Text
ff. 1a–383a · 764 folio sides
- 1a
mu stegs drag sngags nag po'i rgyud ces bya ba bzhugs so//
- 1b
rgya gar skad du/ ti ra ti ka la man tra man+ta/ bod skad du/ mu stegs drag sngags nag po'i rgyud/ dpal drag po 'dus pa la phyag 'tshal lo// 'di skad bdag gis thos pa'i dus gcig na/ ri rab ri'i phyogs ka lin ta ka'i dur khrod chen po na/ drag po 'khor lo 'bar ba'i gzhal yas khang rgya khyon dpag tu med pa/ 'khor lo steng 'og bcas pa'i rtsibs brgyad la/ 'khor lo gcod byed rtse mo can// gru gsum e yi pho brang la// zla kham rnam gsum dbang gi tshul// mu khyud dang bcas rgyas pa'i phyir// rtsibs brgyad ldan pa'i 'khor lo la// rab tu mdzes pa'i thig btab nas// rus pa'i tshogs ni brag tu spungs// rag ta khrag gi rba klong mtsho ltar 'khyil// gnam lcags ur mo'i gzer chen ta la
- 2a
la// dur khrod chen po 'bar ba'i gzhal yas khang de na keng rus gsar rnying gi grong khyer gyis bskor ba/ zhing chen gyi ka ba chu srin gyi ka gzhu can/ mchog chen gyi dral krab btang ba/ nyi ma me shel dang zla ba chu shel gyi mthongs yod pa/ gza' skar mang pos 'khor ba/ ru sbal gyi phyam bris pa/ zhing chen khag dngas pa'i yol ba byas pa/ tsit+ta mang po sprin du gtibs pa/ ro mang po'i gral bkod pa/ khrag dang / chu ser dang / mi gtsang ba 'dzag pa/ rkang dang / rtsib ma dang / skal pa'i rgam brtsigs pa/ mtha' ma lcags ri nag pos bskor ba/ de lta bu'i 'dam rdzab kyi nang na/ 'bu dang / srin dang / grog mo dang / khyi dang / stag dang / spyang khu dang / lce spyang nag po dang / kang ka dang / gyi ling dang /
- 2b
lin 'du dang / 'ug pa dang / dur bya dang / bya rog dang / dom dang / dred dang / gzig dang / khwa la sogs pa dpag tu med pa rnams kyis sha za ba dang / khrag 'thung ba dang / bldag pa dang / 'tshod pa dang / bsko ba dang / lta ba dang / rgod pa dang / cho nges 'debs pa dang / ku co mang po 'don pa dang / shin tu yang ba dang / 'jigs shing skye bung ba dang / dur khrod kyi dri ma mnam pa dang / shin tu dri nga ba dang / dpag tshad du khyab pa'i dbus na/ mthing nag gru gsum 'bar ba'i klong dkyil nas/ bskal pa'i me ri ser nag dang / dmar nag dang / smug nag dang / mthing nag dang / kham nag tu 'bar ba/ me lces srid pa gsum du sleb pa/ me'i 'od phyogs bzhir gsal ba/ du ba bskal pa'i mtha' nas 'thul ba/ dur khrod kyi me dmar la gdangs pa'i gnas de na/ dregs pa lha chen bsgyel pa'i steng na/ ma he glang rgod bsnol ba'i gdan la/ 'jam dpal dmar po yab yum bzhugs te// sku mdog dmar po la/ dbu gsum dkar dmar mthing kha ste// ral pa kham nag srid rtse 'bar// rtse la me 'bar skyed pa zhag kyang 'dzag/ rtsa ba chu sde sdang mig khrag tu bgrad// sdigs mdzub rgyu zhags lcags kyu g.yas// dung chen mdung thung gsal zhing g.yon// zhabs bzhi brkyang bskum tshul gyis 'gro ba dbang du sdud// glang chen ko rlon stag gi sham bu
- 3a
can// e yi pho brang dbus la'o// yum yang yab dang sku mthun te// zhal gcig phyag gnyis mche ba can/ khram bam g.yas la ban d+ha g.yon// yab yum de yi bka' 'khor na// srin po pho mo dang / sha za pho mo dang / gru bum pho mo dang / 'byung po pho mo dang / dri za pho mo dang / klu pho mo dang / gnod sbyin pho mo dang / btsan dang / bdud dang / mgon po dang / yul lha dang / the brang dang / ging dang / dgra / bla dang / ma mo dang / mkha' 'gro'i tshogs dpag tu med pas bskor nas gnas so// drag sngags nag po'i rgyud las/ gleng gzhi'i le'u ste dang po'o// // de nas 'jam dpal dmar po nyid kyis/ sku gsung thugs kyi sngags 'di gsungs so// oM a kro te ka ya man ta ka ha na ma tha bany+dza hUM phaT/ ma ma e ka dza ti dza dza/ trag rag+na kha mu tra/ snying kha rag ma b+h+yo/ de nas dmar po 'jigs pa yab yum gyi gsang sngags gsungs pa'i mod las/ ri 'gul rgya mtsho rnyog pa dang // sa gzhi drag tu g.yo ba dang // drag po'i gnam lcags char du 'bab// nad kyi 'phro 'du skar ltar 'khrug/ mtshon gyi bskal pa me ltar 'bar// thams cad phung ba'i cho 'phrul gyis// rang gi 'khor rnams bred cing dngangs// de tshe 'jig rten thams cad kun// 'dar zhing mig rtsa rig rig ste// sha khrag srog dbugs dbang byed pa'i// pho bo
- 3b
zhabs drung 'dus nas kyang / khrag tu skyug cing bka' nyan te// dpal chen yab yum drung na 'khod// mu stegs drag sngags nag po'i rgyud las/ cho 'phrul bstan pa'i le'u ste gnyis pa'o// // de nas bdud yab rje nag po zhes bya bas/ dregs pa'i srog gi snying po 'di phul lo// tsan ti ma hA tsan ti/ ti ri pu ra ka la tri li ma/ li tri pu la/ ma hA ka li/ b+ha ka b+ha ki mu yi kaM ka ni/ phye ni ku ru san du ni/ pa tri la sen/ b+ha li ka ni/ ka bi ka pu ri/ dza li dza li hUM/ kho ra shrI he ru ka b+ha ba/ ha ri b+ha la ti/ ya tsha ba ga ha li ya/ mi ldi tsha kha/ ha ra pa tha thi ba ni/ ha ti A yu 'di/ a ri hUM hUM phaT phaT/ mu stegs drag sngags nag po'i rgyud las/ lha ma srin sde brgyad kyi srog gi snying po phul ba'i le'u ste gsum pa'o// // de nas bsgrub pa 'di gsungs so// dkyil 'khor 'khor lo rtsibs brgyad la// dregs pa pho bdun mo dang brgyad// dbus su dmar po 'jigs pa sgom// dug shing sor brgyad brgya rtsa brgyad// mtshan ngan pho mo'i sa yis byug/ tshil blugs rme gos kha gcad la// seng ldeng phur bu dag kyang bzhag/ zla gam gsum po dag la ni// rten rdzas g.yas la gsang rdzas g.yon// lcags kyi gtum bu mdun du'o// dregs pa pho bdun mo dang brgyad// dkar po shar la mgon nag lho// yab rje nub la yam shod byang // shar lho mtshams su yul lha'o// lho
- 4a
nub dgra bla nub byang gnam ze'u// byang shar mtshams su lha mo dgod// so so'i rten rdzas rim pas so// rmad byung pU tsa b+ha ling gnyis// 'jam dpal dmar po yab yum dang // las kyi lha srin brgyad la drang // phyogs bzhir gtor ma'i rim pas so// chang bu spug nag dkar nag bya// bskang dang rten du gzugs par bya// mu stegs drag sngags nag po'i rgyud las/ dregs pa bsgrub pa'i le'u ste bzhi pa'o// // dregs pa'i don rnams grub nas kyang // las la rbad pa 'di gsungs so// ka ro ha ni ka ma la ka ra kha dang kha/ na ri sa la ma li/ na ma nu ka ri/ ti lo na pany+tsa mi nu dza la/ sa nu b+ha ra li/ ka ma ra pa kan/ sa khi kha de tshe/ ma ra na hUM/ che ge mo la phaT phaT/ de skad ces pas dregs pa rbad// drag sngags nag po'i rgyud las/ gsang ba yang gter gyi le'u ste lnga pa'o// // de nas dregs pa rnams kyis khug nas kyang / drag po bsgral ba'i gsang sngags 'di gsungs so// b+ha ti sa ra/ kas ma li/ khad ka de ma ni/ du sa sta pa ni/ kas ma trang dud ka ra/ a ni hring dring zem zem/ rtsang dang phur pa dug mo nyungs// mA ra ya la rim pas brdeg/ mu stegs drag sngags nag po'i rgyud las/ yang gsang don gyi le'u ste drug pa'o// // dregs pa'i don rnams grub nas kyang // rtags la rab 'bring rnam pa gsum// rta bong bud med ye mi
- 4b
bgrub// hor pas ri dwags shor ba dang // mi reng lag rdum zha grum dang // sbyin pa skya rengs ye mi 'grub// rngon pa dmag dang skyes pa mtshon thogs dang / khra hor ri dwags byi'u la 'debs dang // ra khrid shan mar 'khur ba dang // me chen 'bar zhing gcan gzan rgyu// rlung tshub khra ser 'brug sgra bzang // rang bas khu kha drag pa dang // gzhan gyis dgra bo skyob pa dang // g.yang du shor dang mar la 'phur// mchod rten skyes dang nyi ma shar// stag dang seng ges gang ba dang // nyi nub 'gro dang mtshon cha med// mgon po slob dpon pha ma dang // mon pa byis pa mang po grub// 'brug dang sgra dang rlung chub kyang // chem chem zer ba dang po'o// skad ngan khyi ngu spyang khu ngu// phag dang brag srin wa brgyal dang // gla ba mi skad 'byung rtags gnyis pa'o// mig ma mthong dang dgra phyogs drag/ las byed 'byin dang tshad nas 'byin// gsum pa mi ldog gzhan du ldog/ dngos grub gtan zhing gtam gtan// btsun pa sku gzugs lha khang mon// dge bshes skye shar rta pa rmi// bud med brag la 'thur la bab// phar la phyag 'tshal tshur la 'bul// mi shi bya nag 'bab pa ston// tug tsom zer zhing gzha' tshon 'khyil// mdze can dag tu 'ong ba'o// mtshan ma zla mtsho 'dra ba dang // lug g.yag rta pa ma reng mon// ban g.yag bon po mtsho yi 'gram// kun ka log pa
- 5a
'di yis nyes// zla ba chag dang rgya mtsho gnag/ ku sha sngo yi rdzas rnams gsal// des ni rang la mnod pa med// mtshan ma slu zhing srog la thog thog byed/ khyi dang bud med bzang sdug can// rgyab kyis phyogs shing lan ljon dang // stag dang sog po dmar nag dang // 'gro zhing mchod rten bskor byed pa// de la bskos la 'jug par bya// sngags la du ma rnam bzhi ste// tha ltag la ni 'jug par bya// tha mas brlag byed dang po nye// 'og ma dag gis mchod par bya// stag sbrel 'thab pa'i bar du sgra// bar chad 'tshong bu dag gis bzlog/ drag sngags nag po'i rgyud las/ rtags kyi le'u ste bdun pa'o// // de nas bsrung ba 'di gsungs so// seng ge'i lci ba dgun mar thal// dpral ba mkhur tshos snying kha g.yas// nu ma g.yon 'og gsal rdzas bsku// des ni rang la gnod pa med// drags sngags nag po'i rgyud las bsrung ba bstan pa'i le'u ste brgyad pa'o// // de nas sa ma tis bsrung ba 'di gsungs so// khyi dang bud med mi bsnyen cing // bar chad mi tshig sel mi gzhug/ zla ba mtshor chen rgyab tu bzhag/ lcags kyi gtun bu mdun du'o// dam tshig sngags la rten bcas la// sgo ltar nye ba'i sngags rnams drang // ci sogs zas kyi rim pa la// phud gcad sngags kyi rim pas dbul// drag sngags nag po'i rgyud las/ sa ma
- 5b
tis bsrung ba'i le'u ste dgu pa'o// // de nas mtshan ma gdab pa 'di gsungs so// bu mo gtsang ma'i thod pa ru// seng ge'i lci ba dgun mar dang // sha chen brtags la bsre bar bya// sa ti'i sngags la ya ta dang // tsag shu tsag shu ma hA tsag shu swA hA/ gdong la dbang bskur bzlas pa bya// lhag ma lus la rten du bca'// drag sngags nag po'i rgyud las/ mtshan ma gsal bar bya ba'i le'u ste bcu pa'o// // yi ge bsdu ba 'di gsungs so// sngags la du ma rnam bzhi ste// rbod dang rbad dang gsad dang mchod// lha'i dgu'i drag sngags bsgrub pa ste// oM dang dza yi thog mtha' can// dmar po 'jigs pa'i gsang sngags te// gzhi la grags pa bzhin du'o// de ting man tra 'di lta bu// tsan ti pu ri'i yig 'bru bcu// yab rje srog gi snying po yin// ka dang ra yi thog mda' dgu// lha mo srog gi snying po yin// mu yi thog mtha' bcu gnyis pa// dgra lha srog gi snying po yin// pa ri thog mda' bcu gsum pa// shel gying srog gi snying po yin// dza b+ha thog mtha' bcu gcig pa// yam shud srog gi snying po yin// hi dang ya yi bcu gnyis pa// yul lha srog gi snying po yi// mu lnga thog mtha' bcu gnyis pa// gnam the'u dkar po'i srog snying yin// ha ri hUM phaT yig 'bru bcu// spyi ru dril ba'i drag sngags yin// stobs ldan so so'i sku yang bskyed// grub
- 6a
pa'i rtags byung mchod gsad gdags// drag sngags nag po'i rgyud las/ sngags kyi yi ge btu ba'i le'u ste bcu gcig pa'o// // de nas gsang sngags dbye ba 'di yang gsungs// gsang sngags man ngag mthar bzhag pa// sa ya'i sngags la rten bya'o// 'jam dpal yab yum gsang sngags te// yi ge so lnga nus thang gis// sngon du bsnyen pa bya ba yis// sgrub pa bya ba'i bar dag tu// brgya brgya dbang du bsdu ba yin// gong ltar nye ba'i sngags rnams ni// yi ge dgu bcu go drug ste// dus dang grangs dang mtshan ma las// dus ni tha chungs bzhi la'o// grangs ni byi ba la sogs pa'o// mtshan ma la ni rnam pa gnyis// 'khrugs dang grub pa'i mtshan ma'o// 'khrugs pa'i mtshan ma byung tsam na// lha rnams mnyes pa'i sbyin sreg bya'o// go drug zhabs la drug cu sbrel// bsten pa'i rdzas la brten byas nas// mtshan ma gsal na bsgrub pa brtsam// bsten pa'i snying po rtag tu bya// bsgrub pa lha srin spyi yi sngags// bsgrub pa'i mtshan ma ma byung bar// smra ba gcad la lag brda bya// ngan na bskang bshags bzlog pa bya// bzang ngan las mjug ho thab bca'// tha stag sngags la rtags byung dang // rtsa sngags go drug 'phrin las sngags// btags te dbye ba'i sbyin sreg bya// thal ba rtsang dang nyungs kar phur// gsang sngags rtsa la drug cu
- 6b
'bad// mA ra ya dang b+h+yo sgra gdab// de nas gsad pa'i sbyin sreg ni// gsang sngags nyi shu rtsa lnga las// bsregs te thal ba rlung la phyar// yang na bdun zur rgyu sar gnan// drag sngags nag po'i rgyud las// gsang sngags dbye ba bstan pa'i le'u ste bcu gnyis pa'o// // de nas dregs pa pho mo grub nas kyang // dbus su ha~M bcas zod pa mtshan ngan du// sbyin sreg rdzas su tshil chen sha rus khrag/ bud med zhabs mas dril te ho la gdags// sngags bzlas grub rtags byung nas lha dbye sbyin sreg bya// go drug mchod sngags sbrel te bsreg rdzas dbul// bsreg pa'i dus su dza la re raM zhes// thal ba rlung la phyar de ha~M gyi brlag par byed// drags sngags nag po'i rgyud las/ sbyin sreg bstan pa'i le'u ste bcu gsum pa'o// // de nas drag po thun bsgrub pa// mtshan ngan pho yi thod pa ru// zangs phye lcags phye rdo phye dug/ ra rta khyi dang mi yi khrag/ rtib drir shi ba'i rtsib ma skyed// thod pa'i phyi rol sa skyes byug/ 'thug srab pa rlon ko ba tsam// gru gsum kha la bzhag par bya// mA ra ya dang blo tras mtshon// rtsa ba'i sngags la b+ha ti gdags// thun bskol drag tu bsgrub par bya// drag sngags nag po'i rgyud las/ drag po thun bsgrub pa'i le'u ste bcu bzhi pa'o// // de nas dgra bo lha dang dpral// yugs sa mo yi zhabs ma ru// gzas pa'i
- 7a
ling ga dril nas kyang // gu gul rgya tshil dud pa yis// mA ra ya dang b+h+yo sgras dbye// drag po'i thun la bstim par bya// drag sngags nag po'i rgyud las// lha dang dbye ba bstan pa'i le'u ste bco lnga pa'o// // de nas gshed dang dbral ba'i phyir// stag sgre 'thab pa'i bar du'o// drag sngags nag po'i rgyud las/ gshed dang dbral pa bstan pa'i le'u ste bcu drug pa'o// // thun 'phang drag po'i las 'di bya// gong gi thod par thun bskos la dgra phyogs su// btsan ti sngags dang b+h+yo sgras gdab// gong gi thod pa thun du 'phang // drag sngags nag po'i rgyud las/ thun 'phang ba'i le'u ste bcu bdun pa'o// // thod pa mtshan ngan nang du yang // mA ra ya yi gzugs bcug la// rgya gram rkang gcig gdug pa rgyu// phu rdugs sbrul mgo'i kha ru btsang // sa yugs rdo yugs shing dang chu// de bzhin yugs bzhi'i gnad la 'bor// gnan pa'i dus su snyam pa nan// bskal pa'i mthar yang mi thar sgom// yang na ri rab 'og tu gnan// laM las ri rab gling bzhi bsgom// 'jam dpal lha srin 'khor la gdab// yang na khyab 'jug rgyu dus su// gza' brgyad sprul pa'i kha ru btsang // yang na chu mig mtsho 'gram du// klu dang klu mo'i lag tu gtad// drag sngags nag po'i rgyud las/ gnan pa'i le'u ste bco brgyad pa'o// // nad pa gso ba'i
- 7b
rim pa la// bum par 'o ma rtsi sman gsal// dam tshig sngags la ya ta'i sngags// zhi ba rgyas pa'i sngags btab la// zla ba nya la mgo mjug dkru// de nas ya ta'i sngags la pu rtse pu rtse swA hA/ zhes tshe sring dpal bskyed sngags kyang bzlas/ drag sngags nag po'i rgyud las/ phan gdags pa'i le'u ste bcu dgu pa'o// // de nas dregs pa pho bdun mo dang brgyad kyi/ gnad la dbab pa'i 'khor lo ni/ dur khrod nags nas ras long la// skyang nul dug khrag dag gis bya// 'khor lo rim pa brgyad du bskor// le tshe brgyad du mkhas pas bshad// dang po bor te bcu drug na// phyi rim cha gnyis sum cu gnyis// de yi phyir bskor pad+ma brgyad// 'khor lo'i sngags ni bod rbad de// dbus nas rim pa bzhin du bri// pad+ma brgyad la sbrang yig ste// 'khor lo rus sbal lto bar bca'// dbus su 'jam dpal yab yum bsgom// dbus nas rim bzhin ru nyal te// mtha' nas bzlog pa ru bzlog ste// dregs pa'i snying khrag khar 'dzag 'gyur// dum bu re la re mig bcu// sngags ni dbus nas rim bzhin bzlas// ru khugs gsang ba'i yang snying yin// bcu tshan bcu dang drug po la// drag sngags btab pas ru dra sgrol// dregs pa dbang du ma 'dus na// gong nas bcu tshan rim bzhin bzlog/ rtag tu brtse zhing bka' nyan 'gyur// drag po sngags kyi gnas
- 8a
zin nas// 'khor lo ling ka zod par bcas// bdun zur 'thab pa'i bar du gnan// drag sngags nag po'i rgyud las/ 'khor lo rang gnad kyi le'u ste nyi shu pa'o// // bskang dang 'khrug dang bzlog pa'i phyir// drag po mdos kyi bya thabs kyang // maN+Dal 'khor lo rtsibs brgyad la// dbus su dmar po'i sku yang bskyed// 'khor lo brgyad la pho mo brgyad// stag dang seng ge ba lang bya// lug dkar snying dang spre'u dang // 'khor lo'i shar du gying la'o// bya rog 'ug pa g.yag dang dred// mi snying bya rog g.yag gi gsob// tsakra lho ru mgon nag la'o// raM bu'i lha bshos bya nag lug nag snying // tsakra nub tu yab rje la'o// mda' dmar bshos bu dmar po dang // ra dmar lug spug ra man snying // 'khor lo byang du yab shud la'o// chang phud 'bras lug lug dkar snying // 'bru sna'i lha bshos yul lha'o// gang yang rung ba'i ra snying dang // ra dkar gnya' nag snying dang gzugs// lho nub gnam ze'u'i gral du'o// mi dbang sha dang snying dang gzugs// nam mkha' nag po rma bya gzugs// byang shar lha mo'i gral du'o// dbus su 'jam dpal b+ha ling bzhag/ 'khor lo brgyad la ba ling brgyad// spyan gzigs tshogs ni bskang ba'i rdzas// dbang dregs pa'i phur pa dgu// dregs pa pho bdun mo dang brgyad// yid la spyan sngar byon pa'i
- 8b
tshul// mnyes pa'i mdangs kyis mdos 'di dbul// btsan ti ra du bdud kyi sngags// na dang ri du mgon po'i sngags// du lang ri du dgra bla'i sngags// bag dang ri du gying gi sngags// rag dang ni ru lha mo'i sngags// du dang ri du yul lha'i sngags// hag dang hug ni gnam ze'i sngags// mA ra ya ni sod cig pa'o// sa ma zhes pa mchod pa'i sngags// du dang lang ni sgra dang skad// ba ling zhes pa gtor ma'o// ma hA chen po gtor ma long // ha na sgrol la he na dges// tsan ti tsan ti du par mes ri swa rba he na/ na ga ri/ du kha ba gi sa ri/ ma ra ya/ du lang ba li/ bag sha ni/ rag mo b+hi bi sha ni/ du lang ge sa ri/ ba ling ba ling / ma ha ba ling / kha hi kha hi hag kha hi hUM/ dregs pa pho bdun mo brgyad kyi// rtsa sngags zhabs la khA hi dbul// bdag dang yon bdag 'khor bcas kyis// glud dang glud bris glud du gtang // drag sngags nag po'i rgyud las/ drag po mdos kyi le'u ste nyer gcig pa'o// // de nas chu 'khyags dbab pa 'di gsungs so// dang po rta bsgrub bya ba ni// thod pa mtshan ngan kha sbyar du// dkyil 'khor gong ma bri bar bya// bod rbad dbab sngags bri bar bya// tshil chen bud med zhabs ma dang // ra rta khyi khrag phye gsum thun// ha la nag po rjen pa blugs// shing bu sor brgyad mtha' ma bskor// nga dgu rtsa ba'i rgyun sngags bzlas// cho
- 9a
'phrul gong dag byung ba dang // mA ra ya yi yul dbus su// nA ga yod sar ser rta gzhug/ drag po 'bebs pa'i dus su yang // tsi tsi dza la'i thod pa ru// nyungs kar til nag mi khrag skam// rdzas na ra dug sbrang tsher ba/ kha ra la 'og gos dur sol dang // ra rta mi dang khyi yi khrag/ mA ra ya yi ming dang rus// yul gyi na ga yod sar bsreg/ yul gyi lha kla yul bsrungs la// dam bdar ma nges yus kha gsol// sman dang phud kyis mchod par bya// drag po'i sngags 'dis dbab par bsrungs// ka hUM zhabs la che ge mo la/ ka ro hi ni kaM li/ ka raM kha taM kha/ na ma nu ka raM/ pi lo na pan tsa yi nu/ dza la se nu/ b+ha ra la/ ka ma ra pa kan/ sa khi kha te tshe ma ra ma na hUM/ che ge mo'i lo tog snar po ya/ oM badz+ra kro d+ha ya/ sa ma ya dang ta ya phaT/ hu yu hu ya b+ha ha b+ha rta/ bruM ri li sha dang ga pa la/ ma nu tra pa hri/ pu sa ra du pa ni/ bi tsa hUM/ ta za ba na swA hA/ drag po'i sngags bzlas zod pa bsregs// de nas klu rnams gso ba ni// ga de ba de swA hA/ nA ga klu'i bu gnod pa ma byed par bcol ba'i 'phrin las gyis// dkon mchog gsum la phyag 'tshal lo// di ring bdag gis ma nges pas// nA ga'i thugs dang ci 'gal ba// nA ga'i sku la bzod par gsol// ces byas la nA ga dbang du bsdu/ nA ga be na swA hA/ de nas zin ri la gor bsnyag/ drag sngags
- 9b
nag po'i rgyud las/ chu 'khyags dbab pa'i le'u ste nyer gnyis pa'o// // de nas ltas ngan dbab pa 'di gsungs so// dkyil 'khor mda' gang gru bzhi la// dregs pa pho bdun mo dang brgyad// dbus su dmar po 'jigs pa bsgom// 'khor lo brgyad la dam rdzas su// byi la spre'u mon a tsa la// srin bya 'ug pa gla ba sbyang // sha ba smyung ka sbal dang rog/ sreg pa sram dang sel byi dang // sha dang pags pa snying dang / khrag/ so so'i rdzas dgram gzugs brnyan yang // 'bru sna lnga dang bsres la bya// gzugs bya 'khor lo brgyad la'o// dug shing sor ni brgyad pa brgya// gru gsum dag gi kha la bskor// thod pa mtshan ngan nang du yang // ltas ngan snying khrag sbyar la bzhag/ spre'u byi la zhon pa shar// mon par sbar 'dzings shar lho mtshams// srin bya gla ba zhon pa lho// 'ug pa sbrang zhon lho nub mtshams// smyung ka sha ba zhon pa nub// bya rog khrag zhon nub byang mtshams// rbab dang sreg pa sder 'dzings byang // sram dang se byi so 'dzings pa// byang shar mtshams su dgod par bya// 'khor lo brgya pa rim pas so// dang po bsgrub pa spyir mthun te// seng ge'i lce ba rgyun mar byug/ rtsa ba rgyun sngags drag tu drang // rtags dang cho 'phrul gong ma ston// sngags grub ltas ngan dgra la dgye/ kho ra shri he ru hi bar b+ha la ti/ ya tsha ba ga ha la yi/ mu ldi tsha ba kha/ ha ri pa tha thi
- 10a
ba ni/ ha ri u 'du 'di/ a ti hUM hUM phaT phaT/ tri ling shang ka du/ tri za yag sha rbad pu b+h+yo/ zhes pas ltas ngan dgra la dgye// gzugs rnams dgra phyogs kha bstan bskyal// gong gi shing la sbyin sreg bya// yang na ltas ngan cho 'phrul du// mda' la bsngags la 'phang bar bya// yang na thog dang ser ba ru// gza' brgyad sprul pas dbab par bya'o// drag sngags nag po'i rgyud las/ ltas ngan dbab pa'i le'u ste nyer gsum pa'o// // de nas spos drir gsod 'dod na// chu byi sman rtsa'i pags pa ru// gzas pa'i ming rus bris la gzhug/ gsang sngags bzlas la nang du bstim// spos drir 'chi bar the tshom med// drag sngags nag po'i rgyud las/ 'gal ba spos grir gsad pa'i le'u ste nyer bzhi pa'o// // de nas mdze rims dug thabs gsad pa 'di gsungs so// ma ra ya yi pha mes 'gor// gzas pa'i ming rus bris la gzhug/ gu gul nag po'i dud pas bdug/ thod pa ra khrag dmar pos bsku// mu stegs rdol pa'i sngags bzlas la// nag po klu yi srang sgor gnan// 'gor yang zla ba dgu na 'ong // drag sngags nag po'i rgyud las/ mdze rims dug thabs kyi le'u ste nyer lnga pa'o// // de nas smyo rims 'bog tu gzhug pa ni/ mA ra ya yi thod pa yang // rta dang dre'u'i thod pa ru// ma ra ya yi ming rus gzhug/ mu stegs
- 10b
rdol ba'i sngags bzlas la// thod pa lha khang 'og tu gnan// sgro 'bog nad kyi mA ra ya'o// drag sngags nag po'i rgyud las/ spro 'bog nad kyi le'u ste nyer drug pa'o// // de nas rta dang glang po gsod 'dod na// mA ra ya yi rta gzugs kyang // sbyin pa'i sa dang rta spangs sre// rta gzugs glang nga'i nang du gzhug/ 'bru sna'i ngar zan la// seng phreM khu ba 'o ma bsre// mu stegs rdol pa'i sngags bzlas la// ngar zan 'gal ba'i rta la bzhin// rta gzugs zab tu bsreg par bya// drag sngags nag po'i rgyud las/ zum mong shugs sgrol gyi le'u ste nyer bdun pa'o// // de nas dregs pa pho mo rnams shin tu dga' mgu yi rangs nas// 'jam dpal dmar po yab yum la rang rang gi gnas nas bstod pa 'di gsungs so// hUM/ gru gsum mthing nag 'bar ba'i klong dkyil nas// dur khrod me ri phyogs mtshams 'bar nang na// sku bzhugs dmar po 'jigs pa'i sku// shin tu 'jigs pa'i sku la dur khrod chas kyis brgyan// sprul pa'i sku dang tshad med dpag tu med// thun mong ma yin dmar po 'jigs pa'i sku// sku gsung thugs kyi 'phrin las rmad du byung // mi dge bcu dang dang mtshams med lnga tshar gcod pa// zung du mi mnga' chos nyid rmad po che// chos kyi sku la longs spyod rdzogs pa'i sku// sprul pa'i sku gsum don dam sku ru spyod// dregs pa pho bdun mo
- 11a
/ brgyad 'dul ba'i dpal// 'jam dpal yang dag dpal la phyag 'tshal bstod// de yi yum chen gtum mo ni// lho phyogs stong gi 'jig rten nas// dmar nag gru gsum 'bar ba'i gzhal yas khang // sku mdog dmar nag 'bar ba la/ khram bam g.yas la ban d+ha g.yon// dgra bo dam nyams snying nas drongs/ khyod la bstod de mchod pa 'bul// drag sngags nag po'i rgyud las/ dregs pa pho bdun mo dang brgyad kyis 'jam dpal dmar po yab yum la bstod pa'i le'u ste nyer brgyad pa'o// // de nas yang 'jigs byed gnas pa'i dregs pa pho mo rnams kyis shin tu ngo mtshar skyes te/ 'jam dpal dmar po yab yum la srog gi snying po mdongs gsol du phul nas mtshan gyi sgo nas bstod pa/ hUM mdzad chen po khro bo'i sku// ya man ta ka gshin rje'i gshed// sku ni dbang chen dmar po la// dbu gsum dkar dmar nga ka'i zhal// phyag drug g.yas na bsnams pa ni// sdigs mdzub rgyu zhags lcags kyu g.yas// phyag drug g.yon na bsnams pa ni// dung chen mdung thung gsal shing g.yon// dregs pa lha chen bsgyel ba'i steng // ma he snol ba'i khri stengs nas// dur khrod rgyan gyis sku la brgyan// bskal pa'i me dpung klong na bzhugs// snying rje byams ldan 'gro 'dul mkhas// nag mo ral gcig khrag 'thung sbyor// dur khrod gnas
- 11b
na mtshan mo rgyu// dgra bo bsgral ba'i las mdzod cig/ dpal chen rngam pa'i zhal du stobs/ khro rgyal khyod kyi dus la bab// ces bstod de rang rang gi gnas su 'khod do// drag sngags nag po'i rgyud las/ gsang mtshan don rtags kyi sgo nas bstod pa'i le'u nyer dgu pa'o// // de nas gtso bo nyid kyis phyogs bzhi mtshams brgyad du gzigs nas/ thams cad zil gyis gnan nas 'khor rnams la bstod pa/ dur khrod chen po 'bar ba'i dkyil 'khor nas// bstan pa bsrung ba'i pho bdun mo dang brgyad// phyogs mtshams brgyad la dbang yang sgyur/ hUM/ nub la dbang mdzad yab rje nag po ni// sku mdog sngo nag sdong ha la 'dra// ral pa nag po mun rum 'dra// spyan mig nyi zla 'khyil ba 'dra// mche ba zur gsum drag tu gtsigs// sma ra kham nag srid rtser 'bar/ khram shing g.yas la dgra sta g.yon// bdud rta nag po rting dkar chibs// 'chi bdag bdud kyi sku la phyag 'tshal bstod// hUM/ byang shar mtshams la mnga' mdzad bdud mo kun gyi rje// lha mo nag mo 'jigs pa'i cha byad can// bskang bzlog nag mo bdud kyi yum cig ma// gcer bu dre zhon tshangs thur gshin rje'i yum/ khram bam g.yas la nad rkyal g.yon// tshangs thur dre zhon ma la phyag 'tshal bstod// hUM/ lho la mnga' mdzad mgon po nag po ni// sku la ljang nag ber chen
- 12a
gsol// phyag na mda' bzang bya rgod bsnams// ral pa nag po mun rum 'dra// sma ra ag tshom srid rtser 'bar// dgra 'phreng nag po se ral kha// bdud rta nag po chibs su chi bas// sprul pa rgya nag yul du 'gyed// srog bdud bod yul dbus su gcod// bdud po mgon nag sku la phyag 'tshal bstod// hUM/ lho nub mtshams la mnga' mdzad rdo rje legs pa skyong // sku lus cir yang ma nges 'khor du the rang stong // 'jig rten 'di na mthu rtsal rab tu 'phags// gdod nas ma skyes rang byung dag pa'i sku// sku la bse khrab ser po gsol// phyag na shel gyi mdung shing bsnams// chibs su ngang pa gser sgong chibs// mnyam nyid rig pa'i lha la phyag 'tshal bstod// hUM/ shar la mnga' mdzad srog bdag sgrol ging ni// dgung sngon mthon po'i dkyil yangs nas// tshangs pa'i srin po myur mgyogs can// 'di ltar snang ba sku yis sbrul// srog bdag sgrol ging thugs ging thugs dam can// sku mdog dkar po shel ltar dag/ shel gyi ral pa sha ra ra// phyag na mdung dkar chems se chems// mdung la dar dkar lhubs se lhubs// chibs su rta dkar zangs ma chibs// sgrol ging nyid la phyag 'tshal bstod// hUM/ byang la mnga' mdzad yam shod dmar po ni// btsan 'gong dmar po srog gi bdud// sku la ldang dmar zab slag
- 12b
gsol// dbu la zangs kyi rmog zhu gsol// zangs zhags g.yas la shang lang g.yon// chibs su zangs rta dmar po chibs// sgrol ging sku la phyag 'tshal bstod// hUM/ phyogs bzhi dag la dbang sgyur zhing // yul chen rnams kyi dmag dpon po// sku stong zhing chen g.yang gzhi la// sku smad stag gi sham thabs can// chibs su bya rgyal dmigs pa chibs// sog le g.yas la nad rgyal g.yon// yul lha phya sangs sku la phyag 'tshal bstod// hUM/ nam mkha' stong la dbang sgyur cing // rdzu 'phrul dpag tu med pa yi// srog dang dbugs la mnga' mdzad cing // chu srin g.yas la zhags pa g.yon// gnam ze dkar po'i sku la phyag 'tshal bstod// ces brjod pas so so rang rang gi gnas su 'khod do// mu stegs kyi drags sngags nag po'i rgyud las/ gtso bos 'khor rnams la bstod pa'i le'u ste sum cu pa'o// // mu stegs drag sngags nag po'i rgyud rdzogs so// //
- 13a
/ rgya gar skad du/ ti ra ti ka mA ra na ma hA ma tan+ta/ bod skad du/ mu stegs kyi bsad khram chen po zhes bya ba'i rgyud/ sbas pa gser gyi nyi ma zhes bya ba las srog tig gi le'u gnam lcags gsang ba'i rgyud/ sgrub thabs bsad khram chen po zhes bya ste/ phung byed ra hu la'i sku la phyag 'tshal lo// 'di skad bdag gis thos pa dus gcig na/ yul lho nub phyogs kyi steng gnam ti la dag gi rtse mo na/ srin po yag sha glog 'phreng ni// zhe sdang che la gsod la dga'// skad ni ke'u ke'u cho dgu 'bod// be dur rgya mtsho'i gting shed na// klu mo hab sha khrag mgo bse gdong ni// 'dod chags che la gnod la dga'// skad ni kang cho dgu 'bod// de gnyis chags pa spyad pa las// sprul pa'i sgo nga dgu ru byung // gdug rtsub khro chu'i sgo nga gcig/ yab kyis khros nas bcas pa las// phung byed ming srid lnga ru byung // ming po mgo dgu dud pa kha// ro stod mi la ro smad sbrul// sring mo stag srin 'brog srin rkong srin bam srin bzhi// de lnga lte ba sbrel nas 'dug/ phyag na rdo rje sprul pa yis// phung byed ming srid lte ba bcad// phung byed ming srid bros nas song // pha yi rdzu 'phrul mda' gzhu brkus// ma yi mthu stobs zhags pa phrogs// tshub mar 'tshub cing du bar 'thul// sems can thams cad zas su za// 'jig rten khams kun rlag par byed// bcom ldan
- 13b
gos sngon thugs khros pas// phyag gi rdo rje gnam la gsor// phyag na rdo rje drags sngags brjod// lus po dum bu brgyad du bkas// ro yang lcags kyi sgrog la gtor// srin po dag gi skye rgyud ni// mu tig sngon po'i rgyud ni zhi ba// sprul pa ni gza' brgyad dang // 'khor dgu tshogs ni de dang dgu// rin chen spungs pa'i rgyud ni zhi ba// skye rgyud btul thabs kyi le'u ste dang po'o// // de nas dpal chen mi bzad pas// ming srid lnga yi lte khrag las// thugs las phyung ste rgyud du bris// rgyud ni tshigs bcad dag nas drangs// sngags ni tshig par dag gis gso// bstan pa bsrung ba'i don du bzhag/ rgyud khungs kyi le'u ste gnyis pa'o// // dkyil 'khor gru gsum sum brtsegs bya// dpangs ni nyi shu rtsa brgyad do// srin mo 'gros te sngon dmar dkre// 'phang du khru gang nag por bya// dkyil 'khor gyi le'u ste gsum pa'o// // rabs chad thod pa thun gyi rdzas// 'brub khung nang du gzhug par bya/ kha ni 'khor lo dag gis bcad// dar ras kyis ni zod pa dril// phyi rim sngon dmar dag gis dkri// nang du ming rus gzhug par bya// mgo ran po yi rmig pa ni// dza yi chos su bcug nas kyang // 'brub khung nang du kha yang bcad// 'khor lo'i bca' thabs 'di lta ste/ khyab 'jug ci 'dra'i sku tshad bri// lto bar 'khor lo rtsibs lnga
- 14a
ste// phyi rim dag ni rtsibs brgyad do// rtsibs bzhi la ni bco lngas dgang // rtsibs brgyad la ni bzhi bcu bzhi yis dgang // rtsibs mtshan nyi shu gnyis rnams dang // che ge mo gnyis spel la bri// ting 'dzin dza yis bkug nas ni// 'khor lo bskor zhing gtub par bsam// log gnon mnan bsreg 'og tu bstan// rdzas dang bca' thabs kyi le'u ste bzhi pa'o// // sha rus nya sha khrag rul dang // ru dra'i snying dang ra dza'i snying // rta ru gzung zhing rgun du btang // i daM ba la lin ti ma sa sa ma ya khA hi/ ma hA a mr-i ta khA hi/ go ro tsa na khA hi/ ba ling ta khA hi/ rag ta khA hi/ sha ri b+h+yo gdags gso// bdud rtsi lnga ru byin gyis brlabs// gtor ma'i le'u ste lnga pa'o// // spyir na gnam lcags gsang rgyud las// srog dang ser ba gnyis 'byung ste// 'di ni gsad khram srog gi don// gnyen po gsal bar ma gyur na// rang srog gcod pa'i nyen du bshad// srog gi snying po grangs nor na// bsgrubs pa stongs pa'i nyin du bshad// dus kyi mchod pa chag pa na// nyams par 'gro ba'i nyen du bshad// sri can mnan pa ma shes na// 'khor la gnod pa'i nyen du bshad// gza' thu'u mnan pa ma shes na// nor ma gnod pa'i nyen du bshad// dam tshig bsrung thabs ma shes na// dam la bzlog pa'i nyen du bshad// gnad la
- 14b
bor thabs ma shes na// las rnams mi byed nyen du bshad// spyir na gza' rgyus ma shes na// las rnams grub par mi 'gyur ro// gshin rje'i las rnams grangs mang yang / khyab 'jug bsgrub thabs ma shes na// dpa' bo go cha gtor ba 'dra// ma mo'i las rnams grangs mang yang / khyab 'jug bsgrub thabs ma shes na// rgya mtsho 'khrugs pa'i rlabs dang 'dra// gnan pa'i las rnams grangs mang yang / khyab 'jug bsgrub thabs ma shes na// sbas pa sa yi gter dang 'dra// des na ngan thabs sngags pa yis/ khyab 'jug bsgrub thabs dang du long // gdams pa'i le'u ste drug pa'o// // spyir na gnam lcags rgyud dag las// nag po nyid du srog snying dang // las bcol dang ni gsad pa'o// bsnyen pa nye ba'i bsnyen pa dang // las la sbyor ba gsum du 'dod// bsrung dang bsreg dang mnan pa'i sngags// gsham sngags yin te shin tu gces// bco lnga dang ni bzhi bcu bzhi// nyi shu gnyis rnams ma nyams pas// de yi sngags bzlas the tshom med// btab pa nyi shu gnyis pa ste/ bsreg pa dang ni bcu bdun pa'o// gnad la bor la gnam 'dres pa'o// des sgyur las la the tshom med// mi 'gyur gnas kyi le'u ste bdun pa'o// // gnam lcags gsang ba'i rgyud dag las/ khyab 'jug rgyu dus ma bstan na// lkog mi thebs te mjug ma
- 15a
'gyang // des na gnyen po rgyu dus bstan// tshes gcig ma mo dag dang sdongs// nub nas shar du rgyu bas ste// nub mo srin ni kham nag nam 'phang stod nas 'ong // brgyad kyi snga dro dgra lha'i rgyal / mor sdongs// shar lho dag nas nub byang mtshams su rgyu// sprin ni lug gi lto tshil lta bur ston// bcu gcig bdud du sprul nas nam gyi 'jing la rgyu// byang nas lho ru rgyu ba ste// sems can gzugs te shing lo lta bu'i sprin// bco lnga'i nyi ma phyed na srin por sprul nas rgyu// lho nub mtshams nas byang shar mtshams su'o// mdung shing g.yag gi gzugs 'dra'i sprin du 'ong // bco brgyad nam yol dmu ru sprul nas rgyu// shar nas nub tu rgyu ste phying pa rgyang pa'i sprin du ston// nyi shu gnyis kyi nyi ma phyed yol la// gshin rjer sprul nas byang nub dag nas ni// shar lho mtshams su rgyu bar ston// dmar ba dral hril sprin ni rtag tu ston// nyi shu lnga yi sgra rings shar tsa na// klu btsan sprul nas lho nas byang du rgyu// phyur pa dri ladra ba'i sprin ni rtag tu ston// mngon sum rtags ni sprin gyis ltos// nyin mo 'joms pa bdud bzhi dang // mtshan mo 'joms pa'i bdud bzhi ste// gdod tshugs mi sprad ling kha gdong tshugs bzhag/ ti ka yin par gtor ma re re btang // rgyu dus kyi le'u ste brgyad pa'o// // gnam lcags gsang ba'i rgyud dag las// ma 'chun las ni mi
- 15b
byed na// gnad la 'bor ba bstan pa ni// 'go ra nag po'i rmig pa la// dza yi chas su bcug nas kyang // nyi shu gcig pa'i sngags kyis brdung // dza brdungs kyi le'u ste dgu pa'o// gnam lcags gsang ba'i rgyud dag las// bsreg pa'i las spyod bstan pa ni// dug shing gdug rtsub can gyi shing // gru gsum rtsigs te mda' gang pa'o// sha rul khrag rul sha sna tshang // nyungs kar nyungs nag skye tshe gze ma dang // bsreg rdzas dang ni ling kha thogs bya ste// rgyu dus rtags la las la sbyar bar bya// skra brdzes zhing lpags dag la gcer bur 'dug/ ting 'dzin raM las me bskyed gang yin tshig par bsgom// me yi lhag ma mnan phyar bskur bar bya// sbyin sreg gi le'u ste bcu pa'o// gnam lcags gsang ba'i rgyud dag las// ma chun las ni mi byed na// gnad la bor la bstan pa ni// dang po 'dug pa'i phyogs ris su// zhing chen 'khor lo srog snying bcas// rnal 'byor 'og tu gding bar bya// yang na lcags sgrog sgrog dag gdags// yang na 'khor lo rkang pa'i 'og/ rang nyid gshed por bsgom/ sum cu gsum pa'i sngags bzlas so// gnam 'dres sngags ni zhabs la'o// ya ma rA dza sa do me ya ya me to ru na yo ta ya/ ya ta yo ni ra ya kle ya/ yakle ya tsa ni mA ra ya/ gnad la bor ba'i le'u ste bcu gcig pa'o// // gnam lcags gsang ba'i rgyud
- 16a
dag las// rmi lhas mtshan ma'i rtags bstan pa// btsun chen bon po sngags pa dang // mon dang rgya gar mi bshar dang // me dang chu dang ra rog dang // sbrul dang sbal pa rta pa mi bshad dang // rtag tu bon po nyid du ston// de ni nye ba'i rtags yin no// mtshon cha thogs te 'dod pa dang // chu la rdul nub khyer ba dang // g.yang du rta rgyug rbab 'dril dang // de ni ldog pa'i rtags su bshad// don snying mang po khyer ba dang // byi'u khra yis ded pa dang // lug khyur spyang khu zhugs pa dang // ri dgas gang rung gsad pa ni// gsad pa'i sbyin sreg bsnyud mar bya// shan dmar pags par bshas ma thag/ gnan pa'i las dag zab tu za// rtags kyi le'u ste bcu gnyis pa'o// // gnam lcags gsang ba'i rgyud dag las// dam bsrung sdom bstan pa ni// bsgrub par byed pa'i dus dag tu// 'phreng ba dag la reg pa bsrung / khyi dang bud da la ni rgal pa dag tu ma bya ste// bsten pa dag kyang mi bya'o// sngags la drag cing gdug par ni// bsnyen pa thog nas mi spang ngo // phyi rtags ma byung bar du ni// gtor ma snying po rgyun mi gcod// dus tshod brgyad la drag tu bya'o// dam tshig gi le'u ste bcu gsum pa'o// // gnam lcags gsang ba'i rgyud dag las// gal gags mdo don bstan pa ni// ting 'dzin man tra mu ti gsum// bar mtshams med par
- 16b
bsgoms na'o// lcags dang seng ldeng mchog chen gsum// phur pa'i rgyu ru bsags na'o// 'byung ba'i lam dang bdud kyi rta// ri bo rtse 'di skrag ra gsum// dus tshod 'di gsum shes na'o// dug shing gdug shing bsreg rdzas gsum// mo yi rdzas su bsags na'o// 'khor lo thod pa zhing chen gnyen po sngags bzlos gsum// btsun pa'i don du shes na'o// bsrung dang bsreg dang mnan pa gsum// las sbyor don du shes na'o// rnam 'greng phye 'o na ra gsum// bzlas pa'i don du shes na'o// the tshom mi za bsgrub zag ring // mchod pa mi gcad dam tshig nyams// srog snying mi dkrugs cho 'phrul 'ong // dus min mi gdab lha klu 'khrug/ le lo mi bya phyi rtags bul// mdo don gal gags kyi le'u ste bcu bzhi pa'o// // gnam lcags gsang ba'i rgyud dag las// dus min mi gdab lha klu 'khrug/ gzugs bya snying khar ming rus bri// 'khor lo kha sbyor bar du gzhug/ sngon dmar bkri ba rgya gram ro// rabs chad thod pa'i nang du gzhug/ re ba'i nang du gtums nas ni// rgyu dus brtsis la mi nor bar// rgya gram lam du khru gang brko// zod pa kha ni nub byang du'o// g.yam par rdo rje rgya gram bri// kha gcad kha sha pa ri bzlas// khyab 'jug la sogs lha srin la// gtad bya ba'i tshig brjod la// phyi mig mi lta bsrung ba bsgom// gnas su log la
- 17a
bshags pa bya// gnan pa'i le'u ste bco lnga pa'o// // gnam lcags gsang ba'i rgyud dag las// dbye ba'i las dag bstan pa ni// pha rol bstan pa 'jig pa des// bsod nams che zhing rlung rta dar// lha bsrungs bzang pos grogs byed na// ru khugs dag la gzhug pa ni// gu gul khyi lud 'bog rul dang // nyungs nag la sogs sha chen dang // rdzas la me yi dud pas ni// ling ka gdug cing dbang rnams gzugs// phru nag sgrub pa'i 'og tu gzhug/ dbye ba'i thabs kyis bsngags bzlas so// nyi shu gsum pa dag la tri// gri khrag dag nas nyungs kar dbyung // brab cig phrol cig rta mi dbyung // de nas gnan sngags nyi shu gnyis pa'o// lha dang dbye ba'i le'u ste bcu drug pa'o// // gnam lcags gsang ba'i rgyud dag las// gza' the'u gnan thabs bstan pa ni// sri can rnam pa bzhi yod do// gnam ze'u dkar po seg sham 'dzin// sa ze'u nag po sbrul zhags 'dzin// gza' ze'u dmar po bar lag nyi zer zhon// sri can sdong mo lag na zod skam thogs// 'di bzhi gza' yi dam sri ste/ khyi dang bong zhon bu chung bang dri'u ni// rtags de byung na bsgrub pa'i dam sri byed// gzugs bzhi bris la snying po gsum bzhi bri// nan gyi mtho bskor rnal 'byor bdag gis ni// gnas kyi them 'og dag tu gnan pa bya'o// g.yam pa rdo/
- 17b
rje rgya gram kha gcad la// las sbyor gang byed las la rbad// dam sri mnan pa'i le'u ste bcu bdun pa'o// // gnam lcags gsang ba'i rgyud dag las// ting 'dzin rim pa bstan pa ni// dus las khyab 'jug bskyed par bya// spyan drangs de la bstim par bya// dza las lcags kyu bskyed par ni// khyab 'jug sprul pa lcags kyu byung // gang yin de la gzud par bsam// phur ba btab cing bsgral nas ni/ khyab 'jug zhal du gsol bar bsam// ting 'dzin de ltar rtag tu sgom// ting nge 'dzin gyi le'u ste bco brgyad pa'o// // phyi'i rgyud sbas pa'i nyi ma las/ gnam lcags gsang ba'i srog gi ti ka'i rgyud rdzogs so// // mang+ga laM// @#// rgya gar skad du// pra nya ma gu h+ya tan tra rA dza nA ma/ bod skad du/ bram ze gsang ba'i rgyud kyi rgyal po zhes bya ba/ dkon mchog gsum la phyag 'tshal lo// 'di skad bdag gis thos pa'i dus gcig na/ bcom ldan 'das dga' tshal chen po yid du 'ong ba na// bkra shis pa'i shing dang / me tog dang / bya sna tshogs skad 'byin pa/ rnga dang cang te'u la sogs pa'i sgra dang / rgyan sna tshogs kyis brgyan pa na bzhugs te/ de'i tshe bcom ldan 'das rdo rje 'dzin pa dang / lha rnams dang / tshangs pa dang / brgya byin dang / gnod sbyin dang / srin po dang / lha ma yin dang / dri za dang / mi 'am ci dang / lto 'phye chen po dang /
- 18a
bram ze'i tshogs du ma dang thabs cig tu 'dus so// de nas 'khor de rnams kyis me tog dang / spos dang / mar me dang / byug pa dang / ro dang / sgra dang / reg bya sna tshogs pas mchod do// de nas lag na rdo rje la phyag 'tshal te/ lan gsum du bskor ba byas nas/ spyan sngar pus mo btsugs thal mo sbyar te mig gdangs te/ 'di skad ces rtse gcig tu zhus so// bcom ldan sku gsum khyab pa'i bdag/ 'khor ba thugs rjes gzung ba'i phyir// bram ze'i rgyal po gsang ba'i rgyud// e ma'o mngon spyod kyi las kyi sgo nas bdag la bshad du gsol// zhes ched du zhus so// de nas bcom ldan 'das sku bstan spyan 'khor ba la gzigs nas/ zhal 'dzum pa mdzad cing 'di skad ces gsungs so// 'khor ba'i sems can thams cad la// phan gdags pa dang tshar bcad pa// de la bral ze rgyal po'i khams// de ni nga yis bshad kyis nyon// ces gsungs te rab tu dgyes so// bram ze gsang ba'i rgyud las/ gleng gzhi'i le'u ste dang po'o// // de nas yang dag bshad bya ba// bkra shis yid 'ong phyin pa dang // gtsang zhing nyams dga' bram ze'i gnas// yongs su dag pa'i sa dag la// gru bzhi nyams bya mda' gang tshad// dri yis legs byugs thig gis gdab// sna tshogs pa yi tshon rtsi yis// 'dab brgyad mu khyud gru chad dang // sgo yi rgyan rnams
- 18b
rdzogs par bri// dbus su rin chen bum pa dgod// nang du bum pa'i rdzas rnams gzhug/ mgul du zom bu gtong ba'i nang na// dgos pa'i sman rnams tshang bar bsag/ mngar gsum rtsa yi snying po dang // gur kum chu yi snying po bri// dngos grub 'dod pa'i byang bu de// brum bu nang du sba bar bya// dar dang rin chen nor bu dang // sna lnga tshon gyi skud pas gdags// steng du gdugs kyis bkab la gzhag/ phyogs bzhir mda' bzhi dar sna bzhi// mtshams su gsal ba'i me long bzhi// grwa bzhir gri bzhi btsugs la bzhag khyams su gtor chu gtsang ma bzhi// sgo bzhi mdung la rnga ma gdags// rgyan rnams kun gyis rab brgyan nas// 'di ni bram ze sgrub pa yi// dkyil 'khor yin par nga yis bshad// ces bram ze gsang ba'i dkyil 'khor dang sgrub pa'i rdzas dgod pa'i le'u ste gnyis pa'o// // de nas yang dag bshad bya ba/ bram bre rigs kyi dngos po yis// bkra shis dkyil 'khor legs byas te// dgos pa'i rdzas rnams tshogs nas kyang / khrus byas ku sha'i stan la 'dug/ stong nyid snying rje'i snying po las// bum par rang nyid bram ze'i bsams// dbu la rgyal ba'i sku sbrul ni// rigs kyi khyung chen sde lnga bskyed// phyogs kyi pad+ma re re la bram ze chos kyi dus lta bu dang // bram ze 'jigs pa skyob byed gser btso ma lta bu dang // bram ze 'dul
- 19a
byed sal ba bye ru bcag pa lta bu dang // pra ze 'dul byed mun pa nag po lta bu'o// mtshams kyi pad+ma re re la pra ma d+ha ri dang / pad+ma d+ha ri dang / lang g+hA d+ha ri dang / kha kra ma'o// gra bzhir gyad ni brjod pa'i gyad dang / rngam pa'i gyad dang / stobs kyi gyad dang / sba ba'i gyad chen po'o// bar khyams la 'khor bse phub can dang // shing phub can lnga brgya rtsa gcig go/ sgo bzhir dmag dpon chen po brgya 'dul dang / stong dpon dang / khri gzig dang / 'bum pa rgya'o// de nas kyang sman cing rtag par bsam mo// de nas spyan drang ba mchod pa kun dbul te/ tshig gi bar ma chad par snying po su le can gyis/ zhal lnga bdun nyi shu'i bar du rtags dang bstun zhing bsgrub par bya'o// 'dir ni bram ze 'khor bcas rnams// sgrub pa yin pa nga yis bshad// bram ze gsang ba'i rgyud las/ bram ze sgrub pa'i le'u ste gsum pa'o// / de nas yang dag bshad bya ba// bram ze sgrub pa'i rtags bstan pa// rab dang 'bring dang tha ma 'byung // de yang las dang po 'pho ba'i khyad par las// dam tshig rdzas kyi khyad par dang // sgrub pa blo yi khyad par gyis// gong du bstan pa bzhin du 'byung // rab ni dngos su ston pa ste// 'di ni mi 'byung mi srid do// 'bring ni myur du 'bab pa yin// 'di la'ang rnam pa gsum du 'byung // sku yi sgo nas rtags bstan
- 19b
pa// 'phar dang gar dang rtse ba 'byung // gsung gi sgo nas babs bstan pa// thogs med sang kri ta yi skad// rgod cig rgod cig car bar 'gyur// skabs su 'tshig cing smra bar 'gyur// de yi bye brag shes gyur nas// phyi byung ba na sngon du smra'o// thugs kyi sgo nas rtags bstan pa// rang gi rgyud la rtog med skye// bdag dang gzhan gyis rig pa ni// thogs med rang gi sems la 'char// rmi lam du yang slu mi srid// mtha' ma dbang po'i spyod yul du// srid pa 'char bar the tshom med// gzhan yang sgrub rtags sna tshogs pa// yid gnyis the tshom spangs na 'byung // de ni bram ze sgrub pa'i rtags// nges par yin par nga yis bshad// bram ze gsang ba'i rgyud las/ bram ze sgrub pa'i rtags bstan pa ste le'u bzhi pa'o// // de nas yang dag bshad bya ba// bdag bsrung ba dang gzhan bsrung ba'o// bdag bsrung bram ze dran pa skyed// spyan drang mchod cing gsol ba gdab// sngags kyi rgyud la gnas par bya'o// gzhan yang 'gro ba sems can la// gdon rigs thams cad rnam par 'tshe// de dag bsrung bar bya ba'i phyir// rdzas dang sngags dang ting 'dzin dang // thabs kyi sbyor bar bsrung bar bya'o// rdzas kyi bsrung ba 'di ltar yin// rten gyi bsrung ba mchog tu bshad// gzhan la sbyor ba 'di gsum bya// byug dug bsrung bar byas pa'o// ga
- 20a
bur tsan dan dkar po dang // gla rtsir dkar 'o mas byug/ mi chen shi ba'i bo to dang // gu gul skye tshe yungs nag dang // rta bong rnams kyi ri lus bsreg/ gser g.yu byu ru mu tig rnams// ma rmas pa yis bsrung bar bya// bu rtsir thal chen skye tsher bcas// gdon gyi rigs rnams bsrung ba'i mchog/ gla rtsi shu dag mu zi dang // shing kun bcas pas klu rnams thub// tsan dan rnam gsum ga bur dang // bla ba skye tshe tig ta rnams// 'dir bcas nad rnams bsrung bar 'gyur// sngags kyi bsrung ba bya thabs la// sa li drag tu brjod bya zhing // mtha' rten sngags kyi sham bu gdags// nyungs nag rgyal pos brab pa yis// gdon dang phrel bar the tshom med// ting 'dzin bram ze la gnas shing // sngags kyi yi ge bram ze'i tshogs// du mas de yi lus la zhugs// drag shul dpag med du ma byed// me yi phung pos nad rnams sbyong // thabs kyi sbyor bas bsam mi khyab// bram ze sgrub pa'i rnal 'byor pas// sngags kyi thor bu lha dang bcas// so so'i rdzas la rten nas kyang // bzlas pa tsam gyis bsrung bar 'gyur// bram ze'i rgyal po'i thugs rje yis// bsrung ba yin par nga yis bshad// bram ze gsang ba'i rgyud las/ bsrung ba'i le'u ste lnga pa'o// // de nas yang dag bshad bya ba// bram ze dbab pa'i sbyor ba ni// shin tu gtsang ba'i pra
- 20b
stan la/ khrus byas pra yi stan la bzhug/ bram ze rgyal po 'khor dang bcas// mthun pa'i rdzas kyis mgu byas la// bdag nyid de yi sbyor ldan pas// bar chod gsal ba'i cho ga bya// 'jig rten 'das dang 'jig rten pa'i// mthol bshags bzod gsol dag par bya// de nas bdag nyid khyung du bskyed// pra stan stong pa'i ngang nyid las// bram ze lcam dral du mar bsam// bdag nyid khyung chen rgyal po yis// sngags rgyun drag po sha re bzlas// skabs su phyag rgya bsgyur bya zhing // bram ze lcam dral ming nas bod// myur du smros zhes drag tu brjod// 'bru mchog gdon du gtor ma bya'o// des ni smra bar gdon mi za// dang po rgya gar bram ze skad// de nas bod skad gang du 'byung // snga phyi gnyis su smra ba'i mchog/ de yang dam tshig gtsang ba gces// bram ze lcam dral du ma 'dis// myur du 'bab par nga yis bshad// bram ze gsang ba'i rgyud las/ dbab pa'i le'u ste drug pa'o// // de nas yang dag bshad bya ba// bram ze sgrub pas mthong ba 'byung // de yang gsal bar bya ba ni// mdun du sa gtsang maN+Dal bya// tsan dan dkar po'i lde gus / byug/ steng du rin chen zom bu gzhag/ mthong du mthong ba'i sbyor ba bya// de la sgro btsugs dar sna gdags// gsal le'i sngags bris sgo btags las kun byed// mchod pa'i rdzas kyang bstar la bzhag khrus
- 21a
byas par chod bgegs bsal ba// bram ze'i ting 'dzin gsal ba yis// spyan drang mchod cing gsol ba gdab// rgyun sngags drug tu sal le brjod// bram ze dang ni lcam mo kun// sngags zlos dbang po'i dngas ma'i babs// me long phyis kyis ston par bsam// des ni gsal bar 'gyur ba yin// des kyang gsal bar ma gyur na// thabs kyi sbyor ba shes par bya// rims kyis gang gsal lcam mo la// gsol ba gdab cing drag tu bsgrub// bram ze'i lcam mo bsgrub kyi bar// sngags kyi sham bu so sor gdags// de yis myur du mthong bar 'gyur// yang na lcags kyis 'byung bar 'gyur// the tshom can gyis mi sgrub po// dam tshig can gyis myur bsgrubs na// snang brjod mngon shes nga yis bshad// bram ze gsang ba'i rgyud las/ mthong ba'i le'u ste bdun pa'o// // de nas yang dag bshad bya ba// rgyud 'dir zhugs pa'i blo ldan gyis// bla med gsum ldan bla ma la// mthun pa'i grogs dang dkar ma'i chos// bram ze gsang ba'i lha tshogs la// gus shing gtor thod rtse ba yis// dbang dang rjes gnang 'bad pas blang // sku gsung thugs kyi dam tshig la// lus ngag yid kyis bsrung bar bya// nag pos spangs shing dkar pos spel// de ni spyi yi dam tshig yin// rdzas rnams med dam ma tshang na// bsgrubs kyang 'grub par mi
- 21b
'gyur ro// dgos pa'i rdzas la brten nas kyang // bram ze rgyal po gsang zhing bsgrub// ta dbu ra ni rgyun du rdung / kha zas gtsang ma bsten bya zhing // rtag tu khrus la gnas par bya// sha chang sgog pa spang bya ste// gos dang zas rnams 'dre mi bya// ang bgags kyis rlab par bya// thab gzhob mi gtsang mkhon pa ltar// yugs su rnol la nye mi bya// nyams la dgra ltar gzer ba ste// 'di ni khyad par dam tshig yin// grub nas thabs kyis rim shes bya// dam tshig nyams na mi grub pas// gso ba'i cho ga shes par bya'o// dam tshig gtso bor mi 'dzin cing // the tsom yid gnyis spyod pa tsog/ sgrub kyang 'grub par mi 'gyur ro// de bas 'di la gnas par bya// bsrung dang spangs dang gsang ba'o// dam tshig yin zhes nga yis bshad// bram ze gsang ba'i rgyud las/ bsrung ba'i dam tshig gi le'u ste brgyad pa'o// // de nas yang dag bshad bya ba// bram ze rgyal po'i sngags bstan pa// sgo gsum mtha' sbyor ldan pa yis// gsang zhing rgyun du bsgrub pa ni// oM ku ku raM/ mang sku raM zha de/ ku sa ra/ me long shol tse khang shol te/ lo shol rtso/ hUM hUM phaT phaT swA hA/ sgra tog tig tig sgra du brag nyag d+h+ya thA gA tA mA sa le hUM hUM phaT swA hA/ 'di ni sngags kyi rgyal po ste las thams cad pa'o// oM ku ku raM hUM phaT/ oM maM ku ru hUM phaT/ oM zha ra te hUM phaT/ oM
- 22a
/ ku sa ra hUM phaT/ bram ze chen po bzhi'i sngags so// oM pra ma d+ha ri hAM/ oM pad+ma d+ha ri hUM/ oM g+ha ku d+ha ri hUM/ oM kha kra ma d+ha ri hUM/ lcam mo chen mo bzhi'i sngags so// oM tad+ya tha/ ha na ha na g+han d+hi la hU phaT/ gyad mo bzhi'i sngags so// oM b+hi sta ha ra mar b+he wa then hUM phaT/ 'khor mang po'i sngags so// oM badz+ra hUM hUM/ baM hUM hUM phaT/ dmag dpon chen po bzhi'i sngags so// oM AHhUM/ khA khA khA hi khA hi swA hA/ gtor sbyin pa'i sngags so// shan ting ku ru swA ha/ puSh+Ti ka ru swa ha/ pa shaM ku ru swA ha/ mA ra ya phaT/ bram ze'i las sngags so// so so'i rdzas la rten nas kyang // skur bas grub pa the tshom med// gzhan yang bram ze'i tshogs dang ni// lcam mo de dag gang rung gis// zhes drag tu bskyed par bya// sngags rgod sna tshogs bzlas gyur na// gang la brtsams pa 'grub par 'gyur// bram ze 'khor bcas sgrub pa yi// gsang sngags yin zhes nga yis bshad// bram ze gsang ba'i rgyud las/ sngags bstan pa'i le'u ste dgu pa'o// // de nas yang dag bshad bya ba// dam tshig shel ltar dag pa yis// dbang dang rjes gnang thob bya ste// dgos pa'i rdzas rnams kun tshogs nas// the tshom yid gnyis spangs pa yis// bram ze'i rgyud nas 'byung bzhin du// lan grangs du ma bsgrub nas kyang // don med 'grub par ma gyur na// dang po ar la gtad
- 22b
par bya// ri phug nags sam dgon pa ru// sa bzang rin chen 'dar ba la// dkar gsum mngar gsum chu yis byug/ de la bram ze lha rnams kyi// 'dra 'bag byas la snying po gzhug/ rang rang gnas la legs par gzhag/ gtsug tu mkha' lding mtshan ma dgod// lcags kyu zhags pas dgug cing bstim// mthun rdzas rnams ni so sor btab// bden pa'i tshig gi legs par dgod// de nas bdag nyid khyud nag gis// sprul pa nag po grangs med spro// spyi bor mchu btsugs rtsa nas len// lcags par nag po snying la gtad// lus 'dar nga ro dmyal zag gcod// de nas lan 'ga' 'di yang bzlas// kruM kruM kruM sa sa ra ga ru Da tsa le sa ma ya hur hur/ ces mang du ming rung ngo // bram ze snying re rje ste 'di ni shin tu gsang ba'o// grub nas las rnams mi byed na// ar la gtad pa'i las bya ste// snying khar tsi tra gtad la mnan// sha khrag dmar gyi gtor ma gtang // de dus sngags kyi sgrar ldog bya// nga ro drag tu 'byung bar bya'o// shin tu snying re rje ste rab tu gsang bar bya'o// dbab mthong byed du ma 'dod na// 'di ltar gnad la bod bar bya// zom bu g.yon du slad la bskor// a tsi ta hUM/ sa ma ya/ pra ma d+ha ri pho ba/ pra ma d+ha ri pho ba/ gsal bar ston/ bram ze nyon re mongs te/ gsal bar gnyer gtad pa'o// 'gro ba mi yis mthong mi
- 23a
mthong // an ma 'dzangs ma rnam par tshugs// oM a le bi le/ b+ha ra b+ho ra b+ha g+ha g+ha b+he sa/ de mi swA hA/ 'di ni gsang ba dam pa'o// mdze mo gson thub pa thub// bya nag sgo nga gtor mar chug/ oM trig por khug mug thum ri la swA hA/ 'di ni gsang ba'i dam pa'o// 'byung po 'dul na thub ma thub// mar snying tshil snying me la bor// oM tha ya za thabs sod// spungs tha byi glang sad// tsit+ta khung sod/ rkun mo gang yin gzung mi gzung // ri lu'am kyong bu chu la ltos// de ni gsang ba dam pa de// de rnams gzhan gyis mthong ba'am// thos pa med par bya ba'i phyir// gsang ba yin pa nga yis bshad// bram ze gsang ba'i rgyud las/ yongs su gsang ba'i le'u ste bcu pa'o// // de nas yang dag bshad bya ba// 'gro ba rjes su gzung bya'i phyir// las dang mthun pa'i thab khung ni// dkar ser dmar nag mtho gang tshad// zlum po gru bzhi zla gam tshad// zur gsum pa yi dbyibs su bya// shug pa skyer pa mjo mo'i shing // dug gi shing ngam tsher ba tser// bram ze dkar ser dmar nag bzhi// thab tu bsam zhing me yis gang / kha dog dkar zhing dri zhim pa// ro yang mngar ba zhi ba'i rdzas// ro yang ska ba rgyas pa'i rdzas/ kha dog dmar zhing dri yang chung // ro yang sgyur la dbang gi rdzas/ kha dog nag rtsub dri yang che// ro yang kha ba drag po'i rdzas// bram
- 23b
ze spyan drang me lha mchod// gang yin pa dang mthun par bsreg/ bram ze sgrub pa'i snying po la// las sngags 'byin pa'i snying po gang yang 'grub// don kun sgrub byed bram ze yi// sbyin sreg yin par nga yis bshad// bram ze gsang ba'i rgyud las/ sbyin sreg rnam bzhi'i le'u ste bcu gcig pa'o// // de nas yang dag bshad bya ba// phan gdags pa dang tshar gcad pa// yul du lhog pa'i nad byung na// phyogs bzhir seng lding phur pa bzhi// nyungs kar sngags kyi skyes bu rnams// de bzhin bsrung pa'i mtshams su gzugs// zer dkar chu la sngags bzlas so// rtags byung nye bar bsrung ba ni// rang gi spu la skud pa bya// sngags bzlas nyungs kar mgul du gdags// ser ba drag po bsrung ba ni// nyungs kar nyungs nag zal chen la// sngags bzlas gdong la gtor ma gtang // phur bus zhing gi mtha' ma bskor/ khyung chen gshog pas steng du dgab// shwa 'di gzhan du bsgyur ba ni// lcags bsam zangs la 'jug byas la/ khong du drag po'i sngags bcug la// gdong du kha bstan gzhan du 'gro// lam du zhugs nas 'gro ba ni// skud pa dang ni gos kyi grar// sngags bcug mdud pa bdun bor nas// dgra dang nye ring med par 'gyur// lhog pa nye bar byung gyur na// sngags kyis gdul zhing byug pa bya// bud med bus ni thogs pa la// sngags
- 24a
bzlas chu skol 'thung du gzhug/ lus la bal nad zhugs pa la// mthun rdzas lus gdags skud pas zum bu bya'o// nyungs nag sngags mar gyis byug pa bya// sa dang gtor ma sngags gsum gyis// byis pa sarba bsrung bar bya// rdzas dang sngags su mthun bsdebs pa'o// zho dang chang yang thub par 'gyur// mi rta sgo la lcags dam na// sa la sngags btab dam tshig bsrung // zhing la ri bong za ba na// bye ma dang ni skye tshe la// sngags bzlas mtha' ma bskor bar bya// klu dang char pa che ba la// se 'bru dang ni thang phrom la/ kha phor gtsang mar sbyin sreg bya// gang zhig g.yul du zhugs na ni// rgyal mtshan nag po mgo la gzugs// sngags kyi sgye'u lus la bcang // bstan pa bram ze bsrung 'dod na// byi ba sngon po'i pags pa la// sngags kyi sbyor ba shes pa yis// bsgrub bya dgug cing thun gyis brdeg/ sba 'dom nang du las la sbyar// de dag myur du brlag par 'gyur// gal te gnyan pa gter 'dod na// sbrul dang sbal pa sdig pa dang // glang nad rdzas kyis sbyor ba la// sngags kyis brabs te las la sbyar// til dang zir brdeg par bya'o// drag po'i ser ba dbab pa ni// thog gis shi ba'i rus pa dang // yul gyi 'bru sna tshang ba na// sha shing phur pa sor brgyad dgod// klu yis khyer ba'i thod pa la// nang du sbyor ba las byas
- 24b
la// gang gi yul du bskyal bar bya'o// lcam dgug cing de la mdas brdeg gris brdeg mdung gis brdeg bram ze'i mda' thun/ gyad kyi gri thun/ dmag gi gdung thun/ 'khor gyi nyungs kar thun/ smyug mar gzhug go/ thun de rnams zin nas/ thog ser myur du dbab par 'gyur// 'di la the tshom mi bya'o// phan gdags pa dang tshar gcad pa// myur du 'grub ces nga yis bshad// bram ze gsang ba'i rgyud las/ las sna tshogs pa'i le'u ste bcu gnyis pa'o// // de nas yang dag bshad bya ba// 'khor de rnams kyis mchod pa sna tshogs pas mchod de/ bcom ldan 'das la bskor ba byas nas shin tu yi rangs te/ bcom ldan 'das kyis gsungs pa la mngon par bstod do// bram ze gsang ba'i rgyud las/ yi rangs te bstod pa'i le'u ste bcu gsum pa'o// // rgyud 'di ni pu ru'i grong khyer nas// paN+Di ta na kro praM pa kang ka dang // lo tsa ba brang ti chos kyi blo gros kyis bsgyur te shin tu gsang zhing sbas pa'o// bram ze su ka tas zhus te thugs la bkram pa'o// 'dod pa'i shor gyi phyir rgyud 'di spel na rang srog 'chad// de bas sems kyi dkyil du sba'o// nar skan/ tsit+ta sam/ bram ze gsang ba'i rgyud kyi rgyal po char sprin nag po zhes bya ba rdzogs so// // mang+ga laM//
- 25a
rgya gar skad du/ sha truM nA sha ya/ de ba pa tha ra ban dza ka la hur thums so ri ka tan+t+ra nA ma/ bod skad du/ sangs rgyas bstan pa'i dgra la gnam lcags drag po'i thog dbab pa lha min mtshon cha ka ma la'i rgyud ces bya ba/ bcom ldan 'das rdo rje khros pa phyag na rdo rje gsang ba mchog gi bdag po la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po 'di/ lha gnas rtsub 'gyur gyi tshal chen po rtse mo na/ gnam lcags thog ser gyi tsha tsha skar ltar 'khrug pa/ rab tu yang zhing 'jigs pa/ skyi g.ya' ba/ me rlung gis thams cad 'joms pa/ rak+ta'i rba rlabs 'khrug pa'i gnas de ni/ lha ma srin sde brgyad 'dul ba'i dgongs pa la zhugs/ lha dang / klu dang / gza' dang / rgyu skar dang / ma mo dang / bdud dang / gnod sbyin dang / gshin rje dang / btsan dang / rgyal po la sogs pa thams cad ma bzod pas 'dus shing spa 'khongs par gyur to// de'i tshe de'i dus gnod sbyin lag na rdo rje rang gi stan las bzhengs te/ bcom ldan 'das gsang ba mchog gi bdag po la phyag 'tshal sdong gsol pa/ e ma bcom ldan rdo rje 'chang // sangs rgyas bstan pa'i snyigs ma la// bstan pa bsrung ba'i drag sngags mchog/ gang lags pa de bshad du gsol// zhes zhus so// bcom ldan 'das kyis bka'
- 25b
stsal pa/ oM badz+ra tsaN+Da karma rag sha gan d+he sa ma ya ho/ zhes gsungs pa dang / lha dang klu la sogs pa thams cad brgyal ba dang / rengs pa dang / 'dar bzhin du bcom ldan 'das la phyag 'tshal zhing mgrin gcig tu smras pa/ gsang ba'i bdag po rdo rje 'chang // bstan pa 'jig pa'i gshed ma dag/ rag sha gan+d+he thogs las pas// nam dgos dus su dbab par bgyis// zhes dam bcas so// gnam lcags drag po thog dbab pa spu gri ka ma la'i rgyud las/ gleng gzhi'i le'u ste dang po'o// // de nas gnod sbyin lag na rdo rjes/ bcom ldan 'das la gsol ba/ kye kye bcom ldan rdo rje 'chang // dus gsum sangs / rgyas thams cad kyi// bstan pa bsrungs pa dang // bsrung bar 'gyur pa'i drag sngags gang // 'di yi sgrub thabs ji lta bu// rdzas dang sgrub pa'i sngon 'gro gang // sgrub pa po yi sngags pa gang // gsang ba'i bdag pos bshad du gsol// rgyud las zhus pa'i le'u ste gnyis pa'o// // de nas bcom ldan 'das kyis/ lha tshangs pa la bka' stsal pa/ tshangs pa chen po bos nas khyod kyis thog gi sngags// gnam lcags spu gri ka ma la// drag sngags mtshon cha 'dir smros shig/ ces bka' stsal to// lha tshangs pas gsang ba'i bdag po la spyi bos zhabs la gtugs te phyag 'tshal zhing / spu gri ka ma'i drag sngags mdongs gsol du phul
- 26a
ba 'di rnams so// shri drung rtsad chod/ mu yer a mu ka k+Sha snying du khri ba nri bsdus/ bsnyen de bsdu ba'i drag sngags yin// dkra ba tsi shri/ tsa kra zhu/ mA ra ya thibs thibs/ dza na ra mA ra ya/ tsit+ta tshal pa kha bsdus/ bzhu ste dril ba'i drag sngags yin// sdor ba du ya/ g+han d+he pho ba/ ldems chums mA ra ya/ pho ba ya/ hri du pa yA tsa thun/ tsit+ta la phob pho ba/ dgra la brdeg de dbab pa'o// tad+ya thA a ho 'dus/ pa ra ta// ha na khyi/ khyug khyug hUM phaT/ a pa ya/ ha phye hang / 'ur 'ur chem che ma yaM yaM hril shar b+h+yo/ 'dus hi hril b+h+yo phob/ dgra bo ni sha ku ru mA ra ya dza phaT/ rno ba ngar gyis gdags pa'o// bi ta ka b+ha yu a ka sa tsan+ta a dod ta Ta kra ru pa yA/ sa ba TA ya/ thog bdun dbab pa rab yin no// u pa ra ti ste tsha tra dza na sa dzA ba/ b+ha ra ste ra dz+nya bu sta/ sa na ra/ sad ti ri/ ar tha ra a/ thog mda' lnga dbab pa 'bring po yin no// a ki A/ thog mda' gsum dbab pa tha ma yin// su ra du pa thaM pa la/ tro ta pa ni/ rin chen thog gi rgyu'i sngags/ shar laM b+h+yo/ thun 'phang dus kyi lam bstan pa'o// bcom ldan 'das kyis bka' stsal pa/ oM ni nA ga dza mun ti a A/ bdag la thog bsrung ba yin no// na ga gur ling snying khrag pa mo ru la/ na ga pu na nA ga du na/ sa ma ya du/ nA ga snying la pho ba ya/ klu gzir ba ste thog khang rnying par byed pa'o// zhes gsang
- 26b
ba'i bdag pos gsungs so// rgyud las drag sngags le'u ste gsum pa'o// // de nas yang dag bshad bya ba// dad brtson shes rab ldan pa'i mi// bla ma slob dpon mnyes byed pas// dang por dam rdzas ci dgos bsag/ thog gis bsad pa'i tsit+ta dang // sha khrag rus pa thod pa btsal// de ma rnyed na spre'u dang // dri rgod rnam par lkugs pas bya'o// thod pa'i nang du snying gzhug ste// ling ga 'khor lo sngags bzlas pa'i// yungs kar til dang za ma btsal// thog lcags gser dngul 'khar ba dang // lcags thig zangs thig g.ya' thig rnams// cha gnyis bgos la rta thun bya// dur khrod ras la gser gdul dang // mtshal dang snag tshas bsrung 'khor bri// sku gdung gzugs sngags mchog 'gyur bcang // rgyud las sgrub par bya ba'i sngags gang yin pa des dam rdzas bsag pa'i le'u ste bzhi pa'o// // de nas yang dag bshad par bya// sgrub pa'i gnas ni dur khrod dam// chu gling shing rtsig brag chu 'thab// lung pa ri brag zangs 'dra ste// dmar po 'jigs pa ya nga ba// sbrul dang sdig pa 'khyug pa 'dra// rta ro dmar po kha phye 'dra// brag phug btsan po der phyin la// phung shul sa la stegs bu rtsig/ mi bsad ro bsregs rabs chad shul// brag 'gram pa yi sa la bya// rgyar ni mda' gang gru bzhi la// dpangs su khru gang dug khrag dang // ros sol sbyar
- 27a
bas nag por byug/ de yi steng du 'brub khung rtsig khru gang rgyal mtho gang dpangs// dmar nag me lce ris su bya// rtsang phur nyi shu rtsa gcig gzugs// de yi nang rta thun bzhag/ thun rdzas me long steng du'o// de nas yul bdag lha klu la// phud dang gtor mas bka' sgo nas// phyi nang skongs dang bshags pa bya'o// mtshams gcad lha yi rnal 'byor ni// rta mgrin dpal chen rab tu sngags// rgyud las sgrub pa'i gnas btsal nas/ der sngon 'gro'i cho ga bya zhing shis pa'i lha sgom pa'i le'u ste lnga pa'o// // de nas sgom pa'i ting nge 'dzin// bdag dang lha srin sde brgyad kyi// drag sngags 'brug thog ngar du bzlas// thod par dgra 'dug me rlung 'tshub// de nas thod pa 'khor lo bskor// de nas gnag pa'i dgra yul dang // thod pa gnyis su med pa der// nam mkha' me rlung 'khor lo bskor// bzhi pa'i dus su dregs pa tshogs// rab tu khros pas mtshon cha tshogs// sna tshogs dgra la gdab byas nas// sha khrag za 'thung hab bstod byed// lnga pa dregs pa dgra bo la// thog gi mtshon cha btud mar 'bebs// dgra rnams rdul du rlog par bsgom// bsnyen pa bye ba bdun 'bum bskyal// de rtags mon dang a tsa ra// nyan thos cha lugs sgra snyan sgrogs// nye bsnyen dus su me dpung 'bar// sgrub pa'i dus su byal rbab rgyogs// sgrub
- 27b
chen dus su sprin tshogs 'du// glog 'brug tsag skad sgra chen 'dzin// rgyud las ting nge 'dzin dang mtshan rtags bstan pa'i le'u ste drug pa'o// // de nas rang gi bsrung ba bstan pa// yi dam lha dang lta ba ni// ma yengs gsal ba bsrung ba'i mchog/ 'khor lo sku gdungs spyi bor bcang // yugs sa mo yi zhabs ma 'tshal// na ga dza la'i sa bon brun// rgya tshil rta bon brag rtse la'o// 'di yis dam tshig gzhung la sgrim// dam nyams mdze yugs mi dong po// zas gos phrad par mi bya'o// rgyud las dam tshig bstan pa dang // bdag dang bsrung ba'i le'u ste bdun pa'o// // de nas las la sbyar bar bya// gza' dang sdongs la rta bcug la// thun 'phang dmod mo drag sngags bzlas// brnag bya'i mkhar khang rmang du sba// de la dmigs nas sgong zor brdeg/ bya nag sgo ngar thun blug pa'o// sngon dmar sbrul thog zhing dkyil can// thun lam gsal nas 'phros pas 'phang // nyi shu dgu yi phyi dro 'bebs// gyad pa gri skor byed pa ltar// yengs su mi rung sgrim pa gces// dgra yi srog rtsa skems pa'o// rgyud las mas sbyar ba'i le'u ste brgyad pa'o// // bsnyen sgrub dus dang gza' skar ni// dgun sgrub 'brug gi zla ba la// gza' skar drag po la 'jug go/ dbyar sgrub khyi yi zla ba la// phur pa mgo lag rgyug pa rta// rtsis nas 'jug dang dbab par
- 28a
bya// b+ha ri sha dang sdeb par bya'o// nA/ ga ra/ dza/ ya/ ma/ dri/ la/ log ba za ra/ karma/ ku ru/ a b+he sha ya A/ sdig pa byang ba sngur pa dang // gu gul rta bon mu zi dang // yugs sa mo yi rkang mar sbyar// gnyan sar sngags rgyas bsregs pa yis// thog dang ser ba spug mar 'bebs// rgyud las dus tshod gzung zhing ser ba dbab pa'i le'u ste dgu pa'o// // de nas gsang ba'i bdag po yis// rgyud kyi bstan pa gtad pa ni// sangs rgyas bstan pa 'jig na bya'o// phran tshegs tsam la byas gyur na// na rag dmyal bar lhung nges so// des na snod med pa la gsang // snod ldan dam tshig ldan pa la// dam rgya byas te gtad par bya// zhes gsungs so// de nas gnod sbyin lag na rdo rje la sogs pa thams cad yi rangs te/ bcom ldan 'das kyis gsungs pa la mngon par bstod nas/ thams cad rang rang gi gnas su 'khod par gyur to// thog dbab spu gri ka ma la'i rgyud rdzogs so// // rgya rgya rgya/ swa sti/ kha zam/ sang ngo // lha ma yin spu gri mtshon cha spu gri ka ma la'i rgyud// mchod rten brgya dang bcas nas gter du sbas// oM rgyan pad+ma zod 'phreng ngas// sangs rgyas bstan pa bsrung ba'i phyir// lha srin sde brgyad las la bkol/ khyad par gnam lcags thog dbab pa// lha min mtshon cha ka ma la// dgra srog gcod pa'i spu gri
- 28b
'di// bum thang dge gnas lha mo yi// zhal gyi dpral ba'i mdzod pur sbas so// bse sgrom dang du rgyas btab bo// las 'phro can dang 'phrad par shog/ rgya gar skad du/ ka la tsit+ta tan+ta gu h+ya/ bod skad du/ nag po gsang ba'i rgyud/ gnod sbyin gyi sde dpon phyag na rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das dur khrod chen po bsil ba'i tshal na/ 'khor gnod sbyin dang / srin po dang / sha za dang / klu dang / ma mo'i tshogs dang thabs cig tu bzhugs so// de'i tshe gsang ba'i bdag po lag na rdo rjes/ bcom ldan 'das la 'di skad ces gsol to// bcom ldan 'das tha ma'i dus na bstan pa bsrung ba'i thabs ji ltar bgyi/ zhes gsol pa dang / bcom ldan 'das kyis bka' stsal pa/ gsang ba'i bdag po tha ma'i dus na bstan pa bsrung bar 'dod na/ rdo rje gdan gyi byang shar na dur khrod chen po bsil ba'i tshal zhes bya ba chu zhing dpag tshad drug pa/ ro'i rnam pa bam pa dang / rul ba dang / phyed tshal dang / keng rus dang / mgo dang / sgal tshigs dang / yan lag la sogs pa yod do// de na ro la za ba dang / 'thub pa dang / bcod pa dang / 'thung ba dang / 'jib pa'i tshogs ni dur gyi bya dang / gcan gzan mang po dang / yang dur
- 29a
khrod bdag mo gtum mo'i tshogs dang / tsa mu ti dang / srin mo 'gram rings ma dang / 'phra men ma dang / sbyor sgrol ma dang / sha zan ma dang / khrag 'thung ma dang / gzhan yang ma mo'i tshogs du ma dang / dur khrod kyi bdag mo rnams so// de na rgya mtshor gling tshogs zhes bya ba shin tu yang rgya che zhing gting zab pa/ rba rlabs mer ba/ kha dog khrag tu 'dug pa dang / mtsho'i nang na yang chu srin dang / pir dang / dung dang / sbrul gdug pa dang / nya dang / sbal pa la sogs pa'i gdug pa can rnams kyang gnas so// mtsho de'i bdag po ni klu nag po mtha' yas zhes bya'o// gdug pa dang stobs su ldan pa yang gnas so// dur khrod de na mchod rten bde byed ces bya ba/ rin po che'i ka ba brgyad kyis bteg pa/ khri 'phang lnga pa/ dbu dril thabs su 'dug pa/ kha khyer dang mchod rten lngas mdzes pa/ bya ru dang sgo skyes mdzes pa/ kha dog nag po cig yod do// de yang nod sbyin nag po dang mngag ris nag pos dbang byas pa'o// de nas skyes pa'i shing bu ni/ a sha n+ya gro ta zhes bya ba mdog nag la bongs che ba/ sdong po gcig lo 'dab rgyas pa/ dri mi zhim par/ tsher ma rno ba/ gdug pa che ba/ lo 'dab 'thur du gzhol ba/ bdud kyi bya nag po dang sbrul gdug pa rnams so// de na bdud nag po gtum po'i tshogs dang bcas pa gnas so// dur
- 29b
khrod de'i dbus na lcags khang nag po sum brtsegs sgo med las rtse mo la me 'bar ba/ rtsa ba khrag khol ba/ logs las du ba 'thul ba/ de lta bu'i nang na bdud bi na ya kha zhes bya ba/ 'khor bdud dang / gnod sbyin dang / ma mo dang / klu la sogs pa shin tu gdug cing drag shul dang ldan pa/ 'jig rten rlag par byed pa'i stobs dang ldan pa cig gnas pas/ des bstan pa bsrung ba'i las la thogs pa med do zhes/ bcom ldan 'das kyis bka' stsal to// gleng gzhi'i le'u ste dang po'o// // de nas bcom ldan 'das la/ gsang ba'i bdag pos 'di skad ces gsol to// bcom ldan 'das bdag la byin gyis brlab tu gsol// zhes gsol to// de nas gsang ba'i bdag po lag na rdo rjes sdigs mdzub sgreng ste mig zlog cing ba spu langs te/ zhabs dang zhal rab tu bgrad nas rdo rje gsol zhing byon pa dang / bdud rab du brgyal nas 'khor rnams kyang skrag ste 'di skad ces gsol to// ci bgyi bka' dang dam tshig gsol cig/ bdag cag rnams kyi srog snying dbul// 'bangs la nan tur ma chung bar// bka' yi dam tshig rjes su bzang // bdag gi las thabs zas skal gang // zhes gsol ba dang / gsang ba'i bdag pos bsgo ba ni// 'jig rten khams su thog ser phob// dam tshig nyams pa'i snying khrag zo/ khyod kyi las thabs zas
- 30a
skal de// zhes gsungs pa dang / srog snying phul te rang dam rang gis bcas so// bdud btul ba'i le'u ste gnyis pa'o// // de nas gsang ba'i bdag pos gsol ba/ bcom ldan 'das// bdud po bsgrub na ji ltar bsgrub// 'di yi dam rdzas ji ltar lags// bcom ldan 'das kyis bka' stsal pa// nags khrod gseb bam du khrod du// ma nyams 'jug la brtson par bya// bsod nams tshogs bskyed bskang bshags bya// dbang gzugs bden pa bdar bar bya// phyi yi mchod pas thugs dam bskang // phyi nang gsang ba'i mtshams bcad la// nang du bsnyen pa'i dkyil 'khor bri// stegs bu mda' gang gru bzhi la// dri dang khrag gi chag chag gdab// dbus su mthing nag gru gsum bri// tshon sna lnga yi rtsig pa gtang // mtha' ru me ri legs par bri// dkyil 'khor de yi phyogs bzhi ru/ khrag gi maN+Dal zlum po bzhi// dur khrod mtsho dang mchod rten shing // go rim bzhin du mtshams la bri// lcags khang nag po sum brtsegs la// sgo med nang du srog snying bri// steng du bdud kyi sku gzugs dgram// sgo med re ga nag pos gcad// sha sna khrag sna tshogs tshad dang // 'bru sna tshogs tshad sbyar ba yi// gtor ma dag ni ban d+ha gang // sku gzugs mdun du dgram par bya// sna tshogs dag tu rgyun du sbreng // bshos bu nag po zur gsum
- 30b
la// mda' nag rgyang nag nam mkha' nag/ 'khar gling bris pa gzug par bya// shar gyi maN+Dal steng du bsten// lug nag bya nag khyi nag rta nag gi/ nag po bzhi yi tsit+ta bzhi// byang phyogs maN+Dal steng du bstab// lug nag la sogs rgyal mtshan la// dar snas brgyan te mdzes par bya// nub kyi maN+Dal steng du 'phyar// bya rgod mda' la me long dang // dar nag btags te g.yab par bya// gsang mtshan bris te lho'i maN+Dal steng du// las la 'jug pa'i rim pa ni// bdag nyid phyag na rdo rje bsam// mdun du lcags khang nang gnas pa'i// tri yi yig 'bru nag po las// bi na ya ka bskyed par bya// zhal gnyis phyag gnyis kha dog nag/ rtsa ba'i zhal nag steng ma dmar// g.yas na rdo rje lte leb 'phyar// g.yon na sbrul zhags thod khrag 'thung // mi lpags rlon pa'i g.yang gzhi stod// stag gi sham thabs nya ris smad// rlung nag tshub ma'i khri la gnas// sprin dang mun pa'i dkyil na 'dug/ mdun du bka' nod bsam par bya'o// bsam nas srog gi snying po bzlas// thugs dam bskul zhing rag ta sbreng // rtags dang mtshan ma byung gi bar// bsnyen pa'i le'u ste gsum pa'o// // bsgrub pa'i rim pa bstan pa ni/ ri rab gling bzhi'i dkyil 'khor bri// ri rab steng du lcags khang brtsig/ rdzas rnams rim par dgod par bya// lho phyogs sogs
- 31a
ka'i steng du ni// 'khor lo gsum gyi pho brang bca'// bzhengs pa sku yi 'khor lo dang // zod pa gzer gyi 'khor lo dang // phung sri sde brgyad 'khor lo ni// bris nas bskor thabs shes par bya// bdud kyi don snying 'khor lo ni// dug dang khrag gis bri bar bya// dbus su me ri dgu pa la// phyi rim 'khor lo bcu gnyis brtsigs// mu khyud gnyis dang ldan par bya// dur khrod pags pa dag la ni// rgyu dang bcu gnyis re mig la// dbus su yi ge lnga bkod la// mu khyud nang la srog sngags dgod// nyi shu rtsa lnga shes par bya// mu khyud phyi la sngags log dgod// sde tshan bcu gnyis drag sngags ni// bcu gnyis / rtsibs la drag por dgod// dur khrod sa la sku gzugs bzhengs// mtho gang legs par tshon gyis brgyan// snying khar gdug pa'i 'khor lo bca'// rabs chad nag po'i mon thod la// phyi ru sku gzugs legs bris la// nang du drag po'i 'khor lo bca'// snying rtsa'i yi ge tri nag las// snying nas drangs la las la bsgrub// rtsibs brgyad 'khor lo 'bar ba la// lha srin sde brgyad snying po bri// gsang ba'i 'khor lo rnam pa gsum// gru gsum me ri'i rtse la bzhag/ bskor thabs so sor shes par bya'o// thugs dam bskul zhing mchod pa dbul// gsur chen dud pa rgyun du gtang // gdug pa'i thun gyis bris par bya// rta bsgrub drag
- 31b
po g.yas la bskor// sbyor ba drag po g.yon la bskor// drag po las kyi sngags dang bcas// bdud kyi lto ba drag po ru// sngags kyi 'khor lo gzer dang bcas// yi ge rnams kyi 'od zer las// ser ba khrag tu dbab pas bsam// dmigs pa'i rten brlag dmod pas gdab// drag po klu 'am yul sa rten// mchod rten dag la sbyor ba bya// ma nor phyogs dang dus shes bya// thod pa sku gzugs phyi yi gzer// drag po 'khor lo nang gi gzer// ting 'dzin dmigs pa gsang ba'i gzer// gzer gsum brtags pa'i las la sbyar// gtad na gzer gyi le'u ste bzhi pa'o// // de nas las kyi sbyor ba ni// dkyil 'khor de ni legs bris la// rdzas rnams rim par bkod nas kyang // lho phyogs gling du thun rdzas bsham// klu gzir btsan dang the brang gzir// khyab 'jug dus dang phyogs shes thun// drag po'i rdzas kyis brab par bya// drag sngags bzlas shing dmigs pa gsal// de nas dus shes sbyor ba bya// ri gsum rtse la spyang dus brdab// btsan gyi lam du thun zor brdeg/ klu yi gnas su sbyin sreg bya// yul rten sgrog pa'i rdzas rnams bsreg/ gsang ba'i rdzas su sbyor ba bya// drag sngags bzlog pa'i thun gyis gzir// las la sbyar ba'i le'u ste lnga pa'o// / de nas drag po sngags dmigs dang // grangs dang yan lag ma nyams
- 32a
shes// drag po'i las la thogs pa med// nyams na dngos grub yal bar 'gyur// dbyangs dang gsal byed grong khyer gnas// yi ge ma nyams yan lag ldan// nyi shu rtsa lnga'i yig 'bru la// dbyangs yig gsum pa'i drug dang ldan// dbyangs yig lnga pa'i drug pas mdzes// me yi sa bon gnyis dang ldan// stong pa'i thig le gnyis dang ldan// dang por rnam par snang mdzad de// tha mar 'gugs pa'i dza gnyis la// dbyangs yig gnyis pas brgyan pa ni// 'greng 'gugs srog gi snying po yin// bdun cu rtsa gnyis yig 'bru la// dang po rnam par snang mdzad gzhag/ tha mar drag po'i yi ge gnyis// dbyangs yig gsum pa bzhi pa yi// nyi shu rtsa bdun rgyan dang ldan// dbyangs yig lnga pa drug pa yi// nyi shu rtsa gnyis ldan pa ste// dbyangs yig bcu pa'i gcig gis mdzes// dbyangs yig gnyis pa'i gsum dang ldan// me yi sa bon lnga dang ldan// drag po gnyis gong me yi sngags// sa la ma ldan cig pa ste// 'di dag drag po bsgrub pa'i sngags// de la drag po'i la sngags sbyar// de ni sbyor ba drag por 'gyur// 'di ni gsang sngags drag po bsgrub pa'i sngags so// de nyid drag por bzlog pa de// ma nor drag po'i sngags dang bcas// 'di ni las la sbyar ba ste// sbyor ba drag po'i sngags so// gsang sngags rim pa 'bru btus kyi le'u ste drug
- 32b
pa'o// // de nas sngags rnams bstan pa ni// oM bi na ya ka/ u nan tu rta/ 'dzir 'dzir nan/ khu shi mu phub/ tri pa tsa la haM shaM tri dzA dzA/ de ni srog gi snying po ste// bsnyen pa'i sngags so// oM bi na ya ka/ u nan tu rta/ dzi ra dzi ra nan/ khug shi mu phub/ ku hi ku hi/ kha li kha lo/ ku hi dzA du ste nan/ drag zhing nan/ dzi ra ku shi/ pu li bu hri/ su hi smi shi khu nan/ si nu bu hi/ kri ka khu nan/ tu tri tu tri/ kring kring kring / mi ru tsi ri ra swA hA/ sgrub pa'i sngags so// hA swa/ raM ri tsi ri mi ro phob/ kring kring kring / tri tu tri tu/ nan khu ka tri/ hi pu nu si nan/ khu shi smi shi/ su hi pu le/ su shi ku 'dzir/ nan zhing dgra/ nan ste du dza/ nan ste du dza/ he ku lo/ kha ka li kha/ hi ku hi ku/ phub mu shi khu nan/ dzi ra dzi ra dzi ra tra du nan/ u ka a nan/ byi au/ drag po gzer sngags te las la sbyar ba'i sngags so// ma nor sngags kyi le'u ste bdun pa'o// // de nas bsad pa'i sbyor ba ni// gnod sbyin nag po tshogs kyi rje// mgo sgrub drag po'i sbyor ba ni// rnam pa gsum du shes par bya// drag po hom khung bsreg pa dang // mnan dang thun zor sbyor ba'o// drag po'i 'khor los bsad pa ni// dur khrod gos la 'khor lo bri// rtsibs rgyab drag po'i sngags brgyud bri// lte bar ling ga ming rus bcas// gru gsum nang du chub par bri// ma rA ya yis mu khyud bskor// 'khor lo
- 33a
skud pa nag pos bcings// drag sngags bzlas shing thun gyis brab// g+ha sa ma/ g+hos raM/ thang g+hos re raM/ traM thaM g+haM re raM/ ta hA ku ma g+ho re raM/ saha swa g+ho re raM/ ru su g+ho re ra ga ta kha g+ho re raM/ che ge mo ma ra ya hUM phaT/ de ni drag po 'khor lo'i sngags// g+ha ti me'i kha la rbad/ u ti nan/ tra ta ma tsa nan/ mo kha u tsi nan/ drag po mnan pa'i sngags so// yungs kar yungs nag ske tshes brab// 'khor lo dril la rabs chad thod par gzhug/ thod pa re ba nag pos dril// mchod rten nam mgon po'i zhabs 'og mnan// gnod sbyin nag po dpung gi tshogs// khyod kyis 'di la chad pa chod// rtags byung nas na sbyor ba brtul// 'khor lo mnan pas bsad pa'i le'u ste brgyad pa'o// // de nas drag po sbyin sreg ni// 'brub khung khru gang thur du bru// logs la me ri bri bar bya// dpangs su sor bzhi brtsig par bya// bong bu'i chu dang ro yi snang mdzad kyis// dur sol sbyar te phyi nang nag por byug/ yungs kar shing dang dug shing gis// gru gsum nag po'i nang rtsal la// gro ga 'am ni shing shun la// ling ga mang du bri bar bya// yungs kar yungs nag mar nag dang // ling ga re 'ang bsreg par bya// bdag nyid nag chags zhugs nas kyang // me dpung 'bar bas tshig par bsam// bsgrub bya brlag par gyur bsam zhing // me tog nag pos mchod
- 33b
par bya// srog bdag nag po'i dpung tshogs kyis// sdig can 'di ni rlag par gyis// zhes brjod cing // stong thun re zhing thal bar phyar// rlung slang mthong sar 'phyar par bya// bsgrub bya'i shul sas ling kha bya// ling ga ming rus ldan pa de// skud pa nag pos bcings nas kyang // kham phor nag po kha sbyar gzhug/ sbyin sreg thal bas bkang nas kyang // mchod rten dur khrod rnying par gnan// bsreg pa'i sngags ni gong ma nyid// sngags brgyad mA ra ya dang bcas// gnan pa'i sngags dang gong ma nyid// nyi shu gcig gis rlag par 'gyur// drag po sbyin sreg gi le'u ste dgu pa'o// / thun dang zor gyis bsad pa ni// 'brub khung nag po'i kha khyer la// khrag dang dug gis byug par bya// shing shun la ni ling ga bri// ming rus ldan par bri bar bya// khrag dang dug gis bris nas kyang // mtha' ma dza yis bskor ba de// 'brub khung nang du gzhug par bya// smyug ma la ni bya rog gi// gung rus sum dum sbron par bya// dug gi tsher mas mda' byas la// khrag dang dug gis byugs la brdeg/ yungs kar yungs nag khrag thun brab// tsit+ta ru tro sod/ dza la pha ya sod/ shi traM mu dra sod/ a la sha sto sod/ rag sha mA rA sod/ ling ga la ni thun gyi gsad// ling ga gtub cing gtor mar blugs// gtor ma mda' thun dgra phyogs 'phang // gsad thabs thun zor gyi
- 34a
le'u ste bcu pa'o// // de nas gnod sbyin dbang du bsdus// khrag dang dug gis nag por byug/ de stengs 'khor lo rtsibs bzhi ni// ro ras dag la steng 'og gnyis// tig ni ri ti bris pa 'og/ sti ti ri bris pa ste// dbus su gru gsum nang du ni// bdud kyi srog sngags bri bar bya// long bu nag po dag dang ni// rdo chu ri shing dag dang gsum// dar nag khud du dril nas kyang // gru gsum steng gzhag bzlas par bya// srog snying drang zhing mchod pa dbul// gu gu brgyad pa 'bum phrag bzlas// sna tshogs gtor ma sha khrag mchod// gru gsum gting du khru gang bru// bdud kyi bla srog gting du rbad// steng du phyag na rdo rje bskyed// de ni bla srog bsdams pa yin// skabs su shu la las la sbyar// myur ba'i las la thog pa med// yang na bdud kyi gzugs bris la// srog snying mug nag snying shun dril// dar nag gtums la snying khar sba// stegs bu gru gsum nang du gzhug/ steng du phyag na rdo rje bskyed// de ni rtag tu myur ba 'gyur// de ni drag po'i 'khor gnad yin// gnad la bor cing shi sa bstan// stegs bu gru gsum khru gang bru// khrag dang dug gis nag por byug/ nang du brnag pa'i ming rus gzhug/ bgegs kyi sku gzugs snying kha ru// brnag pa'i lung ga ming rus bri// tha mar bdud kyi srog sngags bri// gru gsum nang du hau
- 34b
btsugs la// dug shing tsher ma'i shing gis bya// yungs nag skye tshe thun gyis brab// ling ga gtub cing ho la bsreg/ me khrag sgre zhing bzlog sngags bzlas// skyes mchog khyod la las mi bcol// skye mchod khyod la las bcol du// skye mchog khyod kyi las mi 'grub// skye mchog khyod kyi las grub tu// gnas ngan de ni dur khrod gnas// gos ngan de ni mi lpags gos// zas ngan de ni mi sha'i zas// skom ngan de ni mi khrag / skom// 'khor ngan de ni bud med ze brang 'khor// de phyir khyod la las mi 'grub// de phyir khyod la las mi bcol// de brjod drag pos bsreg par bya'o// de nas bso bskyed las bcol ba// bdud rtsi sbreng zhing 'di brjod bya// skye mchog khyod la las bcol lo// khyod la las cig mi bcol du// skyes mchog khyod kyi las grub bo// khyod kyi las kyi mi 'grub tu// gnas ngan de ni ma lags te// dur khrod gnas brgyad gnas kyi mchog/ maM sa sha chen zas kyi mchog/ bdud rtsi rag ta skom gyi mchog/ zhing chen g.yang gzhi gos kyi mchog/ lha srin sde brgyad grogs kyi mchog/ de phyir khyod la 'phrin las bcol// yang na sa la bdud kyi gzugs byas la// snying khar grub gsum ho bsregs la// dkar thab dmar thab bsregs// rgya tshil gu gul khrag chen bsreg/ drag sngags bzlog cing drag tu bzlas// gnod sbyin shin tu khros pa
- 35a
yin// 'khor gyi bka' nyan gzir ba yis// khrag gi ser ba thogs pa med// bdud kyi bla srog bsdams pa dang // gnad la bor zhing shi sa bstan pa'i le'u ste bcu gcig pa'o// // de nas snying thog snying la thog dbab pa'i sbyor ba ni/ sa stengs khru gang gru gsum la// khrag dang dug gis nag por byug/ thog lce gdug pa'i dkyil 'khor bri// mon nam rabs chad thod pa ru// gser dngul zangs lcags 'khar ba dang // long bu nag po dag dang ni// smigs pa pha wang klad pa dang // dug dang rme khrag gu gul nag/ 'brug rus srin rdo rdzas rnams dang // snying thog 'khor lo bris pa ste// ling ga ming rus ldan pa la// yungs kar khra skom thun gyis brab// 'khor lo thog rta 'gram rtsar sba// drag po'i snying thog 'bab par 'gyur// oM pha gi tsit+ta ru lu mi li/ badz+ra krag shu ta phaT/ che ge mo la lce 'bab pa mA ra ya/ bri dang bzlas pa'i gsang sngags so// gnam lcags 'bab par the tshom med// drag po snying thog gi le'u ste bcu gnyis pa'o// // de nas thugs dam bskul ba ni// nyi ma lho nub mtshams shes na// gtsug na me 'bar thugs dam can// sku mdog nag po gtum bag can// ral pa dmar nag med dpung 'bar// sdang mig nag po gyen du bsgrengs// mig nas khrag gi ser ba 'babs// snyan nas bskal pa'i 'brug
- 35b
sgra sgrog/ sna nas rlung nag tshub ma 'thor// mi lpags rlon pa'i g.yang gzhi la/ stag lpags rlon pa'i sham bu can// zhabs gnyis phyag bzhi cho 'phrul ston// g.yas na rdo rje lte leb phyar// g.yon na sbrul zhags thod khrag 'phan// rlung nag tshub ma'i dkyil nas bzhengs// skyod cig nam mkha'i dkyil du bskyod// nam mkha'i dkyil du bskyod tsam na// 'brug sgra drag po 'u ru ru// glog dmar 'od chen lam se lam// bar snang khams su bskyod tsam na// mun nag 'khyil pa'i dkyil 'khor nas// rlung nag tshub ma 'u ru ru// khrag gi ser ba sha ra ra// dam nyams dgra bo'i yul 'khor du// thog dang ser ba drag po phob// thugs dam bskul ba'i le'u ste bcu gsum pa'o// // de nas sngags kyi rim pa ni// dang por 'drin 'gugs srog gi snying po'i sngags// gnyis pa drag po'i snying gzer sngags// gsum pa snying khrag 'gug cing las la sbyar// bzhi pa las kyi mtha' sdud sngags// lnga pa drin lan gtor ma gtang ba'i sngags// 'di dag las su rung ba ni// dngos grub las rnams nye bar 'gyur// su badz+ra ra yag sha ta phrom// phaT nA ga drag tu phob/ de ni klu gnad la bor ba'i sngags so// badz+ra trag shu Ta phaT/ de ni btsan sgrog pa'i sngags so// hUM ya hUM ya pu tse ta phreM phaT/ bdud dkrug pa'i sngags so// tri ya tri ya tri shaM ya nan phaT/
- 36a
gnam ze gzir ba'i sngags so// ya ma sha shu pho ba ya/ de ni smin sgrog pa'i sngags so// ya ma snying ya ma khrag ra hu la/ hri la hri la shag shag sen sen phob ya/ de ni gza' bshor ba'i sngags so// sho na raM sta na raM dza la raM/ sbyin sreg thabs kyi sngags so// mu ti tri la ya/ nor bsgrub pa'i sngags so// mi ri si ri rag sha nan/ pa to la to la ya/ ngag gnan pa ste smyos su gzhug pa'i sngags so// i daM du b+ha li ta gri na gri na khA hi khA hi puny+tsa to rag ta pi pa to sa ma ya swA hA/ gtor ma sbyin pa'i sngags so// las so so'i sngags kyi le'u ste bcu bzhi pa'o// // de nas mdos kyi rim pa ni// gnas nas pha tshad sbags pa ru// maN+Dal gtsang ma khru gang la// dri dang spos kyi chag chag gdab// thig bzhi btab pas le tshe dgu/ ser por bri zhing phyogs bzhi ru// maN+Dal zlum po khrag gis byug/ dbus su dar dkar steng du yaM// 'bru yi phung po bdal ba'i steng // gtsang ma de ru mdos bshams pa// bshos bu nag po zur gsum dang // mda' nag rgyang nag nam mkha' nag/ phud kyi phor ba bsham par bya// shar du mda' dang me long bsham// lho ru g.yang gzhi dgod par bya// nub tu snying sna byang du bshos// rten gyi rta la dar snas brgyan// bdag nyid phyag na rdo rjes bsgom// mdun du bskyed la srog snying dang // dar nag g.yab cing spyan drang
- 36b
mchod// thugs dam bskul zhing rgyal mtshan 'phyar// phyogs phyogs tsam cig pha gi na// nyi ma nus phyogs pa gi na// rdo rje gdan gyi byang shar na// lcags mkhar sgo med nang shed na// bdud po chen po'i cha lugs zhugs// byi na ya ga thugs dam can// mthun pa'i rdzas la spyan 'dren na// thugs dam bskul phyir gshegs su gsol// mthun pa'i dam rdzas 'di bzhes la// gnag pa'i las 'di grub par mdzod// dam rdzas dbul rta la dam bca' 'o// phyi yi mchod pa'i 'di yis ni// thugs dam bskang pa'i las dag bya// bskang ba mdos kyi le'u ste bco lnga pa'o// // de nas gnag pa'i las bstan pa// dam tshig bstan par bya ba la// bya nag lug nag ra rog la// ru 'am gshog pa g.yas g.yon la// srog snying gsang mtshan dar nag gdags// skye ru ming bya ling ga gdags// rten du bcas te bod cing bstab// las grub thugs dam bskang bar bya// shin tu 'gor na drag po'i 'jigs sa bsgral// sha khrag mchod pa dbul bar bya// don snying nang du srog sngags dang // mi byang ling ga gzhug par bya// yungs kar sngags thun drag por brab// rgyal mtshan g.yang gzhi brdab byas la// dmar tsit+ta rta gzhug par bya// des na the tshom med par 'gyur// dam tshig nag pa'i le'u ste bcu drug pa'o// // de nas yang dag bshad bya ba// dam tshig rten
- 37a
gyi rim pa yang // bya nag lug nag rten du bya// ske ru srog gi snying po gdags// rwa 'am gshog pa g.yas g.yon la// ming dang gsang mtshan bris la gdags// rtag tu rten du bca' bar bya// sku gzugs dur khrod ras la bris// rnal 'byor gnas pa'i sa phyogs su// mchod rten nag po bde byed 'byam// bzhengs te bya ru g.yas g.yon la// ming dang gsang mtshan bris te gdags// bum par srog snying bris la gzhug/ rtag tu rten du gzugs par bya// sku gzugs dur khrod ras la bris// mtsho dang dur khrod mchod rten shing // phyag rgya gsang mtshan bris la gdags// nag po'i snying gi phye ma yis// snying shun dar nag khud du gtum// srog snying bris la nang du gzhug/ rtag tu rnal 'byor lus la bcang // rten gzug pa'i le'u ste bcu bdun pa'o// // rtags kyi rim pa bstan pa ni// rta dang bong bu mi ro sogs// g.yal ba'i rtags su bstan pa yin// mi nag ral can rgal por 'byung // nye ba'i rtags su bstan pa yi// 'od dang sgra dang ra lug rnams// grub pa'i rtags su bstan pa yin// mon pa phyag byed 'bag sang dang // ri rdib sngo rnga 'bru spung pa// las la tshud pa'i rtags yin pas// las la sbyar ba'i sbyor ba bya// mon pa mtshon thogs lcags spyang 'dur// gtor ma med 'bar bya nag lding // las la thogs pa med pa'i
- 37b
rtags// khyim rdib mon pa rngu ba dang // mun pas 'thibs dang snying mi dga'// de ni ldog pa'i rtags su bstan// srog chags bsad dang sha zos dang // shing bcer srog la thebs pa'i rtags// mdze can khros dang sbrul nag 'khyug/ shin tu khros pas bskang bar bya// bdud rtags kyi le'u ste bco brgyad pa'o// // de nas dam tshig bshad pa ni// the tshom med pa'i sems kyis bsgrub// ser ba tshub ma rtags su lta// mdze can kha ral dmar gsum bsrung // rdzas dang sku gzigs shin tu sba// ming dang gsang mtshan sngags mi bstan// dbab dang sngags kyi lung nod cing // dam tshig nos la dngos grub blang // rtag tu gtor ma sbyin par bya// rtag tu mchod bstod las la mos// bdud kyi dam tshig mi sha za// sngon gyi dam bcas btsan par byed// rtag tu bsrung skyob thog ser 'bebs// dam tshig nyams na srog gshed byed// dam tshig gi le'u ste bcu dgu pa'o// // de nas bsrung ba'i rim pa bshad// seng ldeng phur pa sor brgyad bcu// mgul du bsrung rdzas gdags par bya// sngags kyi 'phreng ba bris la bskor ba bya// rtsang ma nyi shu rtsa lnga la// yig 'bru nyi shu rtsa lnga dgod// srog sngags byed pa bzlas par bya// srog sngags bzlog dang bcas par bzlas// lo yi mtha' bskor thun rdzas sbyin// bskul zhing las bcol ser ba
- 38a
bsrung // 'khor lo la ni srog snying bri// dar nag gtums la mgul du gdags// 'bum bzlum btags na 'khor rnams bsrung // bsrung ba'i las su bstan pa'o// drag po snying rgyud las bsrung ba bstan pa'i le'u ste nyi shu pa'o// / de nas gnod sbyin 'khor dang bcas pa'i rjes su yi rangs te bcom ldan 'das la bstod pa/ lcang lo can gyi pho brang nas// sngags kyi bdag po dam tshig can// log par lta ba 'dul mdzad pa// nyon mongs bdud kyi dpung tshogs 'joms// phyag na rdo rje bcom ldan 'das// rdo rje bsnams la phyag 'tshal 'dud// phyag na rdo rje la 'khor rnams kyis bstod pa'i le'u ste rtsa gcig pa'o// // gnod sbyin nag po drag po gsang ba'i rgyud rdzogs so// rgya gar gyi mkhan po tsaN+Da ki ti dang / bal po ba su d+ha ra dang / bod kyi slob dpon chen po snrubs sangs rgyas ye shes rin po ches bskur pa'o//
- 38b
/ rgya gar skad du/ rtsa rang gar be go rang swa tan+t+ra/ bod skad du/ srog bdag gser gyi rta pa'i rgyud/ bcom ldan 'das 'jam dpal drag po khro bo'i rgyal po la phyag 'tshal lo// 'di skad bdag gis thos pa'i dus gcig na/ dur khrod chen po'i gnas na bcom ldan 'das gshin rje gshed po la 'khor dpag tu med pas bskor nas bzhugs so// de nas rgyal po gzhon nu'i sras khye'u chung sngon po zhes bya ba/ rang rigs 'dul ba'i 'khor rnams kyi nang nas langs nas gshin rje gshed po'i thad du song ste lan gsum bskor ba byas nas/ sems dpa'i 'dug stangs su 'dug nas 'di skad ces gsol to// kye kye dpa' bo gshin rje gtso// 'jig rten stong khams 'di dag ni// dbang chen dregs pa'i rgyal po cig/ sems can kun ni sgrol la brtson// 'jig rten mi rnams zad du nye// 'di la thugs rjes gzung du gsol// ces gsol to// de nas bcom ldan 'das gshin rje gshed kyis bka' stsal pa/ khye'u chung nyon cig khyod kyis zhu ba spobs pa legs so// ngas gnang ba'i skabs dbye'o// zhes gsungs so// rgyal po gser gyi rta ba'i rgyud las/ gleng gzhi'i le'u ste dang po'o// // de nas bcom ldan 'das gshin rje gshed kyis/ thams cad dbang du sdud pa'i ting nge 'dzin la snyoms par zhugs so// zhugs ma thag tu rA dza
- 39a
la byin ha ra brgyal bar gyur to// de nas brgyal ba sangs nas bcom ldan 'das gshin rje gshed la bskor ba byas nas phyag btsal te/ kye ston pa pos ji ltar bsgo ba bzhin du bdag gis bgyi'o// dpa' bos bka' gsol cig ces zhus so// dpa' bo chen pos bka' stsal pa// khyod kyi nga yi mngag gzhug dang // ji ltar bsgo ba'i las rnams gyis/ zhes gsungs so// rA dza des smras pa/ bdag ni khyed kyi zhal mthong bas// byang chub sems dpa' dang ldan te// sdom pa bzhin du bdag bgyid pas// ji ltar skal dang 'tshams pa yi// rdo rje dpa' bo chen po yis// bdag gi zas skal dbog tu gsol// zhes zhus so// rgyal po gser gyi rta pa'i rgyud las/ le byin ha ra dbang bsdu ba dang las la bkol ba'i le'u ste gnyis pa'o// // de nas yang dpa' bo de la rgyal po'i rigs gsol ba/ kye lha dpa' bopo chen po gdug pa 'di yis ni// sde ni gang gi rigs su gtogs// rtsal dang nus pa gang ci yod// bsgrub cing bsten na ji ltar bya// zhi zhing bcos na ji ltar bgyi// dpa' bo chen pos bka' stsal ba// rA dza gdug pa'i mthu can 'di// sde ni dkor bdag rgyal por gtogs// srog dbugs kun gyi bdag po byed// rtsal dang nus pas bsam las 'das// bdag nyid bsgrub cing bsten pa na// gnas ni ri gsum rtse
- 39b
dag tu// stegs bu'i bca' gzhi bstan pa ni// mar lo tshal bka' mdun pa las la ni// ste'u nar 'jong tshul du bya// thig gnyis btab pa'i le tshe gsum// le tshe'i dbu la e yi gzugs// kha dog lcags phye nag pos bsgyur// shar gyi zla kham shel mig tshul// nub kyi zla kham byi ru'i tshul// byang gi zla kham ser po bri// re ka dung mdog 'khor lo lcags// gru chad shar dkar lho phyogs sngo// nub dmal byang phyogs ser por bri// phyi rol rtsang sgra thod 'phreng gtang // de yi phyi rol me ri 'bar// gdug pa'i dal du lhun gyis grub// rA dza gser gyi rta pa'i rgyud las/ las kyi ldem tshig dang dal gyi bya ba'i le'u ste gsum pa'o// // de'i steng lha yi gnas sa ni// gru gsum 'bar pa'i stegs bu la// stong gsum yid kyi gser rta la// mi men rgyal gyi sras po zhon// lcags kyu zhags pa phyag na bsnams// shin tu ldem zhing brjid pa dgod// g.yas su zla ba tshes pa bris// g.yon du nyi ma gsal ba bri// dar dkar gur dang dmar po'i yol// rgya dar mthing nag gdugs chen dbub// rmad du byung ba'i gtor ma bsham// khrag dang bdud rtsis gnas gsum dgod// gsur chen dud pa rgyun mi gcad// rnal 'byor las kyi gshin rje bsgom// nyin ni sol nag bcag pa 'dra// gos nag bgo zhing thod nag bcing // dus skad gtong zhing ming nas
- 40a
bod// mdun du byang na gtor ma bstab// ma ha bu tsa pra ti tsha ho kha hi/ zhes gtor ma bstab po// bsten cing las sngags dang drang 'don na// rA dza sa ma ya hUM hUM dza/ ri li pra ma ni hUM hUM phaT phaT/ tri tsa la la la a shu ma dza/ nri ma ra ya dgra bo lo tog trog/ nri ma ra ya dgra bo sod sod/ rA dza mA ra ya hUM hUM phaT/ che ge mo mA ra ya swA hA/ rA dza gser gyi rta pa'i rgyud las/ bsgom lugs bod sngags kyi le'u ste bzhi pa'o// // de nas gsad pa'i sngags bstan pa ni// rA dza a sha na mu rbad/ rA dza a ti pa ta ye rbad rA dza bi rnam rbad/ rA dza mu pa sha ye rbad/ rA tsa ma ta ya rbad/ pu ra ga ya rbad/ a a ta lo ga ya ma sha sha tri tri snying kha rag sha kha thun a nri rbad/ tra kha ra mA ra ya hUM hUM/ thum ri li li ma ti b+h+yo/ gur shi ti na li/ gur ti shi na le/ shi te shi na le/ shi na le/ li to shi na li/ rbad ti shi na ling ling ma te b+h+yo/ nam phyed smad kyi cha la drangs// 'di ni las rnams kun la 'jug/ na mo rad na tra yA ya/ tsa la tsa la/ pra tsa la pra tsa la/ gur ti shri gram ga ma ni sA hA/ rbad du rbad khrag ti rbad/ myag ngan ni rbad/ myogs ni ling 'gyel na rlag/ du rbad du du rlag/ bshas so skam mo zhes gsungs so// ra dza gser gyi rta pa'i rgyud las/ gsang sngags thun bca' ba'i le'u ste lnga pa'o// // de nas bcom ldan 'das gshin rje gshed kyis yang bka' stsal ba/
- 40b
rA dza 'di'i 'khor na rA dza dmar po bya ba yang gnas te/ bsgrubs na las dang bsam pa yang 'grub po zhes gsungs so// kye ho dpa' bo chen po de'i sgrub thabs bshad du gsol// ces khye'u chung gis zhus pa dang / nyon cig byang chub sems dpa'i tshogs// drag po'i gnas su 'dug nas ni// de ru dkyil 'khor gru gsum bya// ling gi phur pa de bzhin te// rabs chad nag po'i thod pa ru// snying ngan snying khrag sna tshogs bsag/ de la mchod cing bsgrub pa bya// spyan drang mchod bstod ling ga bsgral// thal zor drag por gnas dang 'phang // oM ma ru rtse ma ru tri li shang ga du yag sha ka ma ma ni dza dza/ de ni bod cing bsgrub pa'i sngags// oM tri za yag sha snying tsa tsa sha ma la mugs mugs rbad ya/ de ni thun dang bsad pa'o// ra dza gser gyi rta ba'i rgyud las/ ra tsa dmar po'i bsgrub pa'i le'u ste drug pa'o// // de nas yang bcom ldan 'das gshin rje gshed kyis yang bka' stsal pa/ rA dza 'di yi 'khor na/ rA dza nag po bya ba yang gnas te/ bsgrubs na las dang bsam pa yang 'grub po// zhes gsungs so// kye ho de'i bsgrub pa bshad du gsol// ces khye'u chung gis zhus pa dang // nyon cig mos pa'i blo can rnams// dben pa'i gnas su 'dug nas ni// de ru maN+Dal dkyil 'khor bri// gru bzhi phyi khyams sgo dang bcas// nang du gru gsum bzhi
- 41a
byas la// de la tshon rtsis kha dog bsgyur// ling ga phur bus yan lag ldan// sa ma ya tri pha la ya ma ba ti kha la b+h+yo// ru la ru la ha ma myags thums kI li kI la ya/ zhes gsungs so// rA dza gser gyi rta pa'i rgyud las/ rA dza nag po bsgrub pa'i le'u ste bdun pa'o// // de nas rA tsa sngon dmar rnams 'dis bsgral lo// srog gi bdag po li byin ha ra skos rje brang dkar dgra bo'i lus la sku skyod chug/ tri tsa pa la a shug me swA hA/ nri mA ra ya dgra bo'i stobs// nr-i ma ra ya dgra bo sod/ 'jig rten srid pa'i rgyal po lo ga da ra chug chub// ra hUM na rgyob rgyob/ ra tri ra tri mA ra ya dza/ tri tri baM ri li li sod gtogs/ rgyal po'i bka' byung gis la mar rtogs// phung pa'i dus byung gis la mor sgrol// zad pa'i dus 'byung gis la 'ur sod// kha kha le le/ sgrol ba'i ging / rno ba'i mtshon shel gyi gri gug dgra bo'i srog la yaM yaM chod// gdug pa'i dpal dgra bo'i srog la glegs grags chod/ ma hA ra dza tri ling shing ka la/ dri za yag sha gzir tsit+ta dza dza/ zhes gsungs so// ra dza gser gyi rta pa'i rgyud las/ ra dza shel gyi gri gug gnan sngags su bsgrub pa'i le'u ste brgyad pa'o// // de nas khye'u chung gis zhus pa/ ra dza nyid kyi bsrung ba bshad du gsol// nyon cig brtson 'grus dad pa'i bdag/ sum thog mkhar gyi bar khang du// gzer dang zangs ma'i
- 41b
snod dag tu// rjen pa'i zan la nyi zla'i gzugs// rgyal po'i gser stong gsar pa la// rta dkar g.yag dkar lnga mtshon// rim pas mgul du btags pa ni// nyi ma rigs kyi gur du gzugs// khyi dkar sogs pa g.yas pa la// nang du che ge mo yi ming rus bri// phyi ru ltas ngan gzugs dang sngags// sog pa'i gsang la sngags 'di bri// ri di ri di di re sho ya ya/ zhes ni rta dkar khrag gis bri// zhes ni zla ba'i steng du gzugs// nyungs kar dag la sngags 'di brjod// shel lo to pa ti kha la rbad thun ya ya/ zhes ni sogs pa'i nang du brab// ma kha la ti yaM pa shi dza li byin ha ra b+h+yo b+h+yo/ dgra bo'i phyogs su 'phang bar bya'o// gang la bya ba'i che ge rnams// rgyal nad smyo nad 'chi bar 'gyur// rA dza gser gyi rta pa'i rgyud las/ rA dza ging dkar po thun gyis bsgrub pa'i le'u ste dgu pa'o// // de nas khye'u chung gis zhus pa// rA dza gdug pa 'di la ni// gzhan la phan gdags rim pa gang // sgrub pa gnod na ji ltar bya// nyon cig spobs pa'i bdag po khyod// gzhan la phan pa bstan pa ni// mdos kyi mcha' ba zag pa ste// mdos ni ru rgyud dus bstan zhes bya ba'i sngags bstan pa ni/ sum pa ha ra rA dza be sha zhil zhil/ shan shan ti swA hA/ tshe'i sngags su bstan pa ni/ ra dza tri tsa ba la a shu mu A ya dz+nyA na/ a pa ra bruM bruM/ ra dza 'khu ldom byung ba na/ oM
- 42a
ra dza thum a ti rbad/ ra dza kri nan swA hA/ nor dang longs spyod 'phel ba dang / ra tsa ma ne ye baM ba ru na swA hA/ rnal 'byor bdag la gnod pa na// srog rtsa dam dang dam tshig bsre// shi sa bstan dang bzlog sngags drang // zhes gsungs so// rA dza gser gyi rta ba'i rgyud las/ gzhan la phan gdags pa dang bsgrub pa po gnod pa bzlog pa'i le'u ste bcu pa'o// // de nas khye'u chung gi spyan sngar/ dpa' bo gshin rje gshed srog bdag li byin ha ra la bstod pa/ ke ho gshin rje gshed chen po// khro rgyal khyod la phyag 'tshal bstod// sku ni dung mdog dkar po la// gser gyi gzha' ris 'od dang bcas// sku rgyan gser gyi rgyan gyis brgyan// rin chen phra mo mang pos brgyan// dar tshon sna lnga'i lce phran 'phur// sku la gser gyi skrag pa gsol// g.yu phran 'bar ba'i ri mo can// chibs su gser gyi rta po la// gnam sa gnyis kyi sgra stan bstad// gza' chen brgyud kyi srab kyis spras// rgyu skar nyi shu rtsa brgyud kyis// gong thog gong rmed rgyan du byas// bang ni bar snang khams su rgyug/ mig gzhi khams gsum zil gyis gnon// skad ni srid pa'i 'brug stong ldir// lce ni bar snang glog tu 'khyug/ 'phrin las gling bzhi kha lo sgyur// khyod la bstod do gus phyag 'tshal// ces bstod pa'o// ra dza gser gyi rta pa'i rgyud rdzogs so// //
- 42b
rgya gar skad du/ a pi shu pri pi shu tsag shur tsa d+ha ra ma ra na tan+ta/ bod skad du/ btsan gyi rgyal po srog zan dmar po ri dmar 'joms pa'i rgyud/ dregs pa 'dul ba'i gnyen po thugs rje sbrul pa'i sku pad+ma he ru ka la phyag 'tshal lo// 'di skad bdag gis thos pa'i dus gcig na/ brag ri rgyud la gnas pa'i dregs pa can rdo rje brag chen gtams pa'i pho brang na/ yab btsan rje bla ba thod dkar zhes kyang bya/ btsan gyi rgyal po ang ling gter zhes kyang bya/ gnam gyi ag se rgyal ba zhes bya ba dang / yum klu mo zangs mgrin ma zhes kyang bya/ btsan gyi rgyal mo shib mi smras zhes kyang bya/ sa srin ma mo zhes bya ba gnyis/ sra brtan brag gi them la bshos pa las/ zangs sgong dmar po gcig byung / de las mi ring dmar po mdung tsam cig tu byung / de la brag btsan dmar po zhes kyang bya/ srog zan dmar po zhes kyang bya'o// de las sprul pa'i btsan bka'i grogs zla ba btsan kha bzhi byung ba ni/ shar phyogs dri za'i btsan// mi dkar rta dkar brgya// lho phyogs gshin rje'i btsan// mi sngon rta sngon brgya// nub phyogs klu yi btsan// mi dmar rta dmar brgya// byang phyogs gnod sbyin btsan// mi ser rta ser brgya// bka' yi grogs zla phyed// de la btsan kha bzhi bya'o// de las sprul pa'i btsan// bka' yi grogs zla
- 43a
brgya// mgyogs sde brgyad du byung ba ni// lha btsan bas dang rjes// mi dkar rta dkar brgya// klu btsan rol po glog 'gyu ni// mi bkra rta bkra brgya// gza' zan 'khrol ba ni// mi spug rta spug brgya// srin btsan dgu po kha// mi sngon rta sngon brgya// dmu btsan rol po skya bdun dang // gnam btsan thog pa rje// sa btsan gra nam skyol// dri ba gzer thabs brgyad// de ltar sde brgyad kyang // bka' yi/ grogs zla phyed// 'byung ba g.yo 'gul btsan// nam mkha' stong la dbang sgyur btsan// me btsan dmar po dang // chu btsan sngon po dang // sa btsan gri bo dang // rlung btsan 'phyo ba dang // gsang btsan gar po dang // brag btsan sma bo dang // se btsan skya rol dang // dung btsan rkun bu dang // g.ya' btsan gos sngon dang // nags btsan spun pa dang // spang btsan rnar la sogs// lung pa brgya yi btsan// sul mang stong gi btsan// bka' yi grogs zla byed// 'jig rten dbang byas nas// skye 'gul myal thag gcod// snga zhags mda' ltar 'phen// phyogs zhags glog ltar 'gyu// sha 'phreng zhags pa klad la bskor// gzer ltar phur thabs 'debs// khrag skyug dar ltar rlob// srog la hab thob byed// dbugs la hur thums byed// tshe la bar chod byed// sad dang ser ba dang // btsan dang mu ge dang // dme dang mtshon 'khrug
- 43b
gtong // yams nad glang thabs gtong // 'jig rten rlag par byed// de'i tshe de'i dus na// chos nyid zhi ba las// thugs rje sprul pa'i sku// dregs pa 'dul ba'i gnyen po// pad+ma he ru ka/ 'bar ba'i cha byad can// gtum khro rngam pa'i gzugs// mi bzad skur bstan nas// sprul pa'i pho nya yis// 'jig rten lhag gis bskang / rngam pa'i nga ro yis// hUM dang phaT kyi sgra/ 'brug stong ldir bar bsgrags/ 'jig rten khams kun kyang / drag tu g.yos par 'gyur/ srog zan dmar po yis// bka' yi grogs zlar bcas// brgyal zhing rengs par 'gyur// brgya la sangs srog gi snying phul// 'di skad gsol ba btab// hi bka' bdag mi 'tshal 'bangs su mchi// 'bangs la nan tan ma chung zhig/ bdag cag grogs dang bcas pa la// zas skom las kyi skal ba gang // dpa' bos bka' stsal bsgo ba nyan// ces gsol pas/ 'jig rten dpal gyis bka' bsgo ba// nyon cig 'jig rten dregs pa can// nga yi 'khor du 'dus nas kyang // zas skom las skal lung bstan gyis// nga yi bka' las ma 'da' bar// bstan pa bsrung bar khas long zhig/ bka' las 'da' na brlag par 'gyur// ces bka' la btags te// gsang ba'i mtshan btags pa ni// rdo rje dgra 'dul mgyogs byed rtsal du btags so// srog zan dmar po ri dmar 'joms pa'i
- 44a
rgyud las/ gleng bzhi'i le'u ste dang po'o// // de nas btsan btud srog zan dmar po bka'i grogs zla dang bcas pa'i mgrin gcig tu gsol pa/ kye kye/ dpa' bo 'jig rten pa yi sku// ma 'ongs phyi rabs rnal 'byor pas// bstan pa bsrung ba'i don chen du// zas skom las skal gang lags pa// lung bstan rim pas bstan du gsol// lung bstan bka' stsal gang gnang ba// bdag cag bka' bzhin rjes su 'breng // srog zan dmar po ri dmar 'joms pa'i rgyud las/ 'khor gyis gleng bslangs pa'i le'u ste gnyis pa'o// // de nas bcom ldan 'das pad+ma he ru kas/ dregs pa can tshar bcad pa'i ting nge 'dzin la snyoms par zhugs so// phyi rabs kyi bstan pa bsrung ba'i phyir 'di bsgrub cing nyams su blang ba'i thabs/ dgos 'brel rgyas par bka' stsal pa ni/ 'jigs te btsan rgod gnas sa ru/ dben zhing yid du 'ong ba ru// gtor phud gser skyems btang ba dang // sman dang 'bru dang mngar sna tshogs// lha srin sde brgyad thams cad la// byin gyis brlabs te bsngos byas la// bden pa bdar zhing dbang yang gzugs// khyad par btsan gyi rgyal po la// mchod cing las kyi gnyer gtad bya// mkha' lding zag bcas rten du gzug/ 'di zhes nges pa'i dus kyang btab// dkyil 'khor 'khor lo rtsibs bzhi la// gru chad
- 44b
sgo bzhi ldan par bya// 'khor lo'i gzhi la btsan bzhi dgod// bar khyams la ni sde brgyad dgod// gru chad lung pa brgya yi btsan// sgo khyud sul mangs stong gi btsan// sgo bzhi'i sgo rlon bzhi yang dgod// ras sam gro shog gzugs ming dang // srog gi snying po bris la dgod// dmigs pa'i rten gyi sa blangs te// sa brnyen smin pa dang bsres la// kham pa'i nya bo khru gang la// mi dmar rta dmar zhon pa la// lag tu seng gzhu skyer mda' ni// ltas ngan sgro bzhis brgyan pa skur// lhag gis khengs pa'i gzugs su bya// gro gshog bu dag la yang // a b+hi shu che ge mo he zum bya ba bri// pho nya'i gzugs kyi snying khar bzhugs// dkyil 'khor dbus su dmigs pa'i rten// 'bru sna nyi shu rtsa gcig gam// bdun nam lnga la rin chen bdar// bre gang btsan bshos gru bzhi la// dbus su mda' dmar za 'og gzugs// zur bzhi btsan rgyang dmar po yang // tshe dang nyungs kar skang gshegs gzugs// bshos bu zla gam dmar po la// dbus su dar mdung dmar po gzugs// zur bzhir tshe dang nyungs kar gzugs// shel sgong zab slob tsit+ta dang / mkha' lding zab slag tsit+ta gdags// gang la bya ba'i ming dang gzugs// sngon dmar byed du bcug la gdags// gzhan yang gser skyems mngon cha dang // spyan gzigs sna tshogs bzhag par bya// bdag nyid dbang
- 45a
chen skur gsal bas// rta yi khri la btsan bskyed de// 'khor la mos pa skyed du med// chags pa'i gnas nas spyan drangs la// dad pa dang ni dam tshig gis// tshur gshegs tshur gshegs btsan gyi rgyal// skyes bu grogs po gshu yo khyod// 'khor na btsan 'phran 'bum gyis bskor// rnal 'byor bsgrub pa'i dkyil 'khor 'dir// 'khor bcas bdag gi grogs po spyon// grogs po'i tshul du dam la spyon// 'khor dang bcas te ma lus gshegs su gsol// e sa a tri sems dpa' dza dza/ de nas dam chu blud pa ni// btsan gyi rgyal po grogs po khyod// khyod ni bdag gi grogs po ste// sngon yang khyod dang thugs dam gcig/ da lta bdag dang dbyar dam gcig/ thugs dang dbyar dam brtse dgongs te// bdag gi grogs la ma g.yel cig/ rin chen rgyan gyis brgyan pa yi// 'bru bcud stong la sbyar ba'i chang // gnod sbyin gser skyems 'di bzhes la// bdag gi grogs las ma g.yel cig/ 'das na dam tshig dmyal ba'i chu// lus ngag rdul phran bzhin song nas// mthu dang rdzu 'phrul rlag par 'gyur// de bas / dam tshig tshul bzhin bsrung // dam las ma 'da' sa ma ya// zhes brjod la gser skyems sgreng ngo // de nas mchod pa dbul ba ni// sna tshogs 'bru yi ngar phye la// rin chen sna lnga bdar byas la// bre gang gsang
- 45b
phye gru bzhi la// za 'og mda' yis rnam par brgyan// bre gang gsang phye zla gam la// gle bzangs ngar ram mda' yis brgyan// de bzhin sha dang rin chen chang // se glud rgyan dang bcas pa 'di// dam rdzas mchod pa 'di bzhes la// dam nyams dgra la rtags phyung zhig/ shel sgong mkha' lding se bo yi// snying mchod dam pa 'di bzhes la// dam nyams dgra la rtags phyung zhig/ oM e sa a tri sems dpa' pu tsa sa ma ya hUM/ trag rag sha kha mun dza snying badz+ra kha rag tsit+ta khas la rag/ snying kha la rag/ dun por rol cig kha hi/ zhes brjod la btab par bya// de nas sngags brjod pa bsnyen pa bya// bod pa sku gsung thugs kyi sngags// a bi shu rag sha tshal pa a nri tri mA ra ya/ ang gu sha dza dza/ sku'i snying po bco brgyad pa'o// tri shu a pi shu/ a tri tra mA ra ya ang gu sha dza dza/ gsung gi dmod mo bcu drug pa'o// tsa shu shu tsi pi ri tsag pa ni/ in tri mA ra ya/ ang gu sha sha dza/ thugs kyi dmod mo bcu dgu pa'o// bod pa'i sngags su shes par bya'o// gcig tu dril ba'i dmod mo ni/ a bi shu tri bi shu/ tsag shu/ che ge mo zhig/ he zum/ khrag thum/ paM zum rbad/ bam thu ril shad/ rbad pa'i dmod mo nyer gsum pa'o// de nas 'phrin las btsal ba ni/ kye/ btsan rgyal grogs po gshu po khyod// kye kye skyes bu kha na byo chos// khyod kyi sku ni sprul pa
- 46a
las// glang thabs drag po'i sprul pa 'gyed// dam nyams dgra la byo chos// khyod kyi gsung gi sprul pa las// gzer thabs drag po'i sprul pa 'gyed// dam nyams dgra bo'i mgo la byo chos// khyod kyi thugs kyi sprul pa las// mi nad lang dgu'i sprul pa 'gyed// dam nyams dgra po'i lus la byo chos// kye kye skyes bu kha na byo chos// nyi ma stong khams khyab pa'i dkyil 'khor nas// skyes bu nad stong dgra la byo/ chos// gza' chen brgyad kyi dkyil 'khor nas// khrag gzer nad stong dgra la byo chos// sprin chen gtibs pa'i dkyil 'khor nas// pho lo nad stong dgra la byo chos// sa gzhi bdal ba'i dkyil 'khor nas// sa bu'i nad stong dgra la byo chos/ ri rab gdan du 'dings pa'i dkyil 'khor nas/ skyes bu glang thabs nad stong dgra la ya// rgya mtsho gdan du 'dings pa'i dkyil 'khor nas// skyes bu yams nad stong pa dgra la ya// dur khrod chen po'i dkyil 'khor nas// mkhris pa sha ya stong pa dgra la ya// rlung nad gdan du 'dings pa'i dkyil 'khor nas// skyes bu glo bur nad stong dgra la ya// me dpung gdan du 'dings pa'i dkyil 'khor nas// skyes bu ba la nad stong pa dgra la ya// khrag gzer me bzhin mched pa'i dkyil 'khor nas// dam nyams dgra bo'i mgo la dril// khrag gzer chu ltar 'khrug pa'i dkyil 'khor
- 46b
nas// dam nyams dgra bo'i snying la dril// khrag gzer rlung ltar 'tshub pa'i dkyil 'khor nas// dam nyams dgra bo'i dbugs la dril// khrag gzer sprin ltar 'thibs pa'i dkyil 'khor nas// dam nyams dgra bo'i lus la dril// dgra bo'i lus rgyud sha la byo chos// dgra bo'i sha rgyud khrag la byo chos// dgra bo'i khrag rgyud rus la byo chos// dgra bo'i rus rgyud snying la byo chos/ btsan sbugs bcu bzhi tse re re// dam nyams dgra bo'i mgo la byos chos// btsan skyugs phog gcig tse re re// dam nyams dgra bo'i klad la byo chos/ btsan skyugs phog gnyis tse re re// dam nyams dgra bo'i mig la byo chos// btsan skyugs phog gsum tse re re// dam nyams dgra bo'i rna ba la byo chos// btsan skyugs phog bzhi tse re re// dam nyams dgra bo'i sna la byo chos// btsan skyugs phog lnga tse re re// dam nyams dgra bo'i lce la byo chos// btsan skyugs phog drug tse re re// dam nyams dgra bo'i lus la byo chos// btsan sbugs phog bdun tse re re/ dam nyams dgra bo'i yid la byo chos// btsan sbugs phog brgyad tse re re// dam nyams dgra bo'i sems la byo chos// btsun spyugs phog dgu tse re re// dam nyams dgra bo'i lag pa la byo chos// btsan skyugs phog bcu tse re re// dam nyams dgra bo'i sha la byo chos// btsan spyugs bcu gcig
- 47a
tse re re// dam nyams dgra bo'i khrag la byo chos// btsan sbugs bcu gnyis tse re re// dam nyams dgra bo'i rus la byo chos// btsan sbugs bcu gsum tse re re// dam nyams dgra bo'i dbugs la byo chos// btsan skyugs bcu bzhi tse re re// dam nyams dgra po'i bla la ya// btsan rgyal grogs po gshu bo khyod// gser skyems dam pa 'di bzhes la// bdag gi stong dang grogs la spyon// khyod ni btsan gyi rgyal po yin// khyod ni btsan bdud pho lha yin// 'khor ni btsan phran stong gis bskor// gong gsum 'grim zhing g.yab mos 'debs// sprugs pa'i glu len kyu ru ru// skyes pa dar gyi bdud gcod do// na chung gzhon pa'i mngal nyul lo// 'gran gyi zla med che ba'o// chibs su btsan rta ser po chibs// stag ral g.yas la gzig shugs g.yon// sku stod za 'og 'jol ber gsol// sku smad bam ti sham thabs can// kun kyang de 'dra dpa' mtshan can// snga zhags dgra la mda' ltar 'phen// phyi zhags dgra la gru ltar skyong // dam nyams dgra bo'i srog gcod po// legs nyes kun gyi ltang 'dzin pa'o// bcol pa'i las rnams 'grub par mdzod// dpyid kyi dus la bab pa'i tshe// rol po kha nag srog gcod po// dbyar gyi dus la bab pa'i tshe// rtsi tig snar gyi srog gcod po// ston gyi dus la bab pa'i tshe// sprang po kha ser srog
- 47b
gcod po// dgun gyi dus la bab pa'i tshe// 'khyag rum sal sil srog gcod po// skye 'gro yongs kyi bdud gcod po// dam nyams sdig can las ngan 'di// dang po byung yang 'byung ba lnga las byung // bar du che yang 'byung ba lnga yi gnyen por che// za mar zim yang 'byung ba lnga yi nang du thim// 'byung ba lnga yi rgyud las thim pa ltar// dam nyams sdang ba'i dgra bo 'di// 'byung ba lnga la dbang sgyur ba'i// btsan gyi rgyal po grogs po yis// 'byung ba lnga yi nang du thim par mdzod// ces bskul zhing bla dgug gzugs la bstim// phur bus gdab cing gsang sngags bzlas// rgyu bre thum ril/ snyam pa ka so seg ste/ tsa lo kyi ba ga me/ kI li kI la ya hUM phaT/ de nas gzugs kyi yan lag dpral// sa bdag gnyen po gnas par gnan// gzugs gcig kham pa'i nya po dang // rdzas kun khyer nas btsan gnas sar// bse gdong dmar po gru gsum du// kha pa'i nya po dong du gsal// dgra phyogs kha bstan zur gcig la// dgra gzugs bzhag la med rtse gtad// zur gnyis dag la bshos pu re// mngon cha spyan gzigs rdzas kun bzhag/ dur khrod g.yam pas kha bcad la// lha srin sde brgyad kun la gtad// dam bdar dpang gzugs gtad khram bya// khyad par gnas kyi bdag po la// dam nyams dgra bo 'di gtad kyis// zhag dang zla ba 'di tsam
- 48a
na// dgra la rtags phyin gtang rag khas blangs bya// dgra la phyi rtags ma byung bar// zla ba nya re der phyin la// gser skyems mngon chas gnas bdag mchod// rtags phyin gtang rag dus su btang // rgyun gyi yi dam rtse gcig tu// gong gi snying sna khrag sna dang // chang phud rin chen bdar zhing mchod// sha reg rog po lta bu la// snying reg 'bangs su tha tshigs babs// srog zan dmar po ri dmar 'joms pa'i rgyud las/ spyi gcig tu dril ba'i bsgrub pa'i le'u ste bzhi pa'o// // de nas brag btsan bsgrub bya ba// gnas kyi dkyil 'khor byang shar du// stegs bu gru gsum dmar por bya// de yi steng du rgya / phor ram// zangs gzhong gla gor gtsang ma ru// btsan bshos gru gsum cha gang la// se mda' stong dmar 'ug phod brgyan// pags bu dmar gro se lu dang // le brgan dar gyir brgyan pa gzugs// gang la bya/ ba'i ming dang rus// gro shog la bris mda' la gdags// 'ug pa'i sgo yis brgyan pa'i mda'// se ba drug cig bcings la bstan// kham kyong dmar po zur gsum du// sbrang ma tshe dang nyungs kar blugs// de yang stegs bu'i steng du gzhag/ ra dmar kham pa rten du gzugs// zhag dang zla dus 'di bzhes la// rtags phyin gtang rag khas blangs bya// gsang mtshan bod cing dmod kyang gzugs// rin chen phud dgod
- 48b
gtsang ma gtor// nub mo lta ba'i rgyal mtshan cig/ mdung rtse srin mo rkang la gdags// bsgrub dus ra gsum rgyun du gtang // nas smug nyi shu rtsa brgyad dang // ra snyig phye ma tshe nyungs la// sngags bzlas dgra / phyogs kha bstan gtor// srod dang tho rangs nyi ma'i zer la bzlas// a pi shu sa ma ya tri sham rbad b+h+yo/ yang snying 'bru bcu rgyun du drang // zor gyi kham skyogs dgra phyogs 'phang // de nas brag btsan srog bdag bskul// bzhengs shig sra brtan brag gi mnga' bdag po// yab ni gnam gyi a se rgyal ba lags// yum ni sa yi klu srin dmar mo lags// bshos ni sra brtan brag gi thems la bshos// zangs sgong dmar po gcig tu srid// zangs sgong brtol ba'i nang shed nas// mi rengs dmar po mdung tsam gcig tu byung // dbu skra bskal pa'i me dpung 'bar// smin ma lcags kyu 'khyil ba 'dra// spyan rtsa dmar po dam nyams dgra la bzlog/ sku la le brgan dmar po'i 'jol ber gsol// g.yas kyi phyag na btsan gyi rgyu zhags dmar po dgra la 'debs// phyag ma g.yon pa brag cha 'ug pa thogs nas dgra la ltas ngan sna tshogs 'bebs// zhabs la lcags lham yu thung gsol// sbrul nag stong gi chun 'khor can// sbrul dmar gzhibs pa'i sku rigs can// skar chen mang po'i tshar tsar can// bzhugs ni brag phug skam dang nang na
- 49a
bzhugs// nam gyi gung la rgyu tsam na// brag gi wa mi kha nang bcibs// nyi ma'i zer la rgu tsam na// brag sha gla ba chibs su chibs// nyi ma'i gung la rgyu tsam na// gra nag rting dkar chibs su chibs// rnal 'byor bdag gis bskul pa'i tshe// pha bas byams shing khu bas gdung zhing gshegs// mda' bas bde la mdung bas rno ste gshegs// khyod kyi mtshan gyi sna 'dren pa// srin bya'i bu mo 'phrin ngan skyel// dgra la ltas ngan sna tshogs 'bebs// nyin gyi de ni sna 'dren pa// dmu lung tshub mas sna yang 'dren// dpyid zla gsum la sna 'dren pa// skar ma gzigs mas sna yang 'dren// dbyar zla gsum la sna 'dren pa// 'brug dang glog gi sna yang 'dren// ston zla gsum la sna 'dren pa// ser ba khu 'phangs sna yang 'dren// dgun zla gsum la sna 'dren la// kha ba bu yug sna yang 'dren// khyod ni rnal 'byor grogs po ste// sha rag ni mthu chen khyod// tha tshigs bgos shing dam tshig bsre ba'i mdo// dgra bo gsad par khas blang ba// khyod kyang dam las ma 'da' zhig/ nga yang dam las mi 'da' yis// bdag gis gsang ba'i mtshan btags pa// rdo rje mgyogs phyed dgra 'dul btsan// grogs po bdag gis bsngags pa'i tshe// dam nyams dgra la bdud du phob// btsan gyi shod mas da thob cig/ dgra la btsan gyi se long gis// dgra
- 49b
la tha ram brgya yis thob/ dgra la dmod mo sngags kyis gzer// dgra bo'i snying rum sngags kyis khong // dam nyams sdang ba'i dgra 'di la// bam log tu ni rtags phyung zhig/ mngags pa'i las la gong ma g.yel// bcol ba'i las rnams grub par mdzod// gong gi btsan bshos dmar po la// phud sbreng skor bzlog sngags bzlas te// oM skor sod/ chu zlog dril non/ yams yams/ sbugs stobs/ nyams nyams// dun dun/ btsan dgra bo thum ri li li/ dgra bo'i srog rtsa chod/ dbugs la ya/ snying la thun/ rak+Sha rak+Sha/ snying rtsa la shogs zhes pa btsan gyi bskor log sngags// dgra phyogs kha bstan drag tu bzlas// btsan bshos rtse gcad phud du dbul// ming byang mda' la btags pa de// bshos bu'i zhabs kyi nang du rtsal// btsan gnas brag srad dged sgor gnan// brag bdag de la gtad gnyer bya// zhag dang zla ba 'di zhes pa// gtang rag gtang bar khas blangs bya// zhag gsum bar du bsgrub par bya// srog gi snying po rgyun mi gcad// gnad nas bskul zhing phud kyis mchod// rag sha ban d+ha gser skyems btang // 'di la the / tshom yid gnyis spang // srog zan dmar po ri dmar 'joms pa'i rgyud las/ brag btsan dmar po bsgrub pa'i le'u ste lnga pa'o// // de nas btsan bdud bsgrub bya ba// btsan bdud gnas pa'i rten sa
- 50a
nas// sa blangs kham pa smin dang sbyar// bdag po de gzugs khru gang ba// mi dmar rta dmar zhon pa la// se ba'i gzhu la sngon dmar rgyud// skyer ba'i mda' la ltas ngan sgro// srin bya 'ug pa pu shud dang // sreg pa dang bzhi'i sgo yis bskyon/ mda' gang mde rtse dgra phyogs bstan// snying khar thod tshal dum bu la// a pi shu che ge mo zhib he thum zhes pa bri// stong du bzlas pa snying khar gzhug/ mgo la brag nag tshe yang gzugs// se gdong gru gsum khru gang nang // rdo leb kha gcad sas bdal la// de stengs dar zin ri rab gzugs// zur gcig btsan brkyang dmar po gzugs// zur gsum nyungs kar gang bu re// bse dong dmar po'i nang du bzhag/ yod nges bdag pa gnas pa'i sar// 'phan dang gser skyems ma nyams pa// rin chen sman dang 'bru sna tshogs// sngags dang phyag rgyas byin brlabs la// btsan gyi / rgyal po grogs po khyod// grogs po bya bar dam bcas so// khyod kyang dam las ma 'da' zhig/ bdag kyang dam las mi 'da' 'o// dam las log na na ra skan// khyod la gsang ba'i mtshan btags pa// rdo rje 'bar ba dgra 'dul rtsal// 'phan dang gser skyems 'di bzhes la// che ge mo da'i chibs kyi zungs dmar bzhes// che ge mo 'di la btsan bdud phob// che ge snying rum khrag gis khong // glo bur bam log
- 50b
rtags shig phyung // zhag dang zla ba 'di tsam na// rtags phyin gtang rag gnyen po ni// tsa ra dmar kham 'di dbul la// dam du bcas la rten du gzugs// dgra bo'i ming rus gzugs bris la// tshon skud sngon dmar dra bar gtum// bsgrub pa'i gzhung gzugs 'gug 'dren bya// ming nas gdon zhing g.yab kyis gdab// khungs dang gzugs la phur pa gdab// rgyug breng thum rim rbad/ tra ma kha so seg te/ tsa lo kyi pa ka ma/ kI li kI la ya hUM dza/ drug tu bzlas pas drag tu bskul// btsan gyi rgyal po grags po khyod// khyod kyi gsang ba'i mtshan gsol ba// rdo rje 'bar ba dgra 'dul rtsal// bzhugs na rten gyi mkhar la bzhugs// btsan gyi rgyal po grogs po khyod// sku la na bza' ci gsol na// na bza' ber chen dmar po gsol// dbu la le brgan mdzub thod can// stag ral g.yas na bkra// gzig shugs g.yon na 'khrug/ chibs su ci chibs na// gyi ling dmar po chibs// bka' yi grogs zla ni// mi dmar rta dmar brgya// dgra la mngag pa'i tshe// gzig shugs g.yon rol nas// mchog dkar gra yag 'gugs// stag ral g.yas gong nas// lung ma stong sbyar la// dgra bo'i snying la gzer// bse gdong dmar po ru// thar ma rgya yis thob// dmod mo sngags kyis gzer// dgra bo'i snying rum khrag gis khong // dam nyams dgra bo
- 51a
'di la ni// bam log tu ni rtags phyung zhig/ ched tsam ched tsam ni// btsan gyi rgyal po grogs po khyod// sku la ci gsol na// na bza' dar ber nag po gsol// thod per nag po bcings// chibs su ci chibs na// gra nag rting dkar chibs// stag ral g.yas na bkra// gzig shugs g.yon na 'khyug/ dgra la mngags pa'i tshe// gzigs shugs g.yon rol nas// mchog dkar gra 'gugs la// stag ral g.yas gong nas// lung ma stong sbyar te// dgra bo'i snying la gzer// bse dong nag po ru// tha ram rgya yis thob// dmod mo sngags kyis gzer// snying rum khrag gis khong // bam log rtags byung zhig/ ched tsam chen tsam na// btsan gyi rgyal po grogs po khyod// sku la ci gsol na// na bza' dar ber ser po gsol// dbu la gser gyi mdzub thod bcings// stag ra la g.yas na bkra// gzigs shugs g.yon na 'khyug/ chibs su dang bu ser po chibs// bka' yi grogs zla ni// mi ser rta ser brgya// dgra la mngags pa'i tshe// gzig shugs g.yon rol nas// mchog dkar ra khug la// stag ral g.yas gong nas// lung ma stong sbyar la// lcags dong skya bo ru// tha ram rgya yis thob// dmod mo sngags kyis gzer// dgra bo'i snying rum khrag gis khong // bam log rtags phyung zhig/ btsan
- 51b
bdud 'dril sngags 'di// drag tu bzlas la gdab// oM kri ling shang ka du/ tra ta ha mu ke na zer/ snying khrag srog gcod/ dbugs long / pra ha ta ya/ du la rbad/ srog pa rtsa la rbad/ snying rtsa la sbugs/ glo rtsa la thibs sod/ dmar po sig shi badz+ra pra ma ya thun b+h+yo/ tsa na sha sha/ hring hring sa ma ya dgra bo nri ma ra ya sod sod/ chu bruM ri b+h+yo/ khu rug shu/ gzer nud khrag tu skyugs/ dam nyams dgra la thun b+h+yo/ snying la rag sha/ spos nad glang thabs dam nyams dgra la thun b+h+yo/ klad pa'i rgyas su thun b+h+yo/ dbang po lnga la thun b+h+yo/ lus kyi tshigs la thun b+h+yo/ rkang pa'i mthil du thun b+h+yo/ dbrigs phrigs rgyu srog la thun rbad/ myags myags/ myogs myogs/ sha rgyud snying la thun b+h+yo/ myogs myogs gug char lang / bruM shu thubs thubs/ dbugs bruM/ thum shi pra ma nar ya dam nyams 'gra bo btsan nad khrag tu skyugs thun b+h+yo/ zhes pa drag tu bzlas// dmod mo sngags kyi gzer// snying rim khrag gis dgang // zar ma rgya yis gdab// srog zan dmar po ri dmar 'joms pa'i rgyud las/ btsan bdud du bsgrub pa'i le'u ste drug pa'o// // lham dral ming sring byang sdebs la// dgra bo'i snying du gzhug pa dang // nang 'khrugs sme yi las thabs bya// dam rdzas ra dmar sha dang khrag/ bse snod dam gzhong dmar por bshams// zor la tshe dang nyungs nag
- 52a
dang // spang ma zangs nang du bsham// ra dmar bsgral pa'i rgyal mtshan la// g.yas pa'i rwa la ming byang gdags// g.yon pa'i rwa la ming byang gdags// pho lha yul lha gro ga la// bris la brda ngas zhabs mas dril// gu gul khyi lud dug snas bdug/ dgra bo'i ming rus gzugs dang bcas// ra tsa'i kha gdangs nang du gzhug/ zhag gsum bsgrub pa gzhung bzhin bya// 'bru sna lnga yi gtor ma la// ba dmar dmar 'du sti la// klu sman ru sbal khog par bsham// phyi rol gang la bya ba bri/ gong gi dmar gtor gzhibs la gzhag/ zor la sngags bzlas gtor thun dbab// nang 'khrug me yi thun sngags la// a pi shu sa ma ya tri sham che ge mo la rbad b+h+yo/ snying la b+h+yo/ a pi shu che go mo'i snying dkrugs/ a pi shu dum bu dum bu dgra bo'i phan tshan du ma stong du thong zhig shu shu sa ma ya tri sham shig shig/ dgra bo'i pha tshan shig shig/ shu shu rag+na sa ma ya/ dun dun thum ril ril/ dgra bo'i snying la shog/ snying la zhugs// pha bsad dme gyis/ mtshon nang bsnol/ lha zhag phyir pho/ pha dang mes por phrol/ spun nang phrol/ bu dang tsha bor phrol/ yul mkhar gtan nas spos/ pho'i thun sngags nyin mo dbab/ mo'i thun sngags mtshan mo bzlas/ tsi pi shu sa ma ya/ tri sham rbad b+h+yo/ man chad gong dang mthun par bzlas// gong gi gtor ma dmar po ched// dngos
- 52b
sam phyogs su 'phang bar bya// phyed dang dkar gyi gtor ma gnyis// brag btsan gang na yod pa na// na ga gdug pa yod par nges// klu btsan drag po yod pa'i sar// mda' gang gru bzhi'i dong brus la// gong gi rdzas ngan ming byang rnams// g.yas kyi phyogs su gzhag par bya'o// pho lha yul lha 'og tu gzhug/ 'jag ma'i mi la btsag gis byug/ de yi lag pa g.yas pa na// rgyu zhags dgra la 'debs par bya// de yi g.yon du bag phye la// bud med na chung gzhon nu'i gzugs// dar dkar gos su gon pa la// sbrul gyis brgyan pa gzhag par bya// de par gong gi gtor ma la// thun sngags mang du bzlas la gsal// de yi kha chotshod shing leb la// nang gi ngos la tshig 'di bri// btsan gyi rgyal po ag se rgyal// yum klu srin ma mo// de gnyis sprul pa'i sras// btsan gyi rgyal po ste// rdo rje sra brtan dang // de yi lcam mo ni// klu yi rgyal mo de/ na ga mda' mi 'bar// klu btsan lcam sring la// 'phrin las bcol ba ni// che ge mo 'di rnams la// rnal 'byor yongs la 'di gnod pas// cho 'phrul chen po thong // da lta btsan gyi pho brang la// sems ngan gdug pa byas// lus ngan sbyor shom byas// klu btsan gnas la 'di bsngos pas// che ge mo 'di rnams la// btsan gyi zhags pas thob// btsan gyi skya babs dang // btsan gyi bdud phob cig/ snying rum khrag
- 53a
gis khong // dmod mo sngags kyis gzer/ btsan gyis dkrugs ma gyis// gong gi sngags rnams bris la gzhug/ klu mo'i rgyal mo nA ga d+ha mi 'bar la 'phrin las bcol lo// rgyal khams yongs la 'di gnod kyis// da lta khyod kyi pho brang la// gnod pa 'di byas pas// klu yi da la kha myur du phob// che ge mo la nA ga phebs/ thed thed 'bur chings nA ga du na ga tu/ tsi tsi dza la thul bu thul bu/ nyams myogs// dmod mo sngags kyis gzer cig/ snying la nA gzhun/ zhun thur bu thur bu/ che ge mo la mdze la swA hA/ btsan gyi rgyal po dang / klu mo lcam sring gnyis/ che ge mo 'di gtad pas myur du rtags thon cig/ ces pa'i / tshig gis brjod cig khong gis sngags rnams drag tu brjod// che ge mo'i pho lha dang yul lha gnyen po khyed rnams// che ge mo la sngags gzer dang gdug pa'i rdzas sbyor drag po byed// khyed cag de'i stongs ma byed// dkrugs ma rtor yad kyis// de nas dong kha legs par gcad// mis ma tshor bar nan tan bya// de yis nang 'khrugs yul khams b+h+yo// spun dang nye ba dme 'khrug byed// mdze dang bam log khrag tu skyug/ gu gul thul gyi nad kyis 'dzin// srog zan dmar po ri dmar 'joms pa'i rgyud las/ klu btsan lcam sring byad sdebs pa'i le'u ste bdun pa'o// // brag btsan klu btsan lcam sring dang // yab yum
- 53b
sgrub thabs so so yang // bod rbad gsad pa dril ba dang // 'gor na gnad la bor ba dang // ljang dub byed na spobs pas bstan// gcig tu dril te bzlas pa'i sngags/ tri ra tsa sa ma ya/ ra tri shor ba a ni tri/ yag sha kha la dun/ stig sna srog la dza dza/ na ga tsi bi shu sa ma ya thibs glo rtsa zum rbad/ bdud po srog la cho cho/ rag sha khrag la rngubs/ nA ga khal ye dun dza/ bsnyen pa zor mnan pa dang / las kyi mjug tshochod dril la sngags// nga bzhi pa 'di bar mi gcad// bod zad bsad pa dril ba'i sngags// las rnams thams cad 'grub par nges// 'gor na gnad la bor ba'i sngags// yag sha kha la bskor chum/ a tri srog la yid du dza// sbugs stobs myags bruM ri li li/ sha rgyud srog la rol/ srog rgyud dbugs la rol/ ma ma e du na rbad/ so lnga pa 'di gnas kyi sngags// 'gor na gnad la bor bar bya// rA dza dmar po srog pa'i rtsar// gzugs ming srog snying bcug nas kyang // le brgan dar du dril la bcang // bar bar sngags 'dis gnad la bor// de ni srog gtsun bla rdo yin// brag dmar bse yi mkhar du mthong // 'dis ni lha srin sde brgyad kyang // rang dbang med par gnad la 'bebs// rtag tu bzlas par mi bya'o// dril zhing gtsun sngags 'di bzlas pas// zla drug tshun chad rtags 'byung nges// de bas bul na gnas pa
- 54a
yi// spogs zabs cho ga za ma bstan// klu btsan drag po gnas pa'i sa// brag gi sna 'am ri sgrom du// chu gtor gser skyems mngon cha yis// gnas bdag mchod la dbang yang gzugs// tha ram dong gsum bca' thabs la// mda' gang gru ba'i khru phyed la// mtshan gyi bse dong dmar por bya'o// de yi dbus su mtho gang ba// rgya dang gting tu brkos byas la// gru gsum sol dong nag por bya// de dbus zlum po thur la bru// dkar po lcags dong dkar// nang du ming dang gzugs bcug la// rabs chad thod pa'i ri rab gling // phyi rol kha khyer dril sngags bskor// dug sna thun rdzas zas ngan dang // re bas bka' la thod pa sbub// sol dong nag por shu bo dang // lcam mo'i bar du ming byang gzhug/ dkar gsum mngar gyi gtor mas mnan// shing leb drag sngags bris la bcad// bse dong dmar por nya bo'i gzugs// dgra gzugs ling ga med rtse gtad// gtor ma thun rdzas nya bos mnan// shing leb dag la trag rag sha// bris pa kha gcad steng nas mnan// na ga kha la ye thun sbyar// srog zan dmar po ri dmar 'joms pa'i rgyud las/ dri la gtsun spogs pa'i le'u ste brgyad pa'o// // srog zan dmar po bsgrub byas kyang // gal te las byed ma 'dod na// gnad la dbab pa'i las 'di bya// dam shing phyar
- 54b
zhing khrag gis brdeg/ don gyi 'khu ldog med pa yi// man ngag dam pa 'di yin pas// nyams su blang zhing brtson par bya// 'di med pa yi gang zag gis// lha srin sde brgyad gang la yang // las bcol byed par mi 'gyur pas// rang la dog pas nyams su blang // dam shing dmar nag phur pa la// gnad la dbab pa'i srog gshed bsgom/ srog gshed snying mda' 'di bzlas so// oM nri yaM/ nri tri/ mur tri/ nri yaM/ nri ma/ nri / ma/ nri tri sod ya/ zhes bzlas klad la bskor zhing brdab/ bsgrub pa'i dus su rten du gzugs// drag po'i dus su bskor zhing bsad// mi ldog mi 'khu pa'i man ngag yin// gzhan la bstan na dam tshig nyams// srog zan dmar po ri dmar 'joms rgyud las/ gnad la dbab pa'i le'u ste dgu pa'o// // de nas btsan gyi glang zor dang // gzer sngags mda' zor bstan pa ni// spra tshil chu chung nag po dang // mu zi brun dang bag phye sbyar// gang la bya ba'i gzugs su bya// 'ug pa'i mda' la skyer mde gzhug/ mda' stong nyungs kar skye tshe dang // zor sngags rim par bzlas pas blugs// shel ni skrag se sngo rtsa gcig/ rten du btsugs la rtags phyin gtang // gzhan yang dam rdzas 'byor tshad bsag/ zor sngags rim par bstan pa ni// oM trad ma trad/ khrag khrag rbad/ tshal pa shag/ myags myags/ khrag la rol/ stong
- 55a
khrag/ rgyu khrag/ snying khrag rbad myal myal/ skyer pa'i mda' dang se ba'i gzhu// thabs dang shes rab gnyis med las// 'od zer thabs kyis gzer mda' bsam// oM trad mo tri khang trag rbad/ 'di tshal pa sha truM myal myal/ 'ug pa mtshan mo mig rno bas// gsal bar byed pa 'od du 'bar// gzugs kyi rnam shes kun la brdeg/ ming rus snying khar rdog pas mnan// rkang pa bdag gi 'og tu gzhug/ gzer sngags 'di dag drug tu bzlas// gzer 'dren ni snying la gzer// snying gzer ni khrag tu zer// khrag gzer ni khrag tu gzer// rgyu gzer ni sna ru gzer// sna gzer ni pho bar gzer// gzer thabs sna dgu yis// dam nyams dgra la zhen// thal ba rdul du rlog/ gzer sngags gzugs la dbab// sma dbab khar na dkri// phud gtor zor bdag bskul// dang po btsan byung gang nas byung // dang po ci yang mi gnas te// dang po 'byung ba lnga las srid// sa rlung me chu 'byung ba btsan gyi rgyu// gnam btsan dkar po thog gi rje// skra ri phrag pa'i mig/ chibs su dkar po phum dmar chibs// phyag na gnam lcags phur pa bsnams// zhal nas 'brug sgra chem chem sgrogs// stong khams ma lus sgrol bar byed// sprin dang na bun mthongs gsal nas// ri bo kun gyi rtse 'drim zhing // sad dang ser ba'i sna yang 'dren// sdang ba'i dgra
- 55b
la thog ser 'bebs// dgra bgegs ma lus rdul du rlog/ de yi gcung po ba// sa btsan khra bo cig/ klu btsan khra bo btsan gyi rje// sa yi rgyal po sa btsan bdag/ dgra dang bgegs la thog ser phob// legs ldan nag po kye'u rgyal// chibs su dra bo rting dkar chibs// phyag na klu shing ber chen bsnams// zhal nas gzer thabs sna dgu gtong // skye 'gro thams cad brlag par byed// de yi gcung po ba// chu btsan sngon pos bya// be'u'i lus la sram gyi mgo// sbrul 'dzin sngon po btsan gyi rje// sku la nya lcibs sngon po gsol// chibs su chu rta sngon po chibs// phyag na chu srin gdug pa 'gyed// zhal nas mdze dang skang lhog gtong // de yi gcung po ba// klu btsun phyur ba dmigs dang rje// na bza' skyi gser ral ka gsol// chibs su rlung rta ngang pa chibs// phyag na rlung gi rgyal ba bsnams// zhal nas bu yug tshub ma gtong // dgra bgegs ma lus phung par byed// de yi gcung po ba// me btsan dmar po tshig gi rje// drang srong bum glang sna// me lha drang srong ra mgo cad// na bza' me 'od 'bar ba gsol// chibs su me rta 'bar ba chibs// phyag na zangs kyi spu gri bsnams// zhal nas me yi tsha tsha 'phro// khams gsum ma lus bsreg par byed// brag dmar ma lus rtse 'dri mas nas// rtsa dang ser ba'i sna 'dren cing // dgra bgegs ma lus
- 56a
bsreg par byed// cir mi 'ong gi spun lnga po// 'khor ni btsan 'phran 'bum gyis bskor// rgya rang kun tu rang rang sa// phul nas ming rus bcas la sba// mda' 'phang glang zor dgra phyogs brdeg/ srog zan dmar po ri dmar 'joms pa'i rgyud las/ zor gyi le'u ste bcu pa'o// // thun bsgrub zor gyi gsang thabs la// brag dmar btsan rgod gnas pa'i sar// brag btsan srog bsgrub gzhung bsrang la// bsad pa thun gyi rdzas bsags te// than bya 'ug pa'i thod pa ru// bya dag ri dgas rmig zlum khrag/ nyungs kar zi ra myos chang dug/ sbyar la dar dmar kha yang bcad// de la rim par bsgrub bya ste// bod rbad bsad pa'i sngags rnams brdeg/ btsan bcos kha la 'ug rgyug bre thun yang // yag sha rtsa la kha la tsi sha thun/ ces pa bzlas shing thun la brab// de nas thun la drag tu bskul// hUM/ bzhengs shig bzhengs shig srid pa'i btsan// 'byung ba'i brag btsan chen po ste// rin chen brag gi logs shed na// rin chen brag phug skam dang la// byi ru dmar po'i sgo mo gsal// mthing zhun sngon po'i re bzhi can// dung gi g.yag shing mdzes pa bcug/ de lta bu yi nang shed na// rin chen brag gi stegs bu la// srid pa'i brag btsan dmar po bzhugs// sku lus dmar po ldem pa la// ral pa dmar po gyen du brdzes// ral pa'i
- 56b
rtse la me dpung 'bar// mche ba dmar po gtsigs shing rngam// btsan po thun 'phen bskyod pa'i tshe// sku la dmar po ber chen gsol// dbu la dar dmar 'jol zod bcings// g.yas na bse mdung srin mo rkang // g.yon na gdug pa'i thun zor 'phen// btsan dmag stong sde g.yo ba cing sdud// thun dang zor 'phen las la brtson// skyes bu btsan chen gdug pa can// kha nas khrag mda' dmar po 'phen// phyag na btsan gyi thun zor 'phen// mig nas me 'od dmar po gtong // zhal nas gdug pa'i khrag mda' 'phen// bla na brag cha 'ug pa lding // g.yas na ri dgas dmar po rgyug/ g.yon ltas ngan bya khyi wa// gdong na gdug pa'i khyi spyang 'dral// btsan bran stong sde thun la 'gyed// drag po'i thun 'phebs las la ya// gdug pa'i thun zor 'phangs pa'i tshe// dmigs pa'i rten rnams brlag par byed// lnga phung yan lag rten rnams phrol// glo snying nang khrol bro ba la shog/ tsit+ta dmar po phyung la shog/ gdug pa'i btsan zor da la ya// oM de ma de zil b+h+yo/ de ma de sod b+h+yo/ b+h+yo b+h+yo/ b+h+yo b+h+yo dgra la b+h+yo/ oM de ma de zil sod/ de ma de zil gzer// oM sod b+h+yo b+h+yo/ oM de ma de zil sod b+h+yo b+h+yo/ dgra bo la b+h+yo/ bde 'byams la b+h+yo/ zhes pa bskul zhing dgra phyogs 'phang // srog zan dmar por ri dmar 'joms pa'i rgyud las/ bsad pa'i thun gyi le'u
- 57a
ste bcu gcig pa'o// // de nas spos drir bsad thabs bstan// btsan gnas sa 'am yid mthun par// srog bsgrub bstan pa thob pa dang // pra slud mgo gzhug ma nyams pa// bug rdol med par mnye btul la// gra shog ming dang rus kyang bri/ rgyab tu btsan dang rgyal po dang // dri bo bdud kyi ming bris la// 'di zhes spos drir sod ces bri// gzugs kyi g.yas nas bskor log sngags// mgo bo nang bstan dme khrag la// srog sngags bshams la sngags 'di sbyar// dur byin dur byin/ phung phung shig shig/ ther rgud zer rbud/ ru ti rbud ru ti rbud/ khar zum rbad khar thum rbad/ du tri du ti/ / shig shig/ du ru du ru sham te rbad/ ces pa 'bum du bzlas shing brdeg/ tshon skud kyis bcings rkyal par gzhug gang la bya ba'i rjes dang brun// me long gis blang sngags gdab dkrug/ gseg ma smyug ma'i thur ma gsum// brag nag tshe gsus nyungs kar gsum// nas sngon gsum la sngags bzlas gdab// pus gdab zer chad tshon skud bcing // ra rkyal lug gi grod par gzhug/ phus gdab dog pa nag pos bcing // dkyil 'khor steng bzhag bsnyen bsgrub bya// pho nyas bkug la sngags kyis brdeg/ stag tsher tshon skud sna lngas bcing // gong gi sngags bzlas drug tu brdung // bar bar rkyang pa phus gdab cing // rjes
- 57b
shul bsdu ba'i dus su bzlas// rtags bzang byung na mnan gtad bya// srog zan dmar po ri dmar 'joms pa'i rgyud las/ spos drir bsad pa'i le'u ste bcu gnyis pa'o// // de nas chu grir bsad thabs ni// sgrub pa gzhung bzhin byas nas kyang // se ba'i gzings la dgra gzugs bskyon// pra rje'i lag tu skye ba bskur// srog sngags bsham la sngags 'di sbyar// ma kham mA ra na kha phub/ nam mkha' phub/ gru rgyal phub/ tha ma kham khong phaT/ ces pa brjod cing skya bas sgrub// kun kha thum kha thum/ de skad brjod la chur bsgyur na// chu grir 'chi bar the tsom med// bstan pa'i don du ma yin pa// 'phran tshegs tsam la dmyal bar ltung // srog zan dmar po ri dmar 'joms pa'i rgyud las/ chu grir bsad pa'i le'u ste bcu gsum pa'o// // de nas ltas ngan dbab thabs bstan// bya dang ri dgas btang ba ni// ltas ngan bya gcan 'du ba'i sar// bsgrub pa sngon bzhin byas pa la// brag rje'i srog dang ltas ngan sbyar// tsa tsa sho la bam yer/ yer du dza ye khu phaT/ tang tang yer ta ya khu dza phaT/ ces pa bzlas shing ltas ngan gzugs// sha khrag rus pa ngar dang sbyar// dbang po don snying thun dang sbyar// thun gyi mtha' la gzugs kyis bskor// grub nas dgra phyogs kha bstan rbad// ltas ngan than pa gar 'dod 'bebs// ltas
- 58a
ngan thun 'phang rgyal mtshan gdab// gang ltar 'dod pa'i lhas ngan yang // brag rjes 'bebs par the tsom med// srog zan dmar po ri dmar 'joms pa'i rgyud las/ ltas ngan dbab pa'i le'u ste bcu bzhi pa'o// // de nas brag btsan dmar po yis// gnam lcags ser ba 'bebs 'dod pas// klu btsan drag po gnas pa'i sar// dkyil 'khor mda' gang gru bzhi la// dbus su 'brub khung gru gsum bya// bshos bu gru gsum khrag gis byug/ bya rgod mda' gzags le brgan brgyan// ra snying sbyar ba'i gtor ma rnams// gru gsum dbus su rten du gzugs// gser skyems bshos bu rgyun du btang // de nas ye shes lha bsnyen bya// bzlas pa phra ma yangs pa 'bum// mthun rdzas glang rA rta khyi bzhi pa'o// khrag la rgyun du bzlas pa bya// bsnyen sngags 'di ni srog dang sbyar// oM rag sha hri la ya/ kha sring ya/ ka tA swa ya/ ka ta sa ya/ du ru kang / du ru kang / pra ma na pra ma na/ da ru ya swA hA/ khu khu khu/ ha ha ha/ hi hi hi/ du ru du ru/ s+phu ru s+phu ru/ ya ting s+phu ru swA hA/ de nas gar 'dod dbab pa'i sngags// oM tsin du tsin du shad shad/ dza hUM phaT/ mkha' lding mtshal bu'i rag ta yis// bag phye'i ri lu bcu gcig byug/ kham phor blugs la drag rjes bskul// byang shar mtshams na bzhugs pa yi// dmar po spyan mi zur gsum po// phyag g.yas dar
- 58b
dmar g.yab gyis g.yo ba// g.yon na btsan zhags dmar po 'debs// rlung dang ser ba chibs su chibs// bya btsan brgya yi ru dpon mdzad// srod la bsgrubs shing bos pa'i tshe// lcags kyi mi rta stong dang gshegs// gung la bsgrubs shing bos pa'i tshe// nyi zla gza' skar chibs shig gshegs// sku mdog dmar po rkyang la chibs// lcags kyi ser ba skar ltar 'phro// ri lungs ma lus khu yis thog/ g.yon na mdung dmar chems se chems// dung gi ser ba char ltar 'bebs// sngon tshe bsnyen cing bsgrub pa yi// dus 'dir ma g.yel myur du gshegs// sprul pa'i brda yis lan gsum bod// de nas las la sbyar bya ba// ra dmar thod par khrag sna dang // yul dang yul lha'i ming bcuka la// gu gul bdugs la lha rten mnan// de nas yul mthong ri gnyen khar// gru gsum brus la dmar por byug/ mtshan ngan thod pa gling bzhi par// bsgrub rdzas steng du mi khrag dang // khyi rgya bo yi khrag gis bsnun// nyungs kar sngags bzlas nang du brab// yam shud dmar po ser ba phob// de skad brjod cing gong gi rdzas// bshos su thod pa'i nang du skol// mda' yang thod pa'i rtsa ru gzugs// skyugs pas bos cing zhing lpags gdab// tsa ra kham pa brten du gzugs// nang skyed btsugs la thab tu skud// ra lcags gdab cing sngags 'di bzlas// oM yag
- 59a
sha kha sring yang / kha sring yang / ka ta sa ya/ ka ta sa ya/ du ru ka ya/ du ru ka ya/ sa na ya/ da ra ya/ da ra ya/ khu khu/ oM ha hi hi/ du ru du ru/ s+phu ru s+phu ru swA hA/ oM tsin du tsan du/ shad shad swAhA/ gza' la gtad de drag tu bzlas// yul bdag gzir te gnad la dbab// srog zan dmar po ri dmar 'joms pa'i rgyud las/ ser ba dang dbab pa'i le'u ste bco lnga pa'o// // grub kyang las byed ma 'dod na// shan dmar slon dmar dbab thabs bstan// shel ni se po stag lag gam// mkha' lding mtshal bu spun gsum gyis// bsgrub dus rten gzugs bar bar bskar// tsa ra kham pa ldan dmar la// gang la bca' ba'i dmigs pa bca'// ming rus bla dgas brdas mtshon pa// rme bas bdug cing mtshang chus gdab// ra tsa'i snying sogs g.yas la gdags// byang shar 'brub khung khar bzhag la// bod sngags gzer sngags rim pas gdab// shes pa dgug cing bstim par bya// mtshan rtags la phebs pa dang // khyad par rje gnas pa'i sar// gza' btsan gyi 'u ka rgyu ba'i tshe// rgya mtsho sha khrag rlon dmar dang // sba dang pags pa ming rus dang // phung rgod rtsang mar bcas la gtor// zhe sdang drag po'i rngam stabs kyis// ma nyes dpang gzugs 'o dod 'bod// tshig tu 'di skad brjod cing gtam// che ge zhes pa'i yul phyogs
- 59b
su// che ge mo zhes bya ba'i btsan// rgya mtsho ra tsa kham pa 'am// se bo spyan gsum stag lags// shan dmar srog dmar mgron du spyon// dam nyams che ge zhes bya 'di// btsan la do sngo 'gran tshol las// phyogs kyi gzugs mar bzhes su gsol// btsan gyi se longs 'di la gyis// mgyogs kyi gshed po 'di la thob// yul che ge mo'i btsan// a pi shu sa ma ya tri sham rbad b+h+yo/ che ge mo shad ka la ku ru che ge mo de chug de la phob ya/ de nas bskor bzlog dmod mos gdag/ 'jig rten khams na gnas pa yi// btsan dmag bsdu zhing dmar la dbab// dun por dmigs la rang gnyer gtad// ming rus snying dang srog rtsal gsal// mgo bor bcug la srog thun dbab// brag rje gar gnas tha ram dbab// las kyi mtha' brtul 'di byas la// 'jig rten sgyu ma'i chu bur de// myur du brlag par the tsom med// srog zan dmar po ri dmar 'joms pa'i rgyus las/ btsan sha dmar slon dmar la dbab pa'i le'u ste bcu drug pa'o// // de nas skyes bu brag btsan gyis// thugs dam mdos kyis bskang ba stan// gsang ba'i ting 'dzin ldan pa des// 'bru sna tshogs pa'i phye ma la// rin chen sna tshogs bdar byas la// bse yi yul dang mkhar du bcas// rtse la brag bya 'ug pa dang // btsan gyi than bya srin bya dang // zur la bse sbrul dmar po
- 60a
'khril// logs la bse'i spre'u dmar po 'dzeg/ sgo zur g.yas g.yon gla dang wa// mkhar gyi mthar ma rta pas bskor// gser g.yu ngar mi za ma la// bse yi ra skyes dmar po dang // bse glang dmar po stag ris dang // bse lugs dang 'phar spyang dang // bse yi ri dwags yang dgod// bse yi ngar glud dmar po dang // bshos bu dmar po bse zhal dang // mda' dmar rgyang bu dmar po dang // nam mkha' dmar po khri bzhad pa// bya dmar phod kyis brgyan pa dgod// phud dang spyan gzigs dkor cha dang // mar me mdangs kyis thugs dam bskang // rdzas rnams 'tshogs na byin gyis brlab// de yang btsan gyi rten gnas ni// rigs kyi kha dog so sor bya// bsngo ba'i tshigs bcad 'di skad brjod// hUM/ brag btsan skyes chen gdug pa'i bu// skyes bu btsan chen brag gi bdag/ brag btsan dmar po 'byung ba'i bdag/ yul ni btsan yul ya gi na// bse brag dmar po rums su 'bar// brag dmar 'bar ba'i them par na// brag btsan dmar po de ni bzhugs// brag btsan khyod kyi bzhugs gnas de// rin chen 'bar ba'i gzhal yas nas// brag chen gtams pa'i bar na bzhugs// bse'i sgo mo la/ dung gi re bzhi/ de'i nang shed na/ brag phug skam dang gzhal yas khang // de na brag btsan dmar po bzhugs// brag btsan
- 60b
khyod kyi pha smos pa// pha ni ag se rgyal ba lags// ma ni sa srin ma mo lags// de gnyis bshos pa'i sras// brag btsan dmar po byung // btsan dmar ni ldan pa la// sku la dar dmar ber chen gsol// dbu la le brgan 'gying thod bcings// bse ni ral gri dang // bse ni gzhu mo bsnams// bse mda' ni stag ral dkar// 'khor gsum ni g.yas dang g.yon// tshon sna lnga yi zhags pa bsnams// bse yi yu thung skyed la btsugs// brag gi wa mo kha nag dang // brag sha ni gla ba dang // brag gi srin bya'i bu mo dang // 'phar ba ni dmar pa rnams// chibs dang ni skor du mnga'// bse khyi dmar po khangs se khangs// bse yi khrab chen ni sil li li// gdug bya 'ug phyag tu thogs// brag btsan dmar po'i 'khor gyis bskor// gdug pa'i klu srin pho nyar gtong // brag btsan gyi gdug pa can// srid pa'i mdos bzhes shig/ srid pa kun la dbang du sbyar// gdug rtsub nad kyi bdag po khyod// sprul pa bya dmar mang po 'gyed// brag btsan dmar po bskyod pa'i tshe// kha nas khrag gi gzer mda' 'phen// gzer nad mang po gtong bar byed// lag nas mtshon gyi zhags pa 'phen// zhags pa sdog cig nyams pa sgrol// gang la babs pa 'dzin cing sgrol// ltas ngan zan bya mang po gtong // srid pa yongs la gnod pa byed// srod la bya yi ltas ngan
- 61a
gtong // gung la sdig pa khyod kyis gtong // tho rangs wa rgyal khyod kyis gtong // tho rangs khyi du ltas ngan gtong // ltas ngan mang po khyod kyis gtong // ma nyes btsan gyi kha yogs dgra la 'debs// sha ma 'dral du byed cing khrag ma 'thor du byed// btsan gyi shod mas dgra la 'debs// spyugs pa'i glu len kyu ru ru// me 'od dmar po breng de breng // brag btsan 'khor rnams sil li li// srid pa kun tu nad rnams gtong // ming ni brag btsan dmar pos bya// di ring mthun pa'i yas kyis mchod// di ring srid pa'i mdos kyis mchod// de skad brjod cing rim pas bsngo// srog zan dmar po ri dmar 'joms pa'i rgyud las/ bskang ba mdos kyi le'u ste bcu bdun pa'o// // de nas brag btsan dmar po yi// las kyi mtha' sdud gnan pa'i las// gsang bas srog len rtad kram bstan// yod nges yid dang mthun pa ru// dkyil 'khor gzhung dang mthun pa bri// yang na snam phying gtsang ma'i khar// bshos bu lnga dang btsan rgyang lnga// ne bu lnga la shing ris lnga// btsan gyi gzugs la bris la dgod// btsan gzugs kha dog rigs dang sbyar// se gzhu skyer mda' thogs par bya// de lnga'i mdun du 'brang rgyas lnga// tshe dang yungs kyis brgyan par gzhag/ gser skyems mngon chas lnga dang 'dra// ra dmar rta snying gsur dud
- 61b
gtang // de ni bsnyen pa'i dam rdzas yin// rus chen gang yin rten pa'i mgo// phag ra khyi yi thod pa gsum// phag thod sdig pa'i gzugs lnga bri// bar bar bri ba'i sngags 'di'o// gur tri gur tri chum/ ku ru ku ru chu ma/ brag rje'i srog sngags dag dang sbrel// khyi thod ra zod gnyis la sbal sdig gnyis ka bri// sbal nag gzugs gsum bri// srog sngags bshams la sngags 'di bri// kyi snying la zo/ rbad rbad/ chod chotshod thum ril/ tsit+ta rbad/ ling ka mi yi khrag gis bri// sngon dmar tshon skud skra lag bcing // thod pa gsum du re re gzhug/ kyi bal thi gu phyin ga log/ gsum gyis thod pa so sor bcing // mthing nag gru gsum khru gang gru// thod pa bcug la gur nag dbub// gzhung bzhin bsgrubs la yas kun drang // chu gtor mngon dang ngar sbags gtang // bden bdar lha 'dre dpang yang gzugs// phyogs bzhir g.yab cing 'di skad brjod// btsan gyi rgyal po ang me ster// btsan gyi rgyal po shib mo ste// de las sprul pa'i btsan kha bzhi// mngag gzhug pho nya mgyogs sde brgyad// se re se btsan zhes pa dang // brag rje brag btsan dmar po dang // btsan bdud rol pa skya bdun dang // btsan yab skya cig la sogs te// yul yul btsan rgod ming spros la// gcig gis gcig bskul 'dir 'dus shig/ che ge mo yi dur sa 'dir 'debs
- 62a
pas// spyan 'dren mchod 'bul las 'chol bas// 'dir gshegs brjod la sngags kun drang // bsgrub pa thob nas las la sbyar// yod nges mtshan ma can gyis gnas// brag dmar ser po dmar po dang // sngon po dkar po khra bo bsogs// kha dog rigs dang sbyar la gtad// kha bo che dang ra bo che// mi yi gzugs can dbyibs dang sbyar// gong gi rdzas rnams rigs dang bstun// phud gtor bden bdar dpang yang gzugs// g.yab cing bcol bskal dag tu bya// nyams kyi mtshan ma byung ba dang // kha dang ra brag lag tu gtad// de nas mnan gtad sa mtshan ni// btsan gyi gying shang chen po bstan// sa mtshams nyams dang sbyar ba der// dgra yi dur sa gdab par bya// gong du smos pa'i btsan rnams dang // khyad par 'di na gnas pa'i btsan// che ge dur sa 'dir 'debs pas// gtad do rtags phyin gtang rag gtang // de skad brjod la gzir gnon bya'o// bdun rgyud khram la thebs zhes bya// 'khor ba med pa'i las su bstan// srog zan dmar po ri dmar 'joms pa'i rgyud las/ srog gshed spyir bstan pa'i le'u ste bco brgyad pa'o// // de nas btsan bdud 'dus pa'i 'khor de rnams yi rangs te/ mthu dang rdzu 'phrul gyis brgyan par 'gyur ro// kun gyis mgrin gcig tu gyur nas gsol ba/ thugs rje'i
- 62b
bdag po byams thugs ldan// gtum khro dregs pa 'dul mdzad pa// gsung gi nga ros khams gsum sgrol// dri med pad+ma dbang chen la// rtag tu mi phyed dad pas 'dud// bka' dang bstan pa bsrung bar bgyis// lung bstan rjes su bdag cag 'dreng // rgyud 'di 'chang bar gang byed pa// gtsug gi nor bu bzhin du bkur bar bgyid// gal te bka' las 'das gyur na// pad+ma gar gyi dbang phyug gis/ lus ngag rdul phran bshig nas kyang // mthu dang rdzu 'phrul brlag par 'gyur// dam las mi 'da' sa ma ya// zhes dmod btsugs so// srog zan dmar po ri dmar 'joms pa'i rgyud las/ rjes su yi rang zhing dam tshig gi dmod btsugs pa'i le'u ste bcu dgu pa'o// // dpal chen mi gnas dbyings su thim// 'jig rten dregs pa rang sar dengs// ston pa'i bstan pa bsrung ba'i rgyud// don la mtshan du gsol ba 'di// mi nub yun gyi rtags su bzhag/ snod ldan rim pas spyad pa las// gzu lum ra chod byed pa la// bstan na dam tshig nyams par 'gyur// long bas long ba 'khrid pa bzhin// gnyis ka ngam grog g.yang sar lhung // dad pa dam tshig ldan pa yi// bka' dang gzhung bzhin byed pa yis// spyad na mi nub rgyal mtshan thob// srog zan dmar po ri dmar 'joms pa'i rgyud// bstan pa bsrung pa'i spu gri nyes dmigs dang
- 63a
bcas pa rdzogs so// pad+ma sam b+ha las bskur par/ s+thi/ d+harma/ @#// dmod pa drag sngags kyi ste rgyud/ de nas dpal khrag 'thung gi rgyal po rnams kyis/ bcom ldan 'das dpal kun tu bzang po la 'di skad ces gsol to// phyogs bcu dregs pa bsnol ba'i gdan stengs na// mthu chen bdud 'dul mngon rdzogs rgyal po bzhugs// ma 'ongs don du sngags kyi tshad bstan gsol// bka' stsal pa/ rab kyi don du rnam pa lnga// dza/ phaT/ b+h+yo/ rbad/ nan/ 'bring gi don du rnam pa bdun// dza rbud/ tha ma'i don du rnam pa dgu// ban rbud/ mtha' la rnam pa du zhig mchis// rab kyi don du rnam pa lnga// 'bring gi don du rnam pa bdun// tha ma dgu yis 'grub par 'gyur// thog ser gyi swa ni/ sa phrom/ tshal/ hril/ shar/ b+h+yo/ tshe tse na bi kruM sa ra dum bu khu re bya ya tshal hril b+h+yo// gshin rje gshag zir ba ni/ ru dra ka la sha/ rak+ta ka la sha/ rak+ta kha khrag/ staM ba nan/ rang rang rtsa ba'i sngags dang gdug pa'i sngags la/ trig nan/ hUM phaT/ ces pa thams cad gzir ba'o// na ga trig nan/ hUM phaT/ klu gzir ba'o// 'di bzhin thams cad kun la shes par bya// 'dod chags zhe sdang gti mug dang // nga rgyal phrag dog lam lnga yang // snang zhing mi nub pa ru ni// spyi dang drug tu gnas par gyis// rigs
- 63b
kyi dbye ba ma shes na// 'bras bu 'grub pa thag ring bas// de yi dbye ba ma 'dres par// gsal ba dag tu gnas par gyis// so so'i don rnams khong rtogs nas// 'di shes nye lam dam pa ste// thabs kyi rgyal por 'di gnas te// gsang ba gsang chen zab mo yi// don ldan nyid khur gnas par gyis// de skad gsang ba'i rgya ru bstan// 'di don ma lus gsungs pa rnams// 'chad pa'i rnal 'byor dam pa las// gsungs/ dang por e yis bsad pa yang // skye med chos dbyings yi ge e// ma ra ya nyid mthar bzhag pa// rdzas 'gugs brnyan pa'i sngags su bshad// gnyis pa'i yi ge yaM yin te// yaM gnyis par du ma ra ya// skyod byed yi ge b+h+yo yis bskul// gsum pa'i yi ge raM yin te// raM gnyis bar du ma ra ya// sreg byed me yi dkyil 'khor sgom// bzhi pa'i yi ge baM yin te// baM gnyis bar du ma ra ya// 'dod chags khrag gi dkyil 'khor sgom// lnga pa'i yi ge su yin te// su gnyis par du ma ra ya// gti mug sa yi dkyil 'khor sgom// drug pa'i yi ge haM yin te// haM gnyis par du ma ra ya// 'od kyi gong bu lta bur / sgom// bdun pa'i yi ge phaT yin te// phaT gnyis bar du ma ra ya/ khro tshogs nam mkha'i skar ltar 'khrug/ yi ge Ni ni sa bon yin// gsod byed yi ge rbad yin te// e bzhag yi ge ma ra ya// mtha' ma dza yis
- 64a
bstan pa yin// ma ra ya yi bsnyen pa yin// re res las rnams 'grub pa'i phyir// bsgrub pa chen po bdun du gsungs// spyi rgya chen po'i rgyud las/ rten gyi drag sngags kyi bsgrub lugs bdun pa'o// le'u dang po'o// // de nas 'jam dpal gyis gsol pa/ nya ni bgyi ba ji lta bu// de yi gtan tshigs bshad par bya// bcom ldan 'das kyis bka' stsal pa// nya snyan po don gyi mdo bzhin du// rnal 'byor pa la shis pa gtong ba dang // log par lta ba rnams la ni// mdze nad dang rims nad sna tshogs pa gtong bas kyang nya bstan to// stong ni rnal 'byor pa'i sems kyi skyed lugs dang / gzas pa po gsad par bya ba'i thabs ston par bya ba'i phyir stong zhes bya/ rak+ta ni mkha' 'gro ma kun gyi dam rdzas kyi mchog yin pa dang / gzas pa po gang yin pa gsad pa'i thabs de las byung ba'i phyir na/ rak+ta bstan pa'o// 1 stong dang rak+ta bstan pa'i le'u ste gnyis pa'o// // kye ma bder gshegs bcom ldan 'das// thod pa rnam pa du yang gsungs// thod pa'i de nyid bshad pa zhu// bcom ldan 'das kyis bka' stsal pa// thod pa'i de nyid bshad bya yis// lus ngag yid gsum gus par nyon// 'phang thod de bzhin lding thod dang // spar thod nam mkhar mchod thod dang // lding thod 'grub thod ma nyams thod// rma thod za thod la sogs
- 64b
pa// thod pa bcu gsum dag tu nges// yi ge laM bris ri rab ldan// dbus su nr-i dang ming rus gzhug/ bris pa mnan pa'i thod pa nges// rdzas dang mnan pa nges pa'i rdzas// sbal pa dag gi shun nam ni// sbrul gyi shun du nges pa yin// tshig dang mnan par nges pa'i tshig/ nA ga zhes bya'i sngags kyang bzhugs// ting 'dzin dang ldan gshin rje'i sngags// a kri 'bru bdun gnya' non yin// rdo rje'i bzlas pa mi nus pas// mnan na nges par non pa yin// dbus su bsgrub bya'i ming dang // gnyen dgu dag la gtad par bya// mnan zod mchod na gso bar 'gyur// 'phangs na bsgrub bya 'chor bar nges// klu la ba ma rba dur mnan// gzhan yang rta la sogs pa'i// gzugs la mnan na nges par phung // gzhan yang mnan pa'i thod pa'am/ khal ma'i ga'u bcu'am dgu// mnan pa grub pa'i rtags rnams ni// klu la mdze nad bco brgyad 'byung // btsan la gzer nad drug tu gsungs// sa bdag la ni zhag gsum ste// yul lhas yul nas 'byung la sogs// dmu la rmu nad dgu la sogs// lha la sogs pa gzhan rnams dang // bdun dang lnga dang drug dang yang // brgyad dang dgu ru shes par bya// phung byed mnan thod bshad pa'o// mchod thod nal bu dre dang lnga// zhag gsum la sogs gong dang 'dra// yongs su ma nyams thod pa la// dbus su gtso
- 65a
po'i sngags bris la// ma ra ya yi sngags bris la// rak+Sha'i rgya mtsho mchod pa'i rdzas// bod pa'i sngags ni gsur chen la// rten pa'i rdzas ni a mri ta// dam tshig rdzas kyis dam tshig bsre// sgom bsgrub ting 'dzin ma 'khrul bas// mkha' 'gro mchod pa de yis mchod// ye shes gshed dang 'brel ba bzhin// mchod bstod dran dang rtag tu mchod// mas kyi mchod mchod rtag tu dran// dran dang yul 'khor skyob par byed// ci 'dod bsams pa 'grub par byed// mchod pa thor mnan mkha' 'gro mnan// stong gsum srid pa'i mkha' 'gro 'khrugs// bdag gi 'khor du skyo 'bog sogs// rims nad sna tshogs 'byung bar 'gyur// gzhan yang mdze nad sna tshogs so// 'phangs na las mkhan 'phangs pa ste// bod pa'i sngags dang tshig rnams dang // ting 'dzin pos kyang mi 'khor te// rten dang mchod pas de dang 'dra// 'khor gyi ma mo gzhan du 'phos// lha la rgyab kyis phyogs pa'o// yun du gzung ba'i mchod thod dang // rtag par bzhugs kyang rdzas su dran// mthun par bzhugs kyang gshegs bzhugs med// thod pa bzhi yis mchod par gsungs// 'phangs thod rabs chad thod pa ru// drag sngags bris te der bzhag nas// ting 'dzin dug gi na bun 'thibs// 'phang thod mchod na drag sngags dang // na bun bdag la rtog par nges// mnan
- 65b
na na bun lha 'dre yi// mnyan dgu dag tu mnan pas te// mnyan dgu'i rims nad bdag la ldog/ mchad chen kha'am byang ri nas// 'phangs na dgra yi sde rnams 'phung // nad kyi na bun 'thibs pa dang // mtshon gyi bskal pa 'khrugs pa dang // dug gi na bun 'thibs par nges// byang ri'i kha nas 'phangs par nges// thod pa bshad pa'i le'u ste gsum pa'o// // de nas 'jam dpal gshin rje gshed pos// dpal kun tu bzang po la 'di skad ces gsol to// kye ma bde bar gshegs so bcom ldan 'das// yi ge rtsis ni ji ltar lags// de yi tshad ni ji ltar lags// bcom ldan 'das kyis da bshad 'tshal// zhes gsol pa dang / kun tu bzang pos bka' stsal pa/ nyon cig 'jam dpal gshin rje gshed// sngags kyi de nyid rnam pa lnga// yang dag nges par bshad bya ba// bsnyen sngags bsgrub sngags gsad pa'i sngags// sngags kyi 'brel pa dum dum 'brel// oM ni rigs lnga'i sangs rgyas te// ma ra ya yi rig pa srangs// tha ma'i yi ge dza bzhag pa// rten can dag gi mnyan pa'o// oM ni chos kyi dbyings yin te// rig pa bzhi yis rig pa drangs// tha ma dza yis 'gugs byed pa// rten can gyis ni snyen pa'o// mthar byer lnga ni yi ge au// a ni yum lnga'i snying po ste// gro ni phyogs bcu'i khro bo yin// te ni sras bcas
- 66a
snying po ste// ka ni gzugs sku'i snying po yin// hUM ni thams cad dbang du sdud// phaT kyis lha tshogs spro bar byed// 'jam dpal rtsa ba'i bsnyen pa'o// snang bar shes pa'i dngos po ste// rang la yod pas 'grub pa'o// yi ge b+h+yo ni bsgrub sngags te// rbad ni gsod pa'i sngags yin no// yaM ni mnan pa'i sngags yin no// ma ni gshed ma'i sngags yin no// ra ni gshed mar byed pa'o// ya ni gshed mar rkyen yin no// gshed ma'i tshogs spro yi ge phaT// sngags kyi 'phreng pa dum dum 'brel// ye shes lnga ldan lhun gyis grub// ye shes 'phreng ba dum dum 'brel// las dang 'jig rten 'jig rten 'das// las mkhan 'phreng ba dum dum 'brel// 'bras bu sa dang tshogs kyi gsum// lam gyi phreng ba dum dum 'brel// 'phreng ba yang dag rnam pa gsum// 'di nyid ma 'khrul spyad 'gyur na// las mkhan ma lus dbang du sdud// rgyud ni rnam pa gsum yin te// las kyi rig ni rig pa can// lam gyi rgyud ni gsang sngags te// yi ge 'bru lnga de nyid yin// 'bras bu sku ni bde gshegs sku// rten dang rten can rnam gnyis kyi// sngags kyi snying po ma nor bar// dregs pas rten dang bcas nas 'gugs// bsnyen sngags ma nor bde ba rnyed// bsgrub sngags ma nor las la 'dzud// gsang sngags ma nor mtshon char 'bab// i yis bsnyen par
- 66b
drangs nas ni// sku gsum thob kyang 'chi bar nges// yaM gyis bsnyen par drangs nas ni// rig pa rnyed kyang gnas nas 'gugs// raM gyi bsnyen par drangs nas ni// drod lnga thob kyang lus sems 'brel// baM gyi bsnyen pa drangs nas ni// sku lnga thob kyang sdug bsngal myong // su yis bsnyen pa drangs nas ni// sa rnams thob kyang gsod pa byed// haM gyis bsnyen par drangs nas ni// sku lnga thob kyang 'jig par 'gyur// phaT kyis bsnyen par drangs nas ni// che bas che ba'i mthu dpung 'joms// 'di rnams gcig la gang byas kyang // las rnams grub par gdon mi za// sngags kyi tshig dang tshad ma bshad pa'i le'u ste bzhi pa'o// // de nas 'jam dpal gshin rje gdan las bzhengs te/ kye ma bder gshegs bcom ldan 'das// gong du gsungs pa'i mnan pa la// las kyi bye brag ji ltar mchis// bcom ldan 'das kyis bka' stsol cig/ de skad zhus pa gsan nas kyang // bcom ldan 'das kyis bka' stsal pa// nga ni 'gro la thugs brtse phyir// las kyi bye brag thams cad kun// 'gro la brtse phyir ngas bshad kyis// lus ngag yid gsum gus par nyon// e ni chos kyi dbyings yin te// gru gsum mkha'i snying po yin// na gas klu yi srog nas drangs// tshal gyi klu rnams so sor 'byed// thun gyis rigs bzhi las la 'dzud// ril gyis
- 67a
so sor 'dzin par byed// nam gyi mgo lus dbang du sdud// dpung gis las rnams gdon mi za// e na ga tshal zum ril nam thug/ lcags kyi phur pa sor brgyad pa gcig gis bteg cing // yi ge haM bsams na/ mdze rims kyis btab na 'chi bar 'gyur ro// smug ni gzas pa'i srog nas 'dren// tshal gyis las mkhan gshed ma 'gyed// tshal pa nges par gsod pa yin// dum drug gnyis brjod mnan pa'i don// mgo tshag dang rus pa dang // rkang lag rtas mchi bar 'gyur ro// smug tshal pa dum bu krugs drum dkrugs// zangs kyi phur pa sor brgyad pa gcig bteg cing // gyo mgo la 'khor lo bris la gtubs na gong ma'i nad kyi btab na 'chi bar 'gyur ro// na gA zhes pas klu rnams 'bod// he he btab pas sngags yin te// d+hi ri ri yis bshad ma ldang // smug shar gshed ma bskul ba'i sngags// na ga he he d+hi ri ri sdug shar// sngags brgya rtsa brgyad bzlas// dgra bo mdze yis zin par 'gyur ro// de dag ni drag sngags khyad par can bstan pa'o// mnan pa las kyi bye brag bstan pa'i le'u ste lnga pa'o// // de nas 'jam dpal gshin rje gshed gdan las bzhengs te// bcom ldan 'das dpal kun tu bzang po la phyag byas nas// kye ma bder gshegs bcom ldan 'das// ma 'ongs pa yi rnal 'byor pa// thun mong sngags
- 67b
rnams mi 'tshal lam// bcom ldan 'das bdag la da bshad 'tshal// bcom ldan 'das kyis bka' stsal pa// sngags rnams spu gri 'dra ba la// shin tu bshad par mi dpags kyang // ma 'ongs rnams kyi don du bshad// nga rang rnam shes sngags yin te// zum byer gyis ni gsod par nges// nga rang zum byer gnas pa'o// nga rang zum byer nga rang zum byed/ khyi khrag ra khrag mon pa'i khrag/ gnag gi kha chu klo ba glo rnams la// sngags btab bskol te brgyab na gnag rnams bzung // bsnyen bsgrub sngags ni 'bum du bzlas// gza' skar be'u rdzi yin te// nyi ma gros la bya'o// rba thams dgug pa'i snying po ste// de ni rnam shes snying por gsungs// tsi ri gnyis su brjod par bya// rba bsregs pa'i sbyor ba yin// ma ra na gram gsad sngags te// thugs lum gnyis brjod gsang sngags yin// bar du mug byer gnyis bzhag pa// ra gsad pa'i gsang sngags so// oM ni 'dun gyi mgo bo ste// bres 'di bus zhes rbad pa'o// thum bus 'gri na gsad pa'i sngags// dur gri sta dung btab pa'o// 'dzings ni bsad pa'i sngags yin te// rta la sogs pa'i mig zlum rnams// yongs su bteg par bya ba yin// oM bris 'di bus thum bu 'dri tang du 'jibs// dgra bo yul tshan dang rgyas na// gla ba'i chu la blugs la/ ngan sngags 'di btab na/ phu chu skam mo// he he
- 68a
dum bu hu ya nag gsung zhes brjod nas/ chu la brgyab na chu mig thal ba thor gyis 'gro yo// nA gas klu yi srog nas 'dren// dum bu rbad pa'i sngags yin te// hu ya btab pa'i sngags su gsungs// na ga thum bu hu ya/ sbal pa'i gsob tu khrag sna tshogs kyis bkang la sbal lcong gi gzugs brgyad kyis mtha' ma bskor la/ skar ma skyed gsum la bsnyen pa bya/ skar ma khrums smad la gtad/ phag pa'i thod pa dang sems pas gnas/ dgra bo mo rgyud mtha' phung bar 'gyur ro// oM ni rnam par snang mdzad de// rje khram btsan gyi srog snying yin// wa khram btsan srin srog snying yin// rta khram phung sri srog snying yin// oM rje khram wa khrag rta khram// rabs chad kyi thod pa dang rta'i thod par bcug la/ skar ma bi rdzi la gtad nas gong gsum du bcug la/ dgra bo'i rgyud mtha' phung par 'gyur ro// las thun mong gi sngags bstan pa'i le'u ste drug pa'o// // de nas de dag thams cad kyi spyi nyid bshad nas bzhugs te/ mnyam pa nyid las gnas pa las// 'jam dpal gshin rjes zhus pa las// spyi dang rang gi mtshan nyid las// sngags las nges pa du zhig mchis// bcom ldan 'das kyis bka' stsol cig/ ces gsol pa dang / bcom ldan 'das kyis bka' stsal ba// ma 'ongs mi la phan 'dogs phyir// sngags kyi de nyid bshad
- 68b
par bya// sngags kyi mgo bo oM yin te// bsnyen pa grub nas 'byung bar nges// rnam par snang mdzad yin pa'i phyir// drag po'i las la 'dul mi 'gyur// mgo med yi ge hUM gzhug bya// ye shes lnga dang ldan mod kyang // thugs nyid rdo rje yin pa'i phyir/ khros pa drag pos 'dul bar bshad// 'dug pa gong 'og spro ba ni// ye shes rang sngags gong du'o// las mkhan srog snying 'og tu ste// bsnyen pa'i dus nyid 'gugs par byed// yi ge dza yis kun tu 'gugs// nyin srib gnyis su dbye ba yang // zhi rgyas gnyis ni nyin yin te// gso ba'i las la shis pa'o// dbang drag gnyis ni sribs yin te// drag po'i las la shis pa'o// las sngags sna tshogs gang byung ba// sngags kyi 'phra men 'gyed par gsungs// dza la raM zhes 'byung ba dang // 'gyed ste hril zhes bya ba ni// thog gi las rnams 'grub par byed// 'di la ma 'dres rbad byung ba// gsad pa'i las la shis pa'o// gnyis gong phrom dang dril gzhag pa// dbab pa'i las la shis pa'o// rang rang sna tshogs las rnams la// sngags mthar 'bru re gang byung ba// mthar rten bzhugs zhes de la brjod// ji snyed lha yi grangs byung yang // rnam shes snying po re res mtshon// mang po gcig tu lhums shes bya// dam tshig rjes dran ji snyed las// snying po re res gcig tu dril// chos bu kun las btus zhes
- 69a
bya// las gsum gcig tu gang zlos pa// 'ur ba gcig tu dril zhes bya// 'byung ba'i tsha grang gang 'khrugs pa// me chu 'gal ba sogs zhes bshad// rtsis tshad bshad pa'i le'u ste bdun pa'o// // de nas 'jam dpal gshin rje gshed gdan las bzhengs te/ gar gyi bdag sna tshogs pas bcom ldan 'das dpal kun tu bzang po la rkyang phyag 'tshal te/ 'di skad ces gsol to// kye ma bder gshegs bcom ldan 'das// 'khor lo'i nges pa ji lta bu// de yi 'brel pa ji lta bu// de yi dgos pa ji lta bu// bcom ldan 'das kyis bshad du gsol// bcom ldan 'das kyis bka' stsal pa// nga ni dus bzhi cha mnyam 'byung // dus gsum cha yang de bzhin te// nga las hUM gi sgra byung bas// ha he mtshon pa'i tshul du phyung // hUM gi khong nas e byung bas// dkar po gru gsum chos kyi dbyings// gru gsum ma ra ya re dgod// dkyil du rnam shes snying po dgod// de steng yi ge dza bzhag la// 'gugs byed bsnyen pa'i 'khor lo yin// sa der yi ge b+h+yo bzhag pa// sgrub pa'i 'khor lo chen po yin// sa der yi ge rbad bzhag pa// gsod byed drag po'i 'khor lo yin// kun la de bzhin shes par bya// hUM gis khong nas hUM phyung bas// dngas ma'i 'khor lo chen po ste// dngas ma lnga la yig 'bru lnga// skye ba med pa'i byang chub
- 69b
sems// 'gag pa med pas 'chi ba med// mdor na rgyu med rang bzhin skor// lhag pa byang sems 'khor lo ste// skye 'gag gnyis med gzung 'dzin bral// thabs dang shes rab gnyis ldan pa// lnga dang bcu'i rang bzhin bskor zhes brjod// 'di ni rdzogs pa chen po'i 'khor lo yin// hUM ni khong nas yang byung bas// mchog ma gnyis dang tshang tsal gnyis// chang pa'i dkyil du yi ge 'bru lnga dgod// rlung gi dkyil 'khor gzhu 'dra la// yi ge lnga dang rab ldan pa// 'di ni 'byung ba rlung gi 'khor lo yin// me yi 'khor lo gru gsum la// yi ge lnga dang rab tu ldan// chu yi 'khor lo zlum po ste// yi ge lnga dang rab tu ldan// sa yi 'khor lo gru bzhi la// yi ge lnga dang ldan pa ste// thams cad gong bzhin shes par bya// yi ge 'od dang ldan par bsgom// phaT kyis sems kyis ro bsad de// raM ni sreg par byed pa yin// rba tha kyis bde ba'i ro bsad de// chos kyis dbyings su rtag par bya// 'khor ba dang mya ngan las 'das pa'i chos// thams cad byang chub sems kyis 'khrul 'khor du bskor// yongs su byang na snang bar 'gyur// 'dus byas rdzas kyi 'khor lo bskor ba mu stegs 'khrul pa'i lam// dper na mtshon rtse gcig pas btab na 'chor med bzhin// snang la rang bzhin med pa rtse gcig bsgom// spyi rgya chen po'i rgyud las/ 'khor lo de kho na nyid
- 70a
bshad pa'i le'u ste brgyad pa'o// // e ma bcom ldan gsang chen bdag/ thams cad mkhyen rdzogs phyag 'tshal lo// kun khyab bden don gsang sngags don// ji ltar gsungs pa'i bka' lung ste// lung gi yi ge ma 'dres gsal// rang bzhin rgyud las tshig gi rgyud// rten 'brel yi ge smra brtags su// bdag gis bsdus la gnas par gyis// 'di don ma lus gsungs pa rnams// 'chad pa'i rnal 'byor dam pa ste// gsang bdag nyid du gnas par gyis// ji ltar ji lta'i mas can rnams// de lta de lta'i don rnams la// gnas shing dad par bgyi lags so// 'di spyod rnal 'byor gang dang gang // brgya rtags zhes ni gzung bar bgyi// de la rgol dang bar chod dang // gzhan gyi sde pas mi tshugs bgyi'o// bcom ldan 'das dgongs pa mthar phyin te/ bde ba chen po'i ngang la bzhugs so// spyi rgya chen po las/ ji snyed par gtad pa'i le'u ste dgu pa'o// // gsang sngags thams cad kyi spyi rgya chen po'i rgyud phyi ma'i rim par gsungs pa rdzogs so// //
- 70b
rgya gar skad du/ mu tra mun la tran gu h+ye tan+ta/ bod skad du/ bal pa tra gsang ba'i rgyud/ bcom ldan 'das dpal dreg pa chen po na ra gir ti la phyag 'tshal lo// 'di skad bdag gis thos pa'i dus gcig na/ ri rab ri'i bum pa rab tu 'jigs pa'i gzhal yas khang chen po/ gru gsum mthing nag 'bar ba'i klong / zhing dang gdug pa nyi zlas yongs su mtshan pa/ rak+ta'i rgya mtsho 'khrug cing yongs su 'khyil ba/ dur khrod kyi gnas brgyad kyis yongs su bskor ba'i/ pho brang e yi gzhal yas khang na/ dregs pa chen po na ra gi ra ti/ dpa' brtul chen po dregs pa zil gyis mnan pa'i ting nge 'dzin la snyoms par zhugs so// de ma thag tu 'khor thams cad kyang yongs su 'dus par gyur to// dregs pa chen po gtsug phud nag po dang / bdud po yag sha nag po dang / arga zor 'phen nag po dang / klu gnyen ka la srog gcod dang / khram thogs kyi bdud dang / gri thogs kyi gying dang / zhags thogs kyi btsan dang / 'jig rten dbang phyug gi srin mo 'jigs byed rnams dang / dregs pa'i sde dpon chen po rnams dang / gdug pa tri la sogs pa rnams 'dud par gyur to// de'i tshe de'i dus na dregs pa can de dag gi nang nas/ dregs pa chen po gtsug phud nag po gdan las langs te/ 'di skad ces gsol to// e ma ho/ dregs pa'i bdag
- 71a
po lha bdag gtso// 'phrin las kun gyi bdag po ste// dregs pa gshin rje gshed po khyod// 'khrul pa'i log 'dren tshar gcod pas// nyid kyi lha spyod ji lta bu// dkyil 'khor chen po ji ltar lags// de la mchod dang las rim rdzogs pa yi// 'phrin las grub par ji ltar bgyi// yan lag rdzogs pa'i rim pa dang // sngags dang phyag rgya ting 'dzin dbang // dam tshig chen pos bdag la gsol// ces gsungs so// snying zor nag po'i rgyud las/ gleng gzhi'i le'u ste dang po'o// // de nas yang dregs pa chen po na ra gir tis/ log 'dren 'dul bar tshar gcod pa'i ting nge 'dzin la snyoms par zhugs nas/ 'di skad ces bka' stsal to// nyon cig rdo rje gtsug phud can// lta ba theg chen yang dag ni// nam mkha'i chos nyid ye klong la// som nyi med na kun gyis bgrod// spyod pa rab bstan chur zhugs ltar// blang dor med par bsgrub par bya'o// de la lhun grub rdzogs pa yi// skye med dbyings las rol pa'i sku// snang med mkha' la yang dag sgom// thugs rje kun khyab yi ge la// yang dag nyid du de nyid do// mi 'gyur rdo rje rab tu mkhregs// gzhal yas ye klong lhun gyis grub// 'khor lo rtsibs bzhi rdo rje'i brag/ klu bdud gdug pa rus sbal gdan// yi ge ya yi 'phro 'du las// phaT ces bskul bas khro bo'i sku// log 'dren
- 71b
gdug pa 'joms pa'i lha// gshin rje yak+Sha me dpal sku// spyi gtsug mkha' lding gdug pa 'dul// smug nag 'phros pa sgrol byed yum// e ka dza ti g.yon du gnas// chos sku byang chub sems nyid las// skye med dbyings las 'gro don du// byams dang snying rje don las bzhengs// pho brang bum pa'i da la ru// gnyis med dbyings su thim par bzhugs// arga me tog bdug pa dang // mar me zhal zas dri chab rnams// tha dad rtog pa kun spangs te// de la gsang ba'i lha rnams la// gnyis med don gyis dbul bar bya// skye shi 'du 'bral med don la// bdud rtsi sman gyi mchod pa 'bul// che ba'i ye shes rdzogs pa'i don// dbang bdud lha la bstod pa dang // gsang sngags 'phreng ba'i rim pa bya// zhes gsungs so// snying zor nag po'i rgyud las le'u gnyis pa'o// // de nas yang dregs pa chen pos/ 'phrin las yongs su rdzogs pas/ khyad par gyi sbyor ba seng ge kha 'thab kyi ngan sngags/ pa tra glang snying bsgral ba'i las 'di gsungs so// las gzhi khyad pa gsad pa'i las// bsrung bzlog mnan pa bsdebs kyi grogs// thod sgrub nag po gsang ba'i las// las kyis 'khor nas rang srog gcod// de don las rims bshad par bya// gang yin rigs kyi thod pa bslang // pha mes tod pa mchog tu bshad// rme khrag dug sna gsang phye la// sor
- 72a
lnga gru bri e byas te// a mra ka yi rdzas lnga la// ming rus rnam shes ling ga la// dmigs pa'i rten du gan rgyal bzhag/ de stengs gzugs byas re rang skyon// mdzub gang ba ni tshad yin no// lag na dug shing phur pa yis// rang gis snying khar 'debs pa'i tshul// a kro rA dza'i drag sngags dang // drag po 'phru bdun dpal la gdags// de yang gong gi thod nang du// e dang ling ga bcas la bzhag/ hUM bzhi dza bzhi thod pa la// 'da' ras tsa bsdam rgya gram bya// bdag nyid ting 'dzin gsal ba yis// drag sngags bdun pa zhag bdun brab// rten pa'i gnas su mchog tu bshad// de min chu mig rta dbab can// thod pa nag po mnan par bya// rang la rang 'brub bsad pa yis// rang gshed nag po'i las su bshad// gnod sbyin srog gi 'khor lo yis// de yi steng nas mnan par bya// leb nag rgya gram sngags kyis 'tshes// bsad pa'i tsakrar yang dag bshad// ces gsungs so// snying gzer nag po'i rgyud las le'u gsum pa'o// // de nas yang bcom ldan 'das kyis bzlog pa'i 'khor lo rdo rje rnam par gcod pa zhes bya ba 'di gsungs so// sna tshogs sa la spras pa yi// mchod rten nag po bam rim lnga// khru gang ba ni tshad yin no// dbang bskur rab tu gnas par bya// bum par 'khor lo rtsibs bzhin// ming rus bsrung ba'i
- 72b
sngags kyis bskor// tshe srog bsrung phyir zangs dang lcags// gser dang bcas pa'i rim par sbyar// lag tu phur pa dpal phyir bstan// shrI many+dzu yi gsang sngags dgod// 'khor lo bre la rab brgyangs te// log pa'i 'khor lo skabs su bskor// dus mtshams bzung ba zhes su gsungs// ces gsungs so// snying zor gyi rgyud las le'u bzhi pa'o// // de nas yang man ngag gnan pa/ rdo rje gnan pa zhes bya ba 'di gsungs so// ri rab 'og tu mnan pa bya ba yi/ dur khrod ras sam rgya shog la// 'khor lo rim pa bskor ba la// mnan pa'i sngags dang rgya gram bya// 'og tu gang yin rdzas lnga la// gzugs byas 'khor los lce stengs mnan// sngags pa'i 'og tu yin zhes bshad// de nas so 'tshams bsrung ba mtshon cha rag log ces bya ba 'di gsungs so// gsang phye klu nag yod pa'i chu// dug khrag man tra nag po'i rus// seng ge'i kha la 'khrul 'khor bri// so 'tshams dag tu khru gang mnan// bskal pa'i 'khor lo rang log 'gyur// sbyor ba bsrung ba'i 'khrul 'khor te// sgo gang phyogs sam de bzhin du// bzlog pur dbang bskur phag thod mnan// rta gags sngags kyi dug mda' bzlog/ 'khrul 'khor rim pa don gyis ni// man tra'i nus pa de yis 'joms// bsrung bzlog go cha rim pa'i mchog/ ces gsungs so// snying zor nag
- 73a
po'i rgyud las le'u lnga pa'o// // de nas yang dregs pa na ra gi ra ti yis/ gsang sngags kyi de kho na nyid gsang ba 'di/ sku gsung thugs rdo rje las bton to// oM a kro rA dza du na sa du snying la phril phril/ e kro rA dza tsit+ta na sha sha la rbad rbad/ ya ya rna la ma nri dza snying la kha thun mA ra ya rbad/ kro ma ri sha sha trag thun/ tsit+ta ma ra ya tri rbad/ sho ma ri rag shag kha baM/ tsit+ta tra ma rak+kha rbad/ srog te tri ma tri sha dza/ tsag re kha tri yak+Sha dza/ kri tra ma tri ya ya dza/ dgra bo'i srog la rbad/ bruM ri la rbad/ tsa khrag tsit+ta phyung / nri srog hur thums dza/ nr-i mA ra ya rbad/ a mu ka du na nan/ sa du nan/ snying du nan/ pri du rbad/ kha thun rbad/ tsit+ta ni sha ku lu rbad/ mo ha ni shal dun dun/ khrag la hub hub dun khyer b+h+yo ni dza taM pa ya nan/ e ka du na bzlog/ ma hA du na bzlog sa ka du na bzlog/ tsa dur snying la bzlog/ sum tri rak+kha du na bzlog/ rak+ka ti por du na bzlo/ oM a kro te ka ya man ta ka/ e ka pa ra hUM phaT/ e te pre ma sa na hUM hUM/ pra dod ka khra rak+Sha hUM hUM/ oM ya be shaM tra be sha ma/ be shaM be shaM ru pe shaM kha Tun b+h+yo/ ta pa li mu li du ru du hUM phaT/ karma tsan+ta mu tre du ru du ru hUM phaT/ rak+Sha mo du ru ru lu ru lu hUM b+h+yo hUM/ e ka dza ti pa la ma sha dgra bo la phaT/ nag mo ra ma ti pad+ma ra ti ru ti re ma ti ha rbad b+h+yo/ oM ka ru na tsa le tsa le hUM phaT/ ta ki tsa te tsi tsa te/ hu yaM hu ya/ hu
- 73b
lu hu lu pu ru te pu ru te/ a mu ka me/ rak+Sha rak+Sha hAM/ tsa trag trag b+h+yo/ ru lu ru lu dza/ trag trag a shug b+h+yo/ ru lu ru dza re rak+Sha traka b+h+yo/ dgra snying la mA ra ya aM gu sha trag trag sha mA ra ya b+h+yo/ yaM khrag thun dgra snying la rbad/ che ge mo'i srog a mo khaM rbad rbad/ thig ni cig med/ brgya chad gnyis zung srog khyer/ dbugs long ya tri ni ra zung rma tri bdud tri ni ra zung / kro ma sha sha/ trag thun tsit+ta thun ni sha ku ru rak+kha thun ya ya ding ding sa ma ya dza/ che ge mo a mu khaM sas stobs/ mes tshig/ chus bkur/ rlung yengs/ kha ri bal lhag sna ra yen tshe/ ri stibs ni ri khyer/ oM shrI many+dzu ya ma rA dza ma ma e ka dza ti ni dza dza/ rtsa ba yid bzhin rin po che// las ni sna tshogs sbyor ba'i mtshon// rang bzhin stong nyid ngo bo'i lha// nus pa'i dkyin dang dug dpal mtshon// tshul nyid sgra drag 'bru mi gsal// yid la gsang zhing dbugs sgra lci// rtsa ba'i las su de bzhin sbyar// yan lag so so mtshan nyid can/ ze sa kha 'du klu nag 'khrug/ rgyu zod spu gri sbab chen dang // sa gzhi ri rab skyom dang nad/ khra sbyang gzan la bcum pa 'dra// lcags kyi tsha tsha 'phro tshul gyis// bzlas pa yi ge rims bzhin bya// zhes gsungs so// snying zor nag po'i rgyud las sngags kyi le'u ste drug pa'o// // de nas dregs pa chen po na ra gir tis/ bsam gtan chen po'i ting nge 'dzin gyis//
- 74a
sngags kyi mtshon cha 'bar ba yul las rab tu 'phros pa'i tsakra 'di gsungs so// ting 'dzin tri la rdo rje'i sku// gshin rje yak+ka me dpal gyi// sku mdog phyag mtshan gsal ba yi// spyi gtsug mkha' lding rgyal po bsam// g.yon du sgrol byed yul gsal ba'i// gsang sngags 'od zer 'phro 'du yis// rdo rje khro gtum mang po yis// ba spu'i bu ga kun khyab ste// 'phros pas gdug pa nyal zag gcod// rtsa rgyud 'dul gyi bsam gtan yin// lha rgyud dril ba'i gsang sngags kyis// phra mo 'od kyi gzugs brnyan can// 'jam dpal yab yum bya khyung gi/ sprul pa dpag tu med pa yi// ze la khab 'du tshul dag kaM/ ma sa baM la sbrang 'du bzhin// 'dus shing de nyid thim pa yis// bdag dang gzhan bsrung skyob pa yi// 'khor lo chen po yang dag bshad// bzlog pa'i dus na khro tshogs dang // ma ma srin mo mang po yis// rlung nag 'khrug/ pa'i tshul dag gis// rbod gtong la sogs gzhan gyi lha// bskal pa'i rlung nag log pa ltar// bzhan gyi sbyor ba 'joms pa ni// bzlog pa'i 'khor lor yang dag bshad// dregs pa bdud dang gying btsan gyis// gnod sbyin mang pos dmigs pa dgug/ ye shes sems dpa' khros pa yis// gnod sbyin yak+ka mgo dgu pa// zhe sdang 'khrug pa'i lus bcu rnams// snying dang rtsa bran dbang po 'joms// gsad pa'i
- 74b
'khor lor yang dag bshad// nad dang mtshon che'i rlangs pa dang // dug dang spu gri dpal chen gyis// tsa rnams khyengs te lus srog gcod// mtshon cha dmag dang rang gnad du/ bskyed pa kha so'i 'khor lor bshad// ri rab rdo rje gdan gyi mdzes// las kyi lha dang sngags dag gis// pho brang chen por bsam pa ni// mnan pa rdo rje ri rab bo// srod dang nam gung tho rangs dang // nyi ma gung la las bzhi sbyar// phyag rgya sor bcu g.yon gdengs dang // bskum ste gnan dang g.yas pa gdengs// bsnol zhing gdengs pa'i pho nya yang // seng ge khyung dang rus sbal dang // stag gzig bcu yis gzhi sbyar// gsang ba'i las su de shes na// las bzhi gtso ru yang dag smin// ces gsungs so// snying zor las le'u bdun pa'o// // de nas yang dregs pa chen po na ra gir tis/ mtshan ma rgyu rtsal gyi rus pa'i mthus/ bsdebs kyi grogs su drag po rdzas kyi 'khrul 'khor 'di dag gsungs so// rtsa ba yan lag tshul dag gis// dril te sgrub dang rkyang pa yis// las kyi grogs su rdzas bzlog ces// sngags pa'i rdzas su yang dag bshad// phung khung bka' rten rnying pa dang // nub phyogs grogs po phug rdugs sa// dug dang rme khrag sbrus pa'i er// ling ga dbang po dod pa dang // rigs dang mdzes ldan thod nag sbyar// lha dbye gnan cing gsad par sbrel// skra gnan
- 75a
rang gshed 'bebs pa'i rdzas// gsad pa drag po'i rdzas su bshad// ma hA rus sbal khog pa la// dbang sdud yi ge khrag chen bri// 'bru sna tshang ba'i gtor ma bca'// sha sna khrag snas rab brgyan te// bzlog pa'i rdzas su rab bshad do// ga 'u'i bum pa'i pho brang du// gser dang zangs ma lcags su bcas// bsrung ba'i 'khor lor bcas pa dang // bsrung phur bsrung ba'i rdzas su 'gro// rme khrag gsum dang snying sna la// snying gi yang snying bzlas pa'i thun/ kha so bskyod pa'i rdzas yin te// las kyi gtso ru de la 'dod// dar dkar rgya shog de dag la// gur kum la sogs gsang sngags bri// bri ba rgyan gyi 'khor lo ste// mgul du btags na sbyor ba bzlogs// phung sa chu mig klu gnas chu// seng ge kha 'thab 'khor lo yis// gsang lam dgag pa'i rdzas su bshad// dug dang mtshon cha 'khor lo'i sngags// sbyor ba phag thod rta gags kyis// dug mda' 'joms par sbyor ba'i rdzas// a mu ka yi rdzas lnga la// dug sna lnga dang phye ma lnga// bco lnga'i sbyor bas ngan pa non// ces gsungs so// pa la pa tra snying zor gyi rgyud las le'u brgyad pa'o// // de nas bcom ldan 'das dregs pa'i rgyal po na ra gir tis/ gsang ba'i rgyud 'khor la bsdams shing gtad de/ 'di skad ces gsungs so// e ma ho rno dpal mtshon cha me// rab tu gsang ba'i
- 75b
bka' rgyud lta// rtsa ba yan lag stong gi rgyud// snying po zer ba'i rgyud 'di dag/ rab tu gsang ba'i dregs pas zung // rdzas bzlog sngags bzlog gnyis su bshad// bsdebs dang rkyang pa gnyis su bshad// rdzas la rten pa 'di lta ste// phyi dang nang dang gsang ba yi// mchod rten rus sbal snying zor gsum// dril nas bsgrubs kyang 'gal ba med// bsrung dang bzlog dang mnan pa yang / 'khor lo gcig gis grogs su sbyar// gsad pa mchod kyi sbyor ba la// 'khor lo zod pa'i nang du bca'// rtsa sngags drod dang mthun par bzlas// drag sngags bdun pa bdun phrag bdun// nyin zhag bdun du bskor bar bya/ khri khri bar du gri ba brgya// gsang ba'i lus su sngags kyis so// srod dang tho rangs nam gung la// phyi mi gsang sngags bzlas par bya'o// 'khor lo rdzogs dang mnan pa bya// de na thun sgrub zhag gsum bya// de yis dus mtha' rdul bar byed// gal te grub par ma gyur na// sngags rnams bzlog cing dkrug par bya// rdzogs pa'i cho ga zhag bdun bya// 'gal byed brlag par smos ci dgos// rten pa rang gi bdud du 'bab// de dag zla ba / chung gi/ nyi shu gnyis nas dgu ru bya// tshes gcig mnan pa'i cho ga bya// brgyad pa zor kha g.yos pa dag/ dgra bo gnas pa'i phyogs su yang // gtor ma'i zor dang bcas pa 'phang // gnyen po phyogs dang
- 76a
bstun pa gces// rta gags 'khrul 'khor bca' ba yang // phag thod bcug la sgo bsrungs te// phur pa dang bcas lto srog yin// seng ge kha 'thab dus 'tshams bsrun// mchod rten bca' ba ma grub kyang // bdag nyid yak+ka gsal ba na// dam pa'i mchog tu 'di dag 'dod// bsrung log 'khor lo 'cha' ba na// 'khor lo rim pas gnas su bskor// phyir bzlog 'khor lo rgyab tu gdags// bsrung ba'i 'khor lo mgul du gdugs// ngag mnan rang gi 'og tu mnan// bsad pa gdug pa'i gnas su bskul// 'khor lo bka' ba ma grub kyang // gsang sngags rim pas bzlas pas 'grub// gsang ba'i bka' rgyud snying po ste// rang gshed gsang ba'i bka' rgyud 'di// bgrod pa thob pa'i stobs kyis bslang // 'khor gyi dregs pa pho mo dang // lha klu mkha' 'gro rnal 'byor la// gsang ba'i bka' rgyud ngas gtad kyis// lnga brgya snyigs ma byung ba'i tshe// rgyud kyi rgyal po 'dzin pa la// mkha' 'gro rnams kyis byin rlob la// rnal 'byor sgrub pa'i grogs kyis shig/ de nas 'dus pa'i 'khor dga' mgu yi rangs te/ dregs pa chen pos gsungs pa la mngon par bstod do// pa la pa tra gsang ba snying zor gyi rgyud las rgyud gtad pa'i le'u ste dgu pa'o// // pa la pa tra gsang ba snying zor gyi rgyud rdzogs so// // d+harma rgya mtsho// //
- 76b
/ rgya gar du/ d+ha dz+nyA d+ha b+ha ma ni mang hu du yak+Sha kan nA ma tan+t+ra/ bod skad du/ gnod sbyin thams cad kyi srog tig/ pa la pa tra mchod rten nag po'i rgyud kyi yang snying zhes bya ba/ dpal dregs pa'i rgyal po na ra gir ti la phyag 'tshal lo// 'di skad bdag gis thos pa'i dus gcig na/ dpal dregs pa'i lha dbang phyug chen po/ dpag bsam gyi shing yongs su sa brtol bod kyi bum pa la/ shin tu 'jigs pa'i gzhal yas khang na bzhugs te/ de'i tshe 'khor gyi nang na dregs pa chen po gtsug phud nag po zhes bya bas/ bcom ldan 'das dregs bdag chen po la zhus pa/ e ma ho/ dregs bdag chen po lha bdag gtso/ khyed kyi dam tshig bdag la zhu// gang gis sngags pa dam nyams tshe// de yi thabs rnams ji ltar lags// bzlog bsrung mnan dang bsad pa dang // 'phrin las bcol dang sbyin sreg dang // thog ser dbab dang sa blangs dbab// rims nad phyung gi da la kha bsrung // 'khor lo bca' dang khrag zor 'phang // sngags bsrung bdud dang bcas pa bsrub// bsad pa'i las rnams ji ltar lags// de dag bdag la bstan du gsol// de skad ces ni gsol pa dang // dbang phyug chen pos gsan nas ni// gtsug phud can la bka' stsal pa// nga yis khyod la bshad par bya/ khyod kyis shin tu legs par zung // dam tshig nyams pa'i
- 77a
rmongs chen de// myur du gsad par bya ba'i phyir// bzlog bsrung bsad pa la sogs pa// de yi thabs rnams bstan par bya// zhes gsungs nas/ dam tshig thams cad 'byung ba'i ma hA krod+ha zhes bya bapaba'i ting nge 'dzin la snyoms par zhugs so// de skad ces gsungs so// oM e ka dur na bzlog sa ga dur na bzlog/ dza dur snying la bzlog/ rA dza dur na bzlog/ ma hA dur na bzlog/ sa ma ya dur na che ge mo bzlog/ ces gsungs so// gtsug phud nag pos yang zhus pa// dregs pa'i bdag po lha bdag gtso// bsrung ba'i las rnams ji ltar lags// ces zhus pa dang / brda cig mdzad nas bka' stsal pa// dam tshig rang gi srog ltar bsrungs// man ngag mig gi 'bras ltar chongs// ces gsungs so// de nas gtsug phud nag pos bskor ba lan gsum mdzad nas/ bka' bzhin bgyid do// zhes gsol pas/ gnang nas bka' stsal pa/ srog 'dus gsum gyis dus mchod bzlog ste bsrung // bzlog pa'i 'khor lo rgyab tu gdags shing bzlog sngags bzlas pas bzlog/ gsang sngags bzlas pas las rnams 'grub pas gsad pa'o// mnan pa'i 'khor lor bca' zhing mnan pa'i sngags rnams bzlas pas thams cad mnan par bya'o// sngags pa nang 'gras byung gyur na// bzlog pa'i 'khor lo rnam pa gnyis yod de// mtshon cha'i 'khor
- 77b
lo bskor mi dgos// bzlog pa'i 'khor los rbod gtong thams cad bzlog/ gtor de bzlog dang dril te bzlog kho rang rbod gtong kho nyid la// bzlog pa sngags dang bcas pa'o// oM a kro rA dza dur na sa dur snying la hril hri la/ a kro rA dza tsit+ta ni she be rbad rbad/ ya ya rnal ma rnal tri dza/ snying la kha thun mA ra rbad/ srog 'dus gsum gyi gsang sngags ta// sgrub dang dbang bskur dam pa yin// zhes bzlas pas drag sngags kyi dmod pa yang bzlog par 'gyur ro// pa la pa tra'i rgyud kyi bcud bkol ba las/ pha rol gyi byad stems bzlog pa'i le'u ste dang po'o// // de nas dregs bdag chen pos 'di skad ces gsungs so// oM ka ru na tsa le tsa le hUM phaT/ ta kyi tsa te/ byi tsa ste/ hu ya hu ya/ hu lu hu lu/ pu ru te pu ru te swA hA/ oM ya man ta ka/ e ka pa ra na hUM phaT/ e te pre ta ya ras nan/ pra tod rak+ta nan/ e pa shaM/ pra pe / ru pe sha kha thun b+h+yo/ ta la ta pa li ma li/ du ru du ru hUM phaT/ ka ra ma tsan+na mu tri/ du ru du ru hUM phaT/ rak+ta mu ru mu ru hUM b+h+yo hUM/ o ka dzA Ti tsa pa li mi sha dgra bo la phaT/ nag mo re ma ti/ pad+ma mi ti/ ra ti re ti/ re ma ti ha rbad b+h+yo/ zhes bzlas na/ lha ma srin sde brgyad rbad do// dngos su bsgrubs kyang bdag la mi tshugs so// pa la pa tra'i rgyud las/ bsrung ba'i le'u ste gnyis pa'o// // de nas yang gsang ba'i sngags
- 78a
gsungs pa/ tro ma ri sha sha trag thun/ tsit+ta mA ra ya tri rbad/ sho ma ri rak+ta kha baM/ tsit+ta pra ma rak+Sha rbad srog te hra mi tro sha dza/ tsaka re kha re yak+ka dza/ tri ta ma ti ya sha dza/ oM a kro ma ma ri shad shad trag thun/ tsit+ta mA ra ya thum/ ri la ri la/ khas khas/ yen yen/ sod sod/ pa la pa tra'i rgyud las/ gsad pa'i le'u ste gsum pa'o// // de nas yang dregs pa'i bdag pos 'di skad gsungs so// hUM hri mA ra ya sha ta traM pa sa ti swA hA/ sgrub cig sgrub cig/ this s+pha ra nan swA ha/ gnan sngags rgyun du drang ba/ oM du na nan/ sa du na nan/ trag tu nan/ snying du nan/ sri nu nan/ sngags pa snying du nan/ kha thun rbad/ a kro rA dza dur na sa dur hUM/ sngags pa snying du nan/ ces gsungs so// pa la pa tra'i rgyud las/ gnan pa'i sngags bstan pa'i le'u ste bzhi pa'o// // de nas yang drag po'i 'phrin las 'di gsungs so// hUM/ dregs lha / chen po dbang phyug che// kun ma rA dza khro bo'i rgyal// gdug pa thams cad 'dul mdzad pa// sku mdog dmar nag me ltar 'bar// phyag na rdo rje'i tho chen 'phyar// bdud dang mu stegs thal bar rlog/ rnal 'byor bdag la bsrung du gsol// de thugs kha'i hUM las sprul pa ni// sngags bsrungs nag mo mthu mo che// sku mdog dmar nag me lce 'phro// e ka dzA ti ral gcig ma// phyag na g.yu yi spyang mo rnams// dam la
- 78b
gnas pa'i dgra lha mdzad// 'jig rten ma mo'i 'khor gyis bskor// dam tshig can gyi grogs mdzod cig/ sangs rgyas bstan pa snyigs ma yi// dam nyams dgra la rtags phyung zhig/ dgra bo lha la dbye ba/ oM tsa nan mud nyung kha yug ti sde shig sde shig/ gram yal gram yal swA hA/ sngags bsrungs kyi yang snying / oM tsa re yaM snying kha rag ra tri badz+ra dun b+h+yo/ oM me da ra lig snying kha rag rbad/ oM me da ra hri thum ril rbad/ rbab/ rgyab tab/ tu/ 1/ ma/ ho/ na/ drag po bcu bdun dgu ru bsdus// gtor byed drag po'i yi ge ni// rna la gang 'gro 'brub khung nang // drag pos brabs na de bzhin 'gyur// zhes gsungs so// pa la pa tra'i rgyud las/ 'phrin las dang sngags kyi le'u ste lnga pa'o// // de nas yang dregs pa chen pos 'di skad gsungs so// gru gsum nag po'i dbus dag tu// ro bsregs mgal dum shing mched la// tsher ma can gyi me sbar te// ske tshe shangs tshe gu gul dang // phye ma gsum dang ling gar bcas// de dag bsreg cing sngags 'di bzlas// trag rag+na sa ma ya snying ling sprad/ tsit+ta rak+Sha thun tsa b+h+yo/ oM 'ub che ge mo zhig rbad/ oM rgya rgya che ge mo rbad/ ma ma che ge mo ba baM/ che ge mo hri ma ra ya rbad/ sa nam tri nal rgyug rgyug/ ma rag mo ka la yag mo rag mo/ nrir nrir/ dza dza/ zhes lan nyi shu btab la/ rtsa gcig bsreg go/ sbyin bsreg byas
- 79a
pa'i thal ba ni// chu mig rta bgab can du gnan// ces gsungs so// pa la pa tra'i rgyud las/ sbyin sreg gi le'u ste drug pa'o// // de nas drag thog dbab pa ni// ga na gnas pa'i phyogs su'o// gser sdud phyung la sngags 'di gdab// mu rag mo te guM na ga phruM shig/ e kar btsan bdud 'dril 'dril chems// ser ba dbab pa ni/ mi rkang skyed por btsugs la/ ban d+ha mtshan ngan du brdeg pa ni// Ni ra khug tsit+ta baM ril shag shig/ thab bskrad pa'i thal ba dang / mi rkang gsum bsgril la phyogs su dbo/ pa la pa tra'i rgyud las/ thog ser dbab pa'i le'u ste bdun pa'o// // gzhan yang sa blang dbab pa ste// de yi thabs kyang bshad par bya// skyer ba'i khram shing ring po la// zhing ngam bra bo bo yang rung // dkyil du sbas la drag pos gdug/ shin tu bskams pa'i sha tshil bsreg/ sngon dmar skud pas dkri bar bya// de yi sngags ni/ badz+ra shar tsu 'bru yar 'bur bur ba/ saM laM tA laM mu niHyaM/ 'dzam gling nyi ma 'bum dgu srid gsum g.yo 'khrug mdzad// dam nyams dgra yul 'di ru sa bla phob// ces bskul na zhag bdun nas sa bla 'bab par 'gyur ro// pa la pa tra'i rgyud las/ sa bla dbab pa'i le'u ste brgyad pa'o// // gzhan yang gsungs pa/ mi yi rtsa di ma bdun la bu tsi ni byugs la/ rjes bdun gyi sar sbas/ oM bruM
- 79b
hri hri traM/ zhes byin gyis brlab par bya'o// pa la pa tra'i rgyud las/ mi nad phyugs nad bsrung ba'i le'u ste dgu pa'o// // de nas yang 'di skad du gsungs so// de nas yang 'khor lo bcas nas/ bsrung ba'i 'khor lo mdun du gdags// bzlog pa'i 'khor lo rgyab tu gdug/ gsad pa'i 'khor lo mchod rten 'og/ gnan pa'i 'khor lo mal gyi 'og/ ces gsungs so// pa la pa tra'i rgyud las/ 'khor lo bca' ba'i le'u ste bcu pa'o// // de nas yang khrag zor 'phang ba ni/ mtshan ngan dum bu brgyad pa'i nang // rims khrag gri khrag mdzo yi khrag/ rgyu gzer nad ngan sna tshogs khrag/ sna tshogs pa'i ril bu dang // tsha sna dug sna mngal khrag sogs// mthing nag dur gyis dril la sgrub// oM trag rak+Sha ma ye ti/ dgra sha 'tshong shig sha la za/ rnal phob nar ka/ ta g+han glo snying dkrugs shig/ ces bzlas te rtags byung ba dang / dgra bo'i khang khyim la brdeg go/ pa la pa tra'i rgyud las/ khrag zor 'phang ba'i le'u ste bcu gcig pa'o// // de nas ngan sngags kyi sgrub lugs 'di gsungs so// dang por sngags bsrungs dgug pa'i thabs ni/ bdag nyid che mchog tu bsgoms la/ srog gi snying po 'di gdon no// trig trig ser ser ku lu me ku/ khag ya shig baM myogs ha ta re li/ de nas bdud po 'bod cing rbad pa/ snying kha rak+Sha ga dun/ ya ga na sha rgyob//
- 80a
tri thun/ kha thun/ bdud tri tsa ba la b+h+yo/ dun tri baM tri po la ya b+h+yo yaM/ trag rak+Sha kha mun tra/ mu ru lu ru lu hUM b+h+yo hUM/ rag mo te ke ma tsa tsa kha la b+h+yo/ ru lu ru lu ma ti b+h+yo/ trag rak+Sha kha la mu tra/ mu ru lu ru b+h+yo hUM/ rag mo te ke tsa tsa kha la b+h+yo/ ru lu ru lu ma ti b+h+yo/ zhes snying dgug go/ sngags bsrungs bdud po dang bcas pa'i ngan sngags so// pa la pa tra'i rgyud las/ sngags bsrungs bdud dang bcas te sgrub pa'i le'u ste bcu gnyis pa'o// // de nas gzhan yang bshad bya ba// gsad pa'i drag sngags bstan par bya// trag rak+ta ma tsit+ta te kye ma b+h+yo/ thum 'bum 'dri la/ kha yag zhung thun ma ra ya ri/ oM suM tri rak+Sha b+h+yo/ nag po kha la yan te sod/ bdud tri gyi ta sa ma ya b+h+yo/ rA dza ya srog shaM sha khyer b+h+yo/ baM khrag baM khrag ni sha ku ru rbad/ ta hul hul/ ba hul hu la/ oM tar mo ta ya hUM phaT/ ces gsungs so// pa la pa tra'i rgyud las/ gsad pa'i drag sngags bstan pa'i le'u ste bcu gsum pa'o// // de nas de'i tshe 'khor thams cad zil gyis mnan te/ gtsug phud nag po la 'di skad ces bka' stsal to// gtsug phud nag po'i 'khor rnams kun// rgyud 'di shin tu gsang ba ste// mkha' 'gro ma yi dra ba sdom// phyi ma las kyang phyi ma ste// man ngag drag po'i rgyud 'di ni// yang tig bskol ba rgyud kyi snying // 'di ni shin tu sba bar gyis// ces gsungs
- 80b
nas/ dpal dregs pa chen po cang mi gsung bar gyur to// gtsug phud nag po la sogs pa'i 'khor thams cad yi rang ngo // pa la pa tra'i rgyud las/ gtsug phud nag po la rgyud gtad pa'i le'u ste bcu bzhi pa'o// // pa la pa tra mchod rten nag po'i rgyud/ rtog pa phyi ma'i phyi ma/ bstan pa bsrung ba'i rgyud shin tu gsang ba/ rgyud kyi yang snying zhes bya ba'o// rgyud kyi bcud bkol ba zhes yang bya'o// yang tig bskol ba zhes kyang bya'o// rdzogs so// // shu b+haM/ ba su d+ha ra bdag gis ni// bod yul dbus su sprul pas bzhengs gsol ba'i// dam pa'i chos skyong rgyal po gtsug lag khang // khyad par 'phags pa'i dbu rtse dbyar gyi khums// zhag bdun bar du 'tsho ba'i zas med de// dam tshig dbang gis sangs rgyas nyid dang mjal// rgyud gsum gsang mchog rgyud dang ldan pa yi// srog tig yang tig gsang tig dang // drag sngags bkol ba'ang dgos pa gang gces bzhi// srog gi rin du sangs rgyas nyid la gtad// rgya bod gnyis na gdams ngag 'di spyod med// ba su d+hA ra bdag gis ni// slob ma'i dam pa sangs rgyas la// dam tshig mna' yis bsgags nas gtad// 'di man chod 'ga' tsam 'phel srid de// snga rabs gong du 'di las grags pa med// lta ba zab la dam tshig gtsang // sgrub la brtson la brtul zhugs che// de lta bu yis
- 81a
bsgrubs gyur na// the tshom med par 'grub par 'gyur// snying po yang snying shin tu gsang // spyod pa 'phrin las shin tu gtsang zhing gab// thub na rigs rgyud 'phel bar 'gyur// btsam la 'phyar bas gzhan spel na// 'dir ni tshe thung nad yang mang // bkra mi shis la khob mi gshin// de phyir snying gi dkyil du sba// mu stegs rnam pa bzhi'i rde'u gshig cing phung bar bya ba'i rgyud ces bya ba rdzogs so// // rgya gar skad du/ pra ti ya man tra sa tsa tan tra ka ni ka/ bod skad du/ mchod rten nag po'i rgyud las/ pra khrid rnam pa gsum bstan pa/ dpal dregs bdag chen po la phyag 'tshal lo// shin tu gsang ba'i gnas mchog gnas// dregs bdag lha yi dbang po la// drag po 'dus pa'i 'khor gyis bskor// gsang ba'i lung rnams sbas te gtad// skabs dang ldan pa'i dus dag la// 'khor gtsug dgu na gus 'di skad zhus/ e ma ho/ dregs pa'i bdag po lha bdag gtso// thabs la mkhas pa'i thugs rje can// bdag cag the tshom gyur pa rnams// nges pa bskyed phyir bshad par 'tshal// lnga brgya dus kyi snyigs ma la// bstan pa nyams pa'i dus 'byung ste// gdug byed sbyor ba bzlog pa dang // dam tshig nang rme'i rme thabs la// bsrung dang bzlog dang gnan pa dang // gdul zhing bsad pa'i 'phrin las rnams// mchod rten
- 81b
nag po'i rgyud dag las// pra khrid man ngag bshad du gsol// zhes zhus so// ston pa na ra gir ti des/ bsdams pa gnang ba'i brda cig mdzad nas/ 'di skad ces gsungs so// dregs pa'i tshogs rnams bdag la nyon// lnga brgya tha ma'i dus dag tu// dam tshig nyams pa mang pa yis// rdo rje nang rme byed pa'i tshe// lta ba zab mo'i gdeng stengs su// 'dus pa'i lung gis rgyab rten bya// mchod rten nag po gtan la dbab// gsang ba gsum gyis nyams su blangs// sbyor ba gsum gyis kha yang bskang // tha mar gsang ba'i rgya yis gdab// lag tu blang ba'i pra khrid ni// bzhi gcig lha ste bzhi gnyis phur// bzhi gsum sgo ste bzhi bzhi phyogs// bzhi lnga dus te bzhi drug rdzas// bzhi bdun gzungs thag bzhi brgyad sngags// yang bzhi phyag rgya rnam pa bzhi// bsgyur te sprul pa rnam pa bzhi zhes pa// bzhi brgyad sum cu rtsa gnyis dang // yang brgyad bzhi bcu zam pa yis// mchod rten nag po gtan la dbab// ces gsungs so// de nas yang 'khor gyi gtso bo gtsug gu nag gus 'di skad ces gsol lo// e ma ho/ dregs pa bdag po thabs la mkhas/ lha rnam pa bzhi gang lags/ phur pa rnam pa bzhi gang lags/ sgo rnam pa bzhi gang lags/ phyogs rnam pa bzhi gang lags/ dus rnam pa bzhi gang lags/ rdzas rnam pa bzhi gang lags//
- 82a
gzungs zag rnam pa bzhi gang lags/ sngags rnam pa bzhi gang lags/ phyag rgya rnam pa bzhi gang lags/ sprul pa rnam pa bzhi gang lags/ zhes rtsa ba bzhi bcu tham pa zhus so// dregs pa'i bdag pos bka' stsal ba// gdug byed log lta 'dul ba'i phyir// rtsa ba bzhi bcu nyams su blang // dang po gzi byin bskyed pa'i lha// gnyis pa rtsa ba'i dkyil 'khor la// gsum pa 'du byed las kyi lha// bzhi pa gzu dang dpang gi lha// phur pa bzhi zhes bya ba ni// bsrang zhing bzlog pa'i phur pa dang / 'dzin pa srog gi phur pa dang // bdud du dbab pa'i phur pa dang // bsad pa las kyi phur pa'o// sgo bzhi zhes pa phyogs bzhir ro// phyogs ni shar dang nub dang lho// dus ni srod dang nam gung dang // tho rangs nyi ma gung dus su// rdzas ni bsrung bzlog gnan bsad bzhi// gzungs thag dkar sngo dmar nag go/ sngags ni bsnyen pa nye bsnyen dang // bsgrub dang bsgrub pa chen po'o// phyag rgya bzhi dang sprul pa ni// bsrung bzlog gnan bsad rnam bzhi'o// sbyor ba chen po tshang bas ni// ji ltar bsams pa'i don rnams 'grub// ces gsungs so// mchod rten nag po'i rgyud las/ rtsa ba bzhi bcu tham pa bstan pa ste/ pra khrid dang po'o// // dregs pa'i bdag po na ra gi rti la// tsu gu na gus yang zhus pa// dregs pa'i bdag po lha bdag gtso// lha
- 82b
bzhi'i sgom thabs ji ltar sgom// phur pa bzhi po gang la bgyid// sgo bzhi'i gdod thabs ji ltar gdod// dus bzhi'i las rnams ji ltar bya// rdzas bzhi ji ltar dgod cing bsag/ gzungs thag bzhi po ji ltar bsgril// sngags bzhi bzlas thabs ji ltar bzlas// phyag rgya bzhi po ji ltar bsgyur// sprul pa bzhi po ji ltar bgyid// dregs bdag chen pos bka' stsal 'tshal// zhes lan gnyis su bskor te zhus so// dregs bdag chen pos bka' stsal pa// lha bzhi'i sgom thabs 'di ltar sgom// gzi byin bskyed pa'i lha zhes pa// byin gyis rlob pa'i lha gsum ni// mchod rten rtog la bsgom par bya// btso ma gser gyi kha dog la// dar dang rin chen sna tshogs brgyan// ral gri ut+pal bsnams pa ni// oM las bskyed pa sku yi lha// dkar 'tsher rgyan dang na bzar ldan// pad+ma mchod sbyin bsnams pa ni// AHlas bskyed pa gsung gi lha// ljang sngon ni la'i mdog 'dra ba// rgyan dang na bza' sna tshogs ldan// rdo rje dril bu bsnams pa ni// hUM las bskyed pa thugs kyi lha// dbang bskur ba yi lha lnga ni// gser btso'i mdog 'dra byang chub brgya// 'khor lo dang ldan spyan dang bcas// oM las bskyed pa chos dbyings so// dkar ba'i mdogs las sa non can// rdo rje ldan pa ma kyir bcas// hUM las bskyed pa me long ngos// sngon po mchod sbyin rgyan
- 83a
dang ldan// rin chen sangs rgyas spyan dang bcas// traM las bskyed pa mnyam nyid do// dmar ba mnyam gzhag rgya can te// pad+mar ldan pa na bza' can// hri las bskyed pa so sor rtog/ ljang bu skyabs sbyin rgya can te// rgya gram lan pa sgrol mar bcas// a las bskyed pa bya grub bo// yum lnga phyag na bum pa bsnams dang bcas sgom// gnyis pa rtsa ba'i lha zhes pa// yak+ka che mchog spyi yi lha// bum pa gzhal yas khang du sgom// sprul pa las kyi lha gsum ni// gshin rje nag po khros pa la// zhing dbyug dang ni thod pa 'chang // sbrul dang thod pa dur khrod brgyan// ma he'i gdan la brkyang bskum tshul// 'khor du yi dwags bye ba 'bum// sngags bsrung nag mo khros pa la// tsit+ta dang ni sprul pa rnams// thod pa zhing dang glang chen brgyan// ro yi gdan la brkyang bskum tshul// 'khor du ma mo bye ba 'bum/ khyung chen nag po gnam lcags las// rin chen 'bar ba gtsug na brgyan// phyag gis rdo rje 'bar ba gdug pa 'dzin// zhabs kyis gdug pa mnan zhing za// 'khor du klu gnyen bye ba 'bum// phur pa gsum la bsgom par bya// gzu dang dbang gi lha zhes pa// phyogs bcu dus gsum sangs rgyas rnams// a las bskyed pa dang por ro// de yi phyi rim byang chub sems// rgyu dang 'bras bur bcas pa rnams// 'di las bskyed pa drangs med
- 83b
pa'o// de yi phyi rim rang sangs rgyas// yi ge pra las bskyed par bya// phyi rim nyan thos tshogs bcas pa// thub drug nyid kyang ba las sgom// de yi phyi rim rgyal po dang // phyogs skyong la sogs lha srin tshogs// legs nyes btang 'byed sna tshogs sgom// de ni gzhal yas nang du'o// phur pa bzhi po 'di ltar bya// bsrung zhing bzlog pa'i phur pa ni// shed shing seng ldeng skyer pa'i rgyu// sor brgyad gsum la rang rang bsngags// bris te dbang bskur byas la gzugs// 'dzin pa srog gi phur pa ni// tsher can shing la khru gang tshad// dbu la khro bo'i zhal gsum dbyung // chu srin kha nas dpal stan pas// nyams pa spyir gzir rang srog 'dzin// bdud du dbab pa'i phur pa ni// gdug pa'i phur bu sor bzhi la// sngags bris kho yi snying khar gdab// bsad pa las kyi phur pa ni// seng ldeng rgyu las sor bzhi pa// lho phyogs sgo ru 'brub khung gzugs// sgo bzhi gdod zabs 'di ltar gdod// mchod rten ri rab phyogs bzhi ru// shar sgo dkar la zlum par bya// byang sgo ldang la gru bzhir bya// nub sgo dmar po zla gam bya// lhor ni sngon po gru gsum mo// re bzhi'i tshul du 'bur du gtod// sgo la bzlog sngags thams cad bri// dus bzhi'i las rnams 'di ltar bya// srod la rang bzhin bsrung bar bya// nam gung kho yi rbod gtong bzlog/ gtor de
- 84a
bzlog dang dril te bzlog/ gtor ba rang gshed ngo shes gces// dril ba lha srin thams cad bzlog/ bzlog rdzas rnams la sngags shing brdeg/ sngags kyis sngags bzlog pa zhes bya// tho rangs kho nyid gnan par bya// bla tshe lha bsrungs kho nyid gnan// dag gnan rang gi skabs dang sbyar// nyin gung kho nyid gsad par bya// nyungs kar la sogs thun brdeg cing // phur pa gdab cing mtshon gyis gdab// drag por bsreg cing gnan par bya// phyogs bzhi'i skor thabs 'di ltar bya// phyogs bzhi'i shar nas byang du bskor bar bya// byang nas nub bskor nub nas lho// bskor zhi las bzhi'i sbyor ba bya// de ni phyogs kyi phyogs bzlog pa'o// rdzas bzhi 'di ltar dgod cing bsag/ bsrung rdzas sku dang 'khor chos bcas// bum pa'i nang du dgod par bya// phur pa gsum ni mgul du dgod// bzlog rdzas pho rog 'ug pa'i mda'// sna tshogs khrag dang nyungs kar dang // nyungs nag gu gul la sogs pa// sgo bzhi'i phyi rol dgod par bya// de ni rdzas kyi rdzas bzlog pa'o// gnam rdzas la cha'i sbal pa dang / kho yi ling ga bcas pa rnams// 'brub khung nang du gzhug par bya// bsad rdzas nyungs kar nyungs nag la// ske tshe bra bo tsha ba'i rdzas// til dang tsher mda' gzhu dang phur// rang gi g.yas su dgod cing bdag/ gzungs thag bzhi po
- 84b
'di ltar sgril// bsrung ba'i gzungs thag dkar po la// ma log ma 'chus snyoms par bsgril// sku yi thugs khar rang gi lag/ bdag nyid dam tshig sems dpa' dang // lha nyid ye shes sems dpa' gnyis// gnyis su med par bya ba'i phyir// 'od zer 'phreng ba'i 'phro 'du bya// bzlog pa'i gzungs zag sngon po las// log par bsgril te 'khor lo la// btag pa rang gi lag gis bzung // gnan pa'i gzungs thag dmar po la// log dang ma log gnyis su bsgril// ling kha'i lce la btags te bzung // bsad pa'i gzungs thag nag po la// ling ga'i snying gar btags te bzung // bum pa'i 'og tu phyogs bzhir btags// sngags bzhi'i bzlas thabs 'di ltar bzlas// dang po yi dam lha bsnyen bya// nye bsnyen 'dus pa gsum gyis bya// sgrub pa srog 'dus gsum pos bya// des ni rtags dang bstun te bya// de nas rdzas kyi bzlog thabs bca'// sgrub pa chen po sngags dag ni// srod la bsrung sngags bzlas dus su// dge 'dun gro la 'dus pa ltar// dal zhing lha tshogs 'du bar bzlas// nam gung bzlog sngags bzlas dus su// mkha' yi rlung nag 'tshub par ltar// drag cing gdengs dang bcas pas bzlas// tho rangs gnan sngags bzlas pa'i dus/ khra spyang gcan la bcum pa ltar// gdangs chung myur bar bya// gung la bsad
- 85a
sngags bzlas dus su// mgar gyi tsha tsha 'phro ba ltar/ gtsub cing thung bar bzlas par bya// phyag rgya bzhi po 'di ltar bsgyur// bsrung ba rang lha'i phyag rgya 'di// ka ni'i phyogs su bstan cing bskur// bzlog pa rlung tshub phyag rgya ni// dmigs pa'i phyogs su bstan cing bsgyur// gnan pa'i rgya gram phyag rgya ni// ri rab rmad du bstan te bsgyur// bsad pa mtshon pa'i phyag rgya ni// 'brub khung nang du bstan te bsgyur// sprul pa bzhi ni 'di ltar dge/ bsrung ba'i sprul pa gsum po ni// byin rlon lha dang sprul pa dngos// de la grangs med sprul zhing bsrung // bzlog pa'i sprul pa rang rang bzlog/ dril ba gzungs sna tshogs pa la// mtshon cha sna tshogs thogs par sprul// gnan pa'i sprul pa ri rab dang // dum ri la sogs sprul zhing gnan// bsad pa'i sprul pa mtshon dug nad// pho nya'i tshogs ni bye ba 'bum// sbrul te gsad pa'i las la sbyar// thabs kyis thabs bzlog bstan pa ni// sbyor ba nag po bcas pas so// kho yi ting 'dzin gyis byas pa ni// bdag gi ting 'dzin gyis bzlog pa// chos sku nag po 'od 'bar ba'o// sbyor ba 'di dang ldan pa ni// lha dbang nyid kyang brlag par 'gyur// ces gsungs so// mchod rten nag po'i rgyud las/ thabs bzhi bcu bstan pa ste/ pra khrid dbu ma'o// // ston pa na ra gir ti la/ sprul pa tsu gu na
- 85b
gu yis// snga ma la yang lan gsum du bskur te zhus pa 'di ltar ro// e ma ho// dregs pa'i bdag po lha bdag gtso// ka ni nag po chen po 'di// phyi nang dmigs pa ji ltar bca'// lha bzhi dgos ched ji ltar lags// phur pa bzhi yi dgos ched ji ltar lags// sgo bzhi'i dgos ched ji ltar lags// phyogs bzhi'i dgos ched ji ltar lags// dus bzhi'i dgos ched ji ltar lags// rdzas bzhi'i dgos ched ji ltar lags// gzungs thag bzhi yi dgos ched ji ltar lags// sngags bzhi'i dgos ched ji ltar lags// phyag rgya bzhi yi dgos ched ji ltar lags// sprul pa bzhi yi dgos ched ji ltar lags// zhes lan gsum bsgyur te zhus so// dregs bdag chen pos bka' stsal ba// ka Ni nag po'i mchod rten nag po 'di// phyi nang dmigs pa 'di ltar bca'// phyi yi bang rim bzhi pa la// rin chen sna bzhi las grub pa// shar / phyogs gangs ga dkar po// lho ni bai DUR+Ya sngon po// nub phyogs pad+ma ra ga dmar// byang phyogs in+d+ra ni la ldang // nang gi gzhal yas khang du dmigs// 'og ni mun dong nag po la// 'khor lo mtshon cha'i 'khor lo'o// kho ni dngos su byed kyis bcings// rang ni sku dang ye shes ldan// ye shes me dpung klong dkyil na// 'khor du drag po 'dus pas bskor// bsrung ba go cha sna tshogs so// lha bzhi'i dgos chen 'di ltar
- 86a
yin// sku gsung thugs dang ye shes lnga// byin gyis brlabs dang dbang bskur bya// gzi byin bskyed pa'i dgos ched do// bdag nyid bsrung bar bya ba'i phyir// rang gi 'dod lha'i ting 'dzin no// las kyi lha gsum dgos ched ni// gshin rje pho rgyud bsrung zhing bzlog/ ma mo mo rgyud bsrung zhing bzlog khyung chen klu dang sa bdag go/ las rnams myur du bsgrub bya'i phyir// gzu dpa' lha rnams bsgom par bya// phur ba bzhi yis dgos ched do// rang nyid bsrung zhing sbod gtong bzlog/ de phyir phur pa gsum po dgos// nyams pa gzir cing rang srog 'dzin// de phyir yi dam phur pa dgos/ kho nyid lcebs te gsad pa'i phyir// bdud du dbab pa'i phur pa dgos// las la the tshom med pa'i phyir// las kyi phur pa dgos ched che// sgo bzhi po la brten nas ni// bsrung bzlog gnan bsad dgos ched che// shar nas rang nyid bsrung ba dang // byang nas kho yi skrod gtong bzlog/ nub nas kho yis bla tshe gnan// lho nas gsad phyir phyogs bzhir dgos// dus bzhi'i dgos ched 'di ltar yin// srod ni zhi ba'i dus yin pas// bdag nyid bsrung ba'i dgos ched dang // gung la lha srin rgyu dus te// rbod gtong bzlog pa'i dgos ched dang // tho rangs bla mo 'khyam dus su// bla tshe nus pa sprul byas gnan// nyin gung tshe
- 86b
/ srog nyams dus su/ kho nyid bsad pa'i dgos ched che// rdzas bzhi po yi dgos ched ni// bsrung ba'i rdzas la rten te bsrung // bzlog pa'i rdzas la rten te bzlog/ gnan pa'i rdzas la rten te gnan// bsad pa'i rdzas la rten te bsad// gzungs thag bzhi yi dgos ched ni// las bzhi'i sprul pa ting 'dzin rnams// mi yengs phyir na gzungs thag gdags// sngags bzhi'i dgos pa'i 'di ltar yin// rang gi dam tshig gso phyir bsnyen// lha gsum nus pa bskyed pa'i phyir// nye ba'i bsnyen pa bya ba'i phyir// las rnams mi 'grub med pa'i phyir// sgrub pa'i sngags kyi lha rnams 'grub// sgrub pa chen po'i sngags rnams ni// bsrung bzlog/ gnan bsad rnam bzhi ste// bsrung ba'i sngags kyis bdag nyid do// bzlog pa'i sngags kyis sbod gtong bzlog/ gnan pa'i sngags kyis kho nyid gnan// bsad pa'i sngags kyis kho nyid bsad// bsrung bzlog gnan bsad bsgrub bya'i phyir// phyag rgya bskur zhing sprul pa dge/ pho nya btang zhing bsrung ma bskul// ma nyes gsol zhing nyes pa bgrang // de la dam brdar gser skyems rtag/ mthun pa'i rdzas sbyin dam tshig bstan// ces gsungs so// de nas yang bzlog sngags bcu dgu pa 'di gsungs so// oM ka ru na tsa le tsa le bzlog/ nA ga dun bzlog/ sa ga dun bzlog/ dza dur ting na bzlog/ ma mo rA dza yaM bzlog/ k+Shan trag
- 87a
rak+ta ma bzlog/ rak+Sha re ma ti bzlog/ sha na mu ru sa ma ya bzlog/ e ka du na bzlog/ sum tri rA dza ya bzlog/ rag mo glad tri tsa pa la/ rA dza ya bzlog/ oM a kro te ka shrI many+dzu sa ma ta ka ya bzlog/ yaM ta sgyur/ thed khrel/ ba la di li bzlog/ ra dza dur na bzlog/ ma sha dur na bzlog/ rag+na tri bor dur na bzlog/ si ngang tsa dur tsa ya bzlog/ sarba duSh+TAn pa tsa ni/ ta ka ra tsa thed/ khros pa la thi li bzlog/ bzlog cing bsad pa 'di gsungs so// tro ma ri sha sha trag thun b+h+yo/ e ka pa ra na hrid hrid/ dug kha tshe dug kha tshe b+h+yo/ oM a kro te ka shrI many+dza/ ya man ta ka ha na ha na hAM/ ya ya pra bra ma ra ti ka la rA pa sha rbad phye ni b+h+yo/ zhes pa bzlog sngags so// de nas bsad pa'i sngags 'di gsungs so// nyungs kar dang nyungs nag gis brdeg go/ a kro rA dza dur na sa dur snying la phril phril/ a tro rA dza tsit+ta b+hi sha sha la rbad rbad/ ya ya rnam ma tri dza snying la kha thun ma ra ya rbad/ rag mo ni rag mo ni kha long tsit+ta rbad rbad/ dug ni dug ni rni kha long tsit+ta rbad rbad/ khyi kha long khyi kha long tsit+ta rbad rbad/ rtsa ti tsa ti tsit+ta rbad rbad/ nir ti nir ti/ tsa ti mugs mugs/ thums thums subs ti ta tsit+ta rbad rbad/ snying kha 'dar yeng yed thums thums rbad rbad/ se kha lo/ mu kha long rbad rbad/ swA hA/ bsad pa'i rjes kyis brdeg par bya/ de nas bsrung pa ni/
- 87b
mthu stobs kyi bdag po dpal phyag na rdo rje bya khyung du sprul pa'i sngags dang / mkhyen rabs kyi bdag po 'phags pa 'jam dpal gshin rjer sprul pa'i sngags dang thugs rje'i bdag po 'phags pa spyan ras gzigs dbang phyug ma mor sprul pa'i sngags dang gsum mo// oM ka ru na tsa le tsa le hUM phaT/ ta ki tsi ti byi tsa te hu ya hu ya hu lu su ru ste su ru ste swA hA/ oM ya man ta ka e ka pa ra hUM phaT/ e te pre ta ya ras nan// brapra to da rak+Sha nan/ oM ya b+he shaM/ ru be sha ka thun b+h+yo/ ta la ta pa li/ mu ling du ru du ru hUM phaT/ ka ra ma tsan+ta mu ti mu ru ti du ru du ru hUM phaT/ rak+ka mu ru mu ru hUM b+h+yo hAM/ e ka dzA Ti tsa pa la mi sha dgra bo la phaT/ nag mo re ma ti/ pad+ma re ma ti/ ra ti ru ti re ma ti/ ha bad b+h+yo/ de nas gnan pa'i sngags 'di gsungs so// du na nan/ sa du nan/ snying du nan/ hri du nan/ kha sha thun rbad/ tsit+ta ni sha ku lu rbad/ mo ha ni sha la dun dun/ khrag la hub hu ba/ dun khyer b+ho bri dza dza/ mo hAM a tri ma ri sha sha thag thun/ tsat+ta ma ra ya thun sho ma ri rak+Sha kha hAM nan/ tsa d+ha ri sha ma pa ri khrag la dun dun nri sha ma ra rbad/ gnan cing bsad pa'i sngags so// mchod rten nag po'i rgyud las/ dgos ched bzhi bcu tham pa sngags dang bcas pa bstan pa ste pra khrid tha ma'o// // de nas 'khor rnams la gdams pa/ drag po gdug pa 'dul ba yi// man ngag gsang
- 88a
ba'i rgyud gsungs pa// dkyil 'khor bca' dang gsad pa'i thabs// lag tu blang ba'i snying gzer gsang // mchod rten bca' ba'i rtse mo gsang // lag tu blang ba'i pra khrid gsang // gzhan la bstan par mi bya ste// lcags sgog bu'i sems kyis bsdam// zhes gsungs te/ 'khor rnams kyang rjes su yi rang ngo // lag tu blang ba'i man ngag/ pra khrid rnam pa gsum du mthar gtugs pa'o// rdzogs so// // bdag 'dra ba na chung sangs rgyas kyis// gu ru ba su d+ha ra yi// rin chen thugs kyi klong brtol nas// dus ngan tha ma 'byung ba'i dus// rdo rje nang rme byung dogs te// man ngag snying po dam pa 'di// las kyis 'tshams sbyar bdag la gnang // de yang bu pe dkar po tshad dang de ldan par// bdud rtsi dam pa blugs nas kyang // mgo la bzhag nas gsang ba'i dbang bskur te// dam tshig mna' bsgags snying gi dkyil du gtad// las kyis 'jal ba'i bud+d+ha dz+nyA na khyod// 'dzam gling bod na bsod nams khyad par che// drag sngags khyad 'phags rdo rje nang rme 'di// bud+d+ha dz+nyA na thugs kyi 'akyil du spos/ gzhan la bstan na bud+d+ha dz+nyA na dam tshig nyams// rdo rje dmyal ba'i gnas su gshegs par mchi'o// gsang ba'i mtshan gsol rdo rje yaM dbang gter// rgyal po bka' khrims nyams shing bod khams sil bur gyur// bstan pa dam pa
- 88b
bzhag pa'i gnas med kyis// dam tshig gtso ru bzung phyir gzhan la spel mi bya// gu ru ba su d+ha ras gdams pa'i drag sngags khyad par 'di// 'dzam gling bod du spel na ban chung rang kha sdig/ de skad gsungs nas bka' yi rgyas btab pas// sgyu ma'i phung po 'di dang 'grogs nas sa yi gter du 'chi// rdzogs so// // @#// rgya gar skad du/ shri tsan+d+ra gu h+ya kar+m+ma sa mun+ta ha la tsa ma ri yak+Sha tsakra kA la gu h+ya tan+t+ra/ bod skad du// dpal zla gsang nag po rgya mtsho dug ri kha yak+Sha 'khor lo nag po gsang ba'i rgyud/ bcom ldan 'das gshin rje gshed po la phyag 'tshal lo// 'di skad bdag gis zos pa'i dus gcig na// lho phyogs gshin rje'i gnas rgya mtsho dug ri kha zhes bya ba na/ dug mtshon nag po rab tu 'jigs pa/ rlung nag rdo rje rgya gram gyis bteg pa/ rab tu khol ba/ nyam nga zhing 'jigs pa/ mun pa chen po'i skrag tu gyur pa/ dug mtshon za tshad gting khol gyi nang na/ lcags kyi khang rom 'bar ba// bskal pa sbrul nag 'khril pa'i pho brang na// bcom ldan 'das dpal ya man ta ka nyid/ khams gsum gdug pa'i klu rnams dbang du bsdu ba'i phyir/ drag po dpa' brtul chen po rngams pa'i ting 'dzin la snyoms par zhugs te/ rngam pa'i sgra chen po/ a la la'i gad rgyangs chen po bsgrags pas/ 'jig rten gyi klu thams
- 89a
cad dang / bdud dang / gza' dang / gshin rje dang / srin po dang / gnod sbyin la sogs pa thams cad 'khor du 'dus par gyur to// de yang chos kyi dbyings rnam par dag pa'i klu dang / rtog pa ye shes kyi klu dang / byang chub sems dpa' brgyad la sogs pa dang / sa dang lam la gnas pa dang / rang rgyud pa'i klu dang / rgyal rigs dang / rje rigs dang / bram ze dang / dmangs rigs dang / gdol pa can la sogs pa'i klu dang / gnyen dang / sa bdag dang / dregs pa can thams cad kyis yongs su bskor te/ de yang snang srid thams cad 'khor lo rtsibs bzhi pa/ rgya mtsho chen po dang ba'i gnas chen po/ pho brang sgo bzhi dang bcas pa'i gnas na/ klu rigs lnga dang bcas pa rig pa'i rgyal po gnas/ de dag 'khor dang g.yog tu bcas/ khams gsum dbang sdud dregs pa'i tshogs thams cad ma lus kun 'dus te/ thams cad kyang pe rak+Sha zhes bya ba'i sgras 'jig rten gyi khams thams cad klu dang / klu srin sa bdag dang / klu bdun la sogs pa bsam gyis mi khyab pas khengs par gyur to// de nas rdo rje snying po zhes bya bas/ 'khor gyi nang nas bzhengs te/ bcom ldan 'das la gsol pa/ kye bcom ldan rdo rje 'chang / rgyal ba kun gyi rang bzhin dngos// lnga brgya'i snyigs ma byung ba'i tshe// gdug byed klu 'dul nag po
- 89b
yis// mtshon cha las kyi 'khor lo dag/ bstan pa bsrung phyir bshad du gsol// ces gsol pas/ bcom ldan 'das kyis bka' stsal pa// nyon cig rdo rje snying po che// chos kyi dbyings dang rang rig pa'i// ye shes gnyis su med pa yis// sras mchog rig pa'i rgyal po yis// rtsa ba yan lag rdzogs pa yi// 'phrin las rim pas ngas bshad do// zhes gsungs so// dpal zla gsang nag po rgya mtsho dug ri kha yi gsang rgyud las/ le'u ste dang po'o// de nas rdo rje snying pos 'di skad ces gsol to// gdug byed bdag po mtshon cha 'di// gshin rje la sogs 'chi bdag sgrub pa gang // bsgrubs nas gsad pa'i las mtha' bsdu ba ji ltar bsdu// de la yang dag rdzogs kyis nges gsungs pa/ khams gsum sems can ma rig shing dang 'dra// de yi bla srog 'chang bas gshin po'i rje// de nyid rig pa'i rgyal po'i gshed ces bya// gshin rje la sogs 'chi bdag sems can kun la gnas// nyin bzhi 'khor los bdud bzhi rtsa srog gcod// nyams pa gang yin gshed ma srog la dbab// rgyu skar kun gyi gshed ma gza' chen brgyad// gza' yi srog gshed gza' chen ra hu la// gza' sbyang 'chi bdag sems can kun la gnas// nyams pa gang yin gshed ma srog la dbab// de nyid sgrub pa'i rim pa bshad pa ni// sku gsung thugs
- 90a
kyi yon tan 'phrin las lnga// 'dzam gling klu rnams gshed mar rigs lnga'i klu// de yi gsher mar rig pa'i klu bdud che// klu yi 'chi bdag sems can kun la gnas// nyams pa gang yin gshed ma srog la dbab// 'khor lo nag po gsang ba'i yang tig yin// klu bdud sbrul nag 'khor los bsgral ba dang // mdze nag las kyi 'khor los bsgral ba dang // sa bdag srog gi 'khor los bsgral pa dang // sdig pa phung gshed 'khor los bsgral pa dang / sral nag sto sbyor 'khor los bsgral rtsa ba'i las// yan lag las la mang yang bka' rgyur 'dir// nA ga rak+ka klu la rang gshed dbab// na ga yak+ka klu yi nor bu sgrub// na ga tsit+ta klu yi byad kha bzlog/ dug can klu la zas su dngos la gtad// dregs pa can la gshed mar gtad// klu mo'i tshogs la grogs su gtad// 'gran gyi dgra skal tshul du gtad// gsad pa'i las mtha' brtul ba ni// tshad dang tshad med gang dag gis// pho brang chen po'i srang sgo dang // bya ra'i sa dang lkugs sa ru// 'chi bdag lto ba gshegs la gtad par bya// thebs dang bzlog dang 'byam pa gsum// 'gor dang rta rag log non 'gugs dang spogs// rig pa can gyis de shes bya// zhes gsungs so// dpal zla gsang nag po rgya mtsho dug ri kha yi gsang rgyud las/ le'u gnyis pa'o// // de nas rdo
- 90b
rje snying pos 'di skad ces gsol to// bstan pa dam pa bsrung ba'i las mchog steng // nag po klu la nyams pa gtad 'dod na// 'dzam gling klu rnams thams cad kun// dbang du bsdu na gang gis bsdu// zil gyis gnan na gang gis gnan// las la rbad na gang gis rbad// rdo rje 'chang gis nges gsungs pa// 'dzam gling klu rnams thams cad ni// dbang du rig pa'i rgyal pos bsdus// rtsa ba mi 'gyur byang chub sems// bde ba chen po'i dbyings nyid nas// rang rig chen po'i pho nya ni// thams cad mnyam pa nyid ngang du// skad cig srid gsum dbang du bsdud// zil gyi sbrul nag chen pos gnan// chos sku nam mkha'i ngang nyid las// longs sku 'bar byed khro bo'i sku// sbrul sku rig pa'i rgyal po'i sku// nA ga rak+Sha 'jigs pa'i sku// sbrul nag mgo dgu rngam pa'i zhal// nA ga klu yi gnyen por che// las la klu mo nag mos gzung // srid gsum lto na yod pas na// 'khrul 'khor yum gyi lto na 'chang // ngan sngags yum gyi lto nas 'byung // rtsa ba yan lag bcas pa yis// rtsa ba spu gri 'dab sbyar bas// nges par klu rnams bran du 'khol// ces gsungs so// dpal zla gsang nag po rgya mtsho dug ri kha'i rgyud las/ le'u gsum pa'o// // de nas rdo rje snying pos// yang dag rdzogs la 'di skad gsol// gshin rje klu bdud nag po nyid//
- 91a
nag po 'jigs pa'i gtum bag can// mchod cing sgrub pa ji ltar lags// yang dag rngam pas nges gsungs pa/ 'dzam gling klu rnams kun gyi gshed// nag po gel ba 'jigs pa'i tshogs// gshin rje nag po dgra yi gshed// 'chi bdag bdud kyi gdud gcig po// gshed po 'chi byed 'di sgrub na// lum gsum mdo'am rtsi shing 'thug/ brag dang chu 'thab byang shar blta// klu srin mi bsgrungs gnas phyin la// maN+Dal mnyam po yid 'ong la// dri spos sman gyis chag chag gdab// dbus su gru gsum ldan pa la// 'khor lo rtsibs bzhi mdzes pa la// sgo dang sgo khyu bar khyams ldan// dbus su snum pa'i sa dag la// ti pa tsa yi gzugs byad dgod// 'khor lo bzhi la klu bdud bzhi// rim pas yig 'bru dgod par bya// zla gaM srod gshed rnam pa gsum// bar khyams sna tshogs klu yi rten/ khams pa'i bum pa mchu 'chang bar// klu sman sna tshogs 'o mas dgang // sna tshogs rdzas rnams tshogs pa dang // chos rnams kun gyi de bzhin nyid// spros med mun pa lta bu nyid// rang nyid kun snang ye shes nyid// de las rgyu yi rnam par ldan// dug chen ha la'i mdog 'dra ba// sngon dmar 'od chen 'phros pa gcig/ mdun gyi mkha' la gsal byas la// 'byung ba rims kyis gsal ba dang // phe sha gang du bruM zhes pas// bskal pa sbrul nag
- 91b
'khyil pa'i klong // kun tu 'bar byed chen mo'i dbus// bag chags rgya mtsho'i gting khol 'gyur// rgya mtsho chen po'i dbus nyid na// sgo med lcags khang khang rom 'bar// sbrul nag 'bar ba'i gzhal yas khang // chu srin 'bar bas thog phub ste// rus sbal ya them ma them byas// 'khor lo rtsibs bzhi bar khyams ldan// gzas pa pho mo gcal du bkram// rlung gi me sbar rgya mtsho khol// gzhal yas lcags khang gsal bar ldan// bskal pa sbrul nag 'khyil par gnas// rgyu yi yig 'bru rlung gis 'phangs// dbus su yig 'bru'i ngo bo las// 'chi bdag gshin rje nag po ste// sbrul nag 'khyil ba'i gzugs 'dra la// chu srin dbu'am sdig pa'am// yang na sbrul nag mgo dgu bsam/ kha nas me yi phung po 'bar// spyan mig khrag gi sbyin thang 'bab// dbu dgu phyag ni nyis brgya ste// sbrul nag zhags pa chen po dang // nad kyi rkyal pa bsdebs shing 'thor// sbrul gzhug rgya mtsho'i gting du brkyang // sku ni ri rab ngos la brten// dbu ni bar snang yongs su 'phyo// phyag ni stong khams kun tu nyul// de yi thugs khar phe yig las// ye shes sems dpa' 'chi bdag bsam// mdun du klu mo spyan gcig ma// ro stod mi la ro smad sbrul// sbrul nag 'bar ba'i ral pa la// mdze dang shu ba'i tsha tsha 'phro// mig nas rak+ta'i sbyin thang 'khrug/ sna nas nad kyi
- 92a
rlangs pa 'byin// zhal nas sbrul nag sbal pa 'gyed// g.yas 'khyud sbrul gyi zhags pa la// g.yon gyi nad rgyal phyogs bcur 'thor// de dang gnyis su med pa las// zla gam gsum la gnas pa ni// klu bdud bgegs kyi glang po dang // sa bdag sbrul gyi rgyu ma can// gnyen mar glang gi mgo can no// 'khor lo bzhi la gnas pa ni// klu bdud rigs bzhi khro bo ste// rong nge 'jigs tshul gtso la blta// bar khyams la ni rak+Sha srin// klu dang gnyen dang sa bdag dang // dregs pa'i tshogs rnams 'du bar 'gyur// rgya mtsho dngas ma dug ri kha// las kyi rlung stengs khang rom nas// 'chi bdag khang rom gshin rje rnams// drag po sngags kyis spyan drangs la// las kyi 'chi bdag 'khor bcas la// sbrul dang sbal ba'i sha tshil gyis// dud pa gtang zhing gtor ma sbyin// klu sman sna tshogs gtor ma btang // rtsa ba rgyun gyi gsang sngags bzlas// de tsho grub pa'i mtshan ma yang // 'bri rog g.yag rog ro nye dang // mdze can pho mo byung ba dang // mon dang sbrul nag byung ba dang // sbal pa nag po la sogs pa// 'od dang sgra dang gzugs brnyan dang // sdug dang mi sdug cho 'phrul dang // rdzas dang longs spyod 'phel ba dang // byung na las la rbad par bya// 'phrin las sbyor ba dug ma grub// dpal zla gsang nag po dug ri kha'i gsang
- 92b
rgyud las/ klu bdud nag po sgrub pa'i le'u ste bzhi pa'o// / de nas rdo rje snying po yis// 'chi bdag nag po ti ba tsa// gsang ba sbal nag lto bcos kyis// nyams pa klu la gtad pa gang // las kyi dgyid pa ji lta bu// yang dag rdo rjes nges gsungs pa// sbal nag sku yi sgrub pa ste// rgyud kyi dmod pa gsang ba'i don// sbal nag 'khor lo gab pa'i ste// nges par gtan la phab pa ste// gnyen ra 'dug pa'i bde gnas su// maN+Dal mnyam pa'i yid 'ong la// gru bzhi rgya chad rtsi sman byug/ steng du gru gsum nang ma la// klu yi rdzas kyis byug par bya// klu gtor khyad par rdzas la bya// gza' bdud dang ni srog bdag la// gtor ma bshos bu gser phud bsham// de ltar bsham pa kun rdzogs nas// rgya shog dang ni ka ri ka/ gtsang ma'i ras la 'khor lo bri// sbal pa dkar gnag lto ba ru// a mu ka yi gzugs bris la// klu yi ngan sngags rim pas bskor// bcugs gzhug skud pas kha sbyar la/ khram la gdab pa'i las kyang bya// ga 'u 'brub khung phur pas bstod// rtags dang sbyar la gtad pa tsam/ kha sbyar yi ge phyir bstan la// drag po sngags kyis brab par bya// tha ma rdzogs dang klu la gtad// dang po stong pa'i ngang nyid las// rig pas yang ni yi ge phe// de las gyur pa'i klu bdud che// nag po 'jigs pa bsgom par bya// de las spyan drang mchod phul
- 93a
la// gsang sngags yi ge rim pas bya// de nas bcom ldan 'das kyis klu nag po gsang ba'i sngags de kho na nyid 'di gsungs so// oM nag po ti pa tsa ya hUM dzA nA ga kro d+hi shwa ri hUM dza na ga dun du na he li he li nA ga 'dus 'dus/ sa ma ya dza/ bod pa'i sngags su shes par bya// dgug pa srog gi snying po la// bye ba rjod na las rnams 'grub// a sha nag po ti pa tsa ya nA ga kro d+hI shwa ri traM shaM rbad bu gu rak+Sha rbad// ti ba tsa pa tsa kha la baM sha traM sha ma ra na dza dzA/ srog gi snying po shes par bya// rno mar las kyi spu gri 'di// bye ba brjod na kun kyang 'chi// dug gi spu gri kha 'bar yin// nag po baM tsi tsi rgyas/ drag thur snying la gul/ / myags myags rtsa bzhi bskum/ shan shan srog la sha na/ zur rbod rbad swA hA/ de ltar sgrub pa kun rdzogs nas// rigs bzhi klu'am gdol pa'am// dmangs rigs nag po dag la gtad// pho brang rgya mtsho yin pas na// srang mgo dag tu gtad par bya// rigs bzhi gdol pa gar gtod kyang // 'chi bdag lto ba gshegs pa gces// thebs pa'i dus la gtad par bya// ldog dang 'gyangs pa dus yin pas/ mkhas pas spang / byar shes par bya// thebs dang ldog dang 'byams dang 'gor// thebs na gtang rag gtang bar bya// log na shi sa bstan par bya// 'gor na gnyen sa bskor bar bya// gtad dmig yang yang drang bar
- 93b
bya// 'byams na dgug pa'i las bya ste// dngos dang yid dang sprul pa gsum// ma nor rgyu dus shes par bya// mi ldog pa yi 'brel pa lnga// phyi mig mi blta cho mi brjod// dri ma mi btang grib ma spang // drag po gza' yi gdong mi bzlog/ nyi zla pang du blang bar bya// yang nas yang du 'phrin las bcol// klu bdud nyid dang sprul pa dang / gza' dang srog bdag bskul bar bya// de yis nges par brlag par 'gyur// dpal zla gsang nag mo rgya mtsho dug ri kha'i gsang rgyud las/ sbas nag 'khor lo'i le'u ste lnga pa'o// // de nas rdo rje snying po yis// rgyud kyi snying po las kyi gcong // mdze nag las kyi 'khor lo dag/ bca' ba'i rim pa ji lta bu// sngags rnams bzlas pa gang dang gang // drag po thun gyis ji ltar brdeg/ tha ma gtad dang khram gyi las// rdzogs par bstan pa ji lta bu// yang dag rdo rjes nges gsungs pa// bstan pa dam pa bsrung ba'i phyir// gnyan ra gdug pa'i dben gnas su// maN+Dal la sogs bsham pa dang // mdze nag las kyi 'khor lo bca'// brkyang pa dang ni skrag pa dang // sum sbrel dag dang rnga / gling dang // bdun bsgrags la sogs rim pa bstan// rab tu kho yi pha mes la// 'bring du mdze can nag po la// tha ma rabs chad nag po shes// gtad pa'i rgyu ru yang dag bshad// de nyid gzugs kyi phung po
- 94a
la// gtad pa'i rgyu ni za ma lnga// gtad dang khram dang bse byang dang // sbal nag dang ni sbrul nag go/ A kar sha ya u nan// phe laM shag shig nri yan/ dgra bo mA ra ya dza rbad/ nag po klu yi gsad sngags te// dug thun mdze nag las kyi thun// a shan nag po ti pa tsa ya/ dgra bo kro d+hi shwa ri te/ shan rbad/ phu shun thun rbad ku rag sho rbad/ ti pa tsa ya dza la dza la/ dgra bo tsi tsi dza la kha yan hUM sho/ che ge mo ma raya dza dza/ phur thun nag po las kyi thun// srog gshed las kyi bsad pa sngags// nag po tri rak+Sha/ dgra bo'i snying la sgra zum ril mA ra ya dza/ dgra bo'i bla mA ra ya khug/ bdud ro sha phra ma ya/ dgra bo'i snying nag po trag sha khug/ thum ril rbad/ khrag 'byung po mA ra ya dza/ phra ma phreM nag po tI pa tsa ya/ trag sha rol khug/ dgra bo snying sha ro la rbad/ dgra bo mA ra ya dza/ gtad dang khram gyi las bshad pa// bstan pa 'jig pa'i a mu kha// stan gyi rdzas drug 'dra 'bag bya// nag po klu la gtad par bya// gtad pa mi 'chor gzer gdab pa/ khri dmar btab la khri gnag ni// rdo rje khri 'debs sngags dang skrag/ khri dkar btab la khrag nag la// gshin rje khram 'debs sngags su skrag/ khram sngon btab la khram gnag la// klu yi khram 'debs sngags dang skrag/ de yi gsang sngags 'di lta ste// oM badz+ra ni dung du ne du ne/ dung shing khram khri shi ma ra ya
- 94b
dung du/ ru ka ni dung dung du ne du ne/ dung shi khram khri shi ma ra ya dung du// hUM ya ni dung du ne du ne/ shi khr-i khr-i shi mA ra ya dung du/ rak+ta ga ni dung du du ne du ne/ dung shi khr-i shing du mA ra ya dung du/ nA ga sni dung du du ne du ne dung shi khram khri shi mA ra ya dung du/ ra'i ni dung dung du ne du ne du dung shi mA ra ya dung du/ khri la gdab pa'i sngags te/ khri gyi bdag mo dug gi sngags rtsi ba ma dag la shes par bya'o// rabs chad mon nam mdze can gsum// gcig la rdzogs par bya ba ces gsungs so// de nas yang bcom ldan 'das/ gsang ba'i bdag po rdo rje 'chang chen po des/ drag po 'khor lo'i ngan sngags/ nag po klu yi dug mda' 'di gsungs so// oM nag po ti pa tsa ya nA ga rak+ka yak+ka yu shan te yu nA ga ya ni/ ku ru tsa ya/ yaM yaM mA ra ya dza dza/ rbad ya rbad ya/ nag po ti pa tsa ya na ga rak+Sha dza la bi ra dza pa la/ du shan che ge mo la ma ra ya rbad yaM yaM/ oM nag po ti pa tsa ya/ na ga rak+ta yak+ka kha ya na/ hUM ya hUM ya nri dza/ tsakra thums thums/ rbad ya rbad ya/ oM nag po ti pa tsa ya/ swa b+ha ru pa tsa la phe sha na hUM/ oM nag po ti pa tsa ya/ nA ga rak+Sha yak+ka tsakra tsakra rbad rbad/ oM hri Sh+Ti bi kri tA nan/ hUM phaT phaT/ ma ra ya/ yab dang yum gyi 'khrul 'khor dang // steng gcod dang ni 'og gcod dang // me dang rlung gi 'khor lo ste// rkyang pa sbag ma las kyi sdebs// mdze nag las kyi
- 95a
'khor lor 'dod// de ltar sgrub pa kun rdzogs nas// bsad pa'i sngags la bskyod pa'i thun// gzir nga phur ba'i las kyang bya// klu yi mig bltas ma mthong dang // rang lus 'khrig dang spring dang 'gul// rkang 'khor bas ljags byung ba dang // myur du gtad pa'i las la 'jug/ thod 'khor gshin rje'i lto ba dang // glang ru srin po'i lto ba dang // ra ru btsan gyi lto ba dang // sbrul nag klu yi lto ba dang // sbal nag sa bdag gi lto ba dang // sdig pa gnyen gyi lto ba dang // sbrang thod gying gi lto ba dang // rus sbal srin po'i lto ba brgyad// nA ga gnas pa'i sa ru gtad// rigs bzhi klu la gtad pa dang // gdol pa nyid la gtad pa'o// rig pa can gyis skabs sbyar la// gtad bya lam dang dgra la bya// pho brang rgya mtsho dang ba ste// chu mig klu yi srang sgro yin// de la gang du gtad kyang ni// klu yi khyim mgo lam srang yin// ces gsungs so// de nas rdo rje snying pos gsol pa/ kye ma rdo rje 'chang rgyal ba// pho brang de ltar yin pas na// nA ga gnas pa'i chu mig la// rigs tshad mnyam pa ji ltar lags// lus tshad 'jal ba ji ltar lags// yang dag rdo rjes nges gsungs pa// klu yi lus la nges med pas// lus tshad 'jal ba don med de// ci phyir ri bo nyungs 'bru'i gzugs// de phyir bstan pa bsrung phyir yang // rnal
- 95b
'byor yid kyis sprul pa ltar// gang ltar mos pa las byed pas// sngags 'chang lus kyi tshad kyis gzhal// rigs bzhi las byed sgo ba'i tshul// bsod nams lus tshad rim pas yod// rgyal rigs dag la 'dom bdun te// pho brang grong khyer mdun sa la// 'dom ni bdun bdun yod pa yin// bram zer klu la brkyang khru bdun// rje rigs klu la bskum khru bdun// dmangs rigs la ni mda' bdun te// gdol pa la yang khru bdun no// pho brang grong khyer mdun sa la// rim pas shes par rig par bya// tsag tsag tsig tsig mig gi chu// chu mig lkug pa sna yi chu// drag po skad 'don kha yi chu// gsal la dngas pa snying gi chu// res drag res zhan mtshan ma'i chu// rgyal po bram ze rje'u rigs dmangs// re re la yang lnga lnga ste// klu rigs nyi shu rtsa lnga ste// lo zla dus tshod thun pa phyogs// rtags la rgyal rigs gtan la dbab// nges pa'i las de rdzogs par bya// dpal zla gsang nag po rgya mtsho dug ri kha'i gsang rgyud las/ mdze nag las kyi 'khor lo'i le'u ste drug pa'o// // de nas rdo rje snying po yis// mdze nag las kyi 'khor lo yis// gsang ba'i sbyor ba de ltar na// klu bdud sprul nag 'khor lo yis// bsad ba'i sbyor ba ji ltar lags// yang dag rdo rjes nges gsungs pa// klu sprul nag po bsad pa yi// dkyil 'khor rim pa 'di lta/
- 96a
ste// gnyen ra 'jigs pa'i sa dag la// dkyil 'khor bcas te klu rdzas byug/ dbus ni gru gsum zla gaM dmar// pad+ma bzhi ldan sbrul rigs brgyan// thod 'phreng ldan pas sgo ni mdzes// kun tu sbrul gyis rnam par rgyan// shing sbal sa yi ga 'u 'am// pha mes thod pa mnan pa'i rdzas// rabs chad mon dang mu su ra// dag dig glen pa bkra mi shis// gshegs la 'khor lo bri bar bya// klu sbrul nag po 'jigs pa la// lcags ru rab tu rno zhing 'jigs// lag na sbrul nag zhags pa bsnams// lto bar 'khor lo bri bar bshad// yang na zod pa'i phyi ru bri// me rlung las kyi 'khor lo rdzogs// brnag pa'i rjes la / gos dum skra// dri ma chu dang thigs pa rnams// rak+tas sbyar la bri bar bya// snying khar srog gi yi ge ste// ming rus bla dgas rdzogs bris la// gdug pa'i sngags kyis bskor bar bya// de nas sngags pa bdag nyid ni// stong pa'i ngang las yi ge phe// de las sbrul nag mgo dgu pa// lcags ru 'jigs la nam mkhar sleb/ kha rlangs gdug pa sbrul du 'khyug/ de ltar bdag nyid yang dag sgom// gzas pa sngon du gyur pa dang // srog la 'khor lo bskor byas la// byang phyogs gdol pa'am// yang na dmangs rigs gang yang rung // nag po gnas par nges gtad na// klu sbrul nag po nges par 'ching // de nas bcom ldan 'das//
- 96b
klu sbrul nag po'i sngags 'di gsungs/ oM nag po ti pa tsa yaM/ nA ga go sho che ge mo/ hi gu laM phes shan phos shig shig chu tshu hu yaM hu yaM/ klu nag po mgo dgu pa dgra bo ma ra ya dza/ nag po tri baM tsi tsi ra la tsa tsur tsi ra tsi ra/ be ra ru shon che ge mo laM ya/ nag po ti pa tsa bo tsu ta raM/ tsi tra ru kha lag sho che ge mo yaM yaM/ a shaM nag po pa tsa pu/ nA ga dgra bo kro tI shwa ri ti shan rbad pu sha na rbad/ ku ra ka sho rbad/ ti pa tsa pra/ dza laM dza laM/ kho yan/ hUM shong / che ge mo mA ra ya dza/ oM nag po ti pa tsa ya/ dgra bo'i glo snying mA ra ya dza/ klu sbrul nag po nA ga snying la khrum phu ye dza/ nag po tI pa tsa ya dgra bo'i glo snying la ya/ rbad bu ye bruM ri la ye dza/ na ga dza la/ dzi dgra bo'i snying la raM raM raM ha la dus rbad/ nA ga dza la dzi dgra bo'i snying la baM baM baM dus ma ra ya/ nA ga dza la dzi la dgra bo'i snying la laM laM laM dus/ nA ga dza la dzi hA la tsa ma ri/ dgra bo'i snying la yaM yaM yaM 'dus/ dgu 'dus nag po snying zur dgra la b+h+yo/ stong phrag gsum dang gnyis dang ni// gcig tu bstan pa sngags kyis bsdebs// las kyis lus srog 'byed pa dang // grangs su mangs na kun kyang 'chi// gnad brdeg las kyi spu gri de// 'byung ba 'khrugs pa dum re gdags// nA ga rA dza tsit+ta shogs/ chings chings/ shig shig chu chu ru la ya/ stir ya mA ra ya dza dzA/ cis ni ling ka bskor bar bya// dpal zla
- 97a
gsang nag po rgya mtsho dug ri kha'i gsang ba'i rgyud las// klu sbrul nag po'i le'u ste bdun pa'o// // de nas rdo rje snying po yis/ klu bdud sbrul gyi las de ni/ sdig pa nag po gsang ba'i phung bshig dug mda' ji ltar lags/ sgrub pa brtsam pa ji ltar lags// cham la dbab dang gtad gnan dang // gnad la dbab pa ji lta bu// yang dag rdo rjes nges gsungs pa// rgya mtsho 'gram mam klu gnas sar// gru gsum mthing nag dal brtsigs la// mdze can pho mo'i thod pa gshegs// sa mar byugs la rgya skyegs kyi// 'khor lo'i rtsibs drug mkhas pas bri// 'khor lo klu glang rwa la bskyang // ling ga mdzes ldan thod par gzhug kham pa skra shad gos dum la// mtshan dang ldan pa'i gzugs byas la// 'bru sna rin chen sna lngas byug/ nag po klu yi lto bar bzhag/ de nas mchod pa'i rdzas bsham pa// lung pa bdun dang dgu yi chu// dmar ser ba yi 'o ma dang // 'bru snas brgyan pa'i b+ha ling dag/ dkar dmar gnyis su shes par bya// ra hu la dang srog bdag la// gser skyems gtor ma bshos bu gtong // bco brgyad sngags kyis spyan drangs la// 'bru dgus rnam shes gzugs la 'ching // so bzhi sngags kyi gnad la dbab// sdong sngags drug gis 'phrin las bcol// drag sngags bdun pas brlag par bya// gzer bzhi las gnyer
- 97b
yongs su gtad// gal te grub par ma gyur na// gdug pa'i shing la ho byas te// nag po klu yis gsad par bya// bram ze nag po'i ngan sngags kyis// drag po las kyi sbyin sreg bya// thal ba nag po gnas su sbasgra// de nas bsham pa kun rdzogs nas// stong nyid snying rje'i snying po las// hUM nag dug gi tshul 'dra las// nag po 'jigs pa rngam pa'i zhal// sbrul nag lus la sdig pa'i mgo/ phung shing nag po ha la'i sdong // lhang lhang tsher tsher skad ngan gyis// tshangs pa'i gnas chen man chad kyis// skrag cig 'gyel ba'i phung gshig mgo/ klu mo nag mo hab sha de// bud med lus la sbrul gyi gzhug/ lag na nad kyi rkyal pa thogs// srog gshed drug dang bcas pa ste// gshin rje nag po stag mgo can// klu bdud sbrul gyis rgyu ma can// btsan dmar shu do zhags pa can// bdud kyi dgyes la 'dzum med pa dang // gying chen 'byung po'i ded dpon dang // ma mo las zor 'phen ma dang / khram shing thogs shing rngam pa'i zhal// bskyed la mchod dang 'phrin las bcol// las kyi bya ba rdzogs pa dang // nag po klu la gnad par bya// de nas bcom ldan 'das kyis sdig pa nag po gsang ba'i ngan sngags 'di gsungs so// nA ga du na nA ga shan du he/ he li he li/ nA ga rA dza a pe sha ya a/ oM pad+ma nri dza/ shang ka ba la ni dza/ dgra bo dam pa ya ni dza/ ga
- 98a
la ge'u phu ru dza/ mi 'di klu nag po khyod la do brdo bar gda' 'o// 'di khyod la ko long gsal bar gda' 'o// 'dis ni khyod kyi gnas 'phrog par gda' 'o// 'di la nad sna tshogs zong zhig swAhA/ oM nag po ti pa tsit+ta la rgyob/ trag thur snying la phur/ snying gul gul/ myags myags rtsa bzhi skums/ shan shan srog la thur thur srog sod swA hA/ ya ma ra dza nag po dgra snying la ya ya/ gshin rje nag po dza thur dgra la b+h+yo/ nA ga ke tse dus dus/ dza thur dgra la b+h+yo/ a be she te thum he thum/ dza thur dgra la b+h+yo/ nag po kha thun tra de chod/ dza thur dgra la b+h+yo/ dzA thur snying la thur snying la yaM/ badz+ra sa du snying thur dgra la b+h+yo/ dza thur snying la yaM/ ma snying thur dgra la b+h+yo/ na gshan ting dun sibs/ nA ga rA dza nan/ nA ga mi ra rbud/ shan ti shan tu tshubs/ nag po o ra log sham/ nA ga dun dus gyen gyen/ nA ga sha du ya ya/ tsubs tsubs du sha drud/ rtags kyi drod rtags byung ba na// nA ga gnas pa'i sa phyogs su// drag po gnas kyi klu la gtad// pho brang rgya mtsho'i srang sgo ru// gang du gtad kyang 'gal ba med// dpal zla gsang nag po rgya mtsho dug ri kha'i gsang rgyud las/ sdig pa phung gshegs kyi le'u ste brgyad pa'o// // de nas yang rdo rje snying po yis// las bzhi 'khor lo gsang ba yis// klu bdud gcig pa zhes bya ba// sa bdag srog gi 'khor lo/
- 98b
gang // de la nges par yang dag gsungs// yak+ka nag po 'jigs byed la// sa bdag gdug pa sgrub byed na// dang po bdag nyid bsrung ba ni// rdo rje gtum po sgom pa'am// yang na sbrul nag chen po la// chu srin gdug pa'i mgo bo can// nA ga rak+Sha klu yi bdud// de yi snying la gnas pa yang // dung gi bya khyung gser mig 'khyil// gnam lcags rdo rje sen mo 'bar// de ltar bsgom par bya ba'am// sngon du bya khyung bsgom par bya// drag po'i dus su de nyid min// sgrub pa'i dus su bsgom bya ba// lcags kyi pho mo nag mo la// lto 'phye 'jigs pa'i dam shi zhon// lto 'phye sbrul gyi mgo bo can// sbrul gyi gzhug ma rab tu 'khyil// mi yi lus la lag pa gnyis// g.yas na sbal nag rgyal mtshan 'phyar// g.yon na sdig pa'i g.yang gzhi 'phyar/ kha rlangs khros pa sbrul du 'khyug/ gzas pa po yi skye la 'khril// ma he dmar po'i steng du bskyon// las kyi rlung gis rgyab nas phul// bdag gi drung du 'ongs pa dang // bdag gi dmigs pa sbrul gnyis khos// dmigs pa'i mgo bo khar bcug nas// ji ltar stobs kyis mkha' la lding // snying las khros pa'i 'od dpung las// klu bdun nag po zhes bya ba// mi lus sbrul gyi 'jug ma can// lag g.yas mtshon gyi rkyal pa thogs// mtshon gyi char ba de la 'debs// g.yon gyis nad kyi rkyal pa thogs// nad kyi dpal yang de
- 99a
la 'bebs// de ltar gzas pa'i dgra bo de// bdag gi drung na nyam zag nas// shin tu 'dar zhing bred par sgom// de nas klu yi gnyen po ni// sna tshogs sman gyi gtor ma ru// dkar gsum mngar gsum arga bsgreng // mkha' 'gro sgro la brid cing bsten// klu shing rgyang bu dngul chu bsog/ dang po klu la snyan par bya'o// de nas klu la snyan par bya'o// de nas klu la mchod pa dang // dam la btags pa'i sngags kyang bzlas// dmod pa dug mda'i gsang sngags la// sa ya brjod na kun kyang 'chi// de ni ngan sngags ngo bo ste// bye ba brjod na gdon mi za// 'bum phrag brjod na 'chi bar 'gyur/ khri khrag gis kyang sbyor ba rdzogs// de nas bsad pa'i sbyor ba ni// mi skra ra bal khyi bal dang // bya sgong sbal pa'i sha dang ni// tsha dang ba glang mkhris pa dang // ske tshe dang ni ram bu'i phye// bsreg pa'i sol ba de dag la// ri lu sran ma tsam byas na// de la sngags shing go gon la// mgo la mkha' 'gro'i sgo dag shis// shar sgo nub byang phyogs dag gis// gang du kha bltas khyim du yang // de la sngags shing 'khyam du gzhug de dag ngan sngags skyob pa yin// de nas yang ni bshad bya ba// dar dkar gro ga shing shun la// nyams pa'i gzugs brnyan bri bar bya// rten gyi rdzas lnga rdzas la sbyar// yan lag rigs bzhi sbrul gyis 'khril// snying la sbrul nag
- 99b
ba bri// nad dang mtshon cha sna tshogs bri// zangs lcags 'khar ba de dag la// sbal pa khog stong byas pa'am// yang na sa'am shing la bya// nang du dgra gzugs bcug nas kyang // la cha kham pa'i ga 'ur gsal// la tsa kham pa'i khug pa ru// klu yi nor brgyad rtsal bar bya// ga 'u'i phyi rgyab dag tu yang / khyi mo nag mo'i sna khrag dang // cog la'i khu ba dmar po dang // ro bsreg thal ba sbyin sbyar la// byugs shing tshad bya khyer la yang // tsha grang 'byung ba'i sgra byung tshe// mis ma tshor bar khyim nang du// sbyar ba mkhas pas gzhug par bya// de nas yang dag nges bshad pa// dur khrod ras sam dri rgod min// gtsang ma'i ras sam ka ri ka/ mkhas pas 'khor lo bris byas la// ling ka dang bcas thod chen gzhug/ byang phyogs gdol ba'i khyim du gzhug/ des ni rtsa rgyud rlag par byed// de nas bcom ldan 'das nyid kyis/ sku gsung thugs rdo rje las/ sa bdag srog gi 'khor lo'i ngan sngags 'di dag 'thon to// dza ye phu bi dza ye phu/ tsi ti tsi ti phu/ tsit+ta ang ke phu/ na na le phu shang ka ru te phu/ ku lu ud ka te phud/ gra he sha ra ya phu/ sa ma ye phu/ nA ga phu na ga rA dza phu dz+nyA/ oM yo ga rA dza yo ga rA dza bri te/ g+ha g+ha kha kha nA ga duM pa le/ nA ga rA dza a nan ta swA hA/ tad+ya thA/ oM sha sha shu shu shu ma li pa/ kyi tsa kyi ti hu ya hu ya/ hu li hu li swA hA/ nA ga hA ya
- 100a
ba ling dung se sa ma ya/ a ti ba che ge mo/ thun song zung na ga shig/ ro la thib zib/ daM shi ma ma ma hA yag+ga nA ga hu ya ba ling dung ba/ dza dza b+h+yo b+h+yo ma ra ya rbad/ ma ma snying khrag dun ting / na ga r+b+ha ya hUM ba ling du ba dza dza b+h+yo/ ma ra ya rbad/ ma ma ha la dun b+h+yo/ nA ga hu ya bA ling du ba dza dza b+h+yo b+h+yo ma ra ya rbad/ ma ma yak+ka ma me rak+ka/ rag mo ba ling dung dza dza b+h+yo b+h+yo mA ra ya rbad/ ma ma yak+ka rak+kha hu ra hu ra/ nag mo ba ling dung ba dza dza b+h+yo b+h+yo mA ra ya rbad/ dza dza b+h+yo b+h+yo mA ra ya rbad/ dgug dang rbad dang bsad pa yis// ngan sngags gnad kyi sbyor ba ste// zhi bar sgrub bam drag por sgrub// gang bsgrubs 'bras bu smin par 'gyur// he he he sa byi ba tsog gi ling ma longs song / de dag brjod/ dmod bcol bya/ dpal zla gsang nag po rgya mtsho dug ri kha'i gsang rgyud las/ sa bdag srog gi 'khor lo/ klu bdud dam shi phag mig gi le'u ste dgu pa'o// // de nas rdo rje snying po yis// yang dag rdzogs la 'di skad ces gsol// gdug pa klu yi 'khrul 'khor te// mtshon cha las kyi 'khor lo 'dir// rtsa ba'i sgrub pa bshad kyis kyang // ma grub spogs dang gnad gcod kyis// yan lag sgrub pa bshad par mdzod// yang dag rdo rjes nges gsungs pa// gnad gcod gsang ba'i sbyor ba dag/ nag po klu yi tshogs rnams la// zas dang grogs dang dgra
- 100b
/ skal dang // dug thun nag po zhes bya'o// dang po zas su gtad pa ni// gnyen ra 'dug pa yod pa'i sa// nag po blangs la sbrul gzugs bya/ khog stong byas la maN+Dal bzhag/ gro ga dag la 'khrul 'khor bri// dbus su dgra bo'i gzugs byas la// ba dmar ra dkar 'o ma dang // mdzo yi 'o ma mngar gsum dang // rtsi sman sna tshogs sbyar byas la// dmigs pa'i dri dang sbyar ba byug/ sbal pa'i 'khor lo'i lte bar bri// tha ma sngags kyi phyi nang bskor// de nas dug sbrul nag po ste// ti pa tsa yi skur bsgoms la// ngan sngags khri phrag gsum bzlas la// nA ga gnas pa'i sa dag tu// dug sbrul lto bar grubs la yang // nyi zla sa 'og song nas gtad// klu yi zas su myur par za// yang na 'khor lo gong ltar bya// glang ru srin po'i lto bar gzhugs// na ga gnas pa'i khyim du gnan// klu dang gnyen dang sa bdag gis// zas su mthong nas myur du za// de yi ngan sngags 'di lta ste// oM nag po ti pa tsa ya/ na ga ra rag+ma che ge mo he ku la/ phe sha na/ nag po shig shig tshum tshe// hu ya hu ya/ klu nag po mgo dgu pa/ dgra bo che ge mo zung zung / chings chings/ nA ga du nA ga du/ nA gshan du/ he li dus dus/ nag po baM tsi tsi rgyas/ trag thur snying la gul/ myags myags/ rtsa gzhi skum/ shan shan srog la shan/ thur thur sod nA ga gur ling / snying la dus dus/ snying
- 101a
khrag baM mo rlul/ snying la dus dus sa ma yA/ na ga kyen tse snying la dus dus/ nA ga du nA ga nri snying la dus dus/ nri lo nri chod/ sa ma yi daM daM dza/ na ga rak+ka dgra bo kha kha khA'i/ nyams pa'i ru dra dgra bo de// zas su mthong nas myur du za// 'di ni gsang ba'i yang tig yin// dpal zla gsang nag po rgya mtsho dug ri kha'i gsang rgyud las/ dgra zas su gtad pa'i le'u ste bcu pa'o// // de nas yang dag bshad pa ni// baM chen thod chen nag po gshag/ 'byung ba lnga yi gshed rtsis la// gnyen po ma thod de dag la// 'chi bdag gzugs de mkhas pas bri// gcig la dgra gzugs legs bri la// drag po sngags kyis 'khor bar bri// kha sbyar gnad kyi dra ba gzhug/ 'byung ba'i gnyen po steng 'og rim// shes nas yang dag sgrol bar byed// rgyal rigs klu la gtad pa'am// yang na gang yang rung ba ru// thod chen 'khor lor bzhugs pa'am// bdag nyid stong pa'i mun pa nyid// sgyu 'phrul yi ge phe las ni// sprul na lus la chu srin mgo/ nA ga rak+Sha bsgom par bya// de yi thugs las 'od 'phros pas// klu bdud nag po zhes bya ba// nag po 'dzin shes gtong mi shes// sbrul nag lus la rngam pa'i zhal// de la dgra bo dgra tu gtad// btsugs 'dzud sngags ni dri dang bzlas// sbyor ba rdzogs nas gnan pa bya// oM nag po ti pa tsa ya/ nA
- 101b
ga rak+ta che ge mo he khu la se shan pa phos pos/ shig shig hA ya hu ya/ nag po mgo dgu pa dgra bo'i srog la breng shag/ dril myags rbad/ tsit+ta zung rbad/ rtsa khrag zad/ khaM raM khe raM/ snying tig rtsa tig khrag tig rbad/ ces ni stong phrag gsum du bzlas// sbyor ba brgya bar dag tu yang // btsugs sngags bzlas shing gtad gnyer bya// nyams pa'i dgra bo 'di yis ni// nag po klu yi gnas 'phrog go/ myur du brlag ste srog rtsa gcod// ces bya'o// rtags ni dzag dang tsa ra dang // ra mda' khu log dmag 'dren 'ong // 'jig rten 'dzam gling klu rnams kyis// yul khams nges par rlag par byed// dpal zla gsang nag po rgya mtsho dug ri kha'i gsang rgyud las/ klu bdud nag po la dgra bo dgra skal du gtad pa'i le'u ste bcu gcig pa'o// // de nas gtad pa'i las bshad pa// klu mo nag mo spyan gcig ma// dgra bo grogs su gtad par bya// dgra bo zag pa zad pa'i rdzas// dung dang mtshal dang shu dag dang // rtsi sman rnams kyis sbyar la yang // dmigs pa'i ling ga bri bar bya// snying khar bcug pa'i ngar blud la// klu mo nag mo kha sbyor bri// rgyab tu sa yi bdag mo ste// g.yas su gnyen mo snying 'byin ma// g.yon du klu mo lto 'gro ma// legs par gzugs byas ling ka dril// sbal pa ga'u'i nang du gzhug/ byang phyogs gdol ba'i sa ru gtad// nA ga du nA
- 102a
ga du/ he li he li/ nA ga dus dus/ oM nA ga kro ti shwa ri/ nA ga rag mo he zhu la/ phos phos shig shig/ hu ya hu ya/ klu mo nag mo ha zhe na/ hu zhen nA ga zhen/ na ga le zhen na ga le zhen nA ga le zhe na/ bu me zhe na/ sa khrag zhe na/ dbugs la thus thus swA hA/ ngan sngags mtshon cha'i 'khor lo 'di// stong phrag gsum las grangs mangs na// klu srin rnal 'byor nyid la 'du// des na gtad pa shin tu gces// dpal zla gsang nag po rgya mtsho dug ri kha'i gsang rgyud las/ gogs su gtad pa'i le'u ste bcu gnyis pa'o// // de la sgrub thabs med do skad// de nas rdo rje snying po yis// rdo rje 'chang la 'di skad gsol// nges par gsang rgyud mtshon cha 'dir// bsad pa'i sbyor ba gzhan bshad na// srin po bdud dang gnod sbyin gza'// 'chi bdag sgrub pa bshad par mdzod// ces gsungs pas/ de nas bcom ldan 'das na ga rak+Sha zhes bya ba'i ting nge 'dzin la snyoms par zhugs te/ srin po srog gi 'khor lo'i ngan sngags 'di gsungs so// las kyi nA ga gdug pa yi// mtshon cha 'khor lo log pa'am// rang rgyud rigs bzhi gdol ba'i / dug/ 'gro ba yongs la 'tshe ba'am// nag po gdug pa'i klu rnams kun// las mi byed na ar la gtad// rang nyams dben pa'i sa phyogs su// nA ga klu yi 'khor lo ni// chos kyi 'byung gnas dbugs ldan
- 102b
pas// 'khor lo rtsibs bzhi mu khyud ldan// 'khor lo rdzogs pa rigs bzhi ste// rnam pa srid pa sgrub pa dang // bsnyen pa sgrub pa yang dag bshad// stong nyid snying rje'i ngo bo nyid// rgyu nyid rnam par ldan pa las// nA ga rak+Sha 'jigs pa'i sku// sbrul nag chen po 'jigs pa la// sbrul mgo brgyad ni rab tu brjid// dbu dgu nyis brgya phyag dang ldan// sbrul nag ral pa mun ltar gtibs// mdze shu'i nad kyi tsha tshar 'phro// zhags pa g.yas la nad rgyal g.yon// rigs bzhi klu yi gdan stengs nas// klu bran pho mo zas su za// 'jigs byed i sha'i sgra yang sgrogs// nga ro mi snyan lhang lhang 'bod// yum ni 'jigs byed sku dang 'dra// snying la ye shes sems dpa' la// sngags kyi 'phreng ba mgal me'i tshul// de ltar bsal bar bstan pa ni// na ga klu yi gshed mar byung // klu yi grong khyer kun kyang brlag/ nA ga rak+ka he la ta/ ha la nag/ mo tsa ma ri/ de yi sngags la bshad bya ba/ oM nag po ti pa tsa ya/ nA ga rak+Sha/ oM phe laM hUM/ nA ga rak+Sha/ nA ga srog hril hur zums rbad/ de yi na ga klu rnams kun// srog dang bral du re nas 'gyel cing skrag/ oM nag po ti pa tsa ya/ nA ga rak+ta/ nA ga ha yaM/ thun gzer/ brang shag mA ra ya khaM shag rbad/ nA ga klu yi gnyen po ste// ltas log sbyor ba ngan na bya// gzhan du nam yong bya ba min// gzhan yang nA ga rak+ta
- 103a
yi// mdze'am bsrung ba'i las bshad pa// rigs bzhi gdol pa'i nad rnams kun// 'jugs nges pa tshad mas brtag/ rtags zin nad kyi 'khor los dkrug/ rdzas dang sngags dang ting 'dzin ni// sbyor ba gsum gyis nges par 'joms// sa chu me rlung 'byung ba'i dug/ 'khor lo bzhi yi gnas kyis 'joms// oM nag po ti pa tsa ya nA ga rak+Sha/ raM raM raM raM tsa ma ri phyung / nA ga phu ma ra ya/ oM phe laM hUM khaM khaM khaM khaM tsa ma ri phyung / nA ga phu ma ra la ya/ oM phe laM hUM yaM yaM yaM yaM/ tsa ma ri phyung / nA ga phu ma ra ya/ oM phe laM hUM/ laM laM laM laM/ tsa ma ri phyung nA ga phu ma ra ya oM phe laM hUM/ 'gug 'dren 'byung po dgug pa dang // yang snying bsdebs la shis par brdeg/ spyi bo sa yi 'khor lo dang // mgrin pa chu yi 'khor lo dang // snying kha me yi 'khor lo dang // lte ba rlung gi 'khor lo ste// las kyi gnad nas dkrug pa'am// yang na 'khor lo dril ba yi// yang snying nag po gsang ba'i mchog/ nA ga klu yi gshed mar che// dpal zla gsang nag po rgya mtsho dug ri kha yi gsang rgyud las/ nA ga rak+Sha srin po 'chi bdag gi le'u ste bcu gsum pa'o// // de nas yang dag rdzogs pa yis// nA ga ru dra zhes bya ba// nag po snying gi 'khrul 'khor 'di// 'khor lo nges par bshad par bya// bdud kyi rme tri nag po dang // shan dmar spu gri nang 'thab pa'i// gsad pa'i sbyor
- 103b
ba 'di lta ste// brag nag spungs pa'i ri bo 'am// nag po 'dug pa'i sa dag tu// dur khrod ras sam rgya shog la// mkhas pas 'khor lo bri bar bya// sdig pa nag po'i lto ba ru// 'khor lo rim pa gsum du bskor// gru gsum zla gam rgya gram ldan// mu 'khyud 'khor lo rdzogs pa la// rtsa ba 'byung ba spu gri sngags// mkhas pas bkod la thod chen gzhug/ phung ba'i 'brub gnas gru gsum du// mkhas pas gnas la rtsang dmar bskor// nyungs kar nyungs nag ske tshe dang // khrag dang dug gi sbyor ba dang // zangs phye lcags phye la sogs brdeg/ bdag nyid stong pa'i rang bzhin las// sbrul nag mgo dgu 'jigs pa las// ral pa khaM nag tsha tsha 'phro// g.yas na srog gcod spu gri la// g.yon na sbrul nag zhags pa'o// gzas pa nyams na mdun na gnas// lcags kyu'i pho nyas khrid nas kyang // las kyi rlung gis rgyab nas phul// bdag gi drung na nyam zag pa// thugs la dza yi 'od zer las// dza de gzas pa'i snying la thim// sdig pa mgo dgu gcig tu gyur// rnam shes rten gyi rtsa brgyad gcod// hUM nam ces pas srog gshed ni// sdig pa'i lus la spu gri thogs// zhags pas nyams pa khrid nas kyang // 'khor lo'i 'khyams gang du 'chang // de ltar gsal bar gyur pa dang // bzlas sgom bskul rnams thun du gcad// las kyi sbyor ba
- 104a
rdzogs pa dang // nag po gdol pa gnas par gtad// las 'di khyad par mchog ces pa// 'chi bdag bdud kyi ngan sngags yin// de nas bcom ldan 'das kyis sku gsung thugs rdo rje las// gsang sngags 'di dag 'thon to// oM nag po ti pa tsa ya/ nA ga rak+Sha che ge mo he khu la phe shan/ nag po phos phos shig shig/ chu chu hu ya hu ya/ klu nag po mgo dgu pa/ dgra bo'i srog la rtsa khrag snying thum ril raM shag rbad/ nri hur thums dza/ la laM snying la dza thur sod/ raM raM tsa khrag srog ti ge rbad/ khaM khaM rtsa khrag myags ti rbad/ yaM yaM srog la breng / shag rbad/ drag sngags mchog gis brdeg pa ste// nag po klu yi snying tig yin/ khyad par sngags pa nang 'gras sam// spu gri rno dpal 'dren na bya// ngan sngags dug ri yi ge ste// me dang nyi ma rgyal po bzhin// yang dag rdzogs kyis nges par gsungs// yang na rus sbal chen po la// mi bubs gcig la gtad rgyu lnga// yang snying sbrul nag 'khyil pa dang // ra rgyas che dang chung ba dang // sbal nag sdig pa la sogs pas// bdun phrag dag gis las byas na// rtsa rgyud brlag par dpa' bos bshad// de nas yang bcom ldan 'das kyis bsrung zhing phyir bzlog pa'i// 'dir 'khor lo 'di dag gsungs so// bsam gtan sems kyi 'khor lo ni// dang po stong pa nyid dag las// phe las 'brum zhes
- 104b
brjod pa las// 'khor lo rtsibs bcu lte dbus zlum// dbus kyi rgyal chen pho brang du// phe las bdag nyid klu bdud che// chos kyi dbyings dang ye shes kyi// gnyis med sras mchog ti pa tsa// sbrul nag sku la sbrul mgo brgyad// phyogs mtshams kun tu brtags nas gzigs// spyi gtsug rin chen pho brang du// bruM las gyur pa'i rnam par rgyal// nag po zhal gcig phyag gnyis pa// phyag g.yas sdigs mdzub lcags kyu g.yon// zhabs gnyis dor thabs khros pa'i tshul// dbu yi gtsug tor dag tu bsam// rtsibs chen bcu la khro bcu bsam// sbrul nag gdug pa bcu dgod do// bsrung na 'khor lo gur gyi tshul// gnan na 'khor lo ri rab tshul// gsod pa'i 'khor lo mtshon cha ste// dmigs pa dang bcas de bzhin no// gsang sngags rgyal po 'di dag go/ oM A uSh+NI Sha tsakra sarba lo gi swA hA/ nag po ti pa tsa nA ga rak+Sha he ru khu la phe shan pos phos shig shig tshu tshu hu ya hu ya yan+ta man+ta tan+ta sarba lo ki bruM bruM bruM bruM truM truM dzu duM tsakra kha ra ti ye sarba lo ki swA hA/ nam mkha' nyi zla 'od stobs dang // spu gri rno dpal 'gran pa dang // seng ge kha 'thab la sogs pa'i// byad dang rbod gtong sngan thabs dang // sbyor ba thams cad 'dis 'joms pas// ya bag sha ya zhes bya ba// 'chi bdag las kyi 'khor lor bshad// dpal zla gsang nag po rgya mtsho dug ri kha'i
- 105a
gsang rgud las/ 'chi bdag sdig pa phyung gshig spu gri rno dpal gyi le'u ste bcu bzhi pa'o// // de nas yang dag rdzogs pa yis// nA ya yak+Sha zhes bya ba// gsang ba'i yang snying nges bshad pa// rnal 'byor dpa' bo stobs ldan pas// dben pa'i gnas su 'dug nas kyang // sems kyi dri ma kun spangs te// bde ba'i ye shes rgyun du rten// byams dang snying rje ldan pa des// sems can kun la sman pa dang // bla med 'phags pa mnyes mchod phyir// nor bu dam pa bsgrub par bya// rin chen rgyan ldan gnas khang du// gtsang ma'i sa dag tshogs pa la// btsan phyug 'phan gyi zhing sa blang // dri spos sman dang ldan byas la// yid 'ong me tog tshom bus mdzes// rin chen mdzes pa'i snod nang dam// yang na maN+Dal steng du'am// rin chen zur brgyad ldan pa la// dbus su pho brang zlum po la// rin po che las byas pa'am// snum pa'i sa las byas pa yis// ti pa tsa yi sku gzugs byas// dbu dgu yan lag brgyad ldan la// phyag na ne'u le'i rkyal pa 'dzin// nang du gang 'dod dngos grub dang // dri spos sman gyis rab tu dgang // de nang bskyed dang spyan drang bstim// dngos grub 'dod par gsol ba gdab// mdzes pa'i rgyal mtshan gdugs kyis dbub// mchod pa'i bye brag sna tshogs dbul// mdun du rin chen ga'u ru// sna
- 105b
tshogs gang 'dod rdzas kyis dgang // 'bru sna rin chen sna lnga dag/ la sogs kha ni brgya yis gdab// sngags kyis bsnyen pa bdun 'bum mam/ khri phrag bdun nam stong phrag bdun// gang zag gsum gyis 'grub par 'gyur// nor bu rdzas kyis ga'u 'phel// rmi ltas bzang po byung ba na// ga'u bang mdzod nang du stsal// sku gzugs mchod pa'i rten du bzhag/ gang bsams las la the tshom med// de nas yang dag rdzogs pa nges// gsang sngags 'di dag sku gsung thugs rdo rje las 'thon to// oM nag po ti pa tsa ya/ nA ga rak+kha yag+na na ga rA dza sa ma ya gu ru/ nA ga le tshu rat+na ge po stangs hi sid+d+hi brag shag sdud daM hur khram swA hA/ sngags kyi bsnyen pa rdzogs pa dang // gang la bya ba 'grub par bshad// dpal zla gsang nag po rgya mtsho dug ri kha yi gsang rgyud las/ gnod sbyin 'chi bdag nor bu sgrub pa'i le'u ste bco lnga pa'o// // de nas yang dag rdzogs pa yi// gza' rgod 'chi bdag ces bya ba// lo tog gzhom pa'i las bshad pa// gcan gzan mgo'am zod chen du// gdug pa gsum gyi khrag gis bsku// dri rgod mgo ra tshe tshe'i khrag/ dug dang 'bras bu sngo sna bcas// sbal pa nag po'i gsob tu bca'// yul dbus gzhug pa'i pho brang gzhug/ dgongs dang sa sros dmar thag dbab// bco lnga dgu gsum bzhi dag la// sbyor ba rdzogs pas gnan
- 106a
na yang // chu 'khyags 'khyag rom 'bab par 'gyur// de yi ngan sngags 'di dag ste// oM nag po ti pa tsa yA nA ga yak+ka ya ma ra hu la he khu la phe shan phro dril shar shar/ nag po gu ya/ dgra bo'i lo tog la mA ra ya hUM phaT/ sa nA ga srog zir trig nan/ raM shar ya phob hril phreM b+h+yo/ nag po ti pa tsa kha la 'ur 'ur kham kham yaM yaM drag tu phob phob/ gzer gyis myur du 'bab par 'gyur// gal te 'bab par ma gyur na// ser srun yul mi 'bru sna sngo// drag po rdzas dang bcas pa rnams// tsher ma can gyi shing la bsreg/ khrag dang dug rdzas bsres pa'i thun// yul zhing bskor zhing gtig pa dag/ dus chen nyi ma dag la bya// dpal zla gsang nag po rgya mtsho dug ri kha'i gsang rgyud las// gza' 'chi bdag gi le'u ste bcu drug pa'o// // de nas yang rdo rje snying po yis// yang dag rdzogs la nges zhus pa// e ma rdo rje 'chang rgyal la// bstan pa'i dgra lnga gdul ba'i phyir// rtsa ba yan lag rdzogs pa yis// sgrub pa'i rim pa bshad kyis kyang // nag po klu la gtad pa yi// gtad tshad nges pa'i tshad ma gang // tshad can dag tu gtad pa gang // tshad med dag tu gtad pa gang // klu yi bcud phur ji ltar gdab// gzer bzhi gdab pa ji ltar lags// rtags kyi tshad ma gang gi bgyi// yang dag rdzogs la bdag nyan 'tshal// de nas yang dag
- 106b
rdzogs pa yis// rdo rje can la bshad bya ba// spyir na gtad pa nges pa ni// shar bltas rgyal po bram ze lho// nub na rje'u byang na dmangs// byang shar gdol pa nag po ste// re re la yang lnga lnga ste// nyi shu rtsa lngar gtad pa'i grangs/ khyad par byang dang byang shar te// las byed dmangs dang gdol pa'o// tshur la mi ldog phar la 'gro// de chu mdangs chu chu chen slebs// sbrul nag 'khyugs gtad pa yin// brag dang chu ru 'bab pa yin// rme dri shan dmar long pa dang // gtad sa nges pa'i tshad ma yin// chu mig 'khyil dang lkugs pa dang / khyad par yin te gtad sa yin// nA ga ha la yod pas na// chu mig lkugs pa phru ba'i kha/ nag po tshig shur bya ba yin// 'di las myur pa med pas na/ khyad par gtad pa nges pa'o// yang na klu rigs nyi shu lnga'i// rtags dang dus tshod ma nor na// kun kyang gtad sa nges pa yin// dpal zla gsang nag po rgya mtsho dug ri kha yi gsang rgyud las/ gtad pa'i le'u ste bcu bdun pa'o// // yang dag rdzogs kyi nges gsungs pa// nag po klu la gtad pa la// lus tshad 'jam pa 'di lta ste// ri rab nyungs 'bru'i tshul dag la// gzugs la tshad bzung mi spogs te// rnal 'byor 'phrin las byed tshul gyis// ji ltar byas kyang las rnams 'grub// rgyal po rje dang bram ze dmangs// gdol pa la sogs klu rnams
- 107a
la// 'dom dang brkyang bskum bskum khru dang / mda' dang khru ru rim pas yod// kun la sbyar de ltar yin// byang dang byang shar sbrul nag 'khyil// mig tu byas te tshad gzhal bas// gtad sa bcu gnyis yod pa yin// mig dang 'dom gang sna ru 'dod// der gtad ci nad nges par 'ong // sna nas 'dom do phar tshur bcal// rna ba 'on dang skran mdze 'ong // sna nas 'dom gang kha yin te// glan dig lkugs pa'i nang du 'ong / kha nas 'dom gsum snying kha yin// snying nad sna tshogs 'ong bas gtad// snying nas 'dom gsum lto ba ste// dmu rdzings skran nad 'ong bas gtad// lto nas 'dom gsum lte ba ste// srid pa'i rgyun chad 'chad pas gtad// de nas 'dom gsum chu so la// chu 'gag phol 'bras 'ong bas gtad// chu so dang ni snying kha nas// phar tshur 'dom ni gsum gsum na// yan lag gtad na zha 'brum mdze// de nas phyir gzhan mda' bzhir gtad// dreg grum mdze 'bras gong por 'gro// mig nas 'dom bzhi gyen la bcal// spyi steng sa ste mgo 'khor 'ong // mtshan ma dag nas 'dom bzhin// ka rten sa ste phye 'or 'gro// de dag gtad sa bcu gnyis dag/ spyi ni kun la bca' ba ste/ khyad par sprul nag 'khyil ba ste// byang bltas la chu nges bcal bshad/ dpal zla gsang nag po rgya mtsho dug ri kha'i gsang rgyud las/ tshad
- 107b
gzhal gtad pas nad kyi dmigs rtag pa'i le'u ste bco brgyad pa'o// // de nas yang dag nges gsungs pa// tshad med gtad pa 'di lta ste// klu yi pho brang rgya mtsho der// chu mig klu yi srang mgo yin// rigs bzhi klu yi sgo ba yin// pho brang srang mgo bya ra'i sa// lkugs sa la sogs mdun sa ru// gang du gtad kyang 'gal ba med// yang na chu mig dngos phyugs gzhug/ sna tshogs nad dang hur thums byed// shar gtad rus mdze nag po 'ong // lhor gtad khrag mdze mkhris nad 'ong // nub gtad gnyen dang lhog pa 'ong // byang gtad gnyen dang 'brum bu 'ong // byang shar 'brum bu 'ong // dkar po rgyal rigs sa yi dug/ bram ze ser po chu yi dug/ dmar po rje rigs me yi dug/ nag po dmangs rigs rlung gi dug/ sngon po gdol pa sna tshogs dug/ 'khor gyi sna tshogs nad gtong bas/ kha dog rigs kyis brtag par bya// 'dom gang thur la bcal ba'am// lkugs pa phru ba kha zhes bya// nag po gcig shur gnas pas na// hur thums las su de yis 'gro// dpal zla gsang nag po rgya mtsho dug ri kha'i gsang rgyud las/ tshad med du gtad pa'i le'u ste bcu dgu pa'o// // de nas rdo rje snying po yis// bcud phur rnam lnga ma thems na// nag po klu rnams sgrub pa dang // las 'gyangs 'ong ste rang la ngan// de don nges par bshad bya ba// lta ba chos
- 108a
nyid bcud phur ni// chos kyi dbyings dang rang rig pa// gnyis med rig pa mchog gi ngang // ma bcos bcos med byang chub sems// ti pa tsa dang spyan gcig ma// dbyer med thig le chen po'i ngadang // chos nyid mun pa lta bus shes// thig le chen por gtogs pa'o// gnyen po lha yi bcud phur dag/ sbrul nag chen po'i ting 'dzin gyis// nA ga bran du 'khol ba ste// dug gis dug 'joms lha yi gnad// drag sngags gnad kyi bcud phur ni// nA ga rak+Sha srin po che// klu yi gshed 'byung sngags kyis gnad// rten 'brel rdzas kyi bcud phur ni// byug pa'i gdug pa'i sgrib shing dag/ dam shing rdzogs pa rdzas kyi gnad// pho nya las kyi bcud phur te// dug lnga las gyur lha tshogs te// klu bdud nag po yab yum dang // srog gshed byad kyi bka' nyan tshogs// rtag tu bskul zhing 'phrin las bcol// drag po gnad kyis bskul ba'i gnad// gzer bzhi gdab pa 'di lta ste// spyi dang khyad par gsang ba yi// bsnyen pa drod thob lha yi gzer// sgrub dang mchod pa bstod pa ni// rdzas rnams tshogs pa sbyor ba'i gzer// lto ba brgyad po 'khrul 'khor gyi// dmigs pa 'dzud pa khang pa'i gzer// mi 'gyur brtan pa sgrub byed rkyen// ting 'dzin 'phro 'du dgongs pa'i gzer// rnal 'byor can gyis shes par bya// dpal zla gsang nag po rgya mtsho
- 108b
dug ri kha'i gsang rgyud las/ gzer gdab pa dang / bcud phur gyi le'u ste nyi shu pa'o// // de nas yang dag rdzogs pa yis// rtags kyi nges pa bstan pa ni// g.yag rgod mdzo rgod byung ba na// nag po tshig shubur shes pa yin// las ni myur la gtad par bya// gtad pa 'gor na rang la gnod// rta dang bong bu byung ba na// btsun pa a tsa ra dang ni// bu chung spre'u bya dkar dang // rgyal rigs las byed rtags su bzung // dmu chu smyo 'bog nad kyang 'byung // phag pa rog pa khra bo dang // bud med nag mo ral pa can// na chung srin mo mdza' mo dang / khyi dang mdzo ni bram ze ste// gtad na dgra bo mdze yis 'dzin// sbrang po byung dang ri dwags dang // rta pa skyes pa chas bzangs dang // brag dmar chu 'byung rje'u rigs// rme dri nag po 'byung bar 'gyur// bya dang ba glang mdzo rta rnams// dmangs rigs rtags te dri rgod 'byung // ban+de byung na ser po ste// las myur skom mdze 'ong bar 'gyur// mi reng byung na klu dkar te// skrangs spos 'chi bar byed pa'o// byis pa byung na gdol pa yin// de yang gri rgod dag tu 'chi// bud med byung na dmar po'i rigs// rtsa rgyud 'chad par yang dag bshad// lha khang byung na klu rnams kyis// mdun ser sleb pas nad rnams yong // dmag mi byung na klu btsan yin// rta gri rbab gri mtshon grir 'chi// rtags dang sbyar te
- 109a
gtad pa dang // las myur gtad pa de bzhin te// yang dag bla med dpa' bos bshad// dpal zla gsang nag po rgya mtsho dug ri kha'i gsang rgyud las// rtags kyi le'u ste nyi shu rtsa gcig pa'o// // de nas rdo rje snying po yis// yang dag rdzogs la 'di skad gsol// rtags kyi tshad ma de ltar na// gdug pa sa la gnas pa'i phyir// rus sbal lto bar ji ltar gtad// lto 'phye'i lto ru gzhug pa gang // sa bdag nag po'i lce mdung la// nyams pa gtad pa gang dang gang // yang dag rdzogs kyis bka' stsal ba// 'khyig dang lkugs pa rus sbal gnas// gcod pa dug gi bdag nyid can// rlung rta srog las tshe gnas khrus// shis pas rus sbal mdzod la gtad// yan lag lnga dang dbang po brgyad// nang grol sman lnga tshigs mgo bdun// lus kyi bang mdzod bcu drug bzhi// gnad gzir mgo dang pho brang 'bar// bzhi bcu rtsa gcig dmigs brtags la// de la gtad pa'i rim pa bya// za chung shar lha 'bring po lho// ra ba nur dang nur dang bstod// byang du mgo ni ltas par 'gyur// rtag tu sgrub la gung gnyis ltalha// lo gshed gtad pa'i sbyor ba ni/ kha ru sbrul la ra g.yas 'brug/ lag g.yas yos bu mtshan g.yas rta// rkang g.yas glang la gsang gnas phag/ gsang g.yon byi ba rkang g.yon gyi// lto g.yon bya ste mtshan
- 109b
g.yon spre'u// lag g.yon lug la rkang g.yon rta// gshed bdag nyid la gtad pa ni// byi phag gshin rje'i 'chi bdag la// bya smre bdud po 'chi bdag la// rta sbrul srin po 'chi bdag la// glang lug khyi 'brug bzhi po ni// gnod sbyin 'chi bdag de la gtad// rigs bzhi dug bzhi nad bzhi 'joms// lo yi gshed gcod sbyor ba yin// khaM chen lnga yi srog lus sbyar// mgo dang mjug ma g.yas dang g.yon// yan lag kun la sbyor ba ni// ji khams 'u dang bkag dang bshang // kung la sogs pa 'byung ba lnga// sbyor ba kham cher sbyor bar bshad// dbang po lnga yi shes pa ni// mig dang rna ba kha dang rwa// sna dang sgoms dang snying kha ste// rgyal po rje dang sngags pa dmangs// bon po lha dang yul bsrungs dang // blon po 'gran zla stobs kyis te// rnam shes dbang po'i sbyor bar bshad// don snying lnga yi nad dang rigs// snying la bsad pa glo ba smyo// mchin pas 'bogs 'thibs rgyu mas rims// mkhal ma lha dang dbye ba'i las// gang sgrub las la thogs pa med/ khyon la sbyar ba 'di lta ste// skye la rengs dang dgug par sbyar// sogs pa gnyis la gri thog ste// byang khog dbang du sdud pa la// rdzing la rnol dang rme dri ste// rgyu zhags rims dang snyom bu la// gsang bar skye rgyun gcod dang 'pho// chu shul gnan na las kun 'grub// rus sbal lto bar dkrug par
- 110a
bshad// dpal zla gsang nag po rgya mtsho dug ri kha'i gsang rgyud las/ rus sbal lto dkrug pa'i le'u ste nyer gnyis pa'o// // de nas yang dag rdzogs pa yi// lto 'phye 'chi bdag nag po yi// gtad dmigs gcig la bshad par bya// sa bdag rgyal po ha la gnag/ mgo la gtad na bu mang 'chi// rgyab tu gtad na rang la ngan// mjug mar gtad na nor rdzas 'bri// de phyir 'chi bdag nas lugs bstan// dpyid zla gsum na byang na mgo/ shar du kha bltas mjug ma lho// dbyar zla gsum na nub na mgo/ byang du kha la mjug ma shar// ston zla gsum na lho na mgo/ nub na kha la mjug ma byang // dgun zla gsum la shar du mgo/ lho ru kha la mjug ma nub// 'chi bdag lto 'phye de ltar gnas// dpyid gsum nub ltas brkos na thebs// shar dang lho dang byang du ni// 'chi bdag bu smad nor la ngan// de phyir gsum po spang bar bya// dbyar gsum lhor bltas brkos na thebs// byang bltas shar dang lho dag spang // ston gsum shar du bltas la rko// de bzhin gsum po spang bar bya// dgun gsum byang du kha bltas brko// gsum po spang bar bya ba ste// lto 'phye'i lto bar chud pa na// nges par phar la thebs pas na// de phyir gsang ba'i 'khrul 'khor bshad// dpal zla gsang nag po dug ri kha'i gsang rgyud las//
- 110b
'chi bdag lto 'phye nag po lto gshag pa'i le'u ste nyi shu gsum pa'o// // de nas yang dag rdzogs pa yi// sa bdag lce mdung nag po bshad// chu dang shing dang brag dang sa// klu gnyen sa bdag gzugs brnyan te// dkar po rgyal rigs ser po bram ze ste// dmar po rje rigs nag po dmangs// sngon po gdol pa'i rigs bzhi ste// 'khor dang rtags dang dus las sbyar// sbrul dang sbal pa nya dang ni// lcong ge glang dang phag pa dang // sdig pa chu srin rta bla'o// grog mo sbyar pa rus sbal dang // dmug pa'i bu mo 'dra ba dang // mgo lnga mgo gsum gzugs 'dra brtag/ sbrul 'dra lnga ste nam mkha' brag/ sa dang chu shing sbrul nag gi/ mjug ma mdung la gtad pa dang // sna gdong lce la gtad pa dang // sbal 'dra gsum las sa rdo ri/ kha ni lce la sbal pa mdung // lce mdung la ni gtad par bya// nya la gnyis te chu dang sa// gshog rtse lce la zer pa mdung // lcong ke bzhi ste na chung dang // brag dang sa'o// mtshul pa lce la mjug ma mdung // glang la gsum ste gad rdo ris// dmigs bzhi lce la rab rtse mdung // phag kyang gsum ste gad rdo ri/ kha la lce ste sna rtse mdung // sdig pa gsum ste ri chu brag/ spyi mdo lce la rwa rtse mdung // chu srin gnyis te ri dang chu// sna rtse lce la sbal lag mdung // rta bla gnyis te lam dang sa/ kha la lce la lag pa mdung // grog mo gnyis
- 111a
te sa dang brag kha la mdung la lag pa lce// rus sbal gnas khang brag ri ste// lto pa lce pa rgyab na mdung // dmugs pa 'dra bas dang brag/ ra la lce la kha la mdung // mgo lnga la sogs gzugs brnyan la/ kha la lce la lag pa mdung // sa bdag lce mdung 'di dag la// gtad na gang yang brlag pa ste// bskal pa'i mthar yang mi thar bas// bdud kyi btson rar chud pas na// nag po klu yis zin pa yin// las kyi rnam grangs du ma kun// rtsa ba yan lag gang byed kyang // 'di bzhi sbyar na las kun 'grub// dpal zla gsang nag po rgya mtsho dug ri kha'i gsang rgyud las/ sbrul nag lce mdung gi le'u ste nyi shu bzhi pa'o// // de nas rdo rje snying po yis// bde chen lha la yang dag gsol// 'jigs byed gdug pa klu yi tshogs// sgrub cing dgra bo gtad pa dang // gtad pa'i 'khor lo bstan gyis kyang // byad kyi bka' nyan las kyis bsdeb// rno myur mgyogs pa'i sna 'dren gang // yang dag rdo rjes bka' stsal pa// srog gshed byad kyi bka' nyan du// 'chi bdag bdud dang srog bdag gza'// byad kyi bka' nyan bsgrub par bya// 'jig rten 'das dang ma 'das mtshams shed na// bdud dang gshin rje'i pho nya ste// gshin rje dmar po yi dwags rje// sgrub cing las la rbad pa dang // klu dang gdong du gzhug pa dang // mgyogs kyi sna
- 111b
'dren zad par bya// 'brang rgyas bshos bu ri rab dang // dar mda' za 'og rgyan ldan lug/ srid pa bskor la bris la dbul// rta mgrin dbang ngam ting 'dzin gyis// dang po srog bdag bod par bya// grub rtags sngon du byung ba'i tshe// gzhal yas dmar po'i bse mkhar nas// yam shod dmar po bskul bar bya// gdug pa dgra bo'i gzugs byas la// bsad pa'i mtshon cha dbab par bya// srog gi snying po bod par bya// haM shaM tri taM rtsa la tri ra gaM sa ma ya dza/ byis pa khyi'u dang / rta ba dang / 'od la sogs pa byung na rbad/ haM shaM tri mA ra ya b+h+yo/ las la rbad sngags/ tri kha thun b+h+yo/ tri kha thun b+h+yo/ thib ha ba ha ra/ ti li ti li/ tib tib haM hab/ nA ga rA dza dgra bo la dza/ de nas klu dang sdong pa ni// na ga krod+ha ni/ nA ga kro ta ni/ badz+ra rak+Sha kro d+he ni/ na ga na ga ni/ ri men tar phran d+ha dza dza/ zhes pa'o// nyi ma byang shar pha gi na// yam shod dmar po srog gi bdag/ skye 'gro tshe la mnga' mdzad pa// 'bru gtor 'o ma chang dang ni// skrag rgod sa shing thun phrom gyis// gsol lo yam shud dmar po mchod// gnyer du gtad de sa ma ya// klu yi sna 'dren chen po ste// myur mgyogs drag shul glog gi bang // gsang ba mchog gi sgrub par bshad// kye/ 'jig rten 'das dang mtshams shed na// bdud dang gshin rje de na gnas// gzhal yas dmar po bse mkhar
- 112a
na// zangs lcags re zem sgo mo rtsal// bse logs dmar po gru bzhi la// sprul pa glog stong mang po 'gyu// sprin dang 'od phung stug pos g.yos// de yi mkhar gyi nang shed na// srog bdag yaM shod dmar po bzhugs// sku la bse yi glog pa gsol// bse yi ljang dkar phyag na bsnams// le brgan dmar po'i ze ba can// bye ru dmar po'i skye chings can// ra gan dmar po'i lham sgrog can// 'og na bya khyud smug po zhon// steng na bse yi bya khra lding // bse yi ru mtshon gnam du 'phyar// sprul pa mi dmar rta dmar 'gyed// mngag gzhug 'gong po spyang khu gtong // yang sbrul the'u brang sum brgya 'gyed// bud med chags pa che ba'i rigs// snying dang yid du 'ong ba la// de 'drar sprul nas tshe srog 'brel// mi rigs srid zag ring ba la// bu chung 'dra bar skye zhing slu// khyod ni mi rigs bdag po ste// gnam gyi dmar po la sogs pa// kun kyang khyod kyi bka' bzhin byed// ra lcags dkar po'i ru mtshon 'phyar// zhags pa dkar nag klad la skor// drang srong yab bzhin mthu rtsal che// bram ze yum bzhin dmod mo rno// gshin rje dmar po yi dwags rje// nyin bzhin mi phyugs brgya brgya gsol/ khyod kyi phu bo gtson po la// rta dkar phum dmar chibs su bcibs// bya dkar ze dmar klad la lding // khyi dkar sna dmar phyi nas 'breng // ra dkar
- 112b
pags pa sku la gsol// ra lpags dkar po'i rgyal mtshan can// nyin bzhin bdud mo brgya brgya srol// mtshan bzhin na chu brgya la sbyor// 'khor ni 'gong po spun dgu dang // spyi yi gling dang bcas pa 'gyed// rdo rje 'chang gi bka' ma bcag/ yab shud dmar po dgra la ya// de skad bskul zhing las gnyer gtad// dpal zla gsang nag po rgya mtsho dug ri kha'i gsang rgyud las/ yam shod gshed mar sgrub pa'i le'u ste nyi shu lnga pa'o// // de nas yang dag rdzogs pa yis// srog bdag chen po'i las bshad pa// klu tsha gsang ba'i ngan sngags ni// dben pa nyams dga' yid 'ong ba// zhal zas phud dang gsang phyi dang // rgyan dang dam rdzas kun bsog la// rnal 'byor ting 'dzin ldan pa yis// bsad pa'i rdzas kun rdzogs bsogs la// gsang sngags 'di yis bod par bya// oM badz+ra sum tri rak+Sha/ rA dza pa ma ya ru lu ru lu hUM b+h+yo hUM/ de nas rbad pa'i sngags bstan pa/ sum tri rak+Sha b+h+yo/ ra dza nag po b+h+yo/ ging ka ra rgyal du chug/ gnod sbyin nag po che tsho/ dkar po gyu reng rtsa la rgyug breng / nag po spu gri rtsa la rngubs/ dun gyi yaM yaM b+h+yo/ mA ra ya mA ra ya ni ra zung zung / zhes rbad par bya'o// rtags ni tsi ding ci byung yang // tshul la 'khyu dang ldog na 'di yis gnan// oM AHhUM mA ra ya nan phra ma rA dza trig nan/ 'khu na rak+Sha rbud long / oM badz+ra badz+ra krod+ha krod+ha rA dza sid+d+hi
- 113a
a mri te hUM phaT/ rA dza sa ti sa ma ya thibs dza/ zhes pas rgyal po'i rang gnad yin// grub pa'i rtags rnams byung ba dang // klu dang sdong du 'dis 'jug go/ na ga breng ni/ ya ma rA dza nag po ti pa ni/ sum khri rak+sha tshal pa snying // bab dum cho rnor dza dza/ dgra bo'i srog la rgyug brengs mA ra ya/ de yis klu dang sdong du gzhug/ ngan sngags dug gi spu gri ste// rtags sgur 'bum mam stong stong ste// las 'grub dza la nag po'am// smyo 'bog nad kyi dmigs pa brlag/ ces gsungs so// dpal zla gsang nag po rgya mtsho dug ri kha'i gsang rgyud las/ srog klu sa ma ta li gtad pa'i le'u ste nyer drug pa'o// // de nas yang dag rdzogs pa yis// gza' spyang chen po'i drag sngags bshad// ki kang rog ti mi bzad pa// sgrub dang srog la gshed mar dbab// klu dang sdong pa'i las dag ni// brag nag spungs pa'i nags tshal du// lha srin drag po'i rgyu srang du// 'brub khung mthing nag gru gsum rtsig/ ra rog snying dang mchin pa dang // 'bru dang rtsi sman dkar gsum bsag/ bsad pa'i dug khrag nyungs kar sbyar// gsang ba'i ngan sngags 'di yis bod// oM ke ta ke ta ra shul hu la swA hA/ tsa ba ya ni ra hA la dgra bo'i srog la bred shag rbad/ ma shag mu shag rbad// da ni du ni rbad/ tsa tra mu ti ni rbad/ kha rag sma sha dun dun dza dza/ ra hu la dgra bo'i srog la
- 113b
ma ra ya bruM bruMs/ oM tsa ba ma ni ra hu la nA ga ra dza sa du dgra snying tshal pa tshal pa nAM ga snying thur dgra la b+h+yo/ ki kang brgyad kyi dus dag tu// gtor ma btang zhing 'phrin las bcol// rno myur shugs ldan drang srong che// gza' rgod gdug pa'i ngan sngags te// mtshon cha las kyi 'khor lo yin// dpal zla gsang nag po rgya mtsho dug ri kha'i gsang rgyud las// gza' rgod ra hu la'i le'u ste nyi shu bdun pa'o// // de nas yang dag rdzogs pa yis// bya byed mang po 'jigs pa ste// sngo nag g.yu yi go zu can// bod dang las la rbad pa dang // klu dang sdong du gzhug pa'i las// 'khor la bshad pa 'di lta ste// dung ngam nya phyis de dag tu// sbal lcong nya sha la sogs pa// sha sna 'bru sna'i gtor ma bsham// ma mo bod cing gtor ma sbyin// mthing nag gur dang bcas par sgrub// trag rak+ka mu tra snying ka rag ma b+h+yo/ e tsa rA dza dgra snying la thun/ che ge mo rtsa zang mu le tsit+ta rbad/ nA ga ma ma dgra snying hur rgud bruM/ snying tsit+ta dum bu ra ti ru ti rbad nA ga rA dza ma ma b+h+yo/ dgra snying la gul myags myags nA ga dgra bo'i srog la b+h+yo/ gsang ba las kyi yang snying ste// byad ka ma mo klu bdud kyis// nyams pa dgra bo sgrol bar byed// dpal zla gsang nag po rgya mtsho dug ri kha'i gsang rgyud las/ klu dang ma mos bsgral ba'i le'u ste nyi shu brgyad pa'o// // de nas yang dag
- 114a
rdzogs pa yis// dregs pa mgyogs byed shu bo yi// ngan sngags nges par bshad par bya// btsan ra dmar po'i thod pa ru// ling ga sna tshogs rdzas kyi brub// bshos bu sum brtsegs ra dmar dang // mi dmar rta dmar sha ba dag/ klu btsan chen po nyid la dbul// bdag nyid ting 'dzin ldan pa yis// btsan bod srog la gshed dmar dbab// tha mar klu dang sdong par bya// de yi gsang sngags 'di dag go/ oM nA ga shu la a tri sems dpa' dza dza/ na ga a pi shu la/ tsan+ta tsan+ti hri hri/ raM raM kha la rak+ka rak+ta du si du si/ srog la breng / shag rbad/ gul gul sku ma a ne gu ye ye/ rum gu de yo sod/ mi 'di ni bdud khal ches so// bdud la lag rings so// btsan la khal ches so// lag rings so// bdud btsan klu dang gsum la dbul lo// nyi ma nub kyi btsan/ bya yi lus po la sbrul gyi mgo bo can/ lho phyogs kyi btsan// mi lcags rta lcags zangs kyi tshems khrab can/ shar gyi btsan shal gyi mi po stag gi mgo bo can/ srin a te rgyal ba'i phyag tu dbul lo// btsan kha bzhi la gtad do// bdud nag po la gtad do// klu gel ba la gtad do// de skad brjod la brag dmar po'am// klu btsan gnas pa'i sa ru gtad// thogs pa med par las rnams 'grub// dpal zla gsang nag po rgya mtsho dug ri kha'i gsang rgyud las/ klu btsan la gtad
- 114b
pa'i le'u ste nyi shu dgu pa'o// // de nas rdo rje snying po yis// yang dag rdzogs la 'di skad gsol// gsang ba zla gsang nag po yi// rgya mtsho dug ri gsang rgyud 'dir// klu yi 'khrul 'khor bshad bya ba// dbyings kyi klu dang byang sems klu// sprul pa'i klu dang rang rgyud klu// gnas pa'i sa dang mthun pa'i grogs// 'dul ba'i gnyen po gang la bgyi// mi mthun rkyen yang ji ltar sgrub// de la yang dag bka' stsal pa// de la dbyings kyi klu zhes pa// chos dbyings rnam dag bde chen gnas// lhun gyis grub pa'i pho brang na// ye shes lnga dang lhan cig gnas// rnal 'byor ting 'dzin gos pa yis// nyon mongs spangs te bsgrub par bya// ji ltar byang chub sems dpa'i klu// 'og min pho brang dag pa na// rigs lnga'i lha dang lhan cig gnas// ye shes lnga yi rang bzhin gyis// ngar 'dzin shes pa spangs te sgrub// de las sprul pa'i klu rnams ni// ri rab zom dang rgya mtsho'i gting // 'jig rten lha klu rnams dang bcas// klu bdud chen po'i ting 'dzin gyis// zab gzhob mi gtsang spangs la sgrub// ji ltar 'jig rten rang rgyud klu// 'dzam gling yongs la khyad par gnas// sna tshogs don dang bcas pa nyid// lta ba gyabs dang gnyen po stobs// thabs ldan rnams kyis spangs la sgrub// ces gsungs so// dpal zla gsang nag po rgya mtsho dug ri kha'i gsang rgyud
- 115a
las/ klu bzhi gnas tshul bstan pa'i le'u ste sum cu pa'o// // de nas rdo rje snying po yis// gdug pa'i klu bdud nag po 'di// dang po skye ba'i rgyud nyid gang // gnas pa'i tshul ni ji lta bu// phyi dang nang dang gsang ba dang // klu yi gnas tshul ji ltar lags// 'khor lo'i dbye ba ji lta bu// yang dag rdzogs kyis bka' stsal pa// gdug pa klu bdud nag po ni// chos kyi dbyings kyi ngang las byung // ngar 'dzin nyon mongs drag po las// gti mug nag po ti pa tsa// 'dod chags klu mo mgo dkar mo// nga rgyal bgegs kyi glang po dang // phrag dog gnyen dmar glang gi mgo/ zhes sdang sbrul gyi rgyu ma can// dug lnga'i rang bzhin drag po'i rgyu// ye shes lnga yi ngo bo nyid// gnas tshul bstan pa 'di lta ste// rtsa ba mi 'gyur byang chub sems// shes shing rig pa'i ngo bo nyid// rig pa'i rgyal po zhes bya ste// de nyid ngang gis stong pas na// yum chen klu mo nag mos bya// dug gsum ye shes rol pas 'di// srog gshed gsum gyis rang bzhin gyis// sgo lnga yul la 'phro ba nyid// klu rigs lnga yi rang bzhin te// yid tshul 'jig rten 'das pa'i klu// klu rigs du ma thams cad kun// mi rtog mnyam pa chen po'i dang // mi phyed mi shigs rdo rje'i sku// chos nyid mun pa lta bu ste// dbu mar mi gnas spros dang bral// gzhi dang lam dang 'bras bu
- 115b
gsum// dbyer med chos dbyings gdal pa'i klong // klu yi chos nyid spros bral bshad// dpal zla gsang nag po rgya mtsho dug ri kha'i gsang rgyud las/ klu yi chos nyid bstan pa'i le'u ste so gcig pa'o// // yang dag dpa' bos nges gsungs pa// phyi nang gsang ba 'di lta ste// phyi ni gling bzhi ri rab ste// srid pa rus sbal lto na gnas// snang srid thams cad 'khor ba'i bzhi'o// pho brang rgya mtsho lhun po ste// zhe sdang sdug pa ti pa tsa// pho brang rgya mtsho mer ba ni// klu rigs du ma 'khor dang bcas// rigs lnga 'khor dang bcas pa rnams// shar phyogs 'khor lo'i gling la gnas// rdo rje rigs kyi shing chen te// yongs su rdzogs pa zhes bya na// klu yi rgyal po rgyal rigs te// rigs kyi 'khor dang rnam par ldan// rin chen spungs pa zhes bya'i shing // lho phyogs 'khor lo'i gling dag la// bram ze rgyal po rta mgo gnas// rigs kyi khyad par mngon par snang // pad+mo shing yongs brtsegs pa'i zhes// nub phyogs 'khor lo'i gling dag la// rje rigs wa gdong rgyal po gnas// klu rigs du ma ldan pa gnas// byang phyogs po brang 'khor lo'i gling // las las grub pa'i shing dag la// dmangs rigs rgyal po bya rog gdong // rgyal rigs bram ze rje rigs dang // dmangs dang gdol pa la sogs pa// re re la yang bzhi bzhi ste/ klu
- 116a
rigs nyi shu rtsa lnga yis// brdung zhing sems can gtub cing gsod// 'khor kyang dkor bdag srog bdag gi/ dri za zur phud lnga pa ru// yam shud klu btsan gnam ze'u dang // rgyal bran sum brgya drug cu'i bdag/ rgyal rigs dag gi 'khor ni gnas// klu bsen mo dang mtsho sman dang // tsa mun ta dang bung byed gnag/ klu mo bdud mo ma mo kun// bram ze rje rigs 'khor na gnas// btsan dang klu dang klu srin dang // zha bo sgur po 'on pa rnams// rje rigs klu yi 'khor na gnas// dam sri mo dang sa bsen dang // 'byung po btsan dang sna tshogs ston// dmangs rigs gdol pa'i 'khor na gnas// theg chen rgyal po sa dang 'dra// khrus la dga' bas bram ze chu// tsha bdud me 'dra rje'u rigs// yang g.yo mi brtan dmangs rigs la/ lci 'thib tsha bsreg drang zhing bsil// yang zhing g.yo ba'i dug kyang 'phro// rgyal rigs sha dang mgo la 'jug/ bas ljags gze gu me dpa' dang // 'brum nad nad kyi sna tshogs gtong // bram ze khrag dang chu la 'jug khrag skye btsan ltar snying mi dga'// 'gro snying 'dod dang du 'dod gla// phyogs sangs khyer te gzhan la 'phro// rje rigs drod la 'jug ste skams// sha mdangs par zug lus po rtse// skabs su pho log glang nad 'ong // dmangs rigs rlung gi sgo nas 'jug/ glu len gar byed mig rtsa srung // nad
- 116b
/ rigs du ma gtong ba ste// rigs bzhi 'dzam bu'i gling na gnas// 'gro ba yongs la 'tshe bar byed// bdud kyi khyams ka nang du khrid// gling chen gcig la brtsi ba'am// yang na ri bo gcig la yang // chu mig / gcig la rim pa sbyar// sa dkar sa ser dmar dang gnag/ rigs kyi lha phyogs kun la khyab// dpal zla gsang nag po rgya mtsho dug ri kha'i gsang rgyud las/ phyi gling bzhi ri rab dang bcas pa la/ klu gnas tshul dang / de yi 'khor dang / dug dang / nad dang / rtags bstan pa'i le'u ste sum cu gnyis pa'o// // de nas yang dag rdzogs pa yis// 'khor la nges par bka' stsal pa// srid pa'i ri bo lhun po / yis// dpag bsam ljon shing rdzogs pa'i 'og/ rgya mtsho 'khyil ba zhes pa'am// 'jig rten 'das dang ma 'das par// gson gshin gnyis kyi zam kha ba// bdud po nag po skye 'gro'i bdud// sku ni ri rab ngos la rten// zhabs ni rgya mtsho'i gting du brkyang // spyan mig 'gro ba yongs la gzigs// phyag ni stong gsum kun tu nyul// srid gsum tshangs pa'i rgyal por gnas// srid gsum 'joms pa gdug pa'i yum// dbang po lnga nyid klu rigs lnga// rtsa rgyus rgya mtsho ljon shing tshul// khyon du rdzogs pa'i gzugs gnyis la// 'chi bdag klu yi rang bzhin rdzogs// gsang bar mi gnas gzhed byed yul// yang dag mtha' la
- 117a
rnam par gnas// gsang ba dbus kyi thig le nyid// rig pa'i rgyal po 'jigs byed sgra// 'bras bu mi gnas chos kyi dbyings// chos nyid rtsa la rgyal rigs te// sa yi 'jigs pa rnam dag nas// 'bras bu me long lta bu'i sku// ye shes rtsa la bram ze ste// mnyam nyid ye shes ngo bo nyid// yon tan de bzhin rje rigs te// me dang me ru 'dzin pa nyid// so sor kun rtog ye shes dang // rang rgyud rtsa la dmangs rigs te// skyon byed rlung nyid bya ba grub// tshogs brgyad rten gyi si ra brgyad// byang sems rgyal po nA ga brgyad// rtsa bran sna tshogs nA ga klu// yon tan lhun grub mngon sangs rgyas// nA ga rak+ta ye shes chos kyi sku// shes pa 'pho bas gzugs brnyan nyid// rtsa bzhi'i dgongs pa nam mkha'i khongs su sdud// srid gsum lus dang shes pa'i rgyud la gnas// 'bras bu mi gnas ye shes 'jam pa'i sku// zhes gsungs so// dpal zla gsang nag po rgya mtsho dug ri kha'i gsang rgyud las/ gzugs kyi phung po dang / rtsa brgyad shes yul klu dang rang bzhin gnas pa'i le'u ste sum cu so gsum pa'o// // de nas rdo rje snying po yis// 'khor lo nag po'i dbye ba bshad// 'khor lo rnam pa gsum yin te// gnas pa rang rgyud 'khor lo dang // las rgyud mtshon cha'i 'khor lo bshad// gnas pa rang rgyud 'khor lo lnga// spyi bo sa yi 'khor lo
- 117b
dang // mgrin pa chu yi 'khor lo dang // snying kha me yi 'khor lo dang // lte ba rlung gi 'khor lo dang // gsang ba skye gnas 'khor lo lnga// bde chen 'dab bzhi sum cu gnyis// snying po dbus na rgyal po rigs// dkar khra sbrul gyi 'khrul 'khor te// pad+ma ka li'i yig 'bru gang // tshangs pa bde chen mgo la gnas// longs spyod bde chen rdzogs mdzad pa// bzhi dbus brgyad gnyis ldan pa la// dbus na snying po / bram ze gnas// mi yig A li ldan par gnas// mgrin pa skyod byed lam la gnas// chos kyi 'khor lo bzhi dang brgyad// tshe srog 'dzin 'bru de yis gang // rje rigs rin po che la gnas// sprul pa bzhi dbus 'khor lo ni// drug cu bzhi ldan dmangs rigs dbus// rgyu yi yig 'bru ldan pa ste// rin chen rdzing la rten par gnas// gsang ba skye gnas 'khor lo ni// bzhi bcu rtsa bzhi bde chen drod// bong byed yig 'bru du ma gang // gdol pa gsang ba'i rtsa la gnas// drug gis rang bzhin rjes su 'jug/ sgor g.yo sdud pa'i dbus na yam// thig le brten pa'i srog shing tshul// steng sgo 'og sgo sbyor ba'i sa// 'phel 'grib srog sbyor thabs dang ldan// rang gnas bsam gtan 'brel bar bshad// las 'grub mtshon cha'i 'khor lo dag/ rtsa ba yan lag log then gsum// 'khrul 'khor nag po ma ra'i dug/ rdzas kyi sbyor ba thams cad
- 118a
kyis// sngags kyi mtshon cha gcod par bshad// nA ga sku yi sgrub pa 'di// sbal nag lto sbyor dgra gzugs la// rbad bsad drag po'i yi ge spras// 'chi bdag srin po shu bu yi// lto bar gtad de mnan pa dag/ sbal nag lto sbyor 'khor lo bshad// nA ga thugs kyi sgrub pa ste// lnga phung tshang pa'i gzugs phung la// 'chi bdag yab yum sku gzugs dang // sbrul brgyad dang ni khram shing dang // sbal nag nyi shu rtsa brgyad dang // lce sbyang la sogs sa bdag gzugs// lto brgyad ldan pa'i dbugs dril tu// bdun bsgrags sum bsgrags rnga gling dang // dril dang so sor gtor ba dang // rnam grangs du ma byed pa ste// dze nag las kyi 'khor lo gsungs// nA ga gsung gi sgrub pa ste// thod pa gshegs nas klu gzugs bya// sbrul nag gdug pa'i ra can gyis// lto bar 'khor lo bris nas ni// sngags gsum bod rbad gsang dang gsum rdzogs nas// 'byung bzhi sngags kyis las mtha' rtul// klu bdun sbrul nag 'khor lor bshad// phung shig nag po sgrub pa ste// mdze thod pho mor 'khor lo bri// sdig pa dang ldan rtsa sngags stong // dregs pa drug gis khram la gdab/ khram sngags bdud kyis gsang ba tsam// phung shig ngan sngags las kyi gcong // phung bshig sdig pa'i 'khor lor bshad// klu bdud gcig pa zhes bya ba// srog gi sbar bu nag po ste// rten
- 118b
mchod las kyi dam shig bsad// sbyor ba mkhas pas khyim du gzhug/ sa bdag srog gi 'khor lor bshad// yan lag 'khor lor bshad bya ba// sbal pa dkar nag lto ba ru// rten gyi yang dag ling ga / sngags// nA ga klu la gtad pa'i za byed nag po'i 'khor lor bshad// bam chen thod pa rab gshegs la// 'byung ba dgra gshed nag po'i ming // shan pa dgra gshed 'khor lor bshad// mi rus ling ga'i mig gzugs gnyis// lto sbyor g.yas g.yon rgya dag tu// 'dus pa'i gzugs kyis spras pa ste// gro ga skal pa'i las dag ni// sdug byed nag po'i 'khor lor bshad// nA ga rak+ta zhes bya ba// 'chi bdag srin po'i sgrub pa ste// rang gnad stobs kyi 'khor lo bshad// nA ga ru tra zhes bya ba// spu gri rno dpal stobs 'gran pa// sdig pa phung shig po ste// ur mo sogs 'debs 'khor lor bshad// nA ga yak+ka gnod sbyin klu// nor bu bum pa sgrub pa ste// gnod sbyin 'chi bdag ces bya ba// longs spyod 'phel ba'i 'khor lor bshad// bza' rgod 'chi bdag ces bya ba// sbyor ba kun gyi mthu dril bas// 'jig rten cho 'brang rlag byed pa// sbyin thang nag po'i 'khor lor bshad// yan lag bsdebs kyi 'khrul 'khor ni// byad kyi bka' nyan sna 'dren ni// srog bdag yab shud sgrub pa ste// shan pa srog gi 'khor lo bshad// sdong zla nA ga sa
- 119a
ma ti// bod rbad klu yi sdong zla ra bshad// phung shig nag po'i 'khor lor bshad// myur mgyogs drag shul ki kang ste// dus tshod stobs kyis ki kang 'bab// za byed srog gi 'khor lor bshad// byad ma sna tshogs nad kyi bdag/ sngon mo go zu rbad pa ni// nad 'bebs ma mo'i 'khor lor bshad// log then dkrugs cing bzlog pa ste// sngags bzlog 'byung ba dkrug pa ni// las kun gdug pa'am shing tu 'khor// lan gsum las kyi thus ka de// de ma yin par rang nyid brlag/ shi sa nad kyi 'khor lor bshad// mtshon cha'i rgyal po 'khor lo de dag la// rtog pa gnas bsgyur 'khor lo dang // sbyor brten byed rdzas kyi 'khor lo dang // dngas snyigs dbye ba sngags kyi 'khor gsum// gang grub re la khyab par bya ba gces// dpal zla gsang nag po rgya mtsho dug ri kha'i gsar rgyud las/ 'khor lo bstan pa'i le'u ste sum cu so bzhi pa'o// // de nas rdo rje snying po yis// yang dag rdzogs la 'di skad gsol// snyigs ma lnga yi dus dag tu// sangs rgyas bstan pa mi gnas tshe// gal te las 'gyangs don med pa// lho dkrugs ar la gtad pa dang // 'byung pa gshed du dbab pa gang // yang dag rdzogs kyis bka' stsal pa// las rnams kun gyis ma byung na// srid pa lto ba dkrug par bshad// de min rang la gnod pas
- 119b
na// 'ga' la ma yin smos tshad brlag/ de yi sbyor ba bshad bya ba// rgyu bzhin ldan pa'i 'khor lo ste// ka ri ka li bri ba yang // sbal ba'i lto ba dag la ni// dag gzugs lus la 'byung ba'i sngags// bsad dang rbad pa sngags mgo nang // gru gsum nang tshangs bcas pa la// sngags pa mi lus sbrul mgo brgyad pa gdag pa'i mtshon// sngags ni spu gri nag po ste// a mu ka yi gnad gcod byed// 'khor lo zhag grangs gsum du bskor// ngan sngags gdug pa 'di lta ste// dza dza/ Na ra ma sha truM sha baM/ sa la la tsa pa tsa pa/ ti rbad/ sha rag gu bu rbad/ shai kri ri sha ti gro ga na tsa ba ti po nag shaM nag po paM krag zur snying la/ snying la tsi tsi rgyas/ rtsa bzhi bskums/ 'gul myags myags// zur sod swA hA/ srog la bred shag/ raM raM raM/ laM laM laM khaM khaM khaM/ yaM yaM yaM/ nag po snying la thur thur gshogs/ ces ni bzlas shing yungs kar brab// 'khor lo lho dkrug zod par gzhug/ nag po klu yi grong khyer gtad// myur du brlag par yang dag bshad// dpal zla gsang nag po rgya mtsho dug ri kha'i gsang rgyud las/ sbal na 'khor lo lto dkrug gi le'u ste sum cu so lnga pa'o// // de nas yang dag bshad bya ba// mdze ldan thod pa nag po bzhag/ 'khor lo yab yum rnal ma las// 'khor lo nyi ma bzhi ru bskor// las kyi ngan sngags thun bzhi yang // nyi ma bzhi ru shes
- 120a
par bya// thod pa 'khor lo re bas gtum// gdug pa gnas pa'i sa ru gtad// oM nag po ti pa tsa ya/ nA ga rak+Sha che ge mo la he khu la phe shan phos phos shag shig/ chum chu hu ya hu ya klu nag po mgo dgu pa/ dgra bo'i srog laM laM nag po baM tsi tsi rgyas// ha la ha la dza la snying la 'dus/ sha zur sod zad/ dgra bo'i srog la raM raM raM/ nag po tsi tsi rgyas/ ha la ha la rtsa ma ri/ rtsa la 'dus/ baM khris srog la thur thur sod rbad/ dgra bo'i srog la khang khaM khaM khaM nag po rtsi rtsi rgyas/ ha la ha la/ rtsa ma ri khrag la tig khaM 'dus ro la thi/ shan shan tsit+ta rbad/ dgra bo'i srog la yaM yaM/ nag po baM tsi tsi rgyas/ trag thur snying la ha tsa ma ri yaM 'gul myags myags rbad/ nyi ma bzhi ru 'khor lo bskor// dang po kha thun sngags dang sgrags// gnyis pa khrag thun brab par bya// gsum pa phur thun drag po ste// bzhi pa dug gi thun gyis brab// 'khor lo rdzogs par gyur pa dang // nA ga gnas sar gnan gtad bya// dpal zla gsang nag po rgya mtsho dug ri kha'i gsang rgyud las/ mdze nag gnad gcod 'byung ba dkrugs pa'i phung shig nag po'i le'u ste sum cu rtsa drug pa'o// // de nas yang dag nges bshad pa// sbrul nag gdug pa'i 'khor lo ste// ras sam thod pa de dag la// dug sbrul nag po 'jigs pa la// lcags kyi rwa brgyad 'jigs pa'i
- 120b
lhor// 'byung ba'i ngan sngags 'khrul 'khor bca'// bdag nyid dug sbrul ra can gyi// rnal 'byor byas la sngags 'di bzlas// oM nag po ti pa tsa ya/ dgra bo'i glo snying la ma ra ya dza/ klu sbrul nag po snying la bu ye rbad// nag po ti pa tsa yA/ dgra bo'i glo snying la yA/ rbad bu ye bruM/ ri la ye dza na ga rak+Sha dza la tsi/ dgra snying la ha la 'dus/ laM laM laM rbad/ nA ga rak+ka dza la tsi dgra snying la ha la 'dus/ raM raM raM rbad/ na ga rak+Sha dz+wa la tsi 'dus/ dgra snying la khaM khaM khaM rbad/ nA ga rak+Sha dza la tsi/ dgra bo'i snying la ha la 'dus/ yaM yaM yaM rbad/ drag po gnad kyi dregs pa ste// zhag gsum rdzogs dang gnan pa bya// dpal zla gsang nag po rgya mtsho dug ri kha'i gsang rgyud las/ dug sbrul nag po'i le'u sum cu rtsa bdun pa'o// // de nas yang dag nges bshad pa// sbal ba'i lto'am sbrul gyi lho// a mu ka'i sngags bris la// 'khor lo rdzogs par bya ba 'don// bdag nyid klu yi rnal 'byor gyis// bod rbad sngags kyi grangs thim nas// 'byung bzhi mtshon cha'i 'khor lo dkrug/ nA ga hu ya b+ha ling dud pa che ge mo bruM sod/ zung nA gshig rol thib thib/ dam shig ma ma ma hA yak+ka na ga hu ya ba ling dung ba laM laM laM rtsa ta srog la hur shag myags myags khr-i shig rbad/ ma ma snying khrag dun ting na ga hUM ya hUM ba ling dur pa raM raM raM tsit+ta srog la myal ti rbad/ tsit+ta brang shag mA
- 121a
ra ya rbad/ ma ma ha la dun b+h+yo na ga hA ya bA ling dung pa khaM khaM khaM kha la khrag tig myag rmugs tsit+ta shag hur rbad/ ma ma yak+ki ma la rak+Sha trag mo ba ling du ba yaM yaM yaM srog phye shag srog tig snying la rgud/ ma ma yak+ka rak+Sha/ nag mo ba ling dung pa baM raM khaM yaM/ dgra bo'i snying la hur rgud thums sod/ ma ha yak+ka rbad/ dam shi lnga yi ngan sngags la// 'byung ba dkrug pa'i sngags btags te// rtsa rgyud shes pa nye bar / gcod// dug gi spu gri nag po ste// ya bak+ka'i las yin te/ ha la nag po sbrul zin 'dra// bi tag ta'i khu ba bzhin// bya ba gang 'grub rlag par byed// dpal zla gsang nag po rgya mtsho dug ri kha'i gsang ba'i rgyud las/ srog pa'i 'khor lo nag po'i le'u ste sum cu brgyad pa'o// // de nas rdo rje snying po yis// yang dag rdzogs la 'di skad gsol// e ma bde chen nyid kyi sku// sangs rgyas drug gi rgyal po ste// rdo rje 'chang gi ngo bo nyid// bka' rgyud gsang ba'i ngan sngags te// mtshon cha gsang ba'i 'khor lo 'di// dang po gang nas byung zhing gang du rgyud// rgyud kyi mtshan nyid ji ltar lags// 'chi bdag ngo bo ji ltar lags// rgyud kyi btsal thabs ji ltar lags// rdogs par gtad pa gang lags pa// yang dag rdzogs la bdag nyan 'tshal// de nas rdo rje 'chang chen pos// rdo rje can la bka' stsal ba// e ma bde ba chen po'i sku// e
- 121b
ma zhi ba'i rang bzhin can// skye med rnam dag chos dbyings na// skye ba'i cho 'phrul 'bar ba'i sku// rdo rje 'dzin la nga nyid kyis// bstan pa'i dgra lnga 'dul slad du// rtsa ba yan lag spu gri'i rgyud// zla gsang nag po gsang ba'i bka'// gshin rje gshed kyi rang bzhin dngos// gdug pa'i 'khrul 'khor rol par shar// lho phyogs 'jig rten gshin rje'i yul// dug ri rgya mtsho 'khrug pa ru// rdo rje snying po nyid la yang // gsang sngags rgyud kyi de nyid bstan// mtshan nyid zla gsang nag po ste/ ha la nag po'i dug bzhin du// kun gyi bya ba ma yin no// la sogs gsal bar bkod bas na// las rgyud 'khor lo rgyal por gsungs// ngan sngags gdug po'i mtshon cha ston pas na// mtshon cha las kyi 'khor lo bshad// phung shig gdug pa can gyi rgyud// srog rgyud sa bdag snying gi rgyud// 'khrul 'khor mdze nag las kyi rgyud// phung shig dug sbrul nag po'i rgyud// za byed rol ba shan dmar rgyud// gsang rgyud ngan sngags mtshon cha ste// rgya mtsho dug ri kha ru bshad// dpal zla gsang nag po rgya mtsho dug ri kha'i gsang rgyud las/ rgyud 'byung ba dang mtshan nyid bstan pa'i le'u ste sum cu rtsa dgu pa'o// // de las 'chi bdag ngo bo ni// chos sku stong pa spros bral las// ya man ta ka 'jigs pa'i sku// sbrul sku nag po ti ba tsa// dug lnga dbang sdud dregs
- 122a
ba'i sku// rig pa'i rgyal po gshin rje gshed// klu rnams kun gyi ded dpon de// ti pi tsa ya zhes su bstan// gshin rje kun gyi ded dpon te// dbye ba gung byings zhes su bstan// bdud kyi ded dpon chen po ni// ha nu dpag shu gsod byed che// gnod sbyin rnams kyi ded dpon ni// ral pa tshar dgu zhes su bstan// lha yi ded dpon mdzad pa ni// ma hA de ba na dgur grags// srin po kun gyi dad dpon ni// srin po yak+ka mgo dgur grags// gza' yi ded dpon ra hu la// srid pa'i me po tshangs pa ni// tshangs pa'i shrI ral pa can// dregs pa chen pos 'dzin pa ste// nA ga rak+ka gdug pa'i sku// rgya mtsho rlung gi bar na gnas// gshin rje nag po dgra yi gshed// bdud po mi zan skye 'gro'i bdud// skye dang 'chi dang na ba'i sa// srid pa dbang sgyur dregs pa ste// kun gyi lhag pa'i bdud khung na// srog bdag chen po de na gnas// dpal zla gsang nag po rgya mtsho dug ri kha'i gsang rgyud las/ 'chi bdag bstan pa'i le'u ste bzhi bcu pa'o// // gsang ba'i bka' rgyud las kyi 'khrul 'khor 'di/ btsal thabs bstan pa 'di lta ste/ dper na brjod pa'i rgyal po seng ge gangs la sba/ gcan gzan ri dwags yongs su skrag pa ltar// de bzhin rang gnad dug ri rgya mtsho 'di// sems kyi dkyil du rang rgyal btab la sba// e ma mkha' 'gro lha dang
- 122b
mi// gsang ba rgyud kyi spu gri 'di// rnam rgyal pho brang byang shar gyi// yongs su sa brtol khog pa ru// rin chen sgrom bu rang rgyas btab// yang na 'dzam gling lho phyogs gling // sha ma ta'i 'jig rten gyi// pho brang sbrul ril can 'og tu// bse lcags sdig sprul bar du bca'// gang dag lha yi rnal 'byor gyis// gsang ba'i bka' rgyud de ltar bca'// chu srin gre ba'i rin chen ltar// srid pa 'khrugs kyang khar mi 'byung // zhes lung btsa' bar dam bcas te// rgyal po rgya mtsho dug ri kha'i gsang rgyud las/ rgyud btsal ba'i le'u ste bzhi bcu zhe gcig pa'o// // de nas yongs su rdzogs par gtad de/ chos nyid spros bral bde ba chen po'i ngang // 'du bral med pa'i don du gtad// ye shes lha yi rang bzhin las// 'og min pho brang brdal ba ru// longs spyod rdzogs pa rgyal ba yi// rang dngas rig pa'i ye shes la// ngar 'dzin/ med pa'i klong du gtang // de bzhin byang sems rdo rje yis// ri rab zom dang rgya mtsho'i klong // dregs pa'i 'khor dang lhan cig tu// 'gro ba gdul phyir bka' rgyud gtad// lha dang mkha' 'gro dregs pa dang // gza' dang rgyu skar byad stems dang // srog bdag gnod sbyin lha klu dang // bdud dang srin bu lha ma yin// kun kyang gshin rje gshed kyi 'khor// lho phyogs dur khrod gtum drag tshal// rgya mtsho dug ri
- 123a
yod pa'i gnas// 'jigs byed rgya mtsho 'khrug pa ru// gshin rje gshed po dge 'dun dang // sna tshogs gzhan dang ldan cig tu// rdo rje 'chang gi ngo bo nyid// phyag rgya chen po rngam pa yis// bdag bdud kyi 'khor lo ste// dug gi spu gri gsang rgyud 'di// rdo rje snying po nyid la gtad// rdo rje khros pa'i rgyal po yis// lha dang mkha' 'gro rnams la gtad// lha dang mkha' 'gro mang po des// 'dzam gling nga / phyogs lo ka ste// sha ma ta yi lo ka ru// rin po che yi rang nan byas// lha dang dregs pa'i bka' rgyas btab// bse lcags sdig pa'i bar du gtams// de nas de rnams mi snang bar gyur to// dpal zla gsang ga po rgya mtsho dug ri kha'i gsang rgyud las/ rgyud gtad pa'i le'u ste bzhi bcu gnyis pa'o// // de nas lha dang mkha' 'gro de rnams 'dus te// klu rigs du ma dang bcas pa de dag gis bstod pa/ e ma ho// sangs rgyas kun gyi ngo bo rdo rje 'chang // mi rtog dbyings las thugs rje rol pa yis// 'gro drug zugs rjes 'dul mdzad phyag rgya'i sku// gnyis med rdo rje'i sku la phyag 'tshal bstod// dregs pa 'joms mdzad 'jigs byed rdo rje can// mkha' ltar dag pa'i sku lnga 'jigs pa'i sku// rdo rje snying po'i sku la phyag 'tshal bstod// dug lnga 'dus pa'i ye shes rnam dag sku// dbyings las rol pa'i rig pa'i rgyal po ste// bdud
- 123b
kyi bdud gcig gshin rje gshed la 'dud// ces gsungs de nyid du mi snang bar gyur to// dpal zla gsang nag po rgya mtsho dug ri kha'i gsang rgyud las/ bstod pa'i le'u ste bzhi bcu rtsa gsum pa'o// // dug gi spu gri lta bu'i mtshon cha'i 'khor lo nag po// gsang ba'i rgya mtsho dug ri kha/ yak+ka 'khor lo nag po 'chi bdag klu yi zla gsang rdzogs so// // rgya gar gyi mkhan po ba su d+ha ra dang / bod kyi lo ts+tsha ba sbubs ban rdo rje khri gtsug gis bskur ba/ rtsi yis byugs la chu dang brag la spos/ ces gsungs so// ma sA ma yA/ na ra ka na/ gu h+ya/ s+thiH// @rgya gar skad du/ shrI yak+ka tsakra kr-i sna gu ya sa mu tra ha la nA ma/ bod skad du/ dpal yak+ka nag po gsang ba'i dug/ rgya mtsho dug ri nag po zhes bya ba/ dpal 'joms byed srin po klu 'dul ba la phyag 'tshal lo// ma rig pa smag rum mun pa'i dbus rgya mtsho myos byed dug ri kha zhes bya ba bskal ba sbrul nag 'khyil ba'i gzhal yas khang / rab tu 'jigs shing yang ba'i gnas/ dregs pa mdung ba'i ded dpon/ dug sbrul nag po kha nas me 'bar ba/ lcags ru nag po gnam du zang nge 'dug pa/ khrag mig dmar po bzlogs nas gzigs pa/ rab tu 'jigs pa zhig dang / yum klu mo sbal mgo khrag mig ma bya
- 124a
ba/ ro stod mi la ro smad sbrul du 'dug pa/ srid gsum lto na 'char ba zhig gnas so// yab yum khram la 'debs shing khams gsum dbang du sdud par gnas so// gzhan yang 'dug par byed kyi klu bdud sbrul gyi gdeng ka can dang / sa bdag nag mo za byed can dang / gnyen ma glang gi mgo bo can la sogs pa'i sprul pa dang bcas pa pho brang rgya mtsho 'khyil pa na ri rab kyi ngos la sku rten te gnas so// gzhan yang pho brang gi sgo re re na/ klu rgyal rigs dang / rje rigs dang / bram ze'i rigs dang / dmangs rigs rnams gnas so// gzhan yang de dag re re la/ 'khor mang pos yongs su bskor te/ nad kyi skal pa dang / mtshon cha ngar bas sems can gyi srog dang bkrag mdangs la dbang sgyur te/ 'jig rten na grags shing dbang che ba bdud gtum bag can dang / klu mi srun pa dag yin te/ de dag kyang sbrul nag po 'dis bran du 'khol bas/ de phyir sbrul nag 'di la mnan gtad do// rgya mtsho dug ri kha las rtog pa dang po'o// // de nas bstan pa la bar chod byed pa'i dgra bo bsgral ba'i phyir/ nA ga rA dza srin po sgrub cing dgra la mdze nad sna tshogs gtang ba'i phyir/ gdug pa'i klu sgrub par bya'o// klu yi gnyen po nag po ti pa tsa bsgrub par bya'o// de yang chos kyi sku kun tu bzang po'i ngo bo nyid las/ longs spyod rdzogs pa'i sku
- 124b
dpal ya man ta ka/ sprul pa'i sku za byed nag po mgo dgu pa yin te/ don skye 'gag med pa'i sras zhe sdang nag po ti pa tsa zhes bya ba yin no// gsung las sprul par gyad kyi yam shud dmar po yin no// thugs las sprul pa za byed phung byed gza' sbrang chen po yin no// des na 'di nyid la nan tan byas nas khams gsum dus gcig la sgrol bar 'gyur ro// dang po bsnyen pa'i stobs kyis lha sgrub pa dang / de nas nyid sgrub te gtad khram so sor bya ba'o// dang po bsnyen po stobs kyi lha ni zad kyi gnyen po klu bdud nag po yin pas/ dang po dkyil 'khor gru gsum la// zla gam dmar po gsum gyis bskor// de yi phyi rim la sbrul 'khyud pa bya'o// gru chad dang sgo drang ldan par byas la/ dbus su klu bdud kyi gzugs bzhag/ klu bdud la gtor ma dang / 'bras chan dang / gser skyems bshos bu yang dgram mo// de nas ting nge 'dzin rnam gsum las/ yi ge hUM mthing nag gcig sgom mo// hUM las 'byung ba rim par chags pa las/ khaM zhes brjod pas gzhal yas khang gcig sgom mo// oM phe sha ga/ bruM zhes brjod pas/ sbrul nag gi gzhal yas khang / chu srin gyi thog phub pa/ rus sbal gyi ya them dang ma them byas pa/ gzas pa pho mo'i gdan dang ldan pa la/ rlung nag gi dkyil 'khor 'khrug pa/ de yi gdan stengs su yi ge hUM de babs pa las/ oM
- 125a
nag po ti pa tsa ya swa dra du pa tsa dza be ru na hUM/ zhes brjod pas da tsi bas kyang gsal 'od sngo dmar 'phro bar bsam/ oM nag po ti pa tsa ya kha sha sha hu ya hu dza hUM yaM hUM ya/ zhes pa brjod pas sbrul nag po kha nas me 'bar ba/ mig dang sna nas khrag dang chu ser 'dzag pa/ sbrul nag de lag pa brgya dang ldan pa/ g.yas pa sbrul gyi zhags pas dgra po 'ching ba/ g.yon pa nad kyi rkyal pa rdegs pa/ mjug ma rgya mtshor brkyang ba/ gzugs phung ri rab la bsten pa/ dbu bar snang khams su 'phyo ba/ lag pas stong gsum nyab par bsam mo// oM nA ga rak+kha phe shan shu shi pa rak+Sha hUM/ zhes brjod pas/ yum klu mo nag mo sku stod bud med nag mo'i cha lugs su 'dug pa/ sku smad sbrul nag la nya chen yor mo'i thul pa gon pa/ sbrul nag gi ral pa la mdze shu tsha tsha 'phro ba/ mig nas khrag 'dzag pa/ sna nas nad kyi rlangs pa 'byin pa/ zhal nas sbrul dang sbal pa nag po'i cho 'phrul 'gyed pa/ g.yas pa sbrul nag gi zhags pa thogs nas gtso la 'khyud pa/ g.yon pa mdze shu'i rkyal pa phyogs bcur 'thor pa/ gzas pa po ni snying brabs/ nas gtso la btab par sgom/ yum gyi thugs kha nas hUM nam las/ sku yi sprul pa klu bdud kyi gdeng kha can dang / gsung gi sprul pa gnyen dmar glang mgo can dang / thugs kyi sprul pa sa bdag za byed nag po dang /
- 125b
gzhan yang phe rak+Sha zhes brjod pas/ dzaHhUM zhes brjod pas 'jig rten gyi khams thams cad/ klu dang klu bdud sa bdag dang klu btsan du ma gyur pa med pa gtso bo la phyag byed cing las la rgyug par bsam/ de nas/ oM nag po ti pa tsa ya kha yak+Sha hu ya hu ya dza hUM ya hUM ya dza/ nA ga rak+Sha phe shan shu sha be rak+Sha hUM sa ma ya dza dza/ zhes spyan drangs la gnyis su med pa la/ oM nA ga rA dza du ba pu tsa me hUM/ ba ling ta kha kha khA hi khA hi/ zhes mchod pa dbul lo// de nas rgyun gyi bsnyen pa ni/ oM a shaM nag po ti pa tsa nas ga kro d+hi shwa ri traM shaM cad bu gu rak+Sha sa ma ya hUM dza dza/ zhes bzlas so// rtags ni lus krug 'gul pa'am 'khrig pa 'ong / rmi ltas su sprul nag po 'ong / sbal pa nag po 'ong // 'bri rog dang g.yag rog po 'ong // sbrul dang nya sram mang po 'ong / phyugs ma mang po ded cing rmi ba dang 'khor ba 'byung / de rnams ma lus bran du 'khol ba'i rtags yin no// rdzas dang / sngags dang / ting nge 'dzin gyis nag po ti pa tsa nyid sgrub pa dang klu rnams bran du 'khol cing bzlog pa bya ba de la med/ rgya mtsho dug ri kha gnyen ti pa tsa sngon du sgrub pa'i rtog pa gnyis pa'o// // de nas nag po ti pa tsa mdze nag las kyi 'khor nag po 'khor lo bzhi lcags kyi las thod pa zhal 'byed 'di brtsam mo// sngon du bsnyen pa rdzogs par byas la/ mdze can nam/ mo rab chad
- 126a
nag po mgo bo'am/ lnga phung yan lag rdzogs pa gcig blangs la/ zhag bdun du bsgrubs la gtad las rdzogs par bya'o// de yang gtad khram chen por bya ba dang / 'khor lo bzhi lcags kyi thod sgrub dang / las rkyang pa thor bur so sor bya ba gsum du gsungs so// de la dang po gtad khram chen po byed na/ mdze can nam/ dig pa rabs chad kyi lnga phung yan lag gcig la ma lus par mnan pa'i rdzas su gtad de/ de ci'i phyir gtad na/ de dag sa bdag klu gnyen gi grong khyer chen po cig yin pas so// de las gtad pa'i las rims la/ dang po rten bca' ba dang / 'khor lo bri ba dang / bsgrub pa bya ba dang / tha ma gtad pa dang gsum du gsungs so// rten bca' ba ni ris sam 'bur du gtod/ sbrul nag kha nas me 'bar ba cig rten du bzhag go/ 'khor lo bri zhing dgod pa ni/ mdze can thod pa sha ras ris med par byas la/ sog les gshegs la/ dbus su gshin rje'i zhal bris la/ tha ma gsang sngags kyis bskor la/ gcig la yum gyi 'khor lo bri// de ni dpe chung ltar bya/ thod pa sbrul gyi pho brang ngo // de nas rkang brgyad ni sbrul nag brgyad yin pas kha dog bsgyur/ sgal tshigs ni sbal pa nyi shu rtsa brgyad du kha dog bsgyur/ de nas dgra re re la ling ga sum cu rtsa bdun byas la thod par brubs la/ klu yi dkyil 'khor gong mar
- 126b
bzhengs pa'am 'brub khung gi dkyil 'khor bcas la drag po'i sngags la 'jug par bya'o// de yang nyid sgrub mtshan bsad pa'o// de ni drag sngags gsang bar bzlas pa yin te/ rnal 'byor pas lus mi bde ba byung na las grub yin pas chog go/ dang po klu bskyed pa dang / spyan drangs pa dang / mchod pa dbul ba dang / 'phrin las bcol ba kun shes par byas la/ sgrub sngags 'dis zhag bdun du sgrub bo// oM a shaM nag po ti pa tsa na ga kro tI shwa ri traM shad rbad/ bu ga rak+Sha tsit+ta rbad/ sha traM sha ma ra ya na hUM dza dza/ zhes sgrub pa zhag bdun bya/ de nas zhag bdun bsad pa'i sngags 'di nyi mtshan phye la bya'o// de la nyi ma bdun gyi sngags ni 'di dag go/ oM nag po ti pa tsi ya/ na ga rak+ta che ge mo hi gu sa phye shan phos phos shig shig chum chum hu ya hu ya/ klu nag po mgo dgu pa dgra bo mA ra ya dza/ zhes bzlas so// mtshan bdun gyi sngags ni// nag po pang tsit+ta la rgyob trag thur snying la thur/ snying gul gul myags myags rtsa bzhi skums/ shan shan srog la shan/ thur thur srog la thur/ che ge mo ma ra ya sod swA hA/ zhes mtshan mo bzlas so// de nas rtsigs ma la khram shing byas la/ dgra bo khram la dza thur gyi sngags kyi gyad dbab pa byung ste/ ya ma ra dza dgra bo'i snying la ya ya/ gshin rje nag po dza hur dgra la b+h+yo/ nA ga gen tsi 'dus 'dus dza thur dgra la b+h+yo/ a be she
- 127a
he/ bruM he bruM dza thur dgra la b+h+yo/ nag po kha nun tra de chod dgra la ya ya/ dza thur snying la thur snying la/ yaM dza thur snying la yaM ma snying thur dgra la yam/ ma snying thur dgra la yaM b+h+yo/ de nas zhag bdun sgrub pa rdzogs pa dang mnan gtad byas te/ de yang byang phyogs kyis chu mig gam/ chu mig kha phyogs bcur bltas par thod par gzhug go/ de nas rkang brgyad sbrul nag brgyad du byas la khog par ling ga re re bcug la chu mig phyogs bzhi mtshams bzhir gnan to// de nas sbal ba'i khung par li ga re bcug la klu nag gi lce mdung re re la gtad do// sogs gnyis la ling ga re re bris la seng ldeng gi phur pa re re la btab la/ dur khrod kyi byad kyi bka' nyan la gtad do// de ltar byas na myur du brlag par 'gyur/ gal te lo dus rtags med na las ma grub pas zhag bdun nam gsum du bkan bzlog gi las 'di byas te 'di grub par the tshom med do// gnyan sa dgu yi chu mig nas chu blangs la/ de yi nang du yungs kar la sngags bzlas la/ dgra bo'i ling ga mang po bris la/ bra ma'i sbyin sreg byas la thal pa chu yi nang du blugs la/ sngar gang gnan pa byas pa'i steng du chu bag re blug go/ des ni klu 'byams pa 'gugs las la 'dzud do// gnad la phebs so// gyang 'gyel ba bzhin du 'gro'o// oM nag po mgo dgu pa hu ya hu ya chu chu//
- 127b
shig shig phos phos phe shag he gu la che ge mo na ga rak+Sha tsi pa la ya nag po dgra bo ma ra ya dza/ nag po srog la shan thur thur srog la nan shan sha na/ rtsa bzhi bskum myags myags/ snying gul gul snying la thur rnag thur tsit+ta la rgyob/ baM dgra bo mA ra ya sod swA hA/ zhes bkan bzlos kyi sngags dkrug cing chu la bstim mo// ling ga la brab cing / hom la bsregs la/ de nas gtad sar klu des dgra gyang 'gyel ba ltar 'gro'o// rgya mtsho dug ri kha las/ mdze nag las kyi 'khor lo bsad pa'i gtad khram chen po'i las bstan pa rdzogs so// rtog pa gsum pa'o// // de nas nag po ti pa tsa yi mgo dgu pa yi ngan sngags// mdze nag las kyi 'khor lo nag po 'khor lo bzhi sbags dug gsum sgrub pa'i rtog pa ste/ de yang thog mar bsnyen pa rdzogs par byas la/ zhag bdun du klu za byed nag po 'byung ba 'khrug pa'i ngan sngags 'di la 'jug go/ mdze can gyi thod pa blangs la/ dri bsangs la/ sha med par byas ste/ de'i nang du dgra bo'i a mu ka'i rdzas blangs la/ dgra gzugs legs par byas la/ rgya shog gi ro ras 'khor lo bzhi byas la/ mdze rigs dug mdar 'phang ba ste/ gcig sbal nag gi lto bar mdze nag sa yi 'khor lo bca'/ sbal pa ljang nag gi lto bar mdze skya rlung gi 'khor lo bca'/ sbal pa dmar po'i lto bar mdze dmar me yi 'khor
- 128a
lo bca'/ sbal pa ser po'i lto bar mdze thun chu'i 'khor lo bca'/ de nas 'khor lo'i rigs bzhir rgyas gdab ste/ mdze thod dam thod ngan gyi khar dgram mo// bca' bzhi rdzogs pa dang / bdag nyid dug sbrul nag po'i ting nge 'dzin la zhugs te/ ngan sngags brab bo// rtags ni thod pa 'gul ba dang / rang gi lus phrig phrig pa dang / shig shig pa dang / klug krug pa'o// nam byung ba dang gtod/ 'chi bdag bskyed pa dang / spyan drangs pa dang / 'phrin las bcol ba kun shes par bya ba'o// des grub nges te/ gal te 'dod pa'i dus su rtags ma byung na// dkrug bzlog nag po zor gyi las byas na mthar brlag par 'gyur ro// klu yi sgrib shing bcang ba gal che'o// sa ma ya/ ngan sngags nyin mtshan phye la bzlas so// oM nag po ti tsa ya/ nA ga rak+ka che ge mo he gu la phe shan phos phos/ shig shig chu chu/ hu ya hu ya/ klu nag po mgo dgu pos dgra bo ma ra ya dza/ dza nag dzo la baM baM baM tsit+ta la khas/ nri mA ra dza la dzi baM baM tsit+ta nA ga raM baM baM baM nan dgra bo la mA ra ya/ dza nag dzi la raM raM raM tsit+ta khas nri dza la dza la raM raM raM tsit+ta nA gar nan dgra bo mA ra ya/ dza nag dzi la khaM khaM khaM tsit+ta khas ni la dzi dza la dzi khaM khaM khaM tsit+ta na ga ra khaM khaM khaM nan dgra bo mA ra ya dza nag dzi la yaM yaM yaM tsit+ta nA ga raM baM baM baM dgra bo mA ra ya/ nyin mo bzlas so// mtshan nag mo
- 128b
las spu gri btags la bzlas so// de rdzogs pa dang / thod pa 'khor lo chu mig kha phyogs bcur bltas pa'am/ byang shar du gnan ne/ 'khor lo bzhi sbrul nag gi lto bar bcug la gnan par bya ste/ phyogs bzhir mnan no// lo dus su 'gor yang rtag 'ong ngo // gal te ma byung na/ oM nag po mgo dgu pa hu ya hu ya/ chu chu shig shig phos phos phe shan he gu la che ge mo mA ra ya nA ga rak+Sha tsi pa ya nag po dgra bo ba mA ra ya dza/ baM baM dza nag dzi la tsit+ta khas/ baM baM baM nri dza la dzi tsit+ta nA ga ra baM baM baM nan dgra bo mA ra ya/ zhes bzlas gzhan des 'dre/ mtshan nag mo'am bam dkrugs pa bzlos/ 'khor lo bzhi sbags ni/ sbrul nag sdig pa/ chu srin sbal nag bzhi bya'o// sa ma ya/ rgya mtsho dug ri kha las/ mdze nag las kyi 'khor lo nag po bzhi dang sbags pa'i rtogs pa bzhi pa'o// // rgya yig bya'o// de nas klu yi pho nya bskul zhing las bcol ba ni/ hUM/ rgya mtsho mer ba'i dkyil 'khor nas// rin chen gling dgu'i gzhal yas nas// ri rgyal lhun po'i khri stengs nas// sbrul nag chen po sku bzhengs shig/ sku ni nam mkha'i gtos dang mnyam// thugs ni srid gsum sa le gzigs// gsung ni sgra chen 'jig rten sgrogs// dbang ni bar snang khams nas 'phyo// zhal ni bar snang khams na gdangs// lce ni khams gsum rnyog cing nyal// spyan mig
- 129a
gzigs pa'i sdang mig bgrad// sems ni gdug rtsub nang na bzhugs// legs nyes zhal lce drag tu gcod// phyag ni stong khams yongs su rnyeg/ zhe sdang dbang gi sbrul du bzhugs// sku ni dug sbrul nag po la// zhabs ni brnag pa'i dgra bo gzir// lhang lhang tsher tsher skad ngan gyis// tshangs pa'i gnas chen man chod du// sdug bsngal nga ro mi snyan pa// mgo ba'i lha dang dbang med phral// sbrul nag lus la rngam pa'i zhal// rngams pa'i zhal ni 'jigs par gdengs// las ngan dus zas zhal du rdabs// sbrul nag lus la me chen 'bar// me yi nga rgyal gdug par 'khyil// dam nyams 'byung po thal bar rlog/ sbrul nag lus la sdig pa'i dbu// dam nyams dgra la mi 'khril lam// sbrul gyi mjug mas rgya mtsho 'khrug/ klu gnyen pho mo las la 'dzud// dam nyams 'di las 'khyud re ran// sbrul nag thugs kyis stong khams khyab// thugs kyi sprul pas snang srid 'gengs// snang srid lha 'drer mda' gnyer// dam nyams drang nas 'byung re ren// hUM/ rgya mtsho chen po'i gting rum nas// yan lag brgyad ldan nang nas skra bzhengs shig/ sbrul nag lus la glang gi dbu// byol song lus la srul gyis brgyan// thugs kyi dkyil nas dbu dbyung ba// sbrul gyi thor tshugs cod pan can// 'khor ni klu rgyal 'bum gyis bskor// rgyal
- 129b
rigs klu rnams pho nyar 'gyed// nyams pa'i dgra bo myur du sgrol// bka' yi las mdzad sprul pa ni// sbrul nag 'bum gyi dkyil 'khor nas// nad kyi mun nag 'thibs pa nas// klu bdud sbrul gyi gdengs ka/ / can// mi yi lus la sbrul gyi gzhug/ sbrul mgo gdengs pa'i 'jigs tshul can// lag nas sbrul nag zhags pa 'debs// klu bdud klu srin dmag dpung byed// sdang ba'i dgra bo myur du sgrol// gsung gi sbrul pa bka' nyan ni// gnyen dmar glang gi mgo bo can// sku ni dmar nag khrag rul 'dra// lag na zhags pa dmar po bsnams// spyan mig nyi ma'i zer bas rno// mi yi lus la sbrul gyi gzhug/ sbrul gzhug rgya mtsho'i gting du brkyang // gnyen gyi dmag dpung sdud par byed// sdang ba'i dgra bo myur du sgrol// thugs kyi sprul pa bka' nyan ni// sa bdag za byed nag po ni// sku mdog dud kha 'jigs pas te// sbal nag snyams pa'i khri la bzhugs// mi yi lus la gcan gzan mgo/ sbrul gzhug rgya mtsho'i gting yang 'khrug/ lag na zhags pa nag po thogs/ kha rlangs nad kyi mtsho sprin chags// mche ba rnon po dug gi ngar// sbal pa nag po pho nyar 'gyed// sa bdag gnyen gyi dmag dpung sdud// sdang ba'i dgra bo myur du sgrol// hUM/ lcags mtsho nag po'i klong dkyil nas// klu mo nag mo mgo 'phyang ma// thugs ni rgya mtsho'i gting na
- 130a
bzhugs// sku la sbrul gyi glog pa gsol// klu chen brgyad kyi sbyor ba mdzad// chibs su chu srin pir la chibs// chibs kyi de ni snga gong na// nad kyi rgyal ba sngo dmar bkal// chibs kyi de ni phyi long la// mtshon gyi gru gu dmar nag bkal// mdze dang lhog pa'i sna 'dren ma// kha nas dbugs 'byin mi nad gtong // dgra bo'i shi la yengs ma nga // dgra bo'i bla la mthu ma chung // rgya mtsho chen po'i gting rum nas// klu srin sring mo mgo brgya ma// chibs sa cha grang son po bcibs// sku la chu dar sngon po gsol// mi zur chen mo gshen gcig ma// lcags kyi sbal pas stong gsum 'gengs// ral pa re la nad skal re// nad kyi rkyal pas stong khams khengs// dgra bo rnams la yam nad zong // rgya mtsho'i nang nas sku bzhengs la// klu mo nag mo spyan gcig ma// ber nag khra bo sku la gsol// rin chen stong gi 'phreng bab spyan// nyin bzhin ri rab rtse la bzhugs// mtshan mo rgya mtsho'i gting na bzhugs// yud tsam spyan drangs mchis pa'i che// rgyug 'dral thabs kyi dgra bo 'dul// dam nyams dgra bo myur du sgrol// rin chen gling dgu'i gzhal yas nas// klu bdud nag po spyan gcig ma// klu ba stong gi dbus na 'gying // chibs su sbal nag bre bo bcibs// sku la chu srin zul pa gsol// chibs kyi de ni snga gong la// nad kyi de ni
- 130b
rkyargyal pa bkal// chibs kyi de ni phyi long la// mtshon gyi de ni gru gu bkal// phyag na khra baM dkar nag bsnams// bdag gis dung dung bos pa'i tshe// nad kyi rkyal pa brdeb kyin byon// mtshon gyi gru gu skyong ging byon// ces bskul lo// rgya mtsho dug ri kha las/ klu bdud las la bskul ba'i rtog pa lnga pa'o// // de nas ngan sngags kyi rgyal po sdig pa phung shig 'khor lo 'di bsgrubs te/ gnas yid dang 'thad par phyin la/ mdze can pho mo'i thod pa blangs la sha ras ris med par byas/ thod pa rgya skyegs kyis byugs la/ 'khor lo rtsibs drug la sdig pa rA bgrad pa drug/ gcig la ling ga drug byas la lto sbyar te/ klu yi dam rdzas bsags la/ bdag sdig pa phung shig tu bsgoms la/ ngan sngags 'di bzlas la gtad do// gtad sgrub zhag bdun las mang du mi rung // oM nag po ti pa tsi ya hUM dza/ nA ga kro d+hi shwa ri hUM dza/ nA ga ra dza hUM yaM hu yaM baMbai ri la dza/ nA ga rA dza ya he ra haM he ra haM baM ri la dza/ na ga ra dza du na du na hi li hi li na ga 'dus 'dus sa ma ya dza/ zhes rbod cing bsnyen no// oM nag po ti pa tsi ya/ dgra bo'i glo snying ma ra ya dza nag po ti ba tsa ya/ dgra bo'i snying la rbad bu rbad/ ye thum ril e dza nA ga rA dza dgra bo ni rbad/ shan ti rbad/ srog ti rbad/ snying ril ri la rbad/ shaM shaM rbad/ mA ra ya rbad rbad/ ces bzlas na/ 'khor lo dang thod pa la sdom dang sdig
- 131a
pa 'dzul nas 'ong ngo // rang gi lus skyug skyug na ba 'ong // zod pa mdzeg 'tsheg pa dang / 'gas pa dang / zer ba'o// rtags rdzogs pa dang / gtad pa kun yin yang khyad par du byang phyogs gdol pa'i chu mig tu gtad do// las myur du/ sngo la sbas pa skyal 'ong / skya la sbal pa sngo la 'ong / 'dom gang 'thur la bcal ba ni srang sgo'o// g.yas na lkugs sa thod legs ni me long ngo // de la gtad do// las 'di las myur ba med do// zla ba gsum na mdzes khyer ba dang / dri rgod dang lkog sgal drag pos 'gum mo// 'gor na sdig pa phung shigs 'dis klu gnad la dbab par 'gyur te/ chu mig dgu'i chu dang dug khrag bsres la thun bcas la/ oM dza ye ri la zum ye/ pu rbad ya/ dgra bo yo pa tsa ya/ ti pa nag dza ye bu khum la snying / nA ga nag po'i klu sbrul dza ma ra ya/ glo snying dgra bo nag po ti ba tsa ya/ na ga krod+d+hi shwa ri/ nA ga rA dza dgra bo snying la tshal pa tshal pa baM ril rbad thun b+h+yo/ na ga rA dza dgra snying la hu yaM hu yaM rbad thun b+h+yo/ nA ga rA dza dgra snying la hur thums hur thums rbad thun b+h+yo/ zhes gtad pa'i sa phyogs su 'phangs na klu gnad la phebs te/ myur du dgra bo khrag skyug pa dang mdze nad tsit+tas 'gum par 'gyur ro// rgya mtsho dug ri kha las sdig pa phung shig gi rtog pa drug pa'o// // de nas gtad pa sa yi 'khrul 'khor dang / mi
- 131b
ldog gnad kyi gzer mig bshad pa ni/ gtad pa ni rnam grangs mang yang / 'dir ni rnam pa bzhi yi tshul lo// chu mig ni klu yi sgo ru 'dod do// klu yi rgyal po nag po mgo dgu pa rgya mtsho'i gting na bzhugs so// chu mig na las byed pa'i klu rgyu'o// chu mig na klu rigs bzhi gnas te sgo ba yin no// de nas gang du gtad kyang gal med do// de yang gtad tshul bzhi yi 'khrul 'khor la// klu sbrul nag po mdze nag las kyi 'khor lo'i gtad thabs ni/ chu mig kha phyogs bcur bltas par gzhug/ phyogs bzhi mi 'gyur ba'i gzer bzhi gdab bo// thod pa gnan pa'o// rkang brgyad dang sgal tshigs nyi shu rtsa brgyad ni/ klu sbrul nag po'i lce dang mdung la gtad do// gzugs brnyan gyi sgo nas gtad pa yin// de yang sbrul 'dra ba dang / sbal pa 'dra bar dang / nya 'dra ba dang / lcong mo 'dra ba dang / glang dang / phag pa dang / sdig pa dang / chu srin dang / rta bla ba dang / 'bu dang / grog mo dang / sbur pa dang / spyugs pa'i bu mo dang / mgo lnga mgo gsum la gtad do// de rnams kyang chu dang chas na klu/ shing dang chas na gnyan/ brag dang chas na sa bdag/ de kun med kyang klu gnyen gzugs te/ sa mdog dmar na klu btsan/ gnag na klu bdud/ ser na sa bdag/ sngo na gnyan/ dkar na klu sman/ khrag bor na dug na klu srin yod do// de yang sbrul la rigs
- 132a
lnga ste/ nam mkha' sbrul 'dra/ sa sbrul 'dra/ brag sbrul 'dra/ chu sbrul 'dra/ shing sbrul 'dra/ de yi mjug ma 'jug ma la mdung yod pas gtad pa yin/ gdong na lce yod pas gtad pa yin/ sbal pa 'dra ba la gsum ste/ sa sbal 'dra/ brag sbal 'dra/ ri sbal 'dra/ kha la lce yod pas gtad sa yin/ smad la mdung yod pas gtad do// nya la gnyis te/ sa nya dang chu nya'o// gshog la lce yod pas gtad do// ze ba la mdung yod pas gtad do// lcong mo la bzhi ste/ sa dang / chu dang / na dang / brag go/ mtshul pa la lce yod pas gtad do// mjug ma la mdung yod pas gtad do// glang la bzhi ste/ gad pa rdo ri nang / mig bzhi la lce yod pas gtad do// rwa rtse la mdung yod pas gtad do// phag pa yang de dang 'dra ste/ kha lce sna lce mdung yod pas gtad do// sdig pa la gsum ste/ ri dang chu brag go/ 'doms la lce rwa rtse mdung / de la gtad do// chu srin gnyis ri dang chu/ sna rtse lce/ sbar lag mdung yin pas gtad do// rta bla ba la gnyis/ nam mkha' dang sa'o// kha la lce/ lag pa mdung yod pas gtad do// 'bu la gnyis te/ sgang dang brag/ lto ba la lce/ skal pa la mdung yod pas gtad do// grog mo la gnyis te/ sa dang brag kha la mdung la yan lag la lce ste de ru gtad do// rus sbal la sgang dang / ri dang / brag dang ste/ lto ba la lce/ rgyab
- 132b
la mdung yod pas gtad do// smug pa 'dra ba la dang brag kha la mdung / yan lag lce rtse ru 'dod do// de la gtad na lce rtse yin/ mgo lnga mgo dgu thams cad la// kha la lce la yan lag mdung // klu bdud / sbal nag lce mdung la gtad na gar yang 'chor ba med do// gtad kha sum cu rtsa bdun rdzogs par bya ba ya bag sha sngags pa nang rgyas byung ba'am// pha tshan ched po dgrar byung na// mdze nag po 'khor lo yi// lnga / phung rten dang bcas pa dag/ klu yi pho brang gtad pa 'di// gtad las chen po zhes bya'o// smos dgu rlag pa'i las su bshad do// gzhan la ni gtad thor bu re re 'grub nges so// gzhan nag po 'khor lo sbags la 'byung bzhi dkrug pa'i gtad do// mtsho lkugs pa la bya bar shis so// sdig pa phung shig ni byang shar gdol pa byed par shis so gtad do// sa bdag srog gi 'khor lo ni sa'am gzhan yang dmangs rigs la gtad do// klu mi log par bya ba ni/ dug gi dug 'joms pa/ bdud kyi bdud gcig nag po mgo dgu pa/ sbrul kha nas me 'bar ba sgom mo// sngon nas gtad kha phan chod do// gtad rdzogs thon nas phyag na rdo rje sgom/ yang na gshin rje gshed po sgom/ klu yi sgrib shing bla shing dang / shi shing lus la rten no// spyir za byed nag po sgom na ldog mi srid do// rgya mtsho dug ri kha las rtog pa bdun pa'o// // de nas sa bdag
- 133a
srog gi 'khor lo nag pos/ dgra bo phung bar bya ba ni/ gzhung dang mthun par gnas su phyin la gtad sa'i sa nas sa chu blangs la/ dar ram shog shog la 'khor lo sbal pa'i gzugs byas la/ dbus su dgra gzugs bri/ tha ma la sngags kyis bskor la/ sa bdag klu sbrul gyi gzhug ma can/ mi yi lus po can/ chibs su lcags kyi phag mo la chibs pa/ g.yas na sbal nag gi rgyal mtshan 'phyar ba/ g.yon pa sdig pa'i g.yang gzhi 'phyar ba/ kha rlangs sbrul du 'khyug pa gcig tu sgom mo// de yi mdun na bdag gi dgra bo de/ ma he dmar po la bskyon nas las kyi rlung dmar gyis rgyab nas phul te/ zhe sdang sbrul nag gnyis kyi kho yi lag pa khar bcug nas 'dug par bsam mo// de nas snying kha nas 'od nag po gcig 'phros pa las// klu bdud nag po zhes bya ba mi yi lus lag pa gnyis/ g.yas na mtshon gyi rgyal pa thogs pa/ g.yon na nad kyi rgyal pa brdeb pa/ de lta bu gcig gis dgra bo de la las byed par bsgom mo// de yi ngan sngags ni/ dam sha ma ma ma hA yak+Sha nA ga hu ya ba ling du ba dza dza/ dam shi ma ma snying khrag du na ting na ga hu ya h+ye b+ha ling du pa dza dza dam shi ma ma ha la dun b+h+yo nA ga hu ya b+ha ling dung ba dza dza/ dam shi ma ma rak+sha rag mo b+ha ling dung pa dza dza/ dam shi ma ma yak+ka rak+ka har hur nag mo ba ling dung pa dza dza/ zhes
- 133b
zhag gsum du bzlas so// de nas zhag gsum du dza dza'i dod po b+h+yo b+h+yo/ bya ba btags la rbad/ de nas zhag gsum nas mA ra ya btags la gsad do// de nas spyir brdeg pa ni/ nA ga hu ya b+ha ling dung pa che ge / mo thums sod bzung / nA gshig ro la thim thim/ spyir dril ba de gcig pu bzlas kyang zhag bco lnga na mdzes 'dzin par 'gyur ro// de nas sbal pa'i 'khor lo la cha'i sbal par bcug la/ nyi zla phang du khyer la 'brug chen po byung ba'i tshe chu mig gi ngo la sbas na myur du brlag par 'gyur ro// sa bdag srog gi 'khor lo'i rtog pa brgyad pa'o// // de nas rgya mtsho dug ri kha gsang ba'i las/ mdze nad las kyi 'khor lo nag po 'di la/ las snam pa bzhi'i sgrub pa 'byung ba ni/ sbrul nag mdze nag las kyi 'khor lo dang / klu bdud sbrul nag las kyi 'khor lo dang / sdig pa phung shigs dang / sa bdag srog gi 'khor lo'o// de la dang po klu bdud sbrul gyi 'khor lo ni/ lha yi sgo nas klu ded dpon gyi sgrub par 'gro/ sngags kyi sgo nas nA ga ra sha srin po'i sgrub par 'gro/ bca' gzhi'i sgo nas tshe bdag sku yi sgrub par 'gro/ de yang thod pa gcig la rten na klu bdud gcig par 'gro/ lnga phung yan lag tshad par byed na smos dgu brlag pa'i las te/ gtad kha sum cu rtsa bdun gyi las so// de yang thod pa'i 'chi bdag yab yum mo// rkang brgyad za
- 134a
byed klu brgyad do// skal pa sbal nag nyi shu rtsa brgyad do// de ni klu nag po'i lto ba'i brdebs te/ mi ldog mi 'byam thebs pa yin/ mdze nag las kyi 'khor lo 'di la ni/ dang lha dang sngags bca' bzhi 'dra'o// 'khor lo dbyung ba dkrug par 'gro/ mdze nag las kyi 'khor los sa'i dngas ma sdud cing klu bdud las la bskul// mdze dmar me yi 'khor los me yi dngas ma sdud cing gnyen gyi dmag dpung 'bebs// mdze thun chu yi 'khor los chu yi dngas ma sdud cing klu bdud las la bskul/ mdze skya rlung gi dngas ma sdud cing bgegs sna tshogs kyi dmag dpung 'bebs so// des ni 'byung ba rang gnad mi ldog mi 'byam/ mi 'khor thebs nges so// sdig pa phung shigs ni/ lha ni klu gnyen nag po'i sgrub par 'gro'o// sngags ni ded dpon bca' gzhi'i sa bdag phung shigs kyi sgrub par 'gro/ de ltar gnad kyi gags bsdebs pas/ mi ldog mi 'byam mgor thebs nges pa'o// sa bdag srog gi 'khor lo ni/ lha nA ga rA dza srin por 'gro/ sngags sa bdag srog rtsa dmar por 'gro/ bca' gzhi ni phung shig nag por 'gro/ gnad bsdebs pa yin pas mi ldog/ mi 'byam thos nges so// de'i phyir gtad khram rgya mtsho dug ri kha 'di las lhag pa med do// gsad pa'i la dor ba yin/ na sa mut+ta la nA ga rA dza/ rgya mtsho dug ri kha'i las/ rtog pa
- 134b
dgu pa'o// // phung shigs nag po rlung khyer gyi las/ rgya mtsho dug kha las sngags mdze nag gi 'khor lo yak+Sha 'khor lo nag po'i sgrub lugs/ rtog pa bsdus pa'i bsdebs rdzogs so// // gtad khram las la 'di dang sbal nag lto sbyor zab/ s+thi/ i ru/ kun kyang mthar zug kun tu bzang por sangs rgyas shog// chags pa spyad pa'i las rnams dor mi bya// brdzun gyi tshig rnams rtag tu smra// gzhan la sdig mdzub phyag rgya bstan// rma khrag dron mo bdud rtsi lnga rnams bsten bya zhing // nyon mongs lnga rnams mi spangs rtag tu bsten// rtsa gsum pa ni srog ji bzhin// bcu dang lnga dang nyi shu lnga// mchog gi rtsa ba'i yan lag go/ ma yengs srog bzhin nan tan bsrungs// 'on dang 'jigs byed 'di yis dngos grub thob// las rnams gdon mi za bar 'grub// 'di bsrungs 'khor lo bskor ba dang // gnad bzlog dkrug pa gdon mi za// dus drug dag tu gtor ma sbyar la sbyin// sbyin sreg las la rab brtson 'bad par bya// 'khor lo bskor dang dmod pa gdon mi za// mchod rdzas dam rdzas brten bya zhing // rtag chen rnga chen bsgrub pa gzhan du min// rtsa ba yan lag nyams pa dus drug bshags// de yis gso ba'i cho gar 'gyur// mdze nag 'khor lo rtsa ba'i rgyud las/ dbang bskur dam tshig phog pa'i le'u ste gnyis pa'o// // de nas yang 'jog
- 135a
pos/ bcom ldan 'das 'jigs pa'i rgyan can la 'di skad ces gsol to// 'di sgrub pa'i gnas ni gang du bgyi/ dpa' bo 'jigs par byed pas bka' stsal pa/ lung gsum mdo dang brag ri chu mtha' ru ni bsnyen pa bya ba'i gnas su gsungs// rtsi shing brag ri dug can byang du bltas pa ru// sgrub pa'i las la shis par bstan// klu gdug gnas dang klu srin ma rung gnas pa'i sa dag tu// 'khor lo bskor dang gdab bsreg dang ni sba sa dag tu shig/ 'di sgrub pa'i dus tshod ji ltar lags// 'jigs byed dpa' bos bka' stsal pa// ma dros klu gdug bzhengs pa'i dus// dbyar zla rab 'bring tha ma'i tshes brgyad la// zhugs nas ma dros pa yis byin gyis rlob// de yi dus su shis par bstan// 'di ru mchod rdzas ji ltar lags// sa las byas pa'i bum pa chu lnga lto che ba/ mchu 'phyang ba/ gdug pa klu yi mthun pa'i rdzas// rnam pa sna tshogs pa yis dgang // kha rgyan 'bras bur bcas pa'i shing las bya// mgul pa ras chen tshon gyis bsgyur bas bcing // klu dang gdug pa'i sa bdag mthun pa'i rdzas rnams ni// sbrul dang 'jigs pa'i sha khrag dang // rus sbal khra bo'i sha khrag dang // sbrul dang rus sbal gsur gyi dud pas mchod// de ni mchod pa'i rdzas su bstan// 'di ru bsnyen pa mi 'tshal lam// 'jigs par byed pas bka'
- 135b
stsal pa// bsnyen pa 'bum phrag gsum du bstan// drag po 'khor lo 'bri rgyu ni// 'jigs byed chen po ji ltar lags// 'jigs byed chen pos bka' stsal pa// gtan 'pho ba'i pha mes dang // de yi tshal bu rab mdzes dang // rje dpon rabs chad tshal bu dang // gro ga shing gi shing lpags dang // tsan dan nag po'i shun lpags dang // ro ras khrag dang bcas pa dang // yang na zhing gi ras ma dang // pha mes la sogs bla yi mgo/ mon nam rigs rgyud chad pa la// bri dang 'bur du brko ba'o// de ni 'khor lo bri ba'i rgyu ru shis// 'di ru snag tsha 'di ltar lags// 'jigs byed chen pos bka' stsal pa// tsa ra rgyal po khrag dag gis// phung po shes pa dbral bar shis// mche ba yod pa'i rgya bo khrag/ myos par byed par shis par bstan// bong bu mi khrag bdud rtsi ni// shes pa 'dren pas mchog tu gsungs// nam mkha'i thigs pas shes pa bstan par byed// de rnams dug dang nim par bcas// drag po snag tsha'i rgyu ru bstan// rten 'brel nus mthu yod phyir ro// 'di la sbug gu mi 'tshal lam// 'jigs par byed pas bka' stsal pa// rkang chen sgyusmyug dang kang ka'i sgo// phung byed nyi mas 'jigs pa'i sgo// mkhas pas snying po gsum dag gis// byin gyis brlabs pa byas la bri// de ni rten 'brel nus par ldan// 'di la ling ga rgyu rnams ji ltar
- 136a
lags// srid pa'i lo ma grog mkhar sa// byi la ga pa'i spu dag dang // gdug pa rme ba'i sa dag dang // rten 'pho ba'i gzugs dag ni// mdog gnag yan lag rdzogs pa la// sor bzhi pa yi tshad du bya// dran pa'i rgyu ru phye ba'i phyir// ming dang rus su ldan par bya// 'jog po mig gi sngo phug du// chag gang mar brkos ling bcug la// tsher ma can gyi phur pa sor brgyad pa// brnag pa mi 'gyur rten du gzugs// de yi kha yang dur khrod g.yam pa sngon po la// kha la 'khor lo bcu dang gsum pa la// dbus su rten 'pho ba'i ming gi brgyan// brnol te de yi kha yang gcan// 'khor lo ma yin btsan thabs rdzas// gang dang gang la bgyi ba lags// 'jigs byed chen po brgyan can gyis// myur ba'i rdzas su bstan pa ni// rus sbal nag po dngos dang ni// sbrul chen nag po dngos dag la// ming bris kha ru bstim par bya// yang na gtum pa me yi sbyor pa bya// de yis btsan thabs las su 'gyur// brtul zhugs med pa'i rnal 'byor pas// kham pa yi ni sa dag la// rus sbal nag po'i gzugs su bya// mig dmar me yi mdag ma 'dra// mche ba gtsigs shing bgrad par bya// rten 'pho bdun rgyud yan chad kyis// ming dang rus su pha mes po'i// sogs pa dag la rab bris la// khrag chen pos byang bu dmar por byas pa de// rus sbal kha
- 136b
ru gzhag par bya// ro yi ras kyis kha gcad la/ 'chi bdag nyid ni nag po sku yis kha gcad la// 'chi bdag nyid ni nag po klu ru mnga' gsol la// gnag pa mi 'gyur gnas su sba// nyes med pa yi gzu dbang gsol/ de nas yang bcom ldan 'das 'jigs par byed pa'i rgyan dang ldan pa la 'di skad ces gsol to// 'di la mi ldog bkra shis pa'i thabs gang lags/ 'jigs par byed pas bka' stsal pa// bsnyen pa sa yi cho ga dang // thig dang sta gon la gnas nas// maN+Dal bdud rtsi lci bas byug/ tshon rtsi byin gyis brlabs nas ni// mkhas pas phyag na rdo rje 'jigs chen la// klu chen brgyad kyis bskor ba / bri// bum pa bcu dang gtor ma lha bshos dang // mar me gdug pa'i dri dang byug pas bskor// de ru gsang ba byas nas ni// bskrad dang byin gyis brlab pa dang // ting nge 'dzin dkyil 'khor bskyed pa dang // byin gyis brlab dang dbang bskur dang // gsang ba'i mchod pa bya ba dang // rang bzhin spyan drang mchod pa dang // bzlas pa gtor ma gtang ba dang // de yis mi bzlog shis par bya// mdze nag 'khor lo rtsa ba'i rgyud las/ gnas dang dus tshod mchod rdzas dang // bsnyen pa bya ba bstan pa dang // 'khor lo rgyu dang snag tsha dang // smyug gu ling ga'i rgyu bstan pa dang // btsan thabs dag gi sbyor ba dang // brnag pa mi
- 137a
'gyur ba'i rten bstan pa'i le'u ste gsum pa'o// // de nas yang 'jog pos/ 'jigs par byed pa'i rgyan dang ldan pa la 'di skad ces gsol to// de la ting 'dzin mi 'tshal lam// 'jigs par byed pas bka' stsal pa// ting 'dzin gsum la gnas pa ni// stong pa nyid dang snying rje yongs khyab tu gsal// de na cho ga mchog yin te// stong pa'i bdag nyid ji ltar lags// dngos po kun dang bral ba la// phra ba'i rang bzhin nyid du gsal// stong pa'i bdag nyid ces su gsungs// snying rje yongs khyab ji ltar lags// byed po bdag nyid sna nyid sna tshogs nyid du snang ba ste// yongs la khyab pa zhes su bstan// byams pa'i bdag nyid hUM nyid ha la'i mdog 'dra gsal// de la rgyu zhes grags pa yin// gzhal yas khang bskyed ji ltar lags// 'jigs byed chen pos bka' stsal pa// hUM las e byung 'byung ba nam mkha' ste// kha dog sngon po gru gsum pa// de stengs hUM las yaM byung bas// 'byung ba rlung nyid grags pa ste// sngon po gzhu 'dra ba dan bzhis mtshan pa'o// de stengs hUM las raM byung bas// 'byung ba me zhes grags pa la// kha dog dmar nag gru gsum pa// rdo rje rtse mo gsum gyis mtshan// de stengs hUM las laM byung bas// 'byung ba sa zhes grags pa yin// kha dog ser por gru bzhi pa// rdo rje bzhi yis spras pa'o// de steng hUM
- 137b
las laM babs pas// ri rab rtse mo brgyad par gsal/ de steng hUM las b+h+rUM byung bas// 'khor lo nyid du rnam par gsal// de la byin gyis brlab pa'i snying po 'di brjod pas/ oM e tsakra be tsakra b+h+rUM/ zhes brjod pas// phyi rol sbrul nag po 'jigs pa'i gzhal yas khang // bar na rin chen rtsig par gsal// nang sbrul nag 'bar ba'i gzhal yas khang // chu srin 'bar bas thog chen phub// rus sbal khros pa'i pa'i gzhal yas// ya them ma them legs par brgyan// klu chen gdung la chu srin kA ba la// sbrul nag 'jigs pas brgyan pa'o// ka gdan dung dang bir gyis byas// gzhal yas brgyan gyi bye brag rdzogs pa la// gru bzhi rdo rje gur dang bcas// me 'od 'bar bas 'khrigs pa'o// dur khrod 'bar ba'i rgyan rnams la// shing la gnas pa'i gtum po dang // ro la za ba'i gtum po'i tshogs// ha ha zhes ni sgrog par byed// nang na/ rus sbal lha gdum 'khrol ba dang // khrag la sogs pa'i 'bab chu 'dzag/ zhing gi khog stod khog smad la// bya rnams ha ha sgra 'don pa'o// nyi zla gnyis ni steng na gsal// gza' dang rgyu skar gdug pa'i tshogs kyis spras// gzhal yas dam pa de ltar bstan// gdan gyi rim pa ji ltar lags// 'jigs byed chen pos bka' stsal pa// dregs dang nyi zla pho mo dang // 'dab brgyad pad+ma sbrul dang
- 138a
bcas// sbrul rnams dbu steg gtso la lta// gdan rnams byin gyis rlob pa'i snying po ji ltar lags// tri dang ma dang a dang ni pa ga zhes brjod pas// gdan gyi snying po nyid du bstan// 'di ru lha rnams bskyed pa ji ltar lags// 'jigs par byed pas bka' stsal ba// cho ga gsum gyi gtso bo bskyed// zhal dgu pa la mthing nag mdog/ phyag brgya pa na sbrul brgya 'dzin// sbrul nag 'bar bar lha tshigs brgyan// khrag dag zhag gis spras pa'o// dbu skra kham nag ral pa gyen du bskyod// thod pa skam po'i dbu rgyan can// de steng bya khyung 'bar bas dbu brgyan pa'o// ba spu khro chung 'bar bas gang // thugs la lha mchog mtshon gang 'bar// mjug ma sbrul du gdug pa la// 'og gi rgya mtsho slebs pa la// klu bran mang pos spras pa'o// bu ga dgu nas khrag 'dzag pa// de ltar gtso bo bskyed pa bstan// gtum mo yum rnams bskyed pa ji ltar lags// thugs las hUM byung 'phro 'du las// yum ni klu mo nag mo bud med rme mo'i tshul du 'dug pa bskyed// sku stod bud med nag mo'i cha lugs la// zhal gcig phyag gnyis g.yas pa gtso la 'khyud// g.yon pa 'gro drug rak+ta stob// sku smad sbrul nag 'khyil pa la// sbrul nag 'bar ba'i ral pa can// mdzes pa sbrul nag 'bar ba'i na bza' gsol// sprul pa mang po nas 'gyed// dug sbrul 'bar
- 138b
ba'i rgyan chas can// dpral ba'i dbyes na khrag 'thung bzhugs// 'khor rnams bskyed dang gdan rnams ji ltar lags// 'jigs par byed pas bka' stsal pa// bsam gyis mi khyab 'khor gyi gdan// gzas pa pho mo gdan rnams la// nyi ma zla bas brgyan pa'o// gdan gyi snying po ji ltar lags// dpa' bos a dang ma dang ni ru bstan// gsang gnas gnyis ni byin brlabs la// de yi 'phro 'du sbyor ba las// sa / bon hu ya hu ya zhes byung bas// nyi zla dbus su rdzogs par bskyed// shar gyi pad+ma'i 'dab ma la// 'jog po rgyal po dkar po la// sbrul mgo bdun gyis rgyan dang ldan// gdug pa'i mtshon cha thogs pa la// mche ba gtsigs nas sgra 'don bskyed// lho yi pad+ma'i 'dab ma la// klu rgyal dga' bo ser sna 'jigs pa la// sbrul mgo bdun gyis brgyan nas sbrul zhags thogs pa bskyed// nub kyi pad+ma'i 'dab ma la// dung skyong dmar nag sbrul brgyan pa// lag na rtse gsum 'dzin pa bskyed// byang gi pad+ma'i 'dab ma la// stobs rgyun ldang ser phag mgo can// lag na kha T+wAM 'dzin pa bskyed// shar lho mtshams kyi pad+ma la// za byed dmar mo sbrul mgo can// dug sbrul nag po 'dzin pa bskyed// lho nub mtshams kyi pad+ma la// nyer 'dzin kha dog dmar ldang la// lag na zon chen 'dzin pa bskyed// nub byang mtshams kyi pad+ma la// rab tu 'gyogs ma
- 139a
dmar ldang la// lag tu chu srin thogs pa bskyed// byang shar mtshams kyi pad+ma la// khros ma nag mo chu srin dbu// lag na nya chen 'dzin pa bskyed// gzhan yang ma rungs pa yi 'khor// lag na sbrul zhags 'dzin pa bskyed// so so'i gdan la bskyed par bya// shar gyi sgo yi nang du ni// mche gtsigs dkar nag lcags kyu 'dzin// sbrul gyi brgyan nas khros mdog bskyed// lho yi sgo yi nang du ni// rab 'chang ser nag mche zhags can// khros pa'i tshul can bskyed par bya// nub kyi sgo yi nang logs su// dmar lus mdog dmar chu srin thod pa'i dbu rgyan can// lag na lcags sgro thogs pa bskyed// byang gi sgo yi nang du ni// gtum mo ser nag mig gsum ma// lag na dril bu 'dzin pa bskyed// 'khor rnams rdzogs pa de ltar bstan// byin brlabs dbang bskur ji ltar lags// 'jigs byed chen pos bka' stsal pa// oM hUM/ a dang nA ga bA ka kA ya tsit+ta dang // lag pa phan tshun bsnol ba dang // sku gsung phyag rgya sbrul mgo so sor dbye// de yi byin gyis brlab par bya// de la dbang rnams bskur ba ni// dzaHzhes bya ba spyan drangs la// mchod bstod la sogs byas pa la// nam mkha'i 'jigs byed chen po yis// 'khor lo lta bu sbrul gyi mgo bo'i phyag rgya dang // pad+ma lta bur brtsegs pa'i sbrul mgo phyag rgya dang // rin chen lta bur sbrul chen
- 139b
'bar ba'i phyag rgya dang // rdo rjes lta bus byas pa'i sbrul gyi phyag rgya dang // rgya gram lta bur byung ba'i sbrul gyi phyag rgya rnams// spyi bor bzhag nas dbang bskur zhing // sngags 'di gsungs so// oM tsakra nA ga sarba ta thA ga ta a b+hi Shiny+tsa nA ga au/ oM hUM nA ga badz+ra sarba ta thA ga ta na ga badz+ra a b+hi Shiny+tsa hUM/ oM nA ga pad+ma a b+hi Shiny+tsa a/ oM swa nA ga sarba ta thA ga ta nA ga a b+hi Shiny+tsa swa/ oM ha nA ga sarba ta thA ga ta a b+hi Shiny+tsa ha/ zhes gsungs zhing byin gyis rlob bo// de yi tshe lha mos nam mkha' las mchod pa'i char gyis rgyun phab bo// klu rnams kyis a la la zhes bstod// dbang dang byin brlabs de ltar bstan// rang rgyud 'khor lo spyan drangs ji ltar lags// dpa' bo chen pos bshad du gsol// dza hUMHbaM ho bka' lung dang // phyag rgya bzhi yis sbyar ba yis// spyan drangs phyag btsal phyi nang mchod pa bye brag dbul// de tshe bstod pa la sogs bya// rang bzhin spyan drang mchod sogs 'di ltar bshad// 'di ru bzlas pa mi 'tshal lam// de yi bsam gtan ji ltar lags// 'chi bdag mgo dgu gsal byas la// thugs khar ye shes sems dpa'i sku bskyed la// de yi thugs kar pad+ma 'dab brgyad bskyed// de yi lte bar nyi ma'i dkyil 'khor ro// de steng rdo rje nag po kha gyes bsam// de la snying po 'di rnams dgod// oM ni ye shes lnga yi rang bzhin no// nag
- 140a
po sku mdog 'bar ba bstan// ti pa 'jigs pa yum gyi mtshan nyid do// tsa na klu'i 'khor lo spro// nA ga rak+Sha na ni rol pa mchog tu bstan/ ti gu la ni mnyes par byed pa'o// pho phan zhes 'khril par bstan// shan na mchod pa yin par bstan// phos na lha'i 'khor lo 'gugs par bstan// shig shig na bstan par mdzod cig pa'o// chum chum na bdag la dngos grub gsol// hu ya hu ya klu ru bstan// dza dza zhes pa spros par bstan// 'di rnams pad+ma'i lto ba dang // 'dab ma brgyad po dag la bsam// oM ni kha dog lnga'i rang bzhin can// pad+ma'i lte ba dag la'o// ti pa tsa smug nag shar du'o// nA ga rak+Sha ser po lho ru'o// ti gu la dmar po nub tu'o// phe phan ljang khu byang du'o// shar lhor shan dkar po// lho nub tu phos ser po// byang du shig shig chum chum dkar po/ byang shar du hu ya hu ya dza dza dmar po// 'di rnams ra ri khal khol med par bsam/ yig 'bru rim par gsal bar bsam// zabs dang shes rab tshul du spro ba bya// bzlas pa 'di yis rang rgyud 'khor lo rang dbang med par 'gugs// yig 'bru 'phro 'du bye brag gis// phyi nang mchod pa'i bye brag dbye// lha rnams mnyes pa'i mchod par 'gyur// thugs dam rgyud kyang bskul bar bstan// mnyes par gyur nas bdag byin rlob// las kyi lha yang nye bar 'gyur// bzlas pa'i
- 140b
bsam gtan 'di ltar bstan// spro ba'i rim pa ji ltar lags// bsal nas spro bar bya ba yang // rnam pa gnyis su gsungs pa la// zhi dang drag po'i rims pa'o// zhi ba'i yig 'bru na sa g.yon nas spros// bsdu na na sa g.yas nas bsdu// thugs kar rdo rje nyi ma 'bar// de yis mtshan ma mthong bar 'gyur// dngos grub bstan pa'i cho ga bya// spro bsdu rim pa de ltar bstan// de nas gtor ma chen por gtang bar bya// sha sna khrag chen gang pa'i gtor ma brgya dang rtsa brgyad btang // tshogs kyi 'khor lo chen po bya// gtor ma gtang ba'i sngags rnams ni/ oM nag po ti pa ma hA ma sa kha'i kha'i/ ma ha rak+ka kha'i kha'i/ tsa nA ga rak+Sha/ sti rti gu la phe phen phos shig shig chum chum hu ya hu ma hA pany+tsa a mri ta kha'i// de yis dgos pa grub cing mtshan ma mthong // mtshan ma dngos grub 'di ltar bstan// mdze nag 'khor lo rtsa ba'i rgyud las/ ting nge 'dzin gyi bye brag bstan pa dang / gzhal yas khang dang / gdan dang / lha yi 'khor lo bskyed pa dang / byin gyis brlab pa dang / dbang bstan pa dang / rang bzhin gyi dkyil 'khor spyan drang la mchod pa dang // bzlas pa'i bsam gtan dang // spro ba dang bsdu ba bstan pa dang // dngos grub mtshan ma 'byung ba'i rim pa'i le'u ste bzhi pa'o// // de nas yang 'jog pos rgyan thams cad phrag pa la gzar nas/ 'jigs par byed
- 141a
pa'i rgyan can la 'di skad ces gsol to// bcom ldan 'das 'di'i mtshan nyid ji ltar lags/ dpa' bo 'jigs pas bka' stsal pa// dang po bsnyen pa'i mtshan ma ni// ba glang phag dang rnga mo dang // khyi dang sbrul dang rkang mangs dang // sbrul dang rus sbal la sogs kyi// sgrub pa mchog la brda' yis bskul// de ni nye ba'i mtshan ma yin// de nas rtags kyi mtshan ma so sor mthong ba dang // las rnams kun la brtsam par bya// sgrub pa'i mtshan ma ji ltar lags// dpa' bos yang dag bka' stsal pa// mkhar phab pa dang bdag gis rgya mtsho'i gyen la bgyil ba dang // dud 'gro mang po gsad pa dang // sbrul chen thod du bcings pa dang // sdig sbrul rus bal skad 'don dang // gzhan yang rgya mtsho hub kyis btab pa dang // skye shing mang po rtsad nas bsten pa rnams// de ni grub pa'i mtshan ma ste// de rnams gang byung grub pa yin// zhes gsungs so// drag po'i mtshan ma ji ltar lags// dpa' bos yang dag bka' stsal pa// 'khor lo rab tu babs pa dang // ral gri nang gis gtums pa dang // sdig sbrul mang po sa phyogs gtams pa dang // mtshon snas bstod cing bskyed pas bcings pa dang // nags tshal mang po mtshon gyis gcad pa dang // 'chi bdag nyid ni bskul ba ni// drag po grub pa'i dus nyid do// mi 'grub ldog dus ji
- 141b
ltar lags// dpa' bo'i zhal nas bka' stsal ba// ba glang dmar po ru 'dar dang // sdig sbrul mang po kha gdangs dang // sbrul chen bshum zhing brang brdungs dang // 'khor lo 'bar ba mthong ba rnams// ldog pa'i dus su bstan pa'o// de nas yang bcom ldan 'das dpa' bo chen po la/ 'jog po'i rgyal pos zhus pa// 'khor lo'i rgyu ni gang la bgyi// dpa' bo 'jigs pas bka' stsal pa// le'u gsum par bstan pa yis// pha dang mes po la sogs kyi// mgo dang rkang dang ro ras dag la bya bar bstan// snag tsha smyug gu ji ltar lags// de yang le'u gsum par bstan// 'khor lo bri ba'i dus ni ma gsungs na// de yi dus ni ji ltar lags// drag po nyi phyed mtshan phyed na// zhi ba 'khor lo nyi shar na// rgyas pa'i 'khor lo dros na'o// dbang gi 'khor lo nyi ma nub na'o// dpa' bos dus ni de ltar bstan// mi shis skar ma bra nye la// ro ras chag gang 'jigs blangs nas// lho yi phyogs su kha bltas nas// mchog chen zheng la brgyangs nas ni// klad pa khrag chen spyo ba'i rdzas kyis ni// dmigs btsags skyug gu 'jigs pa thogs nas ni// lho yi phyogs su kha bltas te// skra bshig lus ni khrag byugs la// 'khor lo 'jigs pa bri ba ni// 'bar ba 'jigs pa'i cha byad la// zhal gcig phyag gnyis khros mdog can// snying khar rtsibs brgyad 'jigs pa
- 142a
bri// rtsa chen gnyis zhugs sbrul nag za bar byed pa yi// rkang pa lag pa'i zil phug mdud pa ldan pa 'jigs par bri// de la rtsa ba'i sngags rnams dang // bsgrub bya ming dang bcas pas brgyan// 'khor lo bri dang dgod dang bsam pa'o// de yang grangs kyi bsnyen pa rdzogs pa dang // mtshan ma dag rnams 'byung bar nges// de ltar 'khor lo bcas pa la// 'khor lo bskor ba'i rim byas pas// rang la ldog pa'i rtags mthong na// dgra la bzlog pa'i 'khor lo bca'// de nas yang ni grangs kyi bsnyen pa rdzogs pa dang // mtshan ma rtags rnams 'byung bar nges// rbad pa'i 'tshong gis rbad byas la// 'khor gyi gdug pas dgug byas la// rnam shes 'khor lo gzugs la bstim// 'khor rnams kyi ni sha zos nas// mi bzad dbugs kyis dgra de brgyal bar 'gyur// brgyal ba'i gzugs brnyan de la ni// sdud pa'i gzugs brnyan sbrul gzugs gnyis// rtsa chen gnyis na sbrul zhugs nas// mdangs 'phrog spyi bor sbrul mgo mdud// 'tsho ba'i lha dang 'bral bar byed// sbrul mjug rkang mthil gnyis phug nas// mjug ma'i mdud pa gnyis byas te// 'jig rten lha rnams de yis bsrung // mtshan ma nyen las la sbyar// gong gi rang gi ldog pa'i rtags byung na// 'bar de 'khor lo dgra la bzlog/ 'khor lo bzlog
- 142b
pa'i rim pa ni// 'khor lo 'bri dang rgod pa dang // 'khor lo bca' ba'i dus nyid do// dus ni rnam pa gnyis su shes// 'grub pa'i dus dang bzlog pa'i dus// bzlog pa'i dus su bzlog 'khor bca'// dus ni nyi phyed mtshan phyed do// rabs chad nag po'i thod pa la// 'khor lo rim pa gsum du bri// dang po brgyad gnyis pa bcu ni drug/ gsum pa sum cu rtsa gnyis so// 'chi bdag nyid kyi gzugs po gsal bar bri// de ni 'khor lo bri ba'i rim pa'o// rim pa dang po 'khor lo bzlog pa bri ba ni// shar gyi rtsibs la oM dza dza che ge mo hu ya hu ya zhes pa'o// lho yi rtsibs la chum chum che ge mo shig shig ces pa'o// nub kyi rtsibs la phos na sha che ge mo ban be zhes pa'o// byang gi rtsibs la gu che ge mo rti zhes pa'o// shar lho'i rtsibs la sha ka ra che ge mo ge zhes pa'o// lho nub kyi rtsibs la na che ge mo tsa zhes pa'o// byang nub kyi rtsibs la pa che ge mo ti zhes pa'o// byang shar gyi rtsibs la bo che ge mo nag ces pa'o// de ni dang po yab kyi snying po dang sbyar te bzlas pa'o// rim pa gnyis pa yum gyi snying po dang sbyar te bri ba ni/ rbad ti dang pa sha po na ga rbad sha phug yug sa sho pa ti nA ga au/ yum gyi snying po dang sbyar la bzlog la bri'o// tha ma 'khor gyi snying po bri ba ni 'di yin te/ nan hUM shan bde sha ma gra a ba pus ga na rbad ga sha sha pe na ru ba/ zhes
- 143a
bri'o// 'khor lo mtha' ma bri ba ni hUM swA hA/ zhes pa la/ bes ces pa'i bar du bzlog la bri// 'di ni 'khor lo dgod pa'i rim pa'o// de la bsam pa'i 'khor lo bskyed pa ni// hUM las 'chi bdag mgo dgu ste// b+ha las rim pa gsum du bskyed// a dang ka las dmod pa'i yi ger gsal// de nas 'chi bdag mgo dgu pa// sku gsung thugs su byin gyis brlab// dbang bskur cho ga rdzogs par bya// ye shes 'chi bdag spyan drangs la// dam tshig lha dang gnyis med bstim// de la mchod pa rdzogs par byas// bsgrub bya 'chi bdag ltor bkug/ 'khor lo bskor ba'i rim pa bya// dang po mos par byed pa ste// gnyis pa lus kyi mdangs dag 'phrog/ gsum pa nA ga'i ma ra gdon mi za// 'khrul 'khor bskor ba'i thabs ni// bdag nyid sku gsal nyi ma shar ba 'dra bas bzlas// 'khor lo gnyis pa sbrul gyi thag bdud cing // 'khor lo gsum pa stag gi so 'drar bzlas// gdug pa sbrul gyi chu srin gre ltar bcings// dang po dug gi thun gyis bsnun// gnyis pa ma ti mda' yis brdeg/ gsum pa he dang ma yi bar du bzhug/ bzhi pa a nan da yi mda' yis brab// lnga pa chu srin zag pas bcing // drug pa dur khrod sa blangs la// klu mo 'jigs pa'i gzugs byas la// 'khor lo klu mo'i snying khar gzhug/ klu mo za byed
- 143b
ma'i thabs su gzhug/ spyi gtsug nyid du gzhag par bya// rak+tas brab cing drag sngags dag gis bsnun// klu mo gzir cing na ra'i phur pa bcu yis gdab// rus sbal 'jigs pa'i khar bcug la// bshums pa nyid la gtad// klu yi lcags kyis brab cing drag po smon lam gdab// ma rungs spyod pa bya zhing dka' thub brtul zhugs spyad// gces byas thal bas byugs la shun chen bshum pa nyid la gtad// hu ya hu ya phud phud/ rkan sgra mi bzad dmod sngags dag gis gdab// oM nag po ti pa tsa che ge mo tshal pa/ be rak+Sha yu che ge mo tshal pa/ shan ti yu che ge mo tshal pa/ ka na nan ni la nan che ge mo shan ti ku ru ya che ge mo tshal pa/ yang yang che ge mo mA ra ya dza dza tshal pa/ zhes ni rab bzlas pas/ rang la bzlog pa dgra la bzlog pa'i las byed 'gyur// 'khor lo kha ni dkrugs pa yis// 'khor lo nang 'khrugs pa yang bzlog par 'gyur// thugs kyi 'khor lo'i gdams ngag rin chen spu gris spras pa 'dra// dmod sngags gdug pa chu srin gre ba 'dra// rdzas rnams rten 'brel nus pa sbrul nag 'khyil pa 'dra/ mi bzad 'khor lo bzlog pa sa phyogs 'khrul 'khor gang ba 'dra// thun rdzas rnams ni mkha' la thog 'bab 'dra// skyes bu g.yul ngor zhugs nas mtshon gyis 'debs dang mtshungs// thun gyi 'khor lo bskor ba ni// rnal 'byor srin po srog
- 144a
gcod dag la zhugs pa 'dra// de rnams 'khor lo bskor ba'i mchog tu gsungs pa ni// oM a gzha' nag po tshal ba mA ra ya kro ti dza la dza la che ge mo tshal ba ma ra ya hUM hUM hUM phaT phaT phaT pa tsa pa tsa nA ga ma ma shaM hUM tshal ba kro tI shwa ri shi shan pa ba ti ba tsa ba tsa na ga nA ga dzA la dza la che ge mo mA ra ya phaT/ ces brjod pas phyi nang thams cad rdul bzhin du gyur to// mdze nag 'khor lo rtsa ba'i rgyud las/ bsgrub pa dang bsnyen pa dang / drag po las grub pa'i mtshan ma bstan pa dang / ldog pa'i dus bstan pa dang / 'khor lo'i rgyu dang / snag tsha bri ba le'u gsum par bstan pa/ zhi ba dang / rgyas pa dang / dbang dang / drag po'i 'khor lo'i kha lta phyogs dang / 'khor lo bri ba dang / rang la ldog na dgra la bzlog pa ste le'u lnga pa'o// // de nas 'jog pos rang gi rgyan phrag la gzar nas/ 'jigs par byed pa'i rgyan can la gsol pa/ phyag rgyas bsrung ba dang / lta bas bsrung ba dang / rigs kyis bsdus pa rnams la ni// 'khor lo gcig gis 'grub bam tha dang 'tshal// dpa' bos yang dag bshad du gsol// 'jigs par byed pas bka' stsal pa// gdul bar bya ba'i zhing rnams ni// rnam pa gsum du bstan pa las// phyag rgyas bsrung ba'i mtshan nyid ni// 'khor lo chen por zhugs pa dang // dbang dang dam tshig ldan pa dang // lha yi
- 144b
rnal 'byor byed pa la// de la phyag rgyas bsrung ba zhes su bstan// lta bas bsrung ba'i bdag nyid ni// bdag tu lta ba dang chad lta'o// de ni lta bas bsrung ba yi// rigs kyis bsdus pa'i mtshan nyid ni// rgyal po rigs dang rje rigs dang // bram ze gdol pa can gyi rigs// 'di rnams rigs kyis bsdus pa'o// bsod nams tha dad yod pas na// gdul bar bya ba tha dad dag tu bstan// des na 'khor nus mthu tha dad yod bar ngas bshad do// dpa' bo 'jigs byed chen mo lags// rgyal rigs 'khor lo gang gis gsad// 'jigs byed chen pos bka' stsal pa// dur khrod sa ni ma rungs la// maN+Dal byas la dri yis byug/ bdag nyid gcer byas dris sbags la// mdung gis phog pa'i ro ras 'jigs blangs la// yan lag rdzogs pa'i gzugs brnyan bri// snying khar 'khor lo rtsibs brgyad la// g.yas dang g.yon nas sbrul nag 'jigs pas bskor// 'khor lo phyi mo rtsa ba ni// sngags kyis brgyan la rA dza zhes pa'i ming smod la// las kyi mtha' ni de ltar 'gyur// 'khor lo las ni de lags na// grangs kyi tshad ni ji ltar lags// dpa' bos yang dag bka' stsal pa// bsnyen pa 'bum du bstan pa ste// rA dza de yis 'ching bar 'gyur// sa ma ya ha sta ma re ma na ga ya ma me rem pa/ tsi sti tsi sti khram lam ma ma trag sha/ ma ma sha thun
- 145a
ya/ sngags la brgyan gyis brtags pa 'di// 'khor lo dbus su dgod par bya// rgyal po bshang pa dri chu dang // yan lag sa la reg pa'i sa rnams la// bdud rtsis byugs la gzugs brnyan bya// gzugs brnyan khong par 'khor la gzhug/ gzugs brnyan rgyal po ka pa la ru bzhugs su gsol// kha la snying po brgya yis gdab// grub pa'i rtags rnams mthong ba dang // pra yi cho ga rtag pa gces// rtag pa'i pra de legs par mthong ba dang // bra ma seng ldeng phur pas gzir// tshil chen me la thod pa'i 'khor lo bsro// rmad du byung ba'i gtor ma mchog khyer la// dpang gsol bsgo ba 'di skad bya// dkon mchog gsum gyi thugs rje byin rlabs dang // phyag na rdo rje'i mthu stobs dang // sa bdag lha klu mthu chen dang // gang yang rigs bzhi klu tshogs dang // dmangs rigs gdon gyi bdag po dang // sa phyogs 'di na gnas pa'i lha klu rnams// rnal 'byor brnag pa mthar phyin byas pa'i phyir// gtor ma bdud rtsi mchod yon 'di long la// sdig spyod rgyal po chos khrims 'dral// khyed la gtad kyis khyed kyi bka' chad bsgo// gtad pa'i dus su bstan pa yang // gdung ba'i rA la shis par bstan// gnod byed phyag rgya rgya gram dag tu bsten// smyug gu rkang chen mchog yin te// snag tsha pho rog snying khrag ste// grub pa'i dus ni
- 145b
gtad pa kha ru 'bab// las ni zla ba bdun na'o// de yis rgyal po gdon mi za// de nas yang 'jog po 'khor bdun dang bcas pas 'jigs par byed pa la 'di skad ces gsol to// bstan pa la gnod rgyal po la/ bka' chad bsgo ba bstan lags na// rigs rnams gzhan la 'khor lo ji ltar bgyi// 'jigs par byed pas bka' stsal pa// las kyi 'khor lo so so ru// bskor ba ru ni nga yis bshad// bram ze gsad pa'i 'khor lo ji ltar lags// 'jigs byed chen pos bka' stsal pa// dug dang nim pa'i khu ba yis// dang po brgyad du bri ba ste// rim pa gnyis pa bcu drug pa// rim pa gsum pa sum cu gnyis// gdug pa klu yi lto bar bri/ kha ni lho ru bltas pa ste// sgyug gu 'jigs pa'i sgro rtsas so// dus ni nyi ma phyed na'o// 'khor lo sngags kyis ji ltar brgyan// 'jigs byed chen pos dka' stsal pa// 'khor lo dang po rtsa ba'i snying po dang / ming dang spel ba legs bkod la// rim pa gnyis pa yum dang spel// rim pa gsum pa sngags kyis brgyan// zhes gsungs so// 'khor lo legs par bskor nas ni// mtshan ma grub pa mthong ba dang // dur khrod sa dang rkang sa'i gnas sa dang // nam nangs dus na sa blangs la// rus sbal 'jigs pa'i gzugs byas la// 'khor lo de yi lto bar gzhugs// rus sbal 'khor lo bcas pa
- 146a
yang // mchod rten gnas sar gzir byas la// bram ze bstan pa la gnod dag/ nges par rigs rgyud brlag par 'gyur// bram ze rigs rnams bsad pa yi// 'khor lo bdag gis de ltar bshad// rje rigs rnams la 'khor lo ji ltar bca'// 'jigs par byed pas bka' stsal pa// ro ras 'jigs par byed pa blangs nas ni// chu bdag klu yi phyogs su kha bltas la// phur pa bzhi la yi dwags gos chen rgyang // klad khrag 'o ma phye mas mig kyang btsag/ cha bdag phyogs su kha bltas la// skra bshig gcer byas thal bas lus byugs la// rkang chen po yi pir blangs la// snag tsha 'jigs pas sbags nas ni// rje rigs rlag par byed pa yi// nag po klu yi 'khor lo bca'// ltos 'gro sbrul gyi lto ba ru// rim pa gsum ldan bri ba ni// dang po bzhi ste gnyis pa brgyad// gsum pa bcu dang drug pa'o// dang po 'khor lo bzhi pa la// rtsa ba'i sngags dang ming gis brgyan// de nas 'khor lo gnyis pa la// yum gyi snying po mchog dang ni// che ge zhes par ldan pa'o// 'khor lo rim pa tha ma la// dmod mo sngags ni so so la// mtha' ma che ge zhes pas brgyan// 'khor lo bri ba rdzogs pa dang // bskyed dang spyan drangs mchod pa rdzogs rjes la// 'khor lo bskor ba'i rim pa bya// cho ga'i yan lag rdzogs pa dang // gtad pa'i las kyi rim
- 146b
rnams bya// de yis rje rigs brlag par 'gyur// dmangs rigs dag gi 'khor lo ji ltar lags// 'jigs par byed pas bka' stsal pa// smad 'tshong ma yi pags pa la/ khrag chen po yis byugs byas la// chu bdag klu'am lho phyogs kha bltas la// rkang chen bzhi la brkyang byas te// klad khrag chen por dmig kyang btsag/ klu yi phyogs su kha bltas la// skra bshig gcer byas zhag chen lus byugs la// bya rog 'ug pa'i pir blangs la// snag tsha dug gis spangs nas ni// dmangs rigs rlag par byed pa yi// nag po klu yi 'khor lo bri// rus sbal 'jigs pa'i lto ba ru// rim pa gnyis dang ldan pa la// dang po brgyad dang gnyis pa bcu dang drug/ de la dang po 'khor lo la// rtsa ba'i sngags dang ming gi spras// de nas rim pa gnyis pa la// yum gyis snying po mchog dang yi ge ldan pa'o// mtha' ma 'khor lo mu ran la// dmod mo sngags kyis brgyan pa'o// 'khor lo bri ba rdzogs pa dang // bskyed spyan drang 'khor rdzogs rjes la// 'khor lo bskor ba'i rim pa bya// de yis dmangs rigs brlag par 'gyur// mdze nag las kyi 'khor lo rtsa ba'i rgyud las/ rigs bzhi 'khor lo'i le'u ste drug pa'o// // de nas yang 'jog pos rang gi rgyan phrag pa la gzar nas/ 'jigs par byed pa'i rgyan can la gsol pa/ phyag rgyas bsrung ba'i 'khor lo gang la
- 147a
bca'// 'jigs par byed pa'i rgyan can gyis bka' stsal pa/ dur khrod thod pa ma rungs la// 'khor lo bcas na brlag par 'gyur// zhes bka' stsal to// de nas 'khor rnams kyis dur khrod 'jigs pa'i zod chen rab blangs la// phye ste skas la khrag byugs la// 'khor lo chen po bri bar bya// bdag nyid gcer byas dris byugs la// pho mo 'khor lo legs par dbye// steng gi cha la 'khor lo ni// 'jigs pa'i rtsibs brgyad bris byas la// de yang rnga mo'i lto ba la'o// rtag pa'i cha la pho 'khor ni// 'chi bdag nyid kyis lto ba ru// rtsibs bzhi sbrul dang ldan pa'o// khrag dang nim pa sbags pas snag tsha bya// rkang pa'i pir ni rab blangs la// rtsibs dang ldan pa mdzes par bri// rtsa ba'i sngags kyis spras pa bri// dmod sngags ming dang ldan pa la// mtha' ma rgyan gyis mtha' nas brgyan// bskyed dang bstim dang mchod pa lha gnas dang // de yang khrag gis byugs la me la bsro// de nas sbrul gyi lto bar 'khor lo sba// rtog pa snying dkyil phyogs dag tu/ khyer te 'di skad bsgo ba bya// sngags kyi bdag po'i byin rlabs dang // 'khor lo 'bar ba'i gzi brjid dang / khrag 'thung rgyal po'i stobs dag dang // sa bdag lha klu mthu chen dang // gang yang rigs bzhi klu yi tshogs// nag po gdon gyi bdag po dang // ma rungs pa yi
- 147b
phyogs 'di ni// lha klu gnod sbyin mang po'i tshogs// 'khor lo las kyi stongs gdab phyir// gtor ma khrag dang bdud rtsi 'di long la// dam ldog 'di yis dam tshig sdom pa dral// 'di la brnag pa'i gdungs thob la/ khyed la gtad kyis bka' chad bsgo// gtad pa lta ba'i dmigs la'o// gnod byed phyag rgya ri rab dag tu bstan// dril ba nim pa'i shun pos dril// bcing ba sbrul lnga'i thag pas bcing // grub pa'i rtags ni glang ru 'dar ba'o// las kyi tshad ni zla ba drug na'o// de yis phyag rgya bsrung ba gdon mi za// lta bas bsrung ba bsad pa'i 'khor lo ji ltar lags// 'jigs par byed pas bka' stsal pa// lta bas bsrung ba'i 'khor lo ni// rtsa ma ra yi pags pa la// dug dang nim pa'i khu ba yis// ban glang lkugs pa'i lto ba ru// dang po bcu dang drug gis mdzes// gnyis pa sum cu rtsa gnyis so// gsum pa drug cu rtsa gnyis so// ban glang rdung ba'i lto ba ru ni bri bar bya// smyug gu sgro yi rtsa ba'o// dus ni nam phyed nyid na'o// 'khor lo sngags kyis ji ltar brgyan// 'jigs par byed pas bka' stsal pa// dang po rtsa ba'i snying po'o// gnyis pa gsang ba yum gyi'o// gsum pa dmod mo sngags nyid do// mtha' ma ming gis spras pa'o// bskyed bstim mchod pa legs byas la// 'khor lo bskor ba'i rim pa bya// cho ga rim pa
- 148a
rdzogs pa dang / smug chen khrag gis byugs byas la// dkar nag sbrul gyi zag pas bcing // nag po nyid kyi lto bar gzhug/ gtad pa'i cho ga rdzogs pa bya// rnon po mche ba'i rtse la gtad// de yis lta bas bsrung ba brlag par 'gyur// mdze nag 'khor lo rtsa ba'i rgyud las/ phyag rgyas bsrung ba dang / lta bas bcing ba bsad pa'i le'u ste bdun pa'o// // de nas yang 'jog pos rang gis rgyan phrag pa la gzar nas// 'jigs par byed pa la gsol pa/ 'khor lo bca' dang bud pa ji ltar lags// 'jigs par byed pas bka' stsal pa// 'khor lo bca' ba la rnam pa gsum ste/ bsnyen pa dang / sgrub pa dang / drag po las la sbyar ba'o// bsnyen pa la gnyis te// bsnyen pa'i rdzas dang / grangs dang // bsnyen pa'i bya thabs so// grub pa'i mtshan nyid shes byas la// sgrub pa'i mtshan ma mthong byas la// dngos grub dus tshod shes par bya// de nas las la sbyar bar bya// bdag nyid 'jigs pa'i skur bsgoms la// mi 'jigs rgyan cha rnam gsum btab la/ de nas drag po'i gnas su/ zod pa mtshan ngan rabs chad kyi thod par// 'khor lo rtsibs bcu drug pa bcug la/ sbrul nag po dang bcas pa/ khrag tu khol tsam na/ tsher ma can gyi phur pa sor bzhi pa spyi bor gdab/ 'khor lo 'dzag pa'i spyan rtad/ gnan dang gzir ba'i dus dag
- 148b
tu// dbugs dang kha rlangs phog mi bya// 'dra 'bag bsgo zhing klu chen gzir// rus sbal thod par bcug la gdung ba'i ra rtse nyid gtad/ las ni rnam pa lnga rnams te/ rgyal po a za'i thod par bri// bram ze ma ze'i thod par bri// sngags pa du ra'i thod par bri// mu stegs ga ta'i thod par bri// phal pa rigs med thod par bri// gtad pa'i las kyang rnam lnga ste// rgyal po bram ze'i rigs la'o// bram ze rje yi rigs la gtad// sngags pa gdol pa'i rigs la gtad// mu stegs rgyal rigs nyid la'o// phal pa rigs ngan rnams la gtad// rgyal rigs 'brub khung dkar por bsad// sngags pa 'brub khung nag po ru// bram ze 'brub khung nag po ste// mu stegs 'brub khug ser por ro// phal pa 'brub khung ljang khur te// gtad pa'i thabs byad 'di lta ste// lta ba'i mig dang rdung ba'i rwa// snom pa'i sna dang gcod pa'i so// snying dang lto/ ba'i gnas dag go// khru do dang ni khru lnga'o// khru gang khru gsum tshad du'o// sor bzhi mche ba'i cha nyid do// sor lnga drug pa'i tshad du sba// 'di ni gsang ba'i las dag go/ bud pa la yang rnam gnyis te// bdag nyid bya khyung sgom pa dang // sbal pa'i lto la bri ba dang // snying khar sngags ming dgod pa dang // yan lag bzhi ni brkyang ba dang // mtshon snas yan lag bcing ba dang // sna bzhi shing la phyogs bzhir brgyad pa
- 149a
dang // dkyus la mtshon lngas bcing ba dang // zhi gnas dag la 'khor lo dgod pa dang // tshil chen lus la byug pa dang // bdag nyid bya khyung sgom pa'o// yi ge ma las mdog dmar mchu smug bsam// lag pa g.yas pas bdud rtsi 'dzag par bsam// lcags kyi sbu gus gsang ba'i lam nas spu byas la// rus sbal kha ru mgo la ming gis brgyan// yar dang mar gyi mdun rgyud bri// snying khar gang gtod pa'i bla byang ngo // bdud rtsi 'dzag pa'i kha ru gtad// drag sngags bdun pa'i las byas la// gang du byed pa'i gnas su gtad// bdag nyid 'dra 'bag gzugs zhugs la// gsang ba'i sbyor ba drug po bya// yan lag drug po brgyad bcings la// gsang ba'i sngags kyis gdab byas la// grub rtags bzhi po 'byung bar 'gyur// gal te tsan dan dkar ltar 'bab 'gyur na// rgyal rigs dpa' bos las byed 'gyur// tsad dan dmar ltar 'bab 'gyur na// rje rigs gtsang mas las byed 'gyur// gur khum lta bur 'bab pa na// bram ze dag gi las byed 'gyur// khrag ltar 'bab par gyur na yang // gdol rigs 'jigs pas las byed 'gyur/ khram la gdab pa'i las rnams ni// ma la ya'i pags pa la// 'khor lo sbrul ldan 'jigs pa la// nang du ming rus mdzes par brgyan// zam pa'i sna la gtad gyur na// nges par khram la
- 149b
'debs par 'gyur// yan lag bcings pa'i las rnams ni// 'khor lo bzhi ldan sbrul gzugs 'jigs pa bri// nang du ming byang sngags kyis brgyan// bud med bcing ba'i 'khor lo'o// gang zhig smyo bar 'dod pas na// nang du 'khor lo sbrul ldan bri// phyi yi phyogs bzhir rdo rje rgya gram ste// nang du sngags kyis mtshan byas la// srang kha'i dbus su sba byas na// nges par spro dang 'bog par 'gyur// gzhan yang 'jigs par byed pa'i brgyan can gyis// grub pa'i rtags rnams bka' stsal pa// bsnyen dang sgrub dang drag po dang // grub dang ldog pa'i rtags rnams 'byung // bsnyen pa la ni dud 'gro'i tshogs// ba glang phag dang rnga mo dang / khyi dang rus sbal rkang mangs dang // sgrub pa la ni gsang ba'i rtags// mkhar phab pa dang rgya mtsho gyen bgyil// dud 'gro mang po bsgral ba dang // sbrul chen thod du bcing ba dang // sdig sbrul mang pos skad 'don dang // gzhan yang rgya mtsho hub kyis btab pa dang // skye shing rtsad nas bton pa rnams// sgrub pa grub pa'i rtags yin no// drag po grub pa'i rtags rnams ni// 'khor lo lag tu babs pa dang // ral gri mang pos gtubs pa dang // sdig sbrul mang po bltams pa dang // mtshon snas bskyed cing bcings pa dang // nags tshal mtshon gyis bcad pa ni// de ni grub rtags mchog yin te// las la yang
- 150a
ni sbyar bar bya// 'khor lo la bzlog pa'i rtags rnams ni// ban glang dmar po rus 'dar dang // sdig sbrul mang po kha gdangs dang // sbrul chen bshums shing brang brdung dang // ldog pa yin pas shes par bya// de tshe 'khor lo bzlogs pa shis// za ba'i spyod lam bstan pa ni// za ma dkar gsum yin te// sgrub pa gur kum btung ba'o// drag po gu gul dag gis bya// de tshe grub pa'i rtags byung tshe// 'jigs par byed pa'i rgyan can gyis// 'khor lo shis pa bka' stsal pa// sbrul chen gnam du gtor ba'i tshe// mi sdug thod par 'khor los las la sbyor bar shis// rus sbal nag po gnam du mchod pa'i tshe// dmod pa smos pas las la sbyar bar shis// ha ha dgod pa'i sbrul nag po// gdug pa klu yi cho 'phrul te// klu yi 'khor lo 'khrugs pa'i rtags// de tshe pho lto dkrug par shis// sbrul chen bshums shing rgya mtsho 'khrug/ mo yi 'khor lo zhig pa'i rtags yin te// de tshe mo lto dkrug pa shis par bstan// bud med dmar mo bcu khrag mthor// 'khor lo kha zhig pa'i rtags yin te// brtul zhugs btsan thabs mchog gi las la sbyar// 'jigs byed dpa' bo'i de skad gsungs// glang chen dmar po ru 'dar ba// sa bdag dpa' bos las byas pas// mi sdug pa yi thod pa la// 'khor lo bri dang bskor ba dang // rtags rnams so/
- 150b
so grub pa yis// rigs bzhi dag gi las rnams bya// zhes 'jigs par byed pas bka' stsal te// bsnyen pa'i spyod lam ji ltar lags// 'jigs par byed pas bka' stsal pa// bsnyen pa gzi brjid nyi / ma'i spyod lam ste// na sa g.yas nas sbrul chen dkar khra'i 'khor lo spros// gtan pho ba'i lus kyis gzi blangs// de yis shes pa rmongs par 'gyur// gzi brjid nyi ma'i spyod lam mo// las kyi mtshan ma'i rim pa ni// mtshan ma brtan zhing las kyi rim pa so sor shes par bya// sbrul chen ha ha rgod pa'i tshe// pho lto dkrug pa shis par bstan// sbrul chen bshums shing rgya mtshor 'bros pa'i tshe// mo lto dkrug pa'i 'khor lor gsungs// bud med dmar mo khu ba 'dzag pa'i tshe// rus sbal nyid kyi btsan thabs bya// glang chen dmar po ru 'dar kha rlangs gnam du gtor ba'i tshe// mdze nag 'khor lo rtsa ba'i rgyud las/ 'khor lo dang / btsan thabs dang / khram la gdab pa dang / 'bog pa dang / grub pa'i rtags dang / bzlog pa'i dus dang / kha zas bstan pa dang / las gang dang gang la 'khor lo gang dang gang bstan pa dang / spyod lam bstan pa'i le'u ste brgyad pa'o// // de nas yang 'jigs par byed pa'i rgyan can gyis/ pho lto dkrug pa'i 'khor lo bka' stsal pa/ shing las byas pa'i ro yi gos blangs la// mgo dgu pa yi lto ba ru// 'khor
- 151a
lo rim pa gsum pa la// dang po bzhi la gnyis pa brgyad// gsum pa bcu dang drug rnams so// dang po yum gyi rtsa sngags dkrug pa'o// gnyis pa yab kyis dkrug pa'o// gsum pa dmod sngags bzlog pa dgod// dug dang nim pas 'jug ma 'jigs par ldan pa'i 'khor lo bri/ bdag nyid gcer byas skra bshig la// lho yi phyogs su kha bltas la// zhe sdang 'khrugs pas 'khor lo bri// smyug gu chen pos bzung nas ni// dug chen po yis skrag byas la// pho lto 'jigs pa'i 'khor lo bri dang dgod par bya// mtha' mar bsgrub bya'i ming gis brgyan// de nas 'khor lo bskor ba'i rim pa bya// dang por bskyed gnyis pa spyan drang // bstim dang mchod pa'i rim pa bya// de nas gtan la phebs pa dang // 'khor lo rus sbal lto bar gzhug/ 'jig pa'i zag pa lnga pos bcing / khrag chen tshil bus sbag byas la// ro ras 'jigs pa gril bar bya// gang rtog pa'i sa phyogs su// nam gyi phyed na khyer nas ni// dpa' gsol dmod pa bor la sba ba ni// mche ba 'jigs pa'i rtse la'o// gtad pa nag po klu nyid la'o// gzir ba ri rab rtse brgyad la'o// bskyon pa 'khor lo rim gsum la'o// smod mo gsang ba'i pho lto'o// bskor ba nam gyi phyed na'o// sba ba nam gyi gung la'o// sbyin pa khrag chen gtor ma'o// rtags ni 'khor lo 'bar ba'o// spyod lam
- 151b
'jigs pa'i spyod lam mo// brdung ba rus sbal 'gros kyis so// bsgo ba nag po nyid la bya// bskor ba lkug pa'i tshad du bya// mdze nag las kyi 'khor lo rtsa ba'i rgyud las/ pho lto dkrug pa'i le'u ste dgu pa'o// // de nas yang 'jigs par byed pas bka' stsal pa// tsa ma ra yi pags pa la/ khrag dang dug gi khu ba yis// gsang ba yum gyi thugs ka ru// 'khor lo rim pa bzhi pa bri// dang po brgyad de gnyis pa bcu drug pa'o// gsum pa sum cu rtsa gnyis te// bzhi pa drug cu rtsa bzhi yin// mtha' ma rnon po sbrul gyis brgyan// dang po gsang ba'i sngags kyi brgyan// gnyis pa nye ba'i snying pos spras// gsum pa dmod mo sngags kyis so// bzhi pa dkrugs te dgod pa'o// de ltar 'khor lo 'jigs pa bri ba ni// rkang chen po yi sbu gus so// de ni bri ba'i rim pa yin// de nas yang ni bsam pa ni// rang las klu mo nag mo bsam/ khrag gis byin gyis brlab par bya// de nas spyan drangs bstim rjes la// gsang ba'i mchod pa rdzogs byas la// de nas mtshan ma mthong ba dang // gtad pa nyan pa nyid la yin// 'di yis las chen 'grub par 'gyur// mdze nag las kyi 'khor lo rtsa ba'i rgyud las/ mo lto dkrug pa'i le'u ste bcu pa'o// // de nas yang 'jigs par byed pas bka' stsal ba// spogs pa'i 'khor lo gsungs pa ni// rus
- 152a
sbal nag po'i khog pa la// 'khor lo rim pa drug par bya// dang po gsum ste gnyis pa drug/ gsum pa bcu gnyis shis pa ste// bzhi pa nyi shu rtsa bzhi'o// lnga pa bzhi bcu rtsa brgyad do// drug pa dgu bcu rtsa brgyad do// 'khor lo de rnams sngags kyis brgyan// che ge mo dang sngags spel la// mtha' ma sbrul gnyis 'jigs pas spras// bri ba khrag chen nyid kyis bya// smyug gu sgo yi rtsa ba ste// lta ba nub kyi phyogs nyid do// bsreg pa stag gi kha nyid do// lta ba dmig tu gtad par bya// bsad pa srin po'i lto bar bya// gtad pa sa yi sor drug pa'o// rdzas ni khrag chen nyid kyis so// gril ba yi dwags gos kyis so// dmod mo gsang ba'i sngags nyid do// sgo dang spogs pa gzhung bzhin bya// sngags dang dkrugs te bri ba'o// mdze nag las kyi 'khor lo rtsa ba'i rgyud las/ spogs pa las kyi le'u ste bcu gcig pa'o// // 'jigs par byed pas bka' stsal pa// btsan thabs mo yi thal ba yis// grong khyer dag tu gtor byas na// thams cad mdze yis zin pa 'gyur// ma tha'i shing la me sbar ba'i// dud bas gang la phog pa rnams// thams cad myos shing lkugs par 'gyur// mdze ta'i shing la me sbar la// ma tha dag gis bsregs pa yi// de yi du bas gang phog pa// thams cad yan lag chad par 'gyur// drag po rlung ni langs pa dang // gzas pa
- 152b
po yi phyogs dag tu// ha pra ta yi shing bsregs nas// de yi du bas phog pa rnams// thams cad mdze yis 'dzin par 'gyur// pra ti ta yi thal ba yis// gang gi lus la bskus gyur na// thams cad 'brum pa can du 'gyur// grong khyer zlog par byed pa na// gsod pa'i sngags su bstan pa yin// mdze nag las kyis 'khor lo rtsa ba'i rgyud las/ sbyin sreg gsang bas bsad pa'i le'u ste bcu gnyis pa'o// // de nas yang 'jigs par byed pas bka' stsal pa// lkugs pa'i 'khor lo gsungs pa ni// 'khor lo zlum po gcig tu bya// rgyu ni ro ras khrag can dang // ma la ya yi lpags pa'o// snag tsha dug dang nim pa'o// smyug gu rkang chen nyid kyis bya'o// sgo med nub tu bltas pa bya// de stengs mu te bcu bdun brgyan// de stengs sbrul chen kha gdengs 'khyud pa bri// sbrul gyi lto bar dgra bo'i gzugs brnyan gzhug/ bdag nyid glu chen nag por sgom// gdug pa klu yi phyag rgya bcas// gsang sngags drag po 'di nyid bzlas// oM badz+ra lo d+hi ste sa ga ku ru rtar la na ge ste/ pra mo rta na/ che ge mo yi ling ga hUM phaT/ phyag rgya 'jig pa'i gzugs la brdeg/ gsang ba'i zhag ni nyi shu rtsa lnga'o// phyag rgya 'bar ba'i thun chen no// oM badz+ra na ga traM traM/ gsang sngags nye bar mchog nyid do// oM badz+ra nA ga ta yang yang / oM badz+ra nA ga ta ya d+hi d+hI/ oM badz+ra nA ga ta hUM hUM/
- 153a
bdun tsho bar pa la 'di bzlas so// oM badz+ra nA ga ta lang lang / oM badz+ra nA ga ta ru kr-i kr-i/ oM badz+ra nA ga ta phaT phaT/ 'di ni bdun tha ma la'o// oM badz+ra ka la du du nA ga ta kha la pra ma ta nA ga le la ma ra na phaT/ ces ni bsnyen pa rdzogs pa dang // rdzas ni lta ba'i mig tu gtad// snying la tsha ba'i rims kyis thebs par 'gyur// dur khrod sol ba thal ba dang // tse ti rak+ta dug dang ka lu ka/ gang du bsres pas snag tsha bya// de yi ri mo mdzes par bri// bsnyen pa zhag ni bdun du bya// nub mo nyal ba'i dus dag tu// bzlas pa mchog la zhugs pa'i tshe// lag pa g.yon nas ri mi dgab// g.yas pa 'phreng ba chen po bzung // nam nangs pa yi dus dag tu// gtor ma chen po klu la sbyin// gtor ma dbul ba'i sngags dag ni// oM kri sna rA dza ba li gri na gri na swA hA/ mdze nag las kyi 'khor lo rtsa ba'i rgyud las/ lkug pa'i 'khor lo dang / gtor ma'i le'u ste bcu gsum pa'o// // 'jigs par byed pas bka' stsal pa// gso ba'i las su gsungs pa ni// rgyal rigs dag gis zin pa la// 'khor lo rdza rnga'i dbyibs su bya/ 'jam pa'i sngags kyis brgyan par bya// de yi lus la brgyan gyur na// rgyal rigs gdon gyis gtang bar 'gyur// rje rigs gdon gyis zin pa la// ha ra ta yi 'khor lo la// 'jam pa'i rgyan gyis brgyan pa thogs 'gyur
- 153b
na// rje rigs gdon gyis gtang bar 'gyur// bram ze gdon gyis zin pa la// ma la ta'i 'khor lo la// snying po mchog gis brgyan pa dag/ gang gis lus la thogs gyur na// bram ze gdon gyis gtang bar 'gyur// gdol ba'i rigs kyis zin pa la// a la ta'i 'khor lo la// ra yi drug pas brgyan pa dag/ gang gis lus la brgyan gyur na// gdol rigs gdon gyis gtang bar 'gyur// mdze nag las kyi 'khor lo rtsa ba'i rgyud las/ gso ba'i le'u ste bcu bzhi pa'o// // rgyud gsang ba 'di khyed rnams zung zhig/ srid pa 'khrug byed bya bar yang zung zhig/ bstan pa rgya mtsho gang na gnas par yang gnas te/ des na de thams cad rlag byed kyi rgyud 'di yang gnas par 'gyur/ rtsa ba'i rgyud 'jig rten rlag byed ces bya ba rtsa ba'i rtog pa rdzogs so// // rgya gar gyi mkhan po khrag 'thung dpal gyi zhabs dang / bod kyi ban+de pa gor bai ro tsa nas/ rkyang bu tshal du bsgyur nas// ma dros pa yi klu rnams la dam tshig byin nas/ gtsug lag khang bsrung du bcug go/ thog mar tshangs pa klu gnod kyi bskor srungs su bskos te/ yun gyi btsas su gzhag go/ u na Na rgya/ u nan rgya/ ba mar rgya/ tri par rgya/ s+thi/ a khra/ gsang ngo // gu he// /
- 154a
rgya gar skad du/ ga ru Ta ma ri ke ma ke karma tan tra/ bod skad du/ bya khyung glog 'gru'i las kyi rgyud ces bya ba/ dpal rdo rje 'chang chen po la phyag 'tshal lo// 'di skad bdag gis thos pa dus gcig na/ bcom ldan 'das byang phyogs kyi rgya mtsho chen po'i gling / sa bdag klu gnyen gyi pho brang grong khyer na 'jig rten dang 'jig rten las 'das pa'i 'khor khyung gi tshogs bsam gyis mi khyab pa dang / phyogs bcu'i 'jig rten las kyi khyud bsam gyis mi khyab pa dang thabs cig tu bzhugs so// de nas gnod sbyin gyi ded dpon lag na rdo rjes/ bcom ldan 'das la 'di skad ces gsol te/ bcom ldan 'das 'jig rten khams na/ gnod sbyin gyi gdug pas zin pa'i shin tu sdug bsngal bar gyur pa la/ las gang dang gang gis phan gdags pa bshad du gsol// bcom ldan 'das kyis bka' stsal pa/ lag na rdo rje nyon cig/ yi dwags kyi gdug pas shin tu nyon mongs par gyur pa'i sems can ni bsam gyis mi khyab kyang / phan gdags pa'i cho ga khyung gi las brgya rtsa brgyad bstan gyis/ lag na rdo rje yid la bzung la nyon cig/ khams gsum gyi sems can ni// sdug bsngal brgya dang gsum gyis btsas pa 'di dag/ srid pa'i 'khor lor yang nas yang du 'khor ba/ rnam par rtog pa las byung ba'i bgegs kyis dus thams cad gtse
- 154b
ba rtogs pa'i nad dang rgyun du mi 'bral ba las las byung ba'i rkyen gyis dus med du gtse ba las bzlog pa'i cho ga bstan par bya'o// zhes bka' stsal nas/ bcom ldan 'das kyis gdug pa can thams cad 'joms pa zhes bya ba'i ting nge 'dzin la snyoms par zhugs nas/ dbu'i gtsug gnas 'od zer rnam pa lnga byung ste/ steng gi phyogs su 'od zer 'phros pas/ steng gi phyogs kyi sems can thams cad gdon gyis zin pa'i sdug bsngal ba thams cad las grol bar gyur to// ljags kyi rtse mo la 'od zer kha dog lnga dang ldan pa sngags kyi yig 'brur 'phros pa/ bar snang khams kyi sems can gdon gyis zin pa'i sdug bsngal thams cad las grol bar gyur to// zhabs kyi mthe bong g.yas pa las khyud bsam gyis mi khyab pa bton te/ 'og gi phyogs su 'phros pas/ sa bdag klu gnyen gyi gdon gyis zin pa'i sdug bsngal ba thams cad las grol bar gyur to// de ltar sems can thams cad sdug bsngal las thar par gyur pa/ lag na rdo rje la sogs pa'i 'khor thams cad mthong nas/ shin tu ngo mtshar bar gyur te/ bcom ldan 'das la 'di skad ces ngo mtshar bas bstod do// e ma'o byams mgon thugs rje can// sems can nyon mongs pa rnams la// thugs rje'i nyi ma rab tu shar// rtog pa 'joms mdzad phyag 'tshal bstod// e ma
- 155a
rmad byung ya mtshan dbu// 'od zer rnam lnga rab tu shar// gdug pa'i nad rnams kun tu byung // sems can bder 'grol ngo mtshar bstod// bcom ldan ljags kyi pad+ma las// 'od zer drag po'i sngags 'phros pas// gdug pa'i tshogs rnams kun tu bcom// thugs rje nyid 'od bstod phyag 'tshal// bcom ldan zhabs g.yas mthe bong las// bsam gyis mi khyab khyung bton te// sa bdag klu yi gdug pa bcom// bde la dgod mdzad phyag 'tshal bstod// e ma'o byams mgon thugs rje can// gdug pa'i nad las kun grol mdzad// gzhan don 'ba' zhig mi skyo ba'i// nyi ltar snyoms la phyag 'tshal bstod// ces 'khor rnams kyis bstod do// gdug pa las grol ba'i sems can rnams me tog la sogs pa'i mchod pa rnam pa sna tshogs kyis/ bcom ldan 'das la mchod cing bstod pa/ e ma'o thugs rje chen po'i bdag/ thugs rje thugs kyi dkyil 'khor nas// yang dag ye shes 'od 'phros pas// bdag dang nyon mongs sdug bsngal bcom// ye shes zer gyis rnam rtog bsregs// thugs rje nyi ma'i 'od bzhin shar// 'gro don mdzad la phyag 'tshal bstod// byams pa'i chu bo'i rgyun bzhin du// sems can kun la 'bab par mdzad// snying rje dga' ba btang snyoms kyi// 'gro ba'i don rnams rtag tu mdzad// thugs rje che
- 155b
la phyag 'tshal bstod// ces bcom ldan 'das la mngon par bstod nas/ 'khor du 'khod par gyur to// gleng gzhi'i le'u ste dang po'o// // de nas lag na rdo rjes/ bcom ldan 'das la 'di skad ces gsol to// bcom ldan 'das las kyi bya ba'i rim pa bka' stsal du gsol// de nas bcom ldan 'das kyis bka' stsal pa/ lag na rdo rje nyon cig/ ngas khyung gi las brgya rtsa brgyad bstan par bya'o// sku'i dkyil 'khor dang / gsung gi dkyil 'khor dang // thugs kyi dkyil 'khor ste/ dkyil 'khor rnam pa gsum gyi las brgya rtsa brgyad kyi gzhi gzung bar bya'o// de la gsung gi dkyil 'khor ni 'di dag go/ oM badz+ra ga ru Ta huM/ oM bud+d+ha ga ru Ta hUM/ oM badz+ra rat+na ga ru Ta traM/ oM pad+ma ga ru Ta hri/ oM karma ga ru Ta a/ ga ru Ta yak+Sha/ ga ru Ta ya ma/ ga ru Ta hU lu/ ga ru Da tsin da/ e puSh+pa ga ru Ta/ bam rdza pa ga ru Ta/ ma A lo ke ga ru Ta/ ya gan d+he ga ru Ta/ dza ga ru Ta/ hUM ga ru Ta/ baM ga ru Ta/ ho ga ru Ta/ zhes bya ba ni/ gsung gi dkyil 'khor ro// de nas sku yi dkyil 'khor ni// 'khor lo rtsibs bzhi dkyil 'khor la// gru chad par khyams sgo bzhir ldan// rta bas rol mo kun gyis brgyan// sna tshogs rgyan gyis rab tu brgyan// der ni sku ni rab tu bskyed// dbus su rdo rje khyung chen ni// shar du 'khor lo khyung chen te// lhor ni rin chen khyung chen
- 156a
te// nub tu pad+ma'i khyung chen no// byang du las kyi khyung chen te// phyogs bzhi dbus dang lnga la'o// dbus su rdo rje khyung chen ni// shar du gnod sbyin khyung chen te// lhor ni gshin rje khyung chen no// nub tu dbang mchog khyung chen te// byang du khro rgyal khyung chen no// shar lhor me tog khyung chen te// lho nub bdug spos khyung chen no// nub byang mar me'i khyung chen te// byang shar dri chu'i khyung chen no// shar tu lcags kyu'i khyung chen te// lhor ni zhags pa'i khyung chen no// nub tu khyung chen lcags sgrog ste// byang du khyung chen ral gri'o// de ltar khyams dang sgo rnams su// khyung chen rnams ni bskyed par bya'o// oM dang hUM dang traM dang hri// a ste gtso bo rnams bskyed do// e baM ma yA bzhi las ni// khyung chen ma bzhi bskyed par bya// hUM dang swa dang hri dang ha// phyogs kyi khyung chen bskyed par bya// dzaHhUM baM ho bzhi las ni// sgo yi khyung chen rab tu bskyed// so so'i kha dog rnam bzhi ni// dkar po ser po dmar po dang // dmar po ljang khu'i mdog tu 'ong // gtso bo rnams kyi phyag mtshan ni// rdo rje 'khor lo rin chen dang // pad+ma ral gri bsnams pa'o// mtshams kyi khyung chen mo rnams ni// me tog bdug spos mar me dang // dri chab phyag na bsnams pa'o// phyogs kyi khyung chen bzhi rnams ni// dkar po sngon po dmar po dang // ljang khu dag gi mdog
- 156b
tu'o// khyung gi ma bzhi sgo ba yang // sku mdog de bzhin shes par bya// ske tshe ka ra bI ra dang // bal po se'u dang bse'i lcags rnams// sgo yi phyogs ni thams cad du// lcags kyu zhags pa lcags sgrog dang // ral gri phyag na bsnams pa'o// de dag sku yi dkyil 'khor ro// thugs kyi dkyil 'khor bstan par bya// so so'i lha rnams phyag rgya ste// sa ma ya s+t+waM zhes brjod la// sor mo phan tshun bsnol byas la// gung mo gnyis bshibs gyen du bsgrengs/ mthe bong mthe'u chung phyogs su brkyang // rdo rje khyung chen phyag rgya yin// rdo rje thal mo rgyab sprad de// mdzub mo mthe'u chung bsnol byas la// sor mo lhag ma kun gtor la// khyung chen 'khor lo'i phyag rgya yin// sor mo phan tshun bsnol ba las// gung mo gnyis gshibs gyen du bsgreng // mdzub mo gnyis ni glo ru gzugs// rin chen khyung chen phyag rgya yin// sor mo phan tshun bsnol ba las// sor mo rnams kyi kha 'byed pa// pad+ma'i khyung chen phyag rgya yin// sor mo phan tshun bsnol ba las// gung mo gnyis po gyen du bsgreng // khyung chen ral gri'i phyag rgya yin// sor mo phan tshun bsnol ba las// me tog 'dzin pa'i tshul byed pa// khyung chen me tog phyag rgya yin// sor mo phan tshun bsnol ba las// bdug spos 'degs pa'i tshul byed pa// khyung chen bdug spos phyag rgya yin// sor mo phan
- 157a
tshun bsnol ba las// mar me 'deg pa'i tshul byas pa// khyung chen mar me'i phyag rgya yin// sor mo phan tshun bsnol ba las// dung por 'dzin pa'i tshul byas pa// khyung chen dri yi phyag rgya yin// sor mo phan tshun bsnol ba las// rdo rje 'dzin pa'i tshul byed pa// gnod sbyin khyung chen phyag rgya yin// rdo rje lag pa g.yon pa yin// g.yas pa'i 'khrig ma bzung nas ni// gshin rje khyung gi phyag rgya yin// sor mo pad+ma'i tshul byed pa// dbang gi khyung chen phyag rgya yin// mthe'u chung lu gu rgyud bsnol zhing // g.yas kyi sor mo brkyang byas pa// khyung chen ral gri'i phyag rgya yin// mdzub gnyis lcags kyu ltar byas la// khyung chen lcags kyu'i phyag rgya yin// lag 'khrig gnyis bsnol bzhag pa ltar// byas te 'dren pa'i tshul byed pa// khyung chen zhags pa'i phyag rgya yin// mtheb mdzub gnyis ni lu gu rgyud// lcags sgrog khyung chen phyag rgya yin// lag g.yas gung mo bsgreng byas pa// khyung chen 'bebs byed phyag rgya yin// rdo rje khu tshur gnyis bcings pa// las kyi phyag rgya shes par bya// so so'i sngags rnams brjod pa ni// chos kyi phyag rgyar shes par bya// de dag thams cad ldan par ni// phyag rgya chen por rab tu brjod// sku gsung thugs kyi dkyil 'khor gyis// gdug pa ma lus sgrol bar byed// sku gsung thugs kyi le'u ste gnyis pa'o// // de nas
- 157b
lag na rdo rjes bcom ldan 'das la 'di skad ces gsol to// bcom ldan 'das sku gsung thugs kyi dkyil 'khor gyi mchod pa'i rim pa bshad du gsol/ bcom ldan 'das kyis bka' stsal pa/ sku gsung thugs kyi dkyil 'khor gyi// cho ga'i rim pa ngas bshad kyis// mchod pa rgya cher bya ba dang // bsnyen cing bsgrub par bya ba'o// dang por sa ni bzungs byas te// sems kyi dbang dang rdzogs sangs rgyas// yid mthun pa ni bzung ba'o// sems bzungs pa de byin gyis brlabs// byin brlab rnam pa gnyis yin te// chos kyi dbyings su byin brlabs dang // sku la gzungs su byin brlabs pa'o// chos kyi dbyings su byin brlabs pa// sngags dang phyag rgya 'di yis brlabs// oM d+harma d+ha du swa b+hA wa At+ma ko&haM/ zhes brjod cing lag pa thal mo khong stong du sbyar la/ sa gzhi thams cad chos kyi dbyings su rang bzhin rnam par dag par byin gyis brlabs pa'o// lag pa thal mo so sor bkyed la/ oM rU pa kA ya pre tIts+tsha baM// zhes brjod pas sgyu ma'i gzugs su byin gyis brlabs so// de ltar sa gzhi byin gyis brlabs so// yon chab me tog bdug spos dang // mar me dri chab la sogs pas mchod// de nas sa yi lha mo la// spyan btang mchod pa gzhung bzhin bya// de nas dngos grub nod pa'i phyir// bsnyen par bya ba'i lha rnams
- 158a
la// dbang bskur dngos grub blang bar bya// sta gon la sogs cho ga bya// gzhung dang mthun pa'i rdzas rnams kyis// lha rnams la ni rab tu mchod// dngos grub rab 'bring gang thos pa'i// ltas kyang tshul bzhin blta bar bya// de nas dkyil 'khor chen po yi// mchod pa la ni rab tu 'jug/ sna tshogs dri yis chag chag gdab// 'jig rten 'das pa'i lha rnams la// sna tshogs dri yi thig le bya// 'jig rten pa yi gdug pa'i don rnams ni// spos dang sman gyi thig le bya// de ni thig le'i lha rnams la// mchod pa rnams kyis tshul bzhin mchod// tshon sna lnga dag thig skud ni/ khyung chen lngar ni byin gyis brlabs// rang bzhin thig ni nam mkha' la// btab ste dkyil 'khor byin brlab bo// gzugs brnyan thig ni maN+Dal la// brten te dkyil 'khor bri bar bya/ khru bzhi pa'am brgyad dag gis// dkyil 'khor byas te tshangs thig gdab// slob dpon shar lta slob ma ni// nub tu bltas te thig gdab bo// slob dpon lhor bstas slob ma ni// byang du bltas te gnyis pa gdab// tshangs thig ni tshad dag gis// zur bzhi dag ni rab btsal na// de nas phyogs kyi thig rnams gdab// cha chen bcu drug dag tu bgo/ re re'ang bzhi bzhir bgo bar bya// dbus su 'khor lo rtsibs bzhi la// phyi rol khyams kyi bsnam bu bya// de yi phyi/
- 158b
rol sgo bzhi ni// rgyan dang ldan par bya ba'o// thig gi cho ga de ltar bshad// de nas tshon gyi cho ga ni// gzhung dang ldan par bya ba ste// dpa' bo 'bru lnga'i yi ge yis// tshon sna lnga ni byin gyis brlabs// byin brlabs tshon ni rab tu dgye// dkar po la sogs rim pa yang // gzhung bzhin du ni dgye ba yin// tshon bkye dkyil 'khor bzhugs gsol nas// de ni mchod pa'i rdzas rnams te// yon chab la sogs rdzas rnams dang // mchod pa 'byor tshogs gyur pa rnams// dbul bya'i phyir ni bsag pa yin// gtso bo khyung chen lha rnams la// gdug pa'i gdon bgegs gang yin pa// ming dang gzugs su bcas pa yi// gtor ma dag ni dbul bar bya// me tog la sogs mchod pa ni// khyung gi lha mo rnams la dbul// sa bdag klu gnyen gzugs byas pa'i// gtor ma phyogs kyi khyud la dbul// zhal zas sna tshogs gtor ma ni// sgo ba'i khyung la dbul bar bya// sha sna sna tshogs gtor ma ni// gnod sbyin tshogs la dbul bar bya// zhal zas dkar gsum 'tshogs pa la// klu sman sna tshogs btab pa ni// gtor ma sa bdag klu la sbyin// zhal zas sna tshogs bsregs byas la// dri za'i tshogs la mchod pa bzhin// de ltar mchod pa'i rdzas rnams ni// tshangs par gyur pa'i mchod pa dbul// rnal 'byor khro bo chen po'i lus// thugs kar yi ge hUM las
- 159a
ni// 'od zer phyogs bcu kun tu 'phros// bar chod bgegs rnams thams cad bsal// rdo rje ra ba dra ba dang // rdo rje gur du gyur pa yis// bar gcod bgegs rnams tshar gcod 'gyur// de dbus dkyil 'khor chen po ni// bsdus de mchod pa dbul bar bya// de nas lha rnams dkyil 'khor ni// bskyed de mchod pa rgyas par dbul// rang byung sngags ni 'di dag gis// dkyil 'khor rim pa tshul bzhin bskyed// oM shU n+ya ta dz+nyA na badz+ra swa b+hA wa At+ma ko&haM/ de yis rang bzhin rnam dag bsgom// yaM raM baM laM s+t+waM b+h+yAM tsakra zhes brjod pas// 'byung ba'i dkyil 'khor ri rab bcas// 'khor lo dag dang ldan pa bsgom// 'khor lo rtsibs bzhi lte ba ni// hUM las gnam lcags rdo rje mchu// gshog pa rdo rjes bltams pas 'gengs// 'jig rten khams kun g.yog par bkab// klu gnyen la sogs gdug pa 'dul// de ltar khyung chen sku ni bsgom// shar du 'khor lo khyung chen te// mchu dang gshog pa 'khor lo la// sder mo 'khor lo'i rang bzhin la// gdug pa la sogs sgrol byed bsgom// lhor ni rin chen khyung chen te// mchu gshog rin chen 'bar ba la// gshog pas 'jig rten khams kun yog par bkab// gdug pa'i tshogs rnams ma lus sgrol// nub tu pad+ma'i khyung chen te// mchu gshog pad+ma'i ge sar bcas// 'jig rten khams
- 159b
kun g.yog par bkab// gdon tshogs gdug pa ma lus 'joms// de ltar sku ni rab tu bskyed// byang phyogs ral gri'i khyung chen te// mchu gshog ral gris gtams pa ni// 'jig rten khams ni g.yog par bkab// gdug pa'i tshogs rnams rtsad nas gcod// de lta'i khyung ni rab tu bskyed// khyung chen lnga po 'di dag ni// dug lnga rtsad gcod khyung chen te// khyung chen rigs lnga bsgom pa yin// shar lhor khyung chen me tog spyan// rdo rje cig 'gre mchu 'dar ma// rdo rje phra mo gshog sbubs can// de lta'i sku ni rab tu bskyed// lho nub khrung chen bdug spos spyan// mchu ni rin chen 'bar ba'i mchu// gshog pa rin chen zur gyi bltams// de lha'i sku ni rab tu bskyed// nub byang khyung chen mar me'i spyan// mchu ni pad+ma rA ga la// mchu gshog 'dab brgyad ge sar bltams// de lta'i sku ni rab tu bskyed// byang shar khyung chen dri yi spyan// mchu ni ral gri'i mchu snang zhing // gshog pa ral gri rtse gsum bltams// de lta'i sku ni rab bskyed nas// shar phyogs gnod sbyin khyung chen ni// mchu gshog rdo rje bltams pa gdengs// 'byung po'i tshogs rnams kun 'dul ba// de lta'i sku ni rab tu bskyed// lho phyogs gshin rje'i khyung chen ni// mchu gshog rdo rje dbyug tos bltams// gshin rje gdug pa'i gdon tshogs 'dul// de lta'i sku ni rab tu bskyed// nub phyogs
- 160a
dbang gi khyung chen ni// mchu gshog pad+ma'i spu gris bltams// klu rgyal gdon tshegs 'dul bar byed// de lta'i sku ni rab tu bskyed// byang phyogs khro bo'i khyung chen ni// mchu gshog ral gri rtse lngas bltams// dreg pa'i gdon tshogs gdul bar byed// de lha'i sku ni rab tu bskyed// shar sgor khyung chen lcags kyu ste// mchu yang rdo rje lcags kyu'i mchu// gshog pa rdo rje bltams pas gdengs// gdug pa'i gdon tshogs 'gugs par byed// de lta'i sku ni rab tu bskyed// lho sgor khyung chen zhags pa ste// mchu yang rdo rje zhags pa'i chu// gshog pa zhags pas bltams pas gdengs// gdug pa'i gdon tshegs 'dren par byed// de lta'i sku ni rab tu bskyed// nub tu khyung chen lcags sgrog ste// mchu yang rdo rje lcags sgrog ste// gshog pa rdo rje lcags sgrog bltams// gdug pa'i tshogs rnams 'ching bar mdzad// de lta'i sku ni rab tu bskyed// byang sgor khyung chen ral gri ste// mchu yang gnam lcags ral gri mchu// gshog pa ral gris bltams pas gdengs// gdug pa'i tshogs rnams rtsad gcod mdzad// de lha'i sku ni rab tu bskyed// khyung chen dkyil 'khor rdzogs pa dang // phyi rol sprul pa'i khyung dag ni// bya khyung khros pas sna tshogs te// shin tu gsod la dga' ba'o// yang cig sprul pa'i khyung rnams ni// khros te khyung gi char 'bab
- 160b
pa'i// bsam gyis mi khyab khyung bsgom mo// de lta'i dkyil 'khor bskyed pa la// yon chab la sogs mchod pa ni// sngags 'di dag gis dbul bar bya// oM a mri ta srad pU dza ga ru Ta pU tsa kha hi/ oM pUSh+pa pA tsa meg+ha sa ga ru Da pU tsa kha hi/ oM d+hu bA pA tsa me g+ha sa ga ru Na pA tsa khA hi/ oM A lo ka pU tsa me g+ha sa ga ru Da pU tsa khA hi/ oM gan d+ha pU tsa me ga sa ga ru Da pu tsa khA hi/ oM ba li ta me g+ha sa ga ru Da pA tsa me khA hi/ oM a ka ro mu khaM sarba d+harmA NAM a d+ya nud pan+d+ha tAd khA hi khA hi/ zhes brjod de gtor ma la sogs pa rgyas par dbul lo// mchod pa'i le'u ste gsum pa'o// // de nas dkyil 'khor lha rnams la// 'di dag gis bstod pa'o// gdug pa ma lus kun 'dul ba// mthu stobs dpal ldan rdo rje phyag/ bya khyung nyid du sku sprul nas// gdug pa ma lus kun 'dul mdzad// gang gis gang la 'dul ba yin// de dag de yi skur ni ston// bde gshegs mdzad spyod rdzogs mdzad pa// thugs rje can la phyag 'tshal bstod// zhe sdang gdug pa kun 'dul ba// rdo rje bya khyung chen po ste// zhe sdang rtsad nas gcod mdzad pa// sgo gsum btud de phyag 'tshal bstod// gti mug tshogs rnams kun 'joms pa'i// 'khor lo khyung chen drag po ste// thams cad dbyings su sgrol mdzad pa// skye shi rtsad gcod phyag 'tshal bstod// nga rgyal dregs pa kun 'joms
- 161a
pa// rin chen khyung chen drag po ste// mi gnyis dbyings su sgrol mdzad pa// thugs rje'i bdag la phyag 'tshal bstod// 'dod chags rtsad nas gcod mdzad pa// pad+ma khyung chen drag po ste// thams cad mnyam pa nyid du sbyor// 'gro don mdzad la phyag 'tshal bstod// phrag dog ma lus rtsad gcod pa'i// ral gri khyung chen drag po ste// thams cad sgrol ba'i las la brtson// so so 'phrin las rdzogs mdzad pa// 'khor ba rtsad gcod phyag 'tshal bstod// dug lnga rtsad gcod khyung chen lnga// so so rigs kyi sku'i thugs dam skongs// 'gro ba'i don la brtag brtson mdzad// thugs rje can la phyag 'tshal bstod// me tog khyung chen bdug spos khyung // mar me khyung chen dri yi khyung // bde gshegs thugs dam skong mdzad pa// sgo gsum dang bas phyag 'tshal bston// phyogs kyi bgegs rnams tshar gcod pa// gnod sbyin khyung chen dang ni gshin rje'i khyung // dbang gi khyung dang las kyi khyung / khro chen khyung la phyag 'tshal bstod// 'gugs byed lcags kyu'i khyung chen dang // 'dren byed zhags pa'i khyung chen dang // sdom byed lcags sgrog/ khyung chen dang // 'bebs byed las kyi khyud la bstod// 'gro ba'i don la myur don mdzod/ khyung gi char chen rab tu 'bebs// nad pa rnams kyi sman gyi mchog/ sdug bsngal sgrol la phyag 'tshal bstod// yang sbrul khyud
- 161b
ni thog ltar drag/ zas su klu gnyen thams cad za// yul mkhar gnas su bcas pa yang // skad cig tsam la za bar byed// sku sbrul tshogs la phyag 'tshal bstod// bstod pa'i le'u ste bzhi pa'o// // de nas lag na rdo rjes/ bcom ldan 'das la 'di skad ces gsol to// bcom ldan 'das bya khyung gi las brgya rtsa brgyad gang lags bshad du gsol/ bcom ldan 'das kyis bka' stsal pa// lag na rdo rje nyon cig/ khams gsum gyi sems can thams cad la gtse ba gdul ba'i thabs/ bsgrub par gcad pa ngas bstan par bya'o// nad bzhi brgya las gyur pa rnams ni/ sman gyis gso bar bya'o// gnod sbyin gyis zin pa rnams la ni/ sna tshogs thabs kyis gso bar bya'o// las kyi nad kyis zin pa rnams ni// dge sbyor la brtson par bya'o// sems kyi phung po la nad gzhi chen po gsum 'dud pa'i nad dang bzhis gtsos pas// nad bzhi brgya rtsa bzhi rgyas par byed pa/ nad bzhi brgya rtsa bzhi'i gnyen por/ sman bzhi brgya rtsa bzhi po// nad gzhi ldang ba'i dus ni/ dus chen po bzhi'o// dpyid zla gsum gyi dus ni bad kan gyi nad ldang ngo ngo// dbyar zla gsum gyi dus ni rlung gi nad ldang ngo // ston zla gsum gyi dus na ni mkhris pa'i nad ldang ngo // dgun zla gsum la 'du ba'i nad ldang ngo // bad kan gyi kha zas ni rtsub pa'o// rlung gi kha zas ni snum
- 162a
pa'o// mkhris pa dang khrag nad kyi kha zas ni sbyar ba dang kha ba'o// 'du ba'i nad kyi kha zas ni cha mnyam par gyur pa'o// bad kan gyi nad kyis zin pa la ni/ gzhi khrus kyis bcos par bya'o// bad kan gsar du zhugs pa nas ma zhu bar na ba la ni/ pho ba 'dril zhing na ste 'khru ba la ni/ rdo dugs dang / chu tshan dang / khron bu'i sman mar gtang bar bya'o// bad kan ma zhu ba rnying pa rkyen gyis gser du na ba skyug / bro zhing / kha zas yid khar mi 'ong zhing / khong pa klong zhing rna ba la ni/ bad kan gyi mtsho dang pho ba'i kha la me rtsa gdab bo// des ma thub par gyur na/ khron bu dang / dong kha dang / a ru ra dang gsum cha bsnyams te/ chu bsros pa'i nang du blug ste/ blud pas 'dren bshal du 'gyur ro// rkang pa nas ral ma'i dugs bya'o// gzhug ma nas rdo'i dugs bya'o// mgo bo nas yos kyi dugs bya'o// des ni bad kan smug po'i nad rnams sel bar 'gyur ro// bad kan gyis lus gyong zhing / dang ka mi bde ba dang / lus rtsub par gyur pa la ni/ bca' sga dang / sran ma dkar po'i zug pa dang / bra'o chang btang na sel bar 'gyur ro// bad kan gyis de gdong du lung pa/ rkang lag 'jig pa la ni/ 'o ma dang / sbrang rtsi dang / bca' lga gsum btang bas sel bar 'gyur ro// spyir bad kan gyi nad kyi sman gyi mchog ni/ lga dang dug gis
- 162b
bya'o// bad kan gyi nad bcos pa'i thabs te dang po'o// // rlung nad kyis mgo 'khor zhing mig gis mi mthong ba la ni/ mgo la snum mnan bya zhing / zhun mar sha'i drod tsam bal ye'u yis sna dang rna ba nas btsir bar bya'o// mgo 'khor zhing skyug bro ba la ni/ spyi bo'i gtsug nas 'tshogs mar mtsho gsum btsal bar/ me btsa' gdab par bya'o// rlung nad khong pa 'khrog cing pho log tu na ba la ni/ 'bras bu gsum gyi sman mar gyis sku byug bya ba dang / 'jam rtsi btang ba dang / lto stong la sman thun re gtang bar bya'o// tsha ba'i rlung dag ni mar dang 'bras bu gsum gyi sman dag gis sel bar 'gyur ro// rlung gis gdong skrangs shing / rma dang ser ka mi sos pa la sha bkra dang sha ro mi sos pa ni/ 'jam krus gtang bar bya'o// btsan dug gi sman mar dang chu brgyab pas sel bar 'gyur ro// rlung mkhris nad kyis mig ser por gyur pa dang / gzer zhing na ba la ni/ rgya tshugs dang snum bsres pa'i mnyes pas 'tsho bar 'gyur ro// rlung gis gnyid mi phebs shing snying mi dga' la 'phyo ba la ni/ srog gi rlung yin te/ tshigs pa lnga la me btsa' gdab par bya'o// snying kar snum bskus zhing mnyes pas kyang sel bar 'gyur ro// rlung nad kyis rkang lag rengs shing chu rgyus na ba la ni/ sku byug rgyun du byas na sel bar 'gyur ro// rlung nad kyis sha bskams
- 163a
shing mdog sngon por song ba la ni/ dbyar zla gsum la 'jam rtsi gtang bas sel bar 'gyur ro// rlung nad sel ba ste gnyis pa'o// // mkhris pa'i nad sel ba ni/ tshwa dang ltar bu dang sbrang la gtang bas/ sha rtsi ser por song ba dang / mig ser por song ba dang / mkhris pa skyug pa la phan par 'gyur ro// mkhris nad kyis brang tsha zhing na ba dang / mkhris thog tu gzer ba dang / pi pi ling dang / na le sham dang / bca' sga dang / chang skyur dang sbyar te 'thungs pas sel bar 'gyur ro// mkhris pa'i nad kyis lus la dreg pa chags shing mchin pa ltung snyam byed pa dang / dran pa mi gsal bar gyur pa las/ tshigs pa bdun pa'i g.yon phyogs su mtshon gang gzhal ba'i sar me btsa' btab pas 'tsho bar 'gyur ro// mkhris pa'i nad bcod pa'i thabs te gsum pa'o// / khrag gi nad kyis mgo bo gzer zhing na ba la/ 'tshogs mar gtar kha byas pas 'tsho bar 'gyur ro// khrag nad kyis stod gzer zhing na ba dang lag pa sbrid pa la ni/ chu grang mo grod par blug la bdug pa dang / tig ta dang rgun ma'i lo ma sbyar ba'i thang btang bas sel bar 'gyur ro// khrag nad kyis rkang lag mi theg par sbrid cing na ba dang / lus lci zhing na ba ni/ zho dang / ka ra dang / star ka dang / rgyam tsha dang sbyar te gtang bas sel bar 'gyur ro// khrag nad
- 163b
pho log tu na zhing gzer zug che ba la ni/ long rtsa gtar ba dang / rdo grang dang / chu grang gis dugs bya'o// de ltar byas pas nad sel bar 'gyur ro// khrag nad gso ba'i thabs yin te bzhi pa'o// // 'du ba'i nad gso ba'i ni rlung dang mkhris pa 'dus pas/ lus stod smad du chad cing na ba dang / rna ba gzer ba dang / mgo 'khor ba la ni ra sha dang / zho dang / ka ra dang / sbrang cha snyam pa gtang bas sel bar 'gyur ro// rlung dang bad kan du bsdongs nas kha gdong skya rdob tu skrangs pa dang / rna ba 'on pa dang / snying 'dar ba la ni/ bca' lga dang / dbyi mong dang / pi pi ling dang / na le sham mar dang sbyar ba gtang bas sel ba 'gyur ro// rlung dang bad kan bsdongs pas/ grang zhing pho ba na ba la ni/ ltogs pas khong pa na ba dang / rtsib thog tu gzer zhing na ba la ni/ zas bcud can bza' ba dang / tsha ba gsum dang / rdo tshan gyi dugs kyis sel bar 'gyur ro// rlung dang / bad kan dang / khrag tu bsdoms pas snying 'phyo ba dang / rgyu ma gzer ba dang / gre ba 'dzer kyen na ba dang / rkang mi bde ba la ni/ skyor gong gi rtsa gtar ba dang / lha'i thang btang ba dang / 'bras bu gsum gyi sman mar gtang bas sel bar 'gyur ro// khrag nad shas che ba la ni/ grang ba'i sman gtang bar bya'o// bad kan rlung shas che ba la ni/ dros sman shas cher gtang bar
- 164a
bya'o// khrag mkhris shas che ba ni/ bsil ba'i sman gtang ngo // nad bzhi cha mnyam pa la ni/ sman yang cha mnyam pa gtang ngo // nad bzhi rnams kyi brtag pa ni/ rtsa dang / chu dang / lus kyis brtag par bya'o// 'du ba'i nad gso thabs te lnga pa'o// // nad bzhis sems can gtses pa rnams la/ sman gyis gsos pas 'byang ba ste/ de'i phyir sman ni rten pa las// sems can rnams kyi don du// dang po nad gzhi brtag pa dang // bar du sman gyi sbyor ba dang // tha mar sman gyi lo bsrungs dang // zas kyi sbyor ba bya ba dag/ sman pas nyams su blang ba ni// nad gzhi las ni gang gyur ba// le lo med par gso ba'o// 'on tang nad kyi sdug bsngal zhi// nad gzhi brtag pa'i le'u ste lnga pa'o// // de nas gdon gyis gtse ba la// thabs kyi rim pa 'di dag gis// btul te sems can bde la 'god// gnod sbyin dregs pas zin pa la// sdig med sha ni sna tshogs la// gtor ma rnam pa lnga byas te// phyogs bzhi dbus dang lngar bzhag nas// sngags 'dis byin gyis brlabs te dbul// oM badz+ra yak+Sha ba lin ta khA hi/ zhes brgya rtsa brgyad bzlas te/ phyogs bzhi dbus dang lngar gtor na// gnod sbyin gyi ni gdug pa zhi bar 'gyur ro// des kyang 'dul bar ma gyur na/ bdag nyid rdo rje bya khyung chen por bsgoms byas te/ kha nas ral gri dang /
- 164b
'khor lo dang / mdung thung dang / rdo rje dang / rin po che zur brgyad pa dang / pad+ma'i 'khor lo dang / kam pa la srog gi 'khor lo rnams byung ste/ gnod sbyin la mtshon cha'i char bab pas zhi bar 'gyur ro// gnod sbyin 'dul ba'i thabs te drug pa'o// // gnod sbyin la 'phrin las bcol ba ni/ gang 'dod par bya ba de'i ming bris la/ las kyi khyung chen po'i mgul tu btags te/ sngags 'di btab na gnod sbyin gyi tshogs thams cad las myur du byed par 'gyur ro// oM yak+ka karma na ma ma ra ya dza dza shar b+h+yo b+h+yo/ zhes brjod pas/ gang la bsgo ba'i las byed par 'gyur ro// srod dang zo rangs la mi tshig gis bar mchod par sngags 'di la brtson par bya'o// sngags 'dis skrangs blo la 'debs pa'i dus su/ mtsho'i khu ba dang bsnam la bzlas te gdab par bya'o// gdon gyis gtse ba la ni nyungs kar dang / ske tshe dang / dug tu bsres pa la bzlas pas gdab par bya/ dgra gsad par bya ba'i dus ni/ dgra'i phyi sa dang rkang rjes la gzugs byas te/ snying kha nas khyung gi sder mos bzung ste/ sngags 'bum bzlas te/ snying gas nas 'chi bar 'gyur ro// gnod sprin la 'phrin las bcol ba'i thabs te bdun pa'o// // 'byung po'i nad kyis zin pa la ni/ kha zas rnam pa sna tshogs pa'i gtor ma gsum byas la/ sngags 'dis byin gyis brlabs la byin par
- 165a
bya'o// oM d+hi mye tri ba ling ta kha hi/ sa ma ya ho kha'i/ zhes byin gyis brlabs te/ sa bla sa 'og sa steng gsum du gtor ma gtang bas/ 'byung po'i nad las grol bar 'gyur ro// oM tri tri khug/ ces brjod pas/ gang 'dod pa bcol bar bya'o// 'byung po'i phrin las bcol ba'i thabs man ngag ste brgyad pa'o// // gshin rje'i gdug pas zin pa la ni/ rin po che'i khyung gi las byas te/ khrag sna tshogs dang / srog pa rtsa ra sbags pa'i gtor ma bdun byas te/ de'i steng du yang gshin rje'i ming bris la/ sngags 'dis gtor ma sbyin par bya'o// oM ya ma ba ling ta a mr-i ta kha hi/ zhes brjod pas/ gshin rje'i gdug pa thams cad las grol bar 'gyur ro// gshin rje la 'phrin las bcol ba ni/ gang bsgrubs par ming bris la/ rabs chad kyi thod par bcug ste/ sngags 'di gdab par bya'o// oM ya man+ta ka mA ra ya sarba duSh+TAn ma ra ya phaT/ ces brjod pas/ gang la bya ba'i las 'grub par 'gyur ro// bsgrub par bya ba ni gang 'dod pa'o// sgrub par byed pa ni khyung gi sku'o// de ltar 'dul ba ni sngags nyid 'bum du bzlas pas so// gshin rje'i thabs dang man ngag ste dgu pa'o// // srin po'i gdug pas zin pa la ni/ sha rul dang / nya rul dang / sgog skya dang / la phug dang / chang dang sbyar ba'i gtor ma dgu byas te/ de'i steng
- 165b
du srin po'i ming bris te/ sngags 'dis gdab bo// oM ni ri ti ba ling ta sa ma ya kha'i/ zhes brjod de dbul bar bya'o// gtor ma de yang nyi ma myur gyi dus su dbul bar bya'o// srin po la 'phrin las bcol ba ni/ gang 'dod pa'i ming bris te/ khyi thod kyi nang du bcug la/ sngags 'di 'bum lnga khri bzlas la/ shing ris la btags te rgya mtsho chen por gtor na/ las thams cad 'grub par 'gyur ro// de'i sngags ni 'di'o// oM ni ri ti sa tra ma ra ya/ puSh+Ta pa sarba sa dum phaT/ ces brjod pas/ las thams cad 'grub par 'gyur ro// srin po'i thabs kyi man ngag ste bcu pa'o// // klu gdug pa'i nad kyis zin pa la ni/ bya khyung gi ting nge 'dzin du zhugs pa/ klu'i grong khyer thams cad za re bsgom par bya'o// zas res sgom pa'i sngags ni 'di'o// oM na ga sarba ga ru Da khA hi/ zhes stong khri bzlas pas khyung thams cad klu'i grong khyer la rgyug cing klu rnams spyan la 'tsho bar mdzad do// klu thams cad kyi snying 'dar zhing myas myos su 'gyur ro// klu rgad po rgad mo thams cad kyang mya ngan gyi khang par zhugs so// khyung nam mkha' las sgra sgrogs te/ kyikyang gung dang tog tog gi sgras brjod pas/ sa gzhi yang g.yos/ rgya mtsho yang khol bar gyur to// klu rgad po rgad mo thams cad kyang mya ngan gyi khang par zhugs so// klu rnams kyang rang dbang med par zas su 'du
- 166a
ba'o// khyung gi gshog pa brdabs pas/ klu thams cad snying gas shing / gdug pa'i shes pa dang bral te/ shin tu nyams par gyur to// klu la za res bsgom pa ste bcu gcig pa'o// // bdag nyid khyung gi skur bsgoms te/ mchu ni sna tshogs rdo rje mchu// gshog pa rdo rjes bltams pas gdeng // 'jig rten khams kun yog par bkag/ rdo rje sder mos thams cad 'dzin// klu yi grong khyer thams cad la// bya / khyung las kyi za res dbab// rigs bzhi klu yi grong kher la// shar phyogs rgyal rigs klu dkar la// rdo rje khyung gi za re dbab// gnam lcags sder mos snying nas bzung // za byed spyod mchus mgo nas zos// rdo rje gshog pas mtha' nas bsdus// spyan mig ye shes me 'bar bas// rgyal rigs klu rnams dbang rtsa bsregs// rtsad gcod sngags ni 'di dag go/ oM nA ga tsa bin dur ma ra ya nA ga zum rim ril phyogs phyogs rbad rbad/ na ga ma ra ya phaT/ ces brjod de/ rgyal rigs kyi klu'i gzugs la 'bum lnga khri bzlas la gdab/ ka ra bI ra'i lcag gis tho rangs brab/ nam gung dang nyi ma gung la bal po se'u shing lcag gis brab/ dgongs nas srod kyi bar du smag shad kyi lcag gis brab/ ske tshes thun gzhug brtul/ de ltar brabs pa ni/ rgyal rigs klu rtsad nas bcad par 'gyur ro// rgyal rigs kyi klu mchod pa ni/ 'o ma
- 166b
sman sna tshogs sbyar te/ klu'i gzugs bdun byas la/ li phyid gtsang ma'i stengs su bzhag/ 'o ma dang sman la sngags 'dis bzlas la gzugs la gtor bas/ nad kyi sdug bsngal las grol bar 'gyur ro// oM na ya nA ga ra tsa hu ya nA ga hA yu yu swA hA/ zhes sum 'bum te gtor bas/ sdug bsngal las grol bar 'gyur ro// thabs dang man ngag ste bcu gnyis pa'o// // klu bram ze'i rigs la za res dbab pa ni/ rin bo che'i khyud tu bsgoms te/ mchu rin po che 'bar bar 'dug pa/ gshog pa rin po ches bltams pa/ 'jig rten gyi khams yog par bkab pa/ sder mos klu bram ze'i rigs snying nas 'dzin pa/ rin po che'i mchus mgo nas za ba/ rin po che'i gshog pas mtha' nas sdud pa/ sngags kyi gzer drag pos bram ze'i rigs ser po rtsad nas gcod pa'o// sngags ni/ oM nA ga ya na ga ti ga na ru dum mA rA ya dza la yak+Sha rbad/ ding ru phung phung rbad sod/ ces sum 'bum bzlas te/ bram ze'i rigs kyi gzugs la/ ske tshe dang tshil chen gyi thal ba dang / zhugs nag tu bsres te brab par bya'o// ka ra bI ra'i lcag gis ni mgo la brab bo// bal po se'u shing gis ni snying la brab bo/ bsi lcag gis ni yan lag la brab bo// srod tho rangs nyin gung gsum la ni bye mas brabs pas/ de ltar byas pas ni gdug pa'i nad thams cad zhi bar 'gyur
- 167a
ro// mchod par 'dod pa ni/ ne'u mtho gang sor bzhi shing rtsi sna tshogs kyis rgyan la/ rtsi sman sna tshogs kyis 'o ma la brgyan te/ bram ze'i rigs kyi gzugs la sngags 'di bzlas shing gtor/ nad kyi sdug bsngal thams cad las grol bar 'gyur ro// de'i sngags ni 'di'o// oM na ya na ga hu ya hu ya pra ti yu yu swA hA/ zhes bzlas par bya'o// bram ze'i rigs kyi thabs kyi man ngag ste bcu gsum pa'o// / sdom// rje rigs kyi klu la za res dbab ba ni/ pad+ma'i khyung chen por bsgoms te/ mchu yang pad+ma 'bar bar 'dug pa/ gshog pa pad+mas shin tu bltams pas 'jig rten gyi khams g.yog par bkab pa/ sder mos rje'u rigs kyi snying nas 'dzin pa/ pad+ma'i mchus mgo nas za ba/ gshog pas mtha' nas sdud pa/ sngags kyi gzer drag po yis/ klu rje'u rigs rtsad nas gcod pa'i sngags 'di'o// oM ru ti na ga mA ra ya/ bruM bruM shi shi/ rbad/ ces bzhi 'bum du bzlas te/ rje'u rigs kyi gzugs dmar por byas la gdab par bya'o// ka ra wI ra'i lcag gis ni nyi ma zer kar brab bo// se shing gis ni dgongs brab bo// smag shad kyis ni nam gung la brab bo/ khrag sna tshogs dang // dug sna tshogs dang / bye ma ske tshes ni tho rangs brab bo// mchod par 'dod pa ni/ 'o ma'i rdzing bu bzhi byas la/ der sna tshogs dang / rje rigs kyi klu'i gzugs gzhug
- 167b
go/ de la sngags 'dis gdab bo// oM na ya nA ga pa ti hu ya hu ga ru Da yu yu swA hA/ zhes klu'i gzugs sngags khri bzlas te btab pas/ gdug pa'i nad las grol bar 'gyur ro// rje'u rigs kyi thabs dang man ngag ste bcu bzhi pa'o// // dmangs rigs kyi klu la za res dbab pa ni/ las kyi khyung chen por bsgoms te/ mchu ral grir 'dug pa/ gshog pa ral gris bltams pas/ 'jig rten gyi khams yogs par bkab pa/ sder mos dmangs rigs kyi snying nas 'dzin pa/ ral gri'i mchus mgo nas za ba/ ral gri'i gshog pas mtha' nas sdud pa/ kha nas sngags gzer drag pos dmangs rigs rtsad gcod pa'o// sngags ni 'di'o// oM ma ti ya ma nA ga ma ra ya bruM ril zhung zhung myogs rbad/ ces nyis 'bum lnga stong bzlas la/ dmangs rigs kyi gzugs la gdab par bya'o// dug dang khrag gis ni dus gsum du brab par bya'o// nyi rtse dang / srod dang / nyin gung ngo / ske tshe dang / ka ra wI ra dang / bal po se'u shing dang / smag shad kyi lcag dril la/ dus gsum du mgo nas rkang pa'i bar du brab par bya'o// des ni dmangs rigs rtsad bcad par 'gyur ro// mchod par 'dod na ni/ klu gzugs nag po brgya rtsa brgyad byas la/ 'o ma dang rtsi sman sbyar la/ sngags 'di lnga stong du bzlas la gtor bar bya'o// oM na ya nA ga sa ra san ti hu ya hu
- 168a
ya pra ti yu yu swA hA/ zhes brjod pas sdug bsngal thams cad las grol bar 'gyur ro// dmangs rigs thabs dang man ngag ste bco lnga pa'o// // klu srin dang / klu bsen la za res dbab pa ni// 'khor lo'i khyung chen por bsgoms te/ mchu gser gyi 'khor lo 'dug pa/ gshog pa gser gyi 'khor los bltams pa/ 'jig rten gyi khams kun yog par bkab pa/ zhal nas sngags zer drag pos klu srin rtsad nas gcod par mdzad pa'o// sngags ni 'di dag go/ oM na ga tri nan du du rbad pur sod/ du du shi shi rbad/ ces nyis 'bum lnga khri bzlas la/ klu srin klu bsen gyi gzugs la gdab par bya'o// se'u shing gi phur pa sor bzhi pa dang / smag shad sor bzhi'i phur pas gzugs kyi snying dkyil du gdab par bya'o// khrag dang / dug dang / ske tshe'i thun yang gdab par bya'o// des ni sdug bsngal thams cad dang bral bar 'gyur ro// mchod par 'dod na ni/ rtsi sman dang / 'brang rgyas dang / 'phang 'phra lo dang / 'dzo' rdol gyi gzugs sna tshogs byas la/ sngags 'dis mchod do// oM na ga hu ya hu tri/ zhes stong nyis brgya bzlas la mchod par bya'o// rigs bzhi'i klu srin dang / klu ba sen dang bcas pa'i thabs man ngag ste bcu drug pa'o// // rigs bzhi'i le'u ste bcu drug pa'o// // gnyan thams cad khyung gis thog dbab pa ni//
- 168b
rigs kyi khyung nam mkha' la lding zhing / rdo rje 'khor lo dang / rin po che dang / pad+ma dang / ral gri dang / lcags kyi tho lum me 'bar ba dag gis 'jig rten gyi khams thams cad khengs par gyur nas/ gnyen gyi rgyal po thams cad kyi gzugs sna tshogs su 'dug pa thog dbab pa'i sngags ni 'di'o// oM sa kra raM raM shig shig rdul phyung bruM ri la b+h+yo/ zhes sum 'bum bzlas la/ gnyen gyi gzugs la gdab par bya'o// gnyen mchod par 'dod na ni/ shing mdom gang la shar du gnyen gyi rgyal po'i gzugs lhor rgyal phran gyi gzugs bris/ nub tu zing sha'i gzugs bris/ byang du gnyen gyi rgyal po bzhi'i gzugs bris// shing gi rtsi sman sna tshogs kyi phur pa gdab/ rked par bal tshon sna tshogs kyi phur pa dang / nad kyi ming gdags/ rtsa bar sa sna lnga'i phur pa gdags/ de dag gi mchod pa'i sngags ni/ oM ti ka nan ta zhung rbad hUM ling hUM ya swA hA/ nyis stong sum brgya bzlas te/ gzugs la gdags pas/ gdug pas zin pa'i nad las grol bar 'gyur ro// gnyen gyi rgyal po mchod pa'i thabs dang man ngag ste bcu bdun pa'o// // rdza thag thug la gnas pa'i gnyen 'dul ba ni/ bdag nyid khyung gi skur bsgoms la/ rdo rje lce'i rtse mo la drag po'i sngags bsgom par bya'o// gshog phugs thams cad la yang gnyen tig nan ma ra
- 169a
ya zhes bsgom par bya'o// gnyen thams cad rtsad nas gcod pa'i sngags ni/ oM sarba na ga dz+wa la ram mA ra ya phaT phaT/ ces bzhi 'bum bzlas te/ rdza zag zug gi gnas su gnyen gyi gzugs byas la btab pas/ gnyen gyi gnas thams cad du me 'bar te/ gnas khang dang bcas pa tshig par 'gyur ro// lcags thu lum bsregs pa dang / ske tshe dang / dug sna tshogs dang / khrag sna tshogs dang sbyar ba la/ dud pa btang ba dang / de'i thun gyis brab pa dang / kar bA ri dang / se'u shing dang / smag shad kyi lcag gis nyin mtshan dus drug tu brab par bya'o// phur bu'i thun yang gnyen gyi mgor gdab par bya'o// de ltar byas pas rdza thag zug gi gnyen thams cad rtsad gcad par 'gyur ro// gnyen 'dul ba'i thabs dang man ngag ste bco brgyad pa'o// // thang skam shing skam gyi gnyen 'dul ba ni/ bdag nyid 'khor lo'i khyud chen por bsgoms la/ mchu dang gshog pa thams cad gser gyi 'khor lo la/ gshog phugs nas kyang gser gyi bya khyung bsgreng ba las 'das pa/ gnyen gyi grong khyer la rgyug pa'o// gser gyi sder mo las gnyen thams cad snying nas 'dren cing / za ba'i sngags 'di'o// oM ga ru Da nA ga ma ra ya duM duM tsit+ta mA ra ya tshal pa rbad rbad na ga ma ra ya phaT/ ces bdun khri sum 'bum bzlas la/ gnyen gyi gzugs la nyi
- 169b
lan gsum mtshan lan gsum du/ khrag dang / dug dang / lcags kyi thu lum brdeg par bya'o// ra glo bsros pas ni/ nang nub tu gzugs bdug par bya'o// khyi khrag dang / phag khrag dang / bul tog dang / rwa'i / gzhob kyis ni/ na ba'i sar bsku bar bya'o// zang skam gyi gnyen 'dul ba'i thabs dang man ngag ste bcu dgu pa'o// // gnyen thams cad spyir 'dul ba ni/ bdag nyid gnod sbyin khos pa'i khyung chen por bsgoms la/ mdun du thun khung gru gsum rkos/ de'i nang du phag thod bzhag la/ phag thod kyi nang du gnyen thams cad kyi ming bris la/ gro ga 'am shog bu/ gnyen gyi gzugs bris la nang du gzhug/ zhing chen gyi g.yang gzhis kha nas dgab gzhob sna tshogs dang / dug sna tshogs dang / khrag sna tshogs dang sbyar bas thun tu gdab/ se'u shing gis gzhu bya/ smag shad la mda' bya/ ka ra bI ra'i mde'u gzhug/ khra'i sgros sbrosgron te/ nyin lan gsum mtshan lan gsum thod par mda' thun bya'o// de'i sngags ni 'di'o// oM ga ru Da ra ga na ga ma ra ya/ sa k+ka ma ra ya tsit+ta la hur thums/ ma ra ya b+h+yo b+h+yo/ zhes stong lnga brgya bzlas shing mnga' bza'/ khri tsho zhing mdas brdeg/ nyis 'bum zhing mtha' rtul/ gnyen gyi khang pa la ske tshe'i gzhug/ dza la shig ces bsreg par bya'o// gnyan spyir 'dul ba'i thabs dang man ngag ste nyi shu pa'o// // sa
- 170a
bdag gdul ba ni/ bdag nyid phyag na rdo rje'i ting nge 'dzin du zhugs la/ dbu la rigs lnga'i khyung gis brgyan pa/ rdo rje dril bu 'dzin pa/ sprul pa'i khyung bsam gyis mi khyab pa pho nyar 'gyed pa/ de ltar bsgoms te/ sa gzhi thams cad dbang byed pa'i sa bdag chen po 'dis dbang du bsdu bar bya'o// oM badz+ra pA Ni ga ru Da mun rig mun rig thum ri la rbad rbad dza dza/ zhes sa bdag thams cad dbang du bsdu ba'o// ru ru 'du ra zhug dza tu Shu sna ra nya khug dza/ rte Na na ga bu raM/ na ga 'u raM khug dza/ zhes gnyan thams cad dbang du bsdu ba'o// badz+ra pA ne na ga ma ra ya dza dza/ pA sha khug dza/ zhes klu thams cad dbang du sta ba'o// sa bdag las gyes pa thams cad dbang du bsdu ba ste nyi shu rtsa gcig pa'o// sa bdag gi rgyal po bsgral ba ni/ bdag nyid rigs kyi khyung gi ting nge 'dzin du zhugs la/ sa gzhi thams cad sa bdag gi grong khyer du gnas pa la/ khyung thams cad kyi bza' ba'i zhing du gyur par bsgoms la/ ha sa zhes 'or gsum du gzhad par bya'o// se ta zhes gshog pa lan gsum du sa la brdab par bya'o// khro d+ha ho zhes 'or gsum du khros pas gnam sa dkrug par bya'o// kring klu tshal pa zhes sgra bsgrags pas/ thams cad snying 'gas shing 'chi bar 'gyur ro// de ltar shi ba la bza' ba'i thabs sngags ni 'di'o// ga ru Da
- 170b
kha'i ko d+ha kha'i/ zhes lan sum 'bum bzlas la bza' bar bya'o// lcags kyi thu lum la sogs pa'i rdzas ni/ nyi ma dros pa dang dgongs brdeg par bya'o// sa bdag thams cad rang rang gi gdug pa dang bral bar 'gyur/ sems can thams cad kyi bde ba la gnas par 'gyur ro// sa bdag spyi'i thabs te rtsa gnyis pa'o// // rdzing skam po la gnas pa'i sa bdag ni/ bdag nyid gshin rje'i khyung chen por bsgoms la/ mchu yang rin po che 'bar ba'i mchu/ gshog pa rin po che zur brgyad kyis bltams pa/ sder mos sa bdag thams cad kyi snying nas 'dzin pa/ mchu sa bdag gi srog pa rtsa la bsdams pa/ 'jig rten gyi khams thams cad mer 'bar ba/ sa bdag gi gnas thams cad sreg par byed pa'i sngags ni 'di'o// lang ra tsa ma ra ya phaT/ tri khug zhung b+h+yo/ zhes 'bum bzlas la/ nya lcibs la sa bdag gi gzugs byas la dgab bo// ka ra bI ra dang / se'u shing dang / smag shad kyi lcag gis brab par bya'o// mi gtsang ba sna tshogs kyi thun yang gdab bo// de ltar byas pas sa bdag gi phol 'bras la sogs pa nad btang ba dang bral bar 'gyur ro// rdzing skam po la gnas pa'i sa bdag 'dul ba'i thabs te rtsa gsum pa'o// // chu mig rdo skam dang zhing la gnas pa'i sa bdag gdul ba'i thabs ni/ bdag nyid las kyi khyung du bsgoms
- 171a
/ te/ mdze rtol dang phag gi gzugs byas la/ nya lcibs kyis gril/ shing ring po la btags la/ gdug pa'i sngags kyis gdab par bya'o// de la sngags ni 'dis bya'o// lam ra tsi ma ra ya phaT/ ces 'bum mam khri bzlas la gzugs la gdab pas/ thams cad ldang mi nus par 'gyur ro// zhing rol snying pa dang / chu mig rdo skam la gnas pa'i sa bdag gdul ba'i thabs te rtsa bzhi pa'o// // zhing mu ma dang khang rmang la gnas pa'i sa bdag gdul ba'i thabs ni bdag nyid sprul pa'i bya khyung du bsgoms te/ bud med nag mo dang / phyi ba dang / phag gi gzugs byas la/ dong gru gsum pa'i nang du gzhug/ khrag phul gang bskol la gzugs kha sgrub ste/ sngags 'di bzlas la gsad par bya'o// oM ga ru Da nA ga laM ma ra ya phaT/ ces brjod pas/ sa bdag thams cad kha nas khrag skyug cing lus kyang dum bur 'chad par 'gyur ro// sa bdag phra mo gdul ba'i thabs te rtsa lnga pa'o// // spyir na sa bdag klu gnyen gnod pa la las 'dis mtha' brtul bar bya'o// bdag nyid gnam lcags rdo rje khyung gi ting nge 'dzin du zhugs la mdun du gru gsum pa gsum bcas la/ gcig tu klu'i gzugs bzhag/ gcig tu gnyen gyi gzugs bzhag/ gcig tu sa bdag gi gzugs bzhag/ klu'i gzugs ni bco brgyad do// phur bu yang bco brgyad/
- 171b
lcags kyu yang bco brgyad/ brab pa'i sngags rdzas kyang tshang bar bsag gi/ gcig tu gnyen gyi gzugs kyang nyi shu/ phur bu yang nyi shu/ lcags kyi zo lum kyang nyi shu/ gzhan yang brab pa'i rdzas tshang bar bsag go/ gcig tu sa bdag gi gzugs kyang nyi shu/ phur bu yang nyi shu/ lcags kyu yang nyi shu/ kha skongs kyi thu lum yang nyi shu/ gzhan yang brab pa'i rdzas tshang bar bsag go/ sngags 'dis thams cad la brdeg par bya'o// de'i sngags ni 'di'o// oM na ga thug thum rbad/ kI li kI lA ya ma ra ya phaT/ tir te ke hur thum sa rbad/ raM raM shig shig/ sa ma ya mA ra ya phaT/ ces 'bum bzlas la phur bu yang gdab/ lcag gris brab/ thu lum brdeg go/ rdzas gzhan gyi thun yang brdeg go/ de ltar byas pas de 'phrang brgya rtsa brgyad du/ shing la btags te bzhag go/ yang na ni 'phrang lnga bcu rtsa brgyad du bdag par bya'o// spyi'i gzugs lnga bcu rtsa brgyad do// phur bu lnga bcu rtsa brgyad do// sogs pa'i rdzas kyi mtha' brtul ba'o// spyi'i mtha' brtul ba ste rtsa drug pa'o// // klu gnyen thams cad la bya khyung gi char dbab pa ni/ bdag nyid bya khyung du bsgoms te/ 'jig rten gyi khams thams cad kyang bya khyung du ma gyur pa med par bsgoms la/ gdon thams cad kyang khyung gi zas su ma gyur pa med par bsams la/ sngags 'dis nam mkha' la khyung gi char
- 172a
dbab bo// ga ru na ding ri ding ri rbad/ ga ru Da kha thum kha bruM bruM/ dza re dza re b+h+yo/ shar shar sil b+h+yo/ zhes nam mkha' las khyung gi char phab ste/ gang du yang 'bros pa'i gnas med par bya'o// khrung gi char dbab pa ste rtsa bdun pa'o// // sa bdag klu gnyen thams cad bsreg pa ni/ bdag nyid phyag na rdo rje'i ting ge 'dzin du zhugs la/ thugs ka nas yi ge raM bton te/ raM phyogs bcur 'phros te/ ye shes kyi mer gyur nas/ sa la gnas pa'i sa bdag dang / chu la gnas pa'i klu dang / rdza dang shing la gnas pa'i gnyen thams cad bsreg pa'i rdzas dang sngags 'di'o// oM badz+ra pA Ni nA ga sa ma yak+Sha ag+ne dza la raM mA ra ya phaT/ ces nyi khri lnga stong bzlas la/ ske tshe la bzlas nas gnod pa'i gnas thams cad du gtor bas/ gnas khang dang bcas pa tshig par 'gyur ro// sa bdag klu gnyen bsregs pa'i thabs te rtsa brgyad pa'o// // klu gnyen gyi nad sha bkras zin pa la/ mar khu dang / ka ra dang / zar ma'i me tog dang / go snyod rnams sbyar la/ sngags 'dis btab ste bskus nas/ sha bkra'i nad las grol bar 'gyur ro// ti thi mar ti ma ra ya phaT/ ces lnga khri bzlas la bsku'o// sha bkra gso ba'i thabs te rtsa dgu pa'o// // sa bdag klu gnyen gyis zin pa'i 'bras 'dul ba ni/ srub ka dang / nag tshur dang / tshwa dang / rgyam tsha dang /
- 172b
dud pa dang / bye'u lan sa rnams bsres te/ ra'i gcin gyis spras pa la/ sngags 'di btab la brlan pas sos par 'gyur ro// oM sa ta sa ti na ga mA ra ya phaT/ ces 'bum brgyad khri bzlas pas grol bar 'gyur ro// 'bras gso ba ste sum cu pa'o// // klu gnyen gyi nad shu ba gso ba ni/ nag tshur dang / sbrang dang / ka ra dang / gla ba rnams sbyar la/ khyi'i gcin gyis sbrus la/ tsit+ta'i phye ma rnams mar dang sbyar la/ srod tho rangs gnyis bskul ba'i sngags 'di'o// oM badz+ra pA Ni d+hi d+ha nA ga mA ra ya phaT/ ces gsum 'bum lnga khri bzlas te shu ba la bskus na/ shu ba'i nad las grol bar 'gyur ro// shu ba gso ba ste so gcig pa'o// // sa bdag klu gnyan gyis chu rgyus na ba la/ sgur por song ba gso ba'i thabs ni/ 'bras bu gsum gyi sman dang / pu shel rtse dang / na ga ge sar rnams sbyar te/ mar dang sbags la bza' ba dang / lus la byug par bya ba'i thabs dang sngags ni 'di'o// oM badz+ra pA Ni hu ya hu ya du ma ma ra ya phaT/ ces 'bum khri bzlas te/ lus la byug pa dang / bza' ba dang / mkhan pa la sogs pas dugs byas pas/ nad de las grol bar 'gyur ro// chu rgyus na ba dang / lus sgur por song ba gso ba ste so gnyis pa'o// // sa bdag klu gnyen gyis rma dang ser ka mi sos pa dang / sha bzi gur byed pa la ni/ glo rtsa
- 173a
gtar ba dang / ba sha ka dang / tig+ta ra shar sbyar te/ nyin dang mtshan du/ dus gsum la btang na/ nad de las grol bar 'gyur ba'i sngags 'di'o// oM badz+ra pA Ni ga ru Da na ga a ga ni mA ra ya phaT/ ces 'bum phrag gsum bzlas te zos na/ nad de'i sdug bsngal las grol ba dang / lus shin tu mnyen pa dang / dbang po yang shin tu bde bar 'gyur ro// ser ga dang sha gza'i gu gso ba'i thabs so// so gsum pa'o// // sa bdag klu gnyen gyi bems po gso ba dang / skrangs blo btang ba 'dul ba ni/ 'bras bu gsum gyi sman mar gyis bsku byug bya ba dang / 'jam rtsi btang ba ni/ bcu brdeg pa ste/ de dag la sngags 'di bzlas te btab par bya'o// oM nA ga a na le a na le/ bi shAn te bi shAn te mA ra ya phaT/ ces 'bum dang bdun khri bzlas la/ rdzas de dag btab pas bems po la sogs pa zlog par byed do// gdug pa thams cad kyang btang ste sel bar 'gyur ro// bems po gso ba'i thabs te so bzhi pa'o// // sa bdag klu gnyen gyis 'on dig tu song ba gso ba ni/ sgog skya dang mar du bsres la mes bdug la/ rna bar blug pa'i sngags ni 'di'o// oM pra ba ma tu ti nA ga mA ra ya phaT/ ces lnga 'bum du bzlas te btab pas/ 'on pa'i sdug bsngal dang / lkugs pa'i sdug bsngal nad dang / tsha ba me dpal gyi nad sel
- 173b
bar 'gyur ro// skya rengs shar nas nam nangs kyi bar du gtor bas/ gdug pa thams cad phyir 'bros par 'gyur ro// 'o na dig dang me dpal gso ba ste so lnga pa'o// // sa bdag klu gnyen gyis gzhogs bskams su song ba 'dul ba ni/ mkhan pa shugs pa dang / ril ma btsos pa'i dugs byas la/ dug gi sman mar dang / 'bras bu gsum gyi sman mar dang / lha'i thang rnams byas la/ sngags 'dis btab ste gtang bar bya'o// oM badz+ra ga ru Da tu na te thang thang ma ra ya phaT/ ces dgu khri lnga stong bzlas te/ de rnams gtad bar bya'o// dus dus su khyung la mchod pa bya'o// khrag sna tshogs dang lcag gsum gyis sdig par bya'o// gzhogs bskams gso ba'i thabs te so drug pa'o// // sa bdag klu gnyen thams cad thugs rje chen po'i khyung gis nyon mongs pa'i gnas bsgral ba ni/ cho ga phun sum tshogs pa yin te/ thams cad kyang mi gnas pa'i mya ngan las 'das par bsgral te/ snying rje chen pos bsgral ba'i las la brtson par bya'o// las kyi dbang gis nyon mongs pa dang rigs kyi khyud dang gnyis su med par byas te/ rtog pa thams cad dang bral ba'i lta bas mi gnas pa'i dbyings su bsgral bar bya'o// khyung chen po rnams kyang sems can gyi don la sa bdag gi grong khyer la brtson par gshegs pa'o// nga rgyal chen po na gdug pa thams cad
- 174a
dus gcig tu 'dul ba'o// klu 'dul ba'i khyung gis lta ba bya khyung glog 'gyur las kyi rgyud las/ sa bdag klu gnyen 'dul ba'i le'u ste so bdun pa'o// // de nas lag na rdo rjes/ bcom ldan 'das la 'di skad ces gsol to// bcom ldan 'das 'jig rten gyi dregs pa can bdud dang / srin po dang / rgyal po dang / dmu dang / btsan dang / ma yams bcu gsum dang / ma mo dang / srin mo'i tshogs thams cad dang / gdon phal par gyur pa rnams gdul ba'i thabs bshad du gsol/ bcom ldan 'das kyis bka' stsal pa/ lag na rdo rje nyon cig/ sems can thams cad gcig la gcig gtses pa dang / dregs pa can gyis gtses pa la phan gdags bstan par bya'o// bdud kyis zin pa rnams la ni/ ngar zan nag po khru gang pa/ zheng sor bzhi pa/ snying kar glas gang btsugs pa/ bzhin mtshal gyis byugs pa/ zer mo'i skra yod pa/ sbu gu'i mig yod pa/ mgron bu'i so yod pa/ g.yas su gser bkur pa/ g.yon du g.yu bkur ba/ rus pa dung yod pa/ de'i snying kar bdud thams cad kyi ming bris la glan/ de las bdag nyid las kyi khyung gi ting nge 'dzin du zhugs la sngags 'di bzlas te/ oM karma ra le pra ti pU tsa khA hi swA hA/ zhes brjod la/ grangs bdun khri brjod la nad pa la bskor te btang na sdug bsngal dang bral bar
- 174b
'gyur ro// bdud bcos pa ste so brgyad pa'o// // de ltar byin yang nyan du ma 'dod na/ bdag las kyi khyung chen khros par bsgoms te/ sder mos ya bdud thams cad kyi snying nas bzung / gshog pas ma bdud thams cad kyi mgo gnon pa/ ral gri'i mchus bdud rol po rgya mangs za ba/ de'i sngags ni 'di'o// ga ru Da thibs thibs mun rum sha zo// ra d+ha ri d+hi mA ra ya phaT/ ces 'bum bzlas la/ bdud kyi ming bris la btab ste/ mer bsregs te btang na/ bskal pa gsum pa yang 'da' bar mi 'gyur ro// drag po bdud btul ba ste so dgu pa'o// // dmug gtses pa rnams la ni/ phug ron gyi gsob kyi nang du/ kha zas sna tshogs blugs la/ dmu'i ming bris pa thams cad kyang gshog pa la gdags/ bdag nyid las kyi khyung du bsgoms te/ sngags 'di bzlas la mchod par bya'o// gti mug rum thibs thibs pU tsa khA hi/ sum khri lnga stong bzlas la nad pa la bskor te btang bas/ nad kyi sdug bsngal de las grol bar 'gyur ro// dam bcos pa'i thabs te bzhi bcu pa'o// // des ma thul na dmu'i rgyal po'i ming bris te/ sring kar seng ldeng gi phur pa sor bzhis btab la/ sngags 'dis gdab par bya'o// su ta ki li kI lA ya mA ra ya phaT/ ces 'bum bzlas pas/ dmu rje dang / dmu bdud dang / dmu btsan thams cad kyang ha
- 175a
ga dngangs te 'bros par 'gyur ro// drag po dmu gdul ba ste zhe gcig pa'o// // rgyal po zin pa bcos pa ni/ rin po che sna bzhi dar zan pa dang ba ni mkhar byas te/ mkhar de'i nang du yang rgyal po'i gzugs bzhag la/ de'i mdun du mchod pa'i rten chang bse phor gang gi nang du/ bu ram dang spyan gzigs sna tshogs blug la bzhag/ de la mchod pa'i sngags ni 'di'o// oM ra tsa shi krin ting pU tsa khA hi// / khri lnga stong bzlas la/ gdon gyis zin pa la bskor te btang na/ sdug bsngal dang bral bar 'gyur ro// rgyal po yang rang gi gnas su gshegs par 'gyur/ rgyal po'i bcos te zhe gnyis pa'o// // des kyang dul bar ma gyur na/ rgyal po srog gi snying po nas drangs te/ ra tsa thang shang shi shi rbad/ trang ril trang ril zum kim ta ki ma ta khug/ shel shel ni ra dza/ zhes khri tsho gcig bzlas la/ bdag nyid phyag na rdo rje'i ting nge 'dzin khyud dang bcas pa bsgoms te/ rdo rje las gsum du gsor nas/ rdo rje'i stang stabs byas pas/ rang gi gsus su 'gro bar 'gyur ro// rgyal po bskrad pa'i thabs te zhe gsum pa'o// // rgyal phran gyis gtses pa bcos pa ni/ ngar zan sna tshogs la rin po che brdar te/ bshos bu gru bzhi chag gang bar byas la/ mda' za 'og 'khar thabs gzugs/ lpags su gro bor dang / zhal zas kyis brgyan la/ sngags
- 175b
'dis btab ste btang ngo // de'i sngags ni 'di'o// oM tsa ra ba li sha pU tsa khA hi/ zhes nyi khri bzlas la/ nad pa la bskor te btang bar bya'o// rgyal phran sil ma bcos pa ste zhe bzhi pa'o// // the'u brang gi gdon gyis zin pa la ni/ ra ru dang / nyungs kar dang / ra'i tshil dang / sgog sku rnams bsres pas/ 'bros par 'gyur ba'i sngags ni 'di'o// tri nan ma ra ya phaT/ ces stong lnga brgya bzlas te/ bsregs pas shing tu yang ha ga dngangs te 'bros par 'gyur ro// the'u brang bcos pa'i thabs te zhe lnga pa'o// // yul gdon gyi 'gong po bcos pa ni/ ra sog dang khyi sog la 'gong po'i ming dang rus su chas pa la/ skud pa sngon dmar gyis lan dgur bcing ngo // ra ru lug ru dang / rna ru dang / sba ma dang / sgog pa dang / nyungs kar dang / gu gul rnams bsregs te/ mer bsregs pas 'bros pa'i sngags ni 'di'o// tri pu za the'u nan ma ra ya phaT/ ces stong bdun brgya bzlas pas/ kha nas khrag skyug cing 'bros par 'gyur ro// yul gdon 'gong po bcos pa'i thabs te zhe drug pa'o// // dri bo'i gdon bskrad pa ni/ gang gis mi shi ba'i nad dang ming bris la/ brag nag po'i dreg pa dang / srub ka dang / bul tog dang / sa sbyin bsres la/ gzugs sor bzhi pa byas pa la/ ming bris pa glan/ de tshon sna lnga'i skud pas bcings pa la them pa'i 'og tu
- 176a
dong gru gsum brus la/ de'i nang du dug sna tshogs dang / 'gal pa dang / kyi zod kyis mnan la bzhag pa'i sngags ni 'di'o// tri nan tri nan du du nan/ shi kri nan/ ma ra ya phaT/ ces stong rtsa brgyad bzlas te/ mnan pas ldang mi nus par 'gyur ro// dri bo 'dul ba'i thabs te zhe bdun pa'o// // srin po'i gdon gyis zin pa la ni/ sbrul sngon po'i pags pa dang / mi'i thod pa dang / ra'i snying la srin po'i ming bris te/ sngags 'di btab pas srin po'i nad las grol bar 'gyur ro// na ri ti ri hu la nim nim ma ra ya phaT/ ces khri bzlas pas/ lho nub tu gtor bas nad las grol bar 'gyur ro// srin po'i gdon bcos pa ste zhe brgyad pa'o// // btsan gyi gdon gyis zin pa la ni// ra dmar po'i rwa dang / lug gro bo sha gdong gi thod pa dang / bye ba po'i bso' la sngags 'di bzlas pas/ nad las grol bar 'gyur ro/ se btsan dang pra dun se na/ dum dum rbad ma ra ya phaT/ ces khri lnga stong bzlas la/ nad pa la bskor gnod pa'i sar bskul bas nad kyi sdug bsngal las grol bar 'gyur ro// btsan bcos pa ste zhe dgu pa'o// // ma yams bcos pa ni/ bal tshon sna tshogs dang / la btsas sna tshogs dang / ba tshwa dang / ram bu rug pa dang / nas sngon mo rnams/ snod gtsang mar blug la/ sngags 'di btab ste btang bas/ nad
- 176b
rnams sel bar 'gyur ro// de'i sngags ni 'di'o// ma yan te trag trag/ bing bing nan/ ces khri chig stong bzlas pas/ sdug bsngal de las grol bar 'gyur ro// ma yams bcos pa ste lnga bcu pa'o// // ma mo'i gdon bcos pa ni/ khrag sna tshogs dang / sha sna tshogs dang / kha zas sna tshogs pas gtor ma byas la/ bya nag mo dang sgrags te/ gtang ba'i sngags ni 'di'o// ma ma trag rak+Sha dun b+h+yo/ ma ma kha thun le b+h+yo/ zhes khri lnga stong bzlas la/ nad pa la bskor te btang bas/ nad las grol bar 'gyur ro// ma mo'i gdon bcos pa ste nga gcig pa'o// // dgra yi 'jigs pa bsrung ba ni/ phub dang / mda' gzhu dang / mdung dang de sogs pa sna tshogs kyi gzugs shing ma byas te/ dgra 'ong ba'i lam du sbas nas bzhag ste/ dmag gi dpung 'jig pa'i sngags ni 'di'o// raM raM ti thang khrol tug tug 'dri ma 'drim b+h+yo/ zhes bdun khri bzlas la 'brang gi gzugs la gtor bas/ dmag nad 'thabs 'jig par 'gyur ro// dmag gi dpung bzlas pa ste nga gnyis pa'o// // rgyal po dpung gi tshogs bzlas pa ni/ sa nag bum pa khru gang ba byas te/ de'i nang du glang po dang / rta dang / rkang thang dang / dmag gi gzugs byas la/ khar bsreg shing lnga btsugs te/ gnam lcags kyi ral gri gang bas bum pa'i ske bregs pa dang / bsreg shing rnams rdo'i mes
- 177a
bsreg pa'i sngags 'di'o// oM trag sha kha rag thun/ thum ril mugs/ ces lnga 'bum bzlas te/ bsreg shing la me btang / bum pa'i ske bregs pas/ dpung gi tshogs thams cad rang de'i lus la me 'bar nas brgyal bar 'gyur ro// nga gsum pa'o// // gnod par byed pa rengs par byed pa ni/ thang chu dang / sbyin dang / tshal dang / bya rgod kyi rus pa dang / dgra sa 'dus pa'i mdun byas pa'i sa dang / sa sbyin la gzugs khru gang ba byas la/ de'i yan lag thams cad sngon dmar gyi dra bar gzhug/ tshon sna lnga'i skud pa gnyis kyis phyogs bzhir 'then pas rengs par 'gyur ba'i sngags ni 'di'o// nri shi krin a na ya hUM phaT/ krin d+ha na phaT/ ces bzhi 'bum brgyad khri bzlas la/ gzugs de la gdab par bya'o// gnod byed kyi lam du gzugs de sbas pas/ rengs par 'gyur ba'o// rengs pa'i las te nga bzhi pa'o// // sbyor gzhug pa ni/ mdung rtse gsum byas la/ de'i steng du dgra'i gzugs bkal dong ba dang / ri sho ba dang / shing lo la sngags btab ste/ gzugs la gdags pas spro bar 'gyur ro// de'i sngags ni 'di'o// a par sha ya/ dza la ba ya/ zhes 'bum nyi khri bzlas pas skyo bar 'gyur ro// smyo ba'i thabs te nga lnga pa'o// // lkugs su gzhug pa ni/ pho shog pa dang / ba smra ba dang / ba'i gcin gsum sbyar la/
- 177b
dgra'i gzugs bya'o// nyungs nag la sngags 'di bzlas so/ kha thum ril sha dun myags/ ces nyi khri sum stong bzlas la/ gzugs la btags pas lkugs par 'gyur ro// lkugs su gzhug pa ste nga drug pa'o// // dgra'i mtshon dgra rang la bzlog pa ni/ 'bras dang / nyungs nag dang / ske tshe dang / lcags phye la/ sngags 'di bzlas te/ oM tshal pa dum bu sa le traM traM b+h+yo b+h+yo/ zhes khri dgu stong bzlas la/ 'ur rdo'i nang du blug ste/ dgra'i phyogs su 'chang ngo // mtshon bzlog pa'i thabs te nga bdun pa'o// // chu bsgyur ba'i thabs la/ ri mthon po'i sa dang / thal ba dang / mchod rten rnying pa'i sa dang / pha bong gi dreg pa la mchod rten mtho gang sor bzhi pa byas la/ seng ldeng gi phur ba sor brgyad pa dang sgrags te/ chu 'ong ba'i sar gzhug pa'i sngags 'di'o// ba ru tan ti ko la ko la b+h+yo b+h+yo/ ting ko la b+h+yo b+h+yo/ zhes khri lnga stong bzlas pas/ chu bzlog par 'gyur ro// chu bzlog pa'i thabs te nga brgyad pa'o// // sbrul gdug pas gtses pa'i zabs ni/ sbrul gdug pas zin pa la/ ba ser skya'i mar dang / rtsi ma gi'i sman la sngags 'dis btab pas grol bar 'gyur ro// oM pa ri pa ri ta li swA hA/ zhes sum stong bzlas par bya'o// sbrul gdug pas zin pa'i 'jigs pa la ni/ rtsi ma gi rten pas grol bar 'gyur ro// sbrul gdug pa gso ba ste nga
- 178a
dgu pa'o// // rims kyis gtses pa la ni/ bdag nyid khyung du gyur pa des/ sngags 'dis btab pas grol bar 'gyur ro// oM be ra be ra badz+ra da ri phaT/ ces chu gtsang ma la sngags stong du bzlas te/ btung ba dang khrus byas pas/ nad las grol bar 'gyur ro// rims gso ba ste drug cu pa'o// // 'brum bu'i nad gso ba ni/ sbrang dang / ka ra dang / mar dang / ba khu dang sgrags pa la sngags gdab bo// oM ra ris ga shu shu kam swA hA/ zhes lnga khri bzas pas lus la bsku ba dang / khar zos pa dang / 'brum bu'i nad las grol bar 'gyur ro// 'brum bu gso ba ste re gcig pa'o// // rdo shu nad gso ba ni/ shing mar dang / bca' khu dang / bri ta sa 'dzin dang / sbrang du sbyar ba bza' ba dang / rdo shu la bskus pas/ 'tsho ba'i sngags ni 'di'o// oM shu ti shu ti hu lu hu lu swA hA/ zhes bzhi khri lnga stong du bzlas pa ni/ sdug bsngal las grol bar 'gyur ro// rdo shu ba gso ba ste re gnyis pa'o// // de nas lag na rdo rjes/ bcom ldan 'das la 'di skad ces gsol to// bcom ldan 'das sems can thams cad kyi lo tog la 'tshe ba rtsa ba dang lo ma ma rungs pa bgyid pa gdul ba'i thabs bshad du gsol// bcom ldan 'das kyis bka' stsal pa/ lag na rdo rje sems can thams cad la lo tog rtsa ba dang lo ma ma rungs par byed pa la//
- 178b
phan gdags pa'i cho ga ngas bshad kyis nyon cig/ rtsa ba la gnod par byed pa bcos pa'i thabs ni/ lung pa gsum gyi chu dang ba sbu ba'i thal ba sres la/ sngags 'di btab pas lo 'bras 'phel bar byed pa'i sngags 'di'o// oM sha kha thum ril rbad swA hA/ zhes bdun khrir bzlas par bya'o// gtor ma chu la sngags btab pas ni/ rtsa ba dang sdong po shin tu rgyas par 'gyur ro// rtsa ba gso ba ste re gsum pa'o// // char dbab pa ni bag zan la klu'i gzugs mgo brgyad pa byas la/ chu mig byang nas lhor ltas par khyer la/ ske tshe brgya rtsa brgyad la sngags 'dis btab ste/ chu mig gi nang du dor bar bya'o// de'i sngags ni 'di'o// oM nA ga ta li nan swA hA/ zhes dgu khri bzlas pas klu'i gzugs chur dor bar bya'o// nam 'dod pa'i dus su char pa 'bab par 'gyur ro// char dbab pa ste re bzhi pa'o// // ser ba bsrung ba ni/ gang bsrung ba ni bya ba'i sa sgo la/ mtho mda' gang zur bzhi pa rtsig/ der 'bru sna tshogs dang / zal chen gyi rta gzhug/ thal chen la sngags 'di bzlas la phyogs bzhir gtor bar bya'o// de'i sngags ni 'di'o// ra le hur thums b+h+yo/ 'da' sha hur thums b+h+yo/ yab+ha b+h+yo/ ma ma shi shi b+h+yo/ sarba kar ti ka b+h+yo/ zhes 'bum bzlas te gtor na ser ba ming mi grags par 'gyur ro// ser ba bzlog pa ste re
- 179a
lnga'o// // sad bsrung ba ni/ 'byung ba bzhi'i rlangs pa las sprin bsdu ba ste/ sa dang / chu dang / me dang / rlung sna tshogs pa la sngags 'di bzlas so// ye thums hril bsdus pra ti ra ma swA hA/ zhes lnga khri bzlas la chu bskor zhing rlangs pa phyin pa la btab ste/ phyogs bzhir gtor na sprin 'dus te sad sel bar 'gyur ro// sad bsrung pa ste re drug pa'o// // 'dab chags kyis 'bras bu la gtse ba la/ gso ba ni nyungs kar dang thal ba la sngags 'di bzlas te gtor bar bya'o// te pang te pang shi krin dza le bya/ zhes khri drug stong du bzlas la gtor te/ 'dab chags thams cad kyi mchu 'ching bar 'gyur ro// 'bras bu dus su smin par 'gyur ro// 'bras bu gso ba ste re bdun pa'o// // lo tog shin tu 'phel bar bya ba ni/ sa bon thams cad ba sogs la/ 'bru mar gyis byugs la/ sngags 'di bzlas par bya'o// oM ya ra ni hra mang ga ga na khang swA hA/ zhes 'bum nyi khri bzlas te btab pas lo tog shin tu 'phel bar 'gyur ro// lo tog gso ba ste re brgyad pa'o// // rtsa ba dang lo 'bras gso ba'i le'u ste dgu pa'o// // de nas lag na rdo rjes/ bcom ldan 'das la 'di skad ces gsol to// bcom ldan 'das sems can thams cad la nad 'tshe ba bshad du gsol/ bcom ldan 'das kyis bka' stsal pa/ lag na
- 179b
rdo rje ngas bstan par bya'o// dom gyis gtses pa la ni/ rgya lcang dang 'o ma'i shing la sngags 'di bzlas shing btab ste/ lag tu khyer na 'bros par 'gyur ro// de'i sngags ni 'di'o// oM sha ga d+ha te la nad swA hA/ zhes stong lnga brgya bzlas pas 'bros par 'gyur ro// dom gyis gtses pa gso ba ste re dgu pa'o// // stag gis gtses pa bsrung ba ni/ nyungs kar dang / stag sha'i lo ma dang / cong zhi rnams sbyar la sngags 'di gdab bo// A kro d+ha dan da swA hA/ zhes nyi khri bzlas pas gtor na 'jigs pa sel bar 'gyur ro// stag gi 'jigs pa bsrung ba ste bdun cu pa'o// // choms rkun kyi 'jigs pa bsrung ba ni/ rdo li gu mig dang / phag pa'i khrag dang / me mar gyi shing du sbyar la mi phyugs la byugs pas/ gzhan gyis mi mthong bar 'gyur ba'i sngags ni 'di'o// kro d+ha thibs thibs mug ting swA hA/ zhes sum khri bzhi stong bzlas pas mi mthong bar 'gyur ro// sgrib shing ste don gcig pa'o// // ltas ngan dbab pa ni/ khra'i gsob dang / 'ug pa'i mgo dang / srin bya'i snying rnams la sngags 'di bzlas pas/ ltas ngan 'bab par 'gyur ro// de'i sngags ni 'di'o// ma dun trag rak+ta gra ti b+h+yo swA hA/ zhes 'bum nyi khri bzlas te/ dgra phyogs su 'phangs pas/ ltas ngan sna tshogs 'bab par 'gyur ro// ltas ngan dbab pa ste don gnyis
- 180a
pa'o// // go mtshon thams cad dbang bskur ba ni/ go mtshon thams cad bsogs la/ sngags 'dis dbang bskur bar bya'o// rak+Sha rak+Sha a bi shin tsa swA hA/ zhes bzhi khri brgyad stong du bzlas nas/ mtshon gzhan gyis mi phod par 'gyur ro// go dbang bskur ba ste don gsum pa'o// // sa bdag la sogs pa 'dul ba'i thun ni/ thu lum gyi thun bya/ lcags la sogs pa'i thu lum la sngags 'di gdab par bya'o// tug thum ri la rbad/ ces khri tshig stong du bzlas la/ gdon bgegs la brgyab pas gtan brlag par 'gyur ro// rdo thun te don bzhi pa'o// // bye tshan gyi thun ni/ sa phye dang / lcags phye dang / rdo / phye la sngags 'di gdab par bya'o// nA ga ag+ne dza la raM mA ra ya phaT/ ces khri sum stong bzlas pas/ bye ma bsregs te gdon la btab pas/ thams cad 'tshig par 'gyur ro// bye tshan gyi thun te don lnga pa'o// // dug thun ni dug sna tshogs la sngags 'di btab bo// raka ta tug thun ril mA ra ya phaT/ ces stong lnga brgya bzlas pas/ thun gdon la btab pas/ myos shing 'thibs par 'gyur ro// dug thun te don drug pa'o// // phur bu'i thun ni/ gdug pa can gyi phur bu sor brgyad pa la sngags 'dis btab bo// ga ru Da nA ga kI li kI lA ya phaT/ ces bzhi brgya bzlas te/ gdon la phur bu btab pas//
- 180b
gdon thams cad brlag par 'gyur ro// phur thun te don bdun pa'o// // ske tshe'i thun ni/ ske tshe stong rtsa brgyad la sngags 'dis gdab bo// raM raM dza la sa ra ra phaT/ ces stong rtsa brgyad bzlas te gdon la btab pas// des thams cad 'tshig par 'gyur ro// ske tshe'i thun te don brgyad pa'o// // gu gul dang rwa gzhob la sogs pa'i mi gtsang ba'i thun ni/ mi gtsang ba'i rdzas de rnams la sngags 'dis bzlas par bya'o// na ga thibs thibs thum mA ra ya phaT/ ces sum stong bzlas te gdab pas/ gdon thams cad 'bros par 'gyur ro// mi gtsang ba'i thun te don dgu pa'o// // gdug pa'i shing gi lcag gi thun ni/ ka ra bI ra dang / se'u shing smag shad kyi lcag la sngags 'dis gdab bo// nag zhung zhung rbad ma rA ya phaT/ ces khri drug stong bzlas te brabs pas/ gdon thams cad 'chi bar 'gyur ro// lcag thun te brgyad cu pa'o// // nang la nang 'tshe ba dang / thun gyi le'u ste bcu pa'o// // de nas yang lag na rdo rjes/ bcom ldan 'das la 'di skad ces gsol to// bcom ldan 'das bstan pa bshig pa gso ba'i thabs bshad du gsol/ bcom ldan 'das kyis bka' stsal pa/ bstan pa bsrung ba'i thabs dang man ngag ngas shad kyis/ lag na rdo rje nyon cig/ bstan pa la rgyal po'i dgra dar na/ 'dis bzlog par bya'o// rgyal po chen po
- 181a
bzhi'i gzugs byas la/ sngags 'dis gdab par bya'o// oM tri pra ma ye ma ra tsa swA hA/ a tri ya ma ra tsa ye swA hA/ ar+ya hri na ga ra tsa ya swA hA/ rak+Sha tri ra tsa ya swA hA/ zhes 'bum bzlas te/ phyogs bzhir gzugs gzhag pas/ dpung gi tshogs thams cad rang zhi bar 'gyur ro// rgyal po'i dpung bzlog ste gya gcig pa'o// // 'jig rten gyi khams thams cad mer 'gyur ba ni/ me rdo dang / shing dang / rdo phol la sngags 'dis gdab po// ru pa pra ti ag+ni dza la raM b+h+yo b+h+yo/ nyis 'bum bzlas te/ phyogs thams cad du gtor bas mes khengs par 'gyur ro// mes zil gyis mnan pa ste gya gnyis pa'o// // shak+ti la rdzu 'phrul du bya ba ni/ 'o ma dang / se ba dang / kham bu gsum la sngags 'dis gdab par bya'o// oM pra ti gu rang tri swA hA/ zhes sum 'bum bzlas te/ shing de 'bum gyi lcag gis rang la brabs na dmag gi dkyil na 'dug pa ru mthong ngo // rdzu 'phrul bstan pa ste gya gsum pa'o// // pha rol po thams cad blo gtor du gzhug pa ni/ ri sho ba dang rkang rjes kyi sa la gzugs byas te/ dgra'i ming thams cad khar bcug la/ sngags 'dis gdab bo// ru ru dza la rbad/ thibs swA hA/ zhes 'bum khri bzlas pas/ pha rol po 'thibs nas blo gtor bar 'gyur ro// blo gtor du gzhug pa ste gya bzhi pa'o// // pha rol po la nad
- 181b
tshogs dbab pa ni/ gla ba'i grod pa'i nang du khrag sna tshogs blug la/ sngags 'dis gdab par bya'o// ma ma trag rak+Sha ru lu ru lu b+h+yo b+h+yo/ zhes 'bum bzhi brgya bzlas la/ grod pa khab kyis btsags la/ dgra'i khang pa la lan gsum du sgor na/ rims nad sna tshogs pa 'bab par 'gyur ro// rims nad dbab pa ste gya lnga pa'o// // thams cad dbang du bsdu ba'i thabs ni/ ta la'i lo ma dang rgun 'brum la sngags 'di bzlas te/ oM ba su d+ha ra ba su d+ha ra swA ha/ zhes 'bum nyi khri 'das la yul du gtor bas thams cad dbang du 'gyur ro// dbang du bsdu ba ste gya drug pa'o// // ser ba nag po dbab pa ni/ ser ba'i chu dang / dung pa dang / rgya nag dang / dug sna tshogs la sngags 'di bzlas par bya'o// phro ma ya dun phrom/ ha la ha la dud phrom/ lcags dril b+h+yo/ zhes bzhi 'bum lnga stong du bzlas la/ yul phyogs su gtor ba dang / mi gtsang ba sna tshogs kyi dud pas yul lha bdugs pas/ da lta nyid du 'bab par 'gyur ro// ser ba nag po dbab pa ste gya bdun pa'o// // ser ba dmar po dbab pa ni/ btsod kyi khu ba dang / rgya skyeg dang / khrag dang / ser ba'i chu rnams bsres la/ sngags 'di bzlas par bya'o// rak+Sho rak+Sho shru tri phrom hril b+h+yo/ zhes 'bum lnga khri bzlas pas/ gang 'dod pa'i yul du gtor na/ ser ba dmar po 'bab par 'gyur
- 182a
ro// ser ba dmar po dbab pa ste gya brgyad pa'o// // thog dbab pa ni/ thog gis bsad pa'i rus pa dang / sa sna tshogs dang / yugs sa mo'i dor rta dang / khrag bre gang zangs su blugs la sngags 'di gdab bo// mu ni mu ni[:]kurma/ shag shag shar hril b+h+yo/ zhes lnga 'bum bzlas la/ khrag bskol te yul sa la gtor bas/ da lta nyid du 'bab par 'gyur ro// thog dbab pa ste gya dgu pa'o// // gser gyi mda' 'phang pa ni/ gser nas tsam sran ma tsam kham phor ram me long du bzhag ste/ sngags 'di gdab par bya'o// ma ru rtse shar d+hi la du du shar swA hA/ sum 'bum bzlas la/ mes bsregs te ltas ngan byas sgron pa'i mda'i nang du blug ste 'phang ngo // gang 'dod pa de la gser 'bab par 'gyur ro// gser 'phang ba ste dgu bcu pa'o// // nyi ma bsad pa ni/ khrag glang gang la sngags 'di bzlas la/ so mya ha ra bus pa lag tse bur ma ra ya phaT/ ces bzhi khri bzlas la/ tshes bco lnga'i nyi ma shar khar nub nas shar du kha bltas te khrag bskol zhing / nyi ma rtser gyis shar ba la sngags 'di gdab bopo// des ni nyi ma 'chi bar 'gyur ro// nyi ma bsad pa ste go gcig pa'o// // gso bar bya ba ni/ 'dom la sngags 'dis btab la gtor bar bya'o// ar+ya pa lo d+ha du shwa ri ta swA ha/ zhes stong sum brgya bzlas
- 182b
pas/ slar sor chud par 'gyur ro// nyi ma gso ba ste go gnyis pa'o// // zla ba bsad pa ni/ 'khar gzhong gi nang du 'o ma phul gang blug la/ khrag khyor gang yang gam du bzhag/ de la sngags 'dis gdab bo// oM so mya ma ti ti ra zad/ kha sho la ya sur+ya rbad/ khang sho la 'bum bzlas te/ tshes bco lnga'am/ stong gi zla tshes kyi 'o ma la shar ba dang / khrag khyor de'i nang du blug pa dang / 'chi bar 'gyur ro// zla ba bsad pa ste go gsum pa'o// // zla ba gso ba ni/ 'o ma'i nang du me tog sna tshogs blug ste/ sngags 'dis bzlas par bya'o// sur+ya pa to ye da rA swA hA/ zhes stong rtsa brgyad bzlas te gtor bas zla ba 'tsho bar 'gyur ro// zla ba gso ba ste go bzhi pa'o// // ri bo bskul ba ni/ ga pur dang / star ka dang / ka sho kan d+ha bsres pa la/ sngags 'di bzlas par bya'o// a ma ken ta ri la swA hA/ zhes khri drug stong bzlas la/ ri bo la btab pas/ shing tu 'dar zhing 'gul bar 'gyur ro// ri bo bskul ba ste go lnga pa'o// // yul mkhar skyel ba ni/ sems can mi 'dra ba'i pags pa bzhi la spud chung brgyad bya/ sdud pa'i nang du ba yi/ bo zhes pa bris pa brgyad bcug/ khang pa'i phyogs bzhi mtshams bzhir gtar gzhug/ yungs kar la sngags 'di gdab par bya'o// oM mu ni mu ta la ye swA hA/ zhes 'bum bzlas te/ yul mkhar la gtor bas
- 183a
'jig par 'gyur ro// yul mkhar skyel ba ste go drug pa'o// // gsang sde dkrug pa ni/ gu gul dang / la bug dang / ske tshe dang / sgog skya rnams bsres pa la/ sngags 'dis gdab par bya'o// e ka ka ri b+h+yo/ ka ta ka ri b+h+yo// zhes lnga khri bzhi stong bzlas te/ yul du gtor bas gsang sde 'khrug par 'gyur ro// gsang sde dkrug pa ste go bdun pa'o// // dug mda' 'phang ba'i thabs ni/ mda' bya rgod ma'i smyug ma'i nang du dug sna tshogs blug la/ sngags 'di gdab par bya'o// mug ti chu ma gam shag/ ces khri drug stong bzlas nas/ mda' 'phangs pas/ dug gi nad kyis 'chi bar 'gyur ro// dug mda' 'phang ba ste go brgyad pa'o// // bstan pa bsrung ba'i le'u ste bcu gcig pa'o// // de nas lag na rdo rjes/ bcom ldan 'das la 'di skad ces gsol to// bcom ldan 'das 'phrin las rnam pa bzhi sbyin sreg gis phan gdags pa bka' stsal du gsol/ bcom ldan 'das kyis bka' stsal pa/ lag na rdo rje nyon cig/ zhi ba'i sbyin sreg bya ba ni/ zab khung zlum por byas la/ de'i nang du 'o ma can gyi shing bcug la/ dza la raM/ zhes me sbar/ shan ting ku ru swA hA/ zhes brgya rtsa brgyad bzlas la/ sbyin sreg bya'o// des ni thams cad zhi bar 'gyur ro// zhi ba'i las te go dgu pa'o// // rgyas pa'i las bya ba ni/ thab rin po
- 183b
che zur brgyad pa bya/ de'i steng du skyer pa la sogs pa ser po btsugs la/ ag+ne dz+wa la raM/ zhes me sbar bar bya'o// pu Shi ku ru swA hA/ zhes stong rtsa brgyad la mchod par bya'o// des ni tshe dang bsod nams 'phel zhing rgyas par 'gyur ro// rgyas pa'i las te brgya tham pa'o// // dbang gi las bya ba ni/ thab khung zla kham du byas la/ der shing dmar po btsugs la/ ag+ne dza la raM/ zhes me sbar ro// ba shaM ku ru swA hA/ zhes stong nyis brgya bzlas pas/ thams cad dbang du 'dus par 'gyur ro// dbang gi las te brgya gcig pa'o// // drag po'i las bya ba ni/ thar khung gru gsum par byas la/ de'i nang du shing nag po la sogs pa'i shing rtsigs te/ ag+ne dza la raM/ zhes me sbar bar bya'o// kro d+ha ma ra ya phaT/ ces khri bzlas pas/ thams cad bsgral bar 'gyur ro// gang bsams pa nyid yud tsam gyis bsgral bar 'gyur ro// drag po'i las te brgya gnyis pa'o// // las rnam bzhi'i le'u ste bcu gnyis pa'o// // lag na rdo rjes yang gsol ba/ bcom ldan 'das las kyi mtha' brtul ba bshad du gsol/ bcom ldan 'das kyis bka' stsal pa/ mtha' brtul ba bstan par bya'o// me zor gyi las kyis mtha' brtul ba bstan pa/ 'phrin las rnam bzhi'i sbyin sreg byas pa'i me ro la/ sngags 'di brgya rtsa brgyad bzlas te/ ag+ne ye tri b+h+yo b+h+yo/ zhes
- 184a
gdon bgegs la 'phangs pas/ bgegs thams cad tshig par 'gyur ro// me zor gyi le'u ste brgya gsum pa'o// // rdo zor 'phang pa ni/ lcags kyi rdo lnga bsregs la/ gnod pa'i bgegs la 'phang ba'i sngags 'di'o// thum thums ma ra ya tug zum ril b+h+yo/ zhes brgya rtsa brgyad bzlas la/ rdo bsregs pa 'ur rdo'i dkyil du bcug la 'phang ngo // rdo zor te brgya bzhi pa'o// // phur zor ni/ gdug pa can gyi shing las byas pa'i phur pa sor brgyad pa la/ sngags 'di khri brgyad stong du bzlas te/ na ga kI li kI la ya ma ra ya phaT/ ces bzlas la gnod pa'i sar btab na brlag par 'gyur ro// phur zor 'phang pa ste brgya lnga pa'o// // mda' zor 'phang ba ni/ mda'i nang du dug blugs la/ ske tshe yang blug/ mde'u la gdon bgegs kyi ming bri/ de nas sngags 'di bzlas te/ nA ga ra ti mA ra ya phaT b+h+yo/ zhes stong rtsa brgyad bzlas la/ gnod pa'i sar 'phang ngo // des ni gtan brlag par 'gyur ro// mda' zor gyi le'u ste brgya drug pa'o// / khrag dang dug gi zor 'phang pa ni/ rabs chad kyi thod par khrag sna tshogs dang dug sna tshogs blug la sngags 'di gdab par bya'o// khrag ti sma ra na ga rbad b+h+yo b+h+yo/ zhes stong lnga khri bzlas la/ thod pa 'phang bar bya'o// khrag dang dug gi zor te brgya bdun pa'o// // mnan pa'i las bya ba ni//
- 184b
gnod byed kyi gzugs la bro brdungs te/ gru gsum gyi nang du gnod byed kyi ming bris la bcug la/ dang por rigs kyi khyung gi bro brdung / las kyis mnar ba'i sems can khyod// nga yi bza' ba'i skal du byung // rigs kyi khyung chen gzan la 'du// gshog pa'i 'ur sgra chems se chems// mtshon cha'i so 'dar khrigs se khrig/ sder shad bgegs kyi snying la shad/ ces brjod cing bro brdung bar bya'o// khros pa'i khyud dang / khyung gi ma rnams kyi bro brdung ba ni/ khyung chen mkha' la lding pa yis// gnod byed thams cad snying 'gas 'gyur// mkha' las mtshon cha'i char phab pas// thams cad ma lus rdul du rlog/ lcags kyu'i khyung gis snying nas drongs// zhags pa'i khyung gis mgul nas drogs// lcags sgrog khyung gis yan lag sdoms// 'bebs byed khyung gis gzugs la pho ba// ces bro brdung bar bya'o// de'i sngags ni 'di'o// shar shar sil sil ma ra ya phaT/ ces brgya rtsa brgyad bzlas te/ khyung gi gzugs kyis mnan par bya'o// mnan pa'i las te/ khyung gi las brgya rtsa brgyad pa'o// las kyi mtha' brtul ba'i le'u ste bcu gsum pa'o// // de nas lag na rdo rjes/ rdo rje bya khyud la sogs pa'i khyung gi 'khor thams cad kyis/ me tog ut+pal dang / pad+ma dang / many+dzu sha ka la sogs pa'i me tog dang / bdug spos dang / mar me dang /
- 185a
tsan dan la sogs pa'i dri sna tshogs dang / zhal zas sna tshogs kyis mchod de/ tshigs su bcad pa 'di dag gis mngon par bstod do// e ma'o bcom ldan thugs rje can// sems can 'gro don rtag tu mdzad// ces 'dul thabs ni sna tshogs ston// 'gro ba skyob la phyag 'tshal bstod// sku gsung thugs kyi yon tan gyis// bar chod ma lus kun 'dul ba'i// 'gro ba'i sdug bsngal sel mdzad pa// 'gro/ don mdzad la phyag 'tshal bstod// thams cad chos kyi dbyings mkhyen nas// mi dmigs dbyings su sgrol mdzad pa// mi rtog mtshon rnon sna tshogs kyis// rgyud drug dgrol la phyag 'tshal bstod// de skad lag na rdo rje dang / khyung gi 'khor gyis mngon par bstod nas rjes su yi rang ngo // bstod pa'i le'u ste bcu bzhi pa'o// // bya khyung glog 'gru'i las kyi rgyud ces bya ba rdzogs so// //
- 185b
@// rgya gar skad du/ karma ba ri pri tsa nA ga rA dza ba hu ra tan+t+ra nA ma/ bod skad du/ las rab tu 'byed pa klu'i rgyal po rtog pa'i rgyal po'i rgyud ces bya ba/ bcom ldan 'das de bzhin gshegs pa ye shes kyi sku can la phyag 'tshal lo// bcom ldan 'das de bzhin gshegs pa thams cad kyi spyod pa'i rgyud mthun pa/ de bzhin gshegs pa gzi brjid mtha' yas pa ste/ ri rab kyi zoms de bzhin gshegs pa thams cad kyi 'od zer gyi 'byung gnas khang bzangs chen po/ rnam par smin pa bsam gyis mi khyab pas grub/ rin po che'i rgyal po chen pos shin tu rnam par spras pa yod pa/ pad+ma'i snying po seng ge'i khri chen po'i dbang gi rgyal pos ngos gnyis shing tu rnam par spras pa la bzhugs nas/ lham me lhan ne lhang nge'o// 'di lta ste/ dper na nyi ma'i dkyil 'khor ni nam thang ba'i nam mkha' la lham me lhan ne lhang nge'o// de bzhin du bcom ldan 'das pad+ma'i snying po seng ge'i khri chen po la/ lham me lhang nge lhan ner bzhugs nas/ byang chub sems dpa' sems dpa' chen po'i tshogs dpag tu med pa dang / 'phags pa nyan thos dgra bcom pa chen po dang / rang rgyal ba chen po'i tshugs 'dzin pa'i tshogs dang / gzhan yang lha dang / klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / grul bum dang / srul po dang /
- 186a
lus srul po dang / skem byed dang / smyo byed dang / sgrib gnon dang / nam gru'i tshogs dang / 'jig rten dang / 'jig rten las 'das pa'i tshogs bsam gyis mi khyab pa'i nang na bzhugs pa'i tshe/ de bzhin gshegs pa ni bsam gyis mi khyab po snyam nas bzhugs pa'i dus gcig na cang mi smra bar gyur nas/ bcom ldan 'das nyid la rnam par lta zhing nye bar sems so// de nas byung chub sems dpa' de dag ngo mtshar du gyur cing / ya mtshan gyis 'dun pa'i snying du gyur nas/ byang chub sems dpa' thams cad yang dag par bskul ba zhes bya ba'i 'od zer 'khor stong phrag du mar 'gyur nas phyung ngo // de nas bcom ldan 'das kyis rdzu 'phrul chen po snang bar byas te/ nam mkha'i khams rab 'byams thams cad dang / 'jig rten gyi khams rgya mtsho dag na/ byang chub sems dpa' gang dag dbang dang ldan par gyur pa 'khod pa de dag la/ sangs rgyas de'i bstan pa la stobs mi gcig pa'i klu'i rgyal po rang gi rigs bcu mthar gyis sbyangs pa bas/ sa bcu par rab tu gnas par 'dod pa des/ sangs rgyas kyi sa yod par mi 'dod pa/ sangs rgyas kyi 'od zer dang / rdzu 'phrul dang / cho 'phrul thams cad dregs pa'i sgra chen po gcig gis zhi bar 'dod pa/ zhe sdang chen po'i sbrul mgo bdun pa/ kha rlangs kyis sems can thams cad la
- 186b
nad bzhi brgya rtsa bzhi gtong bar byed pa/ shangs nas lo tog thams cad 'joms par byed pa'i ser ba 'dril ba/ sdig pa dkar po'i sprul pa 'gyed pa/ sdig pa nag po'i sprul pa 'gyed pa/ sdig pa dmar po'i sprul pa 'gyed pa/ sdig pa ser po'i sprul pa 'gyed pa/ sems can thams cad la nad dang / rims dang / mdze dang / shu ba dang / g.yan pa dang / phol mig dang / 'bras dang / sha nad kyis rtsa thams cad sdud par byed nas zha bo dang / sgur por gtong ba/ rgyal rigs dang / bram ze'i rigs dang / rje'u rigs dang / dmangs rigs dang / gdol pa'i rigs dang / gnyen gyi rigs dang / mkha' 'gro'i rigs dang / sa bdag gi rigs dang / de bzhin du sems can ji snyed pa'i rgyal rigs dang / bram ze'i rigs dang / dmangs rigs kyi rigs thams cad dang / de dag gi rigs thams cad dbang du gyur nas/ de bzhin gshegs pa'i stobs gzhom par 'dod nas/ sems can thams cad kyi dregs pas myos pa'i cho 'phrul 'gyed par byed cing / bcom ldan 'das kyi drung du nye bar rigs thams cad sprul par 'gyed do// rtog pa'i rgyal po'i rgyud las/ gleng gzhi'i le'u ste dang po'o// // de nas de bzhin gshegs pa de yis/ de bzhin du lus mnyam pa nyid ces bya ba'i ting nge 'dzin dang / ngag mnyam pa nyid ces bya ba'i ting nge 'dzin dang /
- 187a
de bzhin du sems mnyam pa nyid ces bya ba'i ting nge 'dzin la snyoms par zhugs nas/ de bzhin gshegs pa des zhabs kyi mthil gnyis las kyang 'od zer gyi dra ba bye ba khrag khrig bkye ba las/ klu'i rgyal po de la snang bar gyur to// de bzhin du zhabs long bu gnyis dang / byin pa gnyis dang / pus mo gnyis dang / brla gnyis dang / gsang ba'i dkyil 'khor dang / lte ba'i dkyil 'khor dang / sku rtsibs logs gnyis dang / thugs kha'i dkyil 'khor nas 'od zer bye ba khrag khrig drug cu drug cu byung ngo // phyag gnyis dang mgrin pa'i dkyil 'khor ljags kyi pad+ma las/ 'od zer bye ba khrag khrig bye ba brgya drug cu drug cu phyung ngo // shangs gnyis dang / snyan gnyis dang / spyan gnyis dang / sku'i spyi gtsug las kyang 'od zer bye ba brgya stong drug cu drug cu phyung ngo // 'od zer de dag dang / klu'i rgyal po de dag gis mthong ma thag tu kha bub tu 'gyel nas mgo cher rab tu gas so// de nas klu'i rgyal po de/ de bzhin gshegs pa shAkya thub pa'i 'od zer gyi chos 'phrul yin par rig nas/ de nas klu'i rgyal po de dag dang / na gsher nA gsher ba'i sgra brjod cing / bya'i tshogs su sprul nas 'bros par 'dod do// de nas bcom ldan 'das kyis 'od zer de la sngags 'di/ bya khyung gi rgyal po cig tu gyur ro// oM A ba tha A ba thA/ rdo rje lugs kyi
- 187b
mchu can sdig pa thams cad sel bar byed pa/ rang gi don grub par byed pa 'di rjod par byed pa/ 'brug thog 'brug thog/ gshog pa g.yas kyi sngags/ mnan sad mnan sad/ gshog pa g.yon gyi sngags/ ti taM sad/ sder mo g.yon pa'i sngags/ yor ga sad/ bzhug ma'i sngags/ bum zil sad/ snying kha nas gsang ba'i sngags 'di brjod ma thag tu/ klu'i rgyal po bya'i tshogs su sprul pa de/ rang gi rdzu 'phrul gtor bar gyur to// de bzhin gshegs pa'i rdzu 'phrul mngon par bkye ba las/ bya khyung gi rgyal por gyur par brtul ba'i le'u ste gnyis pa'o// // de nas yang klu'i rgyal po sog ma med bzhin 'gyur sgra sgreng lag na mtshon thogs nas/ gzhon nu gtum bag dang ldan par gyur nas/ sems can thams cad la bkrag dang gzi mdangs 'phrog par gyur nas/ de'i tshe yang de bzhin gshegs pa de'i thugs ka'i 'od zer chen po de las rig pa'i rgyal po 'di brjod par bya'o// oM na mo rad na tra yA ya/ na mash+tsaN Da badz+ra pA na ye/ ma hA yak+Sha se na pa ta ye/ oM tsaN+Da be ga re b+ha/ sa ra sa ra bi ri/ tu tu tu mu la sa ma ya ba ri/ hu ru hu ru hUM/ tiSh+Tha tiSh+Tha/ b+ho ban nA ga nan dra bra ha ra du/ ma hA kro d+ha ra dza/ sU ta s+phu ta/ be'i re be'i re/ swa ra swa ra/ sa ma tA tu ti hUM hUM phaT phaT swA hA/ rig pa'i rgyal po 'di brjod ma zag tu/ ri ze la gnas pa'i 'od chen po'i
- 188a
bdag po rdzu 'phrul gyi dra bas gdug pa can gyi tshogs 'joms par byed pa/ mig dang / rna ba dang / sna dang / lce dang / lus sdug bsngal thams cad dang bral ba/ ya bi ra hUM khang / gis bdud bzhi nges par bcom pa/ phyag rgya chen po bzhi ngo bo nyid kyi mtshan nyid cig pa'i rang bzhin can la/ de la klu'i bdag po sog ma med kyis 'di skad ces smras so// de bzhin gshegs pa thams cad dam pa'i bdag po khyod kyi srog dbrog par bya'o// ngas dbugs rngub gcig gis bza' bar bya'o// de nas de bzhin gshegs pa shAkya thub pa des rdzu 'phrul rnam par bstan pa zhes bya ba'i ting nge 'dzin la snyoms par zhugs nas// ched du 'di brjod do// na ma sarba ta thA ga te b+h+ya sarba mu ge b+hu/ bad badz+ra hUM huM phaT phaT sa ma ya phaT/ ces brjod de/ de nas klu'i bdag po rang gi mdun du byang chub sems dpa' phyag na rdo rje khros 'khrugs par mthong ngo // lus rab tu 'bar zhing khro ba'i gad mo'i sgra 'byin cing / mche ba gtsigs mig bgrad de snang bar mthong ngo // ring por mi thogs par bstan par bya'o// stobs gang yin pa klu'i rgyal pos ltos shig/ gsang ba'i bdag pos rdo rje rab tu gsor zhing klu'i rgyal po de la brdeg par 'dod la/ bdag gi klu'i stobs dang bcas pa gzhon pa dang bcas pa gzhom par bya'o// de nas bcom ldan 'das kyis phyag
- 188b
na rdo rje khro bo'i dbang du ma 'gro bar/ phyag na rdo rje khyod kyis dkyil 'khor gyi sbyor bas klu thams cad bsu bar bya'o// phyag rgya sgrub pa'i rnal 'byor pas/ sbyor ba'i dkyil 'khor gar byed par/ gtsang ma'i sa blangs steng du brtsig gru bzhi rab tu gnas pa la/ ba lci la sogs rnam lngas// la ma lhung bas byug par bya// ras sam so ma'i shun lpags la// mkhas pas bsgrims nas byin gyis brlab// thig ni bcu drug cha ru gdab// sgo dang sgo rgyud rta babs bcas// dbus kyi cha gsum lte ba la// phyag na rdo rje nam mkha'i mdog khru ni bcu drug slo ngan tshad// dbus kyi lte ba zlum po la// nA ga rA dza dza yis dgug/ blo dang ldan pas bskyed par bya// de rgyab pad+ma 'dab bzhi la// lho ru gzhon nu gtum po gnas// yi ge hUM las bskyed par bya// byang du zur phud lnga pa bskyed// shar gyi pad+ma dkar po la// nA ga rA dza dza yis dgug/ phu las skyed pa mos pa'i tshul// nub tu pad+ma dmar po la// nam du la ni gdug rtsub can// sa ni bcu par yab dang thun// klu dang sa srin mo rnams kyis// rdzu 'phrul 'phrog cing phyag brnyan 'gyed// de bzhin skyes ma mgo gsum ma// sbrul mgo dgu yi gdengs ka can// dug gsum dregs ma dmar mo'i bdag/ sbrul gyi zhabs ni 'khyil bag can/ nub kyi phyogs la rab tu gnas// de nas phyi phyogs 'dab brgyad la// mtha' yas
- 189a
la sogs klu chen brgyad// sbrul mgo bdun dang yang dag ldan// phu brgyad dag las rnam par bskyed// rdo rje'i ra ba dag dang ldan// rdo rje ra ba'i phyi phyogs su// sprul pa'i lha yi snam bu la/ khye'u chung mdzes pa'i tshul 'dzin cing // bye ba brgya'am bcu drug dag/ yang na mdzes pa brgyad gzhag la// gdug pa'i klu bran zil gyis gnon// sgo bzhir sprul zhing dgod par bya// sgo yi ya phugs phyogs dag la// sems can sna tshogs klu gnyen gzugs// sa bdag lto 'phye dri za dang // gnod sbyin mo ni sha za che// ma mo'i rigs dang rgyal po'i tshogs// gang 'dod gzugs rnams bya bar bshad// tshon rnams kha dog ldan par bya// shar gyi ya phugs phyogs dag la// rgyal rigs dkar po dgod par bya// lho ru bram ze'i rigs rnams dgod// nub tu rje rigs byang du dmangs rigs dgod// yang na klu srin gdug pa can// byab pa'i las phyir gzhag par bya// ma nyams ma chag pus mthur ldan// dug gi gzugs ldan dgod pa'i tshogs rnams ni// rta babs phyi rim dag nas bskor// rtog pa'i rgyal po'i rgyud las/ rdul tshon gyi dkyil 'khor dang rdzas kyi dkyil 'khor bstan pa'i le'u ste gsum pa'o// // de nas sgrub pos 'bru la dkyil 'khor byas pa la/ klu gdug pa yod pa'i sa nas/ klu dang sa bdag gi pho brang gi brten byas la/
- 189b
phyogs bzhir lha bshos 'dab ma brgyad pa brgyad gzhag la/ mtshal gyi thig le byas nas ni// sde dkar nag dmar ser la// nad pa mdun du gzhag la// bum pa yan lag rdzogs pa yi// dug gi yan lag rnam par bsam// dug dbang rdzogs pa'i rnal 'byor pas// bgegs kyi yan lag btag par bya// dang dgod pa g.ya' ba dag tu mthun// rgyal pos grogs byas klu ni gdug pa che// lus kyi rtog pa gzhan la tshul mthun dang // gsang sngags mthu yis bskul nas 'bros par gnas dang pho brang nyes tshe ston pa dang / de ni gsang sngags grub pa'i las kyi phran tshegs yin par bshad// sa stengs rgyu ba'i gdon rnams med 'gyur na// rtags kyi mtshan nyid 'di ni 'byung mi 'gyur// gsang sngags me yis de la bskul ba med// rgyud kyi rgyal po chen po rtog pa'i rgyal po las// gsang sngags kyi mthu bstan du rung mi rung gi rtags kyi le'u ste bzhi pa'o// // de nas gsang ba'i bdag po rang gi sku'i 'od zer las/ gdug pa can gyi tshogs zil gyis mnan pa dang / bstan pa la 'tshe ba'i rigs can cham la dbab par bya ba'i phyir/ gdug pa can gyi 'khor lo 'di phyung ngo // phyi dang nang dang gsang ba dang // phyi ni zhe sdang sprul bar du// sa bdag chen po'i rigs dag gam// yang na klu chen gnas sa ru// drag po'i 'khor lo rab bskor nas// thod pa
- 190a
dum bu drug pa ru// gro ga shing shun bsam pa la// gsang phyir gzugs dang ming bkod la// dam tshig bdag por rab bskyed la// gsang ba'i sngags ni 'bar bsam nas// chags las rnam grol chen pos mchog/ lag pa rkang pa lto gnyis drug/ mgo dang gsang ba 'khor lo brgyad// dang por mgo brgyad gru gsum la// gzugs bzhi bsnol ma gang 'dod gtem// dam tshig sngags ni dkrug cing bzlas// skad ni rnam log mgo ba thur// dang por 'bod par rab tu gces// bar bar du ni 'khyil ba'i lus// mtha' ma 'khor lo rtse brgyad ma// bzhug ma brgyad ni rang sar zlos// ming du bod pa chags par spyod// bar bar ming bcug las las spyod// drag por thig ni btab yin na// 'dren drag byid ming ting la 'dren// tshon gyis kha dog bsgyur zhing dgod// rta bsdams stobs med 'khor lor gzhug/ gang 'dod the tshom med par gyis// nang zhes bya ba'i las rnams ni// bum pa chen po thig drug par// rang chod phyag rgyas btab pa la// dbang ni rim gsum rdzogs par skur// thog mar rang gi gnas mchog bsrung // gsang dang dam tshig sngags dang brjod// de ni ming gi dang po ste// 'og dang steng du 'khor lo gdab// pha rol bsrung ba de tshe 'jig/ sems can rnal 'byor dam pa yis// 'dod pa bya ba gang 'dod
- 190b
bsgrub// 'phrin las bzhi yi dug gi las// sbrul chen bzhi ni chu srin kha// drug tu 'dod pa nang gi las// gsad gso las ni mchog tu 'gyur// rang gi gnas drug 'khor lo drug/ sbrul brgyad steng 'og gnyis la rdzogs// de ni rdzogs pa'i bdag por nges// las la khyad par bsam yas kyang // 'ching bdag chen por mi 'gyur nges// mchod pa nang dang gsang 'dzin che// phyi phyir gsang chen nges par 'phreng // de tshe sngags kyi stobs dgod// e e i AM u U/ nan nan nan nan/ oM nA ga shi ri ran chom chom// dkrugs dkrugs sarba sho ga ri s+pho ta ya swA hA/ gong du ji ltar gsungs pa ste// gsang sngags la las 'khor lor dkrug/ sangs rgyas kun dang stobs gcig phyir// gsang ba'i dbang ni spyod pa'i mchog/ de tshe bsgrub par rab tu gces// 'di yi las kyi cho gar 'grub// rtog pa'i rgyal po las/ rtse gcig sems kyi khyad par dang // bsad gso las kyi bya ba dang // ji ltar dmigs pa 'grub par bstan pa'i le'u ste lnga pa'o// // de nas de bzhin bsgrub pos// phyogs bzhi mtshams rnams 'khor ba ru// las kyi thun dang mi mthun rdzas// gru chen la sogs 'khor gyi bar// 'o ma sman sbyar mthun pa yi// phyogs bzhi'am yang na re re bzhag/ rin chen la sogs snod ni mdzes pa yin// mda' dang 'phang glud nam mkha' shing ris dang // rgyang
- 191a
bu dkar po brgya'am stong la sogs// nag po la sogs mda' 'phang de bzhin grags// gtor ma ma gtogs mchod pa sngags kyis brlab// 'phags pa mchod cing tshogs bsag sbyin gtong gtang // lha bshos mthun rdzas bgegs rnams dug gi rdzas// ne ram shing rtsi sna tshogs 'pho ba'i rten// bal tshon sna lnga dkar gsum klu sman brgyan// shing thog 'bras bu snod ni dung phor shis// ba ra ta bi ra ni ku ku mo'i 'o ma yin// snod ni bum pa'i nang du blugs sam rin chen mdzes// dpag bsam shing gi gzugs ni phyogs bzhir bri// ri rab gling bzhi nyi ma zla bar bcas// mnga' la yul mkhar la sogs mdzes pa'i dar// rang gi ming dang sa bdag klu gnyen tshogs// ming ngam gzugs ni sna tshogs tshang pa gces// dug chen dag dang dug chung zin 'dod na// sgrib non dug gis myos par gyur pa dang // rta dang rten yod pho brang mthun pa dang // mi mthun mthun pa bum pa lnga yi chus// spyi gtsug rkang mthil snying kha ljags las 'khyil// brab pa smag shad bal po se'u lcug/ ka ra bI ra gu gul nag po dang // mun pa sel ba stobs dag yod pa ni// sems grol smyug ma byas pas thob pa min// rtog pa'i rgyal po'i rgyud las/ gsang sngags grub par nus par byed pa'i rdzas kyi khyad par bstan pa'i le'u ste drug pa'o// // de nas de bzhin
- 191b
gshegs pa de'i 'od thugs rje chen po'i rdzu 'phrul mngon par bstan pa'i phyir/ gsang ba'i sngags 'di dkyil 'khor gyi rtog pa klags par rig nas/ gnod sbyin gyi sde dpon chen po lag na rdo rjes/ de bzhin gshegs pa'i rdzu 'phrul rnam par spros pa zhes bya ba'i ting nge 'dzin la snyoms par zhugs nas/ gsang ba'i dkyil 'khor 'di phyung ngo // oM na mo rad na tra yA ya/ na ma tsaN+Da badz+ra pa na ye/ ma hA yak+Sha sen pa ta ye// tad ya tha/ oM pra ku pa te be ga d+ha ra/ sa ra sa ra/ ma ha be ga he sa ra/ b+hi ra sa ra sa/ b+hi ra ka ra ka ra/ pra dza lin ta/ ma hA be ga man d+ha li pra ser/ ma hA pra tsan d+ha/ b+he ga d+ha ra/ pan na gen 'dra/ hUM hUM d+hA na d+hA na spud ta spud ta nA ga sha ri ran ha na ha na/ nA ga nan/ bra ha ra/ sarba shad trun/ b+ha ma na yA nA sha ya b+hi tra pa ya/ tra sa yA/ nA ga nan/ bA b+ha nan/ kam pa yA/ hUM hUM phaT phaT/ phus bu tan tu/ nA ga na ni/ hUM hUM phaT/ phus pu tan tu/ sarba shad trun/ hri ta ya ni/ hUM hUM phaT/ b+he ge b+he ga b+ha hi ni yo ta ma hUM hUM phaT swA hA/ sarba shad trung pra ma tha na ya hUM phaT/ bi ri bi ri swA hA kro d+ha nA sha yA phaT/ tro ta b+hi d+ha ra na yA phaT/ ro sha na ya phaT mA ra na ya phaT/ ku la ud sa da na ka ra ya phaT/ sarba du ta nan phaT/ ba smi ka ra ya hUM hUM phaT phaT swA hA/ de rab tu rtog pa'i cho ga rig pa gsang ba'i gzi brjid chen po 'di brjod ma thag tu/ lha rnams kyi stobs
- 192a
kyis nang nas lha rnams kyi stobs kyis mi g.yo ba'i ye shes kyi rdo rje 'od zer sna tshogs su 'phro ba/ lha rnams kyi 'od thams cad mog mog por byed pa/ nyan thos dang rang sangs rgyas kyi lo drug khri pa'i bar du sbyangs pa'i stobs pas lhag pa/ dgra bcom pa chen po mchod pa byed pa 'di// klu rnams kyi stobs kyis ma yin// gnod sbyin gyi stobs kyis ma yin/ de bzhin du dri za dang / grul bum dang / mi'am ci dang / lto 'phye chen po de dag gi stobs 'jig par mthong na/ dregs pa chen po dag rang gi stobs med par mthong ma thag tu/ bcom ldan 'das kyi spyan sngar phyogs bcu nas 'dus nas/ dregs pa can de dag gis bcom ldan 'das kyi zhabs gnyis la spyi bos phyag btsal nas/ 'di skad ces smras so// thugs rjes rig pa'i bdag po byin rlabs can// 'od zer 'bum gyi gzi yis bdud dpung 'joms// tshogs gnyis rdzogs pa'i tshul gyis rkang gnyis mchog/ pha rol phyin bcu rdzogs pas sa rnams lhun gyis grub// ces bstod/ 'di skad ces bstod/ mi'i nun pa grags par byed mi nus// bdag cag klu rnams bu dang bcas// dpung dang bcas te skyabs su mchi/ bdag cag klu rnams mi gzhom gsol// dam tshig la ni gnas par bya/ khro bo gsang sngags su 'dzin pa// 'di la dam tshig gnas par bya// zhes brjod nas//
- 192b
bcom ldan 'das kyi drung du nye bar 'ongs nas thal mo sbyar nas 'dug go/ de nas bcom ldan 'das kyi spyan snga na 'dug pa mo sha rus za ba'i ma mo rnams nye bar rings par 'ongs nas/ bcom ldan 'das kyi zhabs gnyis la mgo bos phyag 'tshal nas/ 'di skad ces smras so// dus gsum sku ni rtogs bral sku ni bcom ldan 'das// bgres rgud med pas mtha' gnyis dus gcig gcod// ma chags 'khor ba pad+ma 'dam skyes ltar// rig pa'i cho 'phrul ma'i tshogs rnams 'joms// ces bstod do// de nas ma mo sha za ma khrag 'thung rus pa 'cha' ba gsur gyi dud pa la/ dri tshor ba tsam gyis yang / kha rlangs chen po 'phyo ba'i kha rlangs las/ ma mo srin mo sha za ma stong phrag phyung nas/ srid pa'i skye 'gro thams cad sgrol bar mdzad pa de dag bcom ldan 'das kyi dkyil 'khor gyi gsang sngags mi bzod nas/ bdag cag gi srog mi gzhom du gsol lo// bcom ldan 'das kyi bstan pa la 'tshe ba rnams kyi don du bdag cag gi drag sngags bzhes su gsol/ tsid ma sha la khrag 'thung / ki ka pa ta pa la ta sha la ki khyo te khrid de/ rig pa 'dzin pa'i rnal 'byor pas// dgra bo'i cho ga byed 'dod na/ dong ni chag gang gru bzhi pa// brkos nas rgya sol gyis bkang nas/ lhad ma ser la dgra bo'i zhing gzugs byas la/ ming rus bris la/ lag pa'i nang nas
- 193a
mi shi ba'i lag par bcug la kha g.yam pas gcad la/ de'i nang du kha lho phyogs bltas te/ gong gi sngags drug stong bzlas so// sngags te bton pa dang / lhag ma'i nang nas lhad ma tsher byung nas// slar dong gi nang du gsal te/ a ku shas sngags gong ma ltar bzlas te bsdu/ de ltar sngags gong du po sa ra ta zhes sham bur gdags/ de ltar lha dang / klu dang / gnod sbyin la sogs pa de dag thams cad/ rang rang gi spyi bos bcom ldan 'das kyi zhabs gnyis la phyag 'tshal nas rang rang gi gnas su 'dug par gyur to// rgyud kyi rgyal po chen po las/ gsang sngags kyi mthu la zhu ba pa gtad nas/ 'khor du gyur pa deng snying po phul ba'i le'u ste bdun pa'o// // de nas de bzhin gshegs pa rang gi 'od zer gyis/ las 'phrog par byed pa'i ting nge 'dzin la snyoms par zhugs nas/ rang gi dam tshig gcig tu bsdu ba mdzad nas/ oM s+phu ta s+phu ta ma hA kro d+ha hUM/ sid d+hi sid d+hi dzam pa ti dzam pa ti/ swA hA/ po ta ya swA hA/ oM s+phu ta s+phu ta ma hA kro d+ha hUM dza ti dza ti s+pho ta ya swA hA/ hUM phaT phaT swA hA/ rang rang gi sngags 'di sgras ma thag tu// lus dum bu lnga bcur 'chad par 'gyur/ klu mtsho thams cad skams par gyur cig/ de ma thag pa tseng tsong po'i sgra chen smin par gyur cig/ klu'i rgyal po de ltar du sgrubs shig/ de bzhin gshegs pa kun gyi rjes
- 193b
su gdams pa 'di ni 'da' bar dka' ba yin gyi/ 'dzam bu gling rin po che'i rang bzhin du gyis shig/ lo tog dang me tog dang / lo ma dang / sman dang / nags tshal dang / mgo lcogs dang / spos kyi tshal chen po de dag la ma 'tshe zhig/ sems can gyi khams rigs dag cing mdangs dang ldan par gyis shig/ sems can thams cad srog gi rgyun chad par ma byed cig/ dam tshig dang ldan pa'i rig pa 'dzin pa la grub pa la bla na med par gyis shig/ ces ched du brjod do// rgyud kyi rgyal po rtog pa'i rgyal po'i rgyud las/ dam tshig rjes su gnang ba'i le'u ste brgyad pa'o// // de nas rig pa 'dzin pa de/ rgya mtsho chen po'i gra dag gam// pad+ma'i ri dang me tog rnams// gang na klu chen gnas pa der// 'o ma spos chus mgo lus bkru/ kha zas cho ga sngags kyis gdab// yang na sbyang bar gnas par bya// ma btab zas rnams bsrung bar shis// mtshan ma rnyed nas yid du 'ong // rnal 'byor bas ni ci dgar spyad// bgegs kyi lus can zin 'gyur na// 'o dod bod cing gnyid kyang med// mig ni so ma gyel la ldog/ 'chad pa dur khrod dag song la// bla khab yod dang med kyang rung // dkyil 'khor khrung gang brtsigs nas ni// bum pa rin chen gtsang ma la// chus bkang sngags kyis btab gyur na// mi de de las grol bar 'gyur// sa yi gter rnams
- 194a
phrad par 'gyur// yang na rmi lam nyams byung na// yod med 'grub par rigs kyis chen// rgyal rigs dkar po bram ze rigs ser// rje'u rigs dmar por yang dag gnas// dmangs rigs dmar pos zin gyur na// rang lus dug gi dbang thob nas// dkyil 'khor gzhung ltar bris nas ni// bum pa la sogs rdzas rnams ni/ gsang ba'i sngags dang rig pa'i sngags// dam tshig sngags la rab brtson bya// sngags kyi dug rnams byung nas ni// rta bsdams rten sro las rnams bya// zhi dang dgug dang dbang du bsdu// bskrad dang gsad pa las kyi 'dogs ni rab tu gces// zhi rgyas dbang drag tshang ba'i mchog/ chu mig chen po yod pa'am// gnyen klu rigs bzhi yod par ni// sa phyogs de ru dkyil 'khor brtsig/ gzugs kyi bye brag dag kyang dgod// drag po sngags kyis mi gnon cing // gsang sngags grub rtags ma phyin na// gnyen skyes gdab cing glung dang bsngo// zla ba bdun nas bcu gsum dang // rang gi dug ni nus pa che// mthar gyis rnam rtog med par nus// yid la ji ltar dmigs pas 'grub// dug gi mun nag sol bar 'gyur// ji ltar sngags kyi sgrub pa ni// mun nag sgrol ma sman gyi dug gsos ltar// de bzhin gsang sngags dug ni sman dang 'dra// gdug pa sbrul gyi dug ni sel bar byed// dmag la ral gri nyungs kar
- 194b
dag la bzlas// zer ba rdo rje ka ra bI ra bzlas// bal po ser smag shad shing ngag ni// dug gis zin pa'i lus can de la bzlas// yang na nyungs kar bum pas ci la yang bya bar 'grub// dbang bskur byas pa'i bum pas ni// dbab gcad byas pa'i tshe na bya ba men// sha kra dug ni kha rlangs dag las byung // bum pa yis brab cing se'u'i lcug bya ba// mche bas btab na sha ro dug chen yin// gsang ba'i sngags ni gags sel med 'gyur na// dug chen dug ni nyi mas sel bas mun nag sel// de bzhin zla ba bcu gsum gsang sngags dug dag 'don// rigs kyi gnod sbyin sha zas gtab pa'i dus// zhag bdun zhag gcig nyi shu gcig gis sel// gdug pa mo'i tshogs la man du sngags kyis sel/ log 'gro na dug ni zas bzhin byed mthun par rags/ dgar dang dgug pa so thags dbang du bsdu/ bsad pa byin snyed rdo rje dri yis bya// rin chen la sogs bdud rtsi nyi shu lnga// phug ni shing shun ras bal mgul chings yin// nyungs kar nyungs nag bsres pa rab rtogs sngags kyi mchog/ gdug pa mo ni mos pas rang sel te// rta dang glang dang khyi phag nya sbrul dang // ra lug ri dwags 'dab chags bya yis tshogs// chu srin gtsos mo gcan gzan sna tshogs gzugs// phyogs bzhi dag tu kha dog ldan pa'i gzugs// rnam smin mun pa sel byed
- 195a
rgyal rigs sbyi nas 'don// bram ze kha dang rje rigs snying kha gdon// dmangs rigs rkang mthil rnam smin sel bar nus// rgyal po log dang snang bas zin gyur na// sdig pa dkar po rkang pa'i mthil nas zhugs// lus mdog 'gyur zhing dri yang nga bar 'gyur// rid cing bskams pas 'o dod chen po 'bod// bla gab med pa'i dge slong su ti tas// btson ra thar pa'i gsang sngags bzlas gyur te// bum pa'i chu yis rgyal po nad zhir 'gyur// chu bur zhi nas zhag ni bdun bar du// rgyal mtshan rtse la btags te mchod pa byas gyur na// shing chen bskams pa lcug phran skye bar 'gyur// dus bzhi dag nas mgo ldogs skye bar 'gyur// rims dang dug dang mtshon dang me yang zhi// rgyal po bka' yi chad pa zhi bar byed// gdug pa sbrul gyi tshogs ni sa yi srubs su zhugs// gdug pa sdig pa'i tshogs ni reg pa chu bskams ltar// mtshan nyid med cig lus dang gtor bar 'gyur// de bzhin mthun rdzas grogs dag ldan pa yis// rtog med gsang ba'i sngags kyis zhi bar 'gyur// rgyud kyi rgyal po rtog pa'i rgyud las/ dug gi yan lag 'byung ba'i phan yon dang bcas pa'i le'u ste dgu pa'o// // de nas byang chub sems dpa' zla bzhi dag pa'i snang ba de nyid la/ tshur shog bye brag rig pa'i skad// 'od gsal rdo rje 'jun pa'i tshul// me
- 195b
tog ye shes tshul 'dzin cing // dpa' zhing brtul la log rtog 'joms// dpa' bo chen po de dpa' ba'o// byang chub sa la rab gnas shing // mgon po ting 'dzin thugs rjer ldan// sa bcu gzugs su yang dag ldan// chos sku ngo bo brjod du med// 'od zer stobs kyis bden bral 'joms// bcom ldan longs sku rtag pa che/ khyod kyi thugs kyi ngo bo nyid// mi 'gyur rdo rje rjes su bcad// oM na maHsarba ta thA ga ta b+h+ya sarba mu ge b+h+ya sarba ta thA tsaN+Da ma hA roSh+Ta badz+ra pA Ni hUM phaT/ bde chen rig byed rgyal ba'i sras// nga yi dam pa'i phyag rgya ni// mi 'gyur las kyi dam pa ni// mchog chen mchog bral bzod par dka'/ khyod kyis mi gnas rtag tu chongs// de nas gnod sbyin gyi bdag po nyi ma stong gi gzi/ gdon rnams ma lus mi rtog ngang du rdzogs// mkhas shing snying stobs tshul khrims mtha' gnyis gnon// sbrul gdug rgyan chas lus dang yan lag mdzes// dri med gzugs kyis 'gro la mthun par snang // lha rnams la ni lag na rdo rje che// klu yi gnas na rdo rje klu chen 'joms// gnod sbyin tshul mthun gnod sbyin gos sngon can// dri za la ni dri za'i gzugs lta bu// grul bum mthun snang rig byed rdo rje 'dzin// srul po gzugs chen rnams la srul po rdo rje 'chang // de bzhin lus srul rdo rje 'dzin// skye byed nad ni skye byed ldan pas 'joms// smyo byed
- 196a
las ni smyo byed ldan gzugs snang // grib snron dug ni grib snon tshul 'chang 'joms// nam gru nam gru lag na rdo rje 'joms// sna tshogs gdug pa can rnams la// lus kyi phyi ru gzugs 'byung ba bzhin du// rang rang mdun na rdo rje 'dzin pa'i gzugs// rang rang dag gi dregs pa zhi bar byed// lho phyogs rig pa 'dzin pa gnas// de bzhin rjes su 'jug pa'i dbang // dkyil 'khor sngags ldan mdzes par bya// po ti phyag rgya thugs kyis brtags// chab gtsang 'o mar me long zho// bum pa rdo rje byin brlabs pa// nag po ra ri med pa la/ gcig gam yang na gsum lnga la/ kha rgyan mgul chings dar dang ldan// lha bshos bdug spos me tog dang // mar me dri dang dung chos nyid// ku sha ras bal gdan ldan mchog/ gdan mchog bla ma rab gnas la// rang gi snying khar zla ba yi// dkyil 'khor yi ge mtshan pa bya// de stengs hUM sngon mtshan bya ste// nam mkha' yi ni mos dkyil du// de dag mdun du yang dag bsam// de nas mdun du sngags bdag bskyed// bum pa'i dkyil 'khor rab ldan pas// mos pas rang bzhin med par bya// rdo rje la sogs sku gsung yang // sngags kyi sku gsung thugs su bskyed// byin rlabs ngo mtshar rgya cher 'byung // de nas slob ma drang bya ste// mig bkab 'phreng thogs gus pa'i sems// dkyil
- 196b
'khor gyi ni shar sgo nas// tshig gi khyad par 'di dag brjod// mgon po rgyal ba dgongs su gsol// bdud dpung 'joms pa'i rdo rje 'dzin// nam mkha' dri ma med pa ltar// bla med thugs rje gzung du gsol// khyod ni nga yi bstan chos po// rdo rje las na bdag la stsol// dam tshig rdo rje bdag la stsol// 'jig rten dpung 'joms chos legs mdzod// sdig bshags sdom gzung rjes dran dang // ser sna med pa'i yon mchod 'bul// sangs rgyas gang ga'i bye ma snyed// mdun du yang dag bsam par bya// bla mas mchod pa rdzogs pa dang // lus ngag yid gsum dang bas 'jug/ mig bkab phreng thogs zhi ba'i sems// de nas dam tshig bsgrag par bya// lha stan rigs kyi bdag por nges// sangs rgyas kun dang mnyam sbyor ba// sangs rgyas kun gyi sku yi dbang // rtog spyod kun gyi mtha' las 'das// thams cad 'joms pa'i stobs ldan pas// bu khyod la ni bskur ba yin// rdo rje bdud rtsi dam par 'gyur// oM badz+ra tsakra/ de bzhin gshegs pa gsung gi dngos// bsam gtan spo ta dam pa 'di// mtshan ma'i dgra rnams rnam par dag/ bu khyod la ni bskur ba yis// gsung gi grub pa bla med shog/ oM badz+ra bag sha nan/ sangs rgyas kun gyi thugs kyi dbang // dam pa ye shes bla na med// rdo rje ngo bor grub pa nas// bgegs rnams kun yang bzhig par
- 197a
byed// oM badz+ra tsit+ta rag shad hUM/ gsang sngags yid la rjes dran nas// nyams pa'i don gyis rtog sel cing // rig pa'i ye shes dam la gnas// 'gro ba'i ched du rang dam bca'// yi ge hUM gi sa / bon las// phyag na rdo rje grub yang 'dzin// bum pa zla bas mtshan par bskyed// de stengs khru ni bcu drug pa// 'phro 'du mang po'i tshul gyis gtams// slob ma'i spyi bor gzhag la ni// nyes pa'i tshogs nyid rnam dag pa'i// ye shes gzugs kyi bum pa 'di/ khyod kyi spyi bor gzhag pa yis// dbang gi rgyal por mdzes ldan nas// las kyi mtha' rnams bshig par byed// me long bstan cing bum pa'i chu rgyun gyis/ khyad par rab dang 'bring du bshad// rab ni thar pa'i lam mchog 'bring ni lus sems bde// ngag kyang snyan cing gdon yang 'gros// rid cing skam pa me tog shing skams la// char chen rlan gyi rgyun gyis brlan pa bzhin// nyon mongs dug la ye shes chu yis brlan// mche bas zin dang rjes ni bor ba'i dug/ kha rlangs sna tshogs dug ni chags pa che// rigs chen drag po'i dug ni gsang sngags dug gis 'joms// des ni tha mar bstan pa rnam par spangs// gal te nor la sred cing sdug bsngal gyis// gdung nas 'bring po la ni bstan par bya// lha yi bde ba dang ni 'byor pa dang // tshe dang stobs gzungs phun sum tshogs pa
- 197b
dang // zos mang mdangs bzangs cig tu yid bzhungs na// dbang zang che kun dga' mthu stobs kyis thob// chags dang rnam bral dge la dga' ba dang // rtag tu dkon mchog gsum la sems gzhol dang // sdig pa spangs shing bzlas brjod ldan dang ba'i// mi la lha rdzas dngos grub ring ba med// rdo rje'i mtshon med gnam lcags mthu 'dra ba'i// gsang sngags mi yi 'jig rten mchod sbyin mdzad// 'jig rten 'di dang pha rol nyid na yang // sdug bsngal sel cing sdig 'joms gzhan med do// gang zhig dpag bsam ljon pa'i shing lta bur// la las dngos grub la lar bsod nams dang // gzhan la gzugs stobs che dang bde ba dag/ yid mthun 'bras bu 'dod pa'i mi la sogs// gsang sngags sna tshogs gzugs su rnam sprul nas// gang zhig sdug bsngal gang zhig 'jigs skrag pa// 'gro ba'i sdug bsngal kun las grol ba'i dbang // rgyal po chom rkun thog gis 'jigs skrag pa// 'gro ba'i tshogs chen mtha' dag skyob par mdzad// rtog pa'i rgyal po'i rgyud las/ dbang bskur ba'i le'u ste bcu pa'o// // gang zhig yul dang khyim la brten kyang rung // dka' thub ma nyams rtse gcig sems kyis ni// nyin gcig bzhin du cung zad sngags bzlas na// de yis gsang sngags dus gcig na ni 'grub// cho ga bzhin du dang por 'bum
- 198a
bzlas nas// snyed nas sngags pas bsgrub la 'jug par byed// de ni dngos grub myur du thob 'gyur ba// gsang sngags cho gas yun rings nyon mi mongs// lus la sa yis dril phyis byas nas su// chu rnyed rnyog ma med par zhugs nas kyang // ji tsam 'dod pa'i bar du khrus byas te// byung nas shar ram byang du kha bltas nas// chu yis lag pa rkang pa bkrus nas ni// pus mo phyi rol tu ni bstan bya/ ste// bar du lag gzhag tsog tsog por 'dug ste// skra med yu ba med pas nye reg bya// lan gsum bar du chu ni 'thungs nas su// chu la lan gnyis yongs su phyi bar bya// so la chags la lce'am reg nas kyang // sbrid pa byung nas kha yang dkrug par bya// rab tu skyes pa bud med gzhon nu yang // gzhon nu ma dang rgad po mdzes rnams la// de la nams kyang sngags pas reg mi bya// sngags pas de dag rnams la mi bsam mo// rgyal de dag rnams la reg gyur na// slar yang thor 'thungs byas nas ni// de nas phyir yang bzlog la 'jug par bya// gsang dgra la dad bzlog dga' snying rje can// rtag tu len pa la ni bzlog pa dang // slongs mo'i zas za lha yi las brtson pa// de yi lus la gsang sngags 'jug par 'gyur// 'ga' yis bud med nor dang gos rnams dang // bzhon pa brgyan dang bza' btung byug pa dang // mal stan
- 198b
rnams ni mang nyung byin 'gyur na// de las bsgrub la gnas pas mi blang ngo // sa phug bshang sgo lnga ste mtshan la gsum// g.yon la gsum ste lag pa gnyis la bdun// yang na sa dang chu yis ji srid du// dri ma dri bral de srid bar du bya// lhor ni rgyas pa ser po sngags yang dag ldan// nub tu dbang dang byang du drag po yang dag ldan// shar du zhi dang grub pa'i las rnams bya// rnam smin dug ni sngags kyis sbyar bar bya ba min// tsha tsha cho ga mdo don khyad par 'phags// sbyin sreg las ni 'bum mam bye ba bya// zhi ba zlum po khru gang las ni rigs dman tshad// bram ze rje'u rigs khru ni bzhi yi tshad// rgyal po khru ni bcu gnyis dag tu nges// rgyas pa gru bzhi dbang la zla gam bri// drag po la ni rim pa gsum gsum ste/ kha dog dkar dmar ser ldang nag por bshad// phur ba'i tshad ni rigs kyi tshad dang sbyar// nyul lam shing dkar dbyibs ni zlum por bshad// rgyas po gru bzhi shing ni ser por 'grub// dag pa'i dbang ni min pa'i shing mdog dmar// drag po'i shing nag yang na lcags la bya// rin chen la sogs so so'i phur pa'i rgyu// shin tu las bzhi me yis nyon mongs bsreg/ rigs kyi slob dpon rgyan chas so so'i mdog/ las la brtson zhing tshul khrims dag pa'i mchog/ tshad med bzhir ldan shes rab bden gnyis rtogs// mtha' gnyis rig pas
- 199a
dpag bsam shing lta bur// yon tan tshogs ldan rigs kyi bdag po des// tshon gyis bri'am yang na me bri bar// lhag pa'i lha la mchod phyir mchod pa'i rdzas// bdug spos me tog la sogs mchod pa'i rdzas// ma du 'bras chen gtor ma lha bshos dag/ bdun bdun dag gis mchod na grub pa'i mchog/ kha dog la sogs so so'i mdog ldan pas// raM sbar shing ni kha dog phur par ldan// gtum khung zo ba dbyibs dang so so'i hom khung ltar// smag shad lcug mar drag po'i yam shing rdzas// mang nyung rdzas ni ma nges dbang zang che chung tshul// zla ba bcu gnyis rab sbar sbyor ba'i tshe// gcig nas nya yi tshes ni zhi dang rgyas pa'i las// zla ba gzhol ba dag la drag po'i hom khung 'bar// dbang ni zla ba shi bar rab tu 'grub// tshe rabs sbyangs pa'i sdig sgrib sel bar byed// 'jig rten dag na spyod pa rab grub pa'i// chos kyi rgyal po e ma ngo mtshar che// rgyal po shing chen bram ze rigs su skye// dngos grub chen po gzhan na med pa thob// phan 'dogs ma nges grub par gsungs// rgyud kyi rgyal po chen po rtog pa'i rgyal po'i rgyud las/ sbyin sreg gi le'u ste bcu gcig pa'o// // de nas de bzhin gshegs pa thams cad kyi bdag po mngon par bsdu ba zhes bya ba'i ting nge 'dzin la snyoms par zhugs nas/ rdzu
- 199b
'phrul gyi rgyal po zhes bya ba 'di gsungs so// oM pra dz+wa la s+pho ta ya ki rgya du ba b+ha nan hUM hUM phaT phaT swA hA/ rigs kyi dkyil 'khor gyi mig 'bar ba zhes bya ba 'di brjod par bya'o// oM tsak+Shu tsak+Shu ma tha ma tha swA hA/ rdzu 'phrul rgyal po mig 'bar 'di sgra grags ma thag tu/ ring por mi thogs par mthong bar 'gyur ro// byis pa gdon gyis zin pa dang // gang dag dug gi lus can la// ston par byed pa 'phro mo'i 'phran tshegs yin par bshad// bya ba dang rnam par bzlas dang grub pa'i tshe// dbab dang bskrad dang bsad dang bcing la sogs dang tshar bcad dang / de tshe dkyil 'khor phyogs bzhi dag tu yang / dmigs pa'i rten gyi 'brang rgyas lnga gzhag ste/ klu rigs kyi gnas nas dgug pa dang / lus la dbab cing phyi bzhin bgegs rnams ma lus bskrad pa dang / phyi bzhin bzlog cing lus la 'tshe ba med/ bcing dang gsad pas las kyi mtha' mi dor/ ting 'dzin phyag na rdo rje rab ldan pas// yi ge hUM gi sa bon de nyid las// 'od zer 'phros pas rgyal snying rab bskul te// phu las 'od zer kha dog bzhir ldan pas// rigs bzhi'i gnas rnams kun tu 'khrug par byed// gtum khros 'bar ba'i gzi brjid 'phel bar byed// lus dang ngag sems dam tshig rgyal po'i mchog ltar ster// rigs 'dzin tshe yi snying por grub pa dang // bkra shis tshigs su brjod tshe
- 200a
dbang mchog dam pa bskur// ma chags dam pa'i thig les rgyas yang gdab// spyi gtsug gnas su so sor bsgrub pa lnga dag sgom// bkra shis brgyad kyis dag pa'i rdzas dbang bskur// lha klu gnod sbyin dri za'i tshogs chen po// reg dang kha rlangs dug las grol bar 'gyur// sbrul gyi rigs ni dkar po bcu gsum dang // de bzhin gnag dang dmar po ser khrag dang // dug gi rang bzhin mthu stobs zhi bar 'gyur// de bzhin gnyen sgras dbab cing sngags kyi glud kyang bsngo// sman dang 'bru bcud rdzas rnams rdzogs par bya// phyogs dang mthun pa'i dkyil 'khor bri ba'i tshe// le lo sgyid lug ma dang blo bor nas// rang sems rgyud dang brtson 'grus che ba dang // rgyud la goms shing gnyis med blo ldan pas// dbang gis rang bzhin rigs kyis mtho ba dang // dad pa'i mthu yis bla ma bsten pa dang // snying rje'i dbang gis tshad med bzhir ldan pas// dug chen dug chung dug med rims pa rtag pas// dug gis mi'i rang bzhin khyer 'dra bar// snying rje'i rang bzhin mi rtog rtog med par// nags tshal ljon shing yal ga lta bu la// yan lag rdzogs shing 'bras bur ldan pa ltar// de bzhin kun gyi thub mchog nus ldan pas// mun nag nang du phye mar gsal ba ltar// rab dang 'bring gi blo ni tha ma gsum// rab la mtho ris thar pa'i sa
- 200b
yang rnyed// 'bring la tshe dang rgyud 'phel dbang zang yo byad ldan// za ma lus kyi nad zhi bde bar rtag tu gnas// dngos grub rdzas dang kha zas sna tshogs bsten// 'tshogs nas dkyil 'khor lus ni gang gi tshad// bri dang brtsig dang mtshon gyis 'o dod gsal bde ba'i// stan la rigs 'dzin bdag nyid gnas// rgyal ba'i tshul 'chang lus ni bor nas ni// 'gro ba'i don du tshul ni sna tshogs pas// 'gro ba'i don de thams cad rdzogs ldan byed/ kha cig mi yi lus la rnam par 'khyam// mtshan mo me mngal zhon cing rnam par 'tshe bar byed/ kha cig chu la zhon cing bud med dag la gab// skyes pa'i cha lugs bzung nas lus la grib bzhin 'khri// nyin bzhin dur khrod song nas zla ba'i zer la ldang // zla ba'i zer la zhon zhing skyes pa'i rkang la 'khril/ kha cig lam chen dag tu 'gro zhing rdzu 'phrul ston/ kha rlangs ser pos sha khra'i nad du gtong // mche ba gcig gis zin pa'i mtshan nyid ni// dug chung yin te khrag phyung sha za'i mdog tu 'gyur// sngags kyis gso ba mkhas pas ngo shes nas// 'phran tshegs yin par bshad/ mche ba gnyis kyis zin pa'i mtshan nyid ni// rigs ni bzhi pa gang yang rung ste rjes ni bor bas sha ro dug gi nad// dug chen nad du sngags pas ngo shes nas/ sngags pas dbang gi lus rnams mdzes ldan nas// drag po rtsub pa'i
- 201a
bum pa sngags kyis brab// gnyen skyes dbab cing skud dang mdzes par gtang // pha rol rten yo mi ldog d+ha yang gsum// mche ba gsum pa dag gis gdab gyur na// de'i tshe lus la chu bur cher byung nas// mche ba'i dug dang kha rlangs rjes par yin// sngags dang sman gyis mkhas pas gso ba shis// byab pa'i rdzas kyis dkyil 'khor dag nas gdon// sngags kyis dug sel sman gyis dug ro sel// de ltar mkhas pas rig nas bsgrims te bya ba yin// mche ba bzhi yis gdab pa 'di dag ni// rtags kyi mtshan nyid gang yang ston mi 'gyur// de ltar rtags rnams med pa'i lus chen gang la yang // sngags pas las de brtsam par bya ba min// de yi lus ni bcad gtubs zos pa'o// dug gi rgya mtsho las kyi rnam smin che// dug chen de las sgrol ba'i thabs 'di gsungs/ khyim na gnas sam dgon pa dag kyang rung // lam chen 'gro'am 'on te 'dug kyang rung // sa dang chu la sogs te nam mkha' rlung dang me// 'byung ba lnga po dag la nyin mtshan dag tu ni// 'jig rten rtse gcig gis ni sa tsha gdab par gsungs// byin gyis brlabs pas mchod rten las rab mchog/ yang na zangs sam 'khar ba'i snod mdzes lugs ma'i phyag rgyar bya/ uSh+NI Sha'i sngags kyis byin la byin gyis brlabs nas// 'bum tsho gcig gis ngan 'gro'i
- 201b
gnas nas thar par bshad// 'bum tsho gnyis kyis bde 'gro gnas su skye// 'bum tsho gsum gyis phyir mi ldog par gsungs// las ngan dug gis zin pa'i lus can de las thar bar bshad// rgyud kyi rgyal po chen po rtog pa'i rgyal po las/ mig 'bar ba'i gzi brjid dang / dug gi mtshan nyid bstan pa dang / ngan 'gro nas 'don pa'i thabs bstan pa'i le'u ste bcu gnyis pa'o// // de nas de bzhin gshegs pa mi g.yo ba zhes bya ba'i ting nge 'dzin la snyoms par zhugs nas ched du brjod pa 'di gsungs so// a ying d+hi sring sid ta yo gi ni ba li na da d+ha mi/ a ying d+hing sring gu ra yo gi ni bi lan da d+ha myi/ a ying d+hing srid ha kra ta yo gi ni ba la ni da d+ha myi/ a ying d+hIng hring sa ma ya yo gi ni ba lin da d+ha myi/ bi sha u ba bi sha tha ba ra tsa ka la ge de ma hA tha ba ra bi sha si ta na ma he te bi sha/ tan ta man ta a ko she ye hUM phu phu a a// 'di brjod pas dug gi rigs thams cad sel bar 'gyur ro// 'di bsgrub par 'dod pa'i rnal 'byor pas/ bla ma'i lha mo dang / grub pa'i lha mo dang / bstan pa'i lha mo dang / rdzas kyi khyad par rab bsogs nas/ dug rnams kun las grol bar 'gyur// dug gi dbang mchog ma thob na// mkhas pas gzhan don bya ba min// dug dbang rdzogs pa'i rnal 'byor pas// bzlog pa'i las rnams bya bar gsungs// sngags
- 202a
kyi byad kyis zin 'gyur na// thod ngan dum bu drug pa la// gur kum sna tshogs dag la ni// nya rus smyu gus bri bar bya// shar du rgyal rigs dkar po dgod// lho ru bram ze'i rigs ser po// nub tu zhe sdang rje'u rigs dgod// byang du dmangs rigs nag po dgod// lha srin sde brgyad snying po ni// shing shun dag la bris nas ni// de rgyab mu stegs rigs can gzhug/ ti tsha chen po'i 'og dag gam// yang na lam chen bzhi mdo ru// sbas na rigs chen dam pa ste// ku yi byad las grol bar 'gyur// de bzhin gnod sbyin dri za dang // grul bum la sogs rdzas rnams ni// yang na lha chen gsang ba'i 'og/ bcug nas las bzhi phur pa dang / khro bo chen po'i gsang sngags kyis// lan grangs nyi shu rtsa gcig bzlas// dam tshig bdag po'i sngags kyis dang // las rnams ma lus rdzogs par bya// phyogs bzhir phur pa btab nas ni// byab pa las kyi dug dag bya ba// bum pa'i sngags kyis dbang yang bskur// che mchog dam pas tshe yang bstim// klu bzlog chen po byas par 'gyur// de nas las kyis bum mchog des// las kyi bdag por myur ba ni// sbyin sreg las rnams tshang bar bsog/ skyer pa ser po'i shing rnams la// cho ga'i sngags kyis sbyin sreg bya// de yi sol bas me sbar la// skyed bu mi rkang bzhi btsugs la// thod pa chen po bzhi
- 202b
bsogs la// gcig tu khrag sna sna tshogs pa'i// mchog gi rkang gis dkrug cing bskol// de 'og thod pa gnyis pa ru// dgra bo zhing gi rdo bsags la// ka ra bi ri'i phur pas dkrug/ bskol nas thod chen zang ma la// sngags kyi 'khor los rab bskor te// 'o ma sna tshogs thod chen gang // bskol nas thod rdzas 'tshog pa ni// 'khor lo can du 'tshogs par bya// spud pa nag pos bus nas ni// dkar zab dmar thab sngo zab gsum// ra sngon rkyal pa bus nas ni// phyogs bzhir rgyal rigs bram ze'i rigs// rje'u rigs dmangs rigs 'tshogs par bri// rkyal pa gdab cing grod pa dkrog/ gnyen sde dkar nag phyogs bzhi rigs// mthun pa'i rdzas su grod pas dkrog/ gsang sngags de ni rab rjod la// rang gi lus dang bsrung bar bya// dbab sngags dam tshig sngags la gdab// oM nA ga ri la ya/ nA ga dri la ya/ nA ga dri la ya/ nA ga phob ya/ nA ga phob ya/ thog thog lam lam phob ya// sa la stong rtsa brgyad brjod la/ thod pa zlos shing song bar bsams la/ rbab tu sgril la gtang ngo // rgyud kyi rgyal po chen po rtog pa'i rgyal po'i rgyud las/ byad kyis mnan pa klu bzlog pa dang rgyas pa'i sbyin sreg gis thog ser dbab par bstan pa'i le'u ste bcu gsum pa'o// // de nas las rab rig pa 'dzin// gru gsum pa'i hom khung dang // gro ga shing shun
- 203a
gtsang ma la// gang 'dod snying po bris nas ni// 'dzam pa ta yis bkug nas ni// dmangs rigs sbrul gyis gzugs bar du// seng ldeng phur pa sor brgyad dam// lcags las byas pa'i sor bzhi la// 'dzam pa ti yis gang 'dod dgug/ dam tshig sngags la bsad sngags bzlas// mA ra ya mA ra ya/ nA ga rngubs rngubs rbad rbad rbad/ byas la phur pa snying dkar nag gi mtshams su brgya pa la gtang / klu'i rgyal po de dang lto sbyar nas/ ri gsum 'dus pa'i rtse mor dong khru gang ba gcig brus la/ de ru skyel na gang gi ming bcug pa de/ zla ba gsum gyis 'chi bar 'gyur/ rig pa 'dzin pa de zhi ba'i sngags la gnas pa'i tshe/ hom khung zlum po'i cho ga la// ras sam shing shun gang rnyed la// rgyal po'am blon po dmag dpon de/ ming ngam rus su bris nas ni// rang gi rkang pa'i 'og tu bcug na/ gang gi ming bcug pa de kho na dang mi srun pa thams cad zhi bar 'gyur/ dam tshig sngags kyis btab pa la// zhi ba shan ting ku ru ye swA hA/ de bzhin dbang gi sngags dag ni// gang 'dod mi de bris nas ni// snyam pa ya yis btab gyur na// rgyal po'am mun 'gro'am bud med dag dbang du 'gyur// char pa'i rgyun ni 'bebs byed na// klu yod pa yi mtshor song la// thod pa shin tu tshad ma las// gur kum gyis ni gzugs bris nas// bla khab
- 203b
med pa'i gnas dag tu// dkyil 'khor gzugs brnyan rab bkod la// grub pa'i mtshan ma brtag par bya// grub pa'i mtshan ma byung ba dang // de nas las sngags sham bu gdags// b+ha ri sha yA b+ha ri sha ya// sbyin sreg gi thal ba la/ mngon par char ches na gtor la gtang ngo // de mngon par mi chod mi srid do// rig pa 'dzin pa des nor bsgrub par 'dod na/ dur khrod lta bur song la/ dkyil 'khor gtsang ma dri byugs la// zhi ba'i dkyil 'khor hom khung du/ me long steng du rin po che gser dang / g.yu dang / zangs dang / lcags dang / dngul gyi rtsa rnam pa thams cad brdar la/ gser skyems kyi nang du blugs la/ dam tshig gi sngags 'bum du bzlas la/ gter gyi khyad par bdag la stsol cig byas la/ rin po che'i gser skyems gtor ba dang // mtshan mar ci yod pa 'byung ngo // rgyud kyi rgyal po chen po rtog pa'i rgyal po'i rgyud las/ 'phrin las so so'i las bstan pa'i le'u ste bcu bzhi pa'o// // de nas de bzhin gshegs pa rdzu 'phrul gyi thabs drag po smin par bya ba 'di ched du brjod do// gang zhig rnal 'byor gdeng ldan pas// gnas ni chu gling dag tu'am// me tog rnam bu yod pa ru// bum pa'i sngags chus lus bkru bya// de nas gru gsum mkha' glong du// drag po phur bu mang po dang // rdo rje nag po lag ring bsgreng // nyungs nag
- 204a
til nag sbrul nag snying // te'u nag po'i snying shun du// drag po'i sngags ni shin tu yang // nya nas stong gi bar du bzlas// mchil mas lus ni tshig pa dang // me tog ka bya ti la sogs// gtab na bug skams rid pa dang // de mthong grub pa'i tshad du gsungs// de nas gang 'dod las sbyar ba// sngags kyi bdag por bsam byas la// drug par sbyin na thogs rdugs med// rgyas pa las kyi mchog du gsungs// de nas par bu nag po ru// dug dang bsres pa'i rdzas dag blugs// 'dod par bya ba ji lta bu// dam tshigs sngags kyi bdag por grags// oM sU ta s+phu ta mA hA kro d+ha hUM/ nA ga ki li mi li tsan ti badz+ra sa du sa ma ya drag tu pho ba/ nA ga tiSh+Tha tiSh+Tha/ nA ga s+phu ta ya par ti ka yi drag tu pho ba/ nA ga dza la dza ma hA kro d+ha pa ra ti ka ye drag tu pho ba/ nA ga tsan ta pa ta dza ti dza ti ka ye drag tu phob/ nA ga ha na ha na s+pho ta ya s+phur ta ka ya drag tu phob/ byas la rang nang na gnas par byas la/ dong pa kha phye la snying shun rdo rjes brdung / phur bus gdab par bya/ 'bru nag po dang til la sogs pa de phyogs de ru gtor la gtang ngo // bla ba'i 'bras bu tsam du 'gyur ro// rtog pa'i rgyal po'i rgyud las/ 'khor lo drag po rdzas kyis ser ba bstan pa'i le'u ste bco lnga pa'o// // de nas de bzhin gshegs pa chags pa chen po dang bral ba gsang ba'i
- 204b
bdag po la/ rgyud gzung ba bstan pa 'di ched du brjod do// kye ma bdag la ngo mtshar che// gang phyir sems can thams cad la// 'dod chags la sogs chags bral las// nad rnams kun las sman lta bur// rgyal ba kun gyi thugs kyi sras// zla bzhin dag pa ngo mtshar che// nga yi bstan pa dam pa 'di/ khyod kyis rtag tu sten par gyis// chos kyi mgon po mthu stobs can// rtag tu skyong la legs par gzung // de nas byang chub sems dpa' des// 'od zer dang rdzu 'phrul khye'u gzhon nu gtum bag dang ldan pa de/ cig 'dod dpung gi tshul du 'dus nas/ ston pa la mngon par bstod do// stong gsum mun sel ye shes sgron ma'i mchog dug gsum chags bral dmigs med chos kyi sku// gdod nas dag pa rtogs bral rdzogs pa che/ khams gsum sgrol mdzad pad+ma 'dam skyes ltar// e ma ho khyed kyi thugs kyi dam pa 'di// bdag nyid dag par ji ltar 'chang // bsdu ba'i mtshan nyid ji ltar bsdu// sems can ma 'ongs ji ltar bstan// bshad pa'i mtha' ni du yis bshad// bde bar gshegs pas bshad du gsol// ye shes rdo rje ngo bo las// rdo rje lta bur khyed kyis chongs// rgyud kyi ma chags chags pa che// don dam kun rdzob gnyis su 'dus// don dam dmigs med chos kyi sku// kun rdzob 'gro ba thun snang sel// drang don nges don gnyis su
- 205a
shod// bshad pa'i yan lag brgyad kyis bshad// nga yi bstan pa lha yul bshad// nga ni mya ngan 'das 'og tu// lo ni bdun brgya lon nas ni// lho phyogs be d+ha'i yul shed du// dge slong dpal ldan zhes bya la/ khungs ni lha yul babs par bskod// don dang tshig dang 'brel pa dang // sgos pa dang dgos pa'i dgos pa'i dgos pa bshad de/ che ba'i yan lag bstan pa dang // gdul bya gang gis don byung dang // theg pa'i khyad par bstan pa dang // dbang po rab 'bring za ma la// mtshan dang mdo dang rgyas par bshad// che ba'i yan lag bzhi yis spags/ khams gsum zil gnon dbang mchog mdzes pas che// theg chen rnams la dam tshig gsang sngags che// las kyi rgyud las las kyi khyad par 'phags// sna tshogs sems can nad sel khyad par 'phags// de ltar dpa' bo las rnams de ltar 'gyur// rgyud kyi / rgyal po chen po rtog pa'i rgyal po chen po las rab tu 'byed pa las le'u bcu drug pa'o// // klu'i rgyal po rtog pa las rab tu 'byed pa zhes bya ba gab pa dang sbas pa'i rgyud rdzogs so// / trA~M/
- 205b
rgya gar skad du/ nA ga sa ma ya tan+t+ra nA ma/ bod skad du/ klu'i dam tshig gi rgyud ces bya ba/ klu sgrol byed kyi bdag po gser mig 'bar ba la phyag 'tshal lo// 'di skad bdag gis thos pa'i dus gcig na/ nub phyogs rgya mtsho'i pho brang chu// byol song chen po'i gnas yin te// rab tu gdug pa'i klu rnams la// longs spyod tshogs ni rab tu ldan// bsam gyis mi khyab mthu rnams 'byung // de phyir gnyen po rigs bzhi bsgrub// rgyal rigs rje'u rigs bram ze'i rigs// dmangs kyi rigs la rab gsungs so// ri rab mchod rten rigs 'dra la// bum pa yid bzhin shing los brgyan// sbrul la sogs pa'i rgyan gyis klubs// bum pa la sogs dang po la// de bzhin gnyen po rigs bzhi bri// 'od dang lcags ri gnyis gnyis sbrul// de dag gis ni rab tu brgyan// de dang thabs cig pa'i 'khor// dga' bo dang ni 'jog po dang // gya nom dang ni nor med do// pad can dang ni dung can dang // dar dpyangs ma dang gzi can dang // g.yu'i bye chung can ma'i 'tsho// mtha' yas dung skyong nor bdag gtso// rigs ldan dag ni yin par bshad// hal khyi hal pa na the se dang // tsang kun la sogs 'khor gyi bskor// zhes gsungs so// klu'i dam tshig rgyud las gleng gzhi'i le'u ste dang po'o// // de nas gnyen po rigs bzhi'i bsgrub pa 'di
- 206a
gsungs so// dbu yi khro gnyer yid bzhin ldan// 'jigs byed sprul ba'i rwa gnyis ldan// lcags mchu 'bar ba rab tu brjid// rin chen gser gyi spyan dang ldan// lcags kyi sder chen rab tu bgrad// rdo rje gshog pa rab tu bskyangs// sku stod mchog gi g.yang gzhis brgyan// byol song rigs bzhi zhal du rngub// de nyid dag la gang bzhugs pa// mthun pa'i rdzas rnams bsags par bya// sbrul dang sbal ba'i sha tshil dang // longs spyod gtor ma dbul bar ba// rtsa ba'i sngags 'dis dgug par bya// zhes rgyun du drang ba'i snying po 'di gsungs so// ga ru Da tsa le tsa la hUM phaT/ ces stong rtsa brgyad rtsa brgyad bzlas nas phyag rgya 'di bstan par bya'o// g.yas g.yon mthe bong bsnol nas ni// gzhan rnams rab tu brkyang bar bya'o// dam tshig sngags 'dis dbang bskur ro// ti ka dzA byi dza ta hUM ya hUM ya/ hu lu hu lu/ pu ru ste pu ru ste swAhA/ zhes sngags 'dis dbang du bsdu bar bya'o// hAM tri tri ru tsag badz+ra/ dun d+ha mi li mi li hUM phaT/ gtor ma 'bral ba 'di gsungs so// ga ru Da grih+Na gri d+hi pa ya/ ru b+ha i dan ba ling khA hi khA hi/ zhes gtor mas mchod de/ gnad la dbab pa'i phyir 'dis bstod do// 'dab chag rgyal po ga ru Da// mthing nag gser gyi spyan mnga' zhing // yid bzhin rin chen thod 'phreng can// lcags mchu 'bar ba rab
- 206b
tu brjid// zabs dang shes rab ra gnyis ldan// rdo rje spu gri so gnyis rab tu rngam// rdo rje sder gshog brkyang pa rlung mo che// sku bstod mchong gi g.yang gzhis brgyan// klu rgyal gdug pa ma lus sbyi nas 'dren// gnyen po sgrol ma mchod pa 'bul// zhes bstod do// klu'i dam tshig gi rgyud las/ gnyen po rigs bzhi bsgrub pa'i le'u ste gnyis pa'o// // de nas g.yu'i byi chung ma zhes bya ba'i bsgrub pa 'di gsungs so// 'phrin las g.yu yi bye can ma// rab tu mi bsgrungs klu rnams 'dul// de nyid bsgrub par bya ba ni// rdzas la brten te 'khor lo bca'// rdzas ni ban du nag pa'i snying // 'bru sna gtor mas mchod par bya// 'khor lo chen po bca' ba ni// da hi nag po btsal nas ni// de bzhin maN+Dal dbus su byung // lto ba mu khyud zlum por bya// 'khor lo rtsibs bzhi mu khyud ldan// gru chad gru bzhi ldan par bri// gnyis gnyis sbrul gyis mdzes par bri// dam tshig pa ni dbus su bri// na ga phur pa 'khor lo dgod// de nas rgyan du drang ba'i sngags// sa ma ya dun b+h+yo/ zhes brjod la rbad do// bsad pa'i 'phrin las ngan thabs cig/ sbyor ba gnyis su gyur pa ste// gsum pa gtsor ni rdzas rnams bsog/ mi khrag rta khrag khyi khrag rnams// dug sna tshang bar sbyar bar bya// til dang bra bo sran ma dang // nas nag 'o ma dag la ni// ban zur
- 207a
gsum pa bdun byas nas/ khrag gi nang du gzhug par bya// dug gis bris pa'i ling ga ni// de bzhin khrag gi nang du gzhug/ thod pa pho mo kha sbyar la// drag sngags 'dis ni gnad la dbab// ru tra na ga rbad/ rag sha rbad/ sra sta kra ma mi snying rbad/ ye tsa sngon po kha thun rbad/ ma ra ti mdze ta dung na ya sod/ mdun du dong gru gsum brus te gsad par bya'o// de nas bton te de nyid kyis gnas su gtad par bya'o// klu'i dam tshig gi rgyud las g.yu'i bye chung can ma bsgrub pa'i le'u ste gsum pa'o// // de nas rigs bzhi brtag pa 'di gsungs so// de nas rigs bzhi pra brtag pa// rus sbal 'dra yi rtsar gnas pa'i// chu mig mgo gsum 'bab pa ni// byol song rigs ngan gnas pa ste// pra tra nag po der mnan no// sbrul gnyis mdud pa 'dra ba'i ri bar nas// mgo gcig rkang mang 'bab pa ni// klu srin nag po 'du ba ste/ khram gyi ri mo gtad par bya'o// phag pa zur la dkyus pa 'dra// za ze brag rnams gnas pa ni// lteng ke bsgril ma yod pa ru// las kyi kham nag gtad par bya// byol song rigs ngan gnas pa'o// de nas bram ze'i rigs brtag pa 'di gsungs so// chos zangs lta bu'i brag las ni// skye regs 'dra ba'i sa sna tshang // de nas gdol pa lo 'bur 'bab// de na rigs ngan gnas pa ste// ka ti ka ra gtad pa
- 207b
byed// mnyam pa dag la rtse mor byung // lu ma tsag tsog dag gis bskor// de ni ming gi gnas yin no// ri'u dri dpon gtad par bya// de nas rje'u rigs brtag pa 'di gsungs so// bra ma snga sngo yod pa na// zang po spre'u tshul bzhin yod pa la// byang shar mtshams su 'bab pa ni// mri ta ku ni gnas pa ste// pa tha ru pa gtad par bya'o// klu'i dam tshig gi rgyud las/ rigs bzhi'i klu'i brtag pa'i le'u ste bzhi pa'o// // de nas klu mo rnams brtag par bya ste/ sa de mdangs dang ldan pa dang // me tog sna tshogs yod pa dang // mdangs dang ldan par sa de snyoms// sdug la shar du gzhol ba na// khrus kyi chu ni 'bab pa ste// me tog ma ni gnas par 'gyur// de dag la ni bya ba gsungs// de nas klu mo rnams bsgrub pa 'di gsungs so// maN+Dal cha mnyam yid 'ong la// spos dang sman sbyar 'o mas byug/ pad+ma 'dab bzhi bri bar bya/ de bzhin dar sbyangs sgo khyud ldan// tsan dan thal ba sman dang 'o mar sbyar// pad+ma'i dbus su thig le bya// lte bar snying po dgod par bya// de bzhin rdzas rnams dbul ba ni// sman lnga spos lnga rin chen lnga// 'bru sna dag las 'o mas sgra// dung dang na phyis rin chen snod// bse yi ge 'u snod rnams su// mtsham dang 'bras yos spos dang dar sna bsog/ de bzhin bstod dang mchod pa bya// mchod pa rgyun gyi sngags
- 208a
'di gsungs so// nA ga li nA ga li pa ye na ga phud nA ga phud swA hA/ zhes mchod pas dpral bar bya'o// oM na ga shu shu li rna oM sha sha shu shu nag po tsit+ta mA ra ya sod/ gru zums gar ba sod// nag po tsit+ta la ya zhes bsgrub par bya'o// klu'i dam tshig gi rgyud las// klu mo rnams bsgrub pa'i le'u ste lnga pa'o// // de nas klu dam tshig gis klu bsgrub pa 'di gsungs so// maN+Dal cha mnyam yid 'ong la// spos sna tshang ba'i khu bas byug/ de bzhin dkyil 'khor bri bar bya'o// dkyil 'khor 'khor lo rtsibs brgyad pa'o// dbus su nga rgyal hUM bris te// na ga ra dza sa ma ya dza che ge mo tsit+ta dza la ya/ zhes yi ge dgu pa dgod par bya'o// gru bzhi gru chad sgo phur 'dod// bu ba na ra gru chad la// sgo bzhi glo 'bur dag la ni// sa ha ti ka dgod par bya// dbus su gser mig 'bar ba dgod// de bzhin bdag nyid gnas lngar bsrung // sa ma ya a hUM rnams ni// spyi bo kha dang snying kha dang // mgrin pa lte bar de bzhin hUM bri'o// de bzhin dbang ni so so'i sngags kyis bskur// dam tshig phyag rgya dbab par bya// sa las de bzhin bdag po bskyed// ma las g.yu'i bye chung can no// ya las klu bdud drag po bskyed// ya las gnod sbyin dmar po'o// hUM las gser mig 'bar ba'o// de bzhin bdag nyid rab ldan na// shu ba thor pa bas blags 'byung // klu rnams
- 208b
kyi ni dngos grub ste// skal bar ldan par las bya'o// gu ru de rnams 'brel ba la// dbang rnams de bzhin nod par bya// de yang dbang rnams nod pa'i phyir// dar dkar gzhi dag bting nas ni// gri ta pa li 'khor dang bcas// de bzhin me tog mdzes pa dgram// yid 'ong bum pa'i rdzas rnams bsog/ nag po brtags pa'i chu dang ni// ba las byung ba'i rnam pa lnga// spos lnga 'bru sna la sogs sbyar// mkha' lding rgyal po de bzhin bsgrub// rten 'brel sngags kyis dbang bskur ro// de rnams thob par bya ba'i phyir// yid bzhin gser la sogs pa yi// ji ltar mnyes pa dbul bar bya// de ltar slob ma las rab la// rten 'brel sngags ni sbyin par bya// de mi ldan pa'i slob ma la// nams kyang sbyin par mi bya'o// klu dam tshig gi rgyud las/ sa ma ya bsgrub pa'i le'u ste drug pa'o// // de nas drag po rdzas kyi bsgrub pa 'di gsungs so// gang yin pa yi ling ka la/ gu gul nag pos bdug par bya'o// mda' ra dag la ga gon gzugs// nang du ling ga gzhug par bya// 'bur ba na ta bya ba'i phyir// shin tu drag po'i thod pa ru// sngon dmar skud pas dkris te gzhug/ swa ti pra ma shag ni du ya sa nA ga rA dza kra ma ni sad/ khrag rgyas 'bur rlags du na sa twa nA ga rA dza che ge mo tsit+ta dza la ya/ zhes bkrag dang gzi mdangs dbang du bsdu bar
- 209a
/ bya'o// 'dur ba nA ta ta sa ba bya ba'i phyir// ka ti'i 'di bzlas par bya'o// ru tri dra ba sad/ ru na tom byi bar sad/ tril du ya sad/ nA ga ra tsa mA ra ya/ du na sa twa rbad/ ces gtad par bya'o// de nas glang bu sa 'thor bya ba 'di gsungs so// glang dmar po'i rwa g.yas pa na/ zhag gcig gu gul gyis bdug pa'i sngags de la sogs pas mchod/ nya sha sbrul sha sbal pa'i sha/ gang yin pre te'i sha blangs te// ling ga nyi shu rtsa gcig bya// drag po'i sngags 'dis mchod par bya// ma ra ya sod/ tri ni sod/ ya ra ya ma tri ta sod/ tsakram du tri rbad/ tsakram du tri rbud/ tsakram du tri sod/ sha la rnga mo chum/ sha la rnga mo thum/ sha la rnga mo nan/ na ga badz+ra shu shu li/ na ga ra dza sa ma ya shan ting ku ru ye swA hA/ zhes brjod par bya'o// de nas yang gnyen po gtad pa zhes bya ba 'di gsungs so// 'jim pa'i ling ga mdzub gang la// thal ba chen po dkar pos byug/ gdong pa mtshal gyis byug par bya// tshon gyi skud pas rgya gram bri// mgo bo thur du bstan te mnan par bya'o// shu ta kri thun shig/ dza kyi shar le shu mu le re nA ga/ hA lu hU lu thum ri li li swA hA/ zhes gsungs so// de nas ngan thabs drag po tshig cod ces bya ba 'di gsungs so// ba'am glang gi rA ru ru/ khrag gis bris pa'i mi rus gzhug/ dbang du drag po 'di yis bsdu'o// srung tra dun te nA ga ma
- 209b
ne hUM/ zhes gsungs so// ma hA pany+tsa ta hUM/ he he phaT phaT/ ces dbang du bsdu'o// oM sa twa ya sa twa ya/ sho ta ya sho ta ya// pa ta ya pa ta ya/ ud pa ya ud pa ya/ ha ra ha ra badz+ra de nan mA ra ya badz+ra ya khang kha nan/ hUM hUM hUM hUM tsung tsung dz+wa le dzu le de sarba sa to ye swA hA/ rgyun du bzlas pa bya'o// skugs rtsa ba'i sngags zhes bya'o// nA ga nA ga shig du pa hUM ya shig/ na ga sod nA ga ya/ zhes gtad par bya'o// de nas g.yu'i bye chung ma zhes bya'i drag sngags 'di gsungs so// ga gon nag po'i nang du ni// mthun pa'i ling ga gzhug par bya'o// de bzhin mi mo mang po dang // lto sbyar dkar gnag dkris te gzhag/ ces sngags 'di gsungs so// na ga li mu mul dun phaT/ nA ga sha traM phaT/ nA ga thed thed swA hA/ dun pa phaT/ mo le phaT/ gar pa phaT/ tsakra k+ShA ra na phaT/ trag mun kha rag/ rag mo kha la b+h+yo/ zhes gtad par bya'o// de nas drag po'i rdzas kyis 'dul ba 'di gsungs so// chu sbrul zang sbrul sdug pa'i rdzas// nang du de bzhin yid ga gzhug/ drag po'i sngags kyis yang dag 'gug/ nA ga rA dza che ge mo e ha e ha si ri si ri si ri/ che ge mo nA ga rA dza/ su ru su ru su ru/ che ge mo nA ga rA dza sa ma ya dza dza/ se re se re se re/ nA ga rA dza che ge mo tsit+ta dza la ya/ zhes klu la gtad par bya'o// snying mi dga' ste rtags myur du 'ong ngo // de nas drag po'i sngags
- 210a
kyi gzer gdab pa zhes bya ba 'di gsungs so// sna tshogs sman dang 'tshal dang 'bras dang sbrul dang sbal pa'i sha tshil dang / til dkar nag dang lug gro mo'i 'o ma dang / ra dkar mo'i 'o ma dang / lde gu byas te sbrul dang sbal pa'i gzugs brnyan bya/ de bzhin g.yu'i bye chung ma'i sngags te gdug pa'i sngags dang bsdeb bo// de dang ldan par bzlas so// du pi rA dza sa me phu/ de ba ra ri kur ldan rbad/ ces drag por nang du bdug go/ de nas rgyun du bzlas pa'i snying po 'di'o// oM ma yur shig sod/ yun re shig sod/ thun tra shig sod/ rbad shig sod/ yid shig sod/ ces rgyun du bzlas par bya'o// oM A yu che shig sod/ nA ga li yag yam su ra rbad/ baM te rA dza sod/ ces gtad par bya'o// klu'i dam tshig gi rgyud las/ drag po pa tra zhes bya ba'i sngags kyi le'u ste bdun pa'o// // de nas drag sngags bdun pa'i mgul chings nag po'i las 'di gsungs so// 'bru sna lnga yi ngar phye la// sbrul mgo dgu pa'i gzugs byas te// nang du ming rus ling ga gzhug kham pa'i ga'u kha sbyar du// de bzhin ling ka gzhag par bya// byang du sbrul mgo dgu pa bri// lho ru de bzhin gsum pa ste// nub tu sbrul mgo bdun pa la// shar du sbrul mgo lnga pa'o// de bzhin drag sngags 'di yis gtad// sa byi la chod cig kha li ma dun b+h+yo/ sarba b+hig b+ha ga sho ra
- 210b
tsa ya kha long long dam ti ye swA ha/ tsit+ta baM 'bruM bruM ri la khas/ glad khrag spyod cig/ mig tsa skyur/ oM nA ga su tra ti badz+ra dun d+ha mi li mi li swA hA/ oM nA ga shu le ni swA hA/ oM nA ga rA dza sa ma ya tsit+ta dza la ya hUM phaT/ nA ga rA dza sa ma ya shud ti tri ta sa ma ra dza/ na ga rA dza shu shu ling / dgra bo tsit+ta dza/ oM tsakra mi ma ya sad/ tsakri du tri ma ra ya phaT/ tsakra mA ra ya du tra rbad/ nA ga baM baM li li tsakra mA ra ya hUM phaT/ ces drag sngags 'di gsungs so// ga gon nag po drag po'i rdzas// nang du mthun pa'i ling ga gzhug/ oM ma yur shig sod/ spur le shig sod/ oM mud yang tshe shig sod/ thun tra rA dza shig sod/ rbad shig rgud la yang ti rmi ta phaT/ ces sngags 'di gsungs so// khrag dang dug gi khu bas ni// de bzhin sbal pa'i khog par ling ga gzhug/ rtser ma gyin gyi dbus su gzhug/ drag po'i sngags kyis gtad par bya/ khrag ni snar ma rbad/ dar rbad/ sa ti shig glang yab song / glang tri shig kur glang shig/ du tri shig/ ces gtad par bya'o// klu'i dam tshig gi rgyud las/ drag sngags bdun pa'i bum pa 'gul chings kyi man ngag gi le'u ste brgyad pa'o// // de nas ngan thabs bdun pa 'di gsungs so// drag sngags bdun pa'i sbyin sreg ste// sbrul lam sbal pa'i sha tshil dang // bra ma 'jug gang rtsa gcig la// de bzhin ming rus bri bar bya'o// dkar po
- 211a
gru gsum me ri bri// dbus su pa rgyal hUM bris te/ kha khyer sbal pa'i gzugs brnyan bri// me ri sbrul gyi chun pos bskor// nyi shu rtsa gcig rtsa nga gdab// de bzhin spu ta ri yis brtsig/ gnod sbyin nye nag me yi lha// ljags la raM bsams me yi lha// bdag nyid gser 'dra 'bar ba bskyed// de nas mchod pa 'bul bar bya// sna tshogs sman dang 'o ma dang // 'bras dkar sho dang til rnams dang // mar la sogs pas mchod par bya// nya sha sbrul dang sbal pa'i sha/ gang yin sra ta'i sa blangs la// ling ga nyi shu rtsa gcig bya// drag po'i rdzas kyi mchod par bya// ma ra ya ti tri sod/ mA ra ya yaM ni ti ta sod/ tsa kr-i du tri rbad/ tsakraM du tri rbud/ tsakrang du tri sod/ sha la rngam chum/ sha la rnga mo thu pa/ sha la rnga mo nan/ nA ga badz+ra shu shu li/ nA ga rA dza sa ma ya/ shan ting ku ru ye swA hA/ zhes mchod par bya'o// gnyen po la gtad pa zhes bya ba 'di gsungs so// 'jim pa'i ling ga mdzub gang la// thal ba po sa dkar por byug/ gdong pa mtshal gyis byug par bya// tshon gyi skud pas rgya gram dkri// mgo bo thur du bstan te gnan pa bya// shu dag tre thun shig/ oM dza gyi sha le shu mu le re nA ga hUM lu hUM lu thum ri li li swA ha/ zhes gtad par bya'o// de nas ngan thabs drag po chod byed bya ba 'di gsungs so// ba'am glang gi rA ru ru/ khrag gis bris pa'i ming
- 211b
rus gzhug/ dbang du drag po 'di yis bsdu// su ta du na te/ nA ga mu ne mu ne hUM/ ma hA pany+tsa tha hUM/ he he phaT phaT/ ces brjod la dbang du bsdu'o// oM sa ta ya sa ta ya/ ma ra ta ya ma ra ta ya/ sho ta ya sho ta ya/ ta pa ya ta pa ya/ ha ra ha ra/ badz+ra te nan/ mA ra ya mA ra ya/ khad ka nan/ hUM hUM hUM tung / cung tsung tsu le tsu le/ des sarba te ye swA hA/ zhes rgyun du bzlas par bya'o// kug rtsa'i sngags zhes kyang bya'o// nA ga shin du hUM ya shig/ nA ga sod nA ga ya/ zhes gtad par bya'o// de nas g.yu'i bye chung can ma zhes bya ba'i sngags 'di gsungs so// ga gon nag po'i rdzas su ni// mthun pa'i ling ka gzhug par ni// de bzhin bla ma'i mi mo dang // lto sbyar dkar nag dkris te gzhug/ ces sngags 'di gsungs so// nA ga li mu lu ma dun phaT/ nA ga sha traM phaT/ nA ga thed thed swA hA/ dum pa phaT/ mo le phaT/ gar pa phaT/ tsakra k+ShA ra na phaT/ trag mun kha rag/ rag mo kha la b+h+yo/ nA ga du pa khrag b+h+yo/ tsakra dun b+h+yo/ zhes gtad par bya'o// de nas drag po'i rdzas kyis bsad pa zhes bya ba 'di gsungs so// chu sbrul zang sbrul gdug pa'i rdzas// nang du de bzhin ling ga gzhug/ drag po'i sngags kyis yang dag dgug/ oM nA ga ra dza che ge mo/ e ha e ha e ha/ si ri si ri si ri/ che ge mo nA ga rA dza/ su ru su ru su ru/ che ge mo nA ga rA dza/ se re se re se re/ nA ga rA dza/ che
- 212a
ge mo tsit+ta dza la ya/ zhes klu la gtad par bya'o// snying mi dga' rtags myur du 'ong ngo // de nas drag po'i sngags kyi gzer gdab ces bya ba 'di gsungs so// sna tshogs mtshal dang sman dang 'bras// sbrul dang sbal pa'i sha tshal dang // til dkar nas dang lug gro mo// ra dkar mo yi 'o ma dang // sa la lde gur byas nas ni// sbrul dang sbal pa'i sha gzugs brnyan bya'o// de bzhin g.yu'i bye chung bskul// dur dur nA ga te phaT/ na ga rA dza mu pa sa to// ya ma tri ya phaT/ ces bsgrub te zhag bdun na phyogs su kha bltas te ming nas phyung zhing 'di skad gdab bo// du ra ti shor nA ga li sa du ma ri ta/ ling sha ra na ga te phaT/ ces gdab par bya'o// de nas klu'i se 'dab pa zhes bya ba 'di gsungs so// chu mig nag po'i mgo bo ru// 'o ma dang tsan dan gyi chu sbreng zhing drag po'i sngags 'dis thebs par 'gyur zhes gsungs so// oM nA ga badz+ra shu shu le nA ga rA dza kri sad/ lo ti sad da hUM phaT/ ces gnad la dbab bo// pa me ge du ru/ ma shig king ka dzo la ti/ aM a tsit+ta swA hA/ zhes phyogs su gtor la btang ngo // de nas log non sngags kyis dpal zhes bya ba 'di gsungs so// na ga li du pa la ya/ sa to ma te ku ru hUM hUM dza dza b+h+yo/ zhes brjod la bcang ngo // klu'i dam tshig gi rgyud las/ drag sngags bdun pa zhes bya ba
- 212b
'di'o// le'u dgu pa'o// // de nas bsad pa'i 'khor lo mthar thug pa zhes bya ba gsungs so// bdun pa gang yang grangs thim na/ mnan pa'i las ni zhib tu bya// dang po brtags te nub phyogs nas// drag po'i thod pa blangs nas ni// drag sngags gdab pa'i ling ga gzhug/ mtshon pra lag pa bcings nas su// thod pa'i nang du yi ge hUM// klu gzugs rnams ni gtor khar ro// de nas ling kha gsar byas te// snying dkyil dza nag kha sprad bri// lag pa g.yas g.yon sbal pa'i khar// spyi bo sbrul mchu brtsugs pa bri// rkang pa sbrul nag srog tu gzhug/ tha mar wa thod drag sngags bri// rkang mthil g.yas g.yon sba la khar// de nas srad bu nag pos bcing // rigs bzhi gnas pa'i sa ru gtad// btsun pa yin na rgyal rigs la'o// ya rabs yin na rje rigs la'o// blon po yin na bram ze la'o// dmangs rigs yin na gdol pa la'o// rgyal rigs shar la rje'i rigs lho// bram ze'i rigs ni nub la dbang // gdol pa'i rigs ni byang la dbang // chu mig kha dog de ltar brtag/ 'phrin las rnam bzhis gzir bar bya// gnas dang dus dang dgos pa gsum// rdzas dang 'phrin las sngags dang gsum// don gyi man ngag 'di rnams so// klu gzugs rus sbal 'dra ba bya zhing bri// gzugs de'i phyi rol du rigs bzhi srog gi snying pos bskor// don
- 213a
gyi man ngag 'di bri'o// a nan ta puHta k+Sha ka phe/ mtha' yas dang ni 'jog po'o// kar ko ta dang u li ka/ ba su ta bi stobs rgyu nor rgyas dang // dung skyong ba ru na te pho// nag po nag po srog la ya// dgra bo mtha' brlag rdungs phyur rdungs phyur// dgra bo gyen sha snyam pa ya/ tha tha bur bur bur tha ma ya/ dgra bo bdun rgyud tsa la ya ya/ hUM hUM ba bi nar nir dza dza ya ya zhing / zhing phra la sher sher// hUM lu ta ka sod sod thum thum hUM phaT/ de ni gsang pa'i sngags so// dgra'i gzugs bri zhing bca' ba ni/ kha mig ma log par 'dod/ lus la sbrul 'khyud pa// mngar gsum gyi lde gus byug/ ling ga sku gzugs dang lto/ sbyar la bcing ngo // sngags bzlas phur pa gdab/ mnan par bya/ de nas sgrom bur gsal lo// klu'i dam tshig gi rgyud las/ gsad pa'i 'khor lo mthar thug gi le'u ste bcu pa'o// // de nas ngan thabs sngags kyis bsad pa zhes bya ba 'di gsungs so// oM ka ma ka med/ brlag nag ma ka med/ klag rum ma ka med brlag/ de nas gzir nan bya'o// dzaHhUM baM ho/ dgra bo 'di pra ha ha chum chum/ srog chum klu rgyas chum/ gam gam 'dzin chen mas ta la long sod/ lcags rin chen mos rta la long la sod/ dgra bo 'di rta la long sod/ dbubs sa srin chen mos rta la long la sod/ ku ru sod/ se le sod/ yas gu sod/ su ti
- 213b
sod/ tshi ka ra sod/ dgra bo'i srog dbugs la rol pa mdzod/ kha dang zang kha 'gur sha na ya phaT/ de nas klu la gtad do// chu gtor gtang ngo // oM mar mer thab thib gnam sa sdod phye sa kha phye/ oM laM hUM laM s+t+waM ba na rag nan/ tad ya thA/ au ta ki t+ya gye/ ku mu lu ku mu lu/ shu shu sha sha/ bi ti ti ti/ hAM yu hUM yu/ ru ru dzi dza ta swA hA/ rigs bzhi klu dbang du bsdu ba dang / zil gyis mnan pa dang / las la gtad pa dang / dam la gdags pa'o// gzugs la bya ba'i rim pa dgod/ sha tri sha tri/ gur tri shan tri ra kri ku la nan/ sa byings cho ga li ma hi/ ma mugs ma mugs/ byi hi la ma hA he he cho tshe/ na ga ma gu ling swA hA/ da laM dgug pa che ri la/ bruM bruM yaM te/ nA ga de pa ra mA ra ya shog/ oM ma phur shig sod/ s+phur le shig sod ya thun tra rI dza thun sod/ nag pa tsit+ta dza la ya rbud la ya ti s+phur la la sod/ ces gtad par bya'o// klu dam tshig gi rgyud phyi ma las/ chu glang ngan sngags kyi le'u ste bcu gcig pa'o// // de nas yang gdug pa la gtad pa'i ngan thabs 'di gsungs so// sna tshogs 'bru phye'i ling ka bya// ming rus bri la snying kar gzhug/ gdong mtshal gyis byug par bya// de nas gtor ma longs spyod bsag/ hom khung gru gsum brko bar bya// tsher ma can gyi shing brtsigs te// dbus su ling ka gzhug par bya// de nas longs spyod gtor ma dbul// me
- 214a
sbar drag sngags 'di gsungs so// glang yam tri sod/ khrag ti rnar ma rbad/ da ra rbad ma ti shag/ glang tri shig gu glang shig/ du tri shig/ yang drag sngags 'di gsungs so// nA ga rA dza tsa tsa to/ ma ra ya dza/ ti sta ya shan ting ku ru ye tsit+ta dza la swA hA/ zhes gtad pa bya ba yin/ rabs chad nag po'i thod blangs te bya ba/ khyi nag khrag gis nad byug la// phyi rol nag por byugs nas ni// thod le kor gyis bris nas ni// dza dang na dang pa de bri bar bya// mdun du dong ni gu gsum bri// drag sngags 'di ni bsgrub par bya// sa tom nag po sod/ sa to ma nag po nan/ mA ra yi tri sod/ mA ra ya tring nan/ tsakra du tri nan/ tsakra du tra nan/ rbud/ ces ni gtad par bya ba yin// dam tshig gi rgyud phyi ma las/ dme thod las byas shing gtang ba'i le'u bcu gnyis pa'o// // de nas tsa mun tri'i bsgrub pa 'di gsungs so// klu rnams kun gyi sprul pa mo// nya stong gnyis la stong khams yul// dus drug gnas su khrus mdzad ma// ti ling nang du sku 'khrungs nas// gnyen pa'i gtso la sbyor mchod 'bul// sku rnams sku las rnam par rgyal// me tog mdangs kyi rgyal mo ste// de nyid bsgrub par bya ba ni// rabs chad pho mo'i thod pa la// mo la g+hi wang rtsa gnyis bri// pho la lo ti rtsa gnyis bri// til dang bra bo sran ma'i phye// dug gi khu bas sbu bar bya// zur
- 214b
gsum bdun bya ma bdun nang // de bzhin chu bya'i gzugs bya ste// nang du ling ka gzhug par bya// rme ba gsum kyi khrag sna krugs// thod pa kha sbyar re bar 'thum// de nas gru gsum nag por gzhug/ ces te srog snying 'di gsungs// ru ta rbad/ rag sha rbad/ ma ma snying rbad/ kha dun ru rbad/ tsit+ta rbad/ smi ta rag sha rbad/ mA ra ya rbad/ bal phyur bal phyur ma ma rag sha zum zum bu sod/ sni tri sni tri ru tri mA ra ya rbad/ ces ni bstod par bya ste// drag sngags ni dbang bskur bya/ oM du tri za ro ra ti ru na sa sa si si trag rag sha kha mun dza rag mo kha// ra ga tsit+ta kha rag ma ma dun b+h+yo/ zhes te/ drag sngags 'di yis gtad par bya'o// ru tri ma ra ya/ zum smri ti rag sha rbad na ling / nri snying la shad b+h+yo/ zhes te gtad par bya ba yin// dam tshig gi rgyud phyi ma las/ klu ma mo la gtad pa'i le'u ste bcu gsum pa'o// // de nas yang klu la gtad cing sgrol ba 'di gsungs so// glang nag ra ru nang dag tu/ kho pa'i ming rus bris la gzhug/ ro bsreg thal bas kha bcad la// de nas sngags gtad par bya/ tad ya thA/ kyi shar re na mu ne shu shu te ba re nA ga hUM yu swA hA/ na ga rA dza mA ra tsit+ta dza la ya/ zhes te gtad par bya'o// de nas mdze thod dag gi nang du/ dmigs pa'i mtshan ma rab blangs te// klu'i rtsi sman sna tshogs pa dang / bag phyes sbrul la sbal pa
- 215a
bya// sbal pa'i nang du ling ga gzhug/ mdze thod gtad pa'i sngags 'di'o// nA ga rA dza kra ti ma ra ya/ e ha e ha e ha/ si ri si ri si ri su ru su ru su ru/ se re se re se re/ che ge mo la zhig dza la ya/ zhes te mnan par bya'o// dam tshig gi rgyud phyi ma las/ ngan thabs mdze thod kyi le'u ste bcu bzhi pa'o// // de nas yang 'di gsungs so// thad nyams phyogs med dag tu ni// dmangs dang yul mi gang yang rung // de yi pha mes mgo rnyed rab// ma rnyed brla gnyis ming rus gsum// chu mig gnya' ru 'dom gang gcal// gru sum brus la der bcug ste// rag mo ha ra ma ya nA ga le hu ya sa me sa ha sa ma ya sa ha sa ma ya/ ma mo bsgrub la sba bar bya'o// gos kyi dum bu skra bshad dang // gom bdun bor ba'i rjes sa dang // dri chen dri chu snabs lud dang // gzugs bya ming rus snying khar gzhug/ de la gong gi las rnams bya// shes pas shes tshad 'byor tshad bya// lo gsum mgor na ma za'o// klu dang ma mo bsdongs pa'i le'u ste bco lnga pa'o// // rgyal po dag dang 'gras gyur na// de yi mgo rnyed rab yin no// de ma nyed na 'di ltar bya// nya dang byi la'i snying khrag dang / khra dang pho rog snying khrag dang // sa rdzas bsres te gzugs brnyan bya// nang stong khong gseng byas pa der// ming rus nor gzhis ma lus gzhug/ de nyid sba ba 'di ltar
- 215b
bya// byang dang byang shar bltas pa yi// chu mig de yi shar phyogs su/ khru gang 'dom gang bcal ba ru// ma nyes dbang yang brjod par bya// smre sngags bton la bskul ma gdab// de ru bcug la sngags 'dis sba'o// rA dza drag drag snying trag rag sha trag ling / 'ur 'ur bud bud rbad pu rbad pu nan nan libs libs/ de skad btab nas chas gos gdab// gong dang 'dra bar yang de brjod// yang yang sngags 'di mang bar bzlas// rtags ni bzang po med la rmi// the tshom mi za gdon mi za// dam tshig gi rgyud las/ rgyal po'i man ngag tu bstan pa zhes bya ba'i le'u ste bcu drug pa'o// // yang de rje rigs man ngag las// nub phyogs dag tu shis pa ste// las de rnam gsum bya ba las/ khong nyid 'chad pa'am dur sa der// las de rnam gsum bya ba la// gos dum sgra dang snabs lud dang // sa dang bsres pa'i gzugs bya'o// ra lug ra de dag par bkru// rtsi dang sman gyi nang du blugs// de yi nang du gzugs de gzhug/ gzugs kyi nang du ling ga gzhag/ ling ga'i tha ma nor gzhis dang // ming dang rus kyis bskor byas te// rwa yi nang du gzhug par bya// rme ba'i sha yis byugs shing gzhug/ bud med dor rtas dgab par bya// la cha'i rgya yis gdab par bya// de la sngags mang bzlas par bya// ro ti bam bam ya ya dur la dgra bo mA ra ya//
- 216a
snying ro la pha ro sha rag mo ha sta ya/ ro ti baM baM dza dza/ zhes te gong du nus tshad dang // spa dkar nus tshad bzlas pa yin// dbang dang gos brdab smre sngags dang // las kyi bya ba gong dang 'dra// chu mig byang dang byang shar bltas// de yi nub kyi phyogs su ni// 'dom gang gcal la khru gang bru// de ru gzhung ltar sbas la bya'o// dam tshig gi rgyud phyi ma las/ rje rigs nub gtad kyi le'u ste bcu bdun pa'o// // yang ni rgyang 'phen mu stegs rigs// bon po dag la bya na ni// gos dang sgra rjes dag dang sa// dri chen dri chu kun bsres la// nya bo legs pa'i gzugs byas la// snying kar ming rus bris la gzhug/ ra khyi rgya bo'i snying khrag dang // dri bo dri mo'i snying khrag dang / de yi ming rus bris la gzhug/ de yis rdzas kun byug par bya// g.yag ru rtse mo gcad par bya/ khrag dmar pos kha bcad la// snying po btab la sba ba yin// rag mo rag mo sha snying mA ra ya ku ma la rag ta ya da ha tsit+ta khA hi/ de dag nus zang bzlas par bya// ma nyes dam bdar dbang du bya'o// dbu 'phangs smad cing bstan pa bshig/ lus la me 'bar kha nas khrag skyug mthong // lus ngan sgongs la rdul du lhogs// bya ba'i las rnams ma lus kyis// smre sngags gdon dang chod gdon bya// byang gi chu mig byang phyogs su// 'dom gsum gcel sar khru gang bru// de
- 216b
ru gong ltar bya ba'o// dam tshig gi rgyud phyi ma las/ mu stegs rgyang 'phen gtad pa'i le'u ste bco brgyad pa'o// // yang ban de dag dang 'gyur ci na// gom pa bdun por rjes sa dang // lus la dkris pa'i rnal ma dang // mgo yi spu dang lus kyi spu/ kha sna mig nas zag pa'i chu// nang gi chu dang dri ma dang // de dang 'bru sna lnga sbyar la// sman sna tshang ba'i phye ma la// ga bur la sogs dri rnams dang // ba dmar 'o mas de rnams spu// dri ma mi gtang gtsang bar bya// nya bo legs par byas pa la// srid pa'i srid lugs legs byas te// sran pa'i mig la gro yi so// bra bo'i kha dang nyungs kar sna// yungs nag sna dang so'i / sen// dbang po'i lag dang gnod sprin lag/ gro ga dag la ming rus bri// lus la pags pa'i tshul du bya// nang du sman dang zhing nor dang // kun bris dril la gzhug par bya'o// sgra tshil dag gis phyi la byug/ tshon skud yan lag dkris la bcing // seng ldeng phur ba snying khar gdab// ba'i ra nag nang du gzhug/ spyi tshar bcug la khrag zan gcad// la cha'i rgyas gdab sba bar bya'o// khru gang brus la spyi tshar bsgyur// kha dub song na myur du 'chi// spyi tshar song na de bas 'gor// gan rkyal song na mi tshugs pas// tshes brgyad dag la gtor ma dang // mi bsgrungs gza' la bskur// nya bo dag la 'di yang bzlas// thib thib
- 217a
libs libs/ ha ra ti baM ba chu sha bad la/ tsa ra baM tsa ra baM/ nus tshad bzlas la bskur bar bya/ kha bub spyi tshar 'gro bar nges// gang grub pa'i snying po bzlas// de yang gong du bya ba yin// de nas rang re gang yin yin pa'i snying pos gdab// nyungs kar nyungs nag ske tshe dang // rdzas la sngags pa ra'i nang // nus tshad dag tu gdab bar bya// sbed pa'i sa dang kun la bzlas// dam tshig gi rgyud phyi ma las// ban de dang 'gras snying kar gtad pa'i le'u ste bcu dgu ba'o// // yang de gtad thabs 'di lta bu'o// rabs chad nag po'i thod pa la/ khrus dang gtsang sgra legs par bya// rtsi dang sman gyis phyi nang ga/ dpral bar klu yi gzugs cig bri// lhag pa'i bdud sgor rta mchog bri// de mtha' rtag rus g.yas g.yon du// bya khyung dag ni bri ba dang // klu'i rtsa sngags bri bar bya'o// oM dang hUM zhes bya ba yang // skabs dang bar du bri bar bya// gro ga shing shun la sogs dang // dmigs pa'i srog snying bri bar bya// ma dang kha ru sha dum bu ling ke'u tsa tri sod 'u tshe tri zums// zhes pa bri la nya'i bca'// de yi nang du gzhug par / bya// gom bdun bor ba'i sa dag dang // gos dang skra la sogs pa dang // sa sbyin 'bru yi phye dag gis// ba mar 'o mas sbrus la bya// nya 'o lags byas khong stong bya// snying po gong ma bris la gzhug/ nya bo'i thod
- 217b
ba'i nang du gzhug/ thod pa phyag rgyas dbang bskur bya'o// sor mo g.yas lnga rigs lnga yab// sor mo g.yon lnga yum lngar bsam// thal sbyar yab yum thod steng du// gtugs la sngags 'di bzlas par bya'o// oM ma au aM a ha ha he ha he phaT phaT b+h+yo ta bi ta tsakra hUM phaT b+h+yo b+h+yo b+h+yo/ dgra po dgug pa'i dbang can tsher byed pa'i// las ngan byed pa'i sems can 'di// 'khor ba'i gnas su 'khyam pa 'di// bla med gnas su bsgral ba'i phyir// thod pa gdug pa khyod la dbang bskur ro// gdug byed dgra bo gsod pa'i dbang thob shog/ dbang bskur thon nas sngags gdab pa// yang de thod pa gcig nang du// sbal pa bcu gsum byas la gzhug/ sman dang 'bru sna tshogs tshad dang // sbal sbrul rang gi sha khrag dang // sbal gzugs khong stong byas pa'o// gro ga shing shun ming rus bri// sbal par bcug la thod par gzhug/ dbang bskur thon nas sngags gdab pa// nya lcigs bag zan bsres pas bcad// chu mig byang ngam byang shar du// chu gtor rgyas par gtang bar bya// phyogs bcur phyag 'tshal dbang gzugs bden pa bdar// de nas bya khyung bsgom byas la// phyag rgya bcas la phyag bya ste// sngags 'di dag ni bzlas par bya// oM ma ya tsa bya sha na dum dum/ dum bu dum bu/ zhes dbang du sdud pa yin// klu rgyal ma ting zhes bya bas// klu rgyal
- 218a
chu lha nyid la bsgom// chu lhas 'jog po nyid la bsgo// 'jog pos bing bing nyid la bsgo// bing bing gis ni sbrul mgo bdun la bsgo// bdun pas lnga pa dag la bsgo// lnga pas gsum pa nyid la bsgo// klu yi rgyal po khyed rnams kyang // bya khyud ting 'dzin phyag rgya yis// dam las ma 'da' grogs mdzod cig khyed rnams gcig gis gcig bskul la/ dam nyams dgra bo med par gyis// gu gul thul du 'di thong zhig/ 'di yis bstan bshig dbu 'phangs slad// ska la sngo ba'i nyams pa yin// 'di sod las rnams myur du gyis// ces te thod pa'i steng 'dug nas// mnan la gzir cing gnad sngags bzlas/ oM ma mu li g+ha g+ha g+hi g+hi gya gya ga ga phaT/ gtor ma dkar po kun tu gtor// thod pa chu mig byang bltas pa'i// 'dom lnga'i snying dang 'dom lnga ste// de ru khru gang brus pa la// zhabs su klu tsher sna tshogs bting // de steng klu rdo sked khra gsum// de steng thod pa khar bzhar la// ma nyes brjod la khong la bcol// dam tshig gi rgyud phyi ma las le'u ste nyi shu'o// // 'di yi bskul bas kun la sbyar// chu mig sngo nas bcal ba kun// rgyud chen nang nas gsal bar snang // byang dang byang shar shis par bstan// de nyid kyis ni shar dag tu// rgyal po gtad la lho phyogs su// ban de gtad la nub phyogs su// rje'u rigs gtad la byang
- 218b
phyogs su// bon po gtad la mtshams su ste// kun ka'i gtad la ma nor pa'o// bcu dgu pa dang nyi shu pas// rtags dang bcas pas kun la sbyar bar bya ba yin// klu skam dag la gtad pa'i skabs// 'bri dang glang gi rwa dag la// dag par bkrus nas bskams pa dang // rtsi sman 'tshogs par bya ba'o// ba dmar 'o mas sbyangs la byug/ phyi la sbrul ris 'khyug pa bri// gro ga shing shun ming rus ling ga bri// de nas ra yi nang du gzhug/ tshon skud bcings la snying po bzlas// bag phye khrag bsres kha yang bcad/ oM pra ma rtse na ges ra dza sod sod/ a tra tra bu tsi spu spo na/ tshod che ge srog la ya/ sngags bzlas rA rur gzhug par bya// yang na phyi ba'i thod pa la// chu mig med par brlan med par// shing dang shing skam brag dang g.ya'// klu skam yod zer gang rung bar/ khru gang gru gsum brus pa ru// shing dang rdo sna tshogs tshad blugs// de steng ra btsugs gzhag par bya// yang na phyi ba'i thod pa la// gong bzhin byas la lha khang gi/ them pa'i 'og tu mnan te sba'o// 'khums nad snying nad myos nad 'chi// dam tshig gi rgyud phyi ma las/ skams nad myos nad kyi le'u ste nyi shu rtsa gcig pa'o// // yang de nas gtad thabs la// lcags sam seng ldeng skyer pa la// chag gsum yan chad ci bder bya// rtse mo rtsa ba ma nor bar// rtse mor phyag na rdo rje
- 219a
bri// rtsa bar ming rus bris pa la// 'bru nag btags pa nya bo bya// gro ga shing shun ming rus bri// de sdom bcings la rtsa bar bla na// phyag rgya bcings la sngags 'di bzlas// sha sha shu shu shu mu le dan tsakra hring hring hring / rang nyid khyung gi ting 'dzin bsam// mkhas pas shing mnan sngags 'di bzlas/ nur ba tri bam/ khrag thibs pa bdun sbrang ngo // bya khyung sa le bsgom/ brag chu 'thibs pa'i sar/ khru gang legs par byas la/ 'bru nag gtor ma byas pa'o// byang dang byang shar bltas pa ru// ling ga dang tsher ma sol dum bsdoms la bcings la/ dong du bcug la sngags 'di bzlas so// oM sa byi chod cig sarba big bag sho kha long ling / tam ting zhes btab cing sba ba ste/ gtad do ba'i tshig kyang brjod// zha mdze 'khums pa'i nad kyang 'byung // nag po klu la gtad pa la// gru gsum brus pa gong 'dra ba// spyir 'dra shes par bya ba yin// dam tshig gi rgyud phyi ma las/ nag po dag la gtad pa'i le'u ste nyi shu rtsa gnyis pa'o// // yang ni mon thod ngan thabs 'di gsungs so// mon thod rnyed na rab mchog yin// yang na rabs chad nag po yi// thod pa bkru dang byug pa kun// gong dang 'dra bar shes byas la// bya sran 'bru nag phye dag la/ khrag dang chang phud de la spu// sbrul nag 'bar ba'i gzugs su bya// tshon skud bsdams la thod par
- 219b
gzhug/ sa sbyin 'dag pas kha yang sbyar// chu mig byang dang byang shar bltas// de'i khar song / sngags bzlas par bya'o// nA ga ra dza nA ga b+he/ zhes ni rab tu brjod par bya/ de gtad pa'i tshig ma brjod/ sngags gzhan dag kyang bzlas par bya// dam tshig gi rgyud phyi ma las/ mon thod kyi le'u ste nyi shu rtsa gsum pa'o// // yang de gtad mnan 'di ltar bya// ma li'i dor hrul brdungs pa dang // grogs mo'i zhing sa rtsam sigs dang // rjes dang chu dang rna gzhag dang // dmigs pa'i rdzas de rnyed tshad la// nya bo gong gong bu ru bya/ kha sna yon po rgyab lag bco// nang du gzhis nor kun bcug la// tshon skud dag gis bsdam par bya// gtor ma nag po bcas pa la// me tog nag pos mchod par bya// dkar gsum mngar gsum mchod par bya// gong du snying po mang bzlas la// byang shar chu mig gar song la// gnyen po'i lha ni gsal byas la// ninri nri mA ra nri zhes pas// dmigs pas bkug la snying po bzlas// nag po bye'o bya ba bri// nA ga na na ting na ga u pa nan to na ga du na ti/ de skad bzlas la gtor ma gtad// nya bo gzugs de legs par bya// thod pa ngan pa'i nang bcug la// sngags bzlas byang shar chu mig gi/ 'dom lnga'i snying ka nyid du bsam// smre sngags bton la dam bdar ro// dbang gzugs la sogs shes tshad brjod// phyi ma las gtad
- 220a
mnan gyi le'u ste nyi shu rtsa bzhi pa'o// // nA ga rA dza klu rgyal las// las mi 'dod na dkrug pa las// mnan gtad byas pa gang la yang // bzhug la 'di ltar bya ba yin// thod pa'i steng du khrag sbrengs la// nA ga nA ga krod+ha ni badz+ra yag sha kro d+ha ni/ nA ga nA ga ni ri men tsa ban da dz+ha dz+ha dz+ha/ dgug cing dkrug pa'i sngags zhes bya'o// nA ga dag ni khros pa yis// dmigs pa ma lus 'dzin par byed// mnan gtan gong 'og gang yang rung // mnan gtan gzir ba'i las su shes par bya'o// kun la dgos pa'i le'u ste nyi shu rtsa lnga pa'o// // yang ni gtad thabs 'di dag las// bya mo nag mo'i sgong khog las// ming rus gzugs su bcas pa bri// nri ni bya ba ra khrag bri// rtsibs shun dag la nA ga bri// nag po phye'o nir nir bri// de gnyis sbyar la tshon skud bsdams// de nas thod par gzhug par bya'o// ngos nas byang bltas 'dom drug pa// lto ba'i sa yin de ru sba// ma gtang tshig de gong ma 'dra// dam tshig gi rgyud phyi ma las/ ltor mnan nas 'chi ba'i le'u ste nyi shu rtsa drug pa'o// // yang de gtad thabs 'di ltar bya// sbal nag bshus pa'i skud pu ru// dmigs pa'i ming rus kun bcug la// snying po 'di dag bzlas te gtad// ka maka med rlag rug ma ka med rlag/ mang bar bzlas te gtad pa'o// mon nag sogs po'am rabs chad
- 220b
dam// de yi thod par kun bcug tshon sku bcing // oM ke ru ku ru ku la li hUM phaT nri nri dz+ha dz+ha/ yu yu zhung zhung badz+ra phrag la ner sher sher thul thul sod sod ru lu ru lu tas kan hUM phaT/ zhag lngar bsgrubs la gtad par bya'o// rdo nas 'dom lnga'i snying khar gtad/ khru gang brus la rdo khre'u gsum// klu rdo thod pa sngon po klu// drag sngags bzlas la snying la gtad// byang shar sngon por gtad pa'i le'u ste nyi shu rtsa bdun pa'o// // yang gcig gtad thabs 'di lta ste// sbrul nag bshus pa'i rlung bu ru// sha dang sman dang bag phye dang // sbrul gyi sha skams brtags la sbyar// sbrul bags gang bar byas pa la// lha 'dre'i snying po yod tshad dang // nA ga klu rnams bri bar bya'o// de yang sbrul gyi nang du gzhug/ dmigs pa'i pha mes mgo blangs la// de yi shul du sbrul de gzhug/ pha mes thod pa dmar por byug/ bshul tshig khrag gis de / byugs la// nang du kho rang ming rus kun// bris pa bcug la kha bcad la/ khyi dang sre mo khrag zan gyis bcad la// byang bltas chu mig ngos nas yar// 'dom gsum bcal bar brus la gzhag/ kha bub dag tu gzhag nas kyang // bra bo lo ma sran ma dang // tsher ma shing dang re ba dang // gu gul khyi lud mi lud dang // sbrang lud la sogs sme bas dgab// steng nas snying po 'di mang bzlas// nA ga be re nA ga rA dza ha ha ru
- 221a
lu ru lu phaT/ snying po gzhan yang ci mang bzlas// ma nyes dbang dang dam bdar ba// gong mthun bzlas shing gtad par brjod// sngags bzlas brag dang chu 'thab sba bar bya// klu'i dam tshig gi rgyud phyi ma las/ drag po'i las kyis gtad pa'i le'u ste nyi shu rtsa brgyad pa'o// // spyi ru gtad pa mang gis kyang // gtad pa 'di las drag pa med// chu mig byang bltas nang dag nas// zla ba nya gsum dag la yang // dgongs sam srod la der phyin la// sbal pa nag po gcig blangs la// sbal pa de yi kha phye la// chu dang 'o ma bsres pa la// sngags 'di bzlas la blug par bya// dri chen dri chu gos dang skra dang rjes// mdze bopo'i rus pa bsres la btag/ de rnams chu mig kha khyer la// phyogs bcur lha phyag btsal zhing ma nyes dpang yang bya// bdag nyid klu yi rgyal po dud kha ba// sbrul mgo lngas brgyan nam mkha' khebs par bsam// de nas rdzas de ma lus kun sbrus la// klu yi zhags pas bcing bar bsam// tshon sna lnga yi skud pas bcing // de nas rdo nag leb ma'i steng du bsreg/ klu shing bus te/ bsregs pa yi// thal ba nyungs nag nyungs kar bsres pa la// klu sngags mang bar bzlas la brdeg/ chu gtor gser phud mchod par bya// phu phye phung 'di rma rma 'ba' li la ye ye rab ta ha ha me mu skyo mi rmu me 'grang 'grang dud pa he he mer
- 221b
tsa mer tsa sha tsa sha tsa/ de nas dbang po lnga la gdab bo// phye tsi phye tsi kham kham tsi ya yor lding lding lding / a a 'drag 'drag tsag she 'drag 'drag ma b+h+yo la bi/ des dbang po lnga klus 'dzin no// de nas rkang lag lhulha tshigs la 'jug pa'i sngags la/ se du se du se du ba sa ra ba sa ra/ ha ha he he hUM hUM du khye rbad/ tu ming her hor tser tser u u raM raM rbad rbad ram pa tse/ des ni lbu bcu gnyis la 'jug/ ming rus sbal pa nag po'i kha'am klud bur bcug la rdo'i steng du bsreg go/ thal ba sbal pa nag po'am/ khra bo'i gsob tu bcug la chu mig gi gting du sba'o// de'i steng du klu gtor bsgugs so// sngags kun bzlas so// dbyar zla ra ba'i tshes bco lnga'i nyi ma zer ka dang / dgongs mo gtad do// ltor sbal pa skyes nas 'chi'o// de ltar spyad pa byas la bya'o// klu dam tshig gi rgyud phyi ma las/ drag po mnan thabs bstan pa'i le'u ste nyi shu rtsa dgu pa'o// // de nas gtad thabs spyi ru mang gi kyang // rus sbal 'dra ba'i brag rtsa nas/ chu mig mgo gsum pa 'bab pa'i gnas// klu yi rgyal po'i gnas yin te// rgyal po la sogs gtad par bya'o// sbrul gnyis sprad pa 'dra ba'i gnas// bar na mgo gcig rkang mangs 'bab// de yang gtad pa'i sa yin no// de yang klu chen gnas pa'o// phag pa 'thur du rgyug 'dra ba'i// rtsa na chu mig tsag tsog 'bab// de ni klu yi
- 222a
gnas yin te// der yang gtad pa'i sa yin no// shin tu stug po'i ri rnams la// sna tshogs sa rnams tshang ba yi// sbrul zhags 'dra ba'i chu 'bab pa// de yang gtad pa'i sa yin no// ngams nag brag la chu 'bab pa// shing rtsi tshang ba'i chu 'bab pa// shing gi tshang ba'i tsher ma can// der yang gtad pa'i sa yin no// dam nyams dag la rtse mor 'thon// lu ma gya gyus bskor ba ni// de yang gtad pa'i sa yin/ no// nag po bya rkang 'dra rtsa nas// chu mig mgo mang 'bab pa ni// klu yi yi dwags sa yin te// der yang gtad pa'i sa yin no// shing skam mgo nag yod rtsa nas// chu mig legs par gnas pa yang // de yang gtad pa'i sa yin no// thod skam bre bo yod pa la// pha 'ong nag po yod pa la// rtsing rtsa nag po skyes pa na// nor med rigs ngan gnas pa ste// longs spyod nor zas gtad par bya// klu dam tshig gi rgud phyi ma las/ gtad pa klu dam mnan drag por gtad pa'i le'u ste sum cu pa'o// // klu dam tshig gi rgyud phyi ma rdzogs so// //
- 222b
rgya gar skad du/ nA ga sa ma ya bi ta karma tan+t+ra sa ga ra ya/ bod skad du/ klu dam tshig gi rgyud phyi ma'i las su phyung ba'i ti ka'o// thams cad sgrol byed rgyal po dang // nA ga 'khor dang bcas pa la// nA ma po yi phyag 'tshal te// de skad ces ni brjod par bya'o// 'di skad du ni bdag 'dra yis// thos bsam pa'i dus gcig na// ngo mtshar mtsho chen bzhi 'bab pa// nub phyogs pho brang rgya mtshor 'khyil// drag po'i klu gdug gnas pa'i sa// de dag dregs pa gdul ba'i sa// kun gyis ma thul 'di nyid bsngags// lag na rdo rje rab khros te// 'di lta bu rab tu sprul// gser mig 'bar ba'i nga rgyal du// yang nas yang du sprul nas ni// mi bsgrungs drag po'i nga rgyal can// klu gdug pa de thams cad btul// de ltar gdug pa thul gyur nas// rigs bzhi dag gi klu rnams kyis// shin tu mdzes par 'di skad sgra'o// ma ho rdo rje'i gzugs mdzes pa// shin tu rngam byed rdo rje yis/ khyad par 'phags pa'i sprul pa ni// gser mig 'bar ba'i brjid dang ldan// mgo la yid bzhin nor zas brgyan// shes rab thabs ldan gshog pa brkyang // thabs mchog ldan pa'i sder mo gdengs// e ho sku stod mchog chen g.yang gzhi can// sku smad sbrul gyi chun pos brgyan// thod pa tshal gsum se ral kha/ khyad par rtsal 'phags gzhan pas
- 223a
mtho/ khyod lta bu'i gzhan ma mthong // drag po che byad kun las 'phags// bdag can rnams kyi dam tshig lha'o// drag po khyod nyid bka' ltar bgyi'o// de skad du ni ngag mthun par// gnas te phyir la rab 'thon par// dam tshig dag gi brda 'di yang // smra zhing sku la 'khril bar 'gyur// nA ga ru tra pa ni ga phar pa ti swA hA/ de nas gser mig 'bar ba yis// nga rgyal drag po 'di bstan te// dbang du bsdu bar bya ba'i phyir// dam tshig phyag rgya rab tu bstan// mtheb chen gnyis po nang du bstan// phyi la brkyang ba gshog pa'i tshul/ khros pa'i nga rgyal sngags brjod// ta ki dza Te byi dz+nyA te hA ya hu ya/ hu lu hu lu ru te swAhA/ nga rgyal sngags rab tu brjod// che ba rgyun gyi ting nge 'dzin la snyoms par bzhugs so// de nas rigs bzhi'i klu rnams la// shin tu che rab bstan pa'i phyir// nyid kyi gzhal yas khang bzangs su// shin tu mdzes brjod nyid du yang // byol song rigs bzhi de dag dang // thabs cig 'dug nas 'di lta ste// rgya mtsho chen po'i dbus gnas par// ri rab mchod rten gzugs 'dra la// bum pa yid bzhin shing los brgyan// sbrul ris dar sbyangs lta bur mdzes// rigs bzhi'i rgyan gyis rab tu klubs// sgo bzhi'i ka ba shin tu ldan// de 'og sbrul gyis rab tu mdzes// byol song longs spyod rab tu ldan// de yi bum pa'i khong
- 223b
seng na// gser mig 'bar ba dag dang // thabs cig gzhugs pa 'di lta ste// gzi brjid mtha' yas dung skyong dang // gang po nor ldan la sogs pa// dga' bo 'jog po ma dros pa// rigs bzhi klu yi gtso bo brgyad// sku la 'khril te rab tu gnas// bya nom nir min la sogs sprul pa'i brgyan// dar phyangs ma dang pad+ma'i brgyan// gzi brjid ma dang dung can ma// klu mo rigs bzhi la sogs pa dang // de kun thabs cig tu gzhugs// klu'i dam tshig gi rgyud phyi ma las/ gleng gzhi'i le'u ste dang po'o// // de nas klu dam tshig gi bsgrub pa 'di gsungs so// maN+Dal cha mnyam yid 'ong la// ba yis rnam lngas byug pa ni// phyogs bzhi dbus dang rnam lnga'o// de nyid byin gyis brlabs pa'i phyir// oM dang AHhUM swA hA lnga'o// phyag rgyar bcas te byin gyis brlab// bdag nyid lha ru rab brtags te// thams cad grub par bya ba'i phyir// bdag nyid spyi bor oM dmigs/ ye shes lngas ni dbang bskur ro// de nas thig gdab bri bar bya// 'khor lo rtsibs brgyad mu khyud ldan// gru chad sgo rnams de bzhin bri// lte ba snying ka 'khor lo dkar// mu khyud dmar la gru chad ldang // sgo rnams ser po sgo nyid rigs// de bzhin tshon rnams dgye bar bya// dbus su snying po hUM yang bri// 'khor lo brgyad la rtsa ba'i sngags// rtsibs mtshan de ming bri bar bya// nu pa phu pa gru chad
- 224a
la// sgo la sa ta si ka dgod// shar nas rim pas bskor te dgod// ces te rgyun du bzlas pa'i sngags// yi ge dgu pa zhes bya'o// hUM na ga rA dza sa ma ya dza che ge mo zhig tsit+ta dza la ya/ zhes te bsgrub par bya ba yin/ zhag dgu'i bar du khrus bya ste/ zas sna lnga ni spang bar bya'o// nya sha sgog btsong chang bshol bya// de la grub pa'i rtags rnams ni// dngos grub longs spyod sna tshogs 'byung // sbal sbrul la sogs dngos su 'byung // rab ni bas rlags thor bar 'gyur// de ltar mngon gyur bsgrub par bya// rig ma'i sham bu gdags par bya// las kyi bya ba de tsam mo// rma tra 'bur ti las la gzud// rten 'brel sngags rnams thams cad kun// bsgrub pa'i phyir ni dbang bskur bya// zhes pa de nyid lag tu blang // dar dkar dag pa'i gzhi ma la// pad+ma 'dab bzhi bri bar bya// dkar po la sogs mu khyud ldan// dbus su dam tshig rdo rje dgod// de nas yid 'ong bum pa la// sbrul mgo bdun pa'am dgu pa bri// dge bsnyen drag por rab tu dmigs/ kha dog gtsang ma'i ras kyis bcing // 'om bu bra ma rma bya dang // drag po'i rdzas la bdug pa bya// ras sam dar gyi gzung thags gdags// sder gshog phyag rgya snying khar btan// sman lnga spos lnga rin chen lnga// 'bru lnga me tog lnga la sogs// bcu gnyis lnga nyid byin gyis brlab// oM AHhUM na
- 224b
ga yu yu nA ga pu ru dza la ni nA ga sa ma ya swA hA/ zhes te de ltar bzlas nas kyang // dmigs pa'i yan lag gsum pa brgyad// yi ge rtsa gcig bsgrub par shar// hUM skyes bdag po gnyis nas sprul// yan lag yi ge rtsa gcig las// 'od zer sna tshogs bdud rtsir sprul// yi ge dmigs pa'i gnas lnga ru// bdud rtsi'i bum pa brtan par bya// mkha' lding rgyal po nyid du bsam// de nyid gtsang ma'i ras kyis dkris// gur kum sman dang chu bsres bkru// de bzhin sman rnams zas rnams bza'// zhes te 'di skad ces gsungs so// e ma ho rdo rje 'dzin pa'i bdag/ bdag cag dam tshig mngon dga' bas// dam tshig dkyil 'khor 'dir 'jug na/ khyod nyid dam tshig 'tsho lags kyis// longs spyod klu yi pho brang nas// rig pa'i rgyal pos dbang bskur cig/ ces gsol nas ni de nyid 'khod// nyon cig skal ldan rigs kyi gtso// longs spyod klu yi rigs rnams kyis// pho brang yid 'ongs mngon dga' bas// yid bzhin rin chen rab gnas pa// de ring khyod kyis bcang bar gyis// ces te dbang ni bskur bar bya// de yang bar chad bsal ba'i phyir// rma bya dag gis sdigs pa dang // gu gul dag gis bdug par bya'o// gnyen po rigs bzhi'i dbu rgyan dang // dar gyi cod pan me tog 'phreng // longs spyod tshogs kyi zhal zas dang // rten gyi
- 225a
bum pas dbang bskur bya'o// de nas dam tshig rten 'brel gyis// snying po 'di dag sbyin par bya'o// rigs ldan thogs med nas brgyud pa'i// skal ldan sngags kyi bdag po khyod// di ring dam tshig 'di zung la// yid bzhin rin chen gter bzhin chongs// nam mkha' dngos por mi gnas la// sna tshogs 'od kyi gra 'byung zhing // bla med sbrul sku'i ngo bo las// rnam shes ldan pa'i thogs med kyis// rnam shes rgyu yi ngo bo las// yi ge 'phreng ba nyid du dgod// nA ga li li tri ya pa tri ni rA dza ro tri ting yang gu ru sa pri yang he he hUM hUM b+h+yo b+h+yo/ dza/ zhes ni dam tshig rten 'brel gyis/ snying pos yongs su rdzogs byas so// de nas rab tu bdug byed pa'i/ klu rnams dbang du bsdu ba'i phyir/ ldan pa 'di lta bu gsungs so// rnam lnga rin chen mchod rten la// bum pa khong seng de bzhin brtsig/ gnyen po rigs bzhi dgod par bya// de 'og rigs bzhi mtshams rnams su// de nas dbang du bsdu bar bya// ga ru Da tsa le tsa le hUM phaT/ rgyun du bzlas par bya'o// dam tshig phyag rgya bstan par bya'o// oM pra ti su tsakra badz+ra dun te/ mi li mi li hUM phaT/ ces te de ltar sgrub de ni// dbyar tha'i tshes ni bcu drug la// nyi ma ngan pa de la 'ong // de dus mnan gtad bya bar 'byung // de nas gnyen po'i rigs bzhi la// bstod pa 'di dag bya bar gnas// hUM/
- 225b
mkha' lding rgyal po tshangs pa'i bya// gser 'dab bya khyung ga ru Da// drang srong 'khor gyi stobs po che// rigs gsum mgon po rdo rje rgyal// mnga' rigs klu yi 'khor gyis bstod// rdo rje rnon po spu gri so gnyis gtsigs// gser mig khro gnyer spyan gnyis can// thabs ldan rdo rje rwa gnyis brjid// yid bzhin nor bu gtsug na 'bar// lcags kyis mchu chen rno dpal gyis// gdug pa'i klu rnams spyi nas 'dren// rdo rje gshog pa brkyang ba'i rlung mo cha// klu rgyal gdug pa dbang du sdud par mdzod// ces dbang du bsdu bar bya'o// klu'i dam tshig gi rgyud phyi ma las/ gnyen po rigs bzhi bsgrub pa dang / dbang bskur ba'i le'u ste gnyis pa'o// // de nas yang ni klu mo yi// gnas rnams brtag par bya ba ni// maN+Dal cha mnyam yid 'ong gnas// me tog mdangs ldan dga' ba'i gnas/ khrus kyi chu rnams yod pa na// rigs bzhi klu mo / yod pa ste// gtad par mi bya bsgrub par bya// de bzhi'i rdzas dang mthun pa bsag go/ maN+Dal cha mnyam yid 'ong gnas// spos dang sman sbyar 'o ma'i chu// maN+Dal byug pa tshul bzhin bya// pad+ma 'dab bzhi tshul bzhin bya// pad bzhin dar dbyangs ldan par bri// mu khyud sbrul gyi chun pos bskor// gru chad ljang khu pad 'bras bri// mdzes pa'i rgyan rnams dgod par bya// dbus su nga rgyal hUM bris la// pa pha phun par ma
- 226a
la'o// de la sogs pa dgod par bya'o// hUM de gnyen po bdag nyid rtag/ che ba'i nga rgyal rab bskyed pa'o// dam tshig sngags 'dis bsgrub par bya'o// zhes ni bzlas pa tshad du bya// oM tsa ga tra du tri ru bu me ga sa to ba ra ni nag yu yu na swA hA/ zhes te rtsa ba'i snying po dang / gcig tu dril te drang bar bya'o// de nas yid du legs 'ong ba'i// mtshan ldan bum pa gnyis btsugs te// mgul chings rgyan dang ldan pa yi// rtsa ba'i sngags bzhi dgod par bya// sman lnga spos lnga rin chen lnga// yid 'ong chu yis bum pa dgang // shar gyi pad+ma'i steng du gzhag/ dbus su nyid kyi bum pa gzugs// ras la sogs pa'i gzungs thag gdags// de bzhin shar du zhag gsum du// nang phyogs dag par khrus kyang bya// hUM tsa ha re sha nA ga d+he ba nA ga yu yu swA hA/ kha lag dag par khrus bya'o// de yi rtags rnams 'byung ba ni// dkar 'jam mdog gnyis sdug par bya// sha sgra mdze rigs phol dang 'bras// phrag nad rgong po yongs mi 'byung // tshe ring bde ba phun sum tshogs// 'khor 'du longs spyod nor rnams 'phel// de bzhin dgongs pa 'grub par byed// ces gsungs so// de nas 'dod yon lnga mchod par bya'o// gzhan yang go 'brum pa na se// zho dang lor ba lo ho mtshal dang 'bras// dar dpyangs mang po phan de bzhin// sman rnams mang pos
- 226b
mchod// so sor thob par bya ba'i phyir// sngags dang snying po bsnyen par 'di gsungs so// oM nA ga ba ru na ba ya b+he ba ru na ga yu yu a ba lo ki ti sa man te sa man te te swA hA/ klu mo bzhi la mchod bstod bya// klu'i dam tshig gi rgyud phyi ma las/ klu mo rigs bzhi bsgrub pa'i le'u ste gsum pa'o// // de nas sa bdag bzhi bsgrub pa 'di gsungs so// sbrul gyi 'khor lo nag po drag po rdzas// nang du mthun pa'i ling ka gzhug/ sngon mar skud pas kha btsems te// gtad pa'i 'phrin las klu yi gzugs// de bzhin mdzub gang ling ga 'tshid// sngon mar skud pas snying khar gdabs// sa bdag bzhi yi gzugs kyang bris// yan lag bzhi btags lte bar gnas// lag g.yas hal khyi hang pan g.yon// rkang g.yas the se gtsang kun g.yon// klu gzugs lho nub mtshams na'o// de bzhin nag por gtad par bya// zhes te de / ltar gsungs pa'o// sa bdag bzhi'i snying po gsungs te// tro ta ma mkhyen snying khrag srog chod/ dbugs long phaT dza dz+ha/ ha la phan sngags zhes bya'o// sa ba me bzhin gan te zlog te phaT dza dz+ha/ the se sngags su shes par bya'o// du ra shi par tsa phaT dza dz+ha/ tsang kun sngags su shes par bya'o// rgyun du'o// de nas sa bdag bzhi po'i drag sngags bdun te gcig tu dril// gsad pa'i sngags su shes par bya'o// na mo lag na
- 227a
rdo rje khro gnyer can// nga rgyal dregs pas 'dul ba'i gtso// bdag cag rnams kyi dam tshig lnga// bstan pa dam pa kun gyi gtso// zhes bstod de sa bdag sngags 'di gsungs so// mo byi sa ta dur ni pra dza phaT/ oM sa tor ga sha du ra dza phaT/ ke tu rag sha kU tri phaT dza dz+ha/ pre yang ku ru me ta dza dz+ha/ nA ga nA ga gu ru nag po tsit+ta rbad/ 'dre na ku ru de ba shan ti rbad/ ta no be nag ku ru ye rbad/ ces ni gsad cing gtad de/ de yang gnyen po la ni mchod bstod bya// yang de dam la gnas pa'i phyir// gtor ma chen po 'bul bar bya// sbrul dang sbal ba'i sha tshil dang // de bzhin khrag sna'i gtor ma bya'o// mchod pa'i sngags ni 'di dag go/ au ka ru Da tsa le gri h+na gri hA dza hUM baMHho/ id+ha na ba li ru pa la ba nA ga la/ khA hi zhes gtad par bya'o// klu'i dam tshig gi rgyud phyi ma las/ sa bdag bzhi'i drag sngags kyi le'u ste bzhi pa'o// // sa bdag bzhi yi drag sngags bdun pa 'di// klu dang kun la 'jug pa zhes su bya// spyir yang phar stong tshur stong bya'o// de nas sbrul gyi 'khor lo zhes bya'i bsgrub par bya ba 'di gsungs so// maN+Dal cha mnyam yid 'ong la// rtsa ba'i sngags 'dis lde gu byug/ gru gsum dbus ma nag por brko// dmar po zla gam mu khyud zlum// gru chad sgo rnams de bzhin bya// de nas lha rnams dgod par bya// de yang mthun
- 227b
pa'i sa blangs te// 'bru sna tshang ba'i phye dang sbyar// de bzhin sbrul gyi gzugs byas te// sbrul mgo dgu pas dbu la brgyan// ling ga ming rus bris pa gzhug/ chu skyes sbal pa snying kar gzhug/ k+Shi ta'i yi ge dgu bas bskor// rma bya'i thal bas mnan par bya// de bzhin gru gsum dbus su dgod// sna tshogs me tog mgo la gdags// pad+ma'i ge sar gcal du bkram// rgya spos la sogs du bas bdug/ gcig la sprul gyi rgyal mtshan gzugs// gcig la me log mda' dar gdags// pad+ma'i ge sar btsal du bkram// mu khyud sbrul gyi chun po bri// sna tshogs sngags kyis bsgrub par bya// zhes te rgyun du 'di bzlas so// oM ga ru Da tsa g+h+rin dza hUM baM ho/ oM d+ha na b+ha li ru ya pa hra pa nA ga la khA hi/ zhes gtad par bshad dang 'phreng pa des bskor nas// ling ka'i ming rus bcas pa la'o// gsang sngags 'di nyid bzlas par bya'o// gri ta ma ni dur 'ud sad ne ro yang gu ru pra ta mi sha ro la rbad/ ces de bstod de bya'o// mtshang sngags 'di yang bzlas par bya'o// ma ni dur bi sho tra bad sho bi shi ro// lo ti nang du ni dur ya khreng khreng / b+h+yo pad tri pad+ma ma ra yam sa thams sa tham dun b+h+yo/ baM khrag baM khrag ri ti b+h+yo/ mun thibs mun thibs ma ma b+h+yo/ zhes te gong gi skud phur gzhug/ chu mig mgo lnga yod par bskyal// dmu chu dang ni mkhris nad 'ong // de nyid dbus
- 228a
su nub par bya// zhes te de ltar bya ba gsungs// de nas las rnams thams cad kyi gdon mi za bar 'grub par bya ba'i phyir// drag sngags snying gzer drag po 'di gsungs so// zod pa nag po drag po'i rdzas// nang du mthun pa'i ling ga gzhug/ ming rus gur gum sman gyis bri/ kha ru skud pa rgya gram bcing // thod pa dag tu gzhug par bya// zhes te drag sngags 'di gsungs so// oM sa ta ya mA ra ya mA ra ya dza la/ badz+ra ke tsa tu phe phaT/ ces te de ni sngags so// klu'i dam tshig gi rgyud phyi ma las/ bye chung can gyi le'u ste lnga pa'o// // de nas bum pa'i man ngag drag po'i gtad pa 'di gsungs so// 'bru sna tshang ba'i dar phye la// rin chen spos mchog gtad par bya// sbrul mgo dgu pa'i gzugs byas te// mgo lus bral te sbu gur bya// lus snang ling ka gzhug par bya// mgo na 'khor lor gzhug par bya// 'khor lo bzhir ldan ge sar bri// dbus su dam tshig hUM de dgod// 'khor lo bzhi la pa ra na ya'o// shar nas pa ra na dgod bya// ga 'u kha sbyar sprad pa'i nang // gzugs ming bcug la kha sprad do/ kha sprad rgya yang gdab par bya// gnyis ka non par bya ba gsungs// sbrul mgo dgu pa byang du bri// nub tu bdun pa shar du lnga// lho ru gsum pa bri bar bya// ka ri ka la longs spyod bri// de ltar ga'u zhes su bshad// byol song klu yi pho brang
- 228b
gdab// rgyal po rigs te gtad par bya// zhes te dbang du bsdu ba'i gsang sngags 'di dag gsungs so// oM sa byi sa chod gcig khaM ling ma du b+h+yo sarba big sha kha lim du b+h+yo/ zhes ni dbang du bsdu bar bya'o// oM tsit+ta baM 'bru thum ri la khas/ sa ma ya skyugs thigs klad khrag spyos shig/ dmigs rtsa bsgyur/ oM na ga sho ling ni swA hA/ zhes te zhag bdun rab bsgrubs ste// drag sngags 'di ni rab tu gsungs// nA ga rA dza sa ma ya tsit+ta dzo la ya hUM phaT swA hA/ na ga rA dza sa ma ya shu ti kri ta mA ra ya dza/ nA ga rA dza shu shu li dgra bo'i tsit+ta la ya dza/ oM tsit+ta mA ra ya sad/ tsag krang du kri mA ra ya sad/ tsat+ta krang ka mA ra ya sad/ nA ga paM pa ri li li/ tsakra mA ra ya dgra bo'i tsit+ta dz+wa la/ zhes de gtad pa de bzhin no// klu'i dam tshig gi rgyud phyi ma las/ las bcu'i las ti ra ya ka'i le'u ste drug pa'o// // de nas pa tra nag po zhes bya ba drag sngags gsungs so// shin tu mtshan ngan drag po'i thod pa la// dkar nag rdzas kyis bdug par bya// skyes pa'i khrag gis ling ga bri// til dang ske tse shang tshe la// ga gon nag po'i gzugs bya// nang du ling ga gzhug par bya'o// sngon mar skud pas ske nas gdags// drag po'i rdzas su bcug nas ni// sol chen thal bas kha gcad la// dam tshig 'bru dgu'i sngags kyis bskor// sngon ma zhun mas sbrul ris bkri// zhes te drag
- 229a
sngags 'di gsungs so// oM sha sha shu shu mu ne dz+ha na tsakra shur na kri ba yam/ nag po tsit+ta rgyas khrag rgyas/ 'bur 'grims/ dgra bo'i tsit+ta dza la mA ra ya phaT/ ces ni gtad par bya'o// de nas sna tshogs klu la gtad// de yi rigs rnams thod pa la// phyogs bzhi ga gon mchu ru sprad// de dbus sa la ra bzhis bskor// na ga rA dza'i ming dang spel// ga gon lus la dgod par bya// so so kha ru na bzhi dgod// rus dang spel ba'i rdza'i bar// de bzhin drag po'i thod pa la// 'khor lo nag po bri bar bya// sbrul mgo klu gzugs 'khor lo bskor// 'khor lo rtsibs bzhi gru gsum ldan// mu khyud sbrul gyi chun bu bri// nA ga rA dza'i 'khor lo la// ma ra baM gyi dbus su dgod// bzhi pa'i 'khor lo mdzes pa bri// de nas drag sngags 'di dag gi/ nA ga yak+ka badz+ra kro ta ya sa ma ya dza nA ga badz+ra rag sha sa ma ya tsit+ta dzadz+ha la dz+ha/ nA ga sarba duSh+TAn sa ma ya tsit+ta dza la mA ra ya dza/ zhes te gtad par bya ba'o// klu'i dam tshig gi rgyud phyi ma las/ pa tra nag po'i drag sngags kyi le'u ste bdun pa'o// // de nas yang dag sngags kyi sbyin sreg gi le'u 'di gsungs so// dkar brtags pa'i gnas nyid du// sgog mo gru gsum bsam pa ru// dbus su nga rgyal hUM bris la// dkar po dbus su skyed kar gzhug/ de nas klu rnams spyan drang ngo // dzaHhUM baM hoHnA g+ha sa
- 229b
ma ya ba ru na ba ya be sa ma ya ho sa ma ya s+t+waM/ zhes te spyan drang ngo // de nas me lha spyan drangs te/ rtsa ba'i sngags kyis spyan drangs pas// gser mig 'bar bsten par 'ur// sna tshogs sman dang til mar zho// 'o ma 'bras dang mtshal dang dung // de bzhin rdzas rnams dbul bar bya// de gzugs ming rus bris nas ni// sna tshogs sman dang til mar zho// ga gon bcas te nang du gzhug/ tsan dan sol bas nag por bya// de nas bsreg cing dbus su gzhag/ ces te sbyin sreg sngags 'di'o// oM tsakri ma ra ya sad/ nA ga ba ru na ye swA hA/ oM nA ga su tra ti badz+ra dun ta mi li mi li swA hA/ nag po tsi mA ra ya gshur ni tra bam kha sod/ ya tri mA ra ya pa shang ku ru ye swA hA/ zhes te ming rus thal ba dang // dar mthing nag po'i nang du gtum// thod par bcug ste spra bar bya'o// klu'i dam tshig gi rgyud phyi ma las/ sbyin sreg gi le'u ste brgyad pa'o// // de nas klu rnams gnad la phab nas lo nad dbab pa 'di gsungs so// klu rnams kyi ni pho brang du// pad+ma 'dab brgyad bri bar bya// tshon rnams mdzes par bris nas ni// dbus su gser mig 'bar ba dgod// de bzhin phuHbrgyad pad+ma la// rab tu bsgrims te bri bar bya// dgu pa bdun pa lnga pa gsum// sbrul mgo so sor rigs bzhi kha dog bsgyur// gdong pa mtshal gyis byug par bya// nA ga rA dza kI yi kI/
- 230a
la ya swA hA/ nA ga rA dza badz+ra shu pa li swA hA/ kA li kA li nA ga badz+ra dun da rag sha phaT/ ces te rig sngags phyogs bzhi yi// shar nas skos te sbrul la gdab// de nas ling ga bzhi gtubs te// thal chen nyungs nag rab sbyar te// chu mig blugs shing ngan sngags bzlas// na ga ra dza kri sna krung krung shing ti rA dza ya nan/ zhes te gtor gzhong kha sbub la// tshes gcig dag la mnan par bya'o// tshes bzhi'i nyi ma zar zer la// gar gdab pa'i phyogs de ru// slar la phyang sde gtor ma bya'o// trag ni sa ma ya ya pu pu li li ga dun b+ha b+h+yo/ oM ba sha me ge tu ma shig gi ki kang dza la yaM a tse te swA hA/ shan ti rag sha na ga sa man+ta pra ra san na ga badz+ra b+h+yo/ zhes te seng ldeng phyung ste/ klu'i drag sngags gdags/ klu rnams gzhal yas thob cig par bsgo ste/ g.yung drung dkyil du snrubs te sba'o// shar nub lho byang nam mkha' lding // zil gnon / phyag rgyas bsrung bar bya'o// dngos grub ji ltar 'dod pa 'byung // klu'i dam tshig gi rgyud phyi ma las/ lo nad dbab pa'i le'u ste dgu pa'o// // de nas spa tra nag po ra khyi ngan sngags 'di gsungs so// glang ru g.yas pa'i nang dag tu// dgra yi ling ga der bcug la// rgyun du bzlas pa'i snying po 'di'o// oM mang pur shir sod/ oM ra shig sod/ thun tre shig song / rbad shig sod/ yid shig sod/ ces te zhag bzhi
- 230b
bsgrub par bya'o// klu rnams dgug cing gtor ma gtang ngo // de yi sngags ni 'di dag go/ oM nA ga yag mas badz+ra dun du mi li mi li swA hA/ zhes te drag sngags 'di yis gtad// s+phu ti da ra rbad/ rbad la ya tri sod/ rbud na shig nag po tsit+ta ma ra ya khrag tir snar ma zad/ ces te gtad par bya'o// klu dam tshig gi rgyu phyi ma las/ swa tra nag po ra khyi'i le'u ste bcu pa'o// // de nas yang chu glang sngon po'i ngan sngags zhes bya ba 'di gsungs so// glang de khra bo'i rwa gcig la// sbrul gnyis bris pa'i gro ga glan// tshon skud kyis ni ye gsum bcing // ling ga gro ga la bris la// rus sbal nag po'i skud pur gzhug/ rwa yi nang du de bcug la// 'da' ra ka yi rgyas btab la// zhag gsum snying po 'di bzlas so// oM swa sti gra ma shag ni du ya sad/ kra ma ni sad/ byi thums ni mA ra ya sad/ zhag lngar zas ni rnam lnga yang // spangs te bsgrub par bya ba yin// de nas drag sngags 'di dag go/ oM zhung tri shun tri bri li li he phaT/ he phaT/ oM du tri za ri tri/ tsa tsa tsi tsi/ trag sha la khu mun tsi/ snying kha ma ra/ mdun b+h+yo b+h+yo/ rag mo kha rag tsit+ta kha rag/ ces 'bum du bzlas so// gtad pa'i sa ni lho byang du bltas pa dang / lkug pa dang / long pa dang / 'thabs sa dang bzhi'o// de rnams gang med kyang / sngags rang sar song la/ sa btsal te yang snying nag po gces
- 231a
so// bden pa bdar/ dbang gzugs/ mchod pa phul/ rang gi grib ma dri ma byad mi dbyung ngo // klu'i dam tshig gi rgyud phyi ma las/ sngags kyi le'u ste bcu gcig pa'o// // yang gtad thabs cig bstan te/ de la 'dug pa btsal ba dang / grub ma gru/ rigs gang gis bya ba dang / klu gnad la bor ba dang / mi ldog pa dang / dam tshig dang / go bgo ba'o// chu mig kha byang du bltas pa'o// pha ma glang dang sbal gyi rigs so// bu sbrul gyi rigs so// de gsum la gtad do// nan la bor ba ni chu mgo ra dang brus la/ ya rtags rtsal/ kham por du mche ba can dang / a mri ta dang gzugs bcug la/ dar mthing nag dag gis dgab/ me mar gtad do// nan la bor ba ni chu mgo ra dang brus la/ ya rtags rtsal/ kham por du mche ba can dang / a mri ta dang gzugs bcug la/ dar mthing nag dag gis dgab/ me mar gtad/ rdzas bsreg/ glang ru chu dang / sha dang / snying dang / khrag blugs la sbreng zhing bzlas so// nA ga nA ga krod+ha ni nA ga na badz+ra yak+ka kro d+ha ni/ nA ga nA ga/ na ri me ba ta dz+wa la dza la/ zhes sgreng ngo // dar shing la btags la dgra bo 'di sod la g.yab bo// seng ldeng gi phur pa la khro bo'i snying po bris la gzugs so// tsang la khrag gis byugs la mtha' ma bskor// mi ldog pa ni dgra phung ba'i rting la/ gong gi yas brtags 'byung
- 231b
ngo// gzugs la mchod pa bya'o// mdo 'don no// gser nam cig zho cig tsam cig/ mes ma bsregs par chu mig tu gzhug/ des ni rang la ldog go/ bsrung ba'i dam tshig ni gzhan la mi spel ba dang / mi smra ba dang / gnyen bya ste nga'i sha tshil mi za ba dang / klu shing bra ma mes mi bsreg pa'o// klu'i dam tshig gi rgyud phyi ma las/ gtad pa'i snying khol gyi le'u ste bcu gnyis pa'o// // de nas yang klu dbang du sdud pa zhes bya ba 'di gsungs so// las 'di la rnam pa gnyis te/ de la rtogs pas bdag bsgral ba dang / thugs rjes gzhan bsgral ba'o// de la rtogs pas bdag sgral ba ni ting nge 'dzin rnam pa gsum bsgoms la// bya khyung gi bskyed thabs ni man ngag las shes par bya'o// snying po ni kang ka la rag sha na hUM zhes pas/ bdag bya khyung ga ru Da lus po mi la gshog mjug bya'i gshog mjug can/ gshog pas gnam bkab pa/ ze'u gshog lhag mig ser/ gnam lcags 'bar ba'i mchu sder can/ so lcags de ltar rgyan dang cha lugs ldan pa ni des gzhan 'dul bas thugs rjes gzhan sgrol ba'o// phyi ma las dbang du bsdu ba'o// klu dam tshig gi rgyud phyi ma las/ dbang du bsdu ba'i le'u ste bcu gsum pa'o// // klu'i dam tshig gi rgyud phyi ma'i las khol bu rdzogs so// // na ga rA tsa sa ma ya tan+t+ra sa ma pa tra// s+thi// //
- 232a
rgya gar skad du/ nA ga ka la tan+t+ra/ bod skad du/ klu nag po'i rgyud/ dpal phyag na rdo rje la phyag 'tshal lo// 'di skad bdag gis thos pa'i dus gcig na/ ya ma lag na rdo rje 'chang / klu'i bdag po 'jam dpal dpal 'bar che/ gnyen po gnad ldan pas nA ga bkol/ rdo rje drag po 'bar ba che// mi shigs pas na rdo rje drag/ tsham rngam 'bar ba yang dag go/ sbrul nag 'khyil ba'i ra ba khyon// 'jig rten klu rnams sku la rdzogs/ khyab bdag che la yang dag par// 'chi bdag nag po mgo dgu pa// las kyi gshin rje rgyal po des/ nyid kyi srog gi de nyid/ smras pa/ nA ga du na he li he li/ 'dus 'dus/ 'khor dbang du sdud par bya bar rig par bya'o// a sham nag po ti pa tsa/ nA ga kro d+hi shwa ri tri sham rbad/ nu gu rag sha rbad/ ti pa tsa pa tsa kha la baM sha tuM sha ma ra na dzA dzA/ srog gi snying por rig par bya// nag po baM tsi rgyas// trag thul snying 'gul myags myags/ rtsa bzhi bskums shan sha srog la shan zur sod swA hA/ klu yi dug mda' nag po ste// gsad pa'i mtshon char rig par bya// de nas de yi 'phrin las de// dben zhing nyam nga gdug pa'i gnas// brag dang chu 'thab gnas mchog dang // rtsi shing stug po klu gnas par// maN+Dal mnyam po yid 'ong la// dri spos sman gyis chag chag gdab// klu gtor gtang zhing klu mchod bya// de rdzogs
- 232b
a yi maN+Dal brtsig/ de yi las kyi 'khor lo yang // sbal nag las kyi 'khor lo ste// ka ri ka'am rgya shog gam// ta la'i lo ma gzhan dag la// sbal pa'i lto bar 'khor lo bri// dkar gtor klu gnas rdzas kyis byug/ klu yi 'khor lo nag po la// gtsug sngags dag gis brgyan pa ni/ kho ra khor yum rim pas brgyan// lte bar a mu ka yi rdzas// de las rgyu byas ling ka bri// srog gzhug khram la gdab par bya// sbal nag 'khor lo sbyar ste// tshon skud bcings la bsgrub par bya// dang po bod pa srog gi gnad// 'khor rnams las la myur cing bod// gsang sngags yig drug gnyis te// rtags rnams ma byang bar du'o// de rdzogs srog gi snying po ste// bcu gsum rtsa ba bdun pa dag/ de dag de la gdags zhes pa// bcu bzhi rtsa ba dgu pa'i sngags// las kyi gcong zhes yang dag bshad// de mthar bcu gnyis bzhi ldan pa// gsad pa zhes kyi yang dag go/ rdo rje khro bo zhes bya ba// chos kyi dbyings dang rang rig pa'i// ye shes gnyis su med pa las// sprul pa'i gshin rje dbu dgu pa// nA ga rag sha 'di sgoms shig/ kha sbyar yi ge phyir bstan pa// bdud mda' la sogs rdzas kyis brab// rdzogs dang gtad pa'i las bya ba// rgyal po rje'u dang bram ze dmangs// kun la bya bar bshad kyang ni// 'di ni gdol pa nag po'i sngags// byang phyogs gnas pa
- 233a
dmangs rigs kyang // las byed klu yi rigs su bzung // gsum gyi dbus sam gnyis kyi g.yas// gcig po dag la 'gyur ba med// thol thol ba ni mig yin pas// de 'og 'dom gang bcal ba na// gdug pa can gyi kha yin gtad// zas dang grogs dang dgrar gtad pa// de ni bsam pa'i ngo bor bshad// klu la ldog pa'i dus dang rkyen// sngon du ldog dang sbyor ba ldog/ thug phrad rjes la ldog pa dang // phyis ldog pas ni ldog dus yin// rang la ldog na dgra la ldog/ bsrung ba tsakra'i dang ldan ces// sngon du ldog par byed pa'i rkyen// rang sngags bzlas pas klu rnams 'du// dug chen klu rigs 'di dag ni// dug 'joms 'chi bdag chen po bsgom// sbyor ba ldog pa 'di dag ste// 'khor lo yi ge dgra gzugs la/ kha rlangs dri dang dri ma dag/ 'dres na rang la ldog pas spang // thugs phrad ldog pa gtad dus yin// lcags kyi sa kha dbye ba yin// de bzhin tshon dang dug shing dang // gdug pa tsher ma can gyi me// 'dir ni sha ru rtsi sman ldan// de ni nges par bya bar bshad// des dug spang zhing gza' dang 'grogs// rjes bzlog par ni gcad par bya// phyi mig mi lta khrag rjes gcad// lam phyag gos brun bskor ba bya// de bzhin klu yi gnyen po bskul// phyis ldog dgra zad rang la ldog/ ling ka rin po che dang
- 233b
sgraskrag/ yang na gson gshin lag sbrel bya// des ni ldog pa lnga dag bsrung // de nas klu yi rgyal po dag/ bsrung ba'i rim pa de dag go/ klu yi rgyu dus rnam pa gsum// dngos dang yid dang sprul pa'o// dngos ni ra ba bzhi la rgyu// yid ni 'bring po bzhi la ste// sprul pa tha chung bzhi la'o// de bzhin zhag dus re re la// dngos dang yid dang sprul pa gsum// tshes gcig nas ni gsum gyi bar// de bzhin zla ba rim pas ni// 'khor lo lta bur rgyu bar bshad// dngos la gtad pa'i las bya zhing // yid rgyu ba la gtad lam bstan// sprul pa rgyu dus gtad dmag drangs// thebs dang ldog dang 'jam dang 'gor// thebs na gtang rag gtang bar bya// 'byams na dgug par bya ba dang // 'gor na dmag drang ldog na bsrung // de rtags sngon du byung ba ni// zhag grangs gsum cu rtsa bdun na// klu yi rigs tshogs 'du bas ni// rtags rnams de la 'byung bar bshad// rno myur srog gshed yin pas na// ra hu la dang yam shud bskul// dus tshod mtshon cha 'dra bas na// dmangs dang gdol pa'i dus nyid bzung // zhi drag rdzas kyis dbye bas na// thod chen rdzas sbal glang ru yin// 'dir ni stobs chen khyu ba s+ho// dmar po mchog tu bshad pa yin// yang na tshe de kham pa'i mgo/ de yang shis par dpa' bos bshad// sbal nag 'khor lo las bskul ba// ka mar
- 234a
nye bar btus pa ni// klu yi rgyal po gsang ba yi// bstod pa 'di dag rmad byung ngo // 'chi bdag nges par gnas bskul bas// bskal pa rlung nag 'khyil pa'i dkyil 'khor nas// rig pa'i rgyal po 'chi bdag mgo dgu pa// bdud kyi bdud cig 'chi bdag kun gyi bdud// dgra bo'i bdud du 'chi bdag khyod las lhag pa med// rgyu ni rgya mtsho'i gting du rgyu// mgo ni klu srin pho nyar 'gyed// sku ni ri rab ngos la brten/ khams gsum klu rnams dbang du sdang // skul nag 'bar ba'i ral pa la// mdze dang shu ba'i tsha tsha 'phro// a li sha'i sgra bsgrags pas/ khams gsum ma lus mdze yis 'gengs// mig nas khrag gi bu yug 'bebs// zhal nas me yi phung po 'thor// sngags pas bos shing bcol ba'i tshe// g.yas rgya sbrul gyi zhags pa 'debs// g.yon na nad kyi rkyal pa 'thor// klu chen brgyad ni thugs kyi dkyil nas 'char// klu bran stong ni zhabs kyi 'og nas rgyu// klu bdud stong ni sku yi g.yas nas rgyu// sa bdag stong ni sku yi g.yon nas rgyu// sa bdag dza la stong la dbang sgyur la// stong gsum dgra bo kun la mdze yi / khong // de dang gnyis med sbyor ba'i yum// bud med lus la sbrul gyi mjug/ rgyu ni bar snang khams su rgyu// klu bran mang pos sku la brgyan// klu chen brgyad dang sbyor ba mdzad// sa bdag mang po pho nyar
- 234b
'gyed// zhags pa stong ni thugs la 'char// klu bran stong ni gnan gzir byed// bdud kyi mi la bab na nad kyis thob// bdud kyi bdud cig 'gro ba kun gyi bdud// dgra bo'i bdud du khyod las lhag pa med// gru gsum mthing nag 'bar ba'i gzhal yas nas// dam rdzas bdud rtsi 'bar ba 'di gsol la// pho la bab na khram la thob// skur cig dgra bo rlung la bskur// yang na myos shing lkugs su chug/ yang na myos shing 'bog tu chug/ yang na mdze dang shu pa zong // gru gsum mthing nag 'bar ba'i gzhal yas nas// dam rdzas bdud rtsi 'bar ba 'di gsol la// gtad pa'i las rnams sho ra re// de yis 'chi bdag bskul bar bshad// sbal nag 'khor lo nag po'i rgyud// las kyi shan pa bkol ba'i lung // gtad khram las kyi mthar gtugs pa/ khyab bdag rdo rje chen pos bshad// de las de yi rim par ldan// bstan bsrung bka' yi bya ra ste// bstan pa yun du gnas par byed// sbal nag 'khor lo zhes bya ba klu nag po'i rgyud rdzogs so// /
- 235a
rgya gar skad du/ sa ma ya karma rA dza tan+t+ra/ bod skad du/ dam tshig las kyi rgyal po'i rgyud ces bya ba/ dpal thugs rje rang byung gi bdag po la phyag 'tshal lo// 'di skad bdag gis thos pa'i dus gcig na/ rgya mtsho chen po rang bzhin gyis lhun gyis grub pa'i gnas/ 'dod pa'i longs spyod yon tan phun sum tshogs pa thams cad rang las byung ba/ pad+ma rin po che'i gzhal yas khang / rgya khyon dpag tu med pa'i nang na/ klu'i rgyal po yid bzhin 'dzin pa zhes bya ba/ longs spyod kun gyi bdag por bzhugs te/ gdug pa 'dzin byed kyi ting nge 'dzin la gnas so// de'i khams gsum gyi sems can la don byed kyi las dang thugs rje'i bsod nams med de/ gnam la sprin med pas sa la rtsi ma 'khrungs/ sdug bsngal gyi las dang rang sha la rang za/ rang khrag la rang 'thung / rang gis sdug bsngal la rang spyod par gnas so// de'i tshe dpal kun tu bzang po byin brlabs/ chos nyid dbyings kyi dkyil 'khor nas/ dpal thugs rje rang byung gi bdag pos/ sems can kun la thugs rje'i 'od kyis gzigs nas kyang / mkha' lding rgyal por sku sprul te/ ri rab kyi khar byon te/ dam tshig las kyi phyag rgya bcas la/ thugs ye shes me dpung 'bar ba'i 'khor lo// ting nge 'dzin skad cig mas gdug pa 'dzin byed kyi lus la bskor bas/ rgya mtsho kho la/
- 235b
srid pa g.yos/ ri rab kyang rab tu g.yos/ ri rab kyi sreg dpag bsam gyi shing la me 'bar te/ 'jig rten stongs la khad do// de'i tshe klu'i rgyal po yid bzhin gyi 'dzin gdug pa'i sems la dran pa'i dbang med par sdug bsngal bzod thabs med par/ lus kyi nyams su myong ngo // de'i tshe klu'i yid bzhin 'dzin/ sdug pa'i sems la 'gyod pa'i sems la 'gyod pa'i sems drag po skyes pas thugs rje chen po'i byin brlabs kyis/ sdug bsngal gyi las sems nyid bde ba chen po yis/ ngang du zhi ste sangs rgyas kyi zhal gzigs te/ dpal kun tu bzang po'i sa non no// de'i tshe 'bras bu yang dag pa'i don/ chos nyid bden pa'i don mthong nas/ thugs rin po che pad+ma'i gzhal yas khang nas/ ye shes du gyur pa'i gzhal yas khang / sems nyid don rang byung las kyi snying po/ yid bzhin gyi thugs las sems can don byed pa las kyi klu chen po brgyad/ sa bdag 'khor dang bcas par sku sprul te/ 'gro ba sems can gyi don gyis cig par bka' stsal to// de'i tshe de'i dus su sa chen po rab tu g.yo ba dang / bar snang la sgra snyan rab tu sgrog pa yang byung ste/ kun tu yang nyams dga' yid la spro ba yang byung ste/ khams gsum gyi sems can 'dod pa'i longs spyod rnam pa lnga phun sum tshogs te/ 'gro ba sems can gyi don byed pa rgyun du 'byung ngo // de'i tshe
- 236a
sems can gyi bsod nams thams cad kun la thogs pa med de/ mthar rgyas so// de nas klu chen po brgyad sa bdag 'khor dang bcas pa rnams kyis// bsam 'phel gyi yid bzhin gyi nor bu rin po che klu'i rgyal po la phul nas/ bskor ba dang phyag mdzad nas/ klu'i rgyal po dga' bos zhus pa/ e ma ho/ rang bzhin lhun gyis grub pa'i gnas mchog nas// yid bzhin thugs las sbrul mdzad klu rgyal ngo mtshar can// bdag cag sems can don byed pas// las kyi rgyal po rgyu cig zhu// zhes gsol ba btab pas/ klu'i rgyal po rang byung bzhi'i don rtogs par bya ba'i phyir/ mdo don rtsa ba'i snying po la dgongs nas byin gyis brlabs te/ bka' stsal pa/ rang bzhin thugs las sprul pa'i klu chen brgyad// sa bdag 'khor dang bcas pa rnams// sems can las kyi don byed pa// rgyud kyi rgyal po zhu ba legs// dam tshig chen po nga yis bshad// klu rgyal dga' bo gus pas nyon// gzhan yang dad pa can gyi 'khor// lus ngag yid gsum gus pas btud// ces bka' stsal to// dam tshig las kyi rgyal po'i rgyud las/ gleng gzhi'i le'u ste dang po'o// // de nas yang 'khor rnams kyis zhus pa/ e ma ngo mtshar rmad byung byin rlabs can// chos nyid lhun grub byin rlabs rdzogs pa'i thugs// rang byung snying po byin brlabs dbang gi sku// yon
- 236b
tan cir yang 'phel mdzad klu rgyal chos kyi bdag/ dam tshig las kyi rgyal po sgrub pa'i phyir/ khams gsum 'khor ba'i sems can rnams// thabs kyis rgyal po ji ltar drang // zhes zhus pas/ bka' stsal pa// sems can las kyi don byed grub pa la// thabs kyi rgyal po snying rje mchog gis drang // snying rje med na don byed ci la nus// dper na nyin gcig gis 'dzam gling bzhi'i don byed gsal ba bzhin// snying rje'i don rtogs don rnams ci yang nus// chos nyid don ldan ye shes gsal ba yin// dper na nyi ma'i snying pos mun pa 'joms pa bzhin// rang byung ye shes snying rje'i snying po gcig gis srid pa gsum gyi don byed rgyun du gnas// snying rje med na srid pa ci la gnas// de phyir srid pa thugs kyi 'khor lo bstan// srid pa'i 'khor lo rang byung ste// snying rje thabs kyi rgyal por drang // zhes dam tshig chen po nga yis bshad// de nas yang dag bshad bya ba// phyag rgya lus kyi dam tshig gis// srid pa sgrol byed thugs kyi 'khor lo bskor// ye shes thugs kyis bdud rnams bsreg/ rang byung thugs kyis srid gsum bsgral// byin rlabs brtul zhugs kyis sa bcu lam lnga bgrod// snying rje'i las kyis pha rol bsgral// shes rab stobs kyis 'bras bu bsgrub// theg pa'i thabs kyis dbang rnams bskur// de phyir dbang rnams rim gyis
- 237a
bskur// zhes dam tshig chen po nga yis gsungs// byin rlabs med na thugs rje ci la 'byung // de phyir snying rje byin gyis brlabs pa'i rgyud// dgongs rgyud phal gyi thun mong min// byin brlabs dbang bskur rgyal po rgyud// las rgyud phal gyi thun mong min// dam tshig las kyi rgyal po rgyud// nam mkha' bzhin du kun la khyab// rgya mtsho bzhin du rlabs kyis dbang // bya khyung bzhin du rlabs kyis gcod// seng ge bzhin du shugs kyis mchod // de phyir rgyud kyi rgyal po 'di// yid bzhin 'dzin gyi dngos grub byin rlabs phun sum tshogs par 'byung // zhes dam tshig chen po nga yis bshad// rgyud kyi mtshan nyid che bar bstan pa'i le'u ste gnyis pa'o// // de nas yang klu rgyal mtha' yas kyis zhus pa// e ma ngo mtshar snying po'i thugs// rang bzhin rnam dag skye ba med pa'i sku// byin rlabs rgyud la spel mdzad 'gro/ 'i mgon// dam tshig las kyi rgyal po sgrub pa'i phyir// rtsa ba'i dam tshig ji ltar lags// las kyi khog pa ji ltar rgya'i// las kyi gzhung de ji ltar bsgrub// las kyi gzhi de gang gis ji ltar gzung // zhes zhus pas/ don kun 'gro ba la dgongs nas gsungs pa// sems can don byed las kyi glu// dam tshig chen po nga yis bshad// 'khor rnams gus pas yid la nyon// las kyi rgyal po bsgrub pa la// rtsa ba'i dam tshig
- 237b
sku gsung thugs// las kyis khog pa byin brlabs dbang gi rgyal pos bsgrub// las kyi bsgrub bsnyen bsgrub sbyor bka' gsum gyis bsgrub// las kyi bzhi mdo don rtsa ba'i snying pos gzungs// de nas yang dag bshad bya ba// las kyi rgyal pos bsgrub pa'i phyir// rtsa ba byang chub sems nyid las// lam gyi yan lag snying rje bsam// 'phrin las sku gsung thugs kyis sbyar// yon tan theg pa'i sa lam bgrod// 'bras bu mngon par rdzogs par sangs rgyas te// dbang bskur rdzogs nas phyir mi ldog par bshad// las kyi khog don bstan pa'i le'u ste gsum pa'o// // de nas yang dag bshad bya ba// rtsa ba byang chub sems kyi las// gnyis med thig le yang dag bsgrub// rtog med mnyam nyid dngos gzung med pa'i lam// rdzogs pa'i sangs rgyas sa la gnas// 'bras bu phyag rgya chen po'i rigs 'dzin thob// ces dam tshig chen po nga yis bshad// rtsa ba byang chub chen po sems kyi la// ting 'dzin 'du 'brel med pas bsgrub// mi 'gyur ye shes mthong ba'i lam// bsam gtan byang chub mthong ba'i sa// 'bras bu de bzhin gshegs pa thob// ces gsungs/ rtsa ba byang chub sems kyi lam// sku gsung thugs kyi sbyor bar sgrub// tshogs lam skyed pa'i sbyor ba ste// sbyor lam ting 'dzin rims kyis 'jug/ sgom lam ye shes dmigs pa
- 238a
ste// mthong lam 'phro 'du'i byin rlabs can// thar lam stong nyid bsgom pa'o// rjes su 'jug pa spyod pa yis// 'bras bu rigs 'dzin rnam gsum rims kyis thob// ces bshad/ rtsa ba byang chub sems kyi las// rang byung ye shes snying pos bsgrub// rtsol bral nyag gcig sems kyi lam// rang rig mngon du gyur pa'i sa// 'bras bu kun tu bzang po'i sa non// dam tshig chen po nga yis bshad// de nas yang dang bshad bya ba// rtsa ba byang chub sems kyi gzhi// kun gzhi byang chub sems kyis bsgrub// yon tan cir yang 'byung ba'i lam// 'phrin las rang byung rtogs pa'i sa// 'bras bu lhun grub rigs 'dzin thob ces bstan// rtsa ba byang chub sems kyi gzhi// byin brlabs dbang gi rgyal pos bsgrub// thugs rje byin gyis brlabs pa'i lam// thugs bsgrub byin brlabs 'byung ba'i sa// 'bras bu sa bcu non nas thob par bshad// rtsa ba byang chub sems kyi lam// thabs kyi yan lag thabs kyi bsgrub// shes rab rig pa thob pa'i sa// 'bras bu pha rol phyin pa thob// rtsa ba byang chub sems kyi 'bras bu// bcud len rnam pa lnga yis bsgrub// rnal 'byor 'khor 'das yangs pa'i lam// rdzogs chen rang sa non pa yi// 'bras bu mi skye mi 'gag grol tshul thob// ces dam tshig chen po nga yis bshad// lha sgom spyod pa 'bras bu'i sgrub pa bstan
- 238b
ba'i le'u ste bzhi pa'o// // de nas yang dag bshad bya ba// las kyi 'bras bu sgrub pa'i phyir// gzhi dang lam dang 'bras bu gsum// bsgrub pa'i mdo rtsa snying por bstan// gzhi ni kun gzhi byang chub sems// lam ni rtog pa'i rin chen la// 'bras bu brtsal med lhun grub ste// mdo rtsa snying pos bsgrub par bya// de yi rang bzhin bdag nyid gsum// ngo bo gnas lugs thig le gsum// ngo bo kun gzhi byang chub sems// gnas lugs rang byung ye shes de// thig le byang chub sems su 'char// de yi 'phrin las bstan pa ni// sku gsung 'du 'bral med par 'byor// de yi yon tan bstan pa ni// dus gsum 'gyur ba med par gnas// de'i 'bras bu bstan rtsa ba'i don rtogs cing // rig pas 'khrul gzhi rtsad chod nas// 'bras bu mi 'gyur ba'i don rtogs nas// bsam gtan gyi lam mthar phyin par bstan pa gnyis// mdo'i don rtogs nas ye shes kyi ngos gzung nas las mthar phyir par bcangs te/ 'bras bu phyag rgya chen por gnas pa gsum mo// las kyi 'bras bu thob lugs bstan pa'i le'u ste lnga pa'o// // de nas yang dag bshad bya ste// las kyi rgyal pos bsgrub pa'i phyir// mdo don rtsa ba'i snying po'i don rtogs bshad// snying po rang byung ye shes te// 'bras bu rgyal po bskyed cing 'dzin// rtsa ba'i chos
- 239a
kyi rgyal po ste// las kyi rgyal po 'phrin las yon tan thugs kyis 'gyur// zhing sa dang lam ni sbyong zhing bgrod// mdo ni phyag rgya'i dkyil 'khor te// thugs rje'i thabs kyi sbyor ba yin// de phyir mdo rtsa'i snying por bshad// snang srid phyag rgya'i dkyil 'khor la// dran rtogs thams cad thugs kyi sprul pa yin// brjod pa thams cad gsung gi snying por gnas// de yi grub rtags bstan pa ni// snang srid grub na chos skur rtogs// dran rtogs grub na ye shes 'char// brjod pa grub na ye shes 'char// de yi 'phrin las bstan pa ni// phyag rgya lus kyi dkyil 'khor la// stong nyid rig pas las byed de// dngos po med par sbyor ba yin// dran rtogs thugs kyi cho 'phrul la// snang stong gsal byed las byed de// ye shes snying po sbyor ba yin// brjod pa'i snying po la las kyi rgyal pos las byed de// byin brlabs rgyal pos dbang skur rgyal pos sbyor zhes bshad// de yi yon tan 'bras bu bstan pa ni// phyag rgya yi dam lus kyi 'bras bu bstan pa ni// srid pa lha tshogs lus la gnas// dran rtog yid kyi 'dzin phur te// dmigs pa'i 'bras bu gang yang sbyor// brjod pa thugs kyi dam pa ste// ye shes kyi 'bras bu skyed cing 'phel ba byed// ces thams cad dam tshig chen po nga yis bshad// las kyi sgrub thabs bstan pa'i le'u ste drug
- 239b
pa'o// // de nas yang zhus pa/ e ma ho/ snang srid chos kyi rgyal po snying po ngo mtshar can// ye shes stobs kyis 'bras bu thob pa'i klu rgyal lags// las kyi rgyal po sgrub pa'i phyir// srid pa lta byed ji ltar lags// de yi snying po mdo rtsa snying po rnams// yon tan 'bras bu 'phrin las rnams// man ngag mdo bsdus dung skyong bshad du gsol// ces gsol ba btab ste zhus pas/ chos nyid kyi gnas lugs dgongs pa mdzad nas gsungs pa// srid pa thugs kyi me long ste// lta byed rig pa'i rgyal po'o// de yis mdo rtsa snying po ni// mdo ni sku la rtsa ba thugs// snying po rang byung ye shes so// man ngag mdor bsdus bshad par bya// lus ngag yid gsum dad pas nyon// ces bka' stsal to// sku yi las byed thugs kyis 'gyur// snying po 'bras bu 'dzin par gsung // de yi dbang thob byin rlabs 'di ltar 'byung // sku yi 'phrin las thams cad yongs su rdzogs pa ste/ phyag rgya chen po'i thugs dang gnyis med dus gsum kun tu sbyor/ thugs kyi 'phrin las ye shes kun tu sbyor// sa bcu lam lnga thabs kyi rim pas sbyor// ces gsungs// snying pos 'bras bu pha rol phyin pa ste/ 'jigs pa'i bdud rnams bsgral te/ mngon par rdzogs par sangs rgyas zhes dam tshig nga yis bshad/ de nas yang dag bshad bya ba// 'bras bu ye shes rtogs par bya
- 240a
ba'i phyir// srid pa lta byed rgyal po bstan// de ltar snying rje dmigs dang ldan// ye shes spyan cig kun tu gzigs/ khams gsum la ni rnam par 'byed cing lta// snying rje khyed kyis theg par byed// theg pa kun gyi 'bras bu rnams// theg pa chen pos dbang du bsdus// zhes dam tshig chen po nga yis bshad// de nas yang zhus pa/ e ma ho/ 'bras bu ngo mtshar snying po'i don// rdzogs pa'i sangs rgyas thugs rje can// byin rlabs thugs la 'char ba byang chub sems dpa'i klu/ snying rje byin rlabs zugs la zos pa'i klu rgyal ngo mtshar can/ bdag cag byang chub bsgrub pa'i phyir// 'bras bu ye shes kyi ngang ngo/ bo rang bzhin ji ltar du gnas// 'phrin las yon tan man ngag ji ltar du gnas// mdor bsdus dung skyong bdag la bshad du gsol// ces gsol ba btab ste zhus pa dang / theg pa kun gyi khyad par la gongs nas gsungs pa/ byang chub bsgrub pa'i klu rgyal dung skong dad pa can/ byang chub sems dpas bshad kyis nyon// 'bras bu ye shes kyi ngang thig le nyag gcig ngo bo mnyam pa nyid/ rang bzhin thugs rje chen po'i byin brlabs kun la mnyam par gnas so// de yi man ngag mdor bsdus ni// ngang dang ngo bo rang bzhin gsum// ye shes cig pas gzugs sku cir yang 'char// dper na zla ba chu dang chu zla
- 240b
bzhin// ye shes gcig las gzugs kyi bye brag sna tshogs 'byung // dper na gzugs dang gzugs brnyan me long bzhin// me long gsal bas gzugs brnyan snang ba yin// gzugs brnyan snang bas gzugs sku gsal ba yin// gzugs sku gsal bas snying po shar ba yin// snying po rang byung ye shes te// dper na klu yi rgyal po nga med na// 'jig rten 'di ru char chu ci las byung // char chu med na me tog ci la 'khrung // me tog med na 'bras bu ga nas 'byung // 'bras bu med na snying po ci la gdags// 'bras bu de ni klu rgyal nga yi byin rlabs so// 'bras bu ye shes med na snying po ci la 'char// snying po med na gzugs sku ci la snang // gzugs sku med na 'bras bu ci la grub// 'bras bu med na snying po ci la gdags// de phyir dam tshig chen po nga yis bshad// chos nyid don gyi gnas lugs 'di bzhin te// snying rje chen po theg pa'i mchog/ 'gro don gzhan la dmigs pas byang chub mchog gi lam// lam gyi yan lag thabs kyis spyad// de bzhin rtogs pas rnal 'byor pas// dang po tshogs lam skyed pa nas// thar lam stong nyid man chad du// 'gro don gzhan la dmigs pas spyad// de yi theg pa'i khyad phye nas// theg pa kun gyi 'bras bu rnams// theg pa chen pos dbang du sdud// 'bras bu thar pa 'thob par bshad// de nas yang dag bshad
- 241a
sdud// 'bras bu thar pa 'thob par bshad// de nas yang dag bshad bya ba// rtsa ba byang chub sems kyi las// snying rje mchog dang ma ldan na// don byed grub par ngas ma gsungs// theg pa chen po'i snying rje spyi don yongs la dgongs pa ste// ngo bo stong nyid dag pa la// snying po ye shes cir yang 'char// rang bzhin thugs rje chen po la// byin rlabs thugs rje byang chub sems kyis khyab// gnas lugs thig le nyag gcig la// yon tan 'phrin las thams cad rdzogs// zhes gsungs/ dngos gzhi byang chub sems kyi lam// snying por gnas pas byang chub sems gzugs skur sprul pa yin// dngos gzhi byang chub sems kyi gzhi// ngo bo bdag pas ye shes gsal ba yin// dngos gzhi byang chub sems kyi dngos gzhi ni// snying rje shar bas theg pa'i cho ga ces bya// dam tshig chen po nga yis gdams// srid pa lta byed thugs kyi me long bstan pa'i le'u ste bdun pa'o// // de nas 'khor rnams kyis zhus pa/ e ma ngo mtshar snying po'i don// chos nyid bden pa'i don mthong klu rgyal dbang gi mchog/ dam tshig las kyi rgyal po bsgrub pa'i phyir// bsnyen bsgrub las kyi sbyor ka las kyi 'bras bu rnams// 'khor rnams kun la bshad du gsol// ces zhus pas/ las kyi don byed pa la dgongs nas gsungs pa// e ma ho/ don
- 241b
byed thugs las sprul pa'i klu chen brgyad// bsnyen bsgrub las sbyor bshad kyis gus par zud// ces bka' stsal to// bsnyen pas rang rgyud sbyor ba ste// thugs kyi bsgrub pa shin tu gces// sgrub pas las kyi bdag po dbang du sdud pa ste// byin rlabs dbang rnams rdzogs pa gces// las kyi sbyor kas las kyi 'bras bu so sor byed pa ste// dmigs pa'i snying rjes zin pa gces// de yi sgrub thabs bshad pa ni// bcas dang bzlas lugs sgom thabs gsum// bka' yi 'khrul 'khor man ngag lnga ru bsdebs// bsnyen pa'i bcas la gnyis su bshad// mchod rten bca' dang 'khor lo bskor// 'khor lo dag la gsum du bshad// srid pa sku yi 'khor lo dang // brjod pa gsung gi 'khor lo dang // ye shes thugs kyi 'khor lo'o// de yi bskor thabs 'di bzhin te// srid pa sku'i 'khor lo gzugs su bskor// gzugs dang gzugs brnyan tshul du 'khor// brjod pa gsung gi 'khor lo snying po sngags kyi tshig gis bskor// snying po dang 'bras bu bzhin du 'khor// ye shes thugs kyi 'khor lo byang chub sems la 'khor// sbyor ba thabs kyi shes rab tshul du 'khor// de yi yon tan bstan pa ni// dper na nor bu rin chen 'dra// dgos dgu sems kyi 'dod dgu 'byung zhes bshad// mchod rten bca' ba las kyi bsgom thabs bzhin// bzlas
- 242a
lugs dag la rnam pa bzhi// ye shes thig le'i bzlas pa dang // thugs rje bskyed pa'i bzlas pa dang // chos nyid gsal ba'i bzlas pa dang // 'bras bu bsdud pa'i bzlas pa'o// de yi yon tan bstan pa ni// ri rab gling bzhi'i chas pa 'dra// byed pa sems can kun don byed// bsgom thabs dag la rnam pa gnyis// rang rgyud sbyor ba'i ting 'dzin dang // ye shes thig le rgyas pa'i sgom pa'o// de yi yon tan stobs mchog glang la khal bkal 'dra// theg pa'i khyad par snying rjes 'byed// bsgrub pa'i bcas la gnyis su bshad// dkyil 'khor bri dang gnyis su mchod pa'i bstan// dkyil 'khor dag la gsum du bstan// maN+Dal 'khor gyi dkyil 'khor dang // phyag rgya lus kyi dkyil 'khor dang // rig pa sems kyi dkyil 'khor dang // de yi bri thabs 'di bzhin te// maN+Dal tshon gyi dkyil 'khor ni// dam tshig gtsang ba'i sngags pas bri// phyag rgya lus kyi dkyil 'khor ni// byin brlab dbang bskur rdzogs pas bris// rig pa sems kyi dkyil 'khor ni// sems dbang thob pa'i bla ma'i byin brlabs zhugs pas bri// de yi yon tan bstan pa ni// mun nag nang du me sgron bteg pa 'dra// byin brlabs thob pas par gcod sel// mchod rten dag la rnam pa gnyis// dmigs pa rten gyi mchod pa dang // rten med sems kyi mchod
- 242b
pa'o// de'i yon tan zhing la chu lud brten pa 'dra// thabs dang ldan pas byin gyis brlabs// bzlas lugs dag la rnam pa gsum// dam tshig rjes dran srog gi bzlas pa dang // las la zhugs pa'i bzlas pa dang // mgo 'dren snying rje'i bzlas pa'o// de yi yon tan bstan pa ni/ khrag sbyang gzan la gdung ba 'dra// las kyi rang gshed rang la dbab pa'o// bsgom thabs dag la gsum du bstan// gnyen po stobs kyis sgom pa dang // las mkhan bdag por sgom pa dang // dmigs pa gshed la dbab pa'i sgom pa'o// de yi yon tan skyes bu las la zhugs pa 'dra// las kyi byin rlabs so sor 'byung // sbyor ka'i bcas dang bzlas lugs sgom thabs gsum// 'phrin las bzhi'i bsgrub pa ste// bi shra kar ma'i bzo 'dra dgos// de yi yon tan bstan pa ni// yid bzhin nor bu rin po che// rgyal mtshan rtse btags mchod pa 'dra// dgod 'dod thams cad de las 'byung // zhes dam tshig chen po nga yis bshad// bskyed bsgrub las kyi gzhung bstan pa'i le'u ste brgyad pa'o// // de nas yang dag bshad bya ba// las kyi rgyal po bsgrub pa la// mdo rtsa snying po'i sgor lugs bstan// rtsa ba byang chub sems kyi las// mdo rtsa snying po 'di bzlas na// nyi ma shar gnas la shar ba 'dra// oM ga ru Da tsa le tsa le hUM phaT/ las kyi rgyal po thugs rjer
- 243a
'char// ye shes sku ste rang 'byung ba// phyogs bcur sangs rgyas thams cad kyi// yon tan 'bras bu'i bsgrub pa yin// thugs rje chen po'i rang bzhin sangs rgyas thugs kyi sgrub pa'o// de phyir snying po de la byos// hUM na ga rA dza/ sa ma ya dza/ mdo rtsa snying po de la drangs pas na// bi sho kar ma'i lag tu bzo gtad na// las kyi rgyal po rang la ston// kar ma las mkhan grub pa ste// las byed sprul pa'i klu/ rtags te// yid bzhin 'dzin gyi thugs sbrul klu// klu yi rgyal po'i thugs bsgrubs te// byin rlabs phun sum tshogs don 'byung // zhes bshad/ de na de la nan tan byos// de nas yang dag bshad par bya// las kyi rgyal po sgrub pa'i phyir// sku gsung thugs dang yon tan 'phrin las lnga'i mdo rtsa snying po bshad/ 'khor rnams gus pa'i yid la zung // zhes bka' stsal to// dam tshig mkha' lding rgyal po'i bka' las 'das na klu rnams bsregs// de nas dam tshig mkha' lding rgyal po la// dam tshig gzhung du blta bar bya// dam tshig mkha' lding rgyal po yang // rtsa ba byang chub sems kyi don// de yi man ngag mdor bsdus 'di bzhin no// ga ru Na tsa le tsa le hUM phaT/ thugs kyis snying po dgu pa'o// 'di ni gdung gi drag sngags so// od kaM od kaM khyung ka ra khyung ka ra/ badz+ra dbyig du/ ma hA kro ta hUM phaT/ 'di ni sku'i snying po'o// oM badz+ra b+ha
- 243b
ti g+ha ru ru hUM hUM badz+ra badz+ra rA dza tri dza hUM phaT/ de bzlas 'phrin las yongs su sbyor// zhes gsungs so// ha pa oM sa tri lnga pa 'phrin las kyi yang snying du bstan pa'o// mdo rtsa snying po sngags kyi bskor lugs bstan pa'i le'u ste bcu pa'o// // de nas yang dag bshad bya ba// mdo rtsa snying po'i bskor lugs la// yon tan 'phrin las 'di sbyar na// stong 'khor los sgyur ba'i rgyal po 'dra ste/ srid pa'i klu rnams dbang du 'du// oM.au ta ki rtsa te byi tsa te/ hu ya hu ya/ hu lu hu lu/ su ru te su ru te sa sa ha/ nA ga rA dza/ tsa tur ling khri khrag rgyas sni sha ku ru/ nA ga shu pa la li/ bre yang ku ru mA ra ya phaT/ yon tan 'phrin las de sbyar na// rgyal khrims bka'i chad pa gcod pa 'dra ste/ srid pa'i klu rnams sgrol bar 'gyur// sdug bsngal nyen byed lus la 'char// ye shes thugs kyi 'khor lo ste// srid pa'i klu rnams bka' las 'da' na bsreg cing bran du bkol// zhes dam tshig chen po de yis bshad// de phyir 'phrin las de bzhin byos// 'phrin las mdor bsdus man ngag rtsa bar gsungs pa'i le'u ste bcu gcig pa'o// // de nas yang 'khor rnams kyis zhus pa/ e ma ngo mtshar snying po'i don// byin gyis brlabs kyis thugs rgyud pa'i bka'/ dbang rnams rims kyis thob pa'i klu rgyal las kyi rje/ las kyi rgyal po sgrub pa'i phyir// mdo don rtsa ba'i snying po la// thabs
- 244a
kyi rgyal pos ji ltar sbyar// man gang mdor bsdus gsungs pa rnams// dge bsnyen bdag cag 'khor rnams la// 'gro ba'i don la bshad par zhu// zhes gsol ba btab pas/ klu'i rgyal po thugs rtog pa rin po che'i 'khor lor dgongs pa mdzad nas gsungs pa/ e ma ho/ bdag gi byin brlabs thob pa dge bsnyen las kyi klu/ legs par bshad kyi lus ngag btud/ ces bka' stsal to// thabs kyi rgyal po 'khor los sbyar// de yi skor thabs gnyis su bshad// thugs rje rang byung theg pa khyad par gyi 'khor lo dang / dam tshig las kyi 'khor lo'o// de'i bskor thabs man ngag mdor bsdus bshad pa ni/ rgyu dang rkyen dang sbyor ba gsum// man ngag gsung gis bsgrub par bshad// thugs rje'i rang byung las kyi 'khor lo ni// rtsa ba byang chub sems kyi dbang thob pas// rgyu ni chos nyid dag pa la// rkyen ni rang byung ye shes so// sbyor ba thabs dang shes rab bo// de don rig pa'i rnal 'byor pas// gzhung dang mthun par 'khor lo bskor// rgyu ni dar dkar dag la bya// rkyen ni gur kum gla rtsi chu yis sbyang // sbyor ba byang chub sems kyis bri// bya rgod dang ru'i sgro rtsa yis// thugs rje thabs kyi 'khor lo bskor// phyogs bzhi mtshams brgyad dbus dang dgu// mkha' lding rgyal po'i zhal phyung ste// tsan dan dkar po'i
- 244b
rtsi mchog dang // byang chub sems kyi bdud rtsi byug/ dri mchog spos kyi dud pas bdug/ sems la dbang thob rnal 'byor pas// rdo rje sems dpa'i dbang thob shog/ byang chub sems su byin gyis brlabs// de yi dbang thob byin brlabs zhugs pa'i tshe// bsam gtan dbang du 'dus pa ste// sa bcu lam lnga rim pa thabs kyis gnon// zhes dam tshig chen po nga yis bshad// de nas yang dag bshad bya ba// dam tshig las kyi 'khor lo ni// rgyu ni kun gzhi byang chub sems// rkyen ni 'byung ba rnam pa lnga// sbyor ba rten cing 'brel ba'o// de yi man ngag mdo bsdus ni// bsgrub pa'i dus dang sad pa'i dus// sgrub pa'i dus su 'di bzhin te// rgyu ni dar tshon sna lnga yis// rin po che yi stug gu'am// dad pa'i mchu yi dam tshig las kyi 'khor lo bskor// phyogs bzhi mtshams brgyad dbus dang dgu// klu yi rgyal po'i zhal byung ste// snying po lnga yi bcud blug la// rin chen lnga dang snying po lnga// me tog lnga dang 'bru lnga gtso byas te// sman sna stong gi chu yis byug/ rtsi mchog spos kyi bdug pas bdug/ dam tshig bsrung zhing dbang bskur bya// phun sum tshogs par byin gyis brlab// de yi dbang rnams thob pa'i tshe// 'dod pa dgu 'gyur dbang du 'dus pa ste// 'jig rten 'di ru longs spyod 'phel bar 'gyur// zhes dam tshig chen po nga yis bshad// de nas yang dag
- 245a
bshad bya ba// gsang ba'i man ngag mchog tu sgrub// thabs dang shes rab lto sbyar la// dbang du bsdu zhing byin gyis brlabs te// 'dod pa lnga'i gsol ba gdab// snying rje mchog dang rab ldan te// byin brlabs phun sum tshogs par 'byung // de nas rin po che yi gdung rten nam// la tsa'i ga 'u'i nang du bzhugs su gsol// mchod dang bstod pa ci nus bya// de yi yon tan 'phrin las ni// bsod nams 'phel zhing yon tan 'grub// ces dam tshig chen po nga yis bshad// las kyi sbyor ba'i le'u ste bcu gnyis pa'o// // de nas yang dag bshad bya ba// dam tshig las kyi phyag rgya 'khor lo// bsgral ba'i 'khor lo ste// rgyu ni sbal nag glud bu'am// sbrul nag gi shun pa la/ rkyen ni nad pa'i rtsa khrag dug chu nag pos sbyar// sbyor ba dmyags pa drag pos bri// dug za na rma bya'i mdongs rtsa'am// mdzes pa'i sprin lag rus pa yin// dam tshig las kyi 'khor lo bskor// phyogs bzhi mtshams brgyad dbus dang bcu// gnod byed klu yi zhal byung la// thang shing nag po'i dug chu blud// gu gul sbyar ba'i dud bas bdug/ bdag nyid chen po'i nga rgyal gyis// dgug gzhug bya zhing thun gyis brab// thun dang drag po'i sbyin sreg las// de la dmigs shing drag tu bsgral// de yi las rims rdzogs pa dang // thal ba bag phye gzugs sha
- 245b
sbyar// nad pa'i khrag dang dug chus sgra// gang gnod bgegs kyi ling ka bca'// snying khar dug gsum yi ge dang // rang gi srog snying drag po sbrel// tshon sna lnga yis skud pas bcing / khyi'am rabs chad thod par gzhug/ bal nag re pa nag pos gtums te// mchod rten 'og gam rang gi 'og tu gnan// bsgral ba'i sbyor ba bstan pa'i le'u ste bcu gsum pa'o// // de nas yang zhus pa/ ngo mtshar snying po don pas// shes rab rgyud las skye ba'i klu rgyal/ e ma ho/ mdo don rtsa ba'i snying po la// thabs kyi rgyal pos bsgrub pa la// nyams myong las kyi drod tshad ji ltar 'byung // byang chub sems dpa' dge bsnyen bdag cag 'khor rnams la// ma nor rim pas bshad du gsol// ces zhus pas/ don rtags la dgongs nas gsungs pa/ e ma ho/ rdzogs pa'i sangs rgyas thugs rje'i mchog/ 'gro ba'i don du bshad par bya// klu rgyal ma dros gus par nyon// rtags kyi rim pa 'di med na// rgya med ri dwags shor ba 'dra// las kyi don med phyal par 'gyur// de nas rtags 'di yid la zung // rtags la gnyis su bshad par bya/ khyung gi rtags dang klu yi rtags// klu yi rtags la gnyis su bshad// ye shes grub dang las kyi klu// ye shes klu yi grub rtags ni// chu bo rgya mtsho da la 'jam dang // de la rang bzhin 'gro dang gru yis gcod// rgya mtsho gting
- 246a
nas nor bu 'don// rin chen rnyed dang 'bras bu sdud// sman gyi nags la sman 'tshol dang // nags tshal shing gi drung du sgom// me tog rgyas pa'i tshal du 'gro// 'bras bu can gyi skye shing 'dzugs// lo tog 'bras bu smin pa rtsang // sa mkhar pho brang mthon po rtsig/ thang yul chen po mthong ba rnams// de la yid du 'ong zhing nyams dga' spro ba skyes pa rnams// klu yi rgyal po'i grub rtags te// yi ge klu yi 'khor lo la// rab gnas mchod pa bya zhing gsol ba gdab// de rtags de la dgos 'dod thams cad 'byung // zhes bshad/ de nas yang dag bshad bya ba// las kyi klu yi grub rtags ni// rab tu sa g.yos 'byung ba dang // 'on dang sgra snyan 'byung ba dang // bdud rtsi mtsho mo rdol ba dang // nor bu rin chen 'chang ba dang // mchod pa bye brag shom rnams ni// sems can don byed las kyi klu'i grub rtags yin// rnal 'byor dam tshig la gnas par bya ste/ dam tshig las kyi 'khor lo la// rab tu gnas pa bya zhing / dam tshig gi mchod pa bya zhing dad pa'i tshogs bskyed par bya'o// byin brlabs yongs su rdzogs par byed// rnal 'byor pa dngos grub yongs su rdzogs ci 'dod pa 'byung zhes dam tshig chen po nga yis bshad/ de nas yang dag bshad bya ba/ khyung grub pa'i rtags la gnyis te/ ye shes kyi khyud grub pa'i rtags ni/ nyi zla
- 246b
lus la 'char ba dang // mchod rten mgo la skyes pa dang // stong gsum 'od kyis khengs pa dang // nyi zla'i steng na 'dug pa dang // me tog lus la skyes pa dang // shel gyi mchod rten la skor ba byed pa dang // bsam gtan gyi brag la 'dzeg pa dang // skas gdang mang po bgrod pa dang // ri mthon gangs la 'dzeg pa dang // sku gdung ring bsrel gyi las byed pa// de bzhin gshegs pa'i bka' sgrog pa dang // mchod bya yid du 'ong ba gsil ba dang // bdag bsam gtan gyi don spyod pa dang // nyan dang bshad du rtsom pa dang // bdag ting nge 'dzin lha'i nga rgyal la zhugs pa dang / snying rje'i mchog skyes nas sems can gyi don byed pa rnams ni/ ye shes kyi don khyud grub pa'i rtags te/ thugs rje rang byung gi 'khor lo la/ rab tu gnas par byas te/ dang po tshogs lam skyed pa nas/ mthar lam stong nyid de bzhin du/ rim pa tshul bzhin dbang rnams bskur/ sangs rgyas zhing khams thams cad du/ kun tu bzang po'i mchod sprin gyi mchod cing / ye shes kyi mtshan yang dag par brjod par bya'o// de nas mos pa khyad par can da pa dang ldan pas/ thugs rje chen po la gsol ba btab nas dbang zhus na/ sa bcu lam rnams lnga bgrod nas/ 'khor ba 'di las thar ba thob ces na bshad/ 'jigs pa'i nad las thar par 'gyur/ zhes
- 247a
dam tshig chen po nga yis bshad/ de nas yang dag bshad bya ba/ sprul pa las kyi khyud grub pa'i rtags ni/ bdag stong 'khor los sgyur ba'i rgyal por gyur nas// srid pa bran du 'khol ba dang // srid pa las bskor 'debs pa dang // bdag slob dpon du gyur nas// nyer nas kyi bkur sti byed po dang // sprul pa las kyi khyung mthong ba dang // sgo nga tshang nas 'khrugs pa dang // bya chen mkha' la 'phur ba dang // rang lus khyung du gyur pa dang // ri rab gling bzhi gcod pa dang // ri rab kha ru phyin pa dang // rno mtshon thogs nas gsod pa'i las byed/ klu'i gzugs brnyan thams cad zhal du za ba rnams ni// sprul pa las byed khyung gi grub rtags te/ dbang sdud las kyi 'khor lo bskor zhing / rigs bzhi klu srog rgyud drang / zhes dam tshig chen po nga yis bshad/ mtshan ma rtags kyi le'u bstan pa ste bcu bzhi pa'o// // de nas yang zhus pa/ e ma ngo mtshar snying po'i don/ kun tu bzang po thugs dang gnyis med sbyor mdzad klu rgyal ngo mtshar can/ dam tshig las kyi rgyal po bsgrub pa'i phyir/ thugs kyi 'khor lo ji ltar lags/ de yi sbyor ba ji ltar bgyi/ man ngag gsang ba mdor bsdus rnams/ klu rgyal 'jog pos bdag la bshad du gsol/ ces zhus pas thugs rin po che'i spyod pa la dgongs nas bzhugs gsungs/ e ma
- 247b
ho/ thugs rin po che'i byin brlabs thob pa'i klu rgyal 'jog po khyod// dgongs rgyud thugs las 'char gyis rang sems rtogs// 'di phyi gnyis ka sgyid kyi theg chen nyams su long // rang sems dag pa yin gyis bdag gi bka' 'di yid la zung // zhes bka' stsal to// thugs kyi 'khor lo rin po che// de yi spyir ka gsum du bshad// mdo don sku yi sbyor ba dang / rtsa ba thugs kyi sbyor ba dang / snying po bzas bu'i sbyor ba'o// man ngag mdor bsdus de bzhin te// sku dang sbyor bas 'phrin las 'grub// thugs dang sbyar bas bsgrub thag nye// snying pos sbyar bas las kyi 'bras bu sngon du 'byung / zhes gsungs/ de nas yang dag bshad bya ba// thugs kyi 'khor lo rin po che// lta byed rig pa'i rgyal por bshad// ye shes rang byung srid pa thugs kyi me long ste/ mdo don rtsa ba'i snying po bsgrubs na/ thugs rje rang byung gi 'khor lo grub ste/ ye shes kyi ngang ngo bo rang bzhin du 'char te/ 'bras bu mngon par rdzogs par sangs rgyas zhes dam tshig chen po nga yis bshad/ byin rlabs thugs rje thams cad shugs las 'byung bar shes gsungs/ de nas yang dag bshad bya ba// dam tshig las kyi 'khor lo ni// longs spyod kun gyi bdag po ste// brda don rtsa ba snying pos bsgrubs na/ longs spyod thams cad che la 'dus nas 'gyur/ zhes sungs so// yid
- 248a
bzhin klu yi byin rlabs kyis// dgos 'dod thams cad 'byung bar 'gyur// zhes dam tshig chen po nga yis bshad// de nas yang dag bshad bya ba// dam tshig las kyi 'khor lo la// klu yi dge bsnyen thugs sgrub 'di// thugs kyi sprul pas thugs kyi las byed de// de yi 'khor lo rnam pa gsum// ye shes klu yi 'khor lo dang // sprul pa las byed 'khor lo dang // 'jig rten sprul pa'i las mkhan gsum du bshad// de yi 'khor lo 'di skad bshad// ye shes klu yi 'khor lo rin po che// mdo don rtsa ba'i snying po oM gyis drang // 'khor lo rgyu rkyen sbyor ba gong du bshad// sbrul mgo dgu pa'i zhal phyung ste// mi yi lus la sbrul mjug 'khyil// phyag na rin chen thugs kyi 'khor lo bsnams// g.yon gyi phyag na me to pad+ma bsnams// dam tshig can la byin brlabs longs spyod phun sum tshogs par yid kyis spel/ yid kyi dbang bskur gsol pa gdab// de yi sgrub thabs nyams len ni// thugs rje'i thabs kyis 'khor los shes rab dbang du bsdu/ byin brlabs thugs nas 'byung ba ste/ khyad par byang chub sems la rten// dgos 'dod yid bzhin bsam bzhin 'grub// de yi las kyi 'bras bu sems la 'dod// yon tan thams cad 'byung zhes gsungs// de nas yang dag bshad par bya// las kyi don byed sprul pa'i sku// dam tshig las kyi
- 248b
'khor lo rin po che// mdo don rtsa ba'i dkyil 'khor hUM gis drang // rgyu rkyen sbyor ba gong bzhin la// sbrul mgo bdun pa'i zhal phyung la// mi yi lus la sbrul mjug 'khyil// phyag gnyis thugs kar thal mo sbyar// gus pa'i tshul gyis gtso la 'dud// dam tshig can la dngos grub ster// thugs kyi dbang bskur mchod gtor gsol ba gdab// de yi sgrub thabs nyams len ni// ye shes thugs kyi 'khor lo lto/ sbyar// rin chen shes rab dbang du bsdu// byin brlabs rjes la rten cing 'phel/ khyad par rin chen sku la bcangs// byin brlabs bsam pa thugs kyis bsgrub// de yi las kyi 'bras bu ni// yon tan byin brlabs nor rdzas 'phel// zhes dam tshig chen po nga yis bshad// de nas yang dag bshad bya ba// 'jig rten las kyi klu sgrub na// dam tshig las kyi 'khor lo 'di bzhin bskor// rgyu ni sbal nag skud bu dang // sbrul nag dag gi shun pa la// dar nag shag shog sbyar byas te// rkyen gyi sbrul nag snying khrag dug chus sbyar// sbyor ba gdug pa'i sems dang ldan// mdze bo'i srin lag rus pa yis// dam tshig las kyi 'khor lo bskor// 'khor lo rtsibs brgyad dbus dang dgu// mu khyud rang gshed sngags kyis bskor// sbrul mgo lnga pa'i zhal phyung ste// ro stod mi la ro smad sbrul// phyag na sbrul zhags nag po bsnams// g.yon
- 249a
/ na nad kyi rgyal pa bsnams// bstan pa 'jig pa'i dam nyams la// mdzo nad las kyi 'khor lor bskor// dug sbyar dug gi rlangs pas bdug/ de yi sgrub thabs nyams len ni// bya khyud las kyi 'khor lo lto sbyar las// las kyi rigs bzhi'i klu srog rgyud dbang bsdu// mdze nad las kyi bdag por dmigs shing bsgrub// de yi las kyis 'bras bu ni// dgra bo gdug pa'i nad kyis 'dzin// de nas las la sbyor ba'i tshe// mdze pho'i skra khyim du// klu bdud nag po'i zhal phyung ste// ro stod ma la ro smad sbrul// rtsi sman phyag na sbrul nag zhags pa bsnams// g.yon na mdze nad thun zor 'phen// bya rog nag po'i snying khrag dang // ra rog nag po'i khrag gis byug/ rtsi sman spos kyi dud pas bdug/ las kyi bshed du dbang bskor dgra bo gnyer gtad bya// de yi las kyi 'bras bu ni// dgra bo dri dang rlangs kyis 'chi// da ni dgra bo'i ling ga bcas ste/ rgyu ni bla tshe gang yin bla lpags la// rkyen ni dgra bo'i dri chus sbyar// sbyor ba dmigs pa'i sems dang pha mes gdung brgyud rus pa'i sa// dgra bo gang yin ling ga bri// mgo la rus bri snying khar ming // lte bar tsha bri bla la bla btags bri// dug sbyar khu bas zhal du blud/ khong pa spos nas 'dzi bar bsam// gu gul sbyar ma'i dud pas bdug/ 'go ba'i lha dang bral bar bsam// klu srog grub pa'i
- 249b
rnal 'byor pas// rtags dang sbyar zhing klu srog drang // rigs bzhi klu yi srog sgrub tshe// mdze nad las kyi 'khor lo dang // klu bdun nag po lho sbyar te// bar du dgra bo'i ling ga gzhug/ bal tshon sngon dmar byad kyis gril// mdze pho'i thod par zhag gsum bsrub// hUM nA ga rA dza sa ma ya dza/ che ge mo'i tsit+ta dz+wa la ya/ nag po tsit+ta dgra bo'i srog la mA ra ya dza/ zhes thun gyis brabs la gsad par bya'o// de nas chu mig mgo dgu pa'am/ mgo bdun pa'am mgo lnga pa'am/ mgo gsum pa ru gtad par bya/ de yi yon tan 'phrin las ni// gcan zan ma bu 'brel ba 'dra// so sor kha tshar las la shis// zhes dam tshig chen po nga yis bshad// 'khor lo sbyor ba'i le'u bstan pa ste bco lnga pa'o// // de nas yang klu chen brgyad kyis/ klu'i rgyal po la bskor ba dang phyag mdzad nas zhus pa/ e ma ngo mtshar snying po'i don// 'gro ba'i don la thugs rje'i mchog/ thugs rje'i mchog dang ldan pa'i klu rgyal byin rlabs can/ las kyi rgyal po sgrub pa'i phyir/ byin rlabs dbang gi rgyal po ji ltar bsgrub/ de yi mdo rtsa snying po rnams// man ngag mdor bsdus gsang ba rnams// dge bsnyen bdag cag 'khor rnams la// 'gro ba'i don du bshad du gsol// zhes zhus pas/ byin rlabs thugs rje'i mchog la dgongs nas gsungs pa/ e ma ho/ 'gro don cir yang
- 250a
mdzad pa thugs rje'i mchog/ 'gro don gzhan la dgongs pa dam tshig las kyi klu chen brgyad/ sa bdag 'khor dang bcas pa rnams/ legs par bshad kyis bdag la btud/ ces bka' stsal to// las kyi rgyal po bsgrub pa'i phyir// byin rlabs dbang bskur rgyal po yi// rtsa ba byang chub sems kyis bsgrub// de yi mdo ni sku la rtsa ba thugs// snying po rang byung ye shes te// man ngag mdor bsdus bshad par bya// sku la dbang bskur rtsa bas skyed// rang byung ye shes dbang bskur rgyal po'i mchog/ de yi dbang bskur rim pa ni// phyi nang gsang pa gsum du bskur// phyi dbang sku la nang dbang thugs// gsang dbang rang byung ye shes snying po'o// de yi 'phrin las yon tan bshad pa ni// dang po rtsa ba thugs kyi dbang bskur te// sa bcu lam lnga rims kyis bgrod// de ni sku yi dbang thob ste// sems kyi byin rlabs sna tshogs 'byung // ye shes lnga dang mngon shes drug/ sku gsung sku lnga la sogs 'byung // mngon sum mthong zhing snang ba'i lung ston 'byung // de ni ting 'dzin thabs kyi byin rlabs shar ba yin// de tshe sku yi sbyor sgrol dngos su nus par 'gyur// de ni las su rung ba'i dbang mchog thob pa yin// de'i tshe 'bras bu ye shes mngon du gyur pa ste/ 'byung ba lnga yi bcud len thob par 'gyur// 'byung ba me yi bcud len thob pa na// phung po
- 250b
drod dang mi 'bral ci zos 'ju bar 'gyur// 'byung ba rlung gi bcud len thob pa na// phung po len shes shing tshe la 'jigs med thob par 'gyur/ 'byung ba sa'i bcud len phung po zag bcas dang bral te/ tshe 'di la mngon par rdzogs par sangs rgya/ 'byung ba chu'i bcud len thob pa na// 'byung ba yum dang sbyor nus bde ba'i chu rgyun 'bab par 'byur// zhes dam tshig chen po nga yis bshad// dbang bskur ba'i le'u ste bcu drug pa'o// // de nas yang klu rgyal dga' bos zhus pa/ e ma ho/ ngo mtshar snying po'i don spyad pas// byin brlabs rgyud la 'chang ba klu rgyal chos kyi bdag/ las kyi rgyal po sgrub pa'i phyir// dbang sgrub rgyal po sgrub pa la// las kyi sbyor bka' ji ltar bsgrub// man ngag rgyal po mdor bsdus rnams// bdag la byang chub sems dpas bshad du gsol/ ces gsol ba btab ste zhus pas/ oM ma ho/ rtsa ba byang chub sems las snying po'i don spyad gyur na/ rtsol ba med par byin rlabs 'jug/ rdo rje sems dpa'i dbang mchog 'di// rang sems 'byongs na thob pa yin// rang sems 'byung ba lnga la sbyangs// rtsal chen rlung gi 'khor lo bskor// phyi rlung bkug la nang rlung sbyim// gsang ba byang chub sems kyi rlung // bum pa'i mar me bzhin du lta// klu rgyal dga' bo dad pa can// rdo rje sems dpa'i dbang mchog 'di// 'byung ba lnga yi/
- 251a
bcud la sgrub// ces bka' stsal to// lan du gsungs pa/ dbang bskur rgyal po bsgrub pa la// de yi las kyi sbyor ka gnyis su bshad/ khyung gi dbang dang klu yi dbang // man ngag mdor bsdus bshad pa ni/ khyung gi dbang la rnam pa gnyis// thun mong khyad par rnam pa gnyis/ khyad pa byang chub sems la sgrub pa ste// bya thabs 'phrin las gong du spyad// thun mong dag la rnam pa gnyis// rten gyis bskur dang sems kyis bskur// sems kyis bskur ba bsam pa'i khyad par te// rig pa'i rtsal gyis dbang bskur byin gyis brlab// sems la dbang thob rnal 'byor gyis// ra ba bzhi yi zla ba la// rgyu rkyen sbyor ba tshul bzhin sgrub// tshe gcig nya'am gnam stong la// byin brlabs thob pa'i bla ma yis// dad pa can gyi slo bu la// rim pas tshul bzhin dbang bskur bya// de yi yon tan 'phrin las ni// byang chub sems dpa'i sa non te// 'bras bu de bzhin gshegs pa thob// ces gsungs ye shes grub pa'i mtshan rtags su// thugs rje byang chub sems su 'char zhes bshad// de nas sku yi dbang bskur te// phyi nang gsang ba gsum du sbyar// de yi 'phrin las bstan pa ni// rigs lnga yab yum sbyor ba yis// 'od zer bdud rtsi dkar dmar las// byang chub sems su dbang bskur bya// de yi rim pa bstan pa ni// dang po phyi yi dbang bskur
- 251b
te// de nas nang ltar byin gyis brlab// de nas gsang ba byang chub sems kyis dbang bskur bya// de nas gsung gi dbang bya// gdam ngag rims kyis bshad// dbang bskur rgyal po'i sbyor ba bstan pa'i le'u ste bcu bdun pa'o// // de nas yang dag bshad bya ba// klu yi dbang la rnam pa gnyis/ khyad par sems kyi dbang bskur dang // thun mong brten gyi dbang bskur ro// khyad par sems kyi dbang bskur ni// snying po rang byung rigs pa rtsal// sku gsung dbang bskur byang chub sems la bskur// de yi 'phrin las yon tan ni// srid pa kun gyi bdag nyid chen por gnas// snang stong thams cad rang rig zugs kyi snying por shar// ye shes skus te rang byung ba// phyogs bcu sangs rgyas sprul pa'i sku// ye shes skus te khyad par che// zhes gsungs/ khyad par byang chub sems kyi dbang // mtha' can nyid du rang snang bskur// zhes gsungs so// thun mong rten gyi dbang la gsum gyis bshad// sku gsung thugs kyi dbang la gsum gyis bshad// dang po rtsa ba thugs kyi dbang bskur te// de nas sku yi dbang bskur te// de nas gsung gi dbang / rgya gdab// de yi 'phrin las bstan pa ni// thugs las dbang bskur 'khor lo ste// dam tshig gtsang ma mi'i sngags pa yis// 'khor lo rgyu rkyen sbyor ba rnams// rang gi dbang zang skyed pa'i zla ba las// tshes
- 252a
grangs dus tshod rtsis la bris// de nas rin po che'i mchod rten nang du bzhugs su gsol// tsan dan gur gum chu gtor la// rin po che yi mchod pa dbul// rtsa gcig tshun chad bsnyen cing mchod// dgos 'dod sems kyis gsol ba gdab// 'phro 'du rin chen thugs dam bskul// dam tshig sngags kyi rang lus bsrung // byas te sku gsung thugs la yid bzhin bstim// byin brla pas thugs kyi dkyil la dbang zhes bshad// de yi yon tan bstan pa ni// sku la dbang bskur thugs la 'dod pa'i yon tan byin brlabs sna tshogs 'byung // chos sku gsal dang ye shes 'char// bde ba 'byung dang lhun gyis grub// bsam pa thams cad yid bzhin 'grub// ces dam tshig bshad/ de nas sku yi dbang bskur te// sku gsung thugs dang yon tan 'phrin las lnga// rtsa ba byang chub sems kyis sbyar// de yi 'phrin las bstan pa ni// dmigs pa'i man ngag yan lag gsum pa'i rgyu// yi ge rtsa gcig sprul par shar// hUM skyed bdag po gnyis las sbrul// yan lag yi ge rtsa gcig las// 'od zer snang tshogs bdud rtsir sprusbrul// yi ge sprul pa'i gnas lnga ru// bdud rtsi bum pa bstan par brtsam// zhes dam tshig chen po nga yis bshad// de yi rim pa bstan pa ni// phyi nang gsang ba gsum du bskur// phyi dbang longs spyod phun sum
- 252b
tshogs pa byin gyis brlab// nang dbang bdag nyid phun sum tshogs par byin gyis brlab// gsang dbang byang chub bdud rtsir phun sum tshogs par byin gyis brlabs// de nas dbang bskur bshad par bya// dang po sku la dbang bskur longs spyod 'brel// thugs la dbang bskur byang chub 'char// gsung la dbang bskur gdam ngag rdzogs// zhes gsungs/ de yi yon tan bstan pa ni// thugs kyi dbang thob snying po ye shes 'char// sku yi dbang thob byin rlabs sna tshogs skye// gsung gi dbang thob yon tan sna tshogs 'byung zhes bshad// byin brlabs dbang bskur rgyal po'i sbyor ba bstan pa'i le'u ste bco brgyad pa'o// // de nas yang zhus pa/ e ma ho ngo mtshar snying po'i don/ byang chub sems kyi don spyad pas// rang bzhin rnam dag thugs rje can// rdzogs pa'i sangs rgyas 'dren pa'i thugs rje can// byin brlabs dbang bskur rgyal po la// bdag cag mos pa dang pas 'dud// thugs rje can la phyag 'tshal bstod// rdo rje 'dzin pa las kyi rje// gsang sngags kun gyi bdag po ste// mthu stobs can la bdag cag 'dud// 'gro la phan pa'i gtso chen gyis// drag po'i 'phrin las bshad du gsol// klu yi rgyal po thugs rje'i longs spyod can// sa rnams kun gyi rtsa ba ste// byin brlabs phun sum tshogs pa'i/ 'byung ba'i snying
- 253a
po thugs rje'i longs spyod can// bdag cag las kyi rgyal po sgrub pa la// las kyi dam tshig ji ltar bsrung // zhes bstod de zhus pa/ bka' stsal pa/ dge bsnyen las kyi klu chen brgyad// las kyi rA dza bsgrub pa la// dam tshig zhu ba shin tu legs// dam tshig chen po nga yis bshad// 'khor rnams gus pas bdag la 'dud// klu yi rgyal po bsgrub pa'i tshe// rtsa ba sngags kyi dam tshig bsrung // gtsor ni byang chub sems kyi sdom pa blang // dang du byang chub sems dpa'i thugs rje bskyed// sdom pa de gsum thub pa de// phyogs bcu'i sangs rgyas dang byang chub sems dpa' rnams kyis byin rlob ste// byin brlabs yon tan yon tan cir yang 'byung // gzhan yang dam tshig bsrung ba ni/ khrus dang gtsang sgra rtag tu bya/ kha zas lnga ni shin tu spang // shin tu bsnol ba gzab par bya// klu sha lto ru yong mi gtang // yugs sa mo la spyad mi rung / khyad par rin chen lus la rten// dam tshig de rnams thub pa ni// byin brlabs longs spyod 'phel bar 'gyur// zhes gsungs/ dam tshig gi le'u ste bcu dgu pa'o// // de nas yang klu'i rgyal po pad+mas zhus pa/ e ma ho/ chos nyid bden pa'i don mthong byang chub sems dpa'i klu// las kyi rgyal po sgrub pa'i phyir// dbang bskur rgyal po ji ltar bsgrub// rtsa ba yan lag 'bras bu rnams// mdor bsdus
- 253b
man ngag bshad du gsol// zhes zhus pas/ thabs kyi rgyal po snying rje mchog la dgongs nas gsungs pa/ e ma ho/ byin brlabs dbang thob ye shes las kyi klu// legs par bshad kyis nyams su long // dbang bskur rgyal po rtsa ba byang chub sems la snying rjes sgrub// de nyid byams dang ma ldan na// don byed grub par ngas ma gsungs// rtsa ba bdag po gnyis la bsgrub// yan lag mdor bsdus sku gsung thugs// 'bras rgyud smin pa'i las rgyud lnga// mdor bsdus man ngag bshad par bya// dbang gi bdag po rnam pa gnyis su bshad// thugs rjes bzhi 'dzin gyi bdag po dang // longs spyod yon tan gyi bdag po'o// phun sum tshogs pa lnga la dbang thob pa ste/ mchod pa'i bye brag rgya chen po mchod cing 'dod spyod sems kyi thugs dam bskang / yi dam byang chub sems kyis bsgrub/ de'i dbang thob pa ni bdag nyid thob pa phun sum tshogs pa lnga dang ldan par 'gyur/ thugs rje'i gzhi bdag po sa dang lam la dbang thob pa de/ dad pa dri ma med pa'i thugs byang chub sems kyis mchod cing bsgrub/ snying rje mchog gis thugs dam rgyun du bskang // ma brjed rgyun du dad pas bsgrub// de yi dbang thob grub rtags bstan pa ni// thugs kyi byin brlabs rgyun du cir yang 'char// skye ldog lam du bshad par bya// ma rigs
- 254a
'khrul bzhi chod nas ye shes skye// gzu 'dzin nub nas bde ba 'char// snang ba log na chos skur rtogs// de'i 'bras bu mtha' rtsam nyid du gnas par 'gyur/ zhes gsungs de nas yang zhus pa// dbang gis bdag po sgrub pa la// sku gsung thugs dang ji ltar sbyar// thabs kyi 'phrin las ji ltar rtsi// zhes zhus pas/ klu'i rgyal po thugs rje gzhi 'dzin gyi bdag po la dgongs nas gsungs pa/ sku dang sbyar ba 'phrin las te// rnal 'byor lam du zhugs pa'i tshe// mthar lam rtogs nas kun tu bzang po'i sa non par bshad/ 'bras bu mi skye mi 'gag rang bzhin thob// gsung dang sbyar ba snying po'i ste// snying rjes 'gro don spyod pa'i tshe// rigs 'dzin gyis sa non nas/ 'bras bu sku gsung thugs kyi dngos grub thob par bshad/ thugs dang sbyar ba rtsa ba ste// lam du zhugs nas ting 'dzin sbyor ba'i tshe/ yang dag rdzogs ba'i sa la gnas nas/ 'bras bu sems nyid mngon du gyur pa'o// de nas yang dag bshad bya ba// thabs kyi 'phrin las mdo rtsa snying po'i sgrub pa ste/ 'di yi 'phrin las sku la sgrub ste 'dus// rtsa ba thugs kyi sa lam sbyong ste bgrod// snying po byang chub sems la 'gyur ldog med pa ste// rdzogs pa'i sa la gnas zhes gsungs// de phyir dpa' bo dbang gi rgyal po yis/ sku gsung thugs kyi byin gyis rlobs// rtsa ba'i dam
- 254b
tshig thub pa na// rdo rje sems dpa'i byin brlabs 'jug/ de phyir sku gsung thugs kyi dbang bskur ces// dbang rgya byang chub sems dpas gdab// ces gsungs so// dbang bskur rtsa ba mdor bstan pa'i le'u nyi shu pa'o// // de nas yang bskor ba dang phyag mdzad nas zhus pa// e ma ho/ las kyi dbang thob klu rgyal byin rlabs can// las kyi rgyal po sgrub pa'i phyir// dbang bskur ba'i sbyor ba bstan/ sgrub thabs 'phrin las mdor bsdus rnams// 'khor rnams kun la bshad du gsol// ces zhus pas/ 'phrin las rin po che bcud phyung nas/ 'khor rnams kun la bshad pa/ las kyi rgyal po sgrub pa la// dbang bskur rgyal po byin brlabs 'tshal// 'phrin las man ngag mdor bsdus rnams// tshang bar bshad kyi lus ngag btud// nyams dga' ba yi gnas dag tu// sa cho ga bgegs bskrad gzhung bzhin bya// maN+Dal cha mnyam yid 'ong la// rin chen chu yi chag chag gdab// ba las byung ba'i rnam lnga dang // rtsa mchog spos kyi byug par bya// de nas cha chen bcu drug zig gdab ste// 'khor lo rtsibs brgyad phyogs bzhi rigs// mtshams bzhi rtsibs tshon mdzes tshon yin// lte ba mthing kha mu khyud dmar// gru chad ljang khu sgo rnams ser// sgo bzhi rigs la sgo khang lta babs bum pa rigs// dkyil 'khor chen po gzhung bzhin bri// yang na sgo bzhi blo
- 255a
'bur rigs// mdzes pa'i tshon rnams bris nas su// lha yi mtshan nyid bshad par bya// rin chen lnga yi bum pa la// las kyi bye brag gzhung bzhin bsham// 'khor lo phyogs bzhi dbus dang lnga ru gzugs// mtshams bzhi dag tu klu rigs bzhi// dgu pa bdun pa lnga pa gsum pa bsnams// dkar dang ser dang dmar dang ldang // de ltar rigs kyi zhal phyung la// byang shar mtshams nas rims kyis dgod// gru chad bzhi la klu mo rigs bzhi ste// dkar dang ser dang dmar dang ldang ngo // phyag na so so rigs kyi bum pa 'dzin// rin chen rgyan gyis brgyan pa rnams// gru chad bzhi la rims kyis gzugs// sgo bzhi du rig sgyur ba khyung // yang na sa bdag rigs bzhi gzugs// shin tu mdzes pa bris par bya// lha'i mtshan nyid gzugs brnyan de bzhin dgod// de nas las kyi bum pa chas byas te// dbus su dung gi bum pa gzugs// shar du dngul la lho ru gser// nub tu zangs la byang du lcags kyi bum pa gzugs/ de ru bum pa'i snying po ni// sman lnga rin chen lnga la sogs// me tog lnga dang snying po lnga// 'bras bu lnga dang spos sna lnga// de yi bar chod bsal ba'i phyir// bdag nyid rdo rje 'dzin par bsgom// sder gshog phyag rgyas thugs khar mkha' lding rgyal po bskyed// drag sngags bzlas shing gu gul sbyar ma'i dud bas bdug/ de
- 255b
ru bum par byang chub sems kyi bcud// byang sems dkar dmar rin chen chung pas sbyang // rin chen chu yis gang bar bskang // dar mtshon lnga yis kha rgyal bri// tsan dan shugs pas kha brgyan te// 'o ma nal bu shar dang lho// nub tu seng ldeng sngags bshad yin// byang du se skyer drag po'i shing // de rnams rma bya'i sgro dang ldan par gzugs// gzungs thag dar tshon sna lngas sbrel// tshon sna lnga yi skud pa la// pra ti bu tsag sngags bzlas te// bum pa lnga yi mgul du bcing // tshon skud rang gi lag tu bzung // skabs su 'dre bskrad drag sngags bzlas// yungs kar dag la bsngags te brdeg/ skabs su bsrung ba'i sngags bzlas te// bum pa rdo rjes bskor bar bsam// dar dkar dag gi gur phub la// spos kyi mchod pa rgyun mi gcad// de nas lta spyod ldan pa'i rnal 'byor pas// mchod pa'i rim pa bsham bya ste// 'gro la phan pa'i don bya'i phyir// rang don spangs la thugs rje skyed// 'di phyi bdag gzhan don du sgrub// tshogs bsags yan lag rgya cher bsag/ dkon mchog gsum la gtso ru blang // de bzhin gtsang rigs mgon po mchod// phyi nang snang srid lha 'dre la// gser phud btang la dam bdar 'phrin las bcol lo// de bzhin rang gi bsrungs ma mchod// gser phud gtor cha rgyas pas gtang // stong phrag bcu yi bgegs rigs la/
- 256a
bzhin 'byung po'i gtor ma btang // mchod sbyin rtsal la bden pa bdar// de bzhin yul gyi lha klu mchod// chab gtor btang la bden par bdar// de nas mchod pa'i rdzas bsham ste// mtshams gcad cing bgegs kyang bskrad// skad cig ma'i ting 'dzin gyis// sngags 'dis rdo rje 'dzin par bskyed la// oM badz+ra pA Ni badz+ra mahA kro d+ha hUM/ zhes brjod pas/ bdag nyid rdo rje 'dzin pa khro bo'i rgyan rdzogs par bskyed de/ rdo rje klad la bskor zhing / rdo rje'i mtshan drag po brjod cing / hUM dang phaT kyi nga ro drag pos khams gsum dbang du sdud pa'i phyir/ dkyil 'khor la bskor zhing / khro bo stang stabs kyis khams gsum zil gyis mnan par bya'o// de nas mchod pa dbul te/ rdo rje 'dzin pa'i lha tshogs la// phyi nang gi mchod pa rgyas par dbul// dge bsnyen klu'i lha tshogs la/ dkar gtor sman gyi mchod pas mchod/ tsan dan spos kyi mchod pa rgyun du gtang ngo // de nas cho ga la 'jug par bya ste// bsnyen mchod tshogs bsags kyi yan lag rgyas par bya'o// de nas bum pa byin gyis brlabs par byas te/ phyi nang gsang ba'i dbang rnams rims kyis thob par bya ste/ dbang bskur rgyal po las/ kha dog gi le'u ste nyer gcig pa'o// // de nas de nyid yang dag bshad bya ba// ting 'dzin las kyi sgron ma 'di bzhin te// bdag nyid chen po
- 256b
rab bskyed nas// mchod bstod bsnyen pa'i las rdzogs las// las kyi bum pa rigs lnga la// byin brlabs dbang bskur 'di bzhin bya// ting 'dzin rnam gsum rims kyis bskyed// bdag nyid hUM las chen por bskyed// sku gsung thugs su byin gyis brlabs// thugs ka'i hUM las 'od 'phros pas/ yi ge A bzhi phyogs bzhir 'phros pa las/ a las zla ba'i dkyil 'khor bzhi bsam/ hUM las 'od 'phros yi ge 'di rnams su gyur te/ zla ba'i steng du bsam/ oM dkar po/ traM ser po/ hri dmar po/ a ljang khu/ de rnams las 'od 'phros bde bar gshegs pa rnams kyi thugs dam gyi rgyud bskul/ ngan song gsum gyi sdig sgrib sbyangs/ slar 'dus pa las rigs rnam pa bzhi'i sngags 'di rnams brjod la bskyed do// oM bud+d+ha ga ru Da tsa le tsa le hUM phaT/ oM rat+na ga ru Da tsa le tsa le hUM phaT/ oM pad+ma ga ru Da tsa le tsa le hUM phaT/ oM karma ga ru Da tsa le tsa le hUM phaT/ shar phyogs su bud+d+ha rigs kyi khyung sku mdog dkar po gser gyi gshog pa can bskyed/ lho phyogs su rin chen rigs kyi khyung sku mdog ser po zangs kyi gshog pa can bskyed/ nub phyogs su pad+ma rigs kyi khyung sku mdog dmar po lcags kyi gshog pa can/ byang phyogs su las kyi rigs kyi khyung sku mdog ljang khu/ dung gi gshog pa can bskyed do/ khyung de rnams kyi mchu sder lcags las grub
- 257a
pa/ spyan mig gser du 'khyil pa/ ljags dang spyan dmar ba/ rigs dang mthun pa/ spyi bo'i gtsug na 'od sna tshogs su 'phro ba'o// lus la rigs kyi rdo rjes brgyan pa/ sbrul rigs bzhi zhal du gsol bar bsam mo/ khyung de rnams kyi thugs kha ru/ hUM mthing kha re re bsam mo// mgrin pa ru i dmar po re re dmigs so// spyi bo'i gtsug tu oM dkar po re re dmigs so// de nas yang bdag gi thugs kha'i hUM las/ ma sngon dmar cig bdag gi g.yon phyogs su 'phros pa las/ lha mo g.yu'i bye chung ma sku mdog sngon mo// phyag g.yas yab la 'khyud pa/ g.yon g.yu'i bum pa bdag gis thugs kar 'dzin pa cig bskyed/ yang hUM las 'od zer rnam pa lnga 'phros pas/ rin po che'i yi ge 'di rnams su gyur te/ yab rnams kyi g.yon du/ 'byung ba bzhi yum bskyed do// sa ser mo shar phyogs su sa'i lha mo sku mdog ser mo// phyag g.yas yab la 'khyud pa/ g.yon na rigs kyi bum pa thugs kar 'dzin pa'o// raM dmar po las lho phyogs su me'i lha mo sku mdog dmar mo// phyag g.yas yab la 'khyud pa/ g.yon rigs kyi bum pa thugs kar 'dzin pa'o// baM dkar po las nub phyogs su chu'i lha mo phyag gong gi 'dre/ yaM sngo skya las byang phyogs su rlung gi lha mo sku mdog sngo skya phyag 'dre/ lha mo de rnams kyi lus la rin po che'i rgyan sna tshogs pas
- 257b
brgyan pa/ zhal 'dzum la sku sgeg pa/ yid du 'ong ba bskyed do// de nas 'dzab drang zhing 'phro 'du'i byin brlabs byas te/ yab rnams kyi thugs kha'i hUM las thugs 'od zer sna tshogs bdud rtsi sprul te/ yum rnams kyi thugs khar thim pas/ yum rnams kyi chags pa thugs kyis bskrad nas/ 'od zer sna tshogs bdud rtsi dmar por gyur te/ yab rnams kyi thugs khar 'dus pas yab rnams kyi dgyes pa thugs su bskangs te/ bdud rtsi dkar dmar byang chub sems su gyur te/ bdud rtsi byang chub sems kyi 'od zer phyogs bcur 'phros pas/ phyogs bcu sangs rgyas rnams kyi thugs su thim pa las/ thugs mnyes pa'i mchod pa phul/ bde bar gshegs pa rnams kyi thugs kyi bcud byang chub sems su bsdus nas slar 'dus pa las/ yab yum rnams bdud rtsi byang chub sems su zhu ste/ bdag gi thugs khar hUM zhes brjod pas// bdag gi thugs kar nyi zer nyi ma la 'dus pa bzhin du bsam/ de ni phyi ltar byin gyis brlabs te/ bdag nyid la nyid dbang bskur ro// da ni nang ltar byin gyis brlabs te/ gsang ba'i dbang mchog bskur ba ni/ yab yum rnams gong bzhin du bskyed la/ yab yum rnams kyi mkha' gsang byin gyis brlabs par bya ste/ ma sUR+Ya maN+Dal/ zhes brjod pa las pad+ma la nyi ma'i dkyil 'khor re re bsam/ de rnams kyi steng du
- 258a
hUM badz+ra zhes brjod pas/ hUM las gsang ba'i rdo rje rtse lnga pa re re bsam/ de rnams kyi rtse mo la/ oM dkar po shel 'dra re re bsam/ de nas yang a tsan+da man+dal zhes brjod pas/ yum rnams kyi mkha' la/ a las zla ba'i dkyil 'khor/ de'i steng du paM pad+ma maN+Dal zhes brjod pas/ paM las pad+ma'i da la re bsam/ de'i steng du A dmar po mtshal cog la ma bcag pa'i 'phro ma 'dra ba re bsam/ de nas 'phro 'du byin gyis brlabs te/ yab rnams kyi thugs kha'i hUM las/ hUM 'od zer mang po yar drangs te/ mgrin pa'i yi ge A dmar po la thim pas/ hUM mthing kha A dmar por gyur/ a dmar po'i nang nas g.yas nas g.yon du rgyud nas/ klad pa dung khang gi nang du oM dkar po la thim pas/ A dmar po/ oM dkar por gyur te/ sgal tshigs kyi rta brgyud nas/ gsang ba rdo rje'i lam du byung nas byang chub sems su gyur te/ yum rnams kyi mkha' la thim pas/ yum rnams kyi chags pa sbyangs nas/ byang chub kyi sems bdud rtsi dmar por gyur te/ slar 'dus paM las/ yab rnams kyi dges pa skyed de/ byang chub kyi sems bdud rtsi dkar por gyur te/ slar 'dus pa las/ de nas yum rnams kyi sbyor 'tshams nas 'od zer 'phros te/ 'og min gyi gnas lcang lo can gyi pho brang nas bde bar gshegs pa yab yum rigs lnga yab phyogs bcu
- 258b
sangs rgyas 'khor bcas rnams byang chub kyi sems bdud rtsi'i rang bzhin du ldem gyis zhu ste/ slar 'dus te/ phyogs bcu sangs rgyas thams cad kyi bcud byang chub kyi sems/ bum pa'i lha tshogs la thim par bsams te/ bum pa de bzhin nyid byin gyis brlabs par bya'o// de ltar byin gyis brlabs te/ gsang ba'i dbang mchog dam par bskur bar bya'o// de nas dbang bskur ba dang / dkyil 'khor du zhugs pa rnams ni las rgyud gzhan las shes par bya'o// rin po che sna bdun dang / bkra shis kyi rdzas brgyad/ bkra shis kyi tshigs bcad brjod do// phyi ltar dbang bskur bar bya'o// rten gyi bum pa dang / dbu rgyan dang / dar gyi cod pan dang / me tog gi 'phreng ba dang / gsang ba'i ming dang / dbang rnams rdzogs par bskur ro// dbang bskur gsal byed kyi le'u ste nyer gnyis pa'o// // de nas yang 'khor rnams kyis zhus pa/ e ma ho/ byang chub sems dpa' thugs rje can// las kyi rgyal po bsgrub pa'i phyir// nyid kyi rgyal po bsgrub pa ji ltar lags// man ngag mdor bsdus rnams// bdag cag rnams la bshad du gsol// ces zhus pas/ thugs rje rang byung byang chub sems la dgongs nas zhus pa/ e ma ho/ byang chub sems dpa' las kyi dge bsnyen rnams// 'gro ba'i don du byin brlabs can// dam tshig chen po nga yis
- 259a
bshad// 'khor rnams lus ngag yid gsum btud// ces bka' stsal to// ri bo 'dus pa'i rtse mo'am// chu bran 'dus pa rgya mtsho'i gling // yang na klu rgyal sa bdag 'dus pa'i sar// yang na yid 'ong nyams dga' gnas dag tu/ byin gyis brlabs pa gong bzhin bya// las kyi bca' lugs so sor dbye// shin tu mkhas pa rtags la spyad// shes rab can gyis de bzhin gyis// de nas dam tshig gtsang ma'i rnal 'byor pas// las kyi bum pa chas byas te// rgyu ni rin chen sa la bya// rkyen ni rin chen chu yis sgra// sbyor ba mos gus dad pas gzo byas te// sems kyis dmigs te gzhung bzhin bskyed// de ru bum pa'i snying po ni// sman sna lnga la sogs pa ste// rin chen lnga dang snying po lnga// me tog lnga dang 'bras bu lnga// tsan dan la sogs spos mchog lnga// de ru bum pa snying pa'i bcud// klu rgyal gnas pa'i chu mig nas// rin chen snod du chu blangs te// rtsi mchog ga pur bcud kyis sbyar// gzhan yang sman sna stong dang rab sbyar blug/ dbus kyi pho brang dag la bzhugs su gsol// dar mchog lnga yis kha rgyan dril// shing 'bras bu can gyis kha brgyan te// ye shes lnga yi gzungs thag gdags// rtsi mchog spos kyi dud pas bsang // bkra shis rdzas kyis mtha' ma bskor// de bzhin longs spyod rdzas rnams bsogs// dkar gsum dag la lto rten
- 259b
te// de bzhin khrus dang gtsang sbra bya// mchog tu dam tshig bsrung ba gces// de phyir gtsang ma'i dam tshig bsrung // gtsang ma'i mchod pa rgyun du dbul// de bzhin rtsi dang sman gyis mchod// spos kyi mchod pa rgyun mi gcad// skabs su mchod bstod las gzhung bzhin// dam tshig gcan gyis bsnyen cing mchod// de bzhin bsnyen pa'i sngags 'di rgyun du drang // oM nA ga rA dza sa ma ya dza/ skabs su bsrung ba'i sngags bzlas te// gdug pa klu'i dug rnams shin tu sbyang ba gces// de nas bum pa byin brlabs te// dbang rnams rims kyis bskur// zhes gsungs so// dbang bskur las kyi le'u ste nyer gsum pa'o// // de nas de nyid byin gyis brlabs pa'i phyir/ rig pa gsal byed las kyi sgron ma bstan te/ dang por bdag nyid chen por rab dmigs nas// tshogs bsags yan lag bzhin bya// mchod bstod las rim rdzogs pa dang // bum pa byin gyis brlab par bya ste// de yi 'phrin las bshad pa ni// dmigs pa'i man ngag yan lag gsum ste// rtsa ba thugs dang sbyar bar bya// hUM bskyed bdag po gnyis gnas sprul pa ste// rig pa gsal byed las kyi sgron ma bstan te// yan lag yi ge rtsa gcig las// byin brlabs 'phro 'du'i skabs su bshad// yi ge dmigs pa'i gnas lnga ru// bdud rtsi bum pa brtan par bstim// zhes pa ni dbang
- 260a
bskur las kyi skabs su bshad// de nas de nyid bshad pa'i phyir// gsal byed thugs kyi sgron ma 'di bshad do// oM badz+ra ma hA krod+ha hUM phaT ces brjod pas/ bdag nyid hUM las rdo rje 'dzin par bskyed// sder gshog phyag rgya bcas nas su// thugs khar mkha' lding rgyal po bskyed// mkha' lding rgyal po'i thugs kha ru// ye shes rdo rje sems la dmigs// oM nA ga rA dza zhes brjod pas// hUM las ye shes klu rgyal bskyed// sbrul mgo dgu pa gdeng ka can// rin chen lus la sbrul mjug 'khyil// phyag g.yas rin chen 'bar ba bsnams// g.yon pa rin chen pad+ma bsnams/ longs spyod kun gyi bdag por bskyed// dge bsnyen chen po'i thugs kha ru// rin chen 'bar ba A las ni// yid bzhin nor bu rin chen 'od 'bar bum 'dra'i gzugs// longs spyod kun gyi rtsa ba ste// 'byung ba'i rgyal po rtsa ba 'dzin// byed pa sems can kun don byed// yid bzhin nor bu rin chen te// klu yi rgyal po'i thugs mdzod yin// dam tshig shes shing dam tshig ldan// dam tshig can la longs spyod spel// zhes dam tshig chen po nga yis bshad// yid bzhin / nor bu'i bum nang du// A las zla ba'i dkyil 'khor khar// hUM las dpag bsam ljon shing bskyed// AM las yan lag gyes te// phyogs bzhi mtshams brgyad dbus dang dgu/ oM las me tog 'khrungs
- 260b
te// 'bras bu phun sum tshogs pa 'byung zhes bshad// de yis dgos pa thams cad 'grub ces gsungs/ dmigs pa'i man ngag gsum zhes de la bya/ oM na ga rA dza sa ma ya dza/ zhes brjod pas/ yan lag phyogs mtshams brgyad du/ pad+ma'i me tog gzhal yas su/ dge bsnyen las kyi klu chen brgyad/ gtso la 'dud pa'i tshul du bskyed// dbus su oM las ye shes sems dpa'i klu// sbrul mgo dgu pa ru bskyed/ yan lag gsum zhes de la smos/ de nas bum pa byin brlabs te/ oM AHhUM na ga yu yu/ nA ga bu ru dza la ni/ nA ga sa ma ya swA hA/ yi ge rtsa gcig sprul par shar/ zhes de la bshad de/ 'phro 'du'i byin brlabs de bzhin dmigs/ bdag nyid thugs ka'i huM las 'od zer 'phros pas/ klu'i rgyal po thugs ka'i dam tshig las kyi dge bsnyen rnams kyi thugs kar 'phros pas/ de nas dam tshig gi las la bskul te/ 'gro ba sems can gyi don la bzhengs nas/ longs spyod kyi dam tshig la dgongs nas/ khams gsum gyi sems can longs spyod phun sum tshogs pa sprul te/ 'jig rten gyi khams ma lus thams cad du/ rin po che'i longs spyod sna tshogs pa dang / bkra shis kyi rdzas su 'bul nas gyur te/ 'dod pa lnga'i longs spyod du byin gyis brlabs so// de ltar phyi'i dbang bskur te/ bdag dang 'khor rnams kun la longs spyod phun sum
- 261a
tshogs par dbang bskur byin gyis brlabs/ de'i yon tan 'bras bu ni/ mi zad gter la sbyor/ ces dam tshig chen po nga yis bshad/ de nas nang ltar byin gyis brlabs la/ gsang ba'i dbang mchog bskur ba ni// dmigs pa gong dang mthun par bskyed// byin gyis brlabs pa 'di bzhin bshad// bdag nyid hUM las 'od zer sna tshogs pa 'phros pas/ thugs kyi bcud bsdus 'dod yon bdud rtsir sprul te gyur/ byang chub sems kyi bdud rtsi yis// las kyi bum pa ldem gyis khengs par bsam// de nas gsang ba'i dbang bskur te// legs nyes shin tu che ba yin// de ci'i phyir zhe na/ klu la gdug pa'i dug / yod pa'i phyir/ dper na sman gyi rgyal po ga bur 'dra/ lta spyod ldan pas dbang bskur na// yid bzhin thugs su chud pa ste// bsam pa thams cad yid bzhin 'grub 'gyur zhes// dam tshig chen po nga yis bshad// de phyir dam tshig med cing lta sgom sems kyis ma 'chun na// mi bde sdug bsngal sna tshogs 'byung // gdug pa klu'i 'dzin byed bsam ngan gyi nad kyis rgyud rkyen rnams cir kyang 'byung zhes ngag gdug pa 'dzin byed kyis bshad do// de phyir dam tshig gtso ru blangs// mchog tu rdo rje 'dzin pa sgom// dang du bsnyen pa bsgrub pa brnyes// bsrung ba'i sngags la nan tan bskyed// klu gdug sbyang ba shin tu gces// de
- 261b
nyid de phyir bshad par bya// drag sngags las kyi sbyor ba bshad// oM pa ti raM sa ha/ oM sna ku la swA hA/ oM nA ga le sa ha/ de ni klu yi dug sbyangs te/ khrag rgyas sngags kyi shi sa bstan// skabs su bsrung ba'i sngags 'di bzlas// oM pra ti pu tsa ga badz+ra dun ting mi li mi li hUM phaT/ rdo rje phyag rgya'i drag sngags te// rang lus rdo rjer byin gyis brlabs// cis kyang mi tshugs rdo rje'i che ba skyed// ces gsungs so// de nas dbang bskur rim pa ste// dam tshig rgyud nas shes par gyis// longs spyod dbang ni bkra shis te// dam tshig can gyi rtag tu bskur/ khyad par dbang thob lha'i rgyal por 'gyur// longs spyod kun la smos ci 'tshal// dam tshig chen po nga yis bshad// sdug bsngal nad kyis zin pa'i gang zag la// nad kyi bdud rtsi gsang ba'i dbang bskur na// shin tu sdug bsngal de la shis pa yin// dper na khye kus khye ku 'byin pa 'dra/ dbang bskur lan gsum byas na/ mdze nad bco brgyad zhi bar nges/ des na bdud rtsi byang chub sems kyi dbang // byin rlabs zhugs pa'i bla ma yis// rang la rang nyid dbang bskur na// yid bzhin nor bu 'chang ba yin// dgos 'dod thams cad de la 'byung // zhes dam tshig chen po nga yis bshad// dbang bskur rgyal po gsal byed sgron ma 'di med na// byin brlabs dbang bskur byed pa rnams// chu la mar
- 262a
gyi snying po 'don pa 'dra// bskal pa bsgrubs kyang don mi 'byung zhes bshad// dbang bskur gsal byed kyi le'u ste nyer bzhi pa'o// // de nas de nyid bshad pa'i phyir// 'phrin las rim pa mdor bsdus te// gsang sngags rig pa'i sgron ma bshad// dang po bum pa'i dbang bskur byin gyis brlab// phyi nang gsang ba gsum du byin gyis brlab// de nas rim pa bshad pa ni// dang po rang la dbang bskur byin gyis brlab// de nas bum pa byin gyis brlab ste// de nas slob ma byin gyis brlab ste// dang po slob ma khrus byas te// bar chod bsal zhing khrus kyi las rnams rdzogs par bya// gtsang ba'i gos gon pad+ma'i khar bzhag ste/ dbang bskur rim pa 'di bzhin no// dbus kyi bum pa blangs spyi bor bzhag la 'di skad brjod/ hUM/ nam mkha'i snying po rdo rje 'dzin// rdo rje rigs 'dzin bum pa'i lha// rdo rje dbyings kyi dkyil 'khor du// skal ldan rigs kyi bu 'di la// rdo rje dbyings nas dbang bskur byin gyis rlobs// rdo rje'i snying po rdo rje 'chang // rdo rje 'chang ba bum pa'i lha// rdo rje gsang ba'i dkyil 'khor du// skal ldan rigs kyi bu 'di la// rdo rje gsang ba'i dbang bskur byin gyis rlobs/ hUM/ rdo rje 'chang ba rdo rje rgyal// rdo rje rgyal ba bum pa'i lha// bud+d+ha rigs kyi dkyil 'khor du// skal ldan 'di la rdo rje sems dpa'i dbang
- 262b
bskur byin gyis rlobs/ hUM/ rdo rje 'dzin byed rdo rje'i sku// rdo rje khro rgyal bum pa'i lha// rin chen 'byung ldan dkyil 'khor du// gdug pa 'dul phyir skal ldan 'dre/ hUM/ rdo rje 'bar ba rdo rje'i thugs// rdo rje 'bar ba bum pa'i lha'i// snang ba mtha' yas dkyil 'khor du// gdug pa dbang du sdud pa'i phyir// skal ldan 'dre/ rdo rje gsung mchog drag po'i skad// rdo rje drag po bum pa'i lha'i// don yod grub pa'i dkyil 'khor du// gdug pa zil gyis mnan pa'i phyir// skal ldan 'dre/ oM badz+ra mu dra a b+hi Shiny+tsa hUM/ oM bud+d+ha mu dra a b+hi Shiny+tsa hUM/ oM rat+na mu dra a b+hi Shiny+tsa traM/ oM pad+ma mu dra a b+hi Shiny+tsa hri/ oM karma mu dra a b+hi Shiny+tsa a/ de bzhin du dbang rnams rim pas bskur bar bya'o// de nas de nyid byin gyis brlab pa'i phyir// rig pa byin gyis brlab pa'i sgron ma bshad// dbus kyi gtso bo yab yum gyi sbyor mtshams nas/ bdud rtsi byang chub sems kyi 'od zer skal ldan de'i spyi gtsug tu thim pas/ phung po khams dang skye mched rnams// thul gyis bsregs sbyangs te// mi dmigs pa las yab kyi hUM zhes brjod pas/ kho'i rig pa hUM du bsdus te/ bdag cag yab kyi thugs kha nas/ hUM mthing nag 'dus par bsam ste/ de nas hUM las du mang po yar drangs te/ mgrin pa'i yi ge oM la thim par bsam// hUM 'di na A dmar mar gyur te/ sgal tshigs kyi rta brgyud de//
- 263a
gsang ba rdo rje'i lam du byung / sems su gyur nas yum gyi mkha' la thim pas/ byang chub sems su ltor 'od du 'khyil te/ slar byung nas hUM bzhi po la thim pas lus zhu ste/ oM badz+ra ga ru tsa le tsa le hUM phaT/ ces brjod pas/ rdo rje rigs kyi khyung du byin gyis brlabs so// de nas bud+d+ha rigs kyi bum pa blang ste/ spyi bor bzhag ste gong bzhin du brjod do// ting nge 'dzin gyi yab yum rnams kyi sbyor 'tshams nas// gong bzhin du 'od 'phros pas/ bsregs sbyangs nas mi dmigs pa la/ yab kyis oM zhes brjod pas/ kho'i rigs pa oM du 'dus te/ yab kyi thugs kha'i hUM las 'ub kyis 'dus par bsam mo// de nas gong bzhin du brgyud de/ yum gyi mkha' la thim pas/ byang chub kyi sems yum ltor 'od du thig ler 'dril te slar phyung ste/ oM du gyur te bzhi po la thim pas 'od du ldem gyis zhu ste/ oM bud+d+ha ga ru Da na zhes bud+d+ha rigs su byin gyis brlab bo// phyogs gsum des 'dre ste shes par bya'o// de nas gzhan yang rdzogs par bskur ro// rim pa las kyi le'u ste nyer lnga pa'o// // de nas yang klu'i rgyal po yid bzhin gyi longs spyod kyi mchod pa sna tshogs pa phul nas zhus pa/ e ma ho/ ngo mtshar snying po'i don spyad pas// lha spyod klong du gyur pa/ bde gshegs rgyal ba kun gyi thugs// rang bzhin rnam dag chos dbyings nam mkha' che// gzugs
- 263b
/ skur sprul nas 'gro ba'i don byed pa// dbang rnams rdzogs pas klu rgyal chos kyi rje// bdag cag 'gro ba'i don bgyid pas// las kyi rgyal po bsgrub pa'i phyir// tshogs lam sbyor lam sgom lam rnams// lta spyod gnyis med bshad du gsol// ces zhus pas/ klu'i rgyal pos bka' stsal pa/ byang chub sems dpa'i dge 'dun rnams// bdag gi lta spyod dam pa 'di// las kyi rgyal po bsgrub phyir bshad// 'khor rnams bdag gi bka' la btud// rtsa ba byang chub sems kyi 'phrin las thams cad// gsang sngags mdor bsdus te// sku gsung thugs kyi gsal byed sgron mar bshad pa 'di bzhin no// rang sems gsal bas kun tu dmigs// ye shes snying po'i ngo bo 'di skad brjod/ hUM/ nam mkha'i snying po rdo rje 'dzin// rdo rje chos nyid chos sku che// rdo rje snying pos rdo rje 'chang // rdo rje snying po rig pa sems dpa' sems dpa' che// rdo rje snying po 'chang la rdo rje rgyal zhes sangs rgyas rdo rje sems dpas gsungs// rdo rje ye shes sangs rgyas che zhes// chos nyid rang byung rgyal pos gsungs// rdo rje 'jigs byed rdo rje skur sprul pa// rdo rje khro bo khro bo chetsheche// rdo rje 'bar ba'i thugs sprul pa// rdo rje 'bar ba 'bar ba che// rdo rje gsung mchog rab sgrogs pa// rdo rje drag po drag shul che// ye shes snying po rang byung khro bo'i rgyal pos gsungs// rdo rje lus la rdo rjes
- 264a
brgyan// rdo rje 'jigs pa 'jigs pa che// rdo rje'i ba spu nyag re nas// rdo rje khro bo chung 'bul phrag stong du sbrul// rdo rje gzi brjid gzi brjid che// zhes rdo rje kun tu 'jigs pas gsungs// de ltar rang sems gsal dmigs na// dus gsum sangs rgyas thams cad bdag la 'dud// ces gsang bdag phyag na rdo rjes gsungs// rdo rje'i gshog pas nam mkha' gcod ces pa nas// rdo rje 'joms pa 'joms pa che// zhes pa ni klu'i rgyal pos bstod pa'o// de ltar yon tan bstod pa na// bskal pa 'bum gyi sdig sgrib sbyang // zhes thugs rje chen pos bshad// de nas yang dag bshad bya ba// las kyi rgyal po bsgrub pa'i phyir// rtsa ba las kyi sgron ma 'di gsungs so// nam mkha' gzhi la snying po lam// rdo rje snying po 'bras bur bshad// 'dzin pa las kyi rgyal por gsungs// rdo rje sku la snying po thugs// rdo rje 'chang ba gsang sngags kun gyi bdag por bshad// rdo rje rgyal ba snying po rang byung ye shes so// de bzhin rtogs pa'i rnal 'byor pas// rtsa ba byang chub sems su bsgrub ces dam tshig chen po nga yis bshad// de nas de nyid yang dag bshad bya ba// rgyu 'bras nyid kyi don bshad pa// nam mkha' rgyu la snying po rdo rje sangs rgyas kun gyi 'bras bur gsungs// rdo rje 'chang ba snying po byang chub sems su bshad// de bzhin don ldan rnal
- 264b
'byor bas/ ma bgrod shugs kyis sa rnams non// bya ba med pa rnal 'byor che// kun tu chub pas rnam par rol// gnyis su med pas bdag nyid mchog dang ldan// zhes gsungs so// mchog dang ldan pas rnal 'byor pas// nam mkha' skye med chos nyid de bzhin nyid du sgom// snying po thugs rje kun tu sgom// gsal la rtog pa med par sgom// rdo rje snying po rang byung 'dus ma byas// rgyu nyid rdo rje rkyen dang 'dra// zhes gsungs/ rgyu nyid snying po mthing nag hUM du shar// zhes rang byung rdo rje snying pos gsungs// rig pa byang chub sems kyi zer// phyogs su 'phro zhing kun tu sdud ces dpal kun tu bzang pos bshad// ye shes snying po hUM gi 'od zer las// raM yaM khaM kyis bsregs sbyangs te// me yi dkyil 'khor gru gsum ste// rlung gi dkyil 'khor zla gam yin// chu yi dkyil 'khor zlum por chags// yi ge lam ni 'phro 'du las// de stengs ri/ rab mchod rten las// rin chen lnga rgyu las grub ste// bum pa yid bzhin shing dang 'khor los brgyan// longs spyod phun sum tshogs par 'ong // zhes dam tshig chen po nga yis bshad/ kha dog gling dang mu khyud rnams// chos gzhung spyi dang mthun par bsam// mchod rten bum pa'i khong seng du// yi ge 'bum gyi 'phro 'du las// rin chen 'bar ba'i gzhal yas khang // gser gyi 'khor lo rtsibs brgyad zangs kyi mu khyud
- 265a
can// rin chen mu khyud bzhi'i gru chad ldan// sgo rnams sgo bzhi sgo rkang bum pa rta babs bum pa rigs// rin po ches brgyan pa ste// rgya khyon yid kyis 'khyud tshad do// de nas yang dag bshad bya ba// rtsal chen seng ge gsal ba'i khri stengs su// badz+ra ar+ya tsaN+Da maN+Dal/ badz+ra sUr+ya tsaN+Da maN+Dal/ badz+ra pad+ma maN+Dal hUM zhes brjod pas/ rdo rje snying po bzhugs par bsam// byang chub sems kyi 'od zer 'phro 'du yis// las gnyis rdzogs te 'od du zhu ba las/ oM badz+ra ga ru Da tsa le tsa la hUM zhes brjod pas/ bdag nyid 'jigs byed rdo rje ga ru Da/ 'khor dang bcas par gsal bskyed de/ 'di skad brjod de gsal bar dmigs// rdo rje snying po rdo rje 'dzin// rdo rje snying po rdo rje 'chang // rdo rje snying po rdo rje rgyal// rdo rje snying po 'jigs byed rang byung khro bo'i sku zhes brjod de/ bdag nyid chen por rab dmigs so// de nas rang byung ye shes kyi sku la 'di skad ces brjod do// hUM/ nam mkha'i snying po rdo rje 'dzin// chos sku skye med thugs su chud pa'i rtags// gnyis med chos kyi sku la phyag 'tshal bstod// hUM/ rdo rje snying pos rdo rje 'chang // ye shes snying po 'du 'bral med pa'i rtags// mi 'gyur g.yu rung 'khyil pa phyag 'tshal bstod// rdo rje snying po 'chang bas rdo rje rgyal// ngan song gnas nas thar pa thob pa'i rtags// rdo rje sangs rgyas bde gshegs
- 265b
sku la phyag 'tshal bstod// rdo rje 'jigs byed rdo rje sku// dug gsum rtsad nas chod pa'i rtags dang ldan// rdo rje 'jigs byed khro rgyal chen po'i sku la phyag 'tshal bstod// rdo rje 'bar ba rdo rje thugs// dug lnga bsregs pa'i rtags dang ldan// rdo rje bdud 'joms 'bar ba'i sku la phyag 'tshal bstod// rdo rje'i gsung mchog drag po'i gsung // snang srid zil gyis gnon pa'i rtags dang ldan// rdo rje drag po'i sku la phyag 'tshal bstod// rdo rje sku la rdo rjes rab brgyan pa// rdo rje'i sku la bcad du med pa'i rtags dang ldan// rdo rje bsam gtan sku la phyag 'tshal bstod// rdo rje ba spu nyag re nas/ khro chung 'bum phrag stong du 'gyed pa ni// gdon bgegs 'byung po sgrol ba'i rtags dang ldan// rdo rje gzi brjid chen po'i sku la phyag 'tshal bstod// rdo rje gshog pas nam mkha' khyab par gcod pa ni// gdug pa zil gyis gnon pa'i rtags dang ldan// rdo rje mkha' lding chen po'i sku la phyag 'tshal bstod// rdo rje'i lcags sder bcu pa yis// rgya mtsho'i gting nas gdug pa 'dzin pa'i rtags dang ldan// rdo rje ri 'bebs rdo rje'i sku// rdo rje'i lcags mchu chen po rngams pa yis// gdug pa'i klu nams 'dul ba'i rtags dang ldan// rdo rje glu 'dul sku la phyag 'tshal bstod// rdo rje'i mche ba spu gri gtsigs pa ni// gdug pa rtsad nas gcod pa'i rtags dang ldan// rdo rje klu
- 266a
grol sku la phyag 'tshal bstod// rdo rje spyan mig me dpung 'bar ba ni// gdug pa'i che ba 'joms pa'i rtags dang ldan// rdo rje dug sel sku la phyag 'tshal bstod// rdo rje'i rwa gnyis dbyings su gsor ba ni// chos nyid yum dang dbyings su sbyor ba'i rtags// rdo rje thabs mchog sku la phyag 'tshal bstod// rdo rje'i nor bu gtsug na brgyan pa ni// 'gro ba yongs kyi sdug bsngal sel ba'i rtags dang ldan// rdo rje byad bkrol sku la phyag 'tshal bstod// rdo rje snying po me dpang 'bar ba ni// bdun rnams 'joms pa'i rtags dang ldan// rdo rje klu 'joms 'bar ba'i sku la phyag 'tshal bstod// de ltar don dang ldan par bstod pa ni// byang chub sa thob par nga yis bshad// gdug pa klu'i snying khrag 'joms zhes nga yis bshad// byang chub kyi me long ste/ lta byed rig pa'i rgyal po'o// rtsa ba sku gsung thugs kyi sgron ma/ gsang sngags snying po mdor bsdus kyi le'u ste nyer drug pa'o// // de nas yang dag bshad bya ba// las kyi rgyal po sgrub pa'i phyir// gsang sngags kun gyi yang mdzod// rig pa gsal byed sgron ma bshad// rgyu 'bras rig pa'i rnal 'byor pas// bdag nyid chen por rab dmigs te// tshogs bsags las rigs skabs 'di gzhug/ ye shes byang khyung 'khor bcas la// mchod bstod 'phrin las rdzogs pa dang // ye shes gsang
- 266b
byed 'di bzhin sgom// yang dag nyid du rang dbang bskur// bdag nyid chen por bskyed pa yi// spyi bor sa las bdag po bzhi// rigs bzhi dag tu bskyed par bya// rdo rje sbu gu ma bsams te// rig pa'i rgyal / mos dbang bskur bya// mgrin par ya las ra hu la// klu bdud dregs pa chen por bsgom// thugs mchog rdo rje'i me dpung du// gzhal yas khang du byin gyis brlabs// nyi zla pad+ma'i ge sar la// hA snying po mthing nag hUM cig bsam// byang chub sems kyi 'od zer 'phro 'du las// thugs dam rgyud bskul 'gro ba'i bsnyen bskur las// tshur 'dus 'od du zhu ba las// phyag mtshan rdo rjer gyur// de nyid gong bzhin 'od du zhu ba las// oM badz+ra kro d+ha hUM hUM hUM phaT/ ces brjod pas/ rdo rje'i snying po rdo rje 'chang ba bskyed de/ sku mdog 'gyur ba med pa'i rtags su mthing nag/ don cig gis thabs cir yang mdzad pa'i rtags su/ zhal gcig phyag gnyis pa/ ye shes khro bos gang kyang 'dul ba'i rtags su/ g.yon pa sdigs mdzub thugs kar 'dzin pa/ khams gsum dbang du 'dus pa'i rtags su/ dbu skra kham nag gyen du brdzes pa/ gdug pa thams cad zil gyis gnon pa'i rtags su/ spyan gsum sdang mig khro gnyer sdang mig bzlog nas lta ba/ gdug pa thams cad 'dul ba'i rtags su/ smin ma ag tshoms me stag phyogs bcur 'phro/ khams
- 267a
gsum dbang du sdud pa'i rtags su/ zhal bgrad mche ba gtsigs nas/ hUM dang phaT kyi nga ro drag po 'don pa/ gdug pa thams cad bsgral ba dang / khro bo thams cad dbang du sdud pa'i rtags su/ ljags 'dril mche ba'i gseb nas gnam lcags me 'bar thog tu 'bebs pa/ dur khrod kyi ma mo thams cad 'bangs su 'khol ba'i rtags su/ sku stod glang chen gyi ko rlon mi lpags mchog gis brgyan pa/ gnod sbyin dregs pa thams cad bran du 'khor ba'i rtags su/ sku smad dpa' bo stag gi sham thabs rin chen sa gnyis brgyan pa/ gdug pa'i klu rnams 'dul ba'i rtags su/ sbrul nag gis brgyan pa/ dug gsum rtsad nas gcod pa'i rtags su/ mi mgo rkam rlon tshar gsum gyis se ral kha ru brgyan pa/ rdo rje srin po bran du 'khol ba'i rtags su/ rdo rje 'phreng ba snyan cha mgur chu do shal dpung rgyan la/ snang srid ma lus thugs la gsal ba'i rtags tu/ zhabs gyad kyi dor thabs nyi zla'i steng na bzhugs pa/ nyon mongs pa thams cad yid kyis bsregs pa'i rtags su/ bskal pa me ri'i nang na gtum khro drag shul che ba/ rdo rje dang ldan pa'i mchog/ rdo rje 'dzin pa kun gyi rje/ zhes gsungs/ de ltar thugs su gsal bsgoms na/ ye shes thugs kyis bdud rnams bsreg/ rang byung mthu yis srid pa gsum kyang sgrol bar byed/ ces
- 267b
gsungs/ dam tshig chen po nga yis bshad/ de nas yang dag bshad bya ba/ ye shes snying po thugs kyi dbang bskur 'di bzhin te/ rdo rje 'dzin pa'i thugs ka ru/ thugs mchog ye shes rtse lnga pa/ cha gang me ltar 'bar ba'i gong seng na/ a las zla ba/ ma las nyi ma'i dkyil 'khor me long chung tshad tsam gyi khar/ baM las pad+ma'i ge sar la/ chos sku skye ba med pa'i rtags su/ yi ge a dkar po las ye shes sems dpa' dmigs ye shes snying po ye nas dag cing rgyas pa'i rtags su/ sku mdog dkar po gser gyi gshog pa can/ ye shes kyi snying po 'phrin las drag po ye nas mdzad pa'i rtags su/ mchu sder lcags las grub pa/ drag po dbang du 'dus pa'i rtags su/ ljags dang spyan rtsa dmar ba/ thabs dang shes rab 'brel ba'i rtags su/ rdo rje rwa gnyis rab tu brjid pa/ thugs mchog cir yang dgongs pa'i rtags su/ yid bzhin nor bu gtsug na 'bar ba/ ye shes snying po thugs su gzigs pa'i rtags su/ gser mig 'khyil pa/ thugs rjes kun la gzigs pa'i rtags su/ khro gnyer glog tu 'khyug pa/ gdug pa thabs kyis 'dul ba'i rtags su/ sbrul zhal du gsol ba/ ye shes sku la gcad du med pa'i rtags su/ lus la rdo rjes gtams pa/ de ltar tshon gang gsal dmigs te/ ye shes thugs mchog 'gyur ba med pa'i rtags su/ thugs ka/
- 268a
rdo rje gro rgan tsam/ ye shes kyi thugs la gsal 'grib med pa'i rtags su/ ma las nyi ma'i gdan sran ma leb pa tsam/ rig pa byang chub sems kyi snying po ye shes rang byung 'phel ba'i rtags su/ snying po hUM yungs 'bru tsam/ snying po thabs shes rab tu 'brel ba'i rtags su/ nyi zla kha sbyor gyi bar na snying po 'od zer du 'phro ba/ byang chub sems kyi snying po la cis kyang mi tshugs pa'i rtags su/ rdo rje bum pa na gnas pa/ byang chub kyi snying po thugs rje ye shes dang ldan pa'i rtags su/ rtsa sngags ga ru Da 'bru dgus phyogs mtshams su bskor ba/ thugs rje byang chub kyi sems kyi snying rje byams dang ldan pa'i rtags su/ ye shes kyi 'od zer rnam pa lngas bskor ba/ ye shes rnam pa lnga dang snying po byang chub kyi sems/ dus gsum 'du 'bral med pa'i rtags su/ oM dang 'brel te bsnyen pa'o// ye shes zang thal du 'char ba'i rtags su// 'od zer rnam pa lnga lus kyi yan lag rtsa ru 'brel nas byang chub sems kyi sgo phyi nang du gsal ba ye shes kyi snying po cig pas gzugs sku sna tshogs su 'char ba'i rtags su/ 'od zer rnam pa lnga kha dog ma 'dres pa yongs su rdzogs pa/ thugs rje chen po'i byin gyis rlabs kun la khyab pa'i rtags su/ zer phyogs bcur 'phro yin rgyug pa/ thig le byang chub la 'dus pa'i rtags su/ ngo bo gsal la rang bzhin stong pa
- 268b
nyid/ thig le bde stong du rtogs pa'i rtags su thig le 'od kyis khyab pa/ de ltar snying po ye shes gsal dmigs na/ byin brlabs shugs kyis sa bcu lam lnga bgrod/ snying rje'i las kyis pha rol sgrol/ zhes rdo rje sems dpas gsungs/ de phyogs rnal 'byor dmigs pa gsal bar sgom/ bying rgod rlung gis mkhyen na/ thig le zhar la skye zhes gsungs/ thig le skyes pas gzung 'dzin shugs kyis 'gag/ gzung 'dzin 'gags na bde ba kun tu snyoms/ de ltar grol na sangs rgyas yin/ zhes rdo rje rgyal bas gsungs/ rig pa gsal byed sgron ma'i le'u ste nyer bdun pa'o// // rtsa ba byang chub kyi sgron ma 'di/ rig pa stobs su gyur pa cig dang phrad par shog/ de nas de nyid bshad bya'i phyir// rtsa ba byang chub sems kyi rig pa 'di bzhin gsal// de ltar ye shes gsal bsgoms tshe// srid pa lta byed rgyal po ste// thugs kyi me long gces bar gsungs// ye shes thugs kyi me long gsal byed 'di// thugs rje nyi ma'i snying po 'dra// las kyi rgyal po de nyid sgrub pa'i phyir// mthong lam 'phro 'du'i byin rlabs bshad// dang po ting 'dzin rnam gsum nas// tshogs bsogs snying rje mchog gis bskyed// lam gyi yan lag rdzogs pa dang // thabs kyi yan lag rdzogs zhes gsungs// ye shes thabs kyi rgyal po sgom// ye shes thabs kyi rgyal po las// ye
- 269a
shes thugs kyi shes rab me long 'di bzhin sgom// bya rgod lta bu'i sems min pas// rnal 'byor thabs kyi ye shes zang thal rtogs pa yis// shes rab thugs kyi me long dag gsal lta// stobs su gyur pa'i byang chub kyis// phyogs bcu'i sangs rgyas rnams kyi zhal mthong ste// kun tu bzang po'i zhing khams cis kyang snang // gzugs rnams thams cad ye shes snying po snang ba'i sku// snang ba'i gzugs brnyan thams cad kun// de nyid yang dag snying po rang byung rang las shar ba yin// dper na lteng ka'i chu dang zla ba chu zla bzhin du shar// thig le byang chub sems kyi dpe// bum pa'i mar me lta bu'o// thig le byang chub sems kyi 'od// dper na nyi ma zer gyi kha dog bzhin// rang gsal bde gsal kun tu snang // thig le rang sar grol ba'i dpe// za 'og dpe khyim lta bus mtshon// thig le gnyis su med pa'i / nam mkha' bzhin du yongs la khyab// de ltar gnyis su snang ba'i yon tan gzugs brnyan thams cad kun// snying po rang las shar ba yin// ye shes sku ste rang byung ba// mi g.yo bsam med chos kyi / sku// de ltar sku phyogs bcu'i sangs rgyas thams cad kyi snying po rang la shar ba yin/ de bzhin de yi ngang las byung // mi g.yo lam bstan chos nyid dang // kun tu bzang po'i thugs dang mnyam// byin
- 269b
rlabs thams cad shu las 'byung // zhes gsungs/ de ltar nam zhig rtogs pa'i tshe// phyogs bcu'i sangs rgyas thams cad bdag/ bdag nyid thugs la 'dus ces rdo rje sems dpas gsungs/ de ltar snying po byang chub mthong ba'i tshe// rtsa ba byang chub sems kyi las 'grub ste// 'bras bu de bzhin gshegs pa thob// ces rdo rje rgyal bas gsungs// gsal byed sgron ma'i le'u ste nyer brgyad pa'o// // gsang sngags thugs kyi yang mdzod/ lha spyod dam pa 'di/ skal ldan skyes mchog cig dang phrad par shog/ de nas de nyid bshad pa'i phyir// thar lam byang chub sems kyi sgron ma bshad// bdag nyid chen por rab dmigs nas// byang chub sems kyis tshogs bsags te// 'phrin las gzhung bzhin bya bar gsungs// thabs kyi yan lag rdzogs pa dang // thar lam byang chub 'di bzhin sgom// ye shes thugs kyi snying po las// phyogs bcur 'od 'phros 'jig rten khyab par dmigs// bde gshegs thugs mchog mnyes pa phul// 'gro ba yongs kyi sdug bsngal sbyangs// byang chub sems su gyur nas tshur 'dus hUM la thim// thugs kyi dbang thob byin rlabs zhugs par bsam// las su rung ba'i dbang thob ste// mthing nag 'od zer bkrag dang ldan// thugs kyi dbang thob 'od 'phros te// rdo rje'i ra phrag rgyud phug ste// rdo rje 'dzin pa'i thugs kar ston// de bzhin rgyun nas
- 270a
gsung mchog pad+ma'i rdo rje nas// gong bzhin 'phro 'dra'i las byas te// tshur 'dus gsung mchog aM la thim// gsung gi dbang thob byin rlabs zhugs par bsam// las su rung ba'i dbang thob ste// gsung mchog rdo rje pad+ma rdo rje dmar la gdang // gsung gi dbang thob 'od 'phros pas// rdo rje rwa phrag rgyud phug ste// nas g.yas nas g.yon du phug/ klad pa dung khang gi nang du 'od du 'khyil// tshangs pa'i bu ga nas gong bzhin du/ 'od kyi rgyud ma chad par phyogs bcu kun tu 'phros pa las// bde gshegs su mchog mnyes pa phul// 'gro ba yongs kyi sdig sgrib sbyangs// byang chub sems nas tshur 'dus pas// sku mchog ye shes oM du gyur// sku'i dbang thob byin rlabs zhugs par bsam// sku gsung thugs las su rung ba'i dbang thob/ snying po hUM las hUM grangs med pa rdo rje'i ra phrag rgyud phug nas/ rdo rje 'dzin pa'i thugs kar ston/ de bzhin rgyud nas thugs khar gsung gi aM la thim/ rje'i ra phrag rgyud phug nas/ rdo rje 'dzin pa'i thugs kar ston/ de bzhin rgyud nas thugs khar gsung gi aM la thim pas/ hUM mthing ka aM dmar por gyur/ rdo rje'i ra phrag rgyud phrag nas/ nas g.yas nas g.yon du phug zhugs/ sku mchog yi ge oM la thim/ aM dmar po oM la thim/ oM dkar por gyur nas/ tshangs pa'i bu ga nas gong bzhin du 'od 'phros pa las/ srid pa gsum kyang 'od du ldem gyi zhu/ byang chub sems kyi
- 270b
bdud rtsi dkar dmar du gyur ste/ 'jig rten gyi khams kun byang chub kyi bdud rtsis khengs par dmigs/ tshur 'dus bdag nyid gsos sbyangs te/ bdag nyid bdud rtsi byang chub sems su gyur pas/ de nas hUM zhes brjod pas/ sems nyid mngon du gyur te/ 'od zer rnam pa lnga la gong bzhin du 'phros te/ phyogs bcu kun tu khyab pa las// bdud rtsi nyid la nyid sbyar te/ bdud rtsi nyid la sems nyid byang chub thig le 'od du 'dri la/ snying po gnyis su med pa yis// snang srid rgyal ba'i zhing khams su gyur te/ dkyil 'khor lha dang lha mo dang / gtso dang 'khor dang bcas pa dmigs te/ 'jig rten gyi khams thams cad kun tu bzang po'i zhing khams su lta'o// dper na za 'og gi be khyim mam/ nyi zer gyi rdul cha bzhin du dmigs so// de ltar ye shes kyi lha tshogs gsal ba'i dus su/ snying po byang chub kyi rgyu la dri med dag pas/ dri yang dag pa'i lha spyod dag par mthar phyin pa'o// snying po byang chub sems kyi snang ba kun dang dus gsum du sbyar bas/ snang srid thams cad lha'i dkyil 'khor du gsal bar rtogs pas/ ma hA yo ga'i lha spyod mthar phyin pa'o// snying po byang chub kyi sems ye nas stong gzhi dag las/ ye shes lnga dang ldan pa'i phyir/ a nu yo ga'i stod spyod mthar phyin pa'o// de'i tshe snying po byang chub kyi sems za 'og gi be khyim bzhin du
- 271a
thugs rje ma 'dres la yongs su rdzogs pas/ rdzogs pa chen po a ti yo ga mthar phyin pa'o// de'i tshe snying po byang chub kyi sems thig le bde stong bdag med du gsal bas/ chos kyi sku la mngon par rdzogs par sangs rgyas zhes rang bzhin rdo rje 'dzin pas gsungs// de ldan rnal 'byor don spyod na// gsang sngags rdo rje 'dzin pas gsungs// mthar phyin byang chub sems kyi sgron ma/ las kyi rgyal po'i le'u ste nyer dgu pa'o// / 'jam dpal bshes gnyen thugs kyi yang mdzod gsal ba'i sgron ma 'di/ rgyal po ba su d+ha ra'i thugs su rgyud/ mtsho ma dros pa'i 'gram/ ri spos ri ngad ldan gyi rtsar/ shing chen dpag bsam ljon shing gi rtsa bar klu'i rgyal po'i dngos grub thob ste/ gsang sngags kyi lha spyod 'dis gtan la dbab pa'o// de nas de nyid yang dag bshad bya ba/ rtsa ba las kyi rgyal po chos nyid a la bstim pa'i phyir/ rtsa ba byang chub sems kyi sgron ma bshad/ dang po ting 'dzin rnam gsum nas/ byang chub sems kyi yan lag rdzogs byas te/ snying po byang chub sems kyi 'bras bu/ mthar phyin rgyu skye med 'di bzhin sgom/ ye shes thugs kyi snying po las// byin brlabs 'phro 'du 'od bzhin dmigs// snang srid thams cad byin brlabs dbang bskur nas// thams cad lha'i phyag rgyar shes shing rtogs pa
- 271b
las// bzlas brjod brten pa rdzogs par 'bul// yengs pa med pa'i ting 'dzin gyis// chos skur gsal ba dang bying med rgyun du bzlas/ ngang la rgyun du gnas pa/ bde gshegs thugs te sbyang mi dgos// sangs rgyas sa la gnas pa yin// de nas de nyid bshad pa'i phyir// ye shes snying po thugs kyi snying po las// gong bzhin thugs kyi 'phro 'du ste// snang srid thams cad dbang gi rang bzhin du// dmar phyam gyis zhu bar bsam/ de las dbang gi lha tshogs su gyur te/ srog gi dgongs pa shes par bya/ de nas dbang gi lha tshogs thams cad/ bdag gi sku gsung thugs la 'dus te/ rang bzhin du 'dus thim par bsam/ dper na nyi ma'i snying po la/ zer phyogs bcu nas 'dus pa bzhin nam/ chu zla zla ba la 'dus pa bzhin nam/ gzugs brnyan gzugs sku la 'dus pa bzhin du/ dus gsum gyi sangs rgyas thams cad dbang gi rang bzhin du gyur nas/ bdag nyid kyi sku gsung thugs la gnyis su med par thim par bsam mo// de ltar dbang rims rdzogs pa na// gnyis med byin rlabs rang la 'char// sems kyi byin rlabs sna tshogs 'byung // yi dam lha gsal lung ston 'byung // kun tu bzang po'i thugs dang gnyis med gnyis su med pa ston/ zhes dam tshig chen po nga yis bshad// de nas de nyid bshad bya ba// ye shes thugs kyi snying po
- 272a
las// gong bzhin thugs kyi 'phro 'du ste// snang srid thams cad drag po'i las su gyur te/ rdo rje 'dzin pa'i khro bo'i sku gsung thugs la gong bzhin du thim par bsam mo// de nas drag po'i las byas na// rang rig snying po byin rlabs can// srid pa gsum yang sgrol bar 'gyur// ye shes thugs kyis bdud rnams bsreg/ rang byung mthu yis srid pa gsum yang sgrol bar nus zhes gsungs/ zhes dam tshig chen po nga yis bshad// de nas de nyid bshad bya ba// ye shes thugs kyi snying po las// gong bzhin thugs kyi 'phro 'du las// snang srid thams cad zhi rgyas kyi las su gyur te/ ye shes sems dpa'i sku gsung thugs la gong bzhin du 'dus par bsam mo// de nas zhes pa'i las byas na// rang rig snying po byin rlabs kyis// mi ro rkam po la bdud rtsi'i zil thigs 'byung ba bzhin// thang cig yud kyis shes pa skye// skye ldog zla tshes lta bur bshad// byin rlabs bdud rtsi lta bu yin// kun kyang sos par nga yis bshad// byin rlabs shugs kyis sa bcu lam lnga bgrod/ rdo rje'i las kyis kha lo bsgral/ zhes rdo rje sems dpa' nga yis bshad/ de nas de nyid bshad bya ba/ ye shes snying po las/ 'phro 'du'i las rnams rdzogs pa dang // gnyis su med phyir rdzogs rim bshad// gnyis med gnyis su med pa'i phyir// snang srid thams
- 272b
cad snying po rang gi sems// snying po 'du 'bral med pa ste// yang dag mtha' ste rnam par gnas// bdag med seng ge'i sgra dang ldan// zhes dam tshig chen po nga yis bshad// e ma ho/ chos rnams thams cad rmi lam tshul// snang stong ngo bo nyid kyis dben// ma skyes pa yi chos nyid 'di// dngos por bden par ma gsungs so// sgyu ma'i tshul du skyed pa yin// sgra ming tshig las 'das pa yin// rang gi ngo bor bstan du med// 'jig med dbang po'i sa thob pas// bde gshegs sku ste sbrang mi dgos// theg gsum sa bcu mi gnas pa'i// rnal 'byor rdzogs rim mchog gi sa// gsang sngags mchog gi spyod pa rnams// rnal 'byor mchog gi mchog 'dod pas// dang po tshogs lam bskyed pa nas// ting 'dzin rim 'jug sems rtsal sbyang // las su rung ba'i ting 'dzin gyis// 'phrin las gso bzhin bya bar gsungs// de nas byang sems mthar thug 'di bzhin sgom// snang srid gnyis med rang la bsdu// rang sku lha yi nga rgyal kyang // gong bzhin rims kyis bsdu ba ste// bye tshan la yar mar thim mam// rdo tshan la kha ba bab pa bzhin du bsdu/ rdo rje dang snying po yang 'od du zhu ste/ aM la thim par bsam/ oM yang hUM yungs 'bru tsam la thim pas/ huM de ye shes lnga dang ldan te/ snying po de nyid chos sku las/ mi nyams par bya ba'i phyir zhabs kyu 'a la bsdu/ 'a ha la
- 273a
badz+ra/ hazla ches la bas+t+ra/ zla ches zlum po zag le can la badz+ra/ zag le byang chub sems kyi rang bzhin meng snang bar dmigs te/ de'i cha de'i dus na snang srid thams cad chos kyi sgra'i ngang du gnas par gyur te/ sdang srid thams cad thig le bde stong pa bdag med du shes par bya'o// de'i tshe byang chub kyi lam mthar byin to// sku gsung 'du 'bral med de rdo rje 'chang // yang dag rdzogs pa'i sa la gnas// phyag rgya chen po'i sgra zhes de la gdags// de la bshad du med do// de la gcad du med do rdo rje rgyal// zhes rang bzhin rdo rje sems pas gsungs/ de ltar de la spyad par bya zhes/ dam tshig chen po yis bshad// rtsa ba byang chub sems kyi sgron ma/ las po'i lha spyod bstan pa'i le'u ste sum cu pa'o// // bdag 'dra sangs rgyas ye shes kyis// rgya yi skad bskur lo tsA'i tshig sbyangs nas// rgyal po ba swa d+ha ra'i dgongs pa 'di// rin chen snying po gser phul nas// mos gus dad pa'i sgo nas zhus// srog gis btsal kyang 'di don mi rnyed de// las 'phro dag pa cig dang phrad par shog/ dus la bab na smon lam ba can par shog// //
- 274a
rgya gar skad du/ na ga rA dza pu ri tan tra ti tsi tsit+ta ya/ bod skad du/ klu'i rgyal po mchod rten gyi rgyud thugs yang dag pa/ dpal phyag na rdo rje la phyag 'tshal lo// 'di skad bdag gis zos pa'i dus gcig na/ bcom ldan 'das thugs rje che la thabs mkhas pa de 'dzam bu'i gling du sems can gyi don mdzad nas/ shar phyogs gangs kyi ri bo chen po la byin gyis brlabs pa'i gzhal yas khang / rin po che sna bzhi las grub pa/ me tog sna tshogs dang / bdug spos sna tshogs dang / rgyan sna tshogs kyis brgyan pa/ bkra shis pa'i bya sna tshogs kyis sgra sgrog pa'i gzhal yas khang de na/ sems can thams cad la tshad med pa khyab pa'i ting nge 'dzin la snyoms par zhugs te/ de yang sems can thams cad kyi don la brtson pa'i phyir/ byang chub sems dpa' spyan rang gzigs dang / byang chub sems dpa' 'jam dpal dang / byang chub sems dpa' phyag na rdo rje la sogs pa mang po dang thabs gcig tu ting nge 'dzin la gnas so// de nas 'dzam bu gling gi sems can thams cad bde skyid phun sum tshogs pa dang yang ldan/ tshe dang dbang zang yang rgyas/ bar du gcod pa'i 'byung po kun yang nye bar zhi/ sangs rgyas kyi bstan pa dar ba'i dus na/ lho phyogs kyi 'jig rten gyi khams na/ ri nag po dgu 'das pa na gangs kyi ri'o// de'i phyi rol na spos
- 274b
kyi dad ldan pa'i tshu rol na/ chu zheng lnga bcu dngas pa'i mtsho chen po ma dros pa zhes bya ba/ klu thams cad kyi gnas chen po de na/ klu dang / gnyen dang / sa bdag la sogs pa kun gyi gzhal yas khang bsam gyis mi khyab pa yod do// de rnams kyi dbus na/ rin po che sna bzhi las grub pa'i gzhal yas khang rgya yongs su ma chad pa/ phyi nang med pa rin po che dngul gyi rtsigs pa bsam gyis mi khyab pa dang / rin po che gser gyi brtsig pa bsam gyis mi khyab pa dang / rin po che zangs kyi brtsig pa bsam gyis mi khyab pa dang / rin po che lcags kyi brtsig pa bsam gyis mi khyab pa dang / dbus na gser gyi pad+ma 'dab ma brgyad pa 'od zer sna tshogs kyi 'phreng ba dang ldan pa/ rdo rje'i ka gdung can/ chu srin nyi ma'i rgyan btang ba/ sbrul dang sbal pa mang po'i zar tshags/ rin po che'i gru chad bzhis brgyan pa/ rdo rje rin po che dang / pad+ma rin po che dang / rin po che rin po che dang / 'khor lo rin po che dang / bzhi'i gdan la klu'i rgyal po gzhon nu gtum po zhe bya ba sprul pa stong dang ldan pa/ sku'i man ngag las 'bum dang ldan pa// srid pa gsum dbang du sdud par byed pa/ srid pa gsum dbang du 'gyed par yang byed/ khams gsum gyi sems can rnams la mdangs dang ldan par byed/ mdangs 'phrog par yang byed/ lo tog dang / sman dang / nags tshal dang / mgo
- 275a
lcogs rnams smin cing rgyas par yang byed/ 'bri zhing mi smin par yang byed/ skyes pa dang bud med rnams nad tsi tsi dza la dang / 'bras dang / shu ba dang / phol mig dang / g.yam pa la sogs gtong bar yang byed/ gso bar yang byed/ 'byung po dang / srin po dang / dur khrod kyi bdag po dang / gnod sbyin ma rungs pa la sogs pa rnams 'joms shing rlag par yang byed/ mi rlag cing 'joms par yang mi byed/ klu nang la mthun zhing gtong grogs dang ldan par yang byed/ mi mthun zhing klu nang zas su za bar yang byed/ de lta bu'i klu mi srun pa de/ stobs dang ldan pa'i ri zhes bya ba/ spos kyi ngad du ldan par 'byung ba/ gzhal yas rin po che sna bzhi las grub pa/ yang rtse yod pa/ nyams dga' ba/ sa bsil ba/ yid du 'ong ba/ me tog sna tshogs pa dang yang ldan/ de na rdzu 'phrul ston cing bzhugs so// de nas 'dzam bu gling gi mi rnams kyis kyang / mtsho ma dros pa dang spos ngad ldan pa'i ri la rdzu 'phrul dang ldan pa'i klu gzhon nu gtum po zhes bya ba/ srid pa gsum dbang du sdud pa cig gis sems can thams cad mi bde bar byed do zhes bya/ ba yang grags so// de nas klu'i rgyal po gzhon nu tum po de/ stobs dang rdzu 'phrul yang rgyas par gyur nas/ sems can thams cad la mi bde ba rnam pa sna tshogs kyang 'byung // rims dang / yams dang / mdze nad
- 275b
dang / 'bras kyi nad dang / phol mig la sogs pa thams cad gtong bar byed/ me tog dang / 'bras bu dang / lo tog dang / rtsa ba dang / sman dang / mgo lcogs la sogs pa smin par yang byed/ grong khyer chen po ser skya ru/ ser bas sog ma yang med par byed/ grong khyer chen po ser skya ru skye ba sum brgyar sad kyis bcud thams cad med par yang byas/ rlung sna tshogs gtong bar yang byed/ 'byung po dang ma rungs pa rnams rlag par yang byed/ klu nang zas su za bar yang byed/ skyes pa dang bud med kyi mdangs 'phrog par yang byed/ nad tsi tsi dza las zin par yang byed/ sangs rgyas kyi bstan pa 'jig pa la thug/ 'dzam bu'i gling gi sems can rnams kyang bred cing 'dar/ 'jigs shing sdug bsngal dang ldan pa dang / bcom ldan 'das dgongs pa mdzad pa'i spyan snga ru/ byang chub sems dpa' phyag na rdo rjes zhus pa/ bcom ldan 'das 'dzam bu'i gling du klu'i rgyal po gzhon nu gtum po zhes bya ba/ rdzu 'phrul stong dang ldan pa/ sprul pa bye ba dang ldan pa zhig gis sems can rnams kyi srog dang dbugs 'phrog par yang byed/ sad dang / ser ba dang / mu ge la sogs pas 'dzam bu gling du bkrag med par gtong / 'dzam bu'i gling gi sems can thams cad bred stor bar yang byed/ sangs rgyas kyi bstan pa 'jig par yang byed/ bcom ldan 'das
- 276a
kyis 'dul bar bgyi 'tshal na/ ji ltar mkhyen pa dang / thugs rjes gdul bar bgyi/ de skad ces gsol ba dang / ting nge 'dzin las bzhengs nas bcom ldan 'das kyis bka' stsal pa/ kye ma phyag na rdo rje khyod 'jigs shing skrag par ma byed cig/ sngon yang 'jig rten khams su ma rungs pa'i khro bo'am/ gdug pa thams cad kyis 'jig rten gyi khams 'jig pa la thug pa la/ thugs rje dang byin rlabs kyis thul ba yin gyis/ 'dir yang bran bzhin du thul te 'ong bas/ 'khor rnams kyang ting nge 'dzin gyi rtsal ma zhan cig ces gsungs nas/ klu'i rgyal po 'dul ba'i ting nge 'dzin la snyoms par zhugs so// de nas phyag na rjes bcom ldan 'das la gsol pa/ bcom ldan 'das srid pa gsum yang zhig la khad/ lo tog dang me tog thams cad bskams/ grong khyer chen po ser skur skye ba lnga brgyar ser bas sog ma man chad med par byas pas thugs rje dang ting nge 'dzin gyis kho'i gnas su gshegs nas gdul 'tshal lo// zhes gsol pa dang / bcom ldan 'das kyi bkas stsal pa/ dpal phyag na rdo rje legs so// khyod 'khor rnams dang ldan cig tu sog ma med kyi khyim du 'deng ngo // ji ltar thul bar byin gyis brlabs zin gyis gsungs nas ting nge 'dzin las bzhengs so// de nas bcom ldan 'das klu'i rgyal po sog ma med kyi gnas su gnod sbyin
- 276b
gyi sde dpon chen po phyag na rdo rje la sogs pa 'khor dang thabs cig tu bzhugs so// de nas bcom ldan 'das de bzhin gshegs pa shAkya thub pa/ klu'i rgyal po sog ma med kyi khyim du gshegs nas/ bcom ldan 'das kyis glang po che'i lta stangs kyis sbrul nag po ri rab tsam cig tu sprul nas/ mdzod spu'i bu ga nas 'od zer rnam pa lnga 'phros te sog ma med kyi gnas 'od zer gyis snang bar mdzad/ bcom ldan 'das kyis glang po che'i lta stangs kyis kyang bltas/ klu'i rgyal po sog ma med kyis 'od zer gyis snang bar byas pa yang mthong / bcom ldan 'das klu chen po'i gzugs su bzhugs pa yang mthong nas/ kye ma kye ma zhes skrag cing lus zhum ste/ ba spu gyen du 'greng zhing lus 'dar nas bcom ldan 'das kyi gzi brjid ma bzod de/ khro gtum pas zil gyis non nas nga'i khyim du dgra gzhan 'ongs pa 'di su zhig yin/ klu chen po dang stobs 'gyed nus pa 'di su zhig yin/ srog dang dbugs rngub cing bza' bar bya'o// srog 'phrog par bya'o// dbugs dbyung bar bya'o// nad tse tsi dza la gtang ba bya'o// ral gri dang gtun shing gi char dbab par bya'o// gnam lcags kyang dbab par bya'o// zhes zer zhing klu'i rgyal po sog ma med khros nas 'khrug par gyur/ khros pas gad mo'i sgra phyung / smin ma dpral bar bsdus/ bzhin bsgyur/ lce dril/ skra
- 277a
'greng / skrag par byed/ lag na mtshon thogs te sgra chen po ca co'i sgra phyung nas/ 'jigs pa chen po glog 'bar ba 'byin cing / sprin nag po chen po las bcom ldan 'das kyi steng du gnam lcags dbab par 'dod pas/ glog gi tshogs kyang brdeg par 'dod/ de nas bcom ldan 'das kyi byams pa dang thugs rje gzigs nas/ gsang ba'i bdag po lag na rdo rje/ klu'i rgyal po sog ma med sdigs shig ces bka' stsal to// de nas lag na rdo rje bcom ldan 'das kyi bka' nyan nas/ sog ma med kyi khyim dang nye bar rdo rje gsor zhing khro ba'i sngags 'di brjod cing song ngo // na mo rad na tra yA ya/ na maHtsaN+Da badz+ra pA Na ye/ ma hA yak+Sha se nA ba ta ye/ oM tsaN+Da d+ha be ka pa re b+ha/ sa ra sa ra bi ri tu tu tu mu la sa ma ya bi ri/ hu ru hu ru hUM/ tiSh+Tha tiSh+Tha b+ho b+ho pan d+ha nA ga nan d+ha pra ha ra tu/ mahA kro d+ha rA dza s+phu ta s+phu ta/ be'i re bai'i re/ sa ra sa ra/ ma man+ta tu ti/ hUM hUM phaT phaT swA hA/ de nas rig pa'i rgyal po gsang bsgrub kyi sngags 'di brjod ma thag tu/ klu'i khyim dang bcas te 'dzam bu'i gling thams cad me 'bar ba gcig tu gyur to// de nas klu'i rgyal po sogs ma med kyis gsang ba'i bdag po lag na rdo rje la 'di skad ces/ kye phyag na rdo rje dang nga ci'i phyir stobs 'gyed nus/ ngas dbugs rngub pa gcig gis bza' bar bya'o// khyod kyi srog dang dbrog
- 277b
par bya'o zhes smras so// de nas gnod sbyin gyi sde dpon phyag na rdo rje khros 'khrugs zil gyis non nas lus rab tu 'dar zhing khros pa'i gad mo 'byin/ mche ba gtsigs/ mig bgrad de/ klu'i rgyal po'i bka' sdod cig/ yang nga'i rtags gang yin pa ring por mi thogs par bstan par bya'o// nga'i stobs gang yin klu'i rgyal pos ltos shig/ rdo rje 'bar ba gsor zhing klu'i rgyal po sog ma med la brdeg par 'dod// bdag gis klu'i stobs dang bcas pa/ bzhon pa dang bcas pa gzhom par bya'o// de nas bcom ldan 'das kyis 'di skad ces phyag na rdo rje ha cang yang khro ba'i dbang du ma 'gro bar phyag na rdo rje khyod kyis klu'i rgyal po skrag par byos la/ klu'i rgyal po rnams la ma 'tshe zhig/ ces bka' stsal pa dang / de nas gnod sbyin gyi bdag po lag na rdo rjes/ rdo rje 'bar ba cig ri khyim la bsnun no// de nas klu'i khyim dum bur bcom nas/ rdo rje 'bar ba mig ces bya ba khros pa'i ming smras pa/ s+pho Ta ya hUM hUM phaT swAhA/ nA ga bi d+ha ra na ya hUM hUM phaT swA hA/ sarba sha truM pra ma na tha ya hUM phaT/ bi ri bi ri swA hA/ krod+ha na sha ya phaT/ bi da ra na ya phaT/ ma ra ya phaT ku la ud sad ka na ya phaT/ sa smin ka ra na ya hUM hUM phaT phaT swA hA/ de nas gnod sbyin gyi sde dpon chen po lag na rdo rjes/ khro bo chen po'i dkyil 'khor klu thams cad 'chi bas
- 278a
'jigs pa byed pa'i mchod pa'i sngags zab mo 'di brjod pa tsam gyis bshad ma thag tu ri dang / brag dang / khyim dang tshal dang / skyed mos tshal dang bcas pa 'di dag thams cad g.yos so// rab tu g.yos so// 'ur ro// rab tu 'ur ro// chem chem mo/ rab tu chem mo// 'gul to// rab tu 'gul to// de nas klu'i rgyal po sog ma med 'jigs skrag ste/ khro ba dang bral te/ snying stor lus 'dar nas/ lus la rdul phyung nas/ snying nas ngo tsha ba dang bcas par gyur nas/ bcom ldan 'das kyi zhabs gnyis la spyi bos gtugs te/ 'di skad ces bcom ldan 'das la bzod par gsol/ gong du bdag gis gnod sems sngar byas pa brjed par 'tshal lo// bcom ldan 'das phyag na rdo rjes bshad pa/ khro bo chen po drag shul chen po'o// gtum po drag po 'jig par bgyid pa lags na/ bcom ldan 'das de las bdag skyabs su gsol// zhes zhus pa dang / bcom ldan 'das kyis gsungs pa/ klu'i rgyal po khyod phyag na rdo rje la bzod par gsol cig/ klu'i bdag po khyod sdug bsngal mang po 'byung bar mi 'gyur ro// zhes bka' stsal to// de nas gnod sbyin gyi sde dpon lag na rdo rjes/ bcom ldan 'das la 'di skad ces/ bcom ldan 'das kyis spyan snga na mchis bzhin du/ de dag snying 'dul ba dka' zhing / rdo rje mi
- 278b
bzad pa'i gnam lcags 'bebs/ ri'i char 'bebs/ lo tog rnams 'joms/ sad dang / sprin dang / rlung 'byung ba'i sprin dang / glog 'bar ba gtong bar bgyid na/ bcom ldan 'das ma 'ongs pa'i phyi ma'i tshe/ phyi ma'i dus na/ sems can mi srun pa rnams kyi ched du me ma mur gyi char 'bebs par ci ste mi bgyid de me lce 'bar ba dang glog 'gyu ba dag gtong bar bgyid na/ ral gri dang / gtun shing dang / 'khor lo dang / mdung thung gi char 'bebs par bgyid/ bcom ldan 'das klu'i sgra dag gis kyang / lo tog thams cad kyi bcud 'phrog par yang bgyid/ sems can thams cad kyi mdangs 'phrog par bgyid/ srog 'joms par yang bgyid do// bcom ldan 'das de lta bu la bdag nyid kyis ji ltar brjod pa tsam dang / dran pa tsam gyis klu thams cad kyi lus zhig par 'gyur zhing / klu thams cad kyi snying 'gas par 'gyur ba dang / lan bdun brjod pa tsam gyis klu thams cad dum bu lnga bcur chad pa dang / klu'i rgyal po thams cad 'joms par 'gyur ba dang / de bzhin du ma rungs pa thams cad dang / phyir rgol ba thams cad dang / dgra rnams rnam par 'jig par 'gyur ba dang / rul bar 'gyur ba dang / phung bar 'gyur ba dang / myag par 'gyur ba dang / lus la me 'bar ba la sogs las/ de lta bu brjod pa yin/ de la bcom ldan
- 279a
'das kyis ji ltar sems can bde ba thob pa dang bcas par 'gyur ba dang / klu thams cad 'dul bar bgyid pa 'di byin gyis brlabs zin gyis/ dkyil 'khor gyi rtog pa klag pas grub pa/ bsgrub par ma byas par rig pa brjod pa tsam gyis mod la las byed pa yin te/ tshes grangs dang sbyar ba med/ skar ma dang sbyar ba med/ sbyang ba dang sbyar ba med par las 'di la bsgrub pa yang mi dgos/ de la las byed par 'dod na/ khro bo rgyal po rang brjod pa 'ba' zhig tu zad do// de nas khro bo chen po phyag na rdo rjes/ khro bo chen po rdo rje khu tshur gyi snying po mi zad pa'o// khro bo dang klu thams cad kyi srog 'phrog pa/ drag po chen po dang ldan pa/ klu thams cad kyi dam tshig smras pa/ oM sU ta sU ta/ ma hA kro d+ha hUM/ sid+d+hi sid+d+hi s+pho Ta ya hUM phaT swA hA/ de nas phyag na rdo rjes khro bo chen po'i dam tshig chen po phyi bsgrub kyi yang snying las thams cad pa'i gzungs brjod ma thag tu klu chen po dang / brang gis 'gro ba'i klu dang / nya'i klu dang / grul bum gyi klu dang / sa srin gyi klu dang / 'byung po'i klu dang / sbal pa'i klu dang / lcong mo'i klu dang / sbrul gyi klu dang / klu rgyal rigs dang / bram ze'i rigs dang / rje'u rigs dang / dmangs rigs dang / gdol pa can dang / gnyen gyi klu dang / klu'i rgyal po dga' bo dang / klu'i rgyal po pad+ma dang / klu'i rgyal po pad+ma chen po dang / klu'i rgyal po
- 279b
nor rgyas dang / klu'i rgyal po gzi ldan dang / klu'i rgyal po thod chung dang / klu'i rgyal po dung skyong dang / klu'i rgyal po ba su ta ka dang / klu'i rgyal po se na dang / klu'i rgyal po dag sha ka dang / klu'i rgyal po sog ma med dang / sha za ba la sogs pa'i klu de dag thams cad kha bub tu 'gyel nas sdug bsngal chen po nyams su myong ngo // de nas phyogs bcu nas klu rnams nye bar rings par 'ongs nas/ klu'i rgyal po sogs ma med kyis sna drangs te/ de bzhin gshegs pa'i zhabs gnyis la phyag 'tshal te/ 'di skad ces klu'i rgyal pos gsol pa/ phyag na rdo rjes sngags bshad pa ni mi bzad pa lags te/ 'byung po thams cad kyis bzod par dka' ba/ 'chi ba dbyug pa stobs po che lags so// zhes gsol to// yang sog ma med kyis/ bcom ldan 'das la gsol pa/ bcom ldan 'das la skyabs su gsol to// dam tshig la yang bdag gi bu dang bcas/ gnyen dang gzhon pa dang bcas te gnas par bgyi'o// bdag bde ba la gnas par bgyid do// phyag na rdo rje stobs po che mgon lags te/ dpung dang bcas te bzhon pa dang bcas pa gsum la skyabs su gsol lo// gang dang gang du khro bo chen po'i snying po klog pa dang / dran pa dang / ming tsam 'dzin pa 'chi ba'i sgo nas kyang / bdag gis stobs dang bcas/ gzhon pa dang bcas pas gnod pa bgyid mi nus
- 280a
so// yongs su sgrub pa'i phyir kun tu dus dus su char dbab par bgyi/ bcud gtang bar bgyi'o// lo tog dang / me tog dang / 'bras bu smin cing rgyas par bgyi'o// thams cad du hUM zhes brjod pa tsam gyis las bgyi'o// dam tshig can gang na gnas par yang gnod sdig mi bgyid do zhes gsol pa dang / de nas yang klu mang po gzhan rnams kyis/ bcom ldan 'das la yang gsol pa/ bcom ldan 'das kyis bdag cag la yang bskyabs su gsol/ dam tshig la yang bdag cag klu rnams bu dang bcas/ chung ma dang bcas/ gnyen dang bcas te/ bdag cag bde ba la gnas par bgyi'o// phyag na rdo rje stobs po che/ mgon lags te/ bu dang bcas pa gsum la skyabs su mchi'o// 'dir ri la gnas pa'i klu gzhan gzhon nu/ gzhon nu gtum po klu mang ba'i nang na dgra bgyid pa/ bdag cag klu gzhan srog 'joms par bgyid pa'i dgra de dag bsal du gsol/ gang dang gang na khro ba'i snying po klu thams cad skrag par byed pa 'di klog pa dang / dran pa dang / ming tsam yang 'dzin pa mchis pa'i sgo nas kyang bdag cag klu rnams stobs dang bcas pa/ gzhon pa dang bcas pa gnas der gnod sdig mi bgyid pa lags kyang / de thams cad dam tshig la gnas par bgyid do// yongs su bskyab pa'i phyir kun tu dus dus su char dbab par
- 280b
bgyi'o// bcud gtang bar bgyi'o// thams cad du hUM zhes brjod pas zhi bar bgyi'o// bdag gi dam tshig bskyang bar bgyi'o// dam tshig can gang na gnas par yang gnod sdig mi bgyid do zhes klu gzhan gyis gsol pa dang / de nas bcom ldan 'das kyis/ klu'i rgyal po sog ma med dang klu gzhan rnams la bka' stsal pa/ klu'i bdag po dang klu mang po rnams la dam tshig smras pa de legs so// de de bzhin du byos shig/ phyi ma'i tshe phyi ma'i dus na bcol ba ni/ 'di lta ste/ 'dzam bu gling gi sems can thams cad skyab par gyis shig/ phyi ma'i tshe phyi ma'i dus na/ lo tog dang / me tog dang / 'bras bu dang / lo ma dang / 'dab ma dang / rtsa ba dang / mgo lcogs dang / sman dang / nags tshal thams cad yongs su sbyang bar gyis shig/ klu'i rgyal po khyed la rjes su gdams pa ni 'di dag yin te/ 'dzam bu'i gling rin po che sna bdun gyi rang bzhin du byas pa yin gyi/ gzhan ni ma yin no// zhes bka' stsal pas/ de nas klu'i rgyal po dga' bo la sogs pa klu de dag thams cad kyis// bcom ldan 'das kyi zhabs gnyis la btud de/ 'di skad ces gsol to// bcom ldan 'das ci ste dam tshig sngar gsol ba las/ gzhan du bgyid cing rjes su mi bsgrub na/ bcom ldan 'das bdag cag gis phyogs bcu'i de bzhin gshegs pa rnams bslus
- 281a
par gyur cig/ lus rul cing dri nga bar gyur cig/ dum bu lnga bcur 'jig par gyur cig/ dam tshig nyams par gyur cig/ bdag cag yang dag par rdzogs pa'i sangs rgyas mi thob par gyur cig/ ji ste bdag khro bo'i dam tshig las 'gal bar byed na/ ri la gnas pa'i klu gzhon nu gtum po ma gtogs par/ dgra thams cad 'joms pa'i klu gzhan mang po dang bdag mi mthun par gyur cig/ bcom ldan 'das ri la gnas pa'i klu gzhon nu gtum po la bdag cag gis sdom pa sbyin mi nus so// zhes klu gzhan gyis gsol to// bcom ldan 'das kyis klu'i rgyal po de dag la legs so legs so// de bzhin du byos shig bka' stsal to// bcom ldan 'das gzhan yang khro bo'i rgyal po 'di dang / rig pa 'dzin pa ni sngon ston pa mngon sum du mthong ba bzhin du lta'o// phyag na rdo rje stobs po che dang mnyam pa dang 'dra ba ni// bdag gis ma mthong ma 'tshal to// de bzhin gshegs pa'i gzungs brjod pa rnams la bdag gis rna ba'i bu gas mnyan par bya'o// hUM zhes bya ba'i sgra brjod pa tsam gyis kyang bran gyi dngos po mchi bar bgyi'o// mthong bas sbyin par bgyi'o// char dbab pa'am/ mi dbab pa'am/ char chungs na ji ltar bsgo ba bzhin du bsgrub par bgyi'o// khro bo'am zhi ba de bzhin du bcom ldan 'das hUM zhes bya ba'i sgras 'tshal
- 281b
bar bgyi la/ bcom ldan 'das de bzhin du lus bsgrub par bgyi la/ thams cad du klags pas 'grub pa'am/ bla na med pa 'grub par bgyi'o// dril bu'i sgra dang rdo rje gsor bar bgyi'o// rdo rje dang dril bu'i sgra brjod pa tsam gyis las thams cad bgyi'o// ci bsams pa'am ci bcol ba'i las bdag gis bsgrub par bgyi'o// de nas klu'i rgyal po sog ma med nyid kyis/ bcom ldan 'das dang / phyag na rdo rje la gsol pa/ bdag kyang gong du gsol pa las gzhan du mi bgyid do// bran dang / khol po dang / las mkhan bzhin du bgyis na/ ston pa bcom ldan 'das dang phyag na rdo rje gnyis kyis byin gyi brlabs kyis bdag mnar med pa'i dmyal bar gyur cig/ 'on pa dang long bar gyur cig/ mdze can dang shu ba can du gyur cig/ mig nas me 'bar bar gyur cig/ mgo a dza ga'i dog pa ltar 'gas par gyur cig/ lus rul zhing dri nga bar gyur cig/ de ltar ngam mnos pa bzhin las thams cad 'grub par bgyi'o// dus dus su char pa'i rgyun dbab par bgyi'o// sad dang / ser ba dang / rlung 'byung ba thams cad med par bgyi'o// ji srid du las 'bum byed par 'gyur ro// hUM zhes brjod pa'am/ rdo rje gsor ba'am/ dril bu dkrol ba'i sgra brjod pa tsam la rna ba'i bu gas mnyan pa'i las bgyi'o// ston pa mngon par
- 282a
mthong ba dang 'dra bar rig pa 'dzin pa kun gyi las bgyi'o// 'phags pa rtog pa'i rgyal po mchod rten rgyud las/ sngon byung ba gleng gzhi'i le'u ste dang po'o// // de nas phyag na rdo rjes/ bcom ldan 'das la 'di skad ces gsol to// kye bcom ldan 'das klu'i rgyal po gzhon nu gtum po de/ thugs rje dang ting nge 'dzin gyis sngon byung ba de ltar btul na/ srid pa gsum gyi sems can thams cad la/ mthu stobs des don bya ba'i ched du/ nga rjes su bslab na ji ltar bsgrub// rjes su bsgrub mi 'tshal lam zhe na/ de nas bcom ldan 'das kyis 'di skad ces bka' stsal to// dpal phyag na rdo rje khyod nyon cig/ mthu stobs dang ldan pa'i gzhon du gtum po de/ sems can gyi don du rjes su bsgrub par bya'o// phyag na rdo rjes gsol pa/ kye ma bcom ldan thugs rje can/ rjes bsgrub ji ltar sgrub ce na/ thabs cig mi 'tshal lam zhe na/ zhes gsol pa dang / bcom ldan 'das kyis bka' stsal pa/ phyag na rdo rje nyon cig/ klu'i rgyal po 'di byang chub mchog tu sems bskyed// dbang drug cu rtsa gnyis kyang rdzogs par yang bskur// rig pa'i ye shes kyang skyes nas/ klu'i rgyal po yang yid shin du gdungs par gyur/ 'khor ba la skyo ba drag tu skyes nas/ bcom ldan 'das kyi zhabs la spyi bos phyag byas nas/ bcom ldan 'das bdag cag sngar
- 282b
yang las ngan pa'i dbang gis zhe sdang gi rigs klu ru skyes/ da lta ma rig pa'i dbang gis srid pa gsum la gnod pa yang byas pas/ ma rig pa'i dbang gis bgyis pa lags kyang / bdag mnar med pa'i dmyal babar mchi lags pas/ bcom 'das dad pa skyes pa la brten nas// bcom ldan 'das kyis thugs rjes bzung la/ bdag bla na med pa'i sa la rdo rje 'chang chen po thob par 'tshal na/ bcom ldan 'das ji ltar thugs rje dang byin gyi rlabs kyis gzung bar bgyi'o// zhes gsol pa/ bcom ldan 'das kyis klu'i bdag po de la legs so legs so// de ltar yin gyis kyang / khyod 'gyod sems drag tu skyes pa dang / sems bskyed pa dang / dbang bskur ba dang / ye shes skyes pa dang / khyod sdug bsngal bar mi 'gyur ro// khyod kyang ngas bstan pa 'di la las 'bum gyis la/ rig pa 'dzin pa'i las kyis shig/ khyod phyi ma'i tshe phyi/ ma'i dus na rgyal ba byams pa'i bstan pa la/ sa brgyad pa'i byang chub sems dpar skye bar bya'o zhes gsungs so// de nas klu'i rgyal po yang dga' bas rgyas par gyur nas/ las thams cad rjes su bsgrub par bgyi'o// de nas bcom ldan 'das kyis klu'i rgyal po las 'bum byed pa'i ting nge 'dzin la snyoms par zhugs so// de nas phyag na rdo rjes// bcom ldan 'das la gsol pa/ kye ma bcom ldan 'das dges pa
- 283a
chen po/ snying rje'i ting nge 'dzin la bzhengs la rjes sgrub rim pa bshad du gsol/ las kyi gtso bo du tsam bdog/ las kyi bye brag ji ltar lags// bdag gis ma 'tshal bshad du gsol// de nas bcom ldan 'das dgyes pa chen pos/ snying rje'i ting nge 'dzin las bzhengs nas/ dpal phyag na rdo rje legs so de legs so// rjes bsgrub las kyi rim pa bshad// las kyi gtso bo rnam lnga ste// las kyi bye brag bsam thag cad// de nas phyag na rdo rje yis// las chen lnga po ji ltar lags// bdag gis mi 'tshal bshad du gsol// bcom ldan 'das kyis bka' stsal pa// bsnyen pa bsgrub dang klu bsgrub dang // tha ma gnan pa gsod dang gsum// dbul ba yang phyir gter bsgrub bzhi// sems can phan gdags nad gso lnga// bde gshes 'dus pa'i las chen po// gnyen po dang po sgrub pa ji ltar lags// bdag gis mi 'tshal bshad du gsol// nyon cig dpal ldan phyag na rdo rje// gnyen po la yang rnam gnyis te// phyi sgrub dus su phyag na rdo rje ste// nang sgrub dus su bya khyung ga ru Da'o// gsang sgrub dang po bshad par bya// dang po nyams dga' sa phyogs bya// rgyas pa'i gtor ma mnyam bzhag la// ba'i lnga mdzes maN+Dal bsham// spos dang tsan dan dri yis dgang / khrus dang gtsang sgras lus rgyas bya// byed pa'i stan la gnas nas kyang //
- 283b
shudz+nyA na yi sngags brjod pas// bdag dang dngos kun stong par bsam// de nas rang sems hUM du sgom// de nyid spro dang bsdu byas nas// de nyid yongs su gyur pa las// badz+ra zhes pa'i sgra brjod pas// bdag nyid rdo rje rtse dgur bsgom// de nyid sgro dang bsdu byas nas// de nyid yongs su gyur pa las// badz+ra pA Ni'i sgra brjod pas// bdag nyid phyag na rdo rje sku// zhal gcig phyag gnyis spyan gsum pa// g.yas pa rdo rje rtse dgu 'phyar// g.yon pa dril bu dku ru brten// sku mdog mthing nag rab tu 'bar// dbu skra ser po gyen du 'bar// zhabs gnyis bgrad bas klu rnams gnon// lus la klu lnga'i rgyan gyis brgyan// mgo la / rgyal rigs sbrul dkar khra// ske la bram ze sbrul ser khra// dpung la rje rigs sbrul dmar khra// rked pa la dmangs rigs sbrul sngo khra// rkang pa la gdol pa sbrul nag khrag/ mthong ba tsam gyis klu rnams skrag/ de thugs a las zla dkyil de// dbus su yi ge hUM yang sgom// de zer las byung phyag na rdo rje'i sku// snga ma ji bzhin spyan drangs la// gnyis su med par bstim par bya// de nas gsang sgrub snying po bzlas// na mo rat+na tra ya yA/ na maHtsaN+Da badz+ra pA Na ye/ ma hA yak+Sha se nA pa ta ye/ oM tsaN+Da be ga ba re b+ha/ sa ra sa ra bi ri/ tu tu tu mu la sa ma ya bi ri/ hu ru hu ru hAM/ ti Sha ti Sha b+ho b+ho ban/ nA ga nan/ d+ha pra
- 284a
ma ha ra tu/ mahA krod+ha rA dza s+thA ta s+tha ta/ be re be re/ sa ra sa ra man ta tu ti/ hUM hUM phaT phaT swA hA/ ting 'dzin ma nyams gsang sngags bzlas/ klu rgyal chen po bsgrub par bya'o// srid gsum 'byung rdul du rlog/ slar 'dus rang gi hUM la bstim// bdag nyid gzi mdangs bskyed par bya'o// 'bum mam bye bar brjod par bya// gsang sgrub bsgrubs rtags byung ba dang // phyi bsgrub nang bsgrub gsang sngags bzlas/ klu rgyal chen po bsgrub par bya'o// de nas skabs su mchod pa dang // gtor ma dag gtang sngags rings kyis// de nas dkyil 'khor lus la bsdu// rtog pa'i rgyal po mchod rten gyi rgyud las// gsang bsgrub dang po bstan pa'i le'u ste gnyis pa'o// // de nas phyag na rdo rjes gsol pa// kye kye bcom ldan 'das/ gsang bsgrub dang po gsungs pa yis// klu rnams ma lus bran du 'gyur// zab mor sbyor ba bshad pa legs// gnyen po gnyis pa bshad du gsol// legs so dpal chen phyag rdo rje// gsang bsgrub gnyis po ngas bshad kyi// dang po bde ldan gnas mchog tu// dri dang me tog gis spras pa'i// gzhal yas khang mchog mdzes pa ru// bde bar stan la 'dug nas su// shU n+ya ta yi sngags brjod pas// bdag dang dngos kun stong par bsgom// de yi ngang las yi ge keng kar bsgom// de nas keng na ra ken zhes
- 284b
brjod pas// bdag nyid bya khyung ga ru Da// sku mdog gtso ma'i gser 'dra bsgom// g.yas g.yon gshog pas bar snang khebs// gnam lcags stong gi mchu sder can// me dpung 'bar ba'i 'phro 'du can// ba spu nyag ma re re la// bsam gyis mi khyab khro chung khro// mig gnyis nyi zla rab tu 'bar// klu rgyal stong gi gdan gyis mdzes// mthong ba tsam gyis klu rnams 'bros// klu 'dul ga ru Da'i skur bsgoms la// khyung dkar bstod bzlog ngan bsngags bzlas// oM rA dza ma hA ga ru Da hUM hUM/ oM badz+ra pA Ni ga ru Da hUM hUM dza dza ra tsa pri tshe hUM phaT/ nyi shu rtsa bdun gsang sngags mchog/ klu rnams mang po skrag par 'gyur// rgyun du bzlas na dngos grub thob// rtag tu gu gul dkar po lus la brten// gla rtsi chu yis lus po bkru// de nas bya khyung rgyal po bskul// dpag bsam shing las bzhengs pa'i bya khyung khyod// gser mig 'khyil pa'i 'od zer khyod// ye shes spyan la lcags kyi gshog pa can// rdo rje mchu sder thogs med lcags kyu can// ri rab rtse na gnas shing rgya mtshor mchu btsugs te// klu rgyal gdan du bting nas klu bran zas su za// de phyi klu rnams nga yi bka' la nyon// klu rnams nga yi bka' la ma nyan na// klu yi gnas ris stong zhing brlag ga re// de ltar klu rnams bka' las ma 'da' zhig/ nga yis bka' las 'das gyur
- 285a
na// nam mkha' lding gi rgyal pos zos par 'chi'o// de nas rbad pa'i sngags kyang bzlas// oM ra tsa ma hA ga ru Da/ khyung rba hur hur b+h+yo// 'di ni gsang sngags bcu gsum pa'o// yi ge chad na nus pa med// drag na klu rnams skrag par byed// gar song song bzlas na sdig che bas// rmi lam log pa byung na bzlas// las mi btub na bzlas par bya'o// gtor ma dbul na zan gyi chang bu brgya rtsa dang / sha chang nya rnams mang por dbul// de yi phyag rgya bca' ba ni// mthe bong gnyis bsnol mdzug mo gnyis cig bsnol// gung mo gnyis kyi rtse mo sprad de brkyang // srin lag gnyis ni thung bar nang du bkug/ mthe'u chung gnyis ni zad du so sor brkyang // gtor ma dbul ba dang / rtag tu bsnyen pa dang / dang po bar dang tha ma dag tu bsgrub/ bya khyung rgyal po phyag rgya 'di dag yin/ dzaHhUM baM ho/ ga ru Da pA tsa swA hA/ bA ling kha hi khA hi/ zhes gtor ma gtong ngo // ma grub spogs pa'i cho ga yis// glang bu dmar po zangs la legs byas te// de'i khong du dngul chu blugs te// gzugs rten gang na yod pa der// 'og tu sbas na dgos 'dod der kyang grub/ khro ni yi ge cig pa yin// gnas lnga srung ba rtsa bzhi gnan// 'di yang bla ma'i zhal las shes// gsad dang bsrung ba'i man ngag yin// gsad par song na 'di lta ste// lto ru song na lbos drir 'chi// ra la
- 285b
song na dri ru 'chi// gtong la song na mdze ru 'ong // lag pa gnad na zha grum 'ong // gsang gnas dgag na skye rgyud 'chad/ min na ma dang sring mo 'chi// 'di yang khyad par las lnga yin// rmongs pa phal gyi spyod yul min// de nas bcom ldan 'das phyag na rdo rje yid dga' rab tu skyes nas/ legs so legs zhes gsol to// rtog pa'i rgyal po mchod rten gyi rgyud las/ zab mo khyung gi sgrub thabs kyi le'u ste gsum pa'o// // de nas phyag na rdo rjes gsol pa// kye kye bcom ldan thugs rje can// bsnyen po bsgrub pa rab rdzogs nas// klu rgyal chen po bsgrub pa'i phyir// phyi bsgrub rim pa bshad du gsol// de la yang ni rnam gnyis te// yang snying spu ta'i las bshad 'tshal// legs so dpal ldan phyag na rdo rje/ khyod la nga yis bshad par 'tshal/ khyod kyis rtse gcig yid kyis nyon// sems can rnams la phan gdags phyir// bye
- 286a
ba 'bum sde las 'di bshad// dang po bsnyen pa bsgrub pa bshad// dang po nyams dga'i sa phyogs su// dri dang me tog gis spras pa'i// gzhal yas khang mchog mdzes pa ru// bsnyen pa'i sgrub lugs gsum pa las// gang yang rung bar rnams bya'o// klu gtor rgyas pa legs bshams la// bdag gzhan gsal bar bskyed bya ste// dang po stong nyid ting 'dzin bsgom// de'i sngags ni/ oM shun+ya tA dz+nyA na badz+ra swA b+hA ba At+ma ko&haM/ bdag dang dngos kun stong par bsam// de nas rang nyid hUM du bsgom// de nas spro dang bsdu byas te// 'od du gyur pa bsgom par bya'o// badz+ra zhes bya ba'i sgra brjod pas/ bdag nyid rdo rje rtse dgur bsgom// de'i spro bsdu byas 'od du zhu// badz+ra pA Ni zhes brjod pas// bud+d+ha mchod sems can gyi don byas/ bdag nyid sgrib pa byang / bdag nyid phyag na rdo rje'i sku// zhal gcig phyag gnyis spyan gsum pa// g.yas pa rdo rje rtse dgu pa// g.yon pa dril bu dku la brten// sku mdog mthing nag rab tu 'bar// dbu skra ser po gyen du 'khyil// zhabs gnyis bgrad pas klu rnams gnon// lus la sku lnga'i rgyan gyis brgyan// mgo la rgyal rigs sbrul dkar khra// ske la bram ze rigs sbrul ser khra// dpung pa la rje rigs dmar khra// sked pa la dmangs rigs sbrul sngo khra// mgo bo khar bcug za ba'o// rkang pa la gdol
- 286b
can sbrul nag khra// mthong ba tsam gyis klu rnams skrag/ de thugs a las zla dkyil 'khor// de dbus yi ge hUM yang sgom// de zer las byung phyag na rdo rje'i sku// snga ma ji bzhin spyan drangs la// gnyis su med par bstim par bya// des ni bdag nyid bskyed par bya'o// mdun du pam las ban d+ha ni// btso ma gser 'dra'i rnam pa bskyed// de yi nang du yi ge phuH/ ser po gsal bar bsgom par bya// de spro bsdu bya 'od du zhu bas// nA ga zhes bya ba'i sgra brjod pas// gur kum mdog 'dra'i sbrul ser po// lus po gcig la mgo bo bdun pa// ban d+ha gang bar bzhugs par bsam// de nyid 'od du zhu ba las// ma hA nA ga rA dza'i sgras// sngags kyi bdag po'i sku bskyed do// gzugs mdzes byis pa chung ngun gyi// cha byad gser gyi mdog tu gnas// sku tshad bcu drug sor dang ldan// ro stod mi la ro smad ni// gdug pa sbrul du 'khyil bar bskyed// sbrul mgo bdun gyi gdeng kas mdzes// zur phud lnga pa'i cod pan can// thal mo sbyar nas bka' sdod pa'o// de thugs ma las nyid dkyil 'khor// de dbus sa bon phuHser sgom// de 'og las byung sngags bdag sku// snga ma ji bzhin gzugs kyi sngos// ma dros mtsho nas spyan drangs la// snga ma'i gzugs la gnyis med bstim// de las ci zhig bya zer// mdun na bka' ni sdod pa la// bran dang khol po las
- 287a
mkhan dang // g.yog po'i tshul du gyis shig pa'am// bgegs la sogs pa tshar gcod pa// bka' bsgo'i rim pa sna tshogs bya// de nas klu yi snying po bzlas// oM pu ta pu ta mahA krod+ha hUM/ sid d+hi sid d+hi/ sgo Ta ya hUM phaT swA hA/ las dag grangs med las la 'jug na 'bum rgyun du bzlas na dngos grub thob// de ltar sbyor ba zab mo 'di// bcom ldan 'das kyi zhal nas gsungs pa/ rtog pa'i rgyal po mchod rten gyi rgyud las/ bdag gzhan bskyed pa'i le'u ste bzhi pa'o// // de nas phyag na rdo rjes gsol// bsnyen pa bsgrub pa bshad pa legs// kye kye bcom ldan 'das bsnyen pa la yang du tsam bdog/ bsnyen pa'i bsgrub lugs ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/ khyod ni rtse gcig yid kyis nyon// bsnyen pa la yang rnam gsum ste// phyi gnyis nang gsum gsang sngags kyis// gang ltar bzlas kyang klu rnams 'grub// bsnyen pa'i bsgrub lugs gnyis yin te// brten can bsgrub dang brten med do// brten can bsgrub la rnam gnyis te/ khang bu'i tshul du bsgrub pa'o// rten med gtor ma la brten nas// mdun du ting 'dzin bdag gzhan bskyed// de la khang bu'i bsgrub pa ni// dben pa'i gnas sam khyim gyi nang / khru gang tshad ldan
- 287b
khri rtsigs la// steng du pad+ma 'dab brgyad bya// de steng tshad ldan bdag gis ni// sku mchog mdzes pa brtsigs par bya'o// phyi rol g.yam khang gru bzhi rtsigs sbyin pa'i sa dang shog 'dag dang // gur kum chu dang sbrang rtsi dang // tshal dang ga pur tsan dan dang / khyim gyi sa dang khyim gyi chu// gtsang po chen po'i chu dang ni// gangs dang gting rings khron pa'i chu// klu rgyal klu yi rgyu ru bshad// mdzes pa'i sku mchog bzhengs nas kyang // rin chen gser chus sku mchog bsgyur// shar lho mtshams su nya gdong bzhag/ lho nub mtshams su rtag gdong bzhag/ nub byang mtshams su mar ka ta// byang shar mtshams su se mdzes so// de rnams dkar ser dmar sngo mdog/ dar dang za 'og gur kyang dbub// gser dngul zags lcags byu ru sogs// gtor ma rgyas dang spos sogs kyis/ khang bu'i nang yang dgang bar bya// bdag gzhan bskyed cing bsnyen pa drangs// skabs su gtor ma gtang zhing bskul tshig stod// spos dud gtang zhing sngags bdag kyang // nyin gsum mtshan gsum sbyor ba yis// bod cing las bcol dam bdar ro// de nas klu rgyal dngos su bsgrub// ci 'dod las kyang byed par 'gyur// bris sku'i tshul du bsgrub pa ni// gtsang ma'i ras la mchod rten ni/ khru gang mtho gang sor drug tshad// mdzes par bris la dbus su ni// sngags
- 288a
bdag rgyal po tshad ldan bri// bri ba'i gzugs la yang rnam gnyis te// sku tshad bcu drug sor dag la// ro stod mi la ro smad ni// gdug pa sbrul du 'khyil ba las// sbrul mgo bdun gyi gdeng kas mdzes// thal sbyar bka' ni nod par bri// yang na bcu dgu sor dag las// zhabs gnyis dngos su brkyang pa can// sbrul mgo bdun gyis rab mdzes pa'i// sbrul mgo sbrul gyi logs gnyis nas// gsum dang bzhi yis 'khril nas kyang // g.yas g.yon zhabs gnyis dag kyang ni// sbrul bdun dag gis chun por 'khril ba bri// thal mo sbyar nas mdzes par bri// de yang brten bya'i rim pa'o// yang na mdzes pa'i ban d+ha'i nang // gur gum chu yis legs byugs nas// tsan dan chu yis legs par byug/ shog bu dag la klu rgyal gzugs bris la// maN+Dal khar bzhag bdag gzhan bskyed// de yang rten gyi rim pa'o// khang bu'i / bris sku gzugs rnams la// spyan dbye bsnyen pa'i rim rdzogs nas// mchod pa byas la bsnyen pa'o// rtog pa'i rgyal po mchod rten gyi rgyud las/ bsnyen pa'i grangs dang bsnyen pa'i bsgrub lugs bstan pa'i le'u ste lnga pa'o// // de nas phyag na rdo rjes/ bcom ldan 'das la gsol pa/ kye kye bcom ldan thugs rje can// phan gdags las kyi rim pa las// nad brtag rim pa gang yin pa// bdag gis mi 'tshal bshad
- 288b
du gsol// legs so dpal ldan phyag na rdo rje/ khyod la nga yis bshad par bya/ khyod kyis rtse gcig yid kyis nyon// skad cig tsam gyi ting 'dzin gyis// bdag gzhan legs par bskyed byas nas// mdun du gtor ma legs bzhag la// ming dang rus pa legs dmigs la// phyi bsgrub snying po spu ta bzlas// de nas bdag la nyams myong ni// yang dag pa ru lus la 'byung // mgo nas zhugs nas na na ni// ma mo'i rigs rnams yin par shes// snying nas zhugs nas na ba dang // 'phyo zhing 'gro snying 'dod pa dang // mi dga' drag por na ba dang // rgyal pos rgyab brten byas par shes// rked pa na dang rtsa rnams 'khrug/ lus po lci dang rkang lag na// lus po sbrid dang smin ma zad// sha ro byung dang sha bkra byung // lus la sha 'phrig byung ba dang // sa bdag klu gnyen yin zhes bya// de ltar rang gi nyams ci byung dang // nad pa dag dang bsnun par bya// mthun par gyur na gso ru btub// mi mthun na gso mi btub par shes par bya// de 'dra'i sbyor ba zab mo ni// sangs rgyas la ni 'byung mi 'gyur// rtog pa'i rgyal po mchod rten gyi rgyud las// nad pa gso ru btub mi btub bstan pa'i le'u ste drug pa'o// // de nas phyag na rdo rjes/ bcom ldan 'das la gsol pa// kye kye bcom ldan thugs rje can// nad pa skad ngan rim pa yi// gang gnod 'dre
- 289a
yis ngos gzung la// bdag gis mi 'tshal bshad du gsol// legs po dpal ldan phyag na rdo rje/ khyod la nga yis bshad par bya/ khyod kyis rtse gcig yid kyi nyon// dang po ya stegs bsag byas te// shing skra btsan dug ske tshe dang // nyungs kar gu gul kla sran dang // tshil chen dag dang sbyar te btub// zhib tu btags te ri lu bya// sran ma chung shos tshad du'o// de la bsnyen pa 'bum tsho bskul// de nas nad pa'i gan dag tu// bdag gzhan legs par bskyed byas la// bka' bsgo rim pa tshul bzhin bya// de nas thugs kha'i 'od zer las// sngags bdag bskul te bgegs bkug nas// nad pa'i snying kha'i dri la bstim// bgegs kyi dngos por gyur par bsam// de nas lag pa'i srin lag nas// dkar nag skud pa btags nas ni// sngags mkhan cig gis 'dzin du gzhug/ de nas slob dpon dag gis ni// gyo mag nang du me blugs phyi sgo zam khar khyer/ rdo rje'i 'gros bya dril bu dkrol rdo rje gsor/ rdo rje 'gros re re la ril bu re me'i nang du bsreg par bya/ bdun gyi grangs ni thim pa dang // nad pa'i gan du 'ongs nas ni// sna ru bdug cing gsang sngags bzlas// de yi ting 'dzin rim pa ni// rang nyid e las gru gsum ni// chos 'byung sbyor ka'i rnam par bsam// de nas mtshon cha'i char phab la// bgegs kyi dngos po myags
- 289b
par bsam// de ltar byas na nad pa ni// skad ngan 'don cing smra bar 'gyur// de su zhig yin zhes bri// phyi bsgrub snying po spu ta bzlas// mtha' rten mA ra ya yang gdags// de yi sbyor ba zab mo ni// bgegs la sogs pa dngos su 'ong // rtog pa'i rgyal po mchod rten gyi rgyud las/ nad pa skad ngan 'don pa'i le'u ste bdun pa'o// // de nas phyag na rdo rjes gsol pa// tsi tsi dza la gso ba'i phyir// klu bsgrub dkyil 'khor bshad du gsol// legs so dpal ldan phyag na rdo rje/ khyod la nga yis bstan par bya/ khyod kyang rtse gcig yid kyis nyon// dang po nyams dga'i sa phyogs su// bgegs la sogs pa bskrad byas nas// dkyil 'khor chen po bri bar bya/ khru phyed nas tsam khru do'i bar// maN+Dal khod snyoms dgod par bya// de ltar snyoms pa'i maN+Dal la// mkhas pas thig chen gdab par bya// gnam thig dag kyang gdab bar bya// de nas sa thig gdab par bya// slob dpon khro bdag shar du bltas// slob ma mdzes ldan nub tu blta// bya rog bdag po thig skud gdab// de nas slob dpon lhor bltas nas// slob ma byang bltas thig cig gdab// de nas zur thig gnyis po gdab// thig skud dag ni btab pa'i tshe// gsang chen phyag na rdo rje'i snying po bzlas// dgra bgegs tshogs rnams byer bar bsam// thig chen brgyad las
- 290a
bcu drug gdab// de las sum cu so gnyis so// de la dbus su pho brang bya// de yi rgyab tu pad+ma'o// de yi rgyab sgo sbrul mgo bya// de nas tshon gyi rim pa gtang // dbus su nag po pad ser bya// gru chad ljang khung sgo rnams phyogs dang bstun// shar sgo dkar te lho ser nub dmar// byang sgo ldang ste sbrul mdzes mtshon pa bya// de ni tshon gyi rim pa'o// de nas gzugs brnyan dgod bya ste// dbus su phyag na rdo rje'i gzugs// pad+ma 'dab ma brgyad la klu chen brgad// shar du sngags bdag rang dang dgu// gru chad brgyad la mdzo rtol brgyad// gnyen gyi rigs su shes par bya// lha rnams dag dang sgo bzhi la// rigs lnga'i klu tshogs dgod par bya// shar du rgyal rigs lhor bram ze// nub tu rje rigs dgod par bya// byang du dmangs rigs gdol can dgod// de dag la yang bdun bdun te// sbrul dkar sbal pa lcong mo dang // 1 dang chu rta chu lug chu glang ngo // sbrul mgo phyin phyogs dag tu ni// sa bdag srin po dgod par bya// de ni gzugs brnyan rim pa'o// de nas rgyan rnams dgod par bya// rnal 'byor pa ni nub tu blta// shar lho mtshams su gtor ma gnyis// lho nub mtshams su bum pa bzhag/ nub byang mtshams su rma bya gzugs// byang shar mtshams su bdud rtsi bzhag/ byang du klu shing sgreng la bzhag/ lho ru nad pa'i 'dug sa bya// hom
- 290b
gyi cha rkyen hom dang sbag/ sbyor tsa'i cha rkyen rang sar bzhag/ dar dang ras kyi yol ba dgram// spos dang tsan dan dri yis bdugs// ba dmar 'o ma rtag tu bzung // gtsang ma'i gos dang zas bza' 'o// 'dod chags tshogs dang bsnol kyang spong // bum pa'i chu yis rtag tu bkru// dgos pa'i ya stags 'tshog par bya// de ni rgyan gyi rim pa'o// de nas dkyil 'khor bskyed bya ste/ shu dz+nyA na yi sngags brjod pas// thams cad stong pa'i ngo bo bsam// de nas b+haM la gzhal med khang // gru bzhi pa la sgo bzhi pa// 'dab brgyad pad+ma sbrul mgos brgyan// de yi dbus kyi lte ba la// yi ge mthing nag hUM yang bskyed// phyogs brgyad pad+ma dag la ni// phuHdgu rnal 'byor pas sgom bya// de bzhin gzugs brnyan thams cad la// yi ge phuHyi rnam pa bsam// de nas dbus kyi hUM las ni// spros bsdus 'od du zhu ba las// badz+ra zhes bya sgra brjod pas// rdo rje nag po rtse dgu bsgom// de nas spro dang bsdu byas nas// badz+ra pA Ni sgra brjod pas// phyag na rdo rjer gyur par bsgom// de thugs a las zla dkyil bsgom// de stengs sa bon hUM yang bsgom// de zer las byung phyag rdor dgug/ de nas phuHkun zhu ba las// sbrul mgo bdun pa dgu bskyed do// sa bon gnyis las 'od 'phros pas// dbyings nas klu chen dgu yang dgug/ de bzhin phuHkun zhu ba
- 291a
las// gzugs brnyan gang yin ngo bo bsam// de nas klu tshogs mang po kun// las ni ci bya zer ba las// bka' bsgo rim pa sna tshogs bya// de nas phyag na rdo rje la// sngags rigs bklag cing rnam lnga dbul// de nas sngags bdag dbu gzung nas// sa bdag sa srin yan chad la// klu sman bdud rtsi'i mchod pa dbul// de la yang ni rnam bzhi ste// spyan drangs mchod pa dbul ba dang // sngags rings klag dang shan ting gdags// stong tsho re re gdags par bya// de nas spyan drang mchod pa dbul// slob dpon nad pa la sogs kun// bum pa'i chu yis legs par bkru// klu rnams kun la mchod pa dbul// hUM/ sngags kyi bdag po spyan 'dren na// dkar gsum dag gi bdud rtsi dbul// dkar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas kyang // klu rnams mdangs dang ldan gyur cig/ 'dis 'og ma rnams 'dra'o// mngar gsum dag gi bdud rtsi 'bul// mngar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas kyang // klu rnams mdangs dang ldan gyur cig/ snying bu zho sha'i bdud rtsi 'bul// snying bu zho sha'i bdud rtsi yis// klu yi snying nad sos gyur cig/ klu yi snying nad sos nas kyang // klu rnams mdangs dang ldan gyur cig/ mkhal ma zho
- 291b
sha'i bdud rtsi 'bul// mkhal ma zho sha'i bdud rtsi yis// klu yi mkhal nad sos gyur cig/ klu yi mkhal nad sos nas kyang // klu rnams mdangs dang ldan gyur cig/ rgya mtsho sbu ba'i bdud rtsi 'bul// rgya mtsho sbuslu ba'i bdud rtsi yis// klu'i klad pa 'khrugs pa sos gyur cig/ klad pa 'khrugs pa sos nas kyang // klu rnams mdangs dang ldan gyur cig/ dbang po lag pa'i bdud rtsi 'bul// dbang po lag pa'i bdud rtsi yis// klu yi rkang lag na ba sos gyur cig/ rkang lag na ba sos nas kyang // klu rnams mdangs dang ldan gyur cig/ chu srin sder mo'i bdud rtsi 'bul// chu srin sder mo'i bdud rtsi yis// klu yi sder mo gog pa sos gyur cig/ sder mo gog pa sos nas kyang // klu rnams mdangs dang ldan gyur cig/ 'gron bu dkar po'i bdud rtsi 'bul// 'gron bu dkar po'i bdud rtsi yis// klu yi sro nad sos gyur cig/ klu yi sro nad sos kyang // klu rnams mdangs dang ldan gyur cig/ til mar dag gi bdud rtsi 'bul// til mar dag gi bdud rtsi yis// rna ba'i dbang po nyams pa sos gyur cig/ rna ba'i dbang po nyams pa sos nas kyang // klu rnams mdangs dang ldan gyur cig/ dung gtsug g.yas su 'khyil ba'i bdud rtsi 'bul/ dung gtsug g.yas su 'khyil ba'i bdud rtsi yis// klu yi rus pa chag pa sos gyur cig/ klu yi rus pa chag pa
- 292a
sos nas kyang // klu rnams mdangs dang ldan gyur cig/ li khri dmar po'i bdud rtsi 'bul// li khri dmar po'i bdud rtsi yis// klu yi khra nad skam pa sos gyur cig/ khra nas skam pa sos nas kyang // klu rnams mdangs dang ldan gyur cig/ ras skud dmar po'i bdud rtsi 'bul// ras skud dmar po'i bdud rtsi yis// klu yi chu rgyun 'khums pa sos gyur cig/ chu rgyus 'khums pa sos nas kyang // klu rnams mdangs dang ldan gyur cig/ dar tshon sna lnga'i bdud rtsi 'bul// dar tshon sna lnga'i bdud rtsi yis// klu yi pags pa ral pa sos gyur cig/ pags pa ral ba sos nas kyang // klu rnams mdangs dang ldan gyur cig/ na ga ge sar bdud rtsi 'bul// na ga ge sar bdud rtsi yis// klu rnams mdangs dang ldan gyur cig/ byi lang ka'i snye ma'i bdud rtsi 'bul// byi lang ka'i snye ma'i bdud rtsi yis// klu rnams mdangs dang ldan gyur cig/ dri lang ka'i snye ma'i bdud rtsi 'bul// dri lang ka'i snye ma'i bdud rtsi yis// klu rnams mdangs dang ldan gyur cig/ mon sran gre'u'i bdud rtsi 'bul// mon sran gre'u'i bdud rtsi yis// klu / rnams mdangs dang ldan gyur cig/ khra sran bre bo'i bdud rtsi 'bul/ khra sran bre bo'i bdud rtsi yis// klu rnams mdangs dang ldan gyur cig/ gla gor zho sha'i bdud rtsi 'bul// gla gor zho sha'i bdud rtsi yis// klu
- 292b
rnams mdangs dang ldan gyur cig/ lung ltang sho sha'i bdud rtsi 'bul// lung ltang sho sha'i bdud rtsi yis// klu rnams mdangs dang ldan gyur cig/ sho sha sum brgya drug cu'i bdud rtsi 'bul// sho sha sum brgya drug cu'i bdud rtsi yis// klu rnams mdangs dang ldan gyur cig/ nya phyis dkar po'i bdud rtsi 'bul// nya phyis dkar po'i bdud rtsi yis// klu rnams mdangs dang ldan gyur cig/ sha 'bras dkar po'i bdud rtsi 'bul// sha 'bras dkar po'i bdud rtsi yis// klu rnams mdangs dang ldan gyur cig/ gser gyi me tog bdud rtsi 'bul// gser gyi me tog bdud rtsi yis// klu rnams mdangs dang ldan gyur cig/ g.yu skong 'bar ba'i bdud rtsi 'bul// g.yu sgong 'bar ba'i bdud rtsi yis// klu rnams mdangs dang ldan gyur cig/ 'bras bu gsum gyi bdud rtsi 'bul// 'bras bu gsum gyi bdud rtsi yis// klu rnams mdangs dang ldan gyur cig/ rtsa ba lnga yi bdud rtsi 'bul// rtsa ba lnga yi bdud rtsi yis// klu rnams mdangs dang ldan gyur cig/ ga bur shes kyi bdud rtsi 'bul// ga bur shes kyi bdud rtsi yis// klu rnams mdangs dang ldan gyur cig/ pu rtse shel gyi bdud rtsi 'bul// pu rtse shel gyi bdud rtsi yis// klu rnams mdangs dang ldan gyur cig/ tsan dan smug po'i bdud rtsi 'bul// tsan dan smug po'i bdud rtsi yis// klu
- 293a
rnams mdangs dang ldan gyur cig/ 'dam bu nag tshal bdud rtsi 'bul// 'dab bu nag tshal bdud rtsi yis// klu yi gnas khang nyams pa bskongs gyur cig/ klu yi gnas khang nyams pa bskongs nas kyang // klu rnams mdangs dang ldan gyur cig/ 'bru sna sna tshogs bdud rtsi 'bul// 'bru sna tshogs bdud rtsi yis// klu rnams mdangs dang ldan gyur cig/ rtsi sman sna tshogs bdud rtsi 'bul// rtsi sman sna tshogs bdud rtsi yis// klu rnams mdangs dang ldan gyur cig/ klu rnams mdangs dang ldan nas kyang // do nod mi 'di zong gyur cig/ do nod nad 'di zong gyur cig/ mi dang nad du khrol gyur cig/ de nas rnal 'byor sngags grub kyis// bsnyen sngags dag la shan+ting ni// glu blu brtags la stong tsho bzlas// de nas gdug rtsub byab par bya// nad kyi dngos po thon bya ste// rma bya thogs la 'di skad du// hUM/ sngags kyi bdag po tshur nyon cig/ dang po bka' byung su yi bka'// dang po ston pa rnam gnyis bka'// da lta bka' byung su yi bka'// da ltar rigs 'dzin bdag gi bka'// rig pa 'dzin pa'i bka' la nyon// rig pa 'dzin pa'i bka' ma bcag/ nga ni phyag na rdo rje yin// nga ni klu yi gnyen po yin// klu brgya zas su za ba yin// klu brgya gos su gyon pa yin// klu 'bum gdan du 'dings pa yin// klu sngas lus la brgyan pa yin// rgyu
- 293b
sbyor yon gyi bdag po la// lto 'phye rigs kyi gdug rtsub phyung // 'dis 'og ma 'dre/ grul bum klu'i gdug rtsub phyung // nya yi klu'i gdug rtsub phyung // sbal pa'i klu'i gdug rtsub phyung // gnyen gyi klu'i gdug rtsub phyung // rgyal rigs klu'i gdug rtsub phyung // bram ze klu'i gdug rtsub phyung // rje rigs klu'i gdug rtsub phyung // dmangs rigs klu'i gdug rtsub phyung // gdol can klu'i gdug rtsub phyung // sa bdag sa srin gdug rtsub phyung // gdug rtsub thams cad phyir phyung zhig/ de yi ting 'dzin rim pa ni// nad kyi dngos po 'thon par bsam// de nas nad kyi dam bdar te// sngags kyi bdag po tshur nyon cig/ do nub mi 'di mi gtong zhing // do nub gdug rtsub mi 'don cing // rigs 'dzin bka' las 'da' byed na/ khyod kyi shi sa bstan pa ni// dam tshig sngags kyi byin brlabs dang / khro bo yag sha me dpal gyis/ khyod kyi snying nas 'tshig 'gyur zhing // mdze nad sna tshogs khyod la 'ong // mig nad me 'bar khyod la 'od// 'on pa long ba khyod la 'ong // mdze can shu ba khyod la 'ong // bla med 'bras bu thob mi 'gyur// 'o na de la ma thug gis// do nod mi 'di thong dang // do nod nad 'di thon dang // 'dis 'og ma rnams 'dre/ khrag nad chu ser 'di las thon dang // klu nad mkhris pa 'di las thon dang // mi dang nad du khrol dang // mdze
- 294a
nad sna tshogs 'di las thon dang // bad kan nad rnams 'di las thon dang // mdze rigs dug thabs 'di las thon dang // sbrul gyi dkar po 'di las thon dang // sbal pa dkar po 'di las zon dang // lcang ke dkar po 'di las thon dang // nya mo dkar mo 'di las zon dang // chu rta dkar po 'di las thon dang // chu glang dkar po 'di las thon dang // chu lug dkar po 'di las zon dang // sbrul gyi ser khra 'di las thon dang // sbal pa ser po 'di las zon dang // lcong ke ser po 'di las thon dang // nya mo ser mo 'di las thon dang // chu rta ser po 'di las thon dang // chu lug ser po 'di las thon dang // chu glang ser po 'di las thon dang // sbrul gyi dmar khra 'di las thon dang // sbal pa dmar po 'di las thon dang // lcong ke dmar po 'di las thon dang // nya mo dmar mo 'di las thon dang // chu rta dmar mo 'di las thon dang // chu glang dmar po 'di las thon dang // chu lug dmar po 'di las thon dang // sbrul gyi sngo khra 'di las thon dang // sbal pa sngon po 'di las thon dang // lcong ke sngon po 'di las thon dang // nya mo sngon mo 'di las thon dang // chu rta sngon po 'di las thon dang // chu glang sngon po 'di las thon dang // chu lug sngon po 'di las thon dang // sbrul gyi nag khra 'di las thon dang // sbal pa nag khra 'di
- 294b
las thon dang // lcong ke nag khra 'di las thon dang // nya mo nag mo 'di las thon dang // chu rta nag po 'di las thon dang // chu glang nag po 'di las thon dang // chu lug nag po 'di las thon dang // nad rnams thams cad phyir phyung zhig/ sngar byas nad rnams phyir phyung zhig/ da mi byed par dam chos shig/ sngags kyi bdag po khye chung gzhon nu// gzhon nu gtum po/ srid gsum dbang sdud/ gdug pa tshar gcod// / sbrul mgo bdun pa/ zur phud lnga pa/ mi dang nad du khrol dang / gdug pa dug lnga bskyed pa ste/ dug lngas nad lnga rgyas par byed// nad lnga thams cad 'joms mdzad pa// sngags bdag khyod la phyag 'tshal lo// de nas nad rnams 'thon par 'gyur// de ltar sngags bdag ji ltar bar// klu chen brgyad nas sa srin par// kun la rim bzhin shes par bya// de nas sngags bdag cig phul// phyis ni dug kyang byab par bya// de la yang ni 'di skad do// hUM/ sngags kyi bdag po tshur nyon cig/ spu sdug de ni rma bya dang // sngags kyi de ni bdag po yis// dug rnams de ni phyir phyung zhig/ reg pa'i dug rnams phyir phyung zhig/ ltas pas dug rnams phyir phyung zhig/ sbyor ba'i dug rnams phyir phyung zhig/ yid kyi dug rnams phyir phyung zhig kha rlangs dug rnams phyir phyung zhig/ klu chen brgyad kyi dug rnams phyir phyung zhig/ gnyen gyi dug rnams phyir phyung
- 295a
zhig/ rgyal rigs dug rnams phyir phyung zhig/ bram ze'i dug rnams phyir phyung zhig/ rje rigs dug rnams phyir phyung zhig/ dmangs rigs dug rnams phyir phyung zhig/ gdol can dug rnams phyir phyung zhig/ sa bdag sa srin dug rnams phyir phyung zhig/ sngar byas dug rnams phyir phyung zhig/ phyis byas dug rnams phyir phyung zhig/ da mi byed par dam chos shig/ sngags kyi bdag po khye chung gzhon nu// zur phud lnga pa// sbrul mgo bdun pa/ gdug pa tshar gcad do// srid sum dbang sdud/ khyod kyis mi thul gang yang med/ khyod kyis mi phyin gang yang med// do nod nad 'di thon dang // mi dang nad 'di khrol dang // gdug pa dug lnga bskyed pa ste// dug lngas nad rnams rgyas par byed// nad rnams thams cad 'don mdzad pa// sngags bdag khyod la phyag 'tshal lo// dug rnams 'don pa'i rim pa'o// khyad par dug sngags bdag la yin no// de yi ting 'dzin rim pa ni// rma bya dug rnams byabs pa'i tshe// bdag bzhin du nad byung bsam// des ni nad kyi dngos po sos// de ltar nyin mtshan thams cad du// rgyun mi chad par las rnams brtsam// de ltar las rnams brtsams na// ji lta bu yang 'tsho bar 'gyur// de ni klu sgrub rim pa rdzogs// de nas dkyil 'khor bsdu bar bya// rgyas pa'i gtor ma gnyis po gtang // ye shes sems dpa'
- 295b
gshegs su gsol// dam tshig sems dpa' phyir bzlog la// rim bzhin zhu ste 'jim par bsam// de nas thugs ka la yang spros pas// rlung gi dkyil 'khor cher bsams te// s+pha ra na phaT kyi sgra brjod pas// gang gnon sa ru gzugs brnyan ni// bskyal nas glud kyi dngos po bsam// sa tshon phyags te chu la 'bod// gzugs brnyan rnams kyang chu la 'bod// bum chu lhag mas nad pa ni// mgo lus med par bkru bar bya// de ltar sbyor ba zab mo 'di// bde bar gshegs pa'i las chen yin/ bcu gcig lon kyang 'tsho bar 'gyur// 'byung po gzhan la smos ci dgos// rtog pa'i rgyal po mchod rten gyi rgyud las/ klu bsgrub pa'i le'u ste brgyad pa'o// // de nas phyag na rdo rjes gsol pa// kye kye bcom ldan thugs rje can// las kyi sbyor ka bshad pa legs// klu yi thugs dam bskang ba yis// de yi rim pa ji ltar bgyi// bdag gis ma 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// klu yi thugs dam bskang bar 'dod na 'di ltar shes par bya ste// de la dang po bca' gzhi'i rim pa ni// sna tshogs 'bru las byas pa'i phye// rin chen tsan dan 'bru sna tshogs// phul lnga phul bzhi bre phyed phul do la// bang rim bzhi yi ri rab bya// phul lnga bshams la lha
- 296a
bshos bya// de ltar chad ldan ri rab steng // pad+ma srab mo 'dab brgyad bzhag/ dbus su phyag na rdo rje'i gzugs// 'dab ma brgyad la klu chen brgyad dang sngags bdag dgu// sbyor ba mkhas pas dgod par bya// bang rim bzhi yi dang po la// mkhas pas gnyen gyi gzugs rnams dgod// de 'og bang rim gnyis pa la// rigs lnga'i klu tshogs dgod par bya// de 'og bang rim gsum pa la// sa bdag rigs tshogs dgod par bya// ri rab dag gi kha dog ni// shar dkar lho ser nub dmar byang ldang ngo // ri rab rtse mo ser por bya// shar du rgyal rigs/ lhor bram ze/ nub tu rje rigs/ byang du dmangs rigs gdol can dgod par bya// gnyen dang sa bdag gar mdzes dgod// de ni phyogs kyi rim pa'o// ri rab steng gi rtse mo la// smyug ma mgo rangs tshig dgu la// dar dang za 'og ras mas brgyan// shog shog dag la 'khor lo ni// rtsibs brgyad gur du dbub par bya// lte ba phyag na rdo rje rtsa ru gzugs// phyag na rdo rje rgyan du bya'o// kha dog mthun pa'i nam mkha' lnga// ri rab phyogs bzhi dbus su dgod// shog bu dag la 'dab brgyad gur// ri rab phyogs bzhir gzugs par bya// nam mkha'i gru rnams thams cad du// bya spu sna tshogs rgyan du gtang // 'dab brgyad shog gu gur rnams la// klu yi gur du shes par bya// kun la
- 296b
dar zab ras mas gdags// dar tshon sna lnga'i gdugs kyis dgab// ri rab dag gi lhab shos dang // bang rim dang po bar dag tu// shag pa'i shing la nad pa'i gzugs// byas la shar dang nub tu gzugs// ming dang gzugs kyang bri bar bya// de nyid glud kyi dngos po bsam// ri bdun mtsho bdun gling bzhi mu khyud bcas// gling chen glud mchog ri rab steng // gtsang ma'i shing leb steng du bca'// klu gzugs rim pa mang po kun// bag zan dag la bya bar bshad// rgyas pa'i gtor ma bcu yang bzhag/ gtor ma rnams kyi kha dog ni// phyag na rdo rje sngags bdag klu chen rgyal rigs dkar// gnyen gyi gtor ma khra bor bya// bram ze ser po rje rigs dmar/ dmangs rigs gdol chen nag po sngo// sa bdag sa srin dang po mtshungs// slob dpon dag la gtsang gos dang // gtsang ma'i thod kyang bcing bar bya// yas gzhi khal gcig bre bzhi bzhag/ yon bdag 'khor bcas khrus byas la// mdun du dad pa rab skyed la// de ni bcwa gzhi'i rim pa'o// de nas dang po stong nyid bsgom// de nas hUM las yi ge yaM// rlung gi dkyil 'khor bsgom par bya// de nas hUM las yi ge baM// chu yi dkyil 'khor bsgom par bya// de nas hUM las yi ge laM// gser gyi sa gzhi bsgom par bya// de nas hUM las yi ge su// ri yi rgyal po ri rab bsgom// de nas hUM
- 297a
las phyag na rdo rje skar// snga ma ji bzhin bskrad par bya// de nas thugs kha'i hA las ni// yi ge duHser mang po sgo// de nas ma hA na ga dang / nA ga zhes bya ba'i sgra brjod pas// klu gzugs mang sna tshogs kun// rang rang gzugs su gyur par bsgom// de nas phyag na rdo rje rang ni// klu rnams kun gyi ye shes kyi// sems dpa' spyan drangs bstim par bya// de nas klu rnams mang po kun// las ni ci bya zer ba las// glud kyi dngos po 'di bzhes bya// de nas bsnyen sngags grub tshad bzlas// de nas mdos kyi mchod pa brtsam// de nas mtshams bcad pa dang // bshags pa dag kyang bya// mchod pa rim pa bzhin du dbul bar bya// de nas phyag na rdo rjes dbu gzung nas// sa bdag sa srin yan chod la// gnas nas spyan drangs gshegs su gsol// hUM/ 'og min lcang lo can gyi pho brang nas// bcom ldan phyag na rdo rje ni// sku mdog 'jigs pa mi bzad pa// dbu skra ser po gyen du 'bar// zhal bgrad mche gcig 'jigs pa che// mthing nag 'bar ba'i sku mchog can// spyan gsum bzlog pas 'jigs pa che/ khro gnyer 'bar bas drag shul che// lus la klu lnga'i rgyan gyis brgyan// mgo la rgyal rigs sbrul dkar khra// skye la bram ze sbrul ser khra// dpung pa rje rigs sbrul dmar khra// rked pa dmangs rigs sbrul sngo khra// rkang pa
- 297b
gdol can sbrul nag khra// zhabs gnyis bgrad pas klu rnams gnon// 'khor du khro rgyal 'bum gyis bskor// phyag g.yas rdo rje rtse dgu 'phyar// phyag g.yon dril bu dku la brten// klu rgyal 'dul ba'i mthu bo che// 'dir skyon 'dir bzhugs 'phrin las mdzod// de nas sngags bdag spyan drangs te// hUM/ klu mtsho 'khyil ba'i nang shed nas// sngo nag 'khyil ba'i nang shed na// gzhal yas rin chen sna bzhis byas// shar phyogs dngul dang lho phyogs gser// nub phyogs zangs te byang phyogs lcags// de lta bu yi nang shed na sngags kyi bdag po gshegs su gsol// sngon gyi bskal ba dang po la// bcom ldan shAkya thub pa dang // sdud pa po phyag na rdo rje'i spyan snga du// ji ltar khas blangs dam bcas pa// sngags kyi bdag por dbang yang bskur// 'gro drug 'dul bar dbang yang bskur// 'jig rten mthu chen dbang yang bskur// lnga brgya dus kyi tha ma la// rnal 'byor kun gyi srungs mar bsgom/ khol po bya bar dam tshig phog/ las mkhan bya bar dam tshig phog/ 'bangs kyi tshul du dam tshig phog/ 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas klu chen brgyad po spyan 'dren na// hUM/ 'dab brgyad gser gyi khri stengs na// sngags bdag sku las sprul pa'i klu chen
- 298a
brgyad// klu bdag chen po gzugs chen po/ khye chung 'bum gyi sprul pa 'gyed// dug lnga'i 'od zer sna tshogs kyis// nad rnams sna tshogs bzlog par 'gyed// 'di spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas gnyen spyan drang ste// hUM/ rgya mtsho yangs pa'i dkyil shed na// gdug pa'i gnyen chen mdzo rtol brgyad// sprul pa mdzo rtol sna tshogs 'gyed// g.yas kyi rwa la thog ser 'bebs// g.yon gyi rwa la glog dmar khyug/ rmig gzhi rnams la na bun 'thib/ kha rlangs khros pas sbrul du byung // 'jigs byed chen po gnyen chen gzugs// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas rgyal rigs spyan drang ste// hUM/ shar du bltas pa'i chu mig nas// rgyal rigs klu tshogs gshegs su gsol// zhe sdang pho mo'i bu de ni// byol song ha la lto 'phye'i rigs// sbrul dkar sbal pa dkar po dang // nya dang lcong ge chu rta dang // chu glang chu lug dkar po'i gzugs// 'od zer 'phros pas yid kyi dug/ 'dir skyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas bram ze spyan drang ste// hUM/
- 298b
bram ze'i rigs mchog spyan drang na// lhor bltas mdzes pa'i chu mig nas// klu bdag chu la gnas pa'i bu// byol song gdug pa sbrul gyis rigs// sbrul ser sbal pa lcong mo dang // nya dang chu rta chu glang dang // chu lug ser po'i gzugs// lus la sbyor ba'i dug chen 'phro// nad rnams ma lus sel bar byed// bram ze chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas rje rigs spyan drang ste// hUM/ nub bltas sa gzhi rdo yang dmar// rje rigs 'chi bdag gnas yin te// chu la gnas pa'i klu chen po// lus la kha rlangs dug chen 'phro// nad rnams ma lus sel bar byed// rje rigs chen po 'chi bdag ste// 'dir spyon 'dir bzhugs phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas dmangs rigs spyan drang ste// hUM/ dmangs rigs chen po 'chi bdag ste// byang bltas chu mig nag po nas// dmangs rigs chen po gshegs su gsol// sku ni sbrul sngon sbal pa sngon po dang // lcong mo nya dang rta dang glang lug sngon po// sku la reg pa'i dug chen 'phro// dmangs rigs chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi
- 299a
mdos// glud mchog mdos kyi las mdzod cig/ de nas gdol can spyan drang ste// hUM/ gdol chen 'chi bdag gnas chen po// byang bltas chu mig nag po na// sku ni sbrul nag sbal pa nya dang / lcong // rta dang glang dang lug dang ni// sku la ba so'i dug chen 'phro// gdol can chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas sa bdag spyan drang ste// ri dang sgrung tshigs shing gcig brag rtsa nas// sa bdag sa srin gshegs su gsol// gyong po khra'o 'dzin gyong po// sgur po zha'o rigs ngan po// sbrul sku sna tshogs 'gyed mdzad pa// zha grum sna tshogs nad rnams gtong // sa bdag chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas mchod pa dbul te// phyag na rdo rje dag la ni// sngags rings klag cing rnam lnga dbul// de nas sngags bdag dbu gzung nas// sa bdag sa srin yan chod la// bdud rtsi'i mchod pa 'bul// mdos chog bya/ hUM/ sngags kyi bdag po spyan 'dren no// dkar gsum dag gi bdud rtsi 'bul// mngar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas
- 299b
kyang // klu rnams mdangs dang ldan gyur cig/ mngar gsum dag gi bdud rtsi rnams// klu sgrub kyi le'u nas 'byung ba bzhin bya'o// de nas sngags rings klag cing bdud rtsi rnams dung phor du blug la/ sngags bdag la bdud rtsi chu bo'i rgyun bzhin du dbul/ mdos bdag yin gyis mdos 'di bzhes// glud bdag yin gyis glud 'di long // yon bdag yin gyis yon 'di long // de ring glud chen mdos 'di bzhes// mi 'di de ring gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ gzha' tshon skud pa'i nam mkha' 'bul// rgyan gyi gter tu 'di bzhes shig/ mdzes pa'i pad+ma gur chen 'bul// gdugs kyi gter du 'di bzhes shig/ dar tshon sna lnga'i rgyan chen bgrems// rgyan gyi gter du 'di bzhes shig/ glud chen gzugs brnyan ming rus 'bul// 'bangs kyi gter du 'di bzhes shig/ klu sman sna tshogs bdud rtsi 'bul// gsol zas gter du 'di bzhes shig/ de ring mi 'di khyod kyis thong // de ring glud 'di khyod kyis long // de ring mi bas glud che 'bul// glud bdag chen po glud bzhes shig/ gdug rtsub dug rnams khyod kyis thon// grul bum gdug rtsub khyod kyis thon// sha za'i gdug rtsub khyod kyis thon// gdug rtsub dug rnams ma lus zon// klu bsgrub kyi le'u las shes par
- 300a
bya'o// mdos bdag chen po mdos long zhig/ sngags bdag rgyal po glud bzhes shig/ de ring glud 'di bzhes su gsol// yon bdag 'khor bcas glud du 'bul// de ring mdos 'di mi bzhes su// yon bdag 'khor bcas mdos su 'bul// gdug pa dug lnga skyed pa ste// dug lngas nad lnga rgyas par byed// nad rnams thams cad 'joms bdag pa// sngags bdag khyod la phyag 'tshal lo// yon bdag 'khor bcas kyis me tog gtor phyag bya/ glud 'bul mdos bdag mdos pa zhes bya'o// sngags bdag rag/ hUM/ klu chen brgyad po spyan 'dren na// mchod pa 'bul ba dang bdud rtsi 'bul ba klu sgrub las shes// klu chen brgyad po tshur nyon cig/ mdos bdag chen po mdos bzhes cig/ klu chen brgyad po glud bzhes cig/ yon bdag gi ni yon 'di long // de ring glud chen mdos 'di bzhes// mi 'di de ring gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ gzha' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du 'di bzhes shig/ dar tshon sna lnga'i rgyan chen bgrems// rgyan gyi gter tu 'di bzhes shig/ glung chen gzugs brnyan ming rus 'bul// 'bangs kyi gter du 'di bzhes shig/ klu sman sna tshogs
- 300b
bdud rtsi 'bu la// gsol zas gter du di bzhes shig/ de ring mi 'di khyod kyis thong // de ring glud 'di khyod kyis long // de ring mi bas glud chen 'bul// glud bdag chen po glud bzhes shig/ gdug rtsub dug rnams khyed kyis thon// rgyal rigs gdug rtsub khyod kyis thon// des 'dre/ klu sgrub dang mthun/ mdos bdag chen po mdos bzhes shig/ klu chen brgyad po glud bzhes shig/ de ring glud 'di bzhes su gsol// yon bdag 'khor bcas glud 'bul lo// gdug pa dug lnga skyed pa ste// dug lngas nad lnga rgyas par byed// nad rnams thams cad 'joms mdzad pa// klu chen brgyad la phyag 'tshal lo// hUM/ gnyen gyi klu tshogs spyan 'dren na// mdos bdag yin gyis mdos 'di bzhes// glud bdag yin gyis glud 'di long // yon bdag yin gyis yon 'di bzhes// de ring glud 'di bzhes// de ring mi 'di gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ 'ja' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du bzhes su gsol// dar tshon sna lnga'i rgyan chen 'grems// rgyan gyi gter du 'di bzhes shig/ glud chen gzugs brnyan ming rus 'bul// 'bangs kyi gter du bzhes su gsol// klu sman sna tshogs mchod pa
- 301a
'bul// gsol zas gter du 'di bzhes shig/ de ring mi 'di khyod kyis zong // de ring glud 'di khyod kyis long // de ring mi bas glud chen 'bul// glud bdag chen po glud bzhes shig/ gdug rtsub dug rnams khyod kyis thon// gong gi 'dre/ rgyal rigs nas sa bdag sa srin yan chod// mdos bdag chen po mdos bzhes shing // de ring glud 'di bzhes su gsol// yon bdag 'khor bcas glud du 'bul// gdug pas dug lnga skyed pa ste// dug lngas nad lnga rgyas par byed// nad lnga thams cad 'joms mdzad pa// gnyen chen brgyad la phyag 'tshal lo// hUM/ rigs lnga'i klu tshogs spyan 'dren// dkar gsum 'dre/ mdos bdag yin gyis mdos 'di bzhes// glud bdag yin gyis glud 'di bzhes// yon bdag yin gyis yon 'di long // de ring glud chen mdos 'di bzhes// de ring mi 'di gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ gzha' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du 'di bzhes shig/ dar tshon sna lnga'i rgyan chen 'grems// rgyan gyi gter du 'di bzhes shig/ glud chen gzugs brnyan ming rus 'bul// 'bangs kyi gter du bzhes su gsol// klu sman sna tshogs bdud rtsi
- 301b
'bul// gsol zas gter du 'di bzhes shig/ de ring mi 'di khyod kyi thong // de ring glud 'di khyod kyi long // de ring mi bas glud chen 'bul// glud bdag chen po glud bzhes shig/ gdug rtsub dug rnams khyod kyi thon// dug rnams gong gis 'dre// mdos bdag chen po mdos bzhes shig/ de ring glung 'di bzhes su gsol// yon bdag 'khor bcas glud du bzhes// gdug pa dug lnga skyed pa ste// dug lngas nad lnga rgyas par byed// nad rnams thams cad 'don mdzad pa// rigs lnga'i sku la phyag 'tshal lo// hUM/ sa bdag sa srin spyan 'dren no// dkar gsum 'dre/ mdos bdag 'dre/ sa bdag rgyal po glud 'dre// / yon bdag yin gyis yon 'di long // de ring glud chen mdos 'dre/ mi 'di de ring gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig gzha' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du 'di bzhes shig/ dar tshon sna lnga'i rgyan chen 'grems// rgyan gyi gter du/ glung chen gzugs brnyan ming rus 'bul// 'bangs kyi gter du bzhes su gsol// klu sman sna tshogs bdud rtsi 'bul// gsol zas gter du 'di bzhes shig/ de ring mi 'di khyod kyis thong // de ring glud 'di khyod kyi long // de ring mi
- 302a
bas glud chen 'bul// glud bdag chen po glud bzhes shig/ gdug rtsub dug rnams khyod kyis thon// dug 'dre/ mdos bdag chen po mdos bzhes shig/ sa bdag rgyal po glud bzhes shig/ de / ring glud 'di bzhes su na// rgyal po chen po'i gzugs sbyar nas// 'dzam bu gling bzhi'i zas nor la// rgyal po chen po longs spyod mdzad// skye 'gro rtsis kyi byang bu 'grang // legs nyes sho la rgyan bkye nas// bka' las 'gal ba'i skyon can rnams// lhas ngan sna tshogs 'bebs par mdzad// sku ni dung mdog dkar po la// gser gyi gzha' ris 'od dang bcas// sku la gser gyi rgyan gyis brgyan// sku ni stong gsum khyab par sprul// sprul pa'i rgyal po 'dir gshegs la// mthun pa'i dam rdzas 'di 'bul gyis// smyug ma dkar po tshigs dgu dang // dar zab rgyan dang 'phangs med nor// ser dkar la sogs mthun pa'i rdzas// rgyu sbyor yon bdag don ched du// dga' mgu rangs pas khyod la 'bul// klu rgyal chen pos don mdzad nas// de ring bdag gis mchod 'bul gyis// yon bdag 'di la gnod ma byed// de ring rjes kyi las mdzod cig/ chos skyong ka la tsakra ni// sku la ljang nag ber chen gsol// phyag na mnga' bzangs bya rgod bsnams// ral pa nag po mun rum 'bar// sma ra nag po ag tshoms me ltar
- 302b
'bar// bgrang 'phreng nag po se ral ga/ bdud rta nag po chibs su chibs// srog bdud 'dzam gling mi la gcod// 'dir spyon 'dir bzhugs rdzas 'di long // mi snying rlon dang dar nag gur// mthun pa'i dam rdzas 'di bzhes la// mi dang dam rdzas brjes mdzod la// rnal 'a 'byor bdag gi bka' ma bcag/ klu rgyal chen po'i ngo ma bcag/ hUM/ bdud chen 'bum gyi gtso mdzad pa// 'jigs byed yam rje nag po ni// sku mdog dug sdong nag po 'dra// g.yas kyi phyag na bdud kyi khram shim thogs// g.yon pa'i phyag na rtsis kyi byang bu thogs// sprul pa khram thogs stong dang ldan// 'dir spyon 'dir bzhugs rdzas 'di long // bya snying la sogs dam rdzas 'di// mi dang dam rdzas brjes mdzod la// rnal 'byor bdag gi bka' ma bcag/ klu rgyal chen po'i ngo ma bcag/ bdud bran kun gyi ngor ma gtang // de ring rjes kyi las mdzod cig/ hUM/ yam shud chen po 'chi bdag ste// btsan rigs kun gyi gtso mdzad pa// chibs su rta dmar chibs chibs nas// sku la za 'og ber chen gsol// klu 'dud sbrul gyi chun pos brgyan// ban d+ha dmar po gnam la 'phyar// sprul pa rol po sku bdun 'gyed// 'dir spyon 'dir bzhugs rdzas 'di long // bshos bu mda' ni ltong dmar stsogs// mthun pa'i dam rdzas 'di bzhes la// mi dang dam rdzas
- 303a
brdzes mdzod la// rnal 'byor bdag gi bka' ma bcag/ klu rgyal chen po'i ngo ma bcag/ btsan phran kun gyi gtsor mdzad pa// 'jig byed yam shud dmar po ni// btsan phran kun gyi dor ma gtang // de ring rjes kyi las mdzod cig/ hUM/ dge bsnyen chen po tshur nyon cig/ dam pa chos kyi srungs ma mdzad// dam tshig nyams pa'i srog rtsa gcod// skyes pa dar ma'i dgra bla mdzad// klu yi sprul pa 'bum sde 'gyed// 'dir spyon 'dir bzhugs rdzas 'di long // ra snying ra khrag ra gsob dang // ra tshil gsur chen gtang ba yis// dge bsnyen chen po mnyes gyur nas// mi dang dam rdzas brjes mdzod la// rnal 'byor bdag gi bka' ma bcag/ klu rgyal chen po'i ngo ma bcag/ de ring rjes kyi las mdzod cig/ hUM/ pho rgyud gdon tshogs ma lus kun// the rang dgu stong 'gong po 'gyed// sa bdag klu gnyen ma mo'i tshogs// kun gyi dkrugs ma khyed kyis byas// rgyab rten kun gyi bka' mnyan nas// phung 'dri dkrugs ma lo la shom// mthun pa'i dam rdzas ra lug dang // glud dang yas sogs sna tshogs 'di// bde bar byas na khyed la bster// shes par gyis la yas 'di long // mi dang dam rdzas brjes 'di gyis// rnal 'byor nga yi bka' ma bcag/ klu rgyal chen po'i ngo ma bcag/ de nas bden bdar dbang btsugs la// dgongs
- 303b
/ mo ya stags gtang bar bya// des ni pho rgyud rjes sogs so// phyi bsgrub dag la brgyad dang bcu dgu'i drag sngags gdags// nyungs kar gtor zhing drag sngags dag gis brab// bgegs rnams tshar lang gcad par bya// gsang chen phyag rdor byin rlabs dang // klu rgyal chen po'i ngo chen gyis// tshangs chen rang yang sel 'gyur na// bgegs la sogs pa gzhan lta smos ci dgos// de nas klu rjes brtsam par bya// dang po dkyil 'khor gong ma ru// gsang chen phyag rdor sku bskyed cing // gsang bsgrub sngags kyang grub tshad bzlas// mchod pa rnam lnga rgyas par ni// sngags rings bklag cing dbul bar bya// skabs su klu rnams gnad la bor// de nas maN+Dal gnyis pa ru// bdag gzhan gsal bar bskyed byas la// bka' bsgo rim pa tshul bzhin bya// glud dang nad par rjes mdzod cig/ de nas phyi bsgrub spu ta ni// grub tshad bar du bzlas par bya// de nas rjes kyi mchod pa brtsam// hUM/ sngags kyi bdag po tshur nyon cig/ bcom ldan phyag rdor sku sprul pa// gzhon nu gtum po khro bo ste// klu rigs kun gyi gnyen po byed// rgya mtsho'i gting na bzhugs tsam na// klu rgyal chen po sog med lags// spos ngad ldan par bzhugs tsam na/ khye chung 'bum gyi gtso bo mnga' yang mdzad// 'dzam bu'i gling du mtsho tsam na// srid pa pho mo'i bsnyen po mdzad// de
- 304a
ring rjes 'di byed tsam na// lha 'dre yongs kyi sgos mkhan mdzad// nan ltar skos kyis thebs tsam na// sku yi mkhyen bzhi'i man ngag 'bul// sku yi sprul pa stong gsum 'gyed// dug lnga spros pa nad rnams sel// sngags bdag chen po spyan 'dren na// dkar gsum dag gi bdud rtsi 'bul// dkar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas kyang // klu rnams mdangs dang ldan gyur cig/ klu rnams mdangs dang ldan nas kyang // de ring rjes kyi las mdzod cig/ mngar gsum nas gzung bdud rtsi sna tshogs par// klu bsgrub le'u byung ba bzhin du 'bul// de nas / sngags rings bklag cing dung phor gyis// sngags bdag la ni dbul bar bya'o// spu ta nA ga rA dza a mr-i ta swA hA/ zhes bzlas so// klu'i 'dod pa'i yon tan thams cad 'byung bar bsam// hUM/ sngags kyi bdag po tshur nyon cig/ 'dud do yab cig klu la 'dud// mchod kyang yab cig klu rgyal mchod// rten kyang yab cig klu rgyal rten// 'bod kyang yab cig klu rgyal 'bod// yab cig klu la mi 'dud du// 'dzam gling mi yi grong khyer du// srin po pho mo'i gdon rnams dang // bgegs rigs stong phrag brgyad cu dang // lha srin la sogs sde brgyad dang // gnod sbyin la sogs ma lus kyis// rgyu sbyor yon bdag ma lus la// sems kyi
- 304b
sdug bsngal lus kyi na tsha gtong // de rnams 'dul phyir yab cig khyod la 'dud// yab cig khyod la mthu ma chung // rigs 'dzin bcol ba'i las ma bul// 'dir sgron 'dir bzhugs 'phrin las mdzod// rgyas pa'i gtor ma ba ling 'bul// sngags bdag sku tshe 'od dang ldan gyur cig/ lho dang byang dang shar nub dang // phyogs bzhi mtshams bzhi steng 'og bcu// rgya skyegs rams dang bu ram ka ra dang // zhu mkhan btsod dang sbrang rtsi shing thog dang // tshwa dang bal dang sha sna ma lus dang // shog bu sna tsha dar zab g.yu sgog tshogs// zas phud sna tshogs dang // sbrul dang sbal pa chu rta chu glang nya dang lcong ge'o// kun gyi sha dang pags pa dang // nya lcibs rtsal pa'i sgo nga dang // nad pa'i khrag dang nad pa'i sgra// de rnams cha snyoms rin chen rdzas kyi skong bu nyi shu ru// tshad ma rdzas srang nyi shu blug pa'i rdzas// dag cing dad pas sngags bdag khyod la 'bul/ khyod kyang bzhes la nor gyi dbyig mdzod cig/ dug rnams ma lus 'don pa rma bya'i mdong // rgyu sbyor yon bdag nad rnams 'don pa'i phyag char bzhes// nyungs dkar dug la sogs pa'i rdzas// drag po las kyi mthun rdzas 'di// dgra bgegs tshar gcod don du bzhes// bag zan dag la byas pa yi// nad pa'i gzugs brnyan 'di// rgyu sbyor yon bdag don du bzhes mdzod cig/ 'dab brgyad
- 305a
shog bu'i gur chen 'di// sku yi dril bu 'di bzhes shig/ dar zab la sogs ras mas brgyan// na bza'i gter du 'di bzhes shig/ gser dang dngul dang zangs dang lcags// byu ru mu tig man shel rnams// rin chen sna tshogs phur pa 'di// rin chen gter du bzhes su gsol// klu rnams dges mdzad chu lug dmar po ni// klu yi nor bu 'di bas che ba med// sngags bdag thugs dam 'di las bskongs pa med// rgyu sbyor rjes su 'di las che ba med// dar zab brgyan pa'i cha lugs 'di// de ring rjes kyi rdzas su 'bul// sngags kyi bdag po tshur nyon cig khyod kyis mi thon gang yang med/ khyod kyis ma phyin gang yang med// de ring mi 'di rjes mdzod cig/ de skad bya zhing chu lug dag kyang btab// nad pa'i dri gos sna gsum lug la g.yog/ skabs su nas gtor phyag kyang btsal// de nas sngags bsgrub bzlas pa bya zhing dam yang bdar// dam bdar klu bsgrub le'u nas lha// de ni sngags kyi rim pa'o// maN+Dal gsum pa'i rtsar phyin la// hUM/ klu chen brgyad po tshur nyon cig/ sngags kyi bdag po'i sprul pa ste// 'chi bdag klu chen brgyad du byung // klu rigs kun gyi gtso bo mdzad// sprul pa klu bran 'bum sde 'gyed// klu chen brgyad po spyan 'dren na// dkar gsum dag gi bdud rtsi nas// klu sman tshogs kyi bdud rtsi'i
- 305b
bar// klu bsgrub le'u nas byung ba bzhin du dbul// kun la rim bzhin shes par bya// de nas sngags rings gong dang sbyar// hA/ klu chen brgyad po tshur nyon cig/ 'dud do yab cig klu la 'dud// dang po la sogs gong dang sbyar// de rnams 'dul phyir yab cig khyed la 'dud// yab cig khyed kyang mthu ma chung // rigs 'dzin bcol ba'i las ma bul// 'dir spyon 'dir bzhugs 'phrin las mdzod// rgyas pa'i ba ling gtor ma 'bul// klu chen brgyad po 'od dang ldan gyur cig/ lho byang nas gzung nas de ring rjes kyi rdzas 'bul lo// zhes pa'i bar gyi gong dang mthun// de skad byas nas/ klu chen brgyad po tshur nyon cig/ khyed kyis mi thon gang yang med/ khyed kyis mi phyin gang yang med/ khyed kyis mi rjes gang yang med// de ring mi dang glud du brdzes// rjes grub pa'i las mdzod cig/ ces pa gong dang mthun// de ni klu chen rim pa'o// maN+Dal bzhi pa'i rtsar phyin la/ hUM/ gnyen chen sde brgyad tshur nyon cig/ 'chi bdag gnyen chen 'bum sde 'gyed// gnyen chen kun gyi gtso bo byed// rgya mtsho'i gting na bzhugs tsam na// klu rigs gnyen chen sde brgyad las// mdzo rtol 'bum gyi sprul pa 'gyed// 'dzam gling mi la gnod pa byed// gnyen chen sde brgyad spyan 'dren na// gzhan rnams klu chen brgyad dang mthun// de nas rgyal
- 306a
rigs rjes chen bya// dkyil 'khor lnga pa'i rtsar phyin pa// ting 'dzin sgom pa gong dang mthun// hUM/ rgyal rigs klu tshogs tshur nyon cig/ rgyal rigs chen po 'chi bdag sde// shar bltas chu mig dkar po nas// sbrul dang rtsang ba nya dang rta dang glang // chu lug dkar po la sogs 'byed// yid kyi dug chen 'phros pa yis// dgra bgegs ma lus mdze nad gtong // rgyal rigs klu tshogs spyan 'dren na// gzhan rnams klu chen ji lta bar// kun la rim bzhin shes par bya// de nas bram ze klu tshogs nas// gdol can chen po'i 'chi bdag par// rgyal rigs 'chi bdag dang sbyar// rigs lnga rjes kyi rim pa rdzogs// de nas sa srin rjes chen bya// maN+Dal drug pa'i rtsar phyin la// ting 'dzin sgom pa gzhan dang mthun// hUM/ sa bdag sa srin klu tshogs tshur nyon cig/ sa bdag chen po 'chi bdag ste// ri dang rtsing bu sgog tshigs gram skams sa dang // brag dang shing gcig rtsa nas ni// sa bdag chen po'i gnas chen nas// gyong po rgur po theng po dang // zha bo 'dzin gying dmar po byed// sa bdag nad chen dug dag gis// dam nyams dgra bgegs nad kyis 'dzin// sa bdag klu tshogs spyan 'dren na// gzhan rnams klu chen ji bzhin mtshungs// des ni sa bdag rim pa rdzogs// de nas skabs su yon bdag gi na tsha thon
- 306b
las rjes kyis byas la/ me tog gtor la khrus kyang bya'o// de nas 'di'i rjes kyang bya// hUM/ klu rigs ma lus tshur nyon cig/ nga ni phyag na rdo rje yin// gzi byin yag sha med dpal gyis// sprul pa cho 'phrul stong yang 'gyed// ma lus mtha' yas ma lus rdzas// ma lus non dang ma lus snun// ma lus glud dang ma lus rjes// dam tshig bde ma tshig ma lus dang / khyed kyang ma lus dbang gis 'khor// sngar byas da mi byed par gyis// mi dang glud dang rjes rdzas dang / khyod kyis myur du rjes 'di gyis// gsang chen phyag na rdo rje dam ma 'dral// dam chos gnyen po lung ma bshig/ mthun pa'i dam rdzas ngo ma bzlogs// sngags bdag rgyal po ngo chen mdzod/ khyod las ngo che gang yang med// rgyu sbyor yon bdag don gyi phyir// rjes 'di gnas su sgrol bar mdzod// rgyal rigs nad rnams rjes gyur cig/ bram ze'i nad rnams rjes gyur cig/ dmangs rigs nad rnams rjes gyur cig/ gdol can nad rnams rjes gyur cig/ gnyen gyi nad rnams rjes gyur cig/ sa bdag gnad rnams rjes gyur cig/ gdug rtsub thams cad rjes gyur cig/ mdze nad 'bras nad phol mig dang // shu ba g.yan pa'i nad rnams rjes gyur cig/ mi dang dam rdzas brjes mdzod cig/ hUM/ klu chen rgyal po tshur nyon cig/ gnyen chen sde brgyad tshur nyon cig/ rgyal rigs klu yang
- 307a
tshur nyon cig/ de bzhin rigs bzhi'i klu yang tshur nyon cig/ sa bdag sa srin tshur nyon cig/ de ring rjes 'di mi mdzad cing // de ring mi 'di mi gtong zhing // mi dang nad du mi 'bral zhing // sngags ngor mi 'di mi gtong zhing // rigs 'dzin bka' las 'da' byed pa/ khyod kyi shi sa bstan pa ni// phyi ma'i lan chags rgyab nas 'dod// mi yi lan chags ngo la 'dod// mdze nad sna tshogs khyod la 'ong // 'on pa long ba khyod la long // sngags kyi cho 'phrul khyod la 'ong // dar cig bsdad pa'i thabs med par// klad nad drag pos thebs par 'gyur// 'o na de la ma thug gis// 'dir spyon mchod rdzas 'di bzhes la// rjes 'di gnas su skyol bar mdzod// rjes 'di gnas su skyol nas kyang // mi dang nad du 'brel gyur cig/ mi dang glud du brdzes mdzod cig/ de nas chu lug dgu po la// sna tshogs rgyan gyis brgyan nas kyang // rang rang rigs kyi gzugs brnyan g.yas su gdags// rjes kyi gzugs brnyan g.yon du gdags// rin chen phur pa rA la gdags// skyong bu nyi shu khal du dag la// shog shog gur gyi steng du dbub// rigs dang bstun pa'i dar sna gdags// rgyas pa'i gur du dbul bar bya// de nas phyogs dang bstun la gtang // de lta bu yi cho ga ni// 'dzam bu'i gling nas rnyed pa dka'// sangs rgyas kun gyi
- 307b
dgongs pa yin// de nas sbyor dka' nub tu bca'// ho shing shar du sbreng la gzhag/ sbyor ka'i cha rkyen rang sar gzhag/ ho gyi cha rkyen ho dang skrag/ brgya rtsa brgyad kyi sbyor ba yis// bgegs rnams rdul du brlag par bya// tha ma mnan dang thal ba rlung la bskur// sngon bzhin sbyar la shes par bya'o// de nas klu rtan spo bar bya'o// de nas rta gnyen po bsdam// des ni rjes chen rim pa rdzogs// de ltar sbyor ba rdzogs byas nas// de lta bu yis tsi tsi dza la 'tsho bar 'gyur// sangs rgyas kun gyis de skad gsungs// rtog pa'i rgyal po mchod rten gyi rgyud las/ klu rjes gcad pa'i le'u ste bcu gcig pa'o// // de nas phyag na rdo rjes gsol pa// kye kye bcom ldan thugs rje can// klu rgyal dbang bskur rim pa yis// slob ma byin gyis ji ltar brlab// bdag gis mi 'tshal bshad du gsol// legs so dpal ldan phyag na rdo rje ni/ khyod kyang rtse cig yid kyi nyon/ khyod la nga yis bshad par bya// mdzes shing nyam dga'i sa phyogs su// dkyil 'khor gzhung nas byung bzhin bri// gzugs brnyan mi dgos sa bon dgod// dar dang ras kyi yol pa dgab// spos dang tsan dan dri yis dgang // gsang chen phyag rdor snying po yis// sa sbyang bgegs bskrad la sogs bya// klu rgyal chen po'i sku bskyed la// lha la brten la sa slong bya// de nas maN+Dal
- 308a
legs byas la// ba li rnam lngas byugs nas kyang // tsan dan ga pur la sogs dri yi byug/ gur kum chus kyang legs byug la// bdag gzhan gsal bar bskyed nas kyang // gsang chen bsnyen pa 'bum tsho re// klu rgyal dag la bsnyen pa bskul// rgyas pa'i gtor ma rgyun mi 'chad// des kyang dngos grub chen po thob// des ni bsnyen pa'i rim pa rdzogs// de nas lhag par gnas byas te// de la yang ni rnam gnyis te// bum pa'i lhag par gnas pa dang // slob ma lhag par gnas pa'o// de la dang por bshad par bya// dang po dkyil 'khor mdzes par bri// gzugs brnyan mi dgod sa bon dgod// gser ma dngul lam zangs sam lcags// yang na rin chen sa gzhi'o// rtsa ba nag sogs med pa yi// bum pa lnga yang dgod par bya// bum pa'i snying po gser dngul lam// sbrang dang 'o ma bu ram dang // 'bru sna tshogs par byas la bsgrub par bya'o// kha tshar ma nyams ras kyis dkri// shing lo shun pa'i kha brgyan bya// mi re'i gtor ma gnyis bshams la// mchod pa rnam pa lnga yang tshogs par bya// bdud rtsi bum pa sngon bzhin bya// ze zhal gnyis kyang bsham par bya// spos dang tsan dan dri sogs kyis// dkyil 'khor khang pa dag par bya// de ni brgyan gyi lor mo'o// de nas shUn+ya tA'i sngags brjod pas// bdag dang maN+Dal stong par sgom// de nas
- 308b
hUM las phyag rdor sku// snga ma ji bzhin bsgom par bya// de nas klu tshogs mang po kun// snga ma bzhin du bsgom par bya// bsnyen pa 'bum tsho bskyal bar bya// bum pa re'i nang du/ khri tsho re re bskyal bar bya// des ni bum pa lhag gnas rdzogs// de nas slob ma lhag gnas bya// slob ma'i gtso bo 'di skad do// ho/ bla ma rdo rje 'dzin pa khyod// bcom ldan phyag na rdo rje yin// gnyis med thugs rjes gzung slad du// bdag kyang rtag tu skyabs su gsol// dkyil 'khor dam par bdag gzhug phyir// lhag nas rim pa mdzad du gsol// de nas slob dpon gyis 'di skad du// bu tshur theg pa chen po yi/ khyod ni tshul chen snod yin te// dpal ldan phyag na rdo rje yis// dbang bskur dkyil 'khor bstan pa'i phyir// dbang bskur dkyil 'khor bstan par bya// lha gnas rim pa tshul bzhin bya// spu ta stong tsam bzlas par bya// de nas dkyil 'khor lho nub phyogs su// pad+ma 'dab brgyad bri bar bya// pad+ma'i dbus su sngags bdag dgod// phyag na rdo rje gzugs brnyan bzhag/ de nas phyag na rdo rje la// mchod pa rnam lnga dbul bar bya// sngags kyi bdag po de dang mtshungs// dang por slob ma lha la phyag gsum byed du gzhug/ thal mo sbyar nas mdun du gzhag/ de nas slob dpon 'di skad do// bu tshur nyon cig snod ldan khyod// dpal phyag na
- 309a
rdo rje'i grong khyer du// bu yang rab tu gnas bya zhing // rtag tu dam tshigs srung pa gsum// klu yi mchod pa byed nus sam// phyag rdor sku ru sprul pa byed nus sam// de ltar nus na bu khyod la// lhag gnas dngos grub nga yis sbyin// de nas slob mas gsol ba// ho bla ma rdo rje 'dzin pa yis// ji ltar lung bsgo rim pa ni// sangs rgyas kun gyis bsgo ba yis// rtag tu dam tshig bdag gi bskyang // ting nge 'dzin dang mchod pa dang // las kyi bzlas brjod bdag gis bgyi// bdag la dngos grub stsal du gsol// de nas slob dpon dag gis kyang // slob ma phyag gsum byed du gzhug/ de nas bla mas slob ma ni// dpal ldan phyag rdor sku ru bskyed// de nas mchod pa rnam lnga ni// sngags bdag phyag na rdo rje la// lad mo zlos shing slob mas dbul// hUM/ dpal ldan phyag na rdo rje dang // sngags kyi bdag po rnam gnyis la// dus tshod bzang po do nod kyang // rigs 'dzin dngos grub thob bya'i phyir// byin gyis brlab phyir rnam lnga yis// mchod pa dag kyang bdag gis dbul// thugs rjes dgongs nas bzhes su gsol// de nas sngags rings dag gis ni// me tog nas gzung gtor ma'i bar// rnam lnga re la tshigs bshad te// sngags rings tshar res dbul bar bya// badz+ra d+hU be/ badz+ra puSh+pe/ badz+ra A lo ke/ badz+ra gan d+he/ badz+ra mA le/ de
- 309b
nas rigs ngo brtag pa'i phyir// sa shing dag kyang 'dor du gzhug/ bla mas 'di skad ma shing sbyin// bu khyod grong khyor dam pa ru// bzhugs nas rigs kyang brtag pa'i phyir// sor brgyad chad ldan gtsang man shing // so shing bzung nas dbus su dor// slob mas gsol ba/ ho/ bla ma'i lung ni bsgo ba bzhin// so shing dag kyang bdag gis dor// ji ltar dpal ldan phyag rdor gyi// sku gsung thugs dang ye shes kyi// dngos grub rnam bzhi thugs kyis ni// dngos grub dam pa thob bya'i phyir// dbus mchog dga' ldan sar ltung shog/ so shing dor ba'o// de nas bsrung skud gdags par bya// bla mas gsungs pa/ bu khyod nyon cig skal ldan khyod// dngos grub bgegs kyis bar chod byed// bgegs rnams kun las bzlog pa'i phyir// dpal ldan phyag rdor snying po yis// brgya rtsa brgyad bsngags srad bu la// mdud pa nyi shu rtsa lnga bya// g.yon gyi dpung du gdags pa yis// bgegs rnams ma lus zhi gyur cig/ slob mas gsol pa/ ho/ ji ltar bla mas gsungs pa yi/ khro rgyal sngags bzlas srad bu yis// bdag gi lus rnams bsrungs gyur nas// stong phrag brgyad cu'i bgegs rnams kun// rdul phran bzhin du brlag nas kyang // dpal ldan phyag rdor skur gyur nas// sku yi dngos grub thob 'gyur shog/ bsrung skud btags te/ de nas ku sha
- 310a
dgram par yang bya'o// bla mas gsungs pa/ bu tshur nyon cig rigs mchog khyod// zab mo sngags dang sgom pa yang // dngos grub rtags ni 'byung mi 'byung // 'jug pa'i dus su rmi lam gyis// bzang ngan ltas rnams brtag pa'i phyir// ku sha gtsang ma'i rtswa mchog dang / khyod kyi sngas su gding bar bya// slob mas gsol pa/ ho/ bla mas bstan pa'i rdzas/ nyal ba'i sngas su bdag 'dings gyis// phyag na rdo rje'i lus zhugs nas// klu rgyal dngos grub bdag bsgrub kyi// grub rtags ma lus dngos grub kyang // sngags bdag rgyal pos do nod ston// nyal nas nang par sngon de ni// rmi lam ci byung bzlas par bya// rmi lam yang ni rnam gnyis te// dngos su 'ong dang sprul pa 'gyed// dngos ni khye'u chung gzhon nu 'ong // yang na sbrul mgo bdun par 'ong // de rnams bdag la mgo ba dang // byung na rmi lam rab tu bzang // g.yag chen mang po 'dod pa 'ong // chu rta chu lug chu glang du// byung bzhin bdag gis byed na bzang // de ltar dngos su sprul pa'i rtags// 'ded dang lus la 'khril la sogs// byung na ngan pas bsnyen pa bzlas// de ni slob ma lha gnas rdzogs// de nas nang par dro la ni// dbang bskur rim pa rdzogs byas nas// dad ldan slob ma mdzes pa des// rim pa bzhin du khrus byas la// dar dmar dag gis
- 310b
mig bkab la// dkyil 'khor drung du phyag gsum bya// de nas thal mo legs sbyar la// tshig bshad 'di ni bzlas su gzhug/ ho/ bla ma rdo rje 'dzin pa yis// dus tshod bzang po da nang ni// bdag gis lus ngag dad dang ldan// dpal ldan phyag na rdo rje dang // sngags bdag la sogs klu rnams kyi// grong khyer dam par bdag gzhug gsol/ khyed ni sangs rgyas kun dang mnyam// dpa' bo chen po bdag gzhug gsol// mdzes pa'i 'gro mchog ma mthongs pas// da nang bdag kyang rab tu gzhug/ 'jig rten mgon po bdag gzhug gsol// de nas slob dpon gyis 'di skad ces brjod do// bu khyod legs so legs so// dpal ldan phyag na rdo rje dang // sngags bdag la sogs grong khyer 'dir/ khyod kyang nga yi rab tu gzhug/ khyod kyang dad pa rab tu skyed// mthun pa'i dam rdzas khyed kyis sbyin// dus mchog bzang po da nang nas// nam ji srid 'tsho yi bar du/ khyod kyang ci 'dod dngos grub 'ong // yid gnyis med par 'dir zhugs shig/ de nas khro bo'i chu la ni// gsang chen phyag rdor sngags bzlas la// slob ma'i lus bgegs rnams bskrad// de nas phyag gsum byed du gzhug/ de nas dang po lho phyogs su bkri// slob mas 'di skad brjod par bya// hUM/ dpal ldan phyag rdor grong khyer du// lho yi phyogs la rab brten nas// yon bdag/
- 311a
dngos grub thob bya'i phyir// lus ngag yid gsum dang ba yis// bdag kyang phyag gsum rab tu 'tshal// de nas thal mo sbyar byas nas// oM na ma te hUM/ na ma me hUM/ na mo na ma swA hA/ de ltar sku gsung thugs kyis ni// phyag gsum dad pas byed du gzhug/ de nas shar phyogs su khrid la// ho/ dpal ldan phyag rdor grong khyer gyi// shar gyi phyogs ni nas rab brten nas// sku yi dngos grub thob bya'i phyir// lus ngag yid gsum dang ba'i phyir// bdag kyang phyag ni rab tu 'tshal// de nas thal mo de nyid snying khar sbyar la// oM na ma she hUM/ na ma me hUM/ na mo na mo na ma swA hA/ de ltar sku gsung thugs kyis ni// phyag gsum dang bas byed du gzhug/ de nas rab tu byang khrid la/ ho/ dpal ldan phyag rdor grong khyer gyi// byang gi phyogs la rab brten nas// 'phrin las dngos grub thob bya'i phyir// lus ngag yid gsum dngas pa yis// bdag kyang phyag ni rab tu 'tshal// de nas thal mo de nyid snying khar sbyar la// oM na ma she hUM/ na ma me hUM/ na mo na ma hUM swA hA/ de nas sku gsung thugs kyis ni// phyag gsum dang bas byed du gzhug/ de nas nub tu rab khrid la// ho/ dpal ldan phyag rdor grong khyer gyi// nub kyi phyogs la rab brten nas// gsung gi dngos grub thob bya'i phyir// lus ngag yid gsum dang ba yis// bdag kyang phyag
- 311b
gsum rab tu 'tshal// de nas thal mo de nyid snying khar sbyar// oM na ma she hUM/ na ma me hUM/ na mo na ma hUM swA hA/ phyag bya'o// de nas me tog legs bskur te// lag tu thogs la 'di skad brjod// phyag rdor grong du bdag mchi'o// dpal ldan sku gsung thugs dang yon tan dngos grub ni// yang dag bdag gis thob bya'i phyir// dkyil 'khor dbus su bdag dor gyis// phyag rdor sku la phog par shog/ de skad rjod la dbus su ni// brtan la phab la rab tu bshad// spu ta la pra ti dza ho// me tog dor ba'o// de nas slob mas 'di skad do// dus mchog bzang po da nang yang // bla ma rdo rje 'dzin pa yis// dkyil 'khor bzang po bstan du gsol// dpal ldan phyag rdor grong khyer mchog/ nad la sogs pa zhi byed pa'i// mdzes ldan grong khyer pad tshal du// bdag kyang rab tu lta bar 'tshal// mig kyang rab tu dbye ru gsol// de nas slob dpon gyis 'di skad rab tu brjod do// bu khyod skal ldan da nang yang // grong khyer chen po ngas bstan gyis/ khyod kyang dga' ba rab tu skyed// mun la mar me ji bzhin du// ma rig mun pa bsal nas kyang // ye shes mig gis 'jig rten kun// gsal zhing dngas pas khyod kyis ltos// sems can kun gyi don gyi phyir// mig mchog bzang po da nang dbye// mig dbye ba'o// me tog mgo la btags la// dpal ldan phyag rdor
- 312a
sku gsung thugs// yon tan mchog dang 'phrin las dang // sngags kyi bdag po dbang mchog rnams// rim pa bzhin du bskur bar bya// de nas dang ldan phyag byas nas// dkyil 'khor klu tshogs bstan par bya// yang ni phyag gsum byas nas kyang // thal mo sbyar te 'di skad do// ho/ ji ltar dkyil 'khor chen po yang // bla mas bdag kyang lta ba la// rab tu rgyas par bstan pa legs// bdag gis kyang ni mdzes par mthong // da ni bla mas dbang bskur yang // dpa' bo chen pos bskur du gsol// bdag kyang dga' ba rab tu bskyed// de nas skabs der dam tshig chu yang blud par bya'o// klu sman 'o ma bcas pa'i chu// g.yon du thogs la 'di skad do// 'di ni khyod kyi dmyal ba'i chu// dam tshig 'das na sreg par bye// dam tshig bsrungs na dngos grub thob// ye shes chu bo'i bdud rtsi 'di// nga yis khyod la blud pa yis// khyod kyang bsgo ba'i bka' rnams nyon// dam tshig srung ba'i las rnams kyis// oM sarba ta thA ga ta/ blud par bya bar the tsom med// de nas dbang bskur rim pa bya// phyag gsum byas nas thal sbyar bya// lho yi phyogs su khri btsigs la/ khri yi steng du slob ma gzhag/ de la phyag rdor sngags bdag gi/ dbang rnams rim bzhin rdzogs par bskur// de nas bla mas dbus kyi ni// bum pa blang la mgor gzhag la// tshig
- 312b
bshad 'di yang brjod par bya// hUM/ dpal ldan phyag na rdo rje yi// sku yi dbang mchog thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang // 'phrin las dbang mchog rnam lnga las// sku yi dbang mchog bskur ba yis// sku yi dbang mchog thob gyur cig/ sku yi dbang mchog thob nas kyang // phyag na rdo rje'i skur gyur nas/ khyod kyi sku mchog thob pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang // phyag rdor sku ru byin gyis brlabs// oM s+phu ta s+phu ta ma ha krod+ha hUM/ sid+d+hi sid+d+hi s+pho ta ya hUM phaT/ ka ya badz+ra swA hA/ dus mchog bzang po de ring nas// ji srid 'tsho yi bar du ni/ khyod kyang phyag rdor sku ru byas// klu tshogs mang pos tshugs mi 'gyur// de nas bum chu spyi bor blugs// des ni phyag rdor sku ru 'gyur// de nas shar gyi bum pa bteg la// snying kha dag tu rab bzhag nas// hUM/ dpal ldan phyag na rdo rje yi// thugs kyi dngos grub thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang // 'phrin las dbang mchog rnam lnga las// thugs kyi dbang mchog bskur ba yis// thugs kyi dbang mchog thob gyur cig/ thugs kyi dbang mchog thob nas kyang // phyag
- 313a
rdor thugs dang ldan gyur cig/ khyod kyi dbang mchog nos pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang // phyag rdor thugs su byin gyis brlab// oM s+phu ta s+phu ta mahA kro ta hUM/ sid+d+hi sid+hi s+pho ta ya hUM phaT/ tsit+ta badz+ra swA hA/ tsit+ta badz+ra swA hA// dus mchog bzang po nam langs nas// ji srid 'tsho yi bar du ni/ khyod kyang phyag rdor thugs su byas// klu tshogs mang pos tshugs mi 'gyur// de nas bum chu snying khar blug/ des ni phyag na rdo rje yi// thugs su gyur par the tshom med// de nas lho'i bum pa bteg la// lte ba'i dbus su rab gzhag la// hUM/ las kyi phyag na rdo rje yi// yon tan dngos grub thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang // 'phrin las dbang mchog rnam lnga las// yon tan dbang mchog bskur ba yis// yon tan dbang mchog thob gyur cig/ yon tan dbang mchog thob nas kyang // phyag rdor yon tan ldan gyur cig/ khyod kyi yon tan brjod pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma la// phyag rdor yon tan byin brlabs bya// oM s+phu ta s+phu ta mahA kro d+ha hUM/ sid+d+hi sid+d+hi s+pho ta ya hUM phaT// tsit+ta badz+ra swA hA/ dus
- 313b
mchog bzang po de ring nas// ji srid 'tsho yi bar du ni/ khyod kyang phyag rdor yon tan byas// klu tshogs mang pos tshugs mi 'gyur// de nas bum chu lte bar blugs// des ni phyag rdor yon tan grub// de nas nub kyi bum pa bteg la// ske'i mgrin par rab gzhag nas// hUM/ dpal ldan phyag na rdo rje yi// gsung gi dngos grub thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang // 'phrin las dbang mchog rnam lnga las// gsung gi dbang mchog bskur ba yis// gsung gi dbang mchog thob gyur cig/ gsung gi dbang mchog thob nas kyang // phyag rdor gsung dang ldan nas kyang / khyod kyi nga rgyal brjod tsam gyis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang // phyag rdor gsung du byin gyis brlab// oM s+phu ta s+phu ta ma hA krod+ha hUM/ sid+hi sid+d+hi s+pho ta ya hUM phaT/ kA ya badz+ra swA hA/ dus mchog bzang po de ring nas// ji srid 'tsho yi bar du ni/ khyod kyang phyag rdor gsung du byas// klu tshogs mang pos tshugs mi 'gyur// de nas bum chu mgrin par blugs// de nas byang gi bum pa bteg la// gsang ba'i gnas su rab gzhag la// hUM/ dpal ldan phyag na rdo rje yi// 'phrin las dngos grub thob bya'i phyir// skal
- 314a
ldan khyod la bskur bar bya// dpal ldan phyag na rdo rje yi// sku gsung thugs dang yon tan dang // 'phrin las dbang mchog rnam lnga las// 'phrin las dbang mchog bskur ba yis// 'phrin las dbang mchog thob gyur cig/ 'phrin las dbang mchog thob nas kyang / khyod kyis 'phrin las brtsams pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang // phyag rdor 'phrin las byin gyis brlabs// oM swa ta s+phu ta ma hA krod+ha hUM phaT/ sid+d+hi sid+d+hi s+pho ta ya hUM phaT/ karma ni swA hA/ dus mchog bzang po de ring nas// ji srid 'tsho yi bar du ni/ khyod kyang phyag rdor 'phrin las byas// klu tshogs mang pos tshugs mi 'gyur// de nas bum chu gsang bar blugs// de ni phyag rdor 'phrin las grub// de nas sngags bdag dbang yang bskur// sbrul mgo bdun pa'i gzugs brnyan ni// slob ma'i mdun du nges par gzhag/ tshig bshad 'di yang brjod par bya// bu tshur nyon cig dbang ldan khyod la// phyag rdor sku ru khyod byas te// klu rgyal chen po grub pa'i gzugs// bran dang khol po yang g.yog dang // 'bangs dang tshul du sngon du gtang / khyod kyis rtag tu 'di sgrubs shig/ klu yi dam tshig khyod kyis srung // klu yi snying po khyod kyis zlos// ku yi gtor ma rgyas pa khyod kyis thong // rgyas pa'i klu sgrub
- 314b
byed pa'i tshe// 'dod chags bsnol dang brtsog kyang spong // dkar gsum zas dang dngar gsum zas// ba dmar 'o ma khyod kyis sten// dam tshig mchod pa gsang sngags zlos// gnyen po bsgrub pa yun ma zung // 'on tam 'bras bu grub nas kyang // ci 'dod dngos grub gter bar 'gyur// oM s+phu ta sU ta ma hA krod+ha hUM/ sid+d+hi sid+d+hi s+pho ta ya hUM phaT swA hA/ brgya rtsa brgyad bzlos su gzhug/ de ni sngags bdag mdun du ni// bran gyi dngos po mchis par bsam// de nas gtor ma'i dbang bskur sbyin/ khro rgyal sngags bdag dges bya'i phyir// yo byad 'tshogs pa'i ba ling 'di// byin gyis brlabs nas khyod la gtad/ khyod kyis kyang ni rtag tu thong // de nas kyang dngos grub par chod srung // de nas bdud rtsi'i dbang bskur te// klu rnams gsol mdzad bdud rtsi'i sman// ma lus 'tshogs pa'i bdud rtsi 'di/ khyod kyis 'dul ba'i dbang bskur gyis/ khyod kyis kyang ni rtag tu 'bul// des kyang dngos grub chen por 'gyur// de nas sngags kyi dbang bskur te// gsang chen phyag rdor snying po yis// klu rnams ma lus zil gyis gnon// phyi bsgrub nang bsgrub gsang sngags kyis// mtha' yas 'bum phrag las rnams 'grub// bsgrubs na[:]lha yang 'grub par nges// bskrad na[:]lha yang skrod par nges// sbyor ba ci bsams 'grub par
- 315a
'gyur// sngags rings gsang sgrub phyi dang nang // shog bu dag la bris la lag tu gtad/ khyed kyang rtag tu rgyun ma gcad// de nas gtor ma gnyis po gtang // sngags bdag phyag na rdo rje yi// 'bras chen la sogs rnams kyang gtang // bdud rtsi bum pa kun kyang dbul// de nas phyag gsum byed du gzhug/ tshig bshad 'di yang brjod du gzhug/ ho/ bla ma rdo rje 'dzin pa dang // dpal ldan phyag na rdo rje dang // sngags bdag la sogs klu tshogs kyis// spyan sngar ji ltar dam nos pa// de ltar bdag gis dbang yang thob// dus 'di nas gzung nas ji srid 'tsho'i bar// bdag kyang phyag na rdo rje las// sngags bdag la sogs bran du byas// de ltar brjod pa'i bla ma la// gser dang dngul dang byu ru dang // mu tig man shes a ka ru// zangs lcags 'khar ba'i rgyan can dang // gser g.yu bang mdzod 'bru sna dang // dar dang za 'og gnas dang khyim// yul zhing ba lang glang po che// rta mchog pa mo rta rgod dang // bu dang chung ma nor gyi dbyig/ bdag rang gis kyang sna drangs nas// yid 'thad gces pa'i nor rnams kyang // bla ma la ni dbul bar bya// nor dang dbul ba'o// de nas bum chu kun bsdoms la// slob ma rnams la khrus bya// ye shes sems dpa' gshegs su gsol// dam tshig sems dpa' phyir bzlog
- 315b
la// sa tshon phyags la chu la dbo// de ltar dbang mchog zab mo ni// sangs rgyas kun gyis kyang ni byin gyis brlabs pa'o// rtog pa'i rgyal po mchod rten gyis rgyud las/ dbang bskur ba'i le'u ste bcu gnyis pa'o// // de nas phyag na rdo rjes gsol pa/ kye kye bcom ldan thugs rje can// 'khor lo dgu pa'i dkyil 'khor gyi/ khog dbub rim pa ji ltar bgyi// bdag gis ma 'tshal bshad du gsol// legs so/ dpal ldan phyag na rdor/ khyod la nga yis bstan par bya/ khyod kyang rtse gcig yid kyis nyon// bca' ba rdzas dang byug pa rgyan// gnyen po'i gshed dang bsgrub pa sngags// rgyan gdan gzugs dang rten bca'// ngan sngags byad btson du bzung // ma grub spogs pa'i cho ga yis// drag po'i 'khor lo bskor bar bya// bca' ba rdzas la rnam pa bcu ste// nyung kar gu gul dkar po dang // ske tshe mi sha ga pur dang // rma bya'i mdongs dang btsan dug ra// rgya tsha rang gi ga pur dgu// gla rtsi dang ni rdzas rnams kun// sha ba'i pags pa'i khug ma ru// blug la mchan khung g.yon du gdags// byug pa rgyan gyi 'khor lo ni// nang gi bum pa bcas te// zangs kyi 'gun de nang du ni// klu yod chu mig dgu yi chu// rgya mtsho chen po'i chu dang ni// gangs kyi 'khyag pa bzhu ba'i chu// chu bzhi gzhi blangs bum pa bca'// bum pa'i nang du a
- 316a
ru ra// skyu ru ra dang ba ru ra// sbrang dang bu ram pa mar 'o ma dang // phag pa khyi dkar 'o ma dang // lug smug 'o ma dang // rta dang khyi dkar dang // sngar med gzhon nu mdzes pa yi// 'o ma rnams kyang blag par bya// gla rtsi dag dang ga pur dang // klu sman sna tshogs 'bru sna tshogs// bum pa'i nang du blugs par bya// bum pa ras sngon dag gis gril// man 'dzi dag gi kha ru gzhag/ bsnyen sngags 'bum tsho bzlas par bya// de nas skabs su phyi khrus legs byas la// me long du bum pa'i chu sgo nga re// blug nas gu gul dkar po dang // 'dag pa byas la lus kyi gnad du bsku// bsku ba la yang rnam gnyis te// gnas lnga srung zhing rtsa bzhi gnan// de yang bla ma'i zhal la shes// gsang chen phyag rdor snying po bzlas// mthe bong tsam gyi sku yang bsgom// de ltar byug pa byas nas kyang // klu rigs kun gyis tshugs mi 'gyur// s+thi/ gnyen po gshed kyi 'khor lo yang // rnam pa gnyis su shes par bya// phyi bsgrub dus su phyag rdor sku// nang bsgrub dus su byang khyung ka ru bzla// de gnyis grub na sngags bdag grub// bsgrub pa'i sngags ni phyi nang ngo // skr-i// rgyan dam pa gzugs kyi 'khor lo ni// ya la tho bya rma bya lnga// mgo ba'i phyogs bzhi dbus dang lnga// legs par nan tan gzugs par bya// de yang gnyen pa'i rjes su shes// s+thi/ rten bca' ba yi 'khor lo
- 316b
ni// ris su bris dang lugs su blug/ 'bur du gtod dang rgyan chen btags// spyan dbye la sogs ji bzhin bya// de yang brten bcas de'i le'u las shes// s+thi/ ngan sngags byad la gnyis te// bgegs la sngags rgod gdags pa dang // dgra la gdags pa gnyis yin te// bgegs kyi sngags la sngags chen po// brgya dang bcu dgu'i drag sngags kyis// klu rgyal chen po'i snying bskul nas// dam nyams 'byung po rdul du lhogs// dgra la gdags pa 'bum yod de// nang bsgrub nang nas shes par bya// s+thi/ drag po'i 'khor lo bskor ba la// rnam pa gnyis su shes par bya// bskor ba'i tshul du bskor ba dang // dkrugs pa'i tshul du bskor ba dang // de yang dkrugs pa'i le'u las shes par bya'o// s+thi/ de ltar phyi yi 'khor lo dgu// zab mo sbyor ba'i man ngag ste// kun gyis shes na ngo mtshar med// sangs rgyas kun gyi thugs byung ba'o// rtog pa'i rgyal po mchod rten gyi rgyud las/ 'khor lo dgu khog dbub pa'i le'u ste bcu gsum pa'o// // de nas phyag na rdo rjes gsol pa// kye kye bcom ldan thugs rje can// brgya dang bcu dgu'i drag sngags kyis// bsnyen pa'i sham bu byas nas kyang // ji ltar 'byung po tshar gcad pa// bdag gis ma 'tshal bshad du gsol// legs so dpal ldan phyag na rdo rje/ khyod la nga yi bshad par bya/ khyod kyang rtse
- 317a
gcig yid kyis nyon// bsnyen sngags sgrub pa'i rnal 'byor pas// shin tu che ba'i bgegs rnams la// drag po sngags kyi sbyor ba tsom// oM s+phu ta s+phu ta na ga ra dza tshe tshe na rA dza 'ur 'ur/ na ga rA dza myags myags/ nA ga rA dza hur hur/ nA ga ra dza nan/ phu yu/ tan tu pa/ nag po bam tsi tsi rgyas/ trag thur snying la gul gul/ myags myags/ rtsa bzhi bskum/ shan shan srog la shan/ tsha byung nag po sod/ mA ra ya rbuchudrud/ thig sha pra be sha ya rbud/ tse tsi tri pa li mi li ka/ 'dar 'dar hUM hUM phaT// ni sha mahA krod+ha hUM phaT/ ha zhen ha zhe na/ nA ga zhen na gzhen/ nA ga rA dza ku ma ra b+h+yo/ brgya dang bcu dgu'i las kyis ni// dgra bgegs thams cad thal bar gtong // stong tsho gcig tu bzlas gyur na// lha chen tshangs pa'ang 'chi 'gyur na// gnod byed bgegs la smos ci dgos// 'dzam bu'i gling nas rnyed par dka'// rtog pa'i rgyal po mchod rten gyis rgyud las/ drag sngags drag pos bgegs tshar gcad pa'i le'u ste bcu bzhi pa'o// // de nas phyag na rdo rjes gsol pa/ kye kye bcom ldan thugs rje can// 'khor lo dkrugs pa'i rim pa yis// sngags bdag bran zhing ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// shog bu gro ga ras
- 317b
dag la// gur kum chu yis 'khor lo ni// rtsibs brgyad phyi rim mu khyud gsum// rim pa ji bzhin bskor bar bya// de yi phyi rim me ris bskor// 'khor lo'i lte bar sngags bdag gzugs// gur gum chu yis tshad ldan bri// 'khor lo'i rtsibs la spu ta'i sngags bri// sngags kyi god snyoms dgod par bya// phyi rol mu khyud dang po la// sngags rings dag gis bskor bar bya// de nas nang gi mu khyud la// gsang bsgrub bsngags kyis bskor bar bya// de yi nang gi mu khyud la/ khyi rgya dub pa'i sngags kyis bskor// de nas bdag gzhan bskyed par bya// sgo ba'i rim pa byas nas ni// zangs sam 'khar ba'i ga 'ur gzhug/ g.yam khang gru bzhi'i nang du gzhug/ rtag tu spos dang tsan dan byug/ dam tshig mi yi sel mi gzhug/ rang nyid gsang bsgrub bsnyen rdzogs nas// drag po'i 'khor lo bskor bar bya// de nas mtshams gcad bsnyen pa dang // de nas las kyi 'khor lo dkrug/ dang po rig byed rgyal po gzhug/ de rting khro bo'i sa bon gnyis// de rting khro bo chen po gzhag/ de rting drag po'i gzir ba gzhag/ de rting drag pos sa bon gzhag/ de rting dngos grub snying po gzhag/ de rting nA ga'i snying po gzhag/ de rting zhi ba'i sa bon gzhag/ phyi bskor sku yi drag sngags kyis// klu rnams ma lus bskrad par 'gyur// de nas nang gi rim pa la// dang
- 318a
po sa bon gnyis pa gzhag/ de rting rig byed rgyal po gzhag/ de rting drag po gzir ba gzhag/ de rting chen po'i khro bo gzhag/ de rting dngos grub snying po gzhag/ de rting drag po'i sa bon gzhag/ de rting nA ga'i snying po gzhag/ de rting zhi ba'i sa bon gzhag/ nang bskor gsung gi drag sngags kyis// klu rnams ma lus brgyal bar 'gyur// de nas thugs kyi rim pa la// dang por khro bo chen por bzhag/ de rting rig pa'i rgyal po gzhag/ de rting sa bon gnyis pa gzhag/ de rting drag po'i gzir ba gzhag/ de rting dngos grub snying po gzhag/ de rting sa bon gcig pa gzhag/ de rting na ga'i snying po gzhag/ de rting zhi ba'i sa bon gzhag/ gsang bskor thugs kyi drag sngags kyis// klu rnams ma lus brlag par 'gyur// de ltar 'khor lo bskor byas nas// gsang sngags gnyis kyang brlag par 'gyur// ting 'dzin sngags sbyor rgyun mi gcad// bdag nyid lha mchog skur gsal bsgom// de ltar byas nas sngags bdag ni// bran gyi dngos por dngos su 'ong // klu gtor rgyas pa rtag tu gtang // zla ba gsum du bskor gyur na// dngos su skad ngan 'ong // rtags kyi mtshan ma mi stas kun// bla ma'i zhal nas shes par bya// rtog pa'i rgyal po mchod rten gyi rgyud las/ sngags bdag las ma btub na drag po'i 'khor lo bskor ba'i le'u ste bco lnga
- 318b
pa'o// // de nas phyag na rdo rjes gsol pa// kye kye bcom ldan thugs rje can// zhu 'dul rim pa ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// dang por bdag gzhan legs bskyed la// thugs khar sngags kyi 'phreng ba bsam// de nas dam la btags pa'i tshe// drag po sngags kyi 'od zer gyis// nad pa'i rma tshogs bsregs nas kyang // nad kyi dngos po gang yin pa// bya sgro thab tu tshig ltar bsgom// de nas sngags de rang la 'dus// snga ma bas kyang gzi mdangs che// zho rgyal bzhin du bdag nyid bsam// de 'bra'i sbyor ba zab mo ni// sangs rgyas kyis kyang mi brnyes so// rtog pa'i rgyal po las/ zhu 'dul gyi le'u ste bcu drug pa'o// // de nas phyag na rdo rjes gsol pa// kye kye bcom ldan thugs rje can/ khrus kyi bum pa ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/ khyod kyang rtse gcig yid kyis nyon// dang po dkyil 'khor rgyas pa'i rtsar// gser dngul zangs lcags bum pa ru// gtsang ma'i chu dang ba mar 'o ma ru// a ru ra dang skyu ru ra// bu ram sbrang dang ga pur mu tig shel// bum pa'i snying po 'tshogs par blug/ de nas bum pa bskyed bya
- 319a
ste// dang po stong nyid ting 'dzin sgom// de nas b+h+rUM las ba na d+ha ni// rin chen gzhal yas bsgom par bya// de nas dbus su hUM las phyag na rdo rje'i sku// snga ma ji bzhin bsgom par bya// ye shes sems dpa' bkug la bstim par bya// de nas nyungs kar dag la bzlas la bum par blug/ khro chung mtshon cha can du bsgom par bya// de nas nang par sngon de ru// nad pa khrus byas dbyung bar bya// sngags bzlas zhu 'dul der yang bsam// mtha' rten shan ting ku ru gdags// de na gnyid kyi spogs kyang thon// rtog pa'i rgyal po las/ bum pas khrus sbyor bas gnyis kyi spogs 'don pa'i le'u ste bcu bdun pa'o// // de nas phyag na rdo rjes gsol pa// kye kye bcom ldan thugs rje can// rmi lam rtags dang rmi lam spogs// bdag gis mi 'tshal bshad du gsol// legs so dpal ldan phyag na rdor/ khyod la nga yis bshad par bya/ khyod kyang rtse gcig yid kyis nyon// sbrul dang sbal pa lcong mo chu lug chu rta chu glang mdzod dang rtol/ sdig pa rtsangs pa sre mo byi ba/ khyi dang phag pa nya khyi ba// sdom dang kha brgyad byi la dang // chu dang bud med ral pa can// sems can ma rung sna tshogs dang / khye'u gzhon nu mang po dang // skyes pa gzhon nu mang po dang // g.yag chen 'bum sde 'gyed pa dang // 'ded dang nor rnams bka' ba dang // bdag
- 319b
gir byed dang shul du 'ong // shin tu bzang por rab tu bshad// de rnams lus la 'khris pa dang // ded dang rdeg dang za ba dang // bdag la gzugs mi sdug pa ston// rmi lam la sogs yin shin tu ngan// de rnams 'don pa'i rim pa ni// gang byung gzugs brnyan legs byas la// maN+Dal khar bzhag mchod pa legs par 'bul// dug sbrul dug rnams 'don zhing dngos la rma byas bya ba// des ni rmi lam spogs rnams thon// yang dag lus ni thal bar nyigs par bsgom// rtog pa'i rgyal po mchod rten gyi rgyud las/ rmi lam gyi spog 'don pa dang / rmi lam gyi rtags bstan pa'i le'u ste bco brgyad pa'o// // de nas phyag na rdo rjes gsol pa// kye kye bcom ldan thugs rje can// klu rgyal las kyi sngags sbyor gyis// klu gnyen bgegs sogs ma lus pa// thun sngags bco brgyad ji ltar brab// bdag gis mi 'tshal bshad du gsol// legs so dpal ldan phyag na rdor/ khyod la nga yis bshad par bya/ khyod kyang rtse gcig yid kyis nyon// oM badz+ra nA ga rA dza nA ga pu me sa kra badz+ra yag sha krod+ha na ga ma ra ya phaT/ oM badz+ra tig sA nA ga ra dza sa ma ya/ khad kha phu mes kra mA ra ya phaT/ nA ga ra dza tsakra nA ga pu ma sa kra mA ra ya phaT/ nA ga rA dza gar na sa ta na ga phu me sa kra ma ra ya phaT/ nA ga ra dza mud ka ra ya kro d+ha ya nA ga pu me sa kra ma ra ya
- 320a
phaT/ na ga rA dza ga to rang na ga pu me sa kra ma ra ya phaT/ nA ga rA dza thibs thibs/ mugs mugs nA ga pu me sa kra mA ra ya phaT/ nA ga rA dza ra ga nA ga pu me sa kra mA ra ya phaT/ nA ga rA dza ra ka sha na ga pu me sa pra mA ra ya phaT/ na ga rA dza ma du dmig rag sha na ga pu me sa kra mA ra ya phaT/ na ga rA dze badz+ra ka ra ma badz+ra mad kar stong thog rag sha pa/ ta ling du me rag sha na ga sha mA ra ya phaT/ a ga ni dza raM krod+ha mA ra ya phaT/ ag ne pra b+h+yo b+h+yo phaT/ ag ni dza la mA ra ya Ta/ raM dza la raM mA ra ya phaT/ nA ga rA dza nA ga zhung zhung / rbad mA ra ya phaT/ nA ga rA dza kI la ya pu me sa kra mA ra ya phaT/ na ga rA dza pa ltar chem pus me sa kra ma ra ya phaT/ drag po las kyi thun sngags te/ bco brgyad las kyi gzer sngags te/ 'jig rten gsum na rnyed par dka'// sangs rgyas kun gyi thugs yang yin/ nA ga rA dza staM pa ya/ nA ga rA dza u ta ra tsa a/ nA ga rA dza ma ra ya/ na ga rA dza aM gu sha ya/ nA ga ra dza ba sha ho/ nA ga rA dza zhib shan ting ku ru ye swA hA/ nA ga rA dza kra se/ nA ga rA dza bi sha ba ya/ na ga rA dza ta pa ta ye/ nA ga rA dza pra sta ra/ na ga rA dza sbar na phaT/ nA ga rA dza hUM/ nA ga rA dza chem chem/ rtog pa'i rgyal po mchod rten gyi rgyud las/ drag po sngags dbye ba'i le'u ste bcu dgu pa'o// // de nas phyag na rdo rjes gsol pa/ kye kye bcom ldan thugs rje
- 320b
can/ khyi brgya du ba la sogs kyis// klu rgyal chen po ji ltar bsgrub// bdag gi ming 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// dang por bdag gzhan legs bskyed la// bka' bsgo rim pa byas nas ni/ khyi rgyab dub pa'i bsnyen pa drang // de bshad pa'i bsgrub pa rnams// spu ti'i las bzhin 'dir kyang mthun/ khyad par las phrag bcu gcig bshad// de nas klu'i rgyal po khros pa dang / dgra thams cad 'joms par byed pa/ ma rungs pa thams cad 'dul bar byed pa/ gtum po rnams srung bar byed pa'i cho ga brjod par bya'o// nyungs kar dang / ba'i lci ba dang / gcin dang sbyar la/ klu'i rgyal po sbrul mgo bdun pa la li khris bskus te dkyil 'khor gru bzhir byas la/ rkang pa gnyis kyis steng du gnan te stong rtsa brgyad bzlas brjod byas te/ dbyar gyi tshe na sad dang rlung 'bab pa rnams la/ spyi bor rdo rje bsnun la/ de'i tshe rlung dang / sad dang / mi bzad pa rnams 'bebs par mi byed cing / ji tsam gzugs brnyan gyi bar du ser ba phyis kyang mi 'byung ngo// seng ldeng gi phur pa sor brgyad pa la/ brgya rtsa brgyad pa'i sngags bzlas te/ lus kyi dkyil du legs par btab na/ sad dang / rlung dang / sprin rnams kun bsdom par gdon mi za'o// dus dus
- 321a
su na gas char kyang 'bebs// gang du klu rgyal gzugs mthong dor// me tog lo ma 'bras bu der// kun yang gnod par mi byed do// rnam par 'jig par mi byed do// gzugs de gang yod mthong ba na// thams cad tshig ste 'bros par 'gyur// 'on te dgra rnams gzhom par 'dod na/ sa bon bdun pa pu dag bsres la/ lan tshwa nag po dang de la bsre/ de la gzugs brnyan byas te/ brgya rtsa brgyad du bzlas brjod byas la/ tsi ti snying pa'i nang du gnan/ gang gi ming bcug na mkhon dang mi srun zhing / dbang du gyur nas skyabs su 'gro bar 'gyur// bran du gyur nas bdag la 'go bar 'gyur// 'on te bskrad par 'dod na/ ho gi thal ba dag la ni// brgya rtsa brgyad du bzlas brjod bya// gtor na nges par bskrad do// 'on te de nyid gsad par 'dod na// seng ldeng gi phur bu sor brgyad pa'i tshad du byas la/ brgya rtsa brgyad pa'i sngags snying khar btab nas kyang / ri bo'i rtser bskul na zhag gsum gyis 'chi/ phur bu de nyid lha khang dag tu btsugs na thams cad 'tshig par 'gyur bar gdon mi za/ bskrad dang grong khyer gzhom par 'dod na// lcags kyi phur bu sor brgyad tshad byas la// stong rtsa brgyad du bzlas byas la// grong khyer rA dza 'gu li sgor// btsugs ma thag tu grong khyer 'jig/ gnod pa gang yang smin par 'gyur// de nyid
- 321b
dur khrod du bcug nas ni// srin po yi dgas gnod sbyin gyis/ khyim rnams thal ba rdul bzhin gtong // klu yod mtshor btsugs khyim rnams rdul du rlog/ 'di bzhin du yid kyis bsam pa'i las 'bum sde dag kyang byed par 'gyur ro// khyad par gyi las bcu gcig pa'o// gang gis shes na kun kyang 'grub// rtog pa'i rgyal po mchod rten gyi rgyud las/ khyi rgya dub pa kho'i khyad par gyi las bcu gcig pa bstan pa'i le'u ste nyi shu pa'o// // de nas phyag na rdo rjes gsol pa// kye kye bcom ldan thugs rje can// sbyin sreg la sogs rim pa yis// 'byung po gnod bgegs ji ltar 'dul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// dben pa'i gnas su rab 'dug la// dkyil 'khor 'brub khung gru gsum rko// gru gsum kha la kha khyer bya/ kha khyer gru re gru gsum re// re re kha ru ling kha re// mgo phyir la bstan la gzhag/ kha khyer dag la rtsang gis bskor// brub khung nang du raM dang phu// sa dmar dag gis bri bar bya// gtor ma 'bras dang chan dang ni// bdud rtsi la sogs kun kyang ni// legs par mdun du gzhag par bya// nyungs kar la sogs ske tshe dug chu rnams// g.yas kyi phyogs su bzhag par bya// dug shing sna tshogs mdun du
- 322a
gzhag/ rnal 'byor kha ni lho ru bstan// nad pa'i 'dug sa lho ru bya// srin lag dang ni ling ga'i ske// tshon sna lnga dang 'brel bar bya// bdag nyid char pa chur bcug bgo/ sre mog dag gis byang lus bsku// skra bcing dbyar snam gos kyang brje// de ni sngon 'gro'i rim pa'o// de nas bdag nyid phyag rdor skur// snga ma bzhin du bsgom par bya// de nas gru gsum bskyed par bya ste// hUM/ skye med e yi rang bzhin nam mkha' 'dra// nam mkha' la rten 'byung ba'i tshogs// kun gyi gzhi ste gru gsum e yi gnas// skye med nam mkha'i rang bzhin 'gyur med kyang // gzugs brnyan 'brub khung bskyed par bya// yi ge phu yi rang bzhin spros par bya/ e ag ne maN+Dal des 'brub khung ni gru gsum du// mthing nag gru gsum 'bar bar bsgom par bya/ de nas raM las me bskyed de// hUM/ me yi sa bon yi ge raM// raM las gdug pa'i me lce byung // gdug pa'i me lce 'od zer gyis/ khams gsum ma lus sreg par byed// sreg byed me lce 'bar ba che// 'brub khung e yi gzhal yas su// 'jig rten bsreg cing bzhugs su gsol// e raM/ des ni me chen rab 'bar ba'i// 'jig rten dkyil 'khor bskyed par bya// de nas phur las sngags bdag ni// hUM/ sngon gyi thugs dam rjes dran la// e me yi gdan stengs su// drag po'i phu dmar zhu ba
- 322b
las// sngags bdag me lha'i tshul ston la// sku mdog dmar po me yi gzugs// lus la me 'bar 'jig rten bsreg/ 'jig rten bsreg pa'i mthu bo che// me yi tshul du sku bzhengs 'tshal// hUM phu/ de ni sngags bdag sku yi mchog/ dam tshig sems dpa' bskyed pa'o// de nas ye shes sems dpa' spyan drangs te// hUM/ sngags bdag me yi tshul bstan pa// bzhugs ni me ri'i rtse la bzhugs// gnas ni me dpung dkyil du bzhugs// sku ni dmar po 'jigs pa ste// lus la me 'bar lams se lams/ kha nas me 'bar stong gsum sreg/ mig nas me stag tho ro ro// lag na me thogs stong gsum sreg/ spyi bo'i gtsug nas me 'phros pas// steng gi lha yang sreg par byed// rkang pa'i zhabs nas me 'phros pas// 'og gi klu bdud ma lus sreg/ nyi ma lho nub mtshams shed na// gdug pa'i sprin dmar mtshams shed na// gdug pa'i me dpung 'bar ba la// 'khor du me dpung 'bum gyis bskor// sa dang gnam phyed kun tu sreg/ srid pa gsum yang sreg gyur na// 'jig rten dgra bgegs smos ci dgos// 'dir spyon 'dir bzhugs 'phrin las mdzod// sngags bdag me lha'i tshul ston pa// bzhugs ni me ri'i rtse la bzhugs// 'bar ba'i gdan la bzhugs su gsol// sa ma ya mchog stisgra lhan// dgra bgegs rnams rdul du rlogs// hUM raM/ de nas
- 323a
gnyis med thim gyur nas// mchod rdzas yo byad kun kyang dbul// hUM/ sngags kyi bdag po tshur nyon cig/ do nod drag po'i sbyin sreg gis// bgegs rnams 'dir khug la// ling ga dag la thim par bya// hUM/ rnams ma lus sgrub pa'i phyir// mchod rdzas rnam pa 'di bzhes la// bdag gi 'phrin las myur du mdzod// de skad byas la gtor ma gsog/ sngags rings klag cing dbul bar bya'o// de nas ling kha gsum cig gtubs la// dum bu re re mer sreg cing sngags bzlas so// sngags bdag la zas su sbyin sreg za bar bsam mo// de bzhin kun la bya'o// de nas ye shes sems dpa' gshegs su gsol// dam tshig sems dpa' rang la bsdu// thal ba rlung la phyar la btang // rtog pa'i rgyal po mchod rten gyi rgyud las/ las kyi sbyin sreg bstan pa'i le'u ste nyer gcig pa'o// // de nas phyag na rdo rjes gsol pa// kye kye bcom ldan thugs rje can// tsakra las kyi sbyor ba yis// big nan sarba ji ltar 'dul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ras sam gro ga gshog bu la// rtsibs brgya tsakra legs bris la// dbus su bgegs kyi ming bris la// 'khor lo'i rtsibs la spu ta'i sngags// legs par khong
- 323b
snyoms bri bar bya// 'khor lo'i phyi rol sbrul gnyis kyis// mgo sprad gzhug ma bsnol mar bri// tsa kra'i rgyab tu sngags bdag gzugs// bris la gzhag par the tshom med// tsakra kha sbyar dag tu bya// de nas shog bu ras dag la// bgegs kyi gzugs brnyan legs bris la// snying khar ming la dpral bar rus// mtha' ma hUM gis bskor bar bya// 'dren pa'i snying po gsang bar bri// de ni tsakra'i bar du gzhug/ de nas tsakra maN+Dal khar// legs par gzhag ste sngags kyis brab// sham bu brgya dang bcu dgu gdags// zla ba gcig tu bskor gyur na// 'byung po kun kyang rdul du rlog/ de nyid bsad par 'dod na phur pa gdab// de nyid gnon na tsit+ta'i 'og/ de nyid spro na ri tsir yur// de nyid 'chi na ga 'ur gzhug/ de nyid rings par 'dod na phur bzhi brkyang // de nyid sham bur dril te sku ta'i rjes la tshar gcod pas/ sna gdags la dril sngags brab// de ltar sbyor ba zab mo yis// bgegs la sogs pa tshar gcad nas// phyis ni ming yang med par 'gyur// de yang dang po bdag gzhan bskyed// bka' bsgo gzugs la bstim par bya// de nas sngags kyi sbyor ba brtsam// mtha' ma las rnams gang byed kyang // tsakra kha sbyor bar dag nas// bgegs kyi gzugs ston bsad sogs bya// tsakra ga'u'i nang du gzhug/ klu sman bdud rtsi'i mchod pa
- 324a
'bul// des ni ci 'dod las 'grub pa// sangs rgyas kun gyi thabs nas gsungs// rtog pa'i rgyal po mchod rten gyi rgyud las/ 'khor lo kha sbyor bgegs 'dul ba'i le'u ste nyer gnyis pa'o// // de nas phyag na rdo rje gsol pa// kye kye bcom ldan thugs rje can// sngags rings mchod pa'i las tshogs rnams// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/ khyod kyang rtse gcig yid kyis nyon// spyir ni sngags rings las rnams ni// kun la khyab pas legs pa gong na med/ khyad par 'ga' tsam bshad par bya// de nas khro rgyal cho ga ni// ral gri mtshon cha dbyug pa'am// ka ra bI ra se'u lcug ma/ khro rgyal gsang sngags rigs po yis// brgya rtsa brgyad du bzlas byas na// gtsang ma'i gnas su legs bzhag la// gang tshe sad deng ser ba byung ba'i tshe// bskor ba byas nas gang du ser ba 'bab pa stsogs// sngon du 'bab pa ma lus kun// dpag tshad nang tshun chad mi 'byung na// nye bar smos kyang ci dgos la// yang na klu mi srun pa rnams// sad dang rlung dang nad gdug gtong ba rnams// klu rnams thams cad la thal chen nyungs kar chu dag la// nyi shu rtsa gcig bzlas brjod bya/ khyim gyi nang du gtor gyur na// mtshams med ma lus gcad 'gyur na// de na rig
- 324b
pa 'dzin pa yis// nyungs kar chu la bzlas byas nas/ khyim gyi steng du gtor gyur na// klu rnams thams cad grol bar 'gyur// kun kyang dbang du nges par 'gyur// hUM zhes brjod pa tsam gyis kyang // klu rnams klad nad drag pos 'debs// ri rtse ba'i lci bas maN+Dal bya// lan bdun bzlas brjod khyab gtor te// de dbus gzugs bzhag rlung gcad bya// seng ldeng phur pas grwa bzhir btab// ji srid ma phyung bar du klu rnams bcings par 'gyur// de ltar ma rungs pa thams cad gcad nas/ thams cad la yid la bsams pas kun sbyar ro// rtog pa'i rgyal po mchod rten gyi rgyud las/ mchod sngags kyi khyad par gyi las kyi le'u bstan ste nyer gsum pa'o// // de nas phyag na rdo rjes gsol pa/ kye kye bcom ldan thugs rje can// b+ha ri sha yi rim pa yis// 'dzam gling mi rnams ji ltar gsol// bdag gis ma 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// yul gyi chu mig nA ga'i sar// sgra dkar phub ste maN+Dal bya// tsan dan spos chus chag chag gdab// klu gtor rgyas pa legs bshams la// mtshan ldan thod pa dri chus byug/ gu gul chus kyang legs byugs la// nang du shog bu dag la sngags bdag gzugs// gur kum chu yis tshad ldan bri// de nas
- 325a
bdag gzhan bskyed bya ste// dang po bdag nyid phyag na rdo rje'i sku// gong ma bzhin du gsal bar bsgom// de nas sngags bdag ni// dam tshig sems dpa' phu las bskyed// ye shes sems dpa' de nyid dgug/ bsgom pa tshar pa phob ces bya// de nas nyin gsum mtshan gsum du// thun du gcad la nyungs kar brab// nA ga rA dza chems chems zhes brjod// de ltar dang po mtshams gcad nas// gtor ma la bcom bskul nyin mtshan du// rgyun mi gcad par las rnams brtsams// de ltar zab mo'i las brtsam pas// zhag bdun dag na b+ha ri sha/ 'dzam gling khyab par 'bab par 'gyur// gal te des kyang ma phebs na// lcags kyi skyed po kha dgu la/ kha sbub dag tu bzhag nas kyang // tsha ba'i dmyal ba'i me bsams te// du ba long par 'dug par bsam// gu gul nag po'i dud pa yis// 'og nas bdug par gdon mi za// nyungs kar ske tshe la sogs pa'i// thun rdzas kun gyis brab cing gzer// rdo rje rtse dgu dag la gsang chen rtse dgu bzlas/ khro rgyal sku bsgom klu rgyal mgo nas gnan// de nas rgyun mi 'chad par 'bab// gal te des kyang ma thebs na// de nyid rang gi sbal pa nya lcong gsum// yod na shin tu gces pas legs// med na ga yod nges chu dang rko mo nas// de gsum dong rtsal zangs gzhong du// nya lcibs dag
- 325b
blug 'o ma chu// sbal pa'i rkang pa dag nas dkar nag skud pas gdags// seng ldeng phur pa la btags maN+Dal khar// btsugs la phur pa khro rgyal du bsgom par bya// bdag gzhan gsal bar legs bskyed la// 'od zer 'phros pas ste sngags bdag bskul bas// nA ga thams cad bkug nas dngos la bstim// de nas drag sngags btags te sngags bzlas nas// nyungs kar thun gyis dngos la brab// gu gul nag pos bdug par bya// nA ga rnams kyis char pa phob pa ma// nA ga ra dza phob bya'o// de ltar sbyor ba zab mo ni// ji ltar zin kyang phebs par 'gyur// 'dzam gling phebs pa'i char phab nas// sems can kun gyi gsos su 'gyur// rgyal ba kun gyis nges par gsungs// rlung ni drangs nas nyin zhag ni// bdud du 'bab par gdon mi za// the tshom med pa las yin no// zab mo sngags 'di phebs par bya// oM s+phu ta spu ta mahA krod+ha hUM sid+d+hi sid+d+hi hUM phaT/ b+ha ri sha ya pa ta ya pa ta ya swA hA/ dbang du sprin rnams bsdu ba'i sngags// rtog pa'i rgyal po mchod rten gyi rgyud las/ char dbab pa'i le'u ste nyer bzhi pa'o// // de nas phyag na rdo rjes gsol pa// kye kye bcom ldan thugs rje can// b+ha ri sha ya bzlog pa gang // bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/ khyod kyang rtse gcig
- 326a
yid kyis nyon// dang po ho gi thal ba la// nyungs kar ske tshe hom thal la// 'bum tsho bzlas la gnas su gtor// des ni thams cad 'chad par 'gyur// mtha' rten pa tu pa ta ye// gdags la drag tu bskrad par bya// rtog pa'i rgyal po mchod rten gyi rgyud las/ char pa gcad pa'i le'u ste nyer lnga pa'o// // de nas phyag na rdo rjes gsol pa// kye kye bcom ldan thugs rje can// zab mo sbyor ba'i tsha ba'i rims nad ji ltar gsol// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ba'i rnam lnga khyim gyi chu'i sa blangs la// nA ga yod nges chu sna dgu yis sbrus// sbrang dang 'o ma dag kyang rdzas su btang // de la 'dag pa legs byas gzugs kyang bya// sbrul mgo bdun pa tshad dang ldan pa bya// sbrul mgo bdun pa'i spyi bo ru// zla ba'i gzugs brnyan mtheb gang tsam// de dbus rin chen nas tsam bya// sbrul dang sbal pa nya dang lcong // lnga lnga gzugs brnyan bco lngas bskor// de kun mgo la gong bzhin sbyar// de nas bdag gzhan legs bskyed la// bsgo ba'i rim pa byas nas kyang // sngags kyi sbyor ba rab bskul nas// sngags kyi 'od zer rab 'phros pa'i// mu tig rnam pa'i 'od zer gyis// spyi bo'i zla ba'i 'od zer rin chen la 'phog pa tsam
- 326b
gyis// bsil ba'i chu bo'i rgyun gyis mgo lus bkru// dag par bdud rtsis khrus byas la// des ni nad pa'i lus zla ba'i 'od zer rgyas par 'gyur// bum pa'i chu la sngags bzlas gong gis sbyor ba bya// de ni bdud rtsir gyur nas khrus kyang bya// bco lnga'i 'khor gyi spyi bo nas// bdud rtsi'i chu bo gong bzhin 'bab// des kyang rims nad sel bar 'gyur// mtha' rten shan ting ku ru gdags// skabs su gtor ma dag kyang gtang // de ltar rgyun mi bcad pa'i las rnams brtsams na nges par 'tsho// yang na sbrul mgo bdun pa'i gzugs dag la// sbrul mgo re la phu re bsam// de nas sngags kyi 'od zer gyis// phu kun zhu ste bdud rtsi'i rgyun// char pa bzhin du 'bab par bsam// des kyang rims nad 'tsho bar 'gyur// de nas phyis ni klu mchod bya// gtsang ma'i chu la ni gzugs brnyan rnams kyang bskyal bar bya/ rtog pa'i rgyal po mchod rten gyi rgyud las/ rims nad srung ba'i le'u ste nyer drug pa'o// // de nas phyag na rdo rjes gsol pa// kye kye bcom ldan thugs rje can// klu yi smin lam rim pa yis// klu rnams dgyes par mdzad pa'i rim pa bzhin// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de nas me tog lag tu thogs byas la// dge
- 327a
bsnyen dag ni klu rgyal de// klu 'brug ni 'bod gcig la// pho brang ni mtshan gsol ba/ ri rab ni gling bzhi dang / rgya mtsho ni gling dgu dang / mtsho mo ni dal chen dang / ne'u gsing ni bzang mdzes dang / rin chen mtshal gyi thig phran dgye/ mu tig khu 'phang shar ra ra/ g.yu yin bun thul lu lu/ dga' bo dang ni nye dga' dang / ma dros ni gzi ldan dang / pad+ma ni chu lha dang / 'jog po ni dung skyong dang / snga bdag ni klu chen brgyad/ gnyen chen ni sde brgyad dang / rgyal rigs ni bram ze dang / rje rigs ni dmangs rigs dang / gdol chen ni sa bdag dang / dge bsnyen klu gnyen sa bdag rnams/ mnga' bdag ni yongs kyi rje/ pho brang ni longs kyis bskor/ chen po ni chen mo dang / lcam dral ni gcen gcung dang // sprul pa ni klu chen brgyad/ yon bdag ni 'khor bcas kyis/ mchod pa ni dam pa rnams/ sman rnams ni 'di mchis te/ na ga ni ge sar dang / rgya mtsho ni wu ba dang / chu srin ni sder mo dang / dbang po ni lag pa dang / bal po ni se'u lcug ma dang / kan ta ka ri dang / ne lo ni ut+pa la/ 'dab bu'i rtsa ba dang / ras skud ni dmar po dang / dar tshon ni sna lnga dang / mtshal gyi ni lcog la dang / li khri ni dmar po rung / ga pur ni shel dag dang / pu tshe ni shel dag dang / dung gtsug ni 'khyil ba dang / 'dam bu ni nags tshal dang /
- 327b
dkar gsum ni mngar gsum dang / zhal zas ni bda' dgur sbyar/ ting 'dzin dbang sgyur nas/ yid bzhin gyi mchod sbyin 'di/ klu la ni mchod par 'bul/ mchod pa ni 'di bzhes las/ yon bdag ni 'khor bcas kyi/ nongs 'gal ni ci mchis pa/ mthol bshags ni bzod pa gsol/ rtog pa'i rgyal po mchod rten gyi rgyud las/ klu'i smon lam gyi le'u ste nyer bdun pa'o// // de nas phyag na rdo rjes gsol pa/ kye kye bcom ldan thugs rje can// phyi bsgrub nang bsgrub las rnams dang // sngags bdag nas gzungs srin par// las la gzung ba'i bskul tshig rnams// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de la dang por sngags bdag bskul ba ni// spos dud gtang zhing snying po drang // ba ling thogs la 'di skad bskul// hUM/ sngags kyi bdag po tshur nyon cig/ nga ni phyag na rdo rje yin// nga ni klu yi gnyen po yin// klu brgyad zas su za ba yin// klu brgyad gos su gon pa yin// klu 'bum snyan du 'dings pa yin// klu lngas lus la brgyan pa yin// sngon gyi bskal pa dang po la// ri rab chen po'i byang phyogs na// gser gyi ri bdun rtsa shed na// rol mtsho chen po bdun gyi rtsa shed na// dgu 'das gang ri de nas ni// spos ngad ldan
- 328a
pa'i rtsa shed nas// gdug pa'i klu mtsho bgyi ba ste// ming ni ma dros mtsho zhes bya// mchu zheng lnga bcu yod pa'i mtsho// nA ga rigs mchog kun gyi gnas// de yi lhun po'i nang shed na// rin chen sna bzhi'i gzhal yas khang // shar phyogs rin chen dngul las byas// lho phyogs rin chen gser las byas// nub phyogs rin chen zangs las byas// byang phyogs rin chen lcags las byas// de yi lhun po'i gzhal yas khang // sbrul dang sbal ba'i za ra tshags// chu srin nya yi ka gdung dang // sbrul chen brgyad kyi rta babs can// sbrul chen brgyad kyi sgo rgyan can// dug gi 'od zer stong ste 'khrug/ de yi lhun po'i nang shed na// gser gyi pad+ma 'dab ma brgyad// de yi lhun po'i gdan steng na// rin chen sna bzhi'i khri stengs na// klu rgyal 'bum gyi gseb bshad na// de nas sngags kyi bdag po bzhugs// de na zur phud lnga pa bzhugs// de na sbrul mgo bdun pa bzhugs// de nas gzhon nu gtum po bzhugs// de nas klu rgyal chen po bzhugs// de na srid gsum dbang sdud bzhugs// de na sprul pa'i rgyal po bzhugs// de na nag po chen po bzhugs// de na dug gi rgyal po bzhugs// hUM/ sngags kyi bdag po tshur nyon cig/ sngon gyi bskal pa bar ma la// bcom ldan shAkya thub pa dang // sdud pa po phyag na rdo rje'i spyan lam du// bran po'i tshul
- 328b
du zhal gyis bzhes// las mkhan tshul du zhal gyis bzhes// bstan pa bsrung bar zhal gyis bzhes// dgra bgegs 'dul ba zhal gyis bzhes// nad rnams gso bar zhal gyis bzhes// sprul pa dgye bar zhal gyis bzhes// sngon gyi bskal pa tha ma la// rig pa 'dzin pa'i bka' la nyon// rig pa 'dzin pa'i bka' ma bcag/ sngags kyi bdag po'i bka' ltar song // sbrul mgo bdun pa gang ltar song / khye chung gzhon nu gang ltar song // srid gsum dbang sdug gang ltar song // gdug pa tshar gcod gang ltar song // nag po chen po gang ltar song // zur phud lnga pa gang ltar song // hUM/ sngags kyi bdag po tshur nyon cig/ bzhengs shig bzhengs shig dbyings nas bzhengs// shel mtsho dngas pa'i dbyings nas bzhengs// sku ni klu rgyal chen po la// ro stod mi la ro smad sbrul// gdug pa'i sbrul mgo bdun gyis gdengs// zur phud lnga yi cod pan can// sku mdog btso ma'i gser mdog can// dug lnga'i 'od zer rnam par 'phro// sprul pa klu chen 'bum yang 'gyed// 'khor du klu rgyal 'bul gyis bskor// klu rgyal gtso bo tshur spyon// bzhengs shig bzhengs shig dbyings nas bzhengs// spos ngad ldan pa'i dkyil 'khor nas/ khye'u chung gzhon du gshegs su gsol// sku ni khye'u chung gzhon nu la// 'khor du khye'u chung 'bum gyis bskor// sku la dar dkar ber
- 329a
chen gsol// dbu la dar gyi pan can// sprul pa khye'u chung 'bum sde 'gyed/ khye'u chung gtso bo da tshur spyon// bzhengs shig bzhengs shig dbyings nas bzhengs// bar snang sprul pa'i dkyi 'khor nas// sprul pa'i rgyal po gshegs su gsol// sku ni gdug pa sbrul nag 'bum gyis brgyan// gdug pa sbrul gyi chu 'phyang can// dug lnga'i 'od zer rnam par 'phro// 'khor du sbrul nag stong gis rnam par bskor// sprul pa sbrul nag stong sde 'gyed// sbrul nag gtso bo da tshur spyon// bzhengs shig bzhengs shig dbyings nas bzhengs// gru gsum 'bar ba'i dkyil 'khor nas/ khro rgyal chen po gshegs su gsol// 'khor ni khro rgyal 'bum gyis bskor// sprul pa khro rgyal 'bum sde 'gyed// klu bdud 'dul ba'i mthu bo che/ khro rgyal gtso bo da tshur spyon// do nod rigs 'dzin bdag 'bod na// las mkhan rgyal po da tshur spyon// grub pa'i rtags cig da tshur ston// bzlas pa'i tshad cig da tshur zung // sngags kyi bdag po de tshur nyon// rig 'dzin bka' las 'da' byed cing // 'bod pa'i tshe na snyan sra zhing // mngags pa'i tshe na bang bul zhing // rnal 'byor dgra bgegs mi 'dul zhing // grub pa'i rtags cig mi ston cing // bzlas pa'i tshad cig mi 'dzin na/ khyod kyi shi sa bstan pa ni// dam tshig sngags kyi byin brlabs dang / khro bo
- 329b
yag sha me dpal gyis// mdze nad sna tshogs khyod la 'ong // mig nad me dpal khyod la 'ong // 'on pa long ba khyod la 'ong // mdze nad shu ba khyod la 'ong // bla med 'bras bu thob mi 'gyur// 'o na de la ma thug gis// rigs 'dzin nga yi bka' la nyon// rig pa 'dzin pa'i bka' ma bcag/ bos pa'i tshe na snyan ma sra// mngags pa'i tshe na bang ma bul/ khru gang tsam las gting ma zab// chag gang tsam las dbang ma mtho// 'bem gang tsam las rgyang ma ring // sprul pa stong sde 'dir khyed las// dgra bgegs ma lus da tshur thul// hUM/ sngags kyi bdag po tshur nyon cig/ sum cu rtsa gsum yangs stengs nas// yab cig klu rgyal spyan 'dren na// dam rdzas gnyen gyi gtor ma 'di bzhes la/ bcol pa'i las rnams grub par mdzod// hUM/ sngags kyi bdag po tshur nyon cig/ shel mtsho dngas pa'i dkyil 'khor nas// klu chen rgyal po gshegs su gsol// dam rdzas gnyen gyi gtor ma 'di bzhes la// bcol ba'i las 'di grub par mdzod// hUM/ spos ngad ldan pa'i dkyil 'khor nas/ khye'u chung gzhon nu spyan 'dren na// dam rdzas gnyen gyi gtor ma 'di long la// bcol ba'i las rnams grub par mdzod// hUM/ bar snang sprul pa'i dkyil 'khor nas// sprul pa'i rgyal po spyan 'dren na// dam rdzas gnyen gyi gtor ma 'di bzhes la// bcol ba'i las
- 330a
rnams grub par mdzod// hUM/ gru gsum 'bar ba'i dkyil 'khor nas/ khro rgyal chen po spyan 'dren na// dam rdzas gnyen gyi gtor ma 'di bzhes la// bcol ba'i las rnams grub par mdzod// spos dang ba ling bcas pa yis// nyin gsum mtshan gsum bskul byas nas// dngos su 'ong na las byed do// sngags bdag bod pa'i rim pa'o// de nas rigs lnga'i klu tshogs las la bskul pa/ hUM/ rigs lnga'i klu tshogs tshur nyon cig/ nga ni phyag na rdo rje yin// klu brgya zas su za ba yin// klu brgya gos su gon pa yin// klu 'bum gdan du 'dings pa yin// klu lnga lus la brgyan pa yin// de phyir klu rnams bka' la nyon// hUM/ rgyal rigs klu tshogs 'chi bdag gnas nas skyod// sdang ba'i dgra la gnas nas skyod// gnod pa'i bgegs la gnas nas skyod// shar bltas brag 'bab me tog skyes// sa gzhi rdo yang dkar po skyes// rgyal rigs chen po'i gnas yin te// 'khor dang chas te dgra la chos// rgyal rigs klu tshogs tshur nyon cig/ nga yis ma nyes kho yis nyes// bka' las 'gal ba kho yis byas/ khyod kyi thugs kyang khong gis 'gal// 'di la rtags phyung mtshan ma ston// gzhal yas khang nas skyod pa'i tshe// sku ni sbrul dkar sbal pa dkar// nya dang lcong skye dkar po ste// chu rta chu lug chu glang dkar// chu bdag chu la
- 330b
gnas pa'i bu// zhe sdang pho mo'i bu de ni// byol song pho mo'i lto 'phye rigs// 'dzam gling mi la rnam par 'tshe// byol song ha la mthu chen rigs// de yi gzugs brnyan chu glang dkar// chu glang dkar pos 'jigs pa ste// g.yas kyi rwa las thog ser 'bebs// g.yon gyi rwa la glog dmar 'khyug/ rmig bzhi rnams la na bun 'thul/ kha rlangs 'phros pas sbrul du 'khyug/ de 'dra'i byol song mthu bo che// nA ga yu dang chu ru dang // phu phu'i sgra yis bos nas kyang // bdag nyid phyag na rdo rje'i skur bsgoms pas// mig gnyis gser chu zhun ma 'dra// mig las byung ba'i sbrul gnyis kyis// sdang ba dgra yi ske la 'khril// chu glang dkar po'i steng du skyon// rlung tshub drag pos rgyab nas phul// drang na nyams thag 'dug pa la// byol song glang gi kha rlangs las// sbrul dang sbal pa mang po yis// dam nyams dgra bo'i lus de la// lhu tshigs yan lag pa spu la// bdud dang gdug pa gzhug par gyis// lus la 'khril dang za bar gyis// gzhan yang kha rlangs sna rlangs la// sbrul dang sbal pa mang po yis// klu nad mdze nad phol mig dang // 'bras dang shu ba g.yan pa thong // rgyal rigs 'chi bdag tshur nyon cig/ skra dang smin ma da tshur phyi// klad mdze klad la myur du thong // byad nad gdong la la mor thong // rkang mdze rkang la zhen du chug/ nad rnams lhang lhang
- 331a
'khrug tu chug/ snag mdze snag la zhen du chug/ tsha ba me 'bar mthong du chug/ rgyal rigs na seg 'brel du chug/ sbrul dang sbal pa za ru chug/ nya dang lcong mo 'khril du chug/ chu rta chu glang 'ded du chug/ bdun brgyud rtsad nas chod la shog/ bcol lo gdams so rgyal rigs klu// bskal pa'i mthar yang ma gtang zhig/ de nas bram ze'i rigs rnams bskul te/ hUM/ bram ze 'chi bdag gnas nas skyospyod// sdang ba'i dgra la gnas nas skyod// gnod pa'i bgegs la gnas nas skyod// lhor ltas gting zung dri yang zhim// rtag tu skye 'bri med par 'bab// sa gzhi rdo yang ser por gnas// bram ze chen po'i gnas yin te// 'khor dang chas te dgra la chos// ka ye bram ze'i klu tshogs tshur nyon cig/ nga yis ma nyes 'di yis nyes// bka' las 'das pa kho yis byas/ khyod kyi thugs kyang kho yis 'gal bar byas// 'di la rtags phyung mtshan ma ston// gzhal yas khang nas skyod pa'i tshe// sku ni sbrul ser sbal pa ser// nya dang lcong mo ser po ste// chu rta chu lug chu glang ser// chu bdag chu la gnas pa'i bu// zhe sdang po mo'i bu de ni// byol song gdug pa lto 'phye'i rigs// 'dzam gling mi la rnam par 'tshe// byol song ha la mthu chen te// de yi gzugs brnyan chu glang ser// chu glang ser po 'jigs pa ste// g.yas pa'i rwa la thog
- 331b
ser 'bebs// g.yon pa'i rwa la glog dmar 'khyug/ rmig bzhi rnams la na bun 'thul/ kha rlangs khros pas sbrul du byung // 'di 'dra'i byol song mthu bo che// nA ga yu dang tshu ru dang // phu phu'i sgra yis bos nas kyang // bdag nyid phyag rdor skur bsgoms nas// mig gnyis gser chu zhun ma 'dra// mig las byung ba'i sbrul gnyis kyis// sdang ba'i dgra bo ske la 'khril// chu glang ser po'i thog du skyon// rlung tshub drag po'i rgyab nas 'bul// drung na nyam thag 'dug pa la// byol song glang gi kha rlangs las// sbrul dang sbal pa mang po'i kha rlangs kyis// dam nyams dgra bo'i lus de la// lhu tshigs yan lag ba spu la// bdud dang gdug pa zhugs par gyis// lus la 'khris dang za ba dang // gzhan yang kha rlangs sna rlangs las// klu dang mdze dang phol mig dang // 'bras dang shu ba phol mig dang // mdze nad g.yan pa drag po thong // bram ze 'chi bdag tshur nyon cig/ dam tshig nyams pa'i dgra bo de// bdun brgyud tshun chad ma gtang zhig/ skra dang smin ma da tshur phyi// klad mdze klad nad myur du thong // byad nad gdong la la mor thong // rkang mdze rkang la zhen du chug/ bram ze ne seg 'brel du chug/ nad rnams lhang lhang 'khyug tu chug/ tsha ba me dpal gtong du chug/ sbrul dang sbal pa za ru chug/ nya dang lcong mo 'khril du chug/ chu rta chu lug 'brel du chug/ bdun
- 332a
rgyud rtsad nas chod la shog/ bcol lo gdams so bram ze'i klu// bskal pa'i mthar yang ma gtang zhig/ de nas rje rigs klu rnams bskul te/ hUM/ rje rigs klu tshogs gnas nas skyod// sdang ba'i dgra la gnas nas skyod// gnod pa'i bgegs la gnas nas skyospyod// nub bltas gting 'bab sgra yang chung // rgya mtsho chen por slongs par 'gro// sa gzhi rdo yang dmar bar gnas// rje rigs chen po'i gnas yin te// 'khor dang bcas te dgra la chos// kA ye rje rigs klu tshogs tshur nyon cig/ nga yi ma nyes/ 'di yi nyes// bka' las 'das pa kho yis byas// 'di la rtags phyung mtshan ma ston// gzhal yas khang nas skyod pa'i tshe// sku ni sbrul dmar sbal pa dmar// nya dang lcong mo dmar po ste// chu rta chu lug chu glang dmar// klu bdag chu la gnas pa'i bu// zhe sdang pho mo'i bu de ni// byol song pho mo lto 'phye'i rigs// 'dzam gling mi la rnam par 'tshe// byol song ha la mthu chen ste// de yi gzugs brnyan chu glang dmar// chu glang dmar po 'jigs pa de// g.yas kyi rwa las thog ser 'bebs// g.yon gyi rwa la glog dmar 'khyug/ rmig bzhi rnams la na bun 'thul/ kha rlangs 'phros pas sbrul du 'khyug/ de 'dra'i byol song mthu bo che// nA ga yu dang tshu ru na// phu phu'i sgra yis bos nas kyang // bdag nyid phyag rdor skur bsgoms
- 332b
pas// mig gnyis gser chu zhun ma 'dra// mig las byung ba'i sbrul gnyis kyis// sdang ba dgra yi ske la 'khril// chu glang dmar po'i steng du skyon// rlung tshub drag pos rgyab nas phul// drung na nyam thag 'dug pa la// byol song glang gi kha rlangs las// sbrul dang sbal pa mang po yis// dam nyams dgra bo'i lus de la// lbu tshigs yan lag pa spu la// bdud dang gdug pa zhugs par gyis// lus la 'khril dang za bar gyis// gzhan yang kha rlangs sna rlangs las// sbrul dang sbal pa mang po yis// klu nad mdze nad phol mig dang // 'bras dang shu ba g.yan pa thong // rje rigs 'chi bdag tshur nyon cig/ skra dang smin ma da tshur phyi// klad mdze klad la myur du zong // byad nad gdong la la mor thong // rkang mdze rkang la zhen du chug/ nad rnams lhang lhang zhen du chug/ rje rigs ne seg 'brel du chug/ snag mdze snag la zhen du chug/ tsha ba me dpal zong du chug/ sbrul dang sbal pa za ru chug/ nya dang lcong mo 'khril du chug/ chu rta chu glang 'ded du chug/ bdun rgyud rtsad nas tshod la shog/ bcol lo gdams so rje rigs klu// bskal pa'i mthar yang ma gtang zhig/ de nas dmangs rigs gdol can bskul// hUM/ gong bzhin sbyar bar the tsom med// byang bltas gnag cing nyams mi dga'// rtag tu nyi ma 'char mi srid// rlung dang tshub ma rtag tu
- 333a
'byung // sa gzhi rdo yang nag por gnas// dmangs rigs gdol tshogs gnas yin te// 'khor bcas gong bzhin sbyar bar bya// sgra ni sbrul sogs gang dang sbyar// chu rta nag po gong dang mthun// chu glang nag po'i steng du skyon// gzhan yang gong dang sbyar bar bya// bcol lo smos so dmangs rigs gdol can klu// bskal pa'i mthar yang ma gtang zhig/ de nas gnyen gyi klu tshogs bskul// hUM// gnyen gyi klu tshogs gnas nas bskul// sdang ba'i dgra la gnas nas skyod// gnod pa'i bgegs la gnas nas skyod// mi pho rgya mtsho gting rings ni// gnyen chen 'bar ba'i gnas yin te// 'khor dang bcas te dgra la chos// kA ye gnyen gyi klu rnams tshur nyon cig/ nga yi ma nyes kho yi nyes// bka' las 'das pa kho yis byas/ khyed kyi thugs dang 'di yis 'gal// 'di la rtags phyung mtshan ma ston// gzhal yas khang nas bzhengs pa'i tshe// sku las mdzo tol 'bum sde 'gyed// klu bdag chu la gnas pa'i bu// zhe sdang pho mo'i bu de ni// byol song gdug pa lto 'phye'i rigs// 'dzam gling mi la rnam par 'tshe// byol song ha la mthu bo che// de yi gzugs brnyan mdzo rtol nag/ mdzo rtol nag po 'jigs pa ste// g.yas pa'i rwa las thog ser 'bebs// g.yon pa'i rwa las glog dmar 'khyug/ rmig bzhi rnams la na bun 'thibs/ kha
- 333b
rlangs 'phros pas sbrul du 'khyug/ de 'dra'i byol song mthu bo che// nA ga yu dang tsu ru dang // phu phu'i sgra yis bos pa dang // bdag nyid phyag rdor gong dang mthun// gnyen chen mdzo rtol steng du skyon// rlung tshub gong dang mthun par sbyor// dam nyams dgra bo'i lus de la// lU tshigs gong dang mthun par sbyar// gzhan yang kha rlangs sna rlangs las// sbrul dang sbal pa mang po la// klu nad mdze dang phol mig dang // 'bras dang g.yan pa shu ba thong // gnyan chen 'bum sde tshur nyon cig/ dam tshig nyams pa'i dgra bo 'di// bdun rgyud tshun chad ma gtang zhig/ skra dang smin ma da tshur phyi// klad mdze klad lam myur du thong // rkang mdze rkang la zhen du chug/ nad rnams lhang lhang 'khrug tu chug/ snag mdze snag la zhen du chug/ bram ze ni seg 'brel du chug/ tsha ba me dpal gting du chug/ sbrul dang sbal pa za ru chug/ nya dang lcong mo 'khril du chug/ chu rta chu glang 'ded du chug/ bcol lo gdams so gnyen gyi klu// bskal pa'i mthar yang ma gtang zhig/ de nas sa bdag sa srin bskul te/ hUM/ sa bdag 'chi bdag gnas nas skyod// sdang ba'i dgra la gnas nas skyospyod// gnod pa'i bgegs la gnas nas skyod// ri dang brag dang shing gcig dang // sgong tshigs sa skam rdo skam dang // sa bdag chen po'i gnas yin te// 'khor dang bcas te dgra la chos// sa bdag klu
- 334a
tshogs tshur nyon cig/ nga yis ma nyes kho yis nyes// bka' dang 'gal ba kho yis byas/ khyod kyi thugs dang kho yis 'gal bar byas// 'di la rtags phyung mtshan ma ston// gzhal yas khang nas / skyospyod pa'i tshe// sku ni sdom dang sdig pa dang // sbrul dang rta glang rmig pa dang // rtsangs pa khyi dang bya dang phag/ bud med sems can khra mo dang // sa bdag sa la gnas pa'i bu// zhe sdang pho mo'i bu de ni// byol song gdug pa lto 'phye'i rigs// 'dzam gling mi la rnam par 'tshe// byol song ha'i mthu chen te// de yi gzugs brnyan khyi phag khra/ khyi phag khra yi 'jigs pa ste/ kha rlangs 'phros pas sbrul du byung // de 'dra'i byol song mthu bo che// nA ga yu dang tsu ru dang // phu phu'i sgras ni bos nas kyang // bdag nyid phyag rdor sku ru bsgoms// mig gnyis gser chu zhun ma 'dra// mig las byung ba'i sbrul gnyis kyis// sdang ba'i dgra bo'i ske la 'khril/ khyi phag khra bo'i thog tu skyon// rlung tshub drag pos rgyab nas phul// drung na nyam zag 'dug pa la// byol song khyi phag kha rlangs las// sdom sdig rtsangs pa mang po yis// dam nyams dgra bo'i lus de la// lha tshig yan lag pa spu la// bdud dang gdug pa zhugs par gyis// lus la 'khris dang za bar gyis/ khyi dang phag pa rtsangs pa rta bla bas// dgra dang gnod bgegs za bar byed// gzhan yang khyi phag kha
- 334b
rlangs kyis// klu nad mdze nad phol mig na ba gtong // 'bras dang shu ba mdze nad g.yan pa drag po gtong // sa bdag sa srin tshur nyon cig/ dam tshig nyams pa'i dgra bo de// bdun rgyud tshun chad ma gtang zhig/ skra dang smin ma tshur phyi// klad mdze klad nad myur du zong // byad nad gdong la la mor thong // rkang mdze rkang la zhen du chug/ brang tshe na seg 'brel du chug/ tsha ba me dpal gtong du chug/ sdom dang sdig pas za ru chug/ rmig pa rtsangs pa 'khril du chug/ khyi dang phag pa 'dod du chug/ bcol lo gdams so sa bdag klu// bskal pa'i mthar yang ma gtang zhig/ dam shes phag mes pa'i byol song khyod// ma mo dag dang bsdongs nas ni// rdzings nas nyams lci'i 'chi bar gyis// bdud dang bsdongs nas khrag tu skyug/ gshin rje dag dang bsdongs la// sgro 'bog lhog pas thebs par gyis// btsan dang sdongs la gri thibs sod// dmu bdud dag dang bsdongs gyur nas// lbos nas skrangs nas 'chi bar gyis// nA ga gcig pos zin gyur na// chu ser smug po 'byung ba gyis// sa bdag dag dang bsdongs nas ni// lus sbrid rkang lag skams par gyis// de ltar sbyor ba zab mo yis// klu dang gnyen dang sa bdag dang // byol song rigs kyis gnod par gyis// des kyang byol song dag gis mi gnod na// sngon gyi thugs
- 335a
dam nyams nas/ byol song nyid kyi mgo 'gas so// rtog pa'i rgyal po mchod rten gyi rgyud las/ klu rnams la las bcol ba'i le'u ste nyer brgyad pa'o// // de nas phyag na rdo rjes/ bcom ldan 'das la gsol pa/ kye kye bcom ldan thugs rje can// 'gal ba cham la dbab pa'i phyir// nang bsgrub las kyi sbyor ba yis// gtad pa'i las rnams ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// nang bsgrub la yang rnam gnyis te// bsnyen pa cig gis bsgrub pa dang // bye brag bsnyen pa bsgrub pa'o// de la dang por bsnyen pa ni// gnyis po dag gis bsgrub byas nas// nang bsgrub las kyi rim pa ni// las kyi bsgrub thabs 'bum sde bshad// dang po klu rgyal dngos bsgrubs nas// rigs bzhi klu dang gzhan dang ni// sa bdag sa srin rigs kyi// gtad pa las kyi sbyor ba btsam// de la dang po sngon 'gro'i sbyor ba ni// dang po ni klu rnams dbang du bsdu// shu le shu mu le/ sha sha shu shu mo ti ti ta phaT hUM/ zhag gsum bar du bzlas par bya// des ni klu gnyen sa bdag kun// dbang du 'dus par gdon mi za// de nas mna' yis bsgag par bya// tad ya tha/ oM ba ga tsi gi hUM hUM ya hUM hUM ya hA ya swA hA/ bzlas shing pha skal
- 335b
bu bsgo// rnam mtho dag kyang gcad par bya// de nas maN+Dal dag gi steng // klu gtor rgyas pa bshams la// zhag lnga zhag bdun par dag tu/ khyung gi phyag rgya byas la ni// klu gnyan sa bdag kun gyi spyi'i snying po dang // nye ba'i snying po dag kyang drang bar bya// snying po dag la 'bum tsho bskul// nye ba'i snying po dag la nyin stong mtshan stong ngo // gang byed thod par rdzas dang ling ga bsags byas la/ klu rnams gtad sngags bzlas par bya// de nas thod sbrul phyag rgya legs byas la// thun sngags brabs las dgra bo sbrul gyis bskor// nyungs kar nyungs nag dag la 'bum bzlas phyogs su gtor/ gu gul gyis bdug bsngags bzlas shing ling kha gdugs/ de rnams sngags ni sngags kyi le'u nas shes/ de ni sngon du 'gro ba'i spyi'i cho ga'o// de nas gang yang rung ba'i las rnams brtsam/ rtog pa'i rgyal po mchod rten gyi rgyud las/ nang bsgrub sngon du 'gro ba'i le'u ste nyer dgu pa'o// // de nas rgyal rigs sbyor ka bshad// shar bltas pa'i khyim phyin la// rgyal rigs sa btsal gnas pa'i klu gar de// klu gar dag la dgra bo gtad 'dod na// rang gis gos dkar gon la spyi bo'i skra yang brdzes// gdong pa khrag dang sol bas ngos re byug/ gshed thod dbang bskur sngags kyang bzlas// de nas dgra bo'i pha mis thod pa ru// du yod ming rus gro ga/
- 336a
dag la bri// nyungs kar til nag rjes kyi sa la bzlas// thod pa gnyis kyi mig ltas nas// tshon skud btags la lag pa g.yas pas gzung // gshed thod nang du gu gul dkar po dang // cong zhi dkar po de rnams sbyar byas la// gu gul nag po ske tshe btsan dug re lcag pa// dgra bo'i ming byang bcug la dgra bo'i srog snying bzlas// thod pa'i nang gi ming byang dag la brab// de nas klu yi drag sngags kyis kyang rdeg/ gu gul nag pos brdegs par bya// de nas ma nyes dpang yang gzugs// gser skyems cha gcig gtang bar bya// klu gar khyod la 'di gtad do// chu mig klu yi mig yin pas// mig du chu mig dag nas ni// rkang 'dom gang bcal klu yi kha yin pas// de ru sa brkos pha mes thod pa gzhug/ de bas dma' ba'i khru de gzhal ba la// lag pa g.yas pa'i sbar ba ste// de ru sa bskos gshed thod sba// g.yon ngos khru do bcal ba ni// lag pa g.yon pa'i sbar ba ste// mtshan byang de ru sba bar shis// thod pa'i kha ni rgya skyegs dag gis gcad// zo rangs skya rengs shar ba'i dus su sbyar// de ltar gtad na lkugs pa'am// zhwa grum dag gis 'chi ste lo gnyis na'o// rtog pa'i rgyal po las/ rgyal rigs la dgra bo gtad pa'i le'u ste sum cu pa'o// // de nas bram ze'i las bshad de// ser po me la dbang ste de la gtad par bya// lhor
- 336b
bltas khyim du song la cha lugs ser po gon// gtor ma ser po rgyas pa sbyin bya ste// dbang po gdams la phyogs su phyag gsum btsal// ming rus khrag la bris byas la// skra dang rjes kyis bsres gzugs byas la// 'bogs drir shi ba'i thod pa ru// dug dang gu gul nag po dang / khyi nag po yi snying btsal la// bram ze'i snying pos brab par bya// de nas nyi ma nyi ma rtsa gong du// gtad pa'i las rnams gong dang sbyar// lcebs drir snying gzir 'chi bar 'gyur// rtog pa'i rgyal po'i rgyud las/ bram ze la gtad pa'i le'u ste so gcig pa'o// // de nas rje rigs kyi las bshad de// klu khra chu la dbang ba ste// de la dgra bo gtad pa ni// nub tu bltas pa'i khyim song ste// phyag gsum btsal la las rnams bya// lug gi thod par 'bru sna sna tshogs blugs// sbrang rtsi gzeg phur chu gang la// dgra bo'i gzugs byas thod par gzhug/ phag pa'i thod par dug dang ske tshe dang // mi khrag ming byang dor rtar bcug la zod par gzhug/ klu bskrad snying pos brdeg cing brab par bya// phyi ma gong bzhin sbyar bar bya// nyi ma shar ba'i dus na gtad// lo dus dag las 'khor mi srid// rtog pa'i rgyal po'i rgyud las/ rje rigs kyi las dgra bo gtad pa'i le'u ste so gnyis pa'o// // de nas dmangs rigs kyi las bshad de/ dmangs rigs nag po
- 337a
rlung la dbang ba ste// de la dgra bo gtad par bya// byang phyogs bltas pa'i khyim phyin nas// gter ma nag po bshams la sbyin// nas nag lcags phye til nag dang // bsregs pa de tsho gang yang sbyin// de nas mdze pho'i thod pa ru// dug chu ming byang legs brtsams la// lus la lce phog tshags byas la// skol te thod pa'i mig nas dkrug/ skol ba'i sngags kyang bzlas par bya// gu gul dag la drag / sngags bzlas la brdeg/ smin ma skra sogs phyi zhes brjod// gong nas 'byung bzhin chu mig tu// gzhug par bya bar the tshom med// nad du mdze ni gdon mi za// zla ba lnga las 'khor mi srid// rtog pa'i rgyal po'i rgyud las/ klu dmangs rigs la dgra gtad pa'i le'u ste so gsum pa'o// // de nas klu sna tshogs kyi las bshad de/ khyim 'og gsum pa'i sum mdo ru// phyi nas 'bru sna tshogs dang // gu gul nag dang rin / chen dang // ming rus sbrul gyi dum bu dang // bud med gri ru shi ba'i thod par bcug la// zhag nyi shu rtsa gcig tu bzlas la// dam bdar las bcol lo// stong rtsa brgyad du bzlas na nges par chud mi za// yang na gro ga shun lpags dang // na ga pus par khrag glang nag khrag/ ba ser lci ba bsres la ling ga bya// ming byang snying khar bcug la mdor sbas na// la thang phye dang sran tshe tsha phye rnams// bsres la chu mig nang du
- 337b
gtor mar bya// che ge 'di ni mi gtang 'tshal// zhag gsum dag na cho 'phrul sna tshogs 'byung // 'og rta 'chi la sbrul gyi kha dog ston// zla ba phye na nges par 'chi bar nges/ khrag tu skyug cing 'chi bar 'gyur// rtags rnams byung na thod pa dbyug/ klu bsgrub bya zhing klu gtor gtang // dbyar zla gsum la chu mig sngo dbye ba// rigs bzhi klu dang sna tshogs klu yi ni// las su rgyal ba kun gyis gsungs// rtog pa'i rgyal po mchod rten gyi rgyud las/ klu sna tshogs la dgra bo gtad pa'i le'u ste so bzhi pa'o// // de nas sa bdag gis las bshad de/ sa bdag yod nges pha 'ong ngam// sgong tshigs gra ma dag la ni// sa bdag la gtad las bya'o// dgra bo yod tshad ming rus ni// gro ga dag la legs bris la// sa bdag khyod la gtad do bya// sa gru ru bcug la drag sngags dag kyang rdegs// nyungs kar dag la bzlas la brdeg/ yang na sbal pa'i gsob dang sdig pa'i gsob// de nyid lto sbyar tshon sna lngas bcings la// mna' thod dag tu bcug la sa bdag la gtad// tshig gis 'di skad brjod par bya// sa bdag rgyal po rgyal mo dang // blon po mthu chen dmag dpon dang // dkar po ser po nag po khra bo gshed po 'dzin skyong po/ sgur po khyed rnams mar ya 'di gtad kyis/ klu rdzings su chu gcig/ dmu chu dang gum por thong zhig/ bad
- 338a
kan dang / rlung nad dang / mkhris nad 'dus pa'i nad kyis sod cig/ sa bdag yod nges sngos shing sgong tshigs pha bong sar sba'o// zla gsum nya la sbas gyur na/ lo dus dag la 'khor mi srid// rtog pa'i rgyal po'i rgyud las/ dgun zla gsum la ri bo'i lto sbrul la dgra bo sa bdag la gtad pa'i le'u ste so lnga pa'o// // de nas gnyen gyi las bshad de// mtsho chen po'i sar phyin te// gnyen chen po zhes bos pa dang // dang po ma nyes dpang yang gzugs// gnyan dang pha skal bu skal mgo/ gnyen dang rnam tho legs par gcad// mon pa nag po'i thod pa ru// du yod dgra bo'i ming byang gzhug/ gro ga dag la ling ga bri// mang po bcug la dgra la gtad// lcags phye dug sna tshogs pa dang // 'bru sna tshogs dang gul gul dang // rgya mtsho lbu ba la sogs dang // gnyen gyi dam rdzas ma lus la// blugs la gnyen gyi drag sngags kyis// brab par bya ba the tshom med// ces ni drag sngags brgyab nas kyang // mon zod dag la 'di skad bri// gnyen po bar snang dag la bzhugs pa dag/ rgya mtsho spyan dbye 'dir sbron la/ khyed la dgra po 'di gtad kyis// dig tu chug cig/ lkugs su chug cig/ zhar du chug cig/ chu bur dang / shu ba dang / g.yan pa dang / phol mig dang / lkugs pa dang / kha yon po dang / lus po zha ba dang / gzhogs skams
- 338b
par gyis shig/ byas la thod pa thal 'jim gyis kha gcad la/ re bas gtum rgya gram gyi dkar nag skud pa dag gis bcing // gnyen rdo khra bo dag dang sbags nas kyang // rgya mtsho dag tu bsgyur bar bya// zla dus dag la gzas pa po// mi 'khor de sa shin tu zab// sangs rgyas kun gyi rnags pa yin// rtog pa'i rgyal po'i rgyud las/ dpyid zla gsum la rgya mtsho spyan dbye ba dgra bo gnyen la gtad pa'i le'u ste so drug pa'o// // de nas khyad par las chen bshad// 'jig rten gsum na rnyed par dka'// zhag brgyad du nyin par sngags bzlas shing / chu mig tu ming byang bsgyur bar bya/ de yi bya ba'i rim pa ni/ glang mtheb long tsam rgyus la// steng du de ltar brgyad kyis mdzes// de ltar bcu drug par dag du// dang po gnyis dang gsum dang bzhi// lnga dang drug dang bdun dang brgyad// ming dang oM dang phu sbyor gsum// mkhas pas rim bzhin sbyar nas kyang // chu mig brgyad du nub mo sgyur// chu mig kha ru sngags 'di brjod// des kyang tshur la ldog mi srid// dang po ma nyes dbang yang gzugs// de nas klu yi dmod pas mos// phyi'i mchod pa rgyas par dbul bar bya/ 'gro ba rigs drug sbyin gtor gtang // de nas byang shar klu btsan yam shud la// gser skyems dag kyang rgyun mi gcad// de nas klu yi dmod pa ni// kA yi klu chen rnams nyon cig/ klu
- 339a
nag po rnams nyon cig/ dgra bo 'di bka' las 'das pa yin pas 'di la rtags phyung zhig/ mtshan ma myur du ston cig/ smin ma dang sgra phyi zhig/ klad mdze klad la zong zhig/ byad nad gdong la phur shig/ rkang nad rkang la zhen cig/ nad ngan lhang lhang 'khyug tu chu gcig/ sna mdze sna la zhen cig/ bran tshe ne seg khrol cig/ tsha ba med dpal thong zhig/ sbrul dang sbal pa zhugs cig/ des ni nges par chud mi za yi// rtog pa'i rgyal po mchod rten gyi rgyud las/ klu chen po brgyad la dgra bo gtad pa'i le'u ste so bdun pa'o// // de nas zab mo'i las bshad de// shog shog dag la ra dkar gyi// 'o mas snying po legs bris la// gro srog dud pas bdug par bya/ kham pa'am la cha'i sbal par legs bcug la// re ba dag gis gtum par bya// de nas snying po bzlas bya ste// gnas pa brgyad kyi dbus su'o// ba glang phag pas byug la gnan// de nas gtad pa'i sngags kyang bzlas// 'dzam bu gling nas rnyed par dka'// snying kha'i dkyil du bcang bar bya// sangs rgyas kun gyi dam tshig go/ rtog pa'i rgyal po mchod rten gyi rgyud las/ zab mo nA ga'i las bstan pa'i le'u ste so brgyad pa'o// // de nas gtad pa'i las bshad de// gro gshog bu ras dag la// sbal pa nag po'i gzugs bris la// snying khar ming byang khog du
- 339b
gzhug/ gnag pa gnyen la gtad pa'i sgo// lung bdun chu dang lung dgu'i chu// sman dang dmar ser bcud rnams kyis// gnag mchod srid la gser skyems gtang // byang shar yam shud dmar po la// gser skyems gtang la bar chad bsgo// rgyun du snying po 'di bzlas so// gu gul nag po'i dud pas bdug/ rigs drug gtor ma gtang nas ni// gong 'og sbal pas ma nas bsgrags la// gsang sngags 'di yang brjod par bya// de nas las bcol gsang sngags bzlas// de nas thod sbrul phyag rgya legs byas gsang sngags bzlas// thams cad bsdams par bsam par bya// rtog pa'i rgyal po mchod rten gyi rgyud las/ nA ga las chen gyi le'u ste so dgu pa'o// // de nas zab mo'i spyi don bshad// shog bu dag la sbal pa nag po bri// de yi nang du ming yig bri bar bya// bdag gis dgra bo 'di gtad zhes bya ba yang ni bsgo bar bya// klu rnams sman dang gtor mas mchod// srid pa'i lha 'dre byin la'ang gser skyems gtang // byang shar yam shud dag la gser skyems gtang // dgra bo'i tshe srog bar chad bya'o// de nas klu yi snying po 'di yang bzlas/ khri'am 'bum dang bzlas par bya// sbal pa'i gzugs de chag gang 'og tu sba// nag po dag la gtad par bsgo// de nas klu rnams dam brtsal mna' bsgrags// sngags 'di yang ni brjod par bya// de
- 340a
ltar byas nas kun kyang 'grub// rtog pa'i rgyal po las mchod rten gyi rgyud las/ zab mo'i spyi don gyis dgra bo cham la dbab pa'i le'u ste bzhi bcu pa'o// // de nas klu gnas bshad par bya// klu rnams la yang rnam bzhi ste// rgyal rigs rje rigs bram ze'i rigs// dmangs rigs nag po gdol pa'i rigs// de dag so so'i mtshan nyid ni// shar bltas drag 'bab me tog skyes// sa bzhi rdo yang dkar por gnas// rgyal rigs yin par shes par bya// lhor bltas gting thung dri yang zhim// rtag tu skye 'bri med par 'bab// bram ze yin par shes par bya// nub bltas gting 'bab sgra yang chung // rgya mtsho chen por slebs par 'bab// rje rigs yin par shes par bya// byang bltas nag cing nyams mi dga'// rtag tu nyi ma 'char mi srid// rlung dang chub ma rtag tu 'byung // gdol pa'i rigs su shes par bya// de rnams spyi yi mtshan nyid do// rtog pa'i rgyal po las/ klu rnams rigs brtag pa'i le'u ste zhe gcig pa'o// // de nas klu dang gnyen dang sa bdag gis// ma grub spogs pa'i cho ga bshad// de la dang po rgyun tu drangs pa'i sngags// bdun 'bum dag tu bzlas par bya// de nas myos su gzhug pa'i sngags// stong tsho tsam du bzlas par bya// de nas gsad par bya ba'i sngags// brgya rtsa brgyad du bzlas par bya// chu mig mgo
- 340b
gsum 'khor skye ba'i// gra ma tsher ma'i shing dag dang // skyu ru ra yi me tog la// sbrul nag sbal nag sdig pa'i ro dang sdom nag po// dgra bo'i ming dang dbye ba ni// sngags kyi gzugs dang sgrags la bsregs// thal ba phyogs su gtor zhing phyag kyang 'tshal du gzhug/ dgra bo dag la smos ci dgos// yul khams tsam du mdze 'ong ngo // mi nad sna tshogs mi bde sna tshogs 'ong // gar dga' bya med thi snyam dag la bya// dgra la rtags byung thod pa dag kyang dbyung // gsum po dag la gtang rag gtang // klu sgrub klu mdos klu rjes dag kyang gtang // klu gros klu skongs klu klu phya'o blang // kla skongs thebs gsum dag kyang bya// dus gsum chod pa khyod la bya// sngags pa bdag la mna' ma za// gnod pa ma byed par dam bdar// rtags phyung mtshan ma ston// de ni gdon mi za bar 'grub// nges pa'i las 'di the tshom med// rtog pa'i rgyal po mchod rten gyi rgyud las/ las kyi spogs pa'i cho ga bstan pa'i le'u ste zhe gnyis pa'o// // de nas las mchod de rnams kyi// gsang sngags gang yin ngo bo gang // dngos su ma mchod gnas bstan par bya'o// sangs rgyas kun gyi gsang ba yin// ngag tu brjod pa ma yin te// skye bo'i drung du brjod mi bya// oM pi tsi kri pi li li ga hUM hUM phaT/ oM pi tsi tri pa li li ga muM ma nya myos hUM hUM phaT/ oM pi tsi tri pa li li ka
- 341a
'dar 'dar hUM hUM phaT/ oM pad+ma ni dza/ dgra bo ni dza gal 'ge ri ni dza/ oM tsa ta tsa ta bi tsa ta bi tsa ta/ shan ta shan ta swAhA/ oM pad+ma ni hUM dza/ shang ka pa li ni dza/ oM dgra bo pa ra la ni dza/ oM ga la ge'u phu ni dza/ oM tsa ta tsa ta bi tsa ta bi tsa ta/ sha ta sha ta swA hA/ oM pad+ma ni dza dza// shang ka pa la ni dza/ oM dgra bo ni dza/ oM ga la ge'u bu ni dza/ dgra'o tse tsi tsi rgyas/ trag tur snying la 'gul 'gul/ myags myags / rtsa bzhi skum shan shan/ tsha thur nag po sod swA hA/ ki na ga dun/ nA ga dun nA ga sha la dun/ he ling he ling nA ga 'dus 'dus/ pad+ma hUM dza/ pad+ma ni dza hUM baM ho/ nA ga rA dza hUM dza/ oM nA ga rA dza hUM dza/ tsa ta tsa ta sha ta sha ta/ bi sha ta bi sha ta/ nA ga tsa nan swA hA/ phu AM/ au phe/ oM po/ au pa/ au swa/ oM ga/ oM ga/ oM k+Sha nA ga phra ban tsa tsa pu nye kha dan gangs smin bri smin ka na ga ya shu phri smi ka/ nA ga seng he pra nye ge/ nA gi'i tra ku rtsang nya ga su rnga nA ga khu la yas pa lci nA ga phyi la yu ti mug swA hA/ oM ge re ge re ku ru ku ru khaM swA ha/ ta thi ga tri hri// da ya mA ra ya phaT/ tsa le tsa le mA ra ya rbud/ ga rdza ga rdza mA ra ya rbud/ wa ne be ra sha mA ra ya rbudrud/ sa ma dzi srid tra mA ra ya rbud/ krod+ha ni kro d+ha ni mA ra ya phaT/ oM bur gum ma ga mA ra ya rbud/ oM ni she ma ga krod+ha hUM hUM phaT/ oM badz+ra kro sang mA ra ya phaT/ e ha e ha a ha si ri si ru su ru su ru/ sred sred ri
- 341b
phaT/ a pra te pra pra te e ta na/ e dad sad sad chom chom thul thul/ ha zhe na ha zhen nA ga zhe na/ log tri tra sod/ a shu te sod/ ne ka pra ti sod/ he he phaT/ he du sod/ sin ti sod/ sen men dun ting sod atri nir tri a tri sod/ kro sod du du sod ya ya tri sod// ba tri ta sod/ nang du ya sod/ nang du ye sod/ a lu ti te sod/ gu la nad to te sod/ na ga shan tri du ba si bas/ nA ga rA dza nan/ nA ga tse ra nan/ nA ga mir rbud/ shan ni ta tsubs/ mo na mor/ lig shaM pa/ nA ga du na dun dun/ gyen gyen na na sha du ya ma tsubs tsub du sha rbud/ oM pad+ma ni dza/ ga la 'ge'u ri ni dza/ bi si ni a ni si d+ha na a log nan/ de he a log gan de/ ho a log te to sod/ na gi'i so nag kha'i nA ga le a ge a ge/ nA ga rA dza/ tsi ti tsi ti/ du she du she/ du pa la du pa ya/ nA ga rA dza swA hA// nag po bi tsi tsi rgyas tsa dur snying la 'dul gur/ myags myags/ ba ni bskums/ shan shan srog la shan/ tsha dur nag po sod swAhA/ nA ga du na nA ga du na nA ga sha dun dun/ he li he li na ga dus 'dus/ oM shan ta shan ta bi shan ta bi shan ta/ tsa ta tsa ta swA hA/ oM tsi ta tsa o bi tsa ta bi tsa ta/ sha ta sha ta swA hA/ zab mo sngags kyi sbyor ba yis/ klu rnams kun gyi snying bskul nas/ srid gsum ma lus rdul du rlog/ sangs rgyas kun gyi thugs bshad pa'o// rtog pa'i rgyal po
- 342a
mchod rten gyi rgyud las/ gsang sngags zab mo'i le'u ste zhe gsum pa'o// // de nas sngags kyi yon tan bshad// sngags kyi sbyor ba byed pa ni// rnal 'byor des ni don grub po// nag po chen pos don byed na// lha srin sde brgyad thams cad la// rang gi ma nyes dpang yang gzugs// rigs drug gtor ma rtag tu gtang // sngags kyi 'khor lo rtag tu bskor// bcom ldan 'das kyi spyod lam bya// don dang ldan pa'i rdzas kyang bsags// sngags kyi sbyor ba rgun mi gcad// sngags kyi sbyor ba'i yon tan ni// nag po bam gyi sngags 'di yang // sa ya brjod na kun kyang 'chi// bye ba brjod na rdzogs par 'gyur/ khri phrag gis kyang gdon mi za// dam shes bag med ces bya ba yis// byol song khyad par can rnams kyang // ma mo dag dang bsdongs nas ni// rdzogs nas nyams lci 'chi bar 'gyur// bdud dang bsdongs nas khrag du skyug/ btsan dang bsdongs na gri thabs 'chi// dmu bdud dag dang bsdongs gyur nas// lbos nas skrang zhing 'chi bar 'gyur// na ga gcig pos zin gyur na// chu ser nag pos zin par 'gyur// sa bdag dag dang bsdongs gyur na// lus sbrid rkang lag dag kyang skam// gshin rje dag dang bsdongs gyur na// smyo 'bog lhog pas 'chi bar 'gyur// gdug pa gnas pa'i sa de na// de rnams gcig dang phrad par
- 342b
'gyur// nag po bam gyi ngan sngags 'di// sangs rgyas kun gyis srungs mar bsdogs// 'dzam bu'i gling nas rnyed par dka' 'o// rtog pa'i rgyal po las/ drag po'i sngags kyi yon tan bstan pa'i le'u ste zhe bzhi pa'o// // de nas bye brag bsnyen pa yis// nang bsgrub gnyis pa bshad par bya// maN+Dal cha snyoms yid 'ong dang // 'khor lo rtsibs brgyad mu khyud ldan// gru chad sgo bzhi rigs dang bstun// de la yig 'bru dgod par bya'o// shar gyi rtsibs la yi ge na// lhor ra nub tu sa ste byang du ma// shar lhor ga ste lho nub tsa// nub byang ya ste byang shar dza// pho brang zlum po yi ge hUM/ dam tshig dkyil 'khor bris nas su// yi ge dgu pa 'di yis bod// hUM nA ga ra dza sa ma ya dza/ zhag bdun bar du gong gi dam tshig srung // nya sha sgog btsong spang bar bya// shin tu bsnol la gzem par bya// de yi grub rtags 'byung ba ni// bas ljags shu ba zor pa 'byung // de nas gnan pa'i las bya ste// de nas rlung la gtor 'dod na// klu la yang ni rnam bzhi ste// rgyal rigs rje rigs bram ze gdol pa can// nag po dmangs rigs bzhir shes bya// ma ra ya'i ming rus gzhug par bya// rigs bzhi'i drag sngags brdeg par bya// thun du 'phen na mdze thod du// mdze dang dreg dang phol mig dang // shu ba can dang g.yan pa can// nad ngan sna tshogs khrag sbyar la// drag
- 343a
sngags bzlas la thun du 'phang // de nas gtad pa'i gnas 'dod na// chu mig phyogs bltas sa dag la// mdze nad sbrul gyi chan pa'o// chag tshad ma nor gtang bar bya// mdze rigs dug thabs thams cad dang // phol mig g.yan pas 'dzin par 'gyur// gang la bya ba'i grong yul du// thun 'phangs nad ngan sna tshogs su// gang la bya ba thogs med ces// mthu stobs pa dag rab tu bshad// mdze nad spu gri chen po'o// des ni gdon mi za bar nges// rtog pa'i rgyal po las/ mdze nad spu gri chen po bstan pa'i le'u ste zhe lnga pa'o// // de nas mdze thun rgyas par bshad pa// gang gnas sa yi/ bdag po la// sa gzhan sbyin dang legs bsres la// klu yi rgyal po'i gzugs bya ste// lus gcus mgo gcig sbrul mgo bdun// phyag g.yas rin chen 'bar ba'i bum pa thogs/ kha dog mthing kha lus kyis chu srin mnan// de nas gzugs de bskyed par bya'o// oM spu'i yi ge 'di ni 'di'i rgyu yin te// nA ga rA dza ba su gyi ni stam// zhes pas klu rgyal sku bskyed la// de nas ye shes sems dpa' dgug bya ste// nA ga rA dza ba su gi ni dza// zhes pa de ni legs bkug la// de nas gsal nas bsnyen pa brtsam// nA ga rA dza a ra da na/ nA gi phag hUM dza hUM dza/ oM che ge mo dza dza/ ji ltar nus tshad bzlas par bya// de ltar bzlas nas
- 343b
gzugs ga 'ur gzhug/ gzhan gyis mi mthong rang gi spyod yul nyid// rtags dang mtshan ma rang gi gzugs su 'byung // bzlas pa skyo na mchod pa dbul// u nA ga rA dza ba su ka na armi tha sarba sa ma ya/ nA ga rA dza gzugs la thim par bsam// der gtad pa'i las dag byed par 'dod na// bdag nyid bya khyung rgyal por gsal byas la// chu gtor mar dang ldan par sbyin byas la// seng ldeng phur bu bdag dang 'dra bar bsam// de nas gsang sngags nyid kyis byin gyis brlabs// gang gis de nyid dril zhing nA ga bsdigs// ka la ru ba chag med bzla// brgya'am stong du bzlas pa byas nas ni// sngags bdag 'di yis gtad pa bya bar gsungs// oM nA ga rA dza/ dzaHhUM baM ho/ che ge mo a kar sha la a kar sha ya/ hUM tshin d+ha ya tshin d+ha ya/ len yang len ya/ nA ga tshi sa nA ga tshi sa/ nA ga sdoms nA ga sdoms/ de skad ces ni rab tu lan gnyis brjod// mi 'di bdun rgyud tshun chad rtsad gcod do// de skad ces ni gnad la bor// gdug pa klu yis dgra 'di ma gsad na// phyag na rdo rjes rang gi mgo 'gems so// khong nas snying 'dzag par byed// 'di skad ces brjod gnad la bor// na ga rA dza dud ling khri phrag brgyas ni// ku ku ru nA ga shu ba'i sre ya ka ku ru swA hA/ de nas gnan pa 'di gsungs so// mdze thod dmar po pha mes thod pa ru// ming
- 344a
dang rus bcug skud pa sngon dmar dkri// bud med zhabs mas gtums la khyim gyi dbus su gzhug/ khyim gyi phyogs kyang gong bzhin sbyar ro// rtog pa'i rgyal po las/ mdze thun rgyas par bstan pa'i le'u ste zhe drug pa'o// // de nas gtad pa'i las cig ni/ khang pa'i mi yis smin ma'am// yang na la cha'i sbal pa dag khog stong dang dag tu legs byas la// dam nyams dgra bo goms bdun sa// dal chatshad 'phyongs pa'i 'phongs sa dang // bong bu'i bdud rtsi shel dang ma tshal khrag/ legs par rung bar nan tan bya// ming dang bla dgas 'ba' yis mtshan// sbyor ba'i dus su mkhas pas spyad// shar lho nub byang / phyogs dag gi/ rigs bzhi khyim gyi bdag po la// sha khrag rus pa'i chu rgyus glud// gtor ma dkar nag phyogs dang sbyar// na ga spu 'dis byobs byas la// gang la mngag pa'i bdag po de// mchod cing mchod cing gtad khram bya// de nas rdzas kyi rim pa'o// nA ga rA dza/ oM yu/ oM pa/ oM phuM/ oM phi/ oM phe/ oM pho'u/ nA ga rA dza ba ling pu tsa swA hA/ rgyal po brgyad mchod pa'o// nA ga yu yu nA ga rA dza ru dza ru tsa na ga pu/ nA ga le nA ga le swA hA/ byol song ha lam mchod pa'o// na hu ya ba ling dung pa gar pa/ a thugs sod/ gar pa a la zung nA ga dkris dkris/ nA ga 'khyud 'khyud/ rol thim thim rbad pa'o// nA ga sbyor ba'i rim pa
- 344b
ni// mdzo'am khyu ba nag po'am// dmar por gyur pa'i tso to'i nang // bsgrub bya gnas mthun sa dang ni// snang mdzad shel thug snang ba dang // 'dzag ma rus mi bla dgas gzhug/ bar du rgya tshil gu gul gnag/ tshil chen dag ni de 'og tu// mtha' ru smra ba'i mes bsnun la/ kha la 'ba' li bcas pa'i// the ni ma chus tshugs mi bya// yod nges khyim gyi bdag po la/ khyim nang bcug la myur du 'bros// phyir yang lta bar yong mi bya// yang na rdzas kyi sbyor ba la// bsgrub pa po yi dri chen dang // rgya mtsho bskams pa'i sa gnyis dang // gnas mthun sa dang bcas pa la// zhe sdang sprul pa gnyis kyis ni// yan lag gnyis na 'dud par bya// tsa ru ra'i ra dom zhug/ byang shar kha bltas nag po la// sha khrag chu rgyus glud gtor sbyin// nA ga phu yis bos nas kyang // mchod cing mchod cing gtad khram bya// yang na rdzas kyi rim pa la// ras sam shing shun gro ga la// sme ba'i khrag gis bri bar bya// shi ba'i sgra yis pir byas la// sgrub pa po yi gzugs byas la// sme ba'i kun gyis gdugs byas la// sngon dmar thag pas bcings byas la// ro nges gzung gi kha ru btsang // nA ga gdugs pa'i khyim du gtad// byol song ha la'i sbyor ba 'di// zab mo'i sbyor ba dam pa yin// rtog pa'i rgyal po las zab mo sbyor bas dgra bo gtad pa'i le'u ste zhe bdun pa'o// // de
- 345a
nas klu glang glen pa'i las cig bshad// gtad pa'i lugs cig 'di ltar ro// khyung rgod sngags kyis bdag lus bsrung // thog mar bya khyung bsgoms byas la// de nas khyim bdag gang yin la// bum pa'i mgul bcings las 'di la// shar lho nub byang phyogs mtshams kyi/ khyim dang khyim sgo shes byas la// ba ling dam rdzas phyogs dang sbyar// shar du kha bltas khyim gyi bdag po la/ kha dog dkar po ma spyad sar ka lag shar// sha khrag rus pa chu rgyas glud sna gsal// ba mar dun ting 'bru sna tshogs blugs// bsgrub bya'i ming dang dri ma rus rnams gzhug/ rdo rje rgya gram kha gcad la cas bskul// bzhi brgyad lnga pa'i yi ge nyi shu la// la dag grangs 'bum nyungs dkar dag la bzlas/ khyim bdag snying po ka lag sha ru'o// rtog pa'i rgyal po las/ bum pa mgul chings shar du bltas pa'i chu mig la gtad pa'i le'u ste zhe brgyad pa'o// // de nas mgul chings las cig bshad// lho ru bltas pa'i khyim gyi bdag po la// ba li lam gyi mdog bskur la/ kha dog sngon po ma spyad ka lag shar/ khrag dang chu rgyus rus pa'i glud rnams sbyin// bsgrub bya'i dri ma ming byang rus pa kun// nyungs kar sngags bzlas ka lag sha ru'o// rin chen 'bar bas kha bcad la chas bsnun// la dag grangs med nyungs kar dza pa te// rtog pa'i rgyal po mchod rten
- 345b
las/ bum pa mgul chings lhor bltas pa chu mig tu gtad pa'i le'u ste zhe dgu pa'o// // de nas mgul chings las cig bshad// nub tu bltas pa'i rje rigs la// me tog dmar po mdog bsgyur 'ba' li sbyin/ kha dog dmar po ma spyad ka lag shar// sha khrag chu rgyus sngon bzhin ming rus gzhug/ bzhi brgyad lnga po nyungs kar rgyal po// nyungs kar sngags la zhugs// pad+ma 'bar bas kha gcad la cas bsnun// nub tu kha bltas rje rigs dag la gtad// rtog pa'i rgyal po las/ bum pa mgul chings nub tu bltas pa'i chu mig la gtad pa'i le'u ste lnga bcu pa'o// // de nas mgul chings las cig bshad// byang bltas chu khyim gyi bdag po la// 'ba' li me tog nag po sbyin/ kha dog nag po ma spyad ka lag shar// rdzas kyi rnam pa gong bzhin blug par bya// mchod cing mchod cing gtad khram bya// shar lho nub byang phyogs kyi bdag po la// gcer bu spyi gtsug 'o dod lan gsum 'bod// nA ga rA dza a ra ta nan/ nA ga su ka nA ga pu/ hUM dza hUM dza/ de nas gnan pa'i las 'di bya// rang nyid bya khyung ting 'dzin ldan pa yis// sgo 'byed rang gi lag pa khyung sngags bzlas// sgo bcad rang gi rkang pa rdo rje rgya gram bsam// sngags 'di bzlas shing khyim sgo gcad par 'byung // oM A mu ka staM pa na lang nan/ mA ra na staM pa na nA ga lang nan/ de nas las rnams byas
- 346a
nas ni// 'gro tshe rgyab kyis mi phyogs par// rbad sngags bzlas te khrag rjes gcad// nA ga rA dza nan/ nA ga rA dza ku ma b+h+yo/ nA ga rA dza ku ma b+h+yo/ nA ga rA dza khrug khrug b+h+yo/ s+thi/ gnan pa'i las de gong ma gsum la'ang sbyar// rtog pa'i rgyal po las/ bum pa'i mgul chings byang du bltas pa'i chu mig la gtad pa'i le'u ste nga gcig pa'o// // klu glang glen pa'i las cig bshad// thog mar bya khyud don shes bya// de nas glen pa'i las 'di sgrub// de nas phyogs kyi bdag po la// klu sman sna tshogs sbyin/ ras dang gro gshog bu la/ a mu ka yi ming gzugs bri// de nas gdug pa sbrul gnyis kyis// dmigs pa'i gzugs kyis lag pa khar bcug bri// de nas skud pa sngon dmar bcings// ro nyes gzung zhing kha ru gtsang // ra tsa nag po ra khye zhugs// zangs phye rdo phye lcags phye dang // lan tshwa nag po nyungs gsum la// sngags kyi rgyal po nyi shu brab// nA ga gnan pa'i khyim sgo dbye// gdug pa glen pa'i lag tu gtad// yang na las 'di bya ba yang // a mu ka yi khang pa la// ma ma sa rag tar bcas pa dang / rgya mtsho dbye ba'i sa gnyis dang // gnas mdun sa dang rdzas rnams la// a mu ka yi gzugs byas te// sdig pa nag po zas su sbyin// yang na lho phyogs lung mdo 'am// klu btsan chen po gnas pa'i sar// bdag po de gzugs
- 346b
sgra tshil bya// de'i mgo ras ser la'o// bsgrub bya lus po spra tshil la'o// bdag po de dang bsgrub bya de// de btsam bsnun te sbyar bar bya// de nas sbyar ba'i dmod mo 'di// ras sam shog bu dag la bris// klu btsan che ge mo shag sor shag sam// de ltar bro ba'i nang du de// gong gi sbyor ba zab mo gzhug/ de yang tsa ra khang 'dir skyes bu dag gi nang // de nas bzlas pa rdzogs pa dang // drag po las kyi sbyor ba ni// zla ba nag po'i mar tshes sam/ khyab 'jug rgyu ba'i dus nyid du// mthun pa'i dam rdzas sa ra sbyin// bos shing shos gtad khram bya// rtog pa'i rgyal po las// nA ga klu btsan dang sdig pa la gtad pa'i le'u ste nga gnyis pa'o// // 'gal ba cham la dbab pa'i phyir// brag srin byad le'u bshad par bya/ de nas brag srin rub pa yang // chag gang 'jig pa ka ka ru// sbyor ba mkhas pas lcags la bya// de nas bsgrub bya'i lus po yang // mdzub gang tshad tsam spra tshil dag gis bya bar shis// ta la'i byang bu sor tshad bzhi// brag la dbang ba'i bdag po'o// ming dang sngags dgu mkhas pas bri// phaT dang phyag 'tshal thog mar bya// ka shu ti shu rang pu pas na// bdug dang 'brel byas bdag po'i sngags// de nas ta la'i byang bu'i// dngos cig bsgrub bya'i ming dang brda// rtsa ba'i sngags 'di legs par bri// ba ra shu pa ku sha ya bruM// zhes
- 347a
pa'i sngags brgyad po bri bar gdon mi za// de nas sbyor ba mkhas pa yis// bsgrub bya'i rus pa gang yin de// ka ka ru'i rwa brag gzhug/ rwa dang rus pa'i bar du yang // gong gi sbyor ba byang bu ste// bsgrub bya'i ming sngags bdag po las// bdag po ming sngags bsgrub bya bstan// keng rus bsregs pa'i tsit+ta dang // bsnun te sbyor ba mkhas par sbyar// tsan ta ka la mar tshes la// bdud kyi srung bya byung ba'i tshe// gang gis sbyor ba bsgom du shes// sbyor ba de yang ka la te/ kha gcad mkhas pas rgya bsnan te// ra tsa nag po ra skyed du/ kha gcad pra gi sha ka ru/ khru gang gting brus na phye nas// brag la gnas pa'i bdag po la// legs par mgu byas gtad khram bya// de ltar byas nas lha dang yang // lus dang yan lag skams par 'gyur// oM ka shal can gyi rlo tol gcas dga'/ ras dang gro ga dag la bsgrub bya bri/ 'chi rkyen dngos po gang mtshan mar bya/ thang skam shing rdo yang na chu/ yang na mkhas pas nan tan bya ba yang // yod nges klu dbang gnas der sba ba dang // shin tu gnod de nges par myur ba'o// yang na mkhas pas nan tan bya ba yang // snying phags med pa mchu gsum thod pa la/ kha ma sbyin la gzugs byas bsreg bcug ste// 'bru dang sman yang blugs sbab ni/ khams pas gtums nas sa la bskul bya te// bsres shing sbyin sbyar
- 347b
chu nyid gting du sba// yang na nan tan gyis 'di ltar bsgrub par bya// nub mo so sor nyal ba'i rkang rjes gnyis// nub mo lta ba'i pags pas gril byas 'chi// yang na sngags pa mkhas pas bsgrub bya ba// bsgrub bya'i rkang rjes dri chen gzugs dril ba'i// gzugs brnyan legs byas ji ltar 'chi 'dod pas// rab tu mnam zhing me tog dag gi khrus// phyi mdog sngon por byung la spyi dang sbyar// de nas gsus pas 'drud pa'i pags pas gtum// de nyid glang ngar bcug cing shing ngam rtse// yang na yid ches klu dbang gnas sar gnan// yang na rab tu khros pa'i sngags pa yis// mdze gcad mgo gas gcad pa la// bdag dang sngags kyi mtha' mar bri// nyi rnams so tog phye sbyin dngos po la// ba tsha chu tshan dag gis de bkrus la/ kha skam la dmar ba'i bya lpags gtum la// glu bzang gzi brjid can gyi khyim du gzhag/ shin tu myur bar khros nas su// oM che ge mo dza dza sa ma ya dza nA ga hUM/ gzugs dang ling ga bca' ba'o// oM nA ga rA dza dzaHhUM baM ho/ che ge mo a kar sha ya a kar sha ya hUM/ gnan pa thams cad do// oM che ge mo lam nan/ ra na snyam pa na ma ra nan/ gnan pa nyid do// nA ga rA tsa nan/ nA ga kur ma ra b+h+yo/ phyis rbad pa'o// dug dang 'dra ba'i mtshon cha 'di// stan la bsam 'ga'i dgye ba yang // rang 'dod phra mor bsgrub 'dod sdig
- 348a
pa'i rgyu// chung la mi bya che la brnyas// yang sa gnod mdzes bya kha la bsnun// de yi tshad ni snyim pa gsum par bya// de yi nang du klu yi snying po dang // klu yi me tog nang du blugs pa dang / khrag dang rus pa rang gi sha rgyus dang // sdug bsngal skyabs dang 'dam bu'i rtsa ba dang // klu nad gso zhing tshe tshad sring ba dang // 'ga' ru ra'i skyabs dang 'o ma'i mtsho// 'di dag mang du sbyar nas khyim nas ni// gong pa bcu gcig tshad du gzhag pa'am// bsgrub bya'i gzugs ni shing la bya ba dang // ming dang rus ni gang yin gsal byas nas/ khru gang 'og tu gnan cing steng du ste// rdo yis par gcad ste nas 'bras bya ste// rtag tu gzhag na bdag dang mthun pa dang // 'gor yang mtha' ma phung bar 'gyur// klu nad mang dang glo bur nyid du gnod// yang na bram ze'i rigs can dkar po la// shar ltar gang du gtor ma gang phul te// dar dkar dag la gzugs bris shing sgom gzhug/ khyim nas 'og tu gom bdun 'og tu bzhag/ yang na lhor bltas khyim gyi sa ser la// bsgrub bya'i gzugs ni ser po drug byas te// sa sbyin gyis mtha' byas par du chu dub ser/ khyim gyi g.yon phyogs khru gang nyid du'o// nub tu kha bltas gza' gang rung // zangs sam gzugs kyang man dri dmar po drol/ khrag med dmar byas me tog rje'u la phul// par bu dag byas nang du
- 348b
me lce bri/ khyim gyi phugs su dam po gnan na gnod// byang du kha bltas khyim gyi bdag po la// gtor ma rnag byas dmangs la phul nas kyang // bsgrub bya'i gzugs ni lcags la legs byas te// chu shing ngam ni nag por gyur pa'i ra// de dang chas par gdong skyal bar ni// dbugs kyis bskrad pa mdze chen bum pa'i klu/ khyim nas thur du rkang pa dgu yi tshad// rdo sgrom byas te dam du sba ba ni// sa chu sogs nang du mi 'gro/ bar// legs par byas nas gas shing lbos pa'am// yang zhing g.yo ba'i dug gis 'chi// mdor na rigs bzhi'i dug gis 'chi ba sogs// yang na 'di dag bya bar/ rtog pa'i rgyal po las/ brag srin byad kyis le'u bstan pa ste nga gsum pa'o// // de nas ru tra'i las bshad pa// brag la dbang ba'i bdag po la// mchod cing gtad khram bya ba yang // 'dag pa ru tra'i spra tshil bya// mdzub gang tshad la lho ma rmig/ brag la gnas pa rlung za'i gzugs// ta la'i byang bu sor gsum la// brag bdag sngags bcug 'di lta ste// ga shu tri mu tri zhes pa dang // kang shang ka zhes lan gnyis bri// bdag po'i ming dang sngags bcu dag/ bsgrub bya khog tu legs bcug ste// de nas bsgrub bya'i ming sngags yang // sbyor ba mkhas pas brag bdag la// de nas bdag po bsgrub bya gnyis// sbyor ba mkhas pa rgyab sbyar te// ha ti phyir bkan so sor
- 349a
'khyud// gro ga shog bu shing ras la// sbyor ba mkhas pas nan tan bri// de ba stad tra sha to su mu tu phaT/ dun ta ya dun ta ya dun ta a phaT/ sri taM so taM phaT/ tsakra tsa pa ru ta phaT/ tiSh+Tha tiHphaT/ pra ka ra si ti phaT/ de te ha ti bsnol mar bcings// yang na rnam lnga'i sbrul gyis bcings// sbrul tshad 'dom gang mtho do shis// snrel drir mu bri zod par bcug/ de nas g.yag bal dog pas bcing // me zab nag po'i sa phu ru// sme khrag blug ste sbyor bas bcug/ dmar nag brag bdag yod pa'i sar// mthun rdzas sbyin zhing las bcol te// 'dom gang sa srubs sbyor ba bzhag/ gan de sna gsum me sbar la// sbyor ba shes pas khru khrag skam// rdo rje 'dzin pa yang skam par 'gyur// de 'dra'i sbyor ba zab mo ni// 'dzam bu'i gling nas rnyed par dka'// rtog pa'i rgyal po las/ klu ta'i sbyor ba dgra bo gsad pa'i le'u ste nga bzhi pa'o// // de nas klu brgyad la bshad de// klu brgyad rnams la phyag 'tshal te// dang po dkyil 'khor bri bar bya// de 'og sngags rnams bri bar bya// ban d+ha phyi nang tsan dan byugs// byug pa'i nang du chu gtor sman// klu yas sna tshogs blugs la gzhag/ gsang sngags khri bzlas chu mig gnyar// gtad khram bya ba the tshom med// bzlas la gtor ma byas pa la// dkar gsum la sogs klu sman sna tshogs blugs// zhag re
- 349b
phogs re chu mig rtsa ru bskyal// zhag bdud rdzogs nas las rnams 'grub par 'gyur/ de rnams kyi sngags ni/ oM phu a nan ha ra swA hA/ oM phub su ka ya swA hA/ oM gang ga to ka swA hA/ oM so kye yi swA hA/ oM phu pad+ma ya swA hA/ oM ma hA pad+ma ya swA hA/ oM phu sang ka pa la ya swA hA/ oM phu ku la ka ya swA hA/ klu chen brgyad kyi gsang sngags mchog/ bzlas pas stong gsum sems can bsreg/ tsi tsi dza la gdon mi za// rtog pa'i rgyal po las/ klu chen brgyad kyi sbyor ba 'gal ba cham la dbab pa'i le'u ste nga lnga pa'o// // de nas 'gal ba cham la dbab pa'i phyir// klu rgyal las kyi gzer chen gshad// rdzas dang yo byad legs bsags la// dgra phyogs kha bltas nyungs kar dag gis brab/ oM nA ga shi ti star tsa bri/ sa myag pa sha ni/ bra zer du pra ni/ shar du pa ni/ su tra ni ra sha ni/ na ga che ge mo sod swA hA/ zhes ni bdun 'bum nyi khri bzlas// de ltar sbyor ba zab mo 'di// sangs rgyas kyis kyang mi rnyed do// rtog pa'i rgyal po las/ klu rgyal las kyi gzer chen bstan pa'i le'u ste nga drug pa'o// // nA ga chen po'i las cig bshad// oM pra/ yi ge gnyis po 'di dag ni klu'i rgyu/ oM nA ga rA dza ba su ki ni stau/ klu rgyal sngon bzhin bskyed pa'o// oM nA ga ra dza ba su ka dza dza che ge ma ra ya hUM dza dza hUM phaT/ bsnyen pa ji ltar nus tshad do// gsad pa'i thabs ni
- 350a
'di ltar shes par bya// shang phor bu srubs med mdzes pa la// byi dor byas te nang du klu dbang gzhug/ nas 'og tu sgra tshil dag la yang // dmigs pa'i gzugs byas mdun du kha sbub la// gdam khri byas te khyim gyi gnyar gzhag la// mtshams med legs par gnas pa ni// de nyid spos shing gsang ste 'chi bar bshad// las chog zab mo rnyed par dka'// rtog pa'i rgyal po las/ thi brnyas las kyi sbyor ka'i le'u ste nga bdun pa'o// // de nas phag na rdo rjes/ bcom ldan 'das la gsol pa/ nang bsgrub las kyi sbyor ba yis// 'gal ba ma lus cham la 'bebs// phyi bsgrub las kyi sbyor ba yis// 'gal ba ji ltar cham la dbab// bdag gis mi 'tshal bshad du gsol// bcom ldan 'das kyis bka' stsal pa// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de nas mdze thun las bshad de// rgya mtsho'i ngos sam ri bo'i rtse// shing chen po'am khar mdzes gnas// chu mig ne'u 'am yid 'ong sar// sngon du bsnyen pa bskyal nas kyang // maN+Dal gru bzhi legs byas la// de dbus gru gsum lhor bltas bru/ kha khyer dag la phur pa bcu yang dgod// de nas ya stags bsag bya ste// mdze thod rabs chad thod nang du// shog shog dag la rus sbal nag
- 350b
po'i gzugs// le'u dgu pa'i 'khor lo bris la gzhag/ chu srin gnyis kyi 'khor lo bskor// de yang kha sprad 'jug ma bsgril bar bya// le'u tshe dgu'i nang du phu yang bri// phu yi nang du brnag bya'i ming // phu yi mtha' ma pho mo'i sngags kyis bskor// de nas 'khor lo thod pa'i nang du gzhug/ thod pa'i kha la dar nag gis// gru gsum dag tu dgab par bya// de steng g.yam pa dag la ni// ri rab rdo rje rgya gram byas la dgab// de steng rdo rje dril bu gnyis kyang gzhag/ de nas bdag gzhan legs bskyed la// dgra bo dag ni dgug gzhug bya// de nas bzlas pa bya ba ste// mtha' rten che ge mo mA ra ya'o// skabs la bzlog thun rdzas dag gis brab// ske che rdo phye lcags phye zangs phye dang // nyungs kar gu gul nag po dug chu sogs// thun rdzas kyis brab par bya// de nas dgra bo lha dang dbral ba'i phyir// gu gul nag dang rta bla dang // bong bu sbyang khyi'i lud ra dug dang // bud med zhags ma sregs srogs dud pas bdugs// de nas 'khor lo bskor bar bya// de nas las gzhug nan pas gcad// de la yang ni rnam gnyis te// gsher la gnan dang skam la'o// des ni ring po mi thog 'dzam gling mdze ru 'gyur// rtog pa'i rgyal po las/ mdze nad spu gri chan pa'i le'u ste nga brgyad pa'o// // de nas klu gnas lugs bshad de// nA ga mi yi gzugs su
- 351a
yod// de yi gnan pa'i sa bstan pa// ra brag dag tu khru do'o// rwa la khru do mgo la sor ni nyi shu bzhi// byad la mtho do sor bzhi'o// snying nas lte ru mtho gang sor bzhi'o// phrag pa gnyis kyi bar du mtho do sor bzhi'o// gsang bdag nas lte bar mtho gang ngo // rkang pa dag la khru bzhi'o// rkang pa bgrad pa'i bar du rkang mdo gsum// de ltar tshad gzhal lus de la// gnan pa'i sa ni bcu gnyis te// rwa brag dag tu rtol bu ga pa'i thod pa'o// dpung pa gnyis kyang de dang mtshungs// mchan khung g.yas par dbyi thod do// mchan khung g.yon du rog po ra'i thod pa'o// brgyal nad dag gis thebs par 'gyur// snying khar sme ba mdze thod do// mdze can dag tu gdon mi za// lte bar mdzo thod dag tu gnan// mdze can nges par 'ong bar 'gyur// gsang bar dre'u'i thod par gnan// bu 'chi rabs kyang 'chad par 'gyur// bla brag g.yas su bud med nag mo'i thod par gnan// skye rgyud 'chad par gdon mi za// bla brag g.yon du de dang mtshungs// smyo zhing 'khyam par gdon mi za// rkang pa g.yas pa'i mthil la reg tsam du// bong bu ga pa'i thod par gnan// g.yon pa'i mthil la reg tsam du// rta nag thod pas gnan par bya// de ltar bcu gnyis gnas su gnan na gdon mi za// bla dang lag pa gnyis dang rked pa dang // rkang pa gnyis dang ske
- 351b
dang mgo bo byed// de kun mi gnan tshur la ldog srid pas// des na de rnams dag tu mi gnan no// mdze nad las kyi tshad mchog 'di// 'dzam bu gling nas rnyed pa dka'// rtog pa'i rgyal po las/ klu'i lus ngag gi le'u ste nga dgu pa'o// // de nas bzlog pa'i 'khor lo bshad// ban bon dag dang 'gras pa'am// lha dbang nyid dang 'gras na yang // drag por zor gyi las bya ste// zangs sam lcags sam 'khar gzhong du// bag phye dag la byas pa'i gtor ma ni// pad+ma 'dab bzhi'i gzugs byas dag/ gtor ma'i dkyil du dgra bshos zur gsum pa// du yod grangs dang bstun la gzhag/ dgra bshos re la ming byang re// 'di bzlog bya ba bris la gzhag/ de yi dbus su sngags bdag gi gzugs brnyan gcig kyang gzhag par bya// de na klu sman sna tshogs dang // bu ram la sogs mngar gsum dang // kun kyang blugs la gzhag par bya// de nas bzlas pa 'bum tsho bskyal// zla ba nya'am stong dag la// dgra phyogs dag tu 'phang bar bya// 'di zlog byas la zor du 'phangs// de ni lha dbang nyid kyang bzlog/ rtog pa'i rgyal po las// klu rgyal bzlog pa'i 'khor lo bstan pa'i le'u ste drug cu pa'o// // de nas skam la gnas pa bshad// shog bu ras sam gro ga la// shing lo dag la 'khor lo ni// rtsibs brgyad tshad ldan bris nas
- 352a
kyang // dbus su du yod dgra'i ming bris// mtha' ma pho mo'i sngags kyis bris la gzhag/ ling kha'i snying khar gzhug par bya// de nas thod ngan nang du bcug/ tsit+ta'i snying po'am rgya gram du// gzhug par bya bar the tshom med// de ltar sbyor ba zab mo 'di// ji ltar dar yang rgud par 'gyur// rtog pa'i rgyal po las/ skam la gnan pa'i le'u ste re gcig pa'o// // de nas 'gal ba'i sems bshad bya// dgra bo'i bu srin mgo bo ru// rtsibs brgyad 'khor lo sngon bzhin bca'// bzlas pa 'bum tsho gcig byas la// dgra bo'i dur du bcug la gzhag/ 'jug tu mtha' rten snyam pa la// de ltar sbyor ba zab mo 'di// 'jig rten gsum nas rnyed par dka' 'o// de nas dgra bo kha yang gtad// rtog pa'i rgyal po las/ nyams pa dur sel la gzhug pa'i le'u ste re gnyis pa'o// // de nas phur bu'i gnan las bshad// rus sbal le'u tshe dgu pa'i// 'khor lo legs byas bco brgyad phu'i mdzes/ phu nang du yod ming byang bri/ pho mo'i sngags kyis bskor bar bya// mdze zod kha sbyar nang du bzhug/ zod srubs la chas sbyar la phyi ru tshil chen byug/ thod pa re bas gril la khyim du gtad// tshad bzhin gnan pa gong bzhin sbyar// zla ba gcig na nA gas 'dzin par nges// de ltar sbyor ba zab mo 'di// sangs rgyas kun gyis rnyed par
- 352b
dka'// rtog pa'i rgyal po las/ phur pas gshed la gnan pa'i le'u ste re gsum pa'o// // de nas ngag rengs bshad par bya// snying nas rgyas pa'i dgra bo la// pu rtse ske tshe lan tshwa gnag/ gu gul kun la dgra bo'i gzugs// lug la phyin phyogs bskyon la maN+Dal khar// sbrul dkar dag gis phrag gong bsnol la dkri// de nas bdag gzhan legs bskyed de// bka' bsgo sna tshogs byas nas kyang // dgug gzhug byas te gzugs la bstim// de nas bdag gi thugs kha nas// yi ge hUM gcig 'phros gyur nas// brnag bya'i lce 'og song bas rdo rje rgya gram bsam// sngags bdag thugs kha nas phu 'phros pas// rnag bya'i lce thog song bas ri rab bsam// de nyid rje che song bas lce yang na// de 'dra'i rang nyams nam byung na// gnan par bya bar the tshom med// ti rtse rnying pa'i 'og tu'o// de nas mtha' rten gdags pa ni// pho mo'i sngags kyi sham bu ngag snyam ya btags nas bzlas na/ brtags gdon mi za/ zla ba gsum du sbyor ba brtsams na lha chen dag kyang rig par 'gyur// rtog pa'i rgyal po las/ klu rgyal dag rengs su gzhug pa'i le'u ste re bzhi pa'o// // de nas phyi bsgrub rim pa'o// grong khyer chen po dkrug par bya// dang po maN+Dal zlum por byas la// ske tshe nyungs kar til 'bras dang // lan tshwa nag po bag zan la// rnga mo
- 353a
mo'i gzugs la dgra bo du yod bskyon// phyin phyogs dag tu shes par bya// thugs las 'od spros maN+Dal rlung gis ni// dkyil 'khor bsam pa gra bzhir ba dan bzhi// de nas sngags bzlas 'od zer 'phro 'du yis// ba dan dag la phog pas rlung gi dkyil 'khor bsam// thogs par rgyugs pa'i dngos por bsam// des ni grong khyer 'khrugs par 'gyur// de ltar sbyor ba zab mo yis// sangs rgyas nyid kyang 'khrugs 'gyur na// dam nyams dgra la smos dgos// rtog pa'i rgyal po las/ grong khyer dkrugs pa'i le'u ste re lnga pa'o// // de nas rims kyi sbyor ba bshad// dur khrod gyo mag dag la 'khor lo rtsibs brgyad bri// tsi tra ka dang dug dang a ka'i zho// ske tshe khrag gis brab par bya// seng ldeng me la bsro zhing khros pas gsang sngags bzlas// lnga brgya dag tu bzlas na mod la rims su 'gyur// rtog pa'i rgyal po las// / rims kyis gsad pa'i le'u ste re drug pa'o// // de nas smyo ba'i las bshad de/ khyi smyon thod par 'khor lo gong bzhin bri// mi thod cig gis kha gcad la// dur khrod du rtsa sngags bzlas na// gong gi ming bcug thams cad smyo bar 'gyur// 'khor lo snyoms byed khu bas bri// des ni 'dzam gling kun kyang spro// rtog pa'i rgyal po las/ skyo ru gzhug pa'i le'u ste re bdun pa'o// // de nas dbang du bya ba
- 353b
bshad// rang byung me tog dag gis 'khor lo sngon bzhin bri// spra tshil dag gis byug par bya// rgyal skyegs khu bas kyang ni byug/ de nas rang nyid gar nyal 'og tu bcug la nyal// gang gis ming bris de ni dbang du 'gyur ba gdon mi za// de ltar sbyor ba zab mo 'dis// lha klu dag kyang nyams 'gyur na// nyams pa'i dgra la smos ci dgos// rtog pa'i rgyal po las/ dgra bo dbang du bya ba'i le'u ste re brgyad pa'o// // de nas bcing pa'i las bshad de/ kham phor me bsregs kha sbyar na// smyo byed khu bas 'khor lo bri// dur khrod sol ba btsag rnams kyis// bsres la bri bar yang dag bshad// mi ro bsregs pa'i sa dang thal bas gnan la gzhag/ de yi ming dang spel nas brgya rtsa brgyad// bzlas na 'ching bar gdon mi za// de ltar sbyor ba zab mo ni// lha chen dag kyang 'ching 'gyur na// dam nyams dgra la smos ci dgos// rtog pa'i rgyal po las/ dgra bo 'ching ba'i le'u ste re dgu pa'o// // de rnams kun gyi gsang sngags kyis// gang yin ngo bo bshad par bya// bsnyen sngags bye stsol byas la// 'khor lo bskor sngags so// oM s+phu ta s+phu ta ma hA krod+ha hUM/ sid+d+hi sid+hi/ s+pho ta ya hUM phaT/ de ni nA ga nA ga mo si de si di ma ya du se nA ga na mo b+h+yo to na tsa/ kyi na ma ra nA ga ma rA ya na/ che ge mo mA ra ya dza/ zab mo sngags kyi sbyor ba
- 354a
yis// srid pa gsum yang 'tshig 'gyur na// nyams pa'i dgra la smos ci dgos// rtog pa'i rgyal po las/ gsad pa bstan pa'i le'u ste bdun cu pa'o// // de nas phyag na rdo rjes gsol pa// kye kye bcom ldan thugs rje can// dbul ba spang phyir gter bsgrub pa// bdag gis mi 'tshal bshad du gsol// legs so dpal ldan phyag na rdo rje// gter dang longs spyod klu la yod// phyi bsgrub nang bsgrub gsang bsgrub kyis// klu rgyal gter gyi las bshad do// de la phyi bsgrub gter chen bshad// dben pa'i gnas sam khyim gyi nang / khru do brkos pa'i nang du ni// g.yam khang gru bzhi bya bar bstan// de dbus sran chung sa sbyin dang // klu gnas chu yi 'jig par bya// sbrul mgo bdun pa tshad ldan bya/ kha dog gur gum chu yis bsgyur/ khang bu'i dbus su gzhug par bya// shar lho mtshams su nya dong gzhag/ lho nub mtshams su chu srin no// nub byang mtshams su seng gdong gzhag/ dkar dang sngo ser nag zhal bzhi pa'o// zangs kyi glang bu legs byas la// gser dngul zangs lcags phye ma dang // g.yu dang byu ru man shel sogs// phye mar brdungs blugs par bya// dar zab ras kyi snal ma bzhag/ de rnams khang bu'i dbus su gzhag/ nor gyi rta ru gzungs par yin// sa sbyin dag la bzo ba yin// rin po che yi gzugs brnyan
- 354b
ni// sor gsum tshad ldan kha dog sngo/ khang bu'i dbus su bzhag par bya// de yang rten gyi gzhi ru gzung // de nas gtor ma rgyas pa bzhi// shar phyogs gtor ma rtag tu gtang // lho phyogs gtor ma thugs dam bskang // nub phyogs gtor ma rta ru gzung // byang phyogs gtor ma zor du 'phang // nub phyogs gtor ma 'bru sna dang // rin po che'i phye ma blugs// de yang nor dang dam rdzas yin// de nas bdag gzhan legs bskyed la// bka' bsgo rim pa rdzas spel bya'o// de nas sngags kyang rgyun du bzlas// oM s+phu ta s+phu ta/ ma hA krod+ha tAM/ sid+hi sid+d+hi s+pho ta ya hUM phaT/ nA ga ra dza rad na sid+hi/ 'ba' hUM ta/ pa ta ya pa ta ya swA hA/ stong tshe re zhing bdud rtsi dbul// sngon bzhin shes par bya// bzed zhal du blug chu la dbo'o// khang bu'i kha ru bzed zhal gzhag khang bu'i nang du spos me yang // rgyun mi 'chad par gtang bar bya// skabs su khang bu sgo phye la// ma lus 'tshogs pa'i 'bru sna dang // rin chen nor gyi phye ma dang // klu sman kun kyang gtor bar bya// nang nub med par yi dam du// stong tsho bzlas la mchod pa dbul// rgyun mi 'chad par byas nas ni// dbul po yin yang gter ldan 'gyur// khang bu gzugs brnyan ma lus kun// gzhan gyis mi mthong rang gi spyod yul nyid// rmi lam bzang po skabs su 'byung // nor bu g.yu dang byu ru dang // mu tig gser
- 355a
dngul mang po dang / khang bu gru bzhi thogs pa yis// mi mang byis chung mang byung na// rmi lam bzang ste rdzas chen 'bul// g.yag chen stong la spro ba bkal ba dang // mi nor mang po bka' nas ni// bdag la ster dang bdag gis byed// rang gi khyim du 'ong rmi na// de yang bzang bas rdzas chen dbul// sa yi gting nas 'chad pa'am// dur ram mi nor yod zer ba'am// bdag gis klogs na bdag la ni// klogs cing zer ba'i sgra byung na// de yang bzang pas rdzas chen 'phel// de rnams ma byung bar du ni// bzlas dang mchod pa rgyun mi gcad// de ltar grub na tshe 'di la// klu rnams dges nas dngos grub ni// rjod kyis mi lang ba yang 'byung // de ltar sbyor ba zab mo 'di// rgyan mi chad par byas gyur na// nor dang bu tsha rgyas pa dang // tshe 'phel byis pa legs mo skye// rtog pa'i rgyal po las/ phyi bsgrub gter gyi las bstan pa'i le'u ste don gcig pa'o// // de nas nang bsgrub rten chen bshad// de yang rnam pa gnyis su ste// dang po 'di ltar shes par bya// maN+Dal gru bzhi'i steng du rtsig/ stegs bu nang du g.yam sgom bya// sgrom gyi nang du zangs la ni// glang bu dmar po byas la gzhug/ de nas shog bu dag la ni// sbal pa nag po'i gzugs bris la// rgyab tu le tshe dgu pa'i 'khor lo bri// le'u tshe dgu la sngags tshan dgu/ sbyor
- 355b
ba mkhas pas bri bar bya// dang po la dbang du bsdu mna' bsgag gnyis/ gnyis pa dag la snying po bri// gsum pa dag la nye snying bri// bzhi pa dag la rgyal rigs sngags// lnga pa dag la bram ze'i rigs sngags bri// drug pa rje rigs bdun pa dmangs rigs sngags// brgyad pa gnyen te dgu pa sa bdag rigs// de ltar bris nas mtha' ma hUM gis bskor/ kha yi zad kar gter bsgrub las kyis bya// de nas gzugs de dril la glang bu'i khog par gzhug/ de nas gser sogs rin chen phye ma blugs// de nas gzugs de sgrom du gzhug/ de nas gter rdzas rnams kyang gzhag/ gong gi phyi bsgrub dag dang mtshungs// de nas maN+Dal steng du bya khyung gzugs// nA ga gnas pa'i pa dang sbyin po yi sa bdag dang // legs par byas te gser chus byug/ de nas bdag nyid khyung gi skur bsgom pa ling btang // de nas glu gtor rgyas pa la/ khyung gi phyag rgya bca' zhing sngags dgu bzlas// sham bu na ga rad na si d+hi/ 'bab hUM bya'o// de nas klu sman bdud rtsi 'ba' ling kun// gnyan pa'i khyim du bskal bar bya// de ltar mchad na rmi lam bzang po dag kyang 'byung // rmi lam gong dang sbyar bar bya'o// gter chen rnyed dang rdzas chen 'phel// klu rnams bran bzhin 'gyur par nges// gang la bya ba gdon mi za// rtog pa'i rgyal po las/ gter gyi bsgrub pa chen
- 356a
po'i le'u ste don gnyis pa'o// // de nas nang bsgrub gnyis pa yi// gter chen bsgrub pa bdag gis bshad// klu gnas dgu yi chu dang ni// nA ga khyim dgu'i sa bdag la// sbyin po'i sa dang dkar gsum bsre// klu sman kun kyang 'tshogs sar bre dgu bsre// sbrang rtsi dag gis sbrus nas ni// nA ga rA dza'i gzugs brnyan ni// lus bcus sbrul mgo bdun pa bya// sku mdog gnag cing ro smad sbrul du 'khyil// de 'dra'i gzugs de shing ngam zangs kyi sgrom du gzhug/ de nyid dben pa'i maN+Dal rtsar// gzhag la bskyed cing gter yang blang // gzhan gyis mi mthong rang gi spyod yul nyid// sku bskyed las sbyor sngags sbyor gong gi gnan pa'i dus dang sbyar// de nas bsnyen pa nyi shu yang drang // gter gyi sham bu gong dang mtshungs// ba ling bdud rtsi rim pa gnan pa'i dus bzhin dbul// nor gyi dam rdzas gter rnams phyi bsgrub ji bzhin sbyar// de nas bsnyen pa drang bas rtags ni sngon dang sbyar// rtog pa'i rgyal po las/ nang bsgrub gnyis pa gter gyis las bstan pa'i le'u ste don gsum pa'o// // de nas byi dor las bshad de// dang po nA ga gnas pa'i chu dang sa blangs la// sbyin po'i sa dang bsres te gzugs brnyan bca'// de nas sbrul dang sbal pa nya dang lcong // chu rta chu lug chu glang rigs dang sbyar// brgya rtsa brgyad
- 356b
kyi gzugs brnyan ni// re re la yang sbyar bar bya// de nas sog ma med kyi gzugs// tshad ldan gcig kyang bya bar shis// pad+ma 'dab chen la sogs klu chen brgyad// ro smad sbrul la ro stod mi// thal mo sbyar nas bka' stod brgyad kyang bya// de rnams de bas bsnun te zangs kyi nang du blugs/ kha dog bsgyur te sa yi ni// gting du de rnams sba bar bya// de nas nang nub ma chad par// bdag nyid gnyen po gang rung bya zhing // klu rnams phu las bskyed bya zhing // sgo ba gter chen 'di bsgrub bya// bsnyen pa'i sham bur sngags bdag te// rgyun mi chad par bzlas par bya// klu rnams snying po'i sham bur gyi snying po btags// de nas ba ling bdud rtsi rnams// nA ga kun la sngags bdag 'bul// nA ga ra dza gter bsgrub bsgo// de nas rmi kham ltas rnams de bzhin bsgo// nges par nor dang ldan par 'gyur// dbul po yin yang gter dang ldan pa'o// rtog pa'i rgyal po las/ mchod la spyi bsgrub gter gyi las bstan pa'i le'u ste don bzhi pa'o// // de nas phyag na rdo rjes gsol pa/ kye kye bcom ldan thugs rje can// 'gal ba cham la dbab pa'i phyir// klu rgyal las kyi sbyor ba yis// ser bas stong gsum ji ltar gdul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse
- 357a
gcig yid kyis nyon// sar ba la yang rnam gsum ste// phyi bsgrub sngags kyis dbab pa dang // nang bsgrub sngags kyis dbab pa dang // rigs drug sngags kyis dbab pa'o// de la phyi bsgrub rim pa ni// ba yi rnam lnga khyim gyi sa dang chu// yul gyi sa sbyin dag dang bsre// sbrang gis sbrus te sngags bdag gzugs kyang bya// tshad ldan sbrul mgo bdun pa bya// de nas g.yam khang gru bzhi brtsigs// li khris bskus te khang du gzhag/ de nas khang du gru bzhi ru// gtor ma rgyas pa bzhi yang gzhag/ dkar gsum mngar gsum klu sman sna tshogs dang // sngo sna 'bru sna tshogs pa gtor mar blugs// de nas bsnyen pa bye ba bskyal bar bya// de nas pra ltar brtags la 'bum tsho gcig bzlas// gtor ma gcig kyang rta ru bskyal byas la// sham bu dag la sngags gzugs bris nas// sbrul gseb sngags kyis dgang bya zhing // yul phyogs de yi ming dang ni// lha rten la sogs ming yang bri// de nas gzugs te gtor mar bcug nas kyang // yul phyogs 'di ru ser ba phob cig sogs// shog bu dag la legs bris gtor ma gzhug/ de nas de zhing gi sngo dkyil dag tu gzhug/ de nas bzlas pa 'bum tsho gcig bskul la gtor ma cig/ sngags bdag gzugs sogs snga ma bzhin du gsal nas kyang // yul phyogs de yi lha rten sa bdag gam// chu
- 357b
mig ne'u gsing gnyen por pho brang gdab// de nas 'bum tsho gcig bzlas sngags bdag gzugs/ khyer te dgra phyogs ri mthon po'am// byang du kha bltas chu mig gnyen por khyer nas kyang // gzugs de gan rgyarkyargyal bsgyel nas kyang // yug sa mo'am rabs chad mo'am// yang na mdze mo'i zhabs ma yis// sngags gzugs brda zhing ser bar bya// de nas seng ldeng phur bu dril zhing gsang sngags bzlas// gtor ma gcig dang nyungs kar ske tshe 'o ma// nya dang sbal lcong sbrul gyi khrag/ nya lcibs dang bsres sngags bzlas la zor du 'phang // de nas drag po'i phur pas sngags bdag gzir// des ni nges par phebs nas kyang // sog ma yan chad med par byed// yang na klu bsgrub dkyil 'khor legs bcas la// bsnyen pa bskyal nas ya stags kun kyang dgra yul gnyen sar bskyal// de nas bdud rtsi'i mchod pa 'bul// gtor ma 'bul// bsgo ba klu tshogs ser ba phob bya// de nas gzugs brnyan kun phying dkar steng gzhag la// seng ldeng phur bas tshogs cing ser sngags bzlas// ring po mi thogs dgra phyogs phung nas kyang // sog ma yan chod des kyang med par byed// de ltar byas pas ma phebs na// gong gi gtor ma gcig la 'bum tsho dag bzlas la// gra ma'i ho shing khru gang la// gsang sngags mang bzlas dgra phyogs gnas sar khyer// gtor ma
- 358a
gtang la sngags bdag ser ba phob bya// de nas hom yang bsregs la nges par rlung la bskur// de nas rta gdon klu bsgrub bya mdos gtang // klu mchod rdzogs par byas la// sngags bdag gzugs kyang spos chus bkru// de ltar sbyor ba zab mo 'di// 'dzam bu gling nas rnyed par dka'// rtog pa'i rgyal po las/ drag po'i ser bas sog ma yan chad med par byed pa'i le'u ste don lnga pa'o// // de nas nang bsgrub ser ba bshad// de la rnam gnyis dang po bshad par bya// rigs bzhi'i klu'i sbrul chen bzhi byas la// rigs kyi khyim dang / khyim bzhi rigs kyi chu bzhi dang // ba gzan sbrang rtsi 'o ma bsres pa la// rigs bzhi'i gzugs chen bzhi byas la// ba'i rnam lngas byug maN+Dal grum bzhi'i khar// zangs gzhong nang du rigs bzhi'i klu bcug la// 'khor lo rtsibs bzhi dag la dbus su yul mi'i ming bri// rtsibs bzhi dag la rigs bzhi stan sbrul bzhi bri// rtsibs kyi phyi rol mu khyud dag la ni// ba so'i sngags dang rigs bzhi so so'i sngags// sham bu nA ga tsa pra ta pa ta ya/ btags la bsgrub pa'i sham bu bri// de ni gtor ma rgyas pa'i khar gzhag go/ de nas bzlas pa mang du bskyol ba dang // dgra'i yul gyi klu yod sa ru// 'khor lo de dang gtor ma gzhug par bya bar gdon mi za// de nas nang par gtor ma bag zan
- 358b
khyer// dgra bo yul gyi rtser phyin ser ba dbab// bdag nyid bya khyung skur bsgoms la// bya khyung phyag rgya bcas shing gzugs la sngags kyis brab// nA ga ser ba phob la sogs pa bya'o// des kyang nges par phebs par 'gyur// gal te ma phebs na chu mig/ gra ma'i ho la rigs bzhi'i gzugs brnyan bsreg cing 'dug/ des ni 'dzam gling phung bar 'gyur// rtog pa'i rgyal po las/ rigs bzhi'i klu'i ser ba dbab pa'i le'u ste don drug pa'o// // srid gsum ma lus phung bar byed// ba su rigs drug ser ba 'bab// de la dang po bsnyen pa ni// maN+Dal lte bar phyag na rdo rje bskyed// pad+ma drug la ba su ta// rigs drug dag ni dgod par bya// gra bzhir lha mo bzhi yang dgod// lcags ri kha T+wAM ka yis bskor// de la ba su rigs drug ni// shar du rgyal rigs dkar khra ste// lho ru rje rigs ser khra ste// nub tu dmangs rigs dmar khra ste// byang du gdol can sngo khra'o// gnyis ni rigs ma i zhes bya// nyi ma me shel zla ba chu shel gnyis// gru chad gru bzhi sdong mo bzhi ru bsam// de nas bsnyen pa drangs par bya// oM na ba ga ba ti rig khru mi ra ya hUM phaT/ bdun 'bum dag tu drang bar bya// de nas shog bu dag la ni// 'khor lo pad+ma 'dab drug la// gong gi maN+Dal ji bzhin bri// dbus su pra ltar pa to ya// de yi phyi rol mu khyud la// gong gi
- 359a
bsnyen pa'i sngags kyis bskor// pad+ma drug pa'i rigs khrung me ri ya hUM/ yul che ge mor phob bya ba'i// sngags kyang yang dag bri bar bya// mchod rten nag po'i zur gsum dag tu gzhug/ gong gi bsnyen bsgrub 'di ni rta bsgrub bo// de nas rta yang gzhug par bya// gser skyems gtang la ma nyes dbang yang gzugs// gong gis sa tshon de rnams legs gsum la// gru gsum dag tu legs bskor la// sa tshon de ru maN+Dal dkyil 'khor dag tu bskor// mchod rten spyi tshugs kha zhabs bzlog la gzhag/ zangs phye tsha phye rdeg cing brab// ba ga pa ti bzlas shing de ru blugs// rdo leb shing leb dag gis kha bcad dam pa bsdig/ de nas rang rang nam 'bebs tshe// rdzas lhag cig dang lam po sna// zangs dung du blugs bus shing sngags bzlas na// nges par phebs nas yul 'khor shwa yis khyer// grub pa'i rtags su chu bo chen po'am// rlung chub chen pos lug khyud 'dod pa'o// nam byung tshe na dbab par bya'o// dbab sngags la/ oM na mo b+ha ga ba ti/ ru ta ya ya sarba nA ga a ti pa ta ye pra ta r+thaM pra par sha ya/ sarba na gan ma he shas/ lo to kya/ a ti pa ta ye/ ad ta pa ya swA hA/ nges par phebs par gdon mi za// rtog pa'i rgyal po las/ klu rigs drug ser ba dbab pa'i le'u ste don bdun pa'o// // de nas phyag na rdo rjes gsol pa// brgya
- 359b
dang bcu dgu'i grangs sngags 'di// bgegs la bgyid na ji ltar lags// dgra la bgyid na ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// shog bu grog ras dag la// 'khor lo rtsibs bzhi mu khyud bcas// mu khyud gnyis kyis bskor bar bya// mu khyud phyi rol dag tu ni// sbrul nag gnyis kyis legs par bskor// ske 'khril mjug ma gnyis kyang 'khril// 'khor lo lte bar bgegs kyi ming byang bri// mu khyud gnyis pa la ni brgya dang bcu dgu pa'o// 'khor lo rtsibs la spu ta'i sngags// mtha' rten bzhi dang ldan par bri// shar du sngags bdag nub tu phyag na rdo rje'i sku// bdag gzhan bskyed cing bka' sgo bya// bgegs rnams bkug la ming rus dag la bstim// de yang maN+Dal khar gzhag la// nyungs kar la sogs brab cing sngags rnams bzlas// bsnyen sngags dag la brgya dang bcu dgu gdags// mtha' rten bzhi la gang 'dod sham bu gdags// ting 'dzin ldan pas rtag tu bzlas// de nas 'khor lo gnan par bya/ khyim bya nag mo'i sgo nga ru// 'khor lo bcug la tsit+ta'i 'og/ gnan pas bgegs rnams nges par 'chi// lha chen dag kyang 'chi 'gyur na// 'byung po bgegs la smos ci dgos// rtog pa'i rgyal po las//
- 360a
'byung po thams cad rdul du rlog par byed pa'i le'u ste don brgyad pa'o// // de nas dgra bo brlag 'dod na// 'khor lo de dag nyid la ni// sbrul bzhi mu khyud bskor ba rigs bzhi'i klu// dbus kyi lte bar dgra bo'i ming byang bri// rtsibs bzhi dag la mtha' rten bzhi pa'o// mu khyud dag la brgya dang bcu dgu bri// ming sngags bris la bzlas par bya// de nas bdag gzhan bskyed cing dgu gzhug bya// de nas sbrul chen bzhis kyang kha rlangs brdeg par bya// de nas sngags kyang nus tshad bzlas// don gyi rnal 'byor spo bar bya// de nyid nges pa'i sngags yin pas// nyi shu rtsa gcig gis dgra rnams 'chi// nyungs kar ske tshe'i thun gyis brab// de nas mtha' ma gnan pa ni// gong gi rigs bzhi'i klu la gtad// gtad pa'i las ni nang bsgrub dag dang mtshungs// de ltar sbyor ba zab mo 'di// 'jig rten gsum na rnyed par dka'// rtog pa'i rgyal po las/ zab mo'i las kyis dgra gsad pa'i le'u ste don dgu pa'o// // de nas phyag na rdo rje gsol ba// kye kye bcom ldan dges chen po// nang bsgrub las kyi sbyor ba yis// gsad pa'i sbyor ba bshad pas legs// de rnams dug gis zin pa la// gso ba'i las ni ji ltar bgyi// dug gi ma ni ji ltar lags// phyi bsgrub klu sgrub ma lags par// nang bsgrub gso ba'i rim pa zhig/ bdag
- 360b
gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// spyir na nang bsgrub rim pa yis// drag po'i gtad pa'i las rnams gces// gal te gso bar 'dod pa na// dang po maN+Dal gru bzhi bya// dbus kyi lte bar mu khyud dgod// pad+ma brgyad la rigs bzhi'i klu chen brgyad// gru chad brgyad la gnyen chen 'bar ba brgyad// lha rnams dag la rigs su phye byas pa'i// nya dang sbal pa lcong mo chu glang klu// sgo la sbrul mgo byas pa yi// nang gi bar khyams la// sa bdag sa srin tshogs rnams mkhas pas dgod// pad+ma rigs bzhi'i klu chen brgyad po ni// nor rgyas bu dang dung skyong gnyis ni// rgyal rigs yin te sa la dbang // ser po gnyis ni shar dang lho'i pad+ma la'o// dga' bo rigs ldan gnyis ni// bram ze rigs te chu la dbang // dkar po ro nye gnyis ni lho dang lho'i pad+ma la'o// pad+ma 'jog po gnyis ni// rje'u'i rigs yin me la dbang // dmar po ro nye gnyis ni nub dang nub byang pad+ma la'o// kar ko ta dang stobs kyi rgyu ni// dmangs rigs yin te rlung la dbang // byang dang byang shar pad+ma la'o// de bzhin shar dang shar gyi sgo la gnas pa yang // rigs bzhi dag tu kun shes bya'o// gzugs brnyan kha dog rnams kyang de ltar bsgyur// gnyen dang sa bdag khra bo'o//
- 361a
rgyu ni bag zan yin te 'og tu phul do'o// de nas bdud rtsi'i bum pa dag kyang gzhag/ de ni bca' gzhi'i rim pa'o// de nas bdag nyid bya khyung du bsgoms// phra las nA ga rnams kyang bskyed// shes sems dpa' spyan drangs bstim par bya// klu rnams la yang bsgo ba ni// nga yi las 'di gyis shig bya// de nas mchod pa brtsam bya ste// bya khyung la ni chang gtor nya sha rnams// gsang bsgrub gnyis pa ji bzhin bya// rnam lnga dug dang gtor ma dang // bya khyung phyag rgya bcas la khyung la dbul// de nas klu'i gtor ma dbul bya ste// hUM/ klu chen brgyad po spyan 'dren na// nor rgyas klu chen spyan 'dren na// dung skyong klu/ chen spyan 'dren na// dga' bo klu chen spyan 'dren na// rigs ldan klu chen spyan 'dren na// pad+ma klu chen spyan 'dren na// 'jog po klu chen spyan 'dren na// 'khyed po klu chen spyan 'dren na// dkar gsum dag gi bdud rtsi 'bul// mngar gsum dag gi bdud rtsi yis// zas kyi ro mchog ldan 'gyur cig/ zas kyi ro mchog ldan nas kyang // klu chen brgyad po mdangs dang ldan gyur cig/ klu sman rnam pa sna tshogs ni// gong gi klu bsgrub ji bzhin sbyar// gnyan gyi klu tshogs spyan 'dren na// rgyal rigs klu tshogs spyan 'dren na// bram ze'i klu tshogs spyan 'dren na// rje rigs klu tshogs spyan 'dren na// dmangs rigs klu tshogs spyan
- 361b
'dren na// sa bdag sa srin spyan 'dren na// bya khrung phyag rgya bcas la shag te yis// bdud rtsi dag kyang klu la 'bul// de'i sngags ni/ yu nA ga rA dza b+ha hUM ta a mr-i ta b+ha hUM ta si ta swA hA/ des ni bdud rtsi'i char pa 'bab par bsam// de nas bzlas pa brtsam bya ste// klu chen brgyad dang phyogs bzhi'i klu// rigs bzhi yin te rang rang snying po bzlas// gnyen rnams gnyen gyi drag sngags bzlas// sa bdag sa srin nyid kyi drag sngags bzlas// de rnams bzlas pa'i sngags rnams ni// nang bsgrub sngags kyi le'u nas shes// sham bu na gshan ting ku ru gdags par bya// de nas gdug rtsub dug rnams ni// rigs bzhi khams bzhi rtsibs la gdan// de rnams dug gi ngos gzung la// rgyal rigs sa la dbang ste lci zhing 'thibs pa'i dug/ bram ze chu la dbang ste grang zhing bsil ba 'dar ba chu yi dug/ rje'u rigs me la dbang ste dro zhing tsha ba me yi dug/ dmangs rigs rlung la dbang ste yang zhing g.yo ba rlung gi dug/ gnyen dang sa bdag kham bzhi'i khrog du'o// de rnams dug ni ngos zin na/ khams bzhi'i gshed brtsis dug kyang 'don// sa yi dug gis zin gyur na// rta'i rigs sngags bzlas mtha' ru rgyal rigs gzhug rje'i rigs 'chi bdag rgyal rigs dag la bskul/ rma bya thogs la 'di skad brjod// hUM/ rje rigs chen po tshur nyon cig/ nga ni bya khyung
- 362a
rgyal po ste// rgyu sbyor yon bdag rigs 'di la// sa yi dug gis zin nas 'dug/ sa yi gnyen po me yin te// me yi dug gis rgyal rigs bsregs// yid kyi dug rnams med par gyis// lci zhing 'jibs pa yid kyi dug/ dro zhing tsha bas sa 'di bsregs// rje rigs chen po tshur nyon cig/ de ring mi 'di khyod kyis thong // de ring dug 'di khyod kyis thon// sbrul gyi dkar khra 'di las thon// sbal pa dkar po 'di las thon// nya mo dkar mo 'di las zon// chu rta dkar po 'di las thon// chu glang dkar po 'di las zon// chu lug dkar po 'di las thon// gnyen chen dkar khra 'di las thon// sa bdag dkar khra 'di las thon// spu sdug de ni rma bya dang // rje rigs chen pa 'chi bdag gis// ser po'i dug rnams phyir phyung zhig/ rje rigs klu chen da tshur nyon// de ring mi 'di mi gtong zhing // de ring dug 'di mi 'don na/ khyod kyi shi sa bstan pa ni// bya khyung rgyal po'i bka' bcag nas// lus kyang rul zhing me 'bar 'gyur// mgo bo 'gas shing snying yang 'byung // 'o na de la ma thug gis// las 'di de ring grub par gyis// chu yi dug gis zin pa la// dmangs rigs sngags mtha' ru bram ze gzhug/ dmangs rigs 'chi bdag bram ze dag la bskul// rma bya thogs la 'di skad bsal// hUM/ dmangs rigs chen po tshur nyon cig/ nga ni bya khyung
- 362b
rgyal po ste// rgyu sbyor yon bdag rigs 'di la// chu yi dug gis zin nas 'dug/ chu yi gnyen po rlung yin te// rlung gi dug gis chu 'di gtor// sbyor ba'i dug rnams med par gyis// grang zhing 'dar ba chu yi dug/ yang zhing g.yo ba rlung gis gtor// dmangs rigs chen po tshur nyon cig/ de ring mi 'di khyod kyis thong // de ring dug 'di khyod kyis thon// sbrul gyi ser khra 'di las thon// sbal pa ser po 'di las thon dang // nya mo ser mo 'di las thon dang // lcong ke ser po 'di las thon dang // chu rta chu lug chu glang ser po 'di las thon dang // gnyan chen ser khra 'di las thon dang // sa bdag ser khra 'di las thon dang // spu sdug de ni rma bya dang / dmangs rigs chen po 'chi bdag gis// ser po'i dug rnams phyir phyung zhig/ dmangs rigs klu rnams tshur nyon cig/ de ring mi 'di mi gtong zhing // de ring dug 'di mi 'don na/ khyod kyi shi sa bstan pa ni// bya khyung rgyal po'i bka' bcag nas// lus kyang rul zhing me 'bar 'gyur// mgo yang 'gas shing snying yang 'gas// 'o na de la ma zug gis// las 'di de ring grub par gyis// me yi dug gis zin pa la// bram ze 'chi bdag rje'u'i rigs dag bskul// rma bya thogs la 'di skad brjod// hUM/ bram ze chen po tshur nyon cig/ nga ni bya khyung rgyal po ste// rgyu sbyor yon bdag rigs
- 363a
'di la// me yi dug gis zin pa la// me yi gnyen po chu yin te// chu yi dug gis rje rigs gsher/ kha rlangs dug rnams med par gyis// tsha zhing dro ba me yi dug/ grang zhing gsher bas 'di sod la// bram ze chen po tshur nyon cig/ de ring mi 'di khyod kyis thong // de ring dug 'di khyod kyis thon// sbrul gyi dmar po 'di las thon// sbal pa dmar po 'di las thon// nya mo dmar mo// lcong ge dmar po/ chu rta dmar po/ chu glang dmar po/ chu lug dmar po/ gnyan chen dmar khra// sa bdag dmar khra 'di las thon dang // spu sdug de ni rma bya ba// bram ze chen po 'chi bdag gis// dmar po'i dug rnams phyir phyung zhig/ bram ze'i klu chen tshur nyon cig/ de ring mi 'di ming gtong zhing // de ring dug 'di mi 'don na/ khyod kyi shi sa bstan pa ni// bya khyung rgyal po'i bka' bcag nas// lus kyang rul zhing me 'bar 'gyur// mgo yang 'gas shing snying yang 'gas// 'o na de la ma zug gis// las 'di de ring grub par gyis// rlung gi dug gis zin gyur na// rgyal rigs sngags bzlas mtha' ni dmangs rigs gzhug/ rgyal rigs 'chi bdag dmangs rigs dag la bskul// rma bya thogs la 'di skad brjod// hUM/ rgyal rigs chen po tshur nyon cig/ nga ni bya khyung rgyal po ste// rgyu sbyor yon bdag rigs 'di la// rlung gi dug gis zin
- 363b
nas 'dug/ rlung gi gnyen po sa yin te// sa yi dug gis dmangs rigs rlag/ reg pa'i dug rnams med par gyis// lci zhing 'thib pa sa yi dug/ yang zhing g.yo ba 'di lcir chug/ rgyal rigs chen po tshur nyon cig/ de ring mi 'di khyod kyis thong // de ring dug 'di khyod kyis thon// sbrul gyi nag khra 'di las thon// sbal pa nag khra/ lcong ge nya mo/ chu rta chu glang chu lug/ gnyan chen nag khra/ sa bdag nag khra 'di las thon// spu sdug de ni rma bya dang // rgyal rigs chen po 'chi bdag gis// nag po'i dug rnams phyir phyung zhig/ rgyal rigs klu rnams tshur nyon cig/ de ring mi 'di mi gtong zhing // de ring dug 'di mi 'dod na/ khyod kyi shi sa bstan pa yin// bya khyung rgyal po'i bka' bcag nas// lus kyang rul zhing me 'bar 'gyur// mgo yang 'gas shing snying yang phyung // 'o na de la ma thug gis// las 'di de ring grub par gyis// de ltar byas na dug rnams kun// klu rigs nyid kyis 'don par 'gyur// gal te des kyang ma zon na/ khyung dkar stong bzlog ngan sngags kyis// klu rigs kun la brabs nas ni// kun kyang gong bzhin 'don par bya// rma byas dug rnams byabs pa'i tshe// nad kyi dngos po gdon par bsam// ba thag tshul du nad byung bsam// de ni nad rnams 'don par 'gyur// de nas skabs su mchod pa 'bul// de ltar sbyor
- 364a
ba zab mo yis// gdug pas zin pa kun 'tsho bar 'gyur/ ji lta bu yang 'tsho bar 'gyur// 'jig rten gsum na rnyed par dka'// de nas cho ga rdzogs pa dang // ye shes sems dpa' gshegs su gsol// dam tshig sems dpa' phyir bzlog la// 'jim pa'i dngos por gyur bar bsam// de nas gzugs brnyan chu la dbo// sa tshon phyags te chu la dbo// de nas phyogs bcur lha phyag 'tshal bar bya// des ni klu sgrub rim pa rdzogs// rtog pa'i rgyal po las/ nang bsgrub las kyi phan bya bstan pa'i le'u ste brgyad cu pa'o// // de nas phyag na rdo rjes gsol pa/ kye kye bcom ldan dges chen po// nang bsgrub las kyi rim pa yis// nges par 'gal ba ji ltar gdul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ras sam gro gshog bu la// nyams pa dgra yi gzugs bris la// gdug pa rnams kyis za ru gzhug/ lto ba sbrul chen gnyis kyis bskor// mgo bo sna bug gzhug/ mgo la rgyal rigs yin te ro nye dkar po'o// ske la bram ze rigs te ser po ro nye'o// lag gnyis dmangs rigs yin te sngon po ro nye gnyis// rked pa rje rigs yin te dmar po ro nye gnyis// rkang pa gdol ba'i rigs te nag po ro nye gnyis// lte ba gnyen te mdzo
- 364b
rtol gnyis// lte ba dag la rigs bzhi rta dang glang // lte ba dag la rigs bzhi'i sbal lcong nya// lte ba dag la sa bdag rigs te sdig pa gnyis dang sdom gnyis// lte ba'i dkyil 'khor gru gsum phyi rol zlum po chu// de'i phyi 'phyan dag tu gzugs brnyed kun gyis za ru gzhug/ rkang par chu bya gnyis kyang 'dud du gzhug/ phyi rol rgya mtsho'i tshul du bya'o// phyi rol zlum po chu la sngags kyis bskor// de yang bi si'i sngags dang sbrul gyis bskor ba bcing // nag po'i bam dang rbad sngags rnams// gcig tu dril te bzlas na ni// mtshan rtags byung nas na ga'i sa ru sba// de nas sngags bzlas phyogs su chu la gtor// grub pa'i dus na bcol bskul rgyun mi gcad// nyungs kar dag gis brab cing bzlas// des ni nyams pa gdon mi za// rtog pa'i rgyal po las// nang bsgrub las kyi rim pa'i 'gal ba cham la dbab pa bstan pa'i le'u ste gya gcig pa'o// // de nas phyag na rdo rjes gsol pa/ kye kye bcom ldan thugs rje can// phran tshegs las kyi sbyor ba// sems can don rnams ji ltar bgyi// bdag gis mi 'tshal bshad du gsol// legs so/ dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de nas dang po bag zan la// sbrul mgo bdun pa legs byas la// mtshal gyi thig gis legs byugs la// zangs
- 365a
sam 'khar ba'i gzhong par gzhag/ bdud rtsi'i bum pa dag kyang gzhag/ maN+Dal steg du gzugs brnyan gzhag/ de nas gtor ma rgyas par gzhag/ de nas rma bya dag kyang gzugs// de nas bdag gzhan legs bskyed la// bka' bsgo rim pa sna tshogs bya// de ring spogs thon bya'o// de nas mchod pa dbul bar bya'o// hUM/ sngags kyi bdag po spyan 'dren na// dkar gsum dag gi bdud rtsi 'bul// dkar gsum dag gis bdud rtsi yis// zas kyi ro mchog ldan gyur cig/ zas kyi ro mchog ldan nas kyang // klu rnams mdangs dang ldan gyur cig/ mngar gsum dag gi bdud rtsi nas// klu sman sna tshogs yan chad ni// klu bsgrub rim pa ji bzhin no// de nas shug de dag kyang ni// sngags rings klag cing bdud rtsi 'bul// u nA ga rA dza a mr-i ta swA hA/ zhes bya/ bdud rtsi sngags bdag la dbul bar the tshom med// de nas bsnyen sngags dag la ni// shan ting btags la stong tshe bzlas// de nas dug dang gdug rtsub ni// hUM/ sngags kyi bdag po tshur nyon cig/ nga ni phyag na rdo rje yin// klu brgyad zas su za ba yin// klu brgyad dgos su gon pa yin// klu 'bum stan du 'dings pa yin// klu lngas dbu la brgyan pa ni// sha za klu yi gdug rtsub phyung // nya yi klu yi gdug rtsub phyung // lto 'phye klu yi gdug rtsub phyung // rgyal
- 365b
rigs klu yi gdug rtsub phyung // bram ze klu yi gdug rtsub phyung // rje rigs klu yi gdug rtsub phyung // dmangs rigs klu yi gdug rtsub phyung // gdol can klu yi gdug rtsub phyung // gnyen gyi rigs kyi gdug rtsub phyung // sa bdag sa srin gdug rtsub phyung // gdug rtsub dug rnams phyir phyung zhig/ de nas dug bya ba ste/ hUM/ sngags kyi bdag po tshur nyon cig/ do nod nam gyi gung gsum la// spu sdug de ni rma bya dang // sngags kyi de ni bdag po yis// dug rnams phyir phyung zhig/ reg pa'i dug rnams phyir phyung zhig/ ltas pa'i kha rlangs/ sbyor ba'i yid kyis/ klu chen brgyad po dug rnams phyir phyung zhig/ gzhan 'dre/ rgyal rigs/ bram ze// rje rigs/ dmangs rigs/ gdol pa can/ sa srin sa bdag/ nad rnams thams cad phyir phyung zhig/ hUM/ sngags kyi bdag po tshur nyon cig/ gdug rtsub bdug rnams mi 'dod cing // rigs 'dzin bka' las 'da' byed na// nad rnams ma lus mi 'don cing // de ring spogs 'di mi 'don na/ khyod kyi shi sa bstan pa ni// dam tshig sngags kyi byin rlabs dang / khro bo yag sha'i me dpal gyis// mdze nad sna tshogs / khyod la 'ong // 'on pa long pa khyod la 'ong // sha bkra'i nad rnams khyod la 'ong // 'o na de la ma thug gis// nad rnams thams cad khyod kyis thon// sbrul gyi dkar la sogs pa klu bsgrub bzhin bya//
- 366a
khrag nad chu ser 'di las thon dang // rlung nad mkhris pa bad kan mdze nad 'di la sngags kyis gdab bo/ khye'u chung gzhon nu/ gzhon nu gtum po/ sbrul mgo bdun pa/ zur phud lnga pa/ srid gsum dbang sdud/ gdug pas dug lnga skyed pa ste// dug lngas nad lnga rgyas par byed// nad rnams thams cad 'don mdzad pa// sngags bdag khyod la phyag 'tshal lo// de ltar rma byas byabs pa'i tshe// nad kyi dngos po thon par bsam// de ltar sbyor ba zab mo 'di// zhag bdun bar du ma bcad na// ji lta bu yang thon par 'gyur// de nas gzugs brnyan chu la dbo// gtor ma rgyas par gtang bar bya// 'jig rten gsum na rnyed par dka'// rtog pa'i rgyal po las/ sngags bdag las phran tshegs spogs 'don pa'i le'u ste gya gnyis pa'o// // de nas chang srung sbyor ba bshad// zan la sbrul mgo bdun pa legs byas la// gtsang ma'i snod du bcug ste zangs kyi 'gram du gzhag/ de nas bdag gzhan bskyed cing bka' sgo chang bsrung bya// de nas sngags bzlas mnan pa'i steng du gzhag/ de nas chang phud gtsang ma dag kyang gtsang sar bskyal// de ltar byas na chang yang srung bar 'gyur// de ltar sbyor ba zab mo 'di// sangs rgyas kun gyi thugs la gnas// rtog pa'i rgyal po las// chang srung ba'i le'u ste gya gsum pa'o// // de nas
- 366b
ral gri'i cho ga bshad// shing ngam lcags sam zangs dag la// ral gri 'bar ba 'dom gang tshad byas la/ kha dog sngon por bsgyur la// gsang ba sgrub sngags kyi brnyen pa bya// 'bum tsho gcig tu bzlas nas kyang // de nas las rnams ma lus brtsam// gsang chen sku ru bskyed nas kyang // gnyen gsar bcug nas klu rnams dum bur gtong / yang na 'byung po gnod sar bcug na 'byung po rlag par 'gyur/ yang na ser ba babs sar stegs bu bcas la ral gri bsgreng nas sngags bzlas nas/ ji ltar phab kyang bzlog par 'gyur/ rtog pa'i rgyal po las/ dgra'i cho ga'i le'u ste gya bzhi pa'o// // de nas dbang du bud med 'du 'dod na// me tog kan ta ka dang bud med kyis// rang gi ga pur 'doms kyi spu// de rnams zhib tu btags te lde gu bya// de la spu ta 'bum tsho bzlas shing gtor ma gtong // bsgo ba 'di khug cig bya// de nas mtha' rten che ge mo 'di khug cig bya// spyi bor lde gu phye ma gdab// de nas rang 'gugs phyag rgya legs byas la/ khyim du sngags kyang bzlas byas la// de nas mod la shul du khyi bzhin 'breng // de ltar sbyor ba zab mo 'di// sangs rgyas kyis kyang mi rnyed do// rtog pa'i rgyal po las/ bud med dbang du bsdud pa'i le'u ste gya lnga pa'o// // de nas phyag na rdo rjes gsol pa// kye kye bcom ldan thugs rje che// klu chen
- 367a
brgyad kyi sbyor ba yis// pa ri sha ya ji ltar 'bab// bdag gis mi 'tshal bshad du gsol// legs so dpal ldan rdo rje 'chang / khyod la nga yis bshad par bya/ khyod kyang rtse gcig yid kyis nyon// de nas nA ga yod nges su// maN+Dal pad+ma 'dab brgyad bri// shar phyogs su ni mtha' yas so// lho phyogs su ni nor rgyas so// nub phyogs su ni 'jog po'o// byang phyogs su ni pad+ma'o// dbang ldan du ni pad chen no// me mtshams su ni dung skyong ngo // srin po'i mtshams ni stobs kyi rgyu// rlung mtshams su ni ma dros so// de rnams kyi kha dog ni// dkar dang sngo dang dmar dang ljang // ser dang dud ka ljang ser dang // rin chen 'bar ba'i gdeng kha mtho// thal mo mchog tu sbyar nas ni// phyag na rdo rje'i zhal du lha// 'jog po yis ni bka' sdod cing // bkrag dang bcas par blta bar bya// klu rnams kun gyi snying kha ru// hUM ni hUM bris par bya/ de nas bris skul dmigs shar du kha bltas la/ gsang sgrub dang po sngags kyang bzlas par bya/ 'bum gyis mngon sum dag tu nges par 'gyur/ phyag na rdo rje'i bka' yis char 'bebs so// de nas klu rnams kyi snying po bzlas/ oM ang a nan ta a hUM naM hUM swA hA/ mtha' yas kyi'o// oM baM ba su ki ni hUM naM hUM swA hA/ nor rgyas so// oM taM ta ka na shaM hUM naM hUM swA hA/ 'jog po'o// oM baM pad+ma hUM naM
- 367b
hUM swA hA/ pad+ma'o// oM ma hA pad+ma hUM naM hUM swA hA/ pad+ma chen po'o// oM saM saM ka pa la hUM naM hUM swA hA/ dung skyong gi'o// oM ka ra ka ta ka hUM naM hUM swA hA/ stobs kyi rgyu'o// oM a a na pa ta pa ta hUM naM hUM swA hA/ ma dros pa'o// khro bo bsgoms pas khri phrag tu bzlas pas dbul lo// mi smra bar gyur cig shin tu mnyam par gzhag pas 'o ma dang 'bras zan bza' bar bya/ klu'i gtor ma dang ldan zhing 'o mas khrus byas 'o mas sbyin sreg dbul// 'o ma can gyi shing dag la// 'o ma can la skyes pa'i shing bu yis// mtho gang tshad ldan 'o ma rang dang lhan cig bsre// bum pa 'o mas bkang ste 'o ma dang bcas gtor mas phyogs bcur 'phang / zhag gcig la thun bzhir bshad/ de lta bu'i mchod pa dus bzhi stong phrag bzlas bya zhing / zhag bdun dag gis char yang nges par 'bab/ 'dzam bu gling nas rnyed par dka'/ rtog pa'i rgyal po mchod rten las/ klu chen brgyad kyis char dbab pa'i le'u ste gya drug pa'o// // de nas phyag na rdo rjes gsol pa// kye kye bcom ldan thugs rje can// nad rnams thams cad gso ba'i phyir// klu gnyen sa bdag ji ltar gnas// mi rnams la yang ji ltar gnod// bdag gis mi 'tshal bshad du gsol// legs so dpal ldan rdo rje 'chang / khyod la nga yis bshad par bya/ khyod ni rtse gcig yid kyis nyon// dang po khyim gyi rting shed
- 368a
na// gzhal yas phyi nang tshul du gnas// dang po gser gyi gzhal yas khang // gru bzhi lam pa phyi nang kun tu gsal// de yi nang na rgyal rigs la sogs kyi// gtsug na rin chen bya ba'i// gtso bo dpung gzungs la sogs kyi// klu yi rgyal po 'khor bcas de na gnas// de na dngul las byas pa'i gzhal yas khang // gru bzhi lham pa phyi nang kun tu gsal// de yi nang na gnyen chen 'bum sde bzhugs// de las zangs las byas pa'i gzhal yas khang // gru bzhi lham pa phyi nang kun tu gsal// de yi nang na sa bdag sa srin 'khor bcas bzhugs// de nas lcags las byas pa'i gzhal yas khang // gru bzhi lham pa phyi nang kun tu gsal// de'i nang na 'jig rten the brang sogs pa 'byung // de ni gnas pa'i rim pa bstan// de nas gdon pa'i rim pa bshad// dang po las dang rkyen du phrad pa'i gang zag gis// mi gtsang zab gzhob la sogs pa// byas nas nA ga yod nges sar phyin nas bzhi yis mi the brang dag gis mthong / the brang rigs tshogs 'jig rten khams nas 'grub// de yis mthong nas gnod pa zhad tsam byed// de yang mi dga' sems 'phyo 'gro snying 'dod// nyams chung 'thibs dang mo to ngan// yang yong nad dang btab bsnol 'ong // tshor na legs par bcos kas bzlog/ de nas sa srin dag nas bzlas gyur na// sa srin
- 368b
rigs kyis mi la gnod pa byed// de yang lus sbrid sha 'phrig sha ro 'byung // byad dang lus sogs kun la sha bkra thor pa ldog 'gyur 'ong // mo ltas la sogs sa bdag gdon zer na// tshor na legs par chos kas bzlog/ de nas sa bdag dag la bzlas gyur nas// byad la ldog 'gyur shin tu che// gsal por byung dang rma'o mang // sa bdag dag gis zin par nges// tshor na nges par bzlog par nges// de nas gnyen chen dag la bzlas nas ni// shin tu tshabs kyang che bar 'gyur// rkang lag zha grum dri ma ldog/ sha khrag lud nas mig kyang sle/ kha yang yo snyam mchu sos zas mi thub// byad la chu bur byung na gnyen gyi zin par nges// shin tu tshor bas mi chog sgribs la bya// de la the brang yan chod kyis// dbus kyi gser gyi khang sgo nas// dang po gnyen gyi legs nyes gtam yang zlos// de nas rim gyis the brang tshogs kyis dang po'i lo rgyus zlos// de nas rigs ngo gang yin klu rgyal gtsug na rin chen des// gzugs de gdug pa 'phrul du bskur te 'jug tu 'gro// de yang 'jug sgo bzhi nas 'jug/ lag pa'i a so ling ka'i rtsa gnyis dang // nu ma gnyis kyi rtsa gnyis a so ling ka bzhi// rtsa bzhi dag nas sbrul gyis zhugs nas snying la 'gro// de yang rkang lag sor mo chad nas dri ma shin tu ldog/ bsam pa ngan te brda mi phrad// sna la chu bur byung
- 369a
nas gas shing rma ru 'gro// de 'dra'i nad ni rtags yin te// sangs rgyas kyis kyang mi bzlog go/ gong gi bzhi ni brda bzhi yin te// sngags kyi sbyor bas gso ru btub// de rnams gnas dang gnod pa legs shes na// de nas gso ba'i rim pa bshad// dang po the brang gnod pa'i tshe// bdag gzhan bsnyen pa legs bsgrub nas// rdzas chen cho ga lugs bzhin bsgrub btags na// the brang gnod pa sel nas bgegs kyis tshugs mi 'gyur// gsang bsgrub bsnyen pa phyi bsgrub gnyis ka rdzogs// klu mdos rgyas pa gtang zhing sngags bsgrub bya// des ni sa srin rigs gnon sel nas tshugs mi 'gyur// de nas sa bdag gnyen gnyis gnod pa'i tshe// gsang bsgrub phyi gnyis grub pa'i rnal 'byor pas// klu bsgrub rgyas pa bzhengs shing gdug rtsub bya// de ltar byas na ji ltar bu yang 'tsho bar nges// rtags chen lus la zhugs tsam na// dang po a so li ka'i sgo byung ste// a so ga'i sgo ru gu gul dkar po'i ldi gus thig le bya// de yi steng du hUM dang phu gnyis las// phyag rdor sngags bdag mthe bo'i tshad tsam bskyed// phyi rol dag tu sngags bdag gzugs bcug na// gzugs gnyis byas la gnas nas bton pa'i dug gnyis bstim// de ltar spyi gsang gnyis kyi sngags bzlas rma byas dug la byab cing gzugs la bstim// de bzhin gong gi a so/
- 369b
li ga dag kyang de ltar phyag rdor sngags bdag sgom zhing sngags kyang bzlas// snying la ma byung bar du bzlog par 'gyur// snying la bslabs nas bzlog mi srid// de ltar sbyor ba zab mo 'di// 'jig rten gsum nas rnyed par dka'// rtog pa'i nad tsi tsi dza la chen po gso ba'i thabs chen po brtags pa'i le'u ste gya bdun pa'o// // de nas phyag na rdo rjes gsol pa// kye kye bcom ldan thugs rje can// sngags dang gzugs brnyan bcas pa la// spyan dbye'i rim pa ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// dang po klu bsgrub dkyil 'khor bri// de nas gtor ma gnyis kyang bsham// chang gnod bcu yang gzhag par bya// me tog la sogs mchod pa lnga yang bsham// de nas stong pa nyid du bsgom par bya// de nas dkyil 'khor dbus su man 'dzi'i khar// sngags bdag gzugs brnyan legs gzhag la// dang po bdag nyid hUM las phyag rdor sku// snga ma ji bzhin bsgom par bya// de nas gsang bsgrub snying po 'bum tsho bzlas// de nas phu las gzugs brnyan sngags bdag nyid du bskyed// de nas spu ta 'bum tsho 'ga' tsam bzlas// de nas phyag na rdo rje la// sngags rings bklag cing mchod pa rnam pa lnga yang 'bul// de nas
- 370a
sngags bdag la yang mchod pa rnam pa lnga dbul// hUM/ sngags kyi bdag po tshur nyon cig/ rgya mtsho yangs pa'i dkyil shed nas// klu rgyal chen po gshegs su gsol// sngon gyi tha tshigs bgos pa bzhin// klu chen rgyal po 'od 'bar ba// sku la man ngag 'bum sde mkhyen// cho 'phrul 'bum sde 'gyed mdzad pa// 'dir spyon 'dir bzhugs spyan dbye mdzod// ris su bris dang 'bur du gtod// lugs su blugs pa'i rten chen 'dir// sngags kyi bdag po 'dir bzhugs la// gzugs 'di byin gyis brlab tu gsol// gnyis su med par thim nas kyang // rten chen 'di yi byin rlabs mdzod// byas te mchod pa rnam pa lnga yang sngags rings kyis dbul/ de nas nyid re bzhin du gtor ma yang gtang zhing las kyang bcol bar bya/ bsnyen pa mang du bzlas shing bdud rtsi rnams kyang dbul/ sngags kyi bdag po spyan 'dren na// dkar gsum dag gi bdud rtsi 'bul// dkar gsum dag gi bdud rtsi yis// sngags bdag mdangs dang ldan gyur cig/ sngags bdag mdangs dang ldan nas kyang // de ring spyan dbye'i las mdzod cig/ de skad bya zhing mchod pa dbul ba ni// klu sgrub nas 'byung ba bzhin dbul// de nas me tog 'phreng ba dag kyang gtor// zla ba phyed du bsgrubs gyur na// sngags bdag dngos su 'ongs nas gzugs la
- 370b
chags// de nas sngags bdag dben pa'i gnas su gzhag/ rtag tu gtor ma rgyun du gtang // gzhan gyis mi mthong rang gi spyod yul nyid// de ltar byas na sngags bdag las kyang ci yang 'grub// de ltar sbyor ba zab mo ni// 'jig rten gsum na rnyed par dka'// rtog pa'i rgyal po las/ sngags bdag spyan dbye ba'i le'u ste gya brgyad pa'o// // de nas phyag na rdo rjes gsol pa/ kye kye bcom ldan dges chen po// klu rgyal las kyi gzugs brnyan gyis// tsha ba'i nad rnams sel bar byed// bdag gis mi 'tshal bshad du gsol// legs so dpal ldan rdo rje 'char/ khyod la nga yis bshad par/ khyod kyang rtse gcig yid kyis nyon// de nas nad pa maN+Dal khar legs par bzhag la// de nas shUn+ya ta brjod pas// stong pa nyid du bsgom// de nas yaM las rlung gi maN+Dal// de steng raM las me'i dkyil 'khor// de steng baM las chu'i dkyil 'khor// de steng hUM las phyag rdor sku// nad pa nyid kyang bsam par bya'o// spyi bo pad+ma'i steng dag tu// zla ba'i dkyil 'khor che bsam ste// de steng thig le sngon po ni// 'phang lo tsam du legs bsam te// de la 'od zer 'phros pa yis// bdud rtsi 'o ma'i chu rgyun 'bab// de yang nyin dang mtshan du'o// lte ba'i dkyil 'khor dag tu ni// zla ba nyi ma'i dkyil 'khor bsam// thig le las kyang 'o ma'i rgyun// nyin
- 371a
mtshan med par bsam par bya// des ni lus kyang rgyas par 'gyur// de nas mgo bo'i tshangs pa ru// yi ge laM las dbang chen dkyil 'khor bsgom// de steng klu rgyal gzhon nu ni// gtum po dag kyang bsgom par bya// sbrul mgo bdun gyi gdengs kar mdzes// sbrul mgo'i bar du thig le brgyan// thig le las ni char pa'i rgyun// de 'dra'i bdud rtsi zab par 'bab// yi ge i ni bdud rtsi'i rgyun// mi gnyis su ni dgod par bya// kun tu zla ba dkar dang mtshungs// bdud rtsi'i rgyun ni 'bab par bsam// steng du sprin gyis g.yogs bya ba// 'brug dang glog gis brgyan pa ni// nam mkha'i khams kun khyab par bsam// sprin gseb thig le sngon po las// bdud rtsi'i chu rgyun rab babs pas// grong khyer mtha' ni zhi bar byed// bsgrub bya'i steng du 'dug bsams la// dug dang tsha ba'i rims la sogs// bsam pa tsam gyis sel bar byed// dkyil 'khor dbus su kha dog dbyibs// gang zhig rtag tu bsams byas na// de yi tshe yang zad 'gyur ba// tshe rings par ni gyur pa nyid// log gcig bar du rab sbyar na// rgas pa med cing 'chi ba med// nad sogs kyis gdungs tshugs mi 'gyur// klu chen rnam pa brgyad rnams kyis// gal te zin pa'i dus che yang // bkod pas dug med pa ste// dug gis 'chi ba'ang slong bar byed// dus med
- 371b
'chi ba las rgyal bar 'gyur// nad las rnam par grol bar 'gyur// bsgrub bya nad pa gang yin pa// ston ka'i dus kyi zla 'dra la// lag pa g.yon pa'i mthe bong la// zla gzugs yi ge baM 'phyang ba// bdud rtsi yang dag rtsir ba ni// rims kyis dus med 'chi ba 'joms// de ltar sbyor ba zab mo ni// rims dang dug gis zin pa la// 'jig rten gsum na rnyed par dka'// rtog pa'i rgyal po las/ dug dang rims gso zhing tshe bsrings pa zhes bya ba'i le'u ste gya dgu pa'o// // de nas phyag na rdo rjes gsol pa// kye kye bcom ldan thugs rje can// gsang bsgrub dang po'i sngags sbyor gyis// las phran tshegs kyi le'u bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// gsang bsgrub snying po 'bum tsho legs bzlas la// las rnams ma lus sbyor ba zab mo brtsam// seng ldeng phur pa sor brgyad la// lan stong yongs su bzlas bya ste/ khang stong dag tu legs btsugs la// rlung dang sad dang ser ba thams cad thub par 'gyur ro// lo tog me tog 'bras bu dang // 'dab ma ma rungs byed pa yi// srog chags rnams med par gdon mi za// sha sbrang sbrang bu pi tsa ka dang // byi ba sbrang ma 'bu srin dang // tre taM pu ka dang / tre la ta dang / byi sha ka ti dang / nya phyis dang / 1
- 372a
dang / lo mi ka dang / sbal pa dang / ne'u le dang / phag pa dang shin ti ka dang / seng ge dang / rkang gcig pa dang / rus sbal dang / grog mo dang / sbrang rtsi'i sbrang ma dang / thang ka'i sbrang ma dang / bung ba dang / nag po dang / shang ka ni ka dang / sa'i 'og nas byung ba dang / ma lus shi ka dang / bug pa dang / byi ba dang / mchu rings la sogs pa'i srog chags kyi rigs thams cad med par 'gyur ro// mi 'byung bar 'gyur ro// thams cad phung bar 'gyur ro// bya rog dang / bye'u dang / khug rta dang / phu ron dang / man du ri ka dang / 'ug pa dang / ka ma bya nag dang / ne tso dang / ri skegs la sogs bya thams cad med par 'gyur ro// rtog pa'i rgyal po las/ seng ldeng gi phur pas thams cad zhi bar byed pa'i le'u ste dgu bcu pa'o// // de nas gsang bsgrub kyi cho ga bshad pa tsam gyis/ klu rnams khro bo zhi bar byed pa 'di brjod do// lag na rdo rjes gzi brjid 'bar// snying po 'di brjod pa tsam gyis las grub ste// thog mar gnam du rab bltas te// nyungs kar chu bsres gnam tu rab gtor na// sad dang ser sprin thams cad thub// kun kyang bcing bar gdon mi za// klu rnams 'dar zhing 'khod par 'gyur// thal ba chu bsres dag la ni// nyi shu rtsa gcig bzlas byas te// sems can gang la dbang bskur na gang bskur ba de
- 372b
bsrung bar 'gyur/ 'brug rnams dbyar kha zer ba'i tshe// nyung kar dag la lan brgya rtsa brgyad yongs su bzlas na ni/ chu la yang lan bdun bzlas nas ni// gnam gyi sprin yang 'ching bar 'gyur// de nas sprin la bltas te// nyungs kar gtor na/ me tog 'bras bu thams cad bsdus nas steng du ltung / sngags kyis brjod cing khros pas/ phaT ces bya ba la lan gsum gyis/ klu yi phrug gu rnams kyang ltung bar 'gyur/ klu rnams lus kyang zhig ste thal bar 'gyur/ bal po se'u'i shing gi lcags ma la/ nyi shu rtsa gcig yongs su bzlas byas nas te/ 'khor lo'i tshul du lan gsum bskor byas te/ klu rnams kyis sad dang ser ba sprin dang rlung / sa la yang ni mi thabs so// mgo bo tshal ba bdun du 'gas// shin tu khros pas brgya rtsa brgyad bzlas na// klu rnams rigs dang dpon g.yog bcas te sa la lhung // klu yi khyim dang gzhal med khang pa dang // chu dang shing dang nags tshal bcas pa dag/ me lce 'bar ba gcig tu 'gyur bar nges// klu rgyal chen po gzi brjid chen yang // klu nad drag pos btab 'gyur te// gal te rigs 'dzin gyis nga yis ma skyabs na// klu rigs thams cad phung bar 'gyur// bu dang tsha bo 'khor dang gzhon par bcas// rnam par 'jig par 'gyur te mig med par 'gyur/ char med pa'i dus su nyungs kar la yongs su stong bzlas te/
- 373a
khyim la gtor ma thag tu klu rnams 'dar zhing khyim dang mtsho rnams me lcer 'gyur 'dod bzhin du char pa rgyun yang 'bab/ gang tshe char pa 'bebs 'dod na// nyungs kar dag la brgya rtsa brgyad sngags bzlas la/ mthon po song ste shar phyogs su kha bltas te/ chu snyim pa bdun la sngags lan bdun yongs su bzlas te/ shar phyogs dag tu gtor/ rgyal po kun kyang 'dus te char pa'i rgyun yang 'bebs/ skya rengs dang po shar ba'i dus tshod na// nyungs kar gu gul chur bses la lan gsum bzlas byas te/ phyogs mtshams gtor zhing steng 'og dag tu gtor// sad dang ser ba rlung dang sprin rnams la// 'brum bu gcig kyang gnyang sems med na// klu mi srun pa thams cad kun kyang bcings par 'gyur/ rtog pa'i rgyal po las/ gsang bsgrub las phran tshegs rgyas par bstan pa'i le'u ste go gcig pa'o// // de nas phyag na rdo rjes gsol pa/ kye kye bcom ldan thugs rje can// klu rgyal chen po'i sgrub thabs kyis// mngag gzhug las rnams ji ltar bgyi// bdag gis mi 'tshal bshad du gsol// bcom ldan 'das kyis bka' stsal pa// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ser skya'i lci ba sa la ma lhung pa// de bar blangs te de nyid lnga dang bsres// sa ti'i tsa ka dang
- 373b
bag phyed dang / thams cad bsres la dgu bcu rtsa gnyis bzlas// de nas sngags bdag gzugs kyang gzhag par bya// sbrul mgo bdun gyi gdengs ka can// lus bcus skyil mo krung du bya// thal sbyar nas bka' nod pa'o// tsan dan dkar po dang ni gu gul chu yis bkru// gtsang ma'i steng du legs gzhag la// dar gyi cod pan gyis dbang bskur ro// me tog gi ni 'phreng ba gdags// dkyil 'khor gru bzhi byas te me tog sil ma gtor// bum chu gang ba bzhi yang maN+Dal gru bzhir gzhag/ mda' bzhi gtsugs te ba dan dkar po bzhi yang gzhag/ maN+Dal dbus su gtor ma gzhag par bya// zur bzhir seng ldeng phur pa bzhi yang gzugs// tshon sna lnga yi skud pas lan lnga bskor// kun la nyi shu rtsa gcig bzlas te las bya'o// bum pa'i mgul du dar gyis bcing bar bya'o// na da la dang sri sri phog/ rgya spos dang ni ku ru ra// sen mo na ga pus pa dang // yungs kar dang sha kar legs bsres la// brgya rtsa brgyad sngags bzlas bdug par bya// bdug byas 'di sbyar de nas rigs 'dzin gyis// shin tu khrus byas gos gtsang gon// de nas nA ga kha ni shar du bstan te gzhag/ rigs 'dzin klu la ltas te dkyil mo krung du legs 'dug la// spu ta'i sngags kyis dgug par bya// gtor ma me tog bdug pas slar gtang ngo // de nas rigs 'dzin pa yis stong
- 374a
rtsa brgyad du bzlas par ste/ nyungs kar re re la bzlas gzugs la bsnan par bya/ mar me kha bzhi dag kyang bud par bya// klu yi ming yang bri bar bya// stong rtsa brgyad du bzlas byas nas// klu rgyal chen po dag kyang dbang bskur 'gyur// thams cad ston par 'gyur ro// ci bsam pa thams cad 'grub par 'gyur ro// dbang rnams thams cad slogs par 'gyur ro// rang gi skye bo'i 'khor du bcas pa dang // bu dang ma 'khar tsha bo thams cad dbang du 'gyur ro// thams cad las kyang byed par 'gyur// rang gi khyim bzhin yongs su skyong bar 'gyur// gzugs de dben par gzhag la// me tog gdug pa sbyin// le lo med par gzhag cig mi mthong bar byed de// su la yang ni bstan par mi bya ste// rang gi spyod yul shin tu zab// gtsang ma'i gos kyis legs bkab la// gsang sngags bzlas shing ting 'dzin gsal bar bya// nam dgos yod pa de'i tshe// nyungs kar dag la lan brgya rtsa brgyad bzlas te bsnun// dgos pa thams cad byed par 'gyur// gar gtang der 'gro yang 'ong bar 'gyur// dgra bgegs kun gyi las 'gyed par 'gyur/ rmi lam dag tu ci dgos thams cad ston cing las byed 'gyur/ gang tshe dus ma yin pa'i sprin dang rlung dang ser ba dang / sad rnams 'byung ba'i tshe/ ske tshe 'bru dang nyungs kar dag bsres
- 374b
te/ brgya rtsa brgyad du bzlas nas kyang / khros pas klu yi gzugs la bsnun// skad cig de la rlung dang ser bsad// sprin la sogs pa med par 'gyur// thams cad du yang bcing bar 'gyur// zan pa byung ba'i tshe yang yi ge legs bris te// skud pa dmar pos dkris la mdud pa nyi shu rtsa gcig bor// klu'i yul du btags la spyi bor nyi shu rtsa gcig bzlas byas la/ skad cig de la char gyi rgyun 'bebs te// bsgrub pa po'i 'dod pa bzhin du char 'bebs so// rtog pa'i rgyal po las/ klu rgyal mngag gzhug bsgrub pa'i le'u ste go gnyis pa'o// // de nas phyag na rdo rjes gsol ba// kye kye bcom ldan thugs rje can// klu rgyal gzugs kyi bsgrub lugs kyis// las rnams ji ltar bsgrub par bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// nA ga chen po'i gzugs dag bya// sgra tshil dag la klu gzugs ni// sor bzhi pa la sbrul mgo bdun mgo lnga// gser gyis g.yogs la steng gos dkar pos g.yogs// phyi bsgrub snying po spu ta yis// stong tsho gcig tu bzlas byas la// ma phud bum pa gsar par gzhug/ lus la gos kyis dkris te rgyas gdab bo// ba yi lci bas dkyil 'khor gru bzhi pa// legs par 'bras yos// nyungs kar dag
- 375a
gis gtor bar bya// bdug pas bdugs te sngags sbyor bya// bal po se'u'i lcug ma la// lan bdun bzlas te bum pa la// dal dus gzhug ste ser ba thams cad bum par 'ong // thams cad dbang du gyur te klu yi gzugs kyang sgra tshil la// byas pa klu rnams thams cad ming bris la// gong gi ming bris rig pa 'di brjod la// klu de dbang du yang dag 'gyur// 'khor dang bcas pa'i bram ze yi// mdun du 'dug cing bram ze'i dgos pa thams cad byed// klu yi rgyal po'i cod pan ma yin par// yul yang yongs su mi skyong lo tog dang // me tog 'bras bu chud gson dang // klu de de yi khyim du song // shin tu khrus byas gos dag gtsang ma bgos bya la// nyi shu rtsa gcig bzlas byas na// klu de'i khyim nas bud med rgan mo dag byung zhing // rig pa 'dzin pa ci tshol zer nas lan mi gdab par rdo rje sa la brdab phaT ces brjod par bya'o// klu rgan mo de dus de shi'o shi'o zer zhing khyim du 'jug/ khyim na 'gyod pa smra ba mthong // des spras rig pa 'dzin pa mtsho yi khyim na 'dug/ de nas klu rnams skrag par 'gyur te/ khye'u'i gzugs su gyur nas rigs 'dzin mdun na 'dug/ kye rig pa 'dzin pa ci zhig 'tshol/ rig pa 'dzin pas sngar sngags rings brjod pas/ khros pas bal po se'u'i lcug ma sa la brdab pa dang // klu
- 375b
khye'u'i gzugs can de sa la 'gre ldog cing // kye rig pa 'dzin pa cig zhig tshol zhig ces smras so// rig pa 'dzin pa snying rje med par byed ste// bsgyel ba'i tshul bsgyel ba dang // 'di skad ces/ kye rig pa 'dzin pa bsgo ba thams cad byed do zhes smras so// de nas rig pa 'dzin pa des 'di skad brjod do// de bzhin gshegs pa'i dam tshig srungs shig/ dge ba bcu zung zhig/ gsum la skyabs su gtang ngo // de nas gsol pa/ 'dzin to rab tu 'dzin to// rig pa 'dzin pa zhes gsol to// 'di skad ces brjod do// de bzhin gshegs pa'i dam tshig gi rjes su slobs cig/ gdod phur bu dbyung ngo zhes bya'o// 'on tang klu de'i 'khor bcas te gzigs la zug go/ dkon mchog gsum la skyabs su gsol pa 'di skad brjod do// dge ba bcu'i las kyi lam rjes la sbyin par bya'o// de nas phur bu byung la/ de nyid du kha zas sbyin par bya'o// de ltar byas na klu thams cad dang du 'gyur/ rtog pa'i rgyal po las/ klu rgyal gzugs kyi bsgrub pa'i le'u ste go gsum pa'o// // de nas phyag na rdo rjes gsol pa/ kye kye bcom ldan thugs rje can// bum pa chu yis sbyor ba yis// nad sogs ma lus zhi byed pa// sbyor ba ma lus bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon//
- 376a
sa'am 'khar bzangs gser dngul// chu sna dgu yi chu yang blugs// de nas maN+Dal gru bzhi'i steng // gtsang ma ras kyis bum pa gtum/ kha rgyan bum pa legs byas la// nang du phyag rdor sngags bdag kyang // snga ma ji bzhin bskyed par bya// de nas nyungs kar dag la ni// sngags bzlas bum pa'i nang du blugs// nyungs kar khro chung dag tu sgom// chu sngags chur byin gyis brlab// de nad pa'i srin lag bum pa dag la rtag tu sbrel// de nas bdag gzhan legs bskyed la// bka' bsgo'i rim pa sna tshogs bya// de nas nad pa dag la sngags chus gdab// byad dang lus po sngags chus gdab// lag pa'i kyor bas chu blangs nad pa'i sa ru gdab// de nas ting 'dzin rim pas ni// de yi zhu 'dul rim pa bzhin// des ni nad rnams ma lus sel// dug rnams kun kyang 'thon par 'gyur// de nas lus kun khrus kyang bya// des ni mdze dang shu ba dang // g.yan pa'i nad rnams zhi bar byed// rtog pa'i rgyal po las/ bum pa chu'i sbyor ba bstan pa'i le'u ste go bzhi pa'o// // de nas phyag na rdo rjes gsol pa/ kye kye bcom ldan thugs rje can// sngags bdag nas gzungs srin par/ klu gnyen dges par mdzad pa yi// klu bshags rim pa ji ltar lags// bdag gis mi 'tshar bshad du gsol// legs so dpal ldan phyag na rdo
- 376b
rje/ khyod la nga yis bshad par bya/ khyod kyang rtse gcig yid kyis nyon// dang po phyag na rdo rje la// 'di ltar bshags par bya'o// hUM/ bdag cag mtshor dbang gi na// zab gzhob mi gtsang 'khon la sogs// bgyis shing khyed kyi thugs dang ci 'gal ba// lha tshogs phyag na rdo rje'i sku la mthol lo bshags// hUM/ bdag cag ma tshor dbang gis na// zab gzhob mi gtsang 'khon la sogs// bgyis shing thugs dang ci 'gal ba// las mkhan chen po'i sku la mthol lo bshags// des brtson 'grus mchog/ thos bsam sgom la rab tu sbyangs// klu rgyal chen po bsgrub la brtson// sngags dang gzugs brnyan la mos shing // lha bsgom ting 'dzin rgyun mi gcod// gang byed las la brtson 'grus che// lus dang longs spyod chags med gtong // de ni skyes bu rin chen rigs// de la rgyud 'di nges par gtad// rigs gsum mgon po'i sprul pa yin// de yang 'dzam bu gling na dkon// 'dre/ sbrul mgo bdun pa'i sku la mthol lo bshags/ khye'u chung gzhon nu 'dre/ klu chen brgyad/ gnyen rnams/ rigs lnga'i klu/ sa bdag sa srin kun la rim pas shes par bya'o// rtog pa'i rgyal po las/ klu'i bshags pa'i le'u ste go lnga pa'o// // de nas phyag na rdo rjes gsol pa// kye kye bcom ldan thugs rje can// srid gsum sems can phan btags
- 377a
phyir// nang bsgrub sngags kyi sbyor ba yis// klu rgyal chen po'i snying stsal na// phan bya gnod bya'i las mchog rnams// rdzas dang sngags kyi sbyor ba yis// ya mtshan chen po'i las mchog rnams// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de la phan par bya ba ni// sngags dang bsgrub pas klu rnams 'thems byas nas// sngags dang sman rnams kyis ni nad sogs khong nas 'don/ khu bar sa yan mchog shes pa// de la rnam pa gsum du shes bya ste// bdud rtsi'i khu ba phye rde ro he he// de yi rgyu yi mtshan nyid bstan pa ni// nag po ti tsas bsnun na pus zer na// btsos nas sa la btsugs nas skye na bdud rtsi yin// dkar po ser po brtag mi dgos te shin tu bzang // dngos grub mang na ra sa ya na thams cad yin// sman dang sngags 'di dag las nye ba med// ci'i phyir na zas dang klu bsgrub phyir nye// tshe dang stobs ni bde ba la sogs byed// ci phyir gso dang khong pa'i sman dang 'bras// mdze dang rma gnyis red par gyur pa dang // rnag khrag 'khyil dang gcin nad nyi shu srong // ma zhu ba dang nad kun sel te tshe ring stobs kyang che// der ma zad de bzhi brgya rtsa bzhi kun kyang sel// rnam shes sgo bsal ye shes thams cad sal
- 377b
le mkhyen// mngon par shes pa lnga dang ldan te byin rlabs shin tu che// ye shes khong nas 'bar te phyi rol dag tu smin// sa la mi 'dug nam mkhar 'phur te lus kyi bag kyang brjes// de ni sman gyi yon tan no// de nas sman gyi sbyar thabs ni// shun lpags rtsa ba mtho do gsil te slar la spangs// dbus kyi rgyus pa kun mang dbyung bar bya// sings po brngubs la ras ni dag tu btsags// 'khar bzangs kyi nang du gzhag/ brngub pa'i rtsigs ma grib skams dag tu bya// phye mar btags te phur la gzhag/ chu ser po'i rtsi dang bsre// bdag nyid lus kyang khrus byas gos 'jam ste// dben pa'i gnas su 'dug ste sman gyi sbyor ba brtsams// de la dang po sman rnams sbyor ba tsam ni// chu dang khu ba 'o ma gsum// shin tu bsnyams te bdu ba mar gyi che chung tshad// des ni bzhi ka cig ste shin tu 'bar// de yang mar gyi ngo bor gyur nas sman snyigs gting du 'gro// du ba'i tshad kyis dpog par rgyal bas gsungs// de nas bu ram dag sbyar te zhag gsum dag na gtang / de ni sman gyi sbyar thabs so// de ni gtang ba'i rim pa'o// spyir na bza' shing khu ba sbrang rnams gtang // ro he dag kyang bza' zhing kham phye dag kyang bza'// 'o ma zho yis bsngal zhing 'khyil ba'i kha len bya// de nas zla drug bsgrub byas na// nam mkhar 'phur zhing mngon shes
- 378a
drug dang ldan// gang bsgrub lha yang nye zhing gzhan gyi sems kyang shes// na ba med cing rtsa ba med// 'chi ba med cing rgas pa med// lus kyi pags pa dag kyang brjes nas shin tu bkrag/ gting nas 'jam ste bu chung bzhin// byung ba'i so la se'u yang skye bar 'gyur// klu rnams kyang bran dang pho nya byed// lha rnams kun kyang gzigs nas rtse 'jo mdzad// mi rnams kun gyis mthong nas dad pa skyed// de ni spyi'i grub pa'o// de nas bye brag nad pa'i gtang thabs ni// nang bsgrub sngags kyis nad pa'i sman la gdab// nang par lto stong dag la khyim du 'phel 'grib gtang // de nas nyi ma dros kyis dus tshod la// lus po mtha' dag bkrus te sman brtsigs dag gis bsku mnye bya// de nas bstan dang steng 'og gos ngan ma 'thul sha stan dag/ slad ma mal cha mang ste ser bu tshor mi srid// de nas tshad ldan 'dug ste phyed 'don pa'i sman// dkrugs te shin tu dkrug te khong du gtang // des ni bcung lon nyi ma'i phyogs de yi// ba spu dag nas chu ser nad rnams dngos su 'byung // de ltar nang gcig bzhin du sman rnams khyim bu re re bskyed// de ltar byas na nad rnams kun kyang thon// mdze dang tsha ro shu ba rkang po mtha' dag la// gtang bas 'tsho bar gdon mi za// de ltar sman rnams gtang ba'i tshe// rtags kyang yang dag 'byung bar
- 378b
'gyur// dang po nyams dga'i rmi lam bzang po 'byung // de nas lus yang de nas 'khru// de nas pa spu dang skra yang 'byi// de nas rlog pa sras mo dag kyang 'jus// de nas gnyer ma med de gzhon nur 'gyur// de nas 'phags te mjug tu gnam la 'phur// bza' ba'i dam tshig bag chags pas sa dang gnam gyi dngos grub bdag la 'byung // bdud rtsi 'di ni sus zos pa// dngos grub tshe 'di dag la ster// rdo rje sems dpa'i tshe sgrub yin// dper na klu rnams sman gyis gso ba'i tshe// lus rgyal nad med longs spyod che// yid gzhin nor bu yod pa sman gyi mthu// de bzhin ra sa ya na zos pa yis// longs spyod yon tan gong 'dra'i mthu mang 'byung // shing rnams la yang chu gtang me tog 'bras bu skye// de bzhin ra sa ya na'i nus mthu yis// lus dang dbang po rnams kyang rgyas par 'gyur// me tog la gsil ba'i chus// bdud rtsi'i chu ste me tog rab cig mtshan mo kha yang 'bye// de bzhin ra sa ya na sbyar nas me tog rgyas// lo ni lnga brgya'i bar du rgas pa mi 'byung zhing // bcu drug lon pa'i gzhon nu 'dra// 'phags pa 'jam dpal tshe dang 'dra bapabar gsungs// ro he bza' zhing gam phye skam/ khu ba sbrang dang ba mar 'o// de rnams btung zhing bu ram bsten// shin tu grub nas tsam pa dag kyang spang // de ltar sbyor ba zab mo ni// 'jig rten gsum na rnyed
- 379a
par dka' ba// sangs rgyas kun gyi spyi thun yin// mdze nad dag ni shin tu bzlog/ rtog pa'i rgyal po las/ sman bcud len sbyar bar nad gos pa'i thabs kyi le'u ste go drug pa'o// // de nas ya mtshan las dag bshad// nA ga byi sram bya ba'i pags pa ru// nyams pa dgra'i ming byang dang // dri chen dag la gzugs bya dog pa lnga yis bcings// dam par bkyig rte dpyang la gtags shing nang bsgrub sngags kyis brab// des kyang gdon mi za bar spos nas 'chi// rdzas la bya bas skud bu ru// gang la dmigs pa'i dri chen gzugs// spre'u'i rgyus pas kha bcings na// spros nas 'chi bar gdon mi za// byi ba zeng nga'i skud bu ru// gang gis dmigs pa'i dri chen gzhug/ rtsangs pa'i 'og dang sdig pa'i rtser// bcug la nang bsgrub sngags bzlas na// zhag bdun dag gis rgyu ma 'gongs nas 'chi// ma yos skud bur dri chu blugs// stag sha bcug pas dbang po kun kyang 'chi// nang bsgrub sngags kyis brgya rtsa brgyad du bzlas// gdon mi za ba'i las yin no// rdza gsar nang du nyams pa'i dri chen gzhug/ sdig pa'i ro yis nges par steng nas dgab// gnyan sar bcug na zla dus su mdze 'ong // nang bsgrub sngags kyi 'dzud dkar rgya mtsho las// dur khrod sa la 'khor lo bri// g.yam pas kha gcad sa gnyen sar// dmigs pa sdig pa lho
- 379b
sbyar te// de nyid bar du ming byang bri// gze ma'i tsher mas kha ru gzhug/ nang bsgrub snying po brgya rtsa brgyad du bzlas// bdag gzhan bskyed cing klu rgyal las la gzud// dbugs mi bde bar 'chi bar nges// rgya rdza dkar po kha sbyar du// dam nyams dgra bo'i gcin rtug la sogs blug pa'i steng du sbal pa'i ro// sdom gyi ro dang sdig nag ro// sbrul gyi ro rnams legs gzhag la// gnyan sar sbas nas nang bsgrub bzlas// des kyang nges par mdze ru 'gyur// sre mo shi ba'i thod par dam nyams klad par ldan// de yi nang du kho yi rtug pa gcin// lus kyi dri ma legs blug la// gos kyi dum bus kha gcad// sbal pa gnyis kyis ros kha gcad la// gnyan sar bcug la nang bsgrub brgya rtsa brgyad bzlas// rings po mi thogs mdze ru 'gro bar nges// nub mo sla ba'i brun dang ba tsha dang // sla ngar rdos la thal bar bya// me mar gang byed sa la bskus nas ni// mar me gtang la blta bar bya// sus ltas pa de yong bar 'gyur// bud med gcin gtang sa blangs sla ngar blug/ chu yis 'dag pa byas te// mo mtshan gzugs byas gdug pa'i tsher mas btsugs// shin tu skrangs nas 'chi bar 'gyur// nang bsgrub sngags bzlas gong dang mthun// dam nyams dgra yi sgra dang snabs la sogs// gnyen sa 'dag pa bsres nas ni// shin tu legs pa'i
- 380a
ling ga bca'// sdig pa'i tsher mas lus po bsdams// sa bdag yod nges gnas dag tu// nang bsgrub bzlas pa bya zhing legs gzhag la// zhag bdun dag tu mdze ru 'gyur// de ltar sbyor ba zab mo yis// sangs rgyas kyis kyang mi brnyes so// rtog pa'i rgyal po las/ mngan thams kyi le'u ste go bdun pa'o// // de nas phyag na rdo rjes gsol pa/ kye kye bcom ldan thugs rje can// gsang bsgrub nang bsgrub phyi bsgrub kyis// bsrung ba chen po ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// shin tu dben pa'i sa dag tu// maN+Dal steng du ba ling gnyis// gzhag la gsang bsgrub bzlas pa bya// de nas phyi bsgrub nang bsgrub kyi// bsnyen pa dag kyang 'bum tsho bskul// ras sam gro ga shog bu la// dang po 'khor lo rtsibs bzhi bri// de'i rgyab tu 'khor lo rtsibs brgyad bya/ de'i rgyab tu 'khor lo rtsibs bcu drug bya/ de'i rgyab tu 'khor lo rtsibs sum cu rtsa gnyis bya/ 'khor lo'i phyi rim me ris bskor// me ri'i phyi rim rdo rje ra ba'o// de la dang po spu ta rgyab tu bri// gnyis pa dag la nang bsgrub snying po bri// gsum pa dag la gsang bsgrub snying po bri// bzhi pa dag la sngags rings bri bar bya// dbus su bgegs kyi snying po bri bar
- 380b
bya// de ltar 'khor lo legs bris sngags kyi sham bu che ge bsrungs kyang bri// de nas thod pa ngan pa'i nang du 'khor lo legs bcug la/ kha nas thod pa gcig gis dgab par bya// de nas man 'dzi'i kha ru thod pa legs gzhag la// de nas bsgrub pa rnams kyang brtsam par bya// bdag gzhan bskyed rdzogs gzhan dang mthun// bka' bsgo rim pa bdag gis legs bsrungs bya// de nas dang po nang gi sngags gnyis 'bum tsho bskyal// de rting gnyis pa'i sngags gnyis stong tsho bskul// de rting gsum pa'i sngags la'ang stong tsho bskul// de rting bzhi pa'i sngags la brgya tshar bskyal// 'khor lo'i phyi rim dag tu sngags bdag gzugs kyang bri// de nas bgegs gnod pa'i them pa dag la ni// thod pa gnyis bal tshon sna lngas dkris te btags na// de ni bgegs dang 'byung po mi ma yin// gnod sbyin srin po sa bdag klu gnyen tshogs// kun kyang 'bros te rlag par 'gyur// klu'i gnas su gzhag na klu rnams rdul du rlog/ bgegs gnod dag gi ske ru 'khor lo dril te btags na nges par 'tsho bar 'gyur/ gal te ban de dmod mo byed na gnas kyi sgor btags na/ des kyang bzlog ste shin tu tshugs mi 'gyur/ de bzhin bsam pa thams cad 'grub ste mchog tu byin yang che/ rtog pa'i rgyal po las/ bsrung ba chen pos bgegs
- 381a
bzlog pa'i le'u ste go brgyad pa'o// // de nas phyag na rdo rjes gsol pa// kye kye bcom ldan thugs rje can// drag po brtsegs pa'i 'khor lo yis// dgra bgegs ma lus ji ltar 'dul// bdag gi mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ras sam shog bu gro ga la// dang po gru gsum bcu drug bri// de nas gru gsum brgyad pa bri// de nas gru gsum bzhi pa bri// de nas gru gsum gcig pa bri// de nas dang po dag la sngags dang sham bu brgya dang bcu dgu btags pa bri/ gnyis pa dag la gsang bsgrub/ sham bu brgya dang bcu dgu btags pa bri/ gsum pa dag la nye snying sham bu brgya dang bcu dgu btags la bri// bzhi pa dag la spu ta'i sngags dang sham bu brgya dang bcu dgu btags la bri/ dbus su bgegs kyi ming byang bri// gru gsum mtha' la sbrul bzhi dag gis bskor// de nas gong bzhin bsgom byas la// maN+Dal steng du 'khor lo gzhag/ de nas bzlas pa dag kyang bya// dang po sngags rings dag la bcu tsho re// de nas gsang bsgrub dag la nyi shu re// de nas nye snying dag la bzhi bcu re// de ltar bzlas pa nyungs kar ming byang ling ga dag la brab// ting nge 'dzin gyis bgegs kyang sngags kyis 'od kyis khugs par
- 381b
bsam// de ltar sbyor ba zab mo 'di// zla ba phyed du ma gcad na// brgya byin lta bu'ang 'chi 'gyur na// dam nyams dgra bgegs smos ci dgos// 'jig rten sum na rnyed par dka'// rtog pa'i rgyal po mchod rten gyi rgyud las/ drag po rtse mos bgegs 'dul ba'i le'u ste go dgu pa'o// // de nas phyag na rdo rjes gsol pa/ kye kye bcom ldan thugs rje can// las rnams thams cad rgyud rnams kyis// gdams pa'i rim pa ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// rgyud rgyal mchod rten las rgyud 'di// sems can kun gyi yid bzhin yin// zab mo sngags kyi sbyor ba yin// lha dbang rang ngam yang na ni// de dang mtshungs pa'i rigs 'dzin mchog/ bla ma la gus rin chen rigs// zhabs rdol med de gsang tshig thub// zab mo'i sbyor ba byed la brtson// dam tshig slob dpon grogs la srun// gang 'jug chos kyi dbang yang bskur// sgro skur med cing dad pa che// shes rab mig ldan de ltar ma gyur snod ngan la// nam yang sbyin par mi bya ste// mnar med dmyal bar ltung bar 'gyur// de bas rgyud 'di rab tu dgab// spyir na zab mo'i rgyud mchog 'di// las mang bsgrub don ma 'byung yang / khyad par klu chen las
- 382a
rigs yin// phan 'dogs gnod rigs sbyor ba yis// na ga'i las mchog 'di ru rdzogs// de nas phyag na rdo rje la sogs pa khro bo'i tshogs du ma dang / sngags bdag la sogs te klu'i rigs du ma yang shin tu yid dga' ste gsol ba btab bo// kye kye bcom ldan thugs rje can// las mchog 'bum sde'i gdam ngag 'di// ye shes thugs las sems can don phyir spros// las dang rkyen du 'dzom nas sangs rgyas bka' mi slu// bdag cag 'khor dang bcas pa'i klu rnams kyang // de la 'go zhing gsang sngags nus ldan 'gyur// zhes gsungs nas 'khor rnams rab tu dga' ste/ yid mthun pa'i ting nge 'dzin la snyoms par zhugs so// rtog pa'i rgyal po mchod rten gyi rgyud las/ gdams pa'i le'u ste brgya tham pa'o// // rdzogs so// 'phag pa rtog pa'i rgyud le 'di/ 'gro la phan pa'i rin chen nor bu 'di// sems can don phyir sgra dang yi ge'i brda bsgyur bas// bdag kyang phyag na rdo rje'i sku thob shog/ rgya gar gyi mkhan po btsun mo can dang // bod kyi lo tsha ba bla ma leng ston gyis bsgyur cing zhus te gtan la phab pa'o// bka' gsang sbas pa'i rgyud mchog 'di// 'dzam gling mi la phan gdags phyir// bcom ldan shAkya thub pas gsungs// sdud pa phyag na rdo rjes sdud// tsha ba thang gi mchod rten mdzes par gzhag/ klu yis bstan pa 'dzin
- 382b
pa'i tshe// sangs rgyas bstan pa der yang tshugs// de nas rim gyi brgyud pa 'di// 'phags pa'i sku sprul pa Na ta btsun mo can// zab mo 'di la rmongs pa'i gdam pa'i rgyud mchog 'di// bod kyi bla ma leng ston lo tsha bas// rin chen chab gser gzhong pa bkang nas phul// thugs kyi sgo lcags bkrol nas pan ta chen pos gnang // de yang shangs kyi gtsang ba ras sgom gyis// leng ston zhabs drung 'khor nas rgyud mchog gtad// bod yul 'phel gyi dogs nas rgyud mchog gter du sbas// de nas shangs kyi jo sras dar grags la// bsgom mo sbas pa ston nas bstan// de nas jo sras dar grags kyis// dge bshes khyung po rdo gsher la gnang // de nas khyung po la 'khun ston dar snying la gnang / de nas 'khun ston la// de nas mar ston la/ des mda' mi dar ma 'bar la gnang ba lags so// s+t+rI/ rdzogs so// / sngon sangs rgyas kyi bstan pa la/ mu stegs kyi dgra bo gsum byung ste/ dgra tha ma la phan pa'i thabs lnga brgya gros byed cing 'dug pas/ slob dpon gsang pa nA ga gtes/ tshangs pa klu gnyen gyi gnas su khams seng du byon pa la/ bse'i bka' ba dmar po'i rtsar dgod pa byed cing 'dug pa las/ ka ba'i nang nas lcags kyi sbal pa kha dgu mig dgu pa mgo dgu pa gcig byung nas/ rang sha rang za rang khrag rang 'thung zhing 'dug pa las//
- 383a
mthing gi shog bu la gser gyi yi ge bris pa gcig/ rang la ni rang bzlog/ rang la ni rang shed cig 'dug pa la/ slob dpon gyis dbugs thums thums byed/ yi dam gyi lha la gtor ma zhag gsum gtang nas/ sangs rgyas kyi bstan pa bsrun pa cig yin nam snyam nas gzigs pas/ lcags kyi sbal pa na re/ nga ni klu'i rgyal po sog ma med ces bya ba yin te/ sngon yang srog dang dbugs la dbang sbyar/ da lta'ang srog dang dbug la dbang skur zer nas/ der slob dpon gyi/ klu'i rgyal po sog ma med de dam la btags nas/ sangs rgyas kyi bstan pa srungs shig par gdams so// klu'i rgyal po sog ma med des/ sangs rgyas kyi bstan pa bsrung bar dam bcas so// // dang po sngags bdag mdun gnas pa des/ sngags bdag nad pa la bstim la/ nad pa sngags bdag dngos su bsams la/ drag sngags gsang sngags gnan / gyis brdegs te/ oM hUM hUM ma hA krod+ha/ s+pho ta ya hUM phaT/ kro ta ra tsa li rbud/ na ga nA ga s+tha ta s+tha ta chom gel dum chug chum rbud/ ma hA rag sha kro d+ha big nan ya thum/ mA ra ya rbud chem glogs sarba swA hA/ lnga bcu rtsa gcig drag sngags mchog/ dgra bgegs rnams ma lus rlag par byed// tshig par lhag chad byung na nus pa nyams/ chad lhag nor dang gsum/ ma rig 'khrul dang bzhi/ klu rgyal sku bzod par gsol//