang dang brel ba'i yul dang dus gzhan du ci'i phyir snang/ de lta bas na shes pa de dag ni don dam par ma 'dres pa'i rang bzhin dang g.yo ba'i bdag nyid yin te/ res 'ga' ba yin pa'i phyir zhes bya bar grub po/ /de'i rang bzhin gyi skyes bu yang du ma nyid dang/ mi rtag pa nyid du grub po/ /'di snyam du shes pa ni skyes bu de yi chos yin la/ des na de tha dad na yang skyes bu tha dad pa ma yin te/ de ni chos can nyid yin pa'i phyir ro zhes bya bar 'dod na/ de ni mi rigs te/ rtogs pa dang/ sems pa can dang/ blo dang/ shes pa zhes bya ba ni don gzhan ma yin pa'i phyir/ /ming tha dad pa tsam nyid kyis dngos po rnams rang bzhin tha dad pa ni ma yin no/ /gzhan yang mi tha mi dad na yang shes pa de dag gi sems pa can gyi bdag nyid gcig rjes su 'gro ba'i ngo bor 'dod pa kho na'o/ /sems pa can de tha mi dad pa na de'i rang bzhin gyi shes pa rnams kyang cha med pa nyid yin no/ /de lta ma yin na 'gal ba'i chos dang ldan pa'i phyir gcig tu tha dad par kho nar 'gyur ro/ /shes pa dmigs pa med par bstan pa 'di nyid kyis blo mngon sum ma yin pa yang sun phyung ba yin te/ 'di ltar yongs su gsal ba'i rnam pa de ni phyi rol ma yin par bsgrub pa yin no/ //de lta yin dang de ltar yongs su gsal ba'i rnam pa de'i bdag nyid du gyur pa nyid du rtogs pa na rang nyid gsal ba'i ngo bo nyid yin pa'i phyir blo rnams rang rig pa'i ngo bor gyur pa yin no/ /gang yang dper na rang gi ngo bos me zhes bya ba la sogs pa smras pa/ de sun dbyung ba'i phyir 'di nyid du nye bar bsreg pa bstan pa ni/
- 234a
gal te blo ni rtag gnas dang zhes bya ba la sogs pa ste/ gal te blo'i gnas skabs don thams cad rtogs pa'i ngo bo dang rtag tu ba yin na/ de'i tshe don thams cad thams cad du rig par thal par 'gyur bar ro/ /ji ltar zhe na/ blo ni sgra'i yul can gang/ /zhes bya ba la sogs pa smos te/ 'di ltar sgra'i yul sgra'i rnam pa can gang yin pa de nyid ro dang gzugs la sogs pa'i yul can yin gyi gzhan gyi ma yin no/ /de lta yin dang don gcig nyams su myong ba'i dus na don thams cad nyams su myong bar thal 'gyur te/ de ltar dmigs pa'i bdag nyid kyi blo thams cad du gnas pa'i phyir ro/ /gang yang blo gcig gis ni du ma yin/ /rnam shes de ni gcig car nyid/ /khyad par med phyir rim gyis kyang/ /mi 'gyur te khyad med phyir ro/ /zhes bshad do/ /min zhe na zhes bya ba ni/ gal te sgra'i yul can gyi blo de nyid kyi ro la sogs pa'i spyod yul can du khas len par mi byed na/ /de lta na blo rnams kyi tha dad khyod kyi rang gi tshig nyid kyis bstan par 'gyur ro/ /me dper byas pa nyid gang yin pa de yang ma grub po zhes bstan pa'i phyir ro/ /me yang bsreg pa ma lus pa'i zhes bya ba la sogs pa smos te/ bsreg par bya ba thams cad sreg pa'i rang bzhin gyis sreg par byed pa rtag tu gnas pa na ma yin no/ /de lta ma yin na bsreg bya mdza' dag thal bar byas par 'gyur te/ sreg par byed pa 'bar ba 'brel pa'i bsreg par bya ba bzhin du rang sreg par byed pa nyid du rtag tu nye ba'i phyir ro/ /yang gi sgras ni blo do/ thams cad rtogs pa'i rang bzhin ma yin pa 'ba' zhig tu ma zad ces ston par byed do/ /gal te de lta na me rtag tu sreg par byed pa'i bdag nyid du mi 'gyur na 'o na ji ltar don nye ba yang sreg par byed ce na/ bsreg par bya don nye nyid na/ /zhes bya ba la sogs pa smos te/ de lta yin na zhes bya ba ni de ma thag tu brjod pa'i don khas blangs pa na/ don thams cad cig car sreg par thal par 'gyur te/ thal par 'gyur pa mi 'byung ngo zhes bya ba'i don te/ /
- 234b
gang yang dper na me long dang ba 'am/ zhes bya ba la sogs pa smras pa la/ me long la sogs pa de yang rtag pa dang gcig pu'i ngo bo nyid yin na/ mi rigs so zhes bstan pa'i phyir/ utpa la sngon po sogs 'brel las/ zhes bya ba la sogs pa smos te/ shes dang me long la sogs pa skad cig re rer 'jig pa yin na/ utpa la sngon po la sogs pa dang phrad pas phyin ci log pa'i shes pa skye ba'i bdag nyid du 'gyur ro/ /de lta ma yin na gal te skad cig ma ma yin pa de'i gzugs brnyan 'dzin par 'gyur na/ de'i tshe nye bar bsgyur ba dang bcas pa'i gnas skabs gang yin pa de kho na de nye bar bsgyur ba med pa'i gnas skabs yin pa'i phyir sngon po la sogs pa'i nye bar bsgyur ba dang bral pa la yang sngon po la sogs pa'i gzugs brnyan yang dag par dmigs par 'gyur te/ sngon gyi ngo bo yongs su ma btang ba'i phyir ro/ /yang na nye bar bsgyur ba'i gnas skabs na yang sngon po la sogs pa'i rnam pa dang bral bar mthong bar 'gyur te/ sngar gyi ngo bo dang khyad par med pa'i phyir ro/ /'dis ni skad cig ma ma yin pa'i phyogs la spyir shel dang me la sogs pa thams cad kyi gzugs brnyan rtogs pa bsal ba yin no/ /nga ni skad cig ma dang skad cig ma ma yin pa bdag gis phyogs la gzugs brnyan rtogs pa re re sel bar byed pa ni/ brtan pa'i phyir zhes bya ba la sogs pa'o/ /brtan pa'i phyir te/ skad cig ma ma yin pa'i phyir/ sngar bzhin du me long gi ngos kyis gzugs brnyan 'dzin pa ma yin no zhes 'brel te/ skad cig ma ma yin na yang cha med pa'i phyir 'dzin pa ma yin zhes sbyar bar bya'o/ /'di ltar khron pa'i nang du chung pa'i chu bzhin du me long gis ngos la gzugs brnyan nang du chud par dmigs na me long gis ngos la bu ga yod pa ma yin te/ dbyibs kyi yan lag chas par
- 235a
mtshams med pa nyid yin pa'i phyir ro/ /de lta bas na 'di ni 'khrul pa yin no/ /yang na med pa ni snga ma dang phyi ma'i gnas skabs sna tshogs pa med pa ste/ 'di la rgyu ni brtan pa'i phyir/ /zhes bya ba yin no/ /des na don 'di yin te/ brtan pa nyid kyis cha med pa'i phyir te/ snga ma dang phyi ma'i gnas skabs dang bral ba'i phyir ro/ /zhes bya ba'i don to/ /gzhan yang lus can lhan cig mi gnas phyir/ /me long ngos kyi gzugs brnyan ngag /'dzin pa ma yin zhes sbrel bar bya'o/ /'di ltar me long gi ngos la yul de kho nar ri la sogs pa'i gzugs brnyan dmigs te/ lus can gyi dngos po rnams ni nam yang yul gcig pa nyid du mi 'gyur te/ bdag nyid gcig tu thal bar 'gyur ba'i phyir ro/ /'di yang skad cig ma mo dang skad cig ma ma yin pa'i thun mong gi sun 'byin pa yin no/ /shel la yang yang dag par nye bar bsgyur ba'i gzugs brnyan rtog pa ma yin no zhes ston pa ni/ zur gnyis na ni gnas pas kyang/ zhes bya ba la sogs pa smos te/ 'di ltar gang kho na'i tshe rtags pa po mdun na gnas pas thang gi pad+ma dang phrad pas shel dmar por dmigs pa kho na'i tshe gang dag zur gnyis na gnas pa de dag gi shel rdo mdza' dag shin tu dkar bar dmigs kyi/ cha shas kyi ni ma yin no/ /de lta yin dang gal te de'i gzugs brnyan 'dzin par 'gyur ba de'i tshe mdun na gnas pa'i skyes bu bzhin du zur gnyis na gnas pa'i rtog pa po dag gis kyi/ dmar por snang bar 'dzin par 'gyur ro/ /'di yang skad cig ma dang skad cig ma ma yin pa dag la yang thun mong ba'i skyon yin no/ /gal te gzugs brnyan de 'dzin pa la sogs pas ni skad cig ma yin pa'i phyogs kyi skyon bshad de/ gal te don dam par shel la sogs pa'i yul gyi gzugs brnyan 'dzin par 'gyur na/ de'i tshe go
- 235b
rims bzhin du 'byung ba'i yul gyi gzugs brnyan rnams kyi rang bzhin tha dad pa'i phyir gcig gi bdag nyid du mi 'gyur ro/ /de bzhin du de'i tshe bdag nyid kyi shel la sogs pa las yang/ bsgyur bya dang/ sgyur byed la so so'i sgyur byed tha dad par thal bar 'gyur ro/ /gal te yang 'di 'khrul pa yin no/ /zhes khas len par byed na de'i tshe 'di la nyes pa 'di med do zhes bshad par byed pa'i don du de nyid du yod na zhes smos so/ /gang gi phyir yang de ltar phyogs gnyis ka la yang gzugs brnyan 'dzin pa mi 'thad de/ de phyir 'di ni 'khrul pa yin no zhes bya bar gnas so/ /gal te de lta na ci'i phyir shel la sogs pa kho na la 'khrul pa der 'gyur gyi/ rtsig pa la sogs pa la ni ma yin zhe na/ de'i phyir bsam gyis mi khyab pa'i/ /nus pa sna tshogs zhes bya ba smos te/ sna tshogs ni rnam pa du ma bsam gyis mi khyab pa'i nus pa dag gang dag la yod pa de de skad ces bya'o/ /dngos po rnams kyi nus pa so sor nges pa ni brgal zhing rtag par 'os pa ma yin te/ de ni rang gi rgyu brgyud pas byas pa'i phyir ro/ /cha 'di la khyed cag dang rtsod pa med de/ ji skad du/ me ni seg byed nam mkha' min/ /'di la brtsad du ci zhig yod/ /ces bshad pa lta bu'o/ /gal te lta na 'o na blo la yang yul gyi gzugs brnyan 'dzin pa 'khrul pa yin mod/ gzugs brnyan 'dzin par gyur pa ni ma yin no zhe na/ blo 'khrul ngo bo yang zhes bya ba la sogs pa smos te/ blo la 'khrul pa srid par rigs pa ma yin te/ yang gi sgras ni/ gzugs brnyan 'dzin par mi rigs pa 'ba' zhig tu ma zad ces bya'o/ /ci'i phyir zhe na/ tha dad pa dang bral ba'i phyir ro/ /shel la sogs pa dag la ni 'khrul par rigs te/ de dag las tha dad pa'i 'khrul pa'i blo yod pa'i phyir ro/ /de bzhin du blo la 'khrul pa'i ngo bo'i blo gzhan yod pa ni ma yin te/ 'di ltar blo gcig kho nar 'dod do/ /blo ni rang nyid kyi 'khrul pa'i
- 236a
ngo bor skye'o/ /zhes brjod par yang mi rigs te/ blo rtag pa nyid du khas blangs pa'i phyir ro/ /gang yang rtag pa nyid dang gcig pu nyid bsgrub pa'i don du/ de la rtogs pa'i bdag nyid du/ /blo ni ngo shes par byed de/ /zhes smras pa de la/ rtogs med ngo bo las ldog pa zhes bya ba la sogs pa smos te/ ngo shes pa 'di ni ma nges pa yin te/ 'di ltar rtogs pa med pa'i ngo bo bum pa la sogs pa las ldog pa tha dad pas sgro btags nas blo thams cad ni sna tshogs pa yin na yang ngo shes pa 'jug pa 'gal ba med pa kho na'o/ /gang sna tshogs pa nyid yin pa ngo shes pa 'di ni rigs mi mthun pa las ldog pa'i rgyu mtshan gyis byas pa yin no zhes bya ba 'di ni gdon mi za bar shes par bya'o/ /sna tshogs nyid ma yin pa kho na bya ba ni ma yin no/ /'di ltar dmigs pa med pa'i sgro btags pa'i blo la don tha dad pa la mi brten na yang ngo mi shes pa yod pa nyid do/ /de la gang kho na la glang po'i blo 'gyur ba de nyid la rta dang shing rta'i blor 'gyur ba de lta bu ni yod pa ma yin no/ /blo 'di dag ni dmigs pa med pa yin no/ /zhes bsgrub zin pas yang mi brjod do/ /des na yang tha dad mi brten par/ ngo shes med pa yod ma yin/ /zhes smras pa de ni ma grub po zhes gzung bar bya'o/ /gzhan yang gal te khyed cag gis/ rtag pa dang gcig pu'i ngo bo'i bdag 'dod pa de'i tshe/ bde ba la sogs pa'i gnas skabs tha dad par mi 'gyur ro/ /'on te bde ba la sogs pa'i gnas skabs tha dad pa khas len na/ 'o na 'di ni rtag pa dang gcig pu'i ngo bo nyid khas blang pa mi bya'o/ /gcig la tha dad pa dang tha mi dad pa phan tshun 'gal ba'i rang bzhin rigs pa ni ma yin no/ /rtsod pa 'di yang ba'i don du gzhon nu ma len gyis smras pa/ gang yin pa der zhig sun dbyung ba'i phyir bstan pa ni/ gnas skabs tha dad tha dad pas zhes
- 236b
bya ba la sogs pa smos te/ bde ba la sogs pa'i gnas skabs rnams kyi tha dad pa ste/ sna tshogs pa nyid de/ des na tha dad pa skyes bu sna tshogs pa nyid de/ des stong zhes bsdu'o/ /gnas skabs sna tshogs pa yin na yang rang bzhin gcig go zhes bya ba'i don to/ /'di la rgyu/ brten pa'i bdag nyid ces bya ba smos te/ brtan pa brtag pa'i bdag nyid de rang bzhin gyi bdag gang yin pa de la de skad ces bya'o/ /yang na gnas skabs tha dad pa ni gnas skabs kyi khyad par te/ bde ba la sogs pa'o/ /de dag las tha gcig tu tha dad pa ste logs shig pa'i ngo bo des stong pa ste de dang tha mi dad pa yin na yang zhes bya ba'i don to/ /yongs su brtags pa de ci zhig yin zhe na/ bde sdug la sogs zhes bya ba la sogs pa smos te/ rtogs pa yin na yang zhes bya ba shes pa yin na yang ngo/ /mi zhes bya ba ni bdag go /sems can rdzas yod nyid sogs la zhes bya ba la/ sogs pa'i sgras shes bya nyid dang gzhal bya nyid dang khyed ngo bo nyid dang za ba po nyid la sogs pa'i spyi'i chos gzung ngo/ /khyad par gyi chos shin tu chad pa yang ma yin zhes bstan pa'i phyir/ gnas skabs gzhan ni zhes bya ba la sogs pa smos te/ snga ma zhes bya ba ni bde ba la sogs pa'i gnas skabs so/ /gal te de lta na bde ba la sogs pa'i gnas skabs na yang ci'i phyir sdug bsngal la sogs pa mi myong zhe na/ phyi ma'i rjes su mthun bya'i phyir zhes bya ba la sogs pa smos te/ rang gi ngo bo nyid kyis gnas skabs na phyis kyi sdug bsngal gyi gnas skabs mi 'byung bas de'i phyir/ sems pa can dang rdzas la sogs pa'i mtshan nyid can gnas skabs thams cad du rjes su 'gro ba'i spyi'i bdag la de thim pa yin te/ phyis kyi sdug bsngal gyi gnas skabs skye ba dang rjes su mthun par 'gyur pas
- 237a
de'i don du de de la thim pa yin no/ /gal te de lta yin na gnas skabs gzhan bzhin du spyi'i bdag la yang gnas skabs thim pa mi rigs te/ 'gal ba'i phyir ro zhes dogs pa/ gnas skabs rang gi ngo bo yis/ /zhes bya ba la sogs pa smos te/ bde ba sdug bsngal la sogs pa'i rang gi ngo bos gnas skabs rnams phan tshun 'gal ba'i phyir phan tshun thim par mi rigs so/ /gang gis 'di de la mi 'gyur ba gnas skabs can spyi'i bdag la ni thim pa la 'gal ba ci yod/ 'di ltar spyi'i bdag 'di gnas skabs thams cad du 'gal ba med par rjes su 'jug par mthong ste/ gnas skabs thams cad la sems pa can la sogs pa dmigs pa'i phyir ro/ /de la zhes bya ba la sogs pas lan 'debs par byed do/ /gal te skyes bu las gnas skabs rnams nges par tha dad mi 'dod na/ de'i tshe de dag skye ba dang 'jig pa na ste/ gnas skabs de dag skye ba dang 'jig pa yin na skyes bu 'di la yang de dag ste/ skye ba dang 'jig pa dag tu 'gyur ro/ /gcig tu zhes bya ba'i tshig ni cung zad tha mi dad yin yang gnas skabs bzhin du skye ba dang 'jig par thal ba bzlog par dka' o/ /zhes shes par bya ba'i phyir ro/ /sbyor ba ni gang zhig gang las tha mi dad pa de ni de skye ba dang 'jig pa na skye ba dang 'jig pa dag tu 'gyur te/ dper na bde ba la sogs pa'i rang gi ngo bo'i de dag nyid bzhin no// skyes bu la yang bde ba la sogs pa dang tha mi dad pa'i rang bzhin yin no zhes bya ni rang bzhin gyi gtan tshigs so/ /gtan tshigs 'di ma nges pa yang ma yin no zhes bstan pa'i phyir ro/ 'gal ba'i chos dang ldan na ni zhes bya ba la sogs smos te/ /gal te gnas skabs dag kho na skye ba dang 'jig pa yin gyi skyes bu ni ma yin no zhes bya ba de lta bu skye ba dang mi skye ba'i mtshan nyid 'gal ba'i chos dang ldan pa khas len na/ de'i tshe tha dad par thal bar 'gyur te/ dper na skyes bu mang po rnams kyi phan tshun rang nyid so sor nges pa'i bdag nyid kyi
- 237b
rang bzhin gyis phan tshun tha dad pa bzhin no/ /tha dad pa'i tha snyad kyi rgyu mtshan ni 'di snyam du zad pa'i phyir ro snyam du dgongs pa yin no/ /skyes bu yang dngos po la sogs pa'i ngo bos phan tshun tha dad pa med pas de'i bsgrub bya ma tshang ba bzlog pa'i ched du bdag nyid so sor nges pa'i nas bya ba smos so/ /bdag nyid so sor nges pa'i ngo bo'i 'di dag ni nges par tha dad par yin te/ de lta ma yin nyams su myong ba dang dran pa la sogs pa so sor nges pa med pa'i phyir rnam par bzhag pa 'tshol bar 'gyur ro/ /sbyor ba ni gang dang gang grub pa dang bde ba gcig pa ma yin pa de ni de dang lhan cig tha mi dad pa ma yin te/ dper na phan tshun so sor nges pa'i bdag nyid kyi ngo bos skyes bu bzhin no/ /bde ba la sogs pa'i gnas skabs kyang skyes bu dang lhan cig grub pa dang bde ba tha dad pa yin no zhes bya ba ni khyad par byed pa mi dmigs pa'o/ /gang yang gnas skabs gzhan ni skye 'gyur tshe/ snga ma gtan du 'jig mi 'gyur/ /zhes bya ba la sogs pa smras pa de la/ gal te khyod kyis skyes bu la zhes bya ba la sogs pa smos te/ spyi'i gnas skabs la thim pa na rang gi ngo bo nyid kyis sam/ gzhan gyi ngo bos thim pa yin grang/ de la gal te rang gi ngo bos yin na de'i tshe bde ba la sogs pa 'byung na yang ste/ bde ba la sogs pa'i gnas skabs nyams su myong ba na yang de sdug bsngal la sogs par nyams su myong bar 'gyur te/ de dmigs pa'i mtshan nyid du gyur pa'i phyir ro/ /'o na te gzhan gyi ngo bos zhes bya ba'i phyogs yin na/ de la gzhan gyi ngo bo zhes bya ba la sogs pa smos so/ /gzhan skyes bu la sdug bsngal la sogs pa 'pho ba de'i bdag nyid du 'dod de/ de lta yin dang sdug bsngal la sogs pa bzhin du de las tha mi dad pa'i phyir /bdag de skyes na skye ldan te/ /skye ba dang ldan par 'gyur ro/ /gang la skyes bu byed po za bo ni/ /gnas skabs la mi brten zhes smras pa de la/ gal te
- 238a
byed pa po za ba po zhes bya ba la sogs pa smos te/ gal te byed pa po nyid la sogs pa skyes bu kho na la brten par gyur na/ de ni snga ma'i ngo bo ma btang ba'i bdag la srid pa ma yin no/ /sbyor ba ni gang zhig byed pa po dang za ba po ma yin pa'i gnas skabs yongs su ma btang ba de ni byed pa ma yin la/ za ba yang ma yin te/ /dper na nam mkha' bzhin no/ /skyes bu yang thams cad du byed pa po dang za ba po ma yin pa'i gnas skabs yongs su ma btang ba yin no/ /zhes bya ba ni khyab byed 'ga' ba dmigs pa'o/ /slob dpon phyogs kyi glang po'i zhal snga nas kyis/ skyes bu'i blo ni skye ba ni/ /gal te 'gyur na mig nyid/ /'on te 'gyur ba ma yin no/ /bdag gzhan 'jal byed mi rigs so/ /zhes bya ba gang yin pa 'di bshad pa na / de la gzhon nu ma len gyis/ /mi rtag sgra'i brjod bya nyid/ /bdag ni zlog par byed pa yin/ /rnam par 'gyur ba tsam brjod phyir/ /de tsam gyis 'dis chad mi 'gyur/ /zhes smras te/ de 'dir 'jug pa'i thabs kyis skyon bshad pa'o/ /da ste de'i phyir rtag pa'i sgra'i brjod bya nyid kho bos ma bzlog ste/ rang gi nye bar len pa sngon du song ba'i skad cig re rer 'jig pa'i sems pa can ni 'khor ba ji srid par rgyu mi 'chad pa'i phyir ro/ /'on kyang rang gi ngo bo ste/ rang bzhin 'gyur ldan phyir te/ nges pa snga ma'i rang bzhin yongs su btang nas rang bzhin skye ba'i phyir chad pa 'di'i 'jig pa gsal rab pa nyid du 'gyur ro/ /gang yang sprul la sogs pa dpe nyid du blangs pa de yang rtag pa dang gcig pu'i ngo bo nyid du ma grub po zhes bstan pa'i phyir sprul yang zhes bya ba la sogs pa smos te/ ji ltar skyes bu bstan pa gcig pu'i ngo bo yin pa'i phyir/ gnas skabs gzhan 'byung ba rigs pa ma yin pa de bzhin du sprul la yang mi rigs pa yin no/ /gang gis tshe yang 'di skad cig ma 'jig par 'gyur ba'i tshe gnas skabs
- 238b
gzhan 'byung ba rigs pa yin te/ gnas skabs gzhan 'byung ba'i mtshan nyid ni rang bzhin gzhan skye ba yin pa'i phyir ro/ /gang yang ngas rig ces bya ba'i bdag gi blos/ shes pa po nyid rtogs par 'gyur/ zhes smras pa de la ma grub po zhes bstan pa'i gnas skabs dmigs pa med pa nyid kyis ni zhes bya ba la sogs pa smos te/ nga rgyal 'di la ni gang gis 'di'i yul shes pa po yin par 'gyur ba don dam par dmigs cung zad yod pa yang ma yin no/ /gal te de lta na 'di skye ba'i rgyu mtshan gang yin zhe na/ thog med ces bya ba la sogs pa smos te/ sems can du lta ba ni 'jig tshogs la lta ba'o/ /de'i sa bon ni bag chags te/ nus pa zhes bya ba'i don to/ /thog ma med pa yang de yin la sems can du lta ba'i sa bon yang yin no zhes tshig rnam par sbyor ro/ /de'i stobs ni bdag po'o/ /'ga' zhig la zhes bya ba ni nang gi bdag nyid du nges pa nyid kyi skye mched drug pa'o/ /'on te ci'i phyir thams cad du mi 'jug ce na/ 'du byed 'ga' zhig ces bya ba la sogs pa smos so/ /de'i ngo bor nges byas la zhes bya ba ni/ snga ma dang phyi ma'i dus su 'jug pa'i shes pa po'i ngo bo nges pa'i nga rgyal la'o/ /kun tu zhes bya ba la ni rgyud gzhan dang nus pa la sogs pa rnams la'o/ /gzhan yang nga rgyal gyi dmigs pa bdag yin na yang/ ci'i phyir bdag gzhan la yang 'jug par mi 'gyur zhes bya ba'i brgal zhing brtag pa mtshungs so/ /nus pa so sor nges pa'i phyir de lta ma yin no zhe na/ gal te de lta na kho bo cag la yang nus pa nges pa'i phyir nang gi dngos po 'ga' zhig kho na la 'jug gi thams cad la ni ma yin no zhes bya ba'i rnam par bzhag pa thams cad 'tshol ba med nyid do/ /'di snyam du rnam par bzhag pa 'di yin la rag mod/ 'on kyang 'di'i dmigs pa med pa nyid ji ltar 'grub snyam du sems na/ rtag par dmigs pa'i phyogs la ni zhes
- 239a
bya ba la sogs pa smos te/ 'di ltar 'di'i dmigs par 'gyur ba rtag pa 'am/ mi rtag pa zhig yin grang/ gal te rtag pa yin na de'i tshe nga rgyal thams cad de/ nga rgyal rnam cig car du 'gyur te/ rgyu ma tshang ba med pa'i phyir ro/ /rgyu ma tshang pa ni dmigs par mi rigs te/ ha cang thal bar 'gyur ba'i phyir ro/ /nus pa'i rgyu ni lhan cig byed pa dag la bltos pa yang ma yin no/ /zhes bya ba 'di ni lan gcig ma yin par dpyad zin to/ /nga rgyal 'di ni gcig kho na yin no zhes kyang brjod par mi nus te/ res 'ga' ba nyid kyis du ma nyid du grub pa'i phyir ro/ /'di ltar gnyid stug po log pa dang/ myos pa dang brgyal ba'i gnas skabs su nga rgyal rigs pa ma yin la/ yang gzhan gyi tshe rig pa yin pa'i phyir thams cad du mi rigs pas 'di res 'ga' nyid grub po/ /res 'ga' ba nyid kyis kyang du ma yin no/ /de'i phyir nga rgyal thams cad de yod pa tsam na yod pa rnams cig car skye bar 'gyur ro/ /yang mi rtag pa dmigs pa yin no zhes bya ba'i phyogs yin no/ de'i tshe mig la sogs pa'i rnam par shes pa bzhin du nga rgyal thams cad ches gsal bar snang bar thal bar 'gyur te/ rang gi mtshan nyid kyis dngos po yongs su 'dzin pa'i phyir/ de'i phyir ni de lta bas na'o// gzhan gyi zhes bya ba gzhon nu ma len la sogs pa mu stegs byed pa dag gis shes pa'i skad cig de'i yul du ci zhig rtog ces bya ba la sogs pa 'di'i dmigs pa brgal zhing brtag pa don med do/ /de la nga rgyal 'di ni dmigs pa med pa kho na yin te/ thog ma med pa'i 'jig tshogs la lta ba'i bag chags kyis stobs kyis 'khrul pa 'jug pa yin no zhes gang smras pa/ 'di la gzhon nu ma len gyis brjod pa'i sun 'byin pa 'dogs par byed pa ni/ shes pa po la zhes
- 239b
bya ba la sogs pa smos te/ bag chags ni shes pa po'i yul la ngo shes pa'i byed pa por 'os kyi/ de min la ste/ shes pa po gma yin la/ de zhes te shes pa po zhes shes ste/ ngo shes pa'i bag chags byed pa po 'os pa ma yin no zhes sbrel bar bya'o/ /ci'i phyir zhe na/ 'di ni 'khrul pa'i rgyu ma yin gyi/ 'on kyang 'di ni ji ltar nyams su myong ba'i rgyu yul gyi don nyid la shes pa skyed par byed pa yin gyi 'khrul pa ni ma yin no/ /zhes bya ba'i don to/ /de lta bas na nga rgyal 'di ni bag chags kyis bskyed pa'i phyir dang/ gnod par byed pa'i tshad ma med pa'i phyir/ 'khrul par rigs pa ma yin no/ /gal te sgra ni gnod byed phyir zhes bya ba 'di'i 'jug thogs su rim pa bzhin du blta bar bya'o/ /ma yin zhes bya ba la sogs pas lan 'debs pa yin no/ /bshad ma thag pa'i rigs pa ni/ /rtag pa dmigs pa'i phyogs la ni/ /zhes bya ba la sogs pa smras pa dang/ gang yang bag chags 'khrul pa'i rgyu ma yin zhes smras pa/ de ni ma nges pa yin no zhes bstan pa'i phyir/ dbang phyug sogs la zhes bya ba la sogs pa smos te/ gal te bag chags 'khrul pa'i rgyu ma yin na/ de'i tshe dbang phyug skye ba dang ldan pa thams cad rgyu thams cad shes pa blo rtag pa'i rten yin no/ /zhes bya ba la sogs pa'i 'khrul pa ji ltar bag chags tsam yod pas 'byung bar 'gyur/ 'di ltar gzhon nu ma len gyis kyang dbang phyug la sogs pa 'gro ba'i byed pa po yin pa bkag pa kho na'o/ /bag chags tsam gyi ngo bo las zhes bya ba la tsam smos pa ni/ de lta bur gyur pa'i dmigs pa'i don rnam par bcad pa'i don du'o/ /de lta bas na nga rgyal dmigs pa med pa'i phyir/ des gzung bar bya ba'i shes pa po 'ga' zhig grub pa yod pa ma yin pas/ de'i phyir bdag grub pa ma yin no/ /gang yang 'das pa'i nga rgyal
- 240a
gyis gzung bya zhes bya ba la sogs pa rtag pa nyid du sgrub par byed pa smras pa/ de la de'i phyir tshad ma zhes bya ba la sogs pa smos te/ 'ga' yang zhes bya ba ni rtag pa 'am mi rtag pa'i shes pa po dpe'i chos can yod pa ma yin pas dpe ma grub po/ /'di ltar sbyor ba dang po dang gnyis pa dag la chos can ma grub pa'i dpe'i skyon yin te/ de ltar dang khar tshang gi nga'i shes pas rtogs par bya ba'i shes pa po 'ga' yang med pa'i phyir ro/ /sbyor ba gsum pa la yang blo gcig bzhin no zhes bya ba'i dpe bsgrub par bya ba dang ma tshang ba yin te/ mngon par 'dod pa nyid kyi blo gcig dang 'brel ba'i shes pa po nga'i shes pa nyid dam/ yul gcig pa nyid du ma grub pa'i phyir ro/ /de bas na chos ma grub pa'i sgo nas 'di yang ma grub pa nyid du bstan to/ /ji ltar rigs pa bstan pa yin zhes bya ba la/ bstan pa ni sngar nye bar bkod pa'i gtan tshigs gang dag yin pa de dag ji ltar rigs par te ji ltar srid pa bzhi ma grub pa yin no zhes bya ba'i don to/ /'di ltar sbyor ba dang po dang gnyis pa dag la gtan tshigs gsum ka yang gzhi ma grub pa yin te/ nga'i shes pas gzung bar bya ba'i chos can shes pa po 'ga' yang ma grub pa'i phyir ro/ /sbyor ba gsum pa la ni chos can shes pa rnams grub pa'i phyir gzhi ma grub pa ma yin mod kyi/ 'on kyang de dag la rgyud gcig dang ma 'brel pa'i shes pa po'i yul nyid kyi khyad par ma grub ste/ dmigs pa med pa nyid du bsgrub zin pa'i phyir ro/ /de'i phyir ji ltar rigs par zhes bshad do/ /de kho na nyid bsdus pa'i dka' 'grel las/ dpyod pas kun tu brtags pa'i bdag brtag pa ste/ brgyad pa'o// //de ni grangs can gyis kun tu brtags pa'i bdag dgag par bya ba'i phyir/ gzhan dag ces bya ba la sogs pa
- 240b
smos te/ gzhan dag ces bya ba ni grangs can rnams so/ /de dag ni sems pa can bdag gi rang gi ngo bo blo las tha dad par rtog par byed de 'di ltar blo ni gtso bo'i rang bzhin yin la/ sems pa ni skyes bu nyid kyi rang gi ngo bo yin no/ /zhes bya ba ni de dag gi gzhung lugs yin no/ /skyes bu de yang dge ba dang mi dge ba'i las kyi 'bras bu gtso bos drangs pa'i za ba po yin gyi/ las rnams kyi byed pa po ni ma yin no/ /'gro ba thams cad kyi yongs su 'gyur ba ngo bo'i rang bzhin nyid byed pa po nyid du 'dod pa'i phyir ro/ /'dir yang tshad ma dag ston pa ni/ gang zhig 'dus pa'i ngo bo nyid kyis dngos po yin pa de ni gzhan gyi don byed par mthong ste/ dper na mal cha dang stan la sogs pa'i yan lag bzhin no/ /mig la sogs pa yang bsags pa'i ngo bo yin no/ /zhes bya ba ni rang bzhin gyi gtan tshigs so/ /gzhan gang yin pa de yang shugs kyis bdag yin no/ /zhes bya bar 'grub bo zhes bya ba ni gzhan gyi bsam pa'o/ /de la yang zhes bya ba la sogs pas re zhig dam bca' ba'i don sun 'byin par byed de/ 'di ltar sems pa can skyes bu'i rang gi ngo bo yin no/ /zhes smra ba na/ sems pa can rtag pa dang gcig pu'i ngo bo yin no/ /zhes bya bar dam bcas bar 'gyur te/ rtag pa dang gcig pu'i ngo bor skyes bu las de tha mi dad pa'i phyir ro/ /'dir yang mngon sum dang 'gal ba yin no/ /gang gi phyir gzugs dang sgra la sogs pa'i sems rang rig pa'i ngo bo tha dad pa dang ldan pa rang bzhin tha dad pa ches gsal bar shin tu rig ste/ de yang sems pa can gcig yin na 'thad pa ma yin no/ /khas blangs pa dang 'gal bar yang bstan pa'i phyir sems pa can gyi ngo bo gcig ces bya ba la sogs pa smos te/ bdag ngo bo gcig pa ma yin la/ don rnam pa sna tshogs pa'i za ba po yang yin no/ /zhes ji ltar phan tshun 'gal ba yin te/ za ba po ma yin pa'i gnas
- 241a
skabs dang khyad par med pa'i phyir/ blta bar 'dod pa la sogs pa dang ldan par 'gal ba med do zhe na/ blta 'dod la sogs zhes bya ba la sogs pa smos te/ gang dag gzugs la sogs pa la lta bar 'dod pa dang nyan par 'dod pa la sogs pa de'i phan tshun tha dad la longs spyod pa'i rgyu mtshan nyid du brtags pa de dag kyang bdag 'di la 'gyur ba min te/ 'byung ba ma yin no/ /gal te 'byung ba de'i tshe de ltar de tha dad par skye ba yin na ni skyes bu skye ba dang ldan pa yin par 'gyur te/ blta bar 'dod pa la sogs pa bzhin du de dag las tha mi dad pa'i phyir ro/ /'di nyid gsal bar byed pa ni/ /sems pa can la ma gtogs pa'i zhes bya ba la sogs pa smos so/ /tha dad pa yin na ni 'di'i 'di? zhes bya ba'i 'brel pa mi 'thad de/ 'brel pa'i rgyu mtshan phan 'dogs pa med pa'i phyir ro/ /'di zhes bya ba ni skye ba dang 'jig par 'gyur ba'o/ /sbyor ba ni gang zhig gang gi ngo bor rnam par 'jog pa'i rgyu mtshan med pa ni rtogs pa dang ldan pas de'i ngo bor rnam par 'jog pa ma yin te/ nam mkha' i lus can nyid bzhin no/ /skyes bu'i blta bar 'dod pa la sogs pa la yang za ba por 'jog pa'i rgyu mtshan med pa yin no/ /zhes bya ba ni rgyu mi dmigs pa'o/ /gtan tshigs 'di ma grub pa ma yin no/ /zhes bsgrubs zin to/ /byed pa por med pa'i phyir de'i za ba po 'di yang rigs pa ma yin no/ /zhes bstan pa'i phyir/ gal te dge dang mi dge'i las zhes bya ba la sogs pa smos te/ ma byas pa'i las kyi 'bras bu longs spyod pa ni 'ga' yang yod pa ma yin te/ ma byas pa dang phrad pa la sogs pa'i skyon du thal bar 'gyur ba'i phyir ro/ /'di la yang gzhan gyi lan gyi dogs pa bsu ba ni/ gal te 'dod dang rjes 'thun par zhes bya ba la sogs pa smos te/ skyes bu las rnams kyi byed pa po ma
- 241b
yin mod kyi 'on kyang rang bzhin 'di'i 'di ltar mngon par 'dod pa'i don gtod par byed pa de la 'di la longs spyod do zhes bya bas nyes pa med do/ /'on te rang bzhin sems pa can ma yin na/ gang gi 'di ji ltar mngon par 'dod pa'i las kyi 'bras bu skyes bu bsgrub? par byed la/ ji ltar dge ba la sogs pa'i las rnams kyi byed pa por 'gyur zhe na/ de dag zha bo long ba bzhin zhes bya ba la sogs pa smos pa yin te/ ji ltar long ba mig dang ldan pa'i skyes bu dang 'brel ba las don la 'jug par 'gyur ba de bzhin du chen po la sogs pa thim par 'gyur ba sems pa can gyi skyes bu dang phrad pa la sems pa can bzhin du chos la sogs pa'i 'bras bu la/ nges par byed pa yin no/ /zhes bya ba la skyon med do/ /de skad du yang/ skyes bu mthong ba'i don du dang/ /de bzhin gtso bo 'ba' zhig don/ /zha long bzhin du gnyi ga'i yang/ /'brel pa de yis 'khor ba byas/ /zhes bshad pa yin no/ /gal te de ltar zhes bya ba la sogs pas lan 'debs par byed do/ /gal te rang bzhin ni ma byas pa'i yang las kyis mngon par 'dod pa 'bras bu gtong bar byed par 'gyur na/ de'i thams cad du 'dod pa don du gnyer ba skyes bu'i mngon par 'dod pa'i don thams cad ci'i phyir 'grub par mi 'gyur/ 'di snyam du de'i rgyu chos med pa'i phyir/ 'grub par mi 'gyur ro snyam na/ ci'i phyir na/ rang bzhin ni zhes bya ba la sogs pa smos te/ rang bzhin gyi bu ni chos yin te/ de yang de las tha mi dad pa'i phyir rtag tu yod pa nyid yin pas mngon par 'dod pa'i 'bras bur 'gyur ro/ /'di ltar thams cad ni 'di kho na ste/ 'di lta ste rang bzhin dang skyes bu dag go /de dag kyang rtag tu nye bas des na 'bras bu nyid du 'gyur ro/ /gzhan yang gal te mngon par 'dod pa'i rang bzhin gyis ster bar byed pa de'i tshe ci'i phyir mi 'dod pa ster bar byed/ mi 'dod pa ni 'ga' yang don du gnyer ba ma yin no/ /
- 242a
gzhan yang rang bzhin gyis 'di la don gtong bar byed pa med kyi/ 'on kyang 'di za ba po nyid du rigs pa ma yin te/ 'gyur ba med pa'i phyir ro/ /zhes ston par byed pa ni/ don longs spyod dus rtag tu zhes bya ba la sogs pa ste/ gal te ba dang sdug bsngal la sogs pas sim pa dang/ yongs su gdu ba la sogs pa'i ngo bo'i 'gyur pa ster bar mi byed pa de'i tshe nam mkha' bzhin du 'di za ba po nyid du mi 'gyur ro/ /rang bzhin phan byed mi 'gyur ro/ /zhes sbyar te/ rang bzhin 'gyur ba med pa yin na phan par bya bar mi nus pa'i phyir ro/ /ci ste 'gyur ba nyid du khas len na/ de'i tshe rtag pa nyid nyams par thal bar 'gyur ro/ /'di ltar mi rtag pa nyid la de'i gnas skabs pa ma yin pa nyid du smra ba na/ de yang 'gyur ba na yod pas ji ltar 'di rtag pa nyid du 'gyur te/ rtag pa nyid ni de'i gnas skabs kyi ngo bo yin pa'i phyir ro/ /gal te yul gyi rnam can blo zhes bya ba la sogs pas gzhan gyi lugs kyis rnam pa gzhan du za ba po nyid du dogs pa bsu ste/ 'di rnam par 'gyur bar gyur na za ba po nyid du 'dod pa ni ma yin no/ /'o na ci zhe na/ blos nges par byas par don gyi gzugs brnyan 'char ba'i sgo nas shes pa'i phyir te/ 'di ltar blo'i me long la zhugs pa'i gzugs brnyan me long gnyis pa lta bu'i skyes bu la 'pho ba de nyid 'di'i za ba po yin gyi/ rnam par 'gyur bar gyur pa ni ma yin no/ /gzugs brnyan tsam 'pho ba na skyes bu'i rang gi ngo bo 'dor ba ni ma yin te/ me long bzhin du de'i gnas skabs yin pa'i phyir/ des na za ba po ma yin pa'i gnas skabs kyi las khyad par med pa zhes bya ba'i sbyor ba 'di la gtan tshigs ma nges pa yin no/ /brjod pa zhes bya ba la sogs pas lan 'debs par byed pa yin te/ blo'i
- 242b
me long la zhugs pa'i don gyi gzugs brnyan me long gnyis pa lta bu'i skyes pa bu la skye ba gang yin pa de yin no/ /zhes bya bar 'dod de/ de gal te skyes bu las tha dad pa de'i tshe de ma thag tu bshad pa'i skye ba dang 'jig pa dang ldan par thal bar 'gyur ba so na 'dug pa yin te/ skye ba dang ldan pa'i gzugs brnyan gyi ngo bo bzhin du de las tha mi dad pa'i phyir ro/ /ci ste tha dad pa zhes bya ba'i phyogs yin na/ de'i tshe za ba po nyid du mi 'gyur te/ za ba po ma yin pa'i gnas skabs la khyad par cung zad kyang med pa'i phyir/ skyes bu don gyi gzugs brnyan dang lhan cig 'brel pa las za ba po nyid du rigs pa yang ma yin te/ phan tshun phan par byed pa ma yin pa dag ni 'brel pa ma grub pa'i phyir ro/ /gzhan yang gal te gtso bos skyes bu'i blta 'dod pa la sogs pa shes na de'i tshe de de dang rjes su mthun par skyes bu don la 'jug par rigs na/ ji srid du bems po'i ngo bo yin pa'i phyir/ sems pa can dang/ 'brel ba yod na yang zha bo dang long ba bzhin du 'jug par mi rigs so/ /'di ltar long bas lam ma dmigs mod kyi 'on kyang 'di zha bo'i brjod par 'dod pa rigs pa nyid ma yin te/ de ni sems dang ldan pa yin pa'i phyir ro/ /de ltar gtso bo ni skyes bu'i blta bar 'dod pa la sogs pa rigs pa nyid ma yin te/ de ni sems dang ldan pa yin pa'i phyir ro/ /de ltar gtso bo ni skyes bu'i blta bar 'dod pa la sogs pa rigs pa ma yin te/ de ni sems pa med pa'i bdag nyid yin pa'i phyir ro/ /phan tshun du phan pa byed pa ma yin pa de dag ni zha bo dang long ba bzhin du 'brel pa yod pa yang ma yin no/ /ci ste gtso bo ni skyes bu'i blta bar 'dod pa la sogs pa rig pa yin no/ /zhes 'dod ba de blta na yang 'di za ba po nyid du thal bar 'gyur ro/ /byed pa nyid du shes pa gang yin pa de ji
- 243a
ltar za ba yang shes par mi 'gyur/ de lta bas na byed pa shes la za bar mi shes so/ /zhes bya ba 'di las mi rigs pa gzhan ci yod de/ cung zad kyang med do/ /zhes bya ba'i don to/ /byan po tshod ma la sogs pa'i byed pa po yin la/ de za bar ni mi shes pa ste/ za ba nyid du mi shes pa zhes bya ba la 'di la zhes bya ba'i sgra zhig kho nas dbyung ngo/ /gtso bo blo dang ldan pa'i phyir zhes bya ba la sogs pas gzhan gyi lan gyi dogs pa bsu ba yin no/ /'di zhes bya ba ni gtso bo'o/ /kun zhes bya ba ni blta bar 'dod pa dang rjes su mthun par 'jug pa'o/ /'di skad du/ bstan par 'gyur te/ gtso bo sems pa'i ngo bo ma yin pa de lta mod kyi 'on kyang nges pa'i mtshan nyid kyi blo dang ldan pa'i phyir/ skyes bu la gnas pa'i blta bar 'dod pa la sogs pa shes nas/ 'jug par 'gyur bas de'i phyir thams cad 'gal ba med yin no/ /de la lan smras pa ni/ blo lan nyid na zhes bya ba la sogs pa ste/ gal te gtso bo blo dang ldan par khas len par byed na/ de'i tshe 'di skyes bu bzhin du sems pa can nyid du thal bar 'gyur te/ blo la sogs pa rnams ni sems pa can gyi rnam grangs yin pa'i phyir ro/ /'di ltar gang zhig gi gsal ba'i bdag nyid kyis rang rig pa'i ngo bo gsal ba gzhan la mi bltos pa de ni sems pa can zhes bya ba'o/ /de la ni blo la yang yod pa'i phyir de sems pa'i ngo bor 'gyur ro/ /gang gis de las tha dad pa skyes bu 'grub par 'gyur ba/ kho bo cag gi blo las ma gtogs pa'i sems pa'i ngo bo gzhan dmigs pa yang ma yin no/ /'dir gzhan gyi blo sems gyi ngo bo las tha dad pa bsgrub pa'i phyir/ sgra dri ro la sogs pa bzhin zhes bya ba la sogs pa smos te/ sbyor ba ni gang dang gang skye ba dang 'jig pa la sogs pa'i chos dang ldan pa de ni sems pa med pa can yin te/ ro la sogs pa bzhin no/ /blo yang de bzhin/ /zhes bya ba ni rang
- 243b
bzhin gyi gtan tshigs so/ /rang rgyud sgrub par byed par 'dod na zhes bya ba la sogs pas lan 'debs pa yin te/ res 'ga' 'di rang rgyud kyis sgrub par byed dam/ thal bar 'gyur ba'i sgrub par byed pas yang grang/ de la gal te rang rgyud kyis ni de'i tshe gtan tshigs gang yang rung ba la ma grub pa yin te/ 'di ltar snga na med pa skye ba'i mtshan nyid kyi rnam pa ji lta bu'i skye ba dang ldan pa dang/ gtan nas 'jig pa'i bdag nyid kyi 'jig pa nyid sangs rgyas pa la grags pa'i rnam pa de lta bu ni khyed cag grangs can la ma yin te/ de dag ni khyed cag gis yongs su 'gyur ba dang/ mi gsal ba'i ngo bo nyid du khas len pa'i phyir/ /khyed cag gis ji lta ba de lta bu ni sangs rgyas pa la ma grub pas de'i gtan tshigs gang yang rung ba la ma grub pa yin no/ /sgra tsam grub pa na gtan tshigs grub pa yang ma yin te/ dngos po las dngos po 'grub pa'i phyir te/ dngos po kho na gtan tshigs yin pa'i phyir ro/ /ji skad du/ de nyid 'khrul la sogs pa yin na/ sgra ni 'khrul pa med na yang/ /sgrub byed skyon ldan shes bya ste/ /dngos las dngos po grub phyir ro/ /zhes bshad pa lta bu'o// ci ste thal ba la sgrub pa zhes bya ba'i phyogs yin na/ de'i tshe yang bsgrub par bya ba la bzlog pa gnod pa can gyi tshar mnye bar ma bstan pa'i phyir/ gtan tshigs ma nges pa yin no/ /gang sems pa can la skye ba dang ldan pa dang 'jig pa dag tu mi 'gyur ba zhes bya ba 'di la 'brel ba ci zhig yod/ gang yang 'di rtog pa/ ji ltar 'o ma shes pa med na yang/ be'u 'phel ba'i rgyu mtshan yin pa ltar/ /de ltar gtso bo skye bo yongs su rnam grol ba'i/ /rgyu mtshan nyid du 'jug par 'gyur ba yin/ zhes bya ba de yang rtog pa nyid ma yin no/ /'o ma ni rang dbang du be'u 'phel ba'i rgyu mtshan du 'jug pa ma yin no/ /'o na ci zhe na/ so sor nges pa 'am/ res 'ga' ba' i rang gi rgyu dang rkyen dag las skye ste/ de ba skyes pa na be'u bskyed pa'i rgyu mtshan du 'gyur ba yin pas shes pa med kyang 'jug pa yin pa yin no zhes bstan to/ /de ltar
- 244a
gtso bo 'jug pa ni mi rigs te/ 'di ltar rtag pa'i phyir dang/ de las gzhan pa'i rgyu med pa'i phyir/ re zhig res 'ga' ba' i rgyu nye ba la rag las pa de'i nus pa res 'ga' ba rigs pa ma yin la/ rang bzhin yang ma yin te/ rgyun chad ba med pa rtag tu nye ba nyid kyi mngon par mtho ba dang nges par legs pa'i mtshan nyid kyi skyes bu'i don thams cad cig car thal bar 'gyur ba'i phyir ro/ /ci ste yang blo dang sems pa can tha mi dad pa yin tu chugs mod/ de lta na yang 'di'i bdag ma bgag pa nyid do zhe na/ sems pa can la bdag gi sgrar zhes bya ba la sogs pa smos te/ kho bo cag gi sems pa can la bdag gis sgras 'dogs pa tsam ni ma bkag go /'o na ci zhe na/ de la rtag pa'i mtshan nyid du sgro btags pa'i chos gang yin pa de bkag go /ci'i phyir zhe na/ dbang po dang snang ba dang yid la byed pa la sogs pa 'bras bu dang bcas pa'i phyir ro/ /de lta ma yin te/ gal te sems pa can brtag pa brtan par gyur na/ de'i tshe dbang po la sogs pa 'bras bu med pa kho nar 'gyur te/ de dag ni de skyed pa'i don du yin pa'i phyir dang/ rtag pa yang skye ba mi srid pa'i phyir ro/ /'di nyid la dpe bshad pa gal te me ni rtag 'gyur na/ zhes bya ba la sogs pa ste/ gal te me rtag par gyur na/ de'i tshe skye bo me'i don du bud shing sogs pa nyid du mi 'gyur ro/ /de lta bas na sems pa can rtag pa dang gcig pu'i ngo bor rigs pa ma yin no/ /ji skad du 'dus pa'i ngo bo gang yin pa de ni gzhan gyi don du mthong ste/ zhes bya ba la sogs pa smras pa gang yin par 'dod ces bstan pa'i phyir/ mal cha stan gyi dpe dang ni zhes bya ba la sogs pa smos te/ bya ba'i khyad par du 'dod pa yin nam yang na bya ba'i khyad par ma yin pa'i ngo bo yin pa'i phyir mi 'gyur ba 'am/ rnam pa gcig tu na spyir gzhan gyi don tsam ma btags na nyams dga' ba bsgrub par bya ba yin zhes bya ba rnam par rtogs gsum mo/ /de la phyogs dang po yin na grub pa la sgrub ste/ 'di ltar
- 244b
mig la sogs pa de dag kho bo cag gi rnam par shes pa la phan 'dogs par 'dod de/ mig dang gzugs la brten nas mig gis rnam par shes pa skye ba nas/ lus dang sreg bya la brten nas lus kyi rnam par shes pa skye bar 'gyur ro/ /zhes bya ba'i bar du gsungs pa'i phyir ro/ /'on te phyogs gnyis pa yin na/ de'i gtan tshigs 'ga' ba yin no/ /zhes bya ba bstan pa'i phyir/ 'gyur ba med pa'i phan pa nyid ces bya ba la sogs pa smos te/ 'gyur ba med pa ste rtag pa'i phan pa'i nyid ni 'gyur ba med pa'i phan pa nyid do/ / de mig la sogs pas sgrub na dben bsgrub par bya ba las bzlog pa nyid kyis gtan tshigs la khyab pa'i phyir 'gal ba nyid do/ /'di ltar mal cha dang stan la sogs pa de dag ni g.yo ba nyid de/ mi rtag pa kho na phan pa rigs pa yin te/ 'gyur ba med pa la sogs 'byung bar mi nus pa nyid kyi phyir ro/ /ci ste spyir bya ba'i khyad par dang/ bya ba'i khyad par ma yin pa'i rnam par rtogs pa bsal nas gzhan gyi don tsam sgrub pa zhes bya ba'i phyogs gsum pa yin na/ de'i tshe yang grub pa la sgrub pa yin te/ mig la sogs pa rnams sems la phan 'dogs par 'dod pa'i phyir ro/ /ci ste ji ltar rigs pa can gyis khas blangs pa bzhin du sems kyang bsgrub bya'i chos can nyid du khas len par byed pa de lta yang khyed cag gi 'dod pa mi 'grub ste/ bdag sems las tha dad du mi 'dod pa'i phyir ro/ /rigs pa can gyis mngon par 'dod pa'i don yang ma grub ste/ phan tshun phan pa byed pa nyid kyis mig la sogs pa rnams gzhan la phan 'dogs pa nyid du 'dod pa'i phyir ro/ /gzhan nyid ni pha rol dang tshul rol bzhin du bltos pa can yin pa'i phyir ro/ /sems ni/ rgyu du mas byas pa'i phan pa 'dzin pa nyid kyis skye ba'i phyir dang/ 'dus pa nyid ni brtags pa yin pa'i phyir gtan tshigs kyang ma grub pa yin no/ /de kho na nyid bsdus pa'i dka' 'grel las/ ser skya bas kun tu brtags pa'i bdag brtag pa ste dgu pa'o// //nam mkha'
- 245a
gos can gyis kun tu brtags pa'i bdag dgag pa'i don du/ rgyal dpog pa bzhin rgyal zhes bya ba la sogs pa smos te/ rgyal ba pa zhes bya ba ni nam mkha' i gos can dag go /de dag ni 'di skad du bdag ni sems kyi mtshan nyid kho na yin te/ de yang rdzas kyi ngo bos gnas skabs tha dad la gnas skabs can tha mi dad pa'i phyir rjes su 'gro ba'i bdag nyid yin la/ rnam grangs kyi ngo bos ni gnas skabs re re la tha dad pa'i phyir log pa'i bdag nyid yin par smra'o/ /bdag gi tshul gnyis po 'di yang mngon sum nyid kyis grub pa'i phyir tshad ma gzhan gyis bsgrub par mi bya'o/ /'di ltar bde ba la sogs pa'i gnas skabs tha dad kyang gnas skabs pa'i bdag nyid gang yin pa'i sems pa can gnas skabs thams cad la dmigs pa de ni rdzas yin no/ /rnam grangs ni rim gyis 'byung ba'i bde ba la sogs pa'i gnas skabs tha dad pa rnams so/ /de dag kyang mngon sum gyis grub po/ /zhes bya ba ni gzhan gyis bsam pa'o/ /de la yang zhes bya ba la sogs pas lan 'debs par byed de/ 'di la phyogs gnyis te/ sems pa can gyi bdag nyid gang yin pa'i rdzas te/ rnam grangs dag dang 'brel pa na res 'ga' 'gyur ba med pa ste/ sngar yod pa ma dor ba'i sems pa can la sogs pa rang gi ngo bo dang 'brel pa yin nam/ sngar gyi ngo bo dor ba dang 'brel pa yin /de la gal te phyogs phyi ma yin na de'i tshe rtag pa nyid nyams par thal par 'gyur te/ gnas skabs can 'ga' yang med pa'i phyir ro/ /ci ste mi 'gyur ba'i ngo bo zhes bya ba'i phyogs dang po yin na/ de'i tshes ma dang phyi ma'i gnas skabs dag de la khyad par te/ gzhan nyid du yod pa ma yin pa'i phyir/ sems pa des yongs su 'gyur par mi 'gyur zhes mi 'thob ste/ yongs su 'gyur ba ni gzhan du 'gyur ba'i mtshan nyid
- 245b
can yin pa'i phyir/ yongs su 'gyur bar 'dod pa yin no/ /sbyor ba ni gang zhig snga ma dang phyi ma'i gnas skabs su khyad par med pa de ni yongs su 'gyur par mi 'gyur te/ nam mkha' bzhin no/ /sems pa can yang gnas skabs thams cad khyad par med do// zhes ba ni khyab par byed pa mi dmigs pa'o/ /yul dang dus dang rang bzhin dag ces bya ba la sogs pas gzhan gyi lugs kyi gtan tshigs ma grub pa'i dogs pa bsu ba yin te/ 'di ltar gal te gcig tu rnam grangs dag las rdzas tha dad pa yin na/ de'i khyad pa rmed par 'gyur na ji srid du yul dang dus dang rang bzhin tha mi dad pa'i phyir/ /rdzas dang rnam grangs dag gcig tu 'dod la/ grangs la sogs pa'i bye brag ni tha dad de/ de la grangs ni gcig dang mang po nyid la sogs pa'o/ /'di ltar rdzas ni grangs gcig dang ldan pa/ bde ba la sogs pa rnam grangs ni grangs du ma'i khyad par can yin no/ /mtshan nyid kyang tha dad pa yin te/ 'di ltar rdzas kyi mtshan nyid ni rjes su 'jug pa yin la/ rnam grangs kyi mtshan nyid ni ldog pa yin no/ /ming ni ming du btags pa'o/ /don ni 'bras bu'o/ /de skad du yang yul dang dus dang rang gi tha mi dad pa'i phyir gos dang chos can tha mi dad pa yin no/ /grangs dang ming mtshan nyid dang 'bras bu tha dad pa'i phyir ni tha dad de/ 'di lta ste dper na/ gzugs la sogs pa rnams bum pa lta bu'o/ /zhes bshad do/ 'di ltar bum pa las gzugs la sogs pa de dag yul la sogs pa dag gi tha mi dang de/ bum pa'i yul dang rang bzhin pa gang yin de nyid gzugs la sogs pa rnams kyi yin no/ /grangs la sogs pa dag gis ni bum pa las de dag tha dad pa yin te/ 'di ltar bum pa ni gcig yin la/ gzugs la sogs pa ni mang po yin no/ /zhes bya ba ni grangs tha dad pa'o/ /bum pa la sogs pa'i rdzas ni rjes su 'jug pa'i mtshan nyid yin no/ /gzugs la sogs pa'i rnam grangs ni ldog pa'i mtshan nyid yin no/ /zhes bya ba ni mtshan nyid tha dad pa'o//
- 246a
bum pas chu len pa'i bya ba byed la/ gzugs la sogs pa ni gos dmar po la sogs pa/ zhes bya ba ni 'bras bu tha dad pa'o/ /de bzhin du sems pa can gyi bdag gi rdzas dang/ bde ba dang/ sdug bsngal la sogs pa rnam grangs dag la yang sbyar bar bya'o/ /'bras bu tha dad pa ni 'di ltar rtogs par bya ste/ sems pa can gyis ni don nyams su sbyor bar byed la bde ba la sogs pa ni phan pa dang gnod pa yin no/ /zhes brjod do/ /de ston pa ni/ gzugs sogs bum pa zhes bya ba zhes bya ba la sogs pa ste/ grangs dang ming ni tha dad nyid ces bya ba ni/ rdzas dang rnam grangs dag ces 'chad par 'gyur ba dang 'brel zhing/ 'bras bu rjes 'jug ldog pa dag/ mtshan nyid don gyi tha dad nyid/ /ces bya ba ni rigs su sbyar bar bya ste/ 'bras bu tha dad pa ste don gyi tha dad pa nyid dang/ rjes su 'jug pa dang ldog pa dag ni mtshan nyid tha dad pa'o/ /zhes sbyar bar bya'o/ /rdzas dang rnam grangs dag ces bya ba 'dir bcad do/ /de ltar zhes bya ba la sogs pas gtan tshigs ma grub pa mjug sdud par byed do/ /de ltar byas na rdzas ni gcig tu khyad par med pa ma yin gyi/ 'on kyang rnam grangs kyi ngo bo tha dad pas khyad par 'gyur ba yin te/ des na rnam grangs dag las rdzas gcig tu tha mi dad pa'i phyir ro/ /zhes bya ba ni gtan tshigs ma grub pa yin no/ /rang bzhin dbyer med ces bya ba la sogs pas lan 'debs par byed de/ /gal te rdzas dang rnam grangs dag tha mi dad par khas len par byed na/ de'i tshe bdag nyid thams cad kyis tha mi dad pa yin du chug mod/ de las bzlog pa tha dad pa ji ltar 'gyur/ gcig la gang ti tshe bsgrub pa dang dgag pa phan tshun 'gal bar rigs pa ma yin te/ 'di ltar gcig ces bya ba 'dis tha dad pa bkag pa med na mi 'byung ba'i rang bzhin tha dad pa brjod do/ /rang bzhin
- 246b
tha mi dad pa de yin na de nyid kyi tshe ji ltar de bkag pa'i bdag nyid kyi tha dad par 'gyur/ sbyor ba ni gang la tha dad pa med pa de la/ de las bzlog pa'i tha dad pa'i go skabs snyed pa ma yin te/ dper na rnam grangs de dag nyid dang/ so sor nges pa'i thun mongs ma yin pa'i bdag nyid kyi ngo bo'i rdzas gang yin pa de'i rang bzhin las tha mi dad pa yin no/ /rdzas dang rnam grangs dag gi rnam par bzhag pa yang tha mi dad pa yin no/ /zhes bya ba ni khyab par byed pa 'gal pa dmigs pa'o/ /de lta yin dang don dam par rdzas dang rnam grangs dag tha mi dad na mtshan nyid tha dad par yang mi 'gyur ro/ /zhes ston pa ni/ de ltar rdzas dang rnam grangs dag ces bya ba la sogs pa la/ gang ldog pa'i ngo bo dang tha dad pa'i rang bzhin de ni ldog pa dang ldan pa yin te/ rnam grangs dag gi rang bzhin gzhan no/ /rdzas kyang ldog pa dang ldan pa'i ngo bo las tha dad pa yin no/ /zhes bya ba ni rang bzhin gyi gtan tshigs so/ /yang na gang zhig rjes su 'jug pa'i bdag nyid kyi ngo bo dang tha mi dad pa de ni rjes su 'jug pa'i bdag nyid yin te/ rdzas kyi ngo bo bzhin no/ /bde ba la sogs pa rnam grangs rnams kyang rjes su mthun pa'i bdag nyid kyi ngo bo dang tha mi dad pa'i rang bzhin no/ /zhes bya ba ni rang bzhin gyi gtan tshigs kho na'o/ /de lta ma yin na grub pa dang bde ba tha dad pa'i phyir tha dad pa kho nar mi 'gyur ro/ /'gal ba'i chos dang ldan pa yang gcig yin na tha mi dad pa'i tha snyad chad pa kho nar 'gyur ro/ /zhes bya ba ni bzlog pa la gnod pa can gyi tshad ma'o/ /de'i phyir zhes bya ba la sogs pas mjug sdud par byed de/ bdag la sogs pa kho nar zhes bya ba la sogs pa'i sgras bum pa dang 'brul sogs pa gzung ngo/ /skye ba dang 'jig pa zhes bya ba la sogs pas thal bar bsgrub pa'i gnyis pa'i 'bras bu 'chad de/ rdzas de yang rnam grangs kyi ngos? skye ba dang 'jig pa dang ldan pa'i phyir ro/ /de'i phyir thal bar sgrub ba bsgrub bya ma tshang par 'gyur
- 247a
du dogs pas nges pa'i bdag nyid bzhin zhes bshad de/ 'di ni nges pa yang yin la rdzas la sogs pa'i ngo bo bdag ste rang bzhin yang yin no zhes khyad par bsdu ba'o/ /de'i phyir rjes 'gro med 'jig pa zhes bya ba la sogs pas mjug sdud par byed do/ rnam grangs las tha mi dad pa'i rang bzhin nyid kyi phyir rdzas kyi ngo bo'i rjes su 'gro ba'i bdag nyid ma grub pa 'ba' zhig tu ma zad kyi 'di las kyang ste rnam grangs las tha dad pa dmigs pa'i mtshan nyid du gyur pa las mi dmigs pa'i phyir 'di ni med pa'i tha snyad kyi yul nyid yin no/ zhes bstan pa'i phyir/ rnam grangs rjes 'gro'i bdag nyid kyi zhes bya ba la sogs pa smos te/ des na rjes su 'jug pa'i rdzas kyi bdag nyid mngon sum nyid kyis grub po/ /zhes gang smras pa de ma grub ste/ mngon sum du 'dod pa'i shes pa 'ga' zhig la rnams las tha dad pa'i lus so sor snang ba rjes su 'jug pa ro gcig pa'i rdzas kyi bdag ni snang bar mi mngon no/ /gal te de lta na yin na gang gi tshe rnam grangs las tha dad pa'i rdzas kyi bdag nyid yod pa ma yin pa de'i tshe grangs la sogs pa'i tha dad pa ji ltar grub ce na/ rnam pa sna tshogs don byed rung zhes bya ba la sogs pa smos te/ gzugs la sogs pa rnam grangs rnams ni thun mong dang thun mong ma yin pa tha dad pa'i phyir rnam pa sna tshogs pa du ma'i rnam pa'i don byed pa yin no/ /de la thun mong pa ni chu 'dzin pa la sogs pa'i mtshan nyid do/ /thun mong ma yin pa'i gos kha bsgyur ba dang ma'i la sogs pa'i shes pa skyed pa'i mtshan nyid do/ /der rung ba ni nus pa'o/ /zhes tshig rnam pa sbyar ro/ /de la thams cad cig car thun mong pa'i 'bras bu la nye bar sbyor ba'i phyir thams cad sgyu? nyid du shes par bya'i don du tha mi dad pa'i rdzas kyi ngo bo med na yang tha dad pa de dag nyid du bum pa zhes bya ba la sogs pa'i sgras/ grangs gcig gi khyad par brjod do/ /thun med ma yin pa'i
- 247b
'bras bu nye bar sbyor ba nyid brjod par 'dod pa la ni/ grangs sna tshogs pa ni/ de dag de dag la grangs tha dad pa dang 'bras bu ta dad pa yang gzhag par bya'o/ /'o na ji ltar mtshan nyid tha dad pa yin zhe na/ mtshungs sogs shes bya'i rgyur gyur ba zhes bya ba smos te/ rjen? pa dang smin pa la sogs pa'i gnas skabs dag tu skad cig re rer 'jig na yang dbyibs kyi khyad par 'dra ba nyid du skye ba na rtog pa med pas nyams su myong ba'i yul nyams su myong nas gnas skabs thams cad du bum pa bum pa zhes bya ba la sogs pa'i 'dra pa'i shes pa'i rgyur gyur ba yin no/ /ljang gu dang dmar po la sogs pa'i kha dog mi mthun par skye ba na mi 'dra ba'i shes pa'i rgyu yin pa de lta na ngo bo gcig rjes su 'gro bab med na yang mtshungs pa dang/ mi mtshungs pa'i rgyur 'gyur ro/ /rjes su 'jug pa dang ldog pa'i tshul du rnam par gzhag go /zhes bya ba'i mtshan nyid tha dad par rnam par bzhag pa'o/ /mtshungs so zhes bya ba la sogs pas mi 'dra ba'i shes pa gzung ngo/ /'o na ji ltar ming tha dad ces na/ rnam pa de lta'i zhes bya ba la sogs pa smos te/ rnam pa de lta'i ste/ rnam pa sna tshogs pa'i don byed par rung ba 'dra ba la sogs pa'i yul gyi dngos po bum pa zhes bya ba dang/ gzugs pa zhes bya ba'i brda gang la yod pa de la de skad ces bya'o/ /rnam pa de lta bu'i don gang la sgra dang shes pa yod pa de dag ces bya'o/ /rnam pa de lta bu'i don gang la sgra dang shes pa yod pa de skad ces bya ste/ de dag gi spyod yul zhes tshig rnam par sbyar ro/ /des na dngos po rnams kyi bdag med pa mngon sum nyid kyis grub po zhes 'jug sdud pa'i sgro nas ston pa ni/ skye dang 'jig pa bya ba la sogs pa'o/ /rnam grangs dag ces bya ba ni/ gzugs la sogs pa dang rang rig pa'i rang bzhin gyi sdug bsngal la sogs pa'o/ /'ba' zhig ces bya ba ni/ tha mi dad pa'i rdzas gcig gi ngo bo dang bral ba ste/ rtag pa ni rim dang cig car dag gi don byed par 'gal ba'i phyir ro 'di dag skye ba dang mi skye ba'i ches can nyid yin
- 248a
don bya ba byed pa nyid rigs pa yin te/ de'i phyir 'di dag bya ba byed pa'i mtshan nyid kyi yod pa'i rtags las bdag med par rjes su dpag pa las kyang grub bo/ /gang yang rdzas ni dmigs pa'i ngo bo nyid snang ba med de zhes bya ba la sogs pa smras pa de la/ 'on te zhes bya ba la sogs pas gzhan gyi lan gyi dogs pa bsu ba yin te/ 'dres pa ni gcig gi ngo bor gyur pa'o/ /de'i phyir rdzas kyi ngo bo yod du zin kyang rnam par phye na mi snang ngo snyam du bsams pa'o/ /'dres pa nyid la rgyu bshad pa ni de'i phyir tshul gnyis cha med pa zhes bya ba la sogs pa ste/ de'i phyir de bdag la sogs pa'i dngos pos gang gi phyir tshul gnyis la yin na yang mi'i seng+ge bzhin du cha med par 'dod de/ de lta bas na cha med pa'i phyir de ni 'dres pa ste/ gnyi ga'i ngo bo yin pa'i phyir logs shig tu mi dmigs so/ /de 'di ni khyed phan tshun 'gal ba brjod pa yin no zhes bstan pa'i phyir/ 'on te tshul gnyis zhes pa la sogs pa smos te/ gal te cha med pa yin na de'i tshul gnyis zhes bya ba 'di 'gal ba yin te/ tha snyad 'di ni don sna tshogs pa'i rgyu mtshan min pa'i phyir ro/ /ci'i phyir zhe na/ tshul gyi sgras rang bzhin brjod par byed pa'i phyir/ 'di ltar tshul gnyis de/ rang bzhin gnyis la yod pa'i ni tshul gnyis kyi ngo bo zhes bya'o/ /rang bzhin gcig la gnyis rigs pa yang ma yin te/ gcig nyid nyams par thal bar 'gyur ba'i phyir ro/ /khyed kyi rang bzhin gnyis bstan pa kho nar zad kyi/ dngos po gcig la tshul gnyis/ yod pa yang ma yin te/ gcig dang du ma nyid dag ni/ phan tshun spangs te gnas pa'i mtshan nyid yin pa'i phyir/ gang yang mi'i seng+ge de yang gcig pur te tshul gnyis su mi 'grub po zhes ston pa ni/ mi'i seng+ge yang zhes bya ba la sogs pa smos te/ yang gi sgras ni rtsod pa'i rgyu gzhir gyur pa mi 'thad pa 'ba' zhig tu ma zad ces bya ba'o/ /de ni zhes bya ba ni mi'i seng+ge'o/ /de ltar
- 248b
zhes bya ba ni yan lag sna tshogs kyis ches rgya che ba'i yul gnon pa'i dor ro/ /gzhan du na de ltar snang bar mi 'gyur te/ sbrang bu'i rkang rjes tsam gyi bsgribs par thal bar 'gyur pa'i phyir ro/ /'dis ni nor bu gzi'i kha dog sna tshogs pa yang bsal pa yin no/ /'di yang rgyas par yan lag can dgag par ston par 'gyur ro snyam du bsams pa yin no/ /de kho na nyid bsdus pa'i dka' 'grel las/ nam mkha' i chos can gyis kun tu brtags pa'i bdag brtag pa ste bcu pa'o// //gzhan gnyis med par lta ba la dmigs pa'i gsang ba pa rnams ni sa la sogs pa yongs su gyur pa'i ngo bo shes pa rtag pa dang gcig pu'i rang bzhin du rtog par byed de/ de'i phyir de dag gi gzhung bstan pa'i phyir/ sa dang zhes bya ba la sogs pa smos te/ de'i bdag nyid ces bya ba ni sa la sogs pa yongs su gyur pa'i ngo bo rtag pa dang/ gcig pu'i shes pa'i bdag nyid ces bya ba'i don to/ /gzhan dag ces bya ba ni gsang ba par smra? ba dag go /'di'i tshad ma gang yin zhe na/ gzung ba'i mtshan nyid ces bya ba la sogs pa smos te/ gang gis de dag snang bar 'gyur ba la sogs pa/ shes pa las ma gtogs pa'i gzung ba'i mtshan nyid du gyur pa yod pa ma yin te/ yan lag can dang rdul phra rab rnams med pa'i phyir/ de lta bas na shugs kyis sa la sogs pa 'di dag ni rnam par shes pa la snang ba'i ngo bo kho na yin no/ /zhes nges par byed de/ 'di dag ces bya ba ni sa la sogs pa'o/ /de dag ces bya ba la sogs pas lan 'debs par byed de/ nyes pa chung ldan zhes bya ba ni/ shas pa tsam rigs pa dang ldan pa khas len pa'i phyir ro/ /gal te de lta na ci'i phyir de la nyes pa chung ngu yang brjod ce na/ rtag pa nyid brjod phyir zhes bya ba smos so/ /yang ci'i phyir rtag pa nyid du khas blangs pa mi rigs pa yin zhe na/ gzugs sgra la sogs zhes bya ba la sogs pa smos te/ rtag pa zhes bya ba ni de'i gnas skabs la brjod la/ de'i gnas skabs ma yin pa ni mi rtag pa nyid do/ /rnam par des
- 249a
pa'i gcig thams cad nyid du gzugs dang sgra la sogs pa snang par nyams su myong ba yang ma yin gyi 'on kyang rim gyis rag 'ga' gzugs snang la/ /yang gzhan gyis tshe la sogs pa snang ngo/ /de'i phyir gal te sgra la sogs pa 'di dag rtag pa dang gcig pu'i shes pa la snang ba'i bdag nyid du gyur na/ de'i tshe gos khra bo snang ba bzhin du cig car snang bar 'gyur te/ de snang ba'i bdag nyid kyi shes pa ni rtag tu gnas pa'i phyir ro/ /ci yang rim gyis sgra la sogs pa snang ba'i shes pa skye ba ni gnas skabs gzhan nyid yin te/ des na cig car sgra la sogs pa rig par mi 'gyur ro bsnyam na/ dag na gnas skabs gzhan yang med ces bya ba smos te/ gnas skabs dag ni gnas skabs can las gzhan ma yin pa'i phyir/ gnas skabs bzhin du gnas skabs can yang skye ba dang 'jig par 'gyur ba 'am/ gnas skabs can bzhin du gnas skabs rnams kyang rtag pa nyid du thal par 'gyur ro/ /gnas skabs rnams tha dad pa yin na yang 'di'i 'di zhes bya ba'i 'brel pa mi 'grub ste/ phan 'dogs pa med pa'i phyir dang rtag pa dang gcig pu'i shes pa tsam khas len pa 'gal ba'i phyir ro/ /gzhan yang shes pa'i bdag nyid rtag pa mngon sum gyis grub pa 'am/ rjes su dpag pas grub par 'gyur grang re zhig mngon sum gyis ni ma yin no zhes ston pa ni/ gzugs la sogs pa rig las zhes bya ba la sogs pa'o/ /gang gis mngon sum gyis sgrub par 'gyur pa rims kyi snang ba'i gzugs la sogs pa rig pa las ma rtogs pa'i rtag pa dang gcig pu'i ngo bo'i gnas skabs pa'i shes pa nyams su myong ba ni med de/ gzugs la sogs pa rig pa de yang rim gyis nyams su myong bas skad cig re rer 'jig par grub na tha mi dad pa gzhan ci zhig yod ces brjod par bya'o/ /de lta bas na rnam pa de lta bu'i shes pa'i bdag nyid dmigs pa'i mtshan
- 249b
nyid kyir 'gyur pa mi dmigs pa'i phyir med pa'i tha snyad kyi yul yin no snyam du bsams pa'o/ /rjes su dpag pas kyang mi 'grub po snyam ste/ 'di ltar rjes su dpag pa yin na/ rang bzhin gyi rtags sam/ 'bras bu'i rtags yin grang/ re zhig rang bzhin ni ma yin te/ de lta bur gyur pa'i chos can 'ga' yang ma grub pas de'i rang bzhin ma grub pa'i phyir ro/ /chos can shes pa tsam grub na yang/ de la rtag pa nyid kyi bsgrub bya'i chos kyis 'ga' la yang khyab pa ma grub pa'i phyir ro// 'bras bu'i rtags kyang ma yin te/ rtag pa ni rim dang cig car dag gis don byed par mi 'thad pa'i phyir dang/ de'i 'bras bu 'ga' yang med pa'i phyir dang/ de las tha dad pa'i 'bras bu gzhan khas ma blangs pa'i phyir ro/ /des na de lta yin na de lta bur gyur pa'i shes pa'i bdag nyid la sgrub par byed pa'i tshad ma 'ga' yang yod pa ma yin la/ gnod par byed pa ni mngon sum la sogs pa yod pas shes pa rtag pa'i rnam par 'gyur ba yin dang mi rigs so/ /gzhan yang phyogs 'di la bcings pa dang thar pa'i rnam par bzhag pa yang 'gyur ro/ /zhes ston pa ni/ phyin ci log dang zhes bya ba la sogs pa'o/ /gang gi skad cig re re 'jig cing skyes bu'i so so'i shes pa du ma rgyud tha dad pa 'jug pa yin no/ /zhes bya ba de'i phyogs la phyin ci log (dang phyin ci ma log) pa'i shes pa'i rgyun skye ba'i dbang gi bcings pa dang thar pa'i rnam par rig pa dang ldan pa ma yin te/ rnal 'byor goms pa'i rims kyi kyang yongs su dag pa'i shes pa gong nas gong du skye ba'i phyir yongs su ma dag pa'i shes pa'i rgyun log pa las byed grol thob par 'gyur pa'i phyir thar pa thob par bya ba'i don gyi phyir 'bras bu dang bcas pa yin no/ /gang yang khyed cag gis bdag rtag pa dang gcig pu'i shes pa'i rang bzhin zhes bya ba'i phyogs de la ni ji ltar shes pa gcig gi
- 250a
bdag nyid kyi bskyes bu la bcings pa dang thar par 'gyur/ 'di ltar gal te shes pa rtag tu phyin ci log gi rang bzhin min na/ de'i tshe gnas skabs gzhan logs shig pa med pa'i phyir thar pa rnam par bzhag par mi 'gyur ro// ci ste yang phyin ci ma log pa yin pa de'i tshe rtag tu yongs su dag pa'i rang bzhin yin pa'i phyir/ bcings par mi 'gyur/ /kho bo cag la ni rgyun tha dad pas kun nas nyon mongs pa can dang/ ngag pa rnams rnam par rig par 'dod de/ de'i phyir bcings pa dang thar pa'i rnam par bzhag pa'i rigs pa yin no/ /ji skad du/ kun nas nyon mongs rnam par dag /de ni drir bcas dri ma med/ /gal te nyon mongs de ma gyur/ /lus cad thams cad grol bar 'gyur/ /gal te rnam dag de ma gyur/ /'bad pa 'bras bu med par 'gyur/ /zhes gsungs pa lta bu'o/ /ci ste yang bcings pa dang thar pa ni btags pa kho na yin mod/ don dam pa ni ma yin no snyam na/ de la btags pa yang rgyu mtshan brjod par dgos so/ /shes pa mi rtag pa'i phyogs la ni rgyu mtshan bstan zin to// //de lta yin dang khyed cag byang grol thob par bya ba'i phyir dang 'khor ba las 'da' bar bya ba'i phyir de kho na nyid bsgom pa'i 'bad pa gang yin pa de ni 'bras bu ngal ba 'ba' zhig tu zad do/ /zhes bya ba ston pa ni/ rnal 'byor goms pa'i zhes bya ba la sogs pa ste/ gal te rnal 'byor pa de kho na nyid bsgoms pas cung zad cig zlog pa 'am 'jug par byed pa de'i tshe 'di 'bad pa 'bras bu dang bcas par 'gyur na/ 'di ltar re zhig 'di phyin ci log par mi byed de/ gang gi phyir phyin ci log 'di de'i bdag nyid yin te/ shes pa rtag pa'i bdag nyid yin pas de'i phyir spangs par mi nus te/ rtag pa ni mi 'jig pa nyid kyis 'dor ba mi srid pa'i phyir ro/ /de kho na nyid kyi shes pa bsgoms pas sgrub par byed pa yang ma yin
- 250b
(de'i bdag nyid yin pa'i phyir te/) shes pa rtag pa'i bdag nyid yin pas de kho na nyid kyi shes pa thams cad kyi tshe gnas pa'i phyir ro/ /de lta bas na 'di ni rigs pa ma yin no/ /de kho na nyid sdud pa'i bka' 'grel las/ gsang ba pa'i bdag brtag pa ste bcu gcig pa'o// // gnas ma'i bu pas kun tu brtags pa'i gang zag dgag pa'i phyir/ la la zhes bya ba la sogs pa smos te/ la la zhes bya ba ni gnas ma'i bu pa dag go /de dag ni bdag nyid bde bar gshegs pa'i sras su rlom na yang bdag gang zag kyi thabs kyis phung po dag las de nyid dang gzhan du brjod du med pa rtog par byed do/ /de dag bcom ldan 'das bdag med pa gsung ba'i bde bar gshegs pa'i sras nyid du khas len pa de dag ji ltar de kho na nyid ma yin pa'i bdag tu lta ba la mngon par zhen par 'gyur zhes bstan pa'i phyir/ bzhad gang du byed pa'i tshig gis ston par byed pa ni/ bde bar gshegs pa par rlom yang zhes bya ba smos so/ /'di ltar dge ba dang mi dge ba'i las tha dad pa rnams kyi byed pa po dang/ rang gis byas pa'i las kyi 'bras bu 'dod pa dang/ mi 'dod pa'i za ba po dang/ gang yang phung po snga ma yongs su dor nas phung po gzhan len pas/ 'khor ba pa dang grol ba gang yin pa de bdag yin no/ /zhes pa 'di ni bdag gi mtshan nyid do 'di thams cad kyang gang zag la 'dod pa'i phyir/ ming la rtsod pa 'ba' zhig tu zad do/ /ci ste yang gang zag pa brjod du med pa nyid la rigs pa gang yin zhe na/ mu stegs zhes bya ba la sogs pa smos te/ gal te gang zag phung po dag las tha dad pa yin na de ni mu stegs byed kyis kun tu brtags pa'i bdag tu lta bar 'gyur ro// de lta yin dang bdag rtag par thal bar 'gyur ro/ /bdag rtag pa ni byed pa po dang za ba po la sogs par mi rigs te/ de ni nam mkha' bzhin du thams cad du khyad par med pa'i phyir ro/ /bcom ldan 'das kyis kyang bdag rtag pa'i mdza' bkag pa dang/ chos thams cad
- 251a
bdag med pa'o/ /zhes gsungs pa dang 'gal lo/ /'o na gzhan ma yin pa yin la rag mod ce na/ du ma sogs 'gyur zhes bya ba la sogs pa smos te/ gal te gang zag gzugs la sogs pa'i phung po nyid yin par gyur na/ de'i phung po mang po dag las gzhan ma yin pa'i phyir de'i rang gi ngo bo bzhin du gang zag du ma nyid du 'gyur na gcig tu yang 'dod de/ ji skad du 'jig rten skye ba na gang zag gcig skye ste/ 'di lta ste dper na/ de bzhin gshegs pa bzhin no zhes bshad pa lta bu'o// sogs pa'i sgras ni mi rtag pa nyid la sogs pa bzung ngo/ /de lta yin dang gang zag kyang phung po bzhin du chad par 'gyur ro/ /de lta bas na byas pa chung zos par thal bar 'gyur ro/ /bcom ldan 'das kyis kyang chad pa smra ba dgag pa mdzad pas de'i phyir brjod du med pa'i gang zag yod do/ /zhes bya bar grub po/ /de dag la brjod ces bya ba la sogs pas khyed cag gis brjod du med pa'i phyir/ zhes bya ba'i rang gi tshig nyid kyis/ gang zag dngos por yod pa ma yin par zhes bstan pa yin no/ /zhes ston par byed pa yin no/ /spyod pa ni gang zhig dngos po las de nyid dang/ gzhan dag tu brjod par bya ba ma yin pa de ni dngos po ma yin te/ nam mkha' i pad+ma bzhin no/ /gang zag kyang brjod par bya ba ma yin no/ /zhes bya bar khyab par byed pa mi dmigs pa'o// chos mi mthun pa ni tshor ba la sogs pa'o/ /yang ji ltar 'di la khyab pa grub ce na/ dngos po gzhan zhes bya ba la sogs pa smos te/ dngos po ni dngos po las de nyid dang gzhan nyid las mi 'da' ste/ go skabs med pa'i phyir ro// de lta ma yin pa'i phyir ro/ /de lta ma yin na gzugs la sogs pa rnams kyang phan tshun brjod du med pa nyid du 'gyur ro/ /de lta bas na dngos po med pa rang bzhin med pa la brjod du med par btags kyi dngos po la ni ma yin no/ /ji ltar zhe na/ tha dad tha dad
- 251b
med rnam rtog ces bya ba la sogs pa smos te/ dngos po nyid la tha dad dang tha mi dad pa'i rnam par rtog pa rten gyi/ dngos po med pa la ni ma yin no/ /des na de nyid dang gzhan nyid la sogs par brjod du med pa ni dngos med nyid la ste/ rang bzhin dang bral ba nyid la rigs kyi dngos po la ni de nyid dang gzhan nyid la sogs par bstan du med par rigs pa ma yin no/ /zhes sprel te de la tha dad pa dang tha mi dad pa dag las go skabs gzhan med pa'i phyir ro/ /yang ji ltar go skabs gzhan med ce na/ gang 'di zhes bya ba la sogs pa smos te/ 'di ltar gang zag gzugs la sogs pa'i rang bzhin ma yin no/ /zhes bya ba gang yin pa 'di ni de la med ces dgag pa de ni gzugs la sogs pa de dag las gzhan nyid du brjod pa yin te/ dngos po la dngos po gzhan dgag pa ni rang bzhin gzhan sgrub pa med na mi 'byung ba yin no/ /sbyor ba ni dngos po gang zhig gang gi rang bzhin dang bral ba de la gzhan yin te tshor ba la gzugs bzhin no/ /gang zag du brjod pa'i dngos po yang gzugs la sogs pa rang bzhin dang bral pa yin no/ /zhes bya ba ni rang bzhin gyi gtan tshigs so/ /gang yang dngos 'di de nyid min pa bkag pa ni de'i ngo bo ma yin pa bkag pa yin te/ de ni de nyid dang tha mi dad pa kho na brjod pa yin te/ dngos po yod pa la don gzhan bkag pa ni de nyid sgrub pa med par mi 'byung ba'i phyir ro/ /de lta ma yin na gal te de ni rang bzhin 'ga' yang brjod pa ma yin pa/ de'i tshe rang bzhin thams cad bkag pa'i phyir dngos po med pa kho nar 'gyur ro/ /dngos po med pa nyid kyi mtshan nyid ni rang bzhin thams cad bkag pa yin pa'i phyir ro/ /sbyor ba ni dngos po gang zhig gang las/ don gzhan nyid bkag pa'i bdag nyid kyi de nyid yin pa de ni de kho na yin te/ dper na gzugs rang gi rang bzhin las don gzhan gyi bkag pa'i bdag nyid yin pa bzhin no/ /gang zag kyang gzugs
- 252a
la sogs pa las don gzhan nyid bkag pa'i bdag nyid kyi de nyid yin no/ /zhes bya ba ni rang bzhin gyi gtan tshigs so/ /dngos po ni dngos po de las de nyid dang gzhan nyid las mi 'da' ba' i phyir rtsa ba'i gtan tshigs kyi khyab pa grub po de ltar re zhig brjod du med pa nyid khas blangs pa na gang zag rtags su yod par 'gyur ro/ /zhes bstan to/ /de ni gang zag dngos po nyid du khas len na yang brjod du med par rigs pa ma yin te/ de lta ma yin na dam bca' ba rang gi tshig dang 'gal bar 'gyur ro/ /snyam du bsams nas mjug sdud par byed pa ni/ gang zag phung po las gzhan min zhes bya ba la sogs pa'o/ /gzhan yang khyed cag gang zag brjod du ma yin no zhes smra ba na/ gang zag phung po dag las gzhan nyid du ches gsal por 'thon pa'i sgras brjod pa yin no/ /zhes ston pa ni/ 'gal ba'i chas dang 'brel pa ni/ zhes bya ba la sogs pa'o/ /sbyor ba ni gang zag phan tshun spangs te gnas pa'i chos dang ldan pa de dag na phan tshun tha dad pa yin te/ dper na lus can dang lus can ma yin pa'i chos dang ldan pa'i gzugs dang tshor ba dag lta bu'o/ /phung po dang gang zag dag kyang brjod par bya ba dang brjod du med pa la sogs pa phan tshun 'gal ba'i chos dang ldan pa yin no/ /zhes bya ba ni rang bzhin gyi gtan tshigs so/ /gtan tshigs 'di ma grub pa yang ma yin no/ /zhes bstan pa'i phyir/ 'di ltar tshor ba la sogs pa las zhes bya ba la sogs pa smos te/ 'di ltar gang zag ni tshor ba dang 'du shes la sogs pa dag las de nyid dang gzhan dag tu brjod du med par 'dod la/ gzugs dang tshor ba la sogs pa de dag las phan tshun gzhan cing du brjod pas de'i phyir gtan tshigs ma grub pa ma yin no/ /'di las kyang 'gal ba'i chos dang ldan pa grub po zhes ston pa ni/ gzugs la sogs pa'i phung po dag ces bya ba la sogs pa la/
- 252b
'dus byas thams cad ni mi rtags pa'o/ /zhes gsungs pa'i phyir/ gzugs la sogs pa ni mi rtag pa nyid du brjod par bya ba yin no/ /gang zag ni de ltar mi rtag pa nyid du brjod par bya ba ma yin par 'dod de/ de ni rnam pa thams cad du brjod du med pa'i phyir/ gtan tshigs ma nges pa yang ma yin te/ tha dad pa'i tha snyad kyi rgyu mtshan ni 'di tsam du zad pa'i phyir ro/ /de lta ma yin na sna tshogs pa thams cad dngos po gcig tu 'gyur ro/ /de lta yin dang skye ba dang 'jig par thal bar 'gyur ro/ /de nyid dang gzhan dag tu brjod du med pa'i phyir gang zag dngos po ma yin na/ /zhes bstan pa 'ba' zhig tu ma zad kyi/ 'di las kyang ste/ mi rtag pa nyid du brjod du med pa nyid kyi phyir dngos po med pa yin no/ /zhes bstan pa'i phyir/ yod pa nyid kyi mtshan nyid ni/ zhes bya ba la sogs pa smos te/ 'di nyid ni yod pa nyid kyi mtshan nyid de/ dngos po nyid rang bzhin ni 'di yin te/ 'di lta ste don byed par nus pa'o/ /dngos po med pa nyid kyi mtshan nyid ni nus pa thams cad dang bral ba yin pa'i phyir ro/ /zhes bya ba'i shugs kyis don byed par nus pa'i mtshan nyid can ni dngos po nyid du gnas pa yin no/ /don byed pa de yang skad cig ma rnams kho na la nges pa yin te/ skad cig ma nyid kyis khyab po zhes bya ba'i tha tshig ste/ rtag pa ni rim dang cig car dag gis don byed pa 'gal ba'i phyir ro/ /de'i phyir de ltar skad cig ma nyid du gang zag brjod du med na dngos po yod pa ma yin te/ de la de'i khyab par byed pa skad cig ma nyid ldog pa'i phyir/ shing nyid log pa na shing sha pa nyid ldog pa bzhin no/ /ji skad du/ mi rtag nyid du brjod min gang/ /de ni 'ga' yang rgyu ma yin/ zhes gang bshad pa yin no/ /gal te 'di snyam du gang zag rtag par gyur na/ de'i tshe de ni rim dang cig par ngag gi don byed pa 'gal bar 'gyur na/ gang gi phyir 'di ltar mi
- 253a
rtag pa nyid du brjod du med pa de ltar rtag par yang yin pas so/ /de'i phyir 'di don dam par nus pa 'gal ba med pa nyid do snyam du sems na/ de ni yang ba ma yin te/ 'di ltar rnam pa gnyis ka dang bral ba'i dngos po'i rang gi mtshan nyid ni rigs pa ma yin te/ rtag pa dang mi rtag pa dag ni phan tshun spangs te/ gnas pa'i mtshan nyid yin pa'i phyir ro/ /dngos po'i rnam pa gcig gtong ba dang yongs su len pa dag ni de las gzhan gyi rnam pa yongs su bzung ba dang btang ba med na mi 'byung ba'i phyir ro/ kho bo cag gis ni gang zag brjod du med pa'i sgrar mngon par zhen pa ni ma bkag ste/ rang dbang can 'dod pa tsam la rag las pa ni sus kyang dgag par mi nus pa'i phyir ro/ /'on kyang gang zag ces bya ba'i dngos po rang bzhin thams cad yod dam/ 'on te med ces bya ba dngos po'i rang bzhin 'di 'dir dpyad par bya'o/ /gal te yod na de'i tshe rtag pa nyid yin te/ rtag pa zhes bya ba gzhan 'ga' yang ma yin te/ 'on kyang rang bzhin rtag tu gnas pa 'jig pa med pa gang yin pa de ni rtag pa zhes bya ste/ ji skad du gang gi rang bzhin 'jig med pa/ de la mkhas rnams rtag ces brjod/ ces bshad pa bzhin no/ /ci ste med do/ /zhes bya ba'i phyogs yin na de'i phyir 'di rtag pa nyid yin te/ mi rtag pa'i mtshan nyid ni mi gnas pa'i rang bzhin yin pa'i phyir ro/ /de'i phyir skad cig ma dang skad cig ma ma yin pa dag las ma gtogs pa'i phung po gzhan med pa'i phyir la/ skad cig ma yin pa ni rim dang cig car dag gis don byed par 'gal ba'i phyir/ skad cig ma nyid kyis don bya ba byed pa nus pa'i mtshan gyi yod pa la khyab pa'i phyir/ gang zag la skad cig ma nyid log pa na yod pa ldog pa grub bo/ /gal te gang zag med pa de lta yin na ci'i phyir bcom ldan
- 253b
'das kyis srog gang yin pa de lus yin nam/ srog kyang gzhan la lus kyang gzhan yin zhes zhus pa la/ 'di ni lung du mi ston pa yin no/ /zhes gsung/ gang gi phyir med pa nyid do/ /zhes ci'i phyir ma gsungs she na/ lung dang 'gal ba dag la ni/ /zhes bya ba la sogs pa smos te/ gal te chos can gang zag grub par gyur na/ de'i tshe de'i chos de nyid la sogs pa lung bstan bstan par 'os na/ ji tsam du chos can de nyid ma grub na de ji ltar med pa de'i chos ston par 'gyur/ ri bong gi rwa la sogs pa med pa med pa la ni gang gis 'di lung bstan par 'gyur ba rno ba la sogs pa srid pa ma yin no/ /de'i phyir gang zag brtags su yod pa nyid gsal bar bya ba'i bcom ldan 'das kyis 'di ni lung du mi ston pa yin no/ /zhes gsungs kyi/ med do zhes ni ma gsungs te/ gzhan gyi chos can rang bzhin mi 'dri ba'i phyir ro/ /yang na brtags su yod pa yang med par zhen pa spangs pa'i don du stong pa nyid bstan pa'i skal pa dang mi ldan pa'i gdul bya'i skye ba'i bsam pa la bltos nas med do/ /zhes de skad du ma gsungs so/ /ji skad lta ba'i mche ba smas pa dang/ las rnams 'jig ba la bltos nas/ stag mos phrug gu khyer ba ltar/ /rgyal bas chos rnams bstan pa mdzad/ /ces bya ba de lta bu slob dpon dbyig gnyen la sogs pas mdzod dang don dam pa bdun cu pa la sogs par dgongs pa gsal bar byas pa'i phyir ro/ /brtson pa byas pa yin na de'i phyir rtogs pa de nyid du go bar bya'o/ /'dir ni gzhung mang bas 'jigs nas ma bris so/ /snyam du bsams pa'o/ /gal te de lta na brdzus te byung ba'i sems can yod do/ /zhes bya ba 'di ji ltar drang zhe na/ med pa dag dgag pa'i phyir/ zhes bya ba la sogs pa smos te/ sems can yod par brjod pa brtse ba dang ldan ba sna tshogs pa ston pa ni 'gal ba med do/ /zhes bya ba ni tshig gi lhag ma'o/ /sems kyi rgyud gang las sems can btags
- 254a
pa de ni 'khor ba rgyun mi 'chad la dgongs nas bcom ldan 'das kyi sems can yod do zhes gsungs so/ /de lta ma yin na rgyu dang 'bras bu'i skad cig ldog pa med pa rgyud pa'i 'du byed rnams kyang med par ga ba'i 'jig rten pha rol med pas/ 'jig rten pha rol ma grub bo/ zhes gdul bya med par blta bar 'gyur ro/ /'on dge slong dag khur yang pbstan par bya'o/ /khur len pa dang/ khur 'dor ba dang/ khur khyer ba yang bstan par bya ste/ de la khur ni nye bar len pa'i phung po lnga po rnams so/ /khur len pa ni sred pa'o/ /khur 'dor ba ni thar ba'o/ /khur khyer ba ni gang zag go /zhes gang gsungs pa de ji ltar drang/ khur nyid khur khyed bar rigs pa ni ma yin no/ /zhe na tshogs pa la sogs pa zhes bya ba la sogs pa smos te/ de la tshogs pa nyid brjod bar 'dod pa dus mtshungs pa'i phung po rnams kho na tshogs pa'i tha snyad rten pa yin te/ rgyu dang 'bras bur gyur pa de dag nyid cig car mi 'byung ba la rgyun ces bstan te/ rnam pa gcig tu rtag pa'i rgyur gyur pa'i rgyun dang tshogs pa dag gi sgras bstan pas des na tshogs pa la sogs pa'i thugs kyis te/ tshogs pa la sogs pa'i dgongs pas khur dang de khyer ba la sogs pa bstan pa las 'gal ba med do/ /zhes bya ba ni lhag ma'o/ /sogs pa'i sgra dang bos rgyun la sogs pa gzung ngo/ /gnyis pas ni khur la sogs pa'o/ /de la phung po tshogs ba de dag nyid rgyun la sogs pa'i ngo bos brjod par 'dod pas gang zag khur khyer ba zhes bstan te/ de nyid la 'jig rten na gang zag tu rlom pa'i phyir ro/ /de nyid kyi phyir bcom ldan 'das kyis khur khyer ba'i gang zag gang yin zhes smras pa la/ /tshe dang ldan pa gang dag 'di'i rigs ni 'di lta bu/ rus ni 'di lta bu zas ni 'di lta bu zhig za za/ bde ba dang sdug bsngal ni 'di lta bu zhig myong/ 'di ltar tshe ring/ zhes bya ba la sogs pas
- 254b
gang zag bstan pa yin no/ /phung po tshogs pa'i mtshan nyid de nyid la ci nas kyang btags par yod par shes par bya ba yin gyis gzhan gyi kun tu brtags pa'i rtag ba rdzas su yod pa gzhan ni shes par mi bya'o/ /zhes bstan pa'i don du'o/ /gdon mi za bar de ltar shes par ste/ de lta ma yin na khur len pa yang phung po dag las logs shig tu bstan pa'i phyir gang zag bzhin du phung po'i nang du ma gtogs par 'gyur ro/ /de'i phung po gzhan de dag bskyed par bya bar 'jug pa'i phung po snga ma de dag nyid khur zhes bya bar gsungs la/ gang dag 'bras bur gyur pa'i skye ba de dag ni khur khyer ba zhes gsungs pas/ 'di ni shes par byed pa ma yin no/ /gsal bar byed par smras pa/ bdag khas mi len na de bzhin gshegs pa'i gsungs 'di don dang ldan par bzhag par mi nus te/ gang gi phyir brtsun pa gzugs bdag ma lags/ brtsun ba tshor ba dang/ 'du byed rnams dang/ rnam par shes pa bdag ma lags/ de bzhin du dge slong dag gzugs 'di ni khyod ma yin/ tshor ba dang 'du shes dang 'du byed rnams dang/ rnam par shes pa ni khyod ma yin zhes bya ba 'di gsungs te/ 'dis ni gzugs la sogs pa'i phung po rnams nga rgyal gyi yul nyid bkag la/ 'di ni khyad par bgag pa yin gyi spyi bkag pa ni ma yin no/ /bdag khas mi len na yang spyi nyid dgag par bya ba yin gyi khyod nyid dang bdag nyid ni ma yin pa'i phyir khyad par bkag pa ni gzhan sgrub pa med na mi 'byung ba yin te/ dper na mig g.yon pas mi mthong zhes brjod pa na g.yas pas mthong ngo/ /zhes go ba nyid yin no/ /des kyang mi mthong na g.yon pa smos pa don med de/ mi mthong ngo/ /zhes bya ba kho na brjod bar 'gyur ro/ /de bzhin du 'di la yang gzugs bdag ma yin pa nas rnam par shes pa bdag ma yin zhes bya ba'i bar du gsungs pa na de dang mi mthun pa'i bdag yod do/ /zhes ston par 'gyur ro//
- 255a
de yang brjod du med pa'am gzhan yin du chug mod/ thams cad bdag yod do zhe'o/ /'dir smras pa khyad par dag ni dag pa dang/ zhes bya ba la sogs pa la/ 'di skad du bstan pa yin te/ 'jig tshogs la lta ba'i ri'i rtse mo nyi shu mtho ba blo gros ngan pa rnams la 'jug pa 'di lta ste/ gzugs bdag yin pa nas rnam par shes pa bdag yin pa'i bar dang/ gzugs la bdag gnas pa nas rnam par shes pa la bdag gnas pa'i bar dang/ bdag gzugs dang ldan pa nas bdag rnam par shes pa dang ldan pa'i bar dang/ gzugs bdag gi yin pa nas rnam par shes pa bdag gi yin pa'i bar du zhes bya ba'o/ /de la lta ba dang po lnga dgag pa'i phyir/ de'i lta ba can la khyad par gyi tshul gyis bkag pa mdzes pa yin no/ /gzugs bdag yin zhes bya ba la sogs pa'i lta ba de dag gang dag la yod pa de dag ni lta ba can te/ blo gros blun po'i dogs pa'i gnas gang kho na yin pa de kho na rjes su brjod nas zlog pa yin gyi/ 'di la sgrub pa 'ga' zhig bzhed pa ni ma yin no/ /de lta ma yin na nyan pa po legs par mi sbyor ba'i tshig smra ba na/ ston pa po rtog pa dang ldan par mi 'gyur ro/ /de kho na bsdus pa'i dka' 'grel las/ gnas ma'i bu pa'i bdag brtags pa ste// //bcu gnyis pa'o// //g.yo ba zhes bya ba? khyad par 'di bsgrub pa'i phyir/ yang na zhes bya ba la sogs pa smos te/ dngos po mdza' dag la khyab pa'i skad cig mar 'jig pa bsgrub pa nyid kyis gzhan gyis kun tu brtags pa'i rang bzhin dang dbang phyug la sogs pa dngos po mdza' dag gi tshogs pa gcig gis bsal ba yin na yang kho bo cag gis gzhung shin tu rgyas par bgod pas tshig re re nas brjod nas sun 'byin pa rtsom pa gang yin pa de ni ngal bar byed pa 'ba' zhig tu zad do/ /thabs bla la nyung ba nyid kyis de sun 'byin
- 255b
pa'i phyir ro/ /snyam du dgongs pa yin no/ /'di ltar gzhan kha gcig dag gis rang bzhin la sogs pa thams cad ni skyes ma brag tu 'jig pa 'am rjes su 'gro ba med par bkag pa'i chos can du mi 'dod do/ /de lta bas na 'di dang dngos po mdza' dag gi khyab par byed pa'i mtshan nyid kyi skad cig mar 'jig pa bsgrubs pa nyid kyi bsal ba yin no/ /snyam du bsams nas/ kho bo cag gis rang bzhin la sogs pa nas gang zag mthar thug pa bshad zin pa dang/ 'chang par 'gyur ba'i rigs dang/ yon tan rdzas la sogs pa sgra dang/ don dag dang/ tshad ma dang/ gzhal bya dag dang/ nor bu gzi lta bur kha dog sna tshogs pa'i dngos po dang/ dus gsum du 'jug pa'i ngo bo dang/ tshu rol mdzes pa bas khas blangs pa'i 'byung ba bzhi dang/ rgyal dpog pas 'dod pa'i rig byed kyi sgra'i tshogs khyad par mang bar gsal bar bya ba'i phyir/ skad cig mar 'jig pa bsgrub par bya'o/ /gsal bar zhes bya ba ni/ de sgrub par byed pa'i tshul gsum pa'i gtan tshigs ston pa'i phyir/ de'i phyir bstan pa'i dngos po brtag pa 'di nyid bstan bcos mdza' dag gi don yongs su rdzogs pa yin no/ /zhes bstan par 'gyur ro/ /'di ji ltar bsgrub par bya zhe na/ byas dang ma byas nyid sgo nas zhes bya ba la sogs pa smos te/ 'di ni rigs pa can la sogs rnams skad cig ma'i dngos po gcig kyang yod pa ma yin no/ /snyam du sems pa na/ byas pa dang ma byas pa dag nyid kyi sgo nas dngos po rnams phung po gnyis kho nar rnam par 'jog par byed do/ /de la kha cig ni byas pa yin te/ bum pa la sogs pa lta bu'o/ /la la ni ma byas pa yin te/ rdul phra rab dang nam mkha' la sogs pa lta bu'o/ /gzhan dag gis te/ gnas ma'i bu ba la sogs pa dag gis ni skad cig ma dang skad cig ma ma yin pa nyid kyis dngos
- 256a
po rnams phung po gnyis su 'dod de/ 'di ltar de'i 'dod pas blo dang sgra dang me lce la sogs pa skad cig ma dag yin la/ sa dang nam mkha' la sogs pa dag ni skad cig ma ma yin no zhe'o/ /de'i phyir de ltar lta ba'i dbye bas gnas pa na re zhig gang dag byas pa nyid du 'dod pa de dag phyogs su byas nas tshad ma brjod par bya'o/ /zhes bstan pa'i phyir/ de la zhes bya ba la sogs pa smos so/ /thams cad kyi 'jig pa rgyu gzhan la bltos pa med pa nyid kyis gnas pa'i phyir/ zhes bya ba 'dis mtshan nyid gsum pa'i gtan tshigs ston to/ /de nyid gsal bar bya ba'i phyir/ dngos gang zhes bya ba la sogs pa smos te/ sbyor ba ni gang dag dngos po la gang la bltos pa med pa dag ni de'i ngo bor nges pa yin te/ dper na de ma thag pa'i 'bras bu'i tshogs pa rang gi 'bras bu skyed pa la nges pa bzhin no/ /skye ba dang ldan pa'i byas pa'i dngos po rnams kyang 'jig la bltos pa med pa yin no zhes bya ba ni/ rang gi gtan tshigs so// rgyu gzhan zhes bya ba'i rang bzhin gtan tshigs de yang ni skyed par byed pa las tha dad pa'o/ /nges pa zhes bya ba 'di la rgyu smras pa/ de ltar rang gi rgyu las skye'i zhes bya ba la sogs pa la/ de ltar zhes bya ba ni der nges pa'i ngo bos skye ba'i phyir zhes bya ba'i don to/ /yang na gang dag gang du yang ma nges pa de dag ni de la bltos pa med pa yang ma yin par 'gyur te/ dper na bum pa la sogs pa so ma btang ba btang ba dag la sogs pa dag tu 'gyur ba bzhin no/ /zhes bya ba 'di ni 'dir chos mi mthun pa'i dpe'o/ /'on te gtan tshigs 'di ma nges pa nyid ma yin nam/ 'di ltar dngos po rnams 'jig pa la rgyu gzhan la bltos pa med pa de lta yang yin mod kyi/ /'on kyang gnas nas yul
- 256b
dang dus gzhan du dngos po 'jig pa srid pa'i phyir/ 'di dag skyes ma thag tu 'jig pa nyid du bsgrub par 'dod pa ma grub pa'o/ /gal te 'di ni bltos med na zhes bya ba la sogs pa smos te/ 'di zhes bya ba ni 'jig pa'o/ /de la bltos pa med pa nyid kyi phyir zhes bya ba ni yul dang dus gzhan la bltos pa med pa'i phyir ro/ /gang zhig gang la bltos pa med pa de ni 'ga' zhig tu 'am res 'ga' 'gyur na de'i tshe de'i yul dang dus la bltos pa'i phyir/ bltos pa med pa nyid du mi 'gyur ro/ /de'i ga las ma 'khrul pa yi/ 'di ltar yul dang dus gcig yongs su spangs nas yul dang dus la sogs pa gzhan du 'jug pa ni/ ji ltar mi bltos pa zhes bya ba yin/ 'di ltar mi bltos pa ni de ltar gnas pa nyid yin gyi/ 'dod pa ma yin te/ de ni bsam pas stong pa'i phyir ro/ /'o na gal te rnam pa thams cad du bltos pa med pa'i phyir ro/ /zhes bya ba gtan tshigs kyi don yin par 'dod na 'o na gtan tshigs ma grub ste/ 'di ltar 'ga' zhig dag 'jig pa la/ thob pa la sogs pa la bltos par mthong te/ bum pa la sogs pa bzhin no/ /gang yang blo dang sgra la sogs pa bltos pa med pa nyid du grags pa de dag kyang gal te tho ba la sogs pa la mi bltos pa de lta na yang yul dang dus la bltos pas/ de'i phyir gtan tshigs ma grub pa yin no/ /zhes dogs par byas nas lan gdab par bya ba'i phyir skye ba can kun 'jig pa la/ zhes bya ba la sogs pa smos te/ thams cad du zhes bya ba ni/ yul dang dus la sogs pa thams cad du skye ba dang ldan pa rnams 'jig pa'i rgyu la mi bltos so/ /zhes bya ba'i don to/ /'jig pa'i
- 257a
rgyu nyid du khas blangs pa rnams cung zad kyang mi byed pa'i phyir te/ phan pa mi 'dogs pa'i phyir ro/ /phan mi 'dogs pa yang bltos par mi rigs te/ ha cang thal bar 'gyur ba'i phyir ro/ /ji ltar cung zad kyang mi byed pa yin zhe na/ 'di ltar zhes bya ba la sogs pa smos te/ 'jig pa byed na res 'ga' dngos po 'am dngos po med pa yin grang/ de la gal te dngos po yin na/ de'i tshe 'jig pa dang ldan pa 'di dngos po las don gzhan du ma gyur pa byed dam/ don gzhan du gyur pa byed/ dngos po yod pa la ni rnam par rtog pa gnyis las mi 'da' ba' i phyir/ gnyi ga 'am gnyi ga ma yin pa'i phyogs ni rim pa ma yin te/ dngos po gcig gtong pa dang yongs su len pa dag ni de las gzhan yongs su gtong ba dang len pa med na mi 'byung ba'i phyir ro/ /gcig la sgrub dang dgag pa mi rung ba'i phyir ro// zhes bstan zin to/ /de la re zhig don gzhan du gyur pa ma yin pa zhes bya ba'i phyogs ni ma yin te/ dngos po'i rang bzhin ni rang gi rgyu kho na las skye ba'i phyir te/ mi mthun dang rgyu med par mi 'byung ba'i phyir ro/ /de yang dngos po'i rang bzhin bzhin du de las tha mi dad par grub pa'i phyir ro/ /grub pa yang byed par mi rigs te/ rgyu ldog pa med par thal bar 'gyur ba'i phyir ro/ /'di snyam du dngos po 'di rang gi rgyu kho na las bdag nyid thams cad grub pa ni ma yin te/ de'i phyir rgyu gzhan gyis 'jig par brjod pa'i rang bzhin gzhan thob pa yin no zhe na/ dngos po'i bdag nyid ces bya ba la sogs pa smos te/ gang gis na cha shas kyis 'grub par 'gyur ba gcig gis rang bzhin la gnyis yod pa ni ma yin no/ /'on kyang dngos po'i cha shas med pa kho na yin la/ de yang rang gi rgyus bskyed pa na bdag nyid thams cad kyis bskyed pa'i phyir/ ji ltar de'i dus phyis rgyu gzhan gyis rang bzhin gzhan byed par 'gyur gang zhig grub pa na gang ma grub pa de ni de'i rang bzhin du rigs pa ma yin te/ tha mi dad pa'i mtshan nyid ni grub pa dang bde ba gcig pa
- 257b
yin pa'i phyir ro/ /de'i phyir gang zhig dus phyis skye ba'i 'jig pa'i dngos po de ni rang bzhin yin no/ /gzhan gang yin pa de yang ji ltar der 'gyur ba yin te/ de'i phyir 'di ni ci yang ma yin no/ /ci ste don gzhan du gyur pa zhes bya ba'i phyogs yin na/ de la yang 'jig pa'i rgyus ni dngos po la ci yang mi byed pa nyid do/ /zhes ston pa ni/ /dngos po las ni tha dad pa'i zhes bya ba la sogs pa smos te/ gzhan byed pa na phan btags pa zhes bya ba ni ma yin te/ ha cang thal bar 'gyur phyir ro/ /de dang 'brel pa'i 'jig pa byed pa'i phyir dngos po la phan btags par 'gyur zhes kyang brjod par mi rigs te/ 'brel pa ma grub pa'i phyir ro/ /'di ltar tha dad par khas blangs pa'i phyir de'i phyir bdag nyid kyi mtshan nyid kyi 'brel pa med la/ de las byung ba'i mtshan nyid kyang med de/ de ni 'jig pa'i rgyu nyid las skyes pa'i phyir ro/ /dngos po'i 'brel pa gzhan yang yod pa ma yin no/ /'brel pa yod na yang dngos po'i phyir de kho na bzhin du 'bras bu dmigs pa la sogs par thal bar 'gyur ro/ /dmigs pa nyid 'bras bu yin pas dmigs pa'i 'bras bu'o/ /sogs pa'i sgras ni chu 'dzin pa dang rje dar gcod pa la sogs pa gzung ngo/ /'jig pa tha dad pa des bsgrubs pa'i phyir dang/ gegs byas pa'i phyir dmigs pa la sogs pa'i 'bras bu byed pa ma yin no zhe na/ de'i gnas skabs zhes bya ba la sogs pa smos te/ dngos po'i rang bzhin gyi khyad par nyams par mi byed pa 'am skyed par mi byed pa de la sgrib par byed pa 'am/ /gegs byed par rigs pa ma yin te/ ha cang thal bar 'gyur ba'i phyir ro/ /de lta bas na ma dor ba sgrib pa med pa sngar gyi rang bzhin yin pa'i phyir de'i sgrib pa dang gegs byed pa mi rigs so/ /'di snyam du snga ma bzhin du dmigs pa la sogs par thal bar 'gyur ba ma yin te/ 'jig pa tha dad pa des dngos po 'jig pa'i phyir ro zhe na/ 'jig pa'i mig can dngos po yis/ /zhes bya ba la sogs pa smos te/ 'jig pa dngos po'i 'jig pa byed na ci gzhan nam gzhan ma yin pa 'am yang na zhig pa'i mtshan nyid kyi 'jig
- 258a
pa byed pa na 'jig par byed pa ces 'di la yang tho ba la sogs pa bzhin du rnam par rtog pa mtshungs pa nyid la rjes su 'jug ste/ de la yang nyes pa bshad pa zin pa dang/ 'chad par 'gyur ba yin no/ /don de la yang zhes bya ba ni gang 'di 'jig pas 'jig pa gzhan byed na/ de la yang 'jug pa'i phyir ro/ /zhes bya ba ni gzhan nyid la sogs pa'i rnam par rtog pa dag rjes su 'jug pa'i phyir ro/ /zhes bya ba'i don to/ /de ltar re zhig dngos por gyur pa yang ma yin no zhes bstan pa'i phyir ro/ /gal te dngos po med pa'i bdag ces bya ba la sogs pa smos te/ dngos po'i rgyur gyur gyi dngos po med pa la ni ma yin no/ /rang bzhin mdza' dag dang bral ba'i mtshan nyid yin pa'i phyir de la rgyu mtshan du bya ba bskyed par bya ba'i ngo bo cung zad kyang med do/ /de'i dngos po med pa'i bdag nyid de/ dngos po dkag pa'i bdag nyid kyi 'jig pa 'ga' zhig gis byed pa ma yin no te/ bong bu'i rang bzhin du dngos po med pa'i phyir ro/ /de lta ma yin na 'bras bu yin pa'i phyir/ myu gu la sogs pa bzhin du dngos po nyid du 'gyur ro/ /sbyor ba ni gang 'bras bu yin pa de ni dngos yin te/ myu gu la sogs pa bzhin no/ /'jig pa yang 'bras bu yin no/ /zhes bya ba ni rang bzhin gyi gtan tshigs so/ /'di'i khyab pa sgrub pa'i phyir/ rgyu'i nus pas skyed pa'i phyir ro/ /zhes bya ba smos te/ rgyu'i nus pas thob pa'i bdag nyid kyis khyed par gang yin pa de nyid la 'bras bu zhes bya ba ste/ sgrub pa'i bdag gi khyad par nyid dngos po yin no/ /don 'di la rig pa can la sogs pa la yang rtsod pa med de/ 'di ltar yod pa dang 'du ba 'am/ rang gi rgyu dang 'du ba ni 'bras bu nyid du brjod la/ 'jig pa la ni yod pa 'du ba 'du pa 'am/ rang gi rgyu la 'du ba med de/ de ni rdzas la sogs pa bzhin du yod pa nyid dang rten pa nyid du thal bar 'gyur ba'i phyir ro/ /gal te de lta na
- 258b
'jig pa dngos po nyid la rag las mod la nyes pa ci yod ce na/ de ltar dngos po gang yin pas/ zhes pa la sogs pa smos te/ yang ji ltar med pa sgrub par byed ces dgos pa la 'di skad du ma yin dgag rten zhes bya ba smos te/ ma yin par yang dgag pa la brten pa'i phyir ro/ /zhes bya ba'i don to/ /brjod par 'dod pa'i dbang gis dngos po 'ga' zhig las mtshan nyid mi mthun pa'i dngos po med pa zhes bya ba brjod do/ /de la yang sngar bshad pa'i nyes pa tha dad pa la sogs pa rnam par rtog pa yang rjes su 'jug go /ci ste nyes pa 'dis 'jigs nas ma yin bar dgag pa'i bdag nyid kyi 'jig pa dngos po med pa'i rgyu dag gis byed pa ni ma yin no 'o na ci zhes na/ med par dgag pa'i bdag nyid do zhes khas len par byed pa na/ de la yang khyed cag gis 'jig pa'i rgyu cung zad mi byed pa nyid gsal rab pa nyid du bstan to zhes bstan pa'i phyir 'on te dngos po mi byed pa nyid ces bya ba la sogs pa smos te/ 'di ltar med par dgag par yin na dgag pa byed pa dang 'brel pa'i phyir/ med pa byed pa ni dngos po mi byed do/ /zhes bya ba bkag pa'i phyir 'jig pa'i rgyu byed pa po nyid yin par 'gyur ro// gang yang byed pa po ma yin pa de ji ltar rgyur gyur ro/ de'i phyir 'jig pa'i rgyu 'ga' yang med do/ /'dir rnam phug pas smras pa'i 'jig pa rgyu dang ldan pa nyid du sgrub pa la tshad ma dag bstan par 'dod na/ dngos po yod pa'i dus rtag tu zhes bya ba la sogs pa smos te/ 'di ltar dngos po yod pa'i dus su 'jig pa ni ma yin te/ skad cig tsam yang gnas par med par thal bar 'gyur ba'i phyir ro/ /skyes pa las sngar yang ma yin te/ ma skyes pa 'jig par mi rigs pa'i phyir ro/ /mo gsham gyi bu la sogs pa ma skyes pa nyid 'jig pa ni ma yin no/ /phyis yun ring po nas kyang ma yin te/ skad cig ma gsum pa la sogs pa rnams su zhig pa ni yang 'jig par mi rung ba'i phyir te/ thal bar byas pa las 'bar ba bzhin no/ /'on kyang dngos po'i de
- 259a
ma thag tu skad cig gnyis pa la 'jig pa yin no/ /de ltar na myu gu la sogs pa bzhin dus nges pa'i phyir 'jig pa rgyu dang ldan pa zhes bya ba grub po/ /dus des pa zhes bya ba ni/ res 'ga' ba yin pa'i phyir ro/ /zhes bya ba'i don to// 'di'i khyab pa bsgrub pa'i phyir/ bltos pa med par gyur pa la zhes bya ba la sogs pa smos te/ ltos pa med pa ni res 'ga' pa nyid du rigs pa ma yin te/ rtag tu yod pa la sogs par thal bar 'gyur ba'i phyir ro/ /de lta bas na res 'ga' ba nyid yin pa'i phyir 'di ni rgyu dang bcas pa nyid du grub po/ /'di las kyang 'grub po zhes bstan pa'i phyir/ dngos po'i de ma thag byung phyir/ zhes bya ba la sogs pa'o/ /de'i phyir de ltar gtan tshigs gsum po 'di dag smras te/ 'jig pa rgyu dang bcas pa yin te/ res 'ga' ba yin pa'i phyir dang/ dngos po skye ba'i de ma thag tu 'byung ba nyid du sangs rgyas pas kyang khas blangs pa'i phyir dang/ ma byung ba'i bdag nyid thob pa'i phyir/ skad cig gzhan bzhin no/ /mi mthun pas ni ri bong gi ra la sogs pa'o/ /'dir gsal byed pas smras pa'i rigs pa yang gzhan yang zhes bya ba la sogs pa smos te/ de 'di skad du smras ste/ 'jig pa la rgyu med do/ /zhes smra ba la brgal zhing brtag par bya zhing/ brtag par bya ste/ ci rgyu med pa'i phyir nam mkha' i utpa la sogs pa bzhin du 'jig pa med pa yin nam/ 'on te rgyu med pa'i phyir ram/ nam mkha' la sogs pa bzhin du rtag pa nyid gcig yin/ khyed kyi phyogs la rgyu med pa gnyis dmigs te/ rtag pa dang med pa'o/ /'di ltar yod pa dang med pa las ma gtogs pa'i rnam pa gzhan med do/ /de la gal te rgyu med pa'i phyir 'jig pa med pa yin na/ de'i tshe dngos po thams cad rtag pa nyid du thal bar 'gyur te/ 'jig pa med pa'i phyir ro/ /gzhan yang 'dus byas thams cad 'jig pa yin no/ /zhes
- 259b
bya ba'i 'os pa 'di rgyu mtshan med pa can du 'gyur te/ med pa la 'ong ba dang 'gro ba zhes bya bar 'gyur ba ma yin no/ /ci ste rtag pa yin na/ de'i tshe dngos po 'jig pa dang/ lhan cig gnas par 'gyur te/ thams cad du gnas pa'i phyir ro/ /de yang rigs pa ma yin te/ dngos po dang dngos po med pa dag ni phan tshun spangs te gnas pa'i mtshan nyid can yin pa'i phyir ro/ /'on te yang lhan cig gnas par mi 'dod na/ de'i tshe 'bras bu skye bar mi 'gyur te/ de'i sgrar gyur pa 'jig pa rtag tu gnas pa nyid kyi phyir ro/ /de lta yin dang ma skyes pa 'jig par yang mi rigs te/ 'jig rten na ri bong gi rwa lags sa ba ma skyes pa 'jig par 'gyur ro/ /zhes grags pa ni med do/ /des na ma skyes pa 'jig go /zhes bya ba'i tshig rigs pa dang ldan pa ma yin no/ /de'i phyir 'di la zhes bya ba la sogs pas thams cad kyi lan 'debs pa yin te/ 'jig pa ni rnam pa gnyis te/ sgrub pa dang/ dgag pa'i mtshan nyid do/ /'di ltar skad cig mar gnas pa'i chos rnams kyi ngo bo'i rang bzhin nyid kyi g.yo ba ni 'jig pa yin pa'i phyir/ /'jig par brjod pa 'am/ /yang na dngos po'i rang bzhin bkag pa'i mtshan nyid zhig pa'i ming can 'jig pa la 'jig pa zhes bya ba la/ de 'jig pa snga ma la/ gal te ji skad bshad pa'i gtan tshigs dag gis rgyu dang ldan pa nyid du sgrub pa'i brgal zhing rtags pa 'di byed na/ de'i tshe grub pa la sgrub pa nyid do/ /grub pa la sgrub pa de nyid dngos gang zhes bya ba la sogs pas ston par byed do/ /gal te de lta na ji ltar khyed la 'jig pa rgyu med par grags she na/ gzhan med phyin na rgyu med can/ zhes bya ba smos te/ gzhan med pa po las tha dad pa dus phyis kyi thob la sogs pa 'jig par byed pa med pa'i phyir/ rgyu med can du 'dod ces skabs dang sbyar ro// de lta bur gyur pa'i 'jig pa'i chos can 'di yang res 'ga' ba yin pa'i phyir dang/ snga ma byung ba'i bdag thob pa'i phyir/ zhes bya ba'i gtan tshigs 'di gnyis grub po/ /dngos po'i de ma thag tu byung ba yang gal te spyir brjod par 'dod pa yin na de'i tshe grub pa nyid
- 260a
yin te/ dngos po 'di rgyur gyur pa'i dngos po'i de ma thag tu grub pa'i phyir ro/ /ci ste 'jig pa'i bdag nyid du gyur pa'i dngos po'i de ma thag tu 'byung ba nyid 'di brjod par 'dod pa yin na de'i tshe gtan tshigs ma grub pa yin no/ /zhes ston pa ni/ dngos po'i de ma thag tu byung ba nyid ces bya ba la sogs pa'o/ /de 'dra zhes bya ba ni dngos po g.yo ba'i rang bzhin las tha mi dad pa'i/ /gang gis 'di de ma thag tu 'byung bar 'gyur ba cha shas med pa'i dngos po la ni cha shas yod pa ma yin te/ de'i rang bzhin bzhin du de las tha mi dad pa'i 'jig pa de grub na grub pa'i phyir ro/ /de lta ma yin na de de'i rang bzhin nyid du mi 'gyur ro/ /zhes bstan to/ /gang yang 'dus byas thams cad 'jig pa'i/ des pa yang rgyu mtshan med pa can/ zhes smras pa de yang/ de nyid kyi spangs pa yin no/ /zhes bstan pa ni/ de'i phyir zhes bya ba'o/ /dngos po skad cig mar gnas pa'i chos de ltar nges par byas pa'i lus can rnams ni blo de'i rgyu mtshan yin pa'i rgyu mtshan med pa nyid thal bar mi 'gyur ro/ /'on te zhig pa'i mtshan nyid kyi 'jig pa'i chos can mngon par 'dod pa de'i tshe gtan tshigs sum char yang ma grub pa yin no/ /zhes bstan pa'i phyir/ zhig pa nyid ni zhes bya ba la sogs pa'o/ /de ma thag du byung ba nyid la sogs pa'i chos ni dngos po kho na la rten gyi ri bong gi rwa la sogs pa ni dngos po med ba la ni ma yin no/ /zhig pa yang bdag med pa ste/ rang bzhin med pa de ji ltar 'di de ma thag tu byung ba la sogs pa srid par 'gyur ma byung dngos po ldan pa 'am med ces bya ba la 'ang gi sgras res 'ga' ba nyid gzung ngo/ /gal te de lta na zhig pa la de ma thag tu byung ba nyid med pa de'i tshe ji ltar dngos po zhig par 'gyur ro/ /zhes brjod pa gang zhig mi 'gyur ba de 'gyur ro/ /zhes bya bar dogs pa la/ zhig gyur zhes bya ba la sogs pa smos te/ zhig pa grub pa nyid du ston pa yin mod kyi 'on kyang dngos po
- 260b
bkag pa nyid ston par byed kyi/ don dam par dngos po'i rang bzhin 'ga' zhig sgrub pa ni ma yin no/ /'on te nag pa'i bur 'gyur ro/ (/zhes bya ba la sogs pa lta bur 'gyur) ba'i sgra sbyor ba'i phyir de la yang dngos po nyid sgrub par byed pa ma yin nam zhe na/ mi 'ga' zhig la/ zhes bya ba la sogs pa smos te/ dngos po rnams la sgra sbyor ba tsam gyi rjes su byed pa'i yod pa dang med pa dag ni yod pa ma yin te/ de ni 'dod pa tsam dang 'brel pas 'jug pa'i phyir ro/ /de lta ma yin na skyes bu 'ga' zhig la 'ga' zhig gi 'dod pa'i dbang gis bong bu zhes bya ba'i ming sbyor bar byed pa na/ de la bung bu'i chos thams cad yod par thal bar 'gyur ro/ /bA le kA dang ras sa b+ha'i sgra dag ni bung bu'i rnam grangs dag go /gdon mi za bar 'di ltar shes par bya ste/ dngos po'i rang bzhin bkag pa nyid yin gyi sgrub pa ni cung zad kyang yod pa ma yin no/ /de lta ma yin na zhig pa zhes bya ba dngos po gzhan sgrub na dngos po la cung zad kyang skye ba med pa'i phyir/ /dngos po de'i phyir ldog par 'gyur/ gang yang med pa yin na/ 'jig med phyir zhes bya ba la sogs pa smras pa de la/ dngos po'i ngo bo dang bral bas zhes bya ba la sogs pas smos te/ de ltar zhes bya ba ni dngos po'i rang bzhin dang bral ba'i ngo bo yin pa'i phyir ro/ /dngos po'i rang bzhin du yod pa'i rang gi ngo bo log pa'i phyir ni/ med pa tsam ste/ de ltar na dngos po thams cad rtag pa nyid du 'gyur ro/ /gal te 'di dag rang bzhin bkag pa'i mtshan nyid kyi 'jig pa med bar gyur na/ de'i phyir 'di dag rtag par 'gyur na/ ji srid du rang bzhin bkag pa'i mtshan nyid kyi 'jig pa rang nyid kyi nyid med pa'i ngo bo yod pa nyid yin no/ /zhes bya ba yin na/ ji ltar rtag par 'gyur/ 'dus byas thams cad 'jig par nges pa nyid kyi rgyu mtshan yang brjod pa kho na'o/ /gang yang rtag pa nyid na 'jig pa dang/ lhan cig gnas te zhes bya ba la sogs pa smras pa de la 'di la rtag pa'i ngo bo nyid/ ces bya ba la sogs pa smros te/ ldog par 'gyur ro/ /zhes bya ba'i tshig 'dis kyang zhig pa 'di la sgrub pa'i ngo bo ldog pa'i ngo bo brjod
- 261a
pa ni ma yin no/ /gang gi phyir 'di la bsgrub pa'i ngo bo cung zad kyang yod pa ni ma yin no/ /'o na ci zhe na/ dngos po'i rang gi ngo bo skad cig las phyir rang bzhin 'jug pa'i bkag pa yin no/ /de lta bas na 'di ni gcig pu dngos po'i ngo bo nyid yin pa'i phyir/ rtag pa'i rnam par rtog pa'i gnas ma yin pa nyid do/ /rang bzhin med pa nyid kyis rtag tu gnas pa'i ngo bor mi rung ba'i phyir te/ rtag pa dang mi rtag pa'i chos dag ni rang bzhin la rab tu 'brel pa nyid yin pa'i phyir ro/ /gang yang khyed cag gis rgyu med pa ni rnam pa gnyis te/ rtag pa dang med pa'o/ /zhes smra ba ni gzhan gyi grub pa'i mdza' mi shes pa nyid yin te/ 'di ltar rigs pa smra ba sangs rgyas pa rnams kyi rgyu med pa ni med pa kho na yin te/ 'di skad du bcom ldan 'das kyis chos la chos kyi rjes su lta zhig gnas pa'i byang chub sems dpa' des kyang rten cing 'brel par 'byung ba las ma gtogs pa'i chos gang yin pa de yang dag par rjes su ma mthong ngo/ /zhes gsungs pa lta bu'o/ /bye brag tu smra ba gang dag nam mkha' la sogs pa dngos po yod pa nyid du rtog par byed pa de dag ni khyed cag gi phyogs su blan par bya ba ma yin te/ shakya'i sras ma yin pa'i phyir de dag gi lugs kyi dngos po ni bzang po ma yin no/ /de ltar 'jig pa'i rgyu thams cad cung zad kyang mi byed pa'i phyir gtan tshigs ma grub pa ma yin no/ /'di las kyang 'jig pa'i rgyu rnams cung zad kyang mi byed par brjod par bya ste/ 'di ltar dngos po rang gi rgyu las skye bzhin pa na rang bzhin gyis rang nyid 'jig pa'i bdag nyid du skye bar 'gyur ram/ mi 'jig pa'i bdag nyid du skye bar 'gyur grang/ gal te 'jig na de la 'jig pa'i cung zad kyang byas pa med de/ rang nyid de'i rang bzhin yin pa nyid kyis 'jig pa'i phyir ro/ /gang zhig gang gi rang bzhin yin pa de ni rang gi rgyu las skye ba ni da 'dra bar
- 261b
'gyur gyi/ yang de'i dngos po'i rgyu gzhan la bltos pa ni ma yin te/ dper na snang ba dang zhu ba dang dro ba dang/ sra ba la sogs pa de'i bdag nyid du skyes pa slar yang snang ba la sogs pa nyid du skye ba rgyu gzhan la bltos pa ni ma yin no/ /'di snyam du dper na sa bon la sogs pa myu gu la sogs pa skyed par byed pa'i rang bzhin yin na 'ba' zhig pa ni skyed par mi byed de/ chu la sogs rgyu gzhan la bltos pa'i phyir ro/ /de bzhin du dngos po 'jig pa'i rang bzhin yin na yang 'jig pa rgyu gzhan la bltos par 'gyur ro/ /snyam du sems pa na/ 'di ni yang dag pa ma yin te/ mdza' i gnas thob pa nyid skyes par byed pa'i rang bzhin du khas blangs pa'i phyir ro/ /gzhan ni ma yin no/ /des na gang 'di de'i rang bzhin yin pa de ni skyed par byed pa kho na yin gyi 'di gzhan la bltos pa ni ma yin no/ /gang sbyang la sogs pa la gnas pa skyed par byed pa ma yin na de ni de'i rang bzhin ma yin te/ rgyu'i rgyu yin pa'i phyir de la yang rgyu zhes tha snyad du byas kyi dngos su ni ma yin pa'i phyir 'khrul pa med do/ /ci ste mi 'jig pa'i bdag nyid ces bya ba'i phyogs yin na de'i tshe yang 'jig pa'i rgyus cung zad kyang mi byed pa kho na ste/ de ni sus kyang rang bzhin gzhan du bya bar mi nus pa'i phyir ro/ /'di ltar gal te dngos po de skyes ma thag tu 'jig par mi 'gyur na/ de'i tshe phyis kyang de'i gnas skabs gnas pa'i chos kyi rang bzhin de nyid yin pa'i phyir/ gang gis 'jig par 'gyur pa de la 'jig pa'i rgyus ci zhig bya/ yang ci'i ste ji ltar zangs la sogs pa sra ba'i ngo bo nyid yin na yang me la sogs pa dang/ phrad pa las rnam pa gzhan du 'gyur te/ de bzhin du dngos po yang mi 'jig pa'i rang bzhin yin na yang 'jig pa'i rgyus rnam pa gzhan nyid du byed de/ des na 'jig pa'i rgyus thob nas 'jig par byed do/ /snyam pa de 'di ni yang dag pa ma yin te/ de nyid gzhan du gyur pa ni ma yin te/ rnam pa gzhan nyid ni rang bzhin gzhan skye ba'i mtshan nyid yin pa'i phyir ro/ /'di ltar rnam pa gzhan nyid ces bya ba gang
- 262a
yin pa de ci dngos po las don gzhan yin nam/ 'on te dngos po nyid yin/ re zhig dngos po nyid ni ma yin te/ de ni rang gi rgyu kho na las sngar grub pa'i phyir ro/ /ci ste don gzhan yin pa de lta na/ dngos po mi 'pho ba'i chos can de kho na bzhin du gnas pa yin pa'i phyir/ de la rnam pa gzhan du 'gyur ba med do/ /zangs ma la sogs pa'i dpe yang ma grub pa nyid de/ 'di ltar zangs ma la sogs pa'i sngar gyi skad cig swa ba la sogs pa rang gi dang gis 'gag pa'i phyir/ 'jig pa na rang gi nye bar len? ba dang/ me la sogs pa'i lhan cig spyod pa las tshogs pa gzhan zhu bar brjod pa'i rang bzhin gzhan nyid skye ba kho na'o/ /slar yang zhu ba la sogs pa'i rang bzhin rang gi ngang gis 'gag pa nyid kyis 'jig pa na rang gi nyi bar len pa'i rgyu dang grang ba la sogs pa'i lhan cig byed pa'i rgyu gzhan las sra bar brjod pa'i rang bzhin gzhan nyid skye ba'i phyir gcig la gzhan du 'gyur ba nyid yod pa ma yin no/ /de lta bas na rnam pa thams cad du 'di la 'jig pa'i rgyus cung zad kyang mi byed pa'i phyir/ gtan tshigs ma grub pa ma yin no/ /'gal ba yang ma yin te/ mthun pa'i phyogs la yod pa'i phyir ro/ /ma nges pa yang ma yin te/ sngar bsgrubs zin pa'i phyir ro/ /'di snyam du dper na nam mkha' lus can nyid du gzhan la bltos pa med pa de lta yin na de la nges pa ni ma yin no/ /de bzhin du dngos po byas pa yin na 'ga' zhig kyang 'jig par nges par mi 'gyur ro snyam du sems na/ de 'di ni yang dag pa ma yin te/ gzhan gyi mi rtag par mi 'dod pa dang yin byas pa de ni 'ga' yang yod pa ma yin te/ rgyu dang ldan pa thams cad mi rtag pa nyid du khas blangs pa'i phyir/ de dag nyid 'dir phyogs su byas kyis gzhan na mi yin pas ma nges pa nyid du ga las 'gyur gang dag byas pa nyid yin na yang mi 'jig pa nyid kyis rtag pa nyid du 'gyur
- 262b
ngo/ /snyam du bsams pa/ de dag don dam par ma byas pa'i phung por 'dus pa nyid kyis de bkag par shes par bya ba yin pas skyon med do/ /nam mkha' la sogs pa lus can nyid la sogs pa'i chos la bltos pa med pa nyid ma grub ste/ gang la chos gang med pa de ni de la bltos pa dang bcas pa kho na'o/ /dngos po rnams kyi thob pa'i chos la 'ga' zhig bltos pa med pa nyid du rnam par 'jog pa ni ma yin no/ /'o na ci zhe na/ ma thob pa nyid la yin pa'i phyir rab ma grub po/ /ngan mi byas pa'i phung po'i dbang du byas nas gang dag nam mkha' zhes bya ba la sogs pa smos te/ gal te nam mkha' la sogs pa/ dngos po yin par grub par gyur na de'i tshe de dag la skad cig ma nyid la sogs pa'i chos kyi bsam pa 'jug par 'gyur na/ chos rnams rang dbang du grub pa yod pa ni ma yin no/ /de lta ma yin na de dag chos nyid nyams par 'gyur ro/ /nam mkha' la sogs pa ma byas pa'i chos can du grub pa yang ma yin te/ de dag ni nus pa thams cad dang bra ba nyid kyis mo gsham gyi bu bzhin du med pa'i tha snyad kyi yul yin pa'i phyir ro/ /spyod pa ni gang nus pa thams cad kyi stong pa de ni dngos po med pa yin te/ mo gsham gyi bu bzhin ngo/ /nam mkha' la sogs pa yang nus pa thams cad kyi stong pa yin no/ /zhes bya ba ni rang bzhin gyi gtan tshigs sam/ dngos su khyab par byed pa mi dmigs pa yin no/ /gtan tshigs ma nges pa yang ma yin te/ med pa'i tha snyad ni de tsam gyi rgyu mtshan can yin pa'i phyir ro/ /ma grub pa yang yin na/ /zhes phyis bstan par bya'o/ /mthun pa'i phyogs la yod pa'i phyir 'gal ba yang ma yin no// yang ci'i phyir dngos po med pa la skad cig dang skad cig ma ma yin pa'i rnam par rtog pa mi 'jug ce na/ skad cig mar gnas ngo bo'i zhes bya ba la sogs pa smos te/ go sla'o/ /gsal byed pas smras pa/ skad cig ma zhes bya ba ldan pa'i don
- 263a
mi 'thad de/ 'di ltar gal te nges pa'i tshig gi tshul gyis ni zad pa ni skad cig go /de la yod pas na skad cig ma'o zhes sgrub na/ de rigs pa ma yin te/ dus tha dad pa'i phyir ro/ /gang gi tshe zad pa de'i tshe zad pa can med pa'i phyir dus tha dad pa dag la ni ldan pa'i don ma mthong ngo/ /yang ci ste dngos po nyid de ma thag tu 'jig pas khyad par du byas pa la/ skad cig ces brjod pa de lta na yang/ de nyid kyis de dang ldan par mi 'gyur ba'i phyir ldan pa'i don mi rigs so/ /'on te skad cig tu gnas pa'i dus ni skad cig ma ste/ thams cad kyi mdza' i dus ni skad cig go /de gang la gnas pa de dag ni skad cig ma yin na/ 'di yang mi rigs te/ ming tsam du dus khas blangs pa'i phyir ro/ /ming tsam dngos po'i khyad par nyid du mi rigs so zhes so/ /'dir smras pa skyes ma thag tu mi gnas pa'i zhes bya ba la sogs pa la dngos po skyes ma thag tu 'jig pa'i rang bzhin ni skad cig ces bya la de gang la yod pa de ni skad cig ma yin no/ /de skad du yang/ bdag thob ma thag tu 'jig pa ni skad cig go /de gang la yod pa de ni skad cig ma'o/ /zhes bshad do/ /'on te de lta na yang rang bzhin don gzhan ma yin pa'i phyir/ de 'di la yod do/ /zhes bya ba'i tha dad pa'i rgyu mtshan gyi shes pa mi 'thad pa ma yin nam zhe na/ don la tha dad pa med na yang zhes bya ba la sogs pa smos te/ dper na nam mkha' i rang bzhin dang/ 'chi gu'i lus zhes bya ba la sogs pa la dngos po tha dad pa med na yang blos kun tu brtags pa'i tha dad pa la rten nas tha dad pa'i rnam par dbye bar 'gyur pa de bzhin du 'di la yang 'gyur ro/ /tshigs dngos po'i rang bzhin gyi rjes su byed pa ma yin gyi/ 'o na ci zhe na/ smra ba po'i 'dod pa'i rjes su byed pa yin no/ /gzhan yang ji lta bu'i don la smra ba po'i rnams kyis ji snyed cig sbyar ba'i sgra de snyed pa de ni don de la brda'i dbang gis rtog par byed kyi/ don dam par rang bzhin nam rkyen ni yod
- 263b
pa ma yin no/ /skad cig ma zhes bya ba'i sgra 'di yang mkhas pa rnams kyis skyes ma thag tu mi gnas pa'i dngos po tsam la sbyar ba yin no/ /de la de lta bur gyur pa'i dngos po la skad cig ma'i sgras brjod par 'dod pa na rkyen dang bcas pa skad cig ma'i sgra 'am/ rkyen dang bral ba yang sbyar bar bya'o/ /kho bo cag ni 'dod pa tsam gyi dor byed pa'i brda tsam gyi tshig 'di la shin tu gus pas ma yin no/ /zhes ston pa ni/ skyes ma thag tu mi gnas pa'i zhes bya ba la sogs pa la/ de ltar zhes bya ba la skad cig ma zhes bya ba 'dis so/ /rkyen dang lhan cig ldan pa'i don gyi 'jug pas na rkyen bcas so/ /de ltar nam mkha' la sogs pa byas pa nyid du khas blangs pa na nges pa med pa'i tha snyad kyi yul yin no/ /zhes bstan nas/ nga ni yod pa nyid khas blangs pa na 'di dag skad cig ma nyid du thal par 'gyur ro/ /zhes bsgrubs pa'i phyir/ gal te nam mkha' zhes bya ba la sogs pa smos te/ byas pa bzhin zhes bya ba ni byas pa lta bu'o zhes bya ba'i don to/ /'dis ni yod pa'i phyir ro/ /zhes bya ba'i gtan tshigs 'di zur gyi bstan pa yin no/ /de nyid gsal bar bya ba'i phyir bshad pa/ 'di ltar zhes bya ba la sogs pa'o/ /sbyor ba ni gang yod pa de thams cad ni skad cig ma yin te/ dper na de ma thag tu bsgrubs pa'i skad cig ma'i dngos po rnams bzhin no/ /khyed cag gis dngos por 'dod pa'i nam mkha' la sogs pa yang yod pa yin no/ /zhes bya ba ni rang bzhin gyi gtan tshigs so/ /de ltar grub ces bya ba ni skad cig ma nyid du'o/ /'dir ni bsgrub bya mchod pa'i dpe yin par dogs par mi bya bar bsgrubs zin pa'i phyir ro/ /zhes ston par byed do/ /khyed kyi yod par 'dod ces bya ba 'dis ni 'di thal ba sgrub pa yin no/ zhes ston par byed de/ /de lta ma yin na gtan tshigs gang yang rung ba la ma grub par 'gyur ro/ /yang ji ltar gtan tshigs 'di'i khyab pa grub ce na/ skad cig ma dang bral ba na zhes bya ba la sogs pa smos te/ 'di la
- 264a
don byed nus pa'i mtshan nyid kyi yod pa gtan tshigs nyid du 'dod la/ de yang skad cig ma log pa na ldog ste/ 'di ltar dngos po rnams don bya ba byed pa na rim gyi byed dam cig car du byed/ rim dang cig car dag las rnam pa gzhan srid pa ni ma yin te de dag ni phan tshun rnam par gcod pa'i ngo bo yin pa'i phyir/ 'di yang mngon sum nyid kyis grub ste/ 'di ltar bum pa sprang rtsi dang chu la sogs pa dang de las gzhan pa'i rjes dag tha mi dad par ma 'dres par rim gyi 'dzin pa dang/ rang gi shes pa dang chu 'dzin pa cig tsang byed par mngon sum nyid kyis yongs su gcod do/ /de la gang gi tshe'am rdza mkhan 'bras bu'i byar par/ /kham phar dang blug ma la sogs pa rim gyis byed pa dmigs pa de nyid kyi tshe de dag cig car skyed par mi nus so/ /gang kho na'i rang gi yul can gyi shes pa la sogs pa cig car skyed par dmigs de kho na'i tshe de dag rim gyis ma yin no/ /zhes 'di thams cad mngon sum nyid kyis nges so/ /de'i phyir rim pa ni cig car rnam par gcad pa nyid kyis yongs su gcod pa'i phyir dang/ cig car yang rim pa rnam par bcad pa nyid kyis yin pa'i phyir tshad ma gcig 'jug pa na gnyis las gzhan yongs su gcod cing de las gzhan mi mthun pa rnam par gcod la/ rnam pa gzhan yang med par ston pa yin pas mngon sum gyi tshad ma nyid kyis nges te/ 'di dag ni phan tshun spangs te gnas pa'i mtshan nyid kyi 'gal ba yin no/ /des na phung po gsum pa med pa'i phyir rim dang cig car dag gis don byed pa la khyab la/ de yang brtan pa'i dngos po rnams la rang gi khyab par byed pa ldog pa ni de'i mtshan nyid kyi yod pa bzlog bzhin par ldog par byed pa'i phyir khyab pa grub po dus kyis dngos po tha dad pa khas blangs pa'i phyir dngos po rnams kyi rim dang cig car ba nyid ma grub ces bya ba 'di ni brjod par mi nus te/ kho bo
- 264b
cag ni dngos po rnams kyi rim dang cig car don gzhan du gyur pa'i dus kyi dngos pos byas par mi smra'o/ /'o na ci zhe na/ de lta de ltar skyes pas byas pa yin te/ 'di ltar gang kho na'i tshe gcig yod pa nyams su myong ba de kho na'i tshe gzhan gang yin pa yang de bzhin du de'i rjes su 'jug te/ de dag thams cad nyid de bzhin du skye ba na rim pa yin tha snyad kyi rgyu mtshan yin te/ 'di lta ste dper na tshogs pa'i tshogs las myu gu ming po skye ba lta'o/ /bzlog pa ni rim pa'i tha snyad la brten pa yin te/ myu gu dang sdong bu dang mdab ma la sogs pa bzhin no/ /'di dag kyang mngon sum nyid kyis grub la/ skye bo rnams kyis kyang de kho na bzhin du tha snyad du byed do/ /de lta bur gyur pa'i don gyi yul gyi dngos po yang rgyu'i bya ba yin la/ de'i yul yin pa nyid kyis rim dang cig car dag gi tha snyad kyi byed pa yin pas rtsod pa 'di med do/ /'on te brtan pa'i dngos po grub par gyur na de'i tshe de la rim dang cig car lan na don byed par nus pa ldog pa 'grub par 'gyur pa yin nam/ dper na chos can gyi phyogs 'ga' zhig tu shing log na shing sha ba ldog pa bzhin no/ /de lta na ma yin te chos can sa phyogs pa grub na gang du shing sha ba med par rtog par byed/ 'di grub na yang ma yin te/ de nyid dgag par 'dod pa'i phyir ro/ /ci ste yang grub par khas len na/ 'o na de spangs par mi rigs te/ de chos can gyi ngo bor grub par khas blangs pa'i phyir ro/ /de lta yin dang yod pa'i phyir zhes bya ba 'di yang gtan tshigs ma nges pa kho na yin te/ mi mthun pa'i phyogs la'ang 'jug pa'i phyir ro/ /snyam na/ de ni yod pa ma yin te/ kho bo cag gis rang rgyud kyi tshad ma nyid kyis dgag pa sgrub par byed pa'i khyab byed mi dmigs pa 'di sbyor bar byed pa ni ma yin no/ /'o na ci zhe na/ gzhan la thal ba sgrub par byed pa yin no/ /gal te khyed cag /'di dag brtan pa'i dngos po nyid du khas len
- 269a
yin te/ mtshan nyid kyi sgra ni rang bzhin rjod par byed pa'i skabs yin pa'i phyir ro/ /kha cig na re gang dang gang yod pa de thams cad skad cig ma yin no/ zhes thams cad nye bar bsdu ba'i khyab pa 'di grub par 'gyur ba dngos po gang zhig tha na thams cad mkhyen pa'i ye shes kyang skyed par byed par mi byed pa de ni de 'dra ba yod pa nyid la gnod par byed pa'i tshad ma ci yod/ /de yongs su ma shes na thams cad mkhyen pa nyid nyams pa yang ma yin te/ de ni shes bya mdza' dag kho na mdza' dag la dbang ba'i phyir te/ shes par rung ba'i dngos po me shes na/ thams cad mkhyen pa ma yin par 'gyur na/ de ni shes bya ma yin te/ de ni shes pa skyed pa yang mi nus pa'i phyir ro/ /zhes zer ro/ /de la bshad pa don byed don du zhes bya ba la sogs pa'o/ /don dngos po tsam la yod pa nyid dang med pa nyid du spyod pa gang yin pa de thams cad ni don byed pa don du gnyer bas yin gyi chags pas ni ma yin te/ gzhan du na smyon par 'gyur ro/ /des na dngos po'i tshogs gang kho na don byed pa don du gnyer ba 'ga' zhig la ci ltar dngos ma brgyud pas yul 'ga' zhig tu dus re 'ga' nye bar sbyor ba de nyid la rtog pa dang ldan pa dngos po nyid du rnam par 'jog pa rigs pa yin gyi gzhan la ni ma yin te/ rgyu mtshan med pa'i phyir dang dgos pa med pa'i phyir ro/ /snyam du bsams pa yin no/ /sogs pa smras pas me dang chu la sogs pa'i don gyi khyad par dag la spyod pa gzung ngo/ /da lta yin dang rtog pa sngon du gtong ba rnams kyi gang kho na don byed pa de kho na dngos po yin no/ /zhes bya ba gang yin pa de grub bo/ /de'i ngo bo nyid kyi don bya ba byed pa'i ngo bo de kho bo cag gis skad cig ma nyid du sgrub ste/ des na don byed par nus pa'i mtshan nyid kyi yod pa gtan tshigs nyid du mngon par 'dod pa'i phyir 'khrul pa med do/ /de lta bur gyur pa'i gtan tshigs de la bsgrub par bya bas thams cad nye bar sdud pas khyab pa grub
- 269b
pa grub pa'i phyir ro/ /phyogs dang mthun pa'i phyogs kyi rnam par dbye ba ma byas par gtan tshigs kyi khyab pa bstan pa gang yin pa de ni thams cad nye bar bsdu ba'i khyab pa'o/ /ci ste don byed par nus pas ston na yang ci'i phyir dngos po nyid du mi 'dod ce na/ nus pa mdza' dag gis stong gang zhes bya ba la sogs pa smos te/ thams cad mkhyen pa'i thugs la yang zhes bya ba la/ yang gi sgra ni rigs 'dra ba'i skad cig dang/ chu skyor ba la sogs pa'i 'bras bu 'ba' zhig tu ma zad ces bya ba'o/ /de'i 'bras sogs ma mthong phyir/ zhes bya ba ni/ rgyu mtshan med pa can gyi gtan tshigs te/ ngo bo ni de'i rang bzhin no/ /'bras bu ni de'i 'bras bu'o/ /sogs pa'i sgras de'i yul dang dus dang/ gnas skabs kyi khyad par yang gzung ngo/ /de lta bu'i ngo bo de ni ri bong gi rwa la sogs pa dag las khyad par 'ga' yang med do/ /snyam du bsams pa yin no/ /de lta bur gyur pa'i dngos po de la skad cig ma nyid du bsgrubs pas don byad pa don du gnyer ba la dgos pa cung zad kyang med de/ de ni mthong ba dang ma mthong ba dag tu phan pa dang mi phan pa thob pa dang spong ba min rung ba'i phyir ro// ji skad du/ don byed nus pa ma yin la/ de 'dod brtags pas ci zhig bya/ /ma ning gzugs bzang mi bzang zhes 'dod ldan rnams kyis brtags ci phan/ zhes bshad pa bzhin no/ /de nyid kyi phyir skad cig ma de la 'di ltar rtogs par bya zhes bya ba la sogs pas brgal zhing brtag pa'i phyir rgol bas byed pa'i 'bras bu med pa nyid de/ de ni rgol bas skad cig ma nyid du bsgrubs par mi 'dod pa'i phyir ro/ /de ni gzhan gyis don byed par nus pa yang dngos po'i mtshan nyid du mi rigs te/ ha cang khyab ches pa'i phyir ro/ /zhes ston par byed pa ni/ 'on te nam mkha' i pad+ma zhes bya ba la sogs pa'o/ /'di ltar nam mkha' i pad+ma la sogs pa las nam mkha' i pad+ma nam mkha' i pad+ma snyam pa la sogs pa'i shes pa skye ba'i mtshan nyid kyi don byed pa la nus pa yin la/ de dag don dam par yod pa ma yin te/ de'i phyir dngos
- 270a
po'i mtshan nyid ni nus pa yin no/ /zhes bya ba 'di khyab ches pa yin no/ /'di la lan du/ nam mkha' i pad+ma la sogs pa la zhes bya ba la sogs pa smos te/ nam mkha' i pad+ma la sogs pa rnams la don byed par nus par ma grub ste/ de'i rnam par rtog pa rnams ni rang gi rnam par rtog pa'i bag chags yongs su smin pa tsam kho na las skye bas dmigs pa med pa'i phyir ro/ /ci ste nam mkha' i pad+ma la sogs pa las skye ba gnod par byed pa'i tshad ma ci yod ci na/ med pa rgyu nyid yin na ni/ zhes bya ba la sogs pa smos te/ nam mkha' i pad+ma la sogs pa med pa rgyu gang la yod pa de la de skad ces bya ste/ de'i dngos po ni de nyid do/ /de yod na nam mkha' pad+ma la sogs pa'i shes pa de thams cad du 'byung ba de/ skye bar 'gyur te/ rgyu ma tshang ba med pa rtag pa'i phyir ro/ /gang gis rgyu ma tshang bas res 'ga' mi skyed par zhes bya bar 'gyur ba/ gzhan gyi phan gdags par bya ba ma yin pa de ni bltos par rigs pa yang ma yin no/ /skad cig ma'i dngos rnams la zhes bya ba la sogs pas/ btsun pa sbyor ba'i sde'i lugs dogs par bya ba yin te/ des smas pa dngos po rnams skad cig ma yin na yang rim dang cig car dag gis don byed pa 'gal ba nyid yin te/ 'di ltar de dag rang nyid nus par 'gyur ram mi nus/ gal te nus na de'i tshe/ lhan cig byed pa'i rgyu la bltos par mi 'gyur te/ nus pa ni 'ga' la yang bltos par rigs pa ma yin no/ /ci ste mi nus pa de lta na yang/ de dag gi de la bltos pa de rigs pa dang mi ldan pa gsal rab pa nyid de/ /'di ltar tshogs pa dang po'i nang du chud pa'i lus gang yin pa de dag ni phan tshun du khyad par thob par byed pa ma yin te/ skyes pa dang ma skyes pa'i gnas skabs dag gis yod pa dang med pas phan gdags par bya ba dang phan 'dogs par byed pa med pa'i phyir ro/ /de lta yin dang dngos po'i gnas skabs la de dag gi khyad par med pa'i phyir/ de las khyad par can skad cig gzhan skye bar mi 'gyur ro/ /khyad par med
- 270b
pa de dag las skad cig gzhan gyi khyad par skye na/ 'bras bu yang ci'i phyir skyed par mi byed/ khyad par can de dag ni tshogs pa snga ma las byung ngo/ /zhes brjod par rigs pa yang ma yin te/ tshogs pa de'i nang du rtogs pa rnams kyang de nyid kyi phyir phan tshun khyad par med pa'i phyir ro/ /de dag kyang khyad par gzhan las skye na ni thug pa med par 'gyur ro/ /de'i phyir de ltar khyad par med pa'i phyir de ji ltar rgyu'i tshogs pa khyad par med pa las 'bras bu skye bar 'gyur/ khyad par med pa las kyang skye na thams cad thams cad las 'gyur ro/ /de lta yin dang rim dang cig car dag gis de ltar don byed par mi 'gal na yang ji ltar de dag don bya ba byed par 'gyur ba de bzhin du rtag pa yang yod par 'gyur ba'i phyir de dag gi skad cig ma nyid la brten pa don med do/ /des na yod pa'i phyir ro/ /zhes bya ba'i gtan tshigs na ma nges pa yin no snyam du bsams pa yin no/ /rgyun gyi gnas skabs khyad par thob pas 'bras bu skye bar 'gyur gyi thams cad du ni ma yin no/ /zhes kyang brjod par mi rigs te/ ji skad du bshad pa'i rigs pas lhan cig byed pas byas pa'i khyad par med pa rgyun thams cad du khyad par med pa'i phyir ro/ /rgyun ni rang gi nye bar len pa'i rgyu tsam dang ldan pa'i khyad par yin no/ /zhes kyang brjod par mi rigs te mthong ba dang 'gal ba'i phyir ro/ /'di ltar lhan cig byed pa rnams yod pa dang med pa dag las 'bras bu gsal ba dang bral ba mthong ste/ gal te rang gi nye bar len pa tsam dang ldan pa'i khyad par du 'gyur na/ de'i tshe lhan cig byed pa la bltos pa med pa kho nar skyed par byed pa nyid du 'gyur ro/ /gzhan yang ji skad du bshad pa'i rigs pas rgyun la thams cad du khyad par med pa'i phyir/ bum pa la sogs pa rnams la gyo mo la sogs pa'i khyad par skye bar mi srid pa'i phyir/ rigs 'dra ba'i skad cig rgyun chad pa'i mtshan nyid kyi 'jig pa gal te rgyu med pa can du 'gyur na/ de'i tshe bltos pa med pa'i phyir dang po nyid du 'gyur ro/ /'on te dang po mi 'gyur na phyis kyang mi 'gyur te/ snga ma bzhin du khyad par med pa'i phyir ro/ /gzhan yang gal te dngos po rnams kyi 'jig pa la rang gi rgyu las tha dad pa
- 271a
gzhan rgyur mi 'dod na de'i tshe me la sogs pa dang grang ba la sogs pa rnams la ji ltar 'gal bar 'gyur/ cung zad kyang mi byed pa ni 'gal bar rigs pa ma yin te/ ha cang thal bar 'gyur ba'i phyir ro/ /de lta na ni thams cad thams cad dang 'gal bar thal bar 'gyur ro/ /de lta yin dang 'gal ba'i sgro nas mi 'jigs pa'i sbyor ba dang/ srog gcod pa la sogs pa'i rnam par bzhag pa yang ches 'brel par dka' o snyam du bsams pa'o/ /smras pa zhes bya ba la sogs pas lan 'debs par byed pa yin te/ nus pa kho na las 'bras bu skye zhing lhan cig byed pa yang ma yin te/ 'di ltar lhan cig byed pa ni rnam pa gnyis te/ don gyi bya ba gcig byed pa dang/ phan tshun phan pa byed pa nyid kyis so/ /de la bar du mchod pa'i 'bras bu la bltos nas don gyi bya ba gcig byed pa nyid yin gyi/ phan tshun du phan pa byed pa nyid ni ma yin te/ skad cig gcig la cha med pa nyid kyis khyad par bskyed par mi nus pa'i phyir ro/ /mchod pa'i 'bras bu la bltos na ni phan tshun du khyad par can gyi skad cig gong nas gong du skye ba'i phyir/ rgyun la bltos nas phan tshun du phan 'dogs pas chod pa'i 'bras bu skyed par byed pa'i phyir phan tshun phan pa byed pa'i phyir mtshan nyid lhan cig byed pa nyid yin no/ /de la dang po'i gnas skabs su byung ba rnams la gal te yang phan tshun khyad par med pa de na yang de dag gi lhan cig byed pa 'gal ba med pa nyid de/ don gyi bya ba gcig byed pa'i phyir ro/ /de dag ni de ma thag tu khyad par can gyi skad cig skye ba la khyad par med pa yang ma yin te/ rang gi rgyu dang rkyen snga ma dag kho nas las rnam pa de lta bu'i 'bras bu'i tshogs skyed pa na nus pa rnams so sor skyes pa'i phyir ro/ /rgyu dang rkyen de dag kyang rang gi rgyu dang rkyen gzhan dag las yin la/ de dag kyang gzhan dag las yin pa'i phyir/ rgyu'i brgyud pa thog ma med pa nyid du 'dod pa'i phyir/ thug pa
- 271b
med kyang sun mi phyin pa nyid do/ /nus pa so so yin na yang gzhan 'di dag don med pa yang ma yin te/ rang gi rgyu'i stobs kyis de dag de ltar skye ba'i phyir ro/ /de dag tha mi dad pa'i ngo bor yang yod pa ma yin te/ rnam pa de lta bu'i rgyu'i dngos po med pa'i phyir ro/ /phyis kyi skad cig ma nyid yin pa'i phyir tshogs pa logs zhig tu skyed pa yang ma yin te/ skad cig gnyis par 'byung ba'i tshogs pa ro ro skyed pa'i nus pa zhes bya ba'i don to/ /rang gi nye bar len pa smos pa ni dang po'i gnas skabs su byung ba'i lhan cig byed pas byas pa'i nye bar sbyor ba 'gags pa ltung len pa yin par blta bar bya'o/ /rang gi nye bar len pa tsam las byung ba'i 'bras bu 'ga' zhig yod pa ni ma yin te/ thams cad ni tshogs pa las byung ba'i phyir ro/ /ci skad du/ 'ga' yang ci las gcig ma yin/ thams cad tshogs pa nyid las 'byung/ zhes bshad pa lta bu'o/ /de las brtsams nas zhes bya ba ni/ dus phyis skad cig ma gnyis pa nas bzung nas zhes bya ba'i don to/ /des byas pa'o/ /zhes bya ba ni lhan cig byed pas byas pa'i khyad par gyi rgyus byas pa'o/ /ci'i phyir zhe na/ de'i ngo bo'i rang bzhin yin pa'i phyir te/ de rnams te ngo bo khyad par lhan cig byed pas byas pa'i khyad par gyis rgyus bskyed par bya ba'i rang bzhin te/ ngo bo nyid gang la yod pa de la de skad ces bya'o/ /de la nyer bar sbyor zhes bya ba ni/ de'i ngo bo'i rang bzhin phyir/ zhes bya ba dang sprel par bya'o/ /de la nye bar sbyor te/ zhes bya ba 'di dang rang gi sgra mi mngon par byas par bstan pa yin no/ /des na don 'dir 'gyur te/ de las gnas skabs gsum par 'byung ba'i 'bras bu la skad cig gnyis par 'byung ba'i khyad par gang dag rgyu'i dngos pos nye bar sbyor te/ de la nye bar sbyor ba de dag kyang lhan cig byed pas byas pa'i khyad par gyi rgyus bskyed par byas pa'i 'bras bu skyed par rung ba'i rang bzhin yin pa'i phyir ro/ /de'i phyir skad cig gsum pa
- 272a
la sogs pa 'byung ba'i khyad par des byas pa yin no/ /zhes bya ba yin no/ /'di dag gi nges pa 'di yang ji ltar 'byung ba yin zhe na/ nus des zhes bya ba la sogs pa smos te/ dngos po rnams kyi rang bzhin ni brgal zhing brtag par 'os pa ma yin te/ me'i sreg par byed pa mi rtogs pa nyid lta bur de dag gi rang bzhin tha dad pa ni rang gi rgyu dang rkyen brgyud pas bskyed pa nyid kyi phyir ro/ /gang gi phyir de dag rkyen gzhan dang gzhan gyi sbyor bas skad cig re re la nus pa tha dad par skye ste/ de'i phyir 'di mtshungs pa 'ga' zhig las 'dra bar shes par byed pa yin mod kyi 'on kyang 'di dag gi rang bzhin tha dad pa kho na'o/ /des na 'ga' zhig gi rgyu yin gyi/ thams cad thams cad kyi ni ma yin/ ci'i phyir 'di ni ci yang ma yin no/ /'byung ba'i zhes bya ba ni skye ba'i zhes bya ba'i don te gang yang gal te 'jig pa rgyu med de 'gyur zhes smras pa de la bshad pa rgyun chad ngo bos gang yin pas zhes bya ba la sogs pa ste/ 'jig pa ni rnam pa gnyis te/ rgyun chad pa'i ngo bo dang/ rgyun mi 'dra ba'i mtshan nyid do/ /de la gal te rgyun chad pa'i ngo bo'i 'jig pa'i dbang du byas nas smras na/ de mi rigs te/ de ni mthar yang yod pa ma zhes bya ba la/ ngo bo med pa'i phyir/ de ni mthar yang ji ltar 'gyur/ zhes bya ba de ci ste/ brjod par byed/ de lta bas na 'di ni res 'ga' yang yod par khas ma blangs pa'i phyir dang po dang mthar dngos po med pa thal ba gang yin pa de 'brel pa med pa nyid do/ /de bzhin du tshe rigs 'dra ba'i skad cig gzhan mtshams sbyor bas skye ba 'byung ba de la bkag pa 'ba' zhig yin te/ bum pa la sogs pa 'chad par 'gyur ba na/ de nyid mi 'byung ngo/ /zhes bya ba'i don yin te/ de la cung zad sgrub par ni ma yin no/ /ci ste mi 'dra ba'i skad cig skye ba'i mtshan nyid kyi 'jig pa gnyis pa mngon par 'dod na/ de ni rgyu med pa nyid du ma grub ste/ dngos su de ni tho ba la sogs pa'i rgyu'i stobs kyis skye bar khas blangs pa'i phyir ro/ /de nyid kyi
- 272b
phyir 'di dang por mi skye ste/ rang gi rgyu tho ba la sogs pa de'i dus su med pa'i phyir ro/ /'gal ba'i rnam par bzhag pa bsgrub pa'i phyir skad cig ma'i dngos rnams gnyis zhes bya ba la sogs pa smos te/ dngos po kha cig 'ba' zhig gi nyams chung chung ba dang/ che ba dang ches cher thub pa'i skad cig skyed pa'i rim gyis bskum pa gan gyin pa de la rgyur 'gyur te/ dper na grangs pa la sogs pa me la sogs pa bzhin no/ /gzhan ni de lta min pa ni/ 'grib pa'i rgyu ma yin te/ 'di lta ste dper na du ba la sogs pa rnams kyi me la sogs pa de dag nyid bzhin no/ /de la dang por bstan pa'i bskum pa'i rgyu dag la rgyu dang 'bras bu'i dngos po yin na yang shes pa'i snang ba ma shes pa'i rab rib kyis bsgribs bzhin pa'i 'jig rten 'gal ba nyid du mngon par rlom mo/ /rnam pa du ma zhes bya ba ni grang ba dang 'gal ba me dang/ sgron ma'i rlung dang/ snang ba'i mun pa zhes bya ba la sogs pa'i bye brag gis so/ /don dam pas dngos po rnams la gnod par bya ba dang/ gnod par byed pa'i dngos po yod pa ni ma yin te/ yod pa ni bdag nyid thams cad kyis grub pas rang bzhin bzhan du bya bar mi nus pa'i phyir ro/ /de ni tha dad pa dang tha mi dad pas brtags pa na gnyi ga ltar yang byed pa mi srid pa'i phyir ro/ /med na yang dngos po ma yin pa nyid kyis cung zad kyang mi byed pa'i phyir gnyi ga ltar yang 'gal ba ni cung zad kyang mi byed do/ /de nyid kyi phyir slob dpon gyis/ rgyu ma tshang ba med par 'byung ba la gzhan yod na med pa'i phyir 'gal bar rtogs so/ /zhes bshad de/ 'gal bar rtogs pa ni 'gal bar nges pa yin gyi 'gal bar de kho na nyid ni ma yin no snyam du dgongs pa yin no/ /yang gi sgras ni rang gi don dang rim pa gzhan du sbyor ba yin te/ de nyid phyir zhes bya ba 'di'i mjug tu blta bar bya'o/ /'on te de nyid zhes bya ba la sogs pa ni rgyal dpog pa la sogs pa'i gzhung gis skad cig ma 'jig par
- 273a
dam bcas pa mngon sum gyis gnod pa nyid kyi dogs pa bsu ba yin te/ 'di ltar ri dang lus dang khang bzang la sogs pa la de nyid 'di yin no snyam pa'i mngon sum gyis byed pa'i mjug thogs su ngo shes par brjod pa'i mngon sum gyis tshad ma dngos po rnams kyi skad cig ma 'jig pa 'joms par byed pa skye'o/ /bregs nas yang skyes pa'i sen mo dang sgra dang rtsa la sogs pa la ngo shes par mthong ba yin mod kyi/ 'on kyang rdo rje la sogs yul can gyi ngo shes pa tshad ma yin pa ma yin te/ gnod pa med pa'i yul can nyid yin pa'i phyir ro/ /de nyid kyi phyir g.yo ba med cing gnod pa med pa'i zhes bya ba smos te/ rab rib kyi nyams pa'i mig gis bskyed pa'i skra shad kyi shes pa tshad ma ma yin par dmigs pa yin pa de tsam gyis tha mal pa'i mig gis skyed pa'i bden pa'i skra shad kyi yul can gyi mig gi rnam par shes pa yang tshad ma ma yin no/ /zhes sems rnal du gnas pas brjod par rigs pa ni ma yin no/ /snyam du bsams pa yin no/ /de la g.yo ba med pa nyid kyis the tshom med pa'i ngo bo nyid brjod pa yin te/ de nyid 'di yin nam 'on te/ gzhan yin zhes bya ba rnam pa de lta bu'i the tshom med pa'i phyir ro/ /gnod pa med pa zhes bya ba 'dis ni phyin ci log par bstan to/ /ngo shes pa'i shes ba ni zhes bya ba la sogs pas lan 'debs par byed de/ de la re zhig 'di ni mngon sum nyid du ma 'grub ste/ 'di ltar dngos po'i rang gi mtshan nyid rjes su 'gro ba med pa nyid kyi brda bya bar mi nus pa'i phyir 'dzin pa'i shes pa rnams mngon par brjod pa med pa nyid yin te/ 'brel pa ma bzung ba'i don sgra dang lhan cig sbyar nas 'dzin par mi srid pa'i phyir ro/ /de'i phyir mngon sum ni yod pa'i rang gi mtshan nyid kyi yul can nyid yin pa'i phyir gdon mi za bar rtog pa dang bral ba dang
- 273b
tshad ma yin pa'i phyir ma 'khrul par 'gyur bar bya dgos so/ /de nyid kyi phyir mkhas pa rnams kyis/ mngon sum rtog bral ma 'khrul pa'o/ /zhes bya ba rigs pa'i rjes su 'gro ba 'di mngon sum gyi mtshan nyid du brjod par byed do/ /ngo shes pa ni rtog pa dang bral ba yang ma yin te/ de nyid 'di yin no/ /zhes bya ba de lta bu'i brjod pa'i rnam pa nyid kyi rig pa'i phyir ro/ /ma 'khrul pa yang ma yin te/ tha dad pa la tha mi dad par nges par 'jug pa'i phyir ro/ /ji ltar zhes na/ 'di ni sngar rtogs zhes bya ba la sogs pa smos te/ gal te 'di sngar dmigs pa'i don gyi yul can yin par gyur na de'i tshe sngar nyid du skye bar 'gyur te/ de yin pa nyid kyi rgyu ma tshang ba med pa nyid kyi phyir/ sngar gyi shes pa bzhin no/ /don can phyir zhes bya ba ni/ de ni sngar rig pa'i dngos po don yul du gang la yod pa de ni don can te de'i dngos po ni de'i don can nyid do/ /de lta yang ma yin zhes bya ba ni thal ba las bzlog pa 'chad pa'o/ /sbyor ba ni gang zhig gang du ma tshang ba med pa yod na yang mi 'gyur ba de ni de'i yul can ma yin te/ dper na ma tshang ba med pa'i gzugs yod na yang de la rna ba'i rnam par shes pa mi 'byung ba bzhin no/ /rdo rje la sogs pa'i shes pa de'i dus su ngo shes pa yang ma tshang ba med na mi 'byung ba'i phyir zhes bya ba ni khyab par byed pa mi dmigs pa'o/ /de'i phyir de ltar rdo rje la sogs pa gzhan la bltos pa med pa rtags pa nyid yin na/ de'i yul can gyi shes pa ni rgyu ma tshang ba med pa nyid kyi phyir sngar nyid du 'gyur na/ da lta yang ma yin te/ de lta bas na 'di mi rtag pa nyid du grub po/ /de lta yin pa dang tha dad pa dag la tha mi dad par nges pas 'jug pa'i phyir sgyu ma'i re lu'i rnam par shes pa bzhin du 'di ni 'khrul pa yin no/ /zhes bya ba 'di ni ma tshang ba med pa nyid yin no/ /de nyid kyi phyir gnod pa med pa'i yul can yang ma grub pa yin te/ 'khrul pa nyid du grub pa ji skad du bshad pa'i gtan tshigs las
- 274a
gnod pa'i yul can yin pa'i phyir ro/ /'di yang bzung zin pa 'dzin pa'i phyir 'di tshad ma ma yin te/ dran pa bzhin no zhes bstan pa'i phyir/ grub zin pa don gyi zhes bya ba la sogs pa smos te/ gang gi phyir gang kho na gzhal ba'i bya ba grub pa la khyad par can gyi phan 'dogs par byed pa de kho na grub bar byed pa dam pa'i byed pa po tshad ma zhes bya'o/ /gal te ngo shes pa tshad mas bzung zin pa don gyi yul can du gyur na/ de'i tshe gzhal bar bya ba grub pa'i don la 'jug pas sgrub par byed pa dam pa nyid med pa'i ji ltar tshad ma nyid du 'gyur gzhan du na dran yang tshad ma nyid du 'gyur ro/ /tshad ma'i dngos por gyur pa ma yin na gnod par byed pa nyid du rtog pa yang ma yin te/ ha cang thal bar 'gyur ba'i phyir ro/ /'di snyam du 'di logs shig tu tshad ma nyid du ma gyur mod/ /de lta na yang snga ma'i don yul yin pa nyid kyis 'di skad cig ma 'jig pa la gnod par byed pa nyid yin no/ /snyam du sems na/ de ni yang dag pa ma yin te/ 'di la don dam par snga ma'i don yul yin pa nyid yod pa ma yin te/ brjod pa dang bcas pa'i phyir ro/ /yul med na yang 'khrul pa'i stobs kyis sngar mthong ba'i don la nges pa skye ba'i phyir nges pa'i dbang gis sngar mthong ba'i don yul yin no/ /zhes brjod pa 'ba' zhig tu zad do/ /de'i phyir rang bzhin gyis 'khrul pa'i ngo shes pa 'di las skad cig ma 'jig pa sel bar ga la 'gyur/ da lta'i dus su yod pa nyid ces bya ba la sogs pas gzhon nu ma len gyi lugs kyis bzung 'dzin pa nyid kyis ma grub par ston par byed pa yin te/ des smras pa/ mngon sum snga mas don de lta'i dus su yod pa nyid du rtogs ni ma yin te/ de ni de nyid 'di yin zhes bya ba'i rnam pa 'dzin par mi 'thad pa'i phyir ro/ /de lta bas na ngo shes pa 'di la dran pa las khyad par yod do/ /ji ltar zhe na/ snga rol gzhan pa tsam la sogs pa
- 274b
smos te/ dran pa ni de'o snyam pas shes pa snga ma'i rnam pa 'dzin pa nyid kyis 'jug la/ de shes pa ni 'di'o snyam pa de lta bu'i tha dad par yang don gyi rnam par 'dzin pa skye ste/ de'i phyir dran pa las khyad par gyur pa yin te/ bye brag can yin no/ /zhes bya ba'i don to/ /de lta bas na gang dag the tshom dang phyin ci log yin pa de dag la gnod par byas nas ngo shes pa tshad ma nyid du thob par 'gyur ba yin no/ /gang las 'di dag la gnod pa yin zhes bya ba 'di la rgyu bshad pa ni/ rtog pa la ni yod min phyir/ zhes bya ba la/ rtogs pa'i don la de dag med pa'i phyir/ me 'bar ba'i tshogs chen po dang ldan pa'i dus su grang ba lta bu'o/ /'on te ji lta bu la sogs par rtogs pa'i sngo bsangs la sogs pa bzhin du ji ltar rjes su dpag pas bsgrubs pa'i don la dus gzhan yang mngon sum gyis gzhan nyid du 'gyur te/ de bzhin du 'di la yang ma yin nam/ gal te ngo shes pas rtags pa nyid kyi don grub pa de lta na yang dus phyis de'i 'bras bu'i rim pas de'i rim pa rjes su dpag pas grub pa'i phyir gzhan nyid du 'gyur ba grub ba nyid ma yin na/ de ci ltar skad cig ma 'jig pa nyid la gnod par byed ces dogs pa la/ cig shos kyis ni zhes bya ba la sogs pa smos te/ cig pa shos kyis shes bya ba ni dper na de ni sngo bsangs yin te/ de'i bu yin pa'i phyir/ de'i bu snang ba bzhin no// zhes bya ba'i rjes su dpag pa la sogs pa dag gis so/ /mngon sum gyis ni gzhan du 'gyur zhes bya ba ni mngon sum du gyur pas gzhan du ste/ rjes su dpag pa la sogs pas gzhal ba'i rnam pa las phyin ci log tu 'gyur ro/ /zhes bya ba'i don to/ /bcad pa zhes bya ba ni yul du byas pa zhes bya ba'i don to/ /cig shos kyi srid pa min zhes bya ba mngon sum las cig shos kyi rjes su dpag pa la sogs pa gnod par byed pa nyid du skye ba srid pa nyid ma yin no/ /zhes bya ba'i don du'o/ /ci'i phyir zhe na/ tshad
- 275a
ma'i thu'o/ /zhes bya ba la sogs pa smos te/ gang gi phyir rjes su grub pa'i don la mngon sum gyis gzhan nyid du byed pa zhes bya ba ni rigs te/ de ni tshad ma thams cad kyi mthu'o yin pa'i phyir ro/ /rjes su dpag pa la sogs pas mngon sum gyis grub pa'i don gzhan nyid bya bar nus pa ni ma yin te/ de dag stobs chung ba'i phyir ro/ /brtan po yis zhes bya ba ni the tshom dang/ phyin ci log dag dang bral bas so/ /bzlog par zhes bya ba ni gzhan nyid du'o/ /gal te zhes bya ba la sogs pas lan 'deb par byed pa yin te/ ngo shes pa'i yul da lta'i dus su yod pa nyid gang yin pa de ci mngon sum snga mas bzung ba'i yod pa nyid las tha dad dam/ /'on te de nyid yin/ gal te tha dad na de'i tshe rang gi tshig nyid kyi tha dad du bstan pa'i phyir khyed cag gis khas blangs pa nyams par 'gyur la kho bo cag gi ni 'dod pa grub pa yin no/ /'on te gzhan ma yin no/ zhes bya ba'i phyogs yin na de'i tshe gang gi snga ma'i blo yis rtogs pa min/ zhes brjod pa de ji ltar blo snga mas mi rtogs/ 'di snyam du gal te sgra la sogs pa las skad cig ma nyid tha mi dad pa yin na yang de bzung na ma bzung bar brjod pa de bzhin du 'di yang 'gyur ro/ /snyam du sems na/ de ni mi rigs te/ chos can sgra bzung na yang de las tha mi dad pa'i skad cig ma nyid ma bzung ngo/ /zhes rnam par bzhag par mi bya'o// 'on kyang de gzung du zin kyang nges pa skye ba'i rgyu med pa'i phyir ma nges so/ /zhes brjod par bya'o/ /nyams su myong ba nyid tsam las nges par 'gyur ba ni ma yin no/ /de ni ma yin pa nyid dang/ gzung bar bya ba ma yin pa'i yul 'dzin pa'i gzung bar bya ba ma yin pa nyid dang/ brjod par bya ba ma yin pa'i rjod par byed pas brjod par bya ba ma yin pa nyid dang/ rigs mtshungs pa dang mi mtshungs pa'i rdzas ldan pa dang rnam par dbye ba las skyes pa sgra'i 'bras bu'i sgra'i brjod par bya ba ma yin pa'i phyir/ snga na med ba
- 275b
la sogs pa bzhin no/ /de la gzugs nyid la sogs pa spyi la brten pa ni gzugs la sogs pa'o/ /gzugs la sogs pa de dag gi rten ni de'i rten no/ /de dag kyang gang zhe na/ bum pa la sogs pa'o/ /grub pas bstan pa ni rnal 'byor pa'i shes pa'o/ /lhag ma ni snga ma bzhin du bshad par bya'o/ /yod pa dang med pa gang yang rung ba nyid dam med pa nyid do/ /yod pa dang med pa dag las tha dad pa'i shes bya med pa nyid kyi phyir/ de'i yul can gyi shes pa yang med do/ /de yang med pa nyid kyi phyir des bcad par bya ba ma yin pa nyid grub po/ /de bzhin du gzung bar bya ba ma yin pa'i yul 'dzin pa med pa nyid kyi phyir de yis bzung bar bya ba ma yin pa nyid grub po/ /de bzhin du gang la brjod par bya ba yod pa ma yin pa de ni/ rjod par byed pa ste/ brjod par bya ba ma yin pa'o/ /des brjod par bya ba ma yin pa nyid/ sgrub ste don med pa nyid kyi phyir ro/ /rigs mtshungs pa'i rdzas ni chu dang sa la sogs pa ste/ byas pa nyid la sogs par mtshungs pa'i phyir ro/ /rigs mi mtshungs pa ni nam mkha' la sogs pa ste/ de dag phan tshun ldan pa dang rnam par dbye ba de dag gis bskyed pa'i sgra dang po gang yin pa de'i rgyud pa'i 'bras bur gyur pa rna ba'i lam du phyin pa gang yin pa des brjod par bya ba gang yin pa'i phyir ro/ /'di ltar 'di dag gi tha snyad ni 'di yin te/ sgra'i dang ba'i skye gnas ni ltan pa dang rnam par dbye ba'o/ /de las pha long? rdebs pa'i tshul du sgra gzhan dag skye'o/ /de dag las kyang so sor sgra re re las zhan pa dang/ ches gzhan dang/ ches cher zhan pa'i rim pas skye ste/ de la gang zhig rna ba'i sbubs kyi dbus kyi nam mkha' i yul du phyin pa de dmigs kyi cig shos ni dmigs pa ma yin no zhe'o/ /des na 'di'i tshad ma'i tshogs ston pa ni/ gzugs nyid la sogs don kun dang/ zhes bya ba la sogs pa'o/ gzhal bya nyid dang brjod bya nyid smos pa ni nye bar mtshon pa yin te/ de las gzhan pa'i gtan tshigs dag
- 276a
kyang blta bar bya'o/ /mkha' ste nam mkha' i pad+ma ni nam mkha' i pad+ma de/ nam mkha' i pad+ma bzhin no/ /zhes bya ba'i tha tshig gsal byed pas smras pa/ log par rtogs pa'i cig car ba ma yin pa'i dus kyi shes pa rnams ni yul cig yin te/ de'i shes pa gzhi mthun pa ma bsal ba mtshungs pa'i sgra'i brjod par bya ba yin pa'i phyir da ltar skad cig la skyes bu du ma'i shes pa bzhin no/ /de la gnod par byed pa'i tshad ma'i dbang gis bsal ba ste gzhan du bya ba'i ngang tshul 'di la yod pas bsal lo/ /bsal ba ma yin pa ni ma bsal ba'o/ /bum pa la sogs pa'i shes pa de dag gis gzhi mthun pa ni de'i shes pa gzhi mthun pa'o/ /'di ni ma bsal ba yang yin la de'i shes pa gzhi mthun pa yang yin pa de la de skad ces bya'o/ /gzhi mthun pa la gnod pa med pa zhes bya ba'i don to/ /khyad par 'di yang sgron ma la sogs pa'i shes pa dag gis 'khrul pa bsal ba'i don du ste/ mtshungs pa'i sgra'i brjod par bya ba nyid ni nag po'i shes pa zhes bya ba la sogs pa'o/ /de 'di ston pa ni/ gang dag rnam pa rtsod pa'i zhes bya ba la sogs pa la sgrogs pa ste/ zhes bya ba ni dam bca' bar byed pa'o/ /gcig la brten pa ste/ gzhi mthun par gnod pa med na de gnod pa yod pa ma yin pa yang de yin cig la brten pa yang yin zhes tshig rnam par sbyar ro/ /'di la lan 'debs par byed pa ni/ re zhig ces bya ba la sogs pa ste/ gtan tshigs dang po zhes bya ba ni/ de shes pa nyid du brjod pa'i phyir zhes bya ba 'di la zla ba la sogs pa'i shes pa dang po yang de'i dus su gcod pa'i zla ba'i yul can du mi 'gyur te/ rgyur gyur pa nyid yul yin pa'i phyir ro/ /dus mtshungs pa yang rgyu dang 'bras bu nyid du mi thad pa'i phyir te/ ji skad du/ don du gnyer ba dang goms pa dang drin du gzo ba la sogs pa la ltos pa'i phyir ro/ /khyed la ni de lta bu srid pa ma yin te/ sngon
- 276b
sum snga ma yang nges pa'i bdag nyid yin pa'i phyir te/ des kyang dngos po'i rang gi ngo bo nges pa na de las tha mi dad pa'i da lta'i dus su yod pa nyid kyang nges pa nyid yin no/ /de ma nges na dngos po'i rang gi ngo bo yang de bzhin du ma nges pa'i ngo bo las tha mi dad pa'i phyir ma nges pa nyid du thal bar 'gyur ro/ /gang yang the tshom dngos po yod pa na gtan la phab pa'i rgyu mtshan gyi ngo shes pa tshad ma nyid yin no/ /zhes zer ba de yang 'di nyid kyis bsal pa yin no/ /'di la the tshom za ba'i dngos po yod pa na phab pa yod pa yang ma yin te/ 'dra ba gzhan dang gzhan skye ba na yang skra la sogs pa bzhin du ngo shes pa mthong ba ni the tshom mi za ba'i phyir ro/ /gang yang cig shos kyis ni don rtogs pa'ang zhes bya ba la sogs pa smras pa de la/ rjes su dpag pa la sogs zhes bya ba la sogs pa smos te/ de'i bu yin pa'i phyir zhes bya ba la sogs pa rjes su dpag pa la sogs pa gang gi spyod yul te/ yul la mngon sum gyis gnod pa srid pa yin na/ de tshad ma nyid ma yin te/ gnod bzhin du yul yin pa nyid kyis don la mi bslu ba med pa'i phyir rab rib can la sogs pa'i shes pa bzhin no/ /des na cig shos kyis ni rtogs pa/ mngon sum gyis ni gzhan du 'gyur/ zhes gang smras pa de ni ma 'brel pa nyid de/ mi srid pa'i phyir ro/ /gang yang mngon sum thu bo nyid du brjod pa de yang 'brel pa med pa yin no/ /zhes bstan pa'i phyir don la mi bslu zhes bya ba la sogs pa smos te/ tshad ma rnams kyi tshad ma nyid ni 'di nyid yin te/ don thob par nus pa'o/ /de yang tshad ma thams cad la khas blangs par bya ste/ des na ci'i phyir mngon sum 'di thu bo nyid du 'gyur yang ci ste mngon sum kho na don la mi bslu ba nyid yin gyi/ rjes su dpag pa la sogs pa ni ma yin no snyam na/ de yod min na zhes bya ba la sogs pa smos te /de'i don la mi bslu ba nyid de med pa
- 277a
yin na/ rjes su dpag pa la sogs pa tshad ma ma yin pa nyid du 'gyur te/ tshad ma'i tha snyad kyi rgyu mtshan ni don la mi bslu ba nyid yin pa'i phyir la/ de'ang 'di la med pa'i phyir ro/ /gal te rjes su dpag pa 'dis zhes bya ba la sogs pa/ snang bral gyis smras pa'i tshad ma dag dogs par byed de/ rjes su dpag pa de gang yin zhe na/ brjod 'dod nyi ma zhes bya ba la sogs pa smos te/ des smras pa/ blo mi mthun pa'i gzhir gyur pa'i dngos po brjod par 'dod pa'i nyi ma dang/ zla ba dang/ gza' dang/ rgyu skar la sogs pa'i shes pa rnams ni/ de'i dus su bcad pa'i zla ba dang/ nyi ma dang/ gza' dang/ rgyu skar dang/ skar ma la sogs pa'i yul nyid yin te/ sa dang 'brel pa nyid du mi dmigs pa'i/ nyi ma dang/ zla ba dang/ gza' dang/ rgyu skar dang/ skar ma la sogs pa'i shes pa'i sgra'i brjod par bya ba nyid yin pa'i phyir/ dus dang por byung ba'i lha sbyin gyi zla ba dang nyi ma dang/ gza' dang/ rgyu skar dang/ skar ma la sogs pa'i shes pa bzhin no/ /zhe'o/ /brjod par 'dod pa'i nyi ma la sogs pa yul yin no/ /zhes bya ba ni nyi ma'i gzi brjod la sogs pa'i rdzas yul yin pa'o/ /sa dang 'brel pa nyid du mi dmigs pas zhes bya ba'i khyad par ni/ ri mo la sogs par gtogs pa'i nyi ma la sogs pa'i yul can gyi shes pa dag gis 'khrul pa la sogs pa'i don du'o/ /gzhan zhes bya ba ni de las gzhan te/ de ma yin pa'i dus zhes bya ba'i don to/ /de nyid kyi tshad ma gzhan 'di yang yin te gang dag gzugs nyid la sogs pa spyi la brten dang/ gang yang de'i rten dang/ gang yang de'i yul can gyi mngon sum dang/ nye bar 'jal ba dang/ sgra dang dran pa
- 277b
dang ngo shes dang/ dpyod pa dang grub pas bstan pa dang/ the tshom dang/ phyin ci logs dang/ ma nges pa dang rmi lam dang/ rmi lam gyi mdza' i shes rab kyi khyad par de dag thams cad ni/ bdag nyid thob ma thag tu 'jig par 'gyur ba ma yin te/ shes bya nyid dang/ gzhal bya nyid dang/ brjod bya nyid dang/ yod pa dang med pa gang yang rung ba nyid dang/ yod pa dang med pa las tha dad pa'i shes bya'i yul can gyi shes pas bcad par bya ba med pa sngar nus med phyir dang/ //phyis kyang nye bar mi sbyor phyir/ /rgyu rnams thams cad sngar yod yin/ /de phyir rang blo bcas don min/ zhes bshad pa bzhin no/ /gang che zhes bya ba la sogs pas sa dang 'brel pa nyid du mi dmigs pa zhes khyad par dang bcas pa yin na yang gtan tshigs ma nges pa yin no zhes ston pa yin no/ /gtan tshigs gnyis pa'i tshogs la/ chos can rigs la sogs pa med pa nyid kyis skad cig ma 'jig pa mi 'dod pa'i phyir/ de la de med pa sgrub na/ sgrub pa la sgrub pa yin no/ /zhes ston pa ni/ rigs la sogs pa zhes bya ba la sogs pa'o/ /sogs pa'i sgras ni de la brten pa'i gzugs dang ldan pa la sogs pa dang/ de'i yul can gyi shes pa rnams gzung ste/ ji skad du bshad pas khyad par du byas pa'i khyad par can 'di dag kyang med pa nyid do/ /de'i phyir de dag la nga'i skad cig ma 'jig pa nyid med par bsgrub par bya ba'i phyir sgrub par byed ? smras pa gang yin pa de logs pa yin te/ de la rtsod pa med pa'i phyir ro snyam du dogs pa yin no/ /'di yang zhib tu spyad pa ma byas te/ gal te de byed na de'i tshe de la skyon gyis tshogs ches mang pa 'jug ste/ 'di ltar 'di yod pa dang med pa gang yang rung ba sgrub byed du smras pa gang yin pa'i rnam pa de ni bsgrub par bya ba'i chos can dang dpe'i chos can la ma grub ste/ gang
- 278a
yang rung ba'i sgra ni rnam par rtog pa'i yul yin pa'i phyir rnam par rtog pa yang dngos po du ma yin pa srid pa yin na 'gyur gyi/ gcig la ni ma yin no/ /bsgrub par bya ba'i chos can gcig la yod pa dang med pa gnyis srid pa ma yin te/ de la ni dngos po'i ngo bo yin pa nyid kyis yod pa kho na srid pa'i phyir/ /dpe'i chos can la yang gnyis srid pa ma yin te/ de ni dngos po med pa nyid kyis med pa kho na yin pa'i phyir ro/ /gtan tshigs kyi khyad par don med pa yin te/ 'di ltar sgra'i brjod par bya ba yin pa'i phyir zhes bya ba'i de lta bu sbyor ba yang 'dir re zhig mi rigs te/ brjod par bya ba nyid smos pa nyid kyis sgrar grub pa'i phyir ro/ /gang yang rigs mtshungs pa zhes bya ba la sogs pa'i tshig dag khyad par de ni shin stobs chung ba nyid yin no// de ltar gtan tshigs kyi khyad par gzhan yang don med pa nyid do/ /zhes gzung bar bya'o/ /gtan tshigs 'di dag thams cad kyang ma nges pa dag yin te/ 'di dag bsgrub par bya ba las bzlog pa la gnod pa byed pa'i tshad ma ma bstan pa'i phyir ro/ /'di yang phyis ston par 'gyur ro/ /gang yang gang dag rnam par rtsod pa'i yul zhes bya ba la sogs pa smras pa de la/ mtshungs pa'i sgra'i zhes bya ba la sogs pa smos te/ mar me'i shes pa mar me'i shes pa'o snyam pa mar me'i la sogs pa'i shes pa yul tha dad pa yin na yang mtshungs pa'i sgra 'jug par mthong ba'i phyir ro/ /de'i phyir des na ste sgron ma la sogs pa'i shes pa'i yul can mtshungs pa'i sgras brjod par bya ba nyid kyis mtshungs pa'i sgras brjod par bya ba'i phyir zhes bya ba'i gtan tshigs 'di 'khrul pa can yin no/ /gang yang na bzlog pa'i gnod pa ste/ de'i phyir de dag la 'jug pa'i phyir gtan tshigs 'di khyod kyi 'khrul par 'gyur pa ma yin nam ste/ 'on kyang 'gyur ba'i don to/ /de dag la ni gzhi mthun pa'i phyir ces
- 278b
bya ba gzhan gyi lugs kyi dogs pa bsu ba yin te/ de'i shes pa gzhi mthun pa ma bsal ba zhes bya ba'i gtan tshigs kyi khyad par ni sgron ma la sogs pa'i shes pas 'khrul pa bsal ba'i don kho nar byas pa yin te/ mar me la sogs pa shes pa de dag ni yul gcig pa can gnod pa nyid kyi phyir te/ 'di ltar de'i skad cig nyid la mar me rtse mo mtho ba dang rtse mo dud ba dang/ gsal ba dang ches gsal ba dmigs te/ de'i phyir rtsa ba'i gtan tshigs 'khrul par ga la 'gyur zhes bya ba ni gzhan gyi bsam pa'o/ /de'i khyad par 'di ma grub po/ /zhes bstan pa'i phyir/ brjod 'dod la yang zhes bya ba la sogs pa smos te/ de la gang bsgrub bya'i chos can nyid kyis brjod par 'dod pa de la yang gnod pa ci'i phyir ma mthong/ 'di ltar nag pa la sogs pa la yang byis pa dang/ gzhon nu dang dar la bab pa la sogs pa'i bye brag 'gyur ba'i rnam pa nyid kyi shes pa skye'o/ /dri la sogs pa la grang ba dro bo'i ngo bos de las mar me la sogs pa bzhin du 'di dag gis rnam pa gzhan gsal rab pa nyid du grub ste/ de lta ma yin na gang kho na grang ba dang 'brel pa de kho na gal te phyis kyi dra ba dang 'brel pa yin par gyur na/ de'i tshe grang ba dang dra ba'i gnas skabs gnyi ga dmigs par 'gyur ro/ /de dang 'brel pa'i rang bzhin yod na de dag kyang yod par thal par 'gyur te/ lcags su bcug pa'i skyes bu bkug na lcags bkug pa bzhin no zhes 'di ni phal cher bshad zin to/ /de'i phyir khyad par dang bcas pa'i gtan tshigs kyang ma grub po/ /rjes su dpag pas gnod pa'i yang rtsod ba'i? gzhi la gnas pa yi/ /zhes bya ba la sogs pa smos te/ sbyor ba ni bang? rim gyis 'byung ba de ni rgyu ma tshang ba med pa rtag tu nye ba ma yin te/ glog dang mar me la sogs pa'i blo bzhin no/ /rtsod pa'i gzhir gyur pa'i blo rnams kyang rim gyis 'byung ba yin no/ /zhes
- 279a
bya ba ni khyab byed 'gal ba dmigs pa'o/ /gtan tshigs ma nges pa nyid kyang ma yin te/ dngos po gcig gi yul can yin na rgyu ma tshang ba med pa ni rim gyis 'byung bar mi 'thad pa'i phyir ro/ /rgyu gzhan la bltos pa yang ma yin te/ rtag pa na des phan gdags par bya ba ma yin pa'i phyir ro/ /phan gdags par bya ba ma yin pa yang bltos par mi rigs te/ ha cang thal bar 'gyur ba'i phyir ro/ /phan 'dogs na yang rtag pa nyid nyams par thal bar 'gyur ro zhes bya ba lan brgyar dpyad zin to// sbyor ba thams cad la gtan tshigs dag ma nges pa nyid yin te/ mi mthun pa'i phyogs la gnod par byad par tshad ma med pa'i phyir ro zhes bya bstan pa ni/ gtan tshigs de dag ces bya ba la sogs pa ste/ rtog par zad do/ /de kho na nyid bsdus pa'i dka' 'grel las brtan pa'i dngos po brtag pa ste/ bcu gsum pa'o// //da ni las dang de dang 'bras 'brel pa'i/ /rnam par bzhag la sogs pa'i rten/ /zhes bya ba 'di bsgrub pa'i phyir/ rtsod pa nye bar bkod pa sngon du 'gro ba bshad pa/ dngos po thams cad ces bya ba la sogs pa'o/ /skad cig ma'i mi rtag pa smos pa ni dus gzhan du gnas pa'i mi rtag pa rnam par bcad pa'i don du'o/ /skad cig mar yod pa'i mi rtag pa nyid ni skad cig ma'i mi rtag pa'o/ /des khyab pa ni yang dag par bsnan pa'o/ /gal te khyed cag gi dngos po'i tshogs thams cad mi rtag par dam 'cha' bar byed pa de'i tshe las dang 'bras bu'i 'brel pa la sogs pa gang dag 'jig rten dang bstan bcos dag la grags pa de dag ji ltar bsgrub par 'gyur/ /sogs pa smos pas rgyu dang 'bras bu'i dngos po rtogs pa'i tshad ma dang/ nyams su myong ba ni ngo shes pa dang/ gzhan du mthong ba'i don gzhan la mngon par 'dod pa dang bcing ba dang/ thar pa dang/ dran pa dang/ the tshom sngon du 'gro ba can gyi gtan la phab pa dang/ rang gi bcol ba
- 279b
len pa dang/ mthong ba'i don la tshor ngas dang bral ba zhes bya ba'i rnam pa de lta bu blo ngan pas kun tu brtags pa'i klan ka'i phung po dag gzung ngo/ /'jig rten dang bstan bcos la grags pa'i don dang 'gal ba'i dam 'cha' bar byed pa na/ don grub pa sgrub pa ma yin pas de'i phyir dam bca' ba'i nyes pa la khas blangs grags pas gnod pa yin no snyam du bsams pa yin no/ /'di ltar dge ba dang mi dge ba la sogs pa'i las gang kho na byas pa de kho nas de'i 'bras bu longs spyod do/ /zhes 'jig rten na grags te/ lhas byin gyis byas ba'i? dag pa dang mi dge ba'i las de'i 'bras bu 'dod pa dang mi 'dod pa mchod sbyin gyis longs spyod do zhes bya bar grags pa ni med la/ bstan bcos la yang ma yin te/ ji skad du/ 'di nyid kyis byas pa'i las gzhan gang zhig gis nyams su myong bar 'gyur/ zhes bshad pa lta bu'o/ /de 'di yang skad cig ma'i phyogs la 'gal te/ las dang 'bras bu 'dzin pa po'i byed po gcig med pas byas pa chus zos pa dang ma byas pa dang phrad pa'i skyon du thal bar 'gyur pa'i phyir ro/ /ji ltar zhe na/ dge sogs skabs kyi zhes bya ba la sogs pa smos te/ rjes su 'jug pa nyid ma yin zhes bya ba ni/ de ni skyes ma thag kho nar 'gag pa'i phyir ro/ /byed po ba gcig gis ma bzung phyir zhes bya ba ni/ byed pa po gcig gis las dang 'bras bu de dag yongs su ma bzung ba'i phyir zhes bya ba'i don to/ /byed pa po 'bras bu dang 'brel pa med pa'i phyir/ byas pa chud zos pa dang byed pa po ma yin 'bras bu dang ldan pa'i phyir ma byas pa dang/ phrad? par 'gyur ro/ /shin tu 'gal bar thal bar 'gyur zhes bya ba ni/ de lta bu ni 'jig rten dang bstan bcos dag tu ma mthong ba'i phyir ro/ /snyam du bsams pa'o/ /de ltar re zhig 'jug pa khas blangs nas byas pa chung zas pa dang ma byas pa dang/ phrad
- 280a
par thal bar 'gyur ba brjod nas/ da ni gzhon nu ma len ma len gyi lugs bkod pa'i sgo nas/ 'jug pa nyid mi srid do/ /zhes bya ba ni/ bdag med smra ba'i phyogs la yang/ zhes bya ba la sogs pa smos te/ dngos po skad cig ma nyid du khas blangs pa na bdag med pa nyid khas blangs par 'gyur te/ rgyu'i gzhan gyi dbang nyid kyis thams cad rang dbang ma yin pa'i phyir ro/ de lta yin na rtog pa dang ldan par bya ba la 'jug pa'i dang po nyid du ste/ sngar rtog te nges par 'dzin par byed do/ /de ci zhig ce na/ kho bo zhig pas zhes bya ba la sogs pa smos te/ kho bo zhig pas phyis bdag gi 'bras bu med de/ 'bras bu skye ba'i dus su bdag med pa'i phyir ro/ /ci ste yang 'bras bu yod na de'i tshe kho bo las skad cig gzhan la yod do snyam du sems na/ rtog pa dang ldan pa 'jug pa nyid du yang mi 'gyur na/ 'jug pa sngon du 'gro ba can gyi las kyis bskyed pa'i 'bras bu 'byung pa lta ci smos te/ de ni mi srid pa nyid kyis ring pa nyid kyis gnas pa'i phyir ro/ / de ltar las dang 'bras bu'i 'brel pa mi 'thad do/ /zhes bstan nas/ da ni gzhon nu ma len gyi lugs kyis rgyu dang 'bras bu'i dngos po mi 'thad pa nyid bstan pa'i phyir/ dngos rnams bya ba byed nus pa zhes bya ba la sogs pa smos te/ de srid kyi zhes bya ba ni skyes nas dus ji srid du 'bras bu 'grub par byed pa'i dus de srid du mi gnas te/ skad cig ma yin pa'i phyir ro/ /snyam du bsams pa yin no/ /ma 'ongs pa min zhes bya ba la sogs pa go rims bzhin du bsgrub pa'i phyir/ bdag ma thob pa'i zhes bya ba la sogs pa smos te/ ma 'ongs pa'i zhes bya ba ni bdag gi de nyid ma thob pa gang yin pa la brjod la/ gang yang bdag gi de nyid ma thob pa de
- 280b
yang med pa de yin la/ med pa gang yin pa de yang nus pa ma lus pas stong pa yin no/ /gang nus pa ma lus pa dang bral ba de ji ltar gzhan gyi yan lag tu rtog par byed de/ gzhan la rgyu'i dngos por 'gyur zhes bya ba'i don to/ /nus pa kho na rgyu'i dngos por nges pa'i phyir ro/ /de bzhin du zhig pa yang nus pa thams cad kyis stong pa'i phyir/ gzhan gyi yan lag tu brtag min/ zhes 'brel te/ gang 'bras bu bya ba dang 'bras bu byed par nus par 'gyur ba da ltar yang gnas pa ma yin no/ /gzhan yang gal te skad cig snga ma rjes su 'gro ba med par 'jig par 'gyur ro/ /zhes rtog par byed na de'i tshe rgyu mtshan med pa'i phyir phyis kyi skad cig skye bar mi 'gyur ro/ /'di snyam du dper na sra mda'i mthon dman dang mtshungs pa yin pa de bzhin du rgyu dang 'bras bu dag gi 'jig pa dang skye ba dag kyang 'dod de/ de'i phyir da ltar byung ba ma zhig pa nyid las 'bras bu skye bar 'dod pa'i phyir/ de rgyu mtshan med par skye bar mi 'gyur ro/ /snyam du sems na/ skye ba 'jig pa dus mtshungs na/ zhes bya ba la sogs pa smos te/ skye ba dang 'jig pa dag dus mtshungs na yang ste 'dra bar rtog na yang 'jig pa dang skye ba dag gam/ de dang ldan pa rgyu dang 'bras bu nyid du yod pa ste srid pa ma yin te/ de dag ni phan tshun bltos pa med pa'i phyir ro// ji ltar bltos pa med ce na/ de'i bya ba mi 'dzin phyir/ zhes bya ba smos te/ de'i ste 'jig pa 'am/ de dang ldan pa'i bya bas 'bras bu mi 'dzin pa'i phyir te/ ma bzung ba'i phyir ro zhes bya ba'i don to/ /'dzin pa ni ngo bo med pa'i phyir te bya
- 281a
ba med do/ /rgyur mngon par 'dod pa'i dngos po ni 'bras bu yod pa'i dus su nye ba ma yin pa'i phyi bya ba med do/ /zhes bya bar bsams pa'o/ /'di snyam du bya ba med na yang de ma thag tsam gyis rgyu dang 'bras bu'i dngos por 'gyur ro snyam du sems na/ bum pa gzugs ni zhes bya ba la sogs pa smos te/ gal te gang zhig gang gi de ma thag tu skye ba de de'i 'bras bu zhes bya ba yin no/ /de'i tshe bum pa la sogs par rtogs pa'i gzugs kyi skad cig gi de ma thag tu rigs 'dra ba'i gzugs kyi skad cig bzhin du tshogs pa de'i khongs su gtogs pa nyid kyi dril sogs pa skye ba'i phyir de yang de'i 'bras bur 'gyur ro/ /de ma thag yin na yang de'i 'bras bur mi 'dod de/ rgyu tha dad pa'i phyir 'bras bu rnams ji lta ba bzhin du 'byung ba la gyur pa rnams ni phan tshun rgyu dang 'bras bu'i dngos po yang yod pa ma yin no/ /zhes gzhan dag sems so/ /gzugs gzhan yang de bzhin no/ /zhes bya ba ni rigs 'dra ba'i gzugs kyi skad cig gzhan ni gzugs kyi de ma thag pa tsam gyis de'i 'bras bu nyid du gzung bar bya ba ma yin te/ ha cang thal bar 'gyur du 'ong bas so snyam du bsams pa yin no/ /de'i phyir de ltar de ma thag pa tsam rgyu dang 'bras bu'i rnam par gzhag pa'i rgyu mtshan du rigs pa ma yin no/ /zhes bstan nas/ rang gi phyogs nye bar bsdus pa'i sgo nas ston pa ni de'i phyir zhes bya ba la sogs bya'o/ /mjug thogs 'byung ba tsam ma yin zhes bya ba ni/ rgyu dang 'bras bur rnam par bzhag pa'i rgyu mtshan zhes bya ba lhag ma'o/ /ji skad du bshad pa'i don nyid mdor bsdus de bstan pa'i phyir/ 'di ni mdor bsdus pa yin zhes bya ba la sogs pa smos te/ 'di la rtogs pa gnyis te/ rgyu zhig pa las 'brag bu 'byung ngam/ ma zhig pa las 'byung/ zhig pa dang ma zhig pa las ma gtogs pa'i dngos po med pa'i phyir ro/ /de la re zhig phyogs dang po ni ma yin te/ zhig pa ni med pa nyid kyis de las skye bar khas len pa na/ 'bras bu
- 281b
rgyu med pa nyid thal bar 'gyur pa'i phyir ro/ /de lta yin dang rtag tu yod pa la sogs par thal bar 'gyur ro/ /gnyis pa yang yod pa ma yin te/ skad cig ma du mar gnas pa nyid kyis dngos po rnams skad cig yin par thal bar 'gyur pa'i phyir ro/ /ji ltar nyams par 'gyur pa min zhes bya ba ni nyams pa kho na'o/ /zhes bya ba'i don to/ /'di ltar re zhig dang por dngos po skye'o/ /de nas bya ba la 'jug go /de las 'bras bu bskyed nas phyis 'jig par 'gyur ro zhes bya ba de lta bu dngos po gcig la skad cig ma du ma yod pa'i phyir skad cig ma nyams par 'gyur ro/ /de ltar rgyu dang 'bras bu'i dngos po mi 'thad par bstan nas de'i rtog pa po'i tshad ma mi 'thad par bstan pa'i phyir/ /skad cig gnas pa'i bum pa la sogs zhes bya ba la sogs pa smos te/ rgyu dang 'bras bu'i dngos po sgrub par bya ba ni mngon sum dang mi dmigs pa yin la/ /dngos po rnams skad cig ma nyid yin na rang gi shes pa'i dus su yang mi gnas pa'i phyir dngos po de mngon sum pa yin pa kho na ste rgyu dang 'bras bu'i dngos po dus mtshungs pa mi 'thad pa'i phyir ro/ /de lta yin dang mngon sum dang mi dmigs pa ngag med pa kho na'o gzhan dang ma 'dres pa'i dngos po la dmigs pa'i bdag nyid kyis ngo bo yin pa yang mngon sum gyi bye brag gi bdag nyid yin pa'i phyir ro/ /de'i phyir dngos po dmigs pa med na de yang mi 'thad pa'i phyir/ ji ltar mngon sum dang mi dmigs pa rgyu dang 'bras bu'i dngos po'i sgrub byed du 'gyur/ /dngos po dmigs pa yin du chug mdo de lta bu yang skad cig ma snga ma dang phyis ma dag mtshams sbyor ba gcig pa ni 'ga' yang med pa'i phyir 'grel 'grub par mi 'gyur ro/ /zhes bstan pa'i phyir rnam par 'jig pa'i byed pa sus zhes bya ba la sogs pa smos te/ shes pa ni dmigs pa'o/ /'di ni rim pa dang ldan pa yang yin pa la shes pa yang yin pas rim ldan shes pa'o/ /de dag sus mtshams sbyor bar byed de/ sbyor bar byed pa de sus kyang ma yin no/ /gal te la la me 'di dmigs
- 282a
pas du ba la sogs pa 'di dmigs la/ 'di ma dmigs na mi dmigs so zhes bya ba de lta bu'i rim pa dang ldan pa'i shes pa la byed pa po gcig mtshams sbyor bar 'gyur na/ de'i tshe rgyu dang 'bras bu'i dngos grub na khyed kyis lugs kyis mtshams sbyor ba po de yang yod pa ma yin pa'i phyir/ rgyu dang 'bras bu'i dngos po 'grub par 'gyur pa ma yin no zhes bya ba'i don te/ /de ni ngo shes pa mi 'thad par bstan pa'i phyir/ skad cig gis 'jig ces bya ba la sogs pa smos te/ des sngon mthong ba'i don gang yin pa de nyid da lta mthong ba 'di yin snyam pa de lta bu'i snga ma dang phyi ma mthong ba dag yul gcig pa nyid dang/ shes pa po gcig pa nyid du go bde ni shes pa yin no/ /de yang dngos po thams cad skad cig dmar 'jig pa nyid yin na mi 'thad de/ shes pa po dang shes bya gcig pa 'di yang med pa'i phyir ro/ /lhas byin gyi mthong ba'i don khyab 'jug pa shes gnyen gyi ngo shes pa ni med do/ /skyes bu gzhan gyis zhes smos pa ni nye bar mtshon pa'i don du ste/ don gzhan ngo shes par byed pa yang ma yin no zhes bya bar yang blta bar bya'o/ /'on te sku dang sen mo la sogs bregs pa yang skyes pa rnams bzhin du tha dad pa na yang 'dra ba'i phyir ro zhes dogs pa bsu nas/ shes pa gcig yin pa'i phyir zhes bya ba sogs pa smos te/ gal te shes pa po gcig tu 'gyur na de'i tshe mtshams sbyor ba po'i dbang gis shes bya tha dad na yang 'dra bas byas pa'i ngo shes par 'gyur ro/ /tha dad na ni ste shes pa po dang shes bya gnyis tha dad pa ni tha dad pa'o/ /de lta yin na ngo shes pa'i rgyu mtshan med pa nyid yin no/ /gzhan yang mtshams sbyor ba po'i skyes bu gcig po 'ga' yang med na de'i tshe gang 'di/ ma du lung ga'i 'bras bu la sogs pa'i gzugs mthong ba na gzugs de med na mi 'byung ba'i dri dang ro la sogs pa la dran pa sngon du song ba'i 'dod pa dang longs spyod par bya
- 282b
pa'i phyir 'jug pa der ji ltar 'gyur te/ gzhan gyis mthong ba la gzhan gyis mngon par 'dod pa la sogs par 'gyur ba ni ma yin na/ /bcings pa dang thar par yang mi 'gyur ro/ /zhes bstan pa'i phyir/ srid pa'i brtson rar zhes bya ba la sogs pa smos te/ 'dod chags la sogs pas bcings pa'i skad cig kyang gzhan yin grol ba yang gzhan yin no zhes bya ba 'di rtogs pa ma yin te/ srid pa ma yin no zhes bya ba'i tha tshig go /srid pa'i brtson ra zhes bya ba la/ srid pa ni 'khor ba'o/ /de nyid brtson ra ste/ 'ching ba ni btson dong ngo/ thar pa don du gnyer ba 'bad pa yang don med pa yin te/ thar pa med pa'i phyir ro zhes bstan pa'i phyir/ gang phyir bcings pa zhes bya ba la sogs pa smos so/ /'on te ma bcings pa kho na thar par 'gyur mod/ /de lta bas na 'di la 'gal ba ci zhig yod ce na/ lcags la sogs pa zhes bya ba la sogs pa smos te/ bcings pa gang yin pa de nyid grol lo zhes 'jig rten na grags pa dang/ mthong ba yin te/ ma bcings pa grol lo zhes dam bca' ba ni 'jig rten gyis grags pa dang mngon sum gyis gnod pa yin pa'i phyir/ dam bca' ba mngon sum dang grags pa dang 'gal ba yin no/ /snyam du bsams pa yin no/ /rjes su dpag pas gnad pa yang bshad pa ni/ bcings pa dang grol ba de dag ni/ zhes bya ba la sogs pa la/ sbyor ba ni gang bcings pa dang thar pa yin pa de dag gzhi gcig yin te/ 'jig rten pa'i bcings pa dang thar pa dag bzhin no/ /rtsod pa'i gzhir gyur pa'i phag la nyal dang de dang bral ba'i mtshan nyid de dag kyang bcings pa dang thar pa yin no zhes bya ba ni rang bzhin gyi gtan tshigs so/ /de dag na zhes bya ba ni bcings pa dang thar pa dag go /de ltar gnas phyir ro/ /zhes bya ba ni bcings pa thar pa'i bdag nyid du gnas pa'i phyir te/ bcings pa dang thar pa'i ngo bo yin pa'i phyir ro zhes bya ba'i don te/ /de lta bas na bzhi
- 283a
gcig pa'i bdag nyid du grub pa'i phyir ro/ /thams cad de las 'bras bu'i 'brel pa la sogs pa shin tu mdzes par gnas te/ shin tu rigs pa dang ldan par gnas shes bya ba'i don te/ ji skad bshad pa'i nyes pa med pa'i phyir ro/ /rnam par 'di dag nyid kyis ni/ zhes bya ba ni byed pa po gcig med pa'i phyir/ sngar bshad pa'i dran pa dang/ nges pa dang/ rang gi bcol ba len pa la sogs pa mi srid par rtogs par bya'o/ /de la yang gzhi tha dad pa nyid yin na mthong ba la sogs pa dang 'gal bar thal bar 'gyur pa'i phyir ro/ /nag pas nyams su myong ba dang/ the tshom za ba dang/ bcol ba dang/ 'dod pa dag la byams ldan gyis dran pa dang nges pa dang/ len pa dang 'tshor ngas dang bral ba la sogs pa srid pa ni ma yin no// 'di la brjod pa zhes bya ba la sogs pas lan 'debs par byed de/ bdag med pa yin na yang dngos po rnams la las dang 'bras bu'i 'brel pa'i rnam par bzhag pa 'di ni rgyu dang 'bras bu nyid du rab tu dbye ba yin la/ rgyu dang 'bras bu'i dngos po yin pa na yang thams cad 'gal ba med pa yin pa'i phyir cung zad kyang nyams pa med do/ /'di snyam du bdag med na yang rgyu dang 'bras bu'i des pa de nyid mi 'thad do snyam du dogs pa la myu gu sogs pa la sa bon sogs/ zhes bya ba smos te/ ji ltar byin gyis rlob pa po'i bdag med na yang sa bon la sogs pa (myu gu gu la sogs pa nus pas) pa nges pa de bzhin du nad gi dngos po la yang 'gyur ro/ /sa bon la sogs pa ni lus bzhin du longs spyod pa'i rten nyid kyis bdag gis byin gyis brlabs pa ni ma yin te/ de lta ma yin na/ gson po'i lus 'di ni bdag med pa ma yin te/ srog la sogs pa dang mi ldan par thal bar 'gyur ro zhes bya ba 'di mi 'thad de/ bum pa sogs pa la bdag ldog pa na srog la sogs pa ldog par mthong ngo zhes
- 283b
grags pa'i ldog pa can gyi gtan tshigs grub par mi 'gyur ro/ /gal te bum pa la sogs pa yang bdag dang bcas par gyur na/ de'i tshe ji ltar gtan tshigs 'di ldog pa can du 'gyur/ /rjes 'gro'i bdag dang bral ba na'ang zhes bya ba ni rjes su 'gro ba'i rang bzhin 'ga' zhig dang bral na yang zhes bya ba'i don to/ /yang na gnas pa 'di gang yin zhe na/ dngos sems yang na zhes bya ba la sogs pa smos te/ ji ltar phyi rol gyi rgyu dang 'bras bu'i rnam par bzhag pa nges pa de bzhin du nad gi 'du byed kyi phung po la yang/ rgyu'i nus pa nges pas dge ba dang mi dge ba'i las 'ga' zhig las skad cig brgyud pas 'dod pa dang mi 'dod pa'i nges pa'i 'bras bu gsal por 'gyur ro/ /gzugs la sogs pa nyams su myong ba las dran pa dang the tshom las nges pa dang bcol ba las len pa dang/ 'dod pa las don mthong ba dang/ de las tshor ngas dang bral ba zhes bya ba thams cad 'gal ba med do/ /sangs rgyas pa dag la ni dngos po gcig rjes su 'gro ba nyid kyis dran pa la sogs pa gang du yang ma grags so/ /'o na ci zhe na/ rkyen nyid 'di pa tsam ste/ ji skad du las yod do/ /'bras bu yod do/ /chos su brdar brtags pa las ma btogs pa phung po 'di dor nas phung po gzhan len pa gang yin pa'i byed pa po ni ma dmigs so/ /de la chos su bdag nyid pa ni 'di yin te/ 'di yod na 'di 'byung 'di skyes pas 'di skye zhes gsungs so/ /de'i phyir las 'bras la sogs pa'i zhes bya ba'i sogs pa'i sgras dran pa la sogs pa gzung ngo/ /'brel pa ni bskyed par bya ba dang skyed par byed pa nyid do/ /'o na gal te de lta na ji ltar 'jig rten dang bstan bcos las gang zag de dang de'i dbang du byas nas 'di nyid kyis byas pa'i las su zhig gis nyams su myong bar 'gyur zhes brjod ce na/ byed pa la sogs zhes bya ba sogs pa smos te/ mi shes pa'i
- 284a
rab rib kyi tshogs shin tu chen pos ye shes kyi snang ba nyams par byas pa'i 'jig rten pa bdag la de nyid dang/ gzhan nyid dang yod pa la sogs pa'i rnam par dpyad pa spangs nas khyad par can gyi rgyud dang 'bras bu'i dngos po'i ngo bo nges pa'i rgyun gcig nyid du des nas de nyid 'di yin pa dang bdag gis byed do zhes tha snyad byed pa dang/ thar pa'i don du yang 'jug pa de'i mngon pa'i nga rgyal gyi dor bcom ldan 'das de bzhin du gshegs pas gdul bya'i skye ba chad pa'i lta bar ltad ba las bsrungs pa'i don du rgyun gcig tu ston pa na byed pa la sogs pa rnam par bzhag pa mdzad do/ /rnam pa de lta bu'i rnam par bzhag pa nyid las dngos po grub po zhe na/ de nyid gnas la yan lag min/ zhes smos te byis pa'i skye bo de kho na nyid brtag pa la rgyab kyis phyogs pas kun rdzob du ltung ba rnams kyis mngon par zhen pa'i dbang gis de kho na nyid rnam par gzhan min nus te/ de'i mngon par zhen pa la ni bdag med pa'i skad cig 'jig pa sgrub par byed pa'i tshad mas gnod pa'i phyir ro/ /sa bon la sogs pa rjes su 'gro ba'i bdag nyid dang/ bral bar ma grub pa'i phyir/ dpe ma grub par grags par sems pa na gzhan gyi klan ka dogs par byed pa ni/ rjes su 'gro ba med pa na zhes bya ba la sogs pa smos te/ rjes su 'gro ba ni rjes su 'jug pa'o/ /rang bzhin 'ga' zhig ces bya ba ni lhag ma'o/ /'di snyam du sa bon la sogs pa la yang rjes su 'gro ba yod pa ste/ byis pas de la yang sa bon la sogs pa'i cha shas gang yin pa de dag kyang bkod pa snga ma yongs su btang nas bkod pa gzhan 'thob ste/ bkod pa thob pa na yang sa'i khams chu'i khams kyis gzung nas nang mas smin pa na ro'i rdzas sgrub par byed la/ ro dang bcas pa'i snga ma'i cha shas dag dang lhan cig myu gu la
- 284b
sogs pa'i dngos po sgrub par byed do/ /zhes smras pa des na ji ltar de la cha shas phra mo yang med do/ /zhes rjod par byed snyam na/ zhing sogs khyad par med pa na/ zhes bya ba la sogs pa smos te/ 'di skad du bstan pa yin te/ gal te sa la sogs pa phyis dbyibs 'jug pa na snga ma'i rang gi rang bzhin ma btang ba kho nar 'jug na/ de'i tshe de dag gi sngar gyi bkod pa btang ba dang/ bkod pa gzhan thob pa po mi 'thad/ de'i bdag nyid yin pa'i phyir/ snga ma bzhin no/ /de lta yin dang sa bon dang myu gu la sogs pa phan tshun tha dad par mi 'gyur te/ rang bzhin gcig yin pa'i phyir ro/ /ci ste myu gu la sogs pa tha dad du khas len par byed na de'i tshe nges par lta zhig la sogs pa snga ma'i rang bzhin yongs su spangs pa na bkod pa snga ma btang nas bkod pa gzhan thob par yang khas blang bar bya dgos so/ /de lta ma yin na tha dad pa nyid du mi 'gyur ro/ /zhes bstan to/ /de lta bas na rang bzhin gzhan dang/ gzhan skye ba'i phyir rjes su 'gro ba nyid ga la yod/ gang gi phyir de ltar rgyu dang 'bras bu'i dngos po bsgrubs pa na las dang 'bras bu'i 'brel pa la sogs pa thams cad 'thad pa yin la sun 'byin pa yang mi 'thad pa yin no/ /de'i phyir las dang 'bras bu la sogs pa'i yod pa bsgrub par bya ba'i phyir rgyu dang 'bras bu nyid bsgrub pa gzhan gyis 'bad pa bya ste/ dam pa'i gzhung lugs kyi rjes su 'brang ba ni mchog yin pa ste/ sangs rgyas pa zhes bya ba'i tha tshig go /de dag gi med pa bsgrub par bya ba'i rgyu dang 'bras bu de nyid kyi med pa sgrub pa la gzhan gyis te mu stegs pas 'bad par bya'o/ /zhes bya ba'i don to/ /rgyu dang 'bras bu sgrub pa la zhes bya ba 'di lan gnyis su bzlas la gcig la dgags pa'i tshig dbye bar bya'o/ /'di la gzhan gyis byas pa'i zhig pa dang ma zhig pa gang dag yin pa de bsal ba'i sgo nas rnam par bzhag pa thams cad kyi rtsa ba rgyu?
- 285a
'bras bu'i dngos po bsgrub par bya ba'i phyir/ de la brjod byed zhes bya ba la sogs pa smos te/ rgyu ma zhig pa kho na las 'bras bu 'byung ngo/ /zhes bya ba ni kho bo cag gi phyogs yin no/ /cig car bar thal ba yang ma yin te/ 'di ltar skad cig ma dang por byung pa'i rgyu'i bdag nyid thob pa ma zhig pa kho na la brten nas skad cig gnyis pa la 'bras bu skye ste/ de yang de ltar skye ba na ma zhig pa nyid las skye ste/ skad cig ma dang po la de ma zhig pa'i phyir ro/ /'bras bu yod pa'i dus su rgyu rjes su 'jug pa yang ma yin te/ skad cig ma nyid kyis mi gnas pa'i phyir rjes su 'jug pa yin na yang de ni de'i dus na rgyu nyid ma yin te/ de'i 'bras bu grub pa la cung zad kyang mi byed pa'i phyir ro/ /cung zad kyang mi byed pa de nyid ston pa ni/ skyes zin pa yang zhes bya ba la sogs pa'o/ /gzhan du gnas ma yin zhes bya ba ni/ gzhan du gnas par te nges par mi 'gyur te/ thug pa med par 'gyur ro/ /zhes bya ba'i tha tshig go /skyes pa yang bskyed par bya ba yin na de'i tshe khyad par med pa'i phyir de ni slar yang skyed par byed par thal bar 'gyur ro/ /de lta bas na skye ba rnams thug pa med par 'gyur la/ rgyu rnams kyang bya ba dang mi 'bral ba yin no/ /rgyu rnams kyang bskyed par bya ba nyid du thal bar 'gyur te/ khyad par med pa'i phyir ro/ /de lta yin dang 'di ni rgyu'o/ /'di ni 'bras bu'o/ /zhes bya ba'i rnam par bzhag par mi 'gyur ro/ /de'i phyir zhes bya ba la sogs pas 'jug bsdus nas gnas pa'i phyogs sun phyin par ston pa yin no/ /khas ma blangs pa nyid kyi phyir zhig pa'i rnam par rtog pa yang mi rigs te/ 'di ltar gcig ni 'das pas 'byin par byed/ ces ji ltar bye brag du smra bas khas blangs pa bzhin du gal te skad cig ma gsum pa la sogs pa la 'bras bu 'byung ngo zhes khas blangs pa yin na de'i tshe rgyu zhig pa las 'bras bu skye bar khas blangs pa byas par 'gyur ro/ /phyogs 'di
- 285b
la yang kho bo cag gi ma yin te/ rigs pa dang mi ldan pa'i phyir ro/ /cig car bar thal bar 'gyur ba yang gang gi tshe 'gyur zhe na/ ji ltar bye brag du smra pa de dag nyid kyis lhan cig 'byung ba'i rgyu 'dod pa bzhin du skad cig ma dang po nyid la 'bras bu 'dod pa na'o/ /de 'di yang mi rigs te/ ci'i phyir zhe na/ med pa sngar nus pa zhes bya ba la sogs pa smos te/ skad cig 'byung ba 'bras bu skyed pa na ba rgyu ma skyes pas sam skyes pas skyed pa yin grang/ re zhig ma skyes pas ni ma yin te/ de ni 'bras bu skyes pa'i sngar med pa'i phyir la/? med na yang nus pa tha dag gi stong pa'i phyir ro/ /'o na gang gi tshe skyes pa de'i tshe nus pa'i phyir/ skyed par 'gyur ro zhe na/ nus pa'i tshe na 'bras byung phyir zhes bya ba smos te/ gal te de skyes pa'i gnas skabs na nus pa yin na de'i tshe de'i rang gi ngo bo bzhin du 'bras bu yang skyes pa'i phyir 'di nus pa gang du nye bar mkho bar 'gyur/ /de lta bas na rgyu dang 'bras bu cig car khas len pa ni/ rjes su dpag pa'i tshad ma dang 'gal lo/ /'on te rgyu dang 'bras bu'i ngo bo ni las dang byed pa po ma yin nam/ de yang dus tha dad par 'gal te/ bum pa dang rdza mkhan dag cig car ma yin pa na las dang byed pa po'i dngos po mthong ngo zhe na/ gang phyir cig car bar 'gyur zhes bya ba la sogs pa smos te/ gal te sos 'dzin pa'i tshul gyis rgyus 'bras bu bskyed pa la bya ba yin pa 'am/ 'bras bu yang chud ma la 'khyud pa bzhin du rang gi rgyu las 'byor bas rang skyes pa'i bya ba la sgrub par byed pa yin na/ de'i tshe nges par lhan cig 'byung bar 'gyur ro/ /ji srid du sna tshogs pa de ni bya ba byed pa ste/ don dam par chos su brdar brtags pa las gtogs par byed pa po 'am las 'ba' zhig yod pa ni ma yin zhes bya ba ni spyi'i don to/ /rang bzhin ni zhes bya ba ni rgyu'o/ /gal te rgyu 'am 'bras bu bya ba dang bral ba de lta yin na/ de'i phyir ji ltar smra ba po dag me ni du ba skyed par byed la du ba ni me la brten nas skye'o/ /zhes shes par 'gyur ro zhes
- 286a
na rang rgyus bslang ba'i nges pa'i phyir/ zhes bya ba la sogs pa smos te/ rang gi rgyu dang rkyen gyis kun nas bslang ba'i rgyu'i nus pa so sor nges pa'i rgyu'i phyir/ 'bras bu gang zhig skad cig ma dang po 'byung ba'i rgyu gang las byung ba'i khyad par ci 'dra ba zhe na/ skad cig ma gnyis pa 'byung ba gang yin pa ste/ skad cig gnyis pa la 'byung ba ste yod pa zhes tshigs rnam par sbyar ro/ /rgyu de 'bras bu'i de'i skyed par byed pa yin no zhes bya ba'o/ /skyed byed yin zhes bya ba ni nye bar mtshon pa ste/ de ni de la brten nas skye'o/ /zhes bya ba yang shes par bya'o/ /yang de ltar smra ba de dag gang dag yin zhe na/ 'dod pa tsam las zhes bya ba la sogs pa smos te/ phyi rol gyi don la bltos pa med par brjod par 'dod pa las byung ba'i brda'i rjes su byed pa'i tha snyad du byed pa tha snyad 'dogs pa po dag de ltar smra'o/ /zhes bya ba'i don to/ /gal te dngos po skyes zin pa bya ba dang mi ldan pa ma yin pa nam/ de ji ltar rgyur 'gyur zhe na/ skye ba las ni dus gzhan pa'i/ /zhes bya ba la sogs pa smos te/ rgyu yod pa'i de ma thag nyid du 'bras bu 'grub pa'i phyir/ /rgyu skye ba las dus phyis 'byung ba'i bya ba ni 'bras bu la cung zad kyang mi byed pa nyid yin no/ /'di ltar rgyu'i bya ba zhes gang la bya zhe na/ gang gi mjug thogs nyid du 'bras bu skyed pa sgrub par byed pa'o/ /rgyu yod pa'i mjug thogs pa nyid du yang 'bras bu 'byung ba pa'i phyir yod pa'i nyid bya ba'i sgras brjod par bya ba yin la rag mod skyes pa las me gtogs pa'i bya ba btags pas ci zhig bya/ gal te dngos po rnams kyi bya ba med pa de lta yin na/ 'bras bu ni rgyu la bltos la rgyu yang 'bras bu la byed do/ /zhes bya ba 'di ji ltar rjod par byed men/ de ma thag par nges pa gang/ zhes bya ba la sogs pa smos te/ 'bras bu'i rgyu la bltos pa ni 'di nyid yin te/ mjug thog su 'byung
- 286b
ba nyid gang yin pa'o/ /rgyu'i yang 'bras bu la bya ba ni 'di nyid yin te/ 'bras bu skye ba'i dus su rnam pa thams cad du nye ba nyid gang yin pa'o/ /gzhan yang bya ba 'am/ bya ba dang ldan pa'i dngos po 'bras bu la rgyu'i dngos po khyed cag gis yod pa na kho na'i phyir 'bras bur gzung bar bya'o/ /rjes su 'gro ba dang ldog pa dag las gzhan rgyu dang 'bras bu'i dngos po rtogs pa'i thabs yod pa ma yin te/ de'i phyir de ltar yin na dngos pa tsam yang tsam yang ci'i phyir rgyu'i dngos por 'dzin par byed/ 'bras bu ni dngos po tsam du gtogs pa'i rjes su 'gro ba dang ldog pa'i rjes su byed pa nyid las ma grags pa ni ma yin no/ /de'i phyir gang du gtogs pa'i rjes su 'gro ba dang/ ldog pa'i rjes su byed pa nyid 'bras bu yin par grub pa nyid de dngos po tsam mchog ste/ yod pa la rag mod ces ston pa ni/ de yod pa na zhes bya ba la sogs pa'o/ /kun tu brtags pa yin zhes bya ba ni/ gzhan nam gnyis ga 'am gnyi ga ma yin pa'i ngo bo'i bya ba gang yin pa de ni khyed cag gis kun brtags pa yin no/ /zhes bya ba'i don to/ /de ldan zhes bya ba ni bya ba dang ldan pa ste/ de yod pa na 'byung ba tsam las rgyu nyid do/ /zhes skabs dang sbyar ro/ /de nyid ces bya ba ni mthun pa'i bya ba dang bral ba'i dngos po tsam rgyu yin la rag mod ces bya ba'i don to// gang gis mchog tu rjod par byed pa de la khyad par ci yod ce na/ sa bon zhes bya ba la sogs pa smos te/ yod pa de dngos po tsam na sa bon la sogs pa bya ba gzhan dang ldan pas stong pa na zhes bya ba'i don to/ /'dis ni 'bras bu rnams dngos po tsam du rtogs pa'i rjes su 'gro ba dang ldog pa'i rjes su byed pa nyid du grub kyi/ bya bar rtogs pa'i rjes su 'gro ba la sogs pa'i rjes su byed pa nyid ni ma yin no/ /zhes bya ba bstan pa yin no/ /'di snyam du 'bras bu bya bar
- 287a
rtogs pa'i rjes su 'gro ba la sogs pa'i rjes su byed par ma grub mod kyi 'on kyang de'i rgyu'i dngos por 'gyur ro/ /snyam du sems na/ nus pa mthong zhes bya ba sogs pa smos te/ de lta yin na bya ba yang rgyur brtags nas gzhan yang brtag par bya bar 'gyur te/ nus pa ma mthong ba nyid du khyad par med pa'i phyir/ de lta yin dang thug pa med par gyur ro/ /ci ste rgyu mtshan med pa'i phyir gzhan mi brtags pa de'i tshe bya ba yang brtags par bya bar mi 'gyur te/ de la yang rgyu mtshan med par mtshungs pa'i phyir ro/ /gzhan yang bya ba 'di 'bras bu skyed par byed pa de ci bya ba gzhan dang ldan pas sam/ 'on te yod pa tsam yin gal te bya ba gzhan dang ldan pas yin na de'i tshe bya ba gzhan kho na rgyu nyid du 'gyur gyi bya ba ni ma yin no de la yang bya ba gzhan rgyu nyi du brgal zhing brtag pa mtshungs so/ /de la yang gal te bya ba gzhan dang ldan pa rgyu'i dngos por rtog par byed na de'i tshe thugs pa med par 'gyur ro/ /ci ste yod pa tsam gyis zhes bya ba'i phyogs yin na de'i tshe bya ba bzhin du dngos po yang yod pa nyid kyis 'bras bu skyed par 'gyur ba'i phyir bya ba brtags pa don med do/ /zhes ston pa ni/ ji ltar gzhan zhes bya ba la sogs pa'o/ /ji ltar bya ba gzhan te bya ba gzhan myu gu med la sogs pa'i 'bras bu'i 'gyur 'dod pa de bzhin du dngos po gzhan la yang mi mthun pa'i bya bas sod pa nyid rgyur cing ste mi 'dod/ ci ste yang dngos su bya ba 'bras bu la byed pa ma yin no/ /'o na ci zhe na/ bya ba dang ldan pa'i dngos po nyid yin no zhe na/ yang na dngos pa la zhes bya ba la sogs pa smos te/ rgyur 'dod do zhes skabs dang sbyar ro/ /bya ba dang ldan pa'i dngos po la yang 'di rgyur 'gyur ba na/ bya ba gzhan dngos ldan pa dang bral ba nyid du 'gyur ba'i phyir de nyid dper 'gyur ro snyam du bsams pa'o/ /yod pa las ma gtogs pa'i bya
- 287b
ba'i dngos po yod pa ma yin te/ dmigs pa'i mtshan nyid du gyur ba mi dmigs pa'i phyir ro/ /zhes ston pa ni/ snang rung nyid du zhes bya ba la sogs pa la/ khyed cag gis ni bya ba snang rung nyid du bstan te ji skad du gzhon nu ma len gyis de'i phyir 'bras grub snga rol tu/ gang gi bya ba mthong gyur pa zhes bya ba la sogs pa bshad pa bzhin no/ /gzhan yang bya ba'i bdag kyi dngos po de bya ba dang ldan pa'i dngos po de las don gzhan du gyur pa zhig gam/ don du gyur pa ma yin pa zhig yin grang/ dngos po yod pa la rnam pa gzhan med pa'i phyir gnyi ga dang gnyi ga ma yin pa'i rnam par rtog pa ni mi srid pa nyid do/ /de la gal te don gzhan du gyur pa yin na de'i tshe dngos po rgyu nyid du mi 'gyur te/ de las dang pa'i bya ba nyid rgyu yin pa'i phyir ro/ /de la yang bya ba dang 'brel pa'i phyir rgyu yid du 'gyur ro zhe na/ ma yin te phan tshun du ba dogs pa ma yin pa ni 'brel par mi 'grub pa'i phyir ro/ /ci ste dngos pos bya ba la phan 'dogs pas byed pa yin no snyam na/ de yang mi rigs te/ gang gis bya ba la phan 'dogs par byed pa de la bya ba gzhan yod pa ni ma yin no/ /de lta ma yin na thugs pa med pa na bya ba rnams nyid phan tshun byed pa'i phyir dngos po dang lhan cig bya ba 'brel pa nam yang 'grub par mi 'gyur ro/ /ci ste bya ba gzhan med pa kho nar dngos po bya bar phan 'dogs so zhes bya ba yin na de'i tshe bya ba bzhin du 'bras bu yang bya ba dang bral ba'i yod pa nyid tsam gyis ci'i phyir mi byed de/ gang gis na bya ba don gzhan du gyur pa rtogs par byed/ 'bras bu la yang ngo yod pa tsam gyis phan 'dogs par byed pa la gegs pa 'ga' yang yod pa ni ma yin no/ /de lta bas na don gzhan du gyur pa'i bya ba rigs pa ma yin no/ /ci ste don gzhan du gyur pa ma yin pa zhes bya ba'i phyogs yin na/ de'i tshe yod pa nyid bya ba yin no zhes bya ba 'gyur?
- 288a
ste/ dngos po'i rang bzhin nyid yod pa'i sgras brjod par bya ba yin pa'i phyir ro/ /de lta yin dang skye ba las tha dad pa nyid bya bar ma grub po/ /gzhan yang ji ltar blo skye ba na bya ba dang bral yang yod pa tsam gyis don yongs su gcod par byed pa de ltar dngos po thams cad la yang rgyu nyid du dus phyis 'byung ba'i bya ba med na yang 'byung ngo zhes bya ba 'di ston pa ni ji ltar blo ni zhes bya ba la sogs pa ste/ blo la skye ba las ma gtogs pa'i bya ba yod pa ma yin te/ 'di ltar yod dang 'brel pa na skyes bu'i dbang po'i blo skye ba ni mngon sum mo zhes bya ba'i mdo 'di la skye ba smos pa'i dgos pa rjod par byed pa'i gzhon nu ma len gyis/ blo ni skye ba zhes brjod la/ skye bzhin pa na tshad ma nyid/ skye ba las ni ma gtogs par/ /rgyu rnams bya ba mngon pa yin/ /tshad ma'ang de ltar 'gyur 'od zhes/ de ltar skye bar brjod par 'dod ces smra'o/ /de'i rgyu nyid du zhes bya ba ni/ de'i rgyu ste skye ba'i rgyu gang dag la yod pa de dag la de skad ces bya ba'o// de'i dngos po ni de nyid do/ /'di snyam du blo la bya ba med par rigs te/ de'i dus phyis gnas pa ma yin te/ skad cig ma nyid yin pa'i phyir ro snyam na/ ji ltar blo ni zhes bya ba la sogs pa smos te/ bsgrubs zhes bya ba ni sngar bstan pa'i dngos po brtag par dngos po tha dad la khyab pa'i skad cig ma 'jig pa nyid bsgrubs zin pa'i phyir ro/ /de bzhin du zhes bya ba ni blo nyid bzhin du'o/ de'i phyir zhes bya ba ni skad cig ma yin pa'i phyir ro/ /sbyor ba ni gang dag skad cig ma yin pa de dag ni skye ba las tha dad pa'i bya bas stong pa yin te/ blo bzhin no/ /sa bon la sogs pa la yang sngar skad cig ma nyid du bsgrubs zin to zhes bya ba ni rang bzhin gyi gtan tshigs so/ /phyis gnas pa ma yin pas rten med
- 288b
pa'i bya ba mi rigs pa ni gnod pa can gyi tshad ma'o/ /de lta bas na rgyu dang 'bras bu rnam par 'jogs pa'i rgyu mtshan ni de ma thag pa tsam nyid yin gyi bya ba ni ma yin no/ /zhes bya ba 'dis gnas pa yin no/ /gang yang ro la sogs pa skye bzhin pa zhes bya ba la sogs pa smras pa de la yang 'khrul pa ma yin no zhes bstan pa'i phyir/ rgyun gyis 'jug pas zhes bya ba la sogs pa smos te/ rgyun la bltos nas gzugs dang ro la sogs pa phan tshun lhan cig byed pa'i rgyu'i dngos por 'dod pa nyid yin to/ ji skad du nus pa 'jug pa med par ni/ ro med de nyid gzhan gyi rgyu de ltar 'das dus gcig rnams rtogs/ de ni 'bras bu'i rtags las skyes/ /zhes bshad pa bzhin no/ /'on te med bzhin du res 'ga' ba lang dang rta la sogs pa'i de ma thag tu yang du ba 'byung ba ma yin nam/ de ji ltar de ma thag pa 'khrul pa ma yin zhe na/ /gzhan gyi de ma thag byung na'ang zhes bya ba la sogs pa smos te/ kho bo cag ni rgyu dang 'bras bu'i dngos por rtogs pa'i rgyu mtshan de ma thag pa tsam yin par ni mi ba smra'o/ /na ci zhe na/ nges pa gang yin pa'o/ /'di ltar gang zhig gang kho na'i de ma thag tu 'byung ba de ni de'i rgyu yin par 'dod la/ /du ba ni ba lang la sogs pa nyid kyi de ma thag tu 'byung ba ni ma yin te/ ba lang la sogs pa med na yang de yod ba'i phyir ro/ /gzhan yang 'di la brtan pa'i dngos po smra ba khyed cag la yang ci'i phyir dud ba lang la sogs pa'i mjug thogs su 'byung na yang de rgyu ma yin na zhes bya ba'i rtsod pa 'di 'jug pa yin no/ /'dir gzhan gyis gal te gang zhig 'bras gang la/ zhes bya ba la sogs pa smras pa la gang la gang zhig ces bya ba la sogs pas rang gi phyogs lam na bshad do/ /de ltar re zhig dngos po rnams skad cig ma nyid yin yang rgyu dang 'bras bu'i dngos po bsgrubs nas/ da ni de'i rtogs
- 289a
ba po'i tshad ma bsgrub pa'i phyir/ /mngon sum dang ni zhes bya ba la sogs pa smos te/ ji ltar khyed cag gi brtan pa'i dngos po dmigs pa yin par grub pa de ltar kho bo cag gi skad cig ma yang 'grub par 'gyur te/ 'di ltar dngos po dmigs par 'gyur ba na/ rnam pa dang bcas pa'i shes pas sam/ rnam pa med pas yin grang/ de la gal te rnam pa dang bcas pas yin te/ de'i tshe rang gi rnam pa nyams su myong ba nyid kyi shes pa don nyams su myong ba yin pa'i phyir brtan pa dang mi brtan pa'i phyogs dag la khyad par 'ga' yang med do/ /ci ste rnam pa med pas yin na de'i tshe yang khyad par med pa nyid yin te/ 'di dag gis dus mnyam du 'byung ba'i gzugs la sogs pa kho na rtogs kyi gzhan ni ma yin pa rang gi rgyu snga ma dag kho na las de'i shes pa de'i lta bu nye bar skye ba yin te/ de ni de rtog par bdag nyid kho nas skyes pa'i phyir ro/ /de'i phyir dus mtshungs par 'byung ba'i gzugs la sogs pa rtogs pa'i rang bzhin gyi shes pa khas len par byed pa na brtan pa dang mi brtan pa'i don la khyad par 'ga' yang med do/ /gang gis dus mnyam pa'i ngo bo nyid du mtshungs na yang gzugs la sogs pa nyid shes pas gcod kyi dbang pos ni ma yin pa zhes bya bar 'gyur ba khyed cag gis rgyu snga mas byas pa nyid kyi dus mtshungs par 'byung bar nges pa'i gzugs la sogs pa 'dzin pa'i rang bzhin gyi shes pa khas blangs par bya gor ma chag go /de yang dngos po rnams skad cig ma nyid yin na yang mtshungs pa yin pa'i phyir 'di ni ci yang ma yin no/ /gal te rnam shes rnam pa dang/ zhes bya ba la sogs pas pha rol po gnyi ga la klan ka byed de/ gal te shes pa rnam pa dang bcas pa yin na/ de'i tshe za 'og gi gding pa la sogs pa la shes pa sna tshogs
- 289b
du ma nyid du 'gyur ro/ /gcig la sna tshogs pa nyid rigs pa yang ma yin te/ ha cang thal bar 'gyur ba'i phyir ro/ /ci ste rnam pa med pa yin na de'i tshe/ 'di ni sngon po rig pa yin gyi/ ser po rig pa ni ma yin no/ /zhes bya ba'i rnam par gzhag pa 'grub par mi 'gyur te/ thams cad du rtogs pa'i ngo bo nyid du khyad par med pas nye ba'i rgyu mtshan med pa'i phyir ro/ /'di la zhes bya ba la sogs pas lan 'debs par byed de/ klan ka 'di ni gnyis ka la yang mtshungs te/ gang gi phyir khyed cag gis kyang gdon mi za bar rnam pa dang bcas pa dang/ rnam pa med pa'i phyogs dag las gang yang rung ba'i phyogs zhig khas blangs par bya dgos te/ gzhan du na don 'dzin pa'i shes pa 'grub par mi 'gyur ro/ /gang gis na shes pas don 'dzin par 'dod pa'i phyogs 'di gnyis las ma gtogs pa'i rnam pa gzhan yod pa yang ma yin no/ /gnyis ga'i skyon gang yin pa de yang gcig la klan kar rig pa ma yin no/ /des na 'di la khyed cag gi lan gang yin pa de ni kho bo cag gir yang 'gyur te/ 'di rnam pa dang bcas pa'i phyogs la/ khyed kyi gdon mi za bar rnam pa rnams brdzun pa nyid dam/ lhan cig dmigs pa nges pa'i phyir tha dad pa yin na yang shes pa gcig dang tha mi dad ?pa yin na shes pa gcig dang tha mi dad pa nyid yin no zhes lan gdab par bya dgos la/ de nyid kho bo cag gi lan yang yin no/ /rnam pa med pa'i phyogs la yang shes pa rgyu snga mar byas pa nyid kyi nges pa'i don rtogs pa'i rang bzhin du brjod par bya dgos la/ de nyid kho bo cag shes pa rnam pa med par smra ba'i sangs rgyas pa rnams kyi yang lan du 'gyur bas 'di ni klan ka ma yin no/ /lan zhes bya ba ni lan gdab pa'o/ /de lta bas na de ltar rgyu dang 'bras bu'i dngos po rtogs pa'i tshad ma bstan nas/ bya ba chud zos pa
- 290a
dang ma byas pa dang phrad pa'i skyon spangs par bya ba'i phyir ro/ /gal te 'bras bur 'dod pa rgya'i sa zhes bya ba la sogs pa smos te/ gal te don dam par byed pa po 'am za ba pa 'ga' zhig 'dod par gyur na de'i tshe skad cig 'jigs pa nyid du khas len pa byed na byas pa chud zos pa la sogs pa thal bar 'gyur ro/ /gang gi phyir sna tshogs pa ni rkyen nyid 'di pa tsam ste/ byed pa po 'ga' zhig gis cung zad byas pa ma yin la longs spyad pa yang ma yin na de'i phyir ji ltar byas pa chud zos pa la sogs par thal bar 'gyur/ ci ste sngon gyi dge ba la sogs pa'i sems pas bsgos pa'i 'dod pa dang mi 'dod pa'i 'bras bu skyed par byed pa'i nus pa zhig pa dang sngon gyi las kyis ma bsgoms pa'i nus pa'i khyad par gyi rgyu las 'bras bu skye ba'i phyir/ go rims bzhin du byas pa chud zos pa dang ma byas pa dang phrad pa'i rkyon du thal bar 'gyur ba brjod na/ de ni ma rigs te/ sngon gyis las kyis bsgos pa'i nus pa'i rgyun la bdag med pa dang lhan cig 'ga' ba 'ga' yang yod pa ma yin te/ /'di ltar rgya skyegs la sogs pa'i khu bas bcus pa'i sa bon la sogs pa'i rgyun rjes su 'jug pa nyid yin pa de bzhin du sngon gyi las kyis bsgos pa'i nus pa'i khyad par yang yin te/ gang gi phyir dus phyis yongs su smin pa thob pa las 'dod pa 'am mi 'dod pa'i 'bras bu skye ba yin gyi/ sngon gyi las kyis ma bsgos pa'i 'du byed kyi rgyun las 'bras bu skye bar 'dod pa yang ma yin pas de'i phyir gang las ma byas pa dang/ phrad pa'i skyon du 'gyur/ gsal byed pa na re sems la las dag gis dgos pa yod pa ma yin no zhes zer ro/ /de ni mi rigs te/ snga ma'i rang bzhin yongs su ma dor ba'i brtan pa la bag chags zhes bya ba yod pa
- 290b
ma yin no/ /brtan pa ma yin pa la ni rang bzhin gyis khyad par gzhan skyed pa nyid bag chags yin no/ /gang yang brtan bcos las/ brtan lung ma brtan bsgo bya ba zhes bshad pa de ni rgyun gyis brtan pa las dgongs pa yin no/ /gang rgyun chad pa de'i dus ches ring bar 'byung ba'i 'bras bu skye ba'i dus su nye bar med pa'i phyir rgyu nyid yod pa ma yin no/ /des na de'i rnam pa de lta bur skye ba la bag chags kyi rten mi rigs so zhes bya bar dgos pa'o/ /de lta bas na 'dis gang cung zad brjod pa de ni gzhan gyi grub pa'i mdza' mi shes pa nyid yin pa'i phyir btang snyoms su bya bar 'os so/ /gzhon nu ma len na de kho bo cag ni byed pa po 'ga' zhig gis byas pa'i las 'jig pa'i phyir byas pa chus zos shing ma byas pa dang phrad par ni mi smra'o/ /khyed cag gis gzhung gis byed pa po 'ga' zhig yod pa ni ma yin no/ /'o na ci zhen/ las dang de'i 'bras bu ngag skye ba dang 'jig pa rjes su 'gro ba med par khas blang pa'i phyir/ byas pa chud zos pa dang/ ma byas pa dang phrad par thal bar 'gyur bar smra'o/ /zhes zer ro/ /de'i phyir 'di la rnam pa de lta bu'i byas pa chud zos pa dang/ ma byas pa dang mi 'dod pa thob par mi rigs so/ /zhes bstan pa'i phyir/ /skad cig gis 'jig rnam rtog gis/ zhes bya ba smos te/ las kyi skad cig snga ma rjes su 'gro ba med par zhig pa'i phyir byas pa chud zos pa dang/ 'bras bu'i skad cig snga ma med pa nyid skye ba'i phyir ma byas pa dang phrad pa zhes bya ba de lta bu skad cig tha dad pa'i rnam par rtog pas byas pa chud zos pa la sogs pa'i rtsod pa de ni 'dod pa nyid yin no/ /rjes su 'gro ba'i dngos po cha nyung ngu 'ga' zhig kyang yod pa ma yin no zhes bstan par bya'o/ /gang yang/ de'i phyir rtog pa dang ldan rnams/ 'bras bu 'dod pas rjes 'jug min/ zhes smras
- 291a
pa de la/ sems can yod lta ma nyams pas/ zhes bya ba la sogs pa smos te/ re zhig gang dag lhan cig skyes pa las gzhan pa'i 'jig chogs la lta ba la sogs pa ma spangs pa de dag la skad cig ma tha dad pa'i rnam par rtogs pa 'di med pa nyid de/ 'di ltar rgyun la gcig pa nyid du zhen nas/ bdag cag bde bar 'gyur ro/ /zhes bya ba yongs su dga' bar byes nas las 'jug par 'gyur ro/ /gang dag so so'i skye bo dge ba de dag ni de ltar rigs pa dang lung ngag gis ji lta ba bzhin du skad cig ma dang bdag med pa dag rtogs pa'i phyir de kho na nyid mngon par rtogs pa de dag kyang/ de ltar rten cing 'brel par 'byung ba'i chos nyid rtogs par 'gyur te/ snying rje la sogs pa sngon du 'gro ba'i sbyin pa la sogs pa dag las bdag dang gzhan la phan par 'byung bar byed pa'i 'du byed skad cig ma nyid gzhan du brgyud pa skye'o/ /'tshe ba la sogs pa dag las ni ma yin pas das na de dag rgyu dang 'bras bu'i so sor nges pa gzung nas dge ba la sogs pa'i bya ba dag la 'jug par 'gyur ro/ /ji skad du/ ji srid de ni bdag la ni/ sred pa yongs su ma bcom par/ de srid sdug bsngal sgro btags nas/ rang bzhin du ni gnas mi 'gyur/ /grol ba po ni med na yang/ log par sgro 'dogs gzhom phyir rtsom/ zhes bshad pa lta bu'o/ /rgyu dang 'bras bu'i dngos po de rtogs pa po tshad ma ji ltar grub pa de ltar bstan zin pa kho na'o/ /gang yang skad cig 'jig pa'i dngos rnams la/ ngo shes pa yang 'thad par dka' / /zhes smras pa de la/ sems rnams 'ga' zhes bya ba la sogs pa smos te/ 'bras bu 'bras bu can nyid ces bya ba ni 'di la 'bras bu yod pas 'bras bu can te/ /rgyu zhes bya ba'i don to/ /'bras bu dang 'bras bu can gyi dngos po ni 'bras bu dang 'bras bu can nyid de/ rgyu dang 'bras bu'i dngos po zhes bya ba'i don
- 291b
to/ /'di ltar gang gis nyams su myong ba gang kho na de nyid kyis dran pa zhes bya bar 'gyur ba dran pa po don dam par yod pa nyams su myong ba ni 'ga' yang yod pa ni ma yin no/ /'o na ci zhe na/ rgyun gang la nyams su myong ba shin tu gsal bos gong nas gong du shin tu ches khyad par can gyi skad cig skye bas dran pa la sogs pa'i sa bon bsgos pa de nyid la dran pa la sogs pa skye bar gyur gyi gzhan du ni ma yin te/ rgyu dang 'bras bu'i dngos po ni so sor nges pa'i phyir ro/ /zhes bya ba ni spyi'i don to/ /ji skad du/ gzhan gyis dran dang longs spyod sogs/ thal bar 'gyur ba 'ang gnod byed min/ de yis 'ga' yang ma dran phyir/ 'di ltar myong las dran pa 'byung/ zhes bshad pa lta bu'o 'od shes pa la sogs pa skye pa yang dran pa la sogs pa sngon du 'gro ba can yin pa'i phyir 'gal ba med do/ /gang blo tha dad na yang rgyu mtshan med ces brjod/ /ngo shes pa la sogs pa'i rgyu mtshan shes pa po gcig pu 'ga' zhig grub pa yod pa yang ma yin te/ thams cad du rgyu dang 'bras bu dngos po tsam gyis khas blangs pa'i phyir ro/ /gang yang srid pa'i btson rar 'dod chags la sogs/ zhes bya ba la sogs pas bcing pa dang thar pa'i rnam par bzhag pa mi 'thad do/ /zhes bya ba smras pa de la/ ma rigs la sogs pa zhes bya ba la sogs pa smos te/ kho bo cag la ni skyes bu gcig la brten pa'i bcings pa dang thar ba dag gang du yang ma grub ste/ bcings par bya ba dang grol bar bya ba 'ga' yang ma thub ste/ bcing par bya ba dang grol bar bya ba 'ga' yang ma grub pa'i phyir te/ ma rig pa la sogs pa 'du byed rnams nas rga shi'i mthar thug pa'i sdug bsngal skye ba'i rgyu nyid kyis bcings pa zhes tha snyad du byed pa 'ga' zhig du zad do/ /de skad du yang/ de ltar na sdug bsngal gyi phung po chen po 'di 'ba' zhig skye bar 'gyur ro/ /zhes gsungs
- 292a
so/ /ma rigs pa la sogs pa de dag kyang de kho na nyid shes pa las bral ba na dri ma dang bral ba'i blo gang yin pa de ni grol ba zhes bya ste/ ji skad du/ gang phyir chags sogs nyon mong pas/ bsgos pa'i sems nyid 'khor ba ste/ de nyid de dag las grol ba/ srid mthar phyin ces brjod pa yin zhes gsungs pa yin no/ /gang yang bcings dang grol ba de dag ni/ gzhi gcig ces bya ba sogs pa smras pa de la yang dpe la bsgrubs bya ma tshang ba yin no/ /zhes bstan pa'i phyir/ bcings pa dang thar pa 'di dag ni/ zhes bya ba la sogs pa smos te/ gang gi tshe dngos po thams cad skye ma thag kho nar 'jig pa yin no zhes bsgrubs pa de'i tshe bcings pa dang thar pa de dag gzhi gcig pa nyid gang du yang grub pa yod pa ma yin pa'i phyir dpe ma grub po/ /de'i phyir de ltar rang gi phyogs rnam par bzhag nas/ bdag la kun tu zhes bya ba la sogs pas gzhan gyi phyogs 'gegs par byed do// gal te 'dod chags la sogs pa nyon mongs pa dang/ de kho na nyid bsgom pa la sogs pa dag gi bdag la khyad par 'ga' zhig byed na/ de'i tshe de'i bcings pa dang thar pa la sogs pa'i rnam par bzhag par 'gyur na/ gang gis rgyu dang 'bras bu nges pa'i mtshams kyi mtshan nyid can gyis bcings pa dang thar pa la sogs pa'i rnam par bzhag 'di 'dra ba 'di? byed par 'gyur ba gang gi phyir rtag pa nyid kyis de la khyad par sgrub par byed pa yod pa ma yin pa de'i phyir nges par rgyu dang 'bras bur 'dod pa'i mtshan nyid bcings pa dang thar pa rnam par bzhag pa byed pa ma yin te/ dper na nam mkha' bzhin no snyam du bsams pa yin no/ /gzhan du zhes bya ba ni gal te bdag la khyad par skyed
- 292b
pa yin na/ de'i tshe khyad par bdag nyid du gyur pa yin pa'i phyir la/ bdag kyang de las tha mi dad pa'i phyir khyad par bzhin du mi rtag pa nyid du 'gyur ro/ /khyad par gzhan du gyur po ni mi rigs te/ 'brel pa ma grub pa'i phyir ro zhes bya ba 'di ni lan brgyar brtags zin to/ /de kho na nyid bsdus pa'i dka' 'grel las/ las dang 'bras bu'i 'brel pa brtag pa ste bcu bzhi pa'o// //da ni yon tan rdzas dang las rigs pa/ 'du sogs khyad par gyis stong pa/ zhes bya ba de bsgrubs par bya ba'i phyir tshig gi don drug brtags pa nye bar bgod par byed pa ni/ rkang mig pa dang zhes bya ba la sogs pa smos te/ rkang mig pa la sogs pa rnams na re/ sngar bstan pa'i dngos po brtag par/ rigs la sogs pa dngos med phyir/ skad cig 'jig par 'dod pa yin/ zhes bya ba 'dis sngar rigs pa la sogs pa rang bzhin med pa nyid dang ldan pa gang yin pa de ni mi rigs te/ gang gi phyir rdzas dang yon tan dang/ las dang/ spyi dang/ bye brag dang/ 'du ba zhes bya ba tshig gi don drug dam pa'i don du rdzas su yod do zhes zer ro/ /rkang mig gi slob ma yin pa'i phyir rkang mig ba ste/ rigs pa can rnams so/ /bye brag pa rnams ni gzigs zan gyi slob ma ste gzegs zan pa zhes bya'o/ /lung pa tsam dag ces bya ba ni 'di dag la rigs pa dang bral ba lung tsam yod pa yin pas lung tsam pa dag go/ /de la re zhig sa la sogs pa zhes bya ba la sogs pas/ re zhig rdzas kyi tshig gis don dgag par bya ba'i don du de'i rnam par dbye ba 'chad de/ tha dad du rnam par phye na bde blag tu sun dbyung ba brjod par nus pa'i phyir ro snyam du bsams pa yin no/ /rnam pa dgu zhes bya ba ni/ mdo las sa dang chu dang/ me dang rlung dang/ nam mkha' dang/ dus dang phyogs dang/ bdag dang yid ces bya
- 293a
ba ni rdzas dag yin zhes bya'o/ /de la yang sa dang chu dang me dang rlung/ zhes bya ba'i sgras ni grangs bzhi po 'di ni/ rtag pa dang mi rtag pa'i khyad par gyi bye brag gi rnam pa gnyis te/ 'dir rnam pa gnyis po 'di bstan pa'i phyir/ re zhig gang dag ces bya ba la sogs pa smos te/ sa la sogs pa rdul phra rab kyi bdag nyid rnams ni rtag pa yin te/ rdul phra rab rnams rtag pa nyid yin pa'i phyir ro/ /de la sogs pas brtsams pa ni mi rtag pa ste/ rgyu dang ldan pa ni mi rtag pa'o/ /zhes bya bar rigs pas so/ /de sogs kyis zhes bya ba ni rdul phra rab dag la sogs pa de dag gang dag la yod pa'i rdul phra rab gnyis 'byar ba gnyis pa la sogs pa de dag ni de brtsogs so/ /nam mkha' la sogs pa ni rtag pa kho na'o/ /snyam du bsams pa'o/ /re zhig rdzas kyi grangs bzhi po de dag 'dir dgag par 'dod nas/ de la zhes bya ba la sogs pa smos te/ de la sa la sogs pa 'di dag rdul phra rab rtag pa'i rang bzhin du brjod pa gang yin pa de dag la ni dngos po mdza' dag la khyab pa'i skad cig ma 'jigs pa bsgrubs pa'i phyir rtags pa'i ngo bo med par bsgrubs pa nyid yin no/ /gang yod pa de thams cad ni skad cig ma yin te/ skad cig ma ma yin pa ni rim dang cig car dag gis don byed pa 'gal pa'i phyir/ de'i mtshan nyid can gyi yod pa nyid nyams pa yin no zhes khyab pa bsgrub zin to/ /'di la yang gnod par byed pa'i tshad ma bshad pa ni/ rtags na zhes bya ba la sogs pa ste/ gal te ri la sogs pa rag pa rnams la rgyur gyur pa'i rdul phra rab dag rtag par yod pa yin no zhes khas len par byed pa de'i tshe/ de'i 'bras bu rags pa rnams rgyu ma tshang ba med pa'i phyir cig car kho nar skye bar 'gyur ro/ /sbyor ba ni gang dag rgyu'i tshogs pa thogs pa med pa can de dag ni cig car 'byung ba yin te/ mtshungs par skyes pa'i myu gu mang po dag bzhin no/ /rdul phra rab rtag pa'i 'bras bu
- 293b
nyid du mngon par 'dod pa rags pa'i dngos po rnams kyang rgyu'i tshogs pa thogs pa med pa can yin no zhes bya ba ni rang bzhin gyi gtan tshigs so/ /rgyu tshogs kyang mi skye na khyad par med pa'i phyir thams cad kyi tshe mi skye bar thal bar 'gyur ro/ /zhes bya bar ni gnod par byed pa'i chang ma'o/ /'di snyam du rgyu rnam pa gsum du 'dod de/ 'du ba'i rgyu dang/ 'du ba ma yin pa'i rgyu dang/ rgyu mtshan gyi rgyu'o/ /de la gang la 'bras bu gang 'du ba de ni de'i 'du ba de'i rgyu ste/ dper na rdul phra rab gnyis pa la rdul phran gnyis lta bu'o/ /gang zhig gang la mi 'du ba'i rgyu'i dngos po tsam du gyur pa de ni 'du ba ma yin pa'i rgyu yin te/ dper na yan lag can gyi rdzas tsam po las yan lag gi ldan pa lta bu'o/ /rgyu lhag ma'i rgyu mtshan gyi rgyu ste/ dper na chos la sogs pa'o/ /zhes bya ba 'di ni 'di dag gi rnam par dbye ba yin no/ /de la ldan pa la sogs pa la bltos par 'gyur ba ni mi nye ba'i phyir rgyu ma tshang ba nyid du ma grub ste/ de'i phyir gtan tshigs ma grub po zhes dogs pa la/ de dag ldan pa la sogs la/ zhes bya ba la sogs pa smos te/ gal te rdul phra rab rnams la ldan pa la sogs pas khyad par 'ga' zhig byed na de'i tshe de dag de la bltos par 'gyur na/ ji srid du rdul phra rab rnam rtag pa'i phyir/ gzhan dag gis khyad par du byar med pa nyid yin na de ji ltar na de dag ldan pa la sogs pa bltos par gyur/ lus dang sa la sogs pa rags pa rnams cig car skye ba yod pa yang ma yin te/ lus la sogs pa rim gyis skye bar mthong ba'i phyir ro/ /de lta bas na bzlog pa'i sbyor ba ni/ gang dag 'bras bu rim pa dang ldan pa'i rgyu yin pa de dag ni mi rtag pa yin te/ rim pa dang ldan pa'i myu gu la sogs pa'i 'bras bu 'grub par byed pa'i sa bon la sogs pa bzhin no/ /rdul phra rab rnams kyang de bzhin no/ /zhes bya ba ni rang bzhin gyi gtan tshigs so/ /rnam phug pas rdul phra rab rtag pa nyid du sgrub
- 294a
pa'i phyir chad ma smras pa/ rdul phra rab rnams skyed par byed par mngon par 'dod pa ni/ yod pa'i chos dang ldan pa ma yin ste/ yod par sgrub par byed pa'i tshad ma'i yul ma yin pa'i phyir/ bong bu'i rwa bzhin no zhe'o/ /yod pa ste bdog pa'i chos te yod pa nyid do/ /de dang ldan pa ni thob pa ste/ yod pa zhes bya ba'i tha tshig go /de bkag pa 'di ni rdul phran skyed byed de/ rdul phra rab rnams skyed par byed pa'i rgyu med do/ /zhes bya ba'i don to/ /tshad ma de 'di dogs pa bsu ba sngon du 'gro ba can bstan pa'i phyir gal te rdul phran skyed byed 'dod ces bya ba la sogs pa smos te/ rdul phra rab skyed par byed pa'i chos dang ldan pa ma yin par 'dod zhes sbrel lo/ /yod pa dmigs pa ste/ rtogs pa de'i don te/ dgos pa tshad ma ga la yod pa de la de skad cig bya'o/ /lhag ma ni rtog par bla'o/ /'dis ni rdul phra rab rnams mi rtag pa nyid du dam bcas pa la rjes su dpag pas gnod pa nyid bstan te/ yod pa rgyu dang mi ldan rtag/ ces bshad pa'i phyir rgyu med pa nyid kyis rdul phra rab rnams rtags pa nyid du grub pa'i phyir ro/ /min te ma grub phyir zhes bya ba la sogs pas gtan tshig ma grub pa nyid du bshad do/ /'on te tha ga pa la sogs pa snam bu la sogs pa kho na'i rgyu nyid du grags pa ma yin nam/ rdul phra rab rnams kyi ni ma yin na/ de ji ltar rdul phra rab rnams kyi rgyu thag pa la sogs pa ma mthong zhes bya zhe na/ gang phyir snam bu sogs zhes bya ba la sogs pa smos te/ 'di yang 'og nas ston par 'gyur snyam du bsams pa'o/ /gzhan yang yul dang/ rang bzhin gyis skal pa'i don rnams dmigs par byed pa'i tshad ma log na yang yod par mi 'gal pa'i phyir/ /des na gtan tshigs ma nges pa yin no zhes ston pa ni/ yod 'dzin zhes bya ba la sogs pa smos te
- 294b
/de na med pa la nges pa med/ ces bya ba ni sha za la sogs ba bzhin no snyam du bsams pa'o/ /de ltar re zhig rgyu'i rdzas bkag nas/ 'bras bu'i rdzas dgag pa'i phyir/ des brtsams zhes bya ba la sogs pa smos te/ yon tan ni gzugs la sogs pa'o/ /yan lag ni snal ma la sogs pa'o/ /de 'di yod pas na de skad ces bya'o/ /de lta bu'i gyur ba yon tan dang yan lag las tha dad pa yan lag can de ma dmigs te/ snam su la sogs pa'i mtshan nyid kyi yan lag can gyi rdzas dkar po la sogs pa'i yon tan thams cad dang snam bu la sogs pa yan lag dag las gzhan du gyur pa gang du yang mig la sogs pa'i rnam par shes pa la mi snang ngo/ /de'i phyir 'dir yon tan dag las don gzhan du gyur pa'i rdzas mi dmigs pas yon tan dang yon tan can du smra ba dang/ yan lag las ma gtogs pa'i yan lag can mi dmigs pas yan lag dang yan lag can du smra ba bsal to/ /sbyor ba ni gang dmigs pa'i mtshan nyid du gyur pa gang na mi dmigs pa de ni de na med pa yin te/ dper na phyogs kyi bye brag 'ga' zhi na bum pa la sogs pa mi dmigs pa lta bu'o/ /yul de nyid du yon tan dang yan lag las don gzhan du gyur pa'i snang ba nyid du mngon par 'dod pa'i yon tan can dang yan lag can yang mi dmigs so zhes bya ba ni rang bzhin mi dmigs pa'o/ /gtan tshigs ma grub pa yang ma yin te/ chen po dang rdzas du ma dang ldan pa nyid dang/ gzugs ni dmigs pa yin no/ /zhes bshad pa'i phyir snang
- 295a
rung nyid du mngon par 'dod pa'i phyir ro/ /nye bar bsgyur dang phrad pa ni/ zhes bya ba la sogs pas gsal byed pa dang snang bral la sogs pa rnams gtan tshigs ma grub pa nyid du ston par byed de/ de dag gi smras pa'i yon tan las ma gtogs pa yon tan can yang dag par dmigs pa kho na te/ de'i gzugs la sogs pa'i yon tan ma bzung na yang na yang de 'dzin pa'i phyir ro/ /'di ltar nye bar bsgyur ba nye ba'i gnas skabs kyi shel rdo'i ri la yod pa'i dkar po'i yon tan ma dmigs na yang mthong ba nyid do/ /chu skyar la sogs pa yang mtshan mo nyung zad nyung zad snang ba na yang de gtogs pa'i skye bo la sogs pa'i ma mthong yang gzung ba kho na'o/ /de bzhin du lus rkang ba'i bar du ral gas g.yogs pa'i skyes bu la/ de'i sngo bsangs la sogs pa'i gzugs ma gzung bar yang skyes pa skyes pa yang zhes rtogs pa skye pa yin no/ /dur smrig dang gur gum la sogs pas gos dmar po la de'i ngo bo 'dres pa'i ngo bo nyid kyis zil gyis mnan pa ma dmigs na yang gos kyi blor 'gyur ba yin no/ /de'i phyir re zhig de ltar mngon sum nyid kyis yon tan dang yon tan can tha dad bar grub par bstan nas/ da ni rjes su dpag pas kyang grub po zhes bstan pa'i phyir/ pad+ma sogs la zhes bya ba la sogs pa smos te/ pad+ma la sogs pa las gzugs la sogs pa yon tan yin te/ pad+ma'i gzugs la sogs pa zhes bya ba de lta bu'o/ /pad+ma la sogs pa de yis gzugs la sogs pa de ni rnam par gcod pa'i phyir te/ dper na nag pa'i rta zhes nag pas bdag po gzhan dag las rnam par gcod pa na rta de las tha dad yin pa bzhin no/ /de bzhin du sbyor ba gzhan ni sa dang chu dang me dang rlung gi rdzas rnams ni so sor gzugs dang/ ro dang dri dang
- 295b
reg pa'i yon tan dag las tha dad pa yin te/ gcig gis tshig dang mang po'i tshig gi yul yin pa'i phyir ro/ /zla ba dang/ rgyu skar rnams bzhin no zhes bya ba lta bu'o/ /gang gi phyir ji ltar zla ba zhes bya ba ni gcig gi tshig yin la/ rgyu skar rnams shes mang po'i tshig ste/ zla ba dang rgyu skar rnams tha dad pa'i rgyu mtshan du dmigs pa de bzhin du 'di la yang sa zhes bya ba ni gcig gi tshig go/ /gzugs dang ro dang dri dang/ reg pa rnams zhes bya ba ni mang po'i tshig go /de bzhin du chu la sogs la yang sbyar bar bya'o/ /rgyu skar tha dad pa ni rgyal la sogs pa'o/ /de ltar yon tan dang yon tan can tha dad par bsgrub nas/ yan lag dang yan lag can tha dad par bsgrubs par bya ba'i phyir/ de bzhin snam snal tha dad de/ zhes bya ba la sogs pa smos te/ sbyor ba rnams ni/ snam bu ni spyad pa'i yul du gyur pa'i snal ma dag las gzhan yin te/ byed pa po tha dad pa'i phyir/ bum pa la sogs pa bzhin no/ /snal ma dang/ snam bu dag ni gzhan yin te/ nus pa tha dad pa'i phyir/ dug dang gnyen po gzhon no/ /dus dang slar dang phyis 'byung ba'i phyir yang ste/ pha dang bu bzhin no/ /tshang ma tha dad pa'i phyir te/ utpa la dang skyu ru ra dang bil pa la sogs pa bzhin no zhes bya ba'o/ /'di dag gi khyab pa bsgrubs pa'i phyir/ 'gal ba'i chos dang ldan pas na zhes bya ba smos te/ dngos po rnams phan tshun tha dad pa'i rgyu mtshan ni 'gal ba'i chos dang ldan pa tsam yin te/ ka ba la sogs pa bzhin no/ /de yang yan lag dang yan lag can dag la yang yod de/ 'di ltar snal ma dag gi byed pa po ni bud med yin la snam bu'i ni tha ga pa'o/ /snam bu ni grangs pa sel ba la sogs pa'i 'bras bu nus kyi snal ma rnams ni ma yin no/ /snal ma rnams ni dang por dmigs te/ dus sngar byung ba'i phyir ro/ /snam bu ni phyis
- 296a
theg pa la sogs pas byed pa'i dus phyis dmigs pa'i phyir dus phyis byung ba nyid yin no/ /snam bu'i zheng dang srid du tshad ji tsam yod pa de tsam snal ma re res yod pa ma yin pa'i phyir tshang tha dad pa yin no/ /de'i phyir gtan tshigs rnams ma nges pa ma yin no snyam du bsams pa yin no/ /de ltar re zhi rjes su dpag pas yan lag can dag tha dad bar bsgrubs nas/ mngon sum gyis kyang tha dad par bsgrubs pa'i phyir/ /rags pa'i don zhes bya ba la sogs pa smos te/ gal te lan lag can med par gyur na thams cad mi 'dzin par thal bar 'gyur te/ rdul phra rab rnams ni dbang po las 'das pa yin pa'i phyir ro/ /rags pa med na rdul phra rab ces bya ba'i tha snyad nyid du yang mi 'gyur te/ ci'i phyir zhe na/ rags pa'i dngos po la bltos nas zhes bya ba la sogs pa smos te/ rtogs par bla bar zad do/ /'on te she pa la sogs pas bya ba la sogs pas lan? 'debs par bya de phag shing la sogs pa rang la yod pa'i yon tan la dmigs nas yang 'ba' zhig la dmigs so zhes gang smras pa de ni ma grub ste/ de'i shes pa ni don ji ltar ba bzhin ma yin pa nyid kyis 'khrul pas yul med pas yin pa'i phyir ro/ /'di ltar thang skyes kyis me tog la sogs pa'i nye bar rgyur bas shel rdo med pa nyid kyi dmar po la sogs pa'i ngo bo dmigs la/ chu skyar dang lha khang la sogs pa dkar po yin na yang sre bo'i ngo bor mthong ste/ de dag de'i dngos te/ dmar po la sogs pa'i ngo bo nyid de kho na nyid du yod pa yang ma yin te/ ci'i phyir zhes na/ rang gi phyogs 'jig par 'gyur ba'i phyir te/ gal te de dag de'i dngos po nyid de kho na nyid du gyur na de'i tshe de'i ngo bo ma gzung na yan de dag 'dzin pa yod pa yin no zhes khyed kyis de ma thag tu brjod pa yin pa'i phyogs de 'jig par 'gyur ro/ /'di snyam du
- 296b
dmar po la sogs pa'i ngo bo las ma gtogs pa'i shel la sogs pa yang dmigs pa kho na'i snyam na/ de'i ngo bo zhes bya ba la sogs pa smos te/ dmar po la sogs pa'i ngo bo de las tha dad pa shel la sogs pa'i mtshan nyid bdag gi rang bzhin ma mthong ste/ dmar po la sogs pa'i ngo bo kho nar dmigs pa'i phyir ro/ /gal te shel la sogs pa de'i ngo bo ma yin pa yang dmar po la sogs pa'i ngo bos dmigs pa yin no zhe na/ gzhan rnam rig blo'i zhes bya ba la sogs pa smos te/ gang gi phyir rnam pa'i dbang gis shes pa don so sor nges pa'i yul can du 'jog ste/ gal te gzhan gyis rnam pa can gyi shes pa yang gzhan gyi yul can du 'gyur ba de lta yin na gzugs kyi shes pa yang sgra la sogs pa'i yul du 'gyur te khyad par med pa'i phyir ro// gzhan yang shes pa gzhan gyi rnam pa can yang gzhan gyi yul can yin du chug mod de lta na yang 'dod pa 'grub par 'gyur ba ma yin no/ /zhes bstan pa'i phyir/ de bzhin dkar sogs zhes bya ba smos te/ 'di ltar dkar po la sogs pa kho de las ma gtogs pa'i yon tan can gyi dngos po dang bral ba de ltar dmar po la sogs pa'i rig go /zhes bya ba de lta bu yang srid par 'gyur na de ltar na yang yan lag can mi 'grub po/ /'ang zhes bya ba ni rim pa gzhan du sbyar ba dang nges par gzung ba pa yin te/ dkar sogs zhes bya ba 'di'i de ma thag tu blta bar bya'o/ /'di 'khrul pa zhes bya ba ni don ji lta ba bzhin ma yin pa'i phyir ro/ /zhes bya ba lhag ma'i/ /gang yang ral ga'i nang gnas skyes bu la zhes bya ba la sogs pa smras pa de la mngon sum ma yin te/ rtag pa dang bcas pa'i phyir dang/ rnam pa mi gsal ba'i phyir ro/ /'o na ci zhe na/ shes pa 'di ni rjes su dpag pa yin no/ /gzugs la sogs pa 'dus pa tsam gyi mtshan nyid kyi skyes bu yul can yin pas de'i phyir yan lag can
- 297a
ma grub bo zhes ston pa ni/ de'i rgyu can zhes bya ba la sogs pa smos te/ skyes bu gzugs la ? sogs pa'i tshogs pa tsam gyi bdag nyid de gnas lugs gang la bsgyur yod pa de la de skad ces bya ba la de'i rgyu can gyi gnas lugs te/ dbyibs kyi khyad par ral ga gang la yod pa de la de skad ces bya'o/ /'dis ni 'bras bur brjod pa'i rtags kyi khyad par gyis skyed pa'i rjes su dpag pa'i shes pa yin par bstan pa yin no/ /gang yang gos dmar la ni go zhes smras pa de la/ ngur smrig gur gum zhes bya ba la sogs pa smos te/ de la gos skad cig ma yin pa'i phyir dkar po la sogs pa sngar rang bzhin zhig pa ni/ tshogs pa gzhan gyi stobs kyis snga na med pa'i gzigs la sogs pa skyes pa yin te/ de mngon sum gyis gzung ba na/ phyis brda ji lta ba bzhin du gom pa'i khyad par gyi spyi'i yul can gos so gos so zhes bya ba'i mngon sum gyi rjes la byung ba'i kun rdzob pa don dam par yul med pa shes skye ba'i phyir 'di la mngon sum nyid ma grub po/ /'di rjes su dpag pa yang ma yin te/ mngon sum snga mas gzung nas? yul yin pa'i phyir dang/ rtags med pa'i phyir ro/ /de lta bas na 'di la zil gyi gnon pa'i dngos po cung zad kyang yod pa ni ma yin no/ /'di snyam du gal te gos gyi dkar po la sogs pa'i gzugs ma nyams pa med pa nyid yin na de ltar bkus pa la sogs pa'i gnas skabs su yang dmigs par 'gyur snyam na/ slar yang chu sogs zhes bya ba la sogs pa smos te/ ji ltar lcags la sogs pa me dang 'brel pa las 'bar ba la sogs pa'i ngo bor skye la/ yang sngon po la sogs pa'i ngo bor skye ba de bzhin du dkar po la sogs pa'i gzugs gzhan
- 297b
nyid skye ba'i phyir 'gal ba med do/ /'di snyam du gzugs gzhan kho na skye'i snga ma'i rang bzhin zil gyis gnan pa'i phyir snga ma mi dmigs pa yin la/ phyir zil gyis gnon pa med pa'i phyir dmigs par 'gyur ba ma yin no zhes bya ba 'di ji ltar rtags par bya snyam du sems na/ gzugs ni gnas skabs de nyid na/ zhes bya ba la sogs pa smos te/ sbyor ba ni gang zhig zil gyis mnan pa'i rang bzhin yongs su ma dor ba de ni/ gzhan gyi zil gyis gnon pa ni ma yin te/ sngar gyi gnas skabs de nyid bzhin no/ /zil gyis gnon pa'i gnas skabs kyi gzugs kyang zil gyis ma mnan pa'i rang bzhin yongs su ma dor ba yin no/ /zhes bya ba ni khyab par byed pa 'gal ba dmigs pa'o/ /zil gyis ma mnan pa'i rang bzhin yang yongs su 'dor ba khas len par byed na 'di gzhan nyid du grub po/ /pad+ma sogs las gzugs sogs zhes bya ba la/ tha dad tshigs dang drug la sogs/ zhes bya ba la sogs pa smos te/ gal te drug pa la sogs pa rnams dngos po ji lta ba bzhin du 'jug par gyur na de'i tshe las dngos po grub par 'gyur na/ ji srid du rang dbang gi 'dod pa tsam gyis 'byung ba 'di dag phyi rol gyis dngos por gtogs pa'i tha dad pa la sogs pa la ltos pa ma yin na de ji ltar 'di dag las don grub pa yin/ de la tshigs tha dad pa ni gzugs la sogs pa rnams zhes bya ba'o/ /drug pa ni snam bu'i zhes bya ba'o/ /sogs pa smos pas snam bu 'di la gzugs la sogs pa zhes bya ba bdun pa dang/ snam bu'i dngos po ni snam bu nyid do/ /zhes bya ba de la phan pa zhes bya ba la sogs pa gzung/ /'di ltar gzhan gyis zhes bya ba la sogs pas ma nges pa nyid sgrub par byed de/ 'di ltar tshig gi don drug po
- 298a
rnams kyis yod pa nyid dang drug po de dag gi sde tshan zhes bya ba la sogs pa la dngos pa'i tha dad pa med na yang drug pa la sogs par 'gyur ba kho na'o/ /khyed cag gi ni tshig gi don drug las ma gtogs pa'i yod pa nyid mi 'dod do// 'di ni nye bar mtshon pa ste/ de bzhin du/ btsun mo rnams byed ma rnams zhes bya ba la sogs pa mang po'i tshig yod na yang don tha dad pa ma mthong ngo/ /nam mkha' i rang bzhin nam mkha' nyid/ ces bya ba la yang rang bzhin gzhan du mi 'dod do/ /yod par shes byed ces bya ba la sogs pas gzhan gyi lan gyi dogs pa bsu yin te/ yod par shes par byed pa'i tshad ma'i yul ni dngos po'i de kho na nyid yin te/ yod pa la dmigs pa'i byed pa'i tshad ma'i yul nyid ces bya ba ni drug po rnams la chos gzhan yod pa nyid 'dod do/ /zhes bya ba'i don to/ /de'i phyir 'khrul pa med do/ /snyam du bsams pa yin no/ /'dir lan bshad pa/ khyed la drug las gzhan tshig gi don khyed la thal zhes bya ba lhag ma ste/ tshig gi don bdun par 'gyur ro/ /de lta yin dang tshig gi don drug tu khas blangs pa nyams par 'gyur/ /snyam du bsams pa yin no/ /'dod pa'i phyir skyon med do zhe na/ gal te de lta na ji ltar tshig gi don drug go zhes brjod ce na/ de drug chos can du brjod de zhes bya smos te/ dngos po gang dag chos can gyi ngo bo nyid yin pa de dag tshig gi don drug go zhes brjod de/ chos kyi ngo bo ni tshig gi don drug las ma gtogs pa 'dod pa kho na'o/ /ji skad du tshig gi don la 'jug pa'i gzhung las/ de ltar chos las ma gtogs pa'i chos can dag bstan par byas so zhes bshad pa lta bu'o/ /de dang de 'brel zhes bya ba la sogs pas lan bshad do/ /de dang zhes bya ba ni tshig gi don drug po dag dang ngo/ /de zhes bya ba ni yod pa nyid la sogs pa'i chos so/ /gang gis chos
- 298b
'di de dag gi yin par 'gyur ba 'brel ba gang zhig yin/ 'brel ba med par ni chos dang chos can gyi dngos por rigs pa ma yin te/ ha cang thal bar 'gyur ba'i phyir ro/ /de lta yin na ni thams cad thams cad kyi chos su 'gyur ro/ /de dag dang lhan cig 'brel ba 'ga' yang med de/ 'di ltar 'brel pa ni gnyis kho na ste/ ldan pa'i mtshan nyid dang/ 'du ba'i mtshan nyid do/ /de la re zhig ldan pa'i mtshan nyid ni ma yin te/ de ni yon tan yin pa nyid kyis rdzas kho na la nges pa'i phyir ro/ /'du ba'i bdag nyid kyang ma yin te/ de ni dngos po bzhin du gcig nyid du 'dod pa'i phyir ro/ /'du ba'i bdag nyid la yang 'du bas 'brel pa yin na 'du ba gnyis pa khas blang bar bya bar 'gyur ro/ /'brel pa med par yang chos dang chos can gyi dngos por 'gyur ro zhe na/ 'brel pa mi 'thad ces bya ba la sogs pa smos te/ de lta na ha cang thal bar 'gyur ro/ /zhes bshad zin to/ /ci ste tshig gi don drug po de dag gis chos skyed pa'i phyir de dag gi chos 'di 'brel par brjod do zhe na/ 'o na gal te de lta na de las byung ba'i 'brel pa tsam nyid las chu la sogs pa gzhan la yang 'khar gzhong rnam pa de lta bu la sogs dang 'brel par 'gyur ro/ /de lta yin dang de dag la ldan pa dang 'du ba zhes bya ba'i 'brel pa gzhan brtag pa don med par 'gyur ro/ /gzhan yang drug po dag la yod pa nyid ces bya ba'i chos gzhan yod du chug mod/ /de lta na yang 'khrul pa na kho na ste/ 'di ltar de la yang te yod pa nyid la yod pa yin te/ dngos po yin pa'i phyir ro/ /de lta yin dang de la tha dad pa'i rgyu mtshan gyi rnam par dbye bar ji ltar 'gyur/ ci ste de la yang yod pa nyid gzhan khas len par byed na de'i tshe thug pa med par 'gyur ro/ /'dod pa'i phyir thug pa med pa mi gnod do zhe na/ chos gzhan zhes bya ba la sogs pa smos te/ thams cad phyi ma phyi ma'i
- 299a
chos dang ldan pa'i phyir chos can nyid du 'gyur ro/ /de lta na yang drug po 'di de dag ni chos can kho nar brjod pa zhes bya ba 'di mi mthong?/ tshig gi don drug las tha dad pa'i chos can gzhan dag kyang yod pa'i phyir ro snyam du bsams pa yin no/ /yang ci ste chos can gyi ngo bo gang dag yin pa de dag kho na drug nyid du nges par gzung ngo snyam pa 'di yang snying po med do/ /de lta na ni yon tan dang las dang spyi dang khyad par dang 'du ba rnams mi ston par 'gyur te/ 'di dag ni chos can gyi ngo bo kho na ni ma yin no/ /'o na ci zhe na/ chos kyi ngo bo nyid kyang bstan par yin te/ 'di dag ni rdzas la brten pa'i phyir ro/ /'di nyid las zhes bya ba ni chos gzhan dang ldan pa las so/ /yang gzhan gyi drug po rnams yod pa nyid yin te/ yod pa dmigs par byed pa'i tshad mas rtogs par bya ba yin ba'i phyir ro/ /rtogs par bya ba yang tshigs gi don drug gi yul can gyi shes pa gang yin pa ste/ de yod ma yod pa'i tha dad du 'jug pa'i phyir ro/ /de bzhin du shes byas bskyed pa'i shes pa ni shes bya nyid yin la rjod par byed pas bskyed pa ni brjod par bya ba nyid yin no/ /de'i phyir tha dad pa'i rgyu mtshan gyi drug par 'gyur ba yin la/ thug pa med pa yang ma yin zhing tshig gi don drug las ma gtogs pa'i tshig gi don du thal bar 'gyur ba yang ma yin no/ /zhes zer ba de la yang 'di ni rnam par rtog pa tsam nyid yin te/ gal te tshig gi don drug po dag la don byed par nus pa'i dngos po'i bdag nyid kyi bdag gi de kho na nyid med par 'gyur na de'i tshe de dag nam mkha' i pad+ma lta bur 'gyur te/ don byed pa dag la nus pa med pa'i phyir ro/ /de ltar yin dang yod pa dmigs par byed pa'i tshad mas rtogs par byed par mi 'gyur ro/ /ci ste 'di dag la rnam pa de lta bur gyur pa'i bdag nyid kyi de kho na nyid yod pa yin pa de'i tshe don byed par nus pa de dag dngos po nyid khyad par gzhan spangs pa tsam shes par 'dod pa la de dag gi yod
- 299b
pa nyid ces bya ba de lta bu gal te tha dad pa'i rnam par dbye bas ston par 'gyur ba de'i tshe 'gal ba ci yod/ rang gi ngo bo tha dad pa med pa de yang blos de las brten nas tha dad pa lta bur brjod pa 'gal ba med pa nyid de/ tshig ni 'dod pa tsam gyis 'jug pa'i phyir ro/ /bcos ma'i gtam nyi bar sbyar ba rnams la byis pa dang dpa' bo la sogs pa'i chos yongs su brtags pa lta bu yin pa'i phyir 'di ni cir yang mi 'gyur ro/ /byed par nus sogs tha dad phyir/ zhes bya ba la sogs pa la/ gal te dang po'i rna lam las zhes bya ba la sogs pa smos te/ gal te snam bu'i ming yang dag par thos pa'i gnas skabs dang por byung ba'i snal ma dag las snam bu tha dad par sgrub na de'i tshe grub pa la sgrub ste/ dngos po thams cad skad cig ma nyid kyis rdzas snal ma dag las snam bu'i sgras brjod par bya ba'i snal ma rnams de dang mi 'dra ba'i dngos po med na yang skye bar khas len pa'i phyir ro/ /ci ste gang dag snam bu dang dus mtshungs par 'byung ba'i snal ma de dag las snam bu gzhan nyid du sgrub na/ de'i tshe gtan tshigs rnams ma grub pa yin no zhes bstan pa'i phyir/ bya ba nyid gcig ces bya ba la sogs pa smos te/ gal te de'i dus su snal ma las ma gtogs po de dang dus mtshungs par 'byung ba'i snam bu grub par gyur na/ de'i tshe de snal ma la bltos nas byed pa po tha dad pa la sogs pa'i chos 'grub par 'gyur na/ gang gi phyir snal ma las tha dad pa'i snam bu de nyid 'dir ma grub ste/ de dag las tha dad pa nyid bsgrub par bya ba yin pa'i phyir ro/ /snam bu dang snal ma rnams zhes bya ba'i ming tsam las dngos po rnams tha dad pa yang ma yin te/ dgos pa gzhan gyis dbang gis kyang ming gzhan sbyor ba'i phyir ro/ /'di ltar snal ma kha cig khyad par can gyis gnas skabs thob pa ni grang ba la sogs pa don gcig byed par nus pa yin gyi/ gang dag byed pa po cung zad yin pa gzhan ni ma yin no/ /de la tha snyad 'dogs pa po rnams
- 300a
kyi tha snyad ma 'chol bar bya ba'i phyir/ don gzhan med na yang don cig byed pa la nye bar mkho ba'i snal ma khyad par can rnams bstan par 'dod nas snam bu zhes sgra gcig nye bar sbyor ro/ /yang ci'i phyir sgra gcig nye bar sbyor zhe na/ sgra re re zhes bya ba la sogs pa smos te/ so so so sor sgra re rer brjod na dka' ba'i skyon yod de/ 'di ltar de la brjod par 'dod pa'i dngos po 'bras bu gcig sgrub par byed par rung ba'i dngos po ji snyed ba la sgra de snyed sbyar bar bya ba yin phyir dka' ba'i skyon no/ /'di dag gi thun mong ma yin pa'i ngo bo bstan par mi nus pa'i phyir yang mi nus pa'i skyon no/ /rloms te spyi'i rnam pas ston pa na/ sgra gcig nyid bstan pa'i mchog yin gyi/ /so so so sor ston pa'i sbyor ba 'di la 'bras bu 'ga' yang ma dmigs pa'i phyir 'bras bu med pa'i skyon no/ /dngos po mdza' dag brjod par 'dod pa na don ma lus pa brjod par byas na tha snyad bla ba yon tan yin te/ 'gro ba dang srid pa gsum dang/ sna tshogs pa'i sgra bzhin no/ /brjod pa gcig ces bya ba ni snam bu zhes bya ba tshig cig ces bya ba'i don te/ byed pa po dang nus pa dang/ yongs su gyur pa la sogs pa'i chos kyang yin pas de dag la de skad ces bya'o/ /de nas tha dad pa'i sgra dang khyad par gyi bsdu ba byas nas bstan par bya'o// gang yang rag pa'i don yod ma yin na/ zhes bya ba la sogs pa de la/ gang dag rdul phran zhes bya ba la sogs pa smos te/ rdul phra rab rnams dbang po las 'das pa nyid ma grub ste/ khyad par can gyi gnas skabs thob pa rnams kyi dbang pos gzung bar bya ba yin pa'i phyir ro/ /gang gi phyir rdul phra rab rnams rtag pa yin no zhes bya ba'i phyogs de la rdul phra rab rnams khyad par med pa'i phyir thams cad du dbang po las 'das pa nyid du 'gyur gyi/ /kho bo cag la ni ma yin no//
- 300b
phan tshun du lhan cig ces bya ba ni gcig la gcig grogs byas pa zhes bya ba'i don to/ /sngon po la sogs zhes bya ba la sogs pa dbang po spyod yul de nyid ston par byed do/ /'on te rdul phra rab rnams shar dang nub la sogs pa phyogs kyis dbye bas gnas par 'dod kyi de dag de'i ngo bos mtshon pa ni ma yin na/ de'i phyir ji dag 'di dag mngon sum nyid yin zhe na/ gal te 'ang 'di dag shar nub tu zhes bya ba la sogs pa smos te/ mngon sum gyi gnod pa med pa ni mngon sum gnod pa med pa'i zhes bsdu ba 'am/ 'di bsdu ba med pa yin te/ gnod pa yod pa ma yin pa'i phyir gnod pa med pa ste/ sbyar ba'i btung ba la sogs pa bzhin du mngon sum nyid du gnas so zhes bya ba'i don to/ /'di ltar sbyar ba'i btung ba dang/ sde mtshan dang chu dang gser la sogs pa la 'dres pa'i rdul phra rab rnams de ltar dmigs te/ rigs mi mthun pa rnams rdzas mi rtsom pa'i phyir de la yan lag can gyis rdzas yod pa ma yin la/ rdul phra rab las tha dad pa'i ldan pa mthong ba yang mi mthad de/ rten ma mthong ba'i phyir ro/ /gang du ldan pa can gcig kyang ma mthong ba de la ldan pa mthong ba ma yin te/ dper na sha za dang bum pa'i ldan pa dang zla ba'i dkyil 'khor dang/ nam mkha' i phyogs dang yul gyi ldan pa bzhin no/ /yang gang du rdul phra rab kyi bdag nyid kyi thams cad kyi ldan pa can ma mthong ba der ji ltar de la brten pa'i mthong bar 'gyur/ /gal te de lta na rnam pa thams cad kyis ma des na ji ltar 'di dag mngon sum nyid du rigs pa dang ldan pa yin zhe na/ kun las logs pa'i zhes bya ba la sogs pa smos te/ tshu rol mthong ba rnams kyis dngos po mngon sum gyis gzung na yang rnam pa thams cad du nges pa ni gang na yang med de/ ji tsam du dngos po don gzhan las ldog pas byas pa'i ngo bos de nges pa de tsam du mngon sum mo zhes rnam par 'jog pa yin gyi rnam pa thams cad kyis ni ma
- 301a
yin no/ /rnam pa gzhan bzung du zin kyang nges pa mi mthad pas tha snyad du mi rung ba nyid kyis ma bzung ba dang 'dra ba'i phyir ro/ /de bzhin du zhes bya ba ni ji ltar dngos po nyams su myong ba bzhin du'o/ /'on te dngos po ni cha med pa nyid kyis bdag nyid thams cad kyis mngon sum gyis nyams su myong ba'i phyir ci'i phyir bdag nyid thams cad kyis nges mi 'gyur zhe na/ rang gi mtshan nyid cha med ces bya ba la sogs pa sems te/ dbang po la yod pa ni dbang po can te/ dbang po'i shes pa zhes bya ba'i don to/ /rtog pa yod pa ma yin pa te rtog pa med pa de yin la dbang po can yang yin no zhes tshig rnam par sbyar ro/ /des rtog bya ni rtogs pa med pa'i dbang po'i shes pas rtogs par bya ba zhes bya ba'i don te/ /gang las tha dad nges pa zhes bya ba ni gang las tha dad pa ste ldog pa ni gang las tha dad pa'o/ /der nges pa ni gtan las phab pa'o/ /de'i rgyu ni goms pa dang/ nye ba dang ches cher nye ba dang blo gsal ba zhes bya ba la sogs pa'o/ /nyams su myong ba tsam kho na nges pa'i rgyu ni ma yin gyi/ 'on kyang goms pa la sogs pa yang yin no/ /des na gang na de dag yod pa der nges pa skye bar 'gyur ro zhes bya ba'i don to/ /'di thams cad kyang rdul phra rab rnams grub cing phyi rol gyi don mngon sum gyis grub pa nyid du khas blangs nas brjod de/ rnam par shes par smra ba gang gis ltar na phyi rol gyi don sngon po la sogs pa'i ngo bor mngon sum gyis ma grub ste/ rmi lam la sogs pa'i phyi rol gyi don med par yang rnam pa de lta bu'i sngon po la sogs pa snang bar dmigs pas the tshom za ba'i phyir ro/ /sngon po la sogs pa'i ngo bo de yang gcig dang du ma'i rang bzhin gyis stong pa nyid kyis 'khrul pa'i shes pa snang ba'i bdag nyid yin pa'i phyir ro/ /rdul
- 301b
phra rab rnams kyang grub pa ma yin te/ de dag shar dang gzhan du gnas pa nyid kyis phyogs cha tha dad pas gcig tu mi 'grub pa'i phyir ro/ /de la ji ltar sngon po la sogs pa'i ngo bos rdul phra rab rnams mngon sum nyid yin/ shar dang gzhan du yang shes par mi nus te/ 'khrul pa'i rgyu mtshan gyi don gzhan sgro btags pa'i phyir ro zhes brjod par nus so/ /'di snyam du gal te yan lag can med par 'gyur na/ de'i tshe ji ltar rdul phra rab mang po dag la/ mig byed pa dag dang ldan pas ro gcig ces nges par 'gyur snyam du sems na/ ji ltar 'bar mtshungs 'byung ba'i zhes bya ba la sogs pa smos te/ ji ltar mar me la sogs pa tha dad pa yin na 'bar ba la sogs pa'i dngos po bar med par 'dra ba gzhan dang gzhan 'byung ba'i phyir/ gcig nyid du 'khrul par 'gyur ba de bzhin du ches phra ba'i dngos po du ma bar med par rigs pas gcig nyid du 'khrul pa de'i phyir skyon 'di med do/ /gal te de lta na tha dad du mi dmigs par na ji ltar rdul phra rab rnams mngon sum gyis grub par 'gyur ba yin zhe na/ rnam dbye mi ldog pa zhes bya ba la sogs pa smos te/ gal te rnam par phye nas nges par ma gzung na mngon sum du mi 'dod na/ de'i tshe mar me la sogs snga ma dang phyi ma'i rnam par dbye ba ma shes pa na/ de ji ltar mngon sum nyid du mthong ba yin/ yan lag can yang yan lag rnam par dbye bas ma bzung ba gang yang yod/ de bzhin du ci'i phyir mngon sum nyid du 'dod/ de'i phyir 'di ni ma nges so/ /'di tsam zhig tu 'gyur zhes bya ba la sogs pas rgol bar 'dod pa gzhan dag la slab par byed pa'o/ /'di dag ces bya ba ni rdul phra rab rnams so/ /de yang zhes bya ba ni rdul phra rab rnams rnam par phye nas mi shes pa gang yin pa de yang rdul phra rab
- 302a
du gtogs pa'i sngon po la sogs pa'i mi 'dzin pa'i rgyu ma yin te/ gzhan las kyang nges pa skye bar 'gyur pa'i phyir te/ 'di ltar re zhig phyi rol don yod par smra bas shes pa 'di yul med par 'dod par mi bya ste/ gzhan du ma rnam par shes pa tsam nyid du lta ba kho nar 'gyur ro/ /rigs pa ngo bo nyid kyi snang ba'i gzugs la sogs pa'i yul 'di yang gcig yin nam/ du ma yin grang gcig yin na yang yan lag rnams kyis brtsams pa zhig yin nam/ ma brtsams pa zhig yin de la re zhig 'di ni gzugs sogs gnyi ga'i bdag gcig tu rigs pa ma yin te/ mngon sum la sogs pa dang 'gal ba'i phyir ro/ /'gal ba 'di gang zhe na/ rags pa gcig gi rang bzhin na/ zhes bya ba la sogs pa smos te/ gal te rags pa gcig yin na/ de'i tshe phyogs gcig bsgribs pa na thams cad bsgribs pa dang/ phyogs gcig kha bsgyur ba na thams cad kha bsgyur bar 'gyur te/ bsgribs pa dang/ ma bsgribs pa dang/ kha sgyur ba dang/ ma bsgyur ba dag la khyed cag gi 'dod pas tha mi dad pa'i phyir ro/ /gcig la phan tshun 'gal ba'i chos dang ldan pa rigs pa yang ma yin te/ ha cang thal bar 'gyur pa'i phyir ro/ /de ltar na sna tshogs rdzas gcig du 'gyur la/ de'i phyir lhan cig skye ba la sogs par thal bar 'gyur ro/ /phyogs gcig bsgribs pa na thams cad bsgribs par mthong ba yang ma yin pa'i phyir mngon sum dang 'gal lo/ /de bzhin du rjes su dpag pa dang 'gal ba yang yin te/ 'di ltar gang zhig phan tshun 'gal ba'i chos dang ldan pa de ni gcig ma yin te dper na ba lang dang ma he bzhin no/ /rags pa yang dmigs pa dang mi dmigs pa'i ngo bo dang/ bsgribs pa dang ma bsgribs pa'i ngo bos 'gal ba'i chos dang ldan pa yin no zhes bya ba ni khyab par byed pa 'gal ba dmigs
- 302b
pa'o/ /thams cad gcig nyid du thal bar 'gyur ba na gnod pa can gyi tshad ma'o/ /gsal byed pa na ro gcig la tha dad pa med pa'i phyir thams cad kyi sgra sbyor ba mi mthong ngo/ /zhes zer te/ de 'di 'on te gcig gi rang bzhin zhes bya ba la sogs pas dogs pa bsu ste/ 'di ltar thams cad kyi sgra don du ma'i yul can yin zhing yan lag can ni du ma'i bdag nyid ma yin pa'i phyir/ de la ji ltar gang gis thams cad bsgribs par thal bar 'gyur ro/ /zhes brjod pa thams cad kyi sgra sbyor bar byed/ gang dag ces bya ba la sogs pas lan 'debs par byed de 'jig rten na gos dang lus la sogs pa grub pa gang yin pa de kho na khyed cag gis yan lag can nyid du brtags te/ de la yang 'jig rten thams cad dang phyogs gcig gi sgra dag 'jug par grub pa kho na'o// de skad du yang gos thams cad dmar par zhes bya ba la sogs par smra ba por 'gyur ba yin no/ /rnam pa de lta bu'i brjod par 'dod pa'i 'jig rten gang yin pa 'di/ /yul shin tu ches yangs pa non pa'i gnas ras yug la sogs pa dngos por rtogs pa'i dmar po las sogs par bstan par 'dod pa de la yang kho bo cag gis kyang grags pa'i rjes su 'brangs nas khyed cag la 'gal ba bsgrub pa'i phyir/ thams cad la sogs pa'i sgra sbyor bar byed pa yin no/ /khyed cag rags pa gcig nyid du khas len pa la skyon 'di 'ong gi/ kho bo cag la ni ma yin no/ /kho bo cag gis ni rags pa gcig nyid 'dod pa ma yin/ /'di snyam du kho bo cag la yang skyon med pa kho na ste/ 'di ltar brtags nas te/ 'di na nye bar btags pa yin te/ snal ma la sogs pa'i yan lag rnams la de'i rgyu nyid kyis snam bu la sogs par rjod de/ des ni thams cad la sogs pa'i sgra sbyor bar 'gyur ro snyam du sems na/ gal te de lta na tshig tha dad de/ thams cad rnams/ dmar po rnams shes thams cad du mang po'i tshig du thal bar 'gyur te/ khyed cag ni mang po rnams la tshig gcig
- 303a
'dod pa pa ma yin no/ /ci ste yang yan lag can du gtogs pa'i grangs gcig blangs nas yan lag rnams la rang gi brjod par bya ba la gnas pa'i rtags kyi grangs gos la sogs pa'i sgra ma dor ba kho nar 'jug pa yin no/ /snyam du sems na/ de yang mi rigs so zhes stan pa'i phyir/ dngos dang brtags par 'dod pa dag ces bya ba la sogs pa smos te/ gal te bstan pa 'di btags pa yin na de'i tshe dngos dang brtags pa'i yul la blo tha dad pa'i blo ste/ mi 'dra ba 'khrul pa'i rtog pa dang/ ma 'khrul pa'i rtog pa nyid du 'gyur na tha dad pa yang yod pa ma yin te/ 'di ltar gos thams cad dmar pa yin gyi/ /'on kyang de'i rgyur gyur pa'i snal ma rnams la dmar po'i zhes bya ba de lta bu'i blo 'jug pa ma yin no/ /yang gi sgra las khyed cag gis gos la thams cad kyi sgras brjod par bya bar 'dod pa ma yin te/ de gcig yin pa'i phyir de ji ltar de'i grangs blangs nas thams cad kyi sgra gos la sogs pa dang lhan cig yan lag rnams la 'jug par 'gyur/ yang na dngos dang btags par 'dod pa dag gi blo tha dad pa ni sna tshogs pa nyid de/ de ni 'di la yod pa ma yin te/ gzugs dang re la sogs pa bzhin du snal ma dang snam bu dag ngo bo tha dad par mi dmigs pa'i phyir/ /ngo bo tha dad dag tu mi dmigs pa dag la ni dngos dang btags pa nyid yod pa ma yin no/ /'on te ldan pa zhes bya ba la sogs pas bde byed bdag pos lan 'debs pa'i dogs pa bsu ba ste/ des smras pa ngur smrig dang gur gum la sogs pa'i rdzas dang ldan pa'i gos ni dmar por brjod la/ ldan pa yang ma khyab par 'jug ste/ des na gcig dmar ba na thams cad dmar bar ni mi 'gyur la/ gos la sogs pas kyang lus kyi phyogs gcig bsgribs pa na thams cad bsgribs pa ma yin no zhe'o/ /de 'di ni mi rigs so zhes bstan pa ni/ ci ste cha shas med ces bya ba la sogs pa ste/ gal te snam bu la sogs pa rdzas gcig nyid yin na de'i tshe gang gis ldan pa na khyab par 'jug par 'gyur
- 303b
pa cha shas med pa'i rdzas de la ngur smrig la sogs pas ma khyab ci zhig yod/ ci ste ma khyab pa'i rang bzhin gyi gnas skabs rnams khas len par byed na/ de'i tshe de'i gnas skabs na/ de nyid kyi phyir tha dad par grub ste/ khyab pa dang ma khyab pa dag 'gal bas rang bzhin gcig nyid du mi rung ba'i phyir ro/ /gcig yul shin tu ches yangs par gnas pa yang rigs pa ma yin te/ cha shas med pa'i phyir ro/ /gzhan du chu'i skye bo dang glang po che la sogs pa thams cad gcig pa nyid kyis khyad par med pa'i phyir/ rags pa dang phra ba la sogs pa'i bye brag tu mi 'gyur ro/ /yan lag nyung du dang ches mang bas brtsams pa la sogs pas byas pa'i khyad par yod do zhe na/ 'o na yan lag rnams nyid nyung du dang ches mang ba dag de lta de ltar skye ba na/ rags pa dang phra ba'i rnam par gzhag pa'i rgyu mtshan yin la rags mod/ /de brtsams pa'i yan lag can gyis ci zhig bya ste/ de'i nus pa ma mthong ba'i phyir ro/ /yan lag rnams la nyung ba nyid dang mang ba nyid yod na yang gang gi rags pa dang phra bas la sogs pa'i bye brag tu 'gyur ba yan lag can rnams cha shas med pa nyid kyis phan tshun du khyad par 'ga' zhig yod pa ni ma yin no/ /de dag la yan lag mang ba dang nyung ba nyid bzung bas byas pa'i khyad par yang na yang yan lag can nyid khas blangs par 'gyur te/ de nyid la rags pa la sogs par tha snyad byas pa'i phyir ro/ /de lta yin dang rdul phra rab tsam nyid mthong ba nyid du khas blangs par 'gyur te/ rags pa dang phra rab la sogs pa las gtogs pa gzhan ma mthong ba'i phyir ro/ /gzhan yang ldan ma khyab par 'jug pa yin no/ /zhes bya ba don ci yin/ gal te rdzas thams cad lam khyab pa yin no zhes bya ba'i don yin na/ de mi rigs te rdzas la thams cad kyi sgra'i yul ma yin pa nyid du khas blangs pa'i phyir ro/ /ci ste don gyi phyogs gcig la 'jug pa'o zhes bya ba yin na de yang mi rigs ste/ de la phyogs
- 304a
gcig med pa'i phyir ro/ /de rtsom par byed pa'i yan lag la 'jug pa yin no zhe na/ gal te de lta na yan lag rnams nyid dmar po yin pa'i phyir la/ yan lag can gyi ngo bo dmar po ma yin pa'i phyir dmar po dang dmar po ma yin pa mtshungs par mthong bar 'gyur ro/ /gzhan gang yang de'i rtsom par byed pa'i yan lag 'di gal te yan lag can gyi ngo bo yin na/ de'i tshe de la yang ldan pa'i phyogs gcig tu 'jug pa nyid do zhes brgya zhing brtags pa mtshungs/ /ci ste rdul phra rab kyi ngo bo yin na de'i tshe rdul phra rab rnams dbang ba las 'das pa yin pa'i phyir/ de la brten pa'i ldan pa yang dbang po las 'das pa yin pa'i phyir dmar por dmigs par mi 'gyur ro/ /'di snyam du dper na sor mo'i gzugs khyab pa rten dmigs pa kho na ma dmigs par 'dod pa de bzhin du ldan pa ni rten dmigs pa kho na na dmigs pa ma yin pas des na 'di ma khyab par 'jug par brjod pa yin no snyam du sems na/ de ni yang dag pa ma yin te/ dper na bum pa dang sha za ba'i ldan pa bzhin du rten mig pa'i ldan par dmigs pa yod pa ma yin no/ /de lta yin dang dmar po yang rten ma dmigs par mi mthong la rten dmigs pa nyid na dmigs pa yin pa'i phyir/ de ltar de yang khyab par 'jug par 'gyur ro/ /'di snyam du dmar po ma yin pa'i yan lag 'du ba'i rdzas dmigs na yang ldan pa'i bdag nyid kyi dmar po dmigs pa ma yin no/ /nges na 'di rten dmigs na dmigs pa pa ma yin no snyam du sems na/ de yang mi rigs te/ de ltar na dmar po dang dmar po ma yin pa la 'du ba'i yan lag can ni gcig yin pa'i phyir dmar po'i yan lag la yang de'i sgo nas dmar po mi dmigs par thal par 'gyur te/ rten dmigs na yang de ma dmigs pa'i phyir ro/ /rten dmigs pa
- 304b
las gzhan pa'i ldan pas 'dzin pa'i thabs yod pa ma yin no/ /de lta bas na ngo bo gcig pa yul yin par rigs pa ma yin no/ /du ma'i ngo bo yin na yang shugs kyis rdul phra rab 'das pa'i bdag nyid kho nar gnas pa yin te/ yan lag gi yod pa ni gcig nyid du mi rung ba'i phyir/ de'i phyir bum pa la sogs pa rnams rdul phra rab kyi ngo bo nyid du grub la/ des na sngon po la sogs pa rdul phra rab kyi rnams pa yin par grub ste/ gzhan yul gcig med pa'i phyir ro/ /gang yang rdul phran brjod pa la'ang med par 'gyur/ zhes smras pa de la/ de nyid don ni mi shes pa'i zhes bya ba la sogs pa smos te/ brtags pa de la bltos pa can zhes bya ba ni brtags pa'i rags pa de la bltos pa gang la yod pa zhes tshig rnam par sbyar ro/ /lan gzhan bshad pa ni yang na rgyu mtshan zhes bya ba la sogs pa ste/ de 'dra'i zhes bya ba ni cha med pa la thogs pa dang bcas pa la ste/ dper na dbul po la yang phyug po'i ming sgra brda'i dbang gis phyug por brjod pa'i rgyu mtshan med par yang 'jug pa de bzhin du rdul phra rab kyi sgra 'di yang zhes bya ba la skyon med do/ /re zhig de ltar spyir yan lag rnams kyis brtsams pa yang rung ste/ rags pa'i rdzas gcig mi 'thad do zhes bsgrubs nas da ni gang gis yan lag gis brtsams par 'dod pa de'i khyad par sun dbyung ba'i phyir/ snal ma dang ni zhes bya ba la sogs pa smos te/ sbyor ba ni gang du ma yin pa de ni rdzas gcig rjes su 'jug pa ma yin te/ dper na rtsig pa la sogs pa mang po rnams rdzas gcig gi rjes su 'jug pa ma yin pa bzhin no/ /snal ma dang/ lag pa la
- 305a
sogs pa 'di yang du ma yin no zhes bya ba ni khyab byed 'gal ba dmigs pa'o/ /yang na gang gcig yin pa de ni rdzas du ma la brten pa ma yin te/ rdul phra rab gcig bzhin no/ /yan lag can gyi ming can gyi rdzas kyang gcig yin no zhes bya ba ni khyab par byed pa 'gal ba dmigs pa'o/ /'di ni thal bar sgrub pa yin no/ /sbyor ba gnyis ga la yang bzlog pa la gnod par byed pa'i tshad ma bshad pa ni/ 'jug par ni mi rigs gnod pa'i tshad ma yin zhes bya ba'o/ /yan lag rnams la yan lag can 'jug pa gang yin par mi rung ba tshad ma dag gis bsgrubs pa de ni 'dir gnod pa can gyi tshad ma'o/ /yang ji ltar mi rung zhe na/ de gcig la 'jug rten zhes bya ba la sogs pa smos te/ rdzas gcig po de yan lag cig gis bzung ba de'i ngo bo gang yin pa de nyid kyi yan lag gzhan dag la 'jug par 'gyur pa 'am/ gzhan gyi yin zhes bya ba phyogs gnyis so/ /dngos po la ni de nyid dang gzhan dag las ma gtogs pa'i rnam pa gzhan yod pa ma yin no/ /de la re zhig phyogs dang po ni ma yin te/ rdzas de ni yan lag cig gis bzung ba'i phyir/ rdzas 'di nyid kyi tshe yan lag gzhan la 'jug pa'i go skabs yod par ga la 'gyur/ gzhan du na gal te gzhan la 'jug par 'gyur pa de'i tshe 'dir mngon par 'dod pa'i rdzas nyid du bdag nyid thams cad kyis 'jug par mi 'gyur te/ gang gis gzhan la yang 'jug par 'gyur pa de la rang bzhin gzhan yod pa na ma yin te/ gcig nyid nyams par thal par 'gyur pa'i phyir ro/ /tshad ma dgod pa'i phyir/ dper na bu chung zhes bya ba la sogs pa smos te/ sbyor ba ni gang dngos po gcig gis bzung ba'i dngos po de ni de nyid kyi tshe gzhan du 'jug pa ma yin te/ dper na ma ma gcig gis dang du blangs pa'i bu chung ma ma gzhan gyis par du blangs pa mi rten pa bzhin no/ /rdzas kyang yan lag gcig gis yongs su bzung ba yin no zhes bya ba
- 305b
ni khyab par byed pa 'gal ba dmigs pa'o/ /rdzas ni gzhan la brten ma yin zhes bya ba ni tshad ma'i 'bras bu ston pa'o/ /bsgrub bya las bzlog pa la gnod par byed pa'i tshad ma 'di bshad pa de dang 'brel pa'i rang bzhin can zhes bya ba la sogs pa la mngon par 'dod pa'i yan lag dang 'brel pa'i rang bzhin gyi rdzas de min/ yul du ste yan lag can la gal te 'jug par 'gyur na de'i tshad yan lag de dag yul gcig pa nyid du 'gyur/ de lta yin dang gcig bdag nyid ste yan lag rnams rang bzhin gcig tu 'gyur ro/ /ci'i phyir zhe na/ dbyer yang phyir te/ rnam par ma phye ba'i ngo bo nyid kyis gnas pa'i phyir ro/ /de lta ma yin na rnam par phye ba'i ngo bor gnas pa na yul gcig pa nyid du mi 'gyur ro/ /ci ste rang bzhin gzhan gyis zhes bya ba phyogs gnyis pa yin na/ de'i tshe gcig du ma la gnas pa zhes bya ba 'grub par ma 'gyur te/ rang bzhin gzhan du 'jug pa'i phyir te/ dngos po tha dad pa ni rang bzhin tha dad pa'i bdag nyid yin pa'i phyir/ gsal byed pa na de yan lag rnams la yan lag can 'jug go/ zhes bya ba 'di ni rten dang brten pa'i chos bstan pa tsam yin te/ khyab par 'jug pa ni brten pa'i dngos po'i mtshan nyid 'du ba'i ngo bo la brjod do/ /zhes zer ba de la/ de de rnams la zhes bya ba la sogs pa smos te/ de la yod ste rnam pa de lta bu'i 'jug pa la ci yan lag gcig la 'du ba'i rang bzhin de nyid kyis yan lag gzhan dag la 'jug ma 'on te gzhan gyis yin zhes bya ba de ma thag tu bstan pa'i rnam par dpyad pa 'di blo gros ngan pas bkod pa'i skyon gyi dra ba 'di mi bzod pa mkhros pa bzhin du snyeg go /de ltar re zhig ma lus pa dang phyogs gcig gi rnam par rtog pa byas nas 'jug pa gsal nas/ da ni nye bar btags pa sgrub pa'i rnam pas 'jug pa dgag pa'i phyir/ yang na zhes bya ba la sogs pa smos so/ /
- 306a
res 'ga' rdzas de yan lag re re la bdag nyid thams cad kyis sam/ phyogs gcig gis 'jug par 'gyur grang gal te bdag nyid thams cad kyis na de'i tshe yan lag rnams ji snyed pa de snyed snyed kyi de'i bdag nyid thob par 'gyur ro/ /yan lag re re la de'i rang bzhin tha dad pa bdag nyid thams cad kyis 'jug pa yod pa ma yin te/ yod pa ma yin pa'i bdag nyid kyis 'jug pa mi srid pa'i phyir ro/ /de lta bas na bdag nyid thams cad kyi cig car 'jug pa'i phyir 'khar gzhong la sogs pa du ma na gnas pa'i utpal la sogs pa bzhin du yan lag can rnams du mar 'gyur ro/ /yang phyogs gcig gis zhes bya ba'i phyogs yin na/ de'i tshe phyogs gcig pa rnams thugs pa med par 'gyur te/ 'di ltar rdzas de phyogs gcig po gang dag gis yan lag rnams la 'jug la/ de dag kyang de'i phyogs gcig la zhes bya la/ de dag la yang 'di la 'jug par bya dgos la/ de kho na bzhin du gzhan dag la yang yin pa'i phyir mdza' med do/ /yang ci ste 'di phyogs gcig po gang dag gis yan lag rnams la 'jug pa de dag de'i rang gi bdag nyid du gyur pa kho na yin/ don gzhan du gyur pa ma yin la/ de las ma gtogs pa'i phyogs gcig po gzhan med pas des na mthar thug par mi 'gyur ro snyam du dogs pa bsu nas/ de gcig min pa 'am zhes smos te/ de lta yin na yan lag can gcig ces bya bar mi 'gyur te/ de'i yan lag 'dus pa tsam gyi ngo bo yin pa'i phyir ro/ /de lta yin dang 'di ma mthong ba'i lag pa la sogs pa tshogs pa 'dus pa tsam gyi bdag nyid yin la rag mod/ de'i bdag nyid du gyur pa'i yan lag can gzhan kun tu brtags pas ci zhig bya/ skyon gzhan yang bshad pa/ gang duAng min
- 306b
zhes bya ba ste/ 'jug par gyur na zhes bya ba lhag ma'o/ /'di skad du bstan pa yin te/ gal te yan lag can re re phyogs gcig tu gyur na/ de'i tshe yan lag rnams la yan lag can 'jug par 'gyur ro/ /gang gi phyir yan lag can re re phyogs gcig pa ma yin na/ de dag gi phyogs gcig pa nyid nyams par thal par 'gyur pa'i phyir ro/ /yan lag can gzhan gyi ngo bos kyang yod pa ma yin na de'i phyir ji ltar 'di yan lag rnams la 'jug pa zhes bya ba/ 'on te rang rgyud ces bya ba la sogs gis bar? byed? bdag po'i dogs pa bsu pa ste/ des smras pa/ rang rgyud dam thal par 'gyur pa'i sgo nas sgrub byed pa gang yin pa de rang nyid dmigs pa yin na 'thad par 'gyur gyi de lta yin na ma grub pa'i skyon du 'gyur ro/ /khyed cag gis ni gcig bum? pa ma lus pa dang phyogs gcig dag gi 'jug pa gang du yang mi dmigs te/ gang gi 'jug yod pa ma yin pa'i phyir yan lag can gyi rdzas med par 'gyur pa 'am yod pa yin na gzhan du 'ang ste/ yan lag gam yan lag can du yang 'gyur ro/ /kha cig tu gang gi yod pa ma yin phyir zhes 'don pa der ni 'di ltar sbyar te/ ci rigs par gang gi 'jug pa yod pa dang gang gi 'jug pa yod pa ma yin pa na rdzas med par 'gyur pa 'am/ de gzhan duAng ste/ yan lag gam yan lag can du 'gyur zhe'o/ /ci ste la lar rnam pa de lta bu'i 'jug pa dmigs par gyur na/ de'i tshe de bzhin du de'i rdzas la sogs pa la yang 'gyur pa'i phyir dgag tu med do/ /'on te yang 'jug pa ma mthong na de'i tshe ci'i phyogs gcig gis sam 'on te bdag nyid thams cad kyis zhes bya ba de lta bu bya ste/ ? mi rigs so/ /chos can grub na khyad par 'gag par rigs kyi/ gang gi tshe chos can nyid ma grub pa de'i tshe de nyid dgag pa bzung ngo/ /des na 'jug pa nyid med do/ /zhes bya ba de tsam zhig brjod par bya'i khyad par dgag pa ni ma yin no/ /de yang mi rigs
- 307a
te/ mngon sum kho nas yan lag rnams la yan lag can 'jug par grub pa'i phyir ro/ /mngon sum ci 'dra ba las she na/ 'di la 'di zhes pa'i mngon sum blo yis zhes bya ba smos te/ snal ma 'di la sogs pa 'di zhes bya ba'i de lta bur gyur pa'i mngon sum las zhes bya ba'i don to/ /yang ci ste blo 'di mngon sum nyid du ma grub po snyam na/ gal te de lta na gang las mngon sum nyid yin par 'gyur pa 'di la gnod par byed pa'i tshad ma cung zhig brjod dgos ci ste gnod par byed pa'i tshad ma med par yang 'di mngon sum nyid du mi 'gyur na/ 'o na de lta na khyed cag gi gzugs la sogs pa'i shes pa ma mngon sum nyid du ma 'gyur te khyad par med pa'i phyir ro/ /'di la zhes bya ba la sogs pas lan 'debs par byed de/ de gcig la 'jug rten zhes bya ba la sogs pas spyir gcig du ma la 'jug pa sngar bsal zin to/ /gang yang 'di la 'di'o snyam pa'i blo'i mngon sum nyid kyis 'jug pa grub po zhes 'di brjod pa de yang 'jig rten dang mi mthun te/ /'jig rten na rwa can 'di la ba lang snal ma 'di la snam bu zhes bya ba de lta bu'i rnam par rtog pa'i blo yang de ltar 'jug pa ma yin no/ /'o na ci zhe na/ ba lang 'di la rwa snam bu 'di la snal ma rnams snyam pa yin no/ /mngon sum gyi blo la snal ma la sogs pa 'du ba de las tha dad pa'i gos la sogs pa'i rang bzhin snang ba yang ma yin la/ rnam par phye nas mi snang ba ni 'di 'di las 'jug go zhes bya ba'i blor 'gyur pa yang ma yin no/ /'khar gzhong la sogs pa la chu tsha nas mi snang ba na 'di na chu'o/ /zhes shes par 'gyur pa ma yin no/ /gang yang ma lus pa 'am/ phyogs gcig gis/ 'jug pa gang du 'ang ma dmigs nyid ces smras pa de la/ ma lus phyogs gcig sgra dag gis/ zhes bya ba la sogs pa smos te/ ma lus pa'i sgras dper na snyod?
- 307b
'ga' zhig tu bzhag pa'i dpal gyi 'bras bu la sogs pa dmigs pa bzhin du/ ci rang gi ngo bo cha shas med pa ci 'dra ba de lta bu kho na'i cha shas med pa'i yan lag thams cad nyid kyi de la 'jug pa zhes bya ba'i don 'di bstan pa yin nam/ 'on te phyogs gcig gis sgras dper na gnas mal du ma mnyal ba'i nag pa la sogs pa dmigs pa bzhin du rnam pa gzhan du/ zhes bya ba 'di bstan pa yin zhes bya ba yin pas 'di ni cir yang mi rung ngo/ /gang yang gsal byed pa na de yan lag gcan gcig la ma lus pa dang phyogs gcig gi sgra 'jug pa mi srid pa'i phyir ci phyogs gcig gis 'jug gam/ 'on te ma lus pas 'jug ces bya ba'i dri ba 'di rigs pa ma yin no/ /ma lus pa zhes bya ba ni mdza' dag brjod par byed la/ phyogs gcig ces bya ba yang du ma nyid yin na yang 'ga' zhig brjod pa yin no/ /ma lus pa dang phyogs gcig gis sgra de dag yan lag can gcig la mthong ngo zhes zer ba de yang 'di nyid kyis bsal ba yin no/ /de skad du 'jig rten na snam bu 'di ma lus pa 'am/ phyogs gcig gis gzhong ba na gnas so zhes bya bar snam bu la sogs pa la ma lus pa dang phyogs gcig pa'i sgra 'jug ma mthong ba nyid yin no/ /'di nye bar brtags pa yin no zhes bya ba yang rigs pa ma yin te/ 'khrul pa med par 'jug pa'i phyir ro zhes bya ba 'di ni sngar bshad zin to/ /de ltar rlung gi mthar thug pa'i rdzas rnam pa bzhi po bsal byed bdag ces bya ba ni bdag rtag par dang po nyid du bsal nas/ da ni nam mkha' dang dus dang phyogs dang yid rnams dgag pa'i phyir 'jig pa la sogs gtan tshigs kyis/ zhes bya ba la sogs pa smos te/ de la re zhig gzhan dag gi nam mkha' zhes bya ba'i rdzas grub par byed de/ nam mkha' zhes bya ba'i rdzas rtag pa gcig pu sgra'i rtags can yod do/ /'di'i
- 308a
rtags ni sgra yin te yon tan yin pa'i phyir ro/ /sbyor ba ni gang dag 'jig pa dang skye ba dang ldan pa la sogs pa'i chos dang ldan pa de dag 'ga' zhig la brten pa yin te/ bum pa dang mar me la sogs pa bzhin no/ /sgra 'di dag kyang de bzhin te/ de lta bas na 'di dag gis 'ga' zhig la brten par 'gyur par bya dgos so/ /gang 'di dag gi rten de ni shugs kyis nam mkha' ste nam mkhar 'gyur pa yin no/ /'di ltar sgra 'di ni sa la sogs pa bzhi po rnams kyis yon tan du rigs pa ni ma yin te/ /mngon sum nyid yin pa na yon tan gyi rgyu sngon du 'gro ba can ma yin pa'i phyir dang/ rdzas ji srid du 'byung ba ma yin pa'i phyir dang/ rten las gzhan du dmigs pa'i phyir ro/ /reg pa dang ldan pa'i yon tan dag ni ji srid du bshad pa'i chos las bzlog pa yin par mthong ngo/ /mngon sum nyid yin pa na zhes bya ba'i khyad par ni rim par 'byung ba'i rdul phra rab tu gtogs pas ma nges pa nyid ba la ba'i don du'o/ /phyi'i dbang po'i mngon sum yin pa'i phyir dang/ bdag gzhan gyis bzung bar bya ba yin pa'i phyir/ nga rgyal gyis rnam par phye nas 'dzin pa'i phyir bdag gi yon tan ma yin te/ bdag gi yon tan bde ba la sogs pa rnams ni de las bzlog par mthong ba'i phyir ro/ /rna bas gzung bar bya ba yin pa'i phyir phyogs dang dus dang yid kyi ma yin no/ /des na lhag par gyur pas yon tan du gyur pa'i nam mkha' i rtag yin no/ /nam mkha' de yang sgra'i rtags can du khyad par gyi rtags med pa'i phyir gcig yin na/ yon tan thams cad du dmigs pa'i phyir khyab pa yin no/ /yon tan can yin pa'i phyir dang brten pa ma yin pa'i phyir rdzas so/ /ma byas pa'i phyir rtag pa'o zhes bya ba 'di ni gzhan dag gi tha snyad yin no/ /sngon dang phyis logs so zhes bya ba la sogs pas dus dgag pa'i phyir bshad pa ste/ rdzas
- 308b
kyi sgras gnyer ma dang skra dkar la sogs pa bzung bar bya'o/ /sngon ni pa'o/ /phyi ma ni bu'o/ /cig car dang/ yun ring mo dang myur du dang byed pa dang/ byas pa dang/ byed par 'gyur pa zhes bya ba gang yin pa 'di sngon dang phyis la sogs pa'i shes pa de ni nyi ma la sogs pa'i bya ba dang/ rdzas las tha dad pa'i rgyu mtshan can yin te/ gnyer ma dang skra dkar la sogs pa'i shes pa dang mi 'dra ba'i phyir/ bum pa la sogs pa'i shes pa bzhin na/ /'di'i rgyu gang yin pa de yang shugs kyis dus yin no/ /'di ltar re zhig sngon dang phyi ma'i shes shes pa 'di yul gyi byas pa ma yin te/ phyi ma'i phyogs cha na gnas pa'i rgan po la sngon zhes shes pa skye ba'i phyir dang/ de bzhin du snga ma'i phyogs cha na gnas pa'i gzhon nu ma yang phyi ma zhes bya ba yin pas so/ /skra dkar dang gnyer ma la sogs pas byas pa yang ma yin te/ de'i shes pa dang 'dra ba'i phyir ro/ /bya bas byas pa yang ma yin te/ de'i shes pa dang mi 'dri ba nyid kyi phyir ro/ /de skad du yang mdo las 'phyi ba dang/ snga ba dang cig car ma yin pa dang/ yun ring po dang/ myur du zhes bya ba ni dus kyi rtags dag yin no// zhes 'byung ngo/ /'di'i mi rtag pa nyid dang gcig nyid la sogs pa'i chos rnams ni nam mkha' bzhin du rtogs par bya'o/ /phyogs bsgrub pa'i don du shar dang nub la sogs blo rnams las zhes bya ba smos te/ lus can gyi rdzas kyi dbang du byas nas lus can gyi rdzas dag kho na la de las 'di ni shar ro/ /lho dang/ nub dang/ byang dang/ shar lho dang/ lho nub dang nub byang dang byang shar dang/ 'og dang steng la sogs pa zhes bya ba shes pa bcu pa 'di dag las byung ba de ni phyogs zhes bya'o/ /de skad du yang mdo las/ 'di'o snyam pa gang las yin pa de ni phyogs kyi rtags yin no zhes 'byung ngo/ /gang las 'di'o/ /zhes bya ba ni khyad par gyi shes pa yin la/ khyad par gyi shes pa yang glo bur par rigs pa ma yin no/ /phan tshun du lus can gyi rdzas la
- 309a
bltos pa yang ma yin te/ phan tshun brten pa nyid kyis gnyi ga med par thal bar 'gyur ba'i phyir ro/ /de'i rgyu mtshan gzhan med pa'i phyir rtags 'di dag ni phyogs kyi yin no/ /phyogs de'i yang gcig pa nyid dang/ rtag pa nyid dang/ khyab pa nyid la sogs pa'i yon tan rnams ni dus gzhan du shes par bya'o/ /phyogs gcig yin na yang 'bras bu'i khyad par las shar la sogs pa'i bye brag gis sna tshogs pa nyid yin no/ /sbyor ba ni gang 'di shar dang nub la sogs pa'i shes pa de ni lus can gyi rdzas las tha dad pa'i dngos po'i rgyu mtshan can yin te/ de'i shes pa dang mi 'dra ba'i phyir bde ba la sogs pa'i shes pa bzhin no/ /yid kyi rtags bshad pa/ shes pa rim gyis zhes bya ba la sogs pa smos te/ dbang po dang don du ma phrad pa cig car nye bar yod na yang shes pa rim gyis skye bar mthong ba'i phyir ro/ /gang zhig nye ba dang mi nye ba dag las shes pa skye ba dang/ mi skye bar 'gyur ba dbang po dang don las ma gtogs pa'i rgyu gzhan yod pa yin no/ /de'i phyir shes pa rim gyis skye ba na ste shes pa 'byung bas yid rjes su dpog par byed do/ /de skad du yang mdo las shes pa cig car mi skye ba ni yid kyi rtags so zhes 'byung ngo/ /sbyor ba ni gang 'di gzugs la sogs pa rtogs pas rtags de ni/ mig la sogs pa las ma gtogs pa'i rgyu la ltos pa yin te/ rim gyis skye ba'i phyir/ shing rta la sogs pa bzhin no zhes bya ba'i/ zin sogs zhes bya ba la sogs pas lan 'debs par byed de/ gal te spyir sgra 'di dag brten pa yin pa tsam zhig sgrub? na de'i tshe gtan tshigs grub pa la sgrub pa yin te/ 'di ltar sgra rnams ni zin pa dang ma zin pa'i 'byung ba chen po'i rgyu can du 'dod pa yin te/ de dag kyang 'byung ba rnams la de'i 'bras bu nyid kyis brten pa kho na yin te/ de dag la zhes
- 309b
bya ba ni zin pa la sogs pa de dang 'brel ba'i bdag nyid thob pas 'bras bu rnams ni rgyu rnams la brten pa'i phyir ro/ /zin pa ni sems dang sems las byung ba rnams bdag gir byas pa'o/ /sogs pa'i sgras ma zin pa'i 'byung ba chen po'i rgyu can nyid bzung ngo/ /de dag la zhes bya ba ni zin pa la sogs pa'i 'byung ba chen po rnams la'o/ /phyir zhes bya ba ni de'i phyir zhes bya ba'i don to/ /snga ma zhes bya ba ni/ sgra rnams 'ga' zhig la rten te/ zhes bya ba la sogs pa gang smras pa de ni grub pa la sgrub pa'i skyon yod pa'i phyir sgrub byed ma yin no snyam du bsams pa yin no/ /ci ste lus can ma yin pa rtag pa gcig pu/ khyab pa'i rdzas dang du ba nyid kyis 'di dag khyad par can la brten par sgrub par 'dod na/ de'i tshe bsgrub bya rjes su 'gro ba'i dpe med pa'i phyir/ gtan tshigs gis ma nges pa yin no zhes bya ba 'di ston pa ni nam mkha' gcig ces bya ba la sogs pa'o/ /'di dag ces bya ba ni 'grub min zhes bya ba snga ma dang 'brel to/ /dam bca' ba yang rjes su dpag pa dang 'gal ba nyid yin no zhes ston pa ni de bzhin rim min sogs thob 'gyur zhes bya ba'o/ /'di dag ni ji skad du bshad pa'i nam mkha' dang 'du ba mi 'grub bo zhes 'brel to/ /gal te 'di dag rtag pa dang gcig pu'i nam mkha' i rdzas dang 'du bar gyur na/ de'i tshe cig car skyes pa'i sgra du ma bzhin du de ma yin pa'i 'dus pa'i sgra dag kyang mngon par 'dod pa'i dus kho nar 'gyur te/ rgyu ma tshang ba med pa'i phyir dang/ brten gcig pa'i phyir ro/ /rtag pa ni gzhan la bltos pa yang ma yin no zhes bya ba 'di ni bstan zin to/ /phan 'dogs par byed pa ma yin pa yang 'du ba nyid du mi rigs te/ ha cang thal bar 'gyur ba'i phyir ro/ /de'i phyir de ltar rim can ma yin par thal bar 'gyur ro/ /sogs pa'i sgras ni skyes bu thams cad kyi 'dzin pa la sogs pa'i
- 310a
skyon du yang thal bar 'gyur ro/ /'di ltar snang ba ni nam mkha' i bdag nyid yin la/ nam mkha' yang gcig nyid yin te/ de lta yin dang der phyin pa'i sgra rnams thams cad kyis kyang thos par 'gyur ro/ /de ni cha shas med pa nyid kyis 'di ni bdag gi ba'o/ /'di ni gzhan gyi'o zhes bya ba ni so sor nges pa 'di ni mi rigs so/ /'di snyam du gang gis ma mthong ba'i 'du byed kyis rna ba'i sbubs su der yongs su gcod pa'i nam mkha' ni rna ba nyid yin te/ de nyid kyi phyir kha dang rna la sogs pa'i bu ga'i nang du sgra dmigs pa 'byung ba ma yin no/ /rna ba'i sbubs de nyid la gnod pas yod? pa la sogs par bzhag go zhes bya bar 'dod na/ 'di yang mi rigs pa kho na ste/ nam mkha' ni cha med pa nyid kyis rnam pa de lta bu'i dbye ba mi rung ba'i phyir ro/ /kun tu brtags pa'i yan lag gi rnam par dbye ba rnams don dam par dngos po'i rnam par dbye ba sgrub par byed pa don byed pa sgro btags pa'i dbang gis sgrub par nus pa ma yin te/ chu la me zhes nye bar btags pa na 'bar ba 'am sreg par byed pa ni ma yin no/ /ci ste nam mkha' i phyogs gcig ces bya ni/ ldan pa ma khyab par 'jug pa nyid brjod pa yin par 'dod do zhes bya ba 'di yang spangs pa nyid yin no/ /gzhan yang bum pa dang rna ba'i sbubs la sogs pa yang tha mi dad pa'i nam mkha' gcig dang 'brel pa nyid kyis yul mtshungs pa nyid du 'gyur ro/ /nam mkha' i rang bzhin gang yin pa kho nas gcig dang 'brel pa de kho nas gzhan la yang yin te/ de ltar na gzhan na yod pa'i bum pa la sogs pa yang mngon par 'dod pa'i yul du 'byung ba kho nar 'gyur te/ de dang 'brel pa'i rang bzhin gyi nam mkha' dang ldan pa'i phyir/ de'i yul na gnas pa'i bum pa la sogs pa
- 310b
bzhin no/ /de nyid kyi phyir sgra rnams kyang yul gcig pa nyid du 'gyur ro/ /de lta yin dang dngos po 'ga' zhig shin tu nye ba rang ring ba'i yul tha dad na gnas par shin tu grags pa gang yin pa de 'gal bar 'gyur ro zhes bya ba de lta bu la sogs pa'i nyes pa mang po 'jug par 'gyur ro/ /de bzhin du dus dang phyogs sgrub par byed pa dag la yang spyir grub pa la sgrub la khyad par du gtan tshigs rjes su 'gro ba ma grub cing dam bca' ba yang rjes su dpag pa dang 'gal ba yin no zhes ston pa ni/ khyad par can gyi brda 'byung ba'i zhes bya ba la sogs pa'o/ /khyad par brda ni mdun dang rgyab la sogs pa las skyes pa'i don rnams la mdun dang rgyab kyi brda'o/ /de las byung ba'i yid la byed pa ni rtsol ba'o/ /de 'di la rgyu mtshan du yod pa de la de skad ces bya'o/ /de nyid kyi phyir phan tshun brten pa'i nyes pa med de/ shes pa 'di ni khyad par can gyi dngos po'i brda'i rgyu mtshan yin pa'i phyir ro/ /de'i phyir rgyu tsam sgrub na grub pa la sgrub pa yin no/ /khyad par grub na rjes su dpag pas gnod pa dang/ rjes su 'gro ba med pa yang snga ma bzhin no zhes ston pa dang/ gtan tshigs kyang 'dod pa las bzlog pa sgrub par byed pa'i phyir 'gal ba nyid yin no zhes ston pa ni/ cha med dngos gcig ces bya ba la sogs pa'o/ /de dag ces bya ba ni dus dang phyogs dag go /mdun rgyab la sogs pa'i shes pa dus dang phyogs zhes bya ba dngos po cha med pa gcig pa zhig rgyu mtshan can du 'dod/ de yang ma grub ste/ 'di ltar rang gi rnam pa'i rjes su byed pa'i shes pa skyed par byed pa'i yul yin te gang gis mdun dang rgyab la sogs pa'i shes pa des byas par 'gyur ba cha shas med pa la ni mdun dang rgyab la sogs pa'i rnam par dbye ba yod pa yang
- 311a
yin no/ /de'i phyir 'dod pa las bzlog pa sgrub par byed pa'i phyir gtan tshigs 'gal ba yin no/ /gal te 'brel pa can zhes bya ba 'dis gzhan gyi lan dogs par byed do/ /ci ste yang gang phyogs dang dus dang 'brel ba can gyi phyi dang nang gi dngos po me mar dang lus la sogs pa de dag la mdun dang rgyab la sogs pa yod pa yin te/ des na dus dang phyogs de dag kyang 'brel pa can du gtogs pa'i mdun rgyab la sogs pa 'di bstan pa yin te/ de'i phyir gtan tshigs 'gal ba ma yin no snyam du 'dod pa yin no/ /'dir lan smras pa/ de lta na ni de dag don med ma yin nam zhes bya ba ste/ de ltar rtogs na dus dang phyogs de dag med par 'gyur ba yin te/ de'i bsgrub par bya bar mngon par 'dod pa'i 'bras bu 'brel pa can de nyid kyis bsgrubs pa'i phyir ro/ /'di ltar dus ni/ snga ma dang/ phyi ma dang/ skad cig dang/ thang cig dang/ mig brtsums pa dang/ mthar dang/ cha dang lud? tsam dang/ nyin zhag dang/ zla ba phyed dang/ zla ba la sogs pa'i shes pa skye ba'i rgyu yin la/ phyogs kyang shar dang nub la sogs pa rnam par 'jog pa'i rgyur 'dod de/ tha dad pa 'di mdza' dag kyang de dag gi bdag nyid la yod pa tha dad pa dag la yang yod pa'i phyir tha dad pa dag la yang yod par kun tu rtogs pa de ni don med do/ /yid sgrub par byed pa'i gtan tshigs kyang spyir rgyu tsam/ sgrub na grub pa la sgrub pa yin no zhes ston pa ni/ mig la sogs pa las gzhan pa zhes bya ba la sogs pa'o/ /khyad par du rtag pa gcig pu'i yid sgrub par byed na rjes su 'gro ba med pa dang/ dam bca' ba la rjes su dpag pas gnod pa dang/ gtan tshigs kyang 'gal ba yin no zhes ston pa ni yid ni rtag na zhes bya ba la sogs pa ste/ 'dod pa la gnod pa byed par 'gyur
- 311b
zhes bya ba ni/ mig la sogs pa las tha dad pa'i mi rtag pa'i rgyu la bltos pa dang bcas pa nyid du sgrub par byed pa'i phyir ro/ /de lta ma yin te rgyu rtag pa nyid yin na rgyu ma tshang ba med pa'i phyir shes pa rnams rim gyi skye ba 'gal bar 'gyur ro/ /gtan tshigs 'gal ba de nyid gzhad gang du byed pa sngon du 'gro bas bstan par bya ba'i phyir/ bde gshegs pa dang zhes bya ba la sogs pa smos te/ de nyid kyi phyir bde bar gshegs pa dang/ mu stegs byed dag 'dod pa'i yid grub pa dang ma grub par bya ba'i phyir/ shes pa cig car mi skye ba ni yid kyi rtags ma yin no zhes bya ba'i mdo 'di byas pa yin te/ phyogs gcig la dgag pa'i tshig gdon par bya ba'i phyir ro snyam du sems te/ bsdus pa'i don no/ /yan lag gi don brjod pa/ bde gshegs pa dang phyi rol pa ste mu stegs pa de dag gis bstan pa yang de dag yin la/ yid kyang yin zhes tshig rnam par sbyar ro/ /de dag go rims bzhin du grub pa dang ma grub pa 'am/ yang dag par grub pa 'am/ lhan cig pa'i grub pa de'i phyir te de'i rgyu mtshan du'o/ /de yang ji ltar mdo gcig gis don 'gal ba gnyis go bar byed ces na dgag bcas zhes bya ba la sogs pa smos te/ dgag pa dang lhan cig su 'jug pa zhes bya ba gzhan gyi yid ma grub par bya ba'i phyir rtags ma yin no/ /zhes dgag pa'i tshig gton nas bstan la/ bde bar gshegs pa pa'i yid grub par bya ba'i phyir gzhan du dgag pa med pa zhes bya ba'i don to// yang 'on te ji ltar tshig gcig la dgag pa dang bcas pa dang dgag pa med pa gnyis 'grub par 'gyur zhe na/ bzlas pa yis/ zhes bya ba smos te/ 'di bzlas pa'i tshul gyis zhes bya ba'i tha tshig go /de kho na nyid bsdus pa'i
- 312a
dka' 'grel las/ rdzas kyi tshig gi don brtag pa ste/ bco lnga pa'o// //yon tan la sogs pa rnams dgag pa'i phyir rdzas rnams zhes bya ba la sogs pa smos te/ rdzas rnams bkag pa nyid kyi yon tan dang la sogs pa khyad par gyi mthar thug pa rnams bsal ba yin te/ de dag ni de la brten pa nyid yin pa'i phyir ro/ /rten med pa na yang brten pa rnams gzhan gyi dbang nyid kyis gnas pa mi 'thad pa'i phyir ro/ /der brten pa ste de ltar 'dod pa zhes bya ba ni dngos sam brgyud pas rdzas la brten pa nyid du 'dod pa'o/ /'di ltar yon tan dang las dag ni dngos kho nar rdzas la brten pa nyid du 'dod de/ de skad du yang mdo las/ yon tan gyi mtshan nyid ni rdzas la brten pa/ yon tan gyi ldan pa dang/ rnam par dbye ba dag la rgyu ma yin pa bltos pa med pa zhes bya'o/ /las kyi mtshan nyid ni rdzas gcig pa can yon tan med pa can ldan pa dang rnam dbye ba dag la bltos pa med pa'i rgyu ma yin pa zhes bya ba'o/ /rdzas gcig pa zhes bya ba ni rdzas gcig la brten pa zhes bya ba'i don to/ /yon tan kha cig ni rdzas du ma la 'jug pa yin te/ ji ltar ldan pa dang rnam par dbye ba la sogs pa lta bu'o/ / spyi dang bye brag rnams kyang kha cig ni rdzas la 'jug pa kho na yin te/ dper na sa nyid la sogs pa bzhin no/ /yon tan dang las nyid la sogs rdzas dang 'brel pa'i yon tan dang las kyi tshig gi don la 'jug go /spyi chen po yod pa zhes bya ba ni rdzas la sogs pa tshig gi don gsum la 'jug go /de lta bas ni rdzas bkag nas 'bad mi dgos par yon tan la sogs pa yang bkag par 'gyur ba'i phyir tshig gi don lhag ma brtag pa'i
- 312b
'bras bu ni rdzas brtag pa nyid du rdzogs pa yin no zhes bstan pa yin no/ /'o na 'du ba dgag pa logs shin tu brtsams par bya dgos so zhe na/ 'du ba 'ang gang du gang gi yin zhes bya ba smos te/ tshig gi don lnga la 'jug pa'i ngo bo ni 'du ba yin par rjod de/ rdzas la sogs pa 'brel pa can rnam pa lnga bsal ba yin na gang du gang gi 'du ba yin te/ gang du yang 'gal yang ma yin no zhes bya ba'i don te/ rten dang brten pa thams cad bkag pa'i phyir ro/ /de la re zhig yon tan rnams khyad par du dgag pa brjod par bya ste/ de la mdo las gzugs dang ro dang/ dri dang/ reg pa rnams dang/ grangs dang/ tshad dang/ so so ba nyid dang/ ldan pa dang/ rnam par dbye ba dang/ gzhan dang gzhan ma yin pa nyid dang/ blo rnams dang/ bde ba dang/ sdug bsngal dag dang 'dod pa dang/ sdang ba dag dang/ 'bad pa ni yon tan dag go zhes 'byung ste/ dang gi sgra las lci ba nyid dang/ gsher ba nyid dang/ snum pa dang/ 'dus byas pa dang/ chos dang/ chos ma yin pa dang/ sgra rnams gzung ngo/ /de la gzugs ni mig gis gzung bar bya ba ste/ sa dang chu dang me la gnas so/ / ro ni lci'i dbang pos gzung bar bya ba ste/ sa dang chu la gnas so/ /dri ni snas gzung bar bya ste/ sa la gnas so/ /reg pa ni lus kyi dang pos gzung bar bya ste/ sa dang/ chu dang/ me dang rlung la gnas so/ /'di dag gi gzugs la sogs pa dang po bzhi dgag pa'i phyir/ rags pa'i rdzas la zhes bya ba la sogs pa smos te/ rags pa nyid kyi rdzas la 'du ba rnams ni dmigs pa'i mtshan nyid du 'gyur ba nyid yin te/ de'i phyir
- 313a
rags pa la zhes bshad do/ /rdzas de la yang sngon po la sogs pa rnam pa bzhi po gal te gcig pa nyid de/ cha shas med par 'dod na/ de'i tshe sgo gseb la sogs pa'i bu gar 'jug pa'i sgron ma la sogs pa'i snang pa phra mos kyang khang pa'i phugs la sogs par gnas pa'i bum pa la sogs pa'i rdzas ches che ba dang 'du ba'i sngon po la sogs pa'i ngo bo mngon par gsal ba na rdzas ji snyed pa tha dag la gnas pa'i gzugs la sogs pa mngon par gsal ba dang/ dmigs par 'gyur te/ cha shas med pa'i phyir ro/ /gang gis phogs gcig gis mngon par gsal bar 'gyur ba gcig la cha yod pa yang ma yin no/ /bu ga'i snang bas zhes bya ba mtshon pa ste/ sa'i phyogs gcig tu chus mngon par gsal ba na phyogs gzhan du yang mngon par gsal ba dang dmigs par thal bar 'gyur ro/ /me la sogs pa dang a mra'i 'bras bu la sogs pa'i phyogs gcig gi shan tsam reg pa dang myangs ba na/ rdzas de la 'du ba de snyed pa'i reg pa dang/ ro dmigs par 'gyur ro/ /'di snyam du sngon po la sogs pa mdza' dag dmigs pa dang/ mngon par gsal bar 'gyur ba kho na'o snyam du sems na/ yang ba'i yul du zhes bya ba la sogs pa smos te/ de tshe zhes bya ba ni de'i dus na'o/ /de yis zhes bya ni bu ga'i snang bas so/ /de'i ni zhes bya ba ni sngon po la sogs pa rdul phra rab rnams tha dad par khas len pa na sa la sogs pa'i rdul phra rab kyi rdzas bzhin du rdul phra rab tshad dang ldan pa'i phyir rdzas kyi rang bzhin nyid du 'gyur gyi/ yon tan nyid ni ma yin no/ /de lta bur gyur pa'i rdul phra rab tha dad pa rnams la yon tan du tha
- 313b
snyad byed na ming la rtsod pa med do/ /rdul nyid yin na yang brten pa nyid las yon tan nyid du rig pa ni ma yin te/ yod pa dang med pa la rten mi 'thad pa'i phyir dang/ ha cang thal bar 'gyur ba'i yang phyir ro/ /'di ltar yan lag can gyi rdzas kyang yan lag gi rdzas la brten pa'i phyir de yang yon tan du 'gyur ro snyam du bsams pa yin no/ /de la gcig la sogs pa'i tha snyad kyi rgyu gcig nyid la sogs pa'i mtshan nyid grangs te/ de yang rdzas gcig pa dang rdzas du ma ba yin no/ /da la gcig gi grangs ni rdzas gcig pa yin la/ gnyis nyid la sogs pa ni rdzas du ma pa yin no/ de la rdzas gcig pa la ni rtag pa nyid dang/ mi rtag pa nyid dag tu sgrub par chu la sogs pa'i rdul phra rab la sogs par gtogs pa'i gzugs la sogs pa bzhin du rtogs par bya'o/ /rdzas du ma ni du ma'i yul can gyi blo dang lhan cig las grub pa la bltos pa'i blo 'jig pas 'jig pa dang/ la la rten 'jig pas kyang 'jig pa yin te zhes rtogs par bya'o/ /gzhan dag grangs rnam pa gnyis pa 'di yang mngon sum nyid kyis grub pa dang/ khyad par gyi blo yang rgyu mtshan gzhan la bltos pa'i phyir rjes su dpag pas kyang grub par sems so zhes grag go /de la 'di'i 'gegs pa bshad pa/ de min ngo bo las ldog pa zhes bya ba la sogs pa smos te/ bsdus pa la sogs pa las ldog pa'i glang po la sogs pa gang dag la ming sbyor ba de las ma gtogs pa'i dmigs pa'i mtshan nyid du chung ba'i grangs zhes bya ba yod pa ma yin pa'i phyir/ de ri bong gi rwa bzhin du med pa'i tha snyad kyi yul yin no/ /'di ltar 'di ni snang du rung bar 'dod de/ de skad du yang mdo las grangs dang chad rnams dang/ so so ba nyid dang/ ldan pa dang/ rnam par dbye ba dag dang/ gzhan dang gzhan ma yin pa nyid yin pa
- 314a
nyid dang/ las ni gzugs can gyi rdzas dang 'du ba'i phyir/ mig gis gzung bar bya ba yin no zhes 'byung ngo/ /khyad par gyi blo las grangs 'grub pa yang ma yin no zhes bstan pa'i phyir/ 'dod kyis rab tu sbyar ba'i zhes bya ba la sogs pa smos te/ 'di ltar shes pa gcig go /shes pa gnyis so zhes bya ba la sogs pa la grangs med par yang gcig la sogs pa'i blor 'gyur ba de bzhin du grogs la sogs pa med pa'i bum pa la sogs pa'i dngos po rnams la yang gcig ces bya ba la sogs pa rang gi 'dod pas brda byas pa de la yid la byed pa gang yin pa gzo ba de'i rjes su 'gro ba'i shes pa gcig 'byung bar 'gyur bas 'di ma nges pa yin no/ /shes pa de dag la ni grangs yod pa ma yin te/ de dag rdzas ma yin pa'i phyir dang grangs ni yon tan nyid yin pas rdzas la brten pa'i phyir ro/ /ci ste shes pa 'di dag la 'di ni nye bar btags pa yin te/ gcig lta bu ni gcig yin te/ 'dir chos mthun pa yang grogs med pa'i phyir ro/ /snyam du 'dod na shes pa 'di ni btags pa yin par rigs pa ma yin te/ shes pa 'di ni 'khrul pa med par 'jug pa'i phyir ro/ /dper na khung bu pa la ba lang zhes shes pa 'khrul pa ste/ ba lang lta bu ni ba lang yin gyi ba lang nyid ni ma yin te/ nog la sogs pa'i med pa'i phyir ro zhes bya ba de bzhin du shes pa gcig la sogs pa 'di 'khrul pa gcig lta bu ni gcig dang 'dra ba yin gyi gcig nyid ni ma yin no zhes bya ba ni ma yin no/ /'o na ci zhe na/ bum pa la sogs pa la ci 'dra ba'i blo ma 'khrul par 'gyur ba de 'dra ba shes pa la sogs pa yang yin no/ /'di snyam du shes pa 'di 'dra ba la bltos nas brjod pa ma yin gyi 'on kyang de dag gi rten du gyur pa'i rdzas gang yin pa der gtogs
- 314b
ba'i gcig nyid la sogs pa las don gcig la 'du ba'i phyir/ yon tan dang las dang 'du ba la sogs pa la gcig la sogs pa'i shes pa 'dir 'gyur ba yin no zhes bya ba 'di'i dogs pa bsu ba ni/ don gcig la ni 'du ba'i phyir zhes bya ba la sogs pa smos so/ /'dir lan smras pa/ de ltar zhes bya ba la sogs pa ste/ gal te shes pa 'di rdzas de dang 'du ba'i gcig nyid la sogs pa las shes pa gcig dang bde ba la sogs pa gcig gi bdag nyid kyi rdzas dang 'du ba rnams la de'i tshe de ltar shes pa gcig zhes bya yin du chug yod/ shes pa gnyis dang gsum dang bzhi zhes bya ba la sogs pa'i shes pa la rgyu ci zhig yod/ gcig gi bdag nyid du gyur pa de la gnyis nyid la sogs pa yod pa ma yin no// gang yang tshig gi don drug dang/ bde ba dang sdug bsngal dag dang/ 'dod pa dang sdang pa dag dang/ las rnam pa lnga dang/ gzhan dang gzhan khyab pa dang ma khyab pa'i spyi rnam pa gnyis dang ma yin pa'i spyi rnam pa gnyis dang/ dngos po gcig dang/ 'du ba gcig ces bya ba 'di brjod pa de la rgyu ci zhig yod de la don gcig la 'du ba'i grangs ni yod pa ma yin te/ de lta bas na khyab par byed pa ma yin pa'i phyir 'di yang brtags par mi rigs so/ gzhan yang gal te de na gcig la 'du ba'am/ gzhan yang rung ste/ rang gi blo brtags pa'i rgyu brjod pa de lta na yang don gcig la 'du ba la sogs pa las skye ba'i shes pa 'di rtag par 'gyur te/ dngos po gzhan med pa'i phyir ro/ /de lta yin dang 'khrul par 'gyur ro/ de 'jug pa'i rgyu mtshan med pa'i phyir dper na bram ze'i khye'u la me'i shes pa bzhin no/ /de ltar yang ma yin te/ de'i phyir gang bshad pa'i nyes pa las ma 'da' ba kho na'o/ /glang po la sogs shes pa las zhes bya ba la sogs pas grangs
- 315a
grub par bya ba'i phyir rna ba phug pas smras pa'i tshad ma dogs par byed do/ /des smras pa dmag gi shes pa ni glang po che dang rta dang shing rta la sogs pa las ma gtogs pa'i rgyu mtshan can yin te/ glang po la sogs pa'i shes pa dang mi 'dra ba'i phyir/ gos sngon po'i shes pa bzhin no zhe'o/ /de las gzhan las byung/ zhes bya ba ni/ glang po che dang rta dang shing rta la sogs pa de las gzhan ni de las gzhan no/ /de las byung ba gang la yod pa zhes tshig rnam par sbyar ro/ /'dod pas sbyar pa'i zhes bya ba la sogs pas lan 'debs par byed de/ glang po la sogs pa las tha dad pa'i brda'i yid la byed pa la sogs pa nang gi rgyu mtshan du 'dod pa'i phyir grub pa la sgrub pa nyid do/ /sogs pa'i sgras brda dren pa la sogs pa gzung ngo/ /ci ste brda gzo ba la sogs pa la tha dad pa'i dngos po rgyu mtshan can nyid du bsgrub par 'dod na/ de'i tshe ma nges pa yin no/ /zhes thal bar 'gyur brjod pa'i thabs kyis ston pa ni/ 'di nyid kyi blo la sogs pa'ang grangs su 'gyur/ zhes bya ba smos te/ de'i shes pa dang mi 'dra ba'i phyir zhes bshad pas de nyid kyis/ gcig gi blo dang gnyis kyi blo dang las lnga zhes bya ba la sogs pa yang grangs su 'gyur te/ gcig la sogs pa'i blo de la yang de'i shes pa dang mi 'dra ba'i phyir ro/ /de yang ma yin te/ de lta bas na ma nges pa yin no snyam du bsam pa yin no/ /gzhan yang gnyis nyid la sogs pa'i grangs rdzas du ma gang yin pa de'i blo du ma dang lhan cig pa'i gcig nyid las grub par khyed cag gis smras pa gor yin pa de ni rgyu mtshan med pa yin no/ /zhes ston pa ni gal te blo la bltos pa las zhes bya ba la sogs pa smos te/ tsam smos pas gcig nyid dang gnyis nyid la sogs pa de'i spyi dang 'bral ba can gyi shes pa rnam
- 315b
par gcod pa'i don du'o/ /blo de zhes bya ba ni/ bgrang bar bya ba dag la gnyis dang gsum gzhi zhes bya la sogs pa'i blo brda gzo ba tsam gyis ci'i phyir mi 'dod/ /de lta na ni nus pa mthong ba rgyu nyid du brtag par mi 'gyur ro/ /de lta ma yin na gtan tshigs rnams thug pa med par 'gyur ro/ /'di ltar bltos pa'i blo yod na yod pa'i phyir dang de med na yang med pa'i phyir der gtogs pa'i rjes su 'gro ba dang ldog pa'i rjes byed pa'i phyir ro/ /de kho na brtag par rigs kyi gzhan du ni 'khru sman dang phrad nas ltas 'khru bar byed do/ /zhes bya ba yang brtag 'gyur ro/ /bsdu ba la sogs pa las ldog cing dngos po las tha dad pa dmigs pa'i mtshan nyid du gyur par mngon par 'dod pa'i gnyis nyid la sogs pa snang ba 'am 'thad pa yang ma yin te/ gcig du na ma la 'jug pa bkag pa'i phyir ro/ /spyi dang 'du ba yang 'gog par 'gyur ba'i phyir snyam du dgongs pa'o/ /che dang rang sogs zhes bya ba la sogs pas tshad dgag pa'i phyir bshad pa tshad kyi tha dad kyi rgyu ni med do// de yang chen po dang rdul phra rab dang/ ring po dang/ thung ngu zhes bya ba rnam pa bzhi ste/ de la chen po ni rnam pa gnyis te/ rtag pa dang mi rtag pa'o/ /rtag pa ni nam mkha' dang/ dus dang phyogs dang bdag rnams la ni mchog tu chen po nyid do// mi rtag pa ni rdul phra rab gsum pa la sogs pa'i rdzas rnams la'o/ /de bzhin du rdul phra rab kyang rnam pa gnyis te/ rtag pa dang mi rtag pa'o/ /rtag pa ni rdul phra rab dang/ yid la zlum pa'i mtshan nyid can no/ /mi rtag pa ni rdul phra rab gnyis pa nyid do/ /utpal dang/ skyu ru ra dang/ bal ba la sogs pa chen po la yang/ khyad par du 'phags par 'byung ba'i dngos po la bltos nas brtags nas rdul phra rab du brjod de/ skyu ru ra'i che ba'i tshad ci 'dra ba de 'dra ba'i
- 316a
utpa la ma yin no zhes bya ba ste/ de bzhin du gzhan la yang sbyar bar bya'o/ /ci ste rdul phra rab gsum pa la sogs pa la 'jug pa'i chen po dang ring ba dag dang/ rdul phran gnyis 'byar ba'i rdul phra rab dang/ thung ngu dag la khyad par ci yod ce na/ brjod pa de la chen po nyid dang ring po nyid dag la phan tshun khyad par yod de/ chen po las ring po 'on cig ring po rnams las chen po 'on cig ces bya ba'i tha snyad tha dad pa mthong ba'i phyir ro/ /rdul phra rab dang thung ngu dag gi khyod par yang de mthong ba'i rnal 'byor pa rnams kyi mngon sum nyid do/ /zhes bya ba 'di ni gzhan dag gi lugs yin no/ /gzhan dag gi chen po la sogs pa 'di yang gzugs la sogs pa las don gzhan du gyur pa nyid du grub ste/ de'i shes pa dang mi 'dra ba'i blos gzung bar bya ba yin pa'i phyir ro/ /bde ba la sogs pa bzhin no zhes sems te/ de la re zhig gal te gzugs la sogs pa'i yul can gyi dbang po'i blo dang mi 'dra ba'i mngon sum gyi shes pas gzung bar bya ba'i phyir ro/ /zhes bya ba gtan tshigs kyi don du 'dod na/ de'i tshe gtan tshigs ma grub pa nyid yin te/ de ltar gnas pa'i gzugs la sogs pa'i dngos po las ma gtogs par chen po la sogs pa'i tshad dbang po'i blo la snang ba bzhin par ma dmigs so/ /ci ste rdul phra rab dang chen po'i zhes bya ba ste de lta bu rnam par rtog pa'i blo gang yin pa de de'i shes pa dang mi 'dra ba'i blos zhes bya ba 'dod na/ de lta na gtan tshigs ma nges pa nyid yin te/ mi mthun pa'i phyogs la gnod par byed pa'i tshad ma med pa'i phyir ro/ /'di la don dam par gzung bar bya ba cung zad kyang yod pa ma yin te/ rtog pa dang bcas pa'i phyir ro/ /phyogs gcig tu mngon du phyogs pa la sogs par 'jug
- 316b
pa'i gzugs la sogs pa mthong ba de dag la/ de dang mi 'dra ba'i gzugs la sogs pa las tha dad par bstan par bya ba'i phyir brda byas pa'i dor chen po zhes nges pa skye ba 'ba' zhig tu zad do/ /de'i phyir dngos po gzhan grub pa ma yin no/ /de nyid kyi phyir 'di gzugs la sogs pa las ma gtogs pa'i nges pa yod pa ma yin pa'i phyir gtan tshigs kyang ma grub pa yin no/ /dam bca' ba yang mngon sum gyis gnod pa yin te mngon sum du 'dod pa'i chen po la sogs pa las ma gtogs par mi dmigs pa'i phyir ro/ /de lta bas na tshad de yang phyogs gcig tu phyogs pa la sogs par 'jug pa'i gzugs la sogs pa'i don la don de de lta bur gyur pa ma yin pa las tha dad pa la rten nas de'i bdag nyid du ci ste mi 'dod/ de lta na ni ma mthong ba dang mi rigs pa'i dngos po brtan par bya mi dgos par 'gyur ro/ /tha dad nyid kyis ni zhes nyid kyi sgras bstan to/ /'di ltar phyogs gcig tu mngon du phyogs par 'jug pa'i gzugs la sogs pa mang po mthong ba 'am/ rig pa na ring po'o/ /zhes tha snyad du byed la/ de la bltos pa'i nyung ngur skye ba thung ngo zhes bya'o/ /de bzhin du chen po la sogs pa de dag la yang sbyar bar bya'o/ /gzugs la sogs pa bkags pa bzhin du gcig dang du ma'i rnam par rtog pa dag las chen po la sogs pa dgag pa yang brjod par bya'o/ /gzhan la yang bsgrub par bya ba med pa la gtan tshigs 'jug pa mthong ba'i phyir ma nges pa nyid du gsal rab ba nyid do/ /zhes bstan pa'i phyir ji ltar khang bzangs/ zhes bya ba la sogs pa smos te/ khyed kyi kun tu brtags pa'i chen po nyid la sogs pa med na yang khang bzangs kyi phreng la sogs pa dag la chen po la sogs pa'i shes pa skye bar nyams su myong ba yin no/ /gang kho nar khang bzangs la sogs pa la phreng zhes bya ba'i
- 317a
yon tan dang 'du ba de la chen po la sogs pa yang yin te/ des na don gcig la 'du ba'i stobs las de bzhin du chen po zhes bya ba de lta bur de'i phreng ba la sogs par tha snyad du byas pa yin no zhes bya ba de skad yang brjod par mi nus te/ de yang rang gi gzhugs dang 'gal lo zhes bstan par bya ba'i phyir/ brjod par 'dod pa'i zhes bya la sogs pa smos te/ khyim rnams la zhes bya ba ni khang bzangs la sogs pa dag la'o/ /brjod par 'dod pa zhes bya ba ni rgyang grags dang rgyang grags kyi phyed la sogs pa'i tshad do/ /phyir med ce na/ khang bzang zhes bya ba la sogs pa smos te/ 'di ltar khyed cag gis ni khang bzang ldan pa'i bdag nyid kyi yon tan du 'dod kyi/ yan lag can gyi rdzas ni ma yin te/ rigs mi mthun pas rdzas mi rtsom pa'i phyir ro/ /yon tan rnams ni yon tan med pa yin no zhes bya ba'i gzhung pas yon tan de yang tshad dang ldan pa ma yin no/ /de lta yin dang khang bzang la sogs pa'i yon tan rnams la phreng ba zhes bya ba'i yon tan gzhan med pa'i phyir khang bzang kyi phreng zhes bya ba 'di nyid du mi 'gyur na chen po dang thung ngu zhes bya ba la sogs par lta ga la 'gyur/ 'di ltar phreng ba ni grangs kyi rang bzhin du 'dod la grangs kyang yon tan yin pa'i phyir/ rdzas kho na la brten gyi yon tan la ni ma yin no/ /ci ste yang phreng ba yan lag can gyi rang bzhin du 'dod pa de lta na yang rdzas kyi rten ni rdzas kho na yon gyi yon tan ni ma yin pa'i phyir phreng ba khang bzang la brten pa nyid mi rigs so/ /ci ste phreng ba rigs kyi rang bzhin du khas len par byed na de lta na yang rigs rten so so la bdag nyid thams cad kyis yongs su rdzogs pa'i phyir gcig kyang khang bzang kyi phreng bar brjod par 'gyur te/ shing ljon pa bzhin no/ /ji ltar
- 317b
du/ gal te'ang khyim ni ldan pa yin/ phreng te de la ji ltar 'gyur/ gal te rigs yin khyim cig la'ang/ /phreng zhes brjod 'gyur ljon shing bzhin zhes bshad pa bzhin no/ /gcig dang ring po dang chen po la sogs pa tha snyad du byed pa mi 'thad pa yang de'i gnas skabs kho na ste/ phreng dang de'i rten khang bzang la sogs pa la gcig nyid la sogs pa'i yon tan med pa'i phyir dang/ shing la sogs pa la yang brjod par 'dod pa'i ring po la sogs pa med pa'i phyir ro/ /khang bzang kyang phreng mang po rnams la phreng ba phreng ba zhes rjes su 'gro ba'i tha snyad du mi 'gyur te/ rigs la rigs med pa'i phyir ro/ /dris pa phreng mang po la de'i sgra ji ltar rigs la rigs med phyir zhes gang bshad pa yin no/ /des na brtags pa'i rten de 'dzin pa 'am/ yang rten de mi rigs so zhes bya ba'i don te/ /phreng la sogs pa la chen po la sogs pa'i shes pa 'di 'khrul pas 'jug pa yang ma yin te/ de lta bas na nye bar brtags par rigs pa ma yin no/ /dngos kyi shes pa dang khyad par med pa na brtags par rigs pa ma yin te/ ha cang thal bar 'gyur ba'i phyir ro/ /ji skad du phreng la sogs la che nyid sogs/ nye bar brtag pa gang 'dod pa/ btags min dngos dang khyad med pa'i/ /shes pa'i gzung bya yin phyir ro zhes gang bshad pa yin no/ /de la gang gi dbang gis 'di 'di las so so ba nyid yin no zhes ldan pa'i rdzas las logs su byed pa de ni logs su byed pa'i rgyu so so ba nyid ces bya ba yin no/ /de yang bum pa la sogs pa las don gzhan du gyur pa yin te/ de'i shes pa dang mi 'dra ba'i blos bzung bar bya/ pha yin pa'i phyir zhes bya ba ni snga ma bzhin du gzhan gyi bsam pa'o/ /de la yang tshang bzhin du gtan tshigs ma grub pa nyid dang/ ma des pa yin no zhes zhe la bzhag nas/
- 318a
so so ba'i rgyu nyid las/ zhes bya ba la sogs pa smos te/ 'di ltar 'di la yang gzugs la sogs pa las dben pa don gzhan du gyur pa gzhan so so ba nyid ces bya ba mngon sum gyi blo la mi snang ba'i phyir/ 'di la de'i shes pa dang mi 'dra ba'i blos gzung bar bya ba nyid ma grub po/ /de nyid kyi phyir dmigs pa'i mtshan nyid du gyur pa nyid du mngon par 'dod pa de ni mi dmigs pa'i phyir med pa nyid yin no/ /so so ba zhes bya de rnam par rtog pa'i shes pa'i dbang gis grub pa yang ma yin te/ gang gi phyir gzugs la sogs pa'i dngos po de dag nyid rang rang gi ngo bo la gnas pa'i phyir/ dngos thams cad rigs mthun pa dang mi mthun pa las ldog pa'i bdag nyid kyi ldog pa ni so so zhes bya ba'i tha snyad kyi rgyu mtshan du 'gyur bas de'i phyir dngos po gzhan ma grub po/ /de lta bas na gang dag logs shig gi tha snyad de brjod pa 'di so so ba nyid kyis rgyu las yin par brjod par de'i ci'i phyir rigs mthun pa dang mi mthun pa las tha dad pa'i rang bzhin gyi ngo bo dngos po'i mthar thug par mi 'dod de/ de'i mthar thug pa nyid rigs pa yin no snyam du dgongs pa'o/ /'di ni gtan tshigs ma nges pa nyid du bstan pa yin no/ /tha dad pa'i bdag nyid du rang bzhin gang dag yod pa de dag la de skad ces bya ba'o/ /de dag kyang yin la dngos po yang yin te/ de dag la mthar thug ba ste/ yongs su rdzogs pa gang la yod pa zhes tshig rnam par sbyar ro/ /bsgrub par bya ba'i mi mthun pa'i phyogs la yang gtan tshigs gis 'jug pa mthong ngo/ /zhes bstan pa'i phyir/ ji ltar phan tshun tha dad pa'i zhes bya ba la sogs pa smos te/ bde ba la sogs pa yon tan rnams la so so ba nyid kyi yon tan yod
- 318b
pa ni ma yin te yon tan rnams la yon tan med pa'i phyir ro/ /ci ste yang phan tshun ldog pa'i bdag nyid kyis de dag so so zhes brjod par 'gyur na/ de la yang logs shig gis tha snyad kyi yan lag gi rgyu mtshan ston par byed pa de bzhin du rdzas su mngon par 'dod pa'i bum pa la sogs pa/ gzhan la yang rang las tha dad pa'i so so nyid kyi ming can gyi yon tan gzhan med par yang 'gyur ro/ /de dag la shes pa 'di btags pa yang ma yin te/ dngos kyi shes pa dang khyad par med pa'i phyir ro/ /snyam du bsams pa yin no/ /yang na logs shig gi tha snyad ni tha dad pa'i bdag nyid kyi dngos po'i rgyu mtshan can du bstan par bya ba'i phyir dam bca' pa rjes su dpag pas gnod pa bshad pa ni ji ltar phan tshun zhes bya ba la sogs pa'o/ /sbyor ba ni gang dag phan tshun ldog pa'i bdag nyid de dag ni rang las tha dad pa'i so so ba nyid la brten pa ma yin te/ bde ba la sogs pa bzhin no/ /bum pa la sogs pa yang phan tshun ldog pa'i bdag nyid yin no zhes bya ba ni rang bzhin gyi gtan tshigs so/ /gcig la du ma dor ba ma yin zhing/ 'du ba yang 'gegs par 'gyur ba'i phyir 'brel ba mi 'thad pa dang/ bde ba la sogs pa la de'i tha snyad med par thal bar 'gyur ba ni gnod pa can gyi tshad ma'o/ /de la ldan pa dang rnam par dbye ba dag sun dbyung ba'i phyir ro/ /gzhan gyi zhes bya ba la sogs pa smos te/ go rims bzhin du rdzas rnam pa ldan pa dang rnam par dbye ba'i shes pa'i rgyu ma grang ba dag gi phrad pa dang/ phrad pa rnams kyi ma phrad pa'i rang bzhin gang yang rung ba dang/ gnyi ga'i las byung ba dang/ ldan pa las byung ba dang/ ldan pa las byung ba'i ldan pa dang/ rnam par dbye ba dag yin no zhes bya ba ni gzhan gyi
- 319a
lugs so/ /'di yang gzhan lugs tsam yin gyi 'di dag dngos po de nyid du sgrub pa la tshad ma cung zad kyang yod pa ni ma yin pas de'i phyir gzhan gyi de dag rtags pa ni don med pa nyid yin no/ /sgrub pa ni gang la sgrub par byed pa'i tshad ma cung zad kyang med pa de ni rtog pa dang ldan pa rnams kyi yod pa'i tha snyad kyi yul ma yin te/ mo gsham gyi bu la sogs pa bzhin no/ /gzhan gyi ldan pa dang rnam par dbye ba dag la yod sgrub par byed pa'i tshad ma med do zhes bya ba ni khyad par byed mi dmigs pa'o/ /'on te ldan pa yod min na/ zhes bya ba la sogs pas ni gal ba'i lugs bstan pas gtan tshigs ma grub pa nyid du dogs par byed de/ des smras pa/ gal te ldan pa bya ba ni don gzhan du gyur ba med pa gyur na/ de'i tshe zhing dang sa bon dang chu la sogs pa khyad par med pa'i phyir thams cad kyi tshe myug gu la sogs pa'i 'bras bu med par gyur na de lta na yang ma yin te/ de lta bas na thams cad kyi tshe 'bras bu mi rtsom pa'i phyir zhing la sogs pa myug gu la sogs pa'i 'bras bu skyed pa la rgyu gzhan la bltos pa dang bcas pa yin te/ dper na 'jim gong dang dbyug gu dang chu dang skud pa la sogs pa bum pa la sogs pa byed pa la rdza mkhan la sogs pa la bltos pa dang bcas pa bzhin no/ /bltos pa dang bcas pa gang yin pa 'di ni ldan pa yin no zhes bya bar grub po/ /gzhan yang ldan pa 'di ? dag gi khyad par nyid du rtogs par bya ba yin pa'i phyir de las don gzhan nyid du mngon sum nyid kyis grub bo/ 'di ltar 'ga' zhig la la las ldan pa'i rdzas long cig ces brjod pa na/ rdzas gang dag gi ldan pa
- 319b
kho na dmigs pa de kho na len gyi rdzas tsam ni ma yin no/ /gzhan du na gang yang rung ba len par 'gyur ro/ /'di dag thams cad bzlog nas rnam par dbye ba sgrub pa la yang sbyar bar bya'o/ /gzhan yang/ gal te ldan pa dang rnam par dbye ba 'di dag dngos po 'di las don gzhan du 'gyur par mi 'gyur na/ khyad par med par yang dngos po 'di ni bar med pa yin la 'di bar dang bcas pa yin no zhes bya ba'i blo tha dad par ji ltar rigs par 'gyur/ khyad par gyi shes pa ni dngos po'i khyad par med par skye bar 'os pa ma yin te/ thams cad du thams cad kyi tshe yod par thal bar 'gyur ba'i phyir ro/ /gzhan yang dpe dang seng ldang la sogs pa shin tu ring ba na gnas pa na yang yul thag ring po na gnas pa'i skyes bu la bar med par nges pa'i blo gang yin pa 'byung ba dang/ /gang yang shing gi rtse mo phra mo la 'brel pa na chu skyar la sogs pa cung zad rtse mo phra mo dang bar med pa yin yang bar dang bcas par nges pa gzhan 'di yang 'byung ste/ rnam pa gnyis po 'di yang de ma yin pa la de lta bu'i ngo bos 'jug pa'i phyir 'di ni log pa'i blo yin no/ /log pa'i blo na dngos kyi don nyams su myong ba med par gang du yang 'byung ba ma yin te/ ba lang mthong ba nyams su myong ba med par ? men gyi dngos po mthong ba las 'di ni ba lang ngo snyam du 'khrul ba ma yin no/ /de lta bas na 'khrul pa'i blo 'di'i rgyu mtshan dngos kyi don 'ga' zhig brjod par bya dgos gor? ma chag go /de brjod na yang ldan pa dang rnam par dbye ba de nyid grub la/ de dag la ma gtogs pa'i blo 'di'i rgyu mtshan gzhan sgrub par nus pa ni ma yin no/ /gzhan yang lha byin rna cha can zhes bya ba'i blo 'di skye ba na rgyu mtshan gang gis skye ba yin zhes brjod par bya dgos so//
- 320a
skyes bu dang rna cha tsam du 'byung bas bskyed par 'os pa ma yin te/ der thams cad du lhas byin dang rna cha cag gi de yod par thal bar bskur ba'i phyir ro/ /gzhan yang gang kho na 'ga' zhig tu yod par dmigs pa de kho na gzhan du grub pa dang 'gag pa'i sgo nas 'jig rten na tha snyad 'jug par mthong ste/ gal te yang khyed cag gis ldan pa nam yang ma dmigs na de'i phyir de'i nag pa rna cha med pa 'am/ rna cha can zhes bya ba de lta bu'i rnam par phye ba'i tha snyad du 'gyur ro/ /'di ltar 'di la nag pa rna cha med pa zhes bya ba 'dis rna cha bkag pa ni ma yin te/ yul dang dus kyi bye brag gis yod par nges pa'i lus can de na dgag ma nus pa'i phyir ro/ /nag pa yang ma yin te/ de ni de dang grub pa dang bde ba mtshungs pa'i phyir ro/ /de lta bas na nag pa rna cha dang ldan pa 'gegs pa yin no/ /de bzhin du nag pa rna cha can zhes bya ba sgrub pa'i dag 'dis kyang nag pa dang rna cha dag gang yang rung ba bsgrub ba ni ma yin te/ de dag grub zin pa'i phyir ro/ /lhag mar gyur pas ma grags pa'i ldan pa nyid sgrub pa yin par go'o/ /de lta bas na gang gi dbang gis nag pa rna cha can dang ma yin no zhes bya ba la sogs pa dgag pa dang/ sgrub pa la sogs pa rab tu rnam par phye ba nas rtogs par 'gyur pa ldan pa la sogs pa'i dngos po yod pa kho na'o/ /sogs pa'i sgras khyad par nyid du blangs pa zhes bya ba sogs pa sngar bshad pa gzung ngo/ /brjod pa zhes bya ba la sogs pas lan 'debs par byed de/ khyad par med pa'i phyir sa bon la sogs pa rtag tu 'bras bu byed par 'gyur zhes gang smra ba de la sa bon la sogs pa khyad par med pa nyid du ma grub ste/ skad cig 'jig pa nyid kyi dngos po
- 320b
thams cad khyad par can gyi gnas skabs thob pa nyid skyed par byed pa yin pa'i phyir ro/ /gang yang zhing dang sa bo chu sogs rnams zhes smras pa de la yang spyir bltos pa nyid tsam zhig sgrub na grub pa la sgrub pa'o zhes bstan pa'i phyir/ yod na yang zhes bya ba la sogs pa smos te/ yod na yang sa bon la sogs bar chad med pa la sogs pa'i gnas skabs kyi khyad par gzhan la bltos pa dang bcas pa myu gu la sogs pa'i 'bras bu 'grub par nus pa ni kho bo cag gis kyang 'dod pa nyid yin pas grub pa la sgrub pa yin no/ /de la bar chad med pa la sogs pa'i gnas skabs kyi khyad par rnams gang dag gnas skabs gzhan la yod pa de la de skad ces bya'o/ /sogs pa'i sgras ni 'gal ba med pa'i skyon gyis gnod pa med pa la sogs pa bzung ngo/ /gnas skabs gzhan gang la bar te/ ring ba na gnas pa dang 'gal bas gnod pa zhes bya ba la sogs pa 'bras bu skye ba la gegs byed pa zhes bya ba la sogs pa'i don to/ /gnas skabs kyang rang bzhin las tha mi dad pa'i phyir don gzhan du gyur pa'i ldan pa ma grub pa/ /ci ste khyed cag gis mngon par 'dod pa'i ldan pa zhes bya ba dngos po gzhan zhig la bltos pa dang bcas pa nyid sgrub par 'dod na de'i tshe rnam pa de lta bu'i chos kyis gtan tshigs la rjes su 'gro ba ma grub pa'i phyir ma nges nyid dang/ dpe yang bsgrub bya ma tshang ba yin no snyam du bsams pa'o/ /'di snyam du khyed cag la gang gi phyir bltos pa dang bcas pa nyid tsam sgrub ta grub pa la sgrub par 'gyur na/ gnas skabs kyi khyad par gzhan la bltos pa'i zhing la sogs pa'i 'bras bu skyed pa'i rgyu yin gyi/ don gzhan du gyur pa'i ldan pa la bltos pa dang bcas pa ni ma yin no zhes bya ba 'di ltar rtogs par bya zhes dogs pa la gal te chu la sogs pa rnams zhes bya ba la sogs pa smos te/ gal
- 321a
te ldan pa tsam la bltos pa dang bcas pa yin par gyur na de'i tshe dang po btab pa nyid kyi zhing la sogs pa'i 'bras bu skye bar thal bar 'gyur te/ phyis bzhin du rgyu ma tshang ba med pa'i phyir ro/ /ci ste dang por btab pa'i tshe mi 'byung na rgyu ma tshang ba nyid kyis skyed par byed pa ma yin pa'i gnas skabs dang khyad par med pa'i phyir/ snga ma bzhin du phyis kyang mi skye bar thal bar 'gyur ro/ /zhing la sogs pa ni phan 'dogs byed pa ma yin pa'i ldan pa bltos pa rigs pa ma yin te/ ha cang thal bar 'gyur ba'i phyir ro/ /ldan pa rnams ni res 'ga' ba nyid du rigs pa yang ma yin te/ de'i rgyu zhing la sogs pa rnams rtag tu nye ba nyid kyi phyir ro/ /ci ste ldan pa skyed par bya ba de yang zhing la sogs pa'i las la sogs pa la bltos pa dang bcas pa nyid du 'dod ma yin te/ de la yang brgal zhing brtag pa mtshungs pa'i phyir ro/ /'di ltar las de yang ci'i phyir skyed par mi byed ces brgal zhig rtog na ci zhig brjod par bya bar 'gyur/ de'i rgyu skul bar byed pa med pa'i phyir ro zhe na/ de la ci'i phyir med ces rgyu rtag par khas len pa la thams cad du brgal zhing brtag par tshungs so/ /gang gi ltar na dngos po thams cad mi rtag pa yin pa de'i ltar rgyu'i rgyud pa thog ma med pa'i phyir dngos po thams cad cig car skye bar thal bar 'gyur ba ma yin te/ rgyu snga ma snga ma la rag las par 'gyur ba'i phyi ma phyi ma de dag thams cad cig car ba'i rgyu ma tshang bas mi nye ba'i phyir ro/ /de bas na khyed cag gi lta ba kho na la zhing la sogs pa thams cad du myu gu la sogs pa'i 'bras bu skye ba'i rgyu nyid du thal bar 'gyur ba'i phyir zhing la sogs
- 321b
pa ldan pa gzhan la bltos pa dang bcas pa ni ma yin no zhes bya ba grub bo/ /gang yang de yang khyad par nyid yin phyir zhes bya ba la sogs pa smras pa de la/ bar chad med par skyes pa'i zhes bya ba la sogs pa smos te/ gang gis de mthong ba las khyad par can gyi rdzas len par byed pa ldan pa can gyi dngos po las don gzhan du gyur pa'i ldan pa rtogs pa po'i mthong ba'i lam du 'jug pa ni ma yin no/ /'on ci zhe na/ sngar byung ba'i bar dang bcas pa skye ba'i gnas skabs gang yin pa de las khyad par can bar med pa skye ba'i dngos po gang dag yin pa de dag kho na ldan pa'i sgra'i brjod par bya ba yin te/ ldan pa'i sgra? ni gnas skabs kyi khyad par las byung ba nyid yin pa'i phyir ro/ /de nas rnam pa de lta bu'i dngos po ldan pa'i sgra'i yul gyi dngos por gyur pa mthong ba gang yin pa de dag kho na len par byed kyi gzhan dag ni ma yin no/ /rtogs pa dang ldan pa rnams sgras ma skul ba'i don la sgras 'jug pa na ma yin no/ /gang yang gal te 'di ni de med ces bya ba la sogs pa smras pa de la bar chod gzhan nyid du zhes bya ba la sogs pa smos te/ blo tha dad pa'i rgyu mtshan ni de lta de ltar skye ba'i dngos po gzhan nyid yin te des na 'di ni nges pa yin no zhes bya ba ni spyi'i don no/ /de la bar tshed bar skye ba'i dngos po gang yin pa de ni bar chad dang bcas pa'i shes pa'i rgyu mtshan yin no zhes sprel lo/ /gzhan nyid du zhes bya ba ni bar med par skye ba yang yin pa zhes sbyar ro/ /khyim dang rang gis byed gangs? ri bzhin zhes bya ba ni 'di dag nyid kyi ci rims su dper brjod pa yin te/ 'di ltar gzhan gyi lugs kyis kyang bar ma chad par skyes pa'i khang pa rang nyid ldan pa'i bdag nyid dag la bar med pa'i blo'i rgyu mtshan ldan pa gzhan yod pa ma yin la/ /bar chad nas skyes pa de dag
- 322a
nyid la yang bar chad dang bcas pa'i blo'i rgyu mtshan gyi rnam par dbye ba yang yod pa ma yin te/ yon tan rnams la yon tan med pa'i phyir zhes bya ba 'di ni bstan zin to/ /grangs can dang 'bigs byed dag la yang bar chad dang bcas pa'i blo'i rgyu rnam par dbye ba yod pa ma yin te/ phrad pa sngon du 'gro ba can gyi mthong ba ni rnam par dbye ba yin no zhes bya ba ni gzhung lugs yin pa'i phyir ro/ /gang yang bar chad bcas la par med par zhes bya ba la sogs pa smras pa de la/ logs pa'i shes pa zhes bya ba la sogs pa smos te/ log pa'i blo thams cad chos mthun pa 'dzin pa las skye ba yin no zhes bya ba 'di ni ma grub ste/ 'ga' zhig chos mthun pa la bltos pa med par yang dbang po nyams pa tsam gyis skye bar mthong ba'i phyir te/ dper na rnam par rtog pa'i sems gzhan du song ba yang mdun na gnas pa'i zla ba gcig gi bdag po tsam gyis rab rib kyis byas pa'i dbang po nyams pa las zla ba gnyis kyi rnam pa'i rjes su byed pa shin tu gsal bar snang ba rtog pa'i cha shas kyis ma spags pa'i blo skye ba bzhin no/ /gzhan du gyur pa'i sems can la zhes bya ba 'dis ni zla ba gnyis kyi blo las rnam par rtog pa med pa nyid kyi blo bstan pa yin no/ /rnam par rtog pa med pa'i sems la ni chos mthun pa 'dzin pa yod pa ma yin te/ de sngar dang phyis mthong ba'i dngos po gcig nyid du zhen pa'i bdag nyid kyi sngar nyams su myong ba brjod pa'i bdag nyid yin pa'i phyir ro/ /ci ste yang na log pa'i blo thams cad gtso bo'i don 'phen par byed pa nyid du chug mod/ de lta na yang 'dod pa 'grub par 'gyur ba ma yin no zhes ston pa ni/ yang na bar med sogs zhes bya ba la sogs pa la sogs pa smos pa ni bar chad med cing skyes pa'i dngos po gzung ngo/ /dngos po de nyid
- 322b
bar chad pa dang/ bar ma chad par skye ba na de'i rigs can ma yin pa spangs nas 'jug pa'i don du ches dang por sbyar ba'i rnam par dbye ba la sogs pa'i brjod pa nyid kyis/ dngos su yod pa'i phyir khyed cag gi 'dod pa grub pa ma yin no/ / rna cha can zhes bya ba yang zhes bya ba la sogs pa gang smras de la/ bshad pa rna cha can zhes blo 'di yang zhes bya ba la sogs pa la/ ji ltar nag pa dang rna cha dag gi gnas skabs kyi khyad par thob pa na ldan pa skye'i thams cad du ni ma yin pa de bzhin du gnas skabs kyi khyad par gyi rgyu mtshan can du gyur pa rna cha can zhes bya ba'i blo 'di yin na ci'i phyir thams cad du 'gyur/ nag pa dang rna cha gang dag la gnas skabs kyi khyad par skyes pa de dag la de skad ces bya'o/ /gang yang gzhan du mthong ba'i dngos po ni zhes bya ba la sogs pa smras pa de la/ de 'dra ba'i gnas skabs khyad par de zhes bya ba la sogs pa smos te/ gnas skabs kyi khyad par gang zhig blo 'di'i rgyu mtshan du brjod pa dmigs pa'i mtshan nyid du gyur pa de gnas skabs gzhan du ma dmigs pa na dgag pa sgrub par byed kyi/ khyed cag gis kun tu brtags pa'i ldan pa de/ ldan pa can gyi dngos po las dben pa gang du yang blo la mi snang ba'i phyir ni ma yin no/ /da lta bas na gtan tshigs ma grub pa nyid ma yin no/ /gal te 'di snyam du kho bo cag la ldan pa la sgrub par byed pa'i tshad ma med na khyed cag la gnod par byed pa'i tshad ma ci zhig yod snyam du sems na/ ldan pa'i dngos po zhes bya ba la sogs pa smos te/ sbyor ba ni gang ldan pa'i blo gang yin pa de ni khyed cag gis kun tu brtags pa'i ldan pa'i gzhi med par dngos po'i khyad par tsam lus byung ba yin te/ khang bzang la sogs pa'i ldan pa bzhin no//
- 323a
nag pa rna cha can zhes bya ba la sogs pa yang ldan pa'i blo nyid yin no zhes bya ba ni rang bzhin gyi gtan tshigs so/ /rnam pa gcig tu na dngos po du ma nye ba na skye ba de ni khyed cag gis kun tu brtags pa'i ldan pa dang bral ba dngos po du ma ldan pa tsam las byung ba yin te/ so sor nges pa'i gnas skabs snal ma du ma'i yul can bzhin no/ /ldan pa'i blo 'di yang de bzhin no zhes bya ba ni rang bzhin gyi gtan tshigs so/ /ldan pa'i blo zhes bya ba ni ldan pa'i shes pa zhes bya ba'i don to/ /tshad ma gnyis po 'di nyid rnam par dbye ba dgag pa la rjod par bya ste/ rnam par dbye ba'i blo yin pa'i phyir ram dngos po du ma nye ba la rag las te/ 'byung ba'i phyir/ gzhan gyi mngon par 'dod pa'i rnam par dbye ba dang bral ba'i dngos po'i khyad par tsam rgyu mtshan can yin te/ dper na lug la sogs pa la rnam par dbye ba'i blo 'am/ thag shin tu ring ba na gnas pa'i khyim gnyis kyi yul can nam/ 'bigs byed dang gangs can blo bzhin no zhes bya ba dang ldan pa ma yin pa'i blo yin no zhes bya ba ni ci rigs pa'i don to/ /ci ste gang gis gtan tshigs mi mthun pa phyogs la 'jug pa'i dogs pa ldogs par 'gyur ba 'di la bsgrub par bya ba las bzlog pa la gtan tshigs gnod pa can gyi tshad ma ci yod ce na/ gcig ni du ma la 'jug pa zhes bya ba la sogs pa smos te/ ji ltar gcig du ma la 'jug pa mi rigs pa de ltar de gcig la 'jig rten ngo bos/ zhes bya ba la sogs pas yan lag can dgag par rgyas par bstan pa'i phyir yang 'dir rgya mi skyed do/ /gzhan nyid dang gnas ma yin pa dag nyid sun 'byung bar bshad pa/ gzhan dang gzhan min brjod la sogs/ zhes bya ba la sogs pa ste/ gang las 'di ni
- 323b
gzhan no/ /'di gzhan ma yin pa'o/ /zhes bya ba'i brjod pa dang rtogs pa dag tu 'gyur ba gzhan dang gzhan ma yin pa de'i rgyu mtshan ni go rims bzhin du gzhan nyid dang gzhan ma yin pa nyid yin par grub po/ /sogs pa'i sgras rtogs pa gzung ngo/ /sbyor ba ni gang 'di gzhan dang gzhan ma yin pa'i blo de ni bum pa las tha dad pa'i don gzhan du gyur par rgyu mtshan can ma yin te/ de'i shes pa dang mi mthun pa'i phyir bde ba la sogs pa'i blo bzhin no zhes bya ba'o/ /'di ltar phyogs gcig na gnas pa'i gong bu dag la gzhan dang gzhan ma yin zhes bya ba'i blo 'jug pa'i phyir ro/ /re zhig 'di phyogs kyi rgyu mtshan can ma yin la/ dus kyi rgyu mtshan can ma yin te/ de ltar ba'i dus gcig la da ltar bar gnas pa phyogs dang yul ma nges pa dang ldan pa'i gzhon nu dang gnas brtan dag la rnam par dbye nas gzhan dang gzhan ma yin pa'i blo 'jug pa'i phyir te/ de khyad par med na yang khyad par yod pa'i phyir ro snyam du bsams pa yin no/ /blo 'di'i rgyu mtshan gzhan brjod par yang mi nus te/ de lta bas na 'di'i rgyu mtshan gang yin pa de ni gzhan nyid dang gzhan ma yin pa nyid do zhes bya bar grub po/ /phyogs dus de'i rgyu mtshan min zhes bya ba ni phyogs dang dus kyis phyogs dang ldan pa'i nye ba dang bskal pa'i dngos po la rgyu mtshan can ma yin no zhes bya ba'i don to/ /phyogs dang dus kyi sgra dag gis btags nas phyogs dang dus ldan pa bstan to/ /'di ltar gzhan gyis gzhan nyid dang gzhan ma yin pa nyid rnam pa 'di gnyis kyang phyogs dang dus kyi byas pa yin no zhes brjod de/ de la phyogs kyis byas pa'i skye bo ni 'di la bu yin te/ phyogs gcig na gnas pa'i gong bu dag la lta ba po gcig nye ba'i dbang du byas nas/ 'di ni de las bskal pa yin no zhes gzhan nyid la mi brten pa'i blo skye la/ de'i phyir de la bltos nas phyogs kyi phyogs gcig gzhan dang ldan pa las gzhan nyid skye ba
- 324a
dang/ bskal pa'i dbang du byas nas 'di ni 'di las nye ba yin no zhes gzhan ma yin pa nyid la dmigs pa'i blo skye ste/ de la bltos nas phyogs kyi phyogs gcig gzhan dang gzhan pa las gzhan ma yin pa nyid skye ba yin no/ /dus kyis byas pa'i skye ba'i rim pa yin te/ 'di ltar da ltar ba'i dus kyi dang yul ma nges pa phyogs dang ldan pa'i gzhon nu dang/ gnas brtan dag gi nang nas gang zhig skra dkar dang gnyer ma dang sma ra/ spyi cer la sogs pas nyi ma shar ba dang nub pa mang ba nyid rjes su dpag pa'o/ /de la lta ba po gcig la gzhon nu'i dbang du byas nas bskal pa'i blo skye ste/ de la bltos nas dus kyi phyogs gcig gzhan dang ldan pas gzhan nyid skye ba dang/ gnas brtan gyi dbang du byas nas kyang gang zhig spyi cer ma yin pa la sogs pas nyi ma 'char ba dang nub pa dag nyung ba nyid rjes su dpag pa de las gzhon nu nye ba'i blo skye ste de la bltos nas dus kyi phyogs gcig gzhan dang ldan pas gzhan ma yin pa nyid skya'o zhes bya'o/ /gzhan nyid dang gzhan ma yin pa nyid sgrub par byed pa 'di ni ma nges pa yin te/ bsgrub par bya ba las bzlog pa la yang gtan tshigs 'jug pa'i phyir ro zhes ston pa ni/ ji ltar sngon po la sogs gzugs zhes bya pa la sogs pa'o/ 'byung ba ni skye ba ste/ de dang lhan cig gnas pa'i zhes tshig rnam par sbyar ba'o/ /'di skad du bstan pa yin te/ dper na sngon po la sogs pa dag la rim gyis skye ba'i phyir dus kyi khyad par dang rim gnas pas phyogs kyi khyad par yon tan rnams la yon tan med pa'i phyir gzhan nyid dang zhan ma yin pa nyid kyi mtshan nyid kyi yon tan med na yang sngon po gzhan ni ston po gzhan ma yin no zhes bya ba gzhan dang gzhan ma yin pa bstan pa yin no/ /de bzhin du
- 324b
bum pa la sogs pa la yang ci'i phyir mi 'dod/ 'dis ni 'di bstan pa yin te/ gal te 'di la don gzhan du gyur pa'i rgyu mtshan nyid tsam sgrub par 'dod na de'i tshe gtan tshigs ma nges pa yin te/ de ni bsgrub par byas pa las bzlog pa la yang 'jug pa'i phyir ro/ ci ste rtag par gyur pa'i ? dang phyogs kyi dngos po'i rgyu can gyi khyad par gang yin pa de blo'i rgyu mtshan du bsgrub par 'dod na/ de'i tshe dpe med la dam bca' ba yang rjes su dpag pas gnod pa yin no/ /'di ltar brjod par nus te/ gang gzhan dang gzhan ma yin pa'i blo yin pa de ni gzhan gyis brtags pa'i yon tan dang bral ba'i don tsam gyis byas pa'i rim gyis skye bar gnas pa'i rgyu mtshan can yin te/ gzhan dang gzhan ma yin pa'i blo yin pa'i phyir/ gzugs la sogs pa la gzhan dang gzhan ma yin pa'i blo bzhin no/ /bum pa la sogs pa la yang gzhan dang gzhan ma yin pa'i blo 'di yin no zhes bya ba ni rang bzhin gyi gtan tshigs so/ /gal te sngon po la sogs pa rnams la don gcig la 'du bas gzhan nyid dang gzhan nyid ma yin pa'i blo 'di ni nye bar btags pa yin te/ de na gtan tshigs ma nges pa yin no/ /sngon po la sogs pa la yang brgyud nas gzhan nyid la sogs pa'i rgyu mtshan yod par khas blangs pa'i phyir dpe la bsgrub par bya ba ma tshang ba yin no zhe na ma yin te/ blo 'khrul pa med pa'i phyir nye bar btags pa nyid du mi rigs so zhes 'di ni gsal zin to/ /rang gi rten la yang de dag dmigs pa ched pa'i phyir de'i stobs kyis shes pa rigs pa ma yin na/ de'i phyir gang las gzugs la sogs pa de'i rgyu mtshan du 'gyur/ dus snga ma dang phyi mar 'byung ba'i bde ba la sogs pa dag la yang ci zhig brtag ste/ de la ni don gcig la 'du ba ma yin no/ /gzhan yang dus dang phyogs dag sngar bkag pa nyid kyis med pa'i phyir
- 325a
de'i rgyu can gyi gzhan nyid dang gzhan ma yin pa nyid dag kyang med pa'i phyir gtan tshigs ma nges par 'gyur pa gang las de'i rgyu mtshan can nyid du dogs/ /gang gis bltos pa'i blo dang lhan cig pa'i de dang ldan pa yang gzhan nyid la sogs pa skye bar 'gyur pa phyogs dang dus dag ni phyogs cig yang dag par yod pa ma yin te/ de dag ni gcig gi bdag nyid kyis cha shas med pa'i phyir ro/ /yan lag tha dad pa nye bar btags pa ni don byed pa'i rjes su byed par yang rig pa ma yin te/ de na dngos po'i rang bzhin dang rjes su 'grel pa'i phyir dang/ nye bar btags pa de yang brdzun pa yin pas de'i phyir ma nges pa nyid ma yin no/ /gzhan gyi gtan tshigs kyang snga ma bzhin du ma grub par brjod par bya'o/ /grangs dang ldan pa zhes bya ba la sogs pa gzhan dag ni skabs su bab pa'i grangs la sogs pa'i yon tan gyi dngos po sgrub par byed pa de dogs pa bsu ba yin no/ /ji skad du bshad pa'i grangs la sogs pa'i yon tan 'di thams cad ni rdzas las tha mi dad pa ma yin te/ de dag ni rdzas de rnam par gcod pa'i rgyu nyid yin pa'i phyir ro/ /gang zhig gang gzhan las rnam par gcod par byed pa de dag ni de las tha dad pa ma yin te/ lhas byin gyi dbyug pa la sogs pa bzhin no/ /de'i phyir 'di la rdzas las tha mi dad pa bkag pa tsam sgrub na dam bca' grub pa la sgrub pa'i skyon yod de/ kun rdzob tu yod pa thams cad ni dngos po med pa nyid kyis de nyid dang gzhan dag tu brjod par bya ba ma yin pa nyid du 'dod pa'i phyir ro/ /'on te zhes bya ba la sogs pa 'dir rnam phug pa'i lan dogs par byed de/ de smras pa/ tshogs pa dang rgyun dang gnas skabs kyi khyad par rnams ni/ de nyid dang gzhan
- 325b
la sogs pa bzhin no/ /de la gzugs nyid la sogs pa spyi la brten pa ni gzugs la sogs pa'o/ /gzugs la sogs pa de dag gi rten ni de'i rten no/ /de dag kyang gang zhe na/ bum pa la sogs pa'o/ /grub pas bstan pa ni rnal 'byor pa'i shes pa'o/ /lhag ma ni snga ma bzhin du bshad par bya'o/ /yod pa dang med pa gang yang rung ba nyid dam med pa nyid do/ /yod pa dang med pa dag las tha dad pa'i shes bya med pa nyid kyi phyir/ de'i yul can gyi shes pa yang med do/ /de yang med pa nyid kyi phyir des bcad par bya ba ma yin pa nyid grub bo/ /de bzhin du gzung bar bya ba ma yin pa'i yul 'dzin pa med pa nyid kyi phyir de yis bzung bar bya ba ma yin pa nyid grub bo/ /de bzhin du gang la brjod bar bya ba yod pa ma yin pa de ni/ rjod par byed pa ste/ brjod par bya ba ma yin pa'o/ /des brjod par bya ba ma yin pa nyid/ sgrub ste don med pa nyid kyi phyir ro/ /rigs mtshungs pa'i rdzas ni chu dang sa la sogs pa ste/ byas pa nyid la sogs par mtshungs pa'i phyir ro/ /rigs mi mtshungs pa ni nam mkha' la sogs pa ste/ de dag phan tshun ldan pa dang rnam par dbye ba de dag gis bskyed pa'i sgra dang po gang yin pa de'i rgyud pa'i 'bras bur gyur pa rna ba'i lam du phyin pa gang yin pa des brjod par bya ba gang yin pa'i phyir ro/ /'di ltar 'di dag gi tha snyad ni 'di yin te/ sgra'i ngang ba'i skye gnas ni lhan pa dang rnam par dbye ba'o/ /de las pha long rdebs pa'i tshul du sgra gzhan dag skye'o/ /de dag las kyang so sor sgra re re las gzhan pa dang/ ches gzhan dang/ ches cher zhan pa'i rim pas skye ste/ de la gang zhig rna ba'i sbubs kyi dbus kyi nam mkha' i yul du sbyin pa de dmigs kyi cig shos ni dmigs pa ma yin no zhes so/ /des na 'di'i tshad ma'i tshogs ston pa ni/ gzugs nyid la sogs don kun dang/ zhes bya ba la sogs pa'o/ gzhal bya nyid dang brjod bya nyid smos pa ni nye bar mtshon pa yin te/ de las gzhan pa'i gtan tshigs dag
- 326a
bya ba ni rdzas las tha dad med pa ni ma yin no/ /'o na ci zhe na/ gzhan nyid do zhes bya ba'i don to/ /grangs la sogs pa'i rten ma grub pa de nyid ston pa ni/ bsdu ba sogs la zhes bya ba la sogs pa'o/ /de ltar brjod pa yin zhes bya ba ni gcig go gnyis dag go /mang po rnams so zhes bya ba de lta bu la sogs pa'o/ /'di snyam du rdzas kyi bdag nyid du yod pa'i grangs la sogs pa tha dad bsgrub par bya ba gzhan nyid do snyam du sems na/ rang gi ngo bo las zhes bya ba la sogs pa smos te/ dngos po la rang gi ngo bo las tha dad pa yod pa ma yin te/ 'di rang bzhin med pa nyid du thal bar 'gyur pa'i phyir ro/ /'gal bar 'gyur zhes bya ba ni phan tshun 'gal ba ste/ tha dad pa dang tha mi dad pa dag la ni phan tshun spangs te gnas pa'i mtshan nyid kyi gcig car gcig la 'gal ba'i phyir ro/ /de ltar re zhig gzhan nyid dang gzhan ma yin pa nyid mthar thug pa'i yon tan rnams bkag nas/ blo la sogs pa 'bad pa'i mthar thug pa rnams ni bdag la brten pa nyid du 'dod do/ /de dag kyang bdag bkag pa nyid kyis bkag par blta bar bya'o/ /'di dag la bdag la brten par rigs pa yang ma yin te/ 'di ltar 'di dag gi skye ba'i rgyu nyid kyis bdag la brten pa 'gyur ram gnas pa'i rgyu nyid kyis yin/ re zhig skye ba'i rgyu'i rgyu nyid kyis ni ma yin te/ bde ba la sogs pa rgyu ma tshang ba med pa nyid kyis thams cad kyi tshe skye bar thal bar 'gyur pa'i phyir ro/ /gzhan gyi bogs dbyung du med pa ni lhan cig byed pa la bltos pa 'ga' yang yod pa ma yin no zhes bya ba 'di lan brgyar dpyad zin to/ /rtag pa ni 'bras bu skyed par nus pa yang ma yin te/ de ni rim dang cig car dag gis khyab pa'i phyir la/ rtag pa yang rim dang cig car dag gis don byed pa 'gal bar bstan zin pa'i phyir ro/ /
- 326b
sum snga ma yang nges pa'i bdag nyid yin pa'i phyir te/ des kyang dngos po'i rang gi ngo bo nges pa na de las tha mi dad pa'i da lta'i dus su yod pa nyid kyang nges pa nyid yin no/ /de ma nges na dngos po'i rang gi ngo bo yang de bzhin du ma nges pa'i ngo bo las tha mi dad pa'i phyir ma nges pa nyid du thal bar 'gyur ro/ /gang yang the tshom dngos po yod pa na gtan la phab pa'i rgyu mtshan gyi ngo shes pa tshad ma nyid yin no/ /zhes zer ba de yang 'di nyid kyis bsal pa yin no/ /'di la the tshom za ba'i dngos po yod pa na phab pa yod pa yang ma yin te/ 'dra ba gzhan dang gzhan skye ba na yang skra la sogs pa bzhin du ngo shes pa mthong ba ni the tshom mi za ba'i phyir ro/ /gang yang cig shos kyis ni don rtogs pa'ang zhes bya ba la sogs pa smras pa de la/ rjes su dpag pa la sogs zhes bya ba la sogs pa smos te/ de'i bu yin pa'i phyir zhes bya ba la sogs pa rjes su dpag pa la sogs pa gang gi spyod yul te/ yul la mngon sum gyis gnod pa srid pa yin na/ de tshad ma nyid ma yin te/ gnod bzhin du yul yin pa nyid kyis don la mi bslu ba med pa'i phyir rab rib can la sogs pa'i shes pa bzhin no/ /des na cig shos kyis ni rtogs pa/ mngon sum gyis ni gzhan du 'gyur/ zhes gang smras pa de ni ma 'brel pa nyid de/ mi srid pa'i phyir ro/ /gang yang mngon sum thu bo nyid du brjod pa de yang 'brel pa med pa yin no/ /zhes bstan pa'i phyir/ don la mi bslu zhes bya ba la sogs pa smos te/ tshad ma rnams kyi tshad ma nyid ni 'di nyid yin te/ don thob par nus pa'o/ /de yang tshad ma thams cad la khas blangs par bya ste/ des na ci'i phyir mngon sum 'di thu bo nyid du 'gyur yang ci ste mngon sum kho na don la mi bslu ba nyid yin gyi/ rjes su dpag pa la sogs pa ni ma yin no snyam na/ de yod min na zhes bya ba la sogs pa smos te /de'i don la mi bslu ba nyid de med pa
- 327a
bsams pa'o/ /gzhan yang gzhan dag gis blo shes pa'i rang bzhin du khas blangs pa yin te/ ji skad du blo dang/ dmigs pa dang shes pa zhes bya ba ni don gzhan du gyur pa ma yin no zhes bshad pa yin no/ /de yang de lta bu'i ngo bo yin na yang gzhan dag gis rang rigs pa'i ngo bor ni mi 'dod kyi/ 'on kyang blo gzhan gyis rtogs par bya ba nyid yin te/ de lta bur gyur pa ni gzugs la sogs pa bzhin du rang las ma grub pa'i phyir blo nyid du rigs pa ma yin no zhes ston par 'gyur ro/ /bde ba dang sdug bsngal dang/ 'dod pa dang/ sdang ba dang/ 'bad pa rnams kyang shes pa ma yin pa'i ngo bo nyid du 'dod pa yang tshad ma'i mtshan nyid rtag par 'gegs par 'gyur ro/ /lci ba nyid dang gsher ba nyid dang snum ba la sogs pa bzhin du dgag pa bsgrub par bya'o zhes bya ba de ltar nges par byas nas 'di dag gis dgag pa ma byas par 'dus byas pa dgag pa ni/ shugs brjod ces bya ba la sogs pa smos so/ /'dus byas pha ni rnam pa gsum ste/ shugs dang/ bag chags dang/ gnas pa 'jig pa'o/ /de la shugs zhes bya ba ni sa dang chu dang me dang rlung dang yid de lus kyi can gyi rdzas lnga po dag la 'bar bas bcom pa'i khyad par la bltos pa las skyes pa yin te/ de yang phyogs kyis bya ba nges pa'i rgyun dang/ reg pa dang ldan pa'i rdzas dang ldan pa dang 'gal ba yin no/ /de bzhin du mnga' la sogs la gang gi dbang gis mnga' bar du ltung bar mi 'gyur ba 'bad pa'i khyad par gyis skyed pa las kyi khyad par gyi rgyu can yin no/ /de nyid kyi phyir 'di ni phyogs kyi bya ba nges pa'i 'bras bus rjes su dpag
- 327b
dang ngo shes dang/ dpyod pa dang grub pas bstan pa dang/ the tshom dang/ phyin ci logs dang/ ma nges pa dang rmi lam dang/ rmi lam gyi mdza' i shes rab kyi khyad par de dag thams cad ni/ bdag nyid thob ma thag tu 'jig par 'gyur pa ma yin te/ shes bya nyid dang/ gzhal bya nyid dang/ brjod bya nyid dang/ yod pa dang med pa gang yang rung ba nyid dang/ yod pa dang med pa las tha dad pa'i shes bya'i yul can gyi shes pas bcad par bya ba med pa sngar nus med phyir dang/ //phyis kyang nye bar mi sbyor phyir/ /rgyu rnams thams cad sngar yod yin/ /de phyir rang blo bcas don min/ zhes bshad pa bzhin no/ /gang tshe zhes bya ba la sogs pas sa dang 'brel pa nyid du mi dmigs pa zhes khyad par dang bcas pa yin na yang gtan tshigs ma nges pa yin no zhes ston pa yin no/ /gtan tshigs gnyis pa'i tshogs la/ chos can rigs la sogs pa med pa nyid kyis skad cig ma 'jig pa mi 'dod pa'i phyir/ de la de med pa sgrub na/ sgrub pa la sgrub pa yin no/ /zhes ston pa ni/ rigs la sogs pa zhes bya ba la sogs pa'o/ /sogs pa'i sgras ni de la brten pa'i gzugs dang ldan pa la sogs pa dang/ de'i yul can gyi shes pa rnams gzung ste/ ji skad du bshad pas khyad par du byas pa'i khyad par can 'di dag kyang med pa nyid do/ /de'i phyir de dag la nga'i skad cig ma 'jig pa nyid med par bsgrub par bya ba'i phyir sgrub par byed pa smras pa gang yin pa de logs pa yin te/ de la rtsod pa med pa'i phyir ro snyam du dogs pa yin no/ /'di yang zhib tu spyad pa ma byas te/ gal te de byed na de'i tshe de la skyon gyis tshogs ches mang pa 'jug ste/ 'di ltar 'di yod pa dang med pa gang yang rung ba sgrub byed du smras pa gang yin pa'i rnam pa de ni bsgrub par bya ba'i chos can dang dpe'i chos can la ma grub ste/ gang
- 328a
du yang ma grub pa'i phyir ro/ /gzhan yang gal te rnam pa de lta bu'i 'dus byas pa'i stobs kyis mnga' la sogs pa mi ltung bar gyur na de'i ched dag nam yang ltung bar mi 'gyur te/ thams cad du ltung ba'i gegs kyi rgyu shugs gnas pa'i phyir ro/ /de lta yin dang khyad par med pa nam mkha' i yul du 'phangs pa'i mda' la sogs pa blo bur du ltung bar dmigs pa gang yin pa de ji ltar 'thad par 'gyur/ lus can rlung la sogs pa dang phrad pas nus pa nyams par byas pa'i phyir shugs zhig pas ltung ba yin no zhes brjod par nus pa yang ma yin te/ dang po nyid du ltung bar thal bar 'gyur ba'i phyir ro/ /de dang 'gal ba'i rlung dang phrad pa ni thams cad du yod pa nyid yin no/ /ci ste yang shugs ni nges pa kho nar dang po stobs dang ldan pa'i phyir 'gal na yang rlung dang phrad pa khyad par du bsad nas 'di mnga' yul gzhan du khyer par byed pa yin no snyam na/ gal te de lta na gang gis yul shin tu thag ring bar yang de khyed bar mi byed pa phyis/ de stobs chung bar sus byas/ thams cad du khyad par med pa'i rlung dang phrad pa dang ldan pa'i nam mkha' i dkyil du 'phangs pa'i mnga' yang bar du ltung bar mthong ba yin no/ /phyis shugs gzhan du gyur par yang brjod mi nus te/ gzhan du skye ba'i rgyu med pa'i phyir ro/ /mnga' la sogs pa de ni thams cad du 'du ba'i rgyun khyad par med pa kho na'o/ /las shes bya ba'i rgyu phyis khyad par du 'gyur ba yin no zhes brjod bar rigs pa yang ma yin te/ de la yang brgal zhing brtag pa mtshungs pa'i phyir ro/ /shugs phyis bzhan du gyur na yang snga ma 'jig pa'i rgyu med pa'i phyir de'i phyir de'i gnas skabs nyid yin pas mnga' mi ltung ba kho nar 'gyur ro/ /de'i 'jig pa'i rgyu rlung dang phrad pa yang ma yin te/ dang po nyid du ltung bar thal bar 'gyur
- 328b
ba'i phyir ro zhes bya ba 'di ni bstan zin to/ /rlung thams cad du khyad par goms pa zhes bya ba sun dbyung ba'i phyir/ /goms par brjod pa'i zhes bya ba la sogs pa smos te/ gal te dran pa la sogs pa'i 'bras bu las spyir goms pa tsam bsgrub na/ de'i tshe grub pa la sgrub pa yin te/ 'di ltar sngar nyams su myong bas bsgos pa'i nus pa'i mtshan nyid kyi rang gi bdag nyid du gyur pa'i dngos po de dang phrad pa yang khyad par med pa de'i phyir 'di ni ci yang ma yin no/ /gang la bag chags zhes bya bar grags pa dran pa la sogs pa'i rgyur 'dod pa kho na'o/ /ci ste bdag gi yon tan gyi rang bzhin gyi dngos po bsgrub par 'dod na/ de'i tshe rnam pa de lta bu dang lhan cig gang du yang dran pa la sogs pa rjes su 'gro ba ma grub pa'i phyir gtan tshigs ma nges pa nyid dang/ dam bcas pa yang rjes su dpag pa dang 'gal ba yin te/ de'i rten gyi bdag sngar bkag pa nyid kyis med pa'i phyir/ de yang med par grub pa'i phyir ro/ /sbyor ba ni gang zhig la rten pa de ni med pa na gnas pa thob pa ma yin te/ cig pa la sogs pa med pa la ri mo bzhin no/ /gzhan gyi lugs kyis 'dus byas pa yang bdag la brten pa yin no zhes bya ba ni khyab par byed pa 'gal ba dmigs pa'o/ /ma grub pa yang ma yin te/ bdag de ni sngar bsal zin pa'i phyir ro/ /de lta bas na 'dus byas ni sems kyi bag chags kyi bdag nyid du rigs kyi bdag yon tan ma yin no zhes bya ba ni tshang mi 'bras bu ste/ gcig ni tshad mas grub pa'i phyir la/ gzhan ni bzlog pa'i phyir ro snyam du bsams pa yin no/ /gsum pa yang sun dbyung ba'i phyir/ /gnas pa zhes bya ba la sogs pa smos te/ 'di ltar 'di dngos po gnas pa gang yin pa 'jig par byed pa res 'ga' 'di rang nyid mi brtan pa'i rang bzhin nyid yin pa 'am/ yang na brtan pa'i rang bzhin yin zhes bya ba phyogs rnam pa gnyis so/ /gal te mi brtan pa'i rang bzhin yin na de'i tshe 'di skad cig las phyis med pa'i phyir/ 'di gang gi 'jig pa bor 'gyur/ 'on te
- 329a
phyogs gnyis pa yin na de'i tshe dngos po la ste brtan pa'i don rnams kyi yod pa la de'i ngo bo ste/ rang bzhin gyis brtan pa'i ngo bo yin pa'i phyir ro/ /gnas zhes bya ba ni gzhan gyis kun tu brtags pas cung zad kyang mi byed pa'i 'jig pa pos ci zhig bya zhes snga ma bzhin du sun 'byin pa brjod par bya'o/ /ci ste yang dngos po thams cad skad cig ma yin na yang skad cig ma gcig tu gnas pa 'am/ rgyun gyis rjes 'jug pa la de'i nus par brjod do snyam du sems na/ 'di la yang/ rang gi rgyu nyid las zhes bya ba la sogs pa smos te/ rang gi rgyu nyid las 'grub pa na skad cig gcig gnas pa grub ste/ 'di ltar 'di dag gi gnas ba ni bdag nyid thob pa'i mtshan nyid la brjod kyi/ rang nyid g.yo ba'i bdag nyid kyi dus phyis gnas pa med pa'i phyir/ yod pa'i bdag nyid thob pa rnams dus phyis bdag gi ngo bo 'dzin pa'i mtshan nyid ni ma yin no/ /gnas na yang nam yang mi ldog par thal bar 'gyur te/ snga ma bzhin du phyis kyang khyad par med pa'i phyir dang/ de bzhin ma yin pa nyid thal par 'gyur pa'i phyir ro/ /phyi ma phyi ma'i 'bras bu skye ba ni snga ma snga ma'i rgyu'i nus pas byas pa'i phyir rgyun la yang 'dus byas pa'i nus pa 'grub pa ma yin no/ /'o na skad cig ma yin pa 'di 'jig pa por 'gyur ro zhe na/ gzhan du zhes bya ba la sogs pa smos te/ skad cig ma ma yin pa gang yin pa de ni gzhan du 'gyur pa mi srid pa'i phyir rang nyid kyi gnas ma yin pas ci zhig byed na 'di de'i 'jig pa por 'gyur zhes bya ba ni bstan zin to/ /yang ji snye 'di 'jig par byed pa por ma? gyur mod/ /'on kyang skad cig ma nyid skyed par byed par 'gyur snyam na/ 'di'i rgyu nyid ma mthong na zhes bya ba la sogs pa smos te/ gzhal bya'i de kho na nyid rnam par 'jig pa ni tshad ma la dag las pa yin no/ /gang gi de'i tha snyad du 'gyur
- 329b
pa gos la sogs la 'di'i rab tu grags pa'i rgyu las ma gtogs pa mngon sum dang mi dmigs pa dag gis sam/ mig la sogs pa bzhin du 'bras bu ldog pa las rgyu nyid du mthong ba ste/ des pa ni ma yin no/ /ci ste nus pa ma mthong ba yang rgyu nyid du rtog par byed na/ de'i tshe 'dus byas pa'i ma gzhan dbyung pa la sogs pa yang skye ba'i rgyur 'gyur te/ brtag par bya'o zhes bya ba lhag ma'o/ /gang gi khyed cag nus pa yongs su ma nges pa'i 'dus byas pa'i bdag nyid gcig yongs su brtag pas yongs su tshim par 'gyur pa nus pa ma mthong ba nyid du ni khyad par 'ga' yang med do/ /'di khyed cag gi skye ba'i rgyur 'dod pa yang ma yin te/ 'on kyang gos la sogs pa skyes pa yod pa'i dus phyis 'jig par 'gyur pa'i yon tan du 'dod do/ /de la yang 'di na cung zad kyang mi byed do zhes dang por brjod zin to/ /skye ba'i rgyu nyid du khas blangs nas nyes pa 'di brjod pa yin te/ re 'ga' la la rang gi gzhung lugs kyi lugs las 'das nas 'di ltar rtogs par byed do snyam du bsams pa yin no/ /de ltar zhes bya ba la sogs thams cad kyi don nye bar sdud par byed do/ /chos dang chos ma yin pa'i mtshan nyid kyi yon tan sun dbyung ba'i phyir/ yid dang ldan pa zhes bya ba la sogs pa smos te/ ma mthong ba'i byed pa po ni 'bras bu ster ba bdag gi yon tan bdag dang yid ldan pa las skyes pa rang gi 'bras bu dang 'gal ba med pa'o/ /de yang chos dang chos ma yin pa'i bye brag gis rnam pa gnyis so/ /de la chos ni byed pa po la 'dod pa dang phan pa dang thar pa'i rgyu'o/ /chos ma yin pa ni mi 'dod pa dang mi phan pa dang 'tshang ba'i rgyu'o zhes gzhan dag gis ma mthong ba'i mtshan nyid smras pa de 'di ni/ bdag dang yid dang de dag gi ldan pa de'i rgyu nyid du 'dod pa sngar bkag pa'i phyir rgyu med pas med do zhes bya bar grub po/ /sgra ni nam mkha' i
- 330a
yon tan nyid du 'dod de/ de ni dang po nyid du rim sogs thos zhes bya la sogs pas bsal zin pa'i phyir/ /yang 'di'i sun 'byin pa mi brjod do/ /de kho na nyid bsdus pa'i dka' 'grel las/ yon tan gyi don brtag pa ste bcu drug pa'o// // las kyi tshig gi don dbyung ba'i phyir/ /skad cig gi 'jig ces bya ba la sogs pa smos te/ mdo las/ 'degs pa dang 'jog pa dang bskum pa dang/ brkyang ba dang/ 'gro ba zhes bya ba rnams ni las yin no zhes 'byung ngo/ /de la 'degs pa ni steng dang 'og gi phyogs dag dang ldan pa dang/ rnam par dbye ba'i rgyu las skye ba gang yin pa ste/ dper na lus kyi yan lag gam de dang 'brel pa'i lus can gyis bod ba la sogs pa la nam mkha' la sogs pa'i steng dang 'og dang thugs ka'i cha'i khyad par dag dang ldan pa'i rgyu 'og phyogs kyi cha rnam par dbye ba'i rgyu 'bad pa la sogs pa'i dbang gi las skye ba gang yin pa de ni 'degs pa zhes bya'o/ /'degs bzlog pa'i ldan pa dang rnam par dbye ba'i rgyu'i las ni 'jog pa'o/ /rdzas dang po 'khyog pa nyid kyi rgyu ni bskum pa ste/ ji skad du dbung pa la sogs pa'i rdzas drang po'i sor mo la sogs pa rtse mo'i yan lag gang dag yin pa de dag nam mkha' la sogs pa'i rang dang ldan pa dang rnam par dbye ba dang bdag nyid rtsa ba'i yul dang ldan pa na las gang gis dpung pa la sogs pa'i mtshan nyid kyi yan lag can ?? por sgrub? par byed pa de ni bskum pa zhes bya'o/ /'di las bzlog pa'i ldan pa dang rnam par dbye ba skyed pa las gang gis yan lag can drang por sgrub par byed pa de ni brkyang pa'o/ /yul dang phyogs ma nges pa'i bum pa la sogs pa dang rnam par dbye ba'i rgyu gang yin pa de ni 'gro ba'o/ /'degs pa la sogs pa las rnam pa bzhi ni yul dang nges pa'i nam mkha' la sogs pa dag dang ldan pa dang rnam par dbye ba'i rgyu yin la/ 'gro ba ni ma nges pa'i phyogs dang phyogs kyi chos thams cad dang ldan pa dang rnam par
- 330b
dbye bar byed do/ /de nyid kyi phyir las rnam pa lnga kho nas 'gyur te/ 'khyam ba dang g.yo ba dang sgro ba la sogs pa rnams ni 'gro ba nyid kyi khongs su 'dus pa'i phyir ro/ /las rnam pa lnga po 'di lus can gyi rjes la gnas pa'i ldan pa dang rnam par dbye ba'i 'bras bus dpags pas yod pa nyid du grub bo/ /ldan pa dang rnam par dbye ba'i khyad par gyi thun mong gi 'bras bu yin te/ de'i phyir 'di 'bras bu las grub bo/ /de bzhin du mngon sum kyang yang yin te/ ji skad du grangs dang tshad dang so so ba nyid dang ldan pa dang rnam par dbye ba dag dang gzhan nyid dang/ gzhan ma yin pa nyid dag dang/ las rnams ni gzugs can dang 'du ba'i phyir mig gis gzung bar bya ba yin no zhes bshad do/ /de lta bas na 'di dag ni mdor bsdus pas gzhan gyi gzhungs lugs bstan pa'o/ /de'i phyir 'di la ldan pa dang rnam par dbye ba dag ni sngar bkag pa'i phyir de'i 'bras bu nyid mi grub bo/ /ci ste bar mchad par skye ba tsam gyi mtshan nyid kyis ldan pa dang rnam par dbye ba dag de'i 'bras bu yin pa nyid kyis rgyu nyid du brjod na de lta yang gtan tshigs ma nges par yin te/ rnam pa de lta bu'i las de dag gang du yang rjes su 'gro ba ma grub pa'i phyir ro/ /bsgrub par bya pa las bzlogs pas gtan tshigs la khyab pa'i phyir 'gal ba yin no/ /rgyu tsam yod pa nyid du sgrub na yang grub pa la sgrub pa yin te rlung la sogs pa rnam pa de lta bu'i ldan pa dang rna bar dbye ba'i rgyu nyid du 'dod pa'i phyir ro/ /khyad par sgrub na yang dam bca' ba la rjes su dpag pas gnod pa yin te/ 'di ltar bya ba dang 'du ba de dngos po skad cig ma yin pa'am/ /skad cig ma ma yin pa yin/ re zhig skad cig ma ni ma yin te/ de ni skye ba'i yul nyid du zhig pa'i phyir te/ nyams pa'i phyir yul gzhan du phyin par mi srid pa'i phyir ro/ /sbyor ba ni gang dag yul gang du zhig pa de ni de'i dus phyis dang
- 331a
yul gzhan du phyin pa ma yin te/ sgron ma la sogs pa bzhin no/ /brjod par 'dod pa'i dngos po thams cad kyang skye ba'i yul nyid du zhig pa yin no zhes bya ba ni khyab par byed pa 'gal ba dmigs pa'o/ /gtan tshigs ma nges pa yang ma yin no zhes bstan pa'i phyir/ shin tu myur bar zhes bya ba la sogs pa smos te/ ches myur du 'jig par 'dod pa gang yin de dag de lta bu yin no/ /yang ches myur du 'jig par 'dod pa'i sgron ma la sogs pa yang skye ba'i dus phyis kyi bya ba yin te/ 'di ni skad cig drug tu gnas pa nyid kyis skad cig ma ma yin pa'i phyir/ ci ltar zhe na/ 'di ltar zhes bya ba la sogs pa smos te/ 'di ltar re zhig rang gi rgyu dang 'brel pa'i dus ni dang po yin no/ /de nas phyis spyi gsal ba'i dus so// de nas yan lag gi las kyi dus so/ /de'i 'jug thogs su yan lag rnam par dbye ba'i dus so/ /de nas rang rtsom par byed pa'i yan lag gi ldan pa zhig pa'o/ /de nas rdzas 'jig pa'o zhes bya ba sgron ma la sogs pa'i dngos po yang skad cig ma drug du gnas par 'dod de/ de'i phyir dngos po skad cig la 'gro ba dang ldan pa 'ga' yang med pa'i phyir bya ba dang ldan pa thams cad ni skye pa las dus phyis byung ba nyid kyi bya ba yin no/ /gtan tshigs ma grub pa yang ma yin te/ gzhan ni skad cig ma nyid du mi rung ba'i phyir ro/ /ci ste yang gal te kho bo cag gis kyang dngos po rnams skad cig ma nyid du 'dod te/ de lta na yang 'di dag gi bya ba skye ba'i dus nyid du 'byung bar ci'i phyir mi 'gyur snyam na/ rgyab dang mdun zhes bya ba la sogs pa smos te/ gang gi rgyab kyi yul dang bral la mdun yul dang 'jug pa dang/ phrad pa ni 'gro ba po yin pa 'am/ rgyab du brgyad ba la sogs pa'i rten yin gyi gzhan du ni ma yin te/ dper na nam mkha' la sogs
- 331b
pa bzhin no/ /gang gis sngar gyi yul yongs su spangs pa sngon du 'gro ba can rgyab kyi yul non par 'gyur ba skad cig gcig tsam du 'byung ba 'di tsam zhig sdod pa ni yod pa yang ma yin no/ /yod pa'i dus su yang 'jig pas dbang byas pa'i phyir yul gzhan du phyin par mi nus so/ /de lta bas na skye ba'i dus su 'byung ba'i bya ba yang rigs pa ma yin no/ /sngon dang phyi ma dag gi mthar yang ma yin te/ de ni de'i dus na nye bar brjod pa med pa yin pa'i phyir ro/ /de'i phyir skad cig kyang med pa gang yin pa de yul shin tu thag ring bar phyin par 'gyur ba lta re zhig zhog /'on kyang rdul phra rab tsam gyi yul phyogs su phyin pa yang med pa'i phyir skad cig ma la bya ba ga la yod skad cig ma ma yin pa phyir la yang med do zhes ston pa ni/ dngos po brtan na zhes bya ba la sogs pa'i rtag tu gcig ngo bo'i dngos po ni skad cig ma ma yin pa zhes bya ba la/ /de ni bya ba dang mi 'du ba gsal rab pa nyid de/ nam mkha' bzhin du thams cad du khyad par med pa'i phyir ro/ /sbyor ba ni gang thams cad du khyad par med pa de la ni bya ba srid pa ma yin te/ nam mkha' bzhin no/ /skad cig ma ma yin par 'dod pa'i dngos po yang thams cad du khyad par med pa yin no zhes bya ba ni khyab par byed pa 'gal ba dmigs pa'i thal bar 'gyur ba'o// gal te 'di snyam du skad cig ma ma yin pa'i dngos po khyad par med pa de lta na yang rang bzhin gyis de 'gro ba po la sogs pa'i ngo bo yin pa'i phyir bya ba dang ldan pa nyid du 'gyur bas de'i phyir gtan tshigs ma nges pa yin no/ /snyam du nges pa'i dogs pa bsu nas/ gal te zhes bya ba la sogs pa smos so/ /gal te lhas byin la sogs pa skad cig ma ma yin pa nyid du 'dod pa 'di dag rang bzhin gyis 'gro ba dang/ 'degs pa la sogs pa dang ldan pa yin na de'i tshe nam yang
- 332a
mi gnas par mi 'gyur te/ thams cad du 'gro ba po la sogs pa'i ngo bo yin pa'i phyir ro/ /de lta yin dang 'gro ba la sogs pa dang ldan pa'i lhas byin la sogs pa 'di mi g.yo ba'i gnas skabs su 'gro ba la sogs pa med na yang de dag ste 'gro ba la sogs pa thob par 'gyur te/ 'gro ba la sogs pa tsam pa'i dus bzhin du ngo bo ma dor ba'i phyir ro/ /ci ste skyon 'dis 'jigs nas 'gro ba po ma yin pa la sogs pa'i ngo bo nyid du khas len par byed pa de lta yin thams cad kyi tshe mi 'gro ba la sogs par 'gyur te/ gcig gi ngo bo nyid yin pa'i phyir nam mkha' bzhin no/ /sogs pa'i sgras 'degs pa la sogs pa gzung ngo/ /de yin dang 'gro ba la sogs pa yod na yang de mi g.yo ba kho nar 'gyur te/ 'gro ba po ma yin pa'i ngo bo ma dor ba'i phyir mi g.yo ba'i gnas skabs bzhin no/ /g.yo ba'i las 'di la yod pas g.yo ldan no/ /g.yo min ngo bo'i dus bzhin no zhes bya ba la bzhin ni bdun pa'i mdza' can no/ /ci ste yang 'di gcig gi ngo bo ma yin no 'o na ci zhe na/ 'gro ba po la sogs pa dang 'gro ba ma yin pa la sogs pa'i ngo bo nyid kyi gnyi ga'i ngo bo yin pas de'i phyir ji skad du bshad pa'i skyon du thal bar mi 'gyur la/ gtan tshigs kyang ma grub pa yin no zhes dogs pa bsu ba ni gal te/ gcig ces bya ba la sogs pa'o/ /gcig tshe'ang zhes bya ba la/ rang gi sgra ni rim pa tha dad pa ste/ yang zhes bya ba'i mjug du blta bar bya'o/ /yang gzhan du yang zhes bya ba'i don to/ /gzhan du zhes bya ba ni 'gro ba po zhes bya ba'i don to/ /de lta na ni 'gro ba po nyid dang 'gro ba po ma yin pa nyid la sogs pa 'gal pa'i chos dang ldan pas gcig nyid nyams par thal bar 'gyur ro/ /de nyid kyi phyir de skad cig ma nyid du grub po
- 332b
zhes bstan pa'i phyir/ de dag shin tu zhes bya ba la sogs pa smos te/ de dag ces bya ba ni g.yo ba dang mi g.yo ba'i gnas skabs su 'byung ba dag go /g.yo dang mi g.yo dngos po bzhin zhes bya ba ni lcug ma dang re lde la sogs pa bzhin no// de ltar re zhig dam bca' la rjes su dpag pas gnod pa bsgrubs nas/ mngon sum gyis gnod pa yang bsgrub pa'i phyir/ mthong ba nyid du zhes bya ba la sogs pa smos te/ gang zhig dmigs pa'i mtshan nyid du gyur pa yin pa mi dmigs pa de ni rtogs dang ldan pa rnams med pa'i tha snyad 'jug pa yin te/ dper na phyogs 'ga' zhig na bum pa mi dmigs pa bzhin no/ /gzugs la sogs pa las ma gtogs pa'i las kyang mi dmigs so zhes bya ba ni rang bzhin mi dmigs pa'o/ /de lta de ltar yul gzhan bdag gir byed pas skye ba'i gzugs la sogs pa las ma gtogs pa'i las ni dbang po'i shes pa la snang bar rtogs pa ma yin no/ /gang yang 'degs pa dang 'jog pa po snyam pa'i brjod pa dang ldan pa'i blo 'di skye de ni brjod pa dang bcas pa'i phyir mngon sum ma yin no/ /'di ni las kyi tshig gi don nyams su myong ba'i stobs kyi 'byung bar yang rigs pa ma yin te/ gzugs la sogs pa nyid de lta de ltar skye ba mthong ba'i phyir brda ji lta ba bzhin du de dag kho na la zhen nas 'jug pa'i phyir ro/ /'di yang rtag pa dang mi rtag pa dag la 'gro ba la sogs pa med pa'i phyir zhes de ma thag tu bstan zin to/ /des na mngon sum kho na las grub pa yin no zhes gang smras pa 'di ni ma grub po/ /ji skad du bshad pa nyid kyi don nye bar bsdu ba'i phyir/ de ltar zhes bya ba sogs pa'o/ /de ltar zhes bya ba ni de ma thag tu brjod pa'i mngon sum dang/ rjes su dpag pa dag gis bsal zin pa'i phyir ro/ /de dang phrad pa mi rigs phyir
- 333a
zhes bya ba ni sngon ma dang bye ba mi rigs pa'i phyir la/ rgyab ma dang phrad pa mi rigs pa'i phyir zhes go rims bzhin du sbyar ro/ /'o na gal te ji ltar 'jig rten na 'gro ba tha snyad du 'gyur zhe na/ 'dra ba gzhan gyi zhes bya ba la sogs pa smos te/ 'dra ba gzhan gyi dngos rnams zhes bya ba ni de dag ni 'dra ba yang yin la gzhan yang yin no zhes bsdus byas la de dag kyang yin la dngos po yang yin zhes tshigs rnam par sbyar bar bya'o/ /'dra ba gzhan gyi dngos po de dag bar chad med par rang gi nye bar len pa'i rgyu'i yul spangs nas skye ba yod pa gang yin pa de'i skye ba dmigs pa'i rgyu'i phyir de nyid 'gro ba 'di yin no zhes 'khrul par 'gyur te/ dper na 'ga' zhig tu nges pa'i sgron ma yul gzhan du 'gro ba yin no zhes bya ba blo'i rgyu nyid du 'gyur ba bzhin te/ sgron med nyid yul gzhan du phyin pa ni ma yin te/ de ni skad cig ma drug du gnas pa nyid du mngon par 'dod pa'i phyir ro/ /dngos po'i rang bzhin nyid sngon dang phyi ma'i mthas stong par skye'o zhes brjod de/ des na de ni dmigs pa nyid du rigs pa kho na'o/ /rnam pa gcig tu na skye ba zhes bya ba 'di na lnga pa'i mdza' can te/ bar med par skye ba la 'dra ba gzhan gyi dngos po rnams yul gzhan du dmigs pa'i phyir zhes sbyar ro/ / de kho na nyid bsdus pa'i bka' 'grel las/ las kyi tshogs kyi don brtag pa ste bcu bdun pa'o// //rdzas la sogs pa zhes bya ba la sogs pas spyi dang khyad par dbyung ba rtsom mo/ /rigs rnams zhes bya ba ni spyi rnams so// de dag kyang rdzas dang yon tan dang las kyi bdag nyid kyi tshig gi don gsum la brten pa'i phyir de bsal ba nyid kyis spangs pa yin no/ /rten med par ni gang du yang brten pa rnams gnas pa yod pa ma yin te/ mi brtan pa nyid du thal
- 333b
par 'gyur ba'i phyir ro/ /rigs smos pa ni nye bar mtshon pa ste bye brag kyang mdza' i rdzas la 'jug pa'i phyir brten pa nyid du 'dod do/ /de'i phyir de dag kyang brten pas pa nyid kyis spangs pa de lta na yang slar yang khyad par du sun dbyung ba brjod par 'dod pa rang gi ngo bo nges par shes pa sun dbyung bar nus pa'i phyir/ re zhig spyi dang bye brag dag gi rang gi ngo bo bstan pa'i phyir/ de la zhes bya ba la sogs pa smos te/ de spyi ni rnam pa gnyis te/ mchog dang mchog ma yin pa'o/ /mchog ni yod pa zhes bya ba ste/ de yang rdzas dang yon tan dang las gsum po mdza' dag la 'jug pa'i shes pa'i rgyu yin pa nyid kyi phyir/ spyi kho na yin gyi bye brag ni ma yin no/ /mchog ma yin pa ni rdzas dang yon tan dang las nyid la sogs pa'i mtshan nyid de/ de yang rang gis rten rdzas la sogs pa la 'jug pa'i shes pa'i rgyu yin pa nyid kyi phyir spyi zhes bya ba la/ rang gi rten rigs mi mthun pa dag las ldog pa'i shes pa'i rgyu nyid kyis khyad par du byed pa'i phyir spyi yin na yang bye brag zhes brjod do/ /'di ltar yon tan la sogs pa la rdzas ma yin pa dang yon tan ma yin pa zhes bya ba la sogs pa bzlog pa'i blo 'di skye ba sgrub par byed pa gang yin pa de la yon tan nyid dang rdzas nyid la sogs pa 'di dag nyid kyi rnams la gnas kyi gzhan gyi ni ma yin te/ rdzas ma yin pa nyid ces bya ba gzhan ni yod pa ma yin no/ /bltos pa tha dad pa'i phyir gcig dang spyi dang khyad par gyi dngos por mi 'gal ba kho na'o snyam du bsam pa'o/ /bye brag gzhan gyi mtshan nyid bshad pa/ bye brag dag kyang kha cig nyid ces bya ba la sogs pa'o/ /kha cig ni bye brag kho nar 'dod kyi spyi ni ma yin te/ ldog pa nyid yin pas ldog ste/ ldog pa'i shes pa nyid kyi rgyu zhes bya ba'i don to/ /de dag gang zhe na/ rtag pa'i rdzas zhes bya ba la sogs pa smos te/ de skad du yang rtag pa'i rdzas la 'jug pa'i
- 334a
mdza' nas ni bye brag go zhes bshad de/ /rtag pa'i rdzas la 'jug pa zhes bya ba ni rdul phra rab rnams ni rdul phra rab dang nam mkha' dang dus dang phyogs dang bdag dang yid la 'jug pa'i phyir ro/ /'gro ba 'jig pa dang rtsom pa'i mthar gyur pa'i phyir dang/ grol ba'i bdag dang grol ba'i yid ni 'khor ba'i mthar gyur pa'i phyir mdza' nyid yin no/ /de'i phyir de dag la yod pa ni mdza' zhes bya ba ste/ de dag la gsal bar mi dmigs pa'i phyir ro/ /'jug pa ni 'di dag rdul phra rab la sogs pa rtag pa'i rdzas la 'jug pa yin no/ /de nyid kyi phyir rtag pa'i rdzas la 'jug pa dang/ mdza' zhes bya ba gnyis gzung ngo/ /de dag kyang phan tshun du tha dad pa'i blo'i rgyu nyid? yin pa'i phyir rang gi rten gzhan las khyad par byed pas bye brag ces bya'o/ /yang 'di dag ga las grub ce na/ gang gi stobs kyis zhes bya ba la sogs pa smos te/ ji ltar bdag cag la sogs pas ba lang la sogs pa la byad gzugs dang/ yon tan dang bya ba dang/ yan lag dang/ ldan pa'i rgyu mtshan rta la sogs pa'i shes pa mthong ste 'di ltar ba lang dang/ dkar po dang myur bar 'gro ba dang/ nog rgyas pa zhes bya ba dang go rim bzhin no/ /de bzhin du bdag cag las khyad par du gyur pa'i rnal 'byor pa rnams/ byed gzugs dang yon tan dang bya ba mtshungs pa'i rdul phra rab rtag pa rnams dang grol ba'i bdag dang yid rnams la rgyu mtshan gzhan med pa na? gang gis stobs kyis rten so so la 'di dang mi 'dra'i snyam pa'i shes pa gang las ldog pa'i yul dang dus dang bskal ba ma mthong ba la de nyid 'di yin no zhes bya ba'i ngo shes pa rnal 'byor pa rnams la 'byung ba khyad par gyi shes pas dpags pa'i yod pa mdza' dang khyad par grub po/ /de dag kyang bdag nyid ji lta ba bzhin du rten so so la brten pa yin la/ rnal 'byor pa rnams kyis ni mngon sum nyid kyis grub po/ /ci ste
- 334b
rigs rnams ji ltar grub ce na/ yod dang zhes bya ba la sogs pa smos te/ gang zhig gang du gtogs pa'i rjes su 'gro dang ldog pa'i rjes su byed par 'gyur ba de ni de las byung ba yin no zhes rnam par bzhag par bya ba yin la/ rdzas la sogs pa la yod pa la sogs pa'i shes pa skye ba yang dbang por gtogs pa'i rjes su 'gro ba dang ldog pa'i rjes su byed pa ni/ de las gzhan pa'i dbang po'i shes pa bzhin du ci'i phyir dbang pos bskyed par bya ba'i tha snyad 'jug par mi byed de lta ma yin na ha cang thal bar 'gyur ro/ /rjes su dpag pas kyang 'di dag gi yod pa nyid bsgrub pa'i phyir rjes su dpag pa zhes bya ba la sogs pa smos te/ shes pa'i bye brag ni zhes bya ba ni rdzas la sogs pa'i dngos po dang mi 'dra ba'i rnam pa'i shes pa'o/ /rgyu mtshan gzhan las byung ba can ni rgyu mtshan gzhan las byung ba ste skyes pa de 'di la yod pa'i phyir// sbyor ba ni dngos po gang gi rnam pa dang mi 'dra ba'i shes pa gang yin pa de ni de las ma gtogs pa'i rgyu mtshan gzhan las byung ba yin te/ gos dang bags pa dang bal la sogs pa la dmar po la sogs pa'i shes pa bzhin no/ /rdzas la sogs pa la yod pa la sogs pa'i shes pa 'di yang de bzhin no zhes bya ba ni rang bzhin gyi gtan tshigs su gzhan dag sems so/ /tshad ma'i don 'di nyid ba lang glang chen la sogs zhes bya ba la sogs pas dngos po rnam par 'byed pa la sogs pas bkod pa'i tshad ma ston pa yin te/ de la dngos po rnam par 'byed pas smras pa/ ba lang dang phag dang glang po che la sogs pa la ba lang la sogs pa'i shes pa dang brjod pa'i khyad par rnams ni/ brda dang cha byang dang gong bu las tha dad pa'i rang gi ngo bo dang rjes su mthun pa'i 'dra ba'i rgyu mtshan gzhan gyi rgyu mtshan can yin te zhes smras te ba lang la sogs pa yul nyid yin pas na/ gong bu la sogs par rang gi ngo bo'i shes pa dang brjod pa'i khyad par shes pa dang brjod pa yin pa'i phyir ro/ /ba lang la sogs pa de dag nyid la be'u dang bcas pa'i ba lang khal/
- 335a
bkal ba'i ma he zug rngu dang bcas pa'i phag /lcags kyu dang bcas pa'i glang po zhes bya ba la sogs pa'i brjod pa dang shes pa'i khyad par bzhin no/ /chos mi mthun pa ni gong bu la sogs pa'i rang gi ngo bo brjod pa dang shes pa'i khyad par rnams so/ /gang dag rgyu mtshan gzhan yin pa de dag ni ba lang cing la sogs pa yin par grub po/ /de la brjod pa ni sgra'o/ /shes pa ni shes pa dang brjod pa zhes bya ba'i don to/ /shes pa brjod pa dag nyid khyad par gyi bsdu pa'o/ /brda ni brdar byas pa'o/ /byang gzugs ni dbyibs so/ /gong bu ni rdzas so/ /sogs pa'i sgras gzugs la sogs pa gzung ngo/ /de dag las tha dad pa'i rang gi ngo bo rang gi brjod pa dang shes pa so so la rjes ysu mthun pa dang khyad par yin pa'i phyir 'dra ba'i rgyu mtshan gzhan rnams gang dag yin pa de dag rgyu mtshan du gang dag la zhes tshig rnam par sbyar ro/ /yang na de dag ni brda la sogs pa las tha dad pa yang yin la yod pa la sogs pa'i shes pa dang brjod par rang gi ngo bo'i rjes su byed pa dang 'dres pa yin zhes tshig rnam par sbyar bar bya'o/ /lhag ma ni snga ma bzhin no/ /smras te zhes bya ba ni dam bca' ba'o/ /ri bong gi rwa la sogs pa'i shes pas 'khrul par dogs pa la de yongs su spangs pa'i don du ba lang la sogs pa yul nyid yin ba na zhes khyad par du byas so/ /gong bu la sogs pa'i rang gi ngo bo'i/ brjod pa dang shes pa las tha dad pa'i brjod pa dang shes pa gang la yod pa de'i dngos po ni de nyid do zhes tshig rnam par sbyar ro/ /chos mi mthun pa'i gong bu la sogs pa'i rang gi ngo bo'i yul can gyi brjod pa dang shes pa'i khyad par zhes bya ba de la sogs pa las tha dad pa'i rgyu mtshan gzhan gyi rgyu mtshan med pa na ji skad du bshad pa'i gtan tshigs kyang med pa'i phyir ro/ /'od byed pas smras pa/ ba lang la sogs
- 335b
pa la rjes su 'jug pa'i shes pa ni gong bu la sogs pa las tha dad pa'i rgyu mtshan las byung ba yin te/ bye brag dang ldan pa'i phyir/ sngon po la sogs pa'i shes pa bzhin no/ /de bzhin du ba lang nyid ni ba lang las don gzhan yin te/ shes pa tha dad pa'i yul yin pa'i phyir/ gzugs dang reg pa la sogs pa bzhin no/ /de'i shes bya'i tha snyad kyi yul yin pa'i phyir/ dper na nag pa'i rta bzhin no zhes bya ba ni nag pa las tha dad par bstan pa yin no/ /'di nyid bstan pa na bya ba la sogs la zhes bya la sogs la zhes bya ba la sogs pa ste go bar zad do/ /de kun snying po med pa ste zhes bya ba la sogs pas lan 'debs par byed de/ gang yang yod pa la sogs pa'i shes pa ni dbang po'i bya ba yod pa'i phyir dbang po la brten pa yin no/ zhes smras pa de la/ gal te dngos su dbang po'i de ma thag tu 'byung ba'i phyir zhes bya ba gtan tshigs kyi don du 'dod na de'i gtan tshigs ma grub ste rtog pa dang bcas pa nyid kyis brda gzo ba dang dran pa la sogs pa sa bar chod pa'i phyir ro// rjes su 'gro ba gcig med par phan tshun zlog pa'i bdag nyid kyi dngos po rnams brgyud pas kyang tha mi dad pa'i rnam pa'i shes pa'i rgyu mtshan du rigs pa ma yin zhes bya ba 'di yang brjod par rigs pa ma yin te zhes dogs pa la pa la dper na zhes bya ba la sogs pa smos te/ ji ltar sgyu ru ra la sogs pa phan tshun shin tu tha dad pa'i lus can rnams kyang re re'am tshogs pas rjes su 'gro ba med pa yang nad/ rnam pa sna tshogs pa bzlog pa dang ldan pa yin no/ /de la spyi nyid rnam pa de lta bu'i don bya ba byed pa sgrub par byed do zhes kyang brjod par mi rigs te/ gang gi phyir de dag la don byed pa sna tshogs pa sgrub par byed pa'i spyi yod pa ni ma yin no/ /gal te yang na de'i tshe gang 'di 'ga' zhig tu res
- 336a
'ga' skyu ru ra la sogs pa myur ba dang 'gor bar nad la sogs pa zhi bar byed pa'i nus pa dmigs pa der mi 'gyur te/ spyi gcig go ngo bo yin pa'i phyir ro/ /zhing dang 'o mas bcus pa la sogs pa'i 'du byed pa'i khyad par bsgrub pa'i spyi nyid don bya ba sna tshogs sgrub par byed pa yin no zhes rigs pa ni ma yin te/ de ni rtag pa nyid kyis zhing la sogs pa'i khyad par las kyang gzhan gyis rnam par 'gyur bar ma skyed pa las ni khyad par 'ga' med de/ gcig gi ngo bo yin pa'i phyir ro/ /skyu ru ra la sogs pa mi rtag pa rnams ni zhing la sogs pa khyad par las khyad par dang bcas pa yod pas de'i phyir de nyid nad la sogs pa zhi ba la sogs pa zhi ba'i nus pa dang ldan pa yin no/ /de lta yin dang bum pa la sogs pa dngos po gzhan yang de bzhin te/ rgyu dang rkyen dag las de ltar skye ba'i phyir rang gzhan gyis rnam pa gcig ngo shes pa la sogs pa'i 'gyur ba yin pa'i phyir skyon med do/ /'dra bar shes pa la sogs pa'i zhes bya ba la sogs pa'i sgras chu 'dzin pa la sogs pa'i don byed par nus pa gzung ngo/ /yang ji ltar 'di dag gi brda gzo ba la sogs pa bar du chod pa nyid 'grub pa yin zhe na/ 'bras bu tsam la zhes bya ba la sogs pa smos te brda ma bzung ba rnams la yod pa la sogs pa'i shes pa skye ba ma yin te/ gzhan du na brda byed pa don med par 'gyur ro/ /da lta bas na gcig gi rnam par zhen pa 'di la bar du chod pa'i don byed par nus pa tsam bstan par 'dod pa khyad par gzhan ma spangs par yod pa zhes sgra sbyor bar byed pa yin no/ /brda byed pa 'am ji ltar dga' bar gzhan la yang zhes bya ba ni gzhan dngos po'i sgra'o/ /de bzhin ba lang la sogs pa'i khyad par gyi sgra yang 'gal ba la sogs pa'i nus pa'i khyad par shes par 'dod pa na brda byed pa yin no/ zhes sbyar bar bya'o/ /de lta yin
- 336b
dang brda'o dus phyis tha snyad kyi dus su mthong ba'i ba lang la sogs pa la yang sngar brda gzo/ /de las de dran pa'o/ /de'i 'og tu yod pa la sogs pa'i shes pa skye ba yin zhes gsal ba rab tu shes pa yin no/ /shin tu goms pa 'ga' zhig ni/ ches myur bar skye ba'i phyir 'di dag gi rim pa ma 'dzin la/ goms pa zhan pa ni gsal rab tu 'dzin par byed pa yin no/ /de'i phyir zhes bya ba ni 'jug sdud pa ste/ de'i phyir ni de lta bas na ste/ de'i phyir de ltar na brda gzo ba la sogs pas bar du chod pa'i phyir dngos su ma skye bas 'di dag mngon sum nyid du ma grub po/ /brgyud nas skye ba na yang mngon sum nyid du rigs pa ma yin te ha cang thal bar 'gyur ba'i phyir snyam du bsams pa'o/ /dran pa yin pa'i phyir de las gzhan pa'i dran pa bzhin du yod pa la sogs pa'i shes pa ni mngon sum nyid du rigs pa ma yin no zhes bya ba 'di las kyang ngo shes bstan pa'i phyir/ dang por rtog pa med ces bya ba la sogs pa smos te/ rang gi mtshan nyid la brda mi byed pa'i phyir mthong ba'i don la mi rtog pas/ dang po rang gi mtshan nyid yul? ma yin pa nyid kyis brjod pa dang 'dres pas dbyen pa'i chos dang por yod pa'i rnam par shes pa dbang po la brten pa skye'o/ /de las te phyis mthong ba'i dngos po de nyid la brda gzo'o/ /de'i 'og tu brda ji lta ba bzhin du mthong ba'i don gyis yul de nges pa nyid kyis mthong ba'i don de nyid la brjod pa'i yod pa la sogs pa'i shes pa skye ba ci ltar dran pa nyid sgrub par mi 'gyur/ de las kyang zhes bya ba ni ji ltar mthong ba nges pa las so/ /de dag gi zhes bya ba ni yod pa la sogs pa'i shes pa'o/ /yang dag las shes pa rnams kyi skye ba'i rim pa 'di nges pa yin zhe na/ gzhan du zhes bya ba la sogs pa smos te/ gang gi phyir yod pa la sogs pa'i shes pa de dag rim pa 'dis skye ba de nyid kyis gzhan du ste/ /yul gzhan du stong pa'i sems ni
- 337a
sems yengs pa'o/ /mdun na gnas pa'i dngos po mthong ba dngos po'i brda yid la byed pa la sogs pa 'jug pa mngon du phyogs pa ches dang por khyad par thams cad kyis dben pa'i dngos po tsam mthong bar mjug go /de lta ma yin te gal te rnam par shes pa thams cad rtog pa dang/ bcas pa yin na de'i tshe yid gzhan du song bas khyad par thams cad kyis stong pa'i dngos po ji ltar mthong bar 'gyur/ /dus gcig tu cig car rnam par rtog pa gnyis rig pa ni ma yin te/ de lta bas na de ltar dngos su dbang po'i rjes su 'gro ba dang rtog pa'i rjes su byed pa nyid ma grub po/ /de la ba lang glang chen la sogs la/ zhes gang smras pa de la/ de dag brda la gzo las/ zhes bya ba la sogs pa smos te/ gal te spyir rjes su byed pa'i 'brel pa'i rgyu mtshan gzhan tsam 'di dag gi rgyu mtshan du grub pa yin te/ 'di ltar ba lang la sogs pa'i shes pa tha snyad rnams kyi rjes su mthun pa'i 'brel pa can ni ba lang la sogs pa'i brda gzo ba kho na yin no/ /'di ltar de yod na 'byung ba rigs mi? 'byung ba de'i phyir rjes su 'gro ba dang ldog pa dang ldan pa de nyid 'di dag gi rgyur grub ste/ der gtogs pa'i rjes su 'gro ba dang ldog pa'i rgyu 'di 'grub pa ni/ de yod pa dang med pa'i rjes su 'gro ba dang ldog pa nyid kyis rjes su byed pa'i phyir ro/ /de'i phyir gtan tshigs kyi sbyor ba ni ngal ba ni 'bras bu med pa yin no/ /ci ste brda nyid la byed pa 'di ni phyogs nyid kyis khongs su 'dus pa'i phyir de dag las ma gtogs pa'i rjes su 'gro ba rtag pa dang gcig pu'i spyi zhes bya ba'i 'brel pa can 'di dag gi rgyu mtshan du sgrub na/ de'i tshe dpe bsgrub bya ba ma tshang ba yin no/ /de lta bur gyur pa gang du yang rjes su 'gro ba ma ste/ gang yang be'u dang myu gu la sogs pa 'di dag be'u dang bcas pa la sogs pa brjod pa dang shes pa'i rgyu nyid du brjod de/ de dag
- 337b
kyang de'i rgyu can nyid du ma grub ste/ rang gi mtshan nyid thob pa can gyi dngos po 'di rnams kyi dngos su brjod pa dang shes pa'i khyad par gyi rgyu nyid du yod pa ni ma yin no/ /rang gi mtshan nyid ni ngag dang rnam par rtog pa thams cad kyi spyod yul las 'das pa'i ngo bo yin pa'i phyir ro/ /de'i phyir dper bsgrub bya ma tshang ba yin no/ /brgyud pas rgyu nyid du rtogs par byed na/ ha cang thal bar 'gyur te/ thams cad thams cad la brgyud pas nye bar sbyor ba yin pa'i phyir ro/ /'o na gal te de lta na phyi rol gyi lcags kyu la sogs pa 'di rgyu nyid du ji ltar nges par byed ce na/ nang tsam la ni brten nas/ zhes bya ba la sogs pa smos te/ re zhig lcags kyu la sogs pa btags pa nye bar len pa'i rang gi mtshan nyid gang yin pa de ni rnam par rtog par rigs pa ma yin no zhes bstan zin to/ /kun rdzob pa gang yin pa de ni rnam par rtog pa'i gzo bas sprul pa'i bdag nyid kyi ngo bo yin pa nyid kyis na tsam la yod pa nyid yin gyi/ phyis rol ni ma yin no/ /skye bos mthong ba dang rnam par brtag pa dag gi rnam par dbye ba mi shes pa nyid kyis de'i rnam pa phyi rol lta bur zhen pa na phyi rol gyi dngos po nyid la rgyug pas de'i phyir lcags kyu la sogs pa rnams phyi rol gyi ngo bo nyid du ma grub bo/ /lcags kyu sogs zhes bya ba dang/ dmigs nas zhes bya ba snga ma dang sprul bar bya'o/ /phyi rol gyi ngo bo nyid du nges pa'i nang tsam du yod pa'i lcags kyu la sogs pa la dmigs nas phyi rol la 'jug pa yin no zhes bya ba'i don to/ /nang tsam ni blo'o/ /gang yang ba lang la sogs/ yul nyid na zhes khyad par du byas pa de yang mi rigs pa nyid de/ rnam par bcad par bya ba med pa'i phyir ro/ /zhes bstan pa'i phyir ro/ /dngos po med pa'i phyir bya ba la sogs pa smos te/ khyed cig gis bya ba dang/ yon tan gyi tha snyad med pa nyid kyang med pa'i shes pa'i rgyu nyid du brjod pa de yang mi rigs so zhes
- 338a
bya ba'o bya ba la sogs pa med pa rgyu nyid du brjod do/ /'di ltar 'bras bu skyed par byed par nus pa nyid du brjod la/ nus pa de yang dngos po la brten pa nyid yin pa'i phyir ro/ /gal te dngos po med pa yang rnam pa de lta bu'i nus pa dang ldan par 'gyur na/ de'i tshe ji ltar dngos po nyid du sgrub par mi byed de/ dngos po'i rgyu mtshan nyid de tsam nyid yin pa'i phyir ro/ /de lta yin dang med pa'i ngo bo nyid spong? bar 'gyur te/ med pa ni dngos po'i rang gi ngo bo nyams pa nyid yin pa'i phyir ro/ /gzhan yang gal te bya ba dang yon tan med pa med pa'i shes pa'i rgyu nyid du 'gyur na/ de'i tshe yod pa la sogs pa la yang med pa rgyu nyid du 'gyur ro/ /de la yang ri bong gi rwa la sogs pa bzhin du bya ba yang yon tan gyi tha snyad med pa'i phyir ro/ /gtan tshigs kyang ma grub po zhes bstan pa'i phyir gong bu gzugs zhes bya ba la sogs pa smos te/ gang gis 'di dag de'i shes pa las gzhan nyid du 'gyur ba ba lang la sogs pa'i shes pa rnams ni gong bu la sogs pa las ma gtogs pa'i don gzhan du gyur par nges pa ni ma yin no/ /dam bca' ba yang rjes su dpag pas gnod pa yin no zhes bstan pa'i phyir/ gang phyir rjes 'gro zhes bya ba la sogs pa smos te/ khyed cag gis rjes su 'gro ba'i shes pa gong bu la sogs pa las tha dad pa'i rgyu mtshan dmigs par gyur pa sgrub par 'dod na de yang mi rigs te/ de mi snang ba'i phyir dang mi mthun pa'i kha dog dang dbyibs snang ba'i phyir ro/ /'di ltar khyed cag gis kha dog dang dbyibs dang yi ge dang rnam pas stong pa ni ba lang nyid la sogs pa'i spyi yin par brjod la/ rnam par shes pa la yang/ kha dog la sogs pa snang ba dang ldan par nyams su myong ste/ de'i phyir ji ltar 'di'i dmigs pa yi ge la sogs pas stong pa yin par 'gyur//
- 338b
gzhan gyi rnam pa can gyi shes pa ni gzhan dmigs pa yin par rigs pa ni ma yin te/ ha cang thal bar 'gyur pa'i phyir ro/ /sbyor ba ni gang zhig gang dang mi 'dra ba'i don snang ba shes pa de ni de 'dzin pa ma yin te/ dper na sgra'i shes pa gzugs 'dzin par byed pa ma yin pa bzhin no/ /rjes su 'gro ba'i shes pa yang rigs dang mi 'dra ba'i kha dog la sogs pa snang ba yin no zhes bya ba ni khyad par byed pa 'gal ba dmigs pa'o/ /sgra dang gsal bar snang ba can zhes bya ba la/ sgra ni ba lang ngo/ /zhes bya ba la sogs pa'i tha snyad dang/ gsal ba ni kha dog dang dbyibs kyi bdag nyid do/ /de dag snang ba ni gsal ba'o/ /de 'di la yod pa de dang ldan pa'o/ /yi ge ni pa dang la la sogs pa'o/ / bde byed bdag pos smras pa/ sngon po la sogs pa'i spyi ni sngon po la sogs pa rnams nyid yin te/ gzhan du na sngon po zhes bya ba de lta bu'i rnam pa rjes su 'jug pa'i shes par mi 'gyur ro/ /de lta yin dang gtan tshigs ma yin la rjes su dpag pa yang mi 'gal lo zhe na/ de lta bas na 'dir spyi yang zhes bya ba la sogs pa smos te/ de lta ni sngon po la sogs pa'i yon tan la sngon po nyid la sogs pa'i spyi bye brag yod par mi 'gyur te/ rnam pa tha mi dad pa'i phyir ro/ /'di snyam du sngon po la sogs pa yon tan ni rjes su 'gro ba ma yin la/ spyi ni yul dang dus tha dad pa'i gsal ba la rjes su 'gro bas des na rnam pa tha dad pa yod do snyam na/ gcig nyid ces bya ba la/ sogs pa smos te/ mngon sum gyi sngon po la sogs pa'i yon tan la ma gtogs pa'i sngon po la sogs pa'i rnam pa'i rjes su 'gro ba gzhan sngon po nyid la sogs pa rjes su 'jug pa snang ba ni ma nges te/ thun mong ma yin pa'i sngon po la sogs pa gcig snang ba'i phyir ro/ /
- 339a
rnam par rtog pa'i sems la yang sngon po nyid la sogs pa gnyis pa snang ba ma yin te/ mthong ba ji lta ba bzhin du des nges pa'i phyir ro/ /'di snyam du ji ltar khyed cag gi skad cig ma nyid snang yang zhan pa rnams kyis rnam par phye nas mi mtshon pa de bzhin du spyi 'di yang yin no snyam du sems na/ de yang mi rigs pa de kho na ste/ de mthong ba'i stobs kyi gsal ba tha dad pa'i sgra dang blor 'gyur ba yin no zhes gang brjod pa de mi 'thad de/ khyad par byed pa mi mtshon par khyad par du bya la blo skye ba ni ma yin te/ dper na dbyug pa ma mthong bar dbyug pa can no snyam pa'i shes pa mi 'byung ba de bzhin du 'di la yang 'gyur te/ 'di ltar khyed cag gis khyad par rang la sgra dang shes pa'i spyod yul las 'das par brjod par/ /rang las blo dang sgra'i yul las 'das pa'i lus can khyad par de dag kyang spyi mthong ba'i stobs kyis rtogs pas shes pa ji ltar de nyid mi mtshon pa zhes bya ba/ gzhan yang gang gi ltar na mngon sum rtog pa med pa yin pa de'i lta ba? dang yang ma mtshon to zhes bya ba 'di brjod par rigs te/ mtshon pa ni nges pa'i shes pa'i bya ba nyid yin pa'i phyir ro/ /khyed cag gang gi mngon sum thams cad rtog pa dang bcas pa yin no zhes bya ba'i phyogs de'i mi mtshon pa nyid mi rigs te/ mi 'dzin par thal bar 'gyur ba'i phyir ro/ /rang gi don rtogs pa gang yin pa 'di nyid nges pa rnams kyi nges pa yin no/ /de dag nges pa dang ldan pa ma yin no zhe na/ de ni 'dzin par byed pa nyid ma yin par 'gyur ro/ / sngon po la sogs pa las tha dad pa'i don gzhan du gyur pa grub par khas blangs nas kyang khyed cag gi 'dod pa grub pa yin te/ mngon par 'dod pa'i bsgrub par bya ba'i don rjes su dpag pas gnod pa nyid kyi phyir ro/ /des na khyab pa
- 339b
ma grub po zhes bstan pa'i phyir/ rgyu mtshan gzhan nyid ces bya ba la sogs pa smos te/ mi brtan pa las dben pa'i zhes bya ba ni mi rtag pa las dben pa ste/ rtag pa zhes bya ba'i tha tshig go /ci'i phyir mi 'grub ce na/ rim gyis 'byung ba'i phyir te/ ba lang la sogs pa'i brjod pa dang shes pa rnams zhes bya ba lhag ma'o/ /gal te rnam pa de lta bu'i spyi'i chos 'di dag gi rgyu nyid du gyur na/ de'i tshe 'di dag rim gyis skye bar mi 'gyur gyi/ rgyu ma tshang ba med pa'i phyir cig car skye bar 'gyur te/ cig car skye ba'i dngos po du ma bzhin no/ /gzhan gyis phan gdags par bya ba ma yin pa la ni bltos pa 'gal yang yod pa ma yin no/ /de ni gtan tshigs grub pa nyid du khas blangs nas 'khrul pa nyid du bshad pa ni/ tshig gi don sgra zhes bya ba la sogs pa ste/ gang gi tshig gi don zhes rjes su 'gro ba'i shes par 'gyur pa tshig gi don drug po rnams la tshig gi don nyid ces bya ba gzhan yod pa ni ma yin no/ /de bzhin du gang gis de dag la yod ces bya ba'i shes par 'gyur ba yod pa dang/ spyi dang bye brag dang 'du ba dag la yod pa ni ma yin no/ /yod pa ni rdzas dang yon tan dang las rnams kho na la gnas pa'i phyir ro/ /rdzas la sogs pa la spyi'i rgyu mtshan nyid kyi tha snyad gzhan dgag par 'dod pa'i phyir de'i sgo nas 'khrul pa ma brjod do/ /'di snyam yod pa la sogs pa 'di la yang yod ma? dmigs pa'i tshad ma nyid kyi yul chos yod de/ de'i phyir 'di la yang tha snyad 'di gzhan gyi rgyu mtshan can yin pa'i? phyir 'khrul? pa med pa kho na'o snyam du sems na/ de las gzhan chos zhes bya ba la sogs pa smos te/ chos gzhan rgyu mtshan nyid du khas len na 'khrul pa'i skyon 'di gnas skabs nyid yin no/ /gang gi phyir chos gzhan de la yang chos de yod de zhes yod pa'i blo yod pa kho na'o/ /de yang chos
- 340a
gzhan len na thug pa med par thal bar 'gyur ro/ /gzhan dag kyang chos gzhan gyi rten yin pa'i phyir chos can nyid du thal ba yin no/ /de lta yin dang chos can ni tshig gi don drug kho na'o zhes bya ba'i drug gi grangs nges par mi 'gyur ro/ /ci ste thug pa med pas 'jigs nas chos gzhan mi brtan pa de'i tshe tshig gi don rnams la yod pa la sogs pa'i chos 'jug pa'i shes pa 'di dag gis gtan tshigs 'khrul pa yin no/ /'di thun mong gi ma nges pa yin mod ldog pa the tshom za ba gang gis spong zhes bya ba 'di bshad pa ni thams cad nye bar sdud pa'i zhes bya ba la sogs pa'o/ /chos can thams cad du gtan tshigs la bsgrub byas khyab pa ston pa ni thams cad nye bar sdud pa'o/ /'di snyam du 'dir khyab pa rigs pa nyid yin te/ rgyu mtshan gzhan med na dngos po de'i shes pa mi 'dra bar ji ltar 'thad par 'gyur/ /shes pa mang po yul mi gcig pa rnams mi 'dra ba yod pa ma yin no/ /gal te yod na de'i tshe gzugs dang ro la sogs pa'i shes pa rnams kyang yul tha dad par grub par mi 'gyur ro/ /yul tha dad pa rnam par 'jog pa ni shes pa tha dad pas byas pa'i phyir ro/ snyam du sems na/ de yang mi rigs te/ don dam par spyi'i shes pa dngos po'i rang gi mtshan nyid kyi yul gcig tu rig? pa ma yin te brjod pa dang 'dres pa'i shes pas rang gi mtshan nyid yul du mi byed pa'i phyir ro/ /'on kyang dngos po gcig pa gang dang gang las ldog pa de'i rgyu mtshan can de la brda ji lta ba bzhin du goms pa'i dngos po de yang nyams su myong ba'i sgo nas 'ongs pa rnam par rtog pa dang brjod pa spyi med na yang gal te rnam par rtog pa 'jug na de'i tshe 'gal ba ci zhig yod/ de'i phyir khyab pa med
- 340b
do zhes brjod de/ gang yang ba lang sogs la rjes su 'gro ba'i zhes bya ba la sogs pa la de'i 'og tu bstan pa'i zhes bya ba la sogs pa smos te/ 'di nyid kyis zhes bya ba ni de ma thag tu bshad pa'i gtan tshigs sun 'byin pa nyid kyis te/ de la skyon mtshungs pa'i phyir ro 'di ltar 'dod pa sgrub pa la sogs pa 'di la yang mtshungs so/ /sogs pa'i sgras dpe grub byas stong pa dang gtan tshigs ma grub dang/ 'khrul pa la sogs pa gzung ngo/ /rnam pa gzhan gyis kyang 'khrul pa nyid du bshad pa rjes su 'jug pa zhes bya ba la sogs pa smos te/ gang gi 'tshed pa po dang 'don pa po zhes bya ba rjes su 'jug pa'i shes par 'gyur ba de la gcig rjes su 'gro ba'i rgyu mtshan 'tshed par byed pa nyid dang 'don par byed pa nyid la sogs pa ni yod pa ma yin no/ /de bzhin du snga na med pa la sogs pa med pa gzhi la med pa'o snyam pa'i shes pa ji ltar 'jug par 'gyur/ /de la yang spyi yod pa ni ma yin te/ de ni dngos po la brten pa nyid kyi phyir ro/ /'dod pas sbyar ba'i ngo bo rgyal po zla ba gzhir? ba la sogs pa dang/ /nam mkha' i dkyil du gtags pa'i khang pa dkar la sogs pa dang zhig pa dang ma skyes pa'i rgyal po mang pos bkur ba dang dung la sogs pa'i blo gcig rjes su 'gro ba med par ji ltar 'gyur/ de la yang spyi yod pa ni ma yin te/ de ni gsal ba la brten pa'i phyir ro/ /'tshed pa po'i zhes bya ba la sogs pas 'tshed pa po la sogs pa la shes pa sgrub par byed pa yin no/ /'tshed pa po la sogs pa dag la las kyi rgyu mtshan can gyi blo yin no zhes brjod par rigs pa ma yin te/ /las de yang gsal ba re re la gsal ba bzhin du tha dad pa khas blangs pa'i phyir ro/ /tha dad pa la rjes su 'gro ba med par rjes su 'gro ba'i shes pa mi 'thad pa'i phyir/
- 341a
khyed cag gis gsal ba thams cad la rjes su zhugs pa'i spyi brtags pa yin no/ /gal te las rjes su 'gro bas stong yang tha mi dad pa'i shes pa dang brjod pa'i rgyur 'gyur na/ de'i tshe gang gis de dag yongs su slangs nas spyi de'i rgyu nyid du rtog par byed pa gsal ba dag la ci zhig gsung/ gzhan yang gal te 'tshed pa po la sogs pa la shes pa las kyi rgyu mtshan can du 'gyur na de'i tshe bya ba dang bral ba ste 'tshed par mi byed pa la 'tshed pa po zhes bya ba'i shes par mi 'gyur ro/ /gang gis bya ba dang bral ba la yang shes par 'gyur ba khyed cag gis rigs pa bzhin du las rtag tu nye bar 'dod pa ni ma yin no/ /gang zhig gang gi rgyu mtshan yin pa de ni de med par 'byung bar 'os pa ma yin te/ ha cang thal pa'i phyir te/ de ltar na thams cad thams cad kyi rgyur 'gyur ro/ /'das pa dang ma 'ongs pa'i las ni de'i shes pa'i rgyu mtshan du rigs pa ma yin te/ 'das pa la sogs pa de dag med pa'i phyir ro/ /med pa yang rgyur mi 'thad pa'i phyir ro/ /bde byed bdag po na re/ 'tshed pa po la sogs pa rjes su 'jug pa'i shes pa'i de'i las kyi rigs dang 'brel pa'i bya ba dang ldan pa de las 'gyur te/ des na bya ba dang bral ba la yang bya bas brtan pa'i rgyu mtshan pa'i phyir/ 'tshed pa po la sogs pa'i shes pa zhes nges par byed pa yin no zhes zer te/ de ston pa ni gal te zhig pa'i zhes bya ba la sogs pa'o/ /des zhes bya ba ni bya bas so/ /brtan pa'i rgyu ni bya ba nyid kyis rigs so/ /'on te zhes bya ba la sogs pas lan 'debs par byed de/ rang gi rten ni bya ba'i rigs te/ /de nyid bya ba yin no/ /rten 'dzin pa med par rigs 'ga' zhig 'dzin pa'am gnas pa ni yod
- 341b
pa ma yin te/ mi brten pa nyid du thal bar 'gyur ba'i phyir ro/ /'di snyam du lan cig rigs mtshan pa nyid kyi phyir las dang bral na yang de'i rgyu mtshan gyi shes pa de'i rten la 'jug go snyam du sems na/ dbyug pa zhes bya ba la sogs pa smos te/ de lta na ni ha cang thal bar 'gyur ro/ /dbyug pa la sogs pa'i rigs rnams len cig mtshon pa'i phyir lhas byin la sogs pa dbyig pa la sogs pa dor ba de dag la yang dbyug pa can dang rna cha can zhes bya ba la sogs pa'i blor 'gyur ro/ /'tshed pa po nyid la sogs pa'i rigs 'di la yang yod do/ /zhes bya bar yang mi rigs te/ deng skyes pa la yang rigs yod pa'i phyir 'tshed pa po la sogs pa'i blor 'gyur ro/ / 'di snyam du dper na yod pa zhes bya ba'i blo 'byung ba'i rgyu mtshan yod pa yin na yang thams cad du mi 'gyur ba de bzhin du rigs kyang rten gyi khyad par dang 'du ba can du 'gyur na yang thams cad du mi 'gyur ba'i phyir/ des na deng skyes pa'i gnas skabs su rigs dang 'du ba nyid du mi 'gyur ro/ /'du ba can zhes bya ba ni mtshon pa ste/ gsal ba ma yin pa zhes bya ba yang shes par bya'o/ /'o na de lta na nam yang de de dang 'du bar mi 'gyur te/ 'di ltar ches dang por rigs dang rdzas de dag de dang 'brel pa'i rang bzhin dang mi mthun pa'i phyir 'du ba mi skye la/ phyis kyang de dang mi mthun pa de'i gnas skabs nyid du yin pa'i phyir ji ltar 'du bar 'gyur/ gang gis de phyis khyad par can du 'gyur ba khyed cag gi lugs kyis rdzas skad cig ma ni ma yin no/ /de ni zhes bya ba ni 'du ba can no/ /de dag gi zhes bya ba ni rigs dang rdzas dag
- 342a
gi'o/ /de bdag nyid ces bya ba ni snga ma'i rang bzhin mi mthun pa'i ngo bo mdor ba nyid la'o/ /ji ste rdzas mi rtag pa nyid du khas len na de'i tshe yang nyes pa yod do zhes bstan pa'i phyir/ gal te gsal ba zhes bya ba la sogs pa smos te/ gal te mi rtag pa nyid kyis gsal ba khyad par du 'gyur ba yin na rigs rtags pa'i phyir sngar bzhin du phyis kyang de dang 'du ba'i mi mthun pa'i ngo bo yod pa'i phyir gyis kyang 'du ba can du ji ltar 'gyur/ dus phyis 'byung pa'i rdzas 'du ba dang mi mthun pa'i ngo bo nyid yin la rigs ni thams cad gnas pa yin no zhes brjod par yang mi nus te/ de dang 'brel pa'i rang bzhin gyi rigs rtag tu gnas pa'i phyir rdzas kyang rtag pa nyid du thal bar 'gyur ba'i phyir ro/ /'brel pa can gnyis pa med na/ de dang 'brel pa'i rang bzhin mi mthun par rigs pa ma yin no/ /'tshed pa la sogs? zhes bya ba la sogs pas 'od byed par smras pa'i lan dogs par byed pa yin te/ des smras pa 'di ni gtan tshigs kyi don ma shes nas brjod pa yin te/ 'tshed pa po la sogs pa'i sgra rjes su 'jug pa yang yin la/ 'tshed pa po nyid ces bya ba'i spyi yod pa ni ma yin no/ /de bzhin du ba lang la sogs pa la rjes su 'jug pa'i shes pa zhes bya ba ste/ 'di ltar khyad par gyi shes pa blo bur pa yin pas/ des na 'di'i gtan tshigs gyi don gong bu'i shes pa las ma gtogs pa'i shes pa rgyu mtshan gzhan las skye ba zhes bya ba 'di yin gyi/ rjes su 'jug pa'i shes pa thams cad spyi nyid las byung ba ni ma yin no/ /de ltar yin 'tshed par bya ba'i gtso bo'i sgrub byed gang yin pa de 'tshed pa po'i sgras brjod pa/ gtso bo de yang 'tshed pa po gzhan la yod pa'i phyir skyon med do zhe na/ gtso bo zhes bya ba la sogs pas lan 'debs par byed de/ gtso bo zhes bya ba 'di ci zhig /gal te nus pa yin na de mi
- 342b
rigs te/ de'i rten so so la nges pa nyid kyis gsal ba gzhan la rjes su mi 'gro ba'i phyir ro/ /rdzas la sogs pa'i bdag nyid kyi rang bzhin rang dbang can yang ma yin te/ rdzas su 'gro ba med pa de nyid kyi phyir ro/ /sogs pa'i sgras ni tshig gi don drug las tha dad par 'dod pa'i chos gzung ngo/ /gang yang rgyu mtshan las skye ba/ zhes bya ba 'di yin gyi zhes smras pa de la spyi bsal nas rgyu mtshan gzhan cung zad cig yod do zhes sgrub par byed na/ grub pa la sgrub ste/ brda yid la byed pa rgyu mtshan du 'dod pa'i phyir ro/ /khyad par sgrub na rjes su 'gro ba ma tshang ba dang/ 'tshed pa la sogs pa'i shes pas 'khrul pa yang yin no/ /des na zhes bya ba la sogs pas 'jug sdud par byed de/ /des na ste de'i phyir ro/ /gang gi phyir rgyu mtshan gzhan rnam par dpyad pa na 'tshed pa la sogs pa'i yul la mi 'thad pa de'i phyir brda ji lta ba bzhin du 'tshed pa po'i zhes bya ba de lta bu'i rnam pa dang ldan pa rigs mi mthun pa rnam par gcod pa'i dngos po tsam nges pa tha dad pa'i dngos po 'tshed pa po la sogs pa la yang tha mi dad pas blos te shes pa skye ba yin te/ thams cad du rigs mi mthun pa rnam par gcod pa yod pa'i phyir ro/ /gang gi phyir de ltar spyi med na yang ba lang sogs pa la brda ji bzhin du rnam pa tha mi dad pa'i nges pa'i shes pa dang shes pa dag 'byung ba'i phyir gtan tshigs ma nges pa yin no/ /de ltar yang zhes bya ba la sogs pas med pa la med pa'i blo zhes bya ba de sgrub par byed do/ /'di nyid spyi'i shes pa'i rgyu mtshan la khyab pa yin te/ 'di lta ste brda gzo ba'o/ /de lta ma yin mo gsham gyi bu la sogs pa la med pa'o zhes par rjes su 'jug pa'i sgra dang blo gang gis 'gal bar 'gyur/ 'di la ni rigs pa ni yod pa ma yin te/ de
- 343a
ni dngos po dang 'du ba nyid yin pa'i phyir ro/ /ci'i phyir mi 'gal zhes bya ba 'di la rgyu bshad pa/ de dag don med pa'i ni brdu'i rjes su 'jug pa'i phyir ro zhes bya ba ni rigs la sogs pa'i don med pa brda gang la yod pa de la de skad ces bya'o/ /de'i rjes su 'jug pa'i phyir ni rjes su 'gro ba'i phyir ro/ /de dag ni shes pa dang sgra dag ste brda tsam gyis rjes su 'gro ba dang ldog pa'i rjes su byed pa'i phyir ro zhes bya ba'i tha tshig go /'di ni bum pa zhes bya ba la sogs pas 'dir bde byed? bdag po'i lan gyi dogs pa bsu ba yin te/ des smras pa/ dngos po med pa de dag la khyad par med pa'i shes pa mthong ba ni ma yin no/ /'o na ci zhe na/ bum pa'i snga na med pa'o/ /bum pa'i zhig nas med pa zhes bya ba de lta bu thams cad du med pa'i shes pa dngos po khyad par can nyid la med pa dmigs pa yin te/ de lta bas na de'i blo thams cad du khyad par du gtogs pa'i spyi'i dbang gis 'jug pa'i phyir 'khrul pa med do/ / de ni zhes bya ba ni blo ste snal ma dang sbrel lo/ /de lta min zhes bya ba la sogs pas lan 'debs par byed do/ /mi 'dra ba dang lhan cig de la brten pa med pa zhes bya ba tshig rnam par sbyar ba'am/ gcig tu bsdu ba'i zlas dbye ba yin no/ /me 'dra ba'i phyir dang de la brten pa med pa'i phyir/ /de ltar mi rigs so zhes bya ba'i don to/ /de la re zhig mi 'dra ba'i phyir zhes bya ba 'di rgyas par bsgrub pa'i phyir/ /bum pa zhes bya ba la sogs pa smos te/ khyad par gcig rnam pa tha mi dad pa'i blo'i rgyu mtshan du rigs pa ma yin te/ gcig nyid spyi thams cad kyi 'bras bu bsgrub zin pa'i phyir/ spyi du ma rtog pa don med par thal bar 'gyur ba'i phyir ro/ /de lta bas na bum pa nyid la sogs pa'i
- 343b
spyi'i dbang gis bum pa zhes bya ba la sogs pa'i blor 'gyur du chug mod/ /shin tu mi 'dra ba'i dngos po med pa zhes bya ba la sogs pa ni ji ltar de'i rgyu mtshan du 'gyur yod pa'i dbang gis ba lang nyid la sogs pa'i blor 'gyur ba ni ma yin no/ /dngos po rnam par 'byed par smras pa rgyu mtshan dang rjes su mthun pa'i shes pa thams cad du 'dod pa ni ma yin te/ 'di ltar glang po dang rta dang d+ha? ba dang seng ldeng la sogs pa 'dus pa dang mang po nyid kyi grangs dmag dang nags la sogs pa'i blo rnams kyi rgyu mtshan yin la/ btung ba sgyur po la sogs pa rnams kyi rgyu mtshan ni rigs mi mthun pa'i rdzas sbyar ba yin no/ /de lta ma yin na mang po sbyar ba zhes bya ba'i shes pas 'gyur ro zhes bya ba/ gal te blo ni zhes bya bas dogs par byas nas/ gal te tha dad pa zhes bya ba la sogs pas lan 'debs par byed do/ /'di zhes bya ba ni spyi'i blo'o/ /brda'i tha dad ni khyad par ro/ /yang gang gi de skad du brjod pa 'di la khyad par du 'phags pa ci zhig yod ce na/ khyad par shes na zhes bya ba la sogs pa smos te/ rgyu'i dngos po ni rjes su 'gro ba dang ldog par rtog par bya ba yin no/ /de yang spyi'i blo la 'dod pas sbyar ba'i brda gzo ba tsam du nges pa yin te/ 'di ltar re zhig dang por khyad par gyi yul la snyams su myong ba'i shes pa skye'o/ /de skyes pa na brda byed par 'dod pa 'gyur ro/ /'dod pa de las brda de byed pa ste byas pa'o/ /de nas de nyid tha snyad kyi dus su thos pa ste/ mnyan pa'o/ /'di thos pa las thos pa ji lta ba bzhin du brda'i yul la dus phyis gzo ba'o/ /de las te gzo ba las tha dad pa de dag nyid la de ngas pas 'jug pa las bum pa'i snyam pa la sogs pa'i blo skye ba sgrub par byed pas gnag rdzi'i bral 'di tsam zhig blo 'di'i rgyu nyid du nges pa yin no/ /nus ma mthong ba'i spyi rgyu nyid rtogs pa na ha cang thal
- 344a
bar 'gyur ro/ /de yang rtog na nus pa ma mthong ba nyid du mtshungs pa'i phyir gzhan yang ci'i phyir/ mi rtog 'di rgyas pa'i phyir ro/ /'dre ba rjes su mthun zhes bya ba la sogs pa smos te/ rjod par byed pa khyed cag gis spyi'i blo la sogs pa'i rgyu mtshan tha dad pa spangs nas ngo bo ma yin pa'i dmigs pa zhes bya ba'i spyi rtogs par byed pa yin no/ /gal te yang brtag pa'i spyi de yang gzhan gyi rnam pa can gyi blo skye ba de'i tshe ji skad du bshad pa'i nus pa mthong ba brtags par 'gyur ba nyid mchog yin no/ /de lta na ni ma mthong ba'i brtag pa byas par mi 'gyur ro/ /gzhan yang tha mi dad pa'i spyi ji ltar mi 'dra ba'i blo skyed par byed ces dris pa na/ 'di lta ste/ 'di ni dngos po rnams kyis nges pa so sor nges pa yin te/ gal te gcig yin na yang rnam pa du ma'i shes pa bskyed par bya bar nus pa yin no zhes bya bar gdon mi za bar brjod par bya dgos so/ /gal te de lta na nus pa shes pa mthu nges pa'i tha dad pa de dag nyid la nus pa nges pa ci'i phyir rtog par mi byed/ de lta yin na nyams su myong ba dang mi gsal ba rjes su bsgrub par 'gyur ro/ /'di snyam du spyi yang rjes su 'gro ba dang ldog pa dag gis nus pa nges pa yin no snyam du sems na/ rjes su 'gro ba'i zhes bya ba la sogs pa smos te/ med pas ma skyes pa'i phyir yod pa dang med pa la sogs pa'i shes pa 'di dag dang gtogs pa'i rjes su 'gro ba'i rjes su byed pa nyid rigs pa ma yin no/ /gal te 'di spyi rjes su byed par 'gyur na/ de'i tshe spyi thams cad du gnas pas ci'i phyir rtag tu mi 'gyur/ spyi ni 'ga' zhig la ltos pa yin te/ de'i khyad par gzhan gyis bogs dbyung ngu med pa'i phyir ro/ /de'i phyir
- 344b
'di dag der gtogs pa'i rjes su 'gro ba'i rjes su byed pa ma yin la/ ldog pa'i rjes su byed pa yang ma yin te/ 'di ltar gang gi tshe yod pa la sogs pa'i shes pa 'di skye ba de'i tshe der skye med pa rgyu yin no zhes ni brjod par mi nus te/ rtag pa rnams rtag tu gnas pa nyid kyis ldog pa mi srid pa'i phyir ro/ /de'i phyir 'di dag la der gtogs pa'i ldog pa'i rjes su byed pa yang yod pa ma yin no/ /gang gi phyir de bzhin du rgyu mtshan gzhan khas blangs pa na spyi la sogs pa'i blo'i nyes pa yin pa de lta bas na gzhan gyi yon tan la sogs pa la rdzas ma yin pa dang las ma yin pa la sogs pa'i shes pa'i rgyu yon tan nyid la sogs pa'i spyi'i khyad par yod pa la sogs spyi la spyi zhes bya ba'i rjes su 'gro ba shes pa'i rgyu mtshan don du ma dang 'du ba yin no zhes gang brjod pa de yang bsal ba yin no zhes bya ba 'di bshad pa ni/ rdzas la sogs pa yin pa zhes bya ba la sogs pa smos te/ 'di brtags pa na yang ha cang thal bar 'gyur ro zhes bstan pa'i phyir/ de'i phyir spyi'i blo zhes bya ba la sogs pa smos te/ gal te spyi'i blo'i rgyu mtshan don du ma 'du ba yin na/ grangs dang ldan pa dang rnam par dbye ba dang yan lag can gyi rdzas la sogs pa la rdzas su ma ston pa nyid yod pa'i phyir de dag la yang spyi'o snyam pa'i blo'i rgyu mtshan 'gyur ba yin te/ khyad par med pa'i phyir ro/ /yod pa la sogs pa'i blo gcig gi rgyu nyid kyang yod pa la sogs pa'i rnam pas rang gi bdag nyid la nges pa'i phyir spyi gzhan la brten pa ma yin no/ /de ltar yin dang de'i stobs kyis kyang spyi dag la spyi'i snyam pa'i rjes su 'jug pa'i shes pa skye ba ma yin no/ /de ltar na/ de phyir tha dad dag la cig/ 'jug pa'i rgyu mtshan gang yin te/ yod pa sogs la
- 345a
spyi sgra 'am/ yang na blo gcig byed pa yin/ zhes ku mA ra ri las smras pa 'di yang 'grel pa med yin no/ /de ltar re zhig mi 'dra ba'i phyir zhes bya ba ste bshad zin to/ /de la brten pa med phyir ro zhes bya ba de 'chad par 'dod nas/ bum pa nyid la sogs pa zhes bya ba smos te/ spyi bum pa la sogs pa dag la 'du ba med pa dag la ni ma yin te/ de dag ni dngos po med pa'i phyir ro/ /de'i phyir ji ltar med pa dag la bum pa la sogs pa de las gzhan la 'du bas spyi'i rnam pa'i rnam pa'i rjes su byed pa'i shes par 'gyur/ rta la sogs pa gcig gi rnam pa shes pa'i rgyu mtshan ni glang po nyid la sogs pa ma yin no/ /'on te 'di lta ste dper na de mdor snub mo bsil lo/ /ci 'o zhes bya ba lta bur gzhan du 'jug pas kyang gzhan du shes pa skye bar mthong ba ma yin nam zhe na/ de la smras pa/ 'dir don gcig la brten pa min zhes bya ba la/ rdzas gang kho na la mdza' ba nyid 'du ba de/ kho na la bsil ba nyid la sogs pa yang yin pa'i phyir don gcig la 'du ba'i stabs kyis 'dir gzhi mthun par 'gyur gyi/ med pa bum pa nyid la sogs pa'i spyi dang lhan cig gang du yang rdzas gcig la'ang ba ni ma yin te/ nye bar brjod pa med pa de ni gang du yang 'du ba mi rung ba'i phyir ro/ /'dir gal te khyad par zhes bya ba la sogs pas 'od byed pa'i lan gyi dogs pa bsu ba yin te/ des smras pa/ bum pa nyid la sogs pa'i spyi ni bum pa la sogs pa dang lhan cig 'du ba'i mtshan nyid kyis 'brel pa yin la/ med pa rnams ni khyad par dang khyad par can gyi dngos po'i mtshan nyid yin no/ /de lta yin dang spyi dang
- 345b
med pa dag don gcig la 'du ba'i 'brel ba 'di la yang tha snyad kyi rgyu yod pa kho na'o zhe'o/ /de la lan gdab pa'i phyir/ 'brel pa gzhan ni yod pa na zhes bya ba la sogs pa smos te/ dngos po rnams kyi phan tshun khyad par dang khyad par can gyi dngos po na 'brel la gzhan gyis bskyed pa yin te/ 'di lta ste/ dper na dbyug pa dang lhas byin dag dang rgyal po dang skyes bu dag gi rjes khol gyi dngos po la sogs pa'i 'brel pa la brten nas khyad par dang khyad par can yin no/ /khyad par dang khyad par can gyi dngos po la rgyu mtshan du gyur pa'i 'brel pa gzhan de med pa la khyad par can dang khyad par de ci ltar 'gyur/ gzhan du na ha cang thal bar 'gyur te/ de lta na ni thams cad thams cad kyi khyad bar du 'gyur ro/ /da ni ji ltar 'brel ba med par 'jig rten na bum pa'i snga na med pa zhes bya ba la sogs pa khyad par dang khyad par can gyi dngos po rtogs she na/ bum pa 'di'i zhes bya ba la sogs pa smos te/ sngar med par gyur nas yod pa zhes bya ba'i don de tsam zhig shes par 'dod pa la blo 'di brtags pa yin te/ dngos po las don gzhan du gyur pa lta bu dang 'brel ba lta bu'i snga na med pa rtog pa skye ba yin no/ /de'i bsam pa'i dbang gis 'dir khyad par dang khyad par gyi dngos po yin gyi don dam pa ni ma yin no/ /ji ltar rtog pa'i gzo bos bcos pa'i dpa' ba la sogs pa'i chos kyi khyad par nyid nye bar bzung ba yin te/ gang du khyed cag gis dngos po la brten pa'i khyad par dang khyad par can gyi dngos po gzung ba der gdon mi za bar 'brel pa gzhan btsal bar bya ba yin no/ /gzhan du rnam par bzhag pa nges par mi 'gyur ro/ /gzhan yang bde byed bdag pos smras pa'i man? 'di ni
- 346a
klan ka dang rjes su mthun pa nyid ma yin no zhes bstan pa'i phyir med pa med pa zhes bya ba la sogs pa smos te/ gang 'di bum pa med pa dang snam bu med pa dang ri bong gi rwa la sogs pa med pa la med pa'i snyam pa'i rjes su 'gro ba'i shes pa 'jug pa de la kho bo cag gi spyi med na yang rjes su 'gro ba'i shes pa mthong ba'i phyir gzhan du spyi rtog pa med do/ /zhes klan ka byas kyi/ bum pa la sogs pa rigs mthun pa mang po rnams kyi gang snga na med pa la sogs pa'i shes pa gang yin pa de la ni ma yin no/ /gal te de lta yin de las cir 'gyur zhe na khyad par la ni gnas pa'i spyi zhes bya ba la sogs pa smos te/ bum pa la sogs pa'i khyad par la gnas pa'i spyi bum pa nyid la sogs pa gang yin pa de'i rten bum pa la sogs pa nyid la 'jug gi snam bu la sogs pa rten gzhan la ni ma yin no/ /de ji ltar snga na med pa la sogs pa la rigs mi mthun pa'i snam bu la sogs pa la yod pa de las shes par 'gyur zhes bsams pa'o/ /thams cad du rjes su 'gro ba'i spyi gcig yod do zhe na/ de dag la ni rjes su 'jug ces bya ba la sogs pa smos te/ gang las 'di'i shes par 'gyur ba rigs mi mthun pa'i dngos po du ma bum pa la sogs pa mdza' dag la khyad pa'i spyi gzhan yod pa ni ma yin no/ /'di snyam du de'i stobs kyis med pa'i shes par 'gyur pa yod pa zhes bya ba'i spyi chen po yod do snyam na/ de mi rigs te 'khrul pa'i phyir ro/ /'di ltar tshig gi don drug las ma gtogs pa'i so sor brtags pa'i 'gogs pa la sogs pa'i tshig don gzhan med pa'i phyir khyed la med pa'i blo gang dag kun tu rgyu
- 346b
ba dang gang yang brtags pa'i gtam rgyud brgyud bslu ba pa la sogs pa rdzas ma yin pa'i rang bzhin rnams kyi don dam pa med pa zhes bya ba'i blo rnams de dag la khyad par du gtogs pa'i spyi gang yin pa de'i rgyu mtshan du 'gyur ba gang yin khyed kyi lugs kyis so sor brtags pa la sogs pa'i de dag la yod pa nyid yod pa ni ma yin no/ /'dis ni gzhon nu ma len gyis/ /snga na med pa la sogs spyi/ /dngos po mi 'dod ma yin nam/ /'di la skye med sogs ngo bo/ /yod pa nyid ni spyi yin no/ / zhes gang smras pa de yang gsal ba yin te/ la sogs ngo bo ni skye ba med pa la sogs pa'i khyad par zhes bya ba'i don to/ /de la yang nyes pa 'di nyid yin te/ gang gis de med pa'i shes par 'gyur pa gzhung lugs gzhan gyi dngos po rnams dang brtags pa'i gtam rgyud rnams la ni yod pa ma yin no/ /de nges pa'i brtags pa'i yod pa de la phyi rol gyi don gyis stong par rtogs pa yin no zhe na/ gal te de lta na sgra'i don mdza' dag rtag pa gcig pu'i yod pa dang bral ba rnam par rtog pa tsam gyi bdag nyid du ci'i phyir ma 'dod/ de lta ma yin te/ rtag pa dang gcig pur yod pa la sogs pa'i don khas len na yod pa dang skye ba tha mi dad de/ /bogs dbyung du med pa'i phyir ro/ /ji ltar tha dad pa'i ngo bor rtogs par 'gyur zhes bya ba'i klan ka spang dka' ba nyid du 'gyur ro/ /nga ni 'dod pas bkod pa'i ngo bo dang/ zhig pa 'am ma skyes pa rnams la zhes bya ba de bsgrub pa'i phyir ro/ /'dod pas sbyar ba'i gzugs kyi zhes bya ba la sogs pa smos te/ 'dod pas sbyar ba'i ngo bo ste rang bzhin gang la yod pa de la de skad ces bya'o/ /de dang por gang la yod pa zhes tshig rnam par sbyar ro/ /sogs pa'i sgras ni zhig pa dang ma skyes pa la sogs pa gzung ngo/ /gang gis de'i rgyu mtshan can de dag la blos 'gyur ba brtags pa la sogs pa la spyi yod
- 347a
pa ni ma yin no/ /'di snyad du brtags pa la spyi med mod/ /'das pa dang ma skyes pa la ni de'i rgyu mtshan can gyi blor 'gyur ro snyam du sems na/ de ni log pa yin te/ rten med par 'ba' zhig pa mi gnas pa gang yin pa 'di ni brten pa rnams kyi chos yin te/ mi brten pa nyid du thal bar 'gyur ro/ /'ba' zhig pa rnams gnas su chug mod de lta na yang nyes pa yod pa kho na ste/ spyi 'ba' zhig 'dzin par khas mi len pa'i phyir ro/ /de skad du/ spyi rtogs pa ni rang gi rtan dang dbang po phrad pa la bltos pa yin no zhes bshad pa yin no/ /spyi 'ba' zhig pa yang 'dzin na spyi'i blo las gsal bar nges par mi 'gyur te/ de'i gsal ba med pa'i phyir ro/ /'di ni gsal ba rnams kyi spyi yin no zhes bya ba'i 'brel par yang mi 'gyur te/ rgyu mtshan med pa'i phyir ro/ /'di ltar 'brel pa'i rgyu mtshan yod na spyi de'i gsal bya yin pa 'am/ /de'i skyed par bya ba nyid yin pa 'am/ de 'dzin pa la bltos na 'dzin pa yin grangs de la re zhig des gsal bar byas pa'i phyir spyi de dang 'brel ba ma yin te/ rtag pa nyid kyis gzhan gyi phan gdags par bya ba ma yin pa ni khyad par med pa'i phyir gsal bya nyid du mi 'thad pa'i phyir ro/ /gang zhig gang gi phan 'dogs par byed pa ma yin pa de ni de'i gsal bar byed pa ma yin te/ 'bigs byed gyi gang can bzhin no/ /spyi'i gsal ba yang de bzhin no zhes bya ba ni khyad par byed pa 'gal ba dmigs pa'o/ /phan 'dogs par byed pa ma yin pa yang gsal bar byed pa nyid yin na/ ha cang thal bar 'gyur te/ thams cad thams cad kyi gsal bar byed par 'gyur ro/ /de nyid kyi phyir mi rtag pa nyid du khas blangs pa'i phyir de dag la skye ba'i gzhan gyi dbang du rigs pa ma yin la 'ba' zhig 'dzin pa'i phyir de shes pa'i gzhan gyi dbang yang ma yin pas phyogs gsum
- 347b
car yang srid pa ma yin no/ /de ltar yin dang sbyor rtogs pa ni rang gi rten dang dbang po phra pa la bltos pa yin no zhes gang rjod pa de mi rigs te/ rten nyid mi rung ba'i phyir de la yod pa dang dbang po phrad pa la sogs pa la bltos par ga las 'gyur/ sogs pa smos pas bdag dang yang phrad pa dang/ snang ba la sogs pa bzung ngo/ /rtogs pa nyid kyis khyad par gzhan gyi bogs dbyung du med pa'i phyir 'di 'ga' zhig tu gzhan la bltos pa ni ma yin no/ /de lta yin dang gal te de rang gi yul can gyi shes pa skyed par dus na de'i tshe thams cad du de bskyed par 'gyur la/ ci ste mi nus na nam yang bskyed par ci 'gyur ro/ /de'i nus pa 'am mi nus pa'i rang gi ngo bo de sus kyang gzhan du bya bar mi nus te/ rtag pa nyid nyams par 'gyur ba'i phyir ro/ /ci skad du de'i nus pa mi nus pa'i/ /rang bzhin gyis ni gnas pa gang/ rtag par khyad par byar med 'di/ de dag su yis gzhig par nus zhes bshad pa lta bu'o/ /gang yang ba lang nyid ni ba lang las/ don gzhan yin te/ zhes bya ba la sogs pa smras pa de ni 'tshang pa po la sogs pa dag gis ma nges pa yin no zhes ston pa ni/ ba lang nyid ni zhes bya ba la sogs pa'o/ 'di ltar 'tshed pa po la sogs pa dag las 'tshed pa po nyid la sogs pa la don gzhan du gyur pa med na yang 'tshed pa po 'tshed pa po zhes bya ba'i blo tha dad pa'i yul nyid du 'gyur ba kho na'o/ /lhas byin gyi 'tshed pa po nyid ces tha dad pa'i rnam par dbye ba yang 'gyur bas nges na gtan tshigs thun mong ma des pa yin no/ /rtags don gzhan yang zhes bya ba ni ku ma ra ri las smras pa ste/ de la rtags ngan de dag ni 'di dag tu brjod de/ ba lang gi gong bu tha dad pa dag la/ ba lang gi blo gang yin pa 'di ni ba lang nyid gcig rgyu mtshan can yin te ba lang du snang ba'i phyir dang/ gcig
- 348a
gi rnam pa can yin pa'i phyir ba lang gi gong bu gcig gi yul can gyi blo bzhin no/ /yang na ba lang gi blo gang yin pa 'di ni khra bo las byung ba ma yin pa'am/ de las ma gtogs pa don gzhan du 'gyur la dmigs pa yin te/ de med pas yang 'byung ba'i phyir bum pa la sa'i blo bzhin no/ /de'i thams cad du song ba ci ltar 'grub ce na/ brjod pa ba lang gi blo gang yin pa 'di ni re re la 'du ba'i don gyi yul can yin te/ gong bu re re la dngos po'i rnam pa ma lus pa'i ngo bo yin pa'i phyir gsal ba so so'i yul can gyi blo bzhin no/ /'di gcig nyid du yang grub pa kho na ste/ 'di ltar gal te yang so so la spyi'i bdag nyid thams cad kyis yongs su rdzogs pa de lta na yang de ni gcig kho na ste/ gcig gi rnam pa can gyi blos gzung bar/ byas pa'i phyir dgag pa dang ldan pa'i dag dag la bram ze la sogs pa ldog pa bzhin no tha dad pa dag la tha mi dad pa'i rnam pa can gyi shes pa gang yin pa de ni 'khrul pa yin te/ des na de'i stobs kyis dngos po'i de kho na nyid rnam par 'jog pa 'bral pa med pa yin no zhes bya ba 'di yang brjod par mi nus te/ 'di ltar 'di la rgyu'i nyes pa med la gnod par byed pa'i shes pa bstan pa yang ma yin no/ /de lta bas na log pa nyid kyi rgyu mtshan med pa'i phyir 'di ni mi rigs so zhe'o/ /ji skad du tha dad gong bu ba lang blo/ /ba lang nyid gcig rgyu mtshan can/ /ba lang snang dang gcig nyid phyir/ /ba lang gong bu gcig blo bzhin/ /khra bos ba lang blo min pa 'am/ de las bzhan pa dmigs pa'ang yin/ /de med par ni yod pa'i phyir/ /bum pa la ni sa blo bzhin/ /ba lang blo na re re la/ /'du ba'i don yul can yang yin/ /so sor ma lus ngo bo'i phyir/ /gsal ba so so blo bzhin no/ /
- 348b
rigs ni re rer 'du ba 'ang yin/ /re re ba yi blo yin phyir/ /dgag pa dag ldan dag rnams la/ /bram ze la sogs zlog pa bzhin/ /ba lang nyid la gcig ngos blo/ /log par brjod par nus ma yin/ /'di la gnod pa'i shes pa'am/ /rgyu'i nyes pa yod pa yin/ /zhes kyang bshad do/ /de'i phyir 'dir re zhig sgrub pa ma tshang ba yin te/ ba lang gcig nyid ma grub pa'i de'i rgyu mtshan can gyi ba lang gcig gi blo yang grub pa yin no/ /ji ste spyir rgyu mtshan gcig nyid sgrub pa de'i tshe sgrub pa la sgrub pa yin te/ rigs mi mthun pa rnam par gcod pas ba lang gi ldog pa gcig brtag pa rgyu mtshan du 'dod pa'i phyir ro/ /ba lang gi blo khra bo las ma yin no zhes pa 'di yang dngos su de la skye ba dgag pa sgrub na grub pa la sgrub pa yin te/ de ni rang gi mtshan nyid nyams su myong ba dang yid la byed pa la sogs pa dbang du tshod pa'i phyir ro/ /'di de brgyud nas kyang de las mi 'byung ngo zhes sgrub na de'i tshed ma bcas pa nyams su myong ba dang 'gal ba dang dpe yang bsgrub bya ma tshad ba yin no/ /gzhan la dmigs pa nyid sgrub na yang khra bo nye ba na 'di ni ba lang ngo zhes blo skye ba gang yin pa de gal te de las gzhan la dmigs pa'o zhes bsgrub na 'di'i tshe 'di la yang nyams su dang 'gal te/ 'di ltar de ni gong bu nye ba nges pa ni 'jug la dpe yang bsgrub bya ma tshang ba yin no/ /ci ste de med cing bu yul la sogs pa nye bar de ltar 'jug pa'i blo gang yin pa de las gzhan la dmigs so zhes bya bar sgrub na de'i tshe grub pa la sgrub po/ /gal te dngos po yod la dmigs pa'o zhes sgrub na de'i tshe ma des pa yin no/ /'di ni don dam par dngos po yod pa la dmigs pa cung zad kyang yod pa ma yin no zhes bstan zin pa'i phyir ro/ /gang yang re re la yongs su rdzogs pa'i don gyi yul can nyid du bsgrub pa de la yang spyir sgrub na grub pa la sgrub pa yin te/ dngos po re re la de ma yin pa'i ngo bo las log pa'i dngos po'i ?
- 349a
'jug pa'i phyir ro/ /'on te spyi zhes bya ba rtag pa gcig pu re re la yongs su rdzogs pa'i dngos por gyur pa'i tshig gi don can nyid (rtsa ba na de'i dpal) sgrub bya ma tshang zhing gtan tshigs kyang ma nges pa yin te/ rnam pa de lta bu'i chos kyis gang du rjes su 'gro ba ma grub pa'i phyir ro/ /gcig bdag nyid thams cad kyis mang po dag yongs su rdzogs pa nyid yin na gsal ba phan tshun tha dad pa thams cad ngo bo nyid 'gyur te/ gsal ba gcig gi mthar thug pa'i rang bzhin gyi spyi'i dngos pos reg pa'i phyir gsal ba gcig gi ngo bo bzhin no/ /yang na spyi du ma nyid du 'gyur te/ cig car dngos po du ma la yongs su rdzogs pa'i bdag nyid kyi ngo bo yin pa'i phyir yul ces ring ba na gnas pa'i gnod na yod pa'i ches mang? ba'i bil bi la sogs pa'i 'bras bu bzhin no zhes bya ba ni rjes su dpag pas gnod pa'o/ /des na 'di la gnod par byed pa'i shes pa yod pa yang ma yin no zhes gang smras pa de ni ma grub pa te/ gnod pa sngar bshad zin pa'i phyir dang/ /'chang bar 'gyur pa'i phyir ro/ /gal te yang rigs gcig nyid du sgrub na yang rigs re re dang 'du ba nyid du ma grub pa'i phyir blo gcig gis gzung bar bya ba nyid du ma grub pas gtan tshigs bzhin ma grub pa yin no/ /bram ze la sogs pa zlog pa yang don dam par dngos po du ma yin te/ dngos po ma yin pa'i phyir zhes bya ba ni dpe bsgrub bya ma tshang ba yin no/ /btags pa'i gcig nyid sgrub na grub pa la sgrub pa yin te/ btags pa'i sel ba'i ngo bo gcig tu 'dod pa'i phyir ro/ /gang yang 'di la rgyu'i nyes pa yod pa yang yod pa ma yin no zhes brjod pa de yang ma grub pa nyid de/ /ma rigs pa'i bag chags thogs ma med pa'i mtshan nyid kyi rgyu'i skyon yod pa'i phyir ro/ /de'i phyir de ltar tshul 'di
- 349b
rtags don 'di dag sun dbyung bar bya'o/ /de ltar re zhig gzhan gyis smras pa'i spyi'i sgrub byed rnams rgyas par sun 'byin pa brjod nas spyi'i gnod par byed pa'i tshad ma brjod par 'dod nas/ /gzhan yang zhes bya ba la sogs pa smos te/ gdon mi za bar spyi tha dad pa dag la 'jug par 'dod par bya dgos te/ de lta ma yin na ji ltar dag la de'i rgyu mtshan can gyi gcig rnams pa can gyi blo nges par 'grub par 'gyur/ de la 'di'i 'jug pa gnas pa'i mtshan nyid yin pa 'am/ de mngon par gsal ba'i mtshan nyid yin/ gnas pa yang rnams gnyis te/ rang gi ngo bo mi 'jig pa'i mtshan nyid yin pa 'am/ thur du lhung pa'i mtshan nyid gegs byed pa'i mtshan nyid yin grang/ de la re zhig dang po ni ma yin te/ rtag pa'i phyir rang nyid kyis rang bzhin mi 'jig par grub pa'i phyir ro/ /gnyis pa yang ma yin te/ lus can ma yin pa dang thams cad du song ba dag gis phyir bya ba med pa nyid kyis thur du lhung ba mi srid pa'i phyir ro/ /de'i phyir rten rnams de'i gegs byed pa nyid mi rigs so/ /tha dad pa dag pa spyi gnas pa gang yin pa de ni gnas pa yin no zhes bya ba 'di yang lan ma yin pa nyid de/ 'du ba de nyid dpyad par bya ba yin pa'i phyir ro/ /'di ltar rten dang brten pa logs shig ma yin par grub pa'i ngo bo'i mtshan nyid de ni 'du ba zhes bya'o/ /spyi'i brten pa de yang de dang 'brel pa'i gnas pa nyid kyis sam/ des gsal bar bya ba nyid kyis yin zhes bya ba 'di nyid dpyod pa rtsom pa yin no/ /phan tshun ma 'dres pa'i bdag nyid rnams kyis cung zad kyang mi byed pa don gzhan du 'gyur pa rigs pa ni ma yin te/ ha cang thal bar 'gyur pa'i phyir ro/ /de lta na ni thams cad nyid kyi 'du bar 'gyur ro/ /'di ltar phan tshun ldog pa'i
- 350a
lus can gyi dngos po sre bar byed pa gang yin pa de 'du bar brtags te/ don gzhan du gyur pa yod na yang rang gi bdag nyid la gnas pa'i phan tshun tha dad pa rang bzhin 'brel pa yod pa yang ma yin te/ rang gi ngo bo nyams par thal par 'gyur pa'i phyir ro/ /don gzhan du gyur pa de la 'du ba po zhes mi byed na ni rtsod pa med pa don gzhan du gyur pa'i gnas pa'i rigs pa ma yin no/ /'pho ba'i gegs ni zhes bya ba la sogs pas spyi la rten du rtogs pa shin tu 'brel pa med par ston pa yin no/ /'pho ba med pa med pa ni 'pho ba dang bral ba rnams te/ lus can ma yin pa dang thams cad du song ba dag gis 'pho ba med pa'i phyir ro/ /des na gsal ba'i mtshan nyid kyi gnas pa yang rigs pa ma yin te 'di ltar des gsal ba ni de'i yul can gyi shes pa skye bar byed pa nyid yin gyi/ rtag pa gzhan du byed pa mi srid pa'i phyir/ rang bzhin yongs su rgyas pa'i mtshan nyid ni ma yin no/ /de lta yin dang gal te rang nyid kyi shes pa skyed par nus nas de'i tshe ci'i phyir na gsal ba'i rgyu la bltos par 'gyur/ 'on te mi nus na de'i tshe yang gzhan gyis khyad par bogs dbyung du med pa'i phyir de la bltos pa rigs dang ldan pa ma yin no/ /gzhan gyi khyad par du byed par khas len na yang mi rtag pa nyid du ngal bar 'gyur te/ de ltar na gsal ba bzhin du thun mong ma yin pa'i phyir spyi dngos por mi 'gyur ro snyams du bsams pa'o/ /de lta bas na brjod pa dang sgra dag yod pa'i phyir ma lus pa nyid ni spyi'i tshig gi don yin par brjod do/ /sbyor ba ni gang zhig gang la 'jug pa'i rgyu mtshan cung zad med pa de ni de la 'jug pa ma yin te/ 'bigs byed la gangs can bzhin no/ /spyi yang tha dad pa dag la 'jug pa'i rgyu mtshan cung zad kyang med do zhes bya ba ni khyab par byed pa mi dmigs pa'o/ /bum sogs zhes
- 350b
bya ba la sogs pa skyon gzhan yang 'chad do/ /bum pa lo sogs pa'i rigs tha dad pa ni bum pa nyid dang ? nyid la sogs pa aste/ thams cad du song ba nyid du brjod pa na res 'ga' rang gis rten tsam la khyab pa nyid du brjod pa'am/ yang na gang gsal bas stong pa'i yul thams cad na yod pa yin zhes bya ba rnam par rtog pa gnyis so/ /mchog gi rig bzhin zhes bya ba la mchog ces bya bas yul chen po nyid kyis yod pa brjod do/ /'di yang yul chen po nyid tsam du mtshungs pa nyid kyis dper byas kyis gsal ba'i bar na gnas pa'i yul la khyab pa nyid kyis de yang de'i tshe chos ma gtogs pa ni ma yin no/ /de la phyogs dang po la nyes pa bshad la/ de la dngos po zhes bya ba la sogs pa'o/ /bum pa la sogs pa'i gsal bas stong pa'i yul du bum pa la sogs pa'i dngos po skye ba na de dag de rigs kyi bye brag bum pa la sogs pa rnams ji ltar de la ste bum pa la sogs pa la 'jug pa 'am mthong bar 'gyur zhes bya/ mi shes te khong du ma chud do zhes bya ba'i tha tshig go /ci ltar zhe na/ rtag phyir zhes bya ba la sogs pa smos te/ 'di ltar de dag bum pa la sogs pa gsal ba tha dad pa dang lhan cig skye bar 'gyur ba 'am/ de na snga nas gnas par 'gyur ba 'am/ yul gzhan nas 'ongs par gyur pa de'i tshe der mthong ba 'am 'jug par 'gyur/ gang gi phyir de dag skye ba ma yin te/ rtag pa'i phyir ro/ /snga nas gnas pa yang ma yin te/ thams cad du khyab pa ma yin pa'i phyir ro/ /yul gzhan nas 'ongs pa yang ma yin te/ bya ba med pa'i phyir ro/ de lta bas na ji ltar de dag la de dag 'jug pa'am dmigs par 'gyur/ sbyor ba ni gang zhig gang du skye ba ma yin zhing snga nas gnas pa yang ma yin zhing byas yul gzhan nas 'ongs pa dang ldan pa yang ma yin pa de dag der dmigs pa 'am 'jug pa ma yin te/ ri bong gi mgo la de'i rang bzhin no/ /bum pa la sogs pa'i dngos po la des stong pa'i yul du skye ba dang ldan pa'i spyi yang de bzhin no/ /
- 351a
zhes bya ba ni khyab par byed pa mi dmigs pa'o/ /gtan tshigs ma nges pa yang ma yin te/ de la 'jug pa dang dmigs pa dag gi rnam pa gzhan med pa'i phyir ro/ /phyogs gnyis pa la yang nyes pa bshad pa/ rang rten zhes bya ba la sogs pa smos te/ rang gi rten dang dbang po ldan pa la sogs pa'i dmigs pa'i rgyu la ste/ sogs pa'i sgras ni bdag dang yid phrad pa la sogs pa gzung ngo/ /de'i phyir gsal ba tha dad pa gcig la rigs tha dad pa de dag 'dzin pa na rigs mi mthun pa gsal ba tha dad pa'i bar thams cad du yang dmigs par 'gyur te/ de dag bdag nyid ji lta ba bzhin du ngo bo gcig nyid kyi re re la bzung ba'i ngo bo las tha mi dad pa'i phyir ro/ /'di nyid gsal bar bya ba'i phyir/ gal te shes las zhes bya ba la sogs pa smos te/ ji ltar mthong ba'i gsal ba dang 'du ba'i spyi'i ngo bo shes zin pa las gsal ba'i bar na gnas pa'i spyi'i ngo bo tha dad pa yin no zhe na/ de'i tshe de yang 'dzin par 'gyur te/ gzung zin pa'i rang gi ngo bo bzhin du bzung zin pa las tha mi dad pa'i phyir ro/ / ji ste de 'dzin pa mi yin na ma bzung ba'i ngo bo dang tha dad pa'i phyir/ /bzhin du mthong ba'i gsal ba dang 'du ba yang 'dzin par mi 'gyur/ ci ste gnyi ga'i ngo bo nyid du khas len par byed na de'i tshe phan tshun 'gal ba'i chos dang ldan pa'i phyir rang bzhin tha dad par 'gyur ro/ /'dzin pa dang mi 'dzin pa phan tshun 'gal ba'i chos dang ldan pa yang yin la gcig kyang yin no zhes sems rnal du gnas pas brjod par rigs pa ma yin te/ ha cang thal bar 'gyur pa'i phyir ro/ /de lta na ni sna tshogs rdzas gcig tu 'gyur la/ de lta yin dang lhan cig skye ba dang 'jig pa la sogs par thal bar 'gyur ro/ /de lta ma yin na gcig ces bya ba ming tsam du 'gyur la ming la ni rtsod pa yang med do/ /de'i phyir de
- 351b
ltar rigs rnam pa thams cad du sun dbyung nas sbyor ba dgod pa'i phyir/ shing sogs shes pa zhes bya ba la sogs pa smos te/ gang dag rim can nyid dag rjes su 'jug pa nyid dang/ dngos po nyid dang/ skyo ba dang ldan pa nyid la sogs pa'i chos dang ldan pa de dag na gzhan gyis kun tu brtags pa'i rtags pa dang gcig pu dang thams cad du song ba'i spyi las byung ba ma yin te/ 'tshed pa la sogs pa'i shes pa bzhin no/ /shing ljon pa la sogs pa'i shes pa 'di dag kyang bzhin no zhes bya ba ni bgal bas khyab pa dmigs pa ste de rtags pa'i dngos po dang 'gal ba mi rtag pa'i dngos pos rim can nyid la sogs pa la khyab par phyir ro/ /rtag pa ni rim ma yin pa dag gis don byed pa 'gal ba'i phyir gtan tshigs ma yin no/ /dpe la bsgrub bya ma tshang ba yang sngar rgyas bsgrubs zin pa'i phyir dpe ma grub pa ma yin no/ /gnod par byed pa gzhan yang bshad pa/ yang na ldan pa zhes bya ba la sogs pa ste/ de la ldan pa sun 'byin pa na gcig nyid du ma la 'jug pa mi rigs gnod byed tshad ma'o zhes bya ba 'dis gnod par byed pa brjod do/ /de ni ji ltar gcig tu ma 'jug pa mi rigs pa de bzhin du yan lag can sun 'byin pa na de gcig 'jug pa bsten pa 'am zhes bya ba la sogs pas de ltar zhes bya ba la sogs pas mjug sdud par byed de/ gang dag bye brag pa la sogs pas gsal ba las rigs gcig du tha dad par 'dod pa de dag la nyes pa 'di brjod kyi/ yang gang dag rgyal ba pa dang rgyal ba po gang dang grang can pa la sogs pa rigs tha mi dad pa 'am gnyi ga'i ngo bor 'dod pa de dag gis brjod pa'i rigs da? nam mkha' i gos can gyi zhar la 'gegs par 'gyur ro/ /'di ni bye brag pa dang rigs pa can gyis brtags pa'i rigs dag gi pa'i skabs yin pas sun ma phyung ste/ skabs ma yin pa'i
- 352a
phyir ro snyam bsams pa yin no/ /de kho na nyid bsdus pa'i bka' 'grel las spyi'i tshig gi don brtag pa ste/ bco brgyad pa'o// //bye brag pa sun dbyung ba'i phyir gang yang zhes bya ba la sogs pa smos te/ re zhig khyad par gyi mtshan nyid rtag pa'i rdzas la 'jug pa nyid dang/ mdza' i rdzas la 'byung ba nyid gang yin pa de ni mi srid pa'i skyon gyis sun phyung ba'i phyir mtshan nyid ma yin pa kho na'o/ /rtag pa'i rdzas ni cung zad kyang yod pa ma yin te/ nga ni sngar rdzas rtag par bkag zin pa'i phyir te/ ji ltar 'di dag gis 'jug pa de 'grub par 'gyur/ gang yang rnal 'byor pa rnams kyi khyad par gyi shes pa'i stobs kyis 'di dag yod pa nyid du sgrub pa de la yang ma nges pa yin no zhes ston pa ni/ de'i gal te rdul phran zhes bya ba la sogs pa'o/ /'di ltar rdul phra rab la sogs pa'i ngo bo rang rang gi ngo bo la gnas pa'i phyir phan tshun sel bur 'gyur pa'am/ 'dres par 'gyur pa yin grang/ gal te phyogs dang po yin na de'i tshe rang nyid kyis dngos po ma 'dres par dmigs pa las de dag la rnal 'byor pa rnams kyi phan tshun mi 'dra ba'i blor gyur pa'i phyir bye brag gzhan rtags pa don med do/ /ci ste phyogs gnyis pa yin na de'i tshe ji ltar bye brag gi don gzhan nye ba na yang phan tshun tha dad pa'i ngo bo dag la rnal 'byor ba rnams la mi 'dra ba'i shes pa ma 'khrul pa skye bar 'gyur/ /de ni 'khrul pa nyid du 'gyur te/ de ma yin pa la de ltar 'jug pa'i phyir ro/ /de lta yin dang rnal 'byor pa nyid ma yin par 'gyur te/ 'khrul pa'i shes pa dang ldan pa'i phyir ro snyam du bsams pa yin no/ /gzhan yang gal te bye brag ces bya ba tshig gi don gzhan med par mi 'dra ba'i blo mi skye na de ji ltar bye brag de dag nyid la mi 'dra ba'i blor 'gyur/ de dag la bye brag gzhan yod pa ni ma
- 352b
yin te/ thug pa med par thal par 'gyur pa'i phyir dang/ bye brag la mi 'jug pa'i phyir rtag pa'i rdzas la 'jug pa dang mdza' yin no zhes khas blangs pas nyams par yang thal bar 'gyur ba'i phyir ro/ /ci ste rang nyid kyis de dag phan tshun mi 'dra ba'i blo'i rgyu nyid du khas len par byed na de'i tshe rdul phra rab la sogs pa rnams kyi yang de'i rgyu nyid rang nyid las yin la rag mod/ /gang gis de dag rang nyid kyis phan tshun ldog pa'i lus can gyis yod pa yang rdul phra rab la sogs pa phan tshun mi 'dra shes pa skyed pa'i rgyu mi 'dod pa 'dir de dag la ldang ba ci zhig yod/ bye brag rnams la 'dod pa zhes bya ba 'di la rmongs pa las ma gtogs pa 'di la cung zad kyang ma mthong ngo/ /ji ltar khyi sha zhes bya ba la sogs pas 'di la bkra shis blo gros kyi lugs kyi lan gyi dogs pa bsu ba yin/ des smas pa ji ltar khyi sha la sogs pa rang nyid kyis mi gtsang ba nyid yin la de dang 'brel pas gzhan dag kyang yin te/ de bzhin du 'di yang de'i bdag nyid bye brag gzhan dag la rang nyid kyis ldog pa'i shes pa'i rgyu yin la de dang 'brel pas rdul phra rab dag kyang yin no/ /gzhan yang de'i bdag nyid la yang shes pa gzhan gyi rgyu mtshan gzhan can du 'gyur ba nyid yin te/ dper na/ sgron ma la bum pa la sogs pa la yin gyi sgron ma la bum pa la sogs pa dag gis ni ma yin zhes bya bar nges pa bzhin no/ /'di ni zhes bya ba ni bum pa la sogs pa'o/ /'di de bzhin zhes bya ba ni me 'dra ba mtshon pa ste/ rdul phra rab la sogs pa rnams ni bye brag rnams kho na las yin la bye brag rnams rang nyid kyis so zhes bya ba'i don to/ /'on te mi gtsang zhes bya bas lan 'debs par byed de dngos po rnams kyis mi gtsang nyid ces bya ba ni rtog pas sbyar ba yin gyi nges pa med pa'i phyir don dam pa ni ma yin te/ 'di ltar rdzas gang kho na gtsang sbra can la sogs pa 'ga' zhig mi gtsang ba nyid du snang ba de kho na gzhan ngo
- 353a
sreg mkhan la sogs pa gtsang ba nyid du snang ngo/ /gcig la phan tshun 'gal ba'i ngo bo du ma tshogs pa rig yang ma yin te/ gcig nyid nyams par thal bar 'gyur ba'i phyir ro/ /rnam pa gcig tu na dngos po rnams dngos su mi gtsang pa yin du chug mod/ /de lta ma yin na 'di dpe dang mtshungs pa ma yin te/ 'di ltar zas la sogs pa'i dngos po khyi sha la sogs pa mi gtsang ba'i rdzas dang phrad pa las sngar gyi gtsang ba'i rang bzhin ngor nas mi gtsang ba gzhan nyid skye ba yin no/ /des na 'di dag gi gzhan gyi rgyu mtshan can gyi mi gtsang ba nyid rigs pa yin no/ /de bzhin du gang gi 'di dag gi mi 'dra ba gzhan gyi rgyu mtshan can du 'gyur ba rdu phra rab la sogs pa dag la rgyu mtshan cung zad yod pa ma yin na/ /rdul phra rab la sogs pa rtag pa de dag ni skye ba med pa'i phyir de 'byung ba med pa'i phyir ro/ /de bzhin sgron ma'i dpe la yang gzhan gyi rgyu mtshan can bum pa la sogs pa'i shes pa skyed pa'i rgyu nyid sbyar bar bya'o/ /mi mthun blo ni zhes bya ba la sogs pas bye brag gis gnod par byed pa'i tshad ma bshad pa yin te/ 'di la yang snga ma bzhin du rang gis ngo bo dang 'brel pa brjod par bya'o/ /de kho na nyid bsdus pa'i dka' 'grel las bye brag gi tshig don brtag pa ste/ bcu dgu pa'o// // 'du ba sun dbyung ba'i phyir/ snal ma 'di la zhes bya ba smos te/ rten dang brten par gyur pa so so ma yin par grub pa rnams kyi 'di'i blo'i rgyu'i 'brel pa gang yin pa 'di ni 'du ba yin no/ /de yang snal ma 'di la snam bu zhes bya ba la sogs pa 'di la blo'i khyad par las don gzhan du rtogs te/ dper na yod pa dang rdzas nyid la sogs pa rnams rang gi rten la bdag dang rjes su mthun pa'i shes pa'i phyir rang gi rten la sogs pa dag dang phan tshun las don gzhan du gyur pa yin pa de bzhin du 'dra ba yang tshig
- 353b
gi don lnga la snal ma 'di dag la snam bu/ rdzas 'di rnams la yon tan dang las dag /rdzas dang yon tan dang las 'di dag la yod pa/ rdzas 'di la rdzas nyid yon tan 'di la yon tan nyid las 'di la las nyid/ rdzas 'di la mdza' i bye brag ces bya ba la sogs pa bye brag gi shes pa mthong ba'i phyir tshig gi don lnga po dag las don gzhan du 'gyur ba nyid yin par shes so/ /sbyor ba ni gang dag la gang gi rnam pa dang mi 'dra ba'i shes pa de ni de las don gzhan du 'gyur ba'i rgyu mtshan can yin te/ lhas byin la dbyug pa can gyi shes pa bzhin no/ /tshig gi don lnga la 'di la zhes bya ba'i shes pa 'di yang de bzhin no zhes bya ba rang bzhin gyi gtan tshigs su sems so/ /'di ni 'brel pa bstan pa'i phyir 'di ltar de med ces bya ba la sogs pa smos te/ rgyu mtshan med par 'byung na rtag tu yod pa la sogs pa thal bar 'gyur ba ni gnod pa can gyi tshad ma'o/ /de ltar re zhig bye brag pa la sogs pa'i lugs kyis 'du ba 'di la'i blo'i rtags kyi rjes su dpag par bya ba yin la rigs pa can gyi lugs kyis ni 'di la'i blo'i mngon sum gyi rtogs par bya ba nyid na yin te/ 'di ltar de dag ni mngon sum gyi bya ba yod pa na snal ma 'di dag la snam bu zhes bya ba la sogs pa'i shes pa skye ba'i phyir mngon sum nyid yin par smra'o/ /'du ba de yang ji ltar ldan pa 'brel pa can dag la tha dad pa de bzhin du tha dad pa ni ma yin no/ /'o na ci zhe na/ dngos po bzhin du ste/ yod pa bzhin du de'i rtags khyad par med pa'i phyir dang/ khyad par gyi rtags med pa'i phyir thams cad du ba gcig nyid yin no/ /ldan pa bzhin du zhes bya ba ni ches mi mthun pa'i dpe yin te/ rgyu med pa nyid kyi phyir yod pa nyid bzhin du rtag pa nyid du grub la/ tshad mas rgyu ma dmigs pa'i phyir rgyu med pa nyid du grub po/ /'di ni 'di la'i zhes bya ba la sogs pas sun 'byin pa rtsol te/ de'i phyir 'dis gtan tshigs gzhi ma grub
- 354a
par bshad do/ /snal ma 'di dag la snam bu zhes bya ba la sogs pa'i blo rnams rang gi grub pa'i mdza' la rjes su chags pas brtags pa nyid yin gyi/ 'jig rten na de bzhin du skye ba rigs pa ni ma yin pas de'i phyir bsgrub bya'i chos can ma grub pa yin na/ /rten dang brten par zhes bya ba la sogs pas chos can ma grub pa de nyid sgrub par byed pa yin te/ dag dag la sna tshogs pa nyid mtshon par 'gyur ba de dag nyid rten par 'gyur ba yin na 'jig rten pa 'di la'i blo 'byung par mthong ste/ dper na kham gzhong 'di ni bal ba zhes bya ba la sogs pa lta bu'o/ /snal ma dang snam bu dag la sna tshogs pa nyid mtshon pa'am yod pa yang ma yin te/ de ji ltar de ltar de la 'di la'i blor 'gyur/ 'di snyam du gal te kho bo cag gis 'di la'i blo 'di grub mdza' i stobs kyis brtags pa de lta na yang khyed cag gis 'di'i rgyu mtshan brjod par bya dgos so snyam du sems na/ rang gis 'dod pas zhes bya ba la sogs pa smos te/ gang dag gang gis rgyu nyid du mi 'dod pa de ni ji ltar rang nyid kyis 'bras bur brtags nas de'i rgyu brgal zhing brtag par byed gang gis 'dod pa'i dbang gis 'bras bu 'di rtog par byed pa khyed cag nyid la brgal zhing brtag par bya'o/ /dngos po'i rang bzhin ni 'dod pa'i rjes su byed pa yang ma yin te/ 'di dag ni rang dgar 'jug pa'i phyir de las dngos grub pa yin te/ thug pa med par thal bar 'gyur ba'i phyir ro/ /'di ltar khyed cag gis kun tu brtags pa'i dngos po la 'ga' zhig gzhan du yang brtags par nus pa'i phyir ro/ /gzhan yang snal ma 'di la snam bu zhes bya ba la sogs pa'i blo 'jig rten na ma grub pa 'ba' zhig tu ma zad kyi/ 'on kyang de las bzlog pa nyid du grub po zhes bstan pa'i phyir shing la yal ga zhes bya ba la sogs pa smos te/ shing la yal ga
- 354b
ri la brag ces bya ba la sogs pa de lta bu 'jig rten na mthong gi /yal ga la shing/ brag dag la ri zhes ni ma yin no/ /shing la yal ga zhes bya ba la sogs pa'i blo de yang 'du ba'i dbang gis ma yin gyi/ 'on kyang mi 'gro ba zhes bya ba gang yin pa'i brjod par 'dod pa'i yal ga dang brag dag las tha dad pa ma rtogs pa nyid du gnas pa'i lhag ma'i phrag pa la sogs pa'i yan lag de dag ni bar med par dmigs pa'i phyir ro/ /'dir mi 'gro ba'i sgras 'gro ba med pa'i phyir shing dang? ri la 'dod do/ /de dag la yang zhes bya ba ni brag dang yal ga dag la'o/ /'di dag ces bya ba ni ri dang shing dag go /'o na bum pa 'di la gzugs so/ /dri'o/ ro'o/ reg go /g.yo ba'o/ /zhes bya ba 'jig rten na rab tu grags pa'i shes pa gang yin pa 'di 'du ba ma gtogs pa gzhan gang zhig yul yin zhe na/ bum pa la zhes bya ba la sogs pa smos te/ de'i bdag nyid ni shes pas gzugs la sogs pa rnams bum pa'i rang bzhin du rtogs te/ 'jig rten na zhes bya ba lhag ma'o/ /bum pa las gzugs ni bum pa'i rang bzhin gyi gzugs te/ bum pa la sogs pa'i bdag nyid ces bya ba'i don to/ /gzugs la sogs pa mang po dag la thun mong ma yin pa'i nus pa'i khyad par bstan par 'dod nas de las gzhan pa'i gzugs la sogs pa rnam par bcad nas bum pa la sogs pa'i sgra sbyor te/ bum pa la sogs pa'i sgra ni re re la thun mong ma yin pa'i mig gi rnam par shes pa la sogs pa'i 'bras bu 'grub pa'i nus pa gsal bar bya ba'i don du sbyor bar byed ces de'i phyir bum pa la sogs pa'i sgra'i khyad par tha dad 'phen par byed pas gzhi mthun pa med pa'i phyir gzhi tha dad pa nyid kyis de'i bdag nyid kyis de'i bdag nyid du rtogs pa yin no/ /ci'i phyir gnyi ga sbyar zhe na/ gzugs dang bum pa zhes bya ba la sogs
- 355a
pa smos te/ 'di ltar gzugs la sogs pa'i sgra ni gzugs la sogs pa'i gnas skabs thams cad kyi rjod par byed pa yin te/ 'di ltar ji ltar bum pa'i bdag nyid du gnas pa'i gzugs la sogs pa ni gzugs la sogs pa zhes brjod de bzhin du snam bu la sogs pa'i bdag nyid du gnas pa dag la yang yin no/ /de ltar na gzugs la sogs pa sgra 'ba' zhig las gzugs la sogs pa'i gnas ci yin pa zhes bya ba'i khyad par rtogs pa ma yin no/ / bum pa la sogs pa zhes bya ba de lta bu sbyor ba na de dag ni bum pa'i bdag nyid yin no zhes rnam par bcad nas rtogs so/ /de bzhin du bum pa'i sgra yang dkar po dang ser po dang g.yo ba zhes bya ba la sogs pa bum pa'i gnas skabs thams cad brjod pa yin te/ de'i phyir 'ba' zhig pa las khyad par rtogs pa ma yin no/ /bum pa la gzugs dkar po zhes bya ba la sogs pa sbyor ba na ni de las gzhan pa'i gzugs la sogs pa bcad nas rtogs par 'gyur te/ de lta yin dang de ltar 'gyur ba'i khyad par de brjod pa'i phyir de bzhin de bum pa la sogs pa la gzugs zhes bya ba gang dag sbyar te/ sgra zhes bya ba lhag ma'o/ /sgra de dag la brten nas bum pa la sogs pa 'di dag la bum pa la gzugs la sogs pa zhes bya ba la sogs pa'i rnam pa des shes pa 'jug gi /'du ba la brten nas 'jug pa ni ma yin no zhes 'brel to/ /'di'i rgyu smras pa ni thams cad kyis khyad par ma mthong ba'i phyir ro zhes bya ba ste/ gang gis blo 'di 'du ba'i rgyu mtshan can du 'gyur ba 'du ba dang bum pa dang gzugs la sogs pa thams cad phan tshun tha dad du dmigs pa ni ma yin no/ /'dis ni gtan tshigs ma nges pa nyid dang dam bcas pa la rjes su dpag pas gnod pa nyid
- 355b
bstan to/ /gang yang 'di la'i blo khyad par med pa'i phyir zhes bya ba la sogs pa smras pa de la/ gal te dngos po zhes bya ba sogs pa smos te/ gal te 'jig rten gsum na 'du ba gcig yod par gyur na de'i tshe gyo mo dag la snam bu'o zhes bya ba la sogs pa'i blor 'gyur zhing/ rta la sogs pa la yang ba lang nyid la sogs pa yod pa'i phyir de ltar 'gyur ro/ /de lta yin dang khra bo la sogs pa'i bye brag bzhin du glang po la sogs pa la yang ba lang la sogs pa'i shes par 'gyur ro/ /'di ltar gang gis phyir 'du ba'i stobs kyis snal ma dag la snam bu'o snyam pa'i rtog par brjod pa snam bu'i 'du ba 'di gyo mo la sogs pa la yang yod pas ci'i phyir de ltar rtogs par 'gyur/ 'di snyam du gyo mo dag la snam bu brten pa na ma yin te/ des na de la de ltar rtogs par mi 'gyur ro snyam du sems pa de yang log pa yin te/ 'di ltar gang gi snal ma dag kho na la snam bu yod cing de la blo mi 'gyur ba 'du ba'i dbang gis snal ma dag la yang snam bu brten pa zhes bya bar brjod pa gang yin pa'i 'du ba de gyo mo dag la yang ci ste med/ 'on kyang snal ma snam bu'i 'du ba zhes bstan pa gang yin de kho na bum pa'i gyo mo dag la yin te/ de'i phyir ji ltar 'chol bar mi 'gyur/ des na de'i phyir blo bar chad med pa ste/ bar chad dang bral bar 'gyur ro/ /de'i phyir rdzas dang/ yon tan dang/ las rnams kyi rdzas nyid dang/ yon tan nyid dang/ las nyid la sogs pa'i khyad par rnams kyi 'brel pa gcig yin pa'i phyir tshig go don la rnam par dbye ba med par 'gyur ro/ /de ltar zhes bya ba sogs pas glang po la sogs pa la ba lang la sogs pa'i blor thal bar 'gyur ba sgrub par byed do/ /de gcig na yang zhes bya ba la sogs pas bkra shis blo gros kyi lan dogs par byed pa yin te/ des smras pa/ gal te yang 'du ba gcig yin pa de lta na yang rten dang brten par nges pa'i phyir tshig
- 356a
gi don lnga 'chol bar 'gyur ba ma yin te/ 'di ltar rdzas dag kho na la rdzas nyid dang/ yon tan dag kho na la yon tan nyid dang/ las dag kho la las nyid ces bya ba de lta bu la sogs pa so sor nges pa'i rten rnam par bcang nas rtogs pa skye ba yin no/ /'o na de lta na tshig gi don re re 'du? ba tha dad par 'gyur ro zhe na/ 'di la zhes bya ba la sogs pa smos te/ 'di la zhes bya ba'i 'du ba'i rgyu mtshan gyi shes pa thams cad du tha mi dad pa'i rnam pas rjes su 'gro ba mthong ba'i phyir thams cad du 'du ba ni gcig yin no zhes bya ba rtogs so/ /gcig nyid yin na yang rdzas nyid la sogs pa'i rgyu mtshan gyis blo so sor nges pa'i rten rnam par bcad nas ldog pa ste rjes su mi 'gro bar mthong ba'i phyir rdzas la sogs pa'i rigs rnams ldog pa nyid du shes te/ des na tshig gi don lnga 'chol par mi 'gyur ro/ /yang ji ltar 'brel pa khyad par med na yang 'di dag gi rten dang brten pa so sor nges par rigs she na/ dper na zhes bya ba la sogs pa smos te/ ji ltar kham gzhong dang zho dag gi ldan pa gcig yin na yang rten dang brten pa nges par 'gyur ba de bzhin du rdzas la sogs pa rnams kyi 'du ba gcig yin na yang gsal bya gsal byed kyi nus pa tha dad pa'i phyir rten dang brten pa so sor nges pa yin no/ /de zhes bya ba ni rten dang brten pa nges pa'o/ /gcig na zhes bya ba la sogs pas lan 'debs par byed de/ kho bo cag la ni gzugs la sogs pa nyid gzugs la sogs pa la brten pa'i nges pa ma grub gyi 'on kyang khyed cag nyid la yin no/ /'du ba de yang thams cad du gcig nyid du khas len pa na 'thad par dka' o zhes thal ba sgrub par byed de/ 'di ltar rdzas kho na la rdzas nyid ces bya ba de lta bu'i nges par 'dod pa gang yin pa de ni 'du ba'i stobs nyid las yin no//
- 356b
rdzas nyid la sogs pa de'i yul 'du ba gang yin pa de kho na yon tan la sogs pa la yang yod/ yon tan nyid la sogs pa de dag dang 'brel pa'i phyir ro/ /gal te 'brel pa yod pa de lta na yang de nyid la 'du ba yin no zhes ji ltar nges she na/ de dag gi 'di zhes bya ba la sogs pa smos te/ de dag gi zhes bya ba ni rdzas nyid dang yon tan nyid la sogs pa rigs dag gi'o/ /de lta yin dang rgyu mtshan tha mi dad pa'i phyir de 'chol bar thal bar 'gyur ba bzlog par dga' snyam du bsams pa'o/ /gzhan du zhes bya ba la/ gal te rdzas la rdzas nyid kyis 'du ba gang yin pa de kho na yon tan la sogs pa dag la yon tan nyid la sogs pa mi 'gyur na de'i tshe ldan pa bzhin du rten so so la 'du ba tha dad par 'gyur ro/ /gang yang rdzas nyid sogs rgyu mtshan gyi zhes bya ba la sogs pa smos pa de'i rdzas nyid la sogs zhes bya ba la sogs pa smos te/ rgyu mtshan ma tshang ba med pa yod pa na 'bras bu ldog pa ste med pa mi rigs te/ de'i 'bras bu ma yin pa nyid du thal bar 'gyur ba'i phyir ro/ /de lta na blo ldog par mi rung pa'i phyir rten dang brten par de'i nges pa mi rigs so/ /'on te rdzas kho na rdzas nyid rten te gnas so zhes bya ba la sogs pa'i tha snyad las nges par 'gyur ba ma yin nam zhe na/ de la brten pa zhes bya ba la sogs pa smos te/ khyed cag gis 'du ba de nyid las brten pa nyid la sogs pa'i rnam par gzhag pa brjod de/ de yang thams cad la khyad par med pa na ji ltar nges pa 'di rigs pa yin/ 'di lta bas na rten dang brten pa'i dngos po de'i brten pa la sogs pa nges pa 'di yang rigs pa ma yin te/ 'di rten dang brten pa dang lhan cig grub pa dang bde ba gcig pa'i phyir ro/ /'o na gsal ba gsal byed kyi nus pa nges pa las nges par 'gyur ro zhe na/ gsal bya zhes bya ba la sogs pa smos te/ rdzas la sogs pa rnams ni rdzas
- 357a
nyid kyi spyi gsal bar byed pa gang brjod pa de ni 'du ba'i stobs nyid kyis yin te/ 'di ltar gang kho na las rdzas nyid rdzas la 'du ba de kho na las des de gsal ba'o zhes brjod do/ /gzhan las zhes bya ba ni bde bar gshegs pa pas brjod pa las te/ shes pa skyed par rung ba'i rang bzhin skyed pa las so/ /gang gi phyir yod pa la sogs pa'i rtag pa rnams kyang 'du bar 'dod la/ rtag pa rnams skye bar rigs pa ma yin no/ /'di nyid mar me la sogs zhes bya ba la sogs pas grub par byed de/ gang yang kham gzhong dang zho'i ldan pa dpe nyid du smras pa de yang kho bo cag la ma grub po zhes ston pa ni/ kham gzhong zhes bya ba la sogs pa'o/ /gong bu zhes bya ba ni sngar pa'i tshig gi don sun dbyung bar ro/ / ldan pa gcig yin du chug mod de lta na yang thal bar 'gyur ba mtshungs pa kho na'o zhes ston pa ni de las zhes bya ba la sogs pa ste/ de las shes pa ldan pa las so/ /ha cang thal bar 'gyur ba ni zho la kham gzhong zhes bya ba ldan pa'i tshig gi don la sogs pa'i blor thal bar 'gyur ba ste ldan pa'i rgyu mtshan khyad par med pa'i phyir ro/ /gang yang rgyu ma dmigs pa'i phyir 'du ba rtag pa yin no zhes smras pa de la /'di ni rtag pa zhes bya ba la sogs pa smos te/ gal te 'du ba rtag pa nyid du gyur na de'i tshe rang gi rten dag la de dag rtag tu gnas pa'i phyir bum pa la sogs pa rnams kyang rtag par thal bar 'gyur te/ 'di ltar 'du ba yod pa nyid las 'di dag rang gi rten dag la gnas par 'dod la/ 'du ba de yang rtag pas ci'i phyir 'di dag rtag tu gnas par mi 'gyur/ rang gi rtsom byed ces bya ba la sogs pas gzhan gyi lan gyi dogs pa bsu ba yin no/ /'di snyam du bum pa la sogs pa rang rtsom par byed pa'i yan lag gang dag yin pa de dag byed 'am zhog pas bum pa la sogs
- 357b
pa 'jig pa yin te/ dper na snam bu'i 'khal ba dang 'thag pa dag gi bya ba la sogs pa reg pa dang don ldan pa'i rdzas la sogs pa dag las 'jig pa bzhin no/ /ji skad du reg pa dang ldan pa'i rdzas dang 'brel pa dang 'bras bu dang 'gal ba las las 'jig go zhes bshad pa lta bu'o/ /de bzhin du blo ni blo gzhan gyis 'jig pa sgra yang sgra gzhan gyis so zhes bya ba ni gzhan gyi lugs yin no/ /des na 'du ba yod na yang gnas pa'i rgyu lhan cig byed pa'i rgyu gzhan med pa'i phyir dang/ 'gal ba'i rkyen dang phrad pas bum pa la sogs pa rtag par thal bar mi 'gyur ro zhes bya ba ni gzhan gyi bsams pa'o/ /de lta ma yin zhes bya ba la sogs pas lan 'debs par byed pa yin no/ /'di mi rigs te/ 'di ltar gyo mo la sogs pa rang rtsom par byed par yan lag de dag rang rtsom par byed pa'i yan lag gzhan la 'du la/ de dag kyang gzhan dag la ste rdul phra rab kyi bar du 'dod la/ rdul phra rab de yang rtog pa'i phyir gzhan du 'gyur ba ma yin no/ /de lta yin dang thams cad kyi rang rtsom par byed pa'i yan lag rnams la 'du ba thams cad du yod pa'i phyir 'jig pa 'am byed par ga la 'gyur/ kyang gi sgras ni de rtsom par byed pa'i rdzas rnams 'ba' zhig tu ma zad bya ba la sogs pa rnams kyang yin no bstan to/ /gal te rang rtsom par byed pa'i yan lag rnams 'jig par khas len na de'i tshe 'du ba 'di yang nges par 'jig par 'gyur te/ ci'i phyir zhe na/ 'brel pa can ni ldog pa na zhes bya ba la sogs pa smos te/ 'di nyid bsgrub par byed pa'i phyir 'brel pa can ni zhes bya ba la sogs pa smos te/ de lta yin dang 'brel pa can zhig yin pa'i phyir ldan pa zhig pa bzhin du 'du ba la mi rtag pa'o zhes bstan par 'gyur ro/ /yang na ma zhig pa'i ldan pa'i rdzas gnyis bzhin du 'grel pa ma zhig pa'i phyir 'brel pa can rnams
- 358a
gnas par 'gyur ro/ /de lta ma yin na gnyi ga yang de yang 'brel pa'i rang bzhin nyams par thal bar 'gyur ro/ /'brel pa can gcig ces bya ba la sogs pas gzhan dag rtsom par byed do/ /'di snyam sems te/ gal te gtan tshigs dang po 'brel pa can mdza' dag zhig pa'i phyir zhes bya ba gtan tshigs kyi don du 'dod na de'i tshe gtan tshigs kyi phyogs kyi phyogs gcig la ma grub ste/ gang du yang 'brel pa can 'di dag 'jig pa yod pa ma yin te/ 'jig pa'i dus na yang rdul phra rab rnams lus pa'i phyir ro/ /ci ste ji zhig ltar 'brel pa can zhig pa nyid srid pa'i dbang byas nas gtan tshigs su brjod na de'i tshe ma nges pa yin te/ gal te 'brel can gcig 'ba' zhig tu zhig pa de lta na yang 'brel pa can gzhan gyi rgyu mtshan 'di'i gnas par 'gyur ro/ /de lta na tshul 'dis ldan pa yang rtag pa nyid du 'gyur ro zhes dogs par byas nas gzhan dag lan 'debs pa ni/ ldan min tha dad phyir zhes bya ba smos te/ ldan pa ni ldan pa can so so la tha dad pa yin te/ des ni 'di mi rtag pa nyid du rigs kyi 'du ba ni 'gro ba 'di la zhes bya ba'i shes pa'i rgyu mtshan can tha mi dad pa'i phyir cig kho na'o// des na 'di mi rtag pa nyid du mi rigs te/ gzhan du yang 'brel pa can gzhan la de dmigs pa'i phyir ro/ /gal te de ltar zhes bya ba la sogs pas lan 'debs par byed de/ 'di ltar gang dag rang gi rgyu la sogs pa dang 'du ba'i bum pa la sogs pa de dag zhig pa na de dag ni rang gi rgyu dag la 'jug pa'i bdag nyid kyi 'du ba 'di brtags pa de nyid ci /de dag zhig pa na 'brel pa can gzhan dag la yod dam/ 'on te dper na ldan pa can so so ldan pa can mang po tha dad pa de bzhin du
- 358b
gzhan nyid yin/ sogs pa'i sgras ni bya ba gzung ngo/ /de la gal te phyogs dang po yin na de'i tshe sngar gyi gnas skabs bzhin du 'jug pa ma zhig pa'i phyir bum pa la sogs pa gnas pa kho nar 'gyur la/ bum pa la sogs pa de dag kyang mi gnas na 'jug pa mi gnas pa'i phyir 'du ba gnas par gyur te/ de lta ma yin na 'jug pa'i bdag nyid du mi 'gyur ro/ /yang na de lta bur gyur pa'i rang dbang can phan mi 'dogs pa la 'du ba 'jug go zhes tha snyad 'dogs pa na ming tsam du 'gyur gyi de ltar dngos po yod pa ma yin no/ /de lta na zhes bya ba ni de la 'jug pa'i bdag nyid can zhes bya ba de lta yin na de'i phyir ming tsam nyid yin gyi skyon gang yin pa brtag pa ni de'i phyir zhes bya ba la sogs pa'o/ /'brel pa can zhig pa las sngar yang 'brel pa can ma zhig pa'i gnas skabs na yang zhes bya ba'i tha tshig go /bum pa la sogs pa de dag rang gi rtan la 'jug pa'i 'du ba de yod pa'i phyir te/ yod pa'i stobs kyis 'grub par mi 'gyur ro/ /phyis bzhin te/ 'du ba'i rgyu zhig pa bzhin du don dam par 'jug pa med pa'i phyir ro/ /'di ltar zhes bya ba la sogs pa gtan tshigs kyi don ston pa yin no/ /ci ste gzhan nyid yin pa zhes bya ba'i phyogs gnyis pa yin de'i tshe ldan pa la sogs pa bzhin 'du ba med pa nyid du 'gyur te/ de lta yin dang 'dra ba tha dad pa dang ldan pa ma yin no zhes bya ba 'di'i khas blangs pa nyams pa yin no/ /de lta bu sogs zhes bya ba la sogs pa'i sgras rgyu don med pa dang/ mngon sum la sogs pa dang 'gal ba dang/ dngos po thams cad rim ma yin par ba zhes bya ba la sogs pa'i nyes pa gzhan gzung ste/ 'di ltar rang gi rgyu dang 'du ba 'am mang ba dang 'du ba ni skye bar brjod la/ 'du ba yang rtog pa'i phyir gang du yang 'bras bu skye ba las rgyu rnams nus pa med do zhes bya ni rgyu don med pa'o/ /de bzhin du ldan pa ni las
- 359a
gang yang rung ba las skye ba dang gnyi ga'i las las skye ba dang/ ldan pa las skye ba yin te/ dbang po dang don phrad pa las skyes pa'i shes pa zhes bya ba la sogs pa skye bar ston pa'i mdo dang 'gal ba dang/ de bzhin du mngon sum la sogs pas rtog pa'i rgyu sA lu dang mig la sogs pa dang 'gal ba dang/ de bzhin du 'du ba'i mtshan nyid kyi skye ba ni rtag pa nyid kyis rim pa yod pa ma yin pa'i phyir dngos po rnams rim gyis skye bar mthong ba dang 'gal ba dang/ de lta yin dang shes pa gcig car mi skye ba ni yid kyi rtags zhes bya ba'i rang gi grub pa'i mdza' dang 'gal ba dang/ skye ba rtag pa'i phyir 'gro ba la phan gdags par bya ba dang phan 'dogs par byed pa la yin pas bstan bcos brtsom pa don med do zhes bya ba la sogs pa ches mang po dag gi 'brel pa med pa ste/ 'thad par 'gyur ba ma yin no/ /de kho na nyid bsdus pa'i dka' 'grel las 'du ba'i tshig ? don brtag pa ste nyi shu pa'o// //sgro brtags pa'i sgra dang shes pa'i spyod yul can/ zhes bya ba bsgrub pa'i don du skabs dgod pa'i phyir gal te zhes bya ba sogs pa smos te/ bsgrub pa sgra'i don du smra ba rnams kyi lta ba ni don dam pa'i dngos po nyid sgra'i gzung bar bya ba ste/ des na sgra dag gis dngos su sgrub pa dang dgag pa dag gis dngos po'i rang bzhin ston par byed pa'i phyir sgrub pa nyid sgra'i don no zhes bya ba yin no/ /sel ba smra ba rnams kyi lta ba ni don dam par sgra rnams kyi brjod par bya ba dngos po'i rang gi ngo bo cung zad kyang yod pa ma yin te/ tha mi dad pa'i don dag la tha dad pa'i rnam par zhen pas 'jug pa'i phyir sgra las byung ba'i shes pa thams cad ni 'khrul pa nyid yin no/ /'khrul pa nyid yin yang gang du brgyud pas dngos po dang 'brel pa der don la mi slu ba yin zhes bya ba yin no/ /de
- 359b
la rnam par rtog pa'i blos don tha mi dad pa dag la sgro btags pa'i ngo bo gang yin pa de ni gzhan la ldog pa'i dngos po nyams su myong ba'i stobs kyis 'dogs pa'i phyir dang/ rang nyid kyang gzhan las ldog pa nyid du snang ba'i phyir dang/ gzhan las ldog par brjod pa'i 'khrul pa dang lhan cig gcig nyid du nges pa'i phyir dang/ gzhan sel ba'i dngos po rtogs pa'i 'bras bu can yin pa'i phyir gzhan sel zhes brjod do/ /des na sel ba sgra'i don yin no zhes bya bar grub bo/ /de la sgrub pa smra ba rnams rtsod par byed de/ gal te khyed cag gi rdzas dang yon tan dang/ las dang/ spyi dang/ bye brag dang/ 'du ba'i mtshan nyid kyi khyad par de bye brag dag don dam par sgra 'jug pa'i rgyu mtshan du yod pa ma yin na/ de'i phyir ji ltar 'jig rten na rdzas la sogs pa'i khyad par gyi rgyu mtshan dbyug pa can zhes bya ba la sogs pa'i brjod pa dang yongs su rtogs par 'gyur/ 'di ltar 'jig rten na dbyug pa can dang rwa can zhes bya ba la sogs pa'i sgra dang blo dag rdzas kyi khyad par can du grags la/ dkar po nag po zhes bya ba yon tan gyi khyad par can dang/ g.yo'o 'khor zhes bya ba las kyi rgyu mtshan can dang/ yod do snang ngo zhes bya ba yod pa'i rgyu mtshan dang/ ba lang dang rta dang/ glang po zhes bya ba spyi dang bye brag gi khyad par can dang/ snal ma 'di dang ga la snam bu zhes bya ba 'du ba'i stobs kyis yin te/ de lar rdzas la sogs pa 'di dag med na dbyug pa can zhes bya ba la sogs pa'i sgra dang blo dag yul med par 'gyur ro/ /sogs pa smos pa re re dang sbyar bar bya ste/ des na re re zhing dbyug pa can dang rwa can zhes bya ba la sogs pa rigs mthun pa'i sgra blo dag gzung ba yin no/ /mdza' i bye brag ni rnal 'byor pa rnams kho na'i gzung bar bya ba yin pa'i phyir de dag ni sogs pa'i sgras mi gzung ngo/ /de dag rgyu mtshan med par yang mi rigs te/ de dag
- 360a
thams cad thams cad kyi kyi khyad par med par 'jug par thal bar 'gyur ba'i phyir ro/ /de dag dbye ba med par 'jug pa yang ma yin te/ de lta bas na rdzas la sogs pa yod do zhes bya ba ni gzhan gyi'o/ /sbyor ba ni gang dang gang phan tshun ma 'chol bar 'jug pa de dag ni rgyu mtshan dang bcas pa yin te rna ba la sogs pa'i shes pa bzhin no/ /dbyug pa can la sogs pa'i sgra dang shes pa dag kyang 'chol ba med par 'jug pa yin no zhes bya ba ni rang bzhin gyi gtan tshigs so/ /rgyu mtshan med pa nyid yin na thams cad du khyad par med par 'jug par thal bar 'gyur ba ni gnod pa can gyi tshad ma'o/ /smras pa zhes bya ba la sogs pas lan 'debs par byed de/ de la gal te 'di dag dngos su phyi rol gyi yul du gyur pa'i rgyu mtshan gyis rgyu mtshan dang bcas pa nyid du sgrub par 'dod na bsgrub par bya ba las bzlog pa la gnod par byed pa'i tshad ma med pa'i phyir gtan tshigs ma nges pa yin no/ /ci ste gang ci yang rung ba'i rgyu mtshan gyi rgyu mtshan dang bcas pa nyid du 'dod na de'i tshe grub pa la sgrub ste/ 'di ltar kho bo cag gi 'di dag rgyu mtshan gang gi brjod pa'i bag chags sad pa 'dod pa nyid yin gyi/ yul du 'gyur ba ni ma yin te/ 'khrul pa nyid kyis sgra las byung ba'i shes pa thams cad yul med pa nyid yin pa'i phyir ro/ /nang tsam la gnas zhes bya ba ni rnam par shes pa la gnas pa'i bag chags zhes bya ba'i tha tshig go 'di dag nyid lung gi khungs kyis bstan pa'i phyir sgra rnams gang dang zhes bya ba la smos te/ yul du gang dang gang zhes bya ba ni rang gi mtshan nyid dang spyi la sogs pa'o/ /de ni chos nyid yin zhes bya ba ni de'i rang bzhin yin pa ste/ /dngos po rnams kyi rang bzhin ni ngag gi lam thams cad las 'das pa yin no zhes bya ba'i tha tshig go /ji skad du ming? ni gang
- 360b
dang gang gis ni/ chos ni gang dang gang brjod pa/ de ni don yod min te/ de ni de rnams chos nyid yin/ zhes gsungs so/ /ci ste sgra las byung ba'i shes pa 'khrul pa nyid dang/ yul med pa dag la tshad ma ci yod ce na/ gang tha dad ba dag la tha mi dad par zhen nas 'jug pa'i phyir sgra las byung ba'i shes pa 'di thams cad 'khrul pa yin no zhes pa 'di la kho bo cag gi tshad ma bshad zin to/ 'di ltar gang zhig yin te yin pa la de'o snyam du shes pa de ni 'khrul pa yin te/ smig rgyu la chur shes pa lta bu'o/ /don tha dad pa dag la tha mi dad par zhen pa'o sgra las byung ba'i shes pa 'di yang de bzhin no zhes bya ba ni rang bzhin gyis gtan tshigs so/ /gang gis gtan tshigs ma grub po zhes bya bar 'gyur ba 'di'i gzung bar bya ba spyi dngos por gyur pa yod pa yang ma yin te/ de ni sngar rgyas par bkag zin pa'i phyir ro/ /yang na spyi yod du chug mod de lta na yang de ni tha dad pa dag las don du gyur pa nyid yin na tha dad (bdag la tha mi dad) par zhen pa ni 'khrul pa nyid yin no/ /de dag ldan pa zhes bya bar 'gyur gyi gzhan dang gzhan du mtshungs pa ni rigs pa ma yin no/ /spyi don gzhan du gyur pa nyid yin na yang don dam par sna tshogs pa thams cad dngos po gcig yin du chug mod/ /de la spyi'i shes pa ni 'khrul ba nyid yin la mtshungs pa ni dngos po gcig gi yul la ma yin te/ de ni tha dad pa 'dzin pa sngon du 'gro ba can yin pa'i phyir/ 'khrul pa nyid du grub pa na yul med par yang grub ste/ rang gi rnam pa gtang nas skyed par byed pa'i dmigs pa'i mtshan nyid du gyur pa'i don 'ga' yang med pa'i phyir ro/ /rnam pa gcig tu na yul med pa nyid rnam pa gzhan du bsgrub par bya ste/ sgra rnams gang kho na la brda byas pa de kho na de dag gi yul du rigs kyi gzhan ma yin te/ ha cang thal bar 'gyur ba'i phyir ro/ /'di dag dngos po 'ga'
- 361a
zhig la don dam par brda yang dag yod pa ma yin pas de'i phyir blo dang sgra ni yul med pa yin no/ /sbyor ba ni gang zhig gang la dngos su brda ma byas pa de dag ni don dam par de brjod pa ma yin te/ nog la sogs pa dang ldan pa'i gong bu la rta'i sgras brda ma byas pa bzhin no/ /yang dag par dngos po thams cad la sgra thams cad brda byas pa ma yin no/ /zhes bya ba ni khyab par byes pa mi dmigs pa ste/ brda byas pa nyid rjod par byed pa la khyab pa'i phyir la de 'di la med do/ /gtan tshigs 'di ma grub pa yang ma yin no zhes bstan pa'i phyir gang? phyir zhes bya ba la sogs pa smos te/ 'di ltar brda bzung ba'i dngos po sgra'i don nyid du rnam par 'jog pa na res 'ga' rang gi mtshan nyid de thun mong ma yin pa 'am/ rigs sam/ de 'brel de rigs de dang 'brel pa'am/ rigs dang ldan pa'i dngos po 'am/ blo'i rnam pa zhig rnam par 'jog par byed ces brtag grang/ de la thams cad la brda mi srid pa'i phyir sgra'i don nyid du mi rigs so/ /de nyid du zhes bya ba 'dis ni kun rdzob pa'i sgra'i don ma bkag par bstan pa yin te/ de'i phyir rang gi tshig dang 'gal bar mi 'gyur ro/ /de lta ma yin na dam bca' ba rang gi tshig dang 'gal bar 'gyur te/ 'di lta rang gi mtshan nyid la sogs pa 'di dag sgras bstan nas 'di dag sgra'i don ma yin pa nyid du bstan par mi nus te/ de bstan par 'dod nas sgras rang gi mtshan nyid la sogs pa ston pa ni 'di dag sgra'i don nyid du khas blangs par 'gyur la/ yang dam bca' ba de nyid 'gegs pa'i phyir rang gi tshigs dang 'gal lo/ /'dis ni 'od byed pas/ sgra rnams rjod byed ma yin na/ dam bca' gtan tshigs 'gal ba yin/ zhes gang smras pa de yang bsal ba yin no/ /kho bo cag ni rnam pa thams cad du sgra'i don la skur ba 'debs par mi byed de/ de ni
- 361b
gnag rdzi'i bar la shin tu grags pa'i phyir ro/ /'on kyang de la gzhan gyis sgro btags pa de kho na nyid du yod pa'i chos gang yin pa de 'gegs par byed kyi chos can ma yin no/ /de la re zhig rang gi mtshan nyid la brda med par bstan pa'i phyir sgra'i don ma yin pa nyid bstan pa'i don du de la zhes bya ba la sogs pa smos so/ /re zhig sgra rnams kyis rang gi mtshan nyid brjod pa min zhes bya ba ni de la brda byas pa med pa'i phyir ro snyam du bsams pa'o/ /ji ltar brda med pa yin zhe na/ brda dang zhes bya ba la sogs pa smos te/ brda dang tha snyad dag tu phyin pa ste thob pa'i dus gang yin pa der khyab pa ste khyab par byed pa de dang bral ba'i rgyu'i rang gi mtshan nyid de la brda med do/ /zhes bya ba lhag ma'o/ /'di skad du bstan pa yin te/ brda ni tha snyad kyi don du byed kyi zhen pas ni ma yin no/ /des na gang kho na'i brda dang tha snyad du phyin pa'i dus su khyab pa nyid yod pa de kho na la tha snyad 'dogs pa po rnams brda byed par rigs kyi gzhan du ni ma yin no/ /rang gi mtshan nyid la ni brda dang tha snyad du phyin pa'i dus su khyab par byed pa nyid yod pa ma yin te/ de lta bas na de la brda byed pa ma yin no/ /yang ci'i phyir rang gi mtshan nyid la brda dang tha snyad du phyin pa'i dus su khyab par byed pa nyid med ce na/ yul dus shes bya ba la sogs pa smos te/ yul la sogs pa tha dad pas khra bo la sogs pa'i gsal ba tha dad pa phan tshun shin tu ldog pa'i lus can 'di dag ni phan tshun rjes su 'jug pa ma yin te/ de la gcig la brda byas pa'i skyes bus gzhan la tha snyad du byed par mi 'gyur ro/ /snang ba la sogs pa zhes bya ba la sogs pa'i sgras kha dog dang dbyibs dang skad cig ma nyid la sogs pa gzung ngo/ /tha snyad mthong ba ma yin zhes bya ba ni des ni de la brda med pa'i phyir gtan tshigs ma grub pa ma yin no snyam du bsams pa'o/ /ma nges pa yang ma yin no zhes bstan pa'i phyir ro/ /brda ma gzung ba zhes bya ba la sogs pa smos te/ gang la brda bzung ba de la de skad ces bya ba la/ brda bzung
- 362a
ba med de ni brda ma bzung ba'o/ /sgra las zhes bya ba ni ming las so/ /gzhan du zhes bya ba ni rigs mi 'dra ba'i don bzhin no/ /'di skad du bstan pa yin te/ gal te sgras brda ma gzung ba'i don ston par byed na de'i tshe ba lang gi sgra yang brda ston par byed par 'gyur la/ brda byed pa yang don med pa nyid du 'gyur ro/ /de lta bas na ha cang thal bar 'gyur pa ni gnod par byed pa'i tshad ma yin pa'i phyir khyab pa grub po/ /brda ma byas pa nyid la sogs pa'i gtan tshigs 'di nyid slob dpon phyogs kyis glang pos/ sgra'i tha dad nam yang ni/ /brjod pa ma yin mdza' med phyir/ zhes bya ba 'dis bstan te/ 'di mdza' med pa'i phyir zhes bya ba 'dis brda med pa nyid bstan to/ /des na 'od byed pas/ gal te sgra phyogs su byed na de'i tshe mdza' med pa'i phyir zhes bya ba 'di dngos po'i chos yin pa'i phyir gzhi mdza' dad pa'i gtan tshigs yin no/ /'on te tha dad pa rnams nyid phyogs su byed na de'i tshe rjes su 'gro ba can dang ldog pa can gyi dpe yod pa ma yin pa'i phyir mdza' med pa gtan tshigs ma yin no zhes gang smras pa de yang bsal ba yin no/ /yang de nyid kyis smras bdag gi ltar na khyad par med pa'i tha dad pa rnams sgra dag gis rjod par byed pa de'i ltar na nyes pa 'di yin gyi/ kho bo cag ni yod pa'i khyad par gyis rdzas dang yon tan dang las rnams brjod pa yin te/ 'di ltar gang dang gang na yod pa la sogs pa'i spyi mthong ba de dang der yod pa la sogs pa'i sgra sbyor la/ /yod pa la sogs pa'i spyi ni gcig nyid yin te/ de'i phyir spyis mtshon pa'i don dag la brda byed pa srid pa'i phyir mdza' med pa rgyu ma yin no zhes bya ba de yang dag pa ma yin te/ yod pa la sogs pa dngos por gyur pa'i spyi de dag las tha dad pa 'am tha mi dad pa yin no zhes bya ba 'di bsgrubs zin to/ /yang na spyi yod du chug mod de lta na
- 362b
yang tha dad pa gcig la spyi du ma yod pa la sogs pa'i sgra ma 'tshel bar sbyor bar mi 'gyur ro/ /yod pa la sogs pa sgras ma bstan par yod pa la sogs pa des tha dad pa gzhan mtshon pa bya ba'i phyir brda byed par nus pa yang ma yin la/ brda ma byas pa'i yod pa la sogs pa la sgra 'jug pa yod pa yang ma yin te/ de lta yin dang/ phan tshun brten pa'i skyon du 'gyur ro/ ci ste yang rtog pa po rjes su 'gro ba dang ldog pa dag las rang nyid tha snyad du byed par dmigs pa'i phyir yod pa la sogs pa'i sgra dag gis brda ston bar byed do snyam na/ de yang yang dag pa ma yin te/ mdza' med pa tha dad pa'i yul can gyi tha snyad ma lus pa 'ga' zhig dmigs par 'gyur ba ni ma yin no/ /gcig gi tshe yod pa la sogs pa dang ldan pa'i tha dad bdag la lan cig ma yin tha snyad dmigs nas de'i rigs can ma mthong ba dag la yang sgra de sbyor bar byed pa yin no zhe na ma yin te/ ma mthong ba'i phyir ro/ /ma mthong pa'i 'das pa po sogs pa'i bye brag gi tha dad pa mdza' yas pa'i tha dad pa dag la brda srid pa ma yin te/ ha cang thal bar 'gyur ba'i phyir ro// rnam par rtog pa'i blos sgro btags pa dag la ston par byed de zhe na/ 'o na de lta na rnam par rtog pas sgro btags pa'i don gyi yul nyid la sgra sbyor gyi don dam par tha dad pa dag la ma yin no zhes bya ba thob ste/ 'di ltar 'das pa dang ma 'ongs pa dag gis med pas mi nye ba nyid kyis phyir de la rnam par rtog pa'i blor 'gyur ba ni yul med pa nyid yin pa'i zhes sgro btags pa ni med pa nyid yin pa'i phyir zhes sgro btags pa ni med pa nyid yin no/ /de lta yin dang de la brda med pa'i phyir ji ltar don dam pa dngos por gyur pa yin te/ spos pas chog go /mthun pa'i phyogs la yod pa'i gtan tshigs 'gal ba yang ma yin pa'i phyir sgra rnams kyi yul rang gi mtshan nyid ma yin par grub po/ /'di snyam du gang dag ri gangs can la sogs pa'i
- 363a
dngos po de dag brtan pa dang gcig pu'i ngo bo yin pa'i phyir yul dang dus la sogs pa'i tha dad pa srid pa ma yin te/ de'i phyir brda dang tha snyad phyin pa'i dus su khyab pa'i phyir de la brda srid pas de'i phyir gtan tshigs phyogs kyi phyogs gcig la ma grub yin no snyam du sems na/ gang yang gangs ri zhes bya ba sogs pa smos te/ sogs pa'i sgras ni rim la ya la sogs pa gzung ngo/ /gang gi phyir 'di dag ni rdul phra rab du ma tshogs pa'i rang bzhin yin te/ de'i phyir 'di dag gi yan lag ma lus pa bzung bas brda phyed pa yod pa ma yin la/ skyes ma thag tu 'jig pa yang bsgrubs zin te/ des na de dag la yang brda'i dus su mthong ba tha snyad kyi dus su rjes su 'gro ba yod pa ma yin pa'i phyir gtan tshigs ma grub pa ma yin no/ /de ltar re zhig rang gi mtshan nyid la tha snyad mi 'thad pas brda don med par thal bar 'gyur ba'i phyir brda mi srid do zhes bstan nas /de bya bar mi nus pa'i mi srid do zhes bstan pa'i phyir/ rang gi mtshan nyid 'di dag kun zhes bya ba la sogs pa smos te/ dngos po thams cad skyes ma dag tu 'jig pa ni sngar bsgrubs zin te/ de dag la brda byed pa na res 'ga' ma skyes pa la byed pa 'am skyes pa dag la byed/ de la re zhig ma skyes pa rnams la brda rigs pa ma yin te/ med pa ni shes pa dang brjod pa thams cad dang bral ba nyid kyis gzhir mi 'thad pa'i phyir ro/ yang dag pa smos pa ni kun rdzob pa dgag pa'i don du ste/ des na bum pa la sogs pa ma skyes pa la yang brda mthong ba'i phyir mthong ba dang 'gal ba ma yin te/ de'i yul ni rnam par rtog pas sprul pa'i don nyid yin pas med pa yin pa'i phyir ro/ /rta'i rwa bo zhen zhes bya ba ni bdun pa'i mdza' can gyi 'dra ba yin no/ /skyes pa la yang brda rigs pa ma yin te/ 'di ltar nyams su myong ba skyes pa de
- 363b
la de mngon du 'gro ba can gyi ming ni khyad par dran pa na brda byed kyi gzhan du ma yin te/ ha cang thal bar 'gyur ba'i phyir ro/ de lta yin dang ming gi khyad par dran pa'i dus na skad cig 'jig pa nyid kyis rang gi mtshan nyid 'gags nas ring du lon pa'i phyir ma skyes pa bzhin du dngos po skyes pa rnams la yang brda yod pa ma yin te/ brda byed pa'i dus na yang gnyi ga yang mi nye ba'i phyir ro/ 'di ltar re zhig nyams su myong ba'i gnas skabs na yang de'i rgyu yin pa nyid kyi rang gi mtshan nyid kyis rang gi mtshan nyid skad cig ma nye ba yod pa can du mi 'gyur na/ nyams su myong ba'i dus phyis 'byung ba'i ming gi bye brag bzo ba dang dran pa skye ba'i dus na 'byung bar 'gyur ba lta smos kyang ci dgos/ ci ste yang de'i nus pa'i mthu las byung ba de'i rigs can brda byed pa'i dus na 'byung ba'i skad cig ma la brda byed par 'gyur ro snyam na/ de'i phyir gang yang zhes bya ba la sogs pa smos te/ gal te yang brda byed pa'i dus na nye ba'i skad cig gzhan yod pa de lta na yang de la brda ba zo ba mi srid pa'i phyir brda mi rigs te/ 'di ltar rta dmigs nas de'i ming dran pa'i rim pa sngon du 'gro ba can gyi brda byed pa na de'i dus na nye ba'i ba lang la sogs pa la bzo ba'i yul du byas nas brda byed pa 'ga' zhig rta'o zhes brda byed pa ni ma yin no/ ci ste yang rang gi mtshan nyid kyi skad cig thams cad 'dra ba yin te/ des na gcig nyid du zhen par byas nas brda byed par 'gyur snyam na/ de'i phyir 'dra ba nyid kyang brtags pa yin zhes bya ba smos te 'dra ba ni rnam par rtog pa'i blos sgro btags pa yin te/ de sgra rnams kyis ston na rang gi mtshan nyid brjod par bya ba ma yin pa nyid du 'gyur ro/ /de'i phyir de ltar rang gi mtshan nyid la brda srid pa ma yin no/ /sgra rang gi mtshan nyid kyi brda yang yod pa ma yin te/ de ltar brda byed pas bzhag pa nyid kyi ming gi khyad par don la sbyor bar byed la/ don dam pas dran pas nyams
- 364a
su myong ba nyid kyi brjod pa 'jig par nus pa yang ma yin te/ de 'gags nas ring du lon pa'i phyir ro/ gang yang brjod pa de ni sngar nyams su ma myong ba'i phyir de la dran pa ma yin la/ yul du ma byas pa des 'dzin par nus pa yang ma yin te/ des na dran pas bzhag pa'i rnam par rtog pa'i rgyu mtshan gyis mtshams sbyor ba rnams rang gi mtshan nyid ma yin pa/ nyid kyi phyir rang gi mtshan nyid kyi brda ma yin no/ /de lta bas na rang gi mtshan nyid ni bstan par bya ba ma yin no zhes bya par grub po rang gi mtshan nyid brjod par bya ba ma yin pa 'di nyid bsgrub par bya ba'i phyir tshad ma gzhan bshad pa ni dro ba la sogs/ zhes bya ba la sogs pa'o/ ji ltar dro ba la sogs pa'i don gyi yul can gyi dbang po blo gsal bar snang bar rig pa de bzhin du dro ba la sogs pa'i sgra las byung ba ni ma yin no/ /ji ltar mig la sogs pa ma nyams pa'i dbang po'i blo dag gis nyams su myong ba bzhin du mig dang lce dang sna la sogs pa nyams pas ma tu lung ga la sogs pa'i sgra thos pa las gzugs dang ro la sogs pa nyams su myong bar 'gyur ba ma yin no/ /ji skad du /me dang 'brel pas bsreg bya ba/ /tshig par shes pa gzhan yin la/ /tshig pa'i sgra yis tshig pa'i don/ yang dag gsal pa gzhan yin no/ /zhes bshad pa lta bu'o/ /de'i don can dbang shes bzhin zhes bya ba ni chos mi mthun pa'i dpe yin no/ /dro ba la sogs pa'i don gyi yul de gang la yod pa de la de skad ces bya ba la 'di ni de'i don yang yin la dbang po'i shes pa yang yin no zhes tshigs rnam par sbyar ro/ gal te de de lta bu ma yin pa de lta na yang ci'i phyir sgra'i don rang gi mtshan nyid du mi 'gyur zhe na/ gang zhig nges byes zhes bya ba la sogs pa smos te/ sbyor ba ni gang zhig gang gis byas pa'i shes pa la mi snang ba
- 364b
de'i don ma yin te/ gzugs kyi sgras skyed pa'i shes pa la ro bzhin no/ /sgra las byung ba'i shes pa la yang rang gi mtshan nyid mi snang ngo zhes bya ba ni khyab par byed pa mi dmigs pa'o/ /'dir yang ha cang thal bar 'gyur ba ni gnod pa can gyi tshad ma ste/ 'di ltar sgra des rjod par byed par nyid ni yul can gyi shes pa skyed pa nyid la brjod kyi gzhan ni ma yin no/ /rnam par shes pa gang zhig gi rnam pas stong pa de ni de'i yul can du rigs pa ma yin te/ ha cang thal bar 'gyur ba'i phyir ro/ /gang gis mi gsal ba dngos por rtog pa nyid kyi ngo bo'i sgra rnams rjod par byed do zhes bya bar 'gyur ba dngos po gcig la gsal ba dang mi gsal ba'i ngo bo gnyis yod pa ni ma yin te/ gcig la gnyis kyis 'khrul pa'i phyir ro/ /gzhung lugs tha dad pa la gnas pa rnams kyang phan tshun 'gal ba'i rang bzhin du bsgrub pa'i phyir ro/ /rig pa can rnams ni gsal ba dang rnam pa dang rigs rnams kyi tshig gi don no zhes smra ste/ tshig gi don ni tshig gi don zhes bya ba'i tha tshig go /de la gsal ba'i sgras ni rdzas dang/ yon tan gyi tan gyi khyad par dang/ las rnams brjod do/ /de skad du yang mdo las yon tan gyi khyad par gyi rten gyi lus ni gsal ba'o zhes 'byung ngo/ /re zhig 'di'i don rnam 'grel byed pa'i lugs kyi brjod pa/ khyad par du byed pas khyad par can la yon tan dag las khyad par ni yon tan gyi khyad par te las la rjod do khyad par gyi lus rten ni lus can gcig sdus pa byas pas 'di la yon tan gyi khyad par gyi sgra gnyis pa yang bstan te/ des na yon tan gyi tshig don gzung ngo/ /de dag ni yon tan yang yin la khyad par yang yin pas yon tan gyi khyad par ro/ khyad par smos pa ni rnam par gsal pa'i don du ste/ 'di ltar rnam pa ni ldan pa'i khyad par gyi rang bzhin yin pas ldan pa yang yon tan gyi tshig gi
- 365a
don gyi khongs su 'du ste/ de lta yin dang khyad par ma smos pa rnam pa yang bzung bar 'gyur ro/ de'i gsal ba'i khongs su 'du bar mi 'dod de/ de ni sgras logs shig tu bzung ba'i phyir ro/ /rten gyis rdzas ni rdzas brjod de/ yon tan gyi khyad par de dag gi rten ni 'di rten te rdzas zhes bya ba'i don to/ 'dir ni de'i sgra mi mngon par byas nas bstan to/ /'di ltar tshigs rnam par sbyar bar bya ste/ yon tan gyi khyad par rnams ni yon tan gyi khyad par rnams zhes bya ba yon tan khyad par dag ste/ yon tan gyi khyad par dag dang de'i rten ni yon tan gyi khyad par gyi rten no/ /'di ni gcig tu bsdu ba'i zlas dbye ba ste/ rtags ni 'jig rten la brten pas de'i phyir ma ning gi rtags su ma bstan to/ des na don ni 'di yin te gang zhig yon tan khyad par la brten pa ni gsal ba dang lus can zhes bya bar yang brjod de/ de la gang gi tshe rdzas la lus can gyi sgra yin pa de'i tshe gnas gzhi bsgrub par lta bar bya ste/ 'di la yan lag gsal bas lus can yin no/ /gang gi tshe gzugs la sogs pa la yin pa de'i tshe byed pa po sgrub pa yin te/ rdzas la 'jug pa ste 'du bas gzugs la sogs pa lus can no/ /lus can gyi sgra rdzas la las su sgrub pa yin la/ gzugs la sogs pa la byed pa sgrub pa yin no/ bshad par byed pa'i lugs kyi mdo'i don ji ltar thos pa bzhin du yin te/ yon tan gyi khyad par rnams kyi rten rdzas nyid gsal ba dang lus can yin no zhes 'dod de/ ji skad du yon tan gyi khyad par gzugs dang/ ro dang/ dri dang/ reg pa dang/ lci ba dang gshegs pa nyid dang/ mkhrang ba nyid dang/ 'dus byas pa rnams dang/ khyab pa'i tshad rnams kyi khyad par gyi rten ni ji ltar srid par de'i rdzas yin la/ yan lag gsal ba'i phyir lus can zhes bya'o/ rnam pa'i sgras srog chags kyi yan lag lag pa la sogs pa'i cha shas sor mo
- 365b
la sogs pa'i ldan pa brjod de/ de skad du yang mdo las/ rnam pa ni rigs kyi rtags su brjod ces 'byung ngo/ 'di'i bshad pa ni gang gis rigs dang rigs rtags su brjod pa ni rnam par rig par bya ste/ de yang sems can gyi yan lag rnams dang/ de'i cha shas rnams kyi bkod pa nges pa las gzhan ma yin no/ /bkod pa'i sgras ni ldan pa'i khyad par brjod la/ des pa smos pas bcos ma'i ldan pa bsal te/ de la rigs kyi rtags ni srog chags kyi yan lag ni mgo bo dang lag pa la sogs pa ste/ de dag gi ba lang nyid la sogs pa'i mtshan nyid kyi rigs mtshon to/ rnam pa ni res 'ga' dngos su rigs gsal bar byed de/ gang gi tshe mgo bo dang lag pa la sogs pa'i gnas lugs mthong ba las ba lang nyid gsal ba na'o/ /res 'ga' ni rigs kyi rtags te/ gang gi tshe rwa la sogs pa'i yan lag so so ba'i cha shas kyi gnas lugs kyi gsal ba rnams kyis ba lang nyid la sogs pa gsal ba kho na'o/ /des na rnam pa ni rigs dang rtags gsal bar byed pa yin no/ /rigs kyi sgras ni tha mi dad par brjod pa dang shes pa skye ba'i rgyu mtshan gyi spyi brjod pa yin te/ de skad du yang mdo las mtshungs pa skye ba'i bdag nyid can ni rigs yin no zhes 'byung ste/ mtshungs pa'i shes pa skye ba'i rgyu ni rigs yin no zhes bya ba'i don to/ /de la gsal ba dang rnam pa dag ni rang gi mtshan nyid sgra'i don yin pa gsal ba 'di gnyis kyis sgra'i don yin pa gsal bar rtogs par bya'o zhes bstan pa'i phyir rnam pa 'di dag nyid kyis ni zhes bya ba la sogs pa smos te/ rigs kyang phyis sel bar 'gyur ro snyam du dgongs pa'o/ /gsal zhes bya ba ni sgra'i don nyid yin pa zhes bya ba lhag ma'o/ /ci'i phyir zhe na/ gang phyir zhes bya ba la sogs pa smos te/ de dag ces bya ba ni gsal ba dang rnam pa dag go /des na ji ltar rang gi
- 366a
mtshan nyid la brda ma byas pa'i phyir sgra'i don ma yin pa de dag kyang yin pas de'i phyir brda ma byas pa'i phyir zhes bya ba'i gtan tshigs ma grub pa yin zhing ma des pa yang ma yin no snyam du bsams pa yin no/ /gzhan yang gsal ba'i rdzas dang yon tan gyi khyad par dang las kyi mtshan nyid yin la rnam pa yang ldan pa'i bdag nyid yin te/ rdzas la sogs pa 'di dag kyang nyid du bkag zin pas na 'di las kyang 'di dag med pa'i phyir yang dag par sgra'i don nyid du rigs pa ma yin no zhes ston pa ni/ rdzas la sogs pa zhes bya ba la sogs pa'o/ /de ltar re zhig rang gi mtshan nyid la brda mi srid par bstan nas/ rigs la sogs pa gsum la brda mi srid par bstan pa'i phyir rigs dang 'brel pa dag na zhes bya ba la sogs pa smos te de'i 'og ces bya ba ni rang gi mtshan nyid kyi 'og tu bshad pa ste/ rigs dang de dang 'brel pa dang zhes bya ba'o/ /rigs dang ldan pa mi srid pa'i phyir de dang ldan pa yang mi srid pa yin te/ de'i tha snyad ni de dag gis byas pa'i phyir ro/ /de dang ldan pa yang rang gi mtshan nyid kyi bdag nyid yin pa'i phyir de'i phyogs la 'byung ba'i skyon mtshungs pa kho na'o snyam du bsams pa yin no/ /tsam pa'i bu ni rigs sgra'i don yin no zhes zer zhing/ bya chen gyi bu'i rdzas yin no zhes zer la/ drang srong pa Ni ni gnyi ga'o/ /zhes zer ba de yang 'di nyid kyis gsal ba yin no/ /rigs mi rung ba'i phyir dang/ rdzas kyang rang gi mtshan nyid kyi bdag nyid yin pa'i phyir de'i phyogs la dbyung ba'i skyon mi ldog pa'i phyir ro/ /mjug bsdu ba'i phyir/ de'i phyir zhes bya ba la sogs pa smos te/ de'i phyir ni de lta bas na'o/ /ngo bo nyid med do zhes bya ba ni rang bzhin med pa nyid do/ /blo'i rnam pa la yang brda mi srid par bstan pa'i phyir blo gnas zhes bya ba la sogs pa smos te/ blo'i
- 366b
rnam pa ci de'i bdag nyid yin pas blo la gnas pa'i phyir 'di ni blo de'i ngo bo bzhin du bstan par bya ba'i phyir don nam blo gzhan la rjes su 'jug pa ma yin no/ /de lta yin dang brda dang tha snyad du phyin pa'i dus su ma khyab pa'i phyir rang gi mtshan nyid bzhin du de la yang brda srid pa ma yin no/ /tha snyad kyi dus su rjes su 'gro ba yin du chug mod/ /de lta na yang de la tha snyad 'dogs pa po rnams brda byed par rigs pa ma yin te/ 'di ltar sgra tha dad pa las don byed pa don du gnyer pa'i skyes bu don byed par nus pa'i don shes nas 'jug ste/ de dag la'o snyan du sems pa'i tha snyad 'dogs pa po rnams kyis rjod par byed pa sbyor bar byed kyi zhen pas ni ma yin no/ /rnam par rtog pa'i blo'i rnam pa 'di ni grang ba sel ba la sogs pa mngon par 'dod pa'i 'bras bu de don du gnyer bar bsgrub pa ma yin te/ de nyams su myong ba skyes na yang de med pa'i phyir ro/ /des na de la yang brda med pa'i phyir brda ma byas pa'i phyir ro zhes bya ba'i gtan tshigs ma grub pa yin no/ /'di snyam du yod pa'i don la sogs pa sgra'i don gzhan yod de/ de lta bas na de la brda srid pa'i phyir gtan tshigs ma grub pa nyid yin no snyam du sems na/ 'dis gsal nyid ces bya ba smos te/ rang gi mtshan nyid la sogs pa sgra'i don yin pa bkag pa nyid kyi ste/ de dag gi rang gi mtshan nyid la sogs pa kho na'i khongs su byas pa'i phyir ro snyam du bsams pa yin no/ /yod pa'i don la sogs pa de dag kyang gang yin zhe na/ bstan pa'i phyir sgra kun zhes bya ba la sogs pa smos te/ zhes bya ba'i rim pa gzhan du ste/ don zhes bya ba'i mjug tu spral par bya'o/ /des na don 'di yin te/ yod pa'i don zhes bya ba 'di rtogs pa gang yin pa de ni sgra thams cad kyi brjod par bya ba ste rtogs par bya ba'i mtshan nyid de sgra'i don gyi mtshan nyid do zhes bya ba'i tha tshig go /des na
- 367a
yul du gyur pa'i don ba lang la sogs pa ba lang la sogs pa'i sgra rtogs par bya ba gang yin pa de ni snga na med pa dang lha dang mtho ris dag dang mtshungs so zhes smra'o/ /snga na med pa la sogs pa'i sgra'i don dang de dag mtshungs so zhes bya ba de bzhin du smras so zhes bya ba'i don no/ /ji ltar snga na med pa la sogs pa'i sgra rnams don gyi rnam pa'i yul can gyi blo rnams la 'jug pa ma yin gyi/ gang dag la snga na med pa sogs pa'i sgra sbyor ba'i don 'ga' zhig yod do zhes bya ba de tsam zhig rtogs pa 'ba' zhig du zad do/ /de bzhin du mthong ba'i don can ba lang la sogs pa'i sgra la yang mtshungs te/ gang gi phyir de dag las kyang 'di ltar rtogs te/ ba lang la sogs pa'i sgras brjod par bya ba ba lang nyid kyi spyi'am 'brel pa zhes bya ba don 'ga' zhig yod do/ /gang du de la rnam pa'i khyad par yongs su 'dzin pa 'ga' zhig 'byung ba de dag gi de ni grub pa'i mdza' i stobs las yin gyi sgra las ni ma yin no/ /sogs pa'i sgras bzung ba yod pa'i don bstan pa'i phyir/ yang na kha cig ces bya ba la sogs pa smos te/ kha cig ni bram ze la sogs pa'i sgra dag gis bsdu ba dang rnam par rtags pa dag med par yang dka' thub dang rigs dang/ thos pa la sogs pa'i tshogs pa brjod par gyur pa yin no zhes smras te/ dper na nags tshal la sogs pa'i ? sgra dag gis nga ba lang la sogs pa bzhin no/ /'di ltar nags tshal zhes brjod pa na nga pa 'am/ seng ldeng ngam/ pa la shi zhes rnam par rtag pas rtogs par 'gyur pa ma yin la/ nga? ba dang seng sdeng dang/ pa la sha zhes bsdu bas rtogs pa yang ma yin te/ 'on kyang nga ba la sogs pa mdza' dag rtogs pa yin no/ /de bzhin du bram ze zhes brjod pa na dka' thub 'am/ rigs sam/ thos pa zhes bya ba 'am/ dka' thub dang/ rigs dang/ thos pa
- 367b
zhes pas kyang rtogs par 'gyur pa ma yin gyi/ 'on kyang gzhan dang 'brel pa rnam par bcad nas dka' thub la sogs pa'i tshogs pa mdza' dag rtogs pa yin no/ /de la rnam par brtag pa ni tshogs pa las mang po dag la gcig gi khyad par ma nges par 'dzin pa'o/ /bsdu ba na gcig la gcig mngon par 'brel par nges pa du ma'i ngo bo'o/ /gang la rnam par brtag pa dang bsdu ba yod pa ma yin pa de la de skad ces bya'o/ /gzhan dag ni rdzas nyid la sogs pa nges par bzung ba'i ngo bo dag dang 'brel pa'i rdzas la sogs pa gang yin pa de sgra'i don yin te/ de yang 'brel pa can dag gi sgra'i don yin pa nyid kyis med pa'i phyir med pa zhes bya'o/ /yang na yi ge gcig bzhin du gcig tu mi snang ba'i phyir dka' thub dang thos pa la sogs pa 'di dag phan tshun med pa sre ba yin te/ 'di ltar 'di dag ni re re 'am bsdus nas rang gi ngo bos dmigs pa ma yin te/ 'on kyang mgal me'i 'khor lo bzhin du 'di dag gi (tshogs? pa ni rang rang gi) ngo bo las 'das pa snang ba yin/ gzhan dag ni med pa'i khyad par can gyi yod pa gang yin pa de ni sgra'i don yin no zhes zer ro/ /de la sgra'i don nyid kyis med pa'i khyad par gyi bye brag gdu bu dang sor gdub la sogs pa rnams tha dad pa thams cad kyi rjes su 'jug pa gser la sogs pa'i spyi'i bdag nyid kyi yod pa gang yin pa de'i med pa'i khyad par can gyi yod pa ni sgra'i rgyu mtshan yin zhes bya ste/ sgra 'jug pa'i rgyu mtshan brjod bya zhes bya ba'i don to/ /gzhan dag ni mngon par brjod par gyur pa'i sgra nyid sgra'i don yin no zhes zer ro// de la mngon par brjod pa zhes bya ba 'di ci zhig ce na/ de la 'di zhes bya ba la sogs pa smos te/ sgra nyid don yin no zhes de ltar sgra la don zhugs pa ste/ de 'di la zhes 'brel pa de'i phyir te/ rgyu'i phyir gang gi tshe sgra don dang lhan cig tu byas pa'i ngo bo yin
- 368a
pa'i don gyi rnam pa bdag gir byas pa'i sgra de ni mngon par brjod pa zhes brjod do/ /gzhan dag gis blo la yod pa nyid kyi rnam pa phyi rol gyi dngos po'i yul can phyi rol gyi dngos po nyid du bzung ba blo'i ngo bo nyid du rnam par ma phyed pa sgra'i don du smra'o/ /de ston pa ni/ kha cig don dag zhes bya ba la sogs pa ste/ blo'i yul zhes bya ba ni blo la 'jug pa ste/ blo la gnas pa zhes bya ba'i tha tshig go /phyi'i dngos po'i rgyu mtshan can zhes bya ba na yod pa dang med pa'i phyi'i dngos po'i rgyu mtshan yi ge'i mtshan ma lta bu rang gi ngo bo bstan pa'i don du 'jug pa gang la yod pa de ni phyi'i dngos po'i rgyu mtshan can no/ /phyi'i dngos po zhes 'dzin te zhes bya ba ni blo'i ngo bo nyid du rnam par ma phyed pa ste/ phyi rol nyid du nges pa zhes bya ba'i don to// 'di ltar ji srid du blo'i ngo bo nyid kyi don la mi 'jog pa de ni ngo bo nyid do snyam du de kho na nyid sgom pas 'dzin pa de srid du de sgra'i don nyid du de sgra'i don nyid du ma nges de/ de la bya ba'i khyad par dang 'brel pa med pa'i phyir ro/ /ba lang khrid de shog cig / zho 'thung shig ces bya ba la sogs pa'i bya ba de 'dra ba'i blo'i ngo bo la srid pa ma yin la/ bya ba dang ldan pa srid pa'i don yang yang sgra rnams kyi brjod pa yin no/ /de'i phyir blo'i ngo bo nyid du bzung ba 'di ni sgra'i don ma yin no/ /gang gi tshe phyi rol gyi dngos po la 'jog pa de'i tshe de la rtog pa po phyi rol nyid du phyin ci log yin te/ de bya ba sgrub par byed nus par sems pa'i phyir sgra'i don yin no/ /'o na te sel ba smra ba'i phyogs dang 'di la khyad par ci zhig yod/ 'di ltar sel ba smra ba rnams kyis kyang blo'i rnam pa phyi rol gyi ngo bo nyid du bzung ba sgra'i don du 'dod pa kho na ste/ ji skad du/ de'i ngo bos sgro btags rtogs/ gzhan las ldog pa'i blo rtogs kyang/ sgra don don de nyid yin zhes/ brjod pa la ni 'gal ba med/ ces bshad do zhe na/ de ni yod pa ma
- 368b
yin te/ blo'i rnam par smra ba 'di ni phyi rol gyi dngos po la ma 'khrul pa yul dang bcas pa rdzas la sogs pa don dam pa la yang dag par blo'i rnam par ma nges pa ni sgra'i don du 'dod kyi/ tha dad pa dag la tha mi dad par zhen nas 'jug pa'i 'khrul pa phan tshun ldog pa'i rgyu mtshan 'dod pa ni ma yin no/ /gal te/ de ltas don la gcig bdag tu/ 'dzin pa'i rnam rtog 'di 'khrul pa/ ming don gang ldan phan tshun du/ tha dad pa 'di'i sa bon yin/ zhes ji ltar kho bo cag bzhin du brjod pa de'i tshe grub pa la sgrub ste/ de skad du yang/ gal te phan tshun tha dad 'di'i sa bon 'di ni deng kyi phyogs zhes 'chad par 'gyur ro/ /sel ba smra ba rnams kyis don dam par sgra rnams kyi don phyi rol 'am/ /blo'i rnam pa 'am/ gzhan cung zad 'dod pa yang ma yin no/ /'di ltar gang kho na sgra las byung ba'i shes pa la nges pa nyid du snang ba de ni (sgra'i don yin gyi blo'i rnam pa ni sgra las byung ba'i shes pa de la nges par 'gyur) ba ni ma yin no/ /'o na ci zhe na/ don bya ba byed pa'i phyi rol gyi dngos po nyid do/ /des don par phyi rol nges par 'gyur ba yang ma yin te/ de kho na ji lta ba bzhin du ma nges pa'i phyir dang/ ji ltar nges pa bzhin du de kho na nyid ma yin pa'i phyir ro/ /de'i phyir sgro btags pa kho na sgra'i don yin la/ sgro btags pa gang yin pa de yang (ci yang) ma yin pa'i phyir sgra dag gis yang dag par cung zad kyang brjod pa med do/ /yang sgra'i don gang yin zhe na/ don de nyid do zhes smras pa gang yin pa de ni don dang mtshams sbyar nas sgro brtags pa nyid yin la/ blo'i rnam pa smra ba rnams kyis ni don dam par blo'i rnam pa brjod bya ba 'dod pa'i phyir khyad par che'o/ /gzhan dag gi goms pa'i phyir sgra spobs pa'i rgyu ba yid la phyi rol don rjod par byed pa ni ma yin no zhes zer ro/ /de ston pa ni
- 369a
sgra rnams thams cad ces bya ba la sogs pa'o/ /sgra yul 'ga' zhig la yang nas yang du 'jug par mthong ba ni goms pa yin la/ nges pa'i sgrub par byed pa rnam par bcad pa'i bya ba'i rtog par bya ba dang rjes su mthun pa'i shes rab ni spobs pa yin no/ /de ni sbyor ba mthong ba'i mjug pa dang lhan cig pas bskyed par bya ba yin la/ dag so so dang skyes bu so so la de tha dad pa yin no/ /de'i tha dad pa ni tshad med de/ sgra'i tha snyad mdza' yas pa'i phyir brjod par mi nus so snyam du/ mdor bsdus nas zhes bya ba smos so/ /'di la dpe bshad pa dper? na don rtogs byed ces bya ba la sogs pa ste/ dper na lcags kyu la sogs pas btab pa'i glang po la sogs pa rnams kyi don rtogs pa'i bya ba la sogs pa'i rgyur 'gyur ba bzhin no/ /de bzhin du shing la sogs pa'i sgra don dang ldan dang/ 'dod pa thams cad gom pa ji lta ba bzhin du spobs pa tsam nye bar bsdud pa'i rgyur 'gyur gyi dngos su don ston par byed pa ni ma yin no/ /de lta ma yin na ji ltar phan tshun 'gal ba'i tshig tha dad pa dang/ gtam rgyud sar ba rang gi rnam par rtog par bkod pa'i dngos po'i khyad par gsal bar 'gyur zhe na/ de la zhes bya ba la sogs pas lan 'debs par byed/ gal te yod pa'i don sngar bshad pa'i rang gi mtshan nyid la sogs pa'i rang bzhin du 'dod na de'i tshe sngar bshad pa'i skyon du thal bar 'gyur la/ gzhan yang yod pa'i don ni khyad par gyi ngo bo bzlog pa'i phyir de 'ba' zhig sgra dag gis ston par byed pa na ba lang dang/ ? men dang/ glang po la sogs pa'i tha dad pas tha snyad du byed par mi 'gyur te/ de ni sgras ma bstan pa'i phyir ro/ /ba lang nyid sgra'i khyad par don zhes bya ba la sogs pas gzhan gyi lan gyi dogs pa bsu ba yin te/ 'di snyam du ba lang nyid dang sgra dag gi
- 369b
khyad par can gyi don yod pa tsam khra bo la sogs pa'i tha dad pa dang bral? ba sgras rtogs te rtogs pa'i rgyu yin pa'i phyir de yin te/ tha dad pa'i tha snyad du 'gyur ro snyam du sems na/ 'o na de lta na ji ltar yod pa'i don tsam sgra'i don du 'dod/ gang gi phyir ba lang la sogs pa'i khyad par rtogs pa nyid yin no zhes dogs nas gzhan gyis lan smras pa ni rwa dang dbyibs zhes bya ba la sogs pa'o/ /rwa la sogs pa'i khyad par sgra las mi gsal te mi rtogs pa'i rgyu'i phyir de rtog par bya ba'i don 'ga' zhig yod do zhes bya ba de brjod kyi/ khyad par du 'gyur ba'i ba lang nyid la sogs pa'i sgra dag ma rtog pa ni ma yin pa'i phyir skyon med do zhe na/ de lta na ni zhes bya ba la sogs pas len 'debs par byed de/ gal te ba lang nyid la sogs pas khyad par can gyi don tsam brjod do zhes bya bar 'dod na/ de'i tshe de dang ldan pa'i don brjod par khas blangs par byas par 'gyur ro/ /de la yang rigs de dang 'du ba bkag pa'i phyir de dang ldan pa'i don mi srid do zhes sngar bshad pa'i skyon yod do/ /gzhan yang de dang ldan pa'i don ni rang gi mtshan nyid kyi bdag nyid yin pa'i phyir mi brda byed pa nyid dang/ tha snyad med pa nyid dang/ gsal ba snang bar thal ba snga ma bzhin du 'byung ba kho na'o yod pa'i don ni rang gi mtshan nyid las tha dad pa yin no zhe na/ yod don gzhan yang mthong ma yin zhes bya ba smos te/ rang gi mtshan nyid la sogs pa la tha dad pa'i yod pa'i don gzhan dpyod pa na blo'i spyod yul du 'jug pa ma yin no/ /bsdu ba brjod pa'i phyogs la skyon bshad pa/ /bsdu ba brjod pa yin na yang/ zhes bya ba la sogs pa smos te/ bsdus pa brjod pa'i phyogs la rigs dang dka' la sogs pa'i khyad par brjod pa gsal por khas blangs pa'i phyir so sor brjod pa'i phyogs la 'byung ba'i nyes pa bsdu ba brjod pa la thams cad cig car 'byung bar 'gyur ro/ /med pa'i khyad par zhes bya
- 370a
ba la sogs pa'i phyogs gnyis kyi skyon bshad pa ni/ nges par ma bzung zhes bya ba la sogs pa ste/ sngar tshig gi don drug par brtag ldan pa dang 'du ba'i tshan nyid kyi 'brel pa bsal pa'i phyir grangs can pa'i tha mi dad pa'i spyi dang/ tshig gi don drug brtag par tha dad pa yang bsal ba'i phyir med pa'i ldan pa dang med pa'i khyad par gyi spyi yang brjod par bya ba ma yin no/ /mngon par brjod pa'i phyogs la yang/ tha dad rigs sogs zhes bya ba la sogs pa smos te gal te sgra 'don 'ga' zhig yod na de ni de'? lhan cig gcig tu 'gyur na/ ji srid du rang gi mtshan nyid la sogs pa'i ngo bo sgra'i don du mi srid pa'i sngar bstan te/ de ji ltar de dang gcig tu byed par 'gyur/ gzhan yang mngon par brjod pa 'di ni blo la gnas pa kho na yin te/ 'di ltar phyi rol gyi sgra dang don dag dbang po tha dad pas gzung bar bya ba'i phyir 'di dag las tha dad par 'dod pas de dag don dam par gcig tu byed par 'gyur ba rigs pa ma yin no/ /de'i phyir sgra dang don blo la gnas pa kho na blos gcig tu rtogs pa'i phyir gcig tu byed par rigs te/ 'di ltar brjod bya'i rnam pa 'dzin pa sgra'i rang bzhin bsgribs pa blo la gsal ba sgra'i bdag nyid kyi rang gi ngo bo dang rjes su mthun pa'i don rnam par ma phye bas nang du 'jug pa ni mngon par brjod pa zhes bya'o/ /de yang blo bdag nyid du rtogs pa'i rnam par rigs kyi/ phyi rol ni ma yin te/ de ni gcig tu phan tshun dben pa'i rang bzhin yin pa'i phyir ro/ /de lta yin dang po ma thag tu brjod pa'i blo sgra'i don yin pa'i phyogs las 'di la bye brag ci yod de ci yang med do/ /gnyi ga la yang blo la snang ba kho na don yin no/ /sgra don gcig tu byas pa zhes bya 'di tsam zhig tha dad la/ shes las tha dad ma yin pa'i/ ji ltar don gzhan 'brang bar
- 370b
'gyur/ /zhes bya ba'i skyon ni mtshungs pa kho na'o/ /de nyid ston pa ni/ de phyir de ma thag ces bya ba la sogs pa'o/ /spobs pa'i phyogs la skyon bshad pa ni/ gal te phyi'i don don zhes bya ba la sogs pa ste/ gal te don dam par phyi rol gyi don gyi yul can yin na/ de sgra la sogs pa dngos po gcig la gzhung lugs 'gal ba la gnas pa'i spobs pa sna tshogs par mi 'gyur te/ gcig la rang bzhin du ma mi srid pa'i phyir ro/ /ci ste yul med pa yin na de'i tshe don la 'jug pa dang rtogs pa dag tu mi 'gyur te/ de'i sgra'i yul ma yin pa'i phyir ro/ /ci ste rang gi snang ba don med pa la don du zhen nas 'khrul pas 'jug pa dang shes pa de dag tu 'gyur ba de'i tshe sgra'i don 'khrul pa nyid du 'gyur te/ 'khrul pa de'i sa bon te rgyu brjod par bya dgos so/ /gzhan du 'khrul pa sa bon med pa yin na thams cad thams cad du thams cad kyi tsher 'gyur te/ gal te dngos po rnams kyi phan tshun tha dad pa nyid 'di'i sa bon yin par khas len na de'i tshe kho bo cag gi phyogs nyid khyed kyis sgrub par byed pa'i phyir grub pa la sgrub po/ /de na phyogs thams cad la mtshungs pa'i skyon bshad pa ni/ gal te 'di dag ces bya ba la sogs pa'o/ /rang gi mtshan nyid dang rigs la sogs pa 'di thams cad skad cig ba 'am/ /skad cig ma ma yin grang/ de la phyogs dang po la brda'i dus su mi 'gro ba'i phyir de la brda byed pa ma yin no/ /skad cig ma ma yin pa'i phyogs la yang rim ma yin pa las rim can 'byung ba med pa'i phyir sgra'i don gyi shes pa rim can med par thal bar 'gyur ro/ /gzhan du zhes bya ba ni skad cig ma ma yin no/ /gzhan dag ni sgras don brjod par 'dod pa rjes su dpog par byed do zhes zer te/ ji skad du brjod par 'dod pa rjes dpog pa/ sgra las gzhan pa yod ma yin/ zhes bshad
- 371a
pa lta bu'o/ /de la bshad pa/ 'di nyid kyis ni zhes bya ba la sogs pa smos te/ gal te don dam par brjod par 'dod pa don dam pa sgra'i don gyi yul du 'dod na/ de ma grub ste rang gi mtshan nyid la sogs pa'i sgra'i don 'ga' yang mi srid pa'i phyir ro/ /de'i phyir don dam par don 'ga' zhig la brjod par 'dod pa ma yin te/ rjes su 'gro ba can gyi don mi srid pa'i phyir ro/ /de ston par byed pa'i sgra yang yod pa ma yin te/ thos pa gang zhig ces bshad pa yin te/ thos pa ni sgra'o/ /brjod par 'dod pa ste rtog par bya ba la thos pa sgra las phyi rol la 'jug par mi 'gyur te/ de ma brjod pa'i phyir don gzhan bzhin no/ /ci ste brjod par 'dod pa gsal ba'i gzugs la sogs pa'i don gang yin pa dang phyi rol gang yin pa de dag 'dra ba yod pa yin te/ de ni 'dra ba'i phyir ma brjod na yang phyi rol gyi don la 'jug par 'gyur te/ mtshe ma bzhin no zhes bya 'dod de/ des na 'dra phyir zhes bya ba smos so/ /de lta na ni thams cad phyi rol la 'jug par mi 'gyur te/ res 'ga' brjod par 'dod pa gsal ba brjod pa la yang 'jug par 'gyur te na tshe ma dag nyid bzhin no/ /gang yang bye brag tu smras pa rnams sgra'i yul ming du brjod pa dang mtshan mar brjod pa don gyi ngo bo ldan pa ma yin pa'i 'du byed du 'dod pa de yang 'dis sun phyung bar lta bar bya'o/ /'di ltar ming la sogs pa de gal te skad cig ma yin na de'i tshe rjes su 'gro ba mi rung la/ skad cig ma yin na shes pa rim can du mi/ 'thad pa dang/ phyi rol la 'jug pa med par thal bar 'gyur ba dang/ 'du ba'i phyir na thams cad du mi 'gyur ro zhes bya ba sun 'byin pa gang yin pa thams cad nyams pa med par 'jug go /yang na 'dis ni zhes bya ba ni ji ltar srid pa rang
- 371b
gi mtshan nyid la sogs pa sun phyung bas so/ /'di ltar de la yang 'di skad du brjod par bya ste/ gzhan la brten min bdag nyid kyi/ ming sogs rnams la brda nus min/ de phyir de dag ci zhig ltar/ brjod bya nyid du 'thad ma yin/ zhes bya ba'o/ / brjod par 'dod pa la yod pa'i ? don gsal par byed pa na sgra rnams phyi rol la 'jug par mi 'gyur ro zhes gang smras pa 'di la gzhan gyi lan gyi dgos pa bsu ba'i phyir/ brjod 'dod rjes dpag ces bya ba la sogs pa smos te/ brjod par 'dod pa yang smra ba po'i rgyud la 'jug la brjod par 'dod pa de'i rjes su dpag pa ni nyan pa po'i rgyud la yod pa'i phyir brjod par 'dod pa dang rjes su dpag pa de dag bsres pa sprel ba de snang zhes bya ba'i don to/ /rnam pa de phyi rol nyid des nas smra ba po dang nyan pa po dag 'di lta ste phyi rol la 'jug par gyur to/ /'di skad du bstan pa yin te/ don dam par rang gi snang ba nyams su myong ba la smra ba po 'di ltar zhen par 'gyur te/ bdag gis 'di la phyi rol gyi don nyid bstan to/ /nyan pa po yang 'di lta ste/ bdag la 'di phyi rol nyid ston par byed do zhes de'i phyir rab rib can gnyis la zla ba gnyis snang ba bzhin du sgra las byung ba'i tha snyad 'di thams cad de lta bu yin no/ /gal te de lta na kho bo cag gi phyogs su lhung ba'i phyir grub pa la sgrub po/ /sngar spob? pa'i sgo nas song bas de'i phyir yang zhes bshad do/ /de'i phyir de ltar brda ma byas pa'i phyir zhes bya ba'i gtan tshigs 'di ma grub pa ma yin la/ ma nges pa nyid dang 'gal ba nyid dag ni dang po nyid du bsal zin to/ de lta bas na sgras ji skad du bshad pa'i sel ba byed do zhes bya ba 'grub bo/ /phyogs snga ma 'dir gzhan dag sel ba'i sgra thos pa las blo skrag ste/ brjod par 'dod pa'i sel ba'i ngo bo mi shes pas dam bca' ba grags pa la sogs pa 'gal bar bstan
- 372a
pa'i phyir/ 'on te khyed kyi phyogs la sgras/ gzhan sel byed par brjod min nam/ zhes bya bar rgyas par smras te/ sgras gzhan sel byed pa zhes bya ba 'dir zhes bya ba'i sgra kho nas dbyung bar bya'o/ /sgras gzhan sel bar byed ces bya ba de ltar ji ltar rjod par byed ces bya ba'i don to/ /ci'i phyir brjod par mi bya zhen snang ba 'di la zhes bya ba la sogs pa smos te/ gzhan sel ba ni dgag pa tsam nyid du 'dod par grag la/ sgra las byung ba la snang ba 'di la dgag pa tsam du rtogs pa ni med do/ /'o na ci zhe na/ dngos po'i ngo bo nges pa nyid kyis sgra las byung ba'i blo 'jug par dmigs la/ sgra las byung ba'i shes pa la mi snang ba gang yin pa de sgra'i don du rigs pa yang ma yin pa de ha cang thal bar 'gyur ba'i phyir ro/ /de'i phyir dam bca' ba grags pa dang 'gal ba yin no/ /gal te ba lang zhes bya ba la sogs pa'i tshigs su bcad pa gsum gyis shes chen gyi lugs kyi grags pa la sogs pa dang 'gal ba ston par byed pa yin te/ gal te ba lang gi sgra gzhan rnam par gcod pa ston par byed pa lhur len pa yin na de'i tshe de nyid la don byas pa'i phyir nog la sogs pa'i dngos po ba lang gi sgra las rtogs par mi 'gyur te/ de lta yin dang nog la sogs pa ldan pa'i dngos po'i yul la ba lang gi blo skyed par byed pa'i sgra gzhan btsal bar bya dgos par 'gyur ro/ /'di snyam du ba lang gi sgra gcig nyid kyis blo gnyis bskyed pa'i phyir sgra gzhan btsal bar mi bya'o snyam du sems na/ sgra ni zhes bya ba la sogs pa smos te/ sgrub pa'i yul can dang dgag pa'i yul can gyi 'bras bu shes pa gnyis gang dag la yod pa de dag la de skad ces bya'o/ /de la ci 'gyur zhe na/ gcig la zhes bya ba la sogs pa smos te/ sgra gcig la sgrub par byed pa 'am dgag par byed
- 372b
pa rnam par shes pa gnyis kyi mtshan nyid kyi 'bras bu cig car ma yin te/ ma dmigs pa zhes bya ba lhag ma'o/ /dgag pa dang sgrub pa 'bras bu'i shes pa phan tshun 'gal bas rigs pa yang ma yin no/ /gang gis zhes bya ba la sogs pas gtan tshigs bla lhag chad de/ gal te ba lang gi sgras dngos su ba lang ma yin pa las ldog pa ston par byed pa yin na de'i tshe ba lang gi sgra thos ma thag tu nyan pa pos tshes thog mar ba lang ma yin pa zhes bya ba 'di rtogs par 'gyur ro/ /sgra las bar mchod par shes pa skyes pa gang yin pa de nyid sgra'i don du rnam par bzhag ste bar du mchod par ba lang ma yin pa rnam par gcod pa'i blo skye ba yang ma yin no/ /de'i phyir ba lang gi blo mi skye bar thal ba dang/ ches dang por ba lang ma yin par rtogs par 'gyur ba'i phyir gzhan sel ba sgra'i don ma yin no zhe'o/ /gang gi ba lang min log pa'i/ zhes bya ba la sogs pas gzhon nu ma len gyi lugs kyi dam bca' ba'i skyon ston pa yin te/ de ni 'di skad du smra ste/ gzhan sel ba'i mtshan nyid kyi spyi brjod par bya ba nyid du brjod pa na res 'gal ma yin par dgag pa'i mtshan nyid dam/ med par dgag pa'i mtshan nyid brjod pa yin grang/ de la phyags? dang po dam bcas pa la grub pa la sgrub pa'i skyon yin te/ 'di ltar ba lang nyid du brjod pa'i spyi ba lang gi sgra'i brjod bya nyid du 'dod la/ khyed cag kyang ba lang ma yin pa ldog pa'i mtshan nyid kyi spyi ba lang gi sgras brjod do zhes smra ba na de nyid sgra gzhan gyis brjod pa'i phyir ming la rtsod pa 'ba' zhig tu zad do/ yang ji ltar de nyid sgra gzhan gyi brjod pa yin zhe na/ 'di ltar dngos med ces bya ba la sogs pa smos te/ 'di ltar de gang gi phyir snga na med pa la sogs pa'i mtshan nyid kyi dngos po med pa rnam pa bzhi po thams cad ni dngos po gzhan gyi bdag nyid du rnam
- 373a
par gnas te/ ji skad du/ zho sogs 'o ma la med gang/ /de ni snga na med par brjod/ /zho la 'o ma med pa nyid/ /zhig nas med pa'i mtshan nyid yin/ /rta sogs ba lang la med gang/ /gcig la gcig med par brjod de/ /mgo yi yan lag dma' ba dang/ /ri bong rwa sogs ngo bo yis/ /'phel dang mkhrang ba spangs pa ste/ /gtan nas med par brjod par yin/ /tha dad de dag dngos med par/ /mi 'gyur des 'di dngos po nyid/ /ces bshad pa yin no/ /'di ni 'o ma la sogs pa zho la sogs pa'i ngo bo'i med pa ni snga na med pa la sogs par bstan pa'i rten yin no zhes bstan pa yin no/ /ba lang ma yin pa las ldog pa gcig la gcig med pa yin te/ de ni rtags la sogs pa rnam par gcod pa'i ngo bo yin pa'i phyir ro// de lta bas na de'i dngos po yin no/ /de la de ltar dngos po med pa ni dngos po gzhan gyi bdag nyid yin par gnas pa na/ khyed cag gi rta la sogs pa las ldog pa rang bzhin gyi dngos po zhes pa 'di ci zhig la 'dod pa smros shig/ 'di snyam du 'dir ci zhig smra bar bya ste/ 'di ni ba lang la sogs pa'i rang gi mtshan nyid kyi bdag nyid yin no zhes bya bar 'dod na/ re zhig ces bya ba la sogs pa smos te/ thun mong ma yin pa'i khyad par gang yin pa de ni khyed cag gis rta la sogs pa las ldog pa'i bdag nyid du mi 'dod do/ /ci'i phyir zhe na/ bshad pa rtog pa med phyir te/ de la rnam par rtog pa thams cad spangs pa'i phyir ro/ /spyi kho na rnam par rtog pa'i shes pa'i spyod yul du 'dod la/ thun mong ma yin pa'i don ni rnam par rtog pa thams cad kyi spyod yul ma yin te/ ji skad du/ dbang po'i spyod yul ngo bo ni/ rig bya bstan du med pa'o/ /zhes bshad pa lta bu'o/ /bye brag gi bdag nyid la rgyu ni thun mong min pa'i bdag nyid de/ thun mong ma yin pa'i bdag nyid kyis khyad par
- 373b
gang yin pa zhes bya ba'i don to/ /de ltar bye brag med pa bshad nas/ da ni don de nyid bye brag tu bshad pa ni/ de bzhin du ni zhes bya ba la sogs pa'o/ /ji ltar khyed cag thun mong ma yin pa'i khyad par rta la sogs pa las ldog pa'i bdag nyid ba lang gi sgra'i brjod bya mi 'dod pa de bzhin du khra bo la sogs pa khra bo la sogs pa'i sgra brjod par bya ba nyid du mi 'dod do/ /rta la sogs pa las ldog pa'i bdag nyid kyis dngos bo zhes bya ba 'di la yang rjes su 'jug go /ci'i phyir zhe na/ spyi ma yin par thal bar 'gyur phyir/ zhes bya ba smos te/ gal te 'dod pa de'i tshe spyi sgra'i brjod par bya ba nyid du mi 'gyur te/ de ni rjes su 'gro ba med pa'i phyir ro/ /gang kho na'i phyir rta la sogs pa las ldog pa'i bdag nyid kyi dngos po thun mong ma yin pa mi 'thad pa de lta bas na kun la ste/ rigs mthun pa'i khra bo la sogs pa'i gong bu la gang zhig re re la yongs su rdzogs pa'i ba lang gi blo ni de'i rgyu mtshan can yin te/ de yang ba lang nyid ces bya ba'i spyi nyid yin no/ /de la ba lang ma yin pa sel ba'i sgras brjed pa'i phyir ming 'ba' zhig gzhan yin pas de'i phyir dam bca' ba grub pa la sgrub pa'i skyon yin no/ /ci ste med par dgag pa'i mtshan nyid do/ /zhes bya ba'i phyogs de la/ gal te dgag tsam zhes bya ba la sogs pa smos te/ med pa sgra'i brjod bya zhes bya ba na sgra ba lang ma yin pa sel ba'i mtshan nyid kyi med pa brjod par byed pa yin la/ sgra de'i brjod bya phyi rol gyi don gyi stong pa nyid du 'gyur te/ dngos po'i ngo bo la ston pa'i phyir ro/ /gzhan gyi rnam par shes pa tsam/ zhes bya ba ni sngar rnam par shes pa tsam du smra ba 'god pa'i dus su khyed cag gis bkod la kho bo cag gis kyang bsal zin to/ /yang sgra'i don bsal ba'i skabs 'dir grags pas grub pa'i don bkag
- 374a
pa'i phyir de nyid gzhan sel ba'i thabs kyis bstan to/ /de las skyon cir 'gyur zhe na/ de la yang zhes bya ba la sogs pa smos te/ de la te/ stong pa nyid kyi brjod bya la sgra las byung ba'i rta la sogs pa blo'i bdag nyid kyi cha shas 'dzin par 'gyur te/ phyi rol gyi dngos po'i ngo bo 'dzin pa'i phyir ro/ /de lta yin na skyon ci yod ce na/ der ni zhes bya ba la sogs pa smos te/ de la de ltar na gnas pa na sel ba brjod bya nyid ni brdzun par khas blangs par 'gyur te/ /phyi rol gyi don la mi bltos pa'i blo'i rnams pa ni sgrub pa'i ngo bo nyid kyis sgra'i don du 'gyur ba'i phyir ro/ /de lta yin dang dam bca' ba la khas blangs pas gnod pa yin no snyam du bsams pa'o/ /de nyid ston pa ni/ blo'i rnam pa zhes bya ba la sogs pa'o/ /blo'i rnam pa nyid kyi dngos po'i sgra'i don du 'gyur ro/ zhes 'brel to/ 'di snyam du blo de dmigs pa med pa yin na yang ba lang la sogs pa'i blo dag las rigs mi mthun pa dag las ldog pa'i ngo bor 'jug ste/ des na gzhan sel ba brtags pa mi rigs pa kho na'o snyam du sems na/ blo de zhes bya ba la sogs pa smos te/ blo de zhes bya ba ni dmigs pa'i me rta la sogs pa'o/ /sgra'i don la zhes ? ni rta la sogs par zhen bdag la'o/ /dngos po'i ngo bo zhes bya ba ni sgrub pa'i ngo bor zhen pa'o/ /dngos po nyid ces bya ba ni rta la sogs pa'i gong bur nges pa'i blo'i bdag nyid do/ /nges par bzung ba'i 'bras bu ston pa ni/ blo ni mi sal ba'i zhes bya ba ste/ brjod par bya ba gang la sel ba yod pa ma yin pa rta la sogs pa'i blo'i bdag nyid kyi dngos po de la de skad bya ste/ blo'i sel ba med pa'i blo mi sel ba ste/ blo gzhan la sel ba dang bral ba/ zhes bya ba'i don to/ /rnam pa gcig tu na sel bar byed pas sel te/ sel ba med pa ni mi sel ba'o/ /blo'i sel ba med pa ni blo mi sel ba zhes bsdu'o/ /'di skad du bstan pa yin te/ gal te blo blo gzhan las rnam
- 374b
bar bcad pa de lta na yang de blo gzhan rnam par gcod par nges par skye ba ma yin no/ /'o na ci zhe na/ rta la sogs pa'i don la sgrub pa'i ngo bos zhen pa yin no/ /des na dngos po sgrub pa'i ngo bo nyid brjod byar rtog pa rigs pa dang ldan pa yin gyi gzhan sel ba ni ma yin te/ blo gzhan gyis blo mi sel ba'i phyir ro/ /gzhan yang khyed cag gis sel ba'i tshig gi don nyid du brtags pa gang yin pa de ni dag las btus nas btags pa'i tshig gi don du 'dod la/ ngag gi don ni snang ba'i mtshan nyid kho na ste/ ji skad du/ tshig ni ngag las btus pa la/ rnam par dben pas don 'di yin/ /ngag don 'di ni snang bar brjod/ /des na 'di ni bskyed bya yin/ zhes smras pa bzhin no/ /'dir smras pa/ ji ltar phyi rol don med kyang/ /zhes bya ba la sogs pa la/ ji ltar phyi rol gyi don sgra'i brjod bya nyid du med na yang khyed cag gi ngag gi don snang ba'i mtshan nyid du/ brjod kyi gzhan sel ba'i mtshan nyid ni ma yin pa de bzhin du tshig gi don yang dag gi don bzhin du snang ba'i mtshan nyid du 'gyur bas de'i phyir sel ba sgra 'don nyid du ci'i phyir rtogs par byed/ tshig dang ngag gi don gnyi ga yang sgrub pa'i ngo bo nyid yin la rag mod snyam du bsams pa'o/ /'di snyam du snang ba yang gzhan gnyis pa las rnam par bcad pa yod pa'i phyir sel bar rtog go snyam du sems na/ de'i phyir blo ni gzhan zhes bya ba la sogs pa smos te/ gal te 'di mi rtogs pa de lta na yang yod pa nyid do zhe na/ rang gi ngo bo zhes bya ba la sogs pa smos te/ gal te yang blo bo gzhan las ldog pa yod pa de lta na yang de la sgra'i bya ba yod pa ma yin te/ 'di ltar blo 'di sgra las skye bzhin pa na rang gi ngo bo skyed pa las ma rtogs pa gzhan gyi rnam par bcas pa 'di mtshan nyid sgra las zhen pa'i che 'dzin par mngon par ma yin no/ /'o na ci zhe na/ sgrub pa'i
- 375a
ngo bor zhen pa nyid skyed par byed do zhes bya ba'i don te/ sgras ma zhen pa'i dngos po'i cha yang sgra'i don du rigs pa ma yin te/ ha cang thal bar 'gyur ba'i phyir ro/ /de lta bas na dam bca' ba grags par gnod pa yin no snyam du bsams pa yin no/ /yang thal bar 'gyur ba sgrub pas grags pa dang 'gal ba nyid bstan pa'i phyir/ gal te gzhan la zhes bya ba la sogs pa smos te/ gang dag ba lang rta la sogs pa tha dad pa'i spyi brjod pa dang/ yang gang dag khra bo la sogs pa bye brag brjod pa de dag thams cad khyed la rnam grangs par 'gyur te/ don tha dad pa med pa'i phyir shing ljon pa dang rtsa bas 'thung la sogs pa bzhin no/ /yang ci'i phyir don tha dad pa med ce na/ 'dres dang zhes bya ba la sogs pa smos te/ dngos po kho na la bsre ba nyid dang/ gcig nyid dang/ sna tshogs pa la sogs pa'i rnam par rtog pa srid pa yin gyi dngos po med pa la ni ma yin no gzhan sel ba rnams ni dngos po med pa'i phyir phan tshun du 'dre ba la sogs pa'i rnam par rtogs pa rigs mang yin no/ /de'i phyir ji ltar 'di dag gi phan tshun tha dad pa 'grub par 'gyur/ ci ste de dag tha dad khas len par byed na/ de lta yi na ngas par dngos po nyid du 'gyur ro zhes ston pa ni/ gal te thun mong zhes bya ba la sogs pa'o// dngos po yin zhes bya ba ni bsgrub bya ston pa'o/ /sbyor ba ni gang dag phan tshun tha dad pa de dag ni dngos po yin te/ rang gi mtshan nyid bzhin no/ /gzhan sel ba yang phan tshun tha dad pa yin no zhes bya ba ni rang bzhin gyi gtan tshigs so/ /de lta yin dang dngos po nyid yin na sgrub pa kho na sgra 'don no zhes bya bar grub po/ /'dis ni dam bca' ba la rjes su dpag pas gnod pa bstan pa yin no/ /yang sel ba rnams dngos po med pa nyid du khas len pa ni de'i tshe sna tshogs pa nyid med
- 375b
pa'i phyir snga ma bzhin du rnam grangs pa nyid du thal bar 'gyur ro zhes bya ba 'di ni nges so/ /'dir gzhan gyi sangs rgyas pa'i lan gyi dogs pa bsu ba ni/ 'on te gsal ma bya zhes bya ba la sogs pa ste/ ji skad du/ bsal bya'i dbye bas tha dad don/ /rang don tha dad rtogs pa blun/ zhes bshad pa bzhin no/ /de lta yin dang rang las tha dad pa med na yang gsal bar bya ba'i rta la sogs pa tha dad pas ba lang ma yin pa las ldog pa'i ngo bo'i sel ba tha dad du grub pa na rnam grangs 'di nyid du mi 'gyur ro/ / de ni rang las khyad par med ces bya ba la sogs pas gzhan dag sun 'byin pa yin te/ sel ba de ni rang las khyad par te sna tshogs pa nyid yod pa ma yin te/ med pa ro gcig pa'i phyir ro/ /'di gzhan las yin na yang kun brtag pa nyid du 'gyur gyi/ don dam pa ni ma yin no/ /rang la tha dad pa med pa ni gzhan las srid pa rigs pa ma yin no/ /ci'i phyir rigs pa ma yin zhe na/ gang phyir rten ni zhes bya ba la sogs pa smos te/ 'di ltar 'dren pa ni 'brel ba ste/ kho bo la sogs pa nang gi yan lag yin na yang sel ba 'di ni ngo bo ste rang bzhin gyis dbye bar mi nus te khra bo la sogs pa mang po dag la yang ba lang ma yin pa rnam par gcod pa'i mtshan nyid kyi sel ba gcig 'jug par 'dod pa'i phyir ro/ /de ji ltar phyi rol gyi yan lag tu gyur pa gsal bar bya ba rta la sogs pa dag gi tha dad par 'gyur gang zhig nang gi yan lag gis kyang don tha dad par byed pa ma yin pa de phyi rol gyi yan lag gis 'gyur ba ma yin te/ phyi rol gyi yan lag nyams par thal bar 'gyur ba'i phyir ro/ /de lta bas na 'di ni khyad bar dang ldan par brtags pa yin no zhes bzhad gang du byed pa yin no/ /'o na de lta na nang gi yan lag rten dang 'dra ba tha dad du byed par 'gyur ro zhe na/ de bzhin zhes bya ba la sogs pa smos te/ 'di ni zhes bya ba ni gzhan sel ba'o/ /ci'i phyir mi rigs she na/ 'brel pa can
- 376a
ni zhes bya ba la sogs pa smos te/ de ni rang bzhin med pa'i phyir dngos po med pa gang yin pa 'brel pa can tha dad do zhes bya ba re zhig lta zhog/ ji srid dngos po la yang 'brel pa can tha dad pa tha dad par ma dmigs pa kho na ste/ 'di ltar lhas byin slogs pa dngos po gcig yin na yang rim mam cig car gyis stan la sogs pa du ma dang 'brel ba can tha dad pa mi sgrub pa nyid du dmigs so/ /gang zhig gzhan las so? ldog pa'i dngos po ma yin pa dngos po ma yin pa'i phyir gang du yang ma 'brel ba ste dngos po ma 'brel las med pa nyid kyis gzhan dag las te rigs mi mthun pa las ldog pa ma yin pa smos kyang ci dgos/ de nyid kyi phyir khyad par gyi cha shas ma gtogs pa de de 'dra ba'i 'brel pa can tha dad pas kyang ji ltar tha dad par 'gyur/ /gzhan yang 'brel pa can tha dad pas tha dad pa yin du chug mod/ /de lta na yang gang zhig tha dad pas da tha dad par rtogs pa spyi dngos por gyur pa khas mi len na khyed cag gi sel ba'i rten 'brel pa can de nyid mi 'grub bo zhes bstan pa ni/ 'dra ba nyid du ma grub pa zhes bya ba la sogs pa ste/ gal te ba lang la sogs pa'i dngos por gyur pa'i 'dra ba grub par gyur na de'i tshe 'di dag gi rta la sogs pa sel ba'i rten nyid khyad par med par 'gyur gyi gzhan du ni ma yin no /de lta yin dang 'di dag sel ba'i yul can du 'dod na gdon mi za bar 'dra ba khas blangs par bya dgos la/ de nyid spyi dngos por gyur pa sgra'i brjod byar 'gyur pa'i phyir sel ba brtags pa don med pa yin no snyam du bsams pa yin no //yul gyi sgra ni 'di brten rjod par byed pa yin te/ dper na nya'i yul ni chu yin no zhes bya ba blta'o/ /gang dag gsol bya tha dad du rtog pa de dag ni de ltar dngos por gyur pa med par 'grub par mi 'gyur ro zhes ston pa ni/ gsal bar bya ba'i zhes bya ba la sogs pa ste/ gal te rta la sogs pa thams cad la thun mong ba'i chos gcig
- 376b
po 'ga' zhig rjes su 'gro bar gyur na de'i tshe de dag thams cad ba lang la sogs pa'i sgra dag gis gsal bar gyur gyi gzhan du ni ma yin te/ khyad par yongs su ma shes pa'i phyir ro/ /thun mong ba'i chos khas len na yang sel ba brtags pa don med par 'gyur ro// des na ste de'i phyir sel ba mi 'grub bo/ /gzhan yang khyed cag gi sgra dang rtags de dag gis sel ba rtogs par byed do zhes bya bar 'dod la/ sgra dang rtags dag spyi dngos por gyur pa med par 'jug par mi rigs te/ de lta bas na gang gis sel ba rtogs par byed ces bya ba 'di ston pa ni/ rjes su 'gro ba dang bral zhes bya ba la sogs pa ste/ rjes su 'gro ba med par zhes bya ba'i don to/ /de dag ces bya ba ni sgra dang rtags dag med na sel ba med de rtogs pa zhes bya ba lhag ma'o/ /rang gi mtshan nyid kyis rjes su 'gro ba bya nas sgra dang rtags dag 'jug par 'gyur ro zhe na/ thun mong min la rjes 'gro med/ ces bya ba smos te/ rang gi mtshan nyid thun mong ma yin pa gzhan la mi brten pa de ji ltar des rjes su 'gro bar 'gyur/ de'i phyir de ltar sel ba brtags pa na sgra dang rtags dag 'jug pa nyid du mi 'gyur ro/ /'jug pa yin du chug mod/ de lta na yang 'di dag la tshad ma nyid du khas len pa nyams par 'gyur ro zhes ston pa ni/ sel ba yang ni zhes bya ba la sogs pa ste/ rtogs par bya ba'i don la ma 'khrul pa yin na sgra dang rtags dag tshad ma nyid du 'gyur ro/ /rtogs par bya ba'i don yang khyod kyis sel ba la 'dod na/ de yang dngos po med pa'i phyir ma grub ste/ rang bzhin med pa nyid yin no/ /de lta bas na sgra dang rtags dang lhan cig yod pa ste ma 'khrul pa gang du ste yul gang la yin pa smros shig/ smras pa/ des ci zhig bya zhe na/ de dag ces bya ba la sogs pa smos te/ de dag ces bya ba ni sgra dang rtags dag go/ de dag la zhes bya ba ni lhan cig sdong pa'o/ tshad ma'i mtshan nyid ni mi slu ba'i
- 377a
phyir ro snyam du bsams pa'o/ /ci ste yang rigs mi mthun pa ma mthong ba tsam gyis sgra dang rtags dag gis lhan cig spyod pa ma bzung bar rang gi don? rtogs par 'gyur ro snyam na/ de dag ma mthong ba zhes bya ba smos te/ tsam smos pa ni rjes su 'gro ba mthong ba rnam par bcad pa'i don du'o/ /ci'i phyir mi 'gyur zhe na/ thams cad ni zhes bya ba la sogs pa smos te/ thams cad la ste rigs mthun pa dang/ rigs mi mthun pa dang/ rang gi don la'o/ /de lta yin dang 'di ni rang gi don no/ /'di ni gzhan gyi don no zhes bya ba de lta bu rtogs pa ste shes pa khyad par du mi 'gyur ro/ /rang gi don yang mi rtogs na de la yang ma mthong ba'i phyir gzhan gyi don bzhin zhes bya ba'i tha tshig go /la lar rtogs par bya ba zhes 'don pa der ni rtogs par bya ba'i don khyad par du 'gyur ba ma yin zhes bya ba'i don to/ /de'i phyir de ltar sgra dang rtags dag gi 'jug pa dang tshad ma khas blangs pa nyams par thal bar 'gyur ba'i phyir sel ba sgra'i don du rigs pa ma yin no/ /gang yang 'dra ba nyid du ma grub po zhes bya ba la sogs pa smras pa de la gzhan gyi lan gyi dogs pa bsu ba ni/ 'on te 'dra ba nyid med kyang zhes bya ba la sogs pa ste/ gal te 'dra ba med par khra bo la sogs pa sel ba rtogs par 'gyur na de'i tshe ba lang dang rta yang ci'i phyir rtogs par mi byed de/ khyad par med pa'i phyir ro ba lang dang rta la sogs pa la yang/ zhes bya ba 'di bya ba 'di'i mtshan nyid 'dod? pa'i phyir bram zes ba lang dang rta dag gi zhes bshad do/ /khyad par med pa de nyid ston pa ni/ khra bo las zhes bya ba la sogs pa ste/ gang du ba lang min sel 'jug ces bya ba la/ ji ltar khra bo las mi 'dra ba'i phyir rta la mi 'jug pa de bzhin du ser? zal? la yang de dang mi mthun pa yod pa'i phyir de la yang 'jug par mi 'gyur ro/ /de bzhin du khra bo la sogs pa la yang sbyar par bya ste/ thams cad du mi 'dra bar
- 377b
khyad par med pa'i phyir ro/ /gzhan yang ji ltar rang gi mtshan nyid la sogs pa la brda mi srid pa'i phyir sgra'i don du mi rigs pa de bzhin du sel ba la yang ngo zhes bstan pa'i phyir/ ba lang min sel dbang pos kyang zhes bya ba la sogs pa smos te/ rang gi nges pa'i don la brda byed pa pos brda byed pa yin te/ gzhan sel ba ni su zhig gis kyang dbang po dag gi kyang /des pa ma yin no/ /dang por ste/ tha snyad kyi dus las sngar ming dang ming can 'brel ba'i dus su zhes bya ba'i don to/ /de ni dngos po ma yin pa'i phyir la dbang po rnams ni dbang po'i yul can yin pa'i phyir ro snyam du bsams pa yin no/ /'di snyam du gzhan las ldog pa'i rang gi mtshan nyid dmigs nas sgra sbyor bar byed do snyam du sems na/ gzhan la sgra 'jug ma yin zhes bya ba smos te/ gzhan sel ba las gzhan rang gi mtshan nyid la zhes bya ba'i don to/ /sel ba dngos pos nges pa ma yin mod kyi rjes su dpag pas 'gyur ro zhe na/ sngar bstan pa'i zhes bya ba la sogs pa smos te/ de la sngar bstan pa'i rnam pa rjes su 'gro ba dang bral pa'o/ / sgra dang rtags dag 'jug pa ma yin zhes bya ba la sogs pa'o/ /'brel pa nyams su myong yang zhes bya ba la sgra dang lhan cig ces bya ba ni lhag ma'o/ /sngar bstan pa'i mi 'dra ba la sogs pa mi 'thad pa 'ba' zhig tu ma zad pa ces yang gi sgra bstan to// des na ni de'i phyir ro/ /de'i phyir de ltar brda ma byas par yang sel ba la sgra 'jug par khas blangs pa'i phyir brda ma byas pa'i phyir zhes bya ba'i gtan tshig 'di ma nges pa nyid du bstan nas/ yang sel ba la brda mi srid par bstan pa'i phyir ba lang min pa'i sgras brjod bya/ zhes bya ba la sogs pa smos te/ ji ltar rta la sogs pa ba lang ma yin pa'i sgra'i brjod par bya ba nyid de/ ba lang gi sgras brjod par bya ba ma yin par khyed cag gis rtogs par bya'o/ /zhes bya ba 'di
- 378a
khyed cag gis brjod par 'os so/ /sangs rgyas pas smras pa/ gang du 'brel pa zhes bya ba la sogs pa la 'brel pa nyams su myong ba'i tshe zhes bya ba ni brda rtogs pa'i dus na zhes bya ba'i don to/ /'o na ba lang/ zhes bya ba la sogs pas pha rol po sun 'byin pa 'chad de/ gal te brda nyams su myong ba'i dus na dmigs pa gang yin pa de las gzhan du ba lang gi sgra 'jug par mi 'dod pa de'i brda'i yul du byas pa'i khra bo la sogs pa'i ba lang gi gong bu gcig las gzhan gang yin pa ser zal la sogs pa de yang ba lang sel bar 'gyur ro/ /de lta yin dang spyi brjod par bya ba yin no zhes bya ba mi 'grub po/ /phan tshun brten pa'i skyon du thal bar 'gyur ba zhes bya ba 'di las kyang sel ba la brda bya bar mi nus so zhes bstan pa'i phyir/ grub na yang zhes bya ba la sogs pa smos te/ ba lang ma yin pa rnam par bcad nas ba lang rtogs la/ ba lang ma yin pa de yang ba lang bkag pa'i bdag nyid yin no/ /de lta yin dang gang gis ba lang ma yin pa zhes bya ba 'di la ba lang dgag pas 'geg par 'gyur ba lang ma yin pa zhes bya ba 'di la tshig phyi ma'i don brjod par bya dgos so/ /rang gi ngo bo mi shes pa ni dgag par nus pa ma yin no// ci ste yang 'di la ci zhig brjod par bya/ 'di'i ba lang zhes bya ba ni ba lang ma yin pa las ldog pa'i bdag nyid yin no snyam na/ gal te de ni zhes bya ba la sogs pa smos te/ de ni zhes bya ba ni ba lang ngo/ /'di ltar ba lang ma yin pa las ldog pa'i rang bzhin pa'i phyir ba lang ni ba lang ma yin pa rtogs pa'i sgo nas rtogs la/ ba lang ma yin pa yang dgag pa'i bdag nyid yin pa'i phyir ba lang rtogs pa'i sgo nas rtogs pa'i phyir phan tshun brten pa gsal
- 378b
bar rab tu 'jug pa yin no/ /ci ste yang ba lang ma yin pa'i sgras ba lang gang yin pa 'gegs pa na ba lang ma yin pa rnam par gcod pa'i mtshan nyid kyi sel pa grub par bya ba'i don du sgrub pa'i ngo bo de nyid sel pa'i don du grub ste/ des na phan tshun brten par mi 'gyur ro snyam na/ de'i phyir grub mdza' la'ang zhes bya ba la sogs pa smos te/ gal te de lta yin na sgra thams cad sal ba'i don can zhes bya ba de lta bu'i sel ba rtogs pa don med pa yin te/ sgrub pa'i ngo bo don yang yod pa'i phyir ro/ /de lta bas na grub pa'i ngo bo 'ga' zhig sgra'i don du grub par khas blang par bya dgos te/ de khas mi len na yang phan tshun brten pa'i nyes pa bzlog par dka' o/ /phan tshun brten pa'i nyes pa de dag nyid mjug bsdu ba'i phyir/ /ba ma grub na zhes bya ba la sogs pa smos te/ de med ces bya ba ni ba lang ma yin pa med na'o/ /slob dpon phyogs kyi glang po'i khyad par dang khyad par can gyi dngos po bsgrub pa'i phyir/ /utpal la sngon po la sogs pa'i sgra ni don gzhan la ldog pa'i sgra khyad par can rjod do zhes bya bshad pa de ni mi rigs so zhes bstan pa'i phyir/ rten dang brten pa zhes bya ba la sogs pa smos te/ gang zhig gang dang lhan cig dngos po ba'i 'brel pa yod pa de ni des khyad par du byas pa yin no zhes bya bar rigs la/ sngon po dang utpa la dag gis sngon po ma yin pa dang/ utpa la ma yin pa rnam par bcad pa'i ngo bo nyid kyi dngos po med pa dag la ni rten dang brten pa la sogs pa'i 'brel pa srid pa ma yin te/ ngo bo med pa'i phyir ro/ /sogs pa smos pas ni ldan pa dang 'du ba dang don gcig la 'du ba la sogs pa'i 'brel pa gzung ngo/ /dngos po pa'i 'brel pa med na des khyad par du byas pa rtogs par rigs pa yang ma yin te/ ha cang
- 379a
thal bar 'gyur ba'i phyir ro/ /ci ste yang gang las skyon 'dir 'gyur ba kho bo cag ni sngon po ma yin pa las ldog pas khyad par can gyi utpal la sogs pa rnam par gcod pa ni ma yin no/ 'o na ci zhe na/ sngon po la yin pa dang utpal ma yin pa dag las ldog pa'i dngos po nyid de ltar gnas par gnas la/ de las don gzhan las ldog pa'i khyad par can brjod do zhes bya ba'i don 'dir 'dod do snyam na/ de'i phyir thun mong min pa'i zhes bya ba la sogs pa smos te/ rang gi mtshan nyid ni brjod par bya ba ma yin pa'i phyir dang/ de dang ldan pa'i phyogs la yod pa'i skyon du thal bar 'gyur ba'i phyir ro/ snyam du bsams pa yin no/ /thun mong ma yin pa'i dngos po go bar bya ba yin la rag mod/ /de lta na yang de gzhan las ldog pas khyad par can nyid du mi 'grub po zhes ston pa ni/ dngos po dang ni zhes bya ba la sogs pa ste/ dngos po ni thun mong ma yin pa'o/ /dngos med ni sel ba'o/ /dngos po dang dngos po med pa dag la 'brel pa rig pa yang ma yin te/ de'i rten ni dngos po gnyis yin pa'i phyir ro/ /'brel ba yod du chug mod/ de lta na yang sel ba khyad par nyid du mi rigs so zhes ston pa ni/ rang gi ngo bo zhes bya ba la sogs pa'o/ /sngon po la sogs pa yod pa tsam gyis utpa la la sogs pa'i khyad par du 'gyur pa ni ma yin no/ /'o na ci zhe na/ shes pa yin na ste/ gang zhig rang gi rnam pa'i rjes su byed pa'i blos khyad par can gsal par byed pa de ni khyad par zhes bya'o/ /sel ba la ni rnam pa 'di yod pa yang ma yin no zhes ston pa ni/ rta la sogs pa zhes bya ba la sogs pa'o/ /rta la sogs pa'i blos ni sel ba nges pa ma yin no/ /'o na ci zhe na/ dngos po nyid de/ de ltar yin dang sel ba'i rtogs pa med pa'i phyir blos des rta la sogs pa gsal bar byed pa ma yin no/ /'di snyam du sel ba ma shes na
- 379b
yang khyad par du 'gyur ba yin no snyam du sems na/ 'di la zhes bya ba sogs pa smos te/ khyad par ma bzung bar ni khyad par can gyi blor 'gyur ba ma yin te/ khyad par mi shes pa gang la yod pa de la de skad ces bya ba'i/ /blo la yod pa'i sel ba yin du chug mod/ /da lta na yang dngos po la de'i rnam pa'i blo med pa'i phyir de de'i khyad par du rigs pa ma yin no zhes bstan pa'i phyir/ /gzhan gyi ngo bo zhes bya ba la sogs pa smos te/ khyad par thams cad ni khyad par can la rang gi rnam pa rjes su byed pa'i blo skyed par byed par mthong ba?/ /khyad par mi 'dra ba ni khyad par can la mi 'dra ba'i blo skyed par byed pa ma yin no/ /sngon po ni utpa la dmar po zhes bya ba las/ dbyig pa ni rna cha can zhes bya ba'i blo skyed par byed pa ma yin pa ltar 'di rta la sogs pa la med pa dang rjes su mthun pa'i sgra las byung ba'i blo skye ba ma yin no/ /'o na ci zhe na/ dngos po'i rnam par zhen pa yin no/ /'di snyam du mi 'dra ba'i shes pa skyed par byed pa yang khyad par du brjod do snyam du sems na/ ji ltar zhes bya ba la sogs pa smos te/ mi 'dra ba zhes bya ba ni khyad par dang rjes su mi mthun pa'o/ /gal te yin na skyon ci yod ce na/ ci ste zhes bya ba la sogs pa smos te/ ci ste gal te khyed cag gi khyad par dang rjes su mthun pa nyid kyi khyad par can la rnam pa gzhan du gnas na yang khyad par du rtogs pa yin na/ de lta na ni sngon po la sogs pa thams cad thams cad kyi khyad par du 'gyur ro/ /de lta yin dang rnam par mi gnas par 'gyur ro/ /ci ste yang sel bas kyang rang gi blos khyad par du byas pa'i dngos po gsal bar byed pa kho na'o snyam du sems na/ med pas go bya zhes bya ba la sogs pa smos te/ med pa ni sel ba'o/ /med pa des go bar bya ba ni med pas go bya'o/ /med pas go bar bya ba'i rang bzhin rang gi ngo bo khyad par du bya ba'i dngos po gang la yod pa de la de skad
- 380a
ces bya'o/ /gal te med pa'i ngo bos dngos po brtags par 'gyur na de'i tshe dngos po nyid du 'gyur te/ dngos po dang dngos po med pa dag ni 'gal ba'i phyir ro/ /dkyus ma nyid mjug bsdu ba'i phyir/ /de phyir sel bas zhes bya ba smos so// 'di snyam du gzhan las ldog pa nyid kyi dngos po la sgra dang rtags dag 'jug par mthong gi gzhan sel ba dang bral ba la ni ma yin no/ /des na sgra dang rtags dag gis sel ba bstan par bya ba ma yin no zhes brjod kyi/ med par dgag tsam bstan pa las ni ma yin no/ /des na grags pa la sogs pa dang 'gal ba ji skad du bshad pa thams cad du 'gyur ro snyam du dogs pa bsu nas/ gal te sel ba zhes pa la sogs pa smos te/ gal te dngos po de gzhan las ldog pa yin pa de lta na yang de las sgra dang rtags las byung ba'i rtogs pa skye ba na gzhan las zlog pa yin na yang dmigs pa ni ma yin no/ /'o na ci zhe na/ dngos po'i cha nyid la mngon par rgyug pa yin te/ de la rjes su chags pa'i phyir ro/ /dngos po'i cha gang kho na sgra 'am rtags pa las byung ba'i shes pas nges pa de kho na'i yul yin gyi/ /yod na yang ma nges pa ni ma yin no/ /me tog ma li ka la sogs pa'i sgra ni dri la sogs pa yod kyis kyang brjod bya nyid du rnam par 'jog pa ni ma yin no/ /gang zhig gzhan la ldog pa'i dngos po la sgra dang rtags dag 'jug pa yin no zhes bya ba de yang rigs pa ma yin no zhes ston pa ni/ thun mong ma yin zhes bya ba la sogs pa ste/ gzhan las ldog pa'i dngos po yin na khyed kyi lugs? kyis rang gi mtshan nyid thun mong ma yin pa nyid du 'gyur te/ de ni sgra dang rtags las byung ba'i blo la gsal ba yang ma yin no/ /khyed kyi lugs kyis de rtogs pa med pa'i blo gzung bar bya ba yin pa'i phyir dang/ sgra dang rtags las byung ba'i blo'i yul
- 380b
yang spyi'i mtshan nyid yin pa'i phyir ro/ /ci ste yang 'di rang gi mtshan nyid kyi yul can du khas len pa de yang rigs pa dang 'grel ba ma yin no zhes bstan pa'i phyir ro/ /rnam rtogs med pa pa zhes bya ba la sogs pa smos te/ thun mong ma yin pa'i dngos po ni sgra dang rtags las skyes pa'i shes pa rtogs par bya ba ma yin te/ de na rtogs pa thams cad nub pa'i phyir ro/ /'di ltar rtogs ba ni rigs la sogs pa'i khyad par la reg pa nyid kyis 'jug gi dag pa'i dngos po 'dzin pas ni ma yin no// yang ci ste sgras go par bya ba ma yin pa'i thun mong ma yin pa'i dngos po yang ldog par khyad par can du brjod do snyam na/ sgra yis rtogs bya ma yin zhes bya ba la sogs pa smos te/ rnam pa gzhan gyis kyang spyi dngos nyid du bsgrub pa'i phyir/ /gang tshe zhes bya ba la sogs pa smos te/ gsal ba rnams zhes bya ba ni thun mong ma yin pa'i dngos po rnams te/ brjod bya ma yin pa'i phyir gsal bar bya ba ma yin te/ ma brjod pa ni gsal bar bya bar mi nus pa'i phyir ro/ /de tshe spyi ni gsal bya yin zhes bya ba ni brjod par bya ba yin pa'i phyir ro snyam du bsams pa yin no/ /'di snyam du gal te spyi gsal bya ba yin pa de lta na yang ji ltar de dngos po nyid du 'grub par 'gyur snyam du sems na/ de'i phyir med pa rnams ni gsal bya min/ zhes bya ba la sogs pa smos te/ med pa rnams zhes bya ba ni gzhan sel ba rnams so/ /gal te yin na dngos po nyid du 'gyur ro/ /'di la 'thad pa smras pa/ med pa'i med pa spangs phyir ro zhes bya ba la/ med pa rnams kyi med pa'i ngo bo dor ba'i phyir ro zhes bya ba'i don to/ /'di skad du bstan pa yin te/ gal te sel ba rnams bsal bar bya ba nyid du 'gyur na/ de'i tshe 'di dag gi med pa'i ngo bo bkag pa nyid du 'gyur ro/ /de bkag pa yin na yang med pas med pa'i ngo bo nyid
- 381a
dor par 'gyur ro/ /de lta bas na sel ba'i mtshan nyid kyi med pa nyid kyi ngo bo de yang dor ba'i phyir dngos po nyid du 'gyur ro zhes kha cig zer ro/ /gzhan dag na de ni med pa'i med pa spangs phyir ro zhes bya ba ni med pa rnams kyi med pa'i phyir ro med pa'i rang bzhin gyi sel ba ni bsal bar bya ba mi rigs te/ dgag pa ni dngos po'i yul can yin pa'i phyir ro zhes bya ba'i tha tshig go /de lta bas na sel ba gzhan la ste/ rta la sogs pa sel ba gzhan ba lang la sogs pa'i sel ba bsal ba te gsal po yin te/ spyir gyur pa nyid do zhes nges pa yin no/ /de'i phyir spyi'i dngos po nyid du grub ste/ bsal bar bya ba yin pa'i phyir ro/ /gzhan yang gzhan sel ba rnams phan tshun mi 'dra ba 'am 'dra ba yin grang/ de la re zhig phyogs dang po la nyes pa bshad pa ni med pa'i zhes bya ba la sogs pa ste/ med pa ste ba lang ma yin pa'i sgra'i brjod par bya ba'i med pa gang yin pa ni ba lang gi sgra'i brjod par bya ba'i don no/ /de gal te sngar bshad pa'i med pa de las mi 'dra ba ste/ gzhan zhes bya ba'i don to/ /de'i tshe dngos po nyid du 'gyur te/ dngos po ni dngos po med ldog pa tsam gyi ngo bo yin pa'i phyir ro/ /gal te mi 'dra ba ma yin na de'i tshe khyed cag la ba lang yang ba lang yin par thal bar 'gyur te/ de dang mi 'dra ba ni de'i bdag nyid du rtogs pa ma yin no/ /'di snyam du ba lang dang tal la sogs pa'i sgra dag gi mtshan nyid phan tshun ldog pa yin gyi sel ba gzhan ni med do/ /des na bsal par bya ba nyid yin pas de dag dngos po nyid du thal bar 'gyur ba ni mi 'dod pa ni ma yin no snyam du sems na/ de'i phyir gal te yang zhes bya ba la sogs pa smos te/ gal te yang yod pa'i sgra las gzhan pa ba lang la sogs pa'i sgra la dngos su ri la sogs pa gsal
- 381b
bar bya ba grub kyi/ yod pa'i sgra ni med par brjod pa'i bsal bar bya ba las gzhan pa'i bsal bar bya ba yod pa ma yin no/ /med pa kho na gsal bar bya ba ma yin no zhes bya ba'i don to/ /yod pa'i sgra ni med par rnam par bcad nas 'jug pa'i phyir ro/ /de la skyon cir 'gyur zhe na/ de la med pa 'am zhes bya ba la sogs pa smos te/ snga ma bzhin du med pa'i med pa spangs pa'i phyir med pa'i sel ba ni dngos po nyid du 'gyur ro/ /de lta yin dang sel ba smra ba rnams kyis med pa yang dngos po nyid du thal bar 'gyur ba zhes bya ba'i khas blangs par 'gal ba? kye ma bka' ? ba chen por lhung pa yin no/ /med pa yang yin la dngos po nyid kyang yin la rag mod na/ de ma grub na zhes bya ba la sogs pa smos te/ med pa de ma grub na dngos po 'ga' zhig gi yang yod pa 'grub par mi 'gyur te/ khyed cag gi lugs kyis de'i mtshan nyid med pa rnam par bcad nas gnas pa'i phyir ro/ /dngos po med pa de bsal bya ba nyid yin na dngos po nyid du thal bar 'gyur bas rang gi ngo bo ma grub pa'i phyir med pa yang mi 'grub ste/ de ni med pa rnam par gcod pa'i ngo bo yin pa'i phyir dang/ yod pa yang ji skad du bshad pas mi rung ba'i phyir ro/ /bsal bya phyi rol gnas pa yis/ /de ni 'byed ces zhes bya la sogs pa sngar smras pa gang yin pa dang/ gang yang/ sel ba rnams kyi tha dad pa/ yod min dngos po min phyir ro/ /zhes bya ba la sogs pa smras pa de la sangs rgyas pa kha cig gis lan smras pa/ bsal bar bya ba tha dad pa'i rten tha dad pas sel ba rnams tha dad pa ni ma yin gyi/ 'on kyang thog ma med pa'i dus nas 'jug pa sna tshogs pa don ji lta ba bzhin ma yin pa'i rnam par rtog pa'i bag chags kyi khyad par gyi rjes su 'gro bas de kho na nyid du yul med na yang yul tha dad pa lta bur dmigs
- 382a
pa'i shes pa dag gis phyi rol gyi don tha dad pa dag la tha dad pa lta bu dang don gyi bdag nyid lta bu'i rang bzhin med pa'i sel ba sgro 'dogs par byed de/ de dag kyang de dag gis de ltar sgro btags pa'i tha dad pa dang yod par snang la/ des na sel ba rnams bag chags tha dad pas tha dad pa dang yod pa'i ngo bor 'gyur ro zhes bya ba 'di la yod pa'i ngo bo 'am zhes bya ba la sogs pa smos te/ 'di snyam du dngos po med pa la ni bag chags zhes bya ba yod pa min no snyam du sems te/ yul pa shes pa ni 'ga' yang yod pa ma yin no zhes bya ba 'di ni rnam par shes pa smra ba dpyad par gtan la phab zin to/ /de lta yin dang don ji lta ba bzhin ma yin pa'i rnam par rtogs pa rnams mi rung ba'i phyir des bsgos pa'i bag chags su yang ga las 'gyur/ med la zhes bya ba ni dmigs par 'gyur ba'i dngos po med pa la ste/ yul med pa'i shes pa mi rung bas bag chags 'jog par byed pa'i rnam par shes pa med pa'i phyir bag chags ga la yod ces bya ba'i don to/ /de lta yin dang bag chags med pa'i bag chags kyi byas pa'i sel ba rnams kyi tha dad pa'am yod pa'i ngo bor ga la 'gyur zhes bya bar dgongs pa'o/ /de ltar re zhig brjod par bya bar mngon par 'dod pa'i sel ba bsal nas brjod par mngon par 'dod pa yang bsal bar bya ba'i phyir khyed kyi zhes bya ba la sogs pa smos te/ sgra dag gi tha dad pa spyi brjod pa dang (khyad par brjod pa) phan tshun du tha dad pa ni sgra'i dbye ba'o/ /de'i rgyu mtshan can zhes bya ba ni bag chags tha dad pa 'am brjod par bya ba sel ba tha dad pa'i rgyu mtshan can de rgyu 'di la yod pas de'i rgyu mtshan can no/ /'on te sgra rnams kyi rgyu tha dad pa'i phyir dang/ 'gal ba'i chos ldan pa'i phyir tha dad du mngon sum nyid kyis
- 382b
grub pa yin no zhe na/ thun mong min sgra zhes bya ba la sogs pa smos te/ rjod par byed pa'i sgra'i dbang du byas nas 'di brjod de/ gang zhig rna ba'i rnam par shes pas gzung bar bya ba'i rang gi mtshan nyid thun mong ma yin pa'i sgra ni rjod par byed pa ma yin no/ /ci'i phyir zhe na/ sngar ma mthong phyir ro zhes bya ba smos te/ tha snyad kyi dus su gnas pa'i sgra gang yin pa de ni tha snyad kyi dus su sngar brda'i dus su ma mthong la/ ma mthong ba gang yin de ni 'gags nas yun ring du lon pa'i phyir ro/ /des na tha snyad du byed pa ma yin la/ brda'i dus na ma mthong ba gang yin pa des tha snyad du byed pa rigs pa yang ma yin te/ ha cang thal bar 'gyur ba'i phyir ro/ /de lta bas na rang gi mtshan nyid brjod par byed pa nyid ma yin te/ 'di la ni khyed cag dang yang rtsod pa yod pa ma yin no/ /ji skad du/ don dang sgra'i khyad par ni/ brjod bya rjod byed nyid mi 'dod/ /de ni snga rol ma mthong phyir/ spyi nyid nye bar bstan pa yin zhes bshad do/ /de lta bas na rjod par byed pa'i sgra'i dbang du byas nas brjod pa'i phyir skyon med do/ /de la de ltar gnas pa la ji ltar don gzhan sel ba'i don gyi spyi yin pa bzhin du gal te sgra gzhan sel ba sgra'i don yin pa de'i tshe/ 'dres dang gcig nyid sna tshogs kyi zhes bya ba la sogs pa sngar bshad pa'i tshul gyis brjod bya'i sel ba bzhin du sgra'i sel ba yang phan tshun tha dad pa grub pa ma yin te/ ngo bo med pa'i phyir ro/ /ji ltar rjod par byed pa rnams phan tshun tha dad pa mi 'thad pa de bzhin du brjod par bya ba dang rjod par byed pa phan tshun gcig la gcig tha dad du mi 'thad de/ rang bzhin med pa'i phyir ro/ /'di snyam du bsal bar bya ba tha dad pas tha dad par 'gyur ro snyam du sems na/ bsal bar bya ba tha dad pa zhes bya ba la sogs pa smos te/ ji ltar bsal bar bya ba tha dad pas kyang tha dad du mi 'thad pa de ltar ni/ de ni rang las khyad par
- 383a
med/ ces bya ba la sogs pas bstan zin to/ /de'i phyir de ltar dam bca' ba la grags pa dang khas blangs pas gnod par bstan pa yin no/ /da ni brjod par bya ba dang rjod par byed pa med pas thal bar 'gyur pas khas blangs pas gnod pa la sogs pa'i skyon bstan pa 'dod nas tshad ma dgong pa'i phyir/ khyed kyi phyogs la zhes bya ba la sogs pa smos te/ gang dag dngos po med pa de dag la ni go bar bya ba dang go bar byed pa ma yin te/ nam mkha' me tog dang ri bong gi rwa bzhin no/ /khyed cig brjod par bya ba dang rjod par byed pa'i sel pa yang dngos po med pa yin no zhes bya ba ni khyad par byed pa 'gal ba dmigs pa'o/ /'on te sprin med pa las char pa med par rtogs pas gtan tshigs ma nges pa ma yin ma zhe na/ gal te char dang sprin med pa zhes bya ba la sogs pa smos te/ char dang sprin dag med pa ni yod pa ma yin pa ste/ med pa zhes bya ba'i tha tshig go /bstan pa ni dngos po gtso bo yin pa'i phyir ro/ /char 'bab pa dang sprin med pa de dag mthong nas te go bya go byed ces bya ba'i dbang du byas pa'o/ /gal te sangs rgyas pa dngos po med pa'i phyir zhes bya ba'i gtan tshigs ma nges so smra ba de yang rigs pa ma yin te/ 'di ltar de dag gis dbyen pa'i nam mkha' dang snang ba'i bdag nyid kyi dngos po 'dor nges kyi phyogs la char 'bab pa dang sprin med pa'i sbyor ba la yang yod pa nyid de/ med pa ni dngos po nyid du bsgrubs zin pa'i phyir ro/ /khyed cag sangs rgyas pa'i phyogs la 'di lta ste/ char 'bab pa dang sprin med pa dag go bar bya ba dang go bar byed pa ga las te/ ma yin pa nyid do/ /'ang gi sgra ni rim pa gzhan du 'di zhes bya ba'i mjug tu 'brel par bya'o/ /des na don 'dir 'gyur te/ khyed cag gi rtsod pa gzhir gyur pa'i sel ba dag go bar bya dang go bar byed pa nyid du mi rigs pa
- 383b
'ba' zhig tu ma zad/ char mi 'bab pa dang sprin med pa 'di dag kyang go bar bya ba dang go bar byed pa nyid du mi rigs pa kho na'o zhes bya ba min no/ /gzhan yang khyed cag gi gang zhig rjes su 'gro ba gtso bo ma yin zhing ldog pa gtso che ba'i sgra dang brtags dag rang gi yul rtogs par byed pa nyid du smra ste/ gang yang ma mthong gzhan gyi sgra don la/ rang don cha yang mthong ba'i phyir/ sgra yi 'brel pa nges pa'i phyir/ 'khrul pa yod pa'ang ma yin no/ /zhes bya ba la sogs pa smras pa de gzhan sel ba khas len na mi rigs so zhes bya ba 'di bsgrub pa'i phyir/ gang gis bsgrub pa'i zhes bya ba la sogs pa smos te/ de sngon 'gro zhes bya ba ni sgrub pa sngon du 'gro pa'o/ /ldog pa ni sgrub pa las ldog pa'i mtshan nyid yin pa'i phyir ro snyam du bsams pa yin no/ /gzhan yang sel ba smra ba rnams kyi utpa la sngon po la sogs pa'i sgra dag gi khyad par can gyi dngos po dang gzhi mthun pa'i 'jig rten na grags pa gang yin pa de la bsnyon par 'gyur ro/ /de yang 'di skad du khyad par can dang gzhi mthun pa bsgrub pa'i phyir/ gsal bya'i dbye bas phye ba'i don/ /rang don tha dad rtogs la blun/ /gcig phyir 'bras bu tha dad phyir/ /khyad par khyad par cag dag gi /de tsam zhig ni 'dod pa'i phyir// rang spyis tha dad spangs pa yin/ /the tshom za phyir mi 'dzin pa/ /de dag mtshungs pas don gcig nyid/ /ces brjod pa ni de mi 'thad do zhes bstan pa'i phyir/ gal te gzhan sel ba tsam zhig ces bya ba la sogs pa smos te/ sngar don dag gi khyad par dang khyad par can gyi dngos po bkag nas/ /da ni sgra dag gi yang de 'gegs pa'i phyir zlog pa ma yin no/ /de la phan tshun rnam par bcad par bya ba dang gcod pa byed pa'i dngos po ni khyad par
- 384a
dang khyad par can gyi dngos po yin no/ /de yang dper na utpal sngon po zhes bya ba lta bu'i dag nyid rnams par bzhag la/ de bzhin du gzhi tha dad pa la yang yin te/ dper na rgyal po'i skyes bu zhes bya ba la sogs pa lta bu'o/ /'dug pa'i rgyu mtshan tha dad pa'i sgra dag don gcig la 'jug pa ni gzhi mthun pa'o/ /de yang utpa la sngon po la sogs pa lta bur bsdu ba nyid la 'jog go/ de la tshogs pa'i don brjod pa'i utpa la sngon po la sogs pa'i sgra dag la yang de'i? gzhi mthun pa gang yin pa de nyid mi 'grub ste/ tshogs pa'i don ni sna tshogs pa'o/ /ji skad du tshogs pa brjod par bya ba'i phyir/ de ni sngon po 'ba' zhig min/ utpal gcig bu 'ang ma yin te/ zhes bshad pa lta bu'o/ /ci'i phyir 'grub par mi 'gyur zhe na sngon po min pa zhes bya ba la sogs pa smos te/ gang gi phyir sngon po ma yin pa nyid bkag pa na utpa la ma yin pa bkag pa ma yin la/ de la utpa la ma yin pa bkag pa na cig shos sngon po ma yin pa bkag pa yang ma yin no/ /la lar cig shos ma zhes mo rtags su 'don pa de ni gsal pa'i sgra la bltos par blta bar bya ste/ cig shos sngon po ma yin pa bkag pa min zhes bya ba'i don to/ /'di dag la phan tshun rten dang brten pa'i 'brel pa yang yod pa ma yin te/ ngo bo med pa'i phyir ro zhes bya ba'i tha tshig go /'brel ba med par yang khyad par dang khyad par can gyi dngos po rigs pa ma yin te/ ha cang thal bar 'gyur ba'i phyir ro zhes bstan zin to/ /'di ni khyed kyi lugs kyi sgra rnams tshogs pa'i don brjod pa nyid ma yin te/ thams cad kyang med pa rjod par byed pa'i phyir ro zhes bstan par 'gyur ro/ /de lta bas na khyad par dang khyed par can gyi dngos po rigs pa ma yin no/ /'di snyam du don dag khyad par dang khyad par can gyi dngos por ma gyur mod/
- 384b
de brjod par byed pa'i sgra'i sgra dag ci'i phyir mi 'gyur snyam du sems na brjod par bya ba la zhes bya ba la sogs pa smos te/ brjod par bya ba'i sgo nas de rjod par byed pa'i sgra dag gi khyad par dang khyad par can gyi dngos por brtags par yin gyi/ de'i brjod par bya ba med na rjod par byed pa yang ga las yin/ gzhi mthun pa sun dbyung ba'i bshad pa tha dad phyir zhes bya ba la sogs pa smos te/ don gcig la 'jug pa yin na gzhi mthun par 'gyur gyi/ utpa la dang sngon po'i sgra dag ni don gcig la 'jug pa srid pa ma yin te/ de'i brjod par bya ba utpa la ma yin pa dang dngos po ma yin pa rnam par gcod pa'i mtshan nyid kyi sel ba dag ni/ tha dad pa'i phyir ro/ /'di ltar khyed cag nyid kyis ni/ gsal bya'i dbye bas tha dad don/ zhes bshad do/ /sbyor ba ni sngon po dang utpa la la sogs pa'i sgra dag ni gzhi mthun pa'i tha snyad kyi yul can ma yin te/ yul tha dad pa'i phyir bum pa dang snam bu la sogs pa'i sgra bzhin no/ /ci ste yang don gang kho na la utpa la ma yin ba rnam par gcod par 'jug pa de kho na la sngon po ma yin pa rnam par gcod pa yang gnas pas de'i phyir sngon po dang utpa la'i sgra'i brjod par bya ba'i sel ba dag don gcig la 'jug pa'i phyir sgra dag kyang don gyi sgo can gzhi mthun par bstan par bya'o snyam na/ de'i phyir gal te don las zhes bya ba la sogs pa smos te/ de zhes bya ba ni gzhi mthun pa'o/ /de dag ces pa ni sngon po ma yin pa dang utpa la ma yin pa bkag pa dag go /de dag gi rten dang brten pa dngos po pa ni 'ga' yang yod pa ma yin te/ ngo bo med pa la gang du yang rten mi srid pa'i phyir mo gsham gyi bu bzhin no/ /gzhan yang utpa la sngon po la sogs pa dag la de dag rten dang brten pa yin pa de lta na yang de yod na yang sgra dag gi bstan par bya ba ma?
- 385a
yin no zhes ston pa ni/ thun mong min dngos zhes bya ba la sogs pa smos te/ gang gi phyir re zhig utpa la sngon po la sogs pa'i dngos po de nyid sgras go bar bya ba ma yin te/ der rnam par rtogs pa thams cad nub pa'i phyir zhes bstan zin to/ /de lta yin dang rten du gyur pa'i dngos po de la shes par de'i rten sel ba dag de'i don nyid du ji ltar gzung par nus/ chos 'dzin pa ni chos can 'dzin pa med pa na 'byung ba yin pa'i phyir ro snyam du bsams pa yin no/ /yang ci ste thun mong ma yin pa las ldog pa de dag las gzhan pa'i rten nyid yod do/ /des na skyon 'dir mi 'gyur ro snyam na/ khyed la gzhan yang zhes bya ba la sogs pa smos te/ khyed la zhes bya ba ni khyed cag gi'o/ /'di snyam du gal te don gcig la rtog pa de na yang dngos po gnas pas gnas pa yin no snyam na/ go bya min pa zhes bya ba la sogs pa smos te/ don gcig ces bya ba ni gzhi mthun pa nyid la'o/ /gang du nye bar mkho zhes bya ba ni gang du yang ma yin no zhes bya ba'i don to/ /yod na yang mi shes pa ni sgra'i tha snyad la yan lag ma yin pa'i phyir ro/ /ci ste yang gal te logs pa tsam sgras brjod pa de'i tshe skyon 'dir 'gyur te/ gang gi phyir ldog pa dang ldan pa'i dngos po brjod bya yin te/ de'i phyir ldog pa gnyis kyi khyad par dang ldan pa'i sgra dag sel ba dang ldan pa'i dngos po gcig la 'jug pa'i phyir gzhi mthun pa nyid yod pa kho na'i snyam na de'i phyir/ ci ste yang zhes bya ba la sogs pa smos te/ de la yang zhes bya ba ni sel ba dang ldan pa'i dngos po brjod bya nyid du khas len na sngon po la sogs pa tha dad bdag dang utpal la sogs bdag gi sngon po la sogs pa'i sgra dag gis khyad par de 'phen pa rnyed par dka' o/ /ci'i phyir zhe na/ sngon po la sogs
- 385b
pa'i sgra ni gzhan dbang yin pa'i phyir ro/ /de ni bzlog pa nye bar mtshon pa'i phyir de dang ldan pa'i don brjod pa yin gyi/ dngos su ni ma yin no/ /des na dngos su ma brjod pa'i phyir de la yod pa'i khyad par 'phen pa yod pa ma yin te/ mngar ba'i sgras dkar ba la sogs pa bzhin no/ /gal te yang dkar po la sogs pa la mngar ba la sogs pa'i khyad par gnas pa yod pa de lta na yang sgras dngos su byed pa'i don la yod pa'i khyad par 'phen par nus kyi/ gzhan gyi dbang la don la yod pa ma brjod pa ni ma yin no snyam du bsams pa'o/ /de lta yin dang sngon po la sogs pa'i sgras de la yod pa'i khyad par mi spong pa'i phyir utpal sogs pa rnams la de'i khyad par nyid yod pa ma yin no/ /de'i khyad par nyid ma yin na gzhi mthun pa nyid du mi 'gyur te/ des na rigs dang ldan pa tsam gyi phyogs la/ sgra yis de ldan rjod byed min/ rang dbang can gyi yin pa'i phyir/ zhes khyed kyis skyon brjod pa gang yin pa de ldog pa dang ldan pa tsam gyi phyogs la yang mtshungs so zhes bstan pa yin no/ /'di ltar rigs dang ldan pa tsam gyi sgra'i don la rigs kyi rang gi ngo bo nye bar mtshon pa'i rdzas brjod kyi dngos su ni ma yin pa'i phyir de la yod pa'i bum pa la sogs pa'i khyad par mi 'phen pa'i phyir de'i khyad par nyid ma yin pa na gzhi mthun pa med par thal bar 'gyur ba smras pa de ni ldog pa dang ldan pa tsam gyi phyogs la yang mtshungs so/ /de la yang yod pa'i sgras ldog par nye bar mtshan pa'i rdzas rjod kyi/ dngos su ni ma yin pa'i phyir de la yod pa'i tha dad pa mi 'phen pa'i 'di la yang mtshungs pa kho na ste/ 'dir rigs dang ldan pa dang ldog pa dang ldan pa dag la khyad par ci zhig yod/ skyon gzhan smras pa ni/ rtags dang zhes bya ba la sogs pa smos te/ rtags ni pho dang/ mo dang/ ma ning dag go /grangs ni gcig dang/ gnyis dang/ mang po nyid la sogs
- 386a
pa'o/ /sogs pa'i sgras ni bya ba dang dus la sogs pa'i 'brel pa bzung ngo/ /sel ba ni dngos po ma yin pa'i phyir 'di dag dag dang 'brel pa med la/ rtags la sogs pas dben pa'i dngos po ni sgras brjod par bya ba ma yin te/ de'i phyir dam bca' ba la grags pas gnod par thal bar 'gyur ro snyam du bsams pa yin no/ /ci ste yang gsal ba ldog pa'i rten du gyur pa dngos po yin pa'i phyir rtags la sogs pa dang 'brel pa yod la/ de'i phyir de'i sgo nas sel ba la yang rnam par bzhag go snyam na/ gsal ba yang zhes bya ba la sogs pa smos te/ gsal ba de ni rtogs pa med pa'i phyir rtag dang grangs la sogs pa dang 'brel pas bstan par mi nus te/ de'i phyir ji ltar sel ba de'i sgo nas de rnam par bzhag pa grub par 'gyur/ sel ba sgra'i don du rnam par bzhag pa ma khyab pa'i bstan pa'i phyir/ kun bshad dag la zhes bya ba la sogs pa smos te/ kun bshad dag ste ti ngan nye 'ched do/ /'gro'o/ /zhes bya ba la sogs pa bya ba gtso bo'i sgra dag la gzhan sel ba yod pa ma yin no/ /ci'i phyir zhe na de la ma yin par dgag pa'i zhes bya ba la sogs pa smos te/ dper na su ba'i mdza' can bum pa la sogs pa'o/ /sgra dag la bum pa ma yin pa la sogs pa grub pa'i ngo bo ma yin pa dgag pa'i ngo bo dgag par bya ba yod pa de bzhin du 'tshed pa la sogs pa dgag par bya ba yod pa ma yin te/ grub pa 'ga' zhig kyang yod pa ma yin pa'i phyir ro/ /'di snyam du mi 'tshed pa ma yin no zhes bya ba de lta bu la sogs pa dag la ma yin par dgag pa'i ngo bo dgag par bya ba yod par ma gyur mod/ /'tshed do zhes bya ba la sogs pa'i med par dgag pa'i dgag par bya ba yod par 'gyur ro snyam du sems na/ min pa min zhes bya ba la sogs pa smos te/ blo bskyed par
- 386b
bya ba yin pa'i phyir mi 'ched pa ma yin no zhes bya ba ji lta bu brjod na yang med par dgag pa'i dgag pa nyid brjod par 'gyur ro/ /de la skyon cir 'gyur zhe na/ 'tshed do zhes bya ba'i dgag pa med pa zhes bya ba la sogs pa smos te/ dgag pa gnyis kyi yul ni sgrub pa yin pa'i phyir 'tshed do zhes bya ba ni rang gi ngo bo nyid kyis bar bya ba'i ngo bor gnas pa'i phyir sgrub pa nyid sgra'i don du 'gyur ro/ /gzhan yang 'dir 'tshed do zhes bya ba la sogs par bya ba gang zhig yan lag kha cig grub pa la yan lag kha cig ma grub pa de ni snga dang phyi mar gyur pa'i yan lag gi bya ba sgrub bya nyid du shes pa'i yul yin pa ni bsgrub bya nyid du rtogs la/ de bzhin du 'byung ba dang 'byung bar 'gyur ba la sogs pa la byung ba la sogs pa'i dus kyi khyad par rtogs pa yod kyi sel ba ni bsgrub bya nyid la sogs pa'i dus kyi khyad par rtogs pa srid pa ma yin te/ med par ro gcig pa nyid kyi grub zin pa'i phyir ro/ /de lta bas na sel ba sgra'i don yin pa'i phyogs la bsgrub bya nyid du shes pa dang/ byung ba la sogs pa shes pa ni rgyu mtshan med par 'gyur ro zhes bya ba ni gnod pa'o/ /byung sogs ngo bo zhes bya ba ni byung ba la sogs pa nges pa 'dzin pa'i shes pa zhes bya ba'i tha tshig go /yang/ ma khyab pa nyid du bstan pa'i phyir grags pas gnod pa nyid ston pa ni/ sgrub pa la sogs pa ste/ sogs pa smos pas mgron du pos pa dang/ bod pa la sogs pa gzung ngo/ /'di la gzhan sel pa'i gzhan rnam par gcod pa nges par byed pa yod kyi/ de la ma yin par dgag pa'i ngo bo'i dgag par bya ba yod pa ma yin pa'i phyir zhes bya ba sngar bshad pa 'di nyid 'dir rgyu yin no zhes snyam du sems pa yin no/ /lhas byin mi 'tshed pa ma yin no/ /zhes pa la sogs pa la/ dgag pa'i thog tu dgag pa
- 387a
sbyor na sel ba ci 'dra 'gyur ba yin zhe na/ ci yang ma yin te/ dgag pa gnyis kyi sgrub pa nyid la rag pa'i phyir ro/ /gzhan yang dang la sogs pa tshig gi phrad dang nye bar sgyur pa dang las brjod pa la sogs pa rnams tshig tu 'dod pa la/ yod par rjod par byed pa ma yin pa'i phyir 'di dgag pa dang 'brel pa yang ma yin te/ 'di ltar ji ltar bum pa la sogs pa'i sgra rnams bum pa ma yin pa zhes bya ba la sogs pa'i dgag pa dang 'brel pa yin na don gzhan bum pa la sogs pa yongs su bzung ba'i phyir rnam par bcad pas dgag pa dang bral ba'i bum pa'i sgra'i don du rtogs pa de ltar dang la sogs pa dang ma yin pa la sogs pa'i dgag pa dang 'brel pa yod pa ma yin la/ dgag pa dang ma 'brel pa yang sel bar rigs pa ma yin no/ /de'i phyir dang la sogs pa la sel ba yod pa ma yin te/ sel ba med do zhes bya ba'i don to/ /gzhan yang dag gi don khra bo'i dngos po ni khra bo'i glang du 'dod de/ de'i phyir de la gzhan las ldog par bstan par mi nus te/ grub pa'i ngo bo'i dgag pa ma rtog pa'i phyir ro/ /gang yang nag pa ba lang khrid do shog cig ces bya ba la sogs pa la nag pa ma yin pa la sogs pa rnam par gcod pa'i ngo bo gzhan ldog pa'i yan lag yongs su 'dzin pas brjod pa de ni tshig gi don du 'gyur gyi ngag gi don ni ma yin no/ /yan lag ma yin pa de ni de ltar rnam par dbye bar mi nus pa'i phyir de ltar sgra'i don ma khyab pa rnam pa gnas so/ /gzhan yang gzhan sel ba ma yin gzhan sel ba yin zhes bya ba la sogs pa sgra la sgrub pa'i ngo bo las gzhan pa'i brjod par bya ba mthong ba ma yin te/ ma dmigs so zhes bya ba'i don to/ /'di ltar sel ba'i ngo bo tsam brjod bya nyid du rtogs te/ dgag pa gnyis kyis sgrub pa nyid nges pa'i phyir ro/ /sogs pa'i sgras
- 387b
gzhan las ldog pa dang gzhan rnam par gcod pa zhes bya ba'i rnam grangs dang bzung ngo/ /'on te dgag ? yang dgag pa dang ldan zhes bya ba 'di nyid kyi go ba'i phyir 'di zlos pa ma yin nam zhe na/ 'di ni bden mod kyi/ 'on kyang gzhan sel ba sgra'i don yin no zhes bya ba de lta la sogs pa smra ba'i rang gi tshig nyid kyis sgrub par 'dod do zhes shes par bya ba'i don du yang brjod do/ /'di ltar sel ba'i sgra ni sgra'i don gzhan sel ba ma yin pa rnam par bcad par bya ba yin la/ de yang sgrub pa las gzhan du mi mngon no/ /gang dag gzhal bya dang shes bya dang shes brjod bya la sogs pa'i sgra de dag la bsal bar bya ba yod pa ma yin te/ thams cad gzhal bya la sogs pa'i rang bzhin pa'i phyir ro/ /'di ltar gang yang 'di dag la rnam par bcad par bya ba cung zad cig rtog bar byed de thams cad rnam par bcad par bya ba'i rnam pas dmigs par bya ba yin pa na shes bya la sogs pa'i rang bzhin nyid du gnas te/ yul du ma byas pa ni rnam par bcad par bya ba mi nus pa'i phyir ro/ /de lta yin dang 'di dag la bsal bar bya ba med pa'i phyir sgra'i don ma khyab pa nyid du rnam par gnas so/ /'on te rgyu'i sgo nas bstan pa'i shes bya ma yin pa gang zhig brtag par byas nas de rnam par bcad nas shes bya nyid du rjes dpog pa'i phyir de ji ltar sgra'i don ma khyab pa nyid du rnam par gnas she na/ bsal bar bya ba rtogs na zhes bya ba la sogs pa smos te/ gal te shes bya nyid yin yang bsal bar bya ba shes bya ma yin nyid du yang yang dag par rtog par byed pa de'i tshe dngos po nyid de 'jig rten gyis nges pa gang yin pa'i sgrub pa nyid du sgra'i don rtog pa mchog yin no/ /de lta na ni ma mthong ba sgro 'dogs pa dang mthong ba'i don la bsnyon par bya bar mi 'gyur ro snyam du bsams pa'o/ /de nyid kyi phyir mchog ces
- 388a
bshad do/ /gang dag sgra thams cad kyi don ni rnam par rtog pa'i gzugs brnyan nyid yin la/ de nyid kyang brjod par bya ba dang rnam par bcad par bya ba dang rtogs par bya ba yin no zhes zer ba de dag la shes pa'i rnam pa bkag pa'i phyir zhes bya ba la sogs pa 'di smos te/ blo ni rnam pa med pa yin la/ phyi rol gyi ni don ni rnam pa dang ldan pa yin no/ /de phyi rol gyi yul la 'brel pa gsal por dmigs so zhes bya ba de lta bu kho na'o cag gis shes pa'i rnam pa bkag pa de'i phyi nang gi blo la yod pa'i rnam pa ni med pa'i phyir de rjod par byed pa nyid sgra dag kyang rigs pa ma yin la/ med pa nyid kyi phyir nang gi don de bsal bar bya ba nyid du rigs pa yang ma yin no/ /de la zhes bya ba ni gzhal bya la sogs pa'i sgra dag la'o// gang yang de lta bu dang zhes bya ba la sogs pa'i sgra de dag la yang bsal bar bya ba cung zad kyang ma dmigs te/ kha cig gi sbyor ba ni ma yin par dgag pa'i ngo bo med pa'i phyir ro/ /ci ste yang de lta bu ma yin no zhes bya ba la sogs pa med par dgag pa'i ngo bo'i dgag par 'gyur ro snyam du sems na/ 'dir 'di ni rigs pa ma yin te/ 'di ltar 'di la yang de ltar min zhes bstan na/ dgag pa 'gegs par byed pa ste/ de ltar zhes bya ba ma bkag na/ rang gi ngo bo nyid kyis gnas/ zhes bya ba sngar bshad pa'i tshul de nyid 'jug pa yin no/ /'di thams cad ku ma ra ri las bshad pa nye bar bkod pa yin no/ /da ni thams cad sgra'i zhes bya ba la sogs pas ni 'od byed pas smras pa'i sel ba sun 'byin pa'i dogs pa bsu ba yin te/ des smras pa sel ba'i sgra'i don zhes bya ba 'di ni rigs pa yin te/ khyab par byed pa ma yin pa'i phyir ro/ /gang du phung po gnyis yod pa der gcig bkag pas cig shos rtogs
- 388b
ba yin te/ ji ltar ba lang ba lang ma yin zhes bya ba'i tshig la ba lang rtogs pa na ba lang ma yin pa bkag pa yin la/ thams cad kyi tshigs la ni 'di yod pa ma yin te/ gang zhig thams cad kyi sgras bzlog par bya ba ma yin pa zhes bya ba 'ga' yang yod pa ma yin no/ /ci ste 'di snyam du gcig la sogs pa thams cad ma yin pa de thams cad kyis sgras zlog par byed do snyam du sems na de ni ma yin te/ rang gi don la skur pa btab pa'i skyon du thal bar 'gyur ba'i phyir ro/ /de ltar na thams cad kyi sgra gcig la sogs pa sel bar 'jug pa na yan lag bkag pa'i phyir la yan lag can tha dad mi dad par khas mi len pa'i phyir don med par 'gyur ro/ /yan lag gi sgras phyogs gcig brjod do/ /de ltar na tshogs pa las ma gtogs pa can gzhan khas mi len pa'i phyir phyogs gcig bkag pa'i ngo bos 'jug pa'i tshogs pa'i sgra thams cad don med par 'gyur ro/ /gnyis la sogs pa'i sgra yang tshogs pa'i yul can yin pa'i phyir la/ gcig la sogs pa'i don bkag pas tshogs pa'i don bkag pa'i phyir don med pa nyid yin no/ /de ston pa ni rnam pa de ltar 'gyur ma yin/ zhes bya ste rnam pa ji lta bur 'dod pa'i tshogs pa'i yul can de dag ni rnam pa de lta bur mi 'gyur ro zhes bya ba'i don to/ /gang yang ba lang gi sgra'i don ba lang ma yin no zhes bya ba'i ba lang ma yin pa'i sel ba 'di ci dngos po 'am/ yang na dngos po med pa yin gal te dngos po yin na de ci ba lang yin nam yang na ba lang ma yin pa zhig yin zhes bya/ gal te ba lang yin na ming la rtsod pa yin no/ /ci ste ba lang gi sgra'i don ba lang ma yin pa zhes bya ba yin na/ sgra'i don la shin tu mkhas so/ /ci ste dngos po med pa yin na de ni mi rigs te/ skul bar byed pa dang yang dag par rtogs pa'i yul ma
- 389a
yin pa'i phyir/ /dngos po med pa la sgras thos pa las skul ba dang rtogs par mi 'gyur ro/ /de ston pa med pa 'di yang mi rigs te/ zhes bya ba la sogs pa smos te/ skul bar byed pas na skul ba ste/ ston pa po don sbyor ba'o/ de yang ston pa po'i chos yin la/ yang dag par rtog pa ni nyan pa po'i chos yin no/ /sogs pa'i sgras gzho ba dang dgal ba la sogs pa'i dngos po'i chos thams cad bzung ngo/ /gzhan yang sgra'i don ni shes pas rtogs pa yin la ba lang gi sgra las 'ga' zhig kyang med pa rtogs pa yang ma yin no/ /gzhan yang sel ba ni bya ba'i ngo bo yin pa'i phyir yul du brjod par bya dgos la/ de la ba lang ma yin pa ma yin no zhes bya ba'i sel ba 'di ba lang gi yul la 'am ba lang ma yin pa yul la yin/ gal te ba lang yul yin na ba lang ba lang med par ji ltar 'gyur/ 'on te ba lang ma yin na sel ba yul gzhan sel bar ji ltar 'gyur te/ seng sdeng bcad pa na shing pa la sha 'chad par 'gyur ba ma yin no/ ci ste ba lang ni ba lang ma yin pa ma yin no zhes bya bar ba lang ba lang ma yin pa 'gegs na/ gang zhig dgag par bya ba gang gis ba lang ma yin par rtags zhes bya'o/ /de'i phyir 'di la rnam par rtogs ba dang po gnyis shin tu 'brel pa med do snyam du bsams nas/ gsum pa nyid bstan pa'i phyir/ ci'i phyir zhes bya ba la sogs pa smos te/ 'ang gi sgra ni bsdu ba'o/ /ci'i phyir khyed cag ba lang zhes bya ba 'di'i sgra'i don ba lang ma yin pa ma yin no zhes bya ba'i sel ba'i mtshan nyid brjod ces bya ba ni dag gi don no/ /yang ci'i phyir brjod par ba ma yin zhe na/ gang gis zhes pa la sogs pa smos te/ sel ba'i rnam par rtogs pa mi
- 389b
'thad pa'i phyir 'di las kyang mi rigs te/ 'di ltar gang 'di ba lang ba lang ma yin pa sel ba de ci ba lang las tha dad pa ma yin nam/ 'on te tha mi dad pa yin/ de ci brten pa yin nam/ 'on te mi brten pa yin/ gal te brten pa yin na de'i tshe brten pa yin pa'i phyir yon tan du 'gyur te/ de lta yin dang ba lang gi sgras yon tan nyid brjod kyi ba lang ni ma yin pa'i phyir ba lang gnas so/ /ba lang 'gro'i zhes bya ba'i gzhi mthun par mi 'gyur ro/ /ci ste mi brten pa yin na de'i tshe don gang gi ba lang gi sel ba zhes drug par 'gyur ro/ /'on te tha mi dad na 'di ba lang nyid yin pa'i phyir cung zad kyang byas pa ma yin/ /sel ba 'di yang dngos po so so la gcig yin pa 'am du ma yin par brjod par bya/ gal te gcig yin na de'i tshe ba lang ni rdzas du mi 'brel ba 'di ni ba lang nyid du ma 'gyur ro/ /ci ste du ma yin na de'i phyir gong bu bzhin du mdza' med pa'i phyir brjod pas mi 'thad pas brjod bya ma yin pa nyid du 'gyur ro/ /gzhan yang ci gzhan sel ba brjod par bya ba yin nam 'on te brjod par bya ba ma yin zhes bya ba 'di re zhig khyod la dri bar bya ste/ brjod par bya ba yin na sgrub pa'i dngos po brjod par bya ba yin nam/ gzhan las ldog pa'i sgo nas yin/ de la gal te sgrub pa'i ngo bos yin na/ de'i tshe gzhan sel ba sgra'i don yin no zhes bya ba'i sgra'i don gcig tu nges pa ma yin no/ /'on te gzhan las ldogs pa'i sgo nas so zhes bya ba'i phyogs yin na/ gzhan rnam par gcod pa de yang gzhan rnam par gcod pa'i ngo bo gzhan gyis brjod pa'i phyir la de la yang gzhan yin pas thug pa med par 'gyur ro/ /ci ste brjod bya ma yin pa yin na de'i tshe sgras sgra'i don gzhan sel bar byed do zhes bya ba dang 'gal bar 'gyur ro/ /'di thams cad 'od byed pas smras pas nye bar bkod pa yin no/ /de la
- 390a
slob dbon phyogs kyi glang pos thams cad tha dad pa med pa'i phyir dang/ rten rgyun mi 'chad pa'i phyir dang/ don ma lus pa yongs su rdzogs pa'i phyir go rims bzhin du gcig nyid dang/ rtag pa dang/ so so la yongs su rdzogs pa'i mtshan nyid kyi rigs kyi chos sel ba nyid la gnas te/ de lta bas na yon tan gyi khyad par khyad par du 'phags pa'i phyir gzhan sel ba nyid sgra'i don du legs par gnas pa yin no/ /zhes bshad pa de dogs par byas nas ku ma ra ri bzhad gang du bya ba'i phyir mjug sdud pa ni gzhan yang zhes bya ba la sogs pa smos so/ /dgag ldan pa/ de 'ga' zhig kho na la zhes bya ba ni gong gi pa ni bza' bar bya ba ma yin no zhes bya ba la sogs pa la'o/ rang gi bdag nyid ces bya ba ni rang gi ngo bo nyid de mi 'dra ba'o/ /gzhan du zhes bya ba ni dgag pa dang bral ba'o// //de ltar gtso bo ji lta ba bzhin du gzhan gyi lung gi dogs pa bsu nas/ de ltar gzhan sel ma shes phyir/ zhes bya ba la sogs pas lan 'debs pa rtsom mo/ /ma yin dgag dang med pa'o/ /zhes bya ba ni ma yin par dgag pa'i mtshan nyid dang med par dgag pa'i mtshan nyid ces bya ba'i tha tshig go /blo dang don bdag dbye bas zhes bya ba ni blo'i bdag nyid dbye bas zhes bya ba ni don to/ /de la blo'i bdag nyid ni blo la snang ba'i don dag la rjes su 'jug pa gcig gi ngo bo nyid du nges pa'o/ /don gyi bdag nyid ni don gyi rang bzhin te rigs mi mthun pa las ldog pa'i don rang gi mtshan nyid ces bya ba'i don to/ /'di dag gi ni tha dad pa ni dbye ba zhes bsdu'o/ /de la blo'i bdag nyid kyi rang gi ngo bo bstan pa'i phyir/ sre bar byed pa gcig ces bya ba la sogs pa smos te/ sngar zhes bya ba ni gong du spyi dgag pa ji ltar da ta'i dang
- 390b
mi 'jigs pa zhes bya ba la sogs pas bshad pa ste/ ji ltar a ru ra la sogs mang po rnams spyi med par yang rigs la sogs pa zhi ba'i mtshan nyid kyi 'bras bu gcig byed pa bzhin du khra bo la sogs pa yang don tha dad na yang spyi dngos por gyur pa med kyang rang bzhin gcig pa can gyi sre ba'i shes pa'i rgyur gyur pa yin no/ /'jigs med sogs mtshungs zhes bya ba ni a ru ra la sogs pa dang mtshungs pa ste/ don gcig byed pa nyid du 'dra'o/ /de la brten nas zhes bya ba ni mi 'jigs pa la sogs pa dang mtshungs pa'i don de la brten nas te rgyur byas nas de nyams su myong ba'i stobs kyis skyes pa'i rnam par rtog pa'i shes pa gang yin pa de la don gyi rnam pa nyid kyi don gyi gzugs brnyan yang? yin pa de'i bdag nyid du don gyi rnam pa snang ba de la gzhan sel ba zhes bya ba'i ming 'di btags so zhes 'brel to/ /rtog can gyi zhes bya ba'i rtogs pa dang bcas pa zhes bya ba'i tha tshig go /'di yang shes pa zhes bya ba dang gzhi mthun pa yin no/ /don bdag med na yang zhes bya ba'i phyi rol gyi don gyi bdag nyid med par yang ngo/ /nges pa zhes bya ba ni zhe na pa'o/ /ci ste de la ji ltar gzhan sel ba zhes bya ba 'di bstan zhe na/ snang ba gzhan las tha dad phyir/ / zhes bya ba la sogs pa smos te/ rgyu mtshan gzhis 'di sel ba zhes bshad pa yin te/ dngos su ni rnam par rtogs pa gzhan gyis sgro btags pa'i snang ba gzhan las tha dad pas rang nyid snang ba'i phyir te/ bsal bar bya bas na sel ba yin la/ gzhan la sel ba zhes bshad pa'i phyir ro/ /btags pa ni rgyu gsum gyis te/ rgyu la 'bras bu'i chos btags pa te/ gzhan las ldog pa'i dngos po ni/ /thob pa'i rgyu phyir zhes pa gang bshad
- 391a
pa yin no/ /'bras bu la rgyu'i chos btags pa'i phyir yang ste/ de ston pa ni ma 'dres pa'o/ /dngos po'i sgo nas 'ongs pa'i phyir zhes bya ba la ma 'dres pa ni gzhan dang ma 'brel pa gzhan las ldog pa zhes bya ba'i tha tshig go /de nyid dngos po'i sgo ste thabs so/ /de nyams su myong ba'i stobs kyis rnam pa de lta bu'i rnam par rtog pa skye ba'i phyir ro/ /rigs mi mthun pa sel ba'i dngos po dang lhan cig tu 'khrul pa'i phyir dang/ rtogs pa po dag gis zhen pa'i phyir zhes bya ba'i rgyu bzhi pa ston pa ni rigs mi mthun pa zhes bya ba la sogs pa ste/ 'di zhes bya ba ni rnam par rtog pa'i blo la yod pa'i don gyi gzugs brnyan no/ /rgyu mtshan dang bcas zhes bya ba ni/ snang ba gzhan las tha dad phyir/ zhes bya ba la sogs pa rgyu mtshan bzhi dang lhan cig 'jug pa'i phyir rgyu mtshan dang bcas pa'o/ /don gyi bdag nyid kyi sel ba'i don rang bzhin bstan pa'i phyir/ de'i rgyu rang gi mtshan nyid la ldog pa de yod pa'i phyir te/ rgyu mtshan dang bcas pa'o/ /gzhan sel zhes bya ba'i ming 'di btags zhes skabs dang sbyor/ /de la rgyu mtshan bshad pa/ gzhan ma 'dres pa yod phyir zhes bya ba ste/ gzhan la ste rigs mi mthun pa las ma 'dres pa ste/ ldog pa de yod pa'i phyir te/ rigs mi mthun pa dang ma 'dres pa yod pa'i phyir zhes bya ba'i tha tshig go /'dis ni rang gi mtshan nyid gzhan sel bar bstan pa ni dngos yin no zhes bstan pa yin no/ /med par dgag pa'i mtshan nyid kyi gzhan sel ba'i rang bzhin bstan pa'i phyir/ med par dgag pa zhes bya ba sogs pa smos te/ de'i phyir de ltar sel ba rnam pa gsum bstan nas/ skabs kyi sgra'i don la sbyar ba'i
- 391b
phyir/ de la gzhan sel dang po 'di/ zhes bya ba la sogs pa smos te/ dang po zhes bya ba ni ji skad du bshad pa'i don gyi gzugs brnyan gyi bdag nyid do/ /'di la rgyu bshad pa ni/ phyi rol don du zhes bya ba la sogs pa ste/ gang kho na sgra las byung ba'i shes pa la snang ba de kho na sgra'i don du rigs kyi/ 'di la dgag pa des pa yod pa ma yin la/ dbang po'i shes pa bzhin du rang gi mtshan nyid snang ba yang ma yin no/ /'o na ci zhe na/ sgra las byung ba'i blo'i phyi rol gyi don du zhen pa nye bar skye ba 'ba' zhig tu zad do/ /des na don gyi gzugs brnyan de nyid sgra las byung ba'i shes pa la dngos su de'i bdag nyid du snang ba'i phyir/ sgra'i don du rigs kyi gzhan gyi ma yin no snyam du bsams pa yin no/ /gang yang sgra'i don dang lhan cig brjod par bya ba dang brjod par byed pa'i dngos po'i mtshan nyid kyi brel pa grub pa de ni rgyu dang 'bras bu'i dngos po'i bdag nyid kho na yin no zhes ston pa ni/ blo de'i ngo bo'i zhes bya ba la sogs pa ste/ phyi rol gyi dngos po'i mtshan nyid du nges pa de'i ngo bo ste rang bzhin gang la yod pa de la de skad ces bya ste/ de'i ngo bo yang yin pa gzugs brnyan yang yin zhes bsdu'o/ /blo'i de'i ngo bo'i gzugs brnyan de'i 'brel pa nyid sgra las skyes pa na ste 'byung ba na rjod par byed pa'i mtshan nyid kyis dngos po'i mtshan nyid de dpyad pa na rgyu dang 'bras bu'i dngos po bdag nyid kho nar grub ste 'di ltar sgra ni gzugs brnyan de skyed par byed pa'i phyir rjod par byed pa brjod la/ gzugs brnyan de yang sgras bskyed par bya ba yin pa'i phyir brjod bya'o/ /de'i phyir sgra las byung ba'i shes pa la dgag pa tsam 'dir snang ba min zhes gang smas pa de ni 'brel pa med pa yin te/ dgag pa tsam sgra'i don du khas ma blangs pa'i phyir ro snyam du bsams pa yin no/ /de ltar re zhig gzugs brnyan gyi mtshan nyid kyi sel ba ni dngos su
- 392a
sgras bskyed par bya ba yin pa'i phyir dngos kyi sgra'i don yin no zhes bstan nas/ sel ba lhag ma rnams kyang sgra'i don nye bar btags par brjod pa na 'gal ba med pa nyid do zhes bstan pa'i phyir de ltar rnam pa zhes bya ba la sogs pa smos te/ de ltar zhes bya ba ni bskyed par bya ba yin pas so/ /yang ci'i phyir shugs kyi med par dgag pa rtog zhes bstan pa'i phyir/ de'i bdag ces bya ba la sogs pa smos te/ de'i ste ba lang la sogs pa'i gzugs brnyan gyi bdag nyid da ni gzhan te rta la sogs pa'i gzugs brnyan gyi bdag nyid ste rang bzhin ma yin pa'i phyir ro/ /de ltar rtogs pa ni med par dgag pa'i mtshan nyid kyi sel ba med na mi 'byung ba yin pa'i phyir btags nas sgra'i don nyid du bstan nas/ rang gi mtshan nyid kyang bstan pa'i phyir dngos po dag dang 'brel ba na zhes bya ba la sogs pa smos te/ de 'brel pa ni sgra dngos po la brgyud nas rgyu dang 'bras bu'i mtshan nyid kyi 'brel pa ste/ 'di ltar/ thog mar ji ltar gnas pa'i dngos po nyams su myong ngo/ de las brjod par 'dod do/ /de nas rkan la sogs pa yongs su 'gul lo/ /de las sgra'o zhes bya ba de lta bu'i brgyud pa gang gi tshe sgra phyi rol gyi me la sogs pa'i dngos po 'brel bar 'gyur ba de'i tshe 'brel pa de yod na rigs mi mthun pa las ldog pa'i dngos po yang don gyis go bas rtogs par 'gyur ro/ /de'i phyir med par dgag pa dang gzhan las ldog pa'i dngos po'i bdag nyid kyi sel ba rnam pa gnyi ga yang sgra'i don zhes nye bar btags pa yin no/ /'di zhes bya ba ni rang gi mtshan gyi bdag nyid do/ /yang gi sgra las med par dgag pa'i bdag nyid kyang ngo/ /de'i phyir slob dpon phyogs kyi glang po la 'od byed pas/ gal te sgra'i brjod par bya ba'i don gzhan sel ba yin pa 'di tshe 'di'i brjod par bya
- 392b
ba'i don las tha dad pa'i rang gi don brjod par bya ba dgos la/ ci ste de nyid 'di'i rang gi don yin pa de lta na yang/ sgra sgra'i don gzhan sel ba na rang gi don byed pa na rjod par byed do zhes bya'o zhes bya ba 'di dang 'gal te/ de'i tshe 'di'i dag gi don 'di yin te rjod par byed pas rjod par byed pa'o/ /zhes gang smras pa de 'di dag gi don yongs su ma shes nas smras pa yin no zhes bstan pa'i phyir slob dpon gyi dag mi 'gal bar ston pa ni/ sgra ni don gzhan zhes bya ba la sogs pa smos te/ rang gi mtshan nyid kyang brtags nas rang gi don bstan te/ de'i phyir rang gi mtshan nyid kyi bdag nyid kyi don de la don gzhan rnam par bcad pa'i gzugs brnyan gzhan las ldog pa'i gzugs brnyan gyi bdag nyid kyi sel ba byed ce na ste skyed par byed pa sgra rjod par byed do zhes brjod pa'i slob dpon gyi tshig dang mi 'gal lo/ /gang gis 'di ni zhes bya ba la sogs pas slob dpon gyi tshig 'di 'tshad do/ /slob dpon gyi dgongs pa ni 'di yin te/ sgra la phyi rol gyi don du zhen pa'i rnam par rtogs pa'i gzugs brnyan bskyed pa la ma gtogs pa gzhan phyi rol brjod pa'i bya ba yod pa ma yin te/ chos thams cad ni bya ba med pa yin pa'i phyir ro/ /de'i phyir phyi rol gyi don du zhen pas 'jug pa'i rnam par rtogs pa'i gzugs brnyan skyed par byed pa ni sgra rang gi don rjod par byed pa zhes bya'o/ /tha dad pa ste rigs mthun pa dang rigs mi mthun pa las ldog pa'i rang gi mtshan nyid la 'di dag reg pa ni ma yin te/ cung zad kyang mi byed pa'i phyir ro/ cha shas de tsam ma rtogs pa'i/ zhes bya ba ni rnam pa de lta bu'i gzugs brnyan skyed par byed pa las ma gtogs pa sgra'i byed pa yod pa ma yin no zhes bya ba'i don to/ /de ltar gzhan sel ba'i rang gi ngo bo brjod nas/
- 393a
da ni gzhan gyis smras pa'i sun 'byin pa gsal ba'i don du rtsom par byed do/ /de la gal te ba lang zhes bya ba'i sgra zhes bya ba la sogs pa gang smras pa de la de'i gzugs brnyan zhes bya ba la sogs pa smos te/ sgras ba lang gi blo nyid skyed par byed de/ gzhan dang ma 'dres pa'i shugs kyi rtogs pa yin te/ sgra las ni ma yin no/ /de'i ba lang gi gzugs ni snang ba gzhan gyi bdag nyid dang bral ba'i phyir ro/ /gzhan du na nges pa'i ngo bo de rtogs par mi 'gyur ro/ /des na ba lang gi blo skyed pa'i sgra gzhan btsal mi dgos te/ ba lang gi sgra de nyid kyi ba lang gi blo bskyed par bya ba yin pa'i phyir/ /sgra ni shes pa'i 'bras can te/ zhes bya ba la sogs pa la/ nyin mo za ba zhes bya ba la sogs pa smos te/ dper na lhas byin tshon po nyin par zan mi za'o zhes bya ba'i dag 'di ni dngos su nyin mo za ba bkag la/ rang gi don brjod pas mtshan mo za la shugs kyi sgrub pa yin gyi dngos su ni ma yin pa de bzhin du ba lang zhes bya ba la sogs pa'i rjes su 'gro ba ston pa'i sgra'i dngos kyi 'bras bu ni rjes su 'gro ba shes pa yin la/ ldog pa rtogs pa'i shugs las yin no/ /de la rgyu bshad pa ni/ gang gi phyir zhes bya ba la sogs pa ste/ gang gi phyir rjes su 'gro ba sgrub pa ni ldog pa dang mi ldan pa la yod pa ma yin no/ /'o na ci zhe na/ rigs mi mthun pa rnam par gcod pa la mi 'khrul pa nyid yin no/ /rigs mi mthun pa las mi ldog pa ni 'ga' yang yod pa ma yin te/ des na sgra gcig gi 'bras bu gnyis 'gal ba med pa kho na'o/ /ci'i phyir zhe na/ de'i phyir rang don zhes bya ba la sogs pa smos te/ gal te sgra gcig dngos su sgrub pa dang
- 393b
dgag pa'i shes pa'i mtshan nyid 'bras bu gnyis cig car 'dod par gyur na de'i tshe 'gal bar 'gyur na/ gang gi tshe nyin mo za ba'i tshig bzhin du gcig dngos su dang gzhan shugs kyis thob pa'i 'bras bu shes 'dod pa de'i tshe 'gal ba med do/ /gang yang gang gis ba lang min dgag phyir/ /zhes bya ba la sogs pa smras pa de yang bsal ba yin te/ khas ma blangs pa'i phyir ro/ /kho bo cag gis ni sgras dngos su ba lang ma yin pa dgag pa byed do zhes khas ma blangs so/ /'o na ci zhe na/ shugs kyis so zhes bstan zin to/ /gang gis ba lang min ldog pa'i/ spyi ni brjod bya zhes gang smos pa de la/ de 'dra'i zhes bya ba la sogs pa smos te/ de 'dra zhes bya ba ni phyi'i ngo bo nyid du zhen pa'i blo'i rnam pa'o/ /'di la 'thad pa bshad pa khra bo la sogs zhes bya ba la sogs pa smos te/ khra bo la sogs pa thams cad la ba lang zhes mtshungs pa'i ngo bo nyid du nges pa'i phyir de dag gi spyi zhes brjod do/ /phyi'i dngos po'i ngo bo nyid kyang 'khrul pa'i shes pa'i dbang gi tha snyad du byed kyi don dam par ni ma yin no zhes ston pa ni/ dngos po snyam du zhen pa'i phyir/ zhes bya'o/ /gal te phyi rol gyi dngos po la brten pa'i spyi dngos por gyur pa dngos po zhig res 'ga' dmigs par gyur na/ de'i chos mthun pa mthong ba las de la spyir 'khrul par 'gyur te/ ji srid du khyed la dngos kyi don mi srid pa na de nyid spyir 'khrul pa mi 'thad pa yin no zhes dogs pa bsu nas/ shes te rang gi ngo bo la zhes bya ba la sogs pa smos te/ skad cig gis ni zhes bya ba chos mthun pa mthong ba la sogs pa la bltos pa med pas zla ba gnyis la sogs pa'i shes pa bzhin du nang gi bslad pa kho na las de'i shes pa skyed pa yin te/ 'khrul pa thams cad chos
- 394a
mthun pa mthong ba nyid las 'byung ba ni ma yin no/ /'o na ci zhe na/ nang gi bslad pa las kyang yin pa'i phyir skyon med do/ /des na grub pa la sgrub pa'i skyon du mi 'gyur ro zhes bstan pa'i phyir ro/ /de'i rnam pa de nyid kyang zhes bya ba la sogs pa smos te/ phyi rol nyid du zhe na pa'i blo'i rnam pa nyid gzhan sel ba zhes bya ba dang sgra'i don zhes phyi rol gyi spyi dngos por gyur pa bzhin du brjod do/ /de la rgyu bshad pa de ltar 'khrul pas nges phyir ro/ /zhes bya ba ste/ de ltar zhes bya ba ni spyi'i ngo bo nyid dang dngos po'i ngo bo nyid du zhen pa'i phyir ro/ /sgra'i don nyid dang sel ba'i ngo bo dag gi rgyu ni/ phyi rol don du zhen pa yi/ blo ni sgra las 'byung phyir ro/ /snang ba gzhan tha dad phyir zhes bya ba la sogs pas dad pa nyid du bshad zin to/ /yang ci'i phyir don dam par de spyir mi 'gyur zhe na/ yang dag tu na/ zhes bya ba la sogs pa smos te/ don dam par blo las tha mi dad pa 'di dag gis don du gyur nas spyir 'gyur ba de ci ltar don gzhan gyi rjes 'brangs pa yin/ ji skad du shes las tha dad ma yin pa ji ltar don gzhan 'brang bar 'gyur zhes bshad pa yin no/ /de lta bas na grub pa la sgrub pa'i skyon du mi 'gyur ro/ /khyed cag gis ba lang nyid ces bya ba'i spyir rnam pa dngos por 'gyur ba ma yin pa'i ngo bor ni mi 'dod do/ /'o na ci zhe na/ phyi rol gyi khra bo la sogs pa la gnas pa gcig rjes su 'gro ba don dam pa pa'i ba lang nyid la sogs pa'i spyi btags pa yin te/ de'i phyir grub pa la sgrub pa ma yin no snyam du bsams pa yin no/ /gal te dgag pa tsam ngo bo nyid ces bya ba la sogs pa gang smras pa de khas ma blangs pa nyid kyi phyir skyon med do/ /gang yang rta sogs blo rnams kyi/ /zhes bya ba la sogs pa smras pa gang yin de la/ gal
- 394b
te yang zhes bya ba la sogs pa smos te/ go bar zad do/ /gang yang sgra don du 'gyur na don la mi bltos pa'o zhes bya ba smras pa de la/ de ni don la zhes bya ba la sogs pa smos te/ gang la rgyud nas dngos po la 'brel pa yod pa'i rnam par rtogs pa de ni 'khrul pa yin yang nor bu'i 'od la nor bu'i blo bzhin du phyi rol gyi don la bltos pa med pa nyid ma yin te/ de'i phyir phyi rol gyi don la bltos pa med pa nyid ma grub po/ /gang yang/ blo de sgra'i don dag la/ zhes bya ba la sogs pa smras pa de la/ bdag nyid de yis zhes bya ba la sogs pa smos te/ gal te yang blo dngos po'i ngo bo yin pa de lta na yang de'i phyi rol gyi bdag nyid de dang blo gzhan gyi bdag nyid kyi dngos po nyid ma yin no zhes/ de bdag gzhan gyi bdag nyid min/ zhes bya ba la sogs pas bstan zin to/ /des na blo ni mi sel ba'i/ dngos nyid brjod pa nyid du brtags zhes bya bar ma grub ste/ shugs kyis rtogs pa'i phyir ro snyam du bsams pa yin no/ /ji ltar phyi rol don med kyang zhes bya ba 'di la/ gzugs brnyan bdag nyid ces bya ba la sogs pa smos te/ ji ltar gzugs brnyan gyi bdag nyid snang ba zhes bya ba'i sel ba kho bo cag gis ngag gi don du brjod pa de bzhin du tshig gi don yang yin te/ gang gi phyir tshig las kyang gzugs brnyan gyi bdag nyid kyi sel ba 'thad pa nyid yin no/ /de'i phyir kho bo cag gi gzugs brnyan gyi bdag nyid 'di nyid sel ba yin no/ /yang gi sgra ni dag gi don 'ba' zhig tu ma zad kyi/ tshig gi don yang zhes bya'o/ /des na log par rtog pa med pa'i phyir klan ka mi rigs so snyam du bsams pa'o/ /blo ni blo gzhan pa dag las/ rnam par gcod pa rtogs ma yin/ zhes bya ba 'di rang gi ngo bo skyes tsam las/ zhes bya ba la
- 395a
sogs pa smos te/ gang kho na'o phyir rang gi ngo bo skye ba tsam las gzhan gyi cha blo des mi 'dzin pa de kho na'i phyir rang rang gi ngo bo la gnas pas blo gzhan las rnam par bcod pa rtog par 'gyur ba yin no/ /de lta ma yin te/ gzhan gyi ngo bo 'dzin na ji ltar de las rnam par bcad pa rtogs par 'gyur/ des na zhes bya ba ni rang las tha dad pa'i dngos po'i rang ngo bo nges par mi 'dzin pas so/ /gal te gzhan sel brjod bya na zhes bya ba la sogs pa la/ ji ltar zhes bya ba la sogs pa smos te/ ji ltar gzhan sel ba rang bzhin med pa'i phyir yod pa ma yin pa'i ngo bo la phan tshun la tha dad pa med par brjod pa de bzhin du tha dad med pa yang yin pas de'i phyir ji ltar tha mi dad pa'i don med na rnam grangs pa nyid du thal bar byed/ 'di nyid gsal por bya ba'i phyir/ tha dad med pa'ang dngos gcig nyid la ces bya ba smos so/ /gal te med pa dag la dngos po gcig med pa de lta na yang ci'i phyir rnam grangs pa nyid du mi 'gyur zhe na/ don gcig nyid na zhes bya ba la sogs pa smos te/ gal te 'di snyam du med pa dag la gcig gi ngo bo nyid yang dag par med pa de lta na yang brtags pa po yod de/ des na rnam grangs pa nyid du thal bar 'gyur bar rigs so snyam du sems na/ de'i phyir ji ltar ngo bo med na yang zhes bya ba la sogs pa smos te/ ngo bo med na yang zhes bya ba ni/ rang bzhin med na yang zhes bya ba'i don to/ /gal te de lta na ji ltar sgra dag ni rnam grangs pa yin pa'i rnam par bzhag pa grub snyam na/ rjod byed dngos su zhes bya ba la sogs pa smos te/ gal te don dam par sgra rnams kyi brjod par bya ba tha dad pa 'am tha dad pa ma yin pa'i dngos po 'ga' zhig tu gyur na de'i tshe rnam grangs par 'gyur
- 395b
na/ ji srid du 'di dag gi brjod par bya ba cung zad yod pa ma yin no zhes/ /gang phyir rang gi mtshan nyid rigs de 'brel rigs ldan de bzhin du zhes bstan zin to/ /'o na ji ltar rnam grangs la sogs par rnam par gzhag ce na/ 'o na kyang zhes bya ba la sogs pa smos te/ de la spyi med na yang spyi'i sgra rnam par bzhag pa'i rgyu mtshan ni 'di yin te/ mang po rnams kyi don bya ba gcig byed pa gang yin pa'o/ /dngos po kha gcig ni rang bzhin gyi mang po yin na yang don gyi bya ba gcig byed par 'gyur la/ don cig byed par nus pa de dag bstan pa'i phyir tha snyad 'dogs pa po rnams kyis tshegs chung bar bya ba'i phyir gcig gi ngo bo sgro btags nas sgra gcig sbyor ba yin te/ dper na sbrang rtsi dang chu la sogs pa skyor ba'i mtshan nyid kyi don gcig byed par nus pa'i gzugs la sogs pa mang po dag la bum pa zhes bya ba'i sgra 'di sbyor ba bzhin no/ /yang ci'i phyir rjes su 'gro ba cig med par mang po dag la sgra gcig sbyor bar byed ce na/ dper na rjes 'gro gcig med na yang zhes bya ba la sogs pa smos te/ 'dod pa tsam la rag las te sgra rnams don la sbyor te/ 'di ltar gzugs kyi rnam par shes par 'bras bu gcig pa can gyi ming dang gzugs dang snang ba dang yid la byed pa dag la gal te 'ga' zhig 'dod pa'i dbang gis rjes su 'gro ba'i spyi gcig med na yang tshang zhes bya ba la sogs pa'i sgra sbyor bar byed de/ des na su zhig pa 'gegs par 'gyur ro/ /mig la sogs pa de dag la mig gi rnam par shes pa skyed par byed pa'i spyi gcig yod pa ma yin te/ 'di ltar khyed cag gis spyi dang bye brag dang 'du ba dag kyang ming gi rnam par shes pa skyed par byed par 'dod/ /de dag la spyi dang 'du ba yod pa ma yin te/ spyi ni spyi med pa yin pa'i phyir dang/ 'du ba yang 'du
- 396a
ba gnyis pa med pa'i phyir ro/ /'on te bum pa la sogs ji ltar 'bras bu gcig byed par brjod/ ji srid du de'i 'bras bu chu 'dzin pa la sogs pa dang 'dzin pa'i shes pa ni rang gi mtshan nyid tha dad pas tha dad pa yin no zhe na/ gal te yang zhes bya ba la sogs pa smos te/ gal te yang rang gi mtshan nyid tha dad pas de dag gi 'brus tha dad pa de lta na yang/ re zhig shes pa zhes bya ba'i 'bras bu don gcig tu zhen pa'i shes pa'i rgyu nyid kyis gcig ces brjod la/ shes pa de'i rgyu'i dngos po yin pa'i phyir don kyang yin te/ sbrang rtsi dang chu la sogs pa 'dzin pa la sogs pa'i mtshan nyid kyi bum pa la sogs pa'i mtshan nyid kyang tha dad med pa zhes brjod do/ /de ston pa ni de bzhin de'i rgyu'i phyir/ zhes bya ba'o/ /brjod pa yin zhes bya ba'i rnal ma'i tshig yongs su bsgyur nas mang tshig gi mdza' can du sbyar bar bya la/ yang gi sgra ni rim pa tha dad pa ste/ don zhes bya ba'i 'og tu sbrel bar bya'o/ /des na don gyi bya ba gcig byed pa 'thad pa nyid yin no/ /'on te de lta na thug pa med par 'gyur ba ma yin nam/ 'di ltar 'di'i bsre ba'i shes pa gang yin pa de yang rang gi mtshan nyid tha dad pas tha dad par 'gyur ba'i phyir gcig nyid du mi 'grub la/ de lta yin dang de la yang gcig nyid du bsgrub par bya ba'i phyir ro/ /gcig ni/ rnam pa can bsre ba'i 'bras bu gzhan gyi rjes su 'brad bas thug pa med par 'gyur ro/ /de lta bas na 'bras bu gcig pa nyid du mi gnas pas gang du yang sgra gcig sbyor bar 'grub par mi 'gyur ro zhe na/ de ni yod pa ma yin te/ bsre ba'i shes pa 'bras bu gcig pa nyid kyis gcig pa brjod pa ni ma yin no/ /'o na ci zhe na/ don gcig tu zhen pa nyid kyis so/ /des na thug pa med par mi 'gyur te/ bsre ba'i shes pa thams cad don gcig tu zhen pa nyid du rang nyid las grub pa'i phyir ro//
- 396b
des na don 'di yin te/ rnam pa gcig pa can gyi bsre ba'i shes pa'i rgyu yin pa'i phyir ro shes yang zhes bya ba'i 'bras bu gcig ces bya la/ de'i rgyu'i dngos po yin pa'i phyir bum pa la sogs pa'i don yang gcig nyid du tha snyad du bya ba'i snod yin no/ /de'i phyir spyi dngos por gyur pa med na yang bum pa la sogs pa spyi rjod par grub par 'gyur ro zhes mjug bsdu'o phyir/ de la zhes bya ba la sogs pa smos so/ /dngos po gcig la spyi dang bye brag med na yang sgra du ma 'tshol bar 'jug par 'gyur ba nyid yin no zhes bstan pa'i phyir/ de bzhin zhes bya ba smos te/ 'ga' zhig cig yin na yang rang bzhin gyis tshogs pa gzhan gyi nang du gtogs pa'i dbang gis don gyi bya ba du ma byed par 'gyur ba yin te/ de la spyi dngos por gyur pa la sogs pa'i chos tha dad pa med na yang de'i 'bras bu ma yin pa'i dngos po las tha dad pa mang po ste chos du ma sgro btags pa las sgra du ma sbyor bar byed pa yin no/ /'di la yang dper brjod pa bshad pa ni/ dper na zhes bya ba la sogs pa ste/ gzugs ni rang gi yul du gzhan 'byung ba'i gegs byed pa'i phyir thogs bcas zhes bya ba la/ bstan pa ni mig gi rnam par shes pa yin la de bskyed pa'i phyir/ de dang lhan cig tu 'jug pas bstan du yod pa'o/ /dper brjod pa gnyis pa yang ston pa ni/ dper na sgra zhes bya ba la sogs pa ste/ dper na sgra gcig yin na yang rna ba'i rnam par shes pa'i 'bras bu can yin pa'i phyir/ /mnyan par bya ba yin la/ mnyan pa ni sgra de/ nyan pa'i shes pa zhes bya ba'i tha tshig go /de la snang ba nyid kyi de'i dngos po ni mnyan par bya'o/ /yang na mnyan pas bzung bar bya ba yin pa'i phyir/ mnyan par bya ba yin la btsal ma thag tu 'byung ba'i shes pa 'bras bu can yin pa'i phyir brtsal ma thag tu 'byung ba'i shes pa zhes brjod do/ /de ltar de'i 'bras bu ma yin pa las tha dad pas gcig la yang sgra du ma sbyor ro zhes ston no/ /da ni da ma yin pa
- 397a
las tha dad pas kyang 'ga' zhig tu sgra sbyor bar byed do zhes ston pa ni/ de rgyu min las tha dad pas/ zhes bya ba la sogs pa smos te/ sbrang bu las byung zhes bya ba ni ra ro bar byed pa'i sbrang rgod las byung ba'i sbrang rtsi las ldog pa'o/ /de ltar de'i 'bras bu dang rgyu ma yin dang po las dngos po las tha dad pas dngos po gcig la sgra tha dad par bstan to/ /da ni de'i 'bras bu dang rgyu'i dngos po rnam par bcad pa tsam bstan par 'dod nas spyi med par yang sgra tha dad pas sbyor bar bstan pa'i phyir ro/ /de 'bras zhes bya ba la sogs pa smos te/ sngar bshad pa'i rgyu dang 'bras bu de dag gang dag la yod pa de dag ces bya'o/ /de dag ma 'dres pa ni ldog pa'o/ /yang sgra 'di yang gang zhig ce na/ gzugs ni mnyan bya min zhes bya ba la smos/ 'bras bu nyan pa'i shes ba rnam par bcad pa'i sgo nas gzugs mnyan par bya ba ma yin zhes brjod pa de bzhin du rtsol ba'i rgyu bum pa'i dngos po rnam par bcad nas blog rtsol ba las ma byung ba'o zhes rjod do/ /de ltar spyi la sogs pa dngos pos gyur ba med par yang sgra rnams tha dad du sbyor ba ni ldog pas byas pa nyid yin no zhes bstan nas/ rnam grangs pa nyid thal bar 'gyur ba med par bstan pa'i phyir/ de lta bu sogs zhes bya ba la sogs pa smos te/ sogs pa smos pas gnas skabs kyi khyad par rjod par byed pa byas pa la sogs pa'i sgra dang bdag med pa la sogs pa'i sgra gzung ngo/ /tha dad don gyi rgyu mtshan can/ /zhes bya ba ni tha dad pa ni de dan de las ldog pa'i rgyu mtshan ldog gang dag la yod pa de dag la de skad ces bya'o/ /de bzhin zhes bya ba'i ldog pa bzhin no/ /de'i mthar thug ces bya ba ni ldog pa'i don gyi mthar thug pa ste/ 'ol phyir rnam pa de lta bu dngos po rtogs pa'i rgyu nyid yin pa'i phyir ro/ /mnyan pa zhes bya ba ni sgra rnams so/ /'di snyam du don tha dad du btags pa'i phyir 'di dag
- 397b
rnam grangs pa nyid du ma gyur mod/ spyi dang bye brag gi rnam par bzhag pa ji ltar 'grub par 'gyur snyam du sems na/ de'i phyir mang dang nyung zhes bya ba la sogs pa smos te/ shing gi sgra ni seng ldeng dang da ba dang ba sha la sogs pa thams cad la shing ma yin pa rnam par bcad pa tsam gyi gzugs brnyan snyed par byed pa yin no/ /des na 'di'i yul mang po yin pa'i phyir spyi brjod byar brjod la/ da pa la sogs pa'i sgra ni seng ldang la sogs pa shing gi ldog pa cung zad cig bzhin pa'i rnam par rtog pa skyed pa'i phyir khyad par brjod byar brjod/ 'on te bsal bya tha dad pas zhes bya ba la sogs pa la/ rnam rtog zo yis zhes bya ba la sogs pa smos te/ gal te don dam par bsal bar bya ba tha dad pa dang rten tha dad pas sel ba tha dad par 'dod par gyur na de'i tshe skyon der gyur na/ ji srid du rnam par rtog pas rigs mthun pa dang rigs mi mthun pa'i dngos po las tha dad pa'i rgyu mtshan can gyi ldog pa tha dad pa rtog par byed kyi don dam par ni ma yin no/ /de dag kyang rtog pa'i dbang gis dngos po las tha dad pa nyid snang gi don dam par ni ma yin no zhes ston pa ni de dag ces bya ba la sogs pa'o/ /ci'i phyir yang dag ma yin zhe na/ tha dad tha dad med pa ni/ zhes bya ba la sogs smos so/ /don dam par rnam par rtog pa kho na tha dad par 'gyur ba yin no zhes ston pa ni/ rang gi sa bon zhes bya ba la sogs pa ste/ sa bon thog ma med pa'i rnam par rtog pa'i bag chags yin la du ma dang du ma 'dres pa'i dngos po yang yin la/ brda yang yin no zhes tshig go rnam par sbyar ro/ /'di dag gi nus pa ni mthus te de las rigs mi mthun pa'i dngos po du ma las ldog pa'i dngos po nges pa'i rnam par rtog pa tha dad par 'gyur gyi/ don ni ma yin te 'di ltar/ shing la sogs pa spyi'i ngo bos Fda pa la sogs pa gcig gi bdag nyid du mi rtog la/ skad cig ma dang bdag med pa la sogs pa'i chos tha dad pas phyir dum bu dum bur 'byed par 'gyur ba yang ma yin/ rnam par rtog pa nyid ltar bslab pa 'ga' zhig tu zad de/ don ni ma yin no/ /ji skad du/ dam pa'i don gyi don rnam ni /
- 398a
rang gis 'dre dang tha dad med/ de la ngo bo gcig pa dang/ /du ma blo yis bsang ba yin/ /zhes bshad pa bzhin no/ /gang yang/ 'dra ba nyid du ma grub pa'i/ /zhes bya ba la sogs pa smras pa de la/ chos gcig rjes 'gro zhes bya ba ma sogs pa smos te/ gsal bar bya ba dang sel ba'i spyod yul zhes tshig rnam par sbyar ro/ /de la bsal bar bya ba ni rta la sogs pa ste /ba lang gi sgra ni de bsal nas 'jug pa'i phyir ro/ /sel ba'i spyod yul ni kha ba la sogs pa ste/ sel ba'i yul ni de yin pa'i phyir/ des na gal te yang spyi'i ngo bo rjes su 'gro ba gcig med pa de lta na yang 'dra ba nyid du grub pa gang dag yin pa 'di dag ni gcig tu rtog pa'i shes pa'i rgyu yin la/ bzlog pa gang dag yin de dag ni phyin ci log yin no/ /'di snyam du spyi gcig med par yang don tha dad pa dag ji ltar gcig tu rtogs pa de'i rgyur 'grub par 'gyur snyam du sams na/ de'i phyir/ gcig ste rtog pa'i shes pa la/ zhes bya ba la sogs pa smos te/ ji ltar spyi med par yang lta re la sogs pa'i don gyi bya ba gcig byed par 'gyur pa de bzhin du dngos po'i tha dad pa 'ga' zhig kyang gcig tu rtog pa'i rgyur 'gyur ba yin pa yin no zhes bya ba 'di ni spyi brtag par bstan zin to/ /rjes su 'gro ba dang bral ba'i/ zhes bya ba la sogs pa smras pa de la/ de min ngo bo las ldog pa'i/ zhes bya ba sogs pa smos te/ gal te yang spyi dngos por gyur pa med pa de lta na yang rigs mi mthun pa las ldog pa'i rang bzhin mtshan nyid tsam nyid kyi rjes su byed par 'gal ba med do/ /ji ltar zhe na/ gang na zhes bya ba la sogs pa smos ste/ gang zhes bya ba ni sa phyogs gang na'o/ /'di na yang du ba ma yin pa las tha dad pa'i rang gi mtshan nyid yod pa yin no zhes bya ba ni phyogs la ? nye bar bstan pa'o/ /de'i phyir zhes bya ba la sogs pa tshad ma'i 'bras bu nye bar ston pa'o/ /yang na rang gi mtshan nyid kyis rjes su 'gro ba byed pa ni yan
- 398b
lag lnga yang bstan par nus pa yin no zhes bstan to/ /'di yang 'bras bu'i gtan tshigs bshad pa'o/ /rang bzhin gyi gtan tshigs smras pa/ mi'i rwa sogs zhes bya ba la sogs pa smos te/ med pa las ldog pa'i rang gi mtshan nyid gang yin pa de thams cad ni de'i ngo bo nyid ma yin pa'i phyir bstan pa las kyang ldog pa yin te/ blo dang sgron ma la sogs pa bzhin no/ /de bzhin du sgra la sogs pa'i rang gi mtshan nyid 'di yang med pa'i ngo bo ma yin no zhes bya ba'o/ /de'i phyir rigs pa 'dis khyad par la ma reg pa'i phyir rang gi mtshan nyid kyis rjes su 'gro ba byed pa na mi 'gal lo/ /'di yang yod pa'i phyir zhes bya ba'i gtan 'di rjes su 'gro ba bstan pa yin no/ /gal te rang gi mtshan nyid kyis rjes su 'gro ba de lta na/ da ni ji ltar rjes su dpag pa'i spyi'i mtshan nyid yul can du 'grub par 'gyur zhe na/ de'i phyir khyad par brjod par ni/ 'dod pa'i zhes bya ba la sogs pa smos te/ rang gi mtshan nyid de nyid khyad par brjod par mi 'dod pa ni spyi'i mtshan nyid ces bya ste/ khyad par yongs su mi 'dzin pa'i spyir mtshon cing nges par byed pas spyi'i mtshan nyid do/ /gzhan yang ma yin zhes bya ba ni mu stegs byed kyis mngon par 'dod pa ste/ de mi 'dod pa'i phyir/ /ji skad du/ de nyid rang bzhin ngo bo yis/ /rtogs phyir gzhal bya gnyis su 'dod/ /ces bshad pa bzhin no/ /de bzhin du gzhan yang/ de min rang bzhin las ldog pa'i dngos pos tsam zhig rab bsgrub phyir/ /rtags spyi'i yul can du brjod de/ khyad par gnas pa med phyir ro/ /zhes bshad do/ /de yang sgra dang rtags dag gi lhan cig pa spyid spyir bshad zer ba 'dra ba yang rang gi mtshan nyid kyis bstan te/ kho bo cag gi ma mthong ba tsam gyis mi mthun pa'i phyogs la gtan tshigs med par nges par byed pa ma yin no/ /'o ma? zhe na/ mi dmigs pa'i khyad par las so snyam du bsams pa yin no/ /gang yang khra bo las ni tha dad nyid
- 399a
ces bya ba la sogs pa smras pa gang yin de la khra mo'i bu las zhes bya ba la sogs pa smos te/ ser gyi bu dang rta gnyis khra mo'i bu las tha dad par mtshungs na yang ci'i phyir rta yongs su spangs nas khra mo la sogs pa de dag nyid la ba lang nyid 'jug gi rta la ni ma yin zhes bya ba 'di khyed cag gis brjod par 'os so/ /'di snyam du 'di la ci zhig brjod par bya/ de'i ba lang nyid de mngon par gsal ba la khra bo la sogs pa nyid nus kyi/ rta la sogs pa ni ma yin te de'i phyir de nyid la 'jug gi gzhan la ni ma yin no/ /ci'i phyir de mngon par gsal ba la khra bo la sogs pa nyid nus pa yin gyi gzhan ni ma yin no zhes bya ba 'di yang brgal zhing brtag par rig pa ma yin te/ 'di ltar 'di ni dngos po rang bzhin so sor nges pa yin no/ /dngos po rnams kyi rang bzhin la ni brgal zhing brtag par FOs pa ma yin te/ de dag gi rang bzhin tha dad pa so sor nges pa ni rang gi rgyu rgyud pas byas pa nyid kyi phyir ro/ /'dir smras pa/ gal te de gsal/ de zhes bya ba ni ba lang nyid do/ /de nyid ces bya ba na khra bo la sogs pa ste/ rta ni ma yin no/ /gal te de lta na tha dad kyang spyi med par yang mtshungs par rtogs pa skyed pa la khra bo sogs pa kho na nus kyi/ rta ni ma yin no zhes bya ba 'di kho bo cag gi phyogs la mi 'thal? ba kho na'o/ /de las cir 'gyur zhe na/ dngos po gang la zhes bya ba la sogs pa smos te/ khra bo la sogs pa'i dngos po gang la ba lang ngo ba lang ngo zhes bya ba de lta bu'i gcig tu rtog pa'i shes pa skye ba de nyid la dngos por gyur ba'i ba lang gi rigs med na yang ba lang ma yin pa sel ba gzugs brnyan gyi bdag nyid 'jug pa yin/ ba lang min sel dbang pos kyang/ zhes bya ba la sogs pa gang smras pa de ni ma grub po/ zhes bstan pa'i phyir ro/ /ba lang min ldog ces bya ba la sogs pa smos te/ de la re zhig rang gi mtshan nyid kyi sel ba ni dbang pos nges par bya ba kho na'o/ /gang yang don gyi
- 399b
gzugs brnyan gyi bdag nyid kyi sel ba de ni don dam par blo'i rang bzhin yin pa'i phyir rang rig pa'i mngon sum nyid kyis grub bo/ /kyang gi sgra ni ma bshad pa'i don sdud pa ste/ des na med par dgag pa'i bdag nyid kyang shugs kyis rtogs par byed pa yin te/ de'i bdag nyid ni gzhan gyi ma yin no zhes bstan pa yin no/ /de'i phyir rang gi mtshan nyid la sogs pa'i ngo bo'i sel ba 'di nyid mthong na ste shes nas 'jig rten gyis sgra sbyor gyi spyi dngos por gyur pa la ni ma yin te/ de med pa'i phyir dang/ mi snang ba'i phyir/ gang kho na mthong nas 'jig rten gyis sgra sbyor ba de nyid kyis de'i 'brel ba rtogs kyis gzhan gyis ni ma yin te/ ha cang thal bar 'gyur ba'i phyir ro/ /ba lang min pa'i sgras rjod byed/ ji ltar yang ni go bar bya/ zhes gang smras pa 'di la/ dngos po gang la de 'dra ba'i/ zhes bya ba la sogs pa smos so/ /gang yang grub na'ang ba lang min gsal bya/ zhes bya ba la sogs pa smos te/ ba lang la sogs pa'i dngos po rnams ni rang nyid kyis tha dad du rtogs pa'i shes pa skyed par byed pa nas rnam par phye nas yang dag par nges pa yin la/ de la tha snyad kyi don du tha snyad 'dogs pa po rnams kyi ji ltar 'dod pa bzhin du ma grub pa'i sgra sbyor ba yin no/ /'di ltar gal te dngos po tha dad pa'i rang gi ngo bo rtogs par bya ba'i don du dngos po gzhan 'dzin pa la bltos pa de'i tshe phan tshun brten pa'i skyon du 'gyur na ji srid du gzhan 'dzin pa med par kho nar dngos po'i tha dad pa rigs pa yin la/ de la tha dad pa'i rnam par rtog pa can gyi rgyu yin pa nyid kyis rnam par phye nas grub pa na ba lang dang ba lang ma yin ba zhes bya ba ji ltar 'dod par brda byed pa'i phyir ji ltar phan tshun brtan pa nyid du 'gyur/ rig pa la zhes bya ba rig pa'i don du'o/ /gang yang rten dang brten par 'jug sogs kyi/ zhes bya ba la sogs pa smras pa de la/ sgra las byung ba'i blo 'di ni/ zhes bya ba la sogs pa smos te/ don dam par sel bar bya ba'i khyad par
- 400a
'ga' zhig sgra dag gis brjod pa ma yin te/ gang gi phyir ji ltar sgras dngos po 'ga' zhig la yang reg pa ma yin te/ gang du yang brda ma byas pa'i phyir ro zhes bya ba 'di ni bshad zin to/ /'di ltar sgra las byung ba'i blo'i phyi rol don yul ma yin na yang rang gi gzung ba ste/ rang gi rnam pa phyi rol nyid du nges par skyed par byed kyi don dam par dngos po'i rang bzhin la reg pa ni ma yin te/ de kho na nyid ji lta ba bzhin ma nges pa'i phyir ro/ /gal te de lta ji ltar slob dpon gyis utpal sngon po la sogs pa'i sgras don gzhan las ldog pa'i khyad par can gyi don brjod zhes bshad ce na/ de'i phyir mtshan shing byed pa dag gis ni/ zhes bya ba la sog pa smos te/ 'di brjod par 'dod pa yang gang zhig ce na/ dngos gang gzhan las zhes bya ba la sogs pa smos te/ don ni rnam pa gnyis te/ phyi nang blo la yod pa'o/ /de la phyi rol ni don dam par sgra rnams kyis brjod pa ma yin gyi/ de nges par byed pa'i rnam par rtog pa skyed pa'i phyir nye bar btags nas sgra'i don du brjod pa 'ga' zhig tu zad do/ /btags pa'i dgos pa yang rigs brjod pa sel bar byed pa yin no zhes bya ba ni spyi'i don no// bkra shis/ //