Text
ff. 1a–221a · 441 folio sides
- 1a
phung po lnga'i 'byed kyi rnam par bshad pa slob dpon blo brtan gyis mdzad pa bzhugs//
- 1b
rgya gar skad du/ pany+tsa skand+ha pra ka ra Na bid+hASh+yaM/ bod skad du/ phung po lnga'i rab tu byed pa bye brag tu bshad pa/ bam po dang po/ /sangs rgyas dang byang chub sems dpa' thams cad la phyag 'tshal lo/ /phung po lnga zhes bya ba la sogs pa'i rab tu byed pa ci'i phyir rtsom zhe na/ chos thams cad kyi rang dang spyi'i mtshan nyid rtogs par bya ba'i phyir ro/ /rnal 'byor spyod pa'i sa la sogs pa'i bstan bcos dag las chos kyi mtshan nyid dpyad zin na yang de dpyad pa don med
- 2a
par mi 'gyur ram/ don med par mi 'gyur te/ mgo smos pas go ba gdul ba'i don gyi phyir ro/ /mgo smos pas go ba ni phyogs tsam gyis de rtogs pa'i khyad par rnams ma lus par khong du chud par nus pas mdor bshad pa nyid la dga' i/ rgya cher bshad pa la ni ma yin no/ /de'i phyir mdor bsdus pa 'dod pa'i sems can la phan gdags pa'i phyir rab tu byed pa 'di brtsams so// yang na khyim na gnas pa rnams bya ba mang po la zhugs pa'i phyir le'u grangs rgya cher byas pa rnams la mngon par brtson mi srid pa dang/
- 2b
rab tu byung ba yid la byed pa la mngon par brtson pa rnams kyang le'u grangs rgya cher byas pa la mngon par brtson par byas na g.yeng bar 'gyur bas/ de gnyi gas chos kyi mtshan nyid rtogs par bya ba'i phyir rab tu byed pa 'dir chos kyi mtshan nyid mdor bshad de/ de ltar de brtsams pa don med par mi 'gyur ro/ /yang na chos kyi mtshan nyid mdor bsdus pa rtogs nas chos kyi mtshan nyid rgyas pa yang bsgrim mi dgos par rtogs nus par 'gyur te/ de'i phyir slob dpon gyi rnal 'byor spyod pa'i sa la sogs pa'i le'u grangs rgya cher byas pa rnams la 'jug par 'gyur ba'i rgyur rab tu byed pa 'di mdzad do/ /chos kyi mtshan nyid rtogs pa med par ci zhig mi 'grub na/ 'di ltar slob dpon gyis chos kyi mtshan nyid bstan par gus par mdzad ce na/ sems rtse
- 3a
gcig tu bya ba dang/ 'bel ba'i gtam bsal bar nges pa rnams la dris pa lung bstan pa la mkhas par bya ba'i phyir te/ 'di ltar chos kyi mtshan nyid la byang bar byas na the tshom med pa'i phyir ji ltar 'dod pa bzhin du dmigs pa la sems rtse gcig tu 'gyur gyi gzhan du ni ma yin no// chos kyi mtshan nyid rab tu rnam par 'byed pas kyang shes rab mchog tu 'gyur bas mi 'jigs pa thob ste/ 'jigs pa med pa ni 'bel ba'i gtam rnam par nges pa rnams la dris pa de thams cad du lung ston nus par 'gyur gyi gzhan du ni ma yin no/ /phung po lnga zhes bya ba ni mang nyung dgag pa'i phyir grangs nges par gzung ba'o/ /phung po'i sgra bye brag med par smos pas zag pa dang bcas pa dang/ zag pa med pa'i phung po gzung bar bya'o/ /phung po ni lnga kho na
- 3b
ste/ bdag dang bdag gir 'dzin pa'i gzhi rab tu bstan pa'i phyir/ mang ba'am nyung ba ma yin te/ byis pa dag ni phal cher rnam par shes pa nyid la ni bdag tu 'dzin/ gzugs la sogs pa lhag ma rnams la ni bdag gir 'dzin te/ 'di ltar phyi dang nang gi gzugs ni byed pa dang las su bya bar bdag dang 'brel to snyam du tshor? ba'i/ phung po la bdag gir 'dzin to/ /las dge ba dang mi dge ba rnams kyi rnam par smin pa'i tshor ba de bdag gis yang dag par myong bar byed do snyam du tshor ba'i phung po la bdag gir 'dzin te/ de la bde ba myong ba ni las dge ba rnams kyi rnam par smin pa'o/ /sdug bsngal ni las mi dge ba rnams kyi'o/ /sdug bsngal yang ma yin bde ba yang ma yin pa ni gnyi ga'i'o/ /'dir ni kun gzhi rnam par shes pa dang mtshungs par ldan pa'i tshor ba btang snyoms nyid yang dag par na las kyi rnam par smin pa ste/ kun gzhi rnam par shes pa nyid las dge ba dang/ mi dge ba'i rnam par smin pa yin pa'i phyir ro/ /bde ba dang sdug bsngal gnyis ni rnam par smin pa las byung ba'i phyir rnam par smin pa gdags pa'o/ /mthong ba dang/ thos pa dang/ bye brag phyed pa dang/ rnam par shes pa'i don rnams la bdag tu 'du shes pa'i sgo nas tha snyad 'dogs par byed do/ snyam du 'du shes
- 4a
kyi phung po la bdag gir 'dzin to/ /bdag tu 'dod pa'i sems ni 'du byed rnams kyis dge ba dang mi dge ba la sogs pa la 'jug par byed pas 'du byed kyi phung po la bdag gir 'dzin te/ phung po lnga ni kho na'o/ /'o na phung po rnams kyi go rims 'di ci'i phyir zhe na/ ji ltar rags pa'i rim bzhin te/ de la gzugs ni thogs pa dang bcas pa dang/ rnam par shes pa'i tshogs lnga'i gnas su gyur pa dang/ rnam par shes pa drug gi yul yin pa'i phyir thams cad pas ches rags te/ de bas na gzugs dang por brjod do/ /tshor ba ni gsum po dag pas rgyu ba rags pa'i phyir ches rags pa ste/ 'di ltar 'du shes la sogs pa bzhin du yul na mi gnas kyang nga'i lag par tshor ro/ /da'i glang par tshor ro zhes rgyu ba rags pa'i phyir yul yongs su chad pas de nyid la brjod kyi/ 'du shes la sogs pa la ni mi ma yin te/ de'i phyir gzugs kyi 'og tu brjod do/ /'du shes ni mtshan mar 'dzin pa'i bdag nyid yin pas rtogs par sla ba'i phyir gnyis po dag pas ches rags so/ /'du byed ni 'du byed pa'i mtshan nyid yin pas khong du chud par sla ba'i phyir/ rnam par shes pa bas ches rags so/ /rnam par shes pa ni thams cad pas phra ba'i phyir kun gyi tha mar brjod do/ /de la gzugs kyi phung po zhes bya ba gzhi mthun pa'am/ de'i skyes bu'i
- 4b
kyi zhes bya bar 'gyur grang na/ gzhi mthun pa ni ma yin te/ phung po rdzas su med pa'i phyir ro/ /gang gi phyir phung po'i sgra srungs pa'i rnam grangs su rtogs pa'i tshig yin pa de'i phyir phung po rnams ni spungs pa bzhin du brtags pa'i yod pa ste/ de'i phyir na gzhi mthun pa nyid med do/ /de'i skyes bu'i kyi da yang mi 'gyur te/ phan tshun tha dad pa'i ngo bo nyid yod na 'brel bar 'gyur bas/ lhas byin gyi zhang po zhes bya ba lta bu yin la/ gzugs kyi phung po zhes bya ba'i spyi 'di ni 'brel pa'i don yang yin pas gzugs las phung po gzhan nyid du 'gyur na/ btags pa'i yod pa ni rang gi rten las de nyid dang gzhan du brjod du med pa'i phyir de'ang mi 'dod do/ /'di ni nyes pa med te tha dad pa ma yin pa dang/ de nyid dang gzhan du brjod du med pa la yang drug pa mthong ste/ gzugs su byas pa'i lus dang/ gzugs kyi snga na med pa zhes bya ba'o/ /gzugs su byas pa ni lus las gzhan ma yin no/ /snga na med pa yang dngos po med pa'i phyir gzugs las de nyid dang gzhan du bstan du med de de nyid dang gzhan yin pa gnyis kyi rgyu ni rang gi ngo bo yin pa'i phyir ro/ /rang bzhin med pa'i phyir dngos po gzhan 'dzin pa la bltos pa ste/ gang zhig gang la 'dzin pa dang brjod pa 'jug pa de ni rten dang tha dad pa'i rang bzhin med pas btags pa'i yod pa nyid/ /don du ma yin pa btags pa'i yod pa nyid ces bya'o/ /de'i phyir rang gi rten las de nyid dang gzhan du brjod du med kyang kyir 'gal ba med do/ /de'i phyir 'dir de'i skyes bu'i kyi nyid do/ /gzugs gang zhe na/ 'byung ba chen po bzhi dag dang/ 'byung ba chen po bzhi dag rgyur byas pa'o zhes bya ba la phung po spros pa'i skabs su gzugs gang zhe na zhes bya ba'i 'dri ba 'di 'brel ba med do zhe na/ 'brel pa med pa ma yin te/ phung po rnams ngo bo nyid med pa'i phyir/ de'i ngo bo nyid brjod pas ni dmigs kyis dbye bar mi nus kyi 'on kyang de'i rten dmigs kyis phye bas 'gyur te/ de'i phyir gzugs gang zhen zhes 'dri yi/ gzugs kyi
- 5a
phung po ni ma yin no/ /rgyu dang 'bras bu'i dngos por gzugs kyi dbye ba bstan pa'i phyir/ /'byung ba chen po bzhi dag dang zhes bya ba la sogs pa smos te/ 'di ltar 'byung ba chen po bzhi po thams cad ni rgyur byas pa'i gzugs thams cad kyi rgyu yin la/ rgyur byas pa'i gzugs thams cad ni 'byung ba chen po thams cad kyi 'bras bu yin no/ /'byung ba rnams kyi chen po ni rgyur byas pa'i gzugs thams cad kyi rten yin pas gtos che ba'i phyir ro/ /yang na gzugs la sogs pa 'dus pa thams cad la srab la sogs pa yod pa'i phyir ram/ gnas pa tha gru che ba'i phyir chen po'o/ /de dang/ gi 'byung ba ni rgyur byas pa'i gzugs sna tshogs 'grub pa na de dang de dag gi rnam par 'byung bas 'byung ba rnams so/ /yang na sems can thams cad kyi las kyi dbang gis thog ma med pa'i 'khor ba nas nam yang ma byung ba ma myong bas 'byung ba rnams so/ /gzhan dag la yang 'byung ba nyid thal bar mi 'gyur te/ ming grags pa yin pas steng nyal la sogs pa bzhin no/ /de dag ni bzhi kho na ste/ mi nus pa dang mi dgos pa nyid du thal bar 'gyur ba'i phyir mang ba 'am nyung ba ma yin no// 'byung ba'i bya ba ni brten pa dang/ sdud pa dang/ smin par byed pa dang/ skyod par byed pa tsam du zad de/ de dag nyid kyis de'i bya ba yongs su pa dang/ bya ba gzhan med pa'i phyir 'byung ba dag ni gzhi kho na'o/ /brten pa la sogs pa bzhin du nam mkha' i bya ba ni go 'byed pa yin te/ de yang nam mkhas byed pas nas la sogs pa bzhin du nam mkha' yang 'byung ba chen po nyid du thal bar 'gyur ram/ de ni de ltar mi 'gyur te /ci'i phyir zhe na/ thogs pa dang bcas pa'i gzugs med pa tsam ma gtogs par nam mkha' zhes bya ba ci yang med do/ /thogs pa dang bcas pa'i rang gi ngo bo nyid de nas song ste /rang gi go der thogs pa dang bcas pa la go 'byed par zad kyis nam mkhas ni ma yin te/ gzugs ltar nam mkha' phyogs de nas song ba med pas de go 'byed ces byar mi rung ngo/ /thogs pa dang bcas pa'i gzugs ni rang gi phyogs su
- 5b
gzugs gzhan 'byung ba'i bgegs byed kyi nam mkha' ni ma yin no/ /de lta bas na 'dir gang na gang yod na ni go phye ba med la/ de na de med na ni der go phye ba yod pas de'i phyir de nyid gnas de nas song nas de la go phye ba yin gyis nam mkhas ni ma yin no/ /de bas na nam mkha' ni sa la sogs pa ltar 'byung ba chen pos yin no/ /'byung ba bzhi dag rgyud byas pa zhes bya ba ni 'byung ba chen po bzhi dag gi gzugs dang 'byung ba chen po bzhi dag rgyur byas pa'i gzugs zhes bya ba'i sgra gnyi gar yang sbyar ro/ /skyed pa dang brten pa dang gnas pa dang rton pa dang 'phel bar byed pa rnams kyi rgyu'i dngos po rnams pa lngas 'byung ba rnams kyis 'byung ba las gyur pa gzung ngo/ /rgyur byas pa'i sgra ni rgyu'i don to/ /dper na shing rgyur byas nas ma byung ngo/ zhes byas na rgyu de las byung bar shes pa lta bu'o/ /de la skyed pa'i rgyu ni de dag de med par de mi 'byung ba'i phyir ro/ / rten gyi rgyu ni 'byung ba gyur na de la brten pa rgyur byas pa'i gzugs kyang rjes su 'gyur ba'i phyir ro/ /gnas pa'i rgyu ni 'byung ba rnams rgyun 'dra bar 'byung ba na 'byung ba las gyur pa yang 'dra ba'i rgyun mi 'chad pa'i phyir ro/ /rton pa'i rgyu ni de'i stobs kyis rgyun mi 'chad pa'i phyir ro/ /'phel bar byed pa'i rgyu ni 'byung ba 'phel na de la rten pa rgyur byas pa'i gzugs kyang 'phel ba'i phyir ro/ /sa'i khams zhes bya ba la sogs pa bshad pa la rang gi mtshan nyid dang rgyur byas pa'i gzugs 'dzin pa'i phyir sa la sogs pa nyid khams so/ /sa la sogs pa smos pa ni phan tshun dang mig gi khams la sogs pa dag las rnam par dbye ba'i phyir ro/ /khams smos pa ni 'jig rten pa'i sa la sogs pa las bye brag tu bya ba'i phyir ro/ /sa la sogs pa ni 'jig rten pa dang bstan bcos las grags pa'i bye brag gis rnam pa gnyis su 'gyur te /de la 'jig rten pa'i ni kha dogs dang dbyibs kyi bdag nyid du kun tu tha snyad 'dogs pa'i yin pa'i phyir khams ma yin no/ /bstan bcos las byung ba rnams la ni sra ba la sogs pa'i ngo bo nyid yod pa'i phyir yang dag par na khams yin no//
- 6a
'byung ba bzhin du sa'i khams la sogs pa'i rang gi ngo bo nyid kyang ma bshad par mi shes pas yang sa'i khams gang zhen zhes bya ba la sogs pa dris so/ /sra ba nyid do zhes bya ba la nyid ni sra ba kho na sra ba nyid de 'di la don gzhan ni med do/ /sra ba dang mkhrang ba dang mthas pa ni rnam grangs su gtogs pa'o/ /chu'i khams gang zhe na /gsher ba nyid do zhes bya ba ni 'du bar byed pa'i bdag nyid yin ba dang rlan bar byed pas gsher ba'o/ /me'i khams ni sreg par byed pa yin pas tsha'o/ /rlung gi khams ni yang zhing g.yo ba nyid do/ /zhes bya ba la yang pa nyid rlung gi khams yin no/ /zhes brjod na ni rgyur byas pa'i gzugs la yang 'byung ba nyid thal bar 'gyur ro/ /rlung gi khams g.yo ba'o zhes brjod pa ni de'i las nyid bstan bar 'gyur gyi /rang gi ngo bo ni ma yin te/ de'i phyir de yang rgyur byas pa'i gzugs dang las rnam par bcad pa'i phyir rlung gi khams ni yang zhing g.yo ba'o zhes de skad ces brjod do/ /g.yo ba ni dngos po'i rgyun yul gzhan du 'byung bar byed pa'i rgyu yin no/ /sa dang/ chu dang/ me dang/ rlung gi khams de dag dang rgyur byas pa'i gzugs phan tshun tha dad du mi 'jug par ci mngon zhe na /las las mngon te/ de'i phyir de dag gi las ni brten pa dang/ sdud pa dang/ smin par byed pa dang /skyong bar byed pa brjod do/ /de dag gi rang gi ngo bo mi dmigs kyang rdo la sogs pa la yod par las las ji ltar rjes su dpag ce na 'di ltar rdo la sogs pa la 'dus pa dang/ skam ba dang/ g.yo ba rnams yod pa las chu dang/ me dang/ rlung gi rnams sa'i khams dang lhan cig 'jug par mngon no/ /tshul yang shing 'deg pa dang/ pad+ma'i 'dab ma rgyas pa dang/ chu g.yo ba rnams yod ba las sa dang/ me dang rlung rnams chu'i khams dang lhan cig rgyu bar mngon no/ /me la yang me lces 'deg ba dang/ 'dus pa dang/ g.yo ba rnams yod pa las sa dang chu dang rlung rnams me dang lhan cig 'jug par mngon no/ /rlung la yang 'deg pa dang/ mi 'gyes pa dang/ gos la sogs pa skam
- 6b
par byed pa yod pa las/ sa dang chu dang me rnams rlung gi khams dang lhan cig 'jug par mngon no/ /las dang rang gi ngo bo gnyis bye brag ci yod ce na /bya ba la bltos nas las rnam par gzhag ste/ 'di ltar brten par bya ba'i rdzas brten pa la bltos nas/ sa'i khams kyi las ni brten pa zhes bya'o/ /bsdu bar bya ba la bltos nas chu'i las ni sdud pa'o/ /smin par bya ba la bltos nas/ me'i las ni smin par byed pa'o/ /'phel bar bya ba nur nur bo dang/ myu gu la sogs ba la bltos nas rlung gi las ni skyod bar byed pa'o/ /bskyod ba ni 'phel bar byed ba dang 'gyur bar byed pa'o/ /ngo bo nyid ni dngos po gzhan thams cad la mi bltos pa ste/ 'di ni las dang ngo bo nyid kyi bye brag go /'byung ba rnams kyi spyi dang khyad par gyi ming dang/ rang bzhin bshad zin to/ /'byung ba rnams kyi 'og tu bstan pa rgyur byas pa'i gzugs kyi rab tu dbye ba dang/ rang gi ngo bo mi shes te/ de'i phyir rgyur byas pa'i gzugs gang zhen zhes dris te/ rnam pa ni du zhig rang gi ngo bo ni ci 'dra zhes bya ba'i tha tshig go /mig gi dbang po'i rang gi ngo bo ci 'dra zhe na/ yul kha dog gzugs dang pa'o zhes bya bas rang gi ngo bor ston te /skabs yin pas 'byung ba chen po bzhi dag rgyur byas pa dang sbyar ro/ /kha dog ni sngon po dang ser po la sogs ba rnam pa bzhi'o/ /kha tog pa lta ba dang kha dog tu snang ba'i rnam par shes pa'i thun mong ma yin pa'i rgyu yin pa'i phyir kha dog ni de'i yul yin pas yul kha dog ces bya'o/ /'di ni 'dir dang ba'i don te/ dper na gzugs la brten nas de ltar snang ba'i gzugs brnyan me long ngam /snod kyi chu dang ba'i nang du 'byung ba de bzhin du gzugs dang sgra la sogs pa la brten nas/ de ltar snang ba'i rnam par rig pa mig la sogs pa gzugs dang ba'i bdag nyid lnga po dag las 'byung ngo/ /'dir ni mig la sogs pa phan tshun dang/ yul gzugs kyi bdag nyid dang ba dang /yid dang/ dang pa las rnam par dbye bar bya ste/ gzugs dang ba'i bdag nyid du bye brag med pa dang/ yul kha dog yin par bye brag med pa'i
- 7a
phyir yul kha dog gzugs dang pa'o zhes gnyis ga brjod do/ de la yul kha dog ces bya bas ni rna ba la sogs pa dang/ yul gyi gzugs dang ba las rnam par 'byed de rna ba la sogs pa dang yul ni dang pa yin yang kha dog yul ma yin no/ /gzugs dang bdag nyid kyis ni yid las rnam par 'byed de/ de'i yul kha dog yin yang gzugs dang ba'i bdag nyid ni ma yin no/ /gzugs smos pas ni dang pa dang pa'i bdag nyid las rnam par 'byed de/ dad pa ni dad pa'i bdag nyid kyang yin la yul kha dog kyang yin te/ de'i phyir gzugs smos so/ / mig gi dbang po ni dang ba yul kha dog go zhes brjod na dad pa la yang thal bar 'gyur bas de'i phyir gzugs smos te/ dad pa ni gzugs kyi bdag nyid ma yin pa'i phyir/ mig la sogs pa ni dbang byed pa'i phyir dbang po rnams te/ tshogs pa 'di la bdag bo byed ces bya ba'i tha tshig go/ de bas na bdag po'i don ni dbang po'i don te/ ji ltar mig la sogs pa yul can rnams phan tshun yul tha dad pas tha dad par brjod de/ mig gi dbang po gang zhe na/ yul kha dog gzugs dang pa'o/ /rna ba'i dbang po gang zhe na/ yul sgra gzugs dang pa'o zhes bya ba la sogs pas tha dad par brjod pa de bzhin du gzugs la sogs pa yul rnams kyang mig la sogs pa yul can rnams tha dad pas tha dad par brjod de/ gzugs ni mig nyid kyi yul yin te/ rna ba la sogs pa'i sa yin te/ de dag gi yul rnams ni sgra la sogs par rnam par bzhag pa'i phyir ro/ /'dir yid ni skabs ma yin pa'i phyir sgrub pa yang med/ dgag pa yang med do/ /de ltar na gzugs la sogs pa phan tshun tha dad par brjod pa yin no/ /mig gi yul ni gzugs nyid yin gyi/ gzugs ma yin pa ni ma yin te/ de ltar na mig gi dbang po'i yul sngon po dang ser po la sogs pa phan tshun mi 'dra ba rnams kyang gzugs su tha dad pa med par bstan pa yin no/ /gal te gzugs mig gi yul nyid kyis bye brag tu byas pa yin na kha dog dang dbyibs dang rnam par rig byed do zhes bya ba ci'i phyir smos zhe na/ gzugs rab tu
- 7b
dbye ba la the tshom za ba dang nor ba dang mi rtogs pa rnams la rab tu dbye ba bstan na the tshom za ba dang nor pa dang mi rtogs pa sel bar 'gyur ro/ /kha rdog mi rnam pa bzhi ste/ sngon po dang /ser po dang/ dmar po dang/ /dkar po'o/ /sprin dang/ du ba dang/ rdul dang /khug rna dang/ grib ma dang/ nyi ma dang snang ba dang/ mun pa dang /mngon par skabs yod pa dang/ nam mkha' zhes bya ba 'di rnams 'dir ci'i phyir ma smos zhe na/ kha dog dang dbyibs bzhin du gzugs kyi bye brag tu 'dir ma smos te/ sprin la sogs pa ni yul yongs su chad pa dang/ yul yongs su ma chad pa'o/ /de la gang dag yongs su chad pa de dag ni dbyibs kyi nang du 'dus pa nyid de gang dag yul yongs su chad pa de dag ni kha dog gi bye brag yin pas/ kha dog dang dbyibs gnyis las tha dad par rnam par bzhag mi nus te de'i phyir 'dir sogs shig tu ma smos so/ /de la mngon par skabs yod pa ni de las gzhan pa thogs par byed pa'i reg bya dang bral ba'i phyogs gang yin pa'o/ /nam mkha' ni steng na sngon por snang ba gang yin pa'o/ /dbyibs ni ring po dang/ thung ngu dang/ lham pa dang/ zlum po dang/ mtho ba dang/ dma' ba dang/ phya le ba dang/ phya le bam yin pa'o/ /dbyibs zhes byang? 'dir ci zhig/ ring po zhes bya ba la sogs pa ma smras sam/ de nyid mi shes so zhe na/ gang la ring po la sogs pa'i blo 'byung ba de ring po la sogs pa'i dbyibs so/ /de ltar mngon kha dog la sogs pa las gud na dbyibs med par 'gyur ro/ /ci'i phyir zhe na/ 'di ltar kha dog la sogs pa 'dus pa mang po phyogs gcig na gnas pa la ring po'i blo 'byung /tshur ngu la ni thung bu'i blo 'byung/ phyogs bzhir mnyam pa la ni lham pa'i blo 'byung/ kun nas mnyam pa la ni bal? po'i blo 'byung/ dbus su phal che ba la ni mtho ba'i blo 'byung/ nyung ba la ni dma' pa'i blo 'byung/ phyogs gcig gi ngos la ci phya le ba'i blo 'byung/ phyogs tha dad pa'i ngos la ni phya le ba ma yin pa'i blo 'byung ba'i phyir ro/ /kha dog pa la sogs par dus pa la ring po la sogs pa'i blo 'byung bar zad kyi/ dbyibs don gzhan du gyur pa med par do ji ltar shes
- 8a
zhen/ reg pa'i sgo nas kyang ring po la sogs pa'i blo 'byung ba'i phyir ro/ /dbang po gzhan gyi yul la dbang po gzhan gyi sgo nas blo 'byung du mi rung ste/ dbang po du mngon med par thal bar 'gyur ro/ /de ni dbang po'i shes pha ma yin gyi/ rjes su dpag pa'i shes pa ste /dri las me tog gi kha dog shes pa bzhin no/ /dri me tog gi kha dog la nges pa ltar reg pa ni dbyibs la de lta ma yin te/ gzhag pa 'di ni mthun pa ma yin no/ /de lta bas na dbang po gnyis kyi sgo nas bum pa la sogs pa bzhin du ring po la sogs pa'i dbyibs la shes pa 'jug pa'i phyir de kha dog la sogs pa las don gzhan ma yin no/ /rdul phra rab rnams ni cha shas med pa'i phyir ring po la sogs pa'i ngo bor nang phan tshun tha dad par yang mi rigs so/ /de lta bas na sngon po la sogs pa'i rdul phra rab ltar ring po la sogs pa'i rdul phra rab rnams yod pa ma yin no/ /de'i phyir dbyibs kyi rdul phra rab rnams 'dus pa la ring po la sogs pa'i dbyibs zhes byar yang mi rung ste/ dbyibs kyi rdul phra rab med pa'i phyir ro/ /dbyibs ni rdzas gcig pa ma yin te/ tshu rol dang dbus dang pha rol gyi cha yod pa'i phyir ro/ /de dag tha dad pa med pa ma yin te/ cig car du mngon sum dang/ mngon sum du ma gyur pa dang/ 'brel pa can tha dad pa'i phyir de dag gdon mi za bar tha dad par 'gyur ro/ /ci ste tha mi dad na yang de dang 'brel pa can rnams kyang phyogs tha dad pa med par thal bar 'gyur ro/ /de lta bas dbyibs ni rdzas su yod pa ma yin te/ 'on kyang kha dog la sogs pa de lta de ltar gnas pa rnams la ring po la sogs par 'dogs so/ /'o na rnam par rig byed ces bya ba'i chos 'di gang zhig yin /de la dmigs pa'i sems las skyes pa lus kyi 'byung ba chen po la brten nas 'byung ba lus kyi dbyibs te/ rang kun nas slong pa'i sems rnam par rig par byed bas rnam par rig byed zhes bya'o/ /'dir ni de la dmigs pa'i sems las skyes pa gang yin pa de nyid rnam par rig
- 8b
byed de/ gzhan la dmigs pa las ni ma yin no/ /de ltar na smra ba'i mchu la sogs pa'i dbyibs ni de la dmigs pa'i sems las skyes ba ma yin pa dang/ smon lam las skyes pa yang bkag pa yin no/ /de ni smon lam gyi sems dang gzhan rnam par smin pa'i rgyu'i sems las kyang skyes pa yin te/ de'i phyir rnam par rig byed du mi 'dod do/ /de la gal te rnam par rig byed ces bya ba'i dbyibs gcig pus lus kyi spyir khyab pa yin na ni gcig yin pa'i phyir dang/ khyab pa yin pa'i phyir te thams cad na yod pas yan lag so so la yang gzung bar 'gyur ro/ /yang na cha shas su rnam par gnas ba'i phyir gcig tu mi rung ngo/ /skye mched bcu ni rdul phra rab bsags pa'o zhes 'byung ba'i grub pa'i mdza' la'ang gnod par 'gyur ro/ /de lta bas na dbyibs zhes bya ba rdzas gzhan du gyur pa med de/ de'i phyir dbyibs ni rnam par rig byed ma yin no/ /gal te lus las don gzhan du gyur pa'i dbyibs rnam par rig byed ma yin na 'o na de gang yin /de la dmigs pa'i sems pa'i rgyu mtshan can lus kyi rgyud rgyun mchad par yul gzhan du 'byung ba'i yin no/ /sems pa rgyur gyur pa ni lus kyi rgyud yul gzhan du 'byung ba'i rgyu rlung gi khams sgrub pa'i phyir ro/ /lus yul gzhan du 'byung ba de ni rang gi rgyu sems pa rnam par rig par byed pa'i phyir rnam par rig byed do/ /de ni dge ba dang mi dge ba'i ngo bo nyid ma yin te/ 'on kyang de dge ba dang mi dge ba'i sems pas skyed pa'i phyir 'bras bu la rgyu btogs te/ dge pa dang mi dge ba nyid du 'dogs so/ /'dir gzugs rnam par gzhag pa ni ngo bo nyid dang gnas pa dang/ byed pa'i mtshan nyid kyi rnam par bzhag ste/ ngo bo nyid ni sngon po la sogs pa kha dog bzhi po rnams te/ de'i ngo bo yin pa'i phyir ro// gnas pa ni ring po la sogs pa dbyibs rnam pa brgyad de /kha dog de lta de ltar gnas pa'i phyir ro/ /byed ba'i mtshan nyid ni rnam spar rig byed de /lus g.yo pa'i bdag nyid yin pa'i phyir ro/ /rdzas su yod pa ni mig la sogs pa'i y ul yin la/ dbyibs dang rnam par rig byed ni/
- 9a
btags pa'i yod pa'i phyir mig gi yul ma yin pa snyam na ji ltar gzugs mig gi yul zhes brjod/ 'dir 'jig rten dang mthun par ba bya'i phyir dbyibs kyi khyad par dang bcas pa'i kha dog mig gi yul du 'dod de/ 'di ltar dbyibs kyi khyad par can du gyur pa'i kha dog la mig gi 'dzin gyi/ dbyibs sam kha dog gcig pu la ni ma yin te/ ring po la sogs pa'i dbyibs kyi khyad par du gyur ba'i kha dog tu snod pa'i mig gi rnam par shes pa bskyed pa'i phyir ro/ /de'i phyir kha dog dang dbyibs ni mig gi yul lo/ zhes 'jig rten na grags so/ / de bzhin du yul gzhan du 'byung bas khyad par du gyur pa'i lus kyi rgyud 'dzin pa'i phyir rnam par rig byed kyang mig gi yul zhes grags so/ /don dam par ni dbyibs bzhin du kha dog kyang mig yul ma yin te/ dbyibs bzhin du rdul phra rab ma grub pa'i phyir dang/ phyi rol gyi don rnam par zhes ba'i yul ma yin pa'i phyir ro/ /de bas na slob dpon gyis 'dir 'jig rten dang bstan bcos las grags pa dang mthun par mdzad par shes so/ /gzugs kyi 'og tu sgra bstan pa'i phyir de bshad ma thag tu sgra bshad par rig pas na/ sgra gang zhen zhes dris pa dang/ rna ba'i yul te zhes bya ba ste/ rna ba nyid kyi yul yin te/ dbang po gzhan gyi ma yin no/ /de ltar na rgyur byas ba'i gzugs yin par khyad bar med kyang dbang po gzhan gyi yul gzugs la sogs pa las de bye brag tu bstan pa yin no/ /rna ba'i yul ni sgra nyid do zhes bya bas kyang sgra'i bye brag phan tshun tha dad pa rnams sgra'i skye mched du bye brag med par bstan pa yin no/ /de'i dbye ba bstan pa'i phyir/ zin pa dang ma zin pa dang gnyi ga'i ste/ 'byung ba chen po'i rgyu las byung ba'o zhes bya ba smos so/ /de la zin pa'i lus su gtogs pa rnams te/ sems dang sems las byung ba rnams kyi gnas kyi dngos por gzung ba rnams so/ /bzlog pa ni 'di rgyu yin pas 'byung ba chen pos zin pa dad ma zin pa dang gnyi ga'i ste/ 'byung ba chen po'i rgyu las byung ba'o/ /de la zin pa'i 'byung ba chen po'i rgyu las phyung ba ni lag pa dang dag gi sgra la sogs pa'o//
- 9b
ma zin pa'i 'byung ba chen po'i rgyu las byung ba ni rlung dang nags tshal dang 'bab chu'i sgra la sogs pa'o/ /gnyi ga'i 'byung ba chen po'i rgyu las byung ba ni rnga'i sgra la sogs pa'o/ /dri gang zhe na/ sna nyid kyi yul zhes bya ba dang/ sna'i yul ni dri nyid do zhes bya ba yang snga ma bzhin no/ /dri mnyam pa ni/ dbang po 'byung ba chen po rnams la phan yang mi 'dogs pa gnod pa yang mi byed pa'o/ /dri ni lhan cig skyes pa dang sbyar ba las byung ba dang gyur ba las byung ba'o/ /de la lhan cig skyes pa ni tsan dan dang gur gum la sogs pa'o/ /sbyar ba las byung ba ni bdug spos ri lu la sogs pa'i dri'o/ /gyur pa las byung ba ni a mra smin pa la sogs pa rnams kyi'o/ /ro gang zhe na zhes bya ba la sogs pa lce nyid kyi yul zhes bya ba dang/ lce'i yul ni ro nyid do zhes bya ba yang snga ma bzhin du rgya cher brjod par bya'o/ /rang bzhin gyi tha dad pa'i phyir tha dad pa drug smos te/ gzhan du dbye na ni de'i sbyar ba tha dad pa mdza' yas par 'gyur ro/ /'dir ni rgyur byas pa'i gzugs brnyan pa'i skabs yin pas ro'i 'og tu rgyur byas pa'i gzugs reg bya'i phyogs gcig bstan pas/ de'i phyir ro bshad pa'i 'og tu reg bya'i phyogs gcig bshad bar 'dod nas/ reg bya'i phyogs gcig gang zhe na zhes dris so/ /reg bya ni rnam pa gnyis te/ 'byung ba rnams dang/ de dag rgyur byas pa'i gzugs so/ /'byung ba rnams ni sngar bstan pa dang/ bshad pa rnams so/ /'dir ni rgyur byas pa'i gzugs kyi skabs yin pas de'i phyir reg bya'i phyogs gcig gang zhe na zhes bya ba ni rgyur byas pa'i gzugs zhes bya ba dang sbyar ro/ /lus kyi yul te zhes bya ba ni lus nyid kyi yul yin gyi /mig la sogs pa'i ni ma yin no/ /de ltar na gzugs dang sgra la sogs pa las de tha dad par bstan pa yin no/ /lus nyid kyi yul reg bya nyid ces bya bas ni 'byung ba las gyur pa gnyis phan tshun mi 'dra yang reg bya nyid du bye brag med par bstan pa yin no/ /lus kyi yul te zhes
- 10a
bya ba 'byung ba rnams kyang lus kyi yul yin pas rgyur byas pa'i gzugs su thal bar 'gyur ro/ /de'i phyir 'byung ba chen po rnams gzhag ste zhes smos so/ /reg bya'i phyogs gcig rab tu bstan pa'i phyir/ 'jam pa nyid dang/ rtsub pa nyid dang/ zhes bya ba la sogs pa smos so/ /lus kyi dbang por reg par bya bas na 'jam pa nyid la sogs pa reg bya zhes brjod na ni/ gang gis gang la reg pa des kyang de la reg par gdon mi za bar 'gyur bas lus kyi dbang po yang reg byar thal bar mi 'gyur ngam/ gang gis kyang ci la yang reg pa med de/ bdag nyid thams cad kyis reg na ni gong bu thams cad rdul phra rab kyi tshad tsam du 'gyur ro/ /phyogs kyis reg na ni rdul phra rab rnams cha shas dang bcas par thal bar 'gyur bas rdul phra rab nyid nyams par 'gyur ro/ /de bas na yul dang dbang po gnyis bar ma chad par skye ba na gang la brten nas rnam par shes pas yul dmigs pa des yul la reg ces bya bar gdags kyi/ yul gyis rnam par shes pa'i gnas la ni ma yin no/ /de'i phyir lus kyi dbang pos 'byung ba rnams nyid la reg go zhes bdags kyi/ de dag la gnas pa'i gzugs la sogs pa la ni ma yin te/ lus kyi rnam par shes bas mi 'dzin pa'i phyir ro/ /me tog la sogs pa'i kha dog la sogs pa la gnod pa ni de'i gnas la gnod pa'i phyir gyis lus kyis reg pa'i phyir ni ma yin no/ /kha dog la sogs pa'i gnas la yang lus kyis reg pa ma yin ni ji ltar gnod par 'gyur zhe na/ 'di ni bsam par bya ba ste/ de lta bas na 'dir 'jig rten gyi tha snyad du 'brang bar bya'i don dam par ni ma yin no/ /'jam pa nyid ni mnyen pa dang/ mi rtsub pa dang/ spyad du bzod pa zhes bya ba'i tha tshig go /'jam pa kho na 'jam pa nyid do/ /rtsub ba nyid ces bya ba ni 'di la rtsub pa yod bas rtsub pa zhes bya ste/ spu can bzhin no/ /rtsub pa zhes bya ba ni stobs zhes bya ba'o
- 10b
rtsub pa kho na rtsub pa nyid de/ dung? dung po dang/ h+rung h+rung po dang/ shin tu 'jam pa ma yin pa zhes bya ba'i tha tshig go /lci ba ni ljid gnon zhes bya ba'i tha tshig go /lci ba kho na lci ba nyid de/ dngos po rnams 'jam pan gang gis dma' bar byed pa'o/ /yang ba nyid ni gang gis dngos po rnams 'jam pa dma' bar mi 'gyur pa ste/ dbyibs cher zin kyang gang yod na gang ge? bla ba ste/ srang mda'i rtse mo dma' bar 'gyur ba'i rgyu zhes bya ba'i tha tshig go /gang gis nyen na dro ba 'dod pa de ni grang ba nyid do/ /dpyid dang ston grang ba yod kyang dro ba mi 'dod pa ma yin nam/ dro ba 'dod pa ni gzhan du mi 'byung bas grang ba nyid dro ba 'dod par byed pa zhes nges par gzung ngo/ /de ltar na de'i 'bras bu yang de dang rigs gcig pa'i phyir mtshan nyid pa rnams kyis rtogs so/ /bkres pa ni zas 'dod par byed pa'o/ /skom pa ni skom 'dod par byed pa'o/ /sems las byung ba'i chos ni lus kyi dbang po'i yul ma yin no/ /zhe na/ de'i phyir rgyu las 'bras bu gdags pa byas nas 'dir bkres pa dang skom pa bstan te/ rlung gi khams kyi shas che ba ni bkres pa'i rgyu reg bya'i bye brag 'ga' zhig 'byung ba de ni bkres pa'i rgyu yin pa'i phyir/ bkres pa zhes brjod do/ /de bzhin du ma'i khams kyi shas chen skom pa'i rgyu yin pa'i phyir skom pa zhes brjod do/ /gzhan nas rgyal ba dang/ nyam yod pa dang nyam chung ba la sogs pa reg bya'i bye brag smos pa rnams kyang 'di dag gi nang du 'dus pas legs shig tu ma brjod do/ /brgyal ba ni 'jam pa nyid las gud na med do/ /nyam yod pa ni rtsub pa dang lci ba nyid las logs shig na med de/ de ltar gzhan nas reg bya'i bye brag 'byung ba rnams kyang 'di dag gi nang du mthun mthun du bsdu bar bya'o/ /'jam la sogs pa yang gnas kyi bye brag gis phan tshun tha dad de/ chu dang me'i khams kyis shas chen ni 'jam pa nyid do/ /sa dang rlung gi khams kyi shas che ba ni
- 11a
rtsub pa nyid do/ /sa dang chu'i khams kyi shas che ba ni lce ba nyid do/ /me dang rlung gi khams kyi shas che ba ni yang pa nyid do/ /de nyid kyi phyir shi ba'i lus la lci ba nyid kyi shas che ba'o/ /chu'i khams kyi shas che ba ni grang ba'o/ / rlung gi khams kyi shas che ba ni bkras pa'o/ /me'i khams kyi shas che ba ni skom pa'o/ /de bzhin du gnas kyi bye brag gis phan tshun bye brag tu gyur par rgyur byas pa'i gzugs gzhan la yang ji ltar mthun mthun du khong du chud par bya ste/ 'dir ni tshig mang du 'gyur ba spang pa'i phyir phyogs tsam zhig bstan to/ /gzugs kyi phung po 'am rgyur byas pa'i gzugs las rnam par rig byed ma yin pa 'ba' zhig lus pas/ rnam par rig byed ma yin pa gang zhe na zhes dris pa dang/ rnam par rig byed dang/ ting nge 'dzin las byung ba'i gzugs te/ bstan du med pa thogs pa med pa'o zhes bya bas de bstan te/ /de la rnam par rig byed ni rnam pa gnyis te/ lus kyi rnam par rig byed dang/ bdag gi rnam par rig byed do/ / de re re la yang dge ba dang/ mi dge ba dang lung du mi ston pa'i bye brag gi rnam pa gsum gsum du 'gyur ro/ /rnam par rig byed ma yin pa yang rnam pa gsum nyid de/ 'dod par gtogs pa dang/ gzugs su gtogs pa dang/ zag pa med pa'o/ /de la 'dod pa na spyod pa'i rnam bar rig byed ma yin pa ni dge ba dang/ mi dge ba'i rnam par rig byed las byung ba ste/ de yang so sor thar ba'i sdom pa dang/ byang chub sems dpa' i sdom pa dang/ sdom pa ma yin pa dang/ de dag ma gtogs pa'o/ /de la so sor thar ba'i sdom pa ni dge slong dang dge tshul dang/ dge bsnyen dang/ bsnyen gnas la gnas pa'i bye brag gi rdzas su rnam pa bzhi'o/ /dge slong dang dge slong ma la sogs pa'i bye brag gi ming du ni rnam pa brgyad do/
- 11b
de la so sor thar pa'i sdom pa ni gzhan la gnod pa byed pa las gzhi dang bcas bar rnam pa thams cad du ldog pa'o/ /byang chub sems dpa' i sdom pa ni lus dang srog gis bsdus pa'i dngos po la mi lta bar/ lus dang ngag dang sems kyi rnam pa thams cad du gzhan la phan 'dogs par zhugs pa'o/ /sdom pa ma yin pa ni rnam pa thams cad du gzhan la gnod pa byed par zhugs pa'o/ /phyogs gcig gi phan 'dogs pa dang gnod par byed par zhugs pa ni sdom pa yang ma yin sdom pa ma yin pa yang ma yin pa'o/ /de la gzugs su gtogs pa dang zag pa med pa ni ting nge 'dzin las byung ba ste/ de yang bsam gtan gyi sdom pa dang/ zag pa med pa'i sdom pa go rims bzhin no/ /de la bsam gtan bzhi po dag dang/ mi lcogs pa med pa dang bsam gtan khyad par can dag na zag pa dang bcas pa'i ting nge 'dzin dang lhan cig byung ba ni bsam gtan gyi sdom pa'o/ /zag pa med pa'i ting nge 'dzin dang lhan cig byung ba ni zag pa med pa'i sdom pa'o/ /de yang 'byung ba rnams la brten pas 'byung ba dang/ rjes su 'jug pa'i phyir rgyud byas pa'i gzugs nyid do/ /'di ni 'di na'o/ /pha gi ni pha gi na'o zhes brjod pa 'di ni bstan pa'o/ /de 'di la med pas bstan du med ba'o/ /rang gi phyogs su gzhan 'byung ba'i gags byed pa ni thogs pa'o/ /rnam par rig byed ma yin pa ni yul na mi gnas pa'i phyir de mi srid pas thogs pa med pa'o/ /gzugs thams cad ni rnam pa gsum ste/ bstan du yod pa thogs pa dang bcas pa dang bstan du med la thogs pa dang bcas pa dang/ bstan du yang med la thogs pa yang med pa'o/ / de la bstan du yid la thogs pa dang bcas pa ni mig gi dbang po'i yul lo/ /bstan du med pa thogs pa dang bcas pa ni mig la sogs pa lnga dang/ sgra dang/ dri dang/ ro dang/ reg bya bzhi'o/ /bstan du yang med la thogs pa yang med/
- 12a
pa ni chos kyi skye mched kyi gzugs so/ /de yang rnam pa lnga ste/ bsdus pa las gyur pa dang/ mngon par skabs yod pa dang/ yang dag par blangs pa las byung ba dang/ kun brtags pa dang/ dbang 'byor pa'o/ /'dir gzugs kyi phung po ni rdzas bcu gcig par 'dod pas yang dag par blangs pa las byung ba'i gzugs nyid bstan du yang med la thogs pa yang med par bshad de/ gzhan ni ma yin no/ /ci'i phyir de dag mi bstan ce na /bsdus pa las gyur pa ni rdul phra rab rnams nyid de/ de dag ni sngon po la sogs pa'i kha dog las gud na med de/ sngon po la sogs pa'i kha dog las kha dog tu snang ba gzhan ni med do/ /mngon par skabs yod pa yang rdul phra rab rnam nyid de/ de las gzhan pa thogs par byed pa'i reg bya dang bral ba rnams so/ /de dag kyang kha dog gi bdag nyid yin pa'i phyir 'dir 'dus pa nyid bas yang ma bshad do/ /kun brtags pa ni gzugs brnyan gyi gzugs keng rus la sogs pa'o/ /dbang 'byor ba ni rnam par thar pa la bsam gtan pa'i spyod yul gyi gzugs gang yin pa ste/ de ni rnam par rtog pa'i bdag nyid yin pas 'dir ma 'dus te/ de ni de'i rnam pa can gyi rnam par shes pa la so sor snang ba las phyi rol na med do/ /gzugs brnyan yang yul du snang ba'i rnam par shes pa nyid de/ rnam par shes pa las gzugs brnyan nam gzugs brnyan las rnam par shes pa bud na med do/ /de lta bas na yang dag par blangs pa las byung ba nyid 'dir bshad kyi/ gzhan ni ma yin no/ /mthu stobs kyi che ba'i blos bskyod pa ni bdag lta bu gang gis kyang rtogs par gal nus te/ de lta bas na de dag ma bshad pa ni slob dpon gyi dgongs pa btsal bar bya'o/ /de ni 'di skad du rnam par rig byed dang ting nge 'dzin
- 12b
las byung ba dge ba dang mi dge ba las byung ba rgyur byas ba'i gzugs ni sems g.yengs? pa dang/ sems med pa na yang rjes su 'brang ba gang yin pa ste/ /de stong pa'i rgyu med na yod pa ni rnam par rig byed ma yin pa'o zhes bstan par 'gyur ro/ /gzugs dang byed pa'i ngo bo nyid yin du zin kyang rang kun nas slong ba'i sems rnam par rig par byed pa bzhin du gzhan la rnam par rig par mi byed pas rnam par rig byed ma yin pa'o/ /'dir ni bye brag tu smra bas kun brtags pa'i rnam par rig byed bzhin du rnam par rig byed ma yin pa yang med de/ tshad ma'i yul du ma gyur ba'i phyir ro/ /so sor thar pa'i snga? ma pa'i sdom pa la sogs pa ni med pa ma yin te/ 'di ltar sems pas bya bar khas blangs nas bsnyen par rdzogs par bya ba la sogs pa'i cho ga sngon du btang ste/ sems pa gang gis lus dang ngag gi las bkag pa las sdom pa'i sems pa des ma 'ongs pa na de dang rigs gcig ba bskyed pa'i phyir kun gzhi rnam par shes pa la sa bon btab nas/ de'i 'og tu bdag ni srog gcod pa la sogs pa spangs pa'o zhes yang dag par blangs ba dran pa 'byung ste/ de byung nas gang 'dzem ba de bslab pa mi 'dral lo/ /de ltar na yang dag par blangs ba'i sems pa rgyun chags pa dang bcas pa ni sdom pa zhes bstan pa yin no/ /de bzhin du bsam gtan nam lam la snyoms par zhugs na rnam par rig byed ma yin pa med par yang gang thob na langs nas log pa'i ngag la sogs pa la mi 'jug pa dang/ yang dag pa'i ngag? la sogs pa la 'jug pa de lta bu'i bsam pa dang gnas thob ste/ de'i phyir rgyu la rgyu can gdags par byas nas lam gyi yan lag brgyad rnams dang/ bsam gtan gyi sdom pa yang rnam par bzhag go /sdom pa ma yin pa yang de'i rigs su skyes pa rnams kyi gsad? bar sbyor bar bya ba'i sems pa dang/
- 13a
gzhan gyi rigs su skyes pa rnams kyi las de bye bar khas len pa'i sems pa ste/ sems pa de med kyang sdom pa ma yin pa btang ba ma yin te /sems can rnams la gnod pa bya bar bsam pa las ma log pa'i phyir ro/ /de ltar bya ba'i sems pa dang/ khas len pa'i sems pa sems can rnams la gnod par bya ba'i bsam pa dang ldan pa ni sdom pa ma yin pa'o zhes bstan pa yin no/ /'dir rnam par rig byed dang/ ting nge 'dzin las byung ba nyid ni brda phrad bar sla bas yang ma spros so/ /sdom pa dang sdoM pa ma yin pa'i sems pa rnams kyi dge ba dang mi dge ba ni bdag nyid kho nas so/ /de'i rgyun chags pa ni dge ba dang mi dge ba'i sems pas 'phangs pa dang/ dge ba dang mi dge ba'i sems pa'i 'bras bu yin pa'i phyir ro/ /bsam gtan dang zag pa med ba'i sdom pa yang bsam gtan dang zag pa med pa'i lam rgyu yin pa dang/ yang dag pa'i dag la sogs pa 'bras bu yin pa'i phyir dge ba'o/ /gzugs ni lus dang ngag yul yin pa'i phyir te/ yul can la yul btags pa'i phyir ro/ /bstan du med pa thogs pa med bas ni brda phrad pa sma? bas? ma bshad do/ /ci'i phyir rnam par rig byed ma yin pa la thug pa'i gzugs kyi phung po 'di gzugs zhes bya zhe na/ bcom ldan 'das kyis kyang dge slong dag gzugs su rung bas de'i phyir gzugs nye bar len pa'i phung po zhes pa'o/ /ci gzugs zhe na/ lag pa'i 'dus te reg pas reg na gzugs su rung ba'o zhes rgya cher gsungs so/ /mdo las kyang lag pa la sogs ba'i 'dus te reg pas gzugs yod pa'i phyir gzugs so zhes gsungs so/ /gzugs kyi gzugs su yod pa 'di gang zhe na/ lag pa la sogs ba'i 'dus te reg pa snga ma'i gnas las gzhan du bskyed ba ste/ 'di yang rgyun gyi dbang du byas te
- 13b
brjod kyi/ skad cig la ni ma yin te/ skad cig ni skye ba dang 'jig pa'i dus kyi dbang du byas pa dang/ gnas pa med pa'i phyir ro/ /gzugs kyi phung po'i 'og tu tshor ba'i phung po bshad ba'i skabs yin te/ de'i 'og tu bstan pas de'i phyir/ tshe rabs gang zhe na zhes dris pa dang/ myong ba rnam pa gsum ste/ zhes bya bas bstan to/ /nyams su myong ba ni myong ba ste/ dngos po'i sim pa dang gdung ba dang gnyi ga'i rnam par ma gtogs pa'i rang gi ngo bo mngon sum du byed pa'o/ /yang na sim pa dang/ gdung ba dang gnyi ga'i rnam par ma gtogs pa'i dngos po'i rang gi ngo bo myong bar byed pas myong ba'o/ /de yang ngo bo nyid kyi bye brag gi rnam pa gsum ste/ bde ba dang sdug bsngal dang/ sdug bsngal yang ma yin bde ba ma yin pa'o/ /bde ba dang sdug bsngal ma gtogs par myong ba gsum pa yod pa ji ltar zhe na /lud dang rigs pas mngon te/ mdo las tshor ba rnam pa gsum zhes gsungs so/ /yang bde ba yang spangs sdug bsngal yang spangs te/ bde ba yang ma yin sdug bsngal yang ma yin zhes gsungs so/ /rigs pa ni tshor ba dang bral ba'i sems skye ba med pa dang/ bde ba dang sdug bsngal dang bral ba'i sems kyang dmigs so/ /reg pa myong ba ni tshor ba zhes slob dpon 'dus bzang gsung ste/ 'dod pa dang/ mi 'dod pa dang/ gnyi ga las ldog pa'i reg pa rnams myong ba gang yin pa de tshor ba'o/ /de ni 'di skad du/ bde ba myong bar 'gyur ba'i reg pa la brten nas bde ba'i tshor ba 'byung ngo zhes rgya cher gsungs so/ /bde ba la sogs pa bskyed pa yin pas de rnam par dbye ba'i phyir ro/ /gal te yul myong ba tshor ba yin du zin na dmigs pa gcig pa rnams las 'di khyad par ci yod/ /de'i phyir reg pa myong ba ni tshor ba'o zhes rnam par bzhog go /de lta na 'on ni 'du shes dang mos pa dang/ dran pa dang shes rab la sogs pa yang tshor ba bzhin du dmigs pa'i sgo? nas ngo bo nyid brjod par mi bya'o/ /ji ste 'du
- 14a
shes la sogs pa mtshan mar 'dzin pa la sogs pas dmigs pa gcig pa rnams las khyad par du 'dod na ni tshor ba yang yul myong bar ci'i phyir mi 'dod/ de la dmigs par mi srid pa'i phyir reg pa myong ba yang mtshungs bar ldan pa 'am/ rgyu'i dngos por yongs su brtag grang na/ de la mtshungs bar ldan pa ni ma yin te/ sems las byung ba thams cad reg pa dang? mtshungs par ldan par bye brag med pa'i phyir ro/ /rgyu'i dngos por yang mi rung ste /sems las byung ba thams cad kyi rgyu reg pa yin par bye brag med pa'i phyir ro/ /'jig rten dang bstan bcos las kyang myong ba'i sgra ni 'bras bu 'am rgyur grags pa med kyi mngon sum du byed par grags so/ /'di snyam du sems te/ las dge ba dang/ mi dge ba rnams kyi 'bras bu rnam par smin pa 'dis myong ba ste/ de la bde ba myong ba ni las dge ba rnams kyi 'bras bu rnam par smin pa'o/ /sdug bsngal ni mi dge ba rnams kyi'o/ /bde ba yang ma yin sdug bsngal yang ma yin pa ni gnyi ga'i 'o snyam mo/ /'dir ni kun gzhi rnam par shes pa nyid las dge ba dang mi dge ba'i rnam par smin pa ste/ don dam par na de dang mtshungs par ldan pa'i btang snyoms nyid las dge ba dang mi dge ba'i rnam par smin pa'o /bde ba dang sdug bsngal ni rnam par smin pa las byung ba'i phyir rnam par smin pa zhes btags pa'o/ /de la bde ba myong ba ni gang 'gags na zhes bya ba la sogs pa yin no/ 'o na rten cing 'brel bar 'byung ba las gang byung na bral bar mi 'dod pa skye ba de bde ba'i tshor ba'o zhes 'byung ba de ji lta bu/ 'di la 'gal ba med de/ don du na cig shos kyang zin pa'i phyir ro/ /gang byung na 'bral bar mi 'dod pa skye ba zhes bya ba ni don du na de 'gags na phrad par 'dod par yang 'gyur ro zhes bstan pa yin no/ /gang 'gags na phrad par 'dod par 'gyur
- 14b
ro zhes bya ba yang 'dir don du na de byung na 'bral bar mi 'dod pa'o zhes bstan pa yin no/ /'o na dka' thub can rnams mi 'dod bzhin du 'dod chags kyi kun nas dgres? pa dang phrad pa rnams 'dod chags las? byung ba'i bde ba skyes pa'i tshe 'bral bar 'dod pa skye zhing 'gags pa na phrad par mi 'dod pa gang yin pa de ji lta bu zhe na/ de ni sun 'byin pa'i phyir de nyid las skye ba ma yin te /bde ba de tshul khrims dang ting nge 'dzin gyi bar du gcog par mthong ba rnams la gnyi ga mi 'byung bas 'gal ba med do/ / sdug bsngal ni gang byung na bral bar 'dod pa'o zhes bya ba ni gang 'gags na yang phrad par ni 'dod pa'o/ /bral ba ni de'i rgyun chad pa'o/ /'dod pa ni mngon par 'dod pa dang smon pa'o/ /sdug bsngal yang ma yin bde ba yang ma yin pa ni gang byung na gnyi gar 'dod par mi 'gyur ba'o/ /de la lus dang sems rgyas par byed pa dang/ yid du 'ong ba'i ngo bo nyid yin pa'i phyir/ bde ba myong? ba ni gang 'gags na de dang phrad par 'dod pa'o/ /lus dang sems nyams dams par byed ba dang/ ngo bo nyid kyi mi mthun pa'i phyir/ sdug bsngal myong ba ni de byung na de dang bral bar 'dod pa yin no/ /gnyi ga ni mi 'byung ba la yang myong ba gang yin pa de yod de/ bde ba yang ma yin sdug bsngal yang ma yin pa yin pa ste/ nag po yang ma yin dkar po yang ma yin pa'i las dang 'dra'o/ /de'i phyir phan 'dogs pa yang med la gnod pa byed ba yang med par zhugs pa'i phyir/ de byung na gnyi gar 'dod pa med do/ /myong ba rnam pa gsum po 'di ni re re la yang gnas kyi bye brag gis rnam pa drug drug tu gyur te/ mig dang/ rna ba dang/ sna dang/ lce dang/ lus dang yid kyi 'dus te reg pa las byung ba'i phyir ro/ /yang brten par bsdun ni rnam pa gnyis su 'gyur te/ lus kyi dang sems kyi'o/ /de la mig dang rna ba dang/ sna dang/ lce'i dbang po rnam ni lus la thad du mi 'jug pa dang/ thoD pa dang bcas pa dang bsaD pa
- 15a
yin pa'i phyir lus kyi nang du bsdus te lus kyi sgrar brjod do/ /de'i phyir mig dang rna ba dang sna dang lce dang/ lus kyi 'dus te reg pa las byung ba'i myong ba ni lus kyi zhes bstan to/ /yid kyi 'dus te reg ba las byung ba ni yid tsam la gnas pa yin pa'i phyir sems kyi zhes bya'o/ /yang mi mthun pa'i phyogs dang gnyen po'i bye brag gi myong ba re re la yang rnam pa gnyis gnyis su 'gyur te/ zang zing dang bcas pa dang zang zing med pa dang zhen pa brten pa dang/ mngon par 'byung ba brten pa'o/ /zang zing ni lus la sred pa'o/ /lus ni nang gi nye bar len pa'i phung po'o/ /de la sred ba bu gcig pa pangs pa la 'khyud pa'i tshul gyis mi 'bral bar 'dod pa lta bur 'jug pa gang yin pa de ni zang zing ste/ de dang ldan pas zang zing dang bcas pa'o/ /sred pa de dang ldan pa ma yin pa dang bral ba'i rjes su mthun pa ni zang zing med pa'o/ /gzugs la sogs pa 'dod pa'i yon tan sdug bsngal? lta ba dang/ mngon par chags pa dang smon pa'i mtshan nyid kyi 'dod pas zlos shing yang dang yang goms par byed pas 'dod ba'i yon tan rnams te de dag la mngon par chags pa dang smon pa ni zhe na pa'o/ /de la bsten pa 'am zhen pa de brtan pas zhen pa brten pa'o/ /mngon par 'byung ba ni 'dod pa'i yon tan las 'dod chags dang bral ba 'am de'i lam ste/ de la brten pa 'am de brten pas mngon par 'byung ba la brten pa'o/ /de la 'jig tshogs dang 'dod chags dang bral ba'i dbang du byas te mi mthun pa'i phyogs dang gnyen bo'i dngos por zang zing dang bcas pa dang zang zing med pa gnyis rnam par gnas so/ /'jig rten pa dang/ 'dod chags dang bral ba'i dbang du byas te zhen pa brten pa dang/ mngon par 'byung ba la brten pa rnam par bzhag go /ci'i phyir 'dir rang gi ngo bo'i bye brag bstan gyi ji ltar gzhan nas 'byung ba bzhin du gnas la
- 15b
sogs pa'i bye brag gis ma yin zhe na /'dir ni mdor bsdu bar bzhed pa dang tha dad pa thams cad kyang rang gi ngo bo las gung na yod pa'i phyir/ 'dir gnas la sogs pa'i bye brag ma bshad do/ /tshor ba'i phung po bshad pa'i 'og tu 'du shes kyi phung po bshad pa'i skabs su bab ste/ de'i phyir 'du shes gang zhe na zhes dris pa dang/ yul mtshan mar 'dzin pa zhes bya ba de bstan to/ /yul ni dmigs pa'o/ /mtshan ma ni yul gyi bye brag sngon po dang ser po la sogs pa dmigs pa rnam par bzhag pa'i rgyu'o/ /de la mtshan mar 'dzin pa ni 'di ni sngon po'o/ /'di ni ser po'o zhes rtog pa'o/ /de lta na 'o na ni/ mig la sogs pa'i rnam par shes pa dang mtshungs par ldan pa'i 'du shes bye brag rtog pa med pa'i phyir yul la mtshan mar 'dzin pa'i bdag nyid du mi 'gyur ro zhe na/ de ni mtshan mar 'dzin pa'i bdag nyid kho na yin par shes par yin gyi/ zhen pa'i phyir yongs su gcod pa ni ma yin no/ /gzhan du na sngar ma zin pa'i bye brag las phyis kyang 'di ni sngon po'o/ /'di ni ser po'o zhes rtog par mi 'gyur ro/ /rang gi tha dad pa med kyang gnas dang dmigs pas 'du shes tha dad par rig par bya'o/ /gnas las 'du shes kyi tshogs drug ste/ mig gi 'dus te reg pa las byung ba'i 'du shes dang/ de bzhin du yid kyi bar du 'dus te reg pa las byung ba'i 'du shes so/ /dmigs pa ni mchan ma dang bcas pa dang/ mtshan ma med pa dang/ chung ngu dang rgya chen por gyur pa dang/ tshad med pa dang/ ci yang med pa'i skye mched de/ /de la sgra'i sgo nas gang don gyi ngo bor sgro btags pa de ni mtshan ma ste/ mtshan ma de dang lhan cig pa'i dngos bo'i rang gi ngo bo ni mtshan ma dang bcas pa'o/ /dngos po de la sgro btags pa'i ngo bo de dang/ 'di ni sgra'o snyam pa'i 'du shes gang yin pa de ni mtshan ma dang bcas pa la dmigs pa'o/ /mtshan ma med pa ni sgro btags pa'i mtshan ma med pa ste /dngos po'i rang gi ngo bo dang/ mya ngan las 'das pa dang/ srid pa'i rtse mo'o/ /de la sgro btags pa'i
- 16a
mtshan ma med pa dang/ gzugs dang tshor ba'i mtshan ma med pa dang/ gsal ba ma yin pa'i phyir/ 'di gsum ni mtshan ma med pa'o zhes bya'o/ /sgra dang don du 'brel ba mi shes pa ni ngo bo la rang gi ngo bo kho na'i 'du shes 'byung mod kyi/ gzugs yin no zhes bya bar ni ma yin te/ de'i phyir yul de la 'du shes pa ni mtshan ma med pa la dmigs pa'o/ /mya ngan las 'das pa'i dbyings kyang 'dus byas kyi mtshan mar rab tu nub pa'i ngo bo yin pas de la dmigs pa'i ting nge 'dzin dang mtshungs par ldan pa'i 'du shes ni mtshan ma med pa la dmigs pa'o/ /srid pa'i rtse mo ni gsal ba ma yin pa'i phyir mtshan ma med pa ste/ de la snyoms par zhugs par 'du shes ni/ dmigs pa la mtshan mar mi byed bas mtshan ma la dmigs pa'o/ /'dir ni mtshan ma gsal ba ma yin pa'i phyir/ de la dmigs pa yang bu mo lta med ces bya ba'i tshul du mtshan ma med ba zhes bya'i de ni mtshan ma med pa nyid kyi phyir mtshan ma med pa zhes ni mi bya'o/ /gzhan du na ni 'du shes med par thal bar 'gyur te/ mtshan ma med pas mtshan mar 'dzin pa yang med par 'gyur ro/ /chung ngu ni 'dod pa'i khams te ngan pa'i phyir ro/ /rgya chen por gyur pa ni gzugs kyi khams te/ mchog tu gyur pa'i phyir ro/ /tshad med pa ni nam mkha' mdza' yas dang/ rnam shes mdza' yas skye mched dag ste/ mu thug pa med pa'i phyir ro/ /yongs su gzung bci yang med pa'i phyir ci yang med pa ni ci yang med pa'i skye mched do/ /de lta bas na 'dod pa'i khams la sogs pa la dmigs pa'i chung ngu la sogs pa'i 'du shes zhes bya'o// //'du shes kyi phung po bshad pa'i 'og tu 'du byed kyi phung po bshad par rigs te/ de'i 'og tu bstan pas na de'i phyir/ 'du byed rnams gang zhe na zhes dris pa dang/ tshor ba dang/ 'du shes las gzhan pa sems las byung ba'i chos rnams dang/ sems dang ldan pa ma yin pa rnams so zhes bya bas de bstan to/ /rkyen rnams 'dus shing tshogs nas byas pa'i phyir gzugs la sogs pa'i phung por bsdus
- 16b
pa'i chos thams cad ni 'du byed rnams zhes bya'o/ /'dir ni 'du byed kyi phung por bsdus pa nyid 'du byed rnams su 'dod de/ gzugs dang/ tshor ba dang/ 'du shes kyi phung por bsdus ba rnams ni bshad zin la/ rnam par shes pa'i phung por bsdus pa rnams ni 'og nas 'byung ba de'i phyir tshor ba dang 'du shes gnyis reg pa dang yid la byed pa la sogs pa rnams dang/ sems las byung ba nyid du bye brag mad kyang/ tshor ba dang/ 'du shes las gzhan pa'i sems las byung ba rnams zhes smos pa ni/ tshor ba dang/ 'du shes gnyis sems las byung ba nyid yin du zin kyang tshor ba dang 'du shes gnyis phung por bsdus pas 'du byed kyi phung por ma bsdus par bstan pa'i phyir ro/ /tshor ba ni nye bar dpyod pa'i dngos po ste/ 'di ltar tshor bas ni las dge ba dang/ mi dge ba rnams kyi 'bras bu rnam par smin pa myong bar byed/ 'du shes ni tha snyad 'dogs pa'i gzhi ste 'du shes kyis mthong ba dang/ thos pa dang/ bye brag byed pa dang/ rnam par shes pa'i don rnams la mtshan mar bzung nas mthong ba la sogs pa la mthong ngo/ /thos so/ /bye brag byed do/ /rnam par shes so zhes 'jig rten pa'i tha snyad la 'jug ste/ de'i phyir tshor ba dang/ 'du shes nyid so sor phung par byas kyi/ sems las byung ba gzhan rnams ni ma yin no/ /gal te tshor ba dang 'du shes las gzhan pa reg pa la sogs pa sems las byung ba'i chos spyod pa la thug pa rnams dang/ sems dang ldan pa ma yin pa thob pa la sogs pa 'du byed kyi phung por bsdu na/ de lta na 'o na ni mdo dang 'gal te/ mdo las ni 'du byed kyi phung po gang zhe na/ sems pa'i tshogs drug go zhes gsungs so zhe na/ de ni gtso bo bstan pa'i phyir 'gal ba med de /sems pa ni sems mngon par 'du byed pa ni gtso bo yin la/ yid la byed pa la sogs pa ni de'i rjes su 'brang ba yin pas sems pa nyid 'du byed kyi phung por gsungs te/ 'di ltar gang dge ba yang sems 'jug par byed/ mi dge pa dang/ lung ma bstan pa dang/ bde ba dang sdug bsngal gyi gnas rnams la yang sems 'jug par byed ba'i phyir ro//
- 17a
'du byed bzhin du sems las byung ba'i chos rnams kyang mi shes pa'i phyir dris ba dang/ chos gang dag sems dang mtshungs bar ldan pa rnams so zhes bya bas ston to/ /de dag kyang mi shes pas de'i phyir dris ba dang/ reg pa dang/ yid la byed pa dang zhes rgya cher smos so/ /reg pa la sogs pa dpyod pa la thug pa de dag kyang gnas dang /dmigs pa dang rnam pa dang /dus dang rdzas mtshungs pa nyid rnam pa lngas sems kyi rjes su 'brang ba'i phyir mtshungs par ldan pas mtshungs bar ldan pa rnams so/ /sems dang mtshungs par ldan pa bye brag med pa'i phyir thams cad kyang sems thams cad dang mtshungs par ldan par thal bar 'gyur ba de bsal ba'i phyir /de rnams las lnga ni kun tu 'gro ba'o/ /lnga ni yul so sor nges pa'o/ /bcu gcig ni dge ba'o/ /bcu gcig ni dge ba'o/ /drug ni nyon mongs pa'o// lhag ma rnams ni nye ba'i nyon mongs pa'o/ /'gyod pa la sogs ba bzhi ni gzhan du yang ngo zhes bya ba smos so/ /'di dag gi nang nas dang po'i reg pa dang/ yid la byed pa dang tshor ba dang /'du shes dang /sems pa gang yin pa de dag ni kun tu 'gro ba ste/ chos lnga po 'di dag ni sems thams cad kyi rjes su 'gro bas kun tu 'gro ba'o/ /'di ltar 'di dag ni khams gsum pa'i dge ba dang /zag pa med pa'i sems dang yang mtshungs par ldan la/ 'dod par gtogs pa'i mi dge ba dang /khams gsum pa'i nyon mongs pa can dang /lung du mi ston pa dang yang mtshungs par ldan no/ /sems kyi 'jug pa thams cad la gdon mi za bar gsum 'dus pa 'byung ste/ gsum 'dus pa yang reg pa las 'khrul pa med pas/ de'i phyir reg pa ni kun tu 'gro ba nyid do/ /sems kyi 'jug pa med par dmigs pa la 'jug pa mi srid pas yid la byed pa yang kun tu 'gro ba nyid do/ /myong ba med pa dang mtshan mar 'dzin pa la mi bltos pa'i sems med pas na tshor ba dang/ 'du shes kyang kun tu 'gro ba nyid do/ /sems pa ni yid kyi las nyid yin pas de yang gdon mi za bar sems thams
- 17b
cad la 'byung bas de'i phyir chos lnga po 'di dag ni kun tu 'gro ba'o/ /lnga ni yul so sor nges pa'o zhes bya ba ni 'di dag yul so sor nges pa yin gyi thams cad lam yin bas yul so sor nges pa'o zhes bya'o/ /de dag kyang 'dun pa dang/ mos pa dang /dran pa dang ting nge 'dzin dang shes rab bo/ /bcu gcig ni dge ba ste/ de dag kyang dad pa la sogs pa nas rnam par mi 'tshe ba la thug pa yan chad do/ /de dag ni ma dad pa la sogs pa'i gnyen po yin pa dang /dga' ba'i rtsa ba dang mtshungs par ldan ba'i phyir dge ba rnams te/ de dang mtshungs bar ldan pa'i sems kyang dge ba'o/ /nyon mongs pa drug ni 'dod chags dang/ khong khro dang/ nga rgyal dang /ma rig pa dang /lta ba dang /the tsom ste /de dag ni sems nyon mongs par byed pas nyon mongs ba rnams so/ /lhag ma rnams ni nye ba'i nyon mongs pa'o zhes bya ba ni de dag kyang khro ba nas shes bzhin ma yin pa la thug pa yan chad do/ /'gyod pa la sogs bzhi ni gzhan du yang ngo zhes 'byung ba de'i phyir lhag ma rnams ni nye ba'i nyon mongs pa'o zhes khyad med pa'i brjod kyang shes bzhin ma yin pa'i mthar thug pa kho na yin par mngon no/ /nyon mongs pa'i char gtogs pa dang sems nyon mongs par byed ba dang /nyon mongs pa dang nye ba'i phyir nye ba'i nyon mongs pa rnams so/ /'gyod pa la sogs pa bzhi ni zhes bya ba ni 'gyod pa dang gnyid dang rtog pa dang dpyod pa'o/ /gzhan du yang ngo zhes bya ba ni 'di dga' ba'i nyon mongs pa 'ba' zhig yin par ma zad kyi /dge ba yin pa dang/ lung du mi ston pa yang yin pa'i phyir ro/ /sems las byung ba rnams kyi sdom 'di ni bsdu na lnga bcu rtsa gcig go /'di dag gi so so'i rang gi ngo bo mi shes pas /reg pa gang zhe na /yid la byed pa gang zhe na zhes bya ba la sogs pa dris so/ /'dir ni mtshan nyid kho na bstan gyi mdor bsdu bar 'dod pas gzhan nas 'byung ba bzhin du las ni ma yin no/ /bdag gi ni bde blag tu rtogs par bya ba'i phyir/ las kyang bshad par bya'o/ /de la rang gi ngo bo ni sngar bstan pa'i phyir sngar bshad de /de bzhin du gzhan yang ji ltar mthun mthun par brjod par bya'o/ /gsum 'dus nas yongs
- 18a
su gcod pa'o zhes bya ba ni skabs yin pas dbang po dang yul dang rnam par shes pa gsum nyid gsum mo/ /de rgyu dang 'bras bu'i dngos por gnas pa ni 'dus pa ste/ de yod na de'i dus nyid na bde ba la sogs pa'i tshor ba 'byung ba dang mthun pa dbang po'i 'gyur ba 'di gang yin pa de dang 'dra ba bde ba la sogs pa myong bar 'gyur ba'i yul gyi rnam pa yongs su gcod pa gang yin pa de reg pa'o/ /dbang po yang bye brag gang gis bde ba dang sdug bsngal ba la sogs pa'i rgyur 'gyur ba de ni de'i 'gyur ba ste /dbang po'i 'gyur ba dang 'dra bas dbang po la reg pa 'am /dbang pos reg pas reg pa'o/ /'di'i las ni tshor ba'i rten byed pa'o/ /de skad du mdo las kyang bde ba myong bar 'gyur ba'i reg pa la brten nas bde ba'i tshor ba 'byung ngo zhes gsungs so/ /yid la byed pa gang zhe na/ sems kyi 'jug pa'o zhes bya ba ni 'jug par byed pas 'jug pa ste/ dmigs pa la gang gis sems mngon du phyogs par byed pa de sems kyi 'jug pa'o/ /de ni dmigs pa la sems 'dzin pa'i las can te/ sems 'dzin pa ni dmigs pa de nyid la yang dang yang gtod pa'o/ /las de yang sems kyi rgyun gyi dmigs pa nges pas yid la byed pa bye brag can gyi dbang du byas te bshad kyi /de sems kyi skad cig re re la ni ma yin te /yid la byed pa thob pa ni ting nge 'dzin thob pa'i zhes gang smos pa ni 'dir dper brjod pa ste /der yang yid la byed pa khyad par can thob pas yid la byed ba thob pa'o zhes brjod do/ /gzhan du na ni thams cad kyi sems kyi skad cig re re la yid la byed pa thob pa'i phyir sems can thams cad kyis yid la byed pa thob pa nyid du 'gyur ro/ /sems pa gang zhe na yon tan dang/ nyes pa dang /gnyis ma yin pa la sems mngon par 'du byed pa yid kyi las so zhes bya ba la yon tan ni dge ba'i chos rnams so/ /nyes pa ni mi dge ba rnams so/ /gnyi ga ma yin pa ni lung du ma bstan pa rnams so/ /yang na yon tan ni phan 'dogs pa rnams so/ /nyes pa ni gnod par byed ba rnams so/ /
- 18b
gnyi ga ma yin pa ni bar ma do rnams so/ /sems mngon par 'du byed pa zhes bya ba ni yid g.yo bar byed pa ste /gang yod na khab long gi dbang gis lcags g.yo ba bzhin du dmigs pa la sems g.yo bar byed pa'o/ /skad cig gzhan du ni gnas shing khye med yid kyang dbang gis byed dang bcas ltar snang byed pa/ /sems pa de ni yid kyi las/ zhes gsungs so/ /sems mngon par 'du byed pa zhes de skad ces bstan na/ yid kyi las zhes ci'i phyir bya zhe na /sems las byung ba thams cad kyis kyang sems mngon par 'du byed bas de'i phyir gzhan dag las rnam par dbye ba'i don du yid kyi las zhes bya ba smos so/ /rnam par shes pa kun tu g.yo ba ltar byed pa'i chos gang yin pa de ni sems pa yin gyi/ gzhan ni ma yin no zhes shes par bya ba'i phyir ro/ /yon tan dang nyes pa dang gnyi ga ma yin pa la sems mngon par 'du byed pa zhes bya ba ni las bstan pa'o/ /yid kyi las so zhes bya ba ni sems pa'i rang gi ngo bo bstan to/ /'dun pa gang zhe na/ bsams pa'i dngos po la 'dod pa'o zhes bya ba la/ ma bsams pa la 'dun pa med do zhes shes par bya ba'i phyir te/ de ltar na mdun pa yul so sor nges pa nyid du bstan pa yin no/ /lta ba dang/ mnyan pa la sogs pa'i bya ba'i yul du gyur pa la bsams pa'i dngos po gang yin pa de ni bsams pa'o/ /de la blta ba dang mnyan par 'dod pa ni don du gnyer ba'o/ /gal te 'dun pa 'dod pa'i bdag nyid yin na de'i tshe sred pa dang 'dun pa gnyis bye brag ci yod ce na/ sred pa ni mngon par chags pa'i mtshan nyid yin la /'dun pa ni 'dod pa'i mtshan nyid yin pas bye brag yod de/ 'di ni brtson 'grus rtsom pa'i rten byed pa'i las can no/ /mos pa gang zhe na /nges pa'i dngos po la de bzhin du nges par 'dzin pa'o zhes bya ba la nges pa smos pa ni mos pa'i yul yang thams cad ma yin par shes par bya ba'i phyir ro /nges pa med pa'i dngos po la de bzhin du nges par 'dzin mi srid do/ /rigs pa 'am yid ches pa'i lung gi dngos po de la
- 19a
the tshom med pa gang yin pa dngos ba ste/ mi rtag pa dang /sdug bsngal ba la sogs pa'i rnam pa gang gis/ de rnam par nges pa'i rnam pa de nyid kyi dngos po de la sems 'jog pa ste /'di ni de bzhin te gzhan du ma yin no zhes nges par 'dzin pa ni mos pa'o/ /'di ni mi 'phrogs pa nyid kyi las can te /mos pa gces su byed pa ni las kyi rgol ba rnams kyi rab gi grub pa'i mdza' las 'phrogs par mi nus so/ /dran pa gang zhe na /'dris pa'i dngos po ma brjed pa ste/ sems kyi mngon par brjod pa nyid do zhes bya ba la 'dris pa smos pa ni ma 'dris pa la dran pa med do zhes bstan pa'i phyir ro/ /'dris pa'i dngos bo ni sngon myong ba'o/ /ma brjed ba ni dmigs pa la 'dzin pa chud mi za bar byed pa'i rgyu ste/ de ni sngon bzung pa'i dngos po la dmigs pa'i rnam pa yang dang yang du dran pa'o/ /mngon par brjod pa nyid ni mngon par brjod pa dang 'dra bas mngon par brjod pa'o/ /mngon par brjod pa kho na mngon par brjod pa nyid do/ /de ni dmigs pa mngon par brjod pa yod na dmigs pa gzhan nam rnam pa gzhan la sems g.yeng ba med pas de'i phyir mi g.yeng ba'i las can no/ /ting nge 'dzin gang zhe na/ brtag pa'i dngos po la sems rtse gcig pa nyid do zhes bya ba la brtag pa zhes bya ba ni gzhan du ma yin te /de ltar na ting nge 'dzin kyang yul so sor nges pa nyid du bstan pa yin no/ /brtag pa'i dngos po ni yon tan dang nyes pa'o/ /sems rtse gcig pa ni dmigs pa gcig pa nyid de/ 'dir rtse ni dmigs pa la bya'o/ /sems mnyam par bzhag na yang dag pa ji lta ba bzhin du/ /yongs su shes pa'i phyir shes pa'i rten byed pa'i las can no/ /de la brtag ba'i dngos po ni bden pa bzhi ste/ 'gog pa'i bden pa la zhi ba la sogs pa'i rnam pa dang/ lam gyi bden pa la nges par 'byin pa la sogs pa'i rnam par brtag pa 'gogs pa'i bden pa dang/ lam gyi bden pa ni yon tan no/ /sdug bsngal gyi bden pa ni mi rtag pa la sogs
- 19b
pa'i rnam pa dang /kun 'byung ba'i bden pa la ni rgyu la sogs pa'i rnam par brtags pas sdug bsngal dang kun 'byung ba'i bden pa ni nyes pa'o/ /de bzhin du sa dgu la 'og ma la ni nyes par lta gong ma la yon tan du'o/ /de bzhin du rang dang spyi'i mtshan nyid kyi dmigs pa gzhan rnams la yang ji ltar mthun mthun du brjod par bya'o/ /shes rab gang zhe na /de dag nyid la rab tu rnam par 'byed pa ste/ rigs pa dang rigs pa ma yin pas bskyed pa dang/ gzhan pa'o zhes bya ba la /de dag nyid la zhes bya ba ni brtag pa'i dngos po nyid la ste/ de ltar na ting nge 'dzin bzhin du shes rab kyang yul so sor nges pa nyid du bstan pa yin no/ /rab tu rnam par 'byed pas kyang rab tu rnam par 'byed ba ste/ rang dang spyi'i mtshan nyid 'dres pa lta bu'i chos rnams yang dag ba 'am/ log par so sor rtog pa'o/ /rigs pa ni gsha' ba ste/ yid ches pa'i lung dang /rjes su dpag pa dang mngon sum mo/ /rnam pa de gsum gyis bskyed pa gang yin pa de ni rigs pas bskyed pa'o/ /de yang thos pa las byung ba dang /bsams pa las byung ba dang/ bsgom pa las byung ba ste /de la yid ches pa'i gsung rab las skyes pa'i rtog pa ni thos pa las byung ba'o/ /rigs pa nges par bsams pa las skyes pa ni bsams pa las byung ba'o/ /ting nge 'dzin las skyes pa ni bsgoms pa las byung ba'o/ /rigs pa ma yin pa ni yid ches pa ma yin pa'i lung dang /rjes su dpag pa ltar snang ba dang /log par bsams pa'i ting nge 'dzin te/ rigs pa ma yin pa nges bskyed pa ni rigs pa ma yin pas skyed pa'o/ /de la grangs can dang bye brag pa la sogs pa'i thos pa las byung ba dang/ bsams pa las byung ba ni yid ches pa ma yin pa'i lung gis bskyed pa dang/ rtog ge ngan pas bskyed pa'i phyir rigs pa ma yin pas bskyed pa'o/ /'dod chags dang bral ba rnams kyi rtag pa dang chad par smra pa rnams kyi dang/ kha cig rtag pa rnams kyi yang log par bsams pa'i ting nge 'dzin las skyes pa'i phyir
- 20a
rigs ba ma yin pas bskyed pa'o/ /skye bas thob pa dang /'jig rten pa'i tha snyad shes pa ni rigs pa'i bskyed pa yang ma yin/ mi rigs pas bskyed pa yang ma yin pa'o/ /'di ni som nyi bzlog pa'i las can te /som nyi bzlog pa na shes rab kyis chos rab tu phye nas nges par thob pa'i phyir ro// //phung po lnga'i rab tu byed pa bye brag tu bshad pa/ bam po gnyis pa /dad pa gang zhe na/ las dang 'bras bu dang bden pa dang /dkon mchog la mngon par yid ches pa dang/ 'dod pa dang/ sems dang pa'o zhes bya ba las ni rnam pa gsum ste/ bsod nams dang bsod nams ma yin pa dang /mi g.yo ba'o/ /de la bsod nams ma yin pa ni mi dge ba dang mtshungs par ldan pa'i phyir 'dod par gtogs pa nyid do/ /bsod nams ni rnam par smin pa nges pa med pa'i phyir 'dod par gtogs pa nyid do/ /rnam par smin par 'gyur ba la g.yo ba med pa'i phyir mi g.yo ba'o/ /bsod nams ma yin pa'i rnam par smin pa ni 'dod pa'i khams na mi 'dod pa'o/ /bsod nams kyi ni 'dod pa'o/ /mi g.yo ba'i rnam par smin pa ni gzugs dang gzugs med pa'i khams na 'dod pa nyid do/ /de la las dang 'bras bu gnyis yod par mngon par yid ches pa'i rnam pa'i dad pa ni las dge ba dang mi dge ba yod pa dang/ de yang 'bras bu 'dod pa dang mi 'dod pa dang go rims bzhin no/ /de yang dge ba dang mi dge ba'i las kyi rgyu las byung ba ste/ dbang phyug la sogs pas sprul pa ni ma yin no zhes de ltar las dang 'bras bu'i rang gi ngo bo phyin ci ma log pa las dang 'bras bu'i rnam bar smin pa gnyis rgyu dang 'bras bur 'brel bar mngon par yid ches pa gang yin pa de ni las dang 'bras bu gnyis yod pa nyid du yid ches pa'i rnam pa'i dad pa'o/ /bden ba ni sdug bsngal ba dang /kun 'byung ba dang /'gog pa dang lam rnams te /'phags pa rnams
- 20b
dang mi mthun pa dang/ mi rtag pa la sogs pa nyid du mnor ba'i phyir 'bras bur gyur pa nye bar len pa'i phung po lnga po dag ni sdug bsngal gyi bden pa'o/ /sdug bsngal gyi rgyur gyur pa dang/ rkyen la sogs pa'i rnam par phyin ci ma yog pa'i phyir rgyur gyur pa'i nye bar len ba'i phung po lnga bo de dag nyid kun 'byung ba'i bden pa'o/ /sdug bsngal rgyu dang bcas pa nye bar zhi ba'i bdag dang /zhi ba la sogs pa'i rnam par phyin ci ma log pa'i phyir sdug bsngal 'gog pa ni 'gog pa'i bden pa'o/ /sdug bsngal 'gog pa thob par byed pa dang /nges par 'byin pa la sogs pa'i rnam par phyin ci ma log pa'i phyir /'phags pa'i lam yan lag brgyad pa ni 'phags pa'i bden pa'o/ /de la sdug bsngal dang kun 'byung ba'i bden pa gnyis la sdug bsngal yod do/ /kun 'byung ba yod do zhes yod par mngon par yid ches pa'i rnam pa nyid dad pa'o/ /'gog pa dang lam gyi bden pa gnyis la bdag gi 'gog pa thob par bya ba dang/ lam bskyed par nus so /snyam du 'dod pa'i rnam pa ni dad pa'o/ /dkon mchog ni gsum ste/ sangs rgyas dang chos dang dge 'dun rnams so// dkon pa nyid dang/ rin che ba nyid dang /dga' bar byed ba dang/ phan 'dogs pa dang mi ma yin pa la sogs pa gnod pa byed pa'i gnyen por gyur pa'i phyir rin po che dang 'dra bas na dkon mchog go /de la dkon ba nyid ni byang chub sems dpa' srid pa dang longs spyod la ma chags pas lus dang srog la mi lta ba rgyun ni 'chad par byang chub kyi tshogs la zhugs pa rnams kyis kyang sangs rgyas nyid bskal pa grangs med pa gsum gyis thob par bya ba yin pas na dkon pa nyid do/ /de'i phyir sangs rgyas 'byung ba nyid ni udum+ba ra dang 'dra bar dkon ba zhes bya'o/ /sangs rgyas 'byung ba dkon bas na /sangs rgyas 'byung ba la rag las pa'i phyir chos dang dge 'dun dkon mchog kyang dkon pa nyid do/ /rin che ba nyid ni 'dod dgu mthar phyin pa'i gnas thob pa rnams kyi bsod
- 21a
nams dang ye shes kyi tshogs gnyis kas thob par bya ba yin pa'i phyir ro/ /de la bsod nams kyi tshogs ni sbyin pa dang/ tshul khrims dang/ bzod ba'i pha rol tu phyin pa dang gsum mo/ /ye shes kyi tshogs ni shes rab dang/ bsam gtan gyi pha rol tu phyin pa'o/ /bsod nams dang ye shes kyi tshogs kyi yan lag gi dngos por gyur pas brtson 'grus kyi pha rol tu phyin pa ni tshogs gnyis kar gtogs pa'o/ /chos dkon mchog ni 'dus byas thams cad yongs su btang bas thob par bya ba yin pa'i phyir rin che ba'o/ /dge 'dun dkon mchog ni 'khor ba'i 'bras bu 'grub pa las khyad par du gyur pa'i phyir/ bsod nams dang ye shes kyi tshogs gnyis kyis thob par bya ba yin pas rin che ba'o/ /dkon mchog gsum ni mthong ba dang /thos pa dang/ rjes su dran na dga' bar byed pa'i phyir dga' ba'i rgyur 'gyur pas dga' bar byed pa'o/ /'di ltar bsu ba dang/ bsnyen bkur bya ba dang/ brtsal ba dang/ yongs su shes par bya ba rnams kyi sems can rnams la phan 'dogs pa yin pas phan 'dogs pa ste /ji skad du khyod la bsu bas dpal du byed/ bsnyen bkur byas na bde bar byed/ /kun tu tshol bar blo gros byed/ /yongs su shes byed rnam par sbyong zhes bya ba brjod ba lta bu'o/ /mi ma yin pa la sogs ba gnod par byed pa zhi bar byed pa ni mdo las ji skad du /dge slong ngag gal te khyod dgon pa na gnas kyang rung zhes bya ba nas /'jigs sam bag che 'am spu zing zhes byed pa'i bar du 'gyur ba de zhi bar 'gyur ro zhes rgya cher gsungs pa lta bu'o/ /de bzhin du chos dkon mchog rjes su dran pa dang /dge 'dun dkon mchog rjes su dran pa la yang brjod par bya'o/ /de la shes bya thams cad la chags pa med cing thogs ba med par mkhyen pa'i mthu brnyes pas gnas gyur pa ni sangs rgyas te/ de ni zag pa dang bcas pa'i chos thams cad kyi sa bon dang bral ba /zag ba med pa'i chos thams cad kyi sa
- 21b
bon rgyas pa/ mthu stobs mdza' yas bas yongs su bzung ba'i phyir yid bzhin gyi nor bu rin po che ltar lhun gyis grub par sems can ma lus pa'i don mdzad par spyod pa'o/ /chos ni rnam pa gsum ste/ bstan pa'i chos mdo'i sde dang dbyangs kyis bsnyad pa'i sde la sogs pa dang/ sgrub pa'i chos 'phags pa'i lam yan lag brgyad pa 'khor dang bcas pa dang/ don dam pa'i chos mya ngan las 'das pa'o/ /de yang rnam pa gnyis te/ phung po'i lhag ma dang bcas pa dang/ phung po'i lhag ma med pa'o/ /de la nyon mongs pa dang bral ba zhes bya ba ni phung po'i lhag ma dang bcas pa'o/ /de ltar gyi skye ba 'gags nas ma 'ongs pa'i skye ba mi byung ba ni phung po'i lhag ma med pa'o/ /dge 'dun ni skyes bu gang zag brgyad de/ 'jug pa bzhi dang 'bras bu la gnas pa bzhi'o/ /phan tshun mi phyed pa dang ston pa mi phyed pa'i phyir dge 'dun no/ /yon tan dang nyes pa thams cad mchog tu phyin pa dang/ bsal ba'i mthar phyin pa'i gnas pa yin pa'i phyir/ sangs rgyas bcom ldan 'das de la spu zing zhes byed pa dang/ mchi ma 'byung ba la sogs pas mtshon pa'i dang ba'i mtshan nyid ni dad pa'o/ /rgyu dang bcas pa'i sdug bsngal thams cad zhi ba'i bdag nyid dang/ thob par byed pa dang /gsal bar byed pa'i phyir dang ba'i mtshan nyid ni chos la dad pa'o/ /'khor ba'i 'dam rdzab las brgal ba dang /'khor ba'i 'dam rdzab las brgal ba'i lam las gnas pa'i phyir /dge 'dun la dad ba'i bdag nyid ni dad pa'o/ /dad pa ni rnam pa gsum du 'gyur te /dngos po yod pa yon tan can nam yon tan ma yin pa la yid ches pa'i rnam pa dang/ yod pa'i yon tan can la dad pa'i rnam pa dang/ yod pa yon tan can thob pa'am /skyed nus pa la 'dod pa'i rnam pa'o/ /de ltar na 'dod pa'i rnam pa yin pa'i phyir sred pa 'am /'dun pa gang yang rung gcig tu mi 'gyur ram /de ni da lta ma yin te/ dge ba yul yin pa'i phyir sred pa ma yin no/ /'dun pa ni dad
- 22a
pa sngon du 'gro ba yin pas 'dun pa ma yin no/ /sems dang ba zhes bya ba la dad pa ni sems kyi rnyog pa dang mi mthun pa ste /de'i phyir de dang mtshungs par ldan na nyon mongs pa dang /nye ba'i nyon mongs ba'i rnyog ma mi 'gyur ste /dad pa la brten nas sems dad bar 'gyur bas sems dad pa zhes bya ste /chu dang bar byed pa'i nor bu dang 'dra ba'i chos gzhan sems las byung ba la dad pa zhes bya'i gzugs dang ba'i bdag nyid ni ma yin no zhes bstan pa'i phyir sems dad ba zhes bya ba smos te/ gzugs ni ma yin no/ /de ni 'dun ba'i rten byed pa'i las can no/ /ngo tsha shes pa gang zhe na/ bdag gam chos kyi dbang du byas te/ kha na ma tho bas 'dzom pa'o/ /zhes bya ba ni gang la brtan nas su zhig bya ba rnams la 'jug pa dang /ldog pa de ni de'i dbang du byed ba ste /bdag por byed ces bya ba'i tha tshig go /dam pa rnams kyis snang ba dang/ rnam par smin pa mi 'dod pa yin pas sdig pa nyid kha na ma tho ste/ byas kyang rung ma byas kyang rung bdag gam chos kyi dbang bdag por byas nas/ kha na ma tho ba nges sems bag 'khums ba ni 'dzem pa'o/ /rigs dang shes rgyal sogs pa'i yon tan rnams kyis sdig pa bya bar mi rigs par shes pas bdag 'di lta bur gyur bas sdig ba 'di lta bu gal bya zhe'am/ byed par 'gyur ba lta ga la rung snyam pa dang/ mi 'dod pa'i rnam par smin par 'gyur ba dang/ gzhan la gnod par byed par zhugs pa'i phyir/ chos las kyang smad pa'o zhes de ltar ji tsam du bdag gam? chos la lta zhing kha na ma tho bas 'dzem pa gang yin pa de ngo tsha shes pa'o// 'di ni nyes par spyod pa yang dag par sdom pa'i rten byed pa'i las can no/ /khrel yod pa gang zhe na/ 'jig rten gyi dbang du byas te kha na ma tho bas 'dzem pa'o zhes bya ba ni 'jig rten na 'di ni smad pa ste/ bdag la las 'di lta bur rig na smod par
- 22b
'gyur ro zhes tshigs su bcad pa ma yin pa la sogs pa'i 'jigs pas kha na ma tho ba la 'dzem pa'o/ /'di yang nyes par spyod pa yang dag bar sdom pa'i rten byed pa'i las can nyid do/ /ngo tsha shes pa de ni nyes par spyod bar byas na yang gdon mi za ba spong bas yang dag par sdom pa yin no/ /ngo tsha shes pa dang khrel yod pa ni nyes par spyod pa byas na yang gdon mi za bar de spong bas yang dag par sdom pa'i rten byed pa'i las can no/ /khrel yod pa ni nyes par spyod par ma byas na yang dag par sdom pas 'di gnyis ni de'i rten byed pa'i las can te /sngon du 'dren pa nyid do/ /ma chags pa gang zhe na zhes bya ba la ma chags zhes bya ba ni don rnam pa gsum la 'jug ste /med pa dang/ gzhan pa dang/ gnyen po la'o/ /'dir ni gnyen po nyid la 'jug gi med pa dang /gzhan la ni ma yin no zhes bstan pa'i phyir/? chags pa'i gnyen po ste zhes bya ba smos so/ /zhe sdang med pa dang /gti mug med pa la yang de bzhin du brjod par bya'o/ /yid byung zhing mi len pa'o zhes bya ba ni de'i rang gi ngo bo la rtog pa mdzad pa'o/ /chags pa zhes bya ba ni srid pa dang longs spyod rnams la kun tu chags pa dang smon pa gang yin pa'o/ /de'i gnyen po ni ma chags pa ste/ srid pa dang srid pa'i yo byad rnams la ma chags pa dang mi phyogs pa'o/ /yid byung ba ni srid pa dang longs spyod ni nyes dmigs yongs su shes pa'i phyir srid pa dang srid pa'i yo byad rnams la mi phyogs pa'o/ /mi len pa ni srid pa dang longs spyod gnyi ga la ma chags pa'o/ /yang na mi len pa'i bye brag gi phyir yid byung ba smos? te srid pa dang /srid pa'i yo byad rnams la mi phyogs pa'i rnam pa gang yin pa'i mi len pa de ma chags pa zhes bya'o/ / 'di ni nyes par spyod pa la mi 'jug pa'i rten byed pa'i las can no/ /zhe sdang med pa gang zhe na/ zhe sdang gi gnyen po ste /byams pa'o zhes bya ba la zhe sdang ni sems can rnams dang /sdug bsngal dang sdug bsngal gyi gnas kyi chos rnams la kun nas mnar
- 23a
sems pa ste/ de'i gnyed po ni kun nas mnar sems pa med pa'o/ /zhe sdang gi gnyen po ni gzhan dag kyang yod pas de'i phyir byams pa smos te /zhe sdang gi gnyen po byams pa'i bdag nyid gang yin pa de ni zhe sdang med pa ste/ gzhan ni ma yin no/ /nyes par spyod ba la mi 'jug pa'i rten byed pa'i las can no/ /gti mug med pa gang zhe na /gti mug gi gnyen bo ste/ yang dag pa la yang dag par rtog pa'o zhes bya ba la /dge ba'i chos thams cad ni nyon mongs pa can gyi chos rnams kun tu 'byung ba dang mi mthun pa yin pas gnyen po yin te /de'i phyir yang dag pa la yang dag par rtogs pa'i zhes bya ba smos te/ yang dag pa phyin ci ma log par rtogs pa'o/ /de yang bye brag gi rnam pa gnyis te/ shes pa dang so sor rtog pa'o/ /shes pa dang rnam par smin pa dang/ lus dang bsams pa dang /rtogs pa'i rgyu'i bye brag gis rnam pa bzhi'o/ /so sor rtog pa ni shes rab brtan pa dang bcas pa nyid do/ /brtan ba zhes bya ba ni shes rab dang /brtson 'grus dang /ting nge 'dzin rnams la bya'o/ /de la shes rab kyi rdzas gnyis 'grogs mi srid pas brtson 'grus sam /ting nge 'dzin dang mtshungs par ldan pa'i shes rab la so sor rtog pa zhes bya ste /gang gi stobs kyis nyon mongs pa'i sa bon bton ma bcom yang nyon mongs pa rnams kyi skabs mi 'byed pa'o/ /'dir tshig gi don ni 'di yin te/ yang dag pa ji lta ba bzhin du shes pa'i bdag nyid dang /so sor rtog pa'i bdag nyid kyi shes pa khyad par can ni gti mug med pa zhes bya ste /de'i phyir gti mug med pa ni nyes par spyod pa la mi 'jug pa'i rten byed pa'i las can no/ /brtson 'grus gang zhe na /le lo'i gnyen bo ste /dge ba la sems mngon par spro ba'o zhes bya ba la sbyor ba dman pa ni le lo ste/ snyoms las byed ces bya ba'i tha tshig go /de ni dge ba dang mi dge ba
- 23b
la sems mi spro ba'o/ /de'i gnyen po ni brtson 'grus yin bas /de'i phyir le lo bzhin gnyi gar thal bar 'gyur ba rnam par gcad pa'i phyir /brtson 'grus ni dge ba la sems mngon bar sngo ba'o zhes bya ba smos te /nyon mongs pa can la spro ba ni ma yin no/ /nyon mongs pa can la spro ba ni smad pa yin pa'i phyir le lo nyid do/ /nyon mongs pa can la ni shin tu goms pa'i phyir/ rang gi ngang gis 'jug bzhin du de la spro bar bya ci dgos zhe na/ phal cher ni de lta mod kyi/ gang du spro ba la ba ltos pa yang cung zad yod do/ /de yang gang dang mtshungs par ldan na go cha dang /sbyor ba dang /mi 'god ba dang /mi ldog ba dang/ chog par mi 'dzin pa dang /dge ba'i chos gzhan rnams la yang sems mngon par spro ba de ni brtson 'grus te /dge ba'i phyogs yongs su rdzogs par byed pa dang /yongs su sgrub ba'i las can no/ /yongs su rdzogs par byed ba ni ji ltar dngos gzhi la 'jug pa lta bu'o/ /yongs su sgrub pa ni de nyid legs par yongs su sbyang bar byas pa'o/ /shin tu sbyangs pa gang zhe na /gnas ngan len gyi gnyen po ste /lus dang sems las su rung ba nyid do/ /zhes bya ba la/ lus dang sems kyi gnas ngan len ni lus dang sems las su mi rung ba nyid dang /kun nas nyon mongs pa'i chos kyi sa bon rnams te go rims bzhin no/ /de med na ni shin tu sbyangs pa yod ba'i phyir gnyen po'o/ /shin tu sbyangs pa'i mtshan nyid ni lus dang sems las su rung ba nyid do/ /de la lus las su rung ba ni lus kyi rang gi bya ba rnams la ldang ba yang ba gang las 'byung ba'o/ /sems las su rung ba ni yang dag pa'i yid la byed pa la zhugs pa'i sems kyi sim pa dang yang bar yang 'gyur ba'i rgyu sems las byung ba'i chos gzhan du gyur pa gang yin pa ste /de dang ldan na dmigs pa la sems thogs pa med par 'jug pas de'i phyir sems las su rung ba zhes bya'o/ /lus kyi reg bya'i khyad par dga' bas zin ba la lus shin tu sbyangs bar rig par bya ste/ yid dga' na
- 24a
lus shin tu sbyangs par 'gyur ro zhes mdo las gsungs pa'i phyir ro/ /'dir lus shin tu sbyangs pa sems las byung ba ma yin du zin kyang sems las byung ba'i skabs yin pas shin tu sbyangs pa yang dag byang chub kyi yan lag tu bshad do/ /yang na lus las su rung ba nyid ni sems las su rung ba sgrub par byed pa'i phyir te /de'i phyir sems las byung ba ma yin du zin kyang /'dir lus las su rung ba nyid du brjod do/ /'di ni de'i dbang gis gnas 'gyur ba'i nyon mongs ba la sogs pa'i sgrib ba ma lus pa sel ba'i las can no /bag yod pa gang zhe na/ bag med pa'i gnyen po ste/ ma chags ba nas brtson 'grus gyi bar de dag la gnas nas mi dge ba'i chos spong zhing de'i gnyen po dge ba'i chos rnams kyang bsgom pa'o/ zhes bya ba la bag med pa ni /gang gis nyon mongs pa rnams las sems mi srung zhing dge ba rnams 'bri bar byed pa'o/ /bag yod pa ni nyon mongs pa rnams spong zhing de'i gnyen po'i chos rnams kyang bsgom ba ste /de'i phyir bag yod ba rI? bag med pa'i gnyen por bstan pa'o/ / ma chags pa nas brtson 'grus kyi bar zhes bya ba ni ma chags pa dang /zhe sdang med pa dang/ gti mug med pa dang /brtson 'grus dang bcas par gzung ngo/ /ma chags pa la sogs pa ni brtson 'grus la thug pa'i par de dag la gnas pa ni brten pa dang/ gnas bcas nas mi dge ba'i chos rnams spong ba ste /'dis ni ma chags pa la sogs pa thams cad bag yod par bstan pa yin no/ /mi dge ba'i chos rnams ni zag pa dang/ zag pa'i gnas yul rnams su rig par bya'o/ /de la zag pa rnams sel ba dang/ rnam par gnon pa dang sa bon yang dag par 'don ba'i bdag nyid ni spong ba'o/ /yul rnams ni yongs su spangs pas spong ngo/ /de'i gnyen po zhes bya ba ni mi dge ba'i chos kyi gnyen po rnams te/ de dag kyang dge ba zag pa dang bcas pa dang/
- 24b
zag pa med pa rnams so/ /sgom pa ni de dag goms par byed pa ste/ yang dang yang mngon du byed pa'o/ /'di ltar brtson 'grus dang bcas pa'i ma chags pa la sogs pa la brten nas mi dge ba'i chos rnams spong zhing de'i gnyen bo dge ba'i chos kyang bsgom pa'i phyir brtson 'grus yan chad dang bcas pa'i ma chags pa la sogs pa la bag yod pa gdags te /'dis ni gnas dang bcas pa 'am /rgyu dang bcas pa la bag yod pa gdags bar bstan pa yin no/ /'di ni 'jig rten pa dang/ 'jig rten las 'das pa'i phun sum tshogs pa thams cad yongs su rdzogs par byed pa'i las can no/ /de la 'jig rten ba'i phun sum tshogs pa ni srid pa dang/ longs spyod kyi khyad par rnyed pa'o/ /'jig rten las 'das pa'i phun sum tshogs pa ni nyan thos la sogs pa'i byang chub thob pa'o/ /btang snyoms gang zhe na /ma chags pa nas brtson 'grus kyi bar de dag nyid la gnas shing zhes bya ba la sogs pa bag yod pa bzhin du 'dir yang bshad par bya'o/ /sems mnyam pa nyid dang zhes bya ba la sogs ba chig gsum gyis ni btang snyoms kyi thog ma dang bar dang tha ma'i dus bstan to/ /de la bying ba dang rgod pa ni sems mi mnyam pa ste/ de med pas thog mar sems mnyam pa nyid do/ /de'i 'og tu mngon par 'du byed pa med cing sgrim mi dgos par mnyam par bzhag pa'i sems kyis ci rigs par mnyam bar 'jug pa ni rnal du 'dug pa'o/ /de'i dus ni bsgoms nas ring po ma lon pa'i phyir bying ba dang rgod pa 'byung bar 'dogs pa dang ldan no/ /de'i 'og tu bsgom pa khyad zhugs par gyur pas de'i mi mthun pa'i phyogs thag ring du gyur pa'i phyir de gnyis 'byung du dogs pa med de /bying ba dang rgod pa'i gnyen po'i rgyu rnams la rtsol ba mi byed bas /sems lhun gyis grub par gnas so/ /gang gis nyon mongs pa can gyi chos rnams bsal nas zhes bya ba la gang gis zhes bya ba ni btang snyoms
- 25a
'di? dang sbyar ro/ /nyon mongs pa can gyi chos rnams zhes bya ba ni 'dod chags la sogs pa dag dang bcas pa dag go /de dag bsal na yang mi skye ba'o/ /btang snyoms ni nyon mongs pa can du gnas pa dang/ mi mthun pas gdon mi za bar des 'dod chags la sogs pa 'byung ba'o gnas med do/ /de'i phyir des bsal ces brjod do/ /'di ltar nyon mongs pa can du gnas pa ni btang snyoms dang mi mthun pas de'i phyir btang snyoms la gnas pa ni nyon mongs pa can ma yin par gnas pa yin te/ de nyid kyi phyir btang snyoms ni kun nas nyon mongs ba'i skabs mi 'byed pa'i las can no/ /rnam par mi 'tshe ba gang zhe na/ rnam par 'tshe ba'i gnyen po ste/ snying rje ba'o zhes bya ba la gsong ba dang 'ching ba la sogs pas tho mi 'tsham zhing sems can rnams la gnod pa mi byed pa na rnam par mi 'che ba'o/ /rnam par 'che ba'i gnyen po ni snying rje ba ste/ bsod nams sel ba'o/ /bsod nyams zhes bya ba ni bde ba ste /bde ba sel ba zhes bya ba'i tha tshig go /snying rje can gyi pha rol sdug bsngal na sdug bsngal bar 'gyur ba'i phyir ro/ /'di yang bag yod pa bzhin du btags pa nyid do/ /zhes dang med ba'i cha la btags pa'i phyir rdzas su yod pa ni ma yin no/ /tho mi 'tsham pa'i las can no/ /dge ba bcu gcig bshad zin to/ /nyon mongs pa drug brjod par bya ba de dag brjod par bya'o/ /'dod chags gang zhe na/ nye bar len pa'i phung po lnga la zhen pa dang/ lhag par chags pa'o zhes bya ba la zag pa dang bcas pa'i gzugs dang/ tshor ba dang/ 'du shes dang/ 'du byed dang/ rnam par shes pa lnga ni gzugs dang/ tshor ba dang/ 'du shes dang/ 'du byed dang/ rnam par shes pa nye bar len ba'i phung po rnams so/ /de la gzugs nye bar len pa'i phung po ni khams gnyis kyi gzugs so/
- 25b
tshor ba la sogs pa nye bar len pa'i phung po bzhi ni khams gsum pa'i tshor ba la sogs pa'o/ /'di ? srid pa gsum du srid pa skyed pa 'am/ yang srid ba'i las len pas na/ sred pa la nye bar len pa zhes bya'o/ /nye bar len pa las byung ba dang nye bar len pa la rag lus pa dang/ de dag las nye bar len pa rnams 'byung bas nye bar len pa'i phung po rnams so/ /'dzem pa dang 'dra bas zhen pa ste/ ji ltar 'bru mar la sogs pa'i snum ras la sogs pa'i gnas la zhugs te mched pa shin tu bsgrims kyang rang gi gnas nas 'byung bar dka' ba de bzhin du/ 'dod chags kyang rang gi dmigs pa la zhugs nas mched pa ni 'bral ba chen pos kyang dmigs pa de dang dbral bar dka' bas zhen pa zhes bya'o/ /lhag par chags pa ni de'i rang bzhin nyid do/ /yang na reg bya'i khyad par la yang snum po zhes bya ba yod pa de dang rnam par dbye ba'i phyir lhag par chags pa zhes bya ba smos so/ /'di ni sdug bsngal kun bskyed ba'i las can no/ sdug bsngal nyid gsum dang ldan pa'i phyir ji ltar mthun mthun du khams gsum pa'i phung po lnga ni sdug bsngal du brjod de/ sdug bsngal de yang 'dod pa dang gzugs dang gzugs med pa'i sred pa'i dbang gis mngon par 'grub pa de'i phyir 'dod chags kyi las ni sdug bsngal kun bskyed par bshad do/ /khong khro ba gang zhe na/ sems can rnams la kun nas mnar sems ba'o/ /zhes bya ba la kun nas mnar sems pa'i seMs can rnams la sems rtsub pa ste/ des non? na sems can rnams la gsong ba dang/ bcing ba la sogs pa'i gnod pa bya bar sems pa'o/ /'di ni reg par mi gnas pa dang/ nyes par spyod pa'i rten byed pa'i las can no/ /reg pa'i bde ba ste/ de dang lhan cig gnas pa ni reg par gnas pa'o/ /reg par gnas pa ma yin pa ni rag par mi gnas pa ste/ sdug bsngal dang lhan cig ces bya ba'i tha
- 26a
tshig go/ kun nas mnar sems kyi sems yod na gdon mi za bar yid mi bde ba kun tu 'byung ba'i phyir sems las gdung bar 'gyur ro/ /sems kyi rjes su 'gyur ba'i phyir lus la yang gdung bar 'gyur ba nyid de/ de ltar de spyod lam thams cad du sdug bsngal dang bcas shing phongs pa dang bcas par gnas par 'gyur ro/ /zhe 'gras pa'i sems dang ldan pa ste/ nyes par spyod pa gang dang yang ring ba ma yin pas khong khro ba ni tshig par mi gnas pa dang nyes par spyod ba'i rten byed pa'i las can du bshad do// nga rgyal gang zhe na/ nga rgyal rnam pa bdun te zhes bya ba la/ nga rgyal ni thams cad kyang 'jig tshogs la lta ba la brten nas 'byung ba'i sems khengs pa'i mtshan nyid de/ 'di ltar phung po lnga po dag la bdag dang bdag gir dngos por sgro btags nas 'di ni bdag go 'di ni bdag gi'o zhes de dang de'i khyad bar gyis bdag khengs shing gzhan dag las lhag par rlom sems pa'o/ /'di ni ma gus pa dang/ sdug bsngal 'byung ba'i rten byed ba'i las can no/ /mi gus pa ni bla ma rnams dang/ gang zag yon tan can rnams la 'gyid zhing lus dang ngag gi sri zhu med pa'o/ /sdug bsngal 'byung ba ni 'dir yang srid pa 'byung bar rig par bya'o/ /de ni sems khengs pa'i ngo bo nyid du bye brag med kyang sems khengs pa'i rgyu'i bye brag gis rnam pa bdun du tha dad de/ nga rgyal dang/ che ba'i nga rgyal dang zhes bya ba la sogs pa'o/ /rigs dang shes rgya dang nor la sogs pas dma' pa bas rigs dang shes rgya dang nor la sogs pas bdag che'o snyam du sems khengs pa gang yin pa'am/ rigs la sogs pas mtshungs pa nyid la de dag dang bdag mtshungs so snyam du sems khengs pa gang yin pa de ni nga rgyal lo/ /che ba'i nga rgyal ni rigs dang shes rgya dang nor la sogs pas mtshungs pa bas gtong ba dang tshul khrims dang nyams rtsal la sogs pas bdag che'o snyam pa 'am/ rigs dang nor la sogs pas che
- 26b
ba la shes rgya dang nor la sogs pas bdag dang mtshungs so snyam du sems khengs pa gang yin pa ste/ 'di ni che ba'i nga rgyal zhes bya'o/ /nga rgyal las kyang nga rgyal ni rigs dang shes rgya dang nor la sogs pas che ba bas kyang rigs dang shes rgya dang nor la sogs pas bdag che'o snyam du sems khengs pa gang yin pa ste/ 'di ni nga rgyal las kyang nga rgyal lo/ /nga'o snyam pa'i nga rgyal ni nye bar len pa'i phung po rnams la zhes bya ba la/ 'dun pa dang 'dod chags ni nye bar len pa ste/ ma 'ongs pa'i lus 'dod pa ni 'dun pa'o/ /lhag par chags pa ni 'dod chags so/ /de la ma 'ongs pa'i lus ni 'dun pa'i sgo nas len pa'o/ /de ltar gyi phung po rnams la ni 'dod chags kyi sgo nas yongs su mi gtong bar len to/ de'i phyir 'di gnyis ni nye bar len pa zhes bya ste /'di dag dang ldan pa'i phung po rnams ni nye bar len pa'i phung po rnams so/ /nye bar len pa'i phung po bdag dang bdag gi dang bral ba de dag la bdag dang bdag gir mngon par zhen nas sems khengs pa gang yin pa ni nga'o snyam pa'i nga rgyal lo/ /mngon pa'i nga rgyal gang zhe na/ gong ma'i khyad par thob par bya ba ma thob par bdag gis thob bo/ snyam du sems khengs pa gang yin pa'o/ /zhes bya ba la mi'i chos ni 'dod chags dang/ zhe sdang dang/ gti mug la sogs pa dang/ des bskyed pa'i lus dang ngag dang yid kyi las so/ /de'i gnyen por gyur ba ni bsam gtan dang snyoms par 'jug pa la sogs pa gang yin pa ste/ de dag ni mi'i chos rnams las gong ma'i khyad par zhes bya'o/ /de dag thob par bya ba ni rnyed par bya ba'o/ /de med par bdag gis gong ma'i khyad par thob par bya ba 'thob bo snyam du sems khengs pa gang yin la de ni mngon pa'i nga rgyal lo/ /cung zad snyam pa'i nga rgyal mi rigs dang shes rgya dang nor la sogs pa khyad ches 'phags pa bas rigs pa la sogs pas bdag cung zad gcig gis chung ngo snyam du sems khengs pa gang yin pa'o/ /re
- 27a
zhig mtshungs pa dang mtshungs so snyam pa dang mtshungs pa bas khyad par 'phags so snyam ba 'am/ khyad par can bas kyang 'phags so snyam pa ni sems khengs pa'i gnas yin pas nga rgyal du rigs na/ bdag chung bar mthong ba khengs pa'i gnas su ci'i phyir 'gyur na 'di ltar de la nga rgyal zhes bya zhe na/ khyad ches 'phags pa bas bdag cung zad gcig gis dma' bar 'dzin gyi ji ltar khyad che ba bzhin du dma' bar ni mi 'dzin pa'i phyir de nyid khengs pa'i gnas so/ /yang gang dag sems can mchog dam pa'i tshogs kyi nang na bdag dma' bar 'gyur na'ang tha tshig go snyam du sems khengs pa dag kyang yod do/ /log pa'i nga rgyal gang zhe na/ yon tan ma yin pa dang ldan pa la bdag yon tan dang ldan no snyam du sems pa gang yin pa'o/ / zhes bya ba/ yon tan ni sbyin pa dang/ tshul khrims dang/ bzod pa la sogs pa ste/ de dag su la yon tan dang mi ldan pa'o/ /yang na yon tan ma yin pa ni 'chal ba'i tshul khrims la sogs pa ste/ su la yod pa de yon tan ma yin pa dang ldan pa'o/ / de lta bas na yon tan ma yin pa dang ldan pa la bdag yon tan dang ldan no snyam pa'o/ /yon tan ma yin par da ldan zhes bya ba 'di ni sbyin pa dang tshul khrims la sogs pa med par yon tan dang ldan pa nyid du khas blangs pa yin te/ de'i phyir dngos po med pas na log pa'i nga rgyal zhes bya'o/ /ma rig pa gang zhe na/ las dang 'bras bu dang bden pa dang dkon mchog rnams ye shes pa ste/ de yang lhan cig skyes pa dang/ kun tu brtags pa'o zhes bya ba de la lhan cig skyes pa ni nyon mongs pa dang gzhan dang mtshungs par ldan pa ma yin gnyis ma 'dres pa'o/ /kun brtags ba'i the tshom dang/ log par lta ba dang/ tshul khrims dang/ brtul zhugs mchog tu 'dzin pa la sogs pa'i nyon mongs pa dang mtshungs par ldan ba'o/ /las mi shes
- 27b
pa ni bsod nams dang bsod nams ma yin pa dang/ mi g.yo ba'i lam yod bar mi shes pa gang yin pa ste/ mi rtogs pa dang/ khong du mi chung pa'o/ /'di ni lhan cig skyes ba'i ma rig pa'o/ /bsod nams dang bsod nams ma yin pa dang/ mi g.yo ba'i las yod pa nyid la the tshom pa 'am/ bsod nams dang bsod nams ma yin pa dang mi g.yo ba'i las med do zhes skur ba 'debs pa dang/ bsod nams la bsod nams ma yin par 'du shes pa rnams/ phyug gseb cing mer 'jug pa la sogs pa byed pa dang/ bsod nams ma yin pa la bsod nams su 'du shes pa rnams phyug gsod cing mer 'jug par byed pa dang/ the tshom tsa ba dang/ log par lta ba dang mtshungs par ldan pa'i ma rig pa gang yin pa de ni/ kun tu brtag pa'o/ /'di ni chos rnams la log par des pa dang/ the tshom dang kun nas nyon mongs pa 'byung ba'i rten byed ba'i las can no/ /rtog pa'i bdag nyid kyi shes rab ni lta ba zhes bya ste/ de'i phyir 'jig rten pa'i yang dag par lta ba thal bar 'gyur bas/ 'dir ni 'jig tshogs la lta ba la sogs pa lta ba lnga la bya bar bzhed par bstan pa'i phyir lta ba lnga ste zhes bya ba smos so/ /de dag kyang nyon mongs pa can nyid du bye brag med kyang dmigs pa dang rnam pa'i bye brag gis tha dad par bstan pa'i phyir/ 'jig tshogs lta ba zhes bya ba rgya char smos so/ /'jig par 'gyur bas 'jig pa'o/ /bsags pas tshogs te/ 'jig pa'i dang can mang po la lta ba 'di ni bdag dang bdag gi ba med par ming nyid kyis bstan pa yin te/ bdag ni rtag pa dang/ gcig pu yin par bdag tu smra ba rnams khas len la/ 'di ni mi rtag pa dang du ma'i yul du gyur pa'i phyir bdag yul ma yin par bstan pa yin no/ /nye bar len pa'i phung po rnams la zhes bya ba la sogs pa ni dge sbyong ma bram ze gang la la dag bdag dang bdag gir rjes su lta ba dag ni nye bar len pa'i phung po lnga po 'di dag la'o
- 28a
zhes mdo las gsungs so/ /de dag gis kyang rang gi ngo bor 'am/ 'bras bu'i sgo nas bdag tu 'dogs grang na/ grangs can rnams ni bdag shes pa yod pa'i rang gi ngo bo yin par sems/ de dag kyang sems dang sems las byung ba'i rab tu dbye ba la mi mkhas pas sems dang sems las byung ba'i tshogs nyid kyi phyir shes pa yod pa zhes zer te/ de'i phyir de dag gi phung po bzhi la ni bdag yin pa dang/ gzugs kyi phung po la ni bdag gis yin par rtogs so// blo'i 'jug pa ma rtogs par shes pa yod gzhan zhig yod par ni sems kyi nyams tha mal bas brjod pa 'am/ rtogs par mi nus so/ /tshor ba la sogs pa yang de bzhin no/ /gcer bu pa kha cig ni shes pa'i rang gi ngo bo bdag yin no zhes zer te/ de dag gi dang bdag gir 'dzin pa yang gong du bshad pa bzhin du blta bar bya'o/ /bye brag pa la sogs pa ni blta ba nas sems ba'i bar gang yin pa dang/ de bzhin du tshor bar byed pa dang/ 'dus te shes par byed pa dang/ dran par byed pa dang/ sems par byed pa dang/ rnam par shes par byed pa gang yin pa de bdag yin no zhes 'bras bu'i sgo nas bdag tu ston to/ /de dag kyang mig la sogs pa nyid la bdag tu mngon pa'i nga rgyal byed de/ 'di ltar de med pa'i phyir mig ma rtogs par lta ba gzhan ni med do// mig la sogs pa'i rnam par shes pa la mthong ba la sogs pa zhes bya ste/ de'i thun mong ma yin pa'i rgyu yin pa'i phyir mig gis mthong ngo zhes ston to/ /dper na sgra'i thun mong ma yin pa'i rgyu yin pas dril bu 'khrol lo zhes bya ba lta bu'o/ /'o na gang las mig gi gzugs mthong yang yid dga' bar yang mi 'gyur yid mi dga' bar yang mi 'gyur zhes 'byung ba de la ji skad bya/ der yang 'dus pa 'am rgyud gang la bdag gdags pa de nyid la mig gis gzugs rnams mthong ngo zhes bya'o/ /gzugs
- 28b
su snang ba nyid la gzugs mthong ngo zhes bya ste/ 'di ltar de yod pa dang med pa las gzugs mthong ba dang/ mi mthong bar rnam par bzhag go /thos pa la sogs pa yang de bzhin du brjod par bya'o/ /gang nas tshor bar byed pas tshor ba zhes bya ba nas/ de bzhin du rnam par shes par byed pas rnam par shes pa zhes 'byung ba der yang rnam par shes pa ma gtogs par rnam par shes pa po dgag pa'i phyir dngos po tsam la byed pa por bstan to/ /tshor ba la sogs pa la yang de bzhin du brjod par bya'o/ /yang na ji ltar gong du bstan pa bzhin du yul du snang ba'i phyir byed pa por bstan to/ /dngos po thams cad ni skad cig ma yin pas byed pa'i dus na mi gnas pa'i phyir bdag thob pa ma gtogs par byed pa gzhan med do/ /byed pa po med par ni bya ba med do/ /dngos po rnams bdag thob ma thag tu gal te 'jig par rim 'gyur na ni rgyu med pa'i phyir phyis kyang 'jig par mi 'gyur te/ 'jig pa po dang/ 'jig pa ni phyis kyang rang bzhin bye brag tu gyur ba med pa'i phyir ro/ /'jig pa rgyu dang bcas par yongs su rtog na yang 'jig pa po nyid dam/ de las gzhan pa zhig 'jigs pa'i rgyur yongs su brtag grang na/ phyogs snga ma ltar na ni dngos po rnams bdag thob ma thag tu 'jig pa 'am/ 'jig pa med par thal bar 'gyur te/ gang gzhan la mi bltos bde ni sngar gang gi rgyur ma gyur ba de rang bzhin bye brag tu gyur ba med pas phyis kyang de'i rgyur mi 'gyur ba nyid do/ phyogs cig shos ltar na yang 'jig pa'i rgyu nges pa med par 'gyur ro/ /'bras bu bzhin du 'jig pa rnams kyi rgyu la yang des pa yod do zhe na/ da ni de lta ma yin te/ 'bras bu rnams ni phan tshun tha dad pa'i rang gi ngo bo yin pas de dag gi rgyu rnams kyi nus pa yang tha dad pas des pa yod par 'gal ba med kyi/ 'jig pa ni dngos por brjod pa med pas rang bzhin bye brag tu gyur ba med na nges pa 'di sus byas ded? lta bas na 'jig pa thams cad kyi rgyu thams cad yin pa 'am/ 'jig pa la rgyu med pa gcig tu shes par bya'o/ /yang gal te
- 29a
'jig pa 'jig pa'i rgyu'i snga rol na yod pa de lta na ni 'jig pa'i rgyu don med pas na dngos po rnams kyang zhig bzhin du skye bas zhig zin pa rnams kyang zhig zin pa rnams skye bar thal bar 'gyur ro/ /ji ste 'jig pa 'jig pa'i rgyu rnams kyi snga rol na med na de lta na yang dngos po bzhin du dngos po med pa yang snga na med par thal bar 'gyur ro/ /gang la snga na yod pa de ni gdon mi za bar dngos po yin pa'i phyir zhig nas med par yang 'gyur ro/ /de lta na dngos pa dang dngos po med pa gnyis khyad par med pa'i phyir thams cad dngos po'i bdag nyid ma dngos po med pa'i bdag nyid du thal bar 'gyur ro/ /ji ste zhi gnas med pa yang zhi gnas med par 'gyur na/ de lta na ni zhig nas med pa rnams thug pa med par 'gyur ba'i phyir de'i rgyu rnams kyang 'gyur ro/ /de ltar mi 'dod na ni gnyi ga yang rang bzhin bye brag tu gyur pa med pa'i phyir dngos po zhig nam med par yang 'dod par mi bya'o/ /bya ba yang dngos po gzhan nam gzhan ma yin par brtag grang na/ gal te gzhan ma yin na ni bdag nyid ni bdag nyid kyi byed pa po dang las su mi rigs so/ /gal te bdag thob nas bya ba byed na de ni de'i bdag nyid du gyur ba yin te/ gang zhig gang med par 'byung ba de ni de'i bdag nyid du gyur bar mi rung ngo/ /bya bas stong na yang byed pa po mi rung ngo/ /bya ba dang bral ba ni bya ba dang ldan pa las gzhan nyid yin na bya ba byed pa po 'am/ las kyi bdag nyid du ji ltar 'gyur/ bya ba dang bral ba dang de dang ldan pa gnyis cig car du ma mthong ba'i phyir snga ma 'jig la phyi ma skye bar khas blang bar bya'o/ /ji sre bdag ma thob na de ltar na yang byed pa po dang/ bya ba yang de'i bdag nyid du 'gyur bar mi rung ste/ gnyig med pa'i phyir ci yang ma yin no/ gzhan yang gcig ni bya ba dang bral ba yin la/ cig shos ni bya ba dang ldan ba'i phyir byed pa po med do/ /byed pa po med na bya ba yang med do/ /de ltar rang gi ngang gis 'jig pa'i phyir skad cig pa nyid du khas blangs pa yin no/ /byed pa po dang las gnyis las bya ba gung
- 29b
na yang med de/ byed pa po rnams kyi bya ba skyes la/ bskyed par bya ba yin pas na las nyid yin no/ /bya ba med par yang las dang byed pa por mi rung ste/ gdon mi za bar der bya ba gzhan yod par 'gyur ro/ /de la yang gzhan yod par 'gyur bas bya ba dang byed pa po rnams thug pa med par 'gyur ro/ /ji ste bya ba gzhan la mi bltos par bya ba bskyed do zhe na/ de ltar na ni bya ba gzhan dang bral ba'i rdzas nyid skyed par ci'i phyir mi 'dod la/ don gzhan du gyur pa rang gi ngo bo dang nus pa yang ma mthong ba'i bya ba yongs su brtags pas ci zhig bya/ gal te yang byed pa po rnams kyis bya ba bskyed kyi rdzas ni ma yin na/ de lta na ni lnga na med pa dang zhig nas med pa gnyis bya ba la yod kyi/ rdzas la med par 'gyur te/ rdzas thams cad ni rtag pa 'am med pa nyid du khas blang bar bya'o/ /gal te yang byed pa po rnams las bya ba gzhan zhig yin na bsgrub pa bya ba dang bral bar 'gyur te/ de ltar na ni bya ba la thug pa med pa dang sgrub pa yang med par 'gyur ro/ /sgrub pa med pa'i phyir bya ba yang med par 'gyur te/ sgrub pa med na bya ba med do/ /yang gal te 'gro ba po las 'gro ba gzhan pa dang/ 'bras bu rnams las chos pa gzhan du gyur na/ de lta na ni sngon gyi gnas las 'gyur ba med pa'i phyir 'gro ba po yul gzhan du phyin pa med pa dang/ 'bras kyang gnas pa med par 'gyur ro/ /ji ste yang bya ba nyid rang gi gzhir 'gyur ba'i rgyu yin pas sngon gyi gnas las 'gyur bam bkag go zhe na/ 'gyur ba zhes bya ba ni sngon las rang bzhin bye brag tu gyur pa yin la /de yang gzhan du gyur pa med bar mi 'byung ste/ de ltar bas na snga ma dang phyi ma gnyis cig car yod pa me yin pas gdon mi za bar sngar zhig la dus tha dad pa med par phyi ma skye bar khas blang bar bya'o/ /de ltar na bya gzhi med pa dang mi gnas pa'i phyir 'gyur ba'i rgyur ga la 'gyur/ de lta bas na bdag thob ma thag tu 'jig pa can g.yo ba med pa nang na byed ba'i skyes bu
- 30a
med par nye bar len pa'i phung po lnga po nyid yod pa tsam gyi sa snga ma med pa'i phung po gzhan rnams la rtag pa dang/ byed pa po dang zab bor 'dzin pa sngon du gtang ba'i bdag dang bdag gir 'dzin gyi/ 'di bdag dang bdag gi la ni ma yin no/ /bdag dang bdag gir zhes bya ba ni mthar 'dzin pa'i lta ba rnam par gcod pa'o/ /yang dag par rjes su lta ba zhes bya ba ni rnam par 'byed pa'o/ /shes rab nyon mongs pa can gang yin pa'o zhes bya ba ni rmongs par ma gyur na/ bdag med pa la bdag tu 'du shes par mi 'gyur te/ de'i phyir gti mug dang mtshungs par ldan pa dang phyin ci log tu gyur ba'i phyir nyon mongs pa can no/ /de la rang gi rgyud du gyur ba rnams la ni bdag tu yang dag bar rjes su lta/ gzhan gyi rgyud du gyur ba dang ma zin pa rnams ni bdag gir yang dag par rjes su lta'o/ /gang gi che bdag gi rgyun du gyur ba rnams kyi phyogs gcig la bdag tu lta ba'i tshe gzhan la ni bdag gir lta'o/ /'di ni lta ba thams cad kyi rten byed ba'i las can no/ /de nyid kyi dbang du byas nas zhes bya ba ni 'jig tshogs la lta ba ste/ 'jig tshogs la lta ba'i stobs kyis de 'byung ba'i phyir 'jig tshogs la lta ba ni de la dbang byed do/ /rtag pa 'am chad pa zhes bya ba ni 'jig tshogs la lta bas dngos po gang la bdag tu dmigs pa de nyid la ste/ rtag pa ni ther zug go /chang ba zhes bya ba la chad pa ni 'dir nyid mtshams sbyor ba med par 'jig pa'o/ /yang dag par rdzogs su lta ba'i shes rab nyon mongs can gang yin pa'o zhes bya ba ni snga ma bzhin du brjod par bya'o/ /'di ni dbu ma'i lam gyis nges par 'byung ba'i bar du gcod pa'i las can no/ /dbu ma'i lam ni rtag pa dang chad par 'dzin pa sdangs nas rten cing 'brel bar 'byung ba shes pa'o/ /rgyu 'am 'bras bu 'am byed pa la skur pa
- 30b
'debs pa dang yod pa'i dngos po 'jig pa ste zhes bya ba la sogs pa de yang khyad par can la bya'i /thams cad la ni ma yin no/ /'di ni dge pa'i rtsa ba gcod pa'i las can dang/ mi dge ba'i rtsa ba dam du 'dzin pa'i rten byed pa'i las can no/ /lta ba mchog tu 'dzin pa gang zhe na zheS bya ba ni lta ba la sogs pa la dam bar 'dzin pas lta ba mchog tu 'dzin ba'o/ /lta ba rnams pa gsum po de dag nyid ces bya ba ni 'jig tshogs la lta ba dang/ mthar 'dzin par lta ba dang/ log par lta ba'o/ zhes bya ba ni lta ba bo'i lus zhes bya ba gang yin pa dag ste/ gang dag la brten nas lta ba rnams 'byung ba'o/ /de'i gnas la mchog dang gtso bo dang khyad bar du 'phags pa dang dam pa zhes bya ba ni mchog la sogs pa'i sgra de dag don mtshungs mong kyi gcig gi gcig bshad pa'i phyir smos so/ /'di ni lta ba ngan pa la mngon par zhen pa'i rten byed ba'i las can te/ lta ba'i mtshan nyid la mngon par zhen pa yon tan gyi ngo bor 'dzin pas de yongs su mi gtong ba'i sgo nas 'di ni lta ba thams cad kyi rten byed bar bshad pa yin no/ /tshul khrims dang brtul zhugs dang/ de'i gnas phung po rnams la zhes bya ba la/ 'chal ba'i tshul khrims spong ba ni tshul khrims so/ /cha byang dang/ tshul dang/ lus dang/ ngag gi 'jug pa nges par byed pa ni brtul zhugs so/ /phung po gang dag la brten nas tshul khrims sam brtul zhugs 'byung ba'i phung po de dag tshul khrims dang brtul zhugs kyi gnas so/ /lta ba ngan pa la yon tan du bzung nas de sngon du 'gro ba'i tshul khrims dang/ brtul zhugs la dam par 'dzin pa ni tshul khrims dang brtul zhugs mchog tu 'dzin pa'o// de'i phyir tshul khrims dang brtul zhugs mchog tu 'dzin pas mchog tu 'dzin pa sngar bshad do/ /tshul khrims dang brtul zhugs 'dis sdi pa'i dri ma sel cing dag par byed pas dag ba'o/ /'dis nyon mongs pa'i 'ching ba las grol bar byed pas
- 31a
grol ba'o/ /'dis 'khor ba las nges par 'byin par byed pas/ nges par 'byung ba'o/ /nges par 'byin pa ni thar pa'i lam zhes bya ba'i tha tshig go/ yang dag par rjes su lta ba zhes bya ba ni rtog pa'o/ /tshul khrims sam brtul zhugs la bdag po la sogs pa'i rnam par mngon par zhen pa'i bdag nyid kyi shes rab ni tshul khrims dang brtul zhugs mchog tu 'dzin pa'o/ /nyon mongs pa can ni phyin ci log tu dmigs pa'i phyir ro/ /'di ni ngal ba 'bras bu med pa'i rten byed pa'i las can no/ /the tshom gang zhe na/ bden pa la sogs pa la gang yid gnyis za ba'o zhes bya ba la sogs pa zhes bya bas ni las dang 'bras bu dang/ dkon mchog rnams bsdu'o/ /yin nam ma yin zhes so ma nyi yod pa ni yid gnyis za ba'o/ /'di shes rab las rang bzhin tha dad par blta bar bya ste/ 'di ni dge ba'i phyogs la mi 'jug pa'i rten byed pa'i las can no/ /'dod chags la sogs pa'i nyon mongs pa rnams la du zhig ni kun brtags pa kho na yin/ du zhig ni lhan cig skyes pa dang/ kun tu brtags pa yin zhe na/ lta ba gsum po de dag ni gong ma la yang 'grol bas de'i phyir/ 'og ma zhes bya ba smos so/ /de dag kyang log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o/ /'di dag nyi tshe kun tu brtags pa yin par ma zad kyi/ the tshom yang kun tu brtags pa'o/ /lhag ma ni lhan cig skyes pa dang/ kun tu brtags pa'o zhes bya ba ni gti ga'o/ /lhag ma rnams gang zhe na/ 'dod chags dang/ khong khro ba dang/ gti mug dang/ nga rgyal rnams dang/ 'jig tshogs la lta ba dang/ mthar 'dzin par lta ba'o/ /nyon mongs pa rnams bshad yin to/ /nye ba'i nyon mongs pa rnams brjod dgos pas de dag bshad par bya'o/ /'phral du zhes bya ba ni de ltar byung ba la bya ste/ ma 'ongs pa dang/ 'das pa la ni ma yin no/ /gnod par byed pa la gnas
- 31b
te zhes bya ba ni gnod par byed pa gzung ste/ 'dis ni khro ba'i yul bstan to/ /khro ba ni da ltar nyid gnod par byed ba'i dngos po la 'jug gi /gzhan du ni ma yin no/ /sems kyi kun nas mnar sems pa'o/ /zhes bya ba 'dis ni rnam par shes pa dang 'brel ba can dang rang gi ngo bo yang ston to/ /'di ni kun nas mnar sems pa'i rang bzhin yin pas khong khro ba dang tha dad ba ma yin med kyi/ 'di ni khong khro ba'i cha'i khyad par la btags pa'i phyir khong khro ba'i char gtogs pa nyid de 'phral tu gnod par byed ba'i dbang du byas nas sems can dang sems can ma yin pa'i yul la sems kyi kun nas mnar sems pa'o/ /dbyug pa len pa la sogs pa'i rten byed ba'i las can gang yin pa de khro ba zhes gdags so/ /khyos? pa'i 'og tu 'dis bdag la gnod pa'i 'das byas so/ /zhes shar gnyer ba'i bdag nyid de'i mdud? par 'dzin pa mi gtong ba rgyun tu 'byung ba ni kho na du 'dzin pa ste/ mi bzed pa ni gnod pa byed ba la mi snyam par mi byed kyi/ phyir gnod pa byed 'dod ces bya ba'i tha tshig go /'di yang khro ba bzhin du zhe sdang gi gnas kyi khyad par la brtags pa yin pas brtags pa'i yod par rig par bya'o/ /'chab pa ni 'dun pa dang zhe sdang dang/ 'jig pa la sogs pa gsal te/ de la phan par 'dod pa'i gleng bar byed pas dus su khyod 'di lta bu byed pa'o/ zhes bsnyad pa la gti mug gi char gtogs pas /kha na ma tho mkhyung pa'o/ /'chab pa ni kha na ma tho ba mkhyud pa'i rnam pa yin pa'i gti mug gi char gtogs pa nyid de/ 'di ni 'gyod pa dang reg par mi gnas pa'i rten byed ba'i las can no/ /'di ni chos nyid yin te/ 'di ltar kha na ma thob mkhyud na 'gyod par 'gyur ro/ /'gyod na gdon mi za bar yid mi bde ba dang na mtshungs par ldan par 'gyur bas reg par mi gnas so/ /tshig brlang po zhes bya ba ni 'tshang 'bru ba'i tshul gyis zhe gcod pa dang/ tshig rtsub bo zher 'debs par byed pa'i dang tshul ni zher 'debs pa ste/ de'i dngos po ni zher 'debs pa
- 32a
nyid do/ /tshig brlang bos za ba dang 'dra bar tshig brlang por zher 'debs pa nyid ni 'tshig ba'o/ /'di yang khro ba dang/ khon du 'dzin pa sngon du 'gro ba sems kyi kun mnar sems ba'i rang bzhin yin bas khong khro ba'i char gtogs pa nyid de/ rdzas su yod pa ni ma yin no/ /'di ni dag gi nyes par sbyod pa skyed pa'i las can dang/ reg bar mi gnas ba'i las can te/ de dang ldan pa'i gang zag dang 'grogs par dka' ba'i phyir ro/ /phrag dog ni rnyed ba dang/ bkur sti dang/ tshigs su bcad pa dang/ rigs dang tshul khrims dang/ thos pa la sogs pa'i yon tan mthong nas zhe sdang gi char mngon par gtogs pa'i sems khong nas 'khrugs pa ste/ rang gi bsam pa la khyab bar 'khrug pas khong nas 'khrug pa'o/ /'di ni yid mi bde ba dang/ reg par mi gnas pa'i las can no/ /zin pa'i dngos po chos dang zang zing dang mkhas pa'i bdag nyid rnams gang gi phyir mchod pa dang/ phan 'dogs par 'dod pas 'dod pa 'am/ mi 'dod pa la yang rung ste/ sbyin par byed pa de ni sbyin pa'o/ /de yod na spyin? pa med par 'gyur ba'i phyir de dang mi mthun pa zhes bya'o/ /rnyed pa dang bkur sti la zhen nas 'tsho ba'i yo byad rnams la 'dod chags kyi shas kyi sems kyi kun du 'dzin pa dang/ yongs su mi gtong bar 'dod pa ni ser sna'o/ /'di ni ye byad ma bsnyungs pa'i rten byed ba'i las can no/ /yo byad ma bsnyungs pa ni ser snas yo byad mi mkho ba rnams kyang sogs pa'i phyir ro/ /sgyu? gang zhe na/ gzhan la slu pa'i yang dag pa ma yin ba'i don ston pa'o zhes bya ba ni rnyed pa dang bkur sti la lhag par chags bas gzhan la bslu ba'i bsam pas tshul khrims la sogs pa'i don gzhan du ston pa ste /'di ni 'dod chags dang gti mug gnyis kyis yang dag par ma yin pa'i yon tan ston pas na de gnyis 'dus pa la gdags te/ khro ba la sogs pa bzhin
- 32b
du btags pa nyid yin gyi/ rdzas su ni med do/ /log pas 'tshe ba'i rten byed ba'i las can te /lus dang ngag gi tshul 'chos pa'i zin pa'i mal cha la sogs pa nye bar 'tsho'i/ yang dag ba'i rtsol bas rnyed pa ni ma yin bas ni log pas 'tsho ba zhes bya'o/ / g.yo gang zhe na/ bdag gi nyes pa bcab pa'i thabs bzung ba ste/ sems gya gyu ba'o/ zhes bya ba la bdag gi nyes pa bcas pa'i thabs ni gzhan mgo rmongs bar byed ba ste/ de yang gzhan nas gzhan du bsgyur zhing gtam rlung skur ba dang/ gsal bar mi byed pa'o// de'i phyir g.yo dang 'chab pa gnyis tha dad de/ de ni dngos su mkhyud par byed pa'o/ /'di ni bdag gi nyes pa bcab pa'i thabs bzung ba ste/ de'i rgyu yin ba'i phyir ro/ /sems gya gyu ba ni drang ba ste/ de dang ldan na sems lam drang por mi 'jug go/ 'di ni rnyed pa dang bkur sti la lhag par tshags nas 'dod chags dang gti mug de nyid kyis bdag gi nyes pa bcas pa'i phyir gzhan mgo rmongs par byed pas de gnyis 'dus pa la de gdags so/ /'di ni yang dag ba'i gdams dag rnyed pa'i bar du gcod ba'i las can no/ /yang dag pa'i gdams ngag ni gang rnyed na tshul bzhin yid la byed pa ste/ de'i bar chad byed pa'o/ /rgyags pa gang zhe na/ bdag gi phun sum tshogs pa la chags pa'i rab tu dga' ba ste/ sems yongs su 'dzin pa'o zhes bya ba ni rigs dang nad med pa dang/ gzugs dang/ lang tsho la bab pa dang/ stobs dang/ phyug pa dang/ blo dang/ yid gzhungs pa la sogs pa mchog tu gyur ba ni rang gi phun sum tshogs pa'o/ /rab tu dga' ba ni dga' ba'i bye brag go /sems yongs su 'dzin pa zhes bya bas ni dga' ba'i bye brag nyid ston te/ dga' ba'i bye brag gang gi sems rang dbang med par byed pa des de bdag gi dbang du byed pas yongs su 'dzin par 'gyur te/ de'i phyir sems yongs su 'dzin pa zhes bshad do/ /'dir ni 'dor na dga' ba'i bye brag dang ldan pa'i sred ba'i rnam pa la rgyags
- 33a
pa zhes bya'o/ /'di ni nyon mongs pa dang nye ba'i nyon mongs pa thams cad kyi rten byed pa'i las can no/ /rnam par 'tshe ba ni/ gsad pa dang/ bcing ba dang/ brdeg pa dang/ bsdigs pa la sogs pa gnod pa sna tshogs kyis/ sems can rnams la 'tshe bas rnam par 'tshe ba ste/ 'dis gsad pa dang/ bcing ba la sogs pas sems can rnams la rnam par tho 'tsham pas sdug bsngal dang yid ming de bskyed pa'i phyir/ rnam par tho 'tsham pa'o/ /de ni khong khro ba'i char gtogs pa ste/ snying brtse ba med pa dang /snying rje med pa dang/ brtse ba med pa'o/ /snying brtse ba med pa la sogs pa 'di dag kyang gsod pa la sogs pa bdag nyid kyis byed pa dang/ byed du 'jug pa dang gzhan dag byed pa mthong dam/ thos na rjes su yi rang ba rnams dang go rims bzhin du sbyar bar shes par bya'o/ /yang na gcig gis gcig bshad do/ /'di ni mdor na khong khro ba'i char gtogs pa ste/ sems can rnams la sems rtsub pa dang/ sems can rnams la rnam par tho 'tsham pa'i las can ni rnam par 'tshe ba zhes bya'o/ /ngo tsha med pa ni 'di la ngo tsha med pa'i ngo tsha med pa ste/ de gang dang ldan na de skad ces bya ba ngo tsha shes pa'i mi mthun pa'i phyogs su gyur pa ni ngo tsha med pa ste/ las de bdag gi cha ma yin par shes kyang gang kha na ma tho bas mi 'dzem pa de ngo tsha med pa'o/ /'dis khrel ltas byed pas khrel yod pa ste /de las bzlog pa ni khrel med pa'o/ /'di gnyis ni nyon mongs pa dang/ nye ba'i nyon mongs pa thams cad kyi grogs byed pa'i las can no/ /bya ba ngan pa thams cad kyi rgyu 'dod chags dang zhe sdang dang gti mug gi rnam pa rnams ji ltar mthun mthun du gdags te /'dod chags dang /zhe sdang gnyis cig car mi 'byung ba'i phyir ro/ /'di gnyis ni rang gi rgyud ni med do/ /rmugs pa gang zhe na/ sems las su mi rung ba ste /slong ba nyid do zhes bya ba la slong ba nyid ni rnam grangs gzhan gyis bstan pa'o/ /slong
- 33b
ba'i dngos po ni slong ba nyid de/ de dang ldan na sems blun par gyur nas mi g.yo ba bzhin du dmigs par mi nus pa'o/ /'di yang nyon mongs pa dang/ nye ba'i nyon mongs pa thams cad kyi grogs byed pa'i las can no/ /gti mug gi cha la gdags pas btags pa nyid yin gyi/ rjes su ni ma yin no/ /rgod pa gang zhe na/ sems ma zhi ba'i zhes bya ba la zhi ba ni zhi gnas te/ de dang mi mthun pa ni ma zhi ba'o/ /de yang 'dod chags dang mthun pa sngon rgod rgod pa dang /rtse rtse ba la sogs pa dran pa'i 'dod chags kyi char gtogs pa sems ma zhi ba'i rgyu ste/ zhi gnas kyi bar du gcog? pa'i las can no/ /dad pa'i mi mthun pa'i phyogs zhes bya ba la/ dang pa ni yod pa dang/ yon tan dang/ nus pa rnams la mngon par yid ches pa dang/ dang ba dang 'dod pa'o/ /de las bzlog pa ni ma dad pa ste/ dad pa med pa ni sbyor ba la 'dun pa med pas le lo'i rten byed pa'i las can no/ /nyal ba dang gnyes pa dang 'phres pa'i bde ba la brten nas gti mug gi char gtogs pas lus dang ngag dang yid kyi las dge ba la sems mi spre ba de ni le lo ste/ ngan pa la sbyor bas ni le lo'o/ /brtson 'grus kyi mi mthun pa'i phyogs zhes bya ba la brtson 'grus ni dge ba'i phyogs la sbyong ba la sems mngon par spro ba'o/ /de mi mthun pa'i phyogs yin pas le lo ste/ dge ba'i phyogs la sbyor ba'i bar du gcod pa'i las can no/ /bag med pa ni chags pa dang zhe sdang dang gti mug ji skad du bshad pa rnams la gdags te mi dge ba 'phel ba dang dge ba 'grib pa'i rten byed pa'i las can no/ /brjed pas pa gang zhe na/ dran pa nyon mongs pa can de zhes bya ba la nyon mongs pa can zhes bya ba ni nyon mongs pa dang mtshungs par ldan pa'o/ /dge ba la mi gsal ba zhes bya ba la/ nyon mongs pa dang mtshungs par ldan pa'i dran pa ni nyon mongs pa dang/ yul tha dad pa ma yin pas dge ba la sems gsal bar byed mi nus te/ g.yeng ba'i rten byed pa'i las can no/ /rnam par g.yeng ba ni 'dis? sems sna tshogs su g.yeng bar byed
- 34a
ba'o/ /'dod chags dang zhe sdang dang gti mug de dag gis sems ting nge 'dzin gyi dmigs pa las phyi rol du 'phro? bar byed pa ste/ de dag la ji ltar mthun mthun du nye ba'i nyon mongs pa'i bdag nyid kyi g.yeng ba gdags so/ /'dod chags dang bral ba'i bar du gcod pa'i las can no/ /shes bzhin ma yin pa gang zhe na /nyon mongs pa dang mtshungs par ldan pa'i shes rab ste/ des lus dang ngag dang yid kyi spyod pa 'gro ba dang ldog pa la sogs pa la mi shes bzhin du 'jug pa ste/ bya ba dang bya ba ma yin pa ni shes pas ltung ba'i rten byed pa'i las can no/ /phung po lnga'i rab tu byed pa bye brag tu bshad pa// //bam? pa gsum pa/ 'gyed pa gang zhe na/ yid la gcags pa'o zhes bya ba la ngan pa byas pas 'gyod do/ de'i dngos po ni 'gyod pa nyid do/ /ngan ba byas pa'i yul la sems mi dga' ba ste/ sems las byung ba'i skabs yin pas 'gyod pa zhes bya'o/ /'dod pa dang mi 'dod pa dang/ dge ba dang mi dge ba dang/ lung du ma bstan pa dang/ dus dang dus ma yin pa dang/ rigs pa dang mi rigs pa byas sam ma byas kyang rung ste/ gti mug gi char gtogs pa'i sems kyi yid la gcags pa na 'gyod pa ste/ de ni sems gnas pa'i bar du gcod pa'i las can no/ /mngon par dga' ba sngon du 'gro ba'i byed pa gang yin par ni 'dod pa'o/ /mi 'dod pa ni gzhan dag gis nan gyis byed du bcug pa gang yin pa dang/ nyon mongs pa'i zil gyis non nas byed pa gang yin pa'o/ /dus ni ji srid du ma spangs pa'o/ /dus ma yin pa nyid las thal ba'o/ /rigs pa ni gnas yin pa'o/ /mi rigs pa ni gnas ma yin pa'o/ /de yang rnam pa gsum ste/ dge ba dang mi dge ba dang lung du ma bstan pa'o/ /'dir ni gti mug gi char gtogs pa'i nye ba'i nyon mongs pa bsdus pa kho na bzung ngo/ /gnyid gang zhe na/ 'jug pa dang dbang med par sems sdud pa'o zhes bya ba la 'jug
- 34b
pa ni dmigs pa la 'jug pa'o/ /de yang sems kyi rang dbang med pa gang las 'byung ba nyid ces bya'o/ /yang na lus 'dzin mi nus pa'i sems kyi 'jug pa rang dbang med pa de gang las byung ba de nyid ces bya'o/ /gzhan gyis kyang sems kyi 'jug pa rang dbang med par 'gyur bas de'i phyir sems sdud pa zhes bya ba smos so/ /gzhan gyis kyang sems sdud par 'gyur bas sems kyi 'jug pa rang dbang med pa zhes bya ba smos so/ /sems sdung pa ni mig la sogs pa'i dbang po'i sgo nas mi 'jug pa'o/ /de yang dge ba dang mi dge ba dang/ lung du ma bstan pa'o/ /gnyid kyi rgyu ni nyam chung ba dang/ ngal ba dang lus lci ba dang/ mun pa'i mtshan ma yid la byed pa la sogs pa la brten nas gti mug gi char gtogs pa 'byung ste/ bya ba shor ba'i rten byed pa'i las can no/ /'dir ni mi dge ba nyid gti mug gi char gtogs pa yin gyi gzhan ni ma yin no/ /rtog pa gang zhe na/ kun tu 'tshol ba'i yid kyi brjod pa ste/ sems pa dang shes rab kyi bye brag ces bya ba la kun tu tshol ba ni 'di ci yin zhes kun tu rtog pa'i rnam par zhugs pa'o// yid kyi rang bzhin gyis brjod pa ni yid kyis brjod pa'o/ /brjod pa dang 'dra bas brjod pa ste don brjod pa'o/ /sems pa dang shes rab kyi bye brag ces bya ba la sems pa ni gang gis sems kun tu g.yo bar byed pa'i bdag nyid yin la shes rab ni yon tan dang nyes pa 'byed pa'i rnam pa yin pas de'i dbang gis kyang sems 'jug pas na bar 'ga' sems dang sems pa la rtog pa gdags /bar 'ga' ni shes rab dang sems la ste /mngon par mi rtog pa dang/ mngon par rtog pa'i dus dang go rims bzhin no/ /yang na sems pa dang shes rab nyid la gdags te /de'i dbang gis sems de ltar 'jug pa'i phyir ro/ /tshul 'di ni dpyod pa la yang blta bar bya'o/ /sems rtsing ba'o zhes bya ba la che long ste/ dngos po tsam kun tu 'tshal ba'i rnam pa yin pa'i phyir ro/ /dpyod pa gang
- 35a
zhe na/ so sor rtog pa yid kyi dpyod ba ste/ zhes bya ba ni sngar khong du chud pa la 'di ni 'di'o/ /zhes dpyod pa'i rnam pa yin pa'i phyir ro/ /de bzhin du gang sems zhib pa'o zhes bya ba la de bzhin du zhes bya ba ni sems pa dang shes rab kyi bye brag go/ dngos po la so sor rtog pa'i rnam pa yin pas zhib pa zhes bya'o/ /'di gnyis ni reg par gnas pa dang /reg par mi gnas pa'i rten byed pa'i las can no/ /'di gnyis ni sems rtsing ba dang zhib par rnam par gnas pa tha dad du dbye'o/ /'du byed kyi phung po ni tshor ba dang 'du shes las gzhan pa sems las byung ba'i bdag nyid dang/ sems dang ldan pa ma yin pa'i 'du byed kyi bdag nyid do/ /zhes bshad pa de la sems las byung ba rnams bshad zin to/ /da ni sems dang ldan pa ma yin pa'i 'du byed rnams brjod dgos pas de'i phyir /sems dang ldan pa ma yin pa'i 'du byed rnams gang zhen zhes bya ba smos te/ dris pa bzhin du gang dag gzugs dang sems dang sems las byung ba'i gnas skabs la gdags pa ste/ de nyid dang gzhan du mi gdags so/ zhes de dag spyir bstan te/ de dag ni mi ldan pa'i 'du byed yin par skabs kyis sbyar ro/ /gzugs la sogs pa'i gnas skabs las rang gi ngo bo gud na med pas/ de dag ni gzugs la sogs ba'i gnas skabs la tha snyad gdag pa'i phyir brtags pa'o/ / de'i phyir rten dang bcas pa yin pas gnas skabs bzhin du de nyid dang gzhan du mi gdags te/ gnas skabs dang gnaS skabs can gcig dang/ du ma nyid du thal bar 'gyur ba'i phyir dang/ gnas skabs can la 'bras bu rtag par thal bar 'gyur ba'i phyir ro/ /de ltar spyir bstan nas khyad par khong du chud par 'dod nas/ de dag kyang gang zhe na zhes dris pa dang thob pa dang 'du shes med pa'i snyoms par 'jug pa dang zhes bya ba de dag gi khyad par rgya cher bstan to/ /de lta bu'i cha dang mthun pa dag go zhes
- 35b
bya ba ni de lta bu'i rang bzhin can dag ste /gzhan gang dag gzugs dang sems dang sems las byung ba'i gnas skabs la gdags pa ste /de dag kyang ldan pa ma yin pa'i 'du byed rnams su rig par bya'o/ /de dag kyang gang zhe na 'jug pa dang/ so sor nges pa dang/ 'byor pa dang/ 'gyogs? pa dang/ go rims dang/ dus dang/ yul dang/ grangs dang/ chogs pa zhes bya ba la sogs pa'o/ /da ni tshogs pa'i rang gi ngo bo so sor dmigs kyis dbye ba'i phyir/ thob pa gang zhe na zhes bya ba la sogs pa dris pa dang/ rnyed pa dang ldan pa'o zhes bya ba la sogs pa smos so/ /sngon ma thob pa thog ma nyid du thob pa ni rnyed pa'o/ /rnyed pa rnams skad cig gnyis la sogs par yod pa ni ldan pa ste/ yang dag par rdzas su 'gro pa ni ldan pa zhes bya'o/ de ltar na thob pa'i sgra ni rnyed pa dang ldan pa la yang snyegs par bstan pa yin no/ /de yang sa bon dang dbang dang mngon du gyur pa dang/ rnam pa gsum du dbye'o/ /ci rigs su sbyar ro zhes bya ba de la rigs pa ni 'di yin te/ skad cig dang po la thob pa nas brtsams te dbang gi dus kyi bar du sa bon zhes bya ste/ de ltar na sa bon ni rnyed pa dang ldan pa gnyi gar brjod pa yin no/ /dbang dang mngon du gyur pa ni ldan pa yin no/ /sa bon ci la bya zhena/ dge ba dang mi dge ba dang/ lung du ma bstan pa'i chos rnams kyis rnam par shes pa la ma 'ongs pa na de dang rigs gcig pa'i rgyu bskyed pa'i nus pa'i bye brag ni sa bon no/ /sa bon rnyed nas de la rag las pa'i phyir mngon sum gyur kyang de'i sa bon gang yin pa de thog pa zhes bya'o/ /dbang ni de'i rkyen la bltos nas rgyun gyi 'bras bu bsgrub pa'i gnas skabs so/ /sngon du gyur pa ni/ de'i 'bras bu grub pa'i dus so/ /'du shes med pa 'am 'du shes med pa rnams kyi ste/ 'du shes med par snyoms par 'jug pa 'am/ 'du shes med pa rnams kyi snyoms par 'jug pa ni/ 'du shes med pa'i snyoms par 'jug pa'o/ /dge rgyas kyi 'dod chags dang bral ba ni
- 36a
bsam gtan gsum pa'i 'dod chags dang bral ba'o/ /bsam gtan gsum pa ni dge chung dang tshad med dge dang dge rgyas so/ /de la gang dge rgyas las 'dod chags dang bral ba de ni bsam gtan gsum pa las 'dod chags dang bral ba'o/ /gong ma ma yin pa ni bsam gtan gsum pa las gong du gyur pa bsam gtan bzhi pa ste/ bsam gtan bzhi pa la 'dod chags dang ma bral zhes bya ba'i tha tshig go /'byung ba'i 'du shes sngon du btang ba zhes bya ba ni 'byung ba'i 'du shes sngon du btang ba'i yid la byed pa su la yod pa 'byung ba'i 'du shes sngon du btang ba ste /'du shes med pa la thar bar 'du shes pa'am/ snyoms par 'jug pa la de'i lam du 'du shes pa rnams 'du shes med pa'i snyoms par 'jug pa la snyoms par 'jug go /de'i phyir 'byung ba'i 'du shes ni thar pa'i 'du shes sam /de'i lam du shes pa'o/ /'dir ni sun 'byin pa'i rnam pa la 'byung ba'i 'du shes sngon du btang ba'i yid la byed pa zhes bya bar 'dod de/ de nyid kyi phyir sems dang sems las byung ba 'gags su zin kyang 'du shes med pa nyid la 'du shes med pa'i snyoms par 'jug pa zhes bstan te/ 'di ltar 'du shes nyid la sun 'byin pas sems dang sems las byung ba ma lus par 'gag pa'i gnas skabs su 'gyur ro/ /sems dang sems las byung ba'i chos bstan pa ma yin pa rnams gang 'gog pa'o zhes bya ba la brten pa ma yin pa ni 'jug pa'i rnam par shes par bsdus pa mtshungs par ldan pa dang bcas pa rnam par shes pa'i tshogs drug po dag ste/ gang gi phyir sems med pa'i dus thams cad na med pa dang/ sems dang bcas pa'i dus rnams na yang gang gi phyir ni rtag tu yod pa ma yin pa de dag brtan pa ma yin pa rnams so/ /brtan pa ni kun gzhi rnam par shes pa dang nyon mongs pa can gyi yid mtshungs par ldan dang bcas pa ste/ rtag tu yod pa'i
- 36b
phyir ro/ /zag pa med pa'i lam gyi bden pa la snyoms par 'jug pa'i dus dang/ 'gog pa la snyoms par 'jug pa'i dus dang/ mi slob pa'i dus ma gtogs par dus gzhan kun na yod pa'i phyir brtan pa ma yin pa rnams shes bye brag smos so// gang 'gog pa zhes bya ba ni snyoms par 'jug pa'i sems kyis byas pa ste/ 'dis 'gag par byed pas na 'gog pa'o/ /dus gzhan na sems dang sems las byung ba brtan pa ma yin pa kun tu 'byung ba dang mi mthun pa'i lus kyi gnas skabs kyi bye brag la bya ste /de ltar na lus kyi gnas skabs kyis bye brag la 'du shes med pa'i snyoms par 'jug pa la gdags par bstan pa yin no/ /snyoms par 'jug pa'i sems kyis de ma thag pa'i sems gzhan skye ba dang mi mthun pa'i lus bskyed pa'i phyir snyoms par 'jug pa'i sems kyis byas pa zhes bya'o/ /'gog pa'i snyoms par 'jug pa gang zhe na/ ci yang med pa'i skye mched kyi 'dod chags dang bral la srid pa'i rtse mo las gyen du bskyod pa'o zhes bya ba ni srid pa'i rtse mo las gyen du ma bskyod kyang ci yang med pa'i skye mched kyis 'dod chags dang bral ba'i so so skye bo'i yang yod pas de'i phyir srid pa'i rtse mo las gyen du bskyod pa zhes bya ba smos so/ /srid pa'i rtse mo las gyen du bskyod pa ci yang med pa'i skye mched kyi 'dod chags dang bral ba kha cig 'bras bu la gnas pa dang 'jug pa yang yod pas/ de'i phyir ci yang med pa'i skye mched kyi 'dod chags dang bral ba zhes bya ba smos so/ /gong ma'i 'dod chags dang ma bral ba zhes ma brjod pa ni srid pa'i rtse mo'i 'dod chags dang bral ba'i dgra bcom pa yang 'gog pa la snyoms par 'jug pa yod pa'i phyir ro/ /ci yang med pa'i skye mched kyi 'dod chags dang bral ba dang srid pa'i rtse mo las gyen du bskyod pa zhes bya ba gnyi ga smos pas ni/ 'di 'phags pa phyir mi 'ong ba'am/ dgra bcom pa'i snyoms par 'jug pa yin gyi /so so'i skye bo ni ma yin
- 37a
par bstan pa yin no/ /so so'i skye bo ni srid pa'i rtse mo las gyen du mi bskyod de/ srid pa'i rtse mo'i gnyen po 'jig rten las 'das pa'i lam med pa'i phyir ro/ /mthong ba'i lam zag pa med pa ni srid pa'i rtse mo'i gnyen po yin te / de'i phyir 'phags pa nyid mthong bas spang bar bya ba'i nyon mongs pa dang/ bsgom pas spang bar bya ba'i nyon mongs pa'i phyir ma chags pas srid pa'i rtse mo las bskyod pa'o/ /gnas pa'i 'du shes sngon du btang ba'i yid la byed pas zhes bya ba la 'gog pa'i snyoms par 'jug pa ni 'du shes med pa'i snyoms par 'jug pa bzhin du 'byung ba'i 'du shes sngon du btang ba'i yid la byed pas snyoms par 'jug pa ma yin gyi gnas pa'i 'du shes sngon du btang bas so/ /'gog pa'i snyoms par 'jug pa ni srid pa'i rtse mo pa ste/ 'phags pa rnams ni srid pa las 'byung ba'i 'du shes mi 'jug gi /'du shes dang tshe rabs yongs su skyo nas de med pa'i 'gog pa'i snyoms par 'jug pa la zhi bar gnas pa'i 'du shes su 'gyur ro/ /gnas so snyam pa'i 'du shes ni gnas pa'i 'du shes so /'dis gnas par byed pas gnas pa ste/ dus gzhan du sdod ces bya ba'i tha tshig go /snyoms par 'jug pa'i khyad par mya ngan las 'das pa dang? 'dra bas gnas par bya'o snyam pa'i 'du shes mngon par 'du byed pa'i yid la byed pa ni gnas pa'i 'du shes mngon du btang ba'i yid la byed pa zhes bya'o/ /srid pa'i rtse mo pa de ni phra ba'i phra pa ste /de ma thag tu 'gog pa'i snyoms par 'jug pa mngon du 'gyur ba'i phyir ro/ /brtan pa ma yin pa rnams zhes bya ba ni 'gog pa la snyoms par 'jug pa rnams kyi 'jug pa'i rnam par shes pa drug dang bzhi dang gcig 'dod pa dang/ gzugs dang gzugs med pa'i khams rnams su go rims bzhin no/ /brtan pa rnams las kyang kha cig ces bya ba la brtan pa ni rnam par smin pa'i rnam par
- 37b
shes par bsdus pa dag kyang yod pas de'i phyir kha cig ces bya ba smos so/ /nyon mongs pa can gyi yid ni 'gog pa'i snyoms par 'jug pa dang/ mi slob pa'i dus ma gtogs par zag pa dang bcas pa'i spyod pa thams cad na gnas pa'i tshul can yin pas brtan pa'o/ /'gog pa gang yin pa'o zhes bya ba ni 'jug pa'i rnam par shes pas byas pa ste/ rnam par smin pa'i rnam par shes pa la 'jug pa'i rnam par shes pa rnams dang nyon mongs pa can gyi yid kyi rnam par shes pa'i sa bon la ? byed pa gang yin pa ste/ 'dis 'jug pa'i rnam par shes pa dang/ nyon mongs pa can gyi yid dus gzhan na mi 'byung bar 'gog pas 'gog ba zhes bya'o/ /de ltar na snyoms par 'jug pa'i sems kyis kun gzhi rnam par shes pa la sa bon nyams par byas pa'i gnas skabs la 'gog pa'i snyoms par 'jug pa gdags so/ /'du shes med pa gang zhe na/ 'du shes med pa'i snyoms par 'jug pa'i 'bras bu ste/ 'du shes med pa'i sems can lha rnams kyi nang du skyed pa'i sems dang sems las byung ba'i chos brtan pa ma yin pa rnams gang 'gog pa'o zhes bya ba la lha de dag ni 'bras bu che bzhes bya ba rnams te/ bsam gtan bzhi pa'i gnas gzhan gsum pa'o/ /de dag gi gong na khang khyim lta bur 'du shes med pa'i sems can lha rnams kyi gnas yod pa der skyes pa'i 'du shes med pa'i snyoms par 'jug pa'i rnam par smin pa'i 'bras bu'o/ /sems dang sems las byung ba'i chos brtan pa ma yin pa rnams gang 'gog pa'o zhes bya ba ni 'di'i rang bzhin nges par bzung pa ste /der skyes pa'i sems dang sems las byung ba'i chos brtan pa ma yin pa rnams rang gi gnas la rang gi rigs kyi sems dang sems las byung ba'i sa bon la gnod par byed ba ni srab pa bas kyang ches srab par 'gyur zhing tha mar shin tu srab pa'i bar du gyur nas rang gi gnas la sa bon
- 38a
nyams par byas pa'i phyir sems gzhan dang sbyor mi nus so/ /de'i phyir sems dang sems las byung ba'i brtan pa ma yin pa rnams de'i tshe gnas las mi 'byung ste/ gnas las sa bon nyams par gyur pa'i dus de na gnas la 'du shes med pa gdags so/ /de ltar na gnas kyi dus nyid la bya ste/ 'dis 'gog par byed pas na 'gog pa'o/ /srog gi dbang po gang zhe na/ ris mthun pa rnams su sngon gyi las kyis 'phangs pas 'du shes rnams kyi gnas pa'i dus nges pa'o zhes bya ba ni 'dis 'tsho bar byed pas srog go /ris mthun pa de nyid du gnas bar dbang byed pa'i phyir dbang po zhes bya'o/ /ris ni sems can kyi tshogs so/ /skal ba mtshungs pa ni mthun pa ste/ 'dra zhes bya ba'i tha tshig go /ris mthun pas ris mthun pa ste/ 'gro ba tha dad pa dang/ las tha dad par gyur pa'i ris mthun pa de dag tu so so'i tshe gcig gi phung po'i rgyun gang yin pa de ris mthun pa zhes bya'o/ /de yang sngon bsags pa'i dge ba dang mi dge ba dang/ mi g.yo ba'i las kyi 'phangs pa ni las kyis bskyed pa'o/ /gang gnas pa'i dus nges pa zhes bya ba ni tha dad pa ma yin pa'i ris mthun pas bsdus pa'i 'du byed rnams kyi 'jug pa la gnas pa zhes bya'o/ /gnas pa de'i dus nges pa ni 'dis ris mthun pa der lo brgya 'am/ lo stong ngam /dus ji srid du gnas par 'gyur ba de gnas pa'i dus nges pa'o/ /de ltar na gnas pa'i dus nges pa'i rang bzhin la tshe zhes bstan pa yin no/ /de'i gnas ni sngon bsags pa'i las kyis 'phangs pas nus pa'i khyad par can gyi 'du shes brtan pa kun gzhi rnam par shes pa sngon du 'gro ba rnams so/ /ris mthun pa gang zhe na/ gang sems can rnams kyi lus 'dra ba'o zhes bya ba la sems can ni lha dang mi la sogs pa 'gro ba lngar gtogs pa rnams so/ /de dag gi bdag gi dngos por gang la 'dzin pa de sems can rnams kyi lus yin te/ de yang nye bar len pa'i
- 38b
phung po lnga po nyid dam/ phung po bzhi'i bdag nyid do/ /'dra zhes bya ba ni mtshungs pa'o/ /de ni 'di skad du 'gro ba dang gnas dang lus la sogs pa tha dad pa ni sems can rnams kyi 'gro ba dang/ gnas dang lus tha dad pa'i gzhi sems can rnams kyi lus phan tshun 'dra ba gang yin pa de la ris mthun pa gdags so/ zhes bstan pa yin no/ /skye ba gang zhe na/ ris mthun par gang 'du byed rnams ma byung ba las byung ba'o zhes bya ba la ris mthun pa smos pa ni 'du byed tsam gyi 'byung ba la skye ba zhes mi bya'i/ ris mthun par gyur ba'i 'du byed gang yin pa de dag nyid ma byung byung ba las skye ba zhes bya ste/ thams cad ni ma yin no zhes bstan pa'i phyir ro/ /gang dag dngos po la skyes pa med pa dang/ zhig pa med pa rnams kyi skye ba don gzhan du gyur pa dang byed pa las dus rnam par bzhag par 'dzin pa rnams kyi 'dod pa de bsal pa'i phyir/ ma byung ba las byung ba zhes bya ba smos te/ 'du byed rnams kyi rang bzhin ma byung ba las byung ba ni skye ba zhes bya'o/ don gzhan gyur pa yang med/ byed pa las dus rnam par bzhag pa yang ma yin no/ /rga ba gang zhe na/ de ltar de dag gi rgyun gzhan du 'gyur ba'o zhes bya ba la de ltar de dag gi zhes bya ba ni ris mthun par gyur pa'i 'du shes rnams nyid kyi'o/ /rgyun gzhan du 'gyur ba'o zhes bya ba ni skye ba'i srid pa nas 'chi ba'i srid pa'i bar du ste/ bar der rgyu dang 'bras bu'i dngos por gnas pa'i 'du byed rnams rgyun mi 'chad par 'byung ba la rgyun ces bya'o/ /de'i gzhan dang gzhan du gyur ba'i dngos po ni gzhan du 'gyur pa ste/ 'di ltar nur nur po'i dus las mer mer por 'gyur ba'i dus dang/ de bzhin du dar la bab pa'i dus las rgas pa'i dus kyi bar du'o/ / nur nur po la sogs pa'i dus rnams la yang snga ma las phyir ram 'gyur ba'i skad cig re re la gzhan du 'gyur la rga ba gdags te/ skad cig gcig la yang ma yin pa don gzhan du gyur ba yang med do/ /gnas pa gang zhe na /de ltar de dag gi rgyun rgyud chags pa'o
- 39a
zhes bya ba la/ de ltar zhes bya ba ni ris mthun gcig na'o/ /shib la thug gi bar du 'du byed rnams ki rgyun rgyud chags pa la gnas pa gdags te /skad cig gcig la yang mi bya zhing don gzhan du gyur pa yang med par brtan pa yin no/ / mi rtag pa nyid gang zhe na/ de ltar de dag gi rgyun chad pa'i zhes bya ba la de ltar de dag gi zhes bya ba ni ris mthun pa gcig tu 'du byed rnams kyi rgyun chad pa la mi rtag pa gdags te /skad cig re re la yang ma yin don gzhan du gyur pa yang med par bstan pa yin no/ rgyun chad pa ni 'dir 'chi ba la bya bar rig par bya'o/ /phyi rol gyi gzugs la yang skye ba dang/ rga ba dang/ gnas pa dang/ mi rtag pa nyid yod par nges na/ ci'i phyir ris mthun pa nyid kyi 'du byed kyi rgyun la skye ba la sogs par bshad kyi/ phyi rol gyi gzugs kyi ni ma yin zhe na/ bcom ldan 'das kyis 'dus byas kyi mtshan nyid skye ba dang/ rga ba dang/ gnas pa dang/ mi rtag pa nyid gang dag bshad pa de dag ni sems can du brjod pa nyid kyi 'du byed kyi dbang du mdzad pa yin gyi /phyi rol gyi ma yin par bstan pa'i phyir ro/ / gnyi ga la yang skye ba la sogs pa yod par mtshungs na zin pa'i 'du byed kyi dbang du mdzad de/ bcom ldan 'das kyis 'du byed kyi mtshan nyid bshad pa ci'i phyir zhe na/ phyi rol gyi gzugs ni 'jig pa dang chags pas rab tu phye ba yin la/ nang gi 'du byed rnams ni skye ba dang/ rga ba la sogs pas rab tu phye ba'i phyir ro/ /de ni 'di skad du 'jig rten na phyi'i gzugs kyi 'jig pa dang/ skye ba la 'jig pa dang/ chags pa'i sgrar grags pas bcom ldan 'das kyis kyang 'jig rten dang mthun par de skad du bshad de /skye ba la sogs pa'i sgrar ni ma yin no/ /nang gi 'du byed rnams ni skyes so/ /rgas? so/ /gnas so/ /zhig go zhes skye ba dang rga ba la sogs pas rab tu phye ba yin te/ bcom ldan 'das kyis kyang 'jig rten dang mthun par de dag gi 'byung ba la sogs pa la skye ba la sogs pa'i sgrar bstan no zhes bshad pa
- 39b
yin no/ /ming gi tshogs gang zhe na /chos rnams kyi ngo bo nyid kyi tshig bla dags so/ /zhes bya ba ni brjod par bya ba dang brjod pa la rnam par shes pa gzhol bar byed pas ming ngo/ /de yang don rnams la brda sprod pa'i yi ge 'dus pa ste/ ming dam yi ge rnams 'dus pa la ming gi tshogs zhes bya'o/ /chos rnams kyi ngo bo nyid brjod du med pa'i phyir sgro btags pa'i tshig la tshig bla dags zhes bya'o/ /ngo bo nyid ni rang gi mtshan nyid do/ /chos rnams kyi rang gi ngo bo brjod du med kyang rang gi ngo bo bsal bar byed pa'i brjod pa de ming zhes bya ste/ dper na mig rna ba gzugs sgra zhes bya ba lta bu'o//tshig gi tshongs gang zhe na/ chos rnams kyi khyad par gyi tshig bla dags so zhes bya ba ni 'dis khyad par gyi don shes par byed pas tshig ste/ de lta na ming dang 'jig rten pa'i tshig las tshig bye brag tu byas pa yin no/ /ming dang tshig gnyis yi ge 'dus pa'i bdag nyid yin par bye brag med kyang don gyi bye brag gis bye brag du dbye ste/ chos rnams kyi ngo bo nyid kyi tshig bla dags ni ming yin la/ khyad par gyi gzhi ni ngo bo nyid yin pas sngar ngo bo nyid kyi tshig bla dags smos so/ /khyad par ni mi rtag pa la sogs pa'o// 'jug pa dang ldog pa'i bdag nyid dang gzhan du mi snyegs pa'i ngo bo nyid las bye brag tu byed pa ni khyad par te/ dper na 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes bya ba lta bu'o/ /de ni 'di skad du dngos po'i ngo bo nyid brjod pa tsam ni ming yin la/ dngos po'i ngo bo nyid kyi khyad par brjod pa ni tshig yin no zhes bstan pa yin no/ /lhag ma ni ming bshad pa bzhin du shes par bya'o/ /yi ge'i tshogs gang zhe na/ yi ge rnams te/ de gnyi ga bsal bar byed pa'i phyir ro/ /zhes bya ba ni 'dis bsal bar byed pa yi ge'o/ /yi ge rnams kyi tshogs ni yi ge'i tshogs so/ /tshogs smos pa ni yi ge thams cad bsdu ba'i phyir ro/ /de zhes bya ba'i sgra 'ba' zhig smos na ni gong ma nyid la sbyor du dogs la/ gnyi ga zhes bya ba nyi tshe smos na yang gnyi ga gang la bya
- 40a
bar gtol med de/ de'i phyir de gnyi ga zhes gnyis ka smos so/ /de ltar na bshad ma thag pa'i ming dang tshigs gsal bar byed pa'i phyir yi ge zhes bshad pa yin no/ /ji ltar na yi ge rnams kyis ming dang tshig gsal bar byed ce na/ ngo bo nyid dang khyad par gyi tshig bla dags kyis gnas skabs su gyur pa'i yi ge 'dus pa rnams la ming dang tshig gdags pa'i phyir te/ de ltar na yi ge rnams kyis ming dang tshig gsal bar byed do/ /yi ge rnams kyi dag gi rnam par rig byed kyi ngo bo nyid ma yin te /yi ge a? la sogs pa ni brjod pa'o zhes 'jig rten na grags so/ /de dag ni ming dang tshig gi gnas kyis don yang dag par brjod pa'i phyir brjod pa zhes bya'o/ /don gyi gnas gang dag la bstan pa'i gnas de dag ming dang tshig gdags pa de dag ni de'i gnas zhes bya'o/ /yi ge yang de dag gi rnam grangs su gtogs pa gzhan du mi 'gyur bar byed pa'i phyir te/ 'di ltar mig dang 'dren byed ces bya ba la sogs pa ni rnam grangs su gtogs pa gzhan dag tu 'gyur ba ste/ brjod par bya ba nyid rnam grangs su gtogs pa gzhan gyi shes so zhes bya ba'i tha tshig go /gang gis a zhes brjod pa ma gtogs par a zhes bya ba shes par 'gyur ba a zhes bya ba'i rnam grangs de lta bu gzhan med do/ /thams cad ni 'di lta ste/ ngo bo nyid dang khyad par dang de gnyi ga'i tha snyad tsam du zad de/ de dag thams cad ni 'di dag gis rjes su tha snyad gdags pa yin pas de'i phyir dang tshig dang yi ge'i tshogs de dag rnam par gzhag go/ de bzhin du ldan pa ma yin pa gzhan dag kyang tshig dang yi ge'i tshogs bzhin du dgos pa la bltos nas rnam par bzhag par rig par bya'o/ /so sor skye bo nyid gang zhe na/ 'phags ba'i chos rnams ma thob pa'o zhes bya ba ni chos gang dang ldan na so so'i skye bo zhes brjod pa de so so'i skye bo nyid do/ /sdig pa mi dge ba'i chos rnams las
- 40b
ring du song bas 'phags pa rnams so/ /de dag kyang slob pa dang mi slob pa rnams te/ de dag gi chos rnams ni mthong ba dang sgom pa dang mi slob pa'i lam rnams te/ de dag ma thob pa ni so so'i skye bo nyid do/ /ma thob pa ni 'dir 'phags pa'i chos ma skyes pa ste/ 'di ltar 'phags pa'i chos ma skyes pa'i sems can gyi rgyud la so so'i skye bo zhes bya'o/ /'phags pa'i chos skyes pa la ni 'phags pa zhes bya'o/ /'jug pa gang zhe na/ rgyu dang 'bras bu rgyun yi 'chad pa la 'jug pa zhes bya ste/ skad cig gcig la 'am/ rgyun chad pa la ni 'jug pa gdags pa ma yin no/ /so sor nges pa gang zhe na/ rgyu dang 'bras bu tha dad pa nyid la so sor nges pa rnam par gzhag ste/ rgyu dang 'bras bu tha dad pa yang 'dod pa'i yul gyi ni legs par spyad pa'o/ /mi 'dod pa ni nyes par spyad pa'o zhes bya ba la sogs pa'i ni 'bras bu so so ba rnams kyi rgyu tha dad pa'o/ /'byor pa gang zhe na/ rgyu dang 'bras bu 'tsham pa la 'byor pa gdags te/ dper na sbyin pa ni longs spyod phun sum tshogs pa dang 'tsham par rigs pas sbyin pa'i 'bras bu ni longs spyod phun sum tshogs pa lta bu'o/ /mgyogs pa gang zhe na/ rgyu dang 'bras bu myur du 'byung ba la mgyogs pa zhes gdags so/ /go rims gang zhe na/ rgyu dang 'bras bu re re nas 'byung ba la go rims zhes gdags te/ re re nas 'byung gi cig car du 'byung ba ni ma yin no/ /dus gang zhe na/ rgyu dang 'bras bu rgyun tu 'byung ba la dus zhes gdags te/ rgyu dang 'bras bu 'byung ba la de las rgyu dang 'bras bu byung nas 'gags pa gang yin pa de 'das pa'i dus zhes gdags so/ /gang ma byung ba de ma 'ongs pa'i dus so/ /gang byung ba 'gags pa de da ltar byung ba'i dus so/ /yul gang zhe na/ shar dang/ lho dang/ nub dang/ byang dang/ 'og dang steng dang phyogs bcu thams cad rgyu dang 'bras bu yod pa nyid la yul zhes gdags te/ rgyu dang 'bras bus phyogs khyab pa la yul zhes gdags so/ /gzugs su bsdus pa ni rgyu dang 'bras bur rig par bya ste/ gzugs med pa rnams ni phyogs la khyab par byed par mi nus pa'i phyir ro//
- 41a
grangs gang zhe na/ 'du byed rnams kyi so so tha dad pa la grangs zhes gdags te/ tha dad pa zhes bya ba ni tha dad pa ma yin zhing gcig pa'i bdag nyid la gnyis zhes bya ba grangs mi 'thad pa'i phyir ro/ /tshogs pa gang zhe na/ rgyu dang rkyen 'dus pa la tshogs pa zhes gdags so/ /de ltar na sems dang ldan pa ma yin pa'i 'du byed 'di dag ni chos rnams kyi gnas skabs kyi khyad par gdags pas brtags ba'i yod par rig bar bya'o/ /'du byed kyi phung po bshad zin to/ /'du byed kyi phung po'i 'og tu rnam par shes pa'i phung po bshad par bya ste /de'i phyir rnam par shes pa gang zhe na/ dmigs pa rnam par rig pa'o zhes bya ba smos so/ /dmigs pa ni sems dang sems las byung ba'i yul te /de yang gzugs nas chos kyi bar du rnam pa drug go/ de yang rnam par rig pa ni 'dzin pa dang/ rtogs pa dang khong du chud pa zhes bya ba'i tha tshig go /de ni 'jug pa'i rnam par shes pa drug ste /mig gi rnam par shes pa nas yid kyi rnam par shes pa'i bar du'o/ /de la mig gi rnam bar shes pa ni mig gi dbang bo la brten nas yul so sor rnam par rig pa'o/ /de bzhin du yid kyi rnam par shes pa'i bar du yang yid kyi dbang po la brten nas chos thams cad so sor rnam par rig pa'o/ /rnam par shes pa'i rang gi ngo bo bshad nas /de'i rnam grangs bstan pa'i phyir/ sems dang yid kyang de yin te /zhes bya ba smos te /rnam par shes pa de ni sems zhes kyang bya/ yid ces byad bya'o/ /rnam grangs kyi don bstan ba'i phyir/ sna tshogs pa dang yid brten byed ba'i phyir zhes bya ba smos te/ sna tshogs pa'i phyir sems shes bya'o/ /de ma thag pa'i sems kyi rten byed pas yid ces bya'o/ /de la 'jug pa'i rnam par shes pa ni dmigs pa so sor rig pa'i rang bzhin yin pa dang/ dmigs pa so sor rnam par rig pa yang rnam pa du ma yin pa'i phyir/ mig la sogs pa'i rnam par shes pa ni sna tshogs zhes bya'o/ /de'i phyir de dbang po la brten nas 'byung ba na yul rnam par shes
- 41b
pa zhes bya'i/ dbang po rnams ni ma yin no/ /'di ltar mig gi rnam par shes pa la sogs pa drug po gang dang gang la 'gags pa de dang de ni de ma thag pa'i rnam par shes pa 'byung ba'i rten gyi dngos por gnas te /de'i phyir de ma thag pa'i sems kyi rten byed bas yid ces bya'o/ /sna tshogs ba'i phyir sems zhes bya'o zhes gang bshad pa de ni rigs kyi dbang du byas pa yin gyi skad cig la ni ma yin no/ /skad cig ni dmigs pa so sor nges ba'i rnam pa yin pas sna tshogs zhes mi bya ste/ de ni dngos su sems ma yin no/ /dngos su na sems ni kun gzhi rnam par shes pa ste/ 'dir rgyu bstan pa'i phyir/ 'di ltar de ni 'du byed thams cad kyi sa bon bsags pa'o zhes bya ba smos so/ /skad cig re re la 'du byed thams cad kyi sa bon bsags pas sems zhes bya ste/ dngos su na de nyid sems so// bsags pa ni yang dang yang sa bon yongs su gsos pa 'am/ 'du byed kyi sa bon rjes su 'brel pa'o/ /'du byed rnams ni 'dir zag pa dang bcas pa'i chos rnams su 'dod de/ de dag kyang rkyen gzhi las 'byung ngo/ /de la rgyu'i rkyen ni kun gzhi rnam par shes pa la gnas pa'i bag chags te/ yang dang yang 'du byed rnams kun du 'byung bas sa bon rtas pa la bag chags zhes bya'o/ /bdag po'i rkyen ni mig la sogs pa'i dbang po rnams so/ /de ma thag pa'i rkyen ni rnam par shes pa 'gags ma thag pa'o/ /dmigs pa'i rkyen ni gzugs la sogs pa'o/ /'di ltar mong las kyang mig nyams par ma gyur la gzugs rnams kyang snang bar gyur ba dang/ de skyed pa yid la byed pa yang nye bar gnas par gyur na de las byung ba'i mig gi rnam par shes pa 'byung bar 'gyur ro zhes gsungs so/ /de bzhin du rna ba la sogs pa'i rnam par shes pa la yang ji ltar mthun mthun du brjod par bya'o/ /rgyu'i rkyen rtag tu gnas pa dang/ shes par dka' ba'i phyir ma smos so/ /de'i 'og tu kun tu tshol ba'i yid kyi rnam par shes pa'o/ /kun tu
- 42a
tshol ba'i 'og tu rnam par 'jog pa'o/ /rnam par 'jog pa'i 'og tu rnam par rtog pa'i yid kyi rnam par shes pa 'byung ste/ de'i tshe yul las kun nas nyon mongs pa dang/ rnam par byang bar 'gyur ro/ /de'i tshe bsod nams dang bsod nams ma yin pa dang/ mi g.yo ba'i 'du byed sems pa'i bdag nyid can rnams mngon par 'du byed do/ /mngon par 'du byas pa de dag 'gag pa na kun gzhi rnam par shes pa la rnam par smin pa'i bag chags sam/ rgyu mthun pa'i bag chags gso bar byed do/ /de la rgyu mthun pa'i bag chags la rten nas kun gzhi rnam par shes pa las bsod nams dang bsod nams ma yin pa dang/ mi g.yo ba'i 'du byed rnams 'byung ngo/ /rnam par smin pa'i bag chags la brten nas kun gzhi rnam par shes pa las ris mthun pa gzhan dag tu kun gzhi rnam par shes pa nyid rnam par smin pa'i bdag nyid du 'grub bo/ /de la mi dge ba dang dge ba zag pa dang bcas pa'i chos gzhan gang yin pa de dag la yang tshul 'di nyid do/ /lung du ma bstan pa'i rgyu mthun pa'i bag chags nyid gso bar byed kyi/ rnam par smin pa'i bag chags ni ma yin te/ de dag la rnam par smin pa med pa'i phyir ro/ /de ltar na kun gzhi rnam par shes pa de rnam pa gnyis te/ rgyu mthun pa'i bag chags la brten nas rgyu dang 'bras bu ste/ 'di ltar 'du byed thams cad rang gi sa bon skyed ba ni kun gzhi rnam par shes pa rang bzhin bye brag tu 'gyur ba'i rgyu'i dngos por gnas par de ni 'du byed rnams kyi 'bras bu'o/ /'du byed thams cad de dag gi sa bon nye bar len pa'i kun gzhi rnam par shes pa las 'byung ba'i phyir kun gzhi rnam par shes pa ni 'du byed thams cad kyi rgyu yin no/ /rnam par smin pa'i bag chags kyi dbang du byas te/ dge ba dang mi dge ba'i 'du byed rnams kyi 'bras bu yin gyi rgyu ni ma yin no/ /rgyu ni rnam
- 42b
par smin pa'i bag chags la brten nas ris mthun pa gzhan dag tu rnam par smin pa'i rnam par shes pa'i rgyu'o/ /'jug pa'i rnam par shes pa ni gzugs dang sgra la sogs pa la dmigs pa dang/ rang dang spyi'i mtshan nyid kyi rnam pa yin pa'i phyir dmigs pa yongs su chad pa dang/ rnam shes yongs su chad pa'o/ /kun gzhi rnam par shes pa ni dmigs pa dang/ rnam pa yongs su mchad pa ste/ 'di'i dmigs pa dang rnam pa yongs su bcad par mi nus so/ /ci'i phyir zhe na/ 'di ltar kun gzhi rnam par shes pa ni dmigs pa gnyis la 'jug pa ste/ nang gi nye bar len pa'i rnam par rig pa dang/ phyi rol gyi snod la rnam par rig pa rnam pa yongs su ma chad pa'o/ /de la nang gi nye bar len pa ni kun brtags pa'i ngo bo nyid la mngon par zhen pa'i bag chags dang/ gnas dang bcas pa'i dbang po'i gzugs so/ dmigs pa 'di gnyis ni phra ba'i phyir 'jig rten gyi mkhas pa rnams kyis kyang rtogs par dka' bas de'i phyir dmigs pa dang rnam pa yongs su ma chad pa zhes bya'i/ dmigs pa med pa nyid ni ma yin no/ /'jug pa'i rnam pa shes pa ni dge ba dang/ nyon mongs pa can dang/ lung du ma bstan pa'i rang bzhin no/ /kun gzhi rnam par shes pa ni rigs gcig pa yin no/ /de la dge ba dang mi dge ba'i rang bzhin ni ma yin te /de dge ba dang mi dge ba rnams dang mtshungs par ldan pa me yin pa'i phyir ro/ /de ni sems las byung ba kun tu 'gro ba yid la byed pa dang/ reg pa dang/ tshor ba dang/ 'du shes dang/ sems pa lnga po kho na dang mtshungs par ldan no/ /kun gzhi rnam par shes pa ni mtshungs par ldan pa dang bcas pa sngon gyi las gyi 'du byed kyi rgyu las byung bas gcig tu rnam par smin pa nyid yin pa'i phyir lung du ma bstan pa'i rigs so/ /rgyun chags par 'jug pa'o/ /de la kun gzhi rnam par shes pa ni ris mthun pa gzhan dag tu nyid mtshams sbyor ba nas bzung ste/ ji tsam na
- 43a
'chi 'pho ba de'i bar du skad cig rgyun mi 'chad par 'jug gi 'jug pa'i rnam par shes pa bzhin du bar skabs bar skabs su chad pa ni ma yin te/ 'di ltar mig gi rnam par shes pa'i 'og tu rna ba la sogs pa'i rnam par shes pa rnams 'byung ba dang/ rna ba'i rnam par shes pa'i 'og tu mig la sogs pa'i rnam par shes pa rnams 'byung ba dang/ de bzhin du sna ba la sogs pa'i rnam par shes pa'i 'og tu zhes bya bar rgya cher brjod par bya'o/ /de bzhin du dge ba'i 'og tu mi dge ba 'byung ba dang/ mi dge ba'i 'og tu dge ba dang/ de gnyi ga'i 'og tu lung du mi ston pa dang/ khams dman ba'i 'og tu khams bar ba dang/ khams bar ma'i 'og tu khams gya nom ba dang/ khams gya nom pa'i 'og tu gya nom pa ma yin pa dang/ khams gya nom ba ma yin pa'i 'og tu khams bar ma zhes bya ba rgya cher brjod bar bya ste/ sha ba la thug gi bar du rdzas gcig tu 'jug pa ni ma yin no/ /'jug pa'i rnam par shes pa drug po ma gtogs par gzhan kun gzhi rnam par shes pa yod par ci mngon zhe na /lung dang rigs pas mngon no/ /de la 'di ni lung yin te/ bcom ldan 'das kyis chos mngon ba'i mdo la/ thog ma med pa'i dus kyi dbyings/ /chos rnams kun gyi gnas yin te/ de yod bas na 'gro kun dang/ /mya ngan 'das ba'ang thob par 'gyur zhes gsungs so/ /yang dgongs pa nges par 'grel ba'i mdo las kyang/ len ba'i rnam par shes pa zab cing phra/ /sa bon thams cad chu bo'i rgyun bzhin 'bab/ /bdag tu rtogs par gyur na mi rung zhes/ /'di ni byis pa rnams langs ma bstan/ zhes gsungs so/ /rig pa'i dbang du byas te/ yang dgongs 'gog pa'i snyoms par 'jug pa dang/ 'du shes med pa'i snyoms par 'jug pa dang/ 'du shes med pa rnams las langs nas yang yul rnam par rig bzhes bya ba 'jug pa'i rnam par shes pa 'byung zhes bya ba smos te/ kun gzhi rnam par shes pa ni 'jug pa'i rnam
- 43b
par shes pa rnams las don gzhan gyur pa'o zhes bya ba'i tshig gi lhag ma'o/ /'gog pa dang/ 'du shes med ba'i snyoms par 'jug pa dang/ 'du shes med par gyur ba na 'jug pa'i rnam par shes pa rnams ma lus par 'gag pa yang ldang ba'i tshe kun gzhi rnam par shes pa mngon 'jug pa'i rnam par shes pa 'byung du mi rung ngo/ /snyoms par 'jug pa'i sems las de 'byung du mi rung ste/ de 'gags nas ring du lon pa dang/ 'gags pa de med pa'i phyir ro/ /med pa ni rgyur yang mi rung 'bras bu yang mi rung ste/ gtso bo dang bdag la mogs pa bzhin no/ /gang yang 'di snyam du dngos po'i rang gi ngo bo la skye ba dang/ 'jig par 'gyur ba'i dngos po mod gyi ma 'ongs pa dang/ de ltar dang/ 'das pa'i ni dngos po rnams kyi byed pa'i sgo nas yin te/ 'ji lta bya ba mi byed pa ni ma 'ongs pa'o/ /bya ba byed pa ni da ltar ro// byed pa rgyun chad ba ni 'das pa'o zhes bya'o snyam du sems pa de lta bu yin na ni byed pa las dngos po gzhan yin par khas blang bar bya ste/ 'das pa dang ma 'ongs pa gnyis kyi dus na byed pa med kyang dngos po khas len pa'i phyir ro/ /de ltar na med pa las 'byung ba dang/ byung nas kyang med par 'gyur ba'i phyir/ 'byung ba dang 'jig pa ni byed pa'i yin gyis/ dngos po rnams kyi ni ma yin no/ /gzugs dang/ tshor ba dang/ 'du shes dang/ 'du byed dang/ rnam par shes pa rnams kyis ma yin pa nyid de/ rtag tu rang gi ngo bo dang ldan pa dang/ de yang 'byung ba dang/ 'jig pa med pa'i phyir te/ gzugs la sogs pa'i phung po rnams ni 'gog pa bzhin du mi rtag pa ma yin par 'gyur ro/ /de'i phyir sdug bsngal bar yang mi 'gyur te /mdo las ni mi rtag pa gang yin pa de sdug bsngal ba'o zhes gsungs so/ /de ltar na phung po rnams la ni mi rtag pa nyid dang sdug bsngal ba nyid du sems pa phyin ci log tu 'gyur ro/ /phyin ci log gis nyon mongs pa spang bar mi rigs te/ mi rtag pa dang/ sdug bsngal ba la rtag pa dang bde bar phyin ci log pa yin no/ /byed ba la ni 'byung ba dang/ 'jig
- 44a
pa yod pas 'dus byas nyid yin te/ gzugs la sogs pa'i phung po rnams su ni ma 'dus pas phung po drug par khas blang bar bya'o/ /yang nye bar len pa'i phung po rnams kyis zag pa dang bcas pa'i chos thams cad dang/ phung po rnams kyi 'dus byas thams cad bsdus so zhes ma zer cig /yang gzhan na re byed pa zhes bya ba ni 'bras bu yongs su 'dzin pa'o/ /chos gang zhig chos gang gi rgyu'i dngos por gnas pa ste/ chos des chos de 'bras bur 'dzin pa de'i phyir rgyu'i dngos por gnas pa ni dngos po rnams kyi 'bras bu yongs su 'dzin te/ chos de nyid rgyu'i dngos por gnas pas na chos rnams las byed pa gzhan ma yin no/ /de bas na gong du smos pa'i skyon du mi 'gyur ro zhes zer ro/ /gzhan ma yin zhes bya ba ni de nyid de/ de nyid 'di skad du chos las byed pa gzhan ma yin te/ chos nyid byed pa'o/ /de bzhin du byed pa las kyang chos gzhan ma yin te/ byed ba nyid chos yin no zhes bstan par 'gyur ro/ /de lta na ni 'das pa dang/ ma 'ongs pa gnyis kyis chos rnams byed pa bzhin du med par 'gyur te/ de'i phyir 'das pa dang/ ma 'ongs pa yod do zhes smra ba btang ba yin no/ /yang na byed pa yang chos kyi rang gi ngo bo bzhin du chos las gzhan ma yin pa'i phyir dus gsum par khas blang dgos te/ de lta na yang byed ba las dus rnams rnam par bzhag par smra ba nyams par 'gyur ro/ /bya ba byed ba ni de ltar du 'dod de/ gzhan ni gzhan gyis byed la/ de byas zin pa'i phyir bdag nyid kyis ni ma yin no/ /ma byas pa ni byed dgos kyi byas zin pa la ni ma yin no/ /de'i phyir byed pa dang chos gnyis ni byas pa dang/ ma byas pa yin pas tha dad par mngon no/ /de lta bas na gong du smos pa'i skyon de yod do/ /chos dang byed ba gnyis kyang tha dad ba ma yin na ni rgyu dang 'bras bu med par 'gyur te/ 'di ltar 'bras bu yang rgyud bzhin du thog ma nyid nas yongs su grub pa'i phyir 'bras bu la ji zhig byed na rgyur 'gyur/ mi byed na yang
- 44b
rgyu zhes ji skad du bya/ 'bras bu yang nges ma byas na de'i 'bras bur ji ltar 'gyur/ byed pa rnams nyid phan tshun rgyu dang 'bras bu'i dngos por 'gyur gyi/ chos rnams kyi ni ma yin te /'di ltar byed pa yod na byed pa gzhan 'byung gi med na ni ma yin te/ chos kyi rang bzhin la ni ma yin no/ /chos kyi rang bzhin las kyang chos kyi rang bzhin ma yin te/ rtag tu yod phyir ro/ /de ltar na gang yod na gang 'byung gi med na ni mi 'byung ba de ni de'i rgyu yin no/ /cig shes ni 'bras bu yin no zhes bya ba 'di ni 'jig rten grags pa'o/ /de ltar chos ni rang bzhin ni rgyu yang ma yin 'bras bu yang ma yin pa ni 'jig rten pa dang bstan bcos dang 'gal lo/ /gzhan dag na re chos rnams las byed ba de nyid rang gzhan du brjod par bya ba ma yin no zhes zer te/ ci'i phyir de nyid ces mi brjod ce na/ chos kyi rang bzhin ma yin pa'i phyir ro/ /ci'i phyir gzhan zhes mi brjod ce na/ chos kyi rang bzhin de'i ngo bo nyid yang ma yin pas gzhan zhes mi bya'o/ /de lta na ni gang de'i ngo bo nyid kyang ma yin la gzhan gyi ngo bo nyid kyang ma yin pa de ni ri bong gi rwa bzhin du ngo bo nyid med ba'i phyir med pa nyid yin te/ med pa ni dus rnam par bzhag pa'i rgyur ji ltar 'gyur/ de ltar na byed pa las dus rnam par bzhag pa ni rnam pa thams cad du mi 'grub bo/ /de lta bas na dngos po ma byung ba ni ma 'ongs pa yin/ 'gags pa ni 'das pa yin byung la ma 'gags pa ni de ltar yin par khas blang bar bya'i/ bya ba mi byed pa ni ma 'ongs pa /bya ba byed pa ni da ltar byed pa rgyun chad pa ni 'das pa'o zhes khas blang bar mi bya'o/ /yang gzhan dag na re dbang po dang bcas pa'i gzugs dang sems ni gcig gi sa bon gcig yin te/ de'i phyir 'gog pa dang/ 'du shes med pa'i snyoms par 'jug pa dang/ 'du shes med pa las ldang ba na dbang po dang bcas pa'i gzugs las sems 'byung ste/ dper na gzugs med ba'i khams nas 'chi 'pho ba'i sems las kyang 'gags nas ring du
- 45a
lon pa dbang po dang bcas pa'i gzugs 'byung ba lta bu'o/ /de lta bas na 'di la kun gzhi rnam par shes pa ci dgos zhes zer te/ de ltar na sems can re re'i sems kyi rgyud kyang gnyis gnyis su 'gyur te/ gcig ni dbang po dang bcas pa'i gzugs las 'byung/ cig shos ni sems las 'byung bar 'gyur ro/ /gzugs med pa'i sems su 'gog pa la snyoms par zhugs pa ni gzugs med pas ldang ba yang med do/ /de'i phyir 'di ni yongs su mya ngan las 'das pa nyid du 'gyur bas rtog pa 'di ni mi rung ngo/ /rgyu ni bdag yod ba dang ldan zhing g.yo ba med la mi rtag cing nus pa yod pa gcig pur 'dod gyi/ bzlog pa ni ma yin no/ /de skad du bcom ldan 'das kyis kyang 'di yod pa'i phyir 'di 'byung/ 'di skye ba'i phyir 'di skye ste 'di ltar ma rig pa'i rkyen gyis 'du byed rnams zhes gsungs te/ de lta bas na rgyu rtag pa yin zhing med pa yang ma yin la/ byed pa yod pa yang ma yin zhing nus pa med pa yang ma yin no/ /kun gzhi rnam par shes pa ni 'dus byas kyi chos thams cad sa bon dang ldan pa ste/ shi ba la thug gi bar du rgyun chags par 'byung ba'o/ /sems med pa'i gnas las ldang ba na kun gzhi rnam par shes pa nyid las 'jug pa'i rnam par shes pa 'byung ste/ mdo las kyang 'gog pa'i snyoms bar 'jug pa'i rnam par shes pa lus las mi 'da' o zhes gsungs so/ /snyoms par zhugs pa'i dus na rnam par shes pa lus las mi 'da' ba ni kun gzhi rnam par shes pa las gzhan mi rung ngo/ /ci'i phyir zhe na/ gal te 'gog pa la snyoms par zhugs pa'i rnam par shes pa'i kun gzhi rnam par shes pa las gzhan zhig kun tu 'byung bar 'dod na/ de lta na ni gsum 'dus pa'i reg pa dang/ reg pa dang lhan cig skyes ba'i tshor ba dang/ 'du shes dang/ sems pa zhes mdo las gsungs pa'i phyir 'du
- 45b
shes dang tshor ba gnyis kyang kun tu 'byung ba khas blangs dgos so/ /de'i phyir 'du shes dang tshor ba yod bas 'du shes dang/ tshor ba 'gog ba nyid du mi 'gyur ro/ /gang yang mdo las tshor ba'i rkyen gyis sred pa zhes gsungs pa yang tshor ba thams cad sred pa'i rkyen ma yin te/ de bzhin du reg pa thams cad kyang 'du shes dang tshor ba'i rkyen ma yin pas nyes ba med do snyam du sems pa de yang de lta ma yin te/ mdo gzhan las ma rig pa dang ldan pa'i reg pa las byung ba'i tshor ba la brten nas sred ba 'byung ngo/ zhes bye brag tu mdzad kyi reg pa ni gang du yang de ltar bye brag ma mdzad pas 'di mtshungs pa ma yin no/ /de lta bas na 'gog pa dang 'du shes med pa'i snyoms par 'jug pa dang/ 'du shes pa pa rnams las ldang ba na gdon mi za bar kun gzhi rnam par shes pas sa bon thams cad gnas skabs kun tu 'byung ba las skye bar khas blang bar bya'o/ /dmigs pa'i rkyen la bltos nas rnam pa gzhan du 'jug pa nyid kyi phyir 'jug pa'i rnam par shes pa las kun gzhi rnam par shes pa gzhan yod par khong du chud par bya'o/ /phyir ro zhes tha mar bstan pa ni 'di yang sbyar ro/ /dmigs pa'i rkyen ni mig la sogs pa'i rnam par shes pa lnga dang yul gzugs la sogs pa lnga'i yid kyi rnam par shes pa'i chos thams cad do/ /gzugs la sogs pa'i rnam pa las sgra la sogs pa'i rnam pa ni rnam pa gzhan no/ /de bzhin du sgra la sogs pa'i rnam pa las gzugs la sogs pa'i rnam pa dang/ ser po la sogs pa'i rnam pa las sngon po la sogs pa'i rnam pa ni rnam pa gzhan no/ /de ltar kun tu yang rgya cher brjod par bya'o/ /rnam pa gzhan du 'jug pa bdag thob ba ni rnam par shes pa 'di'i yin pas rnam par shes pa de ni rnam pa gzhan du 'jug pa nyid do/ /de dmigs pa'i rkyen las bltos pa'i rgyus rnam pa gzhan du 'jug sta gang gi yin pa de dmigs pa'i rkyen la
- 46a
bltos ba'i rgyus rnam pa gzhan du 'jug pa gang gi yin pa de dmigs pa'i rkyen la bltos nas rnam pa gzhan du 'jug pa nyid do/ /nyid kyi phyir ro zhes bya ba ni bzung nas 'jug pa'i rnam par shes pa las kun gzhi rnam par shes pa gzhan yod par shes so/ /'dir ni rnam par shes pa rnams dmigs pa so sor snang ba tha dad pas phan tshun tha dad kyi de ma thag pa dang/ bdag po'i rkyen tha dad bas ni ma yin no/ /de'i phyir 'di skad du dmigs pa'i rkyen las bltos nas rnam pa gzhan du 'jug pa nyid kyi phyir ro zhes bshad do/ /rnam pa gzhan du 'jug pa nyid de yang ji ltar dmigs pa la ni mi bltos par mi rung ba de bzhin du rgyu'i rkyen la mi bltos par mi rung ba nyid do/ /gang dag gi sa bon rnams dang ldan pa gang yin pa de ni de dag gi spyi'i rkyen te/ 'jug pa'i rnam par shes pa rnams ni gcig gi sa bon du gcig mi rung ngo/ /dge ba dang mi dge ba dang/ lung du ma bstan pa rnams dang/ dman pa dang/ 'bring dang/ gya nom pa'i khams pa rnams dang/ 'jig rten pa rnams dang/ 'jig rten las 'das pa rnams dang/ zag pa dang bcas pa dang/ zag pa med pa'i rnam par shes pa rnams la rim pa yod pa'i phyir ro/ /de nyid kyi bag chags bsgo ba yang ma mthong la/ gzhan gyi dus gzhan na yang ma yin zhing 'brel ba med bar yang ma yin no/ /'on kyang lhan cig 'byung ba dang/ 'jig pa nyid kyi me tog la sogs pas 'bru mar rnams la bsgo bar mthong ste/ de'i phyir rnam par smin ba'i bag chags kyi rnam par shes pa dang/ dus mtshungs pa de nyid las 'byung ba dang/ 'gag pa ni 'jug ba'i rnam par shes pa rnams rang dang mthun ba'i 'bras bu skyed nus pa rnam bar smin ba'i rnam par shes pa la byed do/ /de'i nus pa ni bag chags zhes bya'o/ /'jug pa'i rnam par shes pa dang /dus rnam pa gzhan du 'jug pa de dag gi bsgos pa rnam par smin pa'i rnam par shes pa las yang dmigS
- 46b
pa la bltos pa dge ba dang mi dge ba la sogs pa gzhan du 'jug pa 'jug pa'i rnam par shes pa rnams 'byung bar gdon mi za bar khas blang bar bya'o/ /de'i phyir 'jug pa'i rnam par shes pa rnams las rnam par smin ba'i rnam par shes pa 'dus byas kyi chos thams cad kyi sa bon dang ldan pa gzhan yid bar grub pa'o/ /chad nas 'byung ba'i phyir 'jug pa'i rnam par shes pa rnams las kun gzhi rnam par shes pa gzhan yin par khong du chud bar bya'o/ /sems med ba'i gnyid kyis log pa dang/ brgyal ba la sogs pa 'jug pa'i rnam par shes pa rgyun chad pa las yang sems med pa'i gnyid kyis log pa dang/ brgyal ba las sangs pa na kun gzhi rnam par shes pa med par 'jug pa'i rnam par shes pa 'byung bar ni mi rung ngo/ /'gog ba'i snyoms par 'jug pa las ldang ba'i sems dang 'dra bar 'dir yang dpyad par bya'o/ /'khor bar 'jug pa dang ldog pa'i phyir ro zhes bya ba ni gang gi rgyu las byung ba'i 'khor bar 'dug pa dang/ ldog pa yod pas 'jug pa'i rnam par shes pa las kun gzhi rnam par shes pa gzhan yin par shes so/ /skad cig kyang mi gnas par mi mthun pa rgyun mi 'chung bar rgyun gyi nye bar len pa'i phung po 'byung ba ni 'khor ba zhes bya'o/ /de'i 'jug pa ni ris mthun pa gzhan dag tu nyid mtshams sbyor ba'o/ /ldog pa ni phung po'i lhag ma dang bcas pa dang/ phung po'i lhag ma med pa'i mya ngan las 'das pa'i dbyings so/ /de la kun gzhi rnam par shes pa khas mi len du 'du byed kyi rgyu rkyen gyis rnam par shes pa zhes bya ba med pa'i phyir 'khor bar 'jug pa mi rung ngo/ /kun gzhi rnam par shes pa khas mi len na /'du byed kyi rkyen gyis rnam par shes pa zhes 'byung ba nyid mtshams sbyor ba'i rnam par shes pa'am/ 'du byed kyis yongs su bsgos pa'i rnam par shes pa'i tshogs drug 'du byed kyi rkyen las byung bar brtag grang na/ de'i tshe nyid mtshams sbyor ba'i rnam par shes pa ni tshe snga ma la bsags pa'i
- 47a
'du byed kyi rkyen las byung ba ma yin te/ tshe snga ma la bsags pa'i 'du byed ni 'gags nas ring du lon pa'i phyir ro/ /'gags pa ni med pa'i phyir ro/ /med pa ni rkyen du mi 'gyur ba'i phyir ro/ /gal te 'gags pa rkyen du? mi 'dod na de ltar na /da ltar gyi las las ni rnam par smin pa mngon par mi 'grub pa las kyi 'bras bu med pa nyid du 'gyur ro/ /de ni de lta ma yin te/ de las byung ba'i bsgos pa gnas pa'i phyir ro/ /gang las 'gyur ba bye brag tu gyur nas rnam par smin pa 'grub pa'i bag chags las kyis bskyed ba sems kyi rgyud la yod do/ /de lta bas na las kyi 'bras bu med pa ma yin la/ las 'gags pa las rnam par smin pa 'byung ba yang ma yin no/ /nyid mtshams sbyor ba'i tshe ni ming dang gzugs kyi yin te/ rnam par shes pa 'ba' zhig ni ma yin na/ de la rnam par shes pa nyid 'du byed kyi rkyen gyis byung gi /ming dang gzugs ni ma yin no zhes bya ba 'di la rigs pa ci yod/ de lta bas na 'du byed kyi rkyen gyis ming dang gzugs zhes brjod par bya'i/ rnam par shes pa ma yin no zhes brjod par bya'o/ /rnam par shes pa'i rkyen gyis ming dang gzugs zhes bya ba gzhan gang zhe na/ nying mtshams sbyor ba'i skad cig las dus phyi ma gang yin pa'o zhe na/ de nyid mtshams sbyor ba'i ming dang gzugs rang bzhin bye brag tu gyur pa ci yod na /'di ltar de nyid rnam par shes pa'i rkyen gyis byung ba yin la/ snga ma ni ma yin snga ma ni 'du byed kyi rkyen gyi 'byung ba yin la/ phyi ma ni ma yin de'i phyir 'du byed kyi rkyen gyis ming dang gzugs nyid du 'gyur gyi/ nyid mtshams sbyor ba'i rnam par shes pa'i yan lag gzhan kun tu brtags pas ci zhig bya/ de lta bas na nyid mtshams sbyor ba'i rnam par shes pa ni 'du byed kyi rkyen gyis 'byung bar mi rung ngo/ /'du byed rnams ni ma rig pa'i rkyen gyis byung ba yin la nges bsgos pa'i
- 47b
rnam par shes pa ni 'du byed kyi rkyen gyis byung ba dang/ de'i rkyen gyis byung ba nyid mtshams sbyor ba ni ming dang gzugs nyid do zhes bya ba'i tshul 'di la ni nyes pa med do/ /rnam par shes pa'i tshogs drug po 'du byed kyis yongs su bsgos pa dag 'du byed rkyen gyis rnam par shes pa zhes bya ba'i phyogs 'di yang sbyar ma legs pa nyid de/ ci'i phyir zhe na/ rnam par shes pa ni rnam par smin pa'i bag chags dang/ rgyu mthun pa'i bag chags bdag la skyed par mi nus te/ bdag la byed pa 'gal ba'i phyir ro/ /de ma thag pa la yang ma yin te/ de ni de'i tshe ma byung ba'i phyir ro/ /ma byung ba ni med pa'i phyir ro/ /byung ba la yang ma yin te/ de ni de'i tshe sngar 'gags pa'i phyir ro/ /sems med pa'i gnyid kyis log pa la sogs pa'i dus na ni 'du byed kyis yongs su bsgos pa'i sems 'byung mi srid pa'i phyir rnam par shes pa'i rkyen gyis ming dang gzugs med par 'gyur ro/ /de med bar skye mched drug kyang med par 'gyur ro/ /de bzhin du rga shi'i bar du yang med par 'gyur ro/ /de'i phyir 'khor bar 'jug pa nyid dang 'gal lo/ /'khor ba las ldog pa yang kun gzhi rnam par shes pa med na mi 'thad de/ 'khor ba'i rgyu ni las dang nyon mongs pa rnams so/ /de gnyis las kyang nyon mongs pa ni gtso bo ste /'di ltar nyon mongs pa'i dbang gis na las kyis yang srid pa 'phen nus par 'gyur gyi gzhan du ni ma yin no/ /de'i bden pa mthong ba rnams kyi las las yang srid pa mi 'phen te/ mthong bas spang bar bya ba'i nyon mongs pa med pa'i phyir ro/ /de bzhin du yang srid pa 'phangs pa'i las kyang nyon mongs pa med na yang srid pa 'byung bar mi 'gyur te /'di ltar khams gsum gyi 'dod chags dang bral ba rnams kyi yang srid pa 'phangs pa'i las kyang nyon mongs pa med pa'i phyir yang srid pa 'byung bar byed mi nus so/ /de'i phyir de dag gi yang srid pa mngon par mi 'grub bo//
- 48a
de ltar na gtso bo yin pa'i phyir nyon mongs nyid mngon par 'jug pa'i rtsa ba ste/ de'i phyir de dag spangs na 'khor ba las ldog par 'gyur gyi gzhan du ni ma yin no/ /kun gzhi rnam par shes pa med par de dag spang du mi rung ste/ nyon mongs pa mngon du gyur ba 'am/ sa bon gyi tshe spang grang na/ de la mngon du gyur ba spang ngo zhen ni/ de mi 'dod pa nyid de/ de'i tshe de dag spong ba'i lam med pa'i phyir ro/ /sa bon gyi tshe yang spang bu mi rung ste/ gang la nyon mongs pa'i sa bon gnas pa de gnyen pos spong na/ de'i tshe ni gnyen po las ci yang khas ma blangs pa'i phyir ro/ /ji ste gnyen po'i sems nyid nyon mongs pa'i sa bon dang 'dres na ni nyon mongs pa'i sa bon dang 'dres pa nyid pas gnyen por mi rung ste/ nyon mongs pa'i sa bon ma spangs pa rnams ni 'khor ba las ldog mi srid do/ /de lta bas na gdon mi za bar kun gzhi rnam par shes pa la de las gzhan pa'i rnam par shes pa dang lhan cig 'byung ba'i nyon mongs pa dang nye ba'i nyon mongs pa rnams kyis rang gi sa bon gso bar bya ba'i phyir bag chags bsgo bar khas blang ngo/ /rgyun 'gyur ba'i bye brag gi stobs ji lta ba bzhin du bsgos pa 'jug pa'i snyed nas/ yang de nyid las nyon mongs pa dang nye ba'i nyon mongs pa rnams 'byung ste/ de dag gi sa bon kun gzhi rnam par shes pa la gnas pa ni de dang ldan cig 'byung ba nyon mongs pa'i gnyen po lam gyis sel to/ /de bsal bas gnas de nas nyon mongs pa rnams mi 'byung bas phung po lhag ma dang bcas pa'i mya ngan las 'das pa'i dbyings thob bo/ /sngon gyi las kyis 'phangs pa'i skye ba ni 'gags la/ de las gzhan pa'i skye ba dang nyid mtshams mi sbyor ba ni lhag ma med pa'i mya ngan las 'das pa'i dbyings te/ las yod du zin kyang nyon mongs pa rnams spangs na lhan cig byed ba'i rgyu med pa'i phyir yang srid pa mngon par 'grub bar
- 48b
byed mi nus so/ /de ltar na kun gzhi rnam par shes pa yod na 'khor bar 'jug pa dang ldog par rung gi gzhan du ni ma yin te/ gdon mi za bar kun gzhi rnam par shes pa khas blang bar bya'o/ /ci'i phyir kun gzhi rnam par shes pa zhes bya zhe na/ kun gzhi rnam par shes pa 'di ni sa bon thams cad kyi gzhi nyid de/ /phyir ro zhes bya ba tha mar gang bstan pa de ni thams cad du sbyar bar bya'o/ /kun gzhi rnam par shes pa'i dngos po ni kun gzhi rnam par shes pa nyid do/ /de ni kun gzhi shes pa zhes bya ba 'jug pa'i rgyu'o// de la rnam par shes par byed pas rnam par shes pa ste/ de las ma gtogs par shes par byed pa po med par bstan pa'i phyir dngos po tsam la byed par bstan to/ /sa bon thams cad kyi gzhi nyid ni kun nas nyon mongs pa'i chos kyi sa bon thams cad kyi gnas nyid do/ /gzhi ni gnas gyi rnam grangs su gtogs pa'o/ /yang na 'dir chos thams cad 'bras bu'i dngos por sbyor zhing nye bar 'brel pa 'am/ de chos thams cad la rgyu'i dngos por sbyor zhing nye bar 'brel ba kun gzhi'o/ /lus kyi kun gzhi nyid dang rgyu nyid kyi phyir zhes bya ba la lus ni ming dang gzugs so/ /der lus sbyor te/ de'i stobs kyis 'byung bas kun gzhi nyid do/ /de'i dngos po ni kun gzhi nyid do/ /lus kyi rgyu ni de'i sa bon yongs su gsos pas nyid mtshams sbyor ba ni lus mngon par 'grub pa'i phyir te/ lus kyi gzhi nyid dang/ lus kyi rgyu nyid yin pa kun gzhi rnam par shes pa nyid khas blang bar bya'o/ /gzhan nas de gzhan du 'byung ste/ bdag tu nga rgyal gyi gzhi dang/ rgyu nyid kyi phyir ro zhes 'byung ngo/ /kun gzhi rnam par shes pa la bdag tu dmigs pa'i nga rgyal gang yin pa de bdag tu nga rgyal lo/ /bdag tu nga rgyal ni 'di la yul can gyi dngos por sbyor bas kun gzhi rnam par shes pa ni bdag tu nga rgyal gyi kun gzhi'o/ /yang na de bdag tu nga rgyal la rgyu'i dngos por sbyor bas kun gzhi zhes bya'o/ /lhag ma ni snga ma bzhin no/ /lus la gnas pa nyid kyi yang phyir ro zhes bya ba la yang zhes
- 49a
bya ba la yang zhes bya ba ni bsdu ba'i don no/ /lus ni 'dir dbang po dang bcas pa'i khog ba'o/ /kun gzhi rnam par shes pa ni khog pa thams cad la khyab pa'o/ /de'i phyir lus dang 'brel par 'jug pas lus la gnas pa'i phyir/ lus la gnas pa'o/ /de'i dngos po ni lus la gnas pa nyid de/ lus la gnas pa nyid kyi phyir bzung nas 'di kun gzhi rnam par shes pa khong du chud par bya'o/ /de ni kun gzhi rnam par shes pa zhes bya ba 'ba' zhig tu ma zad kyi/ len pa'i rnam par shes pa yang de yin te/ ci'i phyir de len pa'i rnam par shes pa zhes bya zhe na/ de'i phyir lus len pa'i phyir ro zhes rgyu smos so/ /'dis lus len pas len pa'i rnam par shes pa zhes bya ste/ sems kyis lus len gyi bdag gis ni ma yin no zhes bya bar rab tu grub bo/ /de yang sngon gyi 'du byed kyi rgyu las 'byung ba ste/ khu ba dang khrag gi nang du brgyal ba'i dus na srid pa len te /de nyid shi ba la thug gi bar lus len par byed par 'dod kyi/ mig la sogs pa'i rnam par shes pa rnams dang/ de'i rjes las byung ba yid kyi rnam par shes pa ni ma yin te/ de dag ni de'i 'og tu mig la sogs pa rkyen rgyu yin pa'i phyir ro/ /de la yid kyi rnam par shes pa gzhan 'du byed kyi rgyu las byung ba ni ma yin te/ de dag dge ba dang mi dge ba'i phyir ro/ /'du byed kyi rgyu las byung ba ni rnam par smin pa yin pa'i phyir gcig tu lung ma bstan pa'o/ /rnam par smin pa la yang mig la sogs pa'i bzhin du rgyun chad nas yang nyid mtshams sbyor ba'i ma yin no/ /gang rnam par smin pa'i rnam par shes pa nyid kun tu brtags pa gcig tu lung ma bstan pa'i rang bzhin can ni kun gzhi rnam par shes pa las gzhan ma mthong ngo/ /yang rnam par shes pa'i tshogs drug po dag ni gnas so sor nges pa las 'byung ba dang/ rgyun nas 'byung ba'i phyir gnas thams cad len par mi rung ste/ 'di ltar gnas gang dang gang las rnam par shes pa gang 'byung ba des de nyid
- 49b
zin par 'gyur gyi/ lhag ma ni rnam par shes pa dang bral ba'i phyir zin pa ma yin no/ /de ltar mig la sogs pa'i rnam par shes pa rgyun chad nas yang dang yang 'byung ba'i phyir gnas de yang dang yang nye bar len pa'i skyon du 'gyur ro/ /de lta bas na kun gzhi rnam par shes pa nyid nyid mtshams sbyor ba'i dus nas lus bzung nas shi ba la thug gi bar du lus mdza' dag la brten te 'byung bas de nyid nyid mtshams sbyor ba nas shi ba la thug gi bar du lus 'byung bas na len pa'i rnam par shes pa zhes bya'o/ /dngos su na yid kun gzhi rnam par shes pa la dmigs zhes bya ba ni nyon mongs pa can gyi yid kun gzhi rnam par shes pa la rtag pa la rtag par bdag tu dmigs te/ bdag tu rmongs pa dang/ lta ba dang/ nga rgyal dang/ chags bar dmigs pa rnams dang mtshungs par ldan pa'i phyir ro/ /de yang rtag par rlon sems pa'i bdag nyid yin pas yid de/ dngos su na de yi da? ces bya'o/ /mig la sogs pa'i rnam par shes pa'i tshogs drug po dge 'gags ma thag pa'i rnam par shes pa la yid ces brjod pa gang yin pa de ni drug pa yid kyi rnam par shes pa'i gnas bsgrub pa'i phyir yin gyi/ dang sems pa'i rnam pa'i phyir ni ma yin no/ /de'i phyir dngos su na de ni yid nyid ma yin no/ /de yang bdag tu rmongs pa dang/ bdag tu lta ba dang/ bdag tu nga rgyal dang/ bdag la chags pa ste/ nyon mongs pa bzhi dang/ rtag par mtshungs par ldan te/ de la bdag tu rmongs pa ni gti mug tsam dang mtshungs par ldan pa ma yin gyis/ bdag tu rmongs pa gang yin pa'o/ /de bzhin du bdag la chags pa'i bar dag la yang brjod par bya'o/ /sogs pa ni reg ba dang yid la byed pa la sogs pa kun tu 'gro ba lnga po dag dang yang rab tu mtshungs par ldan pa'o/ /de yang ma grags pa dang/ sems las byung ba rnams dang mtshungs par ldan pas na de'i rang gi ngo bo
- 50a
dmigs kyis dbye ba'i phyir/ rnam par shes pa zhes bya ba smos so/ /rigs gcig pa zhes bya ba ni nyon mongs pa can gyi rigs yin gyi/ dge ba 'am/ lung ma bstan pa ni ma yin te/ bdag tu rmongs pa la sogs pa nyon mongs pa bzhi dang/ rtag tu mtshungs bar ldan pa'i phyir ro/ /rgyun chags par 'jug pa ste/ zhes bya ba ni rgyun mi chad par rjes su 'byung ba zhes bya ba'i tha tshig go /spyir btang ba 'di'i dmigs kyi bsal ba rtsom ste/ dgra bcom pa dang/ 'phags pa'i lam dang/ 'gog pa'i snyoms par 'jug pa'i dus ma gtogs so/ /dgra bcom pa ni khams gsum pa'i nyon mongs pa can gyi chos spangs pa'i phyir dgra bcom pa'i dus ni mi 'byung ngo/ /'phags pa'i las gyi dus na yang mi 'byung ste/ don dam pa shes pa ni bdag tu lta ba kun tu 'byung ba dang shin tu mi mthun pa'i phyir ro/ /de'i 'og tu de kun gzhi rnam par shes pa las 'byung ste/ slob pa'i dus na ma spangs pa'i phyir ro/ /'gog pa'i snyoms par 'jug pa'i dus na yang mi 'byung ste/ 'du shes med pa'i snyoms par 'jug pa bas 'gog ba'i snyoms bar zhugs pa ches zhi ba'i phyir/ de kun tu mi? 'byung bar rig par bya'o/ /'dir ni nges pa'i tshig dang/ dmigs pa dang mtshungs par ldan pa dang/ 'byung ba'i dus kyi yid bstan par rig par bya'o/ /ci'i phyir phung po zhes bya zhe na/ spungs ba'i phyir te zheS bya ba la spungs pa ni phung po zhes bya ba'i grangs su gtogs pa'o/ /de ni 'di skad du gzugs spungs pa ni gzugs kyi zung phung? po ste/ de bzhin du rnam par shes pa'i bar du spungs pa la rnam par shes pa'i phung po zhes bstan par 'gyur ro/ /'di ltar mdo las dus dang rgyu dang/ rnam pa dang/ 'gro ba dang/ yul tha dad pa'i gzugs la sogs pa mdor bsdus ba'i phyir/ gzugs la sogs pa phung por bstan te/ gzugs gang yin pa ci yang rung 'das pa'am ma 'ongs pa 'am /da ltar byung ba 'am nang gi 'am/
- 50b
phyi 'am/ rags pa 'am/ phra ba 'am/ ngan pa 'am /gya nom pa 'am/ thag nye ba gang yin pa 'am/ rgyang ring ba gang yin pa thams cad gcig tu bsdus nas gzugs kyi phung po zhes bya ba'i grang su 'gro'o/ /de bzhin du rnam par shes pa'i bar du'o zhes 'byung ste/ 'das pa dang/ ma 'ongs pa dang/ da ltar byung ba zhes bya ba'i bye brag gi dus tha dad pa'o/ /nang dam? phyi zhes bya ba ni rgyu tha dad bas so/ /'di ltar nang gi rnams ni rang gi rgyud du gtogs pa dag go /phyi'i rnams ni de las gzhan pa dag go /rags pa 'am /phra ba zhes bya ba ni rnam pa'i bye brag gis so/ /de la gzugs kyi rags pa dang/ phra ba nyid ni bltos pa can no/ /yang na thogs pa dang bcas pa ni rags pa'o/ /thogs pa med pa ni phra ba'o/ /tshor ba dang 'du shes dang/ 'du byed dang/ rnam par shes pa rnams kyang dbang po la brten te/ byung ba dag ni rags pa'o/ /yid la brten te byun ba dag ni phra ba'o/ /ngan pa 'am gya nom pa zhes bya ba ni 'gro ba'i bye brag gis tha dad pa rnams te/ 'di ltar 'gro ba ngan pas zin pa ngag ni ngan ba rnams so/ /'gro ba gya nom bas zin pa dag ni gya nom pa rnaMs so/ thag nye ba gang yin pa'am rgyang ring po gang yin pa zhes bya ba ni yul gyi bye brag gis tha dad pa rnams so/ /tshor ba la sogs pa ni gnas kyi dbang gis nye ba dang ring ba'o/ /gzugs la sogs pa zhes bya ba ni gzugs dang/ tshor ba dang/ 'du shes dang/ 'du byed dang/ rnam par shes pa rnams so/ /mdor bsdus pa nyid kyi phyir ro/ /zhes bya ba ni dus dang/ rgyu dang/ rnam pa dang/ 'gro ba dang/ yul tha dad pa rnams kyi gzugs dang/ tshor ba dang/ 'du shes dang/ 'du byed dang/ rnam par shes pa rnams so sor mdor bsdus pa ni mdor bsdus pa'o/ /de'i dngos po ni mdor bsdus pa nyid do/ /de dag mdor bsdus pa'i phyir mdo las spungs ba'i don ces 'byung ba ni phung po'i don ni zhes bya bar shes te /'di ltar 'das pa la sogs pa'i gzugs de dag thams cad ni gcig tu bsdus nas
- 51a
gzugs kyi phung po zhes bya ba'i grangs su 'gro ba zhes bya ba nas/ de bzhin du rnam par shes pa zhes bya ba'i bar du bstan to/ /phung po lnga po rnams dang/ phung po'i don bshad zin to/ /phung po'i lnga'i rab tu byed pa bye brag tu bshad pa// // bam po bzhi pa ste tha ma'o/ /'dus byas thams cad ni phung po lngas bsdus la 'dus byas dang/ 'dus ma byas kyi chos thams cad ni skye mched dang/ khams su bsdus par bstan pa de la phung po bshad pa'i 'og tu skye mched rnams brjod dgos pas du zhig /gang dang gang skye mched kyi don ni ci zhe na /de'i phyir skye mched bcu gnyis zhes bya ba smos so/ /de dag gang gang zhe na/ mig gi skye mched dang /gzugs kyi mched dang /zhes bya ba la sogs pa nas /yid kyi skye mched dang/ chos kyi skye mched do zhes bya ba'i bar du'o/ /mig la sogs pa ni snga ma bzhin du bshad do zhes bya ba ni gzugs kyi phung po rnam par phye ba na ji ltar mig la sogs pa'i rang gi ngo bo bstan pa de bzhin du 'dir yang rang gi ngo bo bstan par bya'o/ /de la mig gi dbang po ni 'byung ba chen po bzhi rgyur byas pa ste/ yul kha dog gzugs dang ba'o zhes bstan to/ /de bzhin du sgra dang/ dri dang/ ro dang/ reg bya yang yul te /go rims bzhin no/ /rna ba la sogs pa yang gzugs kyi bdag nyid dang ba'o/ /gzugs dang sgra dang/ dri dang/ ro'i skye mched rnams kyang snga ma bzhin du bshad do zhes bya bar sbyar ro/ /sngar ni mig gi yul ni/ kha dog dang/ dbyibs dang/ rnam par rig byed kyi gzugs so/ /rna ba'i yul ni sgra ste /zin pa dang ma zin pa dang/ gnyi ga'i ste 'byung ba chen po'i rgyu las byung ba'o zhes bya ba la sogs pas bstan to/ /'byung ba chen po dag dang/ gang reg bya'i phyogs gcig bshad pa ste /'byung ba chen po rnams dang bcas pa ni reg bya'i skye mched de /de yang 'jam pa nyid la sogs pa'o/ /yid kyi skye mched
- 51b
ni rnam par shes pa'i phung po gang yin pa'o zhes bya ba la rnam par shes pa brgyad ni rnam par shes pa'i phung po ste/ 'jug pa'i rnam par shes pa drug dang /kun gzhi rnam par shes pa dang/ nyon mongs pa can gyi yid do/ /skye mched rnam par bzhag pa la ni rnam par shes pa'i phung po nyid la yid kyi skye mched cos bya'o/ /chos kyi skye mched ni rnam pa brgyad de/ tshor ba dang/ 'du shes dang/ 'du byed kyi phung po dang/ rnam par rig byed ma yin pa dang/ 'dus ma byas bzhi'o/ /de la tshor ba dang/ 'du shes dang/ 'du byed kyi phung po dang/ rnam par rig byed ma yin pa ni phung po rnam par phye bar bshad pa yin no/ /'dus ma byas ni ma bshad de /de'i phyir de dag rab tu dbye bar 'dod nas/ 'dus ma byas gang zhe na zhes dris so/ /gang rgyu dang rkyen la rag las pa ma yin pa'i bdag nyid kyi rang gi ngo bo ni 'dus ma byas zhes bya ste /nam mkha' dang so sor brtag pa ma yin pa'i 'gog pa dang /so sor brtags pa'i 'gog pa dang/ de bzhin nyid do/ /'dus ma byas kyi rab tu dbye bston te/ nam mkha' gang zhe na/ zhes bya ba ni nam mkha' i rang gi ngo bo khong du chud par bya ba'i phyir 'dre ba'o/ /gang gzugs kyi go 'byed pa'o zhes bya ba ni de'i rang gi ngo bo bshad pa'o/ /de bzhin du so sor brtags pa ma yin pa la sogs pa la so sor brjod par bya'o/ /phyogs gdung thogs pa dang bcas pa'i gzugs la thogs par mi byed pa ni ga 'byad pa'o/ /de'i phyir dngos po gzugs can rnams la skabs 'byed ba nam mkha' zhes bya'o/ /nam mkha' i 'og tu bstan pa'i phyir de bshad pa'i 'og tu so sor brtags pa ma yin pa'i 'gog pa'i rang gi ngo bo khong du chud par 'dod nas /so sor brtags pa ma yin pa'i 'gog pa gang zhe na zhes dris so/ /brtags pa dang/ gzhal ba dang/ rnam par 'byed pa dang/ shes rab ces bya ba ni don gcig go /so sor zhes bya ba ni spyir bstag pa'i don te/ de ni 'di ltar sdug bsngal la sogs pa 'phags pa'i bden pa rnams la so sor
- 52a
rtog pa ni so sor brtags pa ste /shes rab kyi khyad par zhes bya ba'i tha tshig go zhes bstan par 'gyur ro/ /so sor ma brtags pa ni so sor brtags pa ma yin pa ste /de yang gang zhe na/ rkyen mtshang ba'o/ /de ni 'di skad du rkyen mtshang ba'i phyir ma 'ongs pa'i chos rnams gtan du mi skye ba gang yin pa de so so brtags pa ma yin ba'i 'gog pa'o zhes bstan par 'gyur ro/ /gang 'gog pa 'bral ba ma yin ba ste /zhes bya ba la sogs pa ni 'dri ba'i lan no/ /'gog pa zhes byas na ni so sor brtags pa ma yin pas 'gog pa bzhin du so sor brtags pa dang/ snyoms par 'jug pa dang skye ba dang/ mi rtag pa'i 'gog pa rnams la yang snyegs pas 'dir so sor brtags pa'i 'gog pa las rnam par dbye ba'i phyir 'bral ba ma yin pa zhes bya ba smos te/ 'bral ba ma yin zhes bya ba ni sa bon yod na de dag 'byung ba'i chos nyid yin pa'i phyir ma 'ongs pa'i chos rnams dang phrad par rnam par bzhag ste /de'i gnyen pos rang gi gnas nas de dag gi sa bon bton bzhin gtan mi skye ba gang yin pa de 'gog ba'o/ /de ni 'di skad du sa bon bton la blo sngon du ma btang yang rkyen ma tshang bas ma 'ongs bya'i chos rnams gtan mi skye la gang yin pa de so sor brtags pa ma yin pa'i 'gog pa'o zhes bstan par 'gyur ro/ /dgra bcom pa la ni ris gzhan dang 'brel pa'i dge ba dang/ lung du ma bstan ba'i phung po rnams kyi sa bon yod bzhin du gtan mi skye ba thob pas/ de yang so sor brtags pa ma yin pa'i 'gogs par 'gyur ro zhe na/ de'i phyir de ni gang nyon mongs pa'i gnyen po med par phung po rnams gtan du mi skye ba'o zhes bya ba smos te/ de ni 'di skad du/ 'di la dge ba dang lung du ma bstan pa'i phung po'i sa bon yod du zin kyang/ nyon mongs pa'i gnyen po med par mi thob pas so sor brtags ba'i 'gog pa nyid de/ 'di ni so sor ma brtags ba'i 'gog pa ma yin no/ /de ltar na phung po'i lhag ma dang bcas pa dang/ phung? po'i
- 52b
lhag ma med pa'i mya ngan las 'das pa'i dbyings ni so sor brtags pa'i 'gog pa zhes bstan pa yin no/ /nyon mongs pa'i gnyen po ni 'dir zag pa med pa'i lam du bzhed do/ /gtan du mi skye ba'o zhes bya ba la gtan du smos ba ni skye ba dang snyoms par 'jug pa'i 'gog pa las rnam par dbye ba'i phyir ro/ /de dag mi skye ba yid la gtan du ma yin pa ste/ sems dang sems las byung ba rnams kyang 'byung bar 'gyur ba'i phyir ro/ /mi skye ba'o zhes bya ba ni mi rtag pa nyid kyi 'gog pa la rnam par byed? de /mi rtag pa nyid kyi 'gog pa ni da ltar yod la /mi skye ba ni da ltar med pas ma 'ongs pa yin ba nyid de/ dper na gzugs kyi rnam pa gcig la mig gi rnam par shes pa yengs pa yul gzhan dang/ gzugs kyi rnam pa gzhan 'das pa gang yin pa de dag ni dmigs pa de'i rnam par shes pa'i chogs? lnga bskyed par mi nus te/ da ltar gyi rnam pa la ni de ma thag pa'i rkyen med cing /'das pa rnams la ni dmigs pa'i rkyen med pa'i phyir ro/ /de'i phyir de dag la so sor brtags pa ma yin pa'i 'gog par 'gyur ro/ /so sor brtags pa'i 'gog pa gang zhe na/ zhes bya ba la/ so sor rtog pa ni so sor brtags pa ste /bar chad med pa'i lam gyi shes rab kyi khyad par zhes bya ba'i tha tshig go /so sor brtags pas thob par bya ba'i 'gog pa ni so sor brtags pa'i 'gog pa ste /tshig par ma smos so/ /gang 'gog pa zhes bya ba ni 'gog par thal bar 'gyur bas/ de ni 'bral ba ste zhes bya ba smos so/ /de ltar na 'gog pa bzhi po las rnam par bye ba yin te/ de dag ni 'bral ba'i bdag nyid ma yin pa'i phyir ro/ /de ni nyon mongs pa'i gnyen po phung po gtan du mi skye ba'o zhes bya ba ni 'bras bu nyid dpyod pa ste /lus 'di ni khams gsum ba'i nyon mongs pa'i sa bon ma lus pa dang/ rjes su 'brel bar 'byung ba'o/ /de'i gang dang gang gi gnyen po lam gyi skad cig gang yin pa'i lam de 'byung na? lus kyi skad cig de ni des spang par bya ba'i nyon
- 53a
mongs pa'i sa bon dang ldan pa'i phyi ma la lus kyi skad cig gzhan 'byung ba dang/ mi mthun pa'i rkyen du gyur ba dang/ phyi ma lus kyi skad cig gzhan skyed par mi nus te/ de 'byung ba dang mi mthun pa'i rkyen nye bar gyur ba'i phyir ro/ /'on kyang nges spang bar bya ba'i nyon mongs pa'i sa bon ldeg pa'i bdag nyid kho na'i rgyur 'gyur te /de byung ba dang mthun pa'i rkyen yod pa'i phyir ro/ /lam gyi skad cig de nyid ni des spang bar bya ba'i nyon mongs pa'i sa bon dang ldan pa'i skad cig gzhan 'byung ba dang mi mthun pa'i rkyen du gyur pa dang/ cig shos dang mthun par brjod par bya'o/ /de bzhin du bsgom pas spang bar bya ba'i srid pa'i rtse mo'i nyon mongs pa chung ngu chung du'i bar gyi gnyan po 'byung na lus de khams gsum pa'i nyon mongs pa mthong ba dang/ bsgom pas spang bar bya ba'i sa bon ma lus par ldog pa'i bdag nyid kho na'i skad cig gzhan gyi rgyur 'gyur ro/ /de bzhin du nyon mongs pa gang dang gang gi lus mi 'byung bas sa bon ston par gyur pa'i nyon mongs pa de dang de dag mtshungs par ldan pa'i chos rnams kyang nyon mongs ba'i gnyen pos gtan du mi skye bar 'gyur te/ so sor brtags pa'i 'gog pa de ni 'bral ba zhes bya'o/ /so sor brtags pa'i 'gog pa'i 'og tu de bzhin nyid bstan pas/ de'i phyir de bshad pa'i 'og tu de bzhin nyid khong du chung par 'dod nas de bzhin nyid gang zhe na/ zhes 'dri'o/ /gang chos rnams kyi chos nyid dang chos bdag med pa nyid do zhes bya ba de ni de'i bshad pa ste /gzhan ma yin pa'i don gyi phyir de bzhin nyid do/ /chos rnams zhes bya ba ni gzugs dang/ tshor ba dang/ 'du shes dang/ 'du byed dang rnam par shes pa rnams so/ /chos rnams kyi dngos po ni chos nyid de ji lta ba bzhin gyi bdag nyid dang yang dag pa'i mthar thug pa'o/ /chos nyid ni chos rnams kyi 'bras bu mi rtag pa nyid la sogs pa yang chos rnams la yod de/ de'i phyir chos bdag med pa
- 53b
nyid ces bya ba smos so/ /chos ni rang bzhin gang gis shes pa dang/ brjod pa gnyis kyi yul du gyur pa de de dag gi bdag ste /de'i rang bzhin ma yin pa'i phyir bdag de dang bral ba ni bdag med pa'o/ /de'i dngos po ni bdag med pa nyid do/ /de ni dngos po rnams rnam par brtags pa'i rang bzhin gyi stong ba nyid do/ /'di la dpyad na brjod pa mang du 'byung ste/ de thal bar 'gyur bar kyang chog gis skabs nyid brtsam mo/ /ci'i phyir skye mched ces bya zhe na/ zhes bya ba la/ skye mched kyi sgra ni mig la sogs pa rang gi ngo bo phan tshun tha dad pa? rnams la yang bye brag med par 'byung bas de'i phyir de dag la nges spyi'i don rgyur byas nas 'jug go /de yang mi shes pas ci'i skye mched ces bya zhes 'dri'o/ /rnam par shes pa skye ba'i sgo'i phyir ro zhes bya ba la/ skye ba zhes bya ba ni 'byung ba ste rnam par shes pa rnams 'byung bas bdag nyid thob pa'o/ /rnam par shes pa skye ba'i sgo ni rgyu ste /byed rgyu dang rgyu mtshan ni rnam par shes pa 'byung ba'i rgyu'i phyir skye mched rnams zhes bya'o zhes bstan par 'gyur ro/ /'di ltar ci mngon zhe na /nges pa'i tshig gis mngon te/ sems dang sems las byung ba rnams kyi 'byung ba mched par byed cing rgyas par byed pas skye mched rnams te/ bdag thob par byed par rgyun tu 'jig? ces bya ba'i tha tshig go /de la mig dang gzugs rnams ni mig gi rnam par shes pa mtshungs par ldan pa dang bcas pa skye ba'i sgo yin no/ /de bzhin du yid dang chos rnams kyi bar dag kyang yid kyi rnam par shes pa mtshung par ldan pa dang bcas pa'i skye ba'i sgo yin no/ /skye mched kyi 'og tu khams rnams rab tu dbye ba dang/ rang gi ngo bo brjod par bya ste/ de bas na rab tu dbye ba bstan pa'i phyir/ khams bco brgyad ni zhes bya ba smos so/ /de dag nyid kyi rang rang gi ngo bo bstan pa'i phyir/ mig gi khams dang gzugs kyi khams dang mig gi rnam par shes pa'i khams dang/ zhes bya ba nas de bzhin du yid kyi khams dang/ chos kyi khams dang/ yid kyi rnam par shes pa'i
- 54a
khams dang zhes bya ba'i bar du smos so/ /'dir yang gzugs kyi phung po rnam par dbye ba ni mig dang/ rna ba dang/ sna dang/ lce dang/ lus kyi dbang po gang yin pa lnga po dag dang/ gzugs dang/ sgra dang/ dri dang/ ro dang/ reg pa lnga yang de dag gi yul nyid du bstan to/ /skye mched rnam par bzhag par yang dbang po lnga po de dag nyid mig la sogs pa'i skye mched nyid dang/ gzugs la sogs pa'i yul rnams kyang gzugs la sogs pa'i skye mched nyid bstan to/ /khams rnam par bzhag ba? yang de dag nyid mig gi khams nas lus kyi bar dang/ gzugs kyi khams nas reg bya'ikhams kyi bar du bstan te /de'i phyir mig la sogs pa'i khams dang/ gzugs la sogs pa'i khams ni skye mched rnams ji lta ba bzhin no zhes bya ba smos so/ /chos kyi khams? ni chos kyi skye mched tshor? ba la sogs pa phung po gsum dang/ rnam par rig byed ma yin pa dang/ 'dus ma byas bzhi gang yin pa nyid do/ /skye mched rnam par bzhag par ni rnam par shes pa'i phung po nyid yid kyi skye mched do/ /de bzhin du khams rnam par bzhag par yang yid kyi skye mchad nyid yid kyi khams ma yin te/ yid kyi skye mched kyi khams rnam par bzhag pa ni sems kyi khams bdun no/ /de'i phyir/ rnam par shes pa'i khams drug po dag ni zhes bya ba la sogs pa smos so/ /mig la sogs pa la brten te zhes bya ba ni mig dang/ rna ba dang/ sna dang/ lce dang/ lus dang/ yid la brtan te'o/ /gzugs la sogs pa la dmigs pa zhes bya ba ni gzugs dang/ sgra dang/ dri dang/ ro dang/ reg bya dang/ chos rnams ni dmigs pa'o/ /rnam par rig pa'o zhes bya ba ni rnam par shes pa'o/ /de la mig la brten cing gzugs la dmigs ba ni mig gi rnam par shes pa ste /mig gi rnam par shes pa'i khams so/ /de bzhin du rna ba dang/ sna dang/ lce dang/ lus dang/ yid la brten cing/ sgra dang/ dri dang/ ro dang/ reg dang/ chos rnams la go rims bzhin du dmigs pa ni rna ba dang/ sna dang/ lce dang/ lus dang/ yid kyi rnam par shes pa'i khams te/ rna ba dang/ sna dang/ lce dang/
- 54b
lus dang/ yid kyi rnam par shes pa'i khams so/ /yid kyi khams ni rnam par shes pa drug las gud na med de/ rnam par shes ba'i khams drug po de dag nyid 'gags ma thag pa la yid kyi khams zhes bya'o/ /de ltar na yid kyi khams dang/ rnam par shes pa'i khams drug po dag gcig ni nang du gcig 'dus pa'i phyir khams bcu bdun nam/ bcu gnyis su mi 'gyur ram/ mi 'gyur te 'di ltar rnam par shes pa drug pa'i gnas bstan pa'i phyir/ de ltar khams bco brgyad du rnam par bzhag go /de ltar zhes bya ba ni gong du smos pa'i rnam pa bstan pa'o/ /gzugS kyi phung po gang yin pa zhes bya ba la rdzas bcu gcig ni gzugs kyi phung por bstan te/ de la mig la sogs pa dbang po lnga dang/ gzugs la sogs pa yul lnga ni skye mched rnam par bzhag par skye mched bcu dang/ khams rnam par bzhag par khams bcu dang/ chos kyi skye mched kyi phyogs gcig dang chos kyi khams kyi phyogs gcig ni rnam par rig byed ma yin pa zhes bya'o/ /rnam par shes pa'i phung po gang yin pa de ni yid kyi skye mched dang/ sems kyi khams bdun no zhes bya ba ni mig gi rnam par shes pa'i khams nas yid kyi khams kyi bar du'o/ /gzugs dang rnam par shes pa'i phung po las gzhan phung po gsum gang yin pa dag tshor ba dang/ 'du shes dang/ 'du byed ces bya ba'i phung po rnams so/ /gzugs kyi phung po'i phyogs gcig ni rnam par rig byed ma yin pa zhes bya ste /de dag 'dus ma byas nam mkha' la sogs pa dang bcas pa'i ni chos kyi skye mched dang/ chos kyi khams so/ /ci'i phyir khams zhes bya zhe na zhes bya ba ni/ skye mched bzhin du rgya cher brjod par bya'o/ /byed ba med la rang gi mtshan nyid 'dzin pa'i phyir khams so/ /skad cig rnams la ni byed pa med par mi srid do zhes sngar bstan pa nyid do/ /chos gang dag phung po zhes bstan pa de dag nyid skye mched nyid dang khams nyid du yang bshad pas de'i phyir/ ci'i phyir phung po la sogs pa bshad ce nags dris so/ /sangs rgyas bcom ldan 'das rnams kyis bshad pa thams cad kyi sems can gyi don
- 55a
du 'gyur ba dang/ nyon mongs pa'i gnyen po yin pas dgongs pa dang bcas pa'o/ /'dir ni chos de dag nyid rnam pa gzhan dang gzhan gyis yang dang yang bshad pa'i dgongs pa yang mi shes pas/ ci'i phyir phung po la sogs pa bshad ce na zhes bya ba ni dgos pa brjod de/ de'i phyir bdag tu 'dzin pa rnam pa gsum gyi gnyen por zhes bya ba smos so/ /de la bdag tu 'dzin pa gsum dang/ gang gi gnyen por bshad pa yang mi shes pas de'i phyir/ go rims bzhin no zhes bya ba smos te/ bdag tu 'dzin pa rnam pa gsum ni gcig pur 'dzin pa dang/ za? bar 'dzin pa dang/ byed par 'dzin pa'o/ /de la go rims bzhin zhes bya ba la phung po bshad pa ni gcig pur 'dzin pa'i gnyen po'o/ /skye mched bshad pa ni za bar 'dzin pa'i gnyen po'o/ /khams bshad pa ni byed par 'dzin pa'i gnyen po'o/ /bdag tu smra ba thams cad ni mthong ba gang yin pa de nyid thos pa dang/ snom pa dang/ ro myong ba dang/ reg pa yin pa dang/ de la de nyid sems par byed pa dang/ 'du shes su byed pa dang/ rnam par shes par byed pa'o snyam? du de ltar 'dzin to/ /sems can rnams kyi lus la ni phung po las gung na gcig pur rnam par gnas pa'i ngo bo gang yang med de /rang gi ngo bo dang/ 'bras bu mi dmigs pa'i phyir ro/ /mig las gud na lta ba po gzhan med de/ mig nyid mthong ba'i zhe rnam par shes pa'i thun mongs ma yin pa'i rgyu dang gnas yin pas lta ba po zhes bdags so/ /de bzhin du rna ba la sogs pa so so la yang brjod par bya'o/ /de bzhin du tshor ba ni myong ba'i bdag nyid yin pas myong bar byed/ 'du shes nyid mtshan mar 'dzin pa'i bdag nyid yin pas 'du shes su byed kyi /gzhan ni ma yin te/ de ltar thams cad du yang brjod par bya'o/ /de lta bas na sems can rnams kyi lus ni phung po'i bdag nyid yin pas dngos po du ma'i bdag nyid can no/ /'di la ni phung po lnga las gud na gcig pu med de/ phung po bstan pas
- 55b
gcig pu 'dzin pa ldog pa ni de la gcig pur 'dzin pa sngon du 'gro ba'i bdag tu 'dzin pa gang yin pa de yang ldog pa nyid de/ de'i phyir gcig pur 'dzin pa sngon du 'gro ba'i bdag tu 'dzin pa'i gnyen por phung po bshad do/ /gcig pur 'dzin pa ni rgyu la 'bras bu btags nas bdag tu 'dzin pa zhes bya bar bshad do/ /za bar 'dzin pa ni smra ba thams cad kyi ltar na las dge ba dang mi dge ba'i 'bras bu 'dod pa dang/ mi 'dod pa dang/ bde ba dang sdug bsngal gyi tshor bas rab tu phye ba dang/ gzugs dang sgra la sogs pa yul la gang spyod pa de bdag go zhes so/ /de ltar na bdag tu 'dzin pa 'di'i gnyen por skye mched bshad do/ /las dge ba dang mi dg ba'i 'bras bu dang/ gzugs la sogs pa yul rnams la spyod pa ni dmigs pa ste /de byed pa gang yin pa de ni las kyi 'bras bu dang/ gzugs la sogs pa la spyod do/ /dmigs pa rnam pa drug de yang skye mched nyid kyis byed kyi gzhan gyis ni ma yin no/ /de'i phyir mig la sogs pa dang/ gzugs la sogs pa ni rnam par shes pa skye ba'i sgo'i phyir skye mched rnams zhes bya'o/ /de lta bas na las kyi 'bras bu dang/ yul rnams la spyod pa ni mig la sogs pa las gud na gzhan gang yang med de/ de ltar na skye mched bshad pa ni za bar 'dzin pa'i gnyen po zhes bya'o/ /byed par 'dzin pa ni las dge ba dang mi dge ba rnams 'ber? ba dang/ /spugs? bsigs pa la sogs pa byed pa ste/ bdag tu 'dzin pa 'di'i gnyen por khams bshad do/ /de ltar na byed pa med la rang gi mtshan nyid 'dzin pa'i phyir khams zhes bstan to/ /de ltar rgyu yod pa tsam gyi 'bras bu 'byung bar byed cing 'bras bu yang rgyu la bltos nas yod pa tsam du zad de/ rgyu dang 'bras bu'i rang gi ngo bo la ma gtogs par byed pa gzhan med par sngar bstan pa nyid do/ /byed pa med par byed pa po ga la yod do/ /de lta bas na byed par 'dzin ba'i gnyen por khams bshad pa yin no/ /don chos gang dag rab tu rnam par dbye bas phan gdags pa'i
- 56a
phyir phung po dang skye mched dang/ khams nyid du chos gang dag bstan pa de dag la rnam pa gzhan gyis bsam par bya ste/ de la khams rnams kyis nang du gzugs dang sems gnyis rnam par dbye ba lhag par bstan pas zag pa dang bcas pa'i rnam pa la sogs pa bde blag tu rtogs par 'gyur ba'i phyir nyid las brtsams te/ bsam par bya ba'i phung po dang/ skye mched rnams la ni ma yin no/ /de'i phyir khams bco brgyad la gzugs can du zhen zhes bya ba la sogs pa smos so/ /gzugs su yod pas gzugs te 'di dag la yod pas gzugs can no/ /yang na rten dang brten pa'i gzugs ji ltar mthun mthun du 'di dag la yod bas gzugs can no/ /mig la sogs pa'i rnam par shes pa la thal bar yang mi 'gyur te /mig la sogs pa rten gyi dngos po de dag gi? gzhi byed pa ma yin pa'i phyir ro/ /gang dag gzugs kyi phung po'i ngo bo nyid do zhes bya ba de dag ni khams bcu ste/ mig gi khams nas lus kyi bar dang/ gzugs kyi khams nas reg bya'i khams kyi bar du'o/ /rnam par rig byed ma yin pa gzugs su yod du zin kyang chos kyi khams gzugs can nyid du thal bar mi 'gyur te/ de la rten dang brten pa'i gzugs med pa dang/ gzugs su yod pa med pa dang/ gzugs kyi phung por gtogs su zin kyang gzugs su yod pa ma yin pa'i phyir ro/ /gzugs can ma yin ba du zhe na/ lhag ma rnams se zhes bya ba la gzugs can las ldog pa ni gzugs can ma yin pa ste/ de dag ni brgyad de/ sems kyi khams bdun dang/ chos kyi khams so/ /bstan du yod pa du zhe na zhes bya ba ni khams bco brgyad kyi skabs yin pas der sbyar ro/ /gzugs kyi khams gcig te zhes bya ba la 'di ni 'di na'o// pha gi ni pha gi na'o/ zhes bstan du rung ba de ni bstan pa'o/ /de dang lhan cig pa ni bstan du yod pa ste/ dmigs pa dang bcas pa bzhin no/ /bstan du yod pa 'di nyid rab tu bstan pa'i phyir/ yul bstan du yod pa'o zhes bya ba smos te/ yul de dang der 'dis bstan du yod pas
- 56b
yul bstan du yod ba'o zhes bya'o/ /gzugs kyi khams gcig kho na bstan du yod pa nyid du smos pas lhag ma khams bcu bdun ni bstan med par grub bo/ /thogs pa dang bcas pa du zhe na zhes bya ba ni khams bco brgyad kyi skabs yin pa thams cad du yang sbyar ro/ /gzugs can ma yin pa rnam par gcad pa'i phyir gzugs can smos so/ /chos kyi khams la yang rnam par rig byed ma yin pa'i gzugs yod pas/ gzugs can yod pas bstan pa'i phyir bcu zhes bya ba smos so/ /de dag kyang mig la sogs pa dbang po'i khams rnams dang/ de dag gi yul gzugs can gyi khams lnga'o/ /go gcod pas thogs pa ste /de dang lhan cig pa ni thogs pa dang bcas pa'o/ /go gcod pa ni yul dang dmigs pa dang/ sgrib pas go gcod pa'i bye brag gi rnam pa gsum mo/ /'dir ni sgrib pa'i go gcod pa nyid thogs pa dang bcas par 'dod pa bstan pa'i phyir/ gang la gang thogs pa'o zhes bya ba smos so/ /sgirb pa'i go gcod pa ni rang gi yul du gzhan 'byung ba'i gegs su gyur pa'o/ /de ltar na gang gis rang gi yul du gzhan 'byung ba'i gegs byed pa dang/ gang la gegs byed pa de gnyi ga yang thogs pa dang bcas pa zhes bstan pa yin no/ /khams gzugs can bcu po de dag kyang rang rang gi yul du 'byung ba la gcig la gcig gegs byed pas sgrib cing go gcod pa'i phyir thogs pa dang bcas pa rnams so/ /lhag ma sems kyi khams bdun dang/ chos kyi khams ni thogs pa med par grub po/ /zag pa dang bcas pa du zhe na zhes bya ba ni khams kyi skabs yin no/ /bco lnga dang tha ma gsum gyi cha ste zhes bya ba ni mig la sogs pa dbang po lnga'i khams dang/ gzugs la sogs pa yul lnga'i khams dang/ mig gi rnam par shes pa la sogs pa rnam par shes pa'i khams lnga ste /khams bco lnga po dag ni gcig tu zag pa dang bcas pa nyid do/ /dang po la yang gsum yod do/ /mig dang/ gzugs dang/ mig gi rnam par shes pa'i khams yin pas de'i phyir tha ma zhes spos so/ /tha ma gsum ni yid kyi khams dang/ chos
- 57a
kyi khams dang/ yid kyi rnam par shes pa'i khams so/ /de dag gi cha ni cha shas te /zag pa dang bcas pa'o/ /mig la sogs pa bzhin du thams cad zag pa dang bcas pa nyid ni ma yin no/ /de dag las kyang lam gyi bden pa dang/ 'dus ma byas kyi rang bzhin gyi cha ma yin pa de nyid zag pa dang bcas pa ste /zag pa dang lhan cig pas zag pa dang bcas pa'o/ /de'i phyir de dag nyon mongs pa skye pa zhes bya ba smos te/ 'di ltar de dag la nyon mongs pa skye bas de'i phyir zag pa dang bcas pa zhes bya'o/ /mig la sogs pa'i rnam par shes pa rnams ni /rnam par mi rtog pa yin pas ji ltar gzugs la sogs pa rnams la nyon mongs pa skyed ce na /nyon mongs pa rnams mig la sogs pa'i rnam par shes pa rnams dang/ lhan cig tu gzugs la sogs pa la 'byung ba zhes mi bya mod kyi/ 'on kyang mngon sum gyi spyod yul gyi phyir ro/ /zhes bya ba ni gzugs la sogs pa la nyon mongs pa skyed pa ste/ 'di ltar mig la brten cing gzugs la sogs pa la rten nas mig gi rnam par shes pa 'byung ste/ mig gi rnam par shes pas myong ba'i gzugs rnams la yid kyi rnam par shes pas rnam par rtog par byed pas rnam par rtog pa las nyon mongs pa 'byung ste /de bzhin du lhag ma rnams la yang brjod par bya'o/ /zag pa med pa du zhe na /tha ma gsum gyi cha'o zhes bya ba ni yid dang chos dang yid kyi rnam par shes pa'i khams rnams kyi'o/ /lam gyi bden pa dang 'dus ma byas su gtogs pa'i phyogs gang yin pa de ni zag pa med pa'o/ /'dod pa dang ldan pa du zhe na zhes bya ba ni khams bco brgyad ces bya ba dang sbyar te /gzugs la sogs pa yul lnga ni 'dod par bya bar yin pas 'dod pa rnams te/ de gces byed pa'i khams rnams ni 'dod pa'i khams su shes par bya'o/ /yang na 'dod pa'i khams dang ldan pa du zhe na zhes brjod pa'i rigs pa las khams zhes bya ba'i sgra ma smos par 'dod pa dang ldan pa zhes bya ba smos so/ /'dod pa'i khams dang ldan pa dag ni 'dod
- 57b
pa'i khams kyis bsdus pa rnams te/ 'dod pa'i khams kyi ngo bo nyid ces bya ba'i tha tshig go /'di ltar gang du 'dod pa'i sred pa kun tu 'byung ba de thams cad 'dod pa'i khams su bsdus pa'o/ /de dag kyang dbang po'i khams drug dang /yul gyi khams drug dang/ rnam par shes pa'i khams drug go /gzugs dang ldan pa du zhe na/ bcu bzhi ste/ mig dang/ rna ba dang/ sna dang lce dang lus dang yang kyi dbang po'i khams dang/ yul bzhi dang yul de'i rnam par shes pa'i khams bzhi ste/ bcu bzhi po de dag ni gzugs kyi khams dang ldan pa'o// ji'i phyir gzugs kyi khams ni dri dang ro dang de'i rnam par shes pa gnyis kyang rnyed ce na/ dri dang de ni gcig tu khams gyi zas kyi ngo bo nyid yin gyis reg pa dang/ sems dpa' i zas kyi ngo bo nyid ma yin no/ /yang kham gyi zas kyi 'dod chags dang bral ba rnams ni gzugs kyi khams su skye ste /gang gi 'dod chags dang bral ba rnams gang du skyes pa de ni de med de/ dper na/ 'dod chags dang bral ba gzugs med par skyes pa'i mig med par skyes bzhin du yul med pa'i phyir dri dang ro'i rnam par zhes pa gnyis kyang med do/ /gzugs med pa dang ldan pa du zhe na/ tha ma gsum zhes bya ba ni/ yid kyi khams dang/ chos kyi khams dang/ yid kyi rnam par shes pa'i khams so/ /gzugs kyi 'dod chags dang bral ba rnams ni gzugs med pa'i khams su skye ste/ de'i phyir de na gzugs kyi ngo bo nyid kyi khams bcu dang/ de la brten pa dang dmigs pa rnam par shes pa'i khams lnga med do/ /mi ldan pa du zhe na gsum gyi cha'o zhes bya ba ni gang dag 'dod pa dang/ gzugs dang gzugs med pa'i srid pa rnams kyis ma dmigs pa ste/ khams gsum dang ldan pa ma yin pa'i phyir mi ldan pa'o// lam gyi bden pa dang/ 'dus ma byas kyi ngo bo nyid gang yin pa'i yid dang chos dang yid kyi rnam par shes pa'i khams de dag ni zag pa med pa'o/ /dge dang mi dge ba dang /lung du ma bstan pa du zhe na /khams bco brgyad kyi skabs yin pas dor sbyar ro/ /de la ngan bsnyil
- 58a
ba'i phyir dge ba ste /sor zhes bya ba'i tha tshig go yang na ku sha ni shes rab kyi rnam grangs su gtogs pa'o/ /la ni len pa ste/ shes rab kyis yongs su zin pa'am/ shes rab yongs su 'dzin ba ni dge ba rnams so/ /yang na ngan pa'i rnam par 'dug pa ni rtswa ku sha ste /gcod pa dang 'bigs pa'o/ /la ni len pa ste/ su zhig gcod ba dang 'bigs pa spangs te rtswa ku sha rnams len pa de ni mkhas ba zhes bya'o/ /de bzhin du gzhan bya ba gang la bsngags par 'os pa de ni dge ba zhes bya'o/ /'dis mi dge ba bzlog te bshad do/ /dge ba dang mi dge ba'i dngos por lung du bstan du med pas ma bstan pa'o/ /bcu ni rnam pa gsum char te zhes bya ba ni dge ba yang yin/ mi dge ba yang yin/ lung du ma bstan pa yang yin no/ /khams bco brgyad kyi nang nas bcu gang la bya ba de dag kyang mi shes nas /sems kyi khams bdun dang gzugs dang sgra dang chos kyi khams so zhes bya ba smos so/ /de la sems khams rnams ni mtshungs par ldan pas dge ba dang mi dge ba nyid yin gyi/ ngo bo nyid kyi ni ma yin te /dge ba dang mi dge ba'i rtsa ba rnams dang mtshungs par ldan pa /de la sems kyi khams bdun ma chags pa dang /zhe sdang med pa dang/ gti mug med pa dang/ mtshungs par ldan pa rnams ni dge ba'o/ /chags pa dang zhe sdang dang/ gti mug dang mtshungs par ldan pa rnams ni mi dge ba'o/ /gzhan dag ni lung du ma bstan pa'o/ /gzugs dang sgra'i khams lus dang ngag gi rnam par rig byed du bsdus pa dge ba dang mi dge ba'i sems kyis kun nas bslang ba ni dge ba dang mi dge ba'o/ /de las gzhan pa ni lung du ma bstan pa'o/ /chos kyi khams kyang ma chags pa la sogs pa'i ngo bo nyid dang mtshungs par ldan pa dang/ kun nas bslab dang /so sor brtags pa'i 'gog pa dang/ de bzhin nyid ni dge ba'o/ /chags pa la sogs pa'i ngo bo nyid dang mtshungs par ldan pa dang/ kun nas bslang ba ni mi dge ba'o/ /de las gzhan
- 58b
pa ni lung du ma bstan pa'o/ brgyad ni lung du ma bstan pa ste/ dri dang ro dang reg bya dang/ mig la sogs pa lnga'o/ /de dag ni lung du ma bstan pa nyid de/ don dam pa dang ngo bo nyid dang mtshungs par ldan pa dang/ kun nas bslang bas dge ba dang dge ba ma yin pa'i phyir ro// nang gi bu zhe na/ khams bco brgyad ces bya bar sbyar ro/ /bcu gnyis te bcu gnyis gang yin pa de dag kyang mi shes pas/ gzugs dang sgra dang dri dang ro dang reg bya ba chos kyi khams ma gtogs so zhes bya ba smos so/ /lhag ma dbang po'i khams drug dang/ rnam bar shes pa'i khams drug ste /bcu gnyis po de dag ni nang gi'o/ /khams rnams las phyi rol gyi du zhe na drug ste /de dag kyang mi shes nas/ de'i phyir gang dag ma gtogs pa rnams so zhes bya ba smos so/ /'di dag ni phyi'i yin par shes par bya'o/ /ma gtogs pa rnams gang zhe na/ gzugs dang sgra dang dri dang ro dang reg bya dang chos rnams so/ /bdag gi dbang du byas pa ni nang zhes bya ste/ nang nyid nang ngo/ /bdag nyid med na nang dam gyi/ zhes bya bar ji ltar 'gyur te/ tshul khrims med na tshul khrims dbang du byas pa'i bslab pa mi rung ba bzhin no zhe na /ngar 'dzin pa'i gnas yin pa'i phyir sems la bdag ces 'dogs so/ /ngar 'dzin pa'i gzhi ni bdag tu smra ba rnams kyis bdag ces brjod de/ 'di ltar bdag gi yon tan nam/ bdag lus nyid dur 'dzin pa rtogs so/ /ngar 'dzin pa yang sems la brten pa ste /de la gung na bdag med pa'i phyir ro/ /de la nga'o snyam dung rgyal bskyed pas bdag ste /sems nyid sems las byung ba rnams gyi gnas yin pas sems la bdag tu 'dogs so/ /'dir sems las bdag ces bya bar bzhed par 'di ci mngon zhe na /bcom ldan 'das kyis bdag ni legs par du la gyur na /mkhas pas mtho ris thob par 'gyur zhes gsungs so/ /gzhan nas kyang sems 'dul ba gsungs te/ sems 'dul ba ni legs pa ste/
- 59a
sems dul bde ba thob par byed ce'o/ /'dir shes 'dul ba dang/ sems nyid du lan bde ba thob par byed ces gsungs pas de'i phyir/ bdag ni legs par dul gyur na/ /mkhas pas mtho ris thob par 'gyur/ zhes bya ba 'dir yang sems nyid la bya bar bzhed par mngon no/ /de'i phyir bdag tu lta ba'i sems kyi rten gyi dngos por nye bar gyur pa'i phyir mig la sogs pa ni nang gi nyid do/ /gzugs la sogs pa yul gyi dngos por gyur pa ni phyi'i nyid do/ /da ltar ni rnam par shes pa'i khams drug dang gir mi 'gyur te/ de dag yid kyi khams nyid du ma gyur gyi bar du sems kyi rten du mi 'gyur ba'i phyir ro zhe na /nam du yang rung ste/ de dag nyid nang yin pas mtshan nyid las 'da' ba med do/ /dmigs pa dang bcas pa du zhe na zhes bya ba ni khams kyi skabs yin pas de'i phyir bdun zhes bya ba smos so/ /bdun po de dag kyang gang yin mi shes pas de'i phyir sems kyi khams zhes bya ba smos so/ /dmigs pa dang bcas pa 'di dag nyid du zad dam zhen ma yin te/ chos kyi khams kyi phyogs gcig kyang yin te/ kyang gi sgra ni bsdu'o/ sems kyi khams bdun dang chos kyi khams kyi phyogs gcig kyang dmigs pa dang bcas pa yin te /'di da gla dmigs pa yod pas dmigs pa dang bcas pa'o/ /yul dang spyod yul dang dmigs pa zhes bya ba rnam grangs su gtogs pa'o/ /sems kyi khams bdun ni mig dang rna ba dang/ sna dang /lce dang/ lus dang yid kyi rnam par shes ba rnams so/ /chos kyi khams kyi phyogs gcig ni gang sems las byung ba'i ngo bo nyid do/ /dmigs pa med pa du zhe na /lhag ma rnams te /de dag kyang bcu ste /mig la sogs pa dbang po'i khams lnga dang/ gzugs la sogs pa yul gyi khams lnga'o/ /chos kyi khams kyi phyogs gang sems las byung ba'i ngo bo nyid ma yin pa'o rnam par rtogs pa dang bcas pa ru zhe na/ khams bco brgyad ces bya bar sbyar ro/ /yid kyi khams dang yid kyi rnam par shes pa'i khams dang/ chos
- 59b
kyi khams kyi phyogs so/ /zhes bya ba ni gang mtshungs par ldan pa'o/ /'di gnyis ni mngon par dpyod ba dang/ rjes su dran pa'i rnam par rtog pa dang/ mtshungs par ldan pa ste/ de nyid rnam par rtog pa yin gyi gzhan ni ma yin te/ de gnyis dang mtshungs par ldan pa ma yin pa'i phyir ro/ /chos kyi khams kyi phyogs ni mtshungs par ldan pa can /gzhan ni ma yin no/ /de la rjes su dran pa'i rnam par rtog pa ni dran pa nyid la bya ste /yid kyi myong ba'i dmigs pa ma brjed pa rnams so/ /dus gsum gyi don lkog tu gyur pa la mngon par spyod pa'i rnam pa 'di ni 'di lta yin kyi de lta ma yin no zhes bya ba shes rab kyi khyad par la 'am/ sems ba ni mngon par dpyod pa'i rnam par rtog pa ste /chos mngon pa kun las btus pa las ji skad du /rjes su dran pa'i rnam par rtog pa gang zhe na/ gang sngon myong ba la 'du byed bskyed pa'o// mngon par dpyod pa'i rnam par rtog pa gang zhe na/ gang 'das pa dang/ ma 'ongs pa dang/ da ltar gyi don lkog tu gyur pa rnams la mngon par dpyod pa'i rnam par rtog pa'o zhes bshad pa lta bu'o/ /lhag ma rnams ni rnam par mi rtog par 'grub ste /de dag kyang khams bco lnga dang /chos kyi khams gyi phyogs te /de dag ni rnam par mi rtog pa nyid do/ /khams bco brgyad las /zin pa du zhe na /nang gi lnga ste /de dag ni mig dang/ rna ba dang /sna dang/ lce dang/ lus kyi khams te /de dag ni zin pa nyid do/ /gzhan las 'di dag gnyis su ma bstan tam /bstan mod kyi de la yang 'das pa dang /ma 'ongs pa ni zin pa ma yin par brjod de/ de ni med pa nyid do/ /med pa ni zin pa 'am ma zin pa yin par brjod du mi rung ngo/ /de ltar ni rang yod par gnas pa dang sems dang sems las byung ba rnams kyis zin pa'i phyir zin pa nyid de/ mig la sogs pa ni ma zin pa ma yin no/ /ci mig la sogs pa lnga po nyid zin pa dag gang zhe na/ ma yin te/ bzhi'i phyogs te/ bzhi po de dag gang yin snyam la de'i phyir /gzugs dang sgra dang dri dang ro dang
- 60a
reg bya rnams kyi'o zhes bya ba smos so/ /de la gzugs dwang? dri dang ro dang reg bya'i khams dbang po las tha dad du mi 'jug pa gang dag yin pa de dag dbang po dag bzhin du zin pa rnams so/ /gzhan dag ni ma zin pa dag ste /'di lta ste/ drung ma gtogs pa'i skra dang sbu dang sen mo dang/ so dang phyi sa dang gcin dang mchil ma dang/ snabs dang khrag la sogs pa dang/ sa dang chu la sogs pa rnams so/ /zin pa zhes bya ba'i don ci zhe na/ phan pa dang/ gnod pa gnyis kyis phan tshun rjes su 'gyur pa'i phyir gang sems dang sems las byung ba rnams kyis byin gyis brlabs pa'i gnas kyis dngos por zin pa dang/ 'jig rten na sems bcas pa zhes bya ba'o/ /zin pa ma yin pa du zhe na/ lhag ma dgra dang/ bzhi'i phyogs zhes bya ba ni bshad zin pa rnams las gzhan gang yin pa de dag lhag ma'o/ /de'i phyir sems kyi khams bdun dang/ chos kyi khams dang/ sgra'i khams so/ /bzhi'i phyogs zhes bya ba ni gzugs dang/ dri dang ro dang/ reg pa rnams kyi'o/ /de yang dbang po dang/ tha dad du mi 'jug pa'i cha ma gtogs pa dang/ drung ma gtogs pa'i sgra dang/ spu la sogs pa yod pa'o/ brten pa ma mtshungs pa du zhe na /khams bco brgyad kyi skabs yin pas der sbyar ro/ /nang gi gzugs can lnga zhes bya ba ni nang gi bcu gnyis bstan pas/ de dag gi nang na gang yin gtog med pas lnga zhes bya ba smos so/ /gzugs can zhes bya ba de dag ni mig dang/ rna ba dang/ sna dang/ lce dang/ lus kyi khams so/ /gang gi brten pa mtshungs pa dang/ rnam pa gang gis brten pa mtshungs pa yang/ mi shes pas de'i phyir /rang gi rnam par shes pa dag dang yul thun mong ba nyid kyi phyir ro zhes bya ba smos so/ /de la mig gis rang gi rnam par shes pa ni mig gi rnam par shes pa ste/ rang gi rnam par shes pa dang/ mig rang gi yul gzugs su mtshungs te/ gnyi ga yang/ mig gi rnam
- 60b
par shes pa skye ba dang /mthun pa'i phyir mtshungs pa'o/ /thun mong ba nyid kyi phyir zhes bya ba ni bzung ba ste/ mig gi rang gi yul gzugs dang/ brten pa mtshungs pa zhes bya'o/ /de bzhin du rna ba la sogs pa yang/ rang gi yul rnams dang/ brten pa mtshungs pa zhes brjod par bya'o/ /de ni 'di skad du/ mig la sogs pa gang dag rang gi rnam par shes pa rnams dang/ gnas pa de dag brten pa mtshungs pa zhes bstan par 'gyur ro/ /de dag dang mtshungs pa du zhe na/ mig la sogs pa de dag nyid rang gi rnam par shes pas stong pa nyid de dag dang mtshungs pa'o/ /ci'i phyir de dag ni de dag dang mtshungs pa zhes bya zhe na/ rang gi rigs dang mthun pa'i phyir ro zhes bya ba ste /rang gi rnam par shes pas stong pa'i mig la sogs pa de dag ni sten pa mtshungs pa'i mig la sogs pa dang/ mig la sogs pa ris mthun pa ste/ de dag dang 'dra ba'i phyir de dag dang mtshungs pa zhes bya'o/ /de dag ni mthun mong ma yin pa'i phyir gcig gi brten pa mtshungs pa dang/ de dag dang mtshungs pa gang yin pa de dag ni /sems can thams cad kyi yang yin pas/ 'di dag gi brten pa mtshungs pa dang/ de dag dang mtshungs par ldan pa ni nges pa'o/ /gzugs la sogs pa ni so so'i rgyud la brten pa mtshungs ba dang/ de dag dang mtshungs pa nyid du gnas so/ /rnam par shes pa las byed pa gzhan med pa'i phyir/ gzhan dag la ni brten pa mtshungs pa de dag /de dag dang mtshungs pa zhes ma brjod do// //phung po lnga'i rab tu byed pa bye brag tu bshad pa/ slob dpon blo gros brtan pa s+thi ram tis mdzad pa /rdzogs so// //phung po lnga'i rnam par 'grel pa yon tan 'od kyis mdzad pa bzhugs so/ /*/ /rgya gar skad du/ pany+tsa skand+ha? bi ba raN /bod skad du /phung po lnga'i rnam par 'grel pa/ bam po dang po/ /'jam dpal gzhon nur gyur pa la phyag 'tshal lo/ /phung po lnga zhes bya ba 'di ni chos
- 61a
mngon pa'i bstan chos so/ /bstan chos 'di la thog mar 'brel ba dang/ dgos pa dang/ rang gi ston pa la mchod par brjod pa dang gsum bsnyad par bya'o/ /mchod par brjod pa ni mdzod kyi bstan chos la sogs pa las smos pa de nyid 'dir blta bar bya ste /bsam pa des na slob dpon gyis 'dir mchod par brjod pa ma byas so/ /'di'i 'brel pa ni bcom ldan 'das kyis chos mngon pa stong phrag brgya pa la sogs pa gsungs pa de srog chags rnams kyis rtogs par mi nus pas de'i phyir nas ji ltar bstan chos nyung dus srog chags rnams kyis chos mngon pa khong du chud par 'gyur snyam pa 'di ni 'brel pa'o/ /'di'i dgos pa ni chos rab tu rnams par 'byed pa'i phyir te /chos ni 'dir zag pa dang bcas pa dang/ zag pa med pa'i phung po lnga dag go /de dag rang gi mtshan nyid dang/ spyi'i mtshan nyid du bye brag tu 'byed pa ni rab tu rnam par 'byed pa ste /'phags pa'i lam dang sbyar ro/ /de ci'i phyir zhe na/ chos rnams rab tu rnam 'byed med par nyon mongs rnams/ gang phyir nye bar zhi bar bya ba'i thabs med la zhes bya ba dang/ bcom ldan 'das kyis kyang chos gcig mngon par ma shes shing yongs su ma shes na yang yang dag par sdug bsngal zad par 'gyur bar ba de mi smra'o zhes gsungs pa lta bu ste/ mngon par ma shes pa ni mthong ba'i lam gyis mngon par ma shes pa'o/ /yongs su ma shes pa ni bsgom pa'i lam gyis yongs su ma shes pa ste/ de ltar dgos pa 'thad do/ /de la chos mngon pa ni mdor bsdu na rnams pa gnyis su blta ste /tha snyad pa dang don dam pa'o// de la don dam pa ni zag pa med pa'i phung po lnga ste /tshul khrims kyi phung po dang/ ting nge 'dzin gyi phung po dang/ shes rab kyi phung po dang /rnam par grol ba'i phung po dang rnam par grol ba'i ye shes mthong ba'i phung po'o/ /tha snyad pa ni shes rab
- 61b
mtshungs par ldan pa dang bcas pa ste/ thos pa las byung ba dang/ bsams pa las byung ba dang/ bsgoms pa las byung ba dang/ skye bas thob pa dang/ bstan bcos te/ de ltar 'di ni rgyas par bya na rnam pa drug gi bdag nyid la tshos mngon pa zhes bstan pa yin no/ /nges pa'i tshig tu bya na mya ngan las 'das pa la mngon du phyogs pa'i chos dang/ rang dang spyi'i mtshan nyid la mngon du phyogs pa'i chos la chos mngon pa zhes brjod do/ /'dir bstan chos su 'dod pa gang zhe na /de'i don gyi yi ge'i rnam pa dang /sgra'i spyi'i ste mi ldan pa'i 'du byed dang sbyar ro/ /nges pa'i tshig gi tshul du na nyon mongs pa'i dgra 'chos pa dang/ ngan 'gro dang/ srid pa'i 'jig pa las skyob pa'i phyir bstan bcos ste /de lta yin pas mngon par mthong ba dang/ nges par legs pa rab tu bstan par 'gyur ro zhes brjod par 'gyur ro/ /ngan 'gro las skyob pas ni /mngon par mtho ba rab tu bstan par 'gyur ro/ /nyon mongs pa'i dgra 'chos pa dang/ srid pa las skyob pas ni nges par legs pa rab tu bstan par 'gyur te/ slob dpon 'phags pa lhas kyang /nyon mongs dgra rnams ma lus 'chos pa dang/ /ngan 'gro srid las skyon pa gang yin te/ /'chos skye ba yon tan phyir yang bstan bcos te/ /gnyis po 'di dag gzhan gyi lugs la med/ /ces brjod pa lta bu'o/ /de la phung po lnga ni gzugs kyi phung po dang/ tshor ba'i phung po dang 'du shes kyi phung po dang/ 'du byed kyi phung po dang/ rnam par shes pa'i phung po'o/ /ci'i phyir phung po'i go rims 'di ltar mdzad /smras pa/ gzugs ni thogs pa dang bcas pa dang/ rnam par shes pa'i tshogs lnga'i gnas yin pa dang/ rnam par shes pa'i tshogs drug gi dmigs pa yin pa'i phyir/ gzugs ni thams cad pas chos rags pa ste /de'i phyir de thog mar smos kyi tshor ba la sogs pa ni ma yin no/ /tshor ba ni rgyu ba rags pa'i phyir
- 62a
gsum pas ches rags te /'di ltar 'jig rten nang glang pa na'o/ /da glad pa phyed na'o zhes tha snyad du bya'o/ /'du shes ni mtshan mar 'dzin pa ste /rnam par shes par sla ba'i phyir gnyis pas ches rags pa ste /'jug pa shin tu rtogs par sla ba'i phyir ro zhes bya ba'i tha tshig go /'du byed rnams ni mngon par 'du byed pa'i mtshan nyid yin pas 'dod chags la sogs pa kun tu 'byung ba gsal bar rtogs pa'i phyir rnam par shes pa bas ches rags so rnam par shes pa ni shin tu phra ba'i phyir tha mar bstan to/ /yang na snod la sogs pas phung po'i go rims bstan te/ gzugs kyi phung po ni snod lta bu'o/ /tshor ba'i phung po ni zas lta bu ste /tshor ba ni sems can gyi lus la phan pa dang/ gnod pa byed pa'i phyir zas dang 'dra ste/ de ni myang bar bya ba'o/ /'du shes kyi phung po ni tshod ma lta bu ste /dgra dang mdza' shes dang tha mal par bde ba la sogs par mtshan mar 'dzin pa dang 'dra ba'i phyir ro/ /'du byed rnams ni byan po lta bu ste /'de'i dbang gis 'dod ba dang mi 'dod pa'i rnam par smin pa mngon bar 'grub pa'i phyir ro/ /rnam par shes pa ni za ba lta bu sta /de dag la bdag tu 'dzin pa'i phyir ro/ /sdug bsngal dang bde ba rnam par shes te /rnam par shes pa'i phyir rnam par shes pa zhes bya'o/ /yang na kun nas nyon mongs pa'i dbang du byas nas rim par gzhag ste/ 'di ltar thog ma med pa can gyi 'khor ba na skyes pa dang/ bud med rnams phan tshun mngon par dga' ste /kha dog dang dbyibs la mngon par dga' zhes bya ba'i tha tshig go /de'i phyir gzugs kyi phung po las thog mar kun nas nyon mongs pa 'byung bas gzugs kyi phung po thog mar smos so/ /de'i sgo nas tshor ba la chags te /de la chags ba ni tshor ba'i ro myong ba'i phyir te /mngon par dga' ba'i phyir ro zhes bya ba'i tha tshig go /de la chags pa ni bde ba'i tshor ba la mngon par chags pa ste/ de la mngon par dga' ba yin pas de'i 'og tu tshor
- 62b
ba'i phung po smos so/ /tshor ba'i sgo nas 'du shes phyin ci log byung ste /ji lta zhe na/ bde ba la sogs par mtshan mar 'dzin pa'i phyir/ zhes bya ba'i tha tshig ste/ de'i phyir de'i 'og tu 'du shes kyi phung po'o/ /phyin ci log de nyid nyon mongs pa dang sbyar te /'du byed kyi phung po la gnas pas de'i 'og tu 'du byed kyi phung po bstan to/ /nyon mongs rnams kyi 'gro ba la sogs par rnam par shes pa kun nas nyon mongs par 'gyur ba'i phyir te phyis bstan to/ /go rims bshad zin to/ /ci'i phyir phung po lnga kho na ste /mi mang mi nyung ba 'di brjod dgos so/ /smras pa/ 'di ltar phung po lnga po dag nyid kyis bdag gi ba'i dngos po dang bdag gi dngos po brjod de /de la bdag gi ba'i dngos po ni phung po bzhis brjod de/ gzugs dang tshor ba dang/ 'du shes dang/ 'du byed ces bya ba rnams kyis so// ji lta zhe na/ gzugs kyi phung pos ni yongs su 'dzin pa dang bcas pa lus kyi bdag nyid kyi dngos po brjod do/ /tshor ba'i phung pos ni longs spyod kyi bdag nyid kyi dngos po brjod do/ /'du shes kyi phung pos ni tha snyad kyi bdag nyid kyi dngos po brjod do/ /'du byed kyi phung pos ni chos dang chos ma yin pa'i mngon par 'du byed pa'i bdag nyid kyi dngos po brjod do/ /rnam par shes pa'i phung pos ni de dag gi gnas kyi bdag nyid kyi dngos po brjod do/ /'di ltar 'jig rten pa la cher rnam par shes pa la ni bdag nyid du 'dzin lhag ma rnams la ni bdag gir 'dzin te /de'i phyir phung po lnga nyid du 'thad do/ /de ltar 'di lta bu'i rang bzhin can gang yin pa'i bdag de khas len na grangs can dag rtag pa dang/ yan lag med pa dang/ byed pa po ma yin gyi zab po la sogs par smra ba dang/ bye brag pa dag byed pa po dang za ba bo la sogs par smra ba dang/ gcer bu pa dag bum pa'i mar me bzhin du zhum pa dang rgyas par smra ba ji ltar 'thad de/ de skad smra bdag gi ltar na dge ba dang mi dge ba'i las kyi 'bras bu med par 'gyur ro/ /ci'i phyir zhe na bdag rtag pa'i phyir
- 63a
te/ dge ba dang mi dge ba'i las de dag gis bdag la phan pa dang gnod pa zhig bya grang na phan pa dang gnod pa gnyis yang bdag la mi 'byung ste /nam mkha' ltar rtag pa'i phyir ro/ /ji ltar na nam mkha' rtag pa 'gyur pa med pa la phan pa dang gnod pa med pa de bzhin du bdag la yang dge ba dang mi dge ba'i las kyi 'bras bu don med par 'dir 'thad do/ /yang smras ba /mkha' la 'char nyis ci zhig bya/ /de gnyis 'bras bu pags la yod/ /gal te phags 'dra de mi rtag /gal te mkha' 'dra 'bras bu med/ /yang na bya rog gi so brtag pa lta bu 'dis ci zhig bya /dkyus ma la 'jug par bya'o/ /de la phung po lnga ni chos mngon pa'i bstan bcos so/ zhes smras pa de la thog mar gzugs kyi phung po bstan bas de'i mchan nyid bstan pa 'ba' zhig la brtsom mo/ /de la smras pa/ gzugs gang zhe na /gzugs gang yin pa ci yang rung ste/ de dag thams cad 'byung ba chen po bzhi dag dang 'byung ba chen po bzhi dag rgyur byas pa'o/ /'di ni gzugs kyi phung po mdor bsdus pa'o/ /'byung ba chen po bzhi zhes bya ba'i don gang yin /ci zhig the tshom za zhe na/ 'byung ba'i sgra ni don du mar 'jug pa'i phyir te /'di lta ste/ 'byung ba'i sgra ni skye ba la yang yod de/ zas bzhi ni sems can 'byung po rnams gnas par bya ba'i phyir ro/ /zhes 'byung ba'i phyir te skye ba zhes bya bar mngon no/ /bden pa la yang yod de/ yang dag par smra ba zhes bya ba'i phyir ro/ /yod pa la yang yod de /bdag ji ltar gyur pa bzhin du brjod pa'o/ /sems can la yang yod de/ 'byung po rnams la dbyig pa spangs nas zhes bya ba'o/ /'das pa rnams la yang yod de/ sngon byung ba zhes bya ba'o// mi ma yin pa la yang yod de/ 'dir ni 'byung po gang dag 'ongs gyur na zhes bya ba dang de bzhin du 'byung pos zin to/ /'byung po yi chad do zhes bya'o/ /cung zad ma rdzogs la yang yod de/ pha dang 'dra zhes bya ba'o/ /'dir 'byung ba'i sgra gang la bya zhe na/
- 63b
? la sogs pa la blta ste /'byung ba chen po bzhi dag go /bzhi gang zhe na/ sa'i khams dang/ /chu'i khams dang/ me'i khams dang /rlung gi khams so zhes bya ba'i phyir ro/ /skye dang bden dang de bzhin yod/ /sems can 'das dang mi ma yin/ /cung zad lus dang sa la sogs/ /'byung ba'i sgrar ni ma nges pas rtogs/ /de dag ni 'byung ba yang yin la chen po yang yin pas 'byung ba chen po dag go /de dag gi che ba ni de las gzhan pa rgyur byas pa'i gzugs kyi gnas yin pa'i phyir ro/ /yang na sa dang chu dang me dang rlung gi phung po drug gi shes che ba la brten pa dang/ sdud pa dang smin par byed pa dang/ g.yo ba'i skabs kyi las kyis chen por gnas par 'gyur ba'i phyir ro/ /yang na sa chen por gnas par snang ba nyid do/ /chu dang me dang rlung ni 'jig pa gsum gyi tshe chen por gnas pa nyid du gsal te/ 'di ltar mes 'jig pa na bsam gtan dang po'i bar du tshig go /chus 'jig ba na bsam gtan gnyis pa'i bar du g.yengs so/ /rlung gis 'jig pa na bsam gtan gsum pa'i bar du 'jig go /'byung ba zhes bya ba'i don gang yin /'byung ba sna tshogs 'grub pa la de dang de dag gi rnam par 'byung ba'i phyir 'byung ba dag go/ yang na 'byung ba'i phyir 'byung ba ste /'byung ba yod par byed pa'i phyir 'byung ba dag pa ste /'byung ba'i yod pa rgya cher byed ces bya ba'i tha tshig go /khams zhes bya ba'i don gang yin zhe na/ rang gi mtshan nyid dang rgyur byas pa'i gzugs 'dzin pa'i phyir khams so/ /de la sa'i khams gang zhe na/ sra ba nyid do zhes bya ba ni gang lus la sra ba yod pa gang yin pa de sa'i khams so/ /chu'i khams gang zhe na/ gsher ba nyid do zhes bya ba ni gang lus la mnyan par byed pa'o/ /me'i khams gang zhe na /tsha ba nyid do zhes bya ba ni gang lus la dro ba nyid yod pa'o/ /phyi rol gyi 'byung ba chen po rnams la yang mtshan nyid de ltar blta bar bya'o/ /rlung gi khams gang zhe na/ yang zhing g.yo ba nyid do//
- 64a
zhes bya ba la yang ba nyid kyis chog gi /g.yo ba smos ci dgos /smras pa/ rgyur byas pa'i gzugs kyang yang ba zhes bya ba'i phyir ro/ /de ltar na g.yo ba nyid ces bya bas chog mod /de ltar na yang sems pa la yang thal du 'ong ste/ sems pa yang g.yo ba'i bdag nyid yin pa'i phyir ro/ /de lta bas na chos gnyi ga gsal ba'i phyir chos gang yang ba nyid du gyur cing g.yo ba'i bdag nyid yin pa ni rlung gi khams zhes bya'o/ /g.yo ba ni skyod pa ste/ gang yul gzhan du phyin par byed ces bya ba'i tha tshig go/ 'o na lnga pa nam mkha' ji ltar 'byung ba chen po ma yin zhe na/ 'byung ba'i mtshan nyid du mi 'thad pa'i phyir te /'byung ba dag ni sems can rnams la phan pa dang/ gnod pa byed pa yin na nam mkha' ni de lta bu ma yin te/ snod dang zhig pa la bye brag med pa'i phyir ro// gzhan yang 'byung ba chen po dag ni sa bon la sogs pa'i gnas skabs las 'gyur ba na myu gu'i gnas skabs kyi rkyen gyis dngos por 'gyur na /nam mkha' ni rtag pa'i phyir de ltar 'gyur ba ma yin te /dngos po gzhan skyed pa ma yin no/ /de'i phyir 'byung ba chen po ma yin te /de bas na lus ni 'byung ba chen po bzhi po nyid du 'thad do/ /'byung ba chen po dag bshad zin to/ /de dag ni phan tshun med na mi 'byung ba nyid du blta ste /ji lta zhe na /shing dang/ jo la sogs pa la spung pa dang/ me 'byung ba dang/ 'phel ba dang/ ltung ba yod pas chu dang me dang rlung dang ldan par mngon no/ /chu la yang gru 'dzin pa dang/ dro ba dang/ g.yo pa dmigs pas sa dang me dang rlung dang ldan par mngon no/ /me lce la yang 'degs pa dang/ sdud pa dang /g.yo ba dmigs pas sa dang chu dang/ rlung dang ldan par mngon no/ /rlung la yang 'degs pa dang/ grang ba dang tsha ba'i reg pa dmigs pas sa dang chu dang me dang ldan par mngon no/ /'dir dpe ni phye dang la na tshwa dang/ phye ma dang/ skom sbyar ba lta bur blta bar bya'o/ /de ni rgyur byas pa'i
- 64b
gzugs brjod par bya ste /de'i phyir smras pa /rgyur byas pa'i gzugs gang zhen zhes bya ba ste /de yang rnam pa bcu gcig nyid do/ /ji lta zhe na dbang po lnga dang/ yul lnga dang rnam par rig byed ma yin pa zhes bya ba'o/ /de la 'byung ba chen po bzhi ni gzugs skye ba na rnam pa lngas rgyur 'gyur te/ skyed pa dang gnas pa dang/ brten pa dang/ rton pa dang/ 'phel bar byed pa zhes bya ba'o/ /de la skyed pa'i rgyu ni skye ba'i rgyu nyid de/ de dag med na mi 'byung ba'i phyir ro/ /gnas kyi rgyu ni rten gyi rgyu nyid de/ 'byung ba dag bor na rgyur byas pa'i gzugs logs shig du yul na gnas pa'i mthu med pa'i phyir ro/ /rten gyi rgyu ni rjes su 'jug pa'i rgyu nyid de 'byung ba dag gyur na de la brten pa rgyur byas pa'i gzugs kyang 'gyur ba'i phyir ro/ /rton pa'i rgyu ni gnas pa'i rgyu ste /'dra bar 'byung ba'i dus na 'byung ba rnams kyis rgyur byas pa'i gzugs kyi rgyun mi 'chad pa'i tshul du 'dzin pa'i phyir ro/ /'phel bar byed pa'i rgyu ni 'phel ba'i dus na 'byung ba rnams kyi rgyur byas pa'i gzugs rtas par byed pa'i phyir ro/ /de ltar na 'byung ba chen po bzhi po de dag ni rnam pa lngas rgyur byas pa'i gzugs rnam pa bcu gcig gi rgyu yin no/ /de la mig gi dbang po gang zhe na/ yul kha dog gzugs dang ba'o/ /blta bas na mig ste/ dbang byed pa'i don ni dbang po'i don to/ /de dag gang zhig gang la dbang byed ce na mig gi dbang po ni mig gi rnam par shes pa mtshungs par ldan pa dang bcas pa 'byung ba na dbang byed do/ /rna ba'i dbang po ni rna ba'i rnam par shes pa mtshungs par ldan pa dang bcas pa 'byung ba na dbang byed do/ /de bzhin du sna dang lce dang lus kyi dbang po rnams kyang sna dang lce dang lus kyi rnam par shes pa mtshungs par ldan pa dang bcas pa 'byung ba na dbang byed do/ /yul kha dog gzugs dang ba zhes bya ba ni yul gzugs kyis yul can mig gi dbang po ston to/ /dbang po de ni dang ba'i bdag nyid do/ /gzugs dang ba zhes bya ba ni mig gi 'bras bu phyogs gsal ba ste /zhog chu lta bu'o/ /gang yod na mig gi rnam par shes pa 'byung gi med
- 65a
na mi 'byung ba de ni mig gi dbang po 'khrugs dang ba'i bdag nyid du rig par bya'o/ /rna ba'i dbang po gang zhe na /yul sgra gzugs dang ba'o/ /zhes bya ba ni yul sgras yul can rna ba'i dbang po ston to/ /dbang po de ni dang ba'i bdag nyid de /gzugs dang bzhes bya ba ni rna ba'i 'brug gi phyogs gsal ba de /zhog chu dang blta bu'o/ /gang yid na rna ba'i rnam par shes pa 'byung gi med na mi 'byung ba de ni rna ba'i dbang po'i gzugs dang ba'i bdag nyid du rig par bya'o/ /de bzhin du sna'i dbang po ni sna'i tshigs kyi nang rol na'o// lce'i dbang po ni lce'i dbus na skra'i rtse mo tsam ma gtogs so/ /gzhan dag na re zla ba kham pa lta bu'o zhe'o/ /lus kyi dbang po ni thams cad du khyab bo/ /gal te de lta na gang la lce'i dbang po yod pa de la lus kyi dbang po yang yod do zhe na /gang gi yul drug pa'o mnyam par gyur na/ lce'i dbang po yul lngar 'dzin to /za 'dod bas phung po'i rgyun za 'dod bar chums ba'i phyir ro/ /dbang bo rnams bshad zin to/ /yul lnga brjod par bya ste smras pa /gzugs gang zhe na /mig gi yul te/ kha dog dang dbyibs dang rnam par rig byed do/ /zhes bya ba ni 'dir yul can dbang po'i yul ston te /mig gi dbang po'i spyod yul gyi don gang yin pa de gzugs zhes bya ba'i tha tshig go /de la kha dog ni rnam pa bzhi ste /sngon po dang ser po dang/ dmar po dang dkar po'o/ /de'i dbye ba ni 'di lta ste /grib ma dang /nyi ma dang snang ba dang /mun pa dang /sprin dang du ba dang /rdul dang /khug rna dang /nam mkha' o/ dbyibs ni rnam pa brgyad de /lham ba dang /zlum bo dang/ mtho ba dang /dma' ba dang /phya le ba dang /phya le bam yin pa dang /ring po dang /thung ngu'o/ lham ma ni gru bzhi pa'o/ /kun tu dkyil 'khor ni zlum pa'o/ /ril sogs pa ni mtho ba'o/ /khron pa la sogs pa ni dma' ba' o/ /dbyibs mnyam pa ni phya le ba'o/ /dbyibs mi mnyam pa ni phya le ba ma yin ba'o/ /ring po dang /thub du ni bltos pa'o/ /gal te bltos
- 65b
pas tha dad pa'i phyir yongs su mi 'grub bo zhe na /ltos pas tha dad par mi rung ba med de /pha dang bu bzhin no/ /dper na pha la bltos nas nam du yang bu phar mi 'gyur/ bu la bltos nas nam du yang pha bur mi 'gyur ba de bzhin du gang la bltos nas gang ring ba de de la bltos nas nam du yang thung ngur mi 'gyur ro/ /gang la bltos nas thung ba de de la bltos nas nam yang ring bor mi 'gyur te /ring po dang thung ngur 'thad do/ /gzugs bshad zin to/ /de ni sgra brjod par bya ste /de smras pa /sgra gang zhe na /rna ba'i yul te zin pa dang /ma zin pa dang /gnyis ka'i ste /'byung ba chen po'i rgyu las byung ba'o/ /zin pa zhes bya ba'i don gang zhe na /sems dang sems las byung ba rnams kyis rten gyi dngos bor gzung ba ste phan pa gnod pa gnyis kyis phan tshun rjes su 'jug pa'i phyir 'jig rten na gang sems yod pa de zin pa zhes brjod do/ /de ltar zin pa'i 'byung ba chen po rnams kyis bskyed pa'i sgra de zin pa'i 'byung ba'i rgyu las byung ba zhes bya ste /lag ba dang ngag gi sgra'o/ /ma zin pa'i 'byung ba chen bo'i rgyu las byung ba ni rlung dang nags tshal la sogs pa'i sgra'o/ /gnyi ga'i sgra 'byung ba chen po'i rgyu las byung ba ni lag pa dang rnga la sogs pa'i sgra'o/ /de yang bshad pa'i bye brag gi rnam pa bzhir 'gyur te /'jig rten gyi grags pa dang /yongs su brtags pa dang / grub bas bstan pa dang/ tha snyad btags pa'o/ /'jig rten gyi grags ba ni 'jig rten pa'i brjod pa ste /'di lta ste/ bum pa dang/ snam bu dang shing rta zhes bya ba la sogs pa'o/ /yongs su brtags pa ni mu stegs can rnams kyis brjod pa ste /'di lta ste gtso bo ni byed pa zhes bya ba la sogS pa'o/ /grub pas bstan ba ni 'phags pas bstan pa ste/ 'du byed thams cad ni mi rtag pa'o zhes bya ba la sogs tha snyad ba ni 'phags pa dang /'phags pa ma yin pa'i ste /mthong ba dang ma mthong ba la sogs pa'i tha snyad kyi dbang du byas par rig par bya'o/ /
- 66a
grub ba'i mdza' las ni rna ba'i yul 'byung ba chen po bzhi las grub pa'i gzugs zhes 'byung ngo/ /sgra bshad zin to/ /dri gang zhe na /sna'i yul ste /dri zhim pa dang /dri nga ba dang /de las gzhan pa'o/ /dri zhim pa ni gang bsnams na phung po'i rgyun rgyas bar 'gyur ba'o/ /dring ba ni gang bsnams na phung po rgyun nyams par 'gyur ro/ /dri mnyam ba ni gang de gnyi gar mi 'gyur ba'o/ /de yang lhan cig skyes pa dang sbyar ba dang gyur ba'o/ /dri bshad zin to/ /ro gang zhe na /lce'i yul ste /mngar ba dang /skyur ba dang/ lan tsha dang/ tsha ba dang /kha ba dang/ bska ba zhes bya ba'o/ /myang bar bya ba'i phyir ro zhes bya ba ste /ro myang ba zhes bya ba'i tha tshig go /de la mngar ba ni bur ma dang /sha kha ral sogs pa'o/ /skyur ba ni /tsha dang skyur rtsil sogs pa'o/ /lan tsha ni lan tsha lnga'o/ /tsha ba ni tsha ba gsum mo/ /kha ba ni pa to la'i lo ma la sogs pa'o/ /bska ba ni shing 'dzam bu shun ba la sogs ba'o/ /de yang yid du 'ong ba dang/ yid du mi 'ong ba dang/ gnyi ga ma yin pa dang/ lhan cig skyes ba dang /sbyar ba dang gyur pa'o/ /ro bshad zin to/ /reg bya'i phyogs cig gang zhe na /lus kyi yul ste /'byung ba chen po bzhi gzhag ste /'jam ba dang /rtsub pa dang /lci ba dang /yang ba dang /grang ba dang /bkres pa dang /skom pa'o zhes bya ba la 'jam pa ni mnyan zhing mnan bar 'os ba ste /pags pas bshud nas de rtogs ba'i phyir ro/ /rtsub pa ni rod rod po ste /reg bya tsam du zad cing bzung bas reg ba'i phyir ro/ /lci ba dang yang ba ni srang gis bcal bas de rtogs pa'i phyir ro/ /grang ba ni rlung gi 'dus te reg pa'i phyir te /de ni dro ba 'dod bar byed pa'o/ /bkres ba ni za 'dod pa'o/ /skom pa ni 'thung? 'dod pa'o/ /gal te de lta na bkres pa dang/ skom pa ni sems las byung ba yin pa'i phyir rgyur byas pa'i gzugs su mi 'grub bo/ smras pa /rgyu la 'bras bu gdags phyir te /dper na sangs rgyas rnams ni 'byung ba bde/ /chos bstan ba yang bde ba'o//
- 66b
dge 'dun mthun pa bde ba yin/ /mthun pa rnams kyi dka' thub bde /zhes bya ba lta bu ste/ 'di la me dang rlung gi shas che ste /zas dang skom la bzhu skabs nas lus nyam dma' ste /me dang rlung zhes bya ba'i reg bya de la brten nas 'bras bur gyur pa /gnyen po 'dod pas bkres pa dang /skom pa 'byung ste/ rgyu reg bya de la bkres pa dang skom pa gdags so/ /de ltar rig bya rnam pa bdun po 'di dang /gong du smos pa 'byung ba chen po gzhi dang 'di dag ni bcu gcig gi bdag nyid yin no/ /da ni rnams par rig byed ma yin pa brjod par bya ste/ de smras pa /rnam par rig byed ma yin pa gang zhe na/ rnam par rig byed dang /ting nge 'dzin las byung ba'i gzugs te /bstan du med pa la thogs pa med pa'o/ /gzugs dang bya ba'i rang bzhin yin du zin kyang /rnam par rig byed bzhin du gzhan la rnam par rig bar mi byed pas na /rnam par rig byed ma yin pa'o/ /rnam par rig byed las byung ba zhes bya ba ni rnam par rig byed gnyis te/ lus kyi rnam par rig byed dang/ dag gi rnam par rig byed do/ /de yang dge ba dang mi dge ba ste/ dge ba ni srog gcod pa dang/ ma byin par len pa dang / 'dod pa log par g.yem pa dang / brdzun du smra ba dang /phra ma dang tshig 'khyal ba dang / dag rtsub mo spangs pa'i sems zhes bya ba'o/ /sems nyid las yin te / bcom ldan 'das kyis bka' stsal ba/ dge slong dag sems pa ni las sung smra'o zhes gsungs pa lta bu'o/ /des bskyed pa'i rnam par rig byed ma yin pa ni dge bdag go /mi dge pa'i rnam par rig byed ni srog gcod pa nas tshig 'khyal pa zhes bya ba'i bar gyi sems pa ste /des bskyed pa'i rnam par rig byed ma yin pa ni /mi dge bdag go /ting nge 'dzin las byung ba'i rnam par rig byed ma yin pa ni bsam gtan bzhis bskyed pa'i rnam par rig byed ma yin pa gang yin pa de ni ting nge 'dzin las byung ba'o/ /de ltar rnam par rig byed ma yin pa 'di ni sdom pa dang sdom pa ma yin
- 67a
pa zhes bya ba rgyur byas pa'i gzugs yin te/ las kyi bag chags zhes bya ba'i tha tshig go /rnam pa du ma'i de dag kyang gzugs rnam pa gsum du gyur te/ bsnyan du yod la thogs pa dang bcas pa dang /bstan du med la thogs pa dang bcas pa dang/ bstan du med la thogs pa yang med pa'o/ /de la bstan du yod la thogs ba dang bcas ba ni kha dog dang dbyibs dang /rnam par rig byed do/ /yul bstan pas 'di ni 'di na'o/ /pha gi ni pha gi na'o/ /zhes bstan du rung ba'i phyir ro/ /bstan du med la thogs pa dang bcas pa ni mig dang/ rna ba dang/ sna dang lce dang /lus kyi dbang po dang /sgra dang/ dri dang/ ro dang/ reg bya'o zhes bya ba'o/ /bstan du med la thogs pa med pa ni rnam par rig byed ma yin pa'i gzugs so/ /ci'i phyir rnam par rig byed ma yin pa'i bar 'di la gzugs kyi phung po zhes bya zhe na /gzugs su yod pa'i phyir gzugs te / bcom ldan 'das kyis bka' stsal pa/ dge slong dag gzugs su rung zhing gzugs su rung bas de'i phyir gzugs nye bar len pa'i phung po zhes bya'o/ /ces gzugs su rung zhe na /gzugs rnam pa gnyis kyis gzug te /rig pas gzugs su rung ba dang yul brtags pas gzugs su rung ba ste reg pas gzugs su rung ba gang zhe na /lag pa'i 'dus te reg pas reg pa dang / dbyig pa'i 'dus te reg pa dang /grang ba dang /bkres pa dang /skom pa dang /sprang bu dang sha sbrang dang /rlung dang/ nyi ma dang /sdig sprul rnams kyis rag na gnod par 'gyur ba'o/ /yul brtags pas gzugs su rung ba ni gzugs 'di dang 'di zhes bya ba dang gzugs 'di lta bu dang 'di lta bu zhes bya ba ste /mnyam bar bzhag pa'i yid dam /mnyam par mi bzhag pa'i yid rtog pa dang /mtshungs par ldan pas mngon par rtags pa 'dzin pa'o/ /yul zhes bya ba mngon sum du gyur ba'i phyogs la 'di dang 'di zhes bya ba dang /keng rus la sogs pa zhes bya ba'i dngos po dang 'dra ba'i gzugs brnyan la 'di lta bu dang
- 67b
'di lta bu zhes bya ba ni kha dog dang /dbyibs kyi bye brag go /mngon rtags su 'dzin zhes bya ba ni de bzhin du shes pa'o/ /de skad du don gyi sde tshan las kyang gsungs te /gal te 'dod pa tshol byed cing/ /'dod pa skyes pa'i lus can de/ /'dod pa de dag ma 'byor na/ khrug nrgu zug bzhin gnod par gyur /zhes gsungs te /sems dang ldan pa la ni gnod par rung na sems med pa la ni ji ltar gnod par rung smras pa gyur pa byung ba na gzhan dang gzhan du 'gyur zhes bya ba'i tha tshig go /gzugs kyi phung po bshad zin to/ /tshor ba brjod par bya ste /de smras pa /tshor pa gang zhe na/ myong ba rnam pa gsum ste /bde ba'i sdug bsngal ba dang/ sdug bsngal ba yang ma yin bde ba yang ma yin pa ste zhes bya ba ni tshor ba'i phung po zhes bya ba'i tha tshig go /rnam pa gsum zhes bya ba ni mdor bsdu na rnam pa gsum zhes bya ba'i tha tshig go /myong ba zhes bya ba ni nyams su myong bas na myong ba'o/ /yang na myong bar byed pas na myong ba'o/ /bde ba ni gang 'gag na phrad par 'dod pa'o zhes bya ba la bde ba myong ba 'gags pa ni med par gyur pa'o/ /phrad par 'dod pa ni myong bar 'dod pa'o/ /sdug bsngal ni gang byung na bral bar 'dod pa'o zhes bya ba la bral ba ni so sor gyes pa'o/ /'dod pa ni mngon par 'dod pa'o/ /sdug bsngal ba yang ma yin bde ba yang ma yin pa ni gang byung na gnyi gar 'dod par mi 'gyur ba'o/ /zhes bya ba ni phrad par yang mi 'dod 'bral bar yang mi 'dod ces bya ba'i tha tshig go / tshor ba ni gnas dang rang bzhin dang /gnas bsdu ba dang/ kun nas nyon mongs pa dang /rnam par byang bas rnam par bzhag te /de la gnas ni mig gi 'dus te reg pa las byung ba nas yid kyi 'dus te reg pa las byung ba'i tshor ba'i bar du'o/ /rang bzhin ni bde ba dang sdug bsngal dang /sdug bsngal ba yang ma yin bde ba yang ma yin ba'o/ /gnas bsdu ba ni gzugs can dang /gzugs med par gnas bsdu ba ste /gzugs can du gnas bsdu ba ni rnam par shes pa lnga dang /mtshungs par ldan pa lus kyi tshor ba'o/ /gzugs
- 68a
med par gnas bsdu ba ni sems kyi tshor ba ste /yid kyi rnam par shes pa dang mtshungs bar ldan no/ /kun nas nyon mongs pa ni zang zing dang bcas pa'i tshor ba dang zhen pa la gnas pa'o/ /zang zing dang bcas pa ni lus la sred pa dang ldan pa'o/ zhen pa la gnas pa ni 'dod pa'i yon tan lnga la sred pa dang ldan pa'o/ /'dod pa'i yon tan lnga ni gzugs dang /sgra dang dri dang ro dang reg bya zhes bya'o/ /'dod par byed pas 'dod pa ste/ don du gnyer zhes bya ba'i tha tshig go /rnam par byang ba ni zang zing med pa dang / mngon par 'byung ba la brten pa ste /zang zing med pa ni bdag la sred pa dang bral zhes bya ba'i tha tshig go /mngon par byung ba la brten pa zhes bya ba la mngon par 'byung ba ni zag pa zad pa'i lam mo/ /de la brten pa'i tshor ba ni mngon bar byung ba la brten pa'i tshor ba'o// de yang mtshan nyid ci zhe na /myong ba'i mtshan nyid de /myong ba rnam pa ji lta bus dge ba dang /mi dge ba'i las rnams kyi 'bras bu rnam par smin pa so sor myong ba'o/ /ji ltar so sor myong zhe na /las dge ba rnams kyi 'bras bu rnam par smin pa ni bde ba myong ba'o/ / mi dge ba rnams kyi sdug bsngal myong ba'o/ /gnyis ka rnams kyi ni 'bras bu rnam par smin pa sdug bsngal ba yang ma yin bde ba yang ma yin pa de /dge ba dang mi dge ba'i las rnams kyi kun gzhi rnam par shes pa ji lta ba bzhin no/ /tshor ba'i phung po bshad zin to/ /tshor ba'i 'og tu 'du shes brjod par bya ste /de smras pa /'du shes gang zhe na / yul la mtshan mar 'dzin pa'o zhes bya ba ste/ dmigs pa la mtshan mar 'dzin ces bya ba'i tha tshig go /de la kha cig gol te /gal te 'du shes rgol sa tshad dmigs pa la mtshan mar 'dzin pa yin na/ mchan ma med pa'i 'du shes dang /mtshan ma dang bcas pa'i 'du shes dang /chung ngu'i 'du shes dang / rgya chen por gyur pa'i 'du shes dang /tshad med pa'i 'du shes dang /ci yang med ba'i skye mched kyi 'du shes
- 68b
zhes bya ba'i mdo dang 'gal lo zhes zer ro/ /mtshan ma med pa'i 'du shes ni tha snyad la mi mkhas pa dang / mtshan ma med pa'i dbyings la snyoms par zhugs pa dang /'du shes med 'du shes med min la snyoms bar zhugs pa'i 'du shes gang yin pa pa'o/ / tha snyad pa mi mkhas ba ni mi dam bslabs bas gzugs kyi 'du shes ni yod kyi /gzugs so zhes bya bar ni mi shes pa ste /de'i phyir mtshan ma med pa'i 'du shes shes bya'o/ /mtshan ma med pa'i dbyings la snyoms par zhugs pa ni /gzugs dang ska? dang dri dang ro dang reg bya dang/ mig la sogs pa dbang po lnga po thams cad gyi mtshan ma dang bral ba'o/ /mtshan ma med pa mya ngan las 'das pa la 'du shes pa ni mtshan ma med pa'i 'du shes so/ /srid pa'i ? po la snyoms par zhugs pa ni dmigs pa la mtshan mar mang du mi byed pas mtshan ma med pa'i 'du shes so/ /mtshan ma med pa'i 'du shes bshad zin to/ /mtshan ma dang bcas pa'i 'du shes ni 'du shes gang tha snyad la mkhas pa'o/ /chung ngu'i 'du shes gang zhe na /chung ngu'i ni 'dod ba'i khams te ? pa'i phyir ro/ / de la 'du shes pa ni chung ngu'i 'du shes te /gang gis 'dod pa'i khams shes pa'o/ /rgya chen por gyur pa'i 'du shes gang zhe na /gang gi gzugs kyi khams shes pa'o/ /'di ltar gzugs kyi khams ni rgya chen por gyur pa ste /de ni mchog yin pa'i phyir ro// tshad med pa'i 'du shes gang zhe na /gang gis nam mkha' mdza' yas skye mched dang /rnam shes mdza' yas skye mched shes pa ste / de gnyis mdza' yas pa'i phyir ro/ /ci yang med pa'i 'du shes gang zhe na /gang gis ci yang med pa'i skye mched shes pa'o/ de lta bas na 'gal ba med de /chos mngon pa las dmigs pa dang rnam pa'i bye brag 'dzin pa'i 'du shes zhes 'byung ba'i phyir ro/ /gal te de ltar 'du shes kyang yongs su gcod pa'i bdag nyid yin na rnam par shes pa dang 'di gnyis bye brag ci yod /smras pa
- 69a
bye brag che ste rnam par shes pa ni gzugs la sogs pa'i don tsam 'dzin to/ /'du shes ni yul de nyid yongs su bcad nas nges par 'dzin pa ste /'di ni bye brag go /'di'i mtshan nyid ni 'dus te shes par byed pa'i mtshan nyid de/ mtshan mar 'dzin pa dang /mngon rtogs su 'dzin pa ci 'dra ba ngas ji ltar mthong ba dang /thos pa dang bye brag phyed pa dang /rnam par shes pa'i don tha snyad 'dogs pa'o/ /mthong ba gang mig gis myong ba'o/ /thos pa ni gang rna bas myong ba'o/ /bye brag phyed pa ni gang bdag gis 'di lta bu dang 'di lta bu zhes dpyod pa'o/ /rnam par shes pa ni bdag nyid kyis myong ba'o/ /tha snyad 'dogs pa zhes bya ba ni brjod pa dag gi go bar byed ces bya ba'i tha tshig go /'du shes kyi phung po bshad zin to /'du shes kyi phung po'i 'og tu 'du byed kyi phung po brjod par bya ste /'dir smras pa /'du byed rnams gang zhe na /zhes bya ba ste /'du byed kyi phung po zhes bya ba'i tha tshig go /tshor ba dang 'du shes las gzhan pa sems las byung ba'i chos rnams dang /sems dang ldan pa ma yin ba rnams so zhes bya ba'i ni tshor ba yang sems las byung ba'i chos yin la 'du shes kyang sems las byung ba'i chos yin pas de gnyis bton te /sems las byung ba'i chos gzhan gang dag reg pa dang/ yid la byed pa la sogs pa dang/ thob pa la sogs pa ldan pa ma yin pa ji snyed pa de dag thams cad 'du byed kyi phung po zhes bya ba'i tha tshig go /gal te de ltar na tshor ba dang 'du shes gnyis sems las byung bar 'dra ba las ci'i phyir phung po re rer byas la /reg pa dang yid la byed pa la sogs pa phung po re rer ma byas /smras pa /tshor ba dang 'du shes gnyis phung po re rer so sor bya dgos te /ci'i phyir zhe na /rtsod pa'i rtsa ba dang /'khor ba'i rgyur gyur pa'i phyir ro/ /rtsod pa'i rtsa ba gnyis te /'dod pa la
- 69b
lhag par zhen pa dang /lta ba la lhag par zhen pa'o/ /ji skad du 'dod pa la 'dod chags pa dang lhag par zhen pa dang /rnam par bcings pa dang/ yongs su zhen pa dang /kun tu 'dod chags pa'i rgyus khyim pa rnams dang khyim pa rnams rtsod do /lta ba la 'dod chags pa dang lhag par zhen pa dang /rnam par zhen pa dang /rnam par bcings pa dang /yongs su zhen pa dang /kun tu 'dod chags pa'i rgyus rab tu byung ba rnams dang / rab tu byung ba rnams rtsod do zhes gsungs ba lta bu'o/ /de la snga ma ni tshor bas bskyed pa'o/ cig shos ni 'du shes kyis bskyed pa'o/ /tshor ba la ro myong ba'i dbang gis 'dod pa rnams la mngon par chags so/ /'du shes phyin ci log gi dbang gis bdag tu lta ba ste /chos ma yin pa la chos su 'du shes pa dang /bdag med pa la sogs pa la bdag tu 'du shes ba ni lta ba de dang de dag las mngon par chags so/ /tshor ba la zhen pa dang/ 'du shes phyin ci log gi dbang gi 'khor ro zhes bya ba ni sred pa la spyod pa'i tshor ba la zhen pa ni tshor ba'i dbang gis 'khor ro/ /lta ba la spyod ba ni 'du shes phyin ci log gi dbang gis 'khor ro/ /de ltar na sred pa la spyod pa'i tshor ba dang/ lta ba la spyod pa'i 'du shes ni 'khor ba'i rgyus zhes bya'o/ /yang na tshor ba la zhen pa dang /'du shes phyin ci log ces bya ba ni/ phyin ci log rnam pa bzhi'i 'du shes kyis 'khor ro zhes bya ba'i tha tshig go /de lta bas na 'di gnyis so sor phung por bye bar 'thad de /tshor ba dang /'du shes las gzhan pa /reg pa dang yid la byed pa la sogs ba 'du byed kyi phung po zhes bya na /gal te de lta na ni mong dang 'gal te /bcom ldan 'das kyis ni sems pa'i tshogs drug la 'du byed rnams te/ mig gi 'dus te reg pa las byung ba sems pa nas yid kyi 'dus te reg pa las byung ba'i sems pa'i bar du'o zhes gsungs so/ /der ni bcom ldan 'das gyis gtso bor sems pa la 'du byed du gsungs te /de ni sems mngon bar 'du byed pa'i phyir gtso bo'o/ /ji skad
- 70a
du dge ba la yang sems gtong ngo mi dge ba la yang sems gtong ngo zhes bya ba la sogs ba gsungs pa lta bu ste /de bas na reg ba la sogs ba yang 'du byed kyi phung po'i nang du 'dus par 'thad do/ /'jig rten nas yang gtso bo bstan bar mthong ste/ dper na rgyal po gshegs so zhes bya ba la rgyal po 'ba' zhig 'od ba ma yin gyis de dang ma bral ba'i glang po che dang /rta dang shing rta la sogs pa yang 'ong ste /nyes pa med do/ /de la sems las byung ba'i chos rnams kyang gang zhe na /chos gang dag sems dang mtshungs bar ldan pa rnams so/ /ci'i phyir mtshungs par ldan zhe na /mtshungs pa rnam pa lngas mtshungs par ldan bas mtshungS bar ldan ? dang dmigs pa dang /rnam pa dag dus dang rdzas mtshungs pa rnams kyis so/ /dbang bo la gnas pa'i phyir ro/ /dmigs pa la 'zin pa'i phyir ro// dmigs pa de nyid kyi rnam pa la 'dzin ba'i phyir te /sngon po la sogs pa'i rnam par zhes bya ba'i tha tshig go /mtshungs par lhan cig dus gcig tu 'byung ba'i phyir ro/ /rdzas mtshungs par ni thams cad kyang rdzas re re'i phyir te /rgyu de dag gis mtshungs par ldan ba yin no// sems ni sems gzhan dang mtshungs bar ldan pa ma yin te /mi 'phrad ba'i phyir ro/ /de dag ni reg pa nas dpyod pa'i bar du'o/ /de rnams las lnga ni kun tu 'gro ba'o/ /lnga ni yul so sor nges pa'o/ /bcu gcig ni dge ba'o/ /drug ni nyon mongs pa'o/ /lhag ma ni nye ba'i nyon mongs pa'o/ /bzhi ni gzhan du yang 'gyur ba'o zhes bya ba de la /lnga kun tu 'gro ba ni tshor ba dang /'du shes dang/ sems ba dang/ reg ba dang yid la byed ba ste /de dag ni sems can thams cad dang /dge ba dang mi dge ba dang/ lung du ma bstan ba la yang 'byung ngo/ /de la sems dge ba ni rang ba la sogs pa dang mtshungs par ldan pa'o/ /mi dge ba ni 'dod chags la sogs pa dang mtshungs par ldan pa'o/ /de gnyi ga ma yin pa ni lung du ma bstan pa'o/ /yul so sor nges pa lnga ni 'dun pa dang /mos ba dang /
- 70b
dran pa dang/ ting nge 'dzin dang /shes rab ste /mos pa gang du 'byung ba de dag don mi za bar 'dun pa dang /dran pa dang /ting nge 'dzin dang /shes rab kyang 'byung bar 'gyur te /de dag ni phan tshun med na ma 'byung ba'i phyir yul so sor nges pa zhes bya'o/ /bcu gcig dge ba ni dang gnas? rnam par mi 'che ba'i bar du'o/ /nyon mongs pa drug ni 'dod chags dang /khong khro ba dang /nga rgyal dang/ ma rig pa dang/ lta ba dang /the tshom gyi mtshan nyid do/ /nye ba'i nyon mongs pa dag ni khro ba nas shes bzhin ma yin pa'i bar du'o/ /bzhin ni gzhan du yang 'gyur ro zhes bya ba ni 'byor pa nas dpyod ba'i bar du'o/ /gzhan du zhes bya ba ni don gang /smras pa /bzhi po 'di dag ni nye ba'i nyon mongs ba 'ba' zhig ma yin te ci zhe na /dge ba dang mi dge ba dang /lung du ma bstan pa la yang 'byung ngo/ /'di ni sems las byung ba rnams bsdus pa te /mdor bsdus na lnga bcu rtsa gcig yod do/ /de la reg pa la sogs pa ni mtshan nyid dang las kyis bstan par lnga'o/ /mtshan nyid ni reg pa gang zhe na /gsum 'dus nas yongs su gcod pa'o/ /gsum zhes bya ba ni mig dang gzugs dang rnam par shes pa rnams so/ /de dag 'dus nas sems las byung ba'i chos gang 'byung bde reg pa ste /dbang po'i 'gyur ba yongs su gcod pa'o/ /tshor ba'i rten byed pa'i las can no/ /rnam pa shes pa byung nas bde ba la sogs pa'i tshor ba dang /mthun ba'i dbang po 'gyur ba gang yin par reg pa yin par rig par bya'o/ /yid la byed pa gang zhe na /gang sems kyis 'jug pa'o/ /rtsol bar byed pas 'jug pa ste /sems dang sems las byung ba gtod cing ma lus par sems pa ni yid la byed pa'o/ /dmigs pa la sems 'dzin pa'i las can no/ /sems gang zhe na /yon tan dang /nyes pa dang gnyi ga ma yin pa la sems mngon par 'du byed ba ni yid kyi las so/ /gang yod na dmigs ba la sems rnam par shes pas gzhol ba yin te /khab long gi dbang gis lcags g.yo ba bzhin no/ /gang dge ba dang mi dge ba dang
- 71a
lung du ma bstan pa la yang sems gtong pa ni las bstan pa'i ste/ 'di ltar ji ltar mngon par 'du byed pa bzhin du dge ba la sogs pa'i chos rnams la sems 'jug par 'gyur ro/ /kun tu 'gro ba lnga bshad zin to/ /'dun ba gang zhe na/ bsam pa'i dngos po la 'dod pa'o/ /bsams pa'i dngos po zhes bya ba ni gang 'dod pa'i dngos po de la lta ba dang/ nyan pa la sogs pa byed 'dod pa'o/ /brtson 'grus rtsom pa'i rten byed pa'i las can no/ /mos pa gang zhe na /nges pa'i dngos po la de bzhin du 'dzin pa'o/ /nges pa'i dngos po zhes bya ba ni phung po lnga'i tshogs te /ji skad du /gzugs ni dbu ba rngos pa 'dra/ /tshor ba chu yi chu bur 'dra/ /'du shes smig rgyu lta bu ste/ /'du byed rnams ni chu shing 'dra/ /rnam shes sgyu ma lta bu zhes/ /nyi ma'i gnyen gyis bka' stsal to/ /zhes gsungs pa lta bu'o/ /de ltar na mos pa ni phung po rnams la mos pa'o/ /yang na dngos po ji ltar gnas pa de bzhin du /de dag la mos pa ni mos pa ste /nges par 'dzin ces bya ba'i tha tshig go /mi 'phrogs pa nyid kyi las can te/ de ltar na de gces su byed pa ni gzhan gyis 'phrogs par mi nus so/ /dran pa gang zhe na /'dris pa'i dngos po nyid ma brjod pa ste /sems kyi mngon par brjod pa nyid do/ /'dris pa'i dngos po ni sngon myong ba yin par rig bar bya'o/ /rnam par mi g.yeng ba nyid du dran pas dmigs pa gsal bar gyur na/ sems rnam par mi g.yeng ba'i las can no/ /ting nge 'dzin gang zhe na /brtags pa'i dngos po la sems rtse gcig pa nyid do/ /brtags ba'i dngos po zhes bya ba ni phung po lnga'i tshogs te /mi rtag pa nyid dang /sdug bsngal ba nyid dang /stong pa nyid dang/ bdag med pa nyid do/ /de la gang sems rtse gcig pa ni rnam par mi g.yeng ba zhes bya ba'i tha tshig go /shes pa'i rten byed pa'i las can no /rten byed pa ni mnyam par bzhag ba na yang dag par ji lta ba
- 71b
bzhin du shes pa'i phyir ro/ /shes rab gang zhe na /de dag nyid la rab tu rnam par 'byed pa ste /rigs ba dang rigs pa ma yin pa bskyed ba dang gzhan pa'o/ /brtag pa'i dngos po zhes bya ba'i dngos po phung po lnga'i tshogs dngos po de nyid la chos rnams rang gi mtshan nyid dang sbyin mtshan nyid kyis rab tu rnam par 'byed pa'o/ /som nyi bzlog pa'i las can te /shes rab kyis chos rab tu rnam par phye na /nges pa rnyed pas som nyi zlog go /rigs bas bskyed pa ni chos 'di pa rnams kyi'o/ /rigs pa ma yin pas bskyed pas ni grangs can? dang bye brag pa rnams kyi'o/ /gzhan pa ni skye bas thob pa dang/ 'jig rten gyi tha snyad shes pa'o/ /yul so sor nges pa bshad zin to/ /dge ba bcu gcig brjod par bya ste /de dag smras pa/ dad pa gang zhe na/ las dang 'bras bu dang /bden pa dang /dkon mchog la mngon par yid ches pa dang /sems dang ba'o zhes bya ba'o/ /las ni rnam pa gsum ste /bsod nams dang bsod nams ma yin pa dang /mi g.yo ba'i mtshan nyid do/ /bsod nams ni dge ba bcu'i las kyi lam mo/ /bsod nams ma yin pa ni mi dge ba bcu'i las kyi lam ste sbyor ba dang /dngos gzhi dang mjug bsdu ba dang bcas pa'o/ /gzhan yang gang 'di dag gis ma bsdus pa/ gsod pa dang /'ching ba dang/ go rar 'jug pa dang /rdeg ba la sogs pa'o/ /mi g.yo ba'i las ni gang bsam gtan bzhi dang /gzugs med pa'i snyoms par 'jug pa bzhi ste /las 'di ni rnam par smin pa mi g.yo ba'i phyir mi g.yo ba'o/ 'bras bu ni rnam pa bzhi gsungs te /rgyun du zhugs pa'i 'bras bu dang /lan cig phyir 'ong ba'i 'bras bu dang /phyir mi 'ong ba'i 'bras bu dang/ dgra bcom pa nyid kyi 'bras bu'o/ /'dir 'bras bu ni nyon mongs pa dang bral ba'o/ /yang na las dge bas 'bras bu ni 'dod pa'o/ /mi dge ba'i 'bras bu ni mi 'dod pa'o/ /'phags pa'i bden pa ni bzhi ste /sdug bsngal ba dang
- 72a
kun 'byung ba dang/ 'gog pa dang lam mo/ /de la sdug bsngal gyi bden pa ni 'bras bur gyur pa ste /nye bar len pa'i phung po lta'o/ /kun 'byung ba'i bden pa ni rgyu ste /sred pa'i nye bar len ba sngon du 'gro ba'i lus dang ngag dang yid yongs su g.yo ba'o/ /mdor bsdu na yang 'byung ba'i las dang ldan ba'i nyon mongs pa rnams so/ /'khor ba'i phyogs kyi dbang du byas pa'o/ /'gog pa'i bden pa ni 'bras bu ste/ 'gog ba ni nyon mongs pa dang bral ba'o/ /lam gyi bden pa ni rgyu ste /bral ba de nyid thob par byed pa'i thabs zhes bya ba'i tha tshig go /rnam bar byang ba'i phyogs kyi dbang du byas pa'o/ /'phags pa'i bden pa zhes bya ba'i don gang zhe na /'di dag 'phags pa rnms la bden pa ste /de lta bas na 'phags ba'i bden ba zhes mdor nyid las gsungs so/ /ci gzhan rnams la 'di dag brdzun nam 'di dag thams cad la yang bden pa ste /phyin ci ma log pa'i phyir ro/ /'phags pa rnams kyis ni de dag ji lta ba bzhin gzigs so/ /gzhan dag gis ni de lta ma yin no/ /de lta bas na de dag gi 'phags pa rnams la bden ba zhes bya'o/ /'phags pa ma yin pa rnms la ni ma yin te /phyin ci ma log tu mthong ba'i phyir ro/ /'phags pas bde bar gang gsungs pa/ /de ni gzhan gyi sdug bsngal rtogs/ /gzhan gyis bde bar gang smras pa/ /de ni 'phags pas sdug bsngal rtogs/ zhes tshigs su bcad pa'o/ /de la phung po lnga ni sdug bsngal gsum gyi sdug bsngal ba ste /sdug bsngal gyi sdug bsngal nyid dang /'gyur ba'i sdug bsngal nyid dang /'du byed kyi sdug bsngal nyid kyis so/ /sems can dmyal ba dang /dud 'gro rnams la ni sdug bsngal gyi sdug bsngal nyid do/ /gzugs can gyi lha rnams dang mi rnams la ni 'gyur ba'i sdug bsngal nyid do/ /gzugs med pa rnams la ni 'du byed kyi sdug
- 72b
bsngal nyid do/ /'phags pa rnams kyis ni 'du byed thams cad 'du byed kyi sdug bsngal nyid kyi sdug bsngal bar gzigs te / 'dir smras pa/ lag mthil spu nyag gcig gzhag ba/ /mi rnams kyis ni mi rtogs la/ /mig tu song na de nyid kyis/ /mi dga' ba dang gnod bskyed bzhin/ /byis pa dag ni lag mthil 'dra/ /'du byed sdug bsngal spu mi rtogs/ /'phags ba rnams ni mig dang 'dra/ /de yis shin tu yid kyang 'byung/ /ji ltar 'phags pa rnams ni srid pa rtse mo la yang sdug bsngal gyi blo 'jug ba de ltar byis pa rnams ni mtshams med pa'i phung po rnams la yang sdug bsngal gyi blo mi 'jug go /dkon mchog ni gsum ste /sangs rgyas dkon mchog dang/ chos dkon mchog dang /dge 'dun dkon mchog go /de la sangs rgyas dkon mchog ni bag chags dang/ sgrib pa thams cad las rnam par grol ba rnams ba thams cad du thams cad thugs su chud ba'i bdag nyid 'byor pa thams cad kyi gnas/ rnam bar mi rtog pa'i ye shes khyad par 'phags pa chos kyi skur gyur pa'o/ /de yang yon tan ji snyed cig dang ldan par rig ba bya zhe na /shin tu yongs su dag ba'i tshad med pa bzhi dang /shin tu yongs su dag pa'i rnam bar thar pa brgyad dang/ de bzhin du zil gyis gnon ba'i skye mched brgyad dang /zad bar gyi skye mched bcu dang /nyon mongs pa med ba dang /smon nas shes pa dang / so sor yang dag par rig pa bzhi dang /mngon par shes pa drug dang / skyes bu chen po'i mtshan sum cu rtsa gnyis dang /dpe byad bzang po brgyad cu dang / rnam ba thams cad yongs su dag pa bzhi dang/ stobs bcu dang /mi 'jigs pa bzhi dang / bsrung ba med pa bzhi dang /dran pa nye bar gzhag ba gsum dng / bag chags yang dag bar bom pa dang/ bsnyel ba mi mnga' ba'i chos can dang /thugs rje chen po dang / sangs rgyas kyi chos ma 'dres pa bco brgyad dang /rnam ba thams cad kyi mchog gi ye shes dang
- 73a
ldan pa ste /yon tan gyi tshogs 'di dag ni sangs rgyas bcom ldan 'das so/ /mdor bsdu na zag pa med pa'i phung po lnga ste/ tshul khrims kyi phung po dpag tu med pa dang /de bzhin du ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po dpag tu med pa ste/ 'di dag kyang gnas gyur pa'i mtshan nyid du blta bar bya'o/ /chos ni rnam pa gsum ste /bstan pa'i chos dang/ lam gyi chos dang /don dam pa'i chos so// de la bstan pa'i chos ni mdo'i sde dang /dbyangs kyis bsnyad pa'i sde la sogs pa'o/ /lam gyi chos ni 'phags pa'i lam yan lag brgyad pa ste / yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang? yang dag pa'i 'tsho ba dang/ yang dag pa'i tsol? ba dang/ yang dag pa'i dran pa dang / yang dag pa'i ting 'dzin to/ /don dam pa'i chos ni mya ngan las 'das pa ste /so sor brtags pa'i 'gog pa nyon mongs pa dang bral ba zhes bya ba phung po'i lhag ma dang bcas pa dang phung po'i lhag ma med pa las dang nyon mongs pa dang/ skye ba dang bral ba'i rang bzhin no/ /dge 'dun ni 'phags pa'i skyes bu gang zag ya brgyad do /rgyun du zhugs pa mngon sum du bya ba'i phyir zhugs pa dang /rgyun du zhugs pa dang/ lan cig phyir 'ong ba mngon sum du bya ba'i phyir zhugs pa dang /lan cig phyir 'ong ba dang/ phyir mi 'ong ba mngon sum du bya ba'i phyir zhugs pa dang/ phyir mi 'ong ba dang/ dgra bcom pa nyid mngon sum du bya ba'i phyir zhugs pa dang/ dgra bcom pa'o/ /de la rgyun tu zhugs pa'i 'bras bu la zhugs pa ni /mthong ba'i lam la gnas pa ste /mthong ba'i lam ni skad cig ma bco lnga la bya'o/ /bcu drug pa la ni 'bras bu gnas pa ste/ rgyun tu zhugs pa zhes bya ba'i tha tshig go /rgyun tu zhugs pa zhes
- 73b
bya ba'i don gang zhe na /lam ni mya ngan las 'das pa'i rgyun te /de de nas 'gro ba'i phyir ro/ /de der zhugs shing phyin la thob pa'i phyir rgyun tu zhugs pa'o/ /de ni rnam pa gnyis te /de ltar thogs na srid pa las bdun pa dang /rigs nas rigs su skye ba'o/ /kun tu sbyor ba bdun lus te/ tha ma'i cha dang mthun pa gnyis dang/ gong ma'i cha dang mthun pa lnga lus pa'i phyir ro/ /rigs nas rigs su skye ba rnam pa gnyis te/ lha'i rigs nas rigs su skye ba ni lha'i nang du rigs lan gnyis sam lan gsum blangs nas yongs su mya ngan las 'das pa'o/ /mi'i rigs nas rigs su skye ba ni gang mi'i nang der ram/ gling gzhan du yongs su mya ngan las 'da' ba' o/ /de nyid 'bras bu la gnas pa zhes bya'o/ /rnam pa lnga'i bar bcom pa lan cig phyir 'ong ba la zhugs pa zhes bya'o/ / rnam pa drug zad pa ni lan cig phyir 'ong ba nyid yin te /lan cig phyir 'ong ba'i 'bras bu la gnas pa zhes bya ba'i tha tshig go /lha'i nang du song ste mi'i 'jig rten du lan cig phyir 'ong ba dang/ lan cig pyir mi 'ong ba phan chad skye ba med pa'i phyir te/ de nyid 'bras bu la gnas pa'o/ /nyes cha bdun dang brgyad zad pa phyir mi 'ong ba'i 'bras bu la zhugs pa zhes bya'o/ /de nyid bar chad gcig zhes bya ste/ tshe gcig las pa'i phyir ro/ /gsum pa'i 'bras bu la zhugs pa'i zhes bya ba'i tha tshig go /de dgu pa zad pas phyir mi 'ong mi 'ong ba rnam pa dgu zad pas pyir mi 'ong bar blta'o/ /'dod pa'i khams su phyir mi 'ong ba'i phyir mi 'ong ba zhes brjod do/ /srid rtse'i bar cha brgyad zad pa dgra bcom pa nyid la zhugs pa ste /phyir mi 'ong ba de nyid bsam gtan dang po'i rnam pa gcig la 'dod chags dang bral bar gyur pa nas srid pa'i rtse mo'i bar gyi brgyad spangs pa ni dgra bcom pa nyid la zhugs pa yin no/ /dgu pa'i bar chad med pa'i lam la yang dgra bcom pa nyid la zhugs pa nyid la blta'o/ /bar chad med
- 74a
pa'i lam de ni rdo rje lta bu'i ting nge 'dzin ces bya ste/ bag la nyal ba thams cad shigs pa'i phyir ro/ /rdo rje lta bu'i ting nge 'dzin gyi 'og tu phyi ma rnam par grol ba'i lam ste/ de nyid zad pa shes pa'o/ /zag pa thams cad zad pa thob pa dang/ lhan cig skyes pa'i phyir de zad pa'i shes pa ste/ thog mar mi slob pa yin no/ /dgra bcom pa dang dgra bcom pa nyid kyi 'bras bu thob pa yang yin no/ /'bras bu gzhan thob par bya ba'i phyir bslab pa med pas mi slob pa'o/ /bdag dang/ gzhan gyi don byed par 'os pa dang/ 'dod chags dang bcas pa thams cad kyis mchod par 'os pa'i phyir dgra bcom pa zhes bya'o/ /de ltar mdor bsdu na skyes bu gang zag brgyad po de dag ni dge 'dun no/ /las dang 'bras bu dang/ bden pa dang/ dkon mchog de dag la mngon par yid ches pa ni dang pa ste/ dang ba dang 'dod pa'o/ /'dun pa'i rten byed ba'i las can no/ /dang pa bshad zin to/ /ngo tsha shes pa gang zhe na/ bdag gam chos kyi dbang du byas te/ kha na ma tho bas 'dzom pa'o/ /bdag nyid kyi dbang du byas ba ni /bdag rigs kyi bu yin na ji ltar sdig pa bya snyam pa'o/ /chos kyi dbang du byed pa ni ngan 'gros 'jigs pa'i rgyus bdag nyid kha na ma tho bas 'jom pa'o/ /kha na ma tho ba zhes bya ba ni dam pa rnams kyi smad pa'i phyir sdig pa'o// 'dzem pa ni sdig pa mi byed pa'o/ /nyes par spyod pa legs par sdom pa'i rten byed pa'i las can no/ /khrel yod pa gang zhe na/ 'jig rten pa'i dbang du byas te/ kha na ma tho bas 'dzem pa'o/ /chad pa dang pha rol gyis byas pas 'jigs pa'i phyir pha rol la sdig pas 'dzem pa'o/ /de nyid kyi las can no/ /ma chags pa gang zhe na /chags pa'i gnyen po ste/ yid byung zhing me len pa'o/ /chags ba zhes bya ba ni srid pa dang srig pa'i yo byad rnams la kun tu chags pa gang yin pa'o//
- 74b
de'i gnyen po ni ma chags pa ste /srid pa dang srid pa'i yo byad rnams la kun tu chags ba med ces pa'i tha tshig go /yid byung ba ni 'khor ba'i nyes dmigs yongs su shes pa'o/ /nyes pa la spyod pa la mi 'jug pa'i rten du byed ba'i las can no// zhe sdang med pa gang zhe na/ zhe sdang gi gnyen po ste byams pa'o/ /sems can rnams la kun nas mnar sems med ces bya ba'i tha tshig go /nyes ba spyod pa la mi 'jug pa'i rten byed pa'i las can no/ /gti mug med pa gang zhe na /gti mug gi gnyen po ste /yang dag pa la yang dag par rtogs pa'o/ /gti mug ni mi shes pa'o/ /yang dag pa ni mdor bsdu na 'phags pa'i bden pa bzhi'o/ /rgyas par bya na rten cing 'brel bar 'byung ba yan lag bcu gnyis pa'o/ /de rtogs pa ni shes pa'o// rnam par smin pa'i rtogs pa ni skye bas thob pa'i shes pa'o/ /thos pa las byung ba dang bsams pa las byung ba ni lung las so/ /bsgoms pa las byung ba ni thob pa las so/ /so sor brtags pa zhes bya ste/ shes rab dang brtson 'grus dang ldan par yang blta'o/ /nyes par dpyod pa la mi 'jug pa'i rten byed pa'i las can no/ /brtson 'grus gang zhe na/ le lo'i gnyen po ste /dge ba la sems mngon par spro ba'o/ /go cha dang/ sbyor ba dang /ma zhum pa nyid dang /mi ldog pa dang/ chog par mi 'dzin pa'o/ /dge ba'i phyogs yongs su rdzogs par byed ba dang/ yongs su grub pa ni las can no/ /shin tu sbyangs pa gang zhe na/ gnas ngan len gyi gnyen po ste/ lus dang sems las su rung ba nyid do/ /gnas ngan len ni mi dge ba bcu'i las kyi lam ste/ de dag shin tu sbyangs pa'o/ /sgrib pa thams cad sel ba'i las can no/ /sgrib pa thams cad sel ba ni de'i dbang gis gnas gyur par blta'o/ /bag yod pa gang zhe na /bag med pa'i gnyen po ste /ma chags pa nas brtson 'grus kyi bar de dag la
- 75a
gnas nas mi dge ba'i chos spong zhing dge ba'i chos rnams kyang bsgom pa'o/ /bag med pa ni chags pa dang/ zhe sdang dang/ gti mug dang le lo zhes bya ba'o/ /de'i gnyen po ni bag yod pa ste/ ma chags pa dang/ zhe sdang med pa dang /gti mug med pa dang/ brtsn 'grus dang chos bzhi po de dag la gnas te/ mi dge ba'i chos rnams spong ba'o/ /de dag ni zag pa dang bcas pa'i chos rnams te/ 'dir ni zag pa rnams dang /zag pa'i gnas yul rnams yin par rig par bya'o/ /de'i gnyen po dge ba'i chos rnams kyang bsgom pa ni ma chags pa dang/ zhe sdang med ba dang/ gti mug med pa dang/ brtson 'grus kyi mtshan nyid ces bya ba'i tha tshig ste/ de dag la bag yod pa gdags so/ /'jig rten pa dang 'jig rten las 'das pa'i phun sum tshogs pa thams cad yongs su rdzogs pa'i las can no/ /btang snyoms gang zhe na /ma chags pa nas brtson 'grus kyi bar de dag nyid la gnas shing/ sems mnyam pa nyid dang/ sems rnal du 'dug pa nyid dang/ sems lhun gyis grub pa yang thob pa ste/ gang gis nyon mongs pa can gyi chos rnams bsal nas nyon mongs ba can med par gnas pa yin no/ /ma chags pa dang/ zhe sdang med pa dang/ gti mug med pa dang /brtson 'grus kyi mtshan nyid kyi chos de dag nyid kyi gnas skabs gzhan la btang snyoms zhes bya ste/ 'di ltar btang snyoms dang ldan pa'i sems la bying ba la sogs pa'i mi mnyam pa med pas 'dir sems mnyam pa nyid do/ /de'i 'og tu mngon par 'du byed pa med par 'jug pas rnal du 'dug pa'o/ /de'i 'og tu kun nas nyon mongs pa'i dogs pa med pas lhun gyis grub par gnas pa zhes bya'o/ /de ni nyon mongs pa dang nye ba'i nyon mongs pa thams cad kyi skabs mi phyed pa'i rten byed pa'i las can no/ /rnam par mi 'tshe ba gang zhe na/
- 75b
rnam bar 'tshe ba'i gnyen po ste/ snying rje ba'o/ /rnam par 'tshe ba ni sems can la rnam par tho 'tsham pa ste /de'i gnyen por gyur pa zhe sdang med pa'i cha can snying rje ba'i sems nyid do/ /rnam par tho mi 'tsham pa'i las can no/ /rnam par mi 'tshe ba yang zhe sdang med pa las gud na med pas btags pa'i yod par rig par bya'o/ /dge ba rnams bshad zin to/ /nyon mongs pa drug brjod par bya ste/ de dag smras pa/ 'dod chags gang zhe na /nye bar len pa'o phung po lnga la zhen pa dang lhag par chags pa'o/ /nye bar len pa las byung ba'i phyir nye bar len pa'i phung po rnams te/ rtsa dang sogs ma'i me bzhin no/ /de dag las nye bar len pa rnams 'byung bas nye bar len pa'i phung po rnams te/ me tog dang 'bras bu'i shing bzhin no/ /nye bar len pa la rag las pas rgyal po'i mi bzhin no/ /de'i phyir nye bar len pa'i phung po gang yin pa de dag ni phung po rnams kyang yin la/ phung po gang yin pa de dag ni gdon mi za bar nye bar len pa'i phung po ma yin par grub pa ste /dgra bcom pa'i phung po rnams ni zag pa med pa'o/ /de lta bu'i rang bzhin can de dag la chags pa ni khams gsum pa'i rjes su chags ba zhes bya ba'i tha tshig go /sdug bsngal kun bskyed pa'i las can no/ /sred pa'i dbang gis nye bar len pa'i phung po 'grub pa'i phyir ro/ /khong khro ba gang zhe na/ sems can rnams la kun nas mnar sems pa'o/ /thogs pa dang 'dra bas khong khro ba'o// phung po lnga'i tshogs kyi rgyun la sems can zhes btags te /sems can de dag la kun nas mnar sems pa'o/ /ji skad du bdag la gnod par byas so/ /byed do/ byed par 'gyur ro/ /zhes kun nas mnar sems 'byung ste/ rab tu 'khrug go/ gang bdag gi mdza' bo de la gnod pa byas so/ /byed do/ byed par 'gyur ro zhes kun nas mnar sems 'byung ste/ rab tu 'khrug go /gang bdag gi mi mdza' ba de'i don byas so/ /don byed do/ /don byed par 'gyur ro/ /zhes kun nas mnar sems 'byung ste/ rab tu 'khrug go zhes
- 76a
gsungs pa lta bu'o/ /bde ba la reg par mi gnas pa dang nyes par spyod pa'i rten byed pa'i las can no/ /reg par mi gnas pa ni kun nas mnar sems kyi sems dang ldan pa dang sdugs bsngal bar gnas pa'i phyir ro/ /nga rgyal gang zhen nga rgyal rnam pa bdun ste/ nga rgyal dang che ba'i nga rgyal dang/ nga rgyal las kyang nga rgyal dang/ nga'o snyam pa'i nga rgyal dang/ mngon pa'i nga rgyal dang/ cung zad snyam pa'i nga rgyal dang/ log pa'i nga rgyal lo/ /nga rgyal thams cad kyi mtshan nyid ni 'jig tshogs la lta ba la brten nas sems khengs par nga rgyal thams cad kyi mtshan nyid bye brag med do/ /mi gus ba 'byung ba'i rten byed pa'i las can no/ /mi gus pa ni bla ma rnams dang yon tan can rnams la 'gying ba'o/ /bye brag gi mtshan nyid kyi dbang du byas te smras ba/ nga rgyal gang zhe na/ chung ba bas kyang bdag che ba'am/ mtshungs pa dang mtshungs so snyam du sems khengs pa gang yin pa'o zhes bya ba'o/ /bdag che ba? snyam pa'am /mtshungs pa la mtshungs so snyam pa gnyi gar sems khengs pa yang nga rgyal lo/ /che ba'i nga rgyal gang zhe na/ /mtshungs pa bas bdag che ba'am /che ba dang mtshungs so/ /snyam du sems khengs pa gang yin pa'o/ /'dir yang mtshungs pa bas bdag khyad par du 'phags pa 'am /mtshungs so snyam pa gnyi gar sems khengs pa yang che ba'i nga rgyal lo/ /nga rgyal las kyang nga rgyal gang zhe na/ che ba bas kyang bdag che'o snyam pa'i sems khengs pa gang yin pa'o/ /dge bsnyen pas ni dge tshul che na /dge bsnyen de 'di snyam du dge tshul bas kyang bdag khyad par du 'phags so snyam du sems khengs par byed pa 'di ni nga rgyal las kyang nga rgyal zhes bya'o// nga'o snyam pa'i nga rgyal gang zhe na/ nye bar len pa'i phung po lnga po rnams la bdag gam bdag gir yang dag par rjes su lta ba'i sems khengs pa gang yin pa'o/ /gzugs la sogs pa la 'dun pa dang 'dod chags ni nye bar len pa ste/ de la bdun pas ni
- 76b
ma 'ongs pa'i lus 'dod pa'i sgo nas len te /des ma 'ongs pa'i phung po 'grub bo/ /'dod chags kyis ni da ltar gyi lus la lhag par zhen pa'i sgo nas lon te/ des da ltar gyi phung po mi 'dor ro/ /de lta bas na 'di gnyis ni nye bar len pa zhes bya'o/ /de dag dang ldan pa ni phung po rnams te /de ltar bdag med pa'i phung po de dag la bdag yod do snyam du rlom sems pa 'am/ bdag gi phung po'o snyam du sems pa de ni nga'o snyam pa'i nga rgyal lo/ /mngon pa'i nga rgyal gang zhe na/ gong ma'i khyad par thob par bya ba ma thob par bdag gis thob po snyam du sems khengs pa gang yin pa'o/ /gong ma'i khyad par thob par bya ba ni 'bras bu dang/ bsam gtan dang/ snyoms par 'jug pa zhes bya ba la sogs pa'o/ /de ma thob par bdag gis rtsal 'bad de thob bo snyam du sems khengs pa gang yin pa'o/ /ji skad du bcom ldan 'das kyis mi'i chos bla ma ltung bar 'gyur te/ mngon pa'i nga rgyal ni ma gtogs so zhes gsungs pa lta bu'o/ /chung zad snyam pa'i nga rgyal gang zhe na/ khyad ches 'phags pa bas bdag cung zad gcig gis chung ngo snyam du sems khengs ba gang yin pa'o/ /mtshungs pa 'am/ lhag snyam pa'i nga rgyal du rung na gang bdag chung snyam pa de ji ltar nga rgyal du 'gyur smras pa 'jig rten na dngos po nganpa la yang khengs pa mthong ste /nga ni rgyal po'i mi yin gyi da mi phal ni ma yin no snyam pa'o/ /log pa'i nga rgyal gang zhe na/ yon tan ma yin pa dang/ ldan pa la bdag yon tan dang ldan no snyam du sems khengs pa gang yin pa'o/ /log pa'i nga rgyal zhes bya ba ni brdzun pa'i nga rgyal lo/ /yon tan ma yin pa dang ldan pa zhes bya ba ni yon tan dang ldan pa ma yin pa ste /yon tan dang ldan pa ma yin pa de las mi dgag pa'o/ /yon tan ni sbyin pa dang /tshul khrims la sogs pa ste /de dag bdag la med bzhin du bdag tshul khrims dang ldan no/ /yon tan dang ldan no snyam du gang sems khengs pa ni log
- 77a
pa'i nga rgyal lo/ /ma rig pa gang zhe na/ las dang 'bras bu dang bden pa dang/ dkon mchog rnams mi shes pa ste/ khong du mi chud pa dang/ mngon par mi rtogs pa dang/ mun pa dang/ kun tu gti mug pa dang/ mun nag ces bya ba 'di dag ni ma rig pa'i rnam grangs su gtogs pa'o/ /las ni rnam pa gsum te bsod nams dang bsod nams ma yin pa dang /mi g.yo ba'i mtshan nyid do/ /'bras bu ni rnam pa bzhi ste/ rgyun tu zhugs pa la sogs pa'o/ /bden pa ni bzhi ste sdug bsngal la sogs pa'o/ /dkon mchog ni gsum ste /de dag mi shes pa ni ma rig pa'o/ /lhan cig skyes pa ni ma 'dres pa'o/ /kun tu brtags pa ni 'dod chags la sogs pa dang mtshungs par ldan pa'o/ /yang na kun tu brtags pa ni bye brag pa la sogs pa rnams kyi'o/ /log par nges pa dang/ the tshom dang/ kun nas nyon mongs pa 'byung ba'i rten byed pa'i las can no/ /log bar nges pa ni phyin ci log tu shes pa'o/ /the tshom ni nem nur ro/ /nyon mongs pa 'byung ba ni /'dod chags la sogs pa la kun tu spyod pa'o/ /de'i rten byed pa ni nyon mongs thams cad 'byung bar rig par bya'o/ /'dod pa na spyod pa'i 'dod chags ded?/ khong khro ba dang/ 'dod pa na spyod pa'i ma rig pa de dag ni mi dge ba'i rtsa ba gsum ste/ chags pa dang zhe sdang dang/ gti mug mi dge ba'i rtsa ba'o/ /lta ba gang zhe na/ lta ba lnga ste/ 'jig tshogs la lta ba dang/ mthar 'dzin bar lta ba dang/ log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'o// 'jig tshogs la lta ba gang zhe na/ nye bar len ba'i phung po rnams la bdag gam bdag gir yang dag par rjes su lta ba'i shes rab nyon mongs pa can gang yin pa'o/ zhes bya ba ni 'jig par 'gyur bas 'jig pa'o/ /bsags pas 'tshogs te/
- 77b
'jig tshogs ni mang ba'o/ /de la lta ba ni bdag phung po las gud na yod pa dang/ phung po rnams ni bdag gi yin par lta ba'o/ /ci'i phyir de skad bshad smras pa/ 'jig ces bya ba ni rtag pa'i 'du shes spang bar bya ba'i phyir ro/ /tshogs gang zhes bya ba ni gcig ba'i 'du shes spang pa'i phyir te/ 'dir ni mi rtag pa 'dus pa yin pas 'di la bdag med do zhes bstan pa'o/ /lta bar gyur pa thams cad kyi rten byed pa'i las can no/ /mthar 'dzin par lta ba gang zhe na/ de nyid kyi dbang du byas nas rtag pa 'am chad par yang dag par rjes su lta ba'i shes rab nyon mongs pa can gang yin pa'o/ /'jig tshogs la lta ba'i dbang du byas shes bya ba ni bdag por byas pa'o/ /rtag pa zhes bya ba ni mdza' ste /bdag thams cad du sol ba dang/ tag pa dang gtso bo zhes bya ba la sogs pa'o/ /lus rnams ni rtswa dang 'jim pa lta bu ste /'di ni rtag pa'i mdza' can gyi mthar 'dzin pa lta ba'o/ /chad ba'i bdag nyid ni nang na byed pa'i skyes bu yod pa de shi phan chad med de/ dper na bum pa chag nas yang mi 'byung ba bzhin no/ /dbu ma'i lam gyis nges par 'byung ba'i bar du gcod pa'i las can no/ /log bar lta ba gang zhe na/ rgyu 'am 'bras bu 'am byed pa la skur ba 'debs pa dang/ yod pa'i dngos po 'jig pa'i shes rab nyon mongs pa can gang yin pa'o/ /rgyu ni las dang nyon mongs pa'o/ /de dag kyang yan lag lngar 'gyur te/ nyon mongs pa ni ma rig pa dang/ sred pa dang/ len pa'o/ las na 'du byed dang srid pa'o/ /yang na 'dir kun gzhi rnam par shes pa la gnas pa'i bag chags te /ji skad du bcom ldan 'das kyis kun dga' po la las kyi rnam par smin pa gang ma 'ongs ba na 'bras bu 'byin nus pa de yang srid pa zhes bya'o zhes gsungs pa lta bu'o/ /'di la skur pa 'debs pa ni rgyu la skur pa
- 78a
'debs pa'o/ /'bras bu la yan lag bdun te/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ skye ba dang/ rga shi zhes bya ba rnams so/ /'dila skur ba 'debs ba ni 'bras bu la skur pa 'debs pa'o/ /yang na mdor bsdu na legs par spyad pa yang med nyes par spyad pa yang med do zhes bya ba 'di ni rgyu la skur ba 'debs pa'o/ /legs par spyad pa dang nyes par spyad pa'i las rnams kyi 'bras bu rnam par smin pa med do zhes bya ba ni 'bras bu la skur pa 'debs ba'o/ /'jig rten 'di med do/ /'jig rten pha rol med do/ /pha med do /ma med do/ sems can 'byung ba med do zhes bya ba ni byed pa la skur ba 'debs pa'o/ /'jig rten gzhan du 'gro ba dang/ 'od ba'i byed pa dang/ sa bon 'debs pa'i byed pa dang/ nyid mtshams sbyor ba'i byed pa la skur pa 'debs pa'i phyir ro/ /'jig rten na dgra bcom pa med do zhes bya ba la sogs pa ni yod pa'i dngos po 'jig pa'o/ /dge ba'i rtsa ba rgyun gcod pa'i las can dang/ mi dge ba'i rtsa ba dam du 'dzin pa'i las can dang/ mi dge ba la 'jug pa'i las can dang/ dge ba la mi 'jug pa'i las can no/ /lta ba mchog tu 'dzin pa gang zhe na/ lta ba rnam pa gsum po de dag nyid dang/ de'i gnas phung po rnams la mchog dang/ gtso bo dang/ khyad par du 'phags pa dang/ dam par yang dag par rjes su lta ba'i shes rab nyon mongs pa can gang yin pa'o zhes bya ba la/ lta ba rnam pa gsum po zhes bya ba ni 'jig tshogs la lta ba dang/ log par lta ba dang mthar 'dzin par lta ba'o/ /de'i gnas phung po zhes bya ba ni lta ba'i gnas zhes bya ba'i tha tshig go /mchog dang/ gtso bo dang/ khyad par du 'phags pa dang/ dam pa shes rab kyis yang dag par rjes su mthong zhes bya ba'i tha tshig go /shes rab nyon mongs pa can zhes bya ba ni nyon mongs pa dang ldan zhes bya ba'i tha tshig go /lta ba ngan pa la mngon par zhen pa'i rten byed pa'i las can no/ /tshul khrims dang
- 78b
brtul zhugs mchog tu 'dzin pa gang zhe na /tshul khrims dang brtul zhugs dang/ de'i gnas phung po rnams la 'dag pa dang grol ba dang/ nges par 'byin pa yang dag par rjes su lta ba'i shes rab nyon mongs pa can gang yin pa'o zhes bya ba ni tshul khrims dang brtul zhugs ni lta ba ngan pa sngon du song bar rig par bya'o/ /tshul khrims ni bdun spangs pa'o/ /brtul zhugs ni khyi dang ba lang gi brtul zhugs dang/ dbyu gu rtse gsum pa dang mgo 'breg pa la sogs pa dang/ grangs can gyi rnal 'byor shes pa la sogs pa ni/ thar pa'i lam gyi rgyu ma yin/ dbang phyug chen po dang skye dgu'i bdag po dang/ me dang chur 'jug pa la sogs pa ni mtho ris kyi rgyu ma yin na de dag la rgyur lta ba'o/ /de'i gnas phung po rnams zhes bya ba ni tshul khrims la sogs pa'i gnas zhes bya ba'i tha tshig go /'dag pa zhes bya ba ni gong du smos pa nges 'dag par gyur zhes bya ba'i tha tshig go /grol pa zhes bya ba ni thabs 'dis nyon mongs pa rnams las grol bar 'gyur ba'o/ /nges par 'byin pa zhes bya ba ni 'khor ba las byung ba'i tha tshig go /ngal ba 'bras bu med pa'i rten byed pa'i laS can te/ ngal ba 'bras bu med pa ni des nges par mi 'byung ba'i phyir ro/ /the tshom gang zhe na/ bden pa la sogs pa yang yin gnyis za ba'o zhes bya ba la sogs pa smos pa ni las dang 'bras bu dang/ bden pa dang/ dkon mchog rnams la sbyar ro/ /de dag la yod dam med ces yid gnyis su 'gyur zhes bya ba'i tha tshig go /dge ba'i phyogs la mi 'jug pa'i rten byed ba'i las can no/ /des dge ba'i phyogs la mi 'jug pa ste /nges pa ma rnyed nas bar skabs nas mi rtsom pa'i phyir ro/ /nyon mongs pa de dag la lhan cig skyes pa ni du/ kun tu brtags pa ni du zhe na/ smras pa/ lta ba 'og ma gsum dang/ the tshom ni kun tu brtags pa'o zhes bya ba ni log par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ the tshom ste /de dag ni kun tu brtags
- 79a
pa nyid do/ /lhag ma ni lhan cig skyes pa dang kun tu brtags ba'o zhes bya ba ni 'dod chags dang/ khong khro ba dang/ nga rgyal dang ma rig pa dang/ 'jig tshogs la lta ba dang mthar 'dzin par lnga ba dang sbyar ro/ /'di dag gi rnam grangs ni bag la nye? ba dang/ kun nas dkris pa dang/ nyon mongs pa dang/ zag pa dang bcas pa dang/ rnyog pa dang/ chu po dang /sbyor ba dang/ yon po dang/ /bskus bzhes bya ba la sogs pa'o/ /nyon mongs ba rnams bshad zin to/ /nye ba'i nyon mongs pa rnams brjod bar bya ste/ de dag smras pa/ khrob gang zhe na/ 'phral du gnod par byed pa la gnas te/ gang sems kyis kun nas mnar sems pa'o zhes bya ba la/ 'phral du zhes bya ba ni da ltar byung ba ste/ de la gnod bar byed pa'i rgyu de la khong khro ba'i char gtogs pa'i sems kyis kun nas mnar sems pa'o/ /dbyig pa dang/ rdeg pa dang/ mtshon gyis 'debs pa la sogs pa nyos pa rtsom pa'i rten byed pa'i las can no/ /khro ba la sogs pa yang/ khong khro ba la sogs pa las gung na med pa'i phyir btags pa'o/ /kho na du 'dzin pa gang zhe na /mdud par 'dzin pa'o/ /khros pa'i 'og tu khor khro ba'i char gtogs pa nyid mdud par 'dzin pa mi gtong ba'o/ /mi bzod pa'i rten byed pa'i las can te /mi bzod pa ni dang du mi len pa'o/ /'chab pa gang zhe na/ bdag gi kha na ma thob mkhud? pa'o/ /yang dag par bskul ba na gti mug gi char gtogs pas/ kha na ma thob ma khyud ba'o/ /'gyod pas reg bar mi gnas pa'i rten byed pa'i las can no/ /'di ni chos nyid de/ kha na ma tho ba 'chab na 'gyod par 'gyur te/ des na reg par mi gnas so/ /'tshig pa gang zhe na/ tshig brlang bos zher 'debs pa nyid do zhes bya ba ni khro ba dang khon du 'dzin pa sngon du 'gro ba'o/ /sems kyis kun nas mnar sems te/ tshig brlang po ni gtum tshig go /ngag rtsub pa'i rten byed pa'i las can dang/ bsod
- 79b
nams ma yin pa skyes pa 'byin pa'i las can dang/ reg bar mi gnas pa'i 'byin pa'i las can no/ /gtum tshig dang/ dag rtsub po de ni phan tshun mtshang la 'debs pa'i tshul gyis mngon sum du smra ba ste/ 'di nyid 'tshig pa'o/ /phrag dog gang zhe na gzhan gyi phun sum tshogs pa la sems khong nas 'khrug pa'o/ /gzhan dag gi phun sum tshogs ba ni gzhan gyi phun sum tshogs pa ste/ gzhan gyi phun sum tshogs pa de la rnyed pa nyid dang/ bkur sti la lhag par chags pas mi bzod par byas pa'i sems kyi khong nas 'khrug pa'o/ /yid mi bde bas rig par mi gnas pa'i las can no/ /ser sna gang zhe na/ sbyin pa dang/ mi mthun pa'i sems kyis kun tu 'dzin pa'o/ /bdag gi brgyud las ma 'gro zhig /ces bya ba ni ser sna ste/ rnyed ba dang bkur sti la lhag par chags pa nyid kyis 'dod chags kyi char gtogs pa'i sems kyi yo byad rnams kun tu 'dzin pa'o/ /de nyid sbyin pa dang mi mthun pa'o/ /yo byang bsnyungs pa ma yin pa'i rten byed pa'i las can te/ yo byad bsnyungs pa ma yin pa'i ni ser snas mi mkho ba'i ye byad rnams la sogs par rig par bya'o/ /rgyu gang zhe na/ gzhan la bslu ba'i yid dag pa ma yin pa'i don ston pa'o/ /rnyed pa dang bkur sti la chags pa nyid kyis 'dod chags dang gti mug gi char gtogs bas yang dag ba ma yin pa'i don ston pa ste/ log par 'tsho ba'i rten byed pa'i las can no/ /g.yo gang zhe na/ bdag gi nyes pa bcab pa'i las thabs bzung ste/ sems gya gyu'o zhes bya ba la rang gi nyes ba rnams ni rang gyi skyon te/ rnyed pa dang bkur sti la chags bas de dag bca' bar 'dod nas 'dod chags dang/ zhe sdang dang/ gti mug gi /char gtogs pas nyes pa byung ba de ngos mi 'dzin thar gzhan nas gzhan du brgyud par rig par bya'o/ /yang dag pa'i gdams ngag thob pa'i bar du gcod pa'i las
- 80a
byas te/ bdag yang dag pa ji lta ba bzhin ma smras pas gdams dag gi 'os ma yin pa'i phyir ro/ /rgyags pa gang zhe na/ bdag gi phun sum tshogs pa la chags pa'i rab tu dga' ba ste/ sems yongs su 'dzin pa'o/ /de ni rnam pa du ma ste /rigs dang/ stobs dang/ gzugs dang/ yid gzhungs pa dang/ /blo dang/ longs spyod dang/ dbang phyug la sogs par rig par bya'o/ /bdag gi phun sum tshogs pa zhes bya ba ni zag pa dang bcas ba'i phun sum tshogs pa gang yang rung pa'o/ /chags pa'i rab tu dga' ba zhes bya ba ni dga' ba'i yid bde ba ste/ nyon mongs pa can gyi dga' ba'i bye brag 'dod chags kyi char gtogs pa'o/ /yongs su 'dzin pa zhes bya ba ni dge ba'i rtsa ba thams cad sel ba'o/ /nyon mongS pa dang nye ba'i nyon mongs pa thams cad kyi rten byed pa'i las can no/ /rnam par 'tshe ba gang zhe na/ sems can rnams la mtho 'tsham pa'o zhes bya ba ni khong khro ba'i char gtogs pa/ snying brtse ba med pa snying rje mer pa'o/ /sems can rnams la rnam par mtho 'tsham pa ni thal lcag dang khu tshur gyis brdeg pa la sogs pa byed pa ste /'di ni de'i las can no/ /ngo tsha med pa gang zhe na/ kha na ma tho bas bdag la mi 'dzem pa'o/ /ngo tsha mi shes pa ni ngo tsha med pa ste/ ngo tsha shes pa dang mi mthun pa'i chos so/ /ngo tsha ni shes pa ni 'dod chags dang zhe sdang dang gti mug gi char gtogs pa'o/ /kha na ma tho bas bdag la mi 'dzem pa'o zhes bya ba la bdag la zhes bya ba ni rang la'o/ /kha na ma tho ba ni sdig pa'o/ /nges mi 'dzem pa ni sdig pa byed ces bya ba'i tha tshig go /nyon mongs pa dang/ nye ba'i nyon mongs pa thams cad kyi grogs byed pa'i las can no/ /khrel med pa gang zhe na /kha na ma tho bas gzhan la mi 'dzem pa'o/ /khrel med ba ni khrel yod pa ma yin te /khrel yod pa dang/ min thun
- 80b
pa'i chos ni khrel med pa'o/ /kha na ma tho bas gzhan la mi 'dzem pa zhes bya ba ni gzhan nam gzhan rnams la mi 'dzem par sdig pa byed pa'o/ /nyon mongs pa dang nye ba'i nyon mongs thams cad kyi grogs byed pa'i las can no/ /rmugs pa gang zhe na sems las su mi rung ba ste blong ba nyid do zhes bya ba la/ gti mug gi char gtogs pas sems las su mi rung ba'o/ /rmugs pa ni nyon mongs pa dang/ nye ba'i nyon mongs pa thams cad kyi grogs byad pa'i las can no/ /rgod ba gang zhe na sems rnam par ma ni ba'o zhes bya ba ni sdug pa'i mtshan ma'i rjes su 'brang ba ste/ 'dod chags kyi char gtogs pas sems rnam par ma zhi ba'o/ /sdug pa'i mtshan ma'i rjes su 'brang ba ni 'dod chags dang mthun pa ste/ sngon rgod rgod pa dang/ rtse rtse ba rjes su dran pa'i phyar sems rnam par ma zhi bar rig par bya ste/ zhi gnas kyi bar du gcod pa'i las can no/ /ma dang ba gang zhe na/ las dang 'bras bu dang/ bden pa dang dkon mchog rnams la yid mi ches pa dang/ sems ma dang pa ste/ dad pa'i mi mthun pa'i phyogs so/ /gong du smos pa'i las dang 'bras bu dang bden pa dang/ dkon mchog la sogs pa la yid mi ches pa ste/ de ni sems ma dang pa'o/ /yid mi ches ba rna mi 'dod pa ste/ dad pa'i mi mthun pa'i phyogs so/ /le lo'i rten byed pa'i las can/ /dad pa med na sbyor bar 'dun pa med pa'i phyir ro/ /le lo gang zhe na/ dge ba la sems mngon par spro ba med pa ste /brtson 'grus kyi mi mthun pa'i phyogs so zhes bya ba la/ dge ba la sems dang pa la sogs pa dang mtshungs par ldan pa de la sems mi spro ba ste /nyal ba dang/ gnyes ba dang/ 'phros pa'i 'bod nyams la brten nas gti mug gi char gtogs pa brtson 'grus kyi mi mthun pa'i phyogs so/ /dge ba'i phyogs la sbyor ba'i bar du gcod pa'i las can no/ /bag med pa gang zhe na/ chags pa dang zhe sdang dang gti
- 81a
mug dang le lo gang yin pa de dag gis nyon mongs pa las sems mi bsrung ba dang/ dge ba ni bsgom ba'o/ /bag med pa ni 'dir chos bzhi ste/ chags pa dang zhe sdang dang gti mug dang/ le lo zhes bya ba'o/ /de dag gi zil gyis non na nyon mongs pa rnams las sems 'dod chags dang bral bar mi byed pa'o/ /de dag la gnas pa ni ma chags pa la sogs pa'i dge ba'i rtsa ba bsgom par mi byed pa'o/ /mi dge ba 'phel ba dang/ dge ba yongs su 'grib pa'i rten byed pa'i las can no/ brjed ngas pa gang zhe na/ dran pa nyon mongs pa can te/ dge ba mi gsal ba'o/ /dran pa nyon mongs pa can zhes bya ba ni nyon mongs pa dang mtshungs par ldan pa'o/ /dge ba mi gsal ba zhes bya ba ni yang dag pa'i gdams dag brjed ces bya ba'i tha tshig go / rnam par g.yeng ba'i rten byed pa'i las can no/ /rnam par g.yeng ba gang zhe na/ 'dod chags dang/ zhe sdang dang/ gti mug gi shas kyi 'dod pa'i yon tan lnga bo dag la gang sems rnam par 'phro ba'o/ /de yang rang bzhin gyis sems rnam par g.yeng ba dang /phyi rol du rnam par g.yeng ba dang/ nang gi rnam par g.yeng ba dang/ mtshan ma'i rnam par g.yeng ba dang/ gnas ngan len gyi rnam par g.yeng ba dang/ yid la byed ba'i rnam par g.yeng ba'o/ /rang bzhin gyis rnam par g.yeng ba ni rnam par shes pa'i tshogs lnga ste /de dag ni rang bzhin gyis nang du mnyam par bzhag par mi nus pa'i phyir ro/ /phyi rol du rnam par g.yeng ba ni dge ba la zhugs na 'dod pa'i yon tan lnga la sems rnam par 'phro ba ste/ thos pa la sogs par dge ba la sbyor ba na dmigs pa de las phyi rol du 'dod pa'i yon tan lnga la sems 'gro bar rig par bya'o/ /nang gi rnam par g.yeng ba ni dge ba la zhugs pa'i tshe bying ba dang rgod pa dang/ ro myang bar byed pa ste /ting nge 'dzin la zhugs pa'i tshe bying ba dang/ rgod pa dang/ ro myang bar byed pa'o/ /
- 81b
ting nge 'dzin du ltung ba'i phyir nyes pa'o/ /mtshan ma'i rnam par g.yod ba gang zhe na/ pha rol yid ches par bya ba sngon du btang nas dge ba la sbyor ba ste/ gzhan gyis bdag la yon tan dang ldan bar yid ches par 'gyur ro snyam pa'o/ /de'i mtshan ma ni de'i rgyu ste/ dge ba la zhugs pa dge ba las yongs su nyams par rig par bya'o/ /gnas ngan len gyi rnam par g.yeng ba gang zhe na/ ngar 'dzin pa dang/ nga yir 'dzin pa dang/ nga'o snyam pa'i nga rgyal gyi phyogs kyi gnas ngan len pa brten nas/ dge ba la zhugs pa'i tshor ba 'byung zhing/ byung ba rnams la nga zhes bya ba dang/ nga yir zhes bya bar 'dzin te/ 'dren mar 'byung zhing mtshan mar byed ba'o/ /yid la byed pa'i rnam par g.yeng ba gang zhe na/ ting nge 'dzin gzhan nam /theg pa gzhan la snyoms par 'jug pa 'am/ gnas par byed ba na rnam par 'phro bar byed ba gang yin pa'o/ /'dod chags dang bral ba'i bar du gcod pa'i las can no/ /shes bzhin ma yin pa gang zhe na/ nyon mongs pa dang mtshungs par ldan pa'i shes rab ste /des lus dang/ ngag dang/ yid kyi spyod pa laS mi shes bzhin du 'jug pa'o zhes bya ba la/ lus dang/ ngag dang/ yid kyi spyod pa la mi shes pa ni 'gro ba dang ldog pa la sogs pa la legs par so sor ma brtags par 'jug par rig par bya'o/ /ltung ba'i rten byed ba'i las can no/ /de ltar bya ba dang/ mi bya ba mi shes pas 'byung ngo/ /nye ba'i nyon mongs pa rnams bshad zin to/ /bzhi gzhan du yang 'byung ro zhes smos pa la/ 'gyod pa gang zhe na/ yid la gcags pa'o zhes bya ba ni smad par byas pa ste/ /ngan pa byas pa'i dngos po zhes bya ba'i tha tshig go/ ngan pa gang byas pa'i de 'dir sbyar te/ yid la gcags pa ni ma yin no/ /'dir yid la gcags pa la 'gyod zhes bya ste/ de la dmigs pa'i phyir ro/ /dper na stong pa nyid la dmigs pa'i sems rnam par dag pa la rnam par thar pa zhes bya ba lta
- 82a
bu'o/ /yang na 'bras bu la rgyu gdags pa ste/ 'di la 'gyod pa'i 'bras bu ni yid la gcags pa'o/ /de gnyi ga yang gnyi ga'i rten te/ dge ba dang mi dge ba so so'o/ /gang dge ba ma byas pas 'gyod ba de ni dge ba'i rten no/ / gang mi dge ba byas pas 'gyod pa de yang dge ba'i rten no/ /de bzhin du mi dge ba gnyi ga'i rten de bzlog pa'o/ /gang mi dge ba ma byas las 'gyod pa de ni mi dge ba'i rten to/ /dge ba byas pas 'gyod pa de yang mi dge ba'i rten to/ /sems gnas pa'i bar du gcod pa'i las can no/ /gnyid gang zhe na/ 'jug pa rang dbang med par sems sdud ba'o/ /gnyid kyi rgyu la brten nas gti mug gi char gtogs pa sems las byung ba'i chos kyi sems rang dbang med pa skyed do/ /rang dbang med pa de ni sems mngon par sdud pa ste/ dge ba dang mi dge ba dang/ lung du ma bstan pa dang/ dus dang dus ma yin par yang rung ste /sems mngon par sdud pa'o/ /bya ba shor ba'i rten byed ba'i las can no/ /rtog pa gang zhe na/ kun tu 'tshol ba'i yid kyis brjod pa'i ste/ sems pa dang shes rab kyi bye brag gang sems rtsing ba'o/ /kun tu 'chol ba zhes bya ba ni 'chol bar byed pa'o/ /yid kyi brjod pa zhes bya ba ni yid kyi rnam par shes pa'o/ /de ni sems pa 'am/ shes rab la rten nas gang sems rtsing ba ste/ rags pa bum pa dang snam bu dang shing rta la sogs pa la 'dzin pa'o/ /sbyong pa gang zhe na/ so sor rtog pa'i yid kyi brjod pa ste /de bzhin du gang sems zhib pa'o/ /gzhan ni sdang smos pa dang sbyar ro/ /sems zhib pa zhes bya ba ni bum pa la sogs pa de nyid la chos sam mchos zhes bya ba la sogs par 'dzin pa'o/ /gnyi ga yang rig pa dang/ reg pa ma yin par gnas pa'i rten byed pa'i las can no/ /yang na dge ba'i chos rnams kyi las ni rang gi mi mthun pa'i phyogs spong ba'i las can dang
- 82b
nyon mongs pa dang nye ba'i nyon mongs pa thams cad kyi rang gi gnyen po'i bar du gcod pa'i las can no/ /sems las byung ba rnams bshad zin to/ /sems dang mi ldan pa rnams brjod par bya ste/ de dag smras pa/ sems dang mi ldan pa ma yin pa'i du byed rnams gang zhe na zhes bya bO/ /'di ni 'dri ba ste 'di lan btab pa ni/ gang zag gzugs dang sems dang sems byung ba'i gnas skabs la gdags pa ste/ zhes bya ba ste /gzugs kyi gnas skabs dang/ sems kyi gnas skabs dang/ sems las byung ba'i gnas skabs la gdags kyi /rdzas su yod pa ni ma yin no/ /sems ni ma bshad na 'di ji ltar sems kyi gnas skabs la gdags/ smras pa/ ma 'ongs pa la ltos pa ste/ de la rigs pa'i phyir nyes pa med do/ /de dag kyang ci'i gzugs dang sems dang sems las byung ba'i gang dag yin pa de dag nyid mi ldan pa rnams yin nam/ 'on te gzhan la 'am/ brjod par bya ba ma yin pa zhig gam zhe na/ de ni de lta ma yin te/ ji lta zhe na/ de'i phyir/ de nyid dang/ gzhan du mi gdags so zhes bya ba smras te/ khu tshur bzhin no/ /dper na khu tshur ni sor mo las gzhan yang ma yin/ gzhan pa yin pa yang ma yin/ brjod par bya ba ma yin pa la yang ma yin no/ /gal te sor mo rnams las gzhan yin par gyur na ni logs shig tu bzung bar 'gyur ro/ /ci ste gzhan ma yin na ni sor mo brkyang ba rnams la yang bzung bar 'gyur ro/ /brjod par bya ba ma yin pa la yang mi bya ste/ 'di ltar khu tshur zhes brjod pa'i phyir ro/ /de lta bas na de nyid dang gzhan dang brjod par bya ba ma yin pa la mi gdags par 'thad do/ /de dag kyang gang zhe na /thob pa dang/ 'du shes med pa'i snyoms par 'jug pa dang/ 'gog pa'i snyoms bar 'jug ba dang/ 'du shes med pa dang/ srog gi dbang po dang/ ris mthun pa dang/ skye ba dang/ rga ba dang/ gnas pa dang/ mi rtag pa nyid dang/ ming
- 83a
gi tshogs dang/ tshig gi tshogs dang/ yi ge'i tshogs dang/ so so'i skye bo nyid dang/ de lta bu'i cha dang mthun pa dag go zhes bya ba la/ de lta bu'i cha dang mthun pa dag ces smos pa ni 'jug pa dang so sor nges pa dang/ 'byor 'brel ba dang/ mgyogs pa dang/ go rims dang/ dus dang/ yul dang/ grangs dang/ grangs med pa dang/ chogs pa ste/ de dag bsdu ba'i phyir ro/ /chos de dag ni sems dang 'brel ba ma yin pa'i byed ba can yin pas sems dang mi ldan pa zhes bya'o/ /gzugs kyi rang bzhin yang ma yin no/ /sems las byung ba bzhin du sems dang lhan cig tu dmigs pa la mi 'jug ces bya ba'i tha tshig go /de la thob pa gang zhe na/ snyed pa dang ldan pa'o/ /gang sngon ma thob pa de la snyed ba zhes bya ste/ bye brag bstan to/ /thob pa rnams skad cig phyi ma la sogs pa yang mi 'bral ba ni ldan pa zhes bya ste/ khyad par bstan to/ /de yang sa bon dang/ dbang dang/ sngon tu gyur pa dang/ ci rigs su sbyar ro zhes bya ba ni grangs bzhin du ma yin no/ /sa bon zhes bya ba ni thob pa'o/ /dbang dang sngon du gyur ba ni ldan ba'o/ /'du shes med pa'i snyoms par 'jug pa gang zhe na/ dge rgyas kyi 'dod chags dang bral la gong ma'i ma yin pa 'byung ba'i 'du shes sngon du btang ba'i yid la byed pas sems dang sems las byung ba'i chos bstan pa ma yin pa rnams 'gog pa gang yin pa'o/ /'du shes med pa rnams kyi snyoms par 'jug pa ni 'du shes med pa'i snyoms par 'jug pa ste/ 'du shes med pa'i lha rnams kyi zhes bya bar mngon no/ /yang na bdag nyid 'du shes med pa ste/ kun tu mi 'byung ba'i phyir ro/ /snyoms par 'jug pa ni/ rgyu zhes bya ba'i tha tshig go/ dge rgyas kyi 'dod chags dang/ bral zhes bya ba ni 'dod pa'i khams gnas nyi shu la dzam+bu'i gling gi 'og na sems can dmyal ba chen po brgyad de/ mnar med pa dang/ rab tu tsha ba dang/ tsha ba dang/ du 'bod chen po dang/ du 'bod dang/ bsdus 'joms dang/ thig nag
- 83b
dang/ yang sos zhes bya ba ste/ go rims bzhin du gong nas gong du gnas par rig par bya'o/ /gzhan yang grang ba'i sems can dmyal ba brgyad de/ chu bur can dang/ chu bur rdol ba dang/ so thams thams dang/ kyi hung zer ba dang/ a chu zer ba dang/ utpal ltar gas pa dang/ pad+ma ltar gas pa dang/ pad+ma ltar gas pa chen po ste/ sems can de dag ni grang ba drag pos nyen? nas lus dang sgra'i 'gyur ba'i tshul la ming 'di dag btags so/ /de dag kyang sems can thams cad kyi las kyi dbang gis dzam+bu'i gling gi 'og tu grub bo/ / nyi che ba'i sems can dmyal ba rnams ni rang rang gi las grub pa rab ste/ mang po 'am gnyis sam gcig gi las kyis grub pa yin pas gnas ma des te/ chu dang ri dang mya ngan gyi phyogs la sogs pa'o/ /dud 'gro ni/ thad dang chu dang nam mkha' i spyod yul ba de dag gi gnas ni rgya mtsho ste de nas so sor gyis so/ /yi dags rnams kyi rgyal po ni gshin rje ste /dzam+bu'i gling 'di'i 'og nas dpag tshad lnga brgyas chod ba'i 'og na rgyal po'i pho brang yod de/ de dag gi rtsa ba'i gnas te/ de nas so sor gyes so/ /gling bzhi ni dzam+bu'i gling dang/ nub kyi ba la? spyod dang/ byang gi sgra mi snyan dang/ shar gyi lus 'phags zhes bya ba'o/ /'dod pa'i khams su skyes ba'i lha drug la rgyal chen bzhi'i ris rnams dang/ sum cu rtsa gsum ba rnams dang/ 'thab bral rnams dang/ dpa' ldan rnams dag 'phrul dga' rnams dang/ gzhan 'phrul dbang byed rnams te/ de dag 'dod pa la spyod ba ni gnyis sprod ba dang/ 'khyud ba dang/ lag changs dang/ 'dzum ba dang/ lta ba las 'gyur te/ 'di ni 'dod khams so/ /gzugs kyi khams tshangs ris dang/ tshangs pa'i mdun na 'don dang/ tshangs chen ni bsam gtan dang bo'o/ /'od chung dang/ tshad med 'od dang/ 'od gsal ni bsam gtan gnyis ba'o/ /dge chung dang/ tshad med dge dang/ dge rgyas ni bsam gtan gsum pa'o/ /sprin med dang/ bsod nams skyes dang
- 84a
'bras bu tshe dang/ gnas de rnams ni so so'i skye ba'i gnas so/ /gnas gcod ? lnga bo mi che ba dang/ mi gdung ba dang/ gya nom snang ba dang/ shin tu mthong dang/ 'og min zhes bya ba rnams ni bsam gtan bzhi pa ste/ 'di dag ni gzugs kyi khams so/ /nam mkha' mdza' yas skye mched du nye bar 'gro ba dang/ rnam shes mdza' yas skya mched du nye bar 'gro ba dang/ ci yang med pa'i skye mched du nye bar 'gro ba dang/ 'du shes med 'du shes med min skye mched du nye bar 'gro ba 'di ni gzugs med pa'i khams te/ 'di dag ni khams gsum du blta'o/ /de la 'di ni dge rgyas kyi lha'i ris kyi 'dod chags dang ma bral ba'o/ /yid la byed pa gang gis snyoms par 'jug pa 'di la snyoms par 'jug can/ smras pa/ 'byung ba'i 'du shes sngon du btang ba'i yid la byed pa smos pa'o/ /snyoms par 'jug pa de ni sems dang sems las byung ba'i chos bstan pa ma yin pa rnams 'gog pa'o/ /de dag ni 'jug pa'i rnam par shes pa mtshungs par ldan pa dang bcas pa drug ste/ mig gi rnam par shes pa dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang/ lus kyi rnam par shes pa dang/ yid kyi rnam par shes pa'o/ /brtan pa ni kun gzhi rnam par shes pa dang/ nyon mongs pa can gyi yid do/ /'gog pa'i snyoms par 'jug pa gang zhe na /ci yang med pa'i skye mched kyi 'dod chags dang bral ba/ srid ba'i rtse mo las gyen du bskyod pa'i gnas pa'i 'du shes sngon du btang ba'i yid la byed bas sems dang sems las byung ba'i chos brtan pa ma yin pa rnams dang/ brtan pa rnams las kyang kha cig 'gog pa gang yin pa'o/ /'di la 'di ni bye brag yin te/ gnas pa'i 'du shes sngon du btang ba'i yid la byed bas 'di la snyoms par 'jug pa'o/ /brtan pa rnams las kyang kha cig 'gog pa zhes bya ba ni nyon mongs pa can gyi yid mtshungs par ldan
- 84b
pa dang bcas pa 'gog pa'o/ /? ma ni 'jig rten pa rnams kyi snyoms par 'jug pa'o/ /'gag pa'i snyoms par 'jug pa ni chos 'di ba rnams kyi ste/ phyir mi 'ong ba dang/ dgra bcom pa snyams bar 'jug pa'o/ /de dag la sogs pa ni de dag gi khyad par rgyas pa'o// 'du shes med pa gang zhe na/ 'du shes pa'i snyoms par 'jug pa'i 'bras bu ste/ 'du shes med pa'i sems can gyi khrod lta rnams kyi nang du skyes ba'i sems dang sems las byung ba'i chos brtan pa ma yin pa rnams 'gog pa'o/ /brtan pa ma yin pa zhes bya ba ni 'jug pa'i rnam par shes pa drug dag 'gog pa nyid ? yin pa'o/ /'du shes med pa 'di ni 'du shes med pa'i snyoms par 'jug pa'i 'bras bu'o/ /'bras bu che ba'i phyogs gcig gi khrod na 'du shes med pa'i lha rnams 'khod de/ bsam gtan khyad par can dang mtshungs so/ /srog gi dbang po gang zhe na/ dis mthun pa rnams su sngon gyi las kyi 'phags bas gang 'du byed rnams kyi gnas ba'i dus des pa'o/ /sngon gyi las kyi bag chags kyis 'phags pa'i rnam par smin ba'i rgyun gzhan gyi mthu la srog gi dbang po zhes bya'o/ /de'i dbang gis ji srid las yod kyi bar du ris 'dra ba'i rgyun 'chad pa zhes bya ba'i 'chi bar mi 'gyur ro/ /ris mthun pa gang zhe na/ gang sems can rnams kyi lus 'dra ba'o/ /sems can gyi ris de dang de dag na sems can de dang de dag gi lus dang dbang po dang dbyibs dang g.ye ba kha? zas la sogs pa mthun par byed pa dang/ phan tshun du mngon par dga' ba'i brel ba'i rgyu'o/ /de la 'gro ba 'dra ba ni 'dra ba ste/ lus mtshungs pa nyid kyi 'dra ba ni 'dra ba'o/ /skye ba gang zhe na ris mthun par gang 'du byed rnams ma byung ba las byung ba gang yin pa'o/ /ris 'dra ba ni mthun ba'o/ /der 'du byed gzugs la sogs pa ma byung ba las nur nur po la sogs pa'i dngos po la skye ba zhes gdags po/ /rga ba gang zhe na/ de ltar de dag gi rgyun gzhan du gyur ba'o/ /'du byed byung ba de dag gi nur
- 85a
nur po la sogs pa'i gnas skabs rnams la rgab gdags so/ /gnas pa gang zhe na/ de ltar de dag rgyun rgyud chags ba'o/ /'du byed byung ba de dag gi skad cig gcig nas gcig tu brgyud ba ma shi'i bar du nges par gnas pa la gnas pa gdags so?/ /mi rtag pa nyid gang zhe na/ de ltar de dag gi rgyun 'chad pa'o/ /'du byed rnams kyi skad cig gcig nas gcig tu brgyud pa nges par 'byung ba gang shin tu rgyun chad pa de la mi rtag pa nyid ces bya'o/ /de'i phyir 'chi ba rnams pa gnyis su 'grub par 'gyur te/ rga ba dang gnaS pa'i dus na skad cig ma 'chi ba dang/ phung po zhig ste rgyun 'chad pa'i 'chi ba'o/ /bzhi bo de dag ni 'dus byas kyi mtshan nyid rnams so/ /ming gi tshogs gang zhe na/ chos rnams kyi ngo bo nyid kyi tshig bla dags so/ /'di lta ste/ mig ces bya ba la sogs ba'o/ /tshig gi tshogs gang zhe na/ chos rnams kyi khyad par gyi tshig bla dags so/ /'di lta ste kye ma 'du byed mi rtag ste zhes bya ba la sogs pa'o/ /ji tsam gyis brjod par 'dod pa'i don yongs su rdzogs pa ste/ gang gis byed pa dang/ yon tan dang/ dus kyis 'brel pa'o khyad par rnams rtogs par byed bya ba'i tha tshig go /'di lta ste bum pa byas zhes bya ba'i dag 'dis ni byed pa'i 'brel pa'i khyad par rtogs par byed do/ /lhas byin nag po dkar po sngo sangs zhes bya na ni yon tan gyi 'brel ba'i khyad par ro/ /lhas byin 'tshed do 'tshed bar 'gyur ro/ /bcos so zhes bya ba 'dis ni dus kyi 'brel pa'i khyad par rtogs par byed do/ /de lta rang gi mtshan nyid mngon par brjod pa zhes bya ste/ byed pa dang yon tan dang dus kyi 'brel ba'i khyad par brjod pa'i tshig ces bya'o/ /yi ge'i tshogs gang zhe na/ yi ge rnams te de gnyis gsal bar byed pa'i phyir ro zhes bya ba la/ gnyi ga ni chos rnams kyi ngo bo nyid dang khyad par ro/ /gsal bar byed ces bya ba ni mngon par byed ces bya ba'i tha tshig go /brjod pa yang de dag yin te/ ming dang tshig la brten nas/ don brjod pa'i phyir ro zhes bya ba la/ ming ni mig ces bya ba la
- 85b
sogs pa'o/ /tshig ni mig mi rtag ces bya ba la sogs pa'o/ /de gnyi ga la brten nas don gyi rang bzhin dang/ bye brag ces bya ba brjod pa'i phyir brjod pa'o/ /yi ge yang rnam grangs gzhan du mi 'gyur bar byed pa'i phyir ro zhes bya ba ni/ a zhes bya ba 'di rnam grangs gzhan gyis brjod par mi nus pa'i phyir ro/ /a zhes bya ba la sogs pa yang rig par bya'o/ /so so skye bo nyid gang zhe na/ 'phags pa'i chos rnams ma thob pa'o zhes bya ba ni gang dag sdig pa mi dge ba'i chos rnams la thag ring du log pa de dag 'phags pa rnams te/ de dag gi chos rnams ma thob pa'o/ /'phags pa ni sangs rgyas dang/ rang sangs rgyas dang/ 'phags pa nyan thos rnams yin no/ /de dag gang gis ma thog smras pa/ bye brag tu ma phye bas thams cad kyi ma thob ces bstan par 'gyur ro/ /ma thob pa ni 'dir thob pa med par blta'o/ /'du byed kyi phung po bshad zin to// //'du byed kyi phung po'i 'og tu rnam par shes pa'i phung po brjod par bya ste/ de smras pa/ rnam par shes pa gang zhen zhes bya ba ste/ rnam par shes pa'i phung po zhes bya ba'i tha tshig go /dmigs pa rnam pa rig pa'o zhes bya ba la/ dmigs pa ni rnam pa drug ste/ gzugs dang sgra dang dri dang ro dang/ reg bya dang/ chos rnams so/ /de dag khong du chud pa ni rnam par rig pa ste/ rnam par shes ba'o/ /de dag kyang 'jug pa'i rnam par shes pa drug go /de la mig gi rnam par shes pa gang zhe na/ mig ni rten gzugs ni dmigS pa ste/ so sor rnam par rig pa'o/ /rna ba'i rnam par shes pa gang zhe na/ rna ba ni rten/ sgra ni dmigs pa ste/ so sor rnam par rig pa'o/ /sna'i rnam par shes pa gang zhe na/ sna ni rten/ dri ni dmigs pa ste/ so sor rnam par rig pa'o/ /lce'i rnam par shes pa gang zhe na/ lce ni rten/ ro ni dmigs pa ste/ so sor rnam par rig pa'o/ /lus kyi rnam par shes pa gang zhe na/ lus ni rten/ reg bya ni dmigs pa ste/ so sor rnam par rig pa'o/ /yid kyi rnam
- 86a
par shes pa gang zhe na/ yid ni rten/ chos ni dmigs pa ste/ so sor rnam par rig pa'o/ /rnam grangs bstan pa'i phyir 'di skad brjod do/ /sems dang yid kyang de yin te/ zhes bya'o/ rnam grangs kyi don no/ /sna tshogs pa dang yid rten byed ba'i phyir ro zhes bya'o/ /de la sna tshogs ba'i phyir zhes bya ba ni sems te/ sna tshogs pa ni mig gi rnam par shes pa la sogs pa gzugs las sogs pa rnam pa du ma'i bye brag gis tha dad pa rnams la ji snyed pa de snyed de/ gzugs la sogs ba'i rnam pa nyid ces bya ba'i tha tshig go /de'i phyir de dbang po las byung nas yul rnam par shes pa zhes bya ste/ dbang po la ni ma yin no/ /yid rten byed ces bya ba ni 'jug pa'i rnam par shes pa drug yin la gnas pa ste/ ji skad du drug po 'gags ma thag pa yi/ rnam shes gang yin de yid do/ zhes bshad pa ste/ gang dang gang 'gags ma thag pa de la yid ces bya'o/ dper na bu de nyid gzhan gyi pha zhes bya ba dang/ 'bras bu de nyid gzhan gyi sa bon zhes bya de bzhin du 'jug pa'i rnam par shes ba'i 'bras bu drug po de dag nyid 'gags pa na gang gi tshe rnam par shes pa gzhan byung ba'i rten du gyur ba de'i che rten byed ces bya'o/ /de ltar 'jug pa'i rnam par shes pa drug la sems zhes bstan to/ /dngos su na sems ni kun gzhi rnam par shes pa ste zhes bya bar blta'o/ /dngos su na sems ni kun gzhi rnam par shes pa nyid yin gyi/ 'jug pa'i rnam par shes pa drug ma yin par ci mngon zhe na/ de'i phyir 'di ltar de ni 'du byed thams cad kyi sa bon bsags ba'o zhes bya ba smos so/ /'du byed thams cad ni kun nas nyon mongs pa'i chos rnams so/ /de dag ni rkyen bzhis byung ste/ de la rgyu'i rkyen ni kun gzhi rnam par shes pa la gnas pa'i bag chags rnams so/ /bdag po'i rkyen ni dbang po drug po rnams so/ /mtshungs pa de ma thag pa'i rkyen ni yod do/ /dmigs pa'i rkyen ni gzugs la sogs ba'o/ /de dag 'byung ba'i go rims ni mig la
- 86b
sogs pa rnams la yang brten/ gzugs la sogs pa la yang brten nas mig gi rnam par shes pa la sogs pa 'byung ngo/ byung ma thag tu yid kyi rnam par shes pa yul rnams la rtog go /rnam par rtog pa las 'dod chags la sogs ba nyon mongs pa 'byung ngo/ /nga la bsod nams dang/ bsod nams ma yin pa dang/ mi g.yo ba'i mtshan nyid 'du byed ces bya ba'i las 'byung ngo/ /'du byed ni 'dir sems bar blta'o/ /skyes ba las de dgag pas na kun gzhi rnam par shes pa la bag chags skyed bar byed do/ /de bzhin du kun nas nyon mongs pa'i chos rnams kyang kun gzhi rnam par shes pa la bag chags skyed bar byed do/ /bag chags kyi sa bon thams cad gong nas gong su sogs pas sems so/ /ji ltar kun gzhi rnam par shes pa kun nas nyon mongs ba'i 'du byed thams cad kyi rgyu yin pa de bzhin du de dag kyang kun gzhi rnam par shes pa'i rgyu yin na/ kun gzhi rnam par shes pa de ni rnam pa gnyis su 'gyur te/ rgyu zhes bya ba dang/ 'bras bu zhes bya ba'o/ /rgyu zhes bya ba ni bag chags so/ /'bras bu zhes bya ba ni rnam par smin pa ste/ sngon gyi las kyi bag chags kyis skyed ces bya ba'i tha tshig go /'di ltar cig gi rgyu las gcig byung bar blta'o/ /dper na mar me 'bar ba dang/ ras tshig par byed ba 'byung ba phan tshun dus mnyam pa dang/ mdud khyim dus gcig pa gcig gis gcig brten te mi 'gyel ba ltar 'byung ba'i rgyu gang yin pa de ni kun gzhi rnam par shes pa yin par khong du chung par bya'o/ /ci'i phyir kun gzhi rnam par shes pa zhes bya/ dmigs pa ni gang rnam pa gang zhe na/ smras pa de yang dmigs pa dang/ rnam pa yongs su mchad pa'o zhes bya'o/ /de yang ci dge ba 'am/ mi dge zhig smras pa ma yin te/ rigs gcig pa dang zhes bya ba ste/ lung du ma bstan ba'i rang bzhin zhes bya ba'i tha tshig go /skad cig pa 'am/ skad cig pa ma yin pa zhe na smras ba rgyun chags par 'jug pa'o zhes bya ba ste/ skad cig ma zhes bya ba'i tha tshig go /rang bzhin gcig pa de yod par ji ltar shas
- 87a
bar bya zhe na/ lung dang rig pa las te/ lung ni bcom ldan 'das kyi chos sngon ba'i mdo las tshigs su bcad de gsungs pa/ thog ma med pa'i dus kyi dbyings/ /chos rnams kun gyi gnas yin te/ de yod pas na 'gro kun dang/ mya ngan 'das pa'ang thob par 'gyur zhes bya ba'o/ /rig pa ni 'di ltar 'gog pa'i snyoms par 'jug pa dang/ 'du shes med pa'i snyoms par 'jug pa dang/ 'du shes med pa rnams las langs nas yul rnam par rig pa zhes bya 'jug pa'i rnam par shes pa 'byung ba dang dmigs pa'i rkyen la bltos nas zhes bya ba ste/ 'di ltar zhes bya ba ni /gang gi phyir zhes bya ba'i tha tshig go /'gog pa'i snyoms par 'jug pa la snyoms par zhugs pa na /'jug pa'i rnam par shes pa drug 'gag go /de bzhin du 'du shes med pa'i snyoms par 'jug pa la snyoms par zhugs pa dang/ 'du shes med pa las langs nas yang yul rnam par rig pa zhes bya ba 'jug pa'i rnam par shes pa 'byung ba gang gi phyir zhes bya ba'i skabs dang sbyar te/ de'i rgyu ni kun gzhi rnam par shes pa la gnas pa'i bag chags so/ /dmigs pa'i rkyen la ltos nas zhes bya ba la/ dmigs pa ni yul drug ste/ gzugs dang bsgra bdang/ dri dang ro dang/ reg bya dang/ chos zhes bya'o/ /gal te kun gzhi rnam pa shes pa khas mi lan na 'jug pa'i rnam par shes pa drug rgyu gang las 'byung bar 'gyur/ de lta bas na kun gzhi rnam par shes pa khas blang bar bya'o/ /rnam pa gzhan du 'jug pa nyid ces bya ba ni mig gi rnam par shes pa la sogs pas sngon po la sogs pa'i rnam par 'byung ba na gang las byung ba de kun gzhi rnam par shes pa yin no/ /chad nas yang 'byung ba zhes bya ba zhes bya ba ni gnyid kyi log pa dang/ brgyal ba la sogs pa'i dus na 'jug pa'i rnam par shes pa rgyun chad pa rnams gang las 'byung bar 'gyur ba de kun gzhi rnam par shes pa'o/ /'khor bar 'jug pa dang log pa'i phyir ro zhes bya ba la/
- 87b
'khor ba ni nye bar len pa'i phung po lnga ste/ de dag gi 'jug pa dang ldog pa ni 'ongs pa dang 'gro ba'i dngos po'o/ /de lta bu'i rang bzhin can gyi lus kyi rgyu'i bye brag ni kun gzhi rnam par shes pa zhes bya'o/ /kun gzhi rnam par shes pa de nyid ni sa bon thams cad kyi gzhi nyid dang/ lus gyi kun gzhi dang rgyu nyid ces bya ba ni 'di ltar kun nas nyon mongs pa chos thams cad kyi sa bon gang yin/ de dag la gnas te /de'i phyir kun gzhi rnam par shes pa zhes bya'o/ /yang na de dag la rgyu'i dngos por gnas ba'o/ /lus la gnas pa nyid kyi phyir ro zhes bya ba ni 'di ltar rnam par shes pa de lus la gnas pa de/ de'i phyir kun gzhi rnam par shes pa zhes bya'o/ /len pa'i rnam par shes pa yang de yin te/ lus len pa'i phyir ro zhes bya ba ni kun gzhi rnam par shes pa nyid len ba'i rnam par shes pa yin te/ dgongs pa nges par 'grel ba'i mdo las/ len pa'i rnam par shes pa zab cing phra/ /sa bon thams cad chu bo bzhin du 'bab/ /bdag tu rtog par gyur na mi? rung zhes/ /'di ni byis pa rnams la ngas ma bstan/ /ces gsungs pa lta bu'o/ /de'i phyir len pa'i rnam par shes pa zhes bya ste/ dbang po gzugs can thams cad len pa dang/ lus thams cad len ba'i gnas yin pa dang/ lus len pa'i phyir te/ 'di ltar des dbang po gzugs can dag zin na ji srid 'tsho'i bar du mi 'chi bar gnas so/ /nyid mtshams sbyor bar byed pa na yang de mngon par 'grub pa dang/ len pas lus zin pa yin te/ de'i phyir/ lus len pa nyid kyi phyir ro zhes smos so/ /dngos su na yid ni kun gzhi rnam par shes pa la dmigs te zhes bya ba ni/ kun gzhi rnam par shes pa la bdag tu dmigs zhes bya ba'i tha tshig go /de ni rtag tu rlom? sems pa'i bdag nyid de/ rtag tu bdag tu rmongs pa dang/ bdag tu lta ba dang/ bdag tu nga? rgyal ba dang/ bdag tu chags pa la sogs pa dang mtshungs par ldan pa yin te/ de'i phyir de ni kun tu
- 88a
'gro ba zhes bshad de/ dge ba dang mi dge ba dang lung du ma bstan pa la yang 'byung ngo/ /rnam par shes pa ste/ rig gcig pa zhes bya ba ni nyon mongs pa can gyi rang bzhin zhes bya ba'i tha tshig go /rgyun chags par 'jug pa ste zhes bya ba ni skad cig pa zhes bya ba'i tha tshig go /de ni kun tu 'gro ba yin yang/ dgra bcom pa 'phags pa'i lam dang/ 'gog pa'i snyoms par 'jug pa'i dus ma gtogs so/ /'phags pa'i lam gyi dus dang/ 'gog ba'i snyoms par 'jug pa'i dus na bag chags skyed nas 'gag go /langs nas yang sa bon de las 'byung ngo/ /dgra bcom pa'i dus na yongs su 'gag go /de ltar na 'jug ba'i rnam par shes pa drug dang/ kun gzhi rnam par shes pa dang/ nyon mongs ba can gyi yid dang rnam par shes pa brgyad po de dag ni rnam par shes pa'i phung por bshad pa yin no/ /rnam par shes pa'i phung po bshad zin to/ /de ci'i phyir phung po zhes bya zhe na/ zhes bya ba brjod par bya ste/ smras pa spungs ba'i phyir te zhes bya'o/ /spungs ba'i phyir zhes bya ba de yang ji ltar shes par bya zhe na/ 'dir smras pa dus dang rgyu dang rnam pa dang/ 'gro ba dang yul tha dad pa'i gzugs la sogs pa mdor bsdus pa nyid kyi phyir ro zhes bya ste/ spungs pa'i don du rig par bya'o/ /dus tha dad pa'i gzugs la sogs pa zhes bya ba ni de bzhin du so sor sbyar bar bya'o/ /sogs pa smos pas ni tshor ba dang/ 'du shes dang/ 'du byed dang/ rnam par shes pa bsdu bar rig par bya'o/ /de la 'das pa'i gzugs ni 'das pa'i dus te/ rgyu dang 'bras bu spyad zin pa'i phyir ro/ /da ltar byung ba'i gzugs ni da ltar byung ba'i dus te /rgyu ni spyad zin la 'bras bu ni spyad ma zin ba'i phyir ro/ /ma 'ongs pa'i gzugs ni ma 'ongs pa'i dus te/ rgyu dang 'bras bu spyad ma zin pa'i phyir ro/ /rgyud ces bya ba ni so so'i rgyud ste/ gzugs la sogs pa bsdu bar rig par bya'o/ /rnam pa zhes bya ba ni sngon po dang ser po la sogs pa'i rnam par rig bar
- 88b
bya'o/ /'gro ba zhes bya ba ni 'gro ba lnga ste/ sems can dmyal ba dang/ yi dags dang/ dud 'gro dang/ mi dang/ lha'i 'gro ba rnams so/ /lha ma yin gyi 'gro ba ni/ lha dang yi dags kyi 'gro bar 'dus ba'i phyir gur du ma smos so/ /'gro ba 'di dag ni gzugs la sogs ba gang dag yod pa de dag ni 'gro ba tha dad pas tha dad par rig par bya'o/ /yul tha dad pa'i gzugs la sogs pa ni nub kyi ba lang spyod la sogs pa'i tha dad bar rig par bya'o/ /de ltar na gzugs la sogs pa rnam pa du ma mdor bsdus pa'i phyir gzugs la sogs pa'i phung po zhes bya'o/ /ci'i phyir phung po'i don de skad brjod ce na/ 'jig rten na mthong ba'i phyir te /dper na gang du ma zlum pa de la phung po zhes bya ste/ 'bru'i phung po bzhin no/ /phung po rnams ni rtags pa'i yod par bstan pa yin no/ skyed mched bcu gnyis ni mig gi skye mched nas /chos kyi skye mched kyi bar du'o/ /mig la sogs pa ni snga ma bzhin du bshad do /zhes bya ba ni 'di skad du gzugs kyi phung por gang mig la sogs pa dbang po lnga bstan pa de dag nyid mig la sogs pa'i skye mched du blta bar bya'o/ /de nyid du gzugs la sogs pa gang dag yul lnga bstan pa de dag ni gzugs kyi skye mched nas/ reg bya'i skye mched kyi bar gyi skye mched lngar blta bar bya'o/ /zhes bstan par 'gyur ro/ /der reg bya'i skye mched ni 'byung ba chen po bzhi gang yin pa dang/ 'jam pa la sogs pa reg bya'i phyogs gcig bshad ba gang yin pa de ltar reg bya rnam pa bcu gcig po de dag ni reg bya'i skye mched du rig bar bya'o/ /yid kyi skye mched ni rnam par shes pa'i phung po gang yin pa te/ rnam par shes pa'i phung po gang gong du bshad pa de nyid yid kyi skye mched du rig par bya'o/ /chos kyi skye mched ni gang tshor ba dang/ 'du shes dang/ 'du byed dang/ rnam par rig byed ma yin pa dang/ 'dus ma byas so/ zhes bya ba ni 'di skad du chos kyi skye mched ni rdzas brgyad po ste /tshor ba'i phung po dang/ 'du shes kyi phung po dang/ 'du byed kyi
- 89a
phung bo dang/ rnam par rig byed ma yin pa dang/ nam mkha' dang/ so sor rtog pa'i 'gog pa dang/ so sor brtag pa ma yin pa'i 'gog ba dang/ de bzhin nyid ces bstan par 'gyur ro/ /de ltar na phung po gsum dang/ rnam par rig byed ma yin pa bshad zin to/ /'dus ma byas ma bshad pas 'dir smras pa/ 'dus ma byas gang zhe na /nam mkha' dang/ so sor brtags pa ma yin pa'i 'gog pa dang/ so sor rtags pa'i 'gog pa dang/ de bzhin nyid do zhes bya ba ste /gang rkyen rnams las ma byung ba de ni 'dus ma byas su rig par bya'o/ /? pa ni 'dus byas so/ /de la nam mkha' gang zhe na/ gzugs kyi go 'byed pa'o/ /'di'i nang du dngos po shin tu snang bas nam mkha' ste de ni gzugs kyi go 'byed pa tsam du lta bar bya'o/ /so sor brtags pa ma yin pa'i 'gog pa gang zhe na/ gang 'gog pa bral ba ma yin pa ste /de ni gang nyon mongs ba'i gnyen bo med par phung po rnams gtan du mi skye'o zhes bya ba la/ so sor bstags pa med pa ni so sor brtag pa ma yin pa'o/ /gang des 'gog pa ni so sor brtags pa ma yin pas 'gog pa ste /blo sngon du ma btang zhes bya ba'i tha tshig go /'di lta ste /yul gcig la blo btang ba na de'i tshe de las gzhan ba yul gzugs la sogs pa 'gog na rten de dang dmigs pa la rag las te skye ba'i mig la sogs pa'i rnam par shes pa ma 'ongs pa rnams rgyu dang dmigs pa dang bdag po'i rkyen tshogs su zin kyang bzhi pa mtshungs pa de ma thag pa'i rkyen med pa'i phyir ro/ /mi skye ba gang yin pa de ni so sor brtags pa ma yin ba'i 'gog pa ste/ de ni bral ba ma yin no/ /ci'i phyir zhe na /nyon mongs pa rnams kyis gnyen po med pa'i phyir ro/ /de yang phung po rnams gtan du mi skye bar lta ste /ci'i phyir zhe na/ rnam par shes pa'i tshogs lnga'i yul ni da ltar yin pa phyir te/ de dag 'das pa'i yul la dmigs par mi nus so/ /so sor brtags pa'i 'gog pa gang zhe na/ gang 'gog pa de ni bral ba ste /de ni gang nyon
- 89b
mongs pa'i gnyen pos phung po rnams gtan du mi skye ba'o/ /so sor rtags pa zhes bya ba ni 'bad pas grub pa'i shes rab ste/ des bden ba bzhi la so sor rtog go /yang na so sor rang gis bden pa so sor yang dag par rtog pa ni so sor brtag pa ste /mngon sum du byed ces bya ba'i tha tshig go /des thob pa'i 'gog pa ni so sor rtags pas 'gog pa'o/ /yang so sor rtog pa nyid so sor brtags pa ste/ shes rab kyi bye brag go /des thos par bya ba ste/ thob pa'i sgra ni tshig par mi mngon par byas pa'i phyir ro/ /dper na glang dang ldan pa'i shing rta la glang gi shing rta zhes bya ba bzhin to/ ldan pa'i sgra mi mngon par byas pa'i phyir ro/ /de na zag pa dang bcas pa'i chos rnams dang bral ba ste /de'i phyir de ni gang nyon mongs pa'i gnyen pos mi skye ba'o zhes bya ba smos so/ /thar pa zhes bya ba de thob na nyon mongs rnams gtan du mi skye ste /nges par 'gog pa'i phyir so sor brtag pas 'gog pa zhes bya'o/ /de bzhin nyid gang zhe na/ gang chos rnams kyi chos nyid dang/ chos bdag med pa nyid do/ /gzhan ma yin pa'i phyir de bzhin nyid do/ /chos rnams zhes bya ba ni gzugs la sogs pa'o/ /chos nyid ces bya ba ni gang de dag gi ngo bo nyid do/ /chos bdag med pa ji ltar ngo bo nyid du 'gyur/ 'di ltar snam bu zhes bya ba la sogs pa'i chos rnams rnam par dpyad na ngo bo nyid du mi gnas so/ /ji ltar snam bu'i ngo bor ma grub pa de bzhin du rgyu skud? pa yang rgyu skud? pa'i ngo bo ma grub ste /ci'i phyir zhe na/ cha shas kyi bdag nyid yin pa'i phyir ro/ /cha shas rnams kyang cha shas rnams kyi ngo bor ma grub pa ste/ ci'i phyir zhe na/ nyag ma'i cha'i bdag nyid yin pa'i phyir ro/ /nyag ma'i cha la sogs pa yang de bzhin du rig par bya ste /de ltar chos thams cad ngo bo nyid med par lta'o/ /ci'i phyir skye mched ces bya zhe na/ rnam par shes pa skye ba'i sgo'i phyir ro zhes bya ba ni gang gi phyir skye mched bcu gnyis po de dag mtshungs par ldan pa dang bcas pa'i 'jug pa'i rnam par shes pa drug skye ba'i sgor
- 90a
gyur ba de'i phyir skye mched ces bya'o/ /nges ba'i tshig tu na sems dang sems las byung ba zhes bya ba skye ba mched par byed pas skye mched do/ /mched pa ni rgyas pa ste/ rgyas par byed ces bya ba'i tha tshig go /skye mched rnams bshad zin to/ / khams bco brgyad ni zhes bya ba brjod par bya ste/ de dag smras pa/ mig gi khams dang zhes bya ba rgya cher 'byung ba'o/ /mig la sogs pa'i khams dang gzugs la sogs pa'i skye mched rnams ji lta ba bzhin no/ /zhes bya ba ni 'di skad du gang dag mig la sogs pa'i skye mched lnga dang/ gang yang yul gzugs la sogs ba'i de dag skye mched du bstan pa de dag nyid mig la sogs pa'i khams dang/ gzugs la sogs pa'i khams su blta bar bya'o/ /zhes bstan par 'gyur ro/ /sogs pa smos bas ni rna ba dang sna dang lce dang lus zhes bya ba bsdu'o/ /yul rnams la yang sgra dang dri dang ro dang reg bya zhes bya ba'i skye mched rnams bsdu'o/ /rnam par shes pa khams drug po 'di dag ni bdag la sogs pa dag la brten ste gzugs la sogs pa dmigs pa rnam par rig pa'o zhes bya ba ni 'di skad du mig dang/ rna ba dang/ sna dang/ lce dang/ lus dang/ yid ces bya ba'i khams rnams ni mig la sogs pa'i rnam par shes pa'i khams drug gi rten yin la/ phyi rol gyi khams drug gzugs dang/ sgra dang dri dang/ ro dang/ re bya dang/ chos zhes bya ba ni dmigs par bstan par 'gyur te/ de ni 'di skad du drug pa nyid las rnam par shes pa'i khams drug 'byung ngo zhes ston par 'gyur ro/ /yid kyi khams zhes smos pa 'jug pa'i rnam par shes pa drug las kyi yid kyi khams zhes bya ba gud na yod dam smras pa/ gzhan gang yang med de/ de dag nyid 'gags ma thag pa ste/ 'jug pa'i rnam par shes pa'i khams drug gi rgyur 'gyur te/ rnam par shes pa gzhan bskyed pa la yid kyi khams zhes bya'o/ /gzhan du na ni gcig gi nang du gcig 'dus ba'i phyir khams bcu bdun nam khams
- 90b
bcu gnyis su 'gyur ro/ /mig gi rnam par shes pa la sogs pa'i lnga'i rton ni mig dang/ rna ba dang/ sna dang lce dang/ lus shes bya ba yin na rnam par shes pa drug pa gang la brten nas 'byung ba'i gnas gang yang med pas/ de'i phyir rnam par shes pa drug pa'i rten bstan pa dang/ khams bco brgyad du bskad ba'i phyir yid kyi khams 'dod do/ /de ltar na gzugs kyi phung po gang yin pa de ni skye mched dang/ khams bcu dang chos kyi skye mched dang khams kyi phyogs gcig go zhes bya ba ni phung po rnam par bzheg pa la gzugs kyi phung po'o/ /de nyid skye mched rnam par bzhag pa na skye mched bcu ste/ mig dang/ rna ba dang/ sna dang/ lce dang/ lus dang/ gzugs dang/ sgra dang/ dri dang/ ro dang/ reg bya'i skye mched rnams so/ /chos kyi skye mched dang/ khams kyi phyogs gcig ces bya ba ni der rnam par rig byed ma yin pa'i gzugs so/ /de dag nyid khams bcu gcig tu rig par bya ste/ mig gi khams nas reg bya'i khams kyi bar du'o/ /de ltar gzugs kyi phung po rnam par dbye'o/ /rnam par shes pa'i phung po gang yin pa de ni yid kyi skye mched dang/ sems kyi khams bdun no zhes bya ba ni phung po rnam par bzhag pa la rnam par shes pa'i phung po'o/ /de nyid skye mched rnam par bzhag pa na yid kyi skye mched do/ /sems khams bdun ni mig gi rnam par shes pa'i khams dang/ na ba'i rnam par shes pa'i khams dang/ sna'i rnam par shes pa'i khams dang/ lce'i rnam par shes pa'i khams dang/ lus kyi rnam par shes pa'i khams dang/ yid kyi khams dang/ yid kyi rnam par shes pa'i khams so/ /de ltar rnam par shes pa'i phung po yang/ khams dang skye mched du rnam par bzhag par rig par bya'o/ /gzhan phung po gsum gang yin pa tshor ba dang/ 'du shes dang/ 'du byed ces bya ba dang/ gzugs kyi phung po'i phyogs gcig rnam par rig byed ma yin pa zhes bya ba dang/ 'dus
- 91a
ma byas rnam pa bzhi po nam mkha' dang/ so sor brtags pa ma yin pa'i 'gog pa dang/ so sor brtags pa'i 'gog pa dang/ de bzhin nyid dang/ de ltar rdzas brgyad po 'di ni chos kyi skye mched dang/ chos kyi khams su rig par bya'o// de ltar phung po lnga po dag skye mched bcu gnyis dang/ khams bco brgyad du bstan pa yin no ci'i phyir khams zhes bya zhe na byed pa med la rang gi mtshan nyid 'dzin pa'o/ /byed pa med pa ni mig gi khams gang gi tshe mig gi khams gzhan skyed pa de'i tshe de 'di snyam du bdag gi mig gi khams bskyed bar bya'o/ /snyam du mi sems pa'o/ /khams bcu bdun la yang de bzhin du blta bar bya'o/ /ci'i phyir phung po la sogs pa bshad ce na/ zhes bya ba ni gzhan 'di snyam du sems te/ 'di ltar phung po las gung na skye mched rnams dang/ khams rnams med do/ de'i phyir phung po bshad pa nyid kyi yongs su rdzogs pa/ skye mched dang khams bshad par mi bya'o snyam du sems pa la smras pa/ bdag tu 'dzin pa rnam pa gsum gyi gnyen por bya ba nyid de/ bdag tu 'dzin pa rnam pa gsum ni gcig pur 'dzin pa dang/ za bar 'dzin pa dang/ byed par 'dzin pa'o/ /cig pur 'dzin ces bya ba ni phung po la ril por bdag tu 'dzin pa'i don gang yin pa'i/ /za bar 'dzin pa ni gang yul la spyod pa de bdag yin par 'dzin pa'o/ /byed par 'dzin ces bya ba ni gang byed pa dang ldan pas byed pa de bdag ces bya ba'o/ /de ltar bdag tu 'dzin pa rnam pa gsum bzlog pa'i phyir go rims bzhin du sangs rgyas bcom ldan 'das rnams kyi phung po dang/ skye mched dang/ khams bshad par khong du chud par bya'o/ /khams bco brgyad la gzugs can du zhan zhes bya ba ni dri ba'o/ / gang dag gzugs kyi phung po'i ngo bo nyid do zhes bya ba ni mig gi khams nas reg bya'i khams kyi bar du'o/ /gzugs can ma yin pa du zhe na/ lhag ma rnams so zhes bya ba ni brgyad do /mig gi rnam par shes pa'i khams nas chos kyi khams kyi phyogs gcig gi
- 91b
bar du'o/ /khams bco brgyad po de dag la bstan du yod pa du zhe na zhes bya ba ni dri ba'o/ /gzugs kyi khams gcig ste/ yul bstan du yod pa'o zhes bya ba ni yul bstan du yod pa de/ 'di ni 'di na'o/ /pha gi ni pha gi na'o/ zhes bstan par nus pa'i phyir ro/ /khams bcu bdun ni bstan du med pa zhes bya bar grub pa yin no/ /khams bco brgyad po de dag la thogs pa dang bcas pa du zhe na/ gzugs can bcu ste /gang la gang thogs pa'o zhes bya ba ni gzhan la mi 'jug pa'o/ /gzugs ni mig la yang thog ste /dbang po gzhan gyi dngos por ma 'gro ba'i phyir ro/ /de bzhin du gzhan brgyad la yang rig par bya ste /rna ba nas reg bya'i bar du'o/ /gzhan ni thogs pa med pa ste/ mig gi rnam pa shes pa nas chos kyi khams kyi bar du'o/ /khams bco brgyad po de dag zag pa dang bcas pa du zhe na zhes bya ba ni dri ba'o/ /bco lnga ni zag pa dang bcas pa'o/ /tha ma gsum gyi cha ni tha mar bstan pas tha ma ste /yid kyi khams dang/ chos kyi khams dang/ yid kyi rnam par shes pa'i khams so/ /de dag gi phyogs gcig ni zag pa med pa ste/ 'dus ma byas shes bya'o/ /khams bco lnga ni mig gi khams dang/ gzugs kyi khams dang/ mig gi rnam par shes pa'i khams nas de bzhin du lus kyi khams dang/ reg bya'i khams dang/ lus kyi rnam par shes pa'i khams kyi bar du'o/ /zag pa dang lhan cig tu byung bas zag pa dang bcas pa'o/ /zag pa rnams ni nyon mongs pa rnams so/ /de dag ji ltar zag pa rnams dang bcas pa zhes bya zhe na/ de dag nyon mongs skye ba'i mngon sum gyi spyod yul gyi phyir ro zhes bya ba ni mig la brten /gzugs la brten nas mig gi rnam par sheS pa 'byung ste/ mig gi rnam par shes pas myong ba'i gzugs rnams yid kyi rnam par shes pas rtog go /rnam par rtog pa las nyon mongs pa rnams 'byung ngo/ /lhag ma rnams la yang de bzhin du brjod par bya'o/ /zag pa med pa du zhe na /tha ma gsum gyi cha'o/
- 92a
zhes bya ba ni yid kyi khams dang/ yid kyi rnam par shes pa'i khams dang/ chos kyi khams te/ de gsum gyi cha ni chos kyi khams kyi phyogs gcig te /'dus ma byas zhes bya'o/ /yang na gang gi tshe de dag 'phags pa'i lam gyis bsdus par gyur pa de'i tshe zag pa med par 'gyur ro/ /khams bco brgyad po de dag la 'dod pa dang/ rab tu ldan pa du zhe na zhes bya ba la sogs pa ni 'dri ba'o/ /'dod pa dang rab tu ldan pa du zhes bya ba ni 'dod pa'i khams dang ldan pa zhes bya ba'i tha tshig go /ldan pa ni zin pa ste/ rab tu ldan pa zhes bya ba'i tha tshig go /thams cad ngo zhes bya ba ni bco brgyad do/ gzugs dang rab tu ldan pa du zhe na/ bcu bzhi ste/ dri dang/ ro dang/ sna dang lce'i rnam par shes pa ma gtogs pa'o/ /zhes bya ba ni 'di skad du gzugs kyi khams na dri'i khams dang/ ro'i khams med de/ de dag kham gyi za ba'i 'dod chags dang bral ba'i phyir ro/ /dri dang ro med pa'i phyir de la 'dzin pa'i sna dang/ lce'i rnam par shes pa'i khams yang med do/ /lhag ma bcu bzhi ni? yod do/ /gzugs med pa dang rab tu ldan pa du zhe na /tha ma gsum po zhes bya ba ni yid kyi khams dang/ chos kyi khams dang/ yid kyi rnam par shes pa'i khams so/ /mi ldan pa du zhe na/ gsum gyi cha'o zhes bya ba ni gang dag zag pa med pa'o/ /'dir phung por bsdus pa du zhe na /'dus ma byas ma gtogs pa'o/ /nye bar len ba'i phung por bsdus pa du zhe na/ gang dag zag pa dang bcas pa rnams so/ /dge ba du mi dge ba du lung du ma bstan pa du zhe na zhes bya ba ni dri ba'o/ /bcu ni rnam pa gsum char te zhes bya ba la /bcu ni dge ba dang/ mi dge ba dang/ lung du ma bstan pa dang yang yin no/ /bcu gang zhe na/ sems kyi khams bdun ni mig gi rnam par shes pa'i khams nas yid kyi khams kyi bar dang/ gzugs kyi khams dang/ sgra'i khams dang/ chos kyi khams so/ /lhag ma brgyad ni lung du ma bstan pa'o/ zhes
- 92b
bya ba ni mig dang/ rna ba dang/ sna dang/ lce dang lus dang/ dri dang/ ro dang/ reg bya zhes bya ba rnams te/ dge ba dang/ mi dge bar lung du bstan du med pa'i phyir lung du ma bstan pa zhes bya'o/ /nang gi du zhe na/ bcu gnyis te/ mig dang/ rna ba dang/ sna dang/ lce dang/ lus dang/ mig gi rnam par shes pa'i khams nas yid kyi khams kyi bar du'o/ /bdag yod pa ma yin na nang dang phyi zhes ji skad du bya /so so'i lus kyi sems kyi rgyud de la nga'o snyam ba'i nga rgyal bskyed pa ni bdag ste/ de'i dbang du byas nas nang zhes bya'o/ /dmigs pa dang bcas pa du zhe na zhes bya ba ni de dag la dmigs pa yod pa'i phyir ste /'di la rnam par shes pa lnga'i khams ni yul dmigs pa yongs su gcod pa ste/ yul so sor nges pa'i phyir ro/ /yul la brda mi byed ba yang yin te /ming dang yi ger byed mi nus pa'i phyir ro/ /de las bzlog pa ni yid kyi rnam par shes pa'i khams su rig par bya'o/ /de dag kyang sems kyi khams bdun zhes bya ba ni mig gi rnam par shes pa'i khams nas yid kyi khams kyi bar du'o/ /chos kyi khams kyi phyogs gcig kyang yin te/ gang sems las byung ba'o zhes bya ba ni/ tshor ba dang/ 'du shes dang/ 'du byed kyi phung po rnams so/ /dmigs pa med pa du zhe na/ lhag ma bcu ni gzugs can dang chos kyi khams kyi phyogs te/ sems las byung ba'i rang bzhin ma yin pa'o/ /khams bco brgyad po de dag la/ rnam par rtog pa dang bcas pa du zhen zhes bya ba ni dri ba'o/ /yid kyi khams dang/ yid kyi rnam par shes pa'i khams dang/ chos kyi khams kyi phyogs so zhes bya ba ni tshor ba dang/ 'du shes dang 'du byed kyi phung bo'o/ /yod pa de dag zin pa du zhe na/ nang gi lnga ni mig dang/ rna ba dang/ sna dang/ lce dang/ lus zhes bya ba'o/ /bzhi ni phyogs te zhes bya ba la/ phyogs ni gzugs dang/ dri dang/ ro dang/ reg bya rnams kyi'o zhes bya ba ni lus la gzugs la sogs pa yod pa de dag zin pa'o/ /gang dag phyi
- 93a
rol tu gyur pa de dag ni zin pa ma yin ba'o/ /bsten pa mtshungs pa du zhe na nang gi gzugs can lnga ste mig dang/ rna ba dang/ sna dang/ lce dang/ lus zhes bya ba rnams so/ /rang gi rnam par shes pa dag gis rang gi yul dang mthun pa nyid kyi phyir ro/ /zhes bya ba ni dbang po dang yul dang rnam par shes pa rnams kyi bsten pa ni mtshungs pa te/ de'i dbang du byas nas 'dzin pa'i phyir ro/ /cha mtshungs pa dang/ reg pa mtshungs pa zhes bya ba'i tha tshig go /de nas 'di skad du gang rnam par shes pa dang bcas pa'i mig de la mtshungs pa zhes bya bar bstan par 'gyur ro/ /de dag dang mtshungs pa du zhe na /de dag nyid rang gi rnam par shes pas sdong pa ste /rang gi rigs dang mthun pa'i phyir ro/ /zhes bya ba ni rnam par shes pa med pa'i mig la de dang mtshungs pa zhes bya'o/ /rna ba dang/ sna dang/ lce dang/ lus la yang de bzhin du rig par bya'o/ /phung po lnga'i 'grel pa slob dpon yon tan 'od kyis mdzad pa rdzogs so// //rgya gar gyi mkhan po dzi? na mi tra dang/ dA na shI la dang/ zhu chen gyi lo tsA ba bande ye shes sdes bsgyur cing zhus te gtan la phab pa// //phung po lnga'i bshad pa slob dpon sa'i rtsa lag gis mdzad pa bzhugs so/ /*/ /rgya gar skad du/ pany+tsa skand+ha?s b+ha? phyir?/ bod skad du/ phung po lnga'i bshad pa/ 'jam dpal gzhon nur gyur pa la phyag 'tshal lo/ /slob dpon sa'i rtsa lag gis mdzad de/ rab tu byed pa 'di bshad pa la don rnam pa bzhi dang por bstan dgos te/ don rnam pa bzhi ni mchod pa'i cho? ga brjod pa dang/ 'brel pa dang/ dgos pa dang /dgos pa'i yang dgos pa'o/ /de la mchod pa'i cho ga brjod pa ni bdag gang la dad pa'i lha'i yon tan bstod cing brjod pa ste /de yang skyes bu dam pa rnams kyi lugs dang mthun par bya ba dang /bgegs gyi
- 93b
bar chad ma byas par gtsug lag btsams pa ma thar phyin bar bya ba'i phyir dang por mi brjod du mi rung ngo/ /de la gtsug lag 'di yang mngon pa'i chos mdzod la 'jug pa'i sgo lta bur gyur pa dang de'i yan lag tu btogs la/ bstod pa'i cho ga ni mngon ba'i chos mdzod kyi mgor glengs zin pas/ der 'dus pa'i phyir 'dir logs shig tu ma bshad do/ /'grel pa ni bcom ldan 'das kyis sems can rnams kyi don du mngon ba'i chos le'u 'bum gsungs te/ de ni gzhung mangs pas kun gyis khong du chud par mi 'gyur la/ yi ge nyung du gtsug lag chung ngu 'di tsam khong du chud pas mngon pa'i chos 'bum gyi mtshan nyid la mkhas par 'gyur te/ de ltar na mngon ba'i chos 'bum dang gtsug lag 'dir 'brel to/ /dgos pa ni chos rnams kyi mtshan nyid ka mkhas par bya ba'i phyir gtsug lag 'di brtsam te/ chos kyi mtshan nyid la mkhas par bya ba nyid dgos pa'o/ /de la chos rnam pa gnyis te/ zag pa med ba'i phung po lnga dang/ de la zag pa dang bcas pa'i phung po lnga ni gzugs kyi phung po nas rnam par shes pa'i phung po'i bar du lnga'o/ /zag ba med pa'i phung pa lnga ni/ tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam bar grol ba'i ye shes mthong ba'i phung po'o/ /chos rnams kyi mtshan nyid kyang rnam pa gnyis te/ rang gi mtshan nyid dang/ spyi'i mtshan nyid do/ de la rang gi mtshan nyid ni dper na sa'i rang gi mtshan nyid srab dang/ chu'i rang gi mtshan nyid gsher ba dang/ me'i rang gi mtshan nyid tsha ba dang/ rlung gi rang gi mtshan nyid g.yo ba'o/ /spyi'i mtshan nyid ni mi rtag pa dang/ sdug bsngal ba dang/ stong pa dang/ bdag med pa ste/ gtsug lag 'di thos na chos de dag gi rang dang/ spyi'i mtshan nyid la mkhas par 'gyur ro/ /chos rnams kyi rang dang spyi'i mtshan nyid la mkhas pa ni mngon pa'i chos mdzod dang rnal 'byor sbyong ba'i sa las kyang dpyad zin pas na 'di btsam
- 94a
pa don med do zhe na/ lan du slob ma rnam pa gnyis te/ spros pas shes pa dang/ glengs pas shes pa'o/ /de la spros pas shes pa ni gzhung zhi ba du bshad na ngon rtogs par 'gyur ba ste/ de dag gi don du ni mngon pa'i chos mdzod la sogs pa yang dgos par 'gyur ro/ /glengs pas shes pa ni mdo tsam du bstan na don mang du khong du chud par 'gyur ba ste /de'i phyir gtsug lag 'di brtsams pas brtsams pa don med pa ma yin te /yang na khyim na gnas pa kha cig chos kyi mtshan nyid la yang dag par mkhas par 'dod la zhing dang tshong la sogs pa 'phral gyi bya ba la thogs bas gzhung mang por nyan par mi nus pa dang/ rab tu byung ba rnal 'byor yid la byed pa kha cig gzhung mang po mnyan na/ rnal 'byor gyi bar chad du yang 'gyur du dogs la chos kyi mtshan nyid la'ang mkhas par 'dod pa yod de /de dag gi phyir 'di brtsams pas brtsams pa don med pa ma yin no/ /chos kyi mtshan nyid la mkhas pa na yang ji dgos zhe na/ chos kyi mtshan nyid la mkhas par ma byas na/ nyon mongs pa spang bar bya ba'i thabs med do/ /nyon mongs pa ma spangs na 'khor ba'i btson? ra las mi thar ro/ /'khor ba las mthar na mya ngan las 'das pa'i gnas mi thob bo/ /de bas na chos kyi mtshan nyid la mkhas na nyon mongs pa spong bar 'gyur ro/ /nyon mongs pa spang na 'khor ba'i btson ra las 'byung de/ /'khor ba'i btson ra las byung na mya ngan las 'das pa'i gnas thob bo/ /de ni dgos pa'i dgos pa'o/ /yang na gtsug lag 'dis mgo nas mjug tu don rnam pa bzhi ston te /grangs dang ming dang/ rab tu dbye ba dang mtshan nyid do/ /de la phung po lnga zhes bya bas grangs ston to/ /gzugs kyi phung po dang/ tshor ba'i phung po dang/ 'du shes kyi phung po dang/ 'du byed kyi phung po dang/ rnam par shes pa'i phung po zhes bya bas ming bstan to//
- 94b
gzugs gang zhe na/ zhes bya ba ni/ me'i khams dang rlung gi khams zhes bya ba yan cad kyi rab tu dbye ba bstan to/ /sa'i khams gang zhe na/ swa ba zhes bya ba la sogs pas mtshan nyid bstan to/ /tshor ba la sogs pa'i phung po la'ang ci rigs par sbyar ro/ /phung po lnga ni zhes bya ba la/ smras pa/ phung po drug la sogs par mang du yang ma bshad/ bzhir nyung du yang ma bshad par ci'i phyir lnga kho nar grangs nges par bstan/ de'i yang lan du bdag dang bdag gi dngos po bstan par bya ba'i phyir phung po lnga kho na las mang du yang ma bshad nyung du yang ma bshad do/ /de la gzugs kyi phung po dang/ tshor ba'i phung po dang/ 'du shes kyi phung po dang/ 'du byed kyi phung po bzhi ni bdag gi dag pa'i dngos po ste /sems can dag phal cher de la bdag gi yin no zhes chags so/ /rnam par shes pa'i phung po ni bdag ces bya ba'i dngos po ste /sems can dag de la bdag ces 'dzin pa'i phyir ro/ /yang na snod dang zas dang/ tshag tseg dang byed pa po dang/ zab mo'i dngos po bstan pa'i phyir phung po lnga nyid du bshad kyi drug dang bzhi la sogs pa ma bstan to/ /de la snod lta bur gyur pa ni gzugs kyi phung po ste/ snod la kha zas brten ba dang/ 'dra bar tshor ba dang/ 'du shes la sogs pa'i phung po yang gzugs kyi phung po la brten pa'i phyir ro/ /zas lta bur gyur pa ni tshor ba'i phung po ste /kha zas bza' bar bya ba yin pa bzhin du tshor ba bde ba dang/ sdug bsngal yan myong bar bya ba'i dngos po yin pa'i phyir ro/ /tshag tseg lta bur gyur pa ni 'du shes kyi phung po ste /kha zas chod ma la sogs pa tshag tseg dang/ bsres na lhag par bza' bar nus pa bzhin du mi gtsang ba la gtsang ba dang sdug bsngal la bde bar 'dzin pa'i 'du shes phyin ci log yod na lhag par tshor ba'i phung po la chags par byed pas so/ /byed pa po lta bur
- 95a
gyur pa ni 'du byed kyi phung po ste /las dge ba dang/ mi dge ba dang de'i 'bras bu bde ba dang sdug bsngal 'du byed kyi phung po sgrub par byed pa'i phyir ro/ /zab por gyur pa ni rnam par shes pa'i phung po ste /las dge ba dang mi dge ba'i 'bras bu bde ba dang sdug bsngal yang mjug du rnam par shes pas myong ba'i phyir ro/ /'o na dang por gzugs kyi phung po bshad/ de'i 'og tu tshor ba/ de'i 'og tu 'du shes/ de'i 'og tu 'du byed/ de'i 'og tu rnam par shes pa ste /rim pa 'di ltar ci'i phyir bkod ce na/ smras pa ji ltar sbom rims sam rags rim gyi rim pa de ltar bskong de /gzugs kyi phung po ni thogs pa dang bcas pa dang/ mig gi rnam par shes pa nas lus kyi rnam par shes pa'i bar du rnam par shes pa lnga'i rten du gyur pa dang/ mi gnas yid kyi rnam par shes pa'i bar du rnam par shes pa drug gi dmigs par gyur pa'i phyir thams cad pas rags shing sbom bas na dang por gzugs kyi phung po bshad do/ /gzugs med pa'i phung po bzhi las 'du shas kyi phung po dang/ 'du byed kyi phung po dang/ rnam par shes pa'i phung po bas tshor ba'i phung po rags te /bdag gi mgon bar tshor ro/ /rkang pa na bar tshor ro/ /zhes 'jig rten pa dag gsal bar tha snyad du 'dogs pas na de'i 'og tu tshor ba'i phung po bshad do/ /'du byed kyi phung po dang rnam par shes pa'i phung po bas 'du shes kyi phung po ragS? ste/ 'di ni bud med 'di ni skyes ba zhes yul la mtshan mar 'dzin pa rtog par sla bas na de'i 'og tu 'du shes kyi phung po bshad do/ /rnam par shes pa bas 'du byed kyi phung po rags te /las dge ba dang mi dge ba mngon par 'du byed ba'i mtshan nyid khong du chud bar sla zhing 'dod chags dang zhe sdang la sogs pa sems las byung zhing skyes pa na 'dod chags shig skyes so/ /zhe sdang
- 95b
zhig skyes so/ /zhes zhe sdang tshor zhing shes par sla bas de'i 'og tu 'du byed kyi phung po bshad do/ rnam par shes pa ni thams cad pas phra ba yin pa'i phyir mjug tu smos so/ /yang na khams gsum gyi rim pas phung po lnga'o/ rim pa de ltar bkod de/ khams gsum ni 'dod pa'i khams dang gzugs kyi khams dang/ gzugs med pa'i khams so/ /de la 'dod pa'i khams na ni rnam par shes pa gzugs la brten pas dang por gzugs kyi phung po bshad do/ /gzugs kyi khams kyis bsam gtan bzhi ni rnam par shes pa bsam gtan gyi bde ba'i tshor ba la brten pas de'i 'og tu tshor pa'i phung po bstan to/ /gzugs med pa'i khams na nam mkha' mdza' yas skye mched dang rnam shes mdza' yas skye mched dang cung zad med pa'i skye mched na ni rnam par shs pa 'du shes la brten bas de'i 'og tu 'du shes kyi phung po bstan to/ /srid pa'i rtse mo cung zad med cung zad med min skye mched na ni rnam par shes pa sems las byung ba'i tshogs 'du byed kyi chos la brten bas de'i 'og tu 'du byed kyi phung po bstan to/ /rnam par shes pa ni de dag kun tu 'gro ba'i phyir mjug tu smos so/ /gzugs kyi phung po rab tu dbye ba bstan pa'i phyir gzugs gang zhe na zhes dris so/ /rgal ba gong du ming tsam du bstan pa'i tshe ni gzugs kyi phung po zhes smras la/ 'dir gzugs kyi phung po gang zhe na zhes mi 'dri bar ci'i phyir /gzugs gang zhe na zhes 'dri/ smras pa/ gzugs la ma gtogs par phung po logs shig na med de/ nas dang 'bras la sogs pa'i phung po bzhin no/ /dper na nas dang 'bras grub na phung po yang zla la grub pa dang/ 'dra bar gzugs grub na phung po yang zla la grub pas gzugs gang zhe na zhes dris kyang nyes pa med do/ /yang na gzugs kyi don sngar bstan nas phung po'i don phyis 'chad pas gzugs
- 96a
gang zhe na /zhes dris kyis gzugs kyi phung po gang zhe na zhes ma dris so/ /cung zad gzugs gang yin pa de dag thams cad ces bya ba ni gang gzugs kyi rnam grangs su bzhag pa'i 'das pa'i gzugs/ dang/ ma 'ongs pa'i gzugs dang/ da ltar gyi gzugs dang/ gzugs bzang po dang/ gzugs ngan pa dang/ gzugs ring ba dang/ /gzugs thung ba dang/ gzugs phra ba dang/ gzugs sbom po zhes bya ba de dag thams cad 'byung ba chen po bzhi'i gzugs dang/ 'byung ba chen po bzhi dag rgyur byas pa'i gzugs su 'dus so zhes bya ba'i don to/ /de nas gzugs rnam pa gnyis pa bstan te/ rgyu'i gzugs dang 'bras bu'i gzugs so/ /de la 'byung ba chen po bzhi zhes bya bas rgyu'i gzugs bstan te/ gzugs thams cad kyi rgyu ni 'byung zhing chen po bzhi yin pa'i phyir ro/ /'byung ba chen po bzhi dag rgyur byas ba'i gzugs zhes bya ba'i 'bras bu'i gzugs bstan to/ /de la 'byung ba'i don ci dkar po dang ser po la sogs pa'i gzugs rnam pa sna tshogs chen po de dag de las 'byung zhing skye bas na 'byung ba'o/ /rgyur byas pa'i gzugs bcu gcig la khyab pas na chen po'o/ /yang na skye zhing 'jig pa'i chos can yin pas na 'byung ba'o/ /yang nas dang chu dang me dang rlung 'di dag sems can gyi las kyi 'byung bas na 'byung ba'o/ /chen po ni sa'i khams 'di dag gnas pa che ste /thog thag tu khyad par mngon sum du snang ba'i phyir ro/ /chu'i khams kyang che ste/ nam sems can rnams 'dod chags kyi shas che ba ni/ chu'i bskal pa 'byung bas bsam gtan dang po pa man chad 'jig par byed do/ /me'i khams 'di yang che ste /nam sems can zhe sdang gi shas che ba ni/ me'i bskal pas bsam gtan dang po nyid man chad sreg par byed do/ /rlung gi khams kyang che ste/
- 96b
nam sems can gti mug bdo ba na slung gi bskal pas bsam gtan gsum pa man chad 'jig par byed do/ /'o na ci'i phyir 'byung ba chen po bzhi kho nar bshad la lnga dad gsum la sogs par bshad/ smras? pa sa bon gyi rten dang/ sa bon brlan pa dang/ sa bon smin pa dang/ 'phel bar 'di bzhi kho nas byed de/ lngar bshad du ni dgos ba med gsum du bshad na mi nus bas khri'i rkang ba bzhin te bzhi kho nar bshad do /de la sa bon gyi rten ni sa'i khams kyis byed do/ /sa bon brlan par ni chu'i khams kyis byed do/ /sa bon smin par ni me'i khams kyis byed do/ /sa bon 'phel bar ni rlung gi khams kyis byed do/ /brgal ba nam mkha' i khams kyang sa bon skye ba la go? skabs 'byed par byed na de bsnan ste /ci'i phyir 'byung ba chen po lngar mi gzhag smras pa go skabs 'byed par byed pa ni gzugs can gyi chos kyis byed la nam mkha' la ni gzugs med pas go skabs 'byed pa med pa dang/ 'byung ba chen po bzhi ni skye ba dang/ 'jig pa'i chos can yin la/ nam mkha' la skye ba dang/ 'jig pa med pas 'byung ba chen po zhes mi bya'o/ /'byung ba chen po bzhi dag rgyur byas pa'i gzugs zhes bya ba la/ 'byung ba chen po bzhi'i rgyur las skye ba 'am/ 'byung ba chen po 'di dag las ma thon pa'i gzugs ni 'byung ba chen po bzhi dag rgyur byas ba zhes sbyar te /de'ang mig gi dbang po la sogs pa rnams bcu gcig go zhes 'og nas 'chad do/ /de las 'byung ba chen po bzhi dag ni /rgyu rnam pa lngas 'byung ba chen po las gyur pa'i gzugs kyi rgyu byed do/ /rgyu rnam pa lnga ni skyed pa dang/ brten ba dang/ gnas pa dang/ rton pa dang/ 'phel pa'o/ /de la sa bon med na myu gu mi skye ba bzhin du 'byung ba chen po bzhi med na rgyur byas pa'i gzugs mi skye bas ni skyed pa'i rgyu byed do/ /'byung ba chen po bzhi las ma brten par rgyur byas pa'i gzugs dag logs shig tu gnas pa'i mthu med de de bas na brten pa'i rgyu byed do/ /shing bcad na
- 97a
grib ma med par 'gyur ba de bzhin du/ 'byung ba chen do bzhi dag nyams sam snang smas zha rgyur bas ba'i bzugs rnams kyang nyams par 'gyur bas na gnas pa'i rgyu byed do/ /'byung ba chen po bzhi dper na rgan po'i khar ba brten nas 'gro ba dang/ 'dra bar skad cig ma'i rgyun gyis skye ba na /gyur byas pa'i gzugs rnams kyi skad cig ma'i rgyun kyang rgyun mi 'chad par skyed par byed pas na rten pa'i rgyu byed do/ /'byung ba chen po bzhi rtas shing smin na rgyur byas pa'i gzugs kyi rtas par 'gyur bas na 'phel ba'i rgyu byed do/ /'byung ba chen po bzhi grangs tsam bstan pa dmigs kyi bye ste /bshad bar bya ba'i phyir 'byung ba chen po bzhi dag gang zhe na zhes bris na/ sa'i khams dang/ chu'i khams dang /me'i khams dang/ rlung gi khams so zhes bshad do/ /'byung ba chen po bzhi'i mtshan nyid bstan par bya ba'i phyir te/ sa'i khams gang zhe na sra ba nyid do zhes bya ba la sogs pa smos te/ sa'i khams gang zhe na zhes bya ba ni sa'i khams kyi mtshan nyid gang zhen zhes bris pa'i tha tshig ste/ gang sra ba dang/ ma khrang ba dang/ lci ba ni sa'i khams kyi mtshan nyid do/ /chu'i khams gang zhe na zhes bya ba la /chu'i khams kyi mtshan nyid gang zhe na zhes dris ba'i don to/ /gsher ba nyid do zhes bya ba ni gang gsher ba dang snum pa dang brlan pa ni chu'i khams kyi mtshan nyid do/ /mo'i khams gang zhe na zhes bya ba la/ me'i khams kyi mtshan nyid gang zhe na zhes dris pa'o/ /tsha ba nyid de zhes bya ba ni gang tsha ba dang/ dro ba dang tshig bar byed pa ni me'i khams kyi mtshan nyid do/ /rlung gi khams gang zhe na zhes bya ba ni rlung gi khams kyi mtshan nyid gang zhe na zhes dris pa'o/ /yang zhing g.yo ba nyid ni rlung gi khams kyi mtshan nyid de/ yang ba ni 'gul bar byed pa'o/ /g.yo ba ni dngos po'i rgyun yul gzhan du phyin cing skye bar byed pa'o
- 97b
brgal bas sa dang chu dang me'i gsum la mtshan nyid re re bstan la rlung gi khams la ni yang ba dang g.yo ba ste /ci'i phyir mtshan nyid gnyis su bshad/ lan drug la ta yang ba 'ba' zhig smos la/ g.yo ba smos na ni rgyud byas pa'i gzugs lus kyi yul bu 'gyur ba dang/ yang 'jam pa dang rtsub pa dang/ lce ba dang/ yang bzhes bya ba'i rgyur byas pa'i gzugs yod ba de/ rlung gi khams su 'byung du rdzogs pa'i skyen du 'gyur ro/ /gal te g.yo ba 'ba' zhig smos kyi yang ba ma smos na ni sems pas byung ba'i chos bshad pa'i skabs su sems pa gang zhe na/ gang sems g.yo ba pa zhes 'byung ba'i sems pa de rlung gi khams su 'gyur du dags pa'i skyon du 'gyur te/ de bas na gang yang ba dang g.yo ba'i chos gnyis gang yod ge ni rlung gi khams kyi mtshan nyid do/ /'byung ba chen po bzhi'i mtshan nyid bshad nas las bstan par bya ste/ de la las ni bsten pa dang/ sdud ba dang/ smin pa dang /'phel bar byed pa'o/ /sa'i khams kyi las na brten par byed pa'o /chu'i khams kyi las ni sdud bar byed pa'o/ /me'i khams kyi las ni smin par byed pa'o/ /rlung gi khams kyi las ni 'phel bar byed pa'o/ /'o na khams kyi don ci/ khams kyi don ni 'dzin par byed pa'i don te ste /rgyur byas pa'i gzugs bcu gcig 'dzin pas na/ sa'i khams chu'i khams me'i khams rlung gi khams zhes bya'o/ /yang na rang dang spyi'i mtshan nyid 'dzin bas na khams shes bya'o/ /sa sra ba'i mtshan nyid 'dzin pa dang chu gsher ba'i mchan nyid 'dzin pa la sogs pa dang/ mi rtag pa dang sdug bsngal pa dang /steng ba dang bdag med pa ste/ spyi'i mtshan nyid 'dzin pas so/ /yang na gdan 'byung ba chen po bzhis gcig yod pa de na gcig gi nang na yang bzhi char yang yod do/ /dper nas gang na yod ba na chu dang me dang rlung yang yod/ chu gdan yod
- 98a
pa nas dang me dang rlung yang yod pa las de na gang mthu che zhin shas che ba de nis zhes dngos su ming gis smos la /chu dang me dang rlung lta bu shas chung zhing mthu chung bar gnas pa la ni khams zhes bya'o/ /de'ang dper na phye phul gang dang lan tsha phul gang sres pa las lan tsha mthu chen zhing shas che bar gyur pas lan tsha kha zhing dngos su ming gi 'byin kyang phye de na khams kyi mtshan nyid du med pa ma yin te yod do/ /'byung ba chen po gcig yod pa na kun yod par ci mngon/ lan du bcom ldan 'das kyi lung mdo las kyang 'byung la rigs pas brtags na yang mngon no/ /lung las 'byung bas ni mngal du 'pho ba'i mdor dga' bo pha dang ma'i mi gtsang ba ska ba las lus su gyur pa las dang chu dang /me dang rlung rnams sra ba dang sdud pa dang/ smin pa dang/ 'phel ba'i bya ba byed cing gnas so/ /gal te dga' bo de na sa'i khams yod la chu'i khams med na ni phye 'am thal ba'i chad bu bzhin du skam pa'am 'thul bar 'gyur te/ chus bsdus pas na mi 'thul zhing mi 'jig go / gal te chu yang las med na ni 'bru mar ram yungs mar bzhin du 'jog? cing 'pho bar 'gyur ro/ /gal te sa dang chu yod lam med na sha rul bzhin du myag par 'gyur ro/ /gal te sa dang chu dang me yod la rlung med na ni ji tsam du gnas pa las 'phel zhing rgyas par mi 'gyur ro zhes gsungs so/ /rig pas brtags na yang gcig gang na yod pa na kun yod par mngon te /rdo? ba dang shing la sogs pa 'byar zhing so sor ma gyes pas na sa'i khams la chu'i khams yod par mngon no/ /rdo dang shing la sogs pa g.yo zhing 'gul bas na rlung gi khams yod do/ /rdo gnyis phan tshun du phrad pa las mi rtag 'byung bas na me'i khams yod do/ /chu'i khams la yang gru dang 'dab ma la sogs pa 'dzin cing rten byed pas na chu'i khams
- 98b
la yang sa'i khams yod par mngon no/ /chu'i nang du shing gi 'dab ma dang rtsa lhung ba 'grul? zhing chu dron po dag kyang dmigs pas na chu'i nang na me yod par mngon no/ /thur du 'bab cing g.yo bas na rlung yod par mngon no/ /rlung gi khams la yang 'dab ma dang rtswa 'dzin cing 'degs pas na sa'i khams yod par mngon no/ /rlung dro ba dag kyang dmigs la rdzas brlan pa rnams rlung la phyar na skams par 'gyur bas me'i khams yod par mngon no/ /chub la dang rlung gcig tu 'dus shing 'gyur zhing 'byung bas na/ chu'i khams kyang yod par mngon no/ /me'i khams la yang me lce gcig gis gcig 'dzin pa dang/ me lce 'dab ma dang rtswa la sogs pa 'di gcing? 'dzin pas na sa'i khams yod par yang mngon no/ /me lce rnam kyang so sor mi 'gyes par gcig du 'phar bas na chu'i khams yod par mngon no/ /mgul zhing g.yo bas na rlung gi khams kyang yod par mngon no/ /'byung ba chen po bzhi dag bshad nas /rgyur byas pa'i gzugs la phye na grangs du yod pa dang ming gi gang dang gang yin pa dang de dag gi mtshan nyid bstan par bya ba'i phyir rgyur byas pa'i gzugs gang zhe na zhes dris te/ de'i don ni rgyur byas pa'i gzugs la grangs ni du zhig yod /ming gi ni gang dang gang yin/ mtshan nyid ji lta bu zhes dris pa'i tha tshig go /de dag bstan par bya ba'i phyir /mig gi dbang po dang zhes bya ba la sogs pa smos te/ rgyur byas pa'i gzugs kyi grangs ni mig gi dbang po las lus kyi dbang po'i bar du dbang po lnga dang/ gzugs nas reg bya'i phyogs gcig gi bar du yul lnga dang/ rnam par rig byed ma yin pas bsnan te /bcu gcig go /de dag gi ming yang/ mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po dang /gzugS
- 99a
dang/ sgra dang /dri dang /ro dang/ reg bya'i phyogs gcig dang rnam par rig byed ma yin pa'o/ /zhes ming gi smos pa rnams so/ /de dag gi mtshan nyid bstan par bya ba'i phyir mig gi dbang bo gang zhe na/ zhes dris te/ de yang mig gi dbang po'i mtshan nyid gang zhe na / zhes dris pa'i don to/ /de'i mtshan nyid bstan par bya ba'i phyir yul kha dog gzugs dang ba'o/ /zhes bshad do/ mig gi dbang po'i yul ni sngon po dang/ ser po dang/ dkar po dang / dmar po la sogs pa yin la dper na me long dang shel dang chu la sogs pa gzugs dang zhing gsal bas der gzugs brnyan snang ba 'byung ba bzhin du/ mig gi dbang po yang gzugs dang zhing gsal ste /gzugs dang grang par gyur pa na/ gzugs kyi gzugs brnyan byung bar gyur nas gzugs kyi rang bzhin ji lta bu yin pa de dang mthun pa kho nar mig gi rnam par shes pa skye ba'i rgyu byed do /de bas na gzugs dang ba zhes bya'o/ /mig gi dbang po'i rdul phra rab ni mig gi sprin gyi nang na zad ma'i me tog kha 'bus ba ltar gnas so/ /smras pa de ltar na dang ba'i sgra smos pas chog mod/ gzugs kyi sgra smos pa ji dgos/ smras pa/ gzugs kyi sgra ma smos par dang ba 'ba' zhig smos na ni sems las 'byung ba bshad pa'i skabs su dang ba gang zhe na/ /sems dang pa'o/ zhes bshad pa de mig gi dbang po yin no/ snyam du yid gol bar 'gyur bas gzugs kyi sgra smos ste /dad pa dang ba yin yang sems pa ni gzugs kyi rang bzhin ma yin la/ mig gi dbang po ni gzugs kyang mig gi dbang po dad pa'i rang bzhin yang yin pas so/ /smras pa'i na gzugs zhes smos pas/ chog mod dang ba'i sgra smos ci dgos lan du gzugs 'ba' zhig smos la ngang ba ma smos na rdo dang shing la sogs pa'i gzugs kyang mig gi dbang po yin
- 99b
no snyam du yid gol bar 'gyur ba dang /ling tog gis khebs pa dang/ dmus long dag la yang mig gi dbang po yod pa'i skyon du gyur pas na dang ba'i sgra smos te /rdo dang shing la sogs pa'i dang ling tog gi khebs pa dang dmus long la sogs pa la gzugs yin du zin kyang dang ba med pa'i phyir mig gi dbang po ma yin no/ /yang smras pa de ltar na gzugs dang ba zhes smos pas chog mod yul kha dog zhes smos pa'i sgra ji dgos pa lan du de yang dgos pa gnyis kyi phyir yul kha dog ces mi brjod du mi rung ste /gzugs dang ba 'ba' zhig smos la yul kha dog ma smos na rna ba la sogs pa'i dbang po yang gzugs dang ba yin pas de mig gi dbang po yin no snyam du yid gol bar 'gyur ba dang/ me long dang shel dang chu la sogs pa yang gzugs dang ba yang yin pas /de dag mig gi dbang po yin no snyam du yid gal bar 'gyur te /de dag gzugs dang ba yin du zin kyang yul kha dog ma yin no/ /de bas na gang yul dog kyang yin gzugs kyang yin dang ba yang yin pa de ni mig gi dbang po'i mtshan nyid do zhes bya ba'i don to/ / de bzhin du rna ba la sogs pa'i dbang po lhag ma la yang so so ci rig par sbyar shing bshad do/ /rna ba'i dbang po'i mtshan nyid bstan pa'i phyir/ rna ba'i dbang po'i gang zhe zhes dris te/ rna ba'i dbang po'i mtshan nyid gang zhe na zhes dris pa'i don to/ /de'i mtshan nyid bstan pa'i phyir/ yul sgra gzugs dang pa'o/ /zhes bya ba smos te rna ba'i dbang po'i yul ni sgra snyan pa dang/ mi snyan pa la sogs pa yin la de gzugs kyang shel dang me long la sogs pa dang 'dra bar dang zhing gsal ba yin la/ de ltar gsal ba'i mthus rna ba'i rnam par shes pa skye ba'i rgyu byed do/ /de'i rdul phran ni gro ba gcus pa'i mdung pa 'dra bar rna ba'i nang na gnas so/ /sna'i dbang po'i mtshan nyid bstan pa'i phyir sna'i dbang po gang zhen zhes dris te/ de yang sna'i dbang po'i mtshan nyid gang zhe na zhes dris
- 100a
pa'i don to/ /de'i lan du yul dri gzugs dang ba'o zhes bya ba smos ste /sna'i dbang po'i yul ni dri zhim pa dang/ mi zhim pa la sogs pa yin la/ de'ang shel dang me long la sogs pa ltar gzugs dang zhing gsal ba ste de'i phyir na sna'i rnam par shes pa skyed pa'i rgyu byed do/ /de'i rdul phran ni mig sman bsku ba'i lcags thur ltar mtshul ba'i nang thog thag gnas so/ /lce'i dbang po'i mtshan nyid bstan par bya ba'i phyir lce'i dbang po gang zhe na zhes dris te/ lce'i dbang po'i mtshan nyid gang zhe na zhes dris pa'i don to/ /de'i lan du yul ro gzugs dang ba'o/ zhes bya ba smos ste/ lce'i dbang po'i yul ni ro mngar ba dang skyur ba la sogs pa yin la de'ang me long dang shel la sogs pa bzhin du gzugs dang zhing gsal ba ste /de'i rgyus na lce'i rnam par shes pa skyed pa'i rgyu byed do/ /lce'i dbang po'i rdul 'phran ni zla ba phyed la 'dra bar lce'i dbus thog thag skra'i khyon tsam zhig dbang pos ma khyab par gnas te //de'i dbang po khyab na ni glang rgyas rgyun du 'dzag pas snying ba'i phyir yig 'chus par 'gyur ro/ /lus kyis dbang po'i mtshan nyid bstan pa'i phyir /lus kyi dbang po gang zhen zhes dris te/ lus kyi dbang po'i mtshan nyid gang zhen zhes dris ba'i don to/ /de'i lan du yul rag bya gzugs dang ba'o/ /zhes bya ba smos te/ lus kyi dbang po'i yul ni 'jam pa dang/ rtsub ba la sogs pa'i reg bya yin la/ /de'ang shel dang me long la sogs pa bzhin du gzugs dang zhing gsal ba ste/ de'i rgyus ni lus kyi rnam par shes pa skyed pa'i rgyu byed do/ /de'i rdul phran ni /phags pa 'am ko ba bzhin du lus thog thag khyab par gnas so/ /kha cig na re bai DUrya'i kha dog 'dra bar lus kyi dbus nas yang gnas te/ gang du reg bya byung ba dar rgyug go/ zhes zer
- 100b
ro/ /dbang po'i don ci bdag po byed pa'am dbang byed pa'i don ni dbang po'i ste ci la dbang byed ce na/ gzugs la sogs pa so so'i yul la dbang byed de/ dper na gzugs kyang mig gi dbang pos mthong gi rna ba'i dbang po la sogs pa gzhan gyi mi mthong ba dang /sgra yang rna ba'i dbang pos thos kyis mig la sogs pa gzhan gyis mi thos bas/ so so'i yul la dbang byed do// dbang po lnga bshad zin to/ /de yang yul lnga bstan te/ de la yang/ gzugs kyi mtshan nyid bstan pa'i phyir / gzugs gang zhe na zhes dris te /gzugs kyi mchan nyid gang zhe na zhes dris pa'i don to/ /lan du mig gi yul te zhes bya ba smos te/ gzugs ni mig gi dbang po dang mig gi rnam par shes pa'i yul yin gyi rna ba la sogs pa dbang po gzhan gyi yul ma yin na zhes thun mong ma yin par ston to/ /gzugs la phye na du yod pa bstan pa'i phyir/ kha dog dang dbyi baS dang rnam par yin byed do zhes bya ba smos te/ mig gi yul du gyur pa gzugs la phyen gsum ste /kha dog dang dbyibS dang rnam par rig byed do/ /smras pa/ gzugs kyi yul la rnam pa gsum du ci'i phyir phye sde bshad lan du gzugs kyi rab tu dbye ba la the tshom phra ba dang/ phyin ci log tu 'dzin pa dang/ mi shes pa rnams la gzugs la phye na rnam pa gsum yod do/ zhes bstan pa'i phyir kha dog dang dbyibs dang rnam par rig byed te/ zhes gsum du phye ste bstan to/ /de la the tshom za ba ni kha dog dang dbyibs dang rnam par rig byed gzugs yin na ma 'o na te ma yin zhes yid gnyis za ba'o/ /log par 'dzin pa ni kha dog dang dbyibs dang rnam par rig byed ni gzugs ma yin gyi gzugs zhes bya ba ni gzhan zhig yod do snyam du sems pa'o/ /mi shes pa ni gzugs la phye na du yod/ /gzugs zhes bya ba gang la bya mi shes pa'o/ /de dag la kha dog dang dbyibs dang/ rnam par rig byed
- 101a
gzugs yin no zhes bstan pas the tshom za ba dang/ log par 'dzin pa dang/ mi shes pa med par 'gyur te /de'i phyir gzugs la rnam pa gsum du phye ste bshad do/ /de la kha dog la phyen rnam pa bcu bzhi ste/ sngon po dang/ ser po dang /dmar po dang /dkar po dang/ sprin dang / du ba dang/ rdul dang/ khug sna dang/ grib ma dang/ nyi ma'i 'od dang/ snang ba dang/ mun pa dang/ bla gab med pa dang/ nam mkha' o/ de la khug rna ni lta bur mo'o/ /grib ma ni gang na gzugs snang ba'o/ /nyi ma'o 'od ni nyi zer ro/ /snang ba ni zla ba dang skar ma dang sman dang/ nor bu'i 'od do/ /mun pa ni gang na gzugs mi snang ba'o/ /bla gab med pa ni thogs pa dang bcas pa gzugs kyi bar gang ci yang thog pa med pa'o/ nam mkha' i ni gang stong pa'i gong na gang kha dog sngon por snang ba'o/ /lhag ma bla ba rnams ni dngos su brda phrad par bla bas ma bshad do/ /dbyibs ni brgyad de/ ring ba dang/ thung ba dang/ lham pa dang /zlum po dang/ sgang dang/ gshong dang/ mnyam pa dang/ mi mnyam pa'o/ /de la ring ba dang /thung ba gnyis ni bltos pa las bdag te /dper na pha las bltos nas bu zhes gdags /bu la bltos te pa zhes gdags pa bzhin du ring po las bltos te thung ngu zhes gdags thung ngu las bltos te ring bor zhes gdags so/ /lham pa ni kun tu dkyil 'khor ram gru bzhi pa'o/ /zlum po ni ril ril po/ sgang ni ri la sogs pa mtho ba'o/ /gshod ni khron pa la sogs pa dma' ba' o/ /mnyam pa ni ngos thug thug med pa la bya le 'dug pa'o/ /mi mnyam pa ni dbyings mi mnyam pa ste thug thug can no/ /rnam par rig byed ni tshe rabs snga ma la dge ba'i chos la goms pas thal mo sbyar ba dang phyag 'tshal ba la sogs pa'i lus kyi las dang /tshe rabs snga ma la mi dge ba la goms pas khu tshur ? pa dang
- 101b
rdeg pa la sogs pas lus kyi las la rnam par rig byed ces bya'o/ /ci'i phyir de la rnam par rig byed ces gdags zhe na /thal mo sbyor ba la sogs pa lus kyi las kyi sgo nas de'i sems dang ba zhig skyes so zhes gzhan gyi rig par 'gyur ba dang/ khu tshur bcangs pa dang rdeg pa la sogs pa lus kyi las kyi sgo nas /de'i sems zhe sdang ba zhig skyes so zhes gzhan gyi rig pas na rnam par rig pa zhes bya'o/ /sgra'i mtshan nyid bstan pa'i phyir /sgra gang zhe na zhes dris te /sgra'i mtshan nyid gang zhe na zhes dris pa'i don te/ lan du rna ba'i yul te zhes bya ba smos te/ sgra ni rna ba'i dbang po dang/ rna ba'i rnam par shes pas shes pa'i yul yin gyis mig la sogs pa dbang po gzhan gyi yul la ma yin no zhes thun mong ma yin par ston to/ /sgra la phye na rnam pa du yod pa bstan pa'i phyir/ zin pa dang ma zin pa dang gnyi ga te /'byung ba chen po bzhi'i rgyu las 'byung ba'o zhes bya ba smos te/ sgra la phyen rnam pa gsum te/ zin pa 'byung ba chen po bzhi'i rgyu las byung ba dang/ ma zin pa 'byung ba chen po bzhi'i rgyu las byung ba dang/ gnyi ga'i 'byung ba chen po bzhi'i rgyu las byung ba'o/ /de la zin pa ni sems dang sems las byung bas yongs su bzung ba ste/ gang lus su gtogs pa sems can rnams kyi lag pa dang ngag gi sgra ni /zin pa 'byung ba chen po bzhi'i rgyu las 'byung ba'i sgra zhes bya'o/ /ma zin pa ni sems dang sems las byung bas yongs su ma bzung ba ste /gang rlung dang nags tshal dang chu'i sgra ni ma zin pa 'byung ba chen po bzhi'i rgyu las byung ba'i sgra zhes bya'o/ /gnyi ga ni gang zin pa'i 'byung ba chen po bzhi'i ? yod las zin pa 'byung ba chen po bzhi'i rgyu yang yod pa las byung ba ste /de yang lag pa dang/ rnga la sogs pa phrad pa las byung ba'i sgra ni gnyi ga'i 'byung ba chen po bzhi'i rgyu las byung ba'i sgra zhes bya'o/ /dri'i mtshan nyid bstan pa'i phyir dri gang zhe
- 102a
na zhes dris te /dri'i mtshan nyid gang zhen zhes dris pa'i don to/ /lan du sna'i yul te zhes bya ba smos te /dri ni sna'i dbang po dang /sna'i rnam par shes pa'i yul yin gyi dbang po gzhan gyi yul ma yin no zhes thun mong ma yin par ston to/ /dra ni phyen du yod pa bstan pa'i phyir/ dri zhim pa dang/ dri mi zhim pa dang/ de las gzhan pa'o/ zhes bya ba smos te /dri la phye na rnam pa gsum du gzhag go /de la dri zhim pa ni dbang po dang 'byung ba chen po bzhi la phan par byed pa ste/ gla rtsi dang can dan dang gur gum la sogs pa'i dri'o/ /dri mi zhim pa ni dbang po dang 'byung ba chen po bzhi la gnod par byed pa ste ngan skyug la sogs pa'i dri'o/ /de las gzhan pa ni dbang po dang 'byung ba chen po bzhi la phan par yang mi byed pa ste /dri zhim pa yang ma yin dri mi zhim pa yang ma yin pa'o/ /de yang dung phor dang nya phyis la sogs pa'i dri'o/ /dri zhim pa la yang rnam pa gsum ste/ lhan cig skyes pa dang sbyar ba dang smin pa'o/ /de la tsan dan dang gur gum la sogs pa'i dri ni lhan cig bskyed pa'o/ /bdug pa'i ril bu la sogs pa rnams ni sbyar ba'o/ /a mra'i 'bras bu smin pa la sogs pa'i dri ni smin pa'o/ /dri ma zhim pa la yang lhan cig skyes pa dang sbyar ba dang smin pa yod par ci rigs sbyar ro/ /ro'i mtshan nyid bstan pa'i phyir ro gang zhe na zhes dris ste/ ro'i mtshan nyid gang zhen zhes dris pa'i don to/ /lan du lce'i dbang po ste zhes bya ba smos te/ ro ni lce'i dbang po dang/ lce'i rnam par shes pa'i yul yin gyi/ dbang po gzhan gyi yul ma yin no zhes thun mong ma yin par bstan te/ rol phye na du yod pa bstan pa'i phyir/ mngar ba dang/ skyur ba dang/ lan che dang/ kha ba dang tsha ba dang/ bskal pa'o/ zhes smos te/ rol phye ba rnam pa drug go/ de la
- 102b
mngar ba ni ka ra dang bu ram dang sbrang rtsi la sogs pa'o/ /sgyur ba ni tsha dang skyur rtsi la sogs pa'o/ /lan tsha ni bro ba ste/ lan tsha ni rnam pa lnga'o/ /kha ba ni mkhris pa dang/ tig ta la sogs pa'o/ /tsha ba ni pi pi ling dang /ma? le sham dang sga la sogs pa'o/ / bskal ba ni a ru ra dang ba ru ra la sogs pa'o/ /reg bya'i phyogs gcig gi mtshan nyid bstan pa'i phyir/ reg bya'i phyogs gcig gang zhe na zhes dris pa'i tshig ste/ reg bya'i phyogs gcig gi mtshan nyid gang zhe na zhes dris pa'i don to/ /lan du lus kyi yul te zhes bya ba smos te/ reg bya rnams ni lus kyi dbang po dang/ lus kyi rnam par shes pa'i yul yin gyi dbang po gzhan gyi yul ma yin no zhes thun mong ma yin par bstan to/ /reg bya la phyen du yong pa bstan pa'i phyir/ 'byung ba chen po bzhi po gzhag ste/ 'jam pa dang/ rtsub pa dang/ lci ba dang/ yang ba dang/ grang pa dang/ brub ba dang/ skom pa'o/ zhes bya ba smos te/ lus kyi yul reg bya la phye na 'byung ba chen po bzhi'i steng du 'jam pa nas skom pa'i bar du rgyur byas pa'i gzugs bdun gyi bsnan ste/ bcu gcig yod do/ /smras pa 'byung ba chen po bzhi gzhag ste/ zhes bya ba'i tshig de/ cir dgos/ lan du de la dgos pa gnyis yod de/ 'byung ba chen po bzhi'i mtshan nyid gong du bshad zin pas da 'dir bshad mi dgos pa'i phyir gzhag pa dang/ 'dir rgyur byas pa'i gzugs bshad pa'i skabs yin gyis 'byung ba chen po bshad pa'i skabs ma yin pas gzhag go smras pa 'byung ba chen po bzhi gong du bshad zin pas da bshad mi dgos na yod ma smos pas mi chog gang /lan du yod mi smos su ni 'byung ba chen po bzhi yang lus kyi yul reg bya'i nang du gtogs par bstan dgos pas mi smos su mi rung ngo/ /de ltar na reg bya rnam pa gnyis te/ 'byung ba chen po bzhi dang/ 'byung ba chen po bzhi'i rgyu las skyes
- 103a
pa rtsub pa la sogs pa bdun no /de la 'jam pa ni mnyen pa ni rtsub pa reg bar bzod pa'o/ rtsub pa ni mi mnyen pa reg par mi bzod pa'o/ /lci ba ni gang gi srang gi mgo mthur du dma' bar 'gyur ba'o/ /yang ba ni bor cher zin kyang bong chung du lci ba la ljing kyis mi thub ste /srang gi mgo mtho la mjug dma' bar 'gyur ba'o/ /grang ba ni gang gis nyen na dro bar 'dod pa'o/ /bru ba ni gang za bar 'dod pa skye ba'o/ /skom pa ni gang 'thung 'dod pa skye ba'o/ /brgal ba za 'dod pa dang/ 'thung 'dod ba ni/ sems las byung ba'i chos yin na de ji ltar lus kyi dbang po'i yul reg bya'i phyogs gcig 'byung ba chen po bzhi las skyes pa'i chos su gzhag /lan du 'di ni rgyu la 'bras bu brtagS pa te/ dper na/ sangs rgyas 'byung ba bde ba dang/ /chos bstan pa yang bde ba'o/ zhes gsungs pa bzhin no/ /tshigs bcad 'di yang rgyu la 'bras bu btags pa yin te /sangs rgyas 'jig rten du 'byung zhing skye ba ni skye ba thams cad du sdug bsngal bar bshad pas bde ba ma yin mod kyi /sangs rgyas 'jig rten du 'byung bas dam pa'i chos bstan pa'i rgyu las sems can rnams bde 'gro dang mya ngan las 'das pa'i 'bras bu thob par 'gyur bas lha dang mi'i bde 'gro dang mya ngan las 'das pa'i 'bras bu thob pa de rgyu sangs rgyas 'byung ba la btags nas/ sangs rgyas 'byung ba'i bde ba dang zhes gsungs so/ /chos bshad pa yang 'bad pa chen pos bya dgos pas bde ba ma yin mod kyi/ rgyu de las bde 'gro dang mya ngan las 'das pa'i 'bras bu bde ba 'thob pa'i bde ba 'byung ste /'bras bu de rgyu chos bstan pa la btags nas/ chos bstan pa yang bde ba'o zhes gsungs so/ /de dang 'dra bar rlung gi khams kyi shas che
- 103b
bar gyur na lto'i nang du pho ba kha 'byar ba'i reg bya'i khyad par zhig 'byung ste /des rgyu byas na za 'dod pa skye'o/ /pho ba kha 'byar ba ni za? 'dod pa'i rgyu yin la za 'dod pa de'i 'bras bu yin te/ za 'dod pa'i 'bras bu'i ming de rgyu la btags nas/ pho ba kha 'byar ba la za 'dod pa zhes bshad do/ /de bzhin du ma'i khams kyi shas che bar gyur na /lto'i nang du lgang ba kha 'byar ba'i reg bya'i khyad par skye ste/ de'i rgyu 'thung 'dod pa skye'o/ /de la lgang pa kha 'byar ba ni de'i rgyu'o/ / 'thung 'dod pa ni 'bras bu te /'bras bu 'thung 'dod pa'i ming lgang pa kha 'byar ba la btags nas 'thung 'dod pa'o zhes bshad do /rgyu la 'bras bu btags bas na nyes pa med do /de la chu dang me'i shas che ba ni 'jam pa'o/ /sa dang rlung gi shas che ba ni rtsub pa'o/ /sa dang chu'i shas che ba ni lci ba'o/ /me dang rlung gi shas che ba ni yang ba'o/ /chu dang rlung gi shas che ba ni grang ba'o rlung gi shas che ba ni bru ba'o/ /me'i shas che ba ni skom pa'o/ /yul lnga bshad zin to/ /rnam par rig byed ma yin pa'i mtshan nyid bstan pa'i phyir rnam par rig byed ma yin pa gang zhe na zhes dris te/ rnam par rig byed ma yin pa'i mtshan nyid gang zhe na zhes dris pa'i don to/ /rnam par rig byed ma yin pa'i rgyu gang yin pa dang rang bzhin ji lta bu yin pa bstan pa'i phyir rnam par rig byed pa dang/ ting nge 'dzin las skyes pa'i gzugs te/ ltar med pa thogs pa med pa'o/ zhes bya ba smos te/ rnam par rig byed pa dang/ ting nge 'dzin ni rnam par rig byed ma yin pa'i rgyu'o/ /de'i rang bzhin ni ltar med pa thogs pa med pa'o/ /de la rnam par rig byed ni rnam pa gnyis te /lus kyi rnam par rig byed dang /dag gi rnam par rig byed do/ /lus kyi rnam par rig byed la yang rnam pa gsum ste/
- 104a
dge ba dang mi dge ba dang lung du mi ston pa'o/ /de la srog mi gcod pa dang/ ma byin par me len pa dang/ mi tshangs par mi spyod pa ni lus kyi rnam par rig byed dge ba'o/ /srog gcod pa dang /ma byin par len pa dang/ mi tshangs par spyod pa ni lus kyi rnam par rig byed mi dge pa'o/ /ri mo 'dre ba dang btsam 'dru ba byed pa la sogs pa bzo'i las rnams ni lus kyi rnam par rig byed lung du mi ston pa'o/ /ngag gi rnam par rig byed la yang rnam pa gsum te /dge ba dang mi dge ba dang lung du mi ston pa'o/ /da la brdzun dang phra ma dang ngag 'khyal pa dang/ tshig rtsub po spangs pa ni ngag gi rnam par rig byed dge pa'o/ /brdzun dang phra ma dang /tshig rtsub mo dang/ ngag la byal pa smra ba ni ngag gi rnam par rig byed mi dge pa'o/ /'jig rten gyi tha snyad phar song tshur shog ces bya ba la sogs pa smra ba ni dag gi rnam par rig byed lung du mi ston pa'o/ /ting nge 'dzin la yang rnam pa gnyis te/ zag pa dang bcas pa dang/ zag pa med pa'i ting nge 'dzin to/ /de las 'og ma la skyon tu lta zhing sa gong ma la yon tan du lta ba'i 'jig rten pa'i bsam gtan mi lcogs su mi rung ba dang /bsam brtan dang po dang bsam gtan khyad par can dang/ bsam gtan gnyis pa dang/ gsum pa dang/ bzhi pa dang/ drug ni zag pa dang bcas pa'i ting nge 'dzin to/ /'phags pa'i lam yan lag brgyad la snyoms par zhugs pa ni zag pa med pa'i ting nge 'dzin to/ /rnam par rig byed ma yin pa yang rnam pa gsum ste 'dod par gtogs pa'i rnam par rig byed ma yin pa dang/ gzugs su gtogs pa'i rnam par rig byed ma yin pa dang/ zag pa med pa'i rnam par rig byed ma yin pa'o/ /de la 'dod par gtogs pa'i rnam par rig byed ma yin pa la rnam pa bzhi ste/ so
- 104b
so thar pa'i sdom pa dang / byang chub sems dpa' i sdom pa dang /sdom pa med pa dang/ sdom pa yang ma yin mi sdom pa yang ma yin pa'o/ /de la so so thar pa'i sdom pa ni lus dang ngag gi sgo nas gzhan la gnod bar byed pa las slar ldog pa dang /de yab dge slong pha dang/ dge slong ma dang/ dge spyod pha dang/ dge sbyong ma dang/ dge slob ma dang/ dge bsnyen pha dang/ dge bsnyen ma dang/ dus khrims pa dang brgyad do/ /byang chub sems dpa' i sdom pa ni bdag gi lus dang srog la yang 'phangs pa med par lus dang ngag dang yid gsum gyi sgo nas rnam pa thams cad du gzhan la phan 'dogs par zhugs pa'o/ /sdom pa med pa ni lus ngag dang yid gsum gyi sgo nas rnam pa thams cad du gzhan la gnod pa byed par zhugs pa ste /de dang bya ba dang/ nya pa dang/ rngon pa dang/ shan pa dang/ btson bsrungs dang /gshed mas la sogs pa'o/ /sdom pa yang ma yin mi sdom pa yang ma yin pa ni phan pa dang /gnod pa phyogs re re zhugs pa ste /phan pa phyogs gcig la zhugs pa ni yang nyin re zhing dkyil 'khor ma byas par zan? mi bza' o zhes dam bcas pa 'cha''am/ /gnod pa phyogs gcig la zhugs pa ni nyin re zhing mi 'ga' gzhan la mi brdeg par zan mi bza' o zhes dam bcas pa 'cha' ba' o/ /de la so so thar pa'i sdom pa dang/ byang chub sems dpa' i sdom pa dang/ phan pa phyogs gcig la zhugs pa ni skyabs su 'gro ba dang/ brdzun la sogs pa las ldog pa gang gi? rnam par rig byed dge ba dang/ srog gcod pa la las ldog pa lus kyi rnam par rig byed dge ba'i rgyu las byung ngo/ /sdom pa med pa dang/ gnod pa phyogs gcig la zhugs pa ni brdzun zer ba la sogs pa ngag gi rnam par rig byed mi dge ba dang/ srog gcod pa la sogs lus kyi rnam par rig byed mi dge ba'i rgyu las
- 105a
'byung ngo/ /gzugs su gtogs pa'i rnam par rig byed ma yin pa ni gzugs kyi khams kyi bsam gtan bzhi dang/ mi lcogs su mi rung ba dang/ bsam gtan zag pa can la snyoms par 'jug pa'i tshe sdom pa'i gzugs skye ba de /de ni bsam gtan gyi sdom pa zhes bya'o/ /zag pa med pa'i rnam par rig byed ma yin pa ni zag pa med pa'i ting nge 'dzin 'phags pa'i lam yan lag brgyad la snyoms bar zhugs pa las /gang sdom pa'i gzugs skye ba ste /de ni zag pa med pa'i sdom pa zhes bya'o/ /de bas na gzugs su gtogs pa'i rnam par rig byed ma yin pa dang zag pa med pa'i rnam par rig byed ma yin pa nyid ni ting nge 'dzin las skyes pa'i gzugs zhes bya ste/ gzugs su gtogs pa'i rnam par rig byed ma yin pa ni zag pa dang bcas pa'i ting nge 'dzin las skyes pa'i gzugs so/ /zag pa med pa'i rnam par rig byed ma yin pa ni zag pa med pa'i ting nge 'dzin las skyes pa'i gzugs so/ /smras pa so so thar pa'i sdom pa dang/ byang chub sems dpa' i sdom pa dang/ sdom pa med pa dang/ sdom pa yang ma yin mi sdom pa yang ma yin pa dang/ ting nge 'dzin las skyes pa'i sdom pa dang/ zag pa med pa'i sdom pa 'di dag la ci'i phyir rgyur byas pa'i gzugs zhes bya /smras pa /de dag kyang 'byung ba chen po bzhi la brten nas/ 'byung zhing 'byung ba chen po bzhi'i mthu nyams shing de rnams gtong bar byed pa'i rgyu med kyi bar du sems 'khrugs pa dang/ ma 'khrugs pa dang sems med pa rnams kyi dus na yang chu'i rgyun bzhin du rgyun mi 'chad par 'gyur bas na rgyur byas pa'i gzugs zhes bya'o/ /de la so sor thar ba'i sdom pa gtong ba'i rgyu ni rnam pa bzhi ste/ bslab pa phul ba
- 105b
dang shi 'phos pa dang/ mtshan gnyis skyes pa dang/ lta ba sog pa la zhugs pa'o/ /dus khrims pa'i sdom pa gtong ba'i rgyu ni gong ma bzhi'i steng du nyin zhag zad pas bsnan te lnga'o/ /byang chub sems dpa' i sdom pa gtong pa'i rgyu ni gnyis te sdom pa phul ba dang/ log pa'i lta bzhugs pa'o/ /sdom pa med pa'i stong pa'i rgyu ni bzhi ste /sdom pa blangs pa dang/ chos nyid kyi lta ba thob pa bden pa mthong ba dang/ shi 'phos pa dang /mtshan gnyis skyes pa'o/ /sdom pa yang ma yin mi sdom pa yang ma yin pa'i gtong pa'i rgyu gcig ste /dam bcas pa btang ba'o ting nge 'dzin gyi sdom pa dang/ zag pa med pa'i sdom pa'i gtong ba'i rgyu gcig ste /ting nge 'dzin las langs pa'o/ /rnam par rig byed ma yin pa'i gzugs kyi rang bzhin ni ltar med la thogs pa med pa'o/ /de la kha dog dang dbyibs dang rnam par rig byed dag 'di lta bu zhig gnas 'di na 'dug ces bdag gis kyang ltar rung la/ gzhan la yang bstan du rung ba ltar rnam par rig byed ma yin pa de 'di lta bu zhig gnas 'di dag gnas so zhes bdag gis kyang bltar med gzhan la yang bstan du med pas na bstan du med pa zhes bya'o/ /rang gnas pa'i phyogs su dngos po gzhan skye ba skyer mi ster zhing gegs byed pa ni thogs pa dang bcas pa zhes bya la/ rnam par rig byed ma yin pa de la rang gi gnas su gzhan 'byung ba la gegs byed mi srid pas thogs pa med pa zhes bya'o/ /de ltar na gzugs thams cad ni rnam pa gsum du 'dus te/ bltar snang la thogs pa dang bcas pa'i gzugs dang/ bltar mi snang ba la thogs pa dang/ bcas pa'i gzugs dang bltar yang mi snang la thogs pa yang med pa'i gzugs so/ /de la bltar snang la thogs pa dang bcas pa'i gzugs ni mig gi dbang
- 106a
po'i yul du gzhag pa kha dog dang dbyibs dang rnam par rig byed do/ /bltar mi snang la thogs pa dang bcas pa'i gzugs ni mig la sogs pa'i dbang po lnga dang/ sgra dang dri dang ro dang reg bya dang yul bzhi ste dgu 'o/ /bltar yang mi snang la thogs pa yang med pa'i gzugs ni rnam par rig byed ma yin pa'i gzugs so/ /sdom pa'i gzugs de dag la ci'i phyir rnam par rig byed ma yin pa zhes gdags zhe na/ smras pa ji ltar rnam par rig byed gzugs kyi rang bzhin yin la /thal mo sbyor ba la sogs pa lus kyi las kyi sgo nas /nang gi sems kyi ngo bo rig par rung ba bzhin du rnam par rig byed ma yin pa de yang gzugs kyi rang bzhin kyang yin mod kyis /de'i sgo nas nang gi sems kyi ngo bo rig par byar mi rung bas na rnam par rig byed ma yin pa zhes bya'o/ /'byung ba chen po bzhi nas rnam par rig byed ma yin pa'i bar de dag la ci'i phyir gzugs zhes bya/ smras pa gzhig cing gnod par byar rung bas na gzugs zhes bya ste /bcom ldan 'das kyis kyang dge slong dag zhig cing gzhom du yod pa'i phyir gzugs nye bar len pa'i phung po zhes bya'o /zhes gsungs so/ /smras pa 'o na rnam par rig byed ma yin pa bltar med la thogs pa med pas gzhig cing gnod pa byang mi rung na de ji ltar gzugs su 'gyur /smras pa rnam par rig byed ma yin pa nyid la gzhig cing gnod pa byar mi rung yang shing bcad na grib ma med par 'gyur ba dang nor bu rin po che bcag na 'od med par 'gyur ba bzhin du 'byung ba chen po bzhi nyams par byas nas rnam par rig byed ma yin pa'i gzugs kyang nyams par gyur pas gzugs zhes bya ba la nyes pa med do/ /gzugs kyi phung po bshad
- 106b
pa rdzogs so// //gzugs kyi phung po bshad zin pa'i 'og tu tshor ba'i phung po smos pas ni bshad pa'i skabs su bab pa'i phyir/ tshor ba gang zhe na /zhes dris te /tshor ba'i phung po'i mtshan nyid gang zhe na zhes dris pa'i don to/ /'dir tshor ba'i phung po gang zhe na zhes ma dris kyis tshor ba gang zhe na zhes ci'i phyir 'dri zhe na /yang gzugs kyi phung po'i skabs su lan btab pa bzhin du bshad par bya'o/ /dris pa'i len du myong pa rnam pa gsum te? zhes bya ba smos te /tshor ba zhes bya ba ni myong ba la bya ste /yul gyi rang bzhin sim pa dang /yul gyi rang bzhin gdung ba dang/ yul gyi rang bzhin sim pa yang ma yin /gdung ba yang ma yin pa'i ngo bo rnam pa gsum myong zhing mngon sum du byed pas na tshor ba zhes bya'o/ /yang na las dag dang las mi dge ba dang las lung du ma bstan pa'i 'bras bu bde ba dang/ sdug bsngal dang/ bde ba yang ma yin sdug bsngal yang ma yin pa gsum myong bar byed pas/ na tshor ba zhes bya'o/ /tshor ba la yang phye na du yod pa bstan pa'i phyir /bde ba dang/ sdug bsngal dang/ sdug bsngal yang ma yin bde ba yang ma yin pa'o zhes smos te /tsher ba la phye na gsum ste /bde ba'i tshor ba dang/ sdug bsngal gyi tshor ba dang/ sdug bsngal yang ma yin bde ba yang ma yin pa'i tshor ba'o/ /smras pa/ bde ba'i tshor ba dang sdug bsngal gyi tshor ba nyid ni so so rang gi rig par 'byung bar yod par mngon no/ /de nyid la ma gtogs par bde ba yang ma yin sdug bsngal yang ma yin pa'i tshor ba yod par ci mngon lan du /de ni bcom ldan 'das kyi lung las kyang 'byung la rigs pa so? brtags na bde ba yang ma yin sdug bsngal yang ma yin pa'i tshor ba
- 107a
yod par mngon no/ lung las 'byung ba ni mdo? sde las tshor ba rnam pa gsum ste/ bde ba'i tshor ba dang sdug bsngal gyi tshor ba dang/ bde ba yang ma yin sdug bsngal yang ma yin pa'i tshor ba'o zhes 'byung ngo/ /yang mdo sde gzhan dag las bde ba yang spangs sdug bsngal yang spangs nas dang po nyid du yid bde ba dang yid mi bde ba gnyis 'gags par 'gyur te/ bde ba yang ma yin sdug bsngal yang ma yin pa'i tshor? ba so sor myong ba bsam gtan bzhi pa la snyoms par zhugs nas gnas so/ /zhes gsungs so/ /rigs pas brtags na yang na ma yang tshor ba dang bral ba'i sems 'byung mi srid la bar skabs su bde ba'i tshor ba yang mi 'byung sdug bsngal gyi tshor ba yang mi 'byung sems dmigs pas na de'i skabs su ni bde ba yang ma yin/ sdug bsngal yang ma yin pa'i tshor ba 'byung bar rig par bya'o/ /bde ba'i tshor ba'i mtshan nyid bstan pa'i phyir/ bde ba ni gang 'gag pa las gang phrad par 'dod pa'o zhes bya ba'i smos te /dngos po gang zhig dang phrad pa las bral bar gyur pa dang/ yang de dang slar phrad par 'dod pa ni bde ba'i tshor? ba zhes bya'o/ /'gags zhes bya ba ni bral ba la bya'o/ /sdug bsngal gyi tshor ba'i mtshan nyid bstan par bya ba'i phyir/ sdug bsngal ni byung ba las gang bral bar 'dod pa'o zhes bya ba smos te /byung ba las zhes bya ba ni dngos po gang dang phrad par gyur ba las de dang phyis bral bar 'dod cing mi phrad par 'dod pa ni sdug bsngal gyi tshor ba zhes bya'o/ /sdug bsngal yang ma yin bde ba yang ma yin pa'i tshor ba'i mtshan nyid bstan pa'i phyir/ sdug bsngal yang ma yin bde ba yang ma yin pa ni gang gnyis kar 'dod par mi 'gyur ba'o/ /zhes bya ba smos te/ dngos po gang dang phrad
- 107b
kyang bral bar 'dod pa yang mi skye dngos po gang dang bral yang slar phrad par 'dod pa yang ming? skye ba ni sdug bsngal yang ma yin bde ba yang ma yin pa'i tshor ba zhes bya'o/ /yang na dngos bo gang dang brang pa'i tshe ni bral bar mi 'dod la bral ba'i che ni slar phrad par 'dod pa skye ba de ni bde ba'i tshor? ba'o/ /dngos po gang dang phrad pa'i tshe ni /bral bar 'dod la bral? pa'i tshe ni slar phrad par mi 'dod pa de ni sdug bsngal gyi tshor ba'o/ /btang snyoms kyi tshor ba ni sngar bshad pa bzhin no/ /yang na bde ba'i tshor ba ni lus rtas pa dang sems brtan par byed pa dang yid mthun par byed pas nyams su len pa'i phyir de 'gags na yang slar de dang phrad par 'dod pa skye'o/ /sdug bsngal gyi tshor ba ni las nyams par byed pa dang/ sems nyams par byed pa dang/ yid du mi 'ong bas nyams su gnod par byed pa'i phyir de dang phrad na yang slar 'bral bar 'dod pa skyed de sdug bsngal yang ma yin bde pa yang ma yin pa'i tshor ba ni sdug bsngal gyi tshor ba bzhin du lus dang sems la gnod pa byed cing yid du ma 'ong bar byed pa yang med /bde ba'i tshor ba bzhin du lus la phan par byed cing yid du 'ong bar byed pa yang med pas de dang phrad na yang 'bral bar 'dod pa mi skye ba/ bral na yang phrad par 'dod pa mi skye ba'o/ /tshor ba'i phung po bshad pa rdzogs so// //tshor ba'i phung po'i 'og tu 'du shes kyi phung po smos pa de bshad pa'i skabs su bab pa'i phyir/ 'du shes gang zhe na zhes dris te/ 'du shes kyi phung po mtshan nyid gang zhe na zhes dris pa'i don to/ /de'i mchan nyid bstan pa'i phyir/ yul la mtshan mar 'dzin pa'o zhes bya ba smos te /de la yul ni gzugs dang sgra dang dri dang ro dang reg la sogs pa'i yul lnga'o/ /yul de'i mtshan nyid yul gyi khyad par la bya ste/
- 108a
sngon po dang ser po dang dmar po la sogs pa'o/ /'dzin pa ni 'di ni sngon po nyid yin gyi ser po ma yin zhes bye brag tu rtog pa'o/ /smras pa de ltar na mig gi rnam par shes pa dang 'du shes gnyis la khyad par ci yod/ smras pa/ spyir gzug cam? mo zhes zhes pa ni rnam par shes pa'o/ /gzugs kyang 'di ni sngon po gnyis yin gyi ser po ni ma yin no /zhes bye brag tu 'byed pa ni 'du shes ste de bas na khyad par yod do/ /'du shes kyi phung po la phye na du yod pa bstan pa'i phyir de ni rnam pa gsum ste /phra ba dang chen por gyur ba dang tshad med pa'o/ /zhes bya ba smos ste /'du shes la phye na rnam pa gsum mo/ /de la 'dod pa'i khams kyi 'du shes ni phra ba zhes bya ste/ gzugs la sogs pa'i 'dod pa'i yon tan lnga tsam la dmigs shing khams gzhan la ltos na ngan par gyur pa'i phyir ro/ /gzugs kyi khams kyi 'du shes ni chen por gyur pa zhes bya ste /'dod pa'i khams kyi 'du shes pas mchog tu gyur pa dang/ ting nge 'dzin gyi yul la dmigs pa'i phyir ro/ /gzugs med pa'i khams kyi 'du shes ni tshad med pa zhes bya ste/ nam mkha' ni mdza' yas so zhes bya ba la sogs pa'i rnam pa tshad med par dmigs pa'i phyir ro/ /yang na slob dpon kha cig na re yungs kar la sogs pa la dmigs pa'i 'du shes ni phra ba zhes bya'o/ /ri rab la sogs pa la dmigs pa'i 'du shes ni chen por gyur pa zhes bya'o/ /nam mkha' la sogs pa la dmigs pa'i 'du shes ni tshad med pa zhes 'chad do/ /'du shes kyi phung po bshad pa rdzogs so// //'du shes kyi phung po'i 'og du 'du byed kyi phung po smos bas de bshad pa'i skabs su bab pa'i phyir /'du byed rnam pa gang
- 108b
zhe na zhes dris te /'du byed kyi phung po rnams kyi mtshan nyid dang rang bzhin gang zhe na zhes dris pa'i don to/ /de la rgyu dng rkyen rnams 'dus shin tshogs nas byas shing skyed pa'i phyir 'du byed ces bya'o/ /smras pa gong du gzugs dang tshor ba la sogs pa'i skabs su ni gzugs gang zhe na /cher ba gang zhe na zhes dris kyi gzugs rnams gang zhe na /tshor pa rnams gang zhe na zhes ma dris la/ 'dir 'du shes kyi phung po bshad pa'i skabs su 'du byed gang zhe na zhes mi 'dri bar ci'i phyir 'du byed ces bya'o/ /zhe na zhes 'dri /smras pa gzugs dang tshor ba'i phung po bshad pa'i skabs pas 'du byed kyi phung po bshad pa'i skabs su chos mang du bstan cing 'chad pas na 'du byed rnams gang zhe na zhes dris so/ /lan du tshor pa dang 'du shes las gzhan pa sems pa byung ba'i chos rnams dang sems dang mi ldan pa rnams smos te /gzhan pa zhes bya ba ni bzhag ste zhes bya ba'i don tam bkol lam zhes bya ba'i don te /mdor na chos ba dang 'du shes gnyis bzhag gam bkol te sems las 'byung ba'i chos ji snyed yod pa dang sems dang mi ldan pa'i chos ji snyed yod pa la 'du byed kyi phung po zhes pa'i don to/ /smras pa tshor ba dang 'du shes las gzhan pa zhes bya ba de'i tshig smos pa de ci dgos lan du de nyid kyi mtshan nyid gong du bshad zin to /da 'dir bshad mi dgos pas na gzhan pa zhes bya ba'i tshig smos ste /de nyid 'dir mi bshad do /zhes bya ba'i don to /smras pa de nyid kyi mtshan nyid rtag tu bshad zin te /'dir bshad mi dgos na yod yem smos bas mi chog gam /lan du de gnyis kyang sems las byung ba'i chos su gtogs te /'du byed kyi chos su gtogs pa'i sems las byung ba'i
- 109a
chos yin no zhes bstan dgos pa'i phyir 'di mi smos su mi rung ngo?/ /smras pa sems las byung ba lnga bcu rtsa gcig yod pa las gzhan ni 'du byed kyi phung po zhes phung po gcig tu bsdus la tshor ba dang 'du shes gnyis ci'i phyir logs shig tu bkar te /phung po re rer ci'i phyir bshad smras pa/ tshor ba ni myong bar byed pa'i rang bzhin te /de la dge ba dang /mi dag ba'i rnam par smin pa/ bde ba dang/ sdug bsngal myong bar byed pas na bkar te logs shig tu phung por bshad pa dang/ 'du shes ni tha snyad du 'dogs pa'i dngos po ste/ 'du shes kyi mi mthong ba dang thos pa dang rtog pa la sogs pa'i don rnams la mtshan mar gzung nas mthong ngo thos so rtogs so zhes 'jig rten pa rnams tha snyad du 'dogs pas na logs shig tu bkar ste phung po re rer byas te bshad do/ /yang na tshor ba dang 'du shes gnyis ni rtsod pa'i rtsa ba byed pa dang 'khor ba'i rgyur gyur pas/ sems las byung ba gzhan bas kyang nyon mongs pa'i rgyu lhag par byed pas na sems las byung ba'i chos yin du zin kyang logs shig tu phung po re rer byas te /bshad do/ /de la rtsod pa'i rtsa ba nyid de/ 'dod pa la chags pa dang lta ba la chags pa'o/ /rtsod pa yang phyogs rnam pa gnyis te/ khyim na gnas pa'i phyogs dang rab tu byung ba'i phyogs so/ /de la khyim na gnas pa'i phyogs ni 'dod pa la chags pa'i rgyus rtsod de/ mdo las kyang 'dod pa'i 'dod chags la chags shing rnam par bcings pa dang rab tu zhen pa'i rgyus khyim pa rnams kyang khyim pa dang lhan cig rtsod do zhes gsungs te /de ltar na khyim na gnas pa rnams rtsod pa'i rtsa ba ni tshor ba byed do/ /rab tu 'byung pa
- 109b
rnams ni lta ba la kun tu chags pa'i rgyu rtsod de /mdo las kyang lta ba la kun tu chags shing rnam par bcings pa dang/ kun tu zhen pa'i rgyus rab tu byung ba rnams kyang rab tu byung ba dang/ lhan cig rtsod do zhes gsungs te/ rab tu byung ba rnams lta ba la rtsod pa'i rtsa ba yang bdag tu 'dzin pa dang/ rtag par 'dzin pa la sogs pa'i 'du shes phyin ci log yin pas de gnyis logs shig tu phung po re res bzhag go /'khor ba'i rgyu ni gang zag rnam pa gnyis te/ sred pa la spyod pa dang lta ba la spyod pa'o/ /sred pa la spyod pa'i gang zag rnams ni tshor ba la chags pa'i rgyus 'khor bar 'khor la/ lta ba la chags pa'i gang zag rnams ni bdag med pa la bdag tu 'du shes pa la sogs pa 'du shes phyin ci log gi rgyus 'khor bar 'khor bas na/ de gnyis 'khor ba'i rgyu yin pa'i phyir logs shig tu phung po re rer bshad do/ /smras pa ji ste tshor ba dang 'du shes gnyis las gzhan pa reg pa la sogs pa sems las byung ba'i chos rnams dang/ snyed pa la sogs pa sems dang mi ldan pa'i chos rnams 'dir 'du byed kyi phung por bshad na mdo dang 'gal te /mdo las kyang 'du byed rnams kyi phung po gang zhe na/ sems pa'i tshogs drug ste /mig gi kun tu reg pa las byung ba'i sems pa nas /yid kyi kun tu reg pa las byung ba'i sems pa'o zhes 'byung ba dang 'gal lo/ /lan du mdo las sems pa drug la 'du byed kyi phung por gsungs pa ni gtso bo'i dbang du byas te/ gsungs pas 'gal ba med do/ /ji ltar gtso bo zhe na/ sems pa ni sems mngon par 'du byed cing g.yo bar byed
- 110a
bas na gtso bo ste/ sems pa'i dbang gi dge ba la yang sems 'jug par byed mi dge ba la yang sems 'jug par byed lung du mi ston pa la yang sems 'jug bar byed pa'i phyir ro/ / yid la byed pa la sogs pa yang sems pa'i rjes su 'brang zhing 'byung ba yin pas mdo las sems ba'i tshogs drug 'ba' zhig smos pa der gzhan yang zhar? gyi gsungs pa yin par rig bar bya'o/ /gtso bo'i dbang du byas pa ni dper na rgyal po gshegs zhes smras ba lta bu ste/ gzhan zham 'bring 'ong ngo zhes ma smras kyang de dag kyang de na ma 'ongs pa ma yin pa lta bu'o/ /'du byed kyi phung por sems pas byung ba'i chos dang sems dang mi ldan pa'i chos rnam pa gnyis bsdus pa las sems las byung ba'i chos zhes bya ba sngos su gang la bya mi shes te /de bstan ba'i phyir/ sems las 'byung ba'i chos rnams gang zhe na zhes dris nas lan du chos gang sems dang ldan pa rnams so zhes bshad do// sems las skyes shing sems las 'thon pas na sems byung ba zhes bya ste /de yang chos gang sems dang ldan pa rnams la ni sems las byung ba'i chos zhes bya'o/ /de la sems dang ldan pa'i don ci zhe na /reg pa nas spyod pa'i bar du chos 'di dag gnas mnyam pa dang dmigs pa mnyam pa dang/ rnam par mnyam pa dang/ dus mnyam pa dang/ rdzas mnyam pa ste /mnyam pa lngas mnyam du skyed zhing sems kyi rjes su 'brang bas na sems dang ldan pa zhes bya'o/ /gnas mnyam pa ni mig gi rnam par shes pa mig gi dbang po la gnas shing brten na /reg pa la sogs pa de'i rjes su 'brang ba'i sems las byung ba rnams kyang mig gi dbang bo nyid la brten cing gnas kyi gzhan rnams la mi gnas so/ /dmigs
- 110b
pa mnyam pa ni mig gi rnam par shes pa gzugs la dmigs na reg pa la sogs pa de'i rjes su 'brang ba'i sams las byung ba rnams kyang gzugs nyid la dmigs kyi sgra la sogs pa gzhan la mi dmigs so/ /rnam par mnyam pa ni mig gi rnam par shes pa sngon po'i rnam pa lta bur skyed na reg pa la sogs pa de'i byes? su 'brar? ba yang sngon po'i rnam? pa lta bur skye'i ser po'i rnam pa lta bu mi skye'o/ /dus mnyam pa ni gang gi skad cig ma la mig gi rnam par shs pa bskyed pa de'i skad cig ma nyid la reg pa la sogs pa sems las byung ba'ang de nyid kyi skad cig la skye'i skad cig ma phyi ma la mi skye'o/ /rdzas mnyam pa ni mig gi rnam par shes pa rdzas gcig byung na reg pa la sogs pa'ang reg pa rdzas gnyis mi 'byung gi reg pa'i rdzas gcig 'byung ngo/ /'du byed sems dang ldan pa de dag kyang gang dang gang yin pa mi shes pa deng? grangs su yod pa mi shes te/ de bas na de dag gang zhe na dris te /de'i don ni sems dang ldan pa'i chos de dag ming gis ni gang dang gang yin/ grangs ni du zhig yod/ ces bya ba'i don to/ /de'i phyir smras pa reg pa dang yid la byed pa zhes bya ba la sogs pa smos te/ de dag gi ming ni reg pa dang/ yid la byed pa dang tshor ba zhes dngos su ming gis smos pa'o/ / grangs ni reg pa nas brtsams te /dpyod pa'i bar du lnga bcu rtsa gcig ste lnga bcu rtsa gcig po la 'du byed sems dang ldan pa zhes bya'o/ /de dag las kun tu 'gro ba ni du/ yul so sor nges pa ni du/ dge ba ni du nyon mongs pa ni du nye pa'i nyon mongs pa ni du gzhan pa ni du yin pa bstan pa'i phyir/ de rnams las lnga ni kun tu 'gro ba'o zhes bya ba la sogs pa smos te /sems dang ldan pa'i chos lnga bcu rtsa gcig las reg pa nas sems pa'i bar du lnga
- 111a
ni kun tu 'gro ba zhes bya ste/ kun tu 'gro ba'i don ni 'dod pa dang gzugs dang gzugs med pa'i khams kyi khams gsum gyi sems can gyi sems thams cad kyi rjes su 'gro bas na kun tu 'gro ba zhes bya'o/ /yang na mig gi rnam par shes pa nas kun gzhi rnam par shes pa'i bar du rnam par shes pa brgyad tsar? gyi rjes su 'gro bas na kun tu 'gro ba zhes bya'o/ /yang na dge ba'i sems dang mi dge ba'i sems dang lung du ma bstan pa'i sems dang zag pa med pa'i sems thams cad kyi rjes su 'jug pas na kun tu 'gro ba zhes bya'o/ /lnga ni yul so sor nges pa'o/ zhes pa la 'dun pa nas shes rab kyi bar du lnga ni yul so sor nges pa zhes bya ste/ yul so sor nges zhes bya ba yang de dag gi yul so sor nges shing chad pa yin gyi yul thams cad de dag gi yul ma yin zhing yul thams cad la de dag mi 'jug pas na yul so sor nges ba zhes bya'o/ /kha cig na re yul gang du lnga po las gcig 'byung ba der lnga car gdon mi za bar 'byung bas na yul so sor nges pa zhes 'chad do/ /bcu gcig ni dge ba'o zhes pa la dad pa nas bcams te /mi 'tsho ba'i bar dag tu bcu gcig la ni dge ba zhes bya ste /dge ba'i don ni ma dad pa la sogs pa nag po'i phyogs kyis gnyen por gyur pa dang/ 'dod mi chags pa dang/ zhe mi sdang ba dang/ gti mi mug pa'i dge ba'i rtsa ba dang/ ldan pa'i phyir dge ba zhes bya'o/ /drug ni nyon mongs pa zhes pa la 'dod chags nas brtsams te /the tshom gyi bar du drug ni nyon mongs pa zhes bya ste /de dag gi lus dang sems la sdug bsngal zhing nyon mongs par byed pa dang/ sems dri ma can du byed pas na nyon mongs pa zhes bya'o/ /lhag ma
- 111b
ni nye ba'i nyon mongs pa'o/ zhes bya ba la khro ba nas brtsams te/ shes bzhin med pa'i bar du lhag ma nyi shu ni nye ba'i nyon mongs pa zhes bya ste/ ngan skyugs dang de las byung ba'i khu ba dang/ 'dra bar nyon mongs pa las skyes shing 'byung bas na nye ba'i nyon mongs pa zhes bya'o/ /ngan skyugs lta bur gyur pa ni nyon mongs pa drug go /de las byung ba'i khu ba lta bur ni lhag ma nyi shu'o/ /yang na nyi shu po de dag nyon mongs pa drug gi yan lag tu gtogs pa dang/ nyon mongs pa drug bzhin du lus dang sems la gnod pa byed cing sems dri ma can du byed pas na nye ba'i nyon mongs pa zhes bya'o/ /bzhin gzhan du yang ngo/ /zhes pa la 'gyod pa nas dpyod pa'i bar du bzhi ni gzhan du yang zhes bya ste/ de bzhi nye ba'i nyon mongs? pa 'ba' zhig gi rang bzhin yin par ma zad kyis /dge ba'i rang bzhin yang yod/ mi dge ba'i rang bzhin yang yod lung du ma bstan pa'i rang bzhin yang yod pas na gzhan du yang ngo zhes bya'o/ /da ni sems dang mi ldan pa'i 'du byed de dag gi mtshan nyid bshad par bya'o/ /sum cu pa'i gtsug lag dang mngon pa'i chos bsdus pa'i gtsug lag las sems las byung ba lnga bcu rtsa gcig po rnams kyi rang bzhin dang las gnyi ga bshad pa ltar/ phung po lnga'i gtsug lag 'di gleng bas shes pa 'dul ba'i don du byas te /mdo tsam du bstan pas na rang bzhin 'ba' zhig bshad nas las ma bstan mod kyi/ slob ma rnams chos kyi mtshan nyid la mkhas par bya ba dang/ sems las byung ba de dag rang bzhin brda phrad par sla bar bya ba'i phyir bdag gi ni rang bzhin dang las gnyi ga bstan no/ /lnga kun tu 'gro ba las tshor ba dang 'du shes gnyis gong du bshad zin pas na bshad mi dgos te/ da ni reg pa dang yid la byed pa dang sems pa gsum
- 112a
bshad do/ /de la reg pa'i rang bzhin bstan par bya ba'i phyir/ reg pa gang zhe na zhes dris te /reg pa'i rang bzhin nam mtshan nyid gang zhe na zhes dris pa'i don to/ /lan du gsum 'dus na yongs su gcod pa'o zhes bya ba smos te/ gsum ni dbang po dang yul dang rnam par shes pa gsum mo/ /de dag rgyu dang 'bras bu'i dngos por lhan cig tu tshogs pa ni 'dus pa zhes bya ste yul dang dbang po dang rnam par shes pa gsum ni rgyun yin no/ /de'i rgyu las byung ba'i reg pa ni 'bras bu yin te /gsum 'dus pa'i rgyu las gang byung ba'i sems las byung ba de la reg pa zhes bya'o/ /de la yul dang dbang po dang rnam par shes pa gsum dus gcig tu 'dus pa las/ de nyid kyi dus na tshor ba bde ba dang sdug bsngal ba dang bde ba yang ma yin pa sdug bsngal yang ma yin pa gsum skye bar byed pa dang rjes su mthun pa 'am tshor ba gsum skye ba'i rgyu lta bur dbang po yongs su 'gyur ro/ /ci ltar dbang po tshor ba bde la sogs pa skye bar 'gyur pa dang rjes su mthun par 'gyur ba 'am /tshor ba skye ba'i rgyu lta bur 'gyur ba de dang 'dra bar yul yang tshor ba bde ba la sogs pa skye bar 'gyur ba dang rjes su mthun par yongs su gyur pa 'am/ tshor ba skye ba'i rgyu lta bur yongs su 'gyur pa'i yul gyi rnam pa ji lta bu yin pa gcod par byed pa ni reg pa zhes bya'o/ /de'i las ni tshor ba'i rten byed pa ste /tshor ba'i skye ba'i rgyu byed pa'i don to /de bas na de mdo las kyang reg pa'i rkyen gyis tshor ba 'byung zhes bshad pa dang/ mdo gzhan dag las tshor ba myong ba'i reg pa la brten nas /bde ba'i tshor ba skye'o zhes gsungs so/ /yid la byed ba'i rang bzhin bstan pa'i phyir/ yid la byed
- 112b
pa gang zhe na/ dris te /yid la byed pa'i rang bzhin dang mtshan nyid gang zhes dris pa'i don to/ /lan du sems kyis 'jug pa'o zhes bya ba smos te/ 'jug pa zhes bya ba'i sems yul la 'gro bar byed pa 'am der lta bar byed pa ste/ bsgom par bya ba yul dmigs pa'i khyad par la sogs pa dmigs par bya ba'i yul gang yang rung ba la sems mngon du lta zhing der phyogs par byed pas na sems kyis 'jug pa zhes bya ste /de lta bur byed pa de la yid la byed pa zhes bya'o/ /de'i las ni dmigs pa la sems 'dzin pa'o/ /dmigs pa la sems 'dzin ces bya ba'i don yang ji lta bu zhe na keng rus la sogs pa dmigs pa'i yul la sems yang nas yang du 'jog par byed pa ni sems 'dzin pa zhes bya'o/ /de bas na dmigs pa'i yul la sems kyi skad cig ma'i rgyun du dmigs pa de ni de'i las su bshad kyi/ sems skad cig ma gcig de la dmigs nas/ skad cig ma gnyi ga pa la sogs pa'i tshe skad cig ma gzhan la dmigs pa de ni de'i las su mi bzhag go /sems pa'i rang bzhin bstan pa'i phyir/ sems pa gang zhe na zhes dris te/ sems pa'i rang bzhin dang/ mtshan nyid gang zhe na zhes dris ba'i don to/ /lan du/ yon tan dang nyes pa dang gnyi ga ma yin pa la sems mngon par 'du byed pa yid kyi las so bya ba smos te/ de la dge ba'i chos rnams ni yon tan no/ /mi dge ba'i chos rnams ni nyes pa zhes bya'o/ /lung du ma bstan pa'i chos la ni gnyi ga ma yin pa zhes bya'o/ /sems mngon par 'du byed pa zhes bya ba ni sems g.yo bar byed 'gul bar byed ces bya ba'i don to/ /sems 'di ci'am mi byed cing mi g.yo ba yin na sems pa zhes
- 113a
bya ba sems las byung bas skyod nas/ sems dge ba la yang mngon par 'du byed cing dge ba byed pa la yang 'jug /sems mi dge ba la yang mngon par 'du byed cing mi dge ba byed pa la yang 'jug sems lung du ma bstan pa la yang mngon par 'du byed cing lung du ma bstan pa la yang 'jug par byed pa ni sems pa zhes bya ste /dper na khab mi g.yo zhing byed pa med mod kyi rdo khab long gi dbang gis khab g.yo zhing 'gul ba bzhin no/ /yang na dge ba'i chos rnams la ni sems yon tan can du sems shing lta ba dang mi dge ba'i chos rnams la ni nyes pa can du sems shing lta ba dang/ gnyi ga ma yin pa ste /lung du ma bstan pa'i chos rnams la ni yon tan can dang nyes pa can gnyi gar mi sems mi lta bar byed pa ni sems pa zhes bya'o yang na phan 'dogs par rnams ni yon tan du lta zhing sems gnod ba byed pa la ni nyes par lta zhing sems bar ma la ni gnyi gar yang mi sems mi lta bar byed pa ni sems pa zhes bya'o/ /smras pa/ yid kyi las zhes bya ba yang sems g.yo bar byed pa la bya bas yid kyi las zhes mi brjod kyang /sems mngon par 'du byed ces brjod pas yid kyi las yin no zhes zhar gyi thob na yid kyi las zhes brjod pa cir dgos/ lan du rnam par rtog pa dang/ dpyod pa la sogs pa yang /sems mngon par 'du byed pa'i rang bzhin te/ sems g.yo bar byed pa yin du zin kyang yid kyi las ma yin te /rnam par shes pa mi g.yo ba'i chos las g.yo ba bzhin du byed pa ni sems pas byed kyi sems las byung ba gzhan gyis mi byed pas na yid kyi las zhes bya ste/ de ni sems las byung ba gzhan bkar ba yin no/ /de la yid kyi las zhes bya ba'i sems pa'i rang bzhin bstan to/ /yon tan dang nyes ba dang gnyi ga ma yin pa la sems mngon par 'du byed ba ni de'i las yin par bstan to/ /lnga kun tu 'gro ba
- 113b
bshad zin to/ /lnga yul so sor nges par bstan par bya ste /de la yang 'dod pa'i rang bzhin bstan pa'i phyir/ 'dod pa gang zhe na zhes dris te/ 'dod pa'i rang bzhin dang mtshan nyid gang zhe na zhes dris pa/ de'i lan du/ 'dod pa'i dngos po la 'dod pa'o/ zhes bya ba smos te /'dod pa yang 'dod pa'i dngos po nyid la 'dod pa skye yi /'dod pa ma yin pa'i dngos po la 'dod pa mi skye bas yul nges pa'o/ /de la 'dod pa'i dngos po ni gzugs blta bar 'dod pa'i dngos po gzugs dang mnyam par 'dod pa'i dngos po sgra la sogs pa'o/ /'dod pa ni lta bar bya ba'i yul dang mnyan par bya ba'i yul de la ji ltar blta ji ltar mnyan snyam ste/ blta bar bya ba dang mnyan par bya ba'i yul la mthong zhing thos kyang ji ma rung snyam du smos pa ni 'dod pa zhes bya'o/ /smras pa 'dod pa ni 'dod pa'i dngos po la 'dod pa yin na de ltar na ni sred pa yang 'dod pa'i dngos po la 'dod pa yin pas sred pa dang de gnyis la khyad par ji yod/ smras pa sred pa ni 'dod pa'i dngos po la chags shing zhen pa'i bdag nyid yin la/ 'dod pa ni dngos po la gcig tu zhen pa med kyi /smon pa tsam du zad pas na khyad par yod do /de'i las ni brtson 'grus kyi rten byed pa ste /'dod pa yod na brtson 'grus rtsom pa'i phyir ro/ /smos pa'i rang bzhin bstan pa'i phyir/ mos pa gang zhe na zhes dris te /mos pa'i rang bzhin dang mtshan nyid gang zhe na zhes dris pa'i don to/ /lan du/ nges pa'i dngos po nyid la de bzhin du 'dzin pa'o zhes bya ba smos te/ smos pa'i yul ni nges pa'i dngos po kho na yin gyi/ ma nges pa'i dngos po la mos pa mi 'jug pas na yul nges par bstan to/ /mi bslu ba'i lung dang mngon sum dang rjes su dpag pa'i rigs pas dngos po rnams la mi rtag pa dang/ sdug bsngal ba dang bdag
- 114a
med pa'i rang bzhin du gtan la bab par byas shing te tshom med par byas pa ni nges pa'i dngos po'o/ /de bzhin du 'dzin ces bya ba ni mi rtag pa dang sdug bsngal ba la sogs par gtan la phab cing yid ches par byas pa de la dngos po rnams ni mi rtag pa dang/ sdug bsngal ba la sogs pa kho nar bden pa'i rtag pa la sogs pa ni ma yin no/ zhes 'dzin pa ni nges ba zhes bya'o/ /yang na phung po lnga la 'khrugs ni dbu ba'i gong bu lta bu/ tshor ba ni chu'i chu bur dang 'dra ba/ 'du shes ni smig rgyu lta bu /'du byed ni chu shing gi snying po dang 'dra ba/ rnam par shes pa ni sgyu ma lta bu yin par yid ches par byas nas de la de bzhin du bden no zhes 'dzin pa ni nges pa'i dngos po la de bzhin du 'dzin pa zhes bya ste /de la mos pa zhes bya'o/ /de bas na bcom ldan 'das kyis kyang/ gzugs ni dbu blta bu ste/ /tshor ba chu'i chu bur 'dra/ /smig rgyu lta bu 'du shes te/ /'du byed chu shing 'dra ba'o/ /rnam shes sgyu ma 'dra bar ni/ /nyi ma'i gnyen gyis rab tu gsungs zhes bshad do/ /de'i las ni mi 'phrog par byed pa ste /dngos po rnams la mi rtag pa la sogs par yid ches par gyur na /rang gi lta ba las mu stegs can la sogs pa rgol ba gzhan gyis lta ba gzhan du sgyur bar mi nus pa'i phyir ro/ /dran pa'i rang bzhin bstan pa'i phyir /dran pa gang zhe na zhes dris te/ dran pa'i rang bzhin dang mtshan nyid gang zhe na zhes dris pa'i don to/ de'i lan du/ 'dris pa'i dngos po ma brjod pa ste/ sems la gsal ba'o zhes bya ba smos te/ dran pa yang 'dris pa'i dngos po la sems ma brjed par 'byung gi ma 'dris pa'i dngos po la sems ma brjed pa mi 'byung bas yul nges par bstan to/ /sngon mthong pa dang thos pa la sogs pa'i sgo nas
- 114b
myong bar byas pa'i dngos po ni 'dris pa'i dngoS po zhes bya'o/ /ma brjed pa ni sngon myong ba'i/ dngos po sems la bzung ba de med par ma gyur cing brjed pa dang chud za bar ma gyur ba ni ma brjed pa zhes bya'o/ /ma brjed pa'i don nyid gsal bar bya ba'i phyir /sems la gsal ba'o zhes bya ba smos te/ sngon myong ba'i dngos po de la yang dang yang du goms par byas bas smra ba rags pa bzhin du gsal bar dran pa'i phyir /gsal ba zhes bya ste/ ma brjed pa dang gsal ba gnyis don tha dad ba ni ma yin no/ /de'i las ni g.yeng ba med pa ste /'dris pa'i dngos po sems la gsal bar gyur na/ gzugs la dmigs pa las dmigs pa gzhan sgra la dmigs par mi 'gyur ba dang/ dkar po'i rnam pa la dmigs pa las sngon po la sogs pa'i rnam pa gzhan la sems g.yeng bar mi 'gyur bas na g.yeng ba med pa'i las can zhes bya'o/ /ting nge 'dzin gyi rang bzhin bstan pa'i phyir ting nge 'dzin gang zhe na zhes dris te /ting nge 'dzin gyi rang bzhin dang/ mtshan nyid gang zhen zhes dris pa'i don to/ /de'i lan du brtag brtag pa'i dngos po la sems rtse gcig pa'o zhes bya ba smos te/ 'dir ting nge 'dzin kyang brtag pa'i dngos po nyid sems rtse gcig tu 'gyur gyi ma brtag pa'i dngos po la sems rtse gcig tu mi 'gyur bas na yul nges bar bstan to/ /brtag pa'i dngos po zhes bya ba ni yon tan gyi dngos po dang nyes pa'i dngos po gnyis la bya'o/ de'ang bden pa bzhi las 'gog pa dang lam gyi dngos po la ni yon tan gyi dngos por brtag /sdug bsngal dang kun 'byung gi dngos po la ni nyes pa'i dngos por brtag go /de la 'gog pa dang lam la yon tan gyi dngos
- 115a
por brtag pa yang 'gog pa'i bden pa la ni zhib dang 'gog pa dang gya nom pa dang nges par 'byung ba'i tshul lta bur yon tan du brtag lam gyi bden pa la yang lam dang rig pa dang /bsgrub par bya ba dang nges par 'byung bar byed pa'i tshul lta bur yon tan du brtag go /sdug bsngal ba dang kun 'byung gi bdon pa la nyes par brtag pa yang sdug bsngal gyi bden pa la mi rtag pa dang sdug bsngal ba dang/ stong pa dang/ bdag med pa'i tshul du nyes bar brtag go /kun 'byung ba'i bden pa la yang rgyu dang kun 'byung ba dang rkyen dang rab tu 'byung ba'i tshul lta bur nyes par brtag pa na bden pa bzhi la brtag pa'i dngos po zhes bya'o/ /rtse gcig ces bya ba ni dmigs pa gcig bar byas pa ste /bden pa bzhi 'ba' zhig la dmigs kyi gzhan du sems ma g.yengs pa la sems rtse gcig ces bya'o/ /de'i las ni shes rab kyi rten byed pa ste/ sems mnyam par gzhag na yang dag pa ji lnga ba bzhin du shes pa'i shes rab skye ba'i phyir ro/ /shes rab kyi rang bzhin bstan pa'i phyir/ shes rab gang zhe na zhes dris te/ shes rab kyi rang bzhin dang mtshan nyid gang zhe na zhes dris pa'i don to/ /de'i lan du/ de dag nyid rab tu 'byed pa ste zhes bya ba smos te /de dag nyid ces bya ba ni brtag par bya ba'i dngos po bden pa bzhi nyid la bya'o/ /rab tu 'byed ces bya ba ni ma nor bar 'byed cing shes pa'am phyin ci ma log par 'byed cing shes pa ste/ bden pa bzhi po de dag gi rang dang spyi'i mtshan nyid ma 'dres kyang 'dres pa 'dra bar gnas pa la 'di ni rang gi mtshan nyid 'di ni spyi'i mtshan nyid do zhes phyin ci ma log par shes par 'gyur ba 'am/ yang dag pa'i chos la yang/ yang dag pa nyid do/ /zhes shes
- 115b
log pa'i chos la yang log pa nyid do zhes shes pa ni shes rab ces bya'o/ /ji ltar ting nge 'dzin gyi yul brtag pa'i dngos po nyid yin gyi gzhan la ma yin par yul nges pa de bzhin du shes rab kyang rtag pa'i ngo bo nyid rab tu 'byed kyi gzhan mi 'byed pas na yul nges par bstan pa yin no/ /shes rab la phye na rnam pa ru yod bstan par bya ba'i phyir rigs pa dang mi rigs pas skyed pa dang gzhan yang zhes bya ba smos te/ shes rab la phye na rnam pa gsum te/ rigs pas bskyed pa'i shes rab dang mi rigs pas skyed pa'i shes rab dang /gzhan yang ste rigs pas bskyed pa yang ma yin mi rigs pas bskyed pa yang ma yin pa'i shes rab po/ /de la mi bslu ba'i lung dang/ rjes su dpag pa'i tshad ma dang /mngon sum gyi tshang ma gsum la rigs pa zhes bya ste/ rig de gsum mnyam bsams bsgoms pa las byung ba'i shes rab ni rigs bas bskyed pa'i shes rab ces bya'o/ /nyon mongs pa kun spangs pa dang sdug bsngal thams cad spangs pa dang nges bshad pa'i tshig la goms par byas na /nyon mongs pa rnams spong bar byed par 'gyur ba'i skyes bu'i tshig ni mi bslu ba'i lung zhes bya'o/ /rjes su dpag pa ni yod pa dang/ phyogs dang mthun pa ma yin pa dang/ phyogs dang mi mthun pa na med pa ni rjes su dpag par bya ba'i tshad ma zhes bya'o/ /de la rjes su dpag ba ni yod pa ni gang na du ba 'thul bar snang ba de na me yod par dpag pa'o/ /phyogs dang mthun pa de na yod ba ni gang na du ba 'thul ba de na me yod par ci mngon zhe na/ /dper na tshang bang chen po na du ba 'thul bar mthong bas de na me yod par snang ba'o/ /phyogs dang mi mthun pa na med pa ni mi dang chur mi mthun pa ste/ de bas na gang na me yod pa de na du ba yod kyi gang na chu yod pa de na du ba mi 'thul lo/ /mngon sum ni mig gi dbang pos bum pa mngon sum du mthong ba lta bu ste/ de'ang
- 116a
rnal 'byor pa'i sems dang dbang po'i rnam par shes pa rnams dang/ yid kyi rnam par shes pa dang/ sems dang sems las 'byung ba'i chos rnams kyi dngos po so sor rang gi rigs pa dang bzhi'o/ /mi rigs pa zhes bya ba ni mi bslu ba ma yin pa'i lung dang rjes su dpag par snang ba dang /log par bshad pa'i ting nge 'dzin la mi rigs pa zhes bya ste/ de gsum mnyan pa dang bsam pa dang bsgom pa las byung ba'i shes rab ni mi rigs pa skyed pa'i shes rab ces bya'o/ /de la brdzun gyi rgyu nyon mongs pa thams cad ma spangs ba dang sdug bsngal thams cad ma spangs pa dang de'i tshig bsgom na yang nyon mongs pa spong bar mi 'gyur ba ste/ mu stegs pa gcig grangs can dang bye brag pa la sogs pa'i tshig ni mi bslu pa yin pa'i lung zhes bya'o/ rjes su dpag par snang ba ni rjes su dpag pa dngos ma yin gyi rtags kyi rjes su dpag pa dang tshul 'dra ba ste /dper na a mra'i shing gi yal ga 'di la 'bras bu gcig smin pas na thams cad smin to/ zhes dpog pa lta bu'o/ /log par bshad ba'i ting nge 'dzin bdag med pa la bdag tu bshad pa'i chos la sems rtse gcig tu 'jug pa'o/ /rigs pas bskyed pa yang ma yin mi rigs pas bskyed pa yang ma yin pa'i shes rab ni skyes ma thag tu thob pa'i shes rab dang/ tshe ma drub la sogS ba 'jig rten na bzo sna tshogs shes ba'i shes rab bo/ /de'i las ni the tshom sel bar byed pa ste /shes rab kyis chos rnams kyi rang dang spyi'i mtshan nyid rab du phye nas phyin ci ma log par shes par byas nas de yin nam ma yin snyam pa'i the tshom med par 'gyur ro/ /lnga yul so sor nges pa bshad zin to/ /bcu gcig dge ba bshad par bya ste /de la dad pa'i rang bzhin bstan pa'i phyir/ dad pa gang zhe na zhes dris te/ dad pa'i rang bzhin dang mtshan nyid gang zhe na zhes dris pa'i don to/ /lan du/ las dang
- 116b
'bras bu dang/ bden pa dang/ dkon mchog la mngon par yid ches shing zhes bya ba smos te/ de la las ni rnam pa gsum ste/ bsod nams kyi las dang bsod nams ma yin pa'i las dang mi g.yo ba'i las so/ /bsod nams kyi las ni gang 'dod pa'i khams nyid du gtogs pa'i dge ba'i las la bya ste/ de yang srog gcod pa las phyir ldog pa la sogs pa'i dge ba bcu la bya'o/ /bsod nams ma yin pa'i khas kyang 'dod pa'i khams su gtogs pa'i mi dge ba'i las la bya ste/ de yang srog gcod pa la sogs pa'i mi dge ba bcu'i las la bya'o/ /mi g.yo ba'i las ni gzugs su gtogs pa'i bsam gtan bzhi dang gzugs med par gtogs pa'i snyoms par 'jug pa bzhi'i/ dge ba'i las kyi rang bzhin la bya ste/ de dag la rtag tu ting nge 'dzin la gnas pa la rnam par rtog pa'i rlung gis g.yo bar mi nus shing bskyod bar mi nus pas mi g.yo ba'i las zhes bya'o/ /yang na 'dod pa'i khams kyi las dge ba dang mi dge ba ni sngar las gcig tu byas te 'bras bu 'phags pa las phyis las gzhan byas na snga ma'i las kyi 'bras bu bskyod nas las phyis byas pa'i 'bras bu smin par 'gyur bas rnam par smin par 'gyur ba la g.yo ba yod pa ltar /gzugs dang gzugs med par gtogs pa'i las sngar byas te/ 'bras bu 'phangs na phyis las gang byas kyang sngar byas pa'i 'bras bu nyid smin par 'gyur gyi las phyi mas snga ma'i 'bras bu bskyod par mi nus pas na mi g.yo ba'i las zhes bya'o/ /'bras bu rnam pa gnyis te/ yid du 'ong ba dang yid du mi 'ong pa'o/ /yid du mi 'ong ba ni sems can dmyal ba dang/ yi dags dang byol song ngo/ /yid du 'ong ba ni lha dang mi'o/ /de la 'dod par gtogs pa'i las bsod nams ma yin pa'i las byas na ni ngan song gsum du 'bras bu rnam
- 117a
par smin par 'gyur ro/ /'dod par gtogs pa'i bsod nams kyi las byas pas ni 'dod pa'i khams nyid du lha dang mi'i 'bras bu rnam par smin par yid du 'ong ba 'thob par 'gyur ro/ /gzugs dang gzugs med par gtogs pa'i mi g.yo ba'i las dge ba'i rang bzhin byas pa las ni gzugs dang gzugs med par gtogs pa'i lha'i nang du 'bras bu rnam par smin pa yid du 'ong ba 'thob par 'gyur ro/ /de la las dge ba byas na ni 'bras bu yid du 'ong ba rnam par smin la/ las mi dge ba byas na ni 'bras bu yid du mi 'ong ba rnam par smin par yid ches pas las kyang yod la 'bras bu yang yod ces de gnyi ga yod par mngon par yid ches pa ni dad pa zhes bya'o/ /bden pa ni rnam pa bzhi ste/ sdug bsngal gyi bden pa dang /kun 'byung gi bden pa dang/ 'gog pa'i bden pa dang /lam gyi bden pa'o/ /de la las dang nyon mongs pa bskyed pas gzugs la sogs pa nye bar len pa'i phung po lnga 'bras bur gyur pa la ni sdug bsngal gyi bden pa zhes bya ste/ de dag las kyang mi rtag pa dang sdug bsngal ba dang stong ba dang bdag med pa'i mtshan nyid du ma nor cing phyin ci ma log pa'i phyir bden pa zhes bya'o/ /las dang nyon mongs pa gnyis la ni kun 'byung gi bden ba zhes bya ste/ de dag kyang rgyu dang kun 'byung ba dang rkyen las kyang mi rtag pa dang sdug bsngal ba dang stong ba dang bdag med pa'i mtshan nyid du ma nor cing phyin ci ma log pa'i phyir bden pa zhes bya'o/ /las dang nyon mongs pa gnyis la ni kun 'byung gi bden pa zhes bya ste /de dag kyang rgyu dang kun 'byung ba dang rkyen dang rab tu 'byung ba'i mtshan nyid du ma nor cing phyin ci ma log pas na bden pa zhes bya'o/ /las dang nyon mongs pa yang spangs nye bar len pa'i phung po lnga yang bkag pa la ni 'gog pa'i bden pa zhes bya ste /de'ang 'gog pa dang zhi ba dang gya nom pa dang nges par 'byung bar phyin ci ma log cing ma nor bas na bden pa zhes bya'o/ /de thob par byed pa'i thabs 'phags pa'i lam gyi yan lag brgyad la lam gyi bden pa zhes bya ste/ de'ang lam dang rigs pa dang bsgrub par bya ba dang nges par 'byung
- 117b
bar byed par phyin ci ma log cing ma nor bas na bden pa zhes bya'o/ /de la sdug bsngal dang /kun 'byung gi bden pa gnyis la sdug bsngal yod de /kun 'byung yod do zhes mngon par yid ches pa dang 'gog pa dang lam gyi bden pa gnyis la 'gog pa ni thob par bya bar nus /lam ni bsgrub par bya nus so/ /zhes mngon par yid ches ba ni dad pa zhes bya'o/ /dkon mchog ces bya ba la dkon mchog gsum ste/ sangs rgyas dang chos dang dge 'dun no/ /de gsum nor bu rin po che dang 'dra ba'i phyir dkon mchog ces bya te /dper na nor bu rin po che dkon pa dang rin che ba dang dga' bar byed pa dang/ phan 'dogs pa dang mi ma yin pa'i gnod pa med par byed pa bzhin du sangs rgyas dang chos dang dge 'dun gyis kyang rnam pa de lnga byed pas na dkon mchog ces bya'o/ /ji ltar nor bu rin po che dkon te dus thams cad du mi 'byung ba de bzhin du sangs rgyas kyang /byang chub sems dpa' rnams kyi lus dang srog la yang mi 'phangs bar rgyun du bsod nams dang ye shes kyi tshogs bsgrubs kyang bskal pa grangs med pa gsum gyis 'tshang rgya bar 'gyur bas na /dkon pa ste de bas na mdo las kyang sangs rgyas 'byung ba ni u dum bA ra'i me tog 'byung ba bzhin no zhes gsungs so/ /sangs rgyas 'byung ba dkon par gyur pas chos dang dge 'dun dkon mchog gnyis kyang dkon pa nyid de /sangs rgyas 'byung pa la rag las bas de la brten nas de gnyis 'byung ba'i phyir ro/ /ji ltar nor bu rin po che rin che ba bzhin du sangs rgyas de yang bsod nams dang ye shes kyi tshogs kyi bsgrubs pas 'thob pas na rin po che ltar rin che ba'o/ /de la pha rol tu phyin pa drug la sbyin pa dang tshul khrims dang bzod pa'i pha rol tu phyin pa gsum ni bsod nams kyi tshogs so/ /bsam gtan dang shes rab kyi pha rol tu phyin pa/
- 118a
gnyis ni ye shes kyi tshogs so/ /brtson 'grus kyi pha rol tu phyin pa ni gnyis ga'i grogs su gyur pa'o/ /chos dkon mchog ces bya ba ni mya ngan las 'das pa la bya ste/ de yang 'jig rten thams cad kyi 'phangs par brtsi ba'i phung po lnga spangs pas 'thob pas na rin che ba zhes bya'o/ /dge 'dun dkon mchog kyang 'khor bar skyes pa'i bsod nams dang ye shes lta bu ni ma yin gyis/ 'khor ba las 'byung bar 'gyur ba'i bsod nams dang ye shes kyi tshogs bsgrubs pas 'thob pas na rin che ba'o/ /ji ltar nor bu rin po che bdog na dga' bar byed pa de bzhin du dkon mchog gsum po 'di mthong yang rung/ thos yang rung/ rjes su dran par byas kyang rung dga' ba'i rgyur 'gyur bas na dga' bar byed pa'o/ /ji ltar nor bu rin po che bdog na nor bu gzhan yang 'dul bas phan 'dogs par byed pa de bzhin du /dper na dkon mchog 'di gsum la bsu ba dang bsnyen bkur bya ba dang/ /yongs su shes par byas na/ lha dang mi'i 'bras bu 'thob pa nas /mya ngan las 'da' ba' i bar du 'thob par byed pas bdog pa chen po 'grub pa'i phyir phan 'dogs pa'o/ /dper na nor bu rin po che yod na mi ma yin pa'i gnod pas mi tshugs pa de bzhin du dkon mchog gsum rjes su dran par byas na yang mi ma yin pa'i gnod pas mi tshugs pas na mi ma yin pa'i gnod pa med par byed pa'o/ /de la sangs rgyas zhes bya ba yang dngos su na nyon mongs pa dang shes bya'i sgrib ba spangs nas/ phung po lnga gnas gzhan du gyur te /sku gsum lhun gyis grub nas stobs dang mi 'jigs pa la sogs pa'i yon tan phun sum tshogs pa dang ldan pa la sangs rgyas zhes bya'o/ /de la sangs rgyas de ni nyes pa thams cad spangs yon tan thams cad phun sum tshogs pa yin par thos kyang rung/ bdag gis shes kyang rung /de'i sgo nas mchi ma bsku ba dang ba sU? ldang
- 118b
pa la sogs pa'i dad ba sems las g.yos pa ni dad pa zhes pa'o/ /chos zhes bya ba la chos rnam pa gsum te/ bshad pa'i chos dang/ sgrub pa'i chos dang don dam pa'i chos so/ /de la gsung rab yan lag bcu gnyis ni bshad pa'i chos so/ /'phags pa'i lam kyi yan lag brgyad ni sgrub pa'i chos so/ /mya ngan 'das pa ni don dam pa'i chos so/ /de la don dam pa'i chos ni kun 'byung dang sdug bsngal spangs pa'i bdag nyid yin no/ /sgrub pa'i chos ni de thob par byed pa'i rgyu yin no/ /bshad par bya ba'i chos ni de gnyis kyis don gsal bar ston par byed pa yin no /zhes sems dang ba ni dang ba zhes bya'o/ /dge 'dun zhes bya ba la dge 'dun yang skyes bu gang zag brgyad la bya ste/ bdud la sogs pas mi phyed pa dang/ mu stegs la sogs pas sangs rgyas brtan pa 'di las bzlog nas/ biSh+Nu la sogs pa'i brtan pa gzhan la gzhag par mi nus bas na gang zag brgyad po la dge 'dun zhes bya'o/ /dge bdun de dag kyang 'khor ba'i rdzab? las brgal ba dang /'khor ba'i rdza ba las brgal bar 'gyur ba'i lam la gnas pa bsod nams kyi zhing du gyur pa'o zhes sems dang ba ni dad pa zhes bya'o/ /de ltar na dang pa 'di rnam ba gsum du 'jug ste /yong pa'i dngos po la mngon par yid ches pa'i rnam par 'jug pa dang/ yon tan dang ldan pa la dang ba'i sems rnam par 'jug pa dang/ yon tan dang ldan zhing yod pa thob par bya ba dang/ skyed par nus pa'i dngos po la 'dod pa'i rnam par 'jug go /de la las dang las kyi 'bras bu dang bden pa bzhi ni yod pa'i dngos po zhes bya ste /yong pa la yod pa nyid du yid ches pa ni yod pa'i dngos po la mngon par yid ches pa'i rnam par 'jug pa zhes bya'o/ / dkon mchog gsum ni yon tan dang ldan pa zhes bya'o ste /de la yang yon tan ldan pa nyid du sems dga' ba ni yon tan dang ldan pa la sems dang bar 'jug pa'i rnam pa zhes bya'o/ /mya ngan las 'das pa ni yon tan ldan zhing thob par bya nus pa yin la de'i lam
- 119a
ni bsgrub par bya nus pa yin te/ de ba sa na mya ngan las 'das pa ni ji ltar thob par bya/ lam ni ji ltar bsgrub par bya zhes 'dod pa'i rnam par rin po che 'jug par bya'o/ /dad pa'i yon tan bstan pa'i phyir/ sems dang pa'o zhes bya ba smos te/ dper na chu dang bar byed pa'i nor bu chu rnyog pa can gyi nang du bcug na chu rnyog pa dang bar byed pa de bzhin du dang ba zhes bya ba'i sems las byung ba'i nor bu rin po che 'di sems kyi rgyud la byung ba na sems la yod pa'i nyon mongs pa dang/ nye ba'i nyon mongS pa'i rnyog pa dang zhing gsal bar byed pas na sems dang ba zhes bya'o/ /smras pa/ yid ches shing dang bzhes bya ba smos pas chog mod sems zhes bya ba'i sgra smos ji dgos/ smras pa dang ba ni gzugs can gyis chos shel dang me long la sogs pa yang yod pas /sems ma smos na de dag la dang ba yin no snyam du 'dzin pa 'byung ba'i phyir sems dang ba zhes bya ba smos te/ me long la sogs pa de dag ni gzugs dang ba'i rang bzhin yin gyi /dad pa ni sems dang ba'i rang bzhin no/ /de'i las ni 'dod pa'i rten byed pa ste /dad pa yod na 'dod pa skye bar 'gyur ba'i phyir ro/ /ngo tsha shes pa'i rang bzhin bstan pa'i phyir/ ngo tsha shes pa gang zhe na zhes bris te /ngo tsha shes pa'i rang bzhin dang mtshan nyid gang zhe na zhes dris pa'i don to/ /de'i lan du/ bdag gam chos kyi dbang du byas te/ kha na ma tho bas ngo tsha ba'o/ zhes bya ba smos te /'phags pa rnams kyis smad pa dang/ sems can dmyal ba la sogs par 'bras bu yid du mi 'ong ba rnam par smin par 'gyur bas na srog gcod pa la sogs pa sdig pa'i las la kha na ma tho ba zhes bya'o/ /yang na mkhan po 'am/ slob dpon nam skyes bu dam pa rnams kyi mdun du smra bar mi 'os shing brjod du mi rung ba'i las la kha na ma tho ba zhes bya'o/ /sdig pa'i las de byas kyang rung ma byas kyang rung bdag gam chos kyi dbang du byas
- 119b
nas gang sems bag 'khums par 'gyur ba de ni ngo tsha shes ba bya'o/ /de la bdag gi dbang du byas zhes bya ba na bdag la ltos shes bya ba'i don to/ /ji ltar bdag la ltos she na/ sdig pa'i dngos po de la 'di ltar dpyod do/ /las ngan pa 'di ni 'phags pa dang skyes bu dam pa rnams kyis smad pa yin la/ bdag la kyang tshe ris 'di lta bu las byung ba yin la/ mkhas shing shes pa yin pas 'di dag gi bya ba mi rigs so snyam nas sdig pa'i las la sems bag 'khums pa ni bdag gi dbang du byas nas kha na ma tho bas ngo tsha ba'o/ /ji ltar chos kyi dbang du byas nas/ kha na ma tho bas ngo tsha ba yin zhe na/ sdig pa'i dngos po 'di byas na 'jig rten pha rol tu 'bras bu yid du mi 'ong ba smin par 'gyur bar gsung rab dang chos kyi lugs las kyang 'byung ste /'di sbyad na chos kyis lug dang 'gal bas mi rigs so snyam nas sems bag 'khums par 'gyur ba ni chos kyi dbang du byas nas kha na ma tho bas ngo tsha ba'o/ /'di'i las ni log par dpyod pa la sdom pa'i rten phye ba ste/ ngo tsha shes pa yod na sdig pa las sdom zhing sdig pa'i las mi byed pa'i phyir ro/ khrel yod pa'i bzhin bstan pa'i phyir /khrel yong pa gang zhe na zhes dris te /khrel yod pa'i rang bzhin dang mtshan nyid gang zhen zhes dris pa'i don to/ /de'i lan du/ 'jig rten gyi dbang du byas nas kha na ma tho bas ngo tsha ba'o zhes bya ba smos te /'jig rten gyi dbang du byas nas zhes bya ba ni 'jig rten gyi dbang du bya ba la bltos nas zhes bya ba'i don to/ /ji ltar 'jig rten la ltos shes na /las 'di byas na/ 'jig rten pas smad pa dang/ brdeg pa dang/ bcing bral sogs pa'i bya ba byed la /bdag gis kyang las 'di byas na bdag la 'di 'jig rten pa rnams smod ba dang/ bcing ba dang/ brdeg pa la sogs pa byed du 'ong pa snyam nas/ gang sems bag 'khums pa ni 'jig rten gyi dbang du byas nas/ kha na ma tho bas ngo tsha ba'o/ /'di'i las kyang log par spyod pa la sdom pa'i rten byed pa ste/ ngo tsha shes pa
- 120a
dang khrel yod par gyur na sdig pa'i las ma byas na ni mi byed la /byas na yang phyin chad kyang mi byed par sdom pas na log par spyod pa sdom pa'i rten byed pa'o/ /ma chags pa'i rang bzhin bstan pa'i phyir/ ma chags pa gang zhe na zhes dris te / ma chags pa'i rang bzhin dang/ mtshan nyid gang zhe na zhes bris pa'i don to/ /de la ma chags pa'i don ni rnam pa gsum du 'jug ste/ med pa dang/ gzhan dang gnyen po rnams so/ /med pa ni dper na grags pa med pa tsam la ma grags zhes bya ba bzhin du chaD pa med pa tsam la ma chags pa zhes bya'o/ don gzhan du 'jug pa ni 'di ltar chags pa las gzhan pa ni zhe sdang ste /zhe sdang ba la yang ma chags ba zhes bya'o/ /gnyen po'i don du 'jug pa ni chags pa'i gnyen por gyur pa la ma chags pa zhes bya ste/ 'dir ni gnyen po'i don du 'gyur bar rig par bya'o/ /de bas na lan du /chags pa'i gnyen po ste /skyon zhing mi len pa'o/ /zhes bya ba smos ste/ chags pa sngar bshad na/ ma chags pa khong du chung bla bar 'gyur bas na/ chags ba je bshad par bya'o/ /de la srid pa dang srid pa'i longs spyod la zhen ba ni chags pa'o/ /srid pa zhes bya ni 'khor ba'i phung po lnga la bya'o/ /srid pa'i longs spyod ni bza' ba dang btung ba la sogs pa la bya'o/ /mchags pa ni srid pa dang srid pa'i longs spyod la zhen pa med pa'o/ /dper na me'i gnyen po chu yin pas chu byung na me med par 'gyur ba dang/ mun pa'i gnyen po snang ba yin pas snang ba 'byung na mun pa med par 'gyur ba bzhin du ma chags pa byung na chags pa med par 'gyur bas chags pa'i gnyen po zhes bya'o/ /don de nyid bstan pa'i phyir skyo zhing mi len pa'i tshig smos te /srid pa dang srid pa'i longs spyod kyi skyon skye ba dang/ rga ba'i chos can yin par rig nas de la yid 'byung ba ni skyo ba zhes bya'o/ /de ltar yid byung bar byung nas srid pa dang srid pa'i longs spyod mi sdud cing de dang bral bar
- 120b
'dod kyi phrad par 'dod pa mi 'byung zhing chags pa dang zhen pa med pa ni mi len pa zhes bya'o/ /'di'i las kyang log par spyod pa la mi 'jug pa'i rten byed pa te/ srid pa dang srid pa'i longs spyod la ma chags na de'i don du sdig pa'i las mi byed pa'i phyir /zhe mi sdang ba'i rang bzhin brtan pa'i phyir/ zhe mi sdang ba gang zhe na zhes dris so/ /zhe mi sdang ba'i rang bzhin dang mtshan nyid gang zhe na zhes dris pa'i don to/ /'dir yang zhe sdang gi gnyen por gyur pa la zhe mi sdang ba zhes bya ba'i don du blta'o/ /lan du zhe sdang gi gnyen po ste byams pa'i zhes bya ba smos te/ zhe sdang sngar bshad na zhe mi sdang ba ga pod? du chung sla bas zhe sdang je bshad par bya'o/ /de la sems can dang sdug bsngal g yi gnas la gnod par sems pa ni zhe sdang do/ /sems can ni dgra la sogs pa'o/ /sdug bsngal gyi gnas ni mtshon cha dang/ dug dang/ tsher ma la sogs pa'o/ /gnod par sems pa ni gsad par bya bar sems pa'o/ /zhe mi sdang ba ni sems can dang sdug bsngal gyi gnas la gnod par mi sems pa ste/ /snang ba byung na mun pa byung ba med par 'gyur ba bzhin du zhe mi sdang ba byung na zhe sdang med par 'gyur bas na/ zhe sdang gi gnyen po zhes bya'o/ /de'ang dngos su byams pa la bya ste/ sems can la phan 'dogs pa'i rnam par zhugs pa'i byams pa la zhe mi sdang ba zhes bya'o/ /yang na zhe mi sdang ba yang zhe sdang gi gnyen po yin la/ zhe sdang gi gnyen po ni gzhan yang yod par bstan pa'i phyir byams pa smos te/ sems can sdug bsngal gyi gnas la gnod par mi sems pa'i zhe mi sdang ba yang zhe sdang gi gnyen po yin la/ sems can las phan 'dogs pa'i rnam par zhugs pa'i byams pa yang zhe sdang gi gnyen po yin no/ /'di'i las kyang ngan par spyod pa la mi 'jug pa'i rten byed pa ste /zhe mi sdang ba yod na srog gcod pa la sogs pa sdig pa'i las la mi 'jug pa'i phyir ro/ /gti mi mug pa'i rang bzhin bstan pa'i phyir gti mi mug gang zhe na zhes dris te/ gti mi mug pa'i dang
- 121a
bzhin dang/ mtshan nyid gang zhe na zhes dris pa'i don to/ /lan du gti mug gi gnyen po ste bya ba smos te/ /gti mug sngar bshad na/ gti mi mug pa brda phrad par sla bar 'gyur ba'i phyir gti mug rje bshad par bya'o/ /de la bden pa bzhi dang/ rten cing 'bral par 'byung ba yan lag bcu gnyis la sogs pa mi shes pa ni gti mug ces bya'o/ /bden pa bzhi dang rten cing 'brel te 'byung ba yan lag bcu gnyis la sogs pa shes pa ni gti mi mug pa ste/ snang ba byung na mun ba med bar 'gro ba bzhin du gti mi mug pa skyes nas gti mug med par 'gro bas gti mug gi gnyen po zhes bya'o/ /dge ba'i chos thams cad kyang gti mug gi gnyen po yin pas dge ba'i chos kun la gti mi mug pa yin no snyam du 'dzin pa dgag pa'i phyir/ yang dag pa la yang dag par rtogs pa'o zhes bya ba smos te/ yang dag pa ni 'phags pa'i bden pa bzhi la sogs pa'i rang dang spyi'i mtshan nyid la bya'o/ /yang dag par rtog pa ni bden pa bzhi'i rang dang spyi'i mtshan nyid phyin ci ma log par rtogs pa ste dge ba'i chos kun gti mug gi gnyen po yin mod kyis de dag la gti mug pa zhes mi bya'i/ /gang bden pa bzhi phyin ci ma log par rtogs pa'i shes rab la gti mug gi gnyen po zhes bya'o/ /de yang rnam pa gnyis te/ ye shes dang so sor rtog pa'o/ /de la ye shes kyang rnam pa bzhi ste/ rnam par smin pa dang/ rtog pa dang/ bsam pa dang/ chud pa'o/ /de la gang skyes ma thag tu thob pa'i shes rab ni rnam par smin pa'i ye shes zhes bya'o/ /gang thob pa las byung ba'i shes rab ni rtog pa'i ye shes zhes bya'o/ /bsams pa las byung ba'i shes rab ni bsams pa'i ye shes zhes bya'o/ /bsgom pa las byung ba'i shes rab ni chud pa'i ye shes zhes bya'o/ /so sor rtog pa'i yang brtson 'grus dang ldan pa'i shes rab 'am/ ting nge 'dzin
- 121b
dang ldan pa'i shes rab bya ste /de'i mthus nyon mongs pa'i sa bon rtsa nas ma bton ma bcom du zin kyang nyon mongs pa rnams skye ba'i skabs mi 'byed ba ni so sor rtogs pa zhes bya'o/ /don du na 'phags pa'i bden pa bzhi rang dang spyi'i mtshan nyid yang dag pa ji lta ba bzhin du shes pa'i ye shes bzhi dang/ so sor rtogs pa'i bdag nyid kyi shes rab la gti mi mug pa zhes gdags so/ /smras pa shes rab la gti mi mug pa zhes bya na/ shes rab ni lnga yul so sor des pa'i skabs su bshad zin pas da yang bzlas te bshad cing dgos/ smras pa/ der ni shes rab kyi mtshan nyid spyir bshad pa dang/ chos kyi mtshan nyid phyin ci ma log par shes pa'i shes rab de dge ba zhig yin nam mi dge ba zhig yin nam/ lung du ma bstan pa zhig yin pa dmigs kyis phye ste ma bstan te/ /de 'dir ni chos kyi mtshan nyid la mkhas pa'i shes rab de dge ba'i nang du gtogs pa bstan pa'i phyir gti mug ba'i sgrar rtags nas dge ba bcu gcig gi nang du bshad do/ /de'i las kyang nyes pa'i spyod pa mi 'jug pa'i rten byed pa ste/ gti mug med pa'i gang zag rnams ni srog gcod pa la sogs pa'i las la mi 'jug pa'i phyir ro/ /brtson 'grus kyi rang bzhin bstan pa'i phyir/ brtson 'grus gang zhen zhes dris te/ brtson 'grus kyi rang bzhin dang mtshan nyid gang zhe na zhes dris pa'i don te/ /lan du le lo'i gnyen po ste zhes bya ba smos te/ 'dir yang le lo sngar bstan na brtson 'grus rtog par snga bar 'gyur bas le lo je bshad par bya'o/ /de la le lo rnam pa gnyis te/ snang pa'i dngos po la spro ba'i le lo dang/ snyoms las kyi mtshan nyid kyi le lo'o/ /de la smad ba'i dngos po la brtson ba'i le lo ni srog gcod pa la sogs pa'i mi dge ba'i las bya ba la brtson ba ste de la yang le lo zhes bya'o/ /snyoms las kyi mtshan nyid kyi le
- 122a
lo ni 'phred pa dang/ nyal ba la sogs pa la dga' zhing dge ba dang mi dge ba gang la yang sems 'jug par mi spro ba ste/ de la yang le lo zhes bya'o/ /brtson 'grus yod na le lo rnam pa gnyis med par 'gyur bas brtson 'grus ni le lo'i gnyen bo zhes bya'o/ /smad pa la spro ba'i le lo dang/ snyom las kyi mtshan nyid kyi le lo gnyis pa yang le lo nyid yin gyis brtson 'grus ma yin pa dang/ brtson 'grus kyi mtshan nyid gang yin pa bstan pa'i phyir/ dge ba la sems mngon par spro ba'o zheS bya ba smos te/ gang mnyam pa dad bsam pa la sogs pa dge ba'i las bya ba la zhugs nas sems nur ba dang ldog pa med pa ni brtson 'grus zhes bya'o/ /de bas na mi dge ba'i chos la sems spro ba ni dan par spyod pa la zhugs pas le lo nyid bya ba'i brtson 'grus zhes mi bya'o/ /de bas na bcom ldan 'das kyis kyang gsung rab 'di las gzhan pa gang phyi rol pa rnams kyis brtson 'grus ni le lo nyid do zhes gsungs so/ /de'i las ni dge ba'i phyogs rdzogs par byed pa dang/ 'grub par byed pa ste/ brtson 'grus yod na dge ba'i phyogs 'grub pa dang rdzogs par 'gyur ba'i phyir ro/ /shin tu sbyangs pa'i rang bzhin bstan pa'i phyir/ shin tu sbyangs pa gang zhen zhes dris te/ shin tu sbyangs ba'i rang bzhin dang mtshan nyid gang zhen zhes pa'i don to/ /de'i lan du gnas ngan len gyis gnyen po te/ lus dang sems las su rung ba'o zhes bya ba smos te/ de la gnas ngan len zhes bya ba ni nyon mongs pa dang nye ba'i nyon mongs pa rnams kyi sa bon dang shes bya'i sgrib pa'i sa bon la bya'o/ /de la nyon mongs pa dang nye ba'i nyon mongs pa rnams kyi sa bon ni nyan thos rnams la sgrib bo/ shes bya'i sgrib pa'i sa bon ni byang chub sems dpa' la sgrib bo/ /shin tu sbyangs zhes bya ba ni lus dang sems las su rung ba la bya ste/ nyon mongs pa dang
- 122b
shes bya'i sgrib pa'i sa bon dang bral na lus las su rung ba dang sems las su rung ba 'byung bas shin tu sbyangs pa ni/ gnas da na len gyi gnyen po yin no/ /de la lus shin tu spyangs ba'i mtshan nyid ni/ lus dang sems las su rung ba ste/ lus las su rung ba ni dge ba'i phyogs bsgrub par bya ba la myur du 'grub par byed cing lus zo mdog bde zhing lci ba med pa'o/ /sems las su rung ba ni rnal 'byor yid la byed ba'i che /sems mig gsal ba med cing dmigs pa'i yul la sems thogs pa med par 'jug pa'o/ /smras pa lus las su rung bzhi reg bya'i khyad par yin te /reg bya'i khyad par ni yang na 'byung ba chen po bzhi'i rang bzhin yin/ yang na rgyur byas ba'i gzugs kyi rang bzhin yin la/ 'dir ni sems las byung ba shin tu sbyangs pa bshad ba'i skabs yin na lus kyi reg bya'i khyad par la ji ltar na shin tu sbyangs pa zhes bya/ smras pa/ lus kyi reg bya lus las su rung bde/ sems las su rung ba ma yin du zin kyang lus las su rung ba des rgyu byas nas sems las su rung bskyed pas na rgyu lus la sems shin tu sbyangs pa'i ming btags nas lus la shin tu sbyangs pa zhes bshad do/ /de'i las kyang de'i dbang gi gnas 'phos pa rnyed cing nyon mongs ba'i sgrib pa ma lus par spyod pa'o/ /shin tu sbyangs pa yod na sngon lus dang sems las su mi rung ba las/ byis lus dang sems las su rung ba'i mtshan nyid du gnas 'phos pa rnyed nas/ lus dang sems las su rung ba'i gnas 'phos nas las su rung ba'i mthus nyon mongs pa'i sgrib pa ma lus pa spong bar 'gyur ba'i phyir ro/ /bag yod pa'i rang bzhin bstan pa'i phyir/ bag yod ba gang zhe na zhes dris te/ bag yod pa'i rang bzhin dang mtshan nyid gang zhe na zhes dris pa'i don to/ /lan du bag med ba'i gnyen po ste zhes bya ba smos te/ 'dir yang bag med pa sngar bstan na bag yod ba
- 123a
rnam phrad par sla bar 'gyur bas bag med pa je bstan to/ /'dod chags dang zhe sdang dang/ gti mug dang/ le lo la brten te 'dod chags la sogs pa'i nyon mongs pa la sems 'jug pa mi bsrung zhing/ de'i gnyen po dad pa la sogs pa dge ba'i chos rnams mi sgos pa ni sgom pa med pa zhes bya'o/ /nyon mongs pa la sems 'jug pa srung bar byed cing de'i gnyen po dang ba la sogs pa dge ba'i chos rnams sgom pa ni bag yod pa zhes bya ste/ bag yod pa skyed na bag med par mi 'gyur ba'i phyir bag yod pa ni bag med pa'i gnyen por bshad do/ /bag yod pa'i gzhi dang/ rgyu dang de'i rang bzhin bstan pa'i phyir/ mchags pa nas brtson 'grus gyi bar du de dag la gnas te/ mi dge ba'i chos spong zhing de'i gnyen po dge ba'i chos rnams sgom pa'o zhes bya ba smos te /ma chags ba nas brtson 'grus kyi bar du zhes bya ba ni ma chags pa dang/ zhe ni sdang ba dang/ gti mi mug pa dang/ brtson 'grus dang bzhi'o/ /de dag la gnas te zhes bya ba ni chos gong ma bzhi la brten nas zhes bya ba'i don te /ma chags pa dang/ zhe mi sdang ba dang/ gti mi mug pa gsum ni bag yod ba'i rgyu'o/ /brtson 'grus ni bag yod pa'i bzhi'o/ /mi dge ba'i chos spong ba zhes bya ba la/ mi dge ba'i chos rnam pa gnyis te/ zag pa dang bcas pa'i chos dang/ zag pa'i gnas kyi yul lo/ /de la zag pa dang bcas pa'i chos ni 'dod chags la sogs pa nyon mongs pa'i chos rnams so/ /zag pa'i gnas kyi yul ni gzugs dang/ sgra dang/ dri dang/ rol sogs pa'o/ /zag pa dang bcas pa'i chos rnams rnam par sel ba dang/ rnam par 'joms pa dang/ sa bon yang dag par 'don par byed pa ni mi dge ba'i chos spong ba zhes bya'o/ /de la 'jig rten pa'i lam gyi sa nyon mongs pa bcing ba ni rnam par sel ba'o/
- 123b
mthong ba'i lam gyis nyon mongs pa spang sa pa ni rnam par 'jog pa'o/ /bsgom pa'i lam gyis nyon mongs pa bag la nyal tshun chad spangs pa ni sa bon yang dag par 'don pa zhes bya'o/ /zag pa'i gnas kyi yul rnams kyang mi bsnyen par thag bsrings te/ btang pa ni spong ba'o/ /de'i gnyen po dge ba'i chos rnams sgom pa zhes bya ba la ni de'i sgra mi dge ba'i chos dang sbyar te/ mi dge ba'i chos de dag gi gnyen po zhes bya ba'i don to/ /mi dge ba'i chos kyi gnyen po yang dge ba ste/ de'ang zag pa dang bcas pa'i dge ba dang/ zag pa med pa'i dge ba ste/ rnam pa gnyis so/ /de la dad pa dang/ sbyin pa dang/ tshul khrims la sogs pa ni zag pa dang bcas pa'i dge ba'o/ /'phags pa'i lam gyi yan lag brgyad po ni zag pa med pa'i dge ba'o/ /bsgom pa zhes bya bas ni chos de dag la 'dris par byed/ yang nas yang du chos de dag mngon sum du byed pa ste/ mi dge ba'i spong zhing dge ba'i chos la gom par byed pa ni bag yod pa'i rang bzhin no/ /de'i las kyang 'jig rten dang/ 'jig rten las 'das pa'i phun sum tshogs pa thams cad yongs su rdzogs par byed pa'o/ /de la 'jig rten gyi phun sum tshogs pa ni lha dang mir skyes ba dang/ longs spyod phun sum tshogs pa'o/ /'jig rten las 'das pa'i phun sum tshogs pa ni/ nyan thos kyi byang chub dang/ rang sangs rgyas kyi byang chub dang/ bla na med pa'i byang chub 'thob pa'o/ /btang snyoms kyi rang bzhin bstan ba'i phyir/ btang snyoms gang zhe na zhes dris te/ btang snyoms kyis rang bzhin dang mtshan nyid gang zhe na zhes dris pa'i don to/ /de la btang snyoms rnam pa gsum te/ tshor ba btang snyoms dang/ tshad med pa btang snyoms dang 'du byed kyi btang snyoms so/ /tshor ba rnam pa gsum las tshor ba bde ba yang ma yin/ sdug bsngal yang ma yin pa ni tshor
- 124a
ba btang snyoms zhes bya'o/ /byams pa dang/ snying rje dang/ dga' ba dang/ btang snyoms zhes smos pa la/ mjug gi btang snyoms zhes smos pa ni tshad med pa'i btang snyoms te /de'ang gang la 'ang chags pa med pa su la yang zhe sdang ba med pa'i mtshan nyid do/ /rnal 'byor yid la byed pa na zhum rgod gnyis spangs nas sems lhun gyis grub par 'jug pa ni 'du byed kyi btang snyoms zhes bya ste /'dir ni 'du byed kyis btang snyoms bshad par rig par bya'o/ /de'i lan du ma chags pa nas brtson 'grus kyi bar du de dag nyid la gnas shing zhes bya ba smos te /ji ltar bag yod pa'i rgyu dang gzhi ma chags pa dang/ zhe mi sdang ba dang/ gti mi mug pa dang brtson 'grus yin pa de bzhin du/ btang snyoms kyi rgyu dang/ bzhi yang ma chags pa dang/ zha mi sdang ba dang/ gti mi mug pa dang/ brtson 'grus yin te/ de dag gnyis la gnas zhes bya ba ni chos de bzhil brten nas btang snyoms 'byung zhes bya ba'i don to/ /chos de bzhi la brten nas btang snyoms 'byung na ci zhig 'byung ci 'thob bar 'gyur zhe na/ de'i phyir sems mnyam pa dang sems zhi ba rnal du bab pa dang sems lhun gyis grub pa yang/ 'thob pa ste/ zhes bya ba smos te /tshig de gsum gyis btang snyoms kyi dang po'i gnas dang bar gyi gnas dang tha ma'i gnas bstan ne/ /de la zhum pa dang/ rgod pa ni sems ma thob 'am dma' bar byed pas na mi mnyam ba zhes bya'o/ /de la dang por zhum pa dang/ rgod pa spang nas sems mtho dman med par gyur ba ni sems mnyam pa ste/ des btang snyoms kyi dang po'i gnas bstan to/ /der zhun rkod dang por spangs te sems mnyam par gyur ba las de nas/ sems mngon par 'du bya zhing /bsgrim mi dgos bar sngar sems mnyam par bzhag pa de'i dang de bzhin du rgyun du 'byung ba ni/ sems rnal du 'dug pa zhes bya ste/ des ni btang snyoms kyis bar gyi gnas bstan to/ /sems
- 124b
rnal du 'dug pa de'i tshe yang bsgoms nas ring po ma len pa'i phyir zhum po dang/ rgod pa gnyis byung bu dogs pa'i sems skye'o/ /de'i 'og tu bsgom pa la dus ring du byas pas bsgoms pa mthar phyin par 'gyur te/ /btang snyoms kyi mi mthun pa'i phyogs zhum pa dang rgod pa yang ring du spangs nas yang zhum rgod skye bar 'gyur ba'i dogs pa yang med par sems mnyam pa nyid la 'bad mi dgos par gnas pa ni/ sems lhun gyis grub pa zhes bya ste/ des btang snyoms kyi tha ma'i gnas bstan to/ /de dag thob nas yang ji ltar 'gyur bstan pa'i phyir/ gang gi nyon mongs pa can gyi chos rnams bsal nas/ nyon mongs pa med par gnas pa yin no/ /zhes bya ba smos te/ gang gis zhes bya ba ni thabs sam rgyun gyur ba'i btang snyoms la bya ste/ btang snyoms gang gi zhes bya ba'i don to/ /nyon mongs ba'i chos ni 'dod chags dang zhe sdang la sogs pa'i chogs rnams la bya'o/ /gsal nas zhes bya ba ni nyon mongs pa'i chos rnams sems la mi skye bar bya'o/ /ji ltar sems la mi skye bar byed ce na btang snyoms ni 'dod chags la sogs pa nyon mongs ba'i tshogs la 'gal ba yin pas/ btang snyoms skyes par gyur na gdon mi za bar nyon mongs pa rnams skye ba'i bgegs byed par 'jug pas na bsal ba zhes bya'o/ /gang gi phyir btang snyoms la gnas pa'i dus na/ nyon mongs pa rnams 'byung ba'i skabs med pas btang snyoms la gnas pa ni nyon mongs pa med par gnas pa yin no zhes bya'o/ /de ltar btang snyoms kyi nyon mongs pa sel bar byed ba dang/ nyon mongs pa med par gnas shing spyod pa yin pas na/ btang snyoms kyis las kyang nyon mongs pa skye ba'i skabs med par byed ba'i rten byed pa'o/ /rnam par mi 'tshe ba bstan pa'i phyir/ rnam par mi 'tshe ba gang zhe na zhes dris te /rnam par mi 'tshe ba'i rang bzhin dang/ mtshan nyid gang zhen zhes dris ba'i don to/ /la ni
- 125a
du rnam par mi 'tshe ba'i gnyen po ste/ zhes bya ba smos ste/ 'dir yang rnam par 'tshe ba sngar bstan na rnam par mi 'tshe ba rtogs bar sla bar 'gyur bas rnam par 'tshe ba je bshad do/ /de la sems can la brdeg ba dang/ bcing ba la sogs pa'i gnod pa sna tshogs pa byed pa ni rnam par 'tsho ba'o/ /sems can la brdeg pa dang bcing ba la sogs pa gnod par mi byed pa ni rnam par mi 'tsho ba'o/ /rnam par mi 'tshe ba skyes na rnam par 'tshe ba med par 'gyur bas rnam par mi 'tshe ba ni rnam par 'tshe ba'i gnyen po zhes bya'o/ /rnam par mi 'tshe ba'i dngos po gang yin pa bstan pa'i phyir/ snying rje'o zhes bya ba smos te /sems can rnams kyi sdug bsngal sel bar byed ba ni snying rje ste /snying rje la rnam par mi 'tshe ba zhes bya'o/ /yang na snying rje la rgya gar skad du/ ka ru Na zhes 'byung ste/ de la ka'i don ni bde ba la bya la ru Na zhes bya ba'i don ni 'gog pa la bya ste/ gzhan sdug bsngal ba mthong nas bdag kyang sdug bsngal bar gyur ba ste/ gzhan gyi sdug bsngal bsal bar bya ba'i don du bdag nyid 'bad pa sna tshogs kyi sdug bsngal sna tshogs nyams su len bar byed bas na bdag gi sdig sgrib ces kyang bya'o/ /ji ltar 'dod mi chags pa dang/ zhe mi sdang ba dang/ gti mi mug pa dang/ brtson 'grus bzhi las bag yod pa 'byung bas rjes su med kyi brtag par yod pa bzhin du rnam par mi 'tshe ba yang zhe mi sdang ba'i cha las 'byung bas na rdzas su med kyi btags par yod pa zhes bya'o/ /de'i las kyang bcing ba dang brdeg pa la sogs pa'i gnod pa sna tshogs kyis 'tshe bas sems can la mi 'tshe bas na rnam par mi 'tshe ba'i las byed pa'o/ /dge ba bcu gcig bshad pa rdzogs so// //nyon mongs pa drug bshad par bya ste/ de la yang 'dod chags kyi rang bzhin bstan pa'i phyir/ 'dod chags gang zhe na zhes
- 125b
dres te/ 'dod chags kyi rang bzhin dang mtshan nyid gang zhe na zhes dris pa'i don to/ /de'i lan du/ nye bar len pa'i phung po lnga la chags shing zhen ba'o/ /zhes bya ba smos te/ sred ba'i dbang gis khams gsum du skye ba len par byed pas sred ba la len pa zhes bya ba 'am srid pa 'dis khams gsum du/ skye ba'i las len cing las skye bar byed pas na sred pa la ming du nye bar len pa zhes bya'o/ /dper na rtswa dang phub ma las byung ba'i me la rtwa'i me phub ma'i me zhes bya ba bzhin du sred pa las byung ba'i phung po lnga la nye bar len pa'i phung po zhes bya'o/ /yang na shing gang las me tog 'byung ba dang/ 'bras bu 'byung ba'i shing de la me tog gi shing 'bras bu'i shing zhes bya ba bzhin du phung po gang la nyon mongs pa'i mtshan nyid sred ba 'byung bar byed ba'i phung po la nye bar len pa'i phung po zhes bya'o/ /yang na rgyal pos bka' gar stsal ba'i bka' bzhin byed pa'i mi de la rgyal po'i skyes bu zhes bya ba bzhin du nyon mongs pa'i mtshan nyid sred pas gang du btang ba bzhin du 'jug par byed pa'i phung po la nye bar len pa'i phung po zhes bya ste/ nye bar len pa'i phung po lnga ni gzugs dang/ tshor ba dang/ 'du shes dang/ 'du byed dang/ rnam par shes pa'i phung po ste lnga'o/ /zhen pa zhes bya ba la/ 'dod chags 'di snum dang 'dra bar zhen pa'i rang bzhin yin pas na zhen pa zhes bya ste/ dper na 'bru mar la sogs pa'i snum gyis gsal sogs pa'i gnas su zhugs nas kun tu mched par 'gyur te/ mched par gyur ba de la 'bad pa dang/ rtsol ba chen pas kyang dbyung bar dka' ba de bzhin du 'dod chags 'dis kyang chags bar bya ba'i rang gi yul la zhen tam/ phung po 'di la zhen nas chags pa mched bar 'gyur na/ 'bad pa dang rtsal ba chen pos kyang dbral bar dka' bas na/ zhen pa zhes bya'o/ /zhen pa ni rgyur byas ba'i gzugs snum
- 126a
la yang zhen pa zhes bya ba snum la 'dod chags zhes bya'o/ /snyam du log par 'dzin pa dgag pa'i phyir 'dod chags zhes bya ba smos te/ chags pa ni nye bar len pa'i phung po lnga la 'phangs par 'dzin cing gang yongs su gtong mi phod pa'o/ /de bas na snum ni phya'i gsal sogs pa la snum zhen bar byed par zad kyi phung po lnga la gtong mi phongs par byed ba'i mtshan nyid ma yin pas 'dod chags zhes mi bya'o/ /de'i las kyang sdug bsngal skyed bar byed pa ste/ sdug bsngal ni khams gsum gyi phung po lnga la bya'o/ /de la 'dod pa'i khams kyi 'dod chags kyis ni 'dod pa'i khams kyi phung po lnga bskyed /gzugs kyi khams kyi 'dod chags kyis ni gzugs kyi khams kyi phung po lnga bskyed/ gzugs med pa'i khams na/ gzugs kyi phung po ni med kyi tshor ba dang 'du zhes dang/ 'du byed dang/ rnam par shes pa'i phung po bzhi yod pas gzugs med pa'i khams kyi 'dod chags kyi ni gzugs med pa'i khams kyi phung po bzhi bskyed pas na/ de'i las kyis sdug bsngal bskyed bar byed pa'o/ /khong khro ba'i rang bzhin bstan pa'i phyir/ /khong khro ba gang zhe na zhes dres te /khong khro ba'i rang bzhin dang mtshan nyid gang zhe na zhes dris pa'i don to/ /lan du sems can rnams la gnod pa'o zhes bya ba smos te/ gnod pa ni sems can rnams la sems rtsub pa ste/ sems can rnamS pa gsang ba dang/ brdeg pa dang/ bcing ba la sogs pa phan pa ma yin pa bya bar sems pa ni khong khro ba zhes bya'o/ /de'i las kyang rnam pa gnyis byed te/ reg pa med par gnas pa dang/ log par spyod pa'i rten byed ba'o/ /de la reg pa zhes bya ba ni bde ba la bya ste/ bde ba dang lhan cig tu gnas pa ni reg bar gnas pa'o/ /bde ba med par gnas pa ni reg par med bar gnas
- 126b
pa ste/ rtag tu sdug bsngal dang lhan cig tu gnas zhes bya ba'i don to/ /ji ltar sdug bsngal dang lhan cig gnas zhe na/ zhe sdang can ni rtag tu sems 'khrugs pas rgyun tu yang sems la gdud ba dang bcas so/ /sems kyi rjes su lus 'brang ba'i phyir lus kyang gdung bar 'gyur te/ de bas na spyod lam thams cad du lus dang sems sdug bsngal dang lhan cig tu gnas par 'gyur ro/ /zhe sdang can dag ni gsang ba dang bcing ba la sogs pa'i las kyang gdon mi za bar byed pas/ de'i las log par spyod pa'i rten byed par yang bshad do/ /nga rgyal gyi rang bzhin bstan pa'i phyir nga rgyal gang zhe na zhes dris te/ nga rgyal gyi rang bzhin dang mtshan nyid gang zhen zhes dris pa'i don to/ /nga rgyal thams cad kyang 'jig tshogs su lta ba la brten nas 'byung zhing phung po lnga bdag dang bdag gi med pa la bdag dang bdag gir sgro btags nas gzhan gyi phung po bas bdag gi phung po khyad zhugs par 'phags so snyam du lhag par rlom zhing sems khengs pa'i mtshan nyid do/ /de'i las kyang gnyis byed de/ bsti stang med pa dang sdug bsngal bskyed pa'i rten byed pa'o/ /bsti stang med pa ni mkhan po dang/ slob dpon dang mkhas shing tshul khrims dang ldan pa'i gang zag yon tan can la lus ma gus pa dang/ dag ma gus pa dang/ sems ma gus pa'o/ /de la lus ma gus pa ni lus kyi 'dud cing phyag 'tshal bar mi byed ba'o/ /dag ma gus pa ni de dag gi yon tan mi brjod pa'o/ /sems ma gus pa ni de dag la dga' bar mi sems shing tshod yod par sems pa'o/ /sdug bsngal bskyed pa'i rten byed pa yang nga rgyal gyi dbang gis tshe rabs phyi ma'i phung po skyed par byed pa'i phyir ro/ /nga rgyal thams cad kyang sems khongs? pa'i mtshan nyid du tha mi dad du zin mod kyi nga rgyal gyi dmigs par bya'i yul tha dad pa'i sgo nas nga rgyal rnam pa bdun du 'gyur bar bstan pa'i phyir/ nga rgyal bdun te
- 127a
nga rgyal dang che ba'i nga rgyal dang/ nga rgya las kyang nga rgyal dang/ nga'o snyam pa'i nga rgyal dang/ mngon pa'i nga rgyal dang/ chung ba'i nga rgyal dang/ log pa'i nga rgyal po zhes bya ba smos te/ nga rgyal bdun las nga rgyal gyi rang bzhin bstan pa'i phyir/ nga rgyal gang zhen zhes dris te/ nga rgyal gyi rang bzhin dang mtshan nyid gang zhe na zhes dris pa'i don to/ /lan du chung du bas bdag che ba 'am mtshungs pa dang mtshungs so/ snyan? du gang sems khangs pa'o zhes bya ba smos te/ gang zag 'ga' zhig rigs dang bshes gnyen dang nor la sogs pa bdag pas chung la bdag ni rigs dang bshes gnyen dang nor la sogs pa de bas che ba las rigs dang bshes gnyen dang nor la sogs pa chung du la bltas nas/ nga ni rigs dang bshes gnyen dang nor la sogs pas 'di bas 'phags shing che'o zhes gang sems khengs ba ni/ nga rgyal zhes bya'o/ /yang na gang zag 'ga' zhig rigs dang bshes gnyen dang nor la sogs pa bdag dang mtshungs shing 'dra ba las 'dra bde la bltas nas/ 'di dang bdag rigs dang bshes gnyen dang nor la sogs pa 'dra ste/ mo 'dra ba med do snyam nas gang sems khengs par gyur ba ni nga rgyal zhes bya'o/ /che ba'i nga rgyal gyi rang bzhin bstan pa'i phyir/ che ba'i nga rgyal gang zhen zhes dris te/ che ba'i nga rgyal gyi rang bzhin dang mtshan nyid gang zhen zhes dris ba'i don to/ /lan du mtshungs pa bas bdag che ba 'am che ba dang mtshungs so/ /snyam du gang sems khengs ba'o zhes bya ba smos te/ /gang zag kha cig rigs dang bshes gnyen dang nor la sogs pa cis kyang mi mtshungs pa med de mtshungs na mtshungs so snyam du mi sems kyi/ 'di dang bdag rigs dang bshes gnyen dang nor la sogs bas mtshungs kyang/ 'di bas bdag gtong ba dang/ tshul khrims dang nyams rtsal gyi 'phags
- 127b
te/ bdag che'o snyam nas/ gang sems khengs ba ni che ba'i nga rgyal zhes bya'o/ /yang na gang zag kha cig rigs dang bshes gnyen dang nor la sogs pa bdag las che ba la che'i snyam du mi phebs gyi/ /'di dang bdag rigs dang bshes gnyen dang nor la sogs pa mtshungs so snyam nas gang sems khengs par gyur pa de ni che ba'i nga rgyal zhes bya'o/ /nga rgyal las kyang nga rgyal gyi rang bzhin bstan pa'i phyir/ nga rgyal las kyang nga rgyal gang zhe na zhes dris te/ nga rgyal las kyang nga rgyal gyi rang bzhin dang mtshan nyid gang zhe na zhes dris pa'i don to/ /lan du tshab? bas kyang bdag che'o/ snyam du gang sems khang ba'o zhes pa smos te/ gang zag kha cig rigs dang/ bshes gnyen dang nor la sogs pa bdag pas khyad zhugs par 'phags te chen/ bdag pas khyad zhugs bar 'phags te che bar ni mi sems kyi/ rigs dang bshes gnyen dang nor la sogs pas 'phags te/ che ba de bas kyang bdag rigs dang bshes gnyen dang nor la sogs pas 'phags te che'o snyam du nas/ gang sems khengs par gyur pa ni nga rgyal las kyang nga rgyal zhes bya'o/ /da'o snyam pa'i nga rgyal gyi rang bzhin bstan ba'i phyir /nga'o snyam pa'i nga rgyal gang zhen zhes dris te/ da'o snyam pa'i nga rgyal gyi rang bzhin dang/ mtshan nyid gang zhen zhes dris pa'i don to/ /lan du nye bar len pa'i phung po lnga rnams la bdag gam bdag gir yang dag pa'i rjes su blta zhing gang sems khengs pa'o/ /zhes bya ba smos ste /nye bar len pa zhes bya ba ni 'dod pa'ang 'dod chags la bya'o/ /de la ma 'ongs pa'i lus kyi dngos po la chags pa ni 'dod pa'o/ /da ltar gyi lus kyi dngos po la chags pa ni 'dod chags so/ /'dod pa dang 'dod chags gnyis la /ci'i phyir nye bar len pa'i phung po zhes bya zhe na/ 'dod pas ma 'ongs pa'i lus kyis dngos po la chags pa'i rgyus
- 128a
ma 'ongs pa'i phung po len par byed pa dang 'dod chags kyi da ltar gyi phung po la chags pa'i rgyus da ltar gyi phung po mi gtong zhing 'dzin pa dang len pa dad len par byed pas na/ de bas na de gnyis la nye bar len pa zhes bya'o/ /'dod pa dang/ 'dod chags gnyis dang ldan pa'i phung po rnams la nye bar len pa'i phung po zhes bya ste/ nye bar len pa'i phung po lnga ni gzugs kyis phung po nas/ rnam par shes pa'i phung po'i bar du'o/ /phung po de dag bdag dang bdag gi med pa la rnam par shes pa'i phung po la ni bdag /lhag ma bzhi la ni bdag gis zhes mngon par chags nas/ bdag de bdag gis shes pa lta bur gzhan gyis mi shes so zhes gang sems khengs pa ni nga'o snyam pa'i nga rgyal zhes bya'o mngon pa'i nga rgyal gyi rang bzhin bstan pa'i phyir/ mngon pa'i nga rgyal gang zhe na zhes dris te/ mngon pa'i nga rgyal gyi rang bzhin dang mtshan nyid gang zhe na zhes dris pa'i don to/ /lan du gong ma'i bye brag ma thob par bdag gi thob bo snyam du gang sems khengs pa'o zhes bya ba smos te gong ma'i bye brag ni lta la sogs pa'i chos la bya bas gong ma'i bye brag bstan par bya ba'i phyir mi'i chos je bshad do/ /de la 'dod chags dang zhe sdang dang/ gti mug la sogs pa dang ldan zhing de'i rgyus lus dang ngag dang yid gsum gyi sgo nas mi dge ba spyod pa ni mi'i chos so/ /mi'i chos de'i gnyen por gyur pa gzugs kyi khams kyi bsam gtan bzhi dang/ /'phags pa'i lam gyi yan lag brgyad la sogs pa dang/ rgyun tu zhugs pa la sogs pa'i 'bras bu ni gong ma'i bye brag ces bya'o/ /ma thob pa ni yon tan de dag ma snyed mngon sum du ma byas pa ste/ yon tan de dag ma thob par yang mtshan ma cung zad tsam yod pa la rten
- 128b
nas/ gang thob po snyam du sems shing sems khengs pa ni mngon pa'i nga rgyal zhes bya'o/ /chung ba'i nga rgyal gyi rang bzhin bstan pa'i phyir/ chung ba'i nga rgyal gang zhe na zhes dris te/ chung ba'i nga rgyal gyi rang bzhin dang mtshan nyid gang zhe na zhes dris pa'i don to/ /lan du bye brag mang po 'phags pa bas bdag cung zad cig gi chung ngo snyam du gang sems khengs pa'o zhes bya ba smos te/ gang zag kha cig rigs dang bshes gnyen dang/ nor la sogs pa/ bdag pas khyad zhugs par 'phags la/ bdag rig dang bshes gnyen dang nor la sogs pa khyad zhugs par de bas dma' ba yin na/ de khyad zhugs par 'phags par ni mi sems kyi 'di snyam du sems te/ 'di bas rigs dang bshes gnyen dang nor la sogs pa cung zad cig gi bdag chung ngo snyam du sems shing gang sems khengs pa ni chung ba'i nga rgyal zhes bya'o/ /log pa'i nga rgyal gyi rang bzhin bstan pa'i phyir log pa'i nga rgyal gang zhe na zhes dris te/ log pa'i nga rgyal kyi rang bzhin dang mtshan nyid gang zhe na zhes dris ba'i don to/ /lan du yon tan dang mi ldan par bdag yon tan dang ldan no snyam du gang sems khengs pa'o/ zhes bya ba smos te/ sbyin pa dang tshul khrims dang bzod pa la sogs pa pha rol tu phyin pa drug la yon tan zhes bya ste/ yon tan de lta bu su la med pa de la yon tan dang mi ldan zhes bya'o/ /yang na tshul khrims zhig cing sdig pa'i las gang byed ba de la yon tan dang mi ldan pa zhes bya ste /yon tan ni med kyi skyon dang ldan pa zhes bya ba'i don to/ /sbyin pa dang tshul khrims la sogs pa'i yon tan med par de dag yod do/ /zhes khas len pa 'am/ tshul khrims nyams pa la sogs pa'i skyon yod pa la yod do/ /snyam du mi sems kyi bdag yon tan dang ldan no
- 129a
zhes khas len pa ni khas blangs nas bdag yon tan dang ldan no/ 'phags so snyam nas/ gang sems khengs pa ni log pa'i nga rgyal zhes bya'o/ /'dir yang dngos po yon tan gyi dngos po med kyi nyes pa'i dngos po nyid la yon tan du bzung nas /sems khengs pas na log pa'i nga rgyal zhes bya'o/ /smras pa/ mngon pa'i nga rgyal gyi skabs su yang gong ma'i bye brag ma thob par thob po snyam du sems khengs pa yin la/ log pa'i nga rgyal 'di yang yon tan dang mi ldan par bdag ldan no snyam du sems khengs pa yin te/ gnyi ga yang med pa la yod par nga rgyal byed pa yin pas na khyad par ci yod /smras pa /mngon pa'i nga rgyal gyi skabs su ni gdeng chung zad yod pa la rten nas /bdag gis kun thob bo snyam du nga rgyal byed kyi log pa'i nga rgyal ni gdeng cung zad kyang med de/ skyon dang ldan pa la yon tan dang ldan no snyam du nga rgyal byed pas na bye brag yod do/ /ma rig pa'i rang bzhin bstan pa'i phyir ma rig pa gang zhe na zhes dris te /ma rig pa'i rang bzhin dang mtshan nyid gang zhe na zhes dris pa'i don to/ /de'i lan du las dang 'bras bu dang/ bden pa dang/ dkon mchog mi shes pa de zhes bya ba smos te /de la las ni rnam pa gsum ste/ bsod nams kyi las dang/ bsod nams ma yin pa'i las dang/ mi g.yo ba'i las so/ /'bras bu rnam pa gnyis te/ yid du 'ong ba dang/ yid du mi 'ong ba'o/ /de la lha dang mi'i bde 'gror skyes pa ni yid du 'ong ba'o/ /ngan song gsum du skyes pa ni yid du mi 'ong ba'o/ /yang na 'bras bu bzhi ste/ rgyun tu zhugs pa'i 'bras bu dang/ lan cig phyir 'ong ba'i 'bras bu dang /phyir mi 'ong ba'i 'bras bu dang /dgra bcom ba'i 'bras bu'o/ /bden pa rnam pa bzhi ste /sdug bsngal dang/ kun 'byung dang/ 'gog pa dang/ lam mo /dkon mchog rnam pa
- 129b
gsum ste /sangs rgyas dang/ chos dang/ dge 'dun no/ /ming gis smos pa'i chos de dag yod par ma rtogs shing khong du ma chud pa 'am/ chos de dag gi mtshan nyid ma rtogs shing khong du mchud pa de ni ma rig pa zhes bya'o/ /ma rig pa la byed du yod pa bstan pa'i phyir/ /de'ang lhan cig skyes pa dang/ yongs su brtags pa ste zhes bya ba smos te /de'ang zhes bya ba'i sgra ni ma rig pa dang sbyar te /ma rig pa de'ang zhes bya ba'i don to/ /de la ma rig pa rnam pa gnyis te/ lhan cig skyes pa'i ma rig pa dang/ yongs su brtags pa'i ma rig pa'o/ /de la nyon mongs pa gzhan dang mi ldan zhing ma 'dres pa'i ma rig pa ni lhan cig skyes pa'i ma rig pa zhes bya ste /de'ang las dang 'bras bu dang bden pa dang dkon mchog rnams yod par khong du ma chud cing mi shes pa ni lhan cig skyes pa'i ma rig pa zhes bya'o/ /the tshom dang/ log pa'i lta ba dang/ tshul khrims dang/ brtul zhugs bsnyams pa dang/ 'dod chags dang/ khong khro ba la sogs pa nyon mongs pa gzhan dang 'dres shing 'grogs pa'i ma rig pa ni yongs su brtags pa'i ma rig pa zhes bya'o/ /de la de bsod nams dang bsod nams ma yin pa dang mi g.yo ba la sogs pa yod dam med snyam du yid gnyis zab ni the tshom dang 'dres pa'i ma rig pa ste /de'ang yongs su brtags pa'i ma rig pa zhes bya'o/ /bsod nams dang bsod nams ma yin pa dang/ mi g.yo ba'i las rnams med do zhes skur ba 'debs pa ni log pa'i lta ba dang 'dres pa'i ma rig pa ste /de yang yongs su brtags pa'i ma rig pa zhes bya'o/ /sbyin pa dang tshul khrims la sogs pa ni bsod nams kyi las yin na /sbyin pa dang tshul khrims la bsod nams ma yin par 'du shes shing bsod nams ma yin pa phyugs bsad cing sbyin sreg byed pa dang /me'i nang du lus 'dor ba la sogs pa la bsod nams su
- 130a
'du shes nas phyugs bsad de sbyin sreg byas pa dang lus med bor nas mtho rigs su skye bo zhes rtog pa dang/ tshul khrims la brten nas 'phags pa'i lam bsgom pas thar par 'gyur pa yin na /tshul khrims dang brtul zhugs nyi tshe tsam gyis thar par 'gyur zhes lta ba ni /tshul khrims dang brtul zhugs bsnyoms pa dang ldan pa'am rig pa ste/ de'ang yongs su brtags pa'i ma rig pa zhes bya'o/ /'gro ba bzang po tshul du shis pa la brtags nas 'dod chags skye ba dang /dgra la brtags nas zhe sdang skye ba yang yongs su brtags pa'i ma rig pa zhes bya'o/ /ma rig pa'i las kyang rnam pa gsum byed de /log par gtan la 'bebs pa dang the tshom skyes pa dang kun nas nyon mongs pa skye ba'i gnas sbyin pa'i las can no/ /de la log par gtan la 'bebs pa ni ma rig pa'i dbang gis mi rtag pa la rtag par 'dzin pa dang bdag med pa bdag tu 'dzin pa'i phyir ro/ /the tshom skyed pa ni ma rig pa'i dbang gis na las dang 'bras bu la sogs pa yod pa zhig gam med pa zhig ces yid gnyis skye bar byed pa'i phyir ro/ /kun nas nyon mongs pa skye ba'i rten byed pa ni ma rig pa yod pa las 'dod chags dang khong khro ba dang nyon mongs pa gzhan byung ba'i phyir ro/ /mi dge ba'i rtsa ba gsum ni 'dod ma'i khams nyid na ldan gyi /gzugs dang gzugs med pa'i khams dang mi ldan par bstan pa'i phyir ro/ /'dod pa na spyod pa 'dod chags dang khong khro ba dang 'dod pa na spyod pa'i ma rig pa de dag ni ma rig pa'i rtsa ba gsuM ste /chags pa ni mi dge ba'i rtsa ba dang zhe sdang dang gti mug go zhes bya ba smos te /'dod pa na spyod ces bya ba ni 'dod pa'i khams su gtogs pa zhes bya ba'i don to/ /'dod pa'i khams su gtogs pa'i 'dod chags dang ?
- 130b
'dod pa'i khams su gtogs pa'i khong khro pa dang /'dod pa'i khams su gtogs pa'i ma rig pa de dag gsum la mi dge ba'i rtsa ba gsum zhes bya ste/ 'dod pa na spyod pa'i 'dod chags la ni chags pa mi dge ba'i rtsa ba zhes bya'o/ /'dod pa na spyod pa'i khong khro ba la ni zhe sdang mi dge ba'i rtsa ba zhes bya'o/ /'dod pa na sbyor pa'i ma rig pa la ni gti mug mi gle ba'i rtsa ba zhes bya'o/ /'dod pa na spyod pa'i 'dod chags dang khro ba dang ma rig pa de dag rang nyid kyang mi dge ba len la srog gcod pa la sogs pa mi dge ba gzhan gyis yang rgyu byed pas mi dge ba'i rtsa pa zhes bya'o/ /gzugs dang gzugs med pa'i khams kyi 'dod chags dang ma rig pa la sogs pa'i nyon mongs pa rnams ni 'dod pa'i yon tan la kha phyir bltas pa ma yin gyis kha nang du bltas shing de dag gi nyon mongs pa ni srog gcod pa la sogs pa mi dge ba gzhan gyi rgyu yang mi byed pas na yi dge ba'i rtsa ba zhes mi bya'i/ gzugs dang gzugs med pa'i khams kyi nyon mongs pa thams cad la lung du mi ston pa zhes bya'o/ /lta ba'i rang bzhin bstan pa'i phyir/ lta ba gang zhe na zhes dris te /lta ba'i rang bzhin dang mtshan nyid gang zhe na/ zhes dris pa'i don to/ /de la shes rab kyis 'di dang 'di lta bu zhig ces rnam par rtog cing dpyod pa'i bdag mtshan nyid la lta ba zhes bya'o/ /de'ang rnam pa gsum ste /'jig rten gyi yang dag pa'i lta ba dang/ zag pa med pa'i lta ba dang/ nyon mongs pa dang bcas pa'i lta ba'o/ /de la yang las kyi 'bras bu yod/ tshe 'di yod/ phyi ma yod ces lta ba ni 'jig rten gyi yang dag pa'i lta ba zhes bya'o/ /'phags pa rnams gang zag dang chos la bdag med par lta ba ni zag pa med pa'i lta ba zhes bya'o/ /mu stegs pa rnams
- 131a
bdag rtags pa la sogs par lta ba ni nyon mongs pa dang bcas pa'i lta ba zhes bya ste/ 'dir nyon mongs pa bshad pa'i skabs yin pas/ 'jig rten gyi yang dag pa'i lta ba dang /theg pa med pa'i lta ba la ni mi bya'o/ /nyon mongs pa dang bcas pa'i lta ba lnga la bya ba'i phyir/ lta ba lnga? ste/ 'jig tshogs la lta ba dang/ mthar 'dzin par lta ba dang/ log par lta ba dang/ lta ba bsnyems pa dang/ tshul khrims dang btul zhugs bsnyems? pa'o zhes bya ba smos te /lta ba lnga po de dag kyang nyon mongs pa can gyi rang bzhin du khyad par med mod kyi lta ba de dag gis dmigs par bya ba'i yul la rnam pa tha dad par dmigs pa'i sgo nas lta ba rnam pa lngar bzhag go /lta ba de dag gis dmigs par bya ba'i yul ni phung po lnga yin te /phung po lnga la 'jig tshogs la lta bas ni bdag dang bdag gir rnam par lte/ phung po lnga la mthar 'dzin par lta bas mi rtag pa dang chad pa'i rnam par lta /log pa'i lta bas ni phung po lnga la med pa'i rnam par lta /phung po lnga la lta ba bsnyems pas ni mchog dang dam pa'i rnam par lta /phung po lnga la tshul khrims dang brtul zhugs bsnyems pas ni phung po lnga po de nyid kyis dag pa dang grol pa'i rnam par lta'o/ /lta ba lnga las 'jigs su lta ba'i rang bzhin bstan pa'i phyir/ 'jig tshogs la lta ba gang zhe na zhes dris te/ tshogs la lta ba'i rang bzhin dang mtshan nyid gang zhe na zhes dris pa'o don to/ /de la 'jig par 'gyur zhing mi rtag pa'i chos yin pas na 'jig pa zhes bya ste /des ni rtag par lta ba zlog go /chos sum brtsams pa las gyur pas na chogs shes bya ste /des ni gcig pu'i rang bzhin du lta ba zlog go /don du na rtag pa du ma'i
- 131b
rang bzhin la bdag rtag pa gcig pur lta ba ni 'jig tshogs la lta ba zhes bya'o/ /'jig tshogs la lta ba de dngos su gang la lta ba bstan pa'i phyir nye bar len pa'i phung po lnga po rnams la bdag gam bdag gir yang dag par rjes su lta ba ste /gang shes rab nyon mongs pa can no zhes bya ba smos te /nye bar len pa'i phung po lnga ni /gzugs kyi phung po nas /rnam par shes pa'i phung po'i bar du lnga'o/ /rjes su lta ba zhes bya ba ni des bar 'dzin par byed pa'o/ /de la phung po lnga ni mi rtag pa dang du ma'i rang bzhin yin pas bdag dang bdag gi med pa yin na/ rang gi rgyud du gtogs pa'i phung po lnga pa la ni bdag tu nges par 'dzin cing lta /gzhan gyi rgyud du gtogs pa'i phung po lnga la ni bdag gir nges par 'dzin cing lta ba ni 'jig tshogs la lta ba zhes bya'o/ /yang na phung po lnga las rnam par shes pa'i phung po la ni bdag tu lta /phung po lhag ma gzugs dang tshor ba dang 'du shes dang 'du byed la ni bdag gir lta ste /de ltar lnga pa ni 'jig tshogs la lta ba zhes bya'o/ /yang na bdag ces bya ba phung po lnga la ma gtogs par rtag pa gcig pu zhig logs shig na yod la /phung po lnga ni bdag de'i rten ma gnas su gyur pa yin pas phung po ni bdag de'i phung po'o/ zhes lta ba ni 'jig tshogs la lta ba zhes bya'o/ /'di ltar rmongs pa'am gti mug pa dang ldan pa la ni bdag dang bdag gir lta ba 'byung gi /gti mug med cing shes rab can rnams la bdag dang bdag gir lta ba'i nyon mongs pa mi 'byung bas 'jig tshogs la lta ba 'di ti mug dang ldan pa yin pa dang/ bdag med pa la bdag tu mngon par zhen pas /phyin ci log dang ldan pa'i phyir shes rab nyon mongs pa can zhes bya'o/ /smras pa bdag
- 132a
dang bdag gir lta ba 'di bdag dngos po yod par lta ba ni ma yin gyi nye bar len pa'i phung po la bdag dang bdag gir lta bar ci mngon /lan du mdo las 'byung bas bdag dang bdag gir lta ba 'di nye bar len pa'i phung po lnga nyid la lta bar mngon no/ /mdo las kyang dge spyod dam bram ze'am gang su dag bdag dang bdag gir rjes su lta zhing rjes su mthong ba de dag ni nye bar len pa'i phung po lnga po 'di nyid la lta'o zhes gsungs so/ /'di'i las kyang lta ba thams cad kyi gnas byed pa ste/ 'jig tshogs la lta ba byung bar gyur na /de'i rgyus mthar 'dzin pa la sogs pa'i lta ba gzhan yang 'byung bas na lta ba thams cad kyi gnas byed pa'o/ /mthar 'dzin par lta ba'i rang bzhin bstan pa'i phyir /mthar 'dzin par lta ba gang zhe na zhes dris te/ mthar 'dzin pa'i lta ba'i rang bzhin dang mtshan nyid gang zhe na zhes dris pa'i don to/ /de'i lan du de dag nyid kyi dbang du byas nas rtag pa'am chad par yang dag par rjes su lta ba ste/ gang shes rab nyon mongs pa can no zhes bya ba smos te /de nyid ces bya ba'i sgra nye bar len pa'i phung po lnga po dang sbyar te/ /rtag par 'am chad par lta ba yang nye bar len pa'i phung po lnga la dmigs nas 'byung bas na/ de nyid kyi dbang du byas nas zhes bya'o/ /yang na de nyid kyi sgra 'jig tshogs la lta ba dang sbyar te /'jig tshogs lta ba'i rgyus rtag pa dang/ chad pa'i lta ba 'byung bas na de nyid kyi dbang du byas nas zhes bya ba /'jig tshogs su lta bas phung po lnga la bdag dang bdag gir bltas pa de la zhes bya pa'i don to/ /de la rtag pa zhes bya ba ni ther zug la bya ste /dper na sprul gyi gso ba bor ba bzhin du lus bor nas bdag de yod par lta ba'o/ /chad par lta ba ni tshe gcig nas cig tu 'pho ba na yang phung po lnga
- 132b
bor bar? zad kyi/ bdag ces bya ba de ni rtag pa ste /de la zhig pa'am shi ba med cing ther zug tu gnas so zhes bya ba ni rtag par lta ba'o/ /dper na shing mes tshig nas thal bar gyur ba slar sh+ng du mi 'gyur ba bzhin du 'dir shi phan chad rgyun chad de phung po gzhan len pa med do zhes lta ba ni ched par lta ba zhes bya'o/ /yang dag par rjes su lta ba zhes bya ba ni de ltar nges par 'dzin cing de ltar rtog cing dpyod do zhes bya ba'i don to/ /gti mug dang ldan zhing rmongs pa dang bcas pa la ni rtag pa dang chad pa lta ba 'byung gi /gti mug med pa'i shes rab can rnams la rtag pa dang chad par lta ba mi 'byung bas rtag pa dad chad par lta ba'i 'di yang gti mug dang ldan pa dang rtag chad med pa'i chos la rtag pa dang chad par phyin ci log tu 'dzin pas na shes rab nyon mongs pa can zhes bya'o/ /de'i las kyang dbu ma'i lam nas 'byung ba la bgegs byed do/ /de la dbu ma'i lam ni rtag pa dang chad par 'dzin pa rnams spangs nas rten cing 'brel te 'byung ba shes pa ste /dbu ma'i lam des 'khor ba nas byung nas mya ngan las 'das pa'i lam thob par byed pas dbu ma'i lam nas 'byung ba zhes bya'o/ /rtag pa dang chad par bltas na dbu ma'i lam de rtogs par mi 'gyur bas na dbu ma'i lam nas 'byung ba la bgegs byed pa'o/ /log pa'i lta ba'i rang bzhin bstan pa'i phyir/ log pa'i lta ba gang zhe na zhes dris te/ log pa'i lta ba'i rang bzhin dang mtshan nyid gang zhes dris pa'i don to/ /de'i lan du rgyu 'am 'bras bu 'am byed pa la skur nas yod pa'i dngos po 'jig pa ste/ gang shes rab nyon mongs pa can no zhes bya ba smos te/ skur zhes bya ba'i sgra ni rgyu la skur pa'am/ 'bras bu la skur pa'am /byed pa la skur ces tshig re re dang sbyar ro/ /de la sbyin pa med
- 133a
sbyin sreg med las legs par byas pa med las nyes par byas pa med ces smra ba ni rgyu la skur pa'o/ /las de dag gi 'bras bu bde ba dang sdug bsngal myong ba med ces smra ba ni 'bras bu la skur ba zhes bya'o/ 'jig rten 'di med 'jig rten pha rol med ma med pa med sems can rdzus te skyes pa med ces smra ba ni byed pa la skur pa ste /de la byed pa yang rnam pa gsum mo/ /byed pa rnam pa gsum ni 'jig rten gzhan du 'gro bar byed pa dang/ sa bon 'jog par byed pa dang /mtshams sbyor bar byed pa'o/ /'jig rten gzhan du 'bro bar byed ba ni tshe 'di nas shi 'phos nas che phyi mar skye bar byed pa ste /'jig rten 'di med 'jig rten phyi ma med ces smra bas 'jig rten gzhan du 'gro bar byed pa la skur pa'o/ /sa bon 'jog par byed pa ni lus kyi rgyu pa'i khu ba dang ma'i mi gtsang ba 'jog par byed pa ste /pha med ma med ces smra bas ni sa bon 'jog par byed pa la skur pa'o/ /mchams sbyor bar byed pa ni sems can gang dag padmo la sogs pa'i nang du rdzus te skyes pa 'am/ rnam par shes pa ma'i mngal tu 'phos pa ste/ sems can rdzus te skyes pa med ces smra bas ni mtshams sbyor bar byed pa la skur pa'o/ /'jig rten na dgra bcom pa med ces smra ba ni yod pa'i dngos po chung za bar byed pa ste /de ltar las dang 'bras bu dang byed pa dang dgra bcom pa la sogs pa med par lta ba la sogs pa'i lta ba zhes bya'o/ /yang na 'phags pa'i bden pa bzhi la skur pa ste kun 'byung med ces smra ba ni rgyu la skur pa'o/ /sdug bsngal med ces smra ba ni 'bras bu la skur pa'o/ /lam med ces zer ba ni byed pa la skur pa'o/ /'gog pa med ces zer ba ni yod pa'i dngos po 'jig pa'o/ /yang na rten cing
- 133b
'brel par 'byung ba yan lag bcu gnyis nyon mongs pa dang las dang sdug bsngal gsum du gzhag go /de la ma rig pa dang sred pa dang len pa gsum ni nyon mongs pa'i yan lag tu gnas ste/ de med ces smra ba ni rgyu la skur pa'o/ /rnam par shes pa dang ming dang gzugs dang skye mched drug dang reg pa dang tshor ba dang skye ba dang rga shi dang bdun ni sdug bsngal gyi yan lag ste /de med ces sgrub ni 'bras bu la skur pa'o/ /'du byed dang srid pa gnyis ni las kyi yan lag ste/ de med ces smra ba ni byed pa la skur pa'o/ /ma rig pa 'gags na rig pa skye bar 'gyur ba yin na de dang/ med ces smra ba ni yod pa'i dngos po 'jig par byed pa'o/ /ma rig pa 'gugs pas 'du byed 'gag pa nas /skye ba 'gags pas rga shi 'gag pa'i bar du ma rig pa 'gag na rig pa skye bar 'gyur pa yin na /de dag med ces smra ba ni yod pa'i dngos po 'jig par byed pa'o/ /gti mug dang ldan zhing rmongs pa dang bcas pa rnams la ni thams cad med do zhes skur pa 'debs pa byung gi rmongs pa med cing shes rab dang ldan pa rnams la thams cad mod do zhes skur pa 'debs pa mi 'byung bas log pa'i lta ba 'di gti mug dang ldan pa dang yod pa'i chos rnams la med do zhes phyin ci log tu bzung bas phyin ci log dang ldan pa'i phyir shes rab nyon mongs pa can zhes bya'o/ /smras pa/ 'jig tshogs su lta ba yang bdag dang bdag gir med pa la bdag dang bdag gir phyin ci log tu lta ba dang /mthar 'dzin pa dang rtag pa dang chad pa med pa la rtag pa dang chad pa phyin ci log tu lta bas na lta ba lnga char yang log pa'i lta ba yin pa las ci'i phyir med par lta ba 'ba' shig la log pa'i lta ba zhes btags la lta ba gzhan la log pa'i lta ba zhes mi bya /smras pa /shin tu
- 134a
log par lta ba la zhugs pa'i lta ba dang/ shin tu sdig pa'i rgyud 'gyur ba 'ga' zhig la lta ba 'ba' zhig la log pa'i lta ba zhes bya'i lta ba gzhan la log pa'i lta ba zhes mi bya ste /dper na mar gyi dri mi zhim pa dang gdol bu sdig can zhes bya ba bzhin no/ /'di ltar mar kun kyang dri mi zhim pa yin mod kyi gang lhag bar dri mi zhim pa de la mar dri mi zhim pa zhes bya ba dang/ gdol bu kun kyang sdig can yin mod kyi gang lhag par gzhan pas gsang bcad la dga' ba'i gdol bu la gdol bu sdig can zhes bya ba bzhin du/ lta ba gzhan yang log par lta ba yin mod kyi de dag phung po lnga la med par skur pa mi 'debs shing de las lhag par bdag la sogs pa yod par sgro 'dogs pa'i rnam par zhugs pa yin pas shin tu log par zhugs pa yang ma yin la shin tu sdig pa'i rgyu byed pa'i yang ma yin pas lta ba gzhan la log pa'i lta ba zhes ma btags kyi/ thams cad med par lta ba 'di ni thams cad med do zhes skur pa'i rnam par zhugs pas shin tu log par zhugs pa dang/ shin tu log pa sdig pa'i rgyu med pa'i phyir log par lta ba zhes btags so/ /'di'i las ni dge ba'i rtsa ba gcod cing mi dge ba'i rtsa ba bskyed 'phel bar byed pa'i rten byed pa ste /log par lta ba skyes na sngon dge ba'i rtsa ba bsags pa thams cad kyang med par 'gyur la mi dge ba'i rtsa ba thams cad 'phel zhing rgyas par 'gyur ba'i phyir ro/ /de la lta ba bsnyems ba'i rang bzhin bstan pa'i phyir /lta ba bsnyems pa gang zhe na zhes dris te /lta ba bsnyems pa'i rang bzhin dang mtshan nyid gang zhe na zhes dris pa'i don to/ /lan du lta
- 134b
ba rnams pa gsum po de dag nyid dang/ da'i gnas phung po rnams la mchog dam la gtso bor yang dag par rjes su lta ba ste /gang shes rab nyon mongs pa can no zhes bya ba smos te /lta ba rnam pa gsum po de dag nyid ces bya ba ni gang gong du bshad pa'i 'jig tshogs su lta ba dang /mthar 'dzin par lta ba dang/ log par lta ba ste gsum mo/ /de'i gnas phung po rnaMs la zhes bya ba ni lta ba gsum po de dag kyang phung po lnga la dmigs pa las 'byung bas lta ba gsum 'byung ba'i rgyu phung po lnga yin pa'i phyir ro/ /phung po lnga ni de'i gnas zhes bya'o/ /mchog dang dam pa dang gtso bo'i don gsum don gcig tu 'dra mod kyi gcig gis gcig bshad pa lta bur rig par bya'o ste/ ji ltar mchog ce na /dam pa'i phyir mchog go /ci ltar dam pa zhe na/ gtso bor gyur pa'i phyir dam pa'o zhes bshad par bya'o/ /yang dag par rjes su lta ba ni 'di kho na yin no zhes nges par 'dzin pa'o/ /don du na 'jig tshogs su lta ba dang/ mthar 'dzin par lta ba dang/ log par lta ba gsum la lta ba 'di dag ni mchog dam pa'i gtso bo yin no zhes sems nges par 'dzin pa dang /lta ba de dag skye ba'i gnas kyi phung po lnga la yang phung po lnga po 'di dag ni mchog dam pa gtso bo yin no zhes nges par 'dzin par byed pa la lta ba bsnyems pa bzhes bya'o/ /rmongs pa dang bcas shing gti mug dang ldan pa rnams la ni lta ba ngan pa gsum dang/ de'i gnas kyi phung po la mchog dang dam par 'dzin ba 'byung gi /rmongs pa med cing shes rab can rnams la lta ba ngan pa dang/ /de'i gnas kyi phung po la mchog dang dam par 'dzin pa mi 'byung bas lta snyoms pa 'di yang gti mug dang ldan pa dang/ mchog ma yin pa'i chos la mchog tu
- 135a
phyin ci 'og tu 'dzin pas phyin ci log tu dang ldan pa'i phyir sems rab nyon mongs pa can zhes bya'o/ /de'i las kyang lta ba ngan pa la mngon par zhen pa'i rten byed pa ste /lta ba ngan pa la mngon par zhen pa ni 'jig tshoD su lta ba dang/ mthar? 'dzin par lta ba dang /log pa'i lta ba la yon tan du gzung bas de mi gtong bar byed pas na lta ba ngan pa la mngon par zhen pa'i rten byed pa'o/ /tshul khrims dang brtul zhugs snyams pa'i rang bzhin bstan pa'i phyir tshul khrims dang brtul zhugs snyoms pa gang zhe na zhes dris te /tshul khrims dang brtul zhugs snyems pa'i rang bzhin dang mtshan nyid gang zhe na zhes dris pa'i don to/ /de'i lan du tshul khrims dang brtul zhugs dang/ de'i gnas kyi phung po rnams la dag pa dang grol ba dang 'byung bar yang dag par rjes su lta ba ste /gang shes rab nyon mongs pa can no zhes bya ba smos te/ de la srog gcod pa la sogs pa mi dge ba'i las byed pa las slang ldog pa ni tshul khrims so/ /mgo breg pa dang/ sgren mor 'phyan pa la sogs pa'i lus kyi cha lugs 'dzin pa dang/ kha zas gcod pa dang/ ba lang pa khyi la sogs pa'i spyod lam 'dzin pa ni brtul zhugs so/ /tshul khrims dang brtul zhugs kyang phung po lnga la brten nas 'byung ba ste /tshul khrims dang brtul zhugs snyems pa 'byung ba'i rgyu phung po lnga yin pas na phung po lnga ni de'i gnas zhes bya'o/ /tshul khrims dang brtul zhugs dang/ de'i gnas kyi phung po la brten nas srog gcod pa la sogs pa'i sdig pa byas pa'i las sbyor zhing dag par 'gyur ro zhes 'dzin pa ni dag par rjes su lta'o/ /tshul khrims dang brtul zhugs dang phung po 'dis 'dod chags la sogs pa'i nyon mongs pa'i bcings pa las grol bar byed do/ zhes 'dzin
- 135b
pa ni grol bar yang dag par rjes su lta ba'o/ /tshul khrims dang brtul zhugs dang de'i gnas kyi phung po 'dis 'khor ba las 'byung zhing mya ngan las 'das pa'i lam thob par byed do zhes 'dzin pa ni 'byung bar yang dag par rjes su lta ba zhes bya ste/ don du na tshul khrims dang brtul zhugs dang/ de'i gnas kyi phung po la brten nas 'khor ba las 'byung zhing mya ngan las 'das pa 'thob po zhes 'dzin ba ni tshul khrims dang brtul zhugs snyems pa zhes bya'o/ /gti mug dang ldan zhing rmongs pa dang bcas pa rnams la tshul khrims rang brtul zhugs tsam kyis thar par 'gyur zhes 'dzin pa 'byung gi /rmongs pa med cing shes rab can rnams la tshul khrims dang brtul zhugs tsam gyis thar par 'gyur zhes 'dzin pa mi 'byung bas tshul khrims dang brtul zhugs snyams pa 'di gti mug dang ldan pa yin pa'i phyir shes rab nyon mongs pa can zhes bya'o/ /smras pa /bcom ldan 'das kyi gsung rab kyi gzhung las tshul khrims la brten nas ting nge 'dzin bsgoms te shes rab bskyed nas rnam par grol bar 'gyur ro zhes gsungs pas tshul khrims dang brtul zhugs ni dag pa'i rgyu yin na ci'i phyir tshul khrims dang brtul zhugs snyems pa zhes bya /smras pa/ yang dag pa'i lta ba dang ldan pa'i tshul khrims dang brtul zhugs ni thar pa'i rgyur 'gyur bas na/ tshul khrims dang brtul zhugs snyems pa zhes mi bya'i /'jig tshogs su lta ba'am/ mthar 'dzin par lta ba 'am log pa'i lta bas yongs su zin pa'i tshul khrims dang brtul zhugs ni thar pa'i rgyur mi 'gyur gyi bcings pa'i rgyur 'gyur bas na tshul khrims dang brtul zhugs snyems pa zhes bya'o/ /'di'i las kyang lus sha thad chad pa'i 'bras bu don med par byed pa ste/ lta ba log pa dang ldan pa'i tshul khrims dang brtul zhugs bskrungs kyang thar pa
- 136a
thob par mi 'gyur bas na lus sha thad ba'i 'bras bu don med par byed pa zhes bya'o/ /lta ba lnga po da dang las lta ba du zhig ni sgro btags pa'i rang bzhin /lta ba du zhig ni skur pa 'debs pa'i rang bzhin zhe na /'jig tshogs su lta ba dang mthar 'dzin pa'i lta ba las rtag par lta ba snyems pa dang tshul khrims dang brtul zhugs snyems pa rnams ni sgro 'dogs pa'i rang bzhin no/ /log pa'i lta ba dang /mthar 'dzin pa las chad par lta ba ni skur ba 'debs pa'i rang bzhin no/ /the tshom gyi rang bzhin bstan pa'i phyir /the tshom gang zhe na zhes dris te /the tshom gyi rang bzhin dang mtshan nyid gang zhe na zhes dris pa'i don to/ /lan du bden pa la sogs pa la gang yid gnyis za ba'o zhes bya ba smos te/ bden pa ni sdug bsngal la sogs pa'i bden pa bzhi'o/ /sogs pa'i sgras ni las dang 'bras bu dang/ dkon mchog la sogs pa bsdu'o/ /yid gnyis za ba ni lam kha brag dang rtsa'i mi la blo gnyis su 'jug pa bzhin du gang blo gnyis su 'jug pa'o/ /dper na/ lam kha brag tu 'dug pa las ma du ra'i grong khyer du 'jug pa'i lam 'di yin ne ma 'on te 'di min zhes blo yid gnyis su 'jug pa dang/ rtsa'i? mi la 'di ni rtsa'i mi yin nam /'on te mi yang dag pa yin zhes yid gnyis su 'jug pa bzhin du las dang 'bras bu dang /bden pa dang dkon mchog la sogs pa la de dag yod pa yin nam zhes blo gnyis su 'jug pa yin pa dang /'on te med pa yin zhes blo gnyis su 'jug pa ni the tshom zhes bya'o/ /de'i las kyang dge ba'i phyogs la mi 'jug pa'i rten byed pa ste/ the tshom yod na dge ba'i phyogs la rgyun du 'jug par mi byed pa'i phyir ro/ /nyon mongs pa drug gi
- 136b
rang bzhin dang las bstan nas /da 'di dpyad par bya ste /nyon mongs pa drug las du zhig ni yongs su brtags pa 'ba' zhig yin la du zhig ni lhan cig skyes pa yang yin la yongs su brtags pa yang yin zhe na/ de la gzhan la mnyan nas 'phral du bsams te skyes pa rnams ni yongs su brtags pa zhes bya'o/ /'khor ba'i thog ma med ba nas rang bzhin gyis skyes yod pa ni lhan cig skyes pa zhes bya'o/ /de'i lan du nyon mongs pa de dag las lta ba 'og ma gsum dang/ the tshom ni yongs su brtags pa'o zhes bya ba smos so/ /nyon mongs pa de dag las zhes bya ba ni 'dod chags dang/ khong khro ba dang/ nga rgyal dang/ ma rig pa dang/ lta ba dang/ the tshom ste /drug po de dag gi nang nas zhes bya ba'i don to/ /lta ba 'og ma gsum dang /zhes bya ba la lta ba lnga ste /'jig tshogs su lta ba dang/ mthar 'dzin par lta ba dang/ log par lta ba dang/ lta ba snyems pa dang/ tshul khrims dang/ brtul zhugs snyems pa dang lnga las log par lta ba dang/ lta ba snyems pa dang /tshul khrims dang brtul zhugs snyems pa gsum pa ni lta ba 'og ma gsum zhes bya ste /lta ba de gsum yang gzhan nas gtsug lag mnyan nas 'phral du bsam pa las 'byung bas na yongs su brtags pa las byung ba zhes bya'o/ /the tshom yang gzhan la gtsug lag mnyan nas 'phral du bsam pa las 'byung bas na yongs su brtags pa zhes bya'o/ /lhag ma ni lhan cig skyes pa dang yongs su brtags pa'o zhes bya ba la /lta ba gsum the tshom bshad pa'i lhag ma ni 'dod chags dang/ khong khro dang/ ma rig pa dang/ nga rgyal dang/ 'jig tshogs su lta ba dang/ mthar 'dzin par lta ba rnams te /de dag la
- 137a
lhan cig skyes pa yang yod la yongs su brtags pa yang yod do/ /de la 'khor ba thog ma med pa nas rang bzhin gyis yod pa'i 'dod chags dang khong khro ba dang/ ma rig pa dang nga rgyal dang/ 'jig tshogs su lta ba dang/ mthar 'dzin par lta ba rnams ni lhan cig skyes pa zhes bya'o/ /gzhan las gtsug lag thos nas 'phral du bsams nas skyes pa'i 'dod chags dang khong khro ba dang/ ma rig ba dang/ nga rgyal dang/ 'jig tshogs su lta ba dang mthar 'dzin par lta ba rnams ni yongs su brtags pa'o/ /nyon mongs pa drug bshad zin to/ /nga ni nye ba'i nyon mongs pa rnams bshad bar bya'o/ /de la nyan thos rnam par smra ba pa rnams ni nye ba'i nyon mongs pa rnams kyang rdzas su yod par 'dod mod kyi /rnam par rig pa tsam du smra ba'i rnam par shes par lta bas nye ba'i nyon mongs pa rnams nyon mongs pa drug gi shas las 'byung bas na de dag brtags tsam du yod kyi rdzas su med par rig par bya'o/ /khro ba'i rang bzhin bstan pa'i phyir/ khro ba gang zhe na zhes dris te /khro ba'i rang bzhin dang mtshan nyid gang zhe na zhes dris pa'i don to/ /de'i lan du 'phral du gnod pa byed pa la gnas te gang sems kyis gnod par byed pa'o zhes bya ba smos te /'phral du gnod par byed pa bzung bas ni 'das pa dang ma 'ongs pa'i dus su gnod pa byas pa dgag pa ste /da ltar gyi dus nyid na gnod par byas pa la bya'o/ /gnod par byed pa ni sems can dang sems can ma yin pas mi dben pa dang mi bde ba zhes byas pa'o/ /gnas te zhes bya ba ni gnod par byas pa dang/ phrad par byas pa'o/ /gang sems kyis gnod par byed pa'o zhes bya ba ni sems can dang sems can ma yin pas 'phral du gnod par byas pa dang phrad nas sems can dang sems can ma
- 137b
yin pa la gang sems kyis gnod par bya bar sems pa ste/ de ni khro ba zhes bya'o/ /sems kyi gnod par byed pa smos pas lus kyis gnod par byed pa bkag pa yin te/ lus kyi gnod par byed pa ni khro ba'i 'bras bu yin pas na de la khro ba zhes mi bya'o/ / khro ba 'di yang khong khro ba'i shas las 'byung bas na brtags par yod kyi rdzas su med par rig par bya'o/ /de'i las ni dbyig pas brdeg la sogs pa'i rten byed pa'i las can te/ khro ba byung nas sems can la brdeg pa dang bcings pa la sogs pa gdon mi za bar 'byung bar byed pa'i phyir khon du 'dzin pa'i rang bzhin bstan pa'i phyir/ kho na du 'dzin pa gang zhe na zhes dris te /kho na du 'dzin pa'i rang bzhin dang mtshan nyid gang zhe na zhes dris pa'i don to/ /de'i lan du mdud par 'dzin pa'o zhes bya ba smos te/ dang por mi dben pa 'am gnod par byas pa dang phrad do/ /de nas khros so/ /de nas khros pa'i 'og tu 'dis bdag la gnod pa 'di lta bu zhig byas pas lan ma lon par du mi gtang ngo snyam du sems shing zhe sdang gi bsam pa rgyun du sems la 'jog cing mdud par 'dzin pa mi gtong ba ni khon du 'dzin pa zhes bya'o/ /yang na 'dis bdag la gnod pa sngon byas da ltar byed phyis byed par 'gyur /'dis bdag gi mdza' bo la gnod pa sngon byas da ltar byed phyis byed par 'gyur/ 'dis bdag gi dgra la sngon phan btags da ltar phan 'dogs par byed pas 'di la gnod par mi byar mi gtang ngo snyam du zhe sdang gi bsam pa rgyun du mi gtong ba ni khon du 'dzin pa zhes bya'o/ /'di yang zhe sdang gi shas las byung bas na rdzas su med? kyi btags par yod par rig par bya'o/ /'di'i las kyang mi bzod par byed pa'i rten byed pa ste/ gnod par byed pas ji byas kyang mi bzod cing phyis de la gnod par byed par 'dod pas na de'i las ni mi bzod pa'i rten byed pa zhes bya'o/ /
- 138a
'chab pa'i rang bzhin bstan pa'i phyir/ 'chab pa gang zhe na zhes dris te/ 'chab pa'i rang bzhin dang mtshan nyid gang zhe na zhes dris pa'i don to/ /de'i lan du bdag gi kha na ma tho ba 'khyud pa'o zhes bya ba smos te/ kha na ma tho ba ni srog gcod pa la sogs pa'i sdig pa'i las byas pa'o/ /mkhan po 'am slob dpon pa la sogs pas gleng ba'o/ /'dod chags dang zhe sdang dang gti mug la sogs pa'i dbang du mi 'gro/ /'jigs pa'i phyir smra ba yin pa la 'dis sdig pa ma bshags na sdug bsngal gyi rgyur 'gyur ro zhes de la phan par 'dod pa des mang po'i mdun du mi gleng bar skabs su bab par byas nas/ /khyod kyi sdig pa 'di lta bu zhig byas kyi shog cig ces byas pa dang sdig pa ma bshags na sdug bsngal gyi rgyur 'gyur bar mi shes pa'i gti mug gi dbang du song nas bdag gis sdig pa ma byas so zhes nas kha na ma tho ba byas pa mkhyud cing snyon pa ni 'chab pa zhes bya'o/ /'di yang gti mug gi shas las byung bas na rdzas su med kyis btags par yod par rig par bya'o/ /'di'i las kyang rnam pa gnyis byed de/ 'gyod pa dang mi bde bar gnas pa'i rten byed pa'o/ /chos nyid kyis gang gis kha na ma tho ba mkhyud pa de la 'gyod pa skye bar 'gyur ro/ /'gyod pa skyes nas gdon mi za bar yid mi bde ba dang ldan par 'gyur ba'i phyir mi bde bar gnas par yang 'gyur ro/ /'chig pa'i rang bzhin bstan par bya ba'i phyir/ 'tshig pa gang zhe na zhes dris te/ 'tshig pa'i rang bzhin dang mtshan nyid gang zhe na zhes dris pa'i don to/ /de'i lan du tshig brlang po zher 'debs pa nyid do zhes bya ba smos te /tshig brlang po ni shin tu mi bzad pa'i tshig la bya ste /tshig gang smra na sems can gzhan
- 138b
kyi gnad du 'phen cing yid mi bde bar 'gyur ba'i tshig rtsub po la tshig brlang po zhes bya'o/ /dper na sprul gdug pas zos na lus la gnod par 'gyur ba bzhin du dang po gzhan gyis gnod pa byas pa dang phrad do/ /de nas khros so/ /de nas khon du bzung ngo/ /de nas rigs dang rus la sogs pa smos pa'i tshig rtsub pos gzhan gyi zhir 'debs shing gzhan gyi yid mi bde ba bskyed pa ni 'tshig pa zhes bya'o/ /'di yang khong khro ba'i shas las byung bas na rdzas su med kyi btags par yod par zad do// 'di'i las kyang rnam pa gnyis byed de /tshig ngan pa 'byin par byed pa dang/ mi bde bar gnas par byed pa'o/ /tshig ngan 'byin par byed pa ni rus dang rigs la sogs pa smos pa'i tshig rtsub po 'byin par byed pa'o/ /mi bde bar gnas par byed pa ni tshig gdug par smra ba'i gang zag de dang lhan cig tu gnas pa'i gang zag gzhan dag kyang mi bde bar gnas par 'gyur pa'i phyir ro/ /phrag dog gi rang bzhin bstan pa'i phyir/ phrag dog gang zhe na zhes dris te/ phrag dog gi rang bzhin dang mtshan nyid gang zhes dris pa'i don to/ /de'i lan du pha rol po'i phun sum tshogs pa la sems khyad par 'khrugs pa'o zhes bya ba smos te/ pha rol po'i phun sum tshogs pa na gzhan gyi 'byor pa la bya ste/ sems can gzhan chos gos la sogS pa'i rnyed pa ldan pa dang/ phyag 'tshal ba la sogs pa'i bkur sti dang ldan pa dang/ rigs mtho ba dang tshul khrims dang thos pa la sogs pa'i yon tan dang ldan pa'o/ /sems khyad par 'khrugs pa zhes bya ba ni zhe sdang gi shas kyis sems mi bzod par gyur pa ste /pha rol po rnyed pa dang bkur sti dang rigs dang tshul khrims dang thos pa la sogs pa'i yon tan dang ldan pa mthong ba dang/ de la mi dga' zhing sems 'khrugs la mi bzod pa ni phrag dog ces bya'o/ /'di yang zhe sdang gi shas las byung bas
- 139a
na rdzas su med kyi btags par yod par rig par bya'o/ /de'i las ni mi bde bar gnas pa'i rten byed pa'o/ /phrag dog dang ldan pa ni gzhan gyi yon tan yod par mthong ba dang/ dus thams cad du bdag gi sems mi bde zhing 'khrugs pa skye bar 'gyur bar byed pa'i phyir ro/ /ser sna'i rang bzhin bstan pa'i phyir/ ser sna gang zhe na zhes dris te /ser sna'i rang bzhin dang mtshan nyid gang zhe na zhes dris pa'i don to/ /de'i lan du sbyin pa dang mi mthun pa'i sems kyis kun tu 'dzin pa'o zhes bya ba smos te/ bdag gir byas pa'i dngos po chos dang zang zing la sogs pas mchod pa dang/ phan gdags par 'dod pas 'dod pa dang/ mi 'dod pa la yongs su gtong bar byed pa ni sbyin pa zhes bya'o/ /bdag gir byas pa'i dngos po zhes bya ba ni bdag dbang ba'am bdag la bya ba'i dngos po'o/ /chos ni gsung rab kyi don dang tshig 'chad pa la mkhas pa'o/ /zang zing ni lhung bzed dang chos gos la sogs pa'i yo byad do/ /mchod rten la sogs pa ni mchod par 'dod pa'i phyir yongs su gtang ngo/ /phongs pa rnams la ni phan 'dogs par 'dod pa'i phyir yongs su gtong ngo/ /dge 'dun la ni mchod pa dang phan gdags par 'dod pa'i phyir yongs su gtong ngo/ /ye phongs pa dang dge 'dun la yongs su gtong ba ni 'dod pa la sbyin pa zhes bya'o/ /sangs rgyas la sogs pa'i 'phags pa la yongs su gtong ba ni mi 'dod pa la sbyin ba zhes bya'o/ /ser sna yod na chos dang zang zing gzhan la gtong pa'i mtshan nyid kyi sbyin pa mi byed cing med par 'gyur bas na ser sna ni sbyin pa dang mi mthun pa zhes bya'o/ /sems kyi kun tu 'dzin pa zhes bya ba ni rnyed pa dang bkur sti la chags pas 'dod chags kyi shas kyi chos gos dang lhung bzed la sogs pa 'tsho ba'i yo byad rnams dang/ dngos po gang mi mkho ba dang ngan pa yang gzhan la gtong mi phod cing zang
- 139b
zing rnams sdud par byed pa la ni ser sna zhes bya'o/ /'di yang 'dod chags kyi shas las 'byung bas na rdzas su med kyi btags par yod par rig par bya'o/ /de'i las ni chog mi shes pa'i rten byed pa ste /ser sna dang ldan pa rnams ni 'tshe ba'i yo byad zang zing rnams sdud pa mchog mi shes pa'i phyir ro/ /sgyu'i rang bzhin bstan pa'i phyir /sgyu gang zhe na zhes dris te /sgyu'i rang bzhin dang mtshan nyid gang zhe na zhes dris pa'i don to/ /de'i lan du/ pha rol po bslub yang dag pa ma yin pa'i don ston pa'o zhes bya ba smos te /bdag gang tshul khrims dang mi ldan mkhas pa ma yin kyang tshul khrims dang ldan pa 'dra ba 'am mkhas pa dang 'dra bar gzhan la ston cing sgrogs pa ni gzhan la bslu'o/ /tshul khrims dang mi ldan pa 'dra bar bstan na gzhan gyis rnyed pa dang bkur sti mi steng du dogs nas rnyed pa dang bkur sti la chags pas rnyed pa dang bkur sti la chags pa'i rgyus bdag tshul khrims dang mi ldan par gnas pa yin yang tshul khrims dang ldan pa 'dra bar gnas par don gzhan du ston cing sgrogs pa dang/ bdag mkhas pa ma yin yang mkhas pa 'dra bar yang dag par don ma yin pa ston cing sgrogs pa ni sgra zhes bya'o/ /'di yang 'dod chags dang gti mug gi shas kyis yon tan yod pa ma yin kyang yon tan can du ston cing sgrogs par byed pas na 'dod chags dang gti mug gi shas las byung ba'i phyir rdzas su med kyi btags par yod par rig par bya'o/ /'di'i las ni log par 'che ba'i rten byed pa ste/ yon tan med kyang lus dang ngag gi sgo nas yon tan can 'dra bar tshul bcos nas chos gos dang mal stan la sogs pa g.yo sgyus btsal ba la sbyong bar byed pas na log par 'tsho ba'i rten byed pa zhes bya'o/ /g.yo'i? rang bzhin bstan pa'i phyir/ g.yo gang zhe na zhes dris te/ g.yo'i rang
- 140a
bzhin dang mtshan nyid gang zhe na zhes dris pa'i don to/ /de'i lan du ? bdag gi nyes pa 'chab pa'i thabs bzung ba ste /sems gya gyu ba'o zhes bya ba smos te/ bdag nyid kyis srog gcod pa la sogs pa'i skyon byas pa ni bdag gi nyes pa'o/ /bdag gnyis pa 'chab pa ni bdag gi nyes pa mkhyud pa 'am sbed pa'o/ /tshul cis nyes pa bcabs she na/ thabs bzung ba ste thabs kyis bzung bas nyes pa 'chab ces bya ba'i don to/ /thabs bzung ba zhes bya ba ni gzhan mgo rmongs par byed pa ste /de'ang gzhan dag gi khyod kyis nyes pa 'di lta bu zhig ma byas sam zhes dris na /bdag mthu ri'i grong khyer nas rgyal po'i khab tu mchis zhes bya ba la sogs pa gtam gzhan nas gzhan du sbyor zhing gtam rlung bskur bar byed pa'am /smra na mi gsal bar nyes pa byas sam ma byas gtol med cing ci smras gtol med par smra ba ni g.yo zhes bya'o/ /g.yo dang ldan pa'i gang zag rnams drang por mi sems shing drang por mi smra bas na sems gya gyu ba zhes bya'o/ /'di yang rnyed pa dang bkur sti la chags pa dang nyes pa bcabs na sdug bsngal gyi rgyur 'gyur par mi shes pa'i gti mug gi dbang gis 'byung bas na 'dod chags dang gti mug gi shes las 'byung ba'i phyir rdzas su med kyi btags par yod par rig par bya'o/ /de'i las kyang yang dag pa'i lung bsgo ba 'thob pa'i bgegs byed pa ste /su nyes pa 'chab pa'i g.yo dang chags pa de la mkhan po dang slob dpon gyi yang dag pa'i/ lung bsgo bar mi byed cing sngar lung bsgo ba thob ba rnams kyang g.yo yod pas tshul bzhin ma yin pa yid la byed pas log par byas pa'i phyir yang dag par lung bsgo ba thob pa'i bgegs byed pa zhes bya'o/ /smras ba/ 'chab ga yang bdag
- 140b
gi kha na ma tho ba 'chab pa yin la g.yo yang rang gi nyes pa 'chab pa'i thabs 'dzin pa yin pas de gnyi ga nyes pa 'chab pa byed par zad na khyad par ji yod/ smras pa/ 'chab pa ni bdag gis nyes ba ma byas so zhes dngos su gsal bar kha na ma tho ba mkhyud bar byed kyi g.yo ni dngos su ma byas so zhes gsal bar mi smra ba'i thabs kyis ma byas pa 'dra bar nyes pa mkhyud par byed pas na khyud par yod do/ /rgyags pa'i rang bzhin bstan pa'i phyir /rgyags pa gang zhe na zhes dris te/ rgyags pa'i rang bzhin dang mtshan gnyis gang zhes dris pa'i don to/ /de'i len du dag gi phun sum tshogs pa la chags nas rab tu dga' ba'i sems kyis yongs su 'dzin pa'o zhes bya ba smos te /bdag gi phun sum tshogs pa ni bdag la yod pa 'byor pa la bya ste /rigs chen po dang/ lus nad med pa dang/ gzugs mdzes pa dang/ lang tsho dang la bab pa dang/ stobs che ba dang/ dbang dang/ phyugs pa dang/ blo dang/ yid rno ba la sogs pa gzhan bas khyad zhugs par 'phags shing phul du byung ba la ni bdag gi phun sum tshogs pa zhes bya'o/ /mig gis smos pa'i bdag gi phun sum tshogs pa la zhe na nas gtong mi bod pa ni chags pa ste/ chags nas zhes bya ba ni chags pa des rgyu byas nas zhes bya ba'i don to/ /rab tu dga' ba'i sems kyis zhes bya ba ni mgu ba dang ldan pa'i sems sam rlom pa bcas pa'i sems sam yid bde ba'i khyad par dang ldan ba'i sems kyis shes bya ba'i don to/ /don de bstan pa'i phyir sems kyis yongs su 'dzin pa zhes bya ba smos te /bdag gi phun sum tshogs pa la chags shing rlom pa dang bcas pa'i sems kyis sems rang dbang med par byas nas longs spyod tshogs pa 'ba' zhig la sems 'dzin cing mi gtang gi dge ba
- 141a
la sems 'jug pa'i dbang med par byas pa ni rgyags pa zhes bya'o/ /'di'i yang 'dod chags kyi shas las byung bas na rdzas su med kyi btags par yod par rig par bya'o/ /'di'i las kyang nyon mongs pa thams cad skye ba'i rten byed pa'i las can te/ rgyags pa'i rgyus nyon mongs pa drug dang/ nye ba'i nyon mongs pa gzhan yang skye bar 'gyur ba'i phyir ro/ /rnam par 'tsho ba'i rang bzhin bstan pa'i phyir/ rnam par 'tshe ba gang zhe na zhes dris te/ rnam par 'tshe ba'i rang bzhin dang mtshan nyid gang zhe na zhes dris pa'i don to/ /de'i lan du sems can rnams la rnam par tho 'tsham pa'o zhes bya ba smos te /sems can rnams kyi lus la sdug bsngal bskyed pa dang/ yid mi bde ba bskyed pa'i phyir/ sems can la bcing ba dang/ brdeg pa dang/ bsdigs pa la sogs pa rnams gnod pa sna tshogs kyis tho 'tsham zhing mi bde ba skye bar byad pa la rnam par 'tshe? ba zhes bya'o/ /rnam par 'tshe ba de yang ming du na brtse ba med pa dang/ snying rje med pa dang bzod pa med pa zhes bya ba ste/ de gsum ni rnam par 'tshe ba'i ming gi rnam grangs so/ /yang na bdag nyid sems can la bcing ba la sogs pa'i las byed pa ni brtse ba med pa zhes bya'o/ /gzhan dag la sems can dag bcing du bcug pa la sogs pa byed du bcug pa ni snying rje med pa zhes bya'o/ /gzhan dag sems can la bcing ba'i las byed pa mthong na dga' zhing de la legs so rjes su yi rang ba ni bzod pa med pa zhes bya'o/ /'di yang khong khro ba'i shas las byung bas na rdzas su med kyi btags par yod par rig par bya'o/ /'di'i las ni sems
- 141b
can la sems rtsub par byed cing bcing ba dang brdeg pa la sogs pas sems can rnams la rnam par 'tshe ba'i las can no/ /ngo tsha mi shes pa'i rang bzhin bstan pa'i phyir/ ngo tsha mi shes pa gang zhe na zhes dris te /ngo tsha mi shes pa'i rang bzhin dang/ mtshan nyid gang zhe na zhes dris pa'i don to/ /de'i lan du/ /kha na ma tho bas bdag la ngo mi tsha'o zhes bya ba smos te/ sangs rgyas la sogs pa dam pa rnams kyis smad pa yin pas srog gcod pa la sogs pa'i las ngan pa la kha na ma tho ba zhes bya'o/ /ngo tsha shes pa bshad na ngo tsha mi shes pa 'jal brda phrad sla bar gyur pa'i ngo tsha shes pa je bstan to/ /de la bdag ni tshe rigs 'di lta bu las byung ste /shes pa dang yon tan 'di lta bu dag dang ldan pa yin pas las ngan pa 'di 'dra ba bdag gis bya bar mi rigs so zhes bdag la bltas te/ sdig pa'i las la bag byed cing bdag med par mi 'jug pa ni ngo tsha shes pa zhes bya'o/ /bdag tshe rigs 'di lta bu las byung ba shes pa dang yon tan 'di lta bu dang ldan pa yin pas las ngan pa 'di 'dra ba dag bdag gis spyad pa'i cha'o ma yin par shes kyang bdag gis khrel ba med de sdig pa'i las la 'dzem pa med par spyad pa ni ngo tsha mi shes pa zhes bya'o/ /'di yang 'dod chags dang zhe sdang gti mug gi shas las byung bas na/ rdzas su med kyis btags par yod par rig par bya'o/ /'dod chags dang zhe sdang gnyis dus gcig tu 'byung ba mi srid pas yang na ni gti mug dang 'dod chags kyi dbang gis ngo tsha mi shes pa 'byung ste/ gang ma byin par len pa dang/ mi tshangs bar spyod pa la 'dzem pa med par spyod ba'i tshe na'o/ /yang na ni gti mug dang zhe sdang gi dbang gis ngo tsha mi shes pa 'byung ste nam srog gcod pa la sogs pa'i las la 'dzem pa med par zhugs pa'i tshe na'o//
- 142a
'di'i las kyang nyon mongs pa drug dang g.yo dang sgyu la sogs pa nye ba'i nyon mongs pa rnams skye ba'i rgyu 'am grogs byed pa'o/ /khrel med pa'i rang bzhin bstan pa'i phyir /khrel med pa gang zhe na zhes dris te /khrel med ba'i rang bzhin dang/ mtshan nyid gang zhe na zhes dris pa'i don to/ /len du kha na ma thobs gzhan la mi 'dzem? pa'o zhes bya ba smos te /khrel yod pa sngar bstan na khrel med pa mjal chung sla bar 'gyur ba'i phyir khrel yod pa je bstan par bya'o/ / de la sdig pa mi dge ba'i las ngan pa 'di dag byas na 'jig rten pa rnams 'phya ba dang brdeg pa dang bcing ba la sogs pa'i gnod pa byed par 'gyur ro zhes 'jig rten pas dpyad pa dang bcing ba dang/ gnod pa byas par dogs nas sdig pa'i las la mi 'jug cing 'dzem pa ni khrel yod pa zhes bya'o/ /sdig ba'i las 'di dag byas na 'jig rten bas dpyas ba dang bcing ba dang brdeg pa la sogs pa'i gnod pa byed par 'gyur bar shes kyang gzhan gyis dbye ba dang/ gnod ba byed pa la 'dzem pa med par sdig pa'i las la 'jug ba ni khrel med pa zhes bya'o/ /'di yang ngo tsha mi shes pa dang 'dra bar 'dod chags dang zhe sdang dang gti mug gi shas las byung bas na rjes su med kyi btags par yod par rig par bya'o/ /'di'i las kyang nyon mongs ba drug dang/ nye ba'i nyon mongs pa rnams skye ba'i grogs sam rgyu byed pa'o/ /rmugs pa'i rang bzhin bstan pa'i phyir/ rmugs ba gang zhe na zhes dris te/ rmugs pa'i rang bzhin dang mtshan nyid gang zhe na zhes dris pa'i don to/ /de'i lan du/ sems las su mi rung ba ste bleng ba'o zhes bya ba smos te /dge ba'i chos la dmigs pa'i tshe dmigs par bya ba'i yul sems kyis rtogs par mi nus shing dmigs par bya ba sems la gsal bar 'jog mi nus pa ni
- 142b
sems las su mi rung ba zhes bya'o/ /sems las su mi rung ba'i don nyid bstan pa'i phyir blong ba zhes bya ba smos te/ pags pa? bangs? nas lngar bar 'gyur pa dang 'dra bar sems blun pa sems bslu ba 'am sems mi gsal bar gyur pa ni blong ba ste /sems mi gsal ba'i mtshan nyid du gyur ba la rmugs pa zhes bya'o/ /'di yang gti mug gi shas las byung bas na rdzas su med kyi btags par yod par rig par bya'o/ /'di'i las kyang nyon mongs pa dang nye ba'i nyon mongs pa skye ba'i grogs byed pa'o/ /rgod pa'i rang bzhin bstan pa'i phyir /rgod? pa gang zhe na zhes dris te/ rgod pa'i rang bzhin dang mtshan nyid gang zhe na zhes dris pa'i don to/ /de'i lan du/ sems ma zhi ba'o zhes bya ba smos te /de la semS zhi ba zhes bya ba ni zhi gnas dang ting nge 'dzin rtse gcig pa la bya ste/ gang sems g.yengs pa ni ting nge 'dzin rtse gcig pa dang mi mthun pa'i chos la sems ma zhi ba zhes bya'o/ /de yang 'dod chags kyis rgyu byas nas sngon ba gang ba dang/ rtsed mo byas pa la sogs pa rjes su dran te /der sems 'phros nas sems ying yeng bor ma zhi par byed pa'i rgyu byed pa rgo dang zhes bya'o/ /'di yang 'dod chags kyi shas las byung bas na rdzas su med kyi/ btags bar yod pa rig par bya'o/ /'di'i las ni zhi gnas dang mi mthun par byed pa ste/ sems rgod pa ma zhi ba'i mtshan nyid byung nas sems rtse gcig pa'i ting nge 'dzin med par 'gyur bas na zhi gnas dang mi mthun pa'i rten byed pa zhes bya'o/ /mdang? ba'i rang bzhir bstan pa'i phyir/ ma dad pa gang zhe na zhes dris te/ ma dang pa'i rang bzhin dang mtshan nyid gang zhe na zhes dris pa'i don to/ /lan du/ las dang/ 'bras bu dang/ bden pa dang/ /dkon mchog la yid mi chas shing
- 143a
sems ma dang pa ste /dad pa dang mi mthun pa'i phyogs so zhes bya ba smos te /de la las ni bsod nams dang/ bsod nams ma yin pa dang/ mi g.yo ba'i mtshan nyid dang gsum mo/ /'bras bu ni yid du 'ong ba dang/ yid du mi 'ong ba ste gnyis so/ /bden pa ni sdug bsngal la sogs pa bzhi'o/ /dkon mchog ni sangs rgyal la sogs pa gsum mo/ /de la las dang 'bras dang 'bras bu dang bden pa la sogs pa yod par yid mi ches pa dang/ dkon mchog la yon tan du sems dang ba med pa ni ma dang pa zhes bya'o/ /dang pa'i mi mthun pa'i phyogs zhes bya ba ni las dang 'bras bu dang/ bden pa dkon mchog la sogs pa la yod par yid ches pa dang/ dkon mchog gsum la yon tan du sems dang ba dang ldan pa dang/ mya ngan las 'das pa ni thob par bya bar nus 'phags pa'i lam ni bsgrub par nus pa la gang 'dod pa skye ba ni dang ba zhes bya'o/ /ma dang pa ni las dang 'bras bu dang/ bden pa la yid ches pa med /dkon mchog gsum la sogs pa la yon tan can du sems dang ba med mya ngan las 'das pa dang/ 'phags pa'i lam la 'dod pa med pas na ma dad pa ni dad pa dang mi mthun pa'i phyogs zhes bya ba'o/ /'di yang gti mug gi shas las byung bas na/ rdzas su med kyi/ btags par yod par rig par bya'o/ /de'i las ni le lo'i rten byed pa ste /ma dad pa yod pa na ma dad pa'i shugs kyis mnyen pa dang bsam pa la sogs pa dge ba byed mi 'dod pas le lo'i rten byed pa'o/ /le lo'i rang bzhin bstan pa'i phyir/ le lo gang zhe na zhes dris te /le lo'i rang bzhin dang mtshan nyid gang zhe na zhes dris pa'i don te/ /de'i lan du/ dge ba la sems mi spro ba ste/ brtson
- 143b
'grus dang mi mthun pa'i phyogs so zhes bya ba smos te /nyal ba'i bde ba dang 'phres pa'i bde ba la chags nas lus dang ngag dang yid kyi sgo nas mnyan pa dang/ bsam pa la sogs pa'i dge ba bya ba la sems mi spro zhing dge ba'i las la sems 'jug par mi 'dod pa ni le lo zhes bya'o/ /brtson 'grus kyis mi mthun pa'i phyogs zhes bya ba la/ dge ba'i las spyad pa la sems spro ba ni brtson 'grus zhes bya la le lo ni dge ba'i las bya ba la sems spro ba med pas brtson 'grus kyis mi mthun pa'i phyogs so/ /'di yang gti mug gi shes las byung bas na rdzas su med kyi btags par yod par rig par bya'o/ /'di'i las kyang dge ba'i phyogs rab tu sbyor ba bgegs byed pa'o/ /bag med pa'i rang bzhin bstan pa'i phyir/ bag med pa gang zhe na zhes dris te /bag med pa'i rang bzhin dang mtshan nyid gang zhe na zhes dris pa'i don to/ /de'i lan du? chags pa dang/ zhe sdang dang/ gti mug dang/ le lo gang yin pa ngag gis nyon mongs pa'i sems mi bsrung pa dang/ dge ba la mi bsgom pa'o zhes bya ba smos te/ 'dod chags dang/ zhe sdang dang/ gti mug dang/ le lo ste/ chos 'di bzhi'i dbang du byas sam chos de bzhi la gnas shing brten nas 'dod chags la soD pa'i nyon mongs pa la sems zhugs pa las ni mi srung mi blon/ dad pa la sogs pa'i dge ba'i chos rnams la ni sgom par mi byed pa la bag med pa zhes bya'o/ /'di yang 'dod chags dang zhe sdang dang gti mug dang le lo ste /chos 'di bzhi'i shas las byung bas na rdzas su med kyi/ btags par yod par rig par bya'o/ /'di'i las ni mi dge ba 'phel pa dang dge ba nyams par byed pa'i rten byed pa'i las can te/ mi dge ba la sems zhugs pa las ma bsrungs pas ni mi
- 144a
dge ba 'phel bar 'gyur ro/ /dran pa nyams pa'i rang bzhin bstan pa'i phyir/ dran pa nyams pa gang zhe na zhes dris te/ dran pa nyams pa'i rang bzhin dang mtshan nyid gang zhe na zhes dris pa'i don to/ /de'i lan du dran pa nyon mongs pa can te/ dge ba la sems mi gsal ba'o zhes bya ba smos te/ dran pa gang 'dod chags dang zhe sdang gti mug la sogs pa'i nyon mongs pa dang ldan pa'i dran pa la ni/ dran pa nyon mongs pa can zhes bya'o/ /dge ba'i sems mi gsal ba zhes bya ba ni dper na sbrang rtsi dang kha ra za ba la sogs pa'i srog chags rnams kyang tig ta la sogs pa'i kha zas rdzas za bar mi nus pa de bzhin du /dran pa gang 'dod chags la sogs pa'i nyon mongs pa dang ldan pas 'dod chags la sogs pa'i yul bud med la sogs pa gang yin pa de nyid sems la dran gyis dge ba sems la mi gsal te/ yang dag pa'i gdams ngag la sogs pa'i dge ba'i sems mi dran te /brjed par gyur pa la ni dran pa nyams pa zhes bya'o/ /'di yang gti mug gi shas las byung bas na rdzas su med kyi btags par yod par rig par bya'o/ /'di'i las ni rnam par g.yeng ba'i rten byed pa'i las can te /dran pa nyams pa rnamS nyon mongs pa'i yul bud med la sogs pa 'ba' zhig la sems 'jug pa'i phyir ro/ /rnam par g.yeng ba'i rang bzhin bstan pa'i phyir/ rnam par g.yeng ba gang zhe na zhes dris te /rnam par g.yeng ba'i rang bzhin dang mtshan nyid gang zhe na zhes dris pa'i don to/ /de'i lan du/ 'dod chags dang zhe sdang dang gti mug gi dbang gis shas kyi 'dod pa'i yon tan lnga po dag la gang sems yang pa'o zhes bya ba smos te/ 'dod pa'i yon tan lnga ni gzugs dang sgra
- 144b
dang/ dri dang ro dang reg go /'dod chags dang zhe sdang dang gti mug gi shas kyis de rgyu byas nas gang sems ting nge 'dzin du rtse gcig tu dmigs pa'i tshe 'am thos pa la sogs pa'i dge ba'i chos sems la sems pI tshe? gzugs la sogs pa 'dod pa lnga'i yul la sems 'phros pa'am sems yang par song ba la rnam par g.yeng ba zhes bya'o/ /de'ang 'dod chags dang zhe sdang dang gti mug gi shas las byung bas na rdzas su med kyi btags par yod par rig par bya'o/ / de la 'dod chags dang zhe sdang dus gcig tu mi 'byung ba'i phyir yang na ni 'dod chags dang gti mug gi dbang gis g.yeng ba 'byung/ yang na ni zhe sdang dang gti mug gis g.yeng ba 'byung bar rig par bya'o/ /'di'i las kyang 'dod chags dang bral ba la bar du gcod pa'i las can te/ 'dod pa lnga'i yon tan la sems la sems g.yengs par gyur pa rnams la khams gsum gyi 'dod chags spang bar bya ba la bar du gcod cing bgegs byed pa'i phyir ro/ /mdo dag las ni/ g.yeng ba rnam pa drug? tu bshad de/ g.yeng ba rnam pa drug ni rang bzhin gyis g.yeng ba dang/ phyi rol du g.yeng ba dang/ nang du g.yeng ba dang/ mtshan ma'i g.yeng ba dang/ gnas ngan len gyi g.yeng ba dang/ yid la byed ba'i g.yeng ba'o/ /de la mig gi rnam par shes pa nas lus kyi rnam par shes pa lnga'i tshogs la ni rang bzhin gyis g.yeng ba zhes bya ste/ rnam par shes pa lnga po de dag ni rang bzhin gyis nang du rtse gcig par 'jog mi nus pa'i rang bzhin yin pa'i phyir ro/ /dge ba'i chos la zhugs pa'i tshe 'dod pa lnga'i yon tan la sems 'phros pa ni phyi rol du g.yeng ba zhes bya'o/ /ting nge 'dzin du zhugs pa'i tshe sems rmugs pa dang rgod pa'i dbang du btang ba ni nang du g.yeng ba zhes bya'o/ /ting nge 'dzin la sogs pa dge ba bsgomS
- 145a
na gzhan dag gis bdag la yon tan can yin no/ snyam du 'dzin pa'i dbang du byas nas dge ba la zhugs pa ni mtshan ma'i g.yeng ba zhes bya'o/ /ting nge 'dzin bsgom pa'i tshe bdag dang bdag gir rtog pa 'byung ba ni gnaS ngan len gyi g.yeng ba zhes bya'o/ /sngar ting nge 'dzin gcig sgom sgom pa las de'i 'og tu ting nge 'dzin gzhan sgom par byed pa ni yid la byed pa'i g.yeng ba zhes bya'o/ /'dir g.yeng ba drug las phyi rol gyi g.yeng ba 'ba' zhig bshad mod kyi/ g.yeng pa gzhan dag kyang rnam par g.yeng ba'i mtshan nyid yin par rig par bya'o/ /shes bzhin med pa'i rang bzhin bstan pa'i phyir/ shes bzhin med pa gang zhen zhes dris te /shes bzhin med pa'i rang bzhin dang mtshan nyid gang zhe na zhes dris pa'i don to/ /de'i lan du/ nyon mongs pa dang rab tu ldan pa'i shes rab ste/ lus dang ngag dang yid kyi rgyu ba rnams la dbang med par spyod pa'o zhes bya ba smos te/ shes rab gang 'dod chags dang zhe sdang la sogs pa'i nyon mongs dang bcas shing nyon mongs ba'i dbang du gyur cing/ nyon mongs ba dang 'dres ba'i shes rab la nyon mongs pa dang rab tu ldan ba'i shes rab ces bya'o/ /de ltar shes rab nyon mongs pa'i dbang du gyur pas lus kye spyad pa 'gro 'dug ldang nyal dang/ dag gi spyad pa smra bar bya ba dang mi smra bar bya ba dang/ yid kyi spyad pa bsam pa dang mi bsam par bya ba rnams la bdag da ltar 'di byed cing 'dug go zhes mi shes pa dang/ bya ba dang mi bya ba'i dmigs mi shes pa ni shes bzhin med ba zhes bya'o/ /'di yang gti mug gyi shes las byung bas na rdzas su med kyi btags par yod par rig par bya'o/ /'di'i las kyang nyes pa 'byung ba'i rten byed pa ste/ lus dang ngag dang yid kyi sgo nas bya ba dang mi bya ba mi shes pas rtag tu skyon dang ltung ba sha stag
- 145b
'byung ba'i phyir ro/ /nye ba'i nyon mongs pa rnams bshad zin to/ /bzhi ni gzhan du yang bshad par bya ste /de yang 'gyod pa'i rang bzhin bstan pa'i phyir/ 'gyod pa gang zhe na zhes bris te/ 'gyod pa'i rang bzhin dang mtshan nyid gang zhe na zhes dris pa'i don to/ /de'i lan du /yid la gcags pa'o zhes bya ba smos te/ srog gcod pa la sogs pa'i mi dge ba byas pas mtshar byas she 'am ma legs pa zhig byas so zhes phyis yid la gdung zhing yid la gcagS kha dang/ sbyin pa la sogs pa'i dge ba byas pa mtshar byas so zhes sam/ ma legs pa zhig byas so zhes mi dga' zhing yid la gcags pa 'am/ bcom dru ba? la sogs ba'i las byas pa mtshar byas she 'am ma byas pa mtshar byas so zhes phyis yid la gdung zhing yid la gcags pa la 'gyod pa zhes bya'o/ /'gyod pa de yang rnam pa gsum ste/ dge ba dang mi dge ba dang/ lung du ma bstan ba'o/ /de la sbyin pa la sogs pa'i dge ba byas pa la dge ba byas pa ma legs pa zhig byas so ? 'am/ nyes pa zhig byas zhes 'gyod pa ni 'gyod pa mi dge ba'o/ /yang na srog gcod pa la sogs pa'i mi dge ba ma byas par ma legs pa zhig byas so zhes 'gyod pa ni 'gyod pa mi dge ba'o/ /srog gcod pa la sogs pa mi dag pa'i las byas pa nyes pa zhig byas so zhe 'am /ma legs pa zhig byas so zhes 'gyod pa ni 'gyod pa dge ba'o/ /yang na sbyin pa la sogs pa dge ba ma byas pa ma legs pa zhig byas zhes 'gyod pa de dag ni 'gyod pa dge ba'o/ /bcom drub la sogs pa'i las ma byas pa mtshar byas she 'am de dag byas pa nyes pa zhig byas so zhes 'gyod pa ni 'gyod pa lung du ma bstan pa'o/ /'gyod pa gsum las /'gyod pa mi dge ba dang/ 'gyod pa lung du ma bstan pa gnyis ni /gti mug gi shas las
- 146a
byung la/ 'gyod pa dge ba ni gti mug med ba'i shas las byung bas na rdzas su med kyi btags par yod par rig par bya'o/ /de'i las ni sems bde bar gnas pa dang mi mthun par byed pa ste/ sems la 'gyod pa 'am/ gdung ba skye bar 'gyur na sems ting nge 'dzin du rtse gcig tu gnas pa'i bar chad byed ba'i phyir ro/ /gnyis kyi rang bzhin bstan pa'i phyir/ gnyid gang zhe na zhes dris te/ gnyid kyi rang bzhin dang mtshan nyid gang zhe na zhes dris pa'i don to/ /de'i lan du/ rang dbang med par 'jug pa sems mngon par sdud ba'o/ zhes bya ba smos te /'jug pa ni gzugs la sogs pa'i yul la sems zhugs shing dmigs pa'o/ /gnyid kyi dbang du song na sems phyi rol gyi yul la 'jug pa'i dbang med pa nas rang dbang med pa zhes bya ste/ sems yul la 'jug pa'i rang dbang med pa dang sems kyis lus 'dzin bar mi nus par gyur pas na lus sa la 'gyel bar gyur pa la gnyid ces bya'o/ /sems rang dbang med par byed pa ni gnyid 'ba' zhig tu yang ma zad kyi gzhan yang yod de /dbyebs? la sogs pas phog ste brgyal pan yang sems phyi rol tu 'jug pa'i dbang med la lus 'dzin kyang mi nus pas brgyal ba la gnyid ces bya'o snyam du 'dzin pa dgag pa'i phyir sems mngon par sdud ba'o zhes bya ba'i tshig smos te/ sems mngon bar sdud ces bya bas ni sems mig la sogs pa dbang po'i sgo nas phyi rol yul la mi 'jug gi sems nang du bsdus pa zhes bya ba'i don to/ /sems nang du sdud pa ni gnyid 'ba' zhig tu ma zad kyi 'gog ba dang 'du shes med pa'i snyoms par 'jug pa'i dus na yang sems nang du sdud par byed pas 'gog pa
- 146b
dang 'du shes med pa'i snyoms par 'jug pa la yang gnyis ces bya'o snyam du 'dzin pa dgag pa'i phyir rang dbang med ces bya ba'i tshig smos te/ gang sems rang dbang med par yang byed ba sems nang du sdud par yang byed pa de la gnyid ces bya'o// gnyid de yang rnam pa gsum ste/ dge ba dang/ mi dge ba dang/ lung du ma bstan pa'o/ /de la dge ba la sogs pa byed pa rmi lam du mi ba ni gnyid dge ba'o/ /srog gcod pa la sogs pa mi dge ba rmi lam du rmi ba na? ni gnyid mi dge ba'o// bcom dru ba la sogs pa'i las byed par rmi lam du rmin ni gnyid lung du ma bstan pa'o/ /yang na sbyin pa la sogs pa dge ba yid la byed pa las ni gnyid log pa ni gnyid dge ba'o/ /srog gcod pa la sogs pa'i las yid la byed pa las gnyid kyis log na ni gnyid mi dge ba'o/ /btsom drub la sogs pa'i las yid la byed byed pa las gnyid kyis log pa ni gnyid lung du ma bstan pa'o/ /yang na dge ba'i las yang la byed pa las sems de nyid kyis non na gnyid mi dge ba zhes bya'o/ /mi dge ba yid la byed pa la sems de gnyid kyis non na gnyid dge ba'o zhes bya'o/ /lung du ma bstan ba'i las yid la byed pa las sems de gnyid kyis non na gnyid de lung du ma bstan pa zhes bya'o/ /gnyid kyi rgyu ni rang de nyam chung ba dang/ lus dal bar gyur ba dang/ dpyid kyi dus la bab pa dang/ kha zas kyis 'drangs te lus lci par gyur ba dang/ mun pa'i 'du shes yid la byas pa las gnyid skye bar 'gyur ro/ /'di yang gti mug gi shas las byung bas na rjes su med kyi brtags par yod par rig par bya'o/ /kha cig na re mi dge ba'i gnyid dang lung du ma bstan pa'i gnyid ni gti mug gi shas las byung gi dge ba'i gnyid ni gti mug gi shas las byung ba ma yin no zhes 'chad do/ /'di'i las
- 147a
ni bya ba mi 'grub pa'i rten byed pa ste /gnyid kyis log na las su bya ba thams cad mi 'grub cing nyams par 'gyur ba'i phyir ro/ /rtog ba'i rang bzhin bstan pa'i phyir rtog pa gang zhe na zhes dris te/ rtog pa'i rang bzhin dang mtshan nyid gang zhe na zhes dris pa'i don to/ /de'i lan du tshol ba yid kyis brjod pa ste/ sems ba dang shes rab kyi bye brag gang sems rtsing ba'o/ zhes bya ba smos te/ de la 'di go rdzam zhig yin nam snam bu zhig yin nam ci zhig yin zhes spyi tsam rtog pa'i rnam par zhugs pa la tshol ba zhes bya'o/ /chol ba de yang yid kyi brjod pa ste /yid kyi rnam par shes pa'i rang bzhin gyi rtog pa'o/ zhes bya ba'i don to/ /de la yid kyi brjod pa zhes bya ba ni yid la smra bar byed ces bya ba'i don to/ /dper na tshig gis 'di ni snam bu 'di ni bum pa zhes don smra bar byed pa de bzhin du yid kyi rnam par shes pas 'di ni snam bu 'di ni bum pa'o zhes yid la smra zhing yid kyis rtog pa ni yid kyis brjod pa zhes bya'o/ /'dis ni rtog pa'i las bstan to/ /rtog pa de yang gang gi cha las byung zhe na /de'i phyir sems pa dang shes rab kyi bye brag ces bya ba smos te /sems pa ni sems g.yo zhing 'gul bar byed ba'i rang bzhin yin la/ shes rab ni 'di ni yon tan can /'di ni nyes pa can zhes rnam par 'byed ba'i rang bzhin can yin pas sems kyi rtog pa yang de gnyis kyi dbang gis 'byung ba'i phyir /sems pa dang/ shes rab gnyis kyi bye brag las rtog pa gdags pas na rtog pa 'di yang rdzas su med kyi btags par yod par rig par bya'o/ /de la bar bar ni sems dang sems pa gnyis la rtogs pa gdags te/ nam rtog pa de mi rtog pa'i tshul du gnas
- 147b
pa'i dus na'o/ /bar bar ni shes rab dang sems gnyis la rtog pa gdags to/ nam rtog pa de ni rnam par rtogs pa'i tshul du zhugs pa'i dus na'o/ /yang na sems pa dang shes rab gnyis bo nyid la rtog pa zhes gdags te/ de gnyis kyi dbang gis 'di ni bum pa 'di ni snam bu zhes zhib du rtog pa 'byung ba'i phyir ro/ /yang na sems 'ba' zhig la rtog pa gdags te /nam rtog pa de mi rtog pa'i tshul du gnas pa'i dus na'o/ /yang na shes rab 'ba' shig la rtog pa gdags te /nam rtog pa de rtog pa'i tshul du zhugs pa'i tshe na'o/ /gang sems rtsid ba'o zhes bya ba ni bum pa'i nang na dmar po zhe 'am legs pa zhe 'am ma legs pa zhig zhib du mi 'jug gi 'di ni bum pa 'di la rnam bu zhes spyi tsam du rtog bas na sems rtsing ba zhes bya'o// 'dis ni rtog pa'i rang bzhin bstan to/ /rtog pa de la'ang rnam pa gsum ste/ dge ba dang/ mi dge ba dang/ lung du ma bstan ba'o/ /de la khams gsum nas 'byung bar byed pa'i chos la rtog par byed pa ni rtog pa dge ba'o/ /'dod pa lnga'i yon tan la rtog pa mi dge ba'o/ /gzo'i gnas rnam pa sna tshogs la rtog pa ni rtog pa lung du ma bstan pa'o/ /yang na 'di'i las kyang rnam pa gnyis byed de /bde ba dang mi bde bar gnas pa'i rten byed pa'o/ /de la khams gsum las byung ba'i chos la rtog pa ni dge ba bde ba'i rgyur 'gyur bas na bde bar gnas pa'i rten byed ba'o/ /'dod pa lnga'i yon tan la rtog pa ni mi dge ba'i rgyur 'gyur bas na mi bde bar gnas pa'i rten byed pa'o/ /dpyod ba'i rang bzhin brtan pa'i phyir/ dpyod pa gang zhe na zhes dris te /dpyod ba'i rang bzhin dang mtshan nyid gang zhe na zhes dris pa'i don to/ /de'i lan du/ so sor rtog pa yid kyis brjod pa ste /de bzhin du gang sems zhib pa'o zhes bya ba smos te/ sdang rtogs pas 'di ni bum pa 'di ni snam bu zhes btags pa las
- 148a
phyis bum pa'i nang na yang dmar po zhig je 'am/ nag po zhig je 'am/ bum pa ngos 'di ni dmar ro/ zhe 'am /bum pa 'di ni legs 'di ni ma lags zhes zhib tu dpyod par byed pa la so sor rtog pa zhes bya'o/ /so sor rtog pa de yang yid kyi brjod pa ste /yid kyi rnam par shes pas zhib du rnam par rtog par byed pa'i rang bzhin zhes bya ba'i don to/ /yid kyi brjod ces bya ba ni yid la zhib du smra zhes bya ba'i don to/ /dper na tshig gi don gyi dngos po smra ba bzhin du yid kyis kyang bum pa 'di ni legs 'di ni ma legs zhes zhing tu smra zhing rtog par byed bas yid kyis brjod pa zhes bya ste /de'i las bstan to/ /dpyod pa de yang ci la gdags zhe na/ de'i phyir de bzhin du zhes bya ba'i tshig smos te/ ji ltar rtog pa sems pa dang shes rab kyi bye brag las gdags pa bzhin du dpyod pa 'di yang sems pa dang shes rab kyi bye brag las gdags te/ de gnyis kyi shas las byung bas na 'di yang rdzas su med kyi btags bar yod par rig par bya'o/ /de la bar bar ni sems dang sems ba la dpyod pa gdags te /nam dpyod pa de mi dpyod pa'i dus su gnas ba'i tshe na'o/ /bar bar ni sems dang shes rab gnyis las dpyod pa gdags te/ nam dpyod pa de bzhin du dpyod ba'i tshul du zhugs ba'i tshe na'o/ /yang na sems 'ba' zhig la dpyod pa gdags te/ nam dpyod pa de mi dpyod pa'i tshul du zhugs pa'i tshe na'o/ /yang na shes rab 'ba' zhig la dpyod pa gdags te/ nam dpyod pa de zhib du dpyod pa'i tshul du zhugs pa'i tshe na'o/ /gang sems zhib ba'o zhes bya ba ni sngar rtog pas bum pa tsam zhig tu btags ba'i 'og tu dpyod pas 'di ni bum pa'i nang na legs pa zhig yin 'di ni ma legs pa zhig yin zhes phrad rtog par byed pas na sems zhib pa zhes bya ste des ni rang bzhin bstan to/ /dpyod pa la yang rnam pa gsum ste/
- 148b
dge ba dang/ mi dge ba dang?/ lung du ma bston ba'i/ /de la sems can gzhan la ? gdags na thabs 'di dang 'dis phan gdags so zhes gzhan la phan 'dogs pa'i rnam pa sna tshogs la rtog par byed pa ni dpyod pa dge ba'o/ /gzhan la gnod par bya ba'i thabs sna tshogs la dog pa ni dpyod pa mi dge ba'o/ /btsam drub la sogs pa bzo'i gnas rnams zhib du rtog pa'i dbyor ba lung du ma bstan pa'o/ /yang na 'di'i las kyang bde ba dang mi bde bar gnas ba'i rten byed pa ste/ gzhan la phan pa gdags pa'i thabs rnams ? sna tshogs la dpyod pa ni ? ba'i rgyur 'gyur bas na bde bar gnas ba'i rten byed pa'o//gzhan la gnod par bya ba'i thabs la dpyod pa ni mi bde ba'i rgyur 'gyur bas na mi bde bar gnas ba'i rten byed ba'o/ /rtog pa dang dpyod pa gnyis sems pa dang/ shes rab kyi bye brag la gdags par 'dran khyad pa bci? yod smras pa /de gnyis la khyad par yod de/ de gnyis ga sems pa dang shes rab kyi bye brag la gdags par 'dran yod rtog pa na sems rtsing ba'i rang bzhin dpyod pa ni sems zhib pa'i rang bzhin yin pa'i phyir ro/ /gzhi gzhan du yang bshad zin to/ /gong du 'du byed kyi phung po bshad pa'i skabs su 'du byed rnams gang zhen zhes dris nas/ lan du tshor ba dang 'du shes las gzhan pa sems las byung ba'i chos rnams kyi bdag nyid dang/ /sems dang mi ldan pa'i 'du byed rnams kyi bdag nyin do zhes glengs pa las 'du byed sems las byung ba rnams ni bshad zin to/ /da ni sems dang mi ldan pa'i 'du byed rnams bshad dgos te/ de'i phyir sems dang mi ldan pa'i 'du byed rnams gang zhe na zhes dris so/ /gnas pa dang dmigs pa dang/ rnam pa dang/ dus dang/ rdzas mnyam pas sems dang mnyam du skye zhing sems kyi rjes su 'brang ba med pa'i phyir sems dang mi
- 149a
ldan pa'i 'du byed ces bya'o/ /nyan thos rnam par smra ba rnams ni sems dang mi ldan pa'i 'du byed thams cad re re nas rdzas su yod par 'dod kyang rnam par rig pa tsam du lta ba'i tshul gyis de dag btags pa tsam du yod par zas kyis rdzas su yod par ma yin par bstan cing/ de dag btags pa tsam du yod pa yang ji la gdags pa bstan pa'i phyir/ gang zag gzugs sems dang sems las byung ba'i dus su gdags pa ste /de dag ni sems dang mi ldan pa'i 'du byed yin no zhes ma smos su zin kyang sems dang ma ldan pa'i 'du byed bshad pa'i skabs yin pas gang gzugs kyi dus la gdags pa dang/ sems kyi dus la gdags pa dang /sems las byung ba'i dus la gdags pa de dag ni 'du byed sems dang mi ldan pa'o zhes bya ba'o/ /de la 'du byed sems dang mi ldan pa mang du yod pa las kha cig ni gzugs kyi dus la gdags/ kha cig ni sems kyi dus la gdags/ kha cig ni sems las byung ba'i dus la gdags ste /de bas na de dag btags bar yod kyi rdzas su med do zhes bya ba'i don to/ /yang na 'du byed sems dang mi ldan pa rnams gzugs dang sems dang sems las byung ba'i mthu las skyes pa 'am/ de gsum gyi yan lag tu gtogs pas na /gzugs dang/ sems dang/ sems las byung ba'i dus la gdags pa zhes bya ste/ 'du byed sems dang mi ldan pa de dag gzugs dang sems dang sems las byung ba'i dag gis bskyed nas nam bdag gi ngo bo thob par gyur pa'i dus na chos de dag nyid kyi ming du btags te/ dper na 'gog pa'i snyoms par 'jug pa yang gzugs dang/ sems sems dang sems byung ba'i mthus bskyed par brtsams te/ nam sems
- 149b
'gag pa'i tshe na mtshan nyid thob par gyur pa'i skad cig ma gnyis pa phan chad 'gog pa'i/ snyoms par 'jug pa zhes gdags pa bzhin du 'du byed sems dang mi ldan pa gzhan yang gzugs dang sems dang sems las byung ba de dag gis thob par bya bar btsal nas/ nam ? par gyur pa'i dus phan chad so so thar pa'i ming du gdags par rig par bya'o/ /'di ltar gzugs dang sems dang sems las byung ba'i mthus bskyed pa'i 'du byed sems dang mi ldan pa'i rnams nyan thos rnam par smra ba rnams ni gzugs dang sems dang sems las byung ba la ma gtogs par rdzas su logs shig na yod par rtog ste /de nyid rdzas su logs shig na yod pa ma yin par bstan cing 'du byed sems dang mi ldan pa'i rnams gzugs dang sems dang sems las byung ba'i dus su gdags so zhes bshad na/ kha cig gzugs dang sems dang sems las byung ba'i rang bzhin nyid de yin par gdags sam ? te gzugs la sogs pa las gud na tha dang pa yod snyam du dogs pa bsal ba'i phyir de nyid dang gzhan du mi gdags so zhes bya ba smos te/ gzugs dang sems dang sems las byung ba'i bdag gis bskyed pa'i 'du byed sems dang mi ldan pa de dag gzugs dang sems dang sems las byung ba'i ngo bo nyid yin no zhes kyang mi gdags/ gzugs dang sems dang sems las byung ba'i las gzhan du log shig na yod do zhes kyang mi gdags te /rten dang brten pa gcig na yang skyon du 'gyur pa 'am tha dad na'ang skyon du 'gyur bas dper na bum pa dang sa gcig par yang mi gdags tha dang par yang mi gdags pa dang /khu chur dang sor mo gcig par yang mi gdags tha dad par yang mi gdags pa bzhin no/ /'di ltar bum pa dang sa rang
- 150a
bzhin gcig par yang gdags su mi rung ste/ bum pa ni lto zlum po ske sdeng sdeng po la chu 'dzin pa'i bya ba byed ba'i dbyibs can yin la sa'i dbyibs kyang rnam pa gzhan du 'dug pas sa dang gcig pa zhes gdags su yang mi rung sa las bum pa tha dad pa zhes kyang gdags su mi rung ste/ bum pas la byas pa'i phyir ro/ /de bzhin du sor mo dang khu tshur gcig pa zhes gdags su yang mi rung ste/ sor mo dang khu tshur gcig par gyur na ni sor mo bskyang? ba'i che na yang sor mo re re la khu tshur gyi dbyibs 'dra bar snang bar 'gyur ba'i rigs na/ sor mo brkyang ba'i tshe sor mo re re la khu tshur gyi dbyibs 'dra ba mi snang bas gcig pa zhes gdags su yang mi rung ngo/ /sor mo dang khu tshur tha dad pa zhes kyang gdags su yang mi rung ste /khu tshur ni sor mo bsdus pa las gyur ba'i phyir ro/ /de dang 'dra bar 'dir yang rten ni gzugs dang sems dang sems las byung ba'o/ /brten pa ni 'du byed sems dang mi ldan pa rnams so/ /gzugs dang sems dang sems las byung ba dang/ 'du byed sems dang mi ldan pa gcig ces gdags su mi rung ste /bum pa dang chu gcig par mi rung ba bzhin du rten dang rten par rang bzhin gcig par yang mi rung bar rigs pa'i phyir ro/ /gzugs dang sems dang sems las byung ba dang/ 'du byed sems dang mi ldan pa tha dad pa zhes bya bar yang mi rung ste/ gal te de dag tha dad par gyur na ni 'du byed sems dang mi ldan pa'i rnams gzugs dang sems dang sems las byung ba'i la brten mi dgos kyi/ de dag lam brten par yang 'byung ba'i rigs na /gzugs dang semS
- 150b
dang sems las byung ba la ma brten par 'du byed sems dang mi ldan pa mi 'byung bas na de dag tha dad pa zhes gdags su yang mi rung ngo/ /'di ltar 'du byed sems dang mi ldan pa gang zhe na zhes dris nas/ gang dag gzugs dang sems dang sems las byung ba'i dus su gdags pa ste /de nyid dang gzhan du mi gdags so zhes spyi tsam du bstan pa de dag kyang khyad par du na ming gis gang dang gang yin pa mi shes pas khyad par shes par 'dod nas de dag kyang gang zhe na zhes dris te/ gzugs dang sems dang sems las byung ba'i dus su gdags pa de nyid dang gzhan du mi gdags pa'i 'du byed sems dang mi ldan pa de dag gang zhe na zhes dris pa'i don to/ /de'i lan du/ rnyed pa dang zhes bya ba smos te/ de lta bu'i tshul can dag go /zhes bya ba'i bar du bstan to/ /de lta bu'i tshul can dag ces bya ba ni rnyed pa la sogs pa ming gis smos pa'i chos de dag dang rang bzhin 'dra ba'am rigs 'dra ba 'am gzhan yang gzugs dang sems dang sems las byung ba'i dus su gdags pa yang sems dang mi ldan pa'i 'du byed yin par bsdu'o/ /de dag kyang gang zhe na 'dir ma smos pa 'jug pa dang/ so sor nges pa dang/ sbyor ba dang/ mgyogs pa dang/ go rims dang/ dus dang/ yul dang/ grangs dang/ tshogs pa zhes bya ba la sogs pa rnams so/ /rnyed pa'i rang bzhin bstan pa'i phyir de la rnyed pa gang zhe na zhes dris te/ 'du byed sems dang mi ldan pa de dag gi nang nas rnyed pa'i rang bzhin ji lta bu yin zhes dris pa'i don to/ /de'o lan du /thob pa dang ldan pa'o /zhes bya ba smos te/ dge ba'am/ mi dge ba'i chos sngon ma rnyed cing bdag la med pa las dang po nyid du rnyed par gyur ba la ni thob ba zhes bya'o/ /de ltar skad cig ma dang po la dge ba 'am/ mi dge ba'i chos ma rnyed ba rnyed nas
- 151a
skad cig ma gnyis pa phan chad nas chos de dag bdag la yod cing de dag dang ldan pa la ni ldan pa zhes bya'o/ /de ltar na thob pa dang/ ldan pa gnyi ga la rnyed pa zhes bya'o/ zhes bstan pa yin no/ /rnyed pa de la phye na du yod bstan pa'i phyir /de'ang sa bon dang/ dbang dang/ mngon du gyur ba dang ci rigs par sbyor ro zhes bya ba smos te/ rnyed ba de la 'ang phyen rnam pa gsum yod de/ sa bon brnyed pa dang/ dbang rnyed pa dang/ mngon du gyur pa rnyed pa'o/ /de la sa bon rnyed pa ni ma 'ongs pa na bdag dang 'dra ba'i dge ba dang/ mi dge ba dang/ lung du ma bstan ba'i chos bskyed ba'i phyir dge ba dang mi dge dang lung du mi ston pa'i chos rnams kyis nam bar shes pa'i rgyud las dge ba dang/ mi dge ba dang/ lung du mi ston pa'i chos kyis bskrun cing bag chags gzhag pa la sa bon rnyed ba zhes bya'o/ /de ltar rgyu bskrun pa ba des rtas bar gyur nas bdag gi 'bras bu bskyed par bya ba la mthu dang ldan par gyur te /gzhan gang gis kyang bar du gcad mi nus bar 'bras bu bskyed ba'i mdza' ma'i skad cig ma 'bras bu skyes ni ma skyes 'bras bu skyed nus pa'i mtshan nyid du gnas pa de la ni dbang rnyed ba zhes bya'o/ /de nas de las rang gi 'bras bu grub ste /'bras bu skyed zin par gyur ba la ni mngon du gyur ba rnyed pa zhes bya'o/ /ci rigs par sbyar ro zhes bya ba la de 'di ltar sbyar ba'i rigs te/ ji ltar sbyar ba'i riD? zhe na/ par 'ga' ni sa bon la rnyed pa zhes bya/ dga' ni dbang la rnyed pa zhes bya /bar 'ga' ni mngon du gyur pa la rnyed pa zhes bya'o/ /de la skad cig ma dang po ma rnyed pa las rnyed ba nas brtsams te/ skad cig ma gnyis pa dang gsum ? man chad nas dbang gi gnas rnyed kyi bar dag la sa bon zhes
- 151b
bya ba ni dbang dang thob par ldan pa rnyed pa gnyis la bya'i /dbang dang mngon du gyur ba la ni ldan pa 'ba' zhig tu gdags par zad kyi sa bon rnyed thog pa zhes mi bya'o/ /yang na sa bon rnyed pa ni 'dod ba'i 'dod chags dang ma dral ba'i rnams dge ba dang mi dge ba dang lung du bstan du med ba'i chos kyi sa bon sems kyi rgyud la rnyed pa la bya'o/ /dbang rnyed pa zhes bya ba ni 'dod ba'i 'dod chags dang bral ba rnams kyis nam 'dod pa yod pa'i ting nge 'dzin dang mngon par shes pa rnams mngon sum du bya ba la dbang yod bar gyur pa la ni dbang rnyed pa zhes bya'o/ /mig gi dbang po nas lus kyi dbang po'i bar du dbang po lnga las so so'i yul mngon sum du byed pa'i mngon sum du gyur ba rnyed pa zhes bya'o/ /ci rigs par sbyor ro zhes bya ba ni 'di ltar rigs te /sa bon ni rnyed pa dang sbyar/ dbang ni thob pa dang sbyar /mngon du gyur ba ni ldan pa dang sbyar ro/ /'du shes med pa'i snyoms par 'jug pa'i rang bzhin bstan ba'i phyir/ 'du shes med ba'i snyoms par 'jug pa gang zhe na zhes dris te/ 'du shes med ba'i mtshan nyid du snyoms par 'jug pa 'am 'du shes med pa ni 'du shes med pa'i lha rnams kyi nang du skyes ba rnam par smin pa'i 'bras bu yin te/ rnam par smin pa 'du shes med pa de thob par bya ba'i phyir snyoms par 'jug pa la 'du shes med pa'i snyoms par 'jug pa zhes bya ste /de'i rang bzhin dang mtshan nyid gang zhe na zhes dris pa'i don to/ /de'i lan du/ dge rgyas kyi 'dod chags dang bral la gong ma'i ma? yin pa zhes bya ba la sogs pa smos so/ /de la 'dod pa'i khams kyi gnas ni nyi shu ste/ dzam+bu gling 'di'i 'og na tsha ba'i sems can dmyal ba brgyad dang/ gling bzhi dang/ 'dod pa'i khams kyi lta drug dang/ byol song dang/ yi dags so/ /
- 152a
de la che ba'i sems can dmyal ba brgyad ni mnar med pa dang/ rab tu gdung ba dang/ gdung ba dang/ 'o 'dod ched 'bod pa dang/ 'o dod 'bod pa dang/ 'thag 'dus 'joms dang /thig nag dang/ yang sos so// gling bzhi ni lho'i 'dzam bu'i gling dang/ nub kyi ba lang spyod dang/ byang gi sgra mi snyan dang/ shar gyi lus 'phags so/ /'dod ba'i khams kyi lha drug ni rgyal chen ris bzhi'i ris dang/ sum cu rtsa gsum dang/ 'thab bral thun sbyoms dang/ dga' ldan dang/ 'phrul dga' dang/ gzhan 'phrul dbang byed do/ /gzugs kyi khams na bsam gtan dang po la gnas gsum ste/ tshangs ris dang/ tshangs pa'i mdun na 'don dang/ tshangs chen no/ /bsam gtan gnyis pa la gnas gsum ste /'od chung dang/ chad med 'ong dang /'od gsal lo/ /bsam gtan gsum pa la gnas gsum ste /dge cung dang/ chad med dge dng/ dge rgyas so/ /bsam gtan bzhi pa la gnas brgyad de/ sbrin med dang/ bsod nams 'phel dang/ 'bras bu che dang/ mi che ba dang/ mi gdung ba dang/ shin tu legs par mthong ba dang/ gya nom snang dang/ 'og min no/ /gzugs med pa'i khams na skye mched pa rnam pa bzhi ste/ nam mkha' mdza' yas skye mched dang/ rnam shes mdza' yas skye mched dang/ cung zad med pa'i skye mched dang/ cung zad med cung zad med min skye mched do/ /de la dge rgyas kyi 'dod chags dang bral ba zhes bya ba nas /bsam gtan gsum pa la gnas gsum ste /dge chung dang /tshad med dge dang/ dge rgyas las /dge rgyas kyi 'dod chags dang bral ba ni bsam gtan gsum pa man chad kyis 'dod chags kun spangs zhes bya ba'i don to/ /gong ma'i
- 152b
ma yin pa zhes bya ba la bsam gtan gsum pa'i gong ma ni bsam gtan bzhi pa dang gzugs med pa'i khams te /don du na bsam gtan bzhi pa dang/ gzugs med pa'i snyoms par 'jug pa'i 'dod chags da dung ma spangs zhes bya ba'i tha tshig go /'du shes med pa'i snyoms par 'jug pa de dang po bsam pa 'am /'du shes gang gis snyoms par 'jug ce na /de'i phyir 'byung ba'i 'du shes sngon du 'gro ba'i yid la byed pas zhes bya ba smos te/ gang zag so so'i skye bo 'du shes med pa'i ting nge 'dzin la snyoms par 'jug par 'dod pa des dang po snyoms par 'jug pa'i chen 'du shas sun 'byin? te/ 'du shes 'di ni zug rdu yin/ 'du shes 'di ni nang yin/ 'du shes 'di ni shu ba yin/ 'du shes med pa 'di ni zhi ba yin/ gya nom pa yin /'byung ba yin no zhes 'du shes sun phyung nas de'i 'og tu snyoms par 'jug pas na /'byung ba'i 'du shes sngon du 'gro ba'i yid la byed pa zhes bya ba 'am/ 'du shes med pa'i snyoms par 'jug pa 'di ni thar par 'gyur ba'i lam yin la/ de'i 'bras bu 'bras bu che gnam zhes bya ba'i lha rnams kyi nang du 'du shes med pa'i sems can du skyes pa ni thar pa yin gyi mya ngan las 'das pa yin no zhes yid la bya ba sngar byas nas/ 'du shes la sogs ba'i sems dang sems las byung ba'i 'gog par byed pas na/ 'byung ba'i 'du shes sngon du 'gro ba'i yid la byed pa zhes bya'o/ /de la sems dang sems las byung ba la rnam pa gnyis te/ mi brtan pa dang brtan pa'o/ /de la mig gi rnam par shes pa nas yid kyi rnam par shes pa'i bar 'du rnam par shes pa drug ni mi brten ba'i sems dang sems las byung ba zhes
- 153a
bya ste /ci'i phyir zhe na/ rnam par shes pa de dug 'gog pa'i snyoms par 'jug pa dang/ 'du shes med pa'i snyoms par 'jug pa dang/ sems med pa'i brgyal ba dang/ gnyid stug pos nom pal sogs pa sems med pa'i dus de dag na yang rgyun chad de med pa dang /sems dang bcas pa'i dus na yang na ma dge ba la dmigs pa'i tshe na mi dge ba'i sems dang lung du ma bstan pa'i sems mi gnas te med/ nam mi dge ba la dmigs pa'i tshe na dge ba'i sems dang lung du ma bstan pa'i sems mi gnas te med /nam lung du ma bstan pa la dmigs pa de'i tshe na dge ba'i sems dang mi dge pa'i sems mi gnas te med pas na 'jug pa'i rnam par shes pa drug ni mi brtan pa'i sems dang sems las byung ba zhes bya'o/ /kun gzhi rnam par shes pa dang /nyon mongs pa'i yid gnyis ni brtan pa'i sems dang sems las byung ba zhes bya ste /ci'i phyir zhe na/ kun gzhi yang nam dgra bcom pa thob pa'i dus na med du zin gyis 'gog pa'i snyoms par 'jug pa dang /'du shes med pa'i snyoms par 'jug pa dang/ sems med pa'i brgyal ba la sogs pa sems med pa'i dus thams cad na yang yid la /dge ba dang mi dge ba la sogs pa la dmigs pa'i sems dang bcas pa'i dus na yang rtag par yod pas na bstan pa'i sems dang sems las byung ba zhes bya'o/ nyon mongs pa'i yid kyang zag pa med pa'i lam gyi bden pa'i dus dang/ 'gog pa'i snyoms par 'jug pa'i dus dang/ mi slob pa'i dus rnams na med par zad kyi/ de la ma gtogs pa'i dus thams cad du yod pas na brtan pa'i
- 153b
sems dang sems las byung ba zhes bya'o/ /de ltar na don gyi shugs kyi 'di 'dra bar 'gyur te/ zag pa med pa'i lam gyi dus na nyon mongs pa'i yid med ces bshad na zag pa can 'jig rten pa rnams kyi lam gyi dus na nyon mongs pa'i yid yod do zhes bstan pa yin no/ /'gog pa'i snyoms par 'jug pa'i dus na nyon mongs pa'i yid med cas bshad na 'du shes med pa'i snyoms par 'jug pa dang 'du shes med pa'i tsho nyon mongs pa'i yid yod do zhes bstan pa yin no/ /mi slob pa'i dus na nyon mongs pa'i yid med ces bshad na sleb pa'i dus na yod de zhes bstan pa yin no/ /de ltar sems dang sems las byung ba gnas pa dang mi gnas pa rnam pa gnyis yod pa la 'du shes med pa'i snyoms par 'jug pa'i tshen semS dang sems las byung ba gang 'gags she na /de'i phyir /sems dang sems las byung ba'i chos mi bstan pa rnams gang 'gog pa'o zhes bya ba smos te/ so so'i skye bo rnal pa des dang po 'du shes ni zug rdu /'du shes ni nad ces 'du shes sun phyung nas /'du shes sun 'byin pa'i bsam pa nges sems de ma thag tu gnyid la sogs pa 'byung ba dang mi mthun zhing 'gal bar gyur pa'i lus skyed do/ /de nas sems gzhan 'byung ba dang mi mthun pa'i lus des mig gi rnam par shes pa nas/ yid kyi rnam par shes pa'i bar du rnam par shes pa'i tshogs drug sems las byung ba'i 'khor dang bcas par 'byung ba'i bgegs byas nas ril gyis mi 'byung bar bkag pa na sems dang sems las byung ba'i chos mi gnaS pa rnams gang 'gog ba zhes bya'o/ /de ltar na lus kyi rnam par shes pa drug gi tshogs sems las byung ba dang bcas te rgyu ba bkag pas na 'du shes med pa'i snyoms par 'jug pa zhes bya ba yang gzugs kyi dus kyi khyad par la
- 154a
gdags kyi rdzas su med do/ /'gog pa'i snyoms par 'jug pa'i rang bzhin bstan pa'i phyir /'gog pa'i snyoms par 'jug pa gang zhe na zhes dris te /'gog pa'i snyoms par 'jug pa'i rang bzhin dang mtshan nyid gang zhe na zhes dris pa'i don to/ /de'i lan du/ cung zad med pa'i skye mched kyi 'dod chags dang bral ba srid pa'i rtse mo las gyen du bskyod pa zhes bya ba smos te/ gzugs med pa na skye mched bzhi la nam mkha' mdza' yas skye mched dang /rnam shes mdza' yas skye mched dang/ /cung zad med pa'i skye mched dang/ cung zad med cung zad med min skye mched las 'phags pa 'gog pa'i snyoms par 'jug pa des cung zad med pa'i skye mched man chad kyi nyon mongs pa dang 'dod chags kun spangs pa na cung zad med pa'i skye mched kyi 'dod chags dang bral ba zhes bya'o/ 'phags bcud zad med pa'i 'dod chags dang bral ba des des srid pa'i rtse mo cung zad med cung zad med min skye mched kyi n yon mongs pa spang ba'i phyir chas shing nyon mongs pa spang pa'i phyir brtsan pa nas srid pa'i rtse mo las gyen du bskyod pa zhes bya'o/ /de la so so'i skye bo 'jig rten pa'i lam la snyoms par 'jug pa rnams srid pa'i rtse mo'i 'dod chags dang ma bral yang cung zad med pa'i skye mched kyi 'dod chags dang bral ba yod pas srid pa'i rtse mo las gyen du bskyod pa zhes bya ba smos te/ so so skye po 'jig rten pa'i lam la snyoms par zhugs pa rnams ni cung zad med pa'i skye mched kyi 'dod chags dang bral yang srid pa'i rtse mo'i nyon mongs pa mthod pas spangs pa dang /sgom pas spang ba cung zad kyang ma spangs pas srid pa'i rtse mo las gyen du bskyed ces bya ba'i
- 154b
tshig gis so so skye po rnams kyis ni 'gog pa'i snyoms par 'jug pa mi nus so zhes bshad pa yin no/ /kha cig srid pa'i rtse mo mthong bas spang bas bya ba'i 'dod chags dang bral ba yin kyang cung zad med pa'i skye mched bsgom pas spang bar bya pa'i nyon mongs pa ma spangs te/ de'ang gang zhe na rgyun tu zhugs pa'i 'bras bu la gnas pa dang/ lan cig phyir 'ong ba'i 'bras bu la gnas pa'i 'phags pa de dag ste /de dag gis srid pa'i rtse mo'i mthong bas spang bar bya ba'i nyon mongs pa spangs pas srid pa'i rtse mo las gyen du skyod kyang bsgom pas spang par bya ba'i nyon mongs pa 'dod pa'i khams kyi dang yang ma bral bas cung zad med pa'i skye mched kyi bsgom pas spang bar bya ba yang ma spangs te/ de'i phyir cung zad med pa'i skye mched kyi 'dod chags dang bral zhes smras te /don du na 'phags pa phyir mi 'ong ba'i 'bras bu rnyed pa dang/ dgra bcom pa nyid kyis 'gog pa'i snyoms par 'jug nus kyi 'phags pa'i rgyun tu zhugs pa'i 'bras bu la gnas pa dang /lan cig phyir 'ong ba'i 'bras bu la gnas pa dang/ so so skye bos ni 'gog pa'i snyoms par 'jug mi nus so zhes bstan pa yin no/ /so so'i skye bo ni 'du shes med pa'i snyoms par 'jug pa rnams 'byung ba'i 'du shes sngon du byas nas 'du shes med pa la snyoms par 'jug pa na/ 'phags pa 'gog pa'i snyoms par 'jug pa de dag bsams pa 'am 'du shes ci 'dra ba zhig dang por byas nas 'gog pa'i snyoms par 'jug ce na/ de'i phyir /gnas pa'i 'du shes sngon du 'gro ba'i yid la byed bas zhes bya ba smos te/ 'phags pa'i 'gog pa'i snyoms par 'jug pa de dag 'du shes med pa'i snyoms par 'jug pa bzhin du 'gog pa'i snyoms par 'jug pa de la 'byung ba'i 'du shes sngon du
- 155a
yid la byas nas snyoms par 'jug pa ma yin gyis?/ gnas pa'i 'du shes sngon du yid la byas nas snyoms par 'jug pa ste /de dag 'gog pa la ci'i phyir 'byung ba'i 'du shes su sngon du yid la mi byed ce na/ 'gog pa'i snyoms par 'jug pa da ni srid pa'i rtse mo'i sar gtogs pa yin la srid pa ni khams gsum par gtogs pa yin pas khams gsum pa la 'phags pa rnams 'byung ba dang /mthar 'byin pa'i 'du shes mi skye ba'i phyir ro// 'o na 'gog pa de la ci 'dra ba'i 'du shes skye zhe na /'di ltar 'phags pa phyir mi 'ong ba dang/ dgra bcom pa de dag tshor ba dang/ 'du shes kyis skyo nas da 'pho sn yoms par 'jug pa'i tshe tshor ba dang 'du shes ni nad do skran no/ / zug rdu ste /tshor ba dang 'du shes med pa'i 'gog pa 'di ni mya ngan las 'das pa'i dngos po ma yin yang mya ngan las 'das pa dang 'dra bar bde ba yin te/ bde ba 'di la thang cig gcig nas bar bya'o snyam pa'i snyoms par 'jug pa'i 'du shes sngar btang nas /de nas srid pa'i rtse mo'i sems phra mo skyed do/ /de nas de'i 'og tu de bas kyang phra bar byas so/ /de nas de bas kyang sems shin tu phra ba bskyed nas sems thams cad 'gag pa'i mtshan nyid 'gog pa'i snyoms par 'jug pa mngon sum du byed pas gnas pa'i 'du shes sngon du yid la byed pas zhes bya'o/ /sems dang sems las byung ba la rnam pa gnyis te/ brtan pa dang /mi brtan pa las snyoms par 'jug pa'i tshe na gang 'gags she na /de'i phyir/ sems dang sems las byung ba mi brtan pa rnams dang zhes bya ba smos te/ sems dang sems las byung ba mi brtan pa ni /mig gi rnam par shes pa nas yid kyi rnam par shes pa'i bar du
- 155b
sems las byung ba'i 'khor dang bcas pa drug la bya ste/ gal te rnal 'byor pa 'phags pa phyir mi 'ong ba 'am dgra bcom pa de 'dod pa dang/ gzugs dang gzugs med pa'i khams la brten nas 'gog pa la smes par 'jug na 'jug pa'i rnam par shes pa drug dang bzhi dang gcig rnams rim bzhin du 'gog par byed do/ /de la phyir mi 'ong ba'i 'bras bu thob pa'am dgra bcom pa de 'dod pa'i khams kyi gnas sam lus la brten te 'gog pa la snyoms par 'jug na ni mig nas yid kyi bar du 'jug pa'i rnam par shes pa drug 'gag go /rnal 'byor pa phyir mi 'ong ba 'am dgra bcom pa de gzugs kyi khams kyi gnas sam lus la brten te 'gog pa la snyoms par 'jug na ni mig dang rna ba dang lus dang yid de /'jug pa'i rnam par shes pa bzhi 'gag ste/ de na zas kham gyi za ba'i 'dod chags dang bral bas sna dang lce'i rnam par shes pa gnyis med pa'i phyir ro/ /gal te rnal 'byor pa de dag gzugs med pa'i khams la brten nas 'gog pa la snyoms par 'jug na ni /'jug pa'i rnam par shes pa gcig 'gag ste /yid kyi rnam par shes pa 'gag pas na/ sems dang sems las byung ba mi gnas pa rnams gang 'gag pa zhes bya'o/ /de la 'gog pa'i snyoms par 'jug pa'i tshe sems dang sems las byung ba mi brtan pa 'ba' zhig 'ba' zhig 'gag gi brtan pa mi 'gag gam snyam pa la /brten pa yang 'gag par bstan pa'i phyir/ brtan pa rnams las kyang kha cig gang 'gog pa'o zhes bya ba smos te /sems dang sems las byung ba gnas pa la rnam pa gnyis te /kun gzhi rnam par shes pa dang/ nyon mongs pa'i yid gnyis las brtan pa gcig 'khor dang
- 156a
bcas te 'gags so zhes bya ba'i don to/ /'dir sems bstan pa gnyis las 'gog pa'i tshe 'di kho na 'gags so zhes dmigs kyi ma phyer zin kyang nyon mongs pa'i yid de'i tshe na 'gags par rig par bya'o/ /de ltar na rnal 'byor ba de 'dod pa'i khams la gnas shing snyoms par zhugs na ni 'jug pa'i rnam par shes pa gong ma drug gi steng du nyon mongs ba'i yid kyis bstan te bdun 'gag go /gzugs kyi khams su snyoms par zhugs pa na ni gong ma bzhi'i steng du nyon mongs pa'i yid kyis bsnan nas lnga 'gag go /gzugs med pa'i khams su snyoms par zhugs na ni yid kyi rnam par shes pa'i steng du nyon mongs pa'i yid kyis bsnan nas gnyis 'gag go /de le 'gog pa 'di yang sems kyi dus kyi khyad par la gdags par zad do/ /ji lta zhe na /dang po snyoms par 'jug pa'i tshe 'du shes dang tshor ba gnyis sun phyung nas sems je phra je phrar btang ba dang/ sems des kun gzhi rnam par shes pa la 'jug pa'i rnam par shes pa drug dang/ nyon mongs pa'i yid kyi sa bon yod pa mthu nyams par bya'o/ /sa bon mthu nyams par byas pas kun gzhi las 'jug pa'i rnam par shes pa'i drug dang nyon mongs pa'i yid 'byung bar mi 'gyur te/ de ltar na kun gzhi'i sa bon nyams pa la 'gog pa'i snyoms par 'jug pa zhes bya bar zad pas na de sems kyi dus la gdags par zad kyi rdzas su yod pa ni ma yin no/ /'du shes med pa'i snyoms par 'jug pa dang/ 'gog pa'i snyoms par 'jug pa gnyis la khyad par ci zhig gis dbye zhe na /khyad par lngas phye ste /lnga ni gang zag dang/ sa dang/ yid la byed pa dang/ rang bzhin dang/ gdags pa'o/ /de la 'du shes med pa'i snyoms par 'jug pa ni so so'i skye bo 'jug pa 'gog
- 156b
ba'i snyoms par 'jug pa ni 'phags pa 'jug pas na de ltar gang zag gi khyad zhugs so/ /'du shes med pa'i snyoms par 'jug pa ni dge rgyas kyi 'dod chags dang bral zhing gong ma'i 'dod chags dang bral ba ma yin la/ de las 'chi 'phos nas kyang 'bras bu che gnam gyi lha rnams kyi nang du skye la/ 'gog pa'i snyoms par 'jug pa ni cung zad med pa'i skye mched kyi 'dod chags dang bral zhing srid pa'i rtse mo'i nyon mongs pa spang par bya ba'i phyir brtson las yang srid pa'i rtse mo nyid du gnas par gtogs pas sas khyad zhugs so/ /'du shes med pa'i snyoms par 'jug pa ni dang po 'byung ba'i 'du shes sngon du 'gro ba'i yid la byed pas snyoms par 'jug la /'gog pa'i snyoms bar 'jug pa ni gnas pa'i 'du shes sngon du 'gro ba'i yid la byed pas snyoms bar 'jug pas yid la byed pas khyad zhugs so/ /'du shes med pa'i snyoms par 'jug pa tshe na ni mig nas yid kyi bar du rnam par shes pa drug 'khor dang bcas par 'gog pa'i rang bzhin yid la/ 'gog pa'i snyoms par 'jug pa ni rnam par shes pa drug gi steng du nyon mongs pa'i yid kyi bsnan te rnam par shes pa bdun 'khor dang bcas te 'gog pa'i rang bzhin yin pas rang bzhin khyad zhugs so/ /'du shes med pa'i snyoms par 'jug pa ni gzugs kyi dus kyi khyad par la bdags la /'gog pa'i snyoms par 'jug pa ni sems kyi khyad par la gdags pas gdags pa khyad zhugs so/ /'du shes med pa'i rang bzhin bstan pa'i phyir ro/ /'du shes med pa gang zhe na zhes dris te/ 'du shes med pa'i rang bzhin dang mtshan nyid gang zhe na zhes dris pa'i don to/ /de'i lan du/ 'du shes med pa'i snyoms par 'jug pa'i 'bras bu te zhes bya ba smos te /gang zag 'dod pa'i khams su 'du shes med pa'i ting nge 'dzin la snyoms par zhugs nas tshe 'phos pa dang las
- 157a
des 'phangs nas 'du shes med pa'i rnam par smin pa 'thob par 'gyur bas 'du shes med pa ni 'du shes med pa'i snyoms par 'jug pa'i 'bras bu zhes bya'o/ /'bras bu de yang dngos su gang yin zhe na /de'i phyir/ 'du shes med pa'i sems can lha rnams kyi nang du skyes pa zhes bya ba smos te/ bsam gtan bzhi pa la gnas brgyad yod pa la sprin med dang/ bsod nams 'phel dang/ 'bras bu che gsum ni/ so so skye bo'i sa yin la /mi che dang/ mi gdung dang gya nom snang dang/ shin tu mthong dang /'og min dang/ lnga ni 'phags pa'i sa yin pa las bsam gtan bzhi pa so so skye bo'i gnas gsum pa'i mdza' ma 'bras bu cha gnam zhes bya ba lha rnams gnas pa'i phyogs gcig na 'du shes med pa'i lha rnams gnas te /lha de'i nang du skyes pa ni 'du shes med pa'i snyoms par zhugs ba'i rnam par smin pa'i 'bras bu yin no/ /de'i tshe sems dang sems las byung ba 'gag na sems dang sems las byung ba brtan pa dang mi brtan pa gnyis las gang 'gog ce na /de'i phyir/ sems dang sems las byung ba'i chos mi gnas pa rnams gang 'gog pa'o zhes bya ba smos te/ 'du shes med pa'i lha'i nang du skyes pa'i de dag dang po skyes pa'i tshe 'du shes zhig byung nas /de nas mi brtan ba'i sems dang sems las byung ba rnams rang gi lus la mi brtan pa'i sems dang sems las byung ba rang gi tshigs phyi ma skye ba dang 'dra ba'i mi brtan pa'i sems dang sems las byung ba'i sa bon yod pa 'jom pa na dang por sems phra ba skye'o/ /de'i 'og tu sems de bas kyang phra ba skye'o/ /de'i 'og tu sems shin tu phra ba skyes nas sems shin tu phra bar gyur ? dang sems tha ma des sems gzhan skye bar mtshams
- 157b
sbyor bar mi nus te/ ci'i phyir zhe na /rang gi lus la sems dang sems las byung ba'i sa bon yod pa mthu nyams par byas pas na sems tha ma nges bdag dang 'dra ba'i sems gzhan bskyed par mi nus te /rnam par shes pa drug rnams 'phags par gyur pas ni ma brtan pa'i sems dang sems las byung ba gang 'gag pa zhes bya'o/ /de bas na 'du shes med pa zhes bya ba yang gzugs kyi dus kyi khyad par la gdags te /de'i phyir/ de btags par yod par zad kyi rdzas su med do/ /ci ltar gzugs kyi dus kyi khyad par la gdags she na /lus la rnam pa gnyis te /sems dang bcas pa'i lus dang sems med pa'i lus so/ /de ltar lus rnam pa gnyis las 'du shes med pa ni sems dang sems las byung pa'i sa bon nyams pa'i lus kyi dus la gdags pas na/ /gzugs kyi dus kyi khyad par la gdags pa zhes bya'o/ /'du shes med pa ni sa dang yid la byed pa gnyis gzhag te /gang zag dang rang bzhin dang btags pa gsum gyis bstan to/ /sa dang yid pa byed pa ci'i phyir gzhag ce na/ 'du shes med pa'i snyoms par 'jug pa bzhin du 'du shes med pa la dge rgyas kyi 'dod chags dang bral la gong ma'i ma yin pa zhes bya ba med pas sa gzhag go/ 'du shes med pa'i snyoms par 'jug pa bzhin du 'du shes pa la 'byung ba'i 'du shes sngon du 'gro ba'i yid la byed pa zhes bya ba med pas yid la byed ba gzhag go /phyi ma gsum gyis bshad pa ni 'du shes med par so so skye bo'i gang zag gi snyoms par 'jug pas gang zag gis bshad pa dang/ 'jug pa'i rnam par shes pa drug 'gags pa'i rang bzhin yin pas rang bzhin gyis bshad pa dang/ gzugs kyi dus kyi khyad par la gdags pas btags bas
- 158a
bshad do/ /srog gi dbang po'i rang bzhin bstan ba'i phyir srog gi dbang po gang zhe na zhes dris te/ srog gi dbang po'i rang bzhin dang mtshan nyid gang zhe na zhes dris pa'i don to/ /de la srog ces kyang bya 'tsho ba zhes kyang bya ste /ji srid ma shi bar gnas kyi bar du 'tsho bar byed pas na srog ces bya la /de nyid sems can ris 'dra ba rnams su gnas pa la dbang byed pas na dbang po zhes bya'o/ /de'i lan du/ ris 'dra ba rnams su sngon gyi las kyis 'phangs pas gang 'du shes rnams kyi gnas pa'i dus nges pa'o zhes bya ba smos te /ris zhes bya ba ni mi dang lha la sogs pa'i sems can gyi tshogs mang po la bya'o/ /ris mtshungs par gyur pa la ris 'dra ba zhes bya ste /ji ltar mtshungs she na /lha dang mi dang lha ma yin dang byol song la sogs pa 'gro ba tha dad pa dang/ las dge bas dang /mi dge pa tha dad pa'i rgyus kha cig sngon gyi las kyis 'phangs nas rgyal po byed pa dang/ kha cig sngon gyi 'phangs nas sbrang po byed pa la sogs pa sems can so so skyes pa de kun kyang tshe re re yod pa las so so'i phung po lnga rgyun 'dra ba la ris 'dra ba zhes bya ste /ris 'dra ba rnams su zhes bya ba ni sems can phung po 'dra ba 'dzin pa rnams kyi nang gnas su skyes zhes bya ba'i don to/ /de'ang cis skyes she na /tshe rabs snga ma'i las dang dge ba dang /mi dge ba dang/ mi g.yo ba'i las kyis bskyed pa na las kyis 'phangs pa zhes bya'o/ /de la mi dge ba'i las kyis ni ngan song gsum du skye bar byed do/ /dge ba'i las kyis ni mi dang 'dod pa'i khams kyis lha drug gi nang du skye bar byed do/ /mi g.yo ba'i las kyis ni gzugs dang gzugs med pa'i khams su skye bar byed do/ /'du byed
- 158b
rnams kyi zhes bya ba ni phung po lnga rnams kyi zhes bya ba'i don to/ /gnas pa zhes bya ba ni dang po skye ba'i skad cig ma nas brtsams te shi ba'i bar du phung po lnga'i rgyun rgyun ma chad pa la gnas pa zhes bya'o/ /dus nges pa zhes bya ba ni ris mthun pa rnams su sngon gyi las dge ba dang mi dge pa'i rgyus lo brgya zhig gnas par 'gyur ba 'am lo stong zhig gnas par 'gyur ba la sogs pa tshe'i tshad ring thung la dus nges pa zhes bya ste/ kha cig tshe ring bar dus nges kha cig tshe thung bar dus nges pa'o/ /de yang dper na byang gi sgra mi snyan gyi sems can phung po lnga'i rgyun le stong gi bar du gnas par dus chad pa ste /de la srog gi dbang po zhes bya'o/ /de ltar na phung po lnga rnams gnas pa'i dus nges pa la srog gi dbang po zhes bya ba zad pas srog gi dbang po yang gzugs dang sems dang sems las byung ba gsum gyi dus la gdags par zad kyi rdzas su logs shig na yod pa ni ma yin no/ /ris 'dra ba'i rang bzhin bstan pa'i phyir/ ris 'dra ba gang zhe na zhes dris te /ris 'dra ba'i rang bzhin dang mtshan nyid gang zhe na zhes dris pa'i don to/ /de'i lan du/ gang sems can rnams kyi lus 'dra ba'o zhes bya ba smos te/ lha dang mi dang byol song dang yi dags dang/ sems can dmyal ba ste /'gro ba lngar skyes pa la sems can zhes bya'o/ /sems can de dag dngos po gang la bdag gam bdag gir 'dzin pa'i dngos po de la lus zhes bya ste /'dod pa dang/ gzugs kyi khams na ni phung po lnga la bdag tu 'dzin/ gzugs med pa'i khams na ni phung po bzhi la bdag tu 'dzin pas don du na phung po lnga la lus zhes bya'o/ /so so'i phung po lnga cher? mthun pa la lus 'dra ba zhes bya ste/ mi yang mi rnams dang phung po lnga 'dra/ lha yang lha rnams dang phung po
- 159a
lnga 'dra/ byol song yang byol song rnams dang phung po lnga mthun pa la ris 'dra pa zhes bya'o/ /de la dbye na phung po lnga mthun pa 'ba' zhig la ris 'dra ba zhes gdags par ma zad kyi rgyal po so so'i cha lugs dang spyod pa mthun pa la yang ris 'dra ba zhes bya ba dang/ skyes pa yang skyes par cha lugs mthun/ bud med kyang bud med dang cha lugs mthun ma ning yang ma ning dang cha lugs mthun/ dge slong pha yang dge slong phar cha lugs mthun/ dge slong ma yang dge slong mar cha lugs mthun /dge bsnyen pha yang dge bsnyen par cha lugs mthun/ dge bsnyen ma yang dge snyen mar cha lugs mthun pa dang/ byol song nang dbye na rta yang rtar cha lugs mthun pa la sogs pa la cha lugs mthun pa zhes bya'o/ /de ltar na phung po lnga mthun pa la ris 'dra ba zhes bya bas ris 'dra ba yang gzugs dang/ sems dang/ sems las byung ba'i dus la gdags par zad kyi rdzas su med do/ /skye ba'i rang bzhin bstan pa'i phyir/ skye ba gang zhe na zhes dris te /skye pa'i rang bzhin dang mtshan nyid gang zhe na zhes dris pa'i don to/ /de'i lan du/ ris mthun par gang 'du byed rnams ma byung ba las byung pa'o zhes bya ba smos te /gang zhes bya ba ni sems can gang zhes bya ba'i don to/ /ris mthun par zhes bya ba ni sems can sems can so so'i phung po lnga mthun pa'i nang du tshe rabs snga ma'i las kyi 'phangs nas phung po lnga skyes pa la skye ba zhes bya ba'i don te/ /ris mthun pa smos pas ni 'du byed rnam pa gnyis te/ rtsa shing la sogs pa phyi'i 'du byed dang/ phung po lnga ste nang gi 'du byed las /'dir nang gi 'du byed skyes pa la skye ba zhes bya bar 'dod kyi /phyi'i 'du byed skyes pa rnams 'dir bshad pa'i skye ba'i nang du mi bsdu'o/ /de la nyan thos rnam par smra ba pa rnams ni phung
- 159b
po lnga skyas te 'gags pa dang/ ma skyes te ma 'ongs pa dang/ ma zhig te da ltar gnas pa ma gtogs par skye ba zhes bya ba'i rdzas shig logs shig na yod par rtog ste/ lta ba de bsal par bya ba'i phyir/ 'du byed rnams ma byung ba las byung ba'o zhes bya ba smos te/ 'du byed rnams zhes bya ba ni phung po lnga la bya'o/ /ris mthun pa rnams su phung po lnga sngon ma skyes pa las phyis skyes pa la skye ba zhes gdags par zad kyi/ de la ma gtogs pa'i skye ba'i rdzas logs shig na yod pa ma yin no zhes bya ba'i don to/ /rga ba'i rang bzhin bstan pa'i phyir/ rga ba gang zhe na zhes dris te /rga ba'i rang bzhin dang mtshan nyid gang zhe na zhes dris pa'i don to/ /de'i lan du/ de ltar de dag gi rgyun gzhan du gyur pa'o zhes bya ba smos te/ de ltar zhes bya ba ni gong du bshad pa ltar te /ris mthun pa rnams su phung po lnga skyes pa'o/ /de dag gi zhes bya ba ni phung po lnga rnams dag gi'o/ /rgyun ces bya ba la dang po ma'i mngal du rnam par shes pa mtshams sbyar te/ brgyal ba nas brtsams te /mer mer po dang/ nur nur po dang/ ltar ltar po dang/ ska ba dang/ yan lag dod pa dang /byis pa dang/ gzhon nu dang/ dar la bab pa dang/ rgas pa la sogs pa rim gyi 'byung ba las /tha mar 'chi ba'i srid pa phung po la thug gi bar du skad cig mar gnas pa la skad cig ma snga ma snga ma ni rgyu skad cig ma phyi ma phyi ma ni 'bras bur gyur pa'i skad cig ma rnams rgyun ma chad pa la rgyun ces bya ba 'am /mer mer po la sogs pa snga ma ni rgyu yin la ltar ltar po la sogs pa phyi ma phyi ma'i 'bras bu yin pa'i rgyu dang 'bras bur gnas pa rgyun ma chad pa la rgyun ces bya'o/ /snga ma'i ngo bo las phyi ma'i ngo bo mi 'dra bar skyes pa la gzhan du 'gyur ba zhes bya ste /mer mer po'i dus las nur nur
- 160a
po'i tshe gzhan du gyur pa dang/ byis pa'i dus las gzhon nu'i dus gzhan du gyur pa nas /dar la bab pa'i dus las rga ba'i dus gzhan du gyur pa la rga ba zhes bya'o zhes bya ba'i don to/ /ji ltar mer mer bo las nur nur po dus gzhan du gyur pa la rga ba zhes gdags pa de bzhin du mer mer po la yang skad cig ma mang po yod pa las skad cig ma snga ma dang mi 'dra ba'i skad cig ma phyi ma gzhan skyes pa la gzhan du gyur pa zhes bya ste/ de la yang rga? ba zhes bya'o/ /de ltar na phung po lnga'i rgyun gzhan du gyur pa la rga ba zhes gdags pas rga ba 'di yang gzugs dang sems dang sems las byung ba'i dus la gdags pa tsam du zad kyi logs shig na rdzas su yod pa ni ma yin no zhes bstan pa yin no/ /de lta bas na rgyun gzhan du gyur pa la rga ba zhes gdags pas nyan thos rnam par smra ba pa rnams skad cig ma gcig la skye ba dang/ gnas pa dang/ rga dang/ 'chi ba kun yod la /de dag kyang phung po lnga las ma gtogs bar logs shig na rdzas su yod do/ /skye ba'i rdzas logs shig na yod pas ni dngos po skyed par byed/ gnas pa'i rdzas logs shig na yod pas ni dngos po gnas par byed rga ba'i rdzas logs shig na yod pas ni dngos po rga bar byed /'chi ba'i rdzas logs shig na yod pas ni dngos po zhigS par byed de zhes rtog pa sel te yod pas ni dngos po zhigS par byed de zhes rtog pa sel te kyi skad cig ma gcig la yang rga ba zhes mi bya la rga ba zhes bya ba'i rdzas logs shig na yang yod pa ma yin zhes bya ba'i don to/ /yang na ris mthun pa rnams su phung po lnga skyes nas skad cig ma'i rgyun tu gnas pa las skra dkar dang /skur pa dang /gnyer ma can dang
- 160b
'khar ba la brten pa'i mtshan nyid du gzhan du gyur pa la rga ba zhes bya'o/ /gnas pa'i rang bzhin bstan pa'i phyir/ gnas pa gang zhe na zhes dris te /gnas pa'i rang bzhin dang mtshan nyid gang zhe na zhes dris pa'i don to/ /de'i lan du/ de ltar de dag gi rgyun rjes su 'brang ba'o zhes bya ba smos te/ de ltar zhes bya ba ni gong du bshad pa ltar te /ris mthun pa rnams su phung po lnga skyes pa'o/ /de dag gis zhes bya ba ni/ phung po lnga rnams kyi'o/ /rgyun ces bya ba ni dang po ma'i mngal du rnam par shes pa mtshams sbyar ba nas brtsams te/ nam ma shi'i bar du phung po lnga skad cig ma'i mtshan nyid du gnas pa la rgyun tes? bya'o/ /de ltar na skad cig ma'i mtshan nyid de dag skad cig ma snga ma'i rjes su phyi ma 'brang ste/ rjes su 'brang ba rgyun ma chad pa la gnas pa zhes bya'o/ /de ltar na phung po lnga rgyun ma chad pa la gnas pa zhes bya bas gnas pa zhes bya ba yang gzugs dang /semms dang sems las byung ba'i dus su gdags par zad kyi/ nyan thos rnam par smra ba pa rnams kyis skad cig ma gcig la yang gnas pa yod la gnas pa zhes bya ba'i rdzas de yang phung po la ma gtogs par legs shing na yod do/ /zhes brtags ba lta bur ni yod pa ma yin no zhes bstan pa yin no/ /mi rtag pa'i rang bzhin bstan pa'i phyir/ mi rtag pa gang zhe na zhes dris te /mi rtag pa'i rang bzhin dang mtshan nyid gang zhen zhes dris pa'i don to/ /de'i lan du /de ltar de dag gi rgyun 'jig pa'o zhes bya ba smos te/ de ltar zhes bya ba ni gong du bshad pa ltar te /ris mthun pa rnams kyi nang du phung po lnga skyes pa'o/ /de dag gi zhes bya ba ni phung po lnga dag gi'o/ /rgyun ces bya ba ni phung po lnga po skyes pa nas
- 161a
brtsams te /ma shi bar du skad cig ma'i mtshan nyid breng ma chad ba la rgyun ces bya'o/ /'jig ba ni ris mthun pa'i phung po lnga'i skad cig ma'i rgyun chad nas skad cig ma snga ma'i rjes su phyi ma mi 'dra ba byung ste /ris mi mthun pa'i skad cig ma'i gzhan skyes pa la 'jig pa zhes bya ste /de nyid la mi rtag pa zhes gdags so/ /don du na mi la sogs pa ris mthun par skyes pa'i phung po rgyun chad de shi nas byol song la sogs pa'i phung po ris mi mthun pa'i phung po gzhan blangs pa la mi rtag ba zhes bya'o/ /de ltar ris mthun pa'i phung po lnga rgyun chad pa la mi rtag pa zhes bya ba las mi rtag pa zhes bya ba yang gzugs dang /sems dang /sems las byung ba'i dus la gdags par zad de /de lta bas na nyan thos kyis btags ba ltar skad cig ma gcig la mi rtag par brtags pa lta bur yang mi rtag pa ma yin pa ris mthun pa'i phung po lnga'i rgyun 'jig pa la ma gtogs par mi rtag pa'i rdzas logs zhig na yod pa yang ma yin no zhes bstan pa yin no/ /smras pa phyi'i 'du byed rtsa shing la sogs pa dang /nang gi 'du byed phung po lnga ste gnyi ga la yang skye ba dang /rga ba dang /gnas ba dang/ mi rtag pa yod par 'dra bar smra ba las nang gi 'du byed 'ba' shig la skye ba dang /rga ba dang /gnas pa dang /mi rtag pa yod par bshad de /phyi'i 'du byed rnams la ci'i phyir skye ba dang /rga ba dang gnas pa dang /mi rtag pa yod par mi bshad /smras pa /bcom ldan 'das kyis 'du byed rnams kyi mtshan nyid skye ba dang /rga ba dang /gnas pa dang /mi rtag par gsungs pa gang yin pa de ni sems
- 161b
can gyi grangs su gtogs pa nang gi 'du byed kyi dbang du bya ba te gsungs kyi rtsa shing la sogs pa'i phyi'i 'du byed kyi dbang du byas te ma gsungs pas/ slob dpon gyis kyang skye ba dang /rga ba la sogs pa nang gi 'du byed la yod par bshad kyi phyi'i 'du byed la yod par ma bshad do/ /smras pa / phyi nang gi 'du byed gnyi ga la yang skye ba dang /rga ba la sogs pa yod par 'dra ba las bcom ldan 'das kyis nang gi 'du byed 'ba' zhig la skye ba dang rga ba yod bar gsungs te/ phyi'i 'du byed rnams la ci'i phyir skye ba dang rga ba yod par ma gsungs /smras ba /'jig rten ba dang mthun par bya ba'i phyir te /'di ltar 'jig rten na ni phyi'i 'du byed rnams kyi skye ba dang rga ba las 'byung ba dang 'jig bar zhes ma grags la/ nang gi 'du byed rnams la skye ba dang 'jig pa la ni skye ba dang /rga ba dang /gnas pa dang /mi rtag bar grags pas 'jig rten du grags ba dang mthun bar bya ba'i phyir bcom ldan 'das kyis kyang phyi'i 'du byed rnams kyi skye ba dang /rga ba las 'byung ba dang /'jig par ma gsungs /nang gi 'du byed rnams kyi skye ba dang /'jig pa la ni skye ba dang /gnas pa dang /rga ba dang /mi rtag par gsungs so/ /ming gi tshogs kyi rang bzhin de la ming zhes bya ba'i don bstan pa'i phyir /ming gi tshogs gang zhe na zhes dris te /ming gi tshogs kyi rang bzhin dang mtshan nyid gang zhe na zhes dris pa'i don to/ /de la ming ni bum pa dang /snam bu dang /gzugs dang /sgra zhes bya ba la sogs pa'o/ /de la ming zhes bya ba'i don ci zhe na/ don la rnam par shes pa gzhol zhing 'jug par byed pa 'am rnam par shes pa'i don rtog bar byed ba'i brjod par bya ba dang /rjod par byed pa la ming zhes bya'o/ /de la rjod par byed pa ni me dang bum ba la sogs pa'i dngos po'o/ /brjod pa ni me zhes
- 162a
bya ba'i sgra dang /bum ba zhes bya ba'i sgra la bya ste /me dang bum pa zhes bya ba'i sgra de brjod pas rnam par shes bas me dang bum pa'i don de rtogs shing shes par 'gyur bas na me dang bum pa zhes bya ba'i sgra la ming zhes gdags so/ /don du me dang bum pa la sogs pa'i don brda phrad par byed pa'i yi ge a dang ka la sogs pa mang po tshogs pa la ming zhes bya ba'i don to/ /tshogs zhes bya ba ni ming yang yi ge a dang ka la sogs ba mang po 'dus pa las gyur pas na tshogs zhes bya ba 'am /yang na lhas byin zhe 'am mchod sbyin zhe 'am gzugs zhes sam sgra zhes bya ba la sogs pa'i ming nyid grangs kyis mang ba'i phyir tshogs zhes bya'o/ /de'i lan du chos rnams kyi ngo bo nyid kyi tshig bla dags so zhes bya ba la sogs pa smos te /de la snam bu dang /bum pa dang /gzugs dang /sgra la sogs pa dang /yang sa dang /chu dang /me dang/ rlung la sogs pa la tshogs rnams zhes bya'o/ /chos de dag gi ngo bo nyid ni chos de dag gi so so'i mtshan nyid la bya ste /dper na sa'i mtshan nyid ni sra ba dang /chu'i mtshan nyid ni gsher ba dang /me'i mtshan nyid tsha ba lta bu'o/ /de la chos rnams kyi rang bzhin ni tshig gis bstan cing brjod par mi nus ba yin te/ gal te chos rnams kyi mtshan nyid tshig gi brjod par nus na ni mi 'gyur bas ni me zhes brjod pa tsam gyis lce tshig par 'gyur la /chu zhes brjod pas skom ngoms par 'gyur ba'i rigs nas /mi zhes brjod pa cam gyis kyang lce tshig par mi 'gyur la /chu zhes brjod pa cam gyis kyang skom ngoms par mi 'gyur bas chos rnams kyi ming sa dang chu la sogs par bla dags su btags pa yin pas na chos rnams kyi ngo bo nyid kyi tshig bla dags zhes bya'o/ /de ltar
- 162b
chos rnams kyi mtshan nyid brjod du med kyang 'di ni sa 'di'i chu zhes brjod pa'i tshig de la ming zhes bya'o/ /de bas na ming gi tshogs 'di yang gzugs dang sems dang sems las byung ba'i dus la gdags pas btags par yod kyi rdzas su med do/ /tshig gi tshogs kyi rang bzhin bstan pa'i phyir tshig gi tshogs gang zhe na zhes dris te /tshig gi tshogs kyi rang bzhin dang mtshan nyid gang zhe na zhes dris pa'i don to/ /de'i lan du chos rnams kyi khyad par gyi tshig bla dags so zhes bya ba smos te /chos ni bum pa dang /snam bu dang /gzugs dang /sgra la sogs pa'o/ /chos rnams kyi khyad bar ni chos de dag gi bye brag ste /mi rtag pa dang /sdug bsngal la sogs pa'i mtshan 'di do/ /tshig ces bya ba'i don kyang tshig ces bya ba 'dis don dang bcas pa'i khyad par khong du chud par byed cing ston par byed pas na tshig ces bya ba 'am /khyad par can gyis don ston cing khong du chung bar byed bas na tshig ces bya'o/ /de ltar tshig gi don gyi khyad par ston par byed pas na /ming dang 'jig rten gyi tshig las gtsug lag tu byas pa'i tshig bye brag yod bar ston to/ /ci ltar zhe na /ming gis ni chos rnams kyi ngo bo nyid ston la /tshig gis ni chos rnams kyi khyad par nyid ston te /ming gis me zhes brjod pa tsam du bstan pa las tshig gi me tsha ba zhes brjod na /me tsha ba'i mtshan nyid du khyad par du ston bar byed ba dang /ming gis 'dus byas zhes brjod na tshig gi 'dus byas mi rtag pa zhes brjod pas 'dus byas mi rtag pa'i mtshan nyid du ston par byed pas na ming dang tshig gnyis la bye brag yod do/ /gtsug lag gi tshig ni 'jig rten gyi tshig las kyang bye brag yod par ston te /ji lta zhe na lhas byin 'bras
- 163a
chos shes pa la/ 'jig rten rnams lhas byin zhes bya ba la yang tshig gcig tu /'bras zhes bya ba la yang tshig gcig tu lta tshos zhes bya ba la yang tshig gcig bu lta la/ gtsug lag las ni 'du byed kun mi rtag ces pa la tshig gcig tu 'dzin te /des 'dus byas kun mi rtag pa yin zhes khyad par gyi don ston bar byed pas/ /'jig rten gyi tshig dang yang bye brag yod bar ston to/ /spras pa /lhas byin zhes bya ba'i ming yang la dang ha la sogs pa'i yi ge tshogs pa las gyur pa yin /'dus byas mi rtag ces bya ba'i tshig kyang da dang ba la sogs pa'i ye ge tshogs pas gyur pa yin na /de gnyis la khyad par ci yod /smras ba /ming dang tshig gnyis yi ge 'dus pa yin par khyad par med du zin kyang don gyi khyad par las khyad par du dbye ste /ming gis ni chos rnams kyi rang bzhin dang tsam ston la tshig gis ni chos rnams kyi khyad par ston par byed pa'i phyir ro/ /de bas na chos rnams kyi rang gi mtshan nyid tsam ston pa la ming zhes bya la /chos de rtag pa yin nam mi rtag pa yin pa la sogs pa don gyi khyad par du ston par byed pa la tshig gi tshogs zhes bya'o/ /smras pa /ming dang tshig gi tshogs gnyis las tshig gi tshoD pas ci'i phyir ming gi tshogs sngar bshad /smras pa /chos rnams rtag pa dang mi rtag pa la sogs pa'i tshig gi gnas ni mong? yin te/ bum pa zhes bya ba dang /snam bu zhes bya ba'i ming la brten nas bum pa rtog ba zhe 'am bum pa mi rtag pa zhes bya ba'i tshig 'jug par 'gyur bas na tshig pas ming sngar bshad do/ /chos rnams kyi khyad par zhes bya ba la/ /khyad par gyi don ji lta bu zhe na /bum pa zhes bya ba ni ming yin la /bum pa ni mi rtag pa zhes bya ba
- 163b
ni khyad par yin pa 'am bum pa rtag pa zhes bya ba ni khyad par yin no/ /yang na 'dus byas thams cad mi rtag pa zhes brjod pa dang /ji snyed kyi 'dus byas thams cad ni mi rtag pa yin zhes khong du chung la /de dang mi mthun pa'i 'dus ma byas ni mi rtag pa ma yin te /mi rtag pa la sogs pas rtag pa yin par ston ba'i tshig ni chos rnams kyi khyad par gyi tshig ces bya ste /tshig de'ang gang zhe na 'di lta ste/ 'dus byas thams cad ni mi rtag pa'o/ /chos thams cad ni bdag med pa'o// zhi ba ni mya ngan las 'das pa'o zhes gsungs pa lta bu ste /'dus byas zhes bya ba ni rang bzhin gyi don de ming yin la /'dus byas bsdus nas 'dus byas thams cad mi rtag bar bstan pa ni khyad par kyi don te /tshig ces bya'o/ /chos zhes bya ba ni rang bzhin gyi don te ming yin la /bsdus nas chos thams cad bdag med par bstan pa ni /khyad par gyi don te tshig yin no/ /mi rtag pa la sogs pa'i khyad par gyi don yang tshig gis bstan cing brjod par mi nus pa las 'dus byas mi rtag ces brjod pa 'di bla dags su sgro btags pa yin pas na tshig bla dags zhes bya'o/ /tshig de la yang grangs kyis mang du yod ba'i phyir tshig gi tshogs zhes bya'o/ /de bas na tshig 'di ni gzugs dang /sems dang sems las byung ba'i dus su gdags pas btags par yod kyi rdzas su med par rig par bya'o/ /yi ge'i tshogs kyi rang bzhin bstan pa'i phyir/ yi ge'i tshogs gang zhe na zhes dris te /yi ge'i tshogs kyi rang bzhin dang mtshan nyid gang zhe na zhes dris pa'i don to/ /de'i lan du yi ge'i 'bru rnams te zhes bya ba smos te /yi ge ni a dang ka la sogs pa'o/ /a dang ka nas brtsams te k+Sha'i bar du yi ge 'bru thams cad la yi ge'i tshogs zhes bya'o/ /
- 164a
yi ge'i de la ming rnam pa gsum du grags te 'byed pa dang /brjod pa dang yi ge'o/ /yi ge de la ci'i phyir 'byed pa zhes bya na zhe na /de'i lan du /de gnyi ga 'du byed pa'i phyir ro zhes bya ba smos te /gong du bshad ma thag pa'i lha sbyin zhes bya ba'i ming dang /gong du bshad ma thag pa'i 'dus byas mi rtag ces bya ba'i tshig gnyis ga yi ges gsal bar ston par byed pas na yi ge la 'byed pa zhes bya'o/ /ji ltar na yi ges ming dang tshig gsal bar byed ce na/ nam yi ge rnams 'dus nas bum pa dang /snam bu zhes bya ba la sogs pa'i ngo bo nyid kyi tshig bla dags su gyur pa'i tshe na ni yi ge la ming gi tshogs zhes bya la /nam yi ge rnams 'dus nas 'dus byas mi rtag ces bya ba'i khyad par gyi tshig bla dags su gyur pa'i tshe na ni yi ge de nyid la tshig gi tshogs zhes bya bas na yi ge ni ming dang tshig gi tshogs gsal bar byed pa yin no/ /smras pa /de zhes bya ba'i sgra smos pas chog mod gnyi ga zhes smos pa'i sgra ci dgos zhe na /lan du gal te de zhes bya ba'i sgra 'ba' shig smos kyi gnyi ba'i sgram smos na ni yi ge bshad ma thag pa'i tshig gi tshogs 'ba' zhig gsal bar byed pa lta bur snyoms kyi tshig gi tshogs kyi gong du bshad pa ming gi tshogs la gsal bar byed par mi snyoms par 'gyur ro/ /smras pa de lta na gnyi ga zhes smos pas chog mod de zhes bya ba'i sgra smos ci dgos shen /lan du gal te gnyi ga zhes bya ba'i sgra 'ba' zhig smos la de zhes bya ba'i sgra ma smos na ni gnyi ga zhes bya ba de gong du bshad pa'i ming dang /tshig gnyi ga la bya ba 'am 'on te dam yin pa'i chos gzhan zhig gnyis la bya gang la bya gtol med bar 'gyur te /de bas na gong du bshad pa'i ming dang tshig gnyis gsal
- 164b
bar yi ges 'byed do zhes bstan pa'i phyir de zhes bya ba'i tshig dang /gnyi ga zhes bya ba'i tshig smos so/ /yi ge'i ming gnyis bstan pa'i phyir/ /brjod pa yang de dag yin te zhes bya ba smos te /yi ge de dag la ming du brjod pa zhes kyang bya ba'i don to/ /yi ge la ci'i phyir brjod pa zhes bya zhe na /de'i phyir ming dang tshig de la gnas nas /don yang dag par brjod par byed ba'i phyir ro /zhes bya ba smos te /yi ge'i 'bru la brten nas lhas byin zhes bya ba'i ming byung ste /lhas byin zhes bya ba'i ming gis lhas byin zhes bya ba'i rang bzhin gyi don brjod cing ston par byed pa dang /yi ge 'dus pa la brten nas 'dus byas mi rtag ces bya ba'i tshig 'byung ste /tshig des 'dus byas mi rtag pa'i mtshan nyid du ston pa'i khyad par gyi don brjod cing ston par byed pas na /yi ge la ming du brjod pa zhes kyang bya'o/ /yang na yi ge la brten nas ming dang tshig byung ming dang tshig gis ni don ma nor bar ston par byed pas na yi ge la rjod par byed ba zhes bya'o/ /yi ge ming? gsum pa bstan pa'i phyir /yi ge yang rnam grangs gzhan du mi 'gyur bar byed pa'i phyir zhes bya ba smos te /a la sogs pa'i yig 'bru la yi ge zhes bya ba yang ji ltar med gi tshogs mig ces bya ba dang/ lag pa zhes bya ba dang /rkang pa zhes bya ba la sogs pa la ming gzhan brjod pa'i sgo nas rnam grangs gzhan du 'gyur te /mig ces kyang bya spyan zhes kyang bya la /mig ces kyang bya ba'i don rnam grangs gzhan spyan zhes bya ba zhes bar rung ba ltar/ yi ge a la sogs pa la a zhes brjod pa la ma gtogs bar a'i ming gi rnam grangs gzhan med la a go bar bya ba'i phyir a go bar byed pa'i a'i rnam grangs gzhan med de/ rnam grangs gzhan du mi
- 165a
'gyur bas na yi ge zhes bya'o/ /'di yang gzugs la sogs pa'i dus la gdags pas btags par yod par zad kyi rdzas su med do/ /de ci'i phyir ming dang tshig dang yi ge rnams bshad ce na /ngo bo nyid la tha snyad mkhas par bya ba dang/ khyad par la tha snyad mkhas par bya ba dang /de gnyi ga la tha snyad mkhas par bya ba'i phyir /de gsum bshad de /chos rnams kyi ngo bo nyid la tha snyad mkhas bar bya ba'i phyir ni ming gi tshogs bstan to/ /chos rnams kyi khyad par la tha snyad mkhas par bya ba'i phyir ni tshig gi tshogs bstan to/ /de gnyi ga la tha snyad mkhas par bya ba'i phyir ni yi ge'i tshogs bstan to/ /so so skye bo'i rang bzhin bstan pa'i phyir /so so'i skye bo nyid gang zhe na zhes dris te /so so skye po'i rang bzhin dang mtshan nyid gang zhe na zhes dris pa'i don to/ /de'i lan du /'phags pa'i chos rnams mthob pa'o zhes bya ba smos te /'phags pa'i chos rnams ma rnyed pa'i mtshan nyid dang ldan pa la so so'i skye bo zhes bya'o/ /de la sdig pa mi dge ba'i chos rnams ring du spangs pa la ni 'phags pa zhes bya ste /de'ang slob pa dang mi slob pa ste rnam pa gnyis so/ /de la theg pa chung du'i tshul gyis ni rgyun tu 'jug pa dang / rgyun tu 'jug pa'i 'bras bu thob pa dang /lan cig phyir 'ong ba la 'jug pa dang /lan cig phyir 'ong ba'i 'bras bu 'thob ba dang /phyir mi 'ong ba la 'jug ba dang /phyir mi 'ong ba'i 'bras bu thob pa dang /dgra bcom pa la 'jug pa'i bar du bdun ni slob pa zhes bya'o/ /dgra bcom pa'i 'bras bu thob pa ni mi slob pa zhes bya'o/ /theg pa chen po'i tshul gyis ni mos pa spyod pa'i sa gnas brtsams te /sa bcu pa man chad kyi byang chub sems dpa'
- 165b
la slob pa zhes bya'o/ /'phags pa de dag gi chos ni rnam pa gsum ste /mthong ba'i lam dang /bsgom pa'i lam dang/ mi slob pa'i lam ste /chos de gsum ma thob pa las so so skye bo nyid ces bya'o/ /de la theg pa chung ngu'i tshul gyis ni rgyun tu 'jug pa thob pa'i tshe ni mthong ba'i lam zhes bya'o/ /rgyun tu 'jug pa'i 'bras bu thob pa nas dgra bcom pa las 'jug pa'i bar du/ drug gi tshe na ni bsgom pa'i lam zhes bya'o/ /dgra bcom pa'i 'bras bu thob pa'i tshe na ni mi slob pa'i lam zhes bya'o/ /theg pa chen po'i tshul gyis na sa dang po'i tshe na ni mthong ba'i lam zhes bya'o/ /sa gnyis pa nas sa bcu man chad kyi tshe ni bsgom pa'i lam zhes bya'o/ /sangs rgyas kyi sa'i tshe na ni mi slob pa'i lam zhes bya'o/ /ma thob ces bya ba ni 'phags pa'i chos de rnams sems kyi rgyud dam /phung po'i rgyud lam skyes pa la bya ste /de ltar 'phags pa'i chos ma skyes pa'i sems kyi rgyud dam /phung po'i rgyud la ni so so'i skye bo zhes bya la/ phung po'i rgyud la skyes pa la ni 'phags pa zhes bya bas /'phags pa'i chos ma skyes pa'i sems can gyi sems kyi rgyud dam phung po'i rgyud la ni so so skye bo zhes bya la /'phags pa'i chos de dag phung po'i rgyud dam sems kyi rgyud la skyes pa la ni 'phags pa zhes bya bas so so'i skye bo zhes bya ba yang gzugs dang sems dang sems las byung ba'i dus la gdags par zad kyis /nyan thos rnams par smra ba pa rnams kyi btags pa lta bur so so'i skye bo zhes bya ba'i rdzas logs shig na yod ba ni ma yin no zhes bya bar ston to/ /da ni de dang 'dra ba'i tshul can gyi 'du byed sems dang mi ldan pa rnams bshad par bya'o/ /de la 'jug pa gang zhe na /phyi nang gi 'dus byas rnamS
- 166a
skad cig ma'i rang bzhin du gnas pa la skad cig ma snga ma ni rgyu yin la skad cig ma phyi ma ni 'bras bu yin pa'i rgyu dang 'bras bu'i skad cig ma rgyun ma chad par 'byung ba la 'jug pa zhes bya'o// de bas na 'di yang gzugs dang sems dang sems las byung ba'i dus la gdags par zad kyi rjes su ni med do/ /so sor nges pa gang zhe na /rgyu rnams pa sna tshogs dang 'bras bu rnam pa sna tshogs la so sor nges pa zhes bya ste /rgyu rnam pa sna tshogs ni 'bras bu yid du 'ong ba skyed pa'i rgyu srog mi gcod pa dang /ma byin par mi len pa la sogs pa legs par sbyad ba mang po dang /'bras bu yid du mi 'ong ba skyed ba'i rgyu srog gcod pa dang/ ma byin pa len pa la sogs pa nyes par spyad pa rnam pa mang po'o/ /so sor nges pa 'di yang phung po lnga la gdags pas gzugs dang sems dang sems las byung ba'i dus la gdags par zad kyi rjes su med do/ / sbyor ba gang zhe na /rgyu dang 'bras bu rjes su mthun pa la sbyor ba zhes gdags te /'di ltar sbyin pa las ni 'bras bu longs spyod phun sum tshogs par sbyor ba dang /tshul khrims las ni lha dang mi'i bde 'gror 'gro bar sbyor ba dang /bzod pa las ni byang gzugs bzang por 'gyur bar sbyor bar byed pas na sbyor ba zhes bya ste /'di yang phung po lnga la btags pas gzugs dang sems dang sems las byung ba'i dus la gdags par zad kyi rjes su med do/ /mgyogs pa gang zhe na /rgyus 'bras bu myur du skyed par byed pa 'am /skad cig ma rnams la skad cig ma snga ma'i rjes su bar chad med par phyi ma skyed 'byung ba la mgyogs pa zhes bya
- 166b
ste /'di yang phung po lnga la gdags pas gzugs dang sems dang sems las byung ba'i dus la gdags par zad kyi rdzas su med do/ /go rims gang zhe na /rgyu dang 'bras bu rim par 'jug pa la go rims zhes bya ste/ rgyu sngar byung la 'bras bu phyis 'byung ba'o/ /'di yang phung po lnga la btags pas /gzugs dang sems dang sems las byung ba'i dus gdags par zad kyi rjes su med do/ /dus gang zhe na /rgyu dang 'bras bu 'brel par 'jug pa la dus zhes bya ste /ji lta zhe na /rgyu dang 'bras bu byung ste 'gags pa de la ni 'das pa'i dus zhes bya'o/ /rgyu dang 'bras bu ma byung ma 'gags pa la ni ma 'ongs pa'i dus zhes bya'o/ /rgyu dang 'bras bu gyur la ma 'gags pa la ni da ltar gyi dus zhes bya'o/ /de bas na 'di yang phung po lnga la btags pas gzugs dang sems dang sems las byung ba'i dus la gdags par zad kyi rjes su med do/ /yul gang zhe na /gzugs kyi phung po rgyu dang 'bras bu'i mtshan nyid du gyur pa shar dang/ nub dang /lho dang byang dang /'og dang stong la sogs pa phyogs bcu na gnas pa la yul zhes bya ste /shar gyi phyogs na gzugs dang rgyu dang 'bras bu'i mtshan nyid du gnas pa la shar gyi yul zhes bya ste /de bzhin du phyogs lhag ma dang yang sbyar ro/ /gzugs med pa'i khams na ni gzugs med pas yul du rnam par bzhag pa med do/ /de bas na 'di yang gzugs kyi dus la gdags par brad kyi rjes su med do/ /grangs gang zhe na / gzugs dang /tshor ba dang /'du shes dang /'du byed dang /rnam par shes pa la sogs pa so so tha dad pa la gcig gnyis zhes grangs su gzhag ste /ci'i phyir zhe na /tha dad pa la grangs su gzhag du rung ba'i tha mi dad cing gcig
- 167a
pa'i bdag nyid du gnas pa la gnyis su bgrang? du mi rung ba'i phyir ro /de bsan 'di yang phung po lnga la btags pas gzugs dang /sems dang sems las byung ba'i dus la gdags bar zad kyi rjes su med do/ /tshogs pa gang zhe na /rnam par shes pa rnams skye ba'i rgyu dang rkyen 'dus pa la tshogs pa zhes gdags te /de bas na 'di yang phung po lnga la gdags pas btags pa yis yod par zad kyi rjes su med do/ /de ltar na sems dang mi ldan pa'i 'du byed 'di dag ni gzugs dang sems dang sems las byung ba'i dus la gdags pas btags par yod bar rig bar bya'o/ /'du byed kyi phung po bshad nas /mjug bsdu bar bya ba'i phyir /'di ni 'du byed kyi phung po zhes bya'o zhes bya ba smos te /gong du smos pa'i 'du byed sems dang ldan pa lnga bcu rtsa gcig dang /pany+tsa skand+ha'i? nang du byung ba 'du byed sems dang mi ldan pa bcu bzhi'i steng du /de dang tshul 'dra ba 'du byed sems dang mi ldan pa dgu bsnan te /'di dag la 'du byed kyi phung po zhes pa'i don to/ /'du byed kyi phung po rnams bshad zin do/ /'du byed kyi phung po'i 'og tu rnam par shes pa'i phung po smos pas de bshad pa'i skabs su bab pa'i phyir /rnam par shes pa gang zhe na zhes dris te /rnam par shes pa'i phung po'i rang bzhin dang mtshan nyid gang zhe na zhes dris ba'i don to/ /de'i lan du dmigs pa so sor rnam par rig ba'o /zhes bya ba smos te /dmigs pa ni sems dang sems las byung ba'i yul gzugs dang /sgra dang /dri dang /ro dang /reg bya dang /chos kyi bar du drug go /rnam par rig pa ni /dmigs pa de dag 'dzin pa 'am rtogs pa'am/ khong du chud pa la bya ste /dmigs par bya ba gang yin pa rig cing shes pas na rnam
- 167b
bar rig pa zhes bya'o/ /dmigs pa rnam par rig pa'i shes pa de la yang rnam pa drug yod de/ mig gi rnams par shes pa nas yid kyi rnam par shes pa'i bar du /'jug pa'i rnam par shes pa drug go /'jug pa'i rnam par shes pa drug po des ji ltar dmigs par rnam par rig ce na /de la mig gi rnam par shes pa ni mig gi dbang po la brten nas gzugs la gzugs tsam du rig cing shes so/ /rna ba'i rnam par shes pa ni rna ba'i dbang po la brten nas sgra la sgra tsam du rig cing shes so/ /sna'i rnam par shes pa ni sne'i dbang po la brten nas dri tsam du rig cing shes so/ /lce'i rnam par shes pa na lce'i dbang po la brten nas rol ro tsam du rig cing shes so/ /lus kyi rnam par shes pa ni lus kyi dbang po la brten nas reg bya la reg bya tsam du rig cing shes so/ /yid kyi rnam par shes ba ni yid kyi dbang po la brten nas chos rnams rig cing shes pas na /rnam par shes pa drug po dag la dmigs pa rnam par rig pa zhes bya'o/ /de ltar rnam par shes ba'i rang bzhin bshad nas de dag gi ming gi rnam grangs bstan bar bya ba'i phyir /sems dang yid kyang de bzhin te zhes bya ba smos te /'jug ba'i rnam par shes pa drug la rnam par shes pa zhes kyang bya /de la sems zhes kyang bya /de la yid ces kyang bya/ dper na dmigs pa rnam par rig pas rnam par shes ba zhes bya ba de bzhin du /de la sems zhes bya ba dang /yid ces kyang bya'o/ /yang ci'i phyir de skad ces bya ba'i rnam grangs kyi don bstan pa'i phyir /sna tshogs pa dang yid rten byed pa'i phyir bya ba smos te/ sems kyi don ni sna tshogs kyi don te /sna tshogs kyi rang bzhin yin ba'i phyir /sems zhes bya la sems de ma thag tu 'byung ba'i rten byed ba'i phyir yid ces kyang bya ba'i don to /de la 'jug pa'i rnam bar shes ba rnams la ci'i phyir/
- 168a
sna tshogs zhes bya zhe na /de ltar 'jug pa'i rnam par shes pa rnams ni /gzugs la sogs pa dmigs pa so so'i rang bzhin yin pa dang /gzugs la sogs pa'i yul yang ser po dang /dkar po la sogs pa sna tshogs kyi rang bzhin yin la /de la dmigs pa'i mig gi rnam par shes pa yang sngar ston po la /dmigs na sngon po'i rnam par skye /de nas ser po la dmigs na ser po'i rnam par skye /de nas dmar po la dmigs na dam pa? po'i rnam par skye /de nas dkar bo la dmigs na dkar po'i rnam bar skye ste /yul sna tshogs pa bzhin du rnam par shes pa yang sna tshogs su skye bas na rnam par shes pa drug la sems zhes kyang bya'o/ /'di ltar rnam par shes pa drug dmigs pa sna tshogs la dmigs pa'i phyir sna tshogs yin pas na sems zhes bshad ba yang yul sngon po dang ser po la sogs pa mang po rnam par shes pas skad cig mar rims kyis 'dzin pa'i rigs kyi dbang du byas nas sna tshogs zhes bya'i skad cig ma gcig la ni sna tshogs zhes mi bya ste ci'i phyir zhe na skad cig ma gcig la ni yul nges pa dang /rnam pa nges pa'i phyir rnam pa sna tshogs med do/ /ji ltar yul nges shing rnam pa nges she na /skad cig ma'i tshe na ni sna tshogs zhes mi bya ste /sngon po 'ba' zhig la dmigs kyi ser po la ma dmigs pa dang /sngon po la dmigs pa'i tshe sngon po'i rnam pa nyid du skyes kyis ser po'i rnam par ma skyes pa'i phyir sna tshogs med do/ /rnam par shes pa drug po sems de ma thag pa'i rten byed pa'i phyir yid ces bya ba 'di yang mig la sogs pa'i rnam par shes pa drug skyes nas 'gag go /'gags ma thag tu de'i rjes la yid kyi rnam par shes pa skye ba 'am /rnam par shes pa phyi
- 168b
ma drug gzhan skyes pas /drug po snga ma 'gags ma thag pa de nyid rnam par shes pa de ma ? thag pa phyi ma gzhan skye ba'i rten byed pa'i phyir na drug po snga ma 'gags pa de nyid la yid ces bya'o/ /de ltar rnam par shes pa drug gi rang bzhin dang /ming gi rnam grangs bstan nas/ dngos su 'am gtso bo na sems zhes bya ba gang la bya ba bstan ba dang /rnam par shes pa'i gtso bo gang yin bstan par bya ba'i phyir/ dngos su na sems ni kun gzhi rnam par shes pa ste / zhes bya ba smos te/ 'jug pa'i rnam par shes pa rnam pa sna tshogs kyi rang bzhin gyi phyir sems zhes bshad pa de ni sems gtso bo zhes mi bya'i dngos su na 'am gtso bo na kun gzhi rnam par shes pa la sems zhes bya'o zhes bya pa'i don to/ /yang na sems kyi gtso bo ni kun gzhi rnam par shes pa yin no zhes bya ba'i don to/ /gtso bo na kun gzhi la sems zhes ci'i phyir bya ba dang /kun gzhi ci'i phyir sems rnams kyi gtso bo yin par bstan par bya ba'i phyir 'di ltar de ni 'du byed thams cad kyi sa bon bsags pa'o zhes bya ba smos te /'di ltar zhes bya ba ni 'og na 'byung ba'i gtan tshigs ltar na zhes bya ba'i don to/ /de ni zhes bya ba'i sgra ni kun gzhi dang sbyar te kun gzhi rnam par shes pa de ni zhes bya ba'i tha tshig go /kun gzhi rnam par shes pa de skad cig ma'i rgyun gyis 'byung ba la skad cig ma re re la yang 'du byas thams cad kyi sa bon bsags shing bslad pas na bsags pa'i don dang ldan pa'i phyir gtso bo 'am dngos su na kun gzhi la sems zhes bya ba'i don to/ /kun gzhi'i skad cig ma re re la yang 'dus byas rnams kyi sa bon bsags pa yang ji ltar sogs zhe na /kun gzhi de la sngon sa bon yod pa rnams 'du
- 169a
byed rnams kyis yang nas yang du rtas par byas pas na de dag gyi sa bon bsags pa zhes bya ba 'am/ yang na kun gzhi de/ 'dus byas kyi sa bon rtas pa dang 'brel cing ldan pas na de dag gi sa bon bsags pa zhes bya'o/ /de'i don kyang zhib tu bshad par bya'o/ /'di ji ltar rgyu dang rkyen gyis byas pa rnams la 'dus byas zhes bya bas lam gyi bden pa yang/ rgyu rkyen gyis byas pa'i phyir/ zag pa med pa'i 'dus byas zhes bya la/ rgyu rkyen gyis byas pa'i phyir gzugs la sogs pa zag pa can gyis 'dus byas kyang yod na 'dir 'dus byas gang la bya zhe na/ 'di'i skabs su 'dus byas zhes bya ba ni zag pa dang bcas pa'i 'dus byas rnams la bya bar rig par bya'o/ /yang na 'dus byas thams cad kyi sa bon bsags ba zhes 'byung bas zag pa dang bcas pa'i 'dus byas dang zag pa med pa'i 'dus byas gnyig la bya bar rig bar bya'o/ /'dus byas de dag skye ba yang rkyen bzhi las skye ste/ rkyen bzhi ni rgyu'i rkyen dang/ bdag po'i rkyen dang/ de ma thag pa'i rkyen dang/ dmigs pa'i rkyen to/ /de la rgyu'i rkyen ni kun gzhi rnam par shes pa la bsgos pa'i bag chags te /'dir gzhi dang gnas lta bur bag chags dang kun gzhi bshad mod kyi bsgo bar bya ba dang/ sgo bar byed pa gnyis tha mi dad pas kun gzhi nyid ni 'du byed rnams kyi rgyu'i rkyen to/ /bdag po'i rkyen ni mig gi dbang po nas/ yid kyi dbang po'i bar du dbang po drug go /de ma thag pa'i rkyen ni mig la sogs pa'i rnam par shes pa drug kyang snga ma 'gags pa de yid kyi rnam par shes pa'am rnam par shes pa drug phyi ma skye ba'i rten byed pas na snga ma 'gags pa nyid ni/ phyi ma'i de ma thag ba'i rkyen to/ /dmigs pa'i rkyen ni gzugs nas brtsams te/ chos kyi bar du yul drug go /'di lta bur 'dus byas rnams rkyen
- 169b
bzhi las skye bar ji mngon zhe na/ mdo las gsungs pas na mngon te/ mdo sde las kyang mig ma nyams par gyur la gzugs rnams kyang snang bar gyur ba dang/ de skyed pa yid la byed pa nye bar gnas par gyur na de ltar de dag las skyes pa'i mig gi rnam par shes pa 'byung bar 'gyur ro zhes gsungs pas rkyen bzhi las 'dus byas 'byung bar mngon no/ /de'i don kyang mig ma nyams pa zhes bya ba ni mig gi dbang po ling tog la sogs pas ma khebs shing ma god pa'o/ /gzugs rnams kyang snang bar gyur ces bya ba ni/ mig gi yul du gyur pa'i gzugs rnams kyang rtsig pa la sogs pas mchod ces bya ba'i don to/ /de skyed pa'i yid la byed pa nye bar gnas pa zhes bya ba ni rnam par shes pa snga ma 'gags ma thag pa rnams phyi ma skyed pa'i de ma thag pa'i rkyen kyang nye bar gnas pa zhes bya ba'i don to/ /de ltar na mig dang gzugs dang de ma thag pa'i rkyen las mig gis rnam par shes pa skye bar 'gyur ro zhes bya ba'i tha tshig go /de bzhin du rna ba dang sgra dang/ de ma thag pa'i rkyen las rna ba'i rnam par shes pa skye bo zhes bya ba phyi ma rnams la yang rim bzhin du sbyar bar bya'o/ /smras pa/ khyod kyis ni rkyen bzhi las 'dus byas skye bar bshad la mdo las ni rkyen gsum las 'dus byas skye bar bshad na ji ltar mi 'gal/ smras pa/ rgyu'i rkyen kun gzhi rnam par shes pa ni dus thams cad du yod la/ dmigs pa dang rnam pa mi gsal bar gcod pa bas shes par dka' ba'i phyir mdo las ma gsungs so/ /de ltar rkyen bzhi la mig gi rnam par shes pa skye ba'i 'og tu khyim 'di na bum pa brgya zhig yod dam/ ji tsam zhig yod ces tshol ba'i yid kyi rnam par shes pa 'byung ngo/ /tshol ba'i yid kyi rnam par shes pa byung ba'i 'og tu 'di ni sngon po zhig yin no zhes rnam par 'jog pa'i yid kyi rnam par shes pa 'byung ngo/ /rnam par 'jog pa'i yid kyi rnam par
- 170a
shes pa'i 'og tu 'di ni sngon po nyid yin gyi ser po ma yin no zhes rnam par rtog ba'i yid kyi rnam par shes 'byung bo/ /de nas yid kyi rnam par shes pa de yang yul la dmigs nas/ yang na ni 'dod chags la sogs pa kun nas nyon mongs pa skye yang na ni yul dmigs nas 'khor ba la skyo ba la sogs pa rnam par byang ba 'byung ba'i phyogs skye bar 'gyur ro/ /de ltar yid kyi rnam par shes pa nyon mongs pa skyes pa'i dus na bsod nams dang bsod nams ma yin pa dang mi g.yo ba'i 'du byed rnams mngon par 'du byed do/ /mngon par 'du byed pa de dag gis mngon par 'du byas nas 'du byed de dag 'gags na ni ma 'gags 'gags bar byed na kun gzhi la bag chags gnyis bsgo zhing rtas par byed de/ bag chags gnyis ni rgyu mthun pa'i bag chags dang/ rnam bar smin pa'i bag chags so/ /de la rgyu mthun pa'i bag chags zhes bya ba ni las ci 'dra ba byas ba 'bras bu yang de 'dra ba smin bar 'gyur ba ste/ dper na tshe 'dir sbyin ba byas na tshe rabs gzhan du yang 'bras bu sbyin pa la dga' ba'o/ /rnam par smin pa'i bag chags ni sbyin ba'i rgyus lha dang mi'i nang du kun gzhi rnam par shes pa skyes nas longs spyod chen por 'gyur ba'o/ /de la kun gzhi la dge ba dang mi dge ba dang mi g.yo ba'i 'du byed rnams kyi rgyu mthun pa'i bag chags yod pa la brten nas ni tshe rabs gzhan du yang bsod nams dang/ bsod nams ma yin pa dang /mi g.yo ba'i 'du byed nyid skye bar 'gyur ro// rnam par smin pa'i bag chags yod pa la brten nas ni/ lha dang mi la sogs pa'i rigs mthun pa gzhan dag tu kun gzhi rnam par shes pa nyid skye zhing smin bar 'gyur ro/ /spyod lam dang sprul ba dang/ bzo'i gnas la sogs pa
- 170b
lung du ma bstan pa'i 'du byed rnams kyis ni ma 'ongs pa na yang bdag dang 'dra ba'i chos bskyed pa'i phyir kun gzhi rnam par shes pa la rgyu mthun pa'i bag chags sogs shing rtas par byed de/ lung du ma bstan pa'i chos la rnam par smin pa'i bag chags ni med do/ /ci'i phyir zhe na/ dge ba dang mi dge ba'i chos ni mthu che bas rnam par smin pa yod kyi /lung du ma bstan pa ni zhing ba tsha can dang 'dra bas mthu chung ba'i phyir rnam par smin pa skyed par mi nus so/ /rgyu mthun pa'i bag chags la zhib du dpyad par bya ste/ rgyu mthun pa'i bag chags la brten nas kun gzhi'i 'bras bu ngo bo nyid dang kun gzhi'i rgyu'i ngo bo ste rnam pa gnyis su gzhag go /ji lta zhe na/ 'di ltar 'du byed dge ba dang/ mi dge ba dang/ lung du ma bstan pa'i 'du byed rnams bdag dang 'dra ba'i rgyu mthun pa'i sa bon kun gzhi la 'jog pa'i tshe kun gzhi rnam par shes pa khyad par can skyed pa'i rgyu lta bur 'du byed rnams gnas pas 'du byed rnams ni rgyu yin la/ kun gzhi rnam par shes pa ni 'bras bu'i mtshan nyid du gnas so/ /'di ltar dge ba dang/ mi dge ba dang/ lung du ma bstan pa'i 'du byed rnams kyang rang gi rgyu mthun pa'i sa bon kun gzhi la yod pa la brten nas kun gzhi las 'du byed de dag 'byung bas na kun gzhi rgyu lta bur gnas la/ 'du byed rnams ni 'bras bu lta bur gnas so/ /rnam par smin pa'i bag chags kyi dbang du byas nas dpyad par bya ste/ 'di ltar dge ba dang mi dge ba'i 'du byed rnams kyi ni kun gzhi 'bras bu nyid du gzhag go/ kun gzhi de dge ba dang mi dge ba'i bag chags kyi rgyur ni mi gzhag go /ci'i phyir rgyur mi gzhag ce na/ kun gzhi la rnam par smin pa'i bag chags yod pa de las ma 'ongs pa na dge ba dang mi dge ba'i rnam par
- 171a
smin pa gzhan skyed pa med pas na dge ba dang mi dge ba'i 'du byed kyi rgyur kun gzhi mi gzhag go /dge ba dang mi dge ba'i 'bras bu lta bur kun gzhi gzhag pa ni rnam par smin pa'i bag chags la brten nas lta dang mi la sogs pa'i ris mthun pa gzhan du kun gzhi skye zhing smin pa'i phyir ro/ /smras pa/ dmigs pa'i yul dang rnam pa med pa'i rnam par shes pa yang yod mi srid de /dper na 'jug pa'i rnam par shes pa rnams kyi dmigs pa'i yul ni gzugs la sogs pa yin la/ de yang sngon po la sogs pa'i rnam par skye na/ gal te kun gzhi rnam par shes pa zhes bya ba 'jug pa'i rnam par shes pa drug la ma gtogs par logs shig na yod na de dmiD pa ni ci la dmigs/ yul la dmigs na yang /ji ltar dmigs shes pa'i lan du /de yang dmigs pa dang rnam pa yongs su mi gcod pa ste /zhes bya ba smos te /de yang zhes bya ba'i sgra ni kun gzhi dang sbyar te/ kun gzhi rnam par shes pa de yang zhes bya ba'i don to/ /'jug pa'i rnam par shes pa drug rnams ni dmigs pa dang rnam pa yongs su chad pa ste/ ji lta zhe na/ 'di ltar 'jug pa'i rnam par shes pa drug la mig gi rnam par shes pa gzugs la dmigs kyi sgra ba mi dmiD pa dang/ rna ba'i rnam par shes pa ni sgra la dmigs kyi gzugs la mi dmigs pa nas/ yid kyi rnam par shes pa chos la dmigs pas na dmigs pa yongs su gcod do/ /mig gi rnam par shes pa sngon po la dmigs pa'i tshe sngon po'i rnam par skye'i ser po'i rnam par mi skye ba dang/ ser po la dmigs pa'i tshe ser po'i rnam par skye yi sngon po'i rnam par mi skye bas rnam pa yongs su gcod pa'o/ /yang na 'jug pa'i rnam par shes pa drug rnams
- 171b
ni gzugs la dmigs pa na yang 'di ni gzugs so zhes dmigs pa la yang gsal bar gcod pa dang/ 'di ni sngon po zhes rnam pa la gsal bar gcod pa lta bur kun gzhi rnam par shes pa ni dmigs pa dang rnam pa yongs su mi gcod ba ste/ des dmigs pa la yang gsal bar gcod mi nus/ rnam pa la yang gsal bar gcod mi nus pa'i phyir ro/ /ci'i phyir kun gzhe rnam par shes pa dmigs pa dang rnam pa gsal bar gcod mi nus she na/ 'di ltar kun gzhi rnam par shes pa'i dmigs pa'i yul ni rnam pa gnyis te/ nang gi nye bar len pa'i rnam pa dang/ phyi rol gyi snod la rnam par rig pa'i rnam pa yongs su ma chad pa'o/ /nang gi nye bar len pa'i rnam pa yang rnam pa gnyis te/ kun brtags kyi rang bzhin la mngon par chags pa'i bag chags dang/ gnas dang bcas pa'i dbang po'i gzugs so/ /kun btags kyi rang bzhin la mngon par chags pa'i bag chags la rnams pa gnyis te/ bdag dang sems can dang srog la sogs pa yod par kun tu brtags pa la mngon par brtags pa'i bag chags dang/ rnam par shes pa la ma gtogs pa gzugs dang sgra la sogs pa'i chos logs shig na yod par chos la kun tu brtags pa'i rang bzhin la mngon par chags ba'i bag chags so/ /gnas dang bcas pa'i dbang po'i gzugs ni mig gi dbang po la sogs pa dbang po dang bcas pa'i lus la bya'o/ /phyi rol gyi snod la rnam par rig pa'i rnam pa yongs su ma gcad pa ni kun gzhi rnam par shes pa snod kyi 'jig rten la dmigs pa na ni 'di tsam tshun chad ni dmigs kyi dben chad mi dmigs zhes tshad chad pa med par snod kyi 'jig rten rnam par rig pa'o/ /dper na nyin par srin bum
- 172a
khyer 'phur ba ni de la 'od med pa ma yin gyi nyi ma la sogs pa'i 'od bzhin du de'i 'od gsal bar snang ba ma yin pa dang 'dra bar kun gzhi rnam par shes pa yang nang gi nye bar len pa'i rnam pa ste/ kun brtags kyi rang bzhin la mngon par zhen pa'i bag chags dang/ gnas dang bcas pa'i dbang po la dmigs pa'i tshe na yang mi gsal bar dmigs pa 'am/ phra bar dmigs pa 'am/ zhen par dmigs pa dang/ phyi'i snod kyi 'jig rten la dmigs pa na yang mi gsal bar dmigs pa dang/ phra bar dmigs pa dang/ zhan par dmigs pas rang sangs rgyas dang/ nyan thos dang/ 'jig rten nam mkhas pa rnams kyis kyang kun gzhi yul la ji ltar dmigs pa rtogs shing shes par dka' bas de'i phyir na dmigs pa dang/ rnam pa yongs su mi gtsang pa zhes bya ste/ kun bzhi yul la dmigs pa med pa dang yul la mi dmigs pa ni ma yin no/ /rnam par shes pa gzhan ni ga las par dmigs shing sbos por dmigs pas na dmigs pa dang rnam pa yongs su gcod do/ /smras pa/ dmigs pa dang rnam pa yongs su mi gcod pa'i rnam par shes pa ni yod par ni mi rigs te/ dper na mig la sogs pa 'jug pa'i rnam par shes pa rnams zhes par shes pa yin pas gzugs la sogs pa'i dmigs pa dang rnam pa gsal bar gcod pa bzhin du 'jug pa'i rnam par shes pa lam gtogs pa'i kun gzhi rnam par shes pa yod na de yang dmigs pa dang rnam pa gsal ba yongs su gcod par 'gyur ro/ /gal te dmigs pa dang rnam pa yongs su mig cod na ni kun gzhi rnam par shes pa'i zhes pa'i rnam par shes pa yod par mi rigs so/ /smras pa dper na nyan thos mdo sde ba dag 'gog pa'i snyoms bar zhugs pa dang/ 'du shes med pa'i snyoms par zhugs pa dang/ 'du shes med pa pa
- 172b
dang/ gnyid stug? pos non pa dang/ ra ro ba dang/ brgyal ba'i dus na yid kyi rnam par shes pa yod kyang yod la dmigs pa dang/ rnam pa yongs su mi gcod pa zhes smra ba de bzhin du 'jug pa'i rnam par shes pa drug la ma gtogs par kun gzhi rnam par shes pa yod kyang dmigs pa dang/ rnam pa yongs su mi gcod ba de de 'dra'o/ /de la chos rnam pa gsum ste/ dge ba dang/ mi dge ba dang/ lung du ma bstan ba'o/ /de la dge ba ni dad pa la sogs pa bcu gcig go /mi dge ba ni 'dod chags la sogs pa nyon mongs pa drug dang/ khro pa la sogs pa nye ba'i nyon mongs pa nyi shu'o/ /yang na dge ba ni srog mi gcod pa la sogs pa dge ba bcu'o/ /mi dge ba ni srog gcod pa la sogs pa mi dge ba bcu'o/ /lung du mi ston ba'i chos la rnam pa gnyis te/ ma bsgribs la lung du mi ston pa dang/ bsgribs la lung du mi ston pa'o/ /nga dang bdag gir rtog pa'i rang bzhin ma yin zhing de'i dri mas ma bsgos pa na kun bzhi rnam par shes par de bzhin ma bsgribs la dge ba dang mi dge ba'i rang bzhin ma yin pas na lung du mi ston pa'o/ /nga dang bdag gir rtog pa'i rang bzhin yin la de'i dri mas bsgos ba na bsgribs pa'o/ /dge ba dang mi dge ba'i rang bzhin ma yin pas na lung du mi ston pa'o/ /de ltar chos bzhi yod pa las kun gzhi rnam par shes pa dge ba'i rnam pa dang rang bzhin yin nam /mi dge ba'i rnam pa dang rang bzhin yin nam /ma bsgribs la lung du mi ston pa'i rnam pa dang rang bzhin yin nam/ bsgribs la lung du mi ston pa'i rnam pa dang/ rang bzhin yin zhes dris pa'i lan du /rigs gcig pa dang/ zhes bya ba smos te/ 'jug pa'i rnam par shes pa drug rnams ni dge ba'i rang bzhin dang rnam pa yang yin/ mi dge dba'i rang bzhin dang rnam pa yang yin/ lung ma bstan pa'i rnam mpa dang rang bzhin yang yin pas rigs
- 173a
gcig pa ma yin no/ /ji lta zhe na 'jug pa'i rnam par shes pa drug po nam dad pa la sogs pa sems las byung ba dge ba bcu gcig dang ldan pa'i tshe na ni dge ba'i rang bzhin zhes kyang bya/ 'jug pa'i rnam par shes pa rnams nam 'dod chags la sogs pa nyon mongs pa dang/ nye ba'i nyon mongs pa'i sems las byung ba dang ldan pa'i tshe na ni mi dge ba'i rang bzhin zhes bya'o/ /nam spyod lam dang bzo'i gnas la sogs pa dang ldan pa'i tshe na ni lung du ma bstan pa'i rang bzhin zhes bya'o/ /kun gzhi rnam par shes pa ni rigs gcig pa yin te ma bsgribs la lung du mi ston pa'i rang bzhin yin gyi dge ba'i rang bzhin yang ma yin mi dge ba'i rang bzhin yang ma yin bsgribs la lung du mi ston pa'i rang bzhin yang ma yin no/ /de la nga dang bdag gir rtog ba'i nyon mongs pa'i yid kyi dri mas ma bsgos shing de'i rang bzhin ma yin pas na ma bsgribs pa'o/ /dge ba dang mi dge ba'i rang bzhin ma yin pas na lung du mi ston pa 'o// ci'i phyir zhe na/ gal te kun gzhi rnam par shes pa dge ba'i rang bzhin zhig yin na ni mi dge ba byed ba'i gang zag rnams la kun bzhi rnam par shes pa med pa'i skyon du 'gyur te /dge ba byed pa'i gang zag rnams la yang kun gzhi rnam par shes pa yod pas na kun gzhi rnam par shes pa mi dge ba'i rang bzhin yang ma yin no/ /gal te kun gzhi rnam par shes pa mi dge ba'i rang bzhin zhig yin na ni dge ba byed pa'i gang zag rnams la kun gzhi rnam par shes pa med pa'i skyon du 'gyur te/ dge ba byed pa'i gang zag rnams la yang kun gzhi rnam par shes pa yod pas kun gzhi rnam par shes pa mi dge ba'i rang bzhin yang ma yin no/ /nga dang bdag gir rtog pa'i mtshan nyid ma yin pas bsgribs la lung
- 173b
du ma bstan pa'i rang bzhin yang ma yin no/ /yang na dad pa la sogs pa sems las byung ba'i dge ba bcu gcig dang/ kun gzhi rnam par shes pa mi ldan mi 'grogs pas na dge ba'i rang bzhin yang ma yin no/ /'dod chags la sogS pa nyon mongs pa dang/ nye ba'i nyon mongs pa sems las byung ba rnams dang kun gzhi rnam? par shes pa mi ldan mi 'grogs pas na mi dge ba'i rang bzhin yang ma yin no/ /nyon mongs ba'i yid kyi 'khor gyis sems las byung ba bdag tu gti mug pa dang/ bdag tu lta ba dang/ bdag tu nga rgyal dang/ bdag la chags pa ste/ sems las byung ba bzhi dang kun gzhi rnam par shes pa mi ldan mi 'grogs pas na bsgribs la lung du ma bstan pa'i rang bzhin yang ma yin no/ /kun gzhi rnam par shes pa de dge ba'i sems las byung ba dang yang mi ldan /mi dge ba'i sems las byung ba dang yang mi ldan/ nyon mongs pa'i yid kyis 'khor gyi sems las byung ba dang yang mi ldan na sems las byung ba gang dang ldan zhe na/ de yid la byed pa dang/ reg pa dang/ tshor ba dang/ 'du shes dang/ sems pa ste lnga kun tu 'gro ba dang ldan no/ /kun gzhi rnam par shes pa ni tshe rabs snga ma'i las dge ba dang/ mi dge ba dang mi g.yo ba'i las kyi rgyu las byung ba yin pas na gcig tu rnam par smin pa yin pa'i phyir ma bsgribs la lung du mi ston ba'i mtshan nyid du rigs gcig pa nyid do/ /'di ltar lnga kun tu 'gro ba yang 'jug pa'i rnam par shes pa dge ba dang 'grogs pa'i tshe na ni lnga kun tu 'gro ba yang dge ba zhes bya /nam 'jug pa'i rnam par shes pa mi dge ba dang 'grogs pa'i tshe na ni lnga kun tu 'gro ba'i rang bzhin mi dge ba zhes bya'o/ /nam nyon mongs ba'i yid dang
- 174a
'grogs pa'i tshe na ni bsgribs la lung dum bstan pa'i rang bzhin zhes bya'o/ /nam kun bzhi rnam par shes pa dang 'grogs pa'i tshe na ni ma bsgribs la lung du ma bstan pa'i rang bzhin zhes bya'o/ /smras pa khyed rnam par rig pa tsam du smra ba kun gzhi rnam par shes pa dus thams cad du yod par khas blangs na kun gzhi de rtag pa ther zug pa'i mtshan nyid du rtag par yod dam skad cig ma'i rgyun gyi rang bzhin du rtag par yod ces bya ba'i lan du rgyun du yang 'jug go zhes bya ba smos te/ kun gzhi rnam par shes pa de lha dang mi la sogs pa'i rigs mthun pa'i gnas su dang po mtshams sbyar ba nas brtsams te skad cig ma'i rgyun gyis rgyun mi 'chad par 'jug gi 'jug pa'i rnam par shes pa bzhin du bar bar du rgyun 'chad pa yang ma yin pas kun gzhi ni mi rtag pa yin pa'i phyir rtag pa ther zug pa'i rang bzhin du rtag par yod pa ni ma yin gyi mi rtag pa'i rang bzhin du rtag par yod do zhes bya ba'i don to// ji ltar na 'jug pa'i rnam par shes pa rnams bar bar du rgyun 'chad pa yin zhe na/ 'di ltar sngar mig gi rnam par shes pa skyes nas de'i rgyun chad de/ de'i 'og tu rna ba'i rnam par shes pa skyes pa'i 'og tu rgyun chad de de'i 'og tu mig gi rnam par shes pa skye te/ de bzhin du sna la sogs pa'i rnam par shes pa lhag ma rnams la yang sbyar bar bya'o/ /gzhan yang 'jug pa'i rnam par shes pa rnams ni sangs rgyas la sogs pa la dmigs nas dge ba'i rang bzhin du skyes pa las bud med dang dgra la sogs pa'i rnam pa'i gzugs mthong ba dang snga ma'i rang bzhin rgyun chad de mi dge ba'i rang bzhin du skye'o/ /bud med la sogs ba'i gzugs la dmigs nas mi dge ba'i rang
- 174b
bzhin du skyes pa las dge ba'i bshes gnyen gyis bshad pa thos te/ dad pa skyes pa dang snga ma 'gags nas dge ba'i rang bzhin du skye'o/ /dge ba'i sems kyi rang bzhin las de rgyun chad nas lung du ma bstan pa'i sems kyi rang bzhin du skye'o/ /gzhan yang 'jug pa'i rnam par shes pa rnams ni khams chung du ste/ 'dod pa'i khams kyi sems kyi 'og tu khams bar ma ste gzugs kyi khams kyi sems 'byung ngo/ /khams par ma'i sems kyi 'og tu khams rab ste/ gzugs med pa'i khams kyi sems 'byung bas bar bar du chad pa'o/ /nyan thos rnam par smra ba las brgal ba/ 'jug pa'i rnam par shes pa drug lam gtogs par kun gzhi rnam par shes pa zhes bya ba yod bar ci mngon gtan tshigs? ci yod/ de'i lan du 'jug pa'i rnam par shes pa drug la me gtogs par kun gzhi rnam par shes pa zhes bya ba yod par lung las kyang 'byung la rigs pas brtags na yang mngon te de bas na gtan tshigs yod do/ /de la lung gi gtan tshigs ni bcom ldan 'das kyi chos mngon ba'i mdo las/ thog ma med pa'i dus ldan khams/ /chos rnams kun gyi gnas gyur pa/ /de yod bas na 'gro kun dang/ /mya ngan 'das pa'ang thob par 'gyur/ zhes gsungs pas kun gzhi rnam par shes pa yod par mngon no/ /lung gi chigs su bcad pa de'i don yang 'khor ba la thog ma'i mdza' dang/ tha ma'i mdza' yod pa ma yin pas/ thog ma med pa zhes bya'o/ /'khor ba'i thog ma med pa dang/ tha ma med pa'i bar du kun gzhi rnam par shes pa rtag tu yod pas na thog ma med pa'i dus ldan zhes bya'o/ /kun gzhi rnam par shes pa de thog ma med pa'i dus nas /kun nas nyon mongs pa'i chos thams cad kyi rgyu yin pas na
- 175a
khams zhes bya ste/ khams zhes bya ba ni rgyu la bya'o/ /don de nyid gsal bar bstan par bya ba'i phyir/ chos rnams kun gyi gnas gyur pa zhes bya ba smos te/ kun gzhi rnam par shes pa de kun nas nyon mongs pa'i chos thams cad kyi sa bon gyi rten du gyur pa dang rgyur gyur pas na /chos rnams kun gyi gnas gyur ba zhes bya'o/ /de yod pas na 'gro kun dang/ mya ngan las 'des pa'ang 'thob par 'gyur zhes bya ba ni chos rnams kun gyi gnas gyur pa'i kun gzhi rnam par shes pa de yod pas 'gro ba lnga po kun tu skye ba yang yod la mya ngan las 'das pa thob par gyur pa yang yod do/ zhes bya ba'i don to/ /yang na kun gzhi rnam par shes pa de 'khor ba thog ma med pa nas kun nas nyon mongs pa'i chos thams cad kyi rgyu dang gzhi byed pas na thog ma med pa'i dus ldan khams zhes bya ba smos so/ /kun gzhi rnam par shes pa de rnam par byang pa'i chos thams cad kyi sa bon gyi gzhi dang rten du byed bas na/ chos rnams kun gyi gnas gyur pa zhes bya'o/ /de ltar kun gzhi de kun nas nyon mongs pa rnams kyi rgyu byed pa de yod pas na/ 'gro ba lnga po kun tu skye ba yang yod do/ /kun gzhi rnam par shes pa de rnam par byang ba'i chos rnams kyi gzhi byed pas na mya ngan las 'das pa yang des thob par 'gyur ro/ zhes bya ba'i don to/ /lung gi gtan tshigs gzhan gyis kyang kun gzhi rnam par shes pa de yod par bstan te/ 'phags pa dgongs pa nges par 'grel ba'i mdo las/ len pa'i rnam par shes pa zab cing phra/ /sa bon thams cad chu bo'i rgyun bzhin 'bab/ /bdag tu rtog bar gyur na mi rung zhes/ /de ni byis pa rnams la ngas ma bstan/ /ces gsungs pas na 'jug pa'i rnam par shes pa drug lam gtogs par kun gzhi rnam par shes pa yod par mngon no/ /kun gzhi rnam par shes pa 'dis tshe gcig nas gcig tu lus len cing
- 175b
rang gi yul gang yin pa shes par byed pas kun gzhi rnam par shes pa la ming du len pa'i rnam par shes ba zhes bya'o/ /kun gzhi rnam par shes pa de so so skye bo rnams kyi mi rigs pas na zab pa'o/ /'phags pa nyan thos dang rang sangs rgyas rnams kyis mi rigs pas na phra ba'o/ /yang na kun gzhi de sangs rgyas dang byang chub sems dpa' rnams kyi spyod yul yin pas na zab bo/ /nyan thos dang rang sangs rgyas rnams kyi spyod yul ma yin pas na phra ba'o/ /kun gzhi la kun nas nyon mongs pa thams cad kyi sa bon gyi rten byed pas na sa bon thams cad pa zhes bya'o/ /'o na kun gzhi de rtag pa zhig yin nam mi rtag pa zhig yin nam snyam pa la chu bo bzhin du 'bab ces bya ba smos te/ dper na chu bos shing dang rdo la sogs pa khyed nas skad cig ma'i rgyun gyis 'bab ba de bzhin du kun gzhi rnam par shes pa yang lnga kun tu 'gro ba dang 'grogs nas skad cig ma'i rgyun du rgyun mi 'chad par 'khor bar 'jug pas na mi rtag pa yin pa'i phyir chu bo bzhin du 'bab pa zhes bya'o/ /de ltar kun gzhi rnam par shes pa yod na ci'i phyir bdag cag lam bstan ma bshad snyam pa la/ de ni byis pa rnams la ngas ma bstan ces bya ba smos te/ so so skye bo dang/ rang sangs rgyas dang dgra bcom pa'i rigs can ba rnams la byis pa zhes bya ste/ kun gzhi de yod kyang byis pa de dag la ngas ma bshad do zhes bya ba'i don to/ /kun gzhi de yod na ci'i phyir byis pa rnams la mi bshad snyam pa la/ bdag tu rtog par gyur na mi rung zhes bya ba smos te/ kun gzhi de bshad na 'khor ba'i tha ma'i mdza' i bar du rgyun mi 'chad par 'byung bas bdag ces bya ba yang de yin no snyam du gzhi la bdag tu 'dzin par 'gyur te/ byis pa rnams kyis kun gzhi la bdag tu gzung na mi rung bas bdag tu 'dzin par mi gzhug pa'i phyir ngas ma
- 176a
bshad do/ /zhes bya ba'i don to/ /rigs? ba'i gtan tshigs gnyis kyis kun gzhi yod par bstan pa'i phyir gang gi phyir 'gog pa'i snyoms par 'jug pa dang/ 'du shes med ba'i snyoms par 'jug pa dang/ 'du shes med pa pa las langs nas yang yul rnam par rig pa 'jug pa'i rnam par shes pa 'byung ba dang zhes bya ba smos te/ rtsa ba las ma byung mod kyi de bas na 'jug pa'i rnam par shes pa drug la ma gtogs par kun gzhi rnam par shes/ pa yod par mngon no zhes bya ba'i tshig lhag ma lus pa'o/ /'di ltar 'gog pa'i snyoms par 'jug ba dang/ 'du shes med pa'i snyoms par 'jug pa dang/ 'du shes med pa par gyur pa na 'jug pa'i rnam par shes pa drug rnams ma lus par 'gags na phyis de dag las langs pa'i tshe kun gzhi rnam par shes pa med na 'jug pa'i rnam par shes pa rnams ci la skyes te skye bar mi rung ngo/ /de bas na 'gog pa'i snyoms par 'jug pa dang /'du shes med pa'i snyoms bar 'jug pa dang/ 'du shes med pa pa las langs pa'i tshe na yang 'jug pa'i rnam par shes pa rnams skye zhing 'byung bas na kun gzhi rnam par shes pa yod par mngon no/ /de skad du bshad pa dang/ nyan thos rnam par smra ba pa rnams kyis smras pa/ 'di ltar bdag cag ni 'das pa yang rdzas su yod bar 'dod pas ting nge 'dzin de dag la dang po sbyor ba'i sems 'gog pa la zhugs pa de yang phyis ldang ba'i sems kyi de ma thag ba'i rkyen du 'dod de/ de bas na sbyor ba'i sems kyi de ma thag pa'i rkyen de las langs pa'i tshe 'jug ba'i rnam par shes pa rnams skye bas kun gzhi mi dgos so/ /rnam par rig pa tsam du smra bas brgal ba/ dang po sbyor ba'i sems de byung nas 'gags pa'i 'og tu snyoms par 'jug pa'i rdzas mang
- 176b
pos bar du chod de snga ma 'gags nas ring du lon nas phyis ldang ba'i tshe ji ltar na snga na 'gags pa'i sems de las 'jug pa'i rnam par shes pa skye/ nyan thos rnam par smra ba pa rnams kyis lan smras pa/ bar du chod ces bya ba'i don ni rigs 'dra ba'i rdzas mang pos bar du chos pa'i don du 'dod pas dam thag pa'i rkyen du mi rung gi rigs mi 'dra ba'i rdzas mang pos bar du chos pa ni bar du chod pa ma yin pas de ma thag pa'i rkyen du 'dod de/ de bas na dang po sbyor ba'i sems dang tha ma ldang ba'i sems gnyis kyi bar na ting nge 'dzin gyi rdzas rigs mi mthun pas ma ched pa'i phyir/ snga ma sbyor ba'i sems las phyi ma ldang ba'i tshe 'jug pa'i rnam par shes pa skye bas na 'gal ba med pa'o/ /rnam par rig pa tsam du smra bas smras pa/ dang po sbyor ba'i sems de las langs pa'i sems skye bar ni mi rigs te/ ci'i phyir zhe na/ dang po sbyor ba'i sems 'gags nas bar du ting nge 'dzin gyis rdzas mang pos chod de yun ring du lon pa las gang 'gags pa de ni yod pa ma yin te/ cung zad kyang med pas na 'gags pa med pa las ldang ba'i tshe sems 'byung bar mi rigs te/ dper na nam mkha' i me tog dang bdag dang gtso bo la sogs pa bzhin no/ /'di ltar nam mkha' i me tog dang/ mu stegs can gyis brtags ba'i bdag dang gtso bo la sogs pa yod pa ma yin pas med pa'i chos de dag ni chos gang gi rgyu yang mi byed la/ de dag la 'bras bu gang yang mi 'byung ba bzhin du dang po sbyor ba'i sems ni 'gags te med pa yin pas med pa de ni chos gang gi rgyu yang mi byed la /de las 'bras bu gang yang 'byung bar mi 'gyur ro/ /de ltar nyan thos rnam par smra ba rnams sun phyung ba dang/ mdo sde pas smras pa/ rnam par smra ba pa rnams kyi sbyor ba'i sems des 'gog pa'i sems bskyed nas sems
- 177a
'gags pa'i 'og tu snyoms par 'jug pa'i rdzas mang pos bar du chod nas sbyor ba'i sems las ldang ba'i tshe 'jug pa'i rnam par shes pa skye bar mi rung na yang/ 'gog pa'i snyoms par 'jug pa dang/ 'du shes med pa'i snyoms par 'jug pa dang/ 'du shes med pa'i tshe na lus yod pas lus las phyis ldang ba'i tshe sems skye bas na kun gzhi dgos pa med do/ /ji ltar sems lus las skye zhen /'di ltar dbang po dang bcas pa'i gzugs dang sems gnyis ni gcig la gcig sa bon 'jog ste/ bar 'gag ni dbang po dang bcas pa'i gzugs la sems kyi sa bon 'jog pas gzugs las sems 'byung ste /gang gi tshe na zhe na/ rnal 'byor pa 'gog pa'i snyoms par 'jug pa 'am/ 'du shes med pa'i snyoms par 'jug pa 'am/ 'du shes med pa pa'i tshe na gzugs la sems kyi sa po na gzhag? pas /nam langs pa'i dus na dbang po dang bcas pa'i gzugs las sems skye bas na gzugs la sems kyi sa bon gnas so/ /bar 'ga' ni sems la gzugs kyi sa bon 'jog ste/ gang gi tshe na /rnal 'byor pa 'dod pa khams nas shi 'phos te gzugs med pa'i khams su skyes pa dang/ gzugs med pa'i khams su gzugs thams cad ma lus par med par 'gyur ro/ /de nas rnal 'byor pa de gzugs med pa'i khams nas shi 'phos te /'dod pa'i khams su skyes pas na gzugs 'gags te ring du lon mod kyi sems nyid las dbang po dang bcas pa'i gzugs 'byung bas na sems la gzugs kyi sa bon gnas so/ /de ltar lus dang sems gnyis gcig gi rgyu gcig gis byed pas 'gog pa'i snyoms par 'jug la sogs pa'i
- 177b
dus na yang ldang ba'i tshe lus las sems skye bas na kun gzhi mi dgos so/ /smras pa/ yong ni sems can gyi sems kyi rgyud gcig tu zad na /de ltar bsh+d na ni sems can re re la yang sems kyi rgyud gnyis gnyis yod par 'gyur ro// gang zhe na /sems kyi rgyud gcig ni dbang po dang bcas pa'i gzugs las 'byung ba ste /na mi 'gog pa dang/ 'du shes med pa'i snyoms par 'jug pa dang/ 'du shes med pa'i tshe na'o/ /sems kyi rgyud gnyis pa ni sems gzhan las 'byung ba ste/ 'di ji ltar skad cig ma snga ma'i rgyus skad cig ma phyi ma'i sems skye ba'o/ /yod ni sems can gyi rgyud ni gcig tu zad de sems de n yid las sems nyid skye bar zad na /de lta na ni sems can re re la yang sems kyi rgyud gnyis yod par 'gyur ro/ /ji lta zhe na/ sems kyi rgyud gcig ni lus yin te /nam 'gog pa la sogs pa la snyoms par zhugs nas langs pa'i tshe na'o/ /sems kyi rgyud gcig ni sems nyid yin te/ gang sems kyi skad cig ma snga ma 'gags pa las skad cig phyi ma'i sems skye ba na'o/ /gzhan yang lus las sems skye na ni 'di ltar 'dod pa dang gzugs kyi khams su rnal 'byor pa snyoms par zhugs pa'i tshe na dbang po dang bcas pa'i lus las sems skye bar rung /nam rnal 'byor pa gzugs med pa'i khams su 'gog pa la snyoms par zhugs pa de'i tshe gzugs med pas phyis ji ltar ldang zhing sems skye ste ldang ba med par 'gyur ro/ /ma yangs pa na mya ngan las 'das par 'gyur te /de bas na lus las sems skye zhes bya ba 'di yang mi rigs so/ /yang lung gi gtan tshigs kyis kun gzhi rnam par shes pa yod par bstan te /mdo las kyang 'gog pa la snyoms par zhugs pa na rnam par shes pa ni lus dang ma bral lo zhes gsungs pas na kun gzhi rnam par
- 178a
shes pa yod par mngon no/ /de skad du bshad pa dang/ slob dpon bsu mi tras smras pa/ 'gog pa la snyoms par zhugs pa'i tshe yid kyi rnam par shes pa mi gsal ba de'i mtshan nyid du de na yod de/ de bas na mdo las kyang 'gog pa la snyoms par zhugs pa na rnam par shes pa ni lus dang ma bral lo zhes gsungs kyi kun gzhi la ni mi bya'o zhes smra'o/ /lan du/ 'gog pa la snyoms par zhugs pa'i tshe yid ki rnam par shes pa mi gsal bar gnas pas rnam par shes pa lus las ma bral lo zhes bya bar mi rigs te/ de las na kun gzhi rnam par shes pa nyid 'gog pa la snyoms par zhugs pa'i tshe lus las ma bral bar rigs so/ /slob dpon ? su mi tras smras pa/ 'gog pa la snyoms par zhugs pa'i tshe kun bzhi pa ma gtogs par yid kyi rnam par shes pa bus dang ma bral bar ci'i phyir mi rigs lan du smras pa /'gog pa la snyoms par zhugs pa'i tsho yid kyi rnam par shes pa yod par khas blangs na ni nyes pa dang po skyon du 'gyur ro/ /ji lta zhe na / yid kyi rnam par shes pa de na yod pa dang/ rang gi skad cig ma'i dang gnas pas de ma thag pa'i rkyen kyang yod la 'gog pa la sogs pa'i dus na dbang po ma nyams pas mig la sogs pa'i dbang po yang yod do/ /yul med par rnam par shes pa gnas mi srid pas yul yang yod par 'gyur te /de ltar na yul dang dbang po dang rnam par shes pa gsum 'dus pas reg pa skye'o/ /reg pa'i rkyen gyis tshor ba 'byung ngo/ /tshor ba'i rkyen gyis 'du shes dang/ sems pa 'byung bas na 'gogs pa la snyoms par zhugs pa'i tshe yid kyi rnam par shes pa yod par mi rigs so/ /gal te gzhan na re /'gog pa la snyoms par zhugs pa'i tshe yid kyi rnam par shes pa yod pas reg pa'i rkyen gyis tshor ba dang/ 'du
- 178b
shes la sogs pa yod par gyur na yang nyes pa ci yod /lan du/ 'gog pa la snyoms par zhugs pa'i tshe 'du shes dang/ tshor pa la sogs pa yod par khas blangs na ni 'gog pa ni 'du shes dang tshor ba/ 'gog par byed pa'o zhes bshad pa nyid don med par 'gyur ro/ /de lta bas na kun gzhi rnam par shes pa ni dus thams cad du gnas la/ 'jug pa'i rnam par shes pa skye ba'i sa bon yang kun gzhi la yod pas 'gog pa'i snyoms par 'jug pa dang/ 'du shes med pa'i snyoms par 'jug pa dang/ 'du shes med pa las langs pa'i tshe /kun gzhi rnam par shes pa nyid las 'jug pa'i rnam par shes pa skye bar khas blang dgos so/ /rigs pa'i gtan tshigs gzhan gyis kyang kun gzhi rnam par shes pa yod par bstan pa'i phyir/ yang dmigs pa'i rkyen la bltos nas rnam pa gzhan du 'jug pa nyid dang zhes bya ba smos te/ phyir ro zhes bya ba'i tshig mjug nas 'byung ba 'dir yang sbyar te /yang dmigs pa'i rkyen la bltos nas rnam pa gzhan du 'jug pa nyid kyi phyir 'jug pa'i rnam par shes pa la ma gtogs pa kun gzhi rnam par shes pa yod par mngon no zhes bya ba'i don to/ /de la dmigs pa'i rkyen gyi don ni rkyen bzhi las mig gi rnam par shes pa'i yul gzugs nas lus kyi rnam par shes pa'i yul reg bya ste lnga dang /yid kyi rnam par shes pa'i yul chos thams cad de drug la dmigs pa'i rkyen zhes bya'o/ /dmigs pa'i rkyen de dag kyang rang bzhin tha dad de gzugs kyi rang bzhin dang rnam pa las sgra'i rang bzhin dang rnam pa gzhan yin pa dang/ sgra'i rang bzhin dang rnam pa las gzugs kyi rang bzhin dang rnam pa gzhan yin pas rnam pa gzhan zhes bya ba dang/ gzugs kyi rang bzhin la yang sna tshogs tha dad de /ser po'i rang bzhin dang rnam pa las sngon po'i rang bzhin dang rnam pa gzhan yin pa dang/
- 179a
sngon bo'i rang bzhin dang rnam pa las dkar po'i rang bzhin dang rnam pa gzhan yin pas rnam pa gzhan zhes bya'o/ /de la mig gi rnam par shes pa gzugs kyi rang bzhin dang rnam par skyes pa las sgras rkyen byas nas sgra la brten te/ rna ba'i rnam par shes ba sgra'i rnam par skyes pa ni dmigs pa'i rkyen la bltos nas rnam pa gzhan du 'jug pa zhes bya ba 'am/ mig gi rnam par shes ba dkar po'i rnam par skyes pa las ser pos rkyen byas nas ser po'i rnam par skyes pa ni dmigs pa'i rkyen la bltos nas rnam pa gzhan du 'jug pa zhes bya'o/ /de ltar rnam par shes pa sngon po'i rnam par skyes pa las yul ser pos rkyen byas nas ser po'i rnam pa gzhan skye ba dang/ mig gi rnam par shes pa gzugs kyi rnam par skyes pa las dmigs pa'i rkyen sgras rkyen byas nas rna ba'i rnam par shes pa sgra'i rnam par skye ba dang/ dmigs pa'i rkyen la bltos nas rnam pa gzhan du skye zhing 'jug go /dmigs pa'i rkyen la ma bltos ma brten par rnam pa gzhan du 'jug cing skye bar mi nus te/ de bas na 'jug pa'i rnam par shes pa rnams kyi dmigs pa'i rkyen dgos so/ /dper na myu gu bskyed pa las chu me rlung la sogs la'i grogs byed ba yod kyang rgyu'i rkyen sa bon med na myu gu mi skye ste /sa bon dgos pa de bzhin du 'jug pa'i rnam par shes pa rnams la dmigs pa'i rkyen yod na de dag rgyu'i rkyen kyang med du mi rung ste/ gdon mi za bar rgyu'i rkyen kyang dgos so/ /de la 'jug pa'i rnam par shes pa rnams kyi rgyu'i rkyen ni kun gzhi rnam par shes pa yin te /de bas na 'jug pa'i rnam par shes pa la ma gtogs par kun gzhi rnam par shes pa zhes bya ba 'jug pa'i rnam par shes pa rnams kyi sa bon gyi gzhir gyur ba zhig
- 179b
yod par shes par bya'o/ /de la mig gi rnam par shes pa rna ba'i rnam par shes pa las rnam par dang rang bzhin gzhan yin pa dang/ rna ba'i rnam par shes pa las sna'i rnam par shes pa rnam pa dang rang bzhin gzhan yin te/ 'jug pa'i rnam par shes pa rnams rang bzhin tha dad pa yang de dag gi dmigs pa dang/ rnam pa'i rkyen tha dad pa'i sgo nas de dag gi rang bzhin yang tha dad par gzhag gi de ma thag pa'i rkyen dang bdag po'i rkyen tha dad pas de dag tha dad par gzhag pa ni med do/ /de ltar dmigs pa'i rkyen tha dang pa'i sgo nas de dag gi rang bzhin tha dad par 'gyur ba'i phyir dmigs pa'i rkyen la bltos nas rnam pa gzhan du 'jug pa nyid do zhes bshad do/ /dmigs pa'i rkyen tha dad pa'i sgo nas rnam par shes pa tha dad par 'gyur ba yang gzugs kyi rnam pa las sgra'i rnam pa gzhan yin pa dang/ sgra'i rnam pa las dri'i rnam pa gzhan yin pas na mig gi rnam par shes pa'i dmigs pa'i rkyen gzugs yin te /gzugs la rnam par shes pa dmigs nas gzugs kyi rnam par skye ba dang/ rna ba'i rnam par shes pa'i dmigs pa'i rkyen sgra yin te/ sgra la dmigs nas sgra'i rnam par skye ba la sogs pa rang bzhin tha dad par gzhag pa yang yul tha dad pa'i sgo nas tha dad bar gzhag dgos pas zad do/ /de ma thag pa'i rkyen tha dad pa'i sgo nas 'jug pa'i rnam par shes pa rnams tha dad par gzhag pa ni med de /ci'i phyir zhe na/ rnam par shes pa snga ma 'gags pa de dag 'di kho na bskyed pa'i rkyen rgyu ni byed ba gzhan skyen pa'i rkyen mi byed do/ zhes des pa med de/ dper na/ mig gi rnam par shes pa sngar 'gags pa de gal te mig gi rnam par shes pa phyi ma skye ba'i de ma thag pa'i rkyen byed/ gal te rna ba'i rnam par shes pa phyi ma skyed pa'i rkyen
- 180a
byed pas 'di kho na skyed pa'i rten rkyen byed ces nges pa med pas na de ma thag pa'i rkyen las ni rnam par shes pa tha dad par gzhag pa med do/ /de bzhin du bdag po'i rkyen tha dad pas rnam par shes pa tha dad par gzhag pa yang med de/ ci'i phyir zhe na/ dper na/ mig gi dbang po lta bu mig gi rnam par shes pa sngon po'i rnam pa lta bu skye ba'i rkyen kyang byed la /mig gi rnam par shes pa ser po'i rnam pa lta bu skye ba'i rkyen kyang byed de/ yul mang po'i sgo nas mig gi rnam par shes pa rnam pa sna tshogs su skye pa kun gyi rkyen byed pas na bdag po'i rkyen tha dad pa'i sgo nas rnam par shes pa tha dad par gzhag pa med do/ /de ltar yul rnam pa tha dad pas rnam par shes pa rnam pa gzhan du 'jug pa de yang dmigs pa'i rkyen la mi bltos par 'jug mi srid de/ dmigs pa'i rkyen la bltos dgos pa de bzhin du 'jug pa'i rnam par shes pa de dag skye rgyu'i rkyen la mi bltos par skye mi srid pas rgyu'i rkyen yang dgos so/ /gal te nyan thos rnam par smra ba pa rnams na re/ 'jug pa'i rnam par shes pa rnams la dmigs pa'i rkyen med par mi rigs pa de bzhin du de dag la rgyu'i rkyen yang med bar mi rigs pa ni bden mod kyi 'jug pa'i rnam par shes pa de dag gi ni rkyen reg pa dang/ yid la byed pa la sogs pa sems las byung ba dang/ lhan cig 'grogs pa rnams yin nam /'on te rgyu'i rkyen gzhan zhig yod par dpyad dgos so zhen/ lan du/ rgyu'i rkyen ces bya ba ni chos gang la mig la sogs ba'i rnam par shes pa'i sa bon yod cing de'i sa bon gyi gzhi yod par byed pa la rgyu'i rkyen ces bya ste/ de bas na li ka la sogs pa'i sa bon ni kun gzhi rnam par shes pa la yod pas kun gzhi rnam par shes pa nyid rgyu'i rkyen yin no/ /de skad du bshad pa dang/ nyan thos rnam par
- 180b
smra ba pa rnams kyis smras pa/ skad cig ma snga ma la rna ba'i rnam par shes pa skyes nas/ bdag 'gags pa'i dus na ma 'ongs ban bdag dang 'dra ba'i rna ba'i rnam par shes pa bskyed par bya ba'i phyir mig gi rnam par shes pa skad cig ma phyi ma skye ba la sa bon 'jog ste/ de ltar 'jug pa'i rnam bar shes pa nyid gcig la gcig sa bon 'jig gi kun gzhi rnam par shes pa dgos pa med do zhe na/ lan du 'jug pa'i rnam par shes ba rnams la ni gcig la gcig sa bon 'jog par mi rigs te/ bag chags sgo bar byed pa dang bsgo bar bya ba gnyis dus mnyam par yod par 'dod de/ gang gi tshe sgo bar byed pa de'i tshe bsgo bar bya ba yang yod na gcig gis gcig la bsgo bar 'dod pa las 'jug pa'i rnam par shes pa ni dge ba dang/ mi dge ba dang/ lung du mi ston pa dang/ khams tha ma dad/ bar ma dang/ rab rnams dang/ 'jig rten dang/ 'jig rten las 'das pa dang/ zag pa dang bcas pa dang/ zag pa med pa rnams rim bzhin du 'byung ba'i phyir de dag nang gcig la gcig bsgo bar mi rung ngo/ /ji lta zhe na/ rna ba'i rnam par shes pa snga ma 'gags pa des mig gi rnam par shes pa phyi ma skye ba la bag chags bsgo zhes bya bar gang gi tshe rna ba'i rnam par shes pa skyes pa de'i tshe mig gi rnam par shes pa ma skyes na gang la bag chags bsgo/ /gang gi tshe mig gi rnam par shes pa skyes pa de'i che rna ba'i rnam par shes pa 'gags na phyi ma la sus sgo bar byed de mi rigs so/ /gzhan yang 'jug pa'i rnam par shes pa rnams ni dge ba'i rang bzhin yang yin /mi dge ba'i rang bzhin yang yin /lung du mi ston pa'i rang bzhin yod yin pa las chos de dag ni phan tshun me dang chu bzhin du 'gal ba yin pa'i phyir dus gcig tu mi bde bzhin du mi 'byung ste /gang gi tshe dge ba byung ba de'i tshe mi dge ba mi 'byung/ gang gi tshe mi dge ba byung ba na de'i tshe lung du mi ston pa mi 'byung ngo//
- 181a
de ltar na skad cig ma snga ma la 'jug pa'i rnam par shes pa dge ba'i rang bzhin zhig byung nas/ dge ba des ma 'ongs pa na bdag dang 'dra ba'i dge ba bskyed pa'i phyir skad cig ma gnyis pa la 'jug pa'i rnam par shes pa mi dge ba'i rang bzhin byung ba la bag chags bsgo zhes bya bar yang gang gi tshe skad cig ma la dge ba byung ba de'i skad cig ma la mi dge ba'i rang bzhin gyi 'jug pa'i rnam par shes pa ma byung bas na gang gi tshe bag chags bsgo? gang gi tshe mi dge ba skyes pa de na dge ba snga ma 'gags pas gang gis phyi ma de la bag chags bsgo ste de ltar na mi rigs so/ /de bzhin du lung ma bstan pa la yang phan tshun du sbyar ro/ /de la khams tha ma ni 'dod pa'i khams so/ /khams 'bring ni gzugs kyi khams so/ /khams rab ni gzugs med pa'i khams so/ /khams de dag gi 'jug pa'i rnam par shes pa rnams kyang rim gyis 'byung ba'i phyir gcig la gcig bsgo bar mi rigs te /'dod pa'i khams kyis sbyor ba'i sems kyi gzugs kyi ting nge 'dzin bskyed pa'i las snga mas phyi ma la bsngo zhes bya bar yang gang gi tshe 'dod pa'i khams kyi sbyor ba'i sems byung ba na gzugs kyi khams kyi ting nge 'dzin ma skyes na gang la sgo /gang gi tshe gzugs kyi khams kyi ting nge 'dzin skyes pa na 'dod pa'i khams kyi sbyor ba'i sems 'gags na gang gi phyi ma la bsgo te mi rigs so/ /de bzhin du gzugs med pa'i khams la sogs pa la yang sbyar bar bya'o/ /'di ltar 'jig rten dang 'jig las 'das pa'i sems kyang rim gyis 'byung bas na gcig la gcig bsgo bar mi rigs te/ ji lta zhe na/ 'jig rten pa'i sems 'jig rten pa'i chos mchog tu 'byung ba'i 'og tu 'jig rten las 'das pa'i sems sdug bsngal la chos shes pa 'byung bas na snga mas phyi ma
- 181b
la bsgo zhes bya bar yang gang gi tshe 'jig rten pa'i sems 'jig rten pa'i chos mchog 'byung ba na 'jig rten las 'das pa'i sems sdug bsngal la chos shes pa ma byung bas na gang la bsgo /gang gi tshe 'jig rten las 'das pa'i sems sdug bsngal la chos shes pa byung ba na 'jig rten gyi chos mchog gi sems 'gags pas na gang gis phyi ma la bsgo te mi rigs so/ /zag pa dang bcas pa dang zag pa med pa'i sems kyang rim gyis 'byung bas na gcig la gcig bag chags bsgo par mi rigs so/ /de las gang ma la ni yon tan du lta sa 'og ma la ni skyon du lta ba ni zag pa dang bcas pa'i lam mo/ /mthong ba dang bsgom pa'i lam ni zag pa med pa'i lam mo/ /de la gang gi tshe zag pa can gyi lam byung ba de'i tshe zag pa med pa'i lam ma byung bas gang la bsgo/ gang gi che zag pa med pa'i lam byung ba de'i tshe zag pa dang bcas pa'i lam 'gags pas na phyi ma la su bsgo ste mi rigs so/ /de skad du bshad pa dang/ gal te gzhan gyis smras pa/ de ltar na sems nyid kyis nyid la bsgo ste/ 'di ltar skad cig ma gcig la dge ba'i sems 'byung pa de nyid kyis sems de nyid la bsgo bas kun gzhi mi dgos so zhes na yang/ ral gri so ji ltar rnon yang so de nyid gyis so de mi chod pa bzhin du bdag la bdag byed par sems de nyid kyis de nyid la bsgo bar mi rigs so/ /de ltar ni mi rigs kyis 'di ltar rigs te/ me tog tsam pa ka dang til 'bru gnyis skyes kyang mnyam du skyes 'gags kyang mnyam du 'gags la/ gang gi tshe me tog yod pa de'i tshe til 'bru yang yod de /me tog gi skad cig ma nges til 'bru'i skad cig ma la me tog gi dri sgo bar byed pa de bzhin du/ rnam par smin pa'i rnam par shes pa /kun gzhi rnam par shes pa dang/ 'jug pa'i rnam par shes pa
- 182a
rnams lhan cig tu skyes la lhan cig tu 'gags te/ gang gi tshe kun gzhi rnam par shes pa yod pa de'i tshe 'jug pa'i rnam par shes pa rnams kyang yod de/ kun gzhi rnam par shes pa'i skad cig ma de la de dang lhan cig tu 'byung ba'i 'jug pa'i rnam par shes pa ni ma 'ongs pa na bdag dang 'dra ba'i 'jug pa'i rnam par shes pa bskyed pa'i phyir bab chags sgo par byed de/ kun gzhi bag chags dang ldan pa de las 'jug pa'i rnam par shes pa rnamS skye'o zhes de ltar khas blang dgos so/ /de lta bas na 'jug pa'i rnam par shes pa la ma gtogs pa'i kun gzhi rnam par shes pa zhes bya ba 'dus byas thams cad kyi sa bon dang ldan pa log shig na yod par grub po/ /rigs pa'i gtan tshigs gzhan gyis kyang 'jug pa'i rnam par shes pa la ma gtogs par kun gzhi yod par bsgrub pa'i phyir /chad nas yang 'jug pa dang zhes bya ba smos te/ phyir ro zhes bya ba'i tshig mjug nas 'byung ba 'dir yang sbyar te /chad nas yang 'jug pa'i phyir 'jug pa'i rnam par shes pa la ma gtogs par kun gzhi rnam par shes pa zhes bya ba yang yod par rig par bya'o/ /zhes bya ba'i don to/ /chad pa ni sems med pa'i gnyid kyis log pa dang/ ra ro ba dang/ brgyal ba la sogs pa'i dus na 'jug pa'i rnam par shes pa drug rnams rgyu'i rgyun chad de mi 'byung bas na chad pa zhes bya'o/ /de la gnyid rnam pa gnyis te /sems dang bcas pa'i gnyid dang/ sems med pa'i gnyid do/ /sems dang bcas pa'i gnyid ni mig la sogs pa'i rnam par shes pa lnga 'gags kyi yid kyi rnam par shes pa rmi lam dang bcas pa'o/ /sems med pa'i gnyid ni gnyid stug pos no na pas yid kyi rnam par shes pa rmi lam med pa'o/ /sems
- 182b
med pa'i gnyis kyis log? pa dang/ brgyal ba la sogs pa'i dus na 'jug pa'i rnam par shes pa rnams rgyu ba rgyun chad de med pa las /gal te kun gzhi rnam par shes pa med du zin na sems med pa'i gnyis kyis log pa dang/ brgyal ba la sogs pa las langs pa'i che 'jug pa'i rnam par shes pa rnams phyis ci las skye ste skye bar mi rung ngo/ /'gog pa'i stobs par 'jug pa la brgal ba bzhin du 'dir yang dang po gnyid ldog tu byed pa'i sems de'i 'og tu gnyid kyi rdzas mi 'dra bas chod pas dang po'i sems de las ldang ba'i sems skye'o zhes na yang dang po'i sems ni 'gags te med pa yin na med pa ? chos gang yang skye ba'i rgyur mi rung bas na mi rigs so/ /gal te mdo sde pa na re lus dang sems gnyis gcig la gcig sa bon 'jog pas de'i tshe dbang po dang bcas pa'i lus yong pa'i phyir lus las sems skye'o zhe na yang /de ltar na sems can gcig la sems kyi rgyud gnyis yod par 'byung bar 'gyur te /lus las skye ba'i sems kyi rgyud dang sems nyid la skye ba'i sems kyi rgyud de gnyis yod par mi rigs so/ /gal te a tsarya pa su mi tran re rgyal ba la sogs pa'i dus na yid kyi rnam par shes pa mi gsal bar gnas pas lngar ba'i che yid kyi rnam par shes pa de las 'jug pa'i rnam par shes pa skye bas na kun gzhi mi dgos so zhe na/ yang yid kyi rnam par shes pa yod pa dang /gsum 'dus pa yod pas rig pa 'byung ngo/ /reg pa 'byung ba dang/ tshor ba dang 'du shes dang sems la sogs pa yang 'byung bas de'i che sems 'gags zhes byar mi rung ngo/ /yang rigs pa'i gtan tshigs gzhan gyis 'jug pa'i rnam par shes pa lam gtogs par kun gzhi rnam bar shes pa yod par bstan pa'i phyir/
- 183a
'khor bar 'jug pa dang ldog pa'i phyir ro zhes bya ba smos te/ 'di ltar 'khor bar 'jug pa yod pa dang 'khor ba las ldog pa yod pa na 'jug pa'i rnam par shes pa la ma gtogs par kun gzhi rnam par shes pa zhes bya ba yod par mngon no zhes bya ba'i don to/ /de la lha la sogs pa'i ris mthun pa'i gnas su nye bar len pa'i phung po lnga rnams skad cing ma'i rgyun du rgyun ma chad par 'byung zhing skye ba ni 'khor ba'o/ /de yang lha la sogs pa'i ris mthun ra las shi 'phos nas ris mi mthun pa gzhan du tshe'i mtshams sbyor ba ni 'khor bar 'jug pa zhes bya'o/ /phung po'i lhag ma dang bcas pa'i mya ngan las 'das pa'i dbyings thob pa dang phung po'i lhag ma ma lus ba'i mya ngan las 'das pa'i dbyings thob pa ni 'khor ba las ldog pa zhes bya'o/ /de la 'khor bar 'jug pa yang ma rig pa'i rkyen gyis 'du byed 'du byed kyi rkyen gyis rnam par shes pa la sogs te /rten cing 'brel bar 'byung ba yan lag bcu gnyis kyi tshul gyis 'jug pa yin na/ gal te nyan thos rnam par smra ba pa khyed kun gzhi rnam par shes pa yod par khas mi len na ni kun gzhi la ma gtogs par 'du byed kyi rkyen gyis rnam par shes pa zhes bya ba'i rnam par shes pa gzhan med pas 'khor bar 'jug cing skye bar mi rung ngo/ /gal te nyan thos rnam par smra ba pa rnams na re kun gzhi rnam par shes pa yod par khas ma blangs na /'du byed kyi rkyen gyis rnam par shes pa med pas 'khor bar 'jug pa med do zhes dam bcas pa de kun gzhis khas ma blangs kyang ji ltar na 'du byed kyi rkyen gyis rnam par shes pa med pas 'khor bar 'jug pa med par 'gyur zhe na /lan du kun gzhi khas mi len na 'du byed kyi rkyen gyis rnam par shes pa zhes bya bar rnam pa gnyis ltar brtag grang ste /nyan thos rnam par smra ba pa rnams kyi smras pa
- 183b
yid kyi rnam par shes pa gang gi tsho ma'i mngal du mtshams sbyor ba de'i tshe 'du byed kyi rkyen gyis rnam par shes pa zhes bya ba'o zhes brtag grang ngam/ yang na ni mdo sde pas sems ba zhes bya ba sems las byung bas bskyod de 'jug pa'i rnam par shes pa rnams kyis dge ba dang mi dge ba dang mi g.yo ba'i 'du byed byas nas 'jug pa'i rnam par shes pa skad cig ma gnyis pa 'byung ba la bag chags bsgo bar byed de /de 'du byed kyi rkyen gyis rnam par shes pa'o zhes brtags pa ltar brtag grang na phyogs gnyis ka ltar yang rigs ba ma yin no/ /de la yid kyi rnam par shes pa ma'i mngal du 'tshams sbyor bde la 'du byed kyi rkyen gyis rnam par shes pa'o zhes bya'o zhes lta ba'i phyogs de ji mi rigs par sun 'byin to/ /'di ltar tshe rabs snga ma 'am da ltar gyi tshe la las dge ba dang mi dge ba la sogs pa'i 'du byed byas pa de ni shi nas tshe phyi mar yid kyi rnam par shes pa ma'i mngal du mtshams sbyor bar byed pa'i rkyen du mi rung ste /de bas na mtshams sbyor ba'i yid kyi rnam par shes pa de la yang 'du byed kyi rkyen gyis rnam par shes pa zhes byar mi rung ngo/ /ci'i phyir zhe na/ tshe rabs snga ma dang da ltar gyi dus su las dge ba la sogs pa'i 'du byed byas pa rnams ni byas nas dus ring zhig lon te 'du byed de dag 'gags pa'i 'og tu gdod yid kyi rnam par shes pa ma'i mngal du mtshams sbyor bar byed pas na gang 'gags nas dus ring mo zhig lon pa'i 'du byed de ni rnam par shes pa phyi ma skyed pa'i rkyen du mi rung ngo /gal te nyan thos rnam par smra ba pa rnams na re/ /bdag cag ni 'das pa yang rdzas su yod par 'dod pas sngon byas te 'gags pa'i 'du byed de dag kyang rdzas su yod pa'i phyir yid kyi rnam par shes pa ma'i mngal du mtshams sbyor ba'i rkyen byed do zhen yang mi rung ste /dper na bya sngon shi ba de phyis sgong nga 'byung ba'i rkyen du mi rung
- 184a
pa dang/ rdza ma chag ste med par gyur pa chu snod kyi skyen du mi rung ba bzhin du sngar 'gags pa ni med pa yin pas rdzas su yod ces bya bar yang mi rung ste/ de bas na sngn bsags te 'gags pa'i 'du byed de dag yid kyi rnam par shes pa phyis mtshams sbyor ba'i rkyen du mi rung ngo/ /de skad bshad pa dang/ nyan thos rnam par smra ba pas smras pa/ gal te khyed kyi ltar byas te sngon las byas te 'gags pa rnams rkyen du mi 'dod na de lta na ni las byas pa rnams don med cing 'bras bu med par 'gyur te/ ci'i phyir zhe na/ gang gi tshe da ltar las byas pa de dag ni 'gags pas tshe rabs gzhan gyis dus na las de dag med pa'i phyir da ltar las byas pa de tshe phyi ma 'bras bu skye ba'i rkyen du mi 'gyur ro/ /lan du/ gal te de lta na ma yin te/ kun gzhi rnam par shes pa dang/ 'jug pa'i rnam par shes pa mgo mnyam du byung ba las 'jug pa'i rnam par shes pa rnams kyis las dge ba dang mi dge ba byas nas kun gzhi la bag chags bsags te /kun gzhi'i bag chags de je rtas je rtas su gyur pa dang/ kun gzhi rnam par shes pa nyid ma 'ongs pa na las kyi 'bras bu smin par 'gyur bas na 'bras bu med par yang mi 'gyur la/ nyan thos rnam par smra ba pa rnams kyis brtags pa ltar sngon 'gags pa'i las kyang rnam par smin pa 'bras bu myong bar mi 'gyur ro/ /yid kyi rnam par shes pa ma'i mngal du mtshams sbyor ba de 'du byed kyi rkyen gyis rnam par shes pa zhes bya'o zhes smra ba'i phyogs 'di la nyes pa gzhan yod de/ 'di ltar ma'i mngal du mtshams sbyor ba na rnam par shes pa 'ba' zhig yod pa ma yin gyi/ de'i tshe na ming dang gzugs kyang yod pas mtshams sbyor ba'i tshe na 'du byed kyi rkyen gyis
- 184b
rnam par shes pa nyid ces bya ba'i 'du byed ki rkyen gyis ming dang gzugs zhes mi bya ba la rigs pa ci yod de rigs pa med do/ /de bas na mtshams sbyor ba'i tshe rnam par shes pa 'ba' zhig tu ma zad de ming dang gzugs kyang yod pas na 'du byed kyi rkyen gyis yid dang gzugs shes bya'i 'du byed kyi rkyen gyis rnam par shes pa zhes ni mi bya'o/ /de skad du bshad ba dang/ nyan thos rnam par smra ba pa rnams kyis smras pa/ 'du byed kyi rkyen gyis rnam par shes pa zhes ci'i phyir mi bya ste/ gang gi tshe ma'i mngal du yid kyi rnam par shes pa mtshams sbyor ba de nyid 'du byed kyi rkyen gyis rnam par shes pa'o zhes bya'o zhe na /lan du /mtshams sbyor ba'i yid kyi rnam par shes pa de la 'du byed kyi rkyen gyis rnam par shes pa zhes bya bar 'dod na mtshams sbyor ba'i rnam par shes pa de la ma gtogs pa'i ming dang gzugs gang zhig yod de /gang gi phyir 'du byed kyi rkyen gyis rnam par shes ba zhes bya ba la rnam par shes pa'i rkyen gyis ming dang gzugs zhes bya ba'i ming dang gzugs gang yin pa smos shig /de skad du bshad pa dang/ nyan thos rnam par smra ba pa rnams kyis smras pa /'di ltar skad cig ma dang po la ma'i mngal du rnam par shes pa mtshams sbyor ba'i tshe'i ming dang gzugs ni 'du byed kyi rkyen gyis rnam par shes pa zhes bya la skad cig ma gnyis pa dang gsum pa phan chad kyi ming dang gzugs la ni rnam par shes pa'i rkyen gyis ming dang gzugs zhes bya'o zhes bya ba'i lan du/ 'di ltar gang gi tshe ma'i mngal du mtshams sbyor ba'i ming dang gzugs de yang ming dang gzugs yin la skad cig ma gnyis pa dang gsum pa phan chad kyi ming dang gzugs kyang ming dang gzugs yin te/ ming dang gzugs 'dra ba las khyad ci zhig zhugs na skad cig ma phyi ma la 'byung ba'i ming dang gzugs la ni rnam par
- 185a
shes pa'i rkyen gyis ming dang gzugs zhes bya la/ snga ma mtshams sbyor ba'i ming dang gzugs la rnam par shes pa'i rkyen gyis ming dang gzugs zhes ci'i phyir mi bya/ gzhan yang snga phyi gnyi ga ming dang gzugs 'dra ba las mtshams sbyor ba'i ming dang gzugs la ni 'du byed kyi rkyen gyis rnam par shes pa zhes bya na phyi ma skad cig ma gnyis pa la sogs pa las byung ba'i ming dang gzugs la ci'i phyir 'du byed kyi rkyen gyis rnam par shes pa zhes mi bya ste/ 'di la rigs pa ci yod/ de ltar snga phyi kun kyang ming dang gzugs tsam du zad pas na 'du byed kyi rkyen gyis ming dang gzugs zhes bya bas tshig gi 'du byed kyi rkyen gyis rnam par shes pa zhes bya ba'i rten cing 'brel te 'byung ba yan lag bcu gnyis la rnam par shes pa'i yan lag gzhan brtag mi dgos so/ /nyan thos rnam par smra ba pa rnams kyis smras pa/ yid kyi rnam par shes pa ma'i mngal du mtshams sbyor ba 'du byed kyi rkyen gyis rnam par shes pa zhes bya bar mi rigs na/ khyed rnam par rig pa tsam du smra ba pa la 'du byed kyi rkyen gyis rnam par shes pa zhes bya ba gang yin pa smros shig /lan du bdag cag gi lta ba ltar na 'du byed kyi rkyen gyis rnam par shes pa zhes bya ba yod de /'di ltar las dang 'bras bu mi shes pa'i ma rig pa'i dbang gis las dge ba dang mi dge ba la sogs pa byas pa ni ma rig pa'i rkyen gyis 'du byed ces bya'o/ /las byed pa'i tshe las kyi bag chags kun gzhi rnam par shes pa la brlan? pa ni 'du byed kyi rkyen gyis rnam par shes pa zhes bya'o/ /bag chags dang bcas pa'i kun gzhi rnam par shes pa ma'i mngal du mtshams sbyor ba ni rnam par shes pa'i rkyen gyis ming dang gzugs zhes bya ba ste/
- 185b
tshul 'di ltar ni skyon? med de/ de ltar phyogs snga ma sun phyung ba dang/ mdo sde pas smras pa/ yid kyi rnam par shes pa ma'i mngal du mtshams sbyor ba de 'du byed kyi rkyen gyis rnam par shes pa mi rung na sems las byung ba sems las bskyong nas 'jug pa'i rnam par shes pa drug gi las dge ba dang mi dge ba dang/ mi g.yo ba byas pa'i bag chags skad cig ma gnyis pa la sogs pa la byung ba'i 'jug pa'i rnam par shes pa drug la sgo bar byed de /de la 'du byed kyi rkyen gyis rnam par shes pa zhes bya bas kun gzhi rnam par shes pa dgos pa med do zhe na/ lan du skad cig ma snga ma la 'jug pa'i rnam par shes pa rnams kyis las dge ba la sogs pa byas pa skad cig ma phyi ma'i 'jug pa'i rnam par shes pa la bag chags bsgos pa de la 'du byed kyi rkyen gyis rnam par shes pa zhes bya ba 'di yang mi rung ste/ phyogs 'di yang bsgrub du mi 'grub bo/ /ci'i phyir zhe na/ 'di la yang rnam pa gnyis su brtag dgos te/ yang na ni mig la sogs pa'i rnam par shes pa de dag rang nyid kyis dge ba dang mi dge ba la sogs pa'i las byas nas bdag nyid la bag chags sgo bar byed pas na 'du byed kyi rkyen gyis rnam par shes pa zhes brtag grang/ yang na ni skad cig ma snga ma la mig la sogs pa'i rnam par shes pas las byas nas/ skad cig ma phyi ma 'jug pa'i rnam par shes pa la bag chags bsgos pas na de 'du byed kyi rkyen gyis rnam par shes pa zhes bya grang na/ phyogs gnyi ga ltar yang mi 'grub go /ji lta zhe na /mig la sogs pa'i rnam par shes pa nyid kyis dge ba la sogs pa'i las byas nas/ bdag nyid la bdag nyid kyis rnam par smin pa'i bag chags dang rgyu mthun pa'i bag chags bsgo bar mi nus te /dper na bram ze'i bu ji ltar mnyen la goms kyang/ rang nyid kyi phrag pa la rang zhon par
- 186a
mi nus pa bzhin du bdag la bdag byed par mi srid pas bdag la bdag bag chags bsgo bar mi rung ngo/ /de ltar bshad pa dang/ gal te gzhan na de bdag la bdag bag chags bsgo bar mi rung na skad cig ma snga ma'i 'jug pa'i rnam par shes pa rnams kyis skad cig ma phyi ma'i 'jug pa'i rnam par shes pa rnams la bag chags sgo'o zhe na yang mi rung ste /ci'i phyir zhe na/ skad cig ma snga ma la 'jug pa'i rnam par shes pa dge ba la sogs pa byed pa'i tshe skad cig ma phyi ma'i 'jug pa'i rnam par shes pa da dung ma skyes te /ma skyes pa ni med pa yin pas na snga mas phyi ma la sgo bar mi rung ngo/ /gal te gzhan na re de lta na skad cig ma phyi ma'i 'jug pa'i rnam par shes pa de skyes nas da ltar gyi dus su phyin pa de la skad cig ma las byung ba'i 'jug pa'i rnam par shes pa rnams kyis bag chags sgo bar byed do zhe na yang mi rung ste /ci'i phyir zhe na/ nam skad cig ma phyi ma'i 'jug pa'i rnam par shes pa rnams skyes nas da ltar gyi dus su phyin pa na skad cig ma snga ma'i 'jug pa'i rnam par shes pa rnams skyes nas 'gags te /med pas na sus bag chags bsgo ste mi rigs so/ /de bas na phyogs 'di ltar 'dzin pa yang rung ba ma yin no/ /'di de ltar thang cig skad cig ma snga ma'i 'jug pa'i rnam par shes pa rnams skad cig ma phyi ma'i 'jug pa'i rnam par shes pa la bag chags bsgo bar mi rung pa dang/ 'jug pa'i rnam par shes pa de dag rang nyid la rang nyid bag chags bsgo bar mi rung bar sun phyung nas phyogs khas blangs te/ skad cig ma snga mas phyi ma la sgo ba dang/ de nyid kyis de nyid la bsgor chug na yang 'di ltar lta ba'i phyogs 'di la 'du byed kyi rkyen gyis rnam par shes pa zhes bya ba mi 'grub bo//
- 186b
ji lta zhe na /sems med pa'i gnyid dang brgyal ba la sogs pa'i tshe rnam par shes pa drug gi tshogs rnams ma lus par 'gags te med par gyur pas sngon 'du byed kyis bsgos pa'i rnam par shes pa rnams kyang de'i tshe 'gags te /med la de'i tshe na yang rnam par shes pa drug 'gags pas rnam par shes pa la 'du byed kyi bag chags bsgor med par gyur to/ /sems med pa'i gnyid la sogs pa'i tshe 'du byed kyis bsgos pa'i rnam par shes pa med pas 'du byed kyi rkyen gyis rnam par shes pa zhes bya ba med do/ /rnam par shes pa med pas ming dang gzugs med do/ /ming dang gzugs med pas skye mched drug med pa nas/ rga shi'i bar du yang med par 'gyur bas na 'khor bar 'jug pa yang med par 'gyur ba'i phyir 'khor bar 'jug ces smra ba dang yang 'gal lo/ /'di ltar kun gzhi rnam par shes pa med na 'khor ba las ldog par yang mi rung mi rigs so/ /ci'i phyir zhe na/ phung po lnga tshe gcig nas gcig tu rgyun mi 'chad par skye ba ni 'khor ba ste /'khor ba de'i rgyu ni gnyis te /las dang nyon mongs pa'o/ /de gnyis las kyang 'khor ba'i rgyu'i gtso bo ni nyon mongs pa yin te /ci'i phyir zhe na/ nyon mongs pas grogs byas te /nyon mongs pa dang ldan na gdod nyon mongs pa'i mthus las kyi srid ba phyi ma 'phan par nus kyis nyon mongs pa med na las yod kyang las nges srid pa phyi ma 'phen pa mi nus pa'i phyir ro/ /'phags pa de dag tshe bdun gyi skye ba de ltar na nyon mongs pa med pa'i las kyi srid pa phyi ma 'phen par mi nus pas na 'phags pa bden pa mthong ba rgyun tu zhugs pa dang/ lan cig phyir 'ong ba la sogs pa tshe bdun gyi bar du skye ba'i las dang nyon mongs pa yod pas/ 'phags pa de dag tshe bdun gyi bar du ni skye'i tshe brgyad du skye ba'i las ma nges pa yod kyang tshe brgyad du skye
- 187a
ba'i nyon mongs pa mthong bar bya ba'i lam gyis spang bar bya ba'i nyon mongs pa med pas na tshe brgyad du mi skye bas nyon mongs pa ni 'khor bar skye ba'i rgyu'i gtso bo yin no/ /yang na 'phags pa de dag la ngan song du skye ba'i las ma nges pa yod kyang ngan song du skye ba'i nyon mongs pa mthong ba'i lam gyi spang bar bya ba'i nyon mongs pa spangs pas na 'phags pa de dag las des ngan song du mi skye ste/ de bas na mdo las kyang bzod pa thob la ngan song med ces gsungs te/ bzod pa grob ba ni sdug bsngal la chos su bzod pa thob pa'o/ /de bas na nyon mongs pa ni 'khor bar skye ba'i rgyu'i gtso bo yin no/ /gzhan yang khams gsum gyi 'dod chags dang bral ba dgra bcom pa rnams tshe snga ma'i las byas pas tshe 'dir skyes nas tshe 'dir nyon mongs pa spangs pa dang/ tshe phyi mar skye ba'i las tshe 'dir byas kyang las des 'phags pa de dag tshe phyi mar 'phen mi nus te /tshe phyi mar mi skye bas na nyon mongs ba ni 'khor bar skye pa'i rtsa ba yin no/ /de lta bas na 'khor bar skye ba'i rgyu nyon mongs pa spangs pa dang 'khor bar skye ba las ldog par 'gyur gyi/ nyon mongs pa ma spangs par ni 'khor ba las ldog par mi 'gyur ro/ /de las yang kun gzhi rnam par shes pa med na ni nyon mongs pa spang bar mi rung ngo/ /ci'i phyir zhe na/ 'di ltar nyan thos rnam par smra ba pa khyed cag nyon mongs pa spong bar 'dod na rnam pa gnyis su brtag ste/ yang na ni nyon mongs pa mngon du gyur nas 'jug pa'i rnam par shes pa rnams nyon mongs pa la mngon sum du spyod pa'i nyon mongs pa de spang grang/ yang na nyon mongs pa bag chags sa bon du gnas te mngon sum du ma gyur pa yang spang grang na kun gzhi khas ma blangs pas phyogs gnyi ga ltar yang mi rigs so/ /ci'i phyir zhe na/ nyon mongs pa mngon sum du gyur pa spong zhes bya bar yang/ gang gi
- 187b
tshe nyon mongs pa mngon sum du gyur te/ 'jug pa'i rnam par shes pa rnams nyon mongs pa la spyod cing nyon mongs pa'i rang bzhin gyur pa de na 'jug pa'i rnam par shes pa rnams ni zag pa can du gyur te/ zag pa med pa'i lam gyi mtshan nyid du ma gyur pas de'i tshe nyon mongs pa spong ba'i lam med pa'i phyir nyon mongs pa spang du mi rung ngo/ /de skad bshad pa dang/ gal te gzhan na re/ nyon mongs pa mngon du ni ma byung gi sa bon gyi dus na gnas pa spong bar byed do zhe na yang/ lan du kun gzhi rnam par shes pa yod par khas mi len na nyon mongs pa sa bon gyi dus na gnas pa yang spang du mi rung ngo/ /ci'i phyir zhe na /mi gnas lus kyi bar du rnam par shes pa lnga la ni 'phags pa'i lam du 'gyur ba med la/ 'phags pa'i lam du ni yid kyi rnam par shes pa 'gyur te/ gang gi tshe yid kyi rnam par shes pa 'phags pa'i lam du gyur pa de na mig la sogs pa'i rnam par shes pa lnga ni 'gags te med kyi yid kyi rnam par shes pa 'ba' zhig yod do/ /yid kyi rnam par shes pa 'phags pa'i lam du gyur pa'i ngo bo nges nyon mongs pa'i sa bon spong zhes bya grang na/ yid kyi rnam par shes pa zag pa med pa 'phags pa'i lam gnyen po'i mtshan nyid du gyur pa de na 'phags pa'i lam de spang bar bya ba'i kun gzhi zhe'am /chos gzhan nyon mongs pa'i sa bon gyi rten dang gzhir gyur pa yod par khyed kyis cung zad kyang khas ma blangs te/ nyon mongs pa'i sa bon gyi gnas yid kyi rnam par shes pa lam du gyur pas spang bar bya ba khas ma blangs pas nyon mongs pa spang du med de/ de bas na sa bon gyi gnas kyang spang du mi rung ngo/ /de skad du bshad pa dang/ gal te gzhan na re gnyen po'i sems yid de nyid la nyon mongs pa'i bag chags gnas pa gnyen po'i sems de nyid kyi spong
- 188a
ngo zhe na yang mi rigs te /dper na me dang chu gnyis 'gal ba gang na me gnas pa de na chu mi gnas pa de bzhin du gnyen po dang nyon mongs pa gnyis ni mi mthun pa yin pas/ gang nyon mongs pa'i bag chags kyis zhe na pa de nyid gnyen po'i sems zag pa med pa yin par mi rigs la /gang gnyen po'i sems zag pa med pa de nyid nyon mongs pa'i sa bon dang ldan par yang mi rigs pas nyon mongs pa spang du mi rung ngo/ /de skad bshad pa dang/ gal te gzhan na re/ sems gang nyon mongs pa'i sa bon dang ldan pa de nyid kyis nyon mongs pa'i sa bon mi spong ste spong bar mi byed do zhe na/ lan du/ de ltar khyod kyi lta ba'i tshul ltar byas na nyon mongs pa'i sa bon ma spangs pas mya ngan las 'das pa thob pa med pa'i phyir 'khor ba las ldog par yang mi rigs so/ /de lta bas na 'di ltar rigs te/ kun gzhi rnam par shes pa de la kun gzhi las gzhan pa 'jug pa'i rnam par shes pa dang lhan cig tu 'grogs pa'i nyon mongs pa dang nye ba'i nyon mongs pa rnams kyis kun gzhi la sa bon bsgos nas/ sa bon de dag rtags par gyur ba dang kun gzhi nyid las nyon mongs pa dang nye ba'i nyon mongs pa rnams 'byung ngo/ /nyon mongs pa dang nye ba'i nyon mongs pa'i sa bon kun gzhi la gnas pa de yang kun gzhi dang lhan cig 'byung ba yid kyi rnam par shes pa 'phags pa'i lam du gyur pa des kun gzhi la yod pa'i bag chags spong zhing sel bar byed do/ /de lta bas na gnyen po dang nyon mongs pa gnyis gnas so so nas 'byung dgos te/ kun gzhi ninyon mongs pa thams cad kyi bag chags kyi gnas so/ /yid kyi rnam par shes pa ni de'i tshe lam du gyur nas yid kyi rnam par shes pa de lam du gyur pa des kun gzhi la nyon mongs pa'i bag chags spong zhing sel te
- 188b
zhes de ltar khas blang bar bya'o/ /de ltar kun gzhi la nyon mongs pa dang nye ba'i nyon mongs pa'i bag chags 'phags pa'i lam gyis bsal na kun gzhi rnam par shes pa de las phyis nyon mongs pa dang/ nye ba'i nyon mongs pa mi skye ste/ de bas na phung po'i lhag ma dang bcas pa'i mya ngan 'das pa'i dbyings? thob pa zhes bya'o/ /de ltar nyon mongs pa spangs pas tshe rabs gzhan gyis 'phangs pa'i tshe 'di nyid kyang 'gags la phung po yang spangs pa dang/ tshe rabs gzhan du skye ba'i mtshams mi sbyor zhing phung po mi len pas na phung po'i lhag ma ma lus par spangs pa'i mya ngan las 'das pa'i dbyings thob pa zhes bya'o/ /de ltar kun gzhi rnam par shes pa yod pas 'khor bar 'jug pa dang ldog par yang rung gi /kun gzhi rnam par shes pa med na 'khor bar 'jug pa dang ldog par mi rung bas gdon mi za bar kun gzhi rnam par shes pa yod pas khas blangs par bya'o/ /kun gzhi rnam par shes pa yod par lung dang/ rigs pas bsgrubs nas rtsod pa med par byas te/ kun gzhi rnam par shes pa la ci'i phyir kun gzhi rnam par shes pa zhes bya ba'i don bstan par bya ba'i phyir/ kun gzhi rnam par shes pa nyid ni sa bon thams cad kyi kun gzhi dang zhes bya ba smos te/ rang gi yul dmigs par bya ba'i yul shes pas na rnam par shes pa'o/ /yul shes pa yang kun gzhi nyid kyis shes par zad kyi de la ma gtogs par shes par byed pa'i byed pa po dang/ byed pa po la sogs pa bdag med pas na kun gzhi nyid ces bya'o/ /sa bon thams cad kyi kun gzhi zhes bya ba la 'dod chags la sogs pa kun nas nyon mongs pa thams cad kyi sa bon ji snyed yod pa'i gnas dang rten byed pas na kun gzhi zhes bya ste/ kun gzhi zhes bya ba dang/ gnas zhes bya ba dang/ rten ces bya ba ni don gcig ste ming gi rnam grangs su zad do//
- 189a
yang na ma bsgribs la lung du mi ston pa dang/ bsgribs la lung du mi ston pa dang/ dge ba dang/ mi dge ba dang/ zag pa dang bcas pa dang/ zag pa med pa'i chos thams cad kyi sa bon gyi gnas dang/ kun gzhi byed pas na kun gzhi zhes bya'o/ /yang na kun gzhi zhes bya ba ni yul la bya ste/ nyon mongs pa'i yid kyi yul byed pas na kun gzhi zhes bya'o/ /yang na kun gzhi zhes bya ba'i tshig gi don ni 'dre ba 'am 'brel pa 'am 'jug pa la bya ste /kun gzhi rnam par shes pa de chos thams cad la 'bras bu'i dngos po'i ngo bor 'dre zhing 'brel pas kun gzhi zhes bya ba 'am kun gzhi de chos thams cad kyi rgyu'i dngos por 'dre zhing 'brel pas na kun gzhi zhes bya'o/ /de la chos thams cad la 'bras bu'i ngo bor 'dre zhing 'brel pa ni nam dge ba dang mi dge ba la sogs pa'i chos rnams kyis kun gzhi la bag chags sogs pa na/ kun gzhi bag chags dang bcas pa'i mtshan nyid khyad par can du byas pa yin pas chos rnams kyi rgyu yin la kun gzhi ni 'bras bu yin te/ de ltar na kun gzhi de chos rnams la 'bras bu'i dngos por 'dre zhing 'brel pa zhes bya'o/ /kun gzhi de chos rnams la rgyu'i dngos por 'dre zhing 'brel ba ni nam kun gzhi bag chags de las chos rnams byung bas na kun gzhi ni rgyu ltar gnas la chos rnams 'bras bu ltar gnas pas na kun gzhi de chos thams cad kyi rgyu'i dngos por 'dre zhing 'brel pa zhes bya'o/ /kun gzhi zhes bya ba'i tshig gi don gzhan yang bstan pa'i phyir /lus kyi kun gzhi dang rgyu dang lus la gnas pa'i phyir ro zhes bya ba smos te /de la lus kyi kun gzhi zhes bya ba la tshor ba dang/ 'du shes dang/ 'du byed dang/ rnam par shes pa ste /ming gi phung po bzhi dang/ gzugs kyi phung po ste phung po lnga la lus zhes bya'o/ /lus de yang kun gzhi la gnas shing kun gzhi la brten la kun gzhi'i
- 189b
mthu'i rgyun ma chad par 'byung ste /lus kyi gnas dang gzhi byed pa'i phyir yang/ /gzhi zhes bya'o/ /lus kyi rgyu dang rten byed pas na kun gzhi zhes bya ste/ ji lta zhe na/ phung po lnga'i sa bon kun gzhi la yod pa rtas par gyur pa dang/ ma'i mngal du kun gzhi rnam par shes pas mtshams sbyar nas/ lus de ming dang gzugs 'byung zhing 'grub bar kun gzhis byed pas na lus kyi rgyu byed pa'i phyir yang kun gzhi zhes bya'o/ /lus la gnas pa'i phyir zhes bya ba la lus kyi mig la sogs pa'i dbang po dang bcas pa'i gzugs la bya'o/ /'di ltar mig la sogs pa'i rnam par shes pa drug gis ni lus mdza' dge la khyab par gnas pa ma yin gyis kun gzhi rnam par shes pa ni lus mdza' dag la khyab par gnas te/ kun la khyab pa'i mtshan nyid du lus dang kun gzhir 'brel bas na lus kun la khyab par gnas pa'i phyir yang kun gzhi zhes bya'o/ /kun gzhi rnam par shes pa de la ming du kun gzhi zhes bya bar yang ma zad kyi ming gzhan yang yod par bstan pa'i phyir /len pa'i rnam par shes pa yang de yin te zhes bya ba smos te/ kun gzhi de la ming du len pa'i rnam par shes pa zhes bya'o/ /zhes bya ba'i don to/ /kun gzhi de la ci'i phyir ming du len pa'i rnam par shes pa zhes bya zhe na/ de'i gtan tshigs su/ lus len pa'i phyir ro zhes bya ba smos te /kun gzhi 'dis lus len pa dang/ 'dzin pa dang/ lus mi gtong bar byed pas na len pa'i rnam par shes pa zhes bya'o/ /gal te gzhan na re lus ni sems kyi ma blangs kyi mu stegs kyis brtags pa'i bdag gis lus len to zhe na /'jig rten na lus ni sems kyis len bar grags kyi bdag gis len par ma grags pa dang /bdag ni rtag pa yin pas rtag pa la ni lus len pa dang mi len pa gnyis su mi rigs la/ bdag de lus len pa
- 190a
dang mi len pa gnyis byed na ni mi len pa las len pa'i mtshan nyid du gzhan du gyur pas rtag par mi rung ste /de bas na bdag gis lus len par mi rigs so/ /sems kyis lus len pa yang kun gzhi rnam par shes pa la tshe rabs snga ma'i 'du byed kyi bag chags bsags pas bag chags de'i rgyus ma'i mngal? du khu ba dang khrag gi nang du kun gzhi rnam par shes pa brgyal ba'i dus na sems nges lus blangs te /kun bzhi'i mthus ming dang gzugs yod par byas nas sems de nyid kyis nam ma shi ba'i bar du len cing 'dzin par byed pas na len pa'i rnam par shes pa zhes bya bar 'dod do/ /kun gzhi lus len gyi mig la sogs pa'i rnam par shes pa lngas ni khrag dang khu ba'i tsha? lus len par mi byed la rnam par shes pa lnga'i rjes las byung ba'i yid kyi rnam par shes pas kyang ma'i mngal du khrag dang/ bu ba'i tshe lus len par mi byed do/ /ci'i phyir zhe na/ mig la sogs pa'i rnam par shes pa na/ ma'i mngal du khrag dang khu ba'i dus na med kyi khrag dang khu ba'i mngal gyi dus las 'das nas mngal nas byung ba dang gdod so so'i rkyen dang/ phrad nas mig la sogs pa'i rnam par shes pa rnams 'byung bas na mngal gyi tshe na de dag med pa'i phyir lus mi len to/ /de'i rjes las byung ba'i yid kyi rnam par shes pa yang rkyen gyi mthu las skye ste /mig gi rnam par shes pa'i rjes las byung bas na ma'i mngal gyi tshe na ni med kyis phyis gdod 'byung bas na lus mi len to/ /gzhan dag gis bgal ba la /bden te khrag dang khu ba'i dus na mig la sogs pa'i rnam par shes pa ni med de/ de dag so so'i rkyen las skye ba yin pas na lus mi len kyang de dag la ma gtogs ba'i yid kyi rnam par shes pa rnams par smin pa'i rang bzhin 'du byed kyi rkyen gyis byung ba de ni 'du byed kyi rkyen gyis rnam par
- 190b
shes? pa zhes bya ba de la bya bas des khrag dang khu ba'i dus na lus len to/ /zhes bya ba'i lan du/ 'di ltar mig la sogs pa'i rnam par shes pa lnga dang/ de'i rjes las byung ba'i yid kyi rnam par shes pa ma gtogs par gzhan rnam par smin pa'i rnam par shes la? zhes bya ba 'du byed kyi rkyen gyis 'byung ba'i yid kyi rnam par shes pa zhes bya ba khrag dang khu ba'i dus na lus len par byed pa ni cung zad kyang yod pa ma yin te/ de med do /de ci'i phyir zhe na/ 'di ltar mig la sogs pa'i rjes las byung ba'i yid kyi rnam par shes pa lam gtogs pa'i yid kyi rnam par shes pa yod na/ yang na ni dge ba'i rang bzhin zhig yin/ yang na ni mi dge ba'i rang bzhin zhig yin par 'gyur ro/ /gal te gzhan na re/ yid de dge pa dang mi dge ba'i rang bzhin na ni nyes snyam pa la/ de lta na ni mi rung ste/ 'di ltar 'du byed kyi rkyen gyis byung ba'i rnam par shes pa de rtag tu rnam par smin pa'i rang bzhin yin pas gcig tu lud du ma bstan pa yin la/ rnam par shes pa drug la ma gtogs pa'i yid de ni dge ba dang/ mi dge ba'i rang bzhin yin pa'i phyir rnam par smin pa'i rang bzhin du mi rung bas de la 'du byed kyi rkyen gyis rnam par shes pa shes bya bar mi rung ngo/ /de bas na des khrag dang khu ba'i dus na lus len par yang mi rigs so/ /gzhan yang khyod kyi lta ba ltar na sems can thams cad ni sems kyi rgyud gcig ste/ de bas na rnam par shes pa drug gi tshogs kyang rims kyi 'byung gis cig car mi 'byung ngo zhes lta'o/ /'di lta ste/ gang gi tshe dge ba'i ngo bo'i rnam par shes pa 'byung pa de'i tshe mi dge ba'i ngo bo'i rnam par shes pa mi 'byung la gang gi tshe mi dge ba'i ngo bo'i rnam par shes pa byung ba de'i tshe dge ba'i ngo bo dang/ lung du ma bstan pa'i ngo bo'i rnam par shes pa mi 'byung ste/ de dag rim gyis 'byung ngo/ /de la gang rnam
- 191a
par smin pa'i rang bzhin de dag ni lan cig chad nas slar mtshams mi sbyor te/ dper na mig gi dbang po 'di dag rnam par smin pa'i rang bzhin yin pas na lan cig chad pa dang/ phyis mi 'byung ba bzhin du gal te 'jug pa'i rnam par shes pa drug pa ma gtogs pa'i yid kyi rnam par shes pa zhes bya ba rnam par smin pa'i rang bzhin yod na rnam par smin pa'i rang bzhin de chad nas 'byung ba'i skyon du 'gyur te/ ci'i phyir zhe na/ rnam par shes pa de dge ba dang mi dge ba'i rang bzhin du khas blangs pas nam dge ba byung ba'i tshe na mi dge ba'i sems ma byung la mi dge ba'i tshe na dge ba'i sems ma byung ste/ dge ba dang mi dge ba'i sems kyang mi dge ba'i sems sngar 'byung ba 'gags te chad nas gdod dge ba'i sems 'byung ba'i rnam par smin pa la chad pa yod pa'i skyon du 'gyur bas mi rigs so/ /de bas na kun gzhi rnam par shes pa la ma gtogs pa'i yid kyi rnam par shes pa rnam par smin pa'i rang bzhin dang/ gcig tu lung ma bstan pa'i mtshan nyid ni yod pa ma yin te med do/ /de la len pa'i rnam par shes pa zhes bya ba ni lus thams cad khyab par len pa la de'ang rgyun mi chad par lus len pa la len pa'i rnam par shes pa zhes bya na/ 'jug pa'i rnam par shes pa drug gi tshogs rnams ni gnas so sor nges par 'jug ste/ lus kun la khyab par mi 'jug pa dang/ rtag tu lus mi len gyi rgyun chad nas 'jug pa'i phyir lus thams cad la len pa ma yin no/ /ji ltar gnas so sor nges par 'jug ce na/ mig gi rnam par shes pas kyang mig gi dbang po'i? gnas 'ba' zhig blangs kyi/ gnas gzhan ma blangs pa nas/ lus kyi rnam par shes pas kyang gang du reg bya 'byung ba'i lus de nyi tshe blangs kyi/ gzhan ma blangs bas na lus kun len pa ma yin no/ /rgyun chad nas 'jug pa ni 'jug pa'i rnam
- 191b
par shes pa rnams las mig gi rnam par shes pa skyes nas de'i rgyun chad de gdong sna'i rnam par shes pa skye ba dang/ sna'i rnam par shes pa skyes nas chad de gdong mig gi rnam par shes pa skyed pas na rtag tu lus len pa ma yin no/ /gzhan yang sems med pa'i gnyid dang/ rgyal ba la sogs pa'i dus na 'jug pa'i rnam par shes pa rnams ril gyis 'gags pas de'i tshe lus ma blangs pas rtag tu lus len pa ma yin no/ /de lta bas na kun gzhi rnam par shes pa ni ma'i mngal du nyid mtshams sbyor ba'i tshe ming dang gzugs kyi mtshan nyid kyi lus blangs nas nam ma shi'i bar du lus len cing 'dzin par byed pas na len pa'i rnam par shes pa zhes bya'o/ /kun gzhi rnam par shes pa bshad pa/ rdzogs so/ /da ni nyon mongs pa can gyi yid bshad par brtsams te/ de bas na de bshad do/ /gal te 'jug pa'i rnam par shes pa drug la ma gtogs pa'i nyon mongs pa'i yid ces bya ba yod na dmigs pa'i yul med pa'i rnam par shes pa ni mi srid pas nyon mongs pa'i yid de ci la dmigs pa bstan pa dang/ gong du sems zhes bya ba dngos su 'jug pa'i rnam par shes pa rnams la mi bya'i/ /dngos su kun gzhi rnam par shes pa la sems zhes bya ba de bzhin du/ 'dir yang dngos su yid ces bya ba rnam par shes pa snga ma 'gags pa drug po la mi bya'i yid ces bya ba yang dngos su nyon mongs pa'i yid la bya'o zhes bstan pa'i phyir/ dngos su na yid ces bya ba smos te/ dngos sam gtson? nyon mongs pa'i yid la yid ces bya'i rnam par shes ? snga ma 'gags pa drug po la ni dngos su ni yid ces mi bya'o zhes pa'i don to/ /nyon mongs pa'i yid de ci la dmigs zhe na/ de'i phyir/ kun gzhi rnam par shes pa la dmigs te zhes bya ba smos te/ nyon mongs pa'i yid ni rtag tu kun gzhi rnam
- 192a
bar shes pa la dmigs te/ de bas na de'i yul ni kun gzhi rnam par shes pa yin no/ /nyon mongs pa'i yid kun bzhi la ji ltar dmigs zhe na/ nyon mongs pa'i yid des kun gzhi rnam par shes pa la bdag ces bya ba ni 'di yin no zhes kun gzhi la bdag tu dmigs pa'i phyir ro/ /yang na nyon mongs pa'i yid de yul gzhan la yang dmigs mod kyiyul gzhan pas kun gzhi la gtso bor bdag tu dmigs pas dngos su na yid ni kun gzhi rnam par shes pa la dmigs te zhes bya'o/ /nyon mongs pa'i yid de ci'i phyir kun gzhi rnam par shes pa la bdag tu dmigs pa bstan pa dang/ nyon mongs pa'i yid de sems yin na /sems las byung ba'i chos dang mi ldan pa'i sems yod mi srid pas nyon mongs pa'i yid de sems las byung ba du dang ldan pa bstan par bya ba'i phyir/ rtag tu bdag tu gti mug pa dang/ bdag tu lta ba dang/ bdag tu nga rgyal ba dang/ bdag la chags pa la sogs pa dang mtshungs par bstan zhes bya ba smos te /nyon mongs pa'i yid de rtag tu sems las byung ba nyon mongs pa bdag tu gti mug pa dang/ bdag tu lta ba dang/ bdag tu nga rgyal ba dang/ bdag la chags pa ste sems byung ba gzhi dang ldan pas kun gzhi rnam par shes pa la bdag ni 'di yin no snyam du dmigs so/ /rtag tu zhes bya ba ni ji srid du dgra bcom pa dang/ 'phags pa'i lam dang/ 'gog pa'i snyoms par 'jug pa'i dus lam gtogs pa dge ba dang mi dge ba dang lung du ma bstan par byed pa'i dus dang/ 'du shes med pa'i snyoms par 'jug pa dang/ 'du shes med pa pa dang/ sems med pa'i gnyid dang/ brgyal ba la sogs pa'i tshe dus thams cad du kun gzhi la bdag tu lta zhing dmigs pa rgyun mchad par byed pas na rtag tu zhes bya'o/ /de ltar na nyon mongs pa'i yid rtag tu nga
- 192b
rgyal bdag go zhes rlom sems pa'i rang bzhin yin pas na dngos su na de la yid ces bya'o/ /gzhan dag gis smras pa/ de ltar dngos su na nyon mongs pa'i yid la yid ces bya na rnam par shes pa drug po 'gags ma thag pa de la don gan gis na yid cas bya zhes pa'i lan du /gang yang mig gi rnam par shes pa nas/ yid kyi rnam par shes pa'i bar du drug po 'gags ma thag pa la yid ces bya ba yang mig nas lus kyi bar du rnam par shes pa lnga'i rten ni mig gi dbang po nas lus kyi dbang po'i bar du lnga yin par grags na/ yid kyi rnam par shes pa'i rten tam dbang po ma grags pas de'i rten grags par bya ba'i phyir rnam par shes pa drug po snga ma 'gags pa la yid ces bya bar btags par zad de /gang bdag dang bdag gir rlom sems pa de la dngos su yid ces bya bas rnam par shes pa snga ma 'gags pa ni bdag dang bdag gir rlom sems pa'i rang bzhin ma yin pas dngos su de la yid ces mi bya'o/ /de la kun gzhi bdag med pa la bdag med par khong du ma chud pa ni bdag tu gti mug pa zhes bya'o/ /de ltar bdag med par khong du ma chud pas kun gzhi la bdag rtag pa ni 'di yin no snyam du 'dzin pa ni bdag tu lta ba zhes bya'o/ /bdag tu bltas pa'i rgyu des sems mtho ba dang/ khengs par gyur pa ni bdag tu nga rgyal ba zhes bya'o// bdag tu gti mug pa dang/ bdag tu lta ba dang/ bdag tu nga rgyal ba gsum las/ bdag de la chags shing phangs par 'dzin pa ni bdag la chags pa zhes bya ste/ nyon mongs pa'i yid de sems las byung ba'i nyon mongs pa can bzhi dang ldan no zhes bya ba'i don to/ /sogs pa'i sgras ni sems las byung ba bzhi po de 'ba' zhig 'byung par ma zad kyi reg pa dangyid la byed pa la sogs pa lnga kun tu 'gro ba yang ldan par ston to/ /de bas na nyon mongs pa'i yid de sems las byung ba'i nyon mongs
- 193a
pa can bzhi dang/ lnga kun tu 'gro bas bsnan te sems las byung ba dgu dang ldan no/ /nyon mongs pa'i yid de yod par nyan thos rnam par smra pa pa rnams ma grags te/ de bas na de dag la yod do zhes bstan pa dang /nyon mongs pa'i yid de yang sems kyi rang bzhin gyi yin gyi sems las byed pa'i rang bzhin ma yin no zhes bstan pa'i phyir /rnam par shes pa zhes bya ba smos te /nyon mongs pa'i yid de rnam par shes pa'i rang bzhin yin pas sems kyi rang bzhin yin gyi sems pas byung ba'i rang bzhin ma yin no zhes bya ba'i don to/ /nyon mongs pa'i yid de sems kyi rang bzhin yin na chos rnam pa bzhi la dge ba dang/ mi dge ba dang/ ma bsgribs la lung du ma bstan pa dang/ bsgribs la lung du ma bstan pa las chos de bzhi gang gi rang bzhin yin zhe na /de'i phyir /rigs gcig pa dang zhes bya ba smos te /chos rnam pa bzhi las nyon mongs pa'i yid de ni bsgribs la lung du ma bstan pa'i rang bzhin yin gyis dge pa'i rang bzhin yang ma yin /mi dge ba'i rang bzhin ma yin /ma bsgribs la lung du ma bstan pa'i rang bzhin yang ma yin pas rigs gcig pa zhes bya'o/ /nyon mongs pa'i yid de bdag tu gti mug pa la sogs pa sems las byung ba nyon mongs pa can bzhi dang ldan pas na bsgribs pa zhes bya'o/ /dge ba'i rang bzhin yang ma yin mi dge ba'i rang bzhin yang ma yin pas na lung du ma bstan pa zhes bya'o/ /ci'i phyir dge ba dang mi dge ba'i rang bzhin ma yin zhe na/ gal te nyon mongs pa'i yid de dge ba'i rang bzhin zhig yin par gyur na ni mi dge ba'i rang bzhin byed pa rnams la dge ba med bsad mi dge ba byed do snyam du ngar 'dzin pa'i nyon mongs pa'i yid med par 'gyur ba'i rigs na/ mi dge
- 193b
ba byed pa rnams la yang nga mi dge ba byed do snyam du 'dzin pa'i rang bzhin yod pas na nyon mongs pa'i yid de dge ba'i rang bzhin yang ma yin no/ /gal te nyon mongs pa'i yid de mi dge pa'i rang bzhin yin na ni dge pa byed pa rnams la mi dge ba byed pas nyon mongs pa'i yid med pa'i phyir bdag dge bskyod? do snyam du bdag tu sems pa med pa'i rigs na/ dge ba byed pa rnams kyang bdag dge ba byed de snyam du bdag tu 'dzin pa yod pas nyon mongs pa'i yid de mi dge pa'i rang bzhin yang ma yin no yang na nyon mongs pa'i yid de nyon mongs par rigs gcig par yin gyi dge ba dang mi dge ba dang/ ma bsgribs la lung mi ston pa'i rang bzhin ni ma yin te/ ci'i phyir nyon mongs par rigs par rigs gcig ce na/ rtag par bdag tu gti mug pa la sogs pa nyon mongs pa gzhi dang ldan pa'i phyir nyon mongs par rigs gcig go /smras pa/ de ltar na nyon mongs pa'i yid de rtag gam mi rtag pa zhig yin snyam pa la/ rgyun tu 'jug pa ste zhes bya ba smos te/ skad cig ma'i rgyur gyis rgyun mi 'chad par 'jug pas rgyun tu 'jug pa zhes bya ste /de ni mi rtag par bstan to/ /de ltar 'jug pa bstan nam/ da 'gog pa ston te/ nyon mongs pa'i skad cig ma'i/ rgyun gyis rgyun mi 'chad par 'jug na /gang gis dus kyi che nyon mongs pa'i yid med par 'gyur snyam pa la /de'i phyir dgra bcom pa rang/ 'phags pa'i lam dang/ 'gog pa'i snyoms par 'jug pa'i dus ma gtogs so/ /zhes bya ba smos te/ dgra bcom pas mi khams gsum gyi nyon mongs pa'i chos kun ma lus par spangs pas nyon mongs pa'i yid kyang spangs pa'i phyir dgra bcom pa'i dus na nyon mongs pa'i yid med do/ /'phags pa'i lam ni gang zag dad chos la bdag med par bsgoms pa ste /don dam par
- 194a
bsgom pa de bdag tu lta ba dang mi mthun pa yin la /bdag tu lta ba'i gnyen po yin pas 'phags pa'i lam la snyoms par zhugs pa'i tshe nyon mongs pa'i yid med de/ lam las langs nas ni nyon mongs pa'i yid kyang 'byung ngo/ /de ci'i phyir zhe na/ 'phags pa slob pa'i gang zag rnams lam la snyoms par 'jug ste /slob pa rnams kyi ni nyon mongs pa kun ma lus par ma spangs pa'i phyir nyon mongs pa'i yid kyi bag chags kyang bag chags da dung ma byang bas langs pa'i tshe kun gzhi rnam par shes pa las kyang 'byung ngo/ /'du shes med pa'i snyoms par 'jug pa'i dus na ni nyon mongs pa'i yid yod pas zhi ba ma yin gyis 'gog pa'i snyoms par 'jug pa'i dus na nyon mongs pa'i yid med pas ches zhi ba zhes bya ste/ 'gog pa'i snyoms par 'jug pa de ches zhi bar gyur pa'i phyir 'gog pa'i snyoms par 'jug pa'i dus na nyon mongs pa'i yid med do/ /de gsum gyi dus la ma gtogs par dge ba dang mi dge ba dang lung du ma bstan pa'i dus dang /'du shes med pa'i snyoms par 'jug pa dang /'du shes med pa pa dang/ sems med pa'i gnyid dang/ brgyal ba la sogs pa'i dus na rtag tu yod do zhes bstan pa yin no/ /mdor na nyon mongs pa'i yid kyi skabs su don bzhis bstan te /yid kyi nges pa'i tshig dang/ dmigs pa dang/ ldan pa dang/ dus ji srid du yod pa'o/ /de la bdag dang bdag gir sems pa zhes bya bas yid kyi nges pa'i tshig bstan kun gzhi la dmigs pa zhes bya bas dmigs pa bstan /sems las byung ba'i nyon mongs pa bzhi dang/ lnga kun tu 'gro ba dang ldan pas zhes bya bas ldan pa bstan/ dgra bcom pa la sogs pa'i
- 194b
dus gsum las ma gtogs par dus gzhan du 'jug ces bya bas dus ci srid du gnas pa bstan to/ /nyon mongs pa'i yid bstan pa /rdzogs so/ /gzugs la sogs pa la phung po zhes btags pa la phung po zhes bya ba'i don bstan pa dang/ gong du gzugs la sogs pa na je bshad kyi phung po'i don phyir bstan to zhes glengs pa de yang bstan pa'i phyir/ ci'i phyir phung po zhes bya ba zhe na zhes dris te/ gzugs la sogs pa'i chos la ci'i phyir phung po zhes gdags zhes dris pa'i don to/ /de'i lan du/ spungs pa'i phyir te zhes bya ba smos te/ gang cung zad gzugs su bgrang ba 'das pa dang/ ma 'ongs pa dang/ da ltar byung ba dang/ nang gi dang/ phyi'i dang/ chen po dang/ chung ngu dang/ ngan pa dang/ bzang po dang/ nye ba dang/ ring ba gang yin ba de dag thams cad dngos po bsdud mi rung yang tshig gis bsdus te /chos mang po de dag gcig tu bsdus te spungs pa la /gzugs kyi phung po zhes bya ba dang/ de bzhin du gang cung zad rnam par shes pa'i mtshan nyid du bgrang ba/ 'das pa dang ma 'ongs ba zhes bya ba nas/ nye ba dang ring ba gang yin pa de dag dngos por bsdud mi rung yang tshig gis bsdus te srungs pa la rnam par shes pa'i phung po zhes bya'o zhes bya ba'i don to/ /don de nyid bstan par bya ba'i phyir/ dus dang/ rgyud dang/ rnam pa dang/ 'gro ba dang/ yul tha dad pa'i gzugs la sogs pa mdor bsdus pa'i phyir ro zhes bya ba smos te /tha dad pa zhes bya ba'i tshig kun dang yang sbyar te/ dus tha dad pa dang/ rgyud tha dad pa dang /rnam pa tha dad pa dang/ 'gro ba tha dad pa dang/ yul tha dad pa'i gzugs ji snyed yod pa rnams gcig tu bsdus te spungs pa la phung po zhes bya ba'i don to/ /rnam par shes pa la sogs pa phung po lhag ma la yang de bzhin du sbyar ro/ /de la 'das pa dang ma 'ongs pa dang da ltar byung ba zhes bya bas dus tha dad pa'i gzugs bstan to//
- 195a
phyi dang nang gi zhes bya bas rgyud tha dad pa'i gzugs ? ltan? te/ gang gi phyir mig la sogs pa'i dbang po'i rang gi rgyud la yod pa la ni nang gi gzugs zhes bya'o/ /gang gi phyir rang gi rgyud las gzhan pa cig pa la sogs ba la ni phyi'i gzugs zhes bya'o/ /yang na rang gi lus la yod pa mig la sogs pa'i skye? mched rnams la ni nang gi gzugs zhes bya'o/ /sems can gzhan gyi rgyud la yod pa'i skye mched rnams la ni phyi'i gzugs zhes bya'o/ /chen po dang chung ngu zhes bya bas rnam pa tha dad pa phye ba'i gzugs bstan te /chen po dang chung ngu'i gzugs ni phan tshun du bltos na chen po dang chung ngur? gzhag ste/ chen po las bltos nas chung ngu zhes bya chung ngu las bltos na chen po zhes bya/ yang na thogs pa dang bcas pa'i gzugs rnams ni chen po zhes bya'o/ /rnam par rigs byed pa ma yin pa lta bu thogs pa med pa la ni chung ngu zhes bya'o/ /ngan pa dang bzang po dang zhes bya bas 'gro ba tha dad pas phye ba'i gzugs bstan te/ ngan song gsum gyi 'gro bar skyes pa'i gzugs la ni ngan pa zhes bya'o/ /lha dang mir skyes pa'i gzugs la ni bzang ngo zhes bya'o/ /nye ba dang ring ba zhes bya bas yul tha dad pas phye ba'i gzugs bstan te /gang ltar snang ste mngon sum du mthong du rung ba'i yul na gnas pa'i gzugs la ni nye ba zhes bya'o/ /gzugs la sogs pa ltar mi snang ba'i yul na gnas pa la ni ring ba zhes bya'o/ /tshor ba la sogs pa'i phung po lhag ma la yang gang 'das pa dang/ ma 'ongs pa dang/ da ltar byung ba'i tshor ba dang/ 'du shes/ /la sogs pa'i phung po la ni dus tha dad pa zhes bya'o/ /bdag nyid kyi rgyud du gtogs pa'i tshor ba dang/ 'du shes la sogs pa ni nang zhes bya'o/ /sems can gyi rgyud du gtogs pa'i tshor ba dang/ 'du shes la ni phyi zhes bya ste/ de ni rgyud tha dad pa'o/ /mig
- 195b
gi dbang po dang/ lus kyi dbang po la brten pa'i tshor ba dang/ 'du shes la sogs pa ni chen po zhes bya'o/ /yid kyi dbang po la brten pa'i tshor ba dang/ 'du shes la sogs pa la ni chung ngu zhes bya ste/ 'di ni rnam pa tha dad pa'o/ /ngan song gsum du gtags pa'i tshor ba dang/ 'du shes la sogs pa ni ngan pa zhes bya'o/ /lha dang mi'i rgyud du gtogs pa'i tshor ba dang/ 'du shes ni bzang po zhes bya ste /'di ni rgyud tha dad pa'o/ /tshor ba la sogs pa la yang nye ba dang ring bar gzhag par ni tshor ba la sogs pa'i rten lus ltar snang mi snang las nye ring du gzhag ste/ lus ltar snang ba la brten pa'i tshor ba ni nye ba zhes bya'o/ /lus ltar mi snang ba la brten pa'i tshor ba la ni ring ba zhes bya ste/ 'di ni yul tha dad pa'o/ /phung po lnga bshad pa/ rdzogs so// //zag pa dang bcas pa dang /zag pa med pa'i 'dus byas thams cad ni phung po lngar 'dus /zag pa dang bcas pa'i phung po lnga ni nye bar len pa'i phung po lngar 'dus /'dus byas dang 'dus ma byas kyi chos thams cad ni skye mched bcu gnyis dang/ khams bco brgyad du 'dus so zhes bstan pa dang/ mdo sde las phung po'i 'og tu skye mched bshad de/ de bas na mdo sde bzhin du phung po bshad pa'i 'og tu skye mched bshad par bya ste/ de la skye mched rnams la grangs su ni du zhig yod pa dang /de dag dngos su ni gang dang gang yin pa dang/ skye mched ces bya ba'i tshig gi don ci yin pa bstan bar bya ba'i phyir/ skye mched bcu gnyis ni zhes bya ba smos te/ skye mched la grangs ni bcu gnyis yod do zhes bya ba'i don to/ /de dag dngos po gang dang gang yin pa bstan par bya ba'i phyir/ mig gi skye mched nas chos kyi skye mched do zhes bya ba'i bar du smos so/ /phung po lnga las gzugs kyi phung po'i skabs su rgyur byas pa'i gzugS
- 196a
las bcu gcig tu bshad do/ /dbang po lnga dang yul lnga dang/ rnam par rig byed ma yin pa dang bcu gcig tu bshad pa las/ dbang po lnga dang/ yul lnga la 'dir skye mched bcu zhes bya'o/ zhes bstan par bya ba'i phyir mig la sogs pa dang/ gzugs dang sgra dang dri dang ro'i skye mched rnams kyang snga ma bzhin bshad do zhes bya ba smos te/ gzugs kyi phung po bshad pa'i skabs su mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po'i rang bzhin ji ltar bshad pa/ lnga po de nyid la skye mched kyi skabs su yang mig gi skye mched dang/ rna ba'i skye mched dang /sna'i skye mched dang/ lce'i skye mched dang/ lus kyi skye mched ces skye mched lngar bzhag? la/ skye mched de dag gi rang bzhin yang dbang po'i skabs su bshad pa bzhin du bshad par bya'o/ /ji lta zhe na/ mig gi skye mched gang zhe na/ yul kha dog gzugs dang ba'o/ /rna ba'i skye mched gang zhe na/ yul sgra gzugs dang ba'o/ /sna'i skye mched gang zhe na/ yul dri gzugs dang ba'o/ /lce'i skye mched gang zhe na/ yul ro gzugs dang ba'o/ /lus kyi skye mched gang zhe na/ yul reg bya gzugs dang ba'o/ /gzugs kyi phung po'i skabs su gzugs dang/ sgra dang/ dri dang/ ro bzhi bshad pa la skye mched kyi skabs su gzugs kyi skye mched dang/ sgra'i skye mched dang /dri'i skye mched dang/ ro'i skye mched ces skye mched bzhir gzhag cing /de dag gi rang bzhin yang gzugs kyi phung po'i skabs su bshad pa bzhin du 'dir yang bshad par bya ste/ ji lta zhe na/ gzugs kyi skye mched gang zhe na/ mig gi yul te/ kha dog dang/ dbyibs dang/ rnam par rig byed pa'o/ /sgra'i skye mched gang zhe na/ rna ba'i yul te/ zin pa dang/ ma zin pa dang/ gnyi ga'i ste 'byung ba chen po
- 196b
bzhi'i rgyu las byung ba'o/ /dri'i skye mched gang zhe na/ sna'i yul te /dri zhim ba dang/ dri mi zhim ba dang/ de las gzhan pa'o/ /ro'i skye mched gang zhe na/ lce'i yul te/ mngar ba dang/ bsgyur ba dang/ lan tshwa ba dang/ kha ba dang/ tsha ba dang/ ska pa'o zhes bshad par bya'o/ /reg bya'i skye mched kyang gzugs kyi phung po bshad pa'i skabs su reg bya'i bshad pa nyid la reg bya'i skye mched ces bya'o zhes bstan par bya ba'i phyir/ reg bya'i skye mched ni 'byung ba chen po bzhi dag dang/ gang reg bya'i phyogs gcig bshad pa'o zhes bya ba smos te/ gong du gzugs kyi phung po bshad pa'i skabs su lus kyi reg bya'i rgyu 'byung ba chen po bzhi'i steng du rgyur byas pa'i gzugs 'jam pa dang/ rtsub pa dang/ lci ba dang/ yang ba dang/ grang ba dang/ bkres pa dang/ skom pa dang bdun gyi bsnan te/ bcu gcig po de nyid la reg bya'i skye mched ces bya'o/ /skye mched bcu'i mtshan nyid bshad nas/ yid kyi skye mched gang la bya ba bshad par bya ba'i phyir/ yid kyi skye mched ni rnam par shes pa'i phung po'i zhes bya ba smos te /rnam par shes pa'i phung po bshad pa'i skabs su rnam par shes pa brgyad la rnam par shes pa'i phung po zhes bya'o zhes bshad pa'i rnam par shes pa brgyad la yid kyi skye mched ces bya'o/ /rnam par shes pa brgyad kyang 'jug pa'i rnam par shes pa drug gi steng du kun gzhi rnam par shes pa dang/ nyon mongs pa'i yid kyi bsnan te brgyad do/ /de bas na skye mched bshad pa'i skabs su ni rnam par shes pa'i phung po la yid kyi skye mched ces bya'o/ /chos rnam par brgyad la chos kyi skye mched ces bya'o zhes bstan pa'i phyir chos kyi skye mched ni gang tshor ba dang/ 'du shes dang/ 'du byed dang/ rnam par rig byed ma yin pa dang/ 'dus ma byas so zhes bya ba smos te /chos kyi skye
- 197a
mched ni rnam pa brgyad yod do/ /tshor ba dang 'du shes dang/ 'du byed dang/ rnam par rig byed ma yin pa dang/ 'dus ma byas bzhi ste brgyad do/ /de la tshor ba dang/ 'du shes dang/ 'du byed kyi phung po dang/ rnam par rig byed ma yin pa la sogs pa'i rang bzhin ni gong du phung po bshad pa'i skabs su bshad zin pas de mi bshad kyi phung po'i skabs su 'dus ma byas ma bshad pas/ da 'dus ma byas kyi rang bzhin bstan par bya ba dang/ 'dus ma byas bzhi po gang dang gang yin pa bstan par bya ba'i phyir/ 'dus ma byas gang zhe na zhes dris nas nam mkha' dang/ so sor brtags pa ma yin pas 'gog pa dang/ so sor brtags pas 'gog pa dang/ de bzhin nyid do zhes bya ba smos so/ /de la las dang nyon mongs pa'i rgyu dang rkyen gyi mthu las skyes pa'i rang bzhin ni 'dus byas zhes bya'i las dang nyon mongs pa'i rgyu rkyen la brten nas skye ba'i rang bzhin ma yin pa la ni 'dus ma byas zhes bya ste de yang nam mkha' la sogs pa bzhi'o/ /de la nam mkha' i rang bzhin ji lta bu yin pa mi shes nas de'i rang bzhin shes par 'dod /nam mkha' gang zhe na zhes dris te /nam mkha' i rang bzhin gang zhe na zhes dris pa'i don to/ /de'i lan du/ gzugs kyi go 'byed pa'o zhes bya ba smos te /thogs pa dang bcas pa'i gzug rnams gnas pa dang/ yul gang du thogs par mi byed pa'i gnas dang/ yul de ni thogs pa bcas pa'i gzugs gzhan gyi go 'byed pa yin te/ de bas na gzugs rnams phan tshun 'gro ba'i go 'byed pa la nam mkha' zhes bya'o/ /yang na gzugs rnams skye ba la bgegs mi byed pa ni nam mkha' zhes bya'o/ /yang na nam mkha' 'di'i bar na dngos po rnams shin tu snang bas na nam mkha' zhes bya'o/ /nam mkha' i 'og tu so sor brtags pa ma yin pas 'gog pa smos na so sor brtags pa ma
- 197b
yin pas 'gog pa'i rang bzhin rtogs par 'dod nas/ so sor brtags pa ma yin pas 'gog pa gang zhe na zhes dris te/ so sor brtags pa ma yin pas 'gog pa'i rang bzhin gang zhe na zhes dris pa'i don to/ /de la so sor brtags pa zhes bya ba la brtags pa zhes bya ba dang/ 'jam pa zhes bya ba dang/ rnam par 'byed pa zhes bya ba dang/ shes rab ces bya ba dag ni tshig gi rnam grangs su zad kyi don gcig go /so sor zhes bya ba ni 'di ltar sdug bsngal dang /kun 'byung dang/ 'gog pa dang/ lam gyi bden pa bzhi po so so la ni sdug bsngal gyi bdan pa la ni shes rab kyis mi rtag pa dang/ sdug bsngal ba dang/ stong pa dang/ bdag med pa yin no zhes brtags shing shes par byas /kun 'byung gi bden pa la ni rgyu dang/ rkyen dang/ kun 'byung ba dang rab tu 'byung ba zhes brtags shing shes par byas /'gog pa'i bden pa la ni 'gog pa dang /zhi ba dang/ gye nom pa dang/ byung ba zhes brtags shing shes par byas /lam gyi bden pa la ni lam dang/ rigs pa dang/ bsgrub par bya ba dang 'byung bar byed par brtags shing shes par byas te/ bden pa bzhi po so so la brtags gzhal nas nyon mongs pa spangs te/ phung po mi skye bar 'gags pa ni so sor brtags te 'gog pa zhes bya ste /don du na/ bden pa bzhi shes pa'i shes rab kyi khyad par la so sor brtags pa zhes bya'o/ /so sor brtags pa med par 'gags pa ni so sor brtags pa ma yin pas 'gog pa zhes bya ste /don du na shes rab med par phung po la sogs pa'i chos mi skye bar gyur pa ni so sor brtags pa ma yin pas 'gog pa zhes bya'o/ /de yang rkyen dang mi ldan pa ste /gang ma 'ongs pa'i chos skye bar gyur ba de skye bar 'gyur ba'i chos rgyu dang rkyen dang mi ldan zhing rkyen med pas ma skyes te ma 'ongs pa'i dus su lus nas nams kyang mi skye bar gyur pa ni
- 198a
so sor brtags pa ma yin pas 'gog pa zhes bya'o/ /de'i lan du/ gang 'gogs la mi 'brel pa ste zhes bya ba smos te/ yod nyon mongs pa ma skyes la mi 'bral ba dang/ nyon mongs pa skyes la 'bral ba gnyis yod pa las /so sor brtags pa ma yin pas 'gog pa ni phung po mi skye bar 'dod pa ni yin gyi rnam par bral ba ni ma yin no zhes bya ba'i tha tshig go /don du na so sor brtags pa ma yin pas 'gog pa de phung po shin tu mi skye ba'i rang bzhin gyi nyon mongs pa spangs pa'i rang bzhin ni ma yin no zhes bstan pa yin no/ /de la 'gog pa'i sgra so sor brtags pa ma yin pas 'gog pa 'ba' zhig la 'gog pa zhes bya bar ma zad kyi gsung rab la so sor brtags te 'gog pa la yang 'gog pa zhes bya'o/ /'du shes med pa'i snyoms par 'jug pa la yang 'gog pa zhes bya/ 'du shes med pa la yang 'gog pa zhes bya/ chos rnams mi rtag ste skyes nas 'gags pa'i mi rtag pa la yang 'gog pa zhes bya bar gsungs te/ de las kyang 'dir so sor brtags te 'gog pa mi 'chad do zhes bsal bar bya ba'i phyir mi 'bral ba zhes bya ba smos te/ so sor brtags te 'gog pa ni 'bral ba'i rang bzhin yin la so sor ma brtags pa'i rang bzhin ni mi 'bral ba yin pas mi 'bral ba zhes bya ba'i tshig gi so sor brtags te 'gog pa bsal ba yin no/ /de la mi 'bral ba zhes bya ba la 'bral ba'i don ji bstan to/ /nyon mongs pa'i gnyen po shes rab kyis sems kyi rgyud la nyon mongs pa'i sa bon rtsa ba nas gton pas nyon mongs pa dang phung po phyis rab tu mi skye bar gyur pa gang yin pa de ni 'bral ba zhes bya'o/ /sems kyi rgyud la nyon mongs pa'i sa bon yod pa de dag shes rab kyis ma gton ma bsal kyang chos de dag
- 198b
skye ba'i rkyen dang mi ldan te /rkyen med pas ma 'ongs pa'i chos rnams rab tu mi skye sde de rnams kyang skye bar mi 'gyur ba de ni so sor brtags pa ma yin pa 'gog pa zhes bya'o/ /de ltar bshad pa dang/ brgal ba/ 'di ltar 'phags pa dgra bcom pa dag la lha 'am mi 'am sems can dmyal ba la sogs pa'i ris mthun pa'i gnas su phung po skye bar 'gyur ba'i las ma nges pa'i sa bon sems kyi rgyud la yod pa 'phags pa dgra bcom pa de dag gi phung po de ma 'ongs pa na mi skye ste /nams kyang mi skye ba thob pa de yang so sor brtags pa ma yin pas 'gog pa ma yin pa'i skyon du 'gyur bar dogs ba bsal ba'i phyir /de la gang nyon mongs pa'i gnyen po med par phung po rnams rab tu mi skyed pa'o zhes bya ba smos te /'phags pa dgra bcom pa'i phung po mi skye ba de las dge ba byas pas las des ma 'ongs pa'i phung po 'phen par 'gyur ba'i las kyi sa bon yod pa dang/ las lung du ma bstan pa byas pas ma 'ongs pa na bzo shes pa'i lus skye bar 'gyur ba'i rgyu mthun pa'i las kyi sa bon yod pa 'phags pa dgra bcom pa des sa bon ma spangs te/ yod kyang ma 'ongs pa na phung po mi skye ba dang/ nyon mongs pa mi skye ba de nyon mongs pa'i gnyen po med par mi skye ba mi 'grub ste/ gnyen po dgos pas gang phung po'i sa bon yod kyang sa bon yod pa de nyon mongs pa'i gnyen pos phung po mi skye bar byas pa ni so sor brtags te 'gog pa de nyid de/ de bas na phung po'i lhag ma dang bcas pa'i mya ngan las 'das pa'i dbyings dang /phung po'i lhag ma ma lus ba'i mya ngan las 'das pa'i dbyings ni so sor brtags pas 'gog pa yin par bshad do/ /ci'i phyir zhe na/ shes rab kyis nyon mongs pa spangs pa las gdod mya ngan las 'das pa gnyis thob pas na so sor brtags pas 'gog par gzhag /nyon mongs pa'i gnyen po
- 199a
zhes bya ba ni 'di'i skabs su zag pa med pa 'phags pa'i lam la ni mi bya ste/ nyon mongs pa'i gnyen po 'phags pa'i lam gyi nyon mongs pa spangs nas phung po mi skye bar byas pa lta bu ni ma yin gyi/ nyon mongs pa'i gnyen po med par ma 'ongs pa'i chos rgyu rkyen dang mi ldan pas phung po de rab tu mi skyed de /nams kyang skye bar 'gyur pa ni so sor brtags pa ma yin pas 'gog pa zhes bya'o/ /de la shin tu zhes bya ba'i sgra smos pa 'du shes med pa'i snyems par 'jug pa'i 'gog pa dang/ 'du shes med pa pa'i 'gog pa las dbye bar byed de/ ci'i phyir zhe na/ de dag gi tshe? dus ji srid gcig tu chos mi skye bar byed pa yin gyi shin du mi skye bar byed pa ni ma yin te/ 'du shes med pa'i snyoms par 'jug pa dang/ 'du shes med pa pa'i tshe sems dang sems las byung ba 'gags nas de las langs pa dang/ yang phyis sems dang sems las byung ba 'byung bar 'gyur ba'i phyir ro/ /ma 'ongs pa'i chos mi skyed ces bya pas mi rtag pa'i 'gog pa las 'byed par byed de /ci'i phyir zhe na /mi rtag pa'i 'gog pa ni da ltar gyi dus kyi chos skyes pa la 'gog par byed kyi ma 'ongs pa'i chos mi skyed cing 'gog par mi byed pa'i phyir ro/ /de la dngos su 'di ltar gzugs kyi rnam pa gcig la mig gi rnam par shes pa zhen nas yengs pa na gzugs kyi rnam pa dkar po dang dmar po dang/ ser po la sogs pa dang/ sgra dang/ dri dang/ ro dang/ reg la sogs pa'i chos rnams dus gcig tu byung ba las gzugs kyi rnam pa sngon po la mig gi rnam par shes pa zhen nas yengs pa dang/ gzugs kyi rnam pa dkar po dang dmar po la sogs pa ni skad cig ma yin pas 'gog te 'das pa'i dus su song la /de la dmigs pa'i rnam par shes pa lnga po rnams ni rkyen med
- 199b
bsam? skyes te /ma 'ongs pa'i dus su lus nas nams kyang mi skye bar 'gyur pa de la so sor brtags pa ma yin pas 'gog pa zhes bya'o/ /ci'i phyir med ce na/ skad cig med ma thag pa'i rkyen de ni rnam pa gcig la zhen pa'i rnam par shes pa'i de ma thag pa'i rkyen byas kyi rnam par shes pa gzhan gyi de ma thag pa'i rkyen med pa dang/ de dag gi dmigs pa'i yul lnga yang 'das pa'i dus su song bas dmigs pa'i rkyen med de/ rkyen gnyis dang mi ldan pas na rnam par shes pa de dag ma skyes te ma 'ongs pa'i dus su lus so/ /so sor brtags pa ma yin pa'i 'og tu so sor brtags pa smos te/ de bas na so sor brtags pas 'gog pa'i rang bzhin shes par 'dod nas/ so sor brtags pas 'gog pa gang zhe na zhes dris te /so sor brtags pas 'gog pa'i rang bzhin gang zhe na zhes dris pa'i don to/ /de la so sor brtags pa zhes pa la brtags pa dang 'byed pa dang shes rab ces bya ba dag don gcig ste /gang de ma thag pa'i lam du gtogs pa'i shes rab kyi khyad par la brtags ba zhes bya ste /sdug bsngal dang kun 'byung dang 'gog pa dang lam ste/ bden pa bzhi la shes rab des so sor mi rtag pa dang/ sdug bsngal ba la sogs par shes par byas nas nyon mongs pa spangs pas thob ste nyon mongs pa spangs pas phung po mi skye bar 'gags pa ni so sor brtags pas 'gog pa zhes bya'o/ /de'i lan du /gang 'gog pa de ni bral ba'o zhes bya ba smos te/ so sor brtags pas 'gog pa de phung po mi skye bar 'gog pas na 'gog pa zhes bya la/ de yang nyon mongs pa'i mtshan nyid yin pas de ni bral ba zhes bya'o/ /de la 'gog pa'i tshig 'ba' zhig smos kyi 'bral ba'i tshig ma smos na ni so sor brtags pa ma yin pas 'gog pa dang/ 'du shes med pa'i snyoms par 'jug pa'i 'gog
- 200a
pa dang/ 'du shes med pa pa dang /mi rtag pa'i 'gog pa yang bya ba'i skyon du 'gyur bas de'i phyir /de ni bral ba'o zhes bya ba smos te/ so sor brtags pa ma yin pa la sogs pa'i 'gog pa bzhi ni 'gog pa yin yang nyon mongs pa dang bral ba'i rang bzhin ma yin te/ de bas na 'bral ba'i tshig gis 'gog pa lhag ma bzhi dkar ba yin no/ /gang 'gog la bral ba zhes bya ba'i don de nyid gsal bar bstan par bya pa'i phyir/ de yang gang nyon mongs pa'i gnyen pos phung po rnams rab tu mi skyed pa'o zhes bya ba smos so/ /yang na mthong ba'i lam dang bsgom pa'i lam gyis nyon mongs pa rnams med par bkag pa ni gang 'gog pa zhes bya'o/ /nyon mongs pa sngar 'gags pas phyis nyon mongs pa dang bral ba'i sems kyi rgyud thob pa ni 'bral ba zhes bya ste /'bras bu dang bral ba bstan pa'i phyir de yang gang nyon mongs pa rnams spangs pas nyon mongs pa med pa'i phyir phung po lnga tshe rabs gzhan du mi skye bar gyur pa ni nyon mongs pa'i gnyen pos phung po rnams rab tu mi skyed pa zhes bya ste /don du kun 'byung dang/ sdug bsngal gyi bden pa gnyis spangs te bkag pa la so sor brtags pas 'gags pa zhes bya'o/ /de'i don zhib du dpyad par bya'o/ /yong ni lus la gnas pa zhes bya ba med kyi/ lus dang longs spyod dang/ gnas kun kyang kun gzhi la snang bas kun gzhi la gnas zhes bya ste/ de la 'dod pa'i khams kyi gnas 'di ni khams gsum gyi mthong ba dang/ bsgom pas spang bar bya ba'i nyon mongs pa'i sa bon dang ldan pa yin no/ /gzugs kyi gnas ni gzugs kyi khams dang gzugs med pa'i khams
- 200b
kyi nyon mongs pa'i sa bon dang ldan pa yin no/ /gzugs med pa'i khams ni khams gcig gi nyon mongs pa'i sa bon dang ldan te/ gzugs med pa'i khams kyis sa bon dang ldan no/ /khams gsum las 'dod pa'i khams na nyon mongs pa'i gnyen po nyon mongs pa spangs pas phung po mi skyed pa ji? dpyad par bya'o/ /de la 'dod pa'i khams na bden pa bzhi las sdug bsngal mthong bas spang par bya ba'i nyon mongs pa bcu ste/ 'jig tshogs su lta ba dang/ mthar 'dzin par lta ba dang/ log par lta ba dang/ lta ba snyems pa dang /tshul khrims dang brtul zhugs snyems pa dang/ the tshom dang/ 'dod chags dang/ khong khro ba dang/ nga rgyal dang/ ma rig pa'o/ /kun 'byung mthong bas spang bar bya ba'i nyon mongs pa bdun te/ snga ma bcu las 'jig tshogs su lta ba dang/ mthar 'dzin par lta ba dang/ tshul khrims dang brtul zhugs snyems pa gsum bkol nas/ leg par lta ba dang/ lta ba snyems pa dang/ the tshom dang/ 'dod chags dang/ khong khro ba dang/ nga rgyal dang/ ma rigs pa ste bdun? no/ /'gog pa mthong bas spang bar bya ba'i phyir spang bar bya ba'i nyon mongs pa bdun te/ kun 'byung mthong bas spang bar bya ba'i nyon mongs pa bdun po nyid do// lam mthong bas spang bar bya ba'i nyon mongs pa brgyad de/ snga ma bdun gyi steng du tshul khrims dang brtul zhugs snyems pas bsnan nas brgyad do/ /de ltar 'dod pa'i khams kyi mthong bas spang bar bya ba'i nyon mongs bsdoms na/ nyon mongs pa sum cu rtsa gnyis so/ /'dod pa'i khams kyi sgom pas spang bar bya ba ni nyon mongs pa 'dod chags dang/ khong khro ba dang/ nga rgyal dang /ma rig pa bzhi la ni dgur dbye ste /chen po'i chen po dang/ chen
- 201a
po'i 'bring po dang/ chen po'i chung du dang/ 'bring po'i chen po dang/ 'bring po'i 'bring po dang/ 'bring po'i chung du dang/ chung du'i chen po dang/ chung du'i 'bring po dang/ chung du'i chung du'o/ /'dod pa'i khams kyi mthong bas spang bar bya ba'i nyon mongs pa'i gnyen po la yang bzhi ste/ sdug bsngal la chos shes pa'i bzod pa dang/ kun 'byung la chos shes pa'i bzod pa dang/ 'gog pa la chos shes pa'i bzod pa dang/ lam la chos shes pa'i bzod pa'o/ /sdug bsngal mi rtag pa la sogs pa rnam pa bzhir gnas pa ni/ sdug bsngal la chos shes pa'i bzod pa'o zhes bya'o/ /kun 'byung ba la kun 'byung ba la sogs pa rnam pa bzhir shes pa'i kun 'byung la chos shes pa'i bzod pa zhes bya'o/ /'gog pa la 'gog pa la sogs pa rnam pa bzhir shes pa ni 'gog pa la chos shes pa'i bzod pa zhes bya'o/ /lam la lam la sogs pa rnam pa bzhir shes pa ni lam la chos shes ba'i bzod pa zhes bya'o/ /'dod pa'i khams kyi bsgom pas spang bar bya ba'i nyon mongs pa rnam pa dgur phye ba'i gnyen por ye shes kyang dgu yod de/ ye shes chen po'i yang chen po dang/ ye shes chen po'i 'bring po dang/ ye shes chen po'i chung du dang/ ye shes 'bring bo'i chen po dang/ ye shes 'bring po'i 'bring po dang/ ye shes 'bring po'i chung du dang/ ye shes chung du'i chen po dang/ ye shes chung du'i 'bring po dang /ye shes chung du'i chung ngu'o/ /de la mthong ba dad bsgom pa'i lam de dag la ming du de ma thag pa'i lam zhes bya'o/ /de la 'dod ba'i khams kyi gnas la mthong ba dang bsgom pas spang bar bya ba'i nyon mongs pa gang dang gang yod pa de dag de'i gnyen po de ma thag pa'i lam gyi skad cig
- 201b
ma gang dang gang skyes shing byung bar gyur na gnyen po de nyon mongs pa de dang de dag spong zhing de dang bral bar byed do/ /ji lta zhe na/ sdug bsngal la chos shes pa'i bzod pa skyes na sdug bsngal mthong bas spang bar bya ba'i nyon mongs pa bcu spangs shing de dang bral bar 'gyur ro/ /kun 'byung la chos shes pa'i bzod pas skyes nas kun 'byung mthong bas spang bar bya ba'i nyon mongs pa bdun dang bral bar 'gyur ro/ /'gog pa la chos shes pa'i bzod pa skyes nas 'gog pa mthong bas spang bar bya ba'i nyon mongs pa bdun dang bral bar 'gyur ro/ /lam la chos shes ba'i bzod pa skyes nas lam mthong bas spang bar bya ba'i nyon mongs pa brgyad dang bral bar 'gyur ro/ /bsgom pas spang bar bya ba'i nyon mongs pa dgu dang/ ye shes dgu yang de ma thag ba'i lam ye shes chung du'i chung dus ni nyon mongs pa chen po'i chen po spong bar byed pas na de ma thag pa'i lam ye shes chen po'i yang chen pos ni nyon mongs pa chung du'i yang chung du spong bar byed do/ /de ltar skad cig ma dang po la nyon mongs pa'i gnyen po lam dang bcas pa'i lus skyes pas nyon mongs pa spangs nas skad cig ma phyi ma phan chad mthong ba dang bsgom pas spang bar bya ba'i nyon mongs pa sa bon 'brel ba'i lus gzhan skyed bar byed par mi nus te/ gnyen po dang bcas pa'i lus skad cig ma phyi ma mi skyed cing nyon mongs pa dang bcas pa'i lus phyi ma'i rgyu mi byed pas nyon mongs pa'i gnyen pos phung po rnams rab tu mi skyed pa zhes bya'o/ /'phags pa'i lam dang bcas pa'i lus nyon mongs pa med pa snga ma nges nyon mongs pa dang bcas pa'i lus phyi ma ci'i phyir mi skyed ce na/ 'phags pa'i lam dang 'grogs pa'i lus nyon mongs pa med pa lus skad cig ma snga ma la byung ba de las nyon mongs pa dang bcas pa phyis 'byung ba dang 'gal ba yin te/ de bas na lus snga ma de nyon
- 202a
mongs pa dang bcas pa'i lus phyi ma skye ba'i rgyu mi byed cing phyi ma skyed par mi byed do/ /lus nyon mongs pa med pa'i lus snga ma de nyon mongs pa dang bcas pa'i lus phyi ma skyed pa'i rgyu mi byed na/ lus gang gis rkyen byed ce na/ de ni mthong ba dang bsgom pas spang par bya ba'i nyon mongs pa'i sa bon dang bral ba'i lus phyi ma skye ba'i rgyu ni med do/ /nyon mongs pa med pa'i lus snga ma de nyon mongs pa med pa'i lus phyi ma de skye ba dang mthun ba'i rkyen yin pas na nyon mongs pa med pa'i lus phyi ma ni skyed pa'o/ /de bas na gnyen pos nyon mongs pa bsal na nyon mongs pa med pa'i lus phyi ma ni skyed kyi nyon mongs pa dang bcas pa'i lus phyi ma ni mi skyed bas na gnyen pos phung bos rab tu mi skyed pa zhes bya ba ste/ de la so sor brtags bas 'gog pa zhes gdags so/ /da ni gzugs dang gzugs med pa'i khams na nyon mongs pa'i gnyen pos nyon mongs pa spangs nas phung po mi skyed par bshad par bya'o/ /de la gzugs kyi khams na sdug bsngal mthong bas spang bar bya ba'i nyon mongs pa dgu ste/ snga ma bcu las khong khro ba phri nas 'jig tshogs su lta ba dang/ mthar 'dzin par lta ba dang/ log par lta ba dang/ lta ba snyems pa dang/ tshul khrims dang brtul zhugs snyams pa dang/ the tshom dang/ 'dod chags dang/ nga rgyal dang/ ma rig pa'o/ /kun 'byung mthong bas spang bar bya ba drug ste /'jig tshogs su lta ba dang/ mthar 'dzin par lta ba dang/ tshul khrims dang brtul zhugs snyems pa dang/ khong khro ba bzhi bkol te/ log par lta ba dang/ lta ba snyems pa dang/ the tshom dang/ 'dod chags dang/ nga rgyal dang/ ma rig pa'o/ /'gog pa mthong bas spang bar bya ba'i nyon mongs pa drug ste sngar bshad pa'i drug po nyid do/ /
- 202b
lam mthong bas spang bar bya ba'i nyon mongs pa bdun te /log par lta ba dang/ lta ba snyems pa dang/ tshul khrims dang brtul zhugs snyems pa ang/ the tshom dang/ 'dod chags dang/ nga rgyal dang/ ma yig pa'o/ /gzugs kyi khams kyis thob bas spang bar bya ba'i nyon mongs pa sdoms nas nyon mongs pa nyi shu rtsa brgyad yod de/ /gzugs kyi khams kyi bsgom pas spang bar bya ba'i nyon mongs pa 'dod chags dang/ nga rgyal dang/ ma rig pa gsum? chen po la sogs pa rnam pa dgur? dbye'o/ /gzugs med pa'i khams na yang bden pa bzhi mthong bas sdang bar bya ba'i nyon mongs pa la yang gzugs kyi khams dang 'dra ste/ nyon mongs pa nyi shu rtsa brgyad do/ /gzugs ? pa'i khams na bsgom pas spang bar bya ba'i nyon mongs pa yang gzugs kyi khams dang 'dra ste /'dod chags dang/ nga rgyal dang/ ma rig pa gsum las rnam pa dgur dbye'o/ /khams gnyis kyi bsgom pas spang bar bya ba'i nyon mongs pa rnams spang pa'i gnyen po yang bzhi ste/ sdug bsngal la rjes su shes pa'i bzod pa dang/ kun 'byung ba rjes su shes pa'i bzod pa dang/ 'gog pa la rjes su shes pa'i bzod pa dang/ lam la rjes su shes pa'i bzod pa'o/ /de la khams gong ma gnyis kyi sdug bsngal mi rtag pa la sogs pa gzhir shes pa ni/ sdug bsngal la rjes su shes pa'i bzod pa zhes bya'o/ /khams gong ma gnyis kyi kun 'byung rnam pa bzhi de ltar shes ba ni kun 'byung ba rjes su shes pa'i bzod pa zhes bya'o/ /khams gnyis kyi 'gog pa la rnam pa bzhi ltar shes pa ni 'gog pa la rjes su shes ba'i bzod pa zhes bya'o/ /khams gong ma gnyis kyi lam la rnam pa bzhi lta bur shes pa ni lam la rjes su shes pa'i bzod pa zhes bya'o/ /khams gong ma gnyis kyi
- 203a
bsgom pas spang bar bya ba'i nyon mongs pa rnam pa dgu dgur phye ba'i gnyen po ye shes kyang dgu dgur yod do/ /chen po'i chen po la sogs pa lnga ma bzhin no/ /de la mthong ba dang bsgom pas spang bar bya ba'i lam de dag la ming du de ma thag pa'i lam zhes bya'o/ /de la khams gnyis kyi gnas sam lus la mthong ba dang/ bsgom pas spang bar bya ba'i nyon mongs pa gang dang gang yod pa de dang de dag de'i gnyen po de ma thag pa'i lam gyi skad cig ma gang dang gang skyes shing byung bar gyur na gnyen po des nyon mongs pa de dang de dang spong zhing de dag bral bar byed do/ /ji lta zhe na sdug bsngal la rjes su shes pa'i bzod pa skyes nas khams gnyis kyi sdug bsngal mthong bas spang bar bya ba'i nyon mongs pa dgu dgu yod pa spong bar 'gyur ro/ /kun 'byung la rjes su shes pa'i bzod pa skyes nas khams gnyis kyi kun 'byung mthong pas spang bar bya ba'i nyon mongs pa drug drug yod pa dang bral bar 'gyur ro/ /'gog pa la rjes su shes pa'i bzod pa skyes nas khams gnyis kyi 'gog pa mthong bas spong bar bya ba'i nyon mongs pa drug drug yod pa dang bral bar 'gyur ro/ /lam la rjes su shes pas bzod pa skyes nas khams kyi lam mthong bas spang bar bya ba'i nyon mongs pa bdun yod pa dang spang bar 'gyur ro/ /bsgom pas spang bar bya ba'i nyon mongs pa dgu yang de ma thag pa'i lam ye shes chung du'i yang chung dus ni nyon mongs pa chen po'i yang chen po spong bar byed pas na ye shes chen po'i yang chen pos ni nyon mongs pa chung du'i yang chung du spong bar byed do/ /de ltar skad cig me dang po la nyon mongs pa'i gnyen po'i lam dang bcas pa'i lus skyes bas
- 203b
nyon mongs pa spangs na skad cig ma'i phyi ma phan chad mthong ba dang/ bsgom pas spang bar bya ba'i nyon mongs pa'i sa bon dang 'brel ba'i lus gzhan skyed par mi nus te/ nyon mongs ? med ba'i lus kyi skad cig ma sdom des nyon mongs pa med pa'i lus phyi ma'i skad cig ma ni skyed kyi nyon mongs pa dang bcas pa'i lus phyi ma ni mi skyed pas na nyon mongs pa'i gnyen pos phung po rab tu mi skyed pa zhes bya ste/ de la so sor brtegs pas? gos ?/ so sor brtags pas 'gog pa'i 'og tu de bzhin nyid smos te/ de bas na de bzhin nyid kyi rang bzhin khong du chu de par bya ba'i phyir de bzhin nyid gang zhe na zhes dris te/ de bzhin nyid kyang rang bzhin gang zhe na zhes dris pa'i don to/ /rtag tu stong pa nyid kyi rang bzhin de bzhin du gnas te/ rang bzhin gzhan du mi 'gyur bas na de bzhin nyid ces bya'o/ /de'i lan du/ gang chos rnams kyi chos nyid dang zhes bya ba smos te /chos rnams shes bya ba ni gzugs dang/ tshor ba dang/ 'du shes dang/ 'du byed dang/ rnam par shes pa rnams la bya'o/ /chos de dag gi chos nyid ni chos de dag gi rang bzhin nam chos de dag gi ngo bo nyid la bya ste /chos de dag gi ngo bo nyid ni gzung ba dang 'dzin pas stong ba nyid de/ gzung 'dzin dang bral ba'i stong pa nyid la chos nyid ces bya'o de la chos nyid ni gzhan yang yod de/ mi rtag pa dang/ sdug bsngal ba la yang chos nyid ces bya bas mi rtag pa sdug bsngal ba'i chos nyid la bya'o snyam du 'dzin pa bzlog pa'i phyir/ gang chos bdag med pa'o zhes bya ba smos te/ 'di ltar gzugs dang sgra la sogs pa'i chos rnams ni gzung ba dang/ 'dzin pa'i rang bzhin yin pas shes pa dang brjod pa'i yul du gyur pa ste/ gzung ba dang 'dzin pa'i ngo bor shes pa dang brjod pa'i yul du gyur ba la chos shes bya'o/ /chos
- 204a
bdag med pa ni gzung 'dzin gyi dngos po dang bral ba shes pa dang brjod pa'i yul du ma gyur pa'i stong ba nyid la chos bdag med pa zhes bya'o/ /don du kun brtags kyi dngos po rnams rang bzhin gyis stong pa yin pa la chos bdag med pa zhes bya ste/ de la chos zhes bya ba'i mi rtag pa la sogs pa la ni chos nyid ces mi bya'o/ /yang na chos thams cad ni 'dus byas dang 'dus ma byas gnyis su 'dus la/ de dag kyang mtshan nyid gsum du gzhag ste /kun tu brtags pa'i mtshan nyid dang/ gzhan gyi dbang gi mtshan nyid dang/ yongs su grub pa'i mtshan nyid do/ /gzung ba dang 'dzin pa'i chos rnams la gzung 'dzin gyi dngos po yod par brtags ba ni kun brtags pa'i mtshan nyid do/ /kun gzhi rnam par shes pa ni gzhan dbang gi mtshan nyid do/ /kun gzhi gzung 'dzin gyi dri ma dag nas chos kyi skur grub pa ni yongs su grub pa'i mtshan nyid do/ /de la kun gzhi rnam par shes pa la gzung 'dzin gyi dri ma pa dag ste/ med par gyur nas yongs su rdzogs pa'i mtshan nyid du gyur te chos kyi thob pa la chos bdag med pa zhes kyang de la bya ba de bzhin nyid ces kyang de la bya'o/ /skye mched kyi grangs dang dngos po gang yin pa bstan nas/ mig dang rna ba la sogs pa dang gzugs dang sgra la sogs pa la ming du skye mched ces brtags pa ci'i phyir skye mched ces bya ba mi shes nas/ ci'i phyir skye mched ces bya zhe na zhes dris te /mig dang rna ba la sogs pa la ming du skye mched ces brtags pa don gang gi skye mched ces brtags zhe na zhes dris ba'i don to/ /de'i lan du/ rnam par shes pa skye ba'i sgo'i phyir ro zhes bya ba smos te/ rnam par shes pa'i sgo ni rnam par shes pa skye zhing 'byung ba'i bdag nyid du gyur ba'o/ /rnam par shes ba skye ba'i sgo zhes bya ba ni rnam par shes pa skye ba rnams skye
- 204b
pa'i rgyu dang rkyen dang gnas byed ces bya ba'i don to/ /rnam par shes pa rnams skye bar bya ba'i phyir mig la sogs pa de dag rgyu dang rkyen dang gnas su gyur bas na mig la sogs pa la skye mched ces bya'o/ /de ltar yang ci mngon zhe na/ mdo las skye mched kyi nges pa'i tshig tu bshad pa sems dang sems las byung ba rnams skye zhing 'phel bar byed ba'i phyir skye mched ces bya'o zhes gsungs so/ /de bas na mig dang gzugs ni mig gi rnam par shes pa sems las byung ba'i 'khor dang bcas pa skye ba'i sgo dang rgyu byed ba'i phyir mig gi skye mched dang gzugs kyi skye mched ces bya ba nas/ yid dang chos ni yid kyi rnam par shes pa 'khor dang bcas pa'i skye ba'i sgo dang rgyu byed pa'i phyir yid kyi skye mched dang/ chos kyi skye mched ces bya ba'i bar du'o/ /skye mchad bcu gnyis bshad pa rdzogs so// //mdo sde las skye mched bcu gnyis kyi 'og tu khams bco brgyad bshad de/ de bas na mdo dang mthun par 'dir yang skye mched kyi 'og tu khams bshad par bya'o/ /de la khams la grangs ni du yod de dag dngos su gang dang gang yin pa bstan pa dang/ ci'i phyir khams zhes bya ba'i don bstan pa'i phyir/ khams bco brgyad ni ces bya ba smos te/ khams la grangs ni bco brgyad yod ces bya ba'i don to/ /de dag dngos gang yin ba bstan pa'i phyir/ mig gi khams dang zhes bya ba nas yid kyi rnam par shes pa'i khams dang zhes bya ba'i bar du smos so/ /de la mig gi khams dang/ rna ba'i khams dang/ sna'i khams dang/ lce'i khams dang/ lus kyi khams lnga dang/ gzugs kyi khams dang/ sgra'i khams dang/ dri'i khams dang/ ro'i khams dang/ reg bya'i khams te/ khams bcu bo de dag gang la bya dngos gang yin bstan ba'i phyir/ mig la sogs pa'i khams dang/ /gzugs la sogs pa'i khams
- 205a
ni skye mched ji lta ba bzhin no zhes bya ba smos te/ gzugs kyi phung po bshad pa'i skabs su rgyur byas ba'i gzugs bcu gcig las mig dang/ rna ba dang/ sna dang/ lce dang/ lus rnams ni dbang po yin par bshad la/ gzugs dang/ sgra dang/ dri dang/ ro dang/ reg bya rnams ni yul lnga yin par bshad pa las skye mched bshad pa'i skabs su yang mig la sogs pa'i dbang po nyid la mig gi skye mched nas lus kyi skye mched kyi bar du skye mched lngar bshad la/ gzugs la sogs pa'i yul lnga ni skye mched kyi skabs su gzugs kyi skye mched nas reg bya'i skye mched ces skye mched lnga bshad do/ /khams bshad pa'i skabs su yang skye mched bcu po nyid la khams bcu zhes bya ste/ mig gi skye mched la mig gi khams zhes bya ba dang rna ba'i skye mched la rna ba'i khams zhes bya ba dang sna'i skye mched la sna'i khams zhes bya ba dang/ lce'i skye mched la lce'i khams zhes bya ba dang/ lus kyi skye mched la lus kyi khams zhes bya ba dang/ gzugs kyi skye mched la gzugs kyi khams zhes bya ba dang/ sgra'i skye mched la sgra'i khams bzhes bya ba nas reg bya'i skye mched la reg bya'i khams zhes bya bar zad pa na/ mig la sogs pa'i khams dang/ gzugs la sogs ba'i khams ni skye mched ji lta ba bzhin no/ zhes bya ba smos so/ /chos kyi khams zhes bya ba yang chos kyi skye mched kyi skabs su tshor ba dang/ 'du shes dang/ 'du byed de phung po gsum gyi steng du rnam par rig byed ma yin pas bstan te bzhi dang/ 'dus ma byas bzhi dang brgyad la chos kyi skye mched ces bya ba bshad pa'i chos brgyad po de nyid la chos kyi khams zhes bya'o/ /skye mched bshad pa'i skabs su rnam par shes pa'i phung po ste/ rnam par
- 205b
shes ba brgyad? la yid kyi skye mched ces bshad pa/ khams bshad pa'i skabs su ni yid kyi skye mched du bsdus pa'i chos brgyad la yid kyi khams zhes mi bya'i khams bshad pa'i tshe sems kyi khams bdun zhes bya ste /de bas na de'i don bstan par bya ba'i phyir/ rnam par shes pa drug gi khams ni mig la sogs pa la gnas te/ gzugs la sogs pa la dmigs pa rnam par rig pa'o zhes bya ba smos te/ de la mig la sogs pa la gnas te zhes bya ba mig gi rnam par shes pa'i khams nas/ yid kyi rnam par shes pa'i khams kyi bar du brug po de dag ni mig gi skye mched nas yid kyi skye mched kyi bar du skye mched drug la brten to/ mig gi rnam par shes pa ni mig gi skye mched la brten pa nas/ yid kyi rnam par shes pa ni yid kyi skye mched la brten pas na rnam par shes pa drug gi khams ni mig la sogs pa la gnas pa zhes bya'o/ /gzugs la sogs pa la dmigs par rig pa zhes bya ba la mig gi rnam par shes pa'i khams la sogs pa'i rnam par shes pa drug gi yul ni gzugs dang/ sgra dang/ dri dang/ ro dang/ reg bya dang/ chos rnams so/ /dmigs pa zhes bya ba ni yul de dag gi rang bzhin shes bar byed pa la bya ste /gzugs kyi rang bzhin shes par byed pa'i mig gi rnam par shes pa la mig gi rnam par shes pa'i khams zhes bya ba nas/ chos kyi rang bzhin shes par byed pa'i yid kyi rnam par shes pa la yid kyi rnam par shes pa'i khams zhes bya bar zad do/ /de ltar khams bcu bdun bshad nas/ yid kyi khams zhes bya ba rnam par shes pa drug po nyid la bya 'am 'on te de la ma gtogs pa'i yid kyi khams gzhan zhig yod snyam pa la/ rnam par shes pa drug po nyid la yid kyi khams zhes bya bar zad kyi de la ma gtogs par yid kyi khams zhes bya ba med do/ /yid kyi khams ni de dag 'gags ma thag ba'i ste/
- 206a
zhes bya ba smos te/ rnam par shes pa drug gi khams de dag sngar 'gags ma thags pa la yid kyi khams zhes bya bar zad kyi de ma gtogs par yid kyi khams zhes bya ba med do zhes bya ba'i don to/ /brgal ba/ rnam par shes pa snga ma 'gags ba la yid kyi khams zhes bya ba ni yang na khams bcu bdun du 'gyur/ yang na khams bcu gnyis su 'gyur gyi de lta na khams bco brgyad du mi 'gyur ro/ /ji lta zhe na /rnam par shes pa drug po snga phyi 'gags pa rnams phan tshun bsdus pa'i phyir te/ rnam par shes pa snga ma drug po yid du brtags pa rnam par shes pa'i khams drug gi rang bzhin las lhag par byed pas de'i nang du 'dus pa'i phyir khams bcu bdun du 'gyur ro/ /yang na rnam par shes pa'i khams drug yid kyi khams su bsdus na ni khams bcu gnyis su 'gyur te/ khams bco brgyad du med do zhes dogs pa bsal ba'i phyir/ rnam par shes pa drug pa'i gnas bstan pa'i phyir de ltar bco brgyad du rnam par gzhag go zhes bya ba smos te /mig gi rnam par shes pa nas lus kyi rnam par shes ba'i bar du rnam par shes pa lnga'i rten tam gnas ni mig gi skye mched nas lus kyi skye mched kyi bar du skye mched lnga la bya bar grags na yid kyi rnam par shes pa'i gnas dang rten grags pas de'i gnas dang rten bstan par bya ba'i phyir rnam par shes pa drug po 'gags ma thag pa la yid kyi khams zhes bshad pa dang khams bco brgyad du 'gyur ro/ /gong du phung po lngar bshad pa'i chos de nyid skye mched bcu gnyis su bshad pa dang/ skye mched bcu gnyis su bshad ba'i chos de nyid khams bco brgyad du bshad pa'i don bsdus pa'i phyir/ gzugs kyi phung po gang yin pa ni skye mched dang/ khams bcu dang/ chos kyi skye mched dang/ chos kyi
- 206b
khams kyi phyogs gcig go zhes bya ba smos te/ gzugs kyi phung po bshad pa'i skabs su rgyur byas pa'i gzugs rdzas bcu gcig tu bshad de/ mig la sogs pa'i dbang po lnga dang/ gzugs la sogs pa'i yul lnga dang/ rnam par rig byed ma yin pa dang/ bcu gcig las dbang po lnga dang/ yul lnga ste bcu la skye mched bshad pa'i skabs su skye mched bcur bshad do/ /mig gi skye mched nas lus kyi skye mched kyi bar du lnga dang/ gzugs kyi skye mched nas reg bya'i skye mched kyi bar du lnga ste bcu'o/ /khams bshad pa'i skabs su yang khams bcur bshad de/ mig gi khams nas lus kyi khams kyi bar du lnga dang/ gzugs kyi khams nas reg bya'i khams kyi bar du lnga ste bcu'o/ /rgyud byas pa'i gzugs su rnam par rig byed ma yin pa bshad pa ni skye mched kyi skabs su chos kyi skye mched kyi phyogs gcig ces bya'o/ /khams bshad pa'i skabs su yang chos kyi khams kyi phyogs gcig ces bya ste/ chos kyi skye mched dang/ chos kyi khams la rdzas brgyad yod pa la rnam par rig byed ma yin pa rjes gcig yin pas na chos kyi skye mched kyi phyogs gcig dang/ chos kyi khams kyi phyogs gcig ces bya'o/ /gang rnam par shes pa'i phung po gang yin pa ni yid kyi skye mched dang sems kyi khams bdun no zhes bya ba la/ phung po lnga las rnam par shes pa brgyad la rnam par shes pa'i phung po zhes bshad pa'i rnam par shes pa'i phung po la skye mched bshad pa'i skabs su rnam par shes pa brgyad car la yid kyi skye mched ces bya'o/ /rnam par shes pa brgyad las khams bshad pa'i skabs su kun gzhi rnam par shes pa dang/ nyon mongs ba'i yi de gnyis bkol te/ phyin rnam par shes pa drug la sems kyi khams bdun zhes bya ste/ mig gi rnam par shes pa'i khams nas yid kyi rnam par shes pa'i bar du semS
- 207a
drug dang rnam par shes pa drug po snga ma 'gags pa nyid la yid kyi khams zhes btags te/ yid kyi khams dang sems kyi khams bdun no/ /gang dag phung po gsum dang gzugs kyi phung po'i phyogs gcig po de dag dang 'dus ma byas dang bcas pa ni chos kyi skye mched dang/ chos kyi khams so zhes bya ba la/ phung po'i skabs su tshor ba'i phung po dang/ 'du shes kyi phung po dang/ 'du byed kyi phung po gsum phung po re rer bshad pa'i phung po de dang/ gzugs kyi phung po'i phyogs gcig rnam par rig byed ma yin pas bsnan te de dang bzhi'i steng du nam mkha' la sogs pa'i 'dus ma byas bzhi dang brgyad la skye mched kyi skabs su ni chos kyi skye mched ces bya la/ khams kyi skabs su ni brgyad po de nyid la chos kyi khams zhes bya'o/ zhes bya ba'i don to/ /mig dang gzugs la sogs pa la khams zhes btags pa don gang dang gang gis khams zhes btags zhes ba'i don to/ /de'i lan du/ mi byed la rang gi mtshan nyid 'dzin pa'i phyir ro zhes bya ba smos te/ chos thams cad ci yang byed pa med pas na mi byed pa zhes bya ste /ci'i phyir zhe na/ chos rnams ni skad cig ma yin te skyes ma thag tu zhig pas ci yang byed par mi nus pa'i phyir ro/ /de ltar mi byed kyang rang gi mtshan nyid 'dzin pa'i phyir khams zhes bya ste/ dper nas sra ba'i rang gi mtshan nyid 'dzin pas sa'i khams zhes bya ba dang 'dra bar chos de dag kyang so so'i rang gi mtshan nyid 'dzin pas na khams zhes bya'o/ /'di ltar phung po bshad pa de chos gang yin pa'i nyid skye mchod dang khams kyi skabs su yang chos de dag bshad de /phung po bshad pa'i skabs su skye mched kyi chos kyang bshad pas skye mched 'das te bshad mi dgos la/ skye mched bshad
- 207b
pa'i skabs su khams kyi chos kun kyang bshad zin pas khams logs shig bshad mi dgos na chos de dag yang nas yang du bzlas te bshad pa la dgos pa ci yod pa dri ba'i phyir /ci'i phyir phung po la sogs pa bshad can zhes bya ba smos te/ sangs rgyas bcom ldan 'das kyi chos bstan pa thams cad ni sems can gyi don du 'gyur ba dang/ nyon mongs pa'i gnyen po yin pas dgos pa dang bcas pa yin na phung por bshad pa'i chos de dag nyid yang nas yang du ming skye mched dang /khams zhes gzhan dang gzhan du brjes te bstan pa la dgos pa ci yod ces bya ba'i don to/ /dgos pa yod par bstan pa'i phyir/ bdag tu 'dzin pa rnam pa gsum gyi gnyen par rim pa bzhin no zhes bya ba smos te /mu stegs pa bdag tu 'dzin pa rnam pa gsum yod de/ bdag tu 'dzin pa rnam pa gsum spong bar byed pa'i gnyen po phung po dang skye mched dang khams rim bzhin du bshad de ni dgos pa'o/ /bdag tu 'dzin pa rnam pa gsum po yang gang yin mi shes nas gsum po de gang yin bstan par bya ba'i phyir/ bdag tu 'dzin pa rnam pa gsum ni gcig tu 'dzin pa dang/ za bar byed pa dang/ byed par 'dzin pa'o zhes bya ba smos te/ de gcig tu 'dzin par byed ba'i gnyen por ni phung po lnga bshad de/ phung po lnga'i rang bzhin shes na gcig tu 'dzin ba med par 'gyur ro/ /za bar 'dzin pa'i gnyen por skye mched bcu gnyis bshad de /skye mched bcu gnyis kyi rang bzhin shes na za bar 'dzin pa med par 'gyur ro/ /byed bar 'dzin pa'i gnyen por khams bco brgyad bshad de/ khams bco brgyad kyi rang bzhin shes na byed par 'dzin pa med par 'gyur ro/ de la bdag tu smra ba bye brag pa dang grangs can la sogs pa ni chos mang po 'dus pa mi rtag pa'i phung po 'di la bdag gcig bur 'dzin to/ /yang na bdag tu smra ba de dag phung po
- 208a
lnga la ma gtogs pa'i bdag ces bya ba gcig du zhig logs shig na gzugs kyang ? des mthong bar byed la/ sgra yang bdag des thos pa byed /'di yang bdag des snom/ ro yang bdag des myong ba nas /char ba yang bdag des tshor zhes zhing myong bar byed /yul la mtshan mar 'dzin pa yang bdag des 'dzin cing shes par byed/ dge ba la sogs pa'i las kyang bdag ces mngon par 'du byed/ gzugs la sogs pa'i rang bzhin rnam par shes pa yang bdag des shes par byed de/ bdag de ni gcig bu rtag pa'o zhe gcig tu 'dzin ro/ /de'i lan du sems can rnams kyi lus kyi dngos po phung po lnga lam gtogs bar gzugs la sogs pa la mthong bar byed pa'i bdag gcig bu pa'i rang bzhin ni gang yang med do/ /ci'i phyir zhe na/ gzugs ni mig nyid kyis mthong bar byed par zad kyi mig la ma gtogs bar mthong bar byed pa'i bdag gzhan ni med do/ /de bzhin du sgra la sogs pa yang rna ba la sogs pa nyid kyis thos par byed do zhes bya ba la? sbyor ro/ /gzhan gyis brgal ba /mig la ma gtogs pa'i bdag mthong bar byed pa med kyi mig nyid kyi mthong bar 'gyur ro zhes bshad na mig ni rdul phran las gyur ba yin te / blun po'i rang bzhin yin na des ji ltar gzugs mthong bar byed /lan du/ gzugs ni mig gi rnam par shes pa mthong ba ste mig gi rnam par shes pas gzugs mthong ba'i rgyu thun mong ma yin pa mig gi dbang pos byed bas mig gi rnam par shes pas mthong yang mig gis mthong ngo zhes gtags so/ /de bzhin du tshor ba'i phung po nyid myong bar byed ba'i rang bzhin yin pas tshor ba'i phung po nyid kyis tshor zhing myong bar byed par zad kyi tshor ba myong bar byed ba'i bdag gzhan med do/ /'du shes
- 208b
kyang yul la mtshan mar 'dzin pa'i bdag nyid yin pas yul gyi mtshan ma yang 'du shes nyid kyis 'dzin gyis bdag gcig bu med do/ /de bzhin du rnam par shes pa la sogs pa la yang sbyor ro/ /de bzhin du 'du byed kyang las dge ba dang mi dge ba mngon par 'du byed pa yin pas las dge ba dang mi dge ba yang 'du byed kyis byed bar zad kyi bdag gcig bu de las dge ba dang mi dge ba byed pa ma yin no/ /rnam par shes pa yang gzugs dang sgra la sogs pa'i yul shes bar byed ba'i rang bzhin yin pas gzugs mig gi rnam par shes pas shes par byed pas na chos mi yid kyi rnam par shes bas shes bar byed kyi bdag gcig bu des shes par byed pa ni ma yin no zhes de ltar sbyar bar bya'o/ de lta bas na sems can rnams kyi lus kyi dngos po ni phung po lnga'i bdag nyid yin pas gzugs dang/ tshor ba dang/ 'du shes dang/ 'du byed dang /rnam par shes pa skye dngos po du ma'i rang bzhin yin la/ lta ba la sogs pa yang phung po lnga nyid byed par zad kyi phung po rnams lam gtogs par bdag gcig bu zhes bya ba med de zhes khong du chud na bdag gcig pur 'dzin pa las rnam par ldog par 'gyur ro/ /gcig bur 'dzin pa las log par gyur na gcig phur 'dzin pa'i rgyu las byung ba bdag tu 'dzin pa las kyang log par 'gyur te/ de bas na gcig bur 'dzin ba'i gnyen por phung po lnga bshad do/ /za bar 'dzin pa yang bdag tu smra ba rnams ni gang las dge ba'i 'bras bu bde ba dang/ las mi dge ba'i 'bras bu sdug bsngal yang bdag des myong zhing las kyi 'bras bu la bdag za bar byed pa dang /gzugs dang sgra la sogs pa'i yul yang bdag des myong zhing yul la bdag ces za bar byed do zhes 'dzin to/ /de ltar bdag la za ba bor 'dzi
- 209a
pa'i gnyen por skye mched rnams bshad pa yin te/ las dge ba dang mi dge ba'i 'bras bu bde ba dang/ sdug bsngal ba dang/ gzugs dang sgra la sogs pa'i yul rnams za bar byed ces bya ba ni las kyi 'bras bu dang yul du dmigs par byed pa ste/ las kyi 'bras bu la dmigs par byed pa yang las gang gis byas pa de nyid kyi las dge ba dang mi dge ba'i 'bras bu la spyod cing dmigs par byed de/ las dge ba dang mi dge ba yang skye mched kyi sgo nas rnam par shes pas byas pas de'i 'bras bu bde ba dang sdug bsngal yang mig gi rnam par shes pa nas/ yid kyi rnam par shes pa'i par dag gis myong zhing dmigs par byed par zad kyi las kyi 'bras bu la spyod par byed pa'i bdag ni med pa dang/ gzugs la sogs pa'i yul la dmigs shing za bar byed pa yang skye mched nyid kyis za bar byed de/ 'di ltar gzugs mig gi skye mched kyis myong zhing dmigs par byed pa nas/ chos kyang yid kyi skye mched kyis myong zhing dmigs par byed par zad kyis de la ma gtogs pa'i las kyi 'bras bu dang/ yul myong zhing za bar byed pa'i bdag ni yod pa ma yin no/ /de ltar las kyi 'bras bu dang/ gzugs la sogs pa'i yul myong zhing za bar byed pa ni mig la sogs pa'i skye mched yin gyi de las gzhan pa'i bdag ces bya ba'i 'bras bu dang/ yul za bar byed pa med do zhes khong du chung na za bar 'dzin pa las log par 'gyur te/ de'i phyir za bar 'dzin pa'i gnyen por skye mched bcu gnyis bshad pa yin no/ /byed par 'dzin pa yang bdag tu smra ba rnams las dge ba dang mi dge ba yang bdag des byas la mchod pa dang 'gro ba la sogs pa'i las kyang bdag byed de/ bdag de ni phung po la ma gtogs par logs shig na yod
- 209b
bag? 'dzin to/ /de ltar bdag la byed pa por 'dzin pa'i gnyen por khams bco brgyad bshad pa yin te/ de las dge ba dang mi dge ba yang mig la sogs pa'i khams kyis byed par zad kyi de la ma gtogs pa'i las byed pa po'i bdag med la// khams nyid kyang byed pa po'i rang bzhin ma yin te/ de'i phyir byed pa med cing rang gi mtshan nyid 'dzin pa'i phyir khams zhes bshad pa yin no/ /de ltar bdag byed pa po med la khams nyid byed pa po ma yin yang rgyu dang 'bras bu gcig la gcig skye ba ni rgyu yod pa 'bras bu skyed par byed pa po dang/ 'bras bu skye ba yang rgyu yod pa tsam la bltos par zad kyi 'bras bu dang/ rgyu'i rang bzhin lam gtogs par bdag byed pa po'i zhes bya ba gzhan ni yod pa ma yin no/ /de ltar las kyang khams bco brgyad kyi byed par zad kyi de las gzhan pa'i bdag byed pa po med do/ /zhes khong du chud na byed pa por 'dzin pa las 'gog? par 'dzin par 'gyur te/ de bas na byed pa por 'dzin pa'i gnyen por khams bco brgyad bshad pa yin no/ /de ltar phung po dang/ khams dang/ skye mched rnams kyi rang bzhin bshad nas/ nga ni slob ma rnams chos kyi mtshan nyid rab tu dbye bas phan gdags par bya ba'i phyir khams bco brgyad nyid nas brtsams nas phung po dang/ skye mched dang/ khams kyi skabs su bshad pa'i chos rnams la gzugs can du/ gzugs med pa du/ bltar yod pa du/ bltar med pa du zhes bya ba la sogs pa rab tu dbye ba brtsams shing bsam par bya'o/ /de ltar rab tu dbye ba bsam pa yang khams bco brgyad kyi chos nyid la gzugs can du/ gzugs med pa du/ zhes bya ba dbye ba brtsams gyi phung po lnga dang/ skye mched bcu gnyis kyi chos la brtsams te ni rab tu dbye ba mi brtsam po/ /ci'i phyir zhe na/ /'di ltar phung po ma bshad pa'i skabs su phung po
- 210a
lnga gang zhe na/ gzugs kyi phung po dang/ tshor ba dang/ 'du shes dang/ 'du byed dang/ rnam par shes pa zhes bstan pa la tshor ba dang/ 'du shes dang/ 'du byed dang/ rnam par shes par sems rnam pa bzhir phye ste bstan kyang gzugs la spyir gzugs kyi phung po zhes bsdus te bstan gi gzugs so rnam par ma phye bas gzugs can du zhes bya ba la sogs pa rnam par dbye ba rtogs par bya ba dka' ba dang/ skye mched bcu gnyis su yang mig gi skye mched nas lus kyi skye mched kyi bar du lnga dang/ gzugs kyi skye mched nas reg bya'i skye mched kyi bar du lnga ste gzugs bcur phye yang sems rnam par ma phye ste/ rnam par shes pa brgyad car yid kyi khams su bsdus pas gzugs can du zhes bya ba la sogs pa rnam par dbye ba rtogs par dka' i/ khams kyi skabs su ni gzugs dang/ sems gnyis rnam par phye ste/ gzugs la yang mig gi khams nas lus kyi khams kyi bar du lnga dang/ gzugs kyi khams nas reg bya'i khams kyi bar du bcur phye la/ sems la yang mig gi rnam par shes pa'i khams nas yid kyi rnam par shes ba'i khams kyi bar du drug dang/ yid kyi khams kyis bsnan te sems kyi khams bdun du phye bas gzugs can du zhes bya ba la sogs pa'i rab tu dbye ba brtsams pa bde blag tu rtogs par 'gyur bas na khams nyid las brtsams te rab tu dbye ba bsam par bya'i/ phung po dang skye mched las brtsams nas rab tu dbye ba bsam par mi bya ste /de'i phyir/ gzhung las kyang khams bco brgyad la gzugs can du zhe na zhes bya ba la sogs pa smros so/ /khams bco brgyad la zhes bya ba ni khams bco bryad kyi nang na gzugs dang bcas pa ni du zhig yod ces bya ba'i don to/ /de la gzhi tu rung ba 'am gnod par byar cung bas na gzugs zhes bya ste/
- 210b
rang gi gnas su gzhan skye ba'i bar chad dang bgegs byed pa'i mtshan nyid kyis gnod par byed par na gzugs zhes bya'o/ /yang na gnas pa dang gnas kyi mtshan nyid kyi gzugs gang la yod pas bdag gis gnas su gzhan skye ba'i bgegs byed pa gzugs can zhes bya ste/ /yig gi khams nas lus kyi khams kyi bar du mi gnas pa'o/ /brgal pa/ gnas dang gnas pa'i sgo nas bdag gis gnas su gzhan skye ba'i bgegs byed pa la gzugs can zhes bya na de lta ni ni mig gi rnam par shes pa yang mig gi dbang po la gnas na bdag gi gnas su gzhan skye ba'i bgegs byed pas mig gi rnam par shes pa yang gzugs can du 'gyur ba'i skyon du 'gyur ro zhe na/ lan du/ mig gi rnam par shes pa gzugs can gyi skyon du mi 'gyur te/ 'di ltar gzhod pa'i steng na shing thog gnas te/ rang gi gnas su gzhan 'ong ba'i bgegs byed pa lta bur mig gi dbang po la mig gi rnam par shes pa gnas pa na rang gi gnas su skye ba'i bgegs mi byed pas na rnam par shes pa rnams gzugs can gyi skyon du mi 'gyur ro/ /lan du/ gang dag gzugs kyi phung po'i ngo bo nyid do zhes bya ba smos te /gang gzugs kyi phung por bshad ba mig gi khams nas lus kyi khams kyi bar? du lnga dang/ gzugs kyi khams nas reg bya'i khams kyi bar du lnga ste/ bcu ni rang gi gnas su gzhan skye ba'i bgegs byed pas na gzugs can zhes bya'o/ /brgal pa/ gal te gzugs kyi phung por gtogs pa la gzugs can zhes bya na/ khams bco brgyad kyi nang na gzugs kyi phung por gtogs bar rnam par rig byed ma yin pa'i gnas lta bu chos kyi khams su bsdus pas chos kyi khams kun kyang gzugs can du 'gyur ba'i skyon du 'gyur ro zhe na/ chos kyi khams rkyen ngan gzugs
- 211a
can rnam par rig byed ma yin pa yod kyang chos kyi khams gzugs can gi skyon du mi 'gyur te/ de ci'i phyir zhe na/ rnam par rig byed ma yin pa de rten dang brten pa'i sgo nas rang gi gnas su gzhan skye ba'i bgegs tsan? gyi gzugs ma yin pas na gzugs can zhes mi bya la/ tshor ba la sogs pa gzhan yang rten dang brten pa'i sgo nas rang gi gnas? su gzhan skye ba'i bgegs byed pa ma yin pas gzugs can zhes mi bya ste/ de bas na gzugs kyi khams gzugs can gyi skyon du mi 'gyur ro/ /gzugs med pa du zhes bya ba ni de ltar na khams bcu gzugs can na gzugs med pa'i khams su yod ces bya ba'i don to/ /lhag ma rnams zhes bya ba la/ khams bcu bshad pa'i lhag ma ni khams brgyad du lus pa ste/ khams brgyad la gzugs med pa zhes bya'o zhes pa'i don to/ /khams brgyad po de yang gang zhe na/ mig gi rnam par shes pa'i khams nas yid kyi rnam par shes pa'i khams kyi bar du/ drug dang yid kyi khams te bdun dang/ chos kyi khams kyis bsnan nas brgyad de/ de dag ni rten dang brten pa'i sgo nas rang gi gnas su gzhan skye ba'i bgegs byed pa ma yin pas gzugs med pa zhes bya'o/ /bltar yod pa du zhes bya ba la/ khams bco brgyad bshad pa'i skabs yin pas na/ khams bco brgyad kyi nang nas khams su zhig ni bltar yod pa yin zhes bya ba'i don to/ /de la bltar yod pa du zhig bya ba ni gnas 'di na gzugs 'di lta bu zhig yod do zhes mig gi ltar yod pa dang bcas pa la yod do/ /lan du /gzugs kyi khams gcig te zhes bya ba smos te/ gzugs kyi khams ni dbang po lnga dang/ yul lnga dang bcu las khams gcig ste/ mig gi yul gzugs kyi khams gcig pu ni bltar yod pa zhes bya'o/ /bltar yod pa'i don nyid gang yin pa bstan par bya ba'i phyir/ yul bltar yod pa'o zhes bya ba smos te/ yul lam gnas gang na
- 211b
dngos po gang yin pa mig gi ltar rung ba ni bltar yod ba zhes bya ste/ mig gi khams kyi yul gzugs kyi khams ni gzugs 'di gnas 'di na gnas so mig gis bltar rung bas na/ bltar yod pa zhes bya'o/ /bltar med pa du zhes bya ba ni khams bco brgyad kyi nang nas mig gis bltar mi rung ba ni du yod ces bya ba'i don to/ /lhag ma rnams zhes bya ba ni mig gi yul gzugs gcig po ltar yod par bshad pa dang/ phyi na lhag ma khams bcu bdun lus pa ni bltar med pa'o/ /zhes bya bar grub ste/ bcu bdun po gang zhe na/ mig dang/ rna ba dang/ sna dang/ lce dang/ lus dang/ sgra dang/ dri dang/ ro dang/ reg bya dgu'i steng du/ chos kyi khams kyis bsnan te bcu dang/ sems kyi khams bdun gyis bsnan te bcu bdun no/ /de dag ni gnas 'di na gzugs 'di 'dra ba zhig gnas zhes mig gis bltar mi rung bas bltar med pa'o zhes bya'o/ /thogs pa dang bcas pa du zhes bya ba la/ khams bco brgyad bshad pa'i skabs yin pas khams bco brgyad kyi nang nas thogs pa dang bcas pa du yod ces bya ba'i don to/ /bdag gang na gnas pa'i gnas su gzhan gnas pa'i go gcod cing bgegs byed pa la thogs pa dang bcas pa zhes bya'o/ /dmigs pa thogs pa dang bcas pa ni /mig gi rnam par shes pa gzugs la dmigs te thogs pa med kyang sgra la mi dmigs te thogs pa dang/ rna ba'i rnam par shes pa sgra la dmigs te thogs pa med kyang gzugs la mi dmigs te thogs pa lta bu'o/ /bar du gcod pa'i thogs pa dang bcas pa ni rang gnas pa'i gnas su gzhan skye zhing 'byung ba'i bgegs byed cing go gcod pa'o/ /de ltar thogs pa dang bcas pa rnam pa gsum las 'di'i skabs su yul thogs pa dang bcas pa dang/ dmigs pa thogs pa dang bcas pa la ni mi bya'o/ /bar du gcod pa'i
- 212a
thogs pa dang bcas pa la ni bya bar bstan pa'i phyir/ gang la gang thogs pa'o zhes bya ba smos te/ bar du gcod pa'i thogs pa dang bcas pa ni rang gi phyogs su gzhan 'byung ba la bgegs byed pa ste/ dngos po gang rang gi gnas pa las rang gi phyogs su dngos po gzhan 'byung ba la bar chad byed pa dang/ dngos po gzhan der 'ongs pa yang de la bar du gcod pa gnyi ga la thogs pa dang bcas pa zhes bya'o/ /mig la sogs pa'i khams bcu po yang de dag gcig la bcig rang gi phyogs su byung ba la bgegs byed cing bar du gcod par byed pas na thogs pa dang bcas pa zhes bya'o/ /khams bcu thogs pa dang bcas so zhes bshad na gzhung las ma byung yang sems kyi khams bdun dang/ chos kyi khams kyis bsnan te brgyad mi thogs pa med pa yin par zhar gyis grub po/ /ci'i phyir zhes na/ de dag rang gi phyogs su gzhan 'ong ba'i bgegs dang bar chad du mi byed pa'i thogs pa med pa zhes bya'o/ / zag pa dang bcas pa du zhes bya ba la /khams bco brgyad bshad pa'i skabs yin pas khams bco brgyad kyi nang nas zag pa dang bcas pa'i khams du yod ces bya ba'i don to/ /nyon mongs pa dang bcas pa ni zag pa dang bcas pa zhes bya'o/ /bco lnga dang tha ma gsum gyi cha'o zhes bya ba la mig gi dbang po nas lus kyi dbang po'i bar du dbang po lnga'i khams dang/ gzugs nas reg bya'i bar du yul lnga'i khams dang /mig gi rnam par shes pa'i khams nas lus kyi rnam par shes ba'i bar du rnam par shes pa lnga'i khams te bco lnga po 'di dag ni gcig tu zag pa dang bcas pa zhes bya ste/ de dag la nam du yang zag pa med pa'i rang bzhin mi srid kyi /dus thams cad du zag pa dang bcas
- 212b
pa 'ba' zhig gi rang bzhin no/ /gzhan yang tha? mo gsum gyi cha ni zag pa dang bcas pa ste/ gsum? nyi tshe'i tshig smos kyi/ tha ma'i tshig la smos na ni thogs ma gsum yang yod de/ mig dang gzugs dang/ mig gi rnam pa shes pa'i khams thog ma gsum yang yod pas de'i phyir tha ma gsum gyi tshig spros so/ /khams bco brgyad la mig la sogs pa rten drug gi tha ma ni yid kyi khams yin la/ gzugs la sogs pa dmigs pa drug gi tha ma ni chos kyi khams yin pa dang/ brten pa mig gi rnam par shes pa la sogs pa rnam par shes pa drug gi tha ma ni yid kyi rnam par shes pa'i khams yin te/ de bas na yid kyi khams dang/ chos kyi khams dang/ yid kyi rnam par shes pa'i khams gsum la tha ma gsum zhes bya'o/ /mig la sogS pa'i khams gco lnga ji ltar gcig tu zag pa can 'ba' zhig yin gyi/ zag pa med pa'i rang bzhin nam yang mi srid pa ltar tha ma gsum gyi chal zag pa can 'ba' zhig tu gzhag par ma zad kyi/ zag pa med pa'i rang bzhin yang yod de/ de bas na zag pa dang bcas pa'i shas kyi tha ma gsum la ni zag pa dang bcas pa zhes bya'o/ /de la 'phags pa'i lam la dmigs pa'am/ 'phags pa'i lam du gtogs pa'i yid kyi khams dang/ chos kyi khams dang yid kyi rnam par shes pa'i khams dang chos kyi khams kyi 'dus ma byas pa rnam pa bzhi ni zag pa med pa ste/ de la ma gtogs pa'i so so skye bo'i yid kyi khams dang/ chos kyi khams la 'dus ma byas bzhi bkol ba'i phyi na tshor ba la sogs pa'i so so skye bo'i chos kyi khams dang/ so so skye bo'i yid kyi rnam par shes pa'i khams kyi cha rnams ni zag pa dang bcas pa zhes bya ste/ chos de dag rtag tu zag pa dang lhan cig gnas pas na zag pa dang bcas pa zhes bya'o/ /de bas na/ de dag la nyon mongs pa skye ba'i phyir te zhes bya ba smos te/
- 213a
mig la sogs pa'i khams bco lnga dang/ tha ma gsum gyi cha las rtag tu 'dod chags la sogs pa'i nyon mongs pa skye bar 'gyur ba'i phyir de dag la zag pa dang bcas pa zhes bya'o/ kha rgal pa/ mig la sogs pa'i dbang po lnga dang/ gzugs la sogs pa'i yul lnga dang/ mig gi rnam par shes pa nas lus kyi rnam par shes pa'i bar du lnga ste/ bco lnga ni blun po'i rang bzhin yin pas gzugs bzang ngan la rtog par mi nus na de dag gis gzugs la dmigs nas ji ltar nyon mongs pa skye bar 'gyur zhes pa'i lan du/ mig la sogs pa'i rnam par shes pa'i khams mig gi dbang po dang bcas pa'i gzugs la dmigs pa tsam gyis ni nyon mongs pa skye zhes mi smra'i/ gzhan du na mngon sum pa'i spyod yul yin pa'i phyir zhes bya ba smos te/ mig gi rnam par shes pa mig gi khams las brten nas gzugs la mngon sum du dmigs te/ mig gi rnam par shes pa skye bar 'gyur ro/ /mig gi rnam par shes pas yul myong ba'i rjes la yid kyi rnam par shes pa skyes nas gzugs bzang ngan du brtags pas nyon mongs pa skye bar 'gyur te/ de bas na de dag la zag pa dang bcas pa zhes bya'o/ /de bzhin du rna ba la sogs pa la yang sbyar bar bya'o/ /zag pa med pa du zhes bya ba ni khams bco brgyad las zag pa med pa'i khams du yang zhes bya ba'i don to/ /tha ma gsum gyi cha'o zhes bya ba la/ tha ma gsum ni yid dang chos dang yid kyi rnam par shes pa'i khams gsum ste/ gang 'phags pa slob pa dang mi slob pa rnams kyi yid kyi khams dang/ yid kyi rnam par shes ba'i khams 'phags pa'i lam du gtogs pa dang/ 'dus ma byas bzhi ni zag pa med pa zhes bya'o/ /'dod pa dang ldan pa du zhes bya ba khams bco brgyad bshad pa yin pas khams bco brgyad kyi nang nas 'dod pa'i khams
- 213b
su gtogs pa ni du zhig yod ces bya ba'i don to/ /de la gzugs dang/ sgra dang/ dri dang/ ro dang/ reg bya ste/ yul la 'dod pa zhes bya la /'dod pa de la gtso bor 'dzin cing spyod pa'i khams la 'dod pa'i khams zhes bya'o/ /lan du/ thams cad ngo zhes bya ba smos te /khams bco brgyad la mig gi khams nas/ yid kyi khams kyi bar du dbang po drug gi khams dang/ gzugs kyi khams nas reg bya'i khams kyi bar du yul drug gi khams dang/ mig gi rnam par shes pa nas yid kyi rnam par shes pa'i bar du rnam par shes pa'i khams drug ste /'dod pa'i khams na ni khams bco brgyad kun yod do zhes bya ba'i don to/ /gzugs dang ldan pa du zhes bya ba ni khams bco brgyad kyi nang nas gzugs kyi khams su gtogs pa 'am gzugS kyi khams dang ldan pa'i khams du yod ces bya ba'i don to/ /bcu bzhi ste zhes bya ba la/ gzugs kyi khams na ni /mig gi khams dang/ rna ba'i khams dang/ sna'i khams dang/ lce'i khams dang/ lus kyi khams dang/ yid kyi khams te / dbang po drug gi khams dang/ gzugs dang/ sgra dang/ reg dang/ chos te yul bzhi'i khams dang/ mig gi rnam par shes pa'i khams dang/ rna ba'i rnam par shes pa'i khams dang/ lus kyi rnam par shes pa'i khams dang/ yid kyi rnam rnam par shes pa'i khams te bcu bzhi ni gzugs kyi khams dang yang ldan te/ gzugs kyi khams na yang de dag yod do zhes bya ba'i don to/ /dri dang ro dang sna dang lce'i rnam par shes pa ma gtogs so zhes bya ba ni gzugs kyi khams na dri'i khams dang/ ro'i khams te yul gyi khams gnyis dang/ sna'i rnam par shes pa dang /lce'i rnam par shes pa gnyis te khams bzhi ni gzugs kyi khams na med do zhes bya ba'i don to/ /de ci'i phyir/ gzugs kyi khams na ni dri dang/ ro gnyis dang/
- 214a
sna dang lce'i rnam par shes pa'i khams gnyis med ce na/ 'di ltar dri dang ro gnyis ni za ba'i rang bzhin yin te /ro yang zas dum bu dum bur gcad de kham gyis za ba dang/ dri yang nang nas dbugs kyis drangs nas khong du dum bu dum bur bcug pa'i rang bzhin yin pas kham kyis za ba'i rang bzhin yin la/ kham gyis za ba'i 'dod chags dang bral ba rnams gzugs kyi khams su skye bas gang gi 'dod chags dang bral ba gnas gang du skyes pa der yul de dang/ rnam par shes pa de dag gnas de na med do/ /dper na gzugs kyi 'dod chags dang bral ba rnams gzugs med pa'i khams su skyes na mig gi khams nas lus kyi khams kyi bar du dbang po lnga dang/ gzugs kyi khams nas reg bya'i khams kyi bar du? yul lnga med pas mig gi rnam par shes pa nas lus kyi rnam par shes pa'i bar du rnam par shes pa'i khams lnga yang med pa de bzhin du gzugs kyi khams na zas kham gyis za ba'i 'dod chags dang bral ba'i dri dang ro gnyis med de /yul gnyis med pas na de la dmigs pa'i sna dang lce'i rnam par shes pa'i khams gnyis kyang med do/ /gzugs med pa dang ldan pa du zhes bya ba ni gzugs med pa'i khams dang ldan pa'i khams du yod ces bya ba'i don to/ /tha ma gsum te zhes bya ba la yid kyi khams dang/ chos kyi khams dang/ yid kyi rnam par shes pa'i khams gsum ni gzugs med pa'i khams dang ldan pa'o zhes bya ba'i don to/ /ci'i phyir zhe na/ gzugs kyi khams las 'dod chags dang bral ba'i rnams gzugs med pa'i? khams su skye ste /de bas na gzugs med pa'i khams su mig nas lus kyi khams kyi bar du lnga dang /gzugs nas reg bya'i khams kyi bar du lnga ste/ gzugs kyi rang bzhin gyi khams bcu dang /de dag la rten
- 214b
cing dmigs pa'i mig gi rnam par shes pa'i khams nas lus kyi rnam par shes pa'i khams lnga'i bar du ste/ bco lnga? ni gzugs med pa'i khams na med do/ /yid dang chos dang yid kyi rnam par shes pa'i khams gsum la grag pa dang bcas pa'i rang bzhin yang yod/ zag pa med pa'i rang bzhin yang yod pa las gzugs med pa'i khams na phung po zag pa dang bcas pa'i yid dang ldan na zag pa med pa dang yang ldan nam snyam pa la gang zag pa dang bcas pa'o zhes bya ba smos te/ gzugs med pa'i khams na ni so so skye bo'i yid kyi khams dang/ chos kyi khams dang/ yid kyi rnam par shes pa'i khams zag pa dang bcas pa gsum po dang ldan no zhes bya ba'i don to/ /mi ldan pa du zhes bya ba la/ khams gsum du ma gtogs pa 'am/ 'dod pa dang/ gzugs dang/ gzugs med pa'i khams kyi sred pas ma zin sred pas ma dmigs pa ni mi ldan pa zhes bya ste/ khams bco brgyad las khams gsum gang dang yang mi ldan pa'i khams du yod ces bya ba'i don to/ /de nyid zag pa med pa'o zhes bya ba la /yid kyi khams dang/ chos kyi khams dang/ yid kyi rnam par shes pa'i khams tha ma gsum po de dag nyid gang 'phags pa'i lam du gtogs pa'i yid kyi khams dang/ chos kyi khams dang/ yid kyi rnam par shes pa'i khams zag pa med pa dang/ chos kyi khams las 'dus ma byas bzhi zag pa med pa'i rang bzhin de gsum ni khams gsum dang mi ldan pa zhes bya'o/ phung por bsdus pa du zhes bya ba ni/ khams bco brgyad pa'i skabs yin pas khams bco brgyad kyi nang nas phung po lngar khams du bsdus zhes bya ba'i don to/ /'dus ma byas ma gtogs so zhes bya ba ni 'dus ma byas bzhi? phung po'i nang du ma bshad
- 215a
bas 'dus ma byas bzhi bkol te/ mig gi khams nas yid kyi bar du drug dang ? mig gi rnam par shes pa'i khams nas yid kyi rnam par shes pa'i bar du drug dang/ gzugs kyi khams dang reg bya'i khams kyi bar du lnga dang/ chos kyi khams la 'dus ma byas bzhi bzhag ste/ tshor ba dang/ 'du shes dang/ 'du byed dang/ rnam par rig byed ma yin pa dang bzhi ste/ de rnams ni phung po lngar 'dus so/ /nye bar len pa'i phung por bsdus pa du zhes bya ba ni khams bco brgyad bshad pa'i skabs yin bas khams bco brgyad kyi nang nas zag pa dang bcas pa'i phung por bsdus pa'i khams su yod ces bya ba'i don to/ /gang dag zag pa dang bcas pa'i rnams so zhes bya ba la/ khams bco brgyad las gang zag pa dang bcas pa'i khams ni nye bar len pa'i phung por bsdus so/ /gang zhe na/ dbang po lnga dang/ yul lnga dang/ rnam par shes pa lnga dang/ yid dang chos dang yid kyi rnam par shes ba'i khams tha ma gsum la gang zag pa dang bcas pa'i rang bzhin dang zag pa med pa'i rang bzhin yod pa las gang zag pa dang bcas pa'i rang bzhin gsum ste/ de rnams ni nye bar len pa'i phung por sdus so/ /dge ba du /mi dge ba du/ lung du ma bstan pa du zhes bya ba la /khams bco brgyad bshad pa'i skabs yin pas khams du zhig ni dge ba yin /khams du zhig ni mi dge ba yin/ khams du zhig ni lung du ma bstan pa yin zhes bya ba'i don to/ /de la srog gcod pa la sogs pa'i las ngan pa spangs pa ni dge ba'o/ /srog gcod pa la sogs pa'i las dan pa ma spangs pa ni mi dge ba'o/ /dge ba'i rang bzhin yang ma yin mi dge ba'i rang bzhin yang ma yin pa ni lung du ma bstan pa'o/ /de la dge ba la rnam pa bzhi yod de/ rang bzhin gyi dge ba dang/ ldan pa'i dge ba dang/ bskyed pa'i dge
- 215b
ba dang/ don dam pa'i dge ba'o/ /'di ltar 'dod ma chags ba dang/ zhe? mi sdang ba dang/ gti? mi mug pa'i dge pa'i rtsa ba dang/ ngo tsha shes pa dang/ khrel yod pa dang lnga ni rang bzhin gyi dge ba'o zhes bya'o/ /dge ba de lnga dang ldan pa'i sems dang sems las byung ba rnams ni ldan pa'i dge ba zhes bya'o/ /dge ba dang ldan pa'i sems dang sems las byung bas bskyed ba'i lus kyi sgo nas thal mo sbyar ba dang/ dag gi sgo nas bstod pa dang/ kha ton klog pa ni bskyed pa'i dge ba zhes bya'o/ /so sor brtags pas 'gog pa dang/ de bzhin nyid ni don dam par dge ba zhes bya'o/ /mi dge ba la yang rnam pa bzhi yod de/ rang bzhin gyi mi dge ba dang/ ldan bas mi dge ba dang/ bskyed pas mi dge ba dang ? don dam par mi dge ba'o/ /de la rang bzhin gyis mi dge ba ni 'dod/ chags dang/ zhe sdang dang gti mug mi dge ba'i rtsa ba dang/ ngo tsha mi shes pa dang/ khrel med pa lnga'o/ /chos de lnga dang ldan pa'i rang bzhin sems dang sems las byung ba rnams ni ldan pa'i mi dge ba'o/ /mi dge ba dang ldan pa'i sems dang sems las byung bas bskyed pa'i lus kyi sgo nas gzhan la brdeg pa dang/ ngag gi sgo nas tshig rtsub mo smra ba la sogs pa ni bskyed pa'i mi dge ba zhes bya'o/ /'khor ba ni don dam par mi dge ba zhes bya'o/ /lung du ma bstan pa yang rnam pa bzhi yod de/ rang bzhin gyis lung du ma bstan pa dang/ ldan pa'i lung du ma bstan pa dang/ bskyed pa'i lung du ma bstan pa dang/ don dam pa'i lung du ma bstan pa'o/ /de la mig nas lus kyi bar du dbang po lnga dang/ dri dang/ ro dang/ reg bya ste/ chos brgyad rnams ni rang bzhin gyis lung du ma bstan pa'o/ /spyod lam dang bza' i gnas la sogs pa dang ldan pa'i sems dang sems las byung ba rnams ni ldan pa'i lung du ma bstan pa'o/ /lung du ma bstan pa dang ldan pa'i sems dang sems las
- 216a
byung bas bskyed pa'i lus kyi sgo nas tshe ma drub byed pa dang/ ngag gi sgo nas tshe ma drub kyi gtam smra ba ni skyed pa'i lung du ma bstan pa zhes bya'o/ /so sor brtags pa ma yin pas 'gog pa dang nam mkha' i ni don dam par lung du ma Fbstan pa zhes bya'o/ /bcu ni rnam pa gsum char te zhes bya bar khams bco brgyad las khams bcu la ni gsum char gyi rang bzhin yod de/ bcu pa de dag la dge ba yang yod/ mi dge ba yang yod/ lung du ma bstan pa yang yod do zhes bya ba'i don to/ / khams bco brgyad kyi nang nas bcu zhes bya ba gang la bya mi shes nas /de bas na bcu po gang yin pa bstan pa'i phyir/ sems kyi khams bdun dang/ gzugs dang/ sgra dang/ chos kyi khams rnams so zhes bya ba smos te/ mig gi rnam par shes pa'i khams/ nas yid kyi rnam par shes pa'i bar du sems kyi khams drug dang yid kyi khams kyis bsnan te bdun dang/ gzugs kyi khams te brgyad sgra'i khams te dgu dang/ chos kyi khams kyis bsnan te/ bcu la ni dge ba yang yod mi dge ba yang yod/ lung du ma bstan pa yang yod do zhes bya ba'i don to/ /de la je sems kyi khams bdun la rnam pa gsum ji ltar yod pa bstan te/ sems kyi khams bdun ni dge ba dang mi dge ba dang ldan pa'i sgo nas dge ba dang mi dge bar gzhag gi dge ba dang/ mi dge ba'i rang bzhin ni ma yin no/ /de la 'dod mchags pa la sogs pa'i dge ba dang ldan pa'i sems kyi khams bdun la ni dge ba zhes bya'o/ /'dod chags la sogs pa mi dge ba dang ldan pa'i sems kyi khams bdun ni mi dge ba zhes bya'o/ / bzo la sogs pa'i las dang ldan pa'i sems kyi khams bdun ni lung du ma bstan pa zhes bya'o/ /gzugs kyi khams dang/ sgra'i khams la rnam pa gsum du gzhag pa yang dge ba lnga dang ldan pa'i sems kyis bskyed pa'i sangs rgyas la sogs pas
- 216b
bya ba 'tshal ba'i lus kyi las ni dge ba zhes bya'o/ /mi dge ba lnga dang ldan pa'i sems kyis bskyed pa'i gzhan la brdeg pa dang /srog gcod pa la sogs pa'i lus kyi las ni mi dge ba zhes bya'o/ /spyod lam dang bzo'i gnas byed pa'i lus kyi las ni lung du ma bstan pa zhes bya'o/ /sgra yang dge ba'i las kyis bskyed nas sangs rgyas la bstod pa la sogs pa smra ba ni dge ba zhes bya'o/ /mi dge ba'i sems kyis bskyed pa'i gshe ba la sogs pa dag gi las la ni mi dge ba zhes bya'o/ /tha mal pa'i gtam dang / bzo'i gtam smra pa la ni lung du ma bstan pa zhes bya'o/ /chos kyi khams la rnam pa gsum du gzhag pa yang chos kyi khams la char ba dang /'du shes dang/ 'du byed dang/ rnam par rig byed ma yin pa dang/ 'dus ma byas pa'i ste brgyad yod pa las 'du byed kyi phung po la dge ba bcu gcig ba nang nas 'dod ma chags pa dang/ zhe mi slad pa dang/ gti mi mug pa dang/ ngo tsha shes pa dang/ khrel yod pa ni rang bzhin gyis dge ba zhes bya'o/ /tshor ba dang/ 'du shes dge ba ldan pa dang brtson pa la sogs pa dge ba gzhan yod pa ni ldan pa'i dge ba zhes bya'o/ /'du byang sems dang mi ldan pa skye ba dang/ rga ba la sogs pa dge ba dang ldan pa'i sems kyis bskyed pa ni bskyod pa'i dge ba zhes bya'o/ /so sor brtags pas 'gog pa dang/ de kho na nyid ni don dam pa'i dge ba zhes bya'o/ /'du byed kyi phung po la 'dod chags dang /zhe sdang dang/ gti mug dang/ ngo tsha mi shes pa dang/ khrel med pa dang/ lnga ni rang bzhin gyis mi dge ba zhes bya'o/ /tshor ba dang 'du shes mi dge ba'i chos dang ldan pa dang/ rnam par 'tshe ba la sogs pa nye ba'i nyon mongs pa yod pa rnams ni ldan pa'i mi dge ba zhes bya'o/ /mi dge ba'i sems kyis bskyed pa'i skye ba dang/ rga ba la sogs pa'i 'du byed sems dang mi ldan pa ni
- 217a
bskyed ba'i mi dge ba zhes bya'o/ /'du byed kyi phung po la bzhi gzhan du yang zhes bya ba las lung du ma bstan pa'i char bshad pa rnams ni ldan pa'i lung du ma bstan pa zhes bya'o/ /so sor brtags pa ma yin pas 'gog pa dang nam mkha' ni din? dam par lung du ma bstan pa zhes bya'o/ /lhag ma nga brgyad ni lung du ma bstan pa'o/ /zhes bya ba khams bco brgyad kyi nang nas bcu rnam pa gsum char yin no/ zhes bshad pa'i phyir lhag ma brgyad lus te/ de yang gang zhe na/ dri dang/ ro dang/ reg bya dang/ mig dang/ rna ba dang/ sna dang/ lce dang/ lus kyi khams te brgyad do/ /brgyad po de dag ni lung du ma bstan pa nyid yin gyi de dag la/ rang bzhin dang ldan pa dang/ bskyed pa dang/ don dam par dge ba yang med la/ rang bzhin dang/ ldan pa dang/ / bskyed pa dang/ don dam par mi dge ba yang med pa ni lung du ma bstan pa ni lung du ma bstan pa gcig pur bzhag go/ nang gi du zhes bya ba ni khams bco brgyad bshad pa'i skabs yin pas khams bco brgyad kyi nang nas nang gi khams su gtogs pa du yod ces bya ba'i don to/ /nang zhes bya ba ni bdag gi lus su gtogs pa la bya'o/ /bcu gnyis te zhes bya ba ni khams bco brgyad las khams bcu gnyis ni nang gir zhes bya ba'i don to/ /nang gir gtogs pa'i khams bcu gnyis po de yang gang yin mi shes pas de'i phyir/ gzugs dang/ sgra dang/ dri dang/ ro dang/ reg bya dang/ chos kyi khams ma gtogs so zhes bya ba smos te/ gzugs dang/ sgra dang/ dri dang/ ro dang/ reg bya dang/ chos te phyi'i yul gyi chos bkol nas/ de'i phyir na/ mig gi khams nas 'di kyi ? kyi bar du dbang po drug gi khams dang/ mig gi rnam par shes pa'i khams nas yid kyi rnam par shes pa'i khams kyi bar du rnam par shes pa drug gi khams bcu gnyis la nang gi zhes bya'o/ /phyi rol gyi du zhes bya ba la/ lus la ma gtogs
- 217b
pa ni phyi rol ces bya ste /khams bco brgyad las phyi rol du gtogs pa'i khams du yod ces bya ba'i don to/ /gang dag ma gtogs pa drug go zhes bya ba la/ gang du nang gir ma gtogs te bkol pa'i gzugs dang/ sgra dang/ dri dang/ ro dang/ reg bya dang/ chos te phyi'i yul drug po de la phyi rol gyi zhes bya'o/ /dmigs pa dang bcas pa du zhes bya ba la /khams bco brgyad bshad pa'i skabs yin pas khams bco brgyad kyi nang nas bdun ni dmigs pa dang bcas pa yin no/ /khams bdun po de yang gang yin pa mi shes nas /de gang yin pa bstan pa'i phyir /sems kyi khams bdun par zhes bya ba smos te/ sems kyi khams bdun ni dmigs pa dang bcas pa yin no zhes bya ba'i don to/ /smras pa ci sems kyi khams bdun nyi tshe la dmigs pa dang bcas pa zhes bya ba/ dmigs pa dang bcas pa gzhan med dam snyam pa la/ dmigs pa dang bcas pa ni sems kyi khams bdun du ma zad kyi/ gzhan yang yod par bstan pa'i phyir chos kyi khams kyi phyogs gcig ste zhes bya ba smos te/ chos kyi khams kyi rdzas brgyad yod pa las kun ni dmigs pa dang bcas pa ma yin gyi /de la phyogs gcig ni dmigs pa dang bcas pa'i yin no zhes bya ba'i don to/ /don du na sems bdun dang/ chos kyi khams kyi phyogs gcig ni/ dmigs pa dang bcas pa yin no zhes bya ba'i don to/ /de la dmigs pa dang bcas pa'i zhes bya ba ni yul dang bcas spyod yul dang bcas zhes bya ba'i don to/ /chos kyi khams kyi phyogs gcig po de yang gang yin mi shes pas bstan pa'i phyir/ gang sems las byung ba'o zhes bya ba smos te/ chos kyi khams la cha gnyis su gzhag ste/ sems las byung ba'i rang bzhin dang/ sems las byung bas yin pa'i rang bzhin no/ /de la tshor ba dang/ 'du shes dang/ 'du byed kyi phung po la 'du byed sems dang ldan pa lnga bcu rtsa gcig ni sems las byung ba'i rang bzhin zhes bya'o/ /rnam par rig byed ma yin pa dang/ 'dus
- 218a
ma byas bzhi dang /'du byed kyi phung po la 'du byed sems dang mi ldan pa rnams ni sems las byung ba ma yin pa'i rang bzhin no/ /de la chos kyi khams kyi phyogs gcig sems las byung ba'i rang bzhin rnams ni dmigs pa dang bcas pa rnams zhes bya'o/ /don du mig gi rnam par shes pa nas yid kyi rnam par shes pa'i khams kyi bar du sems kyi khams drug dang/ yid kyi khams kyis bsnan te sems kyi khams bdun dang/ chos kyi khams kyi phyogs gcig zhes ma las byung ba'i rang bzhin rnams ni dmigs pa dang bcas par bshad do/ /dmigs pa med pa du zhes bya ba la/ khams bco brgyad las dmigs pa med pa'i khams du zhig yod ces bya ba'i don to/ /lhag ma bcu dang/ chos kyi khams kyi phyogs gcig go zhes bya ba la/ khams bco brgyad las sems kyi khams bdun dang/ chos kyi khams kyi phyogs gcig sems las byung ba'i rang bzhin dmigs pa dang bcas par bshad pa'i lhag ma mig gi khams nas lus kyi khams kyi bar du dbang po lnga dang/ gzugs kyi khams nas reg bya'i khams kyi bar du yul lnga ste bcu dang/ chos kyi khams las sems las byung ba'i rang bzhin dang/ sems las byung ba ma yin pa'i rang bzhin gnyis yod pa las ni gang chos kyi khams kyi phyogs gcig sems las byung ba'i rang bzhin ma yin pa 'du byed sems dang mi ldan pa thams cad dang/ rnam par rig byed ma yin pa dang/ 'dus ma byas bzhi ni dmigs pa med pa zhes bya'o/ /don du na sems dang sems las byung ba la ni dmigs pa'i yul yod par bshad kyi/ sems dang sems las byung ba ma yin pa rnams la ni dmigs pa'i yul med par bshad do/ /rtogs pa dang bcas pa du zhes bya ba la/ khams
- 218b
bco brgyad bshad pa'i skabs yin pas khams bco brgyad kyi nang nas rtog pa dang bcas pa'i khams du yod ces bya ba'i don to/ /yid kyi khams dang/ yid kyi rnam par shes pa'i khams dang/ chos kyi khams kyi phyogs gcig go zhes bya ba la/ khams bco brgyad kyi nang nas yid kyi khams dang/ yid kyi rnam par shes pa'i khams dang/ chos kyi khams la cha gnyis te/ sems las byung ba'i rang bzhin dang/ sems las byung ba ma yin pa'i rang bzhin gnyis yod pa las/ chos kyi khams kyi phyogs gcig sems las byung ba'i rang bzhin rnams ni rtog pa dang bcas pa zhes bya'o/ /ci'i phyir zhe na/ yid kyi khams dang/ yid kyi rnam par shes pa'i khams dang/ chos kyi khams kyi phyogs gcig la/ rtog pa dang bcas pa zhes bya zhe na/ 'di ltar rtogs pa rnam pa gsum yod de/ rang bzhin gyi rtog pa dang/ rjes su dran pa'i rtog pa dang/ gtan la 'bebs pa'i rtog pa'o/ /de la rang bzhin gyi rtogs pa ni mig gi rnam par shes pas gzugs la gzugs ces du shes pa dang/ rna ba'i rnam par shes pas sgra la sgra tsam du shes pa'o/ /rjes su dran pa'i rtog pa ni sngon mthong ba dang/ thos pa la sogs pa phyis ma brjed cing/ dran pa ma nyams pa'o/ /gtan la 'bebs pa'i rtog pa ni khams gsum dang dus gsum gyis dngos po rnams las gcig mig gis mngon sum du mthong ba dang/ kha cig mig gis mngon sum du mthong pa yang rna bas thos pa la sogs pa la shes rab dang sems pa'i khyad par gyis 'di ni yin 'di ni ma yin zhes rtag pa ni gtan la 'bebs pa'i rtog pa zhes bya'o/ /de bas na mngon pa'i chos bsdus pa'i gtsug lag las kyang rjes su dran pa'i rtog pa gang zhe na/ sngon rjes su myong ba'i 'du byed rnams 'dzin pa gang yin pa'o/ /gtan la 'bebs pa'i rtog pa gang zhe na /'das pa dang/ ma 'ongs pa dang /da ltar byung ba rnams la mngon sum du ma gyur pa'i rtog pa'i rnam par rtog pa'i zhes gsungs so/ /de la khri rkang pa gcig yod
- 219a
kyang gsum gsum med na khri rkang pa med pa zhes bya ba dang 'dra bar rang bzhin gyis rnam par rtog ba yod kyang rjes su dran pa'i rtog pa dang/ gtan la 'bebs pa'i rtog pa gnyis med na rnam par mi rtog pa zhes bya'o/ /de bas na yid kyi khams dang/ yid kyi rnam par shes pa'i khams dang/ chos kyi khams kyi phyogs gcig sems las byung ba'i rang bzhin rnams ni rjes su dran pa'i rtog pa dang/ gtan la 'bebs pa'i rtog pa gnyis dang ldan pas rtog pa dad bcas pa zhes bya'o// gzhung las ma rmongs kyang/ khams lhag ma rnams ni rnam par mi rtog par grub ste/ de dag kyang gang zhe na/ mig gi khams nas lus kyi khams kyi bar du dbang po lnga dang/ gzugs dang reg bya'i bar du yul lnga dang /mig gi rnam par shes pa'i khams nas lus kyi rnam par shes pa'i bar du lnga ste/ bco lnga dang/ chos kyi khams kyi phyogs gcig sems las byung ba ma yin pa rnams ni rnam par mi rtog pa nyid du gzhag go /zin pa du zhes bya ba la khams bcod rgyad bshad pa'i skabs yin pas khams bco brgyad kyi nang nas zin pa'i khams ni du zhig yod ces bya ba'i don to/ /de la sems dang sems las byung ba dang 'brel pa'am/ sems dang sems las byung bas zin pa'i gzugs la zin pa zhes bya'o/ /nang gi lnga dang zhes bya ba la /nang gi dbang po lnga ni zin pa zhes bya ste/ de yang gang zhe na/ mig gi khams dang/ rna ba'i khams dang/ sna'i khams dang/ lce'i khams dang/ lus kyi khams so/ /ci'i phyir mig la sogs pa'i lnga nyi tshol zin pa zhes bya bar zad kyi zin pa gzhan yang med snyam pa la yod par bstan pa'i phyir/ bzhi'i phyogs te/ gzugs dang/ dri dang/ ro dang/ reg bya rnams kyi'o/ zhes bya ba smos te/ 'di ltar gzugs dang/ dri dang /ro dang/ reg bya ste bzhi po de rnams la rnam pa gnyis yod de zin pa dang ma zin pa'o/ /de la gzugs dang /dri dang/ ro dang/ reg bya zin pa'i phyogs gang yin
- 219b
la ni zin pa zhes bya'o/ /de yang gang zhe na/ mig la sogs pa'i dbang po dang/ tha mi dad cing mig la sogs pa'i dbang po dang/ lhan cig tu gnas pa'i gzugs dang/ dri dang/ ro dang/ reg bya rnams dbang po sems dang/ sems las byung ba zin pa bzhin du/ dbang po la yod pa'i bzhi po'i phyogs de dag kyang sems dang sems las byung ba'i bzung bas na zin pa zhes bya'o/ /'di ltar lus la yod pa'i gzugs la sogs pa yang sgra dang/ sbu? dang/ sen mo dang/ so'i rtsa ba ma gtogs par gzhan sgra dang/ sbu dang/ sen mo dang /bshad pa dang/ gci ba dang/ mchil ma dang/ snabs dang/ khrag la sogs pa ni ma zin pa zhes bya'o/ /zin pa zhes bya ba'i don ji lta bur sems dang sems las byung bas 'di ni bdag gi yul sa yin no zhes bya ba'i tshul du bzung la/ lus dang sems gnyis kyang gcig la gcig phan pa dang/ gnod pas rjes su 'brel par byed de/ lus la phan na yang sems la phan pa dang/ sems la phan na yang lus la phan pa dang/ lus la gnod na yang sems la gnod pa dang/ sems la gnod na yang lus la gnod par byed pa ni zin pa zhes bya'o/ /ma zin pa du zhes bya ba la/ khams bco brgyad kyi nang nas ma zin pa'i khams du yod ces bya ba'i don to/ /lhag ma dgu dang bzhi po'i phyogs so zhes bya ba la/ dbang po lnga dang lhan cig 'grogs pa'i gzugs dang/ dri dang/ ro dang/ reg bya rnams zin par bshad pa'i lhag ma ni sems kyi khams bdun dang/ chos kyi khams dang/ sgra'i khams te dgu yang ma zin pa zhes bya'o/ /gzhi'i phyogs te/ mig la sogs pa'i dbang po lnga dang/ tha mi dad par gnas pa ma yin pa'i gzugs dang/ dri dang/ ro dang/ reg bya'i phyogs kyang ma zin zhes bya la/ rtsa ba la ma gtogs pa'i skra dang/ spu dang/ sen mo dang/ bshad ba dang/ gci ba dang/ mchil ma dang/ snabs dang/ khrag la
- 220a
sogs pa ni ma zin pa zhes bya'o/ /cha mtshungs pa du shes bya ba la/ rnam par shes pa dang dbang po lhan cig tu 'grogs pa las dbang po rnam par shes pa skyed pa'i rgyu byed pa la ni cha mtshungs pa zhes bya ste/ khams bco brgyad bshad pa'i skabs yin pas khams bco brgyad kyi nang nas cha mtshungs pa'i khams du yod ces bya ba'i don to/ /nang gi gzugs can lnga ste zhes bya ba la/ nang gi gzugs can gyi khams lnga ni cha mtshungs pa zhes bya'o/ /de la nang gi khams ni bcu gnyis su bshad de/ mig gi khams nas yid kyi khams kyi bar du drug dang/ mig gi rnam par shes pa'i khams nas yid kyi rnam par shes pa'i khams kyi bar du drug ste/ nang gi lnga po gang la bya mi shes te/ de bas na bstan pa'i phyir/ gzugs can zhes bya ba smos te /'di ltar nang gi dbang po ni mig dang/ rna ba dang/ sna dang/ lce dang/ lus kyi khams dang lnga ste/ de lnga ni cha mtshungs pa zhes bya'o/ /chos gang dang cha mtshungs pa dang/ cha mtshungs pa zhes bya ba'i don ji lta bu yin pa mi shes nas bstan par bya ba'i phyir/ rang gi rnam par shes pa dag yul dang mthun pa'i phyir ro/ /zhes bya ba smos te /mig gi khams kyi rang gi rnam par shes pa ni mig gi rnam par shes pa ste /mig gi dbang po'i yul gzugs yin pa de nyid rnam par shes pa'i yul yang gzugs de nyid yin te/ mig gi dbang po dang/ mig gi rnam par shes pa gzugs la mtshungs par 'jug pa ni/ cha mtshungs pa zhes bya'o/ /yang na mig gi rnam par shes pa'i yul gzugs yin pa bzhin du dbang po'i yul yang gzugs yin par cha mtshungs te/ ji ltar gzugs kyis mig gi rnam par shes pa skyed pa'i rgyu byed pa bzhin du mig gis dbang pos kyang mig gi rnam par shes pa skyed pa'i rgyu byed de/ gzugs dang mig gi dbang po gnyi ga mig gi rnam par shes pa skye ba dang
- 220b
rjes su mthun par gnas pa ni cha mtshungs pa zhes bya'o// //don du mig la sogs pa'i dbang po rnams mig gi rnam par shes pa dang 'grogs shing ldan pa'i tshe na cha mtshungs pa zhes bya'o/ /de dang mtshungs pa du zhes bya ba la/ rnam par shes pa dang mi ldan pa'i dbang po rnams pa de dang mtshungs pa zhes bya'o/ /khams bco brgyad kyi nang nas de dang mtshungs pa'i khams du yod ces bya ba'i don to/ /de dang mtshungs pa zhes bya ba ji lta bu yin pa bstan pa'i phyir/ de nyid rnam par shes pas stong pa zhes bya ba smos te/ mig la sogs pa'i dbang po de dag nyid nam mig la sogs pa'i rnam par shes pas stong ste/ dbang po de dag gi rang gi rnam par shes pa skyed pa'i rgyu mi byed cing brgyal ba dang nyal ba la sogs pa'i dus na dbang po 'ba' zhig yod pa la de dang mtshungs pa zhes bya'o/ rang gi rnam par shes pas stong pa'i dbang po de dag pa ci'i phyir de dang mtshungs pa bya zhe na/ de'i phyir/ rang gi rigs dang mthun pa'i phyir ro zhes bya ba smos te/ mig la sogs pa'i dbang po rang gi rnam par shes pas stong pa de dag mig la sogs pa'i dbang po rang gi rnam par shes pas stong pa gzhan dag dang/ rigs mthun bas na de dang mthun pa zhes bya'o/ /yang na rang gi rnam par shes pas stong pa'i mig la sogs pa'i dbang po de dag rang gi rnam par shes pa dang ldan pa'i mig la sogs pa'i dbang po dang mig gi dbang por gnyi ga rigs 'dra bas na de dang mtshungs pa zhes bya ste/ nam lhas byin gyi mig gi rnam par shes pa skyed par byed pa dang/ nam lhas byin gyi mig gi dbang pos mig gi rnam par shes pa mi skyed pa'i mig gnyi ga yang mig gi dbang por rigS 'dra bas nad dang mtshungs pa zhes bya'o/ /mig gi dbang po mig gi rnam par shes pas stong ste de dang mtshungs pa gnyi ga yang mig gi rnam par shes pa skyed pa'i thun mong ma yin pa'i rgyu byed pas na/ cha mtshungs pa dang mtshungs pa zhes bya'o/ /gzugs dang sgra la sogs pa'i
- 221a
yul ni mtshungs pa dang de dang mtshungs pa zhes mi bya ste /ci'i phyir zhe na/ nam gzugs nges lhas byin gyi mig gi rnam par shes pa skyed pa'i rgyu byed pas mtshungs pa zhes bya la de nyid kyi dus na mchod sbyin gyi mig gi rnam par shes pa skyed pas de dang cha mtshungs par 'gyur bas na /dus gcig tu cha mtshungs pa dang de dang mtshungs pa gnyis su 'gyur ba'i phyir cha mtshungs pa zhes 'am /de dang mtshungs pa zhes gzhag tu med la /gzugs la sogs pa ni lhas byin gyis mig gi rnam bar shes pa skyed pa bzhin du mchod sbyin kyi mig gi rnam par shes pa yang skyed pas thun mong du gyur ba yin pa'i phyir/ de dang cha mtshungs pa zhes bya'o/ /phung po lnga bshad slob dpon sa'i cha lag gis mdzad ba rdzogs so// //rgya gar gyi mkhan po dzi ni ma tra dang// dA na shI la dang /bod kyi lo tsA ba bande ye shes sde la sogs pas bsgyur cing zhus te gtan la phab pa'o// //sarba mang+ga laM// //