Text

ff. 1a–545a · 1,089 folio sides

  1. 1a

    gnas gsum pa'i rgya cher 'grel pa bzhugs so/ /

  2. 1b

    'jig rten mgon po la phyag 'tshal lo/ /da ni 'dod pa dang gzugs dang gzugs med pa'i khams kyi nges pas sems la sogs pa zhes rgya cher 'byung ba la/ sogs pa zhes bya ba'i sgras khams dang dbang po la sogs pa bsdu ste/ de la sems rnams ni/ 'dod yid dge dang mi dge dang/ /bsgribs pa dang ni zhes bya ba la sogs pas 'dod pa'i khams la sogs pa'i nges pas bstan to/ /khams rnams kyang 'dod khams gtogs pa thams cad do/ /

  3. 2a

    gzugs kyi khams na bcu bzhi'o/ /zhes bya ba la sogs pa dang/ de bzhin du dbang po rnams kyang/ dri med ma gtogs 'dod par gtogs/ /pho mo'i dbang dang sdug bsngal dag/ ma gtogs gzugs zhes bya bas rgyas par bshad la/ thal ma thag tu yang khams gsum pa'i nyon mongs pa can zhes bya ba la sogs pa bshad na/ 'dod pa dang gzugs dang gzugs med pa de dag gi mtshan nyid ma bstan pa yin pas 'dri ba ni de la 'dod pa dang gzugs dang gzugs med pa'i khams

  4. 2b

    de dag gang yin pa brjod par bya ste/ zhes bya ba'o/ /rnam grangs med par 'khor dang bcas pa bar dang bcas pa'i snod ni 'gro ba bzhi po rnams kyi ste/ gcig las 'dod pa'i khams bcu gcig ste de yang lha'i ris drug go/ de'i snod kyi 'jig rten ni 'dod pa'i khams dang tha mi dad pas gnas bcu ste/ gling dbye ba las zhes rgya cher 'byung ngo/ /bsam gtan sa ni gsum pa yin zhes bya ba rgya cher 'byung ba la/ /re zhig bsam gtan gsum ni chung ngu dang 'bring dang chen po'i dbye bas re re zhing sa rnam pa gsum yin no/ /bzhi pa ni chung ngu dang 'bring dang chen por phye ba'i phyir dang/ chen po de yang rnam pa lngar phye bas gnas gtsang skye ba lnga kho na zhes rnam pa lnga nyid kyi phyir sa brgyad nyid do/ /gzhan dag ni gnas bcu bdun no zhes zer ro/ /bsam gtan dang pos gnyis dang bzhi pa na 'du shes med pa'i

  5. 3a

    sems can lhag pas sa dgu ste/ de rnams gnas bco brgyad du brjod par bya'o/ /tshangs chen pa rnams ni tshangs pa mdun na 'don dag pas tshe dang lus kyi tshad dang rtog pa dang tshor ba la sogs pa tha dad pa'i phyir tha dad pa nyid do/ /'bras bu che rnams las 'du shes med pa pa'i sems can rnams so so skye bo'i skye ba mdza' gcig tu tha dad pa'i phyir gzhan gnas bco brgyad ma yin nam zhe na/ ma yin te de'i skye ba ni 'bras bu che ba ldan pa'i las kyi 'bras bu yin pa'i phyir ro/ /'o na 'dir yang tshangs pa mdun na 'don dang ldan pa'i las kyi 'bras bu nyid kyi phyir de'i skye ba la gzhan ma yin no zhe na/ chen po ni tshangs pa mdun na 'don dang ldan pa'i las tshangs chen gyi 'bras bu'o/ / de la 'ga' zhig de'i skye ba'i rgyur 'gyur ro zhes bya ba de dag dang tshe la sogs pa mtshungs pas yin na/ /'o na gal te tshe la sogs pa tha dad kyang de ltar rtog na 'od chung la

  6. 3b

    sogs pa rnams la yang de ltar brtag nus pa nyid du ha cang thal bar 'gyur te/ lha'i ris de yang tshe la sogs pa tha dad kyang tshangs pa chen po dang gcig ma yin pa'i phyir ris gcig pa nyid mi rung ngo/ /tshangs pa mdun na 'don rnams nyid de dag dang lhan cig sems can skal pa mnyam pa nyid do/ /de ltar 'di 'od chung la sogs pa rnams dang mtshungs pa ma yin no/ /btsun pa dpal len na re gzugs kyi khams na gnas bco brgyad do zhes zer ro/ /bsam gtan bsgom pa chung ngu dang 'bring dang chen po nyid kyi phyir bsam gtan dang po ni ris gsum nyid de/ tshangs chen nyid de dang lhan cig grong gi mdza' nas dgon pa bzhin du mchog tu gyur pas gnas so/ /'du shes med pa'i snyoms par 'jug pa pa dang bsam gtan bzhi pa'i gnas gzhan bzhi ste/ de ltar bco brgyad du 'gyur ro/ /bye brag tu smra ba rnams na re/ de yang de ltar ma yin te/ bsam gtan dang po'i gnas gzhan bzhir thal ba'i phyir ro/ /gang zhig bsam gtan bsgom pa chung ngu la sogs pa'i dbye bas tha dad pa'i phyir sa rnam pa gsum du yongs su brtag par bya'o/ /de las tshangs chen tshe la sogs pa ches phul du byung ba dang rgyu ches phul du byung bar rtogs par bya'o/ /de ltar bzhi pa ni tshangs chen du 'gyur ro/ /'bras bu che rnams

  7. 4a

    las kyang 'du shes med pa'i sems can rnams tshe la sogs pa khyad par med pa'i phyir dang de'i rgyu la khyad par med pas de dag gi bzhi pa ni bsam gtan bzhi pa las gzhan du mi rung ste/ tshe la sogs pa'i khyad par khas blangs pa nyid do/ /'og min pa rnams kyi tshe bskal pa stong phrag sum cu rtsa gnyis su thal bar 'gyur ro/ /'di mthar thug yin pa de'i phyir bsam gtan bsgom pa tha dad pas gnas tha dad pa ma yin no/ /kha che ba rnams na re/ 'di ltar tshangs chen gyi gnas ni ches mchog tu gyur pa'i gnas gnyis pa zhig ste gzugs kyi khams gnas bcu drug kho na'o zhes zer ro/ /de ltar na mdo dang mthun par 'gyur te/ rnam par shes pa'i gnas rnams kyi mthar thug pa smos pa'i phyir 'od gsal dang dge rgyas dag go /de las gzhan ni tshangs chen zhes bya ba de lta bu la sogs pa 'chad do/ /gzugs med khams na gnas med do/ zhes bya ba la/ 'di la gnas yod pa ma yin pas na gnas med do/ / gzugs can ni 'das pa dang/ ma 'ongs pa rnams yul na mi gnas pa yin gyi/ da ltar ba ni ma yin no/ /gzugs can ma yin pa rnam par rig byed ma yin pa dang

  8. 4b

    bcas pa rnams ni thogs pa med pa'i phyir dus gsum gar yang yul na mi gnas pa yin la/ gzugs med pa rnams kyang gzugs med pa ma yin te/ de'i phyir yul na mi gnas so/ /de lta na 'o na rnam pa bzhi yin zhe na/ skye ba las ni rnam pa bzhi zhes bya ba smos so/ /de dag la yul gyis byas pa'i blo ni med de zhes bya ba ni yul na mi gnas pa'i phyir ro/ /ting nge 'dzin thob pa rnams zhes bya ba rgyas par 'byung ngo/ /gal te de nyid du skye na ji ltar yul na mi gnas pa yin zhe na/ rten snga ma'i sgo nas de nyid du skye'o zhes bya bar gdags kyis yul de ni gnas pa nyid kyis ni ma yin te/ gzugs kyi lus med pa'i phyir gzhan du ni ma yin no snyam du bsams pa'o/ /'o na 'chi 'pho ba rnams kyi srid pa bar ma de nyid du ji ltar 'grub ce na/ yul de'i lus la chad pas 'jug pa snyed pa las bag yongs su rgyas pas de nas 'chi 'pho ba rnams kyi srid pa bar ma yang de nyid du 'grub pas skye ba'i bye brag gis rnam pa bzhi nyid yin par rigs so/ /gal te bla 'og med na de dag gi go rims gang gis byas zhe na/ 'dod chags dang bral ba dang/ snyoms par 'jug pas byas pa dang/ tshe dang skye bas byas pa zhig ste/ de dag skye ba'i rgyu ni ji ltar 'bras bu mang ba'i phyir ro/ /ji ltar sems can gzugs can rnams zhes bya ba rgyas par 'byung bas/ 'dri ba'i bsam pa ni 'di na 'dod pa dang gzugs kyi khams dag gi sems dang sems las byung ba rnams ni bdag med na gzugs la bsten te 'jug par brtag na/ gzugs med pa dag na ni gzugs med de/ des na de na rten med pa'i phyir sems dang sems las byung ba 'jug par mi 'gyur ro snyam pa'o/ /de'i phyir de'i rten khong du chud par bya ba'i phyir/ der ni ris dang srog la yang zhes bya ba la sogs pa smos so zhes bya ba'i sgra? ni ldan pa ma yin pa'i 'du byed gzhan bsdu par bya ba'i phyir te/ de dag kyang so so'i skye bo nyid dang/

  9. 5a

    thob pa dang/ skye ba la sogs pa'o/ /de dag gi rten nyid ni sems dang sems las byung ba'i 'jug pa'i rgyu mtshan gyi dngos por nye bar 'gro ba gang yin pa de yin te/ gang zhig yod pa dang med pa dag na gang zhig 'jug pa dang ldog pa de ni de'i rten zhes bya'o/ /gang zhig 'di'i mtshan nyid de'i rnam par 'gyur ba'i rjes su byed pa yang de'i gnas dang rten no/ /gzugs med pa rnams su ni lhan cig skyes pa'i phung po gsum rten yin no/ /kha cig zer ro/ /gal te de lhan cig phyir ris dang srog tu brjod ces na/ mi 'tshol ba'i don du'o zer ro/ /sa mi 'dra ba'i sems mngon du gyur pa na yang de'i sa pa'i ris dang srog yod pa'i phyir de'i sa ba kho na dang 'brel pas mi 'chol bar 'gyur ro/ /gzhan du na rang gi sa pa'i sngon gyi las kyi 'bras bu dang 'brel pa med pa'i phyir sa gang gi phung po bzhi yin pa de kho na de'i sems can du 'gyur te/ 'di ni mi 'dod do/ /srog gi dbang po ni rnam par smin pa'i phyogs gcig yin pa'i phyir lhag ma rnam par smin pa dang rjes su 'brel pa'i rgyu ni shing gi rtsa ba bzhin no/ /de bzhin du srog sngon ma rnams ni yal ga la sogs pa gnas pa bzhin du blta'o/ /gzhan dag na re rlung med pa'i gnas su mar me'i rtse mo'i tshul ltar rnam par shes pa'i 'jug pa gnas pa nyid do zhes zer ro/ /chos mngon pa zhes smos pa ni ldan pa ma yin pa'i 'du byed rdzas su med pa'i phyir 'di bstan bcos las gsungs pa nyid do zhes shes par bya ba'i phyir ro/ /'o na ci'i phyir sems can gzugs can rnams kyi zhes bya ba rgyas par 'byung ba la/ / yang ji ltar gzugs can dag na ris dang srog la brten nas 'jug pa ma yin pa zhes bya ba 'di shes par bya zhe na/ lus kyi dbang po med na de med pa'i phyir ro/ /gang zhig gang gi rten yin pa de ni nam yang de'i rten ma yin par rigs pa yang

  10. 5b

    ma yin te/ de'i phyir gzugs rnams kyi yang de gcig kho na la brten nas 'jug par khas blangs bar bya dgos so/ /stobs chung ba'i phyir ro/ /zhes bya ba la sems kyi rgyud zhes tshig lhag ma dang sbyar bar bya'o/ /de stobs chung ba nyid ni sems kyi rgyud gzugs kyi 'du shes dang ma bral ba'i phyir te/ stobs chung ba ni rten stobs dang ldan pa la ma ltos par 'byung bar mi nus so/ /de'i phyir de ni gzugs la brten nas 'jug go /des na ris dang srog kyang brten nas 'jug ste/ de nyid kyang stobs chung ba'i phyir ro/ / de na ci'i phyir stobs dang ldan pa nyid yin zhes bya ba na gzugs med pa'i sems kyi rgyu de/ de'i phyir snyoms par 'jug pa'i khyad par las skyes pa'i phyir te zhes bya ba smos so/ /snyoms par 'jug pa de snyoms par 'jug pa gzhan las khyad par du 'phags pa gnas brtan pa'i phyir snyoms par 'jug pa de ni gzugs dang bral ba'i phyir 'du shes can yin no zhes bya bar smos te/ gzugs kyi 'du shes dang bral zhes bya ba'i don to/ /de'i phyir de na gzugs la mi ltos par ris dang srog la brten nas 'jug ste/ dper na 'dod chags dang bral ba'i phyir gzugs kyi khams na kham kyi zas med par lus gnas la de'i 'dod chags ma bral ba'i phyir 'dod pa'i khams na ni ma yin pa bzhin no/ /'o na ni stobs dang ldan pas te snyoms par 'jug pa'i khyad par gyis bskyed pa de kho nas ris dang srog la bltos pa med par 'jug par 'gyur gyi/ rten gzhan gyis ci zhig bya ji ltar gzugs can rnams kyi zhes bya ba rgyas par 'byung ba la ji ltar gzugs rnams kyi ris mthun pa dang srog gi dbang po gzugs la brten nas yin pa de ltar gzugs can ma yin pa rnams kyi de dag ci la brtan nas yin de gnyis nyid phan tshun du'o/ /zhes bya ba la/ ris mthun pa ni srog gi dbang po la brten nas 'jug la/ srog gi dbang po yang ris mthun pa la brten nas so/ /de gnyis

  11. 6a

    zhes bya ba ni ris mthun pa dang srog gi dbang po gnyis so/ /stobs chung ba'i phyir ro/ /zhes bya ba ni de dag gi rgyu gzugs kyi 'du shes dang ma bral ba'i phyir stobs chung ba nyid do/ /de na zhes bya ba ni gzugs med pa'i khams na'o/ /snyoms par 'jug pa'i khyad par las skyes ba'i phyir ro /zhes bya ba ni/ de'i rgyu gzugs kyi 'du shes dang bral ba yin pa'i phyir/ zhes bya ba'i don to/ /de ni sems kyi rgyud la yang mtshungs so/ /de gang zhe na/ ting nge 'dzin gyi khyad par las skyes pa'i phyir stobs dang ldan pa nyid de/ de'i phyir rten med pa kho nar sems kyi rgyud 'jug par 'gyur ro/ /de yang phan tshun brten nas 'jug go zhes gzhan dag zer ro/ /yang na skad cig ma dang po la brten nas gnyis pa la 'jug pa la sogs pa'o/ /sems dang sems las byung ba dag la yang zhes bya ba la/ gal te mi brten pa 'am 'gag pa la brten par mi 'dod na/ 'o na ni de dang ris mthun pa dang srog gi dbang po gnyis phan tshun brten nas 'jug pa de bzhin du sems la rten nas sems las byung ba rnams sam sems la byung ba rnams la brten nas sems 'jug pa de las gzhan pa'i rten yongs su rtog pa dgos pa med do/ /gzhan yang sems kyi rgyun gang gis zhes bya ba rgyas par 'byung ba la/ sems kyi rgyun gyis 'phen pa'i rgyu ni las dang nyon mongs pa'i mtshan nyid do/ /sred pa dang zhes bya ba ni sred pa dang mi ldan zhing bral ba'o/ /gang zhe na gzugs la te/ sems kyi rgyud de ni gzugs la mi ltos par 'jug go/ rgyu de la rgyab kyi phyogs pa'i phyir ro zhes bya ba ni gzugs la rgyab kyi phyogs pa'i phyir ro/ /gzhan dag na re gzugs can rnams la sems dang sems las byung ba phra ba rnams la brten nas 'jug gi gzugs

  12. 6b

    la brten nas 'jug pa ma yin pa gzugs med pa rnams su phra pa'i phyir phra ba kho na la rings mthun pa'i srog gi dbang po la brten nas 'jug go/ zhes zer ro/ /'di yang phra ba dang rag pa nyid du nges par gnas pa ma yin pa'i phyir/ bsam gtan dang po'i sa pa de dag kyang phra bas ris dang srog la brten nas 'jug par 'gyur ro/ /de lta ma yin na srid pa'i rtse mo kho na phra bas de dag kho na ris dang srog la brten nas 'jug par 'gyur gyi gzhan ni ma yin no/ /gzhan dag na re 'phen pa'i rgyu'i nus pa sems kyi rgyud la rgyu ba la dge ba dang nyon mongs can mi brten par 'jug par thal bar 'gyur ro zhes zer ro/ /yang ji ltar gzugs can rnams kyi 'phen pa'i rgyu'i nus pa las sems kyi rgyud dang gzugs lhan cig 'byung ba'i phyir gzugs la brten nas 'jug go/ de bzhin du sems can gzugs can rnam sa 'phen pa'i rgyu'i nus pa las ris mthun pa dang lhan cig srog gi dbang po 'byung ba gzugs dang sems kyi rgyud la mi ltos pa ma yin pa de'i phyir/ ris mthun pa dang srog la brten nas 'jug par 'gyur ro/ /nges par gzugs can rnams bzhin du gzugs med pa rnams la yang sems kyi rgyud gnas pa khas blang bar bya'o/ /'dod pa dang ldan pa'i khams ni 'dod pa'i khams so zhes bya ba la/ gnas nyi shu ni yul gyi rnam pa gtso bo yin pa'i phyir 'dod pa'i sgras brjod do/ /de dang ldan pa ni de dang gral ba ma yin pa ste/ de'i khongs su 'du shes bya ba'i don to/ /gnas bcu bdun ni gzugs gtso bo yin pa'i phyir gzugs kyi sgras bsnyad de/ de dang ldan pa'i khams ni gzugs kyi khams so/ /rdo rje'i sor gdub lta bu ste/ rdo rje dang ldan pa'i gdu bu bzhin no/ /gzugs med pa'i khams na gnas med pa'i phyir gzugs med pa'i ngo bo ni gzugs med pa zhes smos te/ de yang thod pa med pa nyid

  13. 7a

    do/ /de dang ldan pas na thod pa med pa'i bdag nyid ces bya ba'i don to/ /gzugs dang gzugs med pa'i khams dag kyang de dang 'dra bar rig par bya'o zhes bya ba la/ gzugs kyi khams ni gang zhig gzugs rnams 'dzin pa'o/ /gzugs med pa'i khams ni gang zhig gzugs med pa rnams 'dzin pa'o/ /'dod pa rnams kyi khams ni zhes bya ba smos so/ /kham kyi zas dang 'khrig pa dang ldan pa'i zhes bya ba ni de'i rgyu mtshan can dang/ de'i yul can nas bya ba'i don to/ /ji skad bshad pa'i 'dod chags 'dod pa yin no zhes bya bar ji ltar shes par bya zhe na/ 'jig rten sna tshogs gang de 'dod pa min zhes rgya cher 'byung ba'i lung las so/ /kun tu rtogs pas bskyed pa'i 'dod chags ni kun rtog 'dod chags te/ de ni tshul bzhin ma yin pa'i rtag pa sngon du 'gro ba can yin pa'i phyir ro/ /de'i phyir tshigs su bcad pa 'di las ni kun tu rtog pa'i 'dod chags kho na 'dod pa yin no zhes bya bar shes so/ /'phags pa sha ri'i bus zhes bya ba ni/ kun tu 'tsho byed kyis smras pa'i khas blangs pa la nyes ba brjod pa ste/ gang gi phyir 'dod chags kyi kun tu rtogs pas bcings pa'i dge slong yid kyis 'dod pa nye bar bsten pa khas len no/ /mngon du gyur ba ci ma zhig de dag gi nye bar longs spyod pa yin ba'i phyir ro/ 'di tsam gyis ni dge slong dge slong ma yin par 'gyur ba yang ma yin te/ 'o na ci zhe na/ pham par 'gyur ba'i ltung ba dang 'bral ba las yin la de yang lus kha na ? sgo nas yin no/ / gzugs rnams bla? mthong nas yid dga' ba zhes bya ba kho na dpe tsam yin gyi/ de bzhin du ji srid reg bya rnams reg nas yid dga' o zhes bya ba'i bar du rtogs par ni mi bya'o/ mthong ba dang thos pa dang bsnabs ba dang myangs ba

  14. 7b

    dang rag pa rnams ni yul gyi 'dod pa rnams nye bar longs spyod pa yin pas/ khyod kyi ston pa 'dod chags dang bral ba yang gzugs dang por mthong ba nyid 'dod pa nye bar spyad par 'gyur ro/ /kho bo cag gi ltar na dge slong 'dod chags dang ma bral bas 'dod chags spang ba ni yid kyi sgo nas yin la/ lus dang ngag gi sgo nas ni ma yin no/ /gal te yul rnams la 'dod chags kho na nye bar longs spyod pa yin na/ nye bar longs spyod pa sngon du 'gro ba'i phyir 'di'i snga rol du tshor ba ni yul nye bar longs spyod pa ste/ 'dod chags tshor ba sngon du 'gro ba'o/ /'dod pa'i khams na ni snyems par 'jug pa'i tshe gzugs dang gzugs med pa'i dang/ zag pa med pa rnams kun tu spyod la/ gzhan gyi tshe ni thob pa'o/ /gzugs kyi khams na ni 'dod par gtogs pa'i sprul pa'i sems/ gzugs med pa dang/ zag pa med pa'i chos rnams kun tu spyod de/ /gzugs med pa'i khams na ni zag pa med pa kho na kun tu spyod de/ /de'i phyir dri ba ni yang ci gang dag la 'dod pa dang gzugs med pa'i 'dod chags dag rgyas par 'gyur ba'o zhes bya ba 'byung ste/ ci rigs par dmigs pa 'am mtshungs par ldan pa'i sgo nas so/ /da ni 'di lta dang bres lta bu yin te zhes bya ba la 'di rta 'dod pa'i yin pa ni bres so/ /gnyis ka byed mi shes pa'i phyir bres dang 'dre ba ni bres lta bu ste/ de bzhin du 'dir yang 'dod chags dag gi khams rnams bsgrub cing khams rnams kyis kyang 'dod chags dag yin pas 'di gnyis ka yang mi 'grub bo /zhe na gnas brtan de dag la 'dod chags dang ma bral ba'i 'dod chags gang yin pa de ni 'dod pa'i 'dod chags yin la/ de gang du rgyas par 'gyur ba'i chos de yang 'dod pa dang ldan pa yin no/ /de bzhin du zhes bya ba rgyas par 'byung ba la/ gong ma'i gnas dge bcu bdun ni zhes gzugs kyi khams su gnas brtan pa'i gnas de dag la 'og ma'i 'dod

  15. 8a

    chags dang bral ba'i 'dod chags gang yin pa de ni gzugs kyi 'dod chags yin la/ de gang du rgyas par 'gyur ba'i chos de yang gzugs dang ldan pa yin no/ /de bzhin du gzugs med khams na gnas med do/ /skye ba las ni de rnams bzhi zhes gzugs med pa'i khams su skye ba bstan pa de dag la 'dod chags dang ma bral ba'i 'dod chags gang yin pa de ni gzugs med pa'i 'dod chags yin la/ de gang du rgyas par 'gyur ba de yang gzugs med pa dang ldan pa yin no/ /bsam gtan dang gzugs med par skye ba dang snyoms par 'jug pa dag la 'dod chags pa ni gzugs dang gzugs med pa'i 'dod chags so/ /yang 'di dag gi khyad par ci zhe na/ kha cig na re/ sngar ni snod kyi 'dod chags bshad la da ni rgyu dang bcas pas sems can gyi 'dod chags zhes zer ro/ /gzhan dag 'di ni rung ngo zhes zer ro/ /de nyid bde blag tu khong du chud par bya ba'i phyir rnam grangs gzhan gyis bstan pa ni/ 'dod pa'i 'dod chags bzhin zhes so/ /sprul pa'i sems la ji ltar 'dod pa'i 'dod chags pa yin zhes bya ba ni 'dod pa na spyod pa'i sprul pa'i sems ni 'dod pa'i khams las 'dod chags dang bral ba rnams kho na'i bsam gtan gyi 'bras bu yin la/ 'dod pa las 'dod chags dang bral ba la 'dod pa'i 'dod chags 'byung ba yang ma yin zhing/ 'dod pa'i 'dod chags rgyas par mi 'gyur ba ni 'dod par gtogs pa yin par yod pa yang yin no zhes 'gal bar mthong ba can gyi dri ba'o/ /thos pa dang yongs su nyams nas de la chags pa'i phyir ro zhes bya ba la rnal 'byor pa rnams ni de ltar 'dod pa na spyod pa'i sprul pa'i sems kyis 'dod pa na spyod pa'i sprul pa sprul par byed do//

  16. 8b

    zhes thos nas de la dmigs pa'i 'dod chags skye la/ 'dod pa'i 'dod chags dang bral ba las yongs su nyams te/ rjes su dran nas sprul pa'i sems la chags par byed do/ /yang na sprul pa'i dbang gis zhes bya ba rgyas par 'byung ba la/ 'dod ba na spyod pa'i sprul pa mthong nas e ma kye ma bdag la yang 'di 'dra ba'i sems yod par gyur cig snyam du sprul par byed pa'i sems la yang na 'dod pa nyon mongs pa can 'byung ngo/ /yang na dri dang? ro sprul pa'i phyir na sprul pa'i sems de 'dod pa na spyod pa nyid yin no/ /de nyid la rgyu smras pa ni gzugs na spyod pas ni de gnyis sprul pa'i phyir ro/ zhes bya ba ste/ dri dang ro dag ni khams kyi zas nyid yin pa'i phyir 'dod par gtogs pa kho na'o/ /sa gzhan gyi bsam gtan gyi 'bras bu ni sa gzhan gyi sprul pa mi 'phrul la/ de dag kham gyi 'dod chags dang bral ba'i phyir dri dang ro sprul par yang mi rigs so/ /gal te sa dang khams skal ba mi mnyam pa la rgyas bar mi 'gyur ba'i phyir rang gi khams pa'i phra rgyas thams cad kyi khams bstan par 'gal ba med bzhin du/ ci'i phyir 'dod chags kho nas snyad ce na/ phal cher rgyas par 'gyur ba'i phyir te/ 'di ltar sems can rnams ni yang dang yang du 'dod chags kho na la kun tu spyod pa yin no/ /gang 'dod pa'i khams gcig las 'dod chags dang bral ba de ni zhes bya ba rgyas par 'byung ste/ de lta ma yin na khams gsum dag mdza' yas pa'i phyir gcig tu grol ba gzhan du bcings pas thar pa med pa nyid du 'gyur ro/ /de kho na yod pa'i tshangs pa'i 'jig rten zhes bya ba la sogs pa 'byung ste/ de lta ma yin na ston pa ltar thams cad kyi 'gro ba mdza' thug pa med par thal bar 'gyur ro/ /khams bshad zin to/ /da ni 'gro ba rnams brjod par bya ste/ 'di dag kyang gang dang gang du na yin pa mi shes te de'i phyir khams

  17. 9a

    gsum po bshad pa gang yin pa/ der ni dmyal sogs 'gro ba lnga/ rang gis ming gis bstan zhes bya ba smos so/ /rten dang brten pa'i dngos po ni tha dad pa nyid du mthong ba'i phyir te/ de nyid kyi phyir/ gang gis na de dag khams dag tu zhes bya ba 'dir rgyas par dris so/ /khams rnams na 'gro ba 'ba' zhig yin par ma zad kyi 'o na ci zhe na/ 'gro ba ma gtogs pa yang yod do/ /de rnams ni dge ba dang nyon mongs pa can dang zhes bya ba rgyas par 'byung ste/ 'dir ni khams 'gro ba ma gtogs par yod par bstan pa'i phyir khams dag tu 'gro ba rnams zhes bshad do/ /nyon mongs can min lung bstan min/ zhes bya ba la nyon mongs pa can ma yin pa smos pa ni nyon mongs pa can rnam par bya ba'i phyir ro/ /lung du ma bstan pa ma yin pa smos pa ni dge ba bsal bar bya ba'i phyir ro/ /sems can zhes bya ba ni snod kyi 'jig rten bsal bar bya ba'i phyir ro/ /'gro ba rnams ni ma sgribs la lung du ma bstan pa kho na'o/ /zhes bya ba ni rnam par smin pa'i rang bzhin yin pa'i phyir ro/ /'di na de dag sems can du ston pa nyid du bshad par 'gyur te/ sems can du ston pa la rnam par smin pa srid pa'i phyir ro/ /de lta ma yin na 'gro ba 'chol bar 'gyur ro zhes bya ba ni 'gro ba rnams 'dres pa'i ngo bo ste/ tha mi dad ces bya ba'i don to/ /gal te 'gro ba dag lung ma bstan pa nyid du mi 'gro na sems can rnams phal cher 'gro ba gzhan gyi dge ba dang nyon mongs pa can dag dang yang ldan no/ /lung du ma bstan pa dag dang ni ma yin te/ de dag gi thob pa lhan cig skye ba yin pa'i phyir ro/ /yang na 'gro ba thams cad 'grub par 'gyur ba'i las rnams mi la sogs pa'i 'gro ba'i rgyu yin la de rnams kyang 'gro ba gzhan dag der gtogs pa'i phyir te/ de lta na mi la sogs pa'i 'gro bar dmyal ba la sogs pa'i 'gro ba yod par thal bar 'gyur ro/ /'gro ba rnams

  18. 9b

    ni sems can du ston pa ma yin pa med la srid pa bar ma'i rang bzhin yang ma yin no zhes bya ba 'di dag ge yas zhe na/ bstan bcos las so zhes bstan pa'i phyir btags pa las zhes bya ba rgyas par smos so/ /skye gnas bzhis ni 'gro ba lnga bsdus kyi zhes 'byung ba las na/ skye gnas rnams sems can zhes pa kho na yin pa'i phyir 'gro ba rnams kyang sems can zhes bya ba kho na yin no/ /zhes shes par 'gyur ro/ /'gro ba rnams sems can zhes bya ba ma yin pa nyid de yin na ni skye gnas dag tu 'du bar mi 'gyur te/ dper na 'gro ba rnams su skye gnas dag ni 'du ba bzhin no/ /'gro ba lngas ni skye gnas bzhi zhes bya ba la ci zhe na/ ma bsdus te skabs dang sbyar ro/ /gal te yang snod kyi rang bzhin 'gro ba rnams su gyur na/ 'gro bar byed pas na 'gro ba'o/ /lnga po yang mi la sogs pa'o/ /snod bskyed pa'i sgo nas 'gro bar byed pas 'gro ba yin na 'tshol bar thal bar 'gyur ro/ /ci zhig ma bsdus zhe na/ srid pa bar ma'o zhes 'byung ba las ni/ de brdzus te skye ba'i skye gnas kyis bsdus kyang/ 'gro ba rnams su 'dus pa'i phyir 'gro ba srid pa bar ma ma yin no zhes bya bar shes par 'gyur ro/ /de lta ma yin na skye ba'i srid pa la sogs pa dang 'dra bar de yang 'gro bas sdus par 'gyur ro/ /de'i phyir srid pa bar mdo 'gro ba'i rang bzhin ma yin no/ /yang 'gro ba srid pa bar ma ma yin no zhes bya ba la/ bstan bcos gnyis pa dper brjod pa ni chos kyi phung po las kyang zhes bya ba rgyas par 'byung ba ste/ 'di las ni bsgoms pa las byung ba ltar sred pa bar ma pa yang dmyal ba la sogs pa'i mig gi dbang po las tha dad par logs shig tu bstan te/ de'i phyir de yang bsgom pa las byung ba ltar dmyal ba la sogs pa'i 'gro bas bsdus pa ma yin pas srid pa bar ma 'gro ba'i rang bzhin yin no zhes bstan par 'gyur ro/ /gzhan du na ni dmyal ba la sogs pa'i mig gis srid pa bar ma

  19. 10a

    pa yang bstan pa yang ci'i phyir brjod/ bstan bcos la srid pa bar ma gro ba rnams las logs shig tu mdzad pa 'ba' zhig tu ma zad de 'o na ci zhe na/ mdo las kyang srid pa bar ma 'gro ba rnams las logs shig mdzad do zhes bya ba rgyas par 'byung ba la/ srid pa bar ma 'gro ba'i rang bzhin ma yin pa dang/ 'gro ba rnams lung du ma bstan pa nyid kyi khungs ni las kyi srid pa dang/ srid pa bar ma'o zhes dmyal ba la sogs pa dag las logs shig tu smos pa 'di yin no/ /rgyu dang bcas pa dang 'gro ba dang bcas par bshad do zhes bya ba la 'gro ba rnams kyi rgyu ni las kyi srid pa yin la/ 'gro ba ni srid pa bar ma yin te/ 'dis 'gro bar byed pas na zhes byas pa'i phyir ro/ /de nyid kyi phyir zhes bya ba ni mdo'i phyir ro/ /de'i rgyu zhes bya ba ni 'gro ba'i rgyu las kyi srid ba ste/ 'gro ba dag las logs shig tu mdzad pa'i phyir 'gro ba rnams ma bsgribs la lung du ma bstan pa nyid du grub pa yin no/ /lus dang ngag dang yid kyi skyon dang snyigs ma de dag gi zhes bya ba la/ lus kyi skyon dang dag gi skyon dang yid kyi skyon no zhes bya ba rig par bya'o/ /chos de dag ma gtogs pa zhes bya ba la/ dmyal ba dag tu gzugs la sogs pa gang dag rnam par smin pa'i bdag nyid du grub pa de dag kho na dmyal ba yin gyi de dag las gzhan pa'i dmyal ba dge ba 'am mi dge ba'i chos ni mi dmigs so/ /rnam par smin pa grub nas dmyal ba zhes bya ba'i grangs su 'gro'o zhes 'byung ba'i phyir 'gro ba rnams ma sgribs la lung du ma bstan pa yin zhes bya ba 'di la khungs ni 'di yin te/ rnam par smin pa'i gnas skabs ni dge ba dang nyon mongs pa can ma yin no/ /srid pa bar ma'i rang bzhin dmyal ba la sogs pa rnams so zhes shes par byas par 'gyur ro/ /de nyid kyi phyir sems can zhes bya ba yang grub ste/ rnam par smin pa ni sems

  20. 10b

    can du brjod pa yin pa'i phyir ro/ /dmyal ba'i 'gro ba ni 'di dper brjod pa tsam zhig tu zad do/ /'o na rab tu byed pa'i gzhung zhes bya ba la/ 'dir ci la lan gdab par bya/ 'gro ba rnams ma sgribs la lung du ma bstan pa yin pa'i phyir bsgom pas spang bar bya ba nyid yin la bsgo pas spang bar bya ba la yang bsgom pas spang bar bya ba dang/ phra rgyas kun tu 'gro ba rnams rgyas par 'gyur gyi gzhan dag ni ma yin te/ de'i phyir thams cad smos pa la lan gdab par bya dgos so/ /rnam pa lnga nyid yin na yang de dag dge ba dang nyon mongs pa can nyid du yang 'gyur ro/ /'gro ba rnams su nying mtshams sbyor ba'i sems rnam pa lnga yod de zhes bya ba ni sdug bsngal dang kun 'byung ba dang/ 'gog pa dang lam mthong bas spang bar bya ba dang/ bsgom pas spang bar bya ba rnams so/ /'jug pa dang bcas pa'i 'gro ba rnams smos pas zhes bya ba la/ 'dir 'gro ba smos pas ni 'jug pa dang ldan cig pa'i 'gro ba gzung ste/ 'gro ba'i 'jug pa la 'gro ba nye bar btags pa'i phyir ro/ /'gro ba rnams kyi 'jug pa yang nyid mtshams sbyor ba'i sems ngag yin la/ nying mtshams sbyor ba'i sems kyi 'og rol gyi ma sgribs la lung du ma bstan pa'i rgyud la 'gro ba zhes brjod do/ /de dag kyang rnam pa lnga yin pa de'i phyir 'gro ba dag la phra rgyas thams cad rgyas par 'gyur ro/ /zhes gsungs so/ /de nyid la dpe smos pa ni grong smos na grong gi nye 'khor yang smos pa bzhin no/ /zhes bya ba'o/ /ji ltar grong smos na grong gi nye 'khor smos pa yin zhe na/ grong 'di na sa lu'i zhing yod do/ /'bru'i zhing yod do zhes smra ba'i phyir ro/ /dper na snyigs ma lnga po dag tu zhes bya ba rgyas par 'byung ste/ tshe dang skal pa dang nyon mongs pa dang lta ba dang sems can gyi snyigs ma dag tu'o/ /nyon mongs pa'i rang bzhin du khyad par med kyang nyon mongs pa dang/ las lta ba'i snyigs ma dag tha dad

  21. 11a

    du gzhal ba ni khyim pa dang rab tu byung ba'i phyogs kyi dbang du mdzad pa'i phyir ro/ /'gro ba'i rgyu shes par bya ba'i phyir zhes bya ba la/ 'gro ba rnams kyi rgyu ni las kyi srid pa yin te/ de'i phyir de 'gro ba'i rang bzhin yin yang 'gro ba'i rgyu shes par bya ba'i phyir tha dad du smos so/ /'di ni srid pa bar ma la yang thal bar 'gyur ro zhes bya ba la tha dad par smos kyang 'gro ba yin par 'gyur na ni 'gro ba'i rang bzhin kho nas 'gro ba shes par bya ba'i phyir tha dad du bstan par 'gyur ro/ /srid pa bar ma yin pa kho na'i phyir zhes bya ba la gang nas 'chi 'pho ba dang gang du 'gro bar 'gyur pa de gnyis kyi bar du 'byung ba'i phyir srid pa bar ma 'gro ba ma yin no/ /srid pa bar ma ni 'gro ba'i bar mdo yin no/ /'gro ba'i bar mdo ni 'gro bar mi rung ngo/ /slob dpon 'dus bzang na re/ srid pa bar ma ni bgrod par bya ba ma yin pas 'gro ba ma yin te/ 'chi 'pho ba'i yul nyid du skye ba'i phyir ro zhes zer ro/ /ma yin te/ gzugs med pa rnams kyang 'chi 'pho ba'i yul nyid du skye bas srid pa bar ma bzhin du 'gro ba ma yin par thal bar 'gyur ro/ /'gro ba'i rgyur nyid kyi phyir las kyi srid pa yang srid pa bar ma bzhin 'gro ba ma yin no/ /gal te 'gro ba rnams dge ba dang nyon mongs pa can yang yin na rnam par smin pa grub nas zhes bya ba 'di ji ltar drang zhe na rnam par smin pa grub nas dge ba dang nyon mongs pa can yang dmyal ba zhes bya ba'i grangs su 'gro bas 'gal ba med de/ 'di ltar gal te 'di rnam par smin pa kho na grub nas dmyal ba zhes bya ba'i grangs su 'gro'o/ /zhes de skad du gsungs na ni de'i phyir phung po gzhan bdag par rtogs par 'gyur ba zhig go/ 'o na tshe dang ldan pa de la zhes bya ba rgyas par 'byung ba la/ 'dir yang gang zag gi rdzas bkag pa yin gyi phung po gzhan

  22. 11b

    ma bkag pas 'gal ba med do/ /gnas brtan 'dus bzang na re/ rnam par smin pa grub pas khyad par can gyi phung po gzung ba'i phyir phung po bsal lo zhes rtogs par bya'o/ /de lta ma yin na phung po khyad par du smos pa la dgos pa ci zhig dgos pa yod de 'gro ba gzhan gyi rgyur gyur pa rnams la yang las dang nyon mongs pa rnams rnam par smin pa'i dbang gis de'i 'gro ba bsnyad par shes pa nyid yin te/ 'chol ba yongs su spangs pa'o/ /de dag kyang kha cig na re rnam par smin pa'i rang bzhin dag kho na yin no zhes zer ro ci'i phyir na gang gi phyir rnam par smin pa'i phung po las gzhan du dmyal ba mi dmigs so zhes gsungs pa gang gi phyir rnam par smin pa grub nas dmyal ba zhes bya ba'i grangs su 'gro'o/ /zhes gsungs pa des na 'gro ba rnams rnam par smin pa'i rang bzhin kho na yin no zhes bya bar gtogs so/ /gzhan dag na re rgyas pa las byung ba'i rang bzhin dag kyang yin te/ 'di ltar mig la sogs pa dag ni rnam par smin pa las skyes pa yang yin zhing rgyas pa las byung ba yang yod la de dag kyang 'gro bas bsdus pa yin no/ /zhes zer ro/ /lus dang 'du shes tha dad dang zhes rgyas par 'byung ba la/ mdor bsdu na rnam par shes pa gnas bdun gyi rang bzhin ni 'dod pa na spyod pa'i lha dang mi rnams dang/ bsam gtan dang gzugs med pa'i snyoms par 'jug pa dang po zhes bya ba 'di yin la/ 'di dag gi de rgyas par ni brtsams par bya'o/ /sems can gzugs can zhes bya ba la sogs pa la/ gzugs can ni gzugs dang ldan pa dag go/ bsam gtan dang po pa zhes bya ba la bsam gtan dang po na yod pa ni bsam gtan dang po pa ste/ tshangs ris la sogs pa rnams so de dag kyang dang por 'byung ba rnams ni rnam par shes pa gnas pa gnyis par bzhag pas dang por 'byung ba ma gtogs pa zhes

  23. 12a

    bya ba smos so/ /de dag gis lus tha dad pa'i phyir ram zhes bya ba rgyas par 'byung ba la tha dad pa ni kha dog dang rtag dang dbyibs mi mtshungs pa nyid do/ /thams cad ni 'di snyam du zhes bya ba la sogs pa 'byung ngo/ /dbyibs kyi lus zhes bya ba la/ dbyibs kyi bdag nyid kyi lus ni dbyibs kyi lus te/ tshor ba la sogs pa'i lus bsal bar bya ba'i phyir ro/ /dbyibs ni dbyibs so/ /lus ni khog pa'o/ /de dag gis de ltar mthong zhes bya ba ni rnam pa gang gis zhes bya ba'i don to/ /ci 'od gsal na gnas pa 'am/ bsam gtan dang por skyes pa 'am/ 'on te bsam gtan dang po'i srid pa bar ma mdor na gnas pa dag gam/ ci bsam gtan gnyis pa'i snyoms par 'jug pa thob pa 'am ci ma thob par zhes brjod par bya'o/ /da ni bsam gtan gnyis pa zhes bya ba rgyas par 'byung ba la/ nyan thos kyi bsam gtan gyi spyod yul nyid kyi phyir de dag bsam gtan dang po'i sa pa'i sngon gyi bag chags rjes su dran pa'i shes pas tshangs pa 'chi 'pho bar mthong bar nus pa med do/ /ci ste ji ltar mi 'gal ba de ltar yin la rag go snyam na de'i phyir 'on te thob na ni zhes bya ba rgyas par 'byung ngo/ /gang zhig sa gang las 'dod chags dang bral ba de ni sa de la dmigs pa'i nyon mongs pa 'byung ba yod pa ma yin pas de dang tshangs pa chen po la dmigs pa'i tshul khrims dang brtul zhugs mchog tu 'dzin pa'i lta ba la mngon par zhen pa mi rigs so/ /de na yang gegs byed pa med pa'i phyir zhes bya ba la khu ba dang khrag la sogs pa phyi'i rgyu mtshan la bltos pa med pa'i phyir na rdzus te skye ba rnams la khu ba dang khrag med pas gegs byed pa yod pa ma yin no/ /yang ci'i phyir de dag 'di snyam du bdag cag ni 'dis sprul lo snyam du shes par 'gyur zhe na/ dbyibs

  24. 12b

    kyi lus kyi khyad par rtogs pa'i phyir dang/ sngar skyes pa mthong ba'i phyir ro/ /'o na tshangs pa chen po 'di snyam du 'di dag ni bdag gis sprul lo snyam du shes par ga las 'gyur zhe na/ de la sems skyes pa'i 'jug thogs su de dag skyes pa'i phyir dang/ las dang 'bras bu'i 'brel pa las kun tu rmongs pa'i phyir ro/ /yang na tshe dang kha dog dang lus kyi chu zheng lhag pa'i bdag gi dngos po mthong ba'i phyir ro/ gal te bdag cag ni nges so snyam pa dang 'di dag bdag gi snyam du 'du shes tha dad pa'i phyir 'du shes gcig ma yin no snyam na rgyu'i 'du shes tha mi dad pa'i phyir 'du shes tha dad pa med do/ /gzhan dag na re sprul pa'i 'du shes gcig pa'i phyir zhes zer ro/ /de dag thams cad tshul khrims dang brtul zhugs mchog tu 'dzin pa'i lta ba la zhen pa'i phyir ro/ /gzhan dag na re/ 'od gsal na gnas pa dag kho nas bsam gtan dang po'i sa pa'i sprul pa sprul nas tshangs pa dang lhan cig bsdad la/ sprul pa'i gnas skabs dang yang bsam gtan dang por skyes pa dag ni de'i sa pa'i mngon par shes pa'i yul yin pas de dag gi sprul pa'i gnas skabs dran pa de dag 'di snyam du bdag cag ni zhes bya bar rgyas par shes par 'gyur ro zhes zer ro/ /gzhan dag ni bsam gtan gnyis pa la sogs par skyes pa rnams kyi mig gi rnam par shes pa ni tshangs pa'i 'jig rten pa kho na yin pas de dag nyams su myong ba rjes su dran pa mi srid pa ma yin te/ de'i phyir sngar mthong ba kho na rjes su dran pa yin no zhes zer ro/ /kha cig na re sems can 'di yang 'di snyam du smon la/ bdag cag kyang 'dir skyes so snyam du bsgom pa las byung ba'i sngon gyi gnas rjes su dran pa'i shes pa 'am/ gzhan gyi sems shes pas 'dzin pa ni ma yin te/ 'o na ci zhe na/ skyes nas thob pa kho nas te snyam du shes pas 'gal ba med do zhes zer ro//

  25. 13a

    gzhan dag na re rjes su dpag pa'i shes pas gzhan gyis bsam pa rnam pa dang bcas par rtogs par gnod par byed pa ma yin no zhes zer ro/ /de lta ma yin na zhes rgya cher 'byung ba la 'od chung dang tshad med 'od dag kyang rnam par shes pa'i gnas pa gsum pa'i mtshan nyid thob pa rnams de gang gis rnam par shes pa'i gnas pa'i mtshan nyid yin par 'gyur te/ de'i phyir 'dir dper brjod pa'i tshul gyis 'od gsal ba rnams nye bar bkod pa'o/ /sems can lus gcig cing 'du shes tha dad pa dag kyang zhes bya ba 'di dge rgyas pa dag la yang thal bar 'gyur ba ma yin nam zhe na/ de dag kyang dngos gzhi'i sa la bde ba'i dbang pos yongs su skyo na zhes thams cad rgya cher brjod par bya'o/ /ma yin te zhes bya ba rgya cher 'byung ste/ de dag bsam gtan gsum pa'i bde ba des yongs su skyo ba med do/ /gzhan dag na re yid bde bas kyang yongs su skyo ba yod pa ma yin gyi/ gzhan du na rgod pa'i phyir zhes zer ro/ /gzhan dag na re/ de la gzhan gyis yongs su skyo ba cung zad kyang med pa rgod pa kho na skye bas yongs su skyo'o zhes zer ro/ /'ong ba med par 'du shes pa'i phyir dang zhes bya ba rgyas par 'byung ba la/ skyes nas yun ring du ma lon pa rnams ni 'ong bar 'du shes pa'i phyir ro/ /skyes nas yul du lon pa rnams ni med par 'du shes pa'i phyir ro/ /skrag pa dang mi skrag pa 'du par 'du shes pa'i phyir ro/ /skrag pa dang mi skrag pa 'du /gzhan dag na re der 'jigs pa yod pa ma yin no zhes zer ro/ /skrag pa skyo ba'i bdag nyid du gyur pa nyid ni 'dir yod pa ma yin no/ /'o na ci zhe na/ skrag pa ni skyo ba'i rgyu 'chi bar dogs pa'i mtshan nyid can te/ bdag tu 'dzin pa ma spangs pa'i phyir de dag la des yod do/ /na

  26. 13b

    bA rya? ta i ti/ de nyid 'dir 'jigs par brjod de/ 'dir 'jig pa ni skyo ba nyid do/ /'du shes gcig pa dag ces bya ba ni bde bar 'du shes pa dag ste/ de dag ni bde ba gya nom pa la gnas pas nye bsdogs mngon du mi byed do/ /de la bsam gtan dang po na ni nyon mongs pa can gyi 'du shes su zhes bya ba la/ rgyu ma yin pa la rgyur mngon pa zhen pas tshul khrims dang brtul zhugs mchog tu 'dzin pa dang mtshungs par ldan pa'i phyir na nyon mongs pa can no/ /gnyis pa ni dge ba'i zhes bya ba ni snyoms par 'jug pa'i dbang gis tshor ba'i khyad par mngon du byed pa'i phyir ro/ /gsum pa na ni rnam par smin pa las skyes pa'i zhes bya ba ni rnam par smin pa las skyes pa'i bde ba dang mtshungs par ldan pa'i phyir te/ gzhan du na sdug bsngal yang ma yin bde ba yang ma yin pa'i 'du shes kun 'byung ba'i phyir de yang 'du shes tha dad pa dag tu 'gyur ro/ /rnam par smin pa las skyes pa zhes bya ba bshad pa gzhan yang kun 'byung ba 'am rnam par smin pa las skyes pa ni 'du shes gcig pa nyid du ces bya'o/ / gzugs med pa gsum ni zhes bya ba ni nam mkha' mdza' yas dang/ rnam shes mdza' yas dang ci yang med pa zhes bya'o/ /mdo las ji skad du 'byung ba la zhes bya ba la/ mdo las de rnam pa thams cad du gzugs kyi 'du shes las yang dag par 'dus te/ zhes bya ba nas nam mkha' mdza' yas so snyam ste nam mkha' mdza' yas skye mched nye bar bsgrubs nas gnas so zhes bya ba'i bar du rgyas par 'byung ba yin no/ /gzugs med pa gsum gyi bdag nyid can dag tu ni phung po bzhi'o/ /lhag ma rnams su ni lnga'o// gang gi phyir rgyu rnam par shes pa gnas pa'i dngos po rnam par shes pa mngon par chags pa'o/ /dngos po bstan pa'i phyir rnam par shes pa'i gnas bstan pa sems can du ston pa kho na'i dngos po ni rnam par shes pa'i gnas rnams so zhes

  27. 14a

    gzhan dag zer ro/ /de la 'di ltar lhag ma de 'joms byed ldan/ zhes 'byung ba la rnam par shes pa mngon par chags pa'i dngos po ni 'joms byed ma yin pa'o/ /rnam par shes pa ma yin pa ni 'joms byed do/ /de la ngan song dag tu ni 'joms par byed pa sdug bsngal gyi tshor ba yin te des rnam par shes pa la gnod pa'i phyir ro/ /gzhan dag na re gang du sred pas rnam par shes pa gzung ba de dag ni rnam par shes pa gnas pa yin no/ /ngan 'gro rnams dang gnas gtsang ma dag na ni las kyis gzung ba yin la/ 'du shes med pa'i sems can rnams dang/ srid pa'i rtse mor ni lta bas gzung ba yin pas/ de dag rnam par shes pa gnas pa nyid ma yin no/ /ngan song dag na ni gnyi ka med do zhes bya ba la/ 'di na gnas pa rnams ni 'gro bar 'dod pa ma yin la/ de na gnas pa rnams ni bskyod par mi 'dod pa ma yin no/ /srid pa'i rtse mor ni rgyu ba mi gsal ba'i phyir zhes bya ba la/ sems dang sems las byung ba rnams rgyu ba zhan pa'i phyir zhes bya ba'i don to/ /gzhan yang ngan song ba rnams dang 'du shes med pa'i sems can ma gtogs pa'o/ /bsam gtan bzhi par skyes pa rnams dang 'du shes med pa'i sems can gyis sdus pa 'bras bu che rnams su'o/ /gal te yang 'di na gnas pa rnams 'gro bar 'dod pa yod mod kyi/ so so skye bo rnams ni 'du shes med par 'jug par 'dod pa yin la/ 'phags pa rnams ni spren med par bsod nams skyes dag tu yang ngo/ /gnas gtsang ma rnams kyang gnas gtsang ma dang gzugs med par 'jug par 'dod la/ yongs su mya ngan las 'da' bar yang 'dod kyi/ de na gnas pa'i blo med de de'i phyir sems can gyi gnas ma yin no/ /'di dag tu sems can rnams rang dags kun tu gnas te/ sems can du bgrang ba'i chos rnams kho na sems can

  28. 14b

    gyi gnas zhes bya'o/ /gang gi phyir lus la sred pas sems can rnams kyi gnas yin gyi/ gnas la dga' bas ni ma yin te/ gnas dag tu sems can tshol ba'i phyir dang/ lus kho na ma 'chol ba'i phyir sems can gyi gnas yin no/ /gnas med pa'i phyir srid pa bar ma yang sems can rnams mi gnas pas srid pa bar ma yang sems can gyi gnas ma yin no/ /bye brag tu smra ba rnams na re 'khor ba sna tshogs pa'i don gyis na rnam par shes pa gnas pa dag yin la/ gnas par 'dod pa dag gis mngon par dga' bar byas pa'i phyir sems can gyi gnas dag yin no/ /zhes bya ba ni de dag rnam par bzhag pa'i khyad par yin no zhes zer ro/ /sa gzhan du ni ma yin no zhes bya ba las gzhan gyi phung po rnams ni mngon du gyur ba yin yang rnam par shes pa gnas pa'i bya ba mi byed de/ sred pa kun tu spyod pa'i dbang gis na de nyid rnam par shes pa rab tu gnas pa yin na/ de dag la sred pa kun tu spyod pa med pa'i phyir ro/ /rgyu gzhan pa dag dang/ sems can du bgrang ba ma yin pa dag ni rang gi sa pa yin yang rnam par shes pa gnas pa ma yin no/ /gzhan dag na re/ de dag kyang rnam par shes pa gnas pa yin te/ de la yang rnam par shes pa nye bar brlan pa 'phel bar 'gyur ba yin no zhes zer ro/ /rnam par shes pa 'gro bar byed pa ni 'jug par byed ces bya ba'i don to/ /gzhan du mngon par dga' ba yongs su gzung bas 'jug pa gzhan yang brjod par bya'o zhes te/ mngon par dga' ba yongs su gzung ba yod pas gang zhig tshor ba la sogs pa dang 'dres pa'i rnam par shes pa'i 'jug pa tha dad med pa'i dus de 'dir 'jug par mngon par 'dod do/ /gru dang mnyan ba'i tshul gyis zhes bya ba ni dpe'o/ /gzhan du rnam par shes pa yang rnam par shes pa la gnas nas 'gro bar byed

  29. 15a

    pa ma yin no/ /'o na mdo las zhes bya ba 'dis ni rnam par shes pa yang rnam par shes pa gnas pa yin par bshad do zhes ston to/ /dga' ba ni yid bde ba'o/ /rnam par shes pa gnas pa bdun phung po lnga'i rang bzhin dag yin no zhes bya ba de yang ji lta bu zhes bya ba 'dis ni yang mdo dang 'gal bar ston ste/ 'di la rnam par shes pa gnas pa gang yin zhe na/ de dag dang ldan pa'i phung po lnga yang ma yin no zhes bshad na gal te gnas pa lnga po yongs su spangs nas gnas pa zhes bya ba ni de ji lta bu yin/ de lta na 'o na ni bye brag med par zhes bya ba ni mdo dang bstan bcos dag dang mi 'gal bar bstan pa'o/ /bye brag med par ni zhes bya ba ni khyad par med pa ste/ lnga char la yang zhes bya ba'i don gang yin pa'o/ /skye ba'i skye mched kyis bsdus pa'i phung po dag la zhes bya ba ni mi la sogs pa'i ris kyis bsdus pa dus gsum pa dag la'o/ /mngon par dga' ba dang bcas pa zhes bya ba la/ /mngon par dga' ba ni yid bde ba dang nyon mongs pa can no/ /'dir gnas brtan 'dus bzang gis mang du bshad pa de yang mangs pa'i 'jigs pas rnam par ma dpyad do/ /bzhi pa ni rnam par de dag ma gtogs pa'o zhes bya ba ni ngan song rnams dang/ bsam gtan bzhi pa dang srid pa'i rtse mo'i rnam par shes pa gang yin pa dang/ zag pa med pa'i phung po rnams so/ /'gro ba la sogs pa'i bye brag gis tha dad pa zhes bya ba la sogs pa zhes bya ba smos pas ni snod dang/ srid pa bar ma dang sa bsdu'o/ /khams dag sems can sems can du ston pa nyid yin pa'i phyir/ skye gnas de dag gang gi yin pa mi shes pas/ sems can zhes bya ba smos te/ skye gnas dag ni sems can du bgrang ba ma yin pa yod pa ma yin no/ /de dag kyang gang zhe na sgo nga las skyes sogs zhes bya ba

  30. 15b

    smos te/ skye gnas zhes bya ba ni sems can rnams kyi rigs yin gyi/ skye sa ni ma yin no/ /sgo nga las skyes pa'i skye gnas ni sgo nga las skyes pa'i rigs zhes bya ba'i don to/ /rdzus te skyes pa'i skyes gnas kyi bar du yang de dang 'dra'o/ /yang don gang gis rigs la skye gnas zhes brjod ce na/ de'i phyir 'dir sems can 'chol bar 'gyur zhing zhes bya ba smos so/ /'tshol bar 'gyur zhes bya ba'i don gang yin zhe na/ 'dre bar 'gyur ba zhes bya ba'i don 'di yin no/ /'dre bar 'gyur ba yang skye ba thun mong pa'i phyir te/ skye ba chos mtshungs pa'i phyir zhes bya ba'i don to/ /sgo nga las skyes pa rigs su mi rung ste/ sgo nga las skyes pa la sogs pa rnams las gzhan nges par gzung ba'i phyir/ bram ze'i rigs bzhin no/ /'dir skye ba kho na ni ma yin na rigs dang khams dang 'gro ba rnams kyang skye gnas nyid du thal bar 'gyur ro/ /sems can las sems can mdza' dag kyang 'dres par 'gyur bas skye ba'i rgyu skye gnas yin no zhes slob dpon dpal len zer ro/ /de lta na sgo nga las skyes pa la sogs pa rnams kho na skye gnas nyid du thal bar 'gyur ro/ /mngal ni gang gis ma'i lto bar bu nye bar dkris pa'o/ /drod gsher ni 'dam rdzab la sogs pa rnams su gsher ba nyid do/ /dbang po ma tshang ba ma yin pa zhes rgya cher 'byung ba la/ dbang po mdza' dag yongs su rdzogs pa ni yan lag thams cad dang ldan pa ste/ mgo dang lag pa la sogs pa'o/ /nyid lag dang ldan pa ni mtheb sor la sogs pa dang ldan pa'o/ /sngar gyi rgyu la mi bltos pa cig car du skye ba rnams so zhes bya ba la sgo nga las skye ba la sogs pa ltar nur nur po la sogs pa'i rim gyis ni ma yin te/ 'o na ci zhe na dang po nyid nas dbang po ma tshang ba ma yin zhing/ dman pa ma yin pa la sogs pa'o/ /skye ba la ni 'byung ba la'o/ /skye ba dang brdzu

  31. 16a

    ba dang/ 'byung ba zhes bya ba ni don cig ste/ de la mdzes par byed pa'i phyir rdzus te byung ba rnams so/ /'di dag gi rang bzhin yang rdzus te skye ba'i skye gnas ni phung po bzhi dang lnga'i rang bzhin yin/ /de las gzhan rnams ni phung po lnga'i rang bzhin yin/ /thams cad kyang rnam par smin pa dang rgyas pa'i rgyud kyi rang bzhin no/ /kha cig na re yi dags rnams ni rdzus te skye ba kho na yin no zhes zer te/ de'i phyir yi dags la mngal nas skye ba nyid bsgrub pa'i phyir tshe dang ldan pa maung+gal gyi bu chen po la zhes bya ba rgyas par 'byung ngo/ /gzhan dag na re 'on kyang bdag ni tshim pa med ces 'byung ba'i phyir rdzus ste skye ba nyid du grub par bya ba'i phyir yin par shin tu ches rtogs pa ma yin nam mngal nas skye ba dag gis ni ji ltar 'grangs par mi 'gyur/ /mngal nas skyes pa nyid yin na ni nyin mo dang mtshan mor lnga lnga skye bar yang mi rigs so zhe na/ bkres pa shin tu 'phel ba'i phyir tshim pa med do/ /de 'dra ba de ni sems can gyi rang bzhin yin pas nyin mtshan du lnga lnga skye bar mi 'gal la/ las kyi rnam par smin pa bsam gyis mi khyab pa'i phyir yang 'gal ba med do/ /skye gnas thams cad du skyes pa rnams la 'phags pa'i chos thob pa'i go skabs yod mod kyi/ 'phags pa'i chos thob zin pa rnams ni sgo nga las skyes pa dang drod gsher las skye ba'i gnas dag tu mi skye'o/ /rdzus te skye ba yin no zhes bya ba la de'i skye gnas pa rnams ni skye mched drug tshang ba kho na 'grub pa'i phyir skye gnas thams cad kyi nang na rdzus te skye ba kho na bzang ngo/ gal te thams cad kyi nang na rdzus te skye ba'i skye gnas kho na bzang na yang ci'i phyir srid pa tha ma pa'i byang chub sems dpa' mngal nas skye ba'i skye gnas len/ las dag gis len no zhe na/ de'i phyir skye ba la dbang thob pa yang zhes

  32. 16b

    bya ba smos so/ /'khor los sgyur ba'i rigs su 'khrungs pa ni 'khor los sgyur pa'i rigs so/ /gzhan mu stegs can zhes bya ba ni gcer bu pa gnyen gyi bu la sogs pa dag go/ sgyu mas 'jig rten za'o/ /zhes bya ba ni nye bar bslu ba'o/ /zhes bya ba'i don to/ /phyi'i sa bon med pa'i phyir zhes bya ba ni phyi'i khu ba dang/ khrag gi 'dam la sogs pa med pa'i phyir zhes bya ba'i don to/ /byin gyis brlabs las byung ba'i phyir zhes bya ba la/ byin gyis brlabs kyi dgos pa can nam/ byin gyis brlabs pa yod pa ni byin gyis brlabs las byung ba'o/ /byin gyis brlabs ni 'di ni 'di ltar gyur cig ces byin gyis rlob pa gang yin pa'o/ /lan de rigs pa ma yin no zhes bya ba la/ slob dpon 'dus bzang na re/ rigs pa nyid do zhes zer te/ gnas skabs su 'byung ba dus ches ring por 'jug pa'i phyir byin gyis brlabs pa rigs so/ /dri ba las dri ba gzhan 'byung ste zhes bya ba ni 'o na ci'i phyir srid pa tha ma pa'i byang chub sems dpa' zhes bya ba'i dri ba de las dri ba 'di byung ba'o/ /gal te rdzus te skye ba rnams kyi zhes bya ba rgyas par 'byung ba la/ lus zhig pa ni shi ba'i lus gnas pa med pa'o/ /sgo nga las skye ba la sogs pa las khyad du bya ba'i phyir rdzus te skye ba'i klu bzang pa'i phyir 'byin to zhes bya ba smos so/ /klu dang nam mkha' lding dag ni rnam pa bzhi yin te/ de dag gi mchog ni rdzus te skye ba'o/ /bar ma ni mngal nas skye ba'o/ /tha chad ni sgo nga las skyes pa'o/ /de la rdzus te skye ba'i mkha' lding gis ni drod gsher las skyes pa la sogs pa dag las snga ma snga ma zos nas/ klu thams cad bza' ba'i phyir 'byin to/ /shi ba des tshim par 'gyur ba ni ma yin no/ /zhes bya ba la 'dis sngar ma shi bar zos pa gang yin pa de yang shi ba'i tshe mi snang bar 'gyur ro/ /des ni 'gro ba gnyis zhes bya ba ni lha'i 'gro ba dang/ dmyal ba'i 'gro

  33. 17a

    pa'o/ /gsum gyi phyogs zhes bya ba ni mi dang dud 'gro dang yi dags rnams kyi phyogs so/ /gang las srid pa bar ma thams cad yin no zhes de skad du brjod pa/ srid pa bar ma zhes bya ba 'di ci zhe na/ zhes bya ba la 'di log par rtogs pa'i phyir dang/ mtshan nyid ma bstan pa'i phyir the tshom za bas dris pa'o/ /'gro ba'i bar ma yin pa'i phyir ro zhes bya ba la 'gro ba snga ma dang phyi ma'i bar na yod pa'i phyir ro/ /zhes bya ba'i don to/ /ji ltar 'di skyes pa yin la/ byung ba yang ma yin zhe na/ zhes bya ba la 'di skad du 'di shi zhing mngon par grub pa yang yin la/ byung ba yang ma yin no/ /zhes bya ba 'di ni dad pas rtogs par bya ba yin no/ /zhes bstan par 'gyur ro/ /de ni nges par las kyi sgo nas mngon par grub par khas blangs par bya'i/ rang bzhin gyi sgo nas ma yin te/ rgyu med pa nyid du thal bar 'gyur ba'i phyir ro/ /de'i phyir gdon mi za bar skye ba khas blang bar bya ste/ las kyi rgyus bskyed pa'i phyir zhes 'byung ba'i phyir son pa ni 'byung ba zhes brjod do/ /'di skad bstan par 'gyur te/ byung ba'i sgra ni son pa la 'jug go srid pa bar ma ni bgrod pa'i yul du ma phyin pa'i phyir byung ba ma yin te/ 'on ci zhe na/ 'byung bzhin pa yin no/ /son pa ni zhes bya ba 'dis ni byung ba'i sgra son pa la 'jug go zhes ston to/ /gzhan dag na re/ des bgrod par bya ba'i yul gang yin pa de dang/ da rung du yang de mi ldan te/ yul de dang mi ldan zhes bya ba'i don to/ /zhes zer ro de'i phyir rnam par smin pa gzhan grub kyang byung ba zhes mi bya ste/ de nyid kyi phyir skye ba'i srid pa'i bar du 'byung ba'i phyir srid pa bar ma yin no/ /zhes bstan to/ /zhes bya'o/ /gang du rnam par smin pa 'phangs pa zhes bya ba la/ 'phen pa byed pa'i las kyis ni ris mthun pa mngon par 'grub pa yin la/ rdzogs par byed pa dag gis ni rdzogs

  34. 17b

    par byed de/ gcig gi skye ba gcig 'phen te/ yongs rdzogs byed pa du ma yin zhes bya ba skye ba thams cad la las gnyis kyis bya ba byed do/ /gzhan dag na re 'chi ba'i srid pa chad pa kho na las zhes bya ba la sogs pa la 'chi ba'i srid pa'i 'jug thogs kho nar yul gzhan du skye ba'i srid pa 'byung gi/ bar na gnas pa'i bdag nyid can rgyu mtshan gzhan sngon du 'gro ba ni ma yin no zhes bya ba'i don to/ /rigs pa dang lung las te zhes bya ba la rigs pa dang lung rkyang ba dag tshad ma ma yin pa'i phyir gnyi ka nye bar bkod do/ / 'bru'i rgyun dang chos mthun phyir zhes bya ba rgyas par 'byung ba la gal te 'chi ba'i srid pa kho na las yul gzhan dag tu skye ba'i srid pa 'byung bar 'dod na ni/ de lta na skye ba'i srid pa mi srid pa nyid du thal bar 'gyur te/ rgyun gyis mjug pa'i phyir ro/ /'di ltar rgyun gyis 'jug pa'i phyir dngos po rnams ni chad nas yul gzhan dag tu 'byung bar ma mthong ste/ dper na 'bru'i rgyun tu gtogs pa'i 'bru'i 'bras bu rnams rgyun du 'brel pas rgyas pa bzhin no/ /'di dag la rgyun gyis 'jug pa'i ngang tshul yod pas na rgyun gyi 'jug pa'o/ /yul gzhan dag tu zhes bya ba smos pa'i phyir sems kyi rgyun gyis ma nges pa yang ma yin te/ 'gog pa dang 'du shes med pa'i snyoms par 'jug pa las ldang ba'i sems yod pa na dus gzhan du chad pa zhes bya ste/ de bzhin du gzugs med pa'i khams nas shi 'phos pa rnams la yang gzugs skye ba yul gzhan du chad pa ma yin no zhes brjod par bya'o/ /rgyu'i gzugs las 'bras bu'i gzugs chad nas 'byung ba yang mthong ste/ dper na gzugs las gzugs brnyan bzhin zhes bya ba ni rgyu 'khrul pa las byung zhes pa'o/ /gzugs brnyan ma grub phyir pa dang/ zhes bya ba 'dis brjod par 'dod pa med pa'i phyir ma nges pa nyid do zhes ston par byed do/ /dmigs pa dang bcas pa'i chos rnams gang zhe na/ sems dang sems las byung ba rnams so/ /dmigs pa med

  35. 18a

    pa'i chos rnams gang zhe na/ gzugs dang 'dus ma byas dang ldan pa ma yin pa rnams so/ /zhes bstan bcos las 'byung bas na gzugs brnyan sems dang sems las byung ba'i dmigs pa yin pa'i phyir yod do zhe na/ 'di'i lan gyi phyir mi 'dra'i phyir na dpe ma yin zhes bya ba smos so/ /kha dog gi khyad par gzhan zhes bya ba la/ me long gi kha dog las gzhan pa ni kha dog gi khyad par gzhan no/ /tshig tsam gyis dad par mi 'gyur bas 'dri ba ni re shig ji ltar ma grub ce na/ zhes bya'o/ /yul de nyid na zhes bya ba la zur na gnas bas me long gi yul de nyid na me long gi gzugs mthong gi gzugs brnyan ma yin la mdun na gnas pas gzugs brnyan mthong gi me long gi gzugs ma yin te/ de ltar bsdoms pas der gnyis ka snang ngo// gzhan dag na re mdun du phyogs pas gnyis ka mthong ngo/ /zhes zer ro/ /de'i phyir me long gcig na snang ba gnyis lhan cig tu mi srid pa'i phyir de na me long gi gzugs las gzugs brnyan yod pa ma yin no/ /rten gyi 'byung ba tha dad pa'i phyir zhes bya ba la de gnyis kyi rten gyi 'byung ba rnams ni tha dad pa yin la/ me long gi gzugs kyi rten gyi 'byung ba rnams kyis gzung ba'i yul de na gzugs brnyan gyi gzugs kyi rten gyi 'byung ba rnams kyi go yod pa yang ma yin te/ thogs pa dang bcas pa'i phyir ro/ /de'i phyir de na rgyur byas pa'i gzugs gnyis lhan cig 'byung ba ni med do/ /de bzhin du phyogs gzhan na gnas pa rnams kyis zhes bya ba rgyas par 'byung ba la/ phyogs tha dad pa na gnas pa'i skyes bu gcig gis rgyab kyi shing ljon pa la sogs pa'i gzugs ji ltar yin pa de bzhin du gzhan gyi yang de kho na ltar yin no/ /de la gcig gis ni rang gi mdun rol gyi yul na gnas pa'i shing ljon pa la sogs pa'i gzugs kyi gzugs brnyan dmigs kyi/ rgyab na gnas

  36. 18b

    ba'i ma yin la/ gcig shos kyis kyang mtshe'u'i chu'i yul de nyid du de kho na ltar dmigs so/ /gal te de'i chu'i gzugs ltar gzugs brnyan gyi gzugs dag kyang yod na ni gzugs thun mong pa yin pas thams cad kyis chu'i gzugs ci'i phyir ma dmigs/ dmigs pa yang ma yin te/ de'i phyir 'di ni 'khrul pa tsam zhig yin gyi gzugs gzhan ni ma yin no/ /yang grib ma dang nyi ma gnyis kyang zhes bya ba sogs pa 'byung ba la gang gi tshe me long grib man 'dug cing bsgribs pa ma yin pa'i tshe der nyi ma'i gzugs brnyan snang la/ nyi ma la 'dug pa la grib ma snang na/ nyi ma dang grib ma dag ni lhan cig gnas par 'gal ba'i phyir ro/ /de yang der skye bzhin pa der dmigs pa ma yin te/ me long la gzugs bzhin no/ /gal te cung zad kyang med na/ 'o na de ji ltar snang zhe na/ de'i phyir gang de ltar snang ba de ni/ tshogs pa de'i mthu de 'dra ba yin te/ zhes bya ba smos te/ mthu dang nus pa dang/ nus mthu zhes bya ba ni don gcig go /ji ltar zhe na chos rnams kyi mthu zhes bya ba rgyas par 'byung ste/ ji ltar mig ser gyis mig nyams par byas pas thams cad du ser por mthong ba la/ rab rib can gyi zla ba gnyis su mthong ba dang/ ji ltar khab len kho nas lcags dag 'dren gyi gzhan gyis ma yin pa dang/ zla ba shar na chu shel kho na las chu 'byung gi /sol ba la sogs pa dag las ma yin pa de bzhin du/ gzugs gzhan med kyang mig dang me long gi ngos dang de'i bzhin gyi gzugs la brten nas de'i gzugs brnyan gyi rnam pa can gyi mig gi rnam par shes pa 'byung ba yin no/ /'di la 'ga' zhig na re/ gcig na lhan cig gnyis med phyir zhes bya ba la/ khyed cag rnams nyid kyis lan du byas pa tshogs ba'i mthu las de dang 'dra bar snang ba gang yin pa ni yul tha dad ba dag tu yang me long la gzugs brnyan gyi gzugs dag tha mi dad pa'i yul du mthong bar 'gyur ro/ /phra ba dang dro ba dang bsil ba'i reg bya

  37. 19a

    bzhin no/ /me long gi 'byung ba chen po rnams gzugs brnyan gyi 'byung ba chen po rnams las tha dad pa'i khyad par med de/ 'dus pa rnams par dang bcas pa'i phyir ro/ /gzugs brnyan gyi 'byung ba chen po rnams phra ba'i phyir kho bo cag kyang gzugs gcig la gnyis su mthong ba dang lhan cig mthong ba yin no zhes mi smra'o/ /de la gzugs brnyan rnams ni 'og tu zhugs pa la 'byung ste/ gang gi phyir rang gi yul du gzugs dang gzugs brnyan dag mi snang la/ yul gzhan du gzugs brnyan rnams kyang snang ba mthong ste/ phra ba'i sar gtogs pa'i phyir ro/ /de'i phyir gang zhig dma' bar gyur pa la gzugs dang gzugs brnyan rnams kyang snang ngo/ /gang bshad pa grib ma dang nyi ma dag kyang lhan cig 'byung ba ma mthong/ zhes bya ba la/ de ma mthong ba bden no/ /yang grib ma na 'dug pa'i me long gi ngos la zhes bya ba la sogs pa la de mi rigs te/ ci'i phyir zhe na/ gang na grib ma yod pa de na nyi ma med de/ nyi ma'i gzugs brnyan gyis bar chod pa'i phyir ro/ /gang na nyi ma'i gzugs brnyan yod pa de na grib ma med de/ nyi ma'i gzugs brnyan gyi bar du chos pa'i phyir ro/ /'di yang gang gi phyir bshad ce na/ phyogs gzhan nyid du me long gi ngos la zhes rgya cher 'byung ste/ 'di la khyed cag kho nas lan du byas pa tshogs pa'i mthu kho na las de 'dra bar snang ngo zhes bya'o gzhan dag na re/ nam mkha' i khams kyi gzugs brnyan gyi khyad par las yul tha dad pa'i gzugs brnyan yang smos so/ /gnyis ka las der gzugs brnyan skye ste/ nam mkha' i dbyings nas zla ba'i dkyil 'khor bzhin no zhes zer ro/ /chos mngon pa pa rnams ni/ gzugs brnyan zhes bya ba 'byung ba dang 'byung ba las gyur pa 'dus pa'i khyad par zhig yod pa nyid de zhes zer ro/ /gzugs brnyan gzhan bskyed pa'i rgyu yin pa'i phyir gzugs brnyan gyi rgyu

  38. 19b

    bzhin no/ /gzhan yang rdzas kyi mtshan nyid du yod par rigs pa'i phyir rnam par shes pa'i yul du gyur pa'i mtshan nyid yod pa zhes grag go /nam zhig nye bar dmigs pa na de las gzhan pa'i 'dus byas bzhin 'di yod pa nyid du grub ste/ rnam par mi rtog pa'i ye shes kyi yul yin pa'i phyir ro/ /gang gi phyir rnam par shes pa'i tshogs lnga'i yul du gyur pa de yod pas rab tu grub pas mig gi rnam par shes pa la yang 'di yul du 'gyur bas yod pa de gzugs gzhan la sgrib par byed pa'i phyir ro/ /gzugs gzhan ni gzugs brnyan la sgrib par byed de/ /rang gi yul du gzhan bskyed pa'i gegs byed pa'i phyir ro/ /gal te gcig ma yin yang rang gi yul ma yin par mang po skye pa mthong bas bsgrib pa ma grub po zhe na nyi ma'i bya ba'i gzugs bzhin yul tha dad pa rnams su 'di yul ma yin pa'i mngon pa'i nga rgyal gyis me long la yang de ltar ma dmigs so/ /me long gcig nyi tshe la gzugs brnyan gnyis skye ba med do/ /gzhan du na dngos po rnams mtshungs par skye ba'i phyir ro/ /gang gi phyir rten cing 'brel par 'byung ba rnam par shes la rnams dang myur ba la sogs pa rnams yod pa nyid du grub pas 'di yang rten cing 'brel par 'byung ba nyid du blta'o/ /gzugs brnyan grub kyang srid pa bar ma la sogs pa rnams kyi gzugs chad nas skye ba la 'di dper nus pa ma yin te/ gzugs brnyan dang 'brel pa las skye pa khas blangs pa'i phyir ro/ /bar du mig dang snang ba dang/ bzhin la sogs pa'i rgyu las bar chad med par gzugs brnyan skye bar 'gyur te/ dbu ba bzhin kha dog gi rten la gnas pa nyid du mthong ngo/ /rtsig pa la sogs pa dang nye ba las zla ba'i 'od la sogs pa mthong ba bzhin no/ /yang gzugs dang 'brel pa nyid las gzugs brnyan skye'o/ /zhes bya ba 'di ji ltar shes par bya zhe na/ bsgribs pa rnams la mi skye'o/ /gal te zla ba la sogs pa la gegs byed pa med na chu la sogs pa la gzugs brnyan

  39. 20a

    skye bar 'gyur ro/ /bsgribs pa rnams la yang skye bar 'gyur ro/ /srid pa bar ma do med pa dang yul med par phung po 'gags pa yul gzhan du skye ba lta bu 'gro ba'i rnam pa blo h+ra sa la sogs pa'i rjes su byed pa'i phyir ro/ /de'i phyir ma chad par gzugs brnyan skye'o zhes bya ba 'di srid pa bar ma'i dpe ma yin no/ /byA g+ha tA yA sam+bart+ta te zhes bya ba de lta bu la sogs pa mang du bshad te/ 'di yang gzhung mangs pa yongs su spang ba'i phyir rnam par me dpyad do/ /'dir rnam par bshad pa ni gang dag la dogs pa yod pa rang nyid kyis khas blangs te so sor bsgrub par byas so/ /rgyun min phyir zhes bya ba rgyas par 'byung ba la gal te gzugs brnyan gzugs kyi rgyun gyi khongs su gtogs pa yin na ni me long gi rgyud dang ma 'brel par gzugs dang 'brel pa kho nar 'byung bar 'gyur te/ gzhan gyi rgyud du gtogs pa ni gzhan gyi rgyu dang 'brel te/ 'byung bar mi rigs so/ /lhan cig 'byung ba'i phyir yang gzugs brnyan gzugs kyi rgyun ma yin te/ gang zhig gang gi rgyun yin pa de ni lhan cig 'byung bar ma mthong ste/ dper na sa bon dang myu gu bzhin no/ /ji ltar 'chi ba'i srid pa'i rgyun skye ba'i srid pa lta bur te/ de gnyis ni lhan cig 'byung ba ma yin no/ /rgyun la zhes bya ba rgyas par 'byung ba la/ rgyun gyis 'jug pa'i 'bru dper brjod pa la gzugs brnyan rgyun du gyur pa ma yin pas phyir bzlog pas dpe mi 'dra ba yin no/ /gzugs brnyan gyis gtso bo'i rgyu gang yin pa ni me long la sogs pa ste/ de'i rjes su byed pa'i phyir ro/ /'di ltar gal te ral gri bsags kar bsnyal te 'dug pa yin na ni gzugs brnyan yang bsags kar ring bar snang la/ gal te gyen la 'greng ste 'dug pa yin na ni gzugs brnyan yang de ltar snang ngo/ /rgyu

  40. 20b

    gnyis pa gtso bo ma yin pa khu chu dang khrag la sogs pa yod do/ /zhe na de'i phyir gtso bo'i rgyu gang yang rung ba zhig dang zhes bya ba smos so/ /ci ste yang khu chu dang khrag la sogs pa kho na gtso bo yin te/ de la brten nas skye ba'i srid pa 'grub pa'i phyir ro/ /zhe na de'i phyir phyi'i khu chu dang khrag la sogs pa zhes bya ba la sogs pa smos so/ /gzhan dag na re mi 'dra'i phyir na dpe ma yin zhes bya ba rgyu'i rjes su byed pas gzugs brnyan 'jig par 'gyur gyi 'chi kha ma'i phung po 'gags pas skye ba'i char gtogs pa'i phung po med pa 'gyur ba ma yin te/ de lta ma yin na sems can gyi rgyud rgyun chad par thal bar 'gyur ro/ /gzugs brnyan gzugs dang 'dra bar 'byung na/ skye ba'i srid pa ni de ltar 'chi ba'i srid pa las 'byung ba yang ma yin no/ /gzhan du na ba lang la sogs pa shi na ba lang la sogs pa dag kho nar skye bar thal bar 'gyur ro/ /rgyu la brten pa'i dbang gis gzugs brnyan 'byung ba rgyu me long gcig las kyang khyim la sogs pa'i gzugs brnyan du ma 'byung la/ phung po'i rgyun gcig las gcig car phung po mang po'i rgyun mi 'byung bas dpe 'dra ba yod pa ma yin no/ /zhes zer ro/ /mgur nas gsungs phyir zhes bya ba ni nyid kyis gsung gis gsungs pa'i phyir ro zhes bya ba'i don to/ /mdo 'di de dag ni 'don to/ /zhes bya ba la sogs pa la srid pa bar ma la sogs skur pa 'debs pa'i sde pa gzhan dag gis sde pa gzhan la grangs kyang/ sdud pa'i bzhi po nyams pas lhag par sgro btags par dogs pas tshad mar mi byed de/ de dag gi lung gi khongs su ma 'dus pa'i phyir ro/ /gnas gsum zhes bya ba ni rgyu gsum mo/ /bu chad pa ni 'byung ba'o/ /ma rung zhing zhes bya ba ni bu 'dzin par nus pa'o/ /zla mtshan dang ldan pa zhes bya bas ni bu 'dzin par rung yang zla mtshan la ltos so/ /zhes ston to/ /zla mtshan dang ldan yang gal te bu 'dzin pa'i nus pa nyams pa med pa yin na te/ 'di ni

  41. 21a

    gnas dang po'o/ /pha dang ma chags par gyur cing phrad pa dang zhes bya ba la/ chags par gyur la ma phrad pa dang/ phrad par gyur la ma chags pa yang yod pas gnyis ga smos te/ 'di ni gnas gnyis pa'o/ /dri za nye bar gnas par gyur na'o zhes bya ba 'di ni gnas gsum pa'o/ /dri za nye bar gnas par gyur na'o/ /zhes bya ba 'di yang de dag mi 'don pa de dag gi lung dag las de skad du mi 'don pa'i phyir ro/ /'o na ji ltar de dag 'don zhe na/ phung po zhig pa nye bar gnas par gyur na'o// zhes 'dod de/ 'dir phung po zhig pa ni 'chi ba'i srid pa'o/ /gal te de ltar na rta len gyi bu'i mdo zhes bya ba rgyas par 'byung ba la/ phung po zhig pa ni 'gro ba dang 'ong ba dang bram ze la sogs pa'i ngo bor mi 'thad do/ /kha cig na re bar ma ngo zhes bya ba'i lha dag cig yod de/ gang zhig de dag tu yongs su mya ngan las 'da' ba de ni bar ma dor yongs su mya ngan las 'da' ba' o/ /zhes zer ro/ /de lta na skyes pa zhes bya ba la sogs pa la yang zhes bya ba rgyas par 'byung ba ste/ de la gang zhig skyes pa'i lha dag tu yongs su mya ngan las 'da' ba de ni skyes nas yongs su mya ngan las 'da' bar 'gyur ro/ /mngon par 'du byed pa med par yongs su mya ngan las 'das pa dang/ mngon par 'du byed pa dang bcas par yongs su mya ngan las 'da' ba yang de dang 'dra bar brjod par bya'o/ /de lta ma yin te/ gal te skye ba la sogs pa'i lha dag khas mi len na ni bar mdor yongs su mya ngan las 'da' bar mi 'grub po/ /de yang bar ma de'i lha ngag tu skyes te/ skyes nas yongs su mya ngan las 'da' ba dang mngon par 'du byed pa med par yongs su mya ngan las 'da' bar yang 'gyur ro/ /gzhan dag na re 'dod pa dang gzugs kyi khams dag gi bar du yongs su mya ngan las 'das pas bar ma do yongs su mya ngan las 'da' ba ste/

  42. 21b

    des na srid pa bar ma med par khams gnyis su ma skyes pa'i sems can med pas srid pa bar ma grub pa nyid do/ /zhes zer ro/ /'gro mdo zhes bya ba ni mnyan du yod par te/ de nas bcom ldan 'das kyis dge slong rnams la bka' stsal pa/ dge slong dag pas skyes bu dam pa'i 'gro ba bdun dang/ len pa med pa'i yongs su mya ngan las 'da' ba bstan par bya yis zhes skyes bu dam pa'i 'gro ba'i mdo rgyas par gsungs so/ /mdo de las ni phyir mi 'ong pa lnga las bar ma dor yongs su mya ngan las 'da' ba/ zhogs ma la sogs pa'i dpe gsum gyi sgo nas rnam pa gsum du mdzad nas skyes bu dam pa'i 'gro ba bdun du gsungs so/ /dus dang yul gyi khyad par gyi bye brag gis zhes bya ba ni go rim bzhin du dus kyis khyad par gyi bye brag dang yul gyi khyad par gyi bye brag gis so/ /ji ltar zhe na mngon par grub pa bzhin du zhes bya ba ni dus so/ /gnam du yar ba bzhin du zhes bya ba dang/ sa la ma lhung ba nyid du zhes bya ba ni yul lo/ /bar ma do zhes bya ba'i lha ni zhes bya ba rgyas par 'byung ste/ de dag tu skye bzhin pa gang yod pa ma yin pa ni bden pa nyid de/ yongs su mya ngan las 'das par de'i dbang du byas nas dang po blta'o/ /de las gang dus phyi ma'i dbang du byas nas gnyis pa'o/ /de las kyang gang gzhan pa'i dbang du byas nas gsum pa'o/ /dus kyi bye brag gi khyad par shes par bya ba'i phyir 'di dper brjod pa yin no/ /yul gyi bye brag gi khyad par las kyang nus par rung ste/ kha cig skye ba'i yul nyid du yongs su mya ngan las 'da' bar byed do/ /kha cig yul gzhan du song nas so/ /kha cig de nas kyang song nas so/ /de bzhin du skyes nas yongs su mya ngan 'da' bar ma dor yongs su mya ngan las 'da' ba las phul du byung ba 'ga' yang yod pa ma yin pas/ de tha dad du bstan pa don med pa nyid do/ /tshe'i tshad kyi bar du 'am zhes bya ba la tshe'i tshad kyi snga rol tu ste/ tshe yongs su ma rdzogs pa kho nar zhes bya ba'i don to/ /lha dang

  43. 22a

    nye ba'i bar du zhes bya ba la/ lha rnams kyi drung ni lha dang nye ba ste/ de'i bar ni lha dang nye ba'i bar ro/ /bshad pa 'di la lcags kyi tsha tsha la sogs pa'i dpe rnam pa gsum ji ltar rung zhe na/ de'i phyir khams kyi gnas skabs pa 'am/ zhes bya ba rgyas par smras so/ /skyes pa tsam gyis nyon mongs pa'i sa bon gyi gnas skabs kho nar lam mngon du gyur pa las yongs su mya ngan las 'da' ba ste/ 'di ni dbang po rnon po yin no zhes grag go /'du shes kyi gnas skabs pa 'am zhes bya ba ni yul gyi 'du shes kun tu spyod pa'i gnas skabs su'o/ /gzhan dag na re nyon mongs pa skyes pa yongs su gcod par byed pa gang yin pa de 'du shes kyi gnas skabs yin no zhes zer ro te/ 'di ni dbang po 'bring po'o/ /rnam par rtog pa'i gnas skabs pa zhes bya ba ni de'i sa pa'i nyon mongs pa'i rnam par rtog pa kun tu spyod pa'i gnas skabs su'o/ /gzhan dag na re rnam par rtog pa ni dpyad pa yin pa'i phyir shes rab kun tu spyod pa'i gnas skabs su yin no/ /'dir rnam par rtog pa ni sems cing pa la mi 'dod de/ de ni bsam gtan dang po'i sa pa yin pa'i phyir gnyis pa la sogs pa dag na bar du mya ngan las 'da' bar mi 'gyur ro/ /'di ni dbang po brtul po yin no/ /yang na dang po ni gzugs kyi khams su zhes bya ba la/ 'di la dpe ni dper na zhogs ma'i me chung ngu zhes bya ba la sogs pa'o/ /gnyis pa ni lha rnams kyi 'byor pa zhes bya ba la/ 'di la yang dpe ni dper na lcags kyi tsha tsha gnam du yar ba bzhin du zhes bya ba rgyas par 'byung ba'o/ /gsum pa ni lha rnams kyi chos yang dag par 'gro ba'i zhes bya ba la 'dir yang dpe ni dper na lcags kyi tsha tsha gnam du yar nas zhes bya ba la sogs pa ste/ des na dpe gsum gyi sgo nas rnam pa gsum yin te/ de lta na yang bar ma do dang skyes nas yongs su mya ngan las 'da' ba

  44. 22b

    dag las khyad par mi mngon pas khyad par bstan pa'i phyir skyes nas yongs su mya ngan las 'da' ba ni zhes bya ba rgyas par smras so/ /tshe phal cher bcom nas zhes bya ba ni tshe phal cher phyir nas so/ /de dag thams cad kyang zhogs ma la sogs pa'i dpe dag dang mi 'byor ro/ /khams su gtogs pa dang po ni dpe dang po ni dpe dang po dang ma 'brel la/ 'du shes su gtogs pa dang rnam par shes par gtogs pa yang gnyis pa dang gsum pa dag dang zhogs ma la sogs pa'i dpe dag dang ma 'brel lo/ /gang dag gzugs kyi khams su ris mthun pa yongs su gzung nas yongs su mya ngan 'da' ba de yang zhogs ma'i dpe dang ma 'grel lo/ /lha gang dag 'byor pa nyams su myong nas lha rnams dang chos yang dag par 'gro ba rjes su zhugs te/ mya ngan las 'da' ba ste lcags kyi tsha tsha la sogs pa'i dpe dang 'brel pa med do/ /de nyid la rgyu smos pa ni yul du 'gro ba'i bye brag med pa'i phyir zhes bya ba 'byung ste/ yul du 'gro ba'i bye brag med pa'i phyir ro/ /de ji ltar med ce na/ yul de nyid du yongs su mya ngan 'da' ba' i phyir ro/ /yang na yul gyi bye brag med pa'i phyir dang 'gro ba'i bye brag med pa'i phyir zhes re re la bye brag med pa'i phyir zhes re re la bye brag med pa'i sgra sbyar ro/ /bsam gtan dag gis bcu tshan bzhi ste zhes bya ba la bsam gtan re re las gang zag bcu bcu dbang du byas pa'i phyir ro/ /gzugs med dag gis bdun tshan gsum zhes bya ba la/ bar ma dor yongs su mya ngan las 'da' ba dang skye ba gnyis ma gtogs pa ste/ gzugs med pa'i srid pa bar ma mi srid do/ /'du shes kyis ni drug tshan du zhes bya ba la/ 'di la ni gong du 'pho ba yang med de/ sa gzhan med pa'i phyir ro/ /de'i phyir 'di dag thams cad rtog pa tsam du zad de/ yang gi sgra las gzugs brnyan 'ba' zhig tu ma zad do/ /gleng gzhi mnyan du yod ba na ste/ 'di na dge slong rnams gang dag dang rtags gang dag dang/ mtshan ma gang dag gis 'dod pa dag

  45. 23a

    las dben pa sdig to/ /mi dge pa'i chos rnams las dben pa rtog pa dang bcas zhing dpyod pa bcas pa dben pa las skyes pa'i dga' ba dang bde ba can bsam gtan dang po nye bar bsgrubs nas gnas so/ /de rnam pa de dag dang rtags de dag yid la mi byed kyi 'on kyang de gzugs kyi rnam pa 'am/ tshor ba'i rnam pa 'am/ 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa gang zhig de nye bar dmigs pa'i chos de dag nang du yid la byed/ 'bras dang zug rngu dang/ sdig pa dang/ mi rtag pa dang/ sdug bsngal ba dang/ stong pa dang/ bdag med par yid la byed de chos de dag la yid byung zhing skrag ste phyir bzlog par byed de chos de dag la skyo zhig skrag ste phyir bzlog nas 'di ni zhi ba'o/ /'di ni gya nom pa ste/ 'di lta ste/ phung po thams cad nges par spangs pa/ sred pa zad pa 'dod chags dang bral ba 'gog pa/ mya ngan las 'das pa'o/ /zhes 'chi ba med pa'i dbyings la sems gtong bar byed do/ /mdo de nyid gsungs nas khyad par ni 'di yin te/ de ltar shes shing de ltar mthong ba de 'dod pa'i zag pa las sems rnam par grol srid pa'i zag pa dang ma rig pa'i zag pa las sems rnam par grol/ grol nas kyang bdag rnam par grol lo/ /bdag gi skye ba zad do/ /tshangs par spyod pa spyad do/ /bya ba byas so/ /'di las srid pa gzhan mi shes so snyam du ye shes mthong ba 'byung ngo/ /mdo de nyid gsungs nas khyad par ni 'di yin te/ de 'dir rnam par mi grol gyi chos la 'dud pa de nyid dang/ chos la chags pa de nyid dang chos la dga' ba de nyid dang/ chos la mngon par dga' ba de nyid kyis bar ma dor rnam par grol bar 'gyur ro// mdo de nyid gsungs nas de bar ma dor yongs su mya ngan las 'da' bar mi 'gyur gyi/ 'on kyang skyes nas yongs su mya ngan las 'da' bar 'gyur ro/ /de skyes nas yongs su mya ngan las 'da' bar mi 'gyur gyi/ 'on kyang mngon par 'du byed pa dang bcas par

  46. 23b

    yongs su mya ngan las 'da' bar 'gyur ro/ /de mngon par 'du byed pa dang bcas par yongs su mya ngan las 'da' bar mi 'gyur gyi/ 'on kyang mngon par 'du byed pa med par yongs su mya ngan las 'da' bar 'gyur ro/ /de mngon par 'du byed pa med pas yongs su mya ngan las 'da' bar mi 'gyur gyi/ 'on kyang gong du 'pho bar 'gyur/ de gong du 'pho bar mi 'gyur gyi/ 'on kyang chos la mdun pa de nyid dang/ chos la chags pa de nyid dang/ chos la dga' ba de nyid dang/ chos la mngon par dga' ba de nyid kyis tshangs chen gyi lha rnams dang skal ba mnyam par skye bar 'gyur ro/ /de tshangs chen gyi lha rnams dang skal ba mnyam par skye ba ma yin gyi/ chos la 'dun pa de nyid dang/ chos la chags pa de nyid dang/ chos la dga' ba de nyid dang/ chos la mngon par dga' ba de nyid kyi tshangs pa'i mdun na 'don gyi lnga rnams dang skal ba mnyam par skye bar 'gyur ro/ /de tshangs pa'i mdun na 'don gyi lha rnams su skye bar mi 'gyur gyi chos la 'dun pa de nyid dang/ chos la chags pa de nyid dang/ chos la dga' ba de nyid dang/ chos la mngon par dga' ba de nyid kyis tshangs ris kyi lha rnams dang skal ba mnyam par skye bar 'gyur ro/ /de ltar na re zhig bsam gtan dang po la mdo bcu'o/ /'di na dge slong rnam pa gang dag dang rtags gang dag dang mtshan ma gang dag gis rtogs pa dang dpyod pa dang bral zhing nad yongs su dang ste/ sems kyi rgyur gcig pur gyur pas rtog pa med pa dang/ dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas pa zhes bya ste/ lhag ma snga ma bzhin no/ /skye ba la ni 'od gsal ba rnams dang skal ba mnyam par skye'o/ /de nas tshad med 'od pa rnams dang ngo/ /de nas 'od chung rnams dang ngo/ /de ltar na 'di dag ni bsam gtan gnyis pa'i mdo bcu'o/ /'di na dge slong rnam pa gang dag dang zhes bya ba thams cad brjod nas dga' ba'i 'dod chags dang bral

  47. 24a

    pas btang snyoms la gnas shing dran pa dang shes bzhin can yin te/ bde ba lus kyi myong ba la 'phags pa rnams kyis gang de dran pa la gnas pa bde ba la gnas pa btang snyoms pa'o zhes brjod pa ste/ bsam gtan gsum rdzogs par byas te gnas so/ /lhag ma snga ma bzhin no/ /skye ba la ni dge rgyas pa rnams dang skal ba mnyam par ro/ /de nas tshad med dge rnams dang/ de nas dge chung rnams su ste/ de dag ni bsam gtan gsum pa'i mdo bcu'o/ /'di na dge slong rnam pa gang dag dang/ zhes bya ba thams cad brjod nas bde ba yang spangs shing snga nas sdug bsngal yang spangs shing/ yid bde ba dang yid mi bde ba yang nub pas bde ba yang ma yin sdug bsngal yang ma yin pa btang snyoms dang dran pa yongs su dag pas bsam gtan bzhi pa rdzogs par byas te/ gnas so/ /'dir yang lhag ma snga ma bzhin te/ skye ba la ni 'bras bu che ba rnams dang skal ba mnyam par skye'o/ /de nas bsod nams skyes rnams dang/ de nas sprin med rnams dang ngo/ /'di dag ni bsam gtan bzhi pa'i mdo bcu ste/ de dag ni bsam gtan dag gis bcu tshan bzhi rnams so/ /'di na dge slong rnam pa gang dag dang rtags gang dag dang mtshan ma gang dag gis rnam pa thams cad du gzugs kyi 'du shes las 'das te/ thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mdza' yas so snyam nas nam mkha' mdza' yas skye mched rdzogs par byas te/ gnas so/ /de rnam pa de dag dang rtags de dag dang mtshan ma de dag yid la mi byed kyi/ 'on kyang de na dmigs pa'i tshor ba'i rnam pa 'am 'du shes kyi rnam pa 'am/ 'du byed kyi rnam pa 'am/ rnam par shes pa'i rnam pa'i chos de dag la nang du yid la byed cing zhes bya ba nas btsams te/ phung po thams cad nges par spangs pa

  48. 24b

    pa sred pa zad pa 'dod chags dang bral ba/ 'gog pa mya ngan las 'das pa'o zhes bya ba nam mkha' mdza' yas skye mched kyi mdun tshan gyi mdo dang po'o/ /mdo 'di nyid brjod nas gnyis pa la ni 'di khyad par ro/ /de nyid shes pa kho nas mthong ngo zhes bya ba nas btsams te ji srid srid pa 'di las gzhan mi shes so zhes pa'i bar ro/ /gsum pa la ni 'di khyad par te/ de rnam par mi 'grol gyi zhes rgya tshar bshad nas/ 'on kyang skyes nas yongs su mya ngan las 'da' bar 'gyur ro/ /bzhi pa ni mngon par 'du byed pa dang bcas pas yongs su mya ngan las 'da' bar 'gyur ro/ /lnga pa ni mngon par 'du byed med par yongs su mya ngan las 'da' bar 'gyur ro/ /drug pa ni gong du 'pho bar 'gyur ro/ /bdun pa ni de gong du 'pho bar mi 'gyur gyi 'on kyang chos la 'dun pa de nyid kyis bya ba la sogs pa nas ji srid nam mkha' mdza' yas skye mched du nye bar 'gro ba'i lha rnams dang skal ba mnyam par skye'o zhes pa'i bar ro/ /'di na rnam pa gang dag dang rtags gang dag dang zhes rgya cher sbyar te rnam pa thams cad du nam mkha' mdza' yas skye mched las yang dag par 'das nas rnam par shes pa mdza' yas so snyam nas rnam shes mdza' yas skye mched nye bar bsgrubs te gnas so/ /de bzhin du rnam shes mdza' yas skye mched las yang dag par 'das te/ cung zad med do snyam nas ci yang med pa'i skye mched rdzogs par byas te gnas so/ /'di dag kyang rnam shes dang ci yang med pa'i skye mched dag gi mdo bdun bdun rnams su ji skad bshad pa'i tshul gyis rig par bya'o/ /lhag ma rnams brjod de rnam pa thams cad du ci yang med pa'i skye mched las yang dag par 'das te 'du shes med 'du shes med min skye mched rdzogs par byas te gnas so zhes bya ba 'dir yang mdo drug go /gzugs med pa rnams su de dag skyo ba'i g.yo ba las dang/ de srid

  49. 25a

    pa las srid pa'i rtse mo las gong du 'gro ba la bdun tshan gsum mo/ /'du shes kyis ni drug tshan du bya'o/ /gal te tshe'i tshad kyi bar du yongs su mya ngan las 'da' bas bar ma dor yongs su mya ngan las 'da' ba yin na ni/ de lta na 'phags pa shA ri'i bu la sogs pa rnams kyang bar ma dor yongs su mya ngan las 'da' bar nyid du thal bar 'gyur ro/ /sems can rnams ni byang chub sems dpa' srid pa tha ma pa dang byang gi sgra mi snyan pa ma gtogs phal cher tshe yongs su ma zad par dus byed do/ /de nyid kyi phyir de dag la ni lung las kyang zhes bya ba smos te kyang zhes bya ba'i sgras ni rigs pa las kyang ngo/ /rang gi lus kho nas zhes bya ba rgyas par 'byung ste/ gal te srid pa bar mdo yod na ni de rang gi lus kho nas mnar med par ltung ba mi rigs te/ de'i rang gi lus ni sngar gyi lus yin pa'i phyir ro/ /de lta ma yin na ni/ gang las de kho na rang gi lus kyis yin par 'gyur ba de la gzhan dag pas khyad ci yod ce na/ khyad par yod de/ de ni gson po kho nar dmyal ba'i me dag gis bskor ro/ /zhes shes par bya ba'i phyir/ rang gi lus kho nas zhes gsungs te/ sngar gyi lus kho nas dmyal bar 'gro ba mi rigs so/ /las shin tu drag po rdzogs pa rnams ni zhes bya ba la sogs pa la 'jug pa snyed pa'i phyir shin tu drag po rnams so/ /rnam par smin par nges pa'i phyir yongs su rdzogs pa rnams so/ /che ba'i phyir shin tu drag po rnams so/ /bsags pa'i phyir yongs su rdzogs pa rnams so/ /gson po kho nar dmyal ba'i me dag gis bskor ba de'i phyir 'di'i mthong ba'i chos la myong bar 'gyur ba'i las ni dang por smin pa yin no/ /'di da ni ji ltar drang zhes bya ba ni srid pa bar ma yod na snyam du bsams pa'o/ /'di de ma thag tu skye'o zhes bya ba ni lus

  50. 25b

    kyis bar mchod par dmyal bar skye'o/ /srid pa bar ma skye ba nyid yin par zhes bya ba rgyas par 'byung ba la/ ris mthun par nye bar 'gro ba ni skye ba yin la/ de la mngon du phyogs pa ni srid pa bar ma yin pas/ 'chi ba'i mjug thogs su srid pa bar ma kho nas dmyal ba dag tu skye ba yin gyi skyes pa ma yin no/ /gal te de ma thag tu dmyal ba dag tu skyes pa yin no zhes smras na ni srid pa bar ma med par 'gyur ba zhig go /bram ze na tshod khyer zin zhes bya ba la sogs pa 'byung ba la/ 'chi ba'i dud du 'di'i na tshod khyer zin pas na na tshod khyer zin pa'o/ /'di ni 'dir srid pa bar ma med pa'i khungs yin no/ /'di la khyod kyis thal ma thag tu srid pa bar ma yod par ji skad smras pa 'di ni dgongs pa yin gyi/ srid pa bar ma med do zhes kho bo cag gis 'debs pa ni dgongs pa ma yin no/ / zhes bya ba 'di ga las shes na/ slob dpon gyis brtag pa 'di khyod la yang mtshungs te/ zhes bya ba smos te/ dri ba 'dri zhes bya ba'i don to/ /'di la khyod kyis srid pa bar ma med do zhes de skad du smras pa 'od ni dgongs pa yin gyi kho bo cag gis srid pa bar ma yod do/ /zhes ji skad smras pa 'di ni dgongs pa ma yin no/ /zhes bya ba 'di go ga las/ de lta bas na gnyis ka'i phyogs la yang zhes bya ba rgyas par 'byung ba la/ srid pa bar ma yod do/ /srid pa bar ma med do/ /zhes bya ba gnyis ka'i phyogs la yang khyod dang yang ji skad bshad pa'i mdo mi 'gal ba'i phyir ro/ /'di ni zhes bya ba rgyas par 'byung la/ shes par byed pa gzhan du shes par mi byed pa yin no/ /zhes bya ba ni khungs kyi don shes par byed pa gang la gzhan du shes par byed pa med pa'o/ /'di skad bstan par 'gyur te/ tshigs su bcad pa 'am mdo gang gi don rnam pa gzhan du bkri bar mi nus pa de ni khungs yin la/ gang gi don rnam pa gzhan du yang yin par mi 'gal ba des ni brjod mkhan nyid sel bar byed pa yin no/ /yang bye brag tu smra ba rnams kyi srid pa

  51. 26a

    bar ma med do zhes bya ba gang yin pa 'di ni rgyu dang 'bras bu la kun tu rmongs pa sngon du 'gro ba'i log par lta ba'o/ /'di ni gang mdo de dang de las sems can rdzus te skye ba med do zhes gsungs pa bzhin no/ /yang 'gro ba gang du 'gro bar 'gyur ba'i zhes bya ba rgya cher 'byung ba la/ skye ba'i srid pa'i the tshom 'di yang gang las yin/ las kyi 'bras bu gcig dang du ma nyid las na mdo dang 'gal lo/ /gang la gang zag mngon par grub pa'i kun tu sbyor ba ma spangs pa dang skye ba'i kun tu sbyor ba spangs pa dang skye ba'i kun tu sbyor ba spangs pa yod ces rgyas par te/ nyon mongs pa'i kun slong du gyur pa'i las rnams nyon mongs pa bzhin te/ tha dad par 'gyur ro/ /las tha dad pa'i phyir 'di mi 'dod de/ sngon dus srid pa'i sha tshugs zhes par bya'o/ /yang 'di las gcig gi 'bras bu snga ma dang phyi ma de'i 'bras bu skyed pa'i nges pa ci zhig byas/ mthong ba'i chos kyi 'bras bu la sogs pa'i las bsdus pa'i phyir/ /'di myong bar nges pa nyid du thal bar 'gyur ro/ /nag po'i las byed pa'i mi la sogs pa rnams dbyibs tha dad pa la mi brten par mthong ngo/ /de nas las kyi dbye ba las 'dir dpyad pa 'di 'byung ste/ ci dmyal ba la sogs par 'gro ba thams cad kyi srid pa bar ma'i sha tshugs gcig mngon par 'grub pa 'on te/ sha tshugs tha dad pa zhig 'byung zhes rnam par bcad pa ste/ de'i phyir de ni 'phen pa gcig pa'i phyir zhes bya ba rgyas par smos so/ /las ni rnam pa gnyis te/ 'phen par byed pa dang/ yongs su rdzogs par byed pa'o/ /de la de dag gi yongs su rdzogs par byed pa ni du ma yin gyi/ 'phen par byed pa ni gcig yin te/ de'i phyir de ni 'phen pa gcig pa'i phyir/ sngon dus srid 'byung sha tshugs can zhes bya ba smos so/ /'di la dus snga ma'i srid pa 'byung bar 'gyur ba'i sha tshugs lta bu yod pas na sngon dus srid 'byung sha tshugs can te/ rgya'i 'byur? bzhin

  52. 26b

    no/ /sngon gyi dus smos pa ni 'chi ba'i srid pa dang/ skye ba'i srid pa las kyang khyad par du bya ba'i phyir ro/ /mngal na gnas pa rnams kho na 'chi na 'gro ba lnga pa'i srid pa bar ma mngon par 'grub po/ /lhag pa dag na 'phyin ba zhes bya ba la/ lhag pa ni me? ma mur la sogs pa rnams so/ /gzhan dag ni dmyal ba'i me ni nyes pa byas pa dag kho na las 'byung ba'i phyir skyon 'di med do/ /ma bsags shing las kyi 'bras bu thob pa dmyal ba'i mes mi tshig go /zhes bya ba ni nges pa yin no/ /zhes zer ro/ /gang gi phyir gzhon nu thor bu lta bu mtshan dang dpe byad dang bcas pa ma'i mngal du 'jug pa'i phyir des dzam+bu'i gling bye ba phrag brgya snang bar mdzad de/ lhan cig skyes pa'i 'od yongs su rdzogs pa'i phyir ro/ /bye ba phrag brgya zhes bya ba ni stong gsum gyi stong chen po'i 'jig rten gyi khams so/ /gzhan dag na re sngon dus kyi tshe srid pa thams cad kyang gzhon nu thor bu'i dbyibs dang bong tshod de nyid do zhes zer ro/ /de ni mtshan ma tsam du zad de/ zhes bya ba 'byung ste/ mtshan mkhan rnams lung ston pa dang rjes su mthun par zad do/ /dud 'gro'i skye nas bzlog nas yun ring du lon pa'i phyir zhes bya ba ni bskal pa brgya lus pa nas log pa yin no/ /dper na rgyal po kri kIs zhes bya ba la/ ji ltar rgyal po kri kIs 'byung bar 'gyur ba'i don gyi mtshan ma tsam du rmi lam bcu mthong ba lta bu'o/ /rgyal po kri kIs nub gcig la rmi lam bcu rmis par grag ste/ 'di lta ste glang po che skar khung nas byung nas 'jug ma la 'thogs pa dang/ khron pa chu shin tu dang zhing zhim la ma rnyog shing ma g.yogs pa zhig ma 'thungs pa kho nar skams pa dang/ tsan dan go shIrSha dang/ e raN+Da'i bud shing brje ba dang/ mu tig bre gang phye gang du 'tshod pa dang/ skye bo'i tshogs chen pos spre'u dbang bskur ba dang/ skyes bu mi gtsang bas gos pa zhig gzhan dag la yang bsgo ba dang/ glang po che'i phru gus glang po che chen po zil gyis gnon pa dang/ lha'i

  53. 27a

    tshal nas me tog la sogs pa khyer ba dang/ dga' ston chen po dor ba dang/ skyes bu bco brgyad kyis ras yug gcig drangs kyang mi 'dral bar mthong la/ mthong nas kyang skrag ste/ yang dag par rdzogs pa'i sangs rgyas 'od srungs la gsol ba dang/ bcom ldan 'das des dbugs 'byin par mdzad cing bka' stsal pa/ rgyal po chen po ma 'jigs shig 'di dag khyod kyis 'chi ltas ston par byed pa ni ma yin te/ 'o na ci zhe na/ ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba zhig 'byung ste/ de'i gsung rab nyams par 'gyur ba'i mtshan mar gyur pa zhig go /dper na ji ltar zhe na/ de'i nyan thos chen po longs spyod spangs shing rab tu byung nas slong mo gzar bu gang byin pa tsam gyis rnyed pa dang bkur sti la ltos pa skyed de/ glang po che skar khung la mjug ma thogs pa ltar tshul ma yin pas nyon mongs par 'gyur zhing legs pa'i don la mi rtsol bar 'gyur/ khron pa chu ma 'thungs par skams pa ltar chos smra ba chos ston pa la 'gal yang nyan par mi 'gyur/ go shIrSha dang 'dra ba'i gtsug lag dang dam pa ma yin pa'i bstan bcos dag brje bar 'gyur/ zang zing gi phyir mu tig bre gang lta bu'i chos ston par 'gyur/ spre'u lta bu'i tshul khrims 'chal ba mdun gyis bdar bar 'gyur/ tshul khrims 'chal ba la brtsad pa dang mi gtsang bas gos pa ltar bdag kho nar ma zad do/ /zhes dad pa dang ldan pa gzhan dag la yang bskur bar 'gyur/ glang po che'i phru gu 'dra ba'i gsar bus glang po che chen po dang 'dra ba'i rgan po rnams la spyod par 'gyur/ dge 'dun nam mchod rten gyi me tog dang 'bras bu la sogs pa blangs te khyim pa dag la ster bar 'gyur/ dga' ston chen po dang 'dra ba'i so so thar pa'i mdo 'don

  54. 27b

    pa la/ 'dus nas rtsod pa smra bar 'gyur/ bstan pa rnams bco brgyad du 'gyes par 'gyur/ de dag kyang ras yug lta bu'i rnam par grol ba'i ras yug 'dren cing/ de gzhan nyid du yang mi 'gyur ro/ /srid pa bar ma ni lto brtol te 'jug pa ma yin gyi zhes bya ba la ci'i phyir zhe na/ las kyi lto bar 'dzin pa'i phyir skye gnas kyi sgo nas 'jug go /gzhan dag na re/ thogs pa med pa'i phyir gang 'dod pa nas 'jug go zhes zer ro/ /gzugs na spyod pa zhes bya ba rgyas par 'byung ngo/ /'og min na lus kyi tshad dpag tshad khri drug stong pa rnams dzam+bu'i gling du mngon par 'grub pa'i go skabs yod par mi 'gyur ro zhes na nam mkha' yangs pa'i phyir dang/ rten nor bu'i 'od la sogs pa'i snang ba dang 'dra bas 'gar yang thogs pa med pa'i phyir ro/ /byang chub sems dpa' i yang zhes bya ba la sogs la/ gzhan dag na re dge slong ma dkar mo kho na yin te/ dge 'dun la chos gos phul ba'i smon lam gyis ji srid de'i gdung la bkur sti bya ba'i phyir mchod rten bzhengs pa yang gos kyis dkris pa'i bar du gyur to/ /byang chub sems dpa' ni dge ba'i rtsa ba brtsams pa thams cad byang chub kho nar bsngos pa'i phyir/ de'i srid pa bar ma gos dang bcas pa ma yin no zhes zer ro/ /bye brag tu smra ba rnams ni byang chub sems dpa' i yang gos dang bcas pa yin te/ ngo tsha shes pa dang khre yod pa shas che ba'i phyir gzugs kyi khams kyi srid pa bar ma bzhin no zhes zer ro/ /yang srid pa snga ma zhes bya ba la sogs pa 'byung ngo/ /srid pa zhes bya ba ni zag pa dang bcas pa'i dngos po thams cad yin pas/ srid pa zhes bya ba ni bye brag med par nye bar len pa'i phung po lnga dag go /zhes bya ba smos te/ 'dir ni sems can zhes bya ba kho na gzung ngo/ /de ni rnam pa bzhir dbye ste zhes bya ba la/ de ni gcig kho na yin mod kyi skye ba dang/ gnas skabs kyi bye brag gis rnam pa bzhir dbye'o/ /gal te sems can gzugs can dag

  55. 28a

    gi nang du skye na zhes bya ba la gzugs can smos pa ni/ gzugs med pa rnams su srid pa bar ma med pa'i phyir ro/ /na tsai Sh+TaM? b+hA bA naM srid pa bar ma nyid sngon zhes bya ba de nyid dus snga ma'i srid par 'gyur ro zhe na mi 'gyur te/ srid pa bar ma med par skye ba la sogs pa'i srid pa rnams de'i 'bras bu ma yin pa'i phyir ro/ /de'i phyir gang gis gnas skabs las srid pa bar ma rnams srid pa bar ma la sogs pa rnams su skye ba 'byung ba de 'dir dus snga ma'i srid pa ste/ gang gi phyir skye ba gzhan la bltos pa de 'di'i gnas skabs la ste skye ba du ma'i gnas skabs gsum la bltos pa ma yin no/ /srid pa bar ma de yang lung dang rigs pa'i yul yin pa 'ba' zhig tu ma zad do/ 'o na ci zhe na ris mthun lha mi dag pas mthong/ ris mthun pas lta bar bya ba yin zhing/ lha mig dag pas blta bar bya ba yin no/ /ris mthun pa'i srid pa bar ma dag gis mthong ngo/ /zhes bya ba la dmyal ba'i srid pa bar ma ni dmyal ba'i srid pa bar ma kho nas mthong gi /gzhan gyi srid pa bar ma dag gis ni ma yin te/ gzhan dag la yang de dang 'dra bar brjod par bya'o/ /gang dag la lha'i mig rnam par dag pa mngon par shes pa las byung ba yod pa de dag gis kyang 'di mthong ngo/ /lha'i mig shin tu rnam par dag pa ni skyon bcu gcig dang bral ba ste/ skyon de dag kyang the tshom dang yid la mi byed pa dang/ lus kyi gnas ngan len dang/ rmugs pa dang/ gnyid dang/ rgod pa dang/ brtson 'grus brtsams drug pa dang/ sems ya ya po dang/ bag tsha ba dang/ 'du shes sna tshogs pa dang/ smra ba mangs pa dang/ ha cang bsgom drags pa rnams so/ /gzugs rnams su mngon par shes pa las byung ba ni mngon par shes pa'i rang bzhin te/ bsgoms pa'i 'bras bu zhes bya ba'i don to/ /lha'i mig skyes nas thob pas ni mi mthong ste/ ci'i phyir zhe na/ lha'i mig shin tu rnam par dag pas

  56. 28b

    mthong ngo zhes 'byung ba'i phyir ro/ /'dir gang lha'i mig skyes nas thob pas mi mthong ba'i rgyu ci zhe na/ shin tu dang ba'i phyir zhes bya ste/ skyes nas thob pa'i mig gi yul ma yin pa'i phyir zhes bya ba'i don to/ /gzhan dag na re lha'i srid pa bar ma pas thams cad mthong ngo/ /zhes bya ba ni de'i mig ni 'gro ba dang 'dra bar khyad par du 'phags pa'i phyir te/ gzhan la yang de bzhin du brjod par bya'o/ /dbang po kun tshang zhes bya ba la/ sngon gyi dus srid pa'i sha tshugs can yin yang/ rnam par smin pa'i snying po dang po yin pa'i phyir dang/ srid pa 'tshol ba yin pa'i phyir dbang po ma tshad ba med pa yin na/ /'gro ba gang dang/ khams dang gnas gang du skye bar 'gyur ba ni de las rnam pa thams cad du zlog tu med do/ /mi'i srid pa bar ma med par gyur nas zhes bya ba rgyas par 'byung ste/ khams dang gnas dag la yang de dang 'dra bar rig par bya'o/ /nges pa 'di zhes bya ba rgya cher 'byung ba la/ ci'i phyir 'gro ba'i srid pa bar ma las kyi 'phen par gcig kho na ce na/ myong bar nges pa'i las kyi 'phags pa de 'gro ba de dang phrad pa'i don du 'jug pa'i phyir ro/ /rgyun du zhugs pa la sogs pa rnams gnas dang sa 'phos pa las bar mi dor 'chi ba gang yin pa ni bzlog par 'gyur ro/ zhes bya ba rtsod pa'i tshig go /'dod chags dang ma bral ba'i slob pa'i srid pa bar ma la ni sa 'pho ba med de lam las rgyal ba ma yin pa'i phyir dang/ 'dod pa'i khams las ni mngon du ma gyur pa'i sgo nas sdug bsngal las 'das pa'i phyir ro/ /gang dag mngon du gyur par 'dod pa de dag kyang rigs nas rigs su skye ba dang/ bar chad gcig pa dag sa 'pho bar mi 'dod do/ /lha dang mi'i rigs nas rigs su skye ba so sor nges pa dag kyang lha dang mi dag tu skye ba la zhugs pa'i la mngon du gyur pa'i phyir 'gro ba gzhan du skye ba ma yin te/ de'i phyir mi bzlog ces bshad do/ /'dod pa na spyod pa smod pa ni gzugs na spyod pa'i srid pa bar ma bsal bar bya ba'i phyir ro/ /de ni khams kyi zas kyi 'dod chags

  57. 29a

    dang bral ba yin te/ de'i zas ni rnam par shes pa dang yid la sems pa dang reg pa zhes bya ba dang rnam pa gsum mo/ /de nyid kyi phyir dri za zhes bya'o/ /gang gi phyir de ltar dri za yin pa de'i phyir dri za'o/ /'gro ba ma yin yang 'di dri za zhes bya bar 'gyur ro/ /gal te 'di 'gro ba'i don yin yang za ba'i don du 'gyur ba ci zhe na/ sgra'i byings rnams don du ma yin pa'i phyir zhes bya ste/ 'gro ba'i don can yang za ba'i don can du 'gyur bas skyon med/ /de lta na gand+ha dri dang arba za ba yin pas gand+harba zhes par 'gyur ro zhe na/ de'i phyir thung ngu nyid ni karkand+hu dang shwa knd+hu bzhin no zhes smos te/ dper na sha kand+hu zhes thob pa la sha kAnd+hu zhes par gyur pa bzhin no/ /dbang chung bar grags pa zhes bya ba ni mi rigs pa ste/ dman pa'i rigs can zhes bya ba'i don to/ /dbang chung ba ni dbang thang chung ba'o/ /dbang chung bar grags pa gang la yod pa de ni dbang chung bar grags pa yin no/ /dbang che ba ni dbang thang che ba ste/ dbang che ba zhes bya bar grags pa gang la yod pa de ni dbang che bar grags pa yin no/ /btsun pa na rengs pa med de zhes bya ba la btsun pa ni dpes ston pa'i sde pa chos skyob bo/ /ji skad du skye ba'i tshogs pa ma rnyed pa de srid kyi bar du gnas so/ /zhes bya ba 'di la rgyu smras ba ni de'i tshe'i 'phen pa logs shig na med de zhes bya ba'o/ /yang de ji ltar shes par bya zhe na/ de'i phyir ris mthun pa gcig pa'i phyir ro zhes bya ba smos so/ /dus snga ma'i srid pa gang yin pa dang/ srid pa bar ma gang yin pa de dag thob pa byed pa'i ris mthun pa de ni gcig pa nyid do/ tshe'i las gang gis dus snga ma'i srid pa'i tshe 'phen pa de nyid kyis srid pa bar ma'i yang yin te/ srid pa tshol ba'i phyir ro/ /de lta ma yin na zhes bya ba la/ gal te ris mthun pa tha dad pa 'am tshe'i las kyis tshe logs shig tu 'phen thar 'gyur

  58. 29b

    na ni de lta yin dang srid pa bar ma do'i tshe zad pas 'chi ba'i srid bar yang 'gyur te/ dper na dus snga ma'i srid ba'i tshe zad pas 'chi ba'i srid par 'gyur ba bzhin no/ /de'i phyir nges pa med do/ /gal te sha'i phung po ri rab tsam du zhes bya ba ni slob dpon nyid 'dri bar mdzad pa'o/ /gzhan dag na re 'di la rgyu med pa dang rgyu dang bcas bar smra ba'i tshig gis glags yod pa de'i phyir des smras so zhe'o/ /de dag dri de tshor zhing de dang lhan cig rgyu pa'i ro myong ba dran nas de dag la chags pa skyed par byed pa de'i phyir dri dang ro la mngon bar chags pa zhes bya ba smos so/ /sad par byas nas srid pa des zhes bya ba ni dri dang ro'i sred pa rnam par smin pa la mngon par phyogs par byas te srid pa bar ma'i rgyun gyis srin bu'i nang dag tu skye bar 'gyur ro/ /de'i rkyen mang po zhes bya ba ni srid bu'i ngo bo'i rkyen mang ba'i tshe ste/ de 'chags par 'gyur te/ srin bu'i srid pa 'tshogs? par 'gyur ba'o/ /'jug pa rnyed ces bya ba ni/ rnam par smin pa 'byin pa la mngon du phyogs par gyur ces bya ba'i don to/ /sems can rnams kyi las kyi rnam par smin ba bsam gyis mi khyab po zhes bya ba ni de nyid la yul dang dus su rkyen nges pa dang ma nges pa nyid kyi phyir ro/ /srid pa bar ma ni srid pa tshol ba yin pa'i phyir zhes bya ba ni de ni skye ba'i dgos pa can yin pa'i phyir srid pa don du gnyer bar byed do/ / de'i phyir tshogs shing dus la bab pa na/ 'bras bu nyid du smin par 'gyur zhes 'byung ba'i phyir ro/ /gzhan du ni ma yin te zhes bya ba de mang po ma yin pa'i dus su/ /gzhan du ni ma yin pa lta bu'o zhes bya ba ni tshe thung ba ma yin pa ste/ 'khor los sgyur ba 'byung ba ni/ stong phrag brgyad cu las mi 'phyi zhes 'byung ba'i phyir ro/ /de nyid kyi phyir na gang gi phyir 'khor los sgyur ba la sogs par 'gyur ba'i las dag yod du zin kyang/ res 'ga' zhig kho na rnam par smin pa mngon par 'grub par bya ba 'jug

  59. 30a

    ba rnyed par 'gyur ba'i phyir ro/ /de nyid du zhes bya ba ni srid pa bar ma dor ro/ /srid pa tshol ba yin pa'i phyir zhes bya ba la de ni skye ba'i dgos pa can yin pa'i phyir srid pa don du gnyer bar byed do/ /yang las las skye ba dang las kyi 'bras bu de rkyen tshogs pa las ji ltar skye bar 'gyur/ tanA? tya? katwa? dzdza nma? na(mdo 'grel): srid pa bar ma la ni de ltar brgal bar bya ba ma yin te 'di ni las kyi nus pa bsam gyis mi khyab pa nyid do/ /zhes bshad do/ /'on te ma nges na ni zhes bya ba rgyas par 'byung ba la/ gang zhig dus dang skye ba nges pas yul ma nges par 'phen pa de ni de las gzhan pa'i yul dang skye ba der skye'o/ /gzhan dag na re 'dra bar skye bar 'gyur te/ skye ba de dang yul der skye ba ma nges na ni de'i phyir de dang 'dra ba'i skye bar skye'o zhes zer ro/ /yang ci'i phyir 'di'i rigs nyid nges pa dang ma nges pa nyid du bshad pa la/ dus su yang rigs nges pa dang ma nges pa'i phyir ma yin te/ dus su yang gnyi ga rigs par bya'o/ /ji ltar ba lang dag ni dbyar rnams su 'khrig pa mang la zhes bya ba la sogs pas nges pa dang ma nges pa ste/ ji ltar zhe na/ dus gzhan la ba lang rnams kyi nang du skye bar 'gyur ba gang yin pa de ni ba men rnams kyi nang du skye'o/ /zhes bya ba la sogs pa 'byung ngo/ /las kyi 'phen pa gcig pa'i phyir zhes bya ba la las gang gis ba lang la sogs pa'i ris mthun pa 'phen pa'i las de nyid kyis de'i srid pa bar ma 'phen pas ji ltar ris mthun pa gzhan gyi srid pa bar nas ris mthun pa gzhan bskyed par nus te/ de ni brjod par bya ba ma yin no/ /gzhan dag na re ris mthun pa gzhan du skye ba yang de'i ris mthun par gtogs pa'o/ /'o na srid pa bar ma dang tha mi dad pa'i ris mthun pa nyid ci zhe na/ klmA Sha pA da la sogs pa bzhin zhes so/ /'di la brjod par bya ba med de/

  60. 30b

    'dir ni ris mthun pa gang du skye ba de'i rigs mthun par gtogs pa nyid du 'gyur ro zhes gzhan gyis bsam pa'o/ /'di de 'dra ba zhes gsungs pa'i phyir ci las yin rnam par gzhan du na khyad par las byung ba'i don can de dgag pa'i phyir de skad bshad do/ /srid pa bar ma ris gzhan ni ma yin zhes rgyas par 'byung ste/ de'i phyir 'di lan ma yin no/ /slob dpon 'dus bzang ni/ de'i las rigs gcig pa'i phyir ris tha dad pa 'phen pa gcig pa nyid gtong ba ma yin no zhes zer ro/ /de lta na yang srid pa bar ma'i las gang yin pa'i 'bras bu de nyid lhag ma'i skye ba yin no zhe na/ ci ltar las kyi 'phen pa gcig nyid 'dor bar byed ci ste de nyid de'i 'bras bu'o zhe na/ de lta na yang skye ba gcig 'phen pa las gcig yin pas 'gal te/ las gcig gi rigs mthun pa du ma 'phen pa nyid du khas blang pa'i phyir ro/ /gzhan dag na re ris gzhan gyis srid pa bar mas zhes bya ba la sogs pas mi bzlogs zhes bya ba 'di dang 'gal par ston to zhes zer ro/ /gzhan dag ni 'gro ba gcig la dgongs te gsungs pa'i phyir skyon med do zhes zer te/ 'gro ba gcig tu ris mthun pa'i phyir gzhan nyid 'phan pa de la rigs gcig tu dgongs so zhes shes par bya'o/ /blo ni phyin ci log gyur pas/ zhes bya ba la sogs pa la 'dod chags dang zhe sdang dag gis te 'di ltar ma las 'khrig pa'i 'dod chags kun tu spyod pa'i phyir blo phyin ci log pa yin la/ pha la zhe sdang kun tu spyod pa'i phyir ro/ /yang na ni bzlog pa'o/ /pha ma zhes bya ba la/ pha dang ma ni pha ma ste/ pha ma de gnyis so/ /nyal po byed pa ni 'khrig pa'i chos lhag par spyod pa'o/ /pho'i 'dod chags ni pho'i 'o/ /mo'i yang de dang 'dra'o/ /de nyid kyi phyir/ bu ni lhag par ma'i phyogs 'dzin la/ bu mo ni pha'i'o/? /gnas skabs der zhes bya ba la/ pho'i nyal po la ni pha'i gnas skabs su'o/ /mo'i nyal po la ni

  61. 31a

    ma'i gnas skabs su'o/ /mi gtsang ba der zhes bya ba rgyas par 'byung ba la/ mi gtsang ba ni khu khrag go /mngal gyi gnas ni pho ba dang long ka dang gnyis kyi bar ro/ /khu chu dang khrag 'di ni bdag gi yin no snyam ste dga' ba skyes nas ma'i mngal du zhugs te khu chu dang khrag thigs pa gcig gnyis kyi nur nur por gnas te/ 'dab chags su gnas zhes bya ba'i don to/ /de nas 'dab chags su gnas pa de'i phung po 'khrang bar 'gyur ba zhes bya ba ni rags par 'gyur ba ste/ nur nur po'i lus yin pa'i phyir ro/ /srid pa bar ma pa'i shin tu dang bdag ni 'gag par 'gyur te/ 'dir skye ba dang 'gag pa na sa bon dang myu gu dang 'dra bar blta bar bya'o/ /rgyab rol tu bltas te/ tsog tsog por zhes bya ba ni bdag nyid la pha'i spyod lam lhag par mos pa'i phyir ro/ /de bzhin du lto rol tu kha blta'o/ /zhes bya ba yang bdag nyid la ma'i gnas skabs su lhag par mos pa'i phyir te/ de lta skye ste/ g.yon phyogs kyi ngang tshul can yin pa'i phyir lto'i? g.yon phyogs su bsnyegs te gnas so/ /phyis lus skye zhing zhes bya ba ni rgyas pa dang 'phel zhing zhes bya ba'i don to/ /de dag kho na yin te zhes bya ba ni khu chu dang khrag gi 'byung ba dag kho na'o/ /ji ltar zhe na/ khu chu dang khrag dbang po med pa ni zhes bya ba rgyas par 'byung ngo/ /sa bon dang myu gu 'gag pa dang skye ba'i tshul du zhes bya ba la/ skad cig ma gcig kho na las sa bon 'gag cing myu gu skye'o/ /nur nur po zhes bya ba gang yin pa na zhes bya ba ni khu chu dang khrag gis mjug thogs su dang po nur nur po yin no nur po las mer mer gyi zhes bya ba la sogs pa 'byung ba'i phyir ro/ /dur khrod bskyed do zhes bya ba la sogs pa la/ dur khrod ni dur khrod de/ yang dang yang du shi bas 'phel bar bya'o/ /srid pa bar ma'i gzugs kyi rgyun las

  62. 31b

    skye ba'i char gtogs pa'i gzugs skye ba de ltar ni ma yin te/ sa bon dang myu gu'i tshul du lta bar bya'o/ /sems can du ston pa ma yin pa sems can du ston pa'i sa bon du 'gyur bar 'od pa ma yin te/ rgyud kyi dbye ba las cig car yang sems can dang sems can du ston pa ma yin pa'i gzugs 'gag go/ sems can du ston pa dang sems can du ston pa ma yin pa las skyes pa yang res tha dad pa ma yin pa'i sems can du ston pa las ma yin no/ /gzhan dag na re/ 'byung ba gzhan dag kho na yin te zhes bya ba la/ srid pa bar ma'i 'byung ba nur nur po'i 'byung ba dang 'brel pa dag ni nur nur po dang lhan cig 'gag la /de dag kyang 'gag pa na lhan cig byed pa'i rkyen gzhan nur nur po la brten nas sngar gyi 'byung ba dang mtshan nyid mi mthun pa'i 'byung ba gzhan dbang po dang bcas pa dag gi rgyur 'gyur ro/ /dper na lo ma'i srin bu lta bu yin la zhes bya ba la/ lo ma'i 'byung ba dag la brten nas las rnams las byung ba dag skye ba de dag dbang po'i rten gyi ngo 'or 'gyur gyi/ lo ma'i 'byung ba chen po dag ni srin bu'i rten ma yin no/ /ga las she na/ lo ma dum bu re re nas ma dmigs pa'i phyir ro/ /de lta na 'o na pha dang ma'i mi gtsang ba nur nur po las byung ba zhes bya ba'i mdo dang mgal lo zhe na/ de'i lan du mi gtsang ba la brten nas skye ba la dgongs te gsungs pa'i phyir zhes bya ba rgyas par smos te/ khu chu dang khrag la brten nas de dag gi dbang po'i 'byung ba chen po rnams skye'o/ /zhes bya ba 'di la dgongs shing bsam nas pha dang mi'i mi gtsang ba nur nur po las 'byung ba zhes gsungs pa'i phyir mdo dang mgal ba med de/ dper na lo ma la brten nas skyes pa'i srin bu ? mi'i srin bu yin pa de bzhin du pha dang ma'i mi gtsang ba la brtan nas skyes pa'i nur nur po yang pha dang ma'i mi gtsang ba nur nur po yin no/ /re zhig 'dod pa'i khams su sgong la skye ba dang/ mngal nas skye ba'i skye gnas su 'jug pa

  63. 32a

    ni de lta bu'o/ /gzhan la zhes bya ba ni drod gsher las skye ba dang/ rdzugs? te skye ba'i skye gnas dag la'o/ /ci rigs par zhes bya ba ni dri dang gnas la mngon 'dod gzhan zhes bya ba ste/ 'gro ba'i yul du 'gro'i zhes bya bar sbyar ro/ /ji ltar na dmyal ba dag tu gnas 'dod ce na zhes bya ba ni dmyal ba dag 'jigs pa'i gnas yin pa'i phyir 'dri ba'o/ /gnas skabs gang gis zhes bya ba ni shan pa la sogs pa 'am lings pa la sogs pa dag gi che ste/ ji skad du/ ji ltar 'gyur bas de myong las/ sngar byas pa ni rmi lam ltar/ /sems can de 'dra mthong gyur nas/ /dmyal bar rab tu rgyag par 'gyur zhes rnal 'byor spyod pa'i sngon gyi slob dpon dag gis bshad do/ /yang srid pa bar ma gang zhig skye ba'i yul du ji ltar 'gro zhe na/ de la lha'i srid pa bar ma ni/ zhes bya ba rgyas par 'byung ngo/ /stan las ldang ba bzhin du zhes bya ba ni gnas gong mar skye ba'i phyir ro/ /mi dang dud 'gro dang yi dags rnams kyi ni zhes bya ba la/ mi'i srid pa bar ma ni mi bzhin no/ /dud 'gro'i srid pa bar ma ni dud 'gro bzhin no/ /yi dags kyi srid pa bar ma ni yi dags bzhin te/ rgyas kyi 'gro bas yi dags yin pa'i phyir ro/ /yang ci'i phyir gzugs med pa rnams su srid ba bar ma med ce na/ las de'i 'phen pa de'i nus pa las de'i nus pa mngon par 'grub pa'i kun tu sbyor ba spangs pa'i phyir ro/ /nyon mongs pas rgyas par byas pa'i las rnams 'bras bu 'phen nus pa las/ nyon mongs pa med par 'os pa ma yin te/ las yod kyang skye ba 'phen pa med pa'i phyir ro/ /rags pa dang phra ba'i sa la de'i ngo bo'i las dang 'bras bu ni lus kyis mngon sum du byed pa dang gnyis ka'i cha lan rnam par grol ba'i sems pa can ma yin la 'jig rten pa'i bskal pa mi mnyam pa'i sems can yang ma yin no/ /srid pa bar ma'i dbang po 'tshol ba med de/ mthong ba'i rgyu 'dod pa na spyod pa'i dngos po rnams kyi spang bya bya phra rgyas rnams spangs pa

  64. 32b

    zhes bya ba de lta bu la sogs pa rnams so/ /ci srid pa bar ma thams cad blo phyin ci log tu gyur pas ma'i mngal du 'jug ba ma zhen/ smras pa ma yin te/ 'on kyang mngal du 'jug pa ni bzhi zhes bya bar rgyas par 'byung ngo/ /mngal du 'jug pa 'di bzhi zhes bya ba ni mngal du 'jug pa dang/ gnas pa dang 'byung ba'i khyad par gzhan med do snyam du bsams pa'o/ /sems nyon mongs pa can yin yang 'du shes dang mos pa dag phyin ci ma log pa'i phyir shes bzhin du 'jug go/ zhes brjod do/ /bzlog ste bstan to zhes bya ba la mdo las ni thams cad shes bzhin par 'gyur ba gang yin pa 'di thog mar bstan la gsum ni ji skad bstan pa kho na bzhin no/ /rmongs pa dang ma rmongs pa'i bye brag 'di ni mngal nas skye ba'i skye gnas la yin te/ sgo nga las skyes pa ni rtag tu thams cad rmongs pa kho nar 'gyur ro/ /gang zhig skye bar 'gyur ba zhes bya ba ni sgra'i tshul gyis dus gsum la bsgrubs pa'i phyir ro/ /yang na 'byung bar 'gyur ba'i ming gis zhes bya ba 'byung bar 'gyur ba'i ming gis kyang ston par byed pa'o/ /'dus byas mngon par 'du byed do/ /zhes bya ba la bskyed pa'i gnas skabs su 'dus byas su 'gyur gyi/ bskyed bzhin pa'i gnas skabs su ni ma yin la/ gzhan dag na re rgyal po lnga len gyi bu lnga brgya sgo nga las skye ba yin pa de dag gis kyang rang sangs rgyas kyi byang chub rtogs so zhes bya bar grags te/ de'i phyir sgo nga las skyes pa ni rtag tu thams cad rmongs pa kho nar 'gyur ro zhes bya ba 'di ma nges so/ /zhe na rang sangs rgyas bse ru lta bu la dgongs nas gsungs pas nyes pa med do/ yang ci'i phyir shes bzhin ma yin par 'jug pa shes bzhin du gnas pa dang/ 'byung ba dag tu mi 'gyur zhe na/ mi srid pa'i phyir te/ lus dang dbang po stobs dang ldan pa dang/ tshangs pa dang/ ma nyams pa dang/ gsal pa gang gis shes bzhin ma bzhag pa lus dang dbang po stobs dang mi ldan pa dang/ nyams pa dang

  65. 33a

    ma tshang ba dang/ zhan pa de shes bzhin du gnas pa 'am 'byung bar 'gyur ba ni srid pa ma yin no/ /shes bzhin du 'jug pa yod de rgyu'i shugs kyis 'phen pa'i dbang gis so/ /shes bzhin du gnas par yang 'gyur te/ gnyis ka rgyu'i dbang las so/ /'byung bar yang zhes bya ste 'di ni srid do/ /log pa'i 'du shes dang mos pa dag ces bya pa la/ 'du shes ni mtshan mar 'dzin pa'o/ /mos pa ni lhag par mos pa'o/ /yang ji ltar log pa dag tu 'gyur zhe na/ 'di snyam du rlung langs pa 'am char 'bab pa 'am zhes bya ba rgyas par 'byung ngo/ /gal te rtse dags 'gro ba'i yul du 'gro'o zhes sngar bstan zin pa ma yin nam/ rlung langs pa 'am char 'bab pa 'am zhes rgyas par yang ci'i phyir smos zhe na/ des pa med par shes par bya ba'i phyir te/ 'dod chags dang zhe sdang gnyis kho nas blo phyin ci log tu gyur pas skye ba'i yul du 'gro ba ma yin gyi/ 'o na ci zhe na/ rnam pa gzhan du rtswa thibs po 'am/ nags thibs por 'jug pa 'am zhes rgyas par 'byung ba yang yin te/ de ltar bshad na/ skye ba'i srid pa nyon mongs can/ rang gi sa pa'i nyon mongs kun/ /zhes bya ba 'di yang tshad mar 'gyur ro/ /bye brag tu smra ba rnams na re/ bskyed mos tshal du 'jug go snyam pas kyang ngo/ /skye ba'i yul du blo phyin ci log gis 'jug gi snyam pa ni nye ba'i gnas skabs su'o/ /'di ni ring ba'i gnas skabs yin te 'di dag gi khyad par ro/ /zhes zer ro/ /'di yang ma yin te/ nye ba'i gnas skabs su mngon par 'dod pa der yang mngal gyi gnas mi gtsang ba dang sprad pa la dga' bas mngon par 'jug go zhes gsungs pa'i phyir ro/ /ci ltar na skye ba'i dus kyi nyon mongs pa can gyi sems shes bzhin du rung zhe na/ shes rab thams cad dge bar

  66. 33b

    'dod pa ma yin no/ /des na nyon mongs pa can gyi sems kyang shes bzhin du 'gal ba med de/ rnam pa gzhan du na nyon mongs pa can gyi sems kyi brdzun du smra bar mi 'gyur ro/ /yang na 'dir rgyun gyi dbang du byas kyi mtshams sbyor ba'i skad cig ni ma yin no/ de la yang 'di phyir zhing nyon mongs pa'i sems kun tu spyod pas nyon mongs pa can zhes bya ba chung ba'i phyir grangs su nye bar mi 'gro'o/ /rta dkar po dang nas kyi phung po bzhin zhes bya ste/ 'di ni bdag gi pha'o 'di ni bdag gi ma'o snyam pa las gzhan du mi 'khrul pa'i phyir ram gus pa skyed pa'i phyir shes bzhin zhes brjod do/ /ji lta ba bzhin du yang dag par rab tu shes pa'i phyir 'di nyid 'dir shes bzhin du mngon par 'dod do/ /yang 'dir zhes bya ba rgyas par 'byung ba la/ shes bzhin la sogs pa mngal du 'jug pa rnam pa bzhir ro/ /'dir yang 'byung bar 'gyur ba'i ming gis bstan to/ zhes bya ba ni de'i tshe de dag 'khor lo sgyur ba la sogs pa ma yin pa'i phyir ro/ /yang ci'i phyir 'khor los sgyur ba la sogs pa de dag de ltar 'jug snyam na/ rnam grangs gnyis pa'i sgo nas de'i rgyu bstan pa'i phyir/ las sam ye shes sam gnyis ka zhes bya ba rgya cher smos so/ /rgya che'i phyir zhes bya ba ni rlabs che ba'i phyir zhes bya ba'i don to/ /thos pa mang ba dang/ rab tu 'byed pa byas pa rnams ni zhes bya ba ni thos pa mang ba yang de dag yin la/ rab tu 'byed pa byas pa yang yin no/ /'di skad bstan par 'gyur te/ thos pa dang/ bsam pa dang/ bsgom pa'i shes pa rdzogs pa rnams zhes bya ba'i don to/ /gal te shes bzhin dang shes bzhin ma yin par mngal du 'jug pa zhes bya ba rnam pa gnyis kho na ma yin nam/ ji ltar rnam pa bzhir brjod de/ gnas pa dang 'byung ba ni mngal du 'jug pa ma yin pa'i phyir ro zhe na/ 'jug pa gtso bo yin pa'i

  67. 34a

    phyir nyes pa med de/ 'di ltar 'gal yang shes bzhin ma yin par zhugs nas shes bzhin du gnas pa'i ma 'byung ba ni med do/ /de'i phyir gang 'di mngal gyi gnas nas 'byung ba bdag nyid kyis rab tu shes pa de ni 'jug pa khyad par du yang shes te/ 'jug pa'i sgras gnas pa dang 'byung ba yang brjod do/ /de nyid kyi phyir gnas pa dang 'byung ba dag shes bzhin dang shes bzhin ma yin pa'i dbye bas dug nyid du yang thal bar mi 'gyur ro/ /'jug pa gtso bo yin pas rigs tha dad pa dang tha mi dad pa rnams la yang 'jug pa nyid nges pa'i phyir ci las zhes te/ re zhig mngal gyi dbang du byas pa rdzogs so/ /de bzhin du rigs tha dad pa rnams dang 'di gnyis rigs tha mi dad pa rnams te/ gnyis zhes bya ba bzhin nyid du rung ngo/ /gzhan dag na re/ byang chub sems kho na sems dpa' zhes so/ /tha mal rigs mthun pa la ni gsum pa dang gnyis pa dang gnyis pa'o/ /gang nas shi 'phos nas dga' ldan du skyes pa ni dang po dang gsum pa'o/ /gang nas shi 'phos nas 'od srungs kyi gsung rab la skyes pa'o/ /de las gong du tha ma zhes bya ba ni grangs med pa gsum las dang po dang gnyis pa dang gsum pa rnams la'o/ /de las gong du bzhi pa yin no/ /de ni 'dir phyi rol can rnams zhes bya ba 'byung ste/ bdag tu smra ba yongs su 'dzin pa'o/ /de med pa'i phyir bdag ni yod pa ma yin la/ gal te bdag med na 'di srid pa bar ma'i sgo nas 'jig rten 'di nas pha rol tu 'pho zhes ci ste brjod/ 'di ma'i mngal du 'jug pa dang gnas pa dang 'byung ba zhes kyang ci ste brjod/ de'i phyir 'dir gang zhig 'pho ba dang nye bar 'pho ba zhes bya bar khas blang bar bya ba byed pa'i skyes bu 'ga' zhig yod pa yin no/ zhe na/ de dgag par bya ba'i phyir bdag med ces bya ba 'byung ngo/ /gsungs

  68. 34b

    rab las kyang phung po tsam la bdag go zhes bsnyad pa yod la de dgag pa'i phyir dang pa'i phyogs dang 'gal lo/ /zhes 'dri ba ni bdag ji lta bu zhig ce na zhes bya ba ste/ ci phung po tsam gyi bdag nyid can zhig gam/ 'on te nang gi byed pa'i skyes bu zhig ces bya ba'o/ /de'i phyir gang phung po 'di dag 'dor zhing zhes bya ba rgyas par smos so/ /yang rgyu la dgag pa byed pa ci zhe na/ de med pa'i phyir ro/ /de gal te mi 'dod na gnas skabs su nye bar 'joms pas 'dor pa'i gnas skabs bskyed par byed do/ /nying mtshams mi sbyor ba'i gnas skabs su nye bar 'joms pas nying mtshams sbyor ba'i gnas skabs mi bskyed do/ /des na gzhan nyid 'dor bar byed pas nying mtshams sbyor ba zhes bya bar thal bar mi 'gyur ro/ /gnas skabs su 'gog pa skyed pa dag gis gnas skabs su 'gog pa mi bskyed pa yang mi rung ste/ gzhan ma yin pa nyid las gzhan nyid snga phyi med par khyad par med pa'i phyir ro/ /'di'i 'dor ba nyid nying mtshams sbyor ba'i byed pa po nyid du yang mi rung ngo/ /phung po 'di dag 'dor zhing zhes bya ba ni de ltar ba dag go /gzhan dag tu nying mtshams sbyor zhes bya ba ni srid pa bar ma dag gam skye ba'i char gtogs pa dag go /bcom ldan 'das kyis 'di skad du zhes bya bas lung las kyang nang gi byed pa'i skyes bu med par bstan te/ rigs pa las de med par ni dbang phyug sogs min rim sogs phyir zhes bya ba der bshad zin to/ /byed pa po mi dmigs so zhes bya ba ni gzugs dang tshor ba la sogs pa ltar rang gi ngo bos sam/ mig la sogs pa ltar bya ba'i sgo nas te/ de'i phyir ri bong gi rwa dang 'dra bar med do zhes bya bar nges so/ /yang na byed pa po rtags pa 'am/ mi rtag pa zhig phung po las tha dad pa mi dmigs so/ /'di ltar rtag pa snga phyir rnam par 'gyur bas stong pa ni las rnams kyi byed pa po dang 'bras bu rnams kyi za ba

  69. 35a

    bor mi rung ngo/ /de'i phyir rtag pa'i byed pa po nyid mi 'thad de/ 'ga' yang gzugs can ma yin pa dang lus can ma yin pa dang/ bde ba can ma yin pa dang sdug bsngal can ma yin pa dang 'du shes can ma yin pa dang sems dpa' med pa dang rnam par shes pa rnam par rtog pa med par yang thal bar 'gyur te/ de dag dang ma 'brel pa'i phyir dang rnam par 'gyur pa med pa'i phyir ro/ /de bzhin du 'khor ba dang mya ngan las 'das pa'i gnas skabs dag khyad par med pa'i phyir dang de'i rgyu'i 'jug pa don med pa'i phyir byed pa po med pa nyid do/ /mi rtag pa yang med de byas pa chud zos pa dang ma byas pa dang phrad pa'i nyes pa las so/ /gal te yang phyi rol pa rnams phung po las tha dad pa'i bdag tu rtog par byed pa de lta na yang/ de sangs rgyas rnams kyi phung po tsam kho na'i yul la de ltar gsungs te/ 'di na dge sbyong dang bram ze kha cig nye bar len pa'i phung po lnga po rnam la bdag dang bdag gi zhes yang dag par rjes su lta zhing yang dag par rjes su mthong ste/ zhes 'byung ngo/ /de dag ni rang bzhin nam 'bras bu la bdag tu bsnyad pa ste/ rang bzhin nam 'bras bu'i chos gang yin pa de la 'dir de dag gis bdag ces bya bar mthong ngo zhes bya bar nges so/ /gal te nang gi byed pa'i skyes bu dgag na/ 'o na bdag ji lta bu zhig mi dgag ce na/ phung po tsam nyid do/ /nyid kyi sgra ni nges par gzung pa'i don du ste/ gsung rab las phung po tsam nyid la tha dad du bdag ces nye bar btags so/ /ci'i phyir zhe na/ de kho na kun nas nyon mongs pa dang rnam par byang ba'i phyir ro/ /de lta na 'o na phung po dag ces bya ba rgyas par 'byung ste/ de lta yin na mthong ba dang 'gal zhig khas blangs pa dang 'gal lo/ /zhe na/ de dag ni mi 'pho ste/ skad cig ma yin pa'i phyir ro/ /'o na ji ltar zhe na/ phung po tsam ni nyon

  70. 35b

    mongs pa dang las kyi mngon par 'du byas zhes bya ba rgyas par 'byung ste/ nyon mongs pa rnams dang las rnams kyi rnam par smin pa dang rgyu dang mthun pa'i 'bras bu bskyed pa'i nus pa gzhag pa'i phyir yongs su bsgos pa zhes bya ba'o/ /nyon mongs pa rnams dang las rnam shes gnyi ga smos pa ni gang yang rung ba zhig gis yongs su bsngos pas ma tshang na skye ba 'byung ba mi srid pa'i phyir ro/ /phung po tsam zhes tsam gyi sgra ni bdag dang bdag gi rdzas stong pa nyid du shes par bya ba'i phyir ro/ /srid pa bar ma zhes bya ba'i rgyun gyi zhes bya ba rgyas par 'byung ste/ rgyu dang 'bras bu bar mtshams med par 'brel ba ni 'gro ba dang skye ba dang rgyun te/ sngar gyi las dang nyon mongs pas 'phangs pa'i tshe nyams su myong nas/ de'i rnam par smin pa'i 'phen pa zad pas mthar 'chi ba'i mdza' i rnam par shes pa'i rten dang lhan cig 'gag cing srid pa bar ma pa'i rnam par shes pa'i rten skye ba'i rgyur 'gyur la/ srid pa bar ma dag kyang de kho na ltar rgyun chags su sngar gyi las dang nyon mongs pa'i 'phen pa'i dbang gis skye ba'i yul du phyin nas ma'i mngal du 'gag pa ni skye ba'i phung po rnams bskyed par bya ba la rkyen du 'gyur te/ dper na mar me skad cig ma yin yang snga ma dang phyi mar rgyu dang 'bras bu 'brel pa bar med pas rang gi rgyun gyi yul gzhan du 'gro ba bzhin no/ /ji ltar 'phangs bzhin zhes bya ba rgyas par 'byung pa la/ rgyu tha dad pa las 'bras bu tha dad par 'gyur la/ sems can so so'i tshe'i las kyang tha dad de/ de tha dad pa las tshe'i 'phen pa yang tha dad de/ kha cig ni thung la/ gzhan gyi ni ring ngo/ /de'i phyir gang zhig ji srid du 'phangs pa zhes bya ba rgyas par 'byung ngo/ /mtshan ma rnams zhes bya ba ni de dag gis de dag mtshon par byed pas mgo la sogs pa'i rten rnams so/ /las kyi rnam par smin pa las skyes pa zhes bya ba ni las kyi dbang gis skyes pa lte//

  71. 36a

    'dir las kyi rnam par smin pa las skyes pa zhes bshad do/ /gal te na res 'ga' ma'i zas dang gnas pa'i bya ba mi mthun par spyod pa 'am zhes bya ba la/ zas ni rno ba dang tsha ba zos pa dang/ gnas pa'i bya ba mi mthun pa ni 'tsho? ba? dang rgyal lo/ /mngal kho nar 'chi ba ni 'jig par 'gyur ba'o/ /skyag gdong zhes bya ba rgyas par 'byung ba la/ dri nga ba dang/ mun khung dang/ btsog pa'i 'dam rdzab ni dri nga ba mun khung btsog pa'i 'dam rdzab ste/ lus kyi rma 'khyims pa chen po der zhes phyis 'chad pa'o/ /srin bu'i rigs shin tu mang po stong phrag ni srin bu'i rigs shin tu mang po stong phrag go /de dag gi gnas ni srin bu'i rigs shin tu mang po stong phrag gi gnas te de'o/ /khu chu dang khrag dang/ chu ser dang/ dri ma ni khu chu dang khrag dang chu ser dang dri ma ste/ /khu chu dang khrag dang chu ser dang dri ma de dag gis kun nas khyad par du phyag shing kun tu myags pa/ rnam par myags pa/ rul pa/ rnag pa 'greng pa'o/ /de skye ba'i rgyud dbang po rnams yongs su smin nas zhes bya ba rgyas par 'byung ba la/ 'phen pa'i rjes su 'gro bas zhes bya ba'i don to/ /yang nyon mongs pa can rnams kun tu spyod cing zhes bya ba rgyas par 'byung ba la/ nang dang phyi'i skye mched dang/ tshul bzhin ma yin pa yid la byed pa de dag gis rkyen tshogs pa la bltos pa'i nyon mongs pa can rnams kun tu spyod cing/ las sna tshogs rnams kyang sogs par 'gyur ro/ /de nyon mongs pa dang las bsags pa de dag gi lus zhig nas yang snga ma bzhin du yang srid pa bar ma'i rgyun gyis las ji lta ba bzhin du 'jig rten pha rol tu 'gro bar 'gyur te/ de lta na/ srid pa'i 'khor lo thog ma med de rgyu med pa nyid du 'gyur ro zhes bya ba ni thog ma'i skye ba'o/ /de'i phyir dang po'i skye ba ltar thams cad rgyu med pa nyid du thal bar 'gyur ro/ /skye ba dang po? kho

  72. 36b

    na rgyu med pa yin gyi thams cad ni ma yin no zhes bya ba gang yin pa 'di la rgyu yod pa yang ma yin no/ /de'i phyir thams cad thams cad kyi tshe thams cad du skye bar thal bar 'gyur te/ skye ba'i rgyu nges pa med pa'i phyir ro/ /myu gu la sogs pa dag la sa bon la sogs pa rnams kyi nus pa mthong ba yang ma yin te/ de yod na yod pa'i phyir la/ de med na med pa'i phyir ro/ /yang 'di ji ltar rtogs par bya zhe na/ de'i phyir yul dang dus so sor nges pa las zhes bya ba smos so/ /yul so sor nges pa ni sa bon gyi yul kho nar myu gu skye'i/ gzhan du ma yin pa'o/ /dus ma nges pa ni sa bon bangs pa'i mjug thogs kho nar myu gu skye'i gzhan gyi tshe ma yin pa'o/ /yul dang dus so sor nges pa las tshos pa la sogs pa la mel sogs pa'i nus pa yang mthong bas zhes bya bar sbyar te/ 'di ltar tshos pa ni me dang 'brel pa'i yul kho nar skye'i/ gzhan du ni ma yin la/ me dang 'brel pa'i phyir 'jug thogs kho nar 'byung gi? /thams cad kyi tshe ni ma yin no/ /yo pi ma n+ya te/ ni tya ka ra Nla b+hmu pa ga mA da di sa twe pi si sA ra sya nA yi do Sha/ ta sya nu tpit+ta satwA du tpit+ta ma ta shtsa pUrba kA ra NA sta twA b+hmu pa ga ma ta/ de nyid kyi phyir rgyu rtag pa yod pa smra ba ni sngar nyid du bsal zin to/ /zhes bya ba smos te/ dbang phyugs ma ni rim sogs phyir zhes bya ba der sa bon zing pas myu gu bzhin no zhes bya ba ni sa bon tshogs pa 'am rul par gyur pa'am phye mar gyur pa las myu gu skye ba med pa de bzhin du nyon mongs pa la sogs pa'i rkyen ma tshang pa las skye ba 'byung ba med do zhes bya ba'o/ /de ltar na skye ba gcig nas gcig tu rgyud pa'i tha ma ni mi 'gal te rgyu la rag las pa'i phyir ro/ /de ltar phung po'i rgyun skye pa'i gnas skabs gsum bstan pa zhes bya ba ni 'jig rten pha rol nas 'jig rten 'di dang yang 'jig rten pha rol zhes bya ba de lta bu'o/ /'di skad bstan par 'gyur te/ srid pa'i yan lag grangs du ma dbye ba

  73. 37a

    tha dad brten cing 'brel par 'byung ba dang po la sogs pa bar med pa skye ba gsum dang 'brel pa'i gnas skabs ni sems can gyi rgyud du nye bar bstan te/ de rten cing 'brel bar 'byung ba yan lag bcu gnyis cha gsum pa ste/ gzhan ?? yin no/ /rten cing 'brel par 'byung ba yang 'dir sems can du ston pa la mngon par 'dod kyi/ sems can du ston pa ma yin pa ni ma yin te/ de 'jig rten pha rol nas 'pho bar mi 'thad pa'i phyir ro/ /rten cing 'brel par 'byung ba bstan pa ni rgyu mi mthun pa dang rgyu med pa dgag pa'i phyir yin la rten cing 'brel par 'byung ba'i don ni 'khor bar 'jug pa'i don yin no/ /yang ci'i phyir bstan bcos las sems can dang sems can du mi ston pa yang bstan la mdo las sems can du ston pa/ kho na bstan ce na/ de yang bcom ldan 'das kyis gdul ba dag la bstan par bya ba yin te/ sangs rgyas rnams 'byung ba ni don kho nar yin pa'i phyir ro/ /des na don chen po yin pa'i phyir mdo las sems can du ston pa kho na bstan to/ /bstan bcos las ni chos nyid kyi rjes su 'brangs te/ sems can dang sems can du ston pa ma yin pa yang bstan to/ /yan lag bcu gnyis zhes bya ba rgyu bcu gnyis so/ /cha gsum zhes bya ba ni dum bur yongs su bcad pa gsum mo/ /lhag ma brgyad ni bar du'o// zhes bya ba ni rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dag go /yang na ci thams cad kyi zhes bya ba ni khyad par med par mngal du 'jug pa tsam la brten pa rnams kyi 'am/ khams gsum pa'i sems can rnams kyi'o/ /skye ba 'di la zhes bya ba ni mngal du 'jug pa'i skye ba la'o/ /gang par ma dor 'chi ba yang ma yin la/ zhes bya ba la gang zhig srid pa'i gnas skabs ma thob par 'chi ba de la ni bar ma dor

  74. 37b

    'chi ba zhes bya'o/ gzugs dang gzugs med pa na spyod pa yang ma yin te/ zhes bya ba la/ de na nur nur po la sogs pa med pa'i phyir ro/ /gzugs na spyod pa la rnam par shes pa las tha dad pa'i ming dang gzugs dang skye mched drug mi srid do/ /gzugs med pa na spyod pa'i phyir de dag med do/ /gzugs na spyod pa la ni rnam par shes pa dang skye mched drug gi gnas skabs las tha dad pa'i ming dang gzugs kyi gnas skabs med de/ 'di ltar ming dang gzugs ni de phan chad/ skye mched drug dod tshun chad do// zhes 'chad par 'gyur ro/ /de'i phyir gzugs kyi khams na yan lag bcu gnyis med do/ /gzugs med pa na spyod pa la ni ming dang gzugs kyi gnas skabs dang skye mched drug gi gnas skabs yod pa ma yin te/ gzugs med pas de dag med do de'i phyir yan lag bcu yod do/ /'di ltar gleng gzhi chen po'i chos kyi rnam grangs las zhes bya ba rgyas par 'phyung ba la/ kun dga' bo gal te rnam par shes pa ma'i mngal du zhugs par ma gyur na rnam par shes pa de 'phel ba dang/ rgyas pa dang/ yangs par 'gyur ram zhes 'byung pa'i phyir 'dod pa'i khams las ma gtogs par ma'i mngal du 'jug pa nyid mi srid do/ /de'i phyir gang zhig 'das pa'i ma rig pa dang 'du byed dag gis rgyas par byas te da ltar byung ba'i rnam par shes pa dang ming dang gzugs dang skye mched drug dang reg pa dang tshod ba rnams 'jug go /yang da ltar byung ba'i sred pa dang len pa dang srid pas rgyas par byas te/ ma 'ongs pa'i skye pa dang rga shi dag 'jug ste/ rgyun gyi dbang du byas par rig par bya'o/ /de ltar na gang zag thams cad kyi dbang du byas na srid pa'i yan lag gi rnam par bzhag pa 'khrug par 'gyur ro/ /sngon dang phyi ma'i mdza' 'bras bu dang rgyu dang bcas pa dag smos pa'i phyir ro zhes bya ba la sngon gyi mdza' 'bras bu dang bcas pa dang/

  75. 38a

    phyi ma'i mdza' rgyu dang bcas pa smos pa'i phyir/ rten cing 'brel par 'byung ba yan lag bcu gnyis dang cha gsum pa de nyid sngon gyi mdza' pa dang phyi ma'i mdza' pa dang rnam pa gnyis su brjod do/ /de la sngon gyi mdza' ba ni ma rig pa dang 'du byed do/ /de'i 'bras bu ni rnam par shes pa dang ming dang/ gzugs dang skye mched drug dang/ reg pa dang/ 'tshor ba'i yan lag rnams te/ de ltar na yan lag bdun ni sngon gyi mdza' ba'o/ /phyi ma'i mdza' pa gang zhe na/ skye ba dang rga shi'o/ /de'i rgyu ni sred pa dang/ len pa dang/ srid pa'i yan lag rnams te/ de ltar na yan lag lnga ni phyi ma'i mdza' pa'o/ /yang ma rig pa la sogs pa 'di gang zhig ce na/ zhes bya ba ni ci ma rig pa ni mi shes pa zhig kho na 'am/ 'on te nyon mongs pa can thams cad yin snyam nas 'dri ba ste/ de bzhin du gzhan la yang brjod par bya'o/ /de'i phyir ma rig nyon mongs sngon gnas skabs zhes bya ba smos so/ /sngon zhes bya ba smos pa ni de ltar ba sred pa dang len pas bsdus pa'i phyir ro/ /yang ci'i phyir nyon mongs pa thams cad ma rig pa'i sgras brjod ce na/ yang srid 'phen pa'i 'du byed rnams kyi rgyu'i ngo bor nges pa'i phyir ro/ /gang gi phyir/ nyon mongs pas rab tu bsgyur ba'i las ni yang srid 'phen pa la nus pa dang ldan par 'gyur te/ nyon mongs pa med pa rnams la las yang kyang yang srid med pa'i phyir ro/ /thams cad yang srid can ma yin te 'du byed kyi 'jug pa la 'dod chags la sogs pa nyon mongs pa rnams thams cad kho na byed pa can ma yin no/ /ma rig pa ni gdon mi za pa ste/ de'i phyir de'i sgras nyon mongs pa thams cad brjod do/ /'di dag ga las shes na/ ma rig pa gtso bo yin pa'i phyir dang/ de dang lhan cig spyod pa'i phyir ro/ /de nyid bstan pa'i phyir lhan

  76. 38b

    cig spyod pa'i phyir dang zhes bya ba smos so/ /nyon mongs pa thams cad ni ma rig pa dang mtshungs par ldan gyi/ phan tshun ni ma yin te/ de'i phyir ma rig pa dang lhan cig spyod pa nyid do/ /de'i dbang gis zhes bya ba ni ma rig pa'i dbang gis so/ /de dag ni nyon mongs pa dag go /kun tu 'byung ba ni skye ba ste/ ma rmongs pa la nyon mongs pa gzhan skye ba ni yod pa ma yin/ de nyid la dper na rgyal po gshegs so/ /zhes bya ba la sogs pa'o/ /zham 'bring pa ni rgyal po dang lhan cig spyod pa rnams te/ de'i dbang mi 'jug pa dang ldog pa'i phyir rgyal po gtso bo yin no/ /slob dpon 'dus bzang na re/ gal te ma rig pa dang lhan cig spyod pa nyon mongs pa thams cad de bzhin du yod pa de la nyon mongs pa gzhan nyid gtso bo yin pas/ ma rig pa gtso bo'i yang gtso bo la lhan cig ces bya mi 'thad do/ /ci ste nyon mongs thams cad dang lhan cig spyod pa'i rig pa nyid ma rig pa yin pa de lta na yang re zhig gi sgra thob ste/ 'dod chags la sogs pa dang lhan cig spyod pa'i phyir ro/ /phan tshun lhan cig spyod pa med kyang khyad par med pa ma yin no/ /gal te yang rab tu 'jug byed ma rig pa'i dbang du byas nas brjod na/ 'dod chags la sogs pa rnams so kun tu spyod pa'i 'dod chags la sogs rnams ma rig pa rab tu 'jug byed nyid kyi ni ra bi parma yA bat+ti/ ci ste rab tu 'jug byed ma yin pa de lta na yang gzhan dang mtshungs par ldan pa'i phyir ro/ /dbang ma yin pas de gtso bor mi rung ngo/ /gnyi ga ltar yang skyon med do/ /'dir ni ma rig pa dang lhan cig spyod pa'i phyir dang ma rig pa dang mtshungs par ldan pa'i phyir nyon mongs pa thams cad ma rig pa'i sgras smos pa la 'gal ba med do/ /yang gzhan gyi sla nyon mongs pa'i sgra ma yin te/ phan tshun mtshungs par ldan pa'i phyir ro/ /'di la mi rung ba ci zhe na/ /nyon

  77. 39a

    mongs pa thams cad dang mtshungs par ldan pa'i phyir der ma rig pa gtso bor 'dod do/ /rang gi mtshan nyid gsal ba nyid de las gzhan pa'i nyon mongs pa dang mtshungs par ldan pa der yang ma rig pa gtso bo nyid do/ /rmongs pa ba nyid las 'dod chags la sogs pa skye'i/ ma rmongs pa las ma yin no/ /yang chags pa nyid las rmongs pa nyon mongs pa gzhan yang 'jug go /de'i phyir nyon mongs pa thams cad rgyu'i dbang nyid las nyon mongs pa dang kun tu spyod par gsungs so/ /'dod chags la sogs pa rnams ma rig pa'i rgyu can nyid yin yang skye ba snga ma'i nyon mongs pa nyid du gang bshad pa zhig pa'i 'bras bu 'phen pa nus pa 'byin pa nyid kyi phyir dang mi gsal bas ma rig pa dang 'dra ba'i phyir ma rig pa'i sgras brjod do/ /da ltar ba yang ma zhig pa rang gi nus pa'i shugs gsal bas ma rig pa'i sgras mi brjod do/ /de lta na 'o na da ltar ba'i tshe rabs la ma rig pas nye bar ma bcom pa'i rang gis nus pa'i shugs la phyir ma rig pa'i sgras brjod par bya ba de kun tu rgyu ba'i phyir ro/ /saM be dya twAt+sA pya ya di dya bi dya twan+na ti barta te/ de lta'o na myong ba nyid kyi phyir ma rig pa'i phyogs brten no zhes brjod par bya'o/ /zhig pa'i nus pa'i shugs nyid las ni ma yin te/ dus kyi rang bzhin dang rang gi mtshan nyid dang/ rnam par 'gyur ba yod pa mi yin pas 'das pa'i 'dod chags la sogs pa myong ba'i ngo bo nyid ni ci ltar ma rig pa'i phyogs la brten par byed de/ de'i phyir mdo mdzad pas gsungs pa'i rgyu gnyis nyid do/ /'du byed dag ni sngon las kyi zhes bya ba 'byung ngo/ /'dir ma rig pa dang 'du byed 'bras bu phyung zin pa rnams kho na yan lag nyid du rnam par bzhag ste/ 'bras bu phyung ba rnams

  78. 39b

    la ni sred pa dang/ len pa dang/ srid pa zhes bya'o/ /skye ba gzhan gyis tshed pa rnams kyi yang 'das pa dang ma 'ongs pa'i las dang nyon mongs pa mang po myong ba de ltar na yang de rnams yan lag nyid du rnam par ma bzhag ste de dang lhan cig rgyu dang 'bras bu'i 'brel pa yod pas bar ma chad pa kho nar der skye bas 'das pa dang ma 'ongs pa bzung bar rig par bya'o/ /bsod nams la sogs pa'i las kyi gnas skabs zhes bya ba ni bsod nams dang/ bsod nams ma yin pa dang/ mi g.yo ba'i las kyi gnas skabs so/ /rnam shes mtshams sbyor phung po yin/ zhes bya ba la/ de'i tshe rnam par shes pa gtso bo yin pa'i phyir dang/ lhag ma rnams rnam par shes pa dang lhan cig spyod pa'i phyir rnam par shes pa smos pas bsdus so/ /ma'i mngal du zhes bya ba ni skye ba'i srid par nying mtshams sbyor ba nyid na ste/ srid pa bar ma dor nying mtshams sbyor ba'i skad cig ma yin no zhes shes par bya ba'i phyir ro/ /de yang yid kyi rnam par shes pa kho na ste/ de'i tshe lnga po rnams la skye ba'i rkyen med pa'i phyir ro/ /'dir rnam par shes pa dang skye ba'i yan lag gnyis ni skad cig ma yin la/ gzhan dag ni rgyun chags pa yin pa'i phyir skad cig ma mang po dag yin no/ /ming dang gzugs ni de phan chad zhes bya ba la/ 'di ni gnas skabs la bzhag pa yin gyi chos nyid la bzhag pa ni ma yin te/ skye mched bzhi dong tshun chad do/ /zhes brjod par bya ba yin pa las zhes bya ba 'byung ste/ ci'i phyir de skad du brjod par bya ba yin zhe na lus dang yid kyi skye mched ni skye ba'i srid pa kho nar dod pa'i phyir ro/ /de'i tshe der rnam par 'jog pa'i phyir ro/ /zhes bya ba la/ rnam par shes pa dang ming dang gzugs dag ni nges rab tu ma phye ba'i phyir gnas skabs gang zhig skye mched kyis rab tu phye ba de kho na tshad na de'i mi rigs

  79. 40a

    bsnyad do/ /yang na de'i tshe der rnam par 'jog pa'i phyir ro/ /zhes bya ba ni mig la sogs pa'i skye mched kyi tshe rten dang brten pa yongs su tshad ba'i sgo nas yin la/ yid kyi skye mched dang lus kyi skye mched kyang yongs su tshad ba rnam par 'jog ste/ de'i phyir skye mched drug nyid du brjod kyi/ skye mched bzhir ni ma yin no/ /de ni gsum 'dus tshun chad do/ /zhes bya ba la/ ji srid du dbang po la sogs pa gsum ma 'dus pa de srid kyi gnas skabs chung ngu dang/ 'bring dang chen po'i tshul gyis rdzogs par 'gyur ba de ni skye mched drug ces brjod do/ /de srid kyi gnas skabs de ni skye mched drug gtso bo yin no/ /gzhan dag na re/ de ni de ltar ma yin te/ gnas skabs kyi tha dad pas gzhan nyid yin pa'i phyir de'i yid ni gzhan nyid do/ /lus kyi skye mched de'i gnas skabs can sngar ma thob pa thob par byed do/ /gal te de'i ming dang gzugs kyi rkyen gang yin pa ni skye mched bzhi las mi skye ba ma yin zhes zer ro/ /gzhan dag na re rkang lag 'gyur pa'i gnas skabs kho nar bud med dang skyes pa'i dbang po dag thob pas rnam par shes pa dang lus kyi kun tu spyod pa thams cad srid pas lus dang yid kyi skye mched dag de'i tshe nyid mdza' dag thob pas kun tu spyod pa srid pas/ sngar skye mched drug skye ba'i phyir zhes bya ba legs so/ /de ni gsum 'dus tshun chad do/ zhes bya ba la/ ji srid du dbang po la sogs pa gsum ma 'dus pa de srid kyi gnas skabs su chung ngu dang 'bring dang chen po'i tshul gyis rdzogs par 'gyur ba de ni skye mched drug ces brjod do/ /yang 'di'i gnas skabs su rnam par shes pa nyid mi skye ba ci zhe na/ gang gi phyir 'dir gsum 'dus par gyur pa las/ yid kyi rnam par

  80. 40b

    shes pa gnas skabs 'gar yang mi skye ba ma yin zhing/ lus kyi rnam par shes pa ni ming dang gzugs kyi gnas skabs su yang 'dod do/ /rnam par shes pa'i tshogs lhag ma rnams kyang skyo ba srid kyi thams cad kyi tshe ma yin pas skye mched drug gi gnas skabs gtso bo nyid do/ /'o na gal te ming dang gzugs kyi rkyen gyis skye mched drug yin na ming dang gzugs kyi mjug thogs kho nar mi 'gyur ba ci zhe na/ dper na rnam par shes pa'i mjug thogs su ming dang gzugs la bltos pa'i phyir chung ngu dang 'bring gis kyang gzugs kyi gnas skabs su skye mched drug skyes pa'i nus pa med pas rkyen du mi 'gyur ro/ /de'i phyir gnas skabs gang gi ming dang gzugs skye mched drug skye pa la rkyen du gyur pa de la ltes nas skye mched drug skyes ste/ sa bon yongs su gyur pa las myu gu skye ba bzhin nam/ mjug thogs su 'byung ba'i phyir sprin las char bzhin no/ /'o na ming dang gzugs kyi rkyen gyis skye mched drug la ci zhig ce na/ 'ga' zhig tu skye mched ci yang mi 'jug ste/ gang gi phyir 'di ni rkyen thams cad la yang mtshungs so/ /a kIpta sya bli? pu rba ka karma bi kalpe? nA nu twat+ti:/ /gang gi tshe sngon gyi las rnams kyi nges par byas pa de'i tshe ming dang gzugs kyi rkyen las skye ste/ de'i rgyud du gtogs pa'i phyir ro/ /gzugs la sogs pa rnams kyang ming gi rkyen no/ /de dag ni dang po'i rnam par shes pa ni Sha ka/ skad cig nyid la skye bas/ de dag ming dang gzugs kyi rkyen du mi brjod do/ /de dag kyang sems can du ston pa dang sems can du mi ston pa ste/ 'dir ni sems can du ston pa kho na'i dbang du byas so/ /reg pa bde sdug la sogs kyi/ rgyu shes nus pa tshun chad do/ /zhes bya ba la/ reg pa ni skye mched drug gi 'og rol tu rnam par bzhag ste/ de'i tshe reg pa'i rten yongs su rdzogs pa yin no/ /de'i phyir reg pa sngar yod

  81. 41a

    pa ma yin no/ /tshor 'khrig tshun chad zhes bya ba la/ tshor ba gsum gyi rgyu yongs su gcod par nus pa yin pas/ zas la sogs pa'i srid pa kun tu spyad kyang/ ji srid 'khrig pa'i 'dod chags mi 'byung ba'i gnas skabs de ni tshor ba zhes mi bya'o/ /reg pa'i bya ba ma lus pa ni tshor ba la yod pa'i phyir snga rol du ni ma yin te/ tshor ba med pa'i phyir ro/ /longs spyod smos pas ni 'dod pa'i yon tan gzugs la sogs pa rnams gzung ngo/ /de srid 'bras bu 'byung gyur pa'i zhes bya ba la/ de zhes bya bas ni yongs su rgyug pa bstan to/ /las gang la 'byung bar 'gyur ba'i srid pa 'bras bur yod pa ni de'i srid pa'o/ /tshor ba'i bar ni rga shi yin/ zhes bya ba la/ yang dang sred pa la sogs pa yod pa ma yin pa ci/ gang gi phyir yan lag nyid du rnam par ma gzhag ce na/ skye ba gsum pa yod pa ma yin no/ /de dag nyid 'dir rten cing 'brel par 'byung ba'i skabs su zhes bya ba'o/ /bzhi pa'i rgyu ni 'dir ma bstan to/ /de dag kyang gang skye ba'i rgyur gyur pa de so so'i yan lag gi rnam par bzhag go /nyid ces bya ba ni skad cig la srid pas skad cig ma ste/ rgyu dang 'bras bu lhan cig spyod ces pa'i don to/ /rgyun ces bshad pa ni rgyun dang ldan pa ste/ rang gi don la 'phel ba sgrubs pa'i phyir rgyun chags pa'o/ /skye ba gsum gyi gnas skabs ni gnas skabs pa ste/ rgyun chags pa zhes brjod do/ /gal te gnas skabs pa nyid rgyun chags pa yin na ji ltar rnam pa bzhir brjod ce na/ rnam pa gzhan du rgyun chags pa dang/ rnam pa gzhan du gnas skabs pa zhes bya bar 'gyur bas rnam pa bzhi ste/ de rgyu dang 'bras bu 'brel pa las gnas skabs par brjod

  82. 41b

    lar de yang skal ba mnyam pa dang skal ba mnyam pa ma yin pa'i yan lag dang 'brel pa las 'brel pa can du brjod do/ /gang gi tshe ma rig pa'i yan lag rgyun dang ldan pa las ma rig ba'i yan lag kho na 'byung ba de ni skal ba mnyam pa'i 'brel ba can no/ /gang gi tshe ma rig pa'i yan lag las 'du byed kyi yan lag 'byung ba de'i tshe skal ba mnyam pa ma yin pa'i 'brel pa can te/ 'dir ni skal ba ma nyam pa'i 'brel pa can la mngon par 'dod do/ /gnas skabs la yod pa ni gnas skabs pa'o/ /rnam par shes pa dang lhan cig 'byung ba'i phung po bzhi zhes bya ba la sogs pa 'byung ste/ 'di la rnam par rig byed kyi gzugs dang rnam par rig byed ma yin pa'i gzugs kyang gzugs kyi phung po'o/ /ye na bra hA re Na dzI bi tA ta bya ba ro pa yo ti/ gang du rnam par rig byed gang yin pa de skad cig pa 'am rnam par rig byed ma yin pa 'di dngos gzhi ste/ las kyi lam zhes 'byung ba'i phyir ro/ /rnam par bshad pa 'dir ni srid pa dang khyad par med par 'gyur te/ de'i phyir nges par dbang dang po lhan cig skye ba kho na lan gzugs su gzung ngo zhes bya bar rtogs so/ /ming dang gzugs rnam par gnas pa'i dbang po rnams ni zhes bya ba 'byung ngo/ /ji ltar ming la dbang po rnams gnas zhe na/ de la rag las te 'jug pa'i phyir te/ 'di ltar ming gi dbang gis de'i rten 'byung ba chen po gnas shing du de btang bas de mi gnas so/ /yang na dbang po rnams la brten nas ming 'byung ba'i phyir de rnams rten gyi ngo bos ming la rnam par gnas so/ /skye mched drug 'dus bzhi reg pa'o zhes bya ba la 'dir mig la sogs pa rnams rang gi yul la 'jug cing 'dus pa ni reg pa zhes bya ba ste/ cig car skye mched drug 'dus ba mi srid pas reg pa ni ji ltar srid pa'i sgo nas yin par rig par bya'o/ /de

  83. 42a

    dang mtshungs par ldan pa ni zhes bya bar rgyas par 'byung ste/ chags pa de 'am/ sred pa 'am/ ma rig pa dang mtshungs par ldan pa'i ngo tsha med pa dang/ khrel med pa la sogs pa kun nas dkris pa rnams ni len pa'o/ /de nas kun nas bslang ba'i zhes pa ni chags pas kun nas bslangs te/ de ni skabs su bab pa yin pa'i phyir ro/ /gzhan dag na re ni ma rig pa'i yin no/ /zhes zer ro/ /gzhan dag ni sems pas so zhes zer ro/ /lus dang ngag gi las zhes bya ba ni rnam par rig byed dang/ rnam par rig byed ma yin pa'o/ /skye ba ni reg pa'o/ /yongs su smin pa ni skad cig ma snga ma la ltos te/ gzhan du gyur pa nyid do/ /bye brag tu smra ba rnams ni skad cig gcig la yongs su smin pa 'dod do/ 'jigs pa dang mthun pa'o/ /zhig pa ni shi ba'o zhes bya ba la/ 'jig pa ni 'jig pa la mngon du phyogs pa'o/ /kha cig na re srog gcod pa ni zhe sdang gis mthar phyin par byas pa yin la/ zhe sdang dang 'dod chags pa gnyis kyang skad cig gcig la srid pa yod pa ma yin te/ de'i phyir nor 'phrog pa'i zhes brjod par bya'o/ /zhes zer ro/ /nges pa de ni sems gzhan med pa la de yongs su rdzogs pa ni yan lag shes par bya'o/ /de ltar bshad na mi dge ba gzugs can thams cad la skad cig pa'i rten cing 'brel par 'byung ba yan lag bcu gnyis nye bar 'gyur ro/ /yang 'dir ci'i phyir dus kyi kun slong sems kho na yongs su gzung zhe na/ rgyu'i kun nas slong ba yang ma yin te/ 'phrul pa'i phyir ro/ /gdon mi za bar chags pa dang sdang ba dang/ rmongs pa rnams la las rnams rab tu 'jug pa ma yin gyi sred pa kho na rjes su 'jug byed yin no/ /ji ltar rab tu byed pa dag las zhes bya ba la/ de las ji skad du rten cing 'brel par

  84. 42b

    'byung ba gang zhe na/ 'dus byas kyi chos thams cad do zhes bya ba ste/ de la 'dus byas kyi chos kyi thams cad rnams skad cig re re la skye ba dang 'gag pa dang ldan pa'i phyir na/ skad cig pa'i rten cing 'brel par 'byung ba'o/ /'brel pa can ni rgyu dang 'bras bur gyur pa'i skad cig gnyis ka 'brel pa las yin no/ /tshe gsum bar chad med par 'brel pa las yin te/ 'das pa dang ma 'ongs pa dang da ltar byung ba'i tshe gsum dang 'brel pa'i phyir na/ de nyid gnas skabs pa dang/ rgyun chags pa zhes bya'o/ /bar chad med pa smos pa ni cha gsum 'grub par bya ba'i phyir ro/ /'dra ba dang mi 'dra ba'i 'bras bu rjes su 'brel pas 'brel pa can te/ ji skad du ma rig pa'i rgyu las kun tu 'dod chags pa'i phyir zhes rgyas par gsungs so/ /de bzhin du dge ba'i sems kyi mjug thogs su nyon mongs pa'am lung ma bstan gyi sems skye ba 'am bzlog pas so gzhan dag na re/ skad cig pa ni rgyu dang 'bras bu lhan cig spyod pa ste/ dper na mig dang gzugs la brten nas mig gi rnam par shes pa skye ba lta bu'o/ / rgyun chags pa ni rgyu dang 'bras bu zhes rgya cher 'byung ste chos kyi nus pa gsal byed do/ /gzhan dag ni lnga pa zhes zer ro/ /DaThTi? h+ra ru ra ti nirbrit+te/ /las kyi rgyus bskyed pa'i phyir zhes bya ba da lta la sogs pa'o/ /'di ni gnas skabs par 'dod lo zhes bya ba la/ lo'i sgra ni 'di ni 'di ltar ma yin nam zhes mdo sde pa'i bsam pa gsal bar byed pa'o/ /gtso ba'i phyir na yan lag bsgrags zhes bya ba la/ snga ma'i phung po lnga po thams cad ci rigs par phyi ma thams cad kyi rkyen yin pa de'i phyir 'dir gtso bo yin pa'i phyir yan lag bsgrags par shes par bya'i 'di dag nyid rkyen dang rkyen can du gyur pa'i phyir ni ma yin no/ /rab tu byed pa dag las gzhan tu 'byung zhes bya ba ni mdo las gsungs pa'i yan lag bcu gnyis las gzhan du

  85. 43a

    ste/ 'di ltar 'dus byas kyi chos thams cad do zhes 'byung bas yan lag bcu gnyis las tha dad pa rkyen dang rkyen can du ma nges par gyur pa rnams kyang gsungs so/ /mdo las ni bzlog pas so/ /dgongs pa las byung ba ni dgongs pa can yin la/ mtshan nyid la rnam par gnas pa ni mtshan nyid pa ste/ chos mngon pa las gsungs pa ni mtshan nyid dang 'brel pa'i phyir ro/ /de bzhin du zhes bya ba ni de lta ma yin dang zhes bya ba'i don to/ /gnas skabs pa dang rgyun chags pa dang/ sems can du ston pa ni mdo las gsungs pa dgongs pa can no/ /skad cig pa dang 'brel pa can dang sems can ma yin par ston pa zhes bya ba ni chos mngon pa las gsungs pa mtshan nyid pa'o/ /de nyid kyi phyir cha gsum pa yin no/ /zhes bya ba ni gang gi phyir sngon dang phyi ma'i mdza' dang/ bar la rmongs pa bzlog pa'i phyir bstan pa'i phyir te/ cha ni cha shas so/ /ci bdag ci zhig tu na byung bar gyur zhes bya ba ni lha 'am 'on te/ mi zhig snyam pa'o/ /bdag ji ltar byung bar gyur zhes bya ba ni rnam pa gang gi tshul gang gis so/ /ci ma 'ongs pa'i dus na 'byung bar 'gyur ram zhes bya ba rgyas par 'byung ba ni ci ma 'ongs pa'i dus na 'byung bar 'gyur ram/ don te 'byung bar mi 'gyur/ /ci zhig tu ni 'byung bar 'gyur/ ji ltar 'byung bar 'gyur zhes bya ba'o/ /'di ci zhig yin zhes bya ba ni lus kyi rdzes 'tshol ba'o/ /'di ji ltar yin zhes bya ba ni rnam pa gang gis tshul gang zhig tu yin zhes bya ba'o/ /lus kyi rdzes nges par ma zin pa ni yod pa ni ci zhig yin zhes bya ba ste/ bdag cag da ltar yod pa ni ci zhig yin/ 'gyur pa ni ci zhig

  86. 43b

    yin ces de ltar mi nges pa'o/ /ma rig pa dang 'du byed rnams zhes bya ba la/ ci zhe na/ sngon gyi mdza' la rmongs pa bzlog par bya ba'i phyir ro/ /skye ba dang rga shi ni phyi ma'i mdza' i'o/ /rnam par shes pa nas srid pa'i bar ni bar la rmongs par zlog par bya ba'i phyir ro/ /'di ltar mdo nyid las zhes bya ba rgyas par 'byung ste/ gang gi phyir mdo de nyid las so/ /rten cing 'brel par 'byung ba ni 'di yod pas 'di 'byung/ /'di skyes pas 'di zhes bya ba yan lag bcu gnyis kyi mtshan nyid can no/ /rten cing 'brel par 'byung ba'i chos rnams ni 'du byed la sogs pa dag go /yang dag pa'i shes rab kyis de ltar yang dag pa ji lta ba bzhin mthong zhes bya ba ni ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba rgyas par 'byung ba'o// ma rig pa la sogs pa bcu gnyis ni phung po lnga'i gnas so/ /sngon gyi mdza' la 'brang bar mi 'gyur ro/ /zhes bya ba la sogs pa ni rgyu dang 'bras bur 'brel bar khong du chud pa'i phyir ro/ /chos tsam du khong du chud pa'i phyir ro/ /sred pa dang len ba dang srid pa zhes bya ba rgyas par 'byung ba la/ sred pa la sogs pa 'di dag ni bar gyi srid pa yin yang phyi ma'i mdza' la rmongs pa bzlog par bya ba'i phyir yin te/ de'i rgyu yin pa'i phyir ro/ /bye brag tu smra ba rnams na re de dag gis ni rnam par shes pa la sogs pa/ tshor ba la thug pa rnams kyang de'i 'bras bu yin pa'i phyir sngon gyi mdza' la rmongs pa bzlog pa'i phyir yin pa'o/ /yang na ma gri pa dang 'du byed rnams kyang de'i rgyu yin pa'i phyir bar par la rmongs pa bzlog par bya ba'i phyir yin no zhes khas blang bar bya dgos la/ de ltar na yang 'das pa'i bar gyi cha yod pa ma yin pas mod dang 'gal te/ de lta bas na snga ma nyid kha na ma tho ba med do/ /nyon mongs pa gsum mo zhes bya ba la/ ma rig pa ni bltar gyi skye ba'i rgyu yin

  87. 44a

    la/ sred pa dang len pa ni ma 'ongs pa'i skye ba'i rgyu yin no/ /las gnyis so zhes bya ba ni da ltar dang ma 'ongs pa'i skye ba'i rgyu 'du byed dang srid pa zhes bya'o/ /de yan lag bdun po zhes bya ba la/ da ltar ba'i skye ba la ni rnam par shes pa la sogs pa tshor ba'i mthar thug pa lnga'o/ /ma 'ongs pa'i skye ba dang rga shi gnyis so/ /yang ci'i phyir 'di dag gzhi zhes bya zhe na/ las dang nyon mongs pa'i rten yin pa'i phyir zhes bya ba 'byung ste/ las dang nyon mongs pa'i rgyu yin pa'i phyir ro zhes bya ba'i tha tshig go/ de bzhin 'bras bu yin zhes bya ba la/ yan lag bdun kho na 'bras bu yin te/ sngon gyi mdza' pa'i rnam par shes pa la sogs pa lnga dang/ phyi ma'i mdza' pa'i skye ba dang rga shi'o/ /lhag ma lnga ni zhes bya ba la/ /las dang nyon mongs pa'i rang bzhin nyid kyis rnam par smin pa 'phen pa'i phyir ro/ /gzhi rnam pa lnga zhes bya ba ni rnam par shes pa dang/ ming dang gzugs dang skye mched drug dang/ reg pa dang/ tshor ba zhes bya ba de lta bu'o/ /nyon mongs pa rnam pa gnyis tha dad pa zhes bya ba ni sred pa dang/ de'i rkyen gyi len pa ste/ de ltar na bar du rgyu dang 'bras bu nyid rgyas pa yin no/ /yang ji ltar sred pa 'di len pa yin bzhin du logs shig tu rnam par bzhag ce na/ bye brag tu smra ba rnams na re sred pa'i skad cig ma dang po ni sred pa'i sgras brjod la/ rgya che ba ni len pa'i sgras brjod de/ rgyun gyi sgo nas yul ches dam por 'dzin pa'i phyir ro/ /de ltar yod pas skad cig ma la sogs pa rnams yan lag gsum nyid du thal bar 'gyur ba ma yin nam zhe na/ gnyis su yang 'dod pas thal bar 'gyur ba 'di med do/ /yul so so'i skad cig las skad cig ma mang po nyid kyi phyir nyid mtshams sbyor ba'i skad cig ma nyid ni rnam par shes pa'i skye ba yin pas de nyid skad cig ma gcig go/ yang ci'i phyir sred pa kho na de ltar

  88. 44b

    bstan gyi nyon mongs pa gzhan ma yin zhe na/ skad cig ma dang rgyun gyi dbye bas bstan te/ srid pa mngon par 'grub pa la sred pa kho na gtso bo'i rgyu nyid do/ /de la dang po dgu mthong bas las de'i gnyen po tshol pa la ka tha yan+ta ban+ta(mdo 'grel): shu ri ti/ gzhan dag na re sred pa kho na bstan gyi/ nyon mongs pa gzhan dag ma yin pa ni yul rnams dang dang por phrad pa ni sred pa'i sgras bstan la/ rgyas par phrad pa la nye bar len pa'i sgras bstan to/ /zhes zer ro/ /'di ltar bcom ldan 'das kyis srid pa'i rgyu can gyi las gsungs te/ nyon mongs thams cad las kyi rgyu yin pa de'i phyir 'dir srid pa'i sgras nyon mongs pa thams cad gzung ba de'i skyon bstan pa bskyed pa'i phyir de ltar shes so/ /'dir ni brgal ba'i lan du mi sbyor ro/ /tshe gsum gyi gnas skabs kyi yan lag tha dad pa rnams 'chad par 'gyur ba'i phyir ro/ /de lta ma yin na yan lag bcu gnyis phung po lnga'i gnas skabs kyi gnas skabs pa'i rten cing 'brel par 'byung ba zhes bya bar 'gal lo/ /ma 'ongs pa'i dus su zhes bya ba la sogs pa la skye ba dang de'i rkyen gyis rga shi ste/ de ltar na 'bras bu mdor bsdus pa yin/ nyon mongs pa sgo gcig tu bstan pa'i phyir zhes bya ba ni ma rig nyon mongs sngon gnas skabs zhes 'byung bas/ ma rig pa'i sgo gcig pus nyon mongs pa thams cad bstan pa'i phyir te/ rgyu mdor bsdus pa yin no zhes bya bar bsnyegs so/ /yang ci'i phyir zhes bya ba yang skabs su bab pa yin pa'i phyir thams cad dang sbyar bar bya'o/ /las ni sngon gyi mdza' dang bar du yang mdor bsdus pa nyid du bstan pas rnam par ma dpyad do/ /yang don med pa'i 'bad pa ma byas so/ zhes bya ba la/ bar du rgyu rgyas par bstan pas sngon gyi mthar yang rgyu rgyas pa dang/ 'bras bu rgyas par bstan pas phyi ma'i mthar yang 'bras bu rgyas par rtogs par nus pa nyid do/ /gang gi phyir skye ba thams cad bltos pa'i bye brag las

  89. 45a

    sngon dang bar dang phyi ma yin te/ de'i phyir sngon dang phyi ma'i mdza' gnyis su 'bras bu rgyas par brjod pa don med par 'gyur bas/ yang brjod pa'i 'bad pa don med do/ /gal te rten cing 'brel bar 'byung ba yan lag bcu gnyis kho na yin na zhes bya ba rgyas par smras pa la/ yan lag lnga ni rgyu yin la/ bdun 'bras bu yin pas de ltar yan lag bcu gnyis kho nar 'gyur te/ rgyu dang 'bras bu gzhan med pa'i phyir ro/ /de ltar na ma rig pa la rgyu med pa'i phyir 'khor ba thog ma dang ldan par thal bar 'gyur la/ rga shi la 'bras bu med pa'i phyir mdza' dang ldan par 'gyur te/ de'i phyir gnyen po med pa kho na srid par med pa thal bar 'gyur ro/ /ma rig pa dang/ rga shi gnyis kyi rgyu dang 'bras bu khas len na yang yan lag lhag pas bstan pa ma tshad pa nyid dang/ rgyu dang 'bras bu dag thug pa med par thal lo zhe na/ nyon mongs pa las nyon mongs dang/ bya ba nyid do zhes bya ba rgyas par 'byung ngo/ /gzhi 'am nyon mongs pa las zhes bya ba la/ /tshe 'di'i srid pa dang len pa gang yin pa de ni 'das pa'i dus na ma rig pa yin par bshad de/ des na ma rig pa gzhi 'am nyon mongs pa las skye bar 'gyur ro zhes bya ba 'grub po/ /gzhi las kyang nyon mongs pa 'byung ngo/ zhes bya ba ni srid pa ste 'dir tshor ba'i rkyen gyis srid pa yin par bshad la/ rga shi yang tshor ba la thug pa yin te/ tshor ba'i bar ni rga shi yin zhes bshad pa'i phyir ro/ /de ltar na zhes bya ba ni nyon mongs pa las nyon mongs pa dang bya ba nyid do de las gzhi de las gzhi dang nyon mongs skye/ 'di ni srid pa'i yan lag lugs/ zhes ji skad bshad pa'i tshul gyis so/ /de lta ma yin na te/ nyon mongs pa las nyon mongs dang zhes bya ba de lta bu la sogs pa ji skad bshad pa mi bzhed par gyur

  90. 45b

    na ni gang gis na de ltar sdug bsngal gyi phung po chen po 'di zhes gsungs par 'gyur la/ 'di ni nus pa ci zhig yod par 'gyur/ de'i phyir yan lag gzhan kha skad mi dgos la/ thug pa med par mi 'gyur zhing/ bstan pa ma tshang ba nyid ma yin no/ /gzhan dag na re mdo gzhan las zhes bya ba la sogs pa la/ mdo gzhan gang las zhes na/ rgyu dang bcas rkyen dang bcas gzhi dang bcas pa'i mdo las te/ dge slong dag ma rig pa yang rgyu dang bcas/ rkyen dang bcas/ gzhi dang bcas so/ /ma rig pa'i rgyu gang yin/ rkyen gang yin/ gzhi gang yin zhe na/ tshul bzhin ma yin pa yid la byed pa'o/ /zhes brjod par bya'o/ zhes gsungs so/ /de lta na yang tshul bzhin ma yin pa yid la byed pa'i rkyen ma gsungs pa'i phyir 'khor ba thog ma dang tha ma dang ldan pa'o/ /yan lag gzhan kha bskang bar bya dgos par 'gyur bas/ nyes pa de nyid du 'gyur ro zhe na de'i phyir tshul bzhin ma yin pa yid la byed pa yang ma rig pa'i rgyu las byung ba yin no/ /zhes gsungs te/ de'i phyir 'di nyes pa med do/ /mdo las 'di ltar mig dang gzugs dang tshul bzhin ma yin pa yid la byed pa la brten nas gti mug las skyes pa zhes gsungs so/ /ci'i phyir de 'dir ma bshad cing yan lag gzhan du yang ji ltar mi 'gyur zhe na/ de'i phyir de ni 'dir yang len pa'i nang du 'du ba'i phyir bshad pa yin no/ zhes bya ba smras so/ /de zhes bya ba ni tshul bzhin ma yin pa yid la byed pa'o/ /'dir yang zhes bya ba ni rten cing 'brel par 'byung ba'i mdor ro/ /len pa rnams nyon mongs pa thams cad kyi bdag nyid yin pa'i phyir la/ tshul bzhin ma yin pa yid la byed pa yang sems kyi gzo ba nyon mongs pa can yin pa'i phyir len pa'i nang du 'du ba yin no/ /zhes bshad par 'gyur ro/ /de ltar na ma rig pa rgyu med pa can nyid ma yin

  91. 46a

    zhing/ yan lag gzhan kha bskang bar bya dgos pa yang ma yin la/ thug pa med pa thal par yang mi 'gyur ro/ /zhes zer ro/ /slob dpon gyi tshul bzhin ma yin pa yid la byed pa len pa'i nang du ji ltar 'dus zhes bya ba smos te/ nyon mongs pa'i bdag nyid ma yin pa bzhin du zhes bsams pa'o/ /len pa ni nyon mongs pa rnams kho na yin gyi/ chos gzhan dag ni ma yin te/ ji skad bshad nyid ma rig bcas/ nye lan rnams te lha rnams gnyis/ phye ba'i phyir ro/ /zhes 'byung ba'i phyir ro/ /gal te mtshungs par ldan pa las yin no/ /zhe na ni/ zhes bya ba la/ nyon mongs pa'i bdag nyid yin pa'i phyir ni ma yin gyi/ 'o na ci zhe na len pa dang tshungs par ldan pa'i phyir de'i nang du 'dus so/ /gzhan gyi bsam pa gsal bar byed pa ni/ sred pa dang ma rig pa dag gi nang du yang zhes bya ba ste/ rten cing 'brel par 'byung ba'i yan lag gi nang du'o/ /des na 'dus par thal bar 'gyur ro/ /zhes bya ba la/ tshul bzhin ma yin pa yid la byed pa'o/ /ci'i phyir zhe na/ de ni len pa ltar sred pa dang ma rig pa gnyis dang yang mtshungs par ldan pa'i phyir te/ des na len pa'i nang du 'du ba 'ba' zhig tu ma zad kyi sred pa dang len pa'i nang du 'dus pa'i phyir na 'di ltar bshad par 'gyur ro zhes brjod par bya ste/ khyad par gyi rgyu med pa'i phyir ro/ /nang du 'dus pa yin du chug na yang zhes bya ba la rgyas par 'byung ba la/ 'di skad bstan par 'gyur te/ mtshungs par ldan pa tsam gyis ni nang du 'du bar mi rtogs te/ 'khrul pa'i phyir ro/ /nang du 'dus pa yin du chug na yang ji ltar 'di las 'di zhes bya ba la/ mdo de las ni tshul bzhin ma yin pa yid la byed pa len pa'i nang du 'dus pa'i phyir len pa ma lus pa dang 'dra bar srid pa'i rgyu nyid du rtog

  92. 46b

    par 'gyur gyi/ ma rig pa'i rgyu nyid du ni ma yin te/ gang las len pa'i nang du 'du bas tshul bzhin ma yin pa yid la byed par ma rig pa'i rkyen nyid du rtog par 'gyur ba mdo 'di las len pa ma rig pa'i rgyu nyid ni ma bstan to/ /gal te bcos sam bstan yang nang du bar du ba kho nas rgyu dang 'bras bu'i dngos por shes par 'gyur ro/ /zhe na 'o na ni srid pa dang ma rig pa dag kyang zhes bya ba rgyas par 'byung ste/ ma rig pa dang tshul bzhin ma yin pa yid la byed pa gnyis ltar ma bstan yang len pa'i nang du 'dus pa kho nas/ sred pa dang len pa dag dang/ ma rig pa dang 'du byed dag rgyu dang 'bras bu'i dngos por shes par 'gyur te/ de'i phyir tshul bzhin ma yin pa yid la byed pa ltar sred pa dang ma rig pa gnyis kyang yan lag gzhan nyid du mi bya bar nus na/ byed pa yang yin te/ de'i phyir len pa'i nang du 'dus pa yan lag gzhan nyid du mi brjod pa'i rgyu ma yin no/ /gzhan dag na re zhes bya ba ni slob dpon dpal len no/ /mdo gzhan las zhes bya ba ni rgyu dang bcas rkyen dang bcas gzhi dang bcas pa'i mdo las so/ /de las zhes bya ba ni tshul bzhin ma yin pa yid la byed pa'o/ /reg pa'i dus su bstan pa yin la/ mig gi rnam par shes pa skye pa'i dus gang yin pa de nyid reg pa'i dus so/ /gti mug gi skyed par byed pa can nam/ gti mug las skyes pa ni gti mug las skyes pa'o/ /nyon mongs pas brnyogs pa'i phyir na snyog pa'o/ /ma rig pa'i 'dus te reg pa las byung pa'i zhes bya ba rgyas par 'byung ba la/ ma rig pa dang mtshungs par ldan pa'i reg pa las skyes pa ni ma rig pa'i 'dus te reg pa las gyur pa'i tshor ba yin la/ de yang gdon mi za bar ma rig pa yang mtshungs par ldan pa yin te/ ma rig pa dang mtshungs par ldan pa ma yin pa'i tshor ba ni sred pa'i rkyen ma yin no/ /de

  93. 47a

    lta bas na reg pa'i dus na yod pa'i tshul bzhin ma yin pa yid la byed pa ni zhes bya ba rgyas par 'byung ste/ ma rig pa rgyu med pa nyid kyang ma yin zhing/ tshul bzhin ma yin pa yid la byed pa'i rgyu las byung ba'i phyir bcu gnyis las gzhan pa'i yan lag gzhan gyis kha bskang bar yang mi bya'o/ /tshul bzhin ma yin pa yid la byed pa reg pa'i nang du 'dus pa'i phyir na thug pa med par thal ba yang ma yin te/ ma rig pa dang tshul bzhin ma yin pa yid la byed pa gnyis phan tshun gyis rgyu las byung ba'i phyir ro/ /de nyid bstan pa'i phyir gti mug las skyes pa yid la byed pa zhes bya ba rgyas par 'byung ngo/ /'o na ni de ni zhes bya ba ni ma rig pa'i tshul bzhin ma yin pa yid la byed pa las skyed pa nyid dang/ tshul bzhin ma yin pa yid la byed pa gti mug las skyes pa nyid do/ /gzhan du gsungs pas zhes bya ba mdo gzhan du'o/ /'dir brjod par bya dgos so/ /zhes bya ba ni rten cing 'brel par 'byung ba'i mdor ro/ /ma bshad pa de'i phyir dgongs pa 'dis ma rig pa'i rkyen brjod do zhes bya bar rtogs so/ slob dpon dpal len gyis smras pa/ brjod par bya mi dgos so/ /ci'i phyir zhe na/ 'dir yang go ba zhes bya ba'i phyir ro/ /'dir yang go bar zhes bya ba ni mi srid do/ /snyam nas 'dri ba ni/ ma brjod bzhin du ji ltar go /zhes bya ba'o rig pa las so/ /zhes bya ba la/ ma smras pa kho na go ba 'ba' zhig tu ma zad kyi/ gang zhig rig pa las go ba de yang go ba ma yin no/ /snyam du bsams pa'o/ /rig pa gang gis zhes bya ba la/ 'dir ma rig pa dang tshul bzhin ma yin pa yid la byed pa gnyis phan tshun gyi rgyu las byung bar go bar 'gyur zhes bya bar sbyar ro/ /dgra bcom pa rnams kyi tshor ba ma rig pa med pa ni zhes

  94. 47b

    bya ba 'byung ste/ dgra bcom pa rnams kyi tshor ba ma rig pa dang mtshungs par mi ldan pa ni sred pa'i rkyen ma yin te/ 'dis ni tshor ba'i dus na ma rig pa yod do zhes bstan to/ /phyin ci log pa med pa'i reg pa yang zhes bya ba ni nyon mongs pa can ma yin pa ste/ dgra bcom pa rnams kyi nyon mongs pa can gyi tshor ba'i rkyen ma yin no zhes skabs dang sbyar ro/ /de ltar na reg pa'i dus na nyon mongs pa can gyi tshor ba'i rkyen tshul bzhin ma yin pa yid la byed pa yod do/ /zhes bya bar shes par byas par 'gyur ro// 'di la rten cing 'brel bar 'byung ba'i mdor yang sred pa'i rkyen gyi tshor ba nyid du bshad/ de'i rkyen gyis kyang reg pa'o/ /ma rig pa med par tshor ba nyon mongs pa can med la/ tshul bzhin ma yin pa yid la byed pa med par phyin ci log gi reg pa med pa de'i phyir sngar bshad pa'i rig pas 'dir yang tshul bzhin ma yin pa yid la byed pa ni ma reg pa'i rkyen du 'gyur ro zhes bya bar 'grub po/ ma rig pa med par phyin ci log gi yid la byed pa yod pa ma yin zhing/ yid la byed pa de yang gti mug las skyes pa nyid du grub po/ /de ltar na ni ha cang thal bar 'gyur te zhes bya ba rgyas par 'byung ba la/ mdo gzhan las ma rig pa'i 'dus te reg pa las byung ba'i tshor ba la brten nas sred pa skyes so/ /zhes bstan la/ dgra bcom pa ma rig pa med pa'i tshor ba yang sred pa'i rkyen ma tshang? zhing/ phyin ci log med pa'i reg pa yang nyon mongs pa can gyi tshor ba'i rkyen ma yin no/ /yan lag gnyis po 'di yang reg pa dang tshor ba zhes bya ba 'dir nus pa mi byed do/ /ma brjod kyang gzhan du bstan pa'i phyir 'di go'o zhe na/ mdo gzhan las de bsod nams mngon par 'du byed na bsod nams su nye bar 'gro ba'i rnam par shes par 'gyur ro zhes rgyas par gsungs la/ dgra bcom pa ma rig pa med pa la ni bsod nams su nye bar

  95. 48a

    'gro ba'i rnam par shes pa yod pa yang ma yin te/ de ltar na 'dir yang ma rig pa'i rkyen can gyi 'du byed yod bzhin du rig pas 'dir 'du byed kyi yan lag tu brjod par mi bya'o/ /yang na ma rig pa ni dgra bcom pa ma rig pa med pa la 'du byed med pas 'du byed smos pa kho nas ma rig pa bshad do/ /zhes bya ba ste/ yan lag thams cad la yang de bzhin du brjod par bya'o/ /de ltar na rga shi'i yan lag bstan pa tsam nyid du thal bar 'gyur ro/ /'di ni klan kar mi rung ba kho na yin la zhes bya ba ni mdo mdzad pa'i gzhung lugs so/ /ma tshang ba bstan pa yang ma yin no zhes bya ba la/ 'khor ba thog ma dang tha ma ldan pa nyid du mi 'dod kyang/ 'dir nyid mtshams sbyor ba gnyis brjod par 'dod pa'i phyir la/ de yang de tsam gyi bstan pa'i phyir snyam du bsams pa'o/ /bsams pa ma gtogs pas 'dri ba ni/ ci'i phyir zhe na/ zhes bya ba la/ 'dir ni 'jig rten pha rol nas zhes bya bas ni rgyas par bsam pa gsal bar byed pa'o/ /yang tshul gang gis she na/ 'di ni sngon dang phyi ma thal bar dag la zhes bya ba la sogs pas sngar bshad zin to/ /de la ma rig pa dang 'du byed dag gis ni rnam par shes pa la sogs pa tshe rab la thug pa 'jig rten 'di sbrel par byed la/ srid pa dang len pa dang srid pa rnams kyis ni skye ba dang rga shi'i bdag nyid can 'jig rten pha rol sbrel par byed do/ /ma rig pa'i rgyu dang rga shi'i 'bras bu ni 'jig rten 'di yang ma yin zhing ngo/ /'jig rten pha rol la yang ma yin la/ de gnyis kyi rgyu yang ma yin pas 'dir ma gsungs so/ /skabs su ma bab par bstan pa'i skyon spang pa'i phyir ro/ /gnyis ka yang zhes bya ba ni rten cing 'brel par 'byung ba dang/ rten cing 'brel par 'byung ba'i chos rnams so/ /'dus byas kyi chos

  96. 48b

    thams cad ces bya ba ni/ dus gsum pa rnams so/ /da ni ji ltar ma 'ongs pa ma byung ba zhes bya ba la sogs pa 'byung ngo/ /'das pa dang da ltar byung ba kho na rten cing 'brel par 'byung ba rnams su bstan bcos las bshad ces slob dpon 'dus bzang zer ro// bstan bcos las 'di skad du/ skyes pa'i chos rnams gang zhe na/ 'das pa dang da ltar byung ba'i chos rnams so/ /de dang brten pa dang brten pa ma yin pas ma skyes pa dang skyes pa'i rigs pa rim gyis 'gal ba'i phyir ro/ /ma 'ongs pa yang rten cing 'brel bar 'byung ba zhes bya bar ni mi 'gal te/ de'i chos nyid kyi phyir ro/ /de ni de lta ma yin te/ rten cing 'brel par 'byung ba bzhin no/ /rten cing 'brel par 'byung ba rnams kyang chos thams cad do zhes khyad par med par gsungs pa'i phyir ro/ /gang yang 'dir lan du brjod pa phung po rnams kyis 'dus byas thams cad bsdus pa'i phyir dang de dag kyang 'das pa dang da ltar byung ba nyid yin pa'i phyir 'di la skyon med do zhes bya ba 'di yang phyed par dka' bas lan ma yin pa nyid de gzhan du na rnam par dpyad par bya dgos par 'gyur te/ /spros pas chog go /re zhig ma 'ongs pa ma byas pa rnams zhes bya bar rgyas par 'byung ste/ rgyu dang rkyen rnams 'dus shing tshogs nas byas pas na 'dus byas yin la/ ma 'ongs pa ni byas pa ma yin mod kyi 'on kyang 'dus byas su brjod pa de bzhin du/ ma 'ongs pa ma byung ba rnams kyang rten cing 'brel par 'byung ba zhes bya'o/ /yang de dag ma byas na ji ltar 'dus byas zhes bya zhe na/ de'i phyir mngon par 'du byed pa'i zhes bya ba smos te/ 'di lta bu dang 'di lta bur gyur cig snyam du mngon par 'du byed pa'i ngo bo can 'bras bu mngon par sgrub par byed pa'i sems dpas so/ /bsam pa'i phyir ro zhes bya ba ni lhar 'gyur bar bya'o/ /mir 'gyur bar bya'o snyam pa de lta bu la sogs pa'o/ /mngon par

  97. 49a

    'du byed pa pas zhes bya ba'i don du zhe na/ de'i byed pa nye bar bstan pa'i don to/ /de lta ma yin na slar brjod pa la sems pas bsams pa'i phyir dang/ bka' las 'byung ba'i phyir ma 'ongs pa'i 'dus byas nyid mngon par mi bsal bar 'gyur ro/ /byed pa mngon par mi gsal ba'i phyir rnam par smin pa'i 'bras bu mngon par 'du byed pa rnams mngon par 'du mi byed do/ /de dag ma 'ongs pa'i rgyu mthun pa'i 'bras bu nyid kyi phyir dang bsams pa'i phyir 'dus ma byas nyid du thal bar 'gyur ro/ /thams cad 'tshogs bcas dang bcas pa'i lus 'dod pa'i yul rnams kyang de bsams pa nyid du 'gyur te/ de'i phyir yul rnams kyang 'dus byas nyid du mi 'gal lo/ /zhes zer ro/ /sred pa'i gzhi ma yin pa nyid kyi 'jug pa dang 'gal ba'i phyir 'dri ba ni/ zag pa med pa rnams ji ltar zhes bya ba ste/ rnam par smin pa ma yin pa'i phyir ro/ /thob par bya ba'i phyir zhes bya ba ni bdag gis zag pa med pa'i chos rnams thob par gyur cig snyam du'o/ /mya ngan las 'da' ba la yang thal bar 'gyur ro/ /zhes bya ba ni 'dus byas nyid du zhes bya bar sbyar te/ de yang dge ba nyid kyis thob par bya ba'i phyir sems pas bsams pa yin no/ /de dang rigs mthun pa'i phyir zhes bya ba ni ma 'ongs pa rnams 'dus byas nyid dang rten cing 'brel par 'byung ba nyid kyi dbang du byas nas lan smras pa'o/ /'dus byas dang rigs mthun pa'i phyir dang rten cing 'brel par 'byung ba dang rigs mthun pa'i phyir ma byas pa dang/ ma byung ba rnams la yang 'dus byas dang rten cing 'brel par 'byung ba zhes de ltar mthun par bsgres pa yin no/ /'dir 'das pa dang da ltar byung ba dag la ni 'dus byas dang rten cing 'brel 'byung ba'i zhes bya ba'i dngos kyi sgra

  98. 49b

    yin la/ ma 'ongs pa la ni brtags pa yin no/ /zhes shes par bya bar 'gyur ro/ /'di nyid la dpe ni dper na re zhig gzugs su mi rung yang zhes bya ba rgyas par 'byung ba ste/ gzugs su rung ba zhes bya ba'i sgras ni bya ba'i rgyu mtshan can 'di de dang rigs mthun pa'i phyir ma 'ongs gzugs rgyu mtshan med pa la yang mi 'gal ba de bzhin du 'dir yang mi 'gal lo zhes bya bar ston to/ /de la 'ga' zhig dpe dang dpe can mtshungs pa'i phyir 'di lan du mi rigs so snyam na ma yin te/ rten cing 'brel par 'byung ba de yang rab tu grags pas rab tu ma grags pa bsgrub pa'i phyir ro/ /ji ltar ma 'ongs pa gzugs can du ma gyur pa nyid rigs mthun pa'i phyir gzugs zhes brjod pa de bzhin du ma byas pa dang ma skyes pa rnams kyang ma 'ongs pa dang rigs mthun pa'i phyir 'dus byas dang rten cing 'brel par 'byung ba rnams su brjod de/ de ltar na 'dir rgol ba'i skabs med do/ /rgyu dang 'bras bu dag pha dang bu bzhin no/ zhes bya ba la ji ltar sa bon de nyid rgyu la ltos te/ 'bras bu yin zhing/ 'bras bu la bltos na rgyu zhes bya bar brjod pa dang/ de nyid bu la bltos nas pha yin la/ pha la bltos nas bur brjod pa de bzhin du yan lag de nyid 'bras bu la bltos nas rten cing 'brel par 'byung ba yin la/ rgyu la bltos nas rten cing 'brel par 'byung ba zhes bya ste/ de lta na rnam par bzhag pa 'jig pa med do/ /gnas brtan bsam rdzogs na re zhes bya ba rgyas par 'byung ste/ gnas brtan bsam rdzogs kyi bsam pa ni ji ltar rgyu las grub pa de ltar rten cing 'brel par 'byung ba rnams yin la/ gzhan dag gi rgyur gyur pa de ltar rten cing 'brel par 'byung ba'o/ /zhes bya ba 'di yin par snang ngo/ /de ltar bshad na mu dang po ni chos ma 'ongs pa rnams te/ ma skyes pa'i phyir na rten cing 'brel par 'byung ba yin la/ gzhan dag gi rgyur gyur pa'i phyir na rten cing 'brel par

  99. 50a

    'byung ba'o/ /gnyis pa ni dgra bcom pa'i tha ma rnams te/ skyes pa'i phyir ro/ /'dir dgra bcom pa'i tha ma 'das pa 'am/ da ltar ba dag las chos gzhan 'byung ba ni ma yin no/ /gsum pa ni de las gzhan pa zhes bya ba ni dgra bcom pa'i tha ma dag las gzhan pa'i chos 'das pa dang da ltar byung ba rnams te/ de dag ni skyes pa'i phyir dang/ gzhan dag gi rgyur gyur pa'i phyir gnyis ka ltar yin no/ /bzhi pa ni chos 'dus ma byas rnams so/ /zhes bya ba la de dag ni ma skyes pa'i phyir dang/ rgyu ma yin pa'i phyir ro/ /gnyi ga ltar yang ma yin no zhes bya ba ni 'dus ma byas kyang rgyu med pa'i phyir rten cing 'brel par 'byung ba ni ma yin te/ de la rgyu'i mtshan nyid ma tshang ba'i phyir ro/ /yang rgyu'i mtshan nyid gang zhig ce na/ 'di yod na 'di 'byung 'di skyes pas 'di skye/ 'di med na 'di mi 'byung 'di 'gags pas 'di 'gag ces pa'o/ /de la 'dus ma byas yod na dngos po rnams 'byung mod kyi/ de ni skye ba ma yin la/ de med na de med pa dang/ de 'gags pas 'gag pa yang mi 'thad de/ skye ba dang 'gag pa dang bral ba'i phyir ro/ /grag go zhes bya ba'i sgra ni mi srid do/ /de bzhin 'chad par ci ltar 'os zhes bya ba'o/ /de'i rang bzhin ni brtag pa'i phyir 'dus ma byas la dmigs pa'i ngo bo sgrib pa med pa'i ngo bos 'dus byas rnams kyi byed rgyu'i rgyu'o/ /'du byed kyi skye ba'i rgyun ni ma yin te rgyu'i mtshan nyid ma tshang ba'i phyir ro/ /zhes slob dpon 'dus bzang zer ro/ /de ltar na 'o na mi skye ba'i chos kyi byed rgyu la yang rgyu'i mtshan nyid med pa'i phyir 'dus ma byas bzhin rnam pa gnyis ka med par thal bar 'gyur ba'i phyir mu bzhi 'gal lo/ /gzhan dag na re/ ma rig pa rten cing

  100. 50b

    'brel par 'byung ba dang 'du byed rten cing 'brel par 'byung ba nas ji srid rga shi dang ma rig pa rten cing 'brel par 'byung ba'i bar nges par 'du byed kyi gnas skabs nying mtshams sbyor ba'i phyir rga shi rten cing 'brel par 'byung ba'i chos rnams so/ /zhes zer ro/ /gzhan dag na rigs par rga shi'i gnas skabs nyon mongs pa'i gnas skabs bskyed par byed pa ma yin la/ lhag ma rnams ni gnyis ka ltar yang ma yin no/ /zhes zer ro/ /kha cig ni rten cing 'brel par 'byung ba yan lag dang po ni rgyu'i ngo bos 'chad par 'dod pa'i phyir la/ rten cing 'brel par 'byung ba gzhan lhag ma rnams ni gnyi ga ltar yang yin no/ /snyam du sems so/ /rnam par bshad pa 'di rnams dang mdo ni 'gal par mi gzung ste/ gang gi phyir mdo las rten cing 'brel par 'byung ba'i chos rnams gang zhe na/ ma rig pa nas rga shi'o/ zhes gsungs so/ /'di ci 'di dag gang zhig 'dod pa zhes bya ba ni rten cing 'brel par 'byung ba gnas skabs pa yin pa dang/ rten cing 'brel par 'byung ba yin la/ rten cing 'brel par 'byung ba'i chos ma yin pa yang yod de/ zhes bya ba la sogs pa'o/ /mdo las ni zhes bya ba la/ mdo las ni ma rig pa gang zhes dri ba byas nas phung po lnga'o/ /zhes de skad du ma bstan to/ /'o ni ci zhe na/ gzhan du'o/ /sngon gyi mdza' mi shes pa gang yin pa'o/ /zhes bya ba rgyas par 'byung ngo/ / nges pa'i don gang yin pa zhes bya ba la/ gang zhig gi don bcom ldan 'das nyid kyi rma ba mdzad nas rnam par phye ba de'i don ni de nyid yin gyi/ gzhan ma yin pas de ni yang drang ba'i don du mi 'gyur ro/ /slob dpon 'dus bzang na re/ lhag ma dang bcas par bstan par 'gyur to/ dper na las gsum po 'di rgyu dang kun 'byung ba dang zhes mdor bstan pas gsum po kho na bstan par byas te/ chags pa dang sdang ba dang rmongs pa rnams so/ /nga rgyal la sogs pa ni las kyi rgyu dang kun tu

  101. 51a

    'byung ba chags pa la sogs pa dang mtshungs par ldan pa ma yin pa'i phyir ma yin no/ /de bzhin du chos gnyis po 'di dag sgom par bya ste/ zhes bya bar yang zhi gnas dang lhag mthong ste/ de bstan pa kun tu rtogs pa la sogs bsgom par bya ba ma yin no/ /de bzhin du 'dir yang gnas skabs gang yin pa de gtso bor bstan pas ji skad bshad pa kho na bsten te/ bya ba 'gal ba ci yang med do/ /ma rig pa ma gtogs pa gzhan 'du byed kyi rkyen du mi 'dod de/ 'o na ci zhe na/ mdo gzhan du ma rig pa la sogs pa rnams nyid du 'du byed la sogs pa'i rkyen du bzhed do zhes bya bar rtogs so/ /ji ltar gzhan las bshad pa'i mdo gnyis po de la yang las kyi rgyu dang kun 'byung ba gzhan du sgom par bya ste/ gang kho na bstan pa de kho na bstan par 'dod kyi gzhan ma yin no zhes bya bar rtogs so/ /de bzhin du 'dir yang 'di shes byed ma yin te/ mdo gnyis ni bye brag tu smra ba'i don dang 'gal ba'i phyir ro/ /bstan pa'i sgo nas thams cad ces bya ba la/ bstan pa ni rnam par phye ba'o/ /gtso bo ji lta bar ston pa ste/ rnam par dbye bar yang mdzad pas bstan pa ni nges pa'i don du mi 'gyur ro/ /de nyid la dpe ni dper na glang po che'i rjes lta bu las zhes bya ba la sogs pa smos so/ /de dag la ni zhes bya ba rgyas par 'byung ste/ skra la sogs pa de dag la ni sa'i khams 'ba' zhig tu ma zad kyi/ gzugs dang dri dang ro la sogs pa 'byung ba las gyur pa tha mi dad par 'jug pa gzhan dag kyang yod de/ de la 'jug pa shas che bas gtso bo yin pa'i phyir skra la sogs pa dag gis sa'i khams bstan to/ /de bzhin du 'dir yang zhes bya ba rgyas par 'byung ste/ bcu gnyis dang ldan pa'i phung po lnga po'i gnas skabs dag tu yang gtso bo gang yin

  102. 51b

    pa de bstan to/ /de ltar na gzugs dang tshor ba la sogs pa'i chos gzhan dag yod kyang/ ma rig pa gtso bo gyur pa'i gnas skabs su ma rig pa bstan par 'gyur ro/ /de bzhin du 'du byed la sogs pa dag la yang brjod par bya'o/ /'di ni dpe ma yin te/ zhes bya ba la/ dpe ma yin pa ni dpe dang don mtshan nyid mi mthun pa'o/ /mtshan nyid mi mthun pa nyid bstan pa'i phyir de las ni zhes bya ba rgyas par smos te/ glang po che'i rjes lta bu'i mdo de las ni/ de la gzugs la sogs pa gzhan dag kyang yod pas gang gis na skra la sogs pa de dag rdzogs par bstan par 'gyur ba/ skra la sogs pa dag gang zhe na/ sa'i khams so/ /zhes de skad ma brjod kyi/ 'on kyang de las sa'i khams gang zhe na/ skra dang spu zhes rgyas par skra la sogs pa dag kho nas sa'i khams bstan to/ /gal te sngon gyi mdza' la sogs pa dag la mi gtogs pa phung po lnga'i gnas skabs la bstan par nus pa dang/ gal te phung po lnga'i gnas skabs la ma rig pa med mod kyang/ gzugs la sogs pa dag ni yod do zhe na/ de'i phyir rigs tha dad pa ni zhes bya ba rgyas par smos so/ /gzugs dang tshor ba la sogs pa rnams ni ma rig pa nyid du mi rigs so/ /shes byed kyi dngos po rtog pas mdo mdzad pas rig pa ma brjod pas de nyid 'dir smos par shes par bya'o/ /skra la sogs pa chos du ma tshogs pa'i bdag nyid de rnams dang chos du ma tshogs pa'i bdag nyid rnams kyi sa la sogs pa'i khams nyid bstan pa gang yin pa de gtso bo yin pa'i phyir gzhan bsal nas de nyid bstan to/ /de bzhin du 'dir yang phung po lnga po rnams kyi gnas skabs gang du gang zhig gtso bor gyur pa de nyid bstan te/ de ltar na 'di la 'gal ba ci zhig yod/ yang de dag der gtso bo yin na gnas skabs phyi ma'i rgyu nyid ji ltar zhe na/ gal te de lta yang 'gal ba'i shes byed nye? bar

  103. 52a

    bkod pa don med do/ /'dir de dag gi gnas skabs la bsam nas gnas skabs gzhan la bstan te/ dper na skra la sogs pa rnams kyis sa'i khams bzhin no/ /gnas skabs de sngon gyi mdza' dang phyi ma'i mdza' la sogs pa rnams su yod kyang ma bstan no/ /ji ltar skra la sogs pa rnams kyi gzugs la sogs pa gzung ba lta bu ste/ rdzas dang btags par yod pa tha dad pa'i phyir ro/ /de bzhin du 'dir yang gnas skabs ma smos par gzugs dang tshor ba la sogs pa gzung ste/ /rdzas dang btags par yod pa tha dad pa'i phyir ro/ /de'i phyir rnam par mi g.yeng ba tsam nyid brjod do/ /gang zhig 'dir mi rigs pa de yang don gyi sgo nas bkag go zhes bya ste/ dngos su bkag pa ma yin no/ /gang zhig yod dam med na zhes bya ba rgyas par 'byung ste/ /ma rig pa nyid yod dam med na 'du byed rnams yod pa dang med par nges kyi/ phung po gzhan dag ni ma yin pas de nyid yan lag yin no/ /de bzhin du 'du byed la sogs pa dag la yang brjod par bya'o/ /'di ltar phung po lnga yod kyang ma rig pa dang bcas pa rnams kho na la 'du byed yod kyi? ma rig pa med pa rnams la ni ma yin te/ dper na dgra bcom pa rnams la phung po lnga yod kyang/ bsod nams dang bsod nams ma yin pa dang mi g.yo bar 'gro ba'i rnam par shes pa yod pa ma yin pa bzhin te/ nying mtshams sbyor ba'i rnam par shes pa med ces bya ba'i don to/ /skye bar nye bar 'gro bas na nye bar 'gro ba'o/ /bsod nams kyis ni bsod nams su nye bar 'gro ba'o/ /bsod nams ma yin nye bar 'gro ba dang/ mi g.yo bar 'gro ba yang de dang 'dra bar blta bar bya'o/ /sred pa la sogs pa yang zhes bya ba la/ ma rig pa med pa rnams la phung po lnga yod kyang tshor ba nyon mongs pa can med pas sred pa med la/ de med pas len pa la sogs

  104. 52b

    pa rnams kyang med do/ /mdo'i don ji skad bstan pa kho na yin no zhes bya ba la/ ma rig pa gang zhe na zhes bya ba nas brtsams te/ sngon gyi mdza' mi shes pa gang yin pa'o/ /zhes bya ba la sogs pa'o/ /ma rig pa la ltos nas phung po lnga po 'du byed rnams kyi rgyur 'dod de/ de na ma rig pa med pa rnams la yod pa'i phung po lnga las 'du byed du mi 'gyur ro/ /de ni de lta ma yin te ma rig pa ldan pa ni de skye ba la nus pa mthong ba'i phyir ro/ /de bzhin du gzhan la yang brjod par bya'o/ /mdo'i don ji skad bstan pa kho na yin no zhes bya ba la/ ma rig pa gang zhe na zhes bya ba nas brtsams te/ sngon gyi mdza' mi shes pa gang yin pa'o/ /zhes bya ba la sogs pa ste/ ji skad bstan pa kho na mdo'i don no/ /'du byed gang zhe na zhes bya ba nas brtsams te/ ji skad bstan pa kho na mdo'i don te/ de bzhin du yan lag thams cad la yang brjod par bya'o/ /gang gi phyir ji skad bstan pa kho na med pa'i don yin pa de'i phyir phung po gzhan dag yod kyang 'du byed la sogs pa'i rkyen ma yin no/ /de la yang chos ma 'ongs pa rnams zhes bya ba rgyas par 'byung ste/ chos ma 'ongs pa rnams ni rten cing 'brel par 'byung ba yin gyi/ rten cing 'brel par byung ba ni ma yin no zhes smras pa/ de lta na ni mdo dang 'gal lo/ /gzhan dag na re mdo dang 'gal ba med do zhes zer ro/ /'dus byas nyid du khas blangs pa'i phyir ro/ /de lta na 'o na 'das pa dang ma 'ongs pa dang da ltar byung ba nyid kyis rnam par bzhag pa med pa'i phyir yan lag rnams cha gsum du dgod pa rnam par nyams par 'gyur ro/ /'phags pa sa ston pa la sogs pa'i sde pa gzhan dag rten cing 'brel par 'byung ba 'dus ma byas so zhes zer ro/ /de dag de ltar rtogs pa ga las she na/ sangs rgyas kyi mdo las dge slong dag rten cing 'brel par 'byung ba ni bdag gis ma byas so/ /gzhan gyis kyang ma byas te/ 'on kyang de bzhin gshegs pa rnams byung

  105. 53a

    yang rung/ ma byung yang rung chos nyid 'di ni gnas ba kho na'o/ /zhes rgyas par gsungs pa'i phyir ro/ /dngos po gzhan rtag pa cung zad cig yod do/ zhes bya ba ni ma rig pa la sogs pa rnams las so sor brtags pa ma yin par 'gog pa ltar rtags pa zhig yod do zhes bya ba'o/ /'byung ba ni 'dus byas kyi mtshan nyid yin pa'i phyir ro/ /zhes bya ba ni gsum po 'di dag ni 'dus byas kyi mtshan nyid de/ 'dus byas skye bar yang mngon zhes rgyas par 'byung ba'o/ /dngos po gzhan rtag pa ni zhes bya ba la sogs pa la/ gang zhig gang med par mi 'byung ba de ni de'i mtshan nyid yin la 'byung ba ni rtag pa'i phyir dngos po med par yid dngos po snga nas med pa dang zhig nas med pa'i gnas skabs na yod pa yin pa de dngos po'i mtshan nyid du mi rung ngo/ /yang na nam mkha' la sogs pa bzhin du dus su ma gtogs pa'i phyir na/ dus su gtogs pa'i mtshan nyid du mi rigs so/ /yang na rnam pa gzhan du gnas pa lta bu ste/ 'dus byas kyi mtshan nyid kyi phyir skye ba ni 'dus ma byas nyid du mi rigs so/ /'byung ba zhes bya ba ni skye ba yin pa'i phyir zhes bya ba la/ de ni mdo sde ba'i tshul du ma byung ba las byung ba'i mtshan nyid yin la/ de la ni ji ltar 'gro ba po dang 'bras chan dang tshos pa ltar ma rig pa la sogs pa rnams dang/ byed pa po dang/ bya ba'i mtshan nyid kyi 'brel pa yod pa yin no/ /de ltar na ma rig pa la sogs pa dag gi 'byung ba zhes 'brel par gyur na/ rten cing 'brel par 'byung ba rtag pa'i dbang du byas te/ 'di ni ma rig pa la sogs pa dang ci zhig 'brel zhes bya ba rgyas par brjod de/ bya ba dang byed pa'i mtshan nyid kyi 'brel pa med pa'i phyir ro/ yang na 'byung ba zhes bya ba ni skye ba yin pa'i phyir/ gang las de dag gi rten cing 'brel par 'byung ba zhes bya bar brjod par 'gyur ba/ khyed cag gis

  106. 53b

    yongs su brtags pa'i skye ba dus su ma gtogs pa 'di ma rig pa la sogs pa dus su gtogs pa dag dang ci zhig 'brel/ rtag pa zhes kyang bya la/ zhes bya ba rgyas par 'byung ba la/ rkyen dang phrad nas 'byung ba ni rten cing 'brel par 'byung ba'o/ /zhes bya ba ni sgra bye brag tu bshad pa yin no/ /de'i phyir tshig gi don nus pa med par 'gyur te/ ji ltar na rkyen dang phrad de 'byung ba yang yin la/ rtag pa yang yin/ de nyid kyi phyir rtag pa zhes kyang bya la rten cing 'brel par 'byung ba zhes kyang bya zhes bya ba smos te/ 'di ni 'gal lo/ /gzhan yang ma rig pa la sogs pa dag las gzhan nam/ gzhan ma yin pa 'am/ de dag la rten nas yin grang na/ rnam pa thams cad du mi rigs te/ rang gi ngo bo nges par ma zin pa'i phyir dang/ du ma nyid du mi rtag pa nyid kyis nye bar mthong ba'i phyir ro/ /mdo'i don sgra ji bzhin du brtag na ni/ dge slong dag ngas lam rnying ba bshul rnying pa/ gshegs bshul rnying pa/ sngon gyi drang srong dag gis gshegs shing rjes su gshegs pa thugs su chud do/ zhes gsungs pa'i phyir lam yang 'dus ma byas nyid du thal bar 'gyur na/ yang dag pa'i lta ba la sogs pa lam rnams ni 'dus ma byas nyid du rig pa yang ma yin la/ de dag las ma gtogs pa'i lam gzhan yang med do/ /rten cing 'brel pa ni phrad pa'i don to/ /zhes bya ba la/ i Na 'gro ba la'o zhes bya ba'i sgra'i dbyings kyi nye bar bsgyur ba ni phrad pa zhes bya ba'i don can no/ /nye bar bsgyur ba'i dbang gi zhes bya ba la/ i Na'i skad kyis byings 'gro ba'i don yin yang 'gro ba'i don khyad du bsad nas da ltar byung ba'i don yongs su gzung bas skad kyis byings kyi don yongs su bsgyur ba yin te/ de'i phrad nas zhes bya ba'i don gang yin pa de ni rten cing 'brel te/ zhes bya ba'i don yin no/ /re zhig 'di ni rten cing 'brel te zhes bya ba'i sgra'i don yin

  107. 54a

    no/ /da ni 'byung ba'i don bye brag tu bshad pa'i phyir/ pa da ni yod pa'i don to zhes bya ba smos so/ /pa da yod pa la'o zhes bya ba pa de'i byings ni yod pa'i don yin no/ /sam dang ut gong na yod na zhes bya ba la/ sam gong na yod pa dang ut gong na yod pa'i pa da ni 'byung ba'i don te/ nye bar bsgyur ba'i dbang gis skad kyi byings kyi don yongs su bsgyur ba'i phyir ro/ /de ltar na 'byung ba ni rab tu skye ba'o/ /zhes bya bar bstan par 'gyur ro/ /des na zhes bya ba ni de'i phyir zhes bya ba'i don to/ /ci zhe na/ rkyen dang phrad nas zhes bya ba rgyas par 'byung ngo/ /gnas brtan 'dus bzang na re/ byings dang nye bar bsgyur ba dag yod pa'i don du yongs su rtog pa las ni/ yod pa'i don gyis ci thob par byed ce na/ de ni nam yang yod pa ma yin zhing skye ba ma yin no/ /ma yin yang 'ga' zhig 'byung ba dag ni yod pa las chos gzhan pas don ma yin no/ /skye ba'i sgras ni sngar yod pa ma yin pa'i bdag nyid thob par brjod la/ yod pa'i sgras ni yod pa nyid tsam mo zhes zer ro/ /ci ltar khams dang nye bar bsgyur ba dag don khyad par med par 'gyur/ byed pa po gcig gis zhes bya ba la/ gcig smos pa ni dper na lhas byin khrus byas nas mchod sbyin za'o/ /zhes bya ba lta bu byed pa po tha dad pa dag gi dus snga ma la k+twa'i rkyen gyi sgrub pa mi 'gyur ro/ /zhes shes par bya ba'i phyir ro/ /dus snga ma la zhes bya ba la/ ci'i phyir zhes na/ dper na 'tshed do 'gro'o zhes bya ba lta bu dang/ de bzhin du khrus byas te/ bza' o zhes bya ba ni 'dir zos te khrus bya'o zhes bya bar nam yang mi 'gyur ba ltar dus mtshungs pa'i bya ba dag dang phyi ma'i dus la k+twa'i rkyen gyi sgrub pa dgag par bya ba'i phyir yin na/ 'dir ni 'byung ba'i snga rol na 'byung ba po med pas phrad pa dang 'byung

  108. 54b

    ba dag byed pa po mtshungs pa mi srid pas k+twa'i rkyen gyi sgrub pa mi 'thad do/ /de'i phyir rkyen dang phrad nas 'byung bas na rten cing 'brel par 'byung ba'o zhes bya ba'i tshig gi don 'di ma rigs so/ /de nyid bstan pa'i phyir sngar phrad nas zhes bya ba rgyas par smos te/ de ltar na re zhig byed pa po mtshungs pa nyid mi srid pas k+twa'i rkyen gyis sgrub pa mi 'thad do/ /da ni dus snga ma'i bya ba med pa'i phyir k+twa'i rkyen gyis sgrub pa mi srid par bstan pa'i phyir byed pa po med pa'i bya ba yang med do zhes bya ba smos te/ 'gro ba po med par ni 'gro ba'i bya ba ma mthong ngo/ /'dir smras pa zhes bya ba ni slob dpon nyid brda sprod pa'i brgal ba la bsdu ba'i tshigs su bcad pa byed pa'o/ /gal te 'byung sngon phrad nas yin/ zhes bya ba rgyas par 'byung ba la 'di skad bstan par 'gyur te/ gal te re shig 'di 'byung ba'i sngo rol tu rkyen dang phrad na ni ma skyes pa'i phyir phrad do/ /zhes bya ba mi rigs te/ ma skyes pa 'don par byed pa'am 'gro bar byed pa med do/ /ci ste gang gi tshe 'byung ba de'i tshe kho nar rkyen dang phrad kyi sngar ni ma yin no/ /zhe na/ de lta na yang 'dir te'i rkyen mi sgrub po/ /ci'i phyir zhe na/ sngon gyi dus su byed pa'i phyir te/ byed pa po gcig gi bya ba gnyis las sngon gyi dus la de'i rkyen byed kyi dus mnyam pa la ni ma yin no// gal te da lta'i zhig yin na ni/ skye ba med par de da ltar ba nyid du rung ste/ de lta ma yin na/ ma 'ongs ba med par thal bar 'gyur ro/ /de'i phyir da ltar ba ni skyes pa'i sgo nas ma 'ongs pa las khyad par du 'phags la/ ma 'gags pa'i sgo nas 'das pa las so/ /de nyid kyi phyir gal te ma skyes na ji ltar de ltar yin zhes smos so/ /'on te skyes pa zhig ces bya ba rgyas par 'byung ste/ 'di ni skyes pas yod pa'i bdag nyid rnyed pa yin na/ 'di la gang rnyed par bya ba'i phyir yang

  109. 55a

    skye bar 'gyur ba/ yod pa'i bdag nyid ma rnyed pa gzhan ni yod pa ma yin no/ /de'i phyir skyes pa yang skye ba med do/ /gal te bdag nyid rnyed kyang yang skye na ni thug pa med par thal bar 'gyur ro/ /ci ste ma 'ongs pa zhig ces zla ba rgyas par 'byung ba la/ ma 'ongs pa ni bdag nyid rnyed pas brjod du med pa yin pa'i phyir/ gtan med pa dang 'dra bar med pa yin zhing/ yod pa ma yin pa yang skye ba'i byed pa po nyid du mi rig la/ byed pa po med pa'i skye ba'i bya ba yang mi rigs so/ /skye ba la mngon du phyogs pa'i zhes bya ba ni skye bzhin pa'i thag ring ba'i gnas skabs gsal bar bya ba'i phyir ro/ /'di gang gi tshe skye bzhin pa yin zhe na/ skad cig gang du 'di'i rkyen tshogs pa dang/ gegs med par 'gyur zhing de'i mjug thogs su skye bar 'gyur ba'o/ gnas skabs de de kho na zhes bya ba rgyas par 'byung ba la/ ji ltar gnas skabs gang gi mjug thogs su 'di skye ba'i gnas skabs der 'di la skye bzhin pa zhes bya ba la/ de bzhin du gnas skabs de nyid la rkyen dag gis rgyu mtshan du gyur pas phrad nas zhes brjod do/ /skye bzhin pa nyid kyang yod pa la yin pa nyid kyi phyir ro/ /gang zhig sngar phrad nas dus phyir skye bar 'gyur ba/ skye ba'i snga rol na ni 'ga' yang yod pa ma yin no/ /'di ni brgal ba'i gnas skabs nyid ces bya ba ni/ de nyid gnas brtan gzhan gyis ma 'ongs pa skye ba khas blangs pa'o/ /gzhan las bshad pa 'di phrad pa las skye ba bzhin de'i gnas skabs nyid du 'gyur ro zhes bshad do/ /tha snyad rnams la klan ka med do zhes bya ba la/ don dam pa la ni bya ba med cing byed pa med do/ /rgyu yod pa tsam ni 'bras bu yod pa la rgyur 'gyur ba'i phyir ro/ /chos mngon pa pa'i phyogs la ji skad bshad pa'i 'di'i nyes pa mi srid de/ de dag gi yod pa ni sngar

  110. 55b

    skyes pa dang ma skyes pa 'ga' zhig yod pa nyid kyi zhes so/ /gal te da ltar byung pa bzhin ma 'ongs pa yang rang gi mtshan nyid kyis yod na/ ci brjod par byed/ 'ga' zhig yod pa nyid kyis zhes bya ba rang gi mtshan nyid las gzhan yod pa nyid yod pa ma yin no/ /sgra pa'i zhes bya ba la/ sgra pa rnams kyi 'di ni sgra pa'o/ /ji ltar rnam par bzhag pa/ tha dad pa med kyang bya ba dang byed pa po bstan pa'i phyir ro/ /'di la skye'o zhes bya ba'i don las zhes bya ba la/ skye bo'i rang gi ngo bo las byung ba gzhan dmigs pa ni ma yin no/ /de lta bas na tha snyad dag la ste 'byung ngo/ /skye'o rten nas so/ /zhes bya ba de lta bu dag la klan ka med do/ /'di ltar tha snyad dag la don dam pa mi btsal lo/ /'dir bshad pa zhes bya ba ni brgal ba'i lan gyis bsdu ba'i tshigs su bcad pa'o/ /ji ltar med pa skye ba ltar zhes bya ba rgyas par 'byung ste/ ji ltar khyed cag gi ltar ma skyes pa'i phyir med pa skye ba de bzhin du med pa phrad par yang ci ste mi 'dod/ ci ste yod pa bdag nyid snyed pa skye na/ de lta na yang skyes zin pa skye bas thugs pa med par 'gyur ro/ /ci ste yang de nyid skye ba yin la/ skyes zin pa'i phyir de yang 'byung ba ma yin pas thug pa med pa med do snyam na/ de'i phyir 'on te snga na yod na 'ang rung zhes bya ba smos te/ 'di ltar grangs can pa'i rjes su 'brangs te de nyid skye'i phyis ni ma yin no zhes bya ba de'i dbang du byas nas snga na yod na rung zhes smra'o/ /rung zhes bya ba'i sgra ni rnam par brtag pa'o/ /gal te khyed cag yod pa skye'o zhes bya ba'i phyogs la ni/ kho bo cag kyang yod pa skye'o/ /bye brag tu smra ba'i lugs la tha dad/ mi gnas pa'i phyir dang/ mdo sde pa'i lugs la skye ba'i las kyi sa bon yod pa ma yin pa'i phyir/ de 'dir brjod pas ci/ de'i phyir sngar phrad nas phyis skye bar 'gyur ba gang yin de ni skye ba'i sngon rol ni 'ga' yang med la zhes

  111. 56a

    brjod par mi bya'o/ /yang na 'tshams sbyor gyi 'don pas 'on te snga na yod min na 'ang zhes bya ba 'byung ste/ ci ste thug pa med par 'gyur na mi rung bas/ yod pa ma yin pa nyid skye na ni/ de'i phyir byed pa po med pa'i bya ba yang khas blangs pas/ gnas skabs gang skye ba'i gnas skabs de nyid dang phrad nas zhes bya ba yin no zhes gang yin ba'i sngar gyi phyogs dang mi 'gal lo/ /de lta na dus dang bya ba dag mnyam pa'i phyir k+twa'i rkyen mi 'thad do/ /zhes bya ba'i brgal ba yongs su spangs pa'i phyir tshigs su bcad pa gzhan lhan cig pa'ang k+twa'i rkyen yod de/ zhes bya ba rgyas par 'byung ngo/ /mun pa ni sngar mar me dang phrad nas phyis med par 'gyur ba ma yin te/ mar me dang mun pa dag ni lhan cig mi gnas pa'i phyir ro/ /kha gdangs nas nyal ba'ang de bzhin te/ sngar kha gdangs shing 'grod par byed la/ phyis nyal ba ni ma yin no/ /ci ste kha gdangs par byed la/ phyis nyal lo zhe na/ gal te de lta na btsums pa la yang ci'i phyir ma yin/ gang gi tshe sngar gdangs nas phyis btsums te gnyid log pa de'i tshe kha gdangs nas nyal zhes ci ste ma brjod/ de'i phyir nyal ba dang lhan cig tu 'jug pa'i kha gdangs ba mngon par 'dod pa shes par bya'o/ /dbyu gu khrol zer te lhung ngo zhes phyis kyi dus la yang k+twa'i rkyen dmigs so/ /cur khrol zer te phyis lhung ba ni ma yin te/ sgra ni mngon par brdabs pa'i rgyu las byung ba'i phyir ro/ /byed pa po tha dad pa la yang mthong te/ ji skad du/ rgyal mtshan mthong bas shing rta dang mun pa zas kha dog bzang 'o 'bar ba bzhin dang dung gi sgra thos pa las g.yo ba dang rnga bo che brdungs pa las rjes su brtse ba bzhin no/ /zhes pa lta bu'o/ /de'i phyir byed pa po mtshungs pa'i dus snga ma la zhes bya ba 'di mdza' gcig tu ma yin no/ /btsun pa pi linda'i bu na re/ med pa dang

  112. 56b

    yod pa ma bzung bar sgra 'jug pa yod pa ma yin la/ yod pa tha snyad kyi yan lag gi phyir ro/ /des na ma 'ongs pa'i gnas skabs la yang 'di las gong du de yod de dper na myu gu skye ba dang shing rta skye ba bzhin no zhes zer te/ 'di ni klan ka ma yin pa nyid do/ /gzhan dag ni zhes bya ba ni slob dpon dpal len no/ /rten cing 'brel pa ni bzlos pa'i don to/ /zhes bya ba la/ bzlos pa ni khyab par 'dod par ste/ sna tshogs la khyab par 'dod pa ni bzlos pa'i'o/ /rten brjod pa sna tshogs pa thams cad la bya ba dang yon tan dag gi cig car khyab par 'dod pa ni bzlos pa ste/ dper na 'dis grong re re la skud pa byin no zhes bya ba lta bu 'am/ grong re re zhing nyams dga' o zhes bya ba lta bu'o/ /i ti ni 'gro bar rung ste/ zhes bya ba ni chas par ro/ /i ti ni 'gro ba yin no/ /zhes bstan pa'i phyir mi bsdod pa'o/ /zhes bya ba smos te/ 'jig pa'o/ /zhes bya ba'i don to/ /uta gong na yod pa'i pa da ni 'byung ba'i don to/ /zhes bya ba la/ skad kyi byings 'gro ba'i don yin yang/ nye bar bsgyur ba'i dbang gis 'byung ba'i don du yang 'gyur ro/ /tshogs pa de dang de na 'gro bar rung ba zhes bya bas ni rten cing 'brel pa bzlos pa'i don nyid du gsal bar byed pa'o/ /'dus nas skye ba ni zhes bya ba la/ gcig pu skye ba ni 'ga' yang med de/ lhan cig skye bar nges pa'i phyir ro/ /re zhig gzugs can ni 'dod na dbang po med pa dang/ sgra med phra rab rdul rdzas brgyad/ ces bya ba de lta bu la sogs pa'o/ /gzugs can ma yin pa ni/ sems dang sems byung des lhan cig /thams cad 'dus byas mtshan nyid dang/ lhan cig skye'o zhes bya ba'o/ /rtogs pa 'di ni kho na la zhes bya ba la/ rten cing 'brel bar bzlos pa'i don du mi 'gal ba'i phyir dang/ 'dus nas skye ba mi 'gal ba'i phyir rten cing 'brel par 'byung ba 'dir ni brtag par rung na/ 'di la ni rtog pa 'di ji ltar btub ste/ mig dang gzugs la brten nas mig gis rnam par shes

  113. 57a

    pa skye'o/ /zhes rten cing 'brel par bzlos pa mi srid pa'i phyir dang/ 'dus te skye ba mi srid pa'i phyir ro/ /'di la ni mig dang gzugs phrad nas zhes bya bar rtogs kyi bzlos pa'i don ni ma yin no/ /'gro bar rung ba rnams 'dus nas skye'o/ / zhes bya bar rtogs pa yang ma yin te/ 'o na ci zhe na/ mig gi rnam par shes pa kho na yin no/ /de'i phyir de'i gnas skabs su kho na la de rgol ba yin no/ /gzhan zhes bya ba skye ba'i snga rol tu yod pa nyid la rung ste/ gal te lhan cig k+twa'i rkyen ma grub pa de snga ma'i dus la grub pa'i phyir ro/ /nges par gzung ba'i don te zhes bya ba la/ gang yang rung ba zhig brjod na ni nges par ma gzung bar 'gyur la/ nges pa ma zung na yang 'du byed la sogs pa rnams/ ma rig pa la sogs pa dag las gzhan pa'i rkyen can nyid yin pa ma bkag par 'gyur te/ dper na mig yod na mig gi rnam par shes pa 'byung ngo/ /zhes nges par ma gzung bas gzugs yod na 'byung ngo zhes bya bar rtogs pa bzhin no/ /de'i phyir nges par gzung ba'i don du/ gang yod na gang 'byung ba de nyid skyes pas de skye'i gzhan skyes pa ma yin la/ gang skyes pas gang skye ba de nyid yod na de 'byung gi gzhan yod na yang ni ma yin no/ /zhes rnam grangs gnyis brjod do/ /mdo gzhan gyis rnam grangs gnyis nges par gzung ba'i don nyid du bstan pa'i phyir dper na gzhan las zhes bya ba smos so/ /ma rig pa yod na zhes bya ba rgyas par 'byung ste/ de ltar bshad na ma rig pa skyes pas 'du byed rnams skye'o/ /ma rig pa kho na yod na de dag 'byung gi gzhan yod na yang ma yin no/ /de bzhin du gzhan la yang brjod par bya'o/ /yang na yan lag 'di yod na 'di 'byung ngo/ zhes bya ba rgyas par 'byung ba la/ ma rig pa yod na 'du byed dag 'byung la/ 'du byed dag skyes pas

  114. 57b

    yang rnam par shes pa skye'o/ /zhes de ltar yan lag bcu gnyis brgyud par bstan to/ yang na sngon gyi mdza' yod na zhes bya ba rgyas par 'byung ba ste/ sngon gyi mdza' nas da ltar gyi mdza' byung ngo/ /zhes bya ba 'di bstan pa'i phyir 'di yod na 'di 'byung zhes bya ba gsungs la/ da ltar gyi mdza' skyes pas phyi ma'i mdza' skye'o/ zhes bya ba 'di bstan pa'i phyir 'di skyes pas 'di skye'o/ /zhes bya ba 'di gsungs so/ /yang na res 'ga' ni zhes bya ba 'byung ste/ de la re zhig dngos su bstan na gang gi tshe ma rig pa'i mjug thogs su 'du byed nyon mongs pa can skye ba na'o/ /brgyud pas ni gang gi tshe bsod nams dang mi g.yo ba skye ba na ste/ de la ni ma rigs pa dngos su rgyu'i ngo bo ma yin no/ /gzhan dag na re las rang gi ngo bos gnas pa ni dngos su yin la/ bag chags kyi gnas ni brgyud pas yin no zhes zer ro/ /'di la ma rig pas 'du byed dag la ni dngos su nus la rnam par shes pa la sogs pa dag la ni brgyud pas so zhes rnam par 'chad pa ni bshad pa dang 'gal te/ 'du byed rnams kho na la gnyis ka bstan pa'i phyir ro/ /'di yod na 'di 'byung zhes bya ba 'dis ni rgyu med par smra ba bkag ste/ rgyu med na 'bras bu med pa'i phyir ro/ /'di skyes pas 'di skye zhes bya ba 'dis ni rgyu rtag pa bkag ste/ skyes pa kho na rgyu yin pa'i phyir ma skyes pa rgyu ma yin no/ /zhes bshad par 'gyur te/ rtog pa 'di la ni yod na 'di 'byung zhes bya ba 'di don med do/ /ci'i phyir zhe na 'di skyes pas 'di skye zhes bya ba 'di kho nas smras pa gnyis ka bsal te/ rgyu mi rtag pa yongs su gzung ba'i phyir ro/ /sun 'byin pa 'di slar lan gdab pa'i phyir/ 'o na ni gang la la dag ces bya ba rgyas par smos so/ /'du byed la sogs pa rnams zhes bya ba la/ sogs pa zhes bya ba'i sgras ni rnam par shes pa dang ming dang gzugs la sogs pa rnams bsdu'o/ /rtog pa de bsal pa dang?

  115. 58a

    zhes bya ba ni dgag par ro/ /gang zhig skyes pas gang skye ba ni zhes bya ba ni ma rig pa skyes pas 'du byed rnams skye'o/ /de nyid yod pas 'di 'byung gi zhes bya ba ni ma rig pa nyid yod pas 'du byed rnams 'byung gi bdag la sogs pa rten du gyur pa gzhan yod na ni ma yin no/ /de'i phyir rnam grangs snga ma don med pa ma yin te/ de bzhin du gzhan la yang brjod par bya'o/ /ji srid bden pa 'ga' zhig nyid kyis zhes bya ba la sogs pa la/ rten cing 'brel par 'byung ba yan lag bcu gnyis la mya ngan la sogs pa yan lag tha dad pa ma yin no/ /'o na ci zhe na/ rga shi dang 'brel pas de nyid du 'dus so/ /'di ltar de dag sems can dang sems can ma yin par ston pa'i yul la yongs su 'gyur ba'i phyir dang/ bdag nyid yongs su 'gyur ba'i phyir ro/ /'byung ngo zhes bya ba ni bya ba mdza' gcig tu nges pa'i phyir ro/ /gzhan dag na re 'di dag yan lag bcu gnyis kyi nang du 'dus pa ma yin pa nyid do zhes zer ro/ /ma spangs pa las ma spangs pa dang skye bar shes par bya ba'i phyir rnam grangs gnyis smos so zhes slob dpon snga ma dag zer ro/ /de nyid bstan pa'i phyir ma rig pa ma spangs na zhes rgyas par 'byung ngo/ /lta ba ma spangs pa la yang 'jig pa'i sgra rab tu sbyar ro/ /kin+tu san+ta me bA haM kA me Shu kA mats+tshandan+na pra ti sam+be da yA myu dA san+ta ma ti/ gnas pa dang skye ba zhes bya ba la sogs pa la/ slob dpon dpal len na re go rim bzhin du gnas pa yang dag par bstan pa'i phyir dang/ skye ba yang dag par bstan pa'i rnam grangs gnyis gsungs so/ /zhes zer ro/ /de nyid bstan pa'i phyir rgyu'i rgyun ji srid pa de srid du zhes bya ba rgyas par 'byung ngo/ /'byung ba'i dbang du mdzad pa yin na zhes bya ba la 'dir ni dge slong dag khyed la rten cing 'brel par 'byung ba bstan par bya'o/ /zhes rgyas par rten cing 'brel par 'byung ba'i dbang du byas pa yin de der

  116. 58b

    gnas dbang du mdzad pa'i phyir gnas pa'i tshig tu thal ba ci zhig yod/ gnas pa yang skye ba nyid do zhe na/ de ni de lta ma yin te 'jig pa bzhin du skye ba 'dus byas kyi mtshan nyid gzhan yin pa'i phyir ro/ /skye ba gnyis la yang rnam grangs gzhan gyi khyad par bshad do/ /ci ste dang por skyed pas skye ba dang rgyun bskyed pas gnas pa zhes bya ba'i khyad par yod pa rnam grangs kyis brjod pa de nyid kyi phyir rim pa tha dad pa zhes bya ba rgyas par 'byung la/ gnas pa ni skye ba sngon du 'gro ba can yin te/ de'i phyir sngar ni 'di skyes pas 'di skye zhes skye ba kho na brjod par bya ba la/ phyis ni 'di yod pas 'di 'byung zhes pas brjod par bya ba 'am/ go rim las brgal na yang dgos pa brjod par bya'o/ /yang smras pa zhes bya ba ni gnas brtan de nyid kyis so/ /gal te mdo'i don yin par 'gyur na ni zhes bya ba rgyas par 'byung ba la/ 'di yod pas zhes bya ba ni 'bras bu yod pas so/ /'di zhes bya ba ni rgyu ste/ the tshom med pa'i phyir mi 'byung ngo/ /zhes bya ba de skad du bka' stsal par 'gyur te/ bcom ldan 'das the tshom za ba gsung bar mi 'gyur ro/ /'bras bu yod na phyis rgyu 'jig par 'gyur ba ma yin te/ rgyu dang 'bras bu gnyis cig car du ma yin par khas blangs pa'i phyir ro/ /de lta na go rims legs pa yin no zhes bya ba la 'jig pa skye ba sngon du 'gro ba can yin pa'i phyir dang/ de yang sngar bstan pa'i phyir ro/ /gzhan du na zhes bya ba ni gal te sngar 'jig pa bstan la phyis skye ba bstan na ste/ de'i phyir rten cing 'brel par 'byung ba gang zhe na/ zhes dri ba mdzad nas 'di lta ste/ 'di yod na 'di 'byung zhes bya bar gang las 'bras bu yod na rgyu 'jig par 'gyur ro zhes de skad 'chad par 'gyur ba/ 'jig pa'i tshig tu thal ba ci zhig yod/ /byis pa ni rten cing 'brel par 'byung ba zhes bya ba rgyas par 'byung ba la/ byis pa zhes bya ba ni bden pa ma mthong ba'o/ 'du byed tsam zhes bya ba tsam gyi sgra ni 'di na 'du byed pa po yod pa ma yin no zhes bstan par

  117. 59a

    bya ba'i phyir ro/ /mi shes pa zhes bya bas ni ma 'dres pa'i ma rig pa bstan to/ /bdag tu lta ba dang nga'o snyam pa'i nga rgyal la mngon par zhen cing zhes bya ba ni bdag tu lta ba dang/ nga'o snyam pa'i nga rgyal dag la rab tu gnas shing zhes bya ba'i don te/ 'di ni bdag tu blta ba dang nga'o/ /snyam pa'i nga rgyal dang mtshungs par ldan pa'i ma rig pa bstan to/ /lus la sogs pa dag gi las rnam pa gsum pa tsam?? ste/ zhes bya ba 'byung ngo/ /bdag nyid ces bya ba ni gang du 'di bdag go snyam du lta ba dang/ gang gis rlom pa de'o/ /bde ba'i don tam/ sdug bsngal gyi don tam/ zhes bya ba la sogs pa la/ lus la sogs pa'i gsum dag gis zhes bya ste/ lus kyi rnam pa gsum dang/ ngag dang yid kyi yang rnam pa gsum mo/ /tshe phyi ma la bde ba'i don du zhes bya ba ni 'jig rten gzhan du bde ba'i don du'o/ /bsod nams zhes bya ba ni 'dod pa na spyod pa ste/ 'di ltar 'jig rten pha rol tu bde ba 'dod pa rnams ni sbyin pa dang tshul khrims la sogs pa rnams la 'jug go/ de dag ni phal che ba'i sgo nas bstan pa ste/ lta ba log? pas bslus pa 'ga' zhig ni phyi ma la bde ba'i don du bsod nams ma yin pa brtsam mo/ /bde ba dang bde ba yang ma yin sdug bsngal yang ma yin pa'i don du mi g.yo ba zhes bya ba ni/ gzugs dang gzugs med pa na spyod pa ste/ bsam gtan gsum pa'i bar du tshe phyi ma la bde ba'i don dang/ de'i gong du bde ba yang ma yin/ sdug bsngal yang ma yin pa'i don du'o/ /tshe 'di la bde ba'i don du ni bsod nams ma yin po? tsam ste/ zhes bya bar sbyar te/ lus kyi sgo nas srog gcod pa la sogs pa dang/ dag gis brdzun smra ba la sogs pa dang/ yid kyis brnab sems la sogs pa dag go/ las kyi 'phen?? pa'i dbang gis zhes bya ba la/ ji skad bstan pa'i las dag gis 'phangs pa ni las kyi 'phel ba'o/ /de'i dbang gis na de'i rgyu mtshan gyis te/ rgyu des rnam par shes pa'i rgyun

  118. 59b

    srid pa bar ma dang 'brel pas thag shin tu ring ba yang 'gro ba de dang der 'gro bar 'gyur ro/ srin pa bar ma yang rnam par shes pa drug dang ldan pa'i phyir de lta bshad na/ rnam par shes pa gang zhe na/ rnam par shes pa'i tshogs drug go/ zhes bshad pa de 'thad pa yin no/ /zhes smos so/ /ji ltar zhe na/ gal te rnam par shes pa'i rgyun las kyi yongs su sgos pa thams cad srid pa bar mang? nying mtshams sbyor ba'i skad cig ma nas gzung ste/ skye ba'i skad cig gi bar du 'du byed kyi rkyen can rnam par shes pa'o/ /zhes bya ba yin na ni/ de'i rnam par shes pa rnam par dbye ba bstan pa'i rnam par shes pa'i tshogs drug go/ zhes bya ba rig par 'gyur gyi/ gzhan du ni ma yin no/ /gal te nying mtshams sbyor ba'i rnam par shes pa kho na 'du byed kyi rkyen can zhes bya ba na ni de lta na rnam par shes ba'i tshogs drug go/ zhes rnam par shes pa rnam par dbye ba dang 'gal bar 'gyur te/ gnas skabs der yid kyi rnam par shes pa kho na tsam zhig tu 'gyur gyi/ yid kyi rnam par shes pa kho nas nying mtshams sbyor bas gzhan dag med par 'gyur ro/ /de'i phyir 'di skad du/ rnam par shes pa gang zhe na/ yid kyi rnam par shes pa'o zhes gsungs par 'gyur gyi/ rnam par shes pa'i tshogs drug go/ zhes bya bar ni ma yin no/ /de yang rnam par shes pa'i rgyun kho na de'i tshe 'du byed kyi rkyen gyi rnam par shes pa'i yan lag yin gyi/ gzugs la sogs pa'i phung po'i rgyun gang yin pa der gyur pa ni ma yin no/ /de lta ma yin na gnas skabs pa kho na bshad par 'gyur ro/ /bdag tu lta ba dang nga'o snyam pa'i nga rgyal dang mtshungs par ldan pa'i ma rig pa kho na 'du byed nams kyi rgyu yin gyi/ bdag tu lta ba dang nga'o snyam pa'i nga rgyal dag ni ma yin no zhes bya ba ni rig par smra ba ma yin no/ /'dir lhan cig 'byung ba'i rgyu'i 'bras bu yin pa'i phyir bdag tu lta ba dang nga'o snyam pa'i nga rgyal ma

  119. 60a

    rig pa dang lhan cig pa dag ni 'du byed rnams kyi rgyu yin no/ /de bzhin du gzugs la sogs pa 'byung bar 'gyur ro/ /zhes kha cig de la rgol bar byed do/ /bdag tu lta ba dang nga'o snyam pa'i nga rgyal dag ma rig pa nyid kyi phyir ma rig pa'i stobs kyi 'du byed skye ba la rgyur 'gyur ba'i phyir ma rig pa nyid 'dir rkyen du brjod de/ chos gzhan ni ma yin no/ /gzugs la sogs pa rnams ni 'brel pa nyid de/ 'du byed bskyed pa la byed pa ci yang med do/ /ming dang gzugs phung po lnga po der skye bar 'gyur te/ 'dir ming dang gzugs ni ma shi bar du yan lag tu rig par bya'i/ ji ltar bye brag tu smra ba rnams kyi ltar /ming dang gzugs ni de phan chad skye mched drug ngo?? tshun chad do zhes bya ba ni ma yin no/ /yang ming dang gzugs phung po lnga pa yin no/ /zhes bya ba 'di ji ltar rtogs par bya zhe na/ de'i phyir rnam par 'byed pa las de skad bsten pa'i phyir ro/ /zhes bya ba smos te/ ming dang gzugs rnam par 'byed pa'i mdo las ming gang zhe na/ gzugs can ma yin pa'i phung po bzhi ste/ tshor ba'i phung po nas rnam par shes pa'i phung po'i bar ro/ /gzugs gang yin pa ci yang rung ste/ 'byung ba chen po bzhi dang 'byung ba chen po bzhi dag rgyur byas pa de thams cad de/ gzugs dang sngar gyi ming 'di gnyis ni ming dang gzugs zhes bya ba'i grangs su 'gro'o zhes 'byung ngo/ /ming dang gzugs yongs su ston pa zhes bya ba ni nur nur po dang/ mer mer po dang/ nar nar po dang/ mkhrang 'gyur la sogs pa'i ngo bos dbang po bskyed par bya ba la ches dang/ shin tu ches nye ba'i ngo bos rim pas so/ /'dod pa'i sred pa ni 'dod pa na spyod pa'i sred pa'o/ /bde ba dang bde ba yang ma yin sdug bsngal yang ma

  120. 60b

    yin pa la ni gzugs kyi sred pa'o/ /zhes bya ba la/ bsam gtan gsum na ni tshor ba bde ba la gzugs kyi sred pa gzugs na spyod pa'o/ /bsam gtan bzhi pa ni bde yang ma yin sdug bsngal yang ma yin pa la gzugs kyi sred pa'o/ /gzugs med pa'i khams na tshor ba gzhan med pas bde ba yang ma yin sdug bsngal yang ma yin pa la gzugs med pa'i srid pa ste/ thams cad la sdug bsngal gyi gzir ba zhes bya bar bya'o/ /'dod pa la sogs pa nye bar len to/ /zhes bya ba la/ 'dod pa dang/ lta ba dang/ tshul khrims dang/ brtul zhugs dang/ bdag tu smra ba rnams nye bar len to/ /de la 'dod pa rnams ni 'dod pa'i yon tan lnga dag go zhes bya ba ni gzugs dang/ sgra dang dri dang reg bya ba rnams so/ /'dod par bya zhing/ don du nye bar bya bas na 'dod pa rnams te/ de nyid kun tu rtog pa'i 'dod pas byang bas na yon tan te/ goms zhes bya ba'i don to/ /brtul zhugs ni khyi dang ba lang gi brtul zhugs la sogs pa zhes bya ba la sogs pa zhes bya ba'i sgras ni ri dags kyi brtul zhugs la sogs pa dag bsdu'o/ /ji skad du gcer bu pa la sogs pa rnams ni/ zhes bya ba la/ 'di yang brtul zhugs yin no/ /bram ze'i brtul zhugs ni dbyug gu dang g.yang gzhi yang dag par len pa'o/ /phyugs bdag pa'i ni ral bu dang thal ba'o/ /kun tu rgyu'i ni dbyug gu gsum pa dang spre'o yang dag par len pa'o/ /bdag tu smra ba ni lus la te/ zhes bya ba ni gang gi phyir 'di la bdag ces brjod pa'i phyir te/ de la bdag tu smra ba yod pas na/ bdag tu smra ba'o/ /zhes smos te/ bcom ldan 'das kyis dge slong dam/ bram ze gang su yang rung ste/ bdag go zhes yang dag par rjes su lta bas yang dag par rjes su lta ba de thams cad ni nye bar len pa'i phung po lnga po 'di dag la zhes bya ba rgyas par ji skad du gsungs pa lta bu'o/ /gal te lus

  121. 61a

    bdag yin na/ de lta na bdag nye bar len pa zhes bya ba brjod par bya'o/ /zhe na/ de'i phyir bdag med pa'i phyir zhes bya ba la sogs pa smos te/ bdag yod na ni nye bar len pa/ zhes brjod na/ de ni yod pa yang ma yin te/ de'i phyir de med par shes bya ba'i phyir bdag tu smra ba nye bar len pa zhes bshad do/ byis pa thos pa dang mi ldan pa so so'i skye bo zhes bya ba go rims bzhin du lhan cig skyes pa dang/ lung dang rtogs pa las skyes pa'i shes rab rnams med pa'i phyir te/ gang zhig sngon goms pa'i bag chags las byung ba skye bas thob pa'i shes rab med pa de ni byis pa'o/ /gang zhig lung las byung ba med pa de ni thos pa dang mi ldan pa'o/ /gang zhig rtogs pa las byung ba bden pa mngon par rtogs pa las skyes pa med pa de ni so so skye bo'o/ /bdag tu lta ba dag la ste/ de la 'dod pa la sogs pa ma thob pa dag la ni 'dun pa te/ don du gnyer ba'o/ /thob pa dag la ni 'dod chags te mngon par zhen pa'o/ /bdag tu smra ba rnams la te/ de la 'dod pa la sogs pa ma thob pa dag la ni 'dun pa ste/ don du gnyer ba'o/ /thob pa dag la ni 'dod chags te mngon par zhen pa'o/ /yul ma thob pa rnams la ni 'dun pa ste/ don du gnyer ba'o/ /thob pa rnams la ni 'dod chags te/ 'dod pa la sogs pa de rnams la 'dun pa dang 'dod chags gang yin pa de nye bar len pa yin gyi/ ji skad bshad nyid ma rig bcas/ nyer len bcas te lta rnams gnyis/ phye ba'i phyir ro zhes bya ba ni nye bar len pa ma yin no snyam du bsams pa yin no yang srid pa'i zhes bya ba ni yang srid pa'i 'bras bu can yin no/ /de ni 'dir srid pa yin no zhes bya ba ni/ 'di ni 'dir srid pa'o zhes bya ba'i tha tshig go /gzhan dag na re/ 'di 'dir srid pa'i tshig bla dag sam/ mtshan nyid do zhes zer ro/ /rnam par

  122. 61b

    shes pa 'jug pa'i tshul du zhes bya ba ni las kyi 'phen pa'i dbang gis rnam par shes pa'i rgyun srid pa bar ma dang 'brel pa'i phyir me 'bar ba 'gro ba'i tshul du 'gro ba de dang der 'gro bar 'gyur te/ zhes sngar ji skad pa bzhin no/ /mdo de las ji skad bshad pa lta bu'o/ /zhes bya ba ni rga ba gang zhe na/ spyi cer dang mgo skya dang gnyer ma mang ba dang rnyings pa dang rgur ba dang 'khyogs pa dang/ go pA na sA gyol po dang dbugs kyi sgra ngar ngar? po 'byung ba dang/ lus mdun du dgu pas lus mkhar ba la bsten pa dang lus sme ba nag pos khyab pa dang/ d+ha nu d+hwa manda twaM nyams pa dang dbang po yongs su nyams pa dang yongs su smin pa dang yongs su bye ba dang 'du byed rnams rnyings par gyur pa dang 'khyogs par gyur pa gang yin pa 'di ni rga ba zhes bya'o/ /'chi ba gang zhe na/ sems can gang yin pa de dang de dag sems can gyi ris de dang de nas 'chi zhing 'pho ba nyid de tshe dang drod nyams shing phung po rnams 'dor la srog gi dbang po 'gags pa 'chi ba'i dus byed pa gang yin pa 'di ni 'chi ba zhes bya ste/ 'chi ba 'di dang sngar gyi dga' ba 'di gnyis ni rga shi zhes bya ba'o/ /bye brag tu smra ba'i lugs ni sngar bshad pa gang yin pa de kho na yin no zhes bya ba ni bcu gnyis dang ldan pa'i phung po lnga pa'i gnas skabs kyi yan lag bcu gnyis dag yin no/ /zhes bya ba'o/ yi ge ma'i don du ma nyid yin par mthong ste/ 'dri ba ni ma rig pa'i don gang yin zhes bya'o/ /chos ma yin pa dang don ma yin pa dang zhes bya ba la/ sogs pa'i sgras ni ma rig pa dang tha snyad ma yin pa dang/ mi ma yin pa la sogs pa rnams bsdu'o/ /chos la sogs pa'i mi mthun par zhes bya ba la/ chos dang don dang rig pa dang/ tha snyad dang mi la sogs pa'i mi mthun pa'i phyogs su gyur pa yin gyi/ chos la sogs pa med pa tsam ma yin la/ chos la sogs pa dag las gzhan yang ma yin pa de bzhin du ma rig pa yang mi mthun

  123. 62a

    pa'i phyogs su gyur pa'i chos yin gyi/ rig pa las gzhan pa ma yin zhing med pa tsam ma yin no/ /rkyen gyis dngos por bstan pa'i phyir ro/ /zhes bya ba la/ ma rig pa'i rkyen gyi 'du byed rnams zhes 'du byed rnams kyis rkyen gyi dngos por bstan na/ med pa ni brjod du med pa'i phyir rkyen gyi dngos por rigs pa ma yin la/ mig la sogs pa dag kyang 'du byed kyi rkyen gyi dngos po ma yin te/ dgra bcom pa la yang 'du byed 'phel bar byed pa thal bar 'gyur ba'i phyir ro/ /kun sbyor sogs tshig phyir zhes bya ba la/ kun tu sbyor ba dag tu ni ma rig pa'i kun tu sbyor ba zhes bshad la/ zag pa dag tu ni ma rig pa'i zag pa 'ching ba dag tu ni gti mug gi 'ching ba phra rgyas dag tu ni ma rig pa'i phra rgyas/ chu bo dag tu ni ma rig pa'i chu bo/ /sbyor ba dag tu ni ma rig pa'i sbyor ba zhes bya na/ med pa tsam ni de ltar 'gyur bar mi 'os la/ mig la sogs pa dag kyang kun tu sbyor ba dang/ 'ching ba la sogs pa dag tu mi 'gyur ro/ /ci'i phyir zhe na/ dgra bcom pa rnams kyang ma grol bar thal bar 'gyur ba'i phyir ro/ /de'i phyir ma rig pa'i mi mthun phyogs su gyur pa chos gzhan kho na ma rig pa yin no/ /de yang lta ba'i rang bzhin yin pas zhes bya ba la/ smad pa'i shes rab ni nyon mongs pa can yin gyi/ nyon mongs pa can ma yin pa'i dge ba dang lung du ma bstan pa ni ma yin la/ de yang 'jig tshogs la lta ba la sogs pa lta ba rnams pa lnga yin na/ lta ba ni ma rig par mi rung ste/ ma rig pa'i phra rgyas lta ba'i phra rgyas zhes 'dod chags la sogs pa bzhin du logs shig tu gsungs pa'i phyir ro/ /'o na ni gang nyon mongs pa can gyi shes rab lta ba ma yin pa de ma rig par 'gyur la/ de yang 'dod chags dang zhe sdang dang nga rgyal la sogs pa'i nyon mongs pa dang mtshungs par ldan pa yin no/ /lta ba de dang mtshungs ldan phyir

  124. 62b

    zhes bya ba ni ma rig pa dang mtshungs par ldan pa'i phyir ro/ /zhes bya ba'i don to/ /gti mug nyon mongs pa'i sa mang po par nges pas lta ba ma rig pa dang mtshungs par ldan pa ngo bo nyid ni ngo bo nyid kyis bsdus pa yin gyi/ mtshungs par ldan pa ma yin no/ /gang zag cig la sems gnyis yod pa ma yin no/ /dus mtshungs pa zhes chos mngon par bshad de/ ji ltar sems nyid sems las byung ba rnams dang rten dang dmigs pa dang rnam pa dang dus dang rdzas mtshungs par ldan pa'i phyir ro/ /des na shes rab kyi rdzas gnyis mtshungs par mi ldan pa'i phyir na ma rig pa shes rab nyid ma yin no zhes bya bar nges so/ /shes rab nyon mongs stan phyir zhes bya ba 'di las kyang zhes bya ba rgyas par 'byung ste/ ji ltar sems kyi nye ba'i nyon mongs pa sems las byung ba 'dod chags gzhan nyid yin par gsungs kyi/ sems ma yin pa de bzhin du/ shes rab kyi nye ba'i nyon mongs pa yang de dang mtshungs par ldan pas ma rig pa chos gzhan yin par rigs kyi/ shes rab kyi nye ba'i nyon mongs pa shes rab nyid ni ma yin te/ mtshungs par mi ldan pa'i phyir ro/ /de yang gdon mi za bar 'dod chags kyis kun nas dkris pa yin nam ci zhes bya ba ni 'dod chags dang mtshungs par ldan nam/ zhes bya ba'o/ /bag chags te zhes bya ba ni 'dod chags la sogs pa gnas ngan len gyi bag chags zhes bya ba'i don to/ /de bzhin du ma rig pas nye bar nyon mongs pa can du gyur pa'i zhes bya ba la/ 'dir ma rig pa'i sgras ni shes rab nyon mongs pa can kho na rig par bya te/ gang gi phyir thal ma thag tu yang ci'i phyir shes rab nyon mongs pa can dang zhes rgyas par 'byung ba'i phyir ro/ /ma rig pas nye bar btsam pa yang de bzhin du rtags par bya ste/ ma rig pa dang mtshungs par ldan pa las ni ma yin no/ /des na shes rab kyi rdzas gnyis cig car yod pa ma yin

  125. 63a

    te/ dzA tyan+ta ra me bA bi dya war+NA yaM tya nA ga mi ka pa ri kalpa sya/ gang yang zhes bya ba ni slob dpon dpal len te/ de ni nyon mongs pa thams cad ma rig pa yin no/ /snyam du sems so/ /ci'i phyir zhe na/ tshe dang ldan pa gsum po tshe nges rab tu mi shes shing rab tu mi shes pa ni ma rig pa zhes bya ba'i mdo'i phyir ro/ /de zhes bya ba ni gang yod na rig pa med de ni ma rig pa ste/ rgyu med na ni 'ga' yang yod pa ma yin pa/ nyon mongs pa thams cad yod na yang rig pa med pa yin no/ /kun tu sbyor ba la sogs pa'i nang du logs shig tu bshad par mi 'gyur zhing/ zhes bya ba ni nyon mongs pa thams cad ma rig pa yin pas te/ rjes su chags pa'i kun tu sbyor ba la sogs pa'i nang du ma rigs pa'i kun tu sbyor ba logs shig tu bshad par mi 'gyur te/ kun tu sbyor ba lhag ma dang/ tha mi dad pa'i phyir ro/ /de bzhin du 'ching ba dag gi nang du gti mug gi 'ching ba zhes bya bar logs shig tu bshad par yang mi 'gyur te/ 'dod chags dang zhe sdang dang tha mi dad pa'i phyir ro/ /phra rgyas dag gi nang du ma rig pa'i phra rgyas zhes bya bar yang ma yin te/ phra rgyas lhag ma dang tha mi dad pa'i phyir ro/ /chu bo dag gi nang du ma rig pa'i chu bo dang/ sbyor ba dag gi nang du ma rig pa'i sbyor ba zhes bya bar logs shig tu yang bshad par yang mi 'gyur te/ chu bo dang sbyor ba lhag ma dang tha ma dad pa'i phyir ro/ /nyon mongs pa thams cad kyi bdag nyid yin pa'i phyir dang/ lta ba la sogs pa rnams la rang dang gzhan gyi bdag nyid dang mtshungs par ldan pa med pa'i phyir lta ba 'am/ nyon mongs pa gzhan dang ste/ nyon mongs pa 'dod chags la sogs pa dang yang mtshungs par ldan par mi 'gyur te/ 'di ltar lta ba ni lta ba'am/ 'dod chags dang zhe sdang dang mtshungs par ldan par mi 'gyur ro/ /de bzhin du 'dod

  126. 63b

    chags kyang 'dod chags sam/ nyon mongs pa gzhan dang mtshungs par ldan par mi 'gyur ro/ /zhes thams cad la brjod par bya'o/ /sems kyang zhes bya ba rgyas par 'byung ste/ gal te nyon mongs pa thams cad kyi rang bzhin ma rig pa yin na/ 'dod chags kyang nyon mongs pa'i rang bzhin yin pas/ ma rig pa kho na yin pa'i phyir 'dod chags kyi nye bar nyon mongs pa can du gyur pa'i sems ni rnam par mi grol lo/ /zhes bshad par mi 'gyur ro/ /'o na ji ltar bshad par bya zhe na/ ma rig pas nye bar nyon mongs pa can du gyur pa'i zhes bya bar ro/ /'on te bye brag tu bya ba'i phyir zhes bya ba la/ nyon mongs pa thams cad ma rig pa'i rang bzhin can yin pa'i phyir ma rig pa che ge mos nye bar nyon mongs pa can du gyur pa mi grol lo zhes bya bar rtogs par mi 'gyur ba de'i phyir ma rig pa bye brag tu bya ba'i phyir 'dod chags kyis nye bar nyon mongs pa can du gyur pa'i zhes bshad de/ dper na skye mched bcu gnyis po dag gzugs kyi rang bzhin du khyad par med kyang/ bye brag tu bya ba'i phyir gzugs kyi skye mched dang sgra'i skye mched ces bshad pa bzhin no/ /shes rab la yang zhes bya ba rgyas par 'byung ste/ 'o na ni shes rab la yang zhe sdang gis nye bar nyon mongs pa can du gyur pa dang/ nga rgyal gyis nye bar nyon mongs pa can du gyur pa dag las bye brag tu bya ba'i phyir ma rig pa'i bye brag bstan par bya ste/ de lta ma yin na ma rig pa gang gis nye bar nyon mongs par 'gyur ba mi rtogs par 'gyur ro/ /'on te nyon mongs pa thams cad kyi nye bar nyon mongs pa can du gyur pa'i shes rab ni rnam par mi 'dag ste/ de'i phyir 'dir bye brag nye bar mi len no zhe na/ ma yin te/ sems la yang mtshungs pa'i phyir ro/ /'di ltar 'dod chags kho na nas yin pa 'ba' zhig tu ma zad kyi/ nyon mongs pa gzhan dag gis nye bar nyon mongs par gyur pa'i sems kyang rnam par mi grol

  127. 64a

    bas 'di ni mtshungs so/ /mi gsal ba'o/ /zhes bya ba la/ gsal ba ni rab tu shes pa yin la/ mi gsal ba ni gsal ba ma yin pa'o/ /ma rig pa la ji lta ba de kho na bzhin du skyon du 'gyur ro zhes bya ba la/ gal te gang bsal ba ma yin pa yin na ni mig la sogs pa dag la yang thal bar 'gyur ro/ /'o na ni gsal ba med pa yin no/ /de lta na ni mi yid ma yin par 'gyur na/ de yang rigs pa ma yin te/ rkyen gyi dngos por bstan pa de lta bu'i phyir la/ kun tu sbyor ba la sogs pa'i dngos por bstan pa'i phyir ro/ /ji ltar 'di ci zhig ces ma rig pa mi shes pa de bzhin mi gsal ba yang yin no zhes ston te/ ma grub pa ni ma grub pa shes par byed par nus pa yang ma yin no/ /chos rnams bstan pa de lta bu yang zhes bya ba rgyas par 'byung ste/ de lta bu'i rigs de lta bu dang zhes bya ba'i don to/ /chos rnams gtan gdon mi za bar rang bzhin gyis phye ba kho nar ma zad kyi/ las kyis rab tu phye ba yang yin pas/ 'dir rig pa'i mi mthun phyogs kyi las kyis ma rig pa bstan te/ 'di ltar mi reg pa la chags pa dang bral te rig pa skye'o zhes gsungs so/ /de'i phyir don 'ga' zhig rig pa'i mi mthun phyogs su gyur pa gang yin pa de yod pa ma yin no/ /de nyid la dpe bshad pa ni/ dper na zhes bya ba la sogs pa ste/ der ni las mig gi rnam par shes pa'i rten nyid kyis dmigs nges par byed kyi rang bzhin gyis ni ma yin no/ /gal te gzugs dang ba zhes rang bzhin gyis rab tu phye ba kho na la mig gi rnam par shes pa'i rten nyid du brjod pa ma yin nam zhe na/ gzugs dang pa de ni rang gi ngo bos nges par mi nus te/ de nyid kyi phyir mig gi rnam par shes pa'i rten gang yin pa'o/ /zhes gsungs so/ /btsun pa chos skyob na re nga'o/ /snyam du

  128. 64b

    sems can la 'jug pa ni zhes bya ba la nges 'gro ba thams cad du 'jug pas na 'jug pa ste/ 'gro zhes bya ba'i don yin la/ de'i dngos po ni 'jug pa nyid yin na/ 'di ni nges par ma byas pa bzhi ste/ 'di ltar gnas brtan des kyang de'i brjod par bya ba ni dmigs ma phyed do/ /nga'o snyam du zhes bya bas ngar 'dzin pa yang yongs su gzungs la/ 'di yang nga'o snyam pa'i nga rgyal gyi bya ba yin pas 'dri ba ni nga'o snyam pa'i nga rgyal las gzhan pa'i 'jug pa gang zhig ce na zhes bya ba'o/ /gang gi phyir nga'o snyam pa'i nga rgyal la mngon par zhen pa'i phra rgyas dag las logs shig tu 'jug pa gsung pa de'i phyir nga'o snyam pa'i nga rgyal nyid 'jug pa ma yin par rtogs so/ /sred pa thams cad dang zhes bya ba la sogs pa 'byung pas 'dod chags la sogs pa'i rnam pa thams cad las logs shig tu gsungs pa'i phyir 'dod chags la sogs pa'i nyon mongs pa rnam pa gzhan ma yin la/ ma rig pa ni ma gsungs pa'i phyir mjug pa'i sgras ni ma rig pa gsungs so zhes bya bar shes so/ /nga rgyal gzhan yang yod pa ma yin nam zhes bya ba ni mdo 'di las ni nga'o/ /snyam pa'i nga rgyal kho na rang gi sgras gsungs kyi/ nga rgyal gzhan ma yin pas 'jug pa'i sgras nga'o snyam pa'i nga rgyal las gzhan pa'i nga rgyal bstan par 'gyur ro zhes bya ba'o/ /slob dpon 'dus bzang na re/ don de lta ma yin te/ nga'o snyam pa'i nga rgyal bstan pas nga rgyal lhag ma yang gzung ba yin te/ mang po'i tshigs gis bstan pa'i phyir ro zhes zer ro/ /'dir nyon mongs pa gtso bo smos pas mtshon pa bzhin no/ /lta ba rnams las bdag dang bdag gi bdag tha dad du bstan te/ de dag ni lta ba thams cad kyi rtsa ba ma yin pa'i phyir gtso bo dag go /tha dad du bstan pa dag ni phra rgyas brjod pa'i phyir yang ngo/ /khong khro ba dang the tshom gyi phra rgyas dag kyang gzung ngo/? /de ni ma rig pa kho?

  129. 65a

    na 'dir gtso bo ste/ nyon mongs pa rnams las khyad par du'o/ /de tha dad du bstan pa med pa a nA tA pra sa ga syA di ti/ de nyid 'dir 'jug pa nyid du ma brjod do/ /kun nas 'gro zhing thams cad du 'gro bas na 'jug pa ste/ 'gro bar byed ces bya ba'i don to/ /de'i dngos po ni/ 'jug pa nyid ces bya'o/ /'dir thams cad kyi zhes bya ba so so la mang po'i tshig 'gro ba ma yin te/ bdag dang bdag gi bdag re re la mang po'i tshig yod pa ma yin no sred pa la sogs pa gzhan no/ /rnam pa med pa de'i phyir bdag dang bdag gi ba la sogs pa thams cad la mang po'i tshig sbyar ro/ /nga rgyal gyi sgra yid nga rgyal gyis khyad par re re gzung bar mi 'gyur la/ nga rgyal smos pa de la khyad par ma yin pa'i phyir dar 'dzin pa smos par yang lta ba ma lus pa smos pa ma yin no/ /phra rgyas kyi sgra yis kyang khong khro dang the tshom dag kho na gzung ngo/ /lta ba la sogs pa bzhin dngos su ma yin no/ /rgyu yod pa de'i phyir phra rgyas kyi sgra ni mngon par zhen pa bzhin du ngar 'dzin pa la sogs pa rnams la yang sbyar ro/ /zhes shes so/ /de'i phyir 'dir ma rig pa kho na khyad par du ma byas te/ 'o na ci zhe na/ nyon mongs pa gzhan yang ngo/ /de'i phyir 'dir 'jug pa'i sgra yis ci ma rig pa bshad dam 'on te nyon mongs pa gzhan zhes bya ba mi shes so/ /'dir yang rnam par dpyad pa zhes bya ba la/ ci nga rgyal gzhan na ci ste ma rig pa yod pa las zhes rnam par dpyad na brjod par bya ba mang du 'byung bas rnam par dpyad pa'i zhar las byung ba yin pa'i phyir 'di ni gzhag go /gzugs na rgya cher bshad pa yin no/ /zhes bya ba la gzugs ni dbang po lnga dang don/ lnga dang rnam par rig byed min nyid/ ces bya ba de lta bu la sogs pas rgyas par bshad zin to/ /ming dang gzugs can ming phung po zhes bya ba/ sgra 'jug pa'i rgyu

  130. 65b

    mtshan 'dri ba ni ci'i phyir zhes bya ba ste/ gzugs can ma yin pa'i phung po bzhi la ming zhes brjod ces bya ba'o/ /sgra 'jug pa'i rgyu mtshan bstan pa'i phyir ming dang dbang po dang don gyi dbang gi zhes bya ba rgyas par smos so/ /ming dang dbang po dang don dang gsum gyi dbang gis gzugs la sogs pa'i don rnams la gzhol bas ming ste/ dmigs par 'dzin pa 'dud pa la brten nas brjod do/ /zhes bya ba'i don to/ /de la ming gi dbang gis ni gzugs la sogs pa mngon sum dang mngon sum ma yin pa dag la'o/ dbang po dang don gyi dbang gis ni mngon sum pa dag la gzhol lo/ /ming gang gis zhes bya ba ni gsung rab las phung po bzhi'i mtshan nyid dam 'bod ming gi mtshan nyid can la ming du grang ba de'i phyir the tshom za'o/ /'jig rten na grags pa gang yin pa ste/ zhes bya ba rgyas par 'byung ste/ 'dir 'bod ming gi mtshan nyid gzung ste/ phung po bzhi'i mtshan nyid can 'jig rten du ma grags pa'i phyir ro/ /de la ba lang dang rta zhes bya ba ni gong bu go bar byed pa yin no/ /gzugs dang ro zhes bya ba ni don gcig go bar byed pa yin te/ rdzas go bar byed pa'i phyir ro/ /de lta na ni 'o na dmigs pa med pa'i phyir ldan pa ma yin pa rnams la ming nyid mi srid do/ /zhe na de ni de lta ma yin te/ gzugs can ma yin pa rnams kho na la dmigs pa la gzho ba la nyid mi srid pa'i phyir gzugs can ma yin pa rnams kho na ming yin no/ /de med pas ldan pa ma yin pa rnams la ming ma yin pa nyid kyang ma yin te/ gzugs bzhin no/ /dper na gzhig cing gzhom du rung bas gzugs yin zhing/ thogs pa med pas 'das pa dang ma 'ongs pa dang rnam par rig byed ma yin pa dang/ rdul phra rab rnams la gzugs su rung ba yod pa yang ma yin la/ de dag gzugs ma yin pa nyid kyi ma yin zhing 'di gzugs kho na la yod pas

  131. 66a

    gzugs kyi nges tshig ma yin pa bzhin no/ /de yang zhes bya ba ni gang 'jig rten na grags pa ba lang dang/ rta zhes bya ba'o/ /ci'i phyir zhes bya ba ni rgyu gang gis ming nyid yin zhes bya ba'o/ /ming de dang de zhes bya ba la ldan pa ma yin pa'i 'du byed de ming nyid yin te/ phung po bzhir bshad do/ /gzhan dag na re 'dir lus por nas zhes bya ba rgyas par 'byung ste/ ji skad du/ shi shing dus byas pa de'i lus rul ba de nyid du rnams kyis mes bsreg pa'am/ chur bskyur pa 'am/ sa'i 'og tu 'jug par 'gyur zhing/ rlung dang nyi ma dag gi skam pa dang/ yongs su zad pa dang/ gtugs par 'gyur te/ sems zhes bya ba dang/ yid ces bya ba dang/ rnam par shes pa zhes bya ba dad pas yongs su bsgos pa dang/ tshul khrims dang thos pa dang/ gtong ba dang/ shes rab kyis yongs su bsgos pa gang yin pa de ni phyi ma la gong du 'gro ba dang/ khyad par du 'gro ba dang/ mtho ris su 'gro bar 'gyur ro zhes gsungs pa lta bu'o/ /rnam par shes pa gzhol ba ni mar me 'pho ba'i tshul du yin par rig par bya'o/ /skye mched drug bshad zin to/ /gang du bshad ce na/ de dag rnams kyi rnam shes rten/ mig la sogs gzugs zhes bya ba der mig la sogs pa'i skye mched lnga po rnams so/ /rnam shes so so rnams rig pa zhes bya ba der yid kyi skye mched do/ /reg drug ces bya bas rten gyi bya bas reg pa'i dbye ba tsam zhig bshad la/ 'dus te byung ba yin zhes bya ba 'dir yang rgyu bshad kyi ngo bo ni ma yin te/ 'dus pa ni lhan cig 'byung ba'o/ /snyam du bsam nas smras pa ni/ re zhig lhan cig skye ba'i phyir zhes bya ba rgyas par 'byung ba'o/ /yid dang chos dang yid kyi rnam par shes pa rnams skye ba'i dus tha dad pa'i phyir lhan cig 'byung ba mi srid do/ /snyam zhing

  132. 66b

    yid kyi dbang po 'gag pa go zhes bya ba la sogs pa smras te/ drug pa 'das ma thag pa yi/ rnam shes gang yin de yod do zhes bya bas yid kyi rnam par shes pa ni 'das pa yin pa'i phyir 'gags pa'o/ /gzugs la sogs pa'i chos yid kyi rnam par shes pas dmigs par bya ba rnams ni 'byung bar 'gyur ba yin pa'i phyir ma 'ongs pa'o/ /sems dang sems las byung ba da ltar ba rnams kho nas dmigs pa dmigs pa'i phyir/ yid kyi rnam par shes pa ni da ltar gyi'o/ /ji ltar 'dus zhes bya ba ni 'du ba yod pa ma yin pa de nyid de/ dus tha dad par gtogs pa'i phyir ro/ /snyam du bsam pa'o/ /rgyu dang 'bras bu'i dngos po gang yin pa zhes bya ba la yid kyi rnam par shes pa ni 'bras bu'i dngos po'o/ /yid kyi dbang po dang chos rnams ni rgyu'i dngos po'o/ /reg pa skyed par bya ba la mthun pa yin pa'i phyir zhes bya ba ni reg pa bskyed par bya ba'i ched du phan tshun rjes su mthun pa ste/ reg pa bskyed pa la thams cad kyang rjes su mthun par 'gyur zhes bya ba'i don to/ /'bras bu gcig pa'i don no zhes bya ba ni yul dang dbang po rnam par shes pa rnams 'bras bu gcig nyid la 'du ba zhes brjod do/ /'di reg pa'i tshogs zhes bya ba la/ gal te yul dang dbang po dang/ rnam par shes pa rnams 'dus pa tsam reg pa yin na ni de dag las don gzhan du gyur pa ma yin la/ de lta yin na yul dang dbang po dang rnam par shes pa drug tshan las sogs shig tu gsung bar mi 'gyur te/ gang dag yang reg pa smos pas bstan par byas so zhes rtog pa/ de dag las tha dad pa'i dus yul dang dbang po dang rnam par shes ba dag yod pa ni ma yin no/ /de'i phyir sred pa la sogs pa bzhin du de dag las logs shig tu bstan pas de dag 'dus pa tsam ni reg pa ma yin no/ /zhes bya bar shes so/ /yul dang dbang po dang/ rnam par shes pa dag las logs shig tu

  133. 67a

    bstan pas reg pa de dag las logs shig tu yod pa ni ma yin no/ /ci'i phyir ma yin zhe na/ tshor ba dang sred pa dag kyang chos kyi skye mched las zhes bya ba rgyas par smos so/ /gal te logs shig tu bstan pas sred pa la sogs pa ltar logs su yod na/ de lta na chos kyi rnam grangs drug tshan drug pa 'di nyid las tshor ba dang sred pa dag chos kyi skye mched las logs shig tu bshad pas chos kyi skye mched las logs shig tu yod par thal bar 'gyur na/ de ni 'dod pa yang ma yin no/ /de'i phyir logs shig tu gsungs pa ni gzhan nyid kyi rgyu ma yin te/ 'khrul pa'i phyir ro/ /de dag las ma gtogs pa'i chos kyi skye mched kyang zhes bya ba la sogs pa la/ gang zhig tshor ba dang sred pa dang gnyis bsal nas chos kyi skye mched ces bstan pa/ tshor ba dang sred pa ma gtogs pa'i chos kyi skye mched 'dus ma byas dang/ rnam par rig byed ma yin pa dang/ 'du shes dang sems la sogs pa'i mtshan nyid can yang yod de/ de'i phyir gang zhig gang las logs shig tu bstan pa de ni de las tha dad pa kho na yin pas logs su bstan pa la 'khrul pa med pa nyid do/ /de lta bur ni 'dir zhes bya ba rgyas par 'byung ste/ de lta bur gang zhig mdo 'dir nang dang phyi'i skye mched smos pa dang/ rnam par shes pa smos pas smos su rung ba/ reg pa zhes bya ba'i rgyu dang 'bras bur gyur pa yul dang dbang po dang rnam par shes pa gsum las gzhan gsum reg par ma gyur pa gang yin pa ni yod pa ma yin no/ /de'i phyir reg pa ni dbang po dang yul dang rnam par shes pa rnams las gzhan kho na yin te/ logs shig tu bstan pa'i phyir ro/ /ci te de dang mtshungs pa'i yul dang dbang po dang rnam par shes pa phan tshun bltos pa med pa rnams kyi nang dang/ phyi'i skye mched dang rnam par

  134. 67b

    shes pa drug po dag logs shig tu bstan la/ rten pa mtshungs pa phan tshun bltos pa rnams ni reg pa'i tshogs smos pas smos pa'i phyir na de don gzhan gyis dngos po ma yin yang/ yul dang dbang po dang rnam par shes pa dag las logs shig tu bstan par mi 'gal lo/ /snyam na gal te rnam par shes pa'i zhes bya ba rgyas par 'byung ngo/ /don dang dbang po ngag ni de dang mtshungs pa yin pas rnam par shes pa la mi ltos par 'gyur na/ rnam par shes pa ni don dang dbang po med pa ma yin te/ de dag gi rgyu can yin pa'i phyir ro/ /rgyu ni 'bras bu med par yang yod na 'bras bu ni rgyu med par ma yin te/ de la rag las te/ skye ba'i phyir ro/ /de'i phyir gang rnam par shes pa'i tshogs drug ces logs shig tu bstan par bya ba don dang dbang po ltar reg par ma gyur pa'i rnam par shes pa don dang dbang po la bltos pa med pa ni cung zad kyang med do/ /de lta bas na gsum bstan zin pas zhes bya bas ni yul dang dbang po rnam par shes pa dag go /reg pa smos pa ni don med do/ /zhes bya ba la/ dbang po dang don dang rnam par shes pa de dag kho na reg pa yin la/ de dag kyang bstan pas yang reg pa'i tshogs drug ces bstan pa don med par 'gyur na/ 'dod pa yang ma yin te/ des na reg pa ni 'dus pa las gzhan kho na yin no/ /zhes bya bar khas blang bar bya'o/ /gang dag rgyu dang 'bras bu'i dngos po yin pa zhes bya ba la/ ming dang gzugs sngar skyes pa dag dang/ mig gi rnam par shes pa phyis skyes pa ni rgyu dang 'bras bu'i dngos po yin pas de dag kho na reg pa'i dngos por bzhag la/ mig la sogs pa gang dag rgyu dang 'bras bur gyur pa de dag ni nang dang phyi'i skye mched dang/ rnam par shes pa'i tshogs nyid du bstan te/ de dag kyang dbang po dang yul dang rnam par shes pa lhan cig skyes pa rnams dang/ phan tshun chod pa snga phyir

  135. 68a

    skyes pas so/ /zer ro zhes bya ba ni slob dpon dpal len te/ 'di la yang lan ni gal te rnam par shes pa med pa'i dbang po dang don dag ces rgyas par 'gyur ba de nyid yin no/ /de skad du mi 'don to/ /zhes bya ba ni/ dang por mi byed kyi/ 'o na ci zhe na/ chos gsum po 'di dag 'brel pa dang/ 'dus pa dang/ tshogs pa las byung ba gang yin pa de ni reg pa'o/ /zhes lnga par byed pa'o/ /yang na ni 'di rgyu la zhes bya ba la sogs pa la/ reg pa'i rgyu gsum 'dus pa ni reg par smra'o zhes bya pa'i don to/ /thogs pa dang/ ces pa'i dbang po la brten pa'i phyir zhes bya ba la/ mig la sogs pa dag ni rang gi yul du gzugs can gzhan skye ba la gegs byed pas thog pa dang bcas pa'o/ /gzhan dag na re thogs pa bcas pa'i dbang po las rtan pa'i phyir dang/ gcig tu thogs pa dang bcas pa'i chos kyi yul can yin pa'i phyir zhes zer ro/ /tshig bla dags zhes bya ba ni ming yin no/ /zhes bya ba ni lhas byin mchod sbyin zhes bya ba sems dang ldan pa ma yin pa'i 'du byed de/ de ni drug pa kho na'i yul yin gyi/ gzhan gyi ni ma yin no/ /de nyid rab tu bstan pa'i phyir de lhag par 'di'i dmigs pa yin pa'i zhes bya ba smos te/ grags ces bya ba'i sgra ni sgra las ma gtogs pa'i ming med par shes par bya ba'i phyir ro/ /mig gi rnam par shes pas ni sngon pa rnam par shes kyi zhes bya ba ni brjod par bya ba'i rang gi ngo bo rnam par shes so/ /sngon po'o zhes bya bar ni rnam par mi shes so/ /zhes bya ba ni ming gi sgo nas rnam par mi shes pa ste/ mig gi rnam par shes pa ni rnam par rtog pa med pa yin pa'i phyir ro/ /yid kyi rnam par shes pas ni rang gi ngo bo dang ming gnyis ka'i sgo nas rnam par shes pa ste/ de'i ming dang ming can gyi 'brel pa 'dzin par nus pa'i phyir ro/ /gcig ni rten gyis rab tu phye ba yin no zhes bya ba ni thogs pa'i

  136. 68b

    reg pa ste/ thogs pa dang bcas pa'i dbang po la brten pa'i phyir ro/ /gzhan dag na re rten dang dmigs pa rab tu phye ba yin no zhes zer ro/ /gnyis pa ni dmigs pas rab tu phye ba yin no/ zhes bya ba'i tshig bla dags kyi reg pa ste/ lhag par tshig bla dags kyi dmigs ba can yin pa'i phyir ro/ /tshig gi dbang du byas nas zhes bya ba la/ tshig gi sgo nas tshig nges par gzung ste/ rnam par rtog pas gzugs la sogs pa'i don rnams la yid kyi rnam par shes pa rab tu 'jug gi /rnam par shes pa'i tshogs lnga po rnams ni/ ma yin te/ rnam par rtog pa med pa'i phyir ro/ /yang na tshig gi dbang du byas nas/ zhes bya ba ni nye bar bstan pas ming dang ming can gyi 'brel pa la byad ba nyid kyis rnam par shes pa'i sgo nas bum pa dang snam bu zhes bya bar rtogs pa yin no/ /des na yid kyi rnam par shes pa kho na tshig bla dags so gzhan dag na re kun nas slong ba'i tshig gi dbang du byas nas 'jug pas yid kyi rnam par shes pa kho na tshig bla dags so zhes zer ro/ /gnyis pa ni mtshungs par ldan pas rab tu phye ba yin no/ zhes bya ba la tshig bla dags ni yid yin la de dang mtshungs par ldan pa'i reg pa ni tshig bla dags kyis reg pa'o/ /rig pa dang ma rig pa dag mtshungs par ldan pa ma yin pas de khyad par gyi khyad par du byas pa'o/ /tshor ba bde ba dang mthun pa'i phyir ro/ /zhes bya ba ni tshor ba bde ba dang rjes su mthun pa'i phyir ro/ /zhes bya ba dang/ tshor ba bde ba skyed par byed pa yin pa'i phyir ro/ /zhes bya ba'i don te/ gzhan dag la yang de dang 'dra bar brjod par bya'o/ /ji ltar de bya ba 'am bya bar nus par bya bar 'gyur ba yin pa de bzhin du de myong bar bya ba 'am/ myong bar nus pa'i phyir myong bar 'gyur ba'o/ /de dag ni rig pa bcu drug yin no/ /zhes bya ba ni mig gi 'dus te reg pa la sogs pa drug dang/ thogs pa dang tshig bla dags kyi reg pa gnyis dang/ rig pa dang ma

  137. 69a

    rig pa dang gzhan gyi reg pa gsum dang/ gnod sems dang rjes su chags pa'i reg pa gnyis dang/ bde ba mongs par 'gyur ba la sogs pa gsum te/ de ltar de dag thams cad ni bcu drug tu 'gyur ro/ /reg rnam par gtan la dbab pa dang/ rab tu dbye ba dang bcas te bshad zin to/ /tshor ba brjod par bya ste/ zhes bya ba la tshor ba myong ba zhes sngar tshor ba bshad zin pa ma yin na/ zhe na/ bshad pa bden mod kyi der ni rang gi ngo bo'i sgo nas yin gyi/ rab tu dbye bas ni ma yin la/ 'dir ni rab tu dbye ba'i sgo nas bstan pa brjod par 'dod pa'i phyir bzlos pa'i skyon med de/ de nyid kyi phyir de las byung ba tshor ba drug ces smos so/ /de dag kyang mdor bsdu na tshor ba gnyis su 'gyur te/ lus kyi dang sems kyi'o/ /de nyid kyi phyir/ de dag las lnga ni lus kyi'o zhes bya ba smos so/ /sems kyi yin yang dbang po gzugs can la rten pa'i phyir lus kyi zhes bya ste/ rdul phra rab bsags pa yin pa'i phyir dang/ lus la brten pa'i phyir na lus kyi sgra ni mig la sogs pa dag la 'jug go /sems tsam brten pa'i phyir zhes bya ba la tsam zhes bya ba smos pa ni de las lhag pa'i rten bcad par bya ba'i phyir ro/ /lus kyi yang sems la brten pa yin mod kyi/ sems tsam la rten pa ni ma yin te/ de'i rten ni mig la sogs pa rnams kyang yin pa'i phyir ro/ /yang ji ltar tshor ba reg pa'i 'og tu 'byung ba zhes bya ba rgyas par 'byung ba ni/ gnyis ka ltar yang 'gal bar mthong ba'i dri pa'o/ /bye brag tu smra ba smos pa ni kha cig na re skyed par byed pa'i chos las 'das bsam rangs pa'i don du yin no zhes zer ro/ /phan tshun lhan cig 'byung ba'i rgyu yin pa'i phyir tshor ba ni reg pa dang dus mnyam pa yin te/ de las gzhan pa'i sems las byung ba bzhin no/ /ji ltar lhan cig 'byung ba gnyis bskyed par byed pa dang bskyed par bya ba'i dngos por grub

  138. 69b

    ces bya ba la/ skyed par byed pa'i dngos po ni skyed par byed pa nyid de/ 'bras bu bskyed par nus pa'o/ /bskyed par bya ba'i dngos po ni skyed par bya ba nyid de/ bdag nyid du ma reg pa zhes bya ba'i don to/ /de lta yin dang bskyed par byed pa dang bskyed par bya ba'i dngos po ni skyes pa dang ma skyes pa dag la grub kyi skyes zin pa dag kho na la ni ma yin no/ /snyam du bsam pa'o/ /lhan cig 'byung ba gnyis la yang bskyed par byed pa dang bskyed par bya ba'i dngos po mi 'gal bar mthong ste 'dri ba ni ji ltar mi 'grub ces bya ba'o/ /mthu med pa'i phyir te zhes bya ba la/ skyes zin pa bdag nyid thob pa ni yang bskyed par mi nus te/ de'i phyir de la bskyed pa'i mthu yod pa ma yin no/ /de nyid bstan pa'i phyir/ chos skyes zin pa la ni chos kyi nus pa med do/ /zhes bya ba smos so/ /dam bcas pa dang/ bye brag med pa yin no/ /zhes bya ba ni don gang zhig dam bcas pas nye bar gzung ba de nyid gtan tshigs kyi tshig gis kyang gzung bas dam bcas pa dang bye brag med do/ /de nyid bstan pa'i phyir lhan cig 'byung ba gnyis zhes rgyas par smos te/ phan tshun sgrub bya sgrub byed yin pa'i phyir dam bca' ba dang khyad par med do zhes bya ba'o/ /gal te dam bca' ba dang bye brag med pa'i phyir 'di sgrub par byed pa ma yin na/ 'o na ni phan tshun skyed par byed pa thal bar 'gyur ba'i phyir ro/ /zhes bya ba yin te/ gang las 'dir gcig kho na skyed par byed pa yin gyi/ gzhan ni ma yin no/ /zhes bya ba'i khyad par gyi rgyu ni 'ga' yang 'di la yod pa ma yin te/ de lta yin na reg pa dang tshor ba gnyis phan tshun bskyed byed nyid du thal ba'i phyir rten cing 'brel par 'byung ba 'gal lo/ /de'i phyir lhan cig tu 'byung ba gnyis skyes par byed pa dang bskyed par bya ba'i dngos por mi rigs so/ /gnas skabs pa nyid kyi phyir rten cing 'brel par 'byung ba 'gal bar blta ba'i phyir/ 'dod pa'i phyir nyes pa med do zhes smos so/ /mdo las mi bzhed de zhes bya ba la/ reg pa

  139. 70a

    dang tshor ba'i gnas skabs dag kho na phan tshun skyed par byed pa nyid du mdo las mi bzhed par de 'ba' zhig ston par ma zad kyi/ 'o na ci zhe na/ mu khya yod pa? reg pa dang tshor ba dag phan tshun 'bras bu nyid du yang mi bzhed pa ste/ mig gi 'dus te reg pa zhes rgya cher mdo las 'byung ngo/ /slob dpon 'dus bzang na re/ reg pa rnam pa gnyis te/ btags par yod pa dang/ rdzas su yod pa'o/ /de la btags par yod pa ni/ ji skad bshad pa ste/ gang 'di chos gsum rnams 'grogs pa dang 'dus pa dang tshogs pa las 'dus te reg pa'o/ /rdzas su yod pa ni rnam par shes pa'i tshogs lnga phyi rol dang bcas pa'i ming dang gzugs te/ 'di gnyis dang gnyis la nges par brten nas reg pa ming dang gzugs kyi rkyen te/ de bzhin du skye mched drug gi rkyen gyis reg pa zhes bya ba de lta bu la sogs pa'o/ /de la gang 'di btags par yod pa ni tshor ba dang bcas pa'i rkyen du mi 'dod do/ /tshor ba ni de'i rkyen nyid do/ /mig dang gzugs dang mig gi rnam par shes pa tshogs pa rnams tshor ba la brten nas skye ba med do// de lta mos kyi shes pa skye bas mig gi rnam par shes pa nyid mig gi 'dus te reg pa ma yin no/ /de la rnam par shes pa ni sems las byung ba'i rten yin pa'i phyir mig dang gzugs dag kyang tshor ba'i rgyu'i gtso bo ste/ tshor ba skye ba'i rgyu nyid kyis brjod do// btags par yod pa'i tshor ba ni mdo las phan tshun bskyed bya dang bskyed byed kyi ngo bo bkag pa'i phyir mdo dang 'gal pa med do/ /rdzas su yod pa ni sems las byung ba'i reg pa yang dag par myong ba las tshor ba dang lhan cig phan tshun rkyen yin no/ reg pa ni sems las byung ba ste de'i 'bras bur gyur pa las tshor ba dang lhan cig pa'i dngos por mi rigs te/ ci'i phyir zhe na/ skyed par byed pa'i chos las 'das pa'i phyir ro/ /skyed par byed pa dang bskyed par bya ba gnyis cig car ni mi 'grub ste/

  140. 70b

    sa bon dang myu gu bzhin no/ /snga phyi'i dngos po yin pa 'ba' zhig tu ma zad kyang gzugs la sogs pa 'byung ba las byung ba rnams kyi skyed par byed pa yin no/ /dgag pa ci zhig yod ces bya ba ni 'di la rig pa yod pa ma yin zhing/ de ni de ltar ma yin no/ /zhes bya ba'i lung yang med do/ /'o na ni myu gu dang grib ma dag dang/ mar me dang 'od dag ji lta bar zhes bya ba la/ gal te skad cig ma dang po la grib ma med pa dang 'od med par 'gyur na ni de ltar lnga phyi'i dngos por rtogs par 'gyur na/ 'gyur ba yang ma yin te/ de'i phyir myu gu dang mar me ni grib ma dang 'od lhan cig 'byung ba dag gis rgyu yin no zhes bya bar grub bo/ /'dir rgyu'i tshogs pa sngar byung ba kho nar mar me 'od dang bcas pa dang/ myu gu grib ma dang bcas pa'i rgyur ci ste/ mi 'dod gzhan yang 'gro ba dang gnas pa dang/ rnam par 'gyur ba'i rjes su byed pa'i phyir dang/ yod pa dang med pa dag kyang de dag gi rgyu can yin pa'i phyir/ myu gu dang mar me dang grib ma dang 'od gnyis kyi skyed par byed pa yin la/ 'od mar me'i yin pa 'am/ grib ma myu gu'i yin no/ /zhes byung bar ni bsgrub par nus pa ma yin no/ /reg pa dang tshor ba dag lhan cig 'byung bar nges na ni/ gang gis na reg pa'i rkyen kho nas tshor ba yin gyi/ tshor ba'i rkyen gyis reg pa ni ma yin no/ /zhes bya bar rtogs par 'gyur ba rgyu de 'dra ba yod pa ma yin te/ de'i phyir mi mthun pa nye bar bkod pa yin no/ /gzhan dag na re reg pa'i 'og tu tshor ba 'byung ste/ zhes zer ba ni slob dpon dpal len te/ de ltar na 'dus pa ni dbang po dang yul dang rnam par shes pa rnams rgyu dang 'bras bu'i dngos po yin gyi lhan cig 'byung ba ni ma yin te/ rgyu dang 'bras bu dag dus snga phyir 'byung ba'i phyir ro/ /rgyu dang 'bras bu cig car ma yin pa'i phyir dbang po dang don gnyis ni de dag gi 'bras bur gyur pa'i rnam par shes pa bas snga la/ de'i mjug thogs su skad cig ma gnyis pa la ni rnam par shes pa ste/ de dag gi 'bras bu yin pa'i phyir ro/ /gsum 'dus pa de ni

  141. 71a

    zhes bya ba rgyas par 'byung ba ni der rgyu dang 'bras bu'i dngos po rdzogs pa'i phyir ro/ /skad cig ma gsum pa la zhes bya ba ni reg par gyur pa'i rnam par shes pa'i rkyen gyis yin pa'i phyir skad cig ma gsum pa la tshor ba'o/ /de lta na ni zhes bya ba la sogs pa la/ gal te skad cig ma gsum pa la tshor ba yin na/ de lta na ni reg pa'i 'dus tshor na tshor ba med pa'i phyir rnam par shes pa thams cad la tshor ba yod par mi 'gyur te/ reg par gyur pa'i rnam par shes pa la tshor ba med pa'i phyir ro/ /rnam par shes pa thams cad reg pa yin par mi 'gyur ro zhes bya ba ni tshor ba'i dus na reg pa med pa'i phyir te/ 'dus pa'i 'og rol tshor ba'i dus na rnam par shes pa gang zhig skye ba de reg pa ma yin pas rnam par shes pa thams cad reg pa ma yin par 'gyur na/ 'di ni 'dod pa yang ma yin te/ reg pa dang tshor ba dag ni sa mang po pa yin pas sems thams cad la 'byung ba'i phyir dang rnam par shes pa thams cad reg pa yin no/ /zhes khas blangs pa'i phyir ro/ /reg pa phyi ma la yod pa'i tshor ba reg pa snga ma'i rgyu las byung ba yin par shes bya ba rgyas par 'byung ba ni thams cad la tshor ba dang reg pa nyid du 'dod pa yin no/ /de ni lhan cig 'byung ba'i reg pa rkyen gyis yin pa nyid du mi 'dod do/ /'o na de dag las yin zhe na/ reg pa snga ma'i rgyu las byung ba yin te/ dbang po dang yul snga ma'i rgyu mtshan can gyi reg pa gang yin pa de las byung ba yin no/ /gang gi phyir de ltar na dbang po dang don las byung ba'i rnam par shes pa rig pa yin pas/ reg pa thams cad tshor ba dang bcas pa yin la shes pa thams cad kyang reg pa yin te/ des na 'gal pa med do/ /dmigs pa tha dad pa dag las zhes bya ba ni gzugs dang sgra la dmigs pa dag las so/ /reg pa phyi ma la spyod pa'i tshor ba zhes bya ba ni sgra la dmigs pa'o/ /reg pa snga ma'i rgyu las byung ba

  142. 71b

    yin no/ /zhes bya ba ni gzugs la dmigs pa'i rgyu las byung ba'o/ /ji ltar na zhes bya ba ni khro bo gsal bar byed pa ste/ reg pa dang tshor ba dag dmigs pa tha dad pa dag nyid yin na ni/ phyir byung ba'i tshor ba bde ba'i sgo nas reg pa snga ma nam yang bde ba myong bar mi 'gyur la/ reg pa'i stobs kyis dmigs pa nyams su myong ba yang yin pa'i phyir reg pa dang dmigs pa tha dad par mi rung ste/ 'di ltar bde ba myong bar 'gyur ba'i reg pas sdug bsngal nyams su myong bar ji ltar byed/ yang na sems gang dang zhes bya ba'i sgra la dmigs pa dang/ de las dmigs pa gzhan pa zhes bya ba ni gzugs la dmigs pa zhes bya ba'i don to/ /'di lta yin na nyes pa cing 'gyur zhe na/ lhan cig 'byung ba'i reg pa la sogs pa dang mtshungs par mi ldan pa'i nyes par 'gyur te/ dmigs pa tha dad pas mtshungs pa nyid lngas mtshungs par mi ldan pa'i phyir ro/ /sdug bsngal dang bde ba yang ma yin sdug bsngal yang ma yin pa la yang de dang 'dra bar brjod par bya'o/ /'o na de'i tshe zhes bya ba ni dmigs pa 'pho ba'i tshe sde/ mi 'pho na ni nyes pa med do/ /ji ltar zhe na gal te gzugs la dmigs pa'i mig gi rnam par shes pa'i mjug thogs su mig gi rnam par shes pa 'am/ yid kyi rnam par shes pa gzugs la dmigs pa kho na 'byung na ni tshor ba dang bcas pa yin no/ /ci'i phyir zhe na/ sngar skyes pa mig gi rnam par shes pa yin pas rigs gcig pa yin pa'i phyir ro/ /de'i sngon rol gyi rnam par shes pa zhes bya ba la sogs pa la/ ci'i phyir de reg pa ma yin zhe na/ 'di la rgya smras pa ni rkyen ma tshang ba'i phyir ro zhes bya ste/ 'di ltar mtshungs pa de ma thag pa'i rkyen thams cad kyis ni tshor ba'i rkyen gyis reg par gyur pa skyed par mi nus so/ /gzhan dag na re 'dir rkyen mtshang ba ni dbang po 'pho ba dang/ de las skyes pa'i yid la byed pa yin no/ zhes zer ro/ /de lta yin na nyes pa ci zhig yod ces bya ba ni yod pa ma yin pa'i phyir dmigs pa tha dad pa'i nyes pa

  143. 72a

    med do/ /snyam du bsams pa'o/ /sa mang po pa'i nges pa nyams pa yin no/ zhes bya ba ni sems thams cad la reg pa dang tshor ba dag med pa'i phyir te/ nyes pa 'dir 'gyur ro/ /sa ni gsum ste zhes bya ba la rtog pa dang bcas shing dpyod pa dang bcas pa'i sa ni 'dod pa'i khams dang bsam gtan dang po'o/ /rtog pa med pa dpyod pa tsam ni bsam gtan khyad par can no/ /rtog pa yang med dpyod pa yang med pa ni bsam gtan gnyis pa nas/ srid pa'i rtse mo'i bar ro/ /dge ba'i sa ni chos dge ba rnams te/ mi dge ba dang/ lung du ma bstan pa yang de dang 'dra'o/ /slob pa'i sa ni slob pa'i zag pa med pa'i chos dag go /mi slob pa ni mi slob pa'i zag pa med pa'i chos dag go /slob pa yang ma yin mi slob pa yang ma yin pa'i ni zag pa dang bcas pa'i chos dag go /'dus ma byas ni ma bshad de/ sa rnams 'dus byas yin pa'i phyir ro/ /'don pa'i zhar la zhes bya ba ni mdo 'don pa'i zhar la te/ mdo las ni 'di skad du/ dge ba dang mi dge ba dang lung du ma bstan pa zhes 'don te/ a saM dzi ta/ lhag par sgro btags pa'o/ /da ni bye brag tu smra ba'i skye ba yod par byas nas sngon ni ma bton to/ /zhes bya ba la/ rab tu byed pa'i rkang pa las/ sa mang po dang/ dge ba'i sa mang po pa dang/ nyon mongs pa'i sa mang po pa dang/ nyon mongs pa chung ngu'i sa mang po ba ste/ rnam pa bzhi kho na 'don gyi mi dge ba'i sa mang po pa dag ni ma yin no/ /lhan cig skyes pa zhes gsungs kyang zhes bya ba rgyas par 'byung ste/ mdo de las ni tshor ba dang 'du shes dang/ sems dpa' lhan cig skyes zhes gsungs kyi/ reg pa dang ni ma yin la/ de dag ni lhan cig skyes pa nyid du 'dod pa yang yin pas 'di la lan gdab tu ci zhig yod/ tshor ba la sogs pa rnams reg pa dang lhan cig bar khas blangs kyang tshor ba

  144. 72b

    dang reg pa dang dus mnyam du skye bar shes par mi 'gyur ro/ /de ci'i phyir zhe na/ lhan cig ces bya ba'i sgra 'di ni de ma thag pa la yang mthong ngo/ /byams pa dang lhan cig par gyur pa zhes bya ba la/ byams pa dang dran pa yang dag par byang chub kyi yan lag gnyis skad cig ma gcig la lhan cig 'byung bar shes par ni mi 'gyur te/ zag pa dang bcas pa dang zag pa med pa yin pa'i phyir ro/ /'o na ci zhe na/ byams pa'i mjug thogs su dran pa yang dag byang chub kyi yan lag sgom par byed do/ /zhes bya bar rtogs par 'gyur te/ de bzhin du 'dir yang reg pa'i mjug thogs su tshor ba dang 'du shes dang sems pa skye'o/ /zhes bya bar shes par 'gyur ro/ /de'i phyir 'di ni reg pa dang tshor ba lhan cig 'byung ba nyid kyi khungs su mi rung ngo/ /chos de dag ni 'dres pa yin gyi zhes bya ba ni/ 'dres shing lhan cig 'byung ba mtshungs par ldan zhes bya ba'i don to/ /ci re zhig 'di dag gi zhes bya ba rgyas par 'byung ste/ dmigs pa nges pa ni dmigs pa tha mi dad pa'o/ /skad cig ma nges pa ni skad cig ma gcig la 'byung pa ste/ ci dmigs pa gcig po de rim gyis tshor bas myong bar byed/ 'du shes kyi 'dus te shes par byed dam/ 'on te skad cig gang kho na la tshor bas tshor bar byed pa'i skad cig de kho na la sems dpas sems par byed/ 'du shes kyis 'dus te shes par byed ces de ni mi shes te the tshom za ba'i phyir ro/ /de'i phyir 'di yang khungs su mi rung ngo/ /tshe dang drod dag ces bya ba rgyas par 'byung ste/ mdo de nyid las/ tshe dang drod kyi chos de dag ni 'dus pa yin gyi ma 'dres pa ni ma yin no/ /zhes lhan cig pa la 'dres pa zhes gsungs pa'i phyir tshor ba gang yin pa dang/ sems pa gang yin pa zhes bya bar der yang skad cig ma nges yin par grub ste/ tshe dang drod dag ni dmigs pa med pa yin pa'i phyir ro/ /lhan cig pa ni lhan cig pa'i

  145. 73a

    dngos bo'o/ /de'i phyir de ltar na tshor ba ni reg pa dang dus mnyam pa'i yin no/ /zhes rab tu bsgrubs pa yin no/ /de'i sngon rol gyi rnam par shes pa tshor ba dang bcas pa gang yin pa de ni reg pa ma yin te/ rkyen ma tshang ba'i phyir ro// zhes gang smras pa de la yang lan bshad pa ni gang yang mdo las zhes bya ba rgyas par 'byung ste/ 'di ltar rnam par shes pa yin la dbang po dang yul dang rnam par shes pa rnams 'dus pa ni ma yin te/ rnam par shes pa ni dbang po dang yul med par med do /de'i phyir rnam par shes pa yin na gdon mi za bar dbang po dang yul dang rnam par shes pa rnams 'dus pa khas blang bar bya'o/ /ci ste 'dus par 'dod kyi reg pa ni ma yin no snyam du de'i phyir 'dus pa yin na reg pa ma yin zhes bya ba smos te/ khyod kyi reg pa ni 'dus pa can yin te/ des na rnam par shes pa snga ma reg pa ma yin no zhes bya ba 'di ni 'gal lo/ /de'i phyir mdo dang 'gal bar 'gyur du 'ong bas gdon mi za ba rnam bar shes pa thams cad la reg pa dang/ lhan cig skyes pa'i tshor ba 'dod par bya'o/ /yid kyi 'dus te reg pa las byung ba'i tshor ba ni zhes sems kyi tshor ba mdor bshad zin to/ /pu na(mdo 'grel): sinb+ha ka da Ni tsa tri ti/ na ma u pa bi tsA ra i ti pra bta pu na/ sind+ha ka ra NA nma no ba tsA ra i ti b+ha ba ti/ tadya thA sa Sha dA sha ra thi ra ma(mdo 'grel): si Sha rA dzA yuSh+Thi ra e ti/ yid bde ba'i nye bar rgyu ba drug dang zhes bya ba ni mig gis gzugs rnams mthong nas yid bde ba'i gnas lta bu'i gzugs rnams la nye ba'i rgyu'o/ /de bzhin du yin gyis chos rnams shes nas yid bde ba'i gnas lta bu'i chos rnams la nye bar rgyu'o/ zhes bya/ ba'i bar te/ yid bde ba dang btang snyoms kyi gnas lta bu dag la yang de dang 'dra bar brjod par bya'o/ /de la yid bde ba dang yid mi

  146. 73b

    bde ba dang btang snyoms kyi nye bar rgyu ba dag ni thams cad gcig tu bsdus nas bco brgyad du 'gyur ro/ /de dag ji ltar rnam par bzhag ces bya ba rgyas par 'byung ste/ yid bde ba dang yid mi bde ba dang btang snyoms rnams phan tshun ngo bo tha dad pa'i phyir yid bde ba dang yid mi bde ba dang btang snyoms kyi nye bar rgyu ba gsum kho nar 'gyur gyi bco brgyad ni ma yin no/ /mtshungs par ldan pa las ni yid kyi nye bar spyod pa gcig pu kho nar 'gyur te/ thams cad kyang yid dang mtshungs par ldan pa'i phyir ro/ /dmigs pa las ni drug tu 'gyur gyi bco brgyad ni ma yin no/ /ji ltar zhe na/ gzugs la dmigs pa'i yid bde ba dang yid mi bde ba dang btang snyoms rnams ni gzugs la nye bar rgyu ba nyid yid yin la/ de bzhin du chos la dmigs pa rnams ni chos la nye bar rgyu ba nyid kyis bar du yin pas drug tu 'gyur gyi bco brgyad ni ma yin no/ /gsum gar yang gzhag ste zhes bya ba ni ngo bo dang mtshungs par ldan pa dang/ dmigs pa las so/ /ji ltar zhe na/ yid bde ba la sogs pa rnams ngo bo tha dad par gyur cing/ yid dang mtshungs par ldan la/ re re yang gzugs la sogs pa drug gi yul can yin pa'i phyir ro/ /de ltar na gsum kar las kyang rnam par bzhag bas bco brgyad du 'gyur ro/ /de lta ma yin na rang bzhin rnam par bzhag pa la yid bde ba dang yid mi bde ba dang btang snyoms kyi nye bar rgyu ba yod pa ma yin pas yid dang mtshungs par ldan pa'i dbang du byas par mi 'gyur ro/ /yid kyi nye bar rgyu ba zhes bya bar mi 'gyur te/ dmigs pa rnam par bzhag pa la yid bde ba la sogs pa yod pa ma yin pas rnam pa drug tha dad par mi 'gyur ro/ /de'i phyir yid kyi nye bar rgyu ba bco brgyad ces bya bar mi 'gyur ro/ /gzugs la sogs pa'i so sor nges pa la dmigs pa'i phyir ro/ /zhes bya ba la gzugs la dmigs pa'i yid bde ba la sogs pa rnams kyi dmigs pa ni gzugs kho na yin gyi/ yul gzhan ni ma yin la/ reg bya la dmigs pa rnams kyi bar gyi yang de bzhin du yin te/ de'i phyir gzugs la sogs pa la nye bar rgyu ba bco lnga ni ma 'dres pa la dmigs pa

  147. 74a

    yin no/ /chos la nye bar rgyu ba gsum ni rnam pa gnyis ka yin no zhes bya ba ni 'dres pa la dmigs pa yang yin la/ ma 'dres pa la dmigs pa yang yin te/ rnam pa 'chad pa la dmigs pa zhes bya ba'i don to/ /gal te gzugs la sogs pa dag gam mig la sogs pa dag gam/ gzugs la sogs pa phan tshun chos dang lhan cig dmigs na ni de lta na 'dres pa la dmigs pa'o/ /ci ste chos kyi skye mched kho na la dmigs pa kho na la dmigs kyi gzhan la ma yin na ni de lta na ma 'dres pa la dmigs pa'o/ yid la brten nas zhes bya ba rgyas par 'byung ste/ brten nas zhes bya ba ni brten nas zhes bya ba'i don to/ /yul la nye bar rgyu ba'i phyir ro/ /zhes bya ba ni yul dag la yang dang yang du dmigs zhes bya ba'i don to/ /yang dang yang zhes bya ba ni nye ba'i don gyi sgra yin pa'i phyir ro/ /grag po zhes bya ba'i sgra ni gzhan gyi lugs gsal bar byed pa ste/ de lta na ni yid la brten nas yul rnams la nye bar rgyu ba'i phyir/ yid dang mtshungs par ldan pa dang mtshungs par ldan pa ma yin pa dag kyang yid kyi nye bar rgyu bar 'gyur ro/ /yul dag la yid nye bar rgyu bar byed pa'i phyir zhes bya ba ni yang dang yang du rab tu 'jug par byed ces bya ba'i don to/ /yang dang yang du rnam par rgyu bas 'jug pa'i phyir zhes bya ba'i phyir to// 'di yid kho na la brten pa ni ma yin te/ 'o na ci zhe na/ mig la sogs pa dag la yang yin no/ /nye bar rgyu bar byed pa yang ma yin pas zhes bya ba ni yang dag par rtog par byed ma yin zhes bya ba'i don to/ /rtog pa med pa'i rnam par shes pa dang mtshungs pa ldan pa'i phyir la/ rnam grangs dang po'i dbang du byas pa dang gnyis pa'i dbang du byas nas brjod de/ yid ni yul rnams la rab tu 'jug byed ma yin no zhes bya ba'i don to/ /yid bde ba la sogs pa rnams

  148. 74b

    ni rnam par rtog pa'i phyir de'i dbang gi yul dag la yang dang yang du 'jug pa'i phyir ro/ /bsam gtan gsum pa'i bde ba rgyas par 'byung ste/ gal te yid tsam la brten pa'i tshor ba yid kyi nye bar rgyu ba yin na/ 'o na ni des na bsam gtan gsum pa'i btang snyoms kyi nye bar rgyu ba bzhin bde ba nye bar spyod par yang brjod par bya ste/ bsam gtan gsum pa'i bde ba yid kyis pa yin pa'i phyir ro/ zhe na/ de'i phyir dang po 'dod pa'i khams na zhes bya ba smos te/ dang po ni thog mar ro grag go zhes bya ba'i sgra ni lan de la snying po med pa'i phyir te/ gang gi phyir 'dod pa'i khams ni yid kyi sa pa'i bde ba'i dbang po med pas ma bzhag pa de'i phyir/ khams gong ma na sems kyi bde ba'i dbang po yod kyang mi gzhag go zhes bya ba 'di la rgyu ci zhig yod/ yid kyi nye bar rgyu ba ni gdon mi za bar gnyen po dang bcas par 'gyur ro/ /zhes bya ba 'di la yang rigs pa ci zhig ste/ de lta na btang snyoms kyang nye bar rgyu ba'i rgyu mtshan nyid du mi 'gyur te/ nye bar rgyu ba'i gnyen po nyid ma yin no/ /'o na ci zhe na/ nye bar rgyu bar byed pa nyid yin no/ /gzhan dag na re bsam gtan gsum pa'i bde ba ni brtan pa yin la/ nye bar rgyu ba ni mi brtan pa yin no/ /de nyid kyi phyir yid kyi nye bar rgyu ba zhes bya ste/ de lta na bsam gtan bzhi pa'i nye bar rgyu ba ni btang snyoms su 'gyur ro/ /yid bde ba'i gnas lta bu zhes bya ba ni yid bde ba bskyed par byed pa rnams so/ /da ni rnam par shes pa'i tshogs lngas mngon par bsgrubs pa nyid la dgongs te gsungs par zad kyi zhes bya ba ni de dag gis drangs shing de dag gis bskyed pa nyid sems la bsams nas gsungs par zad do/ /zhes bya ba'i tha tshig go /dper na mi sdug ba lta bu zhes bya ba la /mig gis gzugs dag mthong nas mi sdug pa'i rjes su lta zhing gnas so zhes bya ba de'i phyir mig gi rnam par shes pas mngon par bsgrubs pa yin te/ sngar rnam par bsdos pa la sogs pa mthong ba'i

  149. 75a

    phyir ro/ /yid kyi sa pa yang yin te/ de'i mjug tu de 'byung ba'i phyir ro/ /gzhan yang mthong nas zhes bya ba rgyas par 'byung ste/ gal te 'di skad du mig gis yid bde ba'i gnas lta bu'i gzugs rnams nye bar rgyu'o zhes bya bar gsungs par gyur na ni klan kar rung ba zhig na/ 'on kyang mthong bas reg pa dang/ zhes bya ba'i bar du gsungs pa'i phyir 'di ni klan kar mi rung ngo/ /ji ltar ma mthong bas na ma rag pa'i bar du nye bar rgyu zhe na/ gzhan las thos nas de'i brjod par bya ba yod kyi nye bar rgyu ba yin no/ /gzhan du na 'dod pa'i khams na zhes bya ba rgyas par 'byung ste/ 'dod par gtogs pa'i mig la sogs pa dag gis ni gzugs su gtogs pa'i gzugs dang sgra dang reg bya dag mi 'dzin no/ /gzugs kyi khams na 'dod pa'i khams la dmigs pa dag kyang zhes bya ba la gzugs kyi khams su skyes pa ni 'dod par gtogs pa'i dri dang ro dang reg bya dag snyom pa 'am/ myang ba dang/ reg par mi byed de/ khams kyi zas kyi 'dod chags dang bral ba'i phyir ro/ /gzugs dag la lta la sgra yang nyan te zas ma yin pa'i phyir ro/ /gal te ma mthong bar yang nye bar rgyun/ 'o na mdo las mig gis gzugs dag mthong nas zhes ci'i phyir gsungs she na/ de'i phyir ji ltar ces gsal ba de ltar bshad ces pa smos te/ mig la sogs pas mngon par sgrubs pas chos sla bar bcad du rung pa'i phyir ro/ /gang yang pi waM gi gzugs mthong nas de'i sgra la nye bar rgyu 'am/ bud med kyi sgra thos nas de'i gzugs la nye bar rgyu ba de yang yid kyi nye bar rgyu ba kho na yin no// dbang po dang don rnam par chad pa'i sgo nas zhes bya ba ni mig gis gzugs dang mthong nas zhes bya ba dang/ rna bas sgra rnams thos nas zhes bya ba de lta bu la sogs pa ste/ gzhan du ni mig gi gzugs dag mthong nas yid bde ba'i gnas lta

  150. 75b

    bu'i sgra rnams la nye bar rgyu'o/ /zhes 'tshol bar gsungs par 'gyur ro/ /rgyud nges bas ni zhes bya ba ni sems can gyi rgyud do/ /gang zhig gcig gis yid bde ba'i gnas lta bu kho nar 'gyur ba mi srid pa de yod de/ dper na 'khor los sgyur ba'i bud med rin po che lta bu'o/ / dmigs pa ni ma yin no/ /zhes bya ba la/ ci'i phyir zhe na/ gzugs de nyid kha cig gi yid bde ba'i gnas lta bu yin la/ kha cig gi gzhan du yin pa'i phyir ro/ /'dod chags dang bral ba'i yang 'bres pa la dmigs pa ste/ btang snyoms kyi nye bar rgyu ba ni mdza' gcig tu zag pa dang bcas pa yin pa'i phyir ro/ /nye bar rgyu ba de rnams la goms pa'i phyir sbyor ba'i lam gyi ni yid bde ba'i nye bar rgyu bar 'gyur ro/ /bar chad med pa dang rnam par grol ba'i lam ni bsam gtan gyi dngos gzhis bsdus so/ /yang 'di dag las du zhig ni 'dod pa'i khams dang ldan ba yin/ de dag las kyang du zhig gi dmigs pa ni ci zhig yin zhes bya ba ni/ du zhig gi 'dod pa la dmigs pa yin/ du zhig ni gzugs la dmigs pa yin/ du zhig ni gzugs med pa la dmigs pa yin zhes bya ba'o// de bzhin du gzugs med pa dang ldan pa'i bar du brjod par bya'o zhes bya ba ni gzugs kyi khams dang ldan pa yin/ de dag la du zhig gi dmigs pa ni ci zhig yin/ du zhig ni gzugs med pa'i khams dang ldan pa yin/ de dag las du zhig gi dmigs pa ni ci zhig yin zhes bya ba'o/ /de rnam par dpyad pa 'di la lus rnam par bzhag pa kho na zhig bya ste/ 'dod pa'i khams na ni yid bde ba la sogs pa gsum char dang/ gzugs la sogs pa yul drug car yang yod do/ /bsam gtan dang po dang gnyis pa dag na ni yid bde ba dang btang snyoms so/ /de yan chad srid pa'i rtse mo'i bar ni btang snyoms so/ /bsam gtan bzhi char na dri dang ro dag med do/ /gzugs med pa'i khams na ni gzugs la sogs pa lnga char yang med do/ /de la 'dod

  151. 76a

    par gtogs pa dang gzugs su gtogs pa'i yid bde ba la sogs pa thams cad la ni ji ltar srid par khams gsum pa la dmigs pa'o/ /nam mkha' mdza' yas skye mched kyi nyer bsdogs ni btang snyoms te/ bsam gtan bzhi ba'i dmigs pa dang rang gi sa pa la dmigs pa'o/ /gzugs med pa'i dngos gzhi rnams su rang gi sa las so gang ma la dmigs pa nyid de/ sa 'og ma la dmigs pa ma yin no/ /sa 'og ma la dmigs pa dang dge ba nyid dang nyon mongs can rang gi sa dang sa gong ma la dmigs pa ni gnyi ga ji lta ba bzhin no/ /gang dag gi de zhes bya ba ni/ slob dpon gang dag gis rnam par chad pa la dmigs pa zhes bya ba'o/ /so sor dmigs pa ni gzugs dang sgra dang ro dang reg bya dang chos kyi skye mched rnams te/ so sor rigs pa la sogs pa'i rnam pas dmigs pa'i phyir ro/ /bzlums te dmigs pa ni bsdoms pa la dmigs pa'o/ /gzugs med pa'i khams la dmigs so zhes bya ba 'dir khams kyi sgras zag pa dang bcas pa gzung ngo/ /'og nas shes par bya'o zhes bya ba ni/ gzugs med dngos gzhi'i dge ba yi/ spyod yul zag bcas 'og ma min/ zhes bya ba'o/ /gzhan dag na re/ zag pa med pa la dmigs pa'i yid kyi nye bar rgyu ba yang yod de/ de dag 'dir ma bstan to zhes zer ro// 'gog pa dang lam la dmigs pa log par lta ba dang the tshom dang mtshungs par ldan pa dang dge ba'i chos la 'dun pa dang mtshungs par ldan pa/ e ma bdag gis mya ngan las 'das pa thob par gyur to snyam pa'o/ /de la 'dod par gtogs pa gsum mo/ /bsam gtan dang po dang gnyis pa'i sa pa gnyis so/ /bsam gtan gsum pa dang bzhi pa'i sa pa gcig go/ gzugs med par gtogs pa gcig kho na mtshungs par ldan pa la dmigs pa'o/ /zhes bshad do/ /gzugs na spyod pa'i

  152. 76b

    dge ba'i sems ma thob pa zhes bya ba ni mi lcogs pa med pa'i'o/ /bsam gtan dang po dang gnyis pa'i sa pa ni rang gi sa la dmigs pa'i nyon mongs pa brgyad kho na dang ldan te/ yid bde ba dang btang snyoms kyi nye bar rgyu ba gzugs dang sgra dang chos la dmigs pa rnams dang/ /'dir yang ji ltar srid pa bzhin brjod par bya'o/ /dri dang ro la dmigs pa ma gtogs pa zhes bya ba ni/ gcig tu dge ba yin pa'i phyir de dag ma gtogs pa'o/ /sa 'og mar skyes pa gong ma'i sems la thob pa'o/ /sa gong ma pa'i nyon mongs pa kho na dang ldan gyi dge ba dang ni ma yin no zhes so/ /gzugs na spyod pa'i dge ba'i sems thob pa zhes bya ba ni/ mi lcogs pa med pa'i sa pa'i yin gyi/ dngos gzhi ni ma yin te 'dod chags dang ma bral ba'i phyir ro/ /'di ltar mi lcogs pa med pa thob nas gzod 'dod pa'i khams las 'dod chags dang bral bar 'gyur te/ 'dod pa spyod pa thams cad las 'dod chags dang ma bral ba'i phyir ro/ /'dod pa'i khams la 'dod chags dang ma bral bas yid bde ba nye bar rgyu ba bsam gtan gyi dngos gzhi'i sa pa nyon mongs pa can bzhi kho na dang ldan gyi/ dge ba dang lung du ma bstan pa dag dang ni ma yin te/ sbyor ba dang skye ba la rag las pa'i phyir ro/ /dri dang ro la dmigs pa ma gtogs pa zhes bya ba la/ dri dang ro la nye bar rgyu ba dag gcig tu dge ba yin pa'i phyir ro/ /mi lcogs pa med pa'i sa la dmigs pa rnams kyis zhes bya ba ni 'dod pa'i khams la dmigs pa rnams kyi'o/ /mi lcogs pa med pa'i sa pa'i btang snyoms kyi nye bar rgyu ba drug dang ldan no/ /zhes bya ba ni mi lcogs pa med pa'i sa pa'i sems thob pa'i phyir ro/ /bsam gtan gyi dngos gzhi'i sa pa bzhi dang/ mi lcogs pa med pa'i sa pa drug ste/ de ltar na bcur 'gyur ro/ /gal te bsam gtan gyi dngos gzhi'i sa pa'i btang snyoms kyi nye bar rgyu ba nyon mongs pa can bzhi dang/ mi lcogs pa med pa'i

  153. 77a

    sa bas gong 'og la dmigs pa dge ba bzhi dang yang ldan pa ma yin nam zhe na/ bden mod kyi de dag la logs su mi brtsis ste/ btang snyoms kyi bdag nyid yin pa'i phyir dang/ sa tha mi dad pa'i phyir ro/ /snga ma bzhin te/ zhes bya ba la bsam gtan dag tu dri dang ro ma gtogs pa bsam gtan gnyis pa'i sa pa ni brgyad dang ldan no/ /bsam gtan gsum pa dang bzhi pa'i sa pa ni bzhi dang ldan no/ /gzugs med pa na spyod pa ni nyon mongs pa can gcig kho na dang ldan no/ /zhes bya bar thams cad la khong du chud par bya'o/ /srol 'dis zhes bya ba ni lugs sam tshul 'dis so/ /'di'i ni mdor bsdus pa'o/ /sa 'og mar skyes pa de yang sa gong ma pa'i nyon mongs pa dang ldan gyi /dge ba dang lung du ma bstan pa dang ma yin te/ de'i sa thob pa dang skyed pa ni ma gtogs so/ /de'i sa thob pa las ni dge ba dang ldan par dmigs la/ skyed pa las ni lung du ma bstan pa dang yang ldan no/ /gang gi phyir sa las 'dod chags dang bral ba de sa'i nyon mongs pa smos pa'i phyir/ de'i sa pa'i nyon mongs pa can rnams dang mi ldan no/ /sa gong mar skyes ba ni sa 'og ma pa'i thams cad dang mi ldan te/ mya ngan las 'das pa'i sems dang lhan cig skyes pa'i btang snyoms nye bar rgyu ba ni ma gtogs so/ /'dod pa'i khams la dmigs pa la rten nas dngos gzhi'i bsam gtan rnams te/ drug tu 'gyur zhing ji ltar srid pa ltar bcu gnyis su yang ngo/ /bsam gtan gnyis pa la sogs pa'i nyer bsdogs rnams ni sa 'og ma la dmigs pa rnams so/ zhe na/ ma yin te/ der dri dang ro la nye bar rgyu ba dag lam gyis spangs pa'i phyir ro/ /de la yid bde ba ni mdza' gcig tu dge ba ma yin zhing gzugs med pa'i dngos gzhi rnams sa 'og ma la dmigs pa ma yin no/ /mtshan nyid 'di rtogs nas rgya cher brjod

  154. 77b

    bar bya'o/ /de la 'dod pa'i khams su skyes pa'i gang zag gsum du byas nas ka tha ma lA ni sa gong ma pa'i sems thob pas 'dod chags dang bral ba dang zhes so/ /de la gang zag nyid dag tu bshad pa tsam lA b+hI lA b+hI tsa/ 'dod chags dang bral ba'o/ /gang zhig 'dod pa na spyod pa'i 'dod chags dang bral ba de yid mi bde ba'i nye bar rgyu ba nyon mongs pa can dang nyon mongs pa can ma yin pa dang mi ldan no/ /'dod chags dang bral ba la ni yid mi bde ba med pa'i phyir 'di na yid bde ba dang btang snyoms kyi nye bar rgyu ba dge ba dang ldan no/ /bsam gtan dang po'i sa pa'i nyon mongs pa can ma yin pa bcu gnyis dang/ 'dod pa'i khams la dmigs pa'i nyon mongs pa dang nyon mongs pa can ma yin pa brgyad dang ldan no/ /bsam gtan gnyis pa'i nyer bsdogs thob pa 'dod pa na spyod pa'i nyon mongs pa can ma yin pa bcu gnyis dang bsam gtan dang po'i sa pa'i nyon mongs pa can dang nyon mongs pa can ma yin pa bcu gnyis dang bsam gtan gnyis pa'i sa pa'i btang snyoms nye bar rgyu ba dge ba bzhi dang/ yid bde ba nye bar rgyu ba bsam gtan gyi dngos gzhi'i sa pa nyon mongs can bzhi dang btang snyoms nye bar rgyu ba rnams ni logs su mi brtsi'o/ /slob dpon 'dus bzang na re/ btang snyoms kyi nye bar rgyu ba dge ba drug gnyis pa'i nyer bsdogs dang ldan no zhes zer ro/ /de lta bu la dpyad na gnyis pa'i nyer bsdogs 'dod pa la dmigs pa yod de/ /bsam gtan gsum pa dang bzhi pa'i sa pa'i btang snyoms nye bar rgyu ba nyon mongs pa can bzhi rnams dang ldan pa nyid med do/ /gzugs med pa na spyod pa'i yang btang snyoms nye bar rgyu ba nyon mongs pa can bzhi dang ldan pa nyid de/ /bsam gtan dang ba la chags pa dang bral ba bsam gtan gsum pa'i dge ba'i sems ma thob pa ni 'dod pa na spong ba'i dge ba dang/ lung du ma bstan pa bcu gnyis dang ldan no/ /bsam gtan dang po'i sa pa'i

  155. 78a

    dge ba bcu gnyis dang bsam gtan gnyis pa'i sa pa'i dge ba bcu gnyis dang sa 'og mar la dmigs pa dang rang gi sa la dmigs pa brgyad dang dge ba dang nyon mongs can dang sa gong ma pa rnams ni snga ma bzhin te/ bsam gtan gnyis pa la 'dod chags dang bral ba'o/ /bsam gtan gsum pa'i sems thob pa 'dod pa dang/ bsam gtan gsum pa'i sa pa rnams dang sngar gyi bsam gtan gsum pa nas srid pa'i rtse mo'i bar gyi dngos gzhi dang nyer bsdogs dag gi tshor ba la khyad par med do/ /'di ni bsam gtan gsum pa'i khyad par te/ nyer bsdogs las dge ba dang/ dngos gzhi las nyon mongs can no/ /bsam gtan bzhi pa nas srid pa'i rtsed mo'i bar gyi nyon mongs can kho na bsam gtan gnyis pa'i 'dod chags dang bral ba'o/ /bsam gtan bzhi pa'i sems ma thob pa 'dod pa dang bsam gtan dang po'i sa pa rnams dang snga ma bzhin bsam gtan gnyis pa'i sa pa bcu gnyis dang dge ba'i rtsa ba rnams nyid dang de 'dod chags dang bral ba'i phyir bsam gtan gsum pa'i sa pa'i btang snyoms kyi nye bar rgyu ba drug dang sa 'og ma la dmigs pa'i dge ba dang rang gi sa la dmigs pa bzhi dang dge ba dang nyon mongs pa can rnams dang/ bsam gtan bzhi pa'i sa pa la sogs pa sa'i nyon mongs pa can rnams nyid bsam gtan bzhi par thob bo/ /'dod pa dang bsam gtan dang po dang gnyis pa dang gsum pa rnams dang snga ma bzhin ldan no/ /bsam gtan gsum pa'i sa pa'i nyer bsdogs las dge ba dang dngos gzhi las nyon mongs can nyid de srid pa'i rtse mo'i par las bsam gtan gsum pa 'dod chags dang bral ba'o/ /nam mkha' mdza' yas skye mched kyi sa pa'i dge ba'i sems ma thob pa ni/ bsam gtan gsum pa las dge ba nyid dang bzhi pa las nyon mongs can nyid de lhag ma snga ma

  156. 78b

    bzhin no/ /de las gong ma'i sa'i sems thob pa ni/ nam mkha' mdza' yas skye mched kyi nyer bsdogs las 'og ma la dmigs pa bzhi dge ba nyid dang dngos gzhi las nyon mongs can gcig nyid dang ma 'dres pa la dmigs pa'i phyogs dang 'dres pa la dmigs pa'i phyogs la ni nyer bsdogs las kyang dge ba gcig nyid ldan no/ /lhag ma snga ma bzhin no/ /bsam gtan bzhi pa'i 'dod chags dang bral ba'o/ /bsam gtan bzhi pa'i sa pa'i dge ba rnams dang dge ba nyid ldan gyi nyon mongs can ni ma yin no/ /nam mkha' mdza' yas skye mched kyi sa pa'i ni dge ba nyon mongs can dang ste/ lhag ma snga ma bzhin no/ /de bzhin du rnam shes mdza' yas skye mched kyi sa pa'i sems thob pa'o/ /nam mkha' mdza' yas skye mched kyi 'dod chags dang bral ba yang rnam shes mdza' yas skye mched las dag pa dang nyon mongs can dag dang ldan no/ /de bzhin du ci yang med pa'i skye mched nas srid pa'i rtse mo'i bar du rgya cher brjod par bya'o/ /bsam gtan du skyes pa smos pa ni gzugs med par skyes ba bsal ba'i phyir ro// gzugs med par skyes pa ni rtag tu rang gi khams dang ldan pa nyid kyis khams 'og ma la dmigs pa'i phyir ro/ /de lta mod kyi skye mched la dmigs pa ma yin no/ /'di ltar gzugs la sogs pa'i spyi la dmigs pa'i phyir chos la nye bar rgyu ba nyid du rnam par bzhag go/ de la bsam gtan dang por skyes pa bsam gtan gnyis pa'i sa pa'i dge ba'i sems ma thob pa 'am thob pa dang 'dod chags dang ma bral ba dang 'dod chags bral ba ste/ rnam pa gsum du gyur te/ /de la ma thob pa ni bsam gtan dang po'i sa pa'i nyon mongs pa can thams cad dang nyon mongs pa can ma yin pa dang/ bsam gtan gnyis pa la sogs pa'i sa pa'i nyon mongs pa can nyid ma thob pa'o/ /'dod chags dang ma bral ba ni bsam gtan gnyis pa'i sa pa'i yid bde ba nye bar rgyu ba bzhi

  157. 79a

    dang/ nyon mongs pa can dang/ btang snyoms nye bar rgyu ba bzhi dang dge ba nyon mongs pa can ma yin pa dang/ nyer bsdogs las dge ba nyon mongs pa can dang/ nyer bsdogs las dge ba'i rtsa ba nyon mongs pa can rnams der ste? lhag ma snga ma bzhin no/ /'dod chags dang bral ba ni bsam gtan dang po'i sa pa'i nyon mongs pa can ma gtogs pa rnams dang/ bsam gtan gnyis pa'i sa pa'i dge ba nyon mongs can rnams dang ldan te/ lhag ma snga ma bzhin no/ /thams cad 'dod par gtogs pa'i sprul pa'i sems lhan cig skyes pa dang lung du ma bstan pa dang btang snyoms nye bar rgyu ba dang ldan no/ /bsam gtan gnyis par skyes pa ni/ 'dod par gtogs pa dang bsam gtan dang po'i sa pa'i sprul pa'i sems lhan cig skyes pa dang lung du na bstan pa dang btang snyoms nye bar rgyu ba dang ldan gyi/ gzhan dang ma yin no/ /de bzhin du bsam gtan bzhi pa'i bar du skyes pa rnams ni btang snyoms nye bar rgyu pa dang sa 'og ma'i sprul pa'i sems lhan cig skyes pa dang ldan gyi/ gzhan dang ni ma yin no/ /bsam gtan gnyis pa la sogs par skyes pa'i rjes su 'brangs te/ nye bar rgyu ba lhag ma dang ldan pa rgya cher brjod par bya'o/ /gzugs med pa'i khams su skyes pa ni rtag tu rang gi khams pa gcig nyid dang ste/ khams 'og ma la dmigs pa'i phyir ro/ /yid kyi nye bar rgyu ba'i don bye brag tu smra ba rnams kyi 'di lta bu yang yod med kyi zhes bya ba ni/ de nyid nye bar bsags pa zag pa dang bcas pa nyid de yin gyi nye bar rgyu ba de las bzlog pa zag pa med pa'o/ /rtsom pa med par 'jug pa'i phyir dang mtshan ma med par gzhol ba'i phyir rtsol ba med pa'o/ /nye bar spyod pa 'ga' zhig zag pa med pa yin no/ /de dag kyang dge ba dang nyon mongs pa can

  158. 79b

    zhes te/ nye bar spyod pa'i don bstan pa 'di ni bye brag tu smra ba rnams kyi yin no/ /gzhan na re zhes bya ba ni/ gzhan yang ma yin gyi bdag nyid kho na zhes bya ba'i don to/ /gang zhig gang las zhes bya ba rgyas par 'byung ba ni/ gang zhig gzugs la sogs pa de las 'dod chags dang ma bral ba ni gzugs la sogs pa'i dmigs pa de la nye bar rgyu bar rigs pa ma yin te/ de'i sa pa'i nyon mongs pa spang pa'i phyir ro/ /ji ltar nye bar rgyu bar byed ce na/ de la rjes su chags par yang byed khong khro bar byed/ so sor ma brtags par btang snyoms su yang byed pa ste/ de'i phyir zag pa med pa rnams ma yin pa 'ba' zhig tu ma zad kyi/ ji skad du khyod kyis 'dod na thams cad rang dmigs can/ spyod yul gzugs can bcu gnyis so/ /zhes bya ba la sogs pa smras pa'i zag pa dang bcas pa dag kyang thams cad ni ma yin no/ /'o na ci zhe na/ kun nas nyon mongs pa ste/ kun nas nyon mongs pa'i 'bras bu can rnams yin te/ kun nas nyon mongs pa rnams te/ kun nas nyon mongs pa dang mthun pa rnams zhes bya ba'i tha tshig go/ yid bde ba la sogs pa dag ni rnam pa gnyis te/ yid yul rnams la rjes su chags pa dang khong khro ba la sogs pa'i rjes su mthun pa dang/ rjes su mi mthun pa'o/ /de la gang dag rjes su chags pa la sogs pa dang mthun pa de dag ni nye bar rgyu ba zhes brjod kyi/ gzhan ni ma yin te/ de nyid kyi phyir de dag gis yid yul rnams la nye bar rgyu bar byed do/ /zhes bya ba rgyas par smos so/ /tshor ba'i dbang gis rjes su chags pa la sogs pa 'jug pa'i phyir de dag gi yul rnams la nye bar rgyu bar byed do zhes brjod do/ /so sor brtags pa'i btang snyoms ni dge ba yin pas/ de'i phyir so sor ma brtags bar btang snyoms su byed ba ste/ zhes bya ba smos te/ btang snyoms su byed kyi gtod par mi byed do/ /zhes bya ba'i don gang yin pa'o/ /gang gis gnyen

  159. 80a

    por rtag tu gnas pa drug yin pa ste/ na hya kliSh+Ta sye zag pa dang bcas pa de la dmigs pa'i 'dun pa'i 'dod chags kyi sgo nas gnyen po ma gtogs pa gzhan gnyen po yod ces bya ba'o/ /rtag pa ni grub pa'i mdza' las rtag par 'byung ba'o/ /drug nyid ni rnam pa drug ste gzugs la sogs pa la ma dmigs pa'i phyir ro/ /dgra bcom pa la yang zhes rgyas par 'byung ba la/ chos la dmigs pa ni chos nyan pa la sogs pa sangs rgyas kyi yon tan la sogs pa la dmigs pa'o/ /de dgag pa yin par mngon zhes bya ba la/ mig gis gzugs rnams mthong nas yid bde bar mi 'gyur zhes rgya cher 'byung ste/ kun nas nyon mongs pa las byung ba nyid kyi nye bar rgyu ba zhes so/ /'di la slob dpon go cha mdza' yas na re/ gang bshad pa de mi rigs te/ ci'i phyir zhe na/ mdo las gzhan du bstan pa'i phyir te/ dge slong dag de la yid bde ba'i nye bar rgyu ba drug po gang yin pa de dag la rten cing gnas te yid mi bde ba'i nye bar rgyu ba drug po gang yin pa de dag spongs shig dge slong dag de la btang snyoms kyi nye bar rgyu ba drug po gang yin pa de dag la brten cing gnas te/ yid bde ba'i nye bar rgyu ba drug po gang yin pa de dag spongs shig /dge slong dag de la btang snyoms pa ni gnyis te/ tha dad pa nyid la brten pa dang/ gcig pa nyid la brten pa'o/ /dge slong dag de la gcig pa nyid la brten pa'i btang snyoms gang yin pa de la brten cing gnas te tha dad pa nyid la brten pa'i btang snyoms gang yin pa de yang spongs shig ces bshad de/ de lta bus na mdo 'di las yid bde ba la sogs pa'i nye bar rgyu ba ni kun nas nyon mongs pa kho na ma yin no zhes bya bar shes so zhes zer ro/ /'dis ni re shig yid bde ba dang btang snyoms dag kun nas

  160. 80b

    nyon mongs pa nyid yin pa bzlog pa ma yin te/ 'di ltar mdo las nga rgyal la brten nas nga rgyal spang bar bya'o zhes gsungs kyang/ 'dis nga rgyal kun nas nyon mongs pa bzlog pa ma yin pa bzhin no /de'i phyir mdo las nyon mongs pa rnams kyang lci ba dang yang ba la dgongs nas spang ba dang brten par gsungs pas skyon med do/ /des na btang snyoms kyi nye bar rgyu ba gang yin pa de nyid btang snyoms kyi nye bar rgyu ba spang ba dang brten pa nyid du ston pa yin no/ /ston pa'i mtshan nyid sum cu rtsa drug ni/ /'di dag gis ston pa go bar byed ces bya ba'i tha tshig go/ 'di dag gis ston pa go bar byed pa ni ston pas gsungs so/ /zhes bya bar dgongs pa'o/ /gzhan la de dag rnam par 'byed pa'i nus pa med pa'i phyir ro/ /zhen pa la brten pa dang nges par 'byung ba nyid la brten pa'i bye brag gis zhes bya ba la/ zhen pa ni/ brkam pa ste/ don du gnyer ba dang chags pa dang mngon par zhen pa dang/ sred pa zhes bya ba ni rnam grangs dag go/ nges par 'byung ba nyid ni 'dod chags dang bral ba'o/ /'khor ba'am kun nas nyon mongs pa 'am sdug bsngal las nges par 'gyur ba ni nges par 'byung ba nyid do/ /de dag gis bye brag ston pas bka' stsal pa'i phyir ro/ /zhes bya ba ni bstan pa'i phyir ro/ /zhes bya ba'i bar du smras par 'gyur ro/ /'di skad du/ mdo las mig gis shes par bya ba'i gzugs dag la brten nas yid bde ba skye bar 'gyur zhing/ de yang rnam pa gnyis su rig par bya ste/ zhen pa nyid la brten pa dang/ nges par 'byung ba la brten pa'o/ /zhes bya ba rgyas par 'byung ste/ sgra dang dri dang ro dang reg bya dang/ chos dag la yang de bzhin du rig par bya la yid mi bde ba dang btang snyoms kyang de dang 'dra'o/ /de lta na tshor ba zhes bya ba srid pa'i yan lag 'di'i zhes bya ba ni/ ji skad bshad pa'i de las byung ba tshor ba drug

  161. 81a

    lnga ni lus kyi'o/ /sems kyi gzhan zhes bya ba rgya cher te ma sgribs la lung du ma bstan pa'i tshor ba dge ba kun nas nyon mongs pa'i phyogs dang rjes su mthun pa dang/ dge ba nyon mongs pa can gyi phyogs dag kho nar rtogs par bya ba yin pas de logs su ma bstan to/ /gal te 'dir yan lag cung zad bshad pa dang cung zad 'chad par 'gyur ba de lta bu yod pa go bar zad pa'i phyir ci'i don du mdo rtsam zhe na/ bshad pa dang 'chad par 'gyur ba gzhan/ zhes bya ste gzhan du na phyi ma'i don du'o/ /gang 'dir bcom ldan 'das kyi 'grel pa bzhi rgyas par gsungs par shes par bya'o/ /'dir ni nyon mongs 'dod ces bya ba la sogs pa ni rten cing 'brel par 'byung ba yan lag bcu gnyis dang sbyar bar bya ba'i phyir mdo rtsam pa'o/ /nyon mongs pa dang las dang gzhi rnams so bya bas ni so sor shes par byas pa ste/ nyon mongs gsum mo las gnyis so/ /gzhi bdun zhes bya ba de lta bu'o/ /nyon mongs pa dang las dang gzhi 'di dag gi so so'i byed pa phyi rol gyi dpe'i sgo nas bstan pa'i phyir/ 'dir ni nyon mongs sa bon bzhin/ zhes bya ba rgyas par smos so/ /nyon mongs pa'i klu gnas pa'i skye ba'i chos kyang de dang 'dra 'o/ /zhes bya ba la/ nyon mongs pa yod na las rnams nye bar sogs par 'gyur la/ de na de las skye ba yin pas nyon mongs pa yod na 'ga' zhig gi yang skye ba'i mtsho skams par mi 'gyur ro/ /las rnams kyang rnam par smin pa bskyed par bya ba la de bzhin du rig par bya'o/ /zhes bya ba ni nye ba'i rgyur te/ nyon mongs pa rnams ni ring ba yin no/ /thar pa'i mi 'gyur ro/ /zhes bya ba ni dgra bcom pa la yang yang srid kyi nyon mongs med pa'i phyir ro/ /de dag ni bshad zin to/ /zhes bya ba ji ltar zhe na/ 'dir gang 'chi dang skye ba yi srid pa'i bar du 'byung ba'o/ /zhes bya bas srid

  162. 81b

    pa bar ma dang/ skye ba'i sred ni 'gro ba dag tu nying mtshams sbyor ba'i skad cig go/ zhes bya ba dang/ de phan chad 'chi ba'i skad cig ma gtogs pa gzhan ni dus snga ma'i srid pa'o/ /gang gi 'og tu srid pa bar ma 'byung ba tha ma'i skad cig ma ni 'chi ba'i srid pa'o/ /skye pa'i srid pa nyon mongs can zhes bya ba ni dge ba ma yin zhing ma bsgribs la lung du ma bstan pa ma yin pa ste de'i phyir gcig tu zhes bya ba smos te/ nyon mongs pa can kho na yin no zhes bstan par 'gyur ro/ /nyon mongs pa dmigs kyis ma phyed pas 'dri ba ni nyon mongs pa gang gis zhes bya te/ de'i phyir nyon mongs kun zhes bya ba smos so/ /ci skye ba'i srid pa thams cad nyon mongs pa thams cad kyis nyon mongs pa can du 'gyur ram zhe na/ ma yin no/ /'o na ci zhe na/ rang gis pa'i nyon mongs pa rnams kyi nyon mongs pa kho na ste/ 'dod chags dang/ khong khro ba dang/ nga rgyal dang/ gti mug dang lta ba dang the tshom zhes bya ba dag gis so/ /kun nas dkris pa tshig rkya thub pa rnams kyis ni ma yin no zhes bya ba la/ 'dod chags la sogs pa'i nyon mongs pa dang/ mtshungs par ldan pas/ ngo tsha med pa dang/ khrel med pa dang/ rmugs pa dang/ rgod pa dang/ gnyid ces bya ba kun nas dkris pa rang dbang ma yin pa med pas de'i phyir tshig rkya thub pa rnams kyis zhes khyad par du byas so/ /ma rig pa las gzhan nyon mongs pa 'dod chags la sogs pa dang mtshungs par mi ldan pas na gcig rkya thub pa dag ces bya ste/ phra dog dang/ ser sna dang/ 'gyod pa dang/ khro ba dang/ 'tshig pa zhes bya ba dang/ lnga la tshig rkya thub pa rnams zhes brjod do/ /nyon mongs pa rnams kyis nying mtshams sbyor ro/ zhes 'byung ba dang/ rang dbang pa rnams ni 'dod chags la sogs pa'i nyon mongs pa rnams dang mtshungs par mi ldan pa'i phyir de dag gis nying mtshams sbyor ba dgag go/ 'dod chags la sogs pa nyon mongs pa dang mtshungs par ldan pas rang dbang ma yin pa

  163. 82a

    rnams kyis ni nying mtshams sbyor ba mi dgag go/ yang 'dir nyon mongs pa rnams kho na nying mtshams sbyor ba'i rgyu yin pa kun nas dkris pa rnams ma yin pa ci zhe na/ de ni gnas skabs su der 'bad pa med pas zhan pa'i phyir dang so sor brtags pa sngon du 'gro ba ma yin pa'i phyir dang/ 'chab pa dang/ 'gyod pa la sogs pa stobs chung ba'i phyir ro/ /kun nas dkris pa'i bag chags rnams 'bad pa med par kun dkris pa rnams la 'jug pa de mi srid do/ /nyon mongs pa rnams ni rang gi dang gis 'jug pa'i phyir de'i gnas skabs su zhan yang kun tu spyod par byed do/ /de'i phyir nyon mongs pa rnams kho na nying mtshams sbyor ba'i ching bar 'dod kyi/ kun nas dkris pa rnams ni ma yin no/ /gal te gnas skabs de ni zhan pa ma yin nam/ ji ltar der log par lta ba la sogs pa dag kun tu 'byung zhe na de'i phyir/ gnas skabs de zhan pa yin mod kyi zhes bya ba rgyas par 'byung ste/ sems dang sems las byung ba rnams mi g.yeng ba'i phyir gnas skabs da ni zhan pa yin zhes bya'o/ /gzhan dag na re de ni tshar ba btang snyoms kho na yod pas de'i phyir zhen pa zhes brjod do/ /zhes zer ro/ /gang zhig gis gang la yang dang yang du zhes bya ba ni rtag tu zhugs zhes bya ba'i don to/ /nye bar zhes bya ba ni 'chi ba dang nye ba ste/ spyad pa zhes bya ba dang sbyar ro/ /de'i tshe zhes bya ba ni skye ba'i srid ba'i gnas skabs na'o/ /nyon mongs pa de nyid la nye bar gnas zhes bya ba ni nyon mongs pa gang la yang dang yang du nye bar spyad pa'o/ /sngon 'phangs pa'i phyir ro zhes bya ba ni sngon goms pas/ de'i tshe yang rnam pa de lta bu'i nyon mongs pa kho na nye bar gnas pa'o/ /yang na sngon du yang yang nye bar spyod pa des de'i 'phan pa ste/ 'bras bu'i ngo bos 'phan pa gang yin pa zhes bya ba'i don to/ /gzhan dag na re/ lus la sred pa na sems

  164. 82b

    can rnams kyi nga'o/ /snyam pa'i nga rgyal te/ rgyu bA ni gi Nau parya ye na tau ta sya pa s+tha yaM sU k+Shau sa mu da tsa ran+tau? pan+ta tiM na bi dza hA ta(mdo 'grel): de dag skye ba'i srid pa nyon mongs can du 'gyur ro zhes zer ro/ /de lta na 'o na 'phags pa rnams la de kun tu spyod pa srid pa'i phyir skye ba'i srid par mi 'gyur ro zhe na/ sred pa chad pa la rjes su thogs pa'i srid pa'i phyir 'di mdza' gcig tu mi yin no/ /srid pa bar mar nying mtshams sbyor ba yang de bzhin du zhes bya ba ni/ yang srid kyi mtshams sbyor du bshad pa ji lta ba bzhin no zhes bya ba'i don to/ /gzugs med gsum zhes bya ba la/ gzugs med pa dang mtshams par ldan pa'i las kyi srid pa bar ma'i 'bras bu yod pa ma yin no/ /ci'i phyir med ce na/ gzugs med pa'i khams na gnas gzhan yongs su chad pa med de zhes bya ba rgyas par 'byung ngo/ /de dag gi zas kyang mdo las bzhi kho nar bshad do/ /byis pa zhes bya ba ni 'o ma dang mar za ba'i bar ro/ /sogs pa'i sgras ni mngal na gnas pa sdu ste/ 'di dag yongs su chad pa nyid kyi lhag ma rnams kyi ni rag pa nyid do/ /zhes bya ba grub bo/ /yang ci 'di rnams thams cad khams thams cad na yod dam zhe na/ de'i phyir khams kyi zas ni 'dod pa kho nan yod pa yin te/ khams kyi zas kyi 'dod chags dang ma bral ba ni gzugs dang gzugs med par mi skye ba'i phyir ro/ /'dod chags dang bral ba ni ji srid de ma skyes pa de srid du zas kyis gnas pa nyid yin te/ de nyid kyi phyir der skye ba'i phyir ro zhes bya ba smos te/ der ni lus gnas pa phyi rol gyi rkyen la rag las pa ma yin no/ /de lta mod kyi gzugs kyi khams na yod pa'i 'byung ba phan 'dogs pa rnams ni khams kyi rnam pa'i 'dod pa'i yon tan ma yin te/ ji ltar gzugs kyi khams kyi gzugs dang sgra dang reg bya rnams yon tan yin yang 'dod pa'i yon tan ma yin pa bzhin no/ /'di la phan 'dogs pa'i reg bya'i khyad par yang de bzhin no/ /'di ltar dga' ba yang der zas

  165. 83a

    zhes bshad de khams gyi rnam pas yongs su longs spyad pa srid pa'i phyir khams kyi zas su 'gyur ro zhe na/ 'di zas zhes bya brjod pa zas bzhi'i bya ba ma yin te/ dga' ba za ba ni dus ring por gnas pa ste/ dga' ba za ba'i lha 'od gsal ba lta bu'o zhes bya ba bzhin no/ /'o na 'dod pa'i khams su yang gang kha'i sgo nas med pa de nyid kham gyi zas yin gyi de dag gi de'i don du sgrub pa nyid ma yin no zhes na/ de mngon par brjod pa ma grub po/ /gzugs kyi khams su cung zad kyang mid pa med la khams gyi zas ni 'dod khams na zhes bshad pa de'i phyir 'di la klan ka med do/ /dri dang/ ro dang/ reg bya'i skye mched rnams ni 'dod pa'i khams na sna dang lces kham du bcas nas kham du bya ste/ mid pa'i phyir kham gyi zas zhes brjod na grib ma la sogs la dag ni kham du byas nas mid do snyam du the tshom za bas 'dri ba ni grib ma dang nyi ma dang me dang/ 'od dag la yod pa'i dri dang ro dang reg bya de dag ji ltar zas nyid yin zhes bya ba'o/ /'di ni phal che ba zhes bya ba rgyas par 'byung ba la 'dod pa na spyod pa'i dri dang ro dang reg bya de dag phal cher kham du bcad nas mid pa na gnas pa 'dren pa byed mod kyi kham gyi zas phra ba de dag kyang khrus dang lus mnye ba bzhin du de'i rigs can yin pa'i phyir zas nyid las mi 'da' bas 'gal ba med do/ /gzhan dag na re/ bskal pa dang po pa sa'i bcud la sogs pa bcad cing za ba'i phyir de yang kham nyid du brjod de/ gang gi phyir gcod pas na kham zhes bya'o zhes zer ro/ /gzhan dag na re bUsb+hAn+ta bi kalpe Shwa syai ba pra d+ha n+yaM su ta sA ma shu tse nri ya mahA b+hU tA nu gra hA ya pra brat+ti ra ta(mdo 'grel): pra d+hA n+ya da yan+nirde sha i taM/ bkres pa dang skom pa dag kho na nye bar zhi bar bya ba'i phyir zas kyi bya ba byed pa ma yin nam/ ji ltar de las gzhan pa nyid

  166. 83b

    brjod ce na/ dbang po'i 'byung ba chen po rnams rgyas par byas te/ d+hya ya ma bi shwa ma batstso pi tsa yaM kri twa n+ya ba ro gA khye dzi g+hat+sa pi pA se tsa/ A hA ro hi zhes rgyas par 'byung ste/ zas mid par byed pa na dbang po 'khogs pa rnams dang de'i rtan 'byung ba chen po rnams la phan 'dogs shing rgyas par byed do/ /gzugs kyi skye mched ni mid pa'i tshe/ zhes bya ba ni mid pa'i dus na ste/ zas ni gang gi tshe khar bcug pa dang/ sos mnal ba dang/ mchil mas brlan pa mid las gyur pa de'i tshe sna dang/ lce dang/ lus kyi dbang po dag gam/ de dag gis dri la sogs pa rnams 'dzin pas de'i rten 'byung ba chen po rnams la phan 'dogs pa de bzhin du gzugs kyi skye mched ni mid pa'i tshe ma yin no/ /gzugs kyi skye mched ni rang gi dbang po ste/ mig gi dbang po gang yin pa 'am/ de'i 'byung ba chen po ste dbang po'i rten 'byung ba chen po gang dag yin pa de la phan mi 'dogs na dbang po gzhan rna ba la sogs pa dag la phan 'dogs pa lta smos kyang ci dgos/ yul ma yin pa'i phyir zhes bya ba ni dbang po de dag gi yul gzugs la sogs pa yin pa'i phyir ro gal te mid pa'i tshe gzugs kyi skye mched mig gis ma gzung bas mig gi dbang po la phan 'dogs na 'o na zas kyi tshe mthong ba na phan 'dogs par 'gyur ro zhe na/ de'i gang gi tshe mthong ba na zhes bya ba rgyas par smos so/ /de la dmigs pa ni mthong bzhin pa'i gzugs la dmigs pa'o/ /yang de'i tshe yang de la dmigs pa bde ba myong bar 'gyur ba'i reg pa zas yin gyi/ gzugs ni ma yin no zhes bya ba 'di ji ltar rtogs she na/ de'i phyir grol ba'i phyir mi 'od pa dang dgra bcom pa zhes bya ba rgyas par smos te/ phyir mi 'ong ba smos pa ni de dag kyang 'dod pa las 'dod chags dang bral ba'i phyir ro/ /mthong ba'i gzugs su zas kyi bya ba byed pa na ji ltar dri dang/ ro dang/ reg bya mid bzhin bdag bzhin

  167. 84a

    du phyir mi 'ong ba rnams dang dgra bcom pa la yang byed par 'gyur te/ 'di skad du kham gyi zas ni lag na yod pa 'am snod na yod pas zas kyi bya ba mi byed kyi/ 'on kyang gang gi tshe khang bcug pa dang/ sos mnal ba dang/ mchil mas brlan pa dang/ mid pa dang/ pho ba khengs par gyur pa zhes bya ba rgyas par srin bu'i rigs rnams la phan par gyur pa de'i tshe zas nyid kyi skye mched du 'gyur ro/ /zhes gsungs pa'i phyir te/ zas kyi dngos po byed ces bya ba'i don to/ /de ni gong du mdza' dag lag pa la sogs pa na yod pa na 'byung bar 'gyur ba'i mig gis kham gyis zas zhes bya ba'o/ /gang gi tshe zas kyi bya ba byed pa de'i tshe dri dang ro dang reg bya kho na zas kyi ming thob ste/ 'di de'i tshe yul du 'gyur bas so/ /ci ste gzugs kyang zhes smos te/ dri la sogs pa bzhin de ltar 'dod na mi ldan pa'i 'du byed kyi rang bzhin sgra yang zas su 'gyur te/ gzugs kyi skye mched kyi mthar lto bar gnas pas phan par byed pas so zhes so/ /'di ji ltar shes par bya zhe na/ dri la sogs pa bzhin so sor nus pa mthong ba'i phyir de'i tshe yang de'i yul rnam par shes pa mi 'thad pa' phyir ro/ /dri tsam zas yin pa ni re zhig yod do/ /zhes 'grub bo/ /gzhan dag na re gzugs ni zas ma yin te/ phrad nas 'dzin pa'i dbang po'i yul ma yin pa'i phyir sgra bzhin no zhes zer ro/ /slob dpon dpal len na re/ gang zhig 'dus pa 'di dag thams cad kyis za bar byed pas zas te/ tha dad med par bstan pa'i phyir ro/ /gang gi phyir 'di yongs su 'gyur ba las bcud? dang khrag dang sha la sogs pa'i ngo bo bsgrub pa'i phyir rgyud nye bar brten par byed pa de'i phyir 'di thams cad zas so zhes zer ro/ /zag pa dang bcas pa kho na zas zhes bya ba la/ 'di nyid du zag pa dang bcas pa smos pa ni dri la sogs pa

  168. 84b

    rnams la ma yin te/ de dag kho na mthar zag pa dang bcas pa yin pa'i phyir ro/ /srid pa gso bar byed pa'i don zas kyi don zhes bya ba la/ ji ltar na de dag srid pa gso bar byed ces na ma 'phangs pa 'phen pa'i phyir dang/ 'phangs pa mngon par 'grub par byed pa'i phyir te/ srid pa rjes su mi srid pa'i rgyu nyid yin pa'i phyir ro/ /zhes bya ba'i tha tshig go/ reg pa dang sems pa dang/ rnam par shes pa zag pa med pa de dag ni srid pa zad par bya ba'i phyir skyes pa dag yin te/ srid pa'i gnyen po yin pa'i phyir ro/ /gal te yang skyes zin pa'i srid pa rgyas par byed mod kyi/ srid pa gzhan skyed par byed pa ni ma yin te/ de nyid kyi phyir de dag zag pa dang bcas pa yin yang khams dang sa dang skal pa mi mnyam pa dag ni zas ma yin no/ /skal ba mi mnyam pa'i sa na ni rgyas pa'i rgyu nyid yin na yang phyi ma la srid pa de sbrel ba'i rgyu ma yin pa'i zas ma yin no/ /zas bzhi po 'di dag ni zhes bya ba rgyas par 'byung ste/ de la gnas pa ni mi 'chad pa'o/ /'tsho ba ni rgyun chags su rjes su 'jug pa'o/ /yang na ni snga ma'i bshad pa phyi ma yin no/ /phan par byed pa ni yang srid par mngon par 'grub par byed pa'o/ /zag pa med pa'i chos rnams ni de lta ma yin pas zhes bya ba ni rgyun mi 'chad par ram/ yang srid pa mngon par 'grub pa ma yin pa ste/ de'i phyir reg pa la sogs pa rnams ni zag pa dang bcas pa kho na zas yin gyi zag pa med pa ni ma yin no/ /zhes bya bar mdo las khong du chud do re zhig byung ba ni zhes bya ba la/ byung ba ni skyes pa dang mngon par grub pa zhes bya ba'i don to/ /yid las skyes pa'i phyir zhes bya ba ni yid tsam las skyes pa'i phyir te/ de ltar na yid kho na smos pa 'bras bu dang bcas par 'gyur gyi/ gzhan du ni ma yin no/ / 'di nyid bstan pa'i phyir phyi'i khu chu dang khrag ces bya ba la sogs pa smos to/ sogs pa zhes bya ba'i sgras ni gcin dang phyis dang 'dam rdzab dang me tog la sogs pa rnams bsdu'o/ /dri za ba'i phyir na zhes bya ba ni dri zang dang dri zas su za ba'i phyir na zhes bya ba'i

  169. 85a

    don dang srid pa tshol ba'i ngang tshul can yin pa'i zhes bya ba la/ ma skyes pas phal cher skye ba la gzhol ba ni srid pa tshol pa'i ngang tshul can no/ /skye ba la mngon du phyogs pa'i phyir zhes bya ba la/ de'i don mngon par grub pa'i phyir dang/ de ma thag tu skye ba'i phyir na skye ba la mngon du phyogs pa'o/ /gzhan dag na re/ 'chi ba'i mthar rten thams cad ma tshang ba med pa mngon par grub pa'i phyir zhes zer ro/ gnod pa dang bcas pa'i lus mngon par grub nas zhes bya ba 'byung ste/ srid pa par ma mngon par grub pa yin no zhes bya ba la/ rnam par bshad pa gnyis su yang de'i khungs ni sdug bsngal dang bcas pas gnod pa dang bcas pa'i 'jig rten du skye bar 'gyur ro zhes bya ba 'di yin te/ gang gi phyir sngar mngon par grub nas gnod pa dang bcas pa'i 'jig rten du skye ba'i phyir ro/ mu bzhi gsungs pa'i phyir ci yin zhe na/ srid pa par ma mngon par grub par brjod do/ /zhes bya bar sbyar ro/ /mu dang po ni phyir mi 'ong ba khams gnyis las 'dod chags dang bral ba'o/ gzhan dag na re/ so so skye bo yang? ngo zhes zer ro/ /dge slong dag gang 'phags pa'i shes rab kyi spangs pa de ni spangs pa yin no/ /zhes 'byung ba'i phyir ro/ /gzhan dag ni so so skye bo'i zhes so/ /gnyis pa ni bar ma dor yongs su mya ngan las 'da' ba' o/ /gsum pa ni dgra bcom pa'o/ /bzhi pa ni rgyun du zhugs pa dang/ lan cig phyir 'ong ba dang/ phyir mi 'ong ba gzugs su nye bar 'gro ba dang/ bdag cag la sogs pa rnams so/ /yang na byung ba ni dgra bcom pa'o/ zhes bya ba ni byung? ba dang skyes zin pa nyid do/ /zhes bya ba'i don to/ /srid pa tshol ba ni ma yin te/ khams gsum las 'dod chags dang bral ba'i phyir ro/ srid pa tshol ba rnams ni sred pa dang bcas pa dag go /zhes bya ba la/ de dag ni 'dod

  170. 85b

    chags dang ma bral ba'i phyir srid pa tshol ba yin no/ /yang zas du zhig ni sems can 'byung ba rnams gnas par byed pa yin zhes bya ba ni sems can skyes pa rnams gnas pa'i rgyu yin zhes bya ba'i don to/ /du zhig ni srid pa tshol ba rnams la phan 'dogs par byed pa yin zhes bya ba ni yang srid pa tshol ba rnams kyi yang srid pa mngon par 'grub pa'i rgyu yin zhes bya ba'i tha tshig go /thams cad kyang gnyis ka yin no zhes bya ba'i zas bzhi car sems can byung ba rnams gnas par byed pa dang/ srid pa tshol bar byed pa rnams la phan 'dogs par byed pa yin no/ /zhes bya ba'o/ /gnas pa'i phyir zhes bya ba ni skye ba'i phyir zhes bya ba'i don to/ /yid la sems pa ni las kyi rang bzhin yin pa'i phyir la/ de dang mtshungs par ldan pa'i rig pa dang/ rnam par shes pa ni de dang 'bras bu gcig pa'i phyir dang/ dge ba dang mi dge ba yin pa'i phyir srid pa tshol ba rnams la phan 'dogs la rag na/ kham gyi zas las kyi bdag nyid ma yin zhing lung du ma bstan pa go ci ltar srid pa tshol bar byed pa rnams la phan 'dogs par brjod par bya zhe na/ de'i phyir khams kyi zas kyang zhes bya ba rgyas par smos so don 'di shes par bya ba'i phyir/ bcom ldan 'das kyi zas bzhi ni/ zhes bya ba la sogs smos te/ nad dang 'bras dang/ zug rngu dang rga shi rnams ni mdo 'di las yang byung ba'i nye bar len pa'i phung po lnga'i rnam grangs kyi tshig tu gsungs te/ zug rngu'i rtsa ba yin no zhes 'byung ba'i phyir ro/ de yang 'byung ba'i rgyu ni zas bzhi ste/ rtsa ba dang rgyu dang byed rgyu zhes bya ba ni don gzhan ma yin no/ /de'i phyir de ltar na mdo las kham gyi zas kyang de la chags la rnams kyi yang 'byung bar byed pa yin no/ /zhes bya bar grub po/ /'di ltar khams kyi zas ni sred pa 'ga' zhig gi gegs dang/ yang srid kyi las kyi 'phen par yang 'gyur ro/ /gzhan dag ni rga shi'i rkyen yin no/ /zhes

  171. 86a

    bya ba 'di kho na dper brjod pa yin te/ bdag 'di'i 'og rol du rga shi rnam par bzhag pa'i phyir ro/ /snyam du sems so/ 'dir kham gyi zas ni/ sems can byung ba rnams gnas par byed pa yin no/ /zhes bya bar mngon sum gyi mthong la/ de bzhin du bde ba myong bar 'gyur ba'i reg pa dang/ de dang mtshungs par ldan pa'i rnam par shes pa yang sems can byung ba rnams la phan 'dogs par byed pa yin la rag na/ yid la sems pa ni ji ltar sems can byung ba rnams gnas par byed pa yin zhe na/ de'i phyir yid la sems pa yang zhes bya ba rgyas par smos so/ /drung du song zhes bya ba ni drung du rab tu son pa'o/ /'gro ba'i rnam grangs las kyang zhes bya ba ni chos mngon pa'i bstan bcos zhig las so/ chos mngon pa'i bstan bcos ni drug ste/ ye shes la 'jug pa dang/ rab tu byed pa'i rkang pa dang/ rnam par shes pa'i tshogs dang yang dag par bgro ba'i rnam grangs dang/ gdags pa'i bstan bcos dang/ chos kyi phung po'o/ /'di skad du sgo nga gang dag gis ma las btsas nas dran pas mi brjed pa zhes bya ba 'byung ngo/ /lus nur nur bor gyur pa de dag la ma'i yul can gyi dran pa yod do/ /zhes ji ltar brjod par bya/ de nyid kyi phyir na/ bgro ba'i rnam grangs las ma dag gis sgo nga las brtsams te/ zhes 'don te/ sgo nga dag la dran pa med pa'i phyir ro/ /zhe na de'i phyir reg pa'i gnas skabs de dran pas zhes bya ba smos so/ /gal te zag pa dang bcas pa'i chos thams cad srid pa'i rjes su 'jug par gnas pa'i byed rgyu yin pa'i phyir srid pa rnams gso bar byed pa dag ma yin nam zhe na/ gtso bor bshad zas bzhi zhes bya bar sbyar ro/ /rgyu gnyis dang rkyen gnyis kyis yang dag pa'i lta ba skyed par byed de/ zhes gtso bo'i sgo nas ston pa yang mthong ste/ tshul

  172. 86b

    khrims rnam par dag pa la sogs pa dag kyang de skye ba'i rgyu ma yin pa ni ma yin no/ /bzhi po 'di dag nyid da ltar pa'i skye ba gso ba dang ma 'ongs pa'i skye ba 'phen pa dang 'grub pa dag la gtso bo yin te/ de nyid bstan pa'i phyir 'di la gnas dang ni/ brten pa rgyas pa'i don du gnyis zhes bya ba rgyas par smos so/ /gso bar bya ba dang bskyed par bya ba'i chos mi gnyis te/ gzugs dang ming ngo/ /de la gzugs ni rten te dbang po dang bcas pa'i lus so/ /ming ni brten pa ste sems dang sems las byung ba'i chos rnams so/ /de la rten rgyas par byed pa ni kham gyi zas te 'dod pa na spyod pa'i gzugs ni de la brten pa'i phyir ro/ /brten pa rgyas par byed pa ni reg pa ste/ sems dang sems las byung ba rnams ni des 'tshol ba'i phyir te/ de skad du yang tshor ba'i phung po dang 'du shes kyi phung po dang 'du byed kyi phung po gang ci yod pa de dag ni reg pa la brten nas yin no/ /zhes 'byung ba'i phyir ro/ /yid la sems pas ni ming dang gzugs kyi bdag nyid kyi yang srid 'phen par byed de/ yid la sems pa ni yang srid pa 'phen pa'i las kyi rang bzhin yin pa'i phyir ro/ /ji ltar 'phen par byed ces na/ rgyu de skye ba dang mthun par gnas par byed pa'i phyir ro/ /las kyis yongs su bsgos pa'i rnam par shes pa'i sa bon las zhes bya ba la sogs pa la/ bsgos pa ni las kyis 'phangs pa'i yang srid pa bskyed pa'i nus pa ste/ 'di ltar sred pas ni las kyi yongs su bsgos pa'i rnam par shes pa'i sa bon brlan par byed la/ des ni ming dang gzugs gzhan mngon par 'grub par byed de/ brlan gyis rjes su zin pa'i sa bon gyis myu gu 'grub par byed pa bzhin no/ /de nyid kyi phyir las ni skye ba'i rgyu yin la/ sred pa ni mngon par 'grub pa'i rgyu yin na/ /zhes bshad do/ /rim gyis 'jig pa ni mngon sum du rgyu dang 'bras bu bstan pa nyid kyis te/ ming

  173. 87a

    dang gzugs thog ma med pa nyid du shes par bya ba'i phyir/ mdza' snga ma med pa de'i phyir 'dir yang grub pa kho na skye bar bstan to/ /snga ma gnyis ni kham dang reg pa dag go /phyi ma gnyis ni yid la sems pa dang rnam par shes pa'o// mu bzhi ni khams yin la/ zas ma yin pa dang/ zas yin la kham ma yin pa dang/ gnyis ka yin pa dang gnyis ka ma yin pa'o/ /mu gnyis pa ni kham las gzhan pa'i zas gsum rnams so/ /bzhi pa ni rnam pa de dag ma gtogs pa'o/ zhes bya ba ni sgra dang tshor ba sdug bsngal dang ldan pa'i sems dang sems las byung ba thams cad de/ de bzhin du reg pa la sogs pa dag la yang ci rigs par mu bzhir bya'o zhes bya ba 'byung ste/ ji ltar zhe na/ gang la reg pa yin pa de thams cad zas kyang yin nam/ reg pa yin la zas ma yin pa yang yod/ /zas yin la reg pa ma yin pa yang yod/ /gnyis ka yin pa yang yod/ gnyis ka ma yin pa yang yod do/ /mu dang po ni reg pa gang la brten nas dbang po rnams nyams par 'gyur la 'byung ba chen po rnams kyang yongs su 'jig par 'gyur ba'o/ /gnyis pa ni reg pa las gzhan pa'i zas gsum dag go /gsum pa ni reg pa gang la brten nas dbang po rnams rgyas par 'gyur zhing 'byung ba chen po rnams kyang 'phel bar 'gyur pa'o/ /bzhi pa ni rnam pa de dag ma gtogs pa'o/ /de bzhin du yid la sems pa dang/ rnam par shes pa la mu bzhi yang brjod par bya ste/ reg pa la sogs pa dbang po rgyas pa'i rgyu dang/ 'byung ba chen po 'phel ba'i rgyu rnams khyad par med par zas nyid du bshad pa de'i phyir reg pa la sogs pa la brten nas zhes bya bar rgya car dris te/ sogs pa zhes bya ba'i sgras ni rnam par shes pa dang sems pa gnyis bsdu'o/ /yod de gzhan gyis pa dang zag pa mang pa rnams so/ /zhes bya

  174. 87b

    ba la/ 'di skad du bstan par 'gyur te/ reg pa la sogs pa rang gis pa rnams kho na dbang po dang 'byung ba chen po rgyas par byed pa na zas yin gyi gzhan gyis pa rnams ni ma yin no/ /kham gang la brten nas dbang po nyams par 'gyur la/ zhes bya ba 'byung ba de'i phyir gang zhig zos nas gnod par byed pa de zas ma yin pa nyid du thal bas de'i phyir gang zhig zos/ zhes bya ba rgya cher smos so/ 'di nyid la rgyu smras pa ni dang po phan 'dogs pa'i phyir zhes bya ba rgya cher 'byung ba'o/ /bye brag tu smra ba smos pa ni mu bzhi la gnod pa'i phyir ro/ /rgyas par 'gyur ba'i zas la dgongs te gsungs pa'i phyir 'gal ba med do/ /zhes bya ba la/ rgyas par 'gyur ba'i zas la dgongs pas mu bzhi bshad pa dang mi 'gal lo/ /nyams par 'gyur ba'i zas ni dmyal ba dag tu zhes bya ba rgya cher 'byung ste/ bkres pa dang skom pa 'joms par nus pa nyid ni kham gyi zas kyi mtshan nyid yin la/ dmyal ba dag na yang lcags kyi tho lum 'bar ba dang/ zangs bzhun mas bkres pa dang skoms pa dag 'joms par nus pa 'di zas nyid du mi 'gal lo// ji ltar 'joms she na/ 'joms so zhes ni mi smra'i/ 'on kyang 'joms par nus pa yin no/ /gal te 'joms par nus na ni ji ltar mi 'joms zhe na/ gang gis na 'joms par mi 'gyur ba me'i khams shas che ba'i phyir ram/ sems can rnams kyi skal ba mnyam pa de dang 'dra ba yin pas so/ /kham gyi zas kyi zhar la 'di yang dpyad par bya ste/ bcom ldan 'das kyis zhes bya ba rgya cher 'byung ngo/ /dzam+bu'i gling na gnas pa zhes bya ba la/ bcom ldan 'das kyis gang la la 'dzam+bu'i tshal nas 'bab pa de thams cad ni rgya mtshor 'bab pa rgya mtshor 'bab pa'o/ /zhes gsungs ste/ de'i phyir 'dzam+bu'i gling nyid la 'dzam+bu'i tshal zhes bsnyed do/ /zas kyi skabs su bab pa'i phyir der skyes pa lto ba dang ldan pa dag go zhes bya bar shes kyi nur nur po la

  175. 88a

    sogs pa dag ni ma yin no/ /gzhan dag na re chung ngu rnams ni ma yin no zhes so/ /de ni rigs pa ma yin te/ zhes bya ba ni rigs pa dang ma 'brel ba'o/ /ci'i phyir zhe na/ gcig ces gsungs pa'i phyir te/ gang gis dzam+bu'i tshal na 'dug pa'i so so'i skye ba gcig la zhes bya bar ro/ /'di la khyad par ci zhig yod ces bya ba la/ gal te 'dod chags dang bral ba nyung ngu la zas byin nas bsod nams mang por 'gyur na ni/ de lta na khyad par yod par 'gyur ro// snyam du dgongs te/ mang po la zas byin na bsod nams mang por 'gyur ro zhes bya ba 'di la ma tshang ba ci yod/ byang chub sems dpa' nye ba yin no zhes bya ba ni byang chub la nye ba zhes bya ba'i don to/ /'di ni ming yang don dang mthun pa ma yin zhes bya ba ni don dang rjes su 'brel pa ma yin pa'o/ /'o na 'ol phyir min par 'gyur ro zhe na/ de'i phyir mdo 'am bstan bcos gang las kyang dzam+bu'i tshal du gtogs pa ni nges par 'byed pa'i cha dang mthun pa thob pa'o/ /zhes 'ol? phyir ma bshad pas zhes bya ba smos so/ /'di ni byang chub sems dpa' zhes bya ba rgyas par 'byung ste/ zhing dang grong gzigs su gshegs pas dzam+bu'i shing gi drung du zhugs pa ni/ byang chub sems dpa' kho na yin par rigs so/ /de la byin na/ dgra bcom pa bye ba la byin pa bas/ bsod nams ches mang pa'i phyir ro/ /zhes smras pa yin nam zhe na/ de'i phyir so so'i skye bo de ni 'dod pa'i 'dod chags dang bral ba dang 'brel bas zhes bya ba smos te/ mtshungs pa'i sgo nas so so'i skye bo 'dod chags dang bral ba dag las khyad par du 'phags par bstan pa'i phyir de skad ces gsungs so/ /'o na brgya smos pa ci'i phyir zhe na/ de'i phyir bshad pa gang gi phyir? drang srong 'dod pa dag las 'dod chags dang

  176. 88b

    bral ba brgya la zas byin pa bas zhes brgya smos ni dang po'i dbang du byas pa'i phyir ro/ /de lta bu de ni gdon mi za bar de lta yin par zhes bya ba la de ni rgyu 'di las kyang de ltar yin te/ gang byang chub sems dpa' dzam+bu'i tshal na bzhugs pa kho nas so so skye bo yin par dgongs kyi/ nges par 'byed pa'i cha dang mthun pa'i dge ba'i rtsa ba thob pa ni ma yin pa'o/ /'di ltar dzam+bu'i tshal na 'dug pa ma gtogs pa'i phyi rol pa rnams las zhes bya ba rgyas par 'byung ngo/ /de lta ma yin na zhes bya ba la/ gal te nges par 'byed pa'i cha dang mthun pa thob pa yin na ni gang gis 'dzam+bu'i tshal na 'dug pa brgya la zas byin pa bas/ gang gis rgyun du zhugs pa'i 'bras bu mngon du bya ba'i phyir zhugs pa gcig la byin na sbyin pa de bas sbyin pa 'di 'bras bu ches che'o// zhes dzam+bu'i tshal na 'dug pa las rgyun du zhugs pa'i 'bras bu la zhugs pa khyad par du 'phags pa mdzad par 'gyur ba zhig go /sems can rnams kyi rten cing 'brel par 'byung ba ji lta ba zhes bya ba ni rten cing 'brel par 'byung ba'i yan lag bcu gnyis cha gsum mo/ /zhes bya ba la sogs pas so/ /ji ltar gnas pa ni 'gro ba zas kyis gnas pa yin zhes bya bas bshad zin la/ 'chi 'pho yang tshe zad pas 'chi la bsod nams zad pas ma yin pa yang yod de zhes rgyas par bshad zin to/ da ni sems gang la gnas te/ zhes bya ba 'byung ngo/ /srid pa bar ma la sogs pa srid pa bzhi bshad pa gang yin pa de la/ 'chi ba'i srid pa dang skye ba'i srid pa gnyis kho na skad cig ma yin pa de'i phyir rnam par shes pa gang gi skad cig la gnas pa la/ 'chi 'pho ba dang skye bar 'gyur zhes bya ba 'di brjod par bya'o/ /zhe na/ de'i phyir chad dang mtshams sbyor 'dod chags bral/ nyams dang 'chi 'pho skye ba rnams zhes bya ba la sogs pa smos so/ /log par lta bas rtsa ba gcod ces 'gyur?

  177. 89a

    pa'i phyir dge ba'i rtsa ba yang dag par 'chad par ni log par lta bas yin la/ log par lta ba yang yid kyi rnam par shes pa dang mtshungs par ldan pa kho na yin no/ /rtog pa'i bdag nyid yin pa'i phyir na dge ba'i rtsa ba nyid mtshams sbyor ba ni the tshom dang yang dag pa'i lta bas yin te/ mtshams ni the tshom yod lta bas zhes 'chad par 'gyur ro/ /the tshom ni yid mi bde ba dang mtshungs par ldan pa yin la/ yid mi bde ba yang yid kyis sa pa kho na yin no/ /rnam shes lnga dang mtshungs skyes blo/ /ngas rtog med phyir lta ma yin zhes bya bas yang dag pa'i lta ba yang nges par rtog pa'i bdag nyid yin la/ de ni yid kyi sa pa kho na yin pas yid kyi rnam par shes pa kho nar dge ba'i rtsa ba nyid mtshams sbyor ro/ /khams dang sa las 'dod chags dang bral ba ni sems mnyam par bzhag pa la yod pa yin la/ rnam par shes pa'i tshogs lnga ni kha phyir bltas pa'i phyir mnyam par ma bzhag pa yin pas/ de yang yid kyi rnam shes kho na ma yin no/ /nyams pa'i tshul bzhin ma yin pa yid la byed la byed pa'i rgyu can yin pas yid kyi rnam shes kho na la yin gyi/ rnam par shes pa'i tshogs lnga la ni ma yin te/ de dag ni rnam par rtog pa med pa nyid yin pa'i phyir ro/ /'chi 'pho ba ni dbang po lnga'i rgyu ba sdus shing rgyun 'chad ba dang/ rjes su mthun pa'i rnam par shes pa la gnas pa yong ba min ngas de yang yid kyi rnam par shes pa kho na la yin no/ /'khrul pa'i skye ba smos pa ni/ skye ba yang yid kyi rnam par shes pa nyid do/ /yid kyi rnam par shes pa yang tshor ba gsum dang mtshungs par ldan pa'i phyir tshor ba gang la gnas pa la 'chi 'pho dang skye ba yod pa mi shes pas de'i phyir tshor ba la ni/ 'chi 'pho skye ba btang snyoms la zhes bya ba smos te tshor ba gzhan dag ni gsal ba yin

  178. 89b

    te zhes bya ba ni/ yid bde ba'i mtshan nyid can te/ de dag ni kun btags pa na skye ba'i phyir phan 'dogs pa dang gnod pa byed pa nyid kyi phyir ro/ /gsal ba ni sdug bsngal ma yin pa'i don to/ /ji skad bshad pa las bzlogs ste dpyod pa nye bar mtshon pa'i phyir ro/ /rnam par shes pa gsal ba ni 'chi ba dang skye bar rung ba ma yin te/ gnas skabs de dag gzhan pa nyid yin pas de nyid med pa'i phyir ro/ /bsam gtan gsum pa dag na sems can rnams la nyer bsdogs kho na las 'chi 'pho ba dang skye ba'i sems yang ngo/ dngos gzhi dag na ni bde ba yang ma yin sdug bsngal yang ma yin pa med pa'i phyir ro/ /khyad par med par brjod pas yid kyi rnam par shes pa thams cad du 'chi 'pho ba dang skye ba yin par 'gyur yang/ yid kyi rnam par shes pa de la yang/ rtse gcig sems med la de med/ ces bya ba smos so/ /'dod pa'i khams su skye shing mnyam par bzhag pa'i sems la gnas pa la ni 'chi 'pho ba dang skye ba med do/ /ci'i phyir med ce na/ skal ba mi mnyam pa'i sa pa yin pa'i phyir te/ sa gzhan du skyes shing sa gzhan gyi sems la gnas pa ni 'chi 'pho ba'am sa gzhan du skye bar mi 'gyur ro/ /'o na gang gi tshe gzugs kyi khams nyid dam/ gzugs med pa'i khams nyid du 'chi ba dang skye ba de'i tshe rang gis pa'i sems mnyam par bzhag pa yod do zhe na/ de'i phyir mngon par 'du byed pa las byung ba nyid yin phyir dang phan 'dogs par byed pa nyid yin pa'i phyir zhes bya ba smos te/ rang gi sa pa'i mnyam par bzhag pa sems kyis kyang 'chi 'pho ba dang skye bar mi 'gyur ro/ /sbyor ba las bltos pa'i phyir na mngon par 'du byed pa las byung ba'o/ /shin tu sbyangs pa dang ldan pa'i phyir na phan 'dogs par byed pa'o/ /mngon par 'du byed pa las byung ba'i sems ni gsal ba'i phyir chad pa dang rjes su mthun pa ma yin la/ 'chi ba'i sems ni gnod par byed pa yin zhing mnyam

  179. 90a

    par bzhag pa ni phan 'dogs par byed pa yin te/ de'i phyir de las 'chi 'pho bar mi rung ngo/ /gang gi phyir skye ba'i sems ni nyon mongs pa can yin la mnyam par bzhag pa ni dge ba yin pas des ni skye bar yang mi rigs so// gnas skabs de'i zhan pa yin la mnyam par bzhag pa ni mngon par 'du byed pa las byung ba yin pa'i phyir gsal ba yin pa gnas skabs de na de med pa'i phyir mnyam par bzhag pas skye ba ga la yod/ skal ba mi mnyam pa'i nyon mongs pa can yang phan 'dogs pa'i phyir med pa der gnas kyang 'chi 'pho'o/ /mngon par 'du byed pa las byung ba'i phyir skye ba med do/ /skal ba mi mnyam pa'i nyon mongs pa can utkriSh+Ta? sa pa de ji ltar rkyen gzhan gyi sa la skye bar byed/ sems med pa la yang med de zhes bya ba 'byung ste/ 'chi 'pho dang skye ba gnyis zhes bya bar sbyar ro/ /sems med pa ni 'du shes med pa dang/ 'gog pa'i snyoms par 'jug pa la snyoms par zhugs pa dang/ 'du shes med pa par nye bar gnas pa'o/ /gnod par byar mi nus pa na dug dang mtshon dang rdo rje la sogs pa rnams kyis te/ de'i phyir sems med pa la 'chi 'pho ba med do zhes bya bar bstan to/ /gang gi tshe 'gog pa dang 'du shes med pa'i snyoms par 'jug pa la snyoms par zhugs pa 'am/ 'du shes med pa dang ldan pa de sngon gyi las kyis 'phangs pa'i tshe zad pas lus yongs su 'gyur bar bcom pa de'i tshe zhes bya ba ni sngon gyi las kyis 'phangs pa'i ris mthun pa 'chad pa dang mthun par gnas pa'i tshe zhes bya ba'i don to/ /lus dang 'brel pa zhes bya ba ni lus la sa bon gyi ngo bor gnas zhes bya ba'i don no/ /gzhan dag na re lus la sred pa dang bcad pa nyid du 'brel ba lo zhe'o/ /gzhan ni mtshungs pa de ma thag pa'i rkyen

  180. 90b

    mnyam par gzhag pa'i sems kyis ldang ba'i sems skye bar nges par byas pa'i phyir de'i tshe yang de la gdon mi za bar de'i lus dang 'brel pa'i sems mngon du 'gyur te/ mtshungs pa de ma thag pa'i rkyen gyi drangs pa'i chos skye ba ni sus kyang dgag par mi nus so// sems can de dag 'du shes bskyed nas gnas de nas 'chi 'pho bar 'gyur ro zhes bya ba'i lung gis kyang sems med pa la 'chi 'pho med do zhes shes par byed do/ /sems 'chad pa'i rgyu med pa'i phyir zhes bya ba la sems 'chad pa'i rgyu ni 'gog pa'i snyoms par 'jug pa la sogs pa dag yin no/ /de dag ni skye ba'i tshe 'byung ba med do/ /gzhan dag na re/ bsam gtan bzhi pa nas srid rtse'i mthar thug pa'i sems ni sems 'chad pa'i rgyu'o zhes zer ro/ /gnas skabs su srid pa med do zhes bya ba la/ skye ba yang gcig tu nyon mongs pa can ma yin no/ /sems med par yang nyon mongs pa 'byung ba med pas sems med pa la skye ba med do/ /kun dga' bo gal te rnam par shes pa ma'i mngal du mi 'jug na ni zhes rgyas par 'byung ngo 'chi ba'i srid pa rnam pa gsum du bshad pa la ste/ gzhan rnam gsum zhes 'byung ba'i phyir ro/ /dgra bcom pa la ni nyon mongs pa can gyi sems yod pa ma yin te/ 'o na ci zhe na/ dge ba dang lung ma bstan pa'o/ /de la yang/ mya ngan 'da' lung bstan min gnyis te 'dir ni lung du ma bstan pa gnyis kho na mya ngan las 'da' o zhes brjod kyi/ dgra bcom pa kho na ni ma yin no/ /nying mtshams sbyar ba med pa'i 'chi ba kho na la mya ngan las 'das pa zhes bya'o/ /gal te 'dod pa'i khams na rnam par smin pa btang snyoms yod na zhes bya ba ni 'og na yang bar ma yod zhes kha cig zer te gang gi phyir bsam gtan khyad par rnam par smin pa las/ snga phyi med gsum smin 'dod phyir zhes bya ba'i kha cig gi lugs yongs su gzung nas smras pa'o/ /kha cig ni bsam gtan gsum pa yan chad na las bde ba yang ma

  181. 91a

    yin sdug bsngal yang ma yin pa myong bar 'gyur ba yod par 'dod te/ de dag gi ltar na ji ste med na ni spyod lam pa kho na la'o/ /zhes bya ba smos so/ /gzhan la ma yin zhes bya ba ni dge ba la ma yin zhes bya ba'i don te/ nyon mongs pa can ni mi srid pa'i phyir ro/ /dge ba'i sems ni stobs dang ldan pa'i phyir sems 'chad pa'i rjes su mthun pa ma yin la/ nyam chung ba'i phyir lung du ma bstan pa ni sems 'chad pa'i rjes su mthun pa yin te/ 'dir sems 'chad pa ni sems nyid mtshams sbyor ba med par 'gag pa'o/ /yid bde ba dang mtshungs par ldan pa rnam par smin pa las skyes pa'i las kyi rjes su mya ngan las 'da' bar byed de/ de ni gsal ba'i phyir ro/ /de nyid kyi phyir 'dir nges par 'chi 'pho skye ba btang snyoms pa zhes 'byung ngo/ /gzhan dag na re dge ba ni rnam par smin pa dang bcas pa yin pa'i phyir dang/ dgra bcom pa rnams kyang ma 'ongs pa'i rnam par smin pa la rgyab kyi phyogs pa yin pa'i phyir/ dge ba'i sems la yongs su mya ngan las 'da' ba yod pa ma yin no zhe'o/ /'di rnam par smin pa dang bcas pa yin nam/ zhe na ma yin te/ de la ji ltar yang phyir phyogs pa med pa'i phyir ro/ /lus kyi phyogs gang du rnam par shes pa 'gag ce na zhes bya ba la/ rnam par shes pa bstan du med pa ni yul na gnas par mi rung la khyad par du yang yid kyi rnam par shes par mi rung smos kyi/ de ni 'dir lus kyi dbang po 'gag par nges pa'i sgo nas brjod do/ /mong la 'gag par 'gyur ro zhes bya ba ni lus kyi dbang po de la rag las te/ 'jug pa'i mid dang bcas pa mdza' dag skad cig tsam de nyid la 'gag par 'gyur ro zhes bya ba'i don to/ /grangs bzhin

  182. 91b

    du zhes bya ba la/ ngan song du 'gro ba rnams kyi ni rkang pa dag tu'o/ /mi'i nang du 'gro ba rnams kyi ni lte bar ro/ /lha'i nang du 'gro ba rnams dang/ dgra bcom pa rnams kyi ni snying gar ro/ /gzhan dag na re dgra bcom pa rnams kyi ni spyi bor te/ lus kyi dbang po der 'gag pa'i phyir de dang 'brel pa'i rnam par shes pa yang der 'gag go zhes zer ro/ /yid kyi rnam par shes pa ji ltar lus kyi dbang po dang 'brel nas 'jug ce na/ 'dod pa dang gzugs kyi khams dag na lus kyi dbang po med par mi 'byung ba'i phyir rkang pa la sogs pa dag tu 'gag go /zhes bya ste/ rgyun gzhan gyi rgyu'i dngos por mi 'gyur ro/ /zhes bya ba'i don to/ /phal cher zhes bya ba ni thams cad ma yin te dge ba byed cing gnad du snum par byed pa ma yin pa rnams gcig car 'chi ba'i gnang gcod pa med par 'chi ba'i phyir ro/ /gang zhig de kho na nyid dang de kho na nyid ma yin par spyod pa'i tshig dag gis gzhan dag la gnad du bsnun par byed pa de ni gnad 'chad pa'i tshor ba dag gi reg par 'gyur gyi gzhan ni ma yin no zhes smra'o/ /gnad dag gang gi gcod cing gnad 'chad pa yang gang zhe na/ de'i phyir gnang gcod pa ni chu sogs kyis zhes bya ba smos so/ /de ni dngos po gzhan 'ga' yang yod pa ma yin te/ 'o na ci zhe na/ lus kyi phyogs 'ga' zhig ces bya ba rgya cher smos so/ /rlung la sogs pa de dag ni bzlog pa'i sgo nas chu la sogs pa gtso bo yin la/ mi mthun pa'i rkyen nye bas de dag re re 'am mdza' dag 'khrugs shing shugs dang ldan pa'i ral gri rnon po ltar rna bas lus kyi phyogs de dang der tshor ba shin tu mi bzad skyed par byed de/ de ni gnad gcod pa zhes bya'o/ /de dag shing ltar gnyis su byas pas gcod pa ni ma yin gyi/ 'o na ci zhe na/ tshor ba mi zad pa dag gis bcad pa lta bur gcod do/ /yang na bcad pa dang 'dra bar g.yo ba med pas zhes bya ba ni yan lag dang

  183. 92a

    nying lag bcad pa bzhin du mi g.yo bas na bcad pa zhes bya'o/ /ci rigs par zhes bya ba la bad kan gyi gtso bo ni chu'o/ /mkhris pa'i gtso bo ni me'o/ /rlung gi gtso bo ni rlung ngo/ /snod kyi 'jig rten 'jig pa dang/ chos mthun pas so/ / zhes bya bas ni gnas dang 'dra bar gnas dang ldan pa rnams kyang ston par byed do/ /phyi rol gyi dngos po 'jig pa'i rgyu dang chos mthun pas nang dag kyang 'jig go zhes bya ba'i don to/ /'jig pa ni gsum ste/ mes 'jig pa dang/ chus 'jigs pa dang/ rlung gis 'jigs pa'o/ /lha dag gi nang na ni gnad 'chad pa med mod kyi zhes bya ba ni brdzus te skye ba nyid kyis cig car 'chi ba'o/ /de dag ni 'khrul pa can yin no/ /zhes bya ba ni bzlog par nus pa'i phyir ro/ /'chi ltas lnga las ni mi 'da' ste/ zhes bya ba ni bzlog par mi nus pa'i phyir ro/ /'di dag ni thams cad la gdon mi za bar mi 'byung ba/ thams cad kyang mi 'byung mod kyi/ lha'i 'chi ltas bsdoms nas lnga zhes de ltar brjod do/ /snga ltas de dag ni lha'i zhag lnga 'byung ngo/ /sems can gyi 'jig rten 'di de ltar skye ba ni ma rig pa la sogs pa'i rim gyis so/ /gnas pa zhes bya ba ni zas bzhis so/ /'chi 'pho ba zhes pa ni 'chi 'pho skye ba btang snyoms pa zhes bya ba la sogs pa'o/ /yang dag pa nyid du nges pa'i tshogs dang zhes bya ba rgyas par 'byung ngo/ /yang dag pa nyid gang zhe na/ gang 'dod chags gtan gnas spangs pa dang/ zhes bya bar rgyas par gsungs pa'i phyir ro// gtan nas spangs zhes bya ba ni thams cad du zhes bya ba'i don to/ /yang ci'i phyir 'di yang dag pa nyid yin zhe na/ de kho na nyid kyi don ma yin pa la 'jug pa'i chos zad pa'i phyir dang/ rnal 'byor pa rnams kyis rtag pa nyid du zhes

  184. 92b

    pa'i phyir ro/ /log pa nyid ni ngan 'gro rnams te log pa nyid ni gang zhe na/ dmyal ba rnams dang dud 'gro dang yi dags rnams te/ 'di dag ni log pa nyid du nges pa zhes bya'o zhes 'byung ba'i phyir ro/ /'di la nges pa ni slob pa dang mi slob pa rnams dang/ mtshams med pa'i las dang ldan pa rnams so zhes 'don te/ go rim bzhin du bral ba dang dmyal ba'i 'bras bu nges pa'i phyir ro/ /de ltar na gang dag dang ldan pa de dag ni yang dag pa dang log pa nyid du nges pa zhes bya'o/ /de dag kyang gang zhe na/ 'phags dang mtshams med byed pa ni zhes bya ba'o sdig pa'i chos las ring du song bas na zhes bya ba rgyas par 'byung ngo/ /ring du zhes bya ba ni rgyang ring du zhes bya ba'i don to/ /yang ji ltar ring du song zhe na/ de'i phyir gtan du bral ba'i thob pa rnyed pa'i phyir ro/ /zhes bya ba smos so/ /bral ba'i thob pa gtan du snyed pa ni gang gi phyir yang de las yongs su mi nyams pa'o/ /yang na bral ba thob pa gtan du ba ste/ de ni mthong bas spangs par bya ba'i nyon mongs pa'i bral ba yin la/ de las yongs su nyams pa med pas ni gtan du'o/ /'bras bu dang po la zhugs pa ni 'bras bu thob pa ma yin te/ zhugs pa'i lam yongs su btang yang 'phags pa ma yin pa'i rgyun gyi dbang du byas nas gsungs pa'i phyir ro/ /bi hA nishtsa ta tri Sh+ya te/ na pa ri hA NI ri ti/ 'di la skyon med de/ gzhan dag na te/ nyon mongs pa las nges par grol bar byed pa dang grol bar 'gyur ba nyid kyi phyir 'phags pa ste/ 'phags pa ni rang dbang du gyur pa la brjod do/ /zhes zer ro/ /'di la mtshams yod pa ma yin pas na mtshams med pa'o/ /mtshams med pa'i dngos po ni mtshams med pa ste/ de dag de'i ngang tshul gyis byed pas na mtshams pa med pa'o/ /de dag ni log pa nyid du nges par yang 'gyur la/ zhes bya

  185. 93a

    ba ni gal te thar pa'i cha dang 'thun pa thob pa rnams mtshams med pa dag byed na'o/ /de dag gis ni bzod pa thob pa rnams ltar mtshams med pa mi byed pa'i nges pa thob pa ma yin no/ /ji ltar de ltar thogs na srid pa lan bdun pa la sogs pa zhes bya ba la/ sogs pa zhes bya ba'i sgras ni rigs nas rigs su skye ba dang bar chad gcig pa dang bar dor yongs su mya ngan las 'da' ba la sogs pa sdu'o/ /rkyen la bltos nas zhes bya ba rgyas par 'byung ste/ yang dag pa nyid kyis rkyen gyis thob na ni yang dag pa nyid la brten to/ /'on te logs pa nyid kyi rkyen gyis thob na ni log pa nyid la'o/ /de dag rkyen gnyis med na ni ma nges pa dag yin no/ /de la snod kyi 'jig rten gyi gnas par 'dod pa'i 'og dag ni/ zhes bya pa rgyas par 'byung ngo/ /gling bzhi bye ba phrag brgya cig car 'jig cing 'chags la/ snod kyi 'jig rten de'i gnas pa ni 'di ltar 'dod do/ /'di la bsam gtan bsgoms shing chos nyid kyis thob pa'i phyir bsam gtan gnyis pa la sogs pa la gnas pa'i sems can rnams yod pa na/ yun ring mo zhig 'das nas 'og tu nam mkha' la de dag gi las kyi dbang gis rlung 'jam po 'jam po dag ldang la/ rlung de 'di? dang der ches te por son pa na rim gyis rlung gi dkyil 'khor du grub po/ /las kyi rnam par smin pa ni thun mongs ma yin pa'i phyir dang/ bdag po'i 'bras bu ni sems can thams cad kyi nye bar longs spyod pa yin pa'i phyir sems can rnams kyi las kyi dbang gis zhes bya ba smos so/ /chu'i dkyil 'khor ni khor yug du rlung gi dkyil 'khor dang 'dra'o/ /rdzang gi tshul du zhes bya ba ni kun nas ra ba bzhin du 'dug pa'i phyir ro/ /'o ma bskol ba spris ma chags pa zhes bya ba ni zhu ba dang mthas pa'i ngo bor 'dug pa'i phyir ro/ /gang gi tshe chu de gser du gyur pa

  186. 93b

    de'i tshe ni gang dag gi re re'i tshang thad kar 'bum phrag bcu gnyis dang zhes bya ba la sogs par bshad pa/ chu dang gser gyi dkyil 'khor bye ba phrag brgyar gnas so/ /des te khor yug gis khor yug tu bskor te/ de nyid kyi phyir khor yug ces bya'o// lcags kyi rang bzhin zhes bya ba ni lcags las byas pa'o/ /ngos bzhi dag tu grangs bzhin no/ /zhes bya ba ni byang gi sgra mi snyan gyi ngos ni gser gyi rang bzhin no/ /lus 'phags pa'i ngos ni dngul gyi rang bzhin no/ /'dzam bu'i gling gi ngos ni bai DUrya'i rang bzhin no/ /nub kyi ba lang spyod kyi ngos ni shel gyi rang bzhin te/ de'i phyir de ltar na ri rab ni gru bzhi pa yin no/ /zhes bstan par 'gyur ro/ /sa bon sna tshogs khong na yod pa zhes bya ba ni rgyu sna tshogs pa dang ldan pa yin gyi/ gong gi gser gyi sa bon khong na yod pa/ ji lta ba bzhin du ni ma yin te/ de'i phyir 'di gser dang dngul la sogs pa'i rdzas su tha dad do/ /snyam du dgongs so/ /mthu rnam pa du ma'i bye brag dang ldan pa'i rlung dag gi zhes bya ba ni de skyed pa la nus pa rnam pa du ma tha dad pa dag gis zhes bya ba'i don to/ /mthu ni nus pa dang nus mthu zhes bya ba'i tha tshig go /rigs de dang de dag tu 'gyur ro zhes bya ba ni gser la sogs pa'i mtshan nyid can no/ /ma phrad par zhes bya bas ni rgyu dang 'bras bu gnyis ni tha dad pa'i phyir dang/ 'du byed rnams skad cig ma yin pa'i phyir 'bras bu'i dus na rgyu yod pa ma yin no/ zhes bstan to/ /rkyen du 'gyur pa yin zhes bya ba ni rgyu 'gag bzhin pa ni yod pa tsam gyis 'bras bu skye bzhin pa'i rgyur 'gyur ro/ zhes bya ba'i don to/ /rdzas gnas pa la zhes bya ba la/ gzugs dang sgra dang dri dang ro dang reg bya'i bdag nyid can no/ /chos gzhan log na zhes bya ba ni 'o ma zhes bya ba'i chos gzhan log na'o/ /

  187. 94a

    chos gzhan 'byung ba zhes bya ba ni zho zhes bya ba'i chos gzhan 'byung ba'o/ /gnas pa gang gi zhes bya ba la de las tha dad par 'o ma la sogs pa la dmigs pas 'o ma la sogs pa'i chos rnams kho na gzugs la sogs pa'i khyad par tshogs pa'i bdag nyid yin zhing/ ro dang nus pa dang smin par byed pa dang mthu tha dad pas phan tshun tha dad pa yang yin te/ de'i phyir gang gi chos ldog cing chos gzhan pa'i chos can/ chos skye zhing 'jig kyang mi skye zhing mi 'jig pa yod pa ma yin no/ /gang zhig gnas pa'i chos gzhan ldog pa dang chos gzhan 'byung bar yang yongs su rtogs par byed/ yang gzhan du 'gyur ba tsam zhig 'gyur ba yin te/ gzugs la sogs pa'o/ /'o ma'i ngo bor gnas pa de dag nyid 'o ma'i ngo bo log pa na zho'i ngo bor gnas shing gzhan du gyur pa tsam 'gyur ba yin par brjod do zhe na/ de nyid 'di yin la zhes 'byung ste/ chos dang chos can gzhan ma yin pas 'o ma nyid zho yin no/ /zhes bya ba'i don to/ /'di lta bu yang ma yin te/ zhes bya ba ni zho 'di 'o ma ma yin no zhes bya ba'o/ /tshig gi tshul 'di ni sngon ma byung ba yin no zhes bya ba ni ma 'brel ba rgyu med pa dag go zhes bya ba'i don to/ /gang zhig cig shos gang yin pa de las gzhan ma yin pa de ni phan tshun yang gzhan ma yin par 'gyur te/ de'i phyir 'o ma nyid yin pas 'di de lta bu yang ma yin no/ /zhes brjod par mi rigs so gal te rdzas de de nyid yin no/ /de de kho nar 'gyur la/ de lta ma yin na gzhan kho na ma yin pas des na khyad par ma mthong ba'i phyir ro/ /gser la sogs pa zhes bya ba ni/ gser dang dngul dang bai DUrya dang shel la sogs pa rnams so/ /'jam pa dang/ zhes bya ba ni

  188. 94b

    mchog tu phra ba rgyur byas pa'i gzugs dang ldan pa'i phyir ro/ /de'i ngos la sum 'gyur ro zhes bya ba ni gnya' shing 'dzin gyi ngos gcig gi dbang du byas nas so/ /rdo rje lta bu'i ting nge 'dzin de ni byang chub sems dpa' i sku ma gtogs pa'i lus gzhan dang/ rdo rje gdan gyi sa phyogs ma gtogs pa'i sa phyogs gzhan gyis bzod par mi nus so/ /yul der chu rnam pa gnyis su gyur pas na gling ngo/ /de'i bar gyi gling brgyad ni zhes bya ba la/ de dag thams cad ni las ngan pa'i dbang gis grub pa zhigs te/ de nyid kyi phyir de la gnas pa'i mi rnams ni lus chung ba yin no/ /zhes brjod do/ /gcig na srin po dag gnas so/ zhes bya ba ni rnga yab bo/ /dzam+bu'i gling 'di'i byang phyogs na ri nag po shin tu rgyang ring bar gnas pa ma yin pa gsum yod do/ /de dag 'das nas yang gsum yod do zhes bya ba rgyas par 'byung ngo/ /de'i dbang gis zhes bya ba ste/ dzam+bu de'i dbang du byas shing ched du byas nas dzam+bu'i gling zhes bya'o/ /yang na de'i 'bras bu'i dbang gis zhes bya ba'i ni dzam+bu'i shing tog gi dbang du byas nas so/ /dzam+bu'i 'di nyid kyi zhes bya ba la/ yang ci'i phyir dzam+bu'i gling 'di nyid kyi gzhan gyi ma yin zhe na/ dzam+bu gling kho nar las ngan pa kun tu spyod pa srid pa'i phyir dang/ mtshon char 'gyur pa'i las yod pa'i phyir dang/ dbang po rnon po yod pa'i phyir ro/ zhes zer ro/ /sdug bsngal bar chad med pa'i phyir zhes bya ba ni/ de na sdug bsngal rgyun chad pa yod pa ma yin te/ mnar med pa'i sgra ni bar med pa'i rnam grangs so/ /des na bde ba'i skabs med pas zhes bya ba ni bde ba gzhan med pa ste/ bde ba yang ma yin sdug bsngal yang yin

  189. 95a

    pa ni bzlog par mi bya'o/ /lugs snga ma la ni/ bde ba yang ma yin sdug bsngal yang ma yin pa med pa yin no/ /de lta na ha cang thal bar 'gyur te/ gcig tu mi dge ba'i las kyi rnam par smin pa yin pa'i phyir dmyal ba gzhan dag na yang tshor ba bde ba med pa'i phyir mnar med pa nyid du thal bar 'gyur ro zhe na/ de'i phyir gzhan dag na yang zhes bya ba rgyas par smos so/ /gzhan dag na re snang ba'i bu ga med bzhi'o?/ snying stobs chung dus gnas kyang lus ches pa'i phyir phyi rol gyi bdag nyid rang dang gzhan gyis lus las byung ba'i me'i tshogs kyi phan tshun du nye bar 'joms pa'i phyir rab tu tsha ba'o/ /lus kyi rjes su song ba'i me dag gis mchog tu gdung ba'i phyir tsha ba'o/ /shin tu gzir ba'i tshe de 'don pa'i phyir du 'bod chen po'o/ /gzir ba'i sgra mang du 'don pa'i phyir du 'bod do/ /mnyam par bsdus te phan tshun 'joms pa'i phyir bsdus 'joms so/ /thig nag po btab nas gshegs pa'i phyir thig nag go /shi zhing shi ba rnams kun tu 'tsho ba'i phyir yang sos so/ /lhag bcu drug ces bya ba la rgyu rnam pa sna tshogs kyis rlag par byed pa'i phyir lhag pa'o/ /gzhan dag na re/ dmyal ba'i sdug bsngal las gong mar gyur pa dag gis 'joms pa'i phyir/ lhag pa'o zhes zer ro/ /rtsig pa bzhi zhes bya ba ni ra ba bzhi zhes bya ba'i tha tshig go /rnam phye zhes bya ba ni rnam par phye nas 'dug pa'o/ /ji ltar zhe na/ 'di ltar ris su chad pa yin zhes bya ba smos so/ /lcags kyi ra bas kun nas bskor zhes bya ba ni lcags kyi ra bas yongs su bskor zhes bya ba'i

  190. 95b

    tha tshig go /lcags dag gis ni gang ba yin zhes bya ba ni lcags kyi sgo bcad pa'o/ /zhes bya ba'i don to/ /khyad par gnas zhes bya ba ni khebs pa'o/ /snga ma bzhin zhes bya ba ni rkang pa btag na ni pags pa dang/ sha dang khrag slar skye ba'o/ /thag mdung thogs pa zhes bya ba la sogs pa 'byung ste/ dgra sta thogs pa'o/ /gzhan dag ces bya ba ni gnas brtan yid 'ong ste/ de ni rtsa ba'i dmyal ba'i sdug bsngal bas 'di ches zhan pa'i phyir ltag pa zhes bya ba'i sgra bla lhag pa'i don la mi 'dod de/ 'o na ci zhe na/ bar mchims med pa'i don dang 'joms pa'i don la yang 'dod do/ /dri ba las dri ba gzhan 'byung ste/ zhes bya ba ni dmyal ba phyogs ni gang rol na yod tshad ni ji tsam zhes bya ba'i dri ba 'di las lta ci dmyal ba'i srungs ma de dag ces bya ba dri ba gzhan rgyas pas smos pa 'di 'byung ngo/ /da ni ji ltar na de dag g.yo zhes bya ba ni shing la sogs pa sems med pa rnams mi g.yo ba'i phyir la de las bzlog ste/ sems dang bcas pa la g.yo ba mthong ba'i phyir 'dri ba te/ /de skad du rang lus blo sngon 'gro ba'i/ bya ba mthong nas gzhan la der/ 'dzin phyir blo yod gang na der/ med der blo ni med par rtogs zhes bshad do/ /chags pa'i rlung bzhin no/ /zhes bya ba ni dper na/ chags pa'i rlung dag ni sems can rnams kyi las kyi dbang gis snod kyi 'jig rten 'grub pa dang/ rdzas su mthun par g.yo ba bzhin no/ /de dag sems can du bgrang ba ni ma yin te/ dmyal ba'i snod kyi rgyu can gyi sdug bsngal nyams su ma myong ba'i phyir ro/ /'o na btsun pa chos ldan rab 'byor gyis zhes bya ba

  191. 96a

    rgyas par 'byung ste/ de'i rgyu las dang nyon mongs pa bstan pa'i phyir sems can dag yin no/ /zhes bya bar shes so/ /gshin rjes bsgo ba gang gis zhes bya ba rgyas par 'byung ngo/ /gshin rje'i srin po gang dag lha'i pho nya lta bu mdo las bstan pa rnams ni gzhan nyid yin gyi/ /dmyal ba'i srung ma ni ma yin pas 'gal ba med do/ /sdug cing sdug bsngal ba rnams la bsod nams ma yin pa mang bas mi srid par 'dri ba ni da ni las de dag gang du rnam par smin ces bya ba'o/ /de dag kho nar de bas kyang kha na ma tho ba che ba'i las kyi rnam par smin pa'i go skabs yod par mthong nas gang dag tu zhes bya ba smos te/ dmyal ba de dag tu'o/ /mtshams med pa byed pa rnams las gzhan pa'i kha na ma tho ba chen po dang bcas pa'i las ni med do/ /me'i nang na gnas pa ji ltar mi 'tshig ce na/ zhes bya ba ni gal te de dag sems can yin na dmyal ba ltar mi 'tshig snyam du bsams pa'o/ /las dag gi mtshams bcad pa'i phyir ro/ /zhes bya ba ni 'di dag bsreg par mi bya'o/ /zhes med gdon mi za bar las dag gis dmyal ba'i srung ma rnams las mtshams bcad pa'o/ /yang na 'byung ba'i khyad par grub pa zhes bya ba ni gang gis na me'i nang na gnas kyang mi 'tshig pa de dag gi lus kyi 'byung ba chen po'i khyad par ni las dag gis de 'dra bar bsgrubs so/ /zhes bya ba'o/ /lus dang sgra 'gyur ba dang mthun pa dag yin zhes bya ba la/ lus 'gyur ba dang mthun pa ni chu bur can dang/ chu bur rdol ba dang/ utpal ltar gas pa dang/ pad+ma ltar gas pa dang/ pad+ma ltar cher gas pa dag yin la/ sgra 'gyur ba dang mthun pa ni so thams thams pa dang/ a chu zer ba dang/ kyi hud zer ba rnams so/ /thad kan yod do zhes bya ba smos so/ /de nyid kyi phyir/ kha cig na re de dag na grang ba ? ba ni rgya

  192. 96b

    mtsho chen po dang ches nye ba'i phyir ro/ /zhes zer ro/ /gzhan dag na re las kyis byas pa kho na yin te/ de lta ma yin na nya rnams la yang grang bas ches gnod par 'gyur ro zhes zer ro/ /gzhan dag na re grang ba'i dmyal ba rnams kyi gnas ni/ khor yug gi ri gling bzhi yongs su bskor ba'i ngos na gcig tu mun nag tu gyur pa yin no zhes zer ro/ /dmyal ba thams cad steng nas steng du gnas so/ /sdug bsngal gyis gzir bas na ming mi gsal ba zung chags pa'i skad kyi smra'o/ /'dzam+bu'i gling gi ngos gsum ni stong phrag gnyis pa yin pa'i phyir dang bzhi pa la dpag tshad phyed dang bzhi yin pa'i phyir 'og na dmyal ba rnams la go skabs med par mthong nas/ 'dzam+bu'i gling 'di tsam gyi zhes bya ba rgyas par smos so/ /re re la dmyal ba yin pas na nyi tshe pa'i dmyal ba rnams so/ /lha'i dpal lta bu yang nyams su myong ngo zhes bya ba ni gshin rje la sogs pa dag gis so/ /skar ma'i gzhal med khang zhes bya ba la/ gang zhig thams cad kyi nang na che ba de'i tshad ni dpag tshad bcu drug go /zla ba'i gzhal med khang ni chu shel zhes bya ba ni 'og chu shel gyi dkyil 'khor de dang 'brel pa'o/ /shel ni rnam pa gnyis yin te/ me'i khams shas che ba dang/ chu'i khams shas che ba'o/ /srog chags rnams kyi las dag gis zhes bya ba la sogs pa ni dkyil 'khor gnyis dang sbyar ro/ /de bzhin du gzhan dag la yang sbyar bar bya'o/ /zhes bya ba ni gling dag la'o/ /ji ltar zhe na/ gang gi tshe shar gyi lus 'phags su nam phyed pa de'i tshe 'dzam+bu gling du nyi ma nub po/ /nub kyi ba lang spyod na ni nyi ma byed do/ /bya'i sgra mi snyan du nyi ma shar ro/ /zhes bya bar rgya cher ro/ /'di ni mdor bsdus na/ gling gang du nyi ma dang zla ba dag gung gyur ba de las phyis nub pa dang sngon du shar ba te/ de'i phyir gsum pa la nyin dang/ mtshan ma phyed

  193. 97a

    dag go /de ltar byas na shar lus 'phags po'i gling du nyi ma phyed du gyur pa dang/ nub ba lang spyod du zla ba yang dus der gyur pa na gling bzhi snang bar 'gyur ro/ /lho'i mdza' i gling dag tu yang blta bar bya'o/ /'dzam+bu gling du nyi ma shar ba dang nub pa dang byang gi sgra mi snyan du zla ba shar ba dang nub pa dag go /shar gyi lus 'phags por zla ba dang nyi ma yang de bzhin du blta ste/ de bzhin du nub kyi ba lang spyod du yang zla ba nyid do/ /zhes de ltar gzhan la yang sbyar bar bya'o/ /yang gang gi nyin mo dag ring ba dang thung bar 'gyur zhe na/ nyi ma'i 'gros kyi bye brag gis so/ /nyi ma dang ni nye ba las/ zhes bya ba rgya cher 'byung ste/ nyi ma'i 'od zer dag zla ba'i gzhal med khang la 'bab ste/ des na pha rol gyi nges su rang gi gzhal med khang gi 'od la gnod pa byas pa'i grib ma mthong ba la sgrib pa byas pa na/ zla ba'i dkyil 'khor ma rangs par mi snang ngo/ /de lta bu de ni 'di ltar yin te/ gang gi phyir dkyil 'khor mdza' dag mi gsal bar yongs su bskor te snang ba'i phyir ro/ /de nyid kyi phyir nub kyi ri bo la nyi ma gnas shing/ shar gyi ri bo la zla ba gnas pa na/ zla ba'i dkyil 'khor rangs par snang ste/ zla ba shin tu thag ring bar gnas pa'i phyir ro/ /de lta bu de ni rgyu ba'i tshul yin no/ /zhes bya ba ni/ dper na me long gi dkyil 'khor khang kyis bsgyur ba na phyogs gang zhig mtho ba de ni dmigs la gang zhig dma' ba de ni mi dmigs pa bzhin no/ /kha cig na re/ nges pa med par thal bar 'gyur bas de ni de ltar ma yin te/ de'i phyir gdon mi za bar nges pa'i rgyu btsal bar bya'o/ /zhes zer ro/ /rgyal chen bzhi'i ris pa'i lha rnams so/ /zhes bya ba la/ rgyal po chen po bzhi'i ris ni tshogs te/ glang po che'i tshogs bzhin no/ /de na yod pa ni rgyal chen bzhi'i ris

  194. 97b

    dag go /ci de dag gi 'di dag kho na 'am zhes bya ba ni nyi ma la sogs pa gzhal med khang dag kho na 'am zhes bya ba'o/ /ri rab bang rim la sogs pa'o/ /zhes bya ba la sogs pa zhes bya ba'i sgras ni mu khyung 'dzin la sogs pa bsdu'o/ /bzhi pa las ni rgyal po chen po bzhi dag nyid ces bya ba 'byung ste/ de la shar gyi phyogs na ni yul 'khor srungs ngo/ /lho phyogs na ni 'phags skyes po'o/ /nub phyogs na ni mig mi bzang ngo/ /byang phyogs na ni rnam thos kyi bu'o/ /de'i phyir de na rgyal chen bzhi pa'i lta rnams bshad do/ /zhes bya ba ni/ gang gis phyir bang rim bzhi pa la bdag nyid gnas pa'i phyir ro/ /de'i phyir 'di skad du tshigs su bcad pa las/ rgyal chen bzhi pa'i lha rnams zhes bshad de/ rgyal po chen po bzhi dag yod pas na rgyal po chen po bzhi'o/ /bang rim ni nam mkha' la 'phags pa la brjod do/ /che ba yin zhes bya ba ni rab tu mang ba yin gyi/ phun sum tshogs pa che ba ni ma yin no/ /de dag la gnod sbyin lag na rdo rje gnas zhes bya ba ni bag med pa'i lha bsrung bar bya ba'i phyir ro/ /tshon sna brgya rtsa gcig gis bkra bar byas zhes bya ba ni tshon sna brgya rtsa gcig gis so/ /nems shes byed pa dang sbar shes byed ces bya ba ni/ nems shes byed pa dang sngar shes byed pa'i ngang tshul yin no/ /zhes bya ba'i tha tshig go /rin po che dang/ gnas rnam pa du ma phun sum tshogs pa zhes bya ba la/ rin po dang gnas rnam pa du ma de phun sum tshogs pa ni che ba ste/ chen po nyid do/ /ngo tsha bar byed ces bya ba ni ngo tsha bar byed ces bya ba'i tha tshig go /skyed mos tshal shing rta sna tshogs can zhes bya ba rgyas par 'byung ste/ de la shing rta sna tshogs can du ni lha rnams kyi dbang thang gi mthus shing rta sna tshogs 'byung bar 'gyur te/ rtsub 'gyur du ni g.yul sgrod par 'dod pa de dag la go mtshon 'byung par

  195. 98a

    'gyur ro/ /'dres pa'i tshal du ni de dag nye bar phrad pa las dga' ba'i khyad par skye'o/ /dga' ba'i tshal du ni shin tu 'byor pa dang ldan par mthong ba na dga' bar 'gyur te/ skyed mos tshal de dag ni gru bzhi pa yin la/ de dag gi ngos re re la ni dpag tshad phyed dang gsum brgya'o/ /'dab ma dang lo ma zhes bya ba la 'dab ma nyid lo ma yin pas na 'dab ma dang lo ma'o/ /de rdzi phyogs ma yin par 'gro ba ni ma yin no/ /zhes bya ba ni gang du skyes de nyid du 'jig pa'i phyir ro/ /ci me tog gi dri'i rgyun de zhes bya ba ni ji ltar me tog dang 'brel pa las til dag la dri gzhan 'byung ba de bzhin du me tog dang 'brel pa las de'i dri rlung gi bdas pa zhig 'byung ba zhig gam/ zhes bya ba yin no/ /me tog dri ni rdzi phyogs min mi 'gro zhes bya ba rgyas par 'byung ste/ rtsa ba la yod pa ni rtsa ba ste/ bu shel tsi dang gla sgang la sogs pa'i dri'o/ /mkhas rnams dri ni zhes bya ba ni grags pa zhes bya ba'i don to/ /bya ba dang bya ba ma yin pa 'gro bar byed pa zhes bya ba ni lha ma yin phyir bzlog pa la sogs pa'i bya ba dang bya ba ma yin pa 'gro bar byed ces bya ba'i tha tshig go gzhan yang lha rtsed mos dran pa brlag pa la sogs pa dag kyang yod pas de'i phyir mdor bsdu na zhes bya ba smos so/ /'thab bral nas 'og min du nye bar 'gro ba dang 'og min gyi mthar thug pa'i bar gyi lha rnams ni sprin gyi tshogs ltar gzhal med khang dag na gnas pa yin no/ /gzhan dag ni 'thab bral ba rnams sa dang 'brel lo zhes zer ro/ /'og min gyi mthar thug pa'i sems can de dag kho na'i snod mngon gyi/ gzhan dag gi ni ma yin te/ gzugs can yin pa'i phyir ro/ /lhag ma rnams kyi ni ma yin no zhes

  196. 98b

    bya ba ni/ tshangs pa mdun na 'don la sogs pa rnams te/ de dag ni gnyen pos 'dod pa thams cad bzlog pa nyid kyi phyir ro/ /rgyal po chen po'i lha rnams ni de dag la spyod pas rgyal po chen po rnams so sum cu rtsa gsum pa'i tshogs ni/ 'di dag yongs su 'gyur bas sum cu rtsa gsum pa'o/ /'thab bral ni 'thab pa dang phyi phyir bral bas e ma'o bde'o zhes brjod pas 'thab bral lo/ /rang nyid yongs su gzung ba la dga' bas dga' ldan no/ 'dis yul sprul te 'dod pa la nye bar spyod pas 'phrul dga' o/ /gzhan gyis sprul pa la dbang ba sgyur bas gzhan 'phrul dbang byed do/ /mi rnams ji lta ba bzhin zhes bya ba la/ de dag dang 'di'i khyad par ni mi rnams ni khu chu btang bas yongs su gdung ba dang bral ba/ de dag ni rlung btad bas te/ bu chu med pa'i phyir ro/ /de med pa yang de na gnas pa'i zas la rgyu mthun pa med pa'i phyir ro/ /ches gzhan par 'dod chags pa nyid kyi 'khyud pas der 'dod pa dang ldan pa rnams la 'khyung ba'i bde ba 'byung gi 'dod chags med na ni de dag la rag pa sgyon can mi 'byung ste/ ma la 'khyung ba bzhin no/ /dga' ldan pa rnams ni zhes bya ba la sogs pa la/ gnyi ga ches gzhan du 'dod chags pas 'khor ba'i sgrub pa snga ma bzhin brjod par bya'o/ /nye bar mkho ba rnams ni de na sprul bar byed do/ /nges par gsum po kho na gnyis kyis kun tu 'dod chags pa mi 'thad par 'gyur ba ma yin no/ /ji tsam ji tsam du zhes bya ba ni gong nas gong du zhes bya ba'i don to/ /yul rnams shas che ba zhes bya ba ni ches tshor ba de ba zhes bya ba'i don to/ /de dag yul shas che ba dang lus nyams pa med pa'i phyir de yongs su 'gyur bas yang dang yang 'dod pa rten par 'gyur ro/ /de lta ma yin na lha rnams nyid 'dod pa'i 'dod?

  197. 99a

    ba shin tu chung par 'gyur ro/ /yang ji ltar rdzus te skye ba rnams la ni 'di bdag gi pa yin no/ /bu yin no snyam pa'i 'du shes 'byung zhe na/ de'i phyir lha 'am lha mo gang gi zhes bya ba rgyas par 'byung ngo/ /grangs bzhin te/ zhes bya ba ni rgyal chen bzhi pa dag tu ni lo lnga lon pa lta bu'o zhes bya ba nas gzhan 'phrul dbang byed pa ni lo bcu lon pa lta bu'o/ /zhes bya ba'i bar ro/ /de dag kyang lha'i ris bzhi rnams so/ /zhes bya ba ni rgyal chen bzhi'i ris pa nas brtsams te dga' ldan pa'i bar ro/ /ji ltar byung ba rnams la longs spyod pa ni/ ji ltar 'byung ba la longs spyod pa ste/ 'di dag la yod pas na ji ltar byung ba la longs spyod pa'o/ /ji ltar 'dod pa bzhin bdag nyid sprul pa 'di dag la des longs spyod pas na de ni ji ltar 'dod pa bdag dang gzhan gyis sprul pa la longs spyod pa'o/ /ji ltar 'dod pa bzhin bdag dang gzhan gyis sprul pa ni ji ltar 'dod pa bzhin bdag dang gzhan gyi sprul pa yin la/ de yongs su longs spyod pa ni ji ltar 'dod pa bzhin bdag dang gzhan gyis sprul pa la yongs su longs spyod pa ste/ gang la de yod pa zhes thams cad la sbyar ro/ /'phrul dga' ba rnams dang gzhan gyis sprul pa'i 'dod pa nye bar spyod pa mi 'byor te/ de ltar na 'phrul dga' ba rnams dang gzhan 'phrul dbang byed pa rnams kyi khyad par bshad pa yin no/ /gzhan dag na re dang po ni yul ji ltar byung ba la yongs su longs spyod pa'i phyir ro/ /gnyis pa ni yul ji ltar 'dod pa bzhin bdag nyid kyi sprul pa yongs su longs spyod pa'i phyir ro/ /gsum pa ni yul byed pa med pa la yongs su longs spyod pa'i phyir ro/ /yang na go rims bzhin du yul dman pa dang/ bar ma dang/ gya nom pa la yongs su longs spyod pa'i phyir ro/

  198. 99b

    nye bar gnas pa rnams ni gnod pa dang kha na ma tho ba dang bcas pa dang 'bad pa dang bcas par nye bar longs spyod do/ /sprul pa rnams ni kha na ma tho ba med pa dang 'bad pa dang bcas par ro/ /gzhan gyis sprul pa rnams ni kha na ma tho ba med pa dang 'bad pa med par nye bar longs spyod do/ /lha de dag ces bya ba la/ bsam gtan dang po'i sa pa dag ni dben pa las skyes pa'i bde bas te/ 'dod pa las 'dod chags dang bral ba'i phyir ro/ /bsam gtan gnyis pa'i sa pa dag ni ting nge 'dzin las skyes pa'i dga' ba'i bde bas so/ /bsam gtan gsum pa'i sa pa dag ni dga' ba med pa'i bde bas te/ dga' ba las 'dod chags dang bral ba'i phyir ro/ /bde bas gnas pa na zhes bya ba rgyas par 'byung ngo/ /gzhan dag na re bde ba de dag kyang tshor ba rnam par smin pa bde ba ma yin pas de dag nyid bde ba skye bar brjod do/ /sa 'og ma'i sdug bsngal yang tshor ba rnam par smin pa yin pas 'di bde ba bskyed pa ma yin no/ / gang yang 'di dag ni gsum du 'gyur te/ tat+sa maM gi nI/ dben pa las skyes pa dang ting nge 'dzin las skyes pa dang/ dga' ba med pa'i bde bas gnas pa'i phyir rim pa bzhin gsum du 'gyur/ /gzhan dag na re 'jig pa'i dbye bas so zhes zer ro/ /gzhan dag na re/ rtog pa dang dga' ba dang bde ba'i dbang du byas nas thob pas so zhes zer ro/ /bsam gtan khyad par can du skyes pa la ni zhes bya ba rgyas par 'byung ste/ de na ni bde ba yang ma yin sdug bsngal yang ma yin pa'i tshor ba yod pas bde ba skye ba nyid du mi rung ngo/ /bye brag tu smra ba rnams na re/ 'di ni phal che bar bstan pa yin te/ dper na mngon par shes pa gang zhe na/ shes rab dge pa'o zhes bya ba bzhin no/ /zhes zer ro/ /gang

  199. 100a

    dag lha rnams kyi gnas nyi shu rtsa gnyis bshad pa zhes bya ba la/ 'dod ba na spyod pa rnams kyi gnas ni drug yin la/ gzugs na spyod pa rnams kyi ni bcu drug yin te/ tshangs pa chen po ni tshangs pa'i mdun na 'don dag gi khongs su 'du ba'i phyir ro/ /dpag chad bzhi khri ni zhes bya ba ni de dag gis ni ri rab kyi phyed man chad du phyin to zhes 'byung ba'i phyir ro/ /bsags par gnas pa'i gzugs zhes bya ba la 'phags pa la gnas pa ni 'phags par gnas pa'o/ /yang na bsags shing gnas pas na bsags par gnas pa ste/ phan tshun 'brel ces bya ba'i tha tshig go /lhag ma rnams kyang de dang 'dra'o zhes bya ba rdzu 'phrul gyis sam gzhan la brten nas te/ rdzu 'phrul dang ldan pa 'am/ de na gnas pa'i lhas khrid par gyur na 'thab bral ba rnams dga' ldan pa dag gi nang du 'gro bar 'gyur te/ de bzhin du dga' ldan pa rnams 'phrul dga' ba dag gi nang du 'gro'o/ /zhes rgyas par thams cad du brjod par bya'o/ /gong du skyes pa 'ongs pa mthong ste/ 'dod pa na spyod pa'am sa mtshungs pa mthong ngo/ /khams gong ma pa yang ma yin zhes bya ba ni 'dod pa na spyod pa'i gzugs kyi khams su skyes pa mi mthong pa'o/ /sa gong ma pa yang ma yin te/ zhes bya ba ni khams mtshungs kyang bsam gtan dang por skyes pas bsam gtan gnyis pa la sogs par skyes pa mi mthong ba'o/ /reg bya reg par mi 'gyur ba bzhin no zhes bya ba ni khams gong ma pa 'am sa gong ma pa'o/ /ci'i phyir zhe na/ yul ma yin pa'i phyir te/ de bzhin du yul ma yin pa'i phyir gzugs kyang mi mthong ngo/ /de'i 'dod pas 'di na 'khod pa bzhin du mthong bar 'gyur ro zhes bya ba la/ ji ltar 'dod pa na spyod pas 'dod pa na spyod pa mthong ba de bzhin du/ de'i 'dod pas gzugs na spyod pa dang/ sa gong

  200. 100b

    mar skyes pa 'ongs pa yang sa 'og ma'i lus su ma sprul pa/ ra yang mthong bar 'gyur ro/ /gzhan dag na re de ni de ltar ma yin te/ gzugs dang khams dang sa rgyu dang 'bras bu yongs su chad pa'i phyir ro/ /sa 'og ma las 'dod chags bral pa ni sa gong ma dor skye ste/ de'i phyir sa gong ma'i gzugs ni sa 'og ma'i mig gi yul ma yin te/ las kyi 'bras bu ches mchog yin pa'i phyir ro/ /de'i phyir de'i 'dod pas kyang me mthong ngo/ /sum cu rtsa gsum la sogs pa rnams kyi tshangs dang 'brel pa ni bshad na/ yang 'thal bral la sogs pa rnams kyi tshad ji tsam zhe na/ gzhan dag na re/ bzhi pa la tshad med de zhes zer ro/ /bsam gtan bzhi pa'i gzhal med khang ni skar ma ltar rnam par tshad pa yin te/ mi rtag de'i gzhal med khang/ sems can bcas te 'byung 'jig phyir zhes 'byung ngo/ /de'i phyir de la tshad med la/ lhag ma rnams la tshad yod de/ gcig tu 'brel ba'i phyir ro/ /tshangs pa'i 'jig rten zhes bya ba smos pas bsam gtan gnyis pa la sogs pa rnams ni stong chung ngu'i 'jig rten gyi khams kyis bsdus pa yin no/ /de nyid kyi phyir de la spyi phung ces bya ste/ gtsug phung du gyur pa'i phyir dang/ spyi phung yin pa'i phyir ro/ de ltar byas na de dag 'jig rten gyi khams kyi bsdus pa yod pa nyid do/ /ci'i phyir gang las/ de stong la ni stong gnyis pa zhes rgya tshar 'byung ngo/ /mnyam du 'jig cing 'byung ba yin zhes bya ba la 'dir sems can rnams mnyam por 'jig cig snod dag mnyam du 'byung ngo/ /snod 'byung ba nas bzung ste/ 'chags pa'i bskal pa zhes bya ste/ gang phyis 'jig pa de ni sngar chags so zhes phyis bshad par bya'o/ 'dzam+bu'i gling pa rnams zhes bya ba rgyas par 'byung ste/ 'dzam+bu'i gling pa rnams la dang po dang mdza' i bskal pa'i rim gyis 'phel pa dang 'grib pa mthong ba'i phyir/ ci ltar 'di zhes brjod/ khru gang yin

  201. 101a

    pa de nyid kyang 'phel ba dang 'grib par 'gyur bas so/ /gal te de'i mtshan nyid rnam par bzhag na rdul phra rab la sogs pa rnams de lta bu ma yin no/ /byang chub sems dpa' skye ba gcig gis thogs pa ni gang zhig sangs rgyas nyid la skye ba gcig gis chod pa ste/ de dga' ldan na gnas shing sku tshe rangs par gson par 'gyur ro/ /srid pa tha ma pa zhes bya ba ni skye ba tham pa ste/ gang gis na skye ba de nyid la dgra bcom pa nyid mngon gsum du byed par 'gyur ro/ / rgyal bas bstan pa ni gang zhig de'i tshe ni 'di tsam mo zhes rgyal bas lung bstan pa'o/ /rgyal ba'i pho nya'i bya ba byas ma zin ba'o/ /dad pa dang chos kyi rjes su 'brang ba ni mthong ba'i lam la gnas pa dang dbang po rnon po dang brtul po dag go/ sogs pa zhes bya ba'i sgras ni/ 'gog pa dang/ 'du shes med pa dang/ byams pa'i ting nge 'dzin la snyoms par zhugs pa rnams bsdu'o/ /dpag tshad kyi tshad kyis gnas rnams kyang bshad de/ stong phrag dag ni bcu drug dang/ brgyad dang bzhi dang gnyis 'phags so zhes bya ba de lta bu la sogs pas ni dpag tshad kyi gnas rnams bshad do/ /'dod dang ldan pa'i lha yi lus/ bzhi cha nas ni zhes bya ba la sogs pas ni lus rnams bshad do/ /lo'i tshad kyis tshe bshad pa ni sgra mi snyan na tshe stong ste/ gnyis ni phyed phyed spangs pa'o/ /zhes bya ba'o/ /thams cad kyi rnam par bzhag pa yang ming gis yin pa de la lag na gzhong thogs dang/ phreng thogs dang ni rtag myos dang zhes bya ba'o/ /gzugs 'grib pa'i zhes bya ba'o 'dus pa'i gzugs kyi yin gyi/ rdzas kyi rdul phra rab kyi gzugs kyi ni ma yin te/ cha shas med pas 'grib pa med pa'i phyir ro/ /mdza' ni gang zhig la dbye bar mi nus pa'o/ /de'i skad cig la sogs pa dus kyi mdza' ni gang na gzhan du dbye ba yod

  202. 101b

    pa ma yin pa de ni rkyen rnams tshogs pa na dngos po rnams bdag nyid thob pa'i skad cig go /slob dpon 'dus bzang na re/ la b+ho d+hya la byha? sya b+ha ba ti/ bdag gi dngos po rnams rtag par yod par brjod par mi bya ste/ rkyen rnams tshogs pa na ji tsam chos kyi bdag nyid thob pa'o/ /'o na ci yod pa kho na rkyen rnams tshogs pa la 'bras bu 'phen pa'i dus su 'ongs pa bskyed ces brjod par byed ce na/ 'bras bu 'phangs pa ni skyes pa'o/ /'phangs nas yang mi 'phen pas de'i phyir ma bstan te/ /rkyen rnams ni de la sngar yod pa ma yin pa'i bdag nyid kyi khyad par 'ga' yang byed pa med do/ /gang gi phyir sngar ma 'ongs pa dang 'bras bu 'phen par byed/ gang zhig sngar rgyu med pa de ni phyis kyang rgyu med pa nyid de/ de ni nam yang rkyen ma tshang ba thob pa rnams las dus thams cad du yod pa ma yin pa'i phyir dang/ 'phen pa'i dngos po ni 'bras bu med pa nyid kyi phyir zhes bya ba zhar las byung bas chog ste/ 'di nyid 'das pa dang ma 'ongs pa rnam par nges pa'i skabs su bab pas/ de nyid du rgya cher rnam par dpyad do/ /ming gi mdza' ni yi ge ste yi ge med pa'i ming med pa'i phyir ro/ /dgun rnams kyi zla ba bzhi zhes 'byung ste/ dgun smad kyang grang bar 'dra ba'i phyir dgun du bshad do/ /dbyid rnams kyi zla ba bzhi zhes bya ste/ dpyid kyang dro bar 'dra bar sos kar bshad do/ /dbyar zla ba bzhi zhes bya ste/ ston yang char 'bab par 'dra ba'i phyir dbyar du bshad do/ /zla ba phyed dang gnyis 'das nas/ zhes bya ba ni 'di la phyed lhag pa yod pas na phyed dang gnyis so/ /mA se zhes thob pa la mA si zhes bya ba'i sgra sbyar ba ni mdo btsir ba'i snyan ngag gi dbang gis yin no/ /'das nas zhes bya ba ni thal nas so/ /de ltar spyad pa zla ba gnyis pa'i phyogs phyi ma la zhag mi thub 'dor bas lo la ni zhag mi thub drug tu 'gyur ro/ /'gro ba 'jigs pa ni 'gro

  203. 102a

    pa lngar car gzugs na spyod pa'i lha'i 'gro ba gcig tu 'jig pa'o/ /de'i mjug thogs su ni khams 'jig ste/ khams 'jig pa ni 'gro ba 'jig pa sngon du 'gro ba can yin pa'i phyir ro/ /de ltar na sems can zhig ma thag tu sprod kyi 'jig rten ni sems can thams cad kyi las kyi dbang gis grub pa'i phyir sems can cig 'dug na yang snod 'jig par mi 'gyur ro/ /de las ni nges par 'byung ba zhes bya ba ni gang chags pa'i rgyud gnas pa de las nges par 'byung ba ste/ 'da' zhes bya ba'i don to/ /de la ni zhugs pa zhes brjod par bya'o/ /zhes bya ba las/ de zhes bya ba ni 'jig pa la zhugs zhes bya ba ste/ gang zhig brtsams nas 'chags pa dang gnas pa las nges par 'byung ba nyid de/ 'jig pa rtsom pa'o// 'jig rten gzhan dag tu 'phen zhes bya ba ni/ de'i gnas skabs su ni snod kyang 'jig par mi 'gyur ba'o/ /gang gi tshe dud 'gro dag na sems can gcig kyang ma lus par gyur pa zhes bya ba nas gzung ste/ 'jig rten gyi khams gzhan dag tu 'phen par 'gyur te/ zhes bya ba'i bar du thams cad brjod par bya'o/ /yi dags rnams kyang de dang 'dra'o/ mi dang lhan cig rgyu ba rnams zhes bya ba na de dag ni mi rnams dang thun mong ba'i longs spyod du 'gyur ba'i las dag gis mngon par bsgrubs pa'i phyir ro/ /lha dang lhan cig rgyu ba rnams la yang de bzhin du brjod par bya'o/ /chos nyid kyis thob pa zhes bya ba la chos nyid ni de'i tshe bsam gtan gyi sa bon dus thog ma med pa nas 'jug pa thob pa'o/ /gzhan dag na re chos nyid ni dge ba'i rtsa ba shas chen po yin te/ de'i tshe dge ba'i chos rnams 'jug pa thob par 'gyur ba'i phyir ro/ /zhes zer ro/ /de na 'dod chags dang bral ba med pa'i phyir ro/ /zhes bya ba ni 'dod chags dang bral bra med par

  204. 102b

    tshangs pa'i 'jig rten du skye ba med do/ /zhes ston pa'o/ /'di nyid nas kun nas zhes bya ba ni gling bzhi kun nas so/ /gzhan dag na re 'dzam+bu'i gling kun nas te/ las kyi lam shas che ba'i phyir ro/ /zhes zer ro/ /de'i las kyang 'phen pa rnams zhes bya ba ni/ snod skyed par byed pa'i las rnams zad pa'o/ /bar du bsreg par 'gyur ro/ /zhes bya ba ni tshig par 'gyur ro/ /zhes bya ba'i tha tshig go /ris mi thun pa'i skyon dag ces bya ba ni nye bar 'tsho ba med la sogs pa mi 'dra ba dag go zhes bya ba'i don to/ /gal te de ltar yin na ni 'o na ji ltar rab tu 'phar ba de nyid las zhes bya ba rgyas par smras te zhe na/ de'i phyir de dang 'brel pa las byung ba nyid kyi phyir zhes bya ba rgyas par smos te/ gzugs na spyod pa'i me lce de ni 'dod pa na spyod pa'i me lce dang 'brel te 'byung ba yin te/ de'i phyir rab tu 'bar ba ste nyid las zhes de skad du bshad do/ /de bzhin du 'jig pa gzhan la yang ci rigs par brjod par bya'o/ /zhes bya ba ni chus 'jig pa dang/ rlung gis 'jig pa dag la ste/ bsam gtan dang po dang gnyis pa'i sa pa kho na'i chu'i khams yin gyi/ bsam gtan dang po dang gnyis pa dag las sa gzhan pa ni ma yin no/ thams cad skal pa mi mnyam pa'i ma yin pas de ltar na rlung yang bsam gtan dang po dang gnyis pa dang gsum pa'i sa pa kho na yin gyis gzhan pa thams cad ma yin pa nyid do/ /rnam pa cig tu na re bzhin du 'jig pa gzhan dag la yang zhes bya ba ni ji ltar mes 'jig pa dag tu 'gro ba dang khams dang sems can dang snod 'jig pa bshad pa de bzhin du chu dang rlung gis 'jig pa dag la yang tshul de nyid kyi snod stong par rang gi sa pa'i chu'i khams kyis rim gyis snod kyi 'jig rten lan tshwa la bya ba bzhin du 'ju bar byed cing

  205. 103a

    de nyid du mi snang bar byed do zhes bya ba dang/ rang gi sa pa'i rlung gi khams kho nas rim gyi snod kyi 'jig rten 'thob par byed cing rnam par 'jig par byed de/ de nyid kyis mi snang bar byed do/ /zhes bya ba'i bar brjod par bya'o/ /zhes bya ba'o/ /de las nges par byung ba zhes brjed par bya ba ni yongs su rdzogs zhes bya ba'i don to/ /de ni nye bar 'dos par brjod par bya'o/ /zhes bya ba ni 'jug ces bya ba'i tha tshig go /ji skad bshad pa'i rim pa dang tshul du zhes bya ba ni ji skad bshad pa'i rim pa dang ji skad bshad pa'i tshul zhes bya ba'i don to/ /de la ji skad bshad pa'i rim pa ni rlung gi dkyil 'khor dang/ chu'i dkyil 'khor nas ri rab la sogs pa'i bar do/ /ji skad bshad pa'i tshul ni tshul gang zhig gang la bshad pa srid dang/ rgya dang/ tshad dang/ dbyibs kyi mtshan nyid do/ /de'i 'og tu na 'thab bral ba'i bar du'o/ /zhes bya bas ni nam mkha' la gnas pa'i gzhal med khang rnams kyis mtshams ston te/ /de tsam gyis ni 'di lta ste/ snod chags pas 'jig rten zhes rgya cher 'byung ba la/ sems can gyi dbang gis 'jig pa dang 'chags pa dang gnas pa mngon no/ /de lta mod kyi gang gi tshe sems can gcig chags pa de'i tshe snod rnams chags pa'o/ /bral ba las lus 'dus pa ni chags pa'o/ /gang gi tshe yang 'od gsal ba rnams las sems can zhig 'dus nas 'chags te/ de'i tshe snod rnams 'chags te/ kha cig kun tu 'jug pa'o zhes zer ro/ /'dir snod rnams 'jug pa dang/ ldog pa dag ni 'jig pa dang skye ba dag tu dgongs so zhes 'di bsam par bya'o/ /de na sems can gang yang rung ba zhig ces bya ba la/ 'di ni tshangs pa chen po ste/ de'i phyir na tshangs pa chen po

  206. 103b

    thams cad ni so so'i skye bo yin te/ 'phags pa la 'og tu 'gro ba mi srid pa'i phyir ro/ /de nyid kyi phyir gcig gis bar med par skye ba gnyis su tshangs pa chen po nyid byed pa ma yin no/ /gal te tshangs pa chen po nyid na ngas kyi phyi nas 'chi 'pho'o// zhes bshad la/ 'od gsal ba rnams kyi tshe yang bskal pa chen po brgyad yin zhing bar gyi bskal pa nyi shu na yang/ slar chags pas de'i phyir de 'od gsal ba'i sa pa'i tshe ma zad par de nas 'chi 'pho bar 'gyur zhe na/ de na bar chad du 'chi ba yod de/ bsod nams rlabs chen po las skyes pa dag ni tshe lo bskal pa chen po brgyad pa yin no/ /gang bar gyi bskal pa nyi shu zhes bya ba 'di ni ches nyungs ba yin no/ /kha cig na re der skye ba de ni gzhan zhig kho na yin no/ /zhes zer ro/ /gzhan dag na re las sna tshogs pas 'di la nges pa med do zhes zer ro/ /gang mjug tu 'jig pa de dag dang por 'chags zhes bya ba ni dper na mes 'jig pa dag na tshangs pa'i gzhal med khang bzhin no/ /'di ni chos nyid yin no zhes bya ba ni dge ba'i las sngon bsags pa rnams kyi yongs su 'gyur ba'i khyad par yin no/ /zhes bya ba'o/ 'jig rten 'chags pa na zhes bya ba ni gang gi tshe/ 'chags par rtsom pa na te/ sems can dang snod rnams 'chags pa na bar gyi bskal pa nyi shur 'gyur ro/ /tshe dpag tu med pa nyid nas 'grib pa ni zhes bya ba ni dmyal ba'i srid pa nas brtsams nas so/ /ji lta zhe na/ gang gi tshe dpag tu med pa dag shi ste/ dmyal ba dag tu skye ba de nas gzung ste/ brtsi'o/ /de ltar na 'di ni chags nas gnas pa rnams kyi bar gyi bskal pa dang po yin no/ /zhes bya ba 'di mi 'gal lo// de nas yar skye mar 'bri ba'i zhes bya ba ni/ bco brgyad po de dag ni re re yang yar skye ba dang mar 'bri ba'i rang bzhin no/ /yang ji ltar yang skye ba'i rang bzhin dang yar skye ba dang mar 'bri ba'i rang bzhin can gyi bskal pa rnams dang dus mnyam par 'gyur zhe na/ myogs?

  207. 104a

    pa dang 'gyogs pa ma yin par 'gro ba'i khyad par las te/ 'di ltar dang po dang mdza' i bskal pa gnyis ni ngal gyis 'gro la bar ma bco brgyad ni 'gyogs par 'gro bas thams cad dus mnyam par 'gyur ro/ /chags pa rnams kho na la yar skye ba dang/ mar 'bri ba mngon gyi gzhan gyi tshe ni ma yin no/ /de dag la bar gyi bskal pa rnam par bzhag ce na/ de'i phyir gal te yang de'i tshe yar zhes bya ba rgyas par smos so/ /bskal pa phung po lnga'i rang bzhin no/ /zhes bya ba ni de dag nyid dus gtam gzhi dang zhes khams kyi mdzod nyid las bshad de dus mang po ni bskal pa yin no/ /sil bu zhes bya ba ni lung dag gi nang du ma 'dus pa'i phyir ro/ /gzhan dag la lta ba skyes te/ zhes bya ba ni 'dir lta bas zhes bya ba'i sgras snying rjes bshad kyi/ sred pa ni ma yin no/ /rigs gzhan kho na zhes bya ba ni skye mched drug gi khyad par ram/ dge ba'i rtsa ba dag go /dman pa de dang de'i thabs kyis zhes bya ba rgyas par 'byung ste/ 'dir ni so so'i skye bo dang 'phags pa nyan thos dang byang chub sems dpa' rnams kyi 'jug pa bshad do/ /de'i tshe snyigs ma lnga po 'di lta ste/ zhes bya ba ni shin tu lhag pa ni ches bla lhags pa'o/ /'dir tshe nyid tha cad yin zhing/ ngan snyigs su gyur pa ni snyigs ma dag go /dus kyi snyigs ma la sogs pa yang de dang 'dra'o/ /go rims bzhin du zhes bya ba ni tshe'i snyigs mas ni srog rgud par byed de/ gnas pa'i dus thung ngu 'phen par byed ba'i phyir ro/ /dus kyi snyigs mas ni yo byad rgud par byed de/ 'bru la sogs pa rnams ro dang nus pa dang/ smin pa dang mthu chung bar 'gyur ba'i phyir dang/ dus kyang de'i bdag nyid yin pa'i phyir ro/ /gnyis kyis ni dge ba'i phyogs rgyud par byed do/ /zhes bya ba ni nyon mongs pa dang lta ba'i snyigs ma dag gis so/ /ji ltar zhe na de'i phyir

  208. 104b

    'dod pa'i bsod nams dang bdag ngal ba zhes smos te/ 'dod pa'i bde ba nyid 'dod pa'i bsod nams te/ der chags pa'i phyir ro/ /yang na 'dod pa'i bsod nams ni 'dod pa'i sred pa ste/ nges 'dod pa'i bde ba la chags par byed ces bya ba'i tha tshig go/ bdag ngal ba ni bdag la nye bar gdung ba ste/ bdag gzir ba'o/ /de dag brtsom pa ni sten pa ste/ de dag goms par byed pa'o/ /'di skad bshad par 'gyur te/ go rims bzhin du 'dod pa'i bde ba dang/ bdag la gdung ba rten pa'i dbang du byas pa ste/ ched du byas shing brtsams nas nyon mongs pa dang lta ba'i snyims ma gnyis kyis dge ba'i phyogs rgud par byed do/ yang na khyim pa dang/ rab tu byung ba'i phyogs kyi zhes bya ba yang go rim bzhin yin te/ de gnyis kyis ni dge ba'i phyogs rgud par byed do zhes bya ba dang sbyar ro/ /'di ltar khyim pa rnams ni 'dod pa gtso che ba yin la/ rab tu byung ba rnams ni lta ba gtso che ba yin no/ /gcig gis ni lus rgud par byed de zhes bya ba ni lnga pa sems can gyi snyigs ma'i bya ba bshad do// gzhan dag na re/ yar skye ba'i bskal pa las sangs rgyas rnams mi 'byung ste/ de'i tshe sems can rnams bde ba shas che bas skyo bar dka' ba dang/ legs par spyad pa spyod pas ngan song du gzhol bar mi 'gyur bas so zhes zer ro/ /ci'i phyir ches shin tu mar 'grib pa'i dus su mi 'byung zhe na/ de'i dus su sangs rgyas kyi mdzad pa mdza' dag mi spyod pa'i phyir te/ skal ba dang dbang dang tshe dang/ spro ba dang ting nge 'dzin te lus 'tsho ba'i 'du byed du gyur pa lnga po la rag las pa'i gdul bya med pas dgos pa chung ba'i phyir mi 'byung ngo/ /tai ra pi driSh+Te/ 'dir dgos pa ci zhe na de la 'di skad brjod par bya ste/ snyigs ma lngas nye bar btsam pas de'i tshe gdul bya shin tu nyud du las mi gnas te/ des na mar 'bri ba'i brgya

  209. 105a

    man chad du dgos pa med pa'i phyir mi 'byung ngo/ /rang sangs rgyas rnams ni mar skye ba na yang 'byung ste/ bdag nyid kyi dbang du byas te zhugs pa'i phyir ro/ /nyan thos sngon du 'gro ba zhes bya ba ni gang dag sangs rgyas gzhan gyi tshe bden pa mthong ba rnams so/ /so so skye bo sngon du 'gro ba dag kyang zhes bya ba ni tshogs na spyod pa dag go /gang dag gzhan du nges par 'byed pa'i cha dang mthun pa rnams skyed pa zhes bya ba ni gang dag gis sngar sangs rgyas gzhan gyi tshe dro bar gyur pa la sogs pa nges par 'byed pa'i tshe dang mthun pa rnam pa gsum bskyed pa'o/ /de'i spyod lam bstan pas zhes bya ba ni rang sangs rgyas kyi spyod lam/ skyil mo krung bcas pa la sogs bstan pas zhes bya ba'i don to/ /'phags pa dag cig yin na ni zhes bya ba rgyas par 'byung ste/ 'phags pa rnams kyi tshul khrims dang brtul zhugs mchog tu 'dzin pa'i lta ba spangs pa'i phyir ro/ byang chub kyi tshogs dag la zhes bya ba ni tshul khrims dang/ ting nge 'dzin dang/ shes rab dag ste/ spyad pa ni sbyor ba byas pa'o/ /chos sten par spyod do/ /zhes bya ba ni gal te so sor yang dag par rig pa ma thob du zin kyang snyam du bsams pa'o/ /bya ba nyung ba ni 'dod pa chung ba'o/ /rnam par g.yeng ba dang 'du 'dzis skrag pas 'khor yongs su gzung bar 'gyur ba spang bar bya ba'i phyir zhes bya ba la/ 'khor yongs su gzung bar gyur na ni rnam par g.yeng ba dang 'du 'dzin gnyis spang bar mi nus so/ /de dag rnam par g.yeng ba dang/ 'dul 'dzis grag pa ni sngon goms pa'i dbang gis so/ /bse ru lta bu ni khyim pa dang rab tu byung ba rnams dang/ ma 'dre bar gnas pa ste/ bse'i rwa ltar gnyis pa med pa'i phyir ro/ /de ni gling gcig gi

  210. 105b

    pa dag po yin no/ /zhes bya ba ni 'dzam+bu'i gling gi bdag po'o/ /de ni gnyis kyi'o/ /zhes bya ba ni 'dzam+bu'i gling dang shar gyi lus 'phags po gnyis kyi'o/ /de ni gsum gyi'o zhes bya ba ni byang gi sgra mi snyan ma gtogs pa'i'o/ /de ni gling bzhi la zhes bya ba ni byang gi sgra mi snyan gyi gling dang bcas pa la'o/ /'di ni gdags pa las bstan pa yin no/ /zhes bya bas ni mdo las ma yin no/ /zhes ston to/ /mdo dang 'gal ba spang ba'i phyir mdo las ni gtso bo smos pa'i phyir zhes bya ba rgyas par 'byung ngo/ /snga phyi med par zhes bya ba ni snga ma dang phyi ma ste/ 'phyi ba ma yin gyi/ 'o na ci zhe na/ lhan cig ces bya ba'i don to/ /gnyis su 'gyur ba gcig skye'o/ /zhes brjod par 'gyur ro/ /sangs rgyas kyi mthu thogs pa yod par 'gyur du 'ong ngo/ /zhes bya ba ni rgyu smras ba ste/ mthu la thogs pa yod na ni sangs rgyas rnams cig car 'byung ba 'bras bu dang bcas par 'gyur gyi/ gzhan du ni ma yin no/ /de ni gzhan gyis kyang mi spyod do/ /zhes bya ba ni sangs rgyas rnams nus mthu mtshungs pa'i phyir ro/ /mnyam zhing mnyam pa zhes bya ba ni sems can thams cad dang mi mnyam pa dag dang mnyam pas mnyam zhing mnyam bya'o/ /gzhan dag na re/ shin tu mnyam pa ni mnyam zhing mnyam pa ste/ grang zhing grang pa bzhin no/ /nyon mongs pa'i sgrib pa dang bral bas mnyam pa yang mod kyi mnyam zhing mnyam pa ni ma yin te/ shes bya'i sgrib pa dang ma bral ba'i phyir ro/ /sde pas gzhan dag ni 'phags pa dge 'dun phal chen? pa la sogs pa rnams so/ /'byung ba la gegs byed pa yang 'ga' yang med ces bya ba ni tshogs bsags pa rnams 'jig rten gyi khams gzhan dag tu 'byung ba la'o/ /'jig rten gyi khams dag kyang mdza' yas pas zhes bya ba ni der ni gzhan gyis kyang mi spyod do/ /zhes gang smras pa de yongs su spangs pa yin te/ ji ltar

  211. 106a

    sangs rgyas bcom ldan 'das nas rnams kyis rim gyis spyod/ rim gyis 'jug na ni 'dul ba'i dus las 'da' bar 'gyur ro khams kyi rgyal phran ni rgyal phran dag go/ phan tshun mtshon brtsams pa zhes bya ba ni gzas?? pa zhes bya ba'i don to/ /khyim bdag rin po che ni mdzod kyi spyan no/ /blon po rin po che ni dbung gi spyan no/ /de dang 'brel pa ni 'khor los sgyur ba dang 'brel pa ste/ las gang yin pa dang ngo/ /las de ni de dang 'brel par 'gyur ba'o/ /shin tu yul na gnas pa zhes bya ba ni/ sku'i yul gang dang gang zhig tu 'byung bar 'gyur ba de ni de kho nar gnas pa'i phyir ro/ /shin tu gsal ba ni shin tu 'bar ba'i phyir dang yid 'phrog pa'i phyir ro/ /shin tu rdzogs pa zhes bya ba ni gang zhig gi de snyed yod pa ste/ ma tshang? pa mi mnga' ba'i phyir ro/ /'khor los sgyu ba'i zhar la 'di yang dpyad par bya ste/ yang ci bskal pa dang po pa'i mi rnams kyang zhes bya ba rgya cher 'byung ngo/ /gzugs dang ldan pa ni kha dog dang dbyibs legs pa'o/ /yid tsam las skyes pa'i phyir yid las byung ba'o/ /lag pa dang rkang pa dang de dag gi sor mo la sogs pa dang ldan pa'i phyir yan lag dang nying lag thams cad dang ldan pa'o/ /dbang po lnga char tshogs pa'i phyir dbang po ma tshang ba med pa'o/ /zhar ba dang 'khrul pa la sogs pa med pa'i phyir/ dbang po ngan? pa ma yin pa'o/ /yid du 'thad pa'i phyir dang nang dang bral ba'i phyir mdzes pa'o/ /rga ba med pa'i phyir kha dog la gnas pa'o/ /tshe ring pa ni gang gi phyir/ yun ring por gnas pa'i phyir ro/ /spang rtsi'i ro bro ba zhes bya ba ni/ 'di la sbrang rtsi lta bu'i ro bro ba yod pas sbrang rtsi'i ro bro ba'o/ /tshul bzhin ma yin pa yid la byed pa nyid chu? srid kyi kha yin pa de'i kham du song ste/ de la rag las pas 'jug pa'i phyir dang/ de??

  212. 106b

    pa'i phyir ro/ /zhes bya ba'i don to/ /'dod pa nyid 'byung bo'o gdon yin te/ yang dag pa ma yin pa'i bya ba'i rgyu yin pa'i phyir ro/ /des rlom pa ni dam pa ma yin pa'i bya ba la 'jug pa na de la rag ma las pa'i phyir ro/ /rgyal rigs kyi zhar la 'di lang dpyad par bya ste/ de la gang dag khyim dag nas yid phyir phyogs pa zhes bya ba rgyas par 'byung ngo/ /rgyal rigs la sogs pa'i mi rnams ni nges pa'i tshig gi tshul gyis so/ /bskal pa mtshon dang nad dang mu ge dag gis tshar phyin cing yongs su rdzogs par 'gyur te/ bsdus pas ni ma yin no/ /chos ma yin pa la 'dod chags kyis chags pa zhes bya ba ni 'dod pas log pa na g.yem pa la lhag par zhen pa'o/ /yang ba la chags pas zil gyis non pa ni brnab sems can nam/ ma byin par len pa dag go/ log pa'i chos kyis kun nas dkris pa zhes bya ba ni log pa'i chos kun tu sten par byed pa'o/ /nyes pa de dag nyid kyis zhes bya bas ni chos ma yin pa la 'dod chags la sogs pa dag gis so/ /yams kyi nad stog par byed ces bya ba ni mdangs 'phrog pa'am/ sman rnams ma rung bar byed pa'o/ /mu ge ni rnam pa gsum yin la/ slar re re la yang rnam pa gnyis gnyis yin pas rnam pa drug go/ gling gnyis su zhes bya ba ni byang gi sgra mi snyan ma gtogs par ro/ /de dag dang mthun pa zhes bya ba ni mtshon dang nad dang mu ge dag dang ste/ mtshan dang mthun pa ni gnod sems so/ /nad dang mthun pa ni kha dog ngan pa dang nyams chung ba'o/ /mu ge dang mthun pa ni bkres pa dang skom pa'o// lhag par 'gyur ba yin no/ /zhes bya ba ni ci rig par thams cad dang sbyar bar bya'o/ /yang skye ba'i tshe ni mi tshe lo bcu pa rnams las bu tshe lo nyi shu pa dag skye la/ tshe lo nyi shu pa rnams las bu tshe lo bzhi bcu pa rnams skye'o/ /zhes bya ba nas

  213. 107a

    rgyas par tshe lo brgyad khri pa'i bar du yin no/ /de bzhin du 'jig pa gzhan dag la yang zhes bya ba ni mes 'jig pa bshad nas/ de bzhin du 'jig pa gzhan dag la yang zhes bya ba smos so/ /cha shas phra mo yang? zhes bya ba ni rdul phra rab dag kyang mi lus par byed pa'o/ /'di la mu stegs byed kha cig ces bya ba ni gzegs zan la sogs pa dag go/ rdul phra rab dag ni rtag pa zhes bya ba ni yod pa rgyu dang mi ldan pa'i phyir ram/ 'jig pa'i rgyu med pa'i phyir te/ de med na ni 'du ba can ma yin pa'i rgyu mi srid pa'i phyir ro/ /lhag pa'i phyir na de dag de'i tshe me la sogs pas de'i tshe bsdus so/ /de dag ci'i phyir de ltar 'dod ces bya ba ni rdul phra rab rnams ni rtag pa yin pas de'i tshe bsdus so zhes bya bar ro/ /gal te 'dir rgyu rtag pa dang rgyu med pa bzhin de rtag par bshad pa ma yin nam zhe na/ bshad pa bden mod de ni gzhan gyi phyir ma grub pa yin pas rgyu gzhan smra'o/ /rgyu med pa can du 'byung ba ni mi rung ngo zhes bya ba ni/ byed rgyu med pa can no/ /rags pa rnams zhes bya ba ni rlung dang chu dang sa'i dkyil 'khor dang/ ri rab lhun po la sogs pa zhig ba rnams te/ sangs rgyas pa rnams kyi ltar na yang 'byung bar 'gyur na zhes bya bar bsam pa'o/ /sangs rgyas pa rnams kyis ni ma lus par 'jig par khas blangs pa yin te/ 'du ba can gyi rgyu med pa'i phyir ro/ /snyam du bsams pa'o/ /'di ni bum pa dang snam bu la sogs pa rags pa rnams rgyu med pa can du 'byung ba yang ma mthong bas/ sangs rgyas pa rnams kyis kyang rgyu med pa can du 'byung par mi 'dod pa 'am/ grub pa la bsgrub pa yin no zhes bya ba bstan pa'i phyir sems can rnams kyi zhes bya ba la sogs pa rgyas par smos so/ /mthu khyad par du 'phags pa'i rlung rgyur bshad de/ mthu

  214. 107b

    rnam pa sna tshogs pa'i bye brag dang ldan pa'i rlung dag gis bshigs pa na zhes 'byung ba'i phyir ro/ /rlung de yang rags pa yin pa'i phyir rgyu med pa can du 'gyur par mi rigs so/ /zhe na de'i phyir yang na de'i rgyu ni 'jig pa'i rtse mo'i rlung yin par 'gyur ro zhes smos so/ /de la rgyu med pa can gyi dogs pa ni rigs te/ las las skyes pa'i zhes bshad pa'i phyir ro/ /de'i phyir 'di ni lugs gzhan la bltos nas smos so/ /'jig pa'i rtse mo ni bsam gtan gnyis pa la sogs pa bsam gtan gsum yin la/ de'i sa pa'i rlung ni skad cig dang por skyes pa'i rlung de'i rgyu yin par 'gyur ro/ /sa bon dag khyer te 'ong ngo zhes bya ba la/ sa bon ni rigs lnga ste/ rtsa ba'i sa bon dang/ sa bon gyi sa bon dang/ 'gas pa'i sa bon dang/ sdong bu'i sa bon dang/ mdo'i sa bon na/ /de lta yin na yang zhes bya ba ni gal te yang sa bon dag khyer te 'od mod kyi/ de lta na yang dngos po rnams rgyu med pa can du 'byung ba yin no/ /'di ltar de dag sa bon la sogs pa dag las zhes bya ba la sogs pa 'byung ste/ sogs pa zhes bya ba'i sgras ni myu gu dang lo ma la sogs pa bsdu'o/ /rang gi yan lag dag kho na las zhes bya bas na/ myu gu ni rang gi yan lag dag kho na las skye la/ yan lag de dag kyang rang gi yan lag dag kho na las skye ste/ rdul phra rab dag las skye ba'i bar du yang de dang 'dra'o/ /de dag ni cha shas med pa'i phyir gang las kyang mi skye'o/ /gal te myu gu la sogs pa rnams sa bon la sogs pa dag las mi skye na/ da ni gang las de don du gnyer bas de dag nye bar len pa dang/ de yod pa dang med pa ni de rnams yod pa dang med par 'gyur ba myu gu la sogs pa'i nus pa ci zhig yod/ 'dis ni mthong ba dang 'gal ba dang 'jig rten dang 'gal bar bstan to/ /de'i rdul phra rab

  215. 108a

    rnams phrad? pa lam gtogs par cung zad kyang med do/ /zhes bya ba ni myu gu la sogs pa'i rdul phra rab ma mthong bas bskul ba rnams sa bon gyi yul du nye bar 'dug ste/ de dag ni der phan tshun phrad nas 'bras? bu? myu gu la sogs pa rtsom mo/ /myu gu la sogs pa dag la sa bon la sogs pa'i nus pa ni de yin gyi myu gu la sogs pa dag la nus pa ni ma yin te/ des na de don du gnyer ba dag gis de dag nye bar len pas mthong ba dang 'gal ba med do/ /yang ci'i phyir de dag de ltar 'dod ce na zhes bya ba ni rgyu med par sa bon la sogs pa mthong ba'i rgyu yongs su spangs nas ma mthong ba rdul phra rab kyi bdag nyid can brtag par ni rigs pa ma yin no snyam du dgongs so/ /nges pa med par 'gyur ro zhes bya ba la/ gal te rigs mi mthun pa la rigs mi mthun pa skye na ni de lta na thams cad las thams cad skye bar 'gyur na/ de ni de ltar na mthong ba yang ma yin no/ /de'i phyir myu gu dang rigs mthun pa'i yan lag dag kho na las myu gu skye bar rigs te/ sa bon la sogs pa dag las ni ma yin te/ rigs mi mthun pa'i phyir ro/ /nus pa nges pa'i phyir de ltar mi 'gyur te zhes bya ba la/ ji ltar sa bon ni nus pa'i khyad par las myu gu'i rdul phra rab dag spro bar byed kyi/ rdul phra rab gzhan dag ma yin la/ de dag kyang gzhan ma yin pa de bzhin du/ sa bon dang myu gu dang lam la sogs pa rnams so sor nus pa tha dad pas myu gu la sogs pa 'bras bu so sor nges pa skyed par byed pa nyid yin pas nges pa med par thal ba med do/ /gdon mi za bar nus pa tha dad pa khas blang bar bya ste/ de lta ma yin na rdol yang myu gu la sogs pa'i rdul phra rab rnams phrad par khas blang bar bya dgos la/ der phrad pa rnams kyi 'bras bu skye bar yang khas blang bar bya dgos

  216. 108b

    so/ /dpe shin tu brags pa bstan pa'i phyir sgra dang tshes byed las skye ba 'byung ba bzhin no zhes bya ba smos so/ /sgra ni rigs mi mthun pa phrad pa dang bya ba la sogs pa dag las 'byung gi/ dri la sogs pa rigs mi mthun pa gzhan las mi 'byung la/ tshes byed las skyes pa'i gzugs la sogs par bya ba dang 'tshed pa po rdzas rigs mi mthun pa las skye'i sgra dang bde ba la sogs pa mi mthun pa gzhan las kyang mi 'byung ba bzhin no/ /yon tan gyi chos ni sna tshogs yin gyi zhes bya ba ni da ni rigs pa dag las kyang skye ba'i phyir ro/ /de la 'bras bu'i yon tan rgyu'i yon tan sngon du 'gro ba rnams ni rigs mthun pa dag las yin la/ sgra dang chos byed las skyes pa dang bde ba la sogs pa dag ni rigs tha dad pa dag yin no/ /rdzas kyi tshos ni de ltar ma yin te/ de ni rigs mthun pa dag kho na las 'byung ba'i phyir ro/ /yang 'di la rgyu ci zhig yod/ nus pa nges pa'o/ /yon tan rnams ji lta ba bzhin du rdzas rnams la rigs mi mthun pa brtsom pa'i nus pa yod pa ma yin no/ /rdzas rnams la rigs ma mthun pa'i yon tan gyi las rtsom pa'i nus pa yod pa ma yin nam zhe na/ yod pa bden mod kyi rdzas rnams la nus pa des pa ni yon tan gyi las rnams nyid la ma mthong ba'i phyir ro/ /'di ltar rigs mthun pa dag kho na las zhes bya ba la sogs pa 'byung/ /skud pa cig dang ldan na ras yug mi dmigs pa'i phyir te/ zhes bya ba la/ gal te skud pa dag las gzhan pa'i ras yug tu gyur pa gang zhig skud pa so so la 'du'o zhes na/ mig dang phrad pa dag las skud pa bzhin du ras yug kyang 'dzin par thal bar 'gyur ro/ /phrad pa'i khyad par las kyang skud pa bzhin du ras yug dmigs pa ma yin no/ /de'i phyir skud pa la sogs pa rnam pa de dang der gnas pa dag kho na la ras yug la sogs pa'i ming de dang de 'thob?

  217. 109a

    ste/ dper na grog ma la sogs pa rnams kyi bkod pa'i khyad par la phreng ba la sogs par ming 'dogs kyi de dag las tha dad pa'i dngos po la ni ma yin pa bzhin no/ /yang med pas mi dmigs pa 'ba' zhig tu ma zad kyi/ 'o na ci zhe na/ mthong ba'i gegs byas pas kyang yin no snyam na/ de'i phyir de'i tshe ras yug yod na ni zhes bya ba rgyas par smos te/ dmigs pa'i gegs med bzhin du mi 'dzin pa'i khyad par nye bar bzung ngo/ /gang zhig skud pa thams cad la ras yug dang zad par yod pa yin gyi/ re re la ni ma yin no/ /de'i phyir skud pa gcig bzung bas ras yug 'dzin pa ma yin te/ skud pa bzhin de dang phrad pa med pa'i phyir ro/ /snyam na/ de'i phyir zad par yod pa ma yin na ni zhes bya ba rgyas par 'byung ste/ gal te skud pa re re dag la ras yug zad par yod pa ma yin na/ de ltar re re la ras yug gi cha yod do zhes bya bar 'gyur te/ de'i phyir skud pa thams cad la ras yug yod pa ma yin te/ ras yug gi cha rnams ras yug ma yin pa'i phyir ro// 'dus pa tsam ras yug yin par yang 'gyur gyi/ yan lag can gyi rdzas gcig ni ma yin te/ skud pa re re la 'du ba'i mang po dag ras yug nyid du khas blangs pa'i phyir ro/ /skud pa dag las gzhan pa ras yug gi cha yang gang zhig yod ces bya ba ni de dag las tha dad pa'i ras yug gi cha med pa'i phyir te/ rtsom par byed pa'i yan lag ma gtogs pa'i cha khas ma glangs pa'i phyir dang/ rdzas gcig rtsom pa med pa'i phyir dang/ skud pa bzung na de ma bzung ba'i phyir gang zhig skud pa dag la yod pa skud pa dag las gzhan pa'i ras yug gi cha yod pa ma yin no/ /ci ste yang ras yug dang dbang po dang phrad pa la ltos te/ ras yug dmigs pa'i rgyu yin no/ /skud pa gcig dang ldan pa'i tsha

  218. 109b

    na ni rten du ma drang ba med pas dmigs pa'i phyir ras yug skud pa la yod bzhin du mi dmigs pas khyad par ma grub po snyam na/ de'i phyir rten du ma zhig dang ldan pa la ltos na ni zhes bya ba la sogs pa smos te/ kha tshar tsam mthong na tan du ma dang ldan pa yod mos kyi/ ras yug dmigs pa yang ma yin pas/ 'di ras yug dmigs pa'i rgyu ma yin te/ de yod kyang ras yug ma dmigs pa'i phyir ro/ /ci ste yang ras yug dmigs pa na rten ma lus par dmigs pa la bltos pa yin no/ /snyam na/ de'i phyir yang na nam yang dmigs par mi 'gyur te/ zhes bya ba la sogs pa smos so/ /dbus dang pha rol gyi cha rnams dbang po dang ma brel pa'i phyir rten ma lus pa dang phrad pa med pas nam yang ras yug dmigs par mi 'gyur ro/ /gal te yang yan lag thams cad dang cig car phrad pa med med kyi/ rim gyis na yod pas ras yug 'dzin par mi 'gal lo/ /zhe na de'i phyir rim gyis yan lag rnams dang phrad na yang zhes bya ba rgyas par smos te/ mig dang reg pa dag rim gyis phrad na yang yan lag dag kho na dang phrad pa yin gyi/ nam yang yan lag can dang ma yin pas mig dang reg pas gzung bar bya bar mi 'gyur ro/ /gang gi phyir de ltar ci nas kyang mig dang reg pa dag gi yan lag can don gzhan du 'gyur pa 'dzin pa ma yin pa de lta bas na rim gyis yan lag can shes pa'i phyir zhes bya ba rgyas par 'byung ngo/ /gang zhig dngos po phan tshun tha dad pa la bltos te/ rim gyis 'dzin pa de ni de dag las don gzhan ma yin te/ dper na mgal me yul gzhan du bar chad med par myur du skye ba na rim gyis dmigs pas phyis 'khor lo'o/ /snyam du shes par 'gyur la/ de de las don gzhan ma yin pa bzhin no/ /gzugs

  219. 110a

    dang rigs bya ba tha dad pa'i skud pa dag la/ zhes bya ba rgyas par 'byung ste/ gzugs tha dad pa sngon po dang ser po la sogs pa'i gzugs rnams la'o/ /rigs tha dad pa ni srin dang ras bal dang/ du kU la dang/ gau she ya la sogs pa rnams la'o/ /bya ba tha dad pa ni cig car steng dang 'og dang thad kar 'gro ba ste/ skud pa dag la'o/ /ras yug gi gzugs la sogs pa med pa'i phyir zhes bya ba ni de'i tshe ras yug gzugs dang rigs dang bya ba gcig pa yin par mi rigs te/ skud pa rigs dang gzugs dang bya ba du ma dang ldan pa rnams de'i rgyu'i ngo bor khyad par med pa'i phyir ro/ /gzugs la sogs pa sna tshogs pa yin na ni zhes bya ba la/ gal te ras yug la yang rgyu dang 'dra bar gzugs dang rigs dang bya ba sna tshogs par 'dod na ni/ de ltar na rigs mi mthun pa rtsom par yang 'gyur te/ skud pa'i gzugs dang/ rigs dang bya ba rnams re re zhing sna tshogs pa ma yin pa'i phyir ro/ /gang yang skud pa ris mi mthun rnams kyis ras yug rtsom pa nyid ma yin no/ /'o na ci zhe na/ skud pa phrad pa'i gegs tsam nyid yin pas der rigs mi mthun rtsom par thal bar 'gyur ba med do snyam du sems na/ de ni de lta ma yin te/ der yang ras yug gi bya ba mthong ba'i phyir nges par ras yug khas blang bar bya dgos so/ /yang de ltar gnas pa rnams skud pa bzhin du bya ba nas pa nyid na/ de'i tshe phrad pa'i gegs de khyod kyi de ltar gnas pa thams cad du ras yug gi sgras brjod par bya'o zhes ci ste mi 'dod/ gzhan yang res yug gang gi ngos gcig bkral/ gnyis pa mi bkra ba yin na/ des cig shos mi bkra ba der ras yug mi mthong bar 'gyur te/ ci'i phyir zhe na/ gzugs bkra ba ma mthong ba'i phyir ro/ /ras yug gi

  220. 110b

    gzugs ma mthong bar ni ras yug dmigs par mi rigs te/ gzugs ni rdzas dmigs pa'i rgyu yin pa'i phyir ro/ /de skad du chen po ni dmigs pa yin te/ rdzas du ma dang ldan pa'i phyir dang/ gzugs yod pa'i phyir ro zhes smras so/ /khra bo'i ngo bor mthong bar 'gyur ro/ /zhes bya ba ni gal te ngos gnyis par ras yug mthong na ni/ gdon mi za bar ras yug dmigs pa'i rgyu mtshan gzugs mthong ba yang yod par 'gyur ro/ /zhes bya ba dgongs so/ /bya ba yang sna tshogs pa yin pas shin tu sna tshogs pa yin par 'gyur ro/ /zhes bya bas ni rang gi bdag nyid du 'gyur ba'i yan lag can med do/ /zhes ston to/ /dang po dang bar dang tha ma dag tu zhes bya ba la/ dang po dang bar dang tha ma dag tu 'od kyi chab? dang snang ba tha dad pa dag tu mthong ste/ de'i phyir 'od kyi yan lag can gyi tsha ba dang snang ba dag tha mi dad do/ /ci'i phyir zhe na/ gzugs dang reg pa dang po dang bar pa dang/ tha mar rnam par gnas shing/ shas che ba dang/ 'bring dang/ shas chung ba'i dbye bas tha dad pa dag gi cung zad kyang gzugs sam reg pa don gzhan du gyur cig rtsom par mi nus te/ de'i phyir 'od kyi gzugs dang reg pa tha mi dad do/ /rtsom na yang gcig yin pa'i phyir/ dang po dang/ bar dang/ tha ma dag tu gzugs dang reg pa tha mi dad par 'gyur na/ tha mi dad pa ni yod pa yang ma yin te/ de'i phyir 'od kyi rdzas ni yan lag dag las gzhan ma yin no/ /zhes bya bar nges so/ /gal te yan lag dag las yan lag can gyi rdzas gzhan ma yin na/ de lta na rdul phra rab tsam zhig lus par 'gyur la/ de dag kyang nga mngon sum yin pas dmigs pa'i dbang po'i sgo nas 'dzin par mi 'gyur ro zhe na/ de'i phyir 'dus pa dag ni mngon sum nyid yin te zhes bya ba smos te/ gal te yang

  221. 111a

    re re dag dbang po las 'das pa yin mod kyi/ 'dus pa dag ni mngon sum yin pas mig la sogs pa'i sgo nas 'dzin pa med pa ma yin no/ /de nyid gzhung gzugs pa'i phyir dper na de dag gi 'bras bu rtsom pa zhes bya ba smos te/ dper na re re la 'bras bu rtsom pa'i nus pa med kyang/ 'dus pa dag 'bras bu rtsam par nus par 'dod pa de bzhin du 'dir yang yin no/ /mig la sogs pa zhes bya ba ni gzugs dang rna ba dang/ yid la byed pa rnams 'dus pa dag kho na rnam par shes pa skyed pa byed pa yin gyi/ re re ma yin pa de bzhin du rdul phra rab dag kyang yin no/ /skra gram pa'i tshogs dmigs pa lta bu ste/ zhes bya ba la/ gram pa smos pa ni 'du ba can gyi rgyu med pa sa rdzas gzhan du rtog pa dgag par bya pa'i phyir ro/ /rdzas gzhan med kyang rab rib can rnams la ni rdul phra rab ltar skra cig dang po las 'das pa ma yin mod kyi/ 'on kyang phan tshun ma 'dres pa'i skra'i tshogs dmigs pa yin no/ /yan lag dang yan lag can du smra ba bka' ba'i mjug thogs su yon tan dang yon tan can du sma ba dgag pa'i phyir gzugs la sogs pa dag kho na la rdul phra rab kyi ming du 'dogs pa'i phyir zhes bya ba smos so/ /gzugs la sogs pa ni 'jig par grub ste/ de'i phyir de zhig na zhes bya ba rgyas par 'byung ngo/ /rdzas dang yon tan gyi tshig gi don dag ni tha dad pa'i phyir rdul phra rab ni gzugs la sogs pa dag las gzhan nyid yin pas/ gzugs la sogs pa zhig na de 'jig pa ma yin no zhe'o// 'di ltar sus kyang zhes bya ba la/ 'di ltar zhes bya ba ni gang gi phyir gyi don te/ 'di ltar sa ston pa na gzugs sam/ reg? pa 'am/ gzugs kyi dbyibs tsam zhig ston par byed do/ /chu la sogs pa dag la yang de dang 'dra'o/ /sa la

  222. 111b

    sogs pa dag ni mig dang reg pa'i gzung bar bya bar dam 'cha' na mig dang reg pa dag gi yul ni gzugs dang reg pa'i ngo bo las tha dad pa gzhan med do/ /bal dang ras bal dang zhes bya ba rgyas par 'byung ste/ rdzas smra ba rnams kyi ltar na me dang 'brel pas gzugs la sogs pa tsam zhig ldog gi/ bal sogs pa'i rdzas ni ma yin pas gal te gzugs la sogs pa dag las rdzas gzhan tshig pa dag la bal la sogs pa'i blor ci'i phyir mi 'gyur de'i phyir gzugs la sogs pa dag kho na la de'i blor mi 'gyur ro/ /gal te gzugs la sogs pa dag las rdzas gzhan med na tshos byed las skyes pa byung ba la sngar gyi gzugs la/ sogs pa bzhi pa dang/ bum par yongs su shes par ji ltar 'gyur zhe na/ de'i phyir tshos byed las skye 'byung ba la zhes bya ba rgyas par smos so/ /dbyibs 'dra ba'i phyir zhes bya ba ni sngar gyi gzugs dang rnam pa mtshungs pa'i phyir zhes bya ba'i don to/ /'di ltar gzugs la sogs pa'i dbyibs kyi khyad par la bum par shes kyi/ gzugs la sogs pa rtsam la ni ma yin no/ /dper na plak+Sha la sogs pa'i dbyibs kyi khyad par tshar du shes kyi plak+Sha la sogs pa tsam la ma yin zhing/ sngar gyi plak+Sha la sogs pa bcad pa slar skyes pa dag la yang ma yin la/ gzhan nyid yin yang grog ma rnams la dbyibs 'dra ba'i phyir phreng bar yongs su shes pa de bzhin du sngar gyi gzugs la sogs pa dag log kyang tshos byed las skye ba 'byung la/ dbyibs 'dra ba'i phyir bum par shes par mi 'gal lo/ /yang 'di ji ltar shes na/ ma mthong bar yongs su mi shes pa'i phyir ro/ /zhes bya ba 'byung ste/ gang gi phyir gyo ral dang mthong man la sogs pa'i rtogs ma mthong bar bum pa la sogs par yongs su shes par

  223. 112a

    mi 'gyur ba de'i phyir/ de yi skyon dang chos mthun phyir/ zhes bya ba ni me la sogs pa rnams ni bsam gtan dang po la sogs pa'i skyon dang chos mtshungs pa'i phyir ro zhes bya ba'i don to/ /de yang shin tu sbyangs pa dang ldan pas zhes bya ba la/ de yang zhes bya ba ni dga' ba dang sbyar ro/ /shin tu sbyangs pa dang ldan pa ni shin tu sbyangs pa dang ldan pa'o/ /dga' ba ni shin tu sbyangs pa dang ldan par byed de/ yid dga' ba'i lus shin tu sbyangs par 'gyur ro/ /zhes 'byung ba'i phyir ro/ /lus mnyen par byed ces bya ba ni las su rung bar byed pa'o/ /de nyid kyi phyir zhes bya ba ni lus mnyen par byed pa'i phyir zhes bya ba'i tha tshig go/ bzhi pa na med mi g.yo phyir zhes bya ba ni mi 'gul zhes bya ba'i don to/ /nang gi skyon dang bral ba'i phyir zhes bya ba la/ rtog dang dpyod dang dbugs dag dang/ bde ba la sogs bzhi yin no zhes rtog pa dang dpyod pa la sogs pa rnams skyon du 'chad par 'gyur ro/ /de dag gis gzugs med pa dag tu 'jug par mi nus la/ zhes bya ba ni gnas gtsang ma rnams lhag mthong spyod pa yin pa'i phyir la/ de dag ni zhi gnas lhag pa yin pa'i phyir ro/ /gzhan du yang 'gro bar mi nus te/ zhes bya ba ni sa 'og mar te/ phyir mi 'ong ba rnams khyad par du 'grel pa yin pa'i phyir ro/ /ci'i phyir dus yun ring mo zhig na chus 'jig de bas kyang ches ring ba na rlung gis 'jig ce na/ de'i phyir sems can de dag gi snyoms par 'jug pa'i khyad par las zhes bya ba rgyas par smos te/ snyoms par 'jug pa'i khyad par ni bsam gtan gnyis pa dang gsum pa'i khyad par ro/ /lus gnas pa'i khyad par zhes bya ba ni gson pa'i rgyun gyi khyad par te/ dus de tsam gyis de dag gi tshe zad par 'gyur ro/ /'jig pa de dag ni drug cu rtsa bzhir 'gyur ro/ /'jig pa re re yang bskal pa chen po yin no//

  224. 112b

    de nyid kyi phyir de ltar bshad na/ btags pa'i bshad pa zhes bya ba rgyas par smos so/ /slob dpon blo gros brtan pas nye bar bkod pa chos mngon pa'i bshad pa rgya cher 'grel pa don gyi de nyid ces bya ba las/ 'jig rten bstan pa zhes bya ba ste/ mdzod kyi gnas gsum pa'o// //sgrol ma la phyag 'tshal lo/ /gang zhig sdig pa can gyi skye bo slu bar byed pa rnams ni nang dang phyi rol gyi dngos po sna tshogs pa 'di dag shing thogs dang rngo dang tsher ma'i rno ba la sogs pa ltar rgyu med pa nyid dam mthong ba'i rgyu can nam ma mthong ba'i rgyu can yin na yang blo sngon du btang ba yin no snyam ste/ de'i phyir yang sems can dang snod kyi 'jig rten zhes bya ba rgyas par dris so/ /rgyu sna tshogs pa'i phyir shing tog dang rdo ba la sogs pa rnams ni sna tshogs pa nyid do/ /rgyu med pa ni ma yin te shing gcig las skyes pa'i shing thog rnams la yang rgyu dang rkyen sna tshogs pa yod pa nyid de/ me tog la sogs pa tha dad pa'i phyir ro/ /shing tog dang rdo ba la sogs pa sna tshogs pa rgyu med pa nyid yin na ni/ thams cad rgyu med pa nyid du 'gyur ro/ /de'i rgyu khu chu dang khrag la sogs pa mthong ba kho na yang ma yin te/ khu chu dang khrag la sogs pa khyad par med bzhin du yang? por tshod dang gzugs dang dbang po tshang ba dang ma tshang pa mthong ba'i phyir ro/ /bya ba dag la mnyam por 'jug pa na kha cig gis bya ba'i 'bras bu thob la/ kha cig ni ngal ba 'ba' zhig tu 'gyur na de ni ma mthong ba'i rgyu med par mi rung ngo/ /'ga' zhig gis blo sngon du btang nas byas pa yang ma yin te de ni bkag pa'i phyir ro/ /de la sems can gyi 'jig rten sna tshogs ni khams dang 'gro ba dang skye gnas dang tshad dang tshe la sogs pa'i bye brag gis bshad do/ /snod kyi 'jig rten gyi sna tshogs pa ni gzhal med khang dang/ gling dang ri dang rlung gi dkyil 'khor la sogs pa'i bye brag gis bshad do//

  225. 113a

    sus kyang blo sngon du btang ste byas pa ni med do zhes bya ba ni sprul pa pos sprul pa ltar ro/ /gal te rgyu med pa 'am mthong ba'i rgyu can nam/ blo sngon du btang ste ma yin na de'i phyir 'o na ci lta bu zhe na/ sems can rnams kyi las las 'jig rten sna tshogs skyes zhes bya ba smos te/ gang ci rigs par 'bras bu bzhi'i sgo nas las kyi 'bras bu ma yin pa'i dngos po gzhan gyi skye ba de ni 'ga' yang yod pa ma yin no/ /'di ga las she na/ las rnams kyi 'bras bu ma yin pa'i dngos po gzhan gyi skye ba de ni 'ga' yang yod pa ma yin no/ /'di ga las she na/ las rnams kyi nus pa mthong ba'i phyir ro/ /'bras bu yid du 'ong ba dang yid du mi 'ong ba bskyed pa la las rnams kyi nus pa mngon sum nyid du snang ste/ dper na zhing pa'i 'bad pa las zhing rmo ba la sogs pa'i 'bras bu 'byung ba dang/ gzhan gyi chung ma la 'gro ba las 'bras bu mi 'dod pa la sogs pa 'byung ngo/ /kha cig ni 'bad pa med par mngal nas 'thon pa bkrus pa man chad du bde bar mthong la/ kha cig ni sdug par mthong ngo/ /'dir 'bras bu yid du 'ong ba dang mi 'ong ba thob pa ni las sngon du 'gro ba can yin pas bde ba dang sdug bsngal thob pa de yang sngon du 'gro bar 'gyur ro/ /gang dag rma lta bur gyur pa'i lus dag dang/ de'i yul du gyur pa'i longs spyod dga' dga' lta bu dag a' byung ba las de dag ni de lta bu'i rang bzhin can dag yin no/ /yang las de dag gang gi yin zhe na/ de'i phyir sems can 'dren mar byed pa rnams kyi zhes bya ba smos te/ dge ba dang mi dge ba byed pa rnams kyis zhes bya ba'i tha tshig go /de ltar na las gnyi ga na 'bras bu dang bcas par 'gyur gyi gzhan du ni ma yin te/ 'di ltar lus dga' dga' lta bu dag gis yul dga' dga' lta bu ma yin pa

  226. 113b

    longs spyod pa ni mi nus so/ /de la rag las te 'jug pa'i rgyu med pa'i phyir dang/ de las gzhan pa'i khyad bar med pa'i yang phyir ro/ /de'i phyir las de lta bu dag kho nas zhes bya ba 'di rigs te skyed par byed pa yin pas so/ /gzhan dag na de thun mong ba'i las kyi 'bras bu yin pa'i phyir zhes zer ro/ /sems can thams cad kyi dge ba'i las kyi dbang gis ni pad+ma dang u tu lu la sogs pa skye la/ mi dge ba'i las kyi dbang gis ni du gdang tsher ma la sogs pa skye'o/ /so sor des pa'i sems can gyi las kyi 'bras bu dag ni sems can gyi lus rnams yin la/ de dag kyang sems pa 'dren mas skyed par byed do/ /de dag la yod pa'i ni ma yin te pad+ma dang u tu la la sogs pa ni thun mong ba'o/ /'di ltar sems pa des gang gis phyir la? 'dren mar byed pa ma yin pa rnams kyi lus dang longs spyod dga' dga' lta bu dag skyes de ni sems pa dang des byas zhes bya bas ni las thams cad mdor bsdus te bstan pa'o/ /sems pa dang zhes bya ba na/ 'di ni 'di lta bu zhig tu bya'o snyam du'o/ /mdo las bsams bar bshad pa gang yin pa de ni 'dir bstan bcos las sems par byas pa zhes bshad de/ sems pas kun nas bslang ba zhes bya ba'i don to/ /gsum zhes bya ba ni sems pas byas pa'i las la rnam pa gnyis su phye ba'i phyir ro/ /thams cad lus la brten pa'i phyir zhes bya ba ni lus la rag las te 'jug pa'i phyir te/ de ltar na lus la brten pa'i lus kyi las yin pas ngag dang yid kyi las kyang lus kyi las nyid du thal bar 'gyur ro/ /ngag gi las gcig pur 'gyur ba ni ngag gi rang bzhin gyi las so zhes rnam par gzhag pa'i phyir ro/ /lus dang yid kyi las gnyis ni de ltar las dang yid kyi rang bzhin ma yin pas de gnyis las nyid du mi 'gyur/ /gal te kun nas slong ba las yin na ni zhes bya ba la/ yid kyi las

  227. 114a

    de bzhin du lus dang ngag gis las gnyis kyang yid kyis rab tu bcug pa'i phyir yid yin pa nyid pas yid kyi las gcig pur 'gyur ro/ /rgyu gsum gyis go rim bzhin du zhes bya ba la/ lus kyi las yin te/ de ni yid kyi kun nas bslangs pa nyid yin yang lus la brten pa'i phyir ro/ /ngag gi las ni ngo bo nyid las yin te/ de ni ngag gis rang bzhin yin pa'i phyir ro/ /yid kyi las ni kun nas slong ba las yin te/ de ni yid kyi kun nas bslang pa'i phyir dang/ de la brten pa'i phyir ro/ /de ltar na gsum char la yang phan tshun khyad par bstan par 'gyur ro/ /sems pa yid kyi las yin no/ /zhes yid kyi las kyi ngo bo bshad kyi/ lus dang ngag gi las ngag gi ni ma yin pas/ de'i phyir de dag rnam rig rnam rig min zhes bya ba smos so/ /de skad du mdo las lus kyi las gang zhe na/ lus kyi rnam par rig byed dang/ rnam par rig byed ma yin pa'o/ /ngag gi las gang zhe na/ ngag gi rnam par rig byed dang/ rnam par rig byed ma yin pa'o/ /zhes gsungs so/ /ni'i sgra ni de dag kho na rnam par rig byed dang/ rnam par rig byed ma yin pa dag yin gyi/ yid kyi las ni ma yin ni zhes nges par gzung ba'i don du'o/ /yang ci'i phyir yid kyi las kyang rnam par rig byed dang rnam par rig byed ma yin pa'i bdag nyid du mi 'dod ce na/ de'i mtshan nyid can ma yin pa'i phyir ro/ /rang kun nas slong par byed pa'i sems rig par byed pas na rnam par rig byed ces na/ sems la ni mtshan nyid de yod pa ma yin pas sems pas rnam par rig byed ma yin no/ /rnam par rig byed ma yin pa de ni skyed par byed pa'i 'byung ba logs na 'byung ba gzhan la bstan nas 'jug na dge ba'i sems ni de ltar kun nas slong bar byed pa'i sems logs na nyon mongs pa can dang /

  228. 114b

    lung du ma bstan ba'i sems la brten nas 'jug par mi bzod do/ /de'i phyir sems pa ni rnam par rig byed ma yin par yang mi rigs so/ /rnam par smin pa'i rlung gi dbang gis kyang lus kyi dbyibs de dang de ltar 'gyur bas/ sems kyi dbang gis zhes bya ba rgyus par smos so/ /gzhan dag na re lus la yod pa sems las skyes pa'i 'byung ba chen po'i 'bras bu dbyibs kyi khyad par ni lus kyi rnam par rig byed ces bya'o zhes zer ro yang ci'i phyir kha dog dang 'byung ba dag rnam par rig byed ma yin zhe na/ de dag ni gcig tu lung du ma bstan pa yin pa'i phyir ro/ /gzhan dag na re 'gro ba yin zhes bya ba ni lus kyi rnam par rig byed do/ /lus kyi las ni lus kyi bya ba yin la/ de ni lus g.yo ba yin pas/ mgul ba'i lus kho na la rigs kyi/ mi g.yo ba la ni ma yin pas lus kyi rnam par rigs byed 'gro ba kho na yin gyis dbyibs ni ma yin no/ /de dag kyang yan lag gang gis rnam par rig par byed pa'i kha dog dang dbyibs de'i bdag nyid ni rnam par rig byed du 'dod pa ma yin nam zhe na/ 'dod pa bden te/ de ni lus kyi yul gzhan thob pa'i rgyu yin pa'i phyir 'gro ba zhes brjod pa yin no/ /skad cig ma'i sgra don du ma'i rjod par byed pa yin pa'i phyir 'di ba na/ skad cig pa zhes bya ba 'di ci zhes bya ba ste/ 'di ltar skad cig gi sgra ni stong pa la yang 'jug pa ni snod skad cig pa zhes bya ba ste/ stong ngo zhes bya bar rtogs so/ /bya ba med pa la ni lhas byin skad cig ma zhes bya ba ste/ bya ba dang bral zhes bya bar rtogs so/ /yul la sogs pa dang bral ba la yang 'di skad cig ma gcig nyid ces bya ste/ gang zag tshangs par spyod par gnas pa ni dus gcig ces bya'o/ /dus kyi mdza' pa ni skad cig tsam byas zhes bya'o/ /bdag nyid du red ma thag tu 'jig pa zhes bya ba la/ 'di la bar chad med pas na red ma thag go /red ma

  229. 115a

    thag pa yang yin la 'jig pa yang yin pas na red ma thag tu 'jig ste/ de 'di la yod pas na red ma thag tu 'jig pa'o/ /skyes pa'i 'og tu mi gnas zhes bya ba'i don to/ /dus gzhan du gnas par smra ba'i ltar na bdag nyid du red pa'i 'og rol tu 'jig pa yod pas khyad par du bya ba'i phyir red ma thag tu zhes bya ba smos so/ /skad cig ma'i sgras brjod par bya ba de lta bu'i rigs can bdag nyid du red pa de 'di la yod pas na 'dus byas ni skad cig ma'o/ /gzhan nyid ma yin na brjod pa med do zhe na/ mthong ba'i phyir ma yin te/ dper na mchi gu'i lus bzhin no/ /slob dpon 'dus bzang na re/ dus thams cad kyi nang na thung ba ni snga phyi dbye bar mi nus pas 'du byed thams cad kyi thung ba'i gnas skabs de nyid 'du byed rnams kyi da ltar ba'i skad cig ces bya ba'o/ /de 'di la yod pas yongs su 'jal bas skad cig ma ste/ nye ba'i khyi'u bzhin no/ /de ltar bdag nyid thob pa nyid skad cig tu bshad de/ 'das pa dang ma 'ongs pa cung zad kyang med do// thams cad las chung? ba'i dbyibs kyi gnas skabs zhes bya ba'i khyad par de nyid mi rigs par bshad do/ /yang na skad cig mar byed pas skad cig ma ste/ med ces bya ba'i tha tshig go /de yang dngos po rnams kyi 'jig pa'i rgyu mi rtag pa zhes bya ba'i chos so/ /de 'di la yod pas lhan cig spyod pas skad cig ma'o/ /'jig pa las gzhan pa'i mi rtag pa de'i rgyu la shin tu rnam par dpyad do/ /gal te zhes bya ba rgyas par 'byung ngo/ /'dus byas thams cad ni skad cig mar khas mi len gyi/ 'o na ci zhe na/ sems dang sems las byung ba rnams dang/ gzugs 'ga' zhig dang ldan pa ma yin pa kha cig skad cig ma yin gyi/ lus kyang skad cig ma ma yin pas de bdag nyid du red pa'i 'og tu med pa ma yin te/ de'i phyir lus ni lus

  230. 115b

    gzhan du 'pho bar mi 'gal lo snyam du bsams pa'o/ /'dus byas ni gdon mi za bar 'jig pa'i phyir ro/ /zhes bya ba ni/ skye ba dang ldan pa ni 'jig pa la mi 'khrul pa'i phyir ro/ /snyam du dgongs so/ /gal te yang 'dus byas gdon mi za bar 'jig med kyi/ skyes ma thag tu ni ma yin no/ /zhes smra'o/ /'jig ba 'dod na ni gdon mi za bar skyes ma thag tu khas blang bar bya'o/ /ci'i phyir zhe na/ gang gi phyir dngos po 'jig pa ni rgyu med pa yin no/ /rgyu dang bcas pa nyid yin na ni rgyu la rag las pa'i phyir skyes ma thag tu mi 'gyur ba zhig na/ de ni rgyu med pa yang yin no/ /gal te skyes ma thag tu mi 'dod na ni phyis kyang mi 'gyur bas 'dus byas 'jig pa med par gyur na/ de ni de ltar yang ma yin te/ de'i phyir 'dus byas ni skyes ma thag tu 'jig pa nyid do zhes khas blang bar bya'o/ /'jig pa rgyu med pa nyid la rgyu 'dri ba ni ci'i phyir zhes bya ba yin la/ bya ba ma yin pa nyid ni rgyu med pa nyid kyi gtan tshigs su smos so/ /bya ba ma yin pa nyid ni brjod du med pa nyid kyi phyir yin la brjod du med pa nyid ni dngos po med pa yin te/ rang gi? ngo bo logs pa tsam yin pa'i phyir ro/ /yi ge rnams ni go bla ba'i phyir ma bshad do/ /gang yang 'jig pa smos pa nyid 'jig pa'i rgyu gzhan ma yin pas de'i yang lan 'di nyid do/ /gal te dngos po skyes pa tsam ma yin na zhes bya ba rgyas par 'byung ngo/ /de nyid bzhin du 'gyur bar ni rigs pa ma yin te/ zhes bya ba ni/ rang bzhin las mi nyams pa'i phyir te/ de nyid kyi phyir de nyid de dang mtshan nyid mi mthun par ni mi rung ngo zhes bya ba smos so/ /mtshan nyid mi mthun pa nyid ni gzhan nyid med na mi 'byung ba yin pa'i phyir ro/ /shing la sogs pa dag la zhes bya ba la sogs pa zhes bya ba'i sgras ni gzugs la sogs pa rnams bsdu'o/ /'jig pa mig la sogs pa'i

  231. 116a

    yul ma yin pa'i phyir 'dri ba ni/ re zhig khyod shing la sogs pa dag ces bya ba rgyas par 'byung ba'o/ /de yod na de dag mi snang ba'i phyir ro zhes bya ba la/ gal te me dang 'brel pa las shing la sogs pa dag 'jig pa ma yin na ni snga ma bzhin du mthong bar 'gyur na/ mthong ba yang ma yin te/ de'i phyir de dag me dang 'brel pa las 'jig go zhes bya bar nges so/ /des pa'i phyir 'jig par mthong ngo zhes bshad kyi/ mngon sum gyis ni ma yin no snyam du dgongs pa'o/ /re zhig 'di dpyad par bya ste/ zhes bya ba rgyas par 'byung ste/ dpyad par bya ba yin pa'i phyir 'di ni mthong ba ma yin no snyam du dgongs so/ /gzhan dag ma skyes pas zhes bya ba ni me dang 'brel pa de dag skye ba ni 'gal ba'i phyir ro/ /dper na rlung dang phrad pa las zhes bya ba rgyas par 'byung ste/ 'di ni pha rol po la yang grub pa yin no/ sgra dang mar me skad cig ma yin pas dang nyid zhig cing rlung dang lag pa dang phrad pas gegs byed pa dag yang ma skyes pas mthong ba yin gyi /rlung lag pa dang phrad pa sgra dang mar me zhig pas ma mthong ba ni ma yin no/ /de ltar na re zhig mthong ba 'jug pa yang de dag gnas pa'i phyir ma yin te/ 'o na ci zhe na/ sngar skyes pa zhig na gzhan dag skyes pa'i phyir ro/ /shing la sogs pa dag gi mthong ba dang ma mthong ba yang de dang 'dra bar khong du chud par bya'o/ /de lta bas na 'jig pa rgyu dang bcas pa bas/ rgyu med pa zhes bya ba'i don 'di ni rjes su dpag pas bsgrub par bya ba yin gyi/ med na sum gyi sgrub par bya ba ni ma yin no/ /bshad zin to zhes bya ba la/ ci bshad ces na/ rgyu med pa ma yin te bya ba ma yin pa'i phyir gtan med pa bzhin no zhes bya ba'o/ /skye ba bzhin du zhes bya ba la/ skye ba ni bdag nyid du red pa yin la de ni 'du byed skad cig ma 'am/ skad cig ma ma yin pa

  232. 116b

    dag la rgyu dang bcas pa nyid du 'dod pa de bzhin du thams cad kyi 'jig pa yang rgyu dang bcas pa nyid du 'gyur na/ 'dod pa yang ma yin te/ 'jig pa'i rgyu'i dus ma nges pa'i phyir blo dang sgra dang me lce skad cig ma rnams kyi 'jig pa'i dus ma nges par grub? bar 'gyur ba'i phyir ro/ /de'i phyir blo la sogs pa dag ltar/ thams cad rgyu med pa nyid du khas blang bar bya'o/ /blo gnyis phrad pa med pa'i phyir ro zhes bya ba la/ blo snga ma'i dus nas blo phyi ma yod pa ni ma yin pas ji ltar yod pa ma yin pa sngar gyi blo'i 'jig pa'i rgyur 'gyur/ blo phyi ma'i dus na yang blo snga ma zhig pas ji ltar zhig zin pa 'jig pa'i rgyur 'gyur/ ci ste yang blo phyi ma'i dus na blo snga ma gnas so/ /snyam na/ de'i phyir the tshom dang nges pa'i shes pa dag ces bya ba smos te/ sgral yang de bzhin du brjod par bya'o/ /gang gi tshe blo dang sgra gsal ba dag gi mjug thogs su zhes bya ba la sogs pa 'byung ngo/ /gang yang gnas pa rgyu mar pa zhes bya ba rgyas par 'byung ste/ slob dpon dpal len ni skyes pa rnams la gnas pa'i rgyu med pas de'i phyir de nyid 'jig pa'i rgyu yin no snyam du sems so/ /de'i lan du rgyu med pa ni rgyu yin par 'os pa ma yin te zhes bya ba te/ dngos po med pa'i phyir ro/ /de'i phyir 'di ni 'jig pa'i rgyu ma yin no/ /chos dang chos ma yin pa'i dbang gis zhes bya ba 'byung ste/ de la chos ni phan 'dogs pa ma ltos te/ mar me'i me lce dag skye ba'i rgyu yin la/ chos ma yin pa ni gnod pa byed pa la te 'jig pa'i rgyu yin no/ /skye ba dang 'jig pa'i rgyu chos dang chos ma yin pa dag kyang skad cig la 'jug pa thob pa dang gegs byed par 'os pa ma yin no zhes bya ba la/ skyes bu la phan gdags par bya ba'i phyir chos ma yin pa la gegs byas nas chos kyis 'jug pa thob pa yin dang/ /sgron ma'i me lce dag skye bar

  233. 117a

    'gyur la/ skyes bu la gnod par bya ba'i phyir chos la gegs byas nas chos ma yin pas 'jug pa thob pa yin yang 'jug par 'gyur te/ de bzhin du chos ma yin pa la yang bzlog pa'i sgo nas brjod par bya'o/ /skye ba dang 'jig pa de gnyis kyang skad cig re re la yin zhing/ stobs dang ldan pas stobs chung ba la gegs byed pa yang yin la/ chos dang chos ma yin pa dag gi stobs dang ldan pa dang stobs chung ba'i rgyu ni skad cig re re la yod pa ma yin no/ /de la stobs chung ba'i phyir chos kyis ma yin pa la gegs byed na/ yang skad cig de nyid la chos ma yin pa stobs dang ldan pa nyid dam/ gang las slar chos ma yin pas chos la gegs byed par 'gyur bas/ chos stobs chung ba nyid dug la 'gyur/ de'i phyir 'di ni yongs su brtag par yang 'grig dka' o/ /rgyu yongs su brtag pa chos dang chos ma yin pa 'jug pa thob pa dang gegs byed pa'i mtshan nyid can 'di yang 'dus byas thams cad la nus te/ de'i phyir 'dus byas thams cad skad cig ma yin no zhes bya bar grub ste/ chos dang chos ma yin pa la ma gtogs pa'i 'jig par rgyu la mi ltos pa'i phyir ro/ /de'i phyir brtsad mi dgos so/ /rgyu yang 'jig pa por 'gyur ro zhes bya ba la/ tshos par bya ba dang tshos par byed pa'i rdzas phrad pa las snga ma snga ma 'gags kyang rim gyis tshos byed las skyes pa phyi ma phyi ma rnams la tshos pa dang ches tshos pa dang/ ches cher tshos pa 'byung ba mthong ste/ de la ches thos pa 'byung ba na me dang 'brel pa las tshos pa dag 'jig par 'dod na/ de lta na rgyu nyid 'jig pa por 'gyur na/ gang kho na las tshos byed las skyes pa rnams 'byung ba nyid las 'jig go /zhes bya ba 'di ni rigs pa yang ma yin te/ dus tha

  234. 117b

    dad pa dag rgyu gcig tu mi 'grub pa'i phyir ro/ /gang zhig me ni skad cig pa yin pa'i phyir skyed par byed pa ni gzhan yin la/ 'jig par byed pa ni gzhan yin no snyam du sems pa de la/ yang na rgyu med bye brag med par 'gyur ro zhes bya ba smos te/ 'bras bu 'dra ba gzhan gyi rgyur gyur pa'i phyir rgyu 'dra ba'o/ /'jig rten na rgyu 'dra ba rnams ni 'bras bu yang 'dra bar mthong ngo/ /gal te des sngar skyed pa mi 'jig na/ de'i phyi ma rnams rgyu med par skye bar thal bar 'gyur ro/ /ci ste skad cig ma'i phyir dang de'i gnas skabs mi srid pa'i phyir de ma thag tu skye bar sems na/ gzugs la sogs pa ma gtogs pa'i sa'i rdzas srid pa'i phyir de ni mi rigs so/ /re zhig me lce gzhan dag la zhes rgyas par 'byung ste/ me lce rnams skad cig ma yin pa'i phyir ro snyam du dgongs pa'o/ /thal ba dang zhes rgyas par 'byung ba la/ gang gi phyir thal ba la sogs pa nye bar bkod pa de rnams skad cig ma ma yin no/ /yang na khyed dang rtsod pa na skad cig ma nyid du khas blangs te brtag par bya la dag na zhes bya ste/ brtag pa gang gis na skyed par byed pa nyid 'jig par byed par mi 'gyur ba'o/ /der me dang 'brel pa ci zhig byed ce na/ zhes bya ba ni/ gal te chu dag me dang 'brel pa mi 'jig na/ gang las bskol ba na zad par 'gyur pa me dang 'brel pa dag ci zhig byed na ni/ de dang tha mi dad par 'jug pa'i me'i khams mthu'i sgo nas 'phel bar byed do/ /de'i mthus na zhes bya ba rgyas par 'byung ste/ me'i khams mthu'i sgo nas shas che ba chu dag gi skad cig ma dang por rang gi ngo bos skad cig gzhan nyam chung ba'i rgyur 'gyur la/ de yang de bzhin du yin pa nas/ shin tu nyam chung ba'i bar du gyur pas skad cig gzhan dang 'brel bar mi byed de/ de shin tu nyam chung ba'i phyir ro/ /de ltar chu

  235. 118a

    dag gi rgyun 'chad par 'gyur gyi/ me dang 'brel ba dag gis 'jig pa ni ma yin no/ /rang nyid 'jig pa'i ngang can yin pa'i phyir zhes bya ba ni/ 'jig pa'i ngang tshul can yin pa'i phyir zhes bya ba'i don to/ /ji ltar zhe na/ 'byung ba tsam gyi 'jig pa'i phyir zhes smos so/ /de nyid kyi phyir yul gzhan du zhes bya ba la sogs pa dang/ rtswa'i me bzhin zhes rgyas par smos te/ ji ltar rtswa'i me skad cig ma nyid yin yang rtswa'i yul du 'dab chags par 'byung bas me 'gro'o zhes bsnyad pa de bzhin du gzhan la yang yul gzhan dag tu 'dab chags par 'byung ba la mngon pa'i nga rgyal byed do/ /mdo sde ba rnams na re dbyibs ni rdzas su med de/ de bcom na de'i blo med pa'i phyir bum pa la sogs pa bzhin no zhe'o/ /gal te rdzas su med na der gdags pa'i rgyu ni gang zhig yin la/ der brtags pa'i bye brag kyang gang zhig yin zhe na/ de'i phyir phyogs gcig gi sgor zhes bya ba rgyas par smos so/ /'di skad bstan par 'gyur te/ gdags pa'i rgyu ni kha dog yin la/ der btags pa'i bye brag ni kha dog 'byung ba'i bye brag las so/ /'di nyid la dpe ni/ dper na mgal me zhes bya ba ste/ ji ltar mgal me'i gzugs ni ring po dang zlum po zhes bya ba'i dngos po gzhan med kyang skye ba'i bye brag las ring po dang zlum por btags pa'i bye brag gi rgyu yin pa de bzhin du gzhan du yang yin no/ /mgal me'i dpe yang mi nus so zhes slob dpon 'dus bzang zer ro/ /gtso bo ni btags par yod pa yin la/ mgal me'i ring po la sogs pa yod pa ma yin pa bzhin gtso bo'i dbyibs so/ /de'i phyir mgal ma bzhin kha dog dang dbyibs dag btags pa dag tu rigs pa ma yin no/ /de lta na 'o na ji ltar gnas pa'i gzugs la sogs pa

  236. 118b

    la bum pa dang snam bu la sogs par btags pa rigs zhe na/ bum pa dang snam bu la sogs pa rnams la gtso bo'i bdag tu btags pa med pa'i phyir dang/ phung po bzhi rnams la gtso bo'i bdag med pa'i phyir ro/ /zhen pa'i khyad par las kha dog nyid la dbyibs su btags pa ni ma yin zhes 'dus bzang zer ro/ /dbang po'i gzung bya mtshungs pa rnams la yang zhen pa'i khyad par las don gyi khyad par mthong ste/ grang ba dang sra ba bzhin no/ /der zhen pa'i khyad par yod pas kyang ring po'o dkar po'o snyam pa des kyang don gzhan du mi 'gyur ro/ /de'i phyir 'dus pa'i mthar thug pa'i rnams la yongs su gcod pa'i bye brag gi rgyu gyur pa dbyibs kyi rdul phra rab rnams kyang der skyes so zhes a ba sI ya tam/ gal te gang du 'dus pa de dag mi 'thad na/ der kha dog skye ba la yang dbyibs med do/ /dper na mar me la sogs pa skye ba la yongs su ma bcad par kha dog dang dbyibs su mi 'gyur te/ tha mi dad pa'i phyir ro/ /me'i khams dang dro ba bzhin no/ /gal te yod na ni gnyis gzung 'gyur zhes bya ba ni dbang po gzugs can gnyis te/ mig dang reg pas kyang ring po la sogs par shes pa'i phyir ro/ /gzugs kyi skye mched la ni zhes bya ba rgyas par 'byung ste/ mig la sogs pa'i dbang po'i dbang gi gzugs la sogs pa'i skye mched tha dad pa yin la/ dbyibs kyang gzugs kyi skye mched kyi khongs su gtogs pa yin te/ de'i phyir de ni re shig reg pas 'dzin par mi 'thad do/ /gal te kha dog kho na skye ba'i khyad par la ring po la sogs pa'i blo yin na/ mdo sde pa'i 'di skyon du ci ltar mi 'gyur zhe na/ gang gi tshe lus kyi dbang pos mun pa la ring po'o snyam du 'dzin par mi 'gyur ba de'i tshe ring po la sogs pa'i shes pa ni de las de nyid kyi phyir zhes bya ste/ dbang po rnams dang skye mched rang gi mtshan nyid kyi yul yin pa'i phyir ro/ /reg

  237. 119a

    'ga' bye brag tu smra ba ring po la sogs pa'i dbyibs lus kyis dbang pos 'dzin pa ni ma yin te/ 'o na ci zhe na/ reg pa'i yan lag de ltar gnas pa lus kyi dbang po'i dmigs pa dag la phyis ring po la sogs par shes pas mig dang reg pa nyid kyi ring po la sogs par 'dzin par thal bar mi 'gyur ro zhes smra bas/ de'i phyir yang ji ltar reg bya ba la zhes bya ba la rgyas par smros so/ /ji ltar reg bya de nyid da ltar gnas pa yan lag re re nas gzung ba na phyis nas ring po la sogs par shes par 'gyur gyi/ reg bya las don gzhan du gyur pa ring po la sogs par gzung ba ni ma yin pa de bzhin du/ kha dog dag kho na rnam pa der gnas pa yan lag re re nas gzung ba na phyir ring po la sogs par shes kyi/ kha dog las don gzhan du gyur pa ring po la sogs pa gzung ba ni ma yin no zhes yid ches par bya'o/ /chos mngon pa bas kha dog dang reg bya las tha dad pa'i dbyibs brjod par 'dod pas slar smras pa ni de la ni reg bya dang lhan cig spyod pa zhes bya ba rgyas par 'byung ba'o/ /'di dran pa'i sgra ni rjes su dpag pa la brjod kyi/ ji ltar mig gi kha dog bzhin reg pas dngos su 'dzin pa ni ma yin te skye mched mtshungs pa ma yin pa'i phyir ro/ /snyam du bsam pa'o/ /dper na mi'i gzugs zhes bya ba rgyas par 'byung ste/ ji ltar dbang po gzhan gyi gzung bar bya ba mi 'khrul pa las dbang po gzhan gyis gzung ba bya ba rjes su dpag pa yin pa de bzhin du 'dir yang ston to/ /de la reg bya ni cung zad kyang zhes 'jam pa la sogs pa'o/ /dbyibs gang la yang zhes bya ba ring po la sogs pa la nges la mi 'khrul pa'o/ /de nyid smras pa de lta mod kyi reg bya las dbyibs nges pa reg bya 'dus pa la yang nges pa yod de/ phyogs gcig gi sgor reg bya phal cher byung ba la ring po nyid kyi dbyibs nges? pa

  238. 119b

    dang/ khor yug tu byung ba la zlum po zhes bya ba dang de bzhin du gzhan la yang sbyar ro/ /de nyid kyi phyir dbyibs med par kha dog rjes su dran pa ni kha dog gi reg pa 'dus pa las nges pa'i phyir ro/ /reg pa las gzhan pa'i 'dus pa yod pa ma yin te/ reg pa ma nges kyang dbyibs lus pa la rag las te 'jug par 'gyur ro/ /gal te yang der reg bya las tha dad pa'i dbyibs su mi 'gyur zhe na/ der 'dus pa bzhin de'i phyogs gcig kyang de dang bral ba med do/ /de'i phyogs cig gzung ba'i phyir ro/ /de rjes su dpag par thal bar yang 'gyur ro/ /thams cad du dbyibs kyi gnas skabs dang khyad par med pa'i phyir ro/ /gang gi phyir rim pas de ltar gnas pa'i reg pha ma lus pa smos pa'i phyir bar med par dbyibs su rtogs pa ni reg pa las don gzhan du gyur pa'i dbyibs ma yin te grog ma la sogs pa rnams kyis grog ma'i phreng ba bzhin no/ /ri mo bkram pa la zhes bya ba rgyas par 'byung ste/ ri mo bkram pa'i dbyibs cig la ring po dang thung ngu dang lham pa dang gru bzhi la sogs pa dbyibs mang po gnas par mthong na/ de ni rdzas su yod pa'i dbyibs la mi rung ngo/ /ji ltar kha dog sngon po dang/ ser po la sogs pa rnams sten 'byung ba tha dad pa'i phyir yul mtshungs pa nyid du mi 'gal ba bzhin te/ de'i phyir de ltar gnas pa'i kha dog de la dbyibs su tha snyad byed do/ /gang yang thogs pa dang bcas pa zhes bya ba rgyas par 'byung ste/ thogs pa dang bcas pa'i gzugs gang cung zad yod pa de thams cad ni/ 'dod na dbang po med pa dang/ sgra med phra rab rdul zhes bya ba la sogs pa 'dus pa'i rdul phra rab la sogs pa yin no/ /thogs pa dang bcas pa smos pa ni thogs pa med pa'i gzugs bcad pa'i phyir ro/ /de rdul la med/ dbyibs ni rdul phra rab la

  239. 120a

    med do/ /yang rdul phra rab la dbyibs med do zhes bya ba 'di ji ltar rtogs she na/ ring po la sogs pa'i 'dus pa la sngon po la sogs pa'i gzugs yan lag re re nas yod pa ltar ring po la sogs pa dbyibs gzung ba'i phyir ro/ / rdul phra rab kyi yan lag re re la dbyibs yod pa ma yin pas kha dog bzhin du gzung bar rigs pa ma yin no/ /ji ltar 'grib na der sngon po la sogs pa'i blo ldog pa 'am/ de las bzlog ste ser po'i blor mi 'gyur ba ltar/ ring po la sogs pa'i tshogs 'gribs na ring po la sogs pa'i blo mi ldog cig cing/ de las bzlog ste thung ngu la sogs pa'i blor mi 'gyur ba zhig go /de'i phyir rdul la dbyibs yod pa ma yin no/ /zhes bya bar nges so/ /gzhan dag na re rdzas kyi rdul phra rab la de'i bdag nyid yod pa ma yin no zhes zer ro/ /'dus pa'i rdul phra rab smos pa na zlum po'i dbyibs khas blangs par 'gyur bas der de dag gi dbyibs dag tu 'gyur bas so/ /der ni rdzas kyi sgo nas dbyibs dgag ste/ 'di dbyibs ma yin no zhes 'di la glan ka med do/ /'dus pa'i rdul phra rab la yang dbyibs dgag pa las dbyibs ni rdzas kyi rdul phra rab kyi bdag nyid do/ /zhes bshad pa nyid du 'gyur bas 'di la the tshom med do/ /de'i phyir mang po de ltar gnas pa dag kho na la ring po la sogs pa 'dogs par zad de/ bum pa dang snam bu bzhin no/ /'on te dbyibs kyi zhes bya ba rgyas par 'byung ste/ gang dag bsags pa'i khyad par las ring po la sogs par 'dogs par byed pa/ dbyibs kyi rdul phra rab de dag kho na de ltar gnas par mig gi rnam par shes pas dmigs par 'dod do/ /de ni phyogs 'dzin pa 'ba' zhig tu zad do zhes bya ba ni/ gang kha dog gi rdul phra rab gnyis ga la rab tu grub pa'i rang gi ngo bo ste/ ring po la sogs pa'i dbyibs su 'dogs pa'i rgyu nyid bsal nas

  240. 120b

    dbyibs kyi rdul phra rab rtogs par byed pa'o/ /de dag ma grub pa'i phyir zhes bya ba ni de nyid la rgyu bshad pa'o/ /gal te der sngon pa la sogs pa'i rdul phra rab ltar ring po la sogs pa'i rdul phra rab kyang mig gi rnam par shes pas dmigs na/ ji ltar na de'i cha shas la yang sngon po la sogs pa'i blo bzhi po la sogs pa'i blor 'gyur ro/ /ring po dang thung ngu gzhan la bltos nas de nyid la ring po dang thung ngu'i blor yang mi 'gyur te/ 'di ltar sngon po la ni sngon po dang sngon po ma yin pa ltos nas sngon po dang sngon po ma yin pa'i blor mi 'gyur te/ 'o na ci zhe na/ gzhan la mi bltos par rang gi ngo bo kho nas sngon po'i blor 'gyur ro/ /ci ltar ma nges par 'jug pa'i reg byas ring po la sogs pa nges par dran par 'gyur/ 'on te reg bya dang dbyibs dag la lhan cig spyod pa nges par med par dbyibs dran par gyur na ni kha dog kyang 'gyur te/ reg bya nges par dran zhes sbyar ro/ /'di'i reg bya dran pas kha dog kyang dran no zhes bsams pa'o/ /yang kha dog nges par mi 'gyur na ni/ kha dog bzhin du dbyibs kyang ring po la thung ngu'o snyam pa dang/ thung ngu la ring po'i snyam du nges par mi 'gyur ro/ /ci'i phyir zhe na/ kha dog ni nges par dran par mi 'gyur te/ res 'ga' reg bya las dmar po la ser po'o snyam du 'gyur la/ ji ltar kha dog ma nges par dran pa de bzhin du dbyibs kyang ma nges par dran pa ni ma yin te/ 'o na ci zhe na/ kha dog ma nges par dran par mi 'gyur la/ dbyibs ni ji ltar reg bya las nges par dran par 'gyur zhes bya ba mi rigs te/ reg bya las dran pa ma yin zhes pa'o/ /gang gi phyir ji ltar rdul phra rab rnams 'dus pa kha dog tu gzung ba de ltar so sor ma yin te/ dbang po las 'das pa'i phyir ro/ /gnas pa'i rdul phra rab rnams kyang 'dus pa nyid du gzung ngo/ /so so ba dbang po las 'das pas na ci ltar de dag rang gi mtshan nyid kyi grub ces slob dpon 'dus bzang zer ro/ /gang cung zad thags?

  241. 121a

    pa dang bcas pa'i gzugs 'dus pa dmigs pa nges par rdul phra rab la yod do/ /kha dog dmigs pa la bltos pa med par kha dog bzhin du 'dus pa rnams la dbyibs so/ /de'i phyir sa bon gyi chos kyis kyang rdul phra rab tu 'gyur ro/ /dbyibs kyi rdul phra rab rnams ni ma yin te/ re re ba dbang po las 'das pa'i phyir rang gi mtshan nyid kyis ma grub par brjod de/ /'o na ci ring po la sogs pa'i 'dus pa'i yan lag smos she na/ rdul phra rab las rdul phra rab lus gzhan khyad par med pa'i phyir ring po la sogs pa'i dbyibs kyi rdul phra rab rnams phan tshun gyi sgo nas khyad par med par thal ba'i phyir dang/ ring po la sogs pa'i blo las de ltar gnas pa'i kha dog 'dzin pa bltos pa dang bcas pa'i phyir rang gi mtshan nyid kyis ma grub ces bya'o/ /gal te yang gang zhig 'dus dmigs pa'i gzugs de nges par rdul phra rab tu 'gyur dgos na/ de lta na bum pa dang snam bu la sogs pa'i gzugs kyang rdul phra rab tu khas blangs dgos so/ /gang bshad pa kha dog la bltos pa med par dbyibs dmigs so zhes bya ba de yang rang gi rnam par rtog pa tsam ste/ kha cig tu kha dog gi reg bya ma gzung bar dbyibs dmigs pa med do/ /'o na gang kham pa'i snod rnams kha dog kyang tha mi dang la zhes bya ba rgyas par 'byung ste/ gal te 'di kha dog tsam yin gyi/ de la dbyibs su rdzas su med na/ 'o na ji ltar der bum pa dang phru ba tog dang kham gzhong dang/ bcu skyogs la sogs pa rnams dbyibs tha dad par 'dzin ce na/ kha dog tsam la ni ring po la sogs pa'i blos 'dzin par mi 'dod kyi/ 'o na ci zhe na/ kha dog gi bye brag la'o/ /de nyid kyi phyir ji ltar gnas pa'i kha dog la zhes bya ba smos so/ /ji skad smras she na/ phyogs cig gi

  242. 121b

    sgor phal cher zhes bya ba de lta bu la sogs pa'o/ /dper na grog ma la sogs pa tha mi dad kyang de'i gnas skabs tha dad pas 'khor lo dang phreng ba la sogs pa tha dad pa bzhin no/ /gal te kha dog tshogs pa'i khyad par kho na ring po la sogs pa'i blor 'gyur na/ 'o na gang mun khung zhes bya ba rgyas par 'byung ste/ tshogs pa can rnams ma gzung bar tshogs pa bzung ba mi rigs so snyam du bsams pa'o/ /de dag gis de ni kha dog mi gsal ba kho na zhes bya ba rgyas par 'byung ngo/ /grib ma nag pos bsgribs pa'i phyir mi gsal bar mthong ste/ phreng ba dang dmag la yongs su rtog pa bzhin no/ /dper na mun khung na mtho yor mi gsal bar mthong nas phreng du yongs su rtog par byed pa dang/ gang du mtho yor dang mi nges par zin par ma gyur pa dang/ yang dper na rta dang glang po che la sogs pa dmag gi yan lag mi gsal bar mthong nas dmag tu yongs su rtog pa bzhin te/ de dag mi gsal bar mthong ba ni rta la sogs pa'i khyad par mthong ba med pas so/ /de ni gdon mi za bar de ltar zhes bya ba rgyas par 'byung ste/ rgyu 'di'i phyir yang de ltar yin te/ gang kha dog nyid mi gsal bar mthong nas dbyibs su yongs su rtog par byed po'o/ /yongs su chad par nges par mi zin pa zhes bya ba ni ring po la sogs pa'i dbyibs yongs su chad pa nges par mi zin zhes bya ba'i don gang yin pa'o/ /kha dog dang dbyibs las tha dad pa'i gzugs kyi skye mched ni yod pa yang ma yin te/ gzugs kyi skye mched kyi rnam pa gnyis te/ kha dog dang dbyibs so zhes 'byung ba'i phyir ro/ /de'i phyir gdon mi za bar de na kha dog gam dbyibs mi gsal bar snang ba yin gyi/ de dag las ma gtogs pa'i/ gzugs kyi skye mched gsum pa ma yin no zhes khas

  243. 122a

    blang bar bya ba yin pa de bzhin du/ 'dir yang kha dog las tha dad pa'i dbyibs yod pa ma yin te/ 'o na ci zhe na/ de na kha dog mi gsal ba kho na snang ngo zhes bya bar shes so/ /khyed rnams kyis zhes bya ba ni/ khyed cag rnams kyis so/ /de dag ni dbyibs kho na la zhes bya ba rgyas par 'byung ste/ 'gro ba dang dbyibs gnyis btags pa yod par khyad par med kyang/ khyab pa ma yin pas 'gro ba bsal nas dbyibs kho na yongs su bzung ste/ 'di ltar thal lo sbyar ba la sogs pa g.yo ba med pas kyang go bar byed la/ rang kun nas slong par byed pa'i sems rig par byed pas kyang rnam par rig byed ces bya na/ yul gzhan dag tu ma skyes pa'i thal mo sbyor ba la sogs pa de yang rang kun nas slong ba'i sems rnam par rig par byed pas/ de'i phyir khyab pas dbyibs kho na gzung gi 'gro ba ni ma yin na/ /ji ltar bye brag tu smra ba rnams zer ba ltar rdzas su ni ma yin no/ /ji ltar lus kyi lus su 'dogs par byed ces bya ba ni dbyibs btags par yod pa la las nyid mi rung ba'i phyir dang/ lus brten pa mi srid pa'i phyir 'dri ba'o/ /lus la brten pa'i las ni lus kyi las so/ /zhes de ltar 'dogs kyi/ lus la gnas pa ni ma yin no/ /lus la brten pa zhes bya pa ni lus la dmigs pa ste/ de yang lus 'jug par byed pa'i sems la mngon par 'dod do/ /dpyod pa dang bya ba'i sems pa gnyis ga lus la dmigs pa'i phyir na spyod pa'i sems pa gcad par bya ba'i phyir/ de dang der lus 'jug par byed pa'i sems pa gang yin pa'o zhes bya ba smos te/ rab tu 'jug par byed pa zhes bya ba'i tha tshig go /de bzhin du dag dang yid kyi las dag la yang ci rigs par zhes bya ba la/ dag la brten pa'i las ni dag gi las te/

  244. 122b

    ngag 'jug par byed pa'i sems pa gang yin pa'o/ /yid dang mtshungs par ldan pa'i las ni yid kyi las so/ /de ltar na lus dang ngag gis las dag kyang yid dang mtshungs par ldan pa'i phyir yid kyi las nyid du thal lo zhe na/ de ni de ltar ma yin te/ lus dang ngag gi las gnyis ni yid dang mtshungs par ldan pa yin yang lus dang ngag 'jug par byed pa nyid kyis khyad par du byas pa'i phyir ro/ /lus dang ngag 'jug par byed pa'i sems ma gtogs pa'i sems pa zag pa dang bcas pa 'am/ zag pa med pa gang yin pa de thams cad ni/ yid dang mtshungs par ldan pa'i phyir yid kyi las so zhes bya bar grub po/ /'o na gang sems pa zhes bya ba rgyas par 'byung ste/ 'dir lus dang ngag gi las ni sems pa kho na la bshad na/ de lta yin na bsam pa'i las gang yin pa de med pas/ sems pa dang bsam pa'i las so zhes 'byung ba'i mdo 'di dang ji ltar mi 'gal zhe na/ de'i phyir 'di lta bu zhig bya'o snyam/ zhes bya ba rgyas par smos so/ /dpyod pa'i sems pa 'di dang 'di lta bu zhig bya ba snyam du sems par bzung nas/ phyi nas gzhan bya ba'i sems pa 'byung ste/ bya ba'i tshe rjes su 'jug pa'i phyir ro/ /gang gis lus 'jug par byed pa de ni bsam pa'i las zhes bya ba'o/ /'dir 'dus bzang gis sgro btags pa sun 'byin par dgongs nas mang du bshad pa de yang rnam par bshad pa 'di nyid kyis bsams zin te/ gzhung mangs pa'i 'jigs pas tshig re re nas bsal ba ma byas so/ /'dod pa na spong pa zhes bya ba ni gzugs na spyod pa bsal bar bya ba'i phyir ste/ bsam gtan dang zag pa med pa'i sdom pa ni so so thar pa'i sdom pa la sogs pa ltar rnam par rig byed la rag las pa ma yin no/ /nyes pa chen por thal bar 'gyur ro/ /zhes pa ni rnam par rig byed ma yin pa med na

  245. 123a

    ni sdom pa dang sdom pa ma yin pa med pa'i nyes pa dang/ lam yan lag brgyad med pa'i nyes pa dang/ rdzas las byung ba'i bsod nams bdun la/ de la rag las pa'i bsod nams mngon par 'grub pa med pa'i nyes par 'gyur ro/ /mdo sde pas gal te lus kyi las zhes bya ba rgyas par smras te/ gal te gdan mi za bar rnam par rig byed ma yin par 'gyur dogs na snyam du bsam pa'o/ /cir 'gyur zhes bya ba ni skyon cir 'gyur zhes bya ba'o/ /sems kyi rjes su 'brang ba yin par 'gyur ro zhes bya ba ni sems tsam la rag las pa'i phyir mnyam par bzhag pa'i rnam par rig byed ma yin pa bzhin no/ /ji ltar bsam gtan dang zag pa med pa'i sdom pa'i rnam par rig byed ma yin pa rnam par rig byed la mi ltos pa'i phyir/ sems tsam la brten pas sems kyi rjes su 'brang ba yin pa de bzhin du so sor thar pa'i sdom pa'i rnam par rig byed ma yin pa yang rnam par rig byed med pa na sems kyi rjes su 'brang bar thal bar 'gyur bar/ gdon mi za bar rnam par rig byed khas blang bar bya'o/ /de ltar mi 'gyur te zhes bya ba ni rnam par rig byed kyang sems kyi rjes su 'brang bar mi 'gyur ba'o/ /ci'i phyir zhe na/ sems pa'i khyad par gyis de'i 'phen pa khyad par yod pa'i phyir zhes bya ba 'byung ste/ ji srid 'tsho'i bar du srog gcod pa la sogs pa dag las ldog par bya'o snyam pa 'di na sems pa'i khyad par te/ de dus nges par 'phangs pa'i dbang gis dus de srid du rnam par rig byed ma yin pa rgyun chags su gnas par mi 'gal lo/ /sems pa'i khyad par 'di mnyam par gzhag pa ni med de/ des na 'di ni sems kyi rjes su 'brang ba ma yin no/ /rnam par rig byed de yod na yang zhes bya ba rgyas par 'byung

  246. 123b

    te/ rnam par rig byed de yod kyang rnam par rig byed ma yin pa 'phang ba ste/ 'phang ba ni dus nges par rjes su 'jug pa'i rgyu'i dngos por gnas pa'o/ /sems pa'i stobs la rag las pa ni bltos pa zhes bya ba'i tha tshig go /'di nyid la rgyu smras pa ni blun po'i phyir ro zhes bya ba ste/ mi gsal ba'i phyir ro zhes bya ba'i don to/ /rnam par rig byed ma yin pa de ni sems pa med par 'phen par mi nus la mi gsal ba ni dmigs pa med pa'i phyir ro/ /'di ltar rnam par rig byed na sems pa'i dbang gis sdom pa chen po dang 'bring dang chung ngu 'phen pa la 'jug gi /lung du ma bstan pas kun nas bslang bas ni rnam par rig byed ma yin pa 'phen par nus par mi 'gyur ro/ /dag rnam rig byed ni dag sgra zhes bya ba la/ ni zhes bya ba'i sgra ni nges par bzung ba ste/ mchu 'gul ba la sogs pa'i dbyibs ni ma yin no/ /de nyid kyi phyir dag gi rang bzhin gyi sgra gang yin pa zhes bya ba rgyas par smos so/ /gal te ngag kho na rnam par rig byed yin na/ 'o na ji ltar dag rnam par reg byed ma yin pa zhes brjod ce na/ lus kyis rnam par rig par byed pa dang yid kyis las byed pa med par lus nyid kyis rnam par rig byed yid nyid kyis yang las kyis bdag nyid do zhes mi gzung ngo/ /'di ni de ltar yod de/ 'on kyang ji ltar lus dang yid las tha dad pa'i rnam par rig byed kyi las kyang mi gzung ngo/ /des na rnam par rig byed kyi las der bzung bas 'gal ba med do/ /'dir ni dag las tha dad pa'i rnam par rig byed ma yin pa gzhan med de/ de'i phyir rnam par rig byed dang rnam par rig byed ma yin pa zhes bya ba ste 'di la skyon med do/ /rnam par rog byed ma yin pa ni sngar bshad pa kho na yin no zhes bya ba ni/ g.yengs dang sems med pa'i yang zhes bya ba la sogs pa mdzod kyi gnas dang po nas so/ /khas

  247. 124a

    blangs nas mi byed pa tsam gyi phyir zhes bya ba la sogs pa ni 'di bdag gis mi bya'o zhes sngar khas blangs nas phyis de mi byed pa tsam gyi phyir zhes bya ba ste/ rnam par rig byed ma yin pa ni rig byed med pa yin pas rdzas su khas blangs par mi bya'o/ /'das pa'i 'byung ba chen po rnams la zhes bya ba ni/ 'dod gtogs rnam rig min skad cig /phyin chad 'das pa'i 'byung las skye zhes 'byung ba'i phyir la/ de rnams kyang yod pa ma yin pa'i rang bzhin yin pa'i phyir te/ 'das pa'i 'byung ba chen po de rnams ni da ltar byung ba rang bzhin med pa'i phyir ro/ /rgyur byas pa'i gzugs ni yod pa ma yin pa'i rten can yod pa yang ma yin no/ /gzugs kyi mtshan nyid med pa'i phyir zhes bya ba la/ gzugs su yod cing gzugs su rung ba zhes bya ba ni rnam par gyur pa bstan pa'i sgo nas gzugs kyi mtshan nyid du gsungs na/ rnam par rig byed ma yin pa'i gzugs ni rnam par 'gyur ba yang ma yin pa de ni med pa nyid do/ /rnam gsum dri med gzugs gsungs dang zhes bya ba la sogs pa 'byung ngo/ /bye brag tu smra ba rnams na re/ rnam gsum dri med gzugs gsungs dang/ 'phel dang ma byas lam sogs phyir/ rnam par rig byed ma yin pa rdzas su yod do/ /zhes zer te/ rnam pa gsum dang dri ma med pa'i gzugs ni rnam gsum dri med gzugs so/ /de bshad pa ni rnam gsum dri med gzugs gsungs so/ /'phel ba dang ma byas pa'i lam la sogs pa ni 'phel dang ma byas lam sogs so/ /rnam pa gsum dang dri ma med gzugs gsungs pa dang/ 'phel ba dang ma byas pa'i lam la sogs pa ni/ rnam gsum dri med gzugs gsungs dang/ 'phel dang ma byas lam sogs te/ de dag gi phyir ro/ /gzugs kyi gzugs bsdus pa zhes bya ba la/ gzugs gnyis pa smos pa ni gzugs kho nas

  248. 124b

    gzugs bsdus pa yin gyi/ tshor ba la sogs pa gzhan dag gis ni ma yin no zhes ci nas nges par bzung ba shes par bya ba'i phyir ro/ /bstan du yod la thogs pa dang bcas pa'i gzugs kyang yod ces bya ba ni/ skye mched kyi gzugs mig gi rnam par shes pas shes par bya ba'o/ /bstan du med la thogs pa dang bcas pa'i gzugs kyang yod ces bya ba ni gzugs kyi skye mchod kyi bye brag rnams so/ /bstan du yang med la thogs pa yang med pa'i gzugs kyang yod do zhes bya ba ni/ rnam par rig byed ma yin pa'i gzugs chos kyi skye mched kyis bsdus pa'o/ /zag pa med pa yang med do zhes bya ba la/ rnam par rig byed ma yin pa ma gtogs par gzugs gzhan ni zag pa med par mi rigs te/ lam la snyoms par zhugs pa las lus dang ngag gi rnam par rig byed kyi gzugs ni med la/ gang mig la sogs pa'i gzugs ni yod mod kyi/ de yang ma bsgrims la lung du ma bstan pa ma yin pa'i phyir/ zag pa med pa ma yin no/ /rdzas las byung ba'i bsod nams bya ba'i dngos po bdun pa 'di dag zhes bya ba rgyas par 'byung ste/ 'di la rdzas ni kun dga' ra ba dang/ gtsug lag khang la sogs pa'i dngos po'o/ /rgyu mtshan gyis bdun par byas nas/ de las byung ba ni rdzas las byung ba ste/ dper na blo bur du 'ongs pa la sbyin pa dang/ 'gron po la sbyin pa dang/ nad pa la sbyin pa dang/ nad pa'i rim 'gro ba la sbyin pa dang/ kun dga' ra ba 'bul ba dang/ gcig tu slong ba la shom pa dang/ char pa dang rlung mo che la sogs pa dag byung na dang skyo ma la sogs pa sbyin pa ste/ 'di ni rdzas las byung ba'i bsod nams bya ba'i dngos po bdun no/ /rtag tu zhes bya ba ni yang dang yang du'o/ /rgyun mi 'chad par zhes bya ba ni bar med pa'o/ /rdzas las byung ba ma yin pa dag dang ldan pa yang de dang 'dra'o/ /zhes bya ba ni/ ji ltar rdzas las byung ba

  249. 125a

    dag dang ldan pa rtag tu rgyun mi 'chad par bsod nams 'phel ba kho nar 'gyur pa bzhin du/ rdzas las byung ba ma yin pa dang ldan pa yin no/ /yang de dag ni dang ba dang ldan pa dag ste/ dper na de bzhin gshegs pa 'am/ de bzhin gshegs pa'i nyan thos grong ngam/ grong gi nye 'khor zhig na bzhugs so zhes thos shing/ thos nas kyang sems dga' ba dang rab tu dga' ba thob ste/ zhes 'byung ba'i phyir mdo ji lta ba bzhin no/ /yid gzhan dang ldan pa'i zhes bya ba ni nyon mongs pa can dang lung du ma bstan pa'i sems dang ldan pa'o/ /de'i tshe rnam par rig byed ma yin pa ma gtogs par bsod nams rnam par 'phel bar mi rung ste/ sems gzhan dang ldan pa la lus dang ngag gi rnam par rig byed rjes su 'brel ba med pa'i phyir ro/ /rnam par rig byed ma yin pa ni rjes su 'brel pa yod de/ g.yengs dang sems med pa yi yang/ dge dang mi dge'i rjes 'bral gang/ zhes bya ba'i mtshan nyid kyis so/ /rnam par rig byed ma yin pa med na zhes bya ba 'byung ste/ gang zhig dngos gzhi'i las kyi lam nyid du rnam par gzhag la/ bya ba ma rdzogs pa'i tshe na ni gzhan byed du 'jug pa'i sgo ba po la lus dang ngag gi rnam par rig byed yod pa ma yin zhing rnam par rig byed ma yin pa yang med do/ /de'i phyir/ gdon mi za bar rnam par rig byed ma yin pa khas blang bar bya ste/ de lta ma yin te rnam par rig byed ma yin pa med na ni/ las kyi lam mi 'grub par 'gyur ro/ /yang lung bsgo nas las kyi lam yin par 'gyur ro snyam na/ de'i phyir lung bsgo ba tsam ni zhes bya ba rgyas par smos so/ /de nyid la rgyu smos pa ni las de ma byas pa'i phyir ro zhes bya ba'o/ /lung bsgo ba'i tshe srog gcod pa la sogs pa'i las de la byas pa'i phyir te/ las ma byas par ni dngos gzhi'i las kyi lam rigs pa ma yin no/ /las byas pa

  250. 125b

    na las kyi lam du 'gyur ro snyam pa'i dogs pa bsal ba'i phyir/ byas su zin kyang de'i rang gi ngo bo la khyad par med pa'i phyir ro zhes smos te/ las byas sam ma byas kyang rung ste/ lung bsgo ba la ni bdag nyid kyi khyad par med na/ snga ma dang phyi ma khyad par ma skyes pa de ni ji ltar phyis las kyi lam du 'gyur/ skye mched bcu gcig gis ma bsdus pa zhes bya ba ni chos kyi skye mched ma gtogs pa lhag ma bcu gcig go /yid kyi skye mched ltar gzugs can ma yin pa'o zhes ni ma gsungs so/ /dgos pa ci zhig yod par 'gyur zhes bya ba rgyas par 'byung ngo/ /snyoms par zhugs pa la lus dang ngag gi las kyi mdza' rnams mi rung phyir te/ lam la snyoms par zhugs pa ni tshig tu mi smra zhing lus mi g.yo la/ chos gos la sogs pa chol ba yang ma yin no/ /mi rung ba'i phyir ro zhes bya ba ni mi srid pa'i phyir ro zhes bya ba'i tha tshig go /mi srid pa ni de dag kun nas slong ba'i sems rnams kha phyir bltas te 'jug pa'i phyir ro/ /de'i phyir gdon mi za bar rnam par rig byed ma yin pa khas blang bar bya ste/ de med na ni lam yan lag brgyad pa zhes bya ba 'gal ba yin no/ /'o na 'di skad du zhes bya ba rgyas par 'byung ngo/ /'di ni gal te lam la snyoms par zhugs pa la yang dag pa'i lta ba la sogs pa bzhin du yang dag pa'i dag la sogs pa yod na ni 'di'i dag dang las kyi mdza' dang 'tsho ba rnams ni sngon zhes bya ba de skad du ci'i phyir gsungs zhes bya ba ni brjod par bya ste/ des na de'i tshe yang dag pa'i dag la sogs pa'i rnam par rig byed ma yin pa yod pa ma yin no zhes bya bar shes so/ /des na sdom pa'i nang du 'dus pa'i lus dang ngag gi las kyi mdza' dang 'tsho ba yongs su dag pa dang yongs su byang ba na lam la snyoms par zhugs par yongs su grang ngo zhes bya ste/ de'i phyir lam yan lag brgyad grub pas rnam par rig byed ma yin pa med do zhe na/ de ni sngon 'jig rten pa'i lam gyis 'dod chags

  251. 126a

    dang bral bar byas pa la zhes bya ba rgyas par smos te/ sngar 'jig rten pa'i lam gyis 'dod chags dang bral bar byas pa gang yin pa de la dgongs te/ sngar 'jig rten pas 'dod chags dang bral ba'i gnas skabs kho nar de dag yongs su dag cing yongs su byang ba yin no zhes bya ba 'di gsungs pas/ de'i phyir lam la snyoms par zhugs pa'i rnam par rig byed ma yin pa yod pa nyid do/ /yang dag par blangs pa'i 'og tu zhes bya ba la/ yang dag par len pa'i tshe ni rnam par rig byed dang de'i sems pa yod pas yang dag par blangs pa'i 'og tu zhes bya ba smos so/ /de ni med do zhes bya ba ni gang zhig rjes su 'jug pas yid gzhan dang ldan pa 'di yang dge slong ma dge slong mar 'gyur ba'i rnam par rig byed dam sems pa'am de las gzhan med do/ /gzhung mang ba'i phyir 'di ni mang po yin la/ dper brjod pa sna tshogs pa'i phyir 'di ni/ sna tshogs pa yin mod kyi/ 'di ji ltar khyed cag gis rnam par rig byed ma yin pa med na nyes pa'i tshogs brjod pa de lta ni ma yin no/ /ting nge 'dzin gyi yul gyi gzugs zhes bya ba ni ting nge 'dzin gyi dmigs pa ste/ rus gang la sogs pa gzugs brnyan gyi gzugs so/ /de ni rnam par rig byed ma yin pa la yang mtshungs so zhes bya ba ni rnam par rig byed ma yin pa yang yul la mi sgribs pas gzugs su mi 'gyur la/ ci ste yul la mi sgribs kyang rnam par rig byed ma yin pa gzugs su 'dod na ni/ 'o na ni des na 'di yang 'dod par bya'o/ /dgra bcom pa'i gzugs dang zhes pa la/ dgra bcom pa'i gzugs ni mig la sogs pa dang/ gzugs la sogs pa'o/ /phyi rol ni snod kyi 'jig rten gyis bsdus pa dang/ gzugs kyi skye mched la sogs pa'o/ /zag pa rnams kyi rten ma yin pa'i phyir ro/ /zhes bya ba ni zag pa rnams de la rag las te 'jug pa ma yin pa'i phyir ro zhes bya ba'i?

  252. 126b

    tha tshig go /mig la sogs pa rnams ni zag pa med pa nyid du rtogs par mi nus te/ ji snyed pa zhes ma lus par gsungs pa'i phyir ro zhe na/ de ni zag pa rnams kyi gnyen po ma yin pa'i phyir ro zhes bya ba 'byung ste/ nyon mongs pa rnams ni shes pas gzhon par bya ba yin no/ /zhes bya bas sems dang sems las byung ba rnams kho na nyon mongs pa rnams kyi gnyen po yin gyi gzugs ni ma yin par khyad par med par gzugs thams cad zag pa dang bcas par gsungs so/ /'o na ni rnam grangs kyis zhes bya ba ni dgra bcom pa'i gzugs dang phyi rol ni zag pa rnams kyi gnyen po ma yin pa'i phyir zag pa dang bcas pa yin la/ zag pa rnams kyi rten ma yin pa'i phyir zag pa med pa yin no/ /cir 'gyur zhes bya ba ni gal te/ de ltar zag pa dang bcas pa yin la zag pa med pa yang yin na nyes par cir 'gyur zhes bya ba'o/ /mtshan nyid 'tshol bar 'gyur ro zhes bya ba 'byung ste/ zag pa rnams kyi gnyen por ma yin yang/ zag pa med pa'i phyir dang/ zag pa dang bcas pa rnams kyi rten ma yin yang/ zag pa dang bcas pa'i phyir mtshan nyid 'tshal bar thal bar 'gyur ro/ /ji ltar de zag pa dang bcas pa yin pa zhes bya ba rgyas par 'byung ste/ pha dang bu bzhin du ltos pas tha dad pa'i phyir mtshan nyid 'tshal ba'i nyes pa med do/ /de ni zag pa'i gnyen po ma yin pa'i phyir/ nam yang zag pa med par mi 'dod la/ zag pa'i rten ma yin pa'i phyir ni zag pa dang bcas par mi 'dod do/ /ci'i phyir mdo las zhes bya ba rgyas par 'byung ste/ gal te gcig tu zag pa dang bcas pa yin na ni gzugs zag pa dang bcas pa nye bar len par 'gyur pa zhes bya ba'i khyad par 'di don med par 'gyur ro/ /rnam par bcad par brjod par 'dod pas khyad par nye bar 'god ba zhig na/ 'dir rnam par bcad par bya ba yod pa yang ma yin no/ /de'i phyir/ gzugs gang dag yin pa de dag ni

  253. 127a

    sems kyi tha ba dang spags pa'i gzhi yin no/ /zhes de skad du gsung bar 'gyur pa zhig na/ de skad du yang ma gsungs pas de'i phyir gzugs kyi skye mched la sogs pa ni zag pa med pa yang yod do zhes bya bar shes so/ /gang dag so so'i skye po'i gzugs nye bar len pa 'gyur bar de dag ni zag pa dang bcas pa yin te/ zag pa rnams kyi rten yin pa'i phyir dang/ de rnams kyi gnyen po ma yin pa'i phyir ro/ /dgra bcom pa'i nang dang phyi rol dag ni zag pa med pa yin par shes par bya ste/ zag pa rnams kyi rten ma yin pa'i phyir ro/ /yon tan gyi khyad par zhes bya ba ni bsam gtan dang/ tshad med pa la sogs pa yon tan phun sum tshogs pa'i khyad par ro/ /phan gdags pa'i khyad par gyis zhes bya ba ni lus kyi kha dog dang stobs la sogs pa'i khyad par gyis so/ /de la dmigs pa'i sbyin pa'i sems pas bsgos pa ni/ de la dmigs pa'i sems pa gang yin pa'o/ /kin+ta ci ta de so so ti gra ha gzung ba gnyis ka dre pany+tsa lnga/ phra mo zhes bya ba ni mi gsal ba ste de bzhin gshegs pa'i ye shes kyis thugs su chud par bya ba ste/ phyi ma la 'bras bu khyad par du 'phags pa skyed pa'i nus pa rgyud yongs su 'gyur ba'i khyad par thob po/ /'di ni chos nyid yin te zhes bya ba ni chos rnams kyi nus pa thog ma med pa'o/ /'o na ji ltar rgyud kyi khyad par gyis zhes bya ba ni za ba po rnams kyi yon tan dang phan gdags pa'i khyad par gyis zhes bya ba'i don to/ /da ni rdzas las byung ba ma yin pa zhes bya ba ni rdzas las byung ba ma yin pa'i bsod nams bya ba'i dngos po dag la zhes bya ba ste/ de dag la ni sbyin par bya ba'i dngos po yongs su spyad pa yang med la/ gzhan la phan gdags pa'i khyad par yang med na/ ji ltar de dag la yid gzhan dang ldan pa dag ji ltar bsod nams mngon par 'phel ba 'am nye bar 'gyur/ rdzas las byung ba ma yin pa'i bsod nams bya

  254. 127b

    ba'i dngos po dag las ni 'di skad du sku la byed 'di la rigs kyi bu 'am/ rigs kyi bu mo de bzhin gshegs pa'am/ de bzhin gshegs pa'i nyan thos grong ngam zhing che ge mo zhig na rten cing bzhugs so zhes thos shing thos nas kyang dga' ba dang/ rab tu dga' ba rgya che ba dge bar nges par 'byung ba dang ldan pa thob ste/ sku la byed 'di ni rdzas las byung ba ma yin pa'i bsod nams bya ba'i dngos po dang po yin te/ de dang ldan pa'i dad pa'i zhes bya ba rgyas pa dang/ de bzhin du tshur gshegs pa dang chos thos pa'i bar du gsungs so/ /yang dang yang du de la dmigs pa'i sems pa goms pas zhes bya ba ni/ de bzhin gshegs pa dang nyan thos la dmigs pa'i dang bas zhes bya ba'i don to/ /gang zhig yongs su 'gyur pa'i khyad par phra mo thob pas phyi ma la 'bras bu chos mang pos 'grub pa'i nus par 'gyur ro/ /mi nyal ba la ni de lta bu rigs na nyal ba la go ji ltar zhe na/ de'i phyir rmi lam na yang de dag rjes su 'brangs par 'gyur ro zhes bya ba smos so/ /rdzas las byung ba ma yin pa la nyan pa po de la ni rnam par rig byed dang/ ting nge 'dzin dag med pa'i phyir rnam par rig byed ma yin pa mi rung ngo/ /'dod pa'i khams na ni rnam par rig byed la ma bltos pa'i rnam par rig byed ma yin pa med do/ /gzhan dag na re rdzas las byung ba dag la yang zhes bya ba ni rgyud yongs su 'gyur ba'i khyad par gyis ma yin no snyam du bsams pa'o/ /'o na mdo las/ zhes bya ba rgyas par 'byung ste/ sems kyi ting nge 'dzin tshad med pa ni byams pa la sogs pa'o/ /de'i tshe sbyin pa po'i sems pa'i khyad par gang zhig yin/ yod pa ma yin pa nyid do/ sems gzhan dang ldan pa'i phyir ro zhes ston par byed do/ /de lta bas na rgyud yongs su 'gyur pa'i khyad par rigs pa dang ldan pa yin te/ sems gzhan dang ldan pa la yang de srid pa'i phyir ro/ /snyam du bsams pa'o/ /gnod pa'i bye brag ni srog

  255. 128a

    gcod pa la sogs pa'o/ /bya ba'i 'bras bu yongs su rdzogs na zhes bya ba la/ bya ba ni las kyi lam dngos kyi sbyor ba'o/ /de'i 'bras bu ni las kyi lam dngos so/ /de'i phyir 'bras bu la rgyu btags pa'i phyir ro zhes bya ba smos te/ 'bras bu ni rgyud yongs su 'gyur pa'i khyad par te/ de'i rgyu ni las kyi lam mo/ /ji ltar zhe na/ lus dang ngag gi rnam par rig byed kyi bsdus pa ni de'i sgo nas sems pa zhes bya ba'i las rab tu 'jug pa'i phyir las kyi lam yin la/ de'i 'bras bu ni rgyud pa yongs su 'gyur pa'i khyad par ro/ /de dag gi bya ba'i 'bras bu yin pa'i phyir zhes bya ba la/ lus kyi bya ba'i 'bras bu yin pa'i phyir lus kyi nyid yin la/ ngag gi bya ba'i 'bras bu yin pa'i phyir dag gi nyid yin te/ las kyi lam nyid ji lta ba bzhin du lus kyi dang ngag gi nyid kyang btags pa kho na las yin no zhes ston to/ /dper na rnam par rig byed ma yin pa rnams kyi zhes bya ba ni rnam par rig byed ma yin pa smra ba rnams kyis kyang 'bras bu la rgyu btags pas rnam par rig byed ma yin pa las kyi lam du 'dod la/ lus dang ngag gi bya ba'i 'bras bu yin pa'i phyir lus kyi'am dag gi nyid du 'dod pa yin no/ /zin pa'i phung po dag la zhes bya ba da ltar ba dag la ste/ 'das pa dang ma 'ongs pa ni zin pa'i ma yin no zhes byung ba'i phyir ro/ /de lta mod kyi sems dang sems las byung ba'i gnas kyi dngos po nye bar bzung nas gzugs kyi phung po gcig pu nyid zin pa de ltar sems dang sems las byung ba'i gnas kyi dngos po nye bar bzung ba'o/ /gzugs kyi phung po'i dbang gis tshor ba la sogs pa rnams zin pa la sogs par bstan te/ rang gi ngo bos de ltar dmigs pa'i phyir ro/ /ji skad du mdo las/ zin pa zhes bya ba 'di ni lus kyi tshig bla dags so zhes 'byung ngo/ /yang na zin pa'i phung po du ma 'chad par

  256. 128b

    'dod pas phung po rnams la zhes mang po'i tshig gis gsungs so/ /de lta ma yin na khams rnams zin pa ma yin pas bstan bcos dang 'gal bar 'gyur ro/ /'dir btsun pas rnam par rig byed ma yin pa khas blangs dang sems pa kho na las kyi lam yin no/ /zhes bstan par 'gyur ro/ /btsun pa'i bsams pa yang dag pa yin nam ma yin snyam ste 'di la bsams pa ni bdag nyid kyis gsod pa zhes bya ba la sogs pa smos so/ /nye bar bstan pa 'di ni las kyi lam yongs su rdzogs par lhur byed pa ma yin gyi/ 'o na ci zhe na/ rang nyid kyis gsod pa la sems pa 'byung ba lhur byed pa yin no/ /de kho na dang 'dra bar mi mngon par zhes bya ba ni rnam par rig byed ma yin pa ltar tshad dag gis ma dmigs zhes bya ba'i tha tshig go /sems kyis rgyu las byung ba ni sems sngon du 'gro ba dang/ sems kyi rgyu can zhes bya ba'i don to/ /lus kyi sbyor ba zhes bya ba ni lus kyi bya ba ste/ lus kyi g.yo ba'o/ /bya ba yongs su rdzogs na/ zhes bya ba ni las kyi lam yongs su rdzogs na zhes bya ba'i tha tshig go /de dag dang zhes bya ba ni lus dang sems dang ste/ chos gzhan ni rnam par rig byed ma yin pa'i mtshan nyid can no/ /gang gis byas pa'i sbyor ba las byung ba zhes bya ba rgyas par 'byung ba ste/ sems gang gis byas pa ni gang gis byas pa'i sbyor ba'o/ /de las byung ba'i bya ba yongs su rdzogs pa ni las kyi lam yongs su rdzogs pa'o/ /de kho na la zhes bya ba ni sbyor bar byed pa po'i sems la'o/ /de'i rgyu can gyi zhes bya ba yongs su rdzogs pa'i rgyu can no/ /ci'i phyir zhe na/ bya ba yongs su rdzogs pa ni des byas pa'i sbyor ba'i las byung ba'i phyir ro/ /yongs su dga' bar 'gyur te zhes bya ba ni/ rgyun yongs su 'gyur ba'i khyad par sems kyi bdag nyid du gyur pa'i chos yin pa'i phyir ro/ /sems dang sems las

  257. 129a

    byung ba'i rgyud las zhes bya ba la sogs pa 'byung ste/ 'di ga las rtogs she na/ sems myos pa 'am zhes bya ba nas dang pa dang tshul khrims kyis yongs su bsgom pa gong du 'gro bar 'gyur ro zhes bya ba'i bar gyi mdo las so/ /rnam par rig byed med pa'i phyir ro zhes bya ba da lta bu la sogs pa la rnam par rig byed ma yin pa ni 'dod pa'i khams na rnam par rig byed med pa med la/ rnam par rig byed kyang rdzas su yod pa ma yin no zhes rgyas par bstan zin to/ /sogs pa zhes bya ba'i sgras ni khas blangs pas mi byed pa tsam yin pa'i phyir dang/ 'das pa'i 'byung pa chen po rnams la brten nas 'dogs pa'i phyir la/ de dag kyang rang gi ngo bo la med pa'i phyir rnam par rig byed ma yin pa rdzas gzhan med do zhes bya ba bsdus te/ de'i phyir yang gang gis byas pa'i sbyor ba las byung ba zhes bya ba rgyas par 'byung ngo/ /bstan du yang med la thogs pa yang med pa'i gzugs bstan pa gang yin pa de nyid ces bya ba la/ ji ltar zhe na/ /bsam gtan pa rnams kyi ting nge 'dzin gyi mthus ting nge 'dzin gyi gzugs bstan du med pa dang thogs pa med pa skye ba gang yin pa ste/ de nyid chos kyi skye mched du gtogs pa yin no/ /'tsho ba dag yod pa smros shig zhes bya ba ni 'di ni re shig smos shig ces bya ba ste/ rgyu mtshan la rgyu mtshan can nye bar btags nas so/ /rgyu mtshan ni 'dir rnam par rig byed pa ma yin pa'o/ /rgyu mtshan can ni yang dag pa'i dag? la sogs pa dag go/ rnam par reg byed ma yin pa la der bshad do zhes bya ba ni yang dag pa'i ngag dang las kyi mdza' dang 'tsho bar bshad do zhes bya ba'i tha tshig go /bsam pa dang lus zhes bya ba la/

  258. 129b

    bsam pa ni srog gcod pa mi byed pa'i bsam pa'o/ /lus ni yang dag pa dag la sogs pa 'jug par rung ste/ rten yongs su gyur ces bya ba'i 'tshig go /de'i phyir rgyu mtshan la rgyu mtshan can nye bar btags pa byas nas zhes bya ba ni de? 'dra ba'i bsam pa dang lus lam gyi stobs kyi sa thob pa gang yin pa de ni yang dag pa'i dag la sogs pa'i rgyu mtshan yin te/ rgyu mtshan de la rgyu mtshan can nye bar btags pa byas nas lam yan lag brgyad rnam par bzhag go /de? dag mi byed pa tsam zhes bya ba ni log pa'i dag la mi byed pa tsam mo/ /de gang zhig ce na/ 'di yang 'phags pa'i lam gyi mthus zhes bya ba la sogs pa'o/ lam dag ni zag pa med pa'i yin na/ mi byed pa tsam ni zag pa med pa yin par mi 'os pas de la ma nyid du mi rung ngo zhe na/ de'i phyir de yang zag pa med pa'i lam la brten nas thob pa'i phyir zag pa med pa yin na zhes bya ba smos so/ /gal te de dag mi byed pa tsam po zag pa med pa ni rdzas su med ba yin pas ji ltar lam yan lag brgyad du zhe na/ de'i phyir thams cad rdzas su yod pa'i chos zhes bya ba rgyas par smos so/ /gang yang so sor thar pa'i sdom pa yang med par 'gyur te/ zhes smra ba de'i dbang du byas nas/ so so thar pa'i sdom par yang 'gyur te zhes bya ba smos so/ /sems pa gang gi cho ga sron? du btang ba zhes bya ba ni bsnyen par rdzogs pa'i cho gas zhes bya ba'i tha tshig ste/ sems pa de sdom pa yin no/ /de lta na'o na sems gzhan dang ldan pa ma bsdams par 'gyur ste/ sdom pa'i sems pa'i sems las sems gzhan dang ldan pa ma bsdams par 'gyur ro/ /ci'i phyir zhe na/ sems pa gang gis lus dang ngag sdom pa'i sems pa de de'i tshe yod pa ma yin pa'i phyir ro/ /ma yin te de la goms bas

  259. 130a

    zhes bya ba ni/ sdom pa'i sems pa nges sems kyi rgyud la de'i rang bzhin can gyi sems ces pa ma 'ongs pa skyed la sa bon du gzhag pa gang yin pa de'i ngo bo'i goms pas so/ /bya ba'i dus su zhes bya ba ni srog gcod ba la sogs pa'i sbyor ba'i dus su ste/ bdag ni srog gcod pa la sogs pa las log pa yin no zhes bya bar sdom pa len pa dran pa la nye bar gnas pa'i phyir ro ste mi byed par khas len pa'i sems la nye bar gnas pa'i phyir ro/ /de ltar na sdom pa'i sems pa rgyun dang bcas pa sdom pa yin no/ /zhes bstan pa yin no/ /gang yang chu len du yang gsungs na zhes smras pa/ de'i phyir chu lon gyi ngo bo yang 'gyur te zhes bya ba smos te// sdom pa'i sems pa zhes bya ba dang sbyar ro/ /de lta bu'i don du de yang dag par lan pa yin no zhes bya ba ni/ ci nas kyang mi byed pa dam bcas pa dran pas 'chal ba'i tshul khrims mi byed par bya ba'i phyir ro/ /brjod ngas pa 'gas kyang tshul khrims 'dran bar mi 'gyur ro zhes bya ba ni/ rnam par rig byed? ma yin pa la chu lon du brjod pa/ de ni brjod ngas pa'i dus na yang yod pa'i phyir ro/ /rnam par rig byed ma yin pa ni rnam par rig byed dang lhan cig 'byung la/ rnam par rig byed kyang 'byung ba chen po dag rgyur byas pa yin pas the tshom za nas 'dri ba ni de ci rnam par rig byed kyi 'byung ba dag kho na rgyur byas nas zhes bya ba rgyas par 'byung ba'o/ /tshogs pa de nyid la zhes bya ba ni/ sa la sogs pa 'byung ba bzhi'o/ /'bras bu phra mo zhes bya ba la/ rnam par rig byed ma yin pa ni bstan du med cing thogs pa med pa'i phyir phra mo yin las rnam par rig byed ni bsdog? pas rigs pa yin no/ /rgyur byas

  260. 130b

    ba'i gzugs phal cher zhes bya ba la/ 'dod par gtogs pa'i rnam par rig byed ma yin pa ma gtogs pa da ltar byung ba'i 'byung ba chen po rnams rgyur byas pa las skye'o/ /'dod gtogs rnam rig min skad cig /ces bya ba la/ rnam par rig byed dang lhan cig skyes pa'i 'byung ba rnams thams cad kyi ma 'ongs pa nyid de rnam par rig byed ma yin pa'i rgyun skyed pa la rgyur 'gyur pas de'i phyir rnam par rig byed ma yin pa skad cig ma dang po ma gtogs pa skad cig ma gzhan gang yin pa de thams cad ni 'das pa'i 'byung ba chen po rgyur byas te gdags so/ /skad cig ma dang po ni lhan cig skyed pa'i 'byung ba chen po kho na rgyur byas nas skye'o/ /de nyid kyi phyir skad cig phyin chad ces bya ba khyad par ro/ /'dod gtogs zhes bya ba smos pa ni bsam gtan dang zag pa med pa sdom pa bcad par bya ba'i phyir te/ de dag gi rten 'byung ba chen po rnams ni sems dang 'dra bar dus mnyam pa'i phyir ro/ /de dag ni 'di'i gzhi'o don du 'gyur la zhes bya ba ni/ dper na de ltar byung ba'i 'byung ba chen po dag rgyur byas pa'i gzugs gzhan gyi rten yin pa bzhin no/ /'jug pa dang rjes su 'jug pa'i rgyu yin pa'i phyir go rim bzhin te/ zhes bya ba ni 'das pa'i 'byung ba chen po dag ni 'jug pa'i rgyu yin/ ci'i? phyir gzhi'i dran du 'gyur la/ da ltar byung ba'i lus 'byung ba chen po'i rten gyi don gyis so/ /lag pas 'phul ba ni 'jug pa'i rgyu'o/ /sa'i phyogs ni rjes su 'jug pa'i rgyu'o/ /'byung ba dang lus dang ngag gi las rnam lnga pa yin pa'i phyir 'dri ba ni/ yang gtan yod pa'i lus dang ngag gi las zhes rgyas par 'byung ste/ bsam gtan bzhi pa yan chad na 'byung ba dag med pa'i phyir dang/ lus dang ngag gi las med pa'i phyir/ bsam gtan bzhi pa'i sa pa'i bar zhes

  261. 131a

    bya ba smos so/ khams su ma gtogs pa'i phyir zhes bya ba ni 'di la skye ba kho na nges pa'i rgyu yin gyi/ rang gi sa pa'i nyid ni ma yin te/ zag pa med pa ni ldan pa ma yin pa'i phyir ro/ /zhes ston to/ /de ltar na 'o na zag pa med pa'i 'byung ba dag kho na rgyur byas pa las 'byung ngo zhe na/ de'i phyir zag pa med pa'i 'byung ba dag med pa'i phyir zhes bya ba smos so/ /de ltar na ni 'o na 'byung ba la bltos pa med par 'gyur ro/ /zhe na/ de'i phyir de'i stobs kyis skye ba'i phyir ro zhes bya ba smos te/ rgyur byas pa'i gzugs ni 'byung ba la ma bltos par mi 'byung la/ sems tsam gyi stobs kyi skye na ni 'di rgyur byas pa'i gzugs yin pa nyid la gnod par 'gyur ro/ /der yang rnam par rig byed dang rig byed ma yin pa'i las rnams rig par bya'o/ /rnam par rig byed ma yin pa ni rnam pa gnyis te/ mnyam par bzhag pa'i sems dang/ mnyam par ma bzhag pa'i sa pa'o/ /de la rnam rig byed min ma zin dang zhes bya ba rgyas par 'byung ngo/ /yul na mi gnas pa'i phyir dang/ sems dang sems las byung ba dag gis rten gyis dngos por ma gzung pa'i phyir na ma zin pa'o/ /dge ba dang mi dge ba'i skal ba mnyam pa'i rgyus skyed pa'i phyir rgyu mthun pa las 'byung ba'o/ /dge ba dang mi dge ba yin pa'i phyir rnam par smin pa las skyes pa ni ma yin te/ rnam smin lung du ma bstan zhes 'byung ba'i phyir ro/ /rgyas pa las byung ba yang ma yin te/ rdul phra rab bsags pa med pa'i phyir dang/ de skye ba rnam par shes pa la bltas pa'i phyir ro/ /sems can du ston pa yin te/ lus dang ngag gi las kyi mtshan nyid yin pa'i phyir dang/ sems can gyi rgyud du gtogs pa'i phyir ro/ /'di ni

  262. 131b

    khyad par yin te/ mnyam par ma bzhag pa'i sa pa yin na ni/ rgyu mthun zin pa'i 'byung las skyes/ rgyas pa las byung ba'i 'byung ba las skye ba ni ma yin te/ de'i rten gyi 'byung ba chen po dag skad cig gcig pa yin pa'i phyir dang/ rgyas pa las byung ba'i 'byung ba chen po dag ni rgyun chags par rjes su 'jug pa'i phyir ro/ /ma zin pa'i 'byung ba las skye ba yang ma yin te/ de'i 'byung pa chen po dag lus kyi 'byung ba chen po dang tha mi dad pa'i phyir ro/ /ting nge 'dzin las skyes pa ni rgyas pa las byung ba dang zhes bya ba rgyas par 'byung ste/ rgyas pa las byung ba'i 'byung ba las skye ba'i rgyu mthun pa'i 'byung ba las skye ba ni ma yin te/ de'i rten 'byung ba chen po ting nge 'dzin las skyes pa rgyas pa las byung ba las ma gtogs pa'i rgyu mthun pa med pa'i phyir ro/ /ma zin pa'i 'byung ba las skyes pa kho na yin gyi/ zin pa'i 'byung ba las skyes pa ni ma yin te/ 'byung ba chen po rnams sems la rag las pa yin pa'i phyir ro/ /zin pa rnams ni sems la bltos pa med par 'jug go /tha dad min las skyes zhes bya ba ni 'byung ba chen po gang dag kho na rgyur byas na srog gcod pa spang ba skye ba de dag kho na las tshig kyal pa spong ba'i bar du skye'o/ /zhes bya'o/ sems bzhin du 'byung ba tha mi dad pa'i phyir ro zhes bya ba ni/ dper na de skyed par byed pa'i sems tha mi dad de/ /srog gcod pa la sogs pa spong ba thams cad kyi sems lhan cig 'byung ba'i rgyu yin pas tha mi dad pa de bzhin du skyed par byed pa'i 'byung ba chen po dag kyang spong ba thams cad la tha mi dad pa yin no/ /yang rgyu cis mnyam par mi bzhag pa las rgyu mthun pa'i 'byung ba skye bar 'gyur zhe na/ mnyam par bzhag pa las ni rgyas pa las byung ba sems kyi khyad par mngon du gyur pa'i 'byung ba?

  263. 132a

    bar bsags pa yod pa'i phyir dang/ sems dang lhan cig? spyod pa'i phyir mnyam par bzhag pa las 'byung ba rgyas pa las byung ba rnams so/ /mnyam par ma bzhag pa las ni de'i kun slong gi sems pas mnyan par bzhag pa'i sems med par 'byung ba rgyas pa las byung ba de skye ba med pas so/ /kha cig ni rgyu mthun pa las ma yin te/ rgyu mthun pa sngar 'gags pa'i 'byung ba bzhi tshan las so zhes so/ /thogs pa dang bcas pa thogs pa med pa'i 'byung ba las gyur pa'i 'bras bu nyid kyi phyir de dag gi de rnams rgyu mthun par mi rung ngo/ /de ltar nges par thogs pa med pa'i 'byung ba'i 'bras bu rnams a nTa ngo bo 'gags pa rnams par rgyu mthun pa de rnams su 'gyur ro zhes smra bar byed do/ /mnyam par bzhag pa'i ma zin pa rnams ni mnyam par bzhag pa'i sems kyi 'bras bu yin pa'i phyir/ de rnams lus la sred (dang po ma yin pa A ri la de byin? ngo bo? snga ma dang bcas pa'o? sngon du dgag pa'i na dang/ dbyangs la yi ge bzlog pa'i cho ga byas pa yin nam dpyad?) pa rgyur byas ba ma yin pa zin pa ma yin no/ /de dag gi mtshan nyid la yod pa ni kha dog skyed par byed pa'i 'byung ba chen po bzhin no/ mnyam par bzhag pa'i zin pa rnams ni rten la rag las te de skye ba'i phyir ro/ /yang ci'i phyir mnyam par bzhag pa dang tha dad pa dang/ mnyam par ma bzhag pa dang tha dad pa rnams phan tshun gyi stobs kyis 'bras bu gcig skyed par byed ce na/ 'byung ba bzhi tshan gcig nyid 'bras bu rnam par rig byed ma yin pa bdun du 'gyur ro/ /bzlog pa ni mnyam bar bzhag pa las tha mi dad pa rnam par rig byed ma yin pa'i 'bras bu rnams rgyu mtshungs par grub pa'i phyir rim pa gcig gis rim pa thams cad du 'gyur ro/ /mnyam par bzhag pa'i rnam par rig byed bzhin cig car mnyam par bzhag?

  264. 132b

    pa'i rnam par rig byed ma yin pa rnam pa bdun yang rung ngo/ /rnam par rig byed ni rgyu mthun pa las byung ba yin pas rnam par rig byed skyed pa'i 'byung ba rnams kyi rgyu mthun pa sems can du ston pa'o/ /ji ltar 'phen pa 'dir 'jug pas rnam par rig byed ma yin pa rgyu mthun pa las byung ba ste/ 'di yang dang yang 'grib pa ma yin zhing mnyam par bzhag pa'i sems las skye ba ma yin zhing rgyas pa las byung yang ma yin no/ /zin pa ni lus kyi zhes bya ste/ lus kyi 'byung ba chen po dang tha mi dad par 'jug pa'i phyir lus kyi zin pa la/ da dag ni zin pa ma yin no zhes bshad par 'gyur ro/ /yang ci'i phyir rig byed 'di skye ba na zhes bya ba rgyas par 'byung ste/ rnam par rig byed de ni sngar gyi dbyibs kyi rgyun ma zhig par rgyu mthun pa las byung ba'i 'byung ba chen po gzhan dag kho na rgyur byas nas skye ste/ lha'i mig bzhin no/ /kha cig na re rnam par rig byed kyi dbyibs kyi 'byung ba chen po dag ni gro ba'i phyir mi dmigs te/ yan lag gi tshon bzhin no zhes zer ro/ /gzhan dag na re lus la gseb yod pa'i phyir te/ de dag gi go skabs yod do zhes zer ro/ /de ltar rnam par smin pa'i gzugs chad pa yang rgyun chags pa'i nyes pa yang med la/ 'byung ba'i tshogs gcig la dbyibs gnyis gang la brten nas skye bar 'gyur ba chen por 'gyur ba dang/ yan lag tha dad gis rnam par rig par byed pa yang ma yin no/ /gal te rnam par smin pa'i gzugs chad pa yang rgyun chags pa'i nyes pa yang med la/ 'byung ba'i tshogs gcig la dbyibs gnyis gang la brten nas skye bar 'gyur ba chen por 'gyur ba dang/ yan lag mdza' dag gis rnam par rig par byed pa yang ma yin no/ /gal te rnam par smin pa'i gzugs chad pa yang mtshams mi sbyor na

  265. 133a

    ci ltar dud 'gro'i skye gnas su gtogs pa 'ga' zhig yang mtshams sbyor bar 'gyur/ de rnams kyi rgyu mthun pa phan tshun skye'i/ rnam par smin pa las skyes pa ni ma yin pas dmyal ba rnams dang lha rnams kyang ji ltar nying mtshams sbyor bar 'gyur zhe na/ mi rnams kyi dbang du byas te/ mtshan nyid rnam par bzhag pas skyon med do/ /rnam pa gnyis zhes bya ba la/ de ni sems pa dang nges byas zhes bya ba'o/ /rnam pa gsum zhes bya ba ni/ sems pa dang rnam par rig dang rnam par rig byed dang yin pa rnams so/ /yang na sems pa yid kyi las yin te/ des skyed lus dang ngag gi las zhes bya ba yin no/ /rnam pa lnga zhes bya ba ni lus dang ngag gi las re re la rnam par rig byed dang/ rnam par rig byed ma yin par phye la/ sems pa yid kyi las yin no/ /zhes bya ba dang rnam par bshad pa yin no/ /de la zhes bya ba ni las rnam pa lnga las so/ /rnam rig min lung bstan min med/ ci'i phyir zhe na/ de skye ba ni kun nas slong bar byed pa stobs dang ldan pa la bltos pa'i phyir dang/ lung du ma bstan pa'i sems ni stobs chung ba yin no/ /gal te 'gags kyang de la sems gzhan dang sems rjes su 'bral bar 'gyur bas zhes bya ba la/ de slong bar byed pa lung du ma bstan pa'i de la'o/ /rnam par rig byed ma yin pa ni de'i skad cig pa yod pa yang ma yin te/ dge dang mi dge'i rjes 'brel gang/ zhes byung ba'i phyir ro/ /rnam par rig byed dang sems pa'o zhes bya ba la/ rnam par rig byed ces bya bas ni lus dang ngag gi rnam par rig byed bsdu'o/ /gzhan na ni med do zhes bya ba smos te/ gzugs dang gzugs med pa'i khams gnyis na'o/ /mi dge ba'i las mtshungs par ldan

  266. 133b

    pa'i sgo nas sam kun nas slong ba'i sgo nas gzugs dang gzugs med pa'i khams ngag tu mi dge ba'i rtsa ba rnams dang/ ngo tsha med pa dang/ khrel med pa dag spangs pa'i phyir mi dge ba'i las mang ngo/ /de ni rnam par rig byed dang rnam par rig byed ma yin pa gnyis kyis dang khams kyi rnam par bzhag pa nges par bstan pa'i phyir/ de la gzugs na'ang rnam rig min zhes bya ba smos so/ /'byung ba med pa'i phyir zhes bya ba ni gzugs med pa rnams na 'byung ba dag med pa?/ rgyur byas pa'i gzugs 'byung ba dang/ rgyur ma byas pa yod pa yang ma yin pas gzugs med pa dag na rnam par rig byed ma yin pa med do/ /zhes kha cig go /de ltar zag pa dang bcas pa nyid la ni sdom pa dang dgag par bshad pa ma yin la/ zag pa med pa la ni ma yin te/ skal ba mi mnyam pa'i 'byung ba chen po rgyur byas pa las skye ba'i phyir ro/ /de'i phyir rgyu gzhan smos pa ni gang na lus dang ngag 'jug pa zhes bya ba rgyas par 'byung ste/ kha na ma tho ba dang bcas pa'i lus dang ngag gi 'jug pa sdom pa'i don gyis na sdom pa zhes bya ba ni/ gzugs med pa'i khams na ni lus dang ngag gi 'jug pa yod pa yang ma yin te/ de na de gnyis med pa'i phyir ro/ /'o na 'dod pa'i khams 'dir gzugs med pa'i snyoms par 'jug pa la snyoms par zhugs pa la yod par 'gyur te/ 'di ni 'byung ba dag dang lus dang ngag gi 'jug pa yang yod pa yin no/ zag pa med pa'i rnam par rig byed ma yin pa bzhin no/ /zhes bya ba ni gong du skyes pas zag pa med pa'i rnam par rig byed ma yin pa zag pa med pa ni zag pa med pa'i 'byung ba med kyang sa de pa'i 'byung ba dag rgyur byas nas skye ba bzhin no/ /ma yin te de ni khams su ma gtogs pa'i phyir zhes bya ba la

  267. 134a

    'dod pa dang gzugs dang gzugs med pa na spyod pa'i sred pa ngag gis bdag gir ma byas pa'i phyir na kham gsum gtogs pa nyid de/ de ni khams sam sa'i sgo nas kyang bya ste/ 'byung ba chen po dag dang skal ba mnyam pa yang ma yin la/ skal pa mi mnyam pa yang ma yin pas de dag rgyur byas nas skye'o/ /gzugs med pa na spyod pa'i rnam par rig byed ma yin pa ni 'dod pa dang gzugs na spyod pa skal pa/ mi mnyam pa'i 'byung 'gyur byas nas skye bar 'os pa ma yin no/ /ji ltar gzugs thams cad la rgyab kyis phyogs zhe na/ de'i phyir/ gzugs kyi 'du shes dang bral ba'i phyir ro zhes bya ba smos te/ gzugs kyi 'du shes dang bral ba nyid yin pa'i phyir zhes bya ba'i tha tshig go /'chal pa'i tshul khrims de yang 'dod pa na spyad pa yin na zhes bya ba ni mi dge ba'i rtsa bas kun nas bslang ba'i phyir ro/ /gzugs med pa na spyod pa rnams ni 'dod pa'i khams las zhes rgyas par 'gyur ste de la rten pa ni snyoms par 'jug pa de ma thag pa'i rkyen gyi rten nyid mi srid pa'i phyir ro/ /rnam pa rig pa ni rags pa la sogs pa'i rnam pa rnams kyis 'dod pa'i khams a nA ka ra Na ta/ 'dis dmigs pa ring ba nyid kyang bshad de bsam gtan bzhi pa nyid gzugs med par rags pa'i rnam pas dmigs pa'o/ /gnyen po ring pa nyid ni 'dod pa la 'dod chags dang ma bral bar de mngon du 'gyur ba ma yin ma yin ma yin byed pa'i phyir ro mi srid pa'i phyir ro/ /rnam par sun 'byin pa la sogs pa de rnams mi 'thad do/ /yul med par rnam par sun 'byin par nus pa ma yin no/ /'dir ni gnyen po ring ba nyid dper brjod pa yin no/ /rnam rig dpyod dang bcas dag na zhes bya ba ni/ dpyod pa smos pa ni bsam

  268. 134b

    gtan dang po mdza' dag la khyab par byed pa'i phyir ro/ /'dod pa na 'ang ba sgribs pa med zhes bya ba'i yang zhes bya ba'i sgras ni bsam gtan dang po'i gong na yang med do zhes bya ba ste/ de ltar na bsam gtan dang po kho na na yod do zhes bstan to/ /de yin na zhes bya ba ni tshangs pa'i 'jig rten gyi gong bsam gtan gnyis pa la sogs pa dag na'o/ /phyi'i 'byung ba chen po rgyur byas pa zhes bya ba ni gos dang rgyan la sogs pa'i rgyu can no/ /'di la kha cig bstan bcas su ldan pa gsungs pa'i phyir na 'di ni de ltar ma yin te/ 'di skad gang zhig sgra'i khams dang ldan zhe na/ smras pa 'dod pa na spyod pa dang gzugs na/ spyod pa'o/ /gang zhig ldan pa ma yin zhe na/ gzugs med pa na spyod pa'o zhes gsungs na/ sems can du ston pa ma yin pa'i phyi'i dang ni ldan pa yod pa ma yin no/ /dbang po dang tha mi dad pa'i sgra'i khams ni thams cad na yod pa'i phyir ro/ /yang na ni de'i phyogs gcig na yod pa'i dbang du byas nas bshad pa'i phyir nyes pa med do zhes rgol bar byed do/ /gzhan dag na re zhes bya ba rgyas par 'byung ste/ bsam gtan gnyis pa la sogs par skyes pa de dag ni/ bsam gtan dang po'i sa ba phan tshun smra bar byed do/ /ma bsgribs la lung du ma bstan pa rnam par rig byed kyi kun slong can yid kyi rnam par shes pa mngon du byed de rnam par shes pa'i tshogs bzhin no/ /de'i phyir ma bsgribs la lung du ma bstan pa kho na yin no/ /de lta bu zhes bya ba ni/ dge ba dang nyon mongs pa can gyi rang bzhin mngon du mi byed pa'i rgyu smras pa dman pa'i phyir dge ba mngon du mi byed la/ spangs zin pa'i phyir nyon mongs pa can mngon du mi byed do/ /snga ma kho na brjod do zhes bya ba ni phyi'i 'byung ba tshan po rgyur byas pa'o/ /bar med par na nan+ta ri ki tsi? kA ra Na ma su rgyu mi nus ?/

  269. 135a

    ma ra? ki la/ de rnam par rig byed kyi kun slong can sa gzhan du skyes pas lus dang ngag gi las slong bar byed de/ 'di yang bcom ldan 'das gnas gtsang mar bzhugs pa la gnas gtsang ma pa rnams kyis phyag 'tshal ba dang bstod pa dang bkur sti byed pa'i phyir ro/ /gzhan dag na re gnas gtsang ma la sogs par gshegs te dri ba mdzod pa thos pa'i phyir/ tsam gyi sgo nas so zhes zer ro/ /gang phyir kun slong med ces bya ba la/ rtogs pa dang dpyod pa dang bcas pa dang bsgom pas spang bar bya bas rnam par rig byed kun nas slong ba na byed de/ gang yang rung ba zhig ma tshang bas ni ma yin no/ /ci'i phyir zhe na/ brtags shing dpyad nas tshig tu smra'am? brtags ma dpyad par ni ma yin no zhes 'byung ba'i phyir la/ mthong bas spang par bya ba ni kha nang du bltas nas 'jug pa'i phyir rnam par rig byed kun nas slong bar mi nus so/ /bsgom par bya ba ni kha phyi bltas te 'jug pa'i phyir nus na 'dod pa'i phyir na ni bsgom pas spang bar bya ba bsgribs pa ma yin te/ 'jig tshogs dang mthar 'dzin par lta ba las ma gtogs pa'i bsgribs la lung du ma bstan pa gzhan med pa'i phyir la/ de gnyis kyang mthong bas spang bar bya ba yin pa'i phyir ro/ /tshangs pa'i 'jig rten gyi gong na rtog pa dang dpyod pa dag yod pa yang ma yin te/ de'i phyir gang yang rung ba dang bral ba'i phyir bsam gtan gnyis pa la sogs pa dag na rnam par rig byed med la/ 'dod pa'i khams na bsgribs pa yang med do/ /'dod pa'i khams na kun nas slong ba med pas bsgribs pa med do zhes bya bas rnam par dpyod pa skyes pas 'dri ba ni yang ci kun nas slong ba'i dbang kho nas chos rnams kyi zhes bya ba rgyas par 'byung ba'o/ /thar pa dam pa'i don du dge zhes bya bas ni don gyi ngo bo nyid dang mtshungs

  270. 135b

    par ldan pa dang kun nas slong bas dge ba ni kun rdzob tu yin no zhes bstan par 'gyur ro/ /de ni gcig tu shin tu dge ba ma yin te/ 'du byed dang 'gyur ba'i sdug bsngal dag gis bde ba ma yin pa'i phyir ro/ /mya ngan las 'das pa zhes bya ba rgyas par 'byung bas ni 'dir dge ba'i don ni bde ba'i don yin no zhes ston to/ /de ltar rnam par smin pa bde ba nyid kyis phung khrol thams cad sel ba'i don gyis lhag ma rnams dge ba nyid du bdag nyid thams cad kyis shes par 'gyur ro/ /gzhan dag na re/ dam pa yang yin la don yang yin pas don dam pa'o zhes zer ro/ /dam pa zhes bya ba ni mthar thug pa ste/ phul du dbyung du med do snyam du bsams pa'o/ /don ni rdzas dang dngos po zhes bya ba'i don to/ /'di skad bstan par 'gyur te/ mya ngan las 'das pa ni dge ba'i don gyis bogs dbyung du med pa'i rdzas yin la/ de ni rtag pa'i phyir dge ba'i chos thams cad kyi mchog yin no zhes zer ro/ /gzhan mtshungs par ldan pa dang kun nas slong ba la mi ltos pa'i phyir zhes bya ba ni/ rnam par shes pa dang tshor ba la sogs pa ltar gzhan dang mtshungs par ldan pa la mi ltos pa'i phyir dang lus dang ngag gi las ltar kun nas slong ba la mi ltos pa'i phyir ro/ /'di skad bstan par 'gyur te/ gang zhig mtshungs par ldan pa dang/ kun nas slong ba'i dbang gi dge ba dang mi dge ba dang lung du ma bstan pa'i dbye bas tha dad par mi 'gyur ba de ni rang gi ngo bos dge ba dang mi dge ba yin no/ /'o na 'gog pa dang 'du shes med pa'i snyoms par 'jug pa dang shes rab dang dad? pa dang shin tu spyangs pa dang btang snyoms rnams kyang 'dir 'dus pa bya na/ 'di dag kyang dge ba'i rtsa ba la sogs pa ste/ nam yang mi dge 'am lung ma bstan du 'gyur ba ma yin no/ /kha cig na re/ gang gi phyir gcig mdza' gcig

  271. 136a

    tu nges pa ma bzung bar rtsa ba ngo tsha khrel yod bdag nyid kyis zhes zer ro/ /gzhan dag na re/ dad pa can rnams la ngo bo nyid kyis dge ba nyid du 'dod pa kho na'o zhes zer ro/ /de lta ni ma yin te/ /rtsa ba ngo tsha khrel yod bdag nyid kyis zhes bstan pa 'di dang 'gal lo/ /mi 'gal te dgongs pa can yin pa'i phyir ro/ /'di la dgongs pa gang/ mi mthun pa'i phyogs las bzlog pa nyid kyis 'dir dge ba nyid du dgongs pa'o/ /ma yin te yang re zhig kho nar bdag nyid kyis dge ba zhes so/ /ji skad du bstan bcos las/ nyes par spyod pa gsum dang legs par spyod pa gsum dang dge ba'i rtsa ba gsum rnams mi lcogs pa med pa la brten nas 'gag par byed do zhes so/ /legs par spyod pa yongs su btugs pa ni ma yin te ma chags pa la sogs pa mi lcogs pa med pas 'gog pa nyid med pas so/ /gal te de lta na mi mthun pa'i phyogs khro ba la sogs pa yang mi dge ba'i rang bzhin du yod na/ ci'i phyir mi dge ba'i rtsa ba dang ngo tsha med pa dang khrel med pa rnams kho na ngo bo nyid kyi mi dge bar bshad ce na/ rnam par shes pa thams cad la brten pa yin pa'i phyir dang rnam pa thams cad du spang bar bya ba nyid du 'gyur ba'i phyir ro/ /de ltar byas te khro ba la sogs pa ni ma yin pas gzhan du bshad do/ /'di ltar khro ba la sogs pa ni yid kyi rnam par shes pa la brten pa bsgoms pas spang bar bya ba yin no/ /gal te de ltar na skye ba la sogs pa rnams dang 'gog pa dang 'du shes med pa'i snyoms par 'jug pa rnams ngo bo nyid kyi dge ba ma yin par 'gyur na skyon cir 'gyur/ gal te de lta na ci'i phyir de dag kun slong gi sgo nas dge bar brjod/ 'di dag gi kun slong gi sems skal pa mnyam pa ni rnyed par sla ba ma yin no/ /kun slong las de ltar brjod

  272. 136b

    do zhe na/ kun slong las bya ba la sogs pa rnams i tya tra ki tsi twa Sha te/ ma 'ongs pa'i dus nyid na de dag mi dge ba nyid kyi phyir/ de dag sngar dge ba la phyis kun slong las mi dge bar 'gyur ba ma yin no/ /bye brag tu smra ba rnams na re 'dir de'i rang bzhin yongs su bor bas phyogs gcig ma yin no/ (zhes bya ba 'dir kha cig ni 'dod do) zhes zer ro/ /sngar yang de la bltos nas dge ba'i nyid du rnam par gzhag pa'i phyir ro/ /dge ba'i rtsa ba la sogs pa dang mtshungs par ldan pa'i chos de dag kho nas zhes bya ba la sogs pa la sogs pa zhes bya ba'i sgras ni ngo tsha shes pa dang khrel yod pa dang mtshungs par ldan pa bsdu'o/ /thob pa rnams ji ltar zhes bya ba rgyas par 'byung ste/ gal te bya ba la sogs pa rnams kun nas slong bas dge ba nyid yin na/ de ltar nyon mongs pa can gyi sems kyis kun nas bslangs pa'i thob pa rnams dge ba nyid du mi 'gyur te/ 'di lta ste/ the tshom gyis dge ba'i rtsa ba'i nying mtshams sbyor ba dang/ yang srid par nying mtshams sbyor ba'i tshe dge ba'i chos kyi thob pa rnams so// de rnams ni don dam pa'am ngo bo nyid dam/ mtshungs par ldan pa'i sgo nas dge ba nyid yin par mi rigs te/ de rnams mya ngan las 'das pa la sogs pa'i rang bzhin ma yin pa'i phyir la/ don dam pa dang/ ngo bo nyid dang mtshungs par ldan pa dang/ kun nas slong bas dge ba rnams kyang yongs su chad pa'i phyir ro/ /de'i phyir thob pa de rnams ji ltar dge ba 'di brjod dgos so/ /bsam gtan gyi thob pa rnams dang sprul pa'i sems kyi thob pa rnams ji ltar lung ma bstan yin pa brjod dgos zhe na/ de'i chos dang lhan cig skyes pa'i thob pa nams la dgongs nas de ltar bshad do/ /slob dpon 'dus bzang na re/ de ni ma yin te mnyam pa'i sems kyi rten gyis kyang skye bas /skyon med do zhes zer ro/ /de rnams ni skal pa mi

  273. 137a

    mnyam pa'i sems la skye ba'i rkyen nyid du ltos pa yin gyi dge ba la sogs pa'i ngo bor ni ma yin no zhes smra'o/ /gal te kun nas slong ba dang mtshungs par ldan pa'i dbang gis dge ba la sogs pa'i ngo bor mi 'dod na ni des na 'o na dge ba rnams gnyis kho na khas blang bar bya ste/ don dam pa dang/ ngo bo nyid do/ /sdug bsngal thams cad 'jug pa'i bdag nyid kyis zhes bya ba la/ sdug bsngal thams cad ni nye bar len pa'i phung po lnga'o/ /de 'jug pa'i bdag nyid ni 'khor ba ste/ mchog tu mi bde ba'o/ /mi bde ba'i don dang mi dge ba'i don gyis 'khor ba ni don dam par mi dge ba'o/ /rnam pa gcig tu na skye ba la sogs pa'i sdug bsngal thams cad kyi gzhir gyur pa thams cad 'jug pa'i bdag nyid do/ /sdug bsngal thams cad ni sdug bsngal gsum yin la 'khor ba yang de dag 'jug pa'i bdag nyid do/ /nad dang mi 'phrod pa'i sman la sogs pa dper bya'o zhes bya ba la/ 'khor ba ni mchog tu mi dge yin pa'i nang kyis dper brjod par bya'o/ /chags pa la sogs pa dag ni ngo bo nyid kyis mi dge ba yin te/ de'i phyir chags pa la sogs pa dag ni mi 'phrod pa'i sman gyis dper brjod par bya'o/ /chags pa la sogs pa de dag dang tshungs par ldan pa de dag gi ngo bo ma yin pas mtshungs par ldan pa dag ni mi 'phrod pa'i sman sman dang sbyar ba'i btung bas dper brjod par bya'o/ /lus dang/ ngag gi las dang/ skye ba la sogs pa de dag gi kun nas slong ba rnams ni kun nas slong ba mi dge ba yin gyi ngo bo dang mtshungs par ldan pas ma yin pas mi 'phrod pa'i sman dang sbyar ba'i btung ba las byung ba'i 'o mas dper brjod par bya'o/ /de lta na 'o na ni zhes bya ba rgyas par 'byung ste/ 'khor ba don dam par mi

  274. 137b

    dge ba yin la/ 'khor ba'i khungs su gtogs pa'i phyir zag pa dang bcas pa'i dngos po thams cad cung zad kyang lung du bstan pa 'am dge bar mi 'gyur la/ zag pa med pa'i kho na lung du ma bstan pa'am/ dge bar thal bar 'gyur ro/ /zhe na/ don dam par de de skad du bshad kyi dgongs pa ni mtshan nyid kyi zag pa dang bcas pa dge ba dang mi dge ba dang lung du ma bstan pa nyid yin no/ /rnam par smin pa yid du 'ong ba can ni dge ba'o/ /yid du mi 'ong ba can ni mi dge ba'o/ /rnam par smin pa med pa ni lung du ma bstan pa ste/ rnam par smin pa bde ba dang bde ba can ma yin pa'i phyir dang/ rnam par smin pa'i phyir brda mi sprod pa'i phyir lung du ma bstan pa'o/ /don dam par lung ma bstan pa brtan pa dag zhes bya ba ni/ rnam grangs med par lung du ma bstan pa dag yin te/ dge ba dang mi dge ba'i mtshan nyid bzhi dang bral ba'i phyir ro/ /ci ste 'byung ba chen po rnams zhes bya ba ni dge ba dang mi dge ba nyid ma yin te/ las kyi rten 'byung ba rnams kyang sems gcig gis kun nas bslang ba'i phyir las bzhin du dge ba dang mi dge ba nyid du 'gyur ro snyam du sems so/ /byed pa po ni las la sems pa yin gyi 'byung ba rnams la ni ma yin no zhes bya ba 'byung ste/ 'ga' yang 'byung ba rnams bya'o snyam du ste/ dge ba dang mi dge ba'i sems mngon du byed pa ma yin gyi/ 'o na ci zhe na/ lus dang ngag gi rnam par rig byed kun nas bslang bar bya'o snyam du'o/ /gal te bsam pa'i dbang gi dge ba dang mi dge ba'i nyid yin gyi kun nas slong ba tsam gyis ma yin na mnyam par bzhag pa'i zhes bya ba la sogs pa 'byung ste/ mnyam par bzhag pa ni 'di snyam du rnam par rig byed ma yin pa bya'o snyam du mi sems so/ /gzhan dag na re/ nyon

  275. 138a

    mongs pas nyes par spyad pa'i gnyen po'i dbang gis bsam gtan zag pa med pa'i sdom pa dag kyang yod par bsam so zhe na/ nyon mongs pas nyes par spyad pa'i gnyen po bsam gtan dang zag pa med pa'i sdom pa dag yod mod kyi de dag kun nas slong ba las de'i gnyen por bsam pa ma yin te/ de'i phyir 'di dag kha cig gis rtogs pa ma yin no/ /mnyam par bzhag pa la rnam par rig byed ma yin pa med par bsam so zhes so/ /mnyam par bzhag pa'i gnas skabs na bsams pa yod do zhe na/ de'i phyir mnyam par ma bzhag pa'i zhes bya ba la sogs pa smos te/ sa 'og ma'i sbyor ba'i sems de ni sa gong ma'i rnam par rig byed ma yin pa kun nas slong bar byed pa yin pa mi rung ngo/ /gal te sbyor ba'i sems kyi dbang gis rnam par rig byed ma yin pa dge ba nyid du 'dod na ni/ rang gi sa pa'i ting nge 'dzin nyon mongs can gyis gzir ba sa 'og ma las nem nur du 'gyur te sbyor ba mi dge ba'i sems su gyur pa'i phyir ro/ /de lta na lha'i mig dang rna ba dag zhes bya ba la sogs pa 'byung ste/ sbyor ba'i dus na de dag sems pa yod pas so/ /'di la 'bad par bya dgos so zhes bya ba ni/ 'dir nyes pa 'dir thal bar 'gyur ba bden mod kyi 'di la lan gyi phyir 'bad par bya dgos so/ /gzhan dag ni lan du lus dang ngag gis las dag ni nam yang sems med par mthong ste/ de'i phyir de ni sems kyi dbang gis dge ba la sogs pa'i ngo bor 'byung ba rnams ni sems la bltos te 'byung ba ma yin te/ de rnams ni sems med kyang 'byung ba'i phyir ro/ /de'i phyir de rnams ni mig la sogs pa bzhin du sems kyi dbang gis dge ba la sogs par mi dbye'o zhes smra ste/ de lta

  276. 138b

    na ni 'o na skye ba la sogs pa dang/ thob pa la sogs pa rnams kyang kun nas slong bas dge ba nyid du mi 'gyur te/ de dag gi don du mi 'jug pa'i phyir dang/ sems med pa rnams la yang 'byung ba'i phyir ro/ /'di la lan ni skye ba la sogs pa dang thob pa la sogs pa rnams ni bdag nyid kyis dge ba la sogs pa nyid ma yin gyi/ 'o na ci zhe na/ chos kyi dbang gis dge ba la sogs par rnam par gzhag la/ de dag gi 'byung ba chen po rnams bzhin kha cig tu ltos pas bdag nyid pas grub pa yod do/ /sems gzhan gyi dbang gis chos skye ba la sogs pa rnams kyang dge ba la sogs pa nyid du skye'o/ /de bzhin du skyes pa'i sems med par rgyun tu zhugs par ma mthong ba'i phyir sems snga ma'i 'phen pa nyid las de 'jug go /de ltar na lha'i mig dang rna ba dag kyang dge ba nyid ma yin te/ rnam par grol ba'i lam dang lhan cig skye ba'i phyir dang/ de yang lung du ma bstan pa yin pa'i phyir ro/ /log par lta ba de las ni zhes bya ba rgyas par 'byung ste/ log par lta ba mthong bas spang bar bya ba ni log pa'i ngag gi las kyi mdza' gnyis kyi kun nas slong ba nyid du gsungs pas bsgoms pas spang bar bya ba kho na rnam par rig byed kun nas slong gi/ mthong bas spang bar bya bas ni ma yin no zhes gang bshad pa de ni 'di dang 'gal bar 'gyur ro/ /'dis kun nas slong bas kun nas slong ba'o/ /de'i mtshan nyid kun nas slong bas khyad par gyis don du rgyu smos la/ de nyid bya ba'i dus te/ de'i dus ni de'i dus kyi kun slong ngo/ /de nyid kyi phyir de'i dus kho nar de yod pa'i phyir ro zhes bya ba smos so/ /'phan par byed pa yin pa'i phyir zhes bya ba ni skyed par byed pa yin pa'i phyir te/ rgyun mdza' dag skyed pa'i rgyu nyid du gnas pa'i phyir ro/ /bya ba'i dus su mthun par 'jug

  277. 139a

    pa'i phyir zhes bya ba ni skad cig re re zhing skye ba'i dus su de la phan 'dogs pa'i phyir ro/ /gal te de'i dus kun nas slong ba skyed par byed pa ma yin na ni/ de ni rnam par rig byed kyi bya ba de la de'i dus su kun nas slong ba de'i nus pa ci zhig yod/ 'o na sems med pa'i zhes bya ba la sogs pa la/ bsnyen par rdzogs par 'dod pas dge slong gi dge 'dun la gsol ba btab nas 'gog pa la snyoms par zhugs pa'i lus kyi rnam par rig byed sdom pa'i nang du 'dus pa de sdom pa skye ba'i dus su de la dus kyi kun slong med par ji ltar skye zhe na/ zhes bya ba'o/ /mthong bas spang bya'i rnam shes ni zhes bya ba ni mthong bas spang bar bya ba ni rab tu 'jug par byed pa kho na yin gyi/ mthong bar spang par bya ba kho na rab tu 'jug par byed pa ni ma yin no/ /ji ltar rab tu 'jug par byed pa yin zhe na/ de'i phyir de kun na slong bar byed pa zhes bya ba rgyas par smos te/ mthong bas spang bar bya ba'i sems lus dang ngag gis kun nas slong bar byed pa rtog pa dang dpyod pa dag gi gzhir gyur pa'i phyir kun nas slong ba zhes bya ba ste/ dngos su ni ma yin no zhes ston to/ /bya ba'i dus na med pa'i phyir zhes bya ba ni/ mthong bas spang bar bya ba'i rab tu 'jug byed med pa'i phyir ro/ /'dir yang bya ba gcig dang du ma la spyod pa'i sems srid de/ bya ba gcig dang lhan cig nyid de/ gzhan du na bya ba skad cig ma'o/ /des kun nas bslang ba'i zhes bya ba la sogs pa ni de'i dus kyi kun nas slong ba'i dbang du byas nas brjod pa yin gyis rgyu'i kun nas slong ba ni ma yin no/ /ji ltar zhe na/ gal te mthong bas spang bar bya ba de yang rjes su 'jug par byed pa yin na ni de'i phyir mthong bas spang bar bya ba'i rjes su 'jug pa des kun nas slang ba'i lus dang ngag gi

  278. 139b

    rnam par rig byed kyi gzugs gang yin pa de yang mthong bas spang bar bya ba yin par 'gyur na/ 'dod pa na yod ma yin te/ de'i phyir mthong bas spang bar bya ba rjes su 'jug pa med do cir 'gyur zhes bya ba ni/ gal te gzugs mthong bas spang bar bya bar 'gyur na skyon cir 'gyur chos mngon pa la gnod par 'gyur te/ chos mngon pa las/ nyon mongs can min mthong spang min/ gzugs min drug pa min skyes min/ zhes bstan pa'i phyir ro/ /'thad pa yang bshad pa ni/ gzugs ni rigs pa dang ma rigs pa dag dang mi 'gal ba'i phyir/ zhes bya ba'o/ /ci ma yin zhe na/ gzugs ni mthong bas spang bar bya ba ma yin no/ /'di ltar gzugs ni mthong bas spang bar bya ba'i nyon mongs pa ltar rig pa mthong ba'i lam dang mi 'gal te/ bden pa mthong ba rnams kyang de dang ldan pa'i phyir ro/ /de'i phyir mthong bas spang bar bya ba ma yin no/ /de kun 'byung ba'i gnas skabs na zag pa med pa'i lam ltar ma rig pa mi 'byung ba ni ma yin te/ de'i phyir ma rig pa dang yang mi 'gal lo tshig lhag mar byas te lhag ma las rnam par rig byed kyi gzugs bsgom par spang bar bya ba yin no/ /zhes bya bar ro/ /phyogs 'di bsgrub par bya ba yin no zhes bya ba'o/ /gzugs rigs pa dang mi 'gal lo/ /zhes bya ba ste/ gang zhig gzugs mthong bas spang bar bya ba 'dod pa de ji ji ltar rig pa dang 'gal bar khas lan par byed/ yang na nyon mongs pa can gyi chos kyi thob pa ltar mi 'gal yang rnam par rig byed kyi gzugs dang rig pa ni mthong bas spang bar bya ba nyid do/ /'di ltar bden pa mthong ba la ngan song ba'i lus dang ngag gi las kun du 'byung ba med do/ /de'i phyir gzugs ni mthong bas spang bar bya ba yod pa ma yin no

  279. 140a

    zhes bya bar sgrub par bya ba yin no/ /ha cang thal bar 'gyur pas gzhan gyi phyogs bsal bar bya ba'i phyir/ 'byung ba rnams kyang zhes bya ba rgyas par smos so/ /de nyid la rgyu smos pa ni sems mtshungs pas bslang ba'i phyir ro/ /zhes bya ba'o/ /mthong bas spang bar bya ba'i sems gang gi gzugs de bslang ba de nyid kyis de'i rten 'byung ba rnams kyang bslang ba yin no/ /de ltar na mi 'gyur te zhes bya ba ni/ ji ltar dge ba dang mi dge ba'i sems kyis kun nas bslang ba'i gzugs kho na dge ba dang mi dge ba yin gyi/ de'i rten 'byung ba rnams ni ma yin no/ /yang na gzugs ltar 'byung ba rnams kyang mthong bas spang bar bya bar 'gyur mod/ kho bo cag la ci gnod/ nyon mongs pa can ma yin pa'i chos zhes bya ba ni ma bsgribs la lung du ma bstan pa dang dge ba zag pa dang bcas pa'o/ /rig pa dang ma rig pa dag dang mi 'gal ba'i phyir zhes bya ba la ni/ thob pa gcod pa'i 'gal ba'i sgo nas ni rig pa mthong ba'i lan dang 'gal bar 'gyur ba zhig ste/ dper na mthong bas spang bar bya'i nyon mongs pa rnams thob pa chad pa'i phyir 'gal ba bzhin no/ /lam bzhin du ma rig pa dang 'gal ba yang ma yin zhing 'byung ba chen po rnams ni ma bsgribs la lung du ma bstan pa yin la/ de rnams kyang bsgoms pa spangs bar bya ba kho na yin no/ /de'i phyir de ltar rgol ba bkod de mthong bas spang par bya ba'i rnam par shes pa ni rab tu 'jug par byed pa kho na yin no zhes lan rab tu bzhag nas 'jug par byed pa ni de lta bas na mdo las rgyu'i kun nas slong ba'i dbang du mdzad nas zhes bya ba rgyas par 'byung ste/ log par lta ba de las ni log par rtog pa dang/ log pa'i ngag dang/ log pa'i las kyi mdza' 'byung bar 'gyur zhes

  280. 140b

    gang gsungs pa de dang 'gal ba med do/ /rab tu 'jug byed kyi dbang las dge ba la sogs pa nyid pra tri (so so rtogs pas) pa de tya/ mthong bas spang bar bya ba nyid ces a b+hi su lugs gzhan gyi rgol ba'i tshig go /de 'dir rab tu 'jug byed kyi dbang la sogs pa nyid du mi 'gal lo zhes khas len par byed de/ gzugs ni mthong bas spang bar bya ba nyid du 'gal lo/ /rig pa dang 'gal ba'i phyir ro zhes bya ba na khas len par mi byed pa'o/ /mthong bas spang bar bya ba rab tu 'jug byed bsgoms pas spang bas bar chod pa yod pa ma yin no/ /mthong ba'i lam gyi sa 'ga' zhig la chags pa dang bral ba ma yin pas ci ltar de gnyi ga yang spang bya'i ngo bor brjod par byed/ yid ni zhes bya ba ni mig la sogs pa'i rnam par shes pa las rnam par gcod pa'o/ /bsgom pas spang bar bya ba ni/ mthong bas spang bar bya ba dang/ zag pa med pa las rnam par gcod pa ste/ mthong bas spang bar bya ba ni rab tu 'jug par byed pa kho na yin gyi rjes su 'jug par byed pa ni ma yin no/ /zag pa med pa ni gnyi ga ma yin no zhes bya ba la/ 'di yang rigs kyi dbang du byas nas brjod pa ste/ mnyam par bzhag pa la 'jug pa'i phyir ro/ /lnga ni rjes su 'jug par byed pa kho na yin gyi rab tu 'jug par byed pa ni ma yin te/ dpyod par mi nus pa'i phyir ro/ /zag pa med pa ni gnyi ga ma yin no zhes bya ba ni/ mnyam par bzhag pa'i phyir dang/ kha nang du bltas pa'i phyir dang/ 'jug pa'i dang 'gal ba'i phyir ro/ /dman par 'gyur ba ma yin zhes bya ba ni mi mnyel ba dang mi ldan pa'o/ /dge ba'i rgyud gcig pa zhes bya ba ni/ dge bar rgyud cig pa'o/ /mdo las kyang zhes bya bas ni sangs rgyas bcom ldan 'das kyi dbang du mdzad nas zhes bya ba ston to/ /'di la ngan

  281. 141a

    pa mi mnga' bas na glang chen no/ /ngan pa ni nyes pa'o de skad du ni mdo nyid las sku dang gsung dang thugs kyi ngan par mi mdzad de/ de lta bas na glang po chen po zhes bya ba zhes gsungs so/ /de'i phyir tshigs su bcad pa 'dis ni spyod nA? ga? zhes bya ba'i a ka ngan? pa dang na dgag par byas te de'i tshig gis bshad pa'o/ /lam bzhi char la dge ba'i thugs las lung du ma bstan pa'i thugs su 'byung ba yod pa ma yin no zhes ston to/ /mi bzhed bzhin du zhes bya ba rgyas par 'byung ste/ sangs rgyas bcom ldan 'das rnams kyi thugs ni mi bzhed pa mi dgongs bzhin du mi 'gro ba'i phyir zhes bya ba ni dmigs pa gzhan la mi 'gro zhes bya ba'i tha tshig go/ mngon par 'du bya ba med par 'jug pa ces bya ba'i don to// 'di na yang bsgribs la lung du ma bstan pa'i rnam par? rig? byed yod par 'gyur ro zhes bya ba ni/ 'dod pa'i khams na 'jig tshogs dang mthar 'dzin par lta bas kun nas bslang ba'i rnam par rig byed kun nas slong ba'i dbang gis bsgribs la lung du ma bstan pa yin pa'i phyir te/ de ltar 'dod pa na yang bsgribs pa med pa zhes gang smras pa de dang 'gal bar 'gyur ro/ /yang na mthong bas spang bar bya ba thams cad kun nas slong bar byed pa ma yin no snyam du gzhan gyis bsam pa la ltos nas yang na mthong bas spang bar bya ba thams cad ces bya ba rgyas par smras te/ de skad du 'jig tshogs dang mthar 'dzin par lta ba ma gtogs pa zhes brjod par bya'o/ /gal te rjes su 'jug par byed pa ji lta ba bzhin zhe na ni zhes bya ba rgyas par 'byung ste/ de ltar na dge ba'i sems kyis rnam par rig byed 'phangs pa na mi dge ba dang lung du ma bstan pa'i sems dang lhan cig 'byung bas/ mi dge ba dang lung du ma bstan pa nyid du thal

  282. 141b

    bar 'gyur ro/ /de'i phyir gzhan du spyad pa gzhan nyid du 'gyur ro/ /rab tu 'jug par byed pa bsgoms pas spang bar bya ba ji ltar rig byed kyang de dang 'dra'i/ rab tu 'jug par byed pa mthong bas spang bar bya ba ji lta bar rnam par rig byed kyang de dang 'dra ba ni ma yin no/ /de la rgyu smras pas bsgom pas spang bar bya bas bar du chod pa'i phyir zhes bya ba ste/ gang gi phyir rab tu 'jug par byed pa mthong bas spang bar bya ba la/ rab tu 'jug pa byed pa bsgom pas spang bar bya bas bar du chod pa de'i phyir bsgom pas spang bar bya ba ji lta ba de ltar rnam par rig byed yin gyi/ mthong bas spang bar byed ji lta bar ni ma yin no/ /gang zag log par lta ba 'am bdag tu lta ba zhig gzhan dag la 'jig rten pha rol med pa 'am/ bdag yod par ston par 'dod pas ngag skyed par byed pa'i sems kha phyir bltas pa bsgom pa spang bar bya ba rtog pa dang bcas shing dpyod pa dang bcas pas tshig tu smra par byed kyi/ lta ba dang mtshungs par ldan pas ni ma yin pa'i phyir na bar du chod par 'gyur ro/ /bsgom pa spang bar bya ba ni dngos su rnam par rig byed kun nas slong bar byed pas yin pas de'i dbang kho nas rnam par rig byed rnam par gzhag go/ 'o na ni mdo las zhes bya ba rgyas par 'byung ste/ gal te rjes su 'jug pa'i dbang gis rnam par rig byed dge ba la sogs pa nyid yin na ni mdo las rgyu'i kun nas slong ba la dgongs te gsungs kyi zhes bya ba rgya cher 'byung ba 'di brjod par rigs na /gang gi tshe rgyu'i kun nas slong ba las rnam par rig byed dge ba la sogs pa nyid yin pa de'i tshe khyad par brjod par mi rigs so/ /de ltar na 'dod pa na yang bsgribs pa'i rnam par rig byed yod par 'gyur te/ 'di skad du brjod par bya ste zhes slob pa'o/ /gzhan kyis chod pa'i zhes bya ba

  283. 142a

    la/ mdo las bsgom pas spangs par bya bas bar du chad pa'i rgyu'i kun nas slong ba'i dbang du mdzad nas gsungs pa'i phyir mi 'gal lo/ /gzhan dag na re 'dis rab tu 'jug byed skad cig ma du ma nyid do/ /zhes ston par byed de zhes zer ro/ /dgongs pa de rab tu 'jug par byed pa de'i 'phan par byed pa nyid yin yang ji ltar bsgoms pas spang bar bya ba las gzhan pa rjes su 'jug byed du 'gyur zhes bya ba rgol ba'i tshig ste/ /ba phyir bltas kyi 'jug ba yin pa'i phyir zhes bya ba'o/ de ltar mthong bas spang bar bya ba ma yin zhes bya ba rig pa'i gnyen po'i rang bzhin gyi 'jug pa rnam par rig byed de de lta bu nyid kyis 'gal ba med do zhes bya ba rgol pa'i tshig log par sgrub pa ma yin no/ /'jigs tshogs la lta ba la sogs pa bzhin 'khor med pa'i phyir dang/ skye ba la sogs pa bzhin grub pa dang bde ba gcig pa med pa'i phyir zhes to/ a ba sya yam/ de'i phyir 'di 'dod pa tsam ma yin no/ /zhar las byung ba rdzogs so zhes bya ba ni las rnams kyi sa dang khams rnams bzhag pa'i zhar la 'ongs pa'o// //so sor thar ces bya rnam brgyad ces bya ba 'byung ste/ de la nyes par spyod pa dang 'dod pa las dben par spyod pa'i gang zag gi dbang du byas sdom pa dang po rnam pa lnga rnam par bzhag ste/ de 'dra ba des ni ji srid 'tsho ba'i bar du srog gcod pa la sogs pa'i nyes par spyod pa dang mi tshangs pa spyod pa las ldogs pa nus so/ /gang zhig nyes par spyod pa las dben par spyod pa 'ba' zhig tu zad pa de'i dbang du byas nas ni khyim pa'i sdom pa ji srid 'tsho ba gnyis te/ de nyid kyi phyir de ni 'dod pas log pa g.yem pa ldog pa rnam par bzhag gi mi tshangs par spyod pa las ni ma yin no/ /

  284. 142b

    gnyig las gtan du dben pa la goms pa dang bral ba la ni rim gyis de gnyig las goms par bya ba'i phyir/ /snyen gnas kyi sdom pa nyin zhag pa kho na rnam par gzhag go/ mtshan gyur pa la sngon gyi sdom pa gtong ba'i rgyu yang yod pa ma yin la zhes bya ste/ bslab ba phul ba dang shi 'phos pa dang mtshan gnyis byung ba la sogs pa yod pa ma yin la/ sdom pa gtong ba'i rgyu med par sdom pa gtong ba yang ma yin no/ /sngon med pa'i sdom pa thob pa'i rgyu gzhan gyi rnam par rig par byed pa la sogs pa yod pa ma yin no/ /mtshan snga ma dang mtshan phyi ma btang ba dang byung ba nyid sdom pa gtong ba dang 'thob pa'i rgyur rigs pa yang ma yin te/ sdom pa ma blangs pas kyang mtshan gyur na sdom pa thob par thal bar 'gyur ba'i phyir ro/ /mtshan gyur pa sdom pa las 'da' ba' i rgyu ma yin pas dge slong ma la sogs par mi rung ba ma yin pas de'i phyir dge slong gi sdom pa las dge slong ma'i sdom pa gzhan ma yin zhes rgya cher ro/ /ci spong ba'i 'phel ba dang ldan pa'i phyir zhes bya ba ni dge bsnyen gyi sdom pa kho na dus ma yin pa'i kha zas za ba las sdom pa la sogs pa dang bcas pa dge tshul gyi sdom par bzhag gam/ dge slong gi sdom pa la yang de bzhin du brjod par bya'o/ /dod? tshe gcig dang gnyis zhes bya ba bzhin zhes bya ba ni zla bo med pa gang zhig la sngar dong? tshe zhes brjod pa de nyid la gnyis pa dang bcas pa la gnyis zhes bya ba bzhin du'o/ /'on te de dag thams cad tha dad pa zhes bya ba ni phan tshun tha dad pa'i ngo bor skye zhes bya ba'i tha tshig go/ lhag ma rnams kyang de dang 'dra'o/ zhes bya ba ni dus ma yin pa'i zas za ba la sogs pa sgong ba dag ste/ dus ma yin pa'i zas za ba la sogs pa las log pa dag ni dge tshul gyi sdom pa gzhan yin la/ dge slong gi sdom par yang

  285. 143a

    gzhan yin no/ /rgyags pa dang bag med pa'i gnas zhes bya ba ni/ khri stan mthon po dang/ khri stan chen po dang/ myos par 'gyur ba'i btung ba'i/ de dag la khyad par ci yod pa ces bya ba ni/ spong bar mtshungs bzhin du snyam du bsams pa'o/ /dge bsnyen yang ma yin pa kho na zhes bya ba ni 'gal ba ni dge slong gi sdom pa blangs pas dge bsnyen dang/ dge tshul gyi sdom pa gnyis dang bral ba'i phyir dge slong gi sdom pa btang bas dge bsnyen pa sdom pa med pa'i phyir dge bsnyen yang ma yin pa kho nar gyur te/ dge bsnyen gyi sdom pa med pa'i phyir ro/ /'di ni 'dod pa yang ma yin te/ 'o na ci zhe na/ dge slong gi sdom pa btshan bas dge tshul dang/ dge tshul gyi sdom pa btang bas dge bsnyen du 'dod pa yin no/ /yang kha cig na re dge bsnyen dang dge tshul gyi sdom pa dag ma bzung bar dge slong gi sdom pa ji ltar thob ces zer ro/ /gzhan dag na re thob par 'gyur te/ 'di ltar dge tshul ma byas par bsnyen par rdzogs par byed na legs par bsnyen par rdzogs par ni brjod par bya'o zhes 'dul ba las 'don par zhes zer ro/ de nyid kyi phyir dge tshul gyi sdom pa yang dge bsnyen gyi sdom pa med par yang thob bo zhes shes par bya'o/ /de dag gi 'dod pas dge slong yang gal te phyis dge tshul dang dge bsnyen dang bsnyen gnas kyi sdom pa dag skyed par byed na thob par 'gyur la/ dge tshul gyis kyang dge bsnyen dang bsnyen gnas kyi sdom pa dag go/ gang zhig der brjod par ni gtso bo'i sdom pa de dang de dag la bsten nas so zhes zer ro/ /yang ci'i phyir dge tshul la/ gar dang/ glu dang/ rol mo dang/ spos dang/ me tog phreng ba dang/ byug pa rnams gnyis su byas la/ bsnyen gnas kyi sdom

  286. 143b

    par ni gcig tu byas she na/ shin tu mang ngo snyam du sgyid? lug pa'i khyim pa rnams la sla bar bstan pa'i phyir gcig nyid du rnam par gzhag ste/ bri dzi'i bu la bslab pa'i gzhi bstan pa bzhin no/ /las mi mnyam pa can rnams sems can rnams la yang dag par 'jog pas ces bya ba'i don te/ sdig pa byed pa rnams la mi mnyam par 'jug ces bya ba'o/ /mkhas pa ni sangs rgyas dang rang sangs rgyas dang nyan thos rnams so/ /rnam par rig byed dang sems dag gis byed pas zhes bya ba la/ rnam par rig byed ma yin pa ni rnam par rig byed dang sems kyis byed de/ de la so so thar pa'i sdom pas bsdus pa ni rnam par rig byed dang sems kyis byed la/ bsam gtan dang zag pa med pas bsdus pa ni sems kyis byed do/ /bya ba'i rgyu yin pa'i phyir zhes bya ba ni rnam par rig byed kyi rgyu yin pa'i phyir ro/ /sdom pa la gnas pa ni sdom pa yang dag par bsrung ba'i phyir yan lag skum par byed la/ yan lag skum par byed pa'i rnam par rig byed de yang rnam par rig byed ma yin pa'i rgyu las byung ba yin no/ /dngos gzhis bsdus pa'i phyir ro zhes bya ba ni/ dang po de'i sgo nas lus dang ngag gi yang dag par bsdam pa'i phyir ro/ /skad cig ma gnyis pa la sogs pa la ni/ so sor thar pa'i sdom pa kho na yin gyi so so thar pa ni ma yin no/ /'jug yin gyi las kyi lam dngos gzhi'i ni ma yin te/ skad cig ma dang po kho nar sdig pa spang ba'i phyir dang/ lus dang ngag yang dag par bsdams pa'i phyir ro/ /de bzhin du sdom pa ma yin pa la yang brjod par bya ste/ bya ba khas blangs pa'i dus kho na'i rnam par rig byed dang rnam par rig byed ma yin pa dang po dag ni dngos gzhi dang las kyi lam mo/ /skad cig ma

  287. 144a

    gnyis pa la sogs pa ni mjug yin no zhes bya ba'o/ /tshul khrims ni rnam pa gnyis te/ yang dag par blangs pa'i tshul khrims dang/ chos nyid kyis thob pa'o/ /de la gang zhig 'di dang 'di bya'o snyam du de ltar len pa de ni yang dag par len pa'i tshul khrims te/ so so thar pa zhes bya ba'o/ /chos nyid kyis thob pa ni bsam gtan gyi sdom pa dang zag pa med pa'i sdom pa'o/ /so so thar dang ldan rnams brgyad zhes bya ba ni brgyad kho nas so so thar pa'i sdom pa dang ldan gyi so so thar pa'i sdom pa kho na dang ldan pa ni ma yin no/ /de bzhin du cig shos dag la yang sdom pa gzung ba rig par bya'o/ /srid pa la brten par byed pa'i phyir zhes bya ba la/ thar pa 'dod pa'i phyi rol pa rnams kyi tshul khrims kyang srid pa la brten pa kho na ste/ srid pa'i khyad par la thar par 'du shes pa'i phyir ro/ /sems gzhan dang ldan pa zhes bya ba ni/ de kun nas slong bar byed pa'i sems las gzhan pa'i sems dang ldan pa'o/ /sems med pa zhes bya ba ni 'gog pa dang 'du shes med pa'i snyoms par 'jug pa la snyoms par zhugs pa'o/ /bsam gtan dang zag pa med pa'i sdom pa gnyis ni de ltar kun slong ba'i sems med par mi 'byung ste/ de'i phyir de dag kho na sems kyi rjes su 'byung? ba yin gyi/ so sor thar pa'i sdom pa ni ma yin no/ /bar chad med pa'i lam dag zhes bya ba ni/ 'dod par gtogs pa'i nyon mongs pa rnam pa dgu spong bar byed pa'i bar chad med pa'i lam dgu'o/ /de gnyis kyis zhes bya ba ni bar chad med pa'i lam du skyes pa'i bsam gtan dang zag pa med pa'i sdom pa dag gis so/ /de kun slong bar byed pa zhes bya ba ni 'chal pa'i tshul khrims kun slong bar byed pa'o/ /de nyid kyi phyir zhes bya ba ni gang gi phyir mi lcogs pa med pa thams cad

  288. 144b

    slong ba'i sdom par mi 'dod pa'o/ /bsam gtan gyi sdom pa yin la/ spong pa'i sdom pa ma yin pa yang yod/ spong ba'i sdom pa yin la/ bsam gtan gyi sdom pa ma yin pa yang yod/ gnyi ga yin pa yang yod/ gnyi ga ma yin pa yang yod de/ mu dang po ni mi lcogs pa med pa'i bar chad med pa'i lam ma gtogs pa bsam gtan gyi sdom pa'o/ /gzugs med par gtogs pa'i sdom pa thams cad bsam gtan gyi sdom pa kho na yin gyi/ spong ba'i sdom pa ni ma yin te/ des 'chal pa'i tshul khrims dang de kun slong bar byed pa'i nyon mongs pa rnams mi spong ba'i phyir ro/ /bzhi pa ni mi lcogs pa med pa'i bar chad med pa'i lam ma gtogs pa zag pa med pa'i sdom pa'o/ /mu bzhi ci rigs par rigs par bya'o zhes bya ba la/ mu bzhi pa ci rigs pa de? ltar rig par bya ste/ ji ltar rigs zhe na zag pa med pa'i sdom pa yin la spong ba'i sdom pa ma yin pa yang yod/ spong ba'i sdom pa yin la zag pa med pa'i sdom pa ma yin pa yang yod/ gnyis ka yin pa yang yod/ gnyi ga ma yin pa yang yod de/ mu dang po ni mi lcogs pa med pa'i bar chad med pa'i lam ma gtogs pa zag pa med pa'i sdom pa'o/ /gnyis pa ni mi ldogs pa med pa'i par byad med pa'i lam du skyes pa'i bsam gtan gyi sdom pa'o/ /gsum pa ni mi lcogs pa med pa'i bar chad med pa'i lam dag? na yod pa'i zag pa med pa'i sdom pa'o/ /bzhi pa ni mi lcogs pa med pa'i bar chad med pa'i lam du ma gtogs pa'i bsam gtan gyi sdom pa thams cad do/ /lus kyi sdom pa legs pa ste/ ngag gi sdom pa leg pa yin/ zhes bya ba der ni lus dang ngag gi sdom pa dag rnam par rig byed ma yin pa'i rang bzhin du shes pa zhig na/ yid kyi sdom pa legs pa ste/ zhes gang gsungs pa dang/ gang yang mig gi dbang po sdom pas bsdams te/ gnas so zhes gsungs

  289. 145a

    pa'i yid dang dbang po'i sdom pas 'di dag na gang gi rang bzhin yin par mi shes so/ /yang yid dang dbang po'i sdom pa gnyis dran pa dang shes bzhin gyi rang bzhin no zhes bya ba'i ji ltar shes zhe na/ lung las te 'di ltar mdo las mig gis gzugs rnams mthong na yid bde bar yang mi 'gyur zhing yod mi bde bar yang 'gyur la/ dran pa dang ldan zhing shes bzhin du btang snyoms su gnas so zhes bya ba nas yid kyi chos rnams shes nas zhes bya ba'i bar du gsungs pa dang/ yang 'jig rten 'di na srol gang dag yod de dran pas bzlog pa yin/ de'i sdom pa bshad bya ste/ de nas shes bzhin gyi dgag go /zhes bya ba gsungs so/ /yang lha zhig gis dge slong dbang po yul dag la rgyu ba zhig la 'di skad ces smras so/ /dge slong rma 'byin bar ma byed cig /dge slong gis smras ba/ lha dgag par bya'o/ /lhas smras pa/ dge slong rma rdza ma tsam byung nas ci zhig gis dgag par byed/ dge slong gis smras pa/ dran pa dang shes bzhin gyis dgag par bya'o zhes bya ba 'byung ngo/ /so so thar gnas ji srid du/ ma btang bar rtag dang da ltar gyi/ zhes bya ba la/ so so thar pa'i sdom pa la gnas pa ni skad cig ma dang po la da ltar ba nyid dang ldan gyis 'das pa dang/ ma 'ongs pa dag dang ni ma yin no/ /skad cig ma gnyis pa la sogs pa dag tu ni da ltar ba gang yin pa de dang 'das pa dag dang ldan gyi ma 'ongs pa dang ma yin no/ /ji srid bslab pa phul ba la sogs pa gtong ba'i rgyu dag gis mi gtod pa de srid du'o/ (/ci'i phyir) kasmA ta bu nar ti ta dza Tma pra (yang 'das pa tshe rabs/ so sor thob pa) ti la b+hU pU rba(mdo 'grel): sngar so sor thar pa'i) pra ti mo ksha sdom pa sam+ba ra(mdo 'grel): (bsam gtan gyi sdom pa) d+ha na sam+ba ra pA (thob pa ni skad cig gis thob pa) dye ksha Ne na la b+hye te/ ('bras bu mi mtshungs pa'i phyir) a tu lya ba?/ /

  290. 145b

    la twa te ra gye tsit+tAM tu sarbe ShAM tu lya mi ti/ ta tri ba ta tho tpa dya te/ a nu tsit+ta twi dA/ bsam gtan gyi sdom pa'i khyad par dang ldan pa zhes bya ba ni bsam gtan gyi sdom pa thob pa ni rtag tu 'das pa dang ma 'ongs pa'i rnam par rig byed ma yin pa dang ldan gyi ('dod chags dang bral ba'i sems ni thams cad mtshungs zhes so/ /de la de ltar skye ba rjes su sems phyir ram) da ltar ba dang ni ma yin no/ /da ltar ba dang ni snyoms par zhugs pa kho na ldan te/ bsam gtan gyi sdom pa ni sems kyi rjes su 'jug pa'i phyir ro/ /so so thar pa'i sdom pa ni sems gzhan gyi rjes su mi 'jug pa ma yin pas ji srid ma btang gi bar rtag tu da ltar ba yod do/ /gang skye ba'i 'dir bskyed pa dor ba de ji ltar skad cig dang po 'das pa thob ce na/ de'i phyir de'i ni skad cig ma dang po zhes bya ba rgyas par smos so/ /des pa 'byed pa'i cha dang mthun pas bsdus pas ni ma gtogs te/ de ni tshe rabs gzhan dag tu thob pa btang ba mi 'thab bo/ /'phags ni dang po 'das dang min zhes pa la skad cig ma dang po nas bzung ste/ yongs su mya ngan las ma 'das kyi bar du ni ma 'ongs pa dang ldan no/ /'dir yang ma btang gi bar du zhes sbyar ro/ /gzhan du na de'i mtshan nyid mi 'thad pa'i phyir ro/ /lam sngon ma skyed pa'i phyir zhes bya ba la/ slob dpon go cha mdza' yas na re khyad par 'di ci yis zhes zer te/ rgyun du zhugs pa'i 'bras bu thob pa nas ji srid dgra bcom pa'i 'bras bu thob pa dag dbang po 'pho ba na lam sngon ma bskyed pa dang ldan pa yod pas 'di la klan ka med do/ /ma btad gi bar du zhes rjes su 'jug pa'i phyir 'dir yang bshad pa nyid do/ /langs pa dag ni ma yin pa ci zhe na/ da ltar ba dang ldan pa ni ma yin te/ de gnyis ni sems kyi rjes su 'jug pa'i phyir ro/ /gzhan dag na re/ 'phags pa'i lam la gnas par bshad pa'i phyir de snyom par 'jug pa nyid du

  291. 146a

    shes par bya ba ma yin no/ /gang gi phyir 'phags pa'i lam dang ldan pa ni 'phags pa'i lam la gnas pa zhes bya ba ste/ dper na 'bras bu dang ldan pa 'bras bu la gnas par brjod pa bzhin no/ /'chal ba'i tshul khrims dang tshul khrims kyi yan lag la sogs pas bsdus pa zhes bya ba la/ 'chal ba'i tshul khrims kyi yan lag ni srog gcod pa la sogs pa'o/ /tshul khrims kyi yan lag ni de spang pa'o/ /sogs pa zhes bya ba'i sgras ni de las gzhan pa dag bsdu'o/ /sdom pa ma yin pa la gnas pa ni mi dge ba'i chos la gnas pa'i phyir la/ sdom pa la gnas pa ni dge ba'i chos la gnas pa'i phyir bzlog pa mi sring ngo snyam na/ ci res 'ga' sdom pa ma yin pa la gnas pa zhes bya ba smras te/ de gnyis ji srid du rjes su 'brang ba zhes bya ba ni/ rab tu dang ba dang nyon mongs pa'i shugs dag go /de srid du rnam par rig byed ma yin pa de dag kyang zhes bya ba ni dge ba dang mi dge pa dag go /gzhan dag du ni zhes bya ba ni skad cig ma gnyis pa la sogs pa dag tu'o/ /ma 'ongs pa'i rnam par rig byed ma yin pa dang ni su yang mi ldan no/ /zhes bya ba la/ ci'i phyir zhe na/ de ni sems kyi rjes su 'jug pa ma yin pa'i phyir ro/ /'dis ni rnam par rig byed ma yin pa la de rag las par bshad pa nyid do/ /'das pa dag dang yang zhes bya ba ni chos ma 'ongs pa kho na dang ldan pa med pa 'ba' zhig tu ma zad pa'o/ /ches nyam chung ba'i zhes bya ba rgyas par 'byung ste/ de dang lhan cig skyes pa'i thob pa ni nyam chung ba'i phyir/ gang gi dbang gis 'gags kyang rnam par rig byed dang ldan par 'gyur ba/ thob pa gzhan 'dren par mi nus so/ /'o na ni bsgribs la lung du ma bstan pa'i

  292. 146b

    sems kyi dang yang/ zhes bya ba rgyas par 'byung ste/ gal te bsgribs pa'i rnam par rig byed kyi thob pa nyam chung ba'i phyir rjes su 'brel pa can ma yin na/ de lta na de kun nas slong bar byed pa bsgribs pa'i sems kyis thob pa yang rjes su 'brel pa can du mi 'gyur ro/ /sems kyi thob pa yang rjes su 'brel pa can du mi 'gyur ro/ /zhes gang smras pa de ni de lta ma yin te/ rnam byed ni dmigs pa med pa'i phyir blun pa dang/ sems la rag las pa'i phyir ro/ /gzhan gyi dbang yin na sems ni bzlog pa'i phyir de ltar blun pa dang gzhan gyi dbang ma yin la/ lung du ma bstan pa'i sems nyam chung bas bslang ba'i de ni ches mnyam chung bar 'gyur ro/ /dag tsam ni chung ngu la sogs pa yid ji bzhin zhes 'byung ba'i phyir ro/ /kun nas slong ba nyam chung ba nyid kyis nyam chung bar 'gyur ba nyid do/ /nyam chung ba ma yin pa nyid ces bya ba ni rgol ba'i tshig ste/ chung ngu la sogs pa yid ji bzhin zhes so/ /yang dag par blangs pa'i sems kyi dbang las chung ngu la sogs pa nyid do/ /der bshad pa ni sdom pa rnams kyi rang gi rigs la bltos pa'o/ /de ni sems bzhin du chung ngu la sogs pa nyid/ de rnam par rig byed ni blun pa nyid dang gzhan gyi dbang nyid kyi phyir nyam chung bas bslang ba na ches nyam chung ba'o zhes bya ba 'di nyid legs par 'thad do/ /nyes par spyad pa ni smad pa spyad pa'o/ /ji ltar smad pa yin zhe na/ dam pa rnams kyis smad pa'i phyir te/ dgongs pa'i phyir dang/ 'bras bu yid du mi 'ong pa'i phyir smad pa'o/ /dngos kyis bsdus pa'i phyir dang/ sems pa'i lam du gyur pa'i phyir lam gyi lam mo/ /sems zhan pa zhes bya ba ni sems drag pa bsal bar bya ba'i phyir te/ sems drag pos ni dge ba dang mi dge ba byed pa na rnam par rig byed ma yin pa kun nas slong bar byed do/ /lung du ma bstan pa lta smos

  293. 147a

    kyang ci dgos zhes bya ba ni byed na zhes bya ba dang sbyar ro/ /rdzas las byung ba'i bsod nams bya ba'i dngos po dang las kyi lam ni ma gtogs so/ /zhes bya ba ni der bsam pa gzhan pas rnam par rig byed las kyang rnam par rig byed ma yin pas 'byung ba'i phyir ro/ /der ni lung du ma bstan pa byed kyang rnam par rig byed ma yin pa dang ldan par 'gyur te/ rtag tu rgyun mi 'chad par bsod nams mngon par 'phel zhing zhes 'byung ba'i phyir ro/ /tshe gzhan du yongs su gyur nas da rung rnam par rig byed ma byung ba zhes bya ba ni nur nur po la sogs pa'i gnas skabs su'o/ /rnam par rig byed rnam par nyams pa ni gzugs med par skyed pa na'o/ /yang na rnam par rig byed nyams pa ni lung du ma bstan pa'i sems kyis gtsug lag khang la sogs pa phul ba na ste/ de'i thob pa ni rjes su 'brel ba ma yin pa'i phyir ro/ /de'i tshe rnam par rig byed ma yin pa yongs su ma btang na rnam par rig byed lta smos kyang ci dgos/ gzhan dag na re/ bsam gtan gyi sdom pa'i so so skye bos kyang ye/ na na bi dz+nya bti b+ha ba tI di rnam par rig byed btang ba de yang rnam par rig byed ma yin pa dang ni ldan pa kho na'o/ /rnam par rig byed la rigs pa ma yin no/ /gang zag ni 'dir khyad par gang las 'phags pa'i gang zag nyid du brjod par byed/ tshe (gang gi ma yin rnam par rig byed 'gyur zhes bya ba) yongs su gyur pa las kyang ma rung ngo/ /de ci las tshe gzhan yongs su gyur pa nyid 'gal bar 'dod ce na/ 'di la ni nges par bzung ba yod pa ma yin no/ /gzhan dag na re mu gnyis pa bstan pa'i don du de ltar bshad pas skyon med do/ /zhes zer ro/ /mu gsum pa ni so so thar pa'i sdom pa len pa na ste/ de ni de'i tshe gnyi ga dang ldan pa yin no/ /bzhi pa ni so so skye bo 'dod pa'i khams las 'dod chags

  294. 147b

    dang bral ba gang zhig tshe gzhan du yongs su gyur nas da rung du rnam par rig byed ma byung ba 'am/ rnam par rig byed rnam par nyams pa'o/ /gzugs med par skyes pa'i so so skye bo yang rnam par rig byed ma yin pa dang ldan gyi/ rnam par rig byed pa yin no zhes bya ba ni dngos gzhi dang nyer bsngags kyi yang zhes bya ba ste/ mnyam par bzhag pa 'ba' zhig tu ma zad pa nyid do/ /gang gi tshe gzugs med pa'i khams nas shi 'phos nas gzugs kyi khams su skyes ba na skye bas thob pa'i bsam gtan thob pa de'i tshe de dang lhan cig dang spyod pa'i sdom pa yang 'thob bo/ /lhan cig 'byung ba yin pa'i phyir ro/ /zhes bya ba ni bsam gtan gyi sdom pa dang/ bsam gtan gyi sems gnyis ni cig car skye ba'i phyir ro/ /zhes bya ba'i tha tshig go /gal te 'di la gzhan gyis rnam par rig byed la/ 'di yang gzhan la rnam par rig par byed na zhes bya ba la 'dir rnam par rig byed pa ni go bar byed pa'o/ /gzhan dag ni gang zag las so zhes zhes bya ba ni/ dge tshul dang/ dge tshul ma dang/ dge bsnyen dang/ dge bsnyen ma dang/ bsnyen gnas pa'i sdom pa dag go /rang byung gis ni zhes bya ba ni ye shes brnyes pas zhes bya ba'i don te de dag gi ye shes ni rang byung yin no/ /nges par 'jug pas zhes bya ba ni smon lam gyi dbang ngam sangs rgyas kyi mthus so/ /nges pa nyid ni nges pa ste mthong ba'i lam mo/ /'jug pa ni de skyed pa'o/ /lnga sde ni gnas brtan kun shes kauN+Di n+ya la sogs pa dag go /dge slong tshur shog ces bya bas zhes bya ba ni/ bcom ldan 'das kyis dge slong tshur shor tshangs par spyad pa spyod cig chos ni legs par gsungs pa'o/ /zhes gsungs pas te/ bde gshegs skyobs pas tshur shog ces gsungs pas/ mgo yang byi zhing chos gos gyon par 'byung?

  295. 148a

    zhes 'byung ba lta bu yin no/ /dri bas mnyes pa ni dri ba'i lan btab pas bcom ldan 'das mnyes pa'o/ /bla ma'i chos khas blangs pa ni zhes bya ba ni bla ma'i chos brgyad de/ dge slong mas dge slong las bsnyen par rdzogs shing dge slong ma'i dngos por bya ba dang/ dge slong mas dge slong las zla ba phyed cing gdams ngag gnod par bya ba dang/ dge slong mas dbyar dge slong med pa'i gnas su 'gro bar mi bya ba dang/ dbyar khas blangs pa'i dge slong mas gnyis ga'i dge 'dun la mthong ba dang/ thos pa dang dags pa'i gnas gsum gyis dgag dbye bya ba dang/ dge slong mas dge slong la/ tshul khrims phun sum tshogs pa ma yin pa dang/ lta ba phun sum tshogs pa ma yin pa dang/ cho ga phun sum tshogs pa ma yin pa dang/ 'tsho ba phun sum tshogs pa ma yin pas/ ltung ba glang bar mi bya ba dang/ dge slong mas dge slong la gshe ba 'am khro ba 'am sbyor bar mi bya ba dang/ bla ma'i chos kyi ltung ba byung ba'i dge slong mas gnyi ga'i dge 'dun la mnyes par bya ba spyad par bya ba dang/ dge slong ma bsnyen par rdzogs nas lo brgya lon pas dge slong de ltar bsnyen par rdzogs pa la gus par smra ba dang/ phyag dang sngon du ldang ba dang/ thal mo sbyar ba dang/ 'du las bya ba zhes bya ba'o/ /pho nyas ni chos sbyin na zhes bya ba ni des btsun ma'i 'khor gyi nang du 'dug bzhin du rab tu 'byung bar byed pa'i phyir bcom ldan 'das kyi spyan sngar pho nya btang ngo zhes grog go / 'dul ba 'dzin pa gtogs pa lngas zhes bya ba la 'dir 'dul ba 'dzin pa ni gsol ba brjod pa la mngon par 'dod do/ /de dag la bzang ste zhes bya ba'i ming yod pa ni bzang sde drug cu'o/ /tshogs zhes bya ba ni tshan te/ grangs drug cu po

  296. 148b

    de dag gis bsnyen par rdzogs par byas pa gang yin pa de rnams ni skyabs su 'gro ba lan gsum 'das so/ /de dag gis so so thar pa'i sdom pa gdon mi za bar rnam par rig byed la rag lus pa ma yin te/ zhes bya ba ni lnga sde dang grags pa? la sogs pa dag gis ste/ sngon gyi smon lam gyi dbang ste bsam pa phun sum tshogs pa 'am/ sangs rgyas kyi mthus rnam par rig byed med par so so thar pa'i sdom pa thob bo/ /kha cig dus rtag pa dang rdzas kyi bdag nyid kho nar 'dod pas the tshom za bas dus zhes bya ba'i chos de'i ci ces bya ba dris so/ /dri ni 'du byed yongs su ston pa'i tshig bla dags yin te/ 'du byed 'das pa dang ma 'ongs pa dang da ltar ba rnams mngon par gsal bar bya ba'i phyir dus zhes bya ba'i ma'i 'di btags kyi rtags pa dang rdzas zhes bya ba ni ma yin no/ /'di ltar 'das pa'i dus dang ma 'ongs pa dang da ltar byung ba zhes bya ba ni 'du byed 'das pa dang 'ongs pa dang da ltar byung ba dag kho na yin par rtogs kyi/ rtag pa'i rdzas gzhan ni ma yin te/ rtag pa la 'das pa dang ma 'ongs pa dang da ltar byung ba nyid mi srid pa'i phyir ro/ /yang dag par blangs pa yod kyang zhes bya ba ni/ bdag gis skye ba gzhan du yang dge slong gi sdom pa dge tshul gyi sdom pa yang dag par blang bar bya'o snyam du yang dag par blangs ba de yod kyang ngo/ /skal ba mi 'dra ba'i phyir zhes bya ba ni ris mi mthun pa gzhan gyis bsdus pa'i phyir ro/ /des kyang der sbyor ba ma byas pa'i phyir zhes bya ba ni/ skal ba mi 'dra ba'i lus des der te/ yang dag par blang ba la sbyong ba ma byas pa'i phyir ro/ /'di skad bstan par 'gyur te/ lus gang gis sdom pa yang dag par blang pa la sbyor ba'i lus de nyid la sdom pa skye'i lus gzhan la ni ma yin no/ /mi dran pa'i phyir zhes bya ba ni sdom pa yang dag par len pa de lus gzhan gyis

  297. 149a

    mi dran pa'i phyir ro/ /su zhig gegs byed ces bya ba ni/ de la rten skal ba mi nyams pa'i gegs med pa'o/ /nyin zhag gnyis pa la sogs pa la rten tha dad pa'i phyir de dag la de dang/ sbyor ba'i gegs med pa ma yin no/ /rten de nyid kyi der sbyor ba las gegs mi dran pa ma yin te/ sdom pa yang dag par blangs pa dran pa'i phyir ro/ /de'i phyir ji ltar shi ba sdom pa skye bar rigs pa dang 'gal ba de ltar 'di ni yod pa ma yin te/ 'di ltar/ zla ba phyed la sogs par yang rag par len pa'i sems stobs dang ldan pa de ltar nyin zhag pa'i sdom pa yang dag par lan pa ma yin pa de'i phyir nyin zhag gi 'og tu sdom pa skye ba yang mi 'gal lo/ /slob dpon 'dus bzang na re 'dul ba dang ldan pa'i don dag la ni thams cad mkhyen pa ma yin pa rtog ges de kho na nyid khong du chud par mi nus te/ gang sdom pa de dag las kha cig ni tshogs kyi nang du gsol ba dang bzhi'i las kyis 'thob la/ kha cig ni gang zag gcig las gsol ba tsam gyi thob la/ kha cig gis de yang med par thob pa 'di la rgyu ci zhig yod pa ces zer ro/ /mtshams med pa byed pa rgyu dang 'bras bu'i 'bral pa nges pa rnams la rton pa dang bral ba mi shi ba lta bu rnams bkag ste/ mtshams med pa byed pa rnams ni rab tu dbyung bar mi bya bsnyen par rdzogs par mi bya'o zhes 'byung ngo/ /de'i phyir gang de ltar 'thob kyi rnam pa gzhan ni ma yin zhes ston pas gzigs shing de kho na ltar bstan pa 'di ni sdom pa'i rigs kho na de ltar gnas pa yin pas 'di la rgyu btsal bar mi bya'o/ /zhes smra'o?/ /nyin zhag pa'i phyir thams cad bstan pa nyid do zhe na/ 'di grub pa la lan yin no/ /'di grub ma yin nam zhe na/ de'i phyir 'di lan ma yin no/ /dge 'dun phal chen pa'i sde ba dag kyang/ ji srid 'tsho dang nyin zhag pa/ ji srid dus kyi

  298. 149b

    sdom pa'o/ /zhes 'don to/ /nyin zhag pa nyid ces bya ba ni/ gzhan du na zhag lnga 'am zhag bcu pa yang bstan par 'gyur ro/ /de'i phyir thams cad du ni nyin zhag pa'i sdom pa bstan pa las nges par bya'o/ /'di nyin zhag pa'i sdom pa yin pa'i phyir de ltar bstan to zhes so/ /'on te dbang po gdul dka' ba rnams zhes bya ba 'byung ste/ slob dpon 'dus bzang na de ni/ gal te dbang po 'dul dka' ba la bltos nas nyin zhag pa bstan na ni dbang po ches gdul dka' ba la bltos nas yud tsam mam nyin zhag pa nyid bshad pa ma yin no/ /de de ltar brtag ga la nus zhes bya ba ni thal ma thag tu dbang po gdul dka' ba rnams zhes bya ba la sogs pa gang smras pa ste/ 'dis ni nyin zhag gi 'og tu yang sdom pa skye'o zhes bya ba'i lung med par ston to/ /phyin chad sdom pa skye ba la yang zhes slob dpon gyis rgyas par smos pa la/ yang ci ltar rigs pa dang mi 'gal zhe na/ lus skal pa 'dra ba'i phyir dang des der sbyor ba byas pa'i phyir dran pa'i phyir ro/ /phyin chad su la yang me bstan pas zhes bya ba ni bye brag tu smra ba rnams na re khyim pa thams cad dbang po gdul dka' ba ni ma yin te/ de'i phyir phyin chad skye ba mi srid pas nyin zhag gi 'og tu su la yang ma bstan to zhes bya bar shes so/ /zhes zer ro/ /de de ltar nor med ces grag /grag ces bya ba'i sgra ni ma rangs par bstan pa'i phyir ro/ /dus gzhan gyi bar du lag par zhugs pas ni ma yin no zhes bya ba la/ nyin zhag tu sdig pa bya ba'i bsam pas sdig pa'i bya ba byed pa ni sdom pa yang ma yin la/ sdom pa ma yin pa yang ma yin no/ /de lta na lo ni bsnyen gnas kyi sdom pa la yang nyin zhag kho nar bsam pa log par ma yin par zhugs pas de yang thob par mi 'gyur ro zhe na/ de'i phyir bsnyen gnas kyi sdom pa ni zhes bya ba rgyas

  299. 150a

    par smos so/ /sdig pa bya ba'i bsam pas zhes bya ba ni sdom pa bya ba'i mno bsam mo/ /rjes su 'brel pa dang bcas pa zhes bya ba ni bag chags dang bcas pa ste/ de las skyes pa dang de'i rgyu'i bag chags de yod pas sems dge ba yang de dang ldan pa ste/ sdom pa ma yin pa dang ldan pa zhes bya ba'o/ /de ma spangs pa'i phyir zhes bya ba ni sdig pa bya ba'i bsam pa rjes su 'brel pa dang bcas pa ste/ de ma spangs pa ni bsam pa thag pa nas sdig pa'i bya ba yongs su ma btang ba'o/ /de ni zas zos nas kyang nod par bya ba 'byung ngo/ /yang ci nod pa'i snga rol tu zos pa la sdom pa skye 'am 'on te mi skye/ gal te skye na ni sdom par rnam par rig byed la rag las pa nyams par 'gyur la nod par yang don med par 'gyur ro/ /sngar yang dag par blangs pa'i rgyu mtshan las khas blang bar bya'o/ /de'i phyir 'di nyin zhag par mi 'gyur ro/ /ci ste mi skye ba de lta na yang nyin zhag pa nyid la nod par 'gyur ro/ /'bogs pa dang nod pa 'grub par mi 'gyur zhes bya ba ni/ sngar ram mnyam du smra na'o/ /yan lag brgyad tshar ba zhes bya ba ni/ yan lag brgyad kho na yang dag par nod par bya ba ste/ spong ba rnams phan tshun dags las pa'i phyir ro/ /de nyid kyi phyir srog gcod spong ba pa la sogs pa mtshan nyid tha dad pa bzhi po yang rgyud gcig la cig car 'gyur gyi/ spong ba nyung ngu dang ches mang po la rag las pa ma yin pa'i phyir ro/ /de las gzhan du mnos pa ni legs par spyad pa tsam du 'gyur gyi/ zhes bya ba la/ tsam zhes bya ba'i sgras ni sdom pa legs par spyad pa las khyad par du byed pa ste/ 'di yang 'bras bu yid du 'ong ba 'dren par byed pa kho na'o/ /gsol 'debs pa'i phyir zhes bya ba ni rgyas par ces bya ba'i tha tshig go /gar dang glu la sogs pa zhes

  300. 150b

    bya ba'i sogs pa'i sgras ni rol mo dang spos dang me tog phreng dang byug pa dang kha dog bsdu'o/ /de med na zhes bya ba ni dus su za ba'o/ /gnyi ga yang med do zhes bya ba ni bsnyen gnas dang skyo ba'i dran pa ste/ rab tu byung ba rnams kyis dus su za ba'i khyim pa rnams kyi skyo ba 'dren par byed pa yin no/ /gnyis su bya'o zhes bya ba 'byung ste/ ci'i phyir gnyis su byed ce na/ gzhan du na ni gso ba yan lag bdun du 'gyur gyi yan lag brgyad du ni ma yin no/ /dper na yang dag pa'i lta ba lam yang yin la lam gyi yan lag kyang yin pa zhes bya ba rgyas par 'byung ste/ lam yan lag brgyad ces bya ba 'dir ni yang dag pa'i lta ba lam yang yin la lam gyi yan lag kyang yin te/ lam ni shes pa'i mtshan nyid can yin pa'i phyir ro/ /zad pa dang mi skye ba shes pa dag ni byang chub yan lag go /bsam gtan yan lag lnga pa dang bsam gtan yan lag bzhi pa zhes bya ba der yang ting nge 'dzin kho na bsam gtan gyi yan lag tu bshad do/ /sdug bsngal la chos shes pa'i bdag nyid kyi yan lag brgyad par mi 'gyur te/ der sngar skyes pa'i yang dag pa'i lta ba la yan lag med pas yan lag bdun par 'gyur ro/ /skad cig ma dang po smos pa ni/ sdug bsngal la chos shes pa la sogs pa las khyad par du bya ba'i phyir te/ de la ni sngar skyes pa'i yang dag pa'i lta ba yod pas yan lag bdun par mi 'gyur ro/ /byang chub kyi yan lag rnams la yang ngo?/ /skad cig ma phyi ma byang chub kyi yan lag ma yin te/ de las phyi mar byang chub gzhan yod pa ma yin pas gang gi yan lag yin pa der 'gyur ro/ /gnas brtan 'dus bzang na re/ cig car skye ba nyid kyis yang dag pa'i lta ba'i mi mthun pa'i mtshan nyid kyi phyir lam dang lam gyi yan lag rnam par

  301. 151a

    bzhag go /tshol ba'i rang bzhin gyi phyir lam zhes bya ba ma yin no/ /zhes zer ro/ /de lta na 'o na yang dag pa'i lta ba lam gyi yan lag ma yin na yang dag pa'i rtog pa la sogs pa rnams kyang lam ma yin te/ yang dag par mthong ba gcig nyid kyi phyir ro/ /gal te yang dag pa'i rtog pa la sogs pa rnams nye bar btags pa las lam nyid du 'dod kyi/ don dam las ni ma yin no zhe na/ de lta 'o na yang dag pa'i lta ba yang nye bar btags pa las lam gyi yan lag nyid min gyi/ don dam pa las ma yin no/ /lam gyi yan lag brgyad du 'gyur bar 'dod kyi ni don dam pa nyid las yan lag brgyad do/ /thams cad kyi rang gi bdag nyid kyi yan lag nyid mi ldan pa las yan lag bdun nyid do/ / mArga sya na bi ni brta te na tsa n+ya ta kiny+tsi dbya? pa de sh+ya te/ ya sya tA n+yA Shi? gA ni syu ri ti/ mi shes pa ni ma gtogs so zhes bya ba ni 'bogs par byed pa dang nod par byed pa brjod pa dang ma byang ba ste/ dkon mchog gsum la the tshom za ba dang/ log par zhug (lam gyi zlog pa ma yin pa la ma yin gzhan cung zad ldan pa gang gi de rnams yan lag brgyad du 'gyur zhes) pa'i bsam pa can la ni sdom pa mi skye ste/ gang zhig mi shes pas skyabs su mi 'gro ba yin gyi log par zhugs pa 'am/ the tshom za bas skyabs su mi 'gro ba ma yin pa de la ni skyabs su ma song yang bsnyen gnas kyi sdom pa skye'o/ /khyim pa zhes bya ba ni bstan pa'i tshig go/ gos dkar po bgos pa zhes bya ba ni bshad pa'o/ /skyes pa zhes bya ba ni bstan pa'i tshig go /pho'i dbang po dang ldan pa zhes bya ba ni bshad pa'i tshig go /kha che ba rnams na re sdom pa med par mi 'gyur te/ dge slong dang dge tshul bzhin no zhes zer ro/ /gal te skyabs su 'gro ba khas blangs pa kho nas dge bsnyen gyi sdom pa thob na ni/ 'o na ci'i phyir skyabs su

  302. 151b

    'gro ba'i 'og tu yang dge bsnyen gyi sdom pa len zhe na/ de'i phyir sdom pa thob kyang zhes bya ba rgyas par smos te/ dge slong gis ni gsol ba dang bzhi'i las kyis sdom pa thob la/ dge tshul gyis kyang bdag ming 'di zhes bgyi ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa/ shAkya'i rgyal po de rab tu byung ba'i rjes su rab tu 'byung ste/ khyim pa'i rtags ni rab tu spong ngo/ /rab tu byung ba'i rtags ni yang dag pa len to// bdag dge tshul lags par gzung du gsol/ de skad du lan gnyis lan gsum gyi bar du brjod do zhes khas blangs pa 'dis sdom pa 'thob po/ de ltar dge slong dang dge tshul sngar sdom pa thob zin pa de gnyis shes par bya ba'i phyir phyis bslab pa'i gzhi rnams 'dzin du 'jug pa de bzhin du dge bsnyen yang yin no/ /sna cig spyod pa ni gang zhig bslab pa'i gzhi gcig srung ba'o/ /phyogs gcig srung ba'i ni gang zhig gnyis sam gsum srung ba'o/ /phal cher spyod pa ni gang zhig bzhi srung ba'o/ /yongs su rdzogs par spyod pa ni gang zhig bslab pa'i gzhi lnga po thams cad srung pa'o/ /mdo'i tshig ni de lta ma yin no zhes bya ba ni ming chen gyi mdo'i tshig ste/ de las ni bdag la dge bsnyen du gzung du gsol/ der? slan chad nam 'cha'i bar du srog gcod pa spong ngo zhes bya ba de ltar mi 'don pa'i phyir ro/ /de nyid las dge bsnyen gyi mtshan nyid bstan gyi zhes bya ba ni/ ming chen gyi mdo las te/ de'i phyir tshig 'di las skyabs su 'gro ba tsam gyis dge bsnyen gyi sdom pa mi thob ste/ ming chen gyi mdo las mi 'don pa'i phyir ro/ /shes nas dad pa'i rgyus zhes bya ba ni/ shes nas dad pa las byung ba zhes bya ba'i don to/ /gang nas kyang mi 'byung na zhes bya ba ni ming chen gyi mdo

  303. 152a

    'am gzhan nas so/ /su zhig yongs su mi gsal ba'i don 'di 'don par byed ces bya ba ni/ ci srog spong ngam 'on te srog gcod pa spong zhes mi shes pa'o/ /zhu ba nyid kyang mi 'thad na zhes bya ba ni/ btsun pa ji tsam gyis nang gi bsnyen gyi sdom pa la sna cig spyod par 'gyur ba lags zhes bya ba nas yongs su rdzogs par spyod pa lags zhes bya ba'i bar gyi zhu ba de ni mi 'thad pa ste/ gang du zhu ba mi 'thad par der lan ji ltar 'thad par 'gyur/ ming chen 'di ni dge bsnyen srog gcod pa spangs nas srog gcod pa las slar log pa yin te/ ming chen 'di tsam gyis ni dge bsnyen gyi bslab pa las sna gcig spyod pa yin zhes bya ba nas ji srid lnga spong ba las yongs su rdzogs pa'i bar du 'gyur ro/ gzhi de tsam zhig bzod pa la ni bslab pa'i gzhi gcig bzod pa nas lnga char yang bzod pa'i bar la'o/ /yan lag nges pa yin zhes bya ba ni yan lag lnga dang bcu dang yan lag thams cad do/ /slob dpon 'dus bzang na re/ ming chen gyi mdo 'di kha che ba rnams kyang 'don te/ 'don pa 'di la rigs pa dang 'gal ba med do zhes zer ro/ /bcom ldan 'das kyis gsungs pa nyid do/ /nyi 'og pa gang dag de nyid mi 'don no/ /'don pa gzhan ma yin no zhes rtogs par nus pas kha che ba rnams srog dang ldan pa byung ba las dge bsnyen gyi sdom pa thob pa zhes mi zer ro/ /'o na ci bdag dge bsnyen du gzung du gsol zhes 'byung bas dge bsnyen khas blangs te dper na 'od srungs chen po ni nyan thos de rnams la de ltar khas blangs pas dge bsnyen gyi bslab pa'i gzhi rnams bcom ldan 'das kyis gsungs pas de'i phyir de khas blangs pas de dag khas blangs par 'gyur ro zhes so/ /'di rgyas pa las tu byung ba nyid du nye bar bsdu bar bya'o/ /srog spong ngo zhes bya ba de gal te nges par

  304. 152b

    bstan pa yang mdo sde pa rnams ni mi 'don na da? ci zhig bya/ gal te dge bsnyen nyid du khas blangs pa kho nas sdom pa thob na/ de ltar mdo las gsungs pa la don ci zhig ce na/ ji tsam gyis dge bsnyen tshul khrims phun sum tshogs par 'gyur ba'o 'dir dge bsnyen gyis srog gcod pa spangs te srog gcod pa las slar log pa nas ji srid chad 'thung ba'i bar las so/ /de'i phyir sdom pa med par yang dge bsnyen yod do zhes bya bar shes so/ /gal te yang chos mngon pa las bshad pa'i tshul gyis dri ba 'di rung na/ bslab pa'i gzhi gcig las 'das na bslab pa thams cad las 'das par 'gyur ma ci zhe na/ dri ba 'di ni skyabs su song ba tsam las dge bsnyen so sor grub pa ma slab pa'i gzhi blangs pa las kyang de'i dbye ba grub bo/ /bslab pa'i gzhi du blangs pa las sna gcig spyod pa nas yongs su rdzogs pa'i bar du 'gyur ba 'thad do/ /nA n+ya tha tya n+ya da sya tra? pa ri hA re ts+tsha yA ba diku/ ta twa pA rA di ti/ gzhung mang ba'i 'jigs pas dgag pa ma byas so/ /chung ngu la sogs yid ji bzhin zhes bya ba ni/ ji ltar de'i dge ba nyid sems la rag las pa de bzhin du chung ngu la sogs pa nyid kyang yin no/ /de'i phyir mi shes (rnam pa gzhan du ma yin pa zhes pa gzhan las kyang 'dir lan la grib ma bzhin zhes smras so/ /de kho na nyid snying po las zhes so) pa ni ma gtogs so zhes bya ba ni/ 'bogs pa po dang nod? pa po ste/ the tshom za na skyabs su mi 'gro ba la dge bsnyen gyi sdom pa med do/ /byed pa'i chos zhes bya ba ni sangs rgyas su btags su rgyu ste/ de nyid kyi phyir gang dag gtso bor gyur pas zhes bya ba smos te/ yang dag na gang dag brnyes pas thams cad thugs su chud bar spyod pa'i sangs rgyas yin pa'o zhes bya ba ni/ de dag thams cad thugs su chud par spyod pa de yin pa de'i phyir chos de dag ni sangs rgyas su byed pa zhes bya'o/ /de gang zhe na/ zad pa shes pa la sogs pa zhes bya ba la/ sogs pa zhes bya ba'i sgras ni mi skye ba shes pa dang/ mi slob pa'i yang dag pa'i lta ba bsdu'o/ /'khor

  305. 153a

    smos pa ni zag pa med pa'i phung po lnga bsdu'o/ /gzugs kyi sku ni snga ma byang chub sems dpa' i gnas skabs dang/ phyi ma sangs rgyas nyid kyi gnas skabs su bye brag med pa'i phyir ro ste/ gzugs kyi sku la skyabs su 'gro ba ma yin no zhes bya bar sbyar ro/ /mtshan nyid kyi sgo nas ni sangs rgyas thams cad la zhes bya ba ni bsam pa'i sgo nas ma yin pa ste/ de nyid la rgyu lam mtshan nyid mi 'dra ba med pa'i phyir ro zhes bya ba smos te/ tha mi dad pa'i phyir ro zhes bya ba'i don te/ /lam smos pa ni sku tshe la sogs pa rnams mtshan nyid mi 'dra ba'i phyir ro/ /mi phyed pa'i phyir dge 'dun du 'gyur ro zhes bya ba ni lha dang bcas pa'i 'jig rten gyis kyang chos nyid las mi phyed pa'i phyir ro/ /ci dge 'dun thams cad la zhes bya ba ni/ 'das pa dang ma 'ongs pa dang da ltar byung ba dag la'o/ /lam mtshan nyid mi 'dra ba med pa'i phyir ro/ /zhes bya ba ni/ yan lag brgyad nyid dag zag pa med pa nyid dang/ nges bar 'byin pa nyid du khyad par med pa'i phyir ro/ /gal te dge 'dun thams cad la skyabs su 'gro na mdo las/ gal te bcom ldan 'das kyis mngon par rdzogs par byang chub nas/ ring po ma lon par/ ma 'das pa'i dge 'dun gcig pu'i dbang du mdzad nas gang yang ma 'ongs pa'i dus na dge 'dun zhes bya ba 'byung bar 'gyur ba de la yang skyabs su song zhig ces gang gsungs pa de ji ltar zhe na/ de'i phyir gang mdo las zhes bya ba la sogs pa smos so/ /de dag gi mngon sum zhes bya ba ni ga gon dang bzang po gnyis kyis mngon sum du 'gyur ba'o/ /dge 'dun dkon mchog ces bya ba ni/ dge 'dun dkon mchog gang zhig chos kyi 'khor lo bskor ba'i mjug thogs su 'gyur bar 'gyur ba de ste/ brjod pa'i phyir zhes bya ba ni/ de ltar mthu dang ldan pa de 'byung bar 'gyur ro zhes yon tan gyi sgo nas gsal bar bya ba'i phyir ro/ /zhes bya ba'i don to/ /zhi bar mtshan nyid cig pa nyid kyi phyir ro//

  306. 153b

    zhes bya ba ni/ bdag dang gzhan gyi rgyud kyi nyon mongs pa dang sdug bsngal dag zhi bar mtshan nyid tha mi dad pa'i phyir na gang chos la skyabs su 'gro ba de ni mya ngan las 'das pa thams cad la skyabs su 'gro'o/ /rten la gnod bar byas pas zhes bya ba la/ rten ni gang na sangs rgyas su byed pa'i chos mi slob pa rnams yod pas gzugs kyi sku ste/ de la gnod pa byas pa ni 'dir nyams par phyas ba la mngon par 'dod do/ /de dag la yang gnod pa byas pa yin no zhes bya ba ni rten la gnod pa byas pas brten pa la yang gnod pa byas par 'gyur ba ste/ dper na mig la gnod pa byas pas de la brten pa rnam par shes pa la yang gnod pa byas par 'gyur ba bzhin no/ /de skad du mi 'byung ngo zhes bya ba rgyas par 'byung ngo/ /mi slob pa'i chos sangs rgyas yin no zhes bya ba de gang? du ni mi 'byung ngo/ /mi slob pa'i chos gang yin pa las sangs rgyas la skyabs su 'gro bar byed pa ma yin gyi/ mi slob pa'i chos sangs rgyas su byed pa'i chos la skyabs su 'gro'o/ /'dir mi slob pa'i chos sangs rgyas su byed pa zhes bshad? kyi/ sangs rgyas ma yin pas de'i phyir klan ka med do/ /de lta ma yin no zhes bya ba ni/ gal te mi slob pa'i chos kho na sangs rgyas yin zhing/ slob pa dag mi slob pa'i chos dag dge 'dun yin gyi rten ma yin te/ de ltar ni 'jig rten pa'i sems la gnas po sangs rgyas ma yin zhing/ dge 'dun ma yin par 'gyur ro/ /'di ltar slob pa dang mi slob pa 'jig rten pa ni cung zad kyang yod pa ma yin zhing/ 'jig rten pa'i sems 'byung ba'i gnas skabs su slob pa dang mi slob pa'i chos 'byung ba yang ma yin la/ gang dag la yod pa de dag kyang sangs rgyas su byed pa ma yin zhing/ dge 'dun du byed pa'i tshul khrims kho na ste snga mo ba zhes bya ba yang dge slong du gyur gyi rten ni ma yin to/ de lta yan dang dge slong tshul

  307. 154a

    khrims dang ldan no zhes tha dad kyi sgo nas ston par mi 'gyur ba zhig la/ gang na tshul khrims nyid yod pa de ni dge slong yin no zhes bya ba la sogs pa 'byung ba yang yin no/ /ji ltar gang zhig ces bya ba rgyas par 'byung ste/ gang zhig dge slong mchod par byed pa de dge slong du byed pa'i tshul khrims mchod par byed do// //zhes tshul khrims kyi sgo nas dge slong mchod par byed do zhes bya ba yin gyi/ tshul khrims nyid dge slong ni ma yin pa de bzhin du mi slob pa'i chos kyi sgo nas sangs rgyas la skyabs su 'gro'o/ /gang zhig sangs rgyas la skyabs su 'gro ba ni mi slob pa la ste/ 'di sangs rgyas su byed pa'i chos la skyabs su 'gro ba yin no/ yang mi slob pa'i chos kho na sangs rgyas ma yin te/ de'i phyir ci ltar de bzhin gshegs pa la ngan sems kyis zhes bya ba 'di yang zhes so/ /de ni sangs rgyas kyi chos ma 'dres pa bco brgyad la zhes bya ba ni/ de dag thun mong ma yin pa'i phyir ro snyam du bsams pa'o/ /ngag gi rnam par rig byed kyi ngo bo nyid dag yin na zhes bya ba ni nod pa'i dus kyi dbang du byas nas yin te/ khas len pa'i bdag nyid yin pa'i phyir ro/ /'khor dang bcas na ni phung po lnga'i rang bzhin yin te/ sems kyi kun nas bslang ba'i tshig gis skyabs su 'gro'o/ /sems med par ni ma yin no/ /de la bstan nas sdug bsngal thams cad las gtan du nges par thar pa'i phyir ro zhes bya ba la/ skyabs su 'gro ba ni yang dag par bsgrub pa'i sa bon yin la/ yang dag par bsgrub pa ni bden pa mthong ba ste/ de ltar 'khor ba'i sdug bsngal dpag tu med pa ldog pa'i rgyu'i gtso bo yin pa'i phyir ro/ /skyabs kyi don

  308. 154b

    zhes bya ba la/ gang dag skyabs su song bas skye ba de la bden pa mthong ba 'am/ yang na ngan song du song yang de dag skyabs su song ba de nyid kyis tshe rabs gzhan la bden pa mthong ba'i sa bdon du 'gyur ba la 'khrul pa med do/ /don de nyid bstan pa'i phyir bcom ldan 'das kyis zhes bya ba rgyas par smos so/ /sgor gyur pa yin no zhes bya ba ni/ sgo dang thabs dang rgyu zhes bya ba'i don gang yin pa'o/ /yang skyabs de dag gi tha dad du bya ba ni/ mi slob pa ni sangs rgyas so/ /slob pa yang ma yin mi slob pa yang ma yin pa ni chos so/ /slob pa dang mi slob pa ni dge 'dun no/ /dbang po bcu'i phyogs ni sangs rgyas so/ /bcu gnyis kyi phyogs ni dge 'dun no/ /mya ngan las 'das pa ni dbang po ma yin no/ /gang dag sangs rgyas la skyabs su 'gro ba de ni gcig tu 'dus byas su gyur pa'i dge slong gi tshul gyi 'bras bu la skyabs su 'gro'o/ /gang dag chos ni bden pa bzhi ste/ dge slong gi tshul gyi 'bras bu rnams so/ /gang dag dge 'dun ni dge sbyong gi tshul gyi 'bras bu 'dus byas bzhi rnams dang de la zhugs pa'i lam la yang ngo/ /yang ci'i phyir zag pa med pa las rang sangs rgyas kyi chos rnams dang byang chub sems dpa' slob pa'i chos rnams skyabs nyid du ma bzhag ce na/ bye brag tu smra ba rnams na re/ 'khor ba'i 'jigs pa las skye ba mi nus pa'i phyir te/ rang sangs rgyas rnams ni rjes su bstan pa la nus pa yod pa ma yin la/ byang chub sems dpa' slob pa ni lus mi ldang ba'i phyir ma yin no zhes zer ro/ /shin tu smad phyir zhes bya ba la/ gzhan dag gi chung ma sun 'byin pa'i phyir 'jig rten pa dag gis smad pa yin la/ ngan song ba'i rgyu yin pa'i phyir yongs su dpyad pa po dag gis smad pa'o/ /mi tshangs par spyad pa ni/ de ltar 'jig rten pa dang yongs su rtogs

  309. 155a

    pa po dag gis shin tu smad pa ma yin no/ /mi tshangs par spyod pa las ni dka' ba'i phyir zhes bya ba ni/ sngon goms pa'i dbang gis te por nyon mongs kun tu spyod pa'i phyir dang/ nyes par spyod pa dang mthun pa'i rkyen nye bar phyir ro/ /'dod pas log par g.yem par mi byed pa'i sdom pa 'thob kyi zhes bshad na/ de ni mi shes so zhe na/ mi byed par nges pa ni mi byed pa'i sdom pa'o zhes bya ba smos te/ mi byed pa'i phyir sdom pa ni mi byed pa'i nges pa ste/ mi byed pa'i phyir nges shing gcig tu nges pa gang yin pa ste/ de ni mdo sde pa'i tshul du mi byed pa'i sdom pa yin no/ /bye brag tu smra ba rnams kyi ltar na ni tshul khrims kyi yan lag rnam par rig byed ma yin pa yin no/ /chung ma len par byed na zhes bya ba la/ sdom pa ni sems can thams cad las yin pa de'i phyir rang gi chung ma las kyang yan lag ma yin pa'i rnam par rig byed la sogs pa thob bo/ /chung mar gyur pa la zhes bya ba ni/ de'i tshe gzhan gyis yongs su bzung ba med pa'i phyir thob par gyur pa'i rdzas longs spyod pa ltar sdom pa nyam pa med do/ /brdzun smra shin tu smad phyir dang/ zhes bya ba ni/ gzhan slu ba'i phyir dang ngan song gi rgyu yin pa'i phyir 'jig rten pa dang yongs su spyod pa po dag gis phra ma la sogs pa dag pas brdzun du smras ba shin tu smad pa yin no/ /khyim na gnas pas sems can log par bsgrub pa rnams la phra ma la sogs pa spong ba dka' i brdzun du smra ba la sogs pa spong ba ni ma yin no// gzhan bsrung phyir ro zhes bya ba la char 'thungs nas srog gcod pa la sogs pa dag la yang 'jug par 'gyur te/ gang gi phyir dran pa dang shes bzhin 'joms par byed pa'i phyir rang bzhin gyi kha na ma tho ba rnams kyi yang

  310. 155b

    rgyur 'gyur ba yin no/ /gnyen po'i blo kho nas zhes bya ba la/ sman pa'i dag gis so/ /gang myos par 'gyur ba yin par shes nas ngo tsha ba med par 'thung ba'ang/ gang kha na ma tho ba dang bcas pa la kha na ma tho ba med do snyam pa'i sems de nyid nyon mongs pa can no/ /gang myos par mi 'gyur ba'i zhes bya ba rgyas par 'byung ste/ gang skyon gsal bar bya ba'i phyir sman pa'i dag gis dug ltar myos par mi 'gyur ba'i drod rig nas 'thung ba de ni nyon mongs pa can ma yin la/ gang dag ji ltar na 'gal bar 'gyur snyam ste myos par byas pa'i phyir 'thung ba de dag sems de ni nyon mongs pa can yin no/ /yang khyad par du chang 'thung ba nyes par spyod pa nyid du bsgrub pa'i phyir du 'dul ba 'dzin pa rnams na re/ myos par 'gyur ba ni rang bzhin gyi kha na ma tho ba yin te/ zhes smras so/ /gal te myos par 'gyur ba rang bzhin gyi kha na ma tho ba ma yin na ni/ myos par 'gyur ba dang/ 'phrod pa'i shAkya nad pa rnams la gnang bar 'gyur ba zhig na/ gnang ba yang ma yin te/ de'i phyir rang bzhin gyi kha na ma tho ba yin te/ srog chags bsod pa la sogs pa bzhin no/ /gang zhig 'phags pa rnams tshe rabs gzhan du mi byed pa'i sdom pa thob pa de ni rang bzhin gyi kha na ma tho ba yin te/ srog gcod pa la sogs pa len par la sogs pa bzhin no/ /lus kyis nyes par spyod pa zhes kyang 'byung ba'i phyir rang bzhin gyi kha na ma tho ba yin te/ de las gzhan pa'i lus kyi nyes par spyod pa bzhin no/ lus kyi nyes par spyod pa ni rnam pa bzhi gsungs te/ srog gcod pa dang/ ma byin par len pa dang/ 'dod pas log par g.yem pa dang/ myos par 'gyur ba 'thung ba'o/ /spyir bstan mod kyi zhes bya ba rgyas par 'byung ste/ thun mong du bstan mod

  311. 156a

    kyi/ btsun pa ji ltar bro g.yog bgyi/ rang bzhin gyi kha na ma tho ba ma gtogs pa zhes bya ba 'di ni phyir bstan pa yin la/ shAkya nad pa rnams la ni dmigs kyi bsal ba yin te/ 'dis ni bcom ldan 'das kyi bka' las snga phyi 'gal ba spang ba yin te/ thal bar 'gyur ba yongs su spang ba'i phyir zhes bya ba la chad ni lan cig 'thungs kyang zhen pa can du 'gyur te/ bcom ldan 'das kyis kyang gnas gsum po chang dang/ mi tshangs par spyod pa dang/ rmugs par dang gnyid brten pa ni tshim pa med do/ /zhes gsungs so/ /gang dag phyir bco ba'i phyir myos par mi 'gyur ba'i tshad du 'thung ba kha cig yod pa de dag la ci'i phyir ma gnad zhe na/ de'i phyir myos par 'gyur ba'i drod ma nges par zhes bya ba smos so/ /tshad de nyid rdzas dang rang bzhin dang lus kyi gnas skabs la bltos nas myos par 'gyur ba yang yin la/ myos par mi 'gyur ba yang yin no/ /de nyid kyi phyir rtswa'i rtse mos 'thung ba bkag pa yin no zhes bya ba ni/ thal bar 'gyur ba spang ba'i phyir rtswa'i rtse mos 'thung ba bkag pa yin te/ de lta na ni thal bar 'gyur ba nyid gcod pa yin no/ /'phags pa rnams mi spyod pa ni ngo tsha dang ldan pa'i phyir zhes bya ba ni/ mdo las slob pa'i stobs lnga 'byung ste/ dad pa'i stobs dang brtson 'grus kyi stobs dang/ ngo tsha shes pa'i stobs dang/ khrel yod pa'i stobs dang/ shes rab kyi stobs zhes bya ba yin no/ /de'i phyir ngo tsha dang ldan pa'i phyir mi 'thun bar zad do/ /ngo tsha dang ldan pa dag gis btung bar bya ba ma yin no zhes bya ba la rgyu ci zhig yod ce na/ de'i phyir nges kyang dran pa nyams par byed pa'i phyir/ zhes bya ba smos so te/ chang 'thung ba ni bya ba dang bya ba ma yin pa'i dran pa nyams par 'gyur ro/ /gal te de ltar na ji tsam gyis dran pa nyams par mi 'gyur ba cung zad cig ci ste mi 'thung

  312. 156b

    zhe na/ de'i phyir cung zad kyang mi gsol te/ dug bzhin du ma nges pa'i phyir zhes bya ba smos te/ dper na dus dang rang bzhin dang mthu dang ldan pas dug chung dus kyang res 'ga' 'chi bar byed pa de bzhin du chang yang myos par byed do/ /'phags pa rnams mi spyod pa'i phyir bcas pa'i kha na ma tho ba dang bcas pa ste/ dus ma yin pa'i kha zas bzhin du chang yang ngo zhes slob dpon 'dus bzang zer ro/ /'di yang myos par 'gyur bar shes nas lhag par mi spyod pa'i phyir ro/ /nyes par spyod pa zhes 'byung ba ni/ bag med pa'i gnas yin pa'i phyir te/ rang bzhin gyi kha na ma tho ba yin pa'i phyir ni ma yin no snyam du bsam pa'o/ /de nyid kyi phyir 'di la zhes bya ba ni bslab pa'i gzhi 'di la/ 'bru'i chang dang sbyar ba'i chang bag med pa'i gnas spangs te zhes smos so// gzhan la ma yin te zhes bya ba ni srog gcod pa spong ba la sogs pa dag la'o/ /ma smos pa'i rgyu bshad pa ni de dag ni rang bzhin gyi kha na ma tho ba yin pa'i phyir ro/ /ha cang kun tu bsten pas zhes bya ba rgyas par 'byung ba ni/ bcom ldan 'das kyis mdo las 'bru'i chang dang sbyar ba'i chang bag med pa'i gnas kun du bsten cing goms par byas lan mang du byas pas lus zhig nas dmyal ba dag tu skye'o zhes gsungs so/ /'phen pa ni sngon med pa'o/ /sngon bsags pa ni 'jug pa thob pa'i phyir te/ 'chi ba'i gnas skabs su 'jug pa thob pa'i phyir ro/ /bag med pa thams cad kyi gnas su gyur pas zhes bya ba ni/ brjed nges pa'i bag med pa dang/ srog gcod pa la sogs pa mi dge ba thams cad kyi gnas dang gzhi dang rten ces bya ba'i tha tshig go/ bya ba la bltos pa med par bya ba ma yin pa la gzhol ba nyid ni bag med par ste/ de'i rgyu ni bag med pa'i gnas so/ /chang ni de spongs pa'i sdom pa can la sbyin par mi bya ste/ bag med pa'i gnas yin pa'i phyir ro/ /gang las gcig 'thob pa zhes bya ba la/ dri ba'i

  313. 157a

    don ni las sbyor ba dang dngos dang mjug rnams dang/ sems can dang sems can ma yin par ston pa'i gzhi dag dang/ rang bzhin dang bcas pa'i kha na ma tho ba dag las zhes bya ba'o/ /sbyor ba dang dngos dang mjug las so zhes bya ba ni las kyi lam gyi lam rnams kyi zhes bya bar sbyar te/ mi dge ba'i las kyis lam rnams kyi zhes bya bar sbyar te/ mi dge ba'i las kyi lam rnams kyi sbyor ba dang dngos dang mjug dag las ci rigs par de dag gi gnyen por so sor thar pa'i sdom pa'i rnam par rig byed ma yin pa dag skye'o/ /sems can dang sems can ma yin par ston pa zhes bya ba ni gzhi'o/ /rang bzhin dang bcas pa'i kha na ma tho ba las so zhes bya ba ni las dag las te 'di ni re re dang sbyar bar bya'o/ / sems can dang sems can ma yin par ston pa zhes bya ba la/ rang bzhin gyi kha na ma tho ba dang bcas pa sems can ma yin par ston pa ji lta bu zhe na sa lo sbram brku ba la sogs pa lta bu'o/ /sems can du ston pa ji lta bu zhe na/ bud med kyi yul mi tshangs par spyod pa lta bu'o/ /bcas pa'i kha na ma tho ba ni khyim du lhan cig nyal ba lta bu'o/ /khyad par rang bzhin gyi kha na ma tho ba sems can rten can gyi srog gcod pa'o/ /bcas pa'i kha na ma tho ba sems can ma yin pa'i rten can ni rtsa gcod pa la sogs pa'o/ /sems can gyi rten la 'jug pa'i phyir zhes bya ba 'byung ngo/ /gal te 'das pa dang ma 'ongs pa las kyang 'thob na ni/ de ltar na srog gcod pa la /sogs pa spong ba'i rang bzhin gang zhig sems can du ston pa rnams las thob pa de nyid sems can du ston pa ma yin pa rnams las kyang 'thob par 'gyur bas 'tshol bar 'gyur ro/ /gal te yang so sor thar pa'i sdom pa sems can du ston pa yang ma yin pa'i rten can yang yod mod kyi/ de ni

  314. 157b

    sems can ltar phung po dang khams dang skye mched da ltar bdag kho na las 'thob pas sems can gyi rten can zhes brnyed kyi/ de sems can ma yin pa'i rten can nyid yin pas 'gog pa ni ma yin no/ /yang na sems can gyi rten can gtso bo yin pa'i phyir dang/ cig shos ni de'i yan lag tu nye bar blangs pa'i phyir sems can gyi rten can zhes bstan to/ /sbyor ba dang mjug las kyang ma yin na zhes bya ba ni/ mnyam par bzhag pa'i gnas skabs na sdom pa med pa'i phyir ro/ /bcas pa'i kha na ma tho ba las lta smos kyang ci dgos zhes bya ba ni/ khas blangs pa med pa'i phyir ro snyam du dgongs pa'o/ /dus thams cad ces bya ba rgyas par 'byung ba ni/ de dag dang lhan cig 'byung ba'i sems bzhin du 'das pa dang/ ma 'ongs pa'i sdom pa gnyis kyang 'thob pa'i phyir ro/ /de nyid kyi phyir zhes bya ba rgyas par 'byung ba ni/ gang gi phyir so so thar pa'i sdom pa da ltar ba kho na dang/ dngos ltar sbyor ba dang mjug dang/ rang bzhin gyi kha na ma tho ba ltar bcas pa'i kha na ma tho ba dag las kyang 'tho ba la/ bsam gtan dang/ zag pa med pa'i sdom pa gnyis ni da ltar ba bzhin du 'das pa dang ma 'ongs pa dag las kyang 'thob pa'i phyir ro/ /bcas pa'i kha na ma tho ba rnams las ni dngos gzhi kho na las te/ sbyor ba dang mjug dag las ma yin no/ /gzhan dag ni sdom pa thob pa'i dus su da ltar byung ba'i las kyi lam dag med pas zhes mi 'don te/ rnam par stog? par byed pa'i chos rnams las so so thar pa'i sdom pa 'thob gyi/ bsam gtan dang zag pa med pa'i sdom pa dag ma yin pa ni mu dang po'o/ /gang da ltar byung ba dang sbyor ba dang mjug spang ba las bcas pa'i kha na ma tho ba spong ba 'thob bo/ /'das pa dang ma 'ongs pa'i las kyi lam dngos gzhi spong ba las bsam gtan dang zag pa med pa'i sdom pa kho na 'thob kyi/ so so

  315. 158a

    thar pa'i sdom pa ni ma yin no/ /gsum pa ni da ltar ba'i las kyi lam dag spong ba las so/ /bzhi pa ni 'das pa dang ma 'ongs pa'i nyer sdog dang dngos gzhi dag spang ngo/ /'dir thams cad du las kyi lam gyi gzhi la las kyi sgra 'jug pa snga ma'i bzhi pa yang dka' ba ma yin snyam du sems so/ /de ltar byas na da ltar byung ba dang 'das pa'i las kyi lam dag sdom par mi rung la/ ma 'ongs pa'i bdag nyid kyi las kyi lam gyi gzhi la de'i sgra 'jug pa ma yin pas/ rnam pa gzhan du ma 'ongs pa kha na sdom pa rung ngo/ /sdom par nus pas ma 'ongs pa 'dod pa'i las kyi lam 'thad pa'i phyir ro/ /'das pa dang ma 'ongs pa rnams ma yin zhes bya ba ni/ de las gzhan pa ces bya ste/ dge slong gi sdom pa las gzhan pa rnam pa gsum gzung ngo/ /de la rnam pa gsum yang lus kyi sgo nas srog gcod pa la sogs pa rnam pa gsum dang/ ngag gi sgo nas brdzun du smra ba spong ba kho na yan lag tu rnam par bzhag go/ ma chags pa dang zhe sdang med pa dang gti mug med pa ni dge ba'i sems thams cad la lhan cig 'byung la sems chung ngu dang 'bring dang chen po dag ni rnam grangs kyis 'byung gi cig car ma yin pas/ de'i phyir rgyu las kyang zhes bya ba rgyas par smos so/ /sdom pa la gnos pa zhes bya ba ni thams cad la dbang du bya bar rig par bya'o/ /yan lag thams cad kyis ma yin pa ni bsnyen gnas dang/ dge bsnyen dang/ dge tshul gyi sdom pa dag la phra ma dang tshig rtsub po dang kyal pa spong ba rnams mi srid pa'i phyir ro// rgyu thams cad kyis ma yin pa zhes bya ba ni/ sems chung ngu la sogs pa rnams las sems gang yang rung ba zhig gis dge bsnyen gyi sdom pa'am/ bsnyen gnas kyi sdom pa 'am/ dge tshul gyi sdom pa yang dag par len pa gang yin

  316. 158b

    pa de'o/ /sems can thams cad kyi rjes su song ba ni sems can thams cad la dmigs pa'o/ /sems can dge ba ni gnod pa med pa'i sems sam phan 'dogs pa'i sems te/ log par ma zhugs pa'i phyir dge ba zhes bya'o/ /sdig pa'i bsam pa dang ma bral ba'i phyir ro zhes bya ba ni/ gnod pa'i bsam pa dang ma bral ba'i phyir ro/ /ji ltar mi nus pa dag las zhes bya ba brgyas par 'byung ste/ gang zhig gang dag gi srog dang longs spyod dang chung ma 'phrog par mi nus pa de la de dag gi yul can srog gcod pa la sogs pa mi srid pas de dag las srog gcod pa spong ba'i bdag nyid kyi sdom pa mi rung ngo snyam du sems so/ /sems can thams cad kyi srog la ma gnod pa'i bsam pas khas blangs pa'i phyir ro/ /zhes bya ba la/ sems can thams cad la mi gnod pa'i bsam pa khyad par med pa'i phyir nus pa dag bzhin mi nus pa dag las kyang 'thob bo/ /de lta ma yin na gnyid log pa dang myos pa dang ba? rgyal ba la sogs pa rnams kyis thams cad du mi nus pa'i phyir sdom pa gtong bar 'gyur ro// ci 'du shes la rag las te 'thob pas de la gnod par nus pa yod do zhes bya ba ni nus pa rnams thob pa'i nus pa bzhin du mi nus pa rnams la yang ste/ 'di mtshungs par 'phel ba dang 'grib pa dang ldan par 'gyur ro/ /zhes bya ba'o/ /lha la sogs pa mi nus pa rnams mi rnams la sogs pa nus pa dag gi nang du 'pho bas 'phel ba dang ldan par 'gyur te/ sngon med par sdom pa thob pa'i phyir ro/ /mi la sogs pa nus pa rnams la sogs pa mi nus pa dag gi nang du 'pho bas 'grib pa dang ldan par 'gyur ro/ /sngar thob pa'i sdom pa dang bral ba'i de ltar na 'thob pa'i rgyu gzhan gyi rnam par rig par byed pa la sogs pa dag dang/ gtong ba'i rgyu bslab pa 'bul ba la sogs pa dag med par yang sdom pa 'thob pa dang gtong

  317. 159a

    ba 'gyur ro/ /sems can rnams ni sngon yang yod la phyis kyang yod pa'i phyir la zhes bya ba la/ ji ltar khyad par 'di lta bu gzhan yang 'byung bar 'gyur ro snyam du sems so/ /de la 'di chos mi mthun pa tsam gyis gnas skabs ma yin par nus pa med do/ /ci ste rtsa la sogs pa la sngon med pa'i phyir phyis kyang sdom pa med pa nyid du 'dod pa de lta na 'dir yang sdom pa 'grib pa dang 'phel pa'i tshul gyis sam rtsa la sogs pa rnams thams cad las sdom pa de ltar thal bar 'gyur ro/ /ci ltar sdom pa 'grib par mi 'gyur zhes bya ba ni/ yul med pa'i phyir snyam du dgongs pa'o/ /gal te yongs su mya ngan las 'das nas sdom pa med na/ de lta na 'o na zhes rgya cher 'byung ste/ 'di la slob dpon gyis lan gsungs pa/ thams cad kyis sems can thams cad las thob pa'i phyir te zhes bya ba la sogs pa la/ da ni 'di brjod par bya ste/ sangs rgyas kyi rgyu dang grog spur gyi rgyud las kyang srog gcod pa spong ba'i phyir/ ci khyad par yod dam 'on te cung zad kyang med/ gal te yod na 'gro ba ma nges pa'i phyir sems can rnams kyi sdom pa 'phel ba dang 'gribs par thal bar 'gyur ro/ /ci ste med na ci ltar mi bsad pa las phas pham pa dang/ mi ma yin pa bsad pa las sbom po dang dud 'gro'i skye gnas pa bsad pa las ltung byed du 'gyur/ de'i phyir rgyud kyi sgo nas sdom pa la khyad par med do snyam du sems so/ /chad pa'i las kyi khyad par las ni sbyor ba'i khyad par las so zhes zer ro/ /gzhan dag ni mi la kun tu sbyor ba gzhan ni ji srid grog spur la mtshungs pa de srid 'gro ba mtshungs pa la skye ba sbyor ba'i sgo nas las rnams kyi khyad par yin na/ /ji ltar glang po che bsad pa ni bsod nams ma yin pa ches mang la grog spur ni ches nyung na mtshungs pa lta

  318. 159b

    ci smos/ sdom pa ni bsam pa'i sgo nas rnam par bzhag ste/ sems can thams cad kyi rjes su song ba'i dge ba'i bsam pas rnam par bzhag go/ de ni de las thob po zhes bya ba ni/ rang gi rgyud las las kyi lam dngos bzhis bsdus pa'i sdom pa'i thob pa ma yin no/ /sems dang chos la sogs pa ma gyur par rang gsad pa las mtshams med pa la sogs pa thol bar 'gyur ro/ /nyer bsdogs kyis bsdus pa'i ni mi 'gog ste/ khu ba 'byin pa spong ba la sogs pa'o/ /sdom pa min pa thams cad dang/ zhes bya ba la sdom pa ma yin pa ni las kyi lam thams cad kyi sgor gyur pa nyes par spyod pa la bya ste/ gang gi tshe sdom pa ma yin pa thob nas bsams bzhin du srog chags kyi srog gcod par byed pa de ni de'i las kyi lam yin no/ /rgyas par thams cad brjod par bya'o/ /sems zhan pa la sogs pa cig car mi 'byung ba'i phyir ro zhes bya ba 'byung ngo/ /gal te 'dod chags dang zhe sdang dag lhan cig mi 'byung bas mi dge ba'i rtsa ba rnams kyang cig car mi 'byung bas ma yin nam/ ci'i phyir sems zhan pa la sogs pa kho na brjod ce na/ rnam grangs tha ma nges pa la brten te brjod pas skyon med do/ /de ltar thams cad kyi sdom pa ma yin pa'i rgyu gcig nyid la shen pa dang bya gag gsod pa dang phag gsod pa zhes par 'gyur ba ci zhe na/ sdom pa bzhin du thob pas 'dis sngon med pa'i sdom pa ma yin pa 'thob pa ma yin la/ srog gcod pa'i rnam par rig byed gang yin pa de ni 'byung ngo zhes zer ro// 'dis sngar nyid du sems can thams cad lam bsdams te/ de'i srog la gnod par khas blang ba'i phyir ro/ /de ni sngon med pa'i sdom pa ma yin pa thob pa gang las she na/ dge bsnyen gyis ni dge tshul gyi sdom pa'i sngon dang/ dge tshul gyi yang

  319. 160a

    dge slong gi sdom pa'i sngon du skye'o/ /yang dag par blangs pa'i lam de'i 'khor gyi khyad par las zhes bya ba ste/ chen po ni srog gcod pa'i rnam par rig byed do/ /rnam par rig byed ma yin pa yang rtog par bya'o// glang po che 'tshor ba na ni pa glang 'tshor ba rnams so/ /blon po ni chos bzhin 'don pa dog go/ yang na blon po ni bka' la brtags pa'o/ /don gyis na zhes bya ba ni de las mi 'byung yang 'jug pa mthun pa'i phyir sdom pa ma yin pa can du khong du chud par bya'o/ /de la gnas pa zhes bya ba ni/ de dag ni sdom pa ma yin pa ni yod pa ma yin te 'o na zhe na/ de la gnas pas so/ /shes na ni zhes bya ba shes bzhin du'o/ /'phags par gyur pa rnams la yang zhes bya ba rgyas par 'byung ste/ bden pa mthong ba ngan song du skye ba med ces bya'o/ /bur gyur pa'i lug rnams kyang zhes bya ba rgyas par 'byung ste/ 'dir slob dpon 'dus bzang gis lan smras pa/ dper na shen pa 'ga' zhig gzhan gyi nor ma byin par rang gir mi byed cing/ rang gis chung mas chog shes pa yang bsam pa log par zhugs pa'i phyir yan lag thams cad las sdoms pa ma yin pa 'thob po/ /de bzhin du sems can thams cad la yang 'gyur te/ bsam pa log par zhugs pa'i phyir ro/ /A tra tsi brit+ta kI re Nai ba dan+ta mut+ta mi ti nA trA dar kri ya te/ sdom pa ma yin pa ma tshang ba dang nyi tshe ba ni rnam pa thams cad du med do zhes bya ba la/ las kyi lam gyi yan lag ma tshang ba'i phyir ma tshang ba'o/ /nyi tshe ba ni sems can dang yul dang dus dang tshe nges pa dang ldan pa'o/ /rnam pa brgyad ma gtags pa zhes bya ba la/ so sor thar pa'i sdom pa rnam pa brgyad ma gtogs pa gzhan ni nyi tshe ba dang ma tshang ba yang yod do/ /tshul khrims dang

  320. 160b

    'tshal ba'i tshul khrims de tsam gyis gegs byed pa'i phyir ro zhes bya ba de nyid la smras pa/ de lta na sdom pa min can gyi dge bsnyen dang dge bsnyen sdom min can zhes bya ba thal bar 'gyur ro/ /'di ni mdo sde pa la gnod byed de/ de dag ni skyabs su 'gro ba tsam las sdom pa med par yang de dge bsnyen co zhes so/ /de ni gang la srog gcod pa la sogs pa las ldog par dang de la 'jug par byed/ de ni gal te bsdams pa dang ma bsdams pa las yin te/ 'di la ci zhig gnod/ de'i rigs su skyes pa rnams ni zhes bya ba ni shin pa la sogs pa sdom pa ma yin pa can gyi rigs su skyes pa rnams so/ /zhing dang len pa dang gus par byed pas 'thob ces bya ba la byed pa zhes bya ba'i sgra ni re re dang sbyar ste/ zhing byed pa dang/ len par byed pa dang/ gus par byed pa ni zhing dang len pa dang gus par byed pa'o/ /yang 'dir len pa nyid byed pa'o/ /zhes bya bar tshig bsdu'o/ /byed pa ni g.yo ba ste/ byed pa na g.yo ba la'o zhes 'byung ngo/ /mi brda phrad pa'i zhes bya ba la/ mi brda phrad pa ni 'dir gang zhig 'dis bslab pa phul la snyam du de'i tshig shes pa de la mngon par 'dod do/ /bsam pa thag pa ni sdom pa don du mi gnyer ba'o/ /de dang 'gal ba'i rnam par rig byed kyi khyad par ni bslab pa phul ba ste sems bskyed pa tsam gyis ni ma yin te/ de thob pa bzhin du bslab pa 'bul ba'i sems kyang nus pa dang mi ldan pa'i phyir ro/ /rmi lam gyi nang du btang ba las rnam par rig byed tsam ma yin no/ /khro ba dang myos pa la sogs pas kyang phyir phul ba ma yin pas gnyi ga ma yin pa tsam mo/ /dud 'gro'i skye gnas pa la sogs pa'i mdun du bslab pa phul ba med do/ /rten nyams pa dang zhes bya ba ni skyes pa 'am/ bud med kyi rten ji lta bu sdom pa blangs pa de la bus de nyams pa ste/

  321. 161a

    'di ni gtong pa'i rgyu gsum pa'o/ /gzhi chad pa dang zhes bya ba la/ sdom pa'i gzhi ste rgyu ni dge ba'i rtsa ba gsum yin la/ de dag chad pas sdom pa yang 'chad de/ 'di ni gdod pa'i rgyu bzhi pa'o/ /nyin zhag tu 'phangs pa'i phyir te/ 'di gtong pa'i rgyu lnga pa'o/ /kha cig ltung bar gyur las smra zhes bya ba ni mi tshangs par spyod pa la sogs pa pham pa las te/ 'di ltung bar byed pas na ltung bar gyur pa'o/ /kha che rnams ni byung ba la/ bu lon nor bzhin gnyis su 'dod/ ces bya ba la bu lon dang nor ni bu lon nor te/ de dag dang 'dra ba ni bu lon nor bzhin no/ /yang ci'i phyir de rnams de ltar 'dod ce na/ de'i phyir phyogs gcig nyams pas sdom pa zad par gtong ba mi rigs so zhes bya ba smos so/ /ltung ba gzhan zhes bya ba ni dge 'dun lhag ma'i ltung ba'o/ /rten nyams pa dang zhes bya ba ni/ mtshan gnyis cig car byung ba ste/ ji ltar rang gi rten las sdom pa skye ba'i rjes su 'jug pa de nyams pas ji ltar mi skye ba de bzhin du rjes su mi 'jug pa ste/ lus rnam par 'gyur ba la sems rnam par 'gyur ba srid pa'i phyir dang bdag po yin pa'i phyir 'di ni gtong ba'i rgyu gsum pa'o/ /gzhi chad pa dang zhes bya ba ni/ sdom pa'i gzhi rnam par rig byed dang rnam par rig byed ma yin kun slong gi sems chad pa las sdom pa yang chad par 'gyur te/ des na 'di ni gtong ba'i rgyu bzhi ba'o/ /de srid du 'phangs pa'i phyir ro zhes bya ba ni/ nyin zhag tu 'phangs pa'i phyir nyin zhag pa'i sdom pa ste/ nyin zhag gi yongs su 'dor zhing slar skya rengs shar bas gtong ngo/ /bu lon dang nor ni bu lon nor te/ de dag dang 'dra ba ni bu lon nor bzhin no/ /phyogs gcig nyams par sdom pa zad par gtong ba mi rigs so zhes bya ba ste/ ji ltar re re yang dag par blangs pas sdom pa mdza' dag blangs par mi 'gyur

  322. 161b

    bzhin du re re las 'das pas mdza' dag gtong bar mi rigs zhes bya'o/ /sems can thams cad kyi zhing las thob pas rgyud gcig las 'das pas thams cad gtong bar mi rung ngo/ /nam zhig 'di rigs par mi rung na/ gang gi tshe ltung ba gcig gi dbang gis sdom pa gtong bar 'gyur ro/ /'o na skyon med par 'gyur ro zhe na/ de'i phyir 'di la tshul khrims dang 'chal ba'i tshul khrims gnyi ga yang yod de zhes 'byung ste/ pra ti de sha nA rdA yAn+tu shi ksha ya ma ti kran+tA bi kri ta yaM/ tshul khrims dang ldan pa nyid yin gyi tshul khrims 'chal pa ma yin no/ /gzhan ni rtag tu gnyis ga ji lta bar don dam pa'i dge slong la dgongs nas de skad gsungs so zhes so/ /tshul khrims rnam par dag pa'i ni 'jig rten las 'das pa'i yon tan rtogs pa'i don te/ rtsa ba'i ltung ba byung ba la tshul khrims rnam par dag pa yod pa ma yin no/ /bshags pa med pa'i ldang ba'i skal pa med pa'i phyir sdom pa gzhan dang rjes su 'brel pa yod kyang 'di 'jig rten las 'das pa'i yon tan gyi snod du ma gyur pas dge slong ma yin zhes gsungs so zhes so/ /bye brag tu smra ba rnams na re ston pas sdom pa lhag ma dang bcas pa dge slong gis dgongs pa bsgrub pa'i skal pa dang mi ldan pa la dge slong ma yin zhes gsungs pa 'thad pa yin te/ bu'i don dang bral ba la bu ma yin no zhes bya ba'i sgra 'god pa dang/ mi'i don dang bral ba mtshan dang bral ba mtshan dang mi ldan pa la mi ma yin par brjod pa bzhin no/ /gsol ba dang bzhi'i las kyis bsnyen par rdzogs pa rtsa ba'i ltung ba lhag par spyad pa nyid dge slong ma yin pa 'ba' zhig tu ma zad kyi/ 'o na ci zhe na/ skyabs su 'gro ba gsum brjod pas bsnyen par rdzogs pa rtsa ba las 'das pa yang dge slong ma yin pa nyid do zhes de ltar 'das pa'i don 'di sems la bzhag nas 'dri ba ni/ de

  323. 162a

    ci ltar na nges don yin ce na zhes bya ba ni/ de la ming gi dge slong zhes bya ba ni gang la dge slong zhes 'ol phyir ming btags pa'o/ /khas 'ches pa'i dge slong zhes bya ba ni gang zhig tshul khrims 'chal pa ste/ de ni bdag nyid dge slong yin no zhes dam 'cha'o/ /slong bas na dge slong zhes bya ba ni slong bar byed pa'o/ /nyon mongs pa bcom pas na dge slong zhes bya ba ni khams gsum las 'dod chags dang bral ba la'o/ /don 'di la zhes bya ba ni bcom ldan 'das kyis dge slong ma yin/ dge sbyong ma yin zhes gang gsungs pa la'o/ /gsol pa dang bzhi'i las kyis bsnyen par rdzogs pa'i dge slong zhes bya ba ni/ sngar bshad pa bzhi las gzhan pa so so'i skye bo tshul khrims la gnas pa la mngon par bzhed do/ /gang yang don dam pa'i dge slong la dgongs te gsungs pa yin no zhes smras pa de la yang brjod pa ni/ de sngon zhes bya ba ste/ ltung bar 'gyur ba lhag par spyod pa'i snga rol du'o/ /bye brag tu smra pa rnams na re ma thob pa dag las kyang nyams par 'dod de/ ji skad du mdo las/ lha dang bcas pa'i 'jig rten na/ shes rab yongs su nyams pa ltos zhes gsungs pa lta bu'o/ /zhes zer ro/ /gsungs pa yang ji ltar don dam pa'i dge slong nyid la dgongs nas dge slong ma yin par gsungs pa yin no/ /rtsa bar gyur pa phyogs gcig chad pas kyang zhes rgyas par 'byung ba la/ bye brag tu smra ba rnams na re/ de dpe'i don 'di nus pa med do zhes zer ro/ /ji ltar bslab pa'i gzhi bzhi po 'di mdza' dag ni shing tA la'i mgo lta bu'o/ /gal te mdza' dag las gang yang rung ba re re las 'das pas sdom pa gtong bar mi rung ste/ tA? la'i?

  324. 162b

    mgo'i phyogs gcig chad kyang phyogs gzhan gnas pa mthong ba'i phyir ro/ /ji ste re re ba de lta na yang de las 'das na sdom pa thams cad gtong ba ma yin te/ yang tA la'i mgo lta bu gang dag yin pa gsum po dag las ma 'das pas gtong bar mi 'gyur ro zhes zer ro/ /'di la rigs pa ci zhe na/ de'i phyir 'di la 'dir dpe'i don gyi nus pa sna ste/ bslab pa'i gzhi gzhan po yal ga dang lo ma dang 'dra ba dag las 'das kyang bshags nas yang sdom pa de 'thob kyi/ shing tA la'i mgo dang 'dra ba bzhi pa dag gang yang rung ba las 'das na ni/ slar sdom pa thob pa ma yin no/ /des na nges pa 'jug pa med pas de nyid kyi phyir tshul khrims la brten cing gnas pa'i zhi gnas dang ltag mthong dag kyang med do/ /sra tra ni nas dang 'dra ba zhig ste/ de ma rung bar byed pa'o/ /shing rul pa zhes bya ba ni/ shing rul pa'o/ /snying po med pa zhes bya ba ni 'bru khong? na snying po med pa'o/ /'dir dge slong yang dge slong gi sha tshugs can yin pa'i phyir dang/ khong na snying po med pa'i phyir sred nga la sogs pa dag dang chos mthun no/ /ji ltar phred da la sogs pa dag nas la sogs pa snying po dang ldan pa rnams ma rung bar byed pas de rnams las sel bar byed pa de bzhin du de yang dge slong gi tshogs snying po dang ldan pa ma rung bar byed pas de dag las sel bar yin no/ /de'i phyir lam gyis rgyal ba ni mya ngan 'das pa ste/ nga ni sdig pa'i chos las rgyal/ de bas nyer 'gro nga rgyal ba/ zhes gsungs pa lta bu'o/ /lam ston? pa ni gang zhig lam ston par byed pa'o/ /kha cig lam gyis la tsho ba ni slob pa dang mi slob pa'o zhes zer ro/ /gzhan dag ni slob pa dang mi slob pa ni lam gyis rgyal ba'o zhes

  325. 163a

    zer ro/ /lam gyi phyir 'tsho ba ni dge slong tshul khrims dang ldan pa ste/ lam gyi ched du 'tsho ba'i phyir ro/ /lam sun 'byin pa ni dge slong tshul khrims 'chal pa ste/ 'dir dper brjod pa ni 'di yin no/ /'dul ba las dge slong ma yin/ dge sbyong ma yin zhes gsungs pa la yang 'dir dge sbyong zhes bshad ce na/ de'i phyir don dam pa'i dge slong la dgongs nas dge slong ma yin zhes de skad bshad pa rtogs par bya'o/ /sha tshugs tsam lus pa'i phyir zhes bya ba ni dge sbyong gi rtags tsam lus pa'i phyir ro/ /bsam gtan tu gtogs pa'i dge ba thams cad ces bya ba ni sdom pa'i ngo bo dang/ dge ba gzhan gzugs kyi rang bzhin ma yin pa'i chogs pa de thams cad bsdu'o/ /gong ngam 'og tu zhes bya ba ni gong du skyes nas 'og ma gtong la/ 'og tu skyes nas gong ma gtong ngo/ /snyoms par 'jug pa las yongs su nyams pa las zhes bya ba ni/ gzugs dang gzugs med pa ji ltar thob pa gtong ste/ snyoms par 'jug pa la rag las pa'i phyir ro/ /ris mthun pa btang bas kyang cung zad gtong bar 'gyur ro/ /zhes bya ba ni so so'i skye bo'i gnas skabs na nges par 'byed pa'i cha dang mthun pa dro ba la sogs pa bzod pa 'bring bar ro/ /'dir ris mthun pa btang ba ni 'chi ba'o/ /cung zad cig ni nyams pa'i cha dang mthun pa ji lta ba bzhin du 'dod chags dang bral bas kyang gtong ngo/ /lam snga ma gtong bar 'gyur ro/ /zhes bya ba ni zhugs pa'i lam mo/ /'bras bu 'am 'bras bu khyad par can zhes bya ba la/ 'bras bu ni rgyun du zhugs pa'i 'bras bu las gzhan rnam pa gsum yongs su bzung ngo/ /'bras bu khyad par can ni rgyun du zhugs pa'i 'bras bu'i 'og rol gyi zhugs pa'i

  326. 163b

    lam ma ma/ khyad par gyi lam mo/ /slob dpon 'dus bzang na re gnyis kho na brjod par bya'o zhes zer ro/ /dbang po sbyangs pa ni 'bras bu thob pa brjod de gzung ba'i phyir/ der yang 'bras bu thob pas ni lam snga ma 'dor ro/ /'dir 'bras bu 'am 'bras bu khyad par can la yang rnam par rtogs pa gnyis te/ mthong ba'i lam ni 'bras bu khyad par can lam la rjes su shes pa thob pas 'dor ro/ /mi g.yo bar bsdus pa'i chos rnams gnyi ga ji lta bar khyad par can ma yin la slar yang gnyi ga ji lta ba ste/ de lta mod kyi dbang po sbyangs pas 'bras bu tsam thob pa de lta na yang der dbang po sbyangs pa kho na rgyu yin pas bar chad med par so sor bshad pa'i phyir ro/ /zag pa med pa ni mtshungs par ldan pa ma yin pa'i phyir sa 'phos pas mi gtong ngo/ /yang sdom pa ma yin pa can gyi sdom pa ji lta 'thob ce na/ de'i phyir gal te sdom pa yang dag par blangs pa la zhes bya ba smos te/ so sor thar pa'i sdom pa'o/ /bsam gtan gyi sdom pa thob na zhes bya ba la/ zag pa med pa'i sdom pa thob na zhes ci'i phyir ma brjod ce na/ zag pa med pa'i sngon du bsam gtan gyi sdom pa 'gro ba'i phyir la/ bsam gtan gyi sdom pa kho nas bor pa'i phyir zag pa med pa'i sdom pa thob na zhes ma brjod do/ /yang sdom pa ma yin pa can gyis bsam gtan gyi sdom pa ji ltar 'thob ce na/ rgyu dang rkyen gyi stobs zhes bya ba smos te/ rgyu'i stobs ni sngar gyi bsam gtan goms pa'o/ /rkyen gyi sdom pa ni sa de pa'i las rnam par smin pa la mngon du phyogs pa'o/ /gzhan dag na re dam pa'i chos nyan pa dang/ tshul bzhin yid la byed pa'o/ /zhes zer ro/ /gnyen po stobs dang ldan pa'i phyir/ zhes bya ba ni sdom pa stobs dang ldan pa'i phyir ro/ /lus por ba'i phyir shi ba zhes bya ba ni/ ris mthun pa'i stobs kyis thob pa'i phyir la/

  327. 164a

    de dang bral na de med pa'i phyir ro/ /rdza mkhan gyi 'khor lo dang mda'i 'gros bzhin no/ /zhes bya ba ni ji ltar rdza mkhan gyi 'khor lo 'am/ mda'i 'gros 'du byed kyi khyad par gyis 'phangs pa ni 'du byed kyi khyad par de chad pas 'chad de/ de dang 'dra'o/ /gdos dang rgya la sogs pa'i dngos po'i zhes bya ba la/ gang gis gzhan la gdos sam rgya 'am mtshon cha ster ba na rnam par rig byed ma yin pa drangs pa de ni bdag nyid kyi don du yongs su bzung ba de chad pas de yang 'chad do/ /dge ba'i rtsa ba rnams zhes bya ba rgyas par 'byung ngo/ /stobs chung ba'i phyir dge ba'i rtsa ba'i gcad pa'i sbyor ba kha nas bar ma mi dge ba'i rnam par rig byed ma yin pAsta dge ba'i rtsa ba chad pa las zhes brjod par mi bya'o zhe na/ sbyor ba la de'i sgra nye bar btags pa'i phyir ro/ /drug pa rnams kho nas zhes 'dod do/ /de bzhin du bsam gtan gyi sdom pa'i sbyor bas kyang bar ma mi dge ba'i rnam par rig byed ma yin pa gtong ngo/ /gzhan dag na re bdun pa brjod par bya'o zhes zer ro?/ /rtsa ba chad pa dang gong du skyes ba zhes bya ba de la 'dod chags dang bral ba las kyang cung zad cig gtong ste/ dper na yid mi bde ba'i dbang po dbang ba lta bu'o/ /thams cad ces bya ba ni khams gsum pa'o/ /nyon mongs pa gang yin pa de ni nye bar nyon mongs pa yang yin no/ /spong ba'i lam ni bar chad med pa'i lam ste/ de la chen po'i spong ba ni chung ngu'i chung ngu yin la/ chung ngu'i chung ngu'i ni chen po'i chen po'i yin no/ /'khor dang bcas pa zhes bya ba la/ de'i 'khor ni de dang lhan cig 'byung ba dang/ de'i thob pa rjes su 'brang ba dang bcas pa dag go/ skyes pa po'i dbang po'i dang ldan pa zhig ces bya ba 'di ni 'dir dper brjod pa yin no/ /rten gnyis ka'i nyon mongs

  328. 164b

    pa shas che ba'i phyir zhes bya ba la/ de dag ni skyes pa dang yang sbyor bar 'dod la/ bud med dang yang sbyor bar 'dod ste/ de'i phyir skyes pa dang bud med kyi rten gyi nyon mongs pa shas che ba'i phyir de'i gnyen por gyur pa so sor rtog pa mi zod do/ /byan+ta ra sya ha kle sha sa mu da tsA ro po byan+ta ra e be ti/ ci? rigs par sngar bar bya ste/ mtshan gnyis pa la ni gnyi ga'i nyon mongs pa shas che ba'i phyir dang/ ngo tsha shes pa dang khrel yod pa shas chen po med pa'i phyir sdom pa med la/ za ma dang ma ning dag nyon mongs pa kun tu spyod pa yang la ni ngo tsha shes pa dang khrel yod pa shas chen po med pa'i phyir ro/ /sdom pa med pa'i rgyur bshad pa gang dag yin pa de dag ni sdom pa ma yin pa dang rjes su mthun pa yin pas/ 'o na sdom pa ma yin pa zhes bya ba rgyas par dris so/ /byang gi sgra mi snyan pa rnams la ni yang dag par len pa med pa'i phyir so so'i thar pa'i sdom pa med do/ /ting nge 'dzin med pa'i phyir bsam gtan dang zag pa med pa'i sdom pa dag med do/ /yang ci'i phyir/ de rnams la yang dag par len pa dang ting nge 'dzin dag med ce na/ shes rab zhan pas dge ba la sogs pa'i chos la ma byad pa'i phyir ro/ /mi rnams la gsum mo zhes bya ba la/ so so thar pa'i sdom pa ni mi rnams kho na la yod kyi/ skyo ba med pa'i phyir 'dod pa spyod pa'i lha shes rab can rnams la yang med na/ gong du skyes pa rnams la lta smos kyang ci dgos/ 'o na ji ltar na de dag la bsam gtan dang zag pa med pa'i sdom pa dag yod ce na/ ci rigs par rgyu dang las kyi chos nyid kyi stogs so/ /gong na ni med do zhes bya ba ni gzugs med pa'i khams su skyes pa rnams la'o/ /bsam gtan khyad par can dang 'du shes med pa'i sems can du skyes pa rnams ma gtogs pa zhes bya ba la/ 'phags pa ni bsam gtan khyad par dang 'du shes med pa'i sems can dag tu mi skye'o/ /de dag gi ni ldan pa'i sgo nas yod kyi zhes bya ba ni/ gzugs

  329. 165a

    med par skyes pa rnams la ni zag pa med pa'i sdom pa ldan pa'i sgo nas yod kyi/ mngon sum du gyur pa las ni ma yin te de na gzugs med pa'i phyir ro/ /gzhan na ni rang gi ngo bos kyang yod do/ /zhes bstan par 'gyur ro/ /re zhig dang gtan du zhes bya ba la/ 'bras bu yid du 'ong ba can re zhig sdug bsngal las yongs su skyob pa'i phyir bde ba yin te/ ji srid du rnam par smin pa yid du 'ong ba rjes su 'jug pa'i bar du'o/ /mya ngan las 'das pa thob par byed pa ni gtan du ste/ yongs su mya ngan las 'das pa gtan du sdug bsngal med pa'i phyir ro/ /mi dge ba ni mi mthun pa'i phyogs kyis zhes bya ba ni 'bras bu yid du mi 'ongs pa'i phyir dang/ mya ngan las 'das pa'i bgegs yin pa nyid kyis so/ /'dod pa na spyod pa'i dge ba'i las ni bsod nams ma yin pa'i gnyen por gyur pa'i phyir bsod nams zhes bya ste/ srung ba'am tshim par byed pas na bsod nams so/ /'di la rnam par brtag pa dang/ spyad pa gang yin pa zhes bya ba rgyas par 'byung ste/ 'dir sogs pa zhes bya ba'i sgras ni bsam gtan gnyis pa la dga' ba dang ma bral ba gang yin pa 'di ni 'dir 'phags pa rnams kyis g.yo ba'o zhes gsungs so/ /gsum pa la yang 'di la dbugs 'byung ba dang rdub pa dang ma bral ba dang/ 'di la bde'o snyam du sems kyi gtod pa gang yin pa 'di ni 'dir 'phags pa rnams kyis g.yo ba'o zhes gsungs pa bsdu'o/ /bsam gtan gsum po zhes bya ba rgyas par 'byung la/ gzugs dang gzugs med pa na spyod pa'i dge ba'i thams cad ni mi g.yo ba ma yin gyi/ 'o na ci zhe na/ bsam gtan gsum pa'i gong yan chad la yin no snyam du sems so/ ting nge 'dzin skyon dang bcas pa la zhes bya ba ni/ ting nge 'dzin nyes pa dang bcas pa ste/ bsam gtan gsum po de dag gi

  330. 165b

    ting nge 'dzin skyon dang bcas pa'i dbang du ma mdzad nas 'di ni 'dir 'phags pa rnams kyis mi g.yo bar gsungs so zhes de skad gsungs par zad kyi/ mi g.yo ba'i las kyi dbang du mdzad nas ni ma yin no/ /mi g.yo bar dang mthun par 'gro ba'i las las brtsams te zhes bya ba ni/ mi sgul ba dang mthun bar 'gro ba'i lam la brtsams te zhes bya ba'i don gang yin pa'o/ /yang ci'i phyir ting nge 'dzin gyi skyon dang bcas pa nyid kyis g.yo ba dang bcas bzhin du yang 'di mi g.yo bar gsungs zhe na/ de'i phyir gang phyir sa ni de dag tu/ las rnams smin phyir mi g.yo'i phyir/ zhes bya ba smos so/ /'dod pa na spyod pa'i rdzogs par byed pa'i las ni rnam par smin pa'i phyir g.yo ba ma yin no/ /bde ba dang longs spyod la sogs par 'gyur ba'i lam zhes bya ba la sogs pa zhes bya ba'i sgras ni gzugs bzang ba dang/ skal ba bzang ba dang skad snyan pa la sogs pa bsdu'o/ /res 'ga' rkyen gzhan gyi dbang gis zhes bya ba ni rkyen gzhan nyon mongs pa dang las dang smon lam gyi mthus zhes bya ba'i tha tshig ste/ mdo las/ 'di lta ste/ 'di ni la la sbyin pa po yin zhing sbyin bdag yin la/ de yang shin tu srog gcod pa yin zhes bya ba byed? par glang po 'gyur na glang po che'i rgyan rnam pa sna tshogs 'thob par 'gyur ro zhes bya ba la sogs pa'i bar gsungs so/ /yang 'di lta ste/ 'di na la las sbyin pa las byung ba'i bsod nams bya ba'i dngos po chung ngu brten cing bsgoms la/ lan mang du byas pa dang de bzhin du tshul khrims las byung ba dang bsgoms pa las byung ba chung ngu bsten cing bsgoms pas dang lan mang du byas pa yin la/ de 'di snyam du kye ma las ma rig pas yog pas bdag lta bzang po rnams sam mi bzang po rnams dang skal bar mnyam par skye bar

  331. 166a

    gyur na ci mi rung snyam du sems na zhes bya ba nas de ni dar skye'o zhes bya ba'i bar gsungs so/ /de la rgyu dang 'bras bu la kun du rmongs pa bsod nams ma yin pa'i 'du byed kyis de dag mdza' gcig tu nyon mongs pa'i phyir/ ma rig pas yog pas rgyu 'bras bu'i 'brel ba rab tu rnam par 'byed pa la mngon par yid ches pa'i skabs med pas 'phags pa'i bden pa rnams la kun tu rmongs pa'i bsod nams mi g.yo ba'o/ /rmongs pa gang yin pa des so so skye bo rnams dge ba'i sems dang thob pa'i sgo nas rjes su 'brel pa de'i dbang gis yang srid kyi rgyur gyur pa'i bsod nams mi g.yo ba'i 'du byed slong bar byed do/ /khams gsum ba sdug bsngal du ma yang dag pa ji lta ba bzhin du yongs su ma shes pa las de dag bden pa mthong ba dang 'dod chags dang bral ba la mi 'jug par gzugs dang gzugs med pa'i khams su skye ba yin te/ sngon gyi mngon par 'du byed pa'i dbang gis so/ /tshogs dang bcas pa yin no/ / zhes bya ba ni/ rgyu dang bcas pa yin no zhes bya ba'i tha tshig go /chogs ni de dang lhan cig 'byung ba dang/ dbang po rnams dang yul rnams so/ /'dis tshogs par byed pas na tshogs yin te/ skyed par byed ces bya ba'i don to/ / de nas rnam par smin pa tshor ba kho na yod pa ni ma yin mod kyi/ gdul ba'i dbang gis na de skad du gsungs te/ de lta ma yin na zhes bya ba la/ gal te bsam gtan bzhi pa man chad na bde ba yang ma yin sdug bsngal yang ma yin pa myong bar 'gyur ba'i las med na ni bsam gtan khyad par gyi las man chad du rnam par smin pa'i phyir bsam gtan khyad par can gyi las kyi rnam par smin pa de ni bsam gtan khyad par can nyid do/ /las kha cig ni bde ba myong bar 'gyur ba'i

  332. 166b

    las te bsam gtan khyad par can no/ /ci'i phyir zhe na/ de na bde ba dang sdug bsngal dag med pa'i phyir ro/ /bde ba yang ma yin sdug bsngal yang ma yin pa rnam par smin pa'i nyid bsam gtan khyad par can gyi las ni bsam gtan nyid de bde ba'i dbang po rnam par smin pa'o zhes bya ba ste/ /sa de dag ni rten tha mi dad pa'i phyir ro/ /de'i phyir bsam gtan khyad par can gyi las ni bde ba myong bar 'gyur ba kho na yin pas 'gal ba med do/ /gzhan dag na re/ /de'i rnam par smin pa tshor ba med pa nyid de 'o na ci zhe na/ /mi ldan pa'i tshe la sogs pa dang gzugs zhes so/ /de lta yin dang bsam gtan khyad par can gyi las kyi rnam par smin pa de ni bsam gtan khyad par can kho na yin par thar par 'gyur ro/ /'di ni bstan bcos dang 'gal ba yin te/ bstan bcos las ni las kyi rnam par smin pa sems kyi tshor ba kho na rnam par smin gyi/ lus kyi ma yin pa yod dam zhe na/ yod de rtogs pa med pa'i las dge ba'i yin zhes 'byung ba la/ bsam gtan khyad par can gyi las kyi rtog pa med pa yin no/ /gal te de'i rnam par smin pa'i bsam gtan dang po'i bde ba kho na yin na ni bsam gtan dang po'i bde ba'i dbang po rnam par shes pa'i tshogs gsum dang ldan pa yin pas/ de'i phyir rnam par smin pa sems kyi tshor ba kho na rnam par smin par 'gyur gyi/ lus kyi ni ma yin no zhes bya ba'i bstan bcos dang 'gal lo/ /gnyis pa yang bstan bcos dang 'gal te/ rtog pa med pa'i mtshan nyid kyi tshor ba rnam par smin pa med pa'i phyir ro zhes 'byung ngo/ /gzhan dag na re/ bsam gtan khyad par can gyi las bsam gtan dang po'i bde ba'i dbang po rnam par smin par brjod pa ma yin no/ /'o na ci zhe na/

  333. 167a

    bde ba'i tshor ba de yang sems kyi yin no zhes bya ba'i bstan bcos dang 'gal ba med pas 'di bsam gtan khyad par can rnam par smin pa'i gtan tshigs ma yin no zhes zer ro/ /de'i phyir bsam gtan bzhi pa phan chad na sdug bsngal yang ma yin na bde ba yang ma yin pa myong bar 'gyur ba'i las yod do zhes zer ro/ /de'i phyir 'dir rgyu gzhan mi bzung ngo/ /snga phya med gsum zhes bya ba rgyas par 'byung ste/ bde ba myong ba 'gyur ba'i gzugs ni mig la sogs pa'o/ /sdug bsngal myong bar 'gyur ba'i sems dang sems las byung ba zhes bya ba ni mig la sogs pa'i rnam par shes pa rnams dang/ de dag dang mtshungs par ldan pa rnams te/ yid mi bde ba ni rnam par smin pa ma yin pa'i phyir ro/ /bde ba yang ma yin sdug bsngal yang ma yin pa'i ni ldan pa ma yin ba srog gi dbang po la sogs pa rnams so/ /'dod pa'i khams las gzhan ni zhes bya ba rgyas par 'byung ba ni/ gzugs dang gzugs med pa'i khams dag na sdug bsngal myong bar 'gyur ba med pa'i phyir ro/ /dge ba dang mi dge ba ma gtogs pa gzhan la rnam par smin pa med pas 'dri ba ni da ci las de dge ba yin nam zhes bya ba la sogs pa'o/ /stobs chung ngu yin no zhes bya ba la stobs dang ldan pa yin de ni bde ba myong bar 'gyur ba yin te/ tshig tshad ma yang de'i des rab tu rnam par phye ba 'di ni brjod do/ /ba tsan ta ta kya pi ta naM ta yA pra bi b+hak+ti e tA bat+tu ts+ya te/ de'i phyir dge ba'i las gang yin pa de ni kha cig la de'i tshogs kyi rnam par smin pa bde ba myong bar 'gyur pa yin khas ba cig la bde ba (tshig tshang ma sogs sngags kyi sri ka yin/) yang ma yin sdug bsngal yang ma yin pa myong bar 'gyur ba yin no/ /'di dang 'gal lo zhes bya ba ni/ 'dod pa'i khams la sogs par

  334. 167b

    rnam par smin pa lung du ma bstan pa yin yang dge bar khas blangs pa'i phyir ro/ /bsam gtan gsum pa'i bar dge ba/ bde ba myong bar 'gyur zhes bya ba dang/ rnam par smin pa yid du 'ong ba ni dge ba yin no/ /zhes bya ba bdag nyid dang 'gal lo/ / gang zhig de ltar 'dod pa de ni snga ma mi 'dod pa kho na yin na de dang 'gal ba ga la yod snga ma mi 'dod pa ni bstan bcos las ni 'gal bar 'gyur na/ bstan bcos las ni de phal che ba bstan pa yin pas 'gal ba med do/ /ji ltar tshor ba'i rang bzhin ma yin pa zhes bya ba rgyas par 'byung ste/ bya ba'i dus kyi dbang byas nas smras kyi/ 'bras bu'i dus ni ma yin no/ /bde ba myong bar 'gyur ba dang/ mthun pa zhes bya ba ni bde ba myong bar 'gyur ba dang rjes su mthun pa'o/ /bde ba'i bde ba myong bar bya ba yin pas zhes bya ba la bde ba/ /yang de yin la myang bar bya ba yang yin pas na bde ba myong bar 'gyur ba ste/ rnam par smin pa gang yin pa'o/ /myong bar 'gyur ba zhes bya ba ni/ nyams su myong bar 'gyur ba'o/ /'di'i bde ba myong bar bya ba yin pas bde ba myong bar 'gyur ba'o/ /de myang bar byed pa yin no/ /zhes bya ba ni/ rnam par smin pa de nyams su myong bar byed ces bya ba'i don to/ /'khrul bar byed pa'i bdag chal bzhin no zhes bya ba'o/ /dper na bdag chal 'dis 'khru bar byed bas na/ 'khru bar byed pa'i 'dag chal lo zhes bya ba 'thob ba bzhin du 'khru bar 'gyur ba'i 'dag chal zhes bya ba yin pas de bzhin du las gang gis bde ba myong bar byed pa de ni bde ba myong bar byed pa'o/ /zhes bya ba yang yin no/ /ngo bo nyid kyis myong bar 'gyur ba ni tshor ba rnams so zhes bya ba ni/ tshor ba bde ba myong na zhes ji skad du gsungs pas lta bu ste/ ngo bo nyid kyis te/ myong ba'i mtshan nyid kyis myong bar 'gyur pa

  335. 168a

    ni ngo bo nyid kyis myong bar 'gyur ba'o/ /gzugs so sor yang dag par myong bar 'gyur zhes bya ba la/ gzugs so sor nyams su myong bar 'gyur gyi/ gzugs la 'dod chags ni ma yin te/ de ma skyes pa'i phyir ro/ /gdon mi za bar myong bar 'gyur ba ma yin no zhes bya ba'i 'bras bu'i phyir ma nges pa'i phyir ro/ /gal te ma nges pa na ji ltar bde ba myong bar 'gyur ba yin zhe na/ gal te des bde ba nyid rnam par smin par byed do zhe na ni tshor ba rnam par smin par 'gyur bas bde ba myong bar 'gyur ba yin te sdug bsngal myong bar 'gyur ba dang/ bde ba yang ma yin sdug bsngal yang ma yin pa myong bar 'gyur ba yin de dang 'dra'o/ rnam pa gnyis su phye nas zhes bya ba la/ mthong ba'i chos la sogs pa'i gnas skabs su ma nges la/ rnam par smin par nges pa 'di ni gcig yin no/ /gnas skabs la nges la rnam par smin par ma nges pa ni gnyis pa'o/ /stobs dang ldan pa ni ches stobs dang ldan pa ste/ las gzhan dag gis par du bcod par mi nus pa'i phyir ro/ /chu ches pa ni nyung ches pa ste/ dus thung ba'i phyir ro/ /rtsom pa'i dbang gis zhes bya ba ni/ dbang du byas pa'i skyes pa de nyid la rnam par smin pa'i mgo gzugs ces bya ba'i don to/ /ming ba de rnam par bzhag go zhes bya ba ni/ 'bras bu nye la zhes bya ba rgyas par 'byung ste/ 'bras bu nye ba'i dpe ni lcam pa'o/ /'bras bu ring ba'i dpe ni nas la sogs pa dag go /ta smra ta pra tya pan+na pha la dA nA n+na bai shi Sh+Ta ma nu me ya kalpa nai la dzaM na sA d+hi tya ba re(mdo 'grel): nirnit+ta bi pA kra sya karma No ni pri te na pu na dri pA kA b+hi ni prit+tya nu pat+te(mdo 'grel): sa bon dang myu gu bzhin zhes so/ /dpes ston pa rnams zhes bya ba ni/ gang dag dpe ste rtog ges tha snyad byed pa de dag ni dpes ston pa

  336. 168b

    ste mdo sde pa rnams so/ /las gang dag gnas skabs des la rnam par smin pa ma nges pa yang yod do/ /zhes bya ba ni las gang zhig mthong ba'i chos kho na la rnam par smin gyi/ de las 'das par rnam par mi smin pa nyid do/ /de bzhin du skyes pa dang/ lan grangs gzhan la yang brjod par bya'o/ /las 'di ni gnas skabs nges? pa yin gyi/ rnam par smin pa ni ma yin te/ de nyid kyi phyir mthong ba'i chos la sogs pa la myong bar 'gyur la/ rnam par smin pa'i las gang yin pa'o zhes bya ba smos so/ /rnam par smin par nges la zhes bya ba rgyas par 'byung ngo/ /las gang zhig mthong ba'i chos sam skyes pa'am/ rnam grangs gzhan yin yang bla ste/ gdon mi za bar smin pa de rnam par smin par nges kyi gnas skabs su ni ma yin pa ste/ de nyid kyi phyir rnam par smin par des la/ myong bar 'gyur par ni ma yin pa'i las gang yin pa'o/ /zhes bya ba smos so/ /gnyi ga nges pa yang yod de/ gnas skabs dang rnam par smin par nges pa gang yin pa'o/ /gnyi ga ma nges pa yang yod de/ gnas skabs kyang ma nges la/ rnam par smin par yang ma nges pa'i las gang yin pa'o/ /dpes ston pa de dag gi ltar na/ mu dang po dang gnyis pa la brjod pa ltar las rnam pa brgyad de mthong ba'i chos la myong bar 'gyur ba rnam par smin par nges pa dang ma nges pa nas myong bar 'gyur bar ma nges pa'i bar du yang de dang 'dra bar brjod par bya'o/ /las rnam pa bzhis 'phen par 'gyur pa zhes bya ba la/ kha cig na re srog gcod pa dang ma byin par len pa dang 'dod pas log par g.yem pa dang brdzun du sma ba'i las rnams so/ /zhes zer ro/ /gzhan dag na re/ mthong ba'i chos la sbyong

  337. 169a

    bar 'gyur ba la sogs pa rnams so zhes zer ro/ /mthong ba'i chos la myong bar 'gyur ba'i las kyis ni zhes bya ba rgyas bar 'byung ste/ las gzhan gis 'phangs pa'i ris mthun pa la de 'byung ba'i phyir dang/ de nyid du 'bras bu de 'byin ba'i phyir ro/ /ci rigs par zhes bya ba 'byung ste/ de la mi dge ba rnams ni 'dod pa'i khams kho nan yod do/ /gzhan dag ni khams gsum char na'o/ /kha cig na re gzugs dang gzugs med pa'i khams na mthong ba'i chos la myong bar 'gyur ba med do/ /zhes zer ro/ /sangs rgyas dang dgra bcom pa dang rang sangs rgyas la sogs pa rnams las phan pa dang gnod pa las byung ba'i ni mngon par zhen pa drag po dang de las gzhan pas kyang ste gzugs dang gzugs med pa dag tu 'di thams cad srid pa ma yin no/ /bye brag tu smra ba rnams ni 'di ma nges te rnams gzhan du yang de bzhin du de 'byung ngo zhes zer ro/ /gang las 'dod chags dang bral ba brtan pa'i byis pa zhes bya ba la/ brtan ba zhes bya ba smos pa ni yongs su nyams pa'i chos can bsal ba'i phyir te/ de la ni gang las 'dod chags dang bral ba der skyes nas myong bar 'gyur ba'i las mi 'gal te/ yongs su nyams pa srid pa'i phyir ro/ /byis pa zhes bya ba ni 'phags pa bsal ba'i phyir te/ byis pa ni skyes nas myong ba nyid byed pa ma yin gyi gzhan ni byed do/ /de nyid kyi phyir/ gzhan rnams pa gsum ni byed do zhes bya ba smos te/ de ni slar 'ong ba'i go skabs yod do/ /'phags pa gzhan duAng myong mi byed/ zhes bya ba la 'ang zhes bya ba'i sgras ni skyes nas myong ba yang byis pa ma yin par rtogs te/ de la ni yongs su nyams pa'am slar 'ong pa yod pa ma yin te/ bstan pa'i phyir dang khyad par du 'gro ba'i phyir ro//

  338. 169b

    brtan ba zhes bya ba ni mi brtan pa bcad pa'i phyir te/ mi brtan pa ni skyes nas myong bar 'gyur bas/ lan grangs gzhan la myong bar 'gyur ba byed pa yin te/ yongs su nyams pa la yang skye ba srid pa'i phyir ro/ /'di ni yang sa 'og mar 'ong bar rung bar ma yin no zhes bya ba ni/ phyir mi 'ong ba rnams khyad par du 'gro ba yin pa'i phyir ro/ /'og na yod na yi 'og ma'o/ /ma nges ba dang zhes bya ba la/ rnam par smin par ma nges pa dang/ gang du skyes pa der mthong ba'i chos la myong bar 'gyur ba ni byed do/ /gang las 'dod chags dang bral bas gang ma ba ni sa 'og ma la rnam par smin pa med do/ /'bras bu las de yongs su nyams par ni yod do/ de ltar 'dod pa la 'dod chags dang bral ba las yongs su nyams shing/ srid pa'i rtse mo las 'dod chags dang bral ba'i phyir 'dod pa na spyod pa'i skyes nas myong bar 'gyur ba dang lan gangs gzhan la myong bar 'gyur ba'i las kyi rnam par smin pa mngon bar 'gyur bar nus pa med do/ /gang yang 'dod pa la 'dod chags dang bral ba dang srid pa'i rtse mo las 'dod chags dang bral ba las de yongs su nyams pas phyir mi 'ong ba'i 'bras bu dang dgra bcom pa'i 'bras bu las yongs su nyams pa yin no/ /'bras bu las yongs su nyams pa ni/ ji srid 'bras bu de ma thob kyi bar du 'chi ba med pa de'i phyir de dag la skyes nas myong bar 'gyur ba dang lan grangs gzhan kha myong bar 'gyur ba'i rnam par smin pa'i skabs med do/ /ma nges pa dang mthong ba'i chos la myong bar 'gyur ba ni bkag ba med do/ /thams cad na ni 'phen pa bzhi zhes bshad pa de'i phyir ci srid pa bar ma na yang zhes bya ba rgyas par smos so/ /'dod pa na spyod pa'i srid pa bar ma zhes bya ba ni/ gzugs na spyod pa las khyad par du bya ba'i phyir te/ de na ni mngal gyi gnas skabs dang byis pa la sogs pa'i gnas skabs dag med do/ /skye ba ril po ni gnas skabs bcu gcig yin te/ mngal

  339. 170a

    gyi gnas skabs lnga dang/ skyes pa'i gnas skabs lnga dag/ srid pa bar ma'i ? skabs so/ /las nges pa srid pa bar ma dang/ nur nur po la sogs pa'i 'bras bu can gang yin pa de ni skyes nas myong bar 'gyur ba yin par shes par mi bya ste/ de'i phyir de ni mthong chos 'bras bu can zhes bya ba smos so/ /de'i rgyu las byung ba zhes bya ba'o/ /srid pa bar ma'i sngon du 'gro ba can zhes bya ba'i don to/ /gzhan zhes bya ba la/ gang las gzhan zhe na/ skyes nas myong bar 'gyur ba la sogs pa dag las so/ /de ni skyes nas myong bar 'gyur ba kho nas 'phangs pa'i phyir ro zhes bya ba ni/ gang gi phyir gnas skabs bcu gcig po de ni las gcig gis 'phangs shing ris gcig pa kho na yin pa de'i phyir srid pa bar ma myong bar 'gyur ba'i las gzhan la bshad do/ /las nges pa dang ma nges pa bshad pa de'i phyir yang nges pa'i las ci 'dra ba zhes bya ba smos so/ /nges pa shes na de las gzhan ni ma nges pa yin no zhes bya ba shes pa kho na yin pas de la dri ba ma byas so/ /'bras bu snyams par 'jug pa khyad par can zhes bya ba la/ khyad par can ni sgra ni gnyis ga la yang sbyar bar bya'o/ /de la 'bras bu khyad par can ni rgyun du zhugs pa'i 'bras bu dang dgra bcom pa nyid do/ /snyoms par 'jug pa khyad par can ni 'gog pa dang byams pa dang nyon mongs pa med pa'i snyoms par 'jug pa'o/ /khyad par smos pa ni lan cig phyir 'ong ba dang phyir mi 'ong ba'i 'bras bu dang/ de las gzhan pa'i snyoms par 'jug pa rnams rnam pa dang 'chang ba'i phyir ro/ /ci 'dra yang rung ste/ zhes bya ba ni kun nas dkris pa zhan pa 'am/ drag pos bslangs te bsgrub pa'o/ /gzhan ni ma yin no zhes bya ba ni gsod par byed pa'i las las gzhan bag shes la sogs pa dang sgang ba la phyag byed pa la sogs pa gang yin pa dang/ nyon mongs pa dang rab tu dang gzhan bas kun nas slang ba'o/ /mdos

  340. 170b

    pa yod do/ /bsam pa drag po rab tu dga' ba dang rjes su 'brel ba a dzwa pra ni She ba Ni smon lam gyi dngos po'i dbang las nges pa yin no zhes gzhan dag zer ro/ /zhing dang bsam pa'i khyad par las zhes bya ba la/ zhing gi khyad par las ni dge slong shags kyis ? ba zhig gis dge 'dun la bud med zang ngo zhes kha byas pa dang/ de mthong ba'i chos kho na la skyes pa'i mtshan dang bral ste/ bud med kyi mtshan dang 'byung de zhes grag bo/ bsam ba'i khyad par las kyang mthong ba'i chos la myong bar 'gyur te/ dper na nyung rum zhig gis rngan pa byin nas gleng zhig rlig pa dbyung ba las thas bar byas pa dang/ de la mthong ba'i chos kho na la skyes pa'i dbang po byung ngo zhes grag pa bzhin no/ /yang na der skyes pa'i las de'i sa gang yin pa de las gtan du 'dod chags dang bral ba'i phyir las re mthong ba'i chos la myong bar 'gyur te/ dper na phyir 'ong ba dang/ dgra bcom pa rnams kyis 'dod chags dang bral ba'i gnas skabs su byas pa lta bu ste/ sa 'og mar yang mi 'ong ba'i phyir ro/ /len pa med par yongs su mya ngan las 'das pa'i phyir ro/ /gnas skabs gzhan du nges pa gang yin pa zhes bya ba ni/ skyes nas myong bar 'gyur ba'am/ lan grangs gzhan la nges bar 'gyur ba ste/ de ni de nyid du rnam par smin pa 'gyur ro zhes bya ba ni sa de nyid du skyes nas sam/ lan grangs gzhan la'o/ /de dang ldan bzhin du gtan du 'dod chags dang bral ba mi srid pas zhes bya ba la/ gang la gnas skabs gzhan du nges pa'i las yod pa de la ni gtan du 'dod chags dang bral ba ma yin te/ phyir mi 'ong ba la slar 'ong ba'am/ dgra bcom pa la yang slar skye ba ni med do/ /de'i phyir las de ni rang gis las gtan du 'dod chags dang bral ba 'gog pa'i rgyu yin no/ /ma nges pa gang yin pa de ni zhes bya ba la sogs pa la ma nges pa rnam par

  341. 171a

    smin pa 'byin pa la gegs phyed pa'i rgyu ni/ sa de las 'dod chags dang bral ba kho na yin pas 'di ni rnam par mi smin pa yin la/ ma ngos pa yin pa'i phyir de las 'dod chags dang bral ba na gags byed par nus pa yang ma yin no/ /mya ngan las 'das pa dang 'dra ba'i phyir zhes bya ba la/ mya ngan las 'das pa ni gtan du 'dus byas thams cad 'jug pa dang 'gal ba yin la/ 'gog pa'i snyoms par 'jug pa la snyoms par 'jug pa'i gnas skabs na sems dang sems la byung ba 'jug pa med pas/ dus ji srid du gcig tu 'gal pa yin pas/ mya ngan las 'das pa dang 'dra ba yin no/ /de'i phyir mya ngan las 'das pa dang 'dra ba'i chos mngon sum du byas pas phyir de las langs pas sems mchog tu zhi ba thob bo/ /son pa las slar log pa dang 'dra zhes bya ba la snyoms par 'jug pa'i gnas skabs na sems dang sems las byung ba 'jug pa med pa'i phyir mya ngan las 'das pa de son pa 'dra la/ yang langs pa la sems dang sems las byung ba 'byung ba mya ngan las 'das pa las slar log pa dang 'dra ste/ de'i phyir de ni sems mchog tu dang ba'i gzhir gyur pa yin no/ /phan pa'i lhag pa'i bsam pa ni phan par 'dod pa yin la/ phan pa ni 'dir nyon mongs pa mi 'byung ba'o/ /shin tu gsal ba zhes bya ba ni/ shin tu rno ba ste/ te bor gsal zhes bya ba'i tha tshig go /sems can tshad med pa la phan pa'i lhag pa'i bsam pa'i rgyu can yin pa'i phyir ro/ /rgyud ji skad bshad pa'i bsam pa dang rjes 'brel cing mthun par 'brel ba dang/ ji skad bshad pa dang ba'i bsod nams kyis yongs su bsgos

  342. 171b

    pa dang rjes su 'brel ba 'jug pa ste/ yongs su bsgos pa zhes bya ba 'di ni bag chags kyis rnam grangs so/ /sems can tshad med pa la dmigs pa'i phan pa'i lhag pa'i bsam pa dang rjes su 'brel ba zhes bya ba ci'i phyir smos she na/ langs nas dus ha cang yun mi ring ba gzung ba'i phyir ro/ /gnas yongs su gyur ba sar pa yin pas dri ma med pa zhes bya ba la/ 'dir gnas yongs su gyur pa ni mthong ba dang bsgom pas spang bar bya ba'i nyon mongs pa skye ba dang 'gal ba'i rten thob pa'i phyir ro// sar pa smos pa ni langs nas yun ring po ma lon pa bsngo ba'i phyir ro/ /mthong ba'i lam dang dgra bcom pa nyid las gsar du langs pa dag ni yon tan sngar ma thob pa thob pas yid bde ba la zhol ba kho nar 'gyur te/ de'i phyir de dag gi dbang po shin tu nye bar zhi bar 'gyur ro/ /'jig rten pa'i mnyam par bzhag pa rnams kyi yid kyi rgyud tha dad pa zil gyis mi gnon pa ste/ rgyu de dag gis gang zag lnga po de dag la phan ba'am gnod par byas pas ni mthong ba'i chos la myong bar 'gyur ba'i 'bras bu can du 'gyur ro/ /rang bzhin dang 'bras bu yongs su ma rdzogs pa can nyid kyi phyir zhes bya ba la/ bsgom pa'i lam de dag bzhin dang 'bras bu yongs su ma rdzogs pa mod pa de ni rang bzhin dang 'bras bu yongs su ma rdzogs pa can no/ /bsgom pa'i lam de yang gang yin zhe na/ lan cig phyir 'ong ba dang/ phyir mi 'ong gi 'bras bu thob par byed pa'i lam te/ de yang slob pa nyid de mi slob pa ma yin pas rang bzhin yongs su ma rdzogs pa'o/ /'di'i 'bras bu yang yongs su ma rdzogs pa ste/ 'bras bu gnyis dang/ 'bras bu gcig lhag mar lus pa'i phyir ro/ /dgra bcom pa thob pa ni rang bzhin dang 'bras bu yongs su rdzogs pa ste/ bar chad med pa dang rnam par grol ba'i lam gyis bsdus pa'i phyir dgra

  343. 172a

    bcom pa nyid thob pa'i lam ni slob pa dang mi slob pa'i rang bzhin zad pa shes pas bsdus pa'am/ bsgom pa'i lam yongs su rdzogs pa'i rang bzhin te/ rnam pa gzhan med pa'i phyir ro/ /de'i phyir lam lhag ma las langs pa ni gnas gyur ba sar pas rgyud yongs su dag pa ma yin na/ 'jig rten pa rnams las langs pa ni lta smos kyang ci dgos/ rnam par rtog pa med pa'i phyir ro/ /zhes bya ba ni des par rtog pa dang rjes su dran pa'i rtog pa med pa'i phyir ro/ /nags zhes bya ba ni rtsa'i tshogs so/ /ji ltar sems kyi tshor ba rnam par smin pa ma yin zhe na/ gang zhig kho nar de g.yengs pa'i yid kyi rnam par shes pa la las rnam par smin pa de ni de dang mtshungs par ldan pa yang tshor ba rnam par smin pa zhes bya'o/ /ji ltar sems kyi tshor ba mi dge ba'i las kyi rnam par smin pa ma yin zhe na/ de lta na 'di ni zhes bya ba nas rgyas par mu bzhi rig par bya ste/ gang gi phyir dge ba dang mi dge ba dang lung du ma bstan pa rnams kyang g.yeng ba zhes bya la/ rnam par g.yengs pa ni nyon mongs pa can kho na'o/ /mngon par nyen pa zhes bya ba ni mngon par gnod par gyur pa'o/ /'dir kyi hud sems zhes smre sngags 'don pa'i dmyal ba dper bya'o zhes bya ba ni/ rkun po'i sde dpon zhig gis rang sangs rgyas lnga brgya bsod du bcug pa'o/ /sangs rgyas ma gtogs pa zhes bya ba la/ sangs rgyas rnams la ni thugs g.yeng ba dang/ rim gyis 'grongs po dang/ gsung mdzer ba dang/ dbu skya ba la sogs pa mi 'byung ste/ las shin tu dang ba'i rnam par smin pa'i snying po yin pa'i phyir ro/ /ma nges pa ni rnam par smin pa'i phyir ro/ /zhes bya ba la/ ma nges pa ni 'phags pa'i lam gyi stobs kyis rnam par smin pa'i chos nyid du gnas so/ /'jigs pa lnga las yang dag par 'das pa'i phyir ro//

  344. 172b

    zhes bya ba ni/ 'tsho ba dang tshigs su bcad pa med pa dang/ 'khor gyi nang du skrag pa dang/ 'chi ba dang ngan gro'i 'jigs pa las yang dag par 'das pa'i phyir ro/ /mi mdzes pa zhes bya ba ni/ nyon mongs pa mi bsdus pa zhes bya ba'i tha tshig go/ chos nyid mngon par shes pa'i phyir ro/ /zhes bya ba 'byung ste/ de la chos nyid 'du byed thams cad mi rtag pa'o/ /zag pa dang bcas pa thams cad ni sdug bsngal lo/ /chos thams cad ni bdag med pa'o zhes/ bya ba 'di yin no/ /de nyid phyir de lta na chos kyi rang bzhin mngon par shes pa rnams la mya ngan 'byung ba med do/ /g.yo dang zhe sdang 'dod chags skyes/ las las zhes bya ba tshig gi lhag ma'o/ /gya gyu rgyu las byung ba yin pa'i phyir zhes bya ba ni gya gyu'i rgyu can yin pa'i phyir ro/ /mdo las gya rgyu gang zhe na/ sdig pa can gyi lta ba'o zhes lta ba la gya gyur bshad do/ de'i phyir de'i rgyu las byung ba'i phyir g.yo las gya gyu zhes brjod do/ /'bras bu la rgyur btags pas lus kyi las la yon po zhes bshad do/ /yang zhe sdang gis rang dang gzhan gyi rgyud la bzhag pa'i nyon mongs pa thams cad ni skyon zhes bshad do/ /des na gang zhe sdang las skyes pa'i lus kyis las la sogs pa de yang 'bras bu la rgyu nye bar btags te skyon zhes bshad do/ 'dod chags kyang chos 'dzin rgyu yin pa ltar de dang 'dra ste/ da'i phyir de dang chos mthun pas de las skyes pa'i lus kyi las la sogs pa yang snga ma bzhin du rtogs par bya'o/ /de la mi dge ba ni nag po ste/ de yang 'dod par gtogs pa kho na yin pas khyad du ma byas so/ /gzugs kyi dge ba ni dkar ba'o/ /'dod par gtogs pa'i dge ba de ni dkar nag gnyis ka'o/ /de yang byed pa zhes bya ba ni/ mi dag pa ma sogs pa las rnam pa gsum zad par byed pa'i phyir ro/ /nyon mongs pa can yin pa'i phyir zhes bya ba ni/ mi dge ba yin pa'i phyir ro

  345. 173a

    ro/ /rnam par smin pa'i yid du mi 'ong ba yin pa'i phyir ro zhes bya ba ni/ rnam par smin pa rjes su mi thun pa yin pa'i phyir ro/ /mi dge ba dang ma 'dres pa'i phyir zhes bya ba ni/ de na mi dge ba'i nyon mongs pa med pa'i phyir ro/ /ci'i phyir gzugs med par gtogs pa ma bshad ces bya ba ni/ dge bar med de yang gzugs su gtogs pa ltar mi dge ba dang ma 'dres pa'i phyir ro snyam du sems so/ /gang na zhes bya ba rgyas par 'byung ste/ grag ste zhes bya ba'i sgras ni gzhan gyi bsam pa ston par byed pa'o/ srid pa bar ma pa ni srid pa pa'i ma yod pa'o/ /skyes pa'i srid pa pa yang de dang 'dra'o/ /gzugs med pa rnams na ni srid par ma pa'i rnam par smin pa med do/ /de na srid pa bar ma med pa'i phyir ro/ /rnam pa gsum char gyis zhes bya ba rgyas par 'byung ba ni/ de na bsam gtan gyis sdom pas bsdus pa'i lus dang ngag gi las dag med pa'i phyir ro/ /de kho nar bshad do zhes bya ba ni/ gang na las rnam pa gsum gyis smin pa rnam pa nyis yod pa de kho nar dge ba'i las dkar bar bshad do// mdo las da yang bshad do zhes bya ba ni/ las dkar la rnam par smin par dkar ba yang yod de/ 'di lta ste/ bsam gtan dang po dang de bzhin du srid pa'i rtse mo'i bar yin no zhes gzugs med par gtogs pa'i las dge ba dkar par bshad do/ /las sam zhes bya ba ni rdzas gcig dang skad cig gcig gcig la'o/ /phan tshun 'gal ba'i phyir ro/ /zhes bya ba ni/ dkar po dang nag po gnyis gcig la cig car lhan cig mi gnas pa'i phyir ro/ /'dod pa'i khams na de stobs dang ldan pa'i phyir ro zhes bya ba ni/ /'dod pa'i khams na mi dge ba 'bad med par yang nas yang du 'byung ba'i phyir stobs dang ldan pa nyid de gang gis na de'i rnam par smin pa yang 'dren mar skye ba des dge ba zil gyi gnon pa yin no/ /'dir dge ba ni res 'ga' 'bad pas 'byung ba'i phyir stobs chung ba yin te/ des mi dge ba zil gyis gnon par mi

  346. 173b

    nus so/ /de'i phyir de'i rnam par smin pa ni gcig tu gnag pa kho nar 'gyur ro/ /'dod par gtogs pa'i dge ba'i ni mi dge ba dang 'dres pa'i phyir dkar nag yin la/ rnam par smin pa yang 'dren mar smin pa'i phyir zhes bya ba ni slob dpon go cha mdza' yas mi rigs par 'chad do/ /bye brag tu smra ba rnams ni de skad mi brjod/ 'o na ci zhe na/ 'dod par gtogs pa'i dge ba'i ni mi dge ba dang lhan cig byas pas dkar nag ces bshad de/ 'dres pa'i phyir ro/ /rnam par smin pa yang dkar nag ste 'dren mar smin pa'i phyir ro/ /'dod pa'i khams su ni dge ba dang mi dge ba'i las dag gis rnam par smin pa cig car smin par 'gyur te/ ji skad du/ snga phyi med gsum smin 'dod phyir zhes so/ /bcom ldan 'das kyis kyang mdo las de gcig tu gnod pa dang bcas pa'i lus kyis 'du byed nye bar sogs par byed do/ /gnod pa dang bcas par lus kyi 'du byed byas shing bsam gtan nas gnod pa dang bcas pa'i lus mngon par 'grub par byed do/ /gnod pa dang bcas pa'i lus mngon par grub nas gnod pa dang bcas pa'i 'jig rten du skye'o zhes gsungs so/ /de'i phyir mdo las 'dod pa na spyod pa'i dge ba'i las ni dkar nag la rnam par smin pa yang dkar nag go zhes shes kyi/ dge ba nyid ni ma yin no/ /des na 'dir mi dge ba'i las kyang dkar nag tu thol zhes bya ba'i klan ka med de/ 'di na brgal bar bya ba ma yin pas gnas ma yin pa la mi 'bad do 'di ni rgyud kyi sgo nas rnam par bzhag gi zhes bya ba nas/ mi dkar ba zhes bya ba'i sgra 'di ni dgongs pa can yin te zhes bya ba la/ dkar ba'i ni rnam pa gnyis te rang bzhin gyis dkar ba dang/ rnam par smin pas dkar ba'o/ /de la gzugs su gtogs pa'i las ni gnyi ga dkar bas dkar ba'o/ / zug pa med pa mi rang bzhin gyis dkar ba kho na yin pas ma bshad do/ /mi dkar ba zhes bya ba'i sgra 'di dgongs pa can yin no/ /zhes bya ba ji ltar shes zhe na/ de'i phyir bcom ldan 'das kyis stong pa chen pa'i mdo las zhes bya ba rgyas par smos so/ /bstan bcos las

  347. 174a

    kyang chos dkar po rnams zhes bya ba la zag pa dang bcas pa dang zag pa med pa'i rnams gzung ngo/ /ma bsgribs la lung du ma bstan pa rnams kyang rnam par smin pa dkar ba med kyang nyon mongs pa can ma yin pa'i phyir dge ba zhes bya ba yin te/ de'i phyir rnam par smin pa dkar ba'i phyir gzugs na spyod pa dkar bar bshad la/ de med pa'i phyir zag pa med pa mi dkar po zhes bya bar shes so/ /zag pa med pa'i las rnam par smin pa med pa yin no zhes bya ba 'di ga las zhe na/ de'i phyir khams su ma gtogs pa'i phyir rnam par smin pa med pa yin no zhes bya ba smos te/ rnam par smin pa ni khams su ma gtogs pa yin te/ de'i rnam par smin pa'i rgyu yang khams su gtogs pa kho nar 'gyur ro/ /zag pa med pa'i las ni khams su ma gtogs pa yang yin pas rnam par smin pa yin te/ 'dod pa'i sred pa la sogs pa dag gi bdag gir ma byas pa'i phyir ro/ /'dod pa'i sred pa la sogs pa dag gis bdag gir mi bya ba zhes bya ba 'di ji ltar shes zhe na/ de'i phyir 'jug pa dang 'gal bas zhes bya ba smos te/ 'dod pa'i sred pa la sogs pas bdag gir byas pas chos khams gsum pa rnams kyi 'jug pa gcod par nus pa med do/ /'dir de zad byed pa zag pa med pa yin/ zhes khyad par med par bshad pa de'i phyir/ ci zag pa med pa'i las zhes bya ba rgyas par dris so/ /chos kyi bzod pa dang 'dod pa la 'dod chags dang bral ba smos pa ni 'dod pa'i khams kyi gnyen po nyid kyis te/ las nag po spangs pa'i phyir ro/ /de la sdug bsngal dang kun 'byung dang 'gog pa dang lam la chos shes pa'i bzang pa dag gis ni de spang bar bya ba'i nyon mongs pas kun nas bslang ba'i las spong ngo/ /'dod pa'i khams las 'dod chags dang bral ba la/ yang go rim bzhin du bar chad med pa'i lam brgyad kyis nyon mongs

  348. 174b

    pa ltar des spang bar bya ba'i nyon mongs pas kun nas bslangs pa'i las spong la/ de yang gcig tu mi dge ba yin pas nag po zhes bya'o/ dkar nag ste dge ba dang zhes bya ba la/ de ni de la dmigs pa'i nyon mongs pa spangs pa las spangs pa'o/ /rang gi ngo bo ni spong ba ni ma yin te/ rang gi ngo bo ni thob pa la yongs su bshad pa'i ming ngo/ /bar chad med pa'i lam dgu las de la dmigs pa'i nyon mongs pa ma lus par spongs pa de spong bar rnam par bzhag go /rnam pa dgu pa spang pa'i phyir zhes bya ba ni/ gzhan rnams ni sngar nyid du spangs zin pa'i phyir ro/ /'di las gzhan pa rnam pa bzhi zhes bya ba la/ khyad par ni ma bsgribs pa'i las spang ba'i phyir mi bgrang ngo/ /de bzhin du bar chad med pa'i lam bcu bdun gyis bsdus pa ni las rnam pa gsum gyis las rnams spang ba'i phyir 'jug go /'dod gzhan myong 'gyur gnyis su rig ces bya ba la/ 'di yang sngar nyid du bzlog zin te/ /mi dge ba ni dkar nag tu rung ba ma yin no zhes bya ba la sogs pa la/ slob dpon 'dus bzang na re/ biSh+kri ta twata? ces zer ro/ /'dir re re dkar nag nyid du 'dod pa ma yin no/ /'o na ci zhe na/ sa mu di ta yod(mdo 'grel): zhes 'di dpyad par bya'o/ /'dod pa las skyes gzhan dkar nag ces bya ba 'di yang mi rung ngo zhes de nyid smra'o/ /mthong ba dang bsgom pas spang bar bya ba 'dir? rnam par smin pa ma yin yang 'dir las rnam par yod pa'i phyir/ gang rnam par smin pa dang bcas pa de nyid bzung bas rnam par smin pa nag po zhes bya ba la sogs pa 'byung ba'i phyir ro/ /de lta na yang stobs dang ldan pas nyam chung ba zil gyis mnan pa'i phyir mi dge ba ni dkar nag nyid du 'thad pa ma yin no/ /thub pa ni gsum ste zhes bya ba la/ thub pa'i dngos po thub pa yin pa dang 'di thub pa'i yin pa ni thub pa'i 'o/ /mi slob pa'i lus dang ngag gi las dag ni zhes bya ba ni/ rnam par rig byed ma yin pa kho na yin gyi/ rnam

  349. 175a

    par rig byed ma yin te/ mi slob pa zhes bya ba'i phyir ro/ /sems pa ni don dam par thub pa yin la/ zhes bya ba ni/ de rnam par byang ba'i rgyu nyid kyi gtso bo yin pa'i phyir ro/ /thub pa nyid thub pa yin te/ rang gi don la 'phel ba bsgrub pa'i phyir ro/ /de ni lus dang ngag gi sgo nas rjes su dpag par bya ba yin no zhes bya ba ni/ thub pa zhes bya bar te/ de'i phyir gang gis dang gang rjes su dpag pa de dag kho na thub pa'i yin apar bshad kyi yid kyi las ni ma yin no/ /de ltar na mi slob pa'i lus dang ngag gi las ni 'di yin pas thub pa'o zhes bya bar grub ste/ yid kyi las ni ma yin no/ /gal te mi slob pa'i sems pa yang yid kyi ltar de dag gi rjes su dpag par bya ba ma yin nam zhe na/ rjes su dpag mod kyi/ de ni sems la brten pas de las sems nyid gtso bo yin no/ /gzhan yang zhes bya ba ni slob dpon bdag nyid kyis gzhung lugs 'chad pa'o/ /spong ba'i rang bzhin zhes bya ba ni rnam par rig byed ma yin pa'i rang bzhin yin pa ste/ de ltar yid la byed pa ni rnam par rig byed kyis rang bzhin ma yin no/ /ci'i phyir zhe na/ sems la rnam par rig byed ma yin pa med pa'i phyir te/ 'di ltar sems la rnam par rig byed ma yin pa'i phyir ro/ /thub pa yang spong ba'i don gyis yin te/ zhes bya ba ni spong ba ni gcod pa ste/ mi dge ba thams cad spong ba'i don gyis zhes bya bar dgongs so/ /nyon mongs pa'i brjod pa thams cad med pas zhes bya ba la/ nyon mongs pa rnams ni log pa la dmigs pa'i phyir brjod pa zhes bya ste/ brjod pa dang rtogs pa zhes bya ba ni don gzhan ma yin no/ /slob dpon pa ni nyon mongs pa'i brjod pa yod pas don dam par thub pa ma yin te/ de'i phyir slob pa'i lus dang ngag dang yid ni thub par rnam par ma gzhag go /thub pa'i ni gzugs dang rnam par shes pa'i phung po gnyis kyi sgo nas rnam par gzhag go /gtsang byed gsum zhes byed pa la/ gtsang ba'i dngos po ni gtsang byed do//

  350. 175b

    thams cad ces bya ba ni zag pa dang bcas pa dang zag pa med pa'o/ /re zhig zag pa med pa ni gtsang byed ces bya ba rigs ni/ zag pa dang bcas pa nyon mongs pa mi gtsang bas sun phyung ba gcod? byed ces bya ba ji ltar 'thob ce na/ de'i phyir dus re zhig dang gtan du nyes par spyod pa nyon mongs pa'i dri ma spong ba'i phyir ro/ /zag pa dang bcas pas ni re zhig tu'o/ /gtan pa med pas ni gtan du'o/ /de'i phyir dus re zhig tu nyes par spyad pa'i dri ma spangs pa'i phyir dang/ zag pa med pa don dam pa'i gtsang byed 'dren par byed pa'i phyir zag pa dang bcas pas kyang gtsang byed ces bya ba 'thob bo/ /log par thub pa dang gtsang sgra la mos? pa rnams zhes bya ba la/ gang dag mi smra ba dang/ phyi rol gyi dri ma spangs pas mtho ris dang byang grol 'thob bo zhes bya ba de ltar lta ba de dag ni log pa'i thub pa dang/ gtsang sbra la mos pa'o/ /dkar ba ni lta ba dang bral ba'o/ /lus kyi las sogs pa mi dge ba/ nyes par spyad pa gsum du 'dod/ lus dang ngag gis las mi dge ba sbyor ba dang dngos dang mjug ces bya ba dang/ mi dge ba'i sems gang cung zad cig yin pa de ni go rim bzhin du lus dang ngag gi dang/ yid gnyis kyis nyes par spyad pa yin no/ /ched du bsam pa bya ba'i mdo las zhes bya ba ni/ dge slong dag ji ltar ched du bsam par bya ba'i las byas shing bsam pa yin zhe na/ dge slong dag 'di zhal la ched du bsams nas lus gyi las rnam pa gsum byed cing bsags pa yin la/ ngag gi rnam pa bzhi dang/ yid kyi rnam pa gsum zhes bya ba rgyas par gsung nas bka' stsal pa/ dge slong dag ji ltar yid kyi ched du bsam par bya ba'i las rnam pa gsum byas shing bsags pa yin zhe na/ 'di lta ste/ 'di nas dge slong la la brnab sems dang ldan pa yin/ gnod sems can gyi sems su gyur pa yin/ log par lta ba zhes 'byung ba'o/ /dpes ston pa rnams na re/ brnab sems la sogs

  351. 176a

    pa ma gtogs pa'i yid kyi las gzhan ma bshad de/ de'i phyir brnab sems la sogs pa dag kho na yid kyi las yin no zhes zer ro/ /de lta na ni las dang nyon mongs pa dag cig tu 'gyur ro/ /'di ni 'dod pa yang ma yin no/ /mdo par? gsum gyi rgyu dang kun 'byung ba zhes gsungs pa'i phyir snyam du bsam pa'o/ /ci 'byung zhes bya ba ni/ nyes pa ci 'gyur zhes bya ba'o/ /de ni med de/ ci'i phyir zhe na/ mdo dang 'gral ba'i phyir te/ sems pa'i las dang bsams pa'i zhes gsungs pa'i phyir ro/ /de'i phyir nyon mongs pa las ma yin no zhes bya bar nges so/ /gal te nyon mongs pa las nyid du mi 'dod na de lta ched du bsam par bya ba'i mdo dang 'gal lo zhe na/ mdo las ni zhes bya ba rgyas par 'byung ngo/ /de'i sgo nas ni zhes bya ba'i brnab sems la sogs ba'i sgo nas sems pa zhugs pa de'i phyir brnab sems la sogs pa de dag gis sems pa der ston par byed de/ gzhan du na mdo dang 'gal bar 'gyur ro/ /bye brag tu smra ba rnams na re yid kyi las kyi tshogs yin pa'i phyir de dag la 'di skad du snyad de/ dor ba'i spang bar bya ba la zag par bstan pa bzhin no/ /zhes zer ro/ /smad pa ni zhes bya ba ni dam pa dag gi smad pa ces bya ba'i don to/ /bzlog pa legs par spyad pa yin pa zhes bya ba la lus dang ngag gis las dge ba sbyor ba dang dngos dang 'jug ces bya ba dang/ dge ba'i las sems dang/ brnab sems dang/ gnod sems dang/ log par lta ba dag la sogs pa gang cung zad cig yin pa de ni nyes par spyad pa las bzlogs pa'i sgo nas lus dang ngag dang yid kyi legs par spyad pa brjod par bya'o/ /de'i rtsa ba'i yin pa'i phyir ro zhes bya ba la/ pha rol la phan 'dogs pa'i bsam pa'i rtsa ba yin pa'i phyir na yang dag pa'i lta ba dge ba nyid yin la/ gzhan la gnod par bya ba'i bsam pa'i rtsa ba yin pa'i 'o? na lta ba mi

  352. 176b

    dge ba nyid yin no/ /de las tshe long bsdus pa ni zhes bya ba la tshe long ni chen po'o/ /ci rigs par zhes bya ba smos pa ni/ go rim ji lta ba bzhin yin pa bsam pa'i phyir te/ de lta ma yin na mi dge ba spyad pa dag las dge ba dag legs par spyad pa las mi dge ba'o zhes bya bar thal? bar 'gyur ro/ /nyon mongs pa can gzhan yang zhes bya ba ni/ brdeg pa dang 'ching ba dang 'dren pa la sogs pa'o/ /myos par 'gyur ba la sogs pa spong ba dang/ sbyin pa dang mchod sbyin pa la sogs pa zhes bya ba la sogs pa zhes bya ba'i sgra snga mas brdeg pa dang 'ching ba la sogs pa spang ba bsdu'o/ /sogs pa zhes bya ba gnyis pas ni khrus byed pa dang/ lus bskud pa dang/ sngon du ldang ba la sogs pa bsdu'o/ /snyan par smra ba la sogs pa zhes bya ba la/ 'dir yang sogs zhes bya ba'i sgras chos ston pa la sogs pa dag bsdu'o/ /yang ci 'dir las kyi lam rnam bar rig byad yin ma/ 'on te rnam par rig byed ma yin pa yin nam/ de ste gnyi ga yin zhe na/ re shig rang byed pa ma yin pa la ni/ mi dge drug ni rnam rig min zhes bya ba rgyas par 'byung ste/ dngos kyi rnam par rig byed med pa'i phyir ro/ /'dir lung bsgo ba'i rnam par rig byed gang yin pa de ni sbyor ba kho na yin gyi dngos ni ma yin no/ /dus de'i tshe shin zhes bya ba la/ rnam par rig byed kyi dus ma gtogs pa phyis shin ni rnam par rig byed sbyor ba kho na yin pas las kyi lam rnam par rig byed ma yin pa kho na yin no/ /yang dag par rig byed la blangs pa'i tshul khrims ni zhes bya ba la/ yang dag par blangs pa zhes bya ba smos pa ni/ chos nyid gyis tshul khrims las khyad par du bya ba'i phyir ro/ /de ni sems la rag las pa kho na yin gyi/ rnam par rig byed la rag lus pa ni ma yin te/ de ni bsam gtan gyi sdom pa dang/ zag pa med pa'i sdom pa'o/ /sems tsam la rag lus pa'i phyir zhes bya ba'i tsam zhes bya ba'i sgra ni yang dag par blangs pa'i tshul khrims bsal bar bya ba'i phyir ro/ /lhur len pa chen pos zhes bya ba ni shugs drag pos

  353. 177a

    so/ /'dir rab sngogs kyi sgras ni sbyor ba kho na brjod de/ bzlog pa 'jug yin no/ /zhes 'byung ba'i phyir ro/ /de'i rjes su mthun pa'i chos zhes bya ba ni/ las kyi lam dang rjes su 'tsham par byed na zhes bya ba'i don to/ /las kyi lam sbyor ba dang dngos dang mjug dang bcas pa dag bshad na/ de dag gi sbyor ba la sogs pa'i rnam par bzhag pa ni ma bshad pas yang ji tsam gyis na zhes bya ba rgyas par dris so/ /sbyor ba dang 'bras bu yongs su rdzogs pas so zhes bya ba la/ sbyor pa'i 'bras bu yongs su rdzogs pa ni gzhan gyi srog gcod pa'o/ /'di skad bshad par 'gyur te/ sbyor ba tsam dang/ gzhan gyi srog bcad nyid kyis ni/ srog gcod pa'i kha na ma tho bas reg par mi 'gyur gyi/ 'o na ci zhe na/ gal te gzhan gyi srog bcad pa'i phyir sbyor ba dang bcas pa'o/ /de phyin chad ces bya ba ni bcad phan chad do/ /de bzhin du gzhan drug la yang ci rigs par sbyor bar byas so zhes bya ba 'byung ste/ de la ma 'byin par len pa la ni ji ltar rkun po khri las ldang bar byed/ mtshon cha len par byed/ gzhan gyi khyim du 'gro bar byed/ gnyid log gam 'on te ma log ces nyan par byed/ 'bugs par byed 'jug par byed/ gzhan gyi nor la zhom par byed pa nas ji srid du gnas nas ma spags pa de srid du sbyor ba yin no/ /skad cig gang la gnas nas spogs par byed pa de'i tshe rnam par rig byed dang/ de'i skad cig rnam par rig byed ma yin pa de ni las kyi lam dngos yin no/ /rgyu gnyis kyis ni ma byin par len pa'i kha na ma tho bas reg par 'gyur te sbyor ba dang de'i 'bras bu yongs su rdzogs pas so/ /de phyin chad kyi rnam par rig byed ma yin pa'i skad cig ma rnams ni mjug yin no/ /ji srid du gzhan gyi nor de 'ged pa'am/ 'tshod ba lam/ /sbed pa dang/ rjes su sgrog

  354. 177b

    pa de srid du/ de'i rnam par rig byed kyi skad cig ma yang 'jug yin no zhes bya ba lta bu ste/ de bzhin du gzhan la yang brjod par bya'o/ /de bzhin du gzhan gyi chud ma la 'grod par 'dod pas khri las ldang bar byed pa dang/ gos dang so rtsi len par byed pa dang/ gzhan gyi khyim du 'jug par byed pa dang/ gnyid log gam 'on te ma log ces nyan par byed pa dang/ gzhan gyi bud med la nom par byed pa na/ ji srid du rma'i nang du yan lag gi rnam pa 'jug par mi byed pa de srid du 'di ni sbyor ba'o/ / skad cig gang de la rma'i nang du yan lag gi rnam pa 'jug par byed pa'i rnam par byed pa'i rnam par rig byed dang de'i skad cig gi rnam par rig byed ma yin pa 'di ni las kyi lam dngos gzhi'o/ /gzhan dag na re mi gtsang ba 'dor ba'i dus kyi rnam par rig byed dang/ rnam par rig byed ma yin pa gang yin pa de ni las kyi lam dngos gzhi'o/ /zhes zer ro/ /las kyi lam rnam par bzhag pa rnam pa gzhan dang ltung ba rnam par bzhag pa rnam pa gzhan yin pa de'i phyir de/ /phan chad 'khyud pa la sogs pa de dang rjes su 'brel pa'i rnam par rig byed ma yin pa ni mjug yin no/ /de bzhin du yul gzhan du phyin nas brdzun du smra bar 'dod pas khri las ldang ba la sogs pa ji ltar rig par brjod par bya ste/ gang gis don mngon par dgo bar brjod pa'i skad cig ma de'i rnam par rig byed ma yin pa ni las kyi lam dngos gzhi'o/ /de nas de'i rgyus rnyed pa dang/ yongs su longs spyod pa dang de dang rjes su 'brel pa rnam par rig byed ma yin pa ni mjug go / de bzhin du phra mas dbye ba'i bsam pas mngags? pa dang brten pa dang gzhan dngos su byed pa la sogs pa ni sbyor ba'o/ /phra ma'i bsam pas tshig brjod pa'i skad cig gi rnam par rig byed dang rnam par rig byed ma yin pa ni las

  355. 178a

    kyi lam dngos gzhi'o/ /kha cig na re de'i 'og tu nye bar ma gyur ba ni bye ba'o zhes zer ro/ /'phags pa'i gang zag ni dgongs pa brtan pa de rnams bye bar 'gyur ro sngon nyid dang phyis bye bar brtan pa'i bya ba'i phyir de'i rjes thogs kyis rnam bar rig byed ma yin pa ni 'jug go /tshig rtsub la yang lag pa nyed pa dang rkang pa bskyod pa dang rdul 'jig pa dang mig bsgyur ba la sogs pa ni sbyor ba'o/ /phyi rol la tshig rtsub smra ba'i de'i skad cig ma'i rnam bar rig byed dang rnam par rig byed ma yin pa ni las kyi lam dngos gzhi'o/ /de phan chad gzhan dang sngar smra ba'i tha snyad 'di dang 'di smra'o/ /zhes de dang rjes su 'brel ba'i rnam par rig byed ma yin pa ni 'jug go /brnab sems la sogs pa rnams ni sems kyi mi dge ba yin pas sbyor ba dang 'jug gi rnam par bzhag pa med do zhes gzhan dag ni zer ro/ /gal te 'chi ba'i srid ba la gnas pa yin na ni zhes bya ba ni/ srog chags de ma shi ba'i tshe kho na rnam par rig byed dang rnam par rig byed ma yin pa las kyi lam yin na'o/ /de ltar na lhan cig shi ba yang zhes bya ba rgyas bar 'byung ste/ gsod pa'i rnam par rig byed dang rnam par rig byed ma yin ba dang/ /bsod du 'jug ba'i rnam par rig byed ma yin pa nyid las kyi lam dngos su 'gyur ro/ / grub ba'i mdza' las ni de skad mi 'byung zhes bya ba 'byung ngo/ /'o na grub ba'i mdza' gang yin zhe na/ snga dang mnyam du shi ba la lus gzhan skyes phyir dngos gzhi med/ ces bya ba'o/ /'on te shi ba yin pa na ni srid ba bar ma la sogs pa gnas skabs yin na'o/ /de brjod bar mi bya'o zhes bya ba 'byung ste/ ci'i phyir zhe na/ bsnun? pa rnam par rig byed ces bya ba nges shi ba ni ma yin no/ /srog gcod par byed pa zhes bya ba rgyas par 'byung ngo/ /gang yang bstan bcos las zhes bya ba rgyas bar

  356. 178b

    'byung ba ni skyon gzhan yin no/ /bye brag tu smra ba'i don ni 'gal te zhes bya ba la/ bye brag tu smra ba'i rnams kyi 'dir mjug sbyor ba'i sgrar gsungs so/ /zhes bstan bcos kyi don bshad pa gang yin pa/ de 'gal lo/ /ci'i phyir zhe na/ de'i tshe dngos kho na ma 'gal ba'i phyir ro/ /srog gal te srog chags shi ba'i tshe rnam par rig byed dang rnam par rig byed ma yin pa gang dag yin pa de las kyi lam dngos yin na ni/ de lta na sbyor ba med par ma gyur pa zhes bya ba 'dir dngos kho na sbyor ba'i sgrar gsungs kyi mngag ni ma yin no zhes bya ba shes so/ /ji ltar nyes par med pa de lta bu yin no zhes bya ba ni chos mngon pa'o/ /ji ltar na nyes pa med pa ces bya ba ni slob dpon no/ /dngos kho na sbyor ba'i sgrar zhes bya ba la sogs pa ni bye brag tu smra ba dag ste/ de lta na snga dang mnyam du shi ba la/ dngos med lus gzhan skyes phyir ro zhes bya ba dang mi 'gal lo/ /'o na de'i tshe rnam par rig byed ces bya ba ni slob dpon no/ /ci ltar na mi 'gyur zhes bya ba ni bye brag tu smra bas slob dpon gyi bsam pa dgrol ba'i phyir ro/ /mi nus pa'i phyir ro zhes bya ba ni slob dpon gyi rang bzhin bsam pa dgrol ba'i phyir smos te/ srog chags shi zin na ni yang de 'chi bar bya ba la nus pa yod par mi 'gyur ro/ /da ni rnam par rig byed ma yin pa ji ltar 'gyur zhes bya ba ni bye brag tu smra ba rnams kyis nus pa med kyang las kyi lam mo snyam du bsam pa'o/ /de'i phyir zhes bya ba rgyas par 'byung ste/ sbyor ba'i 'bras bu ni srog bcad pa ste/ sbyor ba ni de'i don du yin pa'i phyir ro/ /de yongs su rdzogs pa'i dus ni shi ba'i dus so/ /de gnyi ga zhes bya ba rnam par rig byed dang rnam par rig byed ma yin pa ste/ mi nus kyang las kyi lam yin no snyam du bsam

  357. 179a

    pa'o/ /de lta yin na dang sbyor ba'i 'bras bu la bltos nas rnam par rig byed dang rnam par rig byed ma yin pa yang las kyi lam du brjod kyi/ nus pa la bltos nas ni ma yin pas nyes pa med do/ /de bzhin du gzhan dag la yang ci rigs par sbyar bar bya'o zhes bya ba ni/ dper na gzhan gyi nor gyi nor rku bar 'dod pa don grub par byas pa'i phyir gzhan gyi nor 'phrogs nas phyugs des gtor ma byed pa dang/ de nyid kyis de 'phrog tu gzhug pa'i phyir de'i chung ma la nyal po byed pa dang/ de la gang dag yongs su skyob par 'gyur ba'i mdza' bo la/ brdzun dang phra ma dang tshig rtsub po dang tshig kyal pa dag gi dbyen byed pa dang/ de'i nor la brnab sems byed pa dang/ nor de'i bdag po la gnod sems byed pa dang log par lta ba 'phel bar byed pa lta bu ste/ de bzhin du 'dod pas log par g.yem pa la sogs pa dag la yang ci rigs par brjod par bya'o/ /de'i lus kyi yan lag gi phyir ram zhes bya ba ni/ rnga ma dang/ so dang/ pags pa la sogs pa'i phyir ro/ /nor gyi phyir ram zhes bya ba ni rim gyi phyir ram/ de'i nor bdag gir bya ba'i phyir ro/ /pha dang ma rgas sam nad tsha bas chen pos thebs na zhes bya ba ni/ de dag gis de nas gzhan gyi tshe dbang po sar pa dang/ shin tu dad pa rnyed par 'gyur te/ des na ma bsad pa bya'o zhes grag go /gang yang log par lta bas rab tu bcug pa zhes bya ba ni/ ji ltar legs par spyad pa dang/ de'i rnam par smin pa med do zhes bya ba lta ba des bsod pa la rab tu bcug pa'o/ /cho ga can gyi chu btung ngo/ /zhes bya ba rgyas par 'byung ste/ cho ga can gyi chu dang rtswa dag yongs su longs spyod ces bya ba'i tha tshig go /bzhad gang ldan dang zhes bya ba ni

  358. 179b

    ku re'i bsam pa dang ldan pa zhes bya ba'i don to/ /brdzun du smra ba la sogs pa chags pa las skyes pa ni snga ma bzhin no zhes bya ba la/ chags pa las skyes pa ni nor dang bkur sti dang bdag dang mdza' bo yongs su bskyab pa'i don du'o/ /zhes sdang las skyes pa ni kho tshar phyin par bya ba'i phyir ro/ /gzhan dag na re 'jig rten pha rol med do zhes bya ba la sogs pa dang ldan pa'i tshig kyang log par lta ba'i 'du shes kyis rab tu bcug pa'i brdzun du smra ba'o/ /zhes zer ro/ /'di lta ste dge tshul zhes bya ba la/ 'di lta ste zhes bya ba'i sgras ni sbyor ba'i cho ga gzhan yang bstan par bya ba'i phyir ro/ /gnas sna tshogs ni 'tshams? chen po ste/ dkyil 'khor zhes bya ba'i don to/ /'dir dge slong sna tshogs gnas pas na gnas sna tshogs so/ /de'i 'og tu zhes bya ba ni dngos kyi las lam gyi 'og tu ste/ bslab pa'i gzhi rnams blangs nas ji srid du ji skad bshad pa'i cho gas gnas sgo ba dang ste/ de dag ni chos gos dang bsod snyoms dang gnas lam dang na ba'i rkyen sman rnams so/ /de'i rten zhes bya ba na gnas kyi rten no// yongs su dor ba'i sems kyi bsod pa mthar phyin par byed la/ gzhan ni rtsub pa'i sems kyis rdzogs par byed de/ de'i phyir bsod pa dang gnod sems dang tshig tshub po rnams ni gcig tu zhe sdang gis mthar phyin par byed do/ /cher rmongs par gyur na zhes bya ba ni/ gang zhig rgyu dang 'bras bu'i 'brel pa'i chos nyid la rmongs pas de ni rdzogs par byed de/ gti mug kho nas log par lta ba mthar phyin byed do/ /lhag ma gsum gyis rdzogs par 'dod ces bya ba la/ chags pa las skyes pa'i brdzun du smra ba ni chags pa kho na mthar phyin par byed la/ de bzhin du zhes sdang las skyes pa dang/ gti mug las skyes pa yang zhes sdang dang gti mug gis mthar phyin par byed

  359. 180a

    do/ de bzhin du gzhan gnyis la yang rjod par bya'o/ /gzhan dag na re brnab? sems la sogs pa chags pa dang zhes sdang dag gis mthar phyin par brjod par bya ba ma yin te/ de mthar phyin pa'i dus su de la tha dad pa'i chags pa dang zhe sdang med pa'i phyir de nyid kyis mthar phyin pa ma yin no zhes zer ro/ /de'i phyir gti mug gis brnab sems la sogs sa mthar phyin par brjod par bya ste/ gti mug las de skyes pa'i phyir ro/ /'dir lan smras pa/ gang gi phyir de nyid kyis de bstan par mi 'gyur te/ rten ma yin pas 'di de ltar brtags pas dge ba'i rtsa ba rnams las gzhan pa srid pa yod do zhes cis mi 'dod/ de lta na 'o na las kyi lam thams cad kyang nges par gti mug dang lhan cig 'byung ba'i phyir gti mug kho nas rdzogs par thal bar 'gyur ro zhe na mi 'gyur ro/ /chags pa dang zhe sdang dag gi rer gtso bo yin pa'i phyir ro/ /de bzhin du log par lta ba yang gti mug gis yongs su rdzogs pa ma yin te/ der de gtso bo yin pa'i phyir/ gtso bo nyid de las gzhan pa'i dge ba'i rtsa ba yod pa'i phyir/ log par lta ba dge ba'i rtsa ba'i bdag nyid ma yin no/ 'o na brnab sems la sogs pa gti mug gis mthar phyin par mi rung ngo zhe na/ de dag mi dge ba'i rtsa ba nyid kyi phyir dang/ gti mug der gti mug gtso bo ma yin pa'i phyir ro/ /mthar phyin pa'i don ni der gtso bo yin pa ste/ de ltar na 'dir skyon med do/ /cha bzhir bshad pa zhes bya ba ni tshad bzhir ro/ /thun mong du sreg gcod pa la sogs pa ni zhe sdang gis mthar phyin par byed do/ /tshan gcig dang 'dra bar gzhan la yang brjod par bya'o/ /srog gcod pa la sogs pa'i gzhi ni sems can yin no/ /zhes bya ba ni/ tshogs pa las las kyi lam de skye ba'i phyir te/ sems can du ston pa ma yin pa dag las ni skye ba ni srid

  360. 180b

    gal te de dag gi rten ni ming dang gzugs kyang yin par rig par ma yin nam zhe na/ phung po tshogs pa kho na la bltos nas gsod pa la sogs pa dag 'byung gi /phung po'i phyogs gcig la bltos nas ni ma yin la/ phung po gcig dang skad cig mal yang ming dang gzugs zhes bya ba na/ phung po skad cig dang skad cig ma gcig la ni gsod pa la sogs pa dag 'jug pa med do/ /de'i phyir de dag gi rten ming dang gzugs yin par mi 'dod do/ /gzhan gyi bud med kyi gan du 'gro ba la sogs pa'i bzhi ni longs spyod yin no/ /longs spyod la rten nas las kyi lam 'byung ba'i phyir/ /sems can gzhan gyi longs spyod rang bzhin longs spyod du nye bar ston par byed pa'o/ /las kyi lam 'byung ba'i rgyu nyid du 'gyur pa des na/ gzhan gyi bud med kyi gan du 'gro ba la sogs pa'i gzhi ni longs spyod yin no zhes bya'o/ gzhi sems can ma yin yang rung ste yongs su longs spyod pa'i thabs la ni sems can rnams las kyi lam 'byung bas de dag longs spyod kyi gzhi nyid du brtag go /log par lta ba'i gzhi ni ming dang gzugs yin te/ ming gi dbang du byas nas de la skur pa 'debs pa 'jug pa'i phyir ro/ /de'i sbyor bas 'chi ba'i phyir dang/ de'i tshe lus gzhan skyes pa'i phyir the tshom za bas/ gang zhig gis pha rol 'chi bar nges par byas nas zhes bya ba rgyas par dris so// dngos med ces bya ba ni dngos sngon du 'gro bas mjug kyang med do zhes bstan par 'gyur ro/ /lus gzhan skyes phyir ro zhes bya ba ni ris mthun pa gang la gnas pas de'i sbyor ba byas pa de kho na de'i 'bras bu rdzogs pa las kyi lam du 'gyur gyi/ ris mthun tha dad pa'i lus la ni ma yin te/ de sbyor ba po ma yin pa'i phyir ro/ /don gyis phan tshun du sbyor bar byed pa yin no zhes bya ba ni tshig gi sbyor bas byed pa po ma yin kyang/ /srog gcod pa ni bsam bzhin du/ ma nor bar ni gzhan gsod pa'o zhes bya ba la srog

  361. 181a

    gcod pa ni rnam pa gnyis te/ bsams bzhin pa dang bsam bzhin pa ma yin pa'o/ /bsams bzhin pa yang rnam pa gnyis te/ nor pa dang ma nor pa'o/ /ma nor pa de la rnam pa gnyis te/ bdag dang gzhan gtsang? pa ste/ de'i phyir rnam par bcad par bya ba'i phyir khyad par rnam pa gsum brtsams so/ /yang ci'i phyir ma bsams pa nor ba dang/ bdag srog gcod pa mi 'dod ce na/ sbyor ba mi srid pa'i phyir dang/ bsod nams dang bsod nams ma yin pa dag bdag gi rten nas na mi srid pa'i phyir ro/ /de ltar bshad dang/ gal te srog chags gzhan yin pa dang/ 'di bsad par bya'o zhes de la sbyor ba byas pa dang gang la sbyor ba byas pa de nyid gsod par byed kyi gzhan ma yin na/ de lta na de las srog gcod pa'i kha na ma tho bas reg par 'gyur gyi gzhan du ni ma yin no/ /des na 'dor ba'i sems su byas pa ni gang la sbyor ba byas pa dang/ gang la the tshom na bde gnyis ga des yongs su dor ba yin no/ /ji ltar phung po skad cig bdag la srog gcod par 'gyur/ ji ltar mi 'gyur/ 'di ltar phung po skad cig ma da ltar ba ni srog gcod pa'i sbyor bas mi bsod de/ rang nyid 'jig pa la mngon du phyogs pa'i phyir ro/ /de lta ma yin na yang skad cig ma 'jig pa la gnod par 'gyur ro/ ma 'ongs pa yang ma yin te/ bsad par mi nus pa'i phyir/ /bdag med na bsad par bya ba med pa'i phyir yang srog gcod pa mi srid pa'i phyir/ /bdag bsad pas srog gcod pa 'gyur pa ni ma yin te/ da ltar ba'i phung po 'gags pas srog gcod par 'gyur ba ni ma yin gyi/ 'o na ci zhe na/ srog ces bya ba ni zhes bya ba rgyas par 'gyur ro/ /ji ltar rlung sems la brten ce na/ sems la rag las 'jug pa'i phyir te/ 'di ltar 'gog pa dang 'du shes med pa'i snyoms par 'jug pa la snyoms par zhugs pa dang/ shi pa la mi 'byung ba'i phyir ro/ /de

  362. 181b

    gcod par byed do byed pa ni/ de'i rgyun dang 'gal ba'i phyir gcod do zhes bya ba ste/ 'di ltar srog gi mtshan nyid ma 'ongs pa skye ba dang 'gal ba'i rkyen nye bar skyab par srog gi skad cig da ltar ba 'gags pa la mngon du phyogs pa ni/ srog gi skad cig ma 'ongs pa skye pa'i chos can skye ba la rgyur mi 'gyur bas rgyun 'chad bar 'gyur la/ de skye ba dang 'gag pa'i rkyen sgrub par byed pa po yang srog gcod pa'i kha na ma tho bas rag par 'gyur ro/ /dben na mar me'am dril bu'i skad 'gag par byed pa dang 'dra'o zhes bya ba la/ mar me'i skad cig ma da ltar ba 'gags pas mar me 'gag par byed pa ni ma yin te/ 'o na ci zhe na/ ma 'ongs pa'i skad cig ma skye bar 'dod pa la skye ba'i gegs byed pas yin te/ dril bu'i skad dang/ srog gi dbang po la yang de bzhin du brjod par bya'o/ /srog gi gang gis yin zhes bya ba ni/ srog de bdag gi yin bde? dang 'brel bas nga nyid gson no zhes bya ba yin no/ /de med na srog de gang gis yin zhes bya ba'o/ /der phyir dbang po dang bcas pa'i lus la son zhes bya ba'i bdag ni ma yin te/ de'i phyir srog gi dbang po ni de'i yin gyi bdag gi ni ma yin no/ /blo snga nas btang ba'i srog bcad pas zhes bya ba rgyas par 'byung ba la/ kyang zhes pa'i sgra ni blo sngar btang btang ba 'ba' zhig tu ma zad pa'o/ /dper na med dang rag pa las tshig pa 'gyur ba zhes bya ba ni/ blo sngar btang ngam ma btang yang bla ste/ reg pa rnams 'chag ste/ de'i 'bras bu can yin pa'i phyir ro/ /srog chags gsod pa la yang de bzhin du brjod par bya'o/ /de dag gi ltar na gzhan gyis chung ma mthob ba dang reg pa'i? yang de ltar thal bar 'gyur te/ ji ltar gzhan gyi chung ma mthong ba dang reg nas 'dod chags can rnams la chos ma yin par 'gyur pa de bzhin du gzhan pha dang bu la sogs pa 'dod chags dang bral ba blo sngar ma btang ba rnams la yang chos ma yin par 'gyur ro/ /de gcer bur sgra 'bal pa na khras pa na bsod nams 'dod pa yang chos ma

  363. 182a

    yin pa dang 'brel par 'gyur ro/ /dka' thug drag po'i lung 'bog pa na don ma yin pa 'dod pa ltar de la phan pa 'dod pa'i ston pa 'am/ gzhan yang sdig pa dang 'brel par 'gyur ro/ /de dag gsung de shi na zhes bya ba ni gcer bu pa gsung de shi na de la gnod pa bya ba'i phyir dug dang bcas pa'i zas sbyin par byed pa ltar/ de la phan par bya ba'i phyir sbyin par byed pa bsod nams 'dod pa yang kha na ma tho ba dang ldan par 'gyur ro/ /ma dang bu lto na yod pa dag kyang sdig pa dang 'brel par thal bar 'gyur te/ phan tshun sdug bsngal gyi rgyu mtshan du gyur pa'i phyir ro/ /gal te me'i dpes blo sngar ma btang ba'i srog bcad pas kyang sdig pa yin par 'dod na ni/ de lta na bsad par bya ba yang de'i bya ba dang 'brel pa'i phyir te/ bsod pa'i bya ba 'brel pa'i phyir chos ma yin pa can du thal bar 'gyur te/ /me rang gi rten sreg pa bzhin no/ /ma ni sngar rang gi rten sreg la phyis gzhan sreg par byed de/ de bzhin du 'chi ba yang sngar rang gi rten bsad par bya ba chos ma yin pa dang sbyor bar byed la/ phyis ni bsod pa po sbyar bar byed par 'gyur ro/ /ci ste bsad bya la mi 'dod na/ bsad bya dang bsod byed dag rgyu mtshan mtshungs pa'i phyir/ 'di la nges pa ci zhig byas/ de bzhin du gzhan gyi chung ma mthong ba dang reg pa la sogs pa rnams la yang brjod par bya ste/ ma'i dpes rang gi rten sreg par bsgrubs pa'i phyir ro/ /gzhan yang ma'i chos khas blangs pa'i phyir byed tu 'jug pa la yang sdig par thal bar mi 'gyur te/ zhes bya ba rgyas par 'byung ste/ sdig pa khas blangs pa'i rgyu mtshan tsam du gyur pa'i phyir ro/ /shing la sogs pa sems med pa rnams kyang zhes bya ba rgyas par 'byung ba ni/ shing dang sbyug? ma dang so phag

  364. 182b

    la sogs pa rnams te/ khyim rdib na srog chags 'chi ba'i phyir de'i khongs su gtogs pa shing la sogs pa rnams la yang sdig par thal par 'gyur ro/ /yang na gtan tshigs med par dpe tsam gyis ni 'grub par mi 'gyur te/ ji skad bshad pa'i skyon? du thal ba'i phyir ro/ /kha cig yongs su gzung ba med pas mchod rten las 'phrog pa lam byin pa'i len par mi 'gyur ro/ /zhes bya ba de ltar sems pa de'i phyir ro/ /sangs rgyas la ma byin par blangs pa'i yin te zhes bya ba smos so/ /yongs su mya ngan las 'das pa la yongs su 'dzin pa mi srid pa'i phyir ji ltar sangs rgyas las ma byin par blangs zhe na/ de'i phyir bcom ldan 'das yongs su mya ngan las 'da' ba' i tshe de dag thams cad yongs su gzung ba'i phyir ro zhes bya ba smos te/ skye bo sbyin pa po rjes su gzung ba'i phyir ro/ /gzhan dag na re re bskud pa gang dag yin pa de dag las ma byin par blangs so zhes zer te/ /de ltar na kha na ma tho ba dang bcas pa chen por mi 'gyur ro/ /bdag po med pa'i zhes bya ba ni/ bu med pa'i gter te yul gyis bdag po las ma byin par blangs so/ /shi ba'i nor ni dge slong shi ba'i yo byad chos gos la sogs pa'o/ /sbrum ma'i gan du 'gro na de'i lto na 'dug pa la gnod par 'gyur ro/ /nu zho 'thung ba'i gan du 'gro na ni nu zhes byin pa rgyas par mi byed do/ /yul gyi bdag po las te zhes bya ba rgyas par 'byung ngo/ /de ni dge slong ma'i gan du 'gro ba na 'dod pas log par g.yem par 'gyur te/ de'i phyir rang gi chung ma nges pa dang/ bcas pa bzhin du bgrod par bya ba ma yin pa yang yin no/ /tha na rgyal po las so zhes bya ba ni gal te gzhan med na ste/ nangs kyi tha na rgyal po las te/ des ni mi bzod par bya ba yin no/ /rdzun tshig 'du shes gzhan bsgyur ba'i zhes bya ba rgyas par

  365. 183a

    'byung ste/ smra ba po dang nyan pa po'i dbang gis rdzun du smra ba'i las kyi lam skye'i gzhan du ni ma yin no/ /de nyid bstan pa'i phyir don smra ba gang yin pa zhes bya bar rgyas par 'byung ngo/ /mngon par mgon tshig kyal bar 'gyur te/ nyon mongs can kun kyal ba nyid ces 'byung ba'i phyir ro/ /dper na ba lang zhes bya ba lta bu dag yi ge cig pa yang yod de/ de la dpyad pa 'di mi rung ngo/ /zhe na/ de'i phyir res 'ga' yi ge mang po zhig la/ zhes bya ba la sogs pa smos so/ /tha ma rnam par rig byed ma yin pa dang bcas pa'o/ /zhes bya ba la/ der ni gdon mi za bar don mngon go bar 'gyur ba'i phyir de skad bshad de/ yi ge snga ma rnams ni sbyor ba yin no/ /mjug ni rnam par rig byed ma yin pa'o/ /yang na gang las don go bar gyur pa ste/ zhes bya ba ni/ smra ba bos thams cad du 'du shes gzhan du bsgyur bar khyad par med kyang nyan pos don de rtogs pa la bltos nas dngos kyi las kyi lam du rnam par gzhag go zhes bya ba 'di ston pa'o/ /'dir yi ge snga ma rnams ni sbyor ba yin la/ phyi ma rnam par rig byed ma yin pa dang bcas pa ni mjug yin no/ /yid kyi rnam par shes pa'i yul yin pa'i phyir dang zhes bya ba rgyas par 'byung ba ni/ rna ba'i rnam par shes pa ni sgra'i rang gi ngo bo tsam gyi yul can yin pa'i phyir dang rnam par rtog pa med pa'i phyir la/ ming la bya ba yang tshig rtogs pa la bltos nas don de go bas tshig gi don ni yid rnam par shes pa'i yul kho na yin gyi/ rna ba'i rnam par shes pa'i yul ni ma yin no/ /rna ba'i rnam par shes pa de ltar bas sgra de ltar ba 'dzin pas de'i gzung bar bya bsag gis rnam par rig byed gang yin pa ni rna ba'i rnam par shes pa dang lhan cig 'gags pa'o phyir rnam par rig byed ma yin pa kho na las kyi lam du 'gyur gyi/ rnam par rig byed ni ma yin

  366. 183b

    te/ de lta yin na/ de dag kyang byed na/ rnam par gnyis su 'gyur ro zhes gang bshad pa de dang 'gal lo/ /skad bya ba ming dang ming can gyi 'brel pa bya ba zhes bya ba'i tha tshig go /lung du ma bstan pa'i phyir shi ba dang 'dra ste zhes bya ba la/ kha cig na re gzugs dang sgra dang chos rnams ni dge ba dang/ mi dge ba dang lung du ma bstan pa'i yin la/ dri dang ro dang reg bya dag ni gcig tu lung du ma bstan pa yin pa'i phyir shi ba dang 'dra'o zhes zer ro/ /kha cig na re shi ba la ni 'di na dge ba dang mi dge ba'i chos rjes su 'jug pa med la/ lung du ma bstan chos rjes su 'jug pa ni yod de/ de'i phyir ma bsgribs la lung du ma bstan pa yin pa'i phyir shi ba dang 'dra'o zhes zer ro/ /gzhan dag na re dbang po gsum ni yul phrad pa yin pa'i phyir la/ phrad pa la yang rtogs par ma btags pa'i phyir yul gsum la rtogs ba zhes bya'o zhes zer ro/ /sna dang lce dang lus kyi rnam par shes pa bdag nyid nyams su myong ba ni rtogs pa yin no zhes bya ba 'di la/ khungs ci yod ce na/ bye brag tu smra ba rnams na re/ mdo dang rigs pa yod do zhes zer ro/ /de'i phyir yul gsum po gzugs dang sgra dang chos gang la go rim bzhin du mthong ba dang thos pa dang rnam par shes pa'i sgra bsnyad pas de'i bar na 'dug pa dri dang ro dang reg bya dag la rtogs pa zhes bya bar khong du chud do/ /de ltar mi 'dod na zhes bya ba ni/ dri la sogs pa dag la rtogs pa zhes bya bar mi 'dod na'o/ /mthong ba la sogs pa'i dngos po'i nang du ma gtogs pa'i phyir zhes bya ba la/ gzugs dang sgra dang chos dag la mthong ba dang thos pa dang rnam pa zhes pa'i sgra bkod pa'i phyir dang/ gzugs dang sgra dang chos dang mtshan nyid mi mtshungs pa'i phyir dri dang ro dang reg bya rnams mthong ba la sogs pa'i dngos po'i nang du ma gtogs pa yin te/ de'i phyir dri la sogs pa dag la tha snyad 'dogs par mi 'gyur na dri la sogs pa dag la tha snyad 'dogs par mthong ba yang yin

  367. 184a

    no/ de'i phyir de dag la rtogs pa zhes bya'o/ /zhes bya bar nges so/ /re zhig mdo ni don gzhan yin pa'i phyir khungs ma yin te zhes bya ba 'dir don ni/ ji ltar khyod la dus gsum du yang gzugs la sogs pa rnams la mthong ba nas rnam par ma shes pa'i bar gyi phyir dang/ de dag don du mi pa'i phyir de dag gis yul can gyi 'dun pa'i 'dod chags la sogs pa dag skyes pa dang/ skye ba dang/ skye bar 'gyur ba ma yin no/ /de bzhin du de tsam zhig nges par 'dzin pa'i phyir mthong ba dag las rnam par shes pa'i bar dag la yang de dag gi yul can gyi 'dun pa'i 'dod chags skyes pa dang/ skye ba dang/ skye bar 'gyur ba ma yin te/ de dag ni yang dag pa ma yin pa'i rnam par rtog pa las 'byung ba'i phyir ro zhes bya ba 'di yin no/ /de nyid bstan pa'i phyir/ 'o na bye lta bu zhe na/ 'dir ni khyod yul rnam pa drug po 'di la zhes bya ba rgyas par smos so/ /gal te mdo 'di mthong ba la sogs pa'i tha snyad ston pa lhur byed pa ma yin no/ des na 'o na mthong ba ci zhig yin pa nas rnam par shes pa'i bar ci yin pa brjod par bya dgos so zhe na/ mthong ba la sogs pa dngos po'i nang du ma gtogs pa'i phyir dri la sogs pa tha snyad gdags par mi 'gyur te/ zhes gang smras pa de'i lan ni yul lnga po 'di dag? re re la yang zhes rgyas par smos so/ /drug pa la ni mthong ba ma gtogs te zhes bya ba ni/ dbang po lngas mngon sum bya ba ni mthong ba yin pa'i phyir ro/ /pha rol las 'ongs pa'i yul yul drug tshan gang yin pa de ni thos pa'o/ /rig pas rjes su dpag pa ni mi 'khrul pa'i rjes su dpag pa ste/ drug tshan gyi yul 'di ni spyod yul lo/ /sngon gyi slob dpon rnams ni rnal 'byor spyod pa rnams so/ /mig gis zhes bya ba ni dbang po gzhan gyi ma yin pa'o/ /de ltar na lugs snga ma

  368. 184b

    las khyad par du smras pa 'gyur ro/ /bdag nyid kyi rna bas thos pa dang pha rol las 'ongs pa gang yin pa de ni thos pa'o/ /bdag nyid kyis bsams pa gang yin pa de ni rtogs pa'o zhes bya ba ni lung dang rig pas so/ /de ltar na tha snyad 'di nyid ni yul drug tshar dang sbyar ro/ /bdag nyid kyis so sor yang dag par rig pa dang/ rtogs pa gang yin pa de ni rnam par shes pa'o/ /zhes bya ba la/ so sor yang dag par rig pa de ni bde ba la sogs pa/ /rtogs pa ni 'jig rten pa'i lam gyi mngon par shes pa la sogs pa'o/ /'dir 'jig rten las 'das pa'i lam gyis rtogs pa ni mi gzung ste/ 'jig rten pa'i tha snyad kyi skabs yin pa'i phyir ro/ /gzhan dag na re/ drug pa kho na la rtogs pa dang mthong ba 'thad kyi/ sgra la sregs pa rnams la ma yin no zhes zer ro/ /de bzhin du rigs pa yang 'das pa mthong ba'i blo yis de bzhin du ma 'ongs pa mthong zhes bya ste/ 'das pa dang ma 'ongs pa dag ni yid kyi rnam par shes pa kho na'i yul yin no/ /bcom ldan 'das kyi gsung rab gang du yang rna bas sgra mthong ba dang sna la sogs pas dri la sogs pa rnams mthong zhes gsungs pa 'ga' yang med do/ /gang gi phyir mthong ba zhes bya ba 'dis yul lha can rtogs par byed pa la rigs pa 'dir ci zhig yod/ dbang? po las mngon sum du mthong gi yid kyis mngon sum du ma yin no zhes na/ de lta bu'i rnal 'byor spyod pa pa'i 'dod pa ste/ gzugs rnam pa bzhi dag tu tha snyad bdags pa dang lhag ma ni yul lnga rnams so/ / mthong ba las ma gtogs pa de'i phyir dri la sogs la tha snyad 'dogs pa med par thal bar 'gyur ba yang med do/ /gzhan dag na re mthong ba la sogs pas so sor rang rig pa'i zhes bya ba ste/ khyad par las byung ba'i don

  369. 185a

    can no zhes zer ro/ /rtogs pa dang rnam par shes pa dag la khyad par med do/ /de yang yid kyi mngon sum du rtogs pa ni yid kyi dbang po'i bdag nyid so so rang gis rig pa ste/ yid kyi yul nyid kyi phyir rtog ge'i rig pa rnams zhes bya'o/ /gang zhig lus kyis don gzhan go bar byed na zhes bya ba ni brdzun du smra ba dag gi yin pa'i phyir dris pa'o/ /ngag gis byed par gyur na'o/ /zhes bya ba 'dir ni rnam par rig byed ma yin pa kho na dngos kyi las kyi lam yin gyi rnam par rig byed ni ma yin no/ /lus kyis byed par gyur na'o/ /zhes bya ba 'dir yang rnam par rig byed ma yin pa kho na dngos kyi las kyi lam yin no/ /zhes gzhan dag zer ro/ /drang srong rnams ming rab tu khros pas zhes bya ba la/ de dag lus dang ngag gnyis kas mi byed kyang kha na ma tho ba dang ldan par 'gyur ro/ /gso sbyong dper bya'o zhes bya ba la gso sbyong gi las la kha na ma tho ba 'chab pa'i phyir gnyis gas byas pa med kyang rdzun du smra ba'i kha na ma tho bar reg par 'gyur ro/ /mi byed na zhes bya ba ni mi rtsol zhing mi sbyor na'o zhes bya ba'i bar du bshad par 'gyur ro/ /de ltar na bsam gtan dang zag pa med pa'i sdom pa bzhin du las kyi lam sems tsam la rag las pa nyid du thal bar 'gyur na/ 'dod pa na spyod pa'i rnam par rig byed ma yin pa rnam par rig byed med pa can ni yod pa yang ma yin no/ /'dod pa na spyod pa zhes bya ba ni bsam gtan dang zag med pa'i rnam par rig byed ma yin pa las khyad par du byed pa'o/ /de dag ces bya ba ni drang srong dang dge slong dag go /slob dpon 'dus bzang ni drang srong dag ni don gyis na rnam par rig byed byed pa yin te/ mi ma yin

  370. 185b

    pa rnams kyis de dag gis mi dge ba'i bsam pa sems can yongs su 'dor ba zhugs pa rtogs nas de dag la dad pa rnams gang gis na drang srong de dag la las kyi lam skye ba lus kyi byed pa'o/ /gzhan yang khros pa la ni de'i tshe gdon mi za bar lus dang ngag gi g.yo ba yod cing dmod pa 'dor bar 'gyur bas 'gal ba med do/ /gso sbyong la yang ji ltar tshig gis go bar bya ba'i don la lus kyi g.yo ba yang ngag gi las kyi lam skye ba de bzhin du bdag cag gis tshe dang ldan pa dag yongs su dag go snyam du rig par bya'i/ snyam du cang mi smra bas mi g.yo ba la yang yin pas tshig gis go bar bya ba'i don la cang mi smra ba la yang dag gi las kyi lam skye bar 'gyur te/ de ni yongs su ma dag bzhin du cang ma smra bas bdag nyid dag par go bar byed do/ /zhes zer ro/ gzhan ni 'dod pa'i khams kyi rnam par rig byed ma yin pa thams cad rnam par rig byed la rag las par nges par yang ma yin te/ lnga sde la sogs pa 'bras bu thob pa'i mdo la so sor thar pa'i sdom pa skye ba srid pa'i phyir ro/ /de ltar bas na mi dge ba yang da lta bu 'ga' zhig rnam par rig byed med par yang 'gyur ro zhes zer te/ 'di la 'bags par bya ste lan gang ba dags so zhes bya'o/ /phra ma pha rol dbye ba'i phyir nyon mongs pa can gyi zhes bya ba la/ phra ma'i dngos po ni phra ma'o/ /de dag gang zhe na/ pha rol dbye ba'i phyir tshig ste/ de dang ldan pas de yang 'bras ma can zhes bya'o/ /nyon mongs can gyi sems kyi zhes bya ba ni de la phan pa'i phyir ma yin pa'o/ /kha gsag byed pa zhes bya ba la/ kha gsag ces bya ba ni snyed pa 'dod pa'i snyan par sma ba'o/ /las kyi lam

  371. 186a

    ni ma yin no zhes bya ba 'byung ngo/ /yang kyal ba yin la las kyi lam ma yin pa ji ltar zhe na/ de'i tshe sems can rnams 'dod chags shas chung ba yin pa'i phyir rnam par rig byed des rnam par rig byed ma yin pa 'dren par nus par mi 'gyur la/ rnam par rig byed ma yin pa med pa can gyi las kyi lam yang yod pa ma yin no/ /nyon mongs can kun kyal ba nyid ces bya ba ni/ nyon mongs pa can gzhan 'ba' zhig tu ma zad kyi/ /brdzun du smra ba la sogs pa gsum yang yin na/ de ltar byas na brdzun du smra ba des ni tshig kyal ba yang yin la/ kha gsags la sogs pa ni tshig kyal ba kho na yin gyi brdzun du smra ba ma yin no/ /de bzhin du gzhan la yang brjod par bya'o/ /kyal pa rnams ni tshig kyang pa can yin la/ de'i dngos po ni tshig kyal pa can nyid do/ /log pas gzhan gyi nor la chags zhes bya ba ni/ mi rigs par chags te/ de nyid kyi phyir 'grel pa las log par mi rigs pa zhes bya ba smos so/ /de 'jig rten na brnab sems spangs te zhes bya ba ni/ 'dod pa la 'dun pa spangs te zhes bya ba'i don to/ /'di ga las zhes na/ de nyid kyi 'jug thogs su gnod sems la sogs pa spangs pa bstan pa'i phyir te/ de 'jig rten na brnab sems spangs te/ brnab sems dang bral ba'i sems kyis lan mang du gnas shing 'jig rten na gnod sems dang rmugs pa dang gnyid dang rgod pa dang 'gyod pa dang the tshom spangs te dogs pa las brgal cing the tshom las brgal nas chos dge ba rnams la nem nur med par gyur pa yin/ de sgrib pa lnga spangs nas zhes bya ba de lta bu la sogs pa gsungs pa'i de'i phyir 'dod pa na

  372. 186b

    spyod pa'i sred pa thams cad brnab sems yin no zhes bya bar shes so/ /las dang 'bras bu dang 'phags pa la skur ba 'debs pa 'di ril gyis log par lta ba yin ni zhes bya ba 'byung ste/ de la sbyin pa med do mchod sbyin med do/ /sbyin sreg med do/ /legs par spyad pa med do/ /nyes par spyad pa med do zhes bya ba 'di ni las la skur ba 'debs pa'o/ /legs par spyad pa dang nyes par spyad pa'i las kyi 'bras bu rnam par smin pa mdo 'jig rten 'di med/ /'jig rten pha rol med do/ /sems can brdzus te skye ba med do/ /zhes bya ba 'di ni 'bras bu la skur pa 'debs pa'o/ /yang rgyu dang 'bras bu gang yang rung ba la skur pa 'debs pa'i phyir gnyi ga la skur pa 'debs pa yin no/ /dge sbyong dang bram ze dang dgra bcom pa med do zhes bya ba ni 'phags pa la skur pa 'debs pa yin no/ /de dag gi rgyu bas rgyu ste zhes bya ba ni/ brnab sems la la sogs pa go rims bzhin du chags pa dang mi mthun pa dang/ log pa'i nges par rtog pa'i rnam pa can de dag gi dbang gis de dag dang mthun par sems pas sems par byed cing mngon par 'du byed de/ de'i phyir de dag gi rgyu bas rgyu ba yin no/ /de dag gis 'gros kyis 'gro'o zhes bya ba ni/ phyi ma snga ma'i bshad pa yin par dgongs te smos pa'o/ /las dang lam zhes bya ba la/ sems pa zhes bya ba ni las min no zhes bya ba ni las yin no zhes bya ba'o/ /de dag kun nas slong ba'i sems pa ni zhes bya ba ni/ srog gcod pa la sogs pa de dag sems pa gang gis kun nas slong ba ste/ 'jug par byed ces bya ba'i tha tshig go /de dag las brten nas 'jug pa'i phyir ro zhes bya ba ni/ de dag la dmigs nas 'jug pa'i phyir ro/ /las

  373. 187a

    kyi lam dang zhes bya ba ni/ brnab sems la sogs pa gsum mo/ /srog gcod pa la sogs pa 'dun ni lus dang ngag gi rang bzhin yin pa'i phyir las dang las kyi lam yang yin no/ /de dag kun nas slong ba'i sems pa ni de dag la rten nas 'jug pa'i phyir ro/ /mi 'dra ba rnams la yang gcig yin par grub pa'i phyir ro/ /gang mi mngon pa ni yon tan no zhes bya ba 'di ltar de dag ni de'i rtsa ba can du 'jug pa yin no/ /zhes bya ste/ sbyor ba 'jug pa ni dngos kyi las kyi lam gyi don du'o/ /'jug 'jug pa ni las kyi lam gyi rtsa ba can yin no/ /las kyi lam yang las kyi lam gyi sbyor ba dang 'jug tu 'gyur ro zhe na/ de ni dngos gzhi kho na yin gyi las kyi lam gyi sbyor ba dang mjug? ma yin no/ /'jig rten na gang dag ces rgyas par 'byung ba ste/ de ltar yang thams cad bdag po rgyu mthun dang/ rnam smin 'bras bu 'byin par 'dod/ phyi nas bshad par bya'o/ /yang na gcig gis 'dren pas na zhes bya ba ni brnab sems dang gnod sems dang log par lta ba 'dren par byed do/ /gzhan dag la yang nga dang 'dra bar brjod par bya'o/ /de ltar na de dag ni yid kyi las yin pas las kyang yin la lam yang yin pas las kyi lam yin no/ /kun du spyod pa dang 'gal ba yin la zhes bya ba ni/ dge ba dang mi dge ba dag cig car kun tu spyod pa med pa'i phyir yin gyi log par lta ba bzhin du ldan pa dang 'gal ba ni ma yin na/ /zhes bshad par 'gyur ro/ /chen po yongs su rdzogs pas zhes bya ba ni/ chen po nyid kyis yongs su rdzogs pa ste/ chen po'i chen pos zhes bya ba don gang yin pa'o/ /gzhan dag na re/ chen pos yongs su rdzogs pas kyang ngo zhes zer ro/ /bi pra ti pa ra la sogs pas ma bcom pa'i phyir yongs su rdzogs pa'o/ /log par lta ba mi dge ba'i rtsa bas drangs

  374. 187b

    pa'i phyir/ zhes bya ba la/ de'i 'jug gis de bskyed pa'i phyir dang de'i stobs kyis dge ba'i rtsa ba gcod pa'i phyir mi dge ba'i rtsa bas drangs pas zhes brjod do/ /mi dge'i rtsa ba chen pos drangs pa'i log par lta bas dge ba'i rtsa ba gcod pa'i las kyang de 'dren par byed pa yin pa'i phyir mi dge ba'i rtsa ba dag kho na la bstan pas bstan bcos dang 'gal ba med do/ /dge ba'i rtsa ba dag ni rnam pa drug ste/ khams gsum po re re la skyes nas thob pa dang sbyor ba las byung ba yod pas de dag gang dag yin pa mi shes pa do'i phyir/ dge ba'i rtsa ba gang dge gcig ces bya ba rgyas par smos so/ /gzugs dang gzugs med pa na spyod pa dag dang mi ldan pa'i phyir ro zhes bya ba ni/ ldan pa gcod pa las dge ba'i rtsa ba gcod par 'dod na/ gzugs dang gzugs med pa na spyod pa dag dang/ ni snga nas mi ldan pas de gcod pa mi srid do/ /yang ji ltar na de'i thob pa thag srid par byed ce na/ rgyud de'i snod ma yin pa nyid du byed pa'i phyir ro/ /sngar rgyud de dag gi thob pa rnams kyis snod du gyur pa las dge ba'i rtsa ba bcad nas snod ma yin pa ste skal pa med pa nyid du byas pa de'i phyir de dag gis thob pa thag sring ba byed pa las de dag kyang bcad pa yin no zhes brjod pas 'gal ba med do/ /sbyor ba las byung ba dag las na/ zhes bya ba rgyas par 'byung ste/ sbyor ba las byung ba ni thos par dang bsams pa dag ste/ log par lta ba 'byung ba'i sngar chung ngu'i chung ngu'i gnas skabs kho nar dge ba'i rtsa ba dag gis thob pa chod pas de'i phyir de dag log par lta bas mi gcod do/ /'di ltar sdig pa'i bsam pa dang ldan pa lta ci smos so/ /sdig pa'i grogs po dang ldan pa gang yin pa de nyid kyang sdig pa'i bsam pa rgyas par 'phel ba de'i rkyen nye bar bsgrub pa nas dge ba'i rtsa ba 'grib par 'gyur la/ /mi dge

  375. 188a

    ba'i rtsa ba rnams 'phel bar 'gyur ro/ /de'i phyir nyid kyis rims kyi dge ba 'gribs shing mi dge ba'i rtsa ba 'phel bar gyur pa las/ de las dus shig tu rgyu dang 'bras bu la skur pa 'debs pa'i log par lta ba skyel? de log par lta ba des dge ba'i chos thams cad gtugs par 'gyur zhing de'i rgyud la dge ba mi gnas par 'gyur te/ 'di tsam gyis dge ba chad pa zhes bya ba'i grangs su 'gro'o/ /bar chad med pa'i lam dang rnam par grol ba'i las lta bu yin no/ /zhes bya ba la rgyu la skur pa 'debs pa ni bar chad med pa'i lam lta bu yin te/ de rang lhan cig dge ba'i rtsa ba'i thob pa dgag pa'i phyir ro/ /'bras bu la skur pa 'debs pa ni rnam par grol ba'i lam lta bu yin te/ de dang lhan cig de la skur pa 'debs pa'i thob pa skye ba'i phyir ro/ /dmigs pa'i dbye bas log pa lta ba rnam pa gnyis yin pa de'i phyir zag pa dang bcas pa la dmigs pa kho nas yin gyi zhes bya ba smos te/ sdug bsngal ba dang kun 'byung ba la dmigs pa zhes bya ba'i tha tshig go /zag pa med la dmigs pas med ma yin no/ /zhes bya ba ni/ de la 'gog pa dang lam la dmigs nas rgyu dang 'bras bu la skur pa 'debs pa med pa'i phyir ro/ /zag pa dang bcas pa la dmigs pa yang skal ba mnyam pa dang skal ba mi mnyam pa'i khams la dmigs pas rnam pa gnyis yin pa de'i phyir skal ba mnyam pa'i khams la dmigs pa kho na yin gyi zhes bya ba smos te/ 'dod pa'i khams la dmigs pa kho nas yin no zhes bya ba'i don to/ /skal pa mi mnyam pa'i khams la dmigs pa ni ma yin te zhes bya ba ni gzugs dang gzugs med pa'i khams las dmigs pa ma yin no/ /yang ci'i phyir gang zag pa med pa la dmigs pa dang/ skal ba mi mnyam pa'i khams la dmigs pas dge ba'i rtsa ba rnams kun du mi gcod ce na/

  376. 188b

    de'i phyir mtshungs par ldan pa tsam gyi sgo nas rgyas par nyam chung ba'i phyir ro/ /zhes bya ba smos te/ zag pa med pa dang gong ma'i yul can gyi log par lta ba ni sems las byung ba gang dag dang tshungs par ldan pa de dag kho na la rgyas par gyur gyi dmigs pa de ni ma yin no/ /tsam zhes bya ba'i sgra ni dmigs pa'i sgo nas rgyas par 'gyur gyi ba bsal ba'i phyir ro/ /'di skad du zhes bya ba ni bye brag tu smra ba rnams so/ /kun gyi zhes bya ba ni zag pa dang bcas pa dang zag pa med pa la dmigs pas dang/ skal pa mnyam pa dang mi mnyam pa'i khams la dmigs pas so/ /rnam pa dgu char yang zhes bya ba rgyas par 'byung ste/ chung ngu dang 'bring dang chen po rnams las re re la chung ngu dang 'bring dang chen por phye bas rnam pa dgu yin no/ /ji ltar mthong bas spang bar bya'i nyon mongs pa rnam pa dgu char yang sdug bsngal la chos shes pa'i bzod pa la sogs pa dag gis cig car spong ba de bzhin du/ dge ba'i rtsa ba rnam pa dgu char yang log par lta ba chen pos cig car kun tu gcod do/ /zhes bye brag tu smra ba rnams de skad ces zer de ltar na gzhung 'di skyabs pa yin no zhes bya ba ni/ gal te bsgoms pas spang bar bya ba'i nyon mongs pa ltar rim gyis kun tu 'chad kyi gzhan du ni ma yin no/ /'o na mi dge ba'i rtsa ba'i chen pos zhes bya ba ni gal te/ /rim gyis yin na'o/ /gzhung dang las ni mi dge ba'i rtsa ba chen po dag gis dge ba'i rtsa ba kun du gcod par gsungs la/ de yang bsgoms pas spang bar bya ba'i nyon mongs pa bzhin du rim gyis kun du gcod pa la 'gal ba med do/ /'di skad du zhes bya ba ni bye brag tu spro ba rnams so/ /gnyis gang zhes bya ba na langs pa dang ma langs par ro/ /sngar sdom pa spong la zhes bya ba ni sbyor ba las byung ba'i sems kyi 'bras bu yin pa'i phyir ro/ /phyis dge ba'i rtsa ba rnams kun tu gcod do zhes bya ba skyes

  377. 189a

    nas thob pa rnams kho na kun du 'chad pa'i phyir ro/ /'di skad ces bya ba bye brag tu smra ba rnams so/ /sdom pa sems gang gi 'bras bu yin pa zhes bya ba rgyas par 'gyur ro/ /sems ni rnam pa gnyis te/ skyes nas thob pa dang/ sbyor ba las 'byung ba'o/ /de re re la yang rnam pa dgu ste/ de la sdom pa sems gang gi 'bras bu yin pa de spangs pas/ de'i 'bras bu sdom pa yang gtong ngo/ /de la gal te skyes nas thob pa'i sems chung ngu'i chung ngus sdom pa mnos na ni/ de'i phyir cig car dge ba'i rtsa ba kun du 'chad pa dang/ sdom pa gtong ba yin no/ /gal te gzhan dag gis mnos na ni de'i phyir sdom pa gtong la/ phyis dge ba'i rtsa ba kun du 'chad pas 'tha' cig tu smra bar mi rigs so/ /shes rab nyon mongs pa can ma yin pa dag mi brtan pa'i phyir ro zhes bya ba ni/ sdug bsngal gyi tshor ba drag pos nyer ba'i phyir dmyal ba dang yid dags dag na yang mi brtan pa/ gti mug shas che ba'i phyir dud 'gro dag na yang ma bstan no/ /las kyi 'bras bu mngon sum du gyur pa'i phyir ro zhes bya ba ni lha'i bu skyes nas ring po ma lon pa la bdag gang nas shi 'phos/ gang du ni skyes las ni gang zhig gis skyes snyam pa'i sems gsum kun du 'byung la/ de yang thams cad shes pa yin no// byang gi sgra mi snyan rang bzhin gyis bsam pa bzang ba'i phyir sdig pa'i bsam pa med do/ /'dzam bu'i gling kho na na yod do/ /zhes bya ba ni 'dzam bu'i gling pa rnams khyad par du rtog ge pa yin pa'i phyir ro/ /thams cad las nyung na dbang po brgyad dang zhes bya ba ni/ lus dang tshor ba rnams dang srog dang yid dang ldan no/ /'dun pa dang brtson 'grus dang shes rab gzhan pa'i phyir zhes bya ba ni/ blo 'dod chags kyis cher zil gyis mnan pa'i phyir ro/ /de ni gdon mi za bar dbang po brgyad rnams

  378. 189b

    dang ldan zhes bya ba ni/ sngar bshad pa rnams las yid mi bde ba'i dbang po bor ste/ mo'i dbang po bcug pa rnams dang ngo/ /sdig pa'i bsam pa bstan pa dang mkhyud pa can yin pa'i phyir ro zhes bya ba la/ sdig pa'i bsam pa ste brnag pa'o/ / de yang rgyun chags su nges par rtog pas rgyun gcad par bka' ba' i phyir bstan pa'o/ /lta ba ring du rjes su 'brel ba'i phyir 'chab pas na mkhyud pa'o/ /mtshams med pa byed pa 'di la min/ de ni rkyen gyi stobs kyis skyes pa'i log par lta ba yang mi gtong ste/ las dang 'bras bu'i 'brel pa la 'jig pa'i phyir ro/ /gang zhig rgyu'i stobs kyis zhes bya ba rgyas par 'byung ste/ gang zhig bdag nyid log par lta ba 'dod pa de ni rgyu'i stobs kyis kun du spyod pa'o/ /'di ltar gang dag gzhan las thos nas 'dod pa de ni rkyen gyis stobs kyis gcod pa'o/ /de bzhin du gang zhig rang gi stobs kyis zhes bya ba na/ rang gi rtogs pa'i stobs kyis so/ /gzhan gyis stobs kyis zhes bya ba ni/ gzhan gyis thos pa tsam gyi stobs kyis so/ /bsam pa nyams pas zhes bya ba ni log par lta ba mngon sum du gyur pas bsam pa mnyam pa'o/ /bsam pa dang sbyor ba nyams pa ni log par lta zhing mtshams med pa byed pa'o/ /lta ba nyams pa gang yin pa dang zhes bya ba rgyas par 'byung ste/ gang zhig lta ba nyams pa mi dge ba'i rtsa ba kun du gcod par byed pa de ni mthong ba'i chos kho na la nyid mtshams sbyar bar 'gyur ro/ /gang zhi lta ba dang tshul khrims nyams pas gcod par byed pa de ni lus zhig gnas so/ /mu dang po ni rdzogs byed la sogs pa'o/ /zhes bya ba ni lha dang nyams pa'i phyir ro/ /gnyis pa ni ma skyes dgra'o zhes bya ba ni/ mtshams med pa byed pa'i phyir ro/ /gsum pa ni lhas sbyin no zhes bya ba ni lta ba nyams pa'i phyir dang/ mtshams med pa byed pa'i phyir ro/ /lam du lam du zhig dang sems

  379. 190a

    dpa' lhan cig 'byung ba zhes bya ba rgyas par 'byung ste/ las kyi lam dge ba dang mi dge bdud gcig dang/ sems dpa' dge ba'i ma mi dge ba 'am/ lung du ma bstan pa yang rung ba lhan cig 'byung zhes bya'o/ /gzhan med par zhes bya ba la/ las kyi lam gzhan mthar phyin pa na yang brnab sems la sogs pa dge yod pas de phyir gzhan par zhes bya ba smos so/ /sems pa nyon mongs pa can ma yin pa can zhes bya ba ni/ sems pa dge ba dang lung du ma bstan pa'o/ /nga rgyal dang the tshom la sogs pa nyon mongs pa can gi sems pa yang der sbyor bar byed pa/ gzugs can rnams las gang yang rung ba mthar phyin par 'gyur ba la/ la kyi lam sems pa cig dang ldan cig 'jug go /gzhan dag na ro myur bar bgrod pa'o/ /zhes zer ro/ /gzugs can rnams las zhes bya ba ni 'dod pas log par g.yem pa ma gtogs pa rnams so/ /gnod sems su gyur pa srog gcod pa zhes bya ba ni/ zhe sdang gis srog gcod pa mthar byin pas de'i tshe gdon mi za bar srog gcod pa dang gcod sems dang sems pa lhan cig 'byung ngo/ /brnab sems dang ldan pa zhes bya ba ni ma phyin par len pa dang log par g.yem pa gnyis chags pas mthar phyin par byed pa'i phyir gnyis dang sems pa lhan cig 'byung ste/ brnab sems dang ma byin pa len pa'am/ 'dod pas log par g.yem pa dang/ tshig kyang pa mthar phyin pa yang brnab sems la sogs pa gang yang rung ba yod pa yin no/ /de ltar re shig rang gis byed pa dang gzhan gyis byed pa la yang ngo/ /brnab sems la sogs pa gang na yang rung ba'i sems kyi de rdzogs par byed pa la ni sems pa gnyis dang lhan cig 'jug go /gnod sems su gyur pa srog gcod pa dang

  380. 190b

    brnab sems dang ldan pa ma byin par len pa zhes bya ba ni khyad par gsal ba'i don can no/ /kha cig ni las kyi lam gyi rang bzhin bstan pa'i don du de ltar bshad kyi rnam par bcad pa'i don ma yin no/ /cig car du zhes bya ba ni gnas nas bskyod bzhin pa na bsod pa ste/ de ltar na gnod sems dang srog gcod pa dang ma byin par len pa dang gsum lhan cig 'byung ba yin no/ /nges pa ni sems gzhan dang mi ldan pa'i zhes bya ba la/ nges pa'i ni gzhan gyi nor 'phrog pa'i sems dang ldan pa kho na la bshad par bya ste/ 'dir ni 'di la srog chags bsad par bya'o snyam pa'i sems gzhan yang yod pas de'i phyir 'gal ba med do/ /rnam pa gzhan du yang gsum dang lhan cig 'byung ba ni/ bdag nyid 'dod pas log par g.yem pa la sbyor ba de'i sbyor bas srog gcod pa la sogs pa gang yang rung ba mthar phyin par byed pa'o/ /de bzhin du bdag nyid srog gcod pa la sogs pa la 'jug pa la yang sbyar bar bya ste/ 'grel pa las ni dper brjod pa tsam zhig bshad pa'o/ /de la ni yid kyi gcig yin la zhes bya ba ni/ brnab sems la sogs pa gang yang rung ba'o/ /dag gi ni gsum yin no zhes bya ba ni/ brdun gyi tshig smra na ni brdzun du smra ba dang/ dbyen dang/ tshig kyal ba'o/ /tshig rtsub po smra na ni tshig rtsub po dang/ phra ma dang tshig kyal ba'o/ /'di ni nyon mongs can kun kyal ba nyid ces bya ba'i dbang du byas nas bshad de/ gang gis te de la las gzhan nyon mongs pa zhes bya ba khas blangs nas 'chad na ni de'i tshe gsum kho na dang/ lhan cig 'byung ba ni dbyen bya ba'i bsam pa dang ldan pa brdzun gyi tshig gam/ tshig rtsub mo smra na ste zhes brjod par bya'o/ /yang na brnab sems la sogs pa gyur pa zhes bya ba la sogs pa zhes bya ba'i sgra ni/ gnod sems dang log par lta ba dang sbyar ro/ /lnga dang drug dang bdun dang yang de bzhin du

  381. 191a

    sbyar bar bya'o zhes bya ba ni brnab sems la sogs bar gyur pa de'i sbyor bas bzhi dang lnga dang drug cig car mthar phyin par byed na/ lnga dang drug dang bdun dang sems pa lhan cig 'byung ngo/ /drug la sbyor ba byas nas zhes bya ba ni 'dod pas log par g.yem pa ma gtogs pa la'o/ /'dod pas log par g.yem pa bdag nyid kyis byed pa zhes bya ba ni/ de gzhan gyis yongs su rdzogs pa med pa'i phyir ro/ /'dir ni brnab sems brgyad par 'gyur ro/ / yang ci'i phyir dgu 'am bcu dang lhan cig mi 'byung zhe na/ brnab sems la sogs pa rnams la phan tshun mtshungs par ldan pa med pa'i phyir ro/ /yang ci'i phyir mi tshangs par spyod pa ni bdag nyid kho nas mthar phyin par byed la/ srog gcod pa la sogs pa ma yin no zhe na/ sems nyon mongs pa can ma yin pa'i gsod pa la sogs pa dang mtshungs par ldan pa med la/ mi tshangs par spyod pa de nyon mongs pa can gyi sems dang mtshungs par ldan pas bu 'am bu mo nyon mongs pa'i rang bzhin gang yin pa des 'joms par byed do/ /de'i rang bzhin gzhan dang mi ldan pas de ni de'i rigs kyis rang nyid la log par ma sgrub la/ de'i rigs nyid kyis gzhan la log par bsgrub par byed do/ /bgrod bya ma yin pa la bgrod pa spangs pa la bdag po bu mo sa byin na/ 'di bgrod bya ma yin pa la bgrod par mi 'gyur ro/ /srog gcod pa spangs pa gzhan gyi srog gcad pa dang ldan na srog chags gsod pa por 'gyur ro yang ci'i phyir srog chags gsod pa spong ba gzhan las yang dag par blangs pas srog chags gsod pa spong ba thob srog chags gsod pa la nges par sbyar bas srog chags gsod par 'gyur ba de yang gsod pa'i sems med par gzhan las ma yin no/ /spong ba'i sems

  382. 191b

    med par yang srog gcod pa spong ba yang dag par len par byed de/ gzhan las tshul khrims yang dag par len pa bzhin no/ /'di ni mi mtshungs te/ rang gi rten las tshul khrims dang gzhan gyi rten las tshul khrims 'chal ba te/ de'i phyir tshul khrims 'chal ba yang dag par len pa bcug pas tshul khrims 'chal pa dang/ tshul khrims yang dag par len du bcug pas tshul khrims dang ldan pa ste/ rten cing 'brel par 'byung ba rnam par bkra ba'o/ /de bzhin du srog chags gsod pa la sbyar bas shi ba ni srog gcod pa bor 'gyur ro/ /bye ba dang ma bye ba dag la phra ma yang de bzhin no/ /tshul khrims yang dag par blangs pas tshul khrims dang ldan pa dang/ tshul khrims 'chal pa yang dag par blangs pa las tshul khrims 'chal par 'gyur ba de la yang srog chags gsod du bcug pas ni srog gcod pa por 'gyur gyi/ mi tshangs par spyod pa byed du bcug pas ni mi tshangs par spyod pa mi 'gyur ro/ /gcig dang lnga dang brgyad dang min zhes bya ba la/ re shig gcig dang lhan cig 'byung ba ni ma yin te/ brnab sems med pa dang gnod sems med pa gnyis phan tshun 'khrul pa med pa'i phyir dang/ yang dag pa'i lta ba kho na de dag la de khrul pa'i phyir dang/ spong ba gcig gi bdag nyid sdom pa med pa'i phyir ro/ /brgyad dang lhan cig 'byung ba yang ma yin te/ spong ba lnga yang drug gam brgyad kyi bdag nyid kyi sdom pa med pa'i phyir ro/ /lnga dang lhan cig 'byung ba yang ma yin te/ spong ba gnyis dang/ gsum dang/ lnga'i bdag nyid kyi sdon pa med pa'i phyir ro/ /dge ba'i rnam par shes pa lnga la gnas pa bzhes bya ba ni/ de na yang dag pa'i lta ba med pas brnab sems med pa dang/ gnod sems med pa gnyis dang lhan cig 'byung ngo/ /dge ba'i sems thams cad dge ba gsum dang mtshungs par ldan pa'i phyir gzugs med pa'i zhes bya ba la/ gzugs med pa smos pa ni bsam gtan

  383. 192a

    gyi snyoms par 'jug pa la bsam gtan gyi sdom pa yod pa rnam par bcad par bya ba'i phyir ro/ /zad pa dang mi skye ba'i shes pa dag pa'i lnga ba'i bdag nyid ma yin pa'i phyir brnab sems med pa dang/ gnod sems med pa gnyis kho na dang sems pa lhan cig 'byung ngo/ /yid kyi gsum kho na dang lhan cig 'byung ba'i ni sdom pa blangs par ma gyur pa yang dag pa'i lta ba dang mtshungs par ldan pa'i yid kyi rnam par shes pa la gnas pa'o/ /bzhi dang lhan cig 'byung ba ni mi dge ba'i lung du ma bstan pa'i sems dang ldan pa zhes bya ba rgyas par 'gyur te/ de la ni brnab sems med pa la sogs pa yid kyi yod pa ma yin la/ dge bsnyen dang dge tshul gyi sdo pa dag kyang song ba bzhi'i bdag nyid yin pa'i phyir ro/ /de yang dag par len pa na'o zhes bya ba ni/ dge bsnyen dang/ dge tshul gyi sdom pa yang dag par len par na ste/ dge ba'i rnam par shes pa'i tshogs lnga la gnas pa la ni yang dag pa'i lta ba med pas drug dang lhan cig 'byung ngo/ /bdun dang lhan cig 'byung ba ni dge ba'i yid kyi rnam par shes pa la gnas te zhes bya ba ni/ de las yang dge ba'i lta ba bla lhag tu bsnan te bdun dang lhan cig 'byung ngo/ /mi dge ba dang lung du ma bstan pa'i sems dang ldan pa zhes bya ba rgyas par 'byung ste/ de la ni yid kyi brnab sems med pa la sogs pa med la/ dge slong gi sdom pa yang spong ba bdun gyi bdag nyid yin pa'i phyir bdun kho na dang sems pa lhan cig 'byung ngo/ /dgu dang lhan cig 'byung ba ni dge ba'i rnam par shes pa lnga la gnas pa na zhes bya ba ni/ dge slong gi sdom pas bsdus pa spong ba bdun dang/ brnab sems med pa dang/ gnod sems med pa dang yin te/ de la yang dag pa'i lta ba med pa'i phyir ro/ /zad spang mi skye ba shes pas bsdus pa'i yid kyi rnam par shes pa la gnas

  384. 192b

    ba dge slong gi sdom pa yang dag par len pa na dgu dang sems pa lhan cig 'byung ngo zhes bya bar skabs dang sbyar te/ de la ni dge slong gi sdom pas bsdus pas gzugs can bdun dang/ brnab sems med pa dang/ gnod sems med pa 'byung ngo/ /de nyid kyis phyir de nyid bsam gtan gyis bsdus pa zhes bya ba smos so/ /zad pa dang mi skye ba shes pa dang mtshungs par ldan pa'i yid kyi rnam par shes pa'i bsam gtan gyis bsdus pa'i la gnas pa ni dgu dang lhan cig 'byung ste/ dge slong gi sdom pa yang dag par len pa med kyang snyam du dgongs so/ /de la ni zag pa med pa'i sdom pas bsdus pa'i bdun dang brnab sems med pa la sogs pa yod do/ /bsam gtan gyis bsdus pa'i zhes bya ba ni/ gzugs med pas bsdus pa'i las khyad par du bya ba'i phyir ro/ /bcu dang lhan cig 'byung ba'i ni de las gzhan zhes bya ba ni/ zad pa dang mi skye ba shes pa dang mtshungs par ldan pa las gzhan pa'i dge ba yid kyi rnam par shes pa'o/ /ci thams cad kyi tshe 'dod par gtags pa dang gzugs su gtogs pa la gnas pa bzhi bcu dang lhan cig 'byung ba dang/ zhe na ma yin no/ /'o na ci zhe na/ dge slong gi sdom pa yang dag par len pa kho na'o/ /zad pa dang mi skye ba shes pa dag ma gtogs pa zhes bya ba ni dgu dang zhes de dag gi tshul ni bshad zin pa'i phyir ro/ /bsam gtan dang zag pa med pa'i sdom pa gzhan lhan cig 'byung ba'i sems pa thams cad ces bya ba ni bcu dang lhan cig go zhes bya bar skab dang sbyar ro/ /re shig 'di sdom pas bsdus pa las kyi lam rnams kyis nges pa yin no/ /sems gzhan dang ldan pa zhes bya ba ni/ mi dge ba dang du ma bstan pa'i sems dang ldan pa'o/ /spong ba'i yan lag gcig yang dag par len na 'o zhes bya ba ni/ srog gcod pa 'am ma sbyin par len pa'i yan lag gcig spong ba yang dag par len pa na gcig kho na dang sems pa lhan cig 'byung ngo/ /

  385. 193a

    gnyis dang lnga yang dag par len pa na'o zhes bya ba la/ yan lag gnyis yang dag par len pa na ni lnga dang lhan cig 'byung ste/ yid kyi gsum dang lus dang/ ngag gi gnyis dang ngo/ /yan lag lnga yang dag par len pa na ni brgyad dang lhan cig cig car 'byung ste/ de la ni gzugs can lnga dang yid kyi gsum 'byung ngo/ /phan tshun brgyad bkag byed pa'i phyir tshig rtsub mo yin no zhes bya ba ni/ sdug bsngal gyis nyam thag pa'i dmyal ba rnams dmyal bsrungs dag la spyor bar byed la/ dmyal bsrungs dag kyang dmyal ba rnams la spyo ba 'am/ dmyal ba rnams kho na phan tshun spyo ba'o/ /rgyud rtsub bos zhes bya ni/ sdug bsngal gyi tshor bas zil gyis non pa'i phyir te/ yid du 'ong ba'i dngos po med pa'i phyir ro/ /chags par bya ba'i dngos po med pa'i phyir mngon du gyur pa'i sgo nas brnab sems kun du spyod pa med do/ /las kyi 'bras bu mngon sum du gyur pa'i phyir log par lta ba med do/ /'du shes rgud pa'i phyir brdzun du smra ba med do/ /de dag rtag pa kho na 'du shes pas de na brdzun du smra ba med do zhes gzhan dag zer ro/ /de nyid kyi phyir zhes bya ba ni/ dgos pa med pa'i phyir phra ma med pa'o/ /rtag tu bye zin pa'i phyir zhes bya bas ni de na yul med pa'i phyir phra ba med do zhes bstan to/ /nga yir 'dzin pa med pa'i phyir brnab sems mngon du gyur pa'i sgo nas med do/ /'jam pa'i phyir dang kun nas mnar sems kyi dngos po med pa'i phyir gnod sems med de/ gnod sems ni rgyu'i stobs dang rkyen gyi stobs kyis skye na/ de gnyi ga yang de na med do/ /de'i phyir gnod sems mngon du gyur pa med do/ /sdig pa can gyi bsam pa med pa'i phyir srog gcod pa la sogs pa drug kyang ldan pa'i sgo nas med cing mngon du gyur pa'i sgo nas kyang med do/ /'dod ba na gzugs kyi sngar ni skye ba med ces nges

  386. 193b

    ba'i phyir ro/ /gzhan yang tshe nges pa'i phyir srog gcod pa med do/ /rdzas dang bud med yongs su bzung ba med pa'i phyir ma byin par len pa dang 'dod pas log par g.yem pa dag med do/ /dgos pa med pa'i phyir brdzun du smra ba dang/ phra ma dang tshig brtsub mo dag med do/ /ji ltar 'di dag mi tshangs par spyod pa yin zhes bya ba ni/ gal te bud med yongs su gzung ba med na snyam du bsams pa'o/ /mngon sum du gyur pa'i sgo nas kyang zhes bya ba la/ kyang zhes bya ba'i sgras ni ldan pa'i sgo nas kyang med ces bya bar sbyor ro/ /dud 'gro dang yi dags dang lha dag gi nang na ni sdom pa ma yin pa ma gtogs so zhes bya ba ni/ 'di ltar mi rnams kho na la sdom pa ma yin pa 'dod kyi/ gzhan ni ma yin no/ /mi dag gi nang na ni sdom pa ma yin pas bsdus pa yang yod do/ /zhes bya ba'o/ /sogs pa zhes bya ba'i sgras ni sdom pa ma yin pa ma gtogs pa yang yod do/ /mgo dang rked pa bcad na 'chi'o/ /zhes bya ba 'dis ni lhas kyang lha gsod do zhes bstan to/ /ldan pa'i sgo nas yod do zhes bya ba ni/ gzugs med pa'i dag ni gzugs med pa'i phyir mngon du gyur pa'i sgo nas med do/ 'du shes med pa'i sems can rnams la ni bsam gtan du skyes pa yin yang bsam gtan gyi sdom pa mngon sum du gyur pa'i sgo nas yod pa ma yin te/ bsam gtan gyi sdom pa ni sems kyi rjes su 'jug pa'i phyir dang/ de dag gi sems rim 'gags pa'i phyir ro/ /gal te gzugs med pa dag na gzugs bas mngon du med na/ des na 'o na ni gzugs med par skyes pa gang dag cig la ldan pa brjod dgos so/ /zhe na/ de'i phyir gzugs med par skyes pa'i 'phags pa rnams la zhes bya ba rgyas par smos so/ /'phags pas sa gang la brten pa can gyi zhes bya ba la/ sa gang du skyes pas zag pa med pa'i tshul khrims gang bskyed pa de ni/ sa de la brten

  387. 194a

    pa can yin no/ /skye ba'i sa lnga rnams te 'dod pa'i khams dang bsam gtan bzhi'o/ /gal te sa cig la brten pa can skyed de 'gags pa nas/ de bzhin du sa lnga la brten pa can gyi bar bskyed de 'gags na ni gzugs med pa dag na 'das ba de dang ldan par 'gyur ro/ /sa lnga char la brten can dang ni ma 'ongs pa dang ldan no zhes bya ba ni/ gang du skyes pa 'am gang du ma skyes pa de dag la rten pa can dang ldan no/ /ci'i phyir zhe na/ nges pa med pa'i phyir ro/ /'di ltar gang ma 'ongs pa rnams grangs kyis sa lnga char la rten nas skye ba srid pa ni yod pa ma yin te/ de'i phyir gang du skye ba de 'gags pa de ni skyes pa zin pa'i phyir sa kho na bsnyed la/ gang ma skyes pa de ni nges pa med pa'i phyir sa lnga char la rnam par gzhag go/ so so skye bo 'am 'phags pa gzugs med par skyes pa ni bsam gtan gyi sdom pa dang ga la ldan te/ gzugs med par skyes pas de dor ba'i phyir ro/ /lhag byas na zhes bya ba la/ ga las lhag mar byas zhe na/ gzugs med pa dang/ 'du shes med pa'i sems can dang gnyis las so/ /gzugs med pa'i khams su ldan pa nges par bshad pa dang/ 'dod pa'i khams dang gzugs kyis khams su ldan pa dang mngon du gyur pa nges par brjod par bya'o/ /de'i phyir khams su zhes bya ba rgyas par smos te/ dmyal ba dang byang gi sgra mi snyan pa ma gtogs pa zhes bya ba ni/ de na yang dag par blangs pa'i tshul khrims med pa'i phyir ro/ /gzhan na ni gnyi ga yod do/ /zhes bya ba ni 'dod pa'i khams kyi lha dag dang/ byang gi sgra mi snyan pa ma gtogs pa'i mi dag gi na dran ni/ sdom pas bsdus pa dang sdom pa ma gtogs pa yod do/ /tshig kyal pa ni tshig gzung bar mi 'os par 'gyur ro/ /zhes bya ba ni tshig mi brtsun pa'o/ /de la ni gti mug shas che ba'i phyir zhes bya ba ni/

  388. 194b

    'di shin tu rmongs pa yang dag blangs par bya'o zhes slob dpon 'dus bzang zer ro/ /rang dbang ma yin pa'i phyir de dang mtshungs par ldan pa'i rmongs pa ni log par lta ba nyid de/ de'i tshogs su gyur pa yang dag par blangs pas rmongs pa'o/ / brnab sems dang gnod sems dag der gyur pas rmongs pa zhes brjod do/ /log par lta ba'i sgo nas ma yin no/ /'di ltar gti mug gi stobs kyis med pa'i rnam pas 'jug pa log par lta bar shas che ba 'di ni rmongs pa'o zhes so/ /de'i gzhi mi mthong ba'i phyir bshad pa/ 'di ni de'i rgyu mthun pa'i 'bras bu yin no/ /'di rgyu mthun pa'i sgras bshad pa ci'i phyir zhe na/ bdag po'i 'bras bu kho na nye ba nyid du shes par byed pa'i phyir ro/ /gnyis ka bdag po'i 'bras bu zhes brjod par bya ba la de dag nye ba dang ring ba nyid du nye bar ma bstan par 'gyur ro/ /gcig shos lung ma bstan pa'i mi dge ba bsgoms pas spangs par bya ba'i rgyu mthun par brjod par na ji ltar skyon can du mi 'gyur zhe na/ de'i phyir srog gcod pa ni tshe de'i bar tshang byed pa'i rgyu yin zhes bya ba rgyas par smos te/ dug dang gnam lcags dang mtshon cha lhag pa la sogs pa gang dag yin pa de dag ni srog gcod pa rnams kyi tshe dge ba'i las kyis 'phangs pa 'byung ba la gegs byed par nus pa yin te/ gzhan du ni ma yin no/ /de'i phyir bar chad byed pa'i rgyu ni/ 'gro ba'i tshe la gags skyed par nus pa yin no/ /gzhan du ma yin no zhes bya ba ni/ de'i phyir srog gcod pa ni tshe de'i bar chad byed pa'i rgyu yin no zhes bya'o/ /gzhan dag na re/ tshe de srog gcod pa'i rnam par smin pa'i 'bras bu zhes mi brjod kyi/ de ni ches nye bar bdag po'i 'bras bu'o zhes zer ro/ /mi rnams kyi tshe ni dge ba'i las kyis 'phangs pa ste/ srog gcod pa'i dbang gis ni tshe thung ba mngon par 'grub pa byed do/ /gzi mthu chung ba ni nus pa chung ba'o/ /ser ba ni rngo char rong gzhan dag na re 'khyags pa'i char ro zhes zer ro/ /

  389. 195a

    rdul ni 'gyur byed kyi chu'i char ro/ /gzhan dag na re rdul gyi char te des lo tog rlag par byed pa'o zhes zer ro/ /rdul gyis 'khrigs par 'gyur zhes bya ba ni/ rdul lhags spu ngan par 'gyur ba'o/ /sa tshe sgo can zhes bya ba ni/ 'bru dag mi skye ba'i sa'o/ /dgen dung ni chu med pa ste/ mya ngan lta bu'o/ /tha chang ni dman zhing smad pa ste/ kla klo la sogs pa'i sa dag go /sdig pa can gyi sa ni ri dags dang phag gis nye bar gtses pa'i zhing dag go /dus log ba can ni 'di dag la dus log pa yod pa ste/ dus bzhin du grang ba dang dro ba dang char 'bab par mi 'gyur zhes bya ba'i don to/ /'bras bu phra mo ni 'bras bu ma rigs pa'o/ /'bras bu kha ba zhes bya ba ni smin pa mi snyoms zhes bya ba'i don to/ /ci las de kho nas zhes bya ba ni/ gang gis dmyal ba dag tu skyes pa'o/ /der ni sbyor bas yin la zhes bya ba ni/ sbyor ba rgyun chags pa yin pa'i phyir dang/ sdug bsngal drag po rgyu yin pa'i phyir ro/ /dngos ni skad cig ma gcig yin pa'i phyir dang/ tshor ba chung ba'i phyir 'dir dngos gyis tshe thung ba yin no zhes bya ba rigs so/ /gal te sbyor bas dmyal ba dag tu skye na/ 'o na mdo las srog gcod pa kun du bsten pa dang/ goms par byed pa dang/ lan mang du byas pas dmyal ba dag gi nang du skye bar 'gyur ro zhes gsungs pa/ de ji ltar zhe na/ de'i phyir 'khor dang bcas pa smos pa'i phyir zhes bya ba rgyas par smos so/ /sbyor ba ni srog gcod pa'i 'khor yin te/ der sbyor ba la srog gcod pa btags nas de skad ces bshad do/ /rgyu mthun pa'i 'bras bur bshad pa gang yin pa de yang rnam par smin pa'i 'bras bu dang gnyis las mi 'da' i/ 'dra pa'i khyad par las de skad bshad par zad du zhes bya ba ni/ yid du 'ong ba'i srog gcod pa la sogs pa dang 'dra ba las rgyu mthun pa'i 'bras bu yin no zhes bshad par

  390. 195b

    zad do/ /bdag po'i 'bras bu'i las 'das par mi rigs shing rnam par smin pa'i 'bras bu la ji ltar yin mi 'da' ste/ srid pra brjod pa'i phyir 'gal ba med do/ /dge ba'i las kyi 'bras bu ni 'ga' yang rnam par smin pa las mi 'da' ste/ de ltar yang gal te 'di nyid du mi rnams dang skal pa mnyam pa nyid du gyur na tshe ring bar 'gyur ro/ /gzi byin med par byas pa yin zhes bya ba la/ gzi byin ni snying ga'i phyogs na yod pa'o/ /gzhan dag la yang de bzhin du sbyar bar bya'o zhes bya ba ni/ ma byin par len pa byed pas ni rdzas kyi bdag po la sdug bsngal bskyed pa dang/ longs spyod kyis phongs par byas pa dang/ gzi byin med par byas pa yin te/ rdzas gyis dbang gi gzi byin can du 'gyur na de'i rgyu med par byas pa'i phyir te/ longs spyod kyis phongs par byas pas de la gnod pa'i phyir ro/ /gzhan gyi chung ma la nyal po byed pas ni gzhan la sdug bsngal skyed pa dang/ dgra dang bcas pa'i chung ma can du byas pa dang/ 'jig rten na gzi byin gang/ gang gis gzi dang bcas pa'o/ /zhes nges par brjod pa'i gzi byin med par byas pa yin no/ /de bzhin du gzhan dag la yang srid tshad du sbyar bar bya ste/ 'di ni phyogs yin no/ /thams cad mi dge ba las bzlog ste sbyar bar bya'o zhes bya ba ni/ srog gcod pa spangs pas gzhan la sdug bsngal ma skyed pa dang/ bsad pa dang/ gzi byin med par ma byas pas de'i phyir de la 'bras bu rnam pa gsum 'byung ngo/ /de bzhin du ma byin par len pa spangs pas rdzas kyi bdag po la sdug bsngal ma skyed pa dang longs spyod kyis phongs par ma byas pa dang/ gzi byin med par ma byas pa de'i phyir de la 'bras bu rnam pa gsum 'byung ste/ 'dod pas log par g.yem pa spangs pas/ gzhan la sdug bsngal ma skyed pa dang/ dgra bcom pa'i chung ma can du ma byas pa dang gzi byin med par

  391. 196a

    ma byas pa de'i phyir de la 'bras bu rnam pa ni gsum 'byung ste/ gzhan la yang de bzhin du sbyar bar ro/ /las kyi skabs su 'di yang spyod par bya ste/ bcom ldan 'das kyis zhes bya ba rgyas par 'byung ngo/ /de gnyis las logs shig stan to/ /zhes bya ba ni log par 'tsho ba ni log pa'i ngag dang las kyi mdza' gnyis las so/ /da ltar bshad na chags pa las skyes pa'i lus dang ngag gi las gang dag yin pa de dag ni log pa'i ngag dang las kyi mdza' yang yin la/ log pa'i 'tsho ba yang yin te/ zhe sdang dang gti mug gis kun nas bslang ba gang dag yin pa de dag ni log pa'i ngag dang las kyi mdza' kho na yin no/ /chags pa'i chos ni 'phog par byed pa yin pas zhes bya ba la/ chags pa'i chos ni phra mo yin pas yang 'phro bar byed pa yin na/ shin tu mkhas pa rnams kyis kyang bsrung ba bla ba ma yin pa'i phyir sbyang dka' ba'o/ /khyims pas lta ba sbyang ba dka' ba ci'i phyir zhe na/ rtag tu lta ba sna tshogs pa'i phyir te/ ngo mtshar dang/ bkra shis dang/ gza' dang/ rgyu skar dang/ yud tsam la sogs pa'i lta ba can yin zhes pa'i tha tshig go/ gzhan la 'tsho ba rag lus pa'i zhes bya ba ni dge slong gi lus gnas pa'i chos gos dang bsod snyoms dang/ mal stan la sogs pa rnams ni gzhan la rag lus pas dge slong rnams kyi 'tsho ba sbyang bar dka' o/ /'tsho bar bya ba ma yin pas na log pa'i 'tsho ba lnga rnams ste/ tshul 'tshos dang kha gsag dang gzhogs slong dang thob kyis 'jal ba dang rnyed pas rnyed pa 'dod pa rnams so/ /log pa'i yul la yongs su longs spyod pa'i phyir ro/ zhes bya ba ni/ ma gnang ba'i yul la yongs su longs spyod pa'i phyir ro/ /las kyi skabs su las su gtogs pa thams cad

  392. 196b

    brjod par bya dgos pas de'i phyir/ gong du 'bras bu lnga bshad pa gang dag yin pa zhes bya ba smos te/ bdag po'i 'bras bu dang/ skyes bu byed pa'i 'bras bu dang/ rgyu mthun pa'i 'bras bu dang/ rnam par smin pa'i 'bras bu dang/ bral ba'i 'bras bu'o/ /dri bcas spong ba'i lam dag gi zhes bya ba la/ spong ba'i lam ni zag pa dang bcas pa dang zag pa med pa'i rnam pa gnyis yin te/ de'i phyir dri bcas zhes bya ba smos so/ /spong ba'i phyir lam yin pa 'am zhes bya ba 'byung ste/ spong ba ni so sor brtags pa'i 'gog pa'o/ /'dis nyon mongs pa spong bar byed pas na zhes bya ba ni/ thob pa gcod pa'i phyir te/ 'dir tshig rnam par sbyang bas byas pa'i khyad par yod kyi/ don gyis byas pa ni med de/ gnyi gar yang bar chad med pa'i lam dang sbyar ba'i phyir ro/ /rang gi sar gtogs pa'i rnam par smin pa yid du 'ong ba yin no zhes bya ba la/ rnam par smin pa'i 'bras bu ni bar chad med pa'i lam zag pa dang bcas pa'i las gang yin pa de'i sa gang yin pa der nges pa kho na'o/ /ting nge 'dzin las skyes pa'i chos 'dra ba phyi mo rnams so zhes bya ba la/ rgyu mthun pa'i 'bras bu ni chos 'dra ba mnyam pa dang ldan pa de'i phyir nas skyes pa rnams/ skyes bu byed pa'i 'bras bu ni chos gang dag de'i stobs kyis skyes pa rnams so/ /spangs pa de yang yin no zhes bya ba ni/ de'i stobs kyis spangs pa thob pa'i phyir spangs pa yang skyes bu byed pa'i 'bras bur rnam par gzhag go /gzhan dag na re spangs pa yang lam gyi bdag po'i 'bras bur rigs te/ de'i dbang pos de mngon du byed pa'i phyir ro zhes zer ro/ /rnam par smin pa'i 'bras bu ma gtogs so zhes bya ba ni/ zag pa med pa la rnam par smin pa'i 'bras bu med pa'i phyir ro/ /rgyu mthun pa'i

  393. 197a

    'bras bu ni ting nge 'dzin las skyes pa'i chos phyi ma rnams so/ /bral ba'i 'bras bu ni bral ba kho na'o/ /skyes du byed pa'i 'bras bu ni des drangs pa'i chos 'di lta ste/ rnam par grol ba'i lam dang/ de dang lhan cig 'byung ba dang/ gang yang ma 'ongs pa thob pa de dang/ spangs pa de yang yin no/ /bdag po'i 'bras bu ni sngar byung ba rnams rtogs pa rang gi ngo bo las gzhan pa'i 'du byed thams cad do/ /spong ba'i lam las gzhan pa gzhan pa'i las zhes bya ba ni/ sbyor ba dang rnam par grol ba dang/ khyad par gyis lam gyis bsdus pa dang/ sbyin pa'i sems so pa la sogs pa gang yin pa dang/ mi dge ba gang yin pa'o/ /bral ba'i 'bras bu ma gtogs so zhes bya ba ni/ des nyon mongs pa spongs pa ni ma yin te/ bar chad med pa'i lam kho na bral ba'i 'bras bu dang 'brel pa'i phyir ro/ /de'i rnam par smin pa'i 'bras bu ni rang gis sar gtogs pa'i rnam par smin pa yid du 'ong ba dang yid du mi 'ong ba yin te/ dge ba zag pa dang bcas pa yin pa'i phyir dang mi dge ba yin pa'i phyir ro/ /rgyu mthun pa'i 'bras bu ni chos 'du ba mnyam pa dang lhag pa phyi nas skyes pa rnams so/ /skyes bu byed pa'i 'bras bu ni de dang lhan cig 'byung ba dang de'i stobs kyis skyes pa gang las yin pa de dag go /bdag po'i 'bras bu ni sngar byung ba ma gtogs pa rang gi ngo bo las gzhan pa'i 'du byed thams cad do/ /zag pa med pa'i lhag ma dang zhes bya ba ni sbyor ba rnam par grol ba dang/ khyad par gyi lam phyis bsdus pa'o/ /don? par tshad med pa'i lam ma yin pa'i phyir bral ba'i 'bras bu yang med la/ zag pa med pa yin pa'i phyir dang/ lung du ma bstan pa'i phyir rnam par smin pa'i 'bras bu yang med do/ /'dir yang rgyu mthun pa dang

  394. 197b

    skyes bu byed pa dang/ bdag po'i 'bras bu dag ni gong ma bzhin du brjod par bya'o/ /las dge ba'i 'bras bu chos dge ba bzhin ste/ zhes bya ba ni rigs yongs su gzung ste/ de skad bshad de bral ba ni dge ba thams cad kyi 'bras bu ma yin pa'i phyir ro// bral ba ni rgyu mthun pa'i 'bras bu 'am bdag po'i yang ma yin la/ dge ba 'dus byas rnams kyang bral ba'i 'bras bu ma yin te/ bral ba 'dus ma byas yin pa'i phyir ro/ /rnam par smin pa ni lung du ma bstan pa'i phyir rnam par smin pa'i 'bras bu ma gtogs so/ /zhes bya ba smos so/ /mi dge ba gnyis te/ skyes bu byed pa dang/ bdag po'i 'bras bu dang gnyis so/ /de la skyes bu byed pa'i 'bras bu ni/ gang dag de'i stobs las skyes pa'o/ /bdag po'i 'bras bu ni sar byung ba ma gtogs pa mi dge ba'i chos thams cad nyid do/ /rgyu mthun pa'i 'bras bu ni med de/ /mi 'dra ba'i phyir ro/ /rnam par smin pa'i 'bras bu yang med do/ /nyon mongs pa can yin pa'i phyir ro/ /bral ba'i 'bras bu yang med de/ 'dus byas yin pa'i phyir dang/ nyon mongs pa can yin pa'i phyir ro/ /lung du ma bstan pa gsum ste/ /rgyu mthun pa dang bral ba'i 'bras bu ma gtogs so/ /'di ltar lung du ma bstan pa rnams ni dge ba dang 'dra ba ma yin pas rgyu mthun pa'i 'bras bu med la/ bral ba'i 'bras bu ni dge ba 'dus ma byas yin pa'i phyir ro/ /rnam par smin pa'i 'bras bu ni rang gi sar gtogs pa'i rnam par smin pa yid du 'ong ba'o/ /skyes bu byed pa'i 'bras bu ni gang dag de'i stobs kyis skye ba 'di lta ste/ mjug thogs su 'byung ba rnams so/ /bdag po'i 'bras bu ni sngar byung ba ma gtogs pa lung du ma bstan pa thams cad kho na'o/ /las mi dge ba'i 'bras bu zhes bya ba rgyas par 'byung ste/ skyes bu byed pa'i 'bras bu ni/ de'i mjug thogs su 'byung ba'i chos dge ba rnams so/ /bdag po'i 'bras bu

  395. 198a

    ni sngar skyes pa ma yin gtogs pa'i dge ba'i chos thams cad kho na'o/ /rgyu mthun pa'i 'bras bu med de/ mi 'dra ba'i zhing der rnam par smin pa lung du ma bstan pa yin pas rnam par smin pa'i 'bras bu yang med do/ /bral ba'i 'bras bu yang med do/ /'dus byas yin pa'i phyir ro/ /mi dge ba'i ni gsum ste/ skyes bu byed pa'i 'bras bu ni de dang lhan cig 'byung ba dang de'i pa 'jug thogs su skyes pa'o/ /bdag po'i 'bras bu ni sngar byung ba ma gtogs pa mi dge ba thams cad do/ /sngar skyes pa'i rgyu mthun pa'i 'bras bu ni rigs mthun pa khyad par dang bcas pa rnams so/ /rnam par smin pa'i 'bras bu 'am/ bral ba'i 'bras bu ni med de/ nyon mongs pa can yin pa'i phyir dang/ 'dus ma byas yin pa'i phyir ro/ /lung du ma bstan par ni bzhi ste/ zhes bya ba ni bral ba'i 'bras bu ni ma gtogs pa ste/ bral ba'i ni dge ba rtags pa yin pa'i phyir ro/ /rnam par smin pa'i phyir 'bras bu ni rang gi sar gtogs pa'i rnam par smin pa yid du mi 'ong ba'o/ /gal te chos 'dra ba rnams kho sngar skyes pa dag gi rgyu mthun pa'i 'bras bu yin par bor nas/ lung du ma bstan pa mi 'dra ba rnams mi dge ba dag gi rgyu mthun pa'i 'bras bu ji ltar brjod ce na/ de'i phyir lung du ma bstan pa zhes bya ba rgyas par smos so/ /rgyu mthun pa'i 'bras bu ni kun du 'gro ba dang skal pa mnyam pa'i rgyu dag gi yin par rnam par bzhag ste/ de la 'jig tshogs dang mthar 'dzin par lta ba dag ni lung du ma bstan pa yin du zin kyang/ nyon mongs pa can nyid dang sdug bsngal mthong bas spang bar bya ba dang nyid du 'dra ba'i phyir/ sdug bsngal mthong bas spang bar bya ba kun tu 'gro ba'i rgyu dang/ sdug bsngal mthong bas spang bar bya ba skal pa mnyam pa'i rgyu'i rgyu mthun pa'i 'bras bu rnam par bzhag pas 'gal ba med do/ /lung du ma bstan pa'i zhes bya ba rgyas par

  396. 198b

    'byung ste/ skyes bu byed pa'i 'bras bu ni dge ba'i chos gang dag de'i mjug thogs su 'byung ba de dag go /bdag po'i 'bras bu ni sngar byung ba ma gtogs pa dge ba'i chos thams cad do/ /rgyu mthun pa'i 'bras bu ni med de/ mi 'dra ba'i phyir ro/ /rnam par smin pa'i 'bras bu yang med de/ dge ba yin pa'i phyir ro/ /bral ba'i 'bras bu yang med de/ 'dus ma byas yin pa'i phyir ro/ /mi dge ba ni gsum te zhes bya ba ni rgyu mthun pa'i 'bras bu bcug ste'o/ /mi dge ba yang lung du ma bstan pa rnams kyis rgyu mthun ba'i 'bras bu yin pa ni yod do/ /dper na chos mi dge ba ris lnga pa rnams 'jig tshogs dang mthar 'dzin par lta ba gnyis pa'i 'bras bu bcug ste'o/ /mi dge ba yang lung du ma bstan pa rnams kyi 'bras bu yin pa bzhin no/ /lung du ma bstan pa'i chos ni gsum ste/ de dag kho na yin no zhes bya ba la skyes bu byed pa'i 'bras bu ni lhan cig 'byung ba dang/ mjug thogs su 'byung ba dag go /bdag po'i 'bras bu ni sngar byung ba ma gtogs pa thams cad do/ /rgyu mthun pa'i 'bras bu ni chos 'dra ba phyis skyes pa rnams so/ /rnam par smin pa dang bral ba'i 'bras bu dag ni med de/ lung du ma bstan pa rnams la rnam par smin pa'i 'bras bu med pa'i phyir dang nyon mongs pa'i gnyen po ma yin pa'i phyir ro/ /'das pa'i thams cad bzhi'i yin no zhes bya ba 'byung ste/ 'dir rigs yongs su gzung bas de skad du bshad kyi 'das pa thams cad 'das pa thams cad kyi 'bras bu rnam pa bzhi ni ma yin no/ /bral ba'i 'bras bu ma gtogs so zhes bya ba ni de 'dus ma byas yin pa nyid kyis dus su ma gtogs pa'i phyir ro/ /las dge ba zag pa dang bcas pa dang/ mi dge ba 'das pa rnams kyi rnam par smin pa'i 'bras bu ni rnam par smin pa 'das pa'o/ /skyes bu byed pa'i 'bras bu ni 'das pa'i las dang lhan cig 'byung ba de'i stobs kyis skyes pa'i

  397. 199a

    chos 'das pa rnams so/ /bdag po'i 'bras bu ni de'i rang gi ngo bo ma gtogs pa de dag dang lhan cig 'byung ba dang/ phyis 'byung ba 'das pa rnams so/ /rgyu mi thun pa'i 'bras bu ni 'dra ba phyis 'byung ba 'das pa rnams kho na'o/ /de bzhin du 'bras bu da ltar ba yang bzhi ste/ 'das pa'i rnam par smin pa'i 'bras bu ni rnam par smin pa'i da ltar ba'o/ /rgyu mthun pa'i 'bras bu ni sngar ma byung ba'i chos 'dra ba da ltar ba rnams so/ /skyes bu byed pa'i 'bras bu ni chos da ltar ba 'das pa'i las kyi stobs kyis skyes pa rnams so/ /bdag po'i 'bras bu ni da ltar ba thams cad kho na'o/ /ma 'ongs pa dag kyang de dang 'dra bar brjod par bya ste/ 'das pa'i rnam par smin pa'i 'bras bu ni smin pa ma 'ongs pa'o/ /rgyu mthun pa'i 'bras bu ni chos 'dra ba ma 'ongs pa rnams so/ /skyes bu byed pa'i 'bras bu ni gang dag de'i stobs kyis skyes bar 'gyur ba rnams so/ /bdag po'i 'bras bu ni thams cad kho na'o/ /bar ma ni ma 'ongs pa'ang/ zhes bya ba ni 'bras bu bzhi ste zhes bya bar sbyar ro/ /de'i skyes bu byed pa'i 'bras bu ni de'i mjug thogs su skye ba ma 'ongs pa rnams so/ /bdag po'i 'bras bu ni ma 'ongs pa thams cad kho na'o/ /rnam par smin pa'i 'bras bu ni de'i rnam par smin pa ma 'ongs pa'o/ /rgyu mthun pa'i 'bras bu ni de dang 'dra ba ma 'ongs pa rnams so/ /da ltar byung ba'i las kyi da ltar ba ni gnyis te skyes bu byed pa dang bdag po'i 'bras bu dag go /zhes bya ba la/ de'i skyes bu byed pa'i 'bras bu ni lhan cig 'gyur ba lhan cig skyes pa yin no/ /bdag po'i 'bras bu ni de dag gzhan dus mnyam du skyes pa yin no/ /da ltar ba'i rgyu mthun pa'i 'bras bu dang/ rnam par smin pa'i 'bras bu da ltar ba ni med de/ der rgyu dang 'bras bu dag dus snga phyir nges pa'i phyir ro/ /ma skyes pa'i 'bras bu ma 'ongs

  398. 199b

    pa gsum yin no zhes 'byung ste/ skyes bu byed pa'i 'bras bu ni gang dag de'i stobs la rag las te/ 'byung ba de dag go bdag po'i 'bras bu'i ni rang gi ngo bo ma gtogs pa thams cad do/ /rnam par smin pa'i 'bras bu ni dge ba zag pa dang bcas pa dang mi dge ba rnams kyis rnam par smin pa ma 'ongs pa'o/ /ma skyes pa rnams ni skal ba mnyam pa dang/ kun tu 'gro ba'i rgyu nyid ma yin pas rgyu mthun pa'i 'bras bu ma 'ongs med do/ /bral ba'i 'bras bu yang med de/ dus su ma gtogs pa'i phyir ro/ /rang gi sa pa bzhin yin no zhes bya ba la/ 'di yang srid tshad kyi dbang du byas nas bshad kyi/ rang gi sa pa thams cad kyi 'bras bu rang gi sa pa'i chos bzhi pa thams cad ni ma yin no/ /zag pa med pa la yang rnam par smin pa'i 'bras bu med mod kyi/ rang gi sa pa'i chos 'dod pa na/ spyod pa nas srid pa'i rtse mo'i bar ci rigs pa las zag pa dang bcas pa dang zag pa med pa'i 'bras bu bzhir 'gyur ro/ /bral ba'i 'bras bu ma gtogs so/ /zhes bya ba ni bral ba sas ma bsdus pa'i phyir ro/ /de la rang gi sa pa'i chos zag pa dang bcas pa rnams ni las zag pa dang bcas pa'i 'bras bu bzhi yin la/ zag pa med pa rnams ni skyes bu byed pa'i 'bras bu dang/ bdag po'i 'bras bu yin no/ /zag pa med pa rnams ni zag pa med pa'i 'bras bu gsum yin te/ rnam par smin pa dang bral ba'i 'bras bu ma gtogs so/ /zag pa dang bcas pa ni gnyis yin te/ rnam par smin pa dang/ rgyu mthun pa dang/ bral ba'i 'bras bu ma gtogs so/ /de ltar na rang gi sa pa'i chos zag pa dang bcas pa dang/ zag pa med pa rnams ni mdor bsdus te las zag pa dang bcas pa dang/ zag pa med pa'i 'bras bu bzhir 'gyur ro/ /gzhan gyi sa pa gsum dang gnyis zhes bya ba la/ zag pa dang bcas pa dang zag pa med pa'i dbye bas phyi nas bstan te/ zag pa med pa'i las kyi 'bras bu zag pa med pa'i chos

  399. 200a

    gzhan gyi sa pa'i gsum ste/ skyes bu byed pa dang/ bdag po dang/ rgyu mthun pa'i 'bras bu rnams so/ /sa dgu'i lam ni phan tshun du mnyam dang khyad par can gyi yin zhes 'byung bas/ skal ba mnyam pa'i rgyu yin pas zag pa med pa'i chos mnyam pa dang/ khyad par can rnams gzhan gyis sa la yin du zin kyang/ gzhan gyi sa pa'i las zag pa med pa'i rgyu mthun pa'i 'bras bu yin no/ /khams su ma gtogs pa'i phyir ro zhes bya ba ni zag pa med pa'i las ni khams su ma gtogs pa'i phyir rnam par smin pa'i 'bras bu mi srid do/ /bral ba yang khams su ma gtogs pa'i phyir gzhan gyi sa pa nyid mi srid to/ /gzhan gyi sa pa'i chos zag pa dang bcas pa rnams ni de nyid kyi gnyis yin te/ skyes bu byed pa dang bdag po'i 'bras bu dag go /de bzhin du gzhan gyi sa pa'i chos zag pa dang bcas pa dang/ zag pa med pa rnams kyang zag pa dang bcas pa'i las gnyis yin te/ skyes bu byed pa dang bdag po'i 'bras bu dag go /rnam par smin pa dang bral ba'i 'bras bu ma gtogs so zhes bya ba 'byung ste/ slob pa 'am mi slob pa'i ni rnam par smin pa'i 'bras bu 'am bral ba'i 'bras bu med do/ /slob pa yang ma yin mi slob pa yang ma yin pa zhes bya ba rgyas par 'byung ste/ slob pa yang ma yin mi slob pa yang ma yin pa'i chos dag ni zag pa dang bcas pa dang 'dus ma byas yin no zhes bshad do/ /de la slob pa'i las rnam par smin pa'i 'bras bu ni med de/ sred pas ma brlan pa'i phyir ro/ /'jig rten pa'i rgyu mthun pa'i 'bras bu yang med de/ mi 'dra ba'i phyir ro/ /bral ba'i 'bras bu ni slob pa yang ma yin mi slob pa yang ma yin na/ de yang slob pa'i las la yod pa gsum yin no/ /slob pa'i mjug ni gcig ste bdag po'i 'bras bu'o/ /rgyu mthun pa'i 'bras bu ni med de/ dman pa'i phyir ro/ /lhan cig dang mjug thogs su

  400. 200b

    skye ba med pa'i phyir skyes bu byed pa'i 'bras bu yang med do/ /mi slob pa'i mjug thogs su slob pa ni mi 'byung ste/ yongs su nyams pa'i tshe na yang nyon mongs pa kun du 'byung bas bar du chod pa'i phyir ro/ /rnam par smin pa'i 'bras bu dang/ bral ba'i 'bras bu ni slob pa yang ma yin mi slob pa yang ma yin no/ /mi slob pa ni gsum ste/ rnam par smin pa'i 'bras bu dang/ bral ba'i 'bras bu dag ma gtogs so/ /zhes bya ba la/ de dag ni slob pa yang ma yin mi slob pa ma yin pa nyid yin pas gsal to/ /slob pa yang ma yin mi slob pa yang ma yin pa ni zhes bya ba rgyas par 'byung ste/ skyes bu byed pa'i 'bras bu ni de'i stobs kyis skyes pa rnams so/ /bdag po'i 'bras bu ni sngar byung ba ma gtogs pa thams cad do/ /bral ba'i 'bras bu ni bar chad med pa'i yin na/ mi slob pa la ni bar chad med pa'i lam med pas mi slob pa rnams la bral ba'i 'bras bu med do/ /de las gzhan pa'i 'bras bu ni zhes bya ba rgyas par 'byung ste/ slob pa yang ma yin mi slob pa yang ma yin la rgyu mthun pa'i 'bras bu slob pa ni med de/ mi 'dra ba'i phyir ro/ /rnam par smin pa'i 'bras bu yang med de/ khams su ma gtogs pa'i phyir ro/ /bral ba'i 'bras bu yang med de/ 'dus byas yin pa'i phyir ro/ /rnam par smin pa'i 'bras bu dag ma gtogs pa zhes bya ba ni rnam par smin pa 'am/ bral ba ni mthong bas spang bar bya ba yod pa ma min pas sal bar byed do/ /bral ba'i 'bras bu ma gtogs zhes bya ba ni bral ba sgom pas spang par bya ba yod pas ma yin pa'i phyir ro/ kun du 'gro ba dang mtshungs par ldan pa'i las kyi sa rgyu mthun pa'i 'bras bu ni bsgoms pas spang bar bya ba'i chos nyon mongs pa can rnams so/ /rnam par smin pa ni nyon mongs pa can ma yin pa'i phyir/ bsgom pas spang bar bya ba yin pas/

  401. 201a

    mthong bas spang bar bya ba'i nyon mongs pa mi dge ba dag dang mtshungs par ldan pa'i las kyi rnam par smin pa'i 'bras bu ni bsgoms pas spang ba bya ba yin no/ /gcig ste bdag po'i 'bras bu'o zhes bya ba la de'i stobs kyis mi skye ba'i phyir skyes bu byed pa'i 'bras bu ni med de/ bsgom pas spang par bya ba'i las kyi zhes bya ba'i rgyas par 'byung ste/ rgyu mthun pa'i 'bras bu ni med de/ kun du 'gro ba ma yin pa'i phyir ro/ /rnam par smin pa'i 'bras bu yang med de/ rnam par smin pa mthong bas spang bar bya ba med pa'i phyir ro/ /bral ba'i 'bras bu yang med de/ bral ba ni spang bar bya ba ma yin pa'i phyir ro/ /rnam par smin pa dang rgyu mthun pa'i 'bras bu ma gtogs so zhes bya ba ni/ spang bar bya ba ma yin pa'i phyir dang/ mi 'dra ba'i phyir rnam par smin pa dang/ rgyu mthun pa'i 'bras bu nyid yin pa sel bar byed do/ /spang bar bya ba ma yin pa'i las kyi 'bras bu zhes bya ba rgyas par 'byung ba la/ spang bar bya ba ma yin pa'i las kyi mjug thogs sam/ lhan cig mthong bas sdang bar bya ba skye ba ni yod pa ma yin pas skyes bu byed pa'i 'bras bu med do/ /bsgom pas spang bar bya ba'i sems ni spang bar bya ba ma yin pa'i las kyi mjug thogs su 'byung bas skyes bu byed pa dang bdag po'i 'bras bu yang sgom pas spang bya ba yin no/ /rnam par smin pa'i 'bras bu ma gtogs so zhes bya ba ni/ rnam par smin pa spang bar bya ba ma yin pa med pas ma gtogs so/ /dbus su yang thog ma dang tha ma bzhin shes par bya ba'i phyir te/ zhes bya ba ni ma smos kyang dbus su yang go rims bzhin zhes bya ba'i sgra ci nas kyang shes par bya ba'i phyir ro ji ltar zhe na/ de'i phyir da ni mthun par sbyar ba'i chos yin no zhes smos te/ de ni mdor bsdus pa'i tshul yin no/ /mi dge'i dge sogs gnyis dang mi gsum

  402. 201b

    dang bzhi ste go rims bzhin zhes thog mar yang go rims bzhin zhes bya ba'i sgrar spyad la/ spang bya min pa'i de dag gcig gnyis dang bzhi ste go rims bzhin zhes tha mar yang sbyar ba yin no/ /tshul bzhin ma yin pa yid la byed pa las 'byung ba'i phyir ro zhes bya ba la/ yid la byed pas na yid la byed pa ste/ yid yul dag de ngas par byed ces bya ba'i tha tshig go /tshul ni thabs so/ /tshul bzhin du ma yin pa ni tshul bzhin ma yin pa ste/ tshul bzhin ma yin zhing thabs bzhin ma yin pa ni tshul bzhin ma yin pa yid la byed pa'o/ /gzhan dag na re chog nyams pa yang yin te/ zhes bya ba ni nyon mongs pa can 'ba' zhig tu ma zad pa'o/ /cho ga nyams pa gang yin pa de yang rigs pa ma yin pas bskyed pa yin te/ mi rigs pa byed pa'i phyir ro/ /sogs pa zhes bya ba'i sgra ni ngag gi las ma sgribs la lung du ma bstan pa rtags dang dus dang/ /byed pa mi mthun pa'i phyir mi rigs par byas pas rigs pa ma yin pas skyed pa dang cho ga nyams pa pa'i lus dang ngag gi las kun nas slong bar byed pa'i yid kyi las rigs pas ma yin pas bskyed pa bsdu'o/ /rigs pa ma yin pas bskyed pa 'di ni brdar brtags pa ba yin gyi/ don dam par rigs pas bskyed pa ni dge ba'i las yin la/ rigs pa ma yin pas bskyed pa ni nyon mongs pa can yin zhing/ de gnyi ga dang bral ba ni ma sgribs la lung du ma bstan pa yin no/ /ci las gcig gi skye ba gcig kho nar 'phen nam zhes bya ba la sogs pa 'byung? ste?/ rgyu'i dngos por gnas sam/ zhes bya ba'i tha tshig go /gal te las du mas skye ba gcig 'phen pa dang/ gcig gis du ma 'phangs na cir 'gyur zhe na/ re zhig dang po ltar na ris mthun pa du ma 'phen pas skye ba gcig kho nar

  403. 202a

    las kyi 'bras bu gcig zad cing las gzhan gyi 'bras bu skye ba na 'chi 'pho ba dang skye bar thal bar 'gyur ba'i phyir sngon gyi dus kyi srid pa kho na la 'chi ba dang skye ba'i srid pa lan cig ma yin par yod par 'gyur ro// shin tu smras par gyur yongs su mya ngan las 'das pa med ma yin/ a tyan+taM bA tsa sya da pa ri nirba NaM na hi a tra kA ra Na ma ti ya de ka ga ti be da nI ya sya karma Na ka sya tsitpha lo twa t+tau tsyu tyu pa bit+ta b+ha ba ta(mdo 'grel): ka sya tsi ne ti/ ya ti tsa sa ma na ga ti ka sya karma Na(mdo 'grel): pha lotwa t+tau tsyu tyu pa pat+ti ne Sh+ye te/ b+hi na ga te ka sya pi napTe? bya(mdo 'grel): bi shi Sha he twa b+ha ba ta/ gcig gis du ma 'phen pa yang ma yin te/ de ltar na ni las gcig kho na skyes nas myong bar 'gyur ba dang/ lan grangs gzhan la myong bar yang 'gyur na/ de ni 'dod pa yang ma yin te/ las gnas skabs nges pa yin pa'i phyir ro/ /de'i phyir las gcig kho nas skye ba gcig 'phen gyi du ma ni ma yin no/ /zhes bya ba de grub bo/ /de bsod snyoms la bsten te zhes bya ba rgyas par 'byung ste/ de nyid kyi phyir bsod snyoms gcig pa 'di'i rnam par smin pas zhes bya ba brjod de/ de'i phyir rnam par smin pa gcig ni ma yin pas/ bsod snyoms ni sems pa de rnams kyis rton par byed do/ /rnam par smin pa dang bcas pa gzhan yin no zhes bya ba ni/ las dang 'bras bu cig pa'i tshogs pa thams cad do/ /'phen byed ma yin zhes bya ba rgyas par 'byung ste/ las dang lhan cig 'byung ba'i phyir dang las rnams kyi 'bras bu du ma yin pa'i phyir ro/ /las nyid sgrib pa yin pas las kyi sgrib pa'o/ /nyon mongs pa dang rnam par smin pa'i sgrib pa yang de dang 'dra bar rig par bya'o/ /de la drag po rgyun du 'byung ba gang yin pa dang/ yang yang rgyun du 'byung ba gang yin pa de ni rnam pa gnyi ga yang sgrib pa yin no/ /'phags pa'i lam la

  404. 202b

    sbyor bar byed pa zhes bya ba ni/ mi sdug pa dang dbugs 'byung ba dang/ rdub pa dran pa dang po? bar gyur pa la sogs pa rnams so/ /ngan song la sogs par nges par 'gyur ba zhes bya ba ni/ dmyal ba dang yi dags dang dud 'gror nges par 'gyur ba'o/ /sogs pa zhes bya ba'i sgras ni 'du shes med pa dang tshangs pa chen por nges par 'gyur ba'i las kyang bsdul/ za ma dang ma ning dang mtshan gnyis par 'gyur ba la yang brjod par bya'o/ /nges pa gang gis gzugs dang gzugs med pa'i khams kyi gnas gcig tu skye ba gzhan gnyis 'phen pa sgal ba ma yin te/ 'di thams cad bden pa rnams su blta bar bya'o/ /sgo nga las skye bar 'gyur ba dang/ drod gsher las skye bar 'gyur ba dang/ bud med nyid du 'gyur ba dang/ srid pa brgyad par nges par 'gyur ba gzhan dang gzhan dag kyang zhes bya ba ni 'phags pa'i rgyud la sgo nga las skyed pa drang song gsher las skye ba dang/ bud med nyid rnam par mi smin pa yin gyi/ sgo nga las skyes pa la sogs pa rnams kyis bden pa mthong ba ni mi 'gal lo/ /bden pa mthong ba ni lha 'am mi dag gi nang du srid pa brgyad par nying mtshams sbyor ba yang ma yin no/ /bstan par bla ba ni gzhan dag la'o/ /gdags par bla ba ni bdag nyid kyis te gdags par nus pa'i phyir ro/ /yang na bstan par bla ba'i rnam grangs su brjod par bya'o/ /gzhi dang zhes bya ba ni gzhi ste/ mtshams med pa gsum gyi gzhi ni srog gcod pa'i las kyi lam yin no/ /bzhi pa'i gzhi ni brdzun du smra ba'o/ /lnga pa'i gzhi ni srog gcod pa'i sbyor ba yin no/ /gzhan dag gzhi ni phyi mo'o zhes zer ro/ /'bras bu ni 'bras bu ste/ mtshams med pa thams cad kyi 'bras bu ni yid du mi 'ong ba yin pa'i phyir ro/ /'gro ba ni 'gro ba ste/ de'i rnam par smin pa ni dmyal ba'i 'gro ba kho nar nyams su myong bar 'gyur

  405. 203a

    ro/ /skye ba ni skye ba ste/ skyes pa'i mjug thogs kho nar myong bar 'gyur ba yin pa'i phyir ro/ /gang zag ni gang zag gis te/ mngon sum du mthong ba'i tshul du 'di ni pha gsod par byed pa yin no/ /'di ni ma gsod par byed pa yin no zhes bya ba la sogs par ro/ /ngan song la sogs par nges par 'gyur ba ni de ltar ma yin pas ma bshad do/ /nyon mongs pa dang las kyi sgrib pa gnyis kyis ni/ tshe phyi mar yang gso mi rung bar 'gyur gyi rnam par smin pa'i sgrib pas ni ma yin no/ /gzhan dag na re tha shal nyid do zhes zer ro/ /phyi ma phyi ma 'dren pa'i phyir ro/ /zhes bya ba ni bye brag tu smra ba rnams ni/ nyon mongs pa dag gis las 'dren pa/ las kyi skye ba 'dren pa de'i phyir nyon mongs las kyi sgrib pa dag kho na tha shal yin no zhes zer ro/ /dge sbyong gi tshul bzhin no zhes bya ba ni/ dge sbyong tshul ni dri med lam zhes byung bas na zag pa med pa'i lam dang ldan pa'i phyir na de dge sbyong du 'gyur ba de bzhin du de yang ma gsod pa la sogs pa dang ldan pas dmyal bar skye ba 'gyur ba la bar med pa yin pas ma gsod pa la sogs pa'i las la mtshams med pa zhes bya'o/ /byang gi sgra mi snyan dang zhes bya ba ni/ mtshams med pa med de/ rang bzhin bzang ba'i phyir dang/ tshangs pa'i phyir dang/ de na bstan pa med pa'i phyir ro/ /'gro ba gzhan na yang med ces bya ba ni dmyal ba dang/ yid dwags dang/ dud 'gro dag na'o/ /khams gzhan na lta smos kyang ci dgos zhes bya ba ni gzugs med pa'i khams na'o/ /za ma la sogs mi 'dod do zhes bya ba ni/ za ma dang ma ning dang mtshan gnyis pa rnams la'o/ /sdom pa med pa'i gtan tshigs gang yin pa de nyid kyi phyir ro zhes bya ba ni/ ngo tsha shes pa dang/ /brel yod pa med pa dang/ lus zhing cha sgo can dang 'dra'o/ /gal te lus ma tshang ba'i rgyu

  406. 203b

    yin pa'i phyir phan pa chung ba nyid yin na dmus long la sogs pa dag la yang mtshams med pa med par 'gyur ro zhe na/ za ma la sogs pa'i lus ni rtogs pa dang 'gal ba'i phyir ma tshang bar 'dod kyi/ gzhan du ni ma yin no/ /de nyid kyi phyir zhes bya ba ni yi dags dang dud 'gro rnams la yang phan pa dang ngo tsha chung ba'i phyir mi 'dod do/ /ji ltar phan pa chung ba nyid yin zhe na/ 'gro ba ngan pas bsdus pa'i lus kyi rgyu yin pa'i phyir ro/ /rta cang shes bzhin no zhes bya ba ni rta kha cig car shes yin pa'i phyir ma la mi rgal lo zhes grag go /mi'i yang pha ma mi ma yin pa zhes bya ba ni phan pa dang ngo tsha chung ba nyid kyi phyir te/ mi ma yin pas ni mi dang mthun pa'i phan pa byed par mi nus la/ pha ma mi ma yin pa dag gis gam du mi la ngo tsha shes pa dang khrel yod pa shes chen po yang nas yang du gnas pa yang ma yin no/ /sgra mi snyan pa rnams dang/ 'du shes med pa'i sems can rnams ni bden pa dag mthong bar mi nus pas rnam par smin pa'i sgrib pa yin no/ /gling gsum gyi za ma la sogs pa'i rten yang 'phags pa'i lam gyi snod ma yin pa nyid kyi phyir/ rnam par smin pa'i sgrib pa ma yin nam zhe na/ za ma dang ma ning la sogs pa'i rten de nyid kyis 'phags pa'i la ma rtogs par nus pa med do/ /ngan song rnams dang byang gi sgra mi snyan pa 'du shes med pa'i sems can rnams kyis kyang mi nus te/ 'khrul pa'i phyir ro/ /'di nyid rnam par smin pa'i sgrib pa'o/ /ngan song nyid la sogs pa'i so so skye bo'i sa rnams rnam par smin pa'i sgrib pa nyid kyis brjod do/ /gzhan ni 'phags pa'i gang zag dang thun mong pa'i sa yin pas rnam par smin pa'i sgrib pa nyid du mo bshad do zhes gzhan dag zer ro/ /de bzhin gshegs pa rnams ni nye bar mi brdzi ba'i chos can yin no zhes bya ba ni/ rab 'grongs pa'i phyir de dag la gzhan dag gis mi brdzi'o/ /rgyu la 'bras bu btags pa zhes bya ba ni brdzun du smra ba dge 'dun gyi dbyen

  407. 204a

    gyi rgyu yin te/ rgyu de la 'bras bu btags pa'i phyir dge 'dun dbyen mtshams med par bshad do/ /'dis 'byed par byed pas na zhes bya ba 'di ni dngos kho nar dge 'dun gyi dbyen yin no/ /zhes ston to/ /de ji ltar mtshams med par 'gyur zhes bya ba ni mtshams med pa ni mi dge ba yin la/ dge 'dun gyi dbyen ni ma bsgribs la lung du ma bstan pa yin no snyam du sems pa'o/ /'byed pa po ni mtshams med pa dang ldan gyi/ 'byed pa po bya ba dang ni mi ldan pas/ dge 'dun kyi dbyen mtshams med pa ma yin no/ /bar gyi bskal pa zhes bya ba ni bskal ba chen po ma yin te/ 'dod pa'i khams na tshe'i tshad de tsam med pa'i phyir ro/ /yang gang gis mtshams med pa mang po byas pa yin la zhes bya ba rgyas par 'byung ba ni dngos po kho nas dmyal ba dag tu skye ba 'phangs pas ji ltar gzhan dag don med par mi 'gyur snyam du bsam pa'o/ /don med pa ste gang gi phyir gcig gis skye ba 'phangs pa las/ lhags pas gnod pa lhags par 'gyur/ /chen po zhes bya ba ni ches che ba'o/ /gang yang mtshams med pa'i las gzhan gyi dmyal bar skye bar so sor nges par gyur pa las/ phyis mtshams med pas ji ltar mtshams med par 'gyur/ mtshams med pa las grol te las kyis dmyal bar skye ba 'phangs pa ni de srid mtshams med pa byas pas kyang ste/ de ni snga ma bzhin du med par 'gyur ro/ /dper na mtshams med pa gzhan gyis 'phangs pa'i mtshams med pa bzhin no/ /gzhan dag na re 'phen par byed pa'i las kyis rnam par smin pa smin par byed pa ma yin no zhes zer ro/ /khyim pa yang ma yin la dge slong ma la sogs pa yang ma yin no zhes bya ba ni de dag gi lus mi gnyan pa'i phyir ro/ /de yang lta ba spyad pa kho nas zhes bya ba ni sdig pa'i bsam pa bstan pa dang mkhyung ba can yin pa'i phyir ro/ /sred pa

  408. 204b

    spyad pas ni ma yin no/ /zhes bya ba ni kun nas nyon mongs pa dang rnam par byang ba'i phyogs dag la bsam pa mi brtan pa'i phyir ro/ /bzod par dka' ba'i phyir zhes bya ba ni zil gyis mnan par dka' ba'i phyir ro/ /chos mngon sum du gyur pa'i phyir ro/ /zhes bya ba ni lung dang rtogs pa'i chos su dag mngon sum du byas pa'i phyir dang/ dad pa mi phyed pa dang ldan pa'i phyir ro/ /bzod pa thob pa rnams ni ma yin no zhes bya ba ni bzod pa chen po thob pa rnams ste/ mthong ba'i lam nye zhing nges pa la mngon du phyogs pa'i phyir ro/ /lam 'jug pa'i gegs su gyur pa'i phyir zhes bya ba ni dge 'dun bya ba lam 'jug pa'i gegs nyid du gyur te/ dam pa ma yin pa'i lam gzhan zhugs pas dam par gyur pa'i lam 'jug pa'i gegs su gyur pa'i phyir gegs nyid du 'gyur ro zhes bya ba'i tha tshig go /lhas byin gyi ni nges par 'byung bar bya ba'i phyir lam gzhi lnga pa bstan te/ 'o ma mi spyad pa dang/ sha spang? ga dang/ lan tsha nye bar longs mi spyad pa dang/ gos ma dras pa bgos pa dang/ grong gi nang gi gtsug lag khang du 'dug pa'o/ /gling gzhan ni med do zhes bya ba ni sangs rgyas 'byung ba'i sa nges pa yin no/ /gang na ston pa bzhugs pa de na ston ga'i 'gran zla gnas kyi gzhan du ni ma yin no/ /gdon mi za bar dge 'dun phyogs gnyis su gnas par 'gyur ba zhes bya ba la/ 'dir bzhi sde la dge 'dun du mngon par 'dod do/ /brgyad dag dang lhags pa dag gis kyang yin te/ byed pa po med pa'i phyir ro/ /dang po zhes bya ba ni de'i tshe sngar med pa'i chos byung ba la dga' ba dang rab tu dga' ba skye bas thams cad bsam pa dge ba'i phyir sha gcig pa yin no/ /mthar yang ston pa dang brel bar 'gyur ro/ /snyam ste/ skyo ba'i phyir sha gcig pa yin no/ /de'i tshe bstan par 'phel zhing rgyas par gnas pa med pa'i yang phyir ro/ /sha gcig ces bya ba ni blo gcig cing mi mthun pa med ces bya ba'i don te/ dge slong gi dge 'dun mthun pa na sangs rgyas

  409. 205a

    rnams yongs su mya ngan las 'da' ba' i phyir ro/ /gzhan dag na re chos nyid kyi nges pas 'khor rnams skyo ba la sogs pa'i phyir mthar ma yin zhes zer ro/ /bar du yang skyon ma byung ba'i snga rol du zhes bya ba ni lta ba dang tshul khrims rnam par 'gyur ba dmigs pas 'byed pa po'i tshig glags yod par 'gyur ro/ /de la lta ba'i skyon ni ji skad du bdag gis bcom ldan 'das kyis bshad pa'i don 'tshal ba ltar na/ bcom ldan 'das kyis gang zhig par du gcod pa'i chos su bka' stsal pa de dag ni brten na bar du gcod par mi 'gyur lags so zhes bya ba dang de bzhin du sems de nyid kun du rgyug 'khor bar 'gyur lags so zhes bya ba la sogs pa bshad pa lta bu'o/ /las la rag las pa'i phyir zhes bya ba ni gang gis slob ma dbye bar 'gyur ba'i las byas pa de kho na'i dbye bar 'gyur gyi gzhan du ni ma yin no/ /bcom ldan 'das shAkya thub pas kyang byang chub sems par gyur pa na/ drang srong mngon par shes pa lnga dang ldan pa zhig gi 'khor phye ste/ des na 'dir dge 'dun lhas byin gyis phye'o zhes grag go /'o na pha dang ma gang dag lto na gnas pa nyid gsod par zhugs pa dang/ skyes ma thag tu khyi dang ce spyad dkrigs pa'i lam po cher bor ba de dag ji ltar phan 'dogs pa nyid yin zhe na/ de'i phyir de las lus skyes pa'i phyir ro zhes bya ba smos so/ /de dag kyang 'tsho ba med pa la sogs pa'i 'jigs pas de ltar zhugs kyi byams pas med pa'i ni ma yin te/ de dag kyang byams pa dang rjes su brtse bas yongs su bor ba de dag yin zhe na/ de'i phyir de las lus skyes pa'i phyir ro zhes bya ba smos so/ /de dag kyang 'tsho ba med pa la sogs pa'i 'jigs pas de ltar zhugs kyi byams pas med pa'i ni ma yin te/ de dag kyang byams pa dang rjes su brtse bas yongs su bor ba de dag gi yul la lan gcig ma yin par rnam par shes pa skye'o/ /gang gi phyir de bsal bas mtshams med pa'i kha na ma tho ba chung ngus reg par 'gyur ro/ /phan 'dogs pa dang yon tan gyi zhing gsal bar rtogs pa'i phyir/ zhing nyid ni de lta bu'i

  410. 205b

    rang bzhin no/ /de la gnod pa byas pas kyang 'tsho ba'i bar chad du gyur nas mtshams med pa'i kha na ma tho bas reg par 'gyur ro/ /b+hA ga wan+na stag 'di Tika yin byed po'i bar ro lung rgya dper b+ha ga wA na hi b+harme Shu tA yI tI war+N+ya yin te zhes zer ro bcom ldan 'das ni chos rnams la 'dren pa lags so zhes bsngags par byed do/ /hi d+harme Shu nA yI ti warna yan+ti/ lus gcig pa de la ni zhes bya ba ni rten gcig pa'i phyir skye ba gzhan dgag pa smras pa'o/ /rdul phra rab rnams bsags pa'i phyir dang rnam par rig byed kyang mang ba'i phyir na kha cig ni 'dir mtshams med pas bsdus pa yin la/ kha cig ni srog gcod pa'i rnam par rig byed kyis bsdus pa yin no/ /rtogs pa brjod pa 'di ji ltar drang zhen zhes bya ba ni/ grong khyer sgra sgrogs su rgyal po gtsug phud can gyis rang gi pha dgra bcom pa bsad pas na/ song la gtsug phud can la smros shig ces bya ba 'di bka' stsal to/ /sgo gnyis nas zhes bya ba ni/ pha yin pa'i sgo nas dang dgra bcom pa yin pa'i sgo nas kyang/ sbyos so/ /zhes bya ba'i don to/ /sangs rgyas brdegs par sems la min zhes bya ba ni/ brdeg par sems pa yang ngan sems yin mod kyi/ yongs su bor ba'i sems pa med pa'i phyir mtshams med par mi rung ngo/ /rten de dang 'gal ba'i phyir ro zhes bya ba ni bden pa mthong ba ni las kyis lam gyis bsdus pa'i kha na ma tho bas reg pas mi 'gyur ro/ /yang ci gang gis na de yang ma bzlog par zhes de skad du brjod pa mtshams med pa'i sbyor ba yang bzlog gam zhes na/ kha cig na re/ ldog ste sor mo'i phreng ba bzhin no zhes zer ro/ /dpal spas kyi dpe yang bstan bcos dang 'gal ba yod pa ma yin no/ /gang zhig mtshams med pa dang ldan pa mtshams med pas dus byas te de dmyal ba rnams su skye'o/ /gang zhig sbyor ba sbyangs pa

  411. 206a

    de bstan bcos kyi skabs nyid du mtshams med pa'i sbyor ba ji lta bar mtshams med pa nyid du 'gyur ro/ /mi ltog ces kyang bya ste/ bstan bcos las srog chags bsnun? pa yang srog gcod pa dang mi 'gal bas de'i las kyi rnam par smin pa des pas dmyal ba rnams su skye'o/ /ji ltar de mtshams med pa'i sbyor ba dang ldan pa mtshams med pas dus byas pa'i phyir zhes pa'o/ /sor mo'i phreng bas ni mi gsod pa'i sems tsam zhig bskyed pa nyid las sbyor ba ni med la/ bcom ldan 'das 'grongs pa'i phyir sbyor ba du ma byas ste/ 'on kyang nye bar gyur nas mtshon gdab po snyam du sems par gyur pa la/ bcom ldan 'das kyis de'i las kyi sgrib pa yongs su spang ba'i phyir ji srid sems dang bar ma gyur gyi bar du de srid du/ nye bar ma mdzad do/ /dpal sbas kyis kyang bcom ldan 'das yongs su btang ba nyid ma yin te/ gal te thams cad mkhyen pa yin na rang nyid kyis mkhyen pa 'gyur ro snyam du bsam pa'i phyir ro// slob dpon 'dus bzad na re/ mtshams med pa'i sbyor ba ni rnam pa gnyis te/ nye ba dang ring ba'o/ /de la nye ba de yang bzlog pa nyid do zhes zer ro/ /de nyid kyang gzhung gi dbang du byas pas 'gal ba med do/ /mtshams med pa rnams kho na bzlog na yang de'i sbyor ba ci zhe na/ mdo sde pa rnams na re/ mtshams med pa'i las sngar gsungs pa gang yin pa bsags pas mtshams med par dmyal ba rnams su skye'o zhes gcig tshig gis stogs par bya ste/ de lta ma yin na gcig gi tshig don med par 'gyur ro zhes zer ro/ /'dir bcom ldan 'das kyis gsungs pa'i don bdag gis 'tshal ba ltar zhes gsungs pa'i phyir nges par bzung bas stogs par gsungs so/ /las thams cad bzlog pas mchod rten byed pa po rnams

  412. 206b

    thams cad mtho ris su skye bar lung bstan pa'i phyir ro/ /dge ba'i rtsa ba chad pa'i lhas byin yang gong du the tshom med par lung bstan pa'i phyir/ nyon mongs pa'i sgrib pa bzhin las kyi sgrib pa yang bzlog par mi 'gal lo/ /gang du ches shin tu phra zhing mchog tu zhing pa'i srid pa'i rtse mo'i sems pa yang bzlog la/ de la mtshams med pa rnams ni bzlog par so sor nges pa'i go skabs med do/ /chos dang chos ma yin pa shes bzhin du zhes bya ba la/ gang zhig 'di ni legs par bshad pa yin gyi mu stegs pa rnams kyi ni ma yin no snyam du de bzhin gshegs pa'i chos shes pa ni chos dang chos ma yin pa shes so/ /log par ston pa'i phyir zhes bya ba la/ legs par bshad pa la nyes par bshad pa ston pa'i phyir dang nyes par bshad pa la legs par bshad par ston pa'i phyir log par ston pa'o/ /de las rnam pa gzhan du bstan pas ni brdzun smra bar 'gyur gyi dge 'dun gyi dbye na ni ma yin no/ /'di ltar dge 'dun bye na so so'i skye bo rnams nges pa la mi 'jug go /nges pa la zhugs pa rnams 'bras bu gzhan mi 'thob bo/ /'bras bu thob pa rnams kyis 'dod chags dang bral ba mi 'thob bo/ /'dod chags dang bral ba rnams kyis zag pa zad pa la gegs su 'gyur te/ mdor bsdu na khams gsum du tsho? ba kyi 'khor lo'i gegs su 'gyur ro/ /go rim pa bzhin du zhes bya ba rgyas par 'byung ba la/ lnga pa ni de bzhin gshegs pa'i sku la ngan sems kyis khrag 'byin pa ste/ de ni bzhi pa las gzhan pa lhag ma rnams las ches lci ba'o/ /gsum pa ni dgra bcom pa gsod pa ste/ de ni lhag ma gsum las chos lci ba'o/ /dang po ni ma gsod pa ste/ de ni pha gsod pa las ches lci ba'o/ /mtshams med pa rnams dam par mdzad nas ni zhes bya ba ni nges par bzung nas zhes bya ba'i tha tshig go /rnam par smin pa rgya che ba zhes bya ba ni

  413. 207a

    dge 'dun dbye ba'i phyir brdzun smra ba las gzhan pa'o las kyis rnam par smin pa skal pa bar ma ma yin zhing mnar med pa kho nar yang med yin pas dge 'dun gyi dbyen gyi brdzun smra ba kho na'i rnam par smin pa rgya che'i/ gzhan gyi na ma yin no/ /skye bo phal po che 'chi ba zhes bya ba ni/ drang srong rnams kyi yid 'khrug pa tsam gyis daN+Da ka'i dgon pa la sogs pa stongs par gyur pa'i phyir te/ lus kyi las sam dag gis las kyis ni de ltar skye bo'i tshogs phal po che 'chi bar mi 'gyur ro/ /dge ba'i rtsa ba kun du gcod pa'i dbang du mdzad nas zhes bya ba ni mi dge ba gzhan gyis ni de ltar dge ba'i rtsa ba dag kun du mi gcod de/ kun du spyod pa tsam dang 'gal ba'i phyir ro/ /rdo rje lta bu'i ting nge 'dzin gyi sems pa zhes bya ba ni srid pa'i rtse mo las 'dod chags dang bral ba'i bar chad med pa'i lam dang mtshungs par ldan pa'o/ /kun tu sbyor ba thams cad gtan du btugs pa'i 'bras bu yin pa'i phyir ro zhes bya ba la/ kun tu sbyor ba gtugs pa ni spangs pa'o/ /bar chad med pa kho nar ni ma yin no zhes bya ba 'byung ste/ de nyid kyi phyir de dang 'dra bas cha 'dra ba rnams pa zhes bya ste/ de lta ma yin na mtshams med pa dag kho nar 'gyur ro/ /ma dgra bcom pa sun byas dang zhes bya ba 'di ni/ mi bsad pa dang 'dra pa yin no/ /des pa la gnas pa'i byang chub sems dpa' bsad pa ni pha bsad pa dang 'dra ba yin no/ /slob pa bsad pa ni dgra bcom pa bsad pa 'dra ba yin no/ /dge 'dun gyi 'du ba'i sgo 'phrog pa ni dge 'dun gyi dbyen dang 'dra ba yin te/ dge 'dun gyi 'du ba'i sgo ni nar ma la sogs pa'i/ mchod rten 'jig pa ni de bzhin gshegs pa la ngan sems kyis khrag 'byin

  414. 207b

    pa dang 'dra'o rtse mo las bzod pa thob pa la zhes bya ba ni rtse mo'i mjug thogs su bzod pa'i tshe slar yang bden pa dag la rna ba gtod ba la/ zhes bya ba'i don to/ /nyon mongs pa rnams kyang gnas skabs 'di dag tu gegs bya ba'i phyir nye bar gnas mod kyi/ 'dir ni las kyi gnas skabs yin pas ma bshad do/ /mthong ba'i chos la myong bar 'gyur ba'i las dang/ myong bar 'gyur bar ma nges pa'i rnam par smin pa ma nges pa ma gtogs so/ /gang nas byang chub sems dpa' yin zhes bya ba ni/ gang zhig gsod pa las pha bsad pa'i mtshams med pa dang 'dra ba 'gyur snyam du dgongs so/ /yan+ta 'di nas zor ro'i bar gyi ti? yin Na 'khrul 'khor gyis lus dang ngag gi 'jug pas/ gzhan sdug bsngal ba dang yid mi bde ba gyur pa dag de la bltos nas tshar bcad pa'i 'khrul 'khor gyis so zhes zer ro/ /ya yA kA ya na tsa pra bri tya bra ra sya du(mdo 'grel): kha dau rmen sya b+ha ba ta(mdo 'grel): ta da pe k+Sha yA sta ni gra ho yan+t+ra Ne tyu tsya te/ sangs rgyas la dmigs pa'i sems pa kho nas zhes bya ba ni mngon sum mam lkog tu gyur pas so skyon bzhi po 'di dag bzlog par byed la zhes bya ba ni/ bde 'gro la sogs pa las bzlog ste brjod par bya'o/ /yon tan gnyis ni 'thob po zhes bya ba ni/ tshe rabs dran pa nyid dang/ phyir mi ldog pa nyid do/ /re re 'ang bsod nams brgya las skyes zhes bya ba 'byung ste/ 'dir sems pa brgyas bsod nams brgya zhes bya ba'i ming 'thob ste/ dang po'i sems dpa' lnga bcu 'phen cing mngon du gyur la/ de'i mjug tu yang rdzogs par byed pa lnga bcu mngon du 'gyur ro// de dag kyang gang zhe na/ kha cig na re las kyi lam bcu'i rten can dag yin te/ las kyi lam re re lnga lnga 'di lta ste/ srog gcod pa spong ba'i sems pa dang/ de la 'god pa'i sems pa dang/ de'i bsngags pa brjod pa'i sems pa dang/ de'i rjes su yi

  415. 208a

    rang ba'i sems pa dang/ sangs rgyas nyid du yongs su bsngo bas yongs su bsngo ba'i sems ste/ log par lta ba spong ba'i sems pa'i bar la yang de dang 'dra bar brjod par bya la/ kha cig na re/ srog gcod pa spong ba'i sems pa chung ngu la sogs pa rnam pa lnga tha dad pas rnam par 'thor? ba'i bsam gtan bzhin no zhes zer ro/ /gzhan dag na re sangs rgyas bcom ldan 'das ni rgyu lngas srog gcod pa spong ba dang ldan te/ rgyu lnga ni las kyi lam dngos yongs su dag pa dang/ nyer bsdog yongs su dag pa dang/ rnam par rtog pas ma smras pa dang/ dran pas yongs su zin pa nyid dang/ mya ngan las 'das par yongs su bsngos pa nyid de la dmigs pa'i sems pa lnga lnga 'byung ngo/ /las kyi lam bcu char la dmigs pa de dang 'dra ste/ sems pa lnga phrag bcu yin no/ /de rnams lan gnyis mngon du gyur pas sems pa brgyar 'gyur ro zhes zer ro/ /yang ji ltar bcom ldan 'das de dge ba'i las kyi lam ma 'dres pa bcu las nges par skyes pa ltar bdag kyang de dang 'dra bar shog cig snyam du de dag lan gnyis su mngon du gyur pas sems brgyar 'gyur ba yin no zhes zer ro/ /gzhan dag na re sangs rgyas rnams kyi sku ni rnam pa gnyis te/ skye ba'i sku dang chos kyi sku'o/ /de la skye ba'i sku ni skyes bu chen po'i mtshan sum cu rtsa gnyis kyi mtshan nyid nyid do/ /chos kyi sku ni sangs rgyas kyi chos ma 'dres pa bco brgyad do/ /de la sangs rgyas la dmigs pa'i yid la byed pa mngon du gyur pa las sems pa lnga bcu 'byung la/ bdag kyang 'di 'dra bar gyur cig snyam pa'i las kyang gzhan lnga bcu 'byung de ltar na bsod nams brgya yin no zhes zer ro/ /gzhan dag na re/ 'dod pa'i khams gnas nyi shu dang/ gzugs kyi khams bcu drug dang/ gzugs med pa bzhi dang/ grang ba'i dmyal ba brgyad do/ /de

  416. 208b

    ltar na khams gsum pa rim ni gnas kyi khyad par bzhi bcu rtsa brgyad yin la/ de la dmigs pa'i byang chub sems dpa' la/ snying rje'i sems skye ste/ de'i phyir de dang mtshungs par ldan pa'i sems pa bzhi bcu rtsa brgyad 'byung ngo/ /de'i rjes la ji ltar 'dis khams gsum pa 'di las sems can ngag bkrol ba ltar snyam pa de lta bu'i sems pa dang sangs rgyas la dmigs pa'i sems pa 'byung ngo/ /de'i rjes la bdag kyang de dang 'dra bar 'gro bar byed par gyur cig snyam pa bdag la dmigs pa'i sems pa gnyis pa 'byung bas sems pa lnga bcu 'byung ngo/ /yang de dag lan gnyis mngon du gyur pas sems pa brgyar 'gyur ba yin no zhes zer ro/ /de ltar na bsod nams brgya las skyes pa yin no/ /gzhan dag na re mtshan re res kyang rgyan du byed pas sangs rgyas kyis sku'i yul la dmigs pa'i sems pa brgya mngon du byed pa yin no zhes zer ro/ /byang chub sems dpa' nye ba ni 'phen pa'i mtshan nyid can no/ /gal te de bzhin gshegs pa rnam par gzigs kyi tshe bskal pa grangs med pa gsum pa yongs su rdzogs na ci'i phyir gtsug tor can dang/ thams cad skyob pa dang/ 'khor ba 'jig dang/ gser thub dang/ 'od srungs rnams kyis bar chad kyi de ma thag kho nar mngon par rdzogs par sangs ma rgyas zhes bya ba 'di brjod par bya ste/ tshogs yongs su rdzogs pa ni gzhes par mi rigs so zhe na/ kha cig na re rin chen gtsug tor can dang mar me mdzad dang 'od srungs rnams bskal pa grangs med pa dang po dang gnyis pa gsum pa'i 'o zhes zer ro/ /rnam par gzigs las bskal pa grangs med pa gsum pa yongs su rdzogs kyi/ rnam pa thams cad du tshogs yongs su rdzogs pa ni ma yin te/ de ltar 'od srungs mngon par rdzogs par sangs rgyas pa'i tshe tshangs par spyod pa

  417. 209a

    shin tu spyad nas dga' ldan gyi lha'i rigs su slar 'khrungs so zhes bya ba'i mdo 'di yang tshad mar gyur pa yin no/ /de la bcom ldan 'das byang chub sems dpar gyur pa'i tshe zhes bya ba rgyas par 'byung ba ni/ rdza mkhan gyi bu snang byed ces bya ba gyur pas/ chu 'jam po dang sku mnye dang/ zha 'bring la sogs pa dag gis rim gro byas nas dang po smon lam btab pa'o/ /kun la thams cad ces bya ba la/ byang chub sems dpa' ni thog par thams cad sbyin par mi nus la/ thams cad la yang ma yin zhing/ snying rje nyid kyis kyang ma yin no/ /de'i 'og tu ni goms pa'i shugs dang/ snying rje che bas sems can la sbyin par byed kyi/ thams cad ni ma yin no/ /gang gi tshe thams cad la thams cad snying rjes sbyin bar byed pa'i tshe na de tsam gyis sbyin pa'i pha rol tu phyin pa yongs su rdzogs par 'gyur ro/ /de'i tshe 'di'i tshul khrims kyis pha rol tu phyin pa dang/ bzod pa'i pha rol tu phyin pa dag yongs su rdzogs pa yin no zhes bya ba ni 'khrug pa ma skyes pa'i phyir bzod pa'i pha rol tu phyin pa yongs su rdzogs pa yin la/ gzhan la gnod par byed pa'i lus dang dag gi lam mi 'jug pa'i phyir/ tshul khrims kyi pha rol tu phyin pa yongs su rdzogs pa yin no lha yul sa la med ces bya ba rgyas par 'byung ba la/ lha yul ba zhes bya ba ni brtan pa'i tshig gi tshul du bshad pa yin no/ /'jig rten 'di na'ang yod pa ma yin rnam thos bu'i gnas na'ang yod ma yin/ lha'i pho brang gnas mchog dag na'ang yod min zhes bya ba ni de gsal bar bya ba'i brtan pa'i tshig dag yin te/ 'jig rten 'di na zhes bya ba ni mi'i 'jig rten na'o/ /rnam thos bu'i gnas na zhes bya ba ni/ rgyal po chen po bzhi'i gnas na'o/ /lha'i pho brang zhes bya ba ni lha'i gnas te/ sum cu rtsa gsum pa'i gnas na zhes bya'i don to/ /gnas mchog dag na zhes bya

  418. 209b

    ba ni 'thab bral la sogs pa'i gnas dag na'o/ /'jig rten gyi khams dag na yang khyod 'dra ba med par shes par bya ba'i phyir/ phyogs dang phyogs mtshams dag na med ces bya ba smos so/ /'on te yid mi ches na 'ga' zhig gis ri rnams dang nags dag tu bcas pa'i sa steng rgyas pa sems can mang po gnas pa nyid kun tu myul cig /bdag nyid tshol cig ces bya bar bsams pa yin no/ /bskal ba dgu yang bzlums so zhes bya ba ni brtson 'grus brtsams pa gcig gis bskal pa dgu bcu rtsa gcig gis brtson 'grus kyi pha rol tu phyin pa yongs su rdzogs pa'i phyir ro/ /de nyid kyi phyir bskal pa dgu bcu rtsa gcig 'phangs pa yin no/ /sngon rol gyi de ma thag ces bya ba la/ de la kha cig na re rdo rje lta bu'i ting nge 'dzin gyi'o zhes zer ro/ /de ma thag pa ni rnam pa gnyis te/ de'i phyir 'og rol gyi de ma thag pa las khyad par du byed pa'o/ /gzhan dag na re de ltar rung ste/ rdo rje lta bu'i ting nge 'dzin gyi de ma thag kho nar de yongs su rdzogs ste/ zad pa shes mthob pa nyid kyis de yongs su rdzogs so zhes zer ro/ /lus dang ngag gi las ni gsum char yin no zhes bya ba 'byung ste/ ji ltar zhe na/ re zhig sbyin pa ni lus dang ngag gis las kun slong dang bcas zhes 'chad par 'gyur ro/ /de la lus dang ngag gi las gang yin pa de ni rnam pa gsum char yin te/ dge ba yin pa'i phyir bsod nams kyang yin la las kyi rang bzhin yin pa'i phyir bya ba yang yin no/ /de kun nas slong bar byed pa'i sems pa'i rten yin pa'i phyir gzhi yang yin no/ /de kun nas slong bar byed pa'i sems pa gang yin pa de ni dge ba yin pa'i phyir dang las kyi bdag nyid yin pa'i phyir bsod nams kyang yin la bya ba yang yin no/ /de dang lhan cig 'byung ba'i chos gzhan ni dge ba yin pa'i phyir bsod nams kho na yin no/ /tshul khrims las byung ba ni lus dang ngag gis las kho na

  419. 210a

    yin pas rnam pa gsum char yin pa'i phyir dang/ las kyi bdag nyid yin pa'i phyir bsod nams kyang yin la bya ba yang yin no/ /de kun na sa slong bar byed pa'i sems pa'i rten yin pa'i phyir gzhi yang yin no/ / bsgom sa pa las byung ba'i byams pa ni bsod nams kyang yin la/ bsod nams bya ba'i gzhi yang yin te/ de dang mtshungs par ldan pa'i sems pa ni byams pa'i rten gyis mngon par 'du byed pa'i phyir ro/ /byams pa dang lhan cig 'byung ba'i sems pa dang/ bsam gtan gyi sdoms pa ni bsod nams kyang yin la/ bya ba yang yin no/ /de dang lhan cig 'byung ba gzhan ni bsod nams kho na yin no/ /gang gi phyir ji ltar sbyin par byed pa de yis slob pa de ltar sbyin pa la yang blta bar bya'o/ /'dod chags la sogs pa rnams kyis zhes bya ba la/ sogs pa'i sgras ni khro ba dang phrag dog dbang rgyal dang 'gran pa la sogs pa bsdu'o/ /tshogs gang gis zhes bya ba ni/ sems dang sems las byung ba'i tshogs kyis so/ /byung ba 'dir rang bzhin yin par rigs par bya ste zhes bya ba ni/ rnam par 'gyur ba la sogs pa dag ma yin pa ston pa'i byed pa'o/ /mchod dang phan gdags 'dod pa yis/ /zhes bya ba ni/ yongs su mya ngan las 'das pa la sogs pa la mchod par 'dod pas sbyin par byed la/ de las gzhan pa rnams la ni dbang po'i 'byung ba chen po la phan gdags par 'dod pas so/ /bdag gzhan don phyir gnyis don phyir zhes bya ba rgyas par 'byung ngo/ /don gnyis mthong nas sbyin pa sbyin par byed de/ bdag nyid kyi dge ba'i las bsags pa'i phyir dang/ len pa po'i dbang po'i 'byung ba chen po la phan gdags par bya ba'i phyir ro/ /sbyin pa po yang rnam pa gnyis te/ nyon mongs pa dang bcas pa dang/ nyon mongs pa med pa'o nyon mongs pa dang bcas pa yang rnam pa

  420. 210b

    gnyis te/ 'dod pa las 'dod chags dang bral ba dang/ 'dod chags dang ma bral ba'o/ /'dod chags dang bral ba yang gnyis te/ 'phags pa dang/ so so'i skye bo 'dod chags dang ma bral ba yang de dang 'dra bar rnam pa gnyis yin no/ /de la 'phags pa 'dod chags dang ma bral ba 'am/ so so'i skye bo 'dod chags dang bral bas mchod rten la sbyin pa sbyin par byed pa gang yin pa de ni bdag nyid kho na'i don gyi phyir yin no/ /des ni dge ba'i rtsa ba rnam pa gnyis bsags par 'gyur te/ 'bras bu longs spyod chen po can dang/ don gyi mchog thob pa'i tshogs su gyur pa'o/ /'phags pa 'dod chags dang bral bas sems can pha rol dag la sbyin par byed pa zhes bya ba la/ de'i rnam par smin pa'i sa las 'das pa'i phyir/ 'phags pa 'dod chags dang bral ba la ni 'bras bu longs spyod chen po can med kyi/ len pa po la ni de'i sgo nas 'byung ba chen po rgyas pa yod pas gzhan gyi phyir yin gyi/ rang gi don ni 'ga' yang med do/ /gang zhig nyon mongs pa med pas sems can gzhan la sbyin par byed pa de yang rnam pa gnyis te/ dge ba'i rtsa ba nye bar sogs pa med pa'i phyir rang gi don 'ga' yang med de/ de ni gzhan gyi don nyid do/ /nyon mongs pa dang bcas pa'i srog chags rnams kyi ni gnyi ga'i phyir ro/ /nyon mongs pa med pa rnams kyi mchod rten la phyag 'tshal ba ni gnyi ga'i phyir ma yin no/ /'di ni dge ba'i rtsa ba sogs pa dang mngon par sogs pa rnam pa gnyis su bshad do/ /gang zhig 'bras bu longs spyod chen po nyid dang bsod nams bya ba'i dngos po ni sbyin pa byin pas so zhes bsams te/ de'i lugs kyi 'jug pa nyid rgyas par bshad do/ /gang 'dod chags dang brel ba 'am so so skye bo 'dod chags dang bral ba zhes bya ba rgyas par 'byung ngo/ /de'i rnam par smin pa'i sa las yang dag par 'das pa'i phyir zhes bya ba la/ 'dod

  421. 211a

    pa'i khams ni sbyin pa'i rnam par smin pa'i sa ste/ 'phags pa 'dod chags dang bral ba ni de'i rnam par smin pa'i sa las shin tu 'das pa yin la/ so so'i skye bo 'dod chags dang bral ba zhes bya ba la/ so sor skye bo ni de'i rnam par smin pa'i sa las shin tu 'das pa med de/ yang 'dod pa'i khams su 'ong ba srid pa'i phyir ro/ /de ltar na so so skye bo zhes smos so/ /mthong ba'i chos la myong bar 'gyur ba ma gtogs pa zhes bya ba la/ de la 'phags pa 'dod chags dang bral ba'i yang rang gi don gyi phyir yin no/ /spos pa la sogs pa'i yon tan dang ldan pa zhes bya ba la sogs pa zhes bya ba'i sgras ni shes rab dang 'dod chen chung ba la sogs pa bsdu'o/ /sbyin pa po la la ni rgyu dang 'bras bu'i 'brel ba gtan lam phebs par sbyin par byed/ la la ni the tshom dang rang 'dod kyis sbyin par byed la la ni tshul khrims dang ldan par gyur te sbyin par byed/ la la tshul khrims 'chal bzhin du sbyin par byed/ la la ni de bzhin gshegs pa'i gsung rab mang du thos nas sbyin par byed/ kha cig ni thos pa chung bzhin du sbyin par byed ces bya ba de lta bu la sogs pa ste/ de ltar na sbyin bdag dad pa dang/ tshul khrims dang/ thos pa la sogs pas khyad par gyis 'bras bu 'byin pa la khyad par du 'phags par 'gyur ro/ /sbyin bdag de lta bu de ni/ gus pa la sogs pas sbyin par byed ces bya ba 'dis ni sbyor ba'i khyad par las kyang 'bras bu khyad par du 'phags par 'gyur ro/ /khyad par bzhir 'gyur te/ zhes bya ba la/ gus par sbyin pas ni bkur sti rnyed par 'gyur ro/ /rang gi lag gi sbyin pas longs spyod rgya chen po la dad pa rnyed par 'gyur ro/ /dus su sbyin pas ni gang gi tshe longs spyod longs spyad par nus shing/ dus las mi yol bar dus su rnyed par 'gyur ro/ /gzhan la mi gnod par

  422. 211b

    sbyin pas ni longs spyod rgyal po dang/ rkun po dang sha 'khon can dang/ me dang chu dag gis bar chad med pa rnyed par 'gyur ro/ /ji ltar sbyin bdag khyad par du 'phags pa yin pa dang zhes bya ba rgyas par 'byung ste/ 'dir sbyin bdag dad pa la sogs pa dag gi dad pa med pa dag las khyad par du 'phags pa de bzhin du/ gus par byas nas sbyin pa la sogs pas kyang ma gus pa la sogs pa dag las sbyin pa bdag khyad par du 'phags so/ /dus su reg na bde ba'i lus su 'gyur ro/ /zhes bya ba ni grangs pa'i tshe ni dro la/ dro ba'i tshe ni grang zhing/ tha mal pa'i tshe ni tha mal par 'dug pa'o/ /'gro bas zhing khyad par du 'phags par 'gyur te/ yon tan gyis ni ma yin te/ tshul khrims 'chal par gyur pa'i me la zhes 'byung ba'i phyir ro/ /de ni gang gis na rnam par smin pa stong 'gyur du 'gyur pa ma gtogs par gzhan yang yod pa ma yin no/ /gzhan la yang de bzhin du brjod par bya'o/ /'di ltar rdzas las byung ba'i zhes bya ba rgyas par 'byung ste/ 'dir ni len pa po sdug bsngal gyis zil gyis mnan bas sbyin bdag gi 'bras bu khyad par du 'phags par 'gyur ro/ /de lta bu la sogs pa zhes bya ba la sogs pa zhes bya ba'i sgras ni rgyun du zhugs pa'i 'bras bu la zhugs pa la sbyin pa byin na rnam par smin pa gzhal du med do zhes bya ba dang/ de bzhin du rgyun du zhugs pa la byin na ches gzhal du med do zhes bya ba nas/ de bas kyang dgra bcom pa la byin na ches gzhal du med pa yin na rang sangs rgyas dang de bzhin gshegs pa dgra bcom pa yang dag par rdzogs pa'i sangs rgyas las phul na ltas smos kyang ci dgos zhes bya bar bsdu ste/ gzhal du med pa bas kyang gzhal du med par 'gyur te/ gaM gla dang rgya mtsho'i chu bzhin no/ /yang ji ltar 'di rnam par smin pa brgyar 'gyur ram stong 'gyur ram gzhal

  423. 212a

    du med par 'gyur zhe na/ bsod snyoms la sogs pas len pa po'i tshe la sogs pa dag ji tsam 'phel ba de brgya 'gyur ram stong 'gyur ram dpag tu med par lha dang mi dag gi nang du sbyin bdag gi tsha la sogs pa dag mngon par 'grub pa min te/ de skad du bcom ldan 'das kyis sbyin bdag sbyin ba pos len pa po dag la zas sbyin ba na gnas lnga sbyin par byed ces bya ba rgyas pa nas tshe sbyin pas lha dang mi 'tshe thob par 'gyur zhes bya ba'i bar du gsungs so/ /'di lta ste/ pha ma dang zhes bya ba rgyas par 'byung ste/ phan 'dogs pa dag la gnod pa byas pa'i 'bras bu mthong bas lan du phan 'dogs pa'i 'bras bu rjes su dpag par bya'o/ /dom dang ri dwags la sogs pa'i skyes rabs la sogs pa dper bya'o zhes bya ba 'byung ngo/ /'jig rten zang zing gi sbyin pa thams cad pas chos kyi sbyin pa mchog tu bshad pa de bzhin du zang zing gi sbyin pa thams cad kyi nang nas zang zing gi sbyin pa 'di yang mchog ste/ grol bas grol ba la zhes bya ba'o/ /'di ni sbyin bdag dang len pa po gnyi ga mchog tu gyur pa'i phyir dang/ sred pas bdag gir ma byas pas phyir mchog yin no/ /byang chub sems pa yis zhes bya ba la 'di yang sems can thams cad kyi don yin pa'i phyir dang/ snying rjes rab tu bcug pa'i phyir dang/ sred pas yongs su ma zin pa'i phyir phul du byung ba yin no/ /gzhan dag na re/ gang gi tshe nye bar 'tshe bar lhung bar zhi bar bya ba'i phyir 'byin par yang mi 'jigs pa sbyin pa'i mchog go zhes zer ro/ /sems kyi rgyan gyi don ces bya ba ni/ sems la dbang ba'i don to/ /sems kyi yo byad ces bya ba ni/ lam yan lag brgyad po rnams so/ /rnal 'byor gyi tshogs ni rnal 'byor gyi rgyu'o/ /don gyi mchog ni mya ngan las 'das pa'o/ /yang ji

  424. 212b

    ltar brgyad pa bde blag tu rtogs par bya zhe na/ gang gi phyir don gyi mchog mya ngan las 'das pa thob par bya ba'i phyir sbyin pa sbyin par byed pa'o zhes ston par bya'o/ /mthun pa dang mi mthun pa rab tu ston par byed pa zhes bya ba ni/ chos dang chos ma yin pa rab tu ston par byed pa'o/ /chos kyi sku zag pa med pa zhes bya ba ni/ lam skye ba'i sngon rol tu lung 'bog pa 'gro ba'i phyir ro/ /de nyid kyi phyir mdor na sangs rgyas kyi mjid pa thams cad byed pa yin pas zhes bya ba smros so/ /nad pa la yon gyi 'bras bu gzhal du med pa zhes bya ba 'di la rig pa ci zhe na/ kha cig na re rtag tu skyo ba nyid kyis dge ba'i chos kyi snod yin no zhes zer ro/ /gzhan dag na re 'di la sangs rgyas kho na tshad ma'o/ /zhes zer ro/ /zhing zhes bya ba ni gang du phan pa dang gnod pa dag byed pa'o zhes bya ba ni/ sems can du bgrang ba'i dngos po 'am de bzhin gshegs pa'i mchod rten no/ /'o na de bzhin gshegs pa nyid zhing ma yin nam zhe na/ mchod rten la phan pa dang gnod pa dag kyang de la dmigs pa'i sbyor bar zhugs pa'i phyir/ de la phan pa dang gnod pa dag gis zhing du 'gyur ro/ /gzhi ni las kyi lam mo zhes bya ba ni srog gcod pa la sogs pa'i mtshan nyid do/ /ji ltar lci bar 'gyur zhe na/ de'i phyir rnam par smin pa nges par gnas pa'i phyir ro zhes bya ba smos so/ /ma byin par blangs pa la sogs pas ni de ltar ma yin no zhes bya ba la sogs pa zhes bya ba'i sgras ni brdzun du smra ba la sogs pa bsdu'o/ /de bzhin du gzhan la yang sbyar bar bya'o/ /zhes bya ba 'byung ste/ ji ltar zhe na/ la la ni sbyor ba'i khyad par kho nas lci bar 'gyur te/ rnam par smin pa nges par gnas pa'i phyir ro/ /la la'i ni sems pa'i khyad par gyis so/ /la la'i ni bsam pa'i khyad par gyis so/ /blo sngon du ma btang ba yang ma yin la zhes bya ba la blo sngon du ma btang ba ni lung du ma

  425. 213a

    bstan pa yin no/ /bab col du byas pa yang ma yin no/ /zhes bya ba ni dper na smra ba la drag tu brtsad pas brdzun smra ba lta bu ma yin pa'o/ /gzhan dag na re 'di ni blo sngon du ma btang ba'i rnam grangs kho na yin no zhes zer ro/ /kha cig ni nyes par spyad pa gcig gis zhes bya ba ni lus dang ngag dang yid kyi nyes par spyad pa rnams la yang rung bas so/ /kha cig ni gsum gyi bar gyis zhes bya ba ni lus kyis nyes par spyod pa la sogs pa 'tha' dag gis so/ /gnyen po med pa yin no zhes bya ba ni bshags pa la sogs pa'i gnyen po med pa'i phyir ro/ /mi dge ba la 'khor yang mi dge ba yin zhes bya ba ni dper na gang zhig ma byin par blangs nas gzhan gyis chud ma la nyal po byed pa lta bu'o/ /rnam par smin pa la ji lta bu zhe na/ gnas skabs ma nges kyang rnam par smin par 'gyur ro/ /de bzhin du dge ba la yang sbyar bar bya'o/ /zhes bya ba ni bsams bzhin pa dang rdzogs pa dang/ mi 'gyod gnyen po med pa dang/ 'khor dang rnam par smin pa las bsags pa'i las zhes bya ba yin/ zhes bya ba ste/ ched du bsams nas byas pa yin gyi/ blo sngon du ma btang ba ni ma yin te/ dper na rdo sbyin bar bya'o snyam ste gser gyi gar bu sbyin par byed pa lta bu ma yin pa'o/ /de ni blo sngon du ma btang bas lung du ma bstan par 'gyur te/ de ni byas pa yin gyi bsags pa ni ma yin no/ /blo sngon du btang zin kyang bab chol du yin na ni byas pa yin gyi bsags pa ni ma yin te/ dper na smra ba la drag tu brtsad pas bden pa smra ba bzhin no/ /rdzogs pa ji lta bu zhe na/ kha cig ni legs par spyad pa gcig gis bde 'gror 'gro la/ kha cig ni gsum gyi bar gyis 'gro ba dang/ kha cig ni las kyis lam gcig gis bde 'gror 'gro la/ kha cig ni bcu'i bar gyis 'gro ba de la gang zhig ji tsam gyis der

  426. 213b

    'gro bar 'gyur ba rdzogs par ma byas na/ las de byas pa yin gyi bsags pa ni ma yin no/ /rdzogs pa ni bsags pa yin no/ /las de ni yid la gcags pa med pa yang yin te/ 'ga' zhig dge ba byas nas kyang 'gyod par 'gyur ba de ni byas pa yin gyi bsags pa ma yin no/ /gnyen po med pa ni sbyin pa byin nas mi smod pa na'o/ /dge ba la yang 'khor dge ba yin te/ byin nas de'i rjes su yi rang ba'i phyir ro/ /gnas skabs ma nges kyang rnam par smin pa nges pa yang yin te ma nges pa ni byas pa yin gyi bsags pa ma yin no/ /mi bzod nas smras pa ni longs spyod pa byed par med na/ ji ltar bsod nams 'gyur zhes bya ba ste/ su la yang phan btags pa med pa'i phyir ro/ /longs spyod pa byed pa yod na ni sbyin par bya ba'i chos de las de'i dbang po'i 'byung ba chen po la phan btags pas sbyin bdag la bsod nams su 'gyur bar rigs so/ /gal te kho bo cag yongs su longs spyod pa las byung ba kho na sbyin bdag gi bsod nams su khas len na ni 'di de ltar 'gyur ba zhig go/ 'o na ci zhe na/ bsod nams ni rnam pa gnyis te/ btang ba'i rgyu las byung ba dang/ yongs su longs spyod pa las byung ba'o/ /byung ba ni rgyu dang byed rgyu dang/ rgyu mtshan zhes bya ba rnam grangs so/ /yongs su btang ba'i rgyu mtshan zhes bya ni/ yongs su longs spyod pa'i rgyu mtshan zhes bya ba'i don to/ /de'i phyir dngos po yongs su longs spyod pa med kyang/ mchod rten la btang ba'i rgyu las byung ba'i bsod nams su 'gyur ro/ /dngos po yongs su gtong ba la ni de'i 'og rol tu dngos po de la yongs su longs spyod pa yod dam med kyang bla ste/ ma chags pa chags pa'i gnyen po yin pa'i phyir dang/ lhan cig par gyur pa'i sems pa gdon mi za bar 'gyur ro/ /de ltar ma yin na ni gang gis dge 'dun dang gang zag la sogs pa dag la phul ba'i dngos po yongs su

  427. 214a

    longs spyad pa kho nar rlag par 'gyur ba de'i gtong ba don med par 'gyur te/ bsod nams kyi 'bras bu med par thal bar 'gyur ba'i phyir ro/ /de la len pa su yang med na ji ltar bsod nams yin zhe na/ re zhig bcom ldan 'das kyis de dag thams cad yongs su 'byung ngo/ /zhes 'di ni bshad zin to/ /byams pa la sogs pa tshad med pa dang/ yang dag pa'i lta ba bsgoms pas zhes bya ba 'byung ste/ byams pa pa gnas pa'i ni sems can bde bar gyur cig snyam du bsam pa dge ba'i phyir dang/ zhe sdang med pa'i sbyor ba yin pa'i phyir/ de tsam gyis 'ga' zhig la bde bas phan brtags pa yang ma yin la de la len par byed pa 'ga' yang mang mod kyi/ mos pa'i dbang gis bsod nams mchog tu 'byung ba med pa yang ma yin pa de bzhin du snying rje la gnas pa'i yang yin te/ de phyir byams pa la sogs pa bzhin du/ len pa med pa'i mchod rten la yang de'i yon tan la lhag par mos pa'i rang gi sems kho na las bsod nams su mngon par 'dod par bya'o/ /sbyin pa dang/ mchod par bya ba don med pa yang ma yin te/ las de kun nas slong bar byed pa'i dad pa ni chos mchog yin pa'i phyir ro/ /sbyin pa dang mchod par bya ba'i bya ba sems pa'i dad pa gang yin pa de mchog nyid yin pa ni lus dang ngag rab tu 'jug par byed pa nyid yin pa'i phyir ro/ /gzhan la phan btags pa dang/ gnod pa la bltos pa 'am/ len par byed pa la bltos nas sems dang sems las byung ba rnams dge ba dang mi dge ba nyid du 'gyur ba yang ma yin te/ 'o na ci zhe na/ dge ba dang mi dge ba'i rtsa ba dang mtshungs par ldan pa la bltos nas yin no/ /de lta ma yin na gzhan la gnod pa bya ba'i phyir gos dang zas dang dug la sogs pa'i sbyin par byed pa la yang bsod nams su 'gyur te/ de na yang

  428. 214b

    len pa po dang gzhan la ngan btags pa yod pa yin no/ /gal te zhing bzang po la zhes bya ba rgyas par 'byung ngo/ /gcer bu la ngag chom rkun la sogs pa la byin na 'bras bu yid du mi 'ong bar 'gyur te/ sbyin pa'i 'bras bu yid du 'ong ba dang mi 'ong ba ni zhing gi dbang gis yin pa'i phyir ro zhes zer ro/ /gcer bu ba rnams kyi chos 'di ni nyes par bshad pa zhig ste/ 'di ltar na ngan pa'i zhing la'ang 'bras yid 'ong zhes bya ba 'byung ngo/ /zhing gi dbang gis 'bras bu yid du 'ong bar 'gyur ro zhes ni mi smra'o/ /'o na ci zhe na/ 'bras bu mchog yin par smra ste/ ji ltar srog gcod pa ni zhing bzang ngam ngan yang rung ste/ thams cad du 'bras bu yid du mi 'ong ba yin pa de bzhin du/ sbyin pa yang zhing bzang ngam ngan yang rung ste/ thams cad du 'bras bu yid du 'ong ba kho na yin no/ /zhing gi khyad par gyis ni 'bras bu che ba 'am/ chung ba 'am/ 'bras bu med par 'gyur gyi/ 'bras bu yid du mi 'ong bar ni mi 'gyur ro/ /'chal ba'i tshul khrims mi dge'i gzugs/ zhes bya ba ni 'chal ba'i tshul khrims lus dang ngag gi rang bzhin yin pa'i phyir te/ de ni srog gcod pa sbyor ba dang mjug dang bcas pa nas tshig kyal ba'i bar yin no/ /de'i phyir mi dge ba'i gzugs spong pa de ni tshul khrims yin no/ /yang 'tshangs pa'i tshul khrims spong ba kho na tshul khrims yin nam zhe na/ smras pa ma yin te/ sangs rgyas kyis ni bcas pa yang ngo/ /dus ma yin pa'i zas za ba la sogs pa bcas pa'i kha na ma tho ba spong ba rnam pa gnyis kyang tshul khrims yin no/ /bslab pa mnos pa zhes bya ba ni/ bcas pa'i kha na ma tho ba ni rang bzhin gyis 'chal pa'i tshul khrims ma yin gyi/ 'o na ci zhe na/ de ni bslab pa mnos pa gang yin pa de la 'chal pa'i tshul khrims su 'gyur ro/ /bzlog pas ma dag pa'o zhes bya ba ni/ gang yang rung ba ma tshang ba dang ma dag pa zhes bya ba'i don to/ /re zhig

  429. 215a

    'chal ba'i tshul khrims kyis/ zhes rgyas par 'byung ba la/ 'chal pa'i tshul khrims ni ched du bsams nas ltung ba byung ba'o/ /'chal ba'i tshul khrims kyi rgyu ni chags pa la sogs pa nyon mongs pa dang nye ba'i nyon mongs pa rnams so/ /tshul khrims de nyid kun slong du gyur pa'i nyon mongs pa dang nye ba'i nyon mongs pa rnams kyi gnyen po ni dran pa nye bar gzhag pa rnams te/ de dang rjes su mthun pa'i phyir dang phan 'dogs pa'i phyir/ tshul khrims 'chal ba'i gnyen po la brten pa yin no/ /las kyi lam gyis rnam par dag pa zhes bya ba ni/ srog gcod pa la sogs pa'i las kyi lam la spyad pa dag gis nyams par ma byas zhes bya ba'i don to/ /nyer bsdogs dag gi rnam par dag pa zhes bya ba ni/ las kyi lam gyi nyer bsdogs cung zad kyang spyad par ma gyur ba'o/ /rnam par rtog pa rnams kyis 'phan ma byung ba zhes bya ba ni 'dod pa'i rnam par rtog pa la sogs pa mi dge ba rnams okyis dri ma can du ma byas zhes bya ba'i don to/ / dran pas yongs su bzung ba zhes bya ba ni/ lus la sogs pa dran pa nye bar gzhag pa bzhis brtan par byas zhes bya ba'i tshig go/ 'tsho ba med pa dang/ tshigs su bcad pa med pa dang chad pa dang ngan 'gros 'jigs nas zhes bya ba la/ 'jigs pa zhes bya ba'i sgra ni 'tsho ba med pa'i 'jigs pa dang/ ngan 'gros 'jigs pa'i bar du ste/ re re dang sbyar bar bya'o/ /srid pa dang longs spyod dang bkur sti la chags pa zhes bya ba la/ 'dir chags pa zhes bya ba'i sgra ni/ re re dang sbyar bar bya ste/ srid pa la chags pa dang/ de bzhin du longs spyod la chags pa dang/ bkur sti la chags pa'o/ /byang chub kyi yan lag gi rjes su mthun pa ni zhi gnas dang/ lhag mthong gi rten gyi don can no/ /yang dag pa'i lta ba rnams thar pa'i

  430. 215b

    don du zhes bya ba ni mu stegs can dgag pa'i phyir te/ de dag ni thar pa don du gnyer ba yin pa yang yang dag pa'i lta ba can ma yin no/ /dri ma med pa'i phyir zhes bya ba ni/ nyon mongs pa'i dri ma dang bral ba'i phyir zhes pa'o/ /mnyam par gzhag pa'i dge ba de ni zhes bya ba la/ mnyam par bzhag pa smos pa ni mnyam par ma bzhag pa'i dge ba bzlog pa'i phyir ro/ /dge ba smos pa ni mnyam par bzhag pa ro myang ba dang mtshungs par ldan pa bzlog pa'i phyir ro/ /ting nge 'dzin gyi rang bzhin dang de dang lhan cig 'byung ba gang yin pa'o zhes bya ba ni/ ting nge 'dzin gyi rang bzhin dang ting nge 'dzin dang lhan cig 'byung ba zhes bya ba'i/ shin tu yang zhes bya ba ni/ mnyam par bzhag pa ma yin yang bsgom par ni byed mod kyi/ mnyam par gzhag pa bzhin du ni ma yin no/ /de nyid bstan pa'i phyir/ rgyud yon tan rnams kyis de'i bdag nyid du byed pa'i phyir zhes bya ba smos so/ /me tog rnams kyis til la bsgos pa bzhin no zhes bya ba ni/ dper na me tog gi dri'i bdag nyid du byed pa'i phyir me tog rnams kyis til la bsgo bar byed pa bzhin no/ /mdo las gang zag bzhi ni tshangs pa'i bsod nams bskyed do zhes bya ba ni/ sngon ma bzhengs pa'i phyogs su de bzhin gshegs pa'i sku gdung gi mchod rten bzhengs pa ni tshangs pa'i bsod nams bskyed do/ /phyogs bzhi'i dge slong gi dge 'dun la kun dga' bar 'bul bar byed pa dang kun dga' ra ba de nyid du gtsug lag khang rtsig par byed pa dang de nyid du bsod snyoms nar ma shom par byed pa ni tshangs pa'i bsod nams skyed par byed do/ /dge 'dun bye ba bsdum par byed pa ni tshangs pa'i bsod nams skyed par byed do/ /byams pa dang ldan pa'i sems kho na med pa 'gran zla med pa nas 'jig rten thams cad kyi bar du mos te khyad par byas nas rdzogs par byas te gnas pa ni tshangs pa'i bsod nams skyed

  431. 216a

    do zhes bya ba'o/ /bsod nams kyi cha dang mthun pa zhes bya ba la/ bsod nams kyi 'bras bu ni bsod nams te/ 'di ltar smra bar byed pa yod do/ /bsod nams ni dri'o/ /bsod nams ni rlung ngo zhes bya ba rtog par bya'o/ /de'i cha ni thob pa ste de la phan pa bsod nams kyi rnam pa ste/ bsod nams kyi rnam pa ste/ bsod nams kyi cha dang mthun pa'o/ /chos kyi cha dang mthun pa ji lta ba de bzhin zhes bya ba la/ cha ni gsum ste/ bsod nams dang bsod nams ma yin pa dang mi g.yo ba'i 'o/ /de la gzhan dag na re bsod nams kyi cha kho na bsod nams kyi cha dang mthun pa ste/ bsod nams la rten pas na bsod nams kyi cha dang mthun pa'o zhes zer ro/ /yang cha gnyis te/ thar pa'i cha dang 'khor ba'i cha'o/ /de la thar pa'i cha la phan pa ni thar pa'i cha dang mthun pa ste/ de'i thob pa dang rjes su mthun pa zhes bya ba'i don to/ /yang na thar pa'i cha ni thar pa thob pa'o/ /de la phan tshun phan pas sbyor ba dang bcas pa'i lam 'dren pa'i phyir ro/ /thar pa'i cha dang mthun pas thar pa la brten pas thar pa'i cha ni thar pa'i cha dang mthun pa'o/ /nges par 'byed pa'i cha dang/ mthun pa zhes bya ba la/ cha ni gnyis te/ nges par 'byed pa'i cha dang de las gzhan pa'i lam mo/ /de la phan pa ni nges par 'byed pa'i cha dang mthun pa ste/ nges par 'byed pa la rten pas nges par 'byed pa'i cha ste/ nges par 'byed pa nyid nges par 'byed pa'i cha dang mthun pa'o/ /thar pa'i cha dang mthun pas las nges par 'byed pa'i cha dang mthun pa mnyam par gzhag pa nyid dang nye ba nyid kyis khyad par du 'phags so/ /gang 'di 'jig rten zhes bya ba rgyas par 'byung ba la/ 'di ni las brten pa las te/ 'di las kyi rang bzhin yin ba'i phyir ro/ /the tshom 'dri bar byed pa ni kun slong zhes bya ba ste/ kun dang bcas pas kun slong ste/ sems dang sems las byung ba'i

  432. 216b

    chags pa'o/ /yi ge ni yig 'bru ma yin gyi las gang gis de dag 'dri bar byed pa de yig 'bru yin la/ gang la rko ba nor bu dang ra la sogs pa de yang rgya ma yin gyi/ lus kyi las gang gis rko ba de rgya yin te/ yi ge ngag dang brkos pa ni 'bras bu la rgyu brtag pas yig 'bru dang rgya zhes bya bar 'gyur ro/ /yid kyi chos rnams sdom par byed pa gang yin pa zhes bya ba ni zag pa dang bcas pa dang/ zag pa med pa nyid du gcig gnyis gsum zhes bya ba de lta bu la sogs par bgrang ba'o/ /las kyi skabs yin pas de ni chos rnams kyi rnam grangs zhes bya ba smos te/ ma rmongs par bya ba'i phyir chos mngon pa las nyon mongs pa can gyi chos dang/ gya nom pa dang brten par bya ba'i chos zhes bya ba 'byung ba'i rnam grangs de dag bstan to/ /kha na ma tho ba dang bcas pa zhes bya ba ni smad pa yin pa'i phyir ro/ /nyon mongs pas bsgribs pa'i phyir ram thar pa'i lam gyi gegs yin pa'i phyir bsgribs pa'o/ /'phags pa rnams kyi 'khor ba'i phyir ram rnam par smin pa ngan pa'i phyir ngan pa'o/ /gya nom pa zhes bya ba ni dag pa rab tu gyur pa'i phyir ro/ /ngan pa dang gya nom pa dag las gzhan yin par ma zhes bya bar grub pa yin no zhes bya ba la/ de dag kyang dge ba zag pa dang bcas pa dang/ ma bsgribs la lung du ma bstan pa'o/ /lhag pa rnams ni rten par bya ba ma yin pa zhes bya ba la/ de dag ni nyon mongs pa can ma sgribs la lung du ma bstan pa dang/ 'dus ma byas so/ /goms pa byar mi rung ba'i phyir zhes bya ba ni khyad par du byar mi rung ba'i phyir dang/ rang gi rgyud la bskyed du med pa'i phyir ro/ /tshim? gang zhig rgyud las yang dang yang du bskyed par bya ba de ni bsten par bya ba zhes brjod de/ dper na lam bzhin no 'bras bu'i phyir bster bar bya ba yin na/ 'dus ma byas ni 'bras bu med pas bsten par bya

  433. 217a

    bam yin no/ /chos gzhan thams cad ni bla ma dang bcas pa yin gyi zhes bya ba ni/ phul du byung ba dang bcas pa yin te/ de dag kyang 'dul byas thams cad dang/ nam mkha' dang so sor brtag pa ma yin pas 'gog ba'o/ /thar pa bla na med pa yin/ ces bya ba ni phul du dbyung du med ces bya ba'i tha tshig go/ dge ba dang rtag pa'i phyir zhes bya ba la/ dge ba yin pa'i phyir lung ma bstan las dang/ 'dus ma byas pa yin pa'i phyir 'dus byas las kyang te/ nyon mongs pa can dang lung ma bstan las khyad par du 'phags so/ /rtag pa'i phyir 'dus byas thams cad las khyad par du 'phags te/ de nyid kyi phyir de dag thams cad las khyad par du 'phags pa de'i phyir ches khyad par du 'phags pa yin no zhes bya'o/ /slob dpon btsun pa blo gros brtan pas nye bar bkod pa chos mngon pa mdzod kyi bshad pa'i rgya cher 'grel pa don gyi de kho na nyid ces bya ba las mdzod kyi gnas bzhi pa las bstan pa zhes bya ba rdzogs pa'o// // 'jig rten mgon po la phyag 'tshal lo/ /'jig rten sna tshogs las las skyes zhes bshad pa zhes bya ba smos te/ thal ma thag pa'i mdzod kyi gnas las/ gang 'jig rten sna tshogs pa 'di ni dbang phyug la sogs pa rnams kyis blo sngon du btang ste 'dod rgyal du byas pa ma yin gyi/ 'o na ci zhe na/ las rnams srid pa 'phen pa dang 'grub pa la rgyur gyur pa'i phyir las las skyes zhes rgyas par bstan pa yin no/ /'o na 'dod chags dang bral ba rnams kyi lus dang ngag dang yid rnams kyis dge ba'i las dag byed pas 'di dag gis srid pa mngon par mi 'phen zhing mngon par mi 'grub pa ma yin nam zhe na/ las tsam gyis mngon par 'grub pa dang 'phen par mi 'dod gyi/

  434. 217b

    las de dag phra rgyas kyi dbang gis nye bar bsags par gyur pa las ji skad bshad pa'i mtshan nyid dang rab tu dbye ba rnams dang ldan pa rnam par smin par nges par gnas te/ rnam par smin pa 'phen nus par 'gyur ro/ /zhes bya ba'i tha tshig go/ de nyid kyi phyir rten cing 'brel par 'byung ba bstan pa dag las phra rgyas rnams kho na dang por bkod do/ /gal te de lta na/ dgra bcom pa la yang ci'i phyir srid pa mngon par 'grub par mi 'gyur te/ de la yang yang srid kyi rnam par smin pa 'phen pa'i las dge ba dang mi dge ba du ma yod pa yin no zhe na/ de'i phyir phra rgyas med par ni srid pa mngon par 'grub par mi nus te zhes bya ba smos te/ dgra bcom pa la ni las yod du zin kyang khams gsum pa'i phra rgyas yod pa ma yin pas lhan cig byed pa'i rgyu med pa'i phyir yang srid mngon par 'grub par mi nus so/ /de'i phyir slob dpon btsun pa sgra gcan 'dzin bzang pos/ skye bo byis pas zhon pa skye ba yi/ /shin rta nyon mongs las kyi phang? lo can/ /'di ni nyon mongs phang? lo gcig nyams pas/ /las kyi phang lo gcig pu 'khor ma yin/ /zhes gsungs so/ /gang gi phyir srid pa'i 'phan pa dang srid pa 'grub pa la phra rgyas gtso bo'i rgyu yin pa de'i phyir srid pa'i rtsa ba phra rgyas yin par rig par bya ste/ de yod na yod pa'i phyir dang/ de med na med pa'i phyir dang/ dang po'i rgyu yin pa'i phyir ro/ /bya ba bcu byed de zhes bya ba ni/ 'bras bu bcu byed pa'o/ /rtsa ba brtan par byed do zhes bya ba ni/ nyon mongs pa'i thob pa 'jug na gnyen po thag ring du gyur pas thob pa rnams bcad dka' ba'i phyir dang/ brtan pa'i phyir ro/ /rtsa ba ni thob pa'o/ /rgyud gnas par byed do zhes bya ba ni/ yang dang yang rgyun chags su gzhan skyed par byed pa'i phyir ro/ /zhing du sgrub par byed do zhes bya ba ni/ rten de skyes pa dang mthun par byed pa ste/ rtswa skam po me dang mthun pa bzhin no/ /rgyu mthun pa sgrub par byed do zhes bya ba ni/ nye ba'i nyon

  435. 218a

    mongs pa gang gi rgyu mthun pa de skyed par byed pa ste/ dper na 'dod chags kyis ngo tsha med pa dang/ rgod pa dang ser sna dag skyed par byed pa dang/ ma rig pas rmugs pa dang gnyid dang khrel med pa dag skyed par byed do/ /de bzhin du khong khro la sogs pa la yang brjod par bya'o/ /las kyi srid pa mngon par sgrub par byed do zhes bya las kyi srid pa yin pas las kyi srid pa ste/ yang srid kyi las de skyed par byed pa'o/ /rang gi tshigs 'dzin par byed do zhes bya ba la/ de'i tshogs ni tshul bzhin ma yin pa yid la byed pa ste/ de yongs su 'dzin par byed cing de skye ba dang mthun par gnas zhes bya ba'i tha tshig go/ dmigs pa la kun du rmongs par byed do zhes bya ba ni/ blo nyams par byed pa'i phyir ram/ yang dag pa ji lta ba bzhin yongs su mi shes pa'i phyir ro/ /rnam par shes pa'i rgyun 'khrid par byed do zhes bya ba ni/ rnam par shes pa'i rgyun dmigs pa 'am yang srid nyid du 'jug par byed pa'o/ /dge ba'i phyogs las g.yo bar byed pa ni/ yongs su nyams par byed pa'i phyir ro/ /'chid ba'i don du khyad par byed do zhes bya ba ni/ khyab par byed pa'o/ /ji ltar zhe na/ khams las mi 'da' ba' i tshul gyis so/ /tshul gyis sgra ni rnam pa brjod pa'o/ /khams gang gi nyon mongs pa de las mi 'da' bar byed de/ khams nyon mongs pa can gses 'debs par byed pa'i phyir ro/ /'dir yang srid 'phen par byed pa'i shes par byed pa ni/ las kyi srid pa mngon par sgrub par byed do zhes bya ba 'di yin te/ yang srid mngon par sgrub par byed pa'i shes byed rnam par shes pa'i rgyun khris par byed pa'o/ /de'i phyir srid pa'i rtsa ba ni phra rgyas zhes bya'o/ /gzhan dag na re bcu drug go zhes so/ /'di ni bcu rnams gnyis de/ gzhan drug cug pa ni/ de dag kyang rten dang gnas ngan len skyed pa dang las su mi rung bar bstan pa'i phyir ro/ /yon tan dang

  436. 218b

    spyod pa 'gal ba'i phyir/ rmod pa rnams kyi gzhi byed pa'o/ /mkhas pa rnams kyis smad pa'i lus dang ngag gi las slong ba'i phyir lam dam pa las 'da' bar byed do/ /phyin ci ma log par sten pa dang phyir phyogs par byed pa las don rnam pa gnyis kyi sa bon 'debs par byed pa'o/ /'khor ba'i gnod pa thams cad de las 'byung ba'i phyir bdag po'i 'bras bus 'jig rten gyi yid du mi 'ong ba 'grub par byed do/ /de'i dbang gis phyi rol gyi dngos po rnam par 'gyur ba skyed par byed do/ /'dir rtsa ba smos pa ni phra rgyas rnams phung po lnga'i mtshan nyid can gyi srid pa'i gtso bo'i rgyu nyid du shes par byed pa'i phyir ro/ /de lta ma yin na rgyu la sogs pa'i sgra las rnams la yang mtshungs pa'i phyir gtso bo brjod par mi 'gyur ro/ /'dod chags kyi dbang gis gzhan dag ces bya ba ni/ zhe sdang la sogs pa dag go /ji skad du mdo las dga' ba las zhe sdang skye'o zhes gsungs te/ nga rgyal la sogs pa dag kyang de dang 'dra bar rig par bya'o/ /de nyid kyi phyir zag pa med pa dang skal ba mi mnyam pa'i khams dag la dmigs pa'i sgo nas rgyas par mi 'gyur te/ de la 'dod chags med pa'i phyir ro/ /de ni 'og nas bshad par bya'o zhes bya ba ni/ dngos po gang zhig bdag tu lta ba dang sred pas bdag gir byas pa'o/ /der gzhan yang zhes bya ba la der kha cig rnam pa'i dbang du ma byas pa'o/ /slob dpon 'dus bzang na re skong ba tsam gyi don nyid du de bzhin gyi sgra blta bar bya'o zhes zer ro/ /'on te 'di'i don ji lta bar bsdus te nges par gzhan du brjod par bya ba de na 'dod chags ni khams gsum pa'i 'dod chags kyi phra rgyas te/ de ji lta bar gzhan la yang ci rigs par rig par bya'o/ /yang na ji ltar 'dod chags dang khong khro dag mtshan nyid dang rnam pa tha dad pa las phra rgyas tha dad pa nyid

  437. 219a

    yin pa de ltar rnam pa mtshungs pas nga rgyal la sogs pa rnams kyis mtshan nyid la sogs pa rnams las phra rgyas tha dad pa nyid du shes par bya'o/ /rnam pa thams cad du phra rgyas kyi khyad par bstan pa rnams ni 'dir 'bad par 'gyur ro/ /ji ltar kha cig rnam pa las 'dir phra rgyas rnams kyi dbang du byas pa ma yin zhe na/ 'dir yang 'dod chags kyi dbang gis phra rgyas gzhan rnams dmigs pas rgyas pa nyid du de bzhin gyi sgras bstan to/ /phyi mar bstan pas 'di la 'gal ba ci zhig yod/ zhe sdang ni khams gsum pa nyid mi srid pa'i phyir ci ltar 'dod chags bzhin du phra rgyas gzhan rnams kyang gsungs pa yin zhe na/ yang ci rigs par shes par bya'o/ /de ltar na 'o na de bzhin gyi sgra don med do zhe na/ mtshan nyid tha dad pa dang tha mi dad par dgos pa nyid yod pa ma yin pas 'dir de bzhin gyi sgras ci zhe na/ phra rgyas dang bcas pa yang dag par spong bar byed do zhes bya ba 'dis mi 'dir mdo dang 'gal ba'i dper brjod pa yin te/ de nyid ni de dang bcas par mi rung ba'i phyir ro/ /'dod pa'i 'dod chags kyi phra rgyas ni dbang po gsum dang mtshungs par ldan pa yin no/ /zhes bya ba la/ dbang po gsum ni bde ba dang mi bde ba dang btang snyoms te/ ldan pa ma yin pa ni skye ba la sogs pa ltar bde ba la sogs pa dag dang mtshungs par ldan par mi rung ngo/ /de'i phyir bde ba la sogs pa dag dang mtshungs par ldan pa gsungs pas chos mngon par mtshungs par ldan pa kho na phra rgyas su bzhed kyi ldan pa ma yin pa ni ma yin no/ /chos mngon pa dang 'gal lo zhe na/ gzhan dag na re 'gal ba med de mtshungs par ldan pa la bzhed pa'i phyir ro zhes zer ro/ /mi ldan pa phra rgyas su grub na mtshungs par ldan pa la

  438. 219b

    bzhed pa dgos pa can du 'dir brtag par bya ste/ gzhan du ma yin no/ /phra rgyas dang bcas pa ni rjes su 'brel pa dang bcas pa zhes bya ba'i don yin pa'i phyir ro zhes bya ba 'byung ste/ nyon mongs pa rnam pa dgu las phyi ma phyi ma snga ma snga ma'i rjes su 'brel pa yin te/ 'di ltar bsgoms pas spang bar bya ba'i nyon mongs pa rnam pa brgyad spangs su zin kyang/ rjes su 'brel pa rnam pa dgu yod pa nyid yin pas de'i phyir ma lus par spangs pa la dgongs nas phra rgyas dang bcas pa spong bar byed do/ /zhes gsungs te/ rjes su 'brel pa dang bcas pa zhes bya ba'i don to/ /de la 'di'i skye ba rnam pa du ma ste/ mdo las sdig pa mi dge ba'i chos ma lus pa 'gag go zhes gsungs te/ rjes su 'brel pa med par phra rgyas dang bcas pa 'gag go zhes dgongs pa'o/ /gzhan dag na re rgyu mthun pa 'jug pa'i nus pa ni rjes su 'brel pa'o zhes zer ro/ /mdo las phra rgyas kyi sgra 'byung ba ni thob pa la btags pa yin pas mdo dang 'gal ba med do/ /dper na me sdug bsngal zhes bya ba bzhin no zhes bya ba ltar rgyu la 'bras bu btags pa'i phyir dang/ sdug bsngal ni tshor ba'i bye brag yin la de'i rgyu yin pa'i phyir me la yang sdug bsngal zhes brjod pa de bzhin du/ 'dir yang thob pa phra rgyas kyis rgyu yin pas phra rgyas kyi sgras brjod do/ /phra rgyas dang bcas pa spong bar byed do zhes bya ba ni/ thob pa dang bcas pa spong bar byed pa'o/ /mtshan nyid pa yin te zhes bya la/ phra rgyas kyi sgra ni 'dod chags la sogs pa nyon mongs pa kho na la 'jug ste/ de dag phra ba dang/ rjes 'brel rnam gnyis rgyas 'gyur dang/ zhes phra rgyas kyi mtshan nyid dang/ rgyu mtshan can yin pa'i phyir mtshan nyid yod pa ni mtshan nyid yod pa'o/ /thob pa la ni de ltar phra rgyas kyi mtshan nyid yod pa ma yin pa de'i phyir nye bar

  439. 220a

    btags pa yin pas thob pa dag la sgras brjod do/ /dpal 'phags pa mang pos bkur ba'i sde pa rnam par phye ste smra ba rnams phra rgyas ldan pa ma yin pa de'i phyir nye bar mi 'dod pas dris pa ni/ 'di ji ltar shes she na zhes bya'o/ /de nyid la smras pa ni/ gal te sems dang mtshungs par ldan pa rnams kho na phra rgyas yin pa de lta na/ lam gyis de dag spong ngo zhes bya ba la nyon mongs pa lam dang mnyam par 'jug par 'gyur te/ dge ba dang lung du ma bstan pa'i sems rnams las dgra bcom pa ma yin yang slob pa dang so so skye bo rnams nyon mongs pa med pa nyid du thal ba dang/ ldan pa ma yin pa'i phra rgyas med pa yang rgyu med pa'i phyir kun nas dkris pa rnams mi skye ba nyid du 'gyur la/ thob pa rnams de'i rgyu mi rung ste/ sems can thams cad de dang khyad par med par nyon mongs pa'i 'jug pa mtshungs par thal ba'i phyir ro/ /'di yod par blta bar mi bya ste/ kha cig ni zhe sdang shas che ba dang gzhan dag 'dod chags shas che ba de'i phyir ldan pa ma yin pa'i phra rgyas zhes bya ba yod pa nyid do/ /bye brag tu smra ba rnams ni 'di yang thams cad du smra ba mtshungs par 'jug go zhes zer ro/ /rnam par phye ste smra ba rnams kyi bzhin du bye brag tu smra ba rnams 'das pa dang ma 'ongs pa mi 'dod pa ma yin te/ 'das pa dang ma 'ongs pa'i nyon mongs pa'i thob pa'i spangs pa la lam gyi spangs pa zhes 'dod do/ /mngon du ma gyur pa zhes bya ba ni/ nyon mongs pa dang lam dag mnyam par mi 'jug pa'o/ /nyon mongs pa ma spangs pa ni thob pa dang rjes su 'brel pas dge ba dang lung du ma bstan pas sems kyis rgyud 'chid ba'i phyir/ dgra bcom pa ma yin pa rnams nyon mongs pa nyid du thal ba med do/ /thob pa rnams kho na

  440. 220b

    nyon mongs pa'i rgyu nyid du 'dod pa ma yin te/ 'o na ci zhe na/ gzhan yang skal pa mnyam pa'i rgyu la sogs pa ste/ de'i khyad par las nyon mongs pa'i khyad par 'gyur ro/ /gzhan yang phra rgyas rnams kyis nyon mongs par byed pa'i phyir ro zhes bya ba 'byung ngo/ /'on te ldan pa ma yin pa rnams kyis kyang de ltar 'gyur na ni zhes bya ba ni/ sems kun nas nyon mongs par byed pa dang/ sngon med pa'i dge ba mi skye ba dang/ dge ba skyes pa las yongs su nyams par 'gyur na ni/ de dag rtag tu nye ba'i phyir dge ba nam yang dmigs par mi 'gyur te/ 'di ltar ldan pa ma yin pa'i phra rgyas dag gis nam yang sems can rnams kyi rgyud mi stongs la de dag kyang dge ba la sgrib pas nam yang dge ba skye bar mi 'gyur ba zhig go/ 'di ni gtan tshigs su mi rung ste zhes bya ba la sems ni nyon mongs byed phyir dang zhes bya ba la sogs pa gang smras pa 'di ni phra rgyas ldan pa ma yin par bstan pa la gtan tshigs su mi rung ste/ phra rgyas ldan pa ma yin par smra ba rnams kyis khas ma blangs pa'i phyir ro/ /nyon mongs pas byas pa kho nar 'dod do zhes bya ba la/ nyon mongs pa ni res 'ga' ba' o/ /de mngon du gyur pa nyid kyis sems nyon mongs pa can du gyur te ma 'ongs pa'i dge ba mi skye zhing/ da ltar ba las kyang nyams par byed do/ /de'i phyir mngon du ma gyur pa na nyon mongs pa dang dge ba skye ba mi 'gal lo/ /gnas brtan 'dus bzang na re/ nyon mongs pas byas pa kho nar 'dod do/ /zhes bya ba 'di dpyad par bya ba ma yin te/ btsun gtso ba'i dgongs pa yongs su ma shes pa'i phyir ro/ /dgongs pa ni phra rgyas rnams mi ldan pa yin na dge ba'i sems dang 'gal ba 'am/ yang na mi 'gal ba nyid yin pas dge ba'i sems mi bskyed pa dang mi 'gal ba nyid kyis kun nas nyon mongs

  441. 221a

    pa'i phyir brtag par bya'o/ /nyon mongs pa dang kun nas nyon mongs pa'i rgyu nyid kyi phyir kun nas nyon mongs par brtag par bya'o/ /dge ba'i sems dang 'gal ba nyid kyis ma yin te/ bsam pa gzhan sped? pa'i don nyid du bshad do zhes zer ro/ /nyon mongs pas byas pa kho nar 'dod pa ni/ phra rgyas rnams kyis ma yin zhes pa'o/ /de ni 'di dpyad par bya ste/ mdo mdzad pas btsun pa gang po gtso bo'i dgongs pa ma shes pa ma 'on te gnas brtan rnams kyis mdo mdzad pa'i dgongs pa ma shes zhe na/ mdo sde ba rnam kyi ji lta bu yin pa de lta ni legs pa yin no zhes bya ba byas par smos te/ mdo sde pa rnams kyi ltar na phra rgyas dang bcas pa spong bar byed do zhes bya ba ni mdo dang 'gal ba med mod kyi 'on kyang 'dod pa'i 'dod chags kyi phra rgyas yin pas phra rgyas ldan pa ma yin par thal bar 'gyur ro snyam pa de spang ba'i phyir phra rgyas ni mtshungs par ldan yang ma yin la/ ldan pa ma yin pa yang ma yin gyi zhes bya ba smos so/ /rdzas gzhan ma yin pa'i phyir zhes bya ba la ci'i phyir zhe na/ rdzas gzhan gyi bdag nyid ma yin pa'i phyir ro/ /nyal ba zhes bya ba la/ rang gi 'bras bu sems kun nas nyon mongs pa la sogs par mi byed pa'i phyir nyal ba zhes bya la rgyu'i dngos por rjes su 'brel pa'i phyir bra rgyas zhes bya'o/ /sang pa zhes bya ba ni mngon du gyur pa ste rang gi 'bras bu sems kun nas nyon mongs pa la sogs pa byed par nus pa'i phyir sang ba zhes bya la sems rang dbang med par byed ba'i phyir kun nas dkris pa zhes bya'o/ /nyal ba dang sad pa yang ma grub pas de la nyal ba gang yin zhes na zhes bya ba rgyas pa dris so/ /mngon sum du ma gyur pa zhes bya ba la/ mngon sum du ma gyur pa sa bon gyi ngo bo yin pas khyad

  442. 221b

    par yod de 'dod chags la sogs pa nyon mongs pa'i sa bon gyi dngos po ni de'i gnyen po skye ba med par nam yang rten ldog pa ma yin no/ /sa bon gyi dngos po'i rang gi ngo bo ma grub pa'i phyir 'dri ba ni sa bon gyi dngos po zhes bya ba 'di ci zhes na zhes bya ba'o/ /lus kyi zhes bya ba rgyas par 'byung ste 'dir lus ni rten no/ /nyon mongs pa las skyes pa nyon mongs pa skyes pa'i mthu yin te zhes bya ba la/ nyon mongs pa ni 'jug pa rten ma 'ongs pa'i nyon mongs pa skye ba dang mthun par byed cing/ de dang mthun pa'i rten de las kyang rkyen lhag ma yod na slar nyon mongs pa skye'o/ /de'i phyir rten gyi gnas skabs kyi khyad par gang zhig nyon mongs pa'i nus pa sa bon gyis nyon mongs pa skye ba dang mthun pa de ni nyon mongs pa las skyes pa nyon mongs pa skye ba'i mthu zhes bya ba la/ de ni mi rtag pa dang 'bras bu nyid la sogs pa ltar brtags pa'i chos yin pa'i phyir rten de las de nyid dang gzhan du brjod du med pa yin no/ /gal te brtags par yod na'o nyon mongs pa las skyes pa'am nyon mongs pa skyed par mi rung ngo zhe na/ rgyu dang 'bras bu rdzas su yod pa'i phyir ro/ /'di ni de lta ma yin te/ rang nyid kyi rgyu dang 'bras bu rnams la rten skye ba na nyon mongs pa'i nus pa las nyon mongs pa skye ba dang rjes su mthun par skye bas rten nyid de'i phyir bar gyi 'bras bu dang nus pa'o/ /rten gyi khyad par nyid las nyon mongs pa skye'i nus pa ni ma yin no/ /gzhan du na rten gyi khyad par nyid rgyu dang rten gyi khyad par nyid 'bras bu ste/ nyon mongs pa ni shes par mi nus pas de nyid kyi phyir nyon mongs pa las skyes pa dang nyon mongs pa skyed par byed pa'i nus pa zhes bshad do/ /gzhan dag na re/ gal te gnas ngan len de nyid phra rgyas so zhes na/ de ni 'dod pa nyid de/ gnas skabs

  443. 222a

    kyi khyad par ni ma yin no/ /mtshungs byar ldan pa ma yin zhes bya ba de la slob dpon 'dus bzang kyis mang du bshad pa de yang phal cher sbyar? bar bya ba ma yin pas gzung na? nges? pa'i 'jigs pas dngos su nye bar ma bkod do/ /rnam par bshad pa nyid du dgag pa rtogs par bya'o/ /ji ltar nyams su myong ba'i shes pa las skyes pa dran pa bskyed pa'i mthu zhes bya ba la/ 'dis ni 'dir dpe dang dpe can mtshungs so zhes grag ste/ de nyid la smras pa/ ji ltar nyams su myong ba dang lhan cig skyes pa'i dran pa nyid de/ 'di shes pa dang lhan cig pa'i dran pa skyed pa'i nus par khas blang bar bya'o/ /nyon mongs pa rnams las ni rdzas kyi rgyun tha dad pa'i bdag nyid yod pa ma yin te/ kha cig tu de dang lhan cig pa'i nyon mongs pa'i rdzas la nyon mongs ba skyed pa'i nus pa zhes bya'o/ /bsgrub byed dang dper brjod pa mtshungs pa med do zhes bya ba la/ mtshungs pa zhes pa bya ni nus pa'i khyad par las nyon mongs pa skyed pa mi ldan pa ma yin pa'i phra rgyas te/ de la 'di ni dpe ma yin no/ /nus pa'i khyad par ma yin pa las skyes pa ni dran pa ma yin pas mtshan nyid mi mthun pa med do/ /'di ltar nyams su myong ba'i shes pas dran pa'i rgyud la rang gi yul dmigs pa ni dran pa'i sa bon te/ de'i phyir nyams su myong ba'i yul la dmigs te dran pa skye'o/ /zhes khas blang bar bya'o/ /de lta ma yin na nyams su myong ba'i shes pas don med do/ /gzhan yang nyams su myong ba'i shes pa zhes bya ba thams cad lhan cig skyes pa'i sems dang sems las skyes pa'i tshogs pa de nyid du gzung pa na/ shes pa kho na 'ba' zhig ma yin gyi/ sems dang sems las byung ba'i tshogs pa de mdza' dag nyid do/ /rang gi yul la dmigs pa'i dran pa ni sems dang sems las byung ba'i tshogs

  444. 222b

    ba mdza' dag skyed pa la gtso bo ste/ rang gi rten gyi nus pa zhes bya'o/ /de'i phyir yang dran pa skye bas 'di la 'gal ba ci zhig yod/ dran pa'i sa bon la sogs pa ni rang gi rigs kyi rgyu ba las tha dad ma yin par brjod par bya la/ kha cig ni de dag 'gog pa dang 'du shes med pa'i snyoms par 'jug pa la ji ltar dran par skye bar brjod ces zer ro/ /'o na mdo las zhes rgyas par 'byung ba ni bye brag tu smra ba'i ste/ drug tshan drug ces bya ba ni/ der gsungs pa/ de la gang zhig bde ba'i tshor bas reg cing mngon par dga' mgu lhag par zhen te gnas pa 'di'i 'dod chag ni bde ba'i tshor ba las rgyas par 'gyur ro zhes gsungs so/ /mngon par dga' ba ni 'dir 'dod chags kyi phra rgyas zhes gsungs la/ mngon par dga' ba yang bde ba'i tshor ba dang mtshungs par ldan pa de'i phyir phra rgyas ni mtshungs bar ldan pa kho na yin gyi/ mthu'i bdag nyid ni ma yin no/ /'gyur ro zhes gsungs pa'i phyir de kho na ni ma yin zhes bya ba ni/ mngon du gyur pa'i gnas skabs na ma yin no zhes bya ba'i don to/ /de lta ma yin na de 'dod chags las rgyas so zhes gsungs par 'gyur gyi/ 'gyur ro zhes bya ba ma yin no/ /gang gi tshe nyal ba zhes bya ba ni sa bon gyi dngos pos gnas pa zhes bya ba'i tha tshig go /sad pa na 'gyur ro zhes mi ston par nyal ba zhes mngon par 'dod pa ci zhes bya ba rgol ba'i tshig go /'dir sang ba na 'gyur ro zhes ston pa ma yin no/ /'o na bde ba'i tshor ba las 'dod chags rgyas par 'gyur ro zhe na/ ma 'ongs pa las 'gyur ro zhes bya'i da ltar byung ba ni ma yin no/ /yang na 'di ni rgyu la nye bar btags pa yin par zhes bya ba la/ 'dod chags ni 'dod chags kyi phra rgyas kyi rgyu ste/ de la rgyu 'dod chags la 'bras bu phra rgyas zhes nye bar btags pa'o/ /gnas brtan 'dus bzang na re de nyid kyang da ltar ba'i dngos po mi 'thad

  445. 223a

    ba'i phyir 'di brtag par mi bya'o zhes zer ro/ /de nyid kun nas dkris pa'i mtshan nyid kyi phra rgyus ma yin no/ /'di la skyon med de/ mthong ba ni rgyu dang 'bras bu dag dbyer med par 'chad 'dod pas de ltar bstan te/ byis pa las lang tshor 'gyur ba ni/ 'o ma las zhor 'gyur ba lta bur byis pa las lang tshor 'gyur gyi/ 'o ma 'am zhor 'gyur ba lta bu ni ma yin no/ /phra rgyas kyi rang bzhin nges par gzung ba'i shes byed 'di nus pa med pa ste/ 'di nyid phra rgyas kyi rang bzhin rgyas pa rang de ma thag tu nges par gzung ba ma yin no/ /srid pa khams gsum pa yin pa'i phyir dang/ 'dod pa'i 'dod chags logs shig tu bshad pa'i phyir srid pa'i 'dod chags mi shes pa srid pa'i 'dod chags zhes bya ba ci zhes dris so/ /gal te khams gnyis las skyes na ci'i phyir gcig tu byas la/ 'di kho na gcig tu byas kyi phra rgyas gzhan dag ma yin zhes bya ba 'di la rgyu ci zhig yod ce na/ kha nang du bltas pa'i phyir dang thar pa'i 'du shes bzlog pa'i phyir byas so/ /'dod pa'i khams kyis 'dod chags ni phal cher yul la phyogs pa'i phyir kha phyir bltas pas zhugs pa yin no/ /snyoms par 'jug pa'i 'dod chags de dag ni phal cher zhes bya ba la/ gzhal med khang la sogs pa dag la yang 'dod chags par bstan pa'i phyir phal cher zhes bya ba smos so/ /'dod chags de gzugs dang gzugs med pa'i khams dag tu ni snyoms par 'jug pa'i yul can yin pa'i phyir kha nang du bltas par zhugs pa yin te/ de'i phyir srid pa'i 'dod chags su bshad do/ /de lta bas na kha cig khams de gnyis la zhes bya ba rgyas par 'byung ste/ der kha cig de la thar par 'du shes pa'i 'dun pa bzlog pa'i phyir der skyes pa gang yin pa de ni

  446. 223b

    srid pa kho na yin te/ de'i phyir der skyes pa gang yin pa de ni srid pa'i 'dod chags yin no/ /zhes bshad de/ thar pa 'dod pas srid pa thams cad la 'dod pa med par 'gyur bar bya dgos so zhes bstan to/ /lus kho na srid pa yin gyi/ snyoms par 'jug pa tsam ni ma yin no zhes ston pa ni rten dang bcas pa zhes bya ba ste rten ni lus so/ /'dod pa'i 'dod chags dang bral ba'i phyir zhes bya bas ni 'dod pa'i ro myang bar mi byed ces bya bar bstan to/ /de'i phyir 'dod chags de ni srid pa'i 'dod chags zhes bshad do zhes bya ba la/ khyed cag gi 'di ni srid pa la 'dod chags pa yin gyi/ thar pa ni ma yin no zhes thar pa'i 'du shes bzlog par 'gyur ro/ /grag go zhes bya ba'i sgra smos pas gzhan du thar pa'i 'du shes bzlog pa ma yin gyi/ srid pa'i 'dod chags smos pa'i dmigs pa'i dbang gis zhes shes par byed do/ /gnas brtan 'dus bzang na re mdo las gsungs pa'i don dang don snga ma la khyad par cung zad blta bar bya ste/ sngar ni snyoms par 'jug pa'i dmigs pa yin pa'i phyir gcig tu byas te kha nang du bltas par gsungs pa de'i phyir thar pa'i 'du shes bzlog ste/ rjes su srid pa'i 'dod chags zhes bshad la/ 'dir ni lus la dmigs pa'i phyir gcig tu byas te srid pa la dmigs pas srid pa'i 'dod chags zhes bshad pas ji ltar don la khyad par med ces zer ro/ /bden pa rnams mthong ba tsam gyis spong bar 'gyur ro zhes bya ba la/ tsam gyi sgra ni bsgoms pas bsal bar bya ba'i phyir te/ nyon mongs pa gang zhig bden pa gang la bskur pa 'debs pa de ni de? mthong ba tsam gyis song bar 'gyur te/ thag pa mthong bas sprul du 'khrul pa bzhin no/ /phyis lam goms par byas pas zhes bya ba ni/ bden pa gang yang rung ba la dmigs pa'i lam goms par byas pa ste/ bden pa mthong ba med par

  447. 224a

    bsgom pa'i lam thag pa med pa srid ba ma yin no/ /de ltar na 'jig tshogs la lta ba ni rnam pa gcig ste zhes bya ba ni/ bdag dang bdag gi ba'i rnam par sdug bsngal la log par zhugs pas sdug bsngal mthong bas spang bar bya ba kho na yin no/ /mthar 'dzin pa yang de dang 'dra'o zhes bya ba la/ de yang bdag tu mngon par 'dod pa'i dngos po la rtag pa dang chad pa'i mthar 'dzin pa'i phyir/ sdug bsngal kho na la log par zhugs pas sdug bsngal mthong bas spang bar bya ba kho na yin no/ /log par lta ba ni rnam pa bzhi ste zhes bya ba la/ sdug bsngal la sogs pa'i bden pa'i mtshan nyid la skur ba 'debs par zhugs pa'i phyir bden pa bzhi char la yang log par zhugs pas bden pa bzhi mthong bas spang bar bya ba kho na yin no/ /de bzhin du lta ba mchog tu 'dzin pa yang rnam ba bzhi kho na ste/ de ni dman pa la mchog tu lta ba yin pa'i phyir ro/ /de la kun 'byung dang 'gog pa dang lam mthong bas spang bar bya ba la dmigs pa ni kun 'byung dang 'gog pa dang lam mthong bas spang bar bya'o/ /de bzhin du the tshom za ba'i rnam pa can yin pas thams cad la log par zhugs pa'i phyir bden pa bzhin mthong bas spang bar bya ba yin no/ /tshul khrims dang brtul zhugs mchog tu 'dzin pa/ 'di? ni rnam pa gnyis te zhes bya ba la/ dbang phyug la sogs pa rgyu ma yin pa dag la de nyid du 'dzin ba ni rtag pa dang dag tu phyin ci log pa las 'jug pas sdug bsngal mthong bas spang bar bya ba'o/ /lam ma yin pa la der 'dzin pa ni lam mthir bas spang bar bya'o/ /de dag ni ji lta bu yin zhes bya ba ni 'dod chags la sogs pa lnga nyid du brtan pa dag go /gang dang gang zhig mthong bas spang bar bya ba'i dmigs pa can zhes bya ba rgyas par 'byung ste/

  448. 224b

    'dod chags la sogs pa gang dag sdug bsngal mthong bas spang bar bya ba'i lta ba la dmigs pa de dag ni sdug bsngal mthong bas spang par bya ba yin pa nas/ de bzhin du lam mthong bas spang bar bya ba la dmigs pa de dag ni lam mthong bas spang par bya ba'i bar du yin no/ /'di phan tshun brten pa zhes bya ba ni rgol ba'i tshig go/ de la mthong bas spang bar bya ba ni mthong bas spang bar bya ba'i dmigs pa nyid kyis te/ 'dod chags la sogs pa rnams dang sbyar bar bya'o// lta ba mchog tu 'dzin pa mthong bas spang bar bya ba nyid ma yin yang mthong bas spang bar bya ba'i dmigs pa yin pas spang bar bya la dmigs pa nyid do/ /de'i phan tshun brten pa med ba nyid do// /zhes gnas brtan 'dus bzang zer ro/ /gal te gang dag sdug bsngal mthong bas spang bar bya ba la dmigs pa de sdug bsngal mthong bas spang bar bya ba yin na/ kun 'byung mthong bas spang bar bya ba yang sdug bsngal mthong bas spang bar bya ba dmigs pa yod pas de dag kyang sdug bsngal mthong bas spang bar bya ba nyid du thal bar 'gyur ro/ /de bzhin du 'gog pa dang lam mthong ba dang bsgom pas spang bar bya ba la dmigs pa'i phyir 'gog pa dang lam mthong bas spang bar bya ba dang bsgom pas spang bar bya ba yang bral bar 'gyur ro/ /de bzhin du sdug bsngal mthong bas spang par bya ba la yang brjod par bya'o/ /'gog pa dang lam mthong bas spang par bya ba la dmigs pa ma yin no/ /ci spang par bya ba zhes brjod par bya zhe na/ 'dir rang gi sgo nas lta ba dang the tshom dag kyang log par zhugs pa med do/ /'di'i mtshan nyid mthong bas spang par bya ba nyid kyis brjod de/ gnyi ga bye brag med pa'i phyir gang dag kho na so sor shes par 'dod pa skyed de/ ci lta bu zhe na/ 'di dag mthong bas spang bar bya ba zhes bya ba la sogs pa'o/ /de'i phyir sdug bsngal dang kun 'byung mthong ba

  449. 225a

    spang par bya ba dag la 'dir dmigs pa gzhan du thal ba med do/ /de bzhin du ma rig pa'i phra rgyas ni 'dod chags la sogs pa bzhin du de gnyi ga'i khyad par gyi phyir bden pa mthong ba nyid las bden pa mthong bas spang par bya ba la dmigs pa nyid kyis mthong bas spang par bya bar 'gyur gyi/ sdug bsngal la sogs pa'i bden pa la dmigs pa la ni ma yin no/ /de'i phyir gzhan du brjod do/ /sdug bsngal gyi yul mthong ba ni sdug bsngal mthong ba'o/ /de yang chos shes pa'i bzod pa dag gis spang par bya bas na sdug bsngal mthong bas spang par bya'o/ /lam mthong bas spang par bya ba'i bar yang de bzhin no/ /lta ba'i gzhi ni sdug bsngal la sogs pa'i shes pa goms pa las gang spong bar byed pa de bsgoms pas spang bar bya ba yin no/ /'dir gang zhig dngos su log par lta ba bzhin ma yin pa'i phra rgyas bden pa rnams la log par zhugs pa de la mchog tu 'dzin pa nyid med pas de'i dbang du byas nas 'dri ba ma yin gyi/ gang kho na 'dod chags la sogs pa dang chos mthun pa kho na la the tshom za bas 'dod chags pa bzhin du dri ba byed do/ /'di la skyon med de gang bshad pa sdug bsngal la chos shes pa'i bzod pas gzhom par bya ba sdug bsngal mthong bas spang par bya ba ste/ 'dir de'i gnas skabs kho na the tshom ste/ bden pa rnams la log par zhugs pa'i phyir ro/ /'di ci ltar des gzhom par bya zhe na/ de'i phyir 'di skad nges par brjod par bya ste/ gang dag gang mthong bas spang bar bya ba la dmigs pa de dang de ni mthong bas spang par bya ba zhes bya'o/ /lhag ma ni bsgoms pas spang par bya ba yin no/ /'dod chags dang khong khro dang nga rgyal dang ma rig pa rnams la rnam pa dang bye brag dang khams kyi dbye bas zhes

  450. 225b

    bya ba la/ rnam pa'i dbye bas ni bcur 'gyur te/ lta ba'i phra rgyas la rnam pa'i dbye bas lngar rnam par bzhag pa'i phyir ro/ /bye brag gi dbye bas ni sum cu rtsa drug tu 'gyur te/ bye brag gi dbye bas kyang sdug bsngal mthong bas spang par bya ba nas bsgoms pas spang par bya ba'i bar ro/ /khams kyi dbye bas ni dgu bcu rtsa brgyad du 'gyur te/ 'dod pa'i khams na sum cu rtsa drug go /gzugs kyi khams na sum cu rtsa gcig ste/ khong khro rnam pa lnga ma gtogs so/ /gzugs med pa'i khams na yang de bzhin du rig par bya'o/ /yang ci'i phyir khams kyi dbye bas phra rgyas brtsi'i ba'i dbye bas ma yin zhe na/ ji ltar 'dod pa'i khams na phra rgyas rnams dngos po gcig gi rgyas pa med pa de bzhin du bsam gtan dang po dang gnyis pa'i sa rnams su yang gzhan du sems so/ /gnyen po gcig pa des mi de ltar 'dod pa dang gzugs na spyod pa rnams so/ /de lta na yang gzugs dang gzugs med pa na spyod pa rnams tha dad par mi 'grub ste/ gnyen po gcig pa'i phyir ro/ /gal te bsgoms pas spang bar bya ba rnams rim gyis gnyen po bskyed par bya ba yin pa'i phyir tha dad pa nyid du grub po zhe na/ de ni sa rnams la mtshungs so/ /de'i phyir be sha te tse tu be sha te tsa tu ra shI te Shtse ti gron+tha(mdo 'grel): ka ra NI ya i ti/ de lta na yang skyon yod pa ma yin no/ /khams la sogs pa'i dbye bas mtshams sbyor rnams dgu bcu rtsa brgyad ces bshad do/ /gal te ci'i phyir de lta bu zhe na/ 'dod chags dang bral ba yongs su shes pa'i dge sbyong tshul gyi 'bras bu rnam par bzhag pa'i phyir dang phra rgyas spangs pa'i phyir rgyu gnyis kyis rnam par bzhag go /gnyis po yang sems kyi sa la chags pa dang ma bral ba'i phyir de'i dbye bas phra rgyas rtsi bar byed pa ma yin no/ /sngon rabs pa rnams na re/ de bzhin gshegs pa'i chos kyi rang bzhin rnams rnam par bzhag pa de la kha cig

  451. 226a

    gis de lta bu'i bsam gtan pa bzhi'i nyon mongs pa gcig tu bsdus nas gzugs kyis 'dod chags dang de bzhin du gzugs med pas gzhi'i la gzugs med pa'i 'dod chags zhes bshad do zer ro/ / kha cig na re/ yang de lta bus 'jig rten mdza' dag gis ji ltar bsdus zhes zer ro/ /gzhan dag ni de lta bu ni bcom ldan 'das kho nas mkhyen no zhes zer ro/ /'di la 'di brjod par nus te/ gang gi phyir bsam gtan bzhi pa'i nyon mongs pa chung ngu'i chung ngu spangs pas yongs su shes pa rnam par bzhag phyin chad dbye ba rtogs par mi bya ste/ de dag rigs mtshungs pa'i phyir ro/ /de lta ma yin na bsam gtan dang po spangs pa la yang yongs su shes pa rnam par bzhag na/ de rnam par bzhag pa rtog pa spang ba ma yin no/ /nges par de'i rigs can gyi nyon mongs pa gzhan spangs pa ma yin no/ /gang 'di rang gi sa dang mtshungs par ldan pa ma yin yang mtshungs par ldan pa bzhin du lta bar bya'o/ /bsam gtan bzhi pa'i 'dod chags dang bral ba las ni gzugs na spyod pa'i nyon mongs pa'i rigs ma lus pa de'i 'dod chags dang bral ba las yongs su shes pa rnam par bzhag go /gzhan dag na re sa dang khams rnams la nyon mongs pa'i bye bas med do zhes zer ro/ /de lta na so so skye bo bsam gtan bzhi par skyes pa nyon mongs pa can rnams rtog pa dang dpyod pa dang dga' ba dang bde ba dang ldan par 'gyur ro/ /gsungs pa yang/ rtog pa dang dpyod pa nye bar zhi ba'i phyir dga' ba med cing bde ba yang spangs te zhes so/ /sa gong ma'i nyer bsdogs sa 'og ma'i nyon mongs pa spong ba'i gnyen por mi 'gyur te/ 'ching ba gcig pa'i phyir ro/ /gang yang bsam gtan dang po thob pa'i phyir mi 'ong nas bsam gtan bzhi pa

  452. 226b

    thob pa'i bar spangs pa mtshungs pas de'i phyir nges par 'di khas blang bar bya'o/ /khams rnams bzhin du nyon mongs pa dang las rgyu dang 'bras bus sa rnams yongs su bcad pas de'i phyir kun du sbyor ba gcig gis grub pa ma yin pa'i phyir gzugs dang gzugs med pa'i khams dag gis phra rgyas dgu bcu rtsa brgyad du rnam par bzhag go /gzugs kyi khams de nyid na khong khro med do zhes bshad na 'on te de'i phyir gong na khong khro med ce na/ de'i phra rgyas kyi dngos po med de/ khong khro ni sdug bsngal gyi tshor ba las rgyas par 'gyur ba yin na/ de yang gong na med pas mi srid do/ /de la khong khro ni zhe sdang dang rlung gi nang rtsub po ltar yin na/ sems can de dag ni rgyud zhi gnas kyis brlan pas rnam par smin pa yid du mi 'ong ba med pa'i phyir dang/ gang gi phyir khams de dag tu rnam par smin pa yid du ma 'ong ba dang bral bas kun nas mnar sems kyi dngos po med pa'i yang phyir ro/ /de la phyi rol gyi lcags dang 'gyur byed dang tsher ma la sogs pa med cing/ nang gi rlung dang brjod byed la sogs pa yang med de// byams pa la sogs pa'i dge ba'i rtsa bas bsgos pa'i phyir dang yongs su 'dzin pa med pa'i phyir ro/ /srid rtse las skyes bzod pa yis/ /gzhom bya zhes bya ba la/ srid rtse smos pa ni de las gzhan pa'i sa las skyes pa las khyad par du bya ba'i phyir ro/ / bzod pa mos pa ni bsgom pas spang par bya ba bsal bar bya ba'i phyir ro/ /chos kyi bzod pa la thal bar 'gyur ba spang pa'i phyir/ rjes su shes pa'i bzod pas gzhom par bya ba zhes bya ba smos so/ /srid pa'i rtse mo'i gnyen po'i 'jig rten pa'i lam med pa'i phyir mthong bas spang bar bya ba kho na yin gyi/ bsgom pas spang bar bya ba ni ma yin no/ /sa lhag ma dag na ci rigs par zhes bya ba ni 'dod pa'i khams la sogs pa dag na re ci yang med pa'i skye mched kyi bar dag na'o/ /ci rigs par ni ji ltar srid par

  453. 227a

    te/ 'dod pa'i khams na ni chos shes pa'i bzod pas spang bar bya ba yin la/ bsam gtan dang po yan chad ni rjes su shes pa'i bzod pas gzhom par bya ba yin no/ /so so'i skye bo rnams kyi ni bsgoms pas spang bar bya ba dag yin no zhes bya ba ni/ sa gong ma pa'i bsgom pa'i lam ni sa 'og ma'i gnyen po yin pa'i phyir te/ bstan bcos las bcom ldan 'das kyi nyan thos kyis ni mthong bas spong la/ so so'i skye bas ni bsgoms pas so zhes pa byung? ba'i phyir ro/ /sa thams cad na zhes bya ba la/ thams cad smos pa ni srid pa'i rtse mo bsdu bar bya ba'i phyir ro/ /gnyi ga'i zhes bya ba'i ci rigs par 'phags pa dang so so'i skye bo'i ste so so'i skye bo ni srid pa'i rtse mo ma gtogs pa'i 'o zhes brjod par bya'o/ /gzhan dag na re lhag skyes mthong dang bsgom gnyis kyi zhes bya ba'i mdo 'di la nus pa'i byed pa med de/ ci ltar na srid rtse las skyes pa bzod pas gzhom par bya ba rnams mdza' gcig tu mthong bas spang bar bya ba gsungs pa'i phyir dang bzod pas gzhom bya ma yin pas thams cad pa rnams mdza' gcig tu bsgom pas spang bar bya bar gsungs pa'i phyir ro zhes zer ro/ /lhag skyes mthong dang bsgom gnyis kyi/ bzod pas gzhom bya zhes bya ba 'di ma bzod de/ gzhan dag na re phyi rol pa rnams kyi ni zhes bya ba rgyas par smos te/ de ltar na srid pa'i rtse mor skyes pa bzod pas gzhom par bya ba 'ba' zhig mthong bas spang bar bya ba ma yin gyi 'o na ci zhe na/ sa thams cad du skyes pa yin no zhes bya bar ston to/ /'di ltar zhes bya ba ni gang gi phyir zhes bya ba'i don to/ /las rnam par 'byed pa chen po'i med? zhes bya ba rgyas par 'byung ste/ de la las rnam par 'byed pa chen po'i mdo las kun dga' bo/ /'di ni srog gcod pa spong ba nas

  454. 227b

    log par lta ba spong ba'i bar du yin la/ 'di la yang mi dga' zhing so sor mi dga' la/ lus zhig nas shi ba'i 'og tu ngan song ngan 'gro log par ltung ba sems can dmyal ba dag gi nang du skye bar 'gyur ro/ /de phyi rol gyi mu stegs pa dge sbyong ngam bram ze yang rung ste/ rdzu 'phrul dang ldan pa'i lha'i mig dang ldan pa gzhan gyi sems shes pa gang zhig gis mthong nas de 'di snyam du lus kyis legs par spyad pa yang med la/ lus kyis legs par spyad pa'i rnam par smin pa yang med do/ /ngag dang yid kyis legs par spyad pa yang med la/ ngag dang yid kyis legs par spyad pa'i rnam par smin pa yang med do snyam du sems so/ /zhes 'dod chags dang bral ba rnams la/ 'dod pa'i khams la dmigs pa'i lta ba kun du 'byung bar gsungs so/ /log par lta ba 'di ni 'dod pa'i khams la dmigs pa can yin te/ las te 'dod pa na spyod pa'i phyir dang/ dmyal ba yang de kho nar srid pa'i phyir ro/ /sngon gyi mdza' la rtog pa rnams las rtag par smra bar rnams dang/ rgyu med pa las kun du 'byung bar smra ba 'dod chags dang bral ba rnams la 'dod pa'i khams la dmigs pa'i lta ba kun 'byung bar ni tshangs pa'i dra ba las gsungs so/ /de la sngon gyi mdza' la rtog pa rtag par smra bar ni mkhas par brjod pa tsam zhig bstan par bya ste/ 'di na dge sbyong ngam/ /bram ze la la dgon par na 'dug kyang rung/ shing drung na 'dug kyang rung/ khang stong na 'dug kyang rung/ kun du sbyangs pa'i rgyu dang/ spong ba'i rgyu dang/ bsgom pa'i rgyu dang/ lan mang du byas pa'i rgyu dang legs par spyad pa'i rgyus sems mnyam par gzhag pa'i ji lta bus 'jig pa dang chags pa'i bskal pa nyi shu yang dag par rjes su dran par 'gyur ba de lta bu'i sems kyi ting nge 'dzin zhi ba la reg par 'gyur zhing/ de 'di snyam du bdag dang 'jig rten 'di ni rtag pa yin no snyam par 'gyur ro zhes 'byung ngo/ /de'i phyir de ltar na rtag par lta ba das?

  455. 228a

    bdag dang 'jig rten la dmigs pa na 'dod pa'i khams la dmigs par byed pa yin te/ de bzhin du sngon gyi mdza' la rtogs pa rtag par smra ba gzhan rnams kyis kyang 'dod pa'i khams la dmigs par byed pa yin no/ /da ni la la rtag par smra bar rnams las brtsams te/ dge slong dag 'jig rten 'jig cing zhes bya ba nas rgyas par sems can gang yang rung ba zhig tshe zad cing bsod nams zad la/ las zad pas gnas de nas shi 'phos te/ 'di lta bu mi rnams dang skal ba mnyam par skye bar 'gyur zhing de rims kyis nar son te dbang po rnams yongs su smin pas dgon pa na 'dug kyang rung shing drung na 'dug kyang kun du sbyangs pa'i rgyu dang zhes bya ba'i bar du 'byung zhing/ rgyas par sems mnyam par gzhag pa ji lta bus sngon gyi lus rjes su dran par 'gyur ba de lta bu sems kyi ting nge 'dzin zhi ba la rig par 'gyur zhing/ de 'di snyam du gang gis bdag cag sprul pa'i tshangs pa gang yin pa 'di ni rtag pa bstan pa ther zug pa mi 'gyur ba'i chos can no/ /bdag cag gang dag tshangs pa des sprul pa de de dag ni mi rtag pa mi brtan pa ther zug ma yin pa 'gyur ba'i chos can yin no zhes bya ba nas/ de ltar na la la rtags la la la mi rtag pa 'di bzhi dang po ste/ gang la rten cing gang la gnas te/ gang la so sor brten nas sngon gyi mdza' la rtog pa bdag dang 'jig rten la la rtag la la la mi rtag par smra zhing mngon par smra ba'o/ /mthar 'dzin par lta ba'i 'di ni 'dod pa'i khams la dmigs pa yin te/ bdag nyid 'dod pa'i khams su skyes pa la mi rtag pa nyid du zhen pa'i phyir ro/ /da ni rgyu med pa las kun du 'byung ba'i dbang du mdzad nas gsungs te/ ji ltar zhe na/ rgyas par gsungs nas gzugs kyi khams na 'di dus med pa zhes bya ba'i lha dag yod de/ sems can de dag 'di dus

  456. 228b

    skyed pas gnas de nas shi bar 'gyur ro/ de nas sems can gang yang rung ba zhig tshe zad cing bsod nams zad pa la las zad pas gnas de nas shi 'phos nas 'di lta bur mi rnams dang bskal pa mnyam par 'ong bar 'gyur gyi/ de rim gyis nar son te dbang po rnams yongs su smin nas dgon pa na 'dug kyang rung zhes bya ba rgyas par 'byung ba nas/ sems mnyam par gzhag pa ji lta bus sngar 'du shes 'byung ba dran par 'gyur ba de lta bu'i sems kyis ting nge 'dzin zhi ba la reg par 'gyur zhing/ de 'di snyam du bdag dang 'jig rten ni rgyu med pa las kun du 'byung la/ bdag sngar ma byung la da ltar byung ngo snyam du sems par 'gyur ro zhes bya ba'i bar 'byung ngo/ /de ltar na rgyu la skur pa 'debs pa'i log par lta ba 'di 'dod pa'i khams la dmigs pa yin te/ 'dir skyes pa'i bdag rgyu med pa nyid du lhag par zhen pa'i phyir yang 'di ji ltar na log par lta bar 'gyur zhe na/ bdag dang 'jig rten gyi sngar gyi legs par spyad pa dang/ nyes par spyad pa'i rgyu la skur pa btab pa'i phyir ro/ /'dod pa'i khams las 'dod chags dang bral ba'i phyir/ de rnams kyi lta ba de dag ni gzugs na spyod pa kho na yin no snyam du sems pa bsal ba'i phyir gzugs na spyod pa'i zhes bya ba la sogs pa smos so/ /'dod chags dang bral ba'i phyir ro zhes bya ba la/ sa gong ma pa'i nyon mongs pa ni sa 'og ma la dmigs pa ma yin te/ de la 'dod chags dang bral ba'i phyir ro/ /bye brag tu smra ba rnams na re de ni yod pa ma yin te/ phyi rol pa rnams ni srid pa'i rtse mo'i bar du skye bar dmigs na de ni 'dod pa na spyod pa'i nyon mongs pa kun du 'byung bar 'gyur na mi rigs te/ rgyun du zhugs pa la sogs pa ltar mthong ba dang bsgom pas spang bar bya ba dag las gang yang rung ba zhig gis kyang 'dod pa'i khams su nying mtshams su sbyor ba'i phyir ro/ /de dag bsgoms pas spang bar bya ba spang ba'i

  457. 229a

    'dod chags dang bral ba yin la/ mthong bas spang bar bya ba ma spang ba'i 'dod chags dang bral ba yin no zhes bya ba 'di la yang rigs pa ci zhig ce'o/ /gal te de ltar na 'o na ni ji ltar 'dod chags dang bral ba rnams la 'dod pa'i khams la dmigs pa'i lta ba kun tu 'byung zhe na/ bye brag tu smra ba rnams na re de dag lta ba skye ba dang dus mnyam du nyams pa'i phyir te/ lhas byin bzhin no/ /dper na lhas byin gyis dge slong gi dge 'dun 'khor du bya ba'i phyir/ bcom ldan 'das la thugs las chung ngur bzhugs par gsol nas sdig pa'i bsam pa'i rnam pa skyes nas rdzu 'phrul las yongs su nyams pa de bzhin du de dag kyang lta ba kun du 'byung bas yongs su nyams pa yin no zhe'o/ /mdo las ni 'di skad du/ de nas lhas byin rnyed pa bkur stis zil gyis non nas sems yongs su gtugs te/ kye ma ma la bcom ldan 'das kyis bdag la dge slong gi dge 'dun byin kyang ci ma rung/ dge slong gi dge 'dun ni bdag gi 'khor du byas la bcom ldan 'das ni mthong ba'i chos la bde bar gnas pa dang ldan zhing thugs las chung ngur gnas par gsol lo snyam pa de lta bu'i sdig pa can gyi bsam pa'i rnam pa de skyes so/ /lhas byin gyis sems de skyed ma thag tu rdzu 'phrul de las yongs su nyams so zhes bya ba rgya cher 'byung ste/ de bzhin du de dag kyang lta ba'i kun nas nyon mongs pa kun du rgyu bas yongs su nyams par bshad pa de nyid kyi phyir lta ba skyed pa dang dus nyams su yongs su nyams pa yin no/ /gal te yongs su nyams pa na ci ltar de b+hu mi Sh+Tha nyid du mtshan par byed ce na/ myur du skye ba'i phyir zhes bya ste/ gal te de ltar goms pas las ci'i phyir yongs su nyams zhes bya ba rgol ba'i tshig go /de la klan ka 'di khas ma blangs pa'i

  458. 229b

    phyir 'dir 'ga' skyed pa med do/ /driSh+Ta o bi ta da byu mi Sh+Tha e bi ti a stU bA de'i rgyu mtshan legs par gzung nas myur du skyed pa'o/ /de'i rigs gzhan goms pa med pas yongs su nyams par 'gyur ro/ /'di ltar srid pa'i rtse mo thob pa yang de ltar thag ring ba'i gnyen po bsgom pa'i phyir khyad par las khyad par gyi cha dang mthun par ste/ bsam gtan dang po las sems gcig gis yongs su nyams par byed do/ /gal te phra rgyas nyi shu rtsa brgyad nges par mthong ba'i lam gyis spang bar bya ba yin na/ 'o na ci'i phyir mthong bas spang bar bya ba brgyad cu rtsa brgyad ces bya zhe na/ brjod par bya ste 'di ni dgongs pa can te rim gyis pa la mngon par dgongs nas bshad do/ /zag pa med pa'i lam gyi byed pa la yang dgongs te/ ci yang med kyi skye mched kyi bar gyi 'dod chags dang bral ba rnams mthong ba'i lam gyis de'i bral ba'i thob pa mngon du byed pa srid pa'i phyir de ltar bshad pa yin no/ /rtag par 'du shes pa dang ril por 'du shes pa spang ba'i phyir de skad du bshad de zhes bya ba la 'jig ces bya ba ni rtag par 'du shes pa spang ba'i phyir bstan to/ /tshogs zhes bya ba ni ril por 'du shes pa spang ba'i phyir ro/ /de dag sngon du 'gro ba can yin no zhes bya ba ni/ rtag pa dang ril bor 'du shes pa sngon du 'gro ba can yin no zhes bya ba ni rtag pa dang ril por 'du shes pa sngon tu 'gro ba can no/ /de dang bral bas bdag tu 'dzin pa dang bral bar 'gyur te/ rgyu med pas 'bras bu med par 'gyur ro/ /zag pa dang bcas pa la dmigs pa thams cad kyang zhes bya ba ni rnam pa lnga char yang ngo/ /zag pa dang bcas pa la dmigs pa zhes bya ba ni zag pa med pa la dmigs pa las kyang khyad par du byed pa'o/ /'jigs tshogs zhes bya ba ni nye bar len pa'i phung po lnga la'o/ /thams cad 'jigs tshogs kyi yul can yin bzhin du ci'i phyir bdag dang bdag

  459. 230a

    gir lta ba kho na la 'jigs tshogs su lta bar bshad ce na/ bdag dang bdag gir med par bstan pa'i phyir te/ de nyid kyi phyir ci nas kyang 'di ni 'jigs tshogs la lta ba yin gyi bdag dang bdag gi ba ni ma yin no zhes rtogs par bya ba'i phyir zhes bya ba smos so/ /'di nyid la khungs ni ji skad du dge slong dag ces rgyas par 'byung ba'o/ /gzhan dag na re 'dir 'jig pa'i sgra don med de/ mi rtag pa nyid du ni tshogs kyi sgras shes pa'i phyir ro zhes zer ro// 'dus pa rtag par 'dod par 'ga' yang med pas tshogs su lta ba kho nar 'gyur na/ 'di ni de lta ma yin te/ phung po rnams la dngos po gcig pa nyid dgag pa'i phyir dang de'i nye bar len pa rnams rtag pa dgag pa'i phyir te/ rtag par 'du shes pa dang ril por 'du shes pa spang pa'i phyir zhes sngar nyid du bshad zin to/ /'di gnyi ga yang 'dod pas gnas brtan rnams kyis skyon bstan pa'i gnas med do/ /slob dpon 'dus bzang na re/ yod do zhes bya ba 'dus pa'i tshogs yod pa ste gcig ma yin zhes bya ba'i don to/ /bdag yod pa nyid kyi 'jug pa 'dir lta ba de yang med pa de'i phyir yod par ma gyur pa la dmigs pas/ de'i don du 'jig pa'i sgra'o/ /'o na 'jig pa'i yul nyid la bdag yod par grub po zhes na/ de'i phyir tshogs kyi sgra ste/ bdag tu smra ba rnams kyis lus thams cad dam lus so so la bdag gcig nyid du brjod pa'o/ /'di tshogs ma yin zhes bya ba lus su ma gyur pa rnam par shes pa la dmigs pa nyid ni 'jig pa la dmigs pa nyid de bdag yod pa nyid du zhes so/ /gzhan rnams su yang 'jig tshogs la dmigs pa ste/ rang la bdag gir lta ba kho na 'jig tshogs la lta ba zhes bya ba'i gzhan ni ma yin no zhes bya'o/ /'dir yang 'jig pa smos pa las tha dad pa'i

  460. 230b

    tshogs yod pa nyid du rtog par byed pa 'ga' yang med do/ /de'i phyir tshogs pa la lta ba zhes brjod par bya ba ma yin gyi/ 'jig tshogs la lta ba zhes bya'o/ /gnas brtan rnams kyi skyon 'di thal bar 'gyur ro zhe na/ gang gi phyir thams cad log par zhugs pas log par bcug pa phyin ci log gi 'jug pa ste/ yang dag pa'i lta ba bsal ba'i phyir ro/ /thams cad ni 'jig tshogs la lta ba la sogs pa'o/ /yang ji ltar cig kho na yin zhe na/ phyin ci log gi 'jug pa phul du byung ba dang ldan pa de'i phyir bshad do/ /'di ni skur pa 'debs par byed pa yin la zhes bya ba ni/ sdug bsngal la sogs pa'i bden pa yod pa las med do zhes lta ba'i phyir ro/ /gzhan ni sgro 'dog par byed pa yin no zhes bya ba ni 'jig tshogs la lta ba la sogs pas bdag la sogs par sgro 'dogs pa'i phyir ro/ /gang mi rtag pa de sdug bsngal lo zhes gsungs pa'i phyir rtag par lta ba yang tha dad du brjod par bya 'am zhe na/ brjod par mi bya ste rtag par lta ba de bdag gi dbang du byas nas 'jug pa'i phyir ro/ /'di rtag par lta ba ma yin no zhes bya ba rgol ba'i tshig go /'di la 'ga' zhig gis lan smras pa/ bdag kho na'i dbang du byas nas mthar 'dzin par lta ba ste/ 'dis mthar byas pa ma yin yang 'jig tshogs la lta ba'i stobs kyis bskyed de zhugs pa'i phyir de nyid bdag gi bar mngon par 'dod do/ /dngos po'i sgo nas rtag pa'am chad par lta ba ni mthar 'dzin pa lta ba nyid do/ /mi rtag pa la rtag go snyam pa yang mthar 'dzin par lta ba'o/ /sdug bsngal la bde ba'o snyam pa ni lta ba mchog tu 'dzin pa'o/ /gang mi rtag pa de sdug bsngal zhes gsungs pa'i phyir rtag par lta ba yang bshad par rtogs par bya ste/ 'dir phyin ci log gis 'jug pa thams cad log par lta ba'o zhes gsungs so/ /'phags pa rnams kyis spangs pa'i phyir ro/ /zhes bya ba ni dor ba'i phyir ro

  461. 231a

    zhes bya ba'i don to/ /sogs pa'i sgra mi mngon par byas so zhes bya ba la/ gang gi phyir 'di ni lta ba tsam zhig la mchog nyid du 'dzin pa ma yin te/ 'o na ci zhe na/ nye bar len pa'i phung po lnga la'o/ /de'i phyir 'dir lta bas mchog tu 'dzin pa'i zhes bya ba'i sogs pa sgra mi mngon par blta bar bya'o gzhan dag na re/ lta bas mchog tu 'dzin pa zhes bya bar grub pa la/ mchog gi sgra ni lta bas rnams las phul du byung ba nyid shes par byed pa yin te/ sogs kyi sgra mi mngon par byas pa don ma yin no zhes zer ro/ /me dang chur 'jug pa zhes bya ba la/ sogs pa'i sgras ni zas gcod pa dang/ 'jug ngogs dang/ g.yang la mchod pa dang/ gdung ba dang/ skra 'bal ba la sogs pa bsdu'o/ /grangs can gyi rnal 'byor gyi shes pa la sogs pa zhes bya ba la/ 'dir yang sogs kyi sgras tshib gi don drug shes pa la sogs pa gzung ngo/ /'dir yang sogs pa'i sgra mi mngon pa byas so zhes grag go zhes bya ba la tshul khrims dang brtul zhugs ni gzugs kyi phung pos bsdus pa yin la/ nye bar len pa'i phung po lnga la 'dir rgyu dang lam gyi sgo nas lta bas 'dir yang sogs kyi sgra mi mngon par byas so/ /gzhan dag na re/ mchog gi sgra rab tu sbyar ba'i phyir phul bu byung bar zhugs pa'o zhes rigs par bya'o zhes zer ro/ /grag go zhes bya ba'i sgra ni mdo las tshul khrims dang brtul zhugs tsam zhig nges par gzung bas sogs pa'i sgras mi 'thad par bstan pa'i phyir ro/ /gal te rgyu ma yin pa la rgyud lta ba zhes bya ba rgyas par 'byung ste/ kun 'byung ba la sogs par zhugs pa'i phyir 'di ni kun 'byung mthong ba kho na spang bar rigs kyi/ sdug bsngal mthong bas ni ma yin no snyam du bsam pa yin no/ /gang la la dbang phyug gam skye dgu'i bdag po la rgyur lta ba zhes bya ba rgyas par 'byung ste/

  462. 231b

    de ni 'bras bur gyur pa kho na dbang phyug la sogs par 'du shes pas phung po rnams la rtag pa dang gcig pu dang bdag dang byed pa por rtogs nas dbang phyug la sogs pa dag la rgyur 'du shes par 'gyur ro/ /de dag rtag pa dang zhes bya ba rgya cher 'byung ba la/ sdug bsngal mngon par rtogs pa'i tshe kho nar bdag med pa'i shes pa thob pa'i phyis ni ma yin no/ /sdug bsngal mthong bas spang bar bya ba kho na 'jig tshogs la lta ba dang mthar 'dzin par lta ba ste/ ji skad du gang phyir 'di yis sdug bsngal mi mngon zhing/ de ma mthong bas bdag ces bya bar lta/ sdug bsngal yang dag ji bzhin rig nas ni/ 'di ni bdag ces bya bar lta mi 'gyur zhes bshad do/ /de'i phyir chos tsam mthong bas bdag tu lta ba ldog la/ de skyed pas bdag tu lta ba dang bral bar 'gyur ro/ /'dis mthar 'dzin par lta ba bshad do/ /de bzhin du bdag med par smra ba ni chad par lta ba ma yin te yang dag pa'i lta ba'o/ /bdag tu smra ba ni mthar 'dzin par lta ba'o/ de ltar lta ba ni sdug bsngal mthong bas spang par bya ste/ gang gi tshe 'dis sdug bsngal gyi bden pa la mi rtag pa la sogs pa'i rnam pas mchog tu bcom par gyur pa de'i tshe nyid du dbang phyug la sogs pa rgyur mngon par zhen par spong bar byed do/ /de'i phyir sdug bsngal mthong bas spang bar bya ba nyid du brjod kyi kun 'byung mthong bas spang bar bya ba yin no/ /de bzhin du gsod pa la sogs pa'i kun nas bkris pa rnams kyang lta bas drangs pa'i phyir mthong bas spang bar bya bar thal bar 'gyur te de ltar rang gi sgo nas bden pa rnams log par ma zhugs pa'i phyir ro// de la gsod po la sogs pa rnams ni re zhig dmigs pa med pa nyid kyi logs par zhugs pa ma yin te/ kun nas dkris pa de rnams kyang rang gi mtshan nyid kyi nyon mongs pa yin pa'i phyir dang nges par rtog pa'i bdag nyid ma yin pas bsgoms pas

  463. 232a

    spang bar bya ba ma 'dres pa la dmigs pa'i phyir ro/ /de lta bu'i chos la yod pa'i rang gi mtshan nyid kyi nyon mongs pa ni mthong bas spang bar bya ba ma yin no/ /tshul khrims dang brtul zhugs mchog tu 'dzin pa ni dbang phyug la sogs pa rgyur mngon par zhen pa'i mtshan nyid kyis rtag pa dang bdag tu phyin ci log pa'i phyir sdug bsngal la rgyur bzung ba na/ de sdug bsngal mthong bas spang bar bya ba kho na yin gyi/ kun 'byung mthong bas spang par bya ba ma yin no/ /'o na gang me dang chur 'jug pa la sogs pas zhes bya ba la sogs pa la/ 'di ni kun 'byung ba la log par bzhugs pa'i phyir dang/ rtag pa dang bdag tu phyin ci log pa la ltos pa'i phyir kun 'byung mthong ba spang par bya bar bya ba kho na yin no snyam bsams pa'o/ /tshul khrims brtul zhugs kyis dag par lta ba ji lta bu yin/ zhes bya ba ni 'di yang lam la log par zhugs shing rtag pa dang/ bdag tu phyin ci log pas drangs pa ma yin pas lam mthong bas spang bar bya ba kho na yin no snyams bsams pa'o/ /de yang sdug bsngal mthong ba spang bar bya ba yin te/ zhes bya ba ni dbang phyug la sogs pa la rgyur mngon par zhen pa 'ba' zhig tu ma zad kyi zhes bya ba'o/ /don de las stan bcos khungs su smos pa ni/ bstan bcos las 'di skad du zhes bya ba rgyas par 'byung ba'o/ /'dir sdug bsngal mthong bas spang bar bya ba la dmigs pa'i phyir ram/ des drangs pa yin pa'i phyir sdug bsngal mthong bas spang bar bya bar brtag grang na/ de gnyi ga yang med do/ /snyam du dpyad nas dri ba ni/ ci'i phyir zhes bya ba rgyas par 'byung ba'o/ /rgyu gsungs pas/ sdug bsngal la log par zhugs pa'i phyir ro/ /yang ci'i phyir sdug bsngal la log par zhugs

  464. 232b

    zhe na/ des dag par mi rtog pa'i phyir ro/ /zag pa dang bcas pa la dmigs pa thams cad zhes bya ba rgyas par 'byung ngo/ /zag pa med pa la dmigs pa ma gtogs pa'i nyon mongs pa thams cad sdug bsngal la log par zhugs pa yin te/ zag pa dang bcas pa'i dngos po thams cad sdug bsngal pa yin zhing de la yang dag pa ma yin par zhugs pas log par zhugs pa'i phyir sdug bsngal mthong bas spang bar bya ba kho nar 'gyur ro/ /de lta yin na yang kun 'byung ba dang 'gog pa dang lam mthong ba dang/ bsgom pas spang bar bya ba med par thal bar 'gyur ro/ /yang na tshul khrims dang brtul zhugs mchog tu 'dzin pa zhes bya ba rgyas par 'byung ste/ gal te 'di sdug bsngal la log par zhugs pa'i phyir sdug bsngal mthong bas spang bar bya ba yin na/ gang zhig lam mthong bas spang bar bya ba sdug bsngal la log par ma zhugs pa gzhan ji lta bu zhig yod snyam su dgongs pa'o/ /lam mthong bas spang bar bya ba la dmigs pa gang yin pa'o zhes bya ba la/ gang zhig lam mthong bas spang bar bya ba nyon mongs bdun la dmigs pa zad pa las lam mthong bas spong bar 'dod do/ /de yang sdug bsngal la log par zhugs pa yin no zhes bya ba ni log par lta ba la sogs pa lam mthong bas spang bar bya ba dag zag pa dang bcas pa nyid kyi sdug bsngal gyi bden pas bsdus pa'i phyir ro/ /da ni tshul khrims dang brtul zhugs mchog tu 'dzin pa lam mthong bas spang bar bya ba la dmigs pa nyid ma bzod nas/ yang gang lam la dmigs pa lag par lta ba 'am zhes bya ba la sogs pa smos te/ ji ltar de dag par yid ches par 'gyur zhes bya ba ni/ lam med do snyam du log par lta ba dang the tshom de dag ngis ni thar pa'i thams cad la skur pa 'debs par byed pa 'am/ the tshom za ba na log par lta ba'am/ the tshom de dag go snyam

  465. 233a

    du ji ltar rtog par 'gyur/ 'on te thar pa'i lam gzhan zhes bya ba ni grangs can pa dang gcer bu pa 'dod pas so/ /thar pa'i lam 'di ni med do zhes bya ba ni bde bar gshegs pa pa'i 'o/ /de yang gzhan de kho nas zhes bya ba na grangs can la sogs pa 'dod pas yin gyi lam la skur pa 'debs pa'i log par lta ba ni ma yin te/ de'i phyir grangs can la sogs pa lam la dmigs pa nyid du 'gyur gyi/ lam la mthong bas spang par bya ba la dmigs par ni mi 'gyur ro/ /yang gang zhig ces bya ba rgyas par 'byung ste/ 'on te ci'i phyir bden pa gnyis su thal ba las sdug bsngal dang lam mthong bas spang bar bya ba nyid du 'dod cen slob dpon 'dus bzang ma re/ kun 'byung ba dang 'gog pa mthong bas spang par bya ba yin pa mi rigs te de'i lus su mi 'thad ba'i phyir ro zhes zer ro lus ni tshul khrims dang brtul zhugs mchog tu 'dzin pa ste rgyu ma yin pa la rgyur mngon par zhen pa dang lam ma yin pa la lam du mngon par zhen pa'o/ /kun 'byung la skur pa 'debs pa ni log par lta ba ste glo bur du skye bar mthong ba yin no/ /sdug bsngal dang kun 'byung ba dag kyang rdzas kyi sgo nas tha dad pa'i phyir sdug bsngal yang 'dis bskul/ yin no/ /'gog pa la skur pa 'debs pa ni 'gog pa'i thabs la rtogs pa nyid mi srid do/ /ci ltar med pa 'gog ce na/ mthong ba'i rjes su de'i thabs la rtog pa don med par 'gyur ro/ /lam med ces bya ni mthong ba'i rjes su lam rtog pa 'thad pa'i phyir ro/ /gzhan ni thar pa'i lam snying la zhen par gyur pa thar pa'i lam la skur pa 'debs pa ni log par lta ba 'ba' zhig par zhugs pa ste/ rigs pa 'dis gang gzhan dag la thar pa'i lam med do/ zhes bya ba la/ 'dir ni

  466. 233b

    ma bO ra Nai ba bi hi ta mut+ta daM/ bo bi nai bA n+yai na shurhi pre tyeti/ des log par lta ba ma yin zhes bya ba la/ gal te yang sdug bsngal dang kun 'byung ba dag rdzas tha dad pa'i phyir kun 'byung la skur pa 'debs par 'dod pa de lta yin na/ sdug bsngal dang kun 'byung ba mthong bas (byed pa nyid kyi byas pa mchog ste de yang gzhan kho na dag par) spang bar bya ba tha dad par mi 'gyur ro/ /yo hi i Sha ta pragb+ha rA khyA pri thi pI drI/ thar pa nyid du mngon par zhen pa don dam par thar pa la skur pa 'debs par byed de yang mthong bas dag pa'i phyir ro/ /de ci ltar 'gog pas mthong bas spang bar bya ba yang ma yin zhe na/ tshul khrims gang dang cung zad sngon? brtul (khur du bshad pas gnyis su zhugs mchog tu 'dzin pa yin no/ /de'i phyir de'i gnas skabs bden pa bzhi mthong bas spang bar bya ba ste/ tshul khrims dang brtul zhugs mchog tu 'dzin pa ni sdug bsngal mthong bas spang bar bya ba dag go /gang gzhan dag gnas brtan rnams kyis kA sha dang ku sha 'phyang ba'i rigs pas bshad pa de ni 'dir gzhung na nges pa'i 'jigs pa dang snying po med pa'i phyir ma bshad do/ /da lta bas don 'di ni brtag par bya ba yin no zhes bya ba la/ gang gi phyir zag pa dang bcas pa la dmigs pa'i phyir thams cad sdug bsngal mthong bas spang bar bya bar 'gyur ba 'am/ de dag gi spang bar bya ba'i lta ba la dmigs pa'i phyir rnam pa bzhi yin pa de lta bas na tshul khrims dang brtul zhugs mchog tu 'dzin pa ni rnam pa gnyis kho na yin gyi rnam pa cig ma yin zhing rnam pa bzhi ma yin no zhes bya ba'i don 'di ni brtag par bya ba yin no/ /zhes slob dpon 'dus bzang zer ro/ /lam ma yin pa la lam du mngon par zhen pa gang yin pa sdug bsngal la dmigs pa'o/ /de la sdug bsngal mthong bas spang bar bya ba ni sdug bsngal la rtag pa la sogs par lta ba ste/ de'i

  467. 234a

    gnyen po yin pa'i phyir sdug bsngal la mi rtag pa la sogs par lta ba yin no/ /lam ma yin pa la lam gyi blo'i gnyen po ni ji ltar rtag par 'du shes pa de'i phyir lam ma yin pa la lam du mngon par zhen pa sdug bsngal mthong bas spong bar mi 'thad do/ /rgyu ma yin pa ni dbang phyug la sogs pa la rgyur mngon par zhen pa'o/ /'dis kun 'byung ba mthong bas spang ba nyid kyang 'di yin pa bzlog zin te/ sdug bsngal dang kun 'byung dang rgyu la sogs par lta ba med do/ /lam ma yin pa la lam du mngon par zhen pa'i gnyen po ni lam nyid de/ 'di'i gnyen po lam mthong ba nyid do zhes 'byung ste/ lam mthong bas spang bar bya ba nyid dang sbyar ro/ /gal te lam yang lam gyi sgo nas mthong ba sdug bsngal ba sogs pa la ltos nas nges par gzung ba ma yin pa lam mo zhe na/ 'dis lam ma yin pa lam du 'dzin pa 'dor ba ma yin no/ /gzhan du nges par 'dzin te zag pa dang bcas pa'i dngos po la dmigs pa 'thob pa de'i phyir 'da' i? gnyen po lam mthong ba nyid ma yin te/ bstan bcos dang 'gal ba'i phyir ro/ /rgyu ma yin la rgyu'i sgo nas zhes bya ba ni/ tshul khrims dang brtul zhugs mchog tu 'dzin pa sdug bsngal mthong bas spang bar bya ba yin no zhes 'byung ba'o 'dir lam nyid rgyu'i sgras brjod de bde ba dang sdug bsngal bzlog ste gsungs pa'i phyir ro/ /ji ltar na bdag gir lta ba phyin ci log yin zhes bya ba ni bdag gi ba ni bdag tu lta ba ma yin te/ bdag med pa ma yin pa dang/ bdag med pa ni bdag tu lta ba ma yin cing bdag gi ba ma yin pa yin no zhes bya ba'i dbye ba 'di yod do/ /mdo las kyang bdag med pa la bdag go snyam du phyin ci log pa zhes 'byung gi bdag gi med pa la bdag gi snyam du zhes bya bar ni mi 'byung ste/ de'i phyir 'jig tshegs la lta ba ril phyin ci log ma yin no//

  468. 234b

    bdag tu lta pa 'di nyid sgo gnyis can yin no zhes bya ba ni rdzas kyi sgo na gcig yin yang bdag dang bdag gi pa'i 'jug pa tha dad pa'i phyir sgo gnyis can du 'gyur ro/ /'on te bdag ces bya ba 'di las zhes bya ba rgyas par 'byung ste bdag ces bya ba ni rnam par dbye ba dang pos bstan pa yin la/ gal te bdag gi zhes drug pas bstan pa rnam dbye tha dad pas lta ba gzhan du rtog pa de lta na bdag gis zhes bya ba dang bdag gi phyir zhes bya ba yang rnam dbye tha dad pa'i phyir de yang lta ba gzhan du 'gyur ro/ /'di ltar bdag gi zhes bya ba ni gsum pa'o/ /bdag gir phyir zhes bya ba ni bzhi pa'o/ /slob dpon 'dus bzang na re/ 'dod pa 'di gcig pu la lta ba bcu gnyis su nges par yod pas phyin ci log gi lta ba gnyis te/ 'jig tshogs la lta ba dang lta ba mchog tu 'dzin pa dag phyin ci log gi /rtag pa'i mthar lhung ba ni mthar 'dzin par lta ba'o/ /u pa pa dya ste hi/ rtag pa dang chad par lta ba dag phan tshun 'gal ba'i phyir ro/ /lta ba'i phyin nas rtog pa ni bdag dang bdag gi lta ba dag go zhes zer ro/ /bye brag tu smra pa rnams na re/ de la bdag kho na dbang byed par lta ba na bdag gi'o snyam du sems so zhes zhes zer ro/ /nyon mongs pa thams cad log par 'jug pa mtshungs na ci'i phyir nyon mongs pa gzhan dag kyang phyin ci log ma yin zhe na/ 'di ltar rgyu gsum gyi zhes bya ba rgyas par 'byung ste/ gsum po 'di rim gyis nyon mongs pa gzhan la yod pa ma yin te/ de'i phyir de rnams phyin ci log nyid rnam par bzhag go /log par lta ba dang chad par lta ba gnyis nges par rtog pa dang gcig tu phyin ci log yin mod kyi/ sgro 'dogs par byed pa ni ma yin te/ rdzas 'jig par zhugs pa'i phyir ro/ /tshul khrims dang brtul zhugs mchog tu 'dzin pa ni sgro 'dogs par byed cing nges par rtog ba'i bdag nyid yin mod kyi gcig tu phyin ci log pa ni ma

  469. 235a

    yin no/ /de tsam gyis dag par dmigs pa'i phyir zhes bya ba la nyi tshe ba dang dus gzhan na dag pa yin pas 'dod pa la 'dod chags dang bral ba la sogs pa srid pa'i phyir yin na/ bde ba dang gtsang bar phyin ci log pa dag kyang 'dir thal bar 'gyur ro/ /de tsam gyis bde ba dang gtsang bar dmigs pas de'i phyir lta ba bzhi las zhes brjod par bya'o/ /de tsam gyis kyang bde ba nyid dang gtsang ba nyid ma yin te/ ji ltar tshul khrims par brtul zhugs mchog tu 'dzin pas byas pa'i lus dang ngag nyes par spyod pa las dben ba'i mtshan nyid ni dag pa nyid do zhes rnam grangs kyi sdug bsngal bde ba nyid do zhes gzung ba'i phyir ro/ /lta ba mchog tu 'dzin pa ni mdza' gcig tu phyin ci log yin la/ tshul khrims dang brtul zhugs mchog tu 'dzin pa ni ma yin no/ /de tsam gyis dag par dmigs pa'i phyir lta ba gsum kho na las zhes rigs so/ /kha cig ni tshul khrims dang brtul zhugs kyis byas pa phyin ci log go zhes zer ro/ / nyon mongs pa gzhan dag ni zhes bya ba ni 'dod chags la sogs pa bzhi rnams so/ /de dag sgro 'dogs par byed pa dang log par 'jug pa yin mod kyi nges par rtog pa ni ma min no/ /the tshom ni log par 'jug pa yin mod kyi/ sgro 'dogs pa dang nges par rtogs pa ma yin no/ /de'i phyir phyin ci log ma yin no zhes bya ste/ gang gi phyir de dag la phyin ci log gi rgyu gsum po mdza' dag med pa'i phyir ro/ /'o na mdo las zhes bya ba 'dis ni lta ba'i bdag nyid can bzhi kho na phyin ci log yin no zhes bya ba 'di 'gal bar ston pa'o/ /'dir ni lta ba kho na phyin ci log yin gyi/ 'du shes dang sems gnyis ni ma yin te/ 'dod chags la sogs pa bzhin du nges par rtog par byed pa ma yin pa'i phyir ro/ /gal te de ltar na

  470. 235b

    mdo? dang 'gal ba ma yin nam zhe na/ 'gal ba med do/ sems dang 'du shes de dbang gis zhes bya ba rgyas par 'byung ngo/ /gal te sems dang 'du shes gnyis phyin ci log pa'i bdag nyid yin yang/ lta ba dang mtshungs par ldan pa'i phyir phyin ci log tu bshad na/ tshor ba la sogs pa dag kyang lta ba dang mtshungs par ldan par mtshungs bzhin du ci'i phyir ma bshad ces na/ thal ba 'di ni med de 'jig rten dang mthun par gsungs pa'i phyir ro/ /de nyid kyi phyir 'jig rten grags pa'i phyir te zhes bya ba smos so/ /gzhan dag na re/ 'du byed mi rtag pa la sogs pa la gang zhig rtag pa la sogs pa'i blo skyes pa de kha cig tu mtshan ma dang rnam par rtog pa ste 'du shes ni mtshan mar 'dzin pa'i bdag nyid yin pa'i phyir ro/ /de'i phyir de nyid phyin ci log ces bshad kyi/ tshor ba la sogs pa ni ma yin no/ /phyin ci log rnams kyi gnyen po ni shes rab kyi ming gis snyed cig brjod do/ /mi rtag pa'i rnam pa la rtag pa la sogs pa'i 'du shes sam zhes te/ rten dang nus pa las kyang nges par rtog pa dang mtshan mar 'dzin pa srid pa'i phyir sems phyin ci log tu bshad do/ /de ltar yang nyon mongs chu pos 'das pa yi/ 'jig rten 'di ni sems kyis khrid ces gsungs so/ /phyin ci log de dag thams cad kyang rgyun du zhugs pas spangs pa yin te/ 'di ltar bcom ldan 'das kyis gang zag lta ba phun sum tshogs pa 'di las phyi rol pa'i ston pa gzhan tshol ba dang/ srog gcod par byed pa gang yin pa ni gnas ma yin zhing sgo skabs med do zhes gsungs pa'i phyir ro/ /phyin ci log bzhi po gang dag yin pa de dag las bdag cig ni rgyun tu zhugs pa spangs/ du dag cig ni ma spangs she na/ bshad pa thams cad spangs so zhes gsungs so/ /de nyid la rgyu smras pa ni/ lta ba mtshungs par ldan pa dang bcas pa

  471. 236a

    rnams ni mthong bas spang bar bya ba yin pa'i phyir ro zhes bya ba'o/ /mtshungs par ldan pa smos pas ni sems dang 'du shes phyin ci log gnyis kyang mthong ba'i lam gyi spong ba yin no zhes ston to/ /gang gi tshe dang? pa dang chos kyi rjes su 'brang ba dag gis kyang 'di dag spangs na ci'i phyir rgyun du zhugs pas kho nas spangs zhes brjod par bya zhes na/ rgyun du zhugs pa rnams la kun tu sbyor ba ni dri bzang po'i byug pa dang bdug pa sgos pa'i gos dang zas dang btung ba la sogs pa'i khyad par bzhin du 'jug cing/ 'dod pa spyod pa dang nor bu dang gser dang dngul bdag gir byed pa yang yod do/ /de'i phyir mngon par shes pa med pa'i blo can rnams kyis kyang phyin ci log ma spang pa ma yin no/ /de'i phyir rab tu 'jug ces bya ba ste/ de'i don du rgyun du zhugs pas thams cad spang zhes bya ba 'am/ rnam grangs med par spangs pa'i phyir ro/ /'dis dad pa dang chos kyi rjes su 'brang ba'i khyad par yang rtogs so/ /phyin ci log ni bcu gnyis yin no zhes bya la/ lta ba phyin ci log dag re re la sems dang 'du shes phyin ci log pas gsum tshan bzhi ste/ bcu gnyis su 'gyur ro/ /de nyid phyir ni rtag pa la rtag go snyam du zhes bya ba smos so/ /de la brgyad ni mthong bas spang bar bya ba yin no zhes bya ba la mi rtag pa dang bdag med pa gnyis la 'du shes dang sems dang lta ba phyin ci log rnams dang sdug bsngal ba dang mi gtsang ba dag la lta ba phyin ci log pa gnyis te brgyad po de dag ni mthong bas spang bar bya ba dag yin no/ /bzhi ni bsgom pas spang par bya ba dag yin no zhes bya ba 'byung ngo/ /de dag nyid bstan par bya ba'i phyir sdug bsngal dang mi gtsang ba la 'du shes dang sems phyin ci log pa zhes bya ba smos so/ /'dod chags dang bral

  472. 236b

    pa la zhes bya ba ni rgyun tu zhugs pa dang/ lan cig phyir 'ong ba'o/ /de dag gi phyin ci log dag tu 'dod na ni zhes bya ba ni sems dang 'du shes phyin ci log tu zhes bya ba'i tha tshig go /sems can gyi 'du shes dang sems kun du 'byung bas zhes bya ba ni sems can gyi 'du shes kun du 'byung ba dang/ sems can gyi sems kun 'byung bas so/ /de dag gi phyin ci log dag tu yang ci'i phyir mi 'dod ces bya ba ni/ sems can gyi 'du shes phyin ci log dang/ sems can gyi sems phyin ci log ste/ khyad par gyi rgyu med pa'i phyir ci ste mi 'dod/ khyad par gyi rgyu med pa nyid bstan pa'i phyir/ bud med dang bdag la zhes bya ba rgyas par 'byung ste/ bdag ni longs spyod pa'o/ /'di ni longs spyod par bya'o snyam du de ltar zhugs pa'i phyir ro/ /de ltar na bdag med pa la bdag gi snyam du 'du shes dang sems phyin ci log pa dag kyang bsgoms pas spang bar bya bar 'gyur ro/ /mdo las kyang bden pa dag mthong ba tsam kho nas phyin ci log thams cad spong gi bsgom pas spang bar bya ba ni 'ga' yang med do zhes gsungs te/ 'di ltar 'phags pa nyan thos thos pa dang ldan pa 'di ni sdug bsngal 'phags pa'i bden pa zhes bya bar yang dag pa ji lta ba bzhin du rab tu shes so/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o/ /zhes bya bar ji lta bzhin du rab tu shes so/ /de'i tshe de'i mi rtag pa la rtag go snyam du 'du shes phyin ci log pa dang/ sems phyin ci log pa dang lta ba phyin log pa gang yin pa de spong bar byed ces rgyas par 'byung ngo/ /rgyas par zhes bya ba smos pas ni sdug bsngal ba la bde ba'o snyam pa dang/ mi gtsang ngo snyam pa dang/ bdag med pa la bdag go snyam du 'du shes

  473. 237a

    pa dang/ sems dang lta ba phyin ci log spong bar byed do zhes mdo'i khyad par 'phen pa'o/ /de lta bas na kun nas bslang ba zhes bya ba 'byung ngo/ /gzhan dag ni ma yin te zhes bya ba ni bsgom pas spang bar bya ba dang mtshungs par ldan pa'i 'du shes dang sems dag ni log par zhugs pa yin yang lta ba dang mtshungs par mi ldan pa'i phyir phyin ci log ci la yin pa ste/ de lta ma yin na nyon mongs pa thams cad log pa yin pa'i phyir phyin ci log tu 'gyur la/ dgra bcom pa lam du zhugs pa nor nas lam gol bar zhugs pa dang/ thag pa la sprul lo zhes mthong bas yang 'du shes phyin ci log tu 'gyur ro/ /de'i phyir tshabs che bar phyin ci log pa dag la phyin ci log tu rnam par bzhag go / gzhan dag la ni ma yin te/ tshabs che ba de yang/ phyin ci log phyir dang/ nges rtog phyir dang/ sgro 'dogs phyir zhes bstan zin to/ /de'i phyir slob pa'i rgyud la kun tu 'byung ba'i 'du shes nyon mongs pa can gyis ni phyin ci log gi ming mi thub po// de'i dus su 'khrul pa tsam yin pa'i phyir zhes bya ba ni mthong ba la sogs pa'i dus su 'khrul ba tsam yin pa'i phyir te/ 'phags pa rnams la ni phyi bud med dang/ bdag nyid la bde ba dang gtsang ba'i 'du shes dang sems kyi 'khrul pa mi 'byung ngo/ /de nyid kyi phyir mgal me'i 'khor lo dang ri mo'i gnod sbyin la 'khrul pa dper brjod de/ dper na nges par ma bstags par mthong ba tsam gyis 'gal me'i 'khor lo dang ri mo'i gnod sbyin la 'khrul pa 'byung ba de bzhin du 'phags pa yang nges par ma brtags par yud tsam zhig sems can du 'khrul pa 'byung ste/ ji ltar 'di phyin ci log ma yin pa de bzhin du 'phags pa'i 'du shes dang/ sems dang 'khrul ba yang phyin ci log ma yin no/ /gal te

  474. 237b

    'phags pa rnams kyi 'du shes dang sems 'khrul pa dus kho nar 'gyur gyi/ rgyun chags ma yin na/ 'o na gnas brtan kun dga' bos zhes bya ba de rgyas par 'byung ba de ji ltar drang bar bya/ 'phags pa dag gi dbang phyug gis gnas brtan kun dga' bo la 'dod pa'i chags pas zil non phyir/ /bdag gi sems ni gdung bar 'gyur/ /go taM khyod kyis thugs brtse'i phyir/ /zhi ba mchog ni bshad du gsol zhes smras pa dang/ 'phags pa kun dga' bos phyir 'du shes phyin ci log pa yis/ khyod kyi sems ni yongs su gdung/ de phyir 'dod chags ldan pa yis/ rgyu mtshan sdug pa spang bar gyis zhes smras te/ 'di ni de'i dus su 'khrul pa tsam du ma gsungs la/ de ni rgyun du zhugs pa yin zhing/ de la phyin ci log yod pa nyid yin no/ /de'i phyir zhes bya ba ni bye brag tu smra ba'i lugs ni sde pa gzhan dag dang 'gal la sde pa gzhan dag gi lugs kyang bye brag tu smra ba dang 'gal ba'i phyir ro 'du shes dang sems phyin ci log brgyad po thams cad ma spangs pa kho nal lo zhes bya ba ni bzhi kho na ma spang bar zad do/ /da ni phyin ci log bcu gnyis po thams cad bden pa mthong bas spang bar 'gyur ro zhes bye brag tu smra bas mdo gang zhig khungs su khyer te 'ongs pa de dang 'gal ba spong ba ni/ de dag kyang 'phags pa'i bden pa rnams zhes bya ba rgyas par 'byung ste/ 'dir gnas brtan ngag dbang gis slob pa'i gnas skabs nges pas bstan pa ni shes byed ma yin no/ /tshigs su bcad pa gzhan ni khas blangs pa dag dang 'gal ba med do/ /bye brag tu smra ba rnams na re/ 'dod pa'i 'dod chags kyi zil gyis mnan pa ni 'du shes phyin ci log ma yin pas/ 'di phyin ci log tu rnam par mi bzhag te/ lta ba dang mi ldan pa'i phyir ro zhes zer ro/ /mthong bas spang bar bya ba rnams las kyang sdug bsngal mthong bas spong bar bya ba rnams kho na phyin ci log go zhes bye brag tu smra ba

  475. 238a

    rnams zer ro/ /rtags la sogs pa'i blo rnams sdug bsngal nyid las 'jug pa'i phyir de'i rnams nyid do/ /mi rtag pa la sogs pa'i blo rnams de'i gnyen po nyid du rigs so/ /rgyu la sogs pa lta bar rtag pa dang bde ba dang gtsang ba dang bdag la sogs par lta ba spong bar rigs pa ma yin no/ /bye brag med par sems khengs pa la nga rgyal zhes bshad do zhes bya ba ni yang dag pa ma yin pa la gnas pa sngon du 'gro ba'i kun du rmongs pa dag dang gzhan gyi khyad par sems las skyes pa'i sems mtho ba ni nga rgyal zhes bya'o/ /de 'jug pa'i bye brag las ni zhes bya ba ni rnam pa'i bye brag las so/ /rig dang rig pa la sogs pa dag gis sgo nas chung ba bas bdag khyad par du 'phags pa 'am/ de dag nyid kyi sgo nas mnyam pa dang mnyam mo snyam du sems khengs pa ni nga rgyal lo/ /'di phyin ci log tu ma zhugs pa'i phyir nga rgyal yin par mi 'os pa ma yin nam zhe na/ 'di nyid 'dod chags bzhin du dngos po bsgyur ba la 'jug par byed pas chags pa ste/ 'di phyin ci log tu ma zhugs pas nyon mongs par mi 'dod pas ma yin te/ sems nyon mongs par byed pa'i phyir nyon mongs pa nyid ces bya'o/ /mnyam pa dang dman pa dag dang/ mnyam pa dang khyad par du 'phags par gyur pa nyid la dmigs pa las skyes pa/ dam pa ma yin pa dang dam pa'i don la dmigs pa'i rnam pa de yang sems mtho bar byed pa'i phyir nga rgyal nyid du 'dod de/ gnas dang gnas ma yin pa la rab tu 'khrug pa bzhin no/ /rigs la sogs pa'i sgo nas mnyam pa bas bdag khyad par 'phags so snyam pa ni lhag pa'i nga rgyal lo de dag de kho na'i sgo nas khyad par du 'phags pa bas kyang bdag khyad par du 'phags so snyam pa ni nga rgyal las kyang nga rgyal lo/ /nye bar len pa'i phung po lnga la zhes bya ba rgyas par 'byung ngo/ /de dag la bdag tu nga rgyal bzhag pas bdag te/ nye bar len pa'i phung po

  476. 238b

    lnga'o/ /nga'o snyam du nga rgyal ba ni mnyam pa'i nga rgyal lo/ /'di yang shes byed ma tshang ba med pa'o/ /'jig tshogs la lta ba'i bdag dang bdag gi phyin ci log med par sa dang lam dang spangs pa dang rtogs pa la sogs pa'i khyad par mthol bar thob po snyam du sems pa ni mngon pa'i nga rgyal lo/ /khyad par thob par bya ba ma thob par zhes bya ba'i don ci/ 'di ltar thob pa ma thob pa kho na yin no zhe na/ don ni yon tan de'i thob pa ma rnyed par zhes bya ba 'di yin te/ thob pa yang thob pa yod do/ /zhes bya ba ni grub pa'i mdza' i yin pa'i phyir ro/ /khyim pa dang rab tu byung ba dang bzo ngang tshul khrims la sogs pa dag gi sgo nas ches khyad par du 'phags pa bas bdag cung zad cig dman no snyam pa ni cung zad snyam pa ni cung zad snyam pa'i nga rgyal lo/ /yon tan ma yin pa dang ldan pa la bdag yon tan dang ldan no snyam pa ni log pa'i nga rgyal lo zhes bya ba la/ yon tan ma yin pa ni yon tan gyi 'gal zla nyes par spyad pa dag ste/ de'i phyir de ltar gyur cing yon tan ma yin pa dang ldan yang bdag yon tan dang ldan par sems shing nyes par spyad pa? khengs pa ni log pa'i nga rgyal lo/ /gzhan dag ni ma tu? ba rkyen du byas nas na nya'i dgag pa'i don brjod par byed de/ bdag nyid kyi yang dag pa ma yin pa'i yon tan kun du sems pa ni log pa'i nga rgyal lo/ /mngon pa'i nga rgyal dang log pa'i nga rgyal dag gi khyad par brjod par bya ste/ sa bon med pa ni mngon pa'i nga rgyal dang/ sa bon dang bcas pa ni log pa'i nga rgyal lo/ /mdza' dag la sgro 'dogs pa mngon pa'i nga rgyal dang/ cung zad la sgro 'dogs pa log pa'i nga rgyal lo/ /gzhan dag na re/ bdag? tu lta ba las gzhan log par mthong ba sngon du 'gro ba'i sems khengs pa ni log pa'i nga rgyal lo zhes zer ro/ /gzhan dag na re/ yang dag pa'i dngos pos mtho ba ni nga rgyal lo/ /chung ngus ni lhag pa'i nga rgyal lo/ /dam pa ma yin pas

  477. 239a

    ni nga rgyal las kyang nga rgyal lo/ /nye bar len pa'i phung po lnga la bdag dang sdug pa mngon du 'gro ba'i nga'o snyam du sems pa ni nga'o snyam pa'i nga rgyal dang/ yon tan thob pa chung ngus rab tu gyur par sems pa mngon pa'i nga rgyal dang/ nyung ngu yongs su bzung ba'i phyir cung zad snyam pa'i nga rgyal dang bdag skye bo ngan pa'i yon tan dang dan no/ /snyam pa log pa'i nga rgyal lo zhes zer re/ /nga rgyal gyi rnam pa zhes bya ba ni nga rgyal gyi bye brag go /de la dang po gsum ni lta ba la bsten pa zhes bya ba rgyas par 'byung ba ni lta bas rab tu bcug pa'o/ /de la bdag mchog yin no snyam pa ni 'jig tshogs la lta ba la brten pa lhag pa'i nga rgyal gyi rnam pa'o/ /mnyam pa las bdag mchog go snyam pa ni lhag pa'i nga rgyal gyi mtshan nyid las so/ /bdag dang 'dra'o snyam pa ni lta ba la brten pa'i nga rgyal gyi rnam pa'o/ /mnyam pa dang mi mnyam mo snyam pa ni nga rgyal gyi mtshan nyid las so/ /bdag pas dman no snyam pa ni der lta ba la brten pa nyid de mthong ba'i nga rgyal gyi rnam pa'o/ /khyad par du 'phags pa las bdag dman no snyam pa ni cung zad snyam pa'i nga rgyal gyi mtshan nyid las so/ /bdag bas mchog yod do snyam pa ni cung zad snyam pa'i nga rgyal gyis rnam pa las so/ /bdag dang 'dra ba yod do snyam pa ni nga rgyal gyi rnam pa las so/ /bdag pas dman pa yod do snyam pa lhag pa'i nga rgyal gyi rnam pa las so/ /bdag pas mchog med do snyam pa ni nga rgyal gyi rnam pa las so/ /bdag dang 'dra ba med do/ /snyam pa ni lhag pa'i nga rgyal gyi rnam pa las so/ /bdag pas dman pa med do snyam pa ni cung zad snyam pa'i nga rgyal gyi rnam pa las so/ /de ltar nga rgyal rnam pa dgu po de dag ni nga rgyal gsum las yin par rig par bya'o/ /gsum po gang zhe na/ nga rgyal dang lhag pa'i nga rgyal dang cung

  478. 239b

    zad snyam pa'i nga rgyal las so gzhan yang 'di ni ye shes la 'jug pa las bshad pa'i lugs yin gyi/ zhes bya ba ni bdag mchog yin no snyam pa dang nga rgyal gyi rnam pa dang zhes bya ba la sogs par thal ma thag tu bshad pa gang yin pa'o/ /dman pa dang mnyam par khyad par du 'phags pa la ltos nas zhes bya ba la/ dman pa la ltos nas ni bdag mchog yin no snyam pa nga rgyal la yin la/ mnyam pa la bltos nas ni bdag mchog go mnyam pa lhag pa'i nga rgyal yin zhing khyad par du 'phags pa la bltos na bdag mchog yin no snyam pa nga rgyal las kyang nga rgyal yin no/ /kha cig na re nga'o snyam pa'i nga rgyal dang log pa'i nga rgyal dag ni mthong bas spang bar bya ba yin la/ lhag ma rnams ni mthong ba dang bsgom pa dag gis spang bar bya ba yin no zhes zer ba de bsal ba'i phyir thams cad mthong ba dang bsgom pas spang bar bya ba dag yin no zhes bya ba smos so/ /thams cad smos pa ni lhag ma rnams kho nar ma zad kyi nga'o snyam pa'i nga rgyal dang log pa'i nga rgyal gnyis kyang mthong ba dang bsgom pas spang bar bya ba dag yin no zhes bstan par bya ba'i phyir ro/ /'di ltar gnas brtan bde byed kyi bshad pa 'di dag yod pas nye bar len pa'i phung po lnga dag la nga'o snyam pa'i nga rgyal spong ngo zhes so/ /'di ni gang dag mthong bas spang bar bya ba la dmigs pas de dag mthong bas spang bar bya ba dang/ lhag ma ni bsgom pas spang bar bya ba rnams yin no zhes bya ba'o/ /nges pa med de zhes bya ba la/ 'dir spangs pa kun du mi spyod pa 'am/ ma spangs pa kun tu spyod do zhes bya ba'i cig tu nges pa ni med de/ 'di ltar dad pa la sogs pa dang gnyid dang sdug bsngal gyi dbang po dang mig la sogs pa dag spangs kyang kun du spyod la cung zad cig ni ma spangs kyang/ kun du mi spyod de/ dper na gsod pa la sogs pa'i kun nas dkris pa lta bu'o/ /bsgom pas spang bar bya ba'i chos la dmigs pa'i phyir ro zhes bya ba

  479. 240a

    la/ sems can la sogs pa bsad par bya ba la sogs pa gang yin pa de ni bsgom pas spang bar bya ba yin te/ gzugs la sogs pa'i tshogs pa yin pa'i phyir ro 'dod chags dang zhe sdang dang gti mug rnams kyang mthong bas spang bar bya ba la dmigs pa nyid kyi mthong bas spang bar bya ba ste/ bsgom pas spang bar bya ba dmigs pas ma yin no/ /mthong bas spang par bya ba rnams kyang kha nang du bltas te 'jug pa'i phyir bsgom pas spang bar bya ba la dmigs te 'dod chags pa'i rnam par rig byed kun nas slong bar byed do/ /bsgom pas spang par bya ba nyid ni gsod pa la sogs pa'i kun nas dkris pa ste/ bsgom pas spang bar bya ba'i chos la dmigs pa'i phyir ro/ /gzhan dag na re/ mthong bas spang bar bya ba zhes bya ba 'di rgyu med par mthong bas spang bar bya ba rnams kyang bsgom par bya ba la dmigs pa'i phyir dang 'dod chags dang zhe sdang dang gti mug rnams mngon par 'dod pa'i phyir dang nges par gzung pa'i phyir 'khrul par spyod pa'i rgyu las med do zhes zer ro/ /de la don gnyer ba zhes bya ba ni khams gsum pa'i mi rtag pa de la ste/ ji ltar don du gnyer bar 'gyur zhe na/ 'jig rten pa'i lta ba'i dbang du mdzad nas mdo las ji skad du bdag 'di ji srid gson zhing 'dug la/ sdod cing 'tsho ba de srid du nad dang bcas pa/ 'bras dang bcas pa/ zug rngu dang bcas pa/ rims nad dang bcas pa/ yongs su gdung ba dang bcas pa ste/ 'di ltar bdag 'di chad par gyur cing zhig par gyur la/ 'byung bar mi 'gyur na/ de tsam gyis bdag 'di yang dag par kun nas chad pa yin no snyam du sems so zhes gsungs pa lta bu'o/ /khams gsum pa smos pa ni zag pa med pa'i chos mi rtag pa nyid bsal ba'i phyir te/ 'di ni sred pa'i gzhi'i gnas su gyur pa ma yin pas sel ba yin no/ /mthong

  480. 240b

    bas spang bar bya ba la yod pa'i mi rtag pa ni re zhig ci'i phyir bsgom pas spang bar bya ba ma yin zhe na/ sred pa'i mi rtag pa nyid kyi yul ni 'jig pa'i sred pa zhes brjod do/ /brjod par bya ba 'di yod de/ 'on te mdo dang mthun pa nyid du brjod na/ mdo las ni sred pa gsum gsungs te/ 'dod pa'i sred pa dang skye ba'i sred pa dang 'jig pa'i sred pa rnams so/ /de la 'di ni ris mthun pa'i mi rtag pa nyid la mngon par 'dod de/ rnam par smin pa'i rgyun chad par 'dod do/ /de ltar yang/ 'di nyid du 'di cig bu sdug bsngal mthar phyin par 'gyur ro/ /kye ma bdag chad par gyur na mi rung gis ma shi tshun chad bde bar gyur cig nad med par gyur cig snyam pa de lta bu mthong bas spang bar bya ba ma yin yang 'jig pa'i sred par 'dod do/ /glang po che'i rgyal lo zhes bya ba de lta bu la sogs pa zhes bya ba la sogs pa zhes bya ba'i sgras ni lha ma yin gyi dbang po dang/ bud med rin po che dang/ byang gi sgra mi snyan pa la sogs pa bsdu'o/ /phyogs smos pas na dbang po'am 'khor los sgyur bar gyur kyang ci ma rung snyam pa de lta bu ni kun du 'byung ba yin no/ /nga rgyal gyi rnam pa zhes bya ba rgyas par 'byung ba ni/ mthong dang bsgom pas zad bya ba zhes 'byung ba'i phyir ro/ /'phags pa la ni nga'o snyam pa'i nga rgyal dang/ nga rgyal gyi rnam pa bsgom pas spang bar bya ba dag ma spangs kyang kun du mi 'byung ngo/ /de dag ma spangs kyang zhes bya ba ni gsod pa la sogs pa'i kun nas dkris pa la sogs pa nga rgyal gyi mthar thug pa dag go /'jig tshogs la lta bas rgyas par 'gyur ba yin no zhes bya ba ni 'jig tshogs la lta ba'i sgo nas 'jug pa'i phyir ro/ /log par lta ba rgyas par 'gyur ro zhes bya ba la rgyu dang 'bras bu'i 'brel pa la log par zhugs pa ni sdig pa rnams byed do/ /rgyas par ni spel ba dang phan btags zhes bya ba'i tha tshig go /mi dge ba'i 'gyod pa ma yin no zhes

  481. 241a

    bya ba la/ ngan par byas pa ni lus dang ngag gi las kyi rang bzhin yin pa'i phyir bsgom pas spang bar bya ba yin la/ 'gyod pa yang de la dmigs pa yid la gcags pa yin pas de yang bsgom pas spang par bya ba kho na'o/ /'phags pa la ni de 'byung ba yang ma yin te/ the tshom gyis kun nas bslang pa'i phyir la/ de yang mthong ba'i lam gyi spangs zin pa'i phyir ro/ /rked pa bcag pa'i phyir zhes bya ba ni rten bcom pa'i phyir te/ de dag gi rten ni 'jig tshogs la lta ba la sogs pa dag yin te/ gsos 'debs par byed pa yin pa'i phyir ro/ /de ni bcag pa yin te/ 'phags pas 'jig tshogs la lta ba la sogs pa rnams spangs pa'i phyir ro/ /'di skad bshad par 'gyur te/ de la gsos 'debs par byed pa'i nyon mongs pa med pa'i phyir slar skye mi nus so/ /gzhan dag na re/ stong pa nyid bsgom pas las dang 'bras bu'i 'brel pa rig pa'i phyir 'phags pas ni de ma spangs kyang kun tu mi spyod la gsod pa la sogs pa'i kun nas dkris pa ni bsgom pas spang bar bya ba'o zhes zer ro slob dpon 'dus bzang na re/ de ltar srid pa 'dod pas brtsams par mi bya'o zhes zer ro/ /ci'i phyir gzhan gyi sgo nas grub pas 'chad par byed ces na/ spyod pa mi srid pa'o/ /rnal sogs zhes bya ba ni gang zhig 'phags pa ma yin pa'i rgyud la skye ba'i skabs yod pa de dgag par bstan pa don dang bcas pa yin no/ /'phags pa rnams mthong bas spang bar bya ba'i nyon mongs pa kun du spyod pa'i skabs med pa'i 'di bsgom pas spang bar bya ba shes so zhe na/ de ni de lta ma yin te/ mdza' cig tu bsgom pas spang bar bya ba nyid du shes par bya ba'i phyir logs su brtsams ste gsod pa la sogs pa'i kun nas dkris pa bsgom pas spang bar bya ba yin pa de bzhin du 'jig pa yang

  482. 241b

    'dod do/ /gzhan du na nga rgyal gyi rnam pa la sogs pa bzhin du mthong ba dang bsgom pas spang bar bya ba nyid du dag na/ de ni sngar gsod pa la sogs pa'i kun nas dkris pa bsgom pas spang bar bya ba nyid du bstan pas 'phags pa rnams la mi srid do/ /gsod pa la sogs pa zhes bya ba 'dir kun du spyod pa dgag pa byas pa de nyid sngar bshad zin to/ /gsod sogs kun nas dkris pa zhes bya bar sog pa'i sgra nye bar gzung ste/ sog pa smos pas skye ba'i sred pa'i bar gzung ste/ nga rgyal gyi rnam pa la sogs pa bzhin kun tu mi spyod par bstan pa'i phyir ro/ /sdug bsngal rgyu mthong spang bya ba/ zhes bya ba rgyas par 'byung ste/ dngos po rnam pa lnga'i rgyu'i dngos por nye bar 'gro ba'i phyir kun du 'gro ba zhes bya'o/ /gzhan dag na re/ sems can thams cad la dngos po rnam pa lnga po kun du skye ba'i phyir kun tu 'gro ba'o zhes zer ro/ /gzhan dag ni rang gi khams dang sa mdza' dag la dmigs pa'i phyir kun du 'gro ba'o zhes zer ro/ /lta ba bdun ni sdug bsngal mthong bas spang bar bya ba lnga dang/ kun 'byung mthong bas spang bar bya ba gnyis po log pa lta ba dang lta bas mchog tu 'dzin pa'o/ /the tshom gnyis zhes bya ba ni sdug bsngal mthong bas spang bar bya ba dang/ kun 'byung mthong bas spang bar bya'o/ /ma rig pa gnyis zhes bya ba ni sdug bsngal dang kun 'byung mthong bas spang bar bya ba dag ste/ nyon mongs pa gzhan dang mtshungs par ldan pa dang/ ma 'dres pa sdug bsngal mthong bas spang bar bya ba cig tu byas nas so/ /kun 'byung mthong bas spang bar bya ba yang te ltar byas nas yin no/ /de ltar sdug bsngal mthong bas spang bar bya ba kun du 'gro ba bdun yin la/ kun 'byung mthong bas spang bar bya ba bzhi yin te de ltar na bcu gcig tu 'gyur la/ yang khams kyi dbye bas ni sum cu rtsa gsum du 'gyur te/ gsum las re re bcu gcig

  483. 242a

    bcu gcig tu byas pa'i phyir ro/ /ma 'dres pa kho na ste zhes bya ba la/ 'grogs pa ni 'dres zhes bya'o/ /'dres pa med pas na ma 'dres pa ste logs shig tu gyur pa zhes bya ba'i don to/ /'di skad du bcom ldan 'das ma 'dres la/ dge slong gi dge 'dun la ma 'dres zhes gsungs te/ bcom ldan 'das kyang logs shig dge slong gi dge 'dun logs shig go zhes bya'o/ /'dres pa med par spyod pas na ma 'dres par spyod pa te/ nyon mongs pa gzhan dang lhan cig mi 'byung ba zhes bya ba bsams pa'o/ /ci'i phyir sdug bsngal dang kun 'byung mthong bas spang bar bya ba'i ris kho na kun tu 'gro bar 'dod ce na/ zag pa dang bcas pa'i dngos po thams cad la blo cig gis dmigs shing brtan pa'i phyir stobs dang ldan pa yin no/ /rgyu rig lnga'i 'gog pa dang lam mthong bas spang bar bya ba dag kyang 'byung bas zag pa dang bcas pa dang dmigs pa cig dang dmigs pa tha dad pas bstan par mi nus so/ /gnas skabs su rgyu rigs lnga po dag gis zhes bya ba ni/ de dag kun tu 'gro ba ma yin pa'o/ /bsgom pas spang bar bya ba nyon mongs pa can rnams kun du 'gro ba'i rgyu yin par ji ltar shes she na/ bdag tu lta ba'i dbang gis yul la 'dod chags la sogs pa 'phel ba'i phyir dang/ de med na yul la 'dod chags pa srab par snang ba'i phyir ro/ /lung las kyang mthong bas spang bar bya ba'i rgyu las byung ba'i chos rnams gang zhe na/ chos nyon mongs pa can rnams so zhes 'byung ngo/ /gal te nyon mongs pa can thams cad mthong bas spang bar bya ba'i rgyu can yin na kun tu 'gro ba spangs pa rnams bsgom pa spang bar bya ba'i nyon mongs pa kun du spyod par mi 'gyur zhing nga rgyal gyi rnam pa dang nga'o snyam pa'i nga rgyal la sogs pa bzhin de dag kyang kun du spyod

  484. 242b

    bar thal bar 'gyur ro zhe na/ spangs pa'i phyir yang rgyu las 'bras bu skye ba 'ba' zhig ma yin la/ ma spangs pa nyid kyi phyir dang 'jig tshogs la lta ba la sogs pa spangs pa'i phyir nga rgyal gyi rnam pa la sogs pa rnams kyi so so brtags min gyi 'gog pa thob par byed do/ /cig shos la 'di dag ma yin zhes bya ba ni nga rgyal gyi rnam pa la sogs pa 'di dag cig shos la mtshungs pa ma yin pas skyon med de/ yang kun tu 'gro ba'i don ci zhe na/ zag pa dang bcas pa'i dngos po thams cad la dmigs pa'i don to/ /rnam pa lnga thams cad zag pa dang bcas pa'i dngos po ste/ 'di gang yin pa de ltar skye ba dag med ces bya ba la/ 'dir rang gi rgyud kyi tshor ba bdag tu nye bar 'gro ba ma yin no/ /'o na de nyid chos ci las skyes she na/ de ltar legs par spyad pa dang nyes par spyad par yod par mthong ba las skye'o/ /de ni 'di ltar 'gyur te bdag gi las dang 'bras bu las byung ba'i nus pa thams cad bye brag med par 'byin no/ /'dod chags la sogs pa rnams ni mthong ba dang thos pa dang brtags pa la rab tu 'jug ste/ gang gis grong gi chos spyod pa las 'dod chags skye'o/ /'di ni de'i kha dog dang dbyibs kyi khyad par dang bgrod pa dang nyal ba rnams la zhugs pa las ma yin te/ de dag ni kun du 'gro ba'i phra rgyas kyi dbang du byas pa'i phyir ro/ /de ltar kun du 'gro ba'i don bshad do/ / tshogs pa mdza' dag gi dbang du byas pa'i phra rgyas ni rgyu las dmigs pa'i phra rgyas kyi ngo bos kun du 'gro ba de dang mtshungs par ldan pa rnams so rgyu la dmigs pa'i ngo bo dag kho na de'i rig can te rgyu'i ngo bo nyid kyis so/ /lta ba gzhan dag la rang gi khams mdza' dag la dmigs pa srid par 'gyur gyi/ tshul khrims dang brtul zhugs mchog tu 'dzin pa la ni ma yin no snyam ste 'dri ba ni su zhig 'dod pa'i khams mdza' dag gis zhes bya ba rgyas par 'byung ste/ mdza' dag gis zhes bya ba ni gnas nyi shu dbye bas

  485. 243a

    tha dad pas so/ /mdza' dag rgyu ma yin pa la rgyur yid ches par 'gyur zhes bya ba ni/ 'dod pa'i khams zhes bya bar sbyar ro/ /gang la tshul khrims dang brtul zhugs mchog tu 'dzin pa kun tu 'gro ba rnam par bzhag par 'gyur ba zhes bya bar bsam pa'o/ /gnas kyis dbye bas tha dad pas mdza' de dag cig car du dmigs so zhes ni mi zer ro/ /'on kyang rnam pa lnga char po yang mdza' dag cig car dmigs pas kun du 'gro ba yin par smra'o/ /gal te rnam pa lnga po nyid 'dod pa'i khams yin pas 'dir lan ci zhig btab par 'gyur zhe na/ lan ni rnam par lnga'i cha la cig car du dmigs so zhes bya ba 'di yin no/ /zhes slob dpon chos kyi bshes gnyen zer ro/ /de yang mi shes pas sems kyi rgyud rnams la zhes smos te/ gal te dbang phyug chen po rgyu'i sgo nas 'jig rten rnams kyi rgyur lta ba dang tshangs pas dag par lta ba de'i tshe rnam pa lnga po yang cig car du dmigs so/ /de lta na yang gang la bdag tu lta ba yod pa de la bdag la sred pa yod pa zhes bya ba ni nye bar len pa'i phung po lnga la bdag tu lta ba yod pa de dag kho na la bdag la sred pa yod de/ de dag ni bdag tu mngon par zhen pa'i gzhi yin pa'i phyir ro/ /gang la mchog dang dag par lta ba yod pa de la de don du gnyer ba yod cing des kyang nga rgyal du 'gyur bas zhes bya ba ni nye bar len pa'i phung po lnga'i mtshan nyid kyi dngos po gang la'o/ /mchog tu lta ba ni lta ba mchog tu 'dzin pa'o/ /dag par lta ba ni tshul khrims dang brtul zhugs mchog tu 'dzin pa'o de la zhes bya ba ni mchog dang dag par lta ba'i gzhi'o/ /mchog dang dag par lta ba'i gzhi de don du gnyer ba ni sred pa ste/ gzhi de mchog nyid dag pa'i rgyu nyid du mngon par 'dod pa'i phyir ro/ /des kyang nga rgyal du 'gyur zhes bya ba ni gang la mchog dang dag par lta ba yod pa?

  486. 243b

    des khengs par 'gyur ba'i phyir ro/ /de'i phyir sred pa dang nga rgyal dag ni mi 'dod kyang kun du 'gro ba nyid du 'gyur ro/ /da ni srid pa dang nga rgyal gnyis kun du 'gro ba nyid yin na spang pa mi srid par bshad pa ni de ltar yin na zhes bya ba rgyas par 'byung ste/ 'dod chags la sogs pa gang dang gang zhig mthong bas spang bar bya ba'i dmigs pa can de dang de dag ni de mthong bas spang bar bya ba yin la/ lhag ma ni bsgom pas spang bar bya ba dag yin zhing 'di gnyis ni mthong ba dang bsgom pas spang bar bya ba dmigs pa'i phyir na/ mtshan nyid 'di'i sgo nas mthong bas spang bar bya ba nyid du mi 'gyur cing/ bsgom pas spang bar bya ba nyid kyang ma yin no/ /de'i phyir gnyis ka gang gis spang bar bya ba yin pa de brjod dgos so zhe na/ de'i phyir bsgom pas spang bar bya ba yin no zhes bya ba smos so/ /de nyid la rgyu ni 'dres pa la dmigs pa'i phyir zhes bya ba ste/ gang dang gang zhig mthong bas spang bar bya ba'i dmigs pa can zhes bya ba der ni mthong bas spang bar bya ba 'ba' zhig gis dmigs pa can mthong bas spang bar bya ba nyid du bstan pa yin no/ /lhag ma ni bsgom pas spang bar bya ba dag yin zhing zhes bya ba ni gang dag bsgom pa 'ba' zhig gis spang bar bya ba dang/ gnyis ga la dmigs pa rnams so/ /de'i phyir 'dres pa la dmigs pa'i phyir 'dir gnyis bsgom pas spang bar bya ba nyid du ma 'gal lo/ /yang na lta ba'i stobs bskyed pas bcug pa can nyid yin pa'i phyir zhes bya ba la/ lta ba'i stobs bskyed pa ni nus pa'o/ /gnyis po de la nges bcug pa'i ngang tshul yod cing/ de'i dngos po yin pa ni lta ba'i stobs bskyed pas bcug pa gnyis de de'i phyir ro/ /de bzhin du dag pa dang mchog gi stobs kyis de dag 'jug gi de dag la ma bltos pa dag ni ma yin te/ 'di'i phyir yang dag pa dang mchog tu lta ba ltar de nyid kyang mthong bas spang bar bya ba nyid kho na yin no/ /bye brag tu smra ba rnams na re/

  487. 244a

    nyon mongs pa 'di nyid rang gi mtshan nyid pa yin cing zhes bya ba rgyas par 'byung ste/ gang la bdag tu lta ba yod pa de la bdag la sred pa yod mod kyi/ rang gi mtshan nyid kyi nyon mongs pa yin pa'i phyir ro/ /de'i phyir lta ba'i rtogs bskyed pas 'jug cing 'di dag gis yul yongs su gcod pa nyid kyi kyang 'jug par 'dod do/ /de bzhin du mig la sogs pa'i yan lag cig gis kyang sgyur bar byed rlom par byed rab tu 'jug par byed pa'i dbang nyid kyis sdug bsngal thob pa la sogs pa de'i phyir mthong bas spang bar bya ba nyid de/ 'di ni kho bo cag gi'o zhes bya ba nyid de/ gal te rab tu 'jug par byed pa'i dbang gis sdug bsngal thob pa la sogs pa nyid kho na yin na 'jig tshogs la lta bas rab tu bcug pa'i dge ba yang sdug bsngal thob par 'gyur ro/ /kun tu 'gro bas rab tu bcug pa dang khams dang ches nye ba'i 'dod chags la sogs pa de yang mthong bas spang bar bya bar 'gyur ro zhes na/ 'di la brjod par bya'o/ /ci'i rgyus bsgom pas spang bar bya ba'i ma rig par rang gi mtshan nyid kyi nyon mongs pa mthong bas spang bar bya ba ma yin/ 'di ni mthong bas spang bar bya ba'i chos la dmigs pa ma yin te yul chung ba'i phyir ro/ /'di brjod par bya ste gal te 'jig tshogs la lta ba chos rnam pa lnga la dmigs pa yang sdug bsngal mngon par rtog pa la sogs pas mi spong ba de lta na/ 'dod chags dang khong khro dang nga rgyal rnams chos rnam pa lnga la dmigs pa yang sdug bsngal mthong bas spang bar mi 'gro'o/ /'jig tshogs la lta ba spang 'dod chags la sogs pa bzhin rnam pa lnga nyid du mi nus par 'gyur ro zhe na/ 'jig tshogs la lta ba skad cig gis kyang tshang ba rnam pa lnga bdag gi bar 'dzin te/ rnam par shes pa'i bar yang de bzhin no/ /skad cig ma gcig la rnam pa lnga zhes

  488. 244b

    bya ba 'di ni rigs pa ma yin te/ 'dod chags la sogs pa skad cig ma gcig la dmigs pa gnyis yod pa ma yin no/ /de nyid kyi phyir 'di dag rang gi mtshan nyid kyi nyon mongs pa'o/ /zhes bya ba 'di ni mtshungs pa ma yin no/ /'o na ji ltar lta ba mchog tu 'dzin pa la 'gog pa dang lam la log bar zhugs pas log par zhugs pa'i phyir 'gog pa dang lam mthong bas spang bar bya ba yin pa de lta na/ de lta ba yang 'gog pa dang lam la log par zhugs pas log par zhugs pa'i phyir 'gog pa dang lam mthong bas spang bar bya'o zhes ci'i phyir brtag par mi bya/ ji ltar dmigs pa yongs su shes pas 'jig tshogs la lta ba spong bar dmigs pa spangs pa de bzhin du 'gog pa dang lam mthong bas spang bar bya ba dag kyang lta ba mchog tu 'dzin pa dag tu ci ste mi 'dod/ ji ltar 'gog pa dang lam mthong bas spang bar bya ba dag lta ba mchog tu 'dzin pa la dmigs pa spangs pa las spangs pa de bzhin du 'gog pa dang lam mthong bas spang bar bya ba'i nyon mongs pa la dmigs pa dag 'jig tshogs la lta bar ci sde mi 'dod ce na/ 'di dag kyang mtshungs pa ma yin te gang gi phyir 'jig tshogs la lta ba dang 'gog pa dang lam gyi phan yon dang nyes dmigs mthong nas de'i bdag nyid du 'dzin no/ /lta ba mchog tu 'dzin ba rnam pa dang dmigs pa yongs su mi gcod kyang de'i nyes pa dang phan yon mthong bas yongs su bcod do/ /gang yang dmigs pa yongs su shes pa kho nas 'jig tshogs la lta ba mdza' dag spong gi lta ba mchog tu 'dzin pa ni ma yin no/ /de la rgyu yod pa gang yin pa de 'gog pa mthong pas spang bar bya ba la dmigs te/ lta ba mchog tu 'dzin pa ni rnam pa dang bcas pa sdug bsngal dang kun 'byung dang 'gog pa mthong bas spang bar bya ba yin pa'i phyir ro/ /de la gang 'bras bu'i ngo bos 'du byed mchog go zhes mngon par zhen ba de ni sdug

  489. 245a

    bsngal mthong bas spang bar bya'o/ /rgyu'i ngo bos ni kun 'byung mthong bas spang bar bya'o/ /gang zhig de kho na nyid rtogs pa'i rnam pa de ni 'gog pa mthong bas spang bar bya'o/ /'jig tshogs la lta ba bzhin spangs pa ni med par sgrub bo/ /de bzhin du lam mthong bas spang bar bya ba'i log par zhugs pa yang brjod par bya'o/ /sdug bsngal dang kun 'byung mthong bas spang bar bya ba dag ni lta ba mchog tu 'dzin pa dang khyad med do/ kha cig ni gnyi ga yang zag pa bcas pa thams cad la dmigs pa'i phyir dang mchog gi rnam bas zhugs ba'i phyir ro zhes zer ro/ /bye brag tu smra ba rnams na re/ khyad bar byod? de/ gang zhig 'dzin tshogs la rtag pa dang bde ba dang bdag tu lta bas mchog tu mthong ba de ni sdug bsngal mthong bas spang bar bya ba yin la/ 'di yang srid kyi rgyu ma yin no zhes lta zhing mchog tu mthong ba de ni kun 'byung mthong bas spang bar bya ba'o zhes zer ro/ /rnam pa smin pa'i sgo nas 'du byed mthor? ba rnams la mchog tu lta ba ni sdug bsngal mthong bas spang bar bya ba'o/ /las dang nyon mongs pa'i sgo nas 'thong ba ni kun 'byung mthong bas spang bar bya ba'o zhes bya ba'o zhes bya ste spros pas chog go /bstan bcos la 'jug par bya ste/ skal pa mnyam pa'i khams kun du 'gro ba dag tu zhes bya ba rgyas bar 'byung ngo/ /'dir skal ba mnyam pa'i khams kun tu 'gro ba zhes khyad par du byas pas skal pa mi mnyam pa'i khams kun du 'gro ba dag kyang yod do zhes khas blangs pa yin la/ de dag kyang ci 'di dag las gang zhi yin nam 'on te gzhan yin zhes mi shes ba de'i phyir de dag la dgu gong du dmigs zhes bya ba smos so/ /de lta na yang dgu po gang yin pa mi shes pas de'i phyir lta ba gnyis po ma gtogs so zhes bya ba smos so/ /res 'ga' ni gzugs kyi khams sam gzugs med pa'i

  490. 245b

    khams kyang rung ste/ skal ba mnyam pa'i khams gcig la dmigs so/ /res 'ga' ni gnyis la zhes bya ba ni/ gnyis ka la zhes bya ba'i don to/ /'di ltar 'dod pa na spyod pa'i log par lta ba ni don gyis gzugs dang gzugs med pa na spyod ba'i sdug bsngal la skur ba 'debs la/ lta ba mchog tu 'dzin pas kyang mchog tu 'dzin to/ /tshul khrims dang brtul zhugs mchog tu 'dzin bas kyang rgyu ma yin pa de rgyur 'dzin to/ /the tshom gyis ni som nyi za la/ ma rig pa rmongs te/ de bzhin du kun 'byung mthong bas spang bar bya ba dag kyang ci rigs par rigs par bya'o/ /gzugs na spyod ba dang gzugs med pa'i khams dag ni yul dang sa'i sgo nas bzhag par bya ba la/ 'di ni nges pa yin te/ 'dod pa'i khams nas bsam gtan bzhi pa'i bar na ni skal ba mi mnyam pa'i khams kun tu 'gro ba yod do/ /srid pa'i rtse mo ma gtogs pa lhag ma rnams na ni skal pa mi mnyam pa'i sa kun du 'gro ba rnams yod do/ /srid pa'i rtse mo na ni gnyi ga yang med de khams dang sa gzhan med pa'i phyir ro/ /gzugs dang gzugs med pa'i khams re re dang/ sdom pa de dag gi dmigs ba yin no zhes bya ba 'di la bstan bcos khungs su smras ba ni/ 'dod pa dang ldan pa zhes bya ba rgyas par 'byung ba'o/ /'jig tshogs dang mthar 'dzin par lta ba gnyis skal ba mnyam pa'i khams kun tu 'gro ba nyid yin pa ma bzod nas gang gi tshe 'dod pa'i khams na gnas pa zhes bya ba rgyas par smos so/ /bdag dang bdag gir mi 'dzin pa'i phyir dang zhes bya ba la/ sa dang khams gzhan du skyes pa la ni sa dang khams gzhan gyi phung po dag go snyam pa'i lta ba mi 'thad de/ lus gnyis khas blangs pa mi srid pa'i phyir ro/ /bdag tu 'dzin pa yod na bdag gir 'dzin bar 'gyur ba'i phyir bdag gir lta ba yang mi 'thad do/ /'jig tshogs la lta ba'i rjes su 'brang ba'i phyir mthar 'dzin par lta ba yang de'i yul can du mi rung

  491. 246a

    ngo/ /gzhan dag na re/ sred pas stobs bskyed pa'i phyir dang mdza' dang nye bar srid pa bdag gir byas pa'i phyir dang mngon sum gyi yul yin pa'i phyir 'jig tshogs la lta ba skal ba mi mnyam pa'i khams la dmigs pa ma yin no zhes zer ro/ /'o na 'di lta ba gang zhig yin zhes bya ba la/ gal te phung po dag la bdag gi rnam pa dang rtag pa'i rnam par zhugs kyang/ 'jig tshogs la lta ba dang mthar 'dzin par lta ba ma yin na/ 'o na 'di lta ba gang zhe na/ gzhan nyid du srid pa ma yin te/ de'i phyir rnam pa tha dad par 'jug pa'i phyir ro snyam du dgongs pa'o/ /'di ni lta ba ma yin gyi zhes bya ba rgyas par 'byung ste/ 'di ni 'jig tshogs la lta bas rab tu bcug pa'i log pa'i shes pa yin gyi lta ba ni ma yin no/ /pra tyak+Sha nai ba hi sa skand+ha na t+ma to ne tye taShtsa gri hI twa ta thai baM pra tya k+Sha na pya nu mi no ti/ 'di ltar zin pa'i phung po la rtog pa sngon du 'gro bas ma zin pa rnams la yang bdag med par shes pa skyed par byed do/ /lus so so ba la yang bdag med do zhes bya bar ro/ /yang de la dmigs pa zhes bya ba rgyas par 'byung ste/ 'di ni chos mngon pa pa rnams kyis smras pa'o/ /'di ltar 'dod pa'i khams na gnas pa ni 'di snyam du bdag tshangs pa'o/ /bdag gi tshangs pa'o snyam du mi sems te/ de'i phyir 'jig tshogs la lta ba'i ni gong ma la dmigs pa ma yin no/ /mthar 'dzin pa'i lta bar yang mi rigs te/ de ni 'jig tshogs la lta bas kun nas bslang ba'i phyir ro/ /de'i rnam pa can gyi lta ba gzhan yang yod pa ma yin te/ lo ka pa'i shes pa de nyid ni 'jig tshogs la lta bas rab tu bcug pa yin no zhes rigs so/ /de lta na 'o na sngon gyi mdza' la rtogs pa rnams sems can gzhan la dmigs pa'i lta bdag thob pa ma yin pas de'i phyir de las gzhan pa'i lta ba bzhin 'di yang khams?

  492. 246b

    gong ma gnyis la dmigs par khas blang bar bya'o zhes pa mdo'i dgongs pa'o zhe na/ de dag dang ni lhan cig gang zhes bya ba rgyas par 'byung ste/ phra rgyas kun du 'gro ba dag dang lhan cig 'byung ba tshor ba la sogs pa dang/ skye ba la sogs pa gang dag yin pa'i chos de dag kyang kun du 'gro ba yin te/ de dag dang 'bras bu cig pa'i phyir ro/ /thob pa rnams ni phra rgyas dang lhan cig mi 'byung ste/ 'bras bu du ma yin pa'i phyir ro/ /gsum pa dang bzhi pa dag ni sbyar bar bya'o zhes bya ba la/ mu gsum pa ni 'das pa dang da ltar 'byung ba'i phra rgyas kun du 'gro ba rnams te/ de dag ni kun du 'gro ba'i phra rgyas kyang yin la/ kun du 'gro ba'i rgyus rgyu yang yin no/ /mu bzhi pa ni de dag dang lhan cig 'byung ba ma 'ongs pa rnams dang/ chos gzhan rnams te kun du 'gro ba'i phra rgyas kyang ma yin la/ kun du 'gro ba'i rgyus rgyu yang ma yin no/ /de ltar na de dag ni khams dang khams na zag pa med pa la dmigs pa drug yin pas bco brgyad du 'gyur ro/ /kha cig ma rig pa ni mi shes pa'i bdag nyid yin pa'i phyir dmigs pa med pa nyid yin te/ long ba bzhin du mthong ba bcom pas 'jug pa'i phyir ro zhes zer ro/ /mi shes pa ni dmigs pa deng bcas par 'gyur ba 'os pa ma yin te/ dmigs pa dang bcas pa nyid kyis ma rig pa sems dang mtshungs par ldan pa'i phyir ro/ /tshor ba la sogs pa bzhin sems dang mtshungs par ldan pa'i yod pa ma yin te/ de lta yin na sems dang sems las byung ba rnams mi 'thad par thal bar 'gyur te/ rtag tu rgyud la gnas pa'i phyir dang/ de dang 'jug pa 'gal ba'i phyir ro sems med pa'i snyoms par 'jug pa 'am 'du shes med par gyur pa yang kun tu rmongs pas dmigs pa med do/ /sems dang sems las byung ba'i sgrib pa'i 'jug pa ni mig gi rnam par shes pa'i yul phyi rol gyi mun pa

  493. 247a

    ma yin ba'i phyir/ de smos bas mthong ba nye bar bcom bar gyur ba'o/ /ma rig pa yang sdug bsngal la sogs ba'i bden pa mthong ba'i rgyu byed do/ /bdag med pa mthong ba gyur bde'i phyir 'di ni mthong ba nye bar 'joms par byed ba shes pa dang lhan cig 'jug pa ma yin pa ste/ gnyid kyi log pa las yul 'dzin ba yod pa ma yin no/ /dmigs pa'i rgyu 'jug par byed pa la sems blun ba nyid du gyur ba de bzhin du ma rig pa ste/ 'di dmigs pa dang bcas ba la'o/ /'on te ci'i phyir 'gog pa dang lam mthong bas spangs par bya ba'i ma 'dres pa'i ma rig pa med ce na/ de ni mthong bas spong bar bya ba'i chos la dmigs pa sdug bsngal dang kun 'byung mthong ba nyid kyis spangs zin pa'i phyir ro/ /rnam pa brgyad po de ni gnyen bor gyur pa'i rtogs pa nyid yin pas mthong bas spang bar bya ba'i dmigs pa gzhan yod pa ma yin no/ /phra rgyas ma 'dres pa gzhan gyi ni/ sdug bsngal dang kun 'byung ba mngon bar rtog pa nyid gnyen po la sogs pa ste/ sdug bsngal dang kun 'byung mthong ba nyid kyis spong bar byed kyi/ 'gog ba dang lam gyis ni ma yin no/ /dper na lta ba mchog tu 'dzin ba sdug bsngal gyi 'bras bu'i sgo nas bde ba dang gtsang ba'i rnam pas zhugs te thams cad gog? pa dpal ma mthong bas spang bar bya ba la dmigs kyang sdug bsngal mthong ba kho nas spong ba bzhin no/ /'bras bu la log par sgrub pa'i gnyen po mngon du gyur pa'o/ /'di lta ba mchog tu 'dzin pa bzhin 'gyur ba ma yin nam zhe na ma yin te/ 'di ma rig pa'i phra rgyas la sgrub pa'i rnam pa tsam yin pa'i phyir 'jug pa tha dad pa med do/ /lta ba mchog tu 'dzin pa ni zag ba dang bcas pa'i 'du shes rnams la rnam pa med?

  494. 247b

    du log par zhugs pas de la sdug bsngal mngon par rtog pa'i rnal 'byor pa rnams 'gog pa dang lam mthong bas spang bar bya ba'i chos rnams la sdug bsngal dang mi gtsang bar lta bar 'gyur ro/ /'dir rnam pa gzhan gyis kyang chos de dag la yon tan du lta bar 'gyur ba ma yin nam zhe na/ de'i phyir mngon par rtogs pa'i bden pa gnyis po 'gog pa dang lam mthong bas spang bar bya ba lta bas mchog tu 'dzin pa ma 'dres pa'i ma rig pa'i phra rgyas mthong bas spang bar bya ba'i dmigs pa la yod pa de ni sgrub pa tsam nyid kyi sgom nas phan tshun khyad par du gyur pa yin no/ /mthong bas spang par bya ba'i dmigs pa bzhin bsgom pas spang bar bya ba yang yin no/ /ci'i phyir sdug bsngal dang kun 'byung mthong bas spang bar bya bar mi 'dod ce na ye shes kyi gzhom byar gyur pa dang de'i gnyen po nyid kyi phyir dang/ mthong bas spang bar bya ba zag pa med pa la dmigs pa mi 'thad pa'i phyir bsgom pas spang bar bya ba'i chos la dmigs pa yin no/ /de'i phyir yang ye shes kyis gzhom bya nyid de/ de la yang dag pa mthong ba dang ldan pa'i rnal 'byor pa rnams dgag pa'i rnal 'byor pa rnams dgag pa'i rnam pas 'jug pa'i phyir ro/ /sgrub pa ma yin pa'i mtshan nyid kyis rmongs pa ni gnyid kyi dmigs pa bzhin sems sgrib pa tsam byed do/ /de rtogs pa las byung ba kun 'byung ba shes pa yang bsgom pas spang bar bya ba'i chos la dmigs pas ma 'dres pa'i ma rig pa'i pra rgyas zhes bya'o/ /kha cig na re/ ma yin te log par lta bas lta ba ni 'gog pa la skur pa 'debs pa dang ldan pas lta ba med pas nges par rtog pa mi srid pas zag pa med pa la dmigs pa'i lta ba med par thal ba'i phyir mtshungs par bshad pa mngon sum nyid kyis lta bas/ gang 'di dag gis rnam pa de lta bu'i chos su brjod pa de med do zhes zer ro/ /ji ltar skyes bu mthong ba na skyes bu la bskur ba 'debs pa 'di skyes bu ma yin zhes pa bzhin no/ /skyes

  495. 248a

    bu'i yul gyi blo ni skyes bu la skur pa 'debs pa ma yin pa de bzhin du 'gog pa la yang blta bar bya'o/ /de bzhin du thams cad du 'gog pa dang lam la skur pa 'debs pa yang mthong bar? spang bar bya ba ma yin no/ /'o na ci 'di rtogs pas rnam par dpyod pa ci zhig skye zhes na/ de mthong bas spang bar bya ba'o/ /gang yang rnam par dpyod pa med par skye ba med pas 'gog pa dang lam dag go/ zhes ming tsam dmigs pa'i phyir ro/ /rang gi sa pa'i chos rnams kyi 'gog pa ni rang gi sa la gnas pa'o/ /de'i spyod yul can gyi zhes bya ba la/ log par lta ba la sogs pa de dag la 'gog pa dang lam de gnyis yul te/ dmigs par yod pas na de dag ni de'i spyod yul can no/ /sa drug ni bsam gtan bzhi dang/ mi lcogs pa med pa dang bsam gtan khyad par can no/ /chos shes pa'i phyogs dang mthun pa zhes bya ba la/ 'dod pa'i sdug bsngal la sogs pa'i lam ni chos shes pa'i phyogs dang mthun pa zhes bya ba'o/ /thams cad kyi sgra yis sa drug dbye bas tha dad pa nyid kyang/ pa ra mri Sh+ya te/ zhes bya ba dgongs pa de'i phyir gang yang gzugs dang gzugs med pa'i gnyen po yang yin no zhes smos pas 'di skad bstan par 'gyur te/ mi lcogs pa med pa'i sa ni 'dod pa'i khams kyi gnyen po yin la gzugs dang gzugs med pa'i yang gnyen po yin no/ /de bzhin du bsam gtan bzhi pa'i bar thams cad kyi dmigs pa yin no/ sa brgyad po rnams kyi zhes bya ba la/ sa brgyad ni bsam gtan bzhi dang/ gzugs med pa bzhi rnams so/ /sa dgu zhes bya ba ni mi lcogs pa med pa'i sa nas ci yang med kyi/ skye mched kyi sa'i bar ro/ /rjes su shes pa'i phyogs dang mthun bzhes bya ba ni/ gzugs dang gzugs med pa thams cad kyang sdug bsngal la sogs pa la dmigs pas lam la rjes su shes pa'i phyogs dang mthun pa zhes bya'o/ /yang

  496. 248b

    ci'i phyir 'gog pa la dmigs pas 'gog pa'i yongs su gcod pa la dmigs/ las la dmigs pa yang lam nyid ma yin zhe na/ de'i phyir lam ni phan tshun rgya yin pa'i phyir zhes smos te/ sa tha dad kyang lam phan tshun rgyu dang 'bras bu'i ngo bos 'brel pa med na gang las 'di yongs su bcad kyang yongs su ma chad pas de ltar 'gal ba med de yongs su bcad pa dang bcas par dmigs so/ /de lta na chos dang rjes su shes pa dag kyang phan tshun rgyu yin pa'i phyir/ 'dod pa na spyod pa'i lam la dmigs pa rnams rjes su shes pa'i phyogs dang mthun pa yin yang lam la dmigs par 'gyur ba yin nam zhe na/ de'i phyir chos shes pa dang rjes su shes pa dag kyang zhes rgyas par 'byung ste/ gal te gnyen po ma yin pa nyid la dmigs pa med pa nyid rgyu yin na/ de lta na 'o na chos shes pa'i phyogs kyang 'di dag la dmigs par mi 'gyur te/ gnyen po ma yin pa'i phyir ro/ /bsam gtan dang po'i dngos gzhi'i sa pa chos shes pa'i phyogs dang mthun pa 'dod pa'i khams kyi gnyen po ma yin no mi lcogs pa med pa'i sa pa yang mdza' dag gi ma yin te/ sa gong ma'i gnyen po ni de'i gnyen po yin pa'i phyir ro/ /'dod pa'i khams dang 'brel pa yang mdza' dag gis ma yin te/ lam la dmigs pa rnams chos bzod kyi gzhom bya yin pa'i phyir mi 'gyur ro/ /de ltar skyon gyi rigs can gyi gnyen po nyid kyi phyir dang de'i rig can phan tshun dmigs pa'i phyir chos shes pa'i phyogs dang mthun pa'i rigs ni 'dod pa na spyod pa'i lam dmigs pa rnams kyi gnyen po'o/ /de yang phan tshun can dang phan tshun dmigs pa de ltar rigs so/ /gang zhig bstan pa'i gnyen po ma yin yang dmigs par 'gyur bas/ rjes su shes pa'i phyogs dang mthun pa ni de'i gnyen po ste/ rigs tha dad pas phan tshun dmigs pa ma yin pa de'i phyir phan tshun rgyu can yang de dag gi dmigs pa ma yin no/ /'o na ni chos

  497. 249a

    shes pa zhes bya ba rgyas par 'byung ba ni gal te rang gi khams kyi gnyen pos nges par byas pa yin na ni snyam du bsams pa'o/ /gnyen po nyid du yod kyang mdza' dag dang mdza' dag ma yin pa nyid du byas pa 'di ni dbye ba nges par ston par byed pa'o/ /chos shes pa mdza' dag gzugs dang gzugs med pa mdza' dag gi gnyen po ma yin pa ji lta bar rjes su shes pa'o/ /dang po med pa'i phyir zhes bya ba ni/ sdug bsngal ba dang kun 'byung la dmigs pa chos shes pa gzugs dang gzugs med pa'i gnyen por gyur pa dang po dag med pa'i phyir ro/ /dang po rnams kyi zhes bya ba ni mthong bas spang bar bya ba gzugs dang gzugs med pa na spyod pa rnams dang/ bsgom pa'i lam gyi 'gog pa la dmigs pa'i gnyen por gyur pa chos shes pa med pa'i phyir ro/ /de ltar na 'o na rjes su shes pa'i phyogs dang mthun pa 'di dag gi dmigs par mi 'gyur ro zhe na/ rjes su shes pa'i lam rnams nyon mongs pa rnams kyi gnyen po ma yin no/ /bsam gtan gnyis pa la sogs pa'i sa pa'i rjes su shes pa'i phyogs kyang lam ma yin no/ /bsam gtan bzhi pa'i sa pa'i log par lta ba'i gnyen po bsam gtan dang po'i sa pa'i mdza' dag ma yin no/ /sngar nyid du lam la dmigs pa sdug bsngal dang kun 'byung dang 'gog pa'i bzod pa rnams gnyen po ste/ de ltar mdza' dag gi gnyen po ma yin pa'i phyir rjes su shes pa'i phyogs dang mthun pa yang 'di dag gi dmigs pa'o zhes bya bar thal bar 'gyur ro zhe na/ 'dir yang de'i rigs can gnyen po yin pa'i phyir dang de'i rigs can phan tshun dmigs pa'i phyir dang rgyu yin pa'i phyir zhes rgyas par bsgrub par bya'o/ /de'i phyir phan tshun rgyu can dang phan tshun dmigs pa gnyen po'i rigs can te lam dmigs pa dang bcas pa rnams kyis phra rgyas dmigs las na 'chol ba'i skyon med do/ /yang ci'i phyir 'dod par gtogs pa'i log par

  498. 249b

    lta bas dgu'i sdug bsngal la dmigs zhe na/ bsam gtan dang po'i sa nas srid pa'i rtse mo'i bar sa brgyad dang rang gi sa kho na'i 'gog pa mthong bas spang bar bya ba yang sa dgu'i log par lta ba rang gi sa pa'i 'du byed rnams 'gog pa la dmigs so/ / 'dir rgyu yod pas rgyu dang 'bras bu yongs su bcad de rang gi sa dang khams rnams su sa dgu'i sdug bsngal phan tshun 'dren pa'i phyir/ skyed pa dang gnas pa dang rten pa'i rgyu rnams kyis phan tshun rgyu can ni ma yin te/ 'di ltar phan tshun 'dren pas 'gog pa dang phan tshun rgyu can no zhes rnam par rtogs 'di 'thad do/ /yang 'du byed gang dag la bdag tu lta bas bdag tu ltas te 'jug pa de rnams la mngon par dga' ba dang nye bar gnas pa ni de'i sa pa'i log par lta bas 'di dag la 'gog pa med do zhes skur pa 'debs so/ /'dod chags ni spang bar bya ba yin na zhes bya ba rgyas par 'byung ste/ 'dod chags ni thar pa 'dod pa rnams kyi cig tu spang bar bya ba yin na/ de gal te zag pa med pa la dmigs pa yin na ni thar pa 'dod par zhugs pa'i phyir dge ba'i chos la 'dun pa ltar rnal 'byor pa rnams kyis spang par bya ba ma yin par 'gyur ro/ /'dun pa'i 'dod chags kyi gzhi ni spang bar bya ba yin pa'i phyir zad pa med pa yang spang bar bya bar 'gyur te/ 'dod chags kyi dmigs pa yin pa'i phyir ro/ /bcom ldan 'das kyi kyang 'dun pa'i 'dod chags spangs na de lta na khyod kyi gzugs de spong bar 'gyur ro zhes gsungs so/ /'gog pa dang lam dag la yang skyon gyi sgo nas blta bar bya ba dag go zhes bya bar thal bar 'gyur ro/ /ci'i phyir yul gyi skyon mthong ba las ni sred pa dang bral bar 'gyur la gzhan du ma yin zhe na/ zhi ba'i rnam pa la sogs pa rnams kyi sa zag pa med pa'i chos la lta ba'i sgo nas de la dmigs pa'i sred pa 'phel ba nyid du 'gyur gyi spong ba ni ma yin no/ /sred pas yul la yon tan du mthong bas sred pa 'phel bar mthong

  499. 250a

    ba de'i phyir zag pa med pa la dmigs pa'i 'dod chags med do/ /'gog pa dang lam dag ni de lta ma yin no/ /zhes bya ba ni gnod pa byed pa'i rgyu mtshan dang bral ba'i phyir ro/ /'di dag gi nyon mongs pa ma rigs la zag pa med pa'i ni mchog tu phra ba zhes bya ba ni/ de la de'i 'jug pa yod pa ma yin no/ /nga rgyal yang khengs pa'i mtshan nyid can yin pa'i phyir ma zhi pa yin na/ zag pa med pa'i chos rnams ni rab tu zhi ba yin pa'i phyir des khengs par 'gyur bar mi 'os so/ / bdag gis ni chos de dag thob po snyam du de ltar nga rgyal skye bar 'gyur na/ zag pa med pa'i chos kyi rkyen gyi de skye bar rigs ma yin te/ de dag ni de'i gnyen po yin pa'i phyir dang/ yang dag pa'i don du dag pa yin pa'i phyir zhes bya ba la/ phyin ci ma log pa'i don gyis zhugs pa'i phyir de dang mthun pa ste/ 'di dam bcas pa dang 'gal ba ma yin zhes bya ba'i don to/ /de dag ni mchog kyang yin te/ nyon mongs pa'i gnyen po yin pa'i phyir dang dge ba dang rtag pa yin pa'i phyir dang zag pa med pa yin pa'i phyir ro/ /dngos po dman pa zag pa dang bcas pa la mchog tu 'dzin pa ni lta ba mchog tu 'dzin pa nyid do/ /gzhan yang gal te mchog tu 'dzin pa gnyis pa zag pa med pa la dmigs pa yin pa ni yang dag pa'i lta ba'i mtshan nyid du 'gyur te/ zag pa med pa rnams ni dag pa yin pa'i phyir dang mchog yin pa'i phyir ro/ /de'i phyir mthong bas spang bar bya ba dag tu yang mi 'gyur ro/ /de lta bu na 'o na gang dag 'gog pa la skur pa 'debs pa'i log par lta ba la zhe sdang ba de 'gog pa dang mthun pa'i phyir mthong bas spang bar bya ba mi 'gyur ro zhe na/ 'di la 'gog pa'i mtshan nyid med de/ kun tu rmongs pas de la skur pa 'debs pa la sdang ba'i phyir de ni thar pa la ci la yang gnas pa ma yin no snyam du gzung nas yod pa'i thar pa la skur ba 'debs shing 'dzin par mi

  500. 250b

    byed do/ /gang zhig 'gog pa'i yul mi shes pa dang bral ba de skur pa 'debs par lta ba las phyir phyogs te/ de ma thob pa'i dge ba'i rtsa ba ji ltar rnam par dag pa/ koShtha? sya bi tsi tra ma bya hA ra mu pa yu ny+dza na sya no pa g+ha to b+ha ba ti/ u pa tsi ta do Sha sya tu pa the ma phyu pa yu k+ti do Sha ya/ de bzhin du 'di la yang sbyar bar bya'o/ /'on te gang 'di mya ngan las 'das pa yod do snyam du yang dag par lta ba 'joms pa de ni mi mthong bas spang bar bya ba'o/ /'di ni mthong bas spang bar bya ba ma yin te/ mthong bas spang bar bya ba'i dge ba'i chos kyi yul yin pa nyid mi 'thad pa'i phyir ro/ /bsgom pas spang bar bya ba nyid do/ /ra re na pa mthong ba rnams la ni 'gog pa la dmigs pa'i log par lta ba kun tu spyod pa med do/ /'dod chags dang bcas pa med pa'i phyir ro/ /kha cig mya ngan las 'das pa la dmigs kyang khong khro nye bar dmigs pa ma yin nam zhe na/ dbang po thams cad pa ra ma ta du khaM nirbA Na ma ni shA ma b+hU taM nA pti northa ste ne si/ 'di ni nges par khong khro ma min no/ /'o na ci zhe na/ bstan bcos las log par lta ba gsungs te/ gang bde ba la sdug bsngal lo snyam du lta ba ni log par lta ba ste/ 'gog pa mthong bas spang bar bya'o zhes de ltar rigs so/ /sangs rgyas pa kha cig na/ thams cad kyi sdug bsngal dang bde ba 'gog pas don dam par bden pa ni mya ngan las 'das pa ste/ de'i mtshan nyid rtogs pa las 'khor ba'i skyon shes pa'i phyir srid pa la mngon par dga' ba de las nges par 'byung ba'i rnam par rtog pa las mya ngan las 'das pa la skur pa 'debs pa'i log par lta ba 'byung ngo/ /gang gis gang mi bzod pa de ni de 'joms pa las skye ba ma yin te/ rang bzhin dang skyes bu dang dus dang phyogs la sogs pa rnams bzhin no zhes zer ro/ /du ni dmigs pa'i sgo nas rgyas par 'gyur ro/ /de ni mtshungs par ldan pa'i sgo nas zhes bya ba ni/ gang zhig dmigs pa'i sgo nas rgyas par 'gyur

  501. 251a

    ba de mtshungs par ldan pa'i sgo nas kyang zhes bstan par bya ba'i phyir nges par gzung ba'o/ /kun tu 'gro ba ni rnam pa gnyis te/ rang gi khams dang sa kun du 'gro ba dang skal pa mi mnyam pa'i khams de dang sa kun du 'gro ba'o/ /kun tu 'gro ba ma yin pa yang rnam pa gnyis te/ zag pa dang bcas pa ma dmigs pa dang/ zag pa med pa la dmigs pa'o/ /de'i phyir phra rgyas gang dag kun du 'gro ba zhes rgyas par smos te/ rnam pa la cher yang zhes bya ba ni/ sdug bsngal mthong bas spang bar bya ba nas bsgom pas spang bar bya ba'i bar la'o/ /phyir btang ba byas nas zhes bya ba la/ 'dir spyir btang ba gang zhe na/ dmigs pa'i sgo nas rang gi sa thams cad du ni rgyas par 'gyur zhes bya'o/ /ji ltar 'di spyir btang ba yin zhe na/ 'dir sa ni yul la mngon par 'dod de/ rang gi sa ni rang gi yul zhes bya ba'i tha tshig go /rgyas par 'gyur bar nus te zhes bya ba ni 'phel ba 'am/ gnas par nus zhes bya ba'i don te/ ser dang bcas pa'i zhing la sa bon dag dang/ snam bu gsher pa la rdul chags pa bzhin no/ /'dir bdag tu lta ba ni zag pa med pa'i dngos po dang/ sa gong ma la 'jug pa nyid yod pa ma yin no/ /sred pa yang ma yin te/ de'i phyir de dag gi yul gyi phra rgyas rnams ni de la gnas ma yin pas rgyas par mi 'gyur ro zhes brjod do/ /rten gyi stobs bskyed pas de'i yul rnams su ltung ste/ me la phye ma leb bzhin no/ /dge ba'i chos la 'dun pa yin no zhes bya ba ni/ de skye ba 'dod chags dang bral ba dang 'brel pa'i phyir ro/ /'dir rjes su mthun pa'i don ni phra rgyas kyi don to/ /gzhan dag na re rang gi sa la dmigs pa'i sgo nas rgyas par 'gyur zhes zer ro/ /de la phra rgyas kyi sgra ni rjes su mthun pa'i don du rtogs par bya ste/ rang gi sa la dmigs pa skye ba dang rjes su mthun pa yin no/ /zag pa med pa sa gzhan ma yin zhes bya ba

  502. 251b

    ni/ de dang rjes su mthun pa ma yin zhes bya ste/ de'i sgra 'gog pa la sogs pa dang mngon par 'brel lo/ /rlung nad can la kha zas rtsub mos rgyas par mi 'gyur ba bzhin no zhes bya ba ni/ dper na rlung nad can la kha zas rtsub bag rgyas par mi 'gyur ro zhes smras na lus dang mthun par mi 'gyur ro zhes bya bar go bar de bzhin du dmigs pas rgyas pas phra rgyas zhes bya bar thong? par 'gyur ro/ /de'i phyir dmigs pa dang mthun pa'i don ni phra rgyas kyi don du 'gyur ro gzhan dag na re/ phra rgyas spangs pas de spangs pa'i phyir ro zhes zer ro/ /chos gang dang zhes bya ba ni rnam par shes pa la sogs pa ste/ de dang mtshungs par ldan pa'i sgo nas rgyas par 'gyur ro/ /de bzhin du tshor ba la sogs pa'i dang yang ngo/ /zag pa med pa la dmigs pa skal pa mi mnyam pa'i sa dang khams la dmigs pa yang mtshungs par ldan pa'i sgo nas rgyas par 'gyur ro/ /zag pa dang bcas pa la dmigs pa ni rang gi sa la dmigs pa dang mtshungs par ldan pa'i sgo nas yin no/ /skal pa mi mnyam pa'i sa kun tu 'gro ba rnams ni bsam gtan gsum dang zag pa med pa gsum na yod kyi/ 'dod pa'i khams na ni med do/ /sa'i dbye ba med pa'i phyir ro/ /bsam gtan bzhi pa na yang med la/ sdid? pa'i rtse mo na yang med de/ sa gzhan med pa'i phyir ro/ /yang ji ltar phra rgyas dag mtshungs par ldan pa'am/ dmigs pa'i sgo nas rgyas par 'gyur zhe na/ ji ltar dug dang 'dres pas chad skyon can yin pa dang/ yon tan mtshungs pas dug gi nus pa 'phel bar byed pa bzhin du 'du byed zag pa dang bcas pa rnams kyang yon tan mtshungs par nyon mongs pa'i mthu 'phel bar byed pa/ ji ltar sman dang 'dres pa'i dug nus pa nyams par 'gyur ba ltar zag pa med pa la dmigs pa'i nyon mongs pa rnams de dang 'dra'o/ /de nyid kyi phyir zag pa med pa la dmigs pa'i log par lta bas dge ba'i

  503. 252a

    rtsa ba kun du gcod par mi 'gyur ro/ /ji srid ma spangs zhes bya ba ni/ gal te spangs na de dmigs pa'i sgo nas rgyas par mi 'gyur ba'o/ /de mtshungs par ldan pa'i sgo nas ji ltar rgyas par 'gyur zhe na de'i mtshan nyid kyi phyir dang zil gyis gnon pa'i gnyen po yin pa'i phyir dang/ rgyas par mi 'gyur ba de'i bdag nyid ma yin pa'i phyir ro/ /ji srid du de rgyas par thob pas de'i sems kyi rgyu sten par 'gyur zhing/ de'i sems kyi rgyun mthun pa kho na yin pas ma 'ongs pa na der gtogs pa'i skal pa mnyam pa'i rgyu mnyam du 'jug par 'gyur ro/ /'di ni re zhig phra rgyas te sems kyi rjes su rgyas par 'gyur bas de ltar brjod do/ /spangs pa ni rgyas par mi 'gyur te/ phra rgyas par mi 'gyur te/ phra rgyas kyi don lam gyis bzlog pa'i phyir ro/ /b+hU sngon byung ba'i phyir ro ta pUrba twa dA a nu sha yi ta i tya nu sha yA(mdo 'grel): b+haSh+Ta d+hi kA ra sya ra dza bya pa de sha ban+ni bi tA ri b+ha sye ba shi lpi na(mdo 'grel): kum+b+ha kA ra bya pa de sha bata/ gong ma thams cad lung ma bstan zhes bya ba la/ gzugs dang gzugs med pa na spyod pa thams cad phra rgyas yin yang rgyas par byas pa'i phyi phra rgyas so zhig pa'i dbang du byas pa ni rgyal bos yul phyung ba gnas rnyed pa dang bzo bos rdza mkhan phul phyung ba bzhin no/? ting nge 'dzin gyi btul ba'i phyir rnam par smin pa'i 'bras bu grub par mi nus pas lung du ma bstan pa yin te/ de lta ma yin na gzugs med pa'i khams dag tu yang tshor ba yid du 'ong ba skye bar thal bar 'gyur ro/ /nyon mongs pa can las ni yid du 'ong ba'i tshor ba'i 'bras bu nyid mi 'thad pa'i phyir de yang de gnyis na med do/ /de nyid la rgyu smras pa ni/ de'i phyir gzhan la gnod pa'i rgyu med pa'i phyir ro zhes bya ba smos te/ gzhan la gnod pa'i rgyu ni khro ba dang gnod sems dang rnam par 'tshe ba la sogs pa dag yin na/ 'dod pa'i khams kyi gong na ni de dag srid pa yang

  504. 252b

    ma yin no/ /'phags pa'i lam la yul lung ma bstan nyid du ni thal bar mi 'gyur te/ zag pa dang bcas pa kho na rnam par smin pa bsnyad pa 'thad pa'i phyir ro/ /sbyin pa la sogs pa dang mi 'gal ba'i phyir te zhes bya ba ni 'jig tshogs la lta ba'i mi dge ba dang rjes su mthun pa yang rnam par dpyad pa bsod nams kyi 'du byed dang rjes su mthun pa'i phyir dang/ dge ba'i rtsa ba chad pa dang 'gal ba'i phyir mi dge ba dang rjes su mthun pa ma yin pa'i phyir ro/ /bdag nyid nyon mongs pa las bzlog pa thar pa dang mthun pa ste/ 'dun pa chad pas 'jug pa'i phyir ro/ /thar pa'i rjes su mthun pa ni 'jig pa chen po'i gnas la mi skrag pa ste ji skad du/ skrag pa nyid kyis byis pa so so skye bo thos pa dang mi ldan pa rnams 'di lta ste/ bdag med par gyur cig bdag gi med par gyur cig /bdag 'byung bar ma gyur cig bdag gi 'byung bar ma gyur cig ces zer te/ skye ba dang rjes su mthun pa'o/ /de nyid kyi phyir mi dge ba ma yin zhes gsungs so/ /gang gi phyir thar pa dang mthun pa rang gi rdzas la rmongs pa'i phyir zhes bya ba ni/ phung po lnga'i rdzas 'di la bdag gi rnam par rtag pa dang chad pa'i rnam par log par nges par sems pa'i phyir kun tu rmongs so/ /pha rol la gnod pa'i rnam par zhugs pa ma yin pa'i phyir zhes bya ba la/ ngang gi sgra ni rang gi rdzas la kun tu rmongs pa yang ste/ 'jig tshogs la lta ba dang mthar 'dzin par lta ba lung du ma bstan pa'o zhes bya bar skabs dang sbyar ro/ /mtho ris la sred pa dang nga'o snyam pa'i nga rgyal dag kyang zhes bya ba ni/ mtho ris la sred pa yang sbyin pa la sogs pa dang mi 'gal la/ nga'o snyam pa'i nga rgyal yang rang gi rdzas la kun tu rmongs shing pha rol la gnod pa'i rnam pas zhugs pas mtho ris la sred pa dang nga'o snyam pa'i nga rgyal dag kyang lung du ma bstan par thal bar

  505. 253a

    'gyur ba la/ slob dpon 'dus bzang na re thal bar 'gyur ba med do zhes zer ro/ /bdag tu lta ba'i dbang gis mtho ris su skye ba don du gnyer ba 'thad pa'i phyir der bdag bde ba la longs spyad par bya'o snyam du de'i sgo nas bsod nams mngon par 'du byed do/ /'dod chags kyang dge ba'i rtsa ba gced pa la stobs dang ldan pa'i rgyur gsungs pas 'di mi dge ba'o/ /nga'o snyam pa'i nga rgyal ni 'jig tshogs la lta ba'i rjes su kun tu spyod pa'i sems mtho bas 'jug pa yin pa'i phyir dge ba'i bya ba dang mthun pa ma yin te dge ba'i bshes gnyen bsten pa la mi brtson ba'i phyir bdag tu nga rgyal can rnams kyis skyes bu dam pa bsten pa la sogs pa rnyed dka' ba yin no/ /'dir sbyin pa la sogs pa dang mi 'gal ba'i phyir 'jig tshogs la lta ba'i bzhin mtho ris la sred pa lung ma bstan nyid du bshad pa 'di'i lan du sbyar ro/ /'jig tshogs la lta ba'i dbang gis de skyed pa'i phyir lung du ma bstan pa nyid ma yin no gal te 'jig tshogs la lta ba'i dbang gis gang bskyed pa de lung du ma bstan pa ma yin pa de lta na/ mthar 'dzin par lta ba yang lung du ma bstan pa ma yin par 'gyur ro/ /mtho ris la sred pa dge ba'i rtsa ba gcod pa'i rgyur rigs pa ma yin no/ /zhes brjod par bya ba de bzhin du nga'o snyam ba'i nga rgyal yang rang gi rdzas la rmongs pa'i phyir dang gzhan la gnod pas 'jug pa'i phyir 'jig tshogs la lta ba bzhin lung du ma bstan pa yin par bshad pa phyogs snga ma'i lan du sbyar ro/ /'jig tshogs la lta ba'i rjes su kun tu spyod ba'i phyir lung du ma bstan pa ma yin zhing sems mtho bar 'jug pa yang dag ba'i bshes gnyen bsten pa la mi brtson pa'i phyir lung du ma bstan pa yin na/ de lta na 'o na rang gi rdzas la kun du rmongs pa dang gzhan

  506. 253b

    la gnod par zhugs pa'i phyir lung du ma bstan pa nyid rgyu cig ma yin pas 'jig tshogs la lta ba dang mthar 'dzin par lta ba yang nyon mongs pa gzhan dang chos mtshungs pas mi dge ba nyid du 'gyur ro/ /ri dags dang bya rnams la yang yod pa gang yin pa zhes bya ba ni bab chol du sgra thos pas skrag pa'i rgyur 'gyur ba lta bu'o/ /rnam par brtags pa ni mi dge ba yin no zhes bya ba ni rigs pa'i rnam par rtog pa sngon du 'gro ba ste/ dper na mu stegs can rnams kyi lta bu'o/ /gzhan dag na re 'di yang mi 'thad de rnam par ma brtags pa'i don ni mthong bas spang bar bya ba nyid du mi 'thad pa'i phyir zhes zer ro/ /de nyon mongs pa can ma yin pa'i lung ma bstan du 'gyur te/ ha cang thal ba'i phyir ro/ /ri dags dang bya la sogs pa rnams la sngon gyi mdza' la sogs pa'i rnam par rtog pa yod pa ma yin no/ /the tshom yang rnam pa gnyis su 'gyur te/ gzugs dang gzugs med pa na spyod pa rnams kyang rnam par brtag pa'i don las mi dge ba nyid du thal bar 'gyur ba 'di bzlog zin to/ /lhag ma rnams 'dir mi dge ba'o zhes bya ba la/ 'dir zhes bya ba smos pa'i 'dod pa na spong ba'i lhag ma bsdu bar bya ba'i phyir ro/ /'dod chags thams cad dang zhe sdang thams cad smos pa ni rnam pa lnga ste nye bar bsdu bar bya ba'i phyir ro/ /'jig tshogs dang mthar 'dzin par lta ba dang mtshungs par ldan pa'i ma rig pa ni kun 'gro ba yin pa phyir ma rig pa'i rtsa bar 'gyur ba de'i phyir gang zhig mi dge ba yang yin la/ mi dge ba'i rtsa ba yang yin pa zhes bya ba smos so/ /gal te mi dge ba sngar skyes pa thams cad phyi ma'i rgyu ma yin nam/ ma yin te 'di gsum kho nar rung ba med do/ /dge ba'i rtsa ba ni gnyen por rnam par bzhag pa'i phyir ro/ /gzhan dag na re/ nga rgyal med pa la sogs pa'i dge ba'i rtsa ba gnas skabs tha dad de/ skyob pa bcom ldan 'das kyi chos rnams su rnam par shes pa'i tshogs lnga po dge ba der rag las pa med pa'i phyir zhes zer

  507. 254a

    ro/ /du ni lung du bstan pa'i rtsa ba dag yin zhes bya ba ni/ du ni phra rgyas lung du ma bstan pa rnams kyi rtsa ba dag yin du ni ma yin zhes bya'o/ /sred pa zhes bya ba ni gzugs dang gzugs med pa na spyod pa'o/ /ma rig pa zhes bya ba ni gzugs dang gzugs med pa'i khams dag na yod pa thams cad dang/ 'dod pa'i khams na 'jig tshogs la lta ba dang mthar 'dzin par lta ba dang mtshungs par ldan pa'o/ /tha na rnam par smin pa las skyes pa yang rung ste zhes bya ba ni gzugs kyi khams na nyon mongs pa thams cad dang mtshungs par ldan pa dang/ rnam par smin pa dang/ spyod lam pa dang/ sprul pa'i sems dang mtshungs par ldan pa'o/ /gzugs med pa'i khams na ni nyon mongs pa thams cad dang mtshungs par ldan pa dang/ rnam par smin pa'i sems dang mtshungs par ldan pa'o/ /'dod pa'i khams na ni 'jig tshogs dang mthar 'dzin par lta ba'i bdag nyid dang/ rnam par smin pa las skyes pa dang/ spyod lam pa dang/ bzo'i gnas dang/ sprul pa'i sems dang mtshungs par ldan pa'o/ /rtsa ba'i don ni rgyu'i don te/ ma bsgribs pa la lung du ma bstan pa'i shes rab kyang rgyu nyid du rung bas de yang lung du ma bstan pa'i rtsa ba yin no/ /rtsa ba ni sa'i gzhi'i ltar gyur pa dang rab tu skye ba dang yangs par gyur pa'o zhes bya ba dgongs so/ /gzhan dag ni rtsa ba dang 'dra bar rtsa ba ste/ 'di dge ba ma yin pa'i phyir lung ma bstan gyi rtsa ba ma yin no zhes zer ro/ /nyi 'og pa rnams ni lung du ma bstan pa'i rtsa ba bzhir zhes bya ba rgyas par 'byung ngo/ /de la sred pa shas che ba'i bsam gtan zhes bya ba la/ gang zhig ro myang ba dang mtshungs par ldan pa'i bsam gtan sgom pa de ni sred pa shas che ba'i bsam gtan pa'o/ /lta ba shas che ba'i bsam gtan pa ni gang zhig bsam gtan la rten nas rtag pa la sogs

  508. 254b

    pa'i lta ba skyed pa'o/ /nga rgyal shas che ba'i bsam gtan des bdag ni bsam gtan bzhi thob pa yin gyi/ dge slong gzhan dag ni de lta ma yin no snyam du rlom pa'o/ /'di dag kyang bsam gtan la snyoms par zhugs pa nyon mongs pa kun tu spyod pa'i gnas skabs so/ /sred pa shas che ba'i bsam gtan pa nas/ nga rgyal shas che ba'i bsam gtan pa zhes bya ba'i don ci yin zhe na/ 'di la sred pa lhag pa'i bsam gtan bsgom pa'i ngang tshul yod pas na sred pa shas che ba'i bsam gtan pa'o/ /yang na sred pa shas che ba yang yin la/ bsam gtan pa yang yin pas sred pa shas che ba'i bsam gtan pa ste/ sred pa lhag pa zhes bya ba'i tha tshig go/ lta ba dang rgyal shas che ba'i bsam gtan pa yang de dang 'dra'o/ /ma bsgribs la lung du ma bstan pa'i shes rab ni nyams chung ba'o/ /bstan pa'i don ni rtsa ba'i don to/ /nga rgyal gyi dbang gi rnal 'byor spyod pa stong phrag rnams kyang nyams par 'gyur la stobs dang ldan pa'i phyir lung du ma bstan pa'i rtsa bar nga rgyal lung du ma bstan pa dang 'brel pa bshad do/ mdo las lung du ma bstan pa'i dngos po bcu bzhi gsungs pa zhes rgyas par 'byung ba la ci de dag lung du ma bstan pa'i phyir yin zhes bya ba ni/ dge ba yang ma yin mi dge ba yang ma yin pa'i phyir yin nam zhes bya ba'o/ /gzhag par bya ba'i zhes bya ba ni/ smra bar bya ba ma yin pa'o/ /gzhan dag na re zhes bya ba ni btsun pa dga' byed do/ /sems can thams cad 'chi bar 'gyur ro zhes bya ba 'di 'ba' zhig mchog tu lung bstan par bya ba yin par ma zad kyi thams cad skye bar mi 'gyur ro zhes bya ba 'di yang mgo cig tu lung du bstan par bya ba yin no/ /slob dpon gyi gang zhig ci zhes bya bas rgyas par lan 'debs so/ /gang zhig ci gang dag 'chi bar 'gyur ba de dag thams cad skye bar 'gyur ram zhes 'dri ba de la ni thams cad ni skye bar mi 'gyur gyi 'o na ci zhe na/

  509. 255a

    nyon mongs pa dang bcas pa skye bar 'gyur gyi/ nyon mongs pa med pa ni ma yin no zhes rnam par phye ste lung bstan par bya ba yin no/ /mi la yang gnyi ga yod pas mgo gcig tu lung bstan par bya ba la/ dper na rnam par shes pa bzhin no zhes bya ba ni de nyid la dpe smras pa'o/ /slob dpon gyis gcig tu 'dri ba la zhes smos te/ dman pa nyid dam khyad par du 'phags pa nyid ces bya ba'o/ /slob dpon gyis bzhag par bya ba gang yin pa zhes smos te/ gzhag par 'os pas na bzhag par bya ba ste/ de ji ltar na lung du ma bstan par 'gyur/ don dang ldan pa'i phyir ro zhes bya ba ni don yang dag par ldan pa'i phyir ro zhes bya ba'i tha tshig go /rnam par dbye bar ni mi bya ste zhes bya ba ni/ 'das pa dang ma 'ongs pa dag dbang ltar byung ba dag dang zhes bya ba la sogs pa de lta bu'o/ /gang gi tshe de gnyis cung zad kyang ma 'dri'i zhes bya ba ni btsun pa dga' byed kyi'o/ /gang gi tshe de dag ces rgyas par 'byung ba la/ gang gi tshe de dag ni yon can dang/ gang zhig cung zad kyang mi 'dri bar chos dag smros shig ces gsol ba 'debs pa 'ba' zhig tu zad pa'o/ /chos ni gzugs la sogs pa rab tu dbye ba dang bcas brgyas pa 'di dag yin no zhes bya bar de dag la cung zad kyang lung mi bston gyi 'das pa dang/ ma 'ongs pa dag dang/ da ltar byung ba dang/ chos mang po zhig yod na zhes bya bar 'dri ba 'ba' zhig tu ma zad na de ji ltar de gnyis kyi dri ba yin/ ji ltar na lung du bstan pa yin/ slob dpon gyis gang zhig ces bya bas chos mngon pa pa'i phyogs gzhung 'dzugs par byed do/ /de mi shes pa gang zhig lam smros shig ces zer na ci des lam ma dris pa yin nam/ dri ba nyid kyis de lung bstan pa'i phyir zhes bya ba la/ 'dir chos kyi rnam par dbye bas mthar phyin na 'dri ba po'i mngon par 'dod pa'i don khong du chud

  510. 255b

    pas de lung bstan par 'gyur ro/ /gang zhig ma bshad par 'di mi rtogs la/ bshad pas rtog pa de la de lung bstan pas lung bstan par bya ste/ des zhes bya ba ni btsun pa dga' byed do/ /'di ltar gang zhig lam smros shig ces smra ba la de ma shes pas dris nas lung ston pa ste 'di ni khyad par ro/ /de nyid la dris nas rang gis lung ston pa ste/ ji ltar khyod nyid la dris/ khyod kyis ji ltar nus pa de bzhin du lan thob shig /de ji snyam du sems/ gzugs mi rtag pa 'am rtag pa yin zhes bya ba de lta bu la sogs pa rnams so de bzhin gshegs pa la dris pa khong du mi chud pa la ni bcom ldan 'das kyis 'di lung du mi ston te/ cang mi gsung bar gyur pa/ 'di lung du ston pa gzhan yin no/ /de'i phyir 'di khyad par dang bcas pa'i lung ston pa ste lung ston pa'i thabs su gyur pa dris nas lung ston pa zhes bya'o/ /de bzhin du gnyis la zhes tshig rnam par sbyar te/ de rig par bya ba la dri bas lung bstan par bya ste/ dri bas lung bstan pas na 'di ni dri bas zhes bya'o/ /ched du bsam par bya ba'i las byas nas ci zhig so sor yang dag par myong bar 'gyur zhes bya ba ni/ ci bde ba 'am/ sdug bsngal lam bde ba yang ma yin sdug bsngal yang ma yin pa zhig ces bya ba'o/ /rnam par phye ste lung bstan par bya ste/ ched du bsam par bya ba'i las ni rnam pa gsum yin pa'i phyir ro/ /bsam gtan gsum pa'i bar gyi ched du bsam par bya ba'i las dge ba zag pa bcas pa byas nas ni bde ba kho na so sor yang dag par myong bar 'gyur ro/ /gzhan dag na re bde ba yang ma yin sdug bsngal yang ma yin pa yang ngo zhe'o/ /bsam gtan bzhi ba la sogs pa'i ched du bsam par bya ba'i las byas ni bde ba yang ma yin sdug bsngal yang ma yin pa'o/ /ched du bsam par bya ba'i las mi dge ba byas nas ni sdug bsngal so so yang dag par myong bar 'gyur ro/ /rags pa las?

  511. 256a

    bya ba ni gzugs can zhes bya ba'i don to/ /de'i dngos po ma yin pa la rgyud kyi sgo nas zhes bya ba la/ dngos po rnam pa du ma yod mod kyi/ 'dir ni ldan pa'i dngos po kho na mngon bar 'dod do/ /de yang rnam pa gnyis te/ rten dang dmigs pa nges pa dang/ rnam par nges pas so/ /de la re zhig rten dang dmigs pa nges pas ni mig gi rnam par shes pa'i phra rgyas rnams kyis ni dmigs pa'i sgo nas gzugs dag dang ldan par byed la/ de dang mtshungs par ldan pa dag dang ni mtshungs par ldan pa'i sgo nas ldan par byed do/ /lus kyi rnam par shes pa'i phra rgyas rnams kyi ni/ dmigs pa'i sgo nas reg bya dang ldan par byed la/ de dang mtshungs par ldan pa dag dang ni mtshungs par ldan pa'i sgo nas ldan par byed pa'i bar du yang de dang 'dra'o/ /yid kyi rnam par shes pa'i phra rgyas rnams kyis ni dmigs pa'i sgo nas skye mched bcu gnyis dang ldan par byed la/ de dang mtshungs par ldan pa dag dang ni mtshungs par ldan pa'i sgo nas ldan par byed do/ /kun 'gro ba ma yin pa rnams kyis ni dmigs pa'i sgo nas ni rang gi sa pa dag dang ldan par byed do/ /de dag mtshungs par ldan pa dag ni mtshungs par ldan pa'i sgo nas ldan par byed do/ /de bzhin du thams cad la ci rigs par khong du chud par bya'o/ /'das pa dang ma 'ongs pa dang da ltar byung ba'i nges pas 'das pa ni gang dang ldan zhes bya ba nas da ltar byung bas ni gang dang ldan zhes bya ba'i bar de brjod par bya ste/ rang gi mtshan nyid pa'i nyon mongs pa zhes bya ba la/ 'dod chags ni rang gi mtshan nyid pa'i nyon mongs pa zhes bya ste/ rang gi mtshan nyid pa'i nyon mongs pa rnams ni de la dmigs pa'i bde ba myong bar 'gyur ba la sogs pa'i dngos po rang gi ngo bo las bde

  512. 256b

    ba myong bar 'gyur ba nyid kyis dngos po la dmigs te skye'o/ /de bzhin du nga rgyal yang bde ba myong bar 'gyur ba'i dngos po la dmigs pa'i sems mtho ba yin la/ khong khro yang sdug bsngal myong bar 'gyur ba'i dngos po la dmigs te skye bas de dag rang gi mtshan nyid pa'i nyon mongs pa yin no/ /nyon mongs pa spi? pa zhes bya ba la/ de la dmigs pa'i phyir de dag khyad par med par bde ba myong bar 'gyur ba la sogs pa'i dngos po thams cad las skye bas nyon mongs pa spyi ba zhes bya'o/ /'das pa dang/ da ltar byung ba'i 'dod chags dang khong khro ba dang nga rgyal rnams zhes khyad par med par brjod pas ci rig par rnam par shes pa'i tshogs drug pa dag yin par shes par bya'o/ /dngos po gang la zhes bya bas sdug bsngal dang kun 'byung dang/ 'gog pa dang lam mthong bas spang bar bya ba dus gsum pa dang bsgom pa dang spang bar bya ba'i dngos po la zhes ston to/ /dngos po de dang zhes bya ba ni bshad ma thag pa'i dngos po kho na dang sbyar te/ de dag ni rang gi mtshan nyid pa'i nyon mongs pa yin pa'i phyir/ thams cad kyi thams cad la gdon mi za bar mi skye bas gang la skyes pa zhes khyad par du byas so/ /yid kyi de dag ma 'ongs pas kun dang zhes bya ba la/ nyon mongs pa gang zhig 'das pa'i rnam par spang ba dang ma 'ongs pa de dang de spang ba nyid yin pas de'i phyir khyad par du byas so/ /gang du spangs pa de zhes bya ba la/ dngos po thams cad la zhes bya ba ni/ de la dmigs pa rnams la skye ba srid pa'i phyir te/ yid kyi yul ni dus gsum yin pa'i phyir ro/ /gzhan gyis rang dus pa zhes bya ba la/ rnam par shes pa'i tshogs lnga pa'i 'dod chags la sogs pa dag ni rang gi dus pa kho na la dmigs nas skye ste/ de'i phyir ma 'ongs pa de dag gi dmigs pa ni ma 'ongs pa kho na'o/ /da ltar ba rnams kyi ni da ltar ba yin la/

  513. 257a

    'das pa rnams kyi ni 'das pa ma yin pas/ de dag gis rang gi sa pa'i dmigs pa kho na rang ldan no/ /mi skye ba rnams kyi thams cad dang zhes bya ba la/ rnam par shes pa'i tshogs lnga pa'i 'dod chags la sogs pa mi skye ba'i chos can rnams las ni/ kha cig gi dmigs pa ni 'das pa yin la/ kha cig gi ni da ltar ba yin zhing/ kha cig gi ni ma 'ongs pa yin no/ /de'i phyir de dag gi thams cad dang ldan par brjod do/ /lhag ma kun gyis kun dang ldan zhes bya ba la/ 'das pa dang ma 'ongs pa dang da ltar ba rnams kyis so/ /kun dang ldan zhes bya ba ni dngos po dus gsum pa rnam pa lnga char yang ngo/ /de nyid la rgyu smras pa ni/ nyon mongs pa spyi ba yin pa'i phyir zhes bya ba'o/ /de dag ni thams cad kyi dngos po thams cad las skye ste/ des na 'das pa rnams kyang 'das pa dang ma 'ongs pa dang da ltar 'byung ba'i dngos po dang ldan no/ /de bzhin du ma 'ongs pa rnams dang/ da ltar ba rnams kyis kyang/ 'das pa dang ma 'ongs pa dang da ltar ba'i dngos po dang ldan no/ /ci 'das pa dang ma 'ongs pa 'di rdzas su yod dam/ zhes bya ba ni da ltar ba dang 'dra bar rang gi ngo bo dang rang gi mtshan nyid kyi yod dam/ 'on te med ces bya ba ni da ltar ba ltar rang gi ngo bos med ces bya ba'o// 'o na ma 'ongs pa ni rang gi ngo bos ma thob pa'i phyir dang/ 'das pa ni rang gi ngo bo 'gags pa'i phyir dus thams cad du yod pa zhes bya ba ci/ da ltar ba nyid 'das pa dang ma 'ongs pa'i gnas skabs dag na yang yod na rtag pa nyid du thal bar 'gyur ro/ /ji ltar de dang zhes bya ba ni 'das pa dang ma 'ongs pa'i dngos po dang ngo/ /des zhes bya ba ni 'das pa dang ma 'ongs pa'i nyon mongs pas so/ /ldan pa'am bral ba ma yin zhes bya ba la/ med pa ni med pa dang ldan pa

  514. 257b

    'am bral bar mi rung ste/ gnyi ga yang ci yang med pa'i phyir ro/ /'dus byas kyi mtshan nyid dang ldan pa'i phyir 'dus byas rnams rtag pa nyid du dam mi 'cha'i zhes bya ba la 'dus byas kyi chos rnams ni 'dus byas kyi mtshan nyid kyi sgo nas dus su 'pho bar 'jug pa yin la/ dus dag la 'jug pa rnams ni rtag pa nyid du yang mi rung ngo/ /gsal ba dam 'cha'o/ /zhes bya ba ni da ltar ba ltar/ rang gi ngo bos yod pa nyid du'o/ /ci'i phyir de rnams kyi de de ltar dam 'cha' ste/ ci lung dam rigs pa'am/ gnyi ga la brten nas yin zhes bya ba ni 'dri ba'i bsam pa'o/ /gsungs phyir zhes bya bas re zhig lung ston pa ste/ gang gi phyir 'das pa'i gzugs yod cing ma 'ongs pa'i gzugs yod pa zhes mgur nas 'das pa dang ma 'ongs pa yod pa nyid du gsungs so/ /ci'i phyir da ltar byung ba nye bar ma bkod ce na/ dge slong dag da ltar byung ba'i gzugs yod par ma gyur na 'phags pa nyan thos thos pa dang ldan pa dag yid 'byung ba dang 'dod chags dang bral ba dang 'gag pa'i phyir 'jug par mi 'gyur ro zhes gnyi ga la mi mthun pa smra ba med pa'i phyir ro/ /gnyis la brten nas zhes bya ba rgyas par 'byung ba la/ 'dir 'das pa dang ma 'ongs pa yod pa nyid du don gyis gsungs so/ /zhes bya ba ni sngar dngos su gsungs pa las khyad par yin no/ /'dir ni mig dang gzugs la brten nas yid dang chos kyi bar la brten nas zhes rnam par shes pa drug gis rten dang dmigs pa nges par brjod na/ gal te khyad par med par brjod kyang/ yul med par yang rnam par shes pa skye bar rtog na ni/ de ltar na long ba la sogs pa rnams la rten med par yang rnam par shes pa skye bar ci ste mi rtog/ khyad par gyi rgyu med pa'i phyir ro/ /dngos po med pa yul drug gi khongs su ma 'dus pas dngos po med pa'i yul can gyi blo yod pa ma yin no/ /de bas na dmigs pa med pa'i phyir rnam par

  515. 258a

    shes pa nyid du yang mi 'gyur ro zhes bya ba la/ rnam par shes pa ni dngos po so sor rnam par rig pa yin na rnam par shes par bya ba med na ni 'dis cung zad kyang rnam par mi shes pas des na rnam par shes pa nyid du yang mi 'gyur ro/ /rang dang spyi'i mtshan nyid med na des ci zhig khong du chud par bya zhing rnam par shes par bya ba yin/ 'bras bu skye ba'i tshe ni zhes bya ba rgyas par 'byung ste/ dge ba dang mi dge ba'i las 'gags nas yun ring du lon? pa'i phyir 'gags na ni yod pa ma yin la/ de lta yin na rgyu med pa'i phyir rnam par smin pa'i 'bras bu mi skye ba zhig go /rgyu med pa ni skye bar mi 'gyur te/ ha cang thal bar 'gyur ba'i phyir ro/ /gdon mi za bar 'di khas blang bar bya ba dgos so zhes grag ste zhes bya ba rgyas par 'byung ste/ thams cad yod par smra ba zhes bya ba'i sgra ni bya ba'i rgyu mtshan can yin pa'i phyir ro/ de nyid kyi phyir/ de yod smra ba'i phyir thams cad yod par smra ba zhes bya ba smos so/ /dus gsum la thams cad kyi sgra nges par bkod pa'i phyir thams cad kyi sgras dus gsum brjod do/ /sde pa gzhan 'bras bu ma skyes pa yod pa nyid smra ba rnams ni rnam par phye ste smra ba'o/ /mdo sde pa rnams ni da ltar byung ba rtsam smra ba'o/ /chos dus rnams su 'jug pa na dngos po gzhan du 'gyur gyi zhes bya ba ni ma 'ongs pa la sogs pa'i dngos po gzhan du 'gyur ba ste/ 'dir ma 'ongs pa'i dngos po 'dor zhing/ da ltar pa'i dngos por 'gyur la/ da ltar byung ba'i dngos po 'dor zhing 'das pa'i dngos por 'gyur ro/ /rdzas gzhan du 'gyur ba ni ma yin no zhes bya ba ni rdzas kyi rang gi mtshan nyid gzhan du 'gyur ba ma yin pa ste/ dngos po dus rnams su 'jug pa ni rang bzhin 'khrul pa med pa'i phyir ro/ /gzhan du gzhan nyid du ste/ ma 'ongs pa las gzhan da ltar byung ba la sogs pa dang 'das pa zhes bya bar

  516. 258b

    de thal bar 'gyur ro/ /yang ma 'ongs pa la sogs pa'i dngos po 'di ci zhig ce na/ gang las 'das pa dang ma 'ongs pa dang da ltar byung ba'i shes pa dang brjod pa 'jug pa'i yon tan gyi khyad par ro/ /dper na gser gyi snod ces bya ba ni de nyid la dang gnyis po gser dang 'o ma ste/ 'di ltar gnyi ga yang kha dog la sogs pa tshogs pa'i bdag nyid yin la/ de la yang dpung rgyan dang gang du bu la sogs pa brjod pa'i rgyu mtshan/ yon tan dang dbyibs kyi bdag nyid tsam kho na zhig gzhan du 'gyur ba yin gyi kha dog ni ma yin no/ /de bzhin du 'o ma dang zho dang dar ba la sogs pa'i brjod pa'i rgyu mtshan ro dang nus pa dang smin par byed pa dang/ mthu rnams gzhan du 'gyur ba nyid yin gyi kha dog ni ma yin no/ /mtshan nyid gzhan du 'gyur ba ni mtshan nyid 'jug pa'am? thob pa la bltos nas tha snyad 'dogs te/ dper na skyes bu zhes bya ba la/ de'i rang bzhin gyi khyad par gyis 'dod chags dang bral ba'i 'jug pa thob pa dang ma thob pa ni khyad par ro/ /gal te ma 'ongs pa dang 'das pa dang da ltar 'byung ba dag mi ldan par gyur pa de lta na ma 'ongs pa nyid 'byung ba ma yin zhing 'das par yang mi 'gyur ro/ /'das pa dang ma 'ongs pa da ltar byung ba mi ldan par gyur pas ma 'ongs pa dang da ltar byung ba dang 'das par yang mi 'gyur zhing/ gal te da ltar byung ba dang 'das pa dang ma 'ongs pa dag mi ldan par gyur pas ma 'ongs nyid da ltar byung ba dang da ltar byung ba nyid 'das pa zhes bya bar mi 'gyur ro/ /gnas skabs las gnas skabs thob pa ste/ ma 'ongs pa'i gnas skabs la ma 'ongs pa zhes bya'i de da ltar byung ba ma yin zhing 'das pa ma yin no/ /de bzhin du da ltar byung ba dang 'das pa la yang brjod par bya'o/ /rdzas gzhan zhes bya ba rdzas gzhan gyi sgo nas ni ma yin te zhes bya ba ni rdzas ni dus gsum chad du yang tha dad pa'i phyir ro/ /'di gnas

  517. 259a

    skabs la bltos nas tha snyad brjod de/ de nyid kyi phyir dper na ri lu gcig ces bya ba la smos te/ sa'i ri lu'o/ /gcig gi shod mig tu zhes bya ba ni gcig gi gnas su'o/ /brgyu'i shod mig tu zhes bya ba ni brgya'i gnas su'o/ /stong gi shor mig tu zhes bya ba ni stong gi gnas su'o/ /de rang bzhin gzhan du 'gyur ba ni ma yin gyi/ 'o na ci zhe na/ gnas kyi khyad par dang 'brel ba las grangs ston par byed pa'i ming gzhan du 'byung ngo/ / gzhan dang gzhan du 'gyur ba ni zhes bya ba la sogs pa la/ snga ma dang phyi ma la bltos nas gzhan dang gzhan zhes brjod kyi/ rang bzhin gzhan du 'gyur ba ma yin zhing/ rdzas gzhan du 'gyur ba ni ma yin te/ 'das pa dang de ltar ba la ltos nas phyi ma ma 'ongs pa zhes bya ba la/ da ltar ba dang ma 'ongs pa la bltos nas snga ma 'das pa zhes bya zhing/ snga ma dang phyi ma ste 'das pa dang ma 'ongs pa la bltos nas da ltar ba zhes bya'o/ /'di ni snga ma dang phyi ma la bltos nas tha snyad brjod do/ /gang la snga ma kho nas yod kyi/ phyi ma med pa de ni ma 'ongs pa yin la/ gang la phyi ma kho na yod kyi snga ma med pa de ni 'das pa yin zhing/ gang la snga ma dang phyi ma yod pa de ni da ltar ba yin no/ /gzhan dag na re ru tsam gyi snga ma dang phyi ma ni 'dis 'chad par 'dod pa ma yin no zhes zer ro/ /de nyid kyi phyir bud med gcig la ma zhes kyang bya/ bu mo zhes kyang bya ba bzhin no zhes bya ba brjod de/ snga ma dang phyi ma la bltos nas yin gyi/ rdzas ni ma yin no// yongs su 'gyur bar smra ba'i phyir zhes bya ba la sogs pa 'byung ste/ grangs can gyi bzhin du 'o ma'i chos btang nas zho'i chos kyi bdag nyid du rnam par gnas par 'gyur la/ zho'i chos yongs su btang nas/ ngar ba la sogs pa'i bdag nyid

  518. 259b

    du yongs su 'gyur ro zhes bya ba yin pa de bzhin du 'di'i yang las? ni ma 'ongs pa'i dngos po yongs su dor nas da ltar ba'i dngos por 'gyur la/ da ltar ba'i dngos po yongs su dor nas kyang 'das pa'i dngos por 'gyur zhing/ ma 'ongs pa la sogs pa'i dngos po rnams rdzas la don gzhan nyid kyang ma yin no zhes bya ba yin no/ /grangs can gyi phyogs la bslan par bya'o zhes bya ba ni de'i dgag pa gang yin pa de ni 'di'i yang yin no zhes bstan pa yin la/ slob dpon 'dus bzang na re/ ma (bdag ni gsal ba min no) ma tu nai tatpra ti b+ha ti zhes zer ro/ /ci'i phyir zhe na/ 'dra ba rjes su 'jug pa la dgongs nas de ltar bshad do/ /gnas pa'i chos gzhan ldog pa dang chos gzhan skye ba ni ma min no/ /btsun pa dbyig shes kyi 'dod pa'i rnam grangs 'di nyid gser dang 'o ma'i dpes bstan pa'i phyir/ 'di yongs su 'gyur ba smra ba ma yin zhes bya ba tshig tsam mo/ /btsun pa dbyig bshes kyi phyogs las yang gal te snga ma'i chos kyi gnas skabs btang nas phyi ma'i gnas skabs sgrub pa 'di yang yongs su 'gyur bar smra ba las tha dad pa ma yin no/ /'on te sngan ma'i gnas skabs yongs su btang ba de lta na yang gnas skabs 'chol bas dus 'tshol bar thal bar 'gyur ro/ /ci ste da ltar byung ba cung zad kyang 'byung ba dang ldog pa med pa de lta na yang ji ltar snga ma dang phyi mar khyad par rnam par gzhag ces brjod par bya/ thams cad la mtshan nyid thams cad dang ldan pa'i phyir zhes bya ba ni/ ldan pa dang mi ldan pa'i sgra dag don cig pa'i phyir thams cad la mtshan nyid thams cad ldan no/ /ci ste thob pa'i 'jug pa ldan par brjod na/ cig shos dang cig shos mi ldan pa zhes bya ba'i don mtshungs pa nyid med do/ /de la kha cig la mtshan nyid cung zad kun tu spyod?

  519. 260a

    pa don gzhan du gyur pa med pas de gal ldan te/ cig shos la mi ldan no/ /skyes bu zhes bya ba rgyas par 'byung ste/ skyes bu bud med kyi gong du gzhan la 'dod chags kun tu 'byung zhing shas che ba ni bud med la chags pa zhes bya ba/ ldan pa'i sgo nas ni 'dod chags dang bral ba zhes bya na/ chos la ni mtshan nyid kun du 'byung ba 'am mtshan nyid dang mi ldan pa med do/ chos rnams kyi mtshan nyid dag ni dus rnams su 'khrul pa med pa'i phyir ro/ /de'i phyir 'dir dpe la dngos dang mtshungs pa ci zhig yod/ gang gi tshe chos de bya ba mi byed pa de'i tshe ni ma 'ongs pa yin la zhes bya ba rgyas par 'byung ste/ bya ba yang mi la sogs pa rnams kyi ni sta ba la sogs pa'o// rnam par shes pa'i ni rnam par shes pa'o/ /gzugs la sogs pa rnams kyis ni rang gi dbang po'i sdod yul nyid do/ /gal te 'das pa yang rdzas su yod la zhes bya ba rgyas par 'byung ste/ gal te 'das pa dang ma 'ongs pa da ltar ba bzhin du rang gi ngo bo nas yod na ni/ da ltar ba dang khyad par 'ga' yang yod pa ma yin pas de'i 'das pa dang ma 'ongs pa nyid 'das par 'gyur ro snyam du dgongs so/ /yod kyang da ltar las khyad par yod par bstan pa'i phyir bya ba yis dus rnams rnam gzhag ces bshad pa ma yin nam zhes bya ba rgyas par smras so/ /gal te de lta na da ltar byung ba'i shes bya ba la sogs pa la mig gi bya ba ni lta ba yin na/ de yang de dang mtshungs par byed pa ma yin pas de'i tshe da ltar ba yang ma 'ongs par 'gyur ba'i phyir bya ba'i phyir dus rnam par bzhag pa mi rigs so zhes bya ba ni dri ba'i bsam pa'o/ /'bras bu 'byin pa dang 'dzin pa yin no zhes bya bas ni/ 'di skad du lta ba la sogs pa'i bya bas ni dus/

  520. 260b

    rnam par bzhag pa ma yin gyi/ 'o na ci zhe na/ 'bras bu 'byin pa dang/ 'dzin pa'i bdag nyid kyis yin te/ 'khrul pa med pa'i phyir ro zhe na/ bstan par 'gyur te lhan cig 'byung ba'i chos rnams ni de'i skyes bu byed pa'i 'bras bu yin la/ de ma thag tu 'byung ba'i mig gi dbang po ni skyes bu byed pa'i 'bras bu dang/ rgyu mthun pa'i 'bras bu yin no/ /'bras bu de yang 'byin pa dang/ 'dzin pa na da ltar ba zhes bya'o/ /'o na ni skal pa mnyam pa'i rgyu la sogs pa zhes bya ba ni/ skal pa mnyam pa dang/ kun tu 'gro ba dang/ rnam par smin pa'i rgyu rnams so/ /'bras bu 'byin pa'i phyir dang zhes bya ba la rgyu mthun pa dang/ gal te bya ba so sor bar 'dod na bya ba yod par thal bar 'gyur la/ de'i phyir 'das pa yang da ltar pa nyid du thal bar 'gyur ro bya ba phyed du zhes bya ba la/ gal te 'bras bu 'byin pa dang 'dzin pa mdza' dag bya bar 'dod na/ de lta na bya ba yang snga ma bzhin du snga ma nyid du 'gyur ro/ /slob dpon 'dus bzang na re/ dngos po rnams kyi bya ba'i 'bras bu 'phen pa'i nus pa ni 'bras bu 'byin pa ma yin pas mtshan nyid 'chol pa med do zhes zer ro/ /nus pa 'ba' zhig bya ba nyid ma yin te/ 'o na ci zhe na/ de las tha dad pa'i nus pa yang yod do/ /de bzhin du min pa la mig las tha dad pa'i nus pa 'joms pa'i bya ba med pas gang yang 'gags pa skyes pa 'dus byas kyi chos rnams kyi mthu'i khyad par dngos po gzhan skyes pa la rgyur gyur pa 'di dag gi nus pa nyid bya ba ma yin pa da ltar ba'i gnas skabs kho na 'phangs pa'i phyir 'dus ma byas rnams kyis 'bras bu 'phen pa mi 'thad pa'i phyir ro/ /'bras bu 'phen pa'i bya ba nyid yin gyi 'bras bu 'byin pa'i bya ba ma yin no/ /yang ci bya ba zhes bya ba'i nus pa de las gzhan pa'i dngos po rnams ma byung ba las byung zhing/ byung nas kyang tshig

  521. 261a

    pa'i phyir rdzas de rtag pa nyid yod pa ma yin no/ /gal te ma byung ba las byung zhing byung nas 'jig pa'i rdzas las gzhan ma yin pa'i rdzas su yod pa de skye ba dang 'jig pa nyid skye ba dang/ 'jig par khas blang bar bya na 'di nyid la skye ba dang mi skye ba dang 'jig pa dang mi 'jig pa zhes bya ba dag mi rigs so/ /nus pa snga ma dang nus pa phyi ma yongs su 'gyur bar rtog pa la nus pa thams cad des pa'i rgyu med pa'i phyir dang/ nus pa dang nus pa ma yin pa med pa de'i phyir gzhan nyid du khas blang par bya ste/ 'das pa dang ma 'ongs pa'i gnas skabs kyi ngo bo med pa'i phyir ro/ /de bzhin du nus pa nyid 'das pa dang ma 'ongs pa dag tu 'gyur gyi rdzas ni ma yin pas 'gog pa bzhin rnam par 'gyur pa med pa gzhan nus pa'i rgyu'o/ /de la yang nus pa gzhan khas blang bar bya ba ni gnas skabs ma yin no/ /ci ste rdzas bzhin rtag pa de lta na yang rdzas bzhin du bya ba rtag tu yod pas de'i phyir dus su rnam par gzhag pa mi rigs so// mtshan nyid tha mi dad pa'i rnam pa gcig nyid dus thams cad du bya ba byed pa la gegs mi srid do snyam ste/ 'dri ba ni 'di yang brjod par bya dgos te zhes bya ba'o/ /de'i bdag nyid kho nar zhes bya ba rgyas par 'byung ste/ sa la sogs pa mtshan nyid tha dad pa rnams kyang mig la sogs pas rnam pa tha dad pa mthong ba'i phyir 'di mdza' gcig tu ma yin zhes slob dpon 'dus bzang zer ro/ /der ni rdzas tha dad pa rnam pa tha dad pa bshad do/ /sa la sogs pa rdzas kyi sgo nas tha dad pa rnams kyi 'brel pa gang las brjod par bya zhe na/ sa la sogs pa mtshan nyid tha mi dad pa rnams kyang rnam pa tha dad pa mthong bas so/ /gal te rkyen rnams ma tshogs pa yin no zhes bya ba la/ 'das pa dang ma 'ongs pa'i gnas skabs

  522. 261b

    dag tu rkyen rnams ma tshogs par bya ba byed na/ de la gegs med par res 'ga' bya ba byed la res 'ga' mi byed do zhes bya ba med do/ /rtag tu yod pa nyid du khas blangs pa'i phyir ro/ /rkyen rnams kyang rkyen can bzhin du khas blangs pa de dag gi yod pa rnams la ma tshogs pa mi rigs par bshad do/ /yang byuk+ta? ma pi tsi na ba gats+tsha ma stasya yuSh+ma te b+hA baM ka ta ma sya pra tyutpa n+na sya e tet+ta na ka ri tAM gri hI ta ya tA nA ga ta ta sya ta sya ka smA t+tan+na b+ha ba tI kalpa ya ti/ de ni ma 'ongs pa'i chos yod pa nyid khyad par gyis gnas pa'i khyad par de la da ltar byung ba (gang yang bshad ma rnyog? ba de'i tshe dang ldan pa dngos po gang) zhes (da ltar byung ba 'di de yis byed pa) bya'o (bzung ba gang las ma 'ongs pa) zhe na/ ('das pa ci las de med par rtog par byed) ma yin te/ rang bzhin de'i khyad par bral ba'i phyir ro/ /'das pa zhes bya'o zhe na/ ma yin te rang bzhin dang bral ba'i phyir ro/ /don gyi sgo nas de nyid ni ma 'ongs pa'i chos kyi bya ba 'jug ste/ 'jug pa'i bya ba ni de'i bya ba'o/ /ma 'ongs pa ni ma yin te zhig pa'i phyir 'das pa'o/ /de'i phyir 'di skad brjod de/ bya ba ni dus kyis rnam par bzhag pas de'i phyir shes par bya ba'i phyir 'di lan ma yin no/ /rtag tu bya ba byed pa gegs med pa zhes bya ba ni/ 'dir mdo las rnam par shes pa bya'o snyam du dgongs pa'o/ /'bras bu 'phangs pa de'i dngos po ni da ltar ba dang/ de'i 'bras bu 'phen pa ni bya ba'o/ /nga ni snga ma dang phyi ma khyad par med pa'i phyir ma 'ongs pa yang 'das pa der 'gyur ro zhes bya'o/ /gnas brtan rnams kyis ni dngos po shes pa ma yin no/ /da lta byung ba zhes bya'i khyad par 'di ci/ khyad par bcas pa de rnam par dbye ba'i rang bzhin/ pa ri tyA go na b+hA ba tya thA pa ri (dngos po yongs su gtong bas ci ste yongs su mi stong min gal te yongs su gtong) tyA ga na pa ri tyA ge na/ de ltar

  523. 262a

    yod na gzhan nyid ma 'ongs pa las skyes pa zhes bya bar 'gyur ro/ /ma 'ongs pa yang ma skyes pa kho nar 'jig pa zhes bya ba rang bzhin med pa'i dngos pos med pa ma yin no/ /ji ltar yongs su btang ba de bzhin dngos po'i rang bzhin las khyad par gzhan du 'gyur ro/ /dus gsum du yang gang zhig 'khrul pa de'i ngo bo'i rang bzhin na ma skyes pa'i ngo bo yin pa'i phyir dang dngos po gzhan yin pa'i dngos po gzhan bzhin no/ /des 'ga' 'di dman pa de'i phyir dus gsum gyi dngos po/ /de bzhin du 'das pa la yang brjod par bya'o/ /res 'ga' ba nyid kyis dngos po thams cad yod pa smra ba'o/ /gal te khyad par yod pa las skyes pa de nyid khyad par zhes bya ba de lta na/ dngos po thams cad gcig pa nyid du 'gyur te/ khyad par yod pa las yang khyad par yod pa'i phyir ro/ /bya ba 'das pa dang zhes bya ba rgyas par 'byung ba la/ 'di skad bstan par 'gyur te/ gal te bya ba la bya ba gzhan med par ma 'ongs pa la sogs pa nyid du 'dod na/ de lta na bya bas dus rnam par bzhag pa zhes brjod par mi bya ste/ 'khrul pa'i phyir ro/ /ji ltar bya ba ni ma 'ongs pa la sogs pa nyid kyi rang gi ngo bo'i rgyud la bltos nas rnam par 'jog pas dngos po rnams kyang de ltar ma 'ongs pa la sogs par 'gyur te/ bya ba btags pas ci zhes bya ba ji ste 'khrul pa'i skyon du 'gyur du 'ong bas bya ba la yang bya ba gzhan 'dod na ni/ de lta na yang thug pa med par thal bar 'gyur ro/ /de yang 'das pa dang ma 'ongs pa dang da ltar byung ba zhes bya ba la/ slob dpon 'dus bzang na re re yang bya ba gzhan gyis 'gyur ba yin na de yang gzhan gyis so zhes zer ro/ /'das pa dang ma 'ongs pa'i bya ba khyed cag gis brjod pa'i

  524. 262b

    ma yin no/ /'o na ci zhe na/ byung ba'i khyad par ma 'ongs pa'i chos ni da ltar byung ba zhes bya'o/ /khyad par grub zin pa ni 'das pa yin no/ /ma skyes pa skyes pa grub zin pa'i gnas skabs kyi dbye ba khas blangs pa'i phyir khyad par ni ci ltar 'das pa dang ma 'ongs pa dang da ltar ba'i bya ba ma bshad do/ /de'i phyir phyogs su lhung ba'i mun pa zhes lags par brjod do/ /'on te de ni 'das pa yang ma yin zhes bya ba rgyas par 'byung ngo/ /gang gi tshe bya ba mi byed de zhes bya ba la/ thams cad kyi tshe 'di bya ba mi byed pas de 'dus ma byas yin pa'i phyir thams cad kyi tshe yod par thal bar 'gyur ro/ /skyon der yang 'gyur ba zhig na zhes bya ba ni bya ba la yang bya ba yod par thal ba dang/ 'dus ma byas nyid do/ / gal te chos las bya ba gzhan zhig yin na ni zhes bya ba la/ chos las gzhan ma yin pa'i phyir na ni bya ba chos bzhin du 'dus ma byas ma yin la/ chos ltar de la bya ba gzhan yod pa ma yin pas thug pa med pa yang ma yin no/ /de lta na ni 'o na/ dus su mi rung ba nyid du 'gyur te de nyid ni de nyid kyis dus rnam par bzhag pa'i rgyur mi rung ba'i phyir ro/ /de nyid bstan pa'i phyir gal te chos kho na bya ba yin no/ zhes bya ba rgyas par smos so/ /mi 'grub pa ci zhig yod ces bya ba 'byung ste/ dngos po'i rang gi ngo bo nyid ni dus rnam par gzhag pa'i rgyu nyid du mi 'dod do/ /'o na ci zhe na/ skyes pa dang ma skyes pa zhig pa'i gnas skabs dag dus rnam par bzhag pa'i rgyu nyid du khas len no/ /slob dpon 'dus bzang na re/ ji ltar khyad par gyi rgyus 'phangs pa khyad par gyi 'bras bu bskyed pa'i rgyu mtshan du gyur pa chos gzhan nyid kyi khyad par du 'dod pa de bzhin du/ 'dir yang chos gzhan nyid bya ba'i khyad par du 'gyur ro zhes zer ro/ /'di yang rang gi phyogs la dga' ba nyid kyis lhag par sgro btags te

  525. 263a

    bshad kyi/ nus pa'i khyad par gyi chos 'ga' zhig gzhan du bsgrub pa ma yin no/ /de'i phyir 'bras bu bskyed pa btags par yod pa 'di yang kho bo cag gis mdzod kyi gnas gnyis pa nyid du bstan zin to/ /yang de nyid la smras pa/ bya ba chos las gzhan de las tha dad pa ma yin pa/ rang bzhin med pa'i phyir chos tsam ma yin no/ /rang bzhin yod pa nyid la yang res 'ga' med pa'i phyir bya ba'i khyad par snga na med pa'i rgyud bzhin ma yin no/ /dper na bar med par skye ba'i chos la rgyud ces brjod pa bzhin no/ /'di na de'i las de las tha dad pa ma yin te/ de'i rang bzhin yin pa'i phyir ro/ /chos tsam gyi skad cig ma cig kyang rgyud du thal ba ma yin pa'i phyir dang de'i bya ba yod pa'i phyir med pa ma yin no/ /yang smras pa/ rgyud kyi las dang tha snyad 'ga' zhig de ltar rdzas kyi sgo nas yod pa rtogs pa ma yin pas rigs pa'i byed pas dus rnams grub po zhe na/ de'i phyir kho bo cag gis 'das pa gzhan nyid kyi bdag nyid dang ma 'ongs pa gzhan dang da ltar byung ba gzhan nyid dus rnam par bzhag pas gang 'di cung zad rgyud las ni yod pa nyid la sogs pa rnams de nyid dang gzhan nyid du brjod par bya ba ma yin pa'i phyir rang bzhin med de/ gang zag bzhin no/ /rang bzhin yod pa de nyid dang gzhan nyid du mthong ba ste 'byung bar 'gyur ba rang bzhin med pa'i las su 'dod do/ /bya ba yang btags par yod pa'i phyir sngon bzhin du phyis kyang de bzhin te/ gang med pa de ci ltar khyad par du 'gyur/ de'i phyir de ltar 'das pa dang ma 'ongs pa dang da ltar byung ba rnams bdag nyid tha dad par yod do/ /bdag nyid tha dad par med na dus rnams su rnam par bzhag pa mi grub po/ /gang gsungs pa yang sna tshogs sdug bsngal rnams kyis ni/ sdug bsngal gzugs sogs ji lta bar/ gang gi tha dad yod de bzhin/ skyes sogs yod pa ma

  526. 263b

    yin brjod/ 'dir yang dpe dang dpe can mtshungs pa ma yin pas skyes pa'i rang bzhin 'jigs pa la ltos nas sdug bsngal nyid du rnam par bzhag go /skyes pa la sogs pa rnams la de'i khyad par yod pa ma yin yang nga mar btags pa la 'gal ba med do/ /'das pa dang ma 'ongs pa rdzas kyi sgo nas yod pa nyid du khas blangs pa la da ltar byung ba bzhin no/ 'das pa dang ma 'ongs pa nyid mi grub po/ /khyad par khas blangs pa nyid kyis ma 'ongs pa nyid da ltar byung ba dang da ltar byung ba yang 'das pa yin no zhes mi rung ste/ de ltar 'di ni rgyas par bstan zin to/ /tshig gi tshul 'di ni sngon ma byung ba yin no zhes bya ba la/ snga ma dang 'gal ba'i phyir ram/ sngon ma thos pas sngon med pa'i rang bzhin no/ /gzugs la sogs pa'i rang gi mtshan nyid gang yin pa de ni dus thams cad na yod par 'dod do/ /de lta na 'o na gzugs la sogs pa'i dngos po thams cad kyi tshe yod pa'i phyir rtag par thal bar 'gyur ro zhe na/ de'i phyir smras pa/ dngos po yang mi rtag mi 'dod/ de lta na yang rang bzhin las dngos po gzhan du thal lo zhe na/ de'i phyir rang bzhin las kyang dngos mi gzhan zhes bya ba smras so/ /dbang phyug tha snyad yin par gsal zhes bya ba ni/ 'jig rten na rigs pa la mi bltos par 'dod rgyal tsam du zad pa'i phyir ro/ /sngon byung ba gang yin pa ni 'das pa ma yin gyi/ rang gi mtshan nyid kyis gnas pa ni ma yin no zhes ston to/ /rkyen yod na 'byung bar 'gyur pa ni ma 'ongs pa ste/ yod pa ma yin yang snyam du bsam pa'o/ /de ltar byas nas yod do zhes bya'i zhes bya ba ni sngon byung ba dang 'byung bar 'gyur ro/ /slob dpon 'dus bzang na re/ mdo sde bas da ltar byung ba'i rnam grangs gzhan yod pa nyid du smra bar blta ste/ 'das pa dang ma 'ongs pa ma yin zhes bya bas so/ /'dir de ltar byung ba'i snga na mang pa dang zhig nas med pa las 'das pa dang ma 'ongs pa rnam par

  527. 264a

    gzhag ste/ de dag kyang da ltar byung ba la ma bltos par bstan pa med pa'i phyir ro/ /da ltar byung ba la btags par yod pa nyid snga na med pa dang zhig nas med par shes par bya ba'i phyir 'das pa yod do ma 'ongs pa yod do zhes bshad do/ /gal te de ma 'ongs pa 'am 'das par ma gyur na rtag tu da ltar ba nyid du 'gyur bas de bye brag tu rtogs pa'i phyir yang brjod do/ /sngon byung ba gang yin pa ni 'das pa yin la zhes bya ba rgyas par 'byung ste/ yod pa de dang de sngon byung bar gyur pa dang phyis 'byung bar 'gyur ba de yis te/ de lta na ma yin na rtag par 'gyur bas so/ /'das pa dang ma 'ongs pa'i bdag nyid du yod med ces bya ba ni/ 'das pa dang ma 'ongs pa'i rang bzhin gyis so/ /yang de nyid rgyu dang 'bras bu la skur pa 'debs pa'i lta ba dgag pa'i phyir de ltar yod par gsungs te/ 'das pa ni rgyu dang ma 'ongs pa ni 'bras bu ste/ de med par lta ba ni rgyu dang 'bras bu la skur pa 'debs par 'gyur ro/ /med pa nyid de dag gi rgyu dang 'bras bu dag la'o/ /gal te yang med pa nyid med pa'i sgo nas lta bar byed pa de la skur pa 'debs pa dgag par bya ba'i phyir 'das pa yod do ma 'ongs pa yod do zhes bcom ldan 'das kyis gsungs pa ci zhe na/ gang 'das pa dang ma 'ongs pa dag gi rgyu dang 'bras bu dag ma nges pa'i phyir rgyu dang 'bras bu la skur pa 'debs pas de dag pa'i phyir 'das pa yod pa ni rgyu'i ngo bos des 'phangs pa'i nus pa'i khyad par las 'bras bu skyed pa'o/ /ma 'ongs pa yod pa ni 'bras bu'i ngo bos nges 'phangs pa'i nus pa'i khyad par las byung bar 'gyur ro zhe na/ de dag bshad do/ /gal te yang 'das pa dang ma 'ongs pa rdzas kyi sgo nas yod pa de lta na de ltar byung ba bzhin 'das pa dang ma 'ongs pa nyid du mi 'gyur

  528. 264b

    ba de'i phyir bcom ldan 'das kyis 'das pa yod do ma 'ongs pa yod zhes bya ba'i gsung skabs 'byed par mi 'gyur ro/ /gang gsungs pa/ rgyus 'phangs pa'i 'bras bu 'byin pa nus pa la gus pas rnam par dpyad par mi dmigs so/ /de la 'di ni yang dag par rnam par dpyad pa la gus pas de'i phyir gnas brtan rnams kyis rtogs pa ma yin no/ /nus pa med par dngos po so sor nges pa rgyu dang 'bras bu'i 'brel pa mi rung ngo/ /de yang nus pa med na dngos po rnams kyi rang bzhin thams cad la thams cad nus par thal bar de'i phyir rgyu nyid las 'bras bu bzhin du de'i khyad par khas blang bar bya'o/ /de'i phyir yid ces bya ba'i sgra ni tshig gi phrad yin pa'i phyir te zhes bya ba smos te/ tshig dang smos pa ni brjod pa'i ngo bo dgag pa'i phyir te/ dus gsum gyi yul can nyid du shes par bya ba'i phyir ro/ /gal te 'di brjod pa yin na ni 'dir 'di'i 'das pa yod do/ /ma 'ongs pa yod do zhes bya ba'i sbyor ba nyid du mi 'gyur te/ da ltar gyi dus yin pa'i phyir ro/ /mar me snga na med pa yod do zhes bya ba rgyas par 'byung ste/ mar me snga na med pa dang zhig nas med pa dang rdzas su yod pa ma yin mod kyi/ 'on kyang yod par smra'o/ /'di ni de lta ma yin te/ ma skyes pa dang zhig pa'i mar me ni snga na med pa dang zhig nas med par smra'o// de lta yin na mar me nyid mar me'i snga na med pa dang zhig nas med pa ste/ da ltar ba las yang thal bar 'gyur ro/ /da ltar ba'i gnas skabs nas skyes pa dang 'das pa'i gnas skabs snga na med pa dang zhig nas med pa'o/ /'di la skyon med de/ gcig gi snga ma'i gnas skabs nyams nas gnas skabs gzhan sgrub pa mi rigs pas snga ma kho na/ ni rO thi taM/ de'i phyir snga na med pa dang zhig nas med pa'i dngos po'i rang bzhin yang yin no zhes smra ba 'dis mi g.yo'o/ /ji ltar 'gag

  529. 265a

    pa yod zhes bya ba la sogs pa la 'gags pa'i mar me yod do zhes bya ba bye brag tu smra ba'i ma yin nam zhe na ma yin te/ de la 'dir 'di'i don ni mar me 'gags pa yod do zhes bya bar rtogs so/ /'o na ci bden par 'gog ce na de'i phyir yod do zhes bya ba'i sgra ni don med pa can 'ba' zhig tu ma zad do zhes bya bar rtogs so/ /de lta ma yin na zhes bya ba la gal te byung ba ni 'das pa yin la/ rkyen yod na 'byung bar 'gyur ba ma 'ongs pa yin zhes bya ba de ltar yod pa'i sgra brjod par mi 'dod par gyur na'o/ /byung bar gyur pa 'das pa de yod la gang rgyu yod na 'byung bar 'gyur ba ma 'ongs pa de yang yod do zhes bya'o/ /de nyid kyi phyir 'das pa dang ma 'ongs pa mi 'grub pa kho nar 'gyur ro zhes bya ba smos so/ /da ltar ba bzhin du thams cad kyi tshe rang gi mtshan nyid kyis yod pa'i phyir ro/ /'o na bcom ldan 'das kyis zhes bya ba rgyas par 'byung ste/ 'di ltar mdo las shA ri'i bu gang dag gis las spangs pa dang zad pa dang/ 'gags pa dang/ bral ba dang rnam par gyur pa gang yin pa de ni med do zhes de skad du smras pa'i tshig de'i rang bzhin ma yin pa de ni byis pa blun pa mi gsal ba mi dge ba rnams ji lta ba bzhin du kun du rgyu dbyug thogs mthor tshugs can rnams kyis bab tshal du so sor ma brtags par smras pa yin zhes bya ba rgyas par gsungs nas/ de'i ci'i phyir zhe na/ shA ri'i bu las 'das pa dang zad pa dang 'gags pa dang bral ba dang/ rnam par 'gyur ba gang yin pa de ni yod do zhes gsungs na/ ci de dag las de sngon byung ba nyid du mi 'dod par gyur tam/ de dag gis ni las sngon byung ba nyid du rtogs pa kho na yin gyi/ de'i rnam par smin pas 'jigs pas 'gags pa ni

  530. 265b

    rdzas su yod pa nyid du ma rtogs so/ /de'i phyir bcom ldan 'das kyis yod pa nyid du bstan pa'i phyir de ni yod do zhes gsungs te/ de lta ma yin na bstan pa don med pa nyid du 'gyur ro zhes bya ba 'di de re zhig bye brag tu smra ba'i mdo'i don bstan pa'o/ / slob dpon gyis rnam pa gzhan du bstan pa'i phyir de las ni zhes bya ba rgyas par smos so/ /de las ni zhes bya ba ni las de rgyud gang du gtogs pa'o/ /des kun du drangs pa ni las des kun du drangs shing bskyed pa'o/ /de yang gang zhe na/ 'bras bu skyed pa'i mthu yod pa'o/ /'di ltar las des rgyud 'bras bu khyad par can bskyed par nus par byed de/ de'i phyir bcom ldan 'das kyis las de 'gags kyang des kun du drangs pa 'bras bu skyed pa'i mthu yod pa nyid du bstan pa'i phyir don yod do zhes gsungs so/ /de lta ma yin te zhes bya ba ni gal te 'das pa yod pa nyid du ston na'o/ /rang gi ngo bo kho nar yod na zhes bya ba la sogs pa la/ las de rang gi mtshan nyid kyis yod na ni de ltar byung ba ji lta ba bzhin yin pas 'das pa 'grub par mi 'gyur ro/ /de'i phyir 'di las don du bzhed kyi snga ma ni ma yin no/ /de ni gdon mi za bar de lta bu yin par zhes bya ba la/ gang gi phyir bcom ldan 'das kyi mgur nyid nas 'das pa dang ma 'ongs pa med do zhes gsungs pa des ni phyir mdo 'di'i don ni 'di kho na yin gyi bye brag tu smra bas yongs su brtags pa ni ma yin no zhes bya bar shes so/ /gal te da ltar gyis dus su zhes bya ba ni/ da ltar gyi dus su da ltar gyi dngos por ma byung pa las byung ngo zhes bya ba'i don to/ /mi rung ste dus ni dngos po las don gzhan ma yin pa'i phyir ro/ /gang de ltar byung pa'i dus 'di mig la sogs pa rnams las don gzhan du gyur pa ma yin par yod ces bya'o/ /ji ltar de'i bdag nyid du ma byung ba las 'byung

  531. 266a

    par 'gyur zhe na/ de las gzhan ma yin pa'i phyir ro/ /de skad du/ de dag nyid dus gtam gzhi dang zhes bshad do/ /ma 'ongs pa'i mig med do zhes bya ba 'di grub pa yin no zhes bya ba la gal te rang gi bdag nyid la ma byung ba las byung na ni de ltar na mig ma byung ba las byung ngo zhes bya bar 'gyur la/ de'i phyir ma 'ongs pa'i mig med do zhes bya bar grub pa yin no/ /slob dpon 'dus bzang na re/ gang zag la sogs pa bzhin 'ga' zhig tu ma bkag pas 'das pa dang ma 'ongs pa yod pa nyid kyi lung 'di ni nges pa'i don to zhe na/ nges pa'i don ni rnam pa gzhan du brtag par mi rigs la/ gang zag yod pa zhes bya ba de dang der gsungs pa ni ma nu Sh+yu? ka mi can gyis mdo la sogs pa rnams su yod pa nyid bkag pa'i phyir de yod pa nyid brjod par byed pa'i lung rnams ni drang pa'i don nyid du rigs so/ /de bzhin du pha dang ma ni bsad bya zhing zhes bya ba la sogs pa yang drang ba'i don nyid rigs te/ gzhan du mtshungs med pa'i byed pa rnams de ma thag tu dmyal bar skye bar gsungs pa'i phyir/ de ltar yang ma yin no/ /rang gis gsol bar 'das pa dang ma 'ongs pa yod pa nyid du smas pa dang/ kha cig gis de bzhin kho nar gsal bar bkag pa dmigs pas/ gang zhig 'das pa dang ma 'ongs pa yong ba nyid du sgrub pa'i lung 'di ni drang ba'i don to/ /'dir smras ba ci rnam pa gzhan du na 'das pa dang ma 'ongs pa'i dngos po nyid mi grub ste/ 'das pa dang ma 'ongs pa'i 'du byed kyi dngos po skye ba med do/ /sdug bsngal dang kun 'byung ba'i bden pa'i dngos po de med pa'i phyir dang/ 'gog pa dang lam dag kyang de bzhin te bden pa bzhi med pa'i phyir yongs su shes

  532. 266b

    pa dang spangs pa dang mngon du bya ba dang bsgom pa dag kyang mi rung la/ de med pa'i phyir 'bras bu la gnas pa dang zhugs pa'i gang zag rnams kyang med do/ /de ltar sgra ji bzhin pa'i don yongs su brtags pas 'das pa dang ma 'ongs pa yod pa nyid du sgrub pa'i lung rnams mdza' dag gsungs rab dang 'gal lo/ /de'i phyir lung 'di ni drang ba'i don te nges pa'i don ma yin zhes bya bar nges so/ /gzhan yang don dam pa stong pa nyid kyi mdo las 'das pa dang ma 'ongs pa de nyid rdzas kyi sgo nas bkag go /mig ma byung ba las byung zhing byung nas 'jigs pa zhes bya ba la/ de'i phyir gang gnas brten nas kyi sgrub byed smras pa de 'brel pa med pas gzhung mangs pa'i 'jigs pas dgag pa rgyas par ma byas so/ /'ga' zhig 'di skad du/ mig me'i rang bzhin yin pa'i phyir nyi ma'i dkyil 'khor las 'byung zhing/ yang de nyid du thim par 'gyur ro/ /de bzhin du gzhan yang rig par bya ste/ ma 'ongs pa'i dus kyi mig ni da ltar byung ba'i dus su 'gyur zhing/ da ltar byung ba las 'das par 'gyur te/ de'i phyir gzhan gyis dngos po gzhan rtogs pa'i phyir gzhan la yang zhugs pa'i rang bzhin las mig 'byung zhing yang de nyid du thim mo zhes zer ro/ /de dgag pa'i phyir mig ni skye ba na gang nas kyang mi 'ong la/ 'gag pa na gang du yang sogs par mi 'gyur ro zhes smos so/ /rang gi lugs bstan pa'i phyir/ de lta bas dge slong dag mig ni ma byung ba las byung zhing byung nas kyang slar 'jig par 'gyur ro zhes gsungs te/ zin pa'i rang bzhin yongs su btab nas zhes bya ba de ltar mdo'i don rnam par gzhag go /slob dpon 'dus bzang na re/ gzhan du brjod pa ma byung ba las byung zhes bya ba ni/ ma byung ba dang 'ga' zhig tu sogs pa ni rang gi rgyu dang rkyen rnams las 'byung ngo zhes bya ba'i

  533. 267a

    don to/ /'ga' zhig ni lus kyi dkyil rgyur 'dod pas de'i phyir ma byung ba ni rgyu la brjod de/ de'i rgyu can gzhan nyid las de skye'o zhes bya'o/ /ma byung ba las byung ba ni/ gnas skabs snga ma thob bo zhes bya ba'i don to/ /byung nas kyang 'jig ces bya ba ni snga ma bzhin du 'bras bu 'phangs pa bya ba med pa'i gnas skabs thob po zhes bya bar bsams pa'o zhes zer ro/ /'di dag kyang mdo'i don bstan pa mdza' dag gi don dang 'gal ba'i phyir dang rigs pa dang 'gal ba'i phyir mi 'thad do/ /gang bshad pa/ byung ba las ma byung zhes ma bshad pa'i phyir 'di'i don rtogs so zhe na/ 'di yang mi rigs te/ 'dir dngos po rnams kyi ma byung ba ni rang bzhin sgrub pa dang zin pa'i rang bzhin yongs su btang bar 'chad par 'dod pas de nyid kyi phyir de ltar bshad do/ /re zhig 'dir zhes bya ba rgyas par 'byung ngo/ /mig gi rnam par shes pa la sogs pa rnams ni yul da ltar ba yin pa'i phyir rten ltar dmigs pa yang skyed par byed pa nyid kyi yid kyi rnam par shes pa kho nar nye bar bkod do/ /yid da ltar ba kho na de'i rkyen nyid du gnas pas bskyed par byed pa'i rkyen yin pa ltar chos rnams kyang de dang 'dra 'am zhe na/ de lta na 'das pa dang ma 'ongs pa rdzas su yong par 'grub po de ltar 'das pa dang ma 'ongs pa rdzas su yod na de la dmigs pa'i rnam par shes pa skye ba'i phyir/ rdzas nyid bskyed pa por 'dod do/ /'on te rdzas ma yin gyi dmigs pa tsam yin na/ skyed par byed pa'i rkyen ma yin no// de ltar 'das pa dang ma 'ongs pa rdzas kyi sgo nas yod pa ma yin pa nyid kyang dmigs pa'i dngos por mi 'gal lo/ /bskal pa steng na 'byung ba zhes bya ba ni ma 'ongs pa nye ba yang skyed par byed pa'i rkyen du mi 'dod na/ shin du bskal

  534. 267b

    pa lta smos kyang ci dgos snyam du dgongs te/ 'bras bu snga la rgyu 'phyi'o snyam du rtog pa ni rig pa dang ldan pa ma yin no/ /gal te med pa ji ltar dmigs pa yin zhe na/ skyed par byed pa ma 'ongs pa'i rdzas kyi sgo nas 'dod pa ma yin no/ /'o na ci zhe na/ dmigs pa nyid kyi phyir yod pa ma yin pa ni nye bar ma bshad pas dmigs pa'i dngos por mi rung ngo/ /gzugs 'das pa dang ma 'ongs pa zhes bya ba ni gzugs 'das pa dang ma 'ongs pa ma yin pa med pa'o/ /da ni 'dir ji ltar dmigs pa zhes rgyas par 'byung ba la/ kho bo cag gis de'i dmigs pa smras pa ji lta ba de ltar med pa ma yin no/ /'o na ci zhe na/ khyed cag rnams kyis rdzas kyi sgo na brtags pa ji lta ba de ltar med ces bya'o/ /byung zhes bya ba ni 'das pa la dmigs pa yin no/ /de bzhin du de yod pa nyid 'byung bar 'gyur ro zhes bya ba ni ma 'ongs pa la dmigs pa yin no/ /de yang de bzhin du yod pa nyid yin na/ ci ltar yang 'di shes par bya zhe na/ byung ba dang byung bar 'gyur ro zhes bya ba la dmigs par byed do/ /yang yod pa ma yin pa de'i phyir 'das pa'i gzugs sam tshor ba zhes bya ba rgyas par gsungs te/ yang ji ltar da ltar gyi gzugs nyams su myong ba ni mig gis so/ /rna ba dang sna dang lce dang lus dang rnam par shes pa rnams kyis de ltar 'das pa dran no/ /de nyid du nye bar bsags pa las gzhan de ni ji ltar nyams su myong ba de nyid kyis bdag nyid 'das so zhes bya ba dang byung bar gyur to zhes 'dzin no/ /nyams su myong ba dang mthun par dran par byed do/ /de lta bu ni sangs rgyas rnams kyis mkhyen to zhes bya ba ni/ thams cad du thogs pa med pa'i ye shes dang ldan pa'i phyir gzhan dang gzhan 'byung bar 'gyur ro zhes bya ba de ltar mkhyen to/ /gal te yang 'das pa dang ma 'ongs pa de de bzhin du yod do zhe na/ ji ltar nyams su myong ba de ltar 'byung bar 'gyur bas da ltar byung bar 'gyur te/ 'das pa

  535. 268a

    dang ma 'ongs pa dang da ltar byung ba dag la khyad par med pa'i phyir ro/ /'on te med do zhe na/ ji ltar nyams su myong ba ji ltar 'byung bar 'gyur ba de bzhin du yod pas zin pa'i gzugs kyi rang bzhin yongs su btang ba'i phyir 'das pa dang ma 'ongs pa'i gzugs yod pa ma yin pas/ de ltar na med pa yang dmigs pa yin no zhes bya ba grub pa yin no/ /slob dpon 'dus bzang na re/ rdzas dang btags pa nye bar len pa'i yul nyid shes pa ni yul med pa ma yin te/ med pa gnyis smos pa med pa'i phyir ro/ /de'i phyir ma sprel bar smras so/ /'das pa dang ma 'ongs pa yang dmigs zhes bya ba ni/ gnyi ga yid kyi rnam par shes pa skyed par byed pa'i rkyen te/ yid ni rten gyi ngo bo dang chos ni dmigs pa'i ngo bo yin te/ ji ltar rten med par yang skye ba mi 'thad par de bzhin du dmigs pa med par yang ste bya ba med pa'i phyir ro/ /chos thams cad thams cad nyid la dmigs pa tsam gyis 'ga' zhig tu cung zad skyed par byed pa tsam gyi sgra smos pa don med do/ /shes byi'i? thabs po rnams la 'jig rten pa'i tshang ma ni shin tu rnam par dag pa'i blo ma yin pa'i phyir de dag nyams su myong ba nyid dang dran pas ji ltar dus rnam par 'byed par byed/ 'di ni 'di ltar gang nyams su myong ba ma 'ongs pa ni yul can du mi 'gyur la/ blo rnam par dag pa'i yul ni 'gyur ro/ /de'i rnam pa gzhan nyid kyis 'das pa dang ma 'ongs pa la dmigs so/ /rnam pa gzhan du de yod pa nyid kyis snga nas med pa dang zhig nas med pa dag brtags par yod pa ste/ de'i ngo bo dngos po la ma bltos par brtags pa ste/ bum pa la sogs pa bzhin no/ /de'i phyir gnyis kyi khongs su 'dus par grub po/ /de bas na 'das pa dang ma 'ongs pa la dmigs so zhes bya ba 'di ni ma 'brel ba'o/ /gal te ma

  536. 268b

    'ongs pa'i chos da ltar byung ba'i rnam par shes pa yid bzhin du skyed par byed par 'dod pa de lta na/ skyes bu byed pa med pa'i phyir ma 'ongs pa ma gzugs kho nar 'bras bu 'byin par 'gyur ro/ /rnam par shes pa ma skyes pa yang ma 'ongs pa'i chos kyi bdag po'i 'bras bu rung gi /skyes bu byed pa ni ma yin no/ /bdag po'i 'bras bu ni/ sngar byung las gzhan 'dus byas chos/ 'dus byas kyi ni bdag po'i 'bras bu zhes bshad pa'i phyir ro/ /skyes bu byed pa'i 'bras bu yang rgyu las sngar? skyes pa nyid du mi 'dod do/ /de'i phyir ma 'ongs pa'i chos kyis da ltar ba'i rnam par shes pa skyed par byed pa ni rang gi grub pa'i mdza' la gnod pas/ skyed par byed pa ma yin la bskyed par bya ba yang mi 'gyur ro zhes rigs so/ /dmigs pa tsam khas blangs pa la ni grub pa'i mdza' dang 'gal ba yod pa ma yin no/ /chos thams cad byed pa med pa yin pas 'dis bya ba gang ci yang rung ba dgag pa ni rgyu'i ngo bo dgag pa ma yin no/ /gal te 'das pa dang ma 'ongs pa rnams gzhan du dmigs shing gzhan du yod pa nyid na/ da ltar byung ba kho nar 'gyur te/ 'byung ba dang 'byung bar 'gyur pa 'ga' yang med do/ /de'i phyir rnam pa gzhan du shes pa 'byung bar 'gyur ro zhes khas blangs so/ /de nyid sel bu yin no zhe na/ gang da ltar byung ba de nyid sil bu ste/ 'das pa dang ma 'ongs pa dag ni ma yin te sil bu mi 'dzin pa'i phyir ro/ /gal te de sil bur gyur pas sil bu nyid 'dzin cing da ltar byung ba nyams su myong bas dran pa ma yin na ma zhe na/ byung ba zhes bya ba la? dper na da ltar byung ba'i gnas skabs kyi tshogs pa ni sil bu yin la/ tshogs pa'i gnas skabs la ma blos par sil bu 'dzin pa nyid bzhin no/ /gal te de yang de 'das pa dang ma 'ongs

  537. 269a

    pa dang da ltar byung ba'i ngo bo de ni rdul phra rab gyes pa las 'das pa dang ma 'ongs par brjod par zad kyi chos gang yang skye ba 'am 'gag pa med do zhe na/ de ltar na yin na/ rdul phra rab rnams rtag par 'gyur te/ dus gsum du yang rnam par 'gyur ba med pa'i rang bzhin yin pa'i phyir ro/ /bsags pa dang gyes pa tsam las 'gyur ba rjes su 'jug pas gang de ltar byung ba'i gnas skabs na rdul phra rab bsags pa dang gyes pa tsam 'das pa dang ma 'ongs par 'gyur ro/ /de lta na rtag tu rdul phra rab bsags pa dang gyes pa tsam 'di 'das pa dang ma 'ongs par 'gyur ro/ /rdul phra rab bsags pa tsam kho na la da ltar byung ba zhes bya'i/ 'ga' yang skye ba med do/ /de gyes pa tsam la 'das pa zhes bya'i/ 'ga' yang skye ba med do/ /de ltar na 'tsho byed kyi rtsod pa blangs pa yin te de dag ni 'di ltar smra ste'o/ /mdo yang bor par 'gyur ro zhes bya ba ni 'gal bar byas pa yin no/ /ji ltar 'gal bar byas she na/ mig gi dbang po'i rdul phra rab rnams ma 'ongs pa'i dus na sil bu dang da ltar byung ba'i dus na bsags pa yin no zhes bya ba 'dis ni/ mig ni skye ba na gang nas kyang mi 'ongs zhes bya ba 'di dang 'gal bar byas pa yin no/ /de bzhin du mig gi dbang po'i rdul phra rab rnams bsags pa dang gyes pa tsam du khas blang bas 'gag pa na gang du yang sogs par mi 'gyur ro zhes bya ba de dang 'gal bar byas pa yin no/ /'gog pa med pa'i phyir zhes bya bas mig ma byung ba las byung zhing byung nas kyang 'jig ces bya ba 'di dang 'gal bar byas pa yin te/ mig gi dbang po'i rdul phra rab rnams rtag pa'i phyir dang

  538. 269b

    bsags pa de rnams kyang dngos po ma yin pa'i phyir ro/ /rdul phra rab bsags pa ma yin pa rnams kyang zhes bya ba ni rdul phra rab rnams kyis bsags pa ma yin pa rnams zhes bya ba'i don to/ /ci ltar sil bu nyid yin ce na/ yul na mi gnas pa'i phyir sil bu nyid de yod pa ma yin pa nyid do zhes bya bar dgongs pa'o/ /de dag kyang zhes bya ba ni tshor ba la sogs pa rnams so/ /skye mched bcu gsum pa yang dmigs pa yin par 'gyur ro zhes bya ba ni/ gal te yid kyi rnam par shes pa'i dmigs pa yod pa de bzhin du skye mched bcu gsum pa yod pa ma yin pas 'das pa dang ma 'ongs pa bzhin du de yang dmigs pa ma yin no/ /de'i phyir dmigs pa yod pa ma yin pa'i rnam par shes pa med do zhes bya bar nges so/ /'on te skye mched bcu gsum pa zhes bya ba rgyas par 'byung ba la/ skye mched bcu gsum pa med do snyam pa'i shes pa 'di'i dmigs pa dngos por mi rung ste/ /skye mched bcu gsum pa mig la sogs pa ltar du med pa'i phyir ro/ /de'i phyir med pa las tha dad pa 'di'i dmigs pa ci zhig yin zhes brjod par bya'o/ /ming de nyid dmigs pa yin no zhes bya ba la/ bye brag tu smra ba rnams na re/ don med pa'i phyir ro zhes zer ro/ /slob dpon 'dus bzang na re/ 'dir yod pa ma yin zhes bya ba 'di mngon par brjod pa'i rnam grangs yod pas 'di mngon par brjod pa de'i phyir yod pa ma yin pa zhes bya ba 'di bshad pa de'i rnam grangs kyang brjod pa'i blo skye'o zhes zer ro/ /med pa nyid yin na/ de lta na ni 'o na ming nyid med do zhes bya bar rtog par 'gyur ro de don med do ming yang rna ba'i rnam par shes pa'i nyams su myong ba nyid med pas ci ltar rtog par 'gyur slob dpon 'dus bzang na

  539. 270a

    re/ de la nges pa med do snyam pa'i blo skye ba ma yin no/ /'o na ci zhe na/ yod do snyam pa'i blo skyes pas de'i dngos po dgag pa'i yul rnams dngos po'i yul can te/ dngos po dgag pa'o/ /med zhes brjod pa de'i phyir brjod pa'i yul gyi blo'o/ /gang la yul med par 'byung bar 'os pa ma yin pas dgag pa'i don to/ /de la don brjod par byed pa dang blo ni dper na bram ze rtag go zhes gang brjod pa brjod bya ma? yin pa ji lta par yod pa ma yin no/ /de la don med pa'i phyir yod pa ma yin zhes brjod par byed pa nyid kyi blo las/ gal te med pa brjod byar gyur na sgra gang yang rung ba don med pa can du 'gyur ro/ /gal te dngos po dgag pa'i yul yod pa ma yin pa'i blo las ming gi yul du mi 'gyur ro/ /yang na ming med pa'i rang bzhin du thal bar 'gyur ba'i phyir ro/ /gal te dngos po dgag pa'i yul yang dngos po nyid du dmigs na/ bram ze la sogs pa dgag pa'i yul yang bram ze nyid du dmigs par thal bar 'gyur ro/ /gang bshad pa dngos po dgag pa med par bshad pas 'dir dngos po med pa'i rang bzhin gyi phyir ram brjod bya ma yin pa'i phyir dngos po dgag pa brjod par brtag ce na/ gnyi ga ltar yang skye ba med de/ de'i bdag nyid yin pa'i phyir ro/ /'on te dngos po'i sgra ni yod pa'i sgrar brjod do zhe na de lta na yang mi rigs te/ 'dir yod pa ma yin zhes bya ba'i sgra'i ngo bos 'chad par 'dod pa ma yin no/ /'o na ci zhe na/ skye mched bcu gsum pa'i sgra'i don no/ /bram ze ma yin zhes bya bas kyang bram ze dang 'dra bar gzhan rtogs te/ gzhan thams cad ma yin pa nyid ces bya ba 'dir bram ze ma yin pa zhes bya ba ste/

  540. 270b

    sgra la shes pa yod pa ma yin no/ /skye mched bcu gsum pa yod pa ma yin zhes bya ba 'dir yang skye mched bcu gsum pa'i sgra'i don nyid yod pa yin par sgrub par byed do/ /med pa'i sgra'i rang bzhin gang yin pa 'di gnyis brjod byar 'dod pas de'i phyir dngos po dang dngos po med pa brjod par byed pa'i sgra don med pa can du 'dod do/ /gang bshad pa dngos po ci yang med pa ni shes bya ma yin zhing brjod bya ma yin no zhe na/ de lta bum pa dang snam bu la sogs pa yang shes bya ma yin pa dang brjod bya ma yin par thal bar 'gyur ro/ /dngos po ci yang med pa dag kyang snga na med pa la sogs pa'i dbye bas tha dad pa ni mi 'gal te/ bltos pas tha dad pa'i bum pa dang snam bu la sogs pa bzhin no/ /sgra'i snga na med pa la dmigs pa gang yin ba zhes bya ba ni ma skyes pa la dmigs pa'o/ /de la dmigs pa ci zhe na/ skye ba dgag pa ma gtogs pa gzhan ma yin pas sgra'i ma skyes pa yod do zhes dgongs pa'o/ /bye brag tu smra pa rnams ni sgra kho na'o zhes zer ro/ / dus gsum du yang sgra'i rang bzhin khyad par med pa'i phyir ro/ /de lta na 'o na zhes rgyas par 'byung ba la/ gal te gang zhig sgra'i snga na med pa la dmigs na des sgra kho na dmigs pas dgag pa tsam thob kyi gzhan ma yin no/ /de lta yin na gang zhig sgra med pa don du gnyer ba de la sgra dbyung dgos pa kho nar 'gyur ro/ /des sgra don du gnyer bar 'gyur gyi sgra med pa ni ma yin no/ /gal te ma 'ongs pa'i gnas skabs yin no zhe na ni/ ma skye pa'i gnas skabs zhes bya ba sgra kho na'i sgra snga na med pa'o/ gang zhig sgra med pa don du gnyer ba ni ma skyes pa'i gnas skabs kyi sgra de nyid ? don du gnyer pa yin la/ de'i bya ba 'byung ba ma yin no/ /yod na ji ltar med pa'i blor 'gyur zhes bya ba ni/ sngar skyes pa'i sgra med pa ste da ltar ba'i sgra gzung nas

  541. 271a

    med do snyam pa'i blo 'byung ba ma yin no/ /da ltar byung ba med do zhes bya ba la 'di da ltar byung ba med do/ /snyam pa'i de lta bur de la med do/ /snyam pa'i blo 'jug gi /yang med pa la dmigs pa ma yin no// gcig pa'i phyir ro zhes bya ba ni/ gang kho na ma 'ongs pa de nyid da ltar byung ba yin na/ ci ltar da ltar byung ba med ces bya ba dang da ltar byung yang ma 'ongs pa med pas de la yang med pa'i blo yod par 'gyur te khyad par med pa'i phyir ro/ /yang na bye brag gang yin zhes bya ba ni/ da ltar byung ba'i gnas skabs na gang med pa de ni da ltar byung ba la med pa zhes bya'o/ /de ma byung ba las byung bar grub ste zhes bya ba ni/ ma 'ongs pa'i gnas skabs su ma byung ba las da ltar byung ba'i gnas skabs su byung ba'i phyir ro/ /yod pa dang med pa gnyi ga zhes bya ba la da ltar byung ba'i gnas skabs na ni yod pa dmigs pa yin la ma 'ongs pa'i gnas skabs na ni med pa dmigs pa yin no/ /gal te med pa dmigs pa yin na 'o na byang chub sems dpa' zhes gsung pa ji ltar dang/ gang 'jig rten na med pa gang yin pa zhes bya ba rgyas par 'byung ste/ de las ni de'i dmigs pa med pa nyid yin pa bkag pa yin no/ /mngon pa'i nga rgyal can gzhan zhes bya ba rgyas par 'byung ste/ 'dir mdo'i dgongs pa ni ting nge 'dzin yongs su ma dag pa rnams snang ba med bzhin du ste/ sbyor ba'i gnas skabs na lha'i mig gi snang ba med bzhin du yod par lha'i bdag ni lha'i mig gi snang ba gsal ba'i ngo bor yod pa kho na yod par lta'i zhes bya ba 'di yin no/ /rtog par yang ga la 'gyur zhes bya ba ni yod dam med ces the tshom du ste/ blo rnams yod pa dang med pa'i yul can nyid yin na ni/ gnyis ka la lta ba'i

  542. 271b

    dgos pa grub kyi/ yod pa'i yul can nyid yin na mi grub bo/ /yang na khyad par ci zhig yod ces bya ba la/ gal te de dag kyang yod pa'i snang pa kho na lta'i med pa ma yin na ni gzhan dag las byang chub sems dpa' la khyad par ci zhig yod 'di yod pa dang med pa gnyis blo'i yul yin pa nyid la dper brjod pa ni yod pa la yang yod par shis la/ med pa la yang med par shes so zhes bya ba 'di yin no/ /de'i phyir rnam par shes pa ni yod pa la dmigs pa'i phyir ro zhes bya ba de yang gtan tshigs su mi rung ngo/ /slob dpon 'dus bzang na re/ blo skye ba'i rgyu yod pa de yang rnam pa gnyis te/ rdzas su yod pa dang brtags par yod pa'o/ /gang la bltos pa med par blo skye ba de ni rdzas su yod pa'o/ /gang la bltos pas blo skye ba de ni btags par yod pa'o/ /rdzas su yod pa yang rnam pa gnyis te/ bya ba'i khyad par dang/ dngos po tsam mo/ /btags par yod pa de yang rnam pa gnyis te rdzas nye bar len pa dang/ btags pa nye bar len pa'o/ /gal te btags par yod pa'i yul la yang rnam par shes pa dngos po ma yin pa dmigs na/ btags par yod pa'i dngos po gzugs la sogs pa dang 'dra bar rang bzhin med pa'i phyir de nye bar len pa la dmigs pa ma yin no/ /gal te de ltar rnam par shes pa la btags par yod pa'i dmigs pa med pa nyid yin no/ de nye bar len pa rdzas su yod pa'i phyir/ rnam par shes pa la bum pa dang snam bu la sogs pa'i rnam pa gzugs la sogs pa yul du mi rung ngo/ /gzugs la sogs pa de'i rnam pa ma yin pa'i phyir de'i rnam pa so so ba nyid kyang de'i rnam par gzungs par thal ba ma yin no/ /rgyu tsam nyid kyis yul dmigs par thal ba ma yin te/ rkyen thams cad dmigs pa nyid du thal ba'i phyir ro/ /de'i phyir rang dang mthun pa'i shes pa skyed pa ni rgyu yin

  543. 272a

    la/ de nyid dmigs pa ni rgyu rkyen yin no/ /de ltar ma yin par gal te snang ba med pa'i shes pa'i dmigs pa rnam pa gzhan yin par 'dod pa de lta na/ ha cang thal ba'i phyir bstan pa chen po las nye bar 'khyam par 'gyur ro/ /de'i phyir gang zhig ka pa la skyes bu'i rnam par shes pa de ni ka? pa la dmigs pa las gzhan ma yin pa'i phyir dang der yang skyes bu med pa'i phyir yul med pa kho na yin no/ /de sngon du 'gro ba'i rgyud kyi khyad par las zhes bya ba'i don ni/ de sngon du 'gro ba ni rgyu mthun pa'i 'bras bu dang rjes su mthun pa'i rgyud yin no/ /khyad par smos pa ni rnam par smin pa'i 'bras bu dang rjes su mthun pa'i rgyud bstan pa'i phyir ro/ /bdag tu smra ba dgag pa nas bshad par bya'o zhes bya ba ni/ rgyud yongs su 'gyur ba'i khyad par las te/ sa bon dang 'bras bu bzhin no zhes bya ba la sogs pas so/ /gang zhig 'das pa dang ma 'ongs pa rdzas su yod pa ni btags par ma yin no/ /de la zhes bya ba ni 'bras bu la'o/ /de med par de yod pa med pa'i phyir 'bras bu'i yod pa skye bar bya ba la rgyu'i nus pa yin pas so/ /gal te 'bras bu rtag tu yod na ni de la las kyi nus pa med de/ de'i phyir dge ba dang mi dge ba'i las don med par thal bar 'gyur bas chen pos bstan pa las nyams so/ /A ra tsi to b+ha ba ti/ skyed par nus so zhes bya ba la/ yang 'di skyed pa cig la te/ 'bras bu yod pa skyed cen ma yin te/ 'o na ma 'ongs pas rdzas su yod par 'gyur ro/ /gal te skyed pa de yod pa nyid las tha dad pa'i 'ga' zhig khyad par 'dzin no zhe na/ 'o na ni skye ba ma byung ba las byung ba zhes bya ba grub pa yin te/ khyad par de sngar med pa'i phyir ro/ /

  544. 272b

    'bras bu las gzhan du brjod par mi bya ste/ gal te 'di las gzhan pa las dang 'bras bu'i nus pa med pas de'i gnas skabs kho na skyed na/ snga na med pa'i phyir dang phyis kyang thams cad yod par smra bas yongs su btang bas dngos po re re gzhan ma yin pas dag kyang rtag pa 'am mi rtag par thal bar 'gyur ro/ /yang cha shas kyi rtag pa nyid du khas len na gzhan nyid rtag la gzhan mi rtag go zhes bya bar thal bar 'gyur ro/ /btags par yod pa'i phyir dngos po med pa nyid skye bar brjod par mi bya ste/ de la las rnams kyi nus pa mi rigs so/ /yang thams cad yod pa kho na zhes bya ba ni las de dang 'bras bu skye ba'o/ /da ni gang la zhes bya ba ste/ skye ba 'am 'bras bu la las sam gzhan yang rung ste rgyu gang zhig nus te/ thams cad kyi tshe rdzas su yod pa nyid kyi phyir ro/ /de lta na lo rtsis pa rnams kyi rtsod pa skad du zhes bya ba la/ 'di nye bar mi dmigs so zhes slob dpon 'dus bzang zer ro/ /rnam grangs kyis 'gag pa'i rigs rnams yod pa dang med par khas blangs pa'i phyir yod pa'o/ /'das pa dang ma 'ongs pa dang 'jig pa'i chos can shes bya'i bdag nyid sngar skyes pa rnams dang lhan cig spyod pa 'bras bu'i bdag nyid ni med pa'o/ /da ltar byung ba'i bdag nyid rab tu sbyor ba la mngon par 'jug pa ni da ltar byung ba ste/ 'das pa dang ma 'ongs pa ni de ltar ma yin no/ /de ltar lo rtsis pa rnams kyi rtsod pa skrad du byung pa dang 'gyur bar 'gyur pa yod pa'o/ /gal te shes pa'i bdag nyid du 'dod na/ lo rtsis pa rnams kyi rtsod pa med pa bden no/ /'on te yang da ltar byung ba bzhin rang gi ngo bos shes bya'i bdag nyid du 'dod na/ de lta na thams cad kyi tshe yod pa'i phyir ji ltar lo rtsis pa rnams kyi rtsod par thal bar mi 'gyur/ 'o na da ltar du byed nus pa yin no zhes bya ba ni las dang 'bras bu yod bzhin du'o/ /yul gzhan du 'dren

  545. 273a

    pa yin no zhes bya ba ni ma 'ongs pa yul na mi gnas pas zhes bya ba'i bsam pa 'dis smras pa'o/ /rtag par thal bar 'gyur ro zhes bya ba ni de 'dren pa'i rkyen rnams rtag tu nye ba'i phyir ro/ /gzugs can ma yin pa de tshor ba la sogs pa rnams la de ji ltar ste/ 'dren zhes bya ba dang sbyar te/ de rnams ni rtag tu yul na mi gnas pas dris pa yin no/ /'bras bu'i 'dren pa bya ba'i ming can gang yin pa de yang ma byung ba las byung ba yin te/ de ni sngar yod pa ma yin pa'i phyir ro/ /'dir yang snga ma bzhin dpyad par bya ste/ gal te rang gi ngo bo'i khyad par zhig ces bya ba la/ de ltar ba byed pa'i rang bzhin sngar da ltar byung ba ma yin pa de ltar byung bar byed pa yin pa de lta na las kyis nus pa grub pas/ ma byung ba las byung ba zhes bya ba grub po/ /de ltar de yang da ltar byung bar byas pa yin no/ /gal te sngar ma byung ba las phyis byung ba nyid dam/ 'on te sngar yod pa kho na'o zhes na/ da ltar bar byas pas 'di la khyad par yod pas ma yin pas las bgyis nus pa med pa so na 'dug pa nyid do/ /ji ltar ming med pa'i ngo bo 'byung bar 'gyur zhe na/ btags pa dang bcas pa dang btags pa med pa nyid kyis shin tu tha dad pa'i phyir med pa'i ngo bor 'gyur ba yin no// 'o na rgyu'i rkyen yod pa rnams la dngos por 'gyur ba ci zhe na/ de ni snga na yod pa ma yin pa las bya ste/ gang bshad pa ci ltar med pa'i khyad par yongs su brtag ce na/ 'di dngos po med pa rgyu dang bcas pa dang 'di rgyu med pa can zhes de ltar bshad do/ /kha cig med pa'i rgyu yongs su rtogs par byed pa ma yin no/ /'o na dngos po rnams kho na'i rgyu khas len pa ci zhe na/ de ni sngar byung ba ma yin pa rnams kyi ste/ de yang thams cad la thams cad ma yin no/ /'o na ci zhe na 'dir yod pa

  546. 273b

    gang yin pa de nyid gzhan ma yin te/ dper na bya ba snga na med pa'i rkyen mi 'dod pa bzhin no/ /'o na bya ba nyid kyi ci zhe na/ bya ba snga na med pa la rkyen rnams kyis bya ba mi byed pas dus dang bya ba snga na med pa mi 'dod do/ /de'i tshe dus dang bya ba'i rnam par bzhag ba 'di brjod par mi bya ste/ rdzas bzhin du bya ba yang rtag pa'i phyir ro/ /gal te skye mched bcu gnyis yod kyi/ 'das pa dang ma 'ongs pa med na/ yid kyi skye mched 'das par ji ltar gzhag ce na smras pa/ rnam par shes pa da ltar ba kho na rnam par shes pa gzhan gyi rten gyi dngos por rnam par gnas kyi/ 'das pa ni ma yin pas skyon 'di med do/ /yang na dus gsum ste/ gal te dus gsum yod do zhes brjod na/ 'o na ni 'das pa dang ma 'ongs pa grub po zhe na/ de'i phyir ji ltar yod pa de bzhin du bshad zin te zhes bya ba smos te/ sngon byung ba gang yin pa de ni 'das pa yin no/ /rgyu yod na 'byung bar 'gyur ba gang yin pa de ni ma 'ongs pa yin no/ /byung nas ma zhig pa gang yin pa de ni da ltar ba yin no zhes bya bar ro/ /ji ltar na nges der ldan pa yin zhes bya ba ni ji ltar 'das pa dang ma 'ongs pa'i nyon mongs pa'i nyon mongs pa des sam 'das pa dang ma 'ongs pa'i dngos por der ldan pa yin zhes bya ba yin no/ /de las skyes pa de'i rgyu'i phra rgyas yod pa'i phyir zhes bya ba rgyas par 'byung bas/ 'di skad bshad bar 'gyur te/ 'das pa'i nyon mongs pa las skyes pa'i phra rgyas yod pa'i phyir 'das pa'i nyon mongs pa dang ldan no/ /ma 'ongs pa'i nyon mongs pa'i rgyu'i phra rgyas yod pa'i phyir ma 'ongs pa dang ldan no/ /'das pa dang ma 'ongs pa'i dngos po la dmigs pa'i nyon mongs pa'i phra rgyas yod pa'i phyir de'i dngos po dang ldan no zhes bya'o/ /slob dpon 'dus bzang na ro/ don 'di ni gsog ste 'das pa'i nyon mongs pa dang phra rgyas zhes bya ba'i chos dga' yang rgyud las skye ba med do/ /chos gzhan gyis phra rgyas skye ba ni yod do/ /

  547. 274a

    'dod pa yang ma yin no/ /'o na ci zhe na/ 'gag bzhin pa'i nyon mongs pa dang ma 'ongs pa na/ de skye ba nyon mongs pa skye ba dang mthun pa'i rgyud kyi ngo bo las rgyud de la skye ba dang rjes su mthun pa ni phra rgyas zhes ba'o// de yang 'das pa dang ma 'ongs pa'i nyon mongs pa dag gi 'bras bu dang rgyu yin no/ /de la spangs pas phra rgyas bcom pa ma yin pa ni 'das pa dang ma 'ongs pa'i nyon mongs pa dag dang ldan zhes bya ste/ 'bras bu yod pa'i phyir dang rgyu yod pa'i phyir ro/ /de spangs pa ni ma yin no/ /de'i phyir chos nyid dag ni zab pa yin zhes smos te/ sh+rAn+to t+ta ra mata stag lung rgya dper muta? phra rag ni krA bA/ chos rnams kyi rang bzhin ni chos nyid do/ /skabs 'dir slob dpon 'dus bzang gis / 'das pa dang ma 'ongs pa gtan la dbab pa mang du bshad mod kyi/ 'dir ni gzhung mangs pa'i 'jigs pas tshig so so la bshad pa ni ma byas so/ /don gyis sgo nas ni dgag pa thams cad rtogs par bya'o/ /gzugs skye ba/ gzugs 'gag go zhes bya ba'i don ni de nyid da ltar pa gyur nas 'das pa nyid du 'gyur ro zhes bya'o/ /skye ba la mngon du phyogs pa'i phyir ma 'ongs pa skye la/ 'gag pa la mngon du phyogs pa'i da ltar gyi 'gag go/ dus kyang skye ste zhes bya ba ni de dag nyid dus gtam bzhi dang zhes 'byung ba'i phyir ro/ /dus las kyang ste zhes bya ba ni skye zhes bya'o/ /skad cig ma du ma yin pa'i phyir skad cig go /yod pa'i tshig gi rim pa gang skye ba de 'gag go zhes bshad de dpe smos te/ gzugs skye bo gzugs 'gag go /rdzas gzhan ma yin pa'i phyir gzhan skye'o gzhan 'gag go zhes pa lta bu'o/ /gzhan skye ba la mngon du phyogs pa'i phyir ma 'ongs pa skye'o/ /gzhan 'gag pa la mngon du phyogs pa'i phyir da ltar

  548. 274b

    byung ba 'gag go /dus kyang skye ste zhes bya ba dus ni skye ba'i chos kyi bsdus pa'i phyir te/ dus kyi rang bzhin las so zhes bya ba'i don to/ /de dag nyid dus gtam gzhi dang zhes pa'i mtshan nyid las dus kyang ste/ 'byung khungs kyi ngo bo las chos skye ba'i ci'i phyir zhe na/ ma 'ongs pa'i dus skad cig ma du ma yin pa'i phyir ro zhes byas pa smos te/ gang gi phyir mi 'ongs pa'i skad cig ma du ma spangs pa'i rang bzhin rnams las skad cig ma 'ga' zhig skye ba de'i phyir dus las kyang skye'o zhes brjod do/ /zhar la 'ongs pa zhes bya ba ni lhag ma kun gyi kun dang ldan zhes bya ba 'di'i zhar la 'ongs pa yin no/ /dngos po de spangs pa yin nam zhes bya ba rgyas par 'byung ngo/ /'dir spangs pa ni thob pa dang bral ba las mngon par 'dod la phral ba ni de la dmigs pa'i nyon mongs pa spangs pa las mngon par 'dod do de la dmigs pa'i nyon mongs pa spangs na da ma spangs par mi 'gyur bas de'i phyir re zhig gang dang bral na zhes bya ba rgyas par smos so/ /spangs kyang de la dmigs pa'i nyon mongs pa ma spangs pa yod pas de'i phyir spangs la de dang ma bral ba yang yod do zhes bya ba la sogs pa 'byung ngo/ /mthong ba'i lam gyis dbang du byas nas sdug bsngal mthong bas spangs kyang zhes bya ba rgyas par smos so/ /bsgom pa'i lam gyi dbang du byas nas dang po'i rnam pa spangs kyang zhes bya ba la sogs pa smos so/ /sdug bsngal shes pa ni skyes la zhes bya bas ni sdug bsngal la chos shes pa dang rjes su shes pa gzungs ngo/ /kun 'byung shes pa yang de ltar gnyi ga gzung ngo/ /kyang zhes bya ba'i sgra ni bsnan pa'i don to/ /rnam dgu po'i rnam pa gang dang gang sngar spangs pa'i lhag ma de la dmigs pa'i nyon mongs pa rnams dang mtshungs par ldan no/ /'dir

  549. 275a

    de'i yul smos pas tha dad do zhes slob dpon 'dus bzang zer ro/ /bsgom pas spangs bar bya ba rnams phan tshun dmigs pa yin pa'i phyir gang la 'dis khyad par du bya ba der ma byas so// kun 'byung mthong bas spangs bar bya ba kun du 'gro ba gang gis sdug bsngal mthong bas spang bar bya ba la dmigs pa yod ce na/ mdo las lan gsungs pa 'jig rten pa'i las kyis ji ltar ji srid pa bzhin mthong ba dang bsgom pas spang bar bya ba'i nyon mongs pa rnam pa dgu cig car spong bar byed do/ /de la sngar spangs pa'i rnam pa kun du 'gro ba rnams dang ldan pas de'i don du de'i yul smos pas skal ba mi mnyam pa'i khams kun du 'gro ba rnams de'i dmigs pa ma yin pa'i phyir de nyid grub po/ /kun 'byung mthong bas spangs bar bya ba rnams ni de'i yul smos pas mi 'grub po/ /nus pa de yang kyang gi sgra dang mngon par 'brel bas brtag par bya ste/ sngon du spangs pa'i rnam pa la yang ngo/ /de'i yul rnams ni sngar bshad do/ /'dir ni bsgoms pas spangs bar bya ba'i nyon mongs pa thams cad nyon mongs pa'i yul nyid de/ yul gzhan dgu dang nyon mongs pa rnams gzhan du ldan pa ma yin no/ /de'i phyir 'di yul gyis khyad par du byas te/ spangs pa sdug bsngal mthong bas spang bar bya ba dang ldan la/ lhag ma kun du 'gro ba rnams sngar spangs pa'i rnam pa lhag ma rnams dang ldan no zhes rjes su 'jug go /ci thams cad dang zhes bya ba la/ 'o na ci de'i yul rnams dang zhes smos te/ gnyi ga dang mngon par 'brel pa de'i phyir 'di glan ka ma yin no/ /chos bcu drug po zhes bya ba dmigs pa ste/ khams gsum po re

  550. 275b

    re zhing rnam pa lnga po/ sdug bsngal dang kun 'byung dang 'gog pa dang lam mthong bas spang bar bya ba dang/ bsgom pas spang bar bya ba dang/ zag pa med pa ste bcu drug tu 'gyur ro/ /sems rnams kyang bcu drug ste de dag nyid do/ /kun du 'gro ba dang kun du 'gro ba ma yin pa gcig tu byas nas sdug bsngal mthong bas spang bar bya ba bshad do/ /de bzhin du kun 'byung mthong bas spang bar bya ba dang 'gog pa dang lam mthong bas spang par bya ba dag kyang zag pa dang bcas pa dang zag pa med pa la dmigs pa la gcig tu byas nas bshad do/ bsgom pas spang par bya ba nyon mongs pa can dang nyon mongs pa can ma yin pa gcig tu byas nas bshad do/ /zag pa med pa yang chos dang rjes su shes pa'i phyogs dang mthun pa gcig tu byas nas bshad do/ /re shig sdug bsngal dang zhes bya ba rgyas par 'byung ngo/ /de la sdug bsngal dang kun 'byung mthong bas spang bar bya ba go rim bzhin du kha rgyas bcu dang bdun dang/ de dag dang lhan cig 'byung ba dang/ de rnams kyi thob pa rjes su 'brang ba dang bcas pa dag dang/ bsgom pas spang bar bya ba bzhi dang de rnams kyi thob pa rjes su 'brang ba dang bcas pa dag dang/ gzugs gzhan thams cad la yang nyon mongs pa can ma yin pa'i chos rnams so/ /de bzhin du 'gog pa mthong bas spang bar bya ba'i phra rgyas bdun dang de dag dang lhan cig 'byung ba dang / de'i thob ba rjes su 'brang ba dang bcas pa dag dang/ lam mthong bas spang bar bya ba brgyad dang de dag dang lhan cig 'byung ba dang de rnams kyi thob pa rjes su 'brang ba dang bcas pa dag ste/ de bzhin du gzugs dang gzugs med pa'i

  551. 276a

    khams dag tu yang ci rigs par rig par bya'o/ /rang gi khams pa gsum ste zhes bya ba rgyas par 'byung ste/ sdug bsngal mthong bas spang bar bya ba'i chos 'dod pa na spyod pa ni sdug bsngal mthong bas spang bar bya ba'i rnam par shes pa 'dod pa na spyod pa dang kun 'byung mthong bas spang bar bya ba kun du 'gre ba dang mtshungs par ldan pa dang/ sgom pas spang bar bya ba nyon mongs pa can ma yin pa ma 'ongs pas bsdus pa dang/ bsam gtan gyi dngos gzhis bsdus pa mi sdug pa la sogs pa'i rnam pa can nam/ gzugs kyi khams su skyes pa zhig gang gis 'dod pa na spyod pa'i sems can rnams kyis sems la lta ba 'am/ 'dod pa'i khams su skyes pa de la 'dod chags dang bral ba zhig /gang gi tshe mthong ba'i chos la bde ba gnas par bya ba'i phyir 'jig rten pa'i lam gyi khams de nyid la dmigs pa yang rung ste/ gzugs na spyod pa bsgom pas spang bar bya ba dge ba gcig dang/ zag pa med pa ste chos shes pa'i phyogs dang mthun pa'i dmigs pa yin no/ /kun 'byung mthong bas spang bar bya ba dang/ bsgom pas spang bar bya ba dag kyang de dang 'dra bar brjod par bya'o/ /de la sdug bsngal du gtogs pa'i sems can kun du 'gro ba dang mtshungs par ldan pa ni kun 'byung mthong bas spang bar bya ba dang/ bsgom pas spang bar bya ba la dmigs so/ /kun 'byung du gtogs pa kun du 'gro ba dang mtshungs par ldan pa ni sdug bsngal mthong bas spang bar bya ba dang bsgom pas spang bar bya ba la dmigs so/ /bsgom pas spang bar bya ba nyon mongs pa can ma yin pa ni kun 'byung mthong bas spang bar bya ba la

  552. 276b

    dmigs so/ /bsgom pas spang bar bya ba nyon mongs pa can dang nyon mongs pa can ma yin pa thams cad ni bsgom pas spang bar bya ba la dmigs so/ /gzugs su gtogs pa dang zag pa med pa ni snga ma bzhin no/ /de ltar na sdug bsngal mthong ba la sogs pas spang par bya ba'i chos 'dod pa na spyod pa ni sems lnga po re re'i dmigs pa yin no/ /rang gi khams pa gsum ste/ de dag nyid dang zhes bya ba ni ji skad du bshad pa'i rnam pa'i sgo nas sdug bsngal dang kun 'byung mthong ba dang/ bsgom pas spang par bya ba dag go /de nas bsgom pas spang bar bya ba ni thos pa las byung ba yang dag pa'i lta ba dang mtshungs par ldan pa dang/ bsgom pa las byung zhi ba la sogs pa'i sems yod pa yin no/ /sa 'og ma pa gsum ste/ de dag nyid dang zhes bya ba ni 'dod pa na spyod pa'i sdug bsngal dang/ kun 'byung mthong bas spang par bya ba skal ba mi mnyam pa'i khams kun du 'gro ba dang mtshungs par ldan pa dang de la dmigs pa bsgom bas spang bar bya ba'i sems thos pa dang bsam ba las byung ba dge ba'i chos la 'dun pa dang mtshungs par ldan pa yang dag pa'i lta ba dang mtshungs par ldan pa'i sems de la dmigs pa yod do/ /khams gong ba ci ste zhes bya ba ni nam mkha' mdza' yas skye mched kyi nyer bsdogs kyis bsdus pa rags pa'i la sogs pa'i rnam pa can no/ /zag pa med pa'i zhes bya ba ni rjes su shes pa'i phyogs dang mthun pa'o/ /khams gsum pa rnam pa gsum gsum ste/ de dag nyid dang zhes bya ba ni skabs su bab pa'i phyir/ sdug bsngal mthong bas spang bar bya ba dang bsgom pas spang bar bya ba rnams dang sbyar ro/ /'dod pa dang gzugs na spyod pa sdug bsngal

  553. 277a

    dang kun 'byung du gtogs pa/ skal ba mi mnyam pa'i khams kun du 'gro ba dang mtshungs par ldan pa dang/ 'dod par gtogs pa'i bsgom pas spang bar bya ba dge ba dang mi dge ba gnyis nyid dang/ rang gi khams pa dag gi dmigs pa yin te/ sdug bsngal mthong bas spang bar bya ba dag ni sdug bsngal du gtogs pa kun du 'gro ba dang kun du 'gro ba ma yin pa dang mtshungs par ldan pa dang/ kun 'byung du gtogs pa kun du 'gro ba dang mtshungs par ldan pa dang/ bsgom pas spang bar bya ba dge bzhi ba dang rags pa'i rnam pa can du zhugs pa nyid kyi dmigs pa yin no/ /kun 'byung mthong bas spang bar bya ba dag kyang/ sdug bsngal mthong bas spang bar bya ba dang 'dra bar rig par bya'o/ /bsgom pas spang bar bya ba dag ni sdug bsngal dang kun 'byung mthong bas spang bar bya ba kun du 'gro ba dang mtshungs par ldan pa dag dang/ bsgom pas spang par bya ba nyon mongs pa can gyi dmigs pa dag go /nyon mongs pa can ma yin pa ni zag pa med pa'i dmigs pa yin no zhes bya ba ni rjes su shes pa'i phyogs dang mthun pa'o/ /kun rang gis glags pa'i spyod yul lo zhes bya ba la/ kun smos pa ni 'dod pa dang/ gzugs dang gzugs med pa'i bsdu bar bya ba'i phyir ro/ /de glags pa'i zhes khyad par med par brjod kyang/ log par lta ba la sogs pa dang mtshungs par ldan pa mi gzung ste/ de ni 'gog pa dang lam la dmigs pa'i phyir ro/ /sngar bshad pa lnga dang zhes bya ba la/ sdug bsngal dang kun 'byung du gtogs pa kun du 'gro ba dang mtshungs par ldan pa dag dang/ bsgom pas spang bar bya ba dge ba dang gzugs su

  554. 277b

    gtogs pa dge ba kho na dang/ zag pa med pa chos shes pa'i phyogs dang mthun pa dang/ 'gog pa mthong bas spang bar bya ba de nyid kyi dmigs pa yin te/ /de ltar na drug gi dmigs pa yin no/ /sems dgu dang bcu gcig gi dmigs pa yin no zhes bya ba la/ gzugs na spyod pa dag ni dgu ste/ skal ba mi mnyam ba'i khams kun du 'gro ba gnyis dang bsgom pas spang bar bya ba ste 'dod par gtogs pa gsum dang/ rang go khams pa gsum dang kun du 'gro ba dang mtshungs par ldan pa gnyis dang/ bsgom pas spang bar bya ba dang/ gzugs med par gtogs pa sgom pas spang bar bya ba nam mkha' mdza' yas skye mched kyi nyer bsdogs kyi bsdus pa dang/ zag pa med pa rjes su shes pa'i phyogs dang mthun pa dang/ 'gog pa mthong bas spang bar bya ba de nyid kyis glags pa'i dmigs pa'i gzugs med pa na spyod pa dag bcu gcig ste/ skal ba mi mnyam pa'i khams kun du 'gro ba dang mtshungs par ldan pa rnams dang/ bsgom pas spang par bya ba gnyis te/ drug dang rang gi khams pa gsum po kun du 'gro ba dang mtshungs par ldan pa gnyis dang/ bsgom pas spang bar bya ba dang/ 'gog pa mthong bas spang bar bya ba rang gis pas glags pa dang/ zag pa med pa rjes su shes pa'i phyogs dang mthun pa ste/ de nyid kyi glags pa ste/ 'gog pa mthong bas spang bar bya ba gzugs med pa na spyod pa'o/ /bcu gcig po rnams ni skal ba mi mnyam pa'i khams kun du 'gro ba dang mtshungs pas ldan pa bsgom pas spang bar bya ba rnams so/ /drug ni rang gi khams pa rnams so/ /gsum ni kun du 'gro ba dang mtshungs par ldan pa bsgom pas spang bar bya ba rnams so/ /gsum ni 'gog pa mthong bas spang bar bya ba rang gi khams kyis glags pa zag pa med pa rjes su shes pa'i

  555. 278a

    phyogs dang mthun pa ste/ de ltar na sems bcu gcig gi dmigs pa yin no/ /lam mthong bas spang par bya ba dag kyang de dang 'dra bar khong du chud par bya'o/ /'gog pa dang lam mthong ba dang bsgom pas spang bar bya ba dang zhes bya ba la/ re zhig 'gog pa ni 'gog pa mthong bas spang bar bya ba log par lta ba la sogs pa dag dang/ bsgom pas spang bar bya ba dge ba ci rigs par thos pa dang bsam pa dang bsgom pas bsdus pa dag gi dmigs pa yin la de bzhin du lam yang lam mthong bas spang par bya ba la log par lta ba la sogs pa dag dang/ bsgom pas spang bar bya ba ji skad bshad pa dag gi dmigs pa yin no/ /nam mkha' dang so sor brtags pas 'gog pa gnyis ni bsgom pas spang par bya ba kho na'i dmigs pa yin no lam dang so sor brtags pas 'gog pa dag gi zag pa med pa'i yang yin te/ de ltar na de dag ni mdor bsdus na sems bcur 'gyur ro/ /khams gsum sdug bsngal rgyu mthong dang/ zhes bya ba rgyas par 'byung ste/ sdug bsngal dang kun 'byung mthong bas spang bar bya ba dang bsgom pas spang bar bya ba 'dod par gtogs pa dag ni re re zhing sems lnga'i dmigs pa yin no/ /gzugs na spyod pa'i chos de dag nyid ni sems brgyad kyi dmigs pa yin no/ /gzugs med pa na spyod pa dag ni sems bcu'i dmigs pa yin no/ /zag pa med pa dag kyang bcu kho na yin par gong du bshad pa'i rjes su 'brang te rgyas par khong du chud par bya'o// 'gog dang lam mthong spang bya kun/ /rang gis glags pa'i spyod yul lo zhes bya ba 'di yang gong ma bzhin du rgyas par sbyar bar bya'o/ /sems bcu drug po 'di rnams bde blag du rtogs par bya ba'i phyir yang sum cu rtsa drug tu bya ste/ 'dod

  556. 278b

    pa'i khams su sdug bsngal dang kun 'byung mthong bas spang bar bya ba kun tu 'gro ba ma yin pa dang mtshungs par ldan pa dang skal ba mnyam pa dang skal ba mi mnyam pa'i khams kun du 'gro ba dang mtshungs par ldan pa dang/ de bzhin du gzugs kyis khams su sdug bsngal dang kun 'byung mthong bas spang bar bya ba so sor rnam pa gsum dang/ gzugs med pa'i khams su skal ba mi mnyam pa'i khams kun du 'gro ba ma gtogs pa mtshungs par ldan pa'i phyir ro/ /'gog pa dang lam mthong bas spang bar bya ba ni khams gsum car du yang zag pa dang bcas pa dang zag pa med pa la dmigs pa'i phyir rnam pa gnyis so/ /bsgom pas spang bar bya ba yang nyon mongs pa can dang nyon mongs pa can ma yin pa'i dbye bas rnam pa gnyis su dbye'o/ /zag pa med pa yang chos shes pa dang rjes su shes pa'i phyogs dang mthun pa rnam pa gnyis su dbye'o/ /de ltar na 'di dag sems sum cu rtsa drug tu 'gyur ro/ /'dod pa na spyang pa bsgom pa spang bar bya ba dang zhes bya ba smos te/ 'dod pa'i khams na ni bde ba'i dbang po rnam par shes pa'i tshogs lnga dang mtshungs par ldan pas lus kyi kho na yin par gzhag la/ de yang bsgom pas spang par bya ba kho na yin te/ nyon mongs can min mthong spang min/ gzugs min drug pa min skyes min zhes nges pa'i phyir ro/ /gzugs na spyod pa rnam pa lnga zhes bya ba la/ bsam gtan dang po'i sa pa'i rnam par shes pa'i tshogs gsum ni bsgom pas spang bar bya ba yin la/ bsam gtan gsum pa'i sa pa'i yid kyi na nyon mongs pa rnam pa lnga dang mtshungs par ldan pas sdug bsngal mthong bas spang bar bya ba nas bsgom pas spang bar bya ba'i bar du yin te/ bsam gtan dang po'i dang gsum pa'i sa pa'i bde ba'i dbang po 'di ni

  557. 279a

    bsdoms nas gzugs na spyod pa rnam pa lnga zhes bshad do/ /bsam gtan gnyis pa dang bzhi pa gzugs med pa dag na ni bde ba'i dbang po med pa kho na'o/ /zag pa med pa'o zhes bya ba ni bsam gtan gsum pa la brten pa'i chos dang rjes su shes pa'i phyogs dang mthun pa'o/ /'gog pa mthong bas spang bar bya ba ma gtogs pa 'dod pa na spyod pa rnam pa bzhi dang zhes bya ba la/ sdug bsngal dang kun 'byung mthong bas spang bar bya ba skal ba mnyam pa'i khams kun du 'gro ba dang mtshungs par ldan pa'i rnam par shes pa'i dmigs pa ni 'dod pa na spyod pa'i bde ba'i dbang po yin la/ de nyid skal ba mi mnyam pa'i khams kun du 'gro ba dang mtshungs par ldan pa'i dmigs pa ni gzugs na spyod pa rnam pa lnga char yang yin no/ /'dod pa na spyod pa'i lam mthong bas spang bar bya ba log par lta ba la sogs pa dang/ mtshungs par ldan pa'i dmigs pa ni bsam gtan gsum pa'i sa pa'i bde ba'i dbang po zag pa med pa'i chos shes pa'i phyogs dang mthun pa yin no/ /'dod pa na spyod pa sgom pas spang bar bya ba nyon mongs pa can dang nyon mongs pa can ma yin pa'i dmigs pa ni 'dod pa na spyod pa'i bde ba'i dbang po yin la/ nyon mongs pa can ma yin pa kho na'i dmigs pa khams gong ma'i rnam pa lnga char yang yin no/ /'gog pa mthong bas spang bar bya ba ma gtog pa zhes bya ba 'byung ste/ de la zag pa med pa la dmigs pa gang yin pa de'i dmigs pa ni 'gog pa kho na yin zhing/ gang zhig zag pa dang bcas pa la dmigs pa de'i dmigs pa yang log par lta ba dang mtshungs par ldan pa dang yid bde ba'i dbang po'i dmigs pa'o/ /bde ba'i dbang po dang ni ma yin no/ /gzugs na spyod pa rnam pa lnga dang zhes bya ba ni/ sdug

  558. 279b

    bsngal dang kun 'byung dang 'gog pa dang lam mthong ba dang bsgom pas spang bar bya ba ste/ de la 'dod pa na spyod pa'i bde ba'i dbang po ni 'dod pa'i khams rnam par sun 'byin pa'i tshe gzugs na spyod pa bsgom pas spang par bya ba kho na'i dmigs pa yin no/ /bsam gtan dang po'i sa pa dang bsam gtan gsum pa'i sa pa ni 'gog pa dang lam mthong ba dang bsgom pas spang par bya ba skal ba mnyam pa'i khams kun du 'gro ba dang mtshungs par ldan pa'i dmigs pa yin no/ /bsam gtan gsum pa'i sa pa rnam pa lnga'i dmigs pa ni ci rigs par de'i sa pa rnam pa lnga car yang yin par rig par bya'o/ /rang gis pa dang sa 'og ma'i bsgom pas spang bar bya ba'i 'gog pa ni rang gi sa pa'i bde ba'i dbang po'i 'dod chags la sogs pa skyed pa 'gog pa'i phyir 'gog pa mthong bas spang bar bya ba bde ba'i dbang po la dmigs pa yin no/ /lam mthong bas spang bar bya ba yang log par lta ba la sogs pa dang mtshungs par ldan pa'i bsam gtan gsum pa'i sa pa'i rjes su shes pa'i phyogs dang mthun pa'i lam la dmigs pa yin no/ /de bzhin du lam mthong bas spang bar bya bas kyang bde ba'i dbang po la dmigs pa yin no/ /gzugs med pa na spyod pa gnyis te zhes bya ba 'byung ste/ de la lam mthong bas spang bar bya ba'i dmigs pa yin pa ni gang gi tshe log par lta ba la sogs pa dag gis bsam gtan gsum pa'i sa pa'i rjes su mthun pa'i phyogs dang mthun pa'i lam la dmigs pa na'o/ /bsgom pas spang par bya ba nyon mongs pa can ma yin pa'i dmigs pa yang lam de nyid yin te/ gzugs med dngos gzhi dag rnams ni/ zag bcas 'og ma'i yul can min zhes 'byung ba'i phyir ro/ /gzugs med pa'i khams su skyes pa'i 'phags pa rnams

  559. 280a

    ni gom pa'i dbang gis dge ba zag pa dang bcas pa'i rnam par shes pas bsam gtan gsum pa'i lam zag pa med pa la dmigs pa yin no/ /zag pa med pa'i zhes bya ba ni/ rjes su shes pa'i phyogs dang mthun pa'i dmigs pa ni gzugs na spyod pa'i bde ba'i dbang po yin la/ chos shes pa'i phyogs kyi dmigs pa ni 'dod pa na spyod pa'i chos shes pa dang rjes su shes pa'i phyogs dang zag pa med pa'i bde ba'i dbang po dang de nyid kyi zag pa med pa'i shes pa yin no/ /de la zhes bya ba ni bde ba'i dbang po la dmigs pa'i rnam par shes pa rnam pa bcu gnyis so/ /ci rigs par zhes bya ba 'byung ste/ de la re zhig 'dod pa na spyod pa'i rnam par shes pa bde ba'i dbang po la dmigs pa rnam pa bzhi la ni 'dod pa na spyod pa'i rigs bzhi rgyas par 'gyur ro/ /ji ltar byas pas she na/ sdug bsngal dang kun 'byung mthong bas spang bar bya ba kun du 'gro ba dang mtshungs par ldan pa bde ba'i dbang po la dmigs pa'i rnam par shes pa dag pa ni kun du 'gro ba ma yin pa sdug bsngal dang kun 'byung mthong bas spang bar bya ba dag dmigs pa'i sgo nas rgyas par 'gyur ro/ /kun du 'gro ba dag ni dmigs pa dang mtshungs par ldan pa'i sgo nas ci rigs par ro/ /de la yang gzugs med pa'i khams 'ba' zhig la dmigs pa skal ba mi mnyam pa'i khams kun du 'gro ba rnams dang de la dmigs pa'i 'dod chags la sogs pa rnams gnyis ga ltar ma yin zhing 'gal ba'i rnam pa yod pa ma yin pa nye bar bzung nas rigs bzhi rgyas par 'gyur ro zhes 'byung ba'i phyir/ lam mthong bas spang par bya ba bde ba'i dbang po la dmigs pa la ni log par lta

  560. 280b

    ba mtshungs par ldan pa'i sgo nas 'dod chags la sogs pa rnams dmigs pa'i sgo nas dang/ rang gi rigs pa'i 'dod chags la sogs pa rnams dmigs pa dang mtshungs par ldan pa'i sgo nas so/ /nyon mongs pa can ma yin pa la ni/ dmigs pa'i sgo nas so/ /'gog pa mthong bas spang bar bya ba ni/ rnam par shes pa kha cig 'gog pa la dmigs la/ kha cig log par lta ba la sogs pa la dmigs pa yin no/ /bde ba'i dbang po la dmigs pa ni yod pa ma yin no/ /'dod pa'i khams na yid kyis pa'i bde ba'i dbang po med pas de'i phyir 'dod pa na spyod pa ris bzhir bshad do/ /gzugs na spyod pa 'dus byas la dmigs pa na/ 'gog pa la dmigs pas log par lta ba la sogs pa ma gtogs pa lhag ma rigs lnga po rnams so/ /der yang kun du 'gro ba rnams dmigs pa dang mtshungs par ldan pa'i sgo nas dang/ kun du 'gro ba ma yin a rnams dmigs pa'i sgo nyid nas ji ltar rigs par ro/ /de la skal ba mi mnyam pa'i khams kun du 'gro ba rnams ni gnyi ga ltar ma yin no/ /gzugs med pa na spyod pa rigs gnyis ni lam mthong ba dang bsgom pas spang bar bya ba'i phra rgyas kun du 'gro ba rnams te gzugs med pa na spyod pa nyid do/ /de ni dmigs pa kho na'i sgo nas rgyas par 'gyur gyi mtshungs par ldan pa'i sgo nas ma yin no/ /rgyas par 'gyur zhes bya ba ni bshad ma thag pa'i phra rgyas thams cad dang mngon par sbyar ro/ /ci rigs par zhes bshad pa de la rigs pa 'di yin te/ 'dod pa na spyod pa'i sdug bsngal mthong bas spang par bya ba phra rgyas bcu dang mtshungs par ldan pa'i sems sdug bsngal mthong bas spang par bya ba ni

  561. 281a

    rnam pa bcu kho nar 'gyur ro/ /de la 'jigs tshogs la lta ba dang mtshungs par ldan pa'i sems la ni 'jigs tshogs la lta ba de nyid mtshungs par ldan pa'i sgo nas rgyas par 'gyur la/ 'jigs tshogs la lta ba dang mtshungs par ldan pa'i sems sngar skyes pa ni 'jigs tshogs la lta ba phyi mas dmigs pas der ni dmigs pa dang mtshungs par ldan pa'i sgo nas rgyas par 'gyur ro/ /mthar 'dzin par lta ba la sogs pa dang mtshungs par ldan pa'i sems lhag ma dgu la ni 'jigs tshogs lta ba dmigs pa kho na'i sgo nas rgyas par 'gyur gyi/ mtshungs par ldan ba'i sgo nas ni ma yin te/ nyon mongs pa rang dbang pa gnyis mtshungs par ldan pa yod pa ma yin pa'i phyir ro/ /kun 'byung dang 'gog pa dang lam mthong ba dang sgo sgom pas spang bar bya ba'i sems dag la dmigs pa kho na'i sgo nas rgyas par 'gyur gyi/ mtshungs par ldan pa'i sgo nas ma yin pa yang de dang 'dra'o/ /'jig tshogs pa lta ba ji skad bshad pa de kho na ltar kun du 'gro ba lhag ma dag kyang bshad par bya'o/ /'dod chags la sogs pa kun du 'gro ba ma yin pa gsum ni gzhan gyi ris la rgyas par mi 'gyur gyi/ /rang gi ris la ni ji ltar 'jigs tshogs la lta ba la bshad pa de ltar bshad par bya'o/ /ma rigs pa ni rnam pa bcu char la yang dmigs pa dang mtshungs par ldan pa'i sgo nas rgyas par 'gyur ro/ /skal ba mi mnyam pa'i khams kun du 'gro ba dag ni mtshungs par ldan pa kho na'i sgo nas rgyas par 'gyur gyi/ dmigs pa'i sgo nas ni ma yin no/ /sdug bsngal mthong bas spang bar bya ba'i ris la ji

  562. 281b

    skad bshad ba de bzhin du kun 'byung mthong bas spang bar bya ba dag la yang bshad par bya'o/ /'gog pa dang lam mthong bas spang bar bya ba'i ris zag pa dang bcas pa la dmigs pa ni 'gog pa dang lam mthong bas spang bar bya ba'i sems zag pa dang bcas pa la dmigs pa dang mtshungs par ldan pa'i sgo nas kyang rgyas par 'gyur ro/ /zag pa med pa la dmigs pa ni mtshungs par ldan pa kho na'i sgo nas yin gyi/ dmigs pa'i sgo nas ma yin no/ /bsgom pas spang bar bya ba'i ris ni 'dod chags la sogs pas nye bar nyon mongs pa can gyi sems sgom pas spang bar bya ba la dmigs pa dang mtshungs par ldan pa'i sgo nas rgyas par 'gyur la/ nyon mongs pa can ma yin pa la ni dmigs pa kho na'i sgo nas rgyas par 'gyur gyi/ /mtshungs par ldan pa'i sgo nas ni ma yin no/ /'dod pa na sbyong pa rnam pa lnga rgyas pa'i tshul ji ltar bshad pa de ltar gzugs dang gzugs med pa na spyod pa dag kyang ci rigs par rig par bya'o/ /rnam pa bcu gnyis po de nyid dang zhes bya ba la/ 'dod pa'i khams na skal ba mnyam pa'i dang skal ba mi mnyam pa'i khams kun du 'gro ba dang mtshungs par ldan pa'i sems bde ba'i dbang po la dmigs pa sdug bsngal dang kun 'byung mthong bas spang bar bya ba sngar skyes pa la ni/ sdug bsngal dang kun 'byung mthong bas spang bar bya ba kun du 'gro ba ma yin pa dang mtshungs par ldan pas/ kun 'byung mthong bas spang bar bya ba dmigs so/ /bsgom pas spang bar bya ba nyon mongs pa can dang/ nyon mongs pa can ma yin pa bde ba'i dbang po la dmigs pa la ni bsgom pas spang bar bya ba nyon mongs pa can dang/ nyon mongs pa can ma yin pas

  563. 282a

    dmigs so/ /skal ba mnyam pa'i khams kun du 'gro ba dang mtshungs par ldan pas sdug bsngal dang kun 'byung du gtogs pa lam mthong bas spang bar bya ba bde ba'i dbang po dang ldan pa sngar skyes pa la ni lam mthong bas spang bar bya ba zag pa dang bcas pa dmigs so/ /'dod pa'i khams de kun du 'gro ba dang mtshungs par ldan pas sdug bsngal dang kun 'byung bar gtogs pas so/ /de ltar 'dod par gtogs pa'i sems bzhi dmigs pa yin no/ /bde ba'i dbang po la dmigs pa gzugs na spyod pa 'dus byas la dmigs pa'i sems lnga yang de bzhin du rig par bya'o/ /de na ni bde ba'i dbang po rnam pa lnga yod pas de la dmigs pa'i sems kyang rnam pa lnga 'gyur ro/ /de yang sngar skyes pa la ni phyis skyes pa'i rnam pa lnga po de kho nas dmigs so/ /'di ni khyad par te/ sdug bsngal dang kun 'byung bar gtog pa kun du 'gro ba dang mtshungs par ldan pa dag gis ni bsgom pas spang bar bya ba lam mthong bas spang bar bya ba de dag rnams pa lnga car la yang dmigs so/ /gzugs med pa na spyod pa lam mthong bas spang bar bya ba log par lta ba la sogs pa dang mtshungs par ldan pa bde ba'i dbang po la dmigs pa dang/ bsgom pas spang bar bya ba dge ba ni bshad zin to/ /de la gal te log par lta ba la sogs pa dang mtshungs par ldan pa'i sems la 'dod chags skyed na ni de'i tshe dang mtshungs par ldan pa'i bde ba'i dbang po la dmigs pa yin no/ /de bzhin du bsgom pas spang par bya ba bde ba'i dbang po la dmigs pa la yang gal te bsgom pas spang bar bya ba 'am nyon mongs pa can gyis dmigs na ni de yang bde ba'i dbang po la dmigs pa la dmigs pa yin no/ /sdug bsngal dang kun 'byung du

  564. 282b

    gtogs pa kun tu 'gro ba dang mtshungs par ldan pas kyang de gnyis ka la dmigs pas de yang bde ba'i dbang po la dmigs pa la dmigs pa yin pas de'i phyir gzugs med pa na spyod pa rnam pa gnyis te zhes bya ba smos te/ zag pa med pa'i sems bsam gtan gsum pa'i zag pa med pa'i bde ba'i dbang po la dmigs pa sngar skyes pa las phyis skyes pas dmigs pa de'i phyir de yang bde ba'i dbang po la dmigs pa la dmigs pa yin no/ /de la gzugs med pa na spyod pa zhes bya ba rgyas par 'byung ba ni kun du 'gro ba dang kun du 'gro ba ma yin pas bsdus pa dag ste/ de la kun du 'gro ba ma yin par lhag par 'gyur ro/ /kun du 'gro ba dag ni sngar bshad pa kho na'o/ /'gog pa mthong bas spang bar bya ba ma gtogs pa 'dod pa na spyod pa ris bzhis snga ma bzhin du dmigs pa dang mtshungs par ldan pa'i sgo nas rgyas par 'gyur ro/ /de bzhin du 'gog pa mthong bas spang bar bya ba gtogs pa gzugs med pa na spyod pa dag kyang ci rigs par dmigs pa dang mtshungs par ldan pa'i sgo nas rgyas par 'gyur bar rig par bya la/ gzugs na spyod pa 'dus byas la dmigs pa ris lnga ci rigs par dmigs pa dang mtshungs par ldan pa'i sgo nas rgyas par 'gyur bar rig par bya'o/ /lam 'dis zhes bya ba ni srol 'dis te/ phyogs 'dis zhes bya ba'i don to/ /gzhan khong du tshud par bya'o/ /zhes bya ba 'byung ste/ mig gi dbang po la phra rgyas du zhig rgyas par 'gyur zhes dri ba'o/ / 'ongs pa la rnam par dpyad pa mig gi dbang po bsgom pas spang bar bya ba nyid la ni 'dod pa dang gzugs dang ldan pa gnyis te/ de'i yang dmigs pa sems brgyad do/ /'dod pa dang gzugs na spyod pa so sor gsum ste/ sdug bsngal dang kun

  565. 283a

    'byung mthong bas spang bar bya ba kun du 'gro ba dang mtshungs par ldan pa jeg? dang/ bsgom pas spang par bya ba ste/ de ltar drug du 'gyur ro/ /gzugs med pa na spyod pa nam mkha' mdza' yas skye mched kyi nyer bsdogs kyis bsdus pa'i dge ba zag pa med pa yang ngo/ /de la 'dod pa na spyod pa sdug bsngal mthong bas spang bar bya ba kun du 'gro ba dang mtshungs par ldan pa'i rnam par shes pa la ni sdug bsngal mthong bas spang bar bya ba'i rigs dang kun 'byung mthong bas spang bar bya ba kun du 'gro ba rnams rgyas par 'gyur ro/ /bzlog pa kun 'byung mthong bas spang bar bya ba dang bsgom pas spang bar bya ba la ni bsgom pas spang bar bya ba kun du 'gro ba thams cad do de ltar na 'dod pa na spyod pa rigs gsum du 'gyur ro/ /de bzhin du gzugs na spyod ba dang gzugs med pa na spyod pa'i dge ba dang bsam gtan bzhi pa'i mig gi dbang po la dmigs te/ der gzugs med pa na spyod pa bsgom pas spang bar bya ba'i phra rgyas kun du 'gro ba rnams rgyas par 'gyur ro/ /zag pa med pa ni kha cig tu rgyas par 'gyur ro/ /mig gi dbang po'i dmigs pa la dmigs pa'i rnam par shes pa rnam pa bcu gsum ste/ 'dod pa na spyod pa rnams dang sngar bshad pa bzhi dang lam mthong bas spang bar bya ba gsum dang/ de bzhin du gzugs dang gzugs med pa na spyod pa rnams so/ /zag pa med pa yang zhes bya ba la/ de la ci ltar rigs par bcu gnyis rgyas par 'gyur te/ 'dod ba dang gzugs dang gzugs med pa spyod pa rnams la 'gog pa mthong bas spang bar bya ba ma gtogs pa so sor bzhi'o/ /zag pa med pa ni 'dod pa na spyod pa'i mig gi dbang po'i chos shes pa'i phyogs dang mthun pa yin la/ gzugs na spyod pa'i ni rjes su shes pa'i phyogs

  566. 283b

    dang mthun pa yin no/ /'di dpyad par bya'o/ /phra rgyas gang dag gis sems gang zhig phra rgyas dang/ bcas pa zhes brjod la/ ci phra rgyas de dag sems de la rgyas par 'gyur zhe na/ 'di la des pa med de ma spangs pa rgyas par 'gyur gyi/ spangs pa ni rgyas par mi 'gyur ro/ /'di skad du bstan bcos las/ rgyas par 'gyur ba yang yod/ rgyas par mi 'gyur ba yang yod do/ /gang rgyas par 'gyur zhe na/ sems de dang mtshungs par ldan pa dang de la dmigs pa spang ma spangs pa'i phra rgyas gang dag yin pa'o/ /rgyas par mi 'gyur ba gang zhe na/ sems de dang mtshungs par ldan pa spangs pa'i phra rgyas gang dag yin pa'o/ /yang phra rgyas dang bcas pa'i sems gang zhig yin la/ de dag ji ltar phra rgyas bcas pa yin zhe na/ re zhig phra rgyas dang bcas pa ni ji skad du bshad pa'i khams gsum pa rnam pa bco lnga'o/ /rnam pa gnyis kyis na phra rgyas dang bcas pa zhes bya ste/ rgyas par 'gyur ba'i ngo bo dang/ ldan? cig pa'i ngo bos so/ /de dang mtshungs par ldan pa'i phra rgyas spangs pa'i spangs pa rnams kyis de la dmigs pa yang spangs pa ni ma yin no/ /ji srid du phra rgyas de'i thob pa dag gis sems de'i rgyud gzung bar 'gyur zhing/ rgyud de las ma 'ongs pa'i rgyu mthun pa'i rgyu gzhag pa de srid du phra rgyas de sems de la rgyas par brjod do/ /spangs pa ni gnyen po skyes na thob pa'i 'chid ba dang bral ba'i phyir rgyas par mi 'gyur te/ gang zhig de dang lhan cig rgyu ba nyid kyis lhan cig dngos po'i dngos po yin pa de ni gnyen pos bsal bar mi nus pas spangs kyang nges sems de phra rgyas dang bcas pa kho na yin no/ /phra rgyas gang zhig sems de la ma spangs pa'am spangs kyang rung dmigs

  567. 284a

    pa'i sgo nas rgyas par 'gyur ba de spangs pa'i sems de ni phra rgyas dang bcas pa ma yin te/ phra rgyas kyi lam bzlog pa'i phyir ro/ /de dag gi dmigs par ni nam yang mi 'gyur ro/ /de la 'jig tshogs la lta ba dang mtshungs par ldan pa'i sems ni 'jigs tshogs la lta ba dang de dang mtshungs par ldan pa'i ma rig pas lhan cig pa'i dngos po dang/ rgyas par 'gyur ba'i dngos pos phra rgyas dang bcas pa yin la/ rang gi ris ma lhag ma dag dang/ kun 'byung mthong bas spang bar bya ba kun du 'gro ba dag gis ni rgyas par 'gyur ba'i dngos po sgo nas so/ /lhag ma dag gis ni gnyi gas kyang ma yin no/ /nyon mongs pa gzhan yang de bzhin du ci rigs par dpyad par bya'o/ /nyon mongs pa can ma yin pa ni/ rang gi ris pa dag dang/ kun du 'gro ba dag gis rgyas par 'gyur ba'i ngo bos phra rgyas dang bcas pa yin no/ /mdor bsdu na thams cad ma spangs pa nyid kyi nyon mongs phra rgyas bcas rnam gnyis yin te/ lhan cig pa'i dngos po dang rgyas par 'gyur ba'i dngos pos so/ /'ga' zhig ni spangs kyang nam zhig de las dmigs pa ma spangs pa dang spangs pa na ste/ ma spangs pa nyid ni nyon mongs pa can ma yin pa'i phra rgyas rnams kyis phra rgyas dang bcas pa yin no/ /spangs pa ni rgyas par mi 'gyur ba de la dmigs pa'i phra rgyas rnams sngar cig car spangs pa'i phyir nyon mongs pa can gyis sems phra rgyas par 'gyur ba'i phra rgyas rnams kyis phra rgyas dang bcas pa zhes bya'o/ /de la gang rnams kyi yin zhes bya ba mi shes pas de'i phyir de dang mtshungs par ldan pa dang de la dmigs pa 'am zhes bya ba

  568. 284b

    smos so/ /ci thams cad kyi tshe na yin nam zhe na/ smras pa ma yin te/ 'o na ci zhe na/ ma spangs pa zhes bya ba smos so/ /rgyas par mi 'gyur ba rnams kyis kyang zhes bya ba la/ phra rgyas dang bcas pa yin te/ zhes bya bar sbyar ro/ / ci? thams cad kyis de dang mtshungs par ldan pa dang de la dmigs pas yin nam zhen ma yin te/ 'o na ci zhe na/ de dang mtshungs par ldan pa'i sgo nas so/ /ci thams cad kyi tsha 'am zhen ma yin te/ spangs pa rnams kyis zhes smos so/ /ma spangs pa rnams kyis ni rgyas par 'gyur ba'i sgo nas kyang de phra rgyas dang bcas pa yin no/ /de nyid la rgyu bshad pa ni de dang lhan cig pa'i phyir ro/ /zhes bya ba ste/ gnyen pos ni nam yang sems nyon mongs pa las sogs shig du bya bar mi nus so/ /yang phra rgyas bcu po 'di dag ji ltar 'jug par 'gyur zhe na/ zhes bya ba 'byung ngo/ /thams cad thams cad kyi mjug thogs su skye ba'i phyir ro 'di dag skye ba la skye ba thams cad kyi la ni rim pa nges pa med mod kyi/ phal cher skye ba dang mthun pa'i sgo nas srid tshad la rim pa bstan pa'i dbang du byas nas re zhig dang po kho nar ma rig pa dang ldan pa las zhes bya ba rgyas par smos so// sdug bsngal las phung po bsal nas zhes bya ba ni/ 'di ni sdug bsngal ma yin no zhes bya bar ro/ /bdag tu mngon par zhen pa'i phyir ro zhes bya ba la/ 'dir bsam pa ni sdug bsngal la sogs pa'i rnam pa dag las bsal ba ste/ de'i phyir dgra? bo'i rnam par 'dzin pa las mngon par zhen pas de'i spyi'i rnam pa la log par lta ba shes kyi/ thams cad la skur dang btab pa ni ma yin no zhes bya ba 'di yin te/ gzhi med na de'i dgra zla'i rnam pa mi srid

  569. 285a

    pa'i phyir ro/ /grag go zhes bya'i sgra smros pa ni/ /log par lta ba las 'jig tshogs la lta ba kho na 'byung ngo/ /bya ba'i nges pa med par bstan pa'i phyir te/ 'di ltar res 'ga' mchog gam gtso por 'dzin pa las lta ba mchog tu 'dzin pa yang de'i mjug thogs su 'byung ba'i phyir ro/ /dgra por gyur pa zhes bya ba ni yang dag pa'i lta ba yang dgra bo yin mod kyi de las dmigs pa'i zhes sdang ni mthong bas spang bar bya bar mi rung ste/ de ni bsgom pas spang bar bya ba yin pa'i phyir/ /de'i bdag gzugs yin no/ /zhes bya ba de ltar lta ba'i dgra bo ni sems pa la sogs pa dag tu 'dzin pa'i lta ba yin te/ lta ba gzhan dang ldan pa'i lta ba gzhan la yang da yang de dang 'dra bar sbyar bar bya'o/ /de ltar dgra bor gyur pa'i lta ba'i rnam pa dag la sdang ba ni nyon mongs pa can gyi lta ba'i dbang du byas pa'i phyir yang dag pa'i lta ba dang mtshungs par rang gi lta ba la ste/ gzhan nyid la zhes bya ba'i don to/ /rang gi rgyud la yod pa'i lta ba yin pa'i phyir ro zhes bya ba ni mthong pas spang bar bya ba 'dod chags la sogs pa rnams ni kha nang du bltas te 'jug pa'i phyir ro/ /bsgom pas spang bar bya bar de ni sdang bas de ni dmigs zhe na/ thob pa de yang kha nang du phyogs pas 'jug pa'i phyir lta ba la dmigs par mi nus so/ /gzhan dag na re/ rang gi lta ba la lhag par zhen pa de ni nges par gzhan gyi lta ba la sdang bar 'gyur te/ dper na bdag tu lta ba bdag med par lta bar sdang ba bzhin/ /yang ji ltar nyon mongs pa skye zhe na de skye ba'i brgyu mang po zhig mthong ste/ skal ba mnyam pa'i ris mthong ba ni skal ba mnyam pa'i ris nges pas nyon mongs pa kun du 'byung ba'o/

  570. 285b

    dper na 'dod chags drag po nyid kyis bya dur ba la sogs pa dang kho na drag po nyid kyis sprul sogs pa rnams phrad pa las nyon mongs pa snang ba bzhin no/ /ba ha bo hi satwa ka lya NA sha yA b+ha bya(mdo 'grel): sh+re ya sa ma d+hi gan+tuM pi Sha ya sampata sa ma ga mya b+ha bya tAM gats+tshan+ti/ yul mthun pa las kyang nyon mongs pa kun tu spyod pa yin te/ 'di ltar 'dod chags drag po/ /lhod pa dAk+Shi NA tya/ rnams dang zhe sdang drag po/ sems can dge ba'i bsam pa mang ba ni bskal pa can de legs par rtogs pa'i yul phun sum tshogs pa dang phrad pa las bskal pa can nyid du 'gyur ro// byed pa u dI tsya?/ rnams la mthong ngo/ /dam pa ma yin pa'i gtam nyan pa yang nyon mongs pa skyes pa'i rgyu ste yin la/ bde ba la sogs pa yang nyon mongs pa skye ba'i rgyu/ 'di ltar bde ba mang ba las 'dod chags dang ldan par 'gyur la/ sdug bsngal mang po las zhe sdang shas che ba yin no/ /chang 'thung ba la sogs pas kyang nyon mongs pa yongs su snang ba yin te/ khyad par de dag la rag lus pa nyon mongs kun du spyod do/ /gang dang gang gis nyon mongs pa shin du bstan pa de dang de yis skye bar 'gyur ro/ /rang gi rten dang mthun pa'i yul rnyed pa las kyang nyon mongs pa skye ba'i rgyur 'gyur te/ dus gang yang rung ba kha cig tu nyon mongs dang mthun par 'gyur ba de lta bu la sogs pa'o/ /skye ba na gtso bo'i rgyu gsum gyis skye te/ phra rgyas spangs pa ma yin dang zhes bya ba rgyas par 'byung ngo/ /ma spangs shing zhes bya ba ni de'i thob pa ma bcad pa'i phyir ro/ /yongs su ma shes pa yin zhes bya ba ni de'i gnyen po ma skyes pa'i phyir ro/ /yang na rgyu rnam pa gsum gyis ma spangs pa zhes bya ste/ thob pa ma bcad pa'i phyir dang gnyen po ma skyes pa'i phyir dang/ dmigs pa yongs su ma shes pa'i phyir ro/ /spangs pa yang rnam pa gnyis te/ lhag ma dang bcas par

  571. 286a

    spangs pa dang/ lhag ma med par spangs pa'o/ /de'i phyir ma spangs pa yongs su shes pa zhes smos so/ /'dod pa'i 'dod chags kyi kun nas dkris pa dang mthun pa'i chos rnams kyang snang par gyur pa yin zhes bya ba ni/ 'di dag gi kun nas dkris pas na kun nas dkris pa dang mthun pa ste/ dper na 'dis myos par byed pas na myos par 'gyur ba bzhin no/ /'dod pa'i 'dod chags kyi kun nas dkris pa dang mthun pa ni 'dod pa nyid 'dod chags kyi kun nas dkris pa dang mthun pa ste/ 'dod pa'i 'dod chags kyis kun nas dkris pa dang rjes su mthun zhes bya ba'i tha tshig go/ de dag kyang gzugs dang sgra la sogs pa yul rnams so/ /snang bar gyur pa yin zhes bya ba ni yul gyi dngos por gnas zhes bya ba'i don to/ /de la yang tshul bzhin ma yin pa yid la byed pa yin zhes bya ba ni snang bar gyur pa'i yul de la'o/ /yid la byed pa phyin ci log ni tshul bzhin ma yin pa yid la byed pa'o/ /mtshungs pa de ma thag pa'i skyen 'dod pa'i 'dod chags kyi phra rgyas de ni rgyu'i stobs so/ /'dod pa'i 'dod chags kyis kun nas dkris pa dang mthun pa'i chos rnams ni yul gyi stobs so/ /tshul bzhin ma yin pa yid la byed pa ni sbyor ba'i stobs so/ /gal te nyon mongs pa rgyu gsum gyis skye bar 'dod na ji ltar dgra bcom pa yongs su nyams par 'gyur te/ de la phra rgyas ma spang pa 'ga' yang yod pa ma yin pa'i phyir ro zhe na/ nyes pa 'di ni med de rgyu tshang ba khon rgyu gsum gyis skye bar 'dod kyi/ thams cad ni ma yin no/ /res 'ga' yul gyi stobs kyis skye'i zhes bya ba rgyas par 'byung ste/ grag go zhes bya ba'i gra ni rgyu ma tshang ba'i 'bras bu ni skye ba yod pa ma yin no zhes bstan par bya ba'i phyir ro/ sbyor ba bzhi ste de dag

  572. 286b

    nyid do zhes bya ba ni 'dod pa'i sbyor ba dang/ sred pa'i sbyor ba dang/ lta ba'i sbyor ba dang/ ma rig pa'i sbyor ba'o/ /phra rgyas kho na zhes nges par gzung pa ni kun nas dkris pa bsal bar bya ba'i phyir ro/ /ma rig pa logs shig kho na ma rig pa'i zag par bshad pa de'i phyir ma rig pa ma gtogs bar zhes bya bar sbyar te zhes khyab smos so/ /ci'i phyir 'dir de smos ce na zhes bya ba ni kun nas dkris pa rmugs pa dang rgod pa'o/ /rang dbang can ma yin pa'i phyir ro zhes bya ba la ji ltar rang dbang can ma yin zhe na/ 'dod chags la sogs pa dang mtshungs par ldan pa'i phyir ro/ /ji ltar phrag dag dang/ ser sna dang/ 'gyod pa dang/ khro ba dang/ 'chag pa rnams ma rig pa tsam dang mtshung par ldan pa'i phyir rang dbang can yin pa lta bu ni ma yin no/ /kha cig smos pa ni de lta na 'dod pa'i khams kyi ngo tsha med pa dang/ khrel med pa dang/ rmugs pa dang/ rgod pa rnams kyang rang dbang can ma yin pa'i phyir 'dod pa'i zag par bsdus par mi rigs so zhes na 'dir rang gi 'jug pa shas che ba mi srid pa'i phyir rang dbang can ma yin pa yin gyi nyon mongs pa gzhan dang mtshungs par ldan pa'i phyir ni ma yin no zhes bya ba'o/ /'dod pa'i khams su 'di dag dang ngo tsha med pa dang khrel med pa dag kyang nyon mongs pa gzhan dan mtshungs par mi ldan pa nyid kyis rang dbang can gyi kun nas dkris pa ste/ nyon mongs pa gzhan dang mtshungs par ldan pa ni ma yin pa'i phyir ro/ /gzhan dag na re/ kun nas dkris pa rnams kyang khams kyi sgo nas/ tha dad pa ma yin pas rgod pa dang 'gyod pa dag srid pa'i zag par ma bshad do/ /ci ste 'di dag khams kyis tha dad par 'dod na srid pa'i zag pa rnams rdzas lnga bcu rtsa drug tu 'gyur

  573. 287a

    la/ de lta na rab tu byed pa'i gzhung dang mthun par 'gyur ro zer ro/ /gnyis la yang zhes bya ba ni/ gzugs dang gzugs med par gtogs pa'i lung du ma bstan pa dag ste/ gong ma thams cad lung ma bsten zhes 'byung ba'i phyir ro/ /slob dpon 'dus bzang na re/ gzugs dang skra dang reg bya'i yul la 'jug pa'i phyir de/ kha cig ni kha phyir bltas pas 'jug pa yin la/ de'i phyir tshes? gsal ba bzhin no/ /gang dag rgyu gsum gyis brjod par bya ba gnyen po gcig ste/ de yang mi gsal ba nyid do bsgom pas spang bar bya ba rnams gnyen po tha dad pas de'i phyir phal cher kha nang du bltas te 'jug pa nyid kyi rgyu gsum pa legs te de nyid kyis srid pa'i zag pa zhes so/ kha ni nang du bltas phyir de/ thar pa'i 'du shes bzlog phyir bshad/ ces gzugs dang gzugs med par gtogs pa'i phra rgyas rnams srid pa'i 'dod chags bzhin du gcig tu byas nas srid pa'i zag ba zhes bshad do zhes zer ro/ /rdzas bco lnga zhes bya ba ni khams gsum po re re yang ma rig pa lnga lnga yin pa'i phyir ro/ /de dag thams cad kyi zhes bya ba ni 'dod pa'i zag pa la sogs pa dag dang 'khor ba'i ste/ mdo las kun du chags par byed pa'i rgyu ni ma rig pa'o zhes rgyas par gsungs la/ slar yang 'jig rten 'di dang pha rol na/ 'dod dang chags pas bslang ba yi/ ngan 'gro gang dag ci yod pa/ thams cad ma rig rtsa ba can zhes gsungs so/ /yongs su bgrang pa'i sgo nas ni nyon mongs pa brgya rtsa ba byed? ces bshad do/ /'jig pa'i rjes su ni mthun lo zhes bya ba ni gnas pa'i rjes su mi mthun zhes bya ba'i don to/ /lta ba rnams 'ba' zhig g.yo ba'i phyir dang

  574. 287b

    gsal ba'i phyir 'jog pa'i rjes su mi mthun gyi/ nyon mongs pa gzhan dag dang lhan cig pa rnams ni zag pa'i don 'dzin par byed pas 'dod pas dang srid pa'i zag pa'i nang du bkod do/ /gzhan dag na re/ sdud pa ni nyon mongs pa bzung ba'i don du ste/ chu bo dang sbyor ba dang nyer? bar len pa rnams par bzhag pa ni ma yin no/ /ji ltar yang 'dir don gzhan nyon mongs pa rnams kyi nus pa kho na gcig pu ste/ lta ba gzhan ni gsal ba nyid dang sdud pa dang sbyor ba dang 'dzin par nus pa'o zhes zer ro/ /chu bo dang sbyor ba dang nye bar len pa rnams ni tha dad du rnam par bzhag bo/ /saM sA re pu nasta lya(mdo 'grel): sri thagdza narya yo rA syA stu lyA yI tsA syA yaM pri thagdza na me bA sha yan+ti driSh+Ta yo nA ra mi ti/ de rnams mdza' dag gi don dang mi ldan pa'i phyir de rnams zag pa rnams las logs su ma bshad do/ /gal te lta ba rnams ('phor bar yang mtshungs so skye bo 'phags pa dag mtshungs pa la 'dis skye bo kho na sems rnam pa mthong 'phags pa ma yin) g.yo ba'i phyir dang/ gsal ba'i phyir zag pa dag tu logs shig tu ma bshad na/ des na ma rig pa yang brtan pa'i phyir dang/ mi gsal ba'i phyir chu bo dang sbyor ba dag tu logs shig tu bstan par mi bya'o zhes bstan phyir ro/ /lam gyi dgrar gyur pa'i phyir dang zhes bya ba ni/ grangs can gyi rnal 'byor shes pa la sogs pa dag gis thar pa thob pa'i phyir ro/ /zas mi za ba la sogs pas zhes bya ba la sogs pa zhes bya ba smos pas chu dang mar 'jug pa dag bsdu'o/ /yul yid du 'ong ba yongs su spongs? pa zhes bya ba ni/ dga' ba spongs pa ste/ sa la nyal ba dang/ dri ma dang/ 'dam rdza bsrel ba dang/ sgren mo rgyu ba dang/ skra 'bal ba la sogs pa de lta bu la sogs pas dag par yid ches pa'i phyir ro/ /de'i phyir bsres

  575. 288a

    so zhes grag go zhes bya ba la/ grag go zhes bya ba'i sgra ni 'dun pa'i 'dod chags kho na nye bar len pa yin pa'i phyir nye bar len pa nyid du ma bshad kyi/ 'dzin par byed pa ma yin pa'i phyir ni ma yin no zhes mthong nas smos so/ /lta ba'i sbyor ba yang de dang 'dra ba'i bar du zhes bya ba la/ lta ba'i sbyor ba gang zhe na/ byis pa so so skye bo thos pa dang mi ldan pas lta ba rnams kyi kun 'byung ba dang/ nub pa dang/ ro myang ba dang/ nyes dmigs dang/ nges par 'byung ba yang dag pa ji lta ba bzhin du mi shes so zhes bya ba rgyas par 'byung ba nas 'di'i lta ba rnams la lta ba la 'dod pa dang/ lta ba la 'dun pa dang/ lta ba la sred pa dang zhes bya ba'i bar du rgyas par 'byung ste/ slob dpon gyis 'dod pa la sogs pa dag 'dun pa'i 'dod chags kyang 'dod pa'i sbyor ba la sogs pa ltar 'dod pa la sogs pa'i nye bar len pa yin gyi nyon mongs pa thams cad ni ma yin no zhes bshad do/ /gzhan dag na re/ 'di ni 'dun pa'i 'dod chags nyid de/ sbyor pa nye bar len pa rnam la de gtso bo yin pa'i phyir de la spyod pa'i gdul bya la dgongs te gsungs so zhes zer ro/ /chu bo dang 'dra bas de ltar chu bo ste bzhi zhes bshad do/ /gzhan du chu bo lnga ste/ 'dir rgal zhing sgrol bas na zhes grag go/ ji ltar kun du sbyor ba ma yin pa rnams zhes bshad ce na/ sbyor ba bzhi zhes bshad de/ sbyor ba dang kun du sbyor ba dag don cig pa nyid ma yin no// yang ci ltar 'di rtogs par bya zhe na/ 'di dgongs te gsungs pas yang sred pa'i bdag nyid kho na sbyor ba gsum zhes bya ba ma yin no/ /gang gi phyir kun du sbyor ba rnams ma yin zhes bshad pa la/ kun du sbyor ba dang sbyor ba

  576. 288b

    zhes bya ba 'di dag bcu gcig tu rtogs par bya ste/ nyon mongs pa thams cad la sbyor ba'i mtshan nyid yod pas so rgyu ba phra ba'i phyir zhes bya ba ni 'jug pa phra ba'i phyir zhes bya ba'i don to/ /ji ltar rgyu ba phra zhe na/ de'i phyir rtogs dka' bas zhes bya ba smos so/ /de nyid kyi phyir 'phags pa kun dga' bos/ nA b+hi dzrA na mi sa brahmA tsA ri Non+ti ke pa ri b+ha bi tu mutpa da yi tu na tuk+ta na botpa di ta mi ti/ phra pa ni nga rgyal gyi phra rgyas kun du spyod pa'i rang bzhin te/ ngo bo nye bar mi mtshon zhes bya ba'i don to/ /phra ba zhes bya ba ni tha na skad cig gcig ste/ rdul phra rab gcig la yang rgyas par 'gyur zhes gzhan dag zer ro/ /rjes su 'brel pa zhes bya ba ni de dag gi rgyun te/ thog ma med pa'i dus nas thob pa dang 'brel cing thob pa rgyun mi 'chad pa'o/ /dmigs pa dang mtshungs pa'i sgo nas zhes bya ba la/ dmigs pa'i sgo nas ni glags tshol ba'i dgra bo bzhin dang mthong ba'i dug bzhin no/ /mtshungs par ldan pa'i sgo nas lcags kyi gong bu chur phying? ba bzhin dang/ reg pa'i dug bzhin no/ /gnyis ga'i sgo nas ni ma mas gzhon nu bzhin du rgyas par byed de/ de ni gzhon nu 'phel bar byed nye bar rtas par byed pa de bzhin du de dag kyang dmigs pa dang za mtshungs par ldan pa dag gis rang gi rgyud 'phel bar byed do/ /thob pa rnams kyis nye bar rtas par byed do/ /rjes su 'brang bas ni nye bar gnon te rims nyin bzhi pa bzhin no/ /gzhan dag na re byi ba'i dug bzhin no zhes zer ro/ nges pa'i tshig gis rgyun gyi rjes su 'gro bas rgyud rgyas par byed pa'i phyir phra rgyas te gnas par byed do zhes bya ba'i don to/ /yang na rjes su 'gro bar byed pa 'am leg par nyal du 'jug pas na phra rgyas te/ ji lta ba bzhin du

  577. 289a

    sgrub pa la kun du rmongs par byed ces bya ba'i don to/ /dus ring ba dang rjes su 'brel bar sems can rnams srid pa'i btson rar nyal du 'jug pas phra rgyas te/ 'dod chags pa kho na phra rgyas te khro bo la sogs pa rnams ma yin no zhes so/ /ci las 'di gnas pa 'phags zhe na/ 'di brtan par gnas pa seng ldeng gi me 'dag bzhin no/ /khro ba la sogs pa rnams ma yin no zhes so/ /de'i phyir 'di phra rgyas te kho na gyi bag la nyal ba bzhin no/ /gal te kho na du 'dzin pa la yang thal bar 'gyur ro zhe na/ ma yin te phra rgyas rnams kyi bya ba rjes su 'brel ba med pa'i phyir dang/ bya ba sngon du 'gro bas ni khon du 'dzin pa dgra dang rjes su 'brel bas rang bzhin gyis lci ba'i phyir dang/ phra rgyas rnams kyi bya ba sngon du 'gro ba ma yin pa ni rjes su 'brel ba dam pas khon du 'dzin pa khong khro'i rjes su spyod pa'i phyir ro/ /khong khro'i rgyu mthun pa ni khon du 'dzin pa ste/ de spyod pa dang de'i rjes su spyod pas khong khro'i rnam pa'i rgyu mtshan yang yang dran pas khong khro ba nyid spyod pas de'i phra rgyas nyid du ba la ba med do/ /'jog par byed pas zhes bya ba la/ de dang ldan pa mi g.yo ba'i tshul gyis 'khor bar sbyor bar byed ces bya ba'i don to/ /'dzag pas na zhes bya ba rgyas par 'byung ba ni srid pa'i rtse mo las 'dod chags dang ma bral ba yang skye mched drug gi rten nas mnar med pa'i nyon mongs pa kun du spyod pa'i phyir ro/ /yang na der skyes pa yang der skye bar rung ba'i dbang du mdzad nas mnar med pa'i bar du 'dzag dpas na zhes bya ba smos so/ /khyer bar byed pas na chu bo dag yin no zhes bya ba ni shin du tshul khrims las nyams par byed ces bya ba'i don

  578. 289b

    to/ /yang na khams dang skye gnas 'gro ba gzhan du khyer par byed pa'i phyir ram/ yul dag la rnam par shes pa 'jug par byed pa'i phyir khyer bar byed pas na zhes brjod do/ /'byar par byed pas na sbyor ba dag yin no zhes bya pa ni/ khams dang 'gro ba dang skye gnas la sogs pa dag tu sbyor bar byed pa'i phyir ro/ /nye bar 'dzin pas na nye bar len pa ste/ de dang der lus 'dzin pas na nye bar len pa dag go /'di skad du ches shin du legs pa yin no/ zhes bya ba ni/ bye brag tu smra ba'i zag pa'i 'dod pa 'di ches legs pa yin no zhes bya ba'o/ /lung ston pa'i tshul la khrid pas zag pa zhes 'thob bo/ /des na zhar las 'byung ba 'dis thams cad la skyon med pa nyid du tshig rnam par sbyar ba gsungs so/ /de dag gis zhes bya ba rgyas par 'byung ngo/ /dge ba'i chos rnams kyis mngon par 'du byed pa chen pos sems kyi rgyud kyi gru zlog phyogs su dkris shing yul dag las bzlog pa dang/ de bzhin du nyon mongs pa rnams kyis chus rgyun phyogs su rang gi ngang gi 'khyed par byed do/ /de dag gis de dag dang ldan pa khyer bar 'gyur ro zhes bya ba la/ ji ltar zhe na/ de'i phyir de'i rjes su byed pa'i phyir zhes bya ba smos so/ /sdug bsngal sna tshogs dang sbyor ba'i phyir zhes bya ba ni skye ba la sogs pa'i sdug bsngal sna tshogs pa dag dang sbyor ba'i phyir zhes bya ba'i don to/ /yang na yang dang yang du rjes su 'brel ba'i sgo nas so zhes bya ba ni sbyor bdag go zhes bya bar skabs dang sbyor ro/ /de'i? phyid de ltar na chu bo ni res 'ga' yin la/ sbyor ba ni thams cad kyi tshe yin no zhes bstan par 'gyur ro/ /'dod pa la sogs pa nye bar len pa'i phyir nye bar len pa rnams yin no zhes bya ba

  579. 290a

    gang gis 'dod pa dag nye bar len pa de ni 'dod pa nye bar len pa ste/ 'dod pa dag la 'dun pa gang yin pa'o/ /de bzhin du lta ba dang tshul khrims dang/ brtul zhugs dang bdag tu sgra ba nye bar len par yang ci rigs par rig par bya'o/ de la kun du sbyor ba ni dgu ste zhes bya ba rgyas par 'gyur ba ni/ yul rnams dang skye ba dag la kun du sbyor bar byed pas na kun du sbyor ba rnams te/ ji skad du/ mig gis ni gzugs dag la kun du sbyor ba ma yin gyi/ /'on kyang 'dun pa'i 'dod chags gang yin pa 'di 'dir kun tu sbyor ba yin no zhes gsungs la/ slar yang byis pa so so skye bo thos pa dang/ mi ldan pa ni bcings bzhin du skye/ bcings bzhin du 'chi/ bcings bzhin du 'jig rten 'di nas pha rol du 'pho'o zhes gsungs so/ /yang na 'di rnams yod na sdug bsngal gyi khyad par du ma dang kun du sbyor bas na kun du sbyor ba rnams te/ nyon mongs pa thams cad kyi gzhir gyur pa'i phyir ro/ /de la rjes su chags pa'i kun du sbyor ba ni khams gsum pa'i 'dod chags te/ rten dang dmigs pa'i sgo nas kyang 'dod chags pa yin te/ yang yul yid du 'ongs par gyur pa la mngon par dga' ba'i 'du byed dang/ sems pas dngos po 'tshogs chos dang bcas pa dag la mngon par zhen pas gang yin pa'o/ /de ci'i phyir rjes su chags pa zhes bya zhe na/ nyon mongs pa can gyis sems dang rjes su mthun pas mi mthun pa'i 'du shes can de dang bral bar 'dod pa yongs su gyur pa'i sems phyir phyogs pa ni khong khro'o/ /nga rgyal bshad pa las nga rgyal rnam pa bdun zhes bya ba der ma rig pa'i kun du sbyor ba khams gsum

  580. 290b

    pa'i mi shes pa ste/ rten gyi sgo nas yin gyi dmigs pa'i sgo nas ma yin no/ /zag pa med pa khams su ma gtogs pa'i phyir dang/ ma rig pa yang de la dmigs pa'i phyir zhes so/ /de yang rten ci dang 'brel bar 'byung ba bstan par rgyas par bshad do/ /lta ba mchog du 'dzin pa'i kun du sbyor ba log par nges par rtog pa'i mtshan nyid 'jig tshogs la lta ba la sogs pa rnams kyi ni khyad par gyi mtshan nyid gang zhe na de rgyas par bshad zin to/ /lta ba lnga ste/ 'jig tshogs la lta ba dang mthar 'dzin par lta ba zhes bya ba de la 'du byed rnams bdag tu khas blangs nas rtag pa dang chad par lta ba ni mthar 'dzin par lta ba'o zhes mthar 'dzin pa'i mtshan nyid gang yin pa ni bshad zin to/ /'dir chad par lta ba zhes bya ba de ci zhe na 'du byed rnams phan tshun mi 'jug go zhes mngon par zhen pa'o/ /'o na 'di log par lta ba nyid du 'gyur ba ma yin nam zhe na/ yang srid med na 'di yod par brjod par bya dgos so/ /'di'i rang bzhin dang khyad par dang rnam pa mtshungs pa ci zhe na/ sred pa dang byams pa dag sbyor ba 'dra ste/ dper na nyon mongs pa can gyis sems kyis gzhan la phan 'dogs pa'i sbyor ba ni sred pas kun nas bslang ba zhes bya'o/ /nyon mongs pa can ma yin pa'i sems kyis ni byams pas kun nas bslang ba zhes bya'o/ /rang bzhin dang khyad par dang rnam pa mtshungs pa nyid kyis log pa'i thabs kyis 'du byed rnams mi 'jug par lta bas med par lta ba 'di ni khyad par ro zhes so/ /dngos po 'tshog chas dang bcas pa dag la mngon par zhen pa gang yin pa'o/ /ci rigs par sbyar bar bya'o zhes bya ba ni/ khong khro ba dang/ phrag dog dang/ ser sna'i kun du sbyor

  581. 291a

    ba dag ni 'dod pa na spyod pa'o/ /rjes su chags pa dang/ nga rgyal dang/ ma rig pa dang/ lta ba dang/ mchog tu 'dzin pa dang/ the tshom gyi kun du sbyor ba dag ni khams gsum pa'o/ /rgyu ci zhe na/ ?? gi phyir lta ba'i phra rgyas dang lta ba'i kun du sbyor ba dang mchog tu 'dzin pa'i lta ba yang zhes so smras pa yod te zhes bya ba rgyas par 'byung ba ni dri ba'i lan 'debs pa'o/ /kun 'byung shes pa skyes la/ zhes bya ba 'dis ni lta ba'i kun du sbyor ba kun du 'gro ba spangs par ston to/ /'gog pa shes pa ma skyes pa'i tshe zhes bya ba 'dis ni mchog tu 'dzin pa'i kun du sbyor ba dang rjes su chags pa'i kun tu sbyor ba 'grog pa dang lam mthong bas spang bar bya ba ma spangs par bstan to/ 'gog pa dang lam mthong bas spang bar bya ba rgyas par 'byung ste/ de dag dang ni rjes su chags pa'i kun du sbyor ba rang gi ris pa de las dmigs pas ldan gyi/ de dang mtshungs par ldan pa ni ma yin te/ mtshungs par ldan pa med pa'i phyir ro/ /kun du 'gro ba ni spangs pa'i phyir la zhes bya ba ni sdug bsngal dang kun 'byung mthong bas spang bar bya ba'i lta ba'i kun du sbyor ba kho na kun du 'gro ba yin la/ de ni spangs pa yin no/ /'o na de'i lta ba'i kun du sbyor ba kun du 'gro ba ma yin pa ma spangs te/ nges par 'gyur ro zhe na/ de'i phyir kun du 'gro ba ma yin pa zhes bya ba rgyas par 'byung ste/ der lta ba'i kun du sbyor ba kun du 'gro ba ma yin pa ni log par lta ba yin na/ de ni 'gog pa dang lam la dmigs pa yin gyi/ mchog tu 'dzin pa dang mtshungs par ldan pa'i tshor ba yin ma yin la/ lta ba gnyis la mtshungs par ldan pa'i/ mtshungs par ldan pa

  582. 291b

    dag la dmigs pa dag la dmigs pa tha dad pa yod pa yang ma yin no/ /rdzas dang mchog 'dzin 'dra ba'i phyir zhes bya ba rgyas par 'byung ba la/ yang rdzas 'dra bas don ci zhig rnyed ce na/ kun du sbyor ba'i don nyid zhes smra'o/ /'di skad bstan par 'gyur te/ ji ltar 'dod chags la sogs pa dag re re kun du sbyor ba'i don 'dzin pa de bzhin du lta ba dag gsum du gyur nas don de 'dzin no/ /de lta ma yin na 'jig tshogs la lta ba la sogs pa'i kun tu sbyor ba yang ston bar 'gyur ro/ /lta ba gsum gyi nus pa ji lta ba bzhin du lta ba gnyis kyi nus pa yang 'dra ba las yin par lta'o/ /de'i phyir de dag log su kun tu sbyor ba nyid du ni ma bstan to/ /de lta na 'o na 'jig tshogs la lta ba dang lta ba mchog tu 'dzin pa lhan cig bya ba la tshul khrims dang brtul zhugs mchog tu 'dzin pa dang log par lta ba de bzhin kho nar rdzas mtshungs pa yin no/ /rgyu ci zhe na/ ji ltar bkod pa nyid kyi rigs pa dang nges pas mchog tu 'dzin par mtshungs pa'i phyir ro/ /gzhan dag na de rtags dang rdzas 'dri ba la ltos nas yin no zhe'o/ /gzung ba 'dzin pa tha dad pa'i phyir ro zhes bya ba la gzung ba ni lta ba gsum mo/ /'dzin pa ni mchog tu 'dzin pa gnyis so/ /ji ltar zhe na/ cig gis ni lta ba gang gis bdag go snyam pa dang/ gang gis med do snyam du sems pa de mchog tu 'dzin la/ gzhan gyis ni dag par 'dzin te/ de'i phyir ma 'chol bar bstan par bya ba'i phyir yin no/ /gzhan dag na re/ srid pa'i longs spyod la lhag par zhen pa rnams lta ba'i kun tu sbyor bar lhag par 'ching la/ mya ngan las 'das pas dag par 'dod pa rnams mchog tu 'dzin pa'i kun tu sbyor bas so zhes zer ro/ /the tshom gyi kun tu sbyor ba ni

  583. 292a

    bde ba rnams la the tshom dang yid gnyis za ba'i shes rab po/ /the tshom la bi ma ti zhes bya ba'i sgra ni de las rdzas gzhan du bstan pa'i don te/ rnam par shes pa bzhin no/ /de nyid kyi phyir nye bar bsgyur ba'i khyad par las rkyen gzhan du ba lta ste/ kun tu dad ba dang rab tu dang pa bzhin no/ /bsdug bsngal nwi dam na nwi dam sdug bsngal zhes bya ba la sogs pa la/ yang dag par nges pa bzhin 'byung ba dang log par nges pa bzhis sdug bsngal la sogs pa'i bden pa tha dad pa rnams la gzhan du the tshom dang som nyid brjod do/ /the tshom ma yin zhes bya ba ni de yang lta ba dang bden pa rnams la yang ngo/ /de'i phyir gang zhig de rnams la zhes bya ba la sogs pa'o/ /phrag dog ni sems rtsub po'o zhes bya ba la/ phrag dog ni gzhan las mngon par mtho par 'dzin pas de'i phyir gzhan gyi phun sum tshogs pa la mi bzad pa sngon du 'gro ba'i sems kun tu gdung ba dang rtsub pa zhes bya'o/ /de nyid ni khong khro'i rgyu mthun pa yin pa'i phyir dang/ gzhan la gnod par zhugs pa'i phyir dang/ yid mi bde ba dang rjes su 'brel pa'i phyir byang gi sgra mi snyan ma gtogs pa'i 'dod pa'i khams nyid na dmigs shing mngon du gyur pa'i sgo nas kyang lnga no/ /ser sna ni sems kyi kun tu 'dzin pa ste/ dngos po la mngon par zhen pa sngon du 'gro ba de dang mi 'bral bar 'dod pa nyid do/ /'di yang chags pa'i dri ma yin pa'i phyir dang/ yo byad lhag par gnas pas zhugs pa'i phyir 'dod pa'i khams nyid na yod do/ /kun nas bkris pa gzhan ni de lta bu'i rigs can yod pa ma yin no zhes rgyas par 'byung ngo/ /ngo tsha med pa dang khrel med pa gnyis ni gcig tu mi dge ba yin mod kyi/ rang dbang can ni ma yin

  584. 292b

    la/ 'gyod pa ni rang dbang can yin mod kyi/ gcig tu mi dge ba ni ma yin te/ de ni dge ba yang yin pa'i phyir ro/ /gzhan dag ni gnyi ga yang ma yin no/ /kun nas dkris pa bcu po de las gzhan pa ni rgyu nyid du smra te/ shin tu rno ba dang/ yang yang kun tu 'byung ba'i phyir dang/ dbang chung bar grags pa dang/ longs spyod chung ba'i rgyu nyid yin pa'i phyir ro/ /thams cad mtshan pa'i phyir nyon mongs pa rnam pa gnyis po kun du gdung ba dang lhan cig pas thams cad bzhir bstan pa yin no/ /khyim pa dang rab tu byung ba'i phyogs dag la so sor longs spyod dang chos kyi gnas dag la nyon mongs par byed do/ /lha dang lha ma yin gyi phyogs dag la/ shish+no da ra'i rgyu'i phyir te nyid kyi phyir/ lha dang mi rnams ni phrag dog dang ser sna'i kun tu sbyor ba can yin no zhes gsungs te/ de ltar phrag dog dang ser sna dag ni kun tu sbyor ba logs shig pa yin no/ /tha ma'i cha ni 'dod pa'i khams yin la/ zhes bya ba ni/ khams gsum gyi dbang du byas nas cha yin la/ tha ma ni tha chad yin te/ gcig tu mnyam par ma bzhag pa'i phyir dang/ mi dge ba'i chos yod pa'i phyir dang/ ngan 'gro'i 'gro ba yod pa'i phyir dang/ nyon mongs pa sdug pa'i phyir ro/ /gnyis kyi 'dod pa las mi 'da' la zhes bya ba ni/ de dag ma spangs na 'dod pa'i khams las mi 'da' ba' i phyir ro/ /gsum po yis ni phyir zlog byed ces bya ba ni 'jig tshogs la lta ba la sogs pa rnams gtugs te/ ma spangs na slar 'dod pa'i khams su bzlog pa'i phyir/ 'di dag ni tha ma'i cha dang mthun pa yin no/ /sgo ba dang rjes su 'brang ba dang/ chos mthun pa'i phyir ro zhes bya ba la/ sgo bas ni nye ba can 'byung ba las zlog par byed la/ dbyug pa dang/ zhags pa can? nam

  585. 293a

    sgo ba'i rjes su 'brang ba gzhan gyis ni de dag med par 'gyur bas nyes can byung zhing thag ring por phyir zlog par byed pa de bzhin du 'dir yang yin no/ /gsum gyis ni sems can gyi tha ma zhes bya ba rgyas par 'byung ngo// mdza' ma'i cha ni gnyis te/ khams las ni 'dod pa'i khams so/ /sems can rnams las ni so so'i skye bo'o/ /de la 'phags pa'i chos thob kyang khams tha ma las mi 'da' ba gang yin pa de ni 'dod pa la 'dun pa dang/ /gnod sems kyi kun du sbyor ba dang ldan pa'i phyir ro/ /'dod pa dang gzugs las 'dod chags dang bral yang so so skye ba nyid las mi 'da' zhing phyir la 'dod pa'i khams dang sems can gyi tha ma la rten pa gang yin pa de ni 'jig tshogs la lta ba dang/ tshul khrims dang brtul zhugs mchog tu 'dzin pa dang/ the tshom gyi kun du sbyor ba dang ldan pa'i phyir ro/ /tha ma'i cha dang mthun pa lnga nyid de/ 'jig tshogs la lta ba ngang tshul khrims dang brtul zhugs mchog tu 'dzin pa dang the tshom rnams kyang ngo/ /ci'i phyir 'dod chags la sogs pa dag por nas zhes 'di ci ste ma brtsad ce na/ yongs su gtugs te zhes gsungs la/ yongs su gtugs pa yang ma lus par zad pa yin na/ de'i 'dod chags la sogs pa bsgom pas spang bar bya ba ni zad pa yang ma yin pas ma brtsad do/ /de dag thams cad brjod par bya ba ni yin mod kyi zhes bya ba ni lta ba gsum mo/ /nyon mongs pa ni rnam pa gsum ste zhes bya ba ni/ mthong bas spang par bya bar sbyar ro/ /rnam pa gcig dang zhes bya ba ni/ 'jig tshogs dang/ mthar 'dzin par lta ba dang/ de dag la dmigs pa the tshom dang/ de dag la dmigs pa'i 'dod chags la sogs pa dag go /de dag gi

  586. 293b

    sgo ni 'di gsum gyis bsdus so zhes bya ba ni/ rnam pa gcig gi sgo ni 'jig tshogs la lta bas bsdus so/ /rnam pa gnyis kyi ni tshul khrims dang brtul zhugs mchog tu 'dzin pas so/ /rnam pa bzhi'i? ni the tshom gyis so// de'i de dag spang bar gsungs pas de'i rnam pa can lhag ma rnams kyang spangs par gsungs par rigs par bya ba ste/ phyogs tsam zhig bstan pa'i phyir ro/ /gzhan yang mthar 'dzin par lta ba ni 'jig tshogs la lta bas rab tu btsug la zhes bya ba ni/ bdag tu mngon par 'dod pa'i dngos po la rtag pa dang chad par 'dzin pa'i phyir ro/ /de'i phyir de yang spangs par gsungs par 'gyur te/ rtag pa rang chad par brtag pa'i gzhi med pa'i phyir ro/ gzhan la yang de dang 'dra bar brjod par bya'o/ /de la 'jig tshogs la lta bas ni zhes bya ba rgyas par 'byung ba la/ der de'i bdag por 'gyur ro zhes/ thar pa la skrag par 'gyur ro/ /gzhan dag na re/ 'du byed rtag par lta bas thar pa la 'dod pa mi skye zhing/ 'jig rten pa'i lam mthong bas kyang lam 'khrul bar 'gyur la/ lam med do zhes bya ba de ltar mthong bas kyang de nyid kyi lam mi sgrub bo/ de'i phyir rtsa ba bsdus pas gsum kho na gsungs so zhes rig par bya'o zhes zer ro/ /gong ma'i cha dang mthun lnga nyid/ ces bya ba la/ gong ma'i cha ni gzugs dang gzugs med pa'i khams te/ de'i rgyur gyur pa'i phyir gong ma'i cha dang mthun pa'i zhes bya'o/ /ji ltar 'di dag de dang mthun pa yin zhe na/ de'i phyir de dag ma spangs par khams gong ma las mi 'da' ba' i phyir ro zhes bya ba smros so/ /'di dag rdzas kyi sgo nas brgyad yin te/ rgod pa dang nga rgyal dang gti mug rnams gzugs dang gzugs med pa so

  587. 294a

    so'i dbye bas gnyis yin pa'i phyir ro/ /bsgom pas spang bar bya ba rnams nyid gong ma'i cha dang mthun pa ste/ de nyid kyi phyir 'di dag gong ma'i cha dang mthun pa rnams so/ /ma spangs pa ni mthong bas spang par bye ba de kun du spyod pa'i phyir ro/ /mthong bas spang bar bya ba'i nyon mongs pa nye bar bsogs pa rnams ni tha ma rim dang mthun pa rnams su 'gyur ro/ /gong ma'i cha dang mthun par gsungs pa ni gzugs dang gzugs med pa'i dbang du byas par rtogs par bya'o/ /'dod pa na spyod pa'i rgod Fpa la sogs pa rnams 'dir skabs yod pa ma yin no/ /yang ci'i phyir rgod pa bzhin du rmugs pa gong ma'i cha dang mthun par bshad ce na ting nge 'dzin dang mthun pa'i phyir ro/ /rmugs pa ni ting nge 'dzin 'khrug par byed pa nyid kyi kun du sbyor ba'i ngo bo yin la/ rmugs pa ni ting nge 'dzin dang mthun par kun du spyod par ma bshad do/ /'di rnams kyis 'ching bar byed pas na 'ching ba ste/ 'dod chags dang 'bral bar 'gro ba la gegs byed ces bya ba'i tha tshig go /kun du sbyor ba dang 'ching pa rnams la mtshan nyid las tha dad pa ni yod pa ma yin mod kyi/ 'on kyang tshor ba'i dbang gis 'ching ba gi gsum du bshad do/ 'ching ba 'dod chags thams cad dang zhes bya ba ni/ khams gsum pa rnam pa lnga char yang ngo zhes bya bar stan to/ /zhe sdang dang gti mug kyang ci rigs par de dang 'dra bar rig par bya'o/ /sdug bsngal la ni zhe sdang ngo/ /bde ba yang ma yin sdug bsngal yang ma yin pa la ni gti mug ste/ dmigs pa dang mtshungs par ldan pa'i sgo nas zhes bya ba thams cad du yang dbang du bya bar sbyar ro/ /'dod chags dang

  588. 294b

    zhe sdang dag ni de ltar ma yin no zhes bya ba ni/ bde ba la ji ltar 'dod chags rgyas par 'gyur ba de ltar zhe sdang ba ma yin la/ sdug bsngal la ji ltar zhe sdang rgyas par 'gyur ba de ltar 'dod chags la ma yin te/ 'di ltar 'gri'i bde ba dang sdug bsngal dag la zhes sdang dang 'dod chags dmigs pa'i sgo nas rgyas par 'gyur gyi/ mtshungs par ldan pa'i sgo nas ma yin no/ /bde ba yang ma yin sdug bsngal ba yang ma yin pa la gti mug ji ltar rgyas pa de ltar 'dod chags dang zhe sdang dag ma yin no/ /yang na rang gi rgyud la yod pa'i dmigs pa'i sgo nas nges pa yin no zhes bya ba ni/ rang gi rgyud la yod pa'i bde ba dang ni dmigs pa dang mtshungs par ldan pa'i sgo nas rgyas par 'gyur la/ gzhan gyi rgyud la yod pa las ni dmigs pa tsam gyi sgo nas so zhe sdang la yang de bzhin du brjod par bya'o/ /gzhan dag na re/ rang gi rgyud la dmigs pa'i sgo nas ni/ bde ba las 'dod chags nyid du nges so/ /gzhan gyi rgyud la ni zhe sdang du 'gyur bar ma nges so zhes zer ro/ /de bzhin du zhe sdang la yang brjod par bya'o/ /gzhan dag na re/ phyi mo'i gnas lta bu yin pa'i phyir bcom ldan 'das kyis 'ching ba rnams gsum du gsungs te/ 'di dag kyang de las gzhan pa'i kun tu sbyor ba rnams kyi nang du 'du ste/ lta ba dang the tshom dag ni rmongs pa'i phyogs la brten to/ /nga rgyal dang ser sna dag ni 'dod chags kyi phyogs so/ /phrag dog dag ni zhe sdang gi phyogs so/ /yang na bden pa mthong ba rnams la/ khyad par du bya ba bstan pa'i phyir de skad bshad la/ blo ngan pa rnams la ji ltar rags pa'i nyon mongs pa bstan pa'i phyir de skad gsungs so zhes ze ro/ /sems nye par nyon mongs pa'i phyir ro zhes bya ba ni/ sems nyon mongs

  589. 295a

    pa can nyid du byed pa'i phyir ro/ /de'i 'jug pa rnams ni nye ba'i nyon mongs pa ste/ nyon mongs pa'i mtshan nyid yongs su rdzogs pa ma yin pa'i chos rnams ni nye ba'i nyon mongs pa'o/ /re shig gang dag nyon mongs pa phra rgyas zhes bya ba gang yin pa de dag ni/ nyon mongs pa yang yin te/ de dag ni nyon mongs pa'i mtshan nyid tshang ba yin pa'i phyir ro/ /de dag ni kun tu sbyor pa dang/ 'ching ba dang/ phra rgyas dang nye ba'i nyon mongs pa dang/ kun nas dkris pa zhes bya ba yin pas de'i phyir de dag ni nye ba'i nyon mongs pa yang yin no/ /gzhan zhes bya ba ni nyon mongs pa rnams las don gzhan gyi dngos por shes par bya ba'i phyir ro/ /nyon mongs can zhes bya ba ni/ dge pa dang ma sgribs la lung du ma bstan pa bsal bar bya ba'i phyir ro/ /sems byung zhes bya ba ni/ gzugs dang mi ldan pa gsal bar bya ba'i phyir ro/ /'du byed phung zhes bya ba ni/ 'du shes dang tshor ba la sogs pa dag bsal bar bya ba'i phyir ro/ /de dag kyang nye ba'i nyon mongs pa zhes bya ba la/ de dag ni rgyu gsum gyi nyon mongs pa rnams dang 'dra bar 'jug pas nye ba'i nyon mongs pa ste/ mtshungs par ldan pa dang phung po gcig gis bsdus pa dang/ de'i dri ma nyid kyis so/ /de dag nyon mongs pa'i ming can du mi 'gyur te/ nyon mongs pa'i mtshan nyid ma tshang ba'i phyir ro/ /gzhi phran tshegs las byung ba gang yin pa'o zhes bya ba ni/ mi dga' ba dang/ glal byed pa dang/ sems zhum pa nyid dang/ rmya ba dang/ zas kyi drod mi zin pa dang rnam par rtog pa logs pa dag go /'dir ni kun nas dkris pa dang nyon mongs pa'i dris mas bsdus pa kho na zhes bya ba ni/ kun nas bkris pas

  590. 295b

    bsdus pa dang/ nyon mongs pa'i dri mas bsdus pa'o/ /de la 'di dag gis srid pa'i brtson rar kun nas dkris pas na kun nas dkris pa dag yin pa 'am/ yang ci'i phyir phyi ma nges par yang gzugs na spyod pa'i the tshom bde ba dang yid bde ba dag dang mtshungs par ldan zhe na/ 'dod pa na spyod pa'i yid bde ba dang ni ma yin te/ 'dod chags dang bral ba'i sa'i nyon mongs pa ni ma nges par yang skyo ba'i rnam par mi mthang ba'i phyir ro/ /the tshom yang de dag dang der bde ba 'dod par byed pa'o/ /ji ltar 'dir 'dod pa'i gnas thob pa rnams ngal yang bde ba'i 'du shes skye'o/ /gzhan dag ni gzugs na spyod pa dag bde ba dang/ yid bde ba dang the tshom rab tu zhi/ 'di dag yod na spyod pa ngan pa la gnas pas na kun nas dkris pa dag go /sems khong nas 'khrug pa'o zhes bya ba la/ khong nas 'khrugs pa ni gzhan gyi phun sum tshogs pa la mi bzod pa sngon du 'gro ba can gyi sems kyi gdung ba'o/ /ser sna ni zhes bya ba la/ gang las bdag las gzhan du ma 'gro zhig snyam par gyur bar ni ser sna ste/ de'i dngos po ni ser sna nyid do/ /cho dang zang zing dang mkhas pa rab tu sbyin pa dang 'gal ba can zhes bya ba ni/ cho rab tu sbyin pa dang 'gal ba can dang/ zang zing rab tu sbyin pa dang 'gal ba can dang/ mkhas pa rab tu sbyin pa dang 'gal can no/ /sems kyi kun tu 'dzin pa zhes bya ba la/ sems kyi kun tu 'dzin pa ni dngos po la mngon par zhen pa sngon du 'gro zhing/ de dang mi bral ba 'dod pa nyid do/ /gzhan dag na re 'dis rnam par 'phro bar byed pas ser sna ste/ ji skad bshad pa dag las ma 'gro zhig ces rtag tu 'dzin pa de rnam par 'phro ba ni ser sna'o zhes zer ro/ gnyid ni sems mngon par bsdud pa'o zhes brjod na ni/ /snyoms par 'jug pa

  591. 296a

    la yang thal par 'gyur bas/ de'i phyir lus yang dag par 'dzin par mi nus pa'o zhes bya ba smos so/ /de ni nyon mongs pa can kho na kun nas dkris pa yin gyi/ dge ba 'am lung du ma bstan pa ni ma yin no/ /'gyod pa yang nyon mongs pa can kho na kun nas dkris pa yin gyi/ dge ba ni ma yin no/ /gnod sems dang rnam par 'tshe ba ma gtogs pa zhes bya ba la/ sems can 'di rnams gsad dam bcings sam brlag gam 'dis phongs par gyur kyang ci ma rung snyam pa'i rnam pas zhugs pa sems can la zhe sdang ba ni gnod sems so/ /sems rnams dgugs pa dang skrag pa dang brdeg pa dang 'ching ba la sogs pa'i lam la zhugs pa ni rnam par 'tsho ba'o/ /khro ba ni de gnyis las gzhan pa sems can ma yin pa dag la kun nas mnar sems pa yin te/ dper na dge slong tshul khrims dang ldan pa rnal 'byor dang ldan pa yongs su gtong pa lta bu'o/ /'chab ba ni kha na ma tho ba 'khyung pa'o zhes bya ba la kha na ma tho ba ni smad par bya ba ste/ tshul khrims dang/ spyod pa dang/ mtsho ba rgud pa dag yin la/ 'khyung pa ni de speng par 'dod pa'i rgyu ste/ sdig pa nang du gzhag pa phyir mi mngon par byed pa'o zhes bya ba'i don to/ /go rims bzhin du shes pa dang mi shes pa rnams kyi yin no zhes bya ba ni/ rgyal po la sogs pas shes pa rnams kyi ni bdag la rnyed pa dang/ bkur sti med par 'gyur ro/ /snyam du sred pa'i rgyu mthun pa yin no/ /mi shes pa rnams kyi ni ma rig pa'i rgyu mthun pa yin te/ las bdag gir bya ba nyid du ma dang pa ni kha na ma tho ba 'chab kyi/ gtsang mar bya ba'i phyir gzhan gyi thad du 'chags par mi byed do/ /'di'i mtshan nyid

  592. 296b

    brjod par bya ste/ rnyed pa dang bkur sti dang grags pas yid nges par bcings pas rang gi nyes par spyod pa mi mngon par byed 'dod pa sred pa dang smongs pa'i rgyu mthun pa'i sems nye bar nyon mongs pa ni 'chab pa zhes bya ba yin no/ /khrel med pa ma rig pa'i rgyu mthun pa ji ltar yin zhe na/ gang gi phyir khrel med pa 'jig par mi lta ba yin pa'i phyir ro/ /the tshom las 'gyod ces bya ba ni nyon mongs pa can brjod pa'i phyir ro/ /de la rgyu ni gzhan 'drid pa'o zhes bya ba ni/ gzhan 'drid pa'i bsam pas log pa nye bar ston pa'i rgyur gyur pa yang dag pa'i ting nge 'dzin gyis gzhom byar gyur pa sems ma zhi ba ni sgyu ste/ 'jig rten ni rang gi don sgrub pa'i phyir gzhan bslu ba'i thabs la 'jug cing/ sgyu'i gzhi lus dang ngag gi las nye bar bsgrub pa de la sgyu zhes bya ste/ rdzu 'phrul bzhin no/ /g.yo ni sems gya gyu ba ste zhes bya ba la/ g.yo ni rang dang gzhan gyi nang gi bsam pa mkhyud ba dang mi gsal bar byed pa'i thabs su byed pa'i sems gya gyu ba'o/ /sgyu dang g.yo dag gi khyad par ci zhe na/ gzhan 'drid par byed pas sgyu yin la/ rang gi rgyud kyi bsam pa sped pas g.yo'o/ /'di dag gi rgyu mthun pa'i bya ba'i khyad par yang 'chad par 'gyur ro/ /rgyags pa ni bshad zin to zhes bya ba la/ /gzhan dag na re/ lang tsho dang nad med pa dang tsho ba la sogs pa phun sum tshogs pa kun tu chags pa las skyes pa'i sems las byung ba ni rgyags pa'o zhes zer ro/ /gzhan dag ni 'du byed kyi rgyun la mngon par dga' ba'i sems la gzhan la bltos pa med par bdag nyid la 'byung ba sngon du 'gro ba ni rgyags pa'o zhes zer ro/ /kha na ma tho ba dang bcas pa'i dngos po la dam du 'dzin pa zhes bya ba ni/ gang yod pas 'di dag gis gzung

  593. 297a

    dka' ba 'dzin ba'o zhes bstan to/ /gzhan dag kho na las nges par 'byung bar 'dod pa dang mi gtong ba ni khong khro ba dang khon du 'dzin pa'o zhes zer ro/ /khro ba dang khon du 'dzin pa dag gi khyad par brjod par bya ste/ rno zhing chung bar gnas pa ni khro ba'o/ /dam zhing chung bar gnas pa ni kho na du 'dzin pa'o zhes so/ /de nyid kyi phyir de'i mtshan nyid brjod pa bya ste/ khro ba la gnas pas de'i dngos po dang rjes su 'brel bar byas pa'i sems kyis rtog pa ni khon du 'dzin pa zhes bya'o/ /rnam par 'tshe ba ni mtho 'tsham pa'o zhes bya ba ni/ gzhan la gnod pa nye bar sgrub pa'i rgyur gyur pa snying rjes gzhom par bya ba sems nye bar nyon mongs pa ni rnam par 'tsho ba'o/ /nyon mongs pa rnam pa gnyis dang mtshungs par ldan pa'i phyir zhes bya ba ni mthong ba dang bsgom pas spang bar bya ba'i nyon mongs pa dang mtshungs par ldan pa'i phyir zhes bya ba'i don te/ 'di ltar ngo tsha med pa dang khrel med pa ni mi dge ba thams cad mtshungs par ldan pa'i phyir ro/ /mugs pa dang rgod pa ni nyon mongs pa thams cad mtshungs par ldan pa'i phyir ro/ /gnyis ni yid kyis pa 'dod phan spyod pa thams cad dang mtshungs par ldan pa'i phyir ro/ /'di dag nyon mongs pa gnyi ga dang mtshungs par ldan pa'i phyir zhes bya ba ni/ mthong bas spang bar bya ba rnams ma 'tshol bar bstan pa'i don du gsungs so// gang zhig gang mthong bas spang bar bya ba dang zhes bya ba rgyas par 'byung ste/ bsdul mthong bas spangs bar bya ba dang mtshungs par ldan pa ni sdug bsngal mthong bas spang bar bya ba yin no/ /de bzhin du kun 'byung dang

  594. 297b

    'gog pa dang lam mthong bas spang bar bya ba dag la yang brjod par bya'o/ /ma rig pa tsam dang tshungs par ldan pa'i phyir zhes bya ba ni/ ma rig pa bsgom pas spang bar bya ba rtsam dang mtshungs par ldan pa de yang de'i nye ba'i nyon mongs pa dang mtshungs par ldan pa de nyid du 'gyur ro/ /'dod na mi dge ba zhes bya ba la/ rmugs pa dang rgod pa dang nyid ma gtogs pa kun nas dkris pa bdun dang sgyu la sogs pa drug ni 'dod pa'i khams na gcig tu mi dge ba yin no/ /rmugs pa la sogs pa ni mi dge ba dang lung du ma bstan pa dag yin no/ /gnyid ni dge ba yang yod pa ma yin nam ci ltar gnyis su brjod ce na/ kun nas dkris pa'i skabs yin pa'i phyir de mi bzung ngo/ /thams cad la thams cad mi srid pas ci rigs par zhes bya ba smos te/ de dag ni mdza' dag yid kyi sa pa dag yin no zhes bya ba la/ nga rgyal dang gnyid dag rnam pa lnga car yang yid kyi sa pa ste/ 'dod chags la sogs pa ji lta ba ni ma yin no/ /nye ba'i nyon mongs rang dbang ba yang zhes bya ba ni 'di lta ste/ phrag dog dang/ ser sna dang/ 'gyod pa dang/ khro ba dang/ 'chal pa rnams dang/ nyon mongs pa'i dri ma rnams so/ /nyon mongs pa'i sa mang po bdag gi nang du bshad pa gang dag min? pa'o zhes bya ba ni/ 'di lta ste/ bag med pa dang/ le lo dang/ ma dang pa ste/ de dag thams cad ni rnam par shes pa drug la rten par rig par bya'o/ /ma rig pa dang/ rmugs pa dang/ rgod pa ni thal ma thag tu bshad zin pas yang mi brjod do/ /dga' ba dang skye ba'i rnam par 'jug pa'i phyir zhes bya ba la/ dga' ba'i rnam pa dang skyo ba'i rnam pa ni dga' ba dang skyo ba'i rnam pa dag go /'dod chags dang zhe sdang de dag la de dag tu 'jug pa'i ngang? tshul yod pa de dag ni dga'

  595. 298a

    ba dang skye ba'i rnam par 'jug pa'o/ /de'i dngos po ni dga' ba dang skyo ba'i rnam par 'jug pa nyid de/ de'i phyir 'dod chags dang zhe sdang de dag bde ba dang sdug bsngal dang mtshungs par ldan no/ /rnam pa mtshungs pa'i phyir dang/ rnam par shes pa'i tshogs drug pa yin pa'i phyir 'dod chags ni bde ba dang yid bde ba dang mtshungs par ldan la zhe sdang ni sdug bsngal dang yid mi bde ba dang mtshungs par ldan no/ /bsod nams kyi las can dang/ sdig pa'i las can rnams kyi dang zhes bya ba la/ bsod nams kyi las can rnams kyis ni yid mi bde ba dang ngo/ sdig pa'i las can rnams kyi ni yid bde ba dang ngo/ /lta ba bzhin dang zhes bya ba ni/ log par lta ba ma gtogs pa'o/ /gzhan dag ni 'dir kha cig yid bde ba dang/ mtshungs par ldan no zhes zer ro/ /bdag tu lta bas bdag sdug bsngal bar 'gyur ro/ /snyam du yid mi bde ba dang de bzhin du chad par 'gyur ro/ /snyam du yid mi bde bar 'gyur zhing/ de bzhin du skrag par 'gyur ro/ /snyam nas byis pa rnams 'di lta ste/ /dka' thub kyis gtsangs pa dang dag par lta ba dang nges par de'i bya bas yid gdung ba yin no/ /thos pa dang rig la sogs pa ches bskal zhing yongs su gyur pas yid las skyes pa'i sdug bsngal skye ba yin no/ /de'i phyir yid mi bde ba ni de dag dang mtshungs par ldan pa mthong ngo zhe na/ de ni de lta ma yin te/ sems gzhan dang lhan cig pa'i tshor ba skye ba'i phyir bdag sdug bsngal bar gyur to/ /snyam pa'o/ /sdug bsngal de nyid ni gzhan sdug bsngal ba'i yul las te/ bdag las ma yin no/ /de'i bdag nyid mthong bas ni de ltar dga' bar 'gyur ro/ /de chad par mthong ba'i rgyu las sgrag ba skye ste/ de'i

  596. 298b

    yon tan mthong ba'i phyir ro/ /rtag par lta bas ni chad pa la 'jig pa skye'o/ /dka' thub kyis gdung ba'i phyogs rnams kyis kyang sdug bsngal nyams su myong bar 'gyur ro/ /snyam nas sems gzhan 'dis gzir bas mchog dang dag par lta ba yid bde ba dang lhan cig skye'o/ /yon tan gyi sgo nas de gzung ba'i phyir/ pa ri b+ha ba bud+d+hi tsit+ta me ba ka hi pa ri b+ha bo n+yA taka dA mA sya te/ de'i phyir las gzhan pa yid bde ba dang zhes bya ba 'di legs par bshad pa'o/ /'dod las skyes zhes bya ba 'di gang las zhe na/ sdug bsngal gyi tshor ba dang de dang mtshungs (yongs su ma bsgos pa'i blo sems nyid gang yongs su bsgos gzhan) par ldan pa dag dang bral ba'i phyir ro/ /re zhig de ltar phra rgyas 'di dag dga' ba dang skyo ba'i rnam pa'i dbye bas bde ba 'am sdug bsngal dag dang mtshungs par ldan pa so sor nges par bshad nas spyir smras pa zhes bya bar rgyas par 'byung ste/ btang snyom kyi dbang po ni ma rig pas rgyas par 'gyur pa'i phyir dang/ ma rig pa yang nyon mongs pa thams cad dang mtshungs par ldan pa'i phyir ro/ /dngos po so so ba'i rgyun chad pa'i dus su yang nyon mongs pa thams cad yul la lhod par 'dzin par/ ut+sa kyA(mdo 'grel): aau dA shI n+yA mA rgA sya ni ru d+hyaM te/ de dus dang rjes su mthun pa'i phyir btang snyoms dang nyon mongs pa thams cad rjes su mthun par rung ngo/ /btang snyom la dga' ba dang skyo ba'i rnam pa yod pa ma yin nam/ /de ji ltar dga' (nus pa brtson 'grus dang ldan pa'i lam gyis 'gog go/) ba dang skyo ba'i rnam pas de dang mtshungs par ldan zhe na/ 'gal ba med pa'i phyir skyes bu gzu bo gzhin no/ /gang gis dga' ba dang/ skyo ba dag cig car 'gag pa na nye bar sbyor ba 'jug pas 'di la skyon med do/ /'dod chags dang zhe sdang dag kyang dga' ba dang

  597. 299a

    skyo ba'i rang bzhin ma yin yang de'i rang bzhin chos dang chos ma yin pa dang rjes su mthun pa'i phyir/ de dag dang mtshungs par ldan pa yin pas de'i rnam pa dag tu bstan to/ /de bzhin du btang snyoms kyi dbang po yang dga' ba dang skyo ba las nges par grol ba yin yang phyogs gnyi ga dang mtshungs par ldan par rung ngo/ /de dang mtshungs par ldan pa bzhin de'i rnam pa rnams su bstan cing brjod do/ /yul gyi stobs las rnam par shes pa gzhan skyed pa la rgyu ba gsal ba nyid dang/ gnas pa la btang snyoms kyi dbang po dang mtshungs par ldan pa la nges pa mi 'thad? par mthong bas nges par rgyun 'chad pa'i dus su'o/ /grag go zhes bya ba la/ grag go'i sgra ni ma rangs pa'i don to/ /sa gang na dbang po ji snyed cig yod pa zhes bya ba la/ skye ba'i bsam gtan dag na ni/ yid bde bde dang btang snyoms dang/ btang snyoms yid bde bde ba dang/ btang snyoms btang snyoms tshor ba yod/ ces phyis 'chad par 'gyur ro/ /de nas yang ci rigs par rnam par shes pa'i tshogs bzhi pa rnams ni zhes bya ba la/ bsam gtan dang po na ni sna dang/ lce'i rnam par shes pa med pa'i phyir rnam par shes pa'i tshogs gsum pa'i bde ba yod la/ btang snyoms kyi dbang po rnam par shes pa'i tshogs bzhi pa dang/ yid bde ba'i dbang po yid kyi rnam par shes pa po yod do/ /de yan na ni ci rigs par yid kyi rnam par shes pa'i tshogs pa thams cad yod do/ de la bsam gtan gnyis pa na ni/ yid bde ba'i dbang po dang/ btang snyoms kyi dbang po'o/ /gsum pa na ni bde ba'i dbang po dang/ btang snyoms kyi dbang po'o/ /de yan chad na ni btang snyoms kyi dbang po kho na yod do/ /yang ci'i phyir/

  598. 299b

    spyi ma nges par yang gzugs na spyod pa'i the tshom bde ba dang/ yid bde ba dag mtshungs par ldan zhe na/ 'dod pa na spyod ba'i bde ba dang ni ma yin te/ 'dod chags dang bral ba'i sa'i nyon mongs pa ni/ ma nges par yang skyo ba'i rnam pa mi 'thad pa'i phyir ro/ /the tshom yang de dag dang der bde ba 'dod par byed do/ /ji ltar/ 'dir 'dod pa'i gnas thob pa rnams ngal yang/ bde ba'i 'du shes skye'o/ /gzhan dag ni gzugs na spyod pa dag bde ba dang/ yid bde ba rang the tshom rnams rab tu zhi ba'i phyir ro zhes zer ro/ /nus pa ni mtshungs par ldan pa'i don to/ /'dod pa na spyod pa'i yid bde ba ni rab tu ma zhi ba yin pas gnas ma yin pa la yang skye bar mthong ste/ 'di ltar lag pa dang rkang pa gas? shing zas dang gos med pa dri ngan pa'i dri ma'i 'dam rdzab 'dzin pa mchog tu sdug bsngal ba khur lci bas lus non pa dag kyang rab tu dga' bas glu dang gar lhur byed pa dang gzhan sdug bsngal bas kyang mgu ba mthong ba bzhin no/ /de ltar gnas ma yin pa la the tshom skye bas de dang 'di dag mtshungs pa med do/ /the tshom yang gzugs kyi khams su dge ba'i phyogs kyi 'du shes su 'gyur ro/ /gzhan dag ni gang las de dag dga' bar 'gyur ro zhes zer ro/ /'dod chags dang bral ba'i mngon sum rnams kyi the tshom phal cher yang dag par nges pa la 'jug pas bsam gtan dang po dang gnyis pa dang gsum pa rnams su the tshom dang lhan cig skyes pa'i rtogs pa dag yid 'byung bar 'gyur ro zhes gzhan dag zer ro/ /de rnams ni de dag la rang bzhin gyis yid 'byung ba zhes so/ /skyo ba'i rnam pas 'jug pa'i phyir dang yid kyi sa pa yin pa'i phyir zhes bya ba'i khyad par gnyis ni/ yid bde ba dang sdug bsngal gyi dbang po dang

  599. 300a

    mtshungs par ldan pa bsal bar bya ba'i phyir ro/ /'tshig pa yang lta ba mchog tu 'dzin pa'i rgyu mthun pa nyid kyi phyir ro/ /dga' ba'i rnam pa yid kyi sa pa nyid do zhes bya ba ni/ yid bde ba'i dbang po kho nar rigs so zhes brjod par bya'o/ /gzhan dag ni ser sna bzhin no zhes zer ro/ /gal te rgyu dang yid mi bde ba dag kyang mtshungs par ldan na ji ltar 'dod chags las skyes par brjod ce na/ dga' ba'i rnam pa'i rgyu mthun pa nyid kyis skye ba'i rnam par mi rigs so/ /rgyu dang mtshungs par ldan pa'i sems kyang skyo bar mi rigs la/ yang na rnam (par shes pa'i rgyu mthun pas kyang rgyu zhes brjod par bya'o/ /'di mdza' gcig tu sred pa'i rgyu mthun pa yang ma yin la/ ngo tsha med pa dang rgod pa dag sdug bsngal gyi tshor ba dang mtshungs par ldan pa yang ma yin pas mi 'dod do/ /de bzhin du 'dod chags las skyes pa yang sgyu dang skyo ba'i rnam par 'gyur te/ ngo tsha med pa dang rgod pa bzhin no/ /yang 'dod chags las skyes pa nyid spyir 'dod chags bzhin du sgyu yin par yang 'gyur ro/ /ngo tsha med pa dang khrel med pa dag rang dbang ba ni ma yin te/ /nyon mongs pa thams cad dang mtshungs par ldan pa'i phyir dang mi dge ba nyon mongs pa dang mtshungs par ldan pa'i phyir ro/ /de'i phyir sred pa bzhin du sgyu nyid skyo ba'i rnam par mi 'gyur la/ ngo tsha med pa dang rgod pa dag ni rang dbang ma yin pa'i phyir skyo ba'i rnam par yang mi 'gal lo/ /'di yang der dga' ba'i rnam pa dang skyo ba'i rnam pa'i rgyu mthun par grub po/ /'di ni re zhig dga' ba'i rnam pa dang skyo ba'i rnam pa'i rgyu mthun pa zhes brjod par bya'o/ /de ni du ma'i bdag nyid

  600. 300b

    yin pa'i phyir chos kyi dbye bas rang dbang dang gzhan dbang zhes bya ba khyad par ro/ /rang gi rgyud nyid las srid pa'i rgyu mthun pa'i 'bras bu ste/ skyo ba'i rnam par mi 'thod do/ /rgyud tha dad pa las ni khong khro bzhin du skyo ba'i rnam par yang mi 'gal lo/ /sgyu dang mtshungs par ldan pa'i sems kyang 'ga' zhig tu skye bar 'gyur ro/ /nus pa'i bdag nyid brjod par 'dod pa ma yin zhes bya ba la sogs pas de nyid la dogs pa ste/ de dang mtshungs par ldan pa la yang skyo ba'i sems srid pa'i phyir ro/ /ma rig pa bzhin du zhes bya ba la/ nyon mongs pa 'am nye ba'i nyon mongs pa gang dang yang mtshungs par ldan pa bkag pa med pa de bzhin du btang snyoms kyang yin no zhes bya ba'o/ /mi dge ba'i sa mang po pa yin pa'i phyir dang zhes bya ba ni/ ngo tsha med pa dang/ khrel med pa'o/ /nyon mongs pa'i sa mang po pa yin pa'i phyir ro/ /zhes bya ba ni/ rmugs pa dang/ rgod pa'o/ /rnam par shes pa'i tshogs drug la ni mi dge ba dang nyon mongs pa can srid pas de'i phyir dbang po lnga char dang mtshungs par ldan te zhes bya ba smos so/ /mdo las 'dod pa la 'dun pa dang zhes bya ba rgyas par 'byung ste/ bcom ldan 'das kyis dge slong dag sgrib pa lnga ni mi dge ba'i phung po yin no/ /zhes bya ba de dag ni yang dag par smra bas smra bar 'gyur ro/ /de ci'i phyir zhe na/ dge slong dag 'di ni mi dge ba'i phung po ma 'dres pa yongs su rdzogs pa yin te/ 'di lta ste/ sgrib pa lnga'o/ /lnga gang zhe na/ 'dod pa la 'dun pa dang/ gnod sems dang/ rmugs pa dang/ gnyid dang/ rgod pa dang/ 'gyod pa dang/ the tshom mo/ /zhes gsungs so/ /de la ci rmugs pa dang zhes bya ba rgyas pa 'byung ba ni/ rmugs pa dang/ rgod pa dang/ the tshom ni

  601. 301a

    khams gsum pa yin la/ 'dod pa la 'dun pa dang/ gnod sems dag ni 'dod pa na spyod pa yin na/ de las ni khyad par med par gsungs pas/ ci rmugs pa dang rgod pa dang/ the tshom khams gsum pa gzung ngam/ 'on te 'dod pa la 'dun pa dang/ gnod sems ltar 'dod pa dang ldan par gzung zhes mi shes pa'o/ 'di ni mi dge ba'i phung po zhes bya ba la sogs pa 'byung bas rmugs pa dang rgod pa dang/ the tshom rnams khams gsum pa nyid yin yang 'dod par gtogs pa dag kho na sgrib par bzhed do/ /de nyid kyi phyir rmugs pa dang rgod pa dang gnyid dang 'gyod pa dag dang bsre bar mdzad de/ rmugs pa dang rgod pa 'dod pa na spyod pa dag kho na sgrib pa nyid du shes par bya ba'i phyir ro/ /gnyid dang 'gyod pa nyon mongs pa can ma yin pa dag sgrib pa'i ngo bo yin pa dgag pa mdzad pa yin te/ /rmugs pa dang rgod pa dang/ bsres pa'i phyir dang/ de dag kyang gcig tu nyon mongs pa can yin pa'i phyir ro/ /sgrib pa zhes bya ba ni bsam gtan dang ting nge 'dzin dang snyoms par 'jug pa'i sgrib pa zhes bya ba'i don gang yin pa'o/ /mi mthun dang zas dang bya ba gcig pa'i phyir/ gnyis gcig /zhes bya ba ni/ ji ltar 'dod pa la 'dun pa'i zas sdug pa'i mtshan ma yin la/ zas ma yin pa mi sdug pa yin pa dang/ gnod sems kyi zas khong khro ba'i mtshan ma yin la/ /zas ma yin pa byams pa yin pa dang/ the tshom zas dus gsum yin te/ 'das pa'i dus la the tshom za zhes bya ba la sogs pa rgyas par 'byung bas so/ /zas ma yin pa ni rkyen nyid 'di ba'i rten cing 'brel par 'byung ba la so sor rtog pa yin pa lta bu ste/ de ltar na 'di dag ni re re zhing sgrib pa nyid yin te/ rmugs pa dang gnyid dang/ rgod pa

  602. 301b

    dang/ 'gyod pa'i yang de bzhin yin no/ /kha zas kyi drod mi zin pa zhes bya ba ni te bor nyung ba 'am mang ba za ba zhes bya ba'i don to/ /zhi gnas ni ting nge 'dzin dang rtse gcig pa zhes bya ba'i don to/ /'dod pa la 'dun pa dang gnod sems dag gis ni tshul khrims kyi phung po la gnod pa byed do/ de gnyis kyi go rims bzhin du 'dod pa dang sdig pa las dbyen pa ring du byed pa'i phyir ro/ /rmugs pa dang gnyid kyis ni shes rab kyi phung po la gnod par byed de/ des lhag mthong ring du byed pa'i phyir ro/ /rgod pa dang 'gyod pas ni ting nge 'dzin gyi phung po la gnod par byed de/ des zhi gnas ring du byed pa'i phyir ro/ /rtog pa 'di lta na ni zhes bya ba ni gal te rmugs pa dang gnyid shes rab kyi phung po dang/ 'gal ba nyid du rtog cing/ rgod pa dang/ 'gyod pa ting nge 'dzin gyi phung po dang 'gal bar rtog na ni/ de lta yin dang rgod pa dang/ 'gyod pa'i sgrib pa rmugs pa dang gnyid kyis sgrib pa'i sngar smos par 'gyur ro/ /ci'i phyir zhe na/ 'di ltar rim pa gang gi tshul khrims dang/ ting nge 'dzin dang/ shes rab kyi phung po dag bstan pa'i rim pa nges de dag gi mi mthun pa'i phyogs su gyur pa'i sgrib pa rnams kyis bstan par rigs te/ rim pa las rgal ba la dgos pa med pa'i phyir ro// grangs pa ni gang zhes bya ba ni/ rmugs pa dang/ gnyid ni ting nge 'dzin gyi phung po'i nye ba'i nyon mongs pa'o/ /rgod pa dang 'gyod pa ni shes rab kyi phung po'i nye ba'i nyon mongs pa ste/ 'di ltar ting nge 'dzin la brtson pa ni rmugs pa dang/ gnyid kyis 'jigs la/ chos rab tu 'byed pa la brtson pa ni rgod pa dang 'gyod pas 'jigs so/ /rim pa tha dad pa la dgos pa yod de/ kha cig lhag mthong ni rmugs pa'i gnyen par bshad kyi zhi gnas ma yin no/ /zhi gnas kyang/

  603. 302a

    rgod pa dang 'gyod pa'i gnyen por bshad kyi lhag mthong ma yin pas/ de'i phyir mi 'chab par spang ba'i dus su zhi gnas bstan pa dag 'di gnyen po nyid du nges pa skye ba des na spang pa'i dus su ni thams cad du 'di dag gi bya ba'i khyad par yin no/ /rim pa tha dad pa shes par yang byas pa yin no/ /rgyu bar 'gyur bas zhes bya ba ni bsod snyoms kyi ched du 'byams pas so/ /gnas par gyur pa'i zhes bya ba ni nang du yang dag 'jog par 'dug pa'am 'chag pa'i 'o/ /de'i sngon du 'gro ba zhes bya ba ni sdug pa dang mi sdug pa'i mtshan ma sngon du 'gro ba'o/ /de'i 'og tu ting nge 'dzin du zhugs pas zhes bya ba la/ 'dir ma rig pa ni zhi gnas kyi rgyu mtshan dang lhag mthong gi rgyu mtshan dang lhag mthong gi rgyu mtshan phyin ci log tu yid la byed pa 'di yin no/ /go rim bzhin du zhes bya ba ni/ rmugs pa dang gnyid ni zhi gnas kyi bar chad byed la/ rgod pa dang 'gyod pa ni lhag mthong gi bar chad byed de/ rlung dmar gyi dkrugs pa'i chus gzugs kyi gzugs bsnyan mi snang ba ltar rgod pa dang 'gyod pas dkrugs pa'i sems la de nyid mthong ba med do/ /the tshom gyis kyang de nyid mthong bar mi 'gyur ro/ /yang ci'i phyir ma rig pa sgrib par rnam par ma gzhag ce na/ ma brjod kyang grub pa'i phyir ro/ /mdo las ma rig pa ni bsgribs pa'o/ /zhes gsungs te/ sgrib pa rnams dang khur 'dren pa mtshungs pa'i phyir ro/ /gzhan dag na re ches lhag par 'dren pa yang yin no/ /zhes zer ro/ /na hi med sarba (thams cad) kle shA(mdo 'grel): (nyon mongs/) mnyams nges) ma stA sta thA ba ra/ (sgrib pa) naM krityaM (bya ba) kurban+ti/ byed/ (ji ltar/) ya thai kA ki n+yo bi dya ste/ (gcig gi gzhan yod/) nga rgyal gyi dbang gis kyang

  604. 302b

    kha cig dge ba rtsom pa'i phyir nga rgyal sgrib pa rnams su ma bshad do/ /sems rtsub par 'jug pas sgrib pa rnams te/ sems rab tu bzung ste/ 'jug pa'i phyir nga rgyal lo/ /zhes gzhan dag zer ro/ /'dis sems khengs par mi byed pa'i phyir ma yin te/ sgrib pa med pas bdag med par lta ba ma tshang ba dang bdag med par lta bas khams la 'dod chags dang bral ba mthong ba'i phyir lta ba rnams ma yin te/ shes rab kyi bdag nyid yin pa'i phyir dang gsal pa'i phyir gzhan dag go /de dang 'gal ba'i phyir sgrib pa rnams te/ khams gsum pa'i 'dod chags dang bral ba la sgrib pa'i phyir gzugs dang gzugs med pa na spyod pa'i nyon mongs pa rnams sgrib pa'o/ /yang na de la sgrib pa'i phyir sgrib pa rnam par bzhag ste/ lung ma bstan yin pa'i phyir ro/ /'dir mi dge ba rnams ni sgrib pa'o/ /zhes bshad do/ /skal pa mi mnyam pa'i khams kun tu 'gro ba rnams dang zhes bya ba rgyas par 'byung ste/ skal pa mi mnyam pa'i khams kun tu 'gro ba rnams kyi dmigs pa ni gzugs dang gzugs med pa'i khams dag yin zhing/ sdug bsngal dang kun 'byung la rjes su shes pa'i bzod pa dag gis yongs su shes par bya ba yin la/ de rnams de'i tshe spong ba ni ma yin te/ sngar spangs zin pa'i phyir ro/ /de rnams ni sngar sdug bsngal dang kun 'byung la chos shes pa'i dus su spangs pa'i phyir ro/ /'gog pa dang lam mthong bas spang bar bya ba zag pa dang bcas pa la dmigs pa rnams kyi dmigs pa ni 'gog pa dang lam mthong bas spang bar bya ba log par lta ba la sogs pa yin la/ de dag kyang sdug bsngal dang kun 'byung gis bsdus pa'i phyir/ sdug bsngal dang kun 'byung la chos dang rjes su shes

  605. 303a

    pa'i bzod pa dag gis yongs su shes la/ de rnams de'i tshe spongs pa yang ma yin te/ 'o na ci zhe na/ phyis 'gog pa dang lam la chos dang rjes su shes pa dag gis spong ngo/ /de'i tshe de rnams kyi dmigs pa yongs su shes pa yang ma yin te/ sngar yongs su shes par byas zin pa'i phyir ro/ /de'i phyir de rnams ji ltar spong ba brjod dgos so/ /zhe na dmigs pa yongs su shes pa dang/ de la dmigs pa yang dag par zad pa dang/ zhes bya ba rgyas par 'byung ste/ rang gis la dmigs pa smos pa ni skal ba mi mnyam pa'i khams kun du 'gro ba bsal ba'i phyir ro/ /zag pa med pa la dmigs pa rnams zhes bya ba la/ zag pa med pa la dmigs pa smos pa ni zag pa dang bcas pa la dmigs pa gsal bar bya ba'i phyir ro/ /de la dmigs pa yongs su shes pas ni 'dod pa na spyod pa rang gi khams la dmigs pa rnams dang/ gzugs dang gzugs med pa na spyod pa sdug bsngal dang kun 'byung mthong bas spang bar bya ba rnams spong ngo/ /de la bskal pa mi mnyam pa'i khams la dmigs pa yongs su shes pa dang mthong ba'i sgo nas spong ba yin te sdug bsngal dang kun 'byung la rjes su shes pa'i bzod pa dang bral ba'i phyir dang/ khams gnyis la dmigs pa'i phyir ro/ /de la dmigs pa yang dag par zad pas ni zhes bya ba la/ skal pa mi mnyam pa'i khams kun du 'gro ba gang dag la dmigs pa 'jigs tshogs dang mthar 'dzin par lta ba la dmigs pa de dag ni de dag zad pas spong ngo/ /'di skad bstan par 'gyur te/ yul bstan par byed pa spangs pa'i phyir skal ba mi mnyam pa'i khams kun du 'gro ba rnams spong gi /dmigs

  606. 303b

    pa yongs su shes pas ni ma yin no/ /yang ji ltar de rnams yul brtan par byed pa nyid du brtag ce na/ de'i rgyu'i ngo bo las te/ de ltar yod pa ni ma yin no/ /rgyu kun du bcom par rjod de/ rnam grangs kyis de nyid bshad pas 'di ma 'tshol bar bya ba'i phyir brjod par bya'o/ /de dag thams cad phan tshun rgyu can yin pas de'i phyir de la dmigs pa spangs par bshad pas skal ba mi mnyam pa'i khams kun du 'gro ba nyid bde blag tu shes so/ /de dag gis gzhan la yang ma yin gyi zag pa med pa la dmigs pas de dag la dmigs pa yin no/ /zag pa med pa la dmigs pa ni 'gog pa dang lam la dmigs pa'o/ /log par lta ba dang the tshom dang ma rig pa ste/ de dag ni log par lta ba la sogs pa'o/ /de dag ni 'gog pa dang lam mthong bas spang bar bya ba 'dod chags la sogs pa de dag gi dmigs pa yin no/ /yang ci'i phyir 'ga' zhig tu yul spangs pas yul can spangs par bshad ce na/ ji ltar sdug bsngal dang kun 'byung mngon par rtogs pa ni 'ga' zhig tu spangs pas yul can spang shing/ ji ltar 'gog pa dang lam mngon par rtogs pa'i chos cig car spangs kyang/ gal te der spangs pa de la spangs pa las 'di spangs par bstan to/ /gang du gang zhig nyon mongs pa'i yul de'i gnyen po zag pa med pa'i ye shes kyi spyod yul der nyon mongs pa'i stobs dang ldan pa de'i dmigs pa la zag pa med pa'i shes rab kyi bya ba 'jug pa de'i phyir 'dod pa na spyod pa'i sdug bsngal dang kun 'byung dag rtogs pa na skal pa mnyam pa'i khams la dmigs pa stobs dang ldan pa yin no/ /'gog pa dang lam mngon par rtogs pa na zag pa med pa med pas de spangs pa'i phyir gcig

  607. 304a

    shos bstan par rigs so/ /gal te de'i tshe phra rgyas kyi dmigs pa 'ga' zhig shes rab kyis mthong bas ni phra rgyas thams cad spong bar byed do zhe na ma yin te/ de lta na dmigs pa yongs su shes pa kho nas phra rgyas spangs par khas blang dgos so/ /phra rgyas rnam pa gnyis shes rab gcig gis spong bar byed pa na de'i yul ni tha dad pa'i yul yin pa'i phyir 'di nges par bshad do/ /rnam pa gang gis phra rgyas kyi phra rgyas la dmigs pa shes rab kyis mthong zhing dmigs pa gzhan yang de'i tshe spong ngo/ /zhes bya ba 'thad pa nyid do/ /spong ba'i thabs du ma gsungs pa la gnyen po skyes pas zad pa zhes bya ba ni/ dmigs pa yongs su shes pa ma yin la/ de la dmigs pa zad pas ma yin zhing/ dmigs pa spangs pas kyang ma yin no/ /'o na ci zhe na/ mnyen po skyes pa kho na'o 'o na mthong bas spang bar bya ba yang gnyen po skyes pa kho nas spong ba ma yin nam zhe na/ de dag kyang nyon mongs pa gang dang gang gi gnyen po de dang de skyes pas spong ba yin no/ /brjod par bya ba 'di yod de/ 'on kyang bsgom pas spang ba khams gsum pa rnams kyi gnyen po nyid shes par bya ba'i phyir gnyen po skyes pas spang ngo/ /zhes brjod pa yin no/ /srid pa'i rtse mo pa nyid kyi mthong bas spang bar bya ba rnams kyi gnyen por nges pas na spong ba'i phyir gnyen po'o/ /yang na 'dis nyon mongs pa rnams spong bar byed pas na spong ba ste/ spong ba kho na gnyen po yin pas spong ba gnyen po zhes bya'o/ /gang gis nyon mongs pa'i thob pa rnams gcod par byed pa ste/ de yang bar chad med pa'i lam thams cad yin no/ /gzhi'i gnyen po ni gang dang lhan cig bral ba'i thob pa skyed

  608. 304b

    par byed pa ste/ de yang rnam par grol ba'i lam thams cad do/ /zhes kha cig go /de nyid kyi phyir de yan chad kyi bar chad med pa'i lam gang yin pa'o/ /zhes smras te/ gang gis de spangs pa'i thob pa kun tu 'dzin pa dang/ bar chad med pa'i lam gyis spangs pa'i thob pa dang bral ba 'dzin par byed do/ /thob pa de'i gnas med pa'i phyir slar yang nyon mongs pa'i thob pa mi skye'o/ /gzhan dag na re/ de yan chad ces bya ba ni ji ltar sdug bsngal gyi bden pa'i bar chad med pa'i lam ma gtogs pa lhag ma mthong ba'i lam gyi skad cig rnams te/ thams cad kyis 'dir de dag gi bral ba'i thob pa 'dzin cing de'i thob pa gcod pa'i phyir zhes zer ro/ /thag bsring ba'i ngo bo'i gnyen pa ni zhes bya ba la/ 'dis thag bsring ba'i ngo bo byed pas na thag bsring ba'i ngo bo ste/ de nyid gnyen po'o/ /bar chad med pa'i lam gyis nyon mongs pa'i thob pa bcad pa gang yin pa de thag bsring bar byed pa ste/ de yang khyad par gyi lam mo// de nyid kyi phyir rnam par grol ba'i lam yan chad ces gsungs so/ /gzhan dag ni sdug bsngal la chos shes pa ni rnam par grol ba'i lam yin la/ de yan chad kyi rnam par grol ba'i lam de thag bsring ba'i ngo bo'i gnyen po'o/ /zhes zer ro/ /'dir rnam par grol pa'i lam yang gzung ngo/ /gzhan dag na re rnam par grol ba'i lam yang yin te/ zhes bya ba ni/ 'di dag gis ni rnam par grol ba'i lam dang po yang thag bsring ba'i ngo bo'i gnyen po'o// zhes smra ba ste/ kun tu spyod pa'i thob pa de 'gags pa'i thob pa rgyud la rgyas par thag bsring bar byed pa'o/ /zhes zer ro/ /rnam par sun 'byin pa gnyen po ni lam gang gis khams dang sa la skyon rnam pa du ma mthong ba'i

  609. 305a

    phyir rnam par sun 'byin par byed pa ste/ mi sdug par lta bar byed ces bya ba'i don to/ /de yang nges par 'byung bar yid la byed pa thams cad de/ de'i dbang gis rnam par 'gyur ba mthong nas de la mngon par ma zhen pa'o/ /'di ni phal cher sbyor ba'i lam gyi rdzas bar chad med pa dang rnam par grol ba dang/ khyad par gyi lam gyi yang sdug bsngal dang kun 'byung la dmigs pa dag go /de'i phyir rnam par sun 'byin pa gnyen po phal che ba bshad do/ /'o na ci'i phyir 'di thams cad phyis nas smos pa chos mngon pa rim par rab tu phye ba ma yin/ 'o na mtshan nyid kyis rab tu phye ba ci zhe na/ kha cig 'di klan ka ma yin zhes zer ro// yang na ma nges pa'i phyir ji ltar bar chad med pa'i lam gyi mjug thogs su rnam par grol ba'i lam dang nges pa des mjug thogs su khyad par gyi lam ste/ de ltar sbyor ba'i lam la nges pa de yod pa ma yin pas de'i phyis nas nges pa'o/ /kha cig du ji ltar 'os par bdag nyid thob cing/ cig tu mang po ste/ cig shos la ni de lta ma yin no/ /ma nges pa shes par bya ba'i phyir thams cad kyi phyis bshad do/ /zhes bya ba 'di nyid ni 'dir rim pa legs pa yin te/ snga ma snga ma rnams phyi ma phyi ma la brten pa yin pa'i phyir ro/ /sdug bsngal dang kun 'byung la dmigs pa'i phyir zhes bya ba ni/ mi rtag pa la sogs pa'i rnam pa rnams kyis zag pa dang bcas pa'i dngos su sun 'byin pa'i phyir ro/ /sbyor pa'i lam zhes bya ba ni/ bar chad med pa dang rnam par grol ba dang khyad par gyi lam dag kyang sdug bsngal dang kun 'byung la dmigs pa yod pas khyad par du phyogs te/ sbyor ba'i lam zhes bya ba thams

  610. 305b

    cad bar chad med pa'i lam mo/ /snga ma ni bar chad med pa'i lam mo/ /rten gnyen po thag bsrid pa'i ngo bo'i gnyen por yang bshad do/ /de'i phyir thams cad ces smos te/ de ltar na rnam par grol ba'i lam dang khyad par gyi lam yang thams cad ces bya ba skabs dang sbyar te rig par bya'o/ /nyon mongs pa spong pa na gang las spang bar bya zhe na/ zhes bya ba ni/ ci rigs pa las sam/ mtshungs par ldan pa las sam/ rang bzhin las yin zhes thams cad la skyon mthong nas 'dri ba'o/ /gang zhig gang la dmigs pa las ni nam yang ma yin te 'di de la dmigs par mi 'gyur bas dmigs pa las spang ba rig pa ma yin no/ /mtshungs par ldan pa rnams kyang phan tshun rgyur gyur pa'i phyir de'i rgyu'i ngo bo ldog pa ma yin par/ nyon mongs pa can gyi sems gang yin pa de nyid yang nyon mongs pa can ma yin par 'gyur ba ma yin pas mtshungs par ldan pa las kyang nyon mongs pa spong bar nus pa ma yin no/ /rang bzhin las kyang 'di dag spong bar mi rigs te/ rang bzhin yongs su btang ba mi srid pa'i phyir ro/ /spong bar byed pa na chos kyi rang bzhin 'dor ba med do/ /de'i phyir ji ltar nyon mongs pa spang bar bya zhes bya ba 'di dpyad par bya zhes pa'o/ /de nyid kyi phyir dmigs pa las nyon mongs pa ni spang byar 'dod/ ces bya ba gsungs so/ /mtshungs par ldan pa las zhes bya ba rgyas par 'byung ba la/ med na mi 'byung ba nyid kyis nyon mongs pa can gyi sems la slar yang nyon mongs pa can ma yin par bya bar nus pa med do/ /re zhig ma 'ongs pa ni zhes bya ba rgyas par 'byung ba la/ ma 'ongs pa ni gang gis dmigs pa de mi skye ste/ de ni de la dmigs te mi skye bas rnam par dbye bar bya nus shing/ de la dmigs

  611. 306a

    te mi skye ba'i phyir ro/ /'das pa ni ci ltar dmigs pa las rnam par dbye bar nus de la dmigs te mi skye ba'i phyir dang dmigs pa'i phyir nyon mongs pa spang bar bya zhing de dag mi dmigs par bya'o/ /zhe na/ 'di ni 'di'i don ma yin no/ /'o na ci zhe na/ dmigs pa yongs su shes pas spang bar bya'o/ /zhes bya ba 'di 'di'i don to/ /'dod pa na spyod pa sdug bsngal dang kun 'byung mthong bas spang bar bya ba rang gi khams la dmigs pa'i phra rgyas rnams kyi dmigs pa shes rab kyi mthong ba'i sgo nas 'dod pa na spyod pa'i mthong bas spang bar bya'o/ de thams cad spong bar byed do/ /gzugs dang gzugs med pa na spyod pa'i mthong bas spang bar bya ba de thams cad kyi dmigs pa shes rab kyis mthong ba'i sgo nas mthong bas spang bar bya ba de thams cad spong bar byed do/ /'gog pa dang lam mthong bas spang bar bya ba zag pa med pa la dmigs pa rnams kyi dmigs pa yang shes rab kyis mthong ba'i sgo nas mthong bas spang bar bya ba de dag thams cad spong bar byed do/ /yang ji snyed spong bar byed pa de thams cad kyi dmigs pa shes rab kyi mthong ba ma yin no/ /phra rgyas rnams kyi dmigs pa yang rnams pa gnyis te/ mtshungs par ldan pa'i dngos po dang mtshungs par ldan pa ma yin pa'i dngos po'o/ /de la mtshungs par ldan pa'i dngos po ni yul rnams kyi phra rgyas rnams te de ni phra rgyas kyi stobs kyis bskyed pa de'i yul rnams kyang gang zag gi rgyud la thob pa nyon mongs pa can ma yin pa'i sems ma chad par 'jug go /de bzhin du mtshungs par ldan pa ma yin pa'i dngos po ni ma 'ongs pa dang 'das pa'i nyon mongs pa

  612. 306b

    rnams kyi rgyu dang 'bras bur gyur pa'i yul rnams te/ yul 'di nyon mongs pa'i rjes su kun tu spyod pa'i phyir nyon mongs pa rnams kyi thob par rig par bya'o/ /de ni ma 'ongs pa rnams bskyed pa la rkyen du gyur pa'i phyir rgyur gyur pa yin la/ 'das pa rnams kyi rgyu mthun pa'i dngos po yin pa'i phyir 'bras bur gyur pa nyid do/ /de yang spong ba gnyen po'i rgyu mthun pa'i thob pa mnyam par 'jog par mi 'gal lo/ /de nyon mongs pa rnams kyi kun du 'dzin pa de'i phyir gang gi dmigs pas nyon mongs pa bskyed pa phan tshun dmigs pa rnams kyis kyang nyon mongs pa rnams 'jug go /de la dmigs pa spang ba gnyen po'i rgyu mthun pa bskyed pa'i nyon mongs pa rnams la de'i thob pa mi ldan no/ /de la dmigs pa rnams kyang rgyu dang 'bras bur 'pho ba yod pa ma yin pas spong ba zhes bya'o/ /gang gi phyir de yongs su mi shes pas de la nyon mongs pa'i yul dang/ nyon mongs pa rnams kyi yul de rnams kyi nyon mongs pa'i stobs kyis thob pa ste/ ma 'ongs pa dang 'das pa'i nyon mongs pa rnams kyi rgyu dang 'bras bur gyur pa rgyud la rab tu 'jug go /ji ltar dngos po yongs su shes pas mi 'jug pa de'i phyir dmigs pa las nyon mongs pa spang par bya ba ma yin no/ /zhes bya bar mngon par 'dod do/ /de yang ma nges te zhes bya ba ni/ gang gi phyir nyon mongs pa rnams ni rnam pa bzhis zad par 'gyur ba yin te/ dmigs pa yongs su shes pa dang/ de la dmigs pa yang dag par zad pa dang zhes bya ba la sogs pa'o/ /gzugs thams cad dang zhes bya ba ni/ dge ba dang mi dge ba dang/ lung du ma bstan pa dang sems can dang sems can du ston pa ma yin pa'o/ /nyon mongs pa can ma yin pa'i tsom?

  613. 307a

    zhes bya ba ni dge ba dang bcas pa dang/ ma bsgribs pha lung du ma bstan pa gzugs can ma yin pa rang dang gzhan gyi rgyud la yod pa rnams/ /de dag la dmigs pa'i zhes bya ba ni gzugs dang nyon mongs pa can gyi chos la dmigs pa'o/ /nyon mongs pa rang gi rgyud la yod pa spangs pas so/ /zhes bya ba ni/ gang kho na de la dmigs pa'i nyon mongs pa spangs pa de kho na spangs pa yin gyi gzhan gyis ni ma yin no/ /zhes ston par byed do/ /bar ma chad du 'gags pa skye ba la mngon du phyogs pa ni da ltar bas mchod pa'i phyir ring ba nyid du mi 'gyur te/ de yang rnam par shes pa lnga'i yul yin pa'i phyir ro/ /kha cig tu drug yang yin no/ /gzhan dag ring ba nyid ces bya ba'o/ /de bzhin du 'dus ma byas la yang thal bar 'gyur ro/ /da ltar ba yang de bzhin du zhes bya ba ni/ ji ltar da ltar ba las 'das pa dang ma 'ongs pa dag de bzhin du ring ba de rnams su gyur na/ de ltar ba yang 'das pa dang ma 'ongs pa ltar ring bar 'gyur ro/ /'dus ma byas ji ltar na nye ba nyid du 'grub ce na/ 'di ni chos mngon pa las te/ 'di skad du/ chos ring po gang dag ce na/ 'das pa dang ma 'ongs pa dag go /nye ba gang dag ce na/ da ltar byung ba dang 'dus ma byas so/ /zhes 'byung ngo/ /dus gsum gyi bya ba rnam par gzhag pa las 'dus ma byas ni dus thams cad du 'jug pa'i phyir ro/ /kha cig na re bya ba med pa la yang ring ba nyid med par thal bar 'gyur ro zhes zer ro/ /bya ba shin tu med pa'i phyir skye ba med pa'i chos bzhin 'dus ma byas ring ba nyid du rnam par dpyad par mi nus so/ /de thams cad du thob pa'i phyir ro/ /zhes bya ba ni/ dge ba 'dus ma byas ni yul dang

  614. 307b

    dus kyi nges pa med par thob pa de'i phyir de nye bar zhes brjod do/ /'das pa dang ma 'ongs pa dag la yang thal bar 'gyur ro/ /zhes bya ba ni/ 'das pa dang ma 'ongs pa dang bsam gtan la sogs pa rnams kyang de dang 'dra bar thob pa'i phyir 'das pa dang ma 'ongs pa yang nye ba nyid du thal bar 'gyur ro/ /nam mkha' yang ji ltar na nye ba yin/ de thob pa med pa'o/ /gzhan dag na re/ nam mkha' ni thams cad du de'i mtshan nyid ma thogs pa'i phyir nye ba yin zhing so sor ma brtags pa'i 'gog pa yang 'bad pa med par thams cad kyi thams cad du thams cad kyi tshe dmigs pa'i phyir nye ba yin no/ /so sor brtags pa'i 'gog pa yang mngon par sbyor bas yang dag par zhugs pa la gang du kA tsa nA shu/ thams cad kyi thams cad du khyad par med par dmigs pa'i phyir nye ba yin no/ /zhes zer ro/ /de bzhin du gang bshad pa 'das pa dang ma 'ongs pa dag la yang thal bar 'gyur ro/ /zhes bya ba di a pa b+had+d+haM/ kha cig kyang thams cad kyi thams cad du khyad par med par ma dmigs pas/ thams cad du de thob pa'i phyir 'das pa dang ma 'ongs pa la thal bar bshad pa de 'di'i lan du mi sbyar ro/ /zhes zer ro/ /de lta ma yin nas so sor brtags pa'i 'gog pa yang thams cad kyang? ma yin pa dang thams cad du ma yin par 'gyur ro/ /de bzhin du so sor brtags pa ma yin pa'i 'gog pa la yang ji ltar rigs par brjod par bya'o/ /gnyi gar 'gyur ro/ /zhes bya ba ni/ ji ltar da ltar byung ba 'das pa ma 'ongs pa dag dang nye ba'i phyir dang gzhan gyis mchod pa'i phyir 'das pa dang ma 'ongs pa dag kyang nye bar bshad pa de ltar na 'das pa dang ma 'ongs pa dag kyang gzhan gyis mchod pa'i phyir da ltar byung ba dang nye

  615. 308a

    bar 'gyur la/ da ltar byung bas chod pa'i phyir phan tshun gyi sgo nas ring ba nyid de/ 'das pa dang ma 'ongs pa gnyi gar 'gyur ba'o/ /ring ba 'am nye ba zhes bya ba la/ 'di skad du/ rig par 'gyur ro/ zhes bya ba ni/ slob dpon gyi ste/ ma 'ongs pas ni rang gi mtshan nyid ma thob la/ 'das pas ni rang gi mtshan nyid btang ba'i phyir de dag ring ba'o/ /gzhan dag na re rang bzhin med pa la ring ba nyid mi 'thad pa'i phyir 'di yang mi thad do// zhes zer ro/ /de las gzhan pa'i ring ba ni re zhig 'di ltar/ gal te 'das pa dang ma 'ongs pa dag da ltar byung ba bzhin rang bzhin gyis yod par 'dod na/ de ni 'das pa dang ma 'ongs pa nyid du yang mi 'gyur ba nyid de/ da ltar byung ba bzhin no/ /shar dang nub kyi rgya mtsho la sogs pa rnams kyis kyang ma nges pa'o/ /gnyen po skyes pas zad pa zhes bya ba bshad la/ ci lam khyad par du 'gro ba'i phyir zhes bya ba rgyas par 'byung ngo/ /lan cig tu zad/ cis bya ba ni/ nyon mongs pa thams cad dang rang gi bar chad med pa'i lam gyis lan cig thob pa bcad pa nyon mongs pa spangs pa nyid yin gyi/ slar yang spong ba'i lam gyis spong ba med do/ /de dag gi bral ba'i thob pa ni yang dang yang skye ste/ spangs pa rnams kyi bral ba'i thob pa rnams lam du bshad pa'i phyir ro/ /rnal 'byor pa rnams kyi lam gzhan gtong ba dang thob pa srid pa'i phyir lan cig ma yin par bral ba'i thob pa rnyed pa yin no/ /de dag kyang dus du zhig tu thob ce na/ srid pa'i dbang du byas nas dus drug tu zhes smos so/ /gnyan po rnam par grol ba'i lam zhes bya ba ni/ de dang lhan cig bral ba'i thob pa skye ba'i phyir 'di la dgongs te bar chad med pa'i lam

  616. 308b

    zhes ston par byed do/ /gzhan dag na re/ gal te gang du gnas pas bral ba'i thob pa rnyed ces brjod par bya'o/ /de ltar bar chad med pa ni gnyen po ste/ dus gsum du bral ba'i thob pa rnyed ces bya ba'o/ /de bzhin du rnam par grol ba'i lam gyi skyes bu byed pa'i 'bras bu la sogs pa rnams kyang bshad do/ /de'i phyir dge sbyong tshul gyi 'bras bu rnams zhes smos te/ 'dir yang 'bras bu thob pa rnam pa bshad pa nyid kyis 'bras bu bzhi smos pa bzhin dbang po 'pho ba yang 'bras bu yin pa'i phyir bzung bar 'gyur ro/ /kha cig na re dbang po rnam par 'phel ba smos pas tha dad du byed do/ /zhes zer ro/ /sngar spangs pa rnams kyi ni 'bras bu phyi ma bral ba'i thob pa dag gi shes byed du smra'o/ /gang gi phyir dgra bcom pa la thob par bshad pa de nyid skye bas de ltar mthong ba'i sgo nas 'dod pa'i zag pa las sems rnam par grol lo/ /zhes rgyas par 'byung ste/ gnas skabs der 'dod pa'i khams rnam par sun 'byin pa'i gnyen po chos shes pa thob par byed do/ /dgra bcom pa la rjes su thob pa thams cad ldan pas nges par rnam par sun 'byin pa'i gnyen po mi slob pa'i chos shes pa thob par byed do/ /de ni des 'dod pa'i khams yang yang sun phyung bas de'i sa pa'i kun tu sbyor ba'i skal ba can ma yin no/ /yang ci ltar 'di ltar spangs pa rnams kyi bral ba'i thob pa rnyed pa'i shes byed yin zhe na/ kha cig tu ni rgyu gnyis kyis 'dod pa'i zag pa las sems rnam par grel par byed do/ kha cig can ni gcig gis so/ /de la gang dag 'dod pa dang ldan pa rnams kyi ni zag pa med pa'i bral ba'i thob pa thob pa de rnams ni rgyu gnyis kyis 'dod pa'i zag pa las sems rnam par grol bar byed de/ bral ba'i thob ba rnyed?

  617. 309a

    pa'i phyir dang/ rnam par sun 'byin pa'i gnyen po mi slob pa'i chos shes pa thob pa'i phyir ro/ /gang dag ma thob pa de dag ni rgyu gcig gis so/ /de'i phyir 'di thams cad nye bar sgrub pa de la rgyu gsal bar byas pa ste/ de lta bu de ni rtogs bya rtogs byed kyi shes byed de dngos po gsal ba ma yin no/ /'di dpyad par bya ste/ kha cig gi ni dus drug tu 'thob pa nas kha cig gi ni gnyis su 'thob pa'i bar zhes bya ba 'byung ste/ de la dbang po brtul pos 'dod pa na spyod pa mthong bas spang par bya ba rnams dang/ gzugs dang gzugs med pa na spyod pa bden pa gsum mthong bas spang par bya ba rnams ji lta ba'i dbang du byas te dus drug tu bral ba thob ste/ gnas skabs de dag tu sngar gyi lam gtang ba'i phyir dang/ sngar med pa'i lam ma thob pa'i phyir ro/ /gzugs dang gzugs med pa na spyod pa lam mthong bas spang bar bya ba rnams kyi ni dus ltar ro/ /de dag gi lam la rjes su shes pa ni gnyen po 'am 'bras bur yang bgrang ngo/ /dbang po rnon po rnams kyi yang mthong bas spang bar bya ba ni dus lngar yin te/ lam la rjes su shes pa'i spang bya rnams ma gtogs so/ /de dag ni dus bzhir te/ dbang po rnon po rnams la dbang po 'pho ba yod pa ma yin no/ /'dod pa'i khams la 'dod chags dang bral ba rnams kyi bsgom pas spang bar bya ba rnam pa lnga rnams kyi ni lnga rnams su ste/ rgyun tu zhugs pa'i 'bras bu ma gtogs pa'o/ /drug pa ni bzhin te/ de'i 'bras bu kho na gnyen po zhes gcig tu bgrang ngo/ /bdun pa dang brgyad pa dag gi yang bzhi rnams su ste/ 'bras bu dang po gnyis ma gtogs so/ /dgu pa ni gsum rnams su ste/ de'i

  618. 309b

    gnyen po nyid 'bras bu'i/ /srid pa'i rtse mo ma gtogs la gzugs dang gzugs med par gtogs pa rnams kyi yang gsum rnams su'o/ /rnam pa dgu pa las rang gi gnyen po skye bas dgra bcom pa dbang po 'pho ba rnams su dgu ba srid pa'i rtse mo pa'i ni gnyis su ste/ de'i gnyen po dang 'bras bu dus gcig pa'i phyir ro/ /dbang po rnon po las dbang po 'pho ba ma gtogs pa bzhi dang gsum dang gnyis dang gcig gi bar gyi dus rnams su ci rigs par sngar bshad pa'i rjes su 'brangs te rtogs par bya'o/ /yang brgyad pa'i sa pa'i nyon mongs pa rnams las 'jig rten pa las kyang bral ba thob pa ma yin nam zhe na/ gnyis las de'i gnyen po skye bas de ltar 'di ni rim gyis sa la dgos nas de skad bshad do/ /zag pa med pa'i 'bras ba'i thob pa rnyed pa dbang du byas pa la sogs pa ni 'dir rab tu 'phen pa med do/ /'jig rten pa'i lam gyis 'dod chags dang bral ba sngon du 'gro bas ni kha cig tu dus drug tu nyon mongs pa dang bral ba thob ste/ dbang po rno ba'i phyir 'di la dbang po 'pho ba med do/ /de la gang 'dod pa'i khams las ni ji srid rnam pa lnga spangs pas nges pa la 'jug pa'i bar ro/ /de la mthong bas spang bar bya ba rnam pa lnga rnams las ni dus drug tu bral ba thob po gnyis las de gnyen po skyes pa ste/ bzhi rnams las kyang dge sbyong tshul gyi 'bras bu rnams las so/ /bsgom pas spang bar bya ba rnams lnga rnams las lnga ste/ dge sbyong tshul gyi 'bras bu dang po ma gtogs pa'o/ /'dod chags dang bral ba sngon du 'gro ba'i rnam pa drug ste/ mthong bas spang bar bya ba rnam pa drug la de bzhin du 'bras bu dang po ma gtogs

  619. 310a

    pa'o/ /bsgom pas spang bar bya ba rnams kyi ni 'jig rten pa nyid kyis te rang gi gnyen po skyes pas so/ /de dag la zag pa med pa'i gnyen po mngon du byed pa med de/ de'i gnyen po ni lan cig phyir 'ong ba'i 'bras bu la zhugs pa'i lam yin pa'i phyir ro/ /'dod chags dang bral ba sngon du 'gro ba'i rnam pa bdun dang brgyad do/ /mthong bas spang bar bya ba rnam pa bdun dang brgyad rnams la'o/ /lnga rnams la ni 'bras bu dang po nyid ma gtogs pa'o/ /bsgom pas sdang bar bya ba drug rnams kyi ni dus gcig nyid la ste snga ma bzhin no/ /bdun pa dang brgyad pa dag gi ni bzhi rnams las so/ /gnyen po gnyis skyes pa ni gnyis las so/ /'dod pa la 'dod chags dang bral ba sngon du 'gro ba gal te mi lcogs pa med pa la brten nas nges pa la 'jug par byed pa de'i ni 'dod pa na spyod pa mthong bas spang bar bya ba rnams las ni ji skad bshad pa bzhi rnams las so// // yang bsam gtan gyi dngos gzhi'i sa la brten pa de'i ni gcig nyid las te snga ma bzhin no/ /bsgom pas spang bar bya ba rnams kyi ni mi lcogs pa med pa nyid la brten pa ni gcig las so/ /de dag la nam yang gnyen po ? ba med pa mngon du byed pa med de/ de'i gnyen po ni phyir mi 'ong ba'i 'bras bu la zhugs pa'i lam yin pa'i phyir ro/ /'bras bu la gnas pa ni de la zhugs pa'i lam mngon du byed pa med de dman pa'i phyir ro/ /gang zhig bsam gtan dang po las rnam pa gcig gis 'dod chags dang bral ba nas ci yang med cing med kyi skye mched la 'dod chags dang bral ba'i bar nges pa la 'jug par byed pa de'i ni sa bdun du mthong bas spang bar bya ba

  620. 310b

    rnams las dus bzhi rnams su bral ba thob ste/ gnyen po skyes pa gnyis dang/ phyir mi 'ong ba'i 'bras bu dag dgra bcom pa gnyid do/ /bsgoms pas spang bar bya ba rnams las ni phyir mi 'ong ba'i 'bras bu ma gtogs pa gsum du'o/ /srid pa'i rtse mo'i sa pa rnams kyi yang mthong bas spang bar bya ba rnams las rang gi gnyen po skyes pa dang phyir mi 'ong ba'i 'bras bu dang dgra bcom pa nyid do/ /bsgom pas spang bar bya ba rnam pa brgyad rnams las ni gnyis na ste/ de'i gnyen po skyes pa dang dgra bcom pa nyid na'o/ /dgu pa ni gcig nyid na ste/ dgra bcom pa dang gnyen po skyes pa dag 'bras bu gcig nyid kyi phyir ro/ /yang ji ltar bshad pa'i spangs pa rnam 'jug nges pa la 'jug pa dang 'dod pa la 'dod chags dang bral ba'i nges pa la 'jug pas sngar spangs pa ma yin pa'i bsgom pas spang bar bya ba rnams las bral ba'i thob pa zag pa med pa thob par byed ces bya ba de ci nams yang thob par mi byed pa nyid yin/ 'on te de med pas thob par mi byed do zhe na/ nam yang zhes bya ba ma yin pa nyid do zhes zer ro/ /yang dgra bcom pa nyid kyi thob pa de dag thams cad nyid sngar spangs pa'i zag pa med pa'i 'bral ba'i thob pa rnams thob par byed pa dang gang dag sngar spangs pa ngo bral ba'i thob pa rnams 'dor ba ma yin nam/ de dag thams cad thob par byed pa dang gzhan ma yin pa de dag de'i tshe bral ba'i thob pa rnams 'dor bar byed do/ /zhe na/ ma yin te de dag de'i tshe yang thob par byed do/ /yang 'di ci ltar rtog par byed ce na/ dgra bcom pa nyid thob pa la ni nges par gzugs dang gzugs med pa dang lnga ni zug pa med

  621. 311a

    pa'i 'bral ba'i thob pa 'dor bar byed do/ 'dod pa na spyod pa rnams ma yin te/ de dag kho na sngar zag pa med pa'i 'bral ba'i thob pa rnyed pa las 'dir glang zhig ci yang med kyi skye mched kyi 'dod chags dang bral ba'i bang gyis la brten nas gang dang gang yin pa'i nges pa la 'jug go /'di thams cad la nges par gzugs dang gzugs med pa dang ldan pa thams cad kyi mthong bas spang bar bya ba rnams spangs pa'i gnyen po thob bo/ /de dag cig car spong pa'i gnyen po gcig gi spang bar bya ba yin pa'i phyir sa gong ma'i mthong ba'i lam mngon du gyur pa na yang bsam gtan gyi sa 'og ma pa thams cad kyi ma 'ongs pa bsgom pa yod pa'i phyir bsam gtan gyi sa 'og ma pa yang rang las gong ma'i sa ba'i nyon mongs pa'i gnyen po yin pa'i phyir ro/ /yang gang zhig ci yang med kyi skye mched las 'dod chags dang bral ba bsam gtan gsum pa la rten nas nges pa la 'jug par byed pa de/ sa gong ma srid pa'i rtse mo'i spong ba gnyen po ste/ gnyen po'i sgo nas sa gong ma dang bsam gtan 'og ma'i sa pa mthong ba'i lam mngon du gyur pa bsgom par bya ba yin pas/ 'di gang dang gang gis las 'dod chags dang bral ba ma yin pa med do/ /de la rten nas nges pa la 'jug go /de'i rag gi sa pa rnams kyang mthong bas spang bar bya ba rnams bden pa so so mthong ba sngon du 'gro bas lhan cig cig car spong bar byed do/ /'di ltar bsam gtan bzhi pa'i 'dod chags dang bral ba ni de la brten nas nges pa la 'jug pas sa lnga pa'i mthong bas spang bar bya ba cig car spong bar byed pa

  622. 311b

    bzhin no/ /de bzhin du dang po la 'dod chags dang bral ba yang de la brten nas 'jug pa nas brgyad pa'i bar ro/ /yang bsam gtan bzhi pa'i sa pa la sogs bsam gtan gsum pa'i sa pa la sogs pa rnams kyi res 'ga' spong ba ma yin nam zhe na/ 'di ma yin te bsam gtan gsum pa'i sa pa la sogs pa dang lhan cig gnyen po gcig pas de'i phyir bsam gtan gsum pa'i 'dod chags dang bral bas kyang de la brten nas nges pa la 'jug pa yin mod kyi bsam gtan bzhi pa'i sa pas ni rang gi sa las gong ma'i sa pa'i gnyen po nyid kyis 'di bsam gtan 'og ma'i sa pa dang lhan cig gnyen po gcig pas de'i tshe yang bsgom pa ma yin no/ /sa 'og mas thams cad mthong ba'i lam gyi nus pas sngon 'jig rten pa'i lam gyis spangs pa rnams kyis kyang rang gi gong ma'i sa pa'i mthong bas spang bar bya ba rnams kyi zag pa med pa'i bral ba'i thob pa skyes par byed do/ /gang gi tshe sa gong ma pa'i 'thong ba'i lam mngon du gyur pa na sa gong ma pa'i ma 'ongs pa gom par byed do/ /de'i nus pas sa 'og ma pa'i zag pa med pa'i bral ba'i thob pa rnyed de/ sa gong ma'i nus pas ni ma yin no/ /zhes bya ba sgrub po/ /gzugs dang gzugs med pa na spyod pa thams cad kyi mthong bas spang bar bya ba rnams kyi zag pa med pa'i bral ba'i thob pa rnyed pa de dag 'dod pa dang ldan pa rnams kyi ni ma yin te/ mi lcogs pa med pa'i sa nyid kyi mthong ba'i lam gyis spang bar bya ba yin pa'i phyir ro// yang ji ltar re zhig bsam gtan bzhi pa'i sa pa la sogs pa gsum pa las sa ji lta bar gnyen po ma yin nam/ ci ste bsam gtan bzhi pa la sogs pa'i sa pas mthong ba'i lam mngon du byas pa sa 'og ma pa thams cad

  623. 312a

    sgom par byed ce na/ gang gis sa 'og ma pa rnams kyis kyang zag pa med pa'i bral ba'i thob pa rnyed par byed pas de ltar yin gyis/ /sa'i dngos gzhi ni ma yin no/ /'dod pa khams kyi gnyen por 'gyur ro// yang bsam gtan gyi dngos gzhi'i lam mthong ba'i lam mngon du byas pa na thams cad nyid mi lcogs pa med pa'i sa pa'i mthong ba'i lam goms par byed ce na/ gang gis 'dod pa na spyod pa rnams kyis kyang mthong bas spang par bya ba rnams kyi zag pa med pa'i bral ba'i thob pa rnyed par 'gyur bas na/ yul 'di rnam pa gnyis te/ mthong ba'i lam 'dod pa'i khams kyi gnyen po dang gzugs dang gzugs med pa'i khams kyi gnyen po'o/ /'dod pa'i khams gnyen po yang rnam pa gnyis te/ spong ba gnyen po dang spang ba gnyen po ste/ rnam par sun 'byin pa dang thag bsring ba'i ngo bo'i gnyen po zhes bya ba'i don to/ /de bzhin du gzugs dang gzugs med pa'i khams kyi gnyen po yang ngo/ /de la 'dod pa'i khams kyi spong ba gnyen po ni mi lcogs pa med pas bsdus so/ /thag bsring ba'i ngo bo'i gnyen po ni drug gis sdus pa'o/ /gzugs dang gzugs med pa'i khams kyi gnyen po gang yin pa de ni rnam pa gsum gyis bsdus te/ de yang gzugs deng gzugs med pa'i khams kyi gnyen po mthong ba'i lam ste/ rang gi sa dang sa gong ma'i spong ba gnyen po dang rnam par sun 'byin pa dang thag bsring pa'i ngo bo'i gnyen po rnams so/ /sa gong ma dang sa 'og ma pa rnams kyi yang gang zhir der sa 'og ma'i spong ba'i gnyen po yang sa gong ma pa'i mthong ba'i lam mngon du byas pa nas 'og ma pa thams cad bsgom par bya ste/

  624. 312b

    de sa gong ma dang lhan cig gnyen po gcig pa'i phyir ro/ /'dod pa'i khams na ni med de spong ba gnyen po mthong ba'i lam bsam gtan gyi dngos gzhi'i sa pa dang lhan cig pa'i gnyen po ste/ gang gi phyir bsam gtan gyi dngos po gzhi'i sa pa mngon du byas pa na 'dod pa'i khams gyi spong ba gnyen po ste/ gang gi nus pa las 'dod pa na spyod pa rnams kyi zag pa med pa'i bral ba'i thob pa rnyed par 'gyur ba mthong ba'i lam ma 'ongs pa gom par byed do/ /'di ni mi mnyam pa'i ting nge 'dzin bsam gtan gyi dngos bzhi'i sa pa 'dod pa'i khams kyi ni rnam par sun 'byin pa thag bsring pa'i ngo bo'i gnyen po dag go /gzugs dang gzugs med pa'i ni spong ba'i gnyen po ste/ mthong ba'i lam mngon du byas pas na mi lcog pa med pa'i sa pa yang ste/ de lta bu'i rnam pa nyid kyis ma 'ongs par goms par byed do/ /ma 'ongs pa rnam par sun 'byin pa dag thag bsring pa'i ngo bo'i gnyen po'i nus pas 'dod pa na spyod pa'i 'bral ba'i thob pa rnyed dang mi nus so/ /b+ha bi tuM gnyen po kho nas kun tu sbyor ba'i thob pa gcad nus pa'i phyir ro/ /'dod pa la 'dod chags dang bral ba ni mi lcogs pa med pa la brten nas nges pa la 'jug pa na 'dod pa'i khams rnam par sun 'byin pa dang thag bsring ba'i ngo bo'i gnyen po dang mthong ba'i lam mngon du byas ba na de spong ba gnyen po yang ma 'ongs pa sgom par byed do/ /'dod pa'i khams kyi spong ba gnyen po ni sa las mngon du gyur pas ni 'di thams cad sngar 'dod chags dang bral ba nges pa la 'jug pa rnams kyi ni 'dod pa na spyod pa mthong bas spang bar bya ba las zag pa med pa'i bral ba'i thob pa rnyed par mi rigs so/ /bsgom pas spang bar bya ba rnams kyi ni thams cad du mi rigs so//

  625. 313a

    de dag mi lcogs pa med pas bsdus pas 'dod pa na spyod pa'i sgom pas spang bar bya ba'i nyon mongs pa spong ba'i gnyen po ni zag pa med pa'i bsgom pa'i lam phyir mi 'ong ba'i rgyud la mngon du gyur pas ma 'ongs pa gom par mi 'thad pa'i phyir/ lan cig phyir 'ong ba dang phyir mi 'ong ba'i 'bras bu la zhugs pa'i lam gyis ni phyir mi 'ong ba'i rgyud pa 'di nye bar bsgrub pa med de/ ji srid cing yang med kyi skye mched kyi 'dod chags dang bral ba'i bar? ro?/ /nges pa la zhugs pa'i yang gzugs dang gzugs med pa na spyod pa rnams kyi bsgom pas spang bar bya ba rnams las nges par zag pa med pa'i bral ba'i thob pa rnyed par rig te/ byang chub sems dpa' ma gtogs so/ /thams cad kyi thams cad du rang gi 'bras bu khyad par du gyur pa'i lam mngon? du gyur pa'i phyir 'di ga las zhe na/ bsam gtan bzhi pa bsgrub pa'i 'phags pa ni bde ba'i dbang po dang ldan pas mdza' cig tu de nyid du gzugs kyi 'dod chags zas pa'i yongs su shes pa thob par nges par dgongs te gsungs pa'i phyir ro/ /'o na ci'i phyir byang chub sems dpa' la 'di ltar mi 'gyur zhe na/ de ni sbyor ba'i sgo nas yon tan thams cad mngon du gyur pas nus pa'i phyir ro/ /'gog pa'i snyom par 'jug pa la sogs pa bzhin mi nus pa ni nyan thos dang rang sangs rgyas dag rnam par chad pa'i gnyen po mngon du bya ba'i phyir/ lam snga ma dang lam phyi ma lhag par rtogs pa la rab tu sbyar bar gyur pa'i phyir rnam par chad pas kyang ngo/ /byang chub sems dpa' i nus pa de nyid ni chos kyi dgongs pa rnams la phul du gyur ba'i ye shes thob pa dang spyod? pa shin tu rgya che ba'i phyir

  626. 313b

    'o na mthong ba'i lam la yang chos shes pa'i phyogs dang mthun pa mngon du ma byas par rjes su shes pa'i phyogs dang mthun pa nyid mngon du gyur par thal bar 'gyur ro/ /zhe na/ 'di med de rgyu mtshungs pa'i phyir dang/ zin pa'i phung po bdag med par shes pa thob pa sngon du 'gro ba'i phyir dang/ gzugs dang gzugs med pa na spyod pa'i phung po bdag med par shes pa bskyed pa'i phyir dang/ pa ri karmya b+hU mo bA ta dA ta ta/ pUrba syA tI bA b+hya sta twa ta/ sdug bsngal mngon par rtogs pa na kun nas nyon mongs pa'i rim gyis kyang mthong ba'i lam bskyed pa'i phyir ro/ /'di dag thams cad 'bad pa med par de ltar skyed par (yongs su spyod pa'i sa la/ rgya dpe gcig na tA ra nu zer/ de'i tshe de sngar yod pa bzhin) gyur pas 'jig rten pa'i mi slu bdag nyid kyis shes pas 'dod pa dang gzugs dang spyod pa'i sdug bsngal dang de'i rgyu dang de la gnas pa dang rgyu ba la sogs pa lan cig ma yin par mthong ba sngon du 'gro ba'i phyir/ du goms pa'i phyir ro mi bslu ba'i bdag nyid shes pa zag pa med pas de la ba'i phyir/ mthong bas spang bar bya ba rnams sngon du spang kyang byang chub sems dpa' rnams gnyen po sgom par byed do/ /gal te yang 'dod chags dang bral ba sngon du nges par la 'jug pa'i 'bras bu khyad par gyi lam du 'gyur te/ gegs snga ma dang bral ba nyid kyi phyir ro/ /'di la skyon cir 'gyur/ de ltar mthong ba'i sgo nas gzhung yang legs par drangs ba'i 'gyur ro/ /byang chub sems dpa' nges pa la 'jug pa yang legs par rnam par gzhag par 'gyur ro/ /zhe na/ 'di ni mi rigs te/ 'bras bu la gnas pa'i don 'bras bu'i lam thob pa ma yin pas re zhig rnam par bshad pa'i 'gal bar 'gyur ro/ /Anuts+tsha li (g.yos pa'i)

  627. 314a

    ti sya pa la da stya pa la/ ldan pa zhes bya ba 'di'i don te de lta bu ni rigs so/ /spong ba gnyen po ma yin pa mngon du gyur pa na ji ltar na spong ba gnyen po thob par rigs/ 'bras bu'i khyad par gyi lam dang ldan pa'i rim gyis ('bras bu yod pa 'bras bu min) 'bras bu bsdus pa'i lam kun tu spyod par mthong ba'i phyir 'dod chags dang bral ba sngon du 'gro ba'i yang 'bras bu nyid lhan cig 'bras bu'i khyad par gyi lam thob pas 'bras bu'i lam shin tu spyod par thal bar 'gyur ro/ /srid pa'i rtse mo pa med de mthong bas spang bar bya ba'i nyon mongs pa'i gnyen po gnas pa ni 'dod pa na spyod pa'i bsgom pas spang bar bya ba'i nyon mongs pa spong ba'i gnyen po thob pa la kha cig tu skyes pa yod do/ /'bras bu'i khyad par gyi lam thob pa'i gnyen po yang ji ltar rigs par 'jig rten pa'i lam thob pas 'dod chags dang bral sngon du 'gro ba rgyun tu zhugs pa'i 'bras bu thob pa la kun rdzob shes pa yang ma 'ongs pa goms par byed do/ /nyon mongs pa'i gnyen po 'dra ba nyid kyis de'i gegs dang bral ba yang 'dra bas/ /de'i phyir bral ba'i thob pa la sogs pa'i rnam pa 'di ni legs par rnam par bzhags pa yin no/ /de la ye shes kyi yongs su shes pa ni zag pa med pa'i shes pa'o/ /zhes bya ba ni/ zag pa dang bcas pa'i shes rab kyi rgyun du zhugs pa'i 'bras bu nas ji srid dgra bcom pa'i bar du thob pa med pa'o/ /dbang po dgu rnams kyis rgyun du zhugs pa'i 'bras bu thob par byed do/ /zhes 'byung ba'i phyir zag pa med pa'i shes rab kyi zag pa dang bcas pa yongs su shes pa'o/ /gzhan dag na re lhag par mos pa yid la byed pa dang tha dad med pa'i 'jig rten pa'i yongs su

  628. 314b

    shes pa chos kyi rang dang spyi'i mtshan nyid kyi rang bzhin yongs su gcod cing 'dzin pa thos pa dang bsam pa dang bsgom pa las byung ba dro bar gyur pa dang rtse mo dang bzod pa dang chos mchog la sogs pa rnams su yongs su shes pa'o zhes zer ro/ /gang gi phyir chos gcig kyang mngon par ma shes par sdug bsngal mthar phyin par nga mi smra'o/ /zhes gsungs pas zag pa med pa'i shes rab kyi chos thams cad yongs su shes pa ma yin no/ /zhe na/ chos gang dag ma shes pa sdug bsngal zad pa'i gegs su 'gyur pas de la dgongs nas gsungs pa'i phyir skyon med do/ /spangs pa'i yongs su shes pa ni spangs pa kho na te/ nyon mongs pa dang bral ba'o/ /yongs su shes pa nyid yongs su shes pa ma yin nam zhe na/ de la 'di ni shes pa'i rnam grangs nyid do/ /ci ltar dmigs pa med pa spangs pa yongs su shes pa zhes bya zhe na/ /de'i phyir 'bras bu la rgyu btags pa'i phyir ro/ /zhes smos te/ yongs su shes pa'i 'bras bu la 'dir yongs su shes pa'i sgras bshad de/ dper na reg pa'i skye mched drug po 'di dag ni sngon gyi las su rig par bya'o/ /zhes bya ba lta bu'o/ /bsgom pas spang bar bya ba rnams kyi gnyen po mi 'dra ba'i phyir ro/ /zhes bya ba ni/ ji ltar gzugs na spyod pa'i phung po bdag med pa de bzhin du gzugs med pa na/ spyod pa rnams kyang ste/ yod pa'i dngos po can thun mongs ma yin pa'i phyir mthong bas spang bar bya ba rnams gnyen po 'dra ba ma yin no/ /ji ltar gzugs med pa'i snyoms par 'jug pa rnams mchog yin pa de ltar/ gzugs kyi snyoms par 'jug pa rnams ma yin pas yod pa'i dngos po can no/ /bsgom pas spang bar bya ba rnams te/ chos tha dad pa'i phyir dngos po can rnams so/ /gnyen

  629. 315a

    bo mi 'dra ba'i phyir tha dad pa de spangs pa'i yongs su shes pa rnam par gzhag lo/ yang ji ltar mthong ba'i lam la mthong bas spang bar bya ba rnams kho na spangs pa yongs su shes pa'i ming thob pa de bzhin du bsgoms pa'i lam la bsgoms pas spang bar bya ba rnams yin nam zhe na/ gcig na re bsgoms pas spang bar bya ba rnams nyid gzugs kyi 'dod chags zad pa'i yongs su shes pa'o/ /'dir de las gzhan pa'i nyon mongs pa'i nyon mongs pa spangs kyang gtso bo yin pa'i phyir 'dod chags smras so/ /gnyis ni mthong ba dang bsgom pas spang bar bya ba dag go/ cig shos ni ma yin te/ 'jig tshogs la lta ba la sogs pa spangs pa ni tha ma'i cha dang mthun pa spangs pa'i yongs su shes par rnam par bzhag go/ zag pa thams cad spangs pa yang ste/ kun tu sbyor ba thams cad yongs su gtugs pa'i yongs su shes pa zhes bya'o/ /'di ltar rnam par grol ba'i lam la dgongs nas 'bri ba ni/ ji ltar yongs su shes pa bzang pa'i 'bras bu yin zhe na zhes bya ba'o/ /shes pa'i 'bras bu ni yongs su shes pa zhes bshad ste/ de'i phyir bzod pa'i 'bras bu ni yongs su shes pa ma yin no/ /rigs par brjod par 'dod pas bzod pa rnams ni shes pa'i khor can yin pa'i phyir te zhes bya ba rgyas par 'byung ste/ bzod pas byas pa ni spangs pa ste/ shes pas zhes sems so/ /rgyal po'i gnas lta bu ni 'dir shes pa dang bzod pa rnams so/ /'khor du gyur pas na rgyal po'i pho brang ba ste/ gla rngan? gyis byas pa bzhin no/ /zhes bye brag smra ba rnams zer ro/ /shes pa dang 'bras bu gcig pa'i phyir ro/ /zhes bya ba la

  630. 315b

    rnam par grol ba'i lam la yang spong ba'i bya ba yod de/ spangs pa de 'dzin pa'i phyir ro/ /yang kun tu spyod pa thob par mi 'thad do/ /mi shes pa'i 'bras bus nyid med pas de spangs pa'o/ /zhes ston par byed do/ /'di yang de lta bu ma yin par brjod par byed de/ bar chad med pa'i lam rnams kho na'i bral ba'i thob pa'o/ /skyes bu byed pa zhes bstan pa'i phyir rdo rje lta bu'i ting nge 'dzin dang mtshungs par ldan pa'i ye shes kyis sngar spangs pa rnams kyi zag pa med pa'i bral ba ni thob pa'o/ /bsdom pa'i phyir bzod pa'i 'bras bu yang yin la/ shes pa'i 'bras bu ni ma yin no/ /zhes sbyar ro/ /mthar gyis pa'i yang lan cig phyir 'ongs pa dang phyir mi 'ongs pa'i 'bras bu zhes bya ba de nyid kyi phyir 'jigs tshogs la lta ba la sogs pa tha ma'i cha dang mthun pa spangs pa yang zhes pa'i 'bras bu nyid du 'dod do/ /gang 'chad par 'gyur ba lhag ma rnams ni shes pa yi/ zhes bya ba dang/ mi lcogs med 'bras thams cad do/ /zhes bya ba ste/ de la brten nas nyon mongs pa thams cad spong ba 'thad pa'i phyir ro/ /gzugs dang gzugs med pa na spyod pa'i nyon mongs pa spang ba'i rang bzhin gang dag yin pa'o/ /zhes bya ba ni/ rjes su shes pa dang bzod pa'i 'bras bu gsum mo/ /gzugs kyi 'dod chags spangs pa ni/ kun du sbyor ba thams cad yongs su gtugs pa'i yongs su shes pa'o/ /bsam gtan gyi dngos gzhi rnams 'dod ba'i khams kyi gnyen po ma yin pa'i phyir 'dod pa'i nyon mongs pa bzhi spong ba'i bdag nyid yod pa ma yin te/ de spangs pa ni mi lcogs pa med pa'i 'bras bu yin pa'i phyir ro/ /btsun pa dbyangs sgrogs kyi legs kyis ni brgyad

  631. 316a

    zhes bya ba ni/ tha ma'i cha dang mthun pa spangs pa zhes bya ba shes pa ma gtogs pa'o/ /de nyid kyi phyir tha ma'i cha dang mthun pa spangs pa'i yongs su shes pa ni mi lcogs pa med pa'i 'bras bu kho na yin no/ zhes smos so/ /de ni 'dod chags dang bral ba yang yin no/ /'dod pa na spyod pa rnams kyi zhes bya ba rgyas par 'byung ba la/ gang zhig dngos gzhi'i sa la brten nas des? pa la 'jug pa de ni mi lcogs pa med pa la brten nas kyang de'i gnyen po ma 'ongs pa goms par byed de/ de'i gnyen po rnyed pa'i yang phyir ro/ /de 'dod pa na spyod pa'i mthong bas spang bar bya ba rnams kyi yang zag pa med pa'i bral ba'i thob pa mngon du byed do/ /ci ltar bsam gtan kyis dngos po zhi'i 'bras bu sngar nyid du brjod ce na/ 'di yod pa ma yin te/ gzugs kyi khams kyi gnyen po nyid ma 'ongs pa de thob pa'i phyir bsam gtan gyi dngos gzhi'i 'dod pa'i khams kyi gnyen po med po/ ci ltar de mngon du gyur pas 'dod pa'i khams spong ba'i gnyen po'i lam thob par rigs zhe na/ gzugs dang gzugs med pa'i khams kyi gnyen po de nyid ni mi lcogs pa med pa'i sa pa bsgom par byed pas lnga nyid du rigs so/ /yang 'di ltar rtogs par bya zhe na/ gnyen po gzhan mngon du byas pa ma yin gyi/ gnyen po gzhan gyi lam bsgom par bya'o/ /zhes de ltar 'byung ba'i phyir ro/ /gzugs kyi 'dod chags dang bral bas nges pa la 'jug pa ni gzugs kyi 'dod chags zad pa'i yongs su shes pa thob pa dang mi 'thob pa zhes bya ba 'di dpyad par bya ste/ kha cig na re/ nam mkha' mdza' yas skye mched las 'dod chags dang bral bar 'gyur pa bsam gtan

  632. 316b

    rnams sgom bar byed pa de'i tshe thob po zhes zer ro/ /de ltar bshad pa de 'dir brjod par mi bya ste/ gzugs med pa'i khams kyi gnyen por de'i tshe bsam gtan rnams sgom par byed pa de gzugs kyi khams kyi gnyen po yin pas 'di shes byed ma yin no/ /mthong ba dang bsgom pa'i lam de dag ma 'ongs pa bsgom pa mtshan nyid mi mthun pa'i phyir bsam gtan bzhi pa'i sa pa'i mthong ba'i lam mngon du byas pa na bsam gtan 'og ma'i sa pa'i? mthong ba'i lam thams cad goms par byed do/ /bsgom pa'i lam la ni ma yin pa nyid de mthong pa'i lam gyis kyang cig car brgyad pa'i sa'i nyon mongs pa rnams spong gi bsgom pa'i lam gyi ni ma yin pa nyid de skal ba mi mnyam ba'i shes pa'i rnam pa bsgom pa mtshan nyid mi mthun pas gzhan no/ /de bzhin du mthong ba'i lam gyi chos kyang bsgom pa'i lam las gzhan no/ /yang bsgom pa'i lam gyi yang gzhan gnyen po'i lam mngon sum du byas pa na gnyen? po gzhan sgom par byed do/ /dper na 'dod pa'i khams kyi 'dod chags dang bral ba'i rjes su shes pas gzugs dang gzugs med pa'i khams kyis 'dod chags dang bral ba dang sdug bsngal dang kun 'byung shes pa bzhin no// mthong ba'i lam la yang de bzhin du 'gyur te/ gnyen po mangs dngos gzhi'i bsam gtan ni 'dod pa'i khams kyi ste/ ji skad du bcom ldan 'das kyi nges par 'byung ba la brten pa drug po 'di ni yid bde ba'i nye bar rgyu ba sto/ de dag mi lcogs pa la brten cing gnas so/ /nges par 'byung ba la brten pa drug po 'di dag ni yid mi bde ba'i nye bar rgyu ba ste/ de dag 'dor bar byed do/ /zhes rgya cher gsungs so/ /'dis kyang 'dod pa'i khams la 'dod chags dang

  633. 317a

    bral ba zhes byas te/ de ni nyer ba sdogs la yid bde ba yod do/ /zhes grub pas bsam gtan gyi dngos gzhi'i sa ni 'dod pa'i khams kyi gnyen po nyid du/ de'i phyir yongs su shes pa brgyad rnams bsam gtan gyis dngos gzhi'i 'bras bu nyid yin no/ /kha cig na re/ lam mngon du ma gyur bar zag pa med pa'i bral ba'i thob pa mngon du byed par mi rigs te/ dge sbyong tshul gyi 'bras bu bzhin no/ /'jig rten pa'i lam la ni der zag pa med pa'i lam bsgom pa med pas thob pas 'bras bu gnyis dge sbyong gi tshul gyi 'bras bu 'dra ba med do/ /zhes zer ro/ /de bzhin du yang dngos po las bsam gtan gyi dngos gzhi mngon du gyur pa na 'dod pa'i khams kyi gnyen po mi lcogs pa med pa bsgom pa la ma 'ongs pa des ni de'i thob pa mngon du byed pa mi rigs so/ /'di yang gang cung zad 'phags pa 'jig rten pa'i lam gyi 'dod chags dang bral ba yang 'jig rten pa'i zag pa med pa'i bral ba'i thob pa rnyed pa med do/ /'jig rten pa la ni zag pa med pa'i ye shes sbyor ba las byung ba yod pa ma yin no/ /ma 'ongs pa na 'phags pa'i lam gyi nus pas zag pa med pa'i bral ba'i thob pa rnyed par grub po/ /dge sbyong tshul gyis 'bras bu gnyis kyang shes byed ma yin no/ /gzhan du na rgyu dang 'bras bu rnam par bzhag pa dang rnam pa gzhan bral ba'i thob pa rnyed pa'o/ /ma 'ongs pa ni da ltar byung ba'i 'bras bu ma yin pas/ de'i phyir 'jig rten pa'i lam gyi thob pa ni dge sbyong tshul gyi 'bras bu yin la bral ba'i thob pa ni spangs pa mngon du byas pa la rag las shing/ de yang ma 'ongs pa na lam gyi thob pas na

  634. 317b

    'di la shes par byed pa ci zhig yin/ 'jig rten pa'i lam gyi thob pa yang 'bras bu gnyis te/ dge sbyong tshul gyi 'bras bu khas blang bar bya ste/ ma 'ongs pa'i rnam par grol ba ni dge sbyong tshul gyi 'bras bu yin pa'i phyir ro// de yang 'jig rten pa'i lam gyis thob ste/ de thob pa'i gegs kyi thob gcod pa'i phyir/ dge sbyong tshul gyi 'bras bu don du zhe na/ ma 'ongs pa dang da ltar byung ba la yod pa de ni 'jig rten pa'i lam mngon du gyur pa na da ltar byung ba zag pa med pa'i lam mo/ /'di rgyu mthun pa'i 'bras bu ma 'ongs pa dang skyes bu byed pa'i 'bras bu dang mtshungs par ldan pa dang lhan cig 'byung ba'i rgyu dag ni dus gsum pa yin pa'i phyir/ skyes bu byed pa'i 'bras bu dang yang lhan cig 'bras bu yin no/ /'dus ma byas kyang 'bras bu ste/ dus gsum gyi phyir de la zhes so de cis kyang dge sbyong tshul gyi 'bras bu nyid la spyod par byed/ de'i phyir bsam gtan rnams kyi 'bras bu yongs su shes pa brgyad do/ /zhes bya ba grub po/ /ma grub po zhes smra ba na/ gang re zhig bsam gtan bzhi pa'i sa pa'i mthong ba'i lam mngon du gyur pa na sa drug gi ni ma 'ongs pa bsgom pa'i lam zhes bshad pa ni re shig lan ma yin no/ /skal ba ma mnyam pa'i sa pa'i yang gzugs dang gzugs med pa kho na'i gnyen po thob pa'i phyir ro/ /gang gis phyir skal pa mi mnyam pa bsgom par byed pa de'i phyir gnyen po gzhan yang zhes bya ste/ 'di srid pa'i rtse mo las 'dod chags dang bral ba ga las yin/ /sa dgu'i lam ma 'ongs pa sgom par byed do/ /zhe na ma byin no/ /de ni 'di las gzhan pa'i gnyen po yang ste/ der 'jig rten pa bsgom pa'o zhes par ga par nus so/ /gang kho

  635. 318a

    na 'di gcig 'di gcig car brgyad pa'i sa'i gnyen po kho na brgyad pa'i sa'i gnyen po nyid du sgom par byed do/ /zhes grub pa la/ skal pa mi mnyam pa'i shes pa'i rnam pa sgom pa mtshan nyid mi mthun pa nyid dang shes par byed pa mthong ba'i lam yang gnyen po gzhan ma yin pas ma 'ongs pa sgom pa'o/ /sdug bsngal la sogs pa'i bzod pa dang shes pa rnams ni ma yin no/ /kun 'byung ba la sogs pa mthong bas spang bar bya ba'i nyon mongs pa'i gnyen po zhes bya ba ni/ kun 'byung la sogs pa'i bzod pa mngon du gyur pa na/ thob pa'i rigs rnams dang sdug bsngal la sogs pa dang bzod pa dang shes pa rnams bsgom par byed do/ /yang sa gzhan pa rnams bsgom par byed do/ /mthong ba'i lam nyid dam dpag tu med pa'i ma 'ongs pa na bsgom pa'i bzod pa rnams nyid du shes pa rnams la shes pa nyid du bsgom par byed do/ /de las gzhan pa'i gnyen po ma 'ongs pa sgom pa'i skabs yod pas 'dod pa'i khams kyi 'dod chags dang bral ba rjes su shes pa dang gzugs dang gzugs med pa'i khams kyi 'dod chags dang bral ba dang sdug bsngal dang kun 'byung la chos shes pa gnyen po nyid du sgom par mi byed do/ /'o na ci zhe na/ rgyu la nye bar btags ste/ 'di ye shes bstan pa'i mdzod nas rgyas par ston par 'gyur ro/ /yid kyi nye bar spyod pa'i mdo las bstan pa ni/ da ltar byung ba'i sbyor bar mthong ba'i phyir skyon med do/ /zhe na pa brten pa ni yid mi bde ba'i nye bar gtses pa ste/ kun tu sbyor ba nges par 'byung ba la brten pa yang nye bar 'tshe ba dang 'jigs pa dang bcas pa'i phyir bsam gtan dang po mngon du gyur pa na/ de

  636. 318b

    tshol bar byed cing spong ba la rab tu sbyor ro/ /yid bde ba'i lam gyis yid mi bde ba spong bar byed do/ /zhes gsungs pas nges par 'byung ba la brten pas yid mi bde ba spong ba'i de ma thag nyid du 'gyur ba'i skabs yod pas da ltar byung ba'i dang po pa la dgongs nas nye bar 'tshe ba de rnams las dbugs 'byin pa bskyed pa'i don du de ltar gsungs kyi rnam pa thams cad du bsam gtan gyi dngos gzhi 'dod pa'i khams spong ba'i gnyen po ni ma yin no/ /ko hi su khams? pra ti pa dam byu ta sya du(mdo 'grel): kha yai ba/ dge sbyong tshul gyi 'bras bu gsum thob pa la lhag par zhan pa de'i phyir bsam gtan gyis dngos gzhi'i 'bras bu yongs su shes pa lnga nyid do/ /zhes bye brag tu smra ba rnams zer ro/ /bsam gtan khyad par can ni/ bsam gtan bzhin du blta bar bya'o/ /zhes so/ /bye brag tu smra ba rnams kyi lugs kyi lnga'o/ /btsun pa dbyangs sgrogs kyi lugs kyis brgyad de/ gzugs kyi 'dod chags zad pa'i yongs su shes pa'o/ /'bras bu'o/ /zhes so/ /nam mkha' mdza' yas skye mched kyi nyer pa sdogs la mthong ba'i lam yod pa ma yin no/ /rang gis dang sa gong ma'i gnyen po zag pa dang bcas pa ma yin pa'i phyir ro// 'phags pa 'dod chags dang bral ni 'jig rten pa'i lam gyi 'bras bu spang ba'i yongs su shes pa rnams thob par mi byed de/ zag pa med pa'i bral ba'i thob pa mngon du byas pa'i phyir ro/ /gzugs med dngos gzhi gsum gyi yang 'bras bu yongs su shes pa ni gcig kho na'o/ /gzugs med dngos gzhi gsum gyi yang zhes bya ba ni/ srid pa'i rtse mo ma gtogs pa'o/ /sa 'og ma la 'dod chags dang bral ba ni gzugs med pa'i dngos gzhi la 'jug

  637. 319a

    pa med pas so/ /thams cad 'phags pa'i lam gyi yin/ zhes bya ba la 'phags pa'i lam smos pas mthong ba'i lam dang bsgom pa'i lam yang gzung ngo/ /de'i nus pas rnam pa gnyis kyis srid ba'i rtse mo las 'das pa'i phyir ro/ /bdun ni yongs su shes pa de dang thun mong pa'i 'bras bu'o/ /tha ma'i cha dang mthun pa gzugs kyi 'dod chags zad pa'i shes pa 'jig rten pa dang 'jig rten las 'das pa'i 'bras bu? tha ma dag go /zhes bya ba ni/ gzugs kyi 'dod chags zad pa dang/ kun tu sbyor ba thams cad yongs su gtugs pa'i yongs su shes bdag ste rjes su shes pa ni gzugs dang gzugs med pa na spyod pa'i bsgom pas spang bar bya ba'i gnyen po yin pa'i phyir ro/ /chos shes pa yi gsum yin no/ /zhes bya ba ni bsgom pa'i lam la 'gog pa dang lam la dmigs ste/ de nyid kyi phyir khams gsum pa'i bsgom pas spang bar bya ba'i gnyen po yin pa'i phyir ro/ /zhes smros so/ /kun 'byung la dmigs pa gcig nyid de/ tha ma'i cha dang mthun pa spangs pa'i yongs su shes pa'o/ /de phyogs mthun gyi drug dang lnga/ zhes bya ba ni chos shes pa dang rjes su shes pa'i zhes de ma thag? du bskabs dang sbyar ro/ /phyogs smos pas ni bzod pa dang shes pa rnams kyang gzung pa nyid do/ /chos shes pa'i phyogs dang mthun pa'i thun mongs ma yin pa'i yongs su shes pa'i 'bras bu gzhi'o/ chos bzod rnams gi gsum mo/ /chos shes pa gcig go /tha ma'i gnyis so/ /thun mong du ni chos dang rjes su shes pa dag gi de ltar de'i phyogs dang mthun pa'i drug tu 'gyur ro/ /rjes su shes pa'i phyogs mthun pa'i thun mongs ma yin

  638. 319b

    pa ni gsum mo/ /rjes su bzod kyi 'bras bu thun mongs pa ni gnyis te/ gzugs kyi 'dod chags zad pa dang/ kun tu sbyor ba thams cad spangs pa'i yongs su shes pa ste/ de ltar lngar 'gyur ro/ /ci'i phyir spangs pa re re zhes bya ba rgyas par 'byung pa ni/ ci'i phyir spangs pa so so'i lam nyid spangs pa ste/ yongs su shes par rnam par mi gzhag ces bya ba'i don te/ /yongs su gdung ba spangs pa ni yongs su shes pa nyid du bstan pa'i/ mdo las dge slong dag yongs su shes pa bstan par bya ste/ zhes rgyas par 'byung ste/ yongs su shes pa gang zhe na/ gang 'dod chags kyi yongs su gdung pa spangs pa dang zhe sdang gi yongs su gdung ba spangs pa zhes rgyas par 'byung ba la/ yongs su gdung ba zhes bya ba ni nges par rjes su 'brel pa ste/ de spangs pa gang yin pa yongs su shes pa zhes bya bar bshad pa yin no/ /ci ltar nges par rjes su 'brel pa spangs pa yin zhe na/ gang gi phyir bzod pa'i 'bras bu re zhig spangs pa ste/ bral ba'i thob zag med dang/ srid rtse nyams par byas pa dang/ rgyu gnyis kun tu bcom pa'i phyir/ nges par rjes su 'brel pa spang ba yin no/ /de'i phyir rgyu gsum gyis yongs su shes pa rnam par bzhag ste/ re zhig so so'i skye bo ni zhes rgyas par 'byung ngo/ /so so'i skye bo la ni brgyad pa'i sa'i nyon mongs pa rnams yod pas rgyu gnyis kun tu bcom pa dang bral ba'i thob zag pa med pa med do/ /srid pa'i rtse ma nyams par byas pas yang med de/ 'jig rten pa'i lam srid pa'i rtse mo'i gnyen por gyur ba med pa'i phyir ro/ /'phags pa la yang bzod pa'i 'bras bu spangs pa gang yin pa zhes rgyas par 'byung ste/ de la mthong ba'i lam gyi skad cig ma gnyis pa dang gsum pa dag la ni/ skad cig ma dang

  639. 320a

    po'i spang bya rnams las zag pa med pa'i bral ba'i thob pa yod mod kyi/ srid pa'i rtse mo nyams par byas pa ni ma yin te/ srid pa'i rtse mo'i mthong bas spang bar bya ba rnams ma spangs pa'i phyir ro/ / skad cig ma bzhi pa dang lnga pa dag la ni gnyis ga yod kyi/ rgyu gnyis kun du bcom pa ma yin te/ kun 'byung mthong bas spang par bya ba kun tu 'gro ba ma spangs pa'i phyir ro/ /zag pa med pa'i bral ba'i thob pa dang srid rtse nyams par byed pa ni sdug bsngal la rjes su shes pa ste/ srid pa'i rtse mo'i sdug bsngal mthong bas spang bar bya ba spangs pas srid rtsa nyams par byas pa yin no/ /chos dang rjes su shes pa gzhan dag la ni zhes bya ba rgyas par 'byung ba la gzhan dag ni kun 'byung dang lam la 'gog pa la dmigs pa rnams so/ /de la kun 'byung la chos shes pa ni thams cad la gsum yod pas de'i tshe 'dod pa na spyod pa'i sdug bsngal dang kun 'byung mthong bas spang bar bya ba de rnams spangs pa na yongs su shes pa'i ming thob bo/ /de bzhin du kun 'byung la rjes su shes pa la yang ste/ thams cad la gsum yod pas gzugs dang gzugs med pa na spyod pa'i sdug bsngal dang kun 'byung mthong bas spang bar bya ba rnams spang ba na yongs su shes pa'i ming 'thob bo/ de bzhin du 'gog pa dang lam la yang chos shes pa dang rjes su shes pa la yang ste/ 'gog pa dang lam mthong bas spang par bya ba 'dod par gtogs pa rnams dang/ gzugs dang gzugs med pa spyod pa rnams spangs pa na 'thob po zhes rig par bya'o/ /shes pa'i 'bras bu spangs pa ni bsgom pas spang bar bya ba rnams spangs pa zhes bya ba'i don to//

  640. 320b

    khams las 'das pa las zhes bya ba ni de dag las te/ ji srid rnam pa brgyad spangs pa gcig gis kyang ma spangs pa dang mi ldan pa ste/ de rjes su 'brangs pa dang bcas pa spangs pas de yongs su shes pa zhes bya ba'i ming thob po// na tsa me tu spangs pa na rjes su 'brang ba med pa yin no/ /rgyu bzhi tshang bas khams las 'dab par 'gyur te/ de nyid kyi phyir khams mdza' dag las 'dod chags dang bral ba'i phyir zhes smos so/ /gnyis kun tu sbyor ba dang bral zhes bya ba la/ dmigs bya dmigs byed kyi nyon mongs pa nyid ni kun tu sbyor ba'o/ /gang kun tu sbyor ba de dag dang bral ba ni gnyis kun tu sbyor ba dang bral ba'o/ /gzhan dag na re/ khams las 'das pa yang 'o na smos par mi bya ste/ rgyu kun tu bcom pa gzhan yin pa'i phyir dang kho bo cag gi 'dod pa 'di rdzas gcig pa'i rgyu'i phyir dang/ kun tu sbyor ba'i phyir gzhan nyid kyi rgyu'i don ni gzhan kun du sbyor ba'i don to/ /zhes zer ro/ /ris lnga 'jug pa'i don gyis na kun du 'gro ba'i rgyur dgongs la/ 'ching ba'i don gyis na kun tu sbyor bar dgongs so/ /de skye ba sdug bsngal shes par skye ba dang kun 'byung shes pa gnyis ka yod mod kyi rgyu'i ngo bo yin yang phan tshun rab tu 'jug pa'i nus pa med pas kun 'byung mthong bas spang bar bya ba rnams la dmigs pa'i sgo nas 'ching ba yin no/ /rgyu kun bcom pas kun du sbyor ba dang bral ba ma yin no/ /de dag la ni de'i rgyu'i ngo bo dang mtshungs bar ldan pa med do/ /zag pa med pa la dmigs pas dus gzhan la bltos te 'ga' zhig dang mtshungs par mi ldan pas de'i phyir gnyis ka smos pa de ni 'dir de dag gi cig car dngos po las ches gzhan pa gnyi ga grub pas de

  641. 321a

    smos pa yin no zhes brjod par nus so/ /gzhan ma yin pas mi brjod do/ /re zhig so so skye po ni brgyad pa'i sa la 'dod chags dang bral ba yin yang yongs su shes pa rnams rang mi ldan pa nyid do/ /'phags pa mthong ba'i lam la gnas pa yang zhes rgyas par 'byung ba la/ ji srid kun 'byung pa chos shes pa'i bzod pa la gnas pa de srid rgyu gnyis kun tu bcom pa med pa'i phyir de dang mi ldan pa nyid do/ /zag med pa'i bral ba'i thob pa'i thob de dang srid rtse nyams par byas pa med pa ni ci rig par shes par bya'o/ /kun 'byung la chos shes pa dang kun 'byung la rjes su shes pa'i bzod pa dag la ni gcig nyid dang ldan no/ /kun 'byung la rjes su shes pa dang 'gog pa la chos bzod pa dag la gnyis dag dang ldan no/ /'gog pa la chos shes dang 'gog pa la rjes su shes pa'i bzod pa dag la ni gsum dang ldan no/ /'gog pa rjes su shes pa dang lam la chos shes pa'i bzod pa dag la ni gsum dang ldan no/ /lam la chos shes pa dang lam la rjes su shes pa'i bzod pa dag la ni ldan no/ /lam la rjes su shes pa ni bsgom pa'i lam zhes bya ba ma brjod pas lam la rjes su shes pa la gnas drug rnams dang ldan no/ /mthong lam la gnas pa nyid kyi dbang du byas pas de nyid kyi phyir bsgom pa'i lam la gnas pa zhes bya ba rgyas par 'byung ste/ lam la rjes su shes pa la ni de las gong du ji srid 'dod pa la 'dod chags dang bral ba ma thob pa'am de las nyams pa ni/ yongs su shes pa drug dang ldan no/ /sngon du 'am phyis zhes bya ba ni 'dod chags dang bral ba sngon du 'gro ba 'am/ mthar gyis ba la lam la rjes su shes pa la gnas

  642. 321b

    pa 'am rnam par 'grol ba'i lam la gnas pa dag gi tha ma'i cha dang mthun pa spangs pa'i yongs su shes pa cig bu ldan no/ /ji srid gzugs kyi 'dod chags dang bral ba ma thob pa'o/ /dgra bcom pa thob pa ni de'i tshe yongs su shes pa rnams bsdom pa'i phyir gcig kho na dang ldan no/ /yongs su nyams na yang zhes bya ba ni/ dgra bcom pa de nyid gzugs med pa na spyod pa'i kun nas dkris pas dgra bcom pa las yongs su nyams na gnyis/ /dad ldan no/ /'dod pa na spyod pa yongs su nyams na drug dang ldan no/ /zhes khyad par du byed pa'o/ /gzugs na spyod pas zhes bya ba ni/ 'o na gal te/ bsam gtan gyi dngos gzhi la brten nas nges pa la yang 'jug pa yang lam la rjes su shes pas spangs pa tha ma'i cha dang mthun pa spangs pa'i lam ming 'thob pas ci ltar bsam gtan rnams kyi 'bras bu yongs su shes pa lnga nyid du 'dod ces/ gzugs dang gzugs med pa na spyod pa rnams kho na'i mthong pas spang bar bya ba rnams spangs pa de yongs su shes pa'i ming thob pas skyon med do/ /ci'i phyir mthar gyis pa'i de spangs pas phyir mi 'ongs pa'i 'bras bu rnam par gzhag ce na/ 'jig rten pa'i lam gyis spangs pa rnams kyang tha ma'i cha dang mthun pa rnams te/ gang yang mi skye ba de 'phags pa'i lam gyis nus pas yin/ de'i phyir de'i 'bras bu la nye bar btags pa'o/ /'di 'dod pa na spyod pa'i yongs su shes par mi thob pas de nyid kyi phyir mu bzhir bya ste/ gang spangs pa yang yin la yongs su shes pa thob pa yang yod/ spangs pa yin la yongs su shes pa ma yin pa dang/ rang gi gnas su spangs pa ma yin la yongs su shes pa rnam par bzhag pa yang yod do

  643. 322a

    yongs su shes pa yin la spangs pa ma yin pa ni kun 'byung la chos shes par bzod pa 'gag pa na 'dod pa na spyod pa'i sdug bsngal mthong bas spangs par bya ba rnams dang/ de spangs pa sngar thob pa'i phyir kun la rjes su shes pa'i bzod pa dang/ gzugs dang gzugs med pa na spyod pa'i sdug bsngal mthong bas spangs bar bya ba rnams dang/ 'dod pa la 'dod chags dang bral ba nges pa la 'jug pa dang lam la rjes su shes pa'i bzod pa'i dus na sngar kun tu sbyor ba spangs pa rnams kyi yin no/ /'dir gal te bsam gtan gyi dngos gzhi la brten te nges pa la 'jug pa na de sngar spangs pa gzugs dang gzugs med pa na spyod pa'i mthong pas spang par bya rnams spangs pa'i phyir thob pa rnyed do/ /ma spangs pa sngar thob pa'i phyir 'dod pa na spyod pa rnams kyi ni ma spangs pa sngar thob pa'i phyir ro/ /'di'i dngos gzhi ma thob pa rnams kyi gnyen po yin pa'i phyir mi lcogs pa med pa la brten nas mthong bas spang bar bya ba rnams kyi thob pa rnyed do/ ma spangs pa snga ma bzhin no/ /de bzhin du 'dod pa las 'dod chags dang bral ba bar chad med pa'i lam dgu pa khams gsum gyi mthong bas spang bar bya ba rnams dang 'dod pa na spyod pa rnam pa brgyad po rnams dang/ bsam gtan bzhi pa la 'dod chags dang bral ba bar chad med pa'i lam dgu pa dang/ bsam gtan sa gsum pa rnams kyi rnams pa dgu dang/ bsam gtan bzhi pa'i sa'i rnam pa brgyad rnams dang/ rdo rje lta bu'i yang sngar spangs pa rnams te/ 'di dag thams cad spangs pa yang yongs su shes pa'o/ /gang dang gang gi gnas skabs su spangs pa dang yongs su

  644. 322b

    shes par rnam par bzhag pa de dang de dag bar chad med pa'i lam gyis spang bar bya ba nyid do/ /'di lta ste/ 'dod pa la 'dod chags dang bral ba ni kun 'byung la chos shes pa'i bzod pa'o/ /'dod pa na sbyor ba'i mthong bas spang bar bya ba rnams ni kun 'byung la rjes su shes pa'i bzod pa'o/ /gzugs dang gzugs med pa na spyod pa'i mthong bas spang bar bya rnams nas de bzhin du ji srid lam la rjes su shes pa'i bar dang/ de bzhin du 'dod chags dang bral ba sngon du 'gro ba la yang ci rigs par brtags par bya'o/ /bsgom pa'i lam la yang 'dod pa'i khams dang bsam gtan bzhi dang srid pa'i rtse mo'i 'dod chags dang bral ba bar chad med pa'i lam dgu la chung ngu'i chung ngu'i rnam pa dgu ma spangs par thob bo/ /yongs su shes pa 'di dag rnam pa ma gtogs pa 'di dag bsdoms pa khams las 'dod chags dang bral ba'i 'bras bur 'gyur te/ rim gyis pa phyir zhing 'dod chags dang bral ba la rjes su shes pa yin yang 'bras bu thob pa ma yin zhing/ khams mdza' dag las 'dod chags dang bral ba dang gzugs kyi khams las 'dod chags dang bral ba yang khams las 'dod chags dang bral ba ste/ der 'bras bu thob pa yod pa ma yin zhing khams? 'di dag gi gnas skabs su yongs su shes pa bsdoms pa ma yin no/ /phyis mi 'ongs pa'i 'bras bu la ni 'bras bu thob pa dang khams la 'dod chags dang bral ba gnyis ka yod do/ /de bzhin du dgra bcom pa nyid kyi 'bras bu thob pa zhes bya ba ni/ de dag gi gnas skabs su yongs su shes pa sdoms pa'i phyir yongs su shes pa gcig tu rnam par bzhag pas gcig 'dor ro/ /dgra bcom pa las yongs su nyams pa ni gcig kho na 'dor te/ tha ma'i rtsa?

  645. 323a

    dang mthun pa'i yongs su shes pa'o/ /'dod pa la 'dod chags dang bral ba las yongs su nyams pa gzugs kyis 'dod chags zad pa'i yongs su shes pa gcig kho na 'dor ba ma yin nam zhe na/ bden de yongs su 'dor ro/ /'dir ni gang yongs su 'dor ba na gzhan dag thob pa de yongs su 'dor ba nyid do/ /zhes dgongs te de yongs su 'dor ba yin pa'i dbang du byas pa yin no/ /gnyis gtong ngo/ /zhes bya ba rgyas par 'byung ba ni/ gzugs kyi 'dod chags zad pa'i yongs su shes pa dang/ tha ma'i cha dang mthun pa spangs pa'i yongs su shes pa'o/ /'dod chags dang bral ba sngon du 'gro ba lam la rjes su shes pa la gnas pa ni lnga gtong ste/ zhes bya ba 'di la kha cig na re/ lam la rjes su shes pa'i bzod pa la'o/ /zhes brjod par bya ste/ lam la rjes su shes pa gtang ba'i phyir khyad par yang brjod par bya ste/ mi lcogs pa med pa brten nas nges pa la 'jug pa byed pas so/ /zhes zer ro/ /bsam gtan la brten nas ni gnyis nyid 'dor ro/ /bsam gtan dngos gzhi la brten nas 'dod pa na spyod pa'i mthong bas spang bar bya ba rnams las zag pa med pa'i bral ba'i thob pa rnyed pa med do/ de la ci ltar thob pa rnams la yongs su shes pa gsum gtong bar mi sbyar zhe na/ yongs su shes pa drug 'dor ro/ /zhes bya ste/ de ni der khams las 'dod chags dang bral ba dang/ /'bras bu thob pa yongs su bsdoms pa sngon du 'gro bas drug yongs su gtong ngo/ /gang la la zhig gis ni sngon med pas thob pa zhes bya ba ste/ kun 'byung la chos shes pa la sogs pa'i gnas skabs dgu po rnams su'o/ /gzugs med pa'i khams las 'dod chags dang bral ba 'ba' zhig

  646. 323b

    pas zhes bya ba la/ de ni gzugs kyi 'dod chags zad pa'i yongs su shes pa dang/ tha ma'i cha dang mthun pa spangs pa'i yongs su shes pa thob po/ /'ba' zhig smos pa ni gzugs kyi 'dod chags dang bral ba las yongs su nyams pa gcig nyid 'thob bo/ /'dod pa'i khams kyi 'dod chags dang bral bas na kha cig tu drug dang drug 'thob ste/ gang des 'dod pa'i khams la 'dod chags dang bral ba thob pa na de yongs su btang ba nyid do/ /de'i phyir yongs su nyams pa 'thob po// lnga thob pa ni 'ga' yang med pa nyid do/ /zhes bya ba ni/ gang zhig sngar mi lcogs med pa la brten nas 'jug pa'i 'bras bu thob pa yongs su shes pa btang ba de dag de'i 'bras bu las nyams pa'i phyir thob par 'gyur ba yod pa ma yin no/ de'i 'bras bu las nyams pa ni nam yang lnga 'thob pa med do/ /'o na khyad par med pa'i phyir btang bar mi rigs so/ /zhe na/ de spangs pa kho na lam 'bras bu yongs su bzung nas thob pa gzhan thob pa yod pas de ltar yongs su shes pa gzhan thob pa ni sngags yongs su shes pa rnams la/ 'dir yongs su btang ba zhes dgongs nas de ltar gsungs pas na 'di la skyon med do/ /slob dpon btsun pa blo gros brtan pas nye bar bkod pa chos mngon pa mdzod kyi bshad pa'i rgya cher 'grel ba las phra rgyas bstan pa zhes bya ba ste/ chos mngon pa mdzod kyi gnas lnga pa rdzogs so// //'jig rten mgon po la phyag 'tshal lo/ /ji skad du spangs pa ni yongs su shes pa'i mi mthob po zhes bshad pa zhes bya ba la/ yongs su shes pa'i zhes 'bras bu la yongs su shes pa rgyu la 'bras bu btags pa'i phyir ro/ /rgyu'i rnam pa gang gis gzhan yin zhes na ji skad du/ zag med bral ba'i thob pa dang/ srid rtse nyams par bya ba

  647. 324a

    dang/ rgyu gnyis kun du bcom pa'i phyir/ /yongs shes khams las 'das pa las/ zhes gsungs so/ /bden pa mthong dang bsgom pa las/ zhes bya ba ni bsgom pa gnyis bsgoms shing bsten pa zhes bya ba'i don to/ /bden pa rnams mthong ba dang bsgom pa ni bden pa mthong ba dang bsgoms pa'o/ /mthong ba dang bsgom pas spang bar bya ba yin no zhes bya ba ni/ de dag bcu dang bdun dang brgyad/ /lta ba gsum gnyis ma gtogs pa/ /'dod na sdug bsngal la sogs pa/ /mthong bas rim bzhin spongs par byed/ /ces bya ba dang/ bzhi ni bsgom pas spang bya yin/ /zhes bya bas rgyas par bshad do/ /'di brjod de/ zhes bya ba ni mthong ba dang bsgom pa'i lam dag zag pa med pa nyid du shes par bya ba'i phyir dag zag pa dang bcas pa dang zag pa med pa nyid shes par bya ba'i phyir ro/ /bsgom pa'i lam ni rnam pa gnyis/ mthong zhes bya ba zag pa med/ /ces bya ba la/ zhan dag na re 'di yang brjod par mi bya'o/ /ci'i phyir zhe na/ sngar nyid du bshad zin pa'i phyir ro/ /ji ltar bshad ce na/ srid rtse las skyes zod pa yi/ gzhom bya mthong bas spang bya nyid/ /lhag skyed mthong dang sgom gnyis kyis/ /zhes bshad pa'i phyir ro/ /zhes zer ro// srid pa'i rtse mo'i sa pa rnams kyi mthong ba dang bsgom pas spang bar bya ba rnams ni mdza' gcig tu zag pa med pa'i lam gyis gzhom par bya ba'i yin pa'i phyir brgyad pa'i sa pa rnams dang/ gnyi ga yang so so skye bo'i dgom pas spang bar bya ba nyid du gsungs pa'i phyir 'di skad bshad pa yin no/ /bsgom pa'i lam ni rnam pa gnyis te/ /'jig rten las 'das pa'o/ /khams gsum pa'i gnyen po yin pa'i phyir zhes bya ba ni/ khams gsum pa'i

  648. 324b

    gnyen po 'jig rten pa med de/ srid pa'i rtse mo'i gnyen po med pa'i phyir ro/ /de'i gnyen po med pa nyid kyis sa gong ma la brten nas sa 'og ma rnam par sun 'byin pa'i phyir te/ srid pa'i rtse mo'i las sa med pa'i phyir ro// bsgom pa'i lam yang zag pa med pa'i rgyu ste/ mthong bas spang bar bya ba rnam pa dgu po rnams zhes rgyas par 'byung ba ste/ gal te zag pa med pa'i rnam pa dgus de cig car spong ba de lta na bsgom pa'i lam gyis kyang cig car spong bar thal bar 'gyur ro zhe na/ zag pa med pa'i 'jig rten las 'das pa nyid kyis cig car spong ngo/ /zhes nges par gzung pa'i phyir thal bar 'gyur ba med do/ /gzhan dag na re mthong bas spang bar bya ba rnam pa dgu po cig car spangs pa'i phyir zhes bya ba 'di gtan tshigs ma yin te/ 'jig rten pa'i sgom lam rnam pa dgu yis kyang cig car spangs pa'i phyir zag pa med pa'i spangs pa ni rnam pa re re pa ma yin no/ /zhes zer ro/ /rang gi ngo bo ni sngar ji skad bshad pa de kho na bzhin no zhes bya ba la/ sngar ji skad bshad ce na/ sdug bsngal gyi bden pa ni lam ma gtogs pa'i 'dus byas 'bras bur gyur pa'i 'du byed rnams so/ kun 'byung gis bden pa ni rgyur gyur pa rnams so/ 'gog pa'i bden pa ni so sor brtags pas 'gog pa'o/ /lam gyi bden pa ni slob pa dang mi slob pa'i chos rnams so/ /zhes bya bar ro/ /gzhan dag na re 'di dang gzugs? ni sdug bsngal gyi bden pa yin no/ /de nyid nye bar len pa'i phung po lnga'i bdag nyid kyis las dang nyon mongs pa rnams ni kun 'byung gi bden pa yin no/ /nyon mongs pa rnams kyis 'gro ba bzhin du sems nye bar che ci ba las kyi rgyu mtshan

  649. 325a

    gyi rang bzhin par dgra ba'i nyon mongs pa rnams 'gog pas 'gog pa'o/ /de bkag pa las gzugs la sogs pa dang bral ba'i zhi gnas dang lhag mthong ni lam gyi bden pa dang ste/ 'phags pa'i lam ni des nye bar bsdus pa'i phyir ro/ /zhes zer ro/ 'di ni chos mngon pa pa la rnams mi 'dod do/ dus dang gang zag dang mos pa dang nus pa'i gnas skabs tha dad pa'i dbang gis so/ /mdo rnams su chos bstan pa ni dgongs pa can yin la/ chos mngon par ni mtshan nyid pa kho na'i dbang du byas te/ de ltar 'di chos mngon pa dang mi 'gal lo/ /de lta ma yin na zhes bya ba ni gal te bden pa rnams ji ltar mngon par rtogs pa bzhin bstan par bzhed pa ma yin pa zhig tu gyur na ni de lta yin dang sngar rgyu ston par 'gyur zhing/ phyis 'bras bu ston par 'gyur te 'bras bu'i ston par 'gyur te 'bras bu'i sngon du rgyu 'gro ba'i phyir sdug bsngal gyi bden pa'i sngar rol tu kun 'byung gis/ bden pa bstan pa dang/ 'gog pa'i bden pa'i snga rol du lam gyi bden pa bstan par rigs par 'gyur ro/ /kha cig ni rab tu brtags pa dang mthun par bstan pa ste zhes bya ba ni rtogs pa dang mthun par bstan ces bya ba'i don te/ rtogs pa dang rab tu brtags pa dang nges par rtogs ni rnam grangs so/ /dper na yang dag par spong ba rnams zhes bya ba ni/ /ji ltar sdig pa mi dge ba'i chos skyes pa rnams spang ba'i phyir 'bad pa skyed par byed do/ /rtsol lo// brtson 'grus rtsos mo/ /sems rab tu 'dzin to/ /rab tu 'jog go /zhes bya ba dang/ ma skyes pa rnams mi skyed pa'i phyir 'dun pa skyed do/ /zhes bya ba la sogs pa thams cad sbyar ro/ /dge ba'i chos ma skyes pa rnams bskyed pa'i phyir

  650. 325b

    'dun pa bskyed do zhes bya ba thams cad sbyar ro/ /skyes pa rnams brtan pa dang mi brjod par bye ba dang/ bsgom pa yongs su rdzogs par bya ba'i phyir dang/ phyir zhing 'phel ba dang rgyas pa dang ye shes mngon du bya ba'i phyir 'dzin pa skyed do zhes bya ba snga ma bzhin no/ /gang sngar ni skyes pa rnams zhes rgyas par 'byung ste/ dut+ta rA hi chos skyes pa rnams la bdag kyi ma skyes pa rnams la ma yin no zhes bya'o/ /de dag de dang mthun par bstan pa'i rigs pa'o/ /gang dang po ni mi dge ba'i chos skyes pa rnams spang bar bya ba'i phyir 'bad par bya'i/ ma skyes pa rnams ni ma yin no zhes bya ba'i nges pa 'di ni med do/ /de'i phyir de ltar na dgongs pa de dang des bstan pa de dang de dag 'byung bas sngar rgyu bstan la phyis nas 'bras bu bstan no zhes bya ba'i nges pa 'di med do/ /gang la chags pa zhes bya ba ni nye bar len pa'i phung po lnga'i mtshan nyid can gyi sdug bsngal la'o/ /gang gis gnod pa byed ces bya ba ni de nyid kyis gnod par byed pa'o/ /gang las thar pa don du gnyer ba zhes bya ba ni de kho na las thar pa don du gnyer ba'o/ /de nyid la dang po rnam par dpyod pa'i gnas skabs na zhes bya ba la/ yongs su brtags pa'i gnas skabs te nges par 'byed pa'i cha dang mthun pa'i gnas skabs so/ /yan lag bzhi dang ldan pa'i sman pa zug rdu 'byin pa zhes gsungs pa de las zhes bya ba ni/ ji skad du zhe na/ yan lag bzhi dang ldan pa'i sman pa zug rdu 'byin pa ni rgyal po la 'os pa yin zhing rgyal po'i spu la bab pa yin la/ rgyal po'i yan lag nyid kyi grangs su yang 'gro'o/ /bzhi pa gang dag zhe na/ nad la mkhas pa yin/ nad kyi gzhi la mkhas pa yin/ nad spong ba la mkhas pa yin/ nad spangs nas phyis mi skye ba la mkhas pa yin no/ /de bzhin du yan lag bzhi dang

  651. 326a

    ldan pa'i de bzhin gshegs pa dgra bcom pa yang dag par rdzogs pa'i sangs rgyas kyang sman pa zug rdu 'byin pa bla na med pa zhes bya'o/ /bzhi po gang dag ce na/ dge slong dag 'di na de bzhin gshegs pa dgra bcom pa yang dag par rdzogs pa'i sangs rgyas ni 'di ni sdug bsngal 'phags pa'i bden pa'o/ /zhes bya ba yang dgra pa ji lta ba bzhin du rab tu mkhyen no/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin du rab tu mkhyen no/ /zhes 'byung ba yin no/ /sngar 'phangs pa'i phyir zhes bya ba ni sngar gyi 'phen pas zhes bya ba'i don to/ /dkyus sa bstan pa'i rta thags thogs med par rgyug pa bzhin no/ /zhes bya ba ni/ ji ltar dkyus sa bstan pa'i rta thags thogs med par rgyug pa de bzhin rnam par dpyod pa'i gnas skabs na bden pa rnams ji ltar mthong ba de kho na ltar rnam par rtog pa gzhan po de dag gegs med par mngon par rtog so/ /i Na rtogs pa'i don can nyid kyi phyir/ ces bya ba ni/ i Na 'gro ba la'o zhes bya ba 'dir i Na'i byings 'gro ba'i don can 'ga' zhig ma yin pa'o/ /'o na ci zhe na/ rtags pa'i don can yang yin zhing 'bro ba'i don can gyi byings thams cad shes par bya ba'i phyir ro/ /de ltar na de ni tshul 'dis mngon par yongs su rdzogs pa yin pas mngon par rtogs pa'o/ /yang ci'i phyir zag pa med pa kho na yin gyi zhes bya ba la/ /ji ltar 'di zag pa med pa nyid du dam bcas ce na/ /mthong zhes bya ba zag pa med ces bya ba ste/ /de nyid kyi phyir de ni mya ngan las 'das pa la mngon du phyogs par yang dag par rtogs pa ste/ zhes bya ba

  652. 326b

    smos so/ /mngon par zhen pa 'dis ni mya ngan las 'das pa la mngon du phyogs par ston la/ yang dag par zhes bya ba 'dis ni de kho na nyid kyi don ston cing/ rtogs ba zhes bya ba 'dis ni khong du chud pa ston te/ 'di nyid kyi phyir de ni mya ngan las 'dag pa mngon du phyogs pa yang dag par rtogs pa ste zhes bya ba mos so/ /'di skad du mngon par rtogs pa ni mya ngan las 'das pa la mngon du phyogs shing de kho na nyid rtogs pas mngon par rtogs pa'o zhes bstan par 'gyur te mthong ba'i lam ni mya ngan las 'das pa thob pa la mi 'khrul ba'i phyir mya ngan las 'das pa la mngon du phyogs pa'o/ /de skad du yang/ rdzogs pa'i byang chub la nges par 'bab pa yin no/ /zhes gsungs so/ /de la nye bar len pa'i phung po 'bras bur gyur pa rnams ni zhes bya ba ni/ sdug bsngal kun 'byung 'jig rten dang zhes rnam par ma phyed pa rnam par dbye bar bya ba'i don du rtsom pa'o/ /'di las kun 'byung ba'i phyir ro zhes bya ba ni skyes zhes bya ba'i don to/ /ming gi sgo nas bye brag yang kyis rdzas su ni ma yin no zhes bya ba ni dngos po gnas skabs tha dad pa'i sgo nas bden pa gnyis rnam par bzhag pas dngos po tha dad pa med kyang/ gnyis nyid du bstan pa 'gal ba med de/ shes pa dang mthong ba'i mngon par rtogs par rnam par bzhag pas so so nyid du bstan pa bzhin no/ /'gog pa dang lam ni rdzas su yang bye brag yod do/ zhes bya ba dang/ yang gi sgras ni 'gog pa dang lam zhes ming gi sgo nas kyang bye brag yod do zhes bya ba'o/ phyin ci ma log pa'i phyir zhes bya ba la/ gang 'phags pa rnams la sdug bsngal pa de ni de las gzhan la rnams la yang sdug bsngal ba nyid de/ rang bzhin gyi phyin ci ma log pa'i phyir ro/ /de bzhin du kun 'byung dang 'gog pa dang

  653. 327a

    lam rnams la yang brjod par bya'o/ 'phags pa rnams kyis ni 'di dag ji lta ba de kho na bzhin du gzigs kyi zhes bya ba ni mi rtag pa la sogs pa'i rnam pa rnams kyis so/ /de'i phyir de dag ma bslu ba'i phyir na 'phags pa rnams la 'di dag bden pa rnams zhes bya'i/ yang zhan dag la ni ji ltar mi rtag pa la sogs pa'i rnam pa de ltar mthong ba yod pa ma yin no/ /'o na ci zhe na/ phyin ci log gi rnam pa dag gis de ltar de dag la bslu ba'i phyir gzhan dag gis bden pa zhes mi bya'o/ /gnyis kyis ni 'phags pa rnams kyi zhes bya ba ni dge pa 'phags pa nyid dang zag pa med pa 'phags pa nyid kyis so/ /gang gi tshe tshor ba'i phyogs gcig ces bya ba rgyas par 'byung ste/ tshor ba'i phung po'i phyogs gcig sdug bsngal dang yid mi bde ba'i mtshan nyid yin no/ /yang ci'i phyir gzugs la sogs pa rnams de'i rang bzhin ma yin yang nye bar len pa'i phung po lnga sdug bsngal zhes brjod snyam du bsam pa'o/ /sdug bsngal nyid ni gsum ste/ zhes bya ba rgyas par 'byung ba ni/ sdug bsngal kho na sdug bsngal nyid yin pa ni sdug bsngal gyi sdug bsngal nyid de/ rang gi ngo bo kho nas sdug bsngal zhes bya ba'i tha tshig go /'gyur bas sdug bsngal ba nyid ni/ /'gyur ba'i sdug bsngal nyid do/ /rang gi ngo bo sa ma yin zhes bya ba'i don to/ /'du byed kyi sdug bsngal ba nyid ni 'du byed kyi sdug bsngal nyid de/ skye bas zhes bya ba'i tha tshig go /de la yid du 'ong ba rnams ni/ /'gyur ba'i sdug bsngal gyi zhes bya ba ni de dang bral bas 'dod chags dang bral ba ma yin pa rnams nges par mya ngan la sogs pa skye bas

  654. 327b

    'gyur ba'i sdug bsngal nyid kyis sdug bsngal ba nyid do/ /yid du mi 'ong ba rnams ni sdug bsngal gyi sdug bsngal gyis zhes bya ba ni de rnams ni sdug bsngal gyi rang bzhin dang sdug bsngal dang mthun pa nyid kyis sdug bsngal ba nyid do// mngon gsum du gyur bas lus dang sems dag la gnod par 'byung ba'i phyir ro/ /de dag las gzhan pa rnams ni zhes bya ba ni/ yid du 'ong ba dang yid du mi 'ong ba dag las gzhan pa ste/ de dag ni rgyu dang rkyen gyis mngon par 'du byas pa nyid kyi sdug bsngal lo/ /tshor ba rnams kho na phan pa dang gnod pa dang de gnyis ka dang bral ba'i bdag nyid yin pa'i phyir yid du 'ong ba la sogs pa nyid du grub na/ /gzugs la sogs pa rnams ji ltar yin zhes 'dri ba ni/ /yid du 'ong ba ni gang dag yin zhes bya ba rgyas par 'byung ba'o/ /de'i dbang gis zhes bya ba ni bden pa la sogs pa'i tshor ba'i dbang gis so/ /ci ltar bde ba'i tshogs su gyur pa yid du 'ong ba 'dis yid du mi 'ong ba dang de las gzhan pa yang bshad ce na/ 'di skad bstan par 'gyur te/ de dag kyang bde ba la sogs pa'i tshogs su gyur pa'i phyir de dang 'dra ba kho nar yid du 'ong ba la sogs pa'i ngo bo la nye bar btags so zhes so/ /de nyid kyi phyir bde ba'i tshor ba la sogs pa yang zhes smras so/ /gang gi phyir bde ba'i tshor ba'i de nyid las bde ba'i tshor ba dang/ bde ba'i tshor ba rnam par 'gyur bas sdug bsngal ba nyid de/ rang gis ngo bo las ni ma yin no/ /de'i phyir tshor ba rnams kyang 'gyur ba'i sdug bsngal nyid du rnam par bzhag go /de nyid la khungs su mdo las zhes bya ba rgyas par smos so/ /bde ba'i tshor ba ni skye ba na yang bde zhes bya ba 'di ni de'i rang bzhin no/ /'gyur ba la sdug bsngal lo zhes bya ba ni 'dod chags dang bral

  655. 328a

    ba ma yin pa rnams ni myong bar 'gyur ba'i bde ba la mngon par 'dod pa'i phyir de 'gyur na mya ngan la sogs pa skye bas de 'gyur na sdug bsngal lo zhes brjod do/ /sdug bsngal ni sdug bsngal gyi rang gi ngo bo kho nas sdug bsngal nyid yin gyi/ /'gyur pas ni ma yin no/ /de nyid la khungs su mdo las sdug bsngal gyi tshor ba ni zhes bya ba rgyas par smos so/ /skye ba na yang sdug bsngal gnas na yang sdug bsngal zhes bya ba ni gang gi phyir 'di de'i rang bzhin yin pa'i phyir ro/ /'gyur ba na ni bde ste/ gang gi phyir de 'gyur bas bde ba yang ma yin sdug bsngal yang ma yin pa yang bde ba skyes pas ltar snang ngo/ /'dir 'gyur ba'i sdug bsngal ni bde ba rgyun chad pa yin la/ rgyun chad pa yang 'dod pa'i khams na dus nyung zad pa yin la/ /gzugs dang gzugs med pa'i khams dag ma ni phul du byung bar yod cig/ nyes pa zad pa rnams la ni gtan du ba'o/ /'du byed kho nas sdug bsngal ba nyid de zhes bya ba ni skye ba kho nas sdug bsngal ba nyid do/ /yang ci'i phyir 'du byed kho nas 'di sdug bsngal zhes brjod ce na/ 'di skye ba dang gnas pa na yang bde ba ma yin zhing sdug bsngal ma yin la/ de'i rang bzhin yin pa'i phyir 'gyur ba nyid kyis bde ba dang sdug bsngal dag las gang yang rung ba mngon du gyur pa na gnyi ga srid kyi/ bde ba dang sdug bsngal dag ni ma yin no/ /'gyur ba la gnyi ga ji lta bar yod pas bde ba'i 'jug thogs su yang sdug bsngal skye bo zhes bshad do/ /rnam pa gzhan du bcom ldan 'das kyis nye bar bstan pa'i shes byed ni/ gang gi mi rtag pa de sdug bsngal lo zhes gsungs so/ /'dus byas mi rtag pa nyid ni sngon med pa nges par 'jig pa'i phyir ro//

  656. 328b

    de myong bar 'gyur ba'i 'du byed rnams kyang tshor ba dang 'dra par brjod par bya'o zhes bya ba la/ bde ba myong par 'gyur ba'i 'du byed rnams ni/ sdug bsngal gyi tshor ba ltar 'gyur ba'i sdug bsngal gyis sdug bsngal pa nyid de/ gzhan dag la yang de dang 'dra bar brjod par bya'o/ /sdug bsngal nyid ces rgyas par 'byung ba la/ 'dir? kha cig na re tshig rnam par sbyar ba tsam khyad par yin gyi don gyi khyad par ni med do zhes zer ro/ /gzhan dag ni tshor ba bde dang sdug bsngal gyi mngon par brjod pa 'jug pa'i rgyu mtshan las sdug bsngal la sogs pa rnams la ngo bo'i rkyen no snyam du sems so/ /thun mongs ma yin pa'i phyir zhes bya ba la sogs pa la/ sdug bsngal ni rang gi ngo bo kho nas mi mthun pa yin gyi/ 'gyur bas ma yin la/ /bde ba yang 'gyur bas mi mthun ba yin gyi/ rang gi ngo bos ni ma yin te/ de'i phyir 'gyur ba dang sdug bsngal gyi sdug bsngal dag ni bde ba dang sdug bsngal rnams kyi thun mong ma yin no/ /'du byed thams cad ni 'du byed kyi sdug bsngal nyid kyis zhes bya ba ni yid du 'ong ba la sogs pa 'du byed thams cad ni 'dus byas yin pa nyid kyi mi mthun ba yin pas 'du byed kyi sdug bsngal nyid kyis sdug bsngal ba yin no/ zhes bya'o/ /de lta na 'o na 'du byed gyis sdug bsngal nyid kyis 'du byed la khyab pa'i phyir thams cad srid pa thams cad mi mthun par 'gyur ro/ zhe na/ de'i phyir de dag kyang 'phags pa rnams kho nas gzigs so/ zhes bya ba smos so/ /gzhan gyi ni ma yin no/ /de'i phyir thams cad srid pa thams cad dang mi mthun pa nyid du thal bar mi 'gyur ro/ /sdug bsngal thams cad zad par 'dren pa'i phyir/ zhes bya ba la/ 'jig rten gyis kyang sdug bsngal pa 'dren mod kyi/ sdug bsngal

  657. 329a

    thams cad zad pa 'dren pa ma yin te/ des srid pa'i rtse mo las 'dod chags dang bral ba mi srid pa'i phyir ro/ /gal te lam sdug bsngal ma yin na/ 'o na ji ltar de dag gis 'dus byas thams cad 'gag pa la zhi bar mthong zhe na/ de'i phyir gang gi che de dag mya ngan las 'das pa la zhi bar lta ba zhes rgyas par 'byung ba la/ yang 'di dag gi rang bzhin dang chos mngon pa rnams kyi tshor ba gsum zhes bya ba'i rang bzhin ci zhe na/ de'i dbang gis kyang bde ba myong bar 'gyur ba'i chos rnams sdug bsngal gsum nyid ces bya ba'i ming thob po/ /de lta na 'o na 'gyur ba'i sdug bsngal yang 'du byed kyi sdug bsngal nyid du 'gyur te/ 'gyur ba zhes bya ba 'di mi rtags pa'i rnam grangs yin pa'i phyir ro/ zhe na/ skad cig so so pa nyid ni 'du byed sdug bsngal dang yid du 'ong ba rgyun chad pa las ni 'gyur ba'i sdug bsngal nyid do zhes bya ba'i khyad par yod do/ /'gyur ba'i sdug bsngal nyid kyis kyang 'du byed sdug bsngal bzhin 'du byed thams cad la khyab pa ma yin nam zhe na ma yin te/ 'gyur ba'i sdug bsngal ni mi mthun pa yin pas des 'du byed thams cad la khyab pa nyid ma yin no/ /chung ngus zhes bya ba ni nyung zad kyis so/ /yang smras pa zhes bya ba ni slob dpon gzhon nu ma len nyid do/ /sdug bsngal gyis ni rgyu phyir dang/ zhes bya ba ni sdug bsngal rnam par smin pa'i las dang mtshungs par ldan pa'i phyir ro/ /sdug bsngal mang po skyad phyir dang/ zhes bya ba ni/ gzhan brtan pa la sogs pa rnams kyis so/ sdug bsngal ba yod na de 'dod phyir/ zhes bya ba ni bsgres pa dang/ sgom pa la sogs pa'i sdug bsngal yod na/ zas dang sgom la sogs pa'i bde ba 'dod par

  658. 329b

    byed do/ /yongs su ma rgyas pa 'di sdug bsngal gyi mtshan nyid du gzigs nas gsungs pa/ bde ba dang bcas te zhes rgyas par 'byung ba la/ 'du byed kyi sdug bsngal du ro gcig pas zhes 'byung ste/ 'du byed sdug bsngal du ro gcig pa nyid kyis mi rtag pa'i rnam par gyur pas mi mthun pa'i phyir bde ba'i rang bzhin gyi tshor ba sdug bsngal du gzigs so/ /de nyid la dpe ni dper na gzugs dang 'du shes la sogs pa yang zhes bya ba ni dper na gzugs dang 'du shes dang 'du byed dang rnam par shes pa rnams mi rtag pa nyid kyis mi mthun pa'i phyir sdug bsngal du lta ba de bzhin du bde pa'i tshor ba yang yin no/ /de dag de ltar sdug bsngal ba ma yin zhing/ nyams su myongs ba'i bdag nyid ma yin pa'i phyir ngo bo nyid kyis sdug bsngal ba ma yin no/ /ji ltar sdug bsngal gyi tshor ba zhes bya ba ni gang zhig sdug bsngal gyi rgyu yin no snyam du sems pa zhes bya ba 'di lan no/ /de'i de ni kun 'byung gi rnam pa yin gyi zhes bya ba ni rgyu'i rnam pas rnam par sun 'byin pa'i sgo nas te sdug bsngal gyi rnam pa ni ma yin no/ /de ni kun 'byung gi bden pa kho na yin gyi/ sdug bsngal gyi bden pa ni ma yin gzugs dang gzugs med par skyes pa 'phags pa rnams la yang zhes bya ba rgyas par 'byung ste/ sdug bsngal gyi bdag nyid ma yin pa'i 'du byed rnams la sdug bsngal gyi 'du shes 'jug na/ gzugs dang gzugs med par skyes pa'i 'phags pa rnams kyi phung po rnams ni sdug bsngal gyi rgyu ma yin te/ de nyid du yongs su mya ngan las 'das pa'i phyir ro/ /de'i phyir phung po de dag la sdug bsngal gyi blo mi 'jug pa zhig na/ de ni 'dod pa yang ma yin te/ 'phags pa rnams kyis khams gsum pra'i? phung po rnams kyang sdug bsngal du gzigs so/ /mdo las 'du byed kyi

  659. 330a

    sdug bsngal nyid kyang zhes bya ba rgyas pa 'byung ste/ gal te sdug bsngal gyi rgyu yin pa'i phyir/ bde ba yang sdug bsngal du lta'i/ mi rtag pa nyid kyi phyir ma yin na/ de lta na ni 'du byed kyi sdug bsngal nyid bstan pa don med do/ /bde ba yang ma yin sdug bsngal yang ma yin pa'i don med pa ma yin no zhe na/ sems kyang sdug bsngal gyi rgyu yin pa'i phyir de nyid mngon par ma brjod par thal bar 'gyur ro/ /gal te mi rtag pa'i phyir sdug bsngal du lta'o/ sdug bsngal gyi rgyu yin pa'i phyir ma yin na/ 'o na mi rtag pa dang sdug bsngal gyi rnam pa dag la khyad par ci yod de yod pa ma yin pa nyid do snyam du bsam pa'o/ /skye zhing 'jig pa'i chos can yin pa'i phyir mi rtag par lta ba zhes bya ba smos te/ rtag pa yod pa ma yin pa'i phyir ro/ /mi mthun pa yin pa'i phyir sdug bsngal du zhes bya ba ni mi 'dod pa yin pa'i phyir zhes bya ba'i tha tshig go /ji ltar mu mthun pa yin pa'i phyir sdug bsngal yin pa de ltar bstan pa'i phyir ro/ mi rtag par mthong na mi mthun par gyur pas mi rtag pa'i rnam pas sdug bsngal gyi rnam pa 'dren par byed do/ zhes bya ba smos te/ mi rtag pa nyid kyis mi mthun pa yin pa'i phyir de skad du bshad kyi/ mi rtag pa dang sdug bsngal gyi rnam pa dag la khyad par med pa'i phyir ni ma yin no/ /'di lam la yang ji ltar thal bar mi 'gyur zhe na/ de lam yang skye ba dang 'jig pa'i chos can nyid kyi phyir mi rtag pa'i rnam pa yod do/ /zag pa dang bcas pa kho na 'dun pa'i 'dod chags kyi dngos po yin pa'i phyir mi rtag pas sun 'byin par byed kyi/ lam gyi bden pa ni ma yin te de la yon tan du mthong ba'i phyir ro/ /de'i phyir 'di mi rtag pa'i rnam pas sdug bsngal gyi rnam pa ma yin no//

  660. 330b

    bcom ldan 'das kyis zhes bya ba rgyas par 'byung ngo/ /gang ci tshor yang rung zhes bya ba ni/ tshor ba ma 'dus pa bzung bas tshor ba thams cad sdug bsngal yin no/ /zhes bya bar rtogs so/ /gal te yang bde ba'i tshor ba don dam pa nyid yin na ni bcom ldan 'das sdug bsngal du lta bar bya'o/ zhes ji ltar log pa'i shes pa la sbyor bar mdzad/ de ni sdug bsngal kho na yin bzhin du byis pa rnams kyis bde bar bzung bas yang dag pa'i shes pa la sbyar bar bya ba'i phyir sdug bsngal du lta bar bya'o zhes gsungs so/ /gal te yang bde ba'i tshor ba rang bzhin kho na nas yod na ni de lta na bde ba kho na la bde ba'o snyam pa yang dag pa'i shes pa yin gyi/ sdug bsngal ba la bde ba'o snyam du 'du shes phyin ci log ni ma yin no/ /re zhig mdo las bde ba'i tshor ba med pa ni de lta'o/ /de dag ha cang spyad pas zhes bya ba ni/ gang zhig dus su spyad pas bde ba'i rgyur 'gyur ba de dag dus ma yin pa dang ha cang spyad pas sdug bsngal gyi rgyur 'gyur ro/ /dus ma yin par spyad pa rnams zhes bya ba ni/ ma zhu ba na bza' ba dang btung ba la sogs pa dang/ grang ba na char bsil ba la sogs pa dang/ tsha ba'i dus mes gdung ba la sogs pa'o/ /dus dang ran par spyad pas bde ba'i rgyu yin pa rnams ha cang spyad pa dang/ dus ma yin par spyad pas kyang sdug bsngal gyi rgyu dag tu 'gyur ro/ /bde ba'i rgyu 'phel bas dus de nyid kyi tshe sdug bsngal bskyed pa ni rigs pa yang ma yin te/ sdug bsngal gyi rgyu 'phel bas bde ba bskyed par ni ma mthong ngo/ /bde ba'i rgyu mnyam pas kyang dus de'i tshe sdug bsngal bskyed par rigs pa ma yin te/ brdeg pa dang bcas pa ni nam yang bde ba'i rgyur mi 'gyur ro/ /dang po ni kho nas zhes bya ba la/ /bza'

  661. 331a

    ba la sogs pa de dag ni dang po spyad pa kho na nas sdug bsngal gyi rgyu yin gyi/ bde ba'i ni ma yin no zhes bya bar shes so/ /gal te de dag dang po kho na nas sdug bsngal gyi rgyu yin no/ ci'i phyir tha ma? bzhin du dang por yang sdug bsngal mi 'dzin ce na de'i phyir mjug tu ni sdug bsngal de 'phel bar 'gyur bas gsal bar 'gyur bar zad de/ zhes bya ba smos so/ /spyod lam gyi bye brag la yang zhes bya ba ni/ ha cang brten pa dang dus ma yin par brten pa rnams kyang sdug bsngal gyi rgyu dag tu 'gyur ro/ /zhes lam bstan pa la sogs pa la yang 'di nyid brjod par bya'o/ /sdug bsngal gyi gnyen po dang zhes bya ba ni gang gi tshe bskres pa dang skom pa la sogs pa las skyes pa'i sdug bsngal gyi gces par 'gyur ba de'i tshe bza' ba dang btung ba la sogs pa sdug bsngal gyi gnyen po dag la 'di'i bde ba'i blo 'gyur gyi/ gzhan du ni ma yin te/ de'i phyir sdug bsngal log pa 'di kho na la bde ba'i blor 'gyur gyi bde ba ni med do zhes bya bar nges so/ /byis pa rnams ni sdug bsngal gyi bye brag la bde ba'i blo skyed par byed par byed do/ /de nyid kyi phyir dper na phrag pa nas zhes bya ba smos te/ dper na dub pa zhig phrag pa nas phrag par khur spos pas ngal sos par 'gyur ba de bzhin du/ 'di dag thams cad sdug bsngal yin te/ 'jig rten la sdug bsngal gyis gnod par 'gyur/ /de'i phyir byis pa rnams sdug bsngal dag log pa la bde ba'i blong 'gyur gyi/ bde ba zhes bya ba don dam par yod pa ma yin no/ /chos mngon pa pa rnams na re yod pa nyid do zhes zer ro/ /'di nyid rigs pas yin no zhes bya ba ni slob dpon chos

  662. 331b

    mngon pa'i lugs la rjes su yid rang ba'o/ /tshig tsam gyis gus par mi 'gyur bas 'dri ba ni ji ltar byas pas zhes bya ba'o/ /sdug bsngal dang bde ba skye ba'i rgyu tha dad pa'i phyir te/ 'byung ba ma snyoms pa las ni sdug bsngal skye la/ de snyoms pa las ni bde ba skye bas sdug bsngal las bde ba gzhan yin te/ 'dod chags dang zhe sdang la sogs pa bzhin no/ /'dod chags dang zhe sdang gnyis bzhin du rang gi ngo bo tha dad pa dang/ nus pa tha dad pa las kyang dngos po rnams tha dad par mthong la/ sdug bsngal dang bde ba'i rang gi ngo bo dang nus pa tha dad pa yin te/ de ltar na bde blag tu rtogs par 'gyur bas de'i phyir/ re shig bde ba la skur ba 'debs pa de la 'di dri bar bya ste zhes bya ba rgyas par smos so/ /gal te gnod pa'i bdag nyid gang yin pa'o zhes bya ba ni gzir ba'i bdag nyid do/ /gal te gnod par byed pa yin no/ zhes bya ba ni lus dang/ sems la gnod par byed pa gang yin pa de gnod pa'i bdag nyid yin na'o/ /phan par byed pa bde ba yin no zhes bya bar grub ste/ gang zhig lus dang sems dag la phan pa 'dogs par 'jug pa de sdug bsngal las nus pa tha dad pa'i phyir bde ba yin no zhes bya bar grub po/ /gal te mi 'dod pa yin no zhes bya ba ni/ de'i rang gi ngo bo yid du mi 'ong ba yin pa'i phyir ro/ /'dod pa bde ba yin no zhes bya ba grub ste de ni yid du 'ong ba'i rang gi ngo bo can yin pa'i phyir 'dod pa yin pas sdug bsngal dang bdag nyid tha dad pa yin pa dang/ ji ltar sdug bsngal kho na yin par 'gyur ro/ /mi gnas pa'i phyir 'di mtshan nyid ma yin no/ zhes bstan pa'i phyir/ gal te 'dod pa de nyid zhes rgyas par smras so/ /'phags pa rnams kyi ni phyin ci ma log pa'i phyir phyin ci

  663. 332a

    log de nyid las gzhan no/ /ji ltar 'phags pa rnams kyis de gzigs pa de bzhin kho na de'i rang bzhin du rigs kyi/ gzhan ni ji lta ba ma yin no/ /phan par byed pa la ni 'khrul pa med de 'phags pa rnams la yang de phan par byed pa'i phyir ro/ /rnam pa gzhan gyis zhes bya ba ni rang gi ngo bo ma yin pa'o/ /ji ltar byas nas she na/ 'di la bag med pa'i gnas dang zhes bya ba ni 'dod chags rgyas pa'i phyir ro/ mngon par 'du bya ba chen pos bsgrub par bya ba ni/ 'bad pa chen pos bsgrub par bya ba'o/ /rnam par 'gyur ba can zhes bya ba ni rgyun gzhan du 'gyur ba'i phyir ro/ /zhan pa nyid kyis de ma thag tu sdug bsngal 'byung ba'i phyir ro/ /gzhan dag na re sdug bsngal las bde ba skye bar rig par bya'o zhes zer ro/ /mi rtag par zhes bya ba ni skad cig mar 'jig pa dang ldan pa dang/ rgyun chad pa'i phyir ro/ /rang gi bdag nyid kyis mi 'dod pa yin pa'i phyir na sdug bsngal ltar de la su yang 'dod chags skyed par mi 'gyur te/ de'i phyir de las 'dod chags dang bral ba'i ched du rnam pa gzhan gyis kyang skyon can du lta bar mi 'gyur te/ sdug bsngal bzhin no/ /de ni bcom ldan 'das kho nas zhes bya ba rgyas par 'byung ste/ sdug bsngal gnyis nyid bstan pa'i phyir sdug bsngal gyi sdug bsngal la dgongs nas 'di gsungs pa ni ma yin no zhes bya ba de skad du gsungs pa yin no/ /'du byed mi rtag pa nyid ni sngon yod na yod pa ma yin pa rnams rgyu dang rkyen la rag lus te skye ba nyid dang/ skad cig re re la 'jig pa nyid do/ /'du byed rnam par 'gyur ba nyid ces bya ba ni mi 'dra bar yongs su 'gyur ba ni rnam par 'gyur ba yin zhing gzhan du 'gyur ba zhes pa'i tha tshig go /de ni de ni

  664. 332b

    ma thag tu tshor ba gzhan skye ba'am zhan pa'o/ /gal te thams cad rang bzhin gyis sdug bsngal ba zhig yin par gyur na ni zhes bya ba rgyas par 'byung ngo/ /nges par tshor ba gsum rnam par gzhag pa yin na/ gang gis phyir gnas brtan gyis bcom ldan 'das la bcom ldan 'das kyis ci la dgongs nas tshor ba gsum gsungs zhes dris pa de yid tshor ba gsum zhes bya ba'i mdo 'di nges par dgongs pa can no zhes shes par byed pas/ tshor ba gang ci yang rung ba de ni 'dir sdug bsngal lo zhes bya ba 'di dgongs pa can te 'di nyid gnas brtan gyis dgongs pa can du yongs su bsam pa'i phyir ro/ /rnam par 'gyur ba dang mi rtag pa'i chos can yin pa'i phyir zhes bya ba ni/ rnam par 'gyur ba'i chos can yin pa'i phyir dang/ mi rtag pa'i chos can yin pa'i phyir ro/ /ya to to hi su khA d+hA na dA hi ta sya bA na ba s+tha nA d+yo? gi na(mdo 'grel): su khA durbe ga mA pa dye n+tan tu du(mdo 'grel): kha du:/ bat+ma ka twA de ba hi/ /te ShAM b+ha ba ti du(mdo 'grel): khaM hi tA me ba tsa yatna snya d+hyaM ya dri ts+tsha ta:/ saits+tsha sa ni gra hi da bya tI pra zer ba mutpa dya ti/ ta da b+hA bA ya bra ti pan+ni tsa tA ma pi pri kra Shta kA la ma ba tiShtha te/ su khan+tu sh+ra ma Na te ra sya ha ti ma ba s+thA nA ya tsa ta ma si na tsi ra ma ba tiShtha te/ i ti su stag lung rgya dpe na n+nA zer a zer ta ra ba ri stag lung swa ts+tsho zer k+Sha k+Sha:/ bde ba'i tshor ba nyid sdug bsngal du mthong/ bde ba'i tshor ba sdug bsngal du bzung na ci ltar yid la byed pa phyin ci log tu pra pan+na mi 'gyur zhe na/ 'du byed rnam par 'gyur ba sdug bsngal nyid kyi rang bzhin yin pa'i phyir ro// 'di ci ltar rtogs par bya zhe na/ rang gi ngo bo'i sgo nas de bde ba zhes bya'o/ /gang gi tshe zhes bya ba rgyas par 'byung ste/ gal te bde ba'i tshor ba rang gi ngo bo'i sgo nas mi 'gyur sna/ de yis sdug bsngal gyis sdug bsngal nyid do/ /

  665. 333a

    sdug bsngal du bstan pas kyang 'du byed rnam par 'gyur ba sdug bsngal dag go /de la bde pa'i tshor ba ni rnam grangs kyis sdug bsngal te/ bde ba la sogs pa'i tshor ba mdo las rnam grangs kyi sdug bsngal du bshad kyi rang gi mtshan nyid kyis ni ma yin no/ /bde ba'i tshor ba skye ba na bde ba dang gnas pa na bde ba 'gyur ba'i sdug bsngal yin no/ /de mdza' gcig tu bde bar mthong na ji ltar phyin ci log tu 'gyur zhe na/ byis pa rnam lta ba mchog tu 'dzin pa'i phyir ro/ /nyon mongs pa'i me thams cad kyi yongs su gdungs ba'i zag ba dang bcas pa'i 'du byed rnams zhi ba las yon tan du mthong ste/ de ltar na sdug bsngal la bde pa'i 'du shes ni phyin ci log tu rigs so/ /gal te bdag rtag par 'du shes pa bzhin gcig tu sdug bsngal ba'i 'du byed rnams la bde bar 'du shes so zhe na/ ma yin te/ gzugs la sogs pa gcig tu sdug bsngal ba dgag pa'i phyir ro/ /yon tan ci zhig yod par 'gyur zhes bya ba ni/ bde ba dang sdug bsngal dang bde ba yang ma yin sdug bsngal yang ma yin pa'i tshor ba gsungs pas ni nyon mongs pa nyid du 'gyur gyi 'dod chags dang bral ba ma yin pas yon tan ci zhig thob par 'gyur zhes bya ba'o/ /gal te 'jig rten dang mthun par gsungs pa yin no zhes bya ba ni/ 'jig rten gyis tshor ba gsum rtogs pa ma yin pas des na/ 'jig rten dang mthun par tshor ba gsum mo zhes gsungs par rung ngo zhe na/ ma yin te/ tshor ba thams cad sdug bsngal ba nyid ni dgongs nas gsungs so zhes bka' stsal pa'i phyir ro/ /ji ltar zhe na/ kun dga' bo gang ci tshor yang rung? ba de

  666. 333b

    ni 'dir sdug bsngal lo zhes bya ba ni ngas 'du byed mi rtag pa nyid dang rnam par 'gyur ba nyid la dgongs nas gsungs so zhes bya ba'o/ /de'i phyir rang bzhin kho nas tshor ba gsum yang dag pa ji lta ba bzhin du gsungs pa'i phyir tshor ba gsum don dam pa kho nar yod kyi 'jig rten dang mthun par ma yin no/ /bde ba'i tshor ba myong ba na bde ba'i tshor bar rig par byed do zhes yang dag pa ji ltar ba bzhin rab tu shes so zhes gsungs so/ /de bzhin du sdug bsngal dang sdug bsngal yang ma yin bde ba yang ma yin pa yang ngo/ /de bzhin du bde ba'i dbang po gang yin pa zhes rgyas par 'byung ste/ 'di ji srid rgyun du zhugs pa zhes bya ba'i bar du brjod do/ /gal te bde ba'i tshor ba tsam kho na zhig yin ni sdug bsngal la bde bar mthong ba yang dag pa ji lta ba yin par ji ltar rigs/ 'jig rten yang ji ltar na sdug bsngal gyi tshor ba la gsum du rtog par 'gyur zhes bya ba ni/ gal te tshor ba rnam pa gsum ma yin na snyam du bsam pa'o/ /gal te chung ngu dang/ chen po dang/ 'bring po dag la zhes bya ba rgyas par 'byung ste/ sdug bsngal chung ngu la ni bde ba'i blo'o/ /chen po la ni sdug bsngal gyi blo'o/ /'bring po la ni bde ba yang ma yin sdug bsngal yang ma yin pa'i blo'o/ /'di mi rigs te/ sdug bsngal chung ngu la bde ba chen po'i blo 'byung zhing/ chen po la bde ba chung ngu'i blor 'gyur ba de ltar na/ de'i chen po nyid dang chung ngu nyid kyang nyams par 'gyur ro/ /de'i phyir chung ngu la sogs pa'i rigs gzhan dmigs par rigs te/ rigs so sor rnam pa gsum yin pa'i phyir ro/ /bsod nams ma yin pa'i yang 'bras bu yid du 'ong pa nyid du thal bar 'gyur te/ bsod nams ma

  667. 334a

    yin pa yang chung ngu la sogs pa'i dbye bas rnam pa gsum du 'dod do/ /bsod nams ma yin pa chung ngu ni sdug bsngal gyi tshor ba'i 'bras bu chung ba nyid du rigs so/ /de yang bde bas mngon par 'dod ba ste/ ji lta ji ltar sdug bsngal chung ba nyid de lta de ltar bde ba che ba nyid do/ /de bzhin du bsod nams ma yin pa chung ngu'i chung ngu las ni bde ba'i 'bras bu nyid che ba nyid de/ dge ba'i phyir 'bad pa rtsom par med do/ /bsod nams chen po'i chen po ni bsod nams ma yin pa chung ngu'i chung ngu ste/ sdug bsngal gyi tshor ba'i 'bras bu yang chung ngu'i chung ngu yin no/ /'di ni bsod nams dang bsod nams ma yin par dag la khyad par med par dgongs te gsung pa'o/ /bde ba yang ma yin sdug bsngal yang ma yin pa'i mjug thogs su bde ba so sor myong ba'i phyir sdug bsngal mthong bas gang gi tshe dri dang ro dang reg bya'i khyad par las skyes pa'i zhes bya ba la sogs pa smos te/ tshor ba 'bring ni bde ba yang ma yin sdug bsngal yang ma yin la/ gang gi tshe de'i mjug thogs su dri la sogs pa'i khyad par las skyes pa'i bde ba skye ba de'i tshe ni chung ba yin pa'i phyir gang la bde ba'i blong 'gyur ba sdug bsngal yod pa ma yin no/ /ma skyes pa dang 'gags pa na zhes bya ba rgyas par 'gyur ba na gal te sdug bsngal chung ngu la bde ba'i blor 'gyur na ni/ ma skyes pa dang 'gag pa'i tshe sdug bsngal chung ngu la bde ba yang ma yin pa'i gnas skabs su skyes la bde ba'i blor 'gyur ro/ /ci'i phyir zhe na/ de nyid kyi phyir sdug bsngal ma lus pa dang bral ba'i phyir te zhes smos so/ /gang la bde ba'i blo chung

  668. 334b

    ba de la sdug bsngal ma lus pa dang ches shin tu bral ba'i phyir bde bar thal bar 'gyur ro/ /'dod ba'i bde pa mngon sum du gyur ba la yang de bzhin du brjod par bya'o/ /zhes bya ba la/ gal te 'dod chags kyi sdug bsngal chung ngu la 'dod pa'i bde ba'i blor 'gyur bas 'dod chags kyi sdug bsngal de ma skyes pa dang 'gag pa'i tshe yang ches shin tu 'dod pa'i bde ba mngon du 'gyur ba zhes gang kho na tshor ba chung ba de nyid ches gsal bar skyes pa med do/ /gsal ba nyid dang chung ba nyid dag lhan cig gnas pa ma yin no/ /bsam gtan gsum pa na bde ba yod do zhes rgyas par 'byung ba ni bsam gtan gsum na sdug bsngal gyi tshor ba chung ngu dang bsam gtan bzhi pa la sogs pa na sdug bsngal 'bring po yod do zhes shes par byas nas su zhig de thob par bya ba'i phyir 'og ma'i bsam gtan las 'dod chags dang bral ba la 'bed pa byed par 'gyur/ gal te bde ba'i rgyu rnam par mi gnas pa'i phyir bde ba med na/ de lta na ni 'o na sdug bsngal gyi rgyu rnams kyang rnam par mi gnas pas sdug bsngal yang med par 'gyur ro/ /yul 'ba' zhig ni ma yin no zhes bya ba ni yul tsam las bde ba dang sdug bsngal skye bar ni khas mi len no/ /skad gcig ma dang po kho nar bde ba dang sdug bsngal chen po skye bar thal ba'i phyir ro/ /gang kho na yul gyi rkyen gyis mthar sdug bsngal chen po skye ba de nyid kyi thog mar yang ste/ yul nyi ba'i phyir bar ma chad du sdug bsngal chen po skye la/ yang mthar mi skye'o/ /yul gyi khyad par las yin pa de'i phyir lus yongs su 'gyur ba'i khyad par la bltos pa'i yul nyid bde ba 'am sdug bsngal gyi rgyur 'gyur gyi yul 'ba' zhig ni ma yin no/ /'di ltar

  669. 335a

    dro ba'i gnas skabs reg pa rten gyi 'byung ba'i gnas skabs gang dang phrad na bde ba'i rgyu yin ba ni de nyid dang phrad na yang rgyu ma yin pa ma yin te/ gzhan la yang de bzhin du brjod par bya'o/ /de bzhin du rgyu gzhan la bltos pa'i yul bde ba dang sdug bsngal gyi rgyur rnam par gnas ba la yang bde ba dang sdug bsngal gyi rgyu dag gi mthar sdug bsngal chen po bskyed pas/ de na bde ba'i tshor ba med pa ma yin no/ /gal te mthar sdug bsngal chen po bskyed do zhes ci'i phyir rtogs nus she na/ spyod lam la sogs pa goms pa dang ngal ba'i rnam pa dag la yang 'byung ba gzhan bskyed pa'i rgyu gzhan nyid kyi phyir mthar bde ba chen po bskyed do// bsam gtan dag na yang ba'i rgya ci ltar rnam par mi gnas pa yin zhes bya ba la/ gzhan dag na re/ shin tu sbyangs pa dang bcas pa'i sems ni bde ba'i rgyur rnam par gnas ba yin pas/ der dus ring por snyom par zhugs pa rnams la phyis sdug bsngal gyi blor 'gyur ba ni ma yin no zhes zer ro/ /gang yang mthar sdug bsngal mngon par 'phel lo snyam na/ thog mar yang sdug bsngal brtsom la/ mAndyat+tu/ nye bar mi dmigs so zhes so/ /bsam gtan rnams la bsten pa na thog ma dang mthar yang sdug bsngal bar 'phrel ba med/ de nyid du sdug bsngal rtsom pa med pas bsam gtan rnams su bde ba yod do/ stag lung dper ldan nU/ zer ro zhes grub po// ji srid 'di de 'dra ba'i lus kyi gnas skabs mi snang na 'ga' zhig bde ba skyed pa dang rjes su mthun/ de lta ma yin na phyis bde ba'i blo je mang du zhes bya ba ni/ gal te tshor ba 'di khur spos pa tsam la skyes pa yin na ni/ spos

  670. 335b

    nas yun ring du lon ba'i phyir bde ba'i blo mang du skye bar 'gyur ro/ /ngal ba'i spyod lam gyi rnam pa dag la yang de bzhin du rig par bya'o/ /zhes bya ba ni der gnas skabs gzhan las skyes pa'i bde ba kho na skye bo zhes rgyas par bya'o/ / mngar ba mjug tu skyur? por 'gyur ba bzhin no zhes bya ba ni dper na chang dang 'o ma dang bur shing gi khu ba rnams mngar ba'i gnas skabs las yongs su 'gyur ba'i khyad par las sngar yod pa ma yin pa'i ror 'gyur ba de bzhin du bde ba'i tshor ba'i gnas skabs sam bde ba yang ma yin sdug bsngal yang ma yin pa'i tshor ba'i gnas skabs las lus kyi yongs su 'gyur ba'i khyad par las sngar yod pa ma yin pa'i sdug bsngal skye'o/ /kun 'byung gi bden ba gang yin pa zhes bya ba la/ de nyid ces bya ba ni sdug bsngal gyis bde pa kho na yin ba'o/ /yang gnyi ga nye bar len pa'i phung po'i rang bzhin yin pa'i phyir dang/ sdug bsngal dang kun 'byung dag rgyu dang 'bras bur gyur pa'i phyir ming gi sgo nas tha dad kyi/ rjes su ni ma yin no zhes gsungs pa yang ma yin no/ /'di ni mdo las thal ba ma yin no/ /ci'i phyir zhe na/ mdo las sdug bsngal gyi bden pa gang zhe na/ nye bar len pa'i phung po lnga'o/ /kun 'byung gi bden ba gang zhe na/ gang 'di dga' ba'i 'dod chags dang lhan cig ba'i sred pa ste/ de dang de la mngon par dga' ba can yin no zhes gzhan du bshad pa'i phyir ro/ /gzhan las gzhan yang yin par gsungs pa'i phyir te/ mdo gzhan las/ las la sogs pa gzhan yang gsungs pa'i phyir te/ las dang sred pa dang ni zhes bya ba rgyas par 'byung ngo/ /phyi ma'i tshe na zhes bya ba ni 'jig rten pha rol tu'o/ /yang sa bon gyi zhes bya ba rgyas par 'byung ba ni

  671. 336a

    'di ltar dge slong dag sa bon gyi rnam pa lnga ma drugs? ma smas ma rul rung dang nyi mas ma nyams shing grung po legs par gnas la/ sa'i khams dang chu'i khams kyang yod na/ de lta na sa bon dang? 'phel zhing rgyas pa dang mched par 'gyur ro/ /dge slong dag de lta na don 'di khong du chud par bya ba'i phyir dpe 'di bstan pa yin te/ 'dir don 'di yin par blta bar bya'o/ /dge slong dag sa bon gyi rnam pa lnga zhes bya ba la/ sa bon ni rgyu yin no/ /rgyu gang yin pa de kun 'byung yin no/ /de lta na de'i tshe rnam par shes pa kun 'byung ba nyid du bstan pa/ rnam par shes pa gnas pa dag kyang rten gyi rgyur bstan pas gzugs dang tshor ba dang 'du shes dang 'du byed dag kyang kun 'byung ba nyid du gsungs so/ /tshigs su bcad pa la/ las la sogs pa rnams kyang rgyur gsungs pas kun 'byung ba nyid du grub po/ /de'i phyir mdo las bstan pa ni dgongs ba can yin te/ sred pa kun 'byung ba yin no zhes bya ba ni 'dul ba'i khyad par la bltos pa'i phyir sred pa lhag pa'i gang zag gi dbang du mdzad nas bstan pa yin no/ /chos mngon pa las zag pa dang bcas pa'i dngos po thams cad kun 'byung ba yin no zhes bstan pa ni mtshan nyid pa yin no/ /da ni bye brag tu smra bas mdo las bstan pa dgongs pa can nyid yin par bstan pa'i phyir gzhan yang mngon par 'grub pa'i rgyu zhes bya ba rgyas par smos so/ /mngon par 'grub pa'i rgyu ni bdag nyid snyed pa bcom gyi rgyu ste/ 'di ltar sred pa ni bdag nyid sred pa thams cad la khyad par med par rkyen yin no/ /skye ba dang mngon par 'grub pa'i rgyu

  672. 336b

    rgyu dang bcas par zhes bya ba la 'gro ba la sogs pa'i bye brag gis bdag nyid rnyed pa ni skye ba yin la/ der skye ba'i rgyu ni las yin no/ /mngon 'grub pa'i rgyu ni sred pa'o/ /yang tshigs su bcad pa las/ skye ba'i rgyu las yin pa dang/ mngon par 'grub pa'i rgyu sred pa yin par bshad do zhes bya ba 'di ji ltar shes she na/ de'i phyir mdo las las ni skye bo'i rgyu yin la/ sred par mngon par 'grub pa'i rgyu yin no zhes 'byung ba'i phyir ro zhes bya ba smos so/ /yang na mdo las rgyu dang bcas rkyen dang bcas/ bzhi dang bcas zhes 'byung ba'i rim par bstan pa yin no zhes bya ba ni/ yang na tshigs su bcad pa las rgyu'i brgyud pa'i rim pa 'di las dang sred pa dang ma rig pa phyi ma'i tshe la 'du byed mig la sogs pa rnams kyi rgyu yin no zhes bstan pa yin no/ /de las rim pa ji ltar 'byung zhe na/ dge slong dag mig gi rgyu ni gang yin/ rkyen ni gang yin/ gzhi ni gang yin/ dge slong dag mig gi rgyu ni las yin no/ /rkyen ni las yin no/ /gzhi ni las yin no/ /zhes 'byung ste/ las kyi rgyu sred pa yin pa dang/ sred pa'i rgyu ma rigs pa dang/ ma rig pa'i rgyu tshul bzhin ma yin pa yid la byed pa yin pa yang de dang 'dra'o/ /rnam par shes pa la sogs pa dag kyang gsungs so zhes bya ba ni kun 'byung ba dag tu ste/ las la sogs pa 'ba' zhig ni ma yin no snyam du dgongs pa'o/ /de ltar srid pa la sogs pa/ rnams kyang kun 'byung ba nyid du sgrubs pa dgongs pa can te/ sdug bsngal gyi rgyu thams cad kun 'byung ba mtshan nyid pa'i ngo bo'o/ /skyes gnas la sogs pa zhes bya ba la sogs pa smos pas bud med dang skyes pa las sogs?

  673. 337a

    pa'i bye brag zung ngo/ /'dir ni las dang sred pa srid pa srid par nying mtshams sbyor ba la bye brag dang mthun mong gis rkyen nyid yin par bstan to/ /sred pa dang bral ba dang skye ba med pa'i phyir te zhes bya ba ni sred ba dang bral ba skye ba med pa'i phyir te/ de yod na yod la/ de med na med pa sred pa ni skye ba mngon par 'grub pa'i rgyu yin no/ /zhes bya bar rtogs so/ /de nyid rab tu dbye bar bya ba'i phyir gnyi ga 'chi ba las zhes bya ba rgyas par 'byung ngo/ /gzugs la sogs pa'i yul gang la sred pa dang lhan cig yin pas sreg pa dang bcas pa der sems kyi rgyun yang dang yang du gzhol zhing 'jug par mthong ngo/ /yang srid ba la yang de dang 'dra'o zhes bya ba ni shes so zhes bya ba ni 'chi ba na yang sred pa'i phung po dag la sred pa'i stobs kyi yang srid bar yang de'i sems kyi rgyu 'jug go zhes bya bar nges so/ /de ltar ni gang gis kyang lus kun tu ma gzung ste/ zhes bya ba 'di ni lus sred pa'i dbang du gyur ba nyid du ston to/ /rgyu gzhan ni zhes bya ba 'dis ni lus la sred pa rtag tu rjes su 'brel bar ston pa'o/ /gang la bcom dang blo yis gzhan/ zhes rgyas bar 'byung ste/ 'dir bcom pa ni ci rigs par rnam ba gnyis su dbye ste/ cha shas dang rnam par dbye ba'o/ /blo chos gzhan bsal na/ der gang la gzugs bcom pas cha shas bcom pa ste sngar gyi blo mi 'jug pa de ni kun rdzob du yod pa ste/ dper na bum pa bzhin no/ /kha cig tu tshogs pa la tshogs pa las gzhan du bcom na snga ma'i blo nyid du 'jug pa ni dper na chu lta bu'o/ /de la blos chos gzhan dang mthun pa gzugs dang dri dang reg bya dag

  674. 337b

    bsal te 'di chu'o snyam du chu'i blo mi 'jug pa de'i phyir rnam par ma bye ba na gyo mo'i gzugs la sogs pa rnams nyid la bum pa dang chu'i 'du shes su byed de/ kun rdzob du yod pa de ni bum pa dang chu lta bu'o/ /kun rdzob rnam pa gnyis te/ dbyibs kyi kun rdzob ni bum pa la sogs pa rnams so/ /tshogs pa'i kun rdzob ni chu la sogs pa rnams so/ /de'i phyir gzhan dag na re gnyis ka gzung ngo zhes zer ro/ /gzhan dag na re/ kun rdzob rnam pa gnyis te/ kun rdzob gzhan la rten pa ni bum pa lta bu'o/ /rdzas gzhan la rten pa rtog pa'i sgo nas te rnam pa gnyis nye bar bkod do zhes zer ro/ /tshor ba la sogs pa la yang de bzhin du lta bar bya'o/ /cha shas med pa'i phyir de dag la cha shas tha dad pa med pa'o/ /blos skad cig mar phye ba na 'du shes la sogs pa'i chos gzhan bsal yang tshor ba la sogs pa'i rang bzhin gyi blo 'jug pas na/ 'di don dam pa'i bden pa rtag pa ste/ de rang bzhin gyis yod pa'i phyir ro/ /gzhan dag na re gang du mnyes par blangs te btags pa de ni kun rdzob ba'o/ /gang cig nyid yin pa de ni don dam ba'o/ /gang du ming la sogs pa rnam par dbyed na mi dmigs ba de kun rdzob po/ /gang du dmigs pa de don dam pa'o zhes zer ro/ /slob dpon 'dus bzang na re gang ci kun rdzob kyi bdag nyid gyi don dam ba kun rdzob tu yod dam med/ gal te yod na bden pa gcig nyid du 'gyur ro/ /ci ste med na yang bden pa gcig nyid du 'gyur ro/ /yod ba zhes bya bar nye bar 'gro'o zhes zer ro/ /de skad smra ba la gnas brtan dbyig bshes na re/ phyin ci ma log pa'i don rtogs par byed pa'i mig ni kun rdzob kyi nus ba'o/ /don dam pa'i bden pa zhes bya ba ni rab

  675. 338a

    tu bsgrubs ba'i ming rdzas kyi sgo nas yod pa nyid do/ /bden ba gcig nyid du bshad ba ma yin nam zhe na/ de lta bu nyid do/ /don dam pa stong ba bden par 'gyur par 'os pa ma yin no 'o na ci ltar bden pa nyid rnam par bzhag bar 'gyur/ don dam pa'i khyad par gang yang rung ba kun rdzob nyid du nye bar bkod pa de'i las la sogs pa ngag gi dngos po'i tha snyad kyi bdag nyid las kun rdzob dang don dam pa yod kyi/ don dam pa kun rdzob ni ma yin no/ /ming ma gtogs pa gal te rdzas gzhan kho na yin pa de lta na 'o na bum pa dang snam bu la sogs pa bden pa gnyis kyi nang du 'dus pa mi srid pa'i phyir de dag la 'jig rten gyi tha snyad rig pa ma yin no/ /rnam par bzhag pa tha dad pa'i 'bras bu de dag nye bar len pa'i bdag nyid ma yin la/ rang nye bar len pa rnams de nyid dang gzhan du brjod du med pa'i phyir rnam pa tha dad pa yod pa ma yin zhing de'i dbye ba las kyang ma yin no// rdzas kyi sgo nas de'i dbye ba yod pa ma yin pas bum pa la sogs pa'i blo med pa'i phyir dper na kun rdzob dang kun rdzob kyi bdag nyid 'khrul pa med pas bden pa skye'o/ /yang rdzas kyi sgo nas yod pa ma yin pa'i phyir don dam ba'i rdzas de yang rdzas kyi bdag nyid du 'khrul pa med pas de'i phyir bden pa gcig nyid du thal ba med do/ /gang bshad ba'i don dam pa de nyid yod pa'i don to/ /bye brag kha gcig kun rdzob kyi bden pa dang/ kha cig ni don dam pa'i bden pa zhes bya'o/ /don bsdus te nges par mi bzung ba 'dzin pa ni kun rdzob kyi bden ba zhes bya zhing/ don nges par gzung ba'i rnam pa'i sgo nas sangs rgyas kyi sgo nas 'dzin pa ni don

  676. 338b

    dam ba'i bden pa zhes bya ste/ dper na zag pa dang bcas pa'i dngos po'i 'bras bu'i sgo nas 'dzin ba ni sdug bsngal gyi bden ba dang/ rgyu'i sgo nas 'dzin pa ni kun 'byung gi bden pa zhes bya ba lta bu'o/ /de yang sbyar bar bya ba ma yin te yod ba ni zag pa dang bcas ba'i dngos po las rgyu'i ngo bo'o/ /'bras bu'i ngo bo yang gzugs la sogs pa rnams te bum pa dang snam bu la sogs pa'i rnam pa yod pa'o/ /gang gi phyir gzugs la sogs gnas pa rnams bsdus te gzung bar gyur pa de yod pa nyid kyi grangs su bgrang ba'i phyir yan lag dang yan lag can cig ba nyid du smra bar 'gyur ro zhes pa'o/ /bden pa rnams mthong bar 'dod pas zhes bya ba ni sdug bsngal la sogs ba rnams mang po'i tshig gis bstan pa'i phyir dang/ nyon mongs pa spangs pa'i dbang du mdzad pa'i phyir ro/ /de nyid kyi phyir bden pa gzhan las khyad par du bya ba'i phyir 'dir 'phags pa'i sgra smos pa'o// dge ba yang yin pa rtogs pa las ni 'phags pa nyid do/ /de 'phags pa rnams yang dag par bzhed cing bden pas so/ /de yang sdug bsngal gyi bden pa la sogs pa bzhi po rnam pa nyid do/ /dang po kho nar zhes bya ba ni/ bcom ldan 'das kyis tshul khrims la rten cing tshul khrims la gnas nas chos nyid bsgom par bya ste zhes gsungs pa'o/ /des na dang po kho nar tshul khrims la shin tu gus par bya ste/ bsgom bar bya'o/ /tshul khrims

  677. 339a

    kyang 'dir so sor thar pa'i sdom pa'i tshul khrims mngon par 'dod kyi bsam gtan dang zag pa med pa'i bdag nyid ni ma yin no/ /de la tshul khrims ni mi g.yo ba'i rgyu dang rnam par mi g.yeng ba'i rgyu 'o/ /thos pa ni mi rmongs pa'i rgyu 'o/ /bsam pa ni gtan la phebs pa'i rgyu'o/ /mi yo yang bsgom pas rnam par 'joms pa'i rgyu ste tshul khrims la sogs pa rnams kyis de dag bsal te bsgom pa la rab tu sbyor ro/ /de lta na 'di'i bsgom pa ni shin tu sla bar 'gyur ro/ /bden pa mthong ba dang mthun pa'i thos pa 'dzin pa zhes rgyas par 'byung ba la/ thos ba dang ldan pa ni sgom ba rdzogs par 'gyur te/ thos pas chos rnams shes bar byed/ thos bas sdig las ldog par 'gyur/ thos pas don ma yin pa spongs/ thos pas mya ngan 'das pa thob/ ces tshigs su bcad de 'byung ba'i phyir ro/ /don nyan par byed do zhes bya ba ni/ gal te gzhung 'dzin bar mi nus na snyam du dgongs pa'o/ /res 'ga' ni yi ges don 'dren par byed ces bya ba/ /ming gang gis don gsal bar byed pa de 'dir yi ger mngon par 'dod de/ don bzang po tshig 'bru bzang po zhes mdo las 'byung bas so ming la dmigs pa zhes grag go zhes bya ba la/ grag go'i sgra ni de ltar bsam pa las byung ba gsum bar mi 'grub bo zhes ma rangs pa mtshon pa'i don to/ /gzhan dag na re/ sbyor ba ba'i drus kyi dbang du byas nas brjod de/ ming dang gnyi ga'i yul yid ni de thos pa dang bsam pa'i rgyu dang thob pa dag yongs su grub pas 'di dag thams cad don kho na'i yul du mi 'gyur ro/ /ming tsam

  678. 339b

    las ni nges pa skye ba ma yin pas de'i phyir ming la dmigs pa nyid thob pa las 'byung ba'o/ /gang zhig shes rab kyi sbyor ba'i dus su ming gi dbang gi don dren par byed pa de thos pa las byung ba'o gang zhig don gyi dbang gis ming 'dren ba de bsam pa las byung ba'o/ /gang zhig ming la ma ltos par de ltar don gyi blo skyed ba de bsgom pa las byung ba'o/ /de ltar 'di ni khyad par gyi mtshan nyid de 'di bye brag tu smra ba'i bsam pa'o/ /'di ltar bcom ldan 'das kyis gtan la phab pa'i khyad bar shes rab gsum po rnams ni yid ches pa'i tshig gis bstan pa bsam gtan dang ting nge 'dzin las skyes pa'i khyad par gsum nyid du gyur ro// 'du 'dzi dang mi dge ba'i rnam par rtog pa thag bsrings pa'i phyir zhes bya ba la bsrings pa dag ni 'du 'dzi las rings su gyur bas sems bsring ba ste/ sdig pa'i rnam par rtog pa dang 'du 'dzi'i rnam par rtog pa dang bral ba nyid kyis sems ni ting nge 'dzin du byed do/ /chog mi shes pa dang/ 'dod chen can la ma yin no zhes bya ba ni yo byad la don du gnyer ba mang pos ni nyin bar 'du 'dzi la sems shin tu gzhol bar 'gyur ro// mtshan mo ni rnam par rtog pas 'di'i sems la ting nge 'dzin gyi skabs snyed par mi 'gyur ro/ /yongs su ngal ba ni yid mi bde ba'o/ /gzhan dag na re/ gal te sdug bsngal 'chos par nus pa'i dngos po thob pa na 'di mgu bar mi 'gyur la/ de nus pa'i dngos po thob pa ni rnam par 'joms pa ni thob pa ma yin pas ting nge 'dzin gyi bar du gcod pa ma yin zhe na/ 'di la skyon med de/ 'di ltar sdug bsngal 'chos par nus pa'i

  679. 340a

    dngos po las gong du 'dod pas dge ba'i rtsa ba las ring du byed bas de'i phyir gang las gsungs pa de bzhin du sbyar ro zhes 'di rgya cher smra so/ /a tra hi pra ri tA po ni warya te/ pa ri tA sa shtsa ting nge 'dzin la bar du gcod par 'gyur ba nyid do zhe na/ gzhan dag na re 'di mi rigs so zhes zer ro/ /chos mngon pa pa rnams ni smra ba ma yin no/ /chos gos la sogs pa gya nom pa dang mang po rnyed pa na chos gos la sogs pa gzhan thob par 'dod pa ni chog mi shes pa'o/ /'o na ci ji ltar sdug bsngal 'chos pa'i chos gos gos la sogs pa snyed pa dag la phyir zhing kha dog la sogs pa phun sum tshogs pa 'dod pa nyid nye bar bzung nas 'di dang 'di lta bu bdag gis ci'i phyir ma thob snyam pa 'di ni chog mi shes pa ste/ de'i phyir chog mi shes pa dang 'dod chen dag la khyad par che'o/ /gzhan dag na re/ sdug bsngal 'chos par nus pa'i dngos po rnyed pa dag la phyir zhing mi 'dod pa ni chog shes pa yin la/ ma rnyed pa dag lhag par don du mi gnyer ba ni 'dod pa chud pa yin no zer ro/ /de gnyis khams gsum gtogs dri med/ ces bya ba ni/ ma chags pa'i rang bzhin yin pa'i phyir 'dod pa na spyod pa'i dge ba'i sems dang mtshungs par ldan pa ni chog shes pa dang 'dod pa chung ba ste/ 'dod pa dang mtshungs par ldan pa dag go /de bzhin du gzhan pa yang brjod par bya'o 'dod pa spyod pa dag kho na yin no zhes bya ba ni chags pa ni mi dge ba'i rtsa ba'i rang bzhin yin ba'i phyir ro/ /'di rtogs par bya ste/ gzugs dang gzugs med pa'i khams dag ni zhes bya ba ni/ chog shes pa

  680. 340b

    'dod pa chung ba dag yod de/ 'dod pa'i khams su skyes pa yang de'i sems kun na slong ba chog mi shes pa dang 'dod pa che ba cha kun tu spyod pa bsring ba'i phyir dang/ chog shes pa dang 'dod pa chung ba dag ches rgyas par kun du spyod pa mthong ba'i phyir 'di dag gi mtshan nyid khyad par du bshad do/ /spyi'i mtshan nyid mi shes pas de'i phyir 'dod chen chung ba dang chog shes pa 'di gnyis kyi zhes rgyas par smos te/ chags pa rnam par mang po'i gnyen po yin pa'i phyir ma chags pa'i rang bzhin te 'di dag 'phags pa'i rigs yin pa'i phyir/ gzhan dag na re/ khams gsum gtog dri med/ ma chags pa'i bdag nyid kyang ngo zhes sbyar ro zhes zer ro/ /chos gos la sogs pa ma rnyed pa yang zhe sdang med pa'i dge ba'i rtsa ba bzhin no/ /gzugs med par skyes pa rnams ji ltar lus la don du gnyer ba med pa de bzhin du 'dod pa'i mngon spyod nye bar mkho ba rnams la yang yin no/ /slob pa rnams kyang de dag la bsam pa'i sgo nas yin gyi sbyor ba'i sgo nas ma yin no/ /'phags pa rnams kho na de dag las rab tu skye ba'i phyir zhes bya ste/ rgyud pas 'brel ba ni skyes bu'i rgyud kyi rim pa'i dbang ngo zhes 'jig rten na rab tu grags so/ /'phags pa yang lus kyi chos gang yang rung pa'i chos gos kyis chog shes pa la sogs pa rigs kyi rang bzhin no de las skyes pa 'phags pa'i rigs dang po gsum chog shes pa la sogs pa'i rang bzhin no zhes rgyas par 'byung ste/ rnam pa mang po las ma chags pa ni chog shes pa'i mtshan nyid de/ chags pa'i gnyen po yin no/ /de ni 'phags pa'i rigs dang po gsum gyis mtshan nyid do/ /spong ba dang rbsgom pa la dga' ba nyid

  681. 341a

    yin no zhes bya ba la spong ba dang bsgom pa ni spong ba dang bsgom pa'o/ /de la na dga' ba ni spong ba dang bsgom pa la dga' ba'o/ /'di la dga' bas na dga' ste/ de'i dngos po ni spong ba dang bsgom pa la dga' ba nyid do/ /spong ba dang bsgom pa zhes bya ba bral ba dang lam mo zhes bya ba'i don to/ /yang na spong ba'i phyed du bsgom pa ni spong ba'i sgom pa yin la/ spong ba'i bsgom pa la dga' ba ni spong ba'i bsgom pa la dga' ba ste/ nyon mongs pa'i 'gog pa mngon gsum du bya ba'i thabs la gom pa lhur len ces bya ba'i tha tshig go /srid pa dang 'dod pa'i 'dod chags la rgyab kyis phyogs pa'i phyir ro/ /zhes bya ba'i ni srid pa las rgyab kyis phyogs pa'i phyir dang/ 'dod chags la rgyab kyis phyogs pa'i phyir ste/ srid pa'i sred pa la rgyab kyis phyogs pa'i phyir zhes bya ba'i phyir ro/ yang na srid pa'i 'dod chags la rgyab kyis phyogs pa'i phyir 'dod pa'i 'dod chags la rgyab kyis phyogs pa'i phyir rgyab kyi phyogs pa dang ma chags pa yang yin no/ /zhe sdang gi gnyan po yin pa'i phyir zhe sdang med ba'i bdag nyid kyang bzhi par 'gyur ba ma yin nam zhe na/ mi 'gyur te/ gsum pa de'i tshogs su 'gyur ba'i phyir dang/ de dag ma chags pa'i bdag nyid yin pa'i phyir dang/ sat+swa yany+tsa/ swa yany+tsa zer/ chags pa'i gnyen pa yin pa'i ches shin tu ma chags pa'i bdag nyid ces bya ba'o/ /mgu ba ma yin pa'i sngon du 'gro ba'i phyir mgu pa yod pa la yang 'dod chen tshe ba med pa'i phyir chog shes stag lung ba pa kho na 'phags pa'i rigs su rnam par bzhag gi 'dod chen chung ba nyid ma yin no/ /yang ji ltar chog shes pa 'di zag pa med pa dang ldan zhe na kha cig

  682. 341b

    ni de/ ltar zag pa med pa'o zhes smra'o/ 'o na ji ltar zag pa med pa 'phags pa'i rigs su 'gyur/ /de'i dbang du byas te skyes pa'i las la der bshad pa'i phyir ro/ /zag pa med par yod pas 'phags pa'i rigs zhes bya'o// gang kha cig tu chog shes pa thams cad zag pa med pa zhes bya ba la/ 'dis ni 'dod pa chung ba nyid bshad pa yin no/ /'byung ba dang 'jig pa de lta bu'i phyir zhes bya ba la/ de ltar gyi sgra ni 'byung ba dang 'jig pa'i bye brag gsal bar byed pa ste/ kye ma bdag ltar gyur kyang ci ma rung/ /lha gang yang rung bar gyur kyang ci ma rung zhes bya ba dang/ 'jig pa ni rnam par 'jig pa ste/ kye ma bdag shi phan chad rgyun chad kyang ci ma rung nga brlag kyang ci ma rung ma byung yang ci ma rung snyam pa la sogs pa'o/ /gzhan dag na re de dag gis 'phags pa'i bden pa skye ba'i rgyu yongs su rdzogs pa'i rgyu bzhi po nyid do zhes zer ro/ /mdor bsdus na 'phags pa nyid kyi rgyu rnam pa gnyis te/ skyon bzlog par byed pa dang yon tan 'dzin par byed pa'o/ /skyon bzlog par byed pa gsum mo/ /yon tan 'dzin par byed pa bzhi'o/ /ci'i phyir nad dang sman gyi gzhi las 'phags pa'i rigs rnam par ma bzhag ce na/ de dag ni chos gos la sogs pa'i nang du 'dus pa'i phyir de dag las tha dad pa'i nad dang sman yod pa ma yin no/ /chos gos la sogs pa kho na las rgyag pa lhag par 'byung ba'i phyir ro/ /'di thams cad rtag tu yang srid pa'i phyir gzhi nyid do/ /sman ni res 'ga' ba yin pas de la ma bshad do/ /gzhan dag na re de'i gnas kyang rnam par ma gzhag go zhes zer ro/ /gzhan dag na re de la bslab pa 'dod pa rnams la chog shes pa dang changs

  683. 342a

    par spyod pa'i bar chad bstan pa'i phyir ro zhes zer ro/ /nga yir 'dzin pa bzlog pa'i phyir chos gos la sogs pas chog shes ba bdag por gyur pa'i lam ni 'phags pa'i rigs gsum mo/ / dang 'dzin pa bzlog pa'i phyir spong pa dang bsgom pa la dga' ba bdag por gyur pa gang yin pa ni bzhi pa'o/ /'jig tshogs la lta ba rnam par sel ba dang shin tu bzlog pa'i phyir 'phags pa'i rigs bzhi bstan pas rnam grangs gzhan gsungs pa yin no/ /rnam grangs snga ma kho na ma yin zhes bya ba ni 'jug pa dang rjes su mjug pa'o/ /sna tshogs la ni mi dmigs pa'i phyir zhes bya ba rlung la kha dog dang dbyibs med pa'i phyir ro/ yang na reg bya tsam la dmigs pa'i phyir ro/ /mi sdug par sgom pa la rus pa ni rkang rus la sogs pa la dmigs pa'i phyir kha dog dang dbyibs kyi khyad par la dmigs pa'o/ kha phyir ma bltas pa'i phyir te zhes bya ba ni phra ba dang gi gyur la rag las pa'i yul can yin pa'i phyir mi sdug pa'i ngo bo ha cang mang zhing sna tshogs pa'i rgyu las bskyes pa yang ma yin no/ /rnam par rtog pa gnod ba'i phyir rjes su 'jug go / mi sdug ba ni yid kyis pa yin yang mig gi rnam par shes pa bzhin du kha phyir bltas pa yin te/ gang las she na/ de'i yul la nye bar rtags pa'i phyir zhes bya ba 'byung ste/ mig gi rnam par shes pa'i yul nges par rtogs pa'i phyir ro zhes bya ba'i don yin gyi/ rnam par rtog pa gtsor pa'i phyir rjes su 'jug pa ma yin no/ chos nye ba'i tshul gyis 'dod chags kyi gnyen po ni mi sdug pa ste/ gzhan ma yin pas 'di ni nad

  684. 342b

    nye bar zhi bar bya ba la sman lta bu nyid yin no/ /de bzhin du dbugs 'byung ba dang rdub pa dran pa yang yin no/ /rnam par 'bus gzhig pa zhes bya ba la/ 'bus zhes bya ba ni mngon par skyes pa'i 'bu sin gyi so zhes bya ba'i don to/ /ngas lus bcom pa dang 'dra bar mos pa'i phyir dang gzugs kyi phung po'i phyogs gcig la dmigs pa'i phyir ro/ /lhag par mos pa dang nye che ba yid la byed ba mi sdug pa'i de kho na nyid yid la byed ba na khyim? pa ma yin pas nyon mongs pa spong bar mi 'gyur ro/ de'i phyir mi sdug pa'i ye shes kyis nyon mongs pa spong ba ni ma yin no/ /yang ci des ji lta mgo mnon par gsungs she na bcom ldan 'das kyis/ /dge slong slob pa gzhon pa'i rabs/ sems la byad ba gang zhig la/ /gal te 'dod chags 'joms 'dod na/ /de ni dur khrod 'gro bar 'gyur/ /de nas rnam par bsdos ba lta/ /de nas rnam par brnags par lta/ de nas lpags pa rus ba yi/ /rus gong la sogs lta bar byed/ /ces gsungs so/ /yid la byed pa sbyar ba byas pa dang/ sbyang ba ma byas pa dag dang zhes bya ba rgyas par 'byung ba ni yid la byed pa sbyang ba byas pa'i mi sdug pa rang gi lus la dmigs ba chung bas chung ba yin gyi/ dbang chung bas ni ma yin no/ /yid la byed ba sbyang ba ma byas pa'i rgya mtsho'i mdza' klas pa'i bar la dmigs pa ni dbang chung bas chung ba yin gyi dmigs pa chung bas chung ba ni ma yin no/ /yid la byed pa sbyang? pa ma byas pa'i rang gi lus la dmigs pa ni dmigs pa chung bas kyang chung ba yin la dbang chung bas kyang chung ba yin no/ /yid la byed ba sbyang ba byas pa'i rgya mtsho'i mthas klas pa'i bar la

  685. 343a

    dmigs pa ni dmigs pa chung bas chung ba yin ma yid la dbang chung bas chung ba yang ma yin no/ /rang bzhin ni ma chags pa'o zhes bya ba ni/ mi sdug pa ni mi mthun par yid la byed pa ste/ 'di smad pa dang bcog pa'i kun tu chags pa la rgyab kyis phyogs pa zhes bya'o/ /thams cad du mi sdug pa ni ma chags pa yin na/ 'o na ma chags pa dang thams cad mi sdug pa yin nam zhe na/ kha dog gi 'dod chags sel ba'i gnyen po kho na mi sdug pa yin pa'i phyir/ 'di 'khor dang bcas pa ni phung po bzhi dang lnga'i rang bzhin nyer bsdogs dang lhan cig pa'i bsam gtan khyad par can te nyer bsdogs dang bcas pa'i bsam gtan khyad par can rnams so 'di skad bstan par 'gyur te/ nyer bsdogs dang bcas pa'i bsam gtan bzhi dang khyad par can du ste/ bsam gtan bzhi rnams su ste/ gzhan du ma yin pa'o/ /lha rnams su yang ma yin te sngon po la sogs pa la dmigs pa med pa'i phyir ro/ /dmyal pa dang yi dags dang dud 'gro rnams su ma yin te/ de dag tu 'dod chags dang bral ba med pa'i phyir ro/ /byang gi sgra mi snyan du ma yin no zhes bya ba ni mi rnams kyi nang kho nar bskyed kyi zhes sbyir btang ba 'di'i dmigs kyi bsal pa'o/ /de na 'dod chags dang bral ba med pa'i phyir dang/ de 'dod chags dang bral bar bya'i thabs yin pa'i phyir ro/ /thog mar ni mi rnams kyi nang kho nar bskyed la/ sngar skyong zin pa ni lha rnams kyi nang du yang mngon du byang ba yin no/ /mi skye ba'i chos can gyi ni dus gsum la dmigs te/ gzugs kyi skye mched nges pas de'i rjes nges par byas nas don la dmigs par byed kyi ming la dmigs pa

  686. 343b

    ni ma yin no/ /mos pa yid la byed pa yin pa'i phyir zag pa dang bcas pa ste/ de kho na nyid yid la byed pa ni zag pa med pa yin pa'i phyir ro/ /mos pa las byung bas ni phyin ci ma log par nyon mongs pa 'gog pa'i phyir dang der 'du shes pa'i phyir ro/ /rang gi mtshan nyid yid la byed pa gang yin pa 'di ltar lus la yod pa'i skra dang ba slu dang zhes bya ba la sogs pa de yis nyon mongs pa spong ba ma yin te/ thun mong du yid la byed pas spong pa'i phyir ro// 'di ni lus dran pa nye bar gzhag pa'i sbyor ba yin gyi dngos gzhi lus dran pa nye bar gzhag pa ma yin no/ bde ba dang yid bde ba dang btang snyoms kyi dbang po rnams dang mtshungs par ldan pa'i sdug bsngal dang kun 'byung gi bzod pa dang shes pa bzhin nges par 'byung ba yid la byed pa'o/ /'dris pa dang ma 'dris pa yin pa'i phyir zhes bya ba la/ 'dris pa ni 'dod chags dang bral bas thob pa yin no/ /ma 'dris pa ni sbyor ba las byung pa yin no/ 'dod chags dang bral bas thob pa yang sbyor ba'i sgo nas mngon du byed do/ /mi sdug pa'i mtshan nyid rab tu dbye ba dang bcas pa bshad zin te/ dbugs rdub dbugs 'byung zhes bya ba rgyas par 'byung ba la/ dbugs rdub pa zhes bya ba ni nang du 'dren pa ste gang gi yan lag 'jug pa'o/ /dbugs 'byung ba zhes bya ba ni phyir gtong ba ste/ gang gi yan lag 'byin par byed pa'o zhes gzhan dag zer ro/ /'di ltar gsungs te/ dge slong dag dbugs rdub pa zhes bya ba ni nang du rlung rnams 'jig pa lta bu dang 'thung ba lta bur rab tu 'jug par byed pa'o/ /dge slong dag dbugs 'byung ba zhes bya ba ni rlung rnams phyi rol tu mngon par 'phro bar byed/ mngon par 'byin par byed//

  687. 344a

    mngon par 'bab par byed pa'o ces so/ /gzhan dag na ro/ mi rtag pa dang mi rtag pa ma yin pa ni dbugs rdub pa dang dbugs 'byung ba'i don to zhes zer ro/ /de'i stobs bskyed pas 'jug pa'i phyir ro zhes bya ba ni/ dran pa'i stobs bskyed pas de la 'jug pa bshes par bya ba'i phyir ro/ /shes rab kyi rang bzhin yin pas dran pa zhes bshad de/ 'di las rlung rnams 'jug pa dang 'di las rlung rnams 'byung bas der dran pa bdag por byas te dran pa'i stobs bskyed pas na/ dran pa'i stobs bskyed pa'o/ /gzhan dag na re de la dmigs pa'i shes rab po zhes zer ro/ /ji ltar chos rnams shes rab kyis sdom par byed pa de bzhin du de 'khor dang bcas pa mi sdug pa bzhin phung po lnga dang bzhi'i bdag nyid do/ /nyer bsdogs gsum na zhes bya ba ni/ bsam gtan dang po dang gnyis pa dang gsum pa'i nyer bsdogs dag na'o/ /bsam gtan bzhi pa'i nyer bsdogs na med de/ /dbugs 'byung ba dang rdub pa dag med pa'i phyir ro/ /cir phyir bsam gtan gyi dngos gzhi dag tu mi 'dod ces na/ btang snyoms dang mtshungs par ldan pa'i phyir ro// 'dod pa na spyod pa'i sems la 'jug ste/ 'dis de ltar de dag nyi bar mtshon te 'dod pa'i khams su skyes pa dang bsam gtan dang po'i sa pa'i sems mngon du 'gyur ro/ /'dod pa na spyod pa'i lus zhes bya ba ni 'dod pa na spyod pa'i dbugs rdub pa dang 'byung ba dag go /bsam gtan gyi dngos gzhi'i snyoms par 'jug pa na btang snyoms yod pa ma yin no/ /ci'i phyir tshor ba gzhan dang mtshungs par mi ldan zhe na/ rnam par rtog pa

  688. 344b

    dang mthun pa'i phyir zhes bya ba rgyas par 'byung ste/ de'i gnyen po ni rnam par rtog pa'i gnyen po'o/ /de dag dang mtshungs par mi ldan no zhes bya ba ni bde ba dang sdug bsngal dag dang ngo/ /de lta na 'o na bsam gtan gnyis pa'i yid bde ba dang bsam gtan gsum pa'i bde ba dang mtshungs par ldan par 'gyur ro/ /zhe na/ de'i phyir bde ba dang yid bde ba dag kyang gtod ba la bar chad byed ba'i phyir zhes bya ba la sogs pa smos te/ bzod ba'i dgra yin ba'i phyir zhes bya ba'i don te/ /gtod pa dang gzo ba dang lhur lan pa zhes bya ba ni rnam grangs to/ dbug mjug pa dang 'byung ba dran pa la gtad de 'thob pa'i phyir ro/ /bde ba dang yid bde ba dag dang yang mtshungs par ldan par yi rung ngo/ /chos 'di pa rnams kyi zhes bya ba la chos 'di ba rnams ni bde bar gshegs pa pa rnams so/ /chos 'di pa rnams kyi yin gyi phyi rol pa rnams kyi mi ma yin te/ bdag tu 'dzin ba dang 'gal ba'i phyir dang zab pa'i phyir ro/ /bdag nyid kyi chos zab mo mngon par mi rtogs pa'i phyir zhes bya ba la zab pa nyid ni rgyu drug dang ldan pa'i phyir ro/ /lung med pa ni bgrangs pa tsam yang mi shes na/ rjes su 'gro ba la sogs pa dag lta smos kyang ci dgos/ de dag gi ltar na sa brgyad pa yin no zhes bya ba ni bsam gtan gsum bsnan pa'o/ /rlung la dmigs pa zhes bya ba ni/ dbugs rdub pa dang 'byung ba la dmigs pa'i phyir ro// 'dod pa'i rten can zhes bya ba ni da lta na rtogs pa mang po'i phyir ro/ /sbyor ba las byung ba ni sbyor ba thob pa yin la/ 'dod chags dang bral bas thob pa ni 'dod chags dang bral bas thob pa yin no/ /sbyor bas thob pa

  689. 345a

    nyid las gzhan du 'dod chags dang bral ba rnams la yang sbyor ba'i sgo nas mngon du 'gyur ba srid pa'i phyir 'dod chags dang ma bral ba'i sa la 'di nyer bsdogs rnams la gzhan du ma yin par rigs so/ /mdza' bshes dang yul 'khor la sogs pa'i rnam par rtog pa rnams la btson pa shes che bar 'jug pa'i phyir rtsol ba med par gyur pa kho na'i sems ni rnam par rtogs pa'i gnyan por rigs so/ /lus dang sems rnal du bzhag ste zhes bya ba ni lus dang sems mngon par 'du mi byed pa ste/ 'di ltar lus glong ba dang sems glong pa yin no/ /gzhan dag na re/ sbyor ba glong ba dang bsdams pa las rnam par g.yeng ba dang de ltar skyon gsum mo zhes zer ro/ /sbyor ba glong pa las ni le lo dang rmugs pa dang gnying la 'jug go /phyi rol du sems rnam par g.yeng bar byed do gzhan du sbyor ba bsdams pa las ni lus nyam nga ba dang sems nyam nga ba skye bar 'gyur zhing sems rnam par g.yeng ba las nyon mongs pa rnams kyis zil gyis non par 'gyur ro/ /sngar 'jug pa bgrang bar bya ba la/ phyis 'byung ba bgrang bar bya ste/ skye ba la sngar 'jug la/ 'chi ba la phyis 'byung ngo zhes de ltar skye ba dang/ 'chi ba rtogs pa las mi rtag pa la 'dris pa byas par 'gyur ro/ /rlung gi dkyil 'khor dang zhes bya ba ni 'og tu rjes su 'gro pa'o/ /'thor byed kyi rlung gi bar zhes bya ba ni gyen du 'gro ba'o/ /de kho na nyid yid 'byed pa'i phyir de ltar mos pa yid la byed pa nyid yin gyi/ de kho na nyid yid la byed pa ma yin te/ dbugs 'byung ba dang rdub

  690. 345b

    pa yul gyis bskal par rgyu ba mi srid pa'i phyir ro/ /gzhan dag na re/ gzhan nyid du mos pa yid la byed pas de de bzhin du rjes su 'gro ba'o zhes zer ro/ /de kho na nyid yid la byed pa mngon par sgrubs pa'i phyir ldang bar thal par 'gyur pa yod pa ma yin no/ /de'i sbyor ba'i bsam pa'i rgyu las zhes bya ba la/ dbugs 'byung ba dang rdub pa dag ni lus dang sems gang yin pa ste/ de nyid la rgyun lus kyi phyogs gcig yin pa'i phyir zhes bya ba'o/ /lus ni 'dod pa na spyod pa nas bsam gtan gsum pa'i sa pa'i bar ro/ /gong du dbugs 'byung ba dang rdub pa med pa'i phyir gzugs med pa dang nur nur po la sogs par gyur pa rnams la med pa'i phyir zhes bya ba la/ /gzugs med pa rnams la ni re zhig gzugs nyid yod pa ma yin pas lus la rten pa smos so/ /nur nur po la sogs par gyur pa rnams la lus yang med kyi/ spubs can ma yin pas lus khyad par can la rten pa smos so/ /sems med pa'i snyoms par 'jug pa'i sa la snyoms par zhugs pa rnams la sems nyid yod pa ma yin pas sems la rten pa smos so/ /bsam gtan bzhi pa la snyoms par zhugs pa rnams la sems yod med kyi/ dbugs 'byung ba dang rdub pa'i rten ma yin pas sems khyad par can la brten pa smos te/ de nyid kyi phyir gal te lus kyang spubs yod pa yin la zhes bya ba rgyas par smos so/ /skye ba zhes bya ba ni mngal nas 'byung ba'o/ /ma gang ba ni spubs can du gyur pa'o/ /gzhan dag ni sems can du bgrang ba ma yin pa de dag de'i nang gi bdag nyid ma yin pa'i phyir ro zhes bya ba'i tha tshig go /zhes zer ro/ /rim zin pa dag ni zin pa'i mtshan nyid med pa'i phyir re/

  691. 346a

    de nyid kyi phyir dbang po dang tha dad pa'i phyir ro zhes smos te/ rgyu mthun pa dang skal ba mnyam pa'i rgyu thob pa'i phyir ro/ /lus rgyas pas 'grib par 'gyur ba'i phyir dang lus 'grib las rgyas par 'gyur/ pa'i phyir rgyas pa las byung ba ma yin no/ /chags nas yang nyid mtshams sbyor ba'i phyir rnam par smin pa las skyes pa ma yin no/ /rnam par smin pa'i gzugs la ni chags nas yang mtshams sbyor ba med do/ /'og ma sa'i yid kyis de gnyis mi rtogs so/ /zhes bya ba la 'dod pa'i khams su skyes pa ni 'dod pa na spyod pa'i sems mngon du gyur na 'dod pa na spyod pa'o/ /'dod pa na spyod pa'i dbugs 'byung ba dang rdub pa dag bsam gtan dang po'i sa pa'i sems rjes su 'jug na de nyid kyis de dag nye bar rtogs so/ /de bzhin du bsam gtan gnyis pa dang gsum pa'i sa ba'i sems mngon du gyur pa la yang brjod par bya'o/ /bsam gtan dang por skyes pa ni bsam gtan dang po dang gnyis pa dang gsum pa rnams mngon du gyur pa la brjod par bya'o/ /de bzhin du bsam gtan gsum pa'i bar du skyes pa ni rang gis pa'i sems mngon du gyur pa na'o/ /gong mar skyes pa las 'og ma pa'i sems mngon du gyur pa'i rang gis pa'i dbugs 'byung ba dang rdub pa dag la sa 'og ma pa'i sems rjes su 'jug go /de yis de dag nye bar mi rtogs pa nyid yin pas 'dod pa na spyod pa'i dbugs 'byung ba dang rdub pa ni sems zhes rtogs la/ bsam gtan dang po dang gnyis pa dang gsum pa'i sa pa rnams ni go rims bzhin du sems gsum dang gnyis dang gcig gis rtogs so/ /rang gis pa nyid kyis rtags so zhes bya ba la/ dbugs rdub pa'i sa

  692. 346b

    rnam bzhi dang/ dbugs rdub pa ma yin pa'i sa rnams lnga'o/ /dbugs rdub pa'i sa la gnas pa ni dbugs rdub pa dang 'byung ba ma yin pa'i sems mngon du gyur pa na dbugs rdub pa dang 'byung ba mi 'jug go /dbugs rdub pa ma yin pa'i sa la gnas pa ni dbugs rdub pa dang 'byung ba'i sa pa'i sems mngon du gyur pa na dbugs rdub pa dang 'gyur ba dag mi 'jug go /dbugs rdub pa'i sa la gnas pa ni dbugs rdub pa dang 'byung ba'i sa ba'i sems mngon du gyur pa na dbugs rdub pa dang 'byung ba dag 'jug go /'og ma pa spyod lam pa dang sprul pa'i sems kyis zhes bya ba ni/ bsam gtan gyi sa 'og ma par skyes pa la sems rnam pa gnyis pa'ang mngon du gyur pa'i phyir ro/ /de'i phyir 'og ma pa spyod lam pa dang sprul ba'i sems kyis ma rtogs so zhes smos so/ /yang ci tsam gyis dbugs rdub pa dang 'byung ba dran pa yongs su grub par brjod par zhe na/ 'di ltar bshad par bya ste/ gang gi che rnal 'byor spyod pa dbugs rdub pa dang 'byung ba'i rgyun gcig tu 'du shes shing/ lus thams cad 'ong ma bzhin spubs gcig par mos par byed cing/ rlung gi rgyud kyi rgyun nor bu'i skud pa'i rgyud bzhin mos te/ dbugs rdub pa dang 'byung ba lus las mi g.yo ba'i lus kyi rnam par shes pa dang yid skye na/ 'di tsam gyis dbugs rdub ba dang 'byung ba yongs su grub par brjod par bya/ gzhan dag na re rnam par 'phrel ba dang dbang du gyur ba dang yongs su grub par rig par bya'o zhes zer ro/ /rnam par 'phel ba zhes bya ba ni chung ngu dang 'bring dang chen po'i gnas skabs so/ /dbang du gyur pa ni ji srid gang gi tshe ji ltar 'dod pa de srid de ltar snyoms par 'jug cing

  693. 347a

    ldang ba'i bya ba'i ming dang rgyud la phan 'dogs pa dang zhen pa brten pa'i rnam par rtogs pa las ring du byed pa'o/ /lhag mthong bsgrub par bya ba'i phyir zhes bya ba ni/ mnyam par ma bzhag na yang dag pa ji lta ba bzhin mthong ba'i nus pa yod pa ma yin la/ yang dag pa ji lta ba bzhin ma mthong bas nyon mongs pa spong ba yod pa ma yin pas de'i phyir ting nge 'dzin bsgrub par bya ba'i phyir sgo gnyis bstan pa'o/ /nga ni lhag mthong bsgrub par bya ba'i phyir dran pa nye bar gzhag pa bsgom par brjod par bya ste/ lus dang tshod pa dang sems dang chos rnams la rang dang spyi'i mtshan nyid ces bya ba rgyas par 'byung ba la/ /chos gzhan las ldog pa'i rang bzhin du rtogs pa ni rang gi mtshan nyid yongs su brtag go /rnam par phye ba de dag kho na'i thun mong ba'i rang bzhin du rtog pa spyi'i mtshan nyid du brtag go /lus kyi sgra ni dbang po rnams la yang 'jug pas de'i phyir lus kyi rang gi ngo bo ci zhe na zhes bya ba smras so/ /yang na lus ni rdzas du ma'i bdag nyid yin pa'i phyir rdzas gcig gi rang bzhin mi srid pas 'dri ba ni rang bzhin spyi zhe na zhes bya ba'o/ /'byung ba dang 'byung ba las gyur pa rnams zhes bya ba la/ 'byung ba dang 'byung ba las gyur pa rnams tshog pa na lus zhes bya ste/ tshogs pa can las tha dad pa'i tshogs pa yod pa ma yin pas de'i phyir 'byung ba dang 'byung ba las gyur pa dag kho na 'di'i rang bzhin du bshad do/ /der yang lus kyi 'byung ba las ci 'byung ba las gyur pa'o/ /'byung ba las gyur pa las kyang 'byung ba rnams te rang bzhin tha dad pa rnams nye bar brtags te/ de ltar rnam par

  694. 347b

    bye ste lus yongs su shes pa'i nges pa de ni rang gi mtshan nyid yongs su brtags pa'o/ /mngon par grub pa'i 'am gang yin pa'i rang bzhin du skye ba de ni rang gi mtshan nyid kyi rigs can lus nye bar bzhag pa zhes bya'o/ /des kyang chos de'i rang gi mtshan nyid yongs su shes par gyur pa de'i phyir de so sor skye'o/ /'di thams cad gcig ma yin no/ /yongs su brtag pa 'di la rnam par rig byed ma yin pa yongs su rtog par gsungs pa ma yin te/ gzugs med pa'i chos kyi phyogs brten pa'i phyir ro/ /mtshan nyid so so tha dad pa'i skye mched rnams la lus zhes khyad par med par spyir yongs su brtags so/ /zhes gzhan dag zer ro/ /de'i tshe yang gzugs su khyad par med pa'i phyir skye mched bcu gcig tu yongs su brtag par gyur pa de dag gzugs gnyis te/ 'di lta ste 'byung ba dang 'byung ba las gyur pa'o/ /de yongs su brtags pas grub pa'i lam la gzugs spyi'i rigs ni lus dran pa nye bar gzhag pa zhes bya'o// de nyid kyis de nyid gang dang gang thun mong gi sgo nas yongs su shes par gyur pa 'di thams cad 'byung bas lus dang tshor ba la sogs pa rnams la yang ji ltar rig par sbyar bar bya'o/ /gsum las gzhan pa dag ni chos so zhes bya ba ni lus dang tshor ba dang sems las gzhan pa 'dus byas dang 'dus ma byas thams cad nyid do/ /mnyam par bzhag ces bya ba nas grag go zhes bya ba la/ rdul phra rab kyi skad cig ma thams cad la der mthong ba yod pa ma yin pas ma rangs pa mtshon pa'i phyir du grag go zhes bya ba'i sgra'o/ /rang bzhin gyi dran pa nye bar gzhag pa ni shes rab ces bya ba ni 'brel ba dang dmigs pa'i dngos po la bltos pa pa med pa'i phyir

  695. 348a

    rang bzhin gyi dran pa nye bar bzhag pa ni shes rab bo/ gang gi phyir bstan bcos las/ lus dran pa nye bar gzhag pa gang zhe na/ lus la dmigs pa'i shes rab ces rgyas par gsungs so/ /thos sogs las byung ba'o zhes bya ba ni dran pa nye bar gzhag pa rnams sbyor ba las byung ba yin pa'i phyir skye bas thob pa ma yin no/ /gzhan ni 'brel ba dang dmigs pa las zhes bya ba la/ gang dag gi rang bzhin dran pa nye bar gzhag pa dang lhan cig 'byung ba de dag ni dran pa nye bar gzhag pa dang 'brel ba'i phyir dran pa nye bar gzhag pa zhes bya'o/ /de dag gi dmigs pa zhes bya ba ni rang bzhin gyi dran pa nye bar gzhag pa'i dmigs pa'o/ /des de dang ldan pa rjes su lta bar byed ces bya ba ni shes rab dang ldan zhes bya ba'i don to/ /dran pa'i stobs bskyed pas 'jug pa'i phyir zhes bya ba la/ stobs bskyed pa ni stobs bskyed pa'o/ /'di dran pa'i stobs bskyed de 'jug pas na de la 'di ni dran pa'i stobs bskyed pas 'jug pa shing gshags pa'i khye'us 'dzin pa lta ro/ /gal te dran pas dmigs pa gzung na de lta na shes rab kyi rab tu shes te/ de'i de lta na dran pa nye bar gzhag pas shes rab dran pa nye bar gzhag pa yin no/ /gzhan dag na re/ dran pa la nye bar gnas pa'i shes rab ste/ 'di ltar dran pa dang ldan pa'i shes rab 'byung bas de'i phyir 'di la dran pa nye bar gnas so/ /'di lta ste/ shes rab nye bar gnas pa'i 'bras bu zhes bya ba'i tha tshig go /ji ltar mthong ba mngon par brjod pa'i phyir zhes bya ba ni/ rjes su dran pa'i phyir ro/ /ji ltar rang bzhin gyi dran pa nye bar gzhag pa la byed pa dang byed pa'o byas pa

  696. 348b

    de bzhin du 'dres pa'i dran pa nye bar gzhag pa la yang ngo/ /dmigs pa'i dran pa nye bar gzhag pa'i dbang du byas nas mthong bar 'dod pa gsungs so/ /gang las zhes rgyas par 'byung ba la/ reg pa kun tu 'byung bas ni/ tshor ba dran ba nye bar gzhag pa kun du 'byung ba yin la/ reg pa 'gag pas ni tshor ba dran pa nye bar gzhag pa nub pa yin no/ /ming dang gzugs kun tu 'byung bas ni sems dran pa nye bar gzhag pa kun tu 'byung ba yin la zhes bya ba snga ma bzhin no/ /yid la byed pa kun tu 'byung bas chos dran pa nye bar gzhag pa kun tu 'byung ba yin no zhes bya ba yang snga ma bzhin no/ /ji ltar na 'di dag gi ming 'thob ces/ /lus dran pa nye bar gzhag pas na lus dran pa nye bar bzhag pa ces bya ste de bzhin du gzhan la yang brjod par bya'o/ /gzhan dag ni yang 'bres pa zhes bya ba rnams rnam pa gzhan du rtogs so zhes zer ro/ /'di dag dang dran pa lhan cig gnas pas zhes bya ba ni dran pa ste/ nye bar bzhag pa shes rab nyid do/ /yang ting nge 'dzin la sogs pa rnams kyang de dang lhan cig gnas pas ting nge 'dzin la sogs pa dran pa nye bar gzhag par gyur pa ma yin no zhe na/ mi 'gyur te/ dang pa gtso bor shes par bya ba'i phyir ro// shes rab kyis ni rang dang spyi'i sgo nas tha dad pa'i lus la sogs pa rnams la dran pa'i dbang gis de mi brjed pas de'i phyir sa rab tu rnam par 'byed pas sa gzhan bgrod cing chos rab tu rnam par 'byed ? pa'i dran pa dang ? ? par gyur pas de'i phyir de dang lhan cig pa kho na'i shes rab brtan gyi/ gzhan dang lhan cig pa ma yin no/ /dmigs par bshad pa rnams nges pa'i tshigs ni dran pa rnams shes rab mthun par gnas pas

  697. 349a

    dran pa nye bar bzhag pa rnams so/ /de bzhin du shes rab kho na 'dir gtso bo zhes bya ste/ shes rab kyi bdag nyid rnam pa gsum yang dran pa nye bar bzhag pa rnams zhes bya ste/ 'brel pa kho nas nyon mongs pa spong gi gzhan gyis ni ma yin no/ /yang shes rab kyang gzhan dang 'brel ba'i phyir dran pa nye bar bzhag pa dang 'brel ba nyid du mi rung ba ma yin nam zhe na/ chos rab tu rnam par 'byed pa'i bdag nyid yin pa'i phyir dang de yin par nyon mongs pa spong ba yod pa ma yin pa'i phyir ro/ /de'i phyir rang bzhin dang 'brel pa zhes brjod par bya'o/ /zhe na/ 'di la skyon med de/ nyon mongs pa zad pa'i dus su shes rab la der bshad pa 'thad pa'i phyir ro/ /zhi gnas dang lhag mthong mnyam pa ma thob pa'i lam gyis nyon mongs pa zag pa ma yin no/ /nges pa de la ma bltos pas dran pa nye bar bzhag pas 'ga' zhig rang bzhin gyi sgo nas yod pas nyon mongs pa zad pa'i dus su de las gzhan dang 'brel ba yang dran pa nye bar gzhag pa zhes bya'o/ /de'i phyir 'thad ba 'dis 'brel ba nyid kyis nyon mongs pa spong ngo/ /de la bsgom pa las byung ba dran pa nye bar bzhag pa nyid kyis phung po bzhi dang lnga'i mya ngan las 'das pa la dmigs te nyon mongs pa spong bar nus pa'i phyir spyi yid la byed pa nyid kyis nyon mongs pa spong ngo/ /rang gi mtshan nyid yid la byed pa ni cha shas la dmigs pa'i phyir zhes bya ba la/ rang dang gzhan dang gnyis ka la dmigs pa'i phyir zhes bya ba ji ltar byas nas she na/ rtun pa dang shes bzhin dang dran pa dang ldan par gyur nas 'jig rten la brnab sems dang yid mi bde ba rnams spang te nang gi lus la lus kyi rjes su lta

  698. 349b

    zhing gnas so zhes bya ba dang/ de bzhin du phyi'i lus la lus kyi rjes su lta zhing gnas so zhes bya ba ni snga ma bzhin no/ /nad dang phyi'i lus la lus kyi rjes su lta ba zhing gnas so zhes snga ma bzhin te/ de lta na tshul 'dis rnam pa gsum yin pa de la nang zhes bya ba ni rang gi rgyud du gtogs pa'o/ /phyi zhes bya ba ni gzhan gyi rgyud du gtogs pa'o/ /phyir? nang zhes bya ba ni bdag tu sred pa lhod pa'i phyin phyi bzhin dang nang nyid du mthong ba'i phyir nang bzhin de lnga ma bzhin no/ /nang zhes bya ba ni ma zin pa'i nad do/ /phyi zhes bya ba ni gzhan gyi rgyud du gtogs pa dang lhan cig pa'o/ /nad la gzhan pa ni phyi zhes bya ste/ dbang po dang yul dang gnyi ga la dmigs pa'i sgo nas so/ /sngar rags pa mthong ba'i phyir ro/ /zhes bya ba la lus ni 'byung ba dang/ 'byung pa las gyur pa yin pa'i phyir rags pas de sngar mthong ngo/ /de nas tshor ba ste rgyu ba rags pa'i phyir ro/ /de'i mjug thogs su ni sems yin te/ chos rnam pas so so rnam par rig pa'i rnam par mtshon sla ba'i phyir ro/ /chos ni 'dus byas dang 'dus ma byas dang mtshungs par ldan pa dang mi ldan pa la sogs pa'i dbye bas shin tu phra ba yin te/ mya ngan las 'das pa shin tu phra ba'i phyir ro/ /sems ma zhi ba'i phyir zhes bya ba ni tshor ba mngon par 'dod pa'o/ /de nyon mongs pa ma spangs pa'i phyir zhes bya ba ni sems ma zhi ba nyid do/ go rim bzhin du zhes bya ba ni lus dran pa nye bar gzhag pa ni gtsang bar phyin ci log pa'i gnyen por bstan te/ lus ni phyis dang 'dra bar mi gtsang pa'i bdag nyid yin no/ /chos lhag ma rnams ni de dang 'brel bas mi gtsang ba yin te/ phyis dang 'byar ba'i phyag dar bzhin no/ /tshor ba dran pa nye bar gzhag pa ni bde bar phyin ci log pa'i gnyen por ste/ gang

  699. 350a

    ci tshor yang rung de thams cad ni 'dir sdug bsngal zhes 'byung bas so/ /'dus byas lhag ma ni de dang 'brel pas sdug bsngal lo/ /rtog par phyin ci log pa'i gnyen por sems dran pa nye bar gzhag pa ste/ tshor ba la rab tu sdang bas de'i rten sems rnam par du ma dbye ba tha dad pa mthong bas 'di rtag go snyam du rtag par 'du shes phyin ci log pa'i gnyen por 'di mi rtag go snyam pa mngon du byed do/ /chos dran pa nye bar gzhag pa ni bdag tu phyin ci log pa'i gnyen por bstan te/ sems kyi gang byas pa'i khyad par mtshungs pa la bdag tu 'gyur ro snyam du khyad par du nye bar rtogs par byed do/ /de la chos rnams ril por rnam par dbye ba'i sgo nas 'di ni chos tsam du zad kyi/ 'di ni bdag ma yin no zhes bdag tu 'du shes pa phyin ci log gi gnyen po yin no/ /gzhan dag na re khams kyi zas dang reg pa dang rnam par shes pa dang yid la sems pa'i gnyen po'i sgo nas rim pa bzhin du bzhi'o zhes zer ro/ /'dir ma 'dres pa la dmigs pa gsum rnams te de yang dag pa ji lta ba bzhin ma 'dres pa la dmigs pas nyon mongs pa rab tu spong ngo/ /ma 'dres pa la dmigs pa'i shes pa gsum gyis ni 'gog pa shes pa nyid kyis so/ /'dres pa la dmigs pas kyang ma yin te/ phung po gsum la dmigs pa thams cad kyis de mi nus pa'i phyir ro/ ma 'dres pa la dmigs pa don med pa yang ma yin te/ so sor 'jug pa'i phyir dang/ rgyun 'gro par byed pa'i phyir ro/ /de'i phyir de rnams sbyor ba dang khyad par gyi lam gyi rang bzhin rnams chos su bshad cing spong ba dang rnam par grol

  700. 350b

    ba'i lam du bshad do/ /de bzhin du lus la lhag par dmigs pa zhes rgyas par 'byung ste/ de bzhin du 'di mi sdug pa dang dbugs rdub pa dang 'byung ba dran pa'i sbyor ba goms pa'i phyir rang gi mtshan nyid kyi rigs can lus dran pa nye bar gzhag pa nyid la 'jug go/ de'i mjug thogs su tshor ba dran pa nye bar gzhag pa dang/ de nas sems dang rjes su de'i rigs can nyid kyi chos dran pa nye bar gzhag pa'o/ / de'i phyir rang gi mtshan nyid kyi rigs can chos dran pa nye bar gzhag pa las mjug thogs su 'dres pa la dmigs pa'i chos dran pa nye bar gzhag pa skyed par byed do/ /de'i mjug thogs su spyi la dmigs pa'o/ /de ni chos dran nyer gzhag pa/ spyi la dmigs ba la gnas te/ zhes bya ba la 'dres pa la dmigs pa'i chos dran pa nye bar gzhag pa rnams pa gsum ste phung po bzhi dang lnga la dmigs pa'o/ /de ni chos dran nyer gzhag pa/ /spyi la dmigs pa la gnas te/ zhes bya ba la 'dres pa la dmigs pa'i chos dran pa nye bar gzhag pa rnams pa gsum ste phung po bzhi dang lnga la dmigs pa'i dbye ba las/ phung po lnga la dmigs pa nyid ni spyi la dmigs par brjod la/ de la gnas pa thams cad nyid lus la sogs pa'i spyi mi rtag pa la gsogs pa'i rnam pa bzhir lta bar byed do/ de las dro bar gyur pa 'byung/ zhes bya ba la dro bar gyur pa ni dro ba'i rnam pa'o/ /'di skad brjod par 'gyur te 'dres pa la dmigs pa'i chos dran pa nye bar gzhag pa las 'dris par byas te/ sngar re zhig dmigs pa thams cad kyi bdag nyid kyi rnams pa la gom par byed do/ /de nas skye ba dang 'jig pa la yongs su rtog go /de nas rten cing 'brel par

  701. 351a

    'byung ba la so sor lta bar byed do/ /sgom pa ni rgyu'i sgo nas skye ba dang 'jig pa dag la blta ste/ bde ba la rgyu dang 'bras bu 'brel bar yongs su rtog pa la 'jug go/ 'ga' zhig sngar rten cing 'brel par 'byung ba la rtog par 'dod pa de dag skye ba dang 'jig pa mthong ba'i mjug thogs su don rnam pa gsum la yongs su rtog go /de nas gnas bdun la mkhas so/ /de la mkhas par byas nas yang sngar mthong pa'i shes bya'i bden pa rnam par bzhag pa la bsdus te rtog go /rgyu dang 'bras bu bkod pa'i bden pa rnam par bzhag pa de ni de'i tshe ye shes goms pas zhi gnas brten par byed cing bden pa rnams mngon par rtogs pa dang mthun par rnam par 'jog par byed do/ /'dod pa na spyod pa'i sdug bsngal so so dang gzugs na spyod pa nyid kyang so so te/ lhag ma rnams kyang ngo/ /de nas de'i rjes su ma 'dris pa rnam pa bcu drug so sor snang ngo/ /thos pa las byung ba'i shes rab kyis bden pa rnams la de'i rnam pa rnams su byed do/ /bde ba rnams kyang gnas kyi bar chod pa bzhin du blta ste/ 'di tsam gyis thos pa las byung ba'i shes rab yongs su grub pa yin no/ /de bzhin du bsam pa las byung ba la yang brjod par bya'o/ /de nas 'du byed thams cad la phyir phyogs te nges par 'byung ba dang zhi bar mthong te/ nges par 'byung ba'i rnam pa ches mang ches cher mang ba'i tshul gyis thams cad las khyad par 'phags pa'i bsam pa las byung ba nges par 'byed pa dang mthun pa'i dro bar gyur pa 'byung zhing dge ba'i rtsa ba skyed par byed do// de nas dro bas gyur pa skyed do/ de'i phyir nges par 'byung ba dang mthun pa'i bsam pa las byung ba las chos dran pa nye bar bzhag pa ste/ khyad par du bar ma chad pas de thog mar bsgom par byed do/ /de'i phyir dro bar gyur pa ci la

  702. 351b

    dmigs pa chos dran pa nye bar gzhag pa'i dge ba bskyed par byed do/ /'phags pa'i lam bsgom pa'i me'i sngon gyi tshul 'dren par byed pa'i phyir zhes bya ba ni/ rgyun chags pa'i phyir zhes bya ba'i don to/ /'o na ci'i phyir logs shig tu bstan ce na/ de'i phyir ches mchog tu gyur pa'i phyir ming gzhan du btags so zhes bya ba smos so/ /dge ba'i rtsa ba g.yo ba'i rtse mo yin pa'i phyir zhes bya ba la/ gzugs na spyod pa'i dge ba'i rtsa ba rnams ni g.yo pa gnyis dang mi g.yo ba gnyis so/ /g.yo ba dag ni gang chung ngu ste dro bar gyur pa chen po gang yin pa de ni phul du byung bas na rtse mo'o/ /'dir rtse mo'i sgra ni phul du byung ba gsal bar byed pa'o/ /mi g.yo ba dag kyang gang chung ngu mngon du byed pa dang chen po gang yin pa de ni 'jig rten pa'i chos kyi chog go/ snying po dang chos mtshungs pa'i phyir zhes bya ba ni/ dang po nas bkod pa zhes bya ba'o/ /bden pa rnams la rnam pa dag 'jog par byed pa ste/ de dag la dmigs pa rnams 'jug par byed pa'o zhes bya ba'i don gang yin pa'o/ /ci tshig 'di la ming la gom pa'i sgo nas chung ngu dang 'bring dang chen po rim gyis skye zhe na/ dga' ba chen po med pa'i phyir zhes bya ste/ sbyor ba las byung ba rnams la mchog rnams nyid de/ de dman pa rnams la dga' ba chen po med pa'i phyir ro/ /de'i phyir sngar thob pa rnams ni mngon du mi byed de/ dman pa'i phyir ro/ /dro ba rnams kho na cig tu 'phel ba kASh+Tha mA ga tA:/ rin po che'i khang bzangs kyi kun tu spyod pa mang po bzhin du gyur pa ni rtse mor gyur pa zhes bya'o/ /de dag chung dang 'bring dang chen po'i rim pas mngon par 'brel ba zhes rgyas par 'byung ste/ chen po ni bden pa la bzod pa'i phyir zhes bya ba ni/ phra ba'i bden pa la kun tu rmongs pa bzlog pa'i phyir brjod par byed ces bya ba'i don to/ /yid kyi bden pa bzhi la mi rtag pa la sogs pa rnam par?

  703. 352a

    rnams kyis zhes bya ba ni bzod pa dang rtse mo dag dge ba'i rtsa ba chung ngu dang 'bring dag la bzod pa'o zhes bshad pa yin no/ /de nyid kyi phyir 'di dag bden pa dang mthun pa'o/ /'di dag 'jig rten pa'i nges pa la 'jug pas de'i rgyud yongs su mi nyams pa'i sgo nas so/ /de lta bu nyid kyi rgyu las zhes bya ba ni chos dran pa nye bar gzhag pa nyid kyis bden pa'i rnam pa dag 'god pa'i phyir zhes bya ba'i don to/ /chos dran pa nye bar gzhag pa nyid kyis yin gyi gzhan gyi yin no zhes bya ba ni/ mthong ba'i tam dang 'bra ba'i phyir bzod pa rnams spyi la dmigs pa'i lam nyid du brjod do/ /gang skad cig ma gcig nyid de la chen po zhes bya ba dang yang bzod pa 'di dag la chung ngu dang 'bring dang chen po nyid du yongs su gcod par byed ce na/ chung ngu na re zhig bzod pa brgyad kyis sems rnams so/ /'di ci ltar rnal 'byor spyod pa rnams yid la byed ce na/ 'dod pa na spyod pa'i sdug bsngal dang gzugs na spyod pa'i sdug bsngal zhes rim pa 'di nyid kyis kun 'byung dang 'gog pa dang lam rnams kyang yid la byed de/ 'di dag bzod pa chung ngu dang 'bring dang tha ma'o/ /gzugs dang gzugs med pa'i gnyen po la sogs pa bden pa'i rnam pa dmigs par re re nas phri nas zhes bya ba 'byung ste/ sogs pa zhes bya ba'i sgras ni gzugs dang gzugs med pa na spyod pa'i nyon mongs pa'i 'gog pa dang/ kun 'byung ba dang/ sdug bsngal gyi bden pa rnams bsdu zhing/ de bzhin du 'dod pa na spyod pa'i nyon mongs pa'i gnyen po dang/ 'gog pa dang/ kun 'byung ba dang/ sdug bsngal gyi bden pa rnams bsdu'o/ /de dag gi bden pa'i rnam pa re re phri ba dang/ dmigs pa re re phri nas so/ /ji ltar zhe na/ rjes su shes pa'i phyogs dang mthun pa'i lam de la rnam pa bzhir rnam pa gtod par byed do/ /de nas gsum du'o/ /de nas gnyis

  704. 352b

    su'o/ /de nas gcig tu ste/ re zhig bden pa'i rnam pa re re phri ba ni de lta'o/ /de nas gcig tu yang rnam pa gtod par mi byed de/ /dmigs pa phri ba ni de lta bu'o/ /rim pa 'dis 'dod pa na spyod pa'i sdug bsngal kho na la mi rtag pa dang sdug bsngal pa'i rnam ba can skad cig ma gnyis kho nar yid la byed pa'i bar de thams cad ni bzod pa 'bring yin no/ /bden pa'i rnam pa dang dmigs pa phri ba las brtsams te zhes bya ba ni/ sngar phri ba btang ba las bzod pa chung ngu zhes bshad pa yin no/ / 'jig rten pa'i zag pa dang bcas pa'i lam gyi mchog yin pa'i phyir dang skal ba med pa'i rgyu med par de/ skyes bu byed pas drangs pa'i phyir 'jig rten pa'i chos kyi mchog ces bya'o/ /bzod pa chen po'i mjug thogs su spyi'i chos thams cad la dran pa nye bar gzhag pa'o/ /de'i khyad par nyid las dang po nas 'phags pa'i lam gyi sgo dbye ba'i phyir dang 'jig rten thams cad las yon tan gyi gtso bor gyur pa'i dge ba'i rtsa ba skyed do/ /yang 'jig rten pa'i chos kyi mchog ces bya ba thams cad ni phung po lnga ste/ mnyam par bzhag pa la rjes su 'brang ba'i gzugs yod pa'i phyir ro/ /thob pa ma gtogs pa zhes bya ba la/ bden pa mthong ba bden pa dang 'dres par lta ba ni bden pa mthong ba'i sbyor ba mngon du mi byed de/ dgos pa med pa'i phyir ro/ /gzhan dag na re 'phags pas gong du so so skye bo'i rgyud can gyi lam mngon du byed pa mi rigs pa'o zhes zer ro/ /gzhan dag ni lhan cig skyes pa'i rgyud can las de'i rang bzhin dang de'i rang bzhin can nyid kyi phyir ro zhes zer ro/ /so so skye bo bzhin du 'phags pa'i chos mthob pa ni so so skye bo nyid de/ 'phags pa'i chos thob pa la yang ma thob pa yod de/ de nas so so skye bo ma yin no/ /'phags pa'i chos ma thob pa ni so so skye bor bshad pa'i phyir

  705. 353a

    ro/ /de ltar dro bar gyur ba la sogs pa thob pa de lhan cig skyes pa de'i rang bzhin zhes bya ba ste/ 'phags pa'i gang zag gi rgyud la yang de'i rang bzhin mi 'gyur ba ma yin no/ /gzhan dag na re chos kyi mchog rnams phul du phyin pa nyid du 'gyur ba'i phyir de'i thob pa rnams chos mchog gi bdag nyid ma yin no zhes zer ro/ /de lta na 'o na dro bar gyur ba dang rtse mo dang bzod pa rnams kyang phul du byung ba'i phyir thob pa rnams de'i rang bzhin ma yin par thal ba 'gyur ro/ /de'i phyir rnam grangs snga ma kho na gzung bar bya'o/ /so so skye bo nyid bzhin zhes bya ba ni 'di'i yul lo/ /so so skye bo'i thob pa kha cig so so skye bo'i rgyud can dang kha cig 'phags pa'i rgyud can ma yin no/ /dro bar gyur pa la sogs pa'i thob pa bzhin zhes bya ba la/ de'i phyir 'di nyid 'dir phyogs su rigs te/ 'khor dang bcas pa phung po lnga'o/ /thob pa ma gtogs /zhes bya ba la rnam pa gzhan brjod par 'dod bas de la bden pa gsum la dmigs pa'i dro bar gyur ba rnam pa gtong ba la zhes bya ba smos so/ /bden pa gsum ni sdug bsngal dang kun 'byung dang lam la dmigs pa'i zung ste/ 'gog pa'i bden pa la dmigs pa'i bden pa logs su bstan pa'i phyir ro/ /sdug bsngal la sogs pa rnams phung bo lnga'i bdag nyid yin pa'i phyir de dag la dmigs pa'i chos dran pa nye bar gzhag pa de ltar byung ba yin no/ /ma 'ongs pa ni bzhi char thob bo zhes bya ba ni lus dang tshor ba dang sems dang chos dran pa nye bar gzhag pa'o/ /lus dang tshor ba la sogs pa rnams sdug bsngal la sogs pa'i khongs su 'du ba'i phyir de dag la dmigs pa ma 'ongs pa bzhi char 'thob ste/ tshor sbyangs pa rnams kyis thob ba skye zhes bya ba'i tha tshig go /da ltar byung ba ni thob pa dang bcas te rten pas thob

  706. 353b

    pa'i sgo nas mngon du gyur pa nyid du 'thob bo/ /de kho na gnyi ga yin no zhes bya ba ni chos dran pa nye bar gzhag pa da ltar ba dang ma 'ongs pa de kho na 'thob po/ /'gog pa'i bden pa la ni lus med pa'i phyir de la dmigs pa ma 'ongs pa gsum mi 'thob bo/ /de ni phung po 'jig par mthong ba'i sgo nas phung po la dmigs pa'i lam thob par gyur ro/ /rnam dag ni thams cad du 'dra ba yin no/ /zhes bya ba ni bden pa gsum la dmigs pa dang 'gog pa la dmigs pa'o/ /gang la dmigs pa'i bden pa'i rnam pa ma 'ongs pa bzhi 'thob bo/ /da ltar byung ba ni gcig nyid de/ mi 'dra ba dmigs pa ma yin pa'i phyir ro/ /rigs rnams zhes bya ba la/ rnam par 'phel ba la ba zhes bya ba ni byang bar bya ba la'o/ /bzhi las gang yang rung ba zhig ces bya ba ni/ lus dran pa nye bar gzhag pa la sogs pa rnams las gang yang rung ba zhig da ltar byung ba yin te/ gzugs kyi skye mched ni lus dran pa nye bar gzhag pa'o/ /gzugs dang tshor ba la sogs pa yang bden pa gsum gyi nang du 'dus pa nyid do/ /de'i phyir bden pa nyid la dmigs pa zhes sbyar ro/ /gzhi las gang yang rung ba ni ma yin no/ /'gog pa la dmigs pa 'phel ba de kho na la ni tha ma chos dran pa nye bar gzhag pa da ltar byung ba yin te/ de la lus la sogs pa med pa'i phyir ro/ /rnam pa cig nyid kho na 'o/ /ma 'ongs pa ni gzhi car thob po/ /rnam pa ni thams cad zhes bya ba ni bcu drug go /rigs rnams thob zin pa'i phyir ro zhes bya ba la/ dang po'i rnam pa la ni skal ba mnyam pa'i rnam pa nyid 'thob bo/ /rigs rnams ma thob pa'i phyir bden pa rnams la yang rnam pa rnams bkram pa'i phyir ro/ /rnam par 'phel ba la ni gnyi ga'i dbang du byas pa'o/ /skal ba mnyam pa dang skal ba mi mnyam pa'i rgyu rnams kyang 'dir rigs su mngon par 'dod do/ /rtse mo bden pa bzhi la dmigs pa rnam pa gtod pa la ni chos dran pa nye bar gzhag pa da ltar byung ba yin la/ ma 'ongs ba

  707. 354a

    ni bzhi char thob po/ /ji ltar dro bar gyur ba'i rnam ba 'gog pa la dmigs pa chos dran pa nye bar gzhag pa ni gnyi ga ji lta ba ma yin no/ /rnam pa gcig gis ni da ltar byung ba dang ma 'ongs pa'i bzod pa thams cad du'o/ /bzod pa rnams la ni thams cad du tha ma yin la zhes bya ba ni bzod pa rnams la ni rnam par gtod ba dang rnam par 'phel ba la yang tha ma nyid de da ltar byung ba'i bzod pa'o/ /chos dran pa nye bar gzhag pa nyid kyis 'phel ba'i phyir ma 'ongs pa ni rnam pa bzhi dang gcig nyid do// da ltar byung ba dang ma 'ongs pa thams cad rigs kyi sgo nas bzod pa rnams nyid du bshad do/ /ji ltar dmigs pa la gtod pa de bzhin du rnam pa la yang ste bden pa bzhi la dmigs par bya ba'i ched du'o/ /thams cad du bden pa gsum dang gnyis dang gcig la dmigs pas bcu gnyis dang brgyad dang bzhi rnams 'thob bo/ /chos mchog la ni tha ma da ltar byung ba'o/ /ma 'ongs pa ni bzhi'o/ /rnam pa cig go /da ltar byung ba thob pa bzhi'o/ /skal ba mnyam ba gzhan med pa'i phyir ro zhes bya ba ni/ chos kyi mchog bden pa gzhan gyi yul can yin pa'i phyir kun 'byung la sogs pa'i rnam pa med ba'o/ /mthong ba'i lam dang 'dra ba'i phyir ro zhes bya ba ni mthong ba'i lam dang nye ba nyid dang/ de dang sa gcig pa nyid do/ /mthong ba'i lam la ni bden pa gang zhig mthong bar 'gyur ba de'i rnam pa dag kho na 'thob bo/ /gzhan dag na re 'dod pa'i sdug bsngal la dmigs pa'i phyir sdug bsngal la chos bzod dang 'dra'o zhes zer ro/ /ji ltar der bzhi kho na 'thob pa de bzhin du chos mchog yang yin no/ /nges bar 'byed pas na nges bar 'byed pa 'am yang na 'dis nges par 'byed pas na nges par 'byed pa'o/ /de yang 'phags pa'i lam nyid yin gyi gzhan ni ma yin no/ /ci'i phyir zhe na/ de'i phyir des the 'tshom spong ba'i phyir zhes bya ba

  708. 354b

    rgyas par 'byung ste/ 'phags pa'i lam gyis the tshom spong ba'i phyir bden pa rnams nges par rnam par 'byed pas 'byed pa zhes bya ste/ de nyid nges par 'byed pa ste gzhan ma yin no zhes ston par byed do/ /ji ltar 'byed par byed ce na/ 'di ni sdug bsngal zhes rgyas bar 'byung ste/ de'i cha ni mthong ba'i lam gyi phyogs gcig yin te zhes bya ba ni/ sdug bsngal la chos shes pa'i bzod ba de 'dren pa'i phyir ro/ /thos pa las bsam pa las byung ba dag gis ni zhes bya ba la thos pa dang bsam pa las byung ba dag gis ni rgyud pas nges par 'byed pa yin gyi dngos su ma yin te bskal pa'i phyir ro/ /de dag gis bsdus pa'i phyir ro zhes bya ba ni de dag dang ldan pa'i phyir ro/ /mthong ba'i lam ni sa drug pa yin pas mthong ba'i lam gyi 'khor rnams kyang nges bar 'byed pa'i cha dang mthun pa ste/ de'i phyir gong ma gzugs dang gzugs med pa'i khams na srid pa ma yin te/ mthong ba'i lam med do/ /de nyid la rgyu gsungs pa/ 'dod pa'i khams la dmigs pa'i phyir ro zhes bya ba smos te/ mthong ba'i lam ni 'dod pa'i khams la dmigs pa yin no/ /gzugs med pa dag ni 'dod pa'i khams la dmigs pa ma yin te/ ring ba bzhis ring ba'i phyir ro/ /de yang sngar yongs su shes par bya ba yin pa'i phyir ro zhes bya ba smos te/ 'dod pa'i khams ni rigs pa'i phyir gzugs dang gzugs med pa'i khams kyi sngar yongs su shes par bya zhing spang bar bya ba yin no/ /rnam par smin pa dang bcas pa'i phyir de dag gi rnam par smin pa ni gzugs kyi khams kyi phung po lnga yin no/ /srid pa'i gnyen po yin pa'i phyir zhes bya ba ni/ mi rtag pa la sogs pa'i rnam pa rnams kyis srid pa las rgyab kyi phyogs par byed pa'i phyir/ 'di dag la ris mthun pa 'phen pa'i nus pa yod pa ma yin pa'o/ /gnyis ni 'og na yod pa'am/ zhes bya ba la

  709. 355a

    chos mngon pa pa rnams ni 'di mi 'dod de/ thos pa dang bsam pa las byung ba dge? ni nges par 'byed pa'i cha dang mthun par mi 'thad pa'i phyir ro/ /rten gyi sgo nas ni bzhi char yang 'dod pa'i rten can yin te/ de kho na nges pa pa 'jug pa yod pa'i phyir ro/ /gsum ni mi dag gi nang na zhes bya ba ni bzod pa chen po dang chos mchog ma gtogs pa'o/ /'di dag gi dang po mi dag gi nang kho nar skye bar byed do/ /gling gsum du zhes bya ba ni sgra mi snyan ma gtogs par ro/ /bzhi pa ni lha dag gi nang du yang zhes bya ba ni 'dod pa na spyod pa rnams su skyed par byed do zhes bya ba'o/ /gzhan dag na re bzod pa chen po dang chos mchog skye ba ni lha dag gi nang du yang ngo zhes zer ro/ /gzhan dag ni sbyangs pa byas pa ni 'di dag lha dag gi nang du yang skyed do zhes zer ro/ /gsum ni skyes pa dang bud med kyis gnyi ga'i rten can dag thob bo zhes bya ba ni re res kyang skyes pa dang bud med kyi zhes pa'i don te/ 'di yang tshe rabs gzhan du 'tshan 'pho ba'i dbang du byas nas bshad pa'o/ /gnyi ga'i rten can thob par 'gyur zhes bya ba la/ gal te mthong ba'i chos kho na la mtshan yongs su gyur nas chos kyi mchog skyed pa nyid dang tshe rabs gzhan gyi srid pa la bud med kyi dngos po so sor brtags pa ma yin pas 'gog pa 'thob pa nyid do/ /gal te skyes pa'i rten las mi 'thob pa de lta na skye ba'i rten la thob pa de dang mi ldan pa'i skyon no/ /skyes pas ni skyes pa'i rten can kho na te/ 'phags pa'i gang zag tshe gzhan du bud med nyid thob pa ma yin no/ /nges par 'byed pa'i cha dang mthun pa gsum rnams su mtshan yongs su gyur pa de dag gnyi ga'i rten can yang phan tshun rgyu nyid du sgrubs par byed do/ /chos kyi mchog bud med kyi rten nyid gnyi ga 'phags pa'i rgyu ste/ skyes pa nyid thob pa

  710. 355b

    srid pa'i phyir ro/ /skyes pa'i rten nyid kyis ni rten des bud med nyid so sor brtags pa'i 'gog pa thob pa med pa'i phyir ro/ /sa por nas yang sa 'pho ba zhes bya ba ni sa gzhan skye ba nas gzhan skyed par byed pa ma yin no zhes ston par byed do/ /ris mthun du gtong bas 'dor gyi sa 'pho bas ma yin no/ /so so skye bos gang ba'i nges par 'byed pa'i cha dang mthun pa thob par 'gyur ba yang de'i gong du skye ba na nges par 'byed pa'i cha dang mthun pa dag gtong ba ma yin nam/ zhe na/ 'di ni yod pa ma yin te/ ris mthun pa gtang pa kho nas btang ba'i phyir ro/ /'chi ba'i srid pa la gnas pa'i de dag 'dor ba ni bar ma do'i srid bas 'dor ro/ /de'i phyir gong du skye ba la de med pa la ni gang zhig 'dor ba ni 'chi ba kho nas so zhes bya'o/ /so so skye bo kho na de ltar gtong ngo zhes bya ba ji ltar shes she na/ bstan bcos las sgong dang nur nur po la sogs par gyur pa'i so so skye bo ni lus dang ldan gyi/ lus kyi las ni ma yin no zhes 'byung ba'i phyir ro/ /'phags pa'i gang zag ni de lta ma yin te/ de'i dge ba'i rtsa ba'i rgyud ni mthong ba'i lam gyis nye bar spel ba'i phyir ro/ /tshe de nyid la gdon mi za bar zhes bya ba ni/ mi lcogs pa med pa dang bsam gtan khyed par can gyi sa pa dag bskyed pas ni tshe de nyid la gdon mi za bar bden pa rnams mthong ba ma yin no/ /gzhan dag na re dngos gzhis de nyid la mya ngan las 'da' bar 'gyur te/ yid 'byung ba shas che ba'i phyir ro zhes zer ro/ /so so thar pa'i sdom pa bzhin du zhes pa ni dper na so so thar pa'i sdom pa btang ba phyis len pa na sngon gyi ma yin pa thob pa ltar nges par 'byed pa'i cha dang mthun pa dag rnam par nyams pa las sngon gyi ma yin pa thob pa yang de dang 'dra'o/ /de nyid la rgyu smos pa ni/ ma 'dris pa dang 'bad de bsgrub par bya ba yin pa'i phyir dad? 'phags pa'i lam gyi 'khor yin pa'i phyir ro

  711. 356a

    zhes bya ba ste/ thog ma med pa'i 'khor ba na res 'ga' skyed pa sngon ma 'dris pa rnams 'bad pas sgrub par bya ba yin pa'i phyir/ /'dod chags dang bral bas thob pa ma yin no/ /mtshams ston par byed pa zhig yod na ni zhes bya ba la mtshams ni bar mtshams so/ /de ston bar byed pa ni smon nas shes pa thob pa'o/ /'di skad bshad par 'gyur te/ gal te smon nas mkhyen pa ston par byed pa por gyur pas/ de'i phyir nges par 'byed pa'i cha dang mthun pa 'di bskyed de/ de nas gong ma skyed par byed do/ /gal te med na bzhi kho na nas dro bar gyur ba la sogs pa'o/ /gang ris mthun pa btang ba dang sa 'phos ba dag ni rnam par nyams par brjod la/ yongs su nyams pa gang yin pa yang de dag go/ yongs su nyams pa dang rnam par nyams pa dag gi rang bzhin ci zhe na/ yongs su nyams pa ni skyon gyis byas pa yin la/ rnam par nyams pa ni gdon mi za bar ma yin zhing/ yongs su nyams pa ni skyon kho na'i sgo nas yin gyi yon tan gyi sgo nas ma yin la/ rnam par nyams pa ni yon tan gyi sgo nas kyang ngo/ /dper na 'phags pa'i lam bskyed pas so so skye bo nyid rnam par nyams pa lta bu'o/ /de'i phyir de ltar na yongs su nyams pa gang yin pa de ni rnam par nyams pa yang yin la/ rnam par nyams pa gang yin pa de ni gdon mi za bar yongs su nyams pa ma yin te/ yon tan gyis byas pa gang yin pa'o/ /thar pa'i cha dang mthun pa dang khyad bar ci yod ce na/ zhes bya ba ni de thob pa yang nges par mya ngan las 'das pa'i chos can yin no snyam ste dris pa'o/ /'di'i phan yon ni skyon med na bden pa mthong ba la ches nye ba nyid 'di yin no/ /dge ba'i rtsa ba rnams kun tu mi 'chad ces bya ba ni/ dkon mchog gsum gyi yon tan rnam par dpyad pa'i sgo nas de

  712. 356b

    dag la dang ba thob pa'i phyir ro/ /'o na ji ltar lhas sbyin las brtsams nas yongs su nyams pa bcad ce na/ de dag la dge ba'i rtsa ba de skye ba nye bar gyur pas ma thob pa las yongs su nyams pa las dgongs nas gsungs pa'i phyir ro/ /bzod pa las ni rnam pa nyams kyang zhes bya ba 'dis ni bzod pa las yongs su nyams pa med do zhes ston par byed do/ /der 'gro ba'i las dang nyon mongs pa thag bsrings pa'i phyir ro zhes bya ba ni/ ngan song du skye ba'i rgyu las dang nyon mongs pa 'byung ba la gegs byed pa'i phyir ro/ /zhes bya ba'i don to/ /mi skye ba'i chos nyid thob ste zhes bya ba ni so sor brtags pa ma yin pas 'gog pa thob pa'o/ /ci rigs par zhes bya ba ni bzod pa chung ngu dang chen po la mi skye ba'i chos nyid thob pa zhes sbyar ro/ /ji ltar zhe na/ bzod pa chung dus ni ngan song gi 'gro ba rnams kyi mi skya ba thob la/ chen pos ni gzhan dag gi ste sgo nga las skyes pa dang drod gsher las skyes pa la sogs pa rnams dang/ 'du shes med pa'i sems can dang tshangs pa dang byang gi sgra mi snyan pa'i skye ba rnams te/ snga ma gnyis ni lta ba'i gnas yin pa'i phyir dang/ sgra mi snyan na mngon par rtogs pa med pa'i phyir ro/ /za ma dang ma ning dang mtshan gnyis pa'i lus zhes bya ba la/ za ma ni rang bzhin gyis mtshan med pa'o/ /de yang ma ning gi phyogs gcig go /ma ning rnam pa lnga las rang bzhin gyi ma ning gi dbang du byas te de nyid bshad do/ /re zhig za ma dang ma ning zhes 'di lta bur gyur ba na za ma ni ma ning ma yin no/ /ma ning bzhi ste/ ma ning zla ba phyed pa dang/ ma ning phrag dog can dang/ 'khyud pa'i ma ning dang/ bcad pa'i ma ning rnams so/ /mtshan gnyis pa gang yin pa ni skyes pa'i dbang pos ni bud med la log par sgrub la/ bud med kyi dbang po la ni skyes pa'i dbang pos log par sgrub tu 'jug go /gzhan dag na re/ chung ngu la ngan song gi 'gro ba rnams dang sgo nga las skyes pa dang/ drod gsher bas

  713. 357a

    skyes pa'i skye gnas dag go /chen po la 'du shes med pa pa dang byang gi sgra mi snyan pa dang tshangs pa chen por skye ba rnams kyi'o/ /chung ngu la za ma dang ma ning dang mtshan gnyis pa'i lus rnams so/ /chen po la brgyad pa la sogs pa'i srid pa rnams dang mthong bas spang bar bya ba'i nyon mongs pa rnams kyang chen po nyid la'o zhes zer ro/ /gzhan dag na re chung ngu dang chen po smos pas 'bring yang gzung ste/ de la 'bring gi skye gnas gnyis la mi skye ba'i chos nyid thob po/ /chung ngus ngan song gi 'gro ba rnams dang chen po ni khyad par rnams la'o zhes zer ro/ /nyan thos la sogs pa'i rigs tha dad pa'i phyir zhes bya ba ni/ nyan thos dang rang sangs rgyas dang yang dag par rdzogs pa'i sangs rgyas kyi rigs tha dad pa'i phyir ro/ /srid kyi zhes bya ba ni thar pa'i cha dang mthun pa sangs rgyas nyid du bskrun pa ni nges par 'byed pa'i cha dang mthun pa sngar skyed pa gnyis nyan thos kyi rigs las bzlog na sangs rgyas su 'gyur ba ste/ yang sangs rgyas kyi rigs skyed par byed zhes bya ba'i tshig go /ngan song bzlog pa'i phyir te zhes bya ba la/ de'i rigs ni ngan song rnams su ma nges pa'i phyir ro/ /grag go zhes bya ba ni ngan song bzlog pa'i phyir sprul pas sems can gyi don byed pa srid pa'i phyir 'di rgyu rgyus pa ma yin zhes bya'o/ /gang gi tshe byang chub sems dpa' sbyin pa dang tshul khrims dang shes rab rnams phan tshun yongs su bas ngan song las bzlog pa de'i tshe skal ba dang ldan pas nyan thos kyi rigs las bzod pa skyed do/ /de'i phyir bzod pa med par yang bskyed pa srid do/ /rigs de nyid la bzlog pa'i phyir zhes bya ba ni/ de'i tshe skye ba shugs drag po'i phyir/ de'i rigs bzlog par mi nus so/ /gzhan gsum yang/ zhes bya ba ni/ rang sangs rgyas ni bzlog nas 'gyur te/ de dag ni rang don gtsu? bo can

  714. 357b

    yin pa'i phyir sems can gyi don du ngan 'gror mi 'gro bas de'i phyir bzod pa las kyang bzlog go /ting nge 'dzin mi g.yo ba dang gsal ba'i phyir/ zhes bya ba 'di skyon brgyad las 'grol pa'i phyir mi g.yo ba'o/ /gsal ba ni dbang po sbyangs pa dang rno ba'i phyir ro/ /gang dag gi ltar na bse ru lta bu las gzhan pa'i rang sangs rgyas yod par 'dod pa zhes bya ba ni nyan thos sngon du 'gro ba sngar nges par 'byed pa'i cha dang mthun pa bskyed pa'o/ /de'i rigs rnams bzlog pa bkag pa med do zhes bya ba ni de dag gi lugs ltar na dro bar gyur pa dang rtse mo bzlog pa bkag pa med do/ /sa bon 'debs pa lta bu zhes pa rgyas par 'byung ba la/ sa bon 'debs pa lta bu ni thar pa'i cha dang mthun pa skye ba yin no/ /'bru skye ba lta bu nges par 'byed pa'i cha dang mthun pa skye ba yin no// 'bru chags pa lta bu ni 'phags pa'i lam yin no/ /'jug pa ni thar pa'i cha dang mthun pas so/ /yongs su smin pa ni nges par 'byed pa'i cha dang mthun pa rnams kyis so/ /rnam par grol ba ni 'phags pa'i lam gyis so/ /gzhan dag na re skye ba gcig la thar pa'i cha dang mthun pa'i sa bon 'debs so/ /gnyis pa la yongs su smin no/ /gsum pa la nges par 'byed pa'i cha dang mthun pa skyed par byed do/ /de nyid du 'phags pa'i lam mo zhes zer ro/ /'di ni 'gal te de nyid kyi dngos gzhi la bden pa mthong bas so// bsgom pa las byung ba med pa dang ma skyes pa'i thar pa'i rtsa dang mthun pa mi 'thad pa'i phyir ro/ /las gsum zhes bya ba ni lus dang ngag yid kyi las kyi khyad par rnams so/ /yid kyi las ni yid kyi sa pa nyid do/ /de'i smon lam gyis yongs su bzung ba'i phyir zhes bya ba ni/ yid kyi smon lam yongs su bzung ba'i phyir te/ smon lam ni sems pa'i khyad par yin no/ /la la zhig gi zas 'ga' tsam byin nas zhes bya ba ni lus dang ngag gi las kun nas slong ba dang bcas pa'o/ /zhes gsungs

  715. 358a

    pa'i phyir 'dir las rnam pa gsum car yang bsdus so/ /bslab pa 'ga' tsam yang zhes bya ba ni lus ngag gi las yin no/ /thar pa'i 'dod pa'i stobs bskyed pas zhes bya ba la/ stobs bskyed pa ni stobs dang ldan pa'o/ /thar pa 'dod? pa'i stobs bskyed pa ni thar pa 'dod pa'i stobs bskyed pa ste/ gang zhig la bsam pa thag pa nas 'khor ba 'dor ba'i blo gnas par 'gyur zhing mya ngan las 'das pa la mos par 'jug pa de ni sbyin pa dang tshul khrims dang thos pa dang bsam pa las byung ba nyung ngus kyang thar pa'i cha dang mthun pa 'phen gyi/ de nas bzlog pas mang po dag gis kyang 'phen par mi nus so/ /thar pa'i cha dang mthun pa zhes bya ba la thar pa'i cha ni thar pa'i cha ste/ thar pa'i cha ni thob pa yin la/ de 'am de'i phyir phan pa ni thar pa'i cha dang mthun pa'o/ /mi'i nang nas 'phen par byed de/ sangs rgyas 'byung ba yod dam med kyang ngo/ /ci rigs par shes rab dang skyo ba med pa'i phyir ro zhes bya ba la/ re zhig sgra mi snyan na ni gnyi ga med do/ /ngan song na ni skyo ba yod kyi/ shes rab med do/ /lha'i nang dag na ni shes rab yod kyi skyo ba med do/ /mngon par rtogs pa'i rim pa bshad par brtsams pa zhes bya ba ni/ /tshul gnas thos dang bsam gtan pas/ bsgom pa la ni rab tu sbyor/ /zhes bya ba nas brtsams te/ chos kyi bzod pa zag pa med/ zhes bya ba ni nges par 'byed pa'i cha dang mthun pa dag gis kyang chos la bzod pa yin pas de'i phyir zag pa med pa smos so/ /sngon med pa'i rnam pas 'dir sdug bsngal la sogs pa la bzod pa'i phyir ram sngar ma mthong ba'i dngos po bzod pa'i phyir zag pa med pa'i skad cig ma dang po la bzod pa zhes bya'o/ /rgyu mthun pas bye brag tu byas te zhes bya ba ni chos shes pa de'i rgyu mthun pa yin te/ des na nges par 'byed pa'i cha dang mthun pa'i bzod pa

  716. 358b

    las khyad par du bya ba'i phyir chos shes pa'i bzod pa zhes bya'o/ /me tog dang 'bras bu'i shing bzhin no zhes bya ba ni/ me tog gi phyed kyi shing ni me tog gi shing ngo/ /'bras bu'i ched kyi shing ni 'bras bu'i shing zhes bya ba bzhin no/ /slob dpon 'dus bzang na re nges par 'byed pa'i cha dang mthun pa'i bzod pa la yang 'dir thal par 'gyur ro zhes zer ro/ /chos kyi mchog gi de ma thag tu nges pa la 'jug par gsungs pa'i phyir dang des pa la 'jug pa yang so so skye bo'i sa las 'da' bar bstan pa'i phyir zag pa dang bcas pa'i bzod pa bskyed pas 'di dmigs pa ma yin no zhe na/ 'di ni de lta ma yin te/ tha snyad kyi dus su chos shes pa'i bzod pa'i rgyu mthun pa'i khyad par gyis zag pa med pa nyid shes par bya ba'i phyir ro/ /de lta ma yin na/ tha snyad kyi dus su bzod pa zhes brjod pa nges par 'byed pa'i cha dang mthun pa'i bzod pa la yang thar par 'gyur ro/ /ji skad bshad pa'i chos shes pa'i rgyu mthun pa zhes bya ba gang las rtogs par bya zhe na/ bzod pa zag pa med pa nyid kyi phyir dang sngar skyes pa nyid kyi phyir ro/ /gal te zag pa med pa nyid du mi rigs pa phan tshun brten par bstan to zhe na/ 'di yang ma yin te de skyes pa na so so skye bo nyid kyis las 'das par bstan pa'i phyir ro/ /gang bshad pa'i chos shes pa'i zag pa med pa nyid ma grub po zhe na/ 'di yang mi rigs te chos shes pa'i bzod pa'i rgyu mthun pa yin pa'i phyir zag pa med pa'i rgyu mthun pa zag pa dang bcas par 'gyur ba 'os pa ma yin pa'i phyir ro/ /de nyid la gzhan dag ni/ thog ma med pa'i dus kyis bdag nyid mthong ba 'khrul pa de dang sdug bsngal du gyur pa'i shes bya sngar ma mthong ba'i rnam pa chos rtsam gyi sgo nas bzod pa'o zhes zer ro/ /sdug bsngal la chos shes pa'i bzod pa zhes bya ba 'dir shes pa'i sgra don med pa can no/ /zhe na/ tshig rnam par sbyar ba snga ma can nyid legs

  717. 359a

    so/ /de nyid ces bya ba ni bzod pa'o/ /yang dag pa nyid ni mya ngan las 'das pa'i mdo las gsungs te/ yang dag par nyid gang zhe na/ 'dod chags yongs su gtugs te spangs pa gang yin pa de yin no zhes rgyas par 'byung ngo/ der zhes bya ba ni yang dag pa nyid du'o/ /gcig tu gyur pa zhes bya ba ni srid pa bdun gyis gor ma chags par mya ngan las 'da' bar 'gyur pa'o/ /der mngon par 'gro ba zhes bya ba ni cig tu gyur pa'o/ /yang der mngon par 'gro ba ci zhig ce na/ de thob pa ste/ de skyes na yang dag pa nyid du nges par 'thob pas nges pa la 'jug pa zhes bya'o/ /gzhan dag na re/ bden pa'i mtshan nyid de dang dbyer mi phyed par thob pas sdug bsngal la chos shes pa'i bzod pa zhes bya'o zhes zer ro/ /mar me dang skye ba bzhin no zhes byas bya la ma 'ongs pa byed pa dang ldan pa gsum ste/ skye ba dang/ mar me dang/ sdug bsngal la chos shes pa'i bzod pa'o/ /skye bzhin pa'i mar mes mun pa sel cing 'gag bzhin pas sdong bu dang mar bsregs pa de bzhin du sdug bsngal la chos shes pa skye bzhin pas so so skye bo nyid spong la/ 'gag bzhin bas phra rgyas bcu spong ngo/ /gzhan dag na re 'od dang reg bya dag de'i nus pa gcig gis gnyi ga'i byed pa nus pa med pa'i phyir dpe ma yin no zhes zer ro// skye bzhin pa dang 'gag bzhin pa dag cig ma yin yang de la yod pa'i nus pa bzhin tha dad pa dang gcig ma yin par yod pa nyid tha dad par rigs so/ /des na 'gag bzhin pa dang skye bzhin pa la yod pa'i nus pa khas blangs pas yod pa skye ba srid pa'i phyir ro/ /gang bshad pa ji ltar cig nyid kyang tshogs pa mar me la sogs pa'i rdzas tha dad pa'i phyir nus pa tha dad pa de bzhin du cig nyid la rdzas kyi dus su tha dad pas nus pa tha dad do/ /de ltar skye bzhin pa? la? bzod pa

  718. 359b

    las so so skye bo 'gribs pa la nus par 'gyur ro/ /'gag bzhin pa las nyon mongs pa bcu 'grib po zhe na/ 'di yang mi rigs te/ btags par yod pa'i phyir dang tshogs pa'i 'bras bu med pa'i phyir nus pa med do/ /skye bzhin pa da ltar byung ba bzhin rngas kyi sgo nas yod pa ma yin pas gcig ma yin pa dus tha dad par yod pa dang ma 'ongs pa'i byed pa 'jug pa rigs pa ma yin no/ /gal te 'di'i nus pa byed pa ma yin no zhe na/ kha cig tu nus pa dang/ kha cig tu byed par gyur na/ byed pa cung zad kyang ma yin no zhes bya ba rigs pa'i rjes su 'brang ba rnams kyis shes par dka' o/ /ma yin te de'i chos yin pa'i phyir ro zhes bya ba ni so so skye bo'i chos yin pa'i phyir so so skye bo'i chos rnams kyis so so skye bo'i chos rnams shin tu bzlog pa ma yin no/ /de dang 'gal ba'i phyir nyes pa med de zhes bya ba ni so so skye bo nyid dang 'gal ba'i phyir ro/ /dper na dge ba zag pa dang bcas pa'i so so skye bo'i chos rnams nyon mongs pa can gyi chos dang 'gal ba'i phyir bzlog pa la nus pa yod pa bzhin no/ /dgra bo'i phrag pa la zhon nas de la 'tshogs pa bzhin no zhes bya ba ni/ dper na 'ga' zhig dgra bo'i brag pa la zhon na de la 'tshogs par byed pa de bzhin du chos kyis mchog kyang so so skye bo la zhon te de nyid la mos par byed pa yin no/ /gzhan dag na re ji ltar rigs mtshungs pa'i dgra'i phyag pa la zhon pa dang de la 'tshogs pa 'gal ba de bzhin du chos kyi mchog kyang yin no zhes zer ro/ /bar chad med pa dang rnam par grol ba'i lam dang chos mthun pa'i phyir ro zhes bya ba smos te/ 'jig rten pa'i chos kyi mchog rnams ni bar tshad med pa'i lam dang 'dra ba yin te/ de thob pa dang 'gal ba'i phyir ro/ /sdug bsngal a chos shes pa'i bzod pa ni rnam par grol ba'i lam dang 'dra ba yin te/ de mi ldan pa dang lhan cig skye ba'i phyir ro/ /de nas ni de nyid la chos shes

  719. 360a

    zhes bya ba la chos shes pa tsam nges par 'dzin par byed pa'o/ /dang po nyid du chos kyi de kho na nyid shes pa'i phyir zhes bya ba la zag pa dang bcas pa'i chos rnams kyi de kho na nyid ni phyin ci ma log pa'i phyir mi rtag pa dang sdug bsngal ba la sogs pa yin la/ de rtogs pa'i phyir sdug bsngal la chos shes pa zhes bya ste/ de kho na nyid kyi sgra mi mngon par byas pa'i phyir ro/ /de bzhin du kun 'byung ba la sogs pa dgra la yang ci rigs par brjod par bya'o/ /rjes su shes pa yang chos kyi de kho na nyid shes pa yin mod kyi/ dang po nyid du ni ma yin pas chos shes pa zhes mi bya'o/ /de'i rgyu las zhes bya ba ni de'i rgyu las byung ba'i phyir zhes bya ba'i tha tshig ste/ ji ltar chos shes pas 'dod pa'i sdug bsngal la sogs pa'i bden pa la sdug bsngal la sogs pa'i rnam pa dag tu rtogs shing de kho na bzhin du gzugs dang gzugs med pa na spyod pa'i sdug bsngal la sogs pa'i bden pa rtogs pa'i phyir chos kyi de kho na shes pas rjes su shes pa ma yin no// yang ji ltar 'dod pa dang gzugs dang gzugs med pa rnams phan tshun de ma thag yid la byed pa bden pa la dmigs pa mngon par rtogs pa dang ches nye ba'i gegs su 'gyur zhe na/ yongs su sbyangs pa'i sa la shes bya du ma la sngon goms pa'i phyir mthong ba'i lam myur bar 'gro ba nyid dang mi ldang ba'i bsam pa nyid kyis stobs dang ldan pa'i phyir mngon par rtogs pa'i gegs su mi 'gyur ro/ /de nyid kyi phyir mthong ba'i lam ni mtshan ma med pa dang brda med pa zhes bya'o// de la gnas pa'i rgyu mtshan nye bar mtshon pa'i phyir chos dang rjes su shes pa'i bzod pa dag bden pa'i rnam pa rnams su yang rnam par ma bzhag pa'i phyir ro/ /sde pa gzhan dag zhes bya ba ni 'phags pa chos srung ba la sogs pa rnams

  720. 360b

    so/ /mngon par rtogs pa cig ces bya ba ni bden pa gcig mngon par rtogs pas thams cad mngon par rtog pa'o/ /mthong ba kho na mngon par rtogs pa ni mthong ba mngon par rtogs pa'o/ /gzhan dag na re mthong bas mngon par rtogs pa'o zhes zer ro/ /zag pa med pa'i shes rab kyis bden pa rnams ji lta ba bzhin khongs su chud pa zhes bya ba'i tha tshig go /dmigs pa kho na mngon par rtogs pa ni dmigs pa mngon par rtogs pa ste/ dmigs pa yang 'dir sdug bsngal la sogs pa bzung ste/ 'dis dmigs pas na zhes bya'o/ /gal te dmigs pa 'dzin pa yin na/ mthong ba dang dmigs pa nyid la khyad par ci yod ce na/ shes rab kho nas mthong ba yin la/ shes rab dang mtshungs par ldan pa dag gis dmigs pa yin no/ /zhes bya ba 'di ni khyad par yin no/ /de ltar na mthong ba gang yin pa dmigs pa yang yin la/ de la gnas pa'i dmigs pa na mthong ba ma yin no zhes grub pa yin no/ /de nyid kyi phyir dmigs pa mngon par rtogs pa ni de dang mtshungs par ldan pa rnams kyis kyang zhes gsungs te/ kyang gi sgras ni shes rab kyang zhes pa'o/ /bya ba kho na mngon par rtogs pa ni bya ba'i mngon par rtogs pa'o/ /gzhan dag na re/ bya ba mngon par rtogs pa zhes zer ro/ /ldan pa ma yin pa rnams kyis kyang zhes bya ba la/ kyang gi sgras ni mtshungs par ldan pa dang tshul khrims dang skye ba la sogs pa rnams so/ /sogs pa'i sgras ni thos pa dang gnas pa la sogs pa dag bsdu'o/ /lhan cig 'byung ba thams cad phan tshun bya ba yin pa'i phyir rgyu dang tshul khrims dang skye ba la sogs pa mngon par rtogs pas de dag mngon par rtogs pa'i rnam pa nyid de la yod par bya ba yin pas/ de ltar na mi ldan pa dag gis ni rnam pa gcig gis mngon par rtogs

  721. 361a

    so/ /shes rab ma gtogs pa mtshungs par ldan pas ni rnam pa gnyis so/ /shes rab kyi rnam pa gsum mo zhes bya'o/ /sdug bsngal mthong ba de'i zhes bya ba ni mngon par rtogs pa po'am sdug bsngal gyi'o// mngon par rtogs pa gsum ni mthong ba dang dmigs pa dang bya ba zhes bya ba bshad pa'i rjes su 'brangs te brjod par bya'o/ /kun 'byung la sogs pa rnams zhes bya ba la sogs pa'i sgras ni 'gog pa dang lam dag gzung ngo/ /spong ba dang mngon sum du byed pa dang bsgom pa'i phyir ro zhes bya ba la/ sdug bsngal mthong ba'i sgo nas gang nyon mongs pa zad pa de ni kun 'byung spong la/ 'gog pa thob pa gang yin pa de ni 'gog pa mngon du byed cing/ de'i gnyen po mngon du gyur pa gang yin pa de ni lam sgom pa yin no/ /rnam pa tha dad pa'i phyir zhes bya ba ni 'di dag re re zhing rnam pa bzhi pa yin pa'i phyir dang/ rnam pa dag kyang phan tshun don tha dad pa'i phyir dang/ shes pa cig la rnam pa mang po mi 'thad pa'i phyir ro// 'on te thams cad bdag med pa'i rnam par zhes bya ba ni bdag med pa'i rnam pa ni bden pa bzhi char la mtshungs pa nyid kyi phyir de mthong ba'i sgo nas mngon par rtogs pa gcig par mi 'gal te gzugs la sogs pa'i phung po bzhin no zhes so/ /'o na ni bden pa rnams sdug bsngal la sogs par mthong bar mi 'gyur zhes bya ba ni/ sdug bsngal ba dang/ kun 'byung ba dang/ 'gog pa dang/ lam zhes bya ba 'am/ yang na sdug bsngal la sogs pa dag tu ste/ bden pa rnams la sdug bsngal la sdug bsngal la sogs pa rnam pa bco lngar mthong bar mi 'gyur ro/ /de lta na zhes bya ba 'byung ngo/ /gal te sdug bsngal la sogs pa'i bden pa re re la zag pa med pa'i shes rab kyis sdug bsngal la sogs pa'i rnam pa dag tu mthong bar mi 'dod na ni

  722. 361b

    de'i phyir/ yang dag pa'i lta ba gang zhig zhe na 'phags pa 'jig rten las 'das pa zag pa med pa nye bar len pa med pa zhes bya ba nas rgyas par ji srid 'di na 'phags pa nyan thos sdug bsngal la re shig sdug bsngal du yid la byed ces bya ba rgyas par 'byung ba'i mdo dang 'gal lo/ /'dir ni mdo las bden pa yongs su bcad pa sdug bsngal la sogs pa'i rnam pa zag pa med pa'i shes rab kyis bden pa mthong bar gsungs so/ /bdag med pa'i rnam pas gzhan du yang de bzhin du bshad de/ sdug bsngal mthong ba'i sgo nas ji srid lam gyi bar ro/ /sdug bsngal gyi sgo nas zhes bya ba la sogs pa brjod par mi bya ste/ dgos pa med pa'i phyir ro/ /shes pa cig la rnam pa du ma skye ba ma yin te/ gang gi phyir mtshan nyid tha dad pa rnams kyang rang gi mtshan nyid ji lta bar cig car mthong bar 'gyur bas so/ /de ltar na gdon mi za bar bden pa rnams mthar gyis rtogs par khas blang bar bya'o/ /ma yin te ci ltar mthong ba bzhin bsgom pa'i phyir ro zhes bya ba ni/ 'di ltar bden pa rnam par mthong ba'i lam du ji ltar mthong ba de ltar phyis bsgom pa'i lam du yang bsgom pa yin no/ /kha cig tu bden pa gsum la log par bsgrub pa mngon par rtog pa'i shes pa 'dis bzlog pa yod pa ma yin no/ /de'i phyir kun 'byung dang 'gog pa dang lam rnams dmigs kyis bsal bas bdag med pa'i rnam pa gnyen por mi rung ngo/ /log par bsgrub pa'i sgo nas bzhi yin pa'i phyir de bzhin kho nar mngon par rtogs par rigs so/ /bdag tu gzung ba sdug bsngal gyi yul nyid/ de'i phyir de'i yul nyid bdag med pa'i rnam pas bya ba byed do/ /ma yin te bden pa thams cad kyi yul thams cad bdag med pa yin pas ma mthong ba'i sgo nas sred pa 'jug pa'i rgyu zhi ba 'gog pa'o/ /yang dag pa'i lta ba la sogs pa lam dang nges par 'byin pa'o//

  723. 362a

    zhes bya'o/ /'di ci ltar shes par 'gyur de ltar ma shes pas bden pa mthong bar ci ltar 'gyur zhe na/ 'on te gcig mthong bas zhes bya ba rgyas par 'byung ste/ dbang thob pa ni sbyor ba med par kun 'byung la sogs pa mthong ba mngon du byed pa'i nus pa thob pa yin no/ /bar skabs su ldang ba yod dam med ces dpyad par bya ba yin no zhes bya ba la/ 'di kha cig na re rkyen ma tshang ba'i phyir bar skabs su ldang ba yod do/ /langs nas kyang bya ba gzhan byed do zhes zer ro/ /dpe dang bcas pa'i mdo gsum zhes bya ba ni ji skad du zhe na/ de nas khyim bdag mgon med zas sbyin gyi bcom ldan 'das la 'di skad ces gsol to/ /bcun? pa ci lags 'phags pa'i bden pa bzhi po mthar gyis mngon par rtogs pa 'am/ 'on te mngon par rtogs pa gcig la/ khyim bdag 'phags pa'i bden pa bzhi ni mthar gyis mngon par rtogs kyis/ mngon par rtogs pa cig pa ni med do/ /khyim bdag gang zhig 'di skad du/ sdug bsngal 'phags pa'i bden pa mngon par ma rtogs par kun 'byung ba 'phags pa'i bden pa rtogs par bya'o/ /kun 'byung 'phags pa'i bden pa mngon par ma rtogs par 'gog pa 'phags pa'i bden pa rtogs par bya'o/ /'gog pa 'phags pa'i bden pa mngon par ma rtogs par lam 'phags pa'i bden pa rtogs par bya'o zhes smra na de skad du ni ma smra zhig ces brjod par bya'o/ /de ci'i phyir zhe na/ sdug bsngal 'phags pa'i bden pa mngon par ma rtogs par kun 'byung 'phags pa'i bden pa mngon par rtogs pa gang yin pa de ni gnas med cing go skabs med do zhes bya ba nas 'di ni gnas med cing zhes bya ba'i bar snga ma bzhin no/ /'di ni gnas yod do zhes bya ba'i bar yang snga ma bzhin no/ /khyim bdag dper na gang zhig 'di skad du/ bdag gi khang pa

  724. 362b

    rtsegs ma chen po'i rmang la rkang pa ma gzhag par rtsig pa la bzhag par bya'o/ /rtsig pa la ma gzhag par phyam po la gzhag par bya'o/ /phyam po la ma gzhag par g.yogs ma la gzhag par bya'o zhes smra na/ de skad du ma smra zhig ces brjod par bya'o/ /de ci'i phyir zhe na/ khang ba rtsegs ma'i rmang la rkang pa ma bzhag par zhes bya ba nas gnas med cing skabs med do zhes bya ba'i bar snga ma bzhin no/ /de bzhin du khyim bdag gang kho na sdug bsngal 'phags pa'i bden pa rtogs nas zhes bya ba nas rgyas par 'di ni gnas yod do zhes bya ba'i bar te/ khyim bdag gang zhig sdug bsngal 'phags pa'i bden pa rtogs nas kun 'byung dang 'gog pa dang lam 'phags pa'i bden ba rtogs so de skad smra na legs so zhes brjod par bya'o/ /de ci'i phyir zhe na/ 'di ni gnas yod de gang sdug bsngal 'phags pa'i bden pa rtogs nas ji srid lam 'phags pa'i bden pa rtogs pa'i bar 'di ni gnas yod do/ /dper na khang pa rtsegs ma'i rmang la rkang pa bzhag pa nas ji srid phyam so dang g.yog ma la bzhag ste phyin na legs so zhes brjod par bya'o/ /de bzhin du khyim bdag sdug bsngal 'phags pa'i bden pa zhes bya ba snga ma bzhin te/ de'i phyir khyim bdag 'phags pa'i bden pa bzhi po ma rtog pa rtog par bya ba'i phyir rnal 'byor du bya'o/ /de nas khyim bdag mgon med zas sbyin song ngo zhes bya ba'i bar du'o/ /khyim bdag mgon med zas sbyin gyis ji skad zhus pa de bzhin du dge slong zhig gis kyang zhus te/ dpe'i khyad par ni dge slong gang zhig 'di skad du bdag gi bang rim bzhi yod pa'i tham skas la them skas tha ma la ma gzegs par gnyis pa la gzegs par bya'o/ /gnyis pa la ma gzegs par gsum pa nas bzhi pa la gzegs par bya'o/ /zhes bya ba nas khang bzang gyi thog tu gzeg go /zhes smra na/ de skad du ma smra zhig ces brjod par bya'o zhes 'byung ba'o/ /tshe dang ldan pa kun dga' bos kyang de skad du zhus te/ dpe'i khyad

  725. 363a

    par ni kun dga' bo dper na gang zhig 'di skad du bdag gis sdang bu bzhi pa'i skas la/ sdang bu tha ma la rkang pas ma gzegs par sdang bu gnyis pa la gzeg go /zhes bya ba nas khang bzangs kyi thog tu gzeg go zhes smra na de skad du ma smra zhig ces brjod par bya'o zhes bya ba'i bar rgyas par 'byung ba'o/ /gang zhig sdug bsngal la nem nur med cing zhes bya ba 'byung ngo/ /sangs rgyas zhes bya ba ni mi slob pa'i chos rnams so/ /de yang lam yin te the tshom med pa zhes bshad pa yin no/ /lam gyi bden pa mngon par ma rtogs par ni de la the tshom med pa rig pa ma yin no/ /de'i phyir sdug bsngal gyi bden pa mngon par rtogs pa kho nas bden pa mngon par rtogs pa gzhan yang nges par yin no/ /gzhan dag na re sangs rgyas ni ye shes dang spangs pas rab tu phye ba'i phyir 'gog pa dang lam dag kyang the tshom med pa yin no zhes zer ro/ /de la des pa dang mos pa dag dang/ nem nur dang the tshom dag ste the tshom gyi rnam grangs gzhan no/ /kun tu mi 'byung bar spong ba la dgongs te gsungs pa'i phyir zhes bya ste/ sdug bsngal yongs su shes pas sangs rgyas la the tshom kun du 'byung ba yod pa ma yin no/ /bzod pa chen po la gnas pa nyid ni de'i mi skye ba'i chos nyid thob pas gdon mi za bar spong ba la dgongs nas bshad do/ /de dag ni sa drug pa'o zhes sngar bshad zin to zhes bya ba ni mi lcogs med pa dang/ khyad par bsam gtan sa pa'o zhes bshad pa'i phyir ro/ /gnyis kyi rkun po 'byin pa dang/ sgo gcod pa bzhin no zhes bya ba ni bar chad med pa'i lam gyis ni nyon mongs pa'i chom rkun de'i thob pa gcod pa'i sgo nas 'byin par byed la/ rnam par grol ba'i lam gyis ni de ltar du byed pa'i sgo/ nas bral ba'i thob pa'i sgo gcod par byed do/ /gzhan dag na re de lta na rnam par grol ba'i lam yang bar chad med pa'i lam nyid du thal bar 'gyur te/ bral ba'i thob

  726. 363b

    dang lhan cig skye ba la bar chad mi nus pa'i phyir ro/ /zhes zer ro/ /de'i phyir gzhan du rnam par 'byed de/ bar chad med pa ni mtshams med pa ste/ bar chad med pa'i ngo bor gyur pa'i lam ni bar chad med pa'i lam ste/ rigs mthun pa'i lam gyi mchod par rnam par 'byed pa'i lam gyi rkyen zhes bya ba'i tha tshig go /skad cig ba ni bar chad med pa'i lam thams cad dang rnam par grol ba'i lam ni phul du byung ba can yang ste/ rang gi gnyen po can nyon mongs pa'i thob pa las rnam par grol ba 'dus byas kyi rnam par grol ba dang lhan cig skyes pa'i lam ni rnam par grol ba'i lam mo/ /sdug bsngal rjes su shes pa'i bzod pa la sogs pa spong ba'i lam rnams kyang 'dus ma byas rnam par grol ba'i thob pa dang lhan cig skye ba'i phyir ming 'tshol bar 'gyur ro zhe na/ rang gi gnyen po can zhes bshad pas mdo mdzad pa'i rnam par bshad par khyad par bstan pa'i phyir 'tshol bar thal ba ched do/ /slob dpon 'dus bzang gi rnam par bshad par gang la phul du byung ba rnam par grol pa'i lam yin pa de la ni bar chad med pa'i lam nyid du thal ba bzlog par dka' o/ /gal te bar chad med pa'i lam gnyis pa zhes bya ba la/ sdug bsngal la chos shes pa'i bzod pa'i bar chad med pa'i lam gnyis pa ni sdug bsngal la rjes su shes pa'i bzod pa yin la/ de bzhin du sdug bsngal la rjes su shes pa'i bzod pa'i bar chad med pa'i lam gnyis pa ni kun 'byung la chos shes pa'i bzod pa yin te/ lhag ma dag la yang de dang 'dra bar brjod par bya'o/ / dmigs pa de kho na la the tshom spangs pa'i shes pa skye bar mi 'gyur ro zhes bya ba ni gang zhig bar chad med pa'i lam gyi yul 'dod pa'i sdug bsngal la sogs pa la'o/ /de las cir 'gyur zhe na/ byis sdug bsngal yongs su shes

  727. 364a

    so zhes bya bar nges par mi 'gyur te/ de'i yul can gyis shes pa sngar ma skyes pa'i phyir ro/ /de nye bar bstan pa don med par yang thal bar 'gyur ro/ /bcom ldan 'das kyis kyang sdug bsngal la chos shes pa dang sdug bsngal la rjes su shes pa zhes gsungs so/ /bzod pa nyid the tshom spangs pa'i shes pa ma yin te/ 'gog bzhin pa'i lam gyis spong bar byed de/ de la sgrib pa'i dri ma rnams kyis shes so/ zhes 'byung ba'i phyir ro/ /gal te bzod pa rnams kyis nyon mongs spong ba'i phyir zhes bya ba ni gal te bzod pa rnams kyis nyon mongs pa spong la/ shes pa rnams kyis ma yin zhing shes pa rnams kyis de'i bral ba'i thob pa 'dzin pa 'ba' zhig yin na/ de lta na bstan bcos las kun tu sbyor pa'i ris dgu zhes 'byung ba dang 'gal te/ /'di skad du bstan bcos las kun tu sbyor ba'i ris dgu ste/ chos shes pas spang bar bya ba bzhi dang/ rjes su shes pas spang bar bya ba bzhi dang/ bsgom pas spang bar bya ba'o zhes 'don to// ma yin te bzod pa rnams ni shes pa'i 'khor yin pa'i phyir zhes bya ba ni 'gal ba yod pa ma yin pa'o/ /bzod pa rnams ni shes pa'i 'khor du gyur pas de'i phyir bzod pas spang bar bya ba'i kun tu sbyor ba'i ris shes pas spang bar bya ba zhes bya ba'o/ /bden pa ma mthong ba mthong ba'i phyir ro zhes bya ba ni 'phags pa'i bden pa bzhi ma mthong ba mthong ba'i phyir mthong ba'i lam zhes bya ste/ lam la rjes su shes pa'i bzod pas sngar ma mthong ba'i bden pa mthong ba yongs su rdzogs pa'i phyir lam la rjes su shes pa ma gtogs pa skad cig ma lhag ma bco lnga ni mthong ba'i lam mo/ /ji ltar mthong ba goms par byed pa'i phyir zhes bya ba ni lam rjes su shes pa'i bzod pas mthong ba'i lam la rjes

  728. 364b

    su shes pas mthong bas na lam la rjes su shes pas ji ltar mthong ba gom par byed pa'o/ /ma mthong ba mthong ba ma yin nam zhes bya ba ni/ rang gi bdag nyid la byed pa 'gal ba'i phyir lam la rjes su shes pa'i bzod pas bdag nyid mthong ba ma yin pas de'i phyir des ma mthong ba lam la rjes su shes pas mthong ba ma yin no/ /de la yang ma mthong ba mthong ba yod pas bden pa'i phyir bsams kyi zhes bya ste/ lam la rjes su shes pas ma mthong ba'i bden pa la lta ba ma yin no/ /gang mthong ba de nyid la der 'du shes 'jug pa'i phyir mthong ba ste/ ma mthong ba mthong ba der thal ba yod pa ma yin no zhes gzhan dag go /'bras bu yin pa'i phyir zhes bya ba ni lam la rjes su shes pa ni rgyun tu zhugs pa'i 'bras bus bsdus pa yin te/ de'i phyir 'bras bu yin pas lan cig phyir 'ong ba'i 'bras bu la sogs pa bzhin du bsgom pa'i lam yin no zhes bya bar nges so/ /shes pa brgyad dang rnam pa bcu drug thob pa'i phyir zhes bya ba ni lam la rjes su shes pa'i tshe shes pa brgyad de chos shes pa bzhi dang/ rjes su shes pa bzhi'o/ /rnam pa bcu drug thob pa'i phyir zhes bya ba ni bden pa re re la bzhi bzhi ste/ de las gzhan pa'i bsgom pa'i lam bzhin no/ /mthong ba'i lam la ni shes pa dang rnam pa skal pa mnyam pa kho na 'thob po/ /de'i phyir yang lam la rjes su shes pa ni bsgom pa'i lam kho na yin no/ /lam snga ma yrnam par nyams pa'i phyir zhes bya ba ni zhugs pa'i lam rnam par nyams pa'i phyir zhes bya ba'i don to/ /lan cig phyir 'ong ba dang phyir mi 'ong ba'i 'bras bu lam ltar bsgom pa'i lam kho nar zhugs pa'i lam yongs su gtong gi mthong ba'i lam du ni ma yin la/ lam la rjes su shes pa la ni zhugs pa'i lam yongs su gtong ba yin te/ de'i phyir yang bsgom pa'i lam kho na yin te rgyun chags

  729. 365a

    pa yin pa'i phyir zhes bya ba ni lam la rjes su shes pa 'di ni de las gzhan pa'i bsgom pa'i lam bzhin du/ rgyun chags pa yin na mthong ba'i lam la ni bzod pa 'am shes pa 'ang rung rgyun chags pa yod pa ma yin te/ de'i phyir yang lam la rjes su shes pa bsgom pa'i lam yin no/ /gal te lam la rjes su shes pa mthong ba'i lam ma yin na 'on lhag ma bsgom pa'i lam bzhin du de las kyang yongs su nyams par thal bar 'gyur ro zhe na/ de'i phyir yongs su mi nyams pa ni mthong bas spang bar bya ba'i spangs pa yang dag par 'dzin pa'i phyir ro zhes bya ba smos te/ mthong bas spang bar bya ba'i spangs pa yang dag par 'dzin par byed pa yin no zhes bya ba'i tha tshig ste/ gzhi'i gnyen po ni rnam par grol ba'i lam mo zhes lnga bshad zin to/ /lam la rjes su zhen pa kho nas mthong bas spang bar bya ba rnams kyis spang pa yang dag par 'dzin pa de'i phyir de las yongs su nyams pa med do/ /gal te lam la rjes su shes pa las yongs su nyams na ni rgyun tu zhugs pa'i 'bras bu las kyang yongs su nyams par 'gyur pa zhig na/ de las ni yongs su nyams ba med do/ /gal te de nyid kyi phyir mthong ba'i lam yin no zhe na zhes bya ba ni/ gang gi phyir des mthong bas spang bar bya ba'i spangs pa yang dag par 'dzin pa'i phyir lhag ma chos la rjes su shes pa bzhin no zhes bya ba'o/ /ma yin te ha cang thal bar 'gyur ba'i phyir ro zhes bya ba ni lam la rjes su shes pa phan chad kyi bsgom pa'i lam yang mthong ba'i lam du 'gyur te/ des kyang mthong pas spang bar bya ba'i spangs pa yang dag par 'dzin pa'i phyir ro/ /de lta yin na ni lan cig phyir 'ong ba'i 'bras bu la sogs pa yang mthong ba'i lam du 'gyur ro/ /de bas na de'i phyir yang yongs su nyams par thal ba med do/ /gzhan dag

  730. 365b

    na re zad pa shes pa yang bsgom pas spang par bya ba'i spangs pa 'dzin pa'i phyir slob pa'i lam du 'gyur te ha cang thal ba'i phyir ro zhes zer ro/ /ci'i phyir shes pa bdun mthong ba'i lam yin zhe na zhes bya ba ni/ ma mthong ba mthong ba'i phyir mthong ba'i lam zhes bya'o/ /bzod pa rnams kho nas ma mthong ba'i bden pa mthong gi shes pa rnams kyis ma yin no/ /bzod pa rnams kyis bden pa mthong ba de 'thad pas de'i phyir lam la rjes su shes pa bzhin lhag ma rnams kyang mthong ba'i lam ma yin no// yang na lam la rjes su shes pa yang bzod pa'i de ma thag skye ba'i phyir shes pa lhag ma bzhin mthong ba'i lam du ci'i phyir mi 'dod ce na/ mthong ba yongs su ma rdzogs pa'i phyir zhes bya ste/ bden pa ma mthong ba mthong ba'i phyir mthong ba'i shes pa rnams mthong ba'i lam nyid du mi brjod do/ /'o na ci zhe na/ mthong ba'i lam gyi bar mar gyur pa'i phyir sdug bsngal dang kun 'byung dang 'gog pa shes pa rnams la chos shes pa bzhin blta bar bya ste de yang lhag ma nyid kyi phyir ro/ /draSh+Tu kA ma tA sha yA bas+thA nA tstsa darasha na marga na sha kyi te tsa draSh+TuM/ de'i phyir mthong ba'i lam zhes bya'o/ /lam la rjes su shes pa'i bzod pa las ni phyi ma mthong ba'o zhe na/ der mthong ba yongs su rdzogs pa'i phyir lam la rjes su shes pa mthong ba'i lam ma yin no/ /da ni ci ltar 'phags pa'i lam skyes pa'i gang zag rnams zhes bya ba rgyas par 'byung ngo/ /lam ni rnam pa gsum ste/ mthong ba'i lam dang bsgom pa'i lam dang mi slob pa'i lam mo/ /da ni lam gsum po de dag tu ji ltar gang zag rnam par bzhag pa de ltar rgyas par brjod par bya'o/ /de la re zhig mthong ba'i lam gyi rang bzhin gyi zhes bya ba rgyas par 'byung ngo/ /dbang po brtul po ni dad pas gus pa kun tu 'byung ba'i phyir skad cig bco lnga po de dag la gnas pa na dad pa'i rjes su 'breng

  731. 366a

    ba zhes bya'o/ /dbang po rnon po ni dpyod? pa dag gis mngon par dga' ba kun tu 'byung ba'i phyir chos kyi rjes su 'brang ba zhes bya'o/ /rjes su 'brang bas na rjes su 'brang ba'o/ /gzhan gyis dring gis chos kyi mtshan nyid yongs su brtags pa la 'jug go /lhag ma la chog par gyur pas shes rab kyi rjes su 'jug par gyur pas sngar 'phags pa'i lam bskyed de/ 'phags pa'i lam bskyed pa bden pa'i don to/ /mngon sum kho nas zhes bya ba ni de 'dir gzhan gyi dring gis rnal 'byor du byed pa'o/ /chos kyi sgo nas rjes su 'brang bas chos kyi rjes su 'brang ba ste/ 'di la yod pas chos kyi rjes su 'brang ba'o/ /'di ni don thams cad la shes rab phyogs par gyur pa'o/ /dad pas rjes su 'brang ba'i rigs can ni de ltar don gyi rnam pa gang yin pa thams cad la sbyor bas na nus pa dang mi nus pa'i rnam par dpyad pa med par gzhan gyi dring gis 'jug pa'o/ /chos kyi rjes su 'brang ba ni don thams cad la sbyor ba na nus pa dang mi nus pa so so dpyad de 'jug gi gzhan la rten pas ma yin pa'o/ /yang na phal ched la 'dod chags dang bral ba ni 'dod pa la 'dod chags dang bral ba ste/ nges pa la zhugs pa lan cig phyir 'ong ba'i 'bras bu dang phyir mi 'ong ba'i 'bras bu la sogs pa'o/ /de'i phyir 'bras bu thob par bya ba thams cad ces bya ba smos so/ /mthong ba'i lam gyis bsgom pas spang bar bya ba mi spong ba'i phyir dang zhes bya ba ni/ dgra bcom pa nyid ni srid pa'i rtse mo pa'i bsgom pas spang bar bya ba spangs pa las 'thob na/ mthong ba'i lam gyis bsgom pas spang bya ba spong pa ma yin no/ /sngar yang srid pa'i rtse mo las 'dod chags dang bral ba mi srid pa'i phyir ro/ /zhes bya ba ni sngon so so skye pa'i gnas skabs na 'jig rten pa'i lam gyis srid pa'i rtse mo las 'dod chags dang bral ba mi srid pa'o/ /de yan chad

  732. 366b

    nas gzhan med pas de'i phyir dgra bcom pa nyid ni dang po nyid du thob par mi nus so/ /dad pa dang shes rab lhag pas mos pa dang/ mthong bas rab tu phye ba'i phyir ro zhes bya ba ni dad pa lhag par mos pas rab tu phye ba'i phyir dad pas mos pa yin gyi/ de la shes rab med pa nyid ni ma yin la/ shes rab lhag pas mthong bas rab tu phye ba'i phyir mthong pas thob pa yin gyi/ de la dad pa med pa ni ma yin no/ /rnam pa lnga spangs kyang zhes bya ba ni/ 'dod pa'i khams la sngar 'jig rten pa'i lam gyis bsgom pas spang bar bya ba rnam pa gcig spangs pa nas ji srid ci yang med kyi skye mched kyi 'dod chags dang bral ba'i bar sems bcu drug la gnas pa rgyun tu zhugs pa'i 'bras bu nas phyir mi 'ong ba'i bar du brjod do/ /lan cig phyir 'ong pa'i 'bras bu la zhugs pa zhes mi bya zhe na zhes bya ba la/ 'bras bu thob na zhes bya ba rgyas par 'byung ste/ lam gyi sgo nas gang zag brgyad rnams pa gzhan la/ 'bras bu'i sems kyang 'bras bu'i khyad par gyi lam gnyen po can nyon mongs pa'i gnyen po nyid do/ /de'i gnyen po ma yin yang lam thob pas yang 'bras bu dang lhan cig de'i gnyen po can gyi nyon mongs pa'i bral ba'i thob pa skye'o/ /lam la rjes su shes pa'i bzod pas de dang mtshungs par ldan pa'i thob pa gcod pa'i phyir/ gang mtshungs par ldan pa'i thob pa bcad pa de nyid kyis bral ba'i thob pa mngon du byed do/ /de'i phyir 'bras bu la 'bras bu'i khyad par gyi lam thob pa med ces bya'o/ /sa 'og ma la brten te zhes bya ba ni mi lcogs pa med pa la sogs pa gang yang rung ba zhig gis 'bras bu'i khyad par gyi lam mngon du byed pas na 'di ni nges par chos nyid kyi 'bras bu khyad par can zag pa med pa bsam gtan gsum pas mngon du byed do/ /gzhan du na zag pa dang bcas pa'i sa 'pho bas 'dod zhing zag pa med pa yang mi bskyed pa'o/ /gong du skyes pa bde

  733. 367a

    ba'i dbang po dang mi ldan par 'gyur ro zhes bya ba ni/ 'bras bu thams cad nyid las langs pa 'bras bu'i khyad par gyi lam mngon du byed pa 'ba' zhig ma yin pa'o/ /slob dpon 'dus bzang na re bsam gtan gsum pa'i 'dod chags dang bral ba nyid kyi rgyu med pa'i phyir zhes zer ro/ /phal cher las 'dod chags dang bral ba ni gang dag gis nyon mongs pa rnam pa drug gam bdun nam brgyad sngar spangs pa nas srid pa'i rtse mo'i bar bsam gtan bzhi dang gzugs med pa bzhi ste/ 'khor ba ni sa dgu pa yin pa'i phyir ro/ /dang po kho nar zhes rgyas par 'byung ba la/ der shes pa rab tu mi 'jug pa'i phyir lam chung ngu nyid rnam par shes pa'i rgyud la phra bar rjes su 'brel ba'i phyir nyon mongs pa chung ngu nyi do/ /'di la dpe nye bar bsgrub par byed de/ gos la dri ma che long ni sngar 'khrul zhes bya ba la sogs pa rgyas par 'byung ngo/ /'di dpe'i sbyor ba yin pas dpa' i rnam pa ste/ rnam pa 'dis gzhan la yang brjod par bya'o zhes ston par byed do/ /chos dkar po ni stobs dang ldan pa yin la zhes bya ba ni/ ji skad du/ lo ma chung ngu'i chung ngus ni nyon mongs pa chen po'i chen po spong ste/ de ltar 'dis spong ba'o zhes so/ /de nyid la khungs na skad cig ma chung ngus zhes smos te/ sdug bsngal la chos shes pa'i bzod pa chung ngu'i chung ngus so/ /'khor ba thog ma med pa brgyud pas spel ba'i zhes bya ba ni/ 'khor ba thog ma med pa nas rang gi rgyu brgyud pas spel ba ste/ phan btags pa zhes bya ba'i tha tshig go /de'i phyir de dag rtsa nas med pa byed pa ni thob pa gcod pa ste/ de ni chen pos yin gyi chung ngus ma yin zhing 'bring gis kyang ma yin no/ /thams cad du zhes bya ba ni sa dang khams rnams su'o/ /tshe bdun gyi bar du skye bas na lan bdun pa'o/ /de nyid kyi phyir rgyun tu zhugs

  734. 367b

    pa yin la tshe bdun gyi bar du skye bas na zhes smos so/ /de ltar thogs na zhes 'byung bas thams cad ni gdon mi za bar ma yin no zhes bstan par 'gyur te/ de nyid kyi phyir thams cad kyi tha shal pa'o zhes 'byung ngo/ /mchog ces bya ba'i sgra ni rab tu'o zhes bya ba ni/ mdo las mchog gi sgra ni rab tu brjod do zhes ba ste/ don ni khyung bar med do/ /de nas der 'gro ba'i phyir ro zhes bya ba ni lam de nas mya ngan 'das par 'gro ba'i phyir ro/ /lam dang po thob pa'i phyir ro zhes bya ba la/ lam dang po ni mthong ba'i lam mo/ /brgyad pa yang yin zhes bya ba ni lugs las bzlog pas 'bras bu bzhi'i gnas kyi bzhi pa de la zhugs pa ni 'bras bu mngon du bya ba'i phyir zhugs pa ste brgyad pa yin no/ /phal cher la 'dod chags dang bral ba zhes bya ba la sogs pa la/ gang zhig 'jig rten pa'i lam gyis rnam pa drug pa zad par byas pa yang lam la rjes su shes pas nges pa la 'jug pa byed na/ de lan cig phyir 'ong ba yin la/ de yang rgyun tu zhugs par 'gyur ro/ /de bzhin du 'jig rten pa'i lam gyis 'dod pa la 'dod chags dang bral ba yang sems bcu drug pa la phyir mi 'ongs pa yin gyi rgyun tu zhugs pa ma yin na'o/ /'bras bu thams cad thob pa'i phyir bya ba la/ rgyun tu zhugs pa la sogs pa'i 'bras bu thams cad thob pa'i dang tshul yod pas na 'bras bu thams cad thob pa ste/ de nas bzung ste 'bras bu thob pas rgyun tu zhugs pa zhes bya'o/ /zhugs pa dang 'bras bu'i lam thob pa'i phyir zhes bya ba la zhugs pa'i lam ni skad cig ma bco lnga'o/ /'bras bu'i lam ni lam la rjes su shes pa'o/ /brgyad pas ni rgyun tu zhugs pa'i lam kho na thob kyi 'bras bu'i lam ni ma yin no/ /mthong ba dang bsgom pa'i lam thob pa'i phyir zhes bya ba la/ mthong ba'i lam ni skad cig ma bco lnga'o/ /bsgom pa'i lam ni sems bcu drug go /rgyun thams cad mngon par

  735. 368a

    rtogs pa'i phyir ro zhes bya ba ni lam rjes su shes pas ste/ gang gi phyir lam la shes pa'i bzod pas kyang mngon par rtogs pa'i phyir rgyun thams cad mngon par rtogs pa'o/ /bye brag tu smra ba rnams na re gnas bdun pa mkhas pa dang mdab ma bdun pa bzhin no zhes zer ro ji ltar zhe na/ bdun tshan du 'dra ba'i dge slong gnas bdun la mkhas pa zhes bshad de/ ji ltar zhe na/ dge slong dag ji ltar na dge slong gnas bdun la mkhas pa yin zhe na/ gzugs yang dag pa ji lta ba bzhin du rab tu shes so/ /gzugs kun 'byung ba dang/ gzugs 'gog pa dang/ gzugs 'gog par 'gro ba'i lam dang/ gzugs kyi ro myong ba dang/ nyes dmigs dang/ nges par 'byung ba yang dag pa ji lta ba bzhin du rab tu shes so zhes 'byung ste/ de bzhin du tshor ba dang/ 'du shes dang/ 'du byed rnams dang/ rnam par shes pa dag la yang brjod par bya'o/ /tshul 'dis ni gnas sum cu rtsa lnga la mkhas par 'gyur ro/ /bdun tshan du 'dra ba'i phyir gnas bdun la mkhas pa zhes bshad cing/ shing gi lo ma so so la yang 'dab ma bdun bdun yod pa'i phyir bdun tshan du 'dra ba'i phyir shing la yang lo ma bdun pa zhes bshad do/ /dpe dang po ni gsung rab las grub pa yin la/ gnyis pa ni 'jig rten la grags pa'o/ /zhes bya ba ni khyad par ro/ /gal te lha dang mi dag gis nad re rer srid pa bdun nying mtshams sbyor na/ 'o na gang mdo las gang zag lta ba phun sum tshogs pa zhes bya ba la sogs pa gsungs pa de/ dang? ji ltar mi 'gal/ 'gro ba gcig tu zhes bya ba ni lha'i 'gro ba 'am mi 'gro bar ro/ /'on te sgra ji bzhin du brtag na ni srid pa bar mar yang mi 'gyur na srid pa bar ma ni 'dod pa yang yin te/ de'i phyir 'gro ba gcig tu zhes bya ba

  736. 368b

    'di dgongs pa yin par nges so/ /de ltar na yang srid pa'i rtse mo'i bar du gong du 'pho ba zhes bya ba rgyas par 'byung ste/ gong du 'pho ba gnas thams cad du 'chi 'pho ba ni 'gro ba gcig tu brgyad pas lhag pa'i skye ba gzhan mngon par 'grub ste/ zhes bya ba 'di ni dgongs pa ma yin no/ /'dod pa'i khams la dgongs te gsungs pa'i phyir zhes bya ba ste/ gong du 'phags pa la de ltar thogs na lan bdun pa zhes gsungs pa de kho nar srid pa brgyad bkag par 'thad na/ gzugs dang gzugs med pa dag tu ni de ltar thogs na lan bdun pa gsungs pa yang ma yin pas der srid pa brgyad pa bkag par mi 'thad do/ /'dod pa'i khams kyi dbang du byas te zhes gsungs pa 'di la shes bar byed pa lung dang rigs pa ci zhig yod ces bya ba la/ mdo las gsungs pa ni yod pa ma yin te/ gang gi phyir 'dod pa'i khams kyi dbang du byas nas zhes bya bas shes so/ /'di la dgongs pas bshad pa'i mtshan nyid kyang yod pa ma yin te/ lung dang 'gal ba'i skabs yod pa ma yin no/ /gang gi phyir 'di skabs dang bcas pa'i phyir dgongs pa can nyid du shes so/ /na tsa sarba tsyu ta:/ sU tre pa thya te/ ya dya pi na pa thya te/ sarba tsu ta:/ a'urd+haM swo ta nu ba thya te/ de ni 'phar ba dang phyed du 'phags pa'i gong du 'pho bar 'gyur ro zhes so/ /gnas thams cad du 'chi 'pho ba nyid yod pa ma yin pas 'di ltar brtag par bya'o/ /de nyid kyi phyir slob dpon gyis bye brag smra ba zer ro/ /zhes bya ba ma rangs pa'i tshig go /slob dpon 'dus bzang na re/ 'di nyid cung zad kyang gsungs pa yod pa ma yin pas gong du 'pho ba rnam pa gnyis yin gyi gzhan ma yin no zhes zer ro/ /cung zad kyang med par nges pa'i rgyu bstan te/ gzugs kyi khams su phyir mi 'ong ba gnas

  737. 369a

    'di dang gzhan du skye bar bya'o 'dir yang skye bar bya'o zhes bya ste/ skyes bu dam pa'i 'gro ba rnams su yang slar phyir mi 'ong ba rnams dpe ris bstan te/ gong du 'pho ba rnams dpe gcu gcig gis so/ /ne ratna ye sya ta tra dzanma ni prit+ta yed rshi tA/ yasmA dA ha mA rgAn+ti bA ga myo da kaShtha mAlba ra hi ta bA sri thi shaM mA ga mya barya rba nud dA no ni rbA yA dI tE/ yan chad du skye ba dang gnas pa med pa'i phyir der yongs su mya ngan las 'da' bar bstan to/ /de'i phyir gong du 'pho ba gsungs pa la mdo dang 'gal ba'i skabs yod/ kA mI bA pha ma ha re te bA sI sA dya yin no/ /bA du mA ni be ra/ /'dir dgongs te gsungs pa'i mtshan nyid kyi skabs so zhes so/ /de'i phyir 'di 'dod pa'i khams la dgongs te zhes gsungs so zhes bya bar nges so/ /'di la shes par byed pa ci zhig yod ces bya ba de nyid kyi phyir gang kho na bshad ma thag pa la shes par byed pa mdo 'am rigs pa ci zhig yod ces pa'o/ /slob dpon gyi 'di skad du lha rnams dang zhes rgya cher gsungs te/ gzhan du na lha dang mi rnams su zhes pa nyid 'chad kyi/ lha rnams dang mi rnams su zhes bya bar ni ma yin no/ /de kho nar 'ongs nas yongs su mya ngan las 'da' o zhes bya ba ni/ de ni lha'i lus bdun las gzhan mi'i srid pa bdun du 'gyur ro/ /des bzhin du phan tshun du ste mi'i bdun las gzhan lha'i srid pa bdun du 'gyur ro zhes pa'o/ /rgyud yongs su smin pa'i phyir ro zhes bya ba ni rgyud yongs su smin pa ste lam gyi nyon mongs pa ma lus pa spangs pa rgyun bcad pa dang rjes su mthun pa'i lam ste/ de'i rang bzhin ni de'i rnam pa'o/ /gang gi na dus de srid kyis rgyud yongs su smin par 'gyur te/ rgyud yongs su smin pas srid pa brgyad pa nyid mtshams sbyor ba med pa'o/ /sprul gom pa bdun pas zin pa lta bu zhes bya ba la/ dper na sprul

  738. 369b

    gom pa bdun pas zin bas yin gom ba bdun por na gdon mi za bar 'chi'i phan chad du yang ma yin tshun chad du yang ma yin te/ dug gi rigs de ni de lta bu yin no/ /rims nyin bzhi pa bzhin zhes bya ba ni gang zhig nyi ma bzhi zhig rims kyis 'debs kyi/ sngar yang ma yin la phyis kyang ma yin no/ /tha ma'i cha dang mthun pa gnyis zhes bya ba ni 'dod pa la bdun pa dang gnod sems te/ 'dod pa'i khams la 'dod chags dang ma bral ba'i phyir ro/ /gong ma'i cha dang mthun pa lnga zhes bya ba ni/ 'dod chags gnyis po gzugs dang gzugs med pa'i 'dod chags dang/ rgod pa dang/ nga rgyal dang/ gti mug rnams so/ /gzhan dag na re skye ba bdun pa kho na la zag pa zad ba'i phyir dbang po yongs su smin te/ brgyad pa lam yin zhes zer ro/ /nges pa 'di cis byas she na/ lam de'i rang bzhin yin pa'i phyir ste/ gal te sprul gom pa bdun pas zin ba bzhin no/ /nges pa de phan chad du tshe mi gnas pas dpe ma yin no/ /gal te yang lam 'di'i rang bzhin yang de dang 'dra bar gang gis 'phags pa'i lam bskyed pa'i srid pa brgyad pa mi 'grub pa zhe na ma yin no/ /'o na bden pa mthong ba'i gegs su ci'i phyir mi 'gyur zhe na/ lam kho nas de bskyed pas srid pa brgyad par 'grub par mi 'gyur ro/ /ci ste srid pa brgyad pa myong bar 'gyur ba'i las byas shing bsags pa la lam gyis nus pa mi 'jug pa nyid du yang mi 'gyur zhing/ bden pa mthong ba'i gegs brgyad pa la de yongs su mya ngan las 'da' bar 'gyur bas 'di la 'gal ba ci zhig yod/ gang gsungs pa kun tu sbyor ba bdun lus pa'i phyir zhes bya ba de la yang nus pa med de/ 'dod pa la bdun pa dang gnod sems dag kho nas srid pa bdun du 'khor ba'i phyir dang/ gong ma'i cha dang mthun pa rnams kyis 'dod pa'i khams kyi skye ba 'grub par mi nus pa'i phyir ro/ /de bas na chos nyid kyis gang ci yang rung ba'i nges pas

  739. 370a

    'di skyed pa'i nus pa brjod par mi nus so/ /yang lam gyi nus pa ci zhe na/ 'di chos nyid gzhan gyis zhes brjod par bya'o/ /bar skabs su yang 'phags pa'i lam mngon du mi byed cing zhes bya ba ni/ skye ba bdun tshun chad du zhes bya ba'i don to/ /de srid srid pa'i las du ma myong bar 'gyur bas na/ de srid du srid pa myong ba 'gyur ba'i las stobs bskyed pa'i phyir zhes bya ste/ nus pa bskyed pa'i phyir zhes bya ba'i don to/ /sangs rgyas 'byung ba med pa na zhes bya ba rgyas par 'byung ste/ so so thar pa'i sdom pa ni sangs rgyas 'byung ba la rag las pa'i phyir ro/ /sangs rgyas 'byung ba med pa na khyim na gnas pa kho na las dgra bcom par 'gyur te/ dgra bcom pa nyid kyi skal ba dang ldan pa ni khyim gyi nang na gnas bzhin du sngon gyi sangs rgyas kyis rjes su bstan pas de 'tsho zhing khyad par la shin tu gzhol bar 'gyur ro/ /gzhan dag na re gnas gzhan gyi mtshan mas so zhes zer ro/ /zhes bya ba la de ni mi 'dod de/ de dag ni log par lta ba'i dbang gis dam pa ma yin pa'i las dge la 'jig pa'i phyir ro/ /chos nyid kyis thob pa zhes bya ba ni/ dgra bcom pa nyid kyi lam gyi nus pa chos nyid do/ /der 'gro ba'i las mi sogs pa'i phyir zhes bya ba ni/ ngan song du 'gro ba'i las mi byed pa'i phyir zhes bya ba'i don to/ /bsags pa rnam par smin pa 'byin pa dang mi mthun par byas pa'i phyir ro/ /gang la zhe na rgyud do/ /bsags pa ni sngon byas pa ste/ phung po'i rgyud de'i rnam par smin pa 'grub pa dang mi mthun par byas pas de yang ma smin te/ de'i phyir log par ltad ba'i chos can ma yin no/ /yang ci'i phyir rgyud don song du 'gro ba'i las bsags pa'i rnam par smin pa 'byin pa dang mi mthun par 'gyur zhe na/ de'i phyir dge ba'i rtsa ba stobs dang ldan pas bsgos pa'i phyir zhes smos te/

  740. 370b

    dge ba'i rtsa ba stobs dang ldan pa ni zag pa med pa dag ste/ de dag gis phung po'i rgyud dgos pa'i phyir mi mthun pa yin no/ /yang ci ltar des bsgos ba yin zhe na/ de'i phyir sbyor ba dang bsam pa dag pa'i sgo nas zhes bya ba smos so/ /de la sbyor ba dag ni 'phags pa dgyes pa'i tshul khrims dag go /bsam pa dag pa ni sangs rgyas pa la sogs pa la shes nas dad pa'o/ /ngan 'gror nges na ni las des bzod pa yang mi bskyed de/ bzod thob ngan song yong mi 'gro/ zhes pas so/ /ji ltar na dge ba'i rtsa ba stobs mi ldan pas bsgos pa mi dge ba bsags pa rnam par smin pa dang mi mthun par 'gyur ba de bstan pa'i phyir/ 'dir smras pa zhes bya ba smos te/ byed pa 'og mas ni go rim bzhin du phyed gong mas dam bcas pa'i don gnyis kyis dpe gnyis bstan to/ /sdug bsngal gyi mthar byed do zhes bya ba mdo las rgyun tu zhugs pa yin te/ log par ltung ba'i chos can ma yin pa dang/ rdzogs pa'i byang chub tu gzhol zhing nges pa dang/ de ltar thogs na srid pa lan bdun pa yin te/ lha rnams dang mi rnams kyi nang du lan bdun 'khor zhing song nas sdug bsngal gyi mthar byed do zhes gsungs pa'o/ /gang phan chad sdug bsngal med pa ste zhes bya ba ni gang skyes phan chad skye ba gzhan med pa'o/ /de byed pa ni khams gsum pa'i nyon mongs can gyi chos ma lus pa dang bral ba skye bar byed pa ste/ de ni sdug bsngal gyi mdza' yin no/ /de nyid kyi phyir sdug bsngal nyid mtshams mi sbyor bar mi byed do zhes bya ba'i tha tshig go zhes bya ba smos te/ gang gi phyir skye ba gzhan nyid mtshams mi sbyor bas de nyid mtshams sbyor ba zhes bya'o/ /mya ngan las 'das pa rtag pa ji ltar byed ces dris nas de'i phyir de thob pa'i bgogs bsal ba'i phyir te zhes bya ba smos so/ /mya ngan 'das pa thob pa'i gegs ni nyon mongs pa'i thob pa yin te/ de yod

  741. 371a

    na mya ngan las 'das pa'i thob pa mi skye ba'i phyir ro/ /de bsal ba ni gnyen po'i sgo nas de'i gegs rnam par bcad pa ste/ dper na nam mkha' gyis zhes bya ba'i dpe 'di nyid la gegs bsal ba la yon tan du brtags nas bshad pa 'jug pa lta bu'o/ /ma nges pas zhes bya ba ni 'dis kyang rgyud yongs su smin pa dang de ltar thogs na srid pa lan bdun pa nyid du mdza' gcig ma yin pas mi brjod do/ /rnam gsum rnam bzhi las grol ba zhes bya ba rgyas par 'byung ba la/ rgyun tu zhugs pa de nyid so so skye bo'i gnas skabs sam 'phags pa'i gnas skabs su bsgom pas spang bar bya ba'i nyon mongs pa cha gsum spangs pa ni tshe gsum du rig nas rigs su skye ba yin no zhes rnam par bzhag la/ nyon mongs pa cha bzhi spangs pa ni tshe gnyis su rnam par bzhag pa ste/ 'dir ni ci rigs par sbyar ro/ /skye ba las ni tshe gnyis sam gsum lus pa'i phyir ro zhes bya ba ni so so skye bo'i gnas skabs kho nar srid pa gnyis sam gsum myong bar 'gyur ba'i las byas shing bsags pa'i phyir ro/ /'phags pa ni 'khor ba la phyir phyogs shing mya ngan las 'das pa la mngon du phyogs pas yang rid 'phen par rigs pa ma yin no/ /rgyun tu zhugs pa phyis nyon mongs pa spong bar byed ce na/ zhes bya ba ni bsgom pas spang bar bya ba rnams so/ /gsum mam bzhi spangs pa la ni de'i gnyen po dbang po thob pa med par ni de spangs pa med pa'i phyir ro/ /nyon mongs pa spangs pa smos pa kho nas de'i gnyen po dbang po thob par bshad pa yin te/ de'i phyir yang tshigs su bcad pa'i nang du ma smos so/ /de lta na ni 'o na/ tshe gnyis dang gnyis gsum smos pa yang mi bya ste/ nyon mongs pa spangs pa kho nas de yang bshad pa'i phyir ro/ /gang zhig nyon mongs pa'i cha gsum mam bzhi spangs pa de ni gdon mi za bar

  742. 371b

    skye ba gnyis sam gsum lhag ma dang bcas par rtogs pa nyid do zhe na/ de'i phyir ches nyung ngu re yang 'gyur bas zhes bya ba smos te/ 'di 'am bar mdo 'am/ skyes nas mya ngan las 'da' bar 'gyur ro/ /skye ba nyung ba nyid la rgyu smos pa ni gong ma'i skal pa dang mi ldan pa'i phyir zhes bya ba ste/ rgyun tu zhugs pa'i gong ma lan cig phyir 'ong ba'i 'bras bu nas dgra bcom pa nyid kyi bar gyi skal ba dang ldan pa'i phyir ro/ /de'i phyir/ tshe gnyis gsum du rigs nas rigs/ zhes nges par bya ba'i phyir de'i skye ba smos te/ de ni rgyu gang yang rung ba zhig ma chad bas rigs nas rigs su skye ba yin par mi 'dod do/ gal te rgyu gsum dang ldan pas rigs nas rigs su skye ba nyid yin na nyon mongs pa cha gsum dang bzhi sngon nyid du bshad pas mthong ba'i lam la gnas pa rigs nas rigs su skye bar 'gyur ro zhe na/ ma yin te mthong ba'i lam ni bsgom pas spang bar bya ba'i nyon mongs pa cha gsum dang bzhi'i gnyen po ma yin te/ der de'i gnyen po zag pa med pa'i dbang po thob pa med pa'i phyir ro/ /de'i phyir mthong ba'i lam la gnas pa rigs nas rigs su skye ba ma yin no/ /rigs nas rigs su skye bar rab tu phye ba'i phyir/ rgyun tu zhugs pa'i khyad par gyi phyir de ltar mthong ba'i lam la gnas pa ma yin no/ /gzhan dag na re 'di ni rigs nas rigs su skye ba ma yin no zhes zer ro/ / ci'i phyir/ rnam pa lnga spangs pa'i phyir ma yin zhen zhes bya ba skabs su bab pa'i phyir rigs nas rigs su skye ba ma yin zhes bya bar sbyar ro/ /bar chad gcig pa bzhin du khams las mi 'da' ba' i phyir ro bar chad gcig pa ni 'dod pa'i khams las 'da' ste/ de'i phyir de'i nyon mongs pa rnam pa dgu las gcig gi kyang 'bras bu la gegs bya bar nus la/ 'dod chags dang bral bas phyir mi 'ong ba'i 'bras bu thob cing 'dod pa'i khams la 'dod chags dang bral ba nyid do/ /

  743. 372a

    las bzhin du nyon mongs pa rnams kyang shin tu gegs bya ba'i phyir nye bar gnas so/ /lan cig phyir 'ong ba ni 'dod pa'i khams las mi 'da' bas de'i nyon mongs pa rnam pa drug pa gcig pus 'bras bu la gegs bya bar mi nus te/ de'i phyir rnam pa lnga spangs pas lan cig phyir 'ong bar 'gyur bas de la rigs nas rigs su skyes pa zhes bya'o/ /yang gang zhig re ltar thogs na srid pa lan bdun pa yang ma yin la/ rigs nas rigs su skye ba yang ma yin na 'dir bar ma dor yongs su mya ngan las 'da' bar byed pa de gang gi phyogs su blta bar bya zhe na/ srid pa lan bdun pa'i phyogs su'o/ /'dir mchog gi sgra ni phul du byung ba brjod pa'o zhes bshad pa 'dis de tshun chad du yongs su mya ngan las 'das pa'i skabs su byas pa yin no/ /'di ni thams cad las dbang po brtul ba gang yin pa srid pa bdun du 'khor bar 'gyur ba'o/ /lha'i 'gro bar zhes bya ba rgyas par 'byung ste/ des 'di nyid grub pa yin no/ /lha'i rigs nas rigs su skye ba ni skye ba gnyis te lha'i skye ba gnyis so/ /mi'i skye ba gcig dang skye ba gsum mo/ /lha rnams su gsum dang mi rnams su gnyis nyid do/ /mi'i rigs nas rigs su skye ba la yang ji ltar rigs par a ba se yam/ gzhan du na skye ba gnyis su rigs nas rigs su skye ba dang lan cig phyir 'ong ba dag la khyad par cir 'gyur zhe na/ 'dod chags dang zhe sdang gti mug rnams bsrabs pa'i phyir zhes 'byung ba zhes bya ba la gang las she na/ mdo las so/ /ji skad du zhe na/ kun tu sbyor ba gsum spangs pa'i phyir dang/ 'dod chags dang zhe sdang dang gti mug rnams bsrabs pa'i phyir lan cig phyir 'ong ba zhes 'byung ngo/ /chung ngu'i rnam pa lus pa'i phyir ro/ /zhes bya ba ni de'i chen po dang 'bring gi rnam pa spangs zin pa'i phyir chung ngu'i rnam pa

  744. 372b

    lus pa yin te ma spangs pa'i phyir ro/ /tshe gcig lus pa'i phyir ro zhes bya ba ni/ 'di lha dang mi rnams su skye ba cig lhag ma lus pa'o/ /gong du las rnams ni gnas skabs gsum du zhes bya ba rgyas par 'byung ba ni/ bzod dang phyir mi 'ong dgra bcom/ 'thob la las gegs shin tu byed ces bya ba yin no/ /'dod pa'i khams su mi skye bo zhes bya ba'i tha tshig go/ rnam par smin pa dang rgyu mthun pa'i 'bras bu'i sa las 'da' ba' i phyir zhes bya ba ni/ 'dod pa na spyod pa'i las dang nyon mongs pa rnams ni 'dod pa'i khams kho na'i rnam par smin pa dang rgyu mthun pa'i 'bras bu'i sa ste/ sa gzhan ni sa gzhan gyi rnam par smin pa dang rgyu mthun par 'dod pa ma yin no/ /de yang rnam pa dgu pa spangs pas phyir mi 'ong ba'i phyir 'dod pa'i khams las 'da' ba yin no/ /de'i phyir rnam par smin pa dang rgyu mthun pa'i sa las 'da' ba la las bzhin du nyon mongs pa chung ngu'i chung ngu'i rnam pa gcig gis kyang 'bras bu la gegs bya bar nus so/ /de bzhin du rigs nas rigs su skye ba'i sa las 'da' ba la yod pa ma yin te/ de ni gcig dang rnam pa lngas kyang 'bras bu la gegs bya bar nus pa ma yin no/ /rnam pa lnga ma spangs pa rigs nas rigs su skye ba yin no/ /'di'i bar chad gcig yin pas bar chad gcig pa ste/ 'bras bu'i khyad par gyi lam mngon du bya ba'i phyir nyon mongs pa rnam pa lngar spangs pa ste bar chad gcig pa 'am rigs nas rigs su skye ba yin no/ /'bras bu thob pa dang dus mnyam pa kho nar ma yin no/ /de'i gnyen po zag pa med pa'i dbang po ma thob pa'i phyir ro/ /gdon mi za bar sngon gnyis sam gsum spangs pa yin no zhes bya ba ni 'dod chags dang bral ba dang mthar gyis gnas pa dag dang go rims bzhin te/ 'dod

  745. 373a

    chags dang bral bas ni 'dod pa la 'dun pa dang/ gnod sems gnyis spangs pa yin la/ mthar gyis pas ni 'jig tshogs la blta ba dang/ tshul khrims dang brtul zhugs mchog tu 'dzin pa dang/ the tshom dang gsum spangs te rnam pa lngar 'gyur ro/ /de la gang zag gang zhig skye ba'i kun sbyor ba brtags pa ma yin pa'i 'gog pas dgag pa de 'dod pa na spyod pa'i nye bar 'tshe ba gang yang rung ba zil gyis mnan te kun tu sbyor ba lhag ma spangs pa'i phyir rnal 'byor rtsom par byed do/ /de kun tu sbyor ba spongs pa mngon par grub nas de gzugs na spyod pa srid pa bar ma mngon par 'grub par byed do/ /de la gnas nas dgra bcom pa nyid thob ste yongs su mya ngan las 'da' ba de ni bar ma dor yongs su mya ngan las 'da' ba bya'o/ /yang gang zag gang zhig skye ba mngon par 'grub cing myong par 'gyur ba'i las byas shing bsags pas gzugs kyi khams su skye ba nyid las mi ring bar yongs su mya ngan las 'da' bar byed do/ /mngon par brtson pa dang lam dang gi 'byung ba nyid kyi phyir ro zhes bya ba ni mngon par brtson pa nyid kyi phyir dang/ lam ngang gi 'byung ba gnyis kyi phyir ro/ /mngon par brtson pa gang zhig yin zhe na/ gang brtson 'grus brtsam pa'o/ ji ltar lam ngang gis 'byung ba yin zhe na/ mngon par 'du byed pa med par mngon par gyur pa'i phyir ro/ /mngon par brtson pa yang de yin la/ lam ngang gi 'byung ba yang yin pas mngon par brtson pa dang lam ngang gis 'byung ba ste/ mya ngan las 'das pa rnam pa gnyis yod pa phung po lhag ma dang bcas pa'i mya ngan las 'da' zhes smos so/ /gzhan dag na re de yang zhes bya ba ni bar dor yongs su mya ngan las 'da' ba bzhin no zhes pa'o/ /ma yin te tshe 'dor ba la dbang med pa'i

  746. 373b

    phyir ro zhes bya ba ni/ 'di ltar rab kyi mdza' pa'i bsam gtan bzhi pa thob pa ni tshe 'dod pa la dbang la/ de yang mi rnams kyi nang du skyed par byed kyi gzhan du ni ma yin no/ /de tshe 'dor ba la dbang ba med pas/ de phung po lhag ma med par yongs su mya ngan las 'da' ba ma yin no/ /mngon par 'du byed pa dang bcas pas yongs su mya ngan las 'da' ba zhes bya ba ni 'bad pa dang bcas par yongs su mya ngan 'das pa ste/ de'i phyir de ni mngon par 'du byed pa dang bcas par yongs su mya ngan las 'da' ba zhes bya'o/ /ji ltar mngon par 'du byed pa dang bcas she na/ de'i phyir mngon par brtson pa dang lam ngang gis 'byung ba'i phyir ro zhes smos so/ /de ni mngon par sbyor ba'i brtson 'grus kyis lam ngang gis 'byung zhes pa'o/ /mngon par brtson pa dang lam ngang gi 'byung ba med pa'i phyir zhes bya ba ni mngon par brtson pa med dang lam ngang gi 'byung ba med pa'i phyir ro zhes bya'o/ /'dus byas dang 'dus ma byas la dmigs pa'i lam gyis yongs su mya ngan las 'da' ba' i phyir ro/ /zhes bya ba la/ bden pa gsum la dmigs pa'i lam ni 'dus ma byas la dmigs pa'o/ /'gog pa'i bden pa la dmigs pa ni 'dus ma byas la dmigs pa'o/ /de ni mi rung ste ha cang thal ba'i phyir ro zhes bya ba ni gang zag thams cad 'dus byas la dmigs pa dang 'dus ma byas la dmigs pa yongs su mya ngan las 'da' bas gang zag gnyis kho nar 'gyur ro/ /gzhan dag na re de skyes nas dus gzhan gyi dgra bcom pa nyid thob ste/ /de la kha cig gi ni brtson 'grus brtsams pa yin la/ kha cig ni lhod par byed pa'o/ /sngar mngon par 'du byed pa dang bcas pas yongs su mya ngan las 'da' pa de sbyor ba shin tu sbyangs pa ma yin pa ting nge

  747. 374a

    'dzin dang phrad de tha ma'i cha dang mthun pa rnams spong ba yin la/ de nas der skyes pa kho nas lam bsgom par mi 'gyur ro/ /mngon par 'du byed dang bcas pas dgra bcom pa nyid thob pa'i sgo nas ta ts+tsha d+haM/ /thob par byed do/ /gang zhig lhod par byed pa de ni mngon par 'du byed med par yongs su mya ngan las 'das pa'o/ /gang zhig der skyes pa yang sdug bsngal bas gnas so sor kun tu sbyor ba lhag ma las rnam par grol ba rtog pa ni mngon par 'du byed dang bcas pa yongs su mya ngan las 'da' ba ste/ 'bad pa la rag lus pas lam bsgom pa'i phyir ro/ /de las bzlog pa ni mngon par 'du byed med par yongs su mya ngan las 'da' ba' o// lhag ma rnams kyang dka' ba dang sla bas gnas so sor kun tu sbyor ba lhag ma spong bas so/ /'di ni de lta ma yin te/ gnas skabs kyi dbye ba las de dag gi khyad par mthun pa yin pa'o/ /'dir gnas skabs kyi khyad par med do zhe na/ der lam gyis byas pa'i khyad par brjod par bya'o/ /ji ltar gnas skabs kyi khyad par rnams su bshad pa de'i phyir ma 'ongs pa rnams la thal bar 'gyur zhe na/ thams cad la gnas skabs kyi khyad par gcig nyid la lam gyi sgo nas khyad par bcas par bya'o/ /gzhan du ma yin zhes bya ba 'di la rgyu ci zhe na/ mdo las ni mngon par 'du byed pa med par yongs su mya ngan las 'da' ba sngar 'byung zhes bya ba la/ gang las she na/ mngon par 'du byed pa dang bcas pas yongs su mya ngan las 'da' bas so/ /de kho na bzhin du rung ste zhes bya bas ni ji skad mdo las 'byung ba bzhin du'o/ /ci'i phyir zhe na/ ji ltar gtso bo bzhin sngar bstan pa'i phyir te/ bar mdo dang skye gnas yongs su

  748. 374b

    mya ngan las 'da' ba bzhin no/ /yang mngon par 'du byed pa dang bcas pa yongs su mya ngan las 'da' ba bsu mngon par 'du byed med par yongs su mya ngan las 'da' ba gtso bo zhes bya ba 'di ji ltar shes she na/ de'i phyir lam dang gis? 'byung ba dang lam ngang gis 'byung ba ma yin pa dag ni zhes bya ba rgyas par 'byung ste/ ngang gi 'byung bas na ngang gis 'byung ba ste/ lam gang zhig sngon goms pa'i khyad par las 'bad pa med pa 'byung ba'o/ /bzlog pa ni ngang gis 'byung ba ma yin pa'o/ /mngon par 'du byed pa med pa dang mngon par 'du byed pa dang bcas pas bsgrub par bya ba yin pa'i phyir ro zhes bya ba ni/ lam ngang gi 'byung ba ni 'bad pa med pas bsgrub par bya'o/ /ngang gi 'byung ba ma yin pa ni 'bad pas bsgrub par bya ba zhes bya ba ste nges par bsgrub par bya'o/ /'di ga las she na/ de'i phyir 'bad pa med pa dang zhes bya ba la sogs pa smos te/ 'bad pa med pa dang 'bad pa mngon du gyur pa'i phyir zhes bya ba'i tha tshig go/ 'bad pa med par thob pa'i sgo nas lam ngang gis 'byung ba ni mngon par 'du byed pa med par bsgrub par bya ba nyid do/ /lam ngang gi 'byung ba ma yin par 'bad pa'i sgo nas thob pa ni mngon par 'du byed pas bsgrub par bya ba nyid do/ /de ltar yin na mngon par 'du byed pa med pa dang/ skyes nas yongs su mya ngan las 'da' ba gnyis la go khyad par ci zhig yod de/ de gnyis ka yang lam ngang gis 'byung ba yin pas so zhe na/ de'i phyir skyes nas yongs su mya ngan las 'da' ba ni zhes bya ba rgyas par 'byung ngo/ rnam pa gnyis ni rgyu dang 'bras bu'i sgo nas so/ /gnas gtsang mar skyes pa ni bsam gtan yal ba'i 'bras bu yin pa'i phyir mir gyur pa gang gi bsam gtan spel ba de ni 'og min du song nas mya ngan las 'da' ste/ de'i gong du

  749. 375a

    skye ba gzhan med pa'i phyir ro/ /gzhan ni gnas gtsang mar ma zhugs par srid pa'i rtse mor mthar thug pa yin te/ de'i gong du skye ba med pa'i phyir ro/ /de 'phar zhes bya ba ni/ gzugs kyi khams kyi gnas dang po dang tha mar skye ba bar du mi 'gro ba'i phyir 'phar ba zhes bya'o/ /gnas 'ga' tsam yang 'gal te 'og min du 'jug pa zhes bya ba la/ yang gi sgras ni mang po yang ngo/ /gang zhig chung ngu spel te bsgom pa de ni gnas gtsang ma dang po'i skye gnas su skye'o/ /de bzhin du gang zhig chen po bsgom pa de gsum par skye'o/ /der skyes pa dag ches chen po dang ches cher chen po dag bskyed de gnas gzhan gcig gam gnyis sam gsum brgal te gnas gtsang mar 'jug ste/ de ni gzugs kyi khams kyi gnas dang po dang mthar mjug gi bar du mi 'gro ba'i phyir phyed du 'phar ba zhes bya'o/ /lta ba'i gnas yin pa'i phyir zhes bya ba ni de ni 'di snyam du bdag ni sems can 'di rnams kyi sprul pa po yin la/ bdag gi sems can 'di dag sprul lo snyam du sems shing/ dang po bskyed pa de dag kyang 'di snyam du 'di ni bdag gi sprul pa pa'o snyam du sems so/ /'phags pa dag ni rang dbang ba yin pa su la yang rag mi las pa/ de dag ni gtso bo gcig pa'i gnas su mi skye'o/ /gnas thams cad du 'chi 'pho ba zhes bya ba 'byung ste/ de ni dbang po brtul po yin pa'i phyir ro/ /bsam gtan dang po la sogs pa'i ro myangs pas tshangs ris nas bzung ste/ bar med par gnas gzhan thams cad du lan re re skyes shing 'og min gyi bar du zhugs nas mya ngan las 'da' ba' o/ /kha cig na re bsam gtan dang po'i gnas gzhan gnyis su zhes pas 'dis

  750. 375b

    kyang grub pa yin no/ /de lta ma yin na tshangs pa chen po gnas gzhan tha dad du brtags pas 'phags pa rnams der 'jug pa'i phyir phyed du 'phar ba dang gnas thams cad du 'chi 'pho ba dag khyad par med par 'gyur ro zhes zer ro/ /gang dag gnas gtsang ma rnams su skyes nas gnas gzhan bar ma gcig brgal nas 'og min du 'jug pa de nyid phyed du 'phar ba'o/ /zhes sems par byed na/ de 'di ni shes byed ma yin te/ gnas gtsang ma kho na'i gnas gzhan brgal ba gang yin pa phyir du 'phar ba yin no/ /yang 'dir zhes bya ba 'di la rgyu brjod par mi bya'o/ /gang du skyes pa zhes bya ba la/ gang du skye ba'i skye mched du skyes pa der ro/ /de la 'og ma'i skye ba'i skye mched rnams su skye ba'i sgo nas slar phyir mi 'ong ba yin pa'i phyir ro/ /de ltar na 'dir ni phyir mi 'ong ba nyid yongs su rdzogs pa ma yin gyi rnam pa gzhan du ma yin no/ /ci'i phyir zhe na/ gang du shi ba de nyid du slar mi 'ong ba'i phyir ro/ /gnas gtsang ma rnams su mi 'jug pa kho nar zhes bya ba na bsam gtan bzhi pa spel ba ma bsgoms pa'i phyir gnas gtsang ma rnams su mi 'jug pa'o/ /bar skabs su yang zhes bya ba ni/ 'og min nas srid pa'i rtse mor mi 'jug par zhes bya ba'i don to/ /gong du 'pho ba zhes bya ba ni/ mchog tu thogs nas 'og min nas srid pa'i rtse mo'i bar thams cad du rung bar blta bar bya'o/ /'dis ni rig pa dang mi 'gal bar ston par byed do/ /phan chad du 'gro ba med pa'i phyir te zhes bya ba 'dis lung dang 'gal ba spong bar byed do/ dper na zhes bya ba ni 'di nyid kyi dpe'o/ /re zhig de dag ni gzugs su nye bar 'gro ba'i phyir mi 'ong ba lnga zhes bya ba ni/ bar ma dor yongs su mya ngan las 'da' ba nas gong du 'pho ba'i bar do/ /gzugs med par 'gro ba rnams ni bzhi

  751. 376a

    ste/ bar ma dor mya ngan las 'da' bas gtogs pa'o/ /gzugs med pa rnams na bar ma do med pa'i phyir bar ma dor mya ngan las 'da' ba med do/ /de'i phyir skyes nas yongs su mya ngan las 'da' ba la sogs pa'i bye brag gis zhes bya ba smos te/ 'di nas shi 'phos nas zhes bya ba ni 'dod pa'i khams nas so/ /de dag ni phyir mi 'ong ba drug yin no zhes bya ba ni gzugs kyi khams su sngar bshad pa lnga nyid dang drug pa ni gzugs med par nye bar 'gro ba'o/ /dpe gsum gyis zhes bya ba ni zhog ma chung ngu me la sogs pa dper na zhog ma chung ngu'i me mngon par 'grub bzhin du 'chi bar 'gyur ba dang/ dper na lcags kyi thu lum mam/ thang lcags ma kun tu 'bar ba rab tu bsregs pa lcags kyi mtho bas brgyab pa rnams kyi tsha tsha gyen du yar bzhin du 'chi bar 'gyur ba dang/ dper na lcags kyi tsha tsha de nyid gyen du yar nas sa la ma ltung ba kho nar 'chi bar 'gyur ba lta bu'o/ /yang na gsum po thams cad zhes bya ba ni/ bar ma do dang skyes nas yongs su mya ngan 'da' ba rnams dang gong du 'pho ba rnams te/ re re zhing myur ba dang myur ba ma yin pa dang/ yun ring po zhig na yongs su mya ngan las 'da' ba' i phyir/ phyir mi 'ong ba dgur 'gyur ro/ /phyir mi 'ong ba gsum dang zhes bya ba ni gang dag gi bye brag gis phyir mi 'ong ba dgur bshad pa'o/ /dgu po de dag gi zhes bya ba ni ji skad bshad pa bzhin du de dag gi bye brag gis bsdus pa de dag gi'o/ /mngon par 'grub pa myong bar 'gyur ba'i las bsags pa'i phyir bar dor yongs su mya ngan las 'da' ba ste/ gzhan ma yin par bar ma do kho nar yongs su mya ngan las 'da' ba' i phyir ro/ /skyes nas myong

  752. 376b

    par 'gyur ba'i las bsags pa'i phyir skyes nas yongs su mya ngan las 'da' ba ste/ de nyid kho nar skyes nas yongs su mya ngan las 'da' ba' i phyir ro/ /lan grangs gzhan la myong bar gyur ba'i las bsags pa'i phyir gong du 'pho ba ste/ de phan chad skye ba gzhan dang 'brel pa'i phyir ro/ /go rim bzhin zhes bya ba ni/ nyon mongs pa dang dbang po'i bye brag dang sbyar ba'o/ /de nyid kyi phyir de dag so so'i zhes bya ba ni/ phyir mi 'ong ba gsum po de dag so so'i khyad par rnam pa gsum gsum mo/ /de nyid kyi phyir las dang nyon mongs pa dang dbang po'i bye brag la khyad par rnams ci rigs par ro/ /gang gi phyir phyir mi 'ong ba dgur gyur pa las yang 'dir ci rigs par zhes bya ste/ de'i phyir gsum tshan dang po gnyis ni zhes smos so/ /gsum tshan bar dor yongs su mya ngan las 'da' ba dang sum tshan skyes nas yongs su mya ngan las 'da' ba ni nyon mongs pa dang dbang po phan tshun gyi sgo nas khyad par du 'gyur gyi/ las kyi khyad par las ma yin no/ /'di dag las bar dor mya ngan las 'da' ba rnams mngon par 'grub pa myong bar 'gyur ba'i las tha dad pa med pa'i phyir ro/ /de bzhin du skyes nas yongs su mya ngan las 'da' ba dag la yang las dang nyon mongs pa las brjod par bya'o/ /de la nyon mongs pa'i khyad par dang rang bzhin la bltos nas bar dor yongs su mya ngan las 'da' ba gsum po rnams nyon mongs chung ngu dang 'bring dang chen po yin pa'i phyir dbang po'i khyad par yang rnon po dang 'bring dang brtul po yin no/ skyes nas yongs su mya ngan las 'da' ba dag kyang de dang 'dra ba ste/ nyon mongs pa dang dbang po tha dad pa rang gi rigs la bltos bar brjod par bya'o/ /gsum tshan tha ma ni zhes rgyas par 'byung ba la/ gong du 'pho ba gsum las 'pho

  753. 377a

    ba ni rang gi rig la bltos nas nyon mongs chung ngu dang dbang po rnon po'o/ /phyed du 'phar ba ni nyon mongs pa 'bring po dang dbang po 'bring po'o/ /gnas thams cad du 'chi 'pho ba ni nyon mongs pa chen po dang dbang po brtul ba'o/ /lan grangs gzhan la myong bar 'gyur ba'i las kyis kyang khyad par du byed de/ las kyi skye ba gcig dang du ma dang chos mang po myong bar 'gyur ba'i phyir ro/ /las kyis khyad par las kyang de ni khyad par te/ nyon mongs pa dang dbang po'i khyad par las kyang zhes bya ste/ kyang gi sgras las so/ /'dir nyon mongs pa dang dbang po tha dad pas rnam pa dgu yin pa bzhin las tha dad pa dgu mi srid de/ gsum tshun dang po gnyis la las kyi dbye ba med pa'i phyir ro/ /de'i phyir de dag zhes rgyas par 'byung ste/ gal te nyon mongs dang dbang po tha dad ba'i phyir phyir mi 'ong ba rnam pa dgu yin na zhes bya ba'o/ /'o na mdo las skyes bu dam pa'i zhes bya ba rgyas par 'byung ste/ dge slong dag ngas skyes bu dam pa'i 'gro ba bdun dang nye bar len pa med par yongs su mya ngan las 'da' ba yang bstan par bya'o/ /zhes 'byung ba'i mdo de las so/ /bdun gang zhe na/ bar mdor yongs su mya ngan las 'da' ba gsum dang skyes gnas yongs su mya ngan las 'da' ba gsum dang/ /gong du 'pho ba'o/ /de'i phyir gong du 'pho ba ma phye bar zhes rgyas par smos so/ /yang ci'i phyir/ phyir mi 'ong ba gnyis phye ste bstan la gsum pa ni ma phye bar bstan ce na/ snga ma gnyis kyis de tsam gyi dbye ba shes pa'i phyir ro/ /nyon mongs pa dang dbang po tha dad kyang dang po dag ni skye bzhin pa dang gnyis pa dag ni skyes pa nyid do/ /gong du 'pho ba ni skye bzhin pa ste rnam pa du ma skyes pa yang bsam gtan spel ba dang spel ba

  754. 377b

    ma yin pa bsgom pa'i phyir dang bsam gtan spel ba bsgom pa der yang khams cig la reg par byed pa dang gzhan ni khams gnyis la reg par byed do/ /der yang khams cig dang rnam pa gsum du 'phar ba la sogs pa'i dbye bas so/ de la phyed du 'phar ba zhes bya ba ni rnam pa mang ngo/ /gong du 'pho ba'i dbye ba shin tu mang zhing rgyas pa'i phyir ro/ /bar do dang skyes nas yongs su mya ngan las 'da' ba nyid ma gtogs pa'i phyir mi 'ong ba rnam pa drug ni skyes bu dam pa'i 'gro ba rnams su bshad do/ /gang yang de dag gi dbye ba kha cig gzhan du yod pas de yang gsum pa thun mong ba ste/ gong du 'pho ba kho na'i dbye ba rnam par gzhag la/ gzhan dag kyang dam pa dam min 'jug mi 'jug ces bya ba dag tu ste/ 'dis slar mi 'ong bas na 'di dag skyes bu legs pa rnams so zhes bsngags par byed pas skyes bu dam pa'i 'gro ba rnams so/ /zhes bya bar ston par byed de/ 'dod chags dang bral ba'i stobs thun mong ma yin pa'i skyes bu'i rtsal dang ldan pas phyir mi 'ong ba rnams skyes bu dam pa zhes bya'o/ /slob pa'i 'gro ba gzhan dag ni ma yin zhes na zhes bya ba'i rgyun tu zhugs pa dang/ lan cig phyir 'ong ba ni ma yin zhes bya ba'i don to/ /skye ba dang 'gro ba dang tshe phyi ma zhes bya ba ni rnams grangs so/ /ji skad du bshad pa 'di gzhan la ni med par zhes bya ba ni/ rgyun tu zhugs pa dang lan cig phyir 'ong ba la med pa'o/ /gang gi phyir de gnyis ni srog gcod pa la sogs pa mi byed pa'i phyir dang/ mi tshangs par spyod pa la sogs pa byed pa'i phyir las dge ba dang/ mi dge ba la 'jug pa dang/ lha'i 'gro ba nas mi'i 'gro bar 'ong ba de'i phyir 'di dag la rnam grangs med par skyes bu dam pa nyid yod pa ma yin no/ /de nyid kyi phyir

  755. 378a

    gzhan dag la yang zhes bya ba smos te/ rgyun tu zhugs pa dang lan cig phyir 'ong ba dag la'o/ /sdig pa rnam pa lnga zhes bya ba la/ sdig pa rnam pa lnga ni srog gcod pa dang ma byin par len pa dang/ 'dod pa/ log par g.yem pa dang/ brdzun du smra ba dang chang 'thung ba zhes bya'o/ /phal cher zhes bya ba ni mthong bas spang bar bya ba thams cad spangs pa'i phyir dang/ 'dod pa na spyod pa'i bsgom pas spang bar bya ba rnams las kha cig spangs pa'i phyir ro/ /gang dag la rnam grangs med par zhes bya ba ni rgyun tu zhugs pa lan cig phyir 'ong ba bzhin du rnam pa bzhin du ma yin pas te/ 'o na ci zhe na/ sdig pa thams cad gtan mi byed pa'i sdom pa thob pa'i phyir dang/ khams gsum gyi mthong bas spang bar bya ba thams cad dang/ 'dod pa na spyod pa'i bsgom pas spang bar bya ba rnam pa dgu char yang spangs pa'i phyir te/ de dag ni rnam grangs med par skyes bu dam pa yin no/ /mdo 'di phyir mi 'ong ba de dag gi skabs yin gyi/ slob pa gzhan dag gi skabs ma yin no/ /ci'i phyir mi 'ong ba tshe yongs su gyur pa la yang dbye ba 'di yod dam zhe na/ zhes bya ba ni bar ma dor yongs su mya ngan las 'da' ba zhes bya ba de lta bu la sogs pa'o/ /phyir mi 'ong ba tshe yongs su gyur pa zhes bya ba ni gang gi tshe dang po la rgyun tu zhugs pa 'am lan cig phyir 'ong ba'i 'bras bu thob nas/ tshe gnyis pa la phyir mi 'ong ba thob pa ste/ de ni 'dod pa'i khams skyon med pa la/ de yang srid pa'i sdug bsngal gyis gzir bas skyo ba med pa'i phyir/ de nyid du yongs su mya ngan las 'da' ba' o/ /bdag ni tha mar nyams na zhes bya ba ni/ tha ma zhes bya ba ni mir gyur pa'i tha ma ste/ tsha'i mthar ro/ /nyams

  756. 378b

    zhes bya ba ni dgra bcom pa nyid ma thob pa ste/ de'i phyir/ 'dod par tshe yongs su gyur pa'i 'phags/ khams gzhan du ni 'gro ba med/ zhes bya ba'i mdo 'di dang/ mdo de 'gal lo zhe na/ bye brag tu smra ba rnams na re/ 'gal ba med de/ chos mngon pa mngon bar mi shes pa'i phyir ro zhe na/ yang dag par dga' ba yin pa'i phyir zhes bya ba ni de ni 'chi ltas byung bas sdug bsngal gyi skyo bas yang dag par dga' bar bya ba kho na yin gyi/ smad par bya ba ni ma yin no/ /bcom ldan 'das kyis kyang dgos pa med pa'i phyir ma bzlog go /kha cig na re 'di la lan med do/ /zhes zer ro/ /ma yin te de'i lan yod pas ches shin tu dga' ba grub ste/ ngo tsha ba spangs pa'i phyir 'di dga' bar bya ba'i gnas zhes bya'o/ /gzhan dag na re 'di la lan med de/ de kho na nyid mthong ba rnams la mtshan nyid dang 'gal ba'i tha snyad mi rigs pas ma bzlog ste/ brgya byin gyis kyang de'i tshe de kho na nyid mthong bas sems yang dag pa dga' ba nyid do zhes zer ro/ /'di mtshan nyid dang ldan pas ma bzlog pa ma yin gyi yang dag par dga' bar bya ba'i phyir ro/ /gang gzugs dang gzugs med pa'i spyod pa'i las yod pa de 'dod pa'i khams su tshe yongs su gyur pa yin yang khams gzhan du 'pho ba mi 'gal lo/ /mthong ba'i sgo na bye brag tu smra ba gzung ba ni ma rengs par gyur pa'o/ /dbang po rnams tshes? yongs su smin pa'i phyir dang/ rten khyad par can thob pa'i phyir/ /zhes 'byung ba'i phyir te/ de la rab tu yongs smin pa ni rgyu mthun pa'i 'bras bu rgyas pa'i khyad par ro// rten khyad par can ni lam mngon du gyur pa dang mthun pa'i gnas skabs so/ /kha cig dbang po rnon po dag yin yang rten mi mthun pas yon tan dag las nyams par snang ngo/ /de la kha cig na re rten khyad par can thob pa ni yongs su nyams pa med pa'i

  757. 379a

    gtan tshigs so/ /dbang po rnams ches shin tu smin pa ni dbang po 'pho ba med pa'i rgyu'o zhe'o/ /gzhan dag na re/ gcig dang gnyis dang gsum pa'i yang yin no zhes zer ro/ /yang ci'i phyir slob pa 'dod chags dang ma bral ba zhes bya ba ni rgyun tu zhugs pa dang lan cig phyir 'ong ba'o/ /lam ma 'dris pas zhes bya ba ni nyon mongs pa rnam pa dgu'i gnyen po lam goms pa'i phyir srid pa bar ma'i gnas skabs su lam mngon du mi 'gyur ba'o/ /phra rgyas shin tu chung ba ma yin pa'i phyir zhes bya ba la/ de la mi dge ba rnams kyang phra rgyas yin pa'i phyir shin tu chung ba ma yin zhes slob dpon no/ /bye brag tu smra ba rnams ni 'dod pa'i khams las 'da' bar dka' ba'i phyir te/ 'di las 'da' bar dka' bas zhes tshig rnam par sbyar ro/ /ci'i phyir dka' zhe na/ 'bad ba chen pos bsgrub par bya ba yin pa'i phyir ro/ /ji ltar 'bad pa chen pos bsgrub par bya zhe na/ de'i phyir mang po zhig bya dgos la zhes rgyas par 'byung ste/ re zhig sngon dus kyi srid pa nyid kyang 'dod pa'i khams las 'da' bar dka' na/ srid pa bar mas lta smos ci dgos/ dgra bcom pa nyid bar du thob par byed ces bya ba la/ mi dge ba dang lung du ma bstan pa spangs pa dang zhes bya ba ni mi dge ba 'dod pa na spyod pa rnams dang/ lung du ma bstan pa gzugs dang gzugs med pa na spyod pa rnams spangs pa'o/ /dge sbyong gi tshul gyi 'bras bu gnyis sam gsum thob pa ni lan cig phyir 'ong bas ni phyir mi 'ong ba dang dgra bcom pa nyid kyi 'bras bu ste/ dge sbyong gi tshul gyi 'bras bu gnyis thob par bya dgos la/ rgyun tu zhugs pa ni dge sbyong gi 'bras bu gsum thob par bya dgos

  758. 379b

    to/ lan cig phyir 'ong ba dang/ phyir mi 'ong ba dang/ dgra bcom pa nyid kyi 'bras bu'o/ /khams gsum las yang dag par 'da' ba zhes bya ba ni/ khams gsum las 'dod chags bral ba'o/ /de yang srid pa bar ma la gnas pas mi nus so zhes bya ba ni srid pa bar ma'i gnas skabs na zhan pa'i phyir dang/ yun ring du mi gnas pa'i phyir ro/ /dang por bzhi pa spel bar byed/ ces bya ba ni zag pa med spel bar byed ces pa'i tha tshig go /ting nge 'dzin de ni thams cad pas las su rung ba zhes bya ba ni shin tu sbyangs pa'i bde ba thams cad kyi mchog yin pa'i phyir ro/ /'di ltar mngon du gyur pa las rten gyis sangs rgyas pa'i khyad par thob pa'i phyir spro ba 'phel pa'o/ /de spel pa la goms par byed pa ni/ ji ltar sngar yongs su 'grib pa yang goms pa'i shugs la spel bar nus pa'o/ /lam sla ba rnams kyi nad na mchog yin pa'i phyir ro/ /zhes bya ba la/ lam sla ba ni bsam gtan bzhi ste/ lam sla ba de dag gi nad na bsam gtan bzhi ba mchog yin no/ /de'i sa pa'i shin tu sbyangs pa'i bde ba mchog yin pa'i phyir ro/ /rgyun dang ldan pa zhes bya ba ni skad cig ma mang po'o/ /bsam gtan gsum pa la 'dod chags dang bral ba bsam gtan spel bas byed pa ma yin nam/ de ji ltar bsam gtan spal bsgom pas mthong bas thob pa gong du 'pho bar 'gyur zhe na/ de ni yongs su nyams pa srid pa ma yin pas 'di la skyon med do/ /gang zhig dad pas mos pa spel ba bsgom pa las yongs su nyams pa des 'jigs pa nyid kyis mthong bas thob pa so sor rtogs te gzugs kyi khams su skyes te bsam gtan spel bar nus so/ /de ltar byas te Sha Dapte/ gong du 'pho ba pam+ba? dyam te/ spel

  759. 380a

    pa 'di yang phung po lnga'i rang bzhin kun rdzob shes pa ste spel bar byed pa brgyad dang mngon par shes pa bzhi dang rjes su shes pa rnams so/ /gzhan dag na re sdug bsngal dang kun 'byung shes pa dag kho na kun rdzob shes pa ste/ de dag de'i yul can yin pa'i phyir ro/ /zhes zer ro/ /de lta na ches mang ba'i zag pa med pa'i shes pa mngon du gyur pa'i phyir de dag spel ba la dbang pa nyid du mi 'gyur ro/ /gzhan dag na re bsam gtan spel te bsgom par mi 'gyur ro zhes zer ro/ /gnas gtsang mar skyo ba'i phyir du zhes bya ba ni/ thun mong pa der skye ba'o/ /mi skyo ba ni thun mong ba ma yin pa mngon par 'dod pa'o mthong pa'i chos la bde bar gnas par bya ba'i phyir zhes bya ba ni 'jig rten pa ni chos? shin tu lus la rten pa yin pas mthong ba'i chos la bde bar gnas par bya ba'i phyir ro/ /de ni zag pa med pa dag gi 'khor du 'gyur te ro myang ba dang mtshungs par ldan pa'i ting nge 'dzin thag ba srid pa'i phyir ro/ /de ltar na nyon mongs pa can la mtshungs pa de ma thag pa'i rkyen/ sbyin pa bsal bar 'gyur ro/ /dgra bcom pa dbang po rnon po ni skye ba dang yongs su nyams pa mi srid pa'i phyir/ mthong ba'i chos la bde bar gnas par bya ba kho na'i phyir ro/ /dbang po brtul po ni skye ba kho na mi srid pas mthong ba'i chos la bde bar gnas par bya ba dang/ yongs su mi nyams par bya ba'i phyir ro/ /de la zag pa dang bcas pa gang yin pa zhes bya ba la/ zag pa med pa ni srid pa'i gnyen po yin pa'i phyir ro/ /de ltar rgyu rnam pa lnga yin pa'i phyir 'bras bu yang rnam pa lnga yin pas gnas gtsang ma'i skye ba lnga kho na yin no/ /sems can ni sems bco lnga po rnams te ma thob pa rnams nyid thob pa'o//

  760. 380b

    gzhan dag na re ma thob pa zag pa med pa dang dbang po lnga dang lhag ma bcu thob po zhes zer ro/ /lnga rnams ni mngon sum du gyur pa'i phyir ma 'ongs pa bcu bsgom pas thob pa yin no/ /kha cig ni ldang bas spel ba dang kha cig ldang ba'i phyir rnam pa gzhan rnams so/ /dad pa la sogs pa'i dbang po lhag pas lnga ste/ kha cig tu dad pa'i dbang po lhag pas spel ba nas kha cig tu shes rab kyi dbang po lhag pa'i bar ro/ /de'i dbang gis gtsang ma'i skye ba rnams lnga'o zhes slob dpon dpal len sems par byed de/ gnas gtsang ma dang po dang pa'i dbang po lhag pa yin pas nas lnga pa shes rab kyi bar ro/ /de'i phyir dad pa la sogs pa lnga yang chung ngu dang 'bring dang chen po dang shin tu chen po dang shin tu ches chen po'i rim pas rnam pa lngar dbye'o/ /de'i phyir lnga kho na de 'bras bu yin pa'i phyir gnas gtsang ma rnams su 'gyur ro/ /gtsang ma zhes bya ba ni phyir mi 'ong ba rnams kyis gnas yin pa'i phyir ro/ /yang ci las gang gis gnas gtsang ma rnams su skye bar 'gyur pa yang gnyi ga spel ba dag gis so zhes bya ba nges pa ste/ gzhan gyi ngo bos der skye ba mi 'thad pa'i phyir ro/ /der skye ba gang yin pa yang zag pa dang bcas pa'i dbang gis te/ zag pa med pa ni srid pa la rgyab kyis phyogs pa'i phyir ro/ /phyir ming 'ong ba gang la la zhes bya ba ni dad pas mos pa 'am mthong bas thob pa'o/ /mya ngan las 'das pa dang 'dra pa'i zhes bya ba ni ji ltar mya ngan las 'das pa chos thams cad 'jug pa nye bar zhi ba'i bdag nyid yin pa'i phyir zhi ba yin pa de bzhin du 'gog pa'i snyoms par 'jug pa yang sems dang sems la byung ba'i 'jug pa dang 'gal ba'i phyir zhi ba yin pas mya ngan las 'das pa dang 'dra ba yin no/ /lus la brten te skye ba'i

  761. 381a

    phyir ro/ /zhes bya ba la chos de ni sems med pas lus la brtan te skye ba'i phyir/ lhan cig skyes pa thob pa'i dbang gis 'gogs su zin kyang de thob pa'i dbang gis 'gogs pa thob pa zhes bya'o/ /thob pa dang shes pas mngon sum du byas pa dag gis mngon sum byas pa yin te/ rnam par shes pa dang bcas pa'i lus zhi ba sngon ma thob pa thob par 'gyur te/ de na thob pas mngon sum du byas pa yin no/ /kye ma 'gog pa'i snyoms par 'jug pa ni zhes bya ba la sogs pas ni shes pas mngon du byas pa yin no/ /mdo las slob pa bco brgyad gsungs pa der zhes bya ba ni/ gleng gzhi mnyam du yod pa na ste/ de nas bcom ldan 'das la khyim bdag mgon med zas sbyin gyis zhus pa/ /btsun pa 'jig rten na yon gnas du zhig mchis lags/ bcom ldan 'das kyis bka' stsal pa/ khyim bdag yon gnas ni gnyis te/ slob pa dang/ mi slob pa'o/ /khyim bdag de la slob pa ni bco brgyad do/ /mi slob pa ni dgu'o/ /slob pa bco brgyad gang zhe na rgyun tu zhugs pa'i 'bras bu mngon du bya ba'i phyir zhugs pa nas/ /de bzhin du dgra bcom pa nyid kyi 'bras bu mngon du bya ba'i phyir zhugs pa'i bar dang/ dad pa'i rjes su 'brang ba dang/ chos kyis rjes su 'brang ba dang/ dad pas mos pa dang mthong bas thob pa dang/ rigs nas rigs su skye ba dang/ bar chad cig pa dang/ bar ma dor yongs su mya ngan 'da' ba nas/ gong du 'pho ba'i bar te/ de dag ni slob pa bco brgyad yin no/ /mi slob pa dgu gang zhe na/ yongs su nyams pa'i chos can/ 'chi bar sems pa'i chos can dang/ /rjes su bsrung ba'i chos can dang/ /gnas pa las mi g.yo ba dang/ rtogs pa'i bskal pa can

  762. 381b

    dang/ mi g.yo ba'i chos can dang/ yongs su mi nyams pa'i chos can dang/ shes rab kyi rnam par grol ba dang/ gnyi ga'i cha las rnam par grol ba te/ de dag ni mi slob pa dgu yin no zhes 'byung ba yin no/ /zag pa med pa'i slob pa gsum zhes bya ba rgyas par 'byung ba ni lhag pa'i tshul khrims dang/ lhag pa'i sems dang lhag pa'i shes rab dang/ 'phags pa'i lam gyis bsdus pa de dag gi bral ba'i 'bras bu'o/ /de'i 'bras bu'i khyad par gyis slob pa bco brgyad po rnams phan tshun mi 'dra ba yin no/ /de'i 'bras bu dang zhes bya ba ni de'i dbye bas slob pa bco brgyad rnam par bzhag go /bslab pa yang ma yin la bslab pa'i 'bras bu yang ma yin zhes bya ba ni spong ba'i lam ma yin pa'i phyir bslab pa ma yin la/ bral ba'i bdag nyid ma yin pa'i phyir bslab pa'i 'bras bu yang ma yin no/ /gzhan dag na re/ bcom ldan 'das kyis spangs pa dang dbang po'i khyad par gyis bslab pa'i zhing rnams la 'bras bu'i khyad par rab tu skye ba nyid gzigs te zag pa dang bcas pa nyid las 'gog pa'i snyoms par 'jug pa ni nyon mongs pa dang bcas pa'i phyir ro/ /slob pa'i rgyud kyis 'gog pa'i snyoms par 'jug pa ni rang bzhin med par rnam par grol ba dang rgyud rnam par dag pas rnam par grol ba ste/ de dang ldan pa'i phyir yon gyi gnas nyid do/ /mi slob pa rnams ni zag pa dang bcas pa'i yon tan gyis rgyud rnam par grol ba dang rnam par dag pa'i phyir 'bras bu'i khyad par skye ba dang 'byin pa nyid de snyoms par 'jug pa dang dbang po'i khyad par gyi dgra bcom pa dgur nye bar bstan to/ /dbye ba phyi long yin zhes bya ba la/ ji ltar zhe na/ gzugs su nye bar 'gro ba lnga dang/

  763. 382a

    gzhan gzugs med par nye bar 'gro ba rnam pa bzhi dang/ gzhan mthong ba'i chos la mya ngan las 'da' ba zhes bya ba de lta bu la sogs pa'o/ /zhib tu dbye ba ni zhes bya ba rgyas par 'byung ba ni brtsi ba'i thabs rab tu bstan pa'i phyir dbang po dang/ sa dang rig la sogs pa'i khyad par bye brag tu ston par mdzad do/ /dang por bar ma dor yongs su mya ngan las 'da' ba bgrang te de'i bye brag bgrang na ji ltar bar ma dor yongs su mya ngan las 'da' ba dbang po la sogs pa'i bye brag gyi tha dad ba ltar/ gong du 'pho ba'i bar du yang de dang 'dra ba'i phyir zhes bsgre bar bya ba'i phyir ro/ /sa'i bye brag gi bzhi'o zhes bya ba ni bsam gtan bzhi'i bye brag gis so/ /yongs su nyams pa'i chos can la sogs pa'i rigs kyi bye brag gis drug go /zhes bya ba ni yongs su nyams pa'i chos can dang/ 'chi bar sems pa'i chos can dang/ rjes su bsrung ba'i chos can dang/ /gnas pa las mi g.yo ba dang/ rtog pa'i skal ba can dang/ /mi g.yo ba'i chos can zhes bya ba yin no/ /gnas gzhan gyi bye brag gis bcu drug go zhes bya ba ni tshangs ris la sogs pa gnas gzhan bcu drug go / sa dang 'dod chags dang bral ba'i bye brag gis sum cu rtsa drug go zhes bya ba la/ ji ltar zhe na/ re zhig 'dod pa'i khams las 'dod chags dang bral ba gzugs kyi khams kyi 'ching ba mdza' dag dang ldan pa zhig dang/ bsam gtan dang po'i rnam pa gcig las 'dod chags dang bral ba nas rnam pa brgyad las 'dod chags dang bral ba'i bar gzhan brgyad de/ de dag sngar gyi bsam gtan dang po dang bcas pas dgur 'gyur ro/ /de bzhin du

  764. 382b

    bsam gtan dang po las 'dod chags dang bral ba gnyis pa'i 'ching ba mdza' dag dang ldan pa nas rnam pa brgyad pa las 'dod chags dang bral ba zhes bya ba'i bar te gnyis pa dang yang dgur 'gyur ro/ /de bzhin du gsum pa dang bzhi pa dag la yang dgur 'gyur ro/ /zhes rig par bya'o/ /de ltar 'di dag sa las ni dgu tshan bzhi ste/ sum cu rtsa drug tu 'gyur ro/ /bsam gtan bzhi pa'i rnam pa las 'dod chags dang bral ba ni ma smos te/ de ni? gzugs med pa'i 'ching ba mdza' dag dang ldan pa yin pas gzugs med par nye bar 'gro ba yin na/ 'dir ni gzugs su nye bar 'gro ba'i skabs su bab pa yin te/ srid pa bar ma dang sbyar ba'i phyir ma smos so/ /gnas gcig na rigs drug go /zhes bya ba ni tshangs ris kyi gnas na'o/ /rigs drug ni yongs su nyams pa'i rigs la sogs pa'i rigs pa gang zag dgu'o/ /ji ltar zhe na/ de'i phyir 'ching ba mdza' dag dang ldan pa nas rnam pa brgyad la 'dod chags dang bral ba'i bar ro/ /rang gi bsam gtan las zhes bya ba ni bsam gtan dang po las so/ /'di'i rang gi bsam gtan dang po tshad ris so/ /ci'i phyir rang gi bsam gtan las zhes smos she na/ /yang gnas ma yin pa'i phyir ro/ /gang gi phyir bsam gtan so sor kun tu sbyor ba re gnas shing/ kun tu sbyor ba gcig nyid la yang chung ngu dang 'bring dang chen po'i dbye bas snyoms par 'jug pa'i gnas tha dad do/ /dgu tshan drug ces bya ba la/ rigs de rnams gcig tu bsdoms na lnga bcu rtsa bzhir 'gyur la/ lnga bcu rtsa bzhi phrag bcu drug na zhes bya ba ni gzugs kyi khams kyi gnas bcu drug bsdom pa'o/ /tshangs pa chen po ni tshangs pa mdun na 'don gyi phyogs gcig yin pas lnga bcu

  765. 383a

    rtsa bzhi pa bcu drug po de dag bsdoms na brgyad brgya dang drug cu rtsa bzhir 'gyur ro/ /mnyam par brtsis pa'i phyir zhes bya ba 'byung ste/ ci nas kyang bsam gtan bzhi na/ dgu dgur 'gyur bar bya ba'i phyir ro/ /de ma yin na mi 'dra bar brtsis par 'gyur ro/ /gal te nyon mongs pa rnam pa dgu spangs pa'i bye brag gi dgur brtsis na ni/ de lta na mi 'dra bar brtsis par 'gyur te/ bsam gtan bzhi pa na rnam pa dgu med pa'i phyir ro/ /de'i rnam pa dgu pa la 'dod chags dang bral ba de ni gzugs med par nye bar 'gro ba yin no/ /gong du 'pho ba'i bar du yang de dang 'dra bas zhes bya ba la/ gnas gzhan dang/ rigs dang/ 'dod chags dang bral ba dang/ dbang po'i bye brag gis snga ma bzhin du sbyar bar bya'o/ /'dir gong du 'pho ba gzugs su nye bar 'gro ba gzung gi /gzugs med par nye bar 'gro ba ni ma yin no/ /de nyid kyi phyir bsam gtan bzhi pa na/ rnam pa dgu pa las 'dod chags dang bral ba bgrangs te/ de'i phyir 'dir phyir mi 'ong ba gzugs su nye bar 'gro ba lnga'i dbye ba byas par 'gyur te/ 'di lta ste/ bar ma yongs su mya ngan las 'da' ba dang/ skye nas yongs su mya ngan las 'da' ba dang/ mngon par 'du byed pa dang bcas pas yongs su mya ngan las 'da' ba dang/ mngon par 'du byed pa med par yongs su mya ngan las 'da' ba dang/ gong du 'pho ba'o/ /de ltar na phyir mi 'ong ba khri nyis stong dgu brgya dang drug cur 'gyur te/ bar ma dor yongs su mya ngan las 'da' ba nyis stong lnga brgya dgu cu rtsa gnyis lnga 'gyur du byas nas zhes bya bar dgongs so/ /rnam pa lngar byed pa yang gzugs su nye bar 'gro ba'i phyir mi 'ong

  766. 383b

    ba rnam pa lnga yin pa'i phyir ro/ /ji skad bshad pa'i tshul 'dis phyir mi 'ong ba gzugs med par nye bar 'gro ba bar ma dor yongs su mya ngan las 'da' ba ma gtogs pa rnams kyi dbye ba khong du chud par bya ste/ gzugs med pa'i khams ni skye ba las rnam pa bzhi zhig tu zad do/ /gong du 'pho ba la yang 'phar ba dang phyed du 'phar ba dag la ni sa dang gnas kyi dbye bas dbye ba nyung la/ de lta na yang gnas thams cad du 'chi 'pho ba ni dbye ba mang po'i phyir bar ma dor yongs su mya ngan las 'da' ba la sogs pa bzhin du dbye ba bsgrub par bya'o/ /'di rdo rje dang 'dra bas rdo rje lta bu ste phra rgyas thams cad 'joms pa'i phyir zhes bya'o/ /'di'i rdo rje dang chos mthun pa ni 'di yin no zhes ston par byed do/ /gal te phra rgyas thams cad 'joms na srid pa'i rtse mo'i nyon mongs pa rnam pa dgu pa bzhin thams cad ci'i phyir mi 'joms she na/ de'i phyir sngar bcoms zin pa'i phyir 'dis thams cad 'joms pa na ma yin gyi zhes smos te/ sngar srid pa'i rtse mo'i nyon mongs pa rnam brgyad kyi bar spangs zin pa'i phyir ro/ /gal te de spangs zin pa'i phyir mi 'joms na ji ltar phra rgyas thams cad 'joms pa zhes bya zhe na/ de'i phyir thams cad 'joms par nus pa yin no zhes smos te/ gal te des spang zin pa de dag kyang bcom pa'i phyir de gzhom par bya ba ma yin pa'i phra rgyas kyi rnam pa 'ga' yang yod pa ma yin no/ /mnyam par 'jog pa med pa la ni 'joms par byed pa med do/ /de nyid la rgyu smos pa/ bar chad med pa'i lam thams cad kyi nang na shin tu che ba yin pa'i phyir zhes bya ba ni/ nyon mongs pa'i rnam pa phra mo thams cad 'joms pa'i phyir de bar chad med pa'i lam thams cad kyi

  767. 384a

    nad nas chen po nyid du rjes su dpag ste/ des phra rgyas thams cad 'joms nus bar rtogs par bya'o/ /de lta mod kyi mthong ba'i lam yang srid pa'i rtse mo'i sa yang nyon mongs pa'i gnyen po ste de ni rnam pa dgu las rnam pa du ma zhig 'joms par byed de/ gang gi phyir de ni nyon mongs pa nyam chung ngu'i gnyen po yin pa'i phyir nyon mongs pa thams cad kyi gnyen po nyid du rtogs par mi bya'o/ /'dis de spong ba'i bgegs nus pas de rdo rje lta bu ma yin no/ /dngos po de ni phra rgyas kyi rnam pa chung ngu'i spong ba'i gnyen po ste/ de phra rgyas spong nus par rigs so/ /de nyid kyang rdo rje lta bu ste shes pa drug las gang yang rung ba yin te/ rjes su shes pa bzhi rnams dang 'gog pa dang lam la chos shes pa dag go /de ltar byas na 'di rnam pa bcu drug ste/ bden pa bzhi la dmigs pa'o/ /rdo rje lta bu rnams kyi bye brag ni rnam pa mang po zhig tu brjod zhes bya ba ni/ sa dgu pa yang grub pa yin no/ /mi lcogs pa med pas bsdus pa zhes bya ba ni gang gi tshe mi lcogs pa med pa la brtan nas srid pa'i rtse mo la 'dod chags dang bral bar byed pa de'i tshe na rdo rje lta bu mi lcogs pa med pas bsdus pa yin no/ /srid pa'i rtse mo'i sdug bsngal dang kun 'byung la dmigs pa zhes bya ba rgyas par 'byung ba ni mi lcogs pa med pa la brten nas srid pa'i rtse mo'i sdug bsngal dang kun 'byung la mi rtag pa la sogs pa 'am rgyu la sogs pa'i rnam pa dag tu rtogs pa na sdug bsngal dang kun 'byung la rjes su shes pa'i rnam pa dag dang mtshungs par ldan pa brgyad do/ /sdug bsngal dang kun 'byung shes pa chos shes pa yang zhes bya ba de'i phyir

  768. 384b

    rjes su shis pa smos so/ /'gog pa dang lam shes pa yang ngo zhes bya ba de'i phyir sdug bsngal dang kun 'byung smos so/ /rdo rje lta bu'i ting nge 'dzin gyi rnam pa ni shes rab ste rnam pa dang mtshungs par ldan pa'i bye brag las brgyad du 'gyur te/ sdug bsngal gyi rnam pa bzhi dang kun 'byung gi rnam pa bzhi dang mtshungs par ldan pa'i phyir ro/ /'gog pa dang lam la chos shes pa'i zhes bya ba la/ 'dir yang khyad par dang khyad par can gyi ngo bo snga ma bzhin du 'dod pa na spyod pa'i 'du byed pa rnams 'gog pa'i gnyen po yid la byed pa'i sgo nas rnam pa brgyad dang mtshungs par ldan pa'i bye brag las kyang brgyad du 'gyur ro/ /'gog pa dang lam la chos shes pa dag bsgom pa'i lam la khams gsum gyi gnyen po yin pa'i phyir 'gog pa la rjes su shes pa'i rnam pa dag dang zhes bya ba rgyas par 'byung ste/ bsam gtan dang po nas bzung ste srid pa'i rtse mo'i bar sa brgyad po re re la 'gog pa yid la byed pa'i sgo nas rdo rje lta bu rnams brgyad dang bzhir? 'gyur ro/ /lam la rjes su shes pa'i rnam pa dang mtshungs par ldan pa zhes bya ba la/ gal te lam la rjes su shes pa gzugs dang gzugs med pa na spyod pa'i 'du byed rnams kyi gnyen po yid la byed na bzhi nyid do/ /rjes su shes pa'i phyogs dang mthun pa'i lam mdza' dag la dmigs pa na/ 'gog pa dang lam la yongs su gcod pa'i sgo nas dmigs so/ /de dag ni shes pa'i rnam pa dang dmigs pa'i bye brag gis tha dad pa'i phyir zhes bya ba la/ shes pa'i rnam pas tha dad pa ni re zhig sdug bsngal dang kun 'byung shes pa'i rnam pa dag gis so zhes gsungs pa'i phyir ro/ /dmigs pa'i bye brag gis tha dad pa yang srid pa'i rtse mo pa'i sdug bsngal dang

  769. 385a

    kun 'byung gi bsam gtan la dmigs pas so zhes 'byung ba'i phyir ro/ /de ltar bsam gtan bzhi pas sdus pa'i bar zhes bya ba ni/ bsam gtan dang po dang khyad par can dang gnyis pa dang gsum pa bsdus ste/ so sor rdo rje lta bu lnga bcu rtsa gnyis su rig par bya'o/ /bsam gtan dag ni kun tu lta ba yin te gong ma dang 'og ma dmigs pa yin no/ /chos shes pa med pa'i phyir zhes bya ba ni/ nam mkha' mdza' yas skye mched la sogs pas bsdus pa'i rdo rje lta bu rnams la chos shes pa med pa'i phyir/ gzugs med pa rnams kyi 'dod pa'i khams kyi 'gog pa 'am gnyen po la dmigs pa med do/ /rjes su shes bas sa 'og ma'i 'gog pa la dmigs pa med pa'i phyir ro zhes bya ba ni/ gzugs med pa'i rnams kyi sa 'og ma'i 'gog pa la dmigs pa med pa'o/ /yang ci'i phyir rang gi sa dang sa gong ma pa kho na'i 'gog pa la dmigs kyis 'og ma pa'i 'gog pa la ma yin zhe na/ sa 'og ma pa'i sdug bsngal mi dmigs pas de 'gog pa la dmigs par mi nus so/ /sdug bsngal yang thams cad zag pa dang bcas pa yin la/ gzugs med dngos gzhi dge rnams kyi/ /spyod yul zag bcas 'og ma min/ zhes bya ba 'di yang nges pas so/ /de la nam mkha' mdza' yas skye mched la 'gog pa dang lam la chos shes pa'i rnam pa dang mtshungs par ldan pa brgyad dang 'gog pa la rjes su shes pa'i rnam pa dang mtshungs par ldan pa bzhi dang bsam gtan gyi 'gog pa la dmigs pa bcu drug der nas lhag ma nyi shu rtsa brgyad du 'gyur ro/ /de bzhin du rnam shes mdza' yas skye mched la ni/ nam mkha' mdza' yas

  770. 385b

    skye mched kyi 'gog pa la dmigs pa bla lhag tu dor nas nyi shu rtsa bzhi yin no/ /de bzhin du ci yang med pa'i skye mched la ni rnam shes mdza' yas skye mched kyi 'gog pa la dmigs pa dor nas nyi shu yin no/ /yang ci'i phyir sa gzhan gyi 'gog pa kho na la dmigs kyi/ /srid pa'i rtse mo'i sdug bsngal dang kun 'byung ba ltar sa gzhan pa'i sdug bsngal dang kun 'byung la ma yin zhe na/ sa 'og ma las 'dod chags dang bral ba'i phyir te/ de srid pa'i rtse mo'i rnam pa dgu ni lus so/ de ni phan tshun rgyu yin pa'i phyir ro zhes bya ba la/ 'dis ni bsam gtan gyis bsdus pa'i rjes su shes pa thams cad sa 'og ma'i gnyen po la dmigs par bstan te/ gang zhig nam mkha' mdza' yas skye mched la sogs pas bsdus pa de ni rang gi sa dang gong ma'i gnyen po la dmigs pa nyid do/ /gang dag lam la rjes su shes pa yang 'gog pa la rjes su shes pa ltar sa re re'i gnyen po la dmigs par 'dod pa de dag bsam gtan dang gzugs med pa'i gnyen po brgyad la dmigs pa rnams las srid pa'i rtse mo'i gnyen po la dmigs pa bzhi tshan gcig por nas nyi shu rtsa brgyad du 'gyur ro/ /gzhan dag na re rjes su shes pa'i phyogs dang mthun pa mdza' dag la dmigs pa bzhi tshan cig por nas zhes zer ro/ /ji ltar zhe na/ mi lcogs pa med pas bsdus pa bsam gtan dang po'i gnyen po la dmigs pa lam la rjes su shes pa'i rnam pa dag dang mtshungs par ldan pa bzhi nas ci yang med pa'i skye mched kyi gnyen po la dmigs pa lam la rjes su shes pa'i rnam pa dag dang mtshungs par ldan pa'i bar du bzhi ste/ lnga bcu rtsa gnyis la nyi shu rtsa brgyad po de dag ba sman pas de ltar na brgyad cur

  771. 386a

    'gyur ro/ /bsam gtan bzhi pas bsdus pa'i bar du yang de dang 'dra'o/ /zhes bya ba na bsam gtan khyad par can dang/ bsam gtan dang po dang/ gnyis pa dang/ gsum pa dang/ bsam gtan bzhi pas bsdus pa dag kyang re re zhing brgyad cu yin no/ /go rim bzhin du bzhin du bzhi bcu dang zhes bya ba rgyas par 'byung ste/ gzugs med pa bzhi'i gnyen po la dmigs pa dag las snga ma bzhin du 'dod pa'i dbye bas bzhi tshan gcig bor te/ nyi shu rtsa brgyad la bcu gnyis kyis bsnan na bzhi bcur 'gyur ro/ /de bzhin du sngar bshad pa dag la brgyad dang bzhis bsnan na sum cu rtsa gnyis nyi shu rtsa bzhi dang 'gyur ro/ /yang ci'i phyir gzugs med pa dag rang dang gong ma'i sa pa'i gnyen po kho na la dmigs par bshad kyi/ sa 'og ma'i gnyen po la dmigs pa ma yin zhe na/ sa 'og ma'i gnyen po'i sgo nas de'i mi mthun pa'i phyogs la dmigs pa'i phyir dang de yang zag pa dang bcas pa yin pa'i phyir/ gzugs med pa sa 'og ma'i gnyen po la dmigs pa yod pa ma yin no/ /'o na sa 'og ma'i gnyen po la dmigs pa yod de zhes bshad pa ji ltar zhe na/ der ni khyad par du ma byas par rjes su shes pa'i phyogs dang mthun pa'i lam sa dgu pa ni sa 'og ma'i gnyen po la dmigs pa yin no zhes bshad kyi/ nam mkha' mdza' yas skye mched la sogs pas bsdus pa sa 'og ma'i gnyen po la dmigs so zhes khyad par du byas nas ni ma bstan no/ /yang rig dang dbang po'i bye brag gis ni chos yang ba yin no/ /zhes bya ba la/ ji ltar zhe na/ re zhig mi rtag/

  772. 386b

    pa'i rnam pa dang mtshungs par ldan pa'i rdo rje lta bu gang yin pa de ni rigs kyi bye brag gis khyad par rnams drug yin la dbang po brtul po dang 'bring dang chen po'i bye brag gis rnam pa gsum yin te/ gzhan dag la yang de dang 'dra bar rigs dang dbang po'i bye brag gis khyad par sbyar bar bya'o/ /'on kyang sngar spangs pa rnams kyi thob pa dag yang skye'o/ /da ni bral pa rnams kyi thob pa zhes bya ba la/ 'bras la sngon lam btang ba dang/ gzhan thob pa dang zad bsdoms dang/ /zhes 'byung ba'i phyir ro/ /'bras bu gzhan gyi phyir bslab par bya ba med pa'i phyir zhes bya ba la/ gal te mi slob pa la yang dbang po 'pho ba'i sgo nas 'bras bu thob par bya ba yod de/ spel bas khyad par can zhes 'byung ba'i phyir ro zhe na/ de ni yod pa ma yin no/ /de ni lan cig phyir 'ong ba dang mi 'ong ba de bzhin de'i 'bras bu gzhan ma yin no/ /gang du sngar gyi 'bras bu'i rgyu mtshan can gyi ming ngor nas 'bras bu phyi ma'i rgyu mtshan can gyi ming btags pa de ni de'i 'bras bu gzhan yin no/ /zhes bya bar shes na dgra bcom pa de ltar de la dbang po 'phos kyang sar ming mi 'dor la/ de'i dbang po 'phos kyang snga ma ltar dgra bcom pa nyid yin pas/ 'bras bu gzhan med do/ /de nyid kyi phyir zhes bya ba ni/ gang gi phyir de ni rang gi don yongs su rdzogs pa yin pa'i phyir te/ rang gi don yongs su rdzogs pa ni shin tu chos gzhan gyi don byed par 'os pa yin no/ de yang ji skad du/ de re shig bdag nyid dul ba dang rnam par dul bar ma gyur pas gzhan dul bar 'gyur pa ni gnas ma yin no zhes gsungs so/ /zhugs pa dang 'bras bu la gnas?

  773. 387a

    pa ming/ gzhan tha dad kyi don tha dad par 'gyur ro gang gi zad par shes pa skye ba ni 'di slob ba dang dgra bcom pa zhes bya ba/ gang zad pa shes pa ma skyes par gyur pa'i gang zag de ni slob pa zhes bya ste/ de nyid kyi phyir gang zag sngar bshad pa bdun ni slob pa dag yin no/ /zhes bya bar grub po/ zhes bya ba smos te/ de dag ni zhugs pa bzhi dang 'bras bu la gnas pa gsum mo/ /tshul khrims kyi dbang du byas pa'i bslab pa ni lhag pa'i tshul khrims so/ /lhag pa'i sems dang lhag pa'i shes rab kyi bar yang de dang 'dra'o/ /so so'i skye bo yang slob pa yin par 'gyur te/ de dag tshul khrims dang ting nge 'dzin dang/ shes rab la slob pa yin no zhe na ma yin te/ bden pa yang dag pa ji lta ba bzhin du ma shes pa'i phyir te/ so so skye bo zhes skabs dang sbyar ro/ /'di ltar lhag pa'i tshul khrims dang lhag pa'i sems kyis bslab pa bshad nas/ lhag pa'i shes rab kyis brlab pa gang yin zhe na/ 'di ni sdug bsngal 'phags pa'i bden pa yin no zhes bya bar yang dag pa ji lta ba bzhin rab tu shes shing zhes bya ba nas/ 'di ni sdug bsngal 'gog par 'gro ba'i lam 'phags pa'i bden pa yin no zhes bya bar yang dag par ji lta ba bzhin shes pa yin no/ /zhes bya ba'i bar du gsungs te/ so so'i skye bo la ni yongs su shes pa zag pa med pa ji lta ba bzhin shes pa yod pa ma yin la/ der med pas de la zag pa med pa'i tshul khrims dang/ ting nge 'dzin yang med do/ /de'i phyir bslab pa rnams drag? pa

  774. 387b

    med pa yin pa'i phyir te/ de slob pa dag la slob pa ma yin no/ /yang bslab pa gtong ba'i phyir ro/ /zhes bya ba la/ re zhig lhag pa'i tshul khrims la bslab pa gtong ste/ so sor thar pa'i sdom pa gtong ba'i phyir ro/ / lhag pa'i sems kyi bslab pa la yang slob pa gtong te/ dro bar gyur pa'i ting nge 'dzin la sogs pa las yongs su nyams pa las so/ /lhag pa'i shes rab kyi bslab ba la yang slob pa gtong ste/ dro bar gyur pas bsdus pa'i shes rab kyi bar las yongs su nyams pa las so/ /dgra bcom pa dang slob pa yang yongs su nyams par 'gyur ba ma yin zhe na/ yongs su nyams mod kyi/ yongs su nyams pas 'chi ba 'am/ des bya ba ma yin pa byed pa ni ma yin no/ /slob pa yongs su nyams pa la yang bslab pa gsum po lhag pa'i tshul khrims dang lhag pa'i sems dang lhag pa'i shes rab yod do/ /de la 'bras bu dang po las nyams pa med pa'i phyir ro/ so so'i skye bo ni dge ba'i rtsa ba yongs su chad pa la bslab pa gsum rnam pa thams cad du yod pa ma yin no/ /'phags pa rang bzhin du gnas pa zhes bya ba ni lung du ma bstan pa'i spyod pa la gnas pa zhes bya ba'i don to// sems can rnams kyi rang bzhin ni mnyam par ma bzhag pa'i gnas skabs la brjod do/ /bsam pa ni bsam pa'o/ /lam du 'gro ba bzhin no zhes bya ba ni ji ltar 'gro ba'i bsam pa ma gtang ba'i phyir lam du zhugs pa la zas la sogs pa za zhing/ mi 'gro yang lam du 'gro ba zhes brjod pa de 'dra'o/ /thob pa dang rjes su 'brel pa'i phyir ro zhes bya ba la/ rang bzhin du gnas kyang bslab pa gsum gyi thob pa dang rjes su 'brel

  775. 388a

    pas bslab pa nyid du brjod do/ /ci'i phyir mya ngan las 'das pa slob pa ma yin zhe na/ bslab pa'i lam gyi thob pa gang yin pa ste/ mi slob pa dang so so skye bo dag kyang de dang ldan pa'i phyir ro zhes rgyas par 'byung ste/ 'jig rten pa'i lam gyi so so skye bo rnams la mya ngan las 'das pa'i thob pa skye bo/ 'jig rten las 'das pa 'phags pa rnams la'o/ /mi slob pa dang so skye bo dag kyang de dang ldan pa'i phyir ro zhes bya ba 'dis ni so sor ma brtags pa'i 'gog pa slob pa nyid yin par bsal ba yin no/ /de bzhin du slob pa dang so so skye bo dag kyang de dang ldan pa'i phyir ro zhes bya ba 'dis ni mi slob pa nyid do/ /zhugs pa dang po zhes bya ba ni rgyun tu zhugs pa'i 'bras bu la zhugs pa'o/ /'di ni zhugs pa kho na yin gyi 'bras bu la gnas pa ma yin no/ /'bras bu la gnas pa bzhi zhes bya ba ni rgyun tu zhugs pa'i 'bras bu la gnas pa nas dgra bcom pa nyid kyi 'bras bu la gnas pa'i bar ro/ /zhugs pa lhag ma rnams ni zhes bya ba ni lan cig phyir 'ong ba dang/ phyir mi 'ong ba dang/ dgra bcom pa nyid kyi 'bras bu la zhugs pa rnams so/ /'bras bu la gnas pa gsum las tha mi dad pa'i phyir ro zhes bya ba la/ ji ltar zhe na/ re zhig lan cig phyir 'ong ba'i 'bras bu mngon sum du bya ba'i phyir zhugs pa gang yin pa de ni rgyun tu zhugs pa las tha dad pa ma yin te/ 'o na ci zhe na/ rgyun tu zhugs pa nyid yin no/ /de bzhin du phyir mi 'ong ba dang/ dgra bcom pa nyid la zhugs pa gsum lan cig phyir 'ong ba dang/ phyir mi 'ong ba dag las

  776. 388b

    tha mi dad pa yin no/ /de ltar na 'bras bu la zhugs pa rnams ni 'bras bu la gnas pa gsum las tha mi dad do/ /'dir ni mthar gyis thob pa'i phyir yin te/ gang gi tshe rgyun tu zhugs pa'i 'bras bu'i mjug thogs su lan cig phyir 'ong ba'i 'bras bu thob la/ de'i mjug thogs su phyir mi 'ong ba'i 'bras bu thob pa na'o/ /phal cher las 'dod chags dang bral ba 'jig rten pa'i lam gyis gang gi 'dod pa na spyod pa rnams las rnam pa drug spangs pa dang/ 'dod pa las 'dod chags dang bral ba rnam pa dgu zad pa ni mthong ba'i lam la zhugs pa dag kho na yin gyi rgyun tu zhugs pa'i 'bras bu la zhugs pa dag ni ma yin no/ /de lta na gang zag bzhi 'am gsum yin gyi lnga ni ma yin no/ /'jig rten 'das kyis srid rtse las/ /chags bral zhes bya ba la/ de ni rang gi sa gong ma'i gnyen po yin pa'i phyir ro/ /de'i gong na 'jig rten pa med pa'i phyir zhes bya ba la/ 'jig rten pa'i lam sa gong mas bsdus pa ni sa gong ma'i gnyen po yin na/ srid pa'i rtse mo'i gong na sa yod pa 'ang ma yin no/ /de'i nyon mongs pa rgyas par 'gyur pa'i phyir zhes bya ba ni/ dmigs pa dang mtshungs par ldan pa'i sgo nas rang gi sa pa'i nyon mongs pa rgyas par 'gyur pa'i phyir ro/ /nyon mongs pa gang zhig ces bya ba rgyas par 'byung ste/ nyon mongs pa gang zhig dngos po gang la rgyas par 'gyur ba de ni dngos po des spong bar byed pa ma yin te/ dper na 'dod pa'i khams rang gi sa pa'i nyon mongs pa rnams ltar de skye ba dang mthun pa'i phyir ro/ /gang gi gnyen po gang yin pa de la nyon mongs pa rgyas par mi 'gyur te/ de'i 'grib pa'i rgyu yin pa'i phyir/ dper na sa 'og ma'i

  777. 389a

    nyon mongs pa sa gong mar rgyas par mi 'gyur ba bzhin no/ /'o na sa 'og ma'i 'jig rten pa ni ci'i phyir sa gong ma'i gnyen po ma yin zhe na/ nyon mongs pa skye ba dang rjes su mthun pas nyon mongs pa de rnam pa de la rgyas par 'gyur ba'i phyir dang/ 'di sa gong ma rnam par sun 'byin pa'i yul ma yin pa'i phyir ma yin no/ /sa 'og ma sun 'byin bas sa gong ma la chags pa dang bral bar nus pa ma yin te/ sa gong ma ni ches gya nom pa yin pa'i phyir ro/ /de'i phyir 'jig rten las 'das pa kho nas srid pa'i rtse mo las 'dod chags dang bral bar 'thad pa yin no/ /srid pa'i rtse mo las gzhan pa zhes bya ba ni sa brgyad do/ /'jig rten pa'i lam gyis kyang zhes bya ba ni thams cad nas gong ma'i nye bar bsdogs pa'i lam yod pa'i phyir ro/ /'jig rten las 'das pas kyang zhes bya ba ni 'jig rten las 'das pa rang dang 'og dang gong ma'i sa'i gnyen po yin pa'i phyir ro/ /bral ba'i thob pa rnam pa gnyis skye bo zhes bya ba ni bye brag tu skye ba rnams ni re bya thun mong ma yin pa'i phyir te/ 'dir bya ba ni nyon mongs pa spong ba yin no/ zhes zer ro/ 'jig rten 'das kyis kyang zhes bya ba ni/ 'dir byed pa ste/ slob dpon 'dus bzad ni byed pa mtshungs par rab tu brtan pa'i phyir ro zhes zer ro/ /dper na bya ba mtshungs pa'i 'jig rten pas 'phags pa 'dod chags dang bral ba na bral ba'i thob pa rnam pa gnyis yin pa bzhin du/ 'jig rten las 'das pas 'dod chags dang bral ba na yang bral ba'i thob pa rnam pa gnyis yin no/ /bya ba mtshungs pa'i phyir ro zhes

  778. 389b

    bya ba de nyid kyi phyir 'phags pa ni sa brgyad las gang yang rung ba la 'dod chags dang bral ba mngon du gyur ba'i phyir mi 'dod pa dag thob bo/ /de ltar srid pa'i rtse mo la 'dod chags dang bral ba ni ma yin no/ /de la 'jig rten pa'i ma 'ongs pa 'thob pa thun mong ba med pa'i phyir 'jig rten las 'das pa'i lam gyi bya ba'o/ /de'i phyir yang srid pa'i rtse mo las 'dod chags dang bral ba la 'jig rten las 'das pa kho na'i bral ba'i thob pa 'thad pa yin no/ /'dir gcig kyang rgyu gzhan du 'chad par byed do/ /gal te 'phags pa'i lam gyis zhes bya ba ni/ de la ni 'jig rten pa'i lam med pa'i phyir/ 'jig rten pa'i bral ba'i thob pa med pa zhes ston par byed do/ /bsam gtan la rten zhes bya ba ni/ 'jig rten pa'i bsam gtan thob ste/ bsam gtan gyi dngos gzhi kho na la rten te dbang po 'pho bar byed do/ /'dir ni bsam gtan la brten to/ zhes dper brjod pa tsam zhig tu zad de/ slob pa ni sa drug la brten te dbang po rnams 'pho bar byed do zhes bshad do/ /de lam snga ma zad par bzad ba'i phyir zhes bya ba la/ lam snga ma ni phyir mi 'ong ba'i 'bras bu'i lam dang/ de las khyad par du 'phags pa ci yang med pa'i skye mched kyi bar gyi gnyen po'o/ /'bras bu'i lam 'ba' zhig thob pa'i phyir zhes bya ba la/ des ni dbang po brtul pos bsdus pa'i 'bras bu las khyad par can gyi lam btang nas 'bras bu'i lam dbang po rnon pos bsdus pa 'ba' zhig thob ste/ 'phel ba 'bras bu'i khyad par bcas/ /btang te 'bras bu thob par 'gyur/ zhes 'byung ba'i phyir ro/ sa gong ma pa'i nyon mongs pa'i bral bas mi ldan par

  779. 390a

    yang 'gyur zhes bya ba la/ 'dod pa'i khams kyi gong ma ni bsam gtan dang po nas bzung ste/ ci yang med pa'i skye mched kyi bar te /de'i sa'i nyon mongs pa'i bral ba dang mi ldan par 'gyur ro/ /'bras bu khyad par gyi lam du 'dus pa'i phyir lam lhag ma bzhin dbang po 'pho ba gtong ngo/ /de btang na zhes bya ba ni/ sa gong ma'i nyon mongs pa'i bral pa dang ldan pa btang na'o/ /nyon mongs pa de dag dang ldan par yang 'gyur ro/ /zhes bya ba ni sa gong ma pa dag dang ngo// srid rtse'i phyed las rnam grol dang/ gong du skyes pa bzhin mi ldan/ zhes bya ba 'byung ngo/ /de'i zhes bya ba yod pa ma yin yang 'phags pa'i lam gang yin pas ci yang med kyi skye mched kyi 'dod chags dang bral ba'i bsam gtan la rten nas dbang po rnams 'pho bar byed kyi/ de dag dang ldan par mi 'gyur ro/ /sa gong ma'i nyon mongs pa rnams dad ni dper na srid pa'i rtse mo la sogs pa bzhin rnam pa brgyad la 'dod chags dang bral ba'i dbang po rnams 'pho bar byed pa rnam pa brgyad po de dag la 'jig rten pa'i bral ba'i thob pa med de/ 'jig rten pa'i lam srid pa'i rtse mo'i gnyen po med pa'i phyir ro/ /dbang po 'pho bas zag pa med pa'i bral ba'i thob pa btang yang nyon mongs pa de dag ldan par mi 'gyur te/ dper na so so skye bo bsam gtan dang po yan chad du skyes pa bzhin no/ /'dod pa na spyod pa'i nyon mongs pa rnams kyi thal ba'i thob pa bsam gtan dang pos bsdus pa nyid de de'i sa pa ni yin pa'i phyir ro/ /de'i gnyen po ma yin te der skyes par 'dod par gtogs pa ni nyon mongs pa'i bral ba'i thob pa rnam par nyams pa'o/ /de'i phyir bsam gtan dang po yan chad du skyes pa zhes smos so/ /'phags pas gong mar skyes pa la yang zag pa med pa'i bral ba'i thob pa yod pas de 'dod par gtogs pa'i nyon mongs pa dang

  780. 390b

    ldan par thal ba med do/ /de rnam par bcad pa'i phyir so so skye bo zhes smos te/ 'dod pa na spyod pa'i nyon mongs pa'i bral ba'i thob pa btang pa'i phyir zhes pa'o/ /thob pa de ni bsam gtan dang pos bsdus pa des na bsam gtan gnyis pa la sogs pa rnams su skyab la nyon mongs pa thams cad bzhin bsam gtan dang po'i dge pa yongs su gtod ba ma yin no/ /slob dpon 'dus bzad ni de dag gis kyang 'dod pa na spyod pa'i nyon mongs pa rnams 'jig rten las 'das kyang ngo/ /zhes bya ba 'di'i phyogs kho na'i zhes zer ro/ srid rtse'i byed las rnam grol dang/ gong du skyes ba bzhin mi ldan /zhes gang bshad pa'o/ /gang bzhan du bshad pa'i rgyu'i nus pa shes par bya ba'i phyir srid ba'i rtse mo'i bar las so/ /zhes bya ba ni rang gi sa dang 'og ma dang gong ma las zhes bya ba'i don to/ /ci'i phyir zhe na/ zag pa med pa ni ldan pa ma yin pa'i phyir ro/ /sa gsum las rgyal ba yan chad ni zhes bya ba la/ bsam gtan gsum pa la sogs pa la 'dod chags dang bral ba ni bsam gtan bzhi pa la sogs pa'i nyer bsdogs dag gis thob la/ de na nyer bsdogs dang dngos gzhi la tshor ba tha dad pa med de/ btang snyoms kyi dbang po khyad par med pa'i phyir ro/ /de'i phyir dbang po rnon po 'am/ dbang po brtul po zhig 'dod chags dang bral ba'i sa la tha gir sems dpas dngos gzhi kho na las rnam par grol ba'i lam tha ma mngon du byed do/ /bsam gtan gsum ma ni zhes bya ba rgyas par 'byung ste/ nyer bsdogs dag na btang snyoms kyi tshor ba yod la/ bsam gtan gyi dngos gzhi dag las ni gnyis na yid ? yod la/ gsum ba na'ang yod do/ /de la kha cig dbang po brtul po yin pa'i phyir dbang po spong bar mi nus pas nyer bsdogs kho na las rnam par grol ba'i lam tha ma? mngon du byed la/ de nus pa ni dngos gzhi las mngon sum du byed pa 'di

  781. 391a

    la nges pa med do/ /'dod chags dang bral zin pa'i phyir ro/ /zhes bya ba la/ sa 'og ma la 'dod chags dang bral bas ni de mngon du byed mi nus so/ /bden pa la dmigs pa'i phyir bden pa'i rnam par zhugs pa dag yin no zhes bya ba ni mi rtag pa dang sdug bsngal pa dang/ stong pa dang/ bdag med pa la sogs pa rnam pa bcu drug tu zhes bya ba'i don to/ /ci rig par zhes bya ba zhi srid tshad de la do skab du bshad kyi/ thams cad kyis thams cad du ni ma yin no/ /gal sa 'og ma la rags par blta ba de'i chos gong ma las bzlog pa zhi bar lta ste/ gzhan dag la yang de dang 'dra par brjod par bya'o/ /de nyid kyi phyir/ de dag las bzlog pa ni zhi ba dang gya nom pa dang nges par 'byung ba'i rnam pa can no zhes 'chad do/ ma zhi ba'i phyir rags par lta'o zhes bya ba la/ ji ltar ma zhi pa nyid yin zhe na/ de'i phyir mngon par 'du byed pa shin tu che ba nyid kyis zhes bya ba smos so/ /sa gong ma yang lam dang bcas te/ mngon par 'du byed pa yin mod gyi/ 'di ni lam dang bcas pa mngon par 'du byed pa shin tu che ba'o/ /kha cig na re sa 'og ma ni rgod pa mang zhing nye par zhi ba chud ba'i phyir rags pa'o zhes zer ro/ /ci'i phyir gnas ngan len rab tu mang ba nyid yin zhes na gang gnas ngan ni lus dang sems las su mi rung ba nyid de/ nyon mongs pa dang rjes su mthun pa zhes bya ba'i don to/ /'di dang mi mthun par gyur pas gya nom pa ma yin pa la sgyu smos pa ni/ mngon par 'du byed pa chen pos zhes bya ba ste rgod pa chung dus kyang gya nom pa'i bde ba mi bskyed ba'i phyir ro/ /gzhan dag na re tha ma ni sdug bsngal ba'o zhes zer ro/ /rtsig pa stug po lta bur zhes pa ni rtsig pa stug pa'i ngo bor ni/ /rtsig pa la nges par mi 'byung ba bzhin du zhes bya ba la/ dper na rtsig pa yod na nam mkha' 'am

  782. 391b

    phyogs des non pa'i phyir nges par 'byung ba med dpe de bzhin dus de nyid kyis las nges par mi 'byung ba'o/ /gzhan dag na re der nye bar 'tshe ba mang pos 'joms pas de las nges par 'byung pa mthong pa'i phyir rtsig pa stug po lta bu 'o zhes zer ro/ /gzhan dag na re/ sgong pa chung ngu yang 'bad pa med par zhi ba'i sgo nas bde ba ches khyad par du 'phags pa skyes pa ni gya nom pa'o zhes zer ro/ /sa 'og ma'i nye bar 'tshe ba thod nas nges par de las thar par 'dod pa ni nges par 'byung zhes bya ste/ de'i phyir yang de dag zhi ba dang rags pa la sogs pa'i rnam pa ste/ yang 'phags pa'i lam bzhin rnam pa khyad par med pa ma yin no/ /gal te 'ji rten pa'i bar chad med pa dang rnam par grol ba'i lam rnams kyang 'phags pa'i lam bzhin rnam pa cig tu gyur te/ zhi ba dang dags pa la sogs pa'i rnam pa nyid ma yin pa de lta na/ 'jig rten pa'i lam nye bar bzung nas mya ngan las 'das par 'gro ba la lam zhes brjod de/ 'ga' la yang mi rten pa'i phyir ro/ /gang gi phyir de ni ma yin te dza lau ka bzhin gnas la zhan gtong bas so/ /de'i phyir rnam par sun 'byin pa'i dngos po la dmigs pa ni rags pa la sogs pa'i rnam pa yin la/ bar chad med pa'i lam ni bzlog pas bsam pa'i dngos po la dmigs pa'o/ /zhi ba la sogs pa'i rnam pa rnam par grol ba'i lam du rnam par bzhag ste/ gnyen po rnams la dmigs pa dang rnam pa'i dbye ba med do/ /mthong ba'i lam bzhin du a pya ga tA ba she su ru bti pra ya ba sha da bi kal pa ya tadta thotwa t+te ri ti/ ci'i phyir zad pa shes pa'i mjug thogs mi skye zhe na/ des lhag par gol ba'i phyir ro/ /zad pa shes pa kho nas de dang lhan cig de thob pa dang 'dra ba nyid du 'dus byas kyi 'bras bu bsdus pa'i phyir ro/ /yang ci'i phyir da skye ba shes pa sngar mi skye zhe na/ zad pa shes pa la rag lus pa'i phyir ro//

  783. 392a

    de skye ba nyid kyis shes te mi skye ba'i phyir phung po lhag ma med pa'i mya ngan las 'das pa'i dbyings 'jug pa la gegs su 'gyur ro/ /gang shes pas shes pa brda sprod par byed pa dang rjes su mthun pa dgra bcom pa thams cad kyi thun mong ba de nyid mi skye ba shes pa ste lhag par grol ba sngon du skye'o/ /rdo rje lta bu'i mjug thogs su mi skye ba shes pa mi slob pa'i yang dag pa'i lta ba 'am zad pa shes pa ste mi skye ba shes pa'i dang po nyid du thob pa'i phyir ro/ /yongs su nyams pa srid pa'i phyir zhes bya ba la /'di ni nyon mongs pa skye ba srid pa yin no zhes ston to/ /mi skye ba shes pa rdo rje lta bu'i mjug thogs su thob po/ /mi g.yo ba'i chos can gyi skad cig ma la zad pa shes pa dang skad cig ma gzhan la ni snga ma las rab tu gyur pa'i mi skye ba shes pa rnam pa gnyis 'dis bshad pa yin no/ /de la ni mi skye ba shes pa'i mjug thogs su mi skye ba shes pa nyid skye ste/ mi slob pa'i yang dag pa'i lta ba'o/ /gang gi phyir zad pa shes pa ni/ da ni dgra bcom pa thams cad la/ zhes pa ste/ rdo rje lta bu'i ting nge 'dzin gyi mjug thogs dgra bcom pa thams cad kyis mi slob pa'i yang dag pa'i lta ba 'thob po/ /kha cig gis res 'ga' mngon du byed de/ sngar ji skad bshad pa bzhin/ des nyon mongs pa yang dag par zhi ba'i sgo nas zhes bya ba la/ kha cig na re/ /bams dang 'gro ba dang skye gnas rnams su 'khor ba'i ngal ba bsal bas na dge sbyong ngo zhes zer ro/ /slob dpon nyon mongs pa zhi bar byed pa'i phyir zhes so de'i ngo bo ni dge sbyong gi tshul ste/ de'i ngo bor byed pas de'i ngo bo ste/ 'dis nyon mongs ba dang bral bar byed cing sel bar byed ces bya ba'i tha tshig go/ so so skye ba ni gtan du zhi bar byed pa ma yin pa'i phyir zhes bya ba la/ so so'i skye bo ni ci yang

  784. 392b

    med pa'i skye mched kyi bar las 'dod chags dang bral ba yang don dam pa'i dge sbyong ma yin te/ nyes pa'i 'phro dang bcas pa'i phyir dang/ nyes pa bsam gtan ma zhi ba'i phyir ro/ /de dag kyang mdo las rnam pa bzhir gsungs so zhes bya ba ni rgyun du zhugs pa'i 'bras bu nas dgra bcom pa nyid kyi bar ro/ /de la rgyun tu zhugs pa'i 'bras bu lam la rjes su shes pa ni 'dus byas so/ /khams gsum pa'i mthong bas spang bar bya ba spangs pa ni 'dus ma byas so/ /lan cig phyir 'ong ba'i 'bras bu lam la rjes su shes pa rnam par grol ba'i lam drug pa ni 'dus byas so/ /'dus ma byas ni sngar bshad pa ste/ 'dod pa na spyod pa'i bsgom pas spangs par bya ba rnam pa drug spangs pa'o/ /phyir mi 'ong ba'i 'bras bu lam la rjes su shes pa rnam par grol ba'i lam dgu pa ni 'dus byas so/ /'dus ma byas ni sngar bshad pa ste 'dod pa na spyod pa'i bsgom pas spang bar bya ba'i nyon mongs pa'i rnam pa chung ngu spangs pa'o/ /dgra bcom pa nyid kyis zad pa shes pa dang mi skye ba shes pa'am mi slob pa'i yang dag pa'i lta ba 'dus byas so/ /khams gsum pa'i mthong pa dang bsgom pas spang bar bya ba spangs pa ni 'dus ma byas so/ /mdo sde pa rnams na re/ mdo dge sbyong tshul gyi 'bras bu rnams 'dus ma byas nyid du gsungs te 'di ltar rgyun tu zhugs pa'i 'bras bu gang zhe na/ kun du sbyor ba gsum spangs pa gang yin pa'o zhes pas nas dgra bcom pa nyid gang zhe na/ 'dod chags zad par spangs pa gang yin pa dang zhes bya ba rgyas par 'byung ba la/ spangs pa ni 'dus byas kyi skyon las grol ba'i phyir dang de la mngon par 'dod pa bskyed pa'i phyir dge tshul gyi 'bras bu ni 'dus ma byas rnams kho na'o zhes zer ro/ /de'i rgyu mthun pa dang skyes bu byed pa'i 'bras bu yin pa'i phyir ro zhes bya ba la/ rnam par

  785. 393a

    par grol ba'i lam ni bar chad med lam gyi rgyu mthun pa'i 'bras bu yin te de dang 'dra pa'i phyir ro/ /skyes bu byed pa'i 'bras bu yin te/ de'i stobs kyis bskyed pa'i phyir ro/ /de'i spang bya nyon mongs pa rnams spangs pa yang brgyad cu rtsa dgu ste/ skyes bu byed pa'i 'bras bu 'dus ma byas rnams kyang dge spyod tshul gyi 'bras bu yin no/ /spangs pa'i thob pa 'gog pa dang thob pa gcod pa'i phyir rnam par grol ba'i lam dgu pa yang dge sbyong gi tshul ste/ de dag kyang bar chad med pa'i lam gyi rgyu mthun pa dang skyes bu'i byed pa'i 'bras bu'o/ /de ltar na bar chad med pa'i lam 'dus byas rnams dge sbyong tshul gyis 'bras bur thal bar 'gyur ro zhe na/ 'di ni de ltar ma yin te/ bar chad med pa'i lam gyis dbang gis rnam par grol ba'i lam skye zhing des de skye ba'i gegs bsal ba'i phyir de'i mjug thogs su nges par skye'o/ /rnam par grol ba'i lam gyis dbang gis bar chad med pa'i lam skye ba ni ma yin no/ /yod pa rnams kyang dus gzhan du sbyor bas gzhan gyi skye ba srid pa dang/ de ltar shin du mi mthad pa'i phyir dang/ bar chad med lam thams cad rnam par grol ba'i lam gyis 'bras bur 'gyur ba ma yin pa'i phyir 'dir thal bar 'gyur ba med do/ /de lta na 'o na zhes bya ba ni/ gal te dge spyod tshul gyi 'bras bu rnams brgyad cu rtsa dgu yin na'o/ /sangs rgyas kyis gsungs pa kha bskad par bya dgos par 'gyur ro zhes bya ba ni/ des gsungs pa las tha dad pa'i 'bras bu yod pa'i phyir ro/ /ched du gtad nas skod pa ni kha skod ba ste/ kha nye bar bskad zhes bya ba'i don to/ /bya mi dgos te mdo las bstan pa ni dgongs pa can yin pa'i phyir ro/ /'dir dgongs pa gang zhig yin ce na/ 'bras bu mang po zhig yod mod

  786. 393b

    kyi/ 'bras bu bzhir gzhag pa ni rgyu lnga srid pa'i phyir ro/ /zhugs pa dang 'bras bu'i lam btang ba dang thob pa'i phyir ro zhes bya ba la/ sngar gyi lam btang bas zhugs pa'i lam btang ba'i phyir ro/ /sngar med pa'i lam thob pas 'bras bu'i lam thob pa'i phyir ro/ /'bras bu dang po la zhugs pa 'dod pa la phal cher 'dod chags dang bral ba dang/ gnyis pa dang gsum pa la zhugs pa dag la yang rgyu lnga po 'di dag med de/ mthong ba'i lam la gnas pa'i phyir ro/ /gnyis pa dang/ gsum pa dang bzhi pa la zhugs pa rnams la ni dang po gsum med kyi/ shes pa brgyad thob pa dang rnam pa bcu drug thob pa gnyis ni yod de/ bsgom pa'i lam la gnas pa'i phyir ro/ /de ltar 'bras bu gzhan las yongs su nyams bas 'bras bu dang po las kyang yongs su nyams par thal bar 'gyur ba ma yin no/ /'bras bu snga ma thob pa nye bar 'joms pa dang/ 'bras bu phyi ma thob pa na spangs pa thams cad kyi thob pa gcig 'thad pa'i phyir ro zhe na/ 'di ni de lta bu ma yin te/ yongs su nyams pa'i dus kho nar de thob pa'i phyir ro/ /'bras bu gzhan thob pa mnyam par 'dzin pa 'phags pas 'bras bu snga ma thob pa de dang bral ba na bden pa snang pa'i thabs su mun pa la phyogs pa lta bu'i tshul gyis rgyud rjes su 'chid par byed de/ 'bras bu gzhan bzhi nyid rnam par bzhag pa'i rnam pa sems la bzhag nas so/ /grag go zhes bya ba ni ma rangs pa'o/ /de yang nyon mongs pa'i dngos po yongs su gtugs par spangs pa'i gnas skabs la dgongs nas 'bras bu dang po gsungs so/ /mi dge ba'i rnam par rig byed kun nas slong ba'i nyon mongs pa spangs pa la dgongs pa nas gnyis pa gsungs so/ /mi dge pa yongs su gtugs par spangs pa las gsum pa'o/ /nyon mongs pa thams cad spangs pa la dgongs nas bzhi ba gsungs so//

  787. 394a

    kha cig na re shes pa rnam pa dag khyad par med pa'i phyir gang yang rung ba gnyis dag go zhes zer ro/ /gzhan dag na re de yang de lta ma yin te/ chos dang rjes su shes pa dag so sor rnam pa bcu drug yin pa'i phyir bden pa re re'i rnam pa dag kyang chos dang rjes su shes pa yin pa'i phyir/ gnyi ga ma bzung bar ma lus pa gzung ba ma yin par shes te de'i phyir gnyi ga ma smos so zhes zer ro/ /gzhan dag na re gnas skabs 'di dag tu rnal 'byor pa rnams mchog tu yid brtan pa de las nyams te dus bya ba srid pa'i phyir de nyid 'bras bu nyid du ma gsungs so zhes zer ro/ /gzhan dag na re/ 'di nyid ni rim pa bzhin ngan song dang de'i rgyu mi dang lha'i 'gro ba ste/ rim pas rab tu phye ba'i phyir 'dir 'dod chags la sogs pa chen pos ni ngan song du 'gro ba yin no zhes zer ro/ /'jig rten pa'i lam gyis thob pa'i 'bras bu gnyis zhes bya ba ni lan cig phyir 'ong ba'i 'bras bu dang/ phyir mi 'ong ba'i 'bras bu'o// de la ni zhes rgyas par 'byung ba ni 'di skad du de dag ni zag pa med pa'i lam gyis 'bras bu spangs pa chos mang ba yin gyis/ 'jig rten pa'i lam gyi 'bras bu nyid ni ma yin te/ de dag gi mthong ba'i lam gyi 'bras bu spangs pa bsdus pa'i phyir ro/ /de'i phyir de dag ni dge sbyong gyi tshul gyis 'bras bu yin no/ /zhes bstan par 'gyur ro/ /thams cad kyi zhes bya ba ni mthong ba'i lam gyi 'bras bu dang/ bsgom pa'i lam gyis 'bras bu'i 'o/ /thob pa de'i 'bras bur bsdus pa gcig snyed pa'i phyir ro/ /zhes bya ba ni thob pa lan cig phyir 'ong ba dang/ phyir mi 'ong ba'i 'bras bus bsdus pa gcig snying pa'i phyir ro/ /de nyid kyi phyir mdo las zhes bya ba rgyas par 'byung ste/ gang gi phyir

  788. 394b

    mthong ba'i lam dang/ bsgom pa'i lam gyi 'bras bu thams cad kyi thob pa de'i 'bras bu bsdus pa gcig snyed pa'i phyir te/ de'i phyir mdo las lan cig phyir 'ong ba'i 'bras bu gang zhe na zhes bya ba rgyas par 'byung ngo/ /de lta ma yin na mthar gyis pa dang phal cher la 'dod chags dang bral bas kun tu sbyor ba gsum sngar spangs zin pa'i phyir ro/ /'dod pa la 'dod chags dang bral bas 'dod chags dang zhe sdang dang gti mug gi kun tu sbyor ba gsum spangs par gsungs pa dang/ tha ma'i cha dang mthun pa'i kun tu sbyor ba lnga spangs par gsungs pa yang don med par 'gyur ro/ /bral ba'i thob pa zag pa med pas zhes bya ba ni/ 'jig rten pa'i chags bral ba'i/ 'phags la bral ba'i thob rnams gnyis/ /zhes bshad de/ de'i phyir 'jig rten pa'i lam gyi 'bras bu spangs pa de la bral ba'i thob pa zag pa med pa brgya dang 'dra ba dag skye la/ de dag gis de'i spangs pa 'dzin par byed do/ /de'i stobs kyis zhes bya ba'i thob pa zag pa med pa'i stobs kyis so/ /de ma yin na 'jig rten pa'i yongs su nyams pa ltar 'chi bar 'gyur ba zhig na yongs su mnyam pa de ni 'chi pa med/ ces 'byung ba'i phyir ro/ /de nyid tshangs tshul tshangs pa yi/ /'khor lo zhes bya ba la/ kun rdzob yongs su bzung na dge sbyong gzhan dang bram ze gzhan ste/ ji skad du/ dge sbyong rnams dang bram ze rnams lam 'gro ba rnams dang smod pa rnams/ zhes so/ /don dam pa yongs su bzung na dge sbyong nyid bram ze ste/ de skad du yang 'dir dang po 'di ni ji srid bzhi pa'i bar dge sbyong ste/ 'di las phyi rol pa la dge sbyong bram ze yod pa ma yin no// zhes gsungs so/ /'dis sdig pa mi dge ba'i chos rnams zhi bar byed pa'i phyir dge sbyong ngo/ /'dis sdig pa mi dge ba'i chos rnams spang pas na tshangs pa'o/ /dge sbyong dang tshangs pa'i mtshan nyid thun mong du ni dge sbyong nyid tshangs pa ste/ tshangs

  789. 395a

    ba'i dngos po ni mtshungs pa'i tshul lo/ /zag pa med pa'i lam dang ldan pa'i phyir tshangs par gyur pa yin te/ dge sbyong gi tshul kho na mtshungs pa'i tshul lo/ /tshangs pa'i tshul bla na med pa dang ldan pa'i phyir zhes bya ba ni/ bla na med pa'i zag pa med pa'i lam dang ldan pa'i phyir ro/ /de 'di'i yin pas 'khor lo ste/ mngon par 'brel pa gang gis zhe na/ de'i phyir des bskor ba'i phyir zhes smos so/ /myur bar 'gro phyir rtsibs sogs kyis zhes bya ba ni myur bar 'gro ba la sogs pa'i phyir dang/ rtsibs la sogs pa'i phyir zhes bya ba'i tha tshig go/ 'di ni mthong ba'i lam 'khor lo rin po che dang chos mthun pa yin te/ de la 'dis rim pas bgrod par byed pas sam yang nges par bsod nams kyi rim pa bzhin myur bar 'gro zhing 'gro bas 'khor lo ste/ de bzhin du mthong ba'i lam sems kyi skad cig bco lngas bden pa rnams mngon par rtogs pa'i phyir myur bar 'gro ba dang 'dra ba yin no/ /yang na skad cig ma gnyis pa mi skye ba'i sgo nas te/ 'khor lo rin po ches rgyab ma 'dor zhing mdun ma la 'jug pa dang chos mthun par chos kyi 'khor los kyang ste/ mthong ba'i lam yang bar chad med pa'i lam mdor zhing rnam par grol ba'i mngon du gyur pa'i sgo nas 'jug pa yin no/ /yang na sdug bsngal la sogs pa'i yul 'dor zhing/ kun 'byung la sogs pa'i yul la 'jug pa'i phyir/ 'dor ba dang 'jug pa yin no/ /'khor lo dang chos mthun pa ni cig par ma yin par bden pa mthong ba'i phyir/ ma rgyal brgyal bar byed pa dang/ rgyal ba rnal du 'god pa'i phyir 'khor los bsgyur ba'i 'khor lo dang chos mthun ste/ 'di ltar mthong ba'i lam gyis 'jigs tshogs la lta ba la sogs pa nyon mongs pa ma rgyal ba rnams las ni de dag gi thob pa gcod pa'i sgo nas rgyal bar byed do/

  790. 395b

    rnam par grol ba'i lam gyis ni rgyal ba rnams nyon mongs pa'i bral ba'i thob pa dang lhan cig skye ba'i sgo nas rnal du 'god de/ 'phar ba dang 'bab pa'i phyir 'khor lo dang chos mthun te/ bar chad med pa dang rnam par grol ba'i lam dag gis yang yang mngon du byed pa 'am mngon du gyur pa'i sgo nas mthong ba'i lam gyis 'phar ba dang 'dra bar sa gong ma'i sdug bsngal la sogs pa la lta bar byed do/ /'bab pa dang 'dra bar yang 'dod pa na spyod pa la lta ste/ myur bar 'gro ba la sogs pa dang chos mthun pa ni de lta bu yin no/ /yang dag pa'i lta ba dang rtogs pa dang rtsol ba dang dran pa rnams ni rtsibs lta bu yin no/ /zhes bya ba ni/ /zhes bya ba ni/ tshul khrims la rag las te mjug pa'i phyir rtsibs la sogs pa dang 'dra'o/ /yang dag pa'i dag dang las kyi mdza' dang 'tsho ba rnams lta ba lta bu yin no zhes bya ba ni yang dag pa'i lte ba la sogs pa rnams gnas su gyur pa'i phyir ro/ /ting nge 'dzin ni mu khyud lta bu yin no zhes bya ba ni/ des yang dag pa'i lta ba la sogs pa nye bar 'dzin pa'i phyir ro/ /'phags pa'i lam gzhan thams cad kyang de dang 'dra ba yin na ci'i phyir mthong ba'i lam kho na chos kyi 'khor lo zhes bya ba 'di dag las zhe na zhes bya ba ni/ ci rang gi 'dod pa 'am lung ngam rigs pa las mthong ba'i lam chos kyi 'khor lo yin zhes bya ba'o/ 'di rang gi 'dod pa ni ma yin no/ /'o na ci zhe na/ 'phags pa kauN+Di n+ya la zhes bya ba rgyas par 'byung ngo/ /mdo las 'di ltar 'don te/ tshe dang ldan pa kauN+Di n+yas chos kun shes so zhes sa bla ba'i gnod sbyin rnams kyis sgra 'byin zhing dbyangs rjes su sgrog par byed ces bya ba rgyas par 'byung ba nas ji srid yul ba raNA si drang srong ltang ba ri dgegs kyi nags su bcom ldan 'das kyis chos kyi 'khor lo lan gsum du bzlas te rnam pa bcu gnyis su bskor ro zhes 'byung ngo/ /gang gi phyir mdo las chos kyi

  791. 396a

    'khor lo lan gsum bzlas te rnam pa bcu gnyis su gsung pa de yang mthong ba'i lam mo zhes bya ba de'i phyir 'dri ba ni/ ci ltar de lan gsum du bzlas pa dang rnam pa bcu gnyis yin zhe na zhes bya ba'o/ /de la lan gsum bzlas te zhes bya ba ni/ 'di ni sdug bsngal 'phags pa'i bden pa'o zhes bya ba 'di ni bskor ba gcig yin no/ /de yongs su shes par bya'o zhes bya ba 'di ni gnyis pa'o/ /de yongs su shes so zhes bya ba 'di ni gsum pa ste/ ji ltar sdug bsngal la brjod pa de bzhin du kun 'byung dang 'gog pa dang lam rnams la yang rig par bya'o/ /'di ni sdug bsngal kun 'byung ba 'phags pa'i bden pa'o/ /de spang bar bya ba'o de spangs so zhes sbyar ro/ /de bzhin du 'gog pa dang lam dag la yang brjod par bya'o/ /bzlas pa re re la zhes bya ba ni/ 'di ni sdug bsngal 'phags pa'i bden pa zhes bya ste/ mig skyes so/ /shes pa dang rig pa dang blo skyes so zhes bya ba'o/ /de bzhin du yongs su shes par bya ba dang yongs su shes pa zhes bya ba la yang so so rnam pa bzhi ste/ kun 'byung la sogs pa la yang de bzhin du brjod par bya'o/ /de ltar na bden pa so so la gsum du bzlas pas rnam pa bcu gnyis yod pa'i phyir lan bcu gnyis su bzlas pa dang rnam pa bzhi bcu rtsa brgyad du 'gyur ba ma yin nam zhe na/ de ltar yin pa bden mod kyi gsum tshan du chos mtshungs pa'i phyir dang bcu gnyis tshan du chos mtshungs pa'i phyir lan gsum du bzlas te rnam pa bcu gnyis zhes gsungs so/ /gnyis dang gnas bdun la mkhas pa bstan pa bzhin no zhes bya ba la gnas gnyis la mkhas pa bstan pa ni rgya cher gsungs te/ ji skad du/ dge slong dang khyed la gnyis bstan par bya yis/ de legs par nyon la yid la zung zhig bshad do//

  792. 396b

    gnyis gang zhe na/ mig dang gzugs rnams zhes bya ba nas/ yid dang chos rnams so zhes bya ba'i bar du gsungs pa lta bu'o/ /de bzhin du gnas bdun la mkhas pa bstan pa ni gzugs yang dag ji lta ba bzhin rab tu shes so/ /gzugs kun 'byung ba dang/ gzugs 'gog pa dang/ gzugs 'gog par 'gyur ba'i lam dang/ gzugs kyis ro myang ba dang/ nges par 'byung ba dang/ nyes dmigs kyang yang dag pa ji lta ba bzhin rab tu shes so zhes bya ba ste/ tshor ba dang/ 'du shes dang/ 'du byed dang/ rnam par shes pa yang de dang 'dra'o/ /bzlas pa mdo las bstan pa 'di dag gis ni grangs bzhin du mthong ba dang bsgom pa dang mi slob pa'i las dag bstan to zhes bya ba la/ ji ltar byas pas she na/ 'di ni sdug bsngal 'phags pa'i bden pa'o/ /zhes bya ba nas brtsams te/ 'di ni sdug bsngal 'gog par 'gro ba'i lam 'phags pa'i bden pa'o zhes bya ba'i bar gyis mthong ba'i lam bstan to/ /sdug bsngal 'phags pa'i bden pa shes par bya'o zhes bya ba nas brtsams te sdug bsngal 'gog par 'gyur ba'i 'phags pa'i bden pa bsgom par bya'o zhes bya ba'i bar gyis bsgom pa'i lam bstan to/ /sdug bsngal 'phags pa'i bden pa yongs su shes so zhes bya ba nas sdug bsngal 'gog par 'gro ba'i lam 'phags pa'i bden pa bsgoms so zhes bya ba'i bar gyis mi slob pa'i lam bstan to zhes so/ /gal te de ltar bzlas pa gsum po 'di dag gis mthong ba dang bsgom pa dang mi slob pa'i lam bstan na/ 'o na ni mthong ba'i lam kho na la zhes rgyas par 'byung ste/ 'o na ni mthong ba'i lam kho na la lan gsum du bzlas pa yang ma yin la/ rnam pa bcu gnyis kyang ma yin gyi/ 'o na ci zhe na/ lam mdza' dag la yin no/ /ci'i phyir zhe na/ bzlas pa dang pos mthong ba'i lam bshad pa'i phyir

  793. 397a

    lan cig bzlas pa dang rnam pa bzhi yin gyi/ lan gsum bzlas te rnam pa bcu gnyis su bskor ba ni ma yin pas 'di ji ltar na chos kyi 'khor lor rnam par gzhag ces bya ste/ chos kyi 'khor lo ni lan gsum du bzlas pa'i phyir dang rnam pa bcu gnyis yin pa'i phyir rnam par gzhag par mi bya zhes bya ba'i tha tshig go /de'i phyir chos kyi rnam grangs de nyid chos kyi 'khor lo yang yin/ lan gsum du bzlas pa dang rnam pa bcu gnyis kyang yin par rung gis mthong ba'i lam ni ma yin no/ /de la chos kyi rnam grangs 'di ni bcom ldan 'das yul wA rA sI drang srong lhung ba ri dags kyi nags na zhugs te/ de nas bcom ldan 'das kyis dge sbyong lnga po rnams la bka' stsal pa/ dge slong dag 'di ni sdug bsngal 'phags pa'i bden pa ste/ sngon ma thos pa'i chos rnams la tshul bzhin du yid la byed pa'i sgo nas mig skyed pa rig pa dang blo dang shes pa skyed pa'o/ /'di ni sdug bsngal kun 'byung ba 'di ni sdug bsngal 'gog pa 'di ni sdug bsngal 'gog par 'gyur ba'i lam 'phags pa'i bden pa ste sngon ma thos pa'i chos rnams la tshul bzhin yid la byed pa'i sgo nas mig skyed pa/ shes pa dang rig pa dang blo bskyed pa'o/ /de la sdug bsngal 'phags pa'i bden pa mngon par shes pas yongs su shes par bya ste/ de ltar sngon ma thos pa'i chos rnams tshul bzhin yid la byed pa'i sgo nas mig bskyed pa zhes bya ba la sogs pa snga ma bzhin no/ /sdug bsngal kun 'byung ba 'phags pa'i bden pa mngon par shes pas spang bar bya ste/ sngon ma thos pa'i chos rnams la tshul bzhin yid la byed pa'i sgo nas zhes bya ba snga ma bzhin no/ /sdug bsngal 'phags pa'i bden pa mngon par shes

  794. 397b

    pas mngon du bya'o zhes bya ba snga ma bzhin no/ /sdug bsngal 'gog par 'gro ba'i lam 'phags pa'i bden pa mngon par shes pas bsgom par bya'o zhes bya ba snga ma bzhin no/ /sdug bsngal 'phags pa'i bden pa gang yin pa mngon par shes pas yongs su shes te sngon ma thos pa'i chos rnams la zhes bya ba snga ma bzhin no/ /sdug bsngal kun 'byung ba 'phags pa'i bden pa mngon par shes pa yongs su spangs so zhes bya ba snga ma bzhin no/ /sdug bsngal 'gog pa 'phags pa'i bden pa mngon par shes pas mngon du byas so zhes bya ba snga ma bzhin no/ /sdug bsngal 'gog par 'gyur ba'i lam 'phags pa'i bden pa mngon par shes pas bsgom te/ sngon ma thos pa'i chos rnams la tshul bzhin yid la byed pa'i sgo nas mig skyes so/ /shes pa dang rigs pa dang blo skyes so zhes rgya cher 'byung ngo/ /bden pa rnams lan gsum du bzlas pa'i phyir zhes bya ba ni/ sdug bsngal nas lam gyi bar ni bzlas pa gcig go /yongs su shes par bya'o zhes bsgom par bya'o zhes bya ba'i bar ni bzlas pa gnyis so/ /yongs su shes nas bsgoms so zhes bya ba'i bar ni bzlas pa gsum pa'o/ /bden pa bzhi rnams la rnam pa gsum du byas pa'i phyir zhes bya ba la/ sdug bsngal nas lam gyi bar ni gcig go / rnam pa smos te rnam pa yongs su shes par bya'o zhes bya ba la sogs pa ni gnyis pa'o/ /yongs su shes so zhes bya ba la sogs pa ni gsum pa'o/ /de ltar bden pa so so la rnam pa gsum gyis bcu gnyis su 'gyur ro/ /don shes par byed pa'i zhes bya ba smos te/ sdug bsngal la sogs pa'i bden pa khong du chud par byed ces bya ba'i tha tshig go /yang na 'phags pa'i lam thams cad kyang zhes bya ba ni/ mthong ba dang/ bsgom pa dang/ mi slob pa'i lam gyi bdag nyid can no//

  795. 398a

    de'i phyir de ltar na chos kyi 'khor lo lan gsum du bzlas te rnam pa bcu gnyis su grub par gyur te/ lan gsum du bzlas pas lam gsum bsdus pa'i phyir dang/ bzlas pa re re la mig la sogs pa skye ba'i phyir ro/ /ji ltar lam chos kyi 'khor lo yin zhe na/ de'i phyir gdul bya'i rgyud la 'jug pa'i phyir zhes smos so/ /ji ltar de bskor ba yin zhe na/ de ni gzhan gyi rgyur la zhes bya ba smos te/ gzhan gyi rgyud la ni 'phags pa kauN+Di n+ya'i rgyu la'o/ /mthong ba'i lam bskyed pa'i phyir bskor bar brtsom pas bskor bar zhes bya ste/ dang por bskor zhes bya ba'i tha tshig go /dge sbyong gi tshul gyi 'bras bu'i skabs yin pas yang khams gang du zhes bya ba rgya cher 'byung ba 'di yang dpyad par bya'o// 'dod par gsum thob ces bya ba ni/ rgyun tu zhugs pa dang lan cig phyir 'ong ba dang phyir mi 'ong ba'i 'bras bu rnams so/ /gzhan du ni ma yin no zhes bya ba ni gzugs dang gzugs med pa'i khams dag tu ste/ 'dod pa'i khams na gnas pa kho na la khams gnyis las 'dod chags dang bral ba srid pa'i phyir dang/ skyo ba dang bcas pa'i phyir ro/ /'bras bu gnyis ni zhes bya ba ni rgyun tu zhugs pa'i 'bras bu dang lan cig phyir 'ong ba'i 'bras bu'o/ /'dod pa'i khams la 'dod chags dang ma bral bar thob par bya ba zhes bya ba ni/ gzugs dang gzugs med pa'i khams su skyes pas ni de thob par mi nus ste/ 'dod pa'i khams la 'dod chags dang bral ba'i phyir ro/ /phyir mi 'ong ba'i 'bras bu ni dgra bcom pa bzhin du 'dod pa la 'dod chags dang bral ba kho nas thob par bya ba yin no/ /'o na ci'i phyir de gzugs dang gzugs med pa'i khams dag tu mi 'thob ce na/ de'i phyir gong na mthong lam med ces bya ba smos te/ 'dod chags dang

  796. 398b

    bral ba sngon du 'gro bas ni mthong ba'i lam gyis phyir mi 'ong ba'i 'bras bu thob pa yin la/ mthong ba'i lam khams gong ma la brten pa yod pa ma yin pas der skyes pa dag gis phyir mi 'ong ba'i 'bras bu mi thob po/ /re shig gzugs med pa dag na ni zhes bya ba la gzugs med pa dag na ni gzugs med pas bdag med pa ston pa'i sgra med la/ gzhan gyi sgra med par yang dag pa'i lta ba skye ba ni yod pa yang ma yin no/ /khams 'og ma la mi dmigs pa'i phyir ro zhes bya ba la/ gzugs med pa'i khams su skyes pa dag 'dod pa'i khams la mi dmigs pa'i phyir la/ /'dod pa na spyad pa'i sdug bsngal ni dang por lta bar bya ba yin pa'i phyir/ mthong ba'i lam de la rten par mi rigs so/ /mi skye ba'i phyir zhes bya ba ni skyo ba chung ba'i phyir ro/ /gang gsungs pa/ grags po dag ma 'jigs shig me lce 'di ni 'di tshun chad du 'ong ba ma yin no zhes gsungs pas skyo ba ni 'dir 'jigs pa'i sgras brjod de/ skyo ba dang 'jigs pa dag la tha dad du bya ba ci zhe na/ 'jigs pa dang ni rgyu mtshan dmigs te don med pa la dogs pa skye ba'i sems te 'jigs pa gang la rnam par dpyad pa sngon du 'gro ba'i sems skrag pa zhes bya ba'i tha tshig go /rnam par dpyad pa sngon du 'gro ba'i skyo ba 'du byed la mngon par mi dga' ba ni kun tu skyo ba ste/ kun tu rmongs pa dang 'jigs pa'i sems dang nges par 'byung ba skye bas skyo ba zhes bya'o/ /snyoms par 'jug pa'i bde ba la chags pa'i phyir dang zhes bya ba la/ 'dod pa'i khams na ni sdug bsngal gyi tshor ba mang ba'i phyir dang/ 'bad pas bde ba rnams kyang tshe thung ba'i phyir dang/ nad med pa dang/ longs spyod dang/ gnyen bshes dang bral ba la sogs pa srid pa'i phyir/ skyo ba med pa yin la/ gzugs med pa'i khams na ni da las bzlog pa'i sgo nas

  797. 399a

    skyo ba zhan pa yin te/ de na gnas pa'i so so skye bo ni snyoms par 'jug pa'i bde ba la chags pa'i phyir dang/ tshe shin du ring ba'i phyir de ltar skyo bar mi 'gyur ro/ /gzugs kyis khams na ni 'phags pa'i lam 'dren par byed pa skyo ba med pas mthong ba'i lam yod pa ma yin no/ /'dir rtsom zhing der mthar phyin par 'gyur ro zhes bya ba la/ 'phags pa ma yin pa ni 'gas kyang der rtsom par mi gsungs so/ /rtsom pa ni rtsom pa ste/ mya ngan las 'das par 'gro ba'i thabs rtsom zhes bya ba'i tha tshig go /dgra bcom drug 'dod ces bya ba la/ mdo las mi slob pa dag bshad pa gang yin pa de dag las yongs su mi nyams pa'i chos can dang/ shes rab kyi rnam par grol ba dang/ gnyis ka'i cha las rnam par grol ba dag kyang mi g.yo ba'i chos can gyi nang du 'du bas chos mngon pa'i lugs las drug nyid du tha snyad btags so/ /'di la yongs su nyams pa'i chos kyi rang bzhin yod pas yongs su nyams pa'i chos can no/ /de bzhin du 'di la bdag nyid 'chi bar sems pa'i chos yod pas na 'chi bar sems pa'i chos can no/ /'di la rnam par grol ba gang la gnas pa de gsungs pa'i chos yod pas na rjes su bsrung ba'i chos can no/ /de bzhin du gnas pa la mi bskyod pa ni ga la gnas pa bskyod par mi nus pa ste/ yongs su nyams pa med pa'i phyir ro/ /mi g.yo ba ni rnam par grol ba rtogs shing khong du chud de skal ba dang ldan zhing nus pa ni rtogs pa'i skal ba can no/ /dbang po rno ba'i phyir na mi g.yo ba ste/ 'di g.yo bar mi nus pa'i phyir mi g.yo ba'i chos can no/ /de dag las zhes bya ba ni dgra bcom pa drug po las so/ /sems kyis rnam par grol ba ni dus dang sbyor bas phangs pa zhes bya ba la/ dus dang sbyor ba ni dus kyis byung ba ste/ de skye ba yul dang gang zag dang/ yo byad kyi dus

  798. 399b

    la bltos pa'i phyir ro/ /phangs pa ni mig gcig pa'i mig bzhin du lhur blangs nas rtag du rjes su bsrung ba'i phyir te/ phangs pa ni rtag du rjes su bsrungs pa yin no/ /dus la bltos pa yang yin la zhes bya ba la/ dus zhes bya ba ni yo byad la sogs pa la bya'o/ /yang ji ltar de dag rnam par grol ba dus dang sbyor ba yin zhe na/ de'i phyir 'di dag gi ting nge 'dzin mngon sum du 'gyur ba ni zhes bya ba smos te/ de'i rten mthu chung ba'i phyir ro/ /g.yo bar mi nus pa'i phyir zhes bya ba ni/ nyon mongs pa dang nye ba'i nyon mongs pa dag gis te/ de nyid kyi phyir yongs su mi nyams pa'i sgo nas zhes bya ba smos so/ /'dod dgur zhes bya ba ni ting nge 'dzin mngon sum du gyur pa'i phyir te/ de ni gang rung rung gi tshe gang rung rung du gang rung rung gis ting nge 'dzin mngon sum du gyur pa yin no/ /dus gzhan gyi bar dang gtan du rnam par grol ba'i phyir zhes bya ba ni dus gzhan gyi bar du rnam par grol ba'i phyir na dus kyi rnam par grol ba'o/ /gtan du rnam par grol ba'i phyir dus dang mi sbyor bar rnam par grol ba nyid yin no// yang na yongs su nyams pa srid pa'i sgo nas dus gzhan gyi bar du rnam par grol ba'o/ /yongs su nyams pa mi srid pa'i sgo nas gtan du rnam par grol ba'o/ /kha cig dang po nas de'i rigs zhes bya ba 'byung ngo/ /rigs zhes bya ba ni ci zhig ce na/ kha cig na re dge ba'i rtsa ba yin te/ de'i bye brag gis 'di bye brag tu 'gyur ro zhes zer ro/ /gzhan dag na re dad pa la sogs pa'i dbang po rnams yin no zhes zer ro/ /mdo sde pa rnams na re ni sems kyi sa bon gyis dngos po'i nus pa yin te/ yongs su nyams pa'i chos can ni so so'i skye bo'i gnas skabs dang slob pa'i gnas skabs na yang sa bon yod pas yongs su nyams pa'i chos can gyi rigs can zhes bya la/ mi slob pa'i gnas skabs su sa bon de'i 'jug pa rnyed pas yongs su nyams pa'i chos can zhes bya'o/ /'chi bar sems pa'i chos can la sogs

  799. 400a

    ba dag la yang de bzhin du rigs par bya'o zhes zer ro/ /kha cig ni dang po nyid nas zhes bya ba ni so so skye bo'i gnas skabs kho nar te sbyangs pa las gyur pa ma yin no/ /yang ci'i phyir 'dir yongs su nyams pa'i chos can gyi bdag nyid brgal te 'chi bar sems pa'i chos can la spyod par byed ce na/ gang gi phyir yongs su nyams pa'i chos can sbyangs pa las gyur pa yod pa ma yin no/ /mi g.yo ba'i chos can du yang de dang 'dra bar rig par bya'o zhes bya ba la/ 'chi bar sems pa'i chos can dang po nyid nas de'i rigs can dang dbang po sbyangs pa las gyur pa na rjes su bsrung ba'i chos can thob nas rim gyis mi g.yo ba'i chos can gyi bar 'thob ste/ rjes su bsrung ba'i chos can la sogs pa dag la yang ci rigs par de dang 'dra bar brjod par bya'o/ /de la yongs su nyams pa'i chos can ni yongs su nyams par 'gyur pa'i skal ba dang ldan gyi yongs su nyams pa nyid ni ma yin no/ /'chi bar sems pa'i chos can dang yongs su nyams pa'i chos can gang yin pa yongs su nyams pa'i skal ba dang ldan gyis zhes bya ba de rtsam zhig brjod na mi 'chi bar sems pa'i chos can la sogs pa la yang thal bar 'gyur te/ de dag kyang yongs su nyams bar byed nus pas de'i phyir 'chi bar sems pa la sogs pa'i chos can ma yin pa zhes bya ba smos te/ 'chi bar sems pa'i chos can ni 'chi bar sems par brgyud pa'i skal pa can zhes bya ba'i yang 'chi bar sems par 'chi bar sems pa kho na ma yin no/ /sems par gyur pa ni 'chi bar gyur par ro/ /'chi bar sems pa'i chos can la sogs pa rnams la yongs su nyams pa'i chos can la sogs pa yod kyang re re la mtshan nyid kyi khyad par bstan pa'i

  800. 400b

    'chi ba sems pa'i chos can ni 'chi bar sems pa'i skal ba dang ldan gyi rjes su bsrungs pa'i chos can ni ma yin pa gang yin pa'o zhes bya ba 'di brjod mi dgos so/ /de bzhin du gzhan la yang brjod par bya'o/ /ma bsrungs kyang 'bras bu de la gnas pa'i skal pa can yin te/ rjes su bsrung ba'i chos can ni ma bsrungs na mnyam pa'i skal ba can yin gyi gnas par mi 'gyur bas de rnam par bcad par bya ba'i phyir nyams par mi 'gyur ba dang zhes bya ba smos so/ /'phel par yang mi 'gyur pa'i zhes bya ba ni rtogs pa'i skal ba can thob par mi 'gyur pa'o/ /mngon par brtson pa med na zhes bya ba ni brtson 'grus brtsams pa med na ste/ gal te mngon par brtson par byed na ni thob pa'i skal ba can du 'gyur ro/ /nyams par 'gyur ba'i rkyen stobs dang ldan pa med na zhes bya ba la/ yongs su nyams pa'i chos can la sogs pa rnams ni yongs su nyams pa'i rkyen chung ngus kyang yongs su nyams par 'gyur ro zhes bstan pa yin no/ /yongs su nyams par 'gyur ba'i rkyen rnams ni mdo las ji skad du 'byung ba ste/ ji ltar zhes na/ rkyen lnga dang rgyu lngas dus kyi rnam par grol ba'i dgra bcom pa yongs su nyams par 'gyur ro/ /lnga gang zhes/ las kyi mdza' la zhugs pa yin/ smra ba la zhugs pa yin/ rtsod pa la zhugs pa yin/ ring du rgyu ba'i sbyor ba dang ldan pa yin nad kyi rnam pa yun ring pos thebs pa yin zhes pa yin/ dang po gnyis zhes bya ba ni yongs su nyams pa'i chos can dang/ 'chi bar sems pa'i chos can no/ /sngon zhes bya ba ni so so skye bo dang slob pa'i gnas skabs na'o/ /rgyun du sbyong ba gus par sbyor ba med pa yin no/ /gnyi ga la yang gnyi ga med mod kyi/ 'chi bar sems pa'i chos can ni lus la smod pa kun tu spyod pa tshas mang ba gang gis na/ bdag

  801. 401a

    nyid brlag par sems bskyed pa 'am yongs su nyams pa dgos pa 'am/ lus mi gtsang ba'i rdzas du ma tshogs pa'i bdag nyid can gnas pa la dgos pa med par brtags nas bdag nyid 'chi bar sems pa'o/ /gzhan dag na re de'i rigs ni gang zag 'di'i rang bzhin gang yin pa de la mtshon cha gdab par bya'o/ /snyam du de ltar srog la bltos pa med pa la brten nas rnam par grol ba thob par byed pa ste/ ji skad du/ mgrin par mtshon cha kha bstan te/ de nas sems ni rnam par grol zhes gsungs so/ /zhes zer ro/ /gsum pa ni zhes bya ba ni rjes su bsrungs pa'i chos can te/ rgyun tu sbyor ba yin gyi/ gus par sbyor ba ni ma yin te/ de ni sems kyis rnam par grol ba shin tu rjes su bsrungs par bya bar sems so/ de 'di snyam du bdag gis mi g.yo ba'i chos can rtogs par ma nus pas nus par bya'o snyam du bag yod pas rnam par grol ba rjes su bsrung bar gyur pa'o/ /bzhi pa zhes bya ba ni gnas pa las mi bskyod pa'o/ /de ni gus par sbyor ba yin gyi rgyun du sbyor ba ma yin te/ de ni rjes su ma bsrungs kyang gnas pa'i skal pa can yin gyi/ yongs su nyams pa'i rkyen stobs chung ba gang rung rung gis nyams par mi 'gyur la/ mngon par brtson pa med na 'phel ba yang mi 'gyur zhing btang snyoms kun tu spyod pa mang ba yin no/ /rtogs pa'i skal ba can dang/ mi g.yo ba'i chos can gnyis kyi khyad par ni dbang pos byas pa yin gyi/ sbyor bas byas pa ni ma yin te/ gnyis ka yang rgyun du sbyor ba pa dang/ gus par sbyor bar yin pa'i phyir ro/ /yongs su nyams pa nyid ni ma yin no/ /gzhan dag na re/ gang zhig yon tan thob pa ma tshang ba med pa lhag par bsgrubs pa ni gnas pa las mi g.yo ba dang/ yon tan thams cad thob

  802. 401b

    pa'i skal ba can gang yin pa de ni rtogs pa'i skal ba can no zhes zer ro/ /de ltar byas na zhes bya ba la/ gal te yongs su nyams pa'i chos can yang gdon mi za bar yongs su nyams par 'gyur ba ma yin la/ rtogs pa'i skal ba can gyi bar du rtogs par 'gyur ba ma yin na khams gsum char na yang dgra bcom pa drug yod par rung ngo/ /rigs kyi sgo nas dgra bcom pa rnam par bzhag na thams cad du drug nyid du 'gyur ro/ /gang dag gi gdon mi za bar yongs su nyams par 'gyur ba zhes bya ba rgyas par 'byung ste/ de lta ma yin na 'di dag gi ming phyin ci log tu 'gyur ba'i phyir ro/ /de dag gi ltar na 'dod pa'i khams nyid na drug te/ 'dod pa'i khams kho nar yongs su nyams pa dang 'chi bar sems pa dang dbang po 'pho ba srid pa'i phyir ro/ /de gnyis ni zhes bya ba ni gzugs dang gzugs med pa'i khams so/ /de dag tu yongs su nyams pa dang 'chi bar sems pa dang dbang po 'pho ba mi srid pa'i phyir ro zhes bya ba la/ de na tshe rabs gzhan nas yongs su 'dris pas dbang po rnams ches yongs su smin pa'i phyir dang/ rten khyad par can thob pa'i phyir yongs su nyams pa med la/ yongs su nyams pa med pas na yongs su nyams pa'i chos can yang med do/ /yongs su nyams pa med pa nyid kyi phyir/ rjes su bsrung bar bya ba med pas rjes su bsrungs pa'i chos can yang med do/ /'chi bar sems pa med pas 'chi bar sems pa'i chos can yang med de/ yongs su nyams pa'i rgyu mtshan skye ba med pa'i phyir dang/ 'chi bar sems pa dang mthun pa'i skye ba med pa'i phyir dang/ bdag dang gzhan la gnod pa med pa'i phyir ro/ /dbang po 'pho ba med pas rtogs pa'i skal ba can med do/ /gnas pa las mi bskyod pa dang/ mi g.yo ba'i chos can dag ni yongs su nyams pa dang 'chi bar sems pa dang/

  803. 402a

    dbang po 'pho ba la mi bltos pas de na de gnyis kho na yod par thal bar 'gyur ro/ /rang gi rigs las yongs su nyams par mi 'gyur ro/ /zhes bya ba ni yongs su nyams pa'i chos can gyi rigs ni 'chi bar sems pa'i chos can gyi rigs ltar sbyangs pa las gyur pa yod pa ma yin pas de'i phyir yongs su nyams pa med do/ /lhag ma las ni yongs su nyams te/ sbyangs pa las gyur pa gang yin pa las so/ /rigs dang dang po las yongs su nyams par mi 'gyur ro zhes bya ba 'di la/ rgyu smras pa ni slob pa dang mi slob pa'i lam dag gis bstan por byas pa'i phyir zhes bya ba ste/ slob pa ni zhes bya ba la/ rigs dang po las yongs su nyams par mi 'gyur te/ zhes bya bar sbyar ro/ /de nyid la rgyu 'jig rten ba dang 'jig rten las 'das pa'i lam dag gis zhes bya ba smos te/ bstan par byas pa'i phyir ro bzhes bya bar sbyar ro/ /de lta na 'o na gang sbyangs pa las gyur ba ni slob pa dang mi slob pa'i lam gyis bstan par byas pa de'i phyir yang yongs su nyams par mi 'gyur ro zhe na/ de'i phyir rigs kho na de dang 'dra ba'o/ /gzhan dag na re gang gi phyir dang po nas yongs su mi nyams pa ste/ sbyangs pa las gyur pa na yongs su nyams pa'o zhes zer ro/ /gang zhig slob pa sbyangs pa las gyur pa'i rang bzhin can de ni mi slob pa'i dang po nyid do/ /de bzhin du so so skye bo'i gnas skabs la bltos te slob pa la yang brjod par bya'o/ /gang gi 'bras bu dang po dag yin pa zhes bya ba ni rgyun tu zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu'o/ /lhag ma las ni yongs su nyams par 'gyur ro zhes bya ba la/ gang zhig gang gi dang po ma yin pa de las ni nyams par 'gyur ro/ /de nyid kyi phyir rgyun tu zhugs pa'i 'bras bu las yongs su nyams pa med do/ /zhes

  804. 402b

    bya ba ni gang gi phyir de ni thams cad kyi tshe dang po kho na yin gyi/ gnyis pa 'am gsum pa ma yin pas so/ /go rims bzhin du rnam pa lnga dang drug dang bdun yin par rigs par bya'o/ /zhes bya ba la rjes su bsrungs pa'i chos can ni rnam pa lnga yin te/ de na gnas bzhin du yongs su mya ngan las 'da' ba dang/ dbang po 'pho ba dang/ yongs su nyams nas slob pa nyid du 'gyur ba dang/ yongs su nyams pa'i chos can gyi rigs su slar 'ong ba dang/ 'chi bar sems pa'i chos can gyi rigs su slar 'ong ba'o/ /gnas pa las mi skyod pa ni rnam pa drug yin te/ lnga po de dag nyid dang rjes su bsrung pa'i chos can gyi rigs su slar 'ong ba'o/ /rtogs pa'i skal ba can ni rnam pa bdun yin te/ drug po de dag nyid dang gnas pa las mi bskyod pa'i rigs su slar 'ong ba'o/ /gang gi rigs dang po gang yin pa zhes bya ba ni slob pa'i gnas skabs nas brtsams pa dag go/ de slob par gyur na zhes bya ba ni dgra bcom pa nyid las yongs su nyams pa ste/ de kho na la gnas kyis gzhan la ma yin no zhes bya'o/ /mi slob pa sbyangs pas thob pa gang yin pa de slob pa'i gnas skabs gang yin pa yang sbyangs pas thob pas/ de'i phyir dgra bcom pa la las yongs su nyams pas yongs su nyams par 'gyur ba ni ma yin no/ /de ni dang po kho nar mi slob pa'i gnas skabs yin na/ gang so so skye bo'i gnas skabs su dbang po sbyangs pas thob pa lta ci smos/ slob pas kyang so so skye bo'i gnas skabs su dbang po sbyangs pas gang thob pa de'i phyir yongs su nyams pa ma yin no/ rigs khyad par can rnyed pa'i phyir zhes bya ba ni/ des kun nas drangs pa'i rigs gang yin pa de snyed pa'i phyir yongs su mi nyams te/ 'phel ba kho nar 'gyur gyi yongs su nyams par mi 'gyur ro/ /'di skad bshad par 'gyur te/ yongs su

  805. 403a

    nyams pa'i chos can dbang po sbyangs pas rtogs pa'i skal ba can thob pa de slob par gyur cing rigs de las kyang yongs su nyams na lugs las bzlog pa gnas pa las mi skyong ba'i rigs nas 'chi bar sems pa'i chos can gyi rigs kyi bar la mi gnas so/ /'o na ci zhe na/ yongs su nyams pa'i chos can gyi rigs kho na la gnas so/ /'dir rigs las gnas pa'i sgo nas rigs kyi khyad par thob pas dbang po sbyangs pa thob pa las kyang rigs las nges par nyams par 'gyur ro/ /de khyad par gyi 'bras bu dor nas 'bras bu thob pa 'phel bar byed do/ /de'i phyir bstan bcos las rigs las yongs su nyams kyang 'bras bu las yongs su nyams par mi 'gyur te/ rigs gong ma yongs su nyams kyang rigs 'og mas bsdus pa'i 'bras bu de nyid la gnas pa'i phyir ro/ /mthar gyis pa dbang po rnon po rnams ni yongs su sbyongs pa bzhin mthar gyis pa las yongs su nyams pa med de/ ci'i phyir zhe na/ 'bad pos thob pa'i sa rigs ni dbang po 'phobs 'dod ba ste/ 'bad pa med par thob pa med pa'i phyir nye bar bsags par 'bad pas thob pa kho na rigs kyi ngo bos gnas so/ /yang ci'i phyir 'bras bu dang po las yongs su nyams pa med ces bya ba ni/ mthar gyis pa dang phal cher la 'dod chags dang bral ba dang/ 'dod pa la 'dod chags dang bral ba rnams la rgyun tu zhugs pa'i 'bras bu dang lan cig phyir 'ong ba'i 'bras bu dang/ phyir mi 'ong ba'i 'bras bu dag las/ mthong bas spang bar bya ba rnams gzhi med pa'i phyir te zhes bya ba ni/ dngos po ji ltar kun btags pa la dmigs pa'i phyir zhes bya ba'i don to/ /gzhan dag na re dngos po ji lta bar gnyi ga 'gal ba med de/ rigs kyi khyad par thob pa'i phyir 'di 'phel ba

  806. 403b

    nyon mongs pa dang ldan pa las ni yongs su nyams pas na 'di la 'gal ba ci zhig yod/ lhag ma yod pa'i mya ngan las 'das pa thob pa'i gegs bskyed pa'i phyir yang 'di yod mod kyi/ 'di nyid mi rigs kyi khyad par thob pa yongs su nyams par 'gyur gyi 'phel ba ma yin zhes bya ba 'di la rgyu med do/ /bdag gi gzhi la 'jug pa'i phyir zhes bya ba ni/ bdag gi dbang du byas nas 'jug pa ste/ 'jig tshogs la lta ba'i rtsa ba can yin pa'i phyir bdag gi gzhi zhes bya bar shes so ji ltar 'jig tshogs la lta ba'i rtsa ba can yin pa de ni phra rgyas bstan pa'i mdzod nyid du rgya cher bshad la/ de yang bdag med do zhes bya ba grub pas 'di gzhi med pa nyid do/ /'o na med pa la dmigs par 'gyur ro zhes bya ba ni bdag gi rdzas med pa'i phyir ro/ /phyin ci log tu dmigs pa yin no zhes bya ba ni lus sdug bsngal ba la bdag tu dmigs pa'i phyir ro/ /de lta ma yin pa'i nyon mongs pa gang zhig yin te zhes bya ba la/ 'dod chags la sogs pa'i nyon mongs pa bsgom pas spang bar bya ba yang mi gtsang ba la sogs pa'i dngos po la/ gtsang ba dang/ bde ba dang/ rtag pa'i rnam par dmigs pa'i phyin ci log tu dmigs pa yin no/ /byed pa po ni dge ba dang mi dge ba'i las kyi byed pa po'i 'tshor ba po ni 'bras bu'i za ba po'o/ /dbang bsgyur ba mi de la 'dod dgur 'jug pa'i phyir ro/ /de'i gzhi la zhugs pa yin pas zhes bya ba rgyas par 'byung ba ni/ bdag tu mngon par 'dod pa'i dngos po la rtag pa dang chad par rtog pa'i phyir te/ de bzhin du gzhan la yang bzod par bya'o/ /'dod chags dang/ khong khro dang/ nga rgyal zhes bya ba rgyas par 'byung ste/ 'dod chags ni rang gi ngo bo gzugs la sogs pa kho na la sgro mi 'dogs par chags pa'i rnam par 'jug pas gzhi dang bcas pa

  807. 404a

    zhes bya ste/ zhe sdang la sogs pa dag la yang de bzhin du brjod par bya'o/ /slob dpon gyis gzhan yang 'phags pa zhes bya ba smos so/ /dran pa nyams pa zhes bya ba la/ dran pa nyams pa ni dran pa nyon mongs pa can no/ /thag ba la sprul gyi 'du shes bzhin no/ /zhes bya ba ni dper na dran pa nyams pas thag pa la sbrul du 'du shes pa 'byung gi nges par rtogs pa las ma yin pa bzhin no/ /nges par mi rtog pa la ni zhes bya ba ni lta ba rnams nges par rtog pa'i rnam par zhugs pa'i phyir ro/ /dgra bcom pa nyid las kyang yongs su nyams pa med do zhes bya ba ni mthong bas spang bar bya ba spangs pa las yongs su nyams pa med pa 'ba' zhig tu ma zad kyi snyam du bsams pa'o/ /'di ji ltar khong du chud par bya zhe na/ dge slong dag 'phags pa'i shes rab kyis spang ba gang yin pa de ni spangs pa yin no/ /zhes bya ba 'byung ngo/ /'phags pa ma yin pa'i ni spangs kyang spangs pa ma yin no zhes bstan par 'gyur te/ slar skye ba'i phyir ro snyam du bsams pa'o/ /dgra bcom pa nyid ni 'jig rten pa'i lam gyis bsdus pa yod pa ma yin te/ 'jig rten pa la srid pa'i rtse mo'i gnyen po med pa'i phyir ro/ /slob pa la bag yod pa la bag yod par bya'o zhes smra'o/ /zhes bya ba'i mdo'i tshig 'di ni dgra bcom pa nyid la yongs su nyams pa med do zhes bya ba'i khungs gnyis pa yin no/ /slob pa ni 'bras bu gnyis las yongs su nyams pa srid cing de'i nyon mongs pa yang lhag ma dang bcas pas bag yod par gsungs kyi/ mi slob pa ni nyon mongs pa ma lus pa spangs pa'i phyir dgra bcom pa las yongs su nyams pa yod pa ma yin pas de la bag yod par bya ba ma gsungs so/ /de lta ma yin na 'di la yang slob pa bzhin du bag yod par bya'o zhe na ci ste mi

  808. 404b

    gsung/ gzhan dag na re/ 'jig rten pa'i lam gyis spangs pa rnams las brgyad pa'i sa'i spangs pa ni slar ngan song dang 'brel pa yin no/ /'di la dpe ni rangs byed kyi bu lhag spyod bzhin no zhes zer ro/ /yang dag pa med pas spangs pa rnams ni ma yin te/ dgra bcom pa las yongs su nyams kyang slar skye ba dang 'brel pa yod pa ma yin pa'i phyir ro/ /de'i phyir dge slong dag 'phags pa'i shes rab kyis spangs pa gang yin pa ni spangs pa'o zhes gsungs so/ /slob pa la bag yod par bya'o zhes gsungs la dgra bcom pa la ma yin pa de la dgos pa yod de/ slob pa ni ci yang med pa'i skye mched kyi bar las 'dod chags dang bral yang yongs su nyams pa na gzugs kyi khams su skye bar 'gyur ba de'i phyir bcom ldan 'das kyis de la bag yod par bya ba bka' stsal bar gyur to/ /mi slob pa la ni yongs su nyams kyang yang srid pa mngon par 'grub pa'i skabs med pas de la bag yod par bya ba ma gsungs so/ /zhes zer ro/ /'di ni 'chad par 'gyur ba'i rigs pa dang 'gal ba'i phyir dang the tshom za ba'i phyir khas mi len to/ /slob pa la ni yongs su nyams pa yod de/ 'jig rten pa'i lam gyis spangs pa'i phyir dang/ 'jig rten las 'das pa'i lam gyis spangs pa ma yin pa'i phyir ro/ /dgra bcom pa la yang bag yod par bya ba mdo gzhan las gsungs te/ rnyed pa dang bkur sti bar chad byed pa yin par bshad pa'i phyir ro snyam du sems pa bsal bar bya ba'i phyir/ kun dga' bo dgra bcom pa la yang zhes bya ba rgyas par smos te/ rnyed ba dang bkur sti ni mthong ba'i chos la bde bar gnas pa/ kho na la bar chad byed kyi/ dgra bcom pa nyid la ni ma yin pas de la bag yod par bya ba med do/ /'dis sems rnam par grol ba mi g.yo ba zhes bya ba rgyas par 'byung ste/ mdo de la ni dgra

  809. 405a

    bcom pa nyid las yongs su nyams pa med do zhes rang gi sgra kho nas gsungs so/ /zhes bstan to/ /gal te dus dang sbyor ba la yod do zhes bya ba la/ sems rnam par grol ba ni rnam pa gnyis te/ dus dang sbyor ba dang mi g.yo ba'o/ /de la mi g.yo ba zhes bya ba khyad par du byas pas sems rnam par grol ba dus dang sbyor ba las yongs su nyams so/ /zhes bstan par 'gyur ro/ /dus su mngon sum du 'gyur pa'i phyir zhes bya ba ni dus 'ga' zhig gi che mngon sum du 'gyur pa'i phyir ro/ /ro myang bar bya ba'i phyir zhes bya ba ni/ phangs pas zhes rjes su 'jug go /dgra bcom pa nyid kyi rnam par grol ba ni zhes bya ba ni dgra bcom pa nyid rnam par grol ba yin pa'o/ /rtag tu rjes su 'brel pa'i phyir zhes bya ba ni thob pa'i tshul gyis rtag tu rjes su 'brel pa dus dang sbyor ba yin par mi rung ste/ 'dus ma byas kyi rnam par grol ba gang yin pa de ni nam yang mngon du gyur pa ma yin no/ /yang don du gnyer bar bya ba ma yin pa'i phyir phangs pa yang ma yin no zhes bya ba ni rtag tu rjes su 'brel pa nyid kyi phyir yang don du gnyer bar bya ba ma yin no/ /gal te 'di dus gzhan du 'brel pa'i phyir dus dang sbyor ba yin la/ yongs su nyams pa dag gis yang don du gnyer bar bya ba yin pa'i phyir phangs pa yin no/ /zhe na/ de'i phyir gal te dgra bcom pa nyid las yongs su nyams pa zhes bya ba rgyas par smos so/ /lhag pa'i sems la yod pas na/ lhag pa'i sems las byung ba'o/ /dbang nyams pa'i phyir zhes bya ba ni mngon du bya ba mthu med pa'i phyir zhes bya ba'i tha tshig go /de bzhin du 'chi bar sems pa'i chos can la sogs pa la yang/ sbyar bar bya'o zhes bya ba ni gang zhig ting nge 'dzin nyams pa'i 'jigs pas bdag nyid 'chi bar sems pa de ni 'chi bar sems

  810. 405b

    pa'i chos can no/ /gang zhig yon tan gyi khyad par cung zhig rjes su bsrungs pa de ni rjes su bsrungs pa'i chos can no/ /gang zhig yon tan de tsam la gnas pa de las ma bsrungs kyang mi g.yo ba de ni gnas pa las mi skyod pa'o/ /gang zhig yon tan gyi khyad par gong du rtogs par byed pa de ni rtogs pa'i skal pa can te/ rtogs par byed pa zhes bya ba ni skyed par byed pa zhes bya ba'i don gang yin pa'o/ /mi g.yo bar bskyed pa'i yon tan rnams las yongs su mi nyams pa gang yin pa de ni mi g.yo ba'i chos can no/ /ji ltar yongs su nyams pa'i chos can las bzlog te bshad pa/ gang zhig yongs su nyams pa'i chos can ma yin pa de yongs su nyams pa'i chos can ma yin te/ de ltar 'chi bar sems pa'i chos can la sogs pa rnams la yang bzlog pas bskyed de/ gang zhig 'chi bar sems pa'i chos can ma yin pa de 'chi bar sems pa'i chos can ma yin te/ de bzhin du gzhan la yang brjod par bya'o/ /ci'i phyir zhe na/ de ltar mdo las mi 'byung ba'i phyir ro// yongs su nyams pa'i chos can dang yongs su mi nyams pa'i chos can dag bzung ba ni/ de dag mdo las 'byung ba'i phyir ro/ /yongs su mi nyams pa dang gnas pa las mi bskyod pa dang mi g.yo ba'i chos can dag la khyad par ci zhe na/ zhes bya ba ni thams cad la yongs su nyams pa med pas 'dri ba'o/ /sbyangs pa las gyur pa zhes bya ba ni dbang po sbyangs pa rjes su thob ces bya ba'i don to/ /'di ni khyad par yin par mngon no zhes bya ba ni slob dpon rang gi 'dod pa ston par byed pa'o// gsungs pa'i skabs dgag pa'i phyir tshe dang ldan pa gnag tshogs can slob par gyur pas bya ba rgyas par smos te/ de la 'di ni gsungs pa'i skabs so/ /tshe dang ldan pa gnag tshogs can rgyal po'i khab tu gnas te zhes bya ba nas rgyas par

  811. 406a

    dus dang sbyor ba yid du 'ong ba'i sems rnam par grol ba lus kyi mngon sum du byas pa de de las yongs su nyams so/ /de nas tshe dang ldan pa gnag tshogs can 'di snyam du gyur te zhes bya ba nas rgyas par dgra bcom pa nyid la mtshon chas gdab ste lan bdun gyi bar du yongs su zhes bya ba nas rgyas par tshe dang ldan pa gnag tshogs can gyis mtshon btab pa'i bar du ste/ de'i 'chi ba'i dus su dbang po rnams rnam par dngos shing bzhin gyi mdog yongs su dag la pags pa'i mdog ni dkar bar gyur to/ /der bcom ldan 'das kyis dge slong rnams la bka' stsal pa rgya cher gsungs te/ dge slong dag ri dags kyi bu gnag tshogs can gyis rab tu mi gnas pa'i rnam par shes pa la mtshon gyis btab pa ste zhes bya ba nas rgya cher bcom ldan 'das kyis tshe dang ldan pa gnag tshogs can mchog nyid du lung bstan pa'i bar du 'byung ngo/ /lung 'di'i dgongs pa ni tshe dang ldan pa gnag tshogs can dgra bcom pa las yongs su nyams te zhes gzhan gyis smras pa'i lan gyi phyir ro/ /mtshon gyis 'debs par byed la zhes bya ba ni mgrin pa la mtshon gyis 'debs par byed ces bya ba'i tha tshig go /lus dang srog la mi lta ba'i phyir zhes bya ba ni rgyu 'dis na zhes bya pa'i don to/ /ci'i phyir bcu tshan de kho na las zhes bya ba rgyas par 'byung ste/ tshe dang ldan pa dag chos gcig mang du bya ba gang zhe na/ 'di lta ste/ dge ba'i chos rnams la bag yod pa'o/ /chos gcig bsgom par bya ste/ lus su gtogs pa'i dran pa'o/ /chos gcig yongs su shes par bya ste zag pa dang bcas pa'i rigs pa'o/ /chos gcig spang par bya ste/ nga'o snyam pa'i nga rgyal lo/ /chos gcig nyams pa'i cha dang mthun pa ste/ tshul bzhin ma yin pa yid la byed

  812. 406b

    pa'o/ /chos gcig rtogs par dka' ba ste/ bar chad med pa'i sems kyi ting nge 'dzin no/ /chos gcig bskyed par bya ste/ dus dang sbyor ba phangs pa'i sems rnam par grol ba'o/ /chos gcig mngon par shes par bya ste/ sems can thams cad kyi zas dang gnas rnams so/ /chos gcig mngon du bya ste/ mi g.yo ba'i sems rnam par grol ba'o/ /tshe dang ldan pa dag de ltar 'di dag ni chos bcu'o zhes rgya cher 'byung ngo/ /bcu tshan gcig las dgra bcom pa de nyid lan gnyis brjod par rigs pa ma yin te/ dgra bcom pa nyid bskyed par bya ba yin par ni gang du yang ma gsungs so/ /'o na ci zhe na/ mngon sum du bya ba yin no zhes bya ba smos te/ de'i phyir yang sems rnam par grol ba'i dus dang sbyor ba pa dgra bcom pa nyid ma yin no zhes bya bar sems so/ /gal te dus dang sbyor ba 'phangs pa'i sems rnam par grol ba dbang po brtul pos bsdus pa'i dgra bcom pa nyid kho na bsam gtan gyi dngos bzhi'i ting nge 'dzin ma yin pa de lta na dbang po brtul pos bsdus pa'i zhes bya ba rgyas par 'byung ngo/ /'dis ci zhig shes par byas pa yin zhes bya ba ni ci yang shes par byas pa ma yin no snyam du bsams pa'o/ /ji ltar ci yang shes par byas pa yin pa de bstan pa'i phyir/ /gal te re zhig ces bya ba rgyas par smos so/ /gzhan la ? zhes bya ba nas/ de bskyed pa dbang po rnon pos bsdus pa nyid kyis kyang ste/ sbyor ba gzhan yang dbang po brtul pos bsdus pa ma yin no/ /'on te bskyed par 'os pa ma yin no zhe na zhes bya ba ni dbang po brtul pos bsdus pas bskyed par 'os par bshad pa de lta na/ gzhan ches shin tu 'os pa yin te/ zhes bya ba dbang po rnon pos bsdus pa ste/ khyad par du 'phags pa 'dod pa ni dman pa la sbyor bar 'os pa ma yin no/ /gal te dus dang sbyor

  813. 407a

    ba phangs pa'i sems rnam par grol ba dgra bcom pa nyid ma yin no 'o na dus kyi rnam par grol ba zhes rgyas par 'byung ste/ yongs su nyams pa srid pa'i phyir dus kyis rnam par grol ba shin tu ma yin zhes bya ste/ dus kyi rnam par grol bar mi rung ba ste/ gzhan du ma yin zhes bsams pa'o/ /dbang po brtul po'i phyir zhes bya ba rgyas par 'byung ba la/ bzlog pa'i phyir dus dang mi sbyor ba rnam par grol ba ste/ dbang po rnon po gang zhig yul dang dus dang nad med pa la sogs pa lam bltos par ting nge 'dzin mngon du 'gyur pa ste/ dus la ma bltos par rnam par grol bas na dus dang mi sbyor ba rnam par grol ba'o/ /cig shos ni 'tsho ba dang yo byad dang nad med pa la sogs pa'i dus la bltos te rnam par grol bas na dus dang sbyor bas rnam par grol ba zhes bya ba'o/ /yongs su nyams pa dang yongs su mi nyams pa'i sgo nas dgra bcom pa ni ma yin pa'i phyir ro/ /re zhig mdo las dgra bcom pa las yongs su nyams pa med pa ni de lta bu'o/ /chos mngon pa las kyang dgra bcom pa las yongs su nyams pa med pa yin no zhes bstan pa'i phyir/ chos mngon pa las kyang zhes bya ba rgyas par 'byung ngo/ /gnas gsum gyis zhes bya ba ni rgyu gsum gyis so/ /ma spangs shing yongs su ma shes zhes bya ba ni de'i thob pa rjes su 'brel pa'i sgo nas so/ /de spangs pa dang rjes su 'brel pa ni de'i thob pa mi skye ba'i sgo nas so/ /snang bar gyur pa yin zhes bya ba ni yul gyis/ dngos por gnas pa nyid do/ /de la tshul bzhin ma yin pa zhes bya ba ni tshul bzhin ma yin pa'i nyon mongs pa can zhes bya ba'i don to/ /'dod pa'i 'dod chags dang rjes su mthun pa'i phyir ro/ /gal te de lta bu ni yongs su tshang ba las skye ba yin no zhes bya ba la/ gal te zhes bya ba ni nyon mongs pa kha cig ni rgyu'i stobs kho

  814. 407b

    na las rab tu 'jug go /kha cig ni dmigs pa'i stobs las so/ /kha cig ni gnyis ka las ste 'dir ni rgyu yongs su tshang ba las skye ba yin zhes pa'o/ /'di shes byed ma yin par bstan pa'i phyir sgyu yongs su ma tshang ba las go gang zhig skye zhes smos so rkyen ji snyed gcig gi 'bras bu skyed par grags pa de dag ma tshad na de bskyed par mi 'gyur te/ dper na mig dang/ gzugs dang snang ba dang/ yid la byed pa ma tshang ba dag gis mig gis rnam par shes pa bskyed pa ma yin pa bzhin no/ /de'i phyir dgra bcom pa nyid las yongs su nyams pa med de/ nyon mongs pa'i phra rgyas thams cad spangs pa'i phyir ro/ /rgyun tu zhugs pa'i 'bras bu bzhin nyon mongs par mi 'thad pa'i phyir ro/ /de lta bu zhes bya ba ni de'i rang bzhin te/ nyon mongs pa'i sa bon dang 'gal ba kyang yin pa'o/ /gang gis na nyon mongs pa rnams gtan du mi skye ba'i chos nyid du 'gyur ba zhes bya ba la/ zag pa med pa'i lam gyis gnas gyur pa'i phyir/ rang gi rten las nyon mongs pa'i sa bon rtsa nas 'don pa yin la/ sa bon med pas rgyud la des spang bar bya ba'i nyon mongs pa rnams gtan du mi skye ba'i chos nyid 'thob bo/ /ji ltar na yang yongs su nyams par 'gyur zhes bya ba la/ sa bon med pa ni 'ga' yang skye bar mi rung la/ nyon mongs pa skye ba med par yang de yongs su nyams pa yod pa ma yin no/ /'on te ma skyes te zhes bya ba ni gang gis nyon mongs pa'i sa bon rtsa nas 'don pa'o/ /de'i sa bon gyi chos nyid ces bya ba ni nyon mongs pa'i sa bon gyi rang bzhin zhes bya ba'i don to/ /slob dpon 'dus bzang na re/ 'jig rten pa'i lam gyis 'bras bu gnyis thob pa bzhin du gal te de'i gegs su gyur pa'i nyon mongs pa rnams kyis sa bon gyis chos rtsa ba nas phyung ba thob par byed pa de lta yin no/ /'bras bu gnyis bzhin du grub pa'i phyir dgra bcom pa las yongs su

  815. 408a

    nyams te/ gnyen pos sa bon rtsa ba nas phyung yang slar nyon mongs pa skye bar khas blangs pa'i phyir ro/ /ci ste 'dod pa na spyod pa'i nyon mongs pa'i sa bon ma byung ba kho nar phyir mi 'ong ba'i 'bras bu thob bo zhe na/ ci'i phyir 'dod pa na spyod pa'i nyon mongs pa'i sa bon gyi chos nyid ma phyung ba kho nar phyir mi 'ong ba'i 'bras bu thob par 'gyur/ 'jig rten pa'i lam gyis 'dod pa na spyod pa'i bsgom pas spang bar bya ba'i nyon mongs pa rnams kyis sa bon ma phyung ba kho nar lan cig phyir 'ong ba dang 'bras bu yang 'dod de/ de bas na de nyid kyi phyir yongs su nyams par 'dod do zhes zer ro/ /gang gis phyir spangs ba ni rnam pa gnyis to/ 'jig rten pa dang 'jig rten las 'das pa'i lam dag gis rim pa bzhin du mngon du rgyu spangs pa dang sa bon spangs pa'o/ /de la yod pa'i sa bon yang sa 'og ma'i nyon mongs pa ni rnam par gnon pa'i phyir dang sa gong ma'i nyon mongs pa mngon du rgyu ba'i phyir dang der skye ba 'phags pa rnams kyis mthong bas spangs par bya ba'i nyon mongs pa spangs pa'i phyir slar yang sa 'og mar 'gro ba yin no/ /zag pa med pa'i lam gyis khams gsum pa'i sgom pas spang par bya ba'i nyon mongs pa'i sa bon rtsa ba nas gton pa'i phyir dgra bcom pa thob pa la/ yongs su nyams kyang skyo ba shas che ba'i phyir slar yang rtogs pas ni la 'gal ba ci zhig yod/ sol ba'i phung po lta bu'i mdo'i lan gdab dgos zhes bya ba la/ de las ni dgra bcom pa kho na la sdig pa mi dge ba'i rnam par rtogs pa dag skye bar bshad la/ de yang dgra bcom pa nyid las yongs su ma nyams pa la mi srid/ de'i phyir dgra bcom pa nyid las yongs su nyams pa med pas smra ba rnams gyis de'i lan gdab dgos so/ /de nyid bstan pa'i phyir gang las zhes bya ba rgyas par 'byung ngo/ /de ltar spyod pa dang de ltar gnas pa zhes bya ba ni 'phags pa nyan thos thos pa dang

  816. 408b

    ldan pa de grong ngam grong rdal la brten cing gnas te/ de snga dro sham thabs dang chos gos bgos te lhung bzod thogs nas grong ngam grong brdal de nyid du bsod snyoms la 'jug te lus legs par bsdams pa dang dbang po legs par bsdams pa dang dran pa shin tu gnas pa de nyid du dran bzhin du 'jug /dran bzhin du ldog/ dran bzhin du lta bar byed/ dran bzhin du rnam par lta bar byed/ dran bzhin du bskum par byed/ dran bzhin du skyong bar byed do/ /de ci'i phyir zhe na/ bdag cung zad tsher ma can du 'gyur ro snyam mo/ /dge slong dag 'phags pa'i chos 'dul ba la tsher ma can du brjod pa gang yin pa 'jig rten na gzugs sdug pa 'dod pa'i yon tan lnga rnams te/ mig gi shes par bya ba'i gzugs 'dod pa dang mdzes pa dang sdug pa dang yid du 'ong ba 'dod pa dang ldan pa rnams la chags par byed do/ /de bzhin du lus kyis shes par bya ba reg bya zhes bya ba rgyas par 'byung ste/ 'di ni 'jig rten na gzugs sdug pa zhes bya'o/ /de la dge slong dag la 'phags pa nyan thos thos pa dang ldan pa de ltar spyod cing de ltar nas ba de brgya la re 'ga' zhig dran pa nyams pas sdig pa mi dge ba'i rnam par rtog pa 'dod chags dang ldan pa 'am zhe sdang dang ldan pa 'am gti mug dang ldan pa'i 'ching ba dag skye'o/ /dge slong dag la 'phags pa nyan thos dran pa nyams pa de ci nas kyang slar myur ba kho nar zad pa dang yongs su gtugs pa yang byed do zhes 'byung ngo/ /nam yang yongs su mi nyams par smra bas de ltar smra ba las spyod pa dang gnas pa 'dis slob po kho na gsungs so snyam pa bsal ba'i phyir/ de ni de las te sol bar phung po lta bu'i mdo de las dgra bcom pa kho na yin par shes par byas so/ /yang ci ltar shes pa byas zhe na/ de'i phyir yun ring po gnas sems dben pa la gzhol ba yin zhes bya ba nas/ mya ngan las 'das pa la bab pa yin zhes

  817. 409a

    pa'i bar du gsungs pa yin no zhes bya ba smos te/ de la yang dge slong dag 'phags pa nyan thos thos pa dang ldan pa de ltar gnas pa ni rgyal po 'am blon po dag nye bar 'os nas longs spyod la mgron du gnyer ba na zhes bya ba rgyas par dge slong dag de snyam du sems/ 'phags pa nyan thos thos pa dang ldan pa la de ltar rgyal po'i blon po dag gis longs spyod la mgron du gnyer ba na bslab pa spong ba la 'jug pa zhes bya ba nas rgyas par de ni gnas med cing skabs su med do/ /gang 'phags pa nyan thos thos pa dang ldan pa la de ltar rgyal po 'am blon po dag gis longs spyod la mgron du gnyer ba na zhes bya ba rgyas par de ci'i phyir zhe na/ 'di ltar 'phags pa nyan tho thos pa dang ldan pa yun ring po nas sems dben pa la gzhol ba yin/ dben pa la 'bab pa yin/ dben pa la bab pa yin/ zhi ba la rnam par dga' ba/ nges par 'byung ba la mngon par dga' ba/ zag pa'i gnas lta bu'i chos thams cad bsal? bar gyur pa/ gsil bar gyur pa'o/ /zhes nga smra'o zhes 'byung ste/ 'di ga las shes par bya zhe na/ 'di dgra bcom pa'i stobs te slob pa'i ma yin no zhes bya ba'o/ /de'i phyir 'di'i stobs ni dgra bcom pa'i yin te mgo gzhan las kyang gsungs so/ /gang zhe na zag pa'i gnas lta bu'i chos thams cad ces bya ba rgyas par smos so/ /de'i phyir 'dir yang dgra bcom pa kho na la dgongs so zhes bya bar shes so/ /mnyan yod du gsungs pa/ dge slong dag dge slong dgra bcom pa'i zag pa zad pa'i stobs ni brgyad de/ brgyad gang zhe na/ dge slong dgra bcom pa zag pa zad pa ni sems dben pa la gzhol ba yin zhes bya ba nas/ mya ngan las 'das pa la bab pa yin zhes pa'i bar dang/ 'dis ni 'dod pa

  818. 409b

    rnams sol ba'i phung po lta bur mthong ba yin te/ ji ltar 'dod pa rnams shes shing 'dod pa rnams mthong ba 'di zhes 'dod pa la 'dod pa'i 'dun pa dang/ 'dod pa'i chags pa dang/ 'dod pa la 'tshums pa dang/ 'dod pa la bab pa dang/ 'dod pa la lhag par zhen pa gang yin pa de la bde'i sems yongs su gtug te mi gnas pa de ltar 'dis 'dod pa rnams mthong ba yin no/ /'dis ni dran pa nye bar gzhag pa bzhi bsgoms shing shin tu bsgom pa yin/ /yang dag par spong ba gzhi dang/ rje? 'phrul gyi? ? pa bzhi dang/ dbang po lnga dang/ stobs lta dang/ byang chub kyi yan lag bdun dang/ 'phags pa'i lam yan lag brgyad bsgoms shing shin du bsgoms pa yin zhes 'byung ngo/ /'dir zag pa med pa'i gnas lta bu'i chos thams cad sol ba'i phung po lta bur gsungs shing/ bsil bar gyur pa bsal bar gyur pa zhes gsungs pa de'i phyir yang dgra bcom pa kho na la dgongs so/ /zhes bya bar shes so/ /de skad 'byung ba yang yod med kyi zhes bya ba rgyas par 'byung ba ni/ de ltar spyod cing de ltar gnas pa zhes bya ba nas bzung ste/ mi dge pa'i rnam par? rtog pa zhes bya ba'i mthar thug pas dang po nas 'dir slob pa'i gnas skabs gsungs so/ /dgra bcom pa'i gnas skabs ni yun ring po nas sems dben pa la gzhol ba yin zhes bya ba nas bzung ste/ bsil bar gyur pa bsal bar gyur pa zhes bya ba'i bar gyis gsungs so/ /de ltar yongs su brtags pa ci zhe na/ gang gi phyir de lta ma yin na mdo dang 'gal zhing rigs pa dang 'gal bar yang 'gyur ro/ /de nyid kyi phyir ji srid du spyod pa legs par ma brtags pa zhes smos te/ spyod pa ni bsod snyoms kyi phyir grong la sogs pa rgyu ba'o/ /legs par ma brtags pa ni/ legs par yongs su ma shes pa'o/ /de srid slob pa de ltar spyod pa'o?

  819. 410a

    zhes bya ba ni/ de srid du de ltar mi slob pa yang dran pa dang ldan pa'i sgo nas spyod ces bya ba'i don to/ /gzhan dag kyang zhes bya ba ni slob pa dang so so skye bo'o/ /de dag sngon du 'gro ba yin no zhes bya ba ni/ slob pa sngon du 'gro ba ni dgra bcom pa rnams yin la/ so so skye bo sngon du 'gro ba ni slob pa rnams te/ de'i phyir dgra bcom pa rnams bzhin du slob pa dang so so skye bo rnams kyang rigs drug go /slob pa dang mi slob pa'i gang zag rnams dbang po sbyangs? pas rigs 'pho bar bshad la/ de dag kyang mthong ba dang bsgom pa dang mi slob pa'i lam la gnas pa'i phyir thams cad du dbang po 'pho bar thal bar 'gyur ro zhe na/ de'i phyir gzhan yang mthong ba la ni 'pho ba med do/ ces bya ba smos te/ sbyor ba mi srid pa'i phyir zhes bya ba ni/ gang gi phyir lam gyi nus pas dbang po brtul po'i rgyud btang nas dbang po 'bring po dang rnon po'i rgyud thob pa las dbang po'i 'pho ba zhes bshad la/ de dag gtong ba dang thob pa yang rgyun du sbyor ba dang gus par sbyor ba med pas mi nus so/ /mthong ba'i lam ni myur du 'gro ba'i phyir dang bya ba gzhan la zhugs pa'i phyir rgyun du sbyor ba dang gus par sbyor ba med pa'i phyir der dbang po 'pho ba med do/ /myur par 'gro ba ni skad cig ma bco lnga las ldang ba med pa'i phyir ro/ /bya ba gzhan la zhugs pa ni bden pa med no par rtogs par zhugs pa'i phyir ro/ /la la ni ngad pas mos pa'i gnas skabs na'o zhes bya ba ni bsgom pa'i lam na zhes bya ba'i tha tshig go /'dir mi slob pa dbang po 'pho ba ni ma bshad de/ gong du bshad zin pa'i phyir/ mdo las 'di skad du zhes bya ba rgyas par 'byung ba ni/ kun dga' bo dgra bcom pa la yang rnyed pa dang bkur sti par chad byed pa yin pa dang smra'o zhes bya ba'i mdo de las so/ /mthong

  820. 410b

    ba'i chos la bde bar gnas pa lhag pa'i sems pas byung ba ni bsam gtan bzhi'o/ /dbang po rnon po yin pa'i phyir yongs su nyams pa mi srid do snyam ste 'dri ba ni ji ltar mi g.yo ba'i chos can zhes bya ba rgyas par 'byung ba'o/ /sangs rgyas la ni nye bar spyad pa las yongs su nyams pa kho na mnga' i gzhan thob pa dang ma thob pa las yongs su nyams pa yin pa ni mi mnga' ste/ gdul bya'i don la zhugs pa na sangs rgyas kyi chos kyi nom pa rnams pa snyes kyang mngon du mi mdzad pa'i phyir ro// de dang zhes bya ba ni nye bar spyad pa las nyams pa ste bya ba gzhan la g.yengs pas ji ltar rtogs pa'i yon tan mngon du mi byed pa'i phyir ro/ /gang zag khyad par can gyi chos ma thob pa'i phyir ro zhes bya ba ni sangs rgyas dang rang sangs rgyas kyi rgyud la mnga' ba'i yon tan ma thob pa'i phyir ro/ /thams cad kyi rnam par grol ba zag pa med pa ni mi g.yo ba yin la/ 'di ci zhig 'brel zhe na/ sngar bye brag tu smra bas dus dang mi sbyor bar rnam par grol ba'i rnam par grol ba zag pa med pa ni mi g.yo ba'o/ /zhes smras pas so/ /de nyid kyi dbang du byas te mdo la brten te/ dri ba ni/ kri to bi sardzi ta shtsa/ /te ne tse tya to tra mdo sde pa rnams so/ /yongs su nyams par smra ba na re/ dgra bcom pa drug po thams cad kyi zag pa med pa'i rnam par grol ba mi g.yo ba yin gyi/ mi g.yo ba'i chos can 'ba' zhig gi ni ma yin no zhes zer ro/ /bye brag tu smra ba rnams na re/ gal te thams cad ci zag pa med pa'i rnam par grol ba mi g.yo ba yin no/ ci'i phyir dus dang mi sbyor ba kho na mi g.yo ba'i chos can du rnam par gzhag la gzhan dag ma yin zhe na/ de'i phyir mi g.yo ba'i chos can du ji ltar rnam par gzhag pa ni de bzhin du bshad zin zhes bya ba smos te/ gang zhig dbang po rnon po'i phyir mthong ba'i chos la bde bar gnas pa dag las yongs su mi nyams pa de ni mi g.yo ba'i chos can du rnam par

  821. 411a

    gzhag go /klan dkar mi rung ngo zhes bya ba ni mdo las brten nas ji ltar na mi g.yo ba'i chos can mthong ba'i chos la bde bar gnas pa dag las yongs su nyams par 'gyur zhes gang smras pa'o/ /ji ltar klan dkar mi rung zhe na/ gang gi phyir dgra bcom pa thams cad sems kyis rnam par grol ba mi g.yo ba yin pa de'i phyir/ de las yongs su nyams par mi 'dod kyi/ bsam gtan dag las ni 'ga' zhig yongs su nyams par 'gyur la/ 'ga' zhig ni ma yin pa de'i phyir 'di ni klan dkar mi rung ngo/ /khams gsum las 'dod chags dang bral ba las yongs su nyams pa dang/ nyon mongs pa dang bcas pa'i phyir gdon mi za bar skye la/ tshangs par spyod pa yang yid brtan pa'i gnas su bshad pas/ yang gang zhig dgra bcom pa'i 'bras bu las yongs su nyams na zhes bya ba dris so/ /de ni med de zhes bya ba ni yang skye ba med pa'o/ /nyon mongs pa dang bcas na ji ltar mi skye zhe na/ 'di ltar las nyams pa 'chi ba med ces bya ba 'byung ste/ gang zhig de ltar tshe yongs su zad par gyur pa gang yongs su zad pa'i lhag ma la de nyid nyams par gyur na/ yongs su nyams pa de yang ring du mi gnas te/ mdo las dge slong dag 'phags pa nyan thos thos pa dang ldan pa zhes rgyas par gsungs pa'i phyir ro/ /de lta ma yin par gal te khams gsum pa'i 'dod chags dang bral ba las yongs su nyams te 'dod pa'i khams kyi 'dod chags dang bral ba slar 'dod pa'i khams su skye ba lta bu yin na tshangs par spyod pa la yid brtan med par 'gyur ro/ /rtsal po che greng ba rdog mi 'tshal ba bzhin no zhes bya ba la/ rtsal po che ni 'dir stobs dang ldan pa la dgongs so/ /'di brjod par byed de/ de la mi dge ba sngar zhugs pa nyams pa dang theg pa sna tshogs la dran pa 'jug pa dang/ sha ma tha gu ru ko na bi darsh+yA na gu ru ka:

  822. 411b

    a lo b+hot+sa do mo hot+sa do mi rnams kho nar yongs su nyams par byed ci 'dod pa na spyod pa'i lha rnams su ma yin te/ dbang po rnon pos der 'bras bu thob pa dang yul shin tu yangs pa las yid byung bas te yang yongs su nyams pa'i chos can ma yin no/ / gzhan dag na re/ yo byad ma tshangs pa'i phyir ma rten mi mthun pas yongs su nyams par 'gyur ba las der gnyi ga yang med pas dad pas rjes su 'brang ba'i rigs can yang mi nyams so zhes zer ro/ /yang gang zhig nyon mongs pa mngon du gyur pas yongs su nyams par 'dod pa de dag sems cig 'dra ba zhig gi mjug thogs su nyon mongs pa mngon du byed ce na/ gal te gzugs dang gzugs med pa na spyod pa'i kun nas dkris pas yongs su nyams nas gang gis kun nas dkris pas nyams pa'i sa gang yin pa de nyid kyi dge ba nyams pa'i cha dang mthun pa'i 'jug thogs su yongs su nyams par byed do/ /'dod pa'i khams su gnas pas sa gong ma pa'i lung ma bstan gyi sems mngon du byed pa ma yin pas 'dir sprul pa'i sems rnams la ste de la gnas pa yongs su nyams par mi byed do/ /yang nyams pa'i cha dang mthun pa 'dod chags dang bral ba'i phyir spangs pa ma yin nam/ de ji ltar ma spangs par mngon du byed ce na/ gnas pa'i cha dang mthun pa'i phyogs kho na la yod pa cung zad spang pa dang rjes su mthun la cung zad ni khyad par dang rjes su mthun no/ /de la gang spangs pa dang rjes su mthun pa gang yin pa des ni nyams pa'i cha dang mthun pa'i ming 'thob la/ gnas pa'i phyogs de ni phal cher brten pas gnas pa'i cha dang mthun pa zhes bya'o/ /'dod pa na spyod pa'i kun nas dkris pas yongs su nyams par byed pa na dge ba dang ma bsgribs la lung du ma bstan pa'i sems dag gis 'jug thogs su nyon mongs pa mngon du byed do/ /gal te slob pas sa gong ma drag las ni sa gang las 'dod chags dang bral ba'i sa de'i kun nas dkris pas nyams

  823. 412a

    par byed de/ dge ba kho na'i mjug thogs su 'dod pa la 'dod chags dang bral ba dang dge ba dang lung ma bstan gyi 'jug thogs su'o/ /gzhan dag na re/ yongs su nyams pa nyon mongs pa mngon du byed pa de mngon du gyur pa las ma yin te/ yongs su nyams pa na da'o snyam par rag las pas bar chad med pa dang rnam par grol ba'i lam dgu yang dran pa nyams pa gzhung kha don byed pa'i dus dang 'dra'o zhes zer ro/ /rtogs pa'i skal ba can gyi bar chad med pa'i lam dgu ni rtogs pa'i skal ba can gyi rigs can kho nas rgyun du sbyor ba dang gus par sbyor ba'i nus pas khyad par so sor shes rab kyi skad cig skye bas gang dag gis rigs can kho na'i dbang po brtul po rnams kyi thob pa de dgag par byed de/ des na de dag bar chad med pa'i lam zhes bya'o/ /dbang po brtul po'i thob pa dang bral bas de'i mjug thogs su skye ba'i phyir rnam par grol ba'i lam zhes bya'o/ /de la bar chad med pa'i lam thams cad rtogs pa'i skal ba can gyi rigs can no/ /rnam par grol ba'i lam brgyad pa dang dgu pa la ni mi g.yo ba'i chos can gyi rigs can nyid skye'o/ /der mi slob pa'i kun rdzob shes pa yang thob par byed do/ /dang po'i zad pa shes pa dang slob pa'i 'bras bu dang po thob pa bzhin thams cad zag pa med pa nyid do/ /de ltar 'di dag mi slob pa'i 'bras bu'i lam gyis bsdus pa nyid du shes par bya'o/ /slob pa dang mi slob pa'i lam gyi brten par byas pa'i phyir ro zhes bya ba ni gnas skabs gnyis su goms pa'i phyir shin tu gom pa'o/ /zhes ston par byed do/ /mthong bas thob la re re'o zhes bya ba la/ gzhan du ma yin par goms pa'i phyir de'i rigs ni dad pas mos pa ste/ gang gis tshe rtogs pa'i skal ba can gyi rigs mthong bas thob pa rtogs par byed pa na te

  824. 412b

    gal te 'bras bu'i khyad par gyi lam thob par gyur pa na/ de ni 'bras bu'i lam gyis bsdus pa rnam par grol ba'i lam gcig nyid yin no/ /bar chad med pa'i lam yang gcig nyid do/ /yongs su nyams pa'i chos can yang gang gi tshe mi g.yo ba'i chos can nyid rtogs par byed pa de'i tshe mthar gyis ba'i rims kyis rigs lnga'i dbang po rnams 'phos te mi g.yo ba'i chos can du 'gyur ro/ /de lta ma yin na yongs su nyams pa'i chos can la sogs pa rnams kyang rtogs pa'i skal ba can du 'gyur ro/ /de bzhin du mthong bas thob pa rtogs par byed pa la yang sbyar ro/ /gang yang rnam par grol ba'i lam las yongs su nyams pa de gzhan du rnam par grol ba'i lam nyid la gnas na ji ltar yang de'i rigs can gyis bar chad med pa'i lam gyis rang gi rigs dang nye ba'i thob pa 'dren par rigs zhe na/ ji ltar 'jig rten chos mchog so so skye bo'i rgyud can gyis kyang de dang nye ba'i chos 'dren la/ /ji ltar 'dod pa la 'dod chags dang bral ba dbang po sbyangs pa bar chad med pa'i lam gyis dbang po ma sbyangs par bsdus pa rnams kyis yang dbang po sbyong ba yin pas na thams cad du gcig nyid do/ /mi g.yo ba rtogs pa la mthong bas thob pa la yang ngo/ /gzhan dag na re dbang po 'pho bas ni mthong ba dang sgom pas spang bar bya ba'i nyon mongs pa kun nas ldang ba dang bsgribs la lung du ma bstan pa shes pas mngon du rgyu ba bzlog par byed la/ mthong bas spang par bya ba'i nyon mongs pa kun nas ldang ba ni slob pas zlog par byed cing/ bsgom pas spangs par ? nyon mongs pa kun nas ldang ba ni mi slob pas bzlog pas so/ /de'i phyir ji ltar kun nas slong ba po spangs pa de ltar de'i kun nas ldang ba yang spangs pas mi slob pa'i bar chad med pa'i lam dang rnam par grol ba'i lam dgu yin no//

  825. 413a

    slob ba'i ni gcig kho na yin no zhes zer ro/ /de bzhin du yongs su nyams pa'i chos can la sogs pa rnams kyang 'chi bar sems pa'i chos can la sogs pa'i dbang po 'pho bas so zhes bshad pa yin no// kha cig ni 'di dag thams cad bsgoms pas spang bar bya ba'i nyon mongs pa kun nas ldang ba shes pas bral ba'i phyir re re ba nyid do zhes 'chad par byed do/ /'phags pa rnams kyi dbang po ni zag pa dang bcas pa'i lam gyis 'pho ba med do zhes bya ba ni/ 'phags pa'i lam thams cad kyi nang na chung ba yang 'jig rten pa'i lam thams cad las ches gsal ba'i phyir ro/ /de'i nus pa kho nas 'phags pa rnams nges dbang po 'pho ba ma yin no/ /gzhan du ni ma yin te zhes bya ba ni 'dod pa ni skyod ba'i lha drug po rnams su'o/ /gzugs dang gzugs med pa'i khams dag tu yang ma yin te/ der nyams pa mi srid pa'i phyir ro/ /sbyangs pa zhes bya ba 'di ci zhe na/ dbang po rnams 'pho ba ste/ lam gyis nus pas dbang po brtul po'i rkyang dor te 'bring po 'am chen po thob pa 'di na dbang po 'phel ba dang/ sbyangs pa dang 'pho ba zhes bya'o/ /mi slob sa dgu la brten te/ zhes bya ba ni de'i 'bras bu sa dgus sdus pa'i phyir ro/ /slob pa drug la zhes bya ba ni srid pa'i dbang du byas nas bshad de/ phyir mi 'ong ba'i 'bras bu sa drug gis bsdus pas so/ /'bras bu khyad par can btang ste zhes bya ba la/ de lta na 'o na khyad par dang bcas ba'i 'bras bu btang ba'i phyir so so skye bo yang 'bras bu thob par thal bar 'gyur ro zhe na/ de lta ma yin te/ btang ba dang thob pa dag dus rnam par chad pa ma yin pa'i phyir ro/ /tu lA nA mo nA ma ba di ti/ 'bras bu'i lam kho na thob par 'gyur na zhes bya ba ni 'dod pa'i khams la 'dod chags dang bral ba tsam gyis bsdus pa

  826. 413b

    zhes bya ba'i tha tshig go /slob pa gang zhig gzugs la med pa'i sa la brten nas dbang po 'pho ba de nges par phyir mi 'ong ba'i 'bras bu'i khyad par gyi lam la gnas par 'gyur ro/ /phyir mi 'ong ba'i 'bras bu gzugs med pa'i sas bsdus pa yod pa ma yin te/ mthar gyis bas ni mi lcogs pa med pas bsdus pa'i lam gyis phyir mi 'ong ba'i 'bras bu thob la/ 'dod pa dang 'dod chags dang bral ba yang sa drug las gang yang rung bas bsdus pas de gzugs med pas bsdus pa med de/ de la mthong ba'i lam med pa'i phyir ro/ /nyan thos bdun gang zhe na/ zhes bya ba ni mdo las drug tu gsungs pa zhes byas te dri ba'o/ /mdo las slob pa drug nyid du bstan pa der yang 'di dag ma bsdus pa'i phyir yon gnas ma yin par thal bar 'gyur ro zhe na/ de'i phyir sangs rgyas gnyis ni mi g.yo ba'i bye brag kho na yin te zhes bya ba smos te/ dbang po'i bye brag gis dbang du byas nas rnam pa gsum mo/ /dbang po chen po ni mi g.yo ba'i chos can du rnam par gzhag la/ chen po'i bye brag gi nang du 'dus pa'i dbye ba'i dbang du byas te nyan thos dang rang sangs rgyas dang sangs rgyas rnam par gzhag te/ de ltar mi g.yo ba'i bye brag kho na las sangs rgyas gnyis yin no/ /chung ngu'i chung ngu la sogs pa dbang po rnam pa dgu'i bye brag las gang zag dgur 'gyur ro/ /dbang po chung ngu'i chung ngu ni yongs su nyams pa'i chos can no/ /chung ngu'i 'bring ni 'chi bar sems pa'i chos can no/ /chung ngu'i chen po ni rjes su bsrung ba'i chos can no/ /de bzhin du gnas pa las mi bskyod pa dang rtogs pa'i skal ba can dang/ sbyangs pa las gyur pa'i mi g.yo ba'i chos can rnams dbang po 'bring po rnam pa dag tu sbyar bar bya'o/ /dang po nyid nas mi g.yo ba'i chos can gyi nyan thos dang rang sangs rgyas dang sangs rgyas rnams ni dbang po chen po'i rnam pa dag tu sbyar bar bya'o/ /de ltar na 'di dag ni mi slob pa'i

  827. 414a

    gang zag dbang po rnam pa dgu'i dbye bas dgu yin no/ /slob pa dang mi slob pa'i dbye ba'i dbang du ma byas na 'phags pa'i gang zag thams cad mdun yin no/ /dang po nyid nas zhes bya ba ni so so skye bo'i gnas skabs na gzhan gyi dring 'jogs pas chos kyi rjes su 'brangs pas don la sbyar te/ gzhan las dran pa nye bar gzhag pa la sogs pa'i chos thos nas de'i rkyen gyi bsam pa dang bsgoms pa la sbyor ba dang chos kyi rjes su 'brang ba ni rang nyid kho nas te/ gzhan gyi dring mi 'jog par byang chub kyi phyogs la sogs pa'i chos kyi rjes su 'brangs te bsam pa dang sgoms pas bsten te don la sbyor ba'i phyir te/ de ltar sbyor ba'i sgo nas dad pa dang chos kyi rjes su 'brang ba dag go/ dad pas mos pa dang shes rab lhag pa'i sgo nas zhes bya ba la/ dad pas mos pa lhag pas na dad pa smos pa te/ dad pa lhag pa ni dbang po brtul po nyid de/ de ni dad pa lhag pa yin gyi shes rab ni ma yin no/ /de bzhin du shes rab lhag pa ni dbang po rnon po nyid de/ de ni shes rab lhag pa yin gyi dad pa ni ma yin no/ /dad pa dang chos kyi rjes su 'brang ba dag la yang dbang po'i dbye ba yod pa ma yin nam zhe na/ yod mod kyi de lta na yang dad pas mos pa dang mthong bas thob pa dag dbang po'i sgo nas dbye ba ma yin te mthong ba'i lam na gcig shos dag dang gnyi gas kyang mthong bar spang bar bya ba'i nyon mongs pa spong ba dus mtshungs ba'i phyir dang/ bsgom pa'i lam la ni mtshungs par mngon par 'du byed pa chen pos nyon mongs pa spong ba'i phyir myang ba dang ro myang ba ma yin pa dag dbang po'i bye brag gi rab tu phye ba'i phyir ro/ /snyom par 'jug pa las ni lus kyi mngon du byed pa ste zhes bya ba ni dbang po brtul po dang rnon po la 'gog pa'i snyoms par

  828. 414b

    'jug pa thob pa dag khyad par med par mya ngan las 'das pa dang 'dra ba'i chos lus kyi mngon sum du byas pa'i phyir/ lus kyi mngon sum du byed pa yin pas snyoms par 'jug pa las rnam par gzhag gi dbang po dang sbyor ba las ni ma yin no/ /rnam par grol ba las ni shes rab kyi rnam par grol ba'o zhes bya ba ni dus kyi rnam par grol ba dang/ rnam par grol ba dus dang mi sbyor ba ste/ rnam par grol ba tsam la ltos nas shes rab kyis rnam par grol ba bzhag pa'i phyir ro/ /snyom par 'jug pa dang rnam par grol ba las ni zhes bya ba la/ de ni 'gog pa'i snyom par 'jug pa thob pa'i phyir rnam par thar pa'i sgrib pa las rnam par grol lo/ /rnam par thar pa ni gzugs can gzugs la lta ba zhes rgyas par 'byung ba'o/ /rnam par thar pa la sgrib pas na rnam par thar pa'i sgrib pa ste/ de yang gang gis bsam gtan dag skyed par mi nus pa lus dang sems dag las su mi rung ba nyid do/ /dgra bcom pa'i rnam par grol ba thob pas nyon mongs pa'i sgrib pa'i cha las rnam par grol te/ de'i phyir snyom par 'jug pa'i rnam par grol ba las gnyi ga'i cha las rnam par grol ba rnam par gzhag go/ rdzas su ni de dag rnam pa drug te/ zhes bya ba ni lus kyi mngon du byed pa ni dad pas mos pa dang/ mthong bas thob pa gnyis kyi khongs su 'dus pa'i phyir dang/ gnyi ga'i cha las rnam par grol ba ni dus dang mi sbyor ba rnam par grol ba gnyis kyis khongs su 'dus pa'i phyir rjes su ni drug yin no/ /dbang po'i sgo nas ni gsum mo zhes bya ba ni dad pa'i rjes su 'brang ba dbang po brtul po yin mod kyi/ slar chung ngu dang chen po'i bye brag gis dbye ste/ de dag dbang po brtul mtshungs kyang shin tu brtul ba dang chas shin tu brtul ba'i bye brag yod pas so/ /rigs kyi sgo nas ni lnga'o zhes bya ba ni mi g.yo ba'i chos can gyi rigs ma gtogs pa lhag ma lnga'o/ /sngar bshad pa gsum po re re la rigs kyi bye brag yod de/ de ltar

  829. 415a

    na rigs dang dbang po'i sgo nas bco lnga yin no/ /de bzhin du bco lnga po de dag re re zhing lam gyi sgo nas ni bco lnga yin no/ /shes pa bdun la gnas pa'o zhes bya ba ni lam la rjes su shes pa ni bsgoms pa'i lam yin pa'i phyir ro/ /de dag nyid lam gyi sgo nas ni yang re re zhing bco lnga bco lnga yin no/ /'dod chags dang bral ba'i sgo nas ni re re yang bdun cu rtsa gsum gsum yin no/ /ji ltar zhe na/ 'dod pa'i khams na 'ching ba mdza' dag dang ldan pa gcig dang/ 'dod pa'i khams la rnam pa gcig spangs pa nas rnam par dgu spangs pa'i bar dang/ de bzhin du ci yang med pa'i skye mched kyi rnam pa gcig spangs nas rnam pa dgu spangs pa'i bar te/ de dag ni 'dod pa'i khams dang/ bsam gtan bzhi dang/ gzugs med pa gsum na dgu tshan brgyad la bdun cu rtsa gnyis yin la/ 'dod pa'i khams kyi 'ching ba mdza' dag dang ldan pas bsnan na bdun cu rtsa gsum yin no/ /srid pa'i rtse mo 'dod chags dang bral ba ni 'dir mi brtsi ste/ mthong ba'i lam snga rol du de las 'dod chags dang bral ba med pa'i phyir ro/ /rten gyi sgo nas ni dgu ste zhes bya ba ni re re zhing ste/ rten ni bskyed pa'i skye ba zhes bya ba'i tha tshig go /gling gsum dang zhes bya ba ni byang gi sgra mi snyen ma gtogs pa ste/ de na lam med pa'i phyir ro/ lha'i ris? drug tu skyes pa'o zhes bya ba ni 'dod pa na spyod pa'i lha'i ris drug tu skyes pa ste/ de'i gong na mthong ba'i lam med pa'i phyir dad pa'i rjes su 'brang ba med do/ /dpa' bo dang rigs dang lam dang 'dod chags dang bral ba dang brten gyi sgo nas ni zhes bya ba rgyas par 'byung bas ni de nyid kyis bsdud pa'o/ /gang zag gzhan dag kyang ci rig par de bzhin du brtsi bar bya'o zhes bya ba ni chos kyi rjes su 'brang ba la sogs pa ste/ ji ltar dad pas rjes su 'brang ba dbang po dang rigs dang lam dang

  830. 415b

    'dod chags dang bral ba dang rten gyi sgo nas brtsis pa bzhin du brtsi bar bya'o/ /ci rigs par zhes bya ba ni chos kyi rjes su 'brang ba dang/ mthong bas thob pa dang dus dang mi sbyor bar rnam par grol ba rnams la ni rigs kyi khyad par med do/ /de la rigs kyi so nas gcig go /chos kyi rjes su 'brang ba dbang po'i sgo nas gsum mo/ /lam gyi sgo nas re re zhing bco lnga ste/ bzod pa brgyad dang shes pa bdun la gnas pa'o/ /'dod chags dang bral ba'i sgo nas ni bdun cu rtsa gsum ste sngar bshad do/ /bco lnga po re re zhing rten gyi sgo nas dgur 'gyur ro/ /de bzhin du dbang po dang 'dod chags dang bral ba dang gnas kyi sgo nas bsdoms na dgu stong dang brgyad brgya lnga bcu'o/ /de bzhin gzhan la yang brtsi bar bya'o/ /rnam par thar pa ni brgyad de/ gzugs can gzugs rnams la lta ba zhes bya ba de lta bu la sogs pa'o/ /yang na rnam par thar pa'i sgrib pa 'di gang zhig ce na/ gang gis rnam par thar ba dag skyed par mi nus te/ lus dang sems las su mi rung ba nyid do/ /yang des rnam par thar pa la ci'i phyir sgrib ce na/ gang gi phyir dgra bcom pa sems rnam par grol yang rnam par thar pa ma skyed pa'i phyir yang rnam par grol bar bya bas na rnam par thar pa la sgrib ces bya ste/ rdzu 'phrul shes pa la ma bsgribs lung ma bstan no/ /gzhan dag na re sngar nyid du nges spangs pa khams las 'dod chags dang bral ba nyid las rnam par thar pa ma lus pa bskyed de kun du mi sbyor ba las rnam par bzhag go zhes zer ro/ /gzhan dag ni snyom par 'jug pa la mi dbang ba rnam par thar pa'i sgrib pa'o zhes zer ro/ /gzhan dag ni snyom par 'jug pa ma thob pa nyid do/ /zhes zer ro/ /gzhan dag na re/ u dA sI na twata/ sbyor ba mnyan pa la ma goms pa'i phyir rnam par thar pa bskyed par mi byed pa de nyid 'di'i sgrib pa yin te snga ma nyid rigs so/ /zhes zer ro/ /'di la gang zhig nyon mongs pa lnga spangs te zhi zhes bya ba ni kun du

  831. 416a

    sbyor ba'i tha ma'i cha dang thun pa lnga'o/ /mi phrogs chos can zhes bya ba ni yongs su mi nyams pa'i chos can no/ /phyir mi 'ong ba dad pas mos pa lus kyi mngon sum du byed pa ma yin pa ni 'bras bu kho na las so// dbang po brtul po yin pa'i phyir dbang po'i sgo nas yongs su rdzogs pa ma yin no/ /'gog pa'i snyoms par 'jug pa med pa'i phyir snyoms par 'jug pa'i sgo nas kyang ma yin no/ /slob pa'i 'bras bu'i mthar gnas pa'i phyir 'bras bu kho na'i sgo nas yongs su rdzogs pa yin no/ /mthong bas thob pa 'dod chags dang ma bral ba ni dbang po kho na las so zhes bya ba ni de ni dbang po rnon po yin pa'i phyir dbang po kho na'i sgo nas yongs su rdzogs kyi/ 'dod chags dang ma bral ba'i phyir snyom par 'jug pa dang 'bras bu'i sgo nas yongs su rdzogs pa ni ma yin no/ /phyir mi 'ong ba mthong bas thob pa lus kyi mngon sum du byed pa ma yin pa ni 'bras dang dbang po las so zhes bya ba ni de dbang po rnon po yin pa'i phyir dang/ slob pa'i 'bras bu'i mthar gnas pa'i phyir/ dbang po dang 'bras bu'i sgo nas yongs su rdzogs pa yin gyi/ lus kyi mngon sum du ma byas pa'i phyir snyom par 'jug pa'i sgo nas ni ma yin no/ /dad pas mos pa lus kyi mngon du byed pa ni 'bras bu dang snyom par 'jug pa las so/ /zhes bya ba ni dbang po brtul po yin pa'i phyir/ dbang po'i sgo nas yongs su rdzogs pa ni med do/ /phyir mi 'ong ba lus kyi mngon du byed pa ni 'bras bu dang dbang po dang snyom par 'jug pa las so zhes bya ba ni dbang po rnon po yin pa'i phyir dang/ 'gog pa'i snyom par 'jug pa thob pa'i phyir dang/ slob pa'i 'bras bu thams cad thob pa'i phyir ro/ /snyom par 'jug pa kho na dang snyom par 'jug pa dang dbang po las yongs su rdzogs pa nyid ni med do/ /zhes bya

  832. 416b

    ba ni gang gi phyir/ phyir mi 'ong ba'i 'bras bu med par slob pa 'gog pa la snyoms par 'jug pa med de/ gang gi phyir 'bras bu med par mi slob pa nyid yod pa ma yin pa'i phyir ro/ /shes rab kyi rnam par grol ba dus dang mi sbyor bar rnam par grol ba ni dbang po kho na la'o/ /zhes bya ba ni 'gog pa'i snyom par 'jug pa med pa'i phyir snyom par 'jug pa'i sgo nas ni ma yin na/ gnyi ga'i cha las rnam par grol ba zhes bya ba rgyas par 'byung ba ni dbang po brtul po yin pa'i phyir dbang po'i sgo nas ni ma yin no/ /gnyi ga'i cha la rnam par grol ba dus dang mi sbyor ba zhes bya ba la sogs pa la dbang po rnon pa yin pa'i phyir dang/ 'gog pa'i snyoms par 'jug pa thob pa'i phyir gnyis kyis yongs su rdzogs pa nyid do/ /sbyor ba'i lam ni gang gis mjug thog? su bar chad med pa'i lam skye ba'o zhes bya ba ni dper na chos kyi mchog rnams lta bu'o/ /mdor byas pa las go bzlog nas bstan pa ni tshig le'ur byas pa bsdeb pa dang mthun par bya ba'i phyir yin no/ /bar chad med pa'i lam ni gang gis sgrib pa rab tu spang ba ste/ sdug bsngal la chos shes pa'i bzod pa la sogs pa'o/ /de spang bar bya ba'i sgrib pa las nges par grol ba zhes bya ba ni/ bar chad med pa'i lam des spang par bya ba'i sgrib pa gang yin pa de las nges par grol ba'o/ /dbang po nyid du skye ba gang yin pa'o/ /zhes bya ba la/ dang po ni thog ma ste/ dper na sdug bsngal la sogs pa dag la chos shes pa bzhin no/ /de ni sdug bsngal la sogs pa chos shes pa'i bzod pas spang bar bya ba'i sgrib pa las nges par grol bar skye'o/ dang po zhes bya ba ci'i phyir gzhan du na gal te de ltar brjod/ gang gi phyir spang bya'i sgrib pa las grol bar skye'o zhes de skad bshad na/ 'di yang bar chad med pa'i lam rnams kyi snga? rol du spang bya'i sgrib pa las grol ba'i phyir rnam par

  833. 417a

    grol ba'i lam du thal bar 'gyur ro/ /khyad par gyi lam ni de dag las gzhan pa'i lam gang yin pa'o/ /zhes bya ba ni sbyor ba dang bar chad med pa dang rnam par grol ba'i lam dag la gzhan pa'o/ /lam la rjes su shes pa ni rgyun chags pa yin te/ de'i skad cig ma dang po ma gtogs pa lhag ma ni khyad par gyi lam mo/ /rnam par grol ba'i shes pa rgyun chags pa gzhan yang de dang 'dra ba brjod par bya ste/ dper na zad pa shes pa la sogs pa dang/ de bzhin du dgra bcom pa'i mthong ba'i chos la bde bar gnas pa dang/ yon tan khyad par can mngon par bsgrub par byed pa'i lam gsum ma gtogs pa gang yin pa lta bu'o/ /gal te gang gi mjug thogs su bar chad med pa'i lam sbyor ba'i lam yin na/ de lta na chos kyi mchog gi snga rol gyi lam gang yin pa de la/ ji skad du brjod par bya zhe na/ sbyor ba'i lam kho na yin mos kyi/ de ni thag ring ba yin no/ /zhes bya ba 'di ni chos mchog dag las 'di'i khyad par yin no/ /sgra bye brag tu bshad pa dri ba'i phyir ci phyir lam zhes bya ba smos so/ /mya ngan las 'das pa'i lam yin no zhes bya ba la/ lam dang bshul zhes bya ba ni rnam grangs bstan pa'o/ /ji ltar 'di mya ngan las 'das pa'i lam yin zhe na/ de'i phyir de nas dang 'gro ba'i phyir zhes bya ba smos so/ /lam de nas mya ngan las 'das par 'gro ba'i phyir ro/ /'dis ni mya ngan las 'das pa tshol ba'i phyir 'di ni zhes bya ba ni mya ngan las 'das pa rjes su tshol zhes bya ba'i don to/ /rnam par grol ba dang khyad par can dang lam dag ji ltar na lam nyid yin zhes bya ba ni sbyor ba dang bar chad med pa'i lam dag kho nas nyon mongs pa spong bar nus kyi/ rnam par grol ba dang khyad par gyi lam dag gis ni ma yin te/ nyon mongs pa rnams spang zin pa'i phyir ro snyam du bsam pa'o/ /de dang 'dra ba dang ches che ba

  834. 417b

    yin pa'i phyir te zhes bya ba la/ de dag ni spangs pa'i lam dang 'dra ba yin te/ rab tu dbye ba dang dmigs pa dang rnam pa 'dra ba'i phyir ro/ /ches che ba ni rgyu rgyas pa'i phyir ro/ /de'i phyir de dag kyang lam nyid yin no/ /de dag ni gong nas gong du phyin pa'i byed pa'i phyir yang lam nyid yin no/ /de lta na khyad par gyi lam nyid yin pa nyams par 'gyur te/ de'i gong na lam med pa'i phyir ro zhe na/ de'i phyir phung po lhag ma ma lus par 'jug pa'i phyir ro zhes bya ba smos te/ gang gi phyir lam du gyur pa de dag nas phung po lhag ma med pa'i dbyings su 'jug pas de'i phyir de gnyis kyang lam yin no/ /mya ngan las 'das pa sgrub par byed pa'i phyir zhes bya ba ni gang gis phyir des mya ngan las 'das pa sgrub par byed ces bya ba'i don to/ /de bzhin du sla ba yang rnam pa gnyis so zhes bya ba ni mngon par shes pa bul ba sla ba'i lam yang yod/ mngon par shes pa myur ba sla ba'i lam yang yod zhes bya ba'o/ /yang ji ltar de dag rnam par bzhag ce na/ sa dang dbang po'i sgo nas so/ de nyid bstan pa'i phyir/ bsam gtan dag gi lam rnams sla zhes bya ba la sogs pa smos so// yan lag gi yongs su zin pa dang/ zhi gnas dang lhag mthong mnyam pa dag gis zhes bya ba yan lag dag gis yongs su zin pa ni yan lag gi yongs su zin pa'o/ /yan lag gis yongs su zin pa zhi gnas lhag mthong mnyam pa nyid ces tshig rnam par sbyar te/ de dag gis 'bad mi dgos par ngang gis 'byung ba'i phyir/ bsam gtan dag gi lam ni lam sla ba yin no// bsam gtan dag gi yan lag gi yongs su zin pa dang/ zhi gnas dang lhag mthong mnyam pa nyid du gyur pa yin no/ /de'i phyir de'i lam ni 'bad mi dgos par ngang gis 'byung ba yin te/ chu la gzings bzhin no de'i phyir de ni lam sla ba yin no/ /bsam

  835. 418a

    gtan gyi dngos gzhi dag las gzhan pa'i sa zag pa med pa rnams kyi lam gang yin pa de ni 'bad nas 'byung ba'i phyir lam dka' ba yin te/ thang la gzings bzhin no/ /'bad nas 'byung ba ni de na yan lag gis zin pa med pa'i phyir dang zhi gnas dang lhag mthong chung ba'i phyir ro/ /'phags pa'i lam ni dka' ba'i bdag nyid ma yin pa'i phyir dang sdug bsngal ba tshor ba dang mtshungs par ldan pa ma yin pa'i phyir dka' bar mi brjod do/ /de bzhin du mi lcogs pa med pa dang bsam gtan khyad par can gyi lam ni zhi gnas chung ngu/ gzugs med pa dag na ni lhag mthong chung ngu thams cad na ting nge 'dzin yan lag gis yongs su ma zin pa yin no/ /sa'i bye brag gis rnam pa gnyis su phye ba gang yin pa de kho na re re zhing dbang po'i bye brag gis rnam gnyis yin te/ de nyid kyi phyir lam de yang rnam pa gnyis te/ zhes bya ba rgyas par smos so/ /lam 'di la mngon par shes pa bul ba yod pas na mngon par shes pa bul ba'o/ /bul ba zhes bya ba ni chung ba zhes bya ba'i don gang yin pa'o/ /mngon par shes pa ni shes rab ste/ 'dis mngon du chog nas rab tu shes pas na mngon par shes pa'o/ /gzhan dag na re/ 'dis myur du shes pas ma yin gyi bul bar shes pas mngon par shes pa bul ba'o/ /zhes zer ro/ /yang na 'di gang zag mod brtul po yin pas zhes bya ba ni blun po yin pas zhes bya ba'i tha tshig go /mod brtul ba yang gang zhig ce na/ dbang po brtul po gang yin pa ste/ mngon par shes pa myur ba ni 'di las bzlog par yin par rig par bya'o/ /dka' ba dang sla ba 'am bul ba dang myur ba'i lam ni phung po lnga'i rang bzhin du rigs par byas la/ shes rab gtso bo bstan pa'i phyir ni mngon par shes pa

  836. 418b

    zhes bshad do/ /yang ci dbang po 'bring po yang yod pa ma yin nam/ gang gi phyir lam rnams su dbang po brtul po dang rnon po dag kho na bshad ce na/ kha cig na re yod pa ma yin te/ dad pa dang chos kyi rjes su 'brang ba la sogs pa'i dbye bas lam rnam pa gnyis bstan pa'i phyir ro zhes zer ro/ /gzhan dag ni dbang po 'bring po nges par khas blang bar bya ste/ 'di ltar nyan thos chen po dang rang sangs rgyas dang sangs rgyas rnams chos kyi rjes su 'brang ba'i rigs can yin yang dbang po mi mtshungs pa bzhin no/ 'o na lam rnams su 'bring po ci'i phyir ma smos she na/ mngon par mi bsal ba yin te/ 'jig rten na yang mchog dang tha ma dag gi chos kho na'i don rab tu gsal ba yin gyi 'bring po ni ma yin pa bzhin no/ /zhes zer ro/ /'dis lam rnam pa gnyis so sor bshad do/ /dran pa nye bar bzhag pa bzhi ni lus dang tshor ba dang sems dang chos dran pa nye bar bzhag go /yang dag par spong ba bzhi zhes bya ba ni sdig pa mi dge ba'i chos skyes pa rnams spangs pa'i phyir zhes bya ba dang/ ma skyes pa rnams mi bskyes pa'i phyir zhes bya ba dang/ dge ba'i chos ma skyes pa rnams bskyed pa'i phyir zhes bya ba dang/ dge ba'i chos skyes pa rnams gnas pa dang zhes bya ba'o/ /rdzu 'phrul gyi rkang pa bzhi zhes bya ba bdun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ brtson 'grus kyi ting nge 'dzin dang sems kyi ting nge 'dzin dang/ spyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa rnams so/ /'dun pa'i bdag po'i rkyen las skyes pa'i ting nge 'dzin ni 'dun pa'i ting nge 'dzin te/ de bzhin du brtson 'grus dang sems dang spyod pa'i ting nge 'dzin rnams la yang brjod par bya'o/ /'dun pa dang rtsol ba dang dad pa dang shin tu sbyangs pa dang dran pa dang shes bzhin dang sems pa te/ 'dun pa 'di dag ni

  837. 419a

    spong ba'i 'du byed do/ /spong ba'i 'du byed 'di nyid ma sngon du 'gro ba 'dun pa'i ting nge 'dzin te/ gnyi ga yang 'dun pa'i ting nge 'dzin spang ba'i 'du byed dang ldan pa'i rdzu 'phrul gyi rkang pa zhes bya ste/ de bzhin du lhag ma rnams la yang brjod par bya'o/ /rdzu 'phrul gyi rkang ba ni rdzu 'phrul gyi rgyu zhes bya ba'i tha tshig go /dbang po lnga ni dad pa dang brtson 'grus dang/ dran pa dang ting nge 'dzin dang shes rab kyi dbang po dag go /stobs lnga ni dad pa dang brtson 'grus dang dran pa dang ting nge 'dzin dang shes rab kyi stobs dag go /byang chub kyi yan lag bdun ni dran pa dang chos rab tu rnam par 'byed pa dang dga' ba dang shin tu sbyangs pa dang/ ting nge 'dzin dang btang snyoms yang dag/ byang chub kyi yan lag dag go /'phags pa'i lam yan lag brgyad ni yang dag pa'i lta ba dang/ rtog pa dang dag dang/ las kyi mdza' dang/ 'tsho ba dang/ rtsol ba dang/ dran pa dang/ ting nge 'dzin to/ /gang zag gis bye brag gis zhes bya ba ni nyan thos dang rang sangs rgyas dang/ rdzogs pa'i sangs rgyas te/ de nyid kyi phyir nyan thos kyi byang chub ces bya ba la sogs bya ba smos so/ /ma rig pa ma lus par spangs ba'i phyir zhes bya ba ni khams gsum pa'i ma rig pa spangs pa'i phyir de gnyi ga'i byang chub yin no/ /gzhan yang de gnyis kyis rang gi don zhes bya ba rgyas par 'byung ste/ zad pa shes pas rang gi don byas pa rtogs pa'i phyir ro/ /ji ltar zhe na/ bdag gis sdug bsngal yongs su shes so zhes bya ba rgyas bar 'byung ba'o/ /mi skye ba shes pas rang gi don yang byar med pa nyid rtogs ba'i phyir te/ zad pa dang mi skye ba shes pa'i phyir byang chub ces sbyar ro/ /ji ltar zhe na/ yang yongs su shes par byar med do zhes bya ba la sogs pa'o/ /de dang mthun nyid phyir zhes bya ba la/ de dang mthun pa'i dngos po ni de dang mthun pa nyid/

  838. 419b

    de'i tshogs yin pa'i phyir zhes bya ba'i tha tshig go/ tshul khrims kyi yan lag rnams zhes bya ba ni yang dag pa'i dag dang las kyi mdza' dang 'tsho ba ste/ de ni rnam par rig byed ma yin pa'i rang bzhin du khyad par med pas rdzas cig gis bdag nyid du rnam par bzhag go/ bye brag tu smra ba rnams ji ltar na lus dang ngag gi las dag tha dad cing zhes bya ba ni/ ma 'tshol ba'i phyir zhes bya ba'i don to/ /rnam par rig byed ma yin pa mtshungs kyang de dag mtshan nyid 'tshol ba med de/ 'di ltar srog gcod pa la sogs pa spong bas bsdus pa rnam pa gsum lus kyi las kho na yin pas rdzas gcig go/ brdzun smra ba la sogs pa spong bas bsdus ba rnam pa gzhi yang dag gi las kho na yin pas rdzas gcig ste/ de ltar rdzas bcu gcig go/ zhes zer ro/ /gtso bo smos pa zhes bya ba rgyas par 'byung ba la/ shes rab gtso bor gyur pa ni dran pa nye bar bzhag pa ste de'i phyir dran pa bzhag shes rab ste zhes bshad do/ /yang shes rab kho na ni ma yin te/ thams cad du shes rab dang mtshungs par ldan pa'i yon tan dad pa dang brtson 'grus dang dran pa dang dga' ba dang btang snyoms la sogs pa rnams so/ /sbyor ba las byung ba ni zag pa dang bcas pa dang zag pa med pa rnams te/ thos pa dang bsam pa dang bsgoms pa las byung ba ci rigs par dran pa nye bar bzhag pa rnams so/ /sbyor ba las byung ba smos pa ni skye bas thob pa'i dad pa la sogs pa las khyad par du bya ba'i phyir ro/ /de bzhin du yang dag par spong ba dang rdzu 'phrul gyi rkang pa rnams la yang brjod par bya'o/ /gtso bo ni de'i stobs kyis gzhan dag kyang gnas pa'o/ /rab tu 'jog ba zhes bya ba ni/ rab tu 'byin par byed pa dang 'dzin pa dang/ res dga' 'jug pa dang res 'ga' nges par 'byed pa zhes bya ba'i tha tshig ste/ de rab tu gnas pa'i phyir ro/ /de ni yon tan thams cad

  839. 420a

    'byor ba'i rten yin pa'i phyir ro/ /zhes bya ba ni gzhi yin pa'i phyir ro zhes bya ba'i don to/ /de ltar na rdzu 'phrul ni 'byor bar byed pa yin pa/ de'i rgyu yin pa'i phyir rkang pa ni ting nge 'dzin rnams te/ ting nge 'dzin la rag las pas yon tan rnams 'byor bar byed pa yin no/ /bye brag tu smra ba gang dag 'dis 'byor bar byed pa rdzu 'phrul ni ting nge 'dzin kho na yin no zhes zer ba de dag gi ltar na/ 'dun pa dang sems lhag pa'i phyir brtson 'grus ni yang dag par spong ba'i nang du 'dus la/ dpyod pa ni shes rab kyi rang bzhin yin pa'i phyir dran pa nye bar bzhag pa dag gis nang du 'dus so/ /'dun pa dang sems ni sngar bshad pa'i byang chub kyi phyogs dang mthun pa dag gi nang du sdu bar mi nus so/ /rdzu 'phrul gyi rkang pa byang chub kyi phyogs nyid du 'dod pas 'dun pa dang sems dag sngar bshad pa bcu gcig gi steng du bsnan pas bcu gsum du 'gyur ro/ /rdzu 'phrul ting nge 'dzin kho na yin pa ni mdo dang 'gal ste/ mnyan yod du gsungs pa/ dge slong dag ngas khyed rnams la rdzu 'phrul dang rdzu 'phrul gyi rkang pa dang rdzu 'phrul gyi rkang pa sgom par byed pa'i lam dag kyang bshad kyis/ legs par rab tu nyon la yid la gyis shig /rdzu 'phrul gang zhe na/ 'di na dge slong rdzu 'phrul gyi yul rnam pa du ma nyams su myong bar byed pa yin te/ cig tu gyur nas mang por 'gyur ro/ mang por gyur nas cig tu 'gyur/ snang bar 'gyur ba dang mi snang bar 'gyur ba shes pa dang mthong bas nyams su myong bar byed/ rtsig pa la yang thad kar 'gro/ rab la yang thad kar 'gro /ri la yang lus mi thogs par 'gro ste/ dper na mkha' la bya ba bzhin no/ /sa la yang steng du 'byung ba dang 'og tu 'dzul bar byed de/ dper na chu la bya ba bzhin no/ /chu la yang mi nub bar 'gro ste/ dper na sa la bya ba bzhin no/ /nam mkha'

  840. 420b

    la yang skyil mo krung gis 'gro ste/ dper na 'dab chags bya bzhin no/ /nyi ma dang zla ba 'di ltar mthu che ba 'di ltar rdzu 'phrul che ba yang lag pas kun du nyug par byed cing tshangs pa'i 'jig rten gyi bar du lus kyi dbang bsgyur ba 'di ni rdzu 'phrul zhes bya'o/ /rkang pa rnams gang zhe na/ 'dun pa'i ting nge 'dzin nas dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa zhes rgya cher gsungs te/ 'dir ting nge 'dzin gyi 'bras bu la rdzu 'phrul gyi sgras gsungs kyi/ ting nge 'dzin nyid la ni ma yin pas/ de'i phyir ji skad bshad pa'i ting nge 'dzin rnams rdzu 'phrul gyi rkang pa nyid do/ /'dun pa la sogs pa'i zhes bya ba ni ji skad bshad pa'i ting nge 'dzin ni rdzu 'phrul gyi rkang pa ste/ 'dun pa la sogs pa brjod pa ni ting nge 'dzin bzhi tshan du shes par bya ba'i phyir ro/ /brdzi ba dang brdzi ba med pa'i phyir ro zhes bya ba la/ dbang po rnams ni de'i mi mthun phyogs kun tu 'byung bas brdzi ba'i phyir ro/ /de'i mi mthun pa'i phyogs kyang ma dad pa dang le lo dang brjed pa dang rnam par g.yeng ba dang tshul bzhin ma yin pa yid la byed pa rnams so/ /de dag mi mthun pa'i phyogs chen pos kyang mi brdzi ba'i phyir stobs zhes bya'o/ /rab tu 'byed ces bya ba ni rnam par 'jog pa'o/ /las dang po pa'i skabs su zhes bya ba rgyas par 'byung ste/ lus dang tshor ba dang sems dang chos kyi rang bzhin nye bar brtags par bya ba'i phyir ro/ /ngo bor gyur pa la sogs pa'i snga rol gyi gnas skabs su dran pa nye bar bzhag pa rnams rab tu 'byed do/ zhes sbyar ro/ /khyad par thob pa'i rgyus de'i khyad par thob par 'gyur ro/ zhes sbyar te/ gter rko ba bzhin no/ /de'i phyir brtson 'grus yang dag par 'phel bas dro bar gyur pa rnams su yang dag par spong ba rnams 'thob bo/ /ci ltar zhe na/ dro bar gyur bar khyad par thob pa la ?

  841. 421a

    gyi snga rol du ma yin gyi/ bsgom pa dang ldan pa'i thogs ma nas nges par 'byed pa'i cha dang mthun pa'i chos 'thob po/ /gzhan dag na re de'i 'khor ba dang mya ngan las 'das pa dag gi nyes dmigs dang phan yon mthong bas las brtson 'grus stobs dang ldan pa brtsams pa'i phyir 'khor ba las 'da' o zhes zer ro/ /yongs su mi nyams pa'i dge ba'i rtsa ba las 'jug pa'i phyir zhes bya ba la/ gang gi phyir yongs su mi nyams pa bzod pas/ bsdus pa'i dge ba'i rtsa ba rnams kyis rtse mo la 'jug ste/ rab tu 'jug pa 'di dag gis zhugs pas de'i gnas skabs su ting nge 'dzin yang dag par 'byor ba'i rten du gyur pas na/ rtse mo las ni rdzu 'phrul gyi rkang pa rnams rnam par bzhag go/ gzhan dag na re rtse mo la ting nge 'dzin gyi stobs kyi sems mtshar bcad pa dang yongs su bzung ba med pas nam yang dge ba'i rtsa ba cung zad kyi dbul ba ma yin pas/ de'i phyir rtse mo la rdzu 'phrul gyi rkang pa rab tu phye'o zhes zer ro/ /dbang thob pa'i phyir zhes bya ba rgyas par 'byung ba la/ gang gi phyir gnas skabs de'i dad pa la sogs pa dag las yongs su nyams par mi 'gyur ba de'i phyir bzod pa dag la dbang thob pas 'jig rten las 'das pa'i lam 'dren pa la dbang thob par byed do zhes zer ro/ /gzhan dag na re/ 'dis ngan song shin tu bzlog pa la dbang thob pas so zhes zer ro/ /nyon mongs pa rnams kyis mi brdzi ba'i phyir zhes bya ba ni/ gnas skabs de'i dad pa la sogs pa rnams ni nyon mongs pa rnams kyis mi rdzi ba yin no/ /de la gnas skabs su nyon mongs pa kun tu mi 'byung ba bzod pa rnams la yang yod srid pas de'i phyir 'jig rten pa'i chos gzhan gyi mi brdzi ba'i phyir zhes bya ba smos so ji ltar

  842. 421b

    mi brdzi zhes na/ de'i 'jug thogs su sdug bsngal la chos shes pa'i bzod pa skye pa'i phyir ro byang chub dang nye ba'i phyir zhes bya ba ni zad pa dang mi skye ba shes pa dang nye ba'i phyir zhes bya ba'i tha tshig go/ gzhan dag na re /bsgom pa'i lam la nyon mongs pa'i rnam pa dgu spong ba yod pa yang dang yang du mngon par rdzogs par rtogs pa'i phyir byang chub kyi yan lag rnams so zhes zer ro/ /'gro bas rab tu phye ba'i phyir mthong ba'i lam la lam gyi yan lag rnams so/ /de ni myur bar 'gro ba'i phyir ro/ /zhes bya ba ni mthong ba'i lam gyi skad cig ma bco lngas khams gsum pa'i sdug bsngal la sogs pa'i bden pa mngon par rtogs pas de myur du 'gro ba nyid do/ /tshol bar byed pas na lam zhes bya la/ 'gro ba'i don gyis na mthong ba'i lam ste/ 'di gnyi ga yang phul du byung ba'o/ /gzhan dag na re de thogs ma nas zag pa med pa ji ltar mthong ba yang dag pa ji lta ba bzhin yongs su tshol bas mi ldang pa'i bsam pas myur du 'gro ba'i phyir ro zhes zer ro/ /grangs dang rjes su mthun pa zhes bya ba ni/ sngar byang chub kyi yan lag bdun bstan la/ phyis lam gyi yan lag brgyad bstan to/ /byang chub kyi yan lag las tha dad pa'i gzhan gyi yan lag med pa'i phyir 'di yan lag tu mi rigs snyam pa de bsal ba'i phyir/ de la chos rab tu rnam par 'byed pa yang dag byang chub kyi yan lag ni zhes bya ba rgyas par smos so/ /yang dag pa'i lta ba la sogs pa de dag nyid yan lag gi phyir brtag pa ma yin no/ /zer zhes bya ba ni bye brag tu smra ba la ma rangs pa'i phyir smos so/ /gzhan dag ni zhes bya ba ni slob dpon no/ /go rim ma nyams pa kho nar zhes bya ba ni/ sngar lam gyi yan lag rnams dang phyis byang chub kyi yan lag rnams te de ltar rim pa las tha dad pa ma byas so/ /dang po kho nar zhes byas

  843. 422a

    par 'byung ba la/ yul rnam pa mang po ni gzugs la sogs pa'i dbye ba ste/ sngon po la sogs pa tha dad pa'o/ /de rnam pa mang po la 'phro ba ni rnam par g.yeng ba ste/ 'dor na 'phro zhing rnam par g.yeng ba'i ngang tshul can blo'o/ /tshar bcad pa'i phyir zhes bya ba ni/ tshogs pa re re la dmigs pa'o/ /nye bar 'dod pa'i phyir zhe na pa rten pa zhes bya ste/ sred pa la brten pa'o/ /dran pa'i kun tu rtog pa zhes bya ba ni/ nyams su myong ba'i yul rjes su drin? pa'i rnam par rtog pa zhes bya ba'i tha tshig go/ bsal ba'i phyir zhes bya ba ni/ de'i gegs kyi sgrib pa gsal ba'i phyir zhes bya ba'i tha tshig go/ de'i stobs kyis brtson 'grus yang dag par 'phel bas zhes bya ba ni/ dran par nye bar gzhag pa bzhi'i stobs kyis dgos pa rnam pa bzhi yang dag par sgrub pa'i phyir zhes pa'o/ /dgos pa rnam pa bzhi ni/ mi dge ba'i chos skyes pa rnams spong ba dang/ ma skyes pa rnams mi bskyed pa dang/ dge ba'i chos skyes pa rnams gnas pa dang ma skyes pa rnams bskyed pa rnams so/ /de'i 'og tu ting nge 'dzin rnam par sbyong ba'i phyir zhes bya ba la/ yang dag par spong ba de dag gi 'jug thogs su ting nge 'dzin rnam par sbyong? ba de'i phyir de'i 'jug thogs su ting nge 'dzin rnam par sbyong ba'i phyir rdzu 'phrul gyi rkang pa rnams te/ rab tu phye'o zhes skabs dang sbyar ba thams cad du rjes su 'jug go/ ting nge 'dzin la rten nas zhes rgyas par 'byung ba la/ ting nge 'dzin la brten nas dad pa la sogs pa zag pa med pa'i lam 'dren pa'i phyir/ 'jig rten las 'das pa'i chos kyi dag bor gyur pas na/ rdzu 'phrul gyi rkang pa'i rjes su dbang po rnams brjod do/ /de bdag nyid ces bya ba la/ dbang po de dag nyid gang gi tshe mi mthun pa'i phyogs las nges par rgyal bar kun du spyod

  844. 422b

    cing/ mngon du gyur pa de'i tshe stobs zhes bya ste/ de dag gi mi mthun pa'i phyogs ni ma dad pa la sogs pa'o/ /gnyi ga la ni lam gyi yan lag rnams te zhes bya ba ni mthong ba'i lam mo/ /'di ltar zhes bya ba ni de nyid khungs rgyas par 'byung ba'o/ /mthong ba'i lam la bsgom pa'i lam yongs su rdzogs par mi 'gyur bas/ ji ltar der byang chub kyi yan lag bdun bsgom pa'i lam gyi bsdus pas bsgom pa yongs su rdzogs par 'gyur zhes na/ ji skad bshad pa'i dran pa nye bar bzhag pa la sogs pa dag kyang bsgom pa'i lam du yongs su rdzogs par 'gyur gyi/ /mthong ba'i lam du ni ma yin no/ /mthong ba'i lam du ni lam bsgom pa yongs su rdzogs par mi rung ste/ de'i phyir mthong ba'i lam nas bzung nas lam gyi yan lag dag yod do zhes bya bar shes so/ /de ltar 'phags pa'i lam yan lag brgyad bsgom pa yongs su rdzogs par 'gyur ro zhes gsungs pa de'i phyir mthong lam nas brtsams te bsgom pa'i lam la lam yongs su rdzogs par 'gyur ro zhes bya bar shes so/ /de ltar yin dang mthong ba dang bsgom pa'i lam gnyis ka la yang lam gyi yan lag yod par 'gyur ro/ yang dge slong zhes bya ba rgyas par 'byung ba la/ 'phags pa'i bden pa bzhi'i tshig bla dags yin no/ zhes bya ba 'dis ni mthong ba'i lam bstan to// ji ltar rtogs pa'i lam gyis 'jug ces bya ba ni bsgoms pa'i lam gyis ji ltar rtogs pa ste/ ji ltar thob pa'i lam gyis zhes bya ba'i tha tshig go/ 'jug ces bya ba ni byang chub kyi bar du nges par 'byung ba'o/ /de lta bas na gnyi ga la 'phags pa'i lam yan lag brgyad par 'dod par bya dgos so/ /byang chub yan lag lam yan lag /zag pa med zhes bya ba la/ zag pa med pa kho na yin gyi/ de dag kho na zag pa med pa ni ma yin te/ de gnyis bsgom pa dang mthong ba'i

  845. 423a

    las la rnam par bzhag pa'i phyir la/ srid pa'i rtse mo'i gnyen po yin pas bsgom pa'i lam la byang chub kyi yan lag rnams rnam par bzhag pa'i phyir zag pa med pa nyid do/ /de nyid kyi phyir thams cad byang chub kyi phyogs dang mthun pa yin bzhin du de dag kho na la byang chub kyi yan lag ces bya'o/ /lam gyi yan lag rnams ni mthong ba'i lam rnam par gzhag ste/ mthong lam gcig tu zag pa med pa yin pa'i phyir de rnams kyang zag pa med pa nyid do/ /'jig rten pa'i yang dag pa'i lta ba la sogs pa yang yod pa ma yin nam/ ji ltar zag pa med pa rnams kho na lam gyi yan lag ces bya zhe na/ yod pa bden mod kyi/ de dag ni 'phags pa'i lam zhes bya ba'i sgra mi thob ste/ nyon mongs pa rgyas par 'gyur ba'i phyir de la lam gyi yan lag nyid du thal ba med do/ /byang chub kyi phyogs dang mthun par gzhan dag ni zag pa dang bcas pa dang zag pa med pa dag yin no zhes bya ba ni dran pa nye bar bzhag pa la sogs pa stobs la thug pa rnams te/ mthong ba dang bsgom pa dang mi slob pa'i lam gyis bsdus pa dag ni zag pa med pa'o/ /dar bden pa gsol dmigs pa'i shes rab chos dran pa nye bar bzhag pa ma 'ongs pa bzhis 'thob po/ /dgos pa rnam pa bzhi bsgrub pa'i phyir brtson 'grus yang dag par spong ba rnams so/ /yang dag par 'byor ba la rten pa'i don gyi bden pa so so la dmigs pa'i rdzu 'phrul gyi rkang pa rnams so/ /dbang thob pa'i phyir dang pa la sogs pa'i dbang po rnams so/ /de nyid nyon mongs pas mi brdzi ba don gyis stobs rnams so/ /chos dran pa nye bar bzhag pa'i shes rab de nyid de'i yang tshe dag pa'i lta ba'o/ /chos dran pa nye bar bzhag pa de nyid byang chub kyi yan lag rnams las ?? chos rab tu rnam par 'byed pa yang dag byang chub yan lag go/

  846. 423b

    de bzhin du yang dag par spong ba la sogs pa rnams la yang ji ltar rig par brjod par bya ste/ rdzas gcig nyid khyad par de dang des de lta de ltar brjod pa yin no/ /zag pa dang bcas pa ni de las gzhan pa rnams so/ /bsam gtan dang po nas thams cad ces bya ba la/ de ni dga' ba yang yod la rtogs pa dang bcas pa'i phyir yang dag pa'i rtogs pa yang yod do/ /nyer bsdogs rnams ni stobs kyis drang dgos pa'i phyir zhes bya ba la/ de la brten nas sa 'og ma dang 'dod chags dang bral bar bar 'gyur ba'i phyir na/ brtson 'grus chen pos mngon du byed pa bde blag tu thob pa'i sems dga' bar 'gyur ba yin te/ de'i phyir de rnams ni dga' ba med do/ /zhan yang sa 'og ma'i dogs pa dang bcas pa'i phyir ro zhes bya ba ni yongs su nyams par dogs pa dang bcas zhes bya ba'i tha tshig go /gzhan dag na re/ 'dod chags dang ma bral ba thun mongs pa'i sa de ni dbugs ma phyin pa'i sa yin pa'i phyir de mngon du gyur pa na dga' ba med do zhes zer ro/ /bsam gtan gnyis pa na ni rtogs pa med pa'i phyir yang dag pa'i rtog pa med do/ /rnam par rtog pa ni kun tu rtog pa ste dpyod pa ma yin no/ /de'i phyir dpyod pa yod par yang/ bsam gtan par na yang/ de gnyis nyid ma gtogs pa zhes bya ba smos so/ /de gnyis na zag pa med pa'i lam med pa'i phyir zhes bya ba la/ 'dod pa'i khams dang srid pa'i rtse mo dag na ni go rims bzhin du mnyam par ma bzhag pa'i phyir dang/ mi gsal ba'i phyir zag pa med pa'i lam med do/ /gzhan dag na re/ srid pa'i rtsa ba de yin pa'i phyir de dag na zag pa med pa'i lam med do zhes zer ro/ /sa gang? la byang chub kyi phyogs ji snyed ce na/ skad cig gcig la thams cad mngon du byed do/ /dran pa nye bar gzhag pa gsum ni de dag la dmigs pa yongs su chad pa'i phyir mngon du gyur pa na gzhi po

  847. 424a

    gang yang rung ba mngon du 'gyur ro/ /shes rab gnyis kyi rdzas du sa cig tu mngon du gyur pas sems ci'i phyir byang chub kyi phyogs ma yin zhe na/ de ni kun nas nyon mongs pa dang rnam par byang bas rab tu phye ba'i phyir/ rnam par byad pa'i phyogs kho na byang chub kyi phyogs yin gyi/ sems byang chub kyi phyogs ma yin no/ /tshul khrims nyid rab tu dang pa yin pa na tshul khrims dang ba ste/ de yang za pa med pa'i tshul khrims so/ /yang na tshul khrims rab tu dang? ba ni tshul khrims rab tu dang pa ste/ zag pa med pa nyid do/ /chos la shes nas dad pa zhes bya ba ni khong du chud nas dad pa'o/ /sangs rgyas dang chos la'ang de dang 'dra bar khong du chud par bya'o/ /sdug bsngal dang kun 'byung dang 'gog pa mngon par rtogs na zhes bya ba rgyas par 'byung ngo/ /chos gang las she na/ sdug bsngal la sogs pa de dag kho na la'o/ /ji ltar zhe na/ sdug bsngal dang mngon par phrad pa nas sdug bsngal de nyid la 'di dag ni sdug bsngal la sogs pa tsam du zad kyi/ 'di na sems can med do snyam du yid ches pa gang yin pa de ni chos la shes nas dad pa'o/ /'phags pa dgyes pa'i tshul khrims ni yang dag pa'i dag dang/ las kyi mdza' dang 'tsho ba'i bdag nyid can te/ shes nas dad pa thob pa'o/ /de bzhin du kun 'byung mngon par rtogs pa'i sgo nas gnyis nyid thob bo/ /chos de nyid la kun 'byung dang rgyur yang dag par bshad pas chos ni skyes bus bden pa'o zhes mngon par yid ches pa gang yin pa de ni chos la shes nas dad pa'o/ /de bzhin du 'gog pa mngon par rtogs pa'i sgo nas/ de nyid du gnyis thob ste/ chos la dad pa de nyid 'gog pa'i don gang yin pa la mngon par yid ches te/ snga ma bzhin du zag pa med pa'i tshul khrims thob po/ /lam gyi bden pa mngon

  848. 424b

    par rtogs na zhes bya ba rgyas par 'byung ba la/ de bzhin gshegs pa'i rgyu ce ni mi slob pa'i chos kyi yul la dad pa ste/ dad pa ni shes nas dad pa'o/ /slob pa'i brgyud can ni slob pa dang mi slob pa'i chos kyi yul ste/ dge 'dun la shes nas dad pa'i don kyis mngon par yid ches pa'o/ /des ni sangs rgyas su byed pa'i phyir dang dge 'dun du byed pa'i phyir sangs rgyas dang dge 'dun zhes bya'o/ /de dag la dad pa gang yin pa ni sangs rgyas dang dge 'dun las dad pa'o/ /dge ba la sogs pa chos mang du bshad la/ skyabs su 'gro ba dag tu ni/ mya ngan las 'das pa kho na chos su bshad pas the tshom zos pas/ 'dir gang la chos su dgongs pa yin zhes dris so/ /chos bden gsum dang zhes bya ba la sogs pa la/ 'dir shes nas dad pa rnams ni dad pa'i rang bzhin yin pa nyid kyis yid ches pa'i bdag nyid yin pa'i phyir sdug bsngal la sogs pa'i chos gang dag yid ches pas sdug bsngal dang kun 'byung dag 'gog pa dag kho na chos yin par shes pa'o/ /rang sangs rgyas/ byang chub sems pa'i lam yin no/ /zhes bya ba la/ de la byang chub sems pa'i lam ni slob pa'o/ /rang sangs rgyas kyi lam ni slob pa dang mi slob pa ste/ de'i yul la dad pas lam mngon par rtogs pa na chos la shes nas dad pa zhes bya'o/ /de'i phyir bden pa gzhi char yang mngon par rtogs pa'i sgo nas chos la shes nas dad pa 'thob pa'o dkon mchog gsum 'tshol ba'i phyir byang chub sems pa dang rang sangs rgyas kyi lam dag kho na chos su bshad kyi/ cig? shos sangs rgyas dang dge 'dun ni ma yin no/ /yang ci lam mngon par rtogs pa na gsum la shes nas dad pa 'dzin par 'gyur zhe na/ de'i tshe lam gyi yul thams cad gcig pa nyid kyi phyir 'dren pa la dmigs pas chos la shes nas dad par blta bar bya'o/ /de

  849. 425a

    mngon du gyur pa nyid kyis 'ongs pa'i dang pa'i skad cig mang po 'thob po/ /de dag la kha cig sangs rgyas la sogs pa la nges par dmigs pa yang yod/ mdza' dag la dmigs pa yang yod pas/ gang nges par dmigs pa de ni gsum la shes nas dad pa yin la/ gang mdza' dag la dmigs pa de ni chos la shes nas dad pa yin no/ /dad pa bzhi ni dad pa'i dmigs pa'o/ /dad pa'i dmigs pa'i bye brag gis dad pa rnam pa gsum du rnam par bzhag cing/ tshul khrims la shes nas dad pa dang lhan cig bzhi yin no/ /de la dad pa ni dad pa'i dang tshul te/ ji ltar dad pa yin zhe na/ dri ma med pa'i phyir te/ dri ma med pas dang ba zhes bya'o/ /de'i phyir 'gal ba med do/ /bden pa rnams bya ba rgyas par 'byung ba la/ shes rab kyis ni yang dag pa ji lta ba bzhin rtogs pa yin la/ dad pas ni yid ches pa yin no/ /dang po nas chos la shes nas dad pa thob pas/ tshul khrims rnams kyang zhes bya'o/ /'di'i rim pa 'di ci lta ba zhe na/ de'i phyir langs nas ji ltar zhes bya ba rgyas par 'byung ngo/ /yang ci'i phyir langs pa 'di ji ltar mngon sum du byed ce na/ de'i phyir sman pa dang sman dang nad g.yog lta bur gyur pa'i phyir ro/ /zhes bya ba smos te/ nad pa nad dang ? ba ni sman pa las mthong ba nyid dang bstan bcos shes pa nyid dang nges par sbyor ba shes nas dang por sman pa la dad do/ /de'i 'og tu ni sman la dad la/ de nas nad g.yog la dad pa de bzhin du/ 'dir yang bcom ldan 'das ni sman pa lta bur gyur pa yin te/ mdo las/ sman pa zug rngu 'byin pa bla na med pa zhes 'byung ba'i phyir ro/ /chos ni sman yin te/ nyon mongs pa'i nad sel ba'i phyir dang/ mya ngan las 'das pa nad med pa lta bu thob par byed pa'i phyir dang/

  850. 425b

    dge 'dun ni nad g.yog lta bur gyur pa yin te/ mya ngan las 'das pa'i nad med pa thob par byed pa'i phyir phan tshun rim gro byed pa'i phyir ro/ /sems rab tu dad pas byas pa'i tshul khrims kyang rab tu dad pa yin pas zhes bya ba la/ sems rab tu dang ba ni sangs rgyas la sogs pa rnams la'o/ /tshul khrims rab tu dang ba yang des byas pa yin no zhes mthar bstan te/ de ltar rab tu dang ba kho nar bsgrub pa bstan pa'i phyir mthar bzhi par gsungs so/ /yang dag par rdzogs pa'i sangs rgyas bcom ldan 'das kyi legs par gsungs pa'i chos 'dul ba legs par zhugs pa'i nyan thos kyi dge 'dun zhes 'di ltar zhugs pa 'di'i sgrub pa'i phyir 'phags pa dgyes pa'i tshul khrims rnams so/ /yang na nad med pa lta bur gyur pa yin pa'i phyir ro zhes bya ba la ci zhe na/ sman pa dang sman dang nad g.yog dang/ nad med pa'i go rim dang mthun par tshul khrims rab tu dang ba tha mar bshad pa yin no/ /yang na ston par byed pa dang lam dang/ lam grogs dang gzhon pa lta bu yin no/ /zhes bya ba la ci zhe na/ de dag gi go rim yin no/ /bcom ldan 'das ni ston par byed pa lta bu yin no/ /chos ni lam lta bu yin no/ /dge 'dun ni lam grogs lta bu yin no/ /'phags pa dgyes pa'i tshul 'khrims dag ni gzhon pa lta bu yin te/ tshul khrims rten du gyur pa'i phyir de la brten pa 'khor ba las nges par 'byung bas tha mar bzhi par bshad do/ /'phags pa dgyes pa zhes bya ba'i don gang zhig yin ce na/ 'phags pa gzhed cing mnyes zhes bya ba'i don gang yin pa'o/ /slob pa ni yan lag brgyad dang ldan no zhes bya ba rgyas par 'byung ba ni mdo las slob pa'i yang dag pa'i lta ba nas slob pa'i yang dag pa'i ting nge 'dzin gyis yan lag brgyad dang ldan no/ /zhes gsungs so/ /mi slob pa ni yan

  851. 426a

    lag bcu dang ldan no/ /mi slob pa'i yang dag pa'i lta ba nas mi slob pa'i rnam par grol ba dang/ mi slob pa'i yang dag pa'i shes pa'i bar dang ldan no/ /ci'i phyir slob pa la zhes bya ba la sogs pa ni gang slob pa dang mi slob pa dag yang dag pa'i rnam par grol ba dang/ rnam par grol ba'i shes pa dang mtshungs par ldan par mtshungs bzhin du/ mi slob pa kho na de dag dang ldan par bshad la/ slob pa ma yin pa 'di la rgyu ci zhig yod ces bya ba'o/ /de'i phyir bcings phyir slob pa yan lag tu/ rnam grol ma bshad ces bya ba smos so/ /rnam par grol ba med pa zhes bya ba ni 'ching ba phyogs gcig las ma grol bas rnam par grol ba ma yod pa ma yin la/ de med par rnam par grol ba la bdag rnam par grol bar snyam pa'i shes pa dang cis 'gyur/ mi slob pa'i rnam par grol ba ni rnam par grol ba'i shes pa dag dang ldan par 'dod do/ /de med pa'i phyir rnam par grol ba dang/ de so so rang gi shes pa dag gis rab tu phye ba yin pas zhes bya ba la/ rnam par grol ba la so so rang gi shes pa dang/ de so so rang gi shes pa rnam par grol ba yang so so rang gi shes pa ste/ de dag gi sa rnam par grol par rnam par bzhag go /de smos pa rigs pa dang ldan pa yin no zhes bya ba ni/ rnam par grol ba la rnam par grol par smos pa'o/ /gzhan dag na re/ yan lag don ni phan pa'i don de/ slob pa'i rnam par grol ba'i yod pa ma yin yang phan pa'i phyir rab tu 'jug go /yang dag pa'i ye shes kyi yul can yin pa de'i phyir yan lag du rnam par ma bzhag pa yin te/ yang dag pa'i ye shes su gyur pa nyid kyi phyir ro zhes zer ro/ /mi slob pa'i yan lag du bshad de/ zhes bya ba ni mi slob pa'i yan lag tu bstan pa'o/ /yan lag rnams ni 'dus byas yin pa'i phyir ro zhes bya bar

  852. 426b

    ba ni de las gzhan pa dgu rnams so/ /sems rnam par grol ba dang shes rab rnam par grol ba zhes bya ba la/ 'dod chags las chags pa dang bral ba'i phyir sems rnam par grol ba'o/ /ma rig pa la chags pa dang/ bral ba'i phyir shes rab rnam par grol ba'o/ /de ltar spang bar bya ba'i bye brag las de mdo las rnam pa gnyis su bstan to/ /gzhan dag ni/ phangs pa'i rnam par grol ba dus dang sbyor ba dang phangs pa'i sems rnam par grol ba dus mi sbyor ba dag kyang de ltar rnam pa gnyis so zhes zer ro/ /de nyid rnam par grol ba'i phung po yin par yang zhes bya ba ni mi slob pa'i mos pa'o/ /'dus ma byas ni phung po'i don du mi rung ba'i phyir rnam par grol ba 'dus ma byas ni rnam par grol ba'i phung po ma yin no/ /'od na mdo las/ rnam par grol ba'i phung po ni mos pa las gzhan yin pa nyid du gsungs pa de'i phyir/ ji ltar bye brag tu smra ba dag gis mos pa kho na rnam par grol ba'i phung por brjod/ mdo de nyid ston pa ni stag gi byang chub kyi bu dag rnam par grol ba yongs su dag pa gtso bo gang yin zhe na/ /zhes bya ba la sogs pa mang po'i tshogs smos pas ni de dag mang pa'i phyir ro/ /stag gi byang chub kyi bu dag rnam par grol ba yongs su dag pa gtso bo gang yin zhe na/ zhes pa'i dri ba 'di la dbang du byas pa gsum ste/ rnam par grol ba dang/ de yongs su dag pa/ gtso bo rnams so/ /de la 'di na dge slong 'dod chags las sems 'dod chags dang bral zhing rnam par grol ba yin zhes rgyas par 'byung bas rnam par grol ba bstan to/ /'di ltar rnam par grol ba'i phung po yongs su ma rdzogs pa zhes bya ba rgyas par 'byung bas rnam par grol ba yongs su dag pa gsungs so/ /'dun pa dang/ brtson 'grus dang/ rtsol ba dang/ nges par 'byung ba dang/ pha rol gnon pa gang yin pa zhes rgyas pas

  853. 427a

    'byung bas gtso bo gsungs so/ /de'i phyir rnam par grol ba ni mos pa kho na yin par ma zad do/ /gzhan dag na re/ gang gi phyir 'dod chags las sems 'dod chags dang bral zhing rnam par grol ba zhes bya ba nas yongs su ma rdzogs pa'i rnam par grol ba zhes bya ba'i bar rgyas par 'byung ba de'i phyir 'dir rnam par grol ba mos pa kho nar ma zad do zhes bya bar shes so zhes zer ro/ /'o na ci zhe na/ de kho na shes pas zhes bya ba rgyas par 'gyur ste/ sems dri ma med pa nyid ni thag pa med pa nyid dang don gzhan ma yin par gyur pa mar gyi snying khu dang ba lta bu yin no/ /yang dag pa'i lta ba las tha dad pa'i shes pa mi slob pa'i yan lag nyid du rnam par bzhag pas yang dag pa'i shes pa gang zhig ce na/ zhes bya ba dri ba rgyas par 'byung ngo/ /mi slob sems ni skye bar 'gyur zhes 'byung ngo/ /ma 'ongs pa dang skye bar 'gyur ba la tha dad ci zhig yod/ skye bar 'gyur ba smos pa kho nas rtogs pa'i phyir ro zhe na ma yin te/ dri ba dang mthun pa'i lan 'debs pa'i phyir/ ci 'das pa 'am zhes bya ba la sogs pa'i dri ba dang rjes su mthun par ma 'ongs pa zhes brjod do de yang skye bzhin pa dang skye bzhin ma yin pas de'i phyir skye bar 'gyur ba zhes bya ba smos so/ /skye bzhin pa rnam par grol zhes bshad na de ltar ba kha cig kyang skye bzhin pa yin pas de gsal ba'i phyir ma 'ongs pa smos so/ /ma 'ongs pa ni 'dir skye bzhin pa da ltar byung ba yin ste/ ma 'ongs pa thams cad rnam par grol ba rgyud rnam par grol ba'i skyed ches pa skyed pa'i dus su rnam par grol ba ste/ 'di'i rnam pa bstan pa'i phyir ma 'ongs pa skye bzhin pa zhes smos so/ /kha cig zer ro/ /tshig lhag pas don lhag par skyed do/ /sems smos pa ni gtso bo yin pa'i phyir te/ sems

  854. 427b

    kho nar ma zad kyi sems las byung ba rnams kyang rnam par grol bar gyur to/ /yang na de dpe tsam zhig tu zad do/ /'o na skye bar 'gyur pa ma yin pa zhes bya ba ni rdo rje lta bu'i ting nge 'dzin gyi 'jug thogs su 'jig rten pa de ji ltar grol bar 'gyur zhe na/ de dag kyang grol bar 'gyur te/ skye ba'i sgribs pa mtshungs pa'i phyir ro/ /skye bar nges pa gang yin pa de kho na bshad do/ /rnam par grol bar 'gyur ro zhes bya ba'o/ /cung zad nges par skye ba nyid kyis kyang 'jig rten pa'i nyon mongs pa rgyas pa'i phyir rnam par grol ba mi srid par 'dri ba ni/ gang las 'jig rten pa rnam par grol bar 'gyur zhe na/ zhes bya ba 'byung ngo/ /skye ba'i sgribs pa nyid las so/ /zhes bya ba ni/ 'jig rten pa'i nyon mongs pa'i thob pa dang ldan pa ste/ nyon mongs pa'i thob pa sgrib pa yin no// ma grol ba yang zhes bya ba ni 'jig rten pa'i nyon mongs pa'i thob pa dang 'gal bar ston pa'o/ /de ni de dang mi 'dra'o/ /zhes bya ba rgyas par 'byung ste/ 'di skad du ma grol ba la skye ba gang yin pa de ni nyon mongs pa'i thob pa dang mi 'gal te/ rgyud de dang mthun pa'i phyir ro/ /mi slob pa'i rgyud ni nyon mongs pa'i thob pa ma lus pa dang bral bas de'i rgyud las skyes pa dge ba ni nyon mongs pa'i thob pa lhan cig mi skye ste/ de'i phyir mi slob pa'i rgyud la skyes pa ni 'jig rten pa yin yang nyon mongs pa'i thob pa nyid las rnam par grol bar bstan par 'gyur ro/ /'gag par 'gyur ba'i lam gyis ni/ de yi sgrib pa rab tu spong/ zhes bya ba la/ da ltar ba ni rga ba dang mi rtag pa'i byed pa bltos nas 'gag par 'gyur ba zhes bya ba'o/ /zhes bya ba'i sgra ni 'gag par 'gyur ba kho na zhes nges par gzung bar bya ba'i phyir ro/ /ji ltar skye bar 'gyur ba dang skyes pa'i lam gyis rnam par grol ba ma yin pa de ltar 'gag par 'gyur ba dang 'gag par 'gyur ba ma yin

  855. 428a

    pa'i lam gyis de'i sgrib pa rab tu spong ngo/ /zhes bshad pa yin no/ /gal te 'gag par 'gyur ba'i lam gyi de'i sgrib pa mi spong na ni/ ji ltar skye bzhin pa rnam par grol bzhin pa dang de ma thag tu rnam par grol bar 'gyur/ 'o na gang skye bzhin pa ma yin pas ji ltar de rnam par grol bar byed ce na/ 'di ni sgrib pa mtshungs pa'i phyir zhes bshad do/ /rnam par grol 'dus ma byas su bshad pa gang yin pa zhes bya ba ni/ nyon mongs pa tsam pa 'dus ma byas zhes bya'o/ /khams gsum po 'byung ba zhes bya ba la/ gang nas 'byung zhe na/ mdo dag las so de nyid ston pa ni spangs pa'i khams dang zhes bya ba rgyas par 'byung ba'o/ /'dus ma byas nyid khams zhes bya/ zhes bya ba ni 'dus ma byas kyi rnam par grol ba dang/ khams gsum la khyad par 'ga' yang med do/ /gang gi phyir 'dus ma byas kyi rnam par grol ba de nyid khams gsum yin no/ /yang khams rnams rnam par grol ba'i bdag nyid yin pa'i phyir/ khyad par du ji ltar phan tshun gyi sgo nas tha dad pa nyid du brtags pa'i khyad par la bltos te 'di dag khams gzhan nyid yin gyi rdzas kyi sgo nas ma yin te/ thams cad rnam par grol ba'i bdag nyid yin pa'i phyir ro/ /de nyid bstan pa'i phyir de la 'dod chags kun dang chags bral zhes bya ba smos te/ khams gsum gyi 'dod chags spangs pa ni 'dod chags dang bral ba'i khams so/ /'dod chags las gzhan pa zhes bya ba las/ 'dod chags ma gtogs pa'i nyon mongs pa khams gsum pa thams cad spangs pa'i khams yin no/ /nyon mongs pa ma gtogs pa zhes bya ba la/ kun tu sbyor bar 'gyur ba'i gzhi khams gsum pa thams cad spangs pa ni 'gog pa'i khams yin no/ /'di lta bu 'di

  856. 428b

    ga las she na/ 'dod chags dang ldan pa dang/ nyon mongs pa lhag ma dang ldan pas zag pa dang bcas pa'i dngos po dang ldan pa ste/ de'i phyir rim pa bzhin du 'dod chags dang bral ba'i spangs pa dang 'gog pa'i khams rnam par bzhag go /gzhan dag na re/ sred pa la dmigs pa'i sred pa spangs pa ni 'dod chags dang bral ba'i khams so/ /nyon mongs pa lhag ma la dmigs pa'i sred pa spangs pa ni spangs pa'i khams so/ /lhag ma chos la dmigs pa'i sred pa spangs pa ni 'gog pa'i khams so zhes zer ro/ /dngos po gang gis yid byung bar gyur pa zhes bya ba ni/ lam gang gis zhes bya bar bsam pa'o/ /sdug bsngal dang kun 'byung la bzod pa dang shes pa rnams kho nas yid 'byung bar 'gyur te/ yid 'byung ba'i dngos po la dmigs pa'i phyir ro// gzhan dag gis ni ma yin no/ /zhes bya ba ni 'gog pa dang lam la bzod pa dang shes pa dag gis ma yin te/ mchog tu dga' ba'i dngos po la dmigs pa'i phyir ro/ /kun gyis 'dod chags dang bral bar 'gyur ba ni/ sdug bsngal dang kun 'byung dang 'gog pa dang lam la bzod pa dang shes pa thams cad kyi nyon mongs pa spong bar byed pa'o/ /yid 'byung ba kho na yin pa ni 'dod chags dang bral ba gang zhig nges pa la 'jug na sdug bsngal dang kun 'byung la chos shes pa dang bzod pa dag gis nyon mongs pa dag mi spong ste/ sngar spangs zin pa'i phyir dang/ sdug bsngal dang kun 'byung la chos shes pa dang gnyen po ma yin pa'i phyir ro/ /de bzhin du bsgoms pa'i lam la yang sbyor ba dang rnam par grol ba dang khyad par gyi lam gyis bsdus pa sdug bsngal dang kun 'byung ba shes pa dag gis yid 'byung ba dang 'dod chags bral bar 'gyur ro/ /de bzhin du 'gog pa lam la bzod pa dang shes pa dag gis nyon mongs pa spong na 'dod pa la 'dod chags dang bral ba nges par 'jug pa

  857. 429a

    'gog pa dang rma lam la rjes su shes pa'i bzod pa rnams kyis bsgom pa'i lam la 'gog pa dang/ lam shes pas khams gsum pas 'dod chags dang bral par 'gyur ba ni 'dod chags dang bral ba kho na yin gyi yid 'byung ba ni ma yin te/ mchog tu dga' ba'i dngos po la dmigs pa'i phyir ro/ /snga ma rnams kyi nyon mongs pa dag spong na/ gnyi ga yin no/ /zhes bya ba ni/ 'dod pa'i khams la 'dod chags dang ma bral ba nges pa la 'jug pa sdug bsngal dang kun 'byung la chos dang rjes su shes pa'i bzod pa rnams kyis bsgom pa'i lam la sdug bsngal dang/ kun 'byung shes pas khams gsum las 'dod chags dang bral bar gyur pa ni/ yid 'byung ba yin zhing 'dod chags dang bral ba yang yin no/ /phyi ma rnams kyis nyon mongs pa dag mi spong na gnyi ga yin no/ /zhes bya ba ni/ 'dod pa la 'dod chags dang bral ba nges pa la 'jug pa 'gog pa dang/ lam la chos shes pa'i bzod pa dag gis bsgom pa'i lam la bar chad med pa'i lam dang/ lam gzhan dag gis 'gog pa dang/ lam dag ni yid 'byung ba ma yin te/ mchog tu dga' ba'i dngos po la dmigs pa'i phyir ro/ /'dod chags dang bral ba ma yin te/ nyon mongs pa sngar nyid du spangs zin pa'i phyir ro/ /de la 'dod chags dang bral ba zhig ces bya ba rgyas par 'byung ba la/ nyon mongs pa sngar nyid du spangs zin pa'i phyir mi spong ngo/ /shes pa rnams kyis ni sbyor ba dang/ rnam par grol ba dang/ khyad par gyi lam gyis bsdus pa rnams kyis mi spong ste/ gnyen po ma yin pa'i phyir ro/ /slob dpon btsun pa blo gros brtan pas nye bar bkod pas/ chos mngon pa mdzod kyi bshad pa'i rgya cher/ 'grel pa don gyi de kho na nyid ces bya ba la/ lam dang gang zag ston pa zhes bya

  858. 429b

    pa'i rnam par bshad pa ste/ mdzod kyi gnas drug pa rdzogs so// //'jig rten mgon po la phyag 'tshal lo/ /lam gyi bye brag gi sgo nas gang zag rnams rnam pa du mar rnam par bzhag pa byas zin te/ lam gyi bye brag der bzod pa rnams zhes kyang 'byung/ shes pa rnams zhes kyang 'byung/ yang dag pa'i lta ba zhes kyang 'byung/ yang dag pa'i shes pa zhes kyang 'byung ngo/ /de la sdug bsngal la chos shes pa'i bzod pa nas lam la rjes su shes pa'i bzod pa'i par bzod pa brgyad bshad la/ sdug bsngal la chos shes pa nas lam la rjes su shes pa'i bar shes pa brgyad bshad do/ /de bzhin du mi slob pa'i yang dag pa'i lta ba dang/ zad pa shes pa dang/ mi skye ba shes pa yang bshad cing/ de bzhin du gang zag gcig la yang dag pa'i lta ba dang/ yang dag pa'i shes pa yan lag tu bshad do/ /de'i phyir ci'i bzod pa dag yin la shes pa ma yin nam/ yang dag pa'i shes pa yin la yang dag pa'i lta ba ma yin nam zhes bya ba 'di dpyad de/ 'di skad du gang la bzod pa brgyad dang shes pa brgyad dang yang dag pa'i lta ba dang/ yang dag pa'i shes pa zhes de ltar bye brag tu ston par byed pa ci shes rab 'ba' zhig bzod pa kho na yin la shes pa ma yin pa 'am/ shes pa kho na yin la bzod pa ma yin pa 'am/ de bzhin du lta ba kho na yin la shes pa ma yin pa 'am/ shes pa kho na yin la lta ba ma yin pa yod dam zhes bstan par 'gyur ro/ /gang gi phyir 'di ltar bzod pa brgyad dang shes pa brgyad dang yang dag pa'i lta ba dang yang dag pa'i shes pa zhes tha dad pas bstan pa byas ste/ yang ci'i phyir 'di ltar the tshom za/ 'di dag thams cad shes rab kyi rang bzhin yin pas tha dad par bstan pa'i phyir dang yod do zhes bstan par bya ba'i phyir/ dri med bzod rnams

  859. 430a

    shes pa min zhes bya ba smos so/ /dri med zhes khyad par du byas nas bzod pa zag pa dang bcas pa rnams shes pa yin no/ /zhes bstan par 'gyur te/ shes pa'i don ni nges pa'i don yin na/ bzod pa dag ni nges pa ma yin pas shes pa ma yin no/ /ji ltar ma nges zhe na/ des spang par bya ba rgyas par smos so/ /de spong bar bya zhes bya ba ni/ bzod pas spang par bya ba'o/ /'gag par 'gyur ba'i lam gyis ni/ de'i sgrib pa rab tu spong ngo/ /zhes bshad pas de'i phyir/ des spang bar bya ba'i phra rgyas the tshom gyis thob pa dang rjes su 'brel ba'i rgyud kho na la bzod pa rnams skye bas de rnams ni the tshom ma spangs pa yin la/ the tshom spangs pa'i shes rab la ni shes pa zhes bya ba yin pas bzod pa rnams ni shes pa ma yin no/ /des spang par bya ba zhes ci'i phyir smos zhe na/ sdug bsngal la chos shes pa la sogs pa rnams shes pa nyid yin par bstan par bya ba'i phyir ro/ /gal te phra rgyas the tshom ma spangs pa'i phyir ro// zhes bya ba de tsam zhig smos na ni da lta na lam la rjes su shes pa kho na shes par 'gyur gyi/ snga ma rnams ni ma yin te/ the tshom gyi phra rgyas ma spangs pa'i phyir ro/ /'o na zag pa dang bcas pa rnams shes rab yin na ci ltar shes pa zag pa med pa rnams kho na shes rab yin/ the tshom gyi phra rgyas dag spangs pa dang ma spangs pa las nges pa dang ma nges pa'i yin pa'i phyir ro/ /shes pa 'di yin no/ /shes pa 'di ma yin no zhes bya ba'i rig pa tha dad pa med pas zag pa dang bcas pa rnams ma yin no/ /dri med ces bya ba la/ dri ma ni rjes su 'brel pa dri ma dang bcas pa zhes bya ba'o/ /'di yang 'di ltar gang the tshom dang mtshungs par ldan pa'i shes rab ni shes pa zhes brjod do//

  860. 430b

    ji skad du nga la log par shes pa gang zhe na/ yid kyi rnam par shes pa'i cho gas dang mtshungs par ldan pa nyon mongs pa can dang rnam par shes pa lnga dang/ mtshungs par ldan pa nyon mongs pa can no zhes so/ /thams cad kyang shes rab dang shes pa pa dang lta ba dang rig pa ste lta ba'i rang bzhin shes rab dang shes pa'i rang bzhin las byed pa nyid du gnas so/ /de'i phyir rigs pa gang gis spang bar bya ba the tshom gyi phra rgyas de spangs pa las zag pa med pa'i shes rab ste/ shes pa ma yin zhing zag pa dang bcas pa ma yin no/ /de dag rtogs pa'i bdag nyid can yin pa'i phyir ro zhes bya ba ni/ nges par nye bar rtogs pa'i rang bzhin yin pa'i phyir ro zhes bya ba'i don to/ /ji ltar 'di spang bya the tshom gyi phra rgyas spangs pas lta ba'i rang bzhin bsal te shes pa'i rang bzhin dgag par byed pa'o/ /de bzhin du nges par rtogs pa'i bdag nyid kyang ngo/ /mi shes pa'i rang bzhin bsal te lta ba'i bdag nyid sgrub pa'o/ /de bzhin du/ de las gzhan 'phags blo gnyi ga /zhes smos so/ gzhan dag na re/ so sor 'jug pa'i bsam pa sbyor ba lhod pa ni shes pa yin la/ yongs su tshol ba'i bsam pa rtsom pa ni bzod pa yin no zhes zer ro/ /shes pa ma yin pa ni bsgom pa'i lam la yang bar chad med pa'i lam rnams su thal bar 'gyur ba mthong ngo/ /yang dag par rtog pa med pa dang yongs su tshol ba'i bsam pa can ma yin pa'i phyir zhes bya ba la yang dag par rtags pa ni nye bar 'jal ba dang nges par rtogs par byed pa ste 'di dang de zhes bya bar ro/ /yongs su tshol ba ni 'di ci zhes de tshol bar byed pa'o/ /de la bsam pa ni mngon par bsam pa'o/ /rtogs pa dang bcas pa'i bsam pa dang rtog pa med pa'i bsam pa de bzhin du yongs su tshol ba'i bsam pa yang shes par bya'o/ /zad pa dang mi skye ba shes pa dag?

  861. 431a

    kyang de dag la bsam pa gcig yin pa'i mi 'gyur te/ so sor 'jug pa'i bsam pa yin pa'i phyir dang/ sbyor ba lhod pa'i phyir ro/ /de'i phyir yongs su tshol ba'i bsam pa rtsom pa nyid las lta ba'i rang bzhin dag la ji srid 'di bya ba ma byas pa de srid du sdug bsngal la sogs pa'i bden pa rnams la nye bar rtog par byed yongs su rtogs par byed do/ /ji skad bshad pa'i rnam pas bya ba byas pa na yang ji ltar lta ba rnams dang sdug bsngal la sogs pa 'phags pa'i bden pa rnams la so sor rtog pa rtsam las de dag tu 'gyur ro/ /rtog par byed pa dang yongs su tshol bas bdag gi sdug bsngal yongs su shes pa ma yin no/ /yang yongs su shes par bya ba de lta bu'i rnam pas de'i rjes la thob pa de dag gis mjug thogs su skye'o zhe na/ ma yin te/ de dag lta ba'i rang bzhin shes pa la nges pa'i phyir ro/ /bzod pa dang zad shes pa las gzhan pa zag pa med pa'i shes rab dang lta ba dang shes pa yang yin no/ /yang ci gzhan slob pa dang mi slob pa'i shes pa brgyad rnams kyang mi slob pa'i yang dag pa'i lta ba yin/ bar chad med pa'i lam thams cad rang gi gnyen po nyon mongs pa thob pa rjes su 'brel pa'i rgyud la skye ba ma yin nam zhe na/ yongs su tshol ba'i bsam pa rtsom pa dang rnam par grol ba'i lam thams cad de las bzlog pas/ bzod pa dang zad pa dang mi skye ba shes pa ma gtogs gzhan zag pa med pa'i shes rab ni gnyi ga ltar yang mi rigs so/ /'di spangs pa la the tshom rnams med de/ bar chad med pa'i lam gyis bskyed pa'i bdag nyid yin pa'i phyir dang/ de dag kyang lta ba'i sngar shes par bya ba'i yul nyid kyi phyir de las tha dad pa'i zag pa med pa'i shes rab ni nges par rtog pa'i phyir dang nges pa'i

  862. 431b

    phyir gnyi ga ji lta bar sgrub par byed do/ /'di dag ni re shig zag pa med pa'i shes rab kho na'i rnam par dbye ba'o/ /gzhan shes zhes bya ba la/ 'jig rten pa'i shes rab thams cad shes pa yin pa 'di ni phyir gtang ba yin la/ phyir btang ba 'di'i dmigs kyi bsal ba brtsam pa ni/ drug ni lta ba 'ang yin zhes bya ba 'di yin no/ /'ang ba zhes bya ba'i sgras ni shes pa'ang yin pa'o/ /lta ba lnga zhes bya ba ni 'jigs tshogs la lta ba la sogs pa'o/ /'jig rten pa'i yang dag pa'i lta ba zhes bya ba ni/ rgyu dang 'bras bu la sogs pa dag la yod par lta ba'o/ /gzhan lta ba zhes bya ba ni/ 'dod chags la sogs pa dang mtshungs par ldan pa rnam par shes pa'i tshogs lnga dang lhan cig skyes pa dang lung du ma bstan pa'o/ /'di dang gzhan dag kyang shes pa ni yin no/ /zhes bya ba la 'di zhes bya ba ni/ drug ni lta ba'ang yin/ zhes bshad pa gang yin pa dag go /'di'i mdor sdus pa ni 'di yin te/ 'jig rten pa'i shes rab rnam pa drug ni lta ba dang shes pa yin la/ de las gzhan pa'i 'jig rten pa thams cad ni shes pa kho na yin gyi lta ba ma yin te/ ci'i phyir zhe na/ yang dag par rtog pa'i rnam par ma zhugs pa'i phyir ro/ /ci'i phyir shes rab bzhin the tshom dang bcas pa yin yang shes pa nyid du bshad ce na/ 'dir bshad pa'i rgyu de spang bya yin pa'i phyir the tshom gyi phra rgyas so zhes rgyas par 'byung ngo/ /kha cig na re lus dang ngag gi rnam par rig byed kyi kun nas bslang ba'i rnam par shes pa'i tshogs lngas bsdus pa'i yid kyis ba 'chi ba'i mdza' can gyi dge bshes rab dang lta ba ma yin pa zhes brjod de/ kha phyir bltas te 'jug pa'i phyir dang rnam par rtog pa med pa'i phyir dang/ nyam chung ba'i phyir rnam par shes pa'i tshogs lnga bzhin no zhes zer ro/ /gzhan dag na re 'di ni de lta

  863. 432a

    ma yin te/ so sor mi shes pas gcig tu ma nges pa'i phyir dang 'di so sor mi shes pas kha nang du phyogs te 'jug pa kho na lta ba ste gzhan ni lta ba ma yin no/ /gzhan du na zag pa med pa'i lus dran pa nye bar bzhag pa'i bdag nyid kyi shes rab lta ba ma yin par 'gyur ro/ /phyi'i lus la lus kyi rjes su lta zhing gnas so zhes gsungs so/ /'di mdza' cig tu ma yin te/ mig la sogs pa'i rnam par shes pa ci 'dra bar 'gyur ba de 'dra ba yid kyi rnam par 'gyur ba ma yin na/ /'di ltar dge ba la sogs pa dang rnam par shes pa'i tshogs rnams la mi dga' ba la sogs pa yang nges bsdus pa'i yid kyi rnam par shes bskyed do/ /yang gsungs pa/ 'chi ba'i dus kyi dge ba'i sems dang sems las byung ba rnams thob pas yang dag pa'i lta ba dang lhan cig gyur pa zhes so/ /de'i phyir yid kyis pa'i dge ba dang shes rab thams cad lta ba yin no/ /shes pa bcus zhes bya ba bcu po gang gis zhe na/ chos dang/ rjes dang/ kun rdzob dang/ gzhan gyi sems dang/ sdug bsngal dang/ kun 'byung dang/ 'gog pa dang/ lam dang/ zad pa dang/ mi skye ba shes pa dag gis so/ /rtsom pa 'di ni ngas par gzung ba'i phyir yin gyi/ 'chi 'pho ba dang/ skye ba dang/ smon gnas shes pa la sogs pa gzhan dag ni 'di dag kho na'i nang du 'dus pa'i phyir ro/ /mdor bsdus na ni/ shes pa zag bcas zag pa med/ zhes bya ba ni/ nges par bzung bar bya ba'i phyir brtsam pa ste/ rnam par rtog pa ?gsum pa med? phyir ro/ /phal cher bum pa dang/ snam bu dang/ skyes pa dang/ bud med la sogs pa kun rdzob 'dzin pa'i phyir/ zhes bya ba la/ kun rdzob ni bum pa dang/ snam bu dang/ skyes pa dang/ bud med la sogs

  864. 432b

    pa'i dngos po tha snyad kyi yan lag tu gyur pa gang yin pa'o/ /bum pa dang snam bu dang bud med dang skyes pa la sogs pa don du ma'i sgo nas yod pa ma yin no/ /de la srid pa ni/ kun rdzob kyi rdzas su yod pa'i yul te 'di yod pas don dam pa dang rjes su mthun pa'o/ /de ltar mang ba nyid du ston pa ni phal cher smos pas ston par byed do/ /gzhan dag na re/ sgrib par byed pa'i kun rdzob shes pa zhes bya ba'i don to/ /des rgyas par byed pa'i shes pa ni kun rdzob shes pa ste/ de nyid kyi phyir don dam pa dang rjes su mthun pa nges par 'byed pa'i cha dang mthun pa shes pa ni kun rdzob shes pa zhes bya'o/ /gzhan dag na re/ kun ni mdza' dag dang rdzob pa ni blo gros so/ /zhes zer ro/ /gzhan dag na re/ gzugs la sogs pa dang bum pa la sogs pa la blo 'jug pa dang/ phal cher la rtogs bya dang/ rtogs byed kyi rgyur gyur shes pa'o/ /de'i phyir kun rdzob shes pa'o zhes zer ro/ /gzhan dag ni thog ma med pa'i 'khor ba nas 'di rgyud la 'jug pas na/ rgyud shes pa zhes zer ro/ /zag med rnam gnyis zhes bya ba la/ rjes su shes pa la ni 'ga' zhig rjes su dpag pa shes pa zhes zer ro/ /de yang/ de lta ma yin te/ mthong bar gsungs pa'i phyir ro/ /rjes su dpag pa la ni mthong ba zhes bya ba/ sdug bsngal dang kun 'byung dag ma mthong ba'i bdag nyid du zhes mthong bar khyad par med par gsungs pas so/ /'phags pa'i bden pa gzhi po rnams yang dag pa ji lta ba bzhin mthong ba'i phyir bden pa de rnams mthong ba de lta bu la sogs pa 'gog pa la dmigs pa'i ngo bor thal ba med pa'i phyir ro/ /rjes su dpag pa'i shes pa rjes su shes par khas blangs pas ni 'gog pa'i yul chos shes pa 'gog par 'gyur te/ mngon sum gyi phyir dang mtshungs par nges pa med par thal ba'i phyir ro/ /rjes su dpag pa la ni mthong ba med de mtshungs par nges

  865. 433a

    pas rjes su dpag pa la 'khrul pa srid pa'i phyir ro/ /bden pa mthong ba ni 'du byed thams cad mi rtag pa dang chos thams cad bdag med pa dang mya ngan las 'das pa bzhi pa'o/ /zhes mthong ba mchud par nges pa yin no/ /de'i phyir rjes su shes pa ni rjes su dpag pa yin no/ /mngon sum rnam pa gsum du 'dod de dbang po nyams su myong ba'i blo bshad pa'i phyir dang po'i mngon sum ni gzugs la sogs pa'i yul reg bya'i mthar thub pa rnams so/ /nyams su myong ba'i mngon sum ni tshor ba la sogs pa mngon du gyur pa rnams so/ /blo'i mngon sum ni chos thams cad do/ /ci rigs par rang dang spyi'i mtshan nyid dag gi /de la gal te 'bad pas dbang po nyams su myong ba'i mngon sum dag mngon sum ma yin no/ /de mngon sum yin pa de lta na 'gog pa'i yul med pa chos shes pa'o/ /'on te 'di blo'i mngon sum ma yin na/ rjes su dpag pa'i shes pa rjes su shes par rung/ ci ste 'jig rten pa'i yang dag pa'i lta ba gang yin pa/ 'phags pa'i rnam pa'i rjes su 'jug pa yin na/ mnyam par bzhag pa zag pa med pa dag dgag ba ci/ tIk+Shu? b+hi ni pa ta na zag pa med pa yang rnam grangs kyis cig shos seng ldang gi me mdag gi gdung ba bzhin no/ /bag chags bstan pa zag pa med pa'i rnam grangs ma yin pa gcig shos 'bar ba gang yin pa ni rtsa'i me bzhin no/ /'jig rten pa'i shes pa'i (rnon po mngon par btab pa/) rjes su mngon pa'i nga rgyal skye ba ma yin zhing/ zag pa med pa'i ye shes su yang ma yin pas 'di de ltar khyad par med do/ /de ltar shes pa 'di gnyis zhes bya ba ni/ zag pa dang bcas pa dang zag pa med pa dag go /gsum du 'gyur te zhes bya ba ni/ zag pa med pa gnyis su phye ste/ chos dang rjes su shes pa'i dbye ba'o/ /'di dag kyang dmigs pa'i dbye bas phye ba'o/ /de la kun rdzob yul ni thams cad do/ zhes bya

  866. 433b

    ba la/ 'dus byas dang 'dus ma byas kyi chos thams cad dmigs pa yin pa'i phyir ro/ /chos shes ni 'dod pa'i sdug bsngal la sogs pa'i spyod yul nyid yin gyi/ gong ma'i sdug bsngal la sogs pa'i spyod yul ma yin no/ /so sor ma rtags pa'i 'gog pa dang nam mkha' yang spyod yul ma yin no/ /rjes su shes pa yang gong ma'i sdug bsngal la sogs pa'i spyod yul can kho na ste/ bshad ma thag pa'i spyod yul (can ma yin no/) /zag pa dang bcas pa dang zag pa med pa'i dbye bas kyang zag pa med pa'i spyod yul ni 'dus ma byas gnyis ma yin no/ /chos dang rjes su shes pa bzhin thams cad yul ma yin no/ /de dag nyid bden bye brag gis/ bzhi ste/ zhes bya ba ni/ chos dang rjes su shes pa dag ni khams kyi dbye bas sdug bsngal sogs pa'i bden pa tha dad par byas te/ dbye ba gsungs so/ /sdug bsngal la sogs pa shes pa rnams la ni chos dang rjes su shes pa'i dbye bas khams gsum pa'i dbang du byas nas sdug bsngal la sogs pa'i bden pa rnams la 'dir dbye ba sngon du 'gro bas bzhi bar dbye ba bshad do/ /de la dmigs pa'i phyir ro zhes bya ba ni sdug bsngal la dmigs shing shes pa ni/ sdug bsngal shes po ste de bzhin du gzhan la yang ngo/ /yang ci'i phyir zag pa dang bcas pa yang de'i rnam par sdug bsngal shes par brjod kyi sdug bsngal gyi sgo nas she na/ rnam pa de yang phung po lnga pa ste/ yang mdza' cig tu bde ba'i sgo nas de smos pa srid pa'i phyir ro/ /de la dmigs pa the tshom kun du spyod pa de thob pa'i phyir rnam pa bzhi ste/ sdug bsngal la sogs pa bden pa bzhi la dmigs pa tha dad pa'i phyir ro/ /de yang dang por skyes pa ni mi bden pa la dmigs pa ste/ mi bden pa la dmigs pa yang rgyun la bltos nas yin no zhes

  867. 434a

    bshad ba yin no/ /srid ba'i rtse mo ba'i phung po la sdug bsngal la kun 'byung ba rjes su shes pa'i rnam par dmigs ba'i phyir ro zhes bya ba la/ gang gi phyir de ni thams cad kyi rjes su srid ba'i rtse mo nyid spong ba yin bas/ de'i phyir gang gis gzir ba dang gang gis bcings pa de kho na la thar pa lan mang du yid la byed pa na 'jug thogs su srid pa'i rtse mo zad pa kho na la dmigs la/ de yang sdug bsngal lam kun 'byung ba yin te/ de'i phyir srid pa'i rtse mo la sdug bsngal la kun 'byung ba'i rnam par dmigs so/ /rdo rje lta bu'i mjug thogs su zad pa shes pa 'byung la/ de'i rjes la mi skye ba shes pa 'byung ba de'i phyir 'dri ba ni/ rdo rje lta bu la sogs pa'o/ /de gnyis dang zhes bya ba ni dang por skyes pa dag dang zhes bya ba'i don to/ /gal te sdug bsngal dang/ kun 'byung la dmigs na ni zhes bya ba rgyas par 'byung ba ni/ rdo rje lta bu bden pa gzhi la dmigs pa yang srid pa'i dbang du byas nas brjod pa ste/ de'i phyir 'di la nges pa med do/ /gzhi las pha rol sems rigs pa/ zhes bya ba la/ gzhan gyi sems shes pa ni zag pa dang bcas ba dang zag pa med pa la dmigs pa yin no/ /de la gang zag pa dang bcas pa la dmigs pa de kun rdzob kyi shes pa ste/ zag pa bcas pa yin pa'i phyir ro/ /zag pa med pa la dmigs pa ni lam dang chos dang rjes su shes pa gsum bgyi'o/ /gal te chos dang rjes su shes pa las ma gtogs par lam shes pa yod pa ma yin pas gzhan gyi sems shes ba gsum kho na las brjod par bya ba ma yin nam zhe na/ 'di de lta yin mod kyi chos dang rjes su shes pa gang gis gzhan gyi sems dang sems las byung ba zag pa med pa shes pa de lam shes pa yin

  868. 434b

    bar rig bar bya'o/ /sdug bsngal dang kun 'byung ba shes pa ni ma yin no zhes gzhan gyi sems shes pa skal ba mnyam pa'i yul can nyid du shes par bya ba'i phyir de skad brjod do/ /zag pa med pas zag pa bcas pa shes pa ni ma yin te/ 'di'i nges pa ni de yin no/ /re zhig zag pa dang bcas pa gang yin bas zag pa med par dmigs par mi 'gyur te/ phra ba'i phyir dang mchog yin pa'i phyir ro/ /zag pa med pa'i sems dang sems las byung ba rnams zag pa med pa la ni zag pa dang bcas pa dmigs pa yod ba ma yin pas/ de la rgyu cis zag pa dang bcas pa'i yul rnams zag pa med pa la rnam pa gzhan du 'jug/ gang zag zag pa dang bcas pa'i dmigs pa dang zag pa med pa'i shes pa rnams ni ra ba te/ rnam pa de dag la gang gi phyir sems dang sems las byung pa'i rang bzhin bzung ba 'jug pa byed ci na/ de ni sun 'phyin pa la dga' ba'i phyir dang/ 'jug pa las phyir phyogs pa'i phyir ro/ /yang 'phags pa rnams kyi sems dang sems las byung ba'i rdzas re res zag pa med pa shes par mi nus so/ /spyi'i sgo nas mi rtag pa la sogs pa'i rnam pas rtog par byed do/ /sa ma sta ma ba hya sri yaM sho ba tra mits+tsha te/ /sri ya twe na ma n+ya thA be ti/ bsam gtan 'og ma'i sa pas bsam gtan gong ma'i sa ba mi shes pa'o/ /zhes bya ba ni/ bsam gtan dang po'i sa pas bsam gtan gong ma'i sa pa thams cad mi she? (mdza' dag kho na ni mi 'ja' ba rna ba 'dod pa) pa'o/ (/dga' ba nyid 'di de gzhan du na zhes) bzhin du bsam gtan gnyis pa dang gsum pa'i sa bas kyang bsam gtan gong ma'i sa ba mi shes pa'o zhes bshad pa yin no/ /rang gi sa 'og ma ba ni shes pas na/ de la 'jig rten pa'i sems dang sems las byung ba rnam pa bco lnga po dag ste sa lnga pa rnams su so sor rnam pa gsum nyid kyi phyir ro/ /zag ba med pa rnam pa bcu gnyis

  869. 435a

    to/ bsam gtan sa gzhi po rnams las bsam gtan so sor rnam pa gsum nyid kyi phyir ro/ /de la sa gong ma'i 'jig rten pa'i chung dus ni u tsam ta nu rtsi te na/ gzhan gyi sems shes pas sa 'og ma pa'i rnam pa gsum shes so/ /rang gi sa pa chung ngu nyid dang/ 'bring gis 'og ma pa yang snga ma bzhin no/ /rang gis pa rnam pa gnyis kyi chen pos ni rang gi sa pa rnam pa gsum mo/ /zag pa med pa ni gzhan gyi sems shes pas rang gi sa pa dang/ 'og min? yang chung ngus chung ngu dang 'bring gi chung ngu dang chen pos kyang rnam pa gsum ga shes so/ /ci'i phyir yang rnam pa gzhan du zag pa dang bcas pa'i tshul las rnam pa gzhan du zag pa med pa yin na/ gang las rgyu gcig la yang zag pa dang bcas pa rnam pa gsum yod la/ zag pa med pa ni dbang po'i sgo nas rnam pa gsum rnam par bzhag pas tshul de lta rgyud cig las rnam pa gnyis ma yin pa yang yod do/ /dbang po rnams gyi gsum nyid las gang zag gcig ni lam rnam pa dgu nyon mongs pa spong bar gsungs pa de'i lam gang yin pa ni rgyu la nye bar btags te mchog gi dbang du byas kyi/ dbang po'i dbye bas ma yin no/ /bye brag tu smra ba rnams na re/ 'dir rigs thams cad rnam pa dgu yin pa de'i phyir rigs gzhan yang rnam pa dgu'o zhes zer ro/ /dbang po 'das pa zhes bya ba ni dang pas mos pa'i lam gyi mthong bas 'od pa'i las mi shes shing dus kyi rnam par grol ba'i lam gyi dus dang mi sbyor bar rnam par grol ba'i lam mi shes pa ste/ dbang po 'das pa'i phyir ro/ /'di ltar dad pas mos pa'i lam ni dbang po brtul pos bsdus shing/ mthong bas thob pa dang dus dang mi sbyor bar rnam par grol ba'i lam ni dbang rnon pos bsdus pa yin no/ /'og mas

  870. 435b

    gong ma mi shes so/ /zhes bya ba ni/ phyir mi 'ong ba'i lam gyi nyan thos dgra bcom pa'i lam dang/ dgra bcom pas rang sangs rgyas kyi lam dang rang sangs rgyas kyi sangs rgyas kyi lam mo/ /mthong bas thob pas dus kyi rnam par grol ba'i mi shes te/ gang zag 'das pa'i phyir ro/ /dus kyi rnam par grol bas kyang mthong bas thob pa'i ste/ /dbang po 'das pa'i phyir ro/ /b+ha ga bats+tsha radwa tau/ /bsam gtan dang po dang gnyis pa dag phan tshun mi shes te/ sa dang dbang po 'das pa'i phyir ro/ /dus dang mi sbyor bar rnam par grol ba dang mthong bas thob pa dag kyang bsam gtan dang po dang gnyis pa'i sa pa phan tshun mi shes (bcom ldan 'das dang b+ha? radwa te dag pa) bzhin te/ sa dang gang zag 'das pa'i phyir ro/ /da ltar gyi pha rol gyi sems yul yin pa'i phyir ro/ /zhes bya ba ni/ gang gi phyir sems kyi yul gzugs la sogs pa'i yul yin par mi 'os pa de bzhin du da ltar byung ba'i yul du 'das pa dang ma 'ongs pa'i yul mi rung ngo/ /de gnyis ni zhes bya ba ni/ gzhan gyi sems shes pas chos dang rjes su shes pa'i phyogs dang mthun pa dag go /gnyis pa ni 'dod pa las gong ma'i khams kyi gnyen po la dmigs pa yin pa'i phyir ro/ /phan tshun rgyab kyis phyogs pas phan tshun dmigs pa nyid du mi rung ngo/ /mthong ba'i lam la pha rol gyi sems shes pas med do/ /zhes bya ba ni myur du 'gro ba nyid kyis sbyor ba med pa'i phyir la/ de thob pa rnams la yang sbyor ba las gzhan gyi sems shes pa mngon du 'gyur ba'i phyir ro/ /sbyor ba byas nas dang po mthong skad cig dag nyan thos kyi rigs? te zhes rgyas par 'byung ste/ rang sangs rgyas kyi pha rol gyi sems shes pa chung ngu ni sbyor bas byed do/ /nyan thos kyis ni kha cig tu 'bring pos so/ /kha cig tu chen pos so/ /chos shes pa'i phyogs

  871. 436a

    dang mthun pa dang rjes su shes pa'i phyogs dang mthun pa'i sems so zhes ma bshad do/ /chos shes pa'i phyogs ma lus pas gzhan gyi sems shes pas nyan thos kyi mthong ba'i lam skad cig ma dang po gnyis kho nas shes so/ /da ni rjes su shes pa'i phyogs shes par bya ste/ de ji srid yul phyi rol gyi sems shes pa mngon du bya ba'i phyir sbyor ba rtsom pa srid 'di sems bcu drug rjes su 'thob la yin te/ de'i sbyor ba ring ba'i phyir ro/ /de yang mthong ba'i lam ma yin no/ /rang sangs rgyas kyi skad cig ma gsum gyis shes te/ chos su shes pa'i phyir kyis dang po gnyis kyis shes shing/ rjes su shes pa'i phyogs kyi gzhan gyi sems shes pa mngon du byas te brgyad bas shes so/ /sbyor chud ba'i phyir ro/ /zhes bya ba ni sbyor ba ring ba ma yin pa'i phyir ro/ /gzhan dag na re/ bco lngas so zhes zer ro/ /skad cig ma lnga rnams dang bzhi rnams kyis de'i sbyor ba bsgrub par mi rigs so/ /gzhan dag skad cig ma bzhi shes te/ dang po dang gnyis pa dang brgyad pa dang bcu bzhi pa rnams nyid kyis so zhes zer te/ de ltar yang rung ngo/ /chos shes pa'i phyogs kyis dmigs na skad cig ma lnga'i 'jug thogs su'o/ /gal te rjes su shes pa'i phyogs la ni brgyad pas shes te/ de'i phyir skad cig ma lnga'i mjug thogs ci lta bar chos shes pa'i phyogs la bcu bzhis shes so/ /sbyor ba med pa zhes bya ba ni/ thugs kyi dbang phyug bcom ldan 'das kyi ni sbyor ba mi mnga' bar yon tan phun sum tshogs pa thams cad mngon du 'gyur ba'i phyir mthong ba'i lam gyi skad cig thams cad bar med par mkhyen to/ /de ltar chos dang rjes su shes pa rnam pa bzhi ni zad pa dang mi skye ba shes pa dag yin no zhes bshad na/ de gnyis la dbye ba ma mthong bas/ yang zad?

  872. 436b

    pa shes pa dang mi skye ba shes pa dag khyad par ci yod ces bya 'dris te/ de'i phyir zad pa shes bden pa rnams la/ zhes bya ba rgyas par smos so/ /ji ltar na zag pa med pa shes pas de ltar shes zhes bya ba ni zag pa med pa rnam pa bcu drug pa yin pa'i phyir dang/ rnam par rtag pa'i phyir dris pa'o/ /de'i rjes la langs pas zhes bya ba rgyas par 'byung ste/ /bsam pa'i sgo nas 'di shes pa gnyis kho na rab tu 'jug go zhes bshad do/ /zag pa med pa'i shes pas ni de ltar mi shes te/ rnam par rtog pa med pa'i phyir ro/ /zag pa med pa'i shes pa las langs pa la rnam par rtog pa 'di dag skye ste/ de'i rjes las skye ba'i bskabs yod pa'i phyir ro/ /de ni zad pa dang mi skye ba shes pa gnyis kyis skyes bu byed pa'i 'bras bu yin te/ kun rdzob shes pa ni de dag gi stobs kyis thob pa'i phyir ro/ /de'i phyir yang de'i khyad par gyis de dag gi khyad par te/ kha che ba rnams na re/ bstan bcos las shes par byos zhes zer ro/ /de'i khyad par gyis zhes bya ba ni/ de'i skyes bu byed pa'i 'bras bu shes pa'i khyad par gyis so/ /de la zad pa shes pa'i skyes bu byed pa'i 'bras bu ni bdag gis sdug bsngal yongs su shes so zhes bya ba nas lam bsgom so zhes bya ba'i bar ro/ /mi skye ba shes pa'i skyes bu byed pa'i 'bras bu ni bdag gi sdug bsngal yongs su shes te/ yang yongs su shes par byar med do/ /zhes bya ba nas bdag gis lam bskom te yang bsgom du med do zhes bya ba'i bar ro/ /de nyid kyi bye brag zhes bye brag zhes bya ba ni zad pa shes pa dang mi skye ba shes pa gnyis kyi ste/ 'bras bu'i bye brag ni rgyu'i bye brag las 'khrul pa med pa'i phyir ro/ /zag pa med pas kyang de ltar shes te/ zhes bya ba ni gang dag rnam pa bcu drug/ las ma gtogs pa'i zag pa med pa yang 'dod pa de

  873. 437a

    dag 'di skad du/ gang gi phyir shes pa dang mthong ba'i rang bzhin 'di dag la mthong pa zhes 'don to zhes zer ro/ /de'i phyir 'gal ba spang ba'i phyir/ mthong ba smos pa ni zhes bya ba rgyas par 'byung ste/ sdug bsngal la chos shes pa la sogs pa dag mthong ba dang/ rig pa dang blo zhes 'don par 'gyur la/ de'i 'jug thogs su/ 'di gnyis su kyang bstan pas/ sngar gyi 'phangs pa las dge slong dag gis de ltar 'dir yang mthong ba yin zhes 'don pa yin te/ de'i phyir 'gal ba med do/ /yang na mngon sum du 'jug pa'i phyir ro zhes bya ba la mngon sum du 'jug pas na mngon sum du 'jug pa ste/ mngon sum du 'jug pa 'di shes pa gnyis dang rjes su dpag pa bzhin lkog tu gyur pa'i 'jug pa mthong ba yang mngon sum nyid do/ /de'i phyir mngon sum gyi 'jug pa nyid do/ /mthong ba dang chos mthun pas bshad ces bya ste/ de nyid kyi phyir mngon sum gyi 'jug pa'i phyir ro zhes bya ba'i don to// yang bcas ces bya ba ni/ 'jig rten gyi nges pas bstan pa'o/ /gzhan dag na re rigs yin no zhes zer ro/ /bstan pa 'di ni nges par rtog par bya ba ste/ dus 'di tsam na zla ba gzas bzung bar 'gyur ro/ /zhes bya ba lta bu'o/ /de la zhes bya ba ni shes pa bcu dag la'o/ /kun rdzob shes pa ni zhes pa gcig yin la zhes bya ba ni shes pa bcu po de dag gi dbang du byas pa'o/ /gcig gi cha yang yin no zhes bya ba ni/ /gzhan gyi sems shes pa'i 'o/ /de ni zag pa dang bcas pa'i sems dang sems las byung ba'i yul te/ zag pa dang bcas pa'i sems kyi yul nyid pa kun rdzob shes par rnam par bzhag par bya'o/ /zag pa dang bcas pa'i phyir gcig shos lam yin la/ zag pa med pa'i phyir chos

  874. 437b

    shes pa shes pa bcu'i dbang du byas nus shes pa gcig go /bdun gyi cha yang yin zhes bya ba ni sdug bsngal dang kun 'byung ba dang/ 'gog pa'i dang lam dang gzhan gyi sems dang zad pa dang mi skye ba shes pa rnams kyi'o/ /de ni do dag gi cha 'dod pa'i sdug bsngal la sogs pa'i spyod yul can gang yin pa ste/ chos shes pa'i mtshan nyid yin pa'i phyir ro/ /rjes su shes pa dang de dang 'dra'i zhes bya ba ni shes pa bcu'i dbang du byas te/ thams cad du rig par bya'o/ /rjes su shes pa zhi shes pa gcig ste bdun gyi cha mang yin no zhes bya ba ni ji skad bshad pa kho na ste/ de na gong ma'i sdug bsngal la sogs pa'i spyod yul can te/ rjes su shes pa'i mtshan nyid yin pa'i phyir ro/ /sdug bsngal shes pa ni shes pa cig yin la / bzhi'i cha dang yin te/ zhes bya ba ni chos dang rjes dang/ zad pa dang mi skye ba shes pa rnams kyi ste/ sdug bsngal gyi bden pa la dmigs pa gang yin pa'o/ /'dis ni kun 'byung dang/ 'gog pa shes pa yang bshad de/ ji skad bshad pa rnams kho na'i cha kun 'byung ba'o/ /dmigs pa dang 'gog pa la dmigs pa gang yin pa'o/ /lam shes pa ni shes pa gcig yin la/ lnga'i cha yang yin no zhes bya ba ni rjes su zad pa dang/ mi skye ba gzhan gyi sems shes rnams kyi cha lam gyis bden pa la dmigs pa gang yin pa te/ lam gyi mtshan nyid yin pa'i phyir ro/ /gzhan gyi sems shes pa shes pa gcig yin la/ bzhi'i cha yang yin no/ /zhes bya ba ni chos dang/ rjes dang lam dang/ kun rdzob shes pa rnams kyi cha sems las byung ba la dmigs pa gang yin pa ste/ /gang gi gzhan gyi sems dang sems las byung ba rnams shes pa'o/ /zad pa shes pa ni shes pa cig yin la/ drug gi cha yang yin te/ zhes bya ba ni chos dang rjes su ?

  875. 438a

    sdug bsngal dang/ /kun 'byung ba dang/ 'gog pa dang lam shes pa rnams kyi ste/ de dag re re zhing slob pa dang mi slob pa nyid du tha dad pa'i phyir na mi slob pa'i cha yin no/ /mi skye ba shes pa yang zad pa shes pa ji lta ba bzhin du rigs par bya'o/ /yang ci'i phyir de dag gsum po yod pa zhes bya ba ni chos dang rjes dang kun rdzob shes pa dag go/ bcur rnam par bzhag ces bya ba ni bshad ma thag pa dag go /rgyu bdun gyis zhes bya ba rgyas par 'byung ste/ zag pa dang bcas pa dang zag pa med pa'i shes pa gnyis kho na rang bzhin dang gnyen po la sogs pa'i rgyu la rten nas gnas skabs de dag tu shes pa'i bdag nyid de dang des rnam pa bcur bzhag go/ rang bzhin las ni rang bzhin gyis so/ /kun rdzob shes pa ni kun rdzob shes pa'o/ /ji ltar zhe na/ de'i phyir don dam pa mi shes pa'i phyir ro zhes bya ba smos so/ /don dam pa 'am don dam par mi shes pa ste/ /tha snyad kyi bdag nyid yin pa'i phyir ro/ /da'i phyir rang bzhin las kun rdzob shes pa de rnam par bzhag gi /gnyan po dang rnam pa la sogs pa dag las ni ma yin no/ /yang ci'i phyir kun rdzob shes pa chos thams cad kyi yul can nyid yin yang don dam shes pa ma yin zhe na/ zag pa dang bcas pa'i phyir ro/ /'dod pa'i khams dang khams gong ma'i gnyen po yin pa'i phyir ro zhes bya ba la/ chos shes pa ni 'dod pa'i khams mdza' dag gis nyen po yin la/ rjes su shes pa khams gong ma'i yin pa yang de dang 'dra'o/ /sbyor ba las ni gzhan gyi sems shes pa ste zhes bya ba la/ de ni gzhan gyi sems shes par bya'o/ /snyam du de ltar sbyor te/ gzhan gyi sems shes pas ni sems bzhin du sems las

  876. 438b

    byung ba rnams mi shes pa ma yin no/ /de'i phyir de ni sbyor pa kho na las rnam par bzhag gi dmigs pa las ni ma yin no/ /re zhig sems las byung ba rnams ni mi shes te/ mngon par bsgrub pa'i dus ji srid par sems mi shes pas/ de'i phyir de skad bshad do zhes btsun pa rtsib logs skyes zer ro/ /bya ba byas pa la zhes bya ba ni bya ba byas pa nyid kyi phyir ni zhes bya ba'i don to/ /'bras bu thams cad kyi mthar de la gdon mi za bar 'byung ba'i phyir ro/ /dang po nyid du zhes bya ba ni mi skye ba shes pa dmigs khyad par du byed pa ste/ de yang bya ba byas pa la skye ba yin no/ /zag pa med pa'i shes pa thams cad kyi rgyu can no zhes bya ba ni zag pa med pa'i shes pa sngar skyes pa thams cad de'i skal ba nyam pa'i rgyu yin gyi/ /gang gi phyir zad pa shes pa la yod pa gang yin pa rang gi rgyud can yang mi skye ba shes pa'i rgyu ma yin no/ /mi skye ba shes pa gang yin pa zad pa shes pa'i 'bras bu dang rgyur gyur pa med pa nyid do/ /mi skye ba shes pa zhes bya ba la mi skye ba zhes bya ba 'di ci zhe na/ /so sor brtags pa ma yin pa'i 'gog pa'o/ /zhes brjod de/ de thob pa na bden pa'i mdza' la shes rab tu 'jug pas mi skye ba shes pa'o/ chos shes pa thams cad 'dod pa'i khams thams cad kyi gnyen po zhes bya ba la/ thams cad ces bya ba ni mthong ba dang bsgom bas spang bar bya ba rnam pa lnga po thams cad do/ /'dod ba'i khams kyi mthong ba dang bsgom bas spang bar bya bas bsdus pa'i gnyen po nyid du chos shes pa bstan pas/ de'i phyir gzhan ril ma yin pa'i gnyen po ril ma yin no zhes bya ba 'di khas blangs par 'gyur ba de bstan pa'i phyir/ /gzhan yang/ bsgom pa'i lam la 'gog pa 'am/ lam la chos shes pa zhes bya ba rgyas par

  877. 439a

    'byung ste/ khams gsum char gyi gnyen po zhes bya ba ni/ bsgom pas spang bar bya ba gsum pa rnams kyi spong ba gnyen po yin pa'o/ /yang ci'i phyir 'gog pa dang lam la chos shes pa dag kho nas khams gsum pa'i bsgom pas spang par bya ba'i nyon mongs spong gi snga ma dag gis ma yin zhe na/ /zhi ba dang nges bar 'byung ba can nyid du skal ba mnyam pa'i phyir ro/ /'dod ba na spyod pa'i 'du byed dag 'gog pa'i gnyen po 'am/ /gzugs dang gzugs med pa spyod pa 'gogs pa'i gnyen po la khyad bar 'ga' yang med do/ /gang gi phyir thams cad du 'gog pa dge zhing 'dus ma byas pa dang lam yang nges par 'byung ba can no/ /kha cig na re/ mi mnyam pa'i phyir sdug bsngal ni snga ma dag gis ma yin te/ khams rnams su sdug bsngal gsum gyis khrid pa'i khyad par las so/ /zhes zer ro/ /gzhan dag na re/ 'gog pa dang lam dag mi ldan pa ma yin pa'i phyir de la dmigs pa shes pa dag khams gsum pa'i gnyen po nyid du rigs te/ 'dod pa dang ldan pa dmigs pa'i phyir ro zhes zer ro/ /sdug bsngal dang kun 'byung shes pa dag gis gzugs dang gzugs med pa las 'dod chags dang bral ba mi rung ste/ /rnam pa sun 'byin pa yid la byed pa yin pa'i phyir ro/ /gzhan sun 'byin pa na gzhan la 'dod chags dang bral ba ni mi rigs so 'gog pa dang lam shes pa dag ni/ /rang gi yul la bya ba byas ba yin yang gzhan gyi yul la yang 'jug cing rjes su gnas la/ /nges par 'byung ba'i dngos po'i yul yin pa'i phyir ro// de'i phyir de dag kho na khams gsum pa'i gnyen po nyid yin gyi gzhan dag ni ma yin no/ /'dod pa'i khams kyis rjes ma yin zhes bya ba la/ gal te 'gog pa dang lam la chos shes pa ni mi ldan pa la dmigs pa'i phyir/ /gzugs

  878. 439b

    dang gzugs med pa'i gnyen po yin na/ /de lta na rjes su shes pa yang 'dod ba'i khams kyi gnyen por 'dod par bya dgos so zhe na/ de ni de lta ma yin te/ /shes pa rnams ni rno ba yin pa'i phyir rang gi yul la bya ba byas te/ /gzhan gyis yul la bya ba dag byed pa yin no/ /rjes su shes pa'i bya ba yongs su rdzogs pa ni chos zhes bya ba gang yin pa de de nyid rjes su shes pa la rjes su gnas pa yod pa ma yin te mi srid pa'i phyir rjes su shes pa 'dod pa'i khams kyi gnyen po ma yin no/ /lam la rjes su shes pa gong du spyod pa'i phyir 'dod chags dang bral pa ni rjes su shes pa mngon du gyur pa med do/ /'on te yod na de dag tu rgyud mi mthun pa'i phyogs la gnas pa'i phyir 'og na ma yin zhing/ /'bras bu ma grub ba'i rim pa mi srid pa'i phyir gong nam yin no/ /rnam pa thams cad med do zhes bya ba ni mthong ba'i lam gyi bsdus pa 'am bsgom pa'i lam gyis bsdus pa yang rung ste/ 'dod pa na spyod pa'i nyon mongs pa rnams kyi gnyen po rjes su shes pa de ni mi srid pa'i phyir rnam pa thams cad du med do zhes smos so/ /yang shes pa bcu po 'di dag las shes pa gang zhig rnam pa du dag tu 'byung zhe na/ de la chos shes pa dang rjes su shes pa ni rnam pa bcu drug ste/ bden pa bzhi la dmigs pa nyid kyi bden pa re re la rnam pa bzhi pa ni yin pa'i phyir ro/ /kun rdzob shes pa ni rnam pa bcu drug can yang yin la/ /gzhan gyi rnam pa can yin te// zhes bya ba 'byung ste/ de la rnam pa bcu drug can ni dro par gyur pa dang/ /rtse mo dang bzod pa la sogs pa dag na'o/ /gzhan gyi rnam pa can ni mi sdug pa dang dbugs rdub pa dang 'byung ba dang/ /byams pa la sogs pa dag na kun rdzob shes pa du ma can no/ /de nyid la rgyu chos thams cad kyi rang dang spyi'i mtshan nyid la sogs pa 'dzin pa'i phyir ro/ /zhes bya bar la sogs pa smos

  879. 440a

    te/ rang gi mtshan nyid 'dzin pa'i phyir dang/ spyi'i mtshan nyid 'dzin pa'i phyir ro/ /sogs pa zhes bya ba'i sgra ni bum pa dang/ snam bu la sogs pa dag bsdus te/ de dag ni chos rnams kyi rang gi mtshan nyid kyang ma yin la spyi'i mtshan nyid kyang ma yin no/ /gzhan gyi yid shes dri med kyang/ /de bzhin zhes bya ba la/ /ji ltar shes pa bzhi po 'di dag re re zhing rnam pa bzhi bzhi yin pa de bzhin du/ /gzhan gyi sems shes pa zag pa med pa yang rang gi bden pa'i rnam pa dag gis rnam pa bzhi can yin no/ /lam gyi rnam pa shes pa yin no zhes bya ba ni lam gyi nang du gtogs pa'i shes pa te/ lam shes pa'i phyogs gcig yin zhes bya ba'i tha tshig go /gnyi ga yang rdzas re re zhing spyod yul lo zhes bya ba la/ /sems dang sems las byung ba de dag gis rang gi mtshan nyid ni lam la sogs pa nyid yin zhing/ de dag gi yul can gzhan gyi sems shes pa yang re re'i spyod yul can yin pa'i phyir/ /rang gi mtshan nyid kyi yul can yin yang rnam pa gzhi can zhes bya ste/ dper na gzhan gyi sems shes pa chags pa la sogs pa'i yul can lta bu'o/ /chags pa la sogs pa nyid sems las byung ba rnams kyi spyi'i mtshan nyid yin mod kyi/ de lta na yang rdzas re re'i spyod yul can yin pa'i phyir/ /shes bya rang gi mtshan nyid kyi rnam pa can zhes bya'i spyi'i rnam pa can mi ma yin no/ /'o na bcom ldan 'das kyis 'dod chags dang bcas pa'i sems la yang 'dod chags dang bcas pa'i sems zhes bya bar yang dag pa ji lta ba bzhin du rab tu shes so/ /de bzhin du 'dod chags dang bral ba dang/ /zhe sdang dang bcas pa dang/ zhe sdang dang bral ba dang gti mug dang bcas pa dang/ gti mug dang bral ba dang/ kun bsdus pa dang/ rnam par g.yengs

  880. 440b

    pa dang/ zhum pa dang/ rab tu bzung ba dang/ chung ngu dang/ chen por gyur pa dang/ nye bar ma zhi ba dang/ nye bar zhi ba dang/ rgod pa dang/ rgod pa ma yin pa dang/ mnyam par ma bzhag pa dang/ mnyam par bzhag pa dang/ ma bsgoms pa dang/ bsgom pa dang/ rnam par ma grol ba dang/ rnam par grol ba'o/ /zhes yang dag pa ji lta ba bzhin du rab tu shes so/ /gal te de 'dod chags dang bcas pa 'dzin pa med na/ /ji ltar 'dod chags dang bcas pa'o/ /snyam du shes/ /ci ste 'dod chags dang bcas par 'dzin na ni rdzas re re zhing spyod yul lo/ /zhes bya ba 'di ji ltar 'gal zhe na/ dgos dang dri ma cig car du mi 'dzin pa bzhin no zhes bya ba 'byung ste/ /dri ma dang bcas pa la yongs su brtags pa na gos dang dri ma cig car 'dzin pa ma yin te/ gang gi tshe gos la yongs su rtog pa de'i tshe dri ma mi 'dzin no/ /gang gi tshe dri ma la yongs su rtog pa de'i tshe gos ma yin pas gos dang dri ma cig car mi 'dzin pa bzhin no zhes bya ba 'di ni yongs su chad pa'i dbang du byas nas bshad pa yin no/ /'dod chags dang bcas pa gnyis rnam pa gnyis te zhes bya ba rgyas par 'byung ngo/ /'dres pa'i 'dod chags dang bcas pa nyid ni mngon du gyur pa las so/ /ldan pa'i 'dod chags dang bcas pa ni 'dod chags kyi thob pa dang rjes su 'brel pa las so/ /gnyis kyi 'dod chags dang bcas pa yin te/ 'dres pa'i 'dod chags dang bcas pa dang/ ldan pa'i 'dod chags dang bcas pa dag gis so/ /de las gzhan zag pa dang bcas pa zhes bya ba ni nyon mongs pa can dang ma bsgribs la lung du ma bstan pa dang/ /'jig rten pa'i dge ba ni ldan pa'i 'dod chags dang bcas pas 'dod chags dang bcas pa ste/ /de'i phyir 'di gnyi ga yang 'dod chags dang bcas pa'o/ /zhes bstan par 'gyur te/ de ltar rnam par bzhag go//

  881. 441a

    'dir kha cig gi lugs smos pa/ /mdo 'dir ni 'dod chags dang mtshungs par ldan pa'i sems ni 'dod chags pa yin gyi/ /zag pa dang bcas pa gzhan thob pa tsam dang lhan cig pa ni ma yin la/ /'dod chags kyi gnyen po ni 'dod chags dang bral ba yin no/ /yang thams cad 'dod chags ma 'dres pa'i gnyen po yang ma yin no zhes zer ro/ /de nyid la rgyu smos pa/ gal te 'dod chags dang mtshungs par mi ldan pa de'i thob pa 'ba' zhig dang bcas pa de 'dod chags dang bral bar gyur na/ /nyon mongs pa gzhan dang mtshungs par ldan pa ste/ /nyon mongs pa khong khro ba la sogs pa dang yang mtshungs par ldan par 'gyur ro/ /ci'i phyir zhe na/ de yang 'dod chags dang mtshungs par mi ldan pa'i phyir ro/ /mdo las ni/ /zhe sdang la sogs pa dang/ /mtshungs par ldan pa la 'dod chags dang bral ba zhes ma gsungs te/ 'o na ci zhe na/ /zhe sdang dang bcas pa/ gti mug dang bcas pa zhes gsungs so/ /'dod chags kyi gnyen por gyur pa'i sems zhe sdang la sogs pa dang mtshungs par mi ldan pas/ /de'i phyir de nyid 'dod chags bral ba zhes bya bar bzung ngo/ /zhe sdang la sogs pa dang mtshungs par ldan pa ni zhe sdang dang bcas pa'i gti mug dang bcas pa zhes bya ste/ /de'i phyir 'di la skyon med de/ 'dir skyon gzhan 'chad par 'dod pas de lta na 'o na zhes smos te/ gal te 'dod chags dang mtshungs par ldan pa'i sems 'dod chags bcas pa yin zhing/ /'dod chags kyi gnyen po 'dod chags dang bral ba yin na/ /de lta na ni de'i gnyen po ma yin pa'i sems nyon mongs pa can ma yin pa 'dod chags dang bcas pa yang ma yin la/ /'dod chags dang bral ba'ang ma yin par 'gyur te/ gang gi phyir gnyen po dang nyon mongs pa can yang ma yin pas

  882. 441b

    de'i phyir nyon mongs pa can ma yin pa zhes smos te/ ma bsgribs la lus du ma bstan pa dang dge ba ni nam yang 'dod chags dang mtshungs par mi ldan pa'i phyir 'dod chags dang bcas pa nyid ma yin la/ /'dod chags kyi gnyen po ma yin pa'i phyir 'dod chags dang bral ba ma yin no/ /gang zhig de'i gnyen po ma yin zhe na/ sbyor ba'i lam la sogs pa'o/ /sogs pa zhes bya ba'i sgras ni zhe sdang dang bcas pa dang/ gti mug dang bcas pa zhes bya ba der yang 'dra bar thal bar 'gyur bar ston to/ /de bas na 'dir 'dod chags dang ldan pas kyang zhes bya ba ni/ /gang gi phyir bshad ma thag pa'i kha cig gi lugs skyon dang bcas pa de'i phyir 'dod chags dang mtshungs par ldan pas kyang ste/ /'dod chags rgyas par 'gyur bas kyang zhes bya ba'i don to/ /kyang zhes bya ba'i sgras ni 'dir 'dod chags dang mtshungs par ldan pa nyid kyis kyang/ /'dod chags dang bcas pa'i sems su 'dod par bya'o/ /zhes gzhan dag go/ de lta na zag pa dang bcas pa dang/ nyon mongs pa can ma yin pa yang 'dod chags dang bcas pa yin no/ /zhes bya bar bsdus par 'gyur ro/ /dmigs pa la mngon par bsdus pa'i phyir zhes bya ba la/ dge ba'i sems ni dmigs pa la mngon par bsdus shing/ /dmigs pa las mi g.yengs pa ste/ /rnam par mi g.yengs pa dang mtshungs par ldan pa'i phyir ro/ /kun du bsdus pa ni gnyid dang mtshungs par ldan pa yin no/ /zhes bya ba ni dbang po lnga rgyu ba mngon par bsdus pa'i phyir ro/ /rnam par g.yeng ba ni nyon mongs pa gzhan yin zhes bya ba ni gnyid dang mtshungs par ldan pa las so/ /sems de ni nyon mongs pa dang mtshungs par ldan pas rnam pa g.yeng ba yin zhing/ /gnyid dang mtshungs par ldan pas kun tu

  883. 442a

    bsdus par 'gyur na/ /gcig la ni 'gal ba'i chos nyid rigs pa ma yin no/ /bstan bcos las zhes bya ba ni/ /gal te kun tu bsdus pa gang yin pa de nyid dang mtshungs par ldan par gyur na 'gal bar 'gyur ro/ /zhes bya ba'o/ /sems kun tu bsdus pa yang dag pa ji lta ba bzhin rab tu shes so zhes 'byung ste/ /gnyid dang mtshungs par ldan pa'i sems kyis yang dag pa ji lta ba bzhin rab tu shes pa ma yin no/ /de shes pa'i shes pa ni bzhi ste/ zhes bya ba ni/ kun bsdus pa'i sems de shes pa'i shes pa'o/ /lam la rjes su shes pa dag ni gnyid dang mtshungs par ldan pa'i sems kyi dmigs par mi rung ste/ /gnyid ni gcig tu zag pa dang bcas pa yin pa'i phyir dang/ /'dod pa na spyod pa yin pa'i phyir ro/ /gzhan gyi sems pa 'dir ci'i phyir ma bshad/ /de nyid ni 'dir rnam par dbye ba byas te/ ji lta ba ni sngar kun bsdus pa'i dge ba zhes bshad do/ /de ltar na 'di la skyon med do/ /gcig nyid kun bsdus pa dang rnam par g.yeng bar thal bar 'gyur ba'i bstan bcos dang 'gal ba med do dge ba khams gsum pa bsdus pa'i yang phyir ro/ /le lo dang mtshungs par ldan pa'i phyir zhes bya ba ni mngon par mi spro ba'i ngo bo yin pa'i phyir ro/ /rab tu bzung ba ni brtson 'grus dang mtshungs par ldan pa ste/ rab tu bzung ba ni brtson 'grus kyi rnam grangs yin pa'i phyir ro/ /rnam par byang ba chung ngu dag gis bsten pa'i phyir zhes bya ba ni dge ba'i rtsa ba chung ngu rnams kyis so/ /'dir ni dge ba'i rtsa ba dag rnam par byad ba yin par 'dod de/ /ngo bo nyid kyi dge bas dag pa yin pa'i phyir ro/ /de'i phyir de lta na dge ba'i rtsa ba chung ngu dag gi bsten pa'i phyir zhes bstan par 'gyur ro/ /chen por gyur pa ni de las bzlog pa yin pa'i phyir dge

  884. 442b

    ba yin no zhes bya ba ni rnam par byang ba chen po bdag gis brten pa'i phyir zhes ston pa yin no/ /gzhan yang go rims bzhin du rtsa ba dang/ rin dang 'khor dang rjes su 'brang ba dang/ /stobs chung ba dang che ba'i phyir chung ngu chen por gyur pa yin no/ /de nyid bstan pa'i phyir/ /nyon mongs pa can ni mi dge ba rtsa ba gnyis kyis rtsa ba dang bcas pa yin no/ /zhes bya ba smos te/ nyon mongs pa can ni 'dod chags dang/ /zhe sdang gnyis la mtshungs par ldan pas de nyid gang yang rung ba zhig dang gti mug gi dge ba'i rtsa bas rtsa ba dang bcas pa yin no/ /dge ba ni gsum gyis so/ /zhes bya ba ni ma chags pa dang zhe sdang med pa dang/ gti mug med pa rnams phan tshun mi 'khrul pa'i phyir ro/ /'bad pas bsgrub par bya ba ma yin pa'i phyir/ /zhes bya ba ci mi 'dod bzhin du yang nyon mongs pa 'byung ba'i phyir ro/ /saM b+hA ra tshogs chen po bsgrub par bya ba yin pa'i phyir ro/ /zhes bya ba ni dam pa'i chos nyan pa dang tshul bzhin yid la byed pa dang/ /don gyi sgrub pa la sogs pa dag gi bsgrub par bya ba yin pa'i phyir/ nyon mongs pa can ni de dang 'dra ba ma 'ongs pa thob pa med pa'i phyir mtshams sbyor ba'i srid par kho na nyon mongs pa thams cad kyi ngo bo bsgom pa ste/ yang nyon mongs pa 'dra ba rnams bsgom pas te/ yang nyon mongs pa 'dra ba rnams thob pa med pas 'khor ba mang ba ma yin no/ /dge ba ni de dang 'dra ba ma 'ongs pa'i dngos po rnams bsgom pa'i phyir 'khor ba mang ba yin no/ /lugs las chos dge ba 'dus byas thob pa yin no zhes 'byung ba'i phyir ro// phung po gsum gyis zhes bya ba ni/ /gang gis phyir nyon mongs pa can gyi gzugs dang sems rjes su 'jug pa med do/ /de'i phyir nyon mongs pa can gyi sems la ni tshor ba dang 'du shes dang 'du byed rnams kyis so/ /phung po bzhis rjes su 'brang ba dang

  885. 443a

    bcas pa yin no/ zhes bya ba ni de la/ bsam gtan dang dag pa med pa'i sdom pa dag gi gzugs ni phung po bzhis sems kyi rjes su 'brang ba'i phyir ro/ gtan du 'joms pa zhes bya ba ni dge bas gcod pa'i don to/ log par lta ba skad cig ma gcig gyis kyang dge ba gcod mod kyi gtan du ni ma yin te/ yang de mtshams sbyor pa'i phyir ro/ de'i phyir yang zhes bya ste/ rtsa ba dang rin dang 'khor ba dang/ rjes su 'brang ba dang stobs chung ba dang che ba'i phyir zhes bya ba'i don to/ de'i gnyen po yin pa'i phyir zhes bya ba ni/ rgod pa'i gnyen po yin pa'i phyir ro/ rnam par ma zhi ba dang zhes bya ba ni/ rgod pa dang/ mtshungs par ldan pa'i phyir nyon mongs pa can yin no/ rnam par zhi ba ni dge ba'o/ de'i gnyen po yin pa'i phyir zhes bya ba ni rnam par g.yeng ba'i gnyen po yin pa'i phyir zhes bya ba'i don to/ 'thob pa dang bsten pa'i bsgom pa dag gis ma bsgom pa'i phyir zhes bya la/ nyon mongs pa can ni ma 'ongs pa 'thob pa yang med la/ bsten par 'os pa yang ma yin te/ 'thob pa dang bsten ces bya ba ni dge pa 'dus byas thob pa'o/ zhes 'byung ba'i phyir/ bsgom pa ni de gnyis kyis bsgom pa'i phyir/ de dge ba yin no zhes bya ba ni 'thob pa dang ? bsten pa'i bsgom pa dag gis zhes bya ba'i don to/ /rang bzhin dang rgyud rnam par grol ba dag gi rnam par ma grol ba'i phyir ro/ sa zhes bya ba la/ nyon mongs pa can ni nyon mongs pa dang mtshungs par ldan pa'i rang bzhin rnam par grol pas kyang? rnam par grol ba ma yin la so so skye bo'i rgyu la skye ba'i phyir rgyud rnam par grol bas kyang rnam par grol ba ma yin no/ de gnyis kyi rnam par grol ba'i phyir zhes bya ba ni nyon mongs pa dang mtshungs par mi ldan pas rang bzhin rnam par grol bas

  886. 443b

    rnam par grol pa yin la/ slob pa dang mi slob pa'i rgyud la 'byung ba'i phyir rgyud rnam par grol bas kyang rnam par grol ba yin no/ /rmug pa dang gnyis lhan cig par gyur cing zhes bya ba ni rmug pa dang/ gnyid dang mtshungs par ldan pa'o/ nad du kun du 'gog lhan cig par 'gyur la zhes bya ba 'di 'chad par byed pa ni lhag mthong dang mtshungs par mi ldan pa yin no zhes bya ba'o/ rjes su g.yengs pa yin zhing zhes bya ba 'di 'chad par byed pa ni rnam par 'phros pa yin no/ zhes bya ba'o/ /sems de nyid kun du bsdus pa yang yin la zhes bya ba rgyas par 'byung ste/ gal te rmug pa dang gnyis dang lhan cig par gyur pa la/ kun du bsdus pa zhes bya ba ni de lta na ni nyon mongs pa can gyi gnyis dang mtshungs par ldan pa gnyi ga yin par 'gyur te/ de nyid gnyis mtshungs par ldan pas kun bsdus pa yin la/ 'dod chags la sogs pa'i nyon mongs pa dang mtshungs par ldan pas rnam par g.yeng pa yang thal bar 'gyur ro/ nyon mongs pa can gnyis dang lhan cig pa rnam par g.yeng ba nyid du dam bcas pa'i phyir ro/ /zhes bya ba ni/ /gnyis dang lhan cig par gyur pa ni nyon mongs pa can dang/ nyon mongs pa can ma yin pa yang rung ste/ thams cad kun du bsdus pa yin par dam cha'o/ de las gzhan pa'i nyon mongs pa can ni rnam par g.yeng ba ste/ /de'i nyon mongs pa can gnyid dang lhan cig pa ni kun bsdus par yang 'gyur la rnam par g.yengs pa yang yin no zhes bshad pa ni mi rigs so/ bstan bcos dang 'gal bar 'gyur ro/ zhes kyang bshad pa ma yin nam zhes bya ste/ /sems kun bsdus pa yang dag pa ji lta ba bzhin du rab tu shes so/ /zhes rgyas par 'byung ngo/ bstan bcos dang 'gal ba ni bla'i mdo dang 'gal ba ni ma yin no/ zhes bya ba la/ mdo nye bar bstan pa ni bstan bcos so/ /de la mdo

  887. 444a

    bshad pa dang 'gal ba dag las bshad pa dang 'gal ba ni blo'i mdo dang 'gal ba ni ma yin pa'o/ /mtshan nyid kyang tha mi dad par bshad pa'i phyir zhes bya ba la/ /rnam par g.yeng ba dang zhum pa dang? rgod pa? la sogs pa de thams cad nyon mongs pa can du bshad pas nyon mongs pa can mtshan nyid tha dad pa yin la/ /bshad pa de'i phyir mtshan nyid tha mi dad pa gsungs so/ /nyon mongs pa can ni nyon mongs pa'i sa mang po pa rnams dang mtshungs par ldan pa'i phyir ro/ /kun du bsdus pa dang/ /rab tu bzung ba la sogs pa'i zhes bya ba la/ /ci ltar don gyi khyad par ma bshad par mi 'gyur/ sogs pa zhes bya ba'i sgras ni rgod pa ma yin pa dang/ rnam par zhi ba dang/ mnyam par bzhag pa dang/ /bsgom pa dang/ /rnam par grol ba rnams bsdus so/ /ji ltar de dag mtshan nyid tha mi dad pa yin zhe na/ thams cad dge ba yin no zhes bshad pa'i phyir dge ba nyid ni de dag gi mtshan nyid tha mi dad pa yin la/ /de ni dge ba'i sa mang po dag dang mtshungs par ldan pa'i phyir ro/ /de'i nyes pa'i khyed par yang dag par bstan pa'i phyir la zhes bya ba la/ /nyon mongs pa can de'i nyes pa ni de'i nyes pa'o/ /de'i nyes pa'i khyad par de bstan pa de ni de'i nyes pa'o khyad par yang dag par bstan pa'o/ /'di ltar sems nyon mongs pa can 'di ni rnam par g.yeng ba dang mtshungs par ldan pa'i phyir rnam par g.yeng ba yin no/ /le lo dang mtshungs par ldan pa'i phyir zhum pa yin no/ zhes bya ba la sogs pa rgyas par brjod par bya'o/ /de bzhin du dge ba'i yang yon tan gyi khyad par yang dag par bstan pas zhes bya? ba rgyas par 'byung ste/ /dge bar mtshungs kyang sems de dmigs pa la mngon par bsdu ba'i phyir ro/ /kun bsdus pa dang rab tu bzung dang? rtson 'grus dang

  888. 444b

    mtshungs par ldan pa zhes bya ba de lta bu la sogs pa thams cad la brjod par bya'o/ /de'i phyir de ltar nyon mongs pa can nyid du mtshungs shing dge ba nyid du mtshungs bzhin du de dag gi khyad par yang dag par bstan pa'i phyir tshig rnams kyi don gyis khyad bar bshad pa yin no/ /mdo dang 'gal ba ma spangs pa'i phyir zhes bya ba la/ /mdo las ni rmugs pa dang gnyid dang lhan cig bar 'gyur ba la sems kun tu bsdus par bshad kyi/ /dge ba ni ma yin te/ /rmugs pa ni nyon mongs pa'i sa mang po yin pa'i phyir ro/ /gnyid ni nyon mongs pa can yang yod la/ /nyon mongs pa can ma yin pa yang yod do/ /'di ni tshig 'di dag gi don ma yin te/ /don ni nub phyogs pa rnams kyis ji skad smras pa de nyid yin no/ /gal te mdo las sems de nyid ces bya ba rgyas par 'byung ste/ sems zhum pa ni le lo dang mtshungs par ldan pa'i phyir nyon mongs pa can yin no/ /rgod pa ni rgod pa mtshungs par ldan pa'i phyir nyon mongs pa can yin no zhes de ltar bye brag tu smra bas mdo'i don khas blangs pas sems de nyid zhum pa yang yin no zhes khas blangs pa yin no/ /le lo dang rgod pa ni nyon mongs pa'i sa mang po sa yin pa nyid kyi sems thams cad la 'byung ba'i phyir ro/ /yang mdo dang 'gal ba gzhan bstan pa'i phyir gang gi phyir sems rgod pa dang zhes bya ba rgyas par 'byung ste/ /de la sems zhum pa dang rgod pa dag gnyen po tha dad pa'i ngo bo'i dbye bas bshad na ci ltar gang gi tshe sems zhum pa 'am/ zhum dogs pa de'i tshe/ /shin du sbyangs pa dang ting nge 'dzin dang btang snyoms byang chub kyi yan lag rnams bsgom pa'i dus ma yin no zhes bshad pa yin no/ /de'i tshe chos rab tu rnam par 'byed pa adang brtson 'grus dang dga' ba yang dag byang chub kyi yan lag rnams bsgom pa'i dus kyang ste/ /de

  889. 445a

    bzhin du sems rgod pa la yang brjod par bya'o/ /gal te zhum pa gang yin pa de nyid rgod pa yin na tha dad pas de dang mthun pa'i byang chub kyi yan lag bsgom pa dgag ste/ de'i gnyen po byang chub kyi yan lag rnams bsgoms pa bstan par mi rung ngo/ thams cad sems su gcig pa'i phyir de dang mthun pa dang mi mthun pa thams cad mdza' gcig tu dgag pa dang mdza' gcig tu bsgrub pa yang 'gyur dgos so/ /de'i phyir mdo las zhum pa'i sems kho na rgod pa'o/ zhes bya bar dgongs pa ma yin par shes pa'o/ dran pa yang dag byang chub kyi yan lag ma smos pa ni kun du 'gro ba yin pa'i phyir ro/ mdo las dran pa ni kun du 'gro ba yin no zhes nga smra'o/ /zhes 'byung pa'i phyir ro/ byang chub kyi yan lag mdza' gcig tu mthun pa rnams kho na bsgom pas 'dri ba ni/ /ci la 'di la byang chub kyi yan lag rnams so sor bsgom pas zhe na/ /zhes bya ba ni/ /so so so sor thob ces bya ba'i don to/ /gang gi tshe byang chub kyi yan lag thob pa 'am mngon du gyur pa de'i tshe lhag ma rnams kyang zhes so/ mdo las ji ltar tha dad du bsgom pa gsungs she na/ de'i phyir 'di yid la byed pa bsgom pa yin zhes smos te/ yid la byed pa de yang so so so sor mi 'gal lo/ /yid la byed pa bsgom pas ni byang chub kyi yan lag rnams byid pa dang rgod pa dang bral bar 'gyur ro/ /de nas nyon mongs pa med par 'gyur zhing phyis byang chub kyi yan lag thams cad tshogs pa mngon du ma gyur ro/ 'di las le lo lhag pa zhes bya ba rgya cher 'byung ba la/ gal te gang gi tshe sems zhum par gyur pa zhes rgyas par gsungs pa der ro/ /'dir rgod pa yin yang le lo ldag pa nyid kyi sems la zhum par gsungs

  890. 445b

    shing le lo nyid yin yang rgod pa lhag pa nyid kyi sems la 'gyor par gsungs pas 'gal ba med do/ /gang 'di la 'gal ba bshad pa/ /gal te sems de nyid zhum pa yang yin la de nyid rgod pa yang yin no zhes bya ba 'di na bshad par gyur na dus gang du sems zhum pa zhes bya ba la sogs pa 'di la 'gal ba med do/ de gnyis ni lhan cig pa yin pa'i phyir zhes bya ba ni/ le lo dang rgod pa dag ni nyon mongs pa'i sa mang po pa yin pa'i phyir lhan cig 'byung ngo/ /slob dpon gyis gsungs pa/ /bsam pa can gyi tshigs la ni bzlog pa med kyi/ /'di'i dgongs pa ni 'di ma yin no zhes sma'o zhes te/ /le lo lhag pas zhum pa dang/ /rgod pa lhag pas zhes bya'o/ /gang gi phyir gang gi tshe sems zhum pa zhes bya ba rgyas par gsungs pas so/ /'dod chags dang ldan pa'i sems thams cad 'dod chags dang bcas pa yin no zhes bshad pa zhes bya ba la/ ji ltar zhe na/ /de la 'ang 'dod chags dang mtshungs par ldan pa'i sems ni gnyis kyis 'dod chags dang bcas pa yin no/ de las gzhan pa zag pa dang bcas pa ni ldan pa'i 'dod chags dang bcas pa yin no/ /zhes smras pa'i phyir ro/ /zag pa med pa yang 'dod chags dang bcas par 'gyur zhes bya ba la/ /de ni rnam pa gnyis te/ slob pa dang mi slob pa'o/ /de nyid kyi phyir slob pa'i zhes smos te/ /slob pa ni mthong ba'i lam dang bsgom pa'i lam la gdon mi za par 'dod chags kyi thob pa dang/ lhan cig pa yin te/ /'dod chags ma spang pa'i phyir ro/ /gal te 'dod chags kyi dmigs pa yin no/ /zhe na ni/ /zhes bya ba ni sems gang zhig 'dod chags kyi dmigs pa yin pa de 'dod chags dang ldan pa yin no/ /snyam na ni zhes bya ba ste/ /dgra bcom pa'i sems zag pa dang bcas pa yang zhes

  891. 446a

    rgyas par 'byung ste/ /de yang gzhan gyi rgyud kyi 'dod chags kyi dmigs pa yin no/ yang na ci ltar de zag pa dang bcas pa yin zhes bya ba ni/ /gal te dgra bcom pa'i 'jig rten pa'i sems 'dod chags kyi dmigs pa ma yin na'o/ nyon mongs pa spyi ba'i dmigs pa yin pa'i phyir ro zhes bya ba ni/ /ji ste nyon mongs pa spyi pa lta ba dang/ the tshom dang/ ma rig pa rnams kyi dmigs pa yin pa'i phyir zag pa bcas pa'o/ /zhes bya bar 'dod na/ de lta na yang gzhan gyi sems shes pas gti mug dang bcas par bzung bar 'gyur te/ dgra bcom pa'i sems zag pa dang bcas pa ni gti mug gi dmigs pa yin pa'i phyir ro/ /gti mug kyang nyon mongs pa spyi ba yin pas dgra bcom pa'i zag pa dang bcas pa gzhan gyi gti mug gi dmigs pa yin no/ gzhan gyi sems shes pa ni 'thob pa la dmigs pa yang ma yin te/ /sems dang sems las byung ba la dmigs pa'i phyir dang/ /'thob pa yang mi ldan pa'i phyir ro/ sems de la dmigs pa'i 'dod chags la dmigs pa can yang ma yin no/ zhes bya ba la/ /de la zhes bya ba ni gzhan gyi sems dang sbyar ro/ 'dod chags gang la sems de dmigs par yod pa ni/ sems de la dmigs pa'o/ /gang la? sems la dmigs pa'i 'dod chags yod pa de na sems de la dmigs pa'i 'dod chags la dmigs pa yin no/ /yang ci ltar 'dir thob pa de la dmigs pa nyid 'dod chags gzung bar thal bar mi 'gyur/ /gang las 'di brjod par bya zhe na/ gzhan gyi sems shes pa'i thob pa la dmigs pas 'dod chags bcas pa ste/ de ltar sems smos pa 'dod chags kyang smos te/ gang las 'dir thal bar 'gyur ro/ de bas na 'dir 'dod chags dang

  892. 446b

    ldan pas zhes bya ba rgyas par 'byung ste/ gang gi phyir slob pa'i sems zag pa med pa dang mi slob pa'i zag pa dang bcas pa 'dod chags dang bcas par 'gyur ba dang/ gzhan gyi sems shes pa ni 'thob pa la dmigs pa ma yin pa dang/ de la dmigs pa'i 'dod chags la dmigs pa can yang ma yin pa de'i phyir 'dod chags dang ldan pas ma yin gyi/ /'o na ci zhe na/ 'dod chags dang mtshungs par ldan pa'i sems ni 'dod chags dang bcas pa yin la/ /'dod chags kyi thob pa yod kyang 'dod chags dang mtshungs par mi ldan pa'i sems ni/ 'dod chags dang bral ba yin pa'i phyir dang/ /mdo'i dgongs pa ni zhes bya ba ni/ mdo'i don gzhan mi srid pa'i phyir ro/ de ni de'i 'thob pa dang bral ba las zhes bya ba ni/ 'dod chags dang zhe sdang dang gti mug gi thob pa dang bral ba la dgongs te gsungs kyi/ /'dod chags la sogs pa dang mtshungs par mi ldan pa tsam las ni ma yin no/ zhes ston to/ /bshad ma yin nam zhes rgyas par 'byung ste/ gang du bshad ce na/ mdo 'di ni 'dod chags dang mtshungs par ldan pa'i sems 'dod chags dang bcas pa'o zhes rgya cher gsungs pa nas gal te 'dod chags dang mtshungs par mi ldan pa 'dod chags dang bral ba yin na ni/ /nyon mongs pa gzhan dang mtshungs par ldan pa yang yin par 'gyur ro/ /zhes zer ba der bshad do/ /dgongs pa 'dis ni nyes pa med de zhes bya ba ni/ /'dod chags dang bral ba nyon mongs pa gzhan dang mtshungs par ldan yang 'dod chags dang mi ldan pa'i phyir ro/ /ci ltar zhe sdang la sogs pa'i nyon mongs pa dang mtshungs par ldan pa de 'dod chags dang bral ba zhes bya bar bzung na/ /de nyid kyi phyir de ni 'dod chags dang bral ba zhes bya bar mi gzung ste zhes rgya cher 'byung ste/ /sogs pa zhes bya ba'i sgras ni mdo ji

  893. 447a

    lta ba bzhin du kun bsdus pa la sogs pa bsdus so/ /'dir yang 'dod chags dang po'i kun nas dkris pa kho na 'dod chags dang bcas pa ste/ /de'i gnyen po 'dod chags dang bral ba'o/ /'dod chags gnyis pa'i thob pa dang lhan cig pa yang zag pa dang bcas pa'i 'dod chags te/ de dang bral ba 'dod chags dang bral ba'o/ /slob dpon gyi ni kun nas dkris pa kho na 'dod chags dang bcas pa ste/ /de las gzhan pa 'dod chags dang bral pa gnyen po ma yin yang zhes so/ /gnas brtan 'dus bzang gi lan yang 'dis btab pa yin no/ /de ni 'di ltar mdo 'dir rmug pa dang gnyid dang ldan pa'i sems ni kun bsdus par dgongs pa ma yin no/ /ci'i phyir zhe na/ sems kun nas nyon mongs pa dang rnam par byang bas bsgom pa'i phyir/ /de 'dod chags dang bcas pa dang 'dod chags dang bral pa la sogs par shes par bya ba'i phyir de nye bar brtan pa'i phyir ro/ /'di ltar dkar po dang nag po'i phyogs kyi tshul pa star pas 'dod chags dang bcas pa 'dod chags dang bral ba zhes bya ba de lta bu la sogs pa'o/ /rdzu 'phrul gyi rkang pa bsgom pa'i man ngag bstan par ni/ skyon bstan pa'i phyir/ /'di sems mngon par zhum par mi 'gyur/ /ha cang rab tu gzung ba ma yin/ /nang du kun bsdus pa ma yin/ /phyi rol du rnam par g.yeng ba ma yin zhes rgyas par 'byung ngo/ /'di dag ni rdzu 'phrul gyi kang pa bsgom pa'i skyon te/ /'di lta ste/ /le lo dang rgod pa dang rmugs pa dang gnyid gzugs la sogs pa la sbyor ba med par byas pa'i yid la byed pa zhes bya ba de lta bu la sogs pa'o/ /de'i phyir gzhan kho na 'dod chags la sogs pa'i sems yongs su shes pa'i man ngag ste/ /gzhan ni rdzu 'phrul gyi rkang pa bzhi bsgom pa'i skyon

  894. 447b

    bstan pa'o/ /de bas na 'di shes byed ma yin no/ /don 'di la sems gang rmugs pa dang gnyid dang lhan cig pa ste/ 'di yang 'di ltar 'dod chags la sogs pa'i gnyen po 'dod chags dang bral ba la sogs pa ma yin te/ sbyor ba med pa'i phyir ro/ zhes rgyas par bshad do/ /de lta ma yin na zhes bya ba ni/ /gal te yul yang shes par gyur na/ /de la gzugs la dmigs par yang 'gyur ro/ /de lta yin na gzhan gyi sems shes par mi 'gyur te/ gzugs dmigs pa'i phyir ro/ /de la dmigs pa'i pha rol gyi sems 'dzin pa na zhes bya ba ni/ /gzhan gyi sems shes pa la dmigs pa'i gzhan gyi sems 'dzin pa na'o/ /rang gi ngo bor 'dzin par 'gyur ro zhes bya ba ni/ /rang gi sems 'dzin par 'gyur ro zhes bya ba'i tha tshig go/ rang gi ngo bo 'dzin pa ni mi rigs te/ /rang gi bdag nyid la byed pa 'gal pa'i phyir ro/ /ji ltar rang gi ngo bo 'dzin par 'gyur zhe na/ /gzhan gyi sems rigs pa zhig gis gang gis 'dzin pa des kyang gzhan gyi sems/ shes pa de'i sems la dmigs pa gang yin pa 'di ni srid pa yin te/ /gnyi ga yang gzhan gyi sems reg pa yin pa'i phyir ro/ /gzhan gyi sems shes pa zag pa med pa yang sdug bsngal la sogs pa la dmigs par gyur la/ /de'i phyir stong pa nyid dang/ /mtshan mtshan ma med pa dang ldan par yang 'gyur na/ /'dod pa ni ma yin no/ gzhan gyi sems shes pa thams cad zhes bya ba ni/ /zag pa dang bcas pa 'am/ /zag pa med pa'o/ /sems dang sems las byung ba dang/ /rdzas kyi rang gi mtshan nyid dang zhes bya ba la/ /rdzas kyi zhes pa bya ni/ kun rdzob gsal bar bya ba'i phyir ro/ /rang gi mtshan nyid ces bya ba ni spyi'i mtshan nyid bzlog par bya ba'i phyir ro/ /sems dang sems las byung ba zhes smos pa ni/ /gzugs la sogs pa'i rang

  895. 448a

    gi mtshan nyid rnam par gcad par bya ba'i phyir ro/ /kha cig bdag gis gzhan gyi sems shes par bya'o snyam pa'i bsam pa de skye ba na gzugs la sogs pa rnams la thal bar mi 'gyur te/ de dag kyang dus gsum pa yin kyang rang gi rgyud da ltar byung ba'o/ /gzhan rgyud smos pa ni da ltar byung ba'i yul yin pa'i phyir dang/ gzhan gyi rgyud du gtogs pa'i sems dang sems las byung ba yul yin pa'i phyir/ /'dod pa dang gzugs dang ldan pa mi ldan pa smos pa ni/ /gzugs med pa ni spyod pa'i sems dang sems las byung ba bzlog pa'i phyir te/ /de dag ni sa 'das pas gzhan gyi sems shes pa'i yul ma yin no/ /mthong ba'i lam la bkag pa zhes bya ba ni/ /mthong ba'i lam ni de ltar byung ba mngon du byed pa med cing mthong ba'i lam gyis bsdus pa yang ma yin no/ /gzhan gyi sems shes pa ni mngon du byed pa 'gyur bas rab tu phye pa yin la/ de ni mngon du byed pa 'gyur pa yod pa ma yin pas bkag pa ma yin no/ /bsgom pa'i lam la dmigs pa zhes bya ba ni de'i tshe mngon du byed pa dang/ /des bsdus pa yin no zhes bya ba'i tha tshig go/ stong pa nyid dang/ /mtshan ma med pa dang/ mi ldan pa ni dmigs pa dang rnam pa tha dad pa'i phyir te/ /de gnyis ni spyi'i rnam pa can dang 'dus ma byas kyi yul yin pa'i phyir ro/ /gzhan gyi sems shes pa ni shes bya'i rang gi mtshan nyid sems dang sems las byung ba'i yul can yin pa'i phyir ro/ /zag pa dang mi skye ba shes pa ma bsdus pa zhes bya ba la/ /gzhan gyi sems shes pa ni shes pa bzhis bsdus pa yin te/ zad pa dang mi skye ba shes pa so sor drug rnams las gzhan gyi sems shes pa kun du rtogs

  896. 448b

    pa dang yongs su tshol ba'i bsam pa can yin pa'i phyir lta ba'i bdag nyid yin la de gnyis la lta ba'i bdag nyid ma yin pas de gnyis kyis ma bsdus so/ /bar chad med pa'i lam la bkag pa zhes bya ba la/ /bar chad med pa'i lam ni nyon mongs pa'i gnyen po yin pa'i phyir spong ba'i lam yin la/ /gzhan gyi sems shes pa ni rnam par grol ba'i lam dang khyad par gyi lam yang yin no/ /don dam pa dag yin yang kun rdzob la brten pa'i phyir ro/ /zhes bya ba ni/ /don dam pa'i rgyu mtshan can nam don dam pa pa ste/ zad pa dang mi skye ba shes pa dag don dam pa pa yin yang kun rdzob la rten pa'i phyir ro/ /ci zhe na/ /de dag la stong pa dang bdag med pa'i rnam pa dag ma gtogs so zhes bya bar sbyar ro/ /bdag gi skye ba zad do zhes bya ba la sogs pas ni kun rdzob la brten pa nyid du ston par byed do/ /de dag gi stobs kyi rjes su tha snyad 'dogs pa'i sgo nas zhes bya ba ni kun rdzob la brten pa dang/ /zag pa med pa nyid la brtan tshig smras pa ste/ gang gi phyir zad pa dang mi skye ba shes pa dag gi rjes kyi kun rdzob kyi shes pa dag de lta bu'i rnam pa can du 'jug pa de'i phyir de dag gi rjes su skyes pa kun rdzob kyi shes pa dag la de dag kun rdzob la brten pa zhes brjod do/ /zad pa dang mi skye ba shes pa dag ni don dam pa la 'jug kyang kun rdzob la brten to/ /stong pa dang bdag med pa'i rnam pa don dam pa la 'jug pa ni don dam pa nyid la brten pa 'di dag zad pa dang mi skye ba shes pas bsdus pa med do/ /de la zad pa shes pa'i rjes su bdag gi skye ba? zad do snyam pa'i shes pa 'byung ngo/ /mi skye ba shes pa'i rjes su srid pa 'di las gzhan rab tu mi shes so snyam pa'i shes pa 'byung ba ste/ /bsam pa'i sgo nas shes pa de gnyis de ltar 'jug gi rnam pa'i sgo nas ma yin pas de'i phyir

  897. 449a

    de'i stobs kyis de dag skye ba'o/ /ci zag pa med pa zhes bya ba rgyas par 'byung ngo/ /'di skad bstan par 'gyur te/ /zag pa med pa ni mi rtag pa la sogs pa spyi'i rnam par bshad pa de bzhin du ci zag pa med par rang gi mtshan nyid kyi rnam pa yang 'ga' zhig yod dam/ /zag pa med pa gnyi ga spyi'i rnam pa nyid yin zhes bya ba'o/ /dogs pa de yang ga las zhe na/ /gzhan gyi sems shes pa zag pa med pa rang gi mtshan nyid kyi yul can du bshad pa'i phyir ro/ /dri med bcu drug gzhan rnams med ces so/ /'di skad bstan par 'gyur te/ gzhan zag pa med pa'i spyi'i rnam pa yang med na/ /rang gi mtshan nyid kyi rnam pa lta ga la yod ces bya'o/ /mi ldan pa'i sems kyis zhes bya ba ni zag pa med pas so/ /mi rtag pa dang/ sdug bsngal ba dang zhes bya ba la sogs pa 'byung ste/ /mi rtag pa zhes bya ba dang sdug bsngal zhes bya ba dag gi don gang zhe na/ ta sil gyi rkyen 'di ni zhes bya ba'i don la blta bar bya ste/ /de ltar thams cad pa'o/ /'di ni gnas yod do zhes bya ba ni mtshan nyid do/ /'di ni bzhi yod do zhes bya ba ni rgyu'o/ /rigs pas bskyes? pa'i sgo nas zhes bya ba ni phyin ci ma log par te me 'khrul bar zhes bya ba'i don to// 'di'i don ni nyi 'og pa rnams kyis smras pa/ /'di ma yin no/ /'o na ci zhe na/ /'di'i don ni mi rtag pa la sogs par shes par 'gyur ba gang yin 'di ni gnas yod do/ /'di ni bzhi yod do zhes bya ba ste/ /'di ni srid pa yod do/ /'di ni 'byor ba byad? do zhes bya ba 'di yin no/ /gal te 'di bstan bcos kyi don yin par 'gyur na zhes bya ba rgyas par 'byung ngo/ /bdag dang bdag gi zhes bya ba ni 'jigs tshogs la lta bas so/ /chad pa dang rtag ba zhes bya ba ni mthar 'dzin

  898. 449b

    pa'i lta bas so/ /rgyu med pa dang/ byed pa med pa dang/ bskur pa 'debs pa zhes bya ba ni log par lta bas so/ /mchog dang/ gtso bo dang/ khyad par du 'phags pa dang/ dam pa zhes bya ba ni lta ba mchog tu 'dzin bas so/ /'gag pa dang/ grol ba dang nges par 'byin pa zhes bya ba ni tshul khrims dang/ /brtul zhugs mchog tu 'dzin pas so/ /nem? nur dang/ yid gnyis dang/ the tshom zhes bya ba ni the tshom gyis so/ /chags pa zhes bya ba ni 'dod chags kyis so/ /sdang ba zhes bya ba ni zhe sdang gis so/ /rlom pa zhes bya ba ni nga rgyal gyis so/ /rmongs pa zhes bya ba ni gti mug gis so/ /de ltar gzhung 'dis ni mthong bas spang bar bya ba'i phra rgyas bcu bstan to/ /'di ni gnas yod do 'di ni gzhi yod do zhes bya ba 'di rnam pa bcu drug ma rtog par zag pa med pa'i rnam pa ma yin par shes par 'gyur ro/ /de lta bas na 'di ni de'i don ma yin no/ /zhes bya ba ni/ /mi rtag pa la sogs par shes par 'gyur ba gang yin pa 'di ni gnas yod do 'di ni gzhi yod do zhes do zhes ji skad du smras pa'o// de lta yin dang gzhan gyi sems shes pa thams cad rdzas kyi rang gi mtshan nyid kyi yul can du grub po/ /gzhan dag na re/ /'di ni gnas yod do zhes bya ba dang srid pa yod do 'di ni gzhi yod do zhes bya ba 'di ni phyin ci ma log pa'i yul smos pa bsal bar byed pa'o/ /de nyid kyi phyir mthong bas spang bar bya'o/ /zhes 'dir 'don to/ /phyin ci ma log pa'i yul smos pa med pas so/ /de la rkyen la rag las pa'i phyir mi rtag pa ste/ /snga na med pa ni rkyen yod pa la rag las pa yin gyi gzhan ni ma yin no/ /gnod pa'i bdag nyid yin no zhes bya ba ni/ /gnod par byed pa yin pa'i phyir zhes bya pa'i don to/ /bdag gis lta ba'i mi mthun pa'i phyogs kyis zhes bya ba ni/ /bdag gis shin tu stong pa'o/ /bdag gir

  899. 450a

    lta ba de'i mi mthun ba'i phyogs kyis stong pa'o/ /bdag yod na bdag gi bar 'gyur ro/ /bdag tu lta ba'i mi mthun pa'i phyogs kyis bdag med pa'o/ /zhes bya ba ni/ /gzugs la sogs pa'i phung po lnga po bdag ma yin la/ /gang mi rtag pa de sdug bsngal pa'o/ /sdug bsngal ba de bdag med pa yin pas de la bdag go snyam du mngon par zhen pa ni bdag tu lta ba ste/ /de'i gnyen por bdag med pa'o/ /sa bon gyi chos kyi tshul gyis zhes bya bas ni/ /rgyu thag ring po'i gnas skabs sten te/ dang po'i sa bon lta bu'o/ /sa bon gyi chos kyi tshul gyis zhes bya ba ni/ /sa bon gyis chos kyi lugs kyis zhes bya ba'i don to/ /'byung ba'i tshul gyis zhes bya ba ni/ /de ma thag tu skye ba ltar/ rgyu thag nye ba'i gnas skabs ston to/ /'di ni phrad nas 'byung bas kun 'byung ba'o/ /'brel pa'i tshul gyis rab tu skye ba'o zhes bya bas ni/ /rgyun mi 'chad pa'i rgyur ston te/ /sa bon dang/ /myu gu dang /lo ma dang/ /sdong bu la sogs ba ltar 'di las rgyun chad pa 'am rab tu skye bas na rab tu skye ba'o/ /mngon par sgrub pa'i don gyis na rkyen zhes bya bas ni/ rgyu la sogs pa rkyen mang po zhig las skye ba ste/ /rkyen rnams phan tshun mngon du phyogs pa las de skye ba'i phyir bum pa la sogs pa bzhin? no/ /me gsum nye bar zhi ba'i phyir zhes bya ba ni 'dod chags dang zhe sdang dang gti mug gi me zhi ba'i phyir ro/ /'che ba med pa'i phyir zhes bya ba ni sdug bsngal med pa'i phyir ro/ /skyon thams cad dang bral ba'i phyir zhes bya ba la/ /skyon ni sdug bsngal gyis rgyu rnams so/ /bgrod pa'i don gyis na lam mo zhes bya ba ni mya ngan las 'das par bgrod pa'i don gyis so/ /rig pa dang ldan pa'i phyir/ /rig pa'o zhes bya ba ni tha dad

  900. 450b

    pa dang ldan pa'i phyir zhes bya ba'i don to/ /yang dag par sgrub pa'i don gyis sgrub pa'o zhes bya ba ni/ /yang dag par bgrod pa'i don gyis na zhes bya ba'i tha tshig go/ shin tu yang dag bar 'da' bar byed pa'i phyir nges par 'byin par byed pa'o/ /zhes bya ba? ni 'bras las nyams pa 'chi ba med/ /zhes 'byung ba'i phyir ro/ /gtan du bam yin pa'i phyir zhes bya ba ni/ /rab tu 'jig pa'i phyir ro/ /khur lta bur gyur pa'i phyir zhes bya ba ni/ /mngon par bkod par gyur pa'i phyir zhes bya ba'i don to/ /gzhan dag ni sdug bsngal gyi khur gtong ba dang 'dor na 'dran? pa'i phyir ro zhes zer ro/ /'dong? dgur byed pa med pa'i phyir zhes bya ba ni rang dbang med ba'i phyir ro/ /mdo las kyang gsungs te/ /dge slong dag gal te gzugs bdag yin par 'gyur na/ gzugs bdag nyid la gnod pa byed par 'gyur gyi zhes bya ba rgyas par 'byung ngo/ /'ong ba'i tshul gyis rgyu'o zhes bya ba ni 'di las 'ong bas na rgyu ste/ /'di las skye bas na zhes bya ba'i tha tshig go/ /'byung ba'i tshul gyis kun 'byung ba'o zhes bya ba ni gang gi phyir ma 'ongs pa'i dus nas bdag nyid du red cing 'byung ba'o/ /'phel ba'i tshul gyi rab tu skye'o zhes bya ba ste/ /dper na sa bon dang/ myu gu dang/ /lo ma la sogs pa'i rgyun gyis 'phel ba lta bu'o/ /so sor 'brang ba'i don gyis rkyen no// zhes bya ba ni rjes su 'gro ba'i don gyis zhes bya ba'i tha tshig go/ 'brel pa med pas 'brel pa zhig pa'i phyir 'gog pa'o zhes bya ba ni sdug bsngal phyi ma dang 'brel pa med cing/ /sdug bsngal snga ma 'gog pa'i phyir zhes bya ba'i don to/ /'dus byas kyis mtshan nyid gsum dang bral ba'i phyir zhes bya ba ni/ /skye ba dang 'jigs pa dang gnas pa las gzhan du 'gyur ba nyid dang bral ba'i phyir ro/ /dge ba'i phyir gya nom pa'o/ /zhes bya ba ni/ /thar pa dam pa'i don du dge zhes bya yin

  901. 451a

    bso/ /yid bstan pa'i phyogs yin pa'i phyir zhes bya ba ni/ /de las gzhan pa'i yid brtan par bya ba med pa'i phyir ro/ /mya ngan las 'das pa'i grong dang mi 'gal ba'i don gyis zhes bya ba ni/ mya ngan las 'das pa'i grong du 'jug pa dang mi 'gal ba'i don gyi zhes bya ba'i tha tshig ste/ /'dis sgrub par byed pas so/ /srid pa thams cad kyi gnyen po yin pa'i phyir nges par 'byin par byed ba'o zhes bya ba ni/ /'dod pa dang gzugs dang gzugs med pa'i srid pa'i gnyen po yin pa'i phyir ro/ /'jig rten pa ni phyogs cig gi gnyen po yin pas nges par 'byin par 'byin par byed pa ma yin no/ /bshad ma thag pa'i rnam grangs rnams la kha cig tu don gyi khyad par bsal ba yod pa ma yin pas de nyid kyi phyir ji ltar 'dod pa brjod par bya'o zhes gsungs so/ /skye ba dang 'jig pa'i chos can yin pa'i phyir zhes bya ba ni/ /bdag nyid thob pa'i sngar ram 'og tu med pa'i phyir ro zhes bya ba'i tha tshig go /mi mthun par gyur pa'i phyir zhes bya ba ni/ /'phags pa rnams 'du byed kyi sdug bsngal nyid kyis so/ /bdag dang bral ba'i phyir zhes bya ba ni/ /nang gi byed ba'i skyes bu dang bral ba'i phyir ro/ /bdag nyid kyi bdag ma yin pa'i phyir zhes bya ba ni/ /yang mi rtag pa de ni sdug bsngal ba'o/ /gang sdug bsngal ba de ni bdag med pa'o/ /zhes bdag gi mtshan nyid med pa'i phyir ro/ /'dun pa'i rtsa ba can zhes bya ba ni dang po'i rgyu'i dbang du mdzad nas 'dun pa'i rgyu can no/ /'dir 'dun pa ni srid pa'i rnam grangs so/ /'dun ba las kun 'byung bar zhes bya ba ni/ /nye ba'i rgyu'i dbang du mdzad nas 'dun ba'i rgyu can no/ /'dun pa'i rigs can zhes bya ba ni 'dun pa'i rkyen can no/ /'dun ba las rab tu skye ba zhes bya ba ni/ /de ma thag pa'i rgyu'i

  902. 451b

    dbang du mdzad nas so/ /rab tu skye ba zhes bya ba'i sgra tha mar 'don pa 'ba' zhig tu zhes bya ba ni kun 'byung gi rnam pa bzhi las rab tu skye ba'i rnam pa gsum par 'don cing rkyen gyis rnam pa bzhi par 'don mod kyi/ /mdo las bstan par ni rab tu skye ba'i ska rgyu kun tu 'byung bar rab tu skye ba zhes phyi nas gnod par byed do/ /yang 'dun par mtshungs bzhin du mdun pa 'di dag la khyad par ci yod ce na/ /nga'o snyam pa bye brag med pa lus la 'dun pa yin no/ /zhes bya ba ni phung po mdza' dag la bdag gi dngos po don du gnyer bas zhes bya ba'i don to/ /gyur cig snyam pa ni bye brag med par yang srid pa la 'dun pa yin no/ /zhes bya ba ni/ /lha dang mi la sogs pa'i rnam ba la mi ltos par yang srid pa tsam zhig don du gnyer ba'o/ /'di ltar bur gyur cig zhes bya ba rgyas bar 'byung ba rnam par 'byung ba 'dir gyur cig ces lta 'am/ /mi yang rung ste/ /bye brag tu srid pa la 'dun pa'o/ /nying mtshams sbyor ba nyid 'ching ba yin pas na nying mtshams sbyor ba'i 'ching ba ste de la 'dun pa ni don du gnyer ba'o/ /dmyal bar nying mtshams sbyor ba'i 'chi ba don du gnyer ba mi srid pas de'i phyir yang na mngon par 'du byed pa la 'dun pa yin pa yin zhes smos so/ /las la mngon par 'du byed pa ni las mngon par 'du byed pa ste/ /de la 'dun pa ni sbyin pa 'di lta bu dang 'di lta bu sbyin no snyam du don gnyer ba'i sgo nas don du gnyer ba'o/ /de la 'dun pa dang po ni nga'o snyam pa'i bye brag med par lus la 'dun pa'o/ /sdug bsngal gyi dang po rgyu yin pa'i phyir rtsa ba'i rgyu yin te/ zhes bya ba ni/ /dang po 'dun pa nges 'phangs pa'i 'dun pa las brgyud nas phung po lnga 'am/ /bzhi'i skye bo? mngon par 'grub pa ste/ /'di ni phung khrol thams cad kyi rtsa ba'i rgyu yin no/ /'bras bu'i sa bon bzhin no zhes bya ba ni/ /rtsa ba'i rgyud yin pa lta bu ste/ /sa bon gyis 'phangs pa'i myu gu la sogs pa'i rgyun la'ang? 'bras

  903. 452a

    bu 'byung ba'i phyir ro/ /gnyis pa kun 'byung ba yin te/ /des de yang dag par 'grub pa'i phyir zhes bya ba ni/ /bye brag med par yang srid pa la 'dun pa gang yin pa 'dun pa gnyis pa des lus de yang dag par 'grub pa'i phyir skad cig ma bsgyus? pas so/ /ci ltar zhe na/ /de'i phyir bye brag med par yang srid la 'dun pa des na nying mtshams sbyor ba'i 'ching ba 'dun pa dang las mngon par 'du byed pa'i 'dun pa ste/ /de'i phyir yang srid kyi 'dun pa zhes bya'o/ /gsum pa ni/ /de dang 'dra ba'i sdug bsngal gyi rkyen yin te/ zhes bya ba ni/ bye brag tu yang srid ba la 'dun ba rnam pa gang yin pa de dang 'dra ba'i sdug bsngal gyi rkyen du 'gyur ba ste/ mi lus don du gnyer ba na 'gro ba gzhan gyi lus kyi rkyen du mi 'gyur ro/ /lud la sogs pa bzhin no/ /zhes bya ba la sogs pa zhes bya ba'i sgras ni rlung dang/ /nyi ma la sogs pa'i bsdu ste/ /de dag gis kyang 'bras bu phun sum tshogs par 'gyur ro/ /nus pa ni bsil ba dang/ /dro ba nyid do/ /rnam par smin pa ni mdar? ba dang/ /skyur ba nyid do/ /mthun ni gzugs la sogs pa rnams kyis nus mthu'i khyad par te/ gang las 'byung ba dang/ /sdud pa la sogs par 'gyur ba'o/ /bzhi pa ni rab tu skye ba ste de kho na las de skye ba'i phyir zhes bya ba la/ de kho na las zhes bya ba ni/ /nyid mtshams sbyor ba'i 'ching ba las yang srid 'byung ba'i phyir ro/ /las mngon par 'du byed ba'i 'dun pa las de 'byung bas de dang mthun ba'i lus skye ba'o/ /de la bzhi pa ni yang srid kyi dngos kyi rgyu'o/ /gnyis pa ni yang srid kyi khyad par gyi rgyu'o/ /'bras bu'i zhing la sogs pa bzhin no zhes bya ba ni gsum pa ste rkyen no/ /brgyud pa yang srid kyi rgyu ni 'bras bu'i myu gu la sogs pa bzhin no/ /bzhi pa ni kun 'byung ba'o/ /'dun pa bzhin dngos dang brgyud pas nus pa bzhin dang rtsa ba'i rgyu zhes bya ba dang rtsa ba zhes bya ba'o/ /yang na gang zag sred pa spyad pa rnams kyi 'dun pa bzhi? ni lnga mtshan nyid dang bzhi tshan gnyis yin te/ bshad

  904. 452b

    ma thag pa'o/ /dge slong dag pa'o/ /snyam pa yod na zhes bya ba 'di ni thun mong du 'dus pa'i rtsa ba'i rgyu'o/ /de la lnga tshan dang po ni bdag 'di lta bu'i snyam pa dang/ nga 'di 'dra'o snyam pa dang/ /de lta ma yin no snyam pa dang/ /bzang ngo snyam pa dang/ nga ngan no snyam pa 'byung ste/ /'di ni bye brag med par lus la 'dun pas bsdus pa'o/ /lnga tshan gnyis pa ni de la 'byung bar 'gyur ro snyam pa 'byung bar 'gyur zhing/ /de la 'byung bar mi 'gyur snyam pa dang/ /'di lta bu 'byung bar 'gyur ro snyam pa dang/ 'di 'dra ba 'byung bar 'gyur ro snyam pa dang/ /de lta ma yin pa 'byung ba 'gyur ro snyam pa 'byung bar 'gyur ro zhes bya ba ste/ /lnga tshan 'di ni bye brag med par yang srid la 'dun pa gnyis pa yin no/ /bzhi tshan dang po ni de la gyur cig snyam pa 'byung bar 'gyur zhing/ /de la 'di lta bur gyur cig snyam pa dang/ /de 'dra bar gyur cig snyam pa dang/ /de lta ma yin par gyur cig snyam pa 'byung ba ste/ /bzhi tshan 'di ni bye brag med par yang srid la 'dun pa gsum pa'o/ /bzhi chan gnyis pa ni gyur kyang ci ma rung snyam pa dang/ /'di lta bur gyur kyang ci ma rung snyam pa dang/ /de dang 'dra bar gyur kyang ci ma rung ste snyam pa dang/ de lta ma yin par gyur kyang ci ma rung snyam pa 'byung bar 'gyur ba ste/ 'di ni nying mtshams sbyor ba la 'dun pa bzhi pa'o// de la dang po ni sdug bsngal gyi dang po rgyu yin pa'i phyir rtsa ba'i rgyu yin te/ /zhes bya ba rgyas par snga ma bzhin du sbyar bar bya'o/ /'jug pa med pa'i phyir 'gog pa'o/ /zhes bya ba ni nyon mongs pa dang skye ba'i 'jug pa zhi ba'i phyir zhes bya ba'i don to/ /sdug bsngal zhi ba'i phyir zhi ba ste/ /sdug bsngal ni ma zhi ba yin la/ /de yang skye ba kho na yin no/ /ji ltar zhe na/ /de'i phyir dge slong dag de lta na zhes bya ba rgyas par smos so/ /gong na med pa'i phyir gya nom pa'o/ /zhes bya ba la/ /rgod

  905. 453a

    ma dang bcas pa la gya nom pa'o/ /zhes mi rung ngo/ /yang phyir mi ldog pa'i phyir nges bar 'byung ba'o zhes bya ba la/ /gtan du ba ma yin ba ni nges par 'byung ba ma yin no/ /lam lta bur gyur pa'i phyir lam mo zhes bya ba ni lam dang chos mthun pa'i phyir zhes bya ba'i tha tshig go /yang dag pa ji lta ba bzhin zhugs pa'i phyir rigs pa'o zhes bya ba ni yang dag pa ji lta ba bzhin zhugs pa ma yin pa ni rigs pa ma yin pa'i phyir ro/ /so sor nges pa'i phyir sgrub pa ste zhes bya ba la so sor nges pa nyid ni mya ngan las 'das par nges pa nyid do/ de nyid kyi nges 'gro ba'i phyir ro/ /de nyid la dbangs ni/ /ji skad du zhes bya ba rgyas par 'byung ba'o/ /yang na rtag pa dang bde ba dang bdag gi dang bdag tu lta ba spyad pa rnams kyi zhes bya ba rgyas par 'byung ste/ /de la 'du byed rnams rtag go snyam du lta ba spyad pa rnams la ni mi rtag pa'i rnam pa'o/ /'du byed rnams bde'o snyam du lta ba spyad pa rnams ni sdug bsngal ba'i rnam pa'o/ /'du byed rnams bdag gi'o snyam du lta ba spyad pa rnams la ni stong pa'i rnam pa'o/ /'du byed rnams bdag yin no/ /snyam du lta ba spyad pa rnams la ni bdag med pa'i rnam pa'o/ /'du byed rnams rgyu med pa'o/ /snyam du lta ba spyad pa rnams la ni rgyu'i rnam pa'o/ /thams cad kyi rgyu dbang phyug la sogs pa cig pu'o snyam du lta ba spyad pa rnams la ni kun 'byung ba'i rnam pa'o/ /'gyur bar lta ba spyad pa rnams la ni rab tu skye pa'i rnam pa'o/ /dang por 'byung zhing rab tu skye ba yin gyi/ /'gyur ba ni ma yin no zhes bya ba'o/ /yang na 'gyur ba zhes bya ba ni rga pa'i rnam grangs so/ /rab tu skye ba'i zhes bya ba na skye ba'i rnam grangs so/ /blo sngon du btang ba byed pa po yin no/ /snyam du lta ba spyad pa rnams la rkyen gyi rnam pa ste/ rkyen gyi tshig ni sngon sum

  906. 453b

    btang ba'i rgyu'i tshig go /thar pa med pa zhes bya ba la sogs pa la/ /skye ba'i rgyun la thog ma bzhin du/ tha ma yang med do snyam du gang dag log bar lta ba gang yin pa de'i gnyen por 'gog pa'i rnam pa yin no/ /yul nye bar longs spyod pa med pa'i phyir dang/ /sdug bsngal ni thar pa yin no snyam du lta ba spyad pa rnams kyi gnyen por ni zhi ba'i rnam pa yin no/ /de lta na ni 'o na zhes rgyas par 'byung ba la/ /sems dang sems las byung ba thams cad rnam pa dang bcas zhes bya'o// gal te shes rab kyi rnam pa de yis sems dang sems las byung ba lhag ma rnams kyi rnam pa nyid du grub po zhe na/ de dang mtshungs par ldan pa la shes rab kyi ni mi 'grub ste/ /de dang ldan pas shes rab gzhan dang mtshungs par ldan ba'i phyir ro/ /de lta bu ni rig par 'gyur ro/ /zhes bya ba ni mdo sde pa'i lugs yin no/ /dmigs pa smos pas bye brag dang rnam ba zhes bya ba ste/ /nges pa'i tshig gi tshul gyis dmigs pa zhes bya ba 'dir rnam par gzung nas bye brag ces bya'o// de'i phyir rnam pa'i sgras bzung nas rnam ba zhes bya ba yin no/ /dmigs pa smos pa'i tshul gang gis dmigs pa bzung ba'i bye brag ni mi rtag pa dang sdug bsngal ba la sogs pa'o/ /'di'i dmigs pa smos pas yul nyid kyi bye brag yod pa nyid de/ /rnam pa dang bcas pa'o/ /de ltar na shes rab rnam pa dang bcas par grub po/ /slob dpon 'dus bzad na re/ /shes rab dang mtshungs bar ldan pa las rnam pa dang bcas bar brjod ba med do/ /'o na ci zhe na/ /mthun pa'i rnams pa ni rnam pa dang bcas ste zag pa dang bcas pa nyid do/ dper na zag pa dang mthun pas zag pa dang bcas pa ste/ /zag pa nyid kyi gnyen po yin pa'i phyir ro/ /de bzhin du dus mtshungs par 'dzin par byed pas rnam pa dang bcas pa ste/ snga ma dang phyi ma

  907. 454a

    ma yin par cig char du zhes bya ba'i don to/ /de ltar na 'o na shes rab kyi rnam ba nyid du mi 'grub ste/ /dmigs pa thams cad kyi 'jug pa'i rnam pa yin pas so/ /lhag ma rnams kyi rnam pa'i bdag nyid ma yin pa'i phyir 'dri ba ni/ /yang ci shes rab kho na 'dzin par byed dam zhes bya ba ste/ /sgrub pa dang 'dzin par byed ces bya ba'i tha tshig go /dang bcas ba'i/ /dmigs pa dang bcas pa 'dzin par byed/ /ces bya ba la rigs ba gang zhe na/ /shes rab kyi yul 'dzin par byed pas rnam pa ste/ /rang gi ngo bo nyid las so/ /shes rab las ma gtogs pa'i dmigs pa dang bcas pa'i rnam pa yod ba ma yin no/ /ci ltar 'dzin par byed ce na/ /shes rab dang mtshungs par ldan pa'i phyir zhes bya'o// gal te tshor ba dang mtshungs par ldan pa'i phyir shes rab la sogs pa tshor ba byed par 'gyur ro zhe na/ /'di la slob dpon 'dus bzang gi ni/ /rnam pa zhes bya ba 'di shes rab kyi rnam grangs su gsungs te/ /yul smos pa dang/ /dang po'i rgyu zhes bya ba rnam grangs yin pa lta bu'o/ /rnam pa'i mtshan nyid shes rab ces mi bya'o/ /tshor ba la sogs pa'i mtshan nyid gang yin pa de yul gyi rgyur rigs par 'gyur ro/ /dmigs pa ji lta bar shes pa'i phyir yul dang shes rab kyis rab tu shes shing 'dzin par byed pas kyang zhes bya'o/ /de bzhin du dmigs par 'du shes pa'i phyir 'du shes kyi yul kun du shes pa dang 'dzin par byed pas kyang nges par bstan to/ /rnam par shes pas kyang dmigs shing rnam par shes pa'i phyir yongs su shes pa dang 'dzin par byed pa zhes bya'o/ /kyang zhes bya ba ni de lta bu la sogs pa'o/ /de'i phyir dmigs smos pa rnam pa'i rnam grangs yin pa'i phyir shes rab las ma gtogs pas kyang ?

  908. 454b

    par byed do/ /zhes bstan par 'thad do zhes zer ro/ /gal te shes rab kyi rnam grangs rtsam rnam pa'i sgras mi brjod na/ /'di'i don gyi yul yod do/ /zhes brjod par mi bya'o/ /shes rab kyi rnam bas 'dzin par bya ba dang 'dzin par byed pas kyang ste/ /de ltar shes rab kyis shes rab 'dzin par byed pa ma yin no/ /kyang zhes bya ba 'dis cung zad bshad pa yin no/ /gal te thog ma med na khyad par yang bar 'gyur ro/ /de'i phyir rnam pa'i sgra ni 'dir khyad par gyi don du shes pa'o/ /shes rab kyi rnam grangs ni ma yin no/ /de ltar na 'di la dmigs pa rnam pa'i bdag nyid ma yin pa'i phyir 'dzin par byed pa dang 'dzin pa yang rnam ba zhes bya bar mi rigs so/ /yod ba thams cad bzung bya yin zhes bya ba ni/ /gang cung zad rjes su yod pa 'am btags par yod pa de thams cad bzung bar bya ba yin no/ /'dir yod pa smos pa ni/ /med pa bzlog par bya ba'i phyir ro/ /thams cad smos pa ni rdzas dang kun rdzob nye bar bzung bar bya ba'i phyir ro/ /de ltar byas nas zhes bya ba rgyas par 'byung ste/ shes rab ni rnam pa yang yin te/ /de'i rang bzhin yin pa'i phyir ro/ /'dzin par byed pa yang yin te/ dmigs pa dang bcas pa'i phyir ro/ /gzung bar bya ba yang yin te/ /yod pa'i phyir ro/ /dmigs pa med pa rnams ni bzung bar bya ba kho na yin no/ /zhes bya ba ni/ /dmigs pa med pa'i phyir dang rnam pa med pa'i phyir ro/ /dge ba la sogs pa'i bye brag bstan par bya ste/ /zhes bya ba ni/ /dge ba dang mi dge ba dang lung du ma bstan pa dang/ sa dang rtan la sogs pa'i bye brag bstan par bya ste/ /dang po rnam gsum mo/ /zhes bya ba ni zag pa dang bcas pa yin pa nyid kyi phyir ro/ /gzhan rnams dge zhes bya ba ni/ /zag pa med pa yin pa'i phyir ro/ /tshigs su bcad pa'i dang po na yod pa'i phyir zhes bya ba ni/ /shes rab ?

  909. 455a

    bcas zag pa med ces bya ba'i tshigs su bcad pa der kun rdzob shes pa dang por 'don pa yin no/ /dang bo sa rnams thams cad na zhes bya ba ni/ /kun rdzob shes pa ni rang gi ngo bo dmigs pa'i sgo nas 'dod pa'i khams nas srid pa'i rtse mo'i bar du dmigs so/ /drug na chos zhes bya ba ni/ /de dag gcig tu zag pa dang bcas pa'i phyir mi lcogs pa med pa las gzhan pa'i nye bar bsdogs pa dag med la/ /'dod pa'i khams la dmigs pa'i phyir gzugs med pa'i sa dag na yang med do/ /dgu na rjes zhes bya ba/ /zhes bya ba ni mi lcogs pa med pa la sogs pa rnams gong ma'i sdug bsngal la sogs pa dmigs pa'i phyir la/ /bsam gtan gnyis pa la sogs pa'i nyer bsdogs rnams dang/ /srid pa'i rtse mo ni gcig tu zag pa dang bcas pa'i phyir ro/ /gzhan na med ces bya ba ni nyer ba sdogs dang bsam gtan gzhan dag na med pa'o/ /ci'i phyir zhe na/ yul phra ba'i phyir te/ /de ni gzhan gyi rgyud du gtogs pa'i sems dang sems las byung ba'i yul can yin la/ de dag kyang phra bas so/ /der yang lam dman pa zhes bya ba na/ /der gzhan gyi sems shes pa yod pa ma yin te/ /gzugs med pa rnams su sbyor ba mi srid pa'i phyir ro/ /mngon par shes pa'i rang gi ngo bo las ni sa gzhan du ma yin te/ /'dod pa dang gzugs kyi khams dag tu 'o/ /des zhes bya ba rgyas par 'gyur ste/ /gzugs med pa'i khams na gzhan gyi sems shes pa mngon du byed pa med de/ /de'i sa ba'i gzhan gyi sems pa med pa'i phyir ro/ /sa 'og ma pa'i de'i rjes su 'brang ba mngon du gyur par mi nus pa'i gzugs med pa'i khams na de mngon du gyur pa med do/ /chos shes bya ba 'dod rten can/ /zhes bya ba la/ ni'i sgra ni nges par

  910. 455b

    bzung ba'o/ /chos shes pa 'dod pa'i rten can kho na yin gyi/ gzugs dang gzugs med pa'i rten can ni ma yin te/ /snyom par 'jug pa de kun nas slong pa'i sems rnams 'dod pa'i khams kho na na yod pa'i phyir dang de'i rjes su 'jug pa'i rten med pa'i phyir ro/ /rjes su 'jug pa'i tshul khrims ni 'dod pa na spyod pa'i 'byung ba rnams kyi rten can nyid de/ /tshul khrims 'chal ba kun nas slong ba'i nyon mongs pa'i gnyen po yin pa'i phyir ro/ /de dag kyang de na yod pa ma yin pas/ /chos shes pa 'dod pa'i rten can kho na yin no/ /gzhan gyi sems shes pa dang chos shes pa ma gtogs so zhes bya ba la/ /de yang kun rdzob shes pa dang rjes su shes pa dang sdug bsngal dang kun 'byung ba dang 'gog pa dang lam shes pa dang zad pa shes pa dang mi skye ba shes pa rnams so/ /'gog pa shes pa ni gcig te chos dran pa nye bar bzhag pas yin no zhes bya ba ni 'gog ba lus dang tshor ba dang sems dang mtshan nyid mi mthun pa'i phyir chos dran pa nye bar bzhag pa la dmigs pa yin na/ /gzhan gyi sems shes ba ni tshor ba dang sems dang chos dran pa nye bar bzhag pa rnams yin pas lus dran pa nye bar bzhag pa ma yin no/ /gzugs med pa'i yul can yin pa'i phyir chos dran pa nye bar bzhag pa go ji ltar yin zhe na/ /tshor ba ma gtogs pa'i sems las byung ba'i dmigs pa yin pa'i phyir ro// lhag ma bzhi yin no zhes bya ba ni/ /lhag ma ni shes pa brgyad de/ /de la kun rdzob shes pa ni thams cad kyi yul can yin pas dran pa nye bar bzhag pa bzhi yin no/ /chos shes pa ni sdug bsngal la sogs pa la dmigs pas bzhi yin no/ /rjes su shes pa yang de dang 'dra'o/ /sdug bsngal dang kun 'byung dang lam dang zad pa dang mi skye ba shes pa rnams ni re re zhing dran pa nye bar bzhag pa bzhi bzhi yin te/ /phung po lnga la dmigs pa'i phyir ro/ /rjes su shes pa ma gtogs so zhes bya ba ni/ /chos

  911. 456a

    shes pa'i phyogs dang mthun pa lam shes pa'i dmigs pa ni sdug bsngal dang/ /kun 'byung ba dang/ /'gog pa dang/ /lam dang/ /zad pa dang/ /mi skye ba shes pa dang/ /gzhan gyi sems pa rnams so/ /sdug bsngal dang kun 'byung la chos shes pa dag gi dmigs pa ni kun rdzob shes pa 'dod na spyod pa'i sdug bsngal dang de kun 'byung bas bsdus pa'o/ /rjes su shes pa ni thams cad du chos shes pa'i dmigs pa ma yin te yul tha dad pa'i phyir ro/ /lam rjes blo'i dgu yin no/ /zhes bya ba la/ /rjes su shes pa'i phyogs dang mthun pa sdug bsngal la sogs pa shes pa la ni de'i phyogs dang mthun pa'i lam shes pa kho nas dmigs la/ /kun rdzob shes pa khams gong ma'i sdug bsngal dang kun 'byung gi bsdus pa la ni sdug bsngal dang kun 'byung la chos shes pa dag kho nas dmigs so/ /thams cad du chos shes pa dang rjes su shes pa dag gi dmigs pa ma yin no/ /des na lam shes pa yul tha dad pa'i phyir ro/ /kun rdzob shes pa ma gtogs so/ /zhes bya ba la/ /lam shes pa ni lam la dmigs pas de'i dmigs pa ni shes pa zag pa med pa dgu yin te/ /de dag lam gyi bdag nyid yin pa'i phyir ro/ /kun rdzob shes pa ni ma yin te/ zag pa dang bcas pa'i phyir ro/ /sdug bsngal rgyu blo'i gnyis yin no zhes bya ba la/ /kun rdzob shes ba ni sdug bsngal dang kun 'byung gi nang du gtogs pa'i phyir sdug bsngal dang kun 'byung shes pa dag gi dmigs pa yin no zhes bya bar rtogs na gzhan gyi sems shes pa ni ji ltar zhe na/ /gzhan gyi sems pa'i phyogs gcig kyang sdug bsngal dang kun 'byung gi bsdus pa yod de zag pa dang bcas pa gang yin pa'o/ /bzhi 'am bcu yin no/ /zhes bya ba 'byung ste/ /de la kun rdzob shes pa ni thams cad kyi yul can yin

  912. 456b

    yin pa'i phyir shes pa bcu la dmigs so zhes bya ba rtogs na/ /ji ltar gzhan gyi sems shes pa'i dmigs pa shes pa bcu yin zhe na/ /gzhan gyi sems shes pa ni chos dang rjes dang lam dang kun rdzob shes pas bsdus pa yin la/ /de'i dmigs pa ni rnam par ma phye bar shes pa bcu yin la/ /dbye ba ni chos dang rjes kyi bsdus pa dag gis ni shes pa brgyad do/ /lam shes pas bsdus pa yi ni dgu'o/ /kun rdzob shes pa bsdus pa yi ni kun rdzob shes pa dang gzhan gyi sems shes pa gnyis so// ji ltar zad pa dang mi skye ba shes pa dag gi dmigs pa shes pa bcu yin zhe na/ /zad pa dang mi skye ba shes pa dag ni bdag gi lam bsgom ste yang bsgom du med do zhes chos dang rjes su shes pa'i lam la dmigs pa yin te/ /de'i phyir shes pa zag pa med pa dgu la dmigs la sdug bsngal dang kun 'byung gi bden pa la dmigs pa'i zad pa dang mi skye ba shes pa dag ni bdag gi sdug bsngal yongs su shes par bya ste yang yongs su shes par byar med/ /kun 'byung spangs te yang yongs su spang du med do// zhes sdug bsngal dang kun 'byung gis bsdus pa'i kun rdzob shes pa la dmigs so/ /dbye na ni chos shes pas bsdus pa dag gi dmigs pa ni rjes su shes pa ma yin la/ /rjes su shes pas bsdus pa dag gis ni chos shes ma yin no/ /chos 'dus byas rnams la rnam pa brgyad du bya'o zhes bya ba la/ /'dod pa dang ldan pa'i chos rnams rnam pa gnyis te/ /mtshungs par ldan pa dang ldan pa ma yin pa'o/ /de bzhin du gzugs dang ldan pa yang rnam pa gnyis yin la/ /gzugs med pa dang ldan pa yang rnam pa gnyis yin no/ /zag pa med pa yang rnam pa gnyis te/ /mtshungs par ldan pa dang mtshungs par ldan pa ma yin pa'o/ /dge ba dang lung du ma bstan pa'i bye brag gis zhes bya ba ni/ /dge ba ni so sor brtag pa'i 'gog pa ste/ /thar pa

  913. 457a

    dam ba'i don du dge ba zhes bya ba 'byung ba'i phyir ro/ /lung du ma bstan pa ni nam mkha' dang so sor rtags pa ma yin bas 'gog pa ste/ /lung du ma bstan ba dag ces 'byung ba'i phyir ro/ /de la kun rdzob shes pa'i dmigs pa ni chos bcu po thams cad yin no zhes bya ba ni/ /kun rdzob yul ni thams cad do zhes bya ba yin pa'i phyir ro/ /chos shes pa ni lnga ste zhes bya ba ni/ /sdug bsngal dang kun 'byung la dmigs pa'i ni 'dod pa ni spyod pa'i mtshungs par ldan pa dang mtshungs par ldan pa ma yin pa dag go /chos shes pa'i phyogs dang mthun pa la lam gyi bden pa la dmigs pa'i ni zag pa med pa mtshungs par ldan pa dang ldan pa ma yin pa dag go /'gog pa'i bden pa la dmigs pa'i ni 'dus ma byas dge ba yin te/ /'dus ma byas lung du ma bstan pa ni bden pas ma bsdus pas de ni zag pa med pa'i shes pas dmigs pa ma yin no/ /gzugs dang gzugs med pa na spyod pa dang/ /zag pa pa med pa drug dang zhes bya ba ni mtshungs par ldan pa dang ldan pa ma yin pa'i bye brag gis so/ /drug ste 'dod pa dang gzugs dang gzugs med pa na spyod pa rnams yin no/ /zhes bya ba ni re re zhing mtshungs par ldan pa dang ldan pa ma yin pa'i bye brag gis so/ /lam shes pa ni gnyis te zhes bya ba ni zag pa med par mtshungs par ldan pa dang mtshungs par ldan pa ma yin pa dag go/ /'dod pa dang gzugs na spyod pa dang zag pa med pa dang mtshungs par ldan ba rnams so zhes bya ba ni/ /gzhan gyi sems shes pa ldan pa ma yin pa'i 'du byed dam/ /gzugs med pa'i khams la dmigs pa med pa'i phyir ro/ /zad pa dang mi skye ba shes pa dag gi dmigs pa ni chos dgu yin te/ zhes bya ba ni zad

  914. 457b

    ba dang mi skye ba shes pa dag gi dmigs pa ni chos dgu yin te/ /re re yang khams gsum gyi sdug bsngal la sogs pa'i bden pa la dmigs pa'i phyir ro/ /'dus ma byas lung du ma bstan pa ma gtogs so/ /zhes bya ba ni bden bas ma bsdus pa'i phyir dang zad pa dang mi skye ba shes pa dag bden pa'i yul can yin ba'i phyir ma gtogs so de dang lhan cig 'byung ba'i chos rnams zhes bya ba ni/ /tshor ba la sogs pa sems las byung ba rnams dang/ /de dag gi thob pa dang skye ba la sogs pa rnams te/ /de dag dang rang gi ngo bo mi 'dzin no/ /ci'i phyir rang gi ngo bo mi 'dzin zhe na/ /yul dang yul can tha dad ba'i phyir te/ yul ni yul can las tha dad de/ /rang gi bdag nyid la bya ba 'gal ba'i phyir sor mo'i rtse mo dang ral gri'i so ni de nyid kyis mi reg cing mi gcod pa bzhin no/ /chos mngon pa pa rnams ni gang zhig ma tshang bas gang mi skye ba de ni de'i rkyen yin na rang gi ngo bo ma tshang bas dngos po rnams mi skye ba yang ma yin te/ /rang gi ngo bo rtag tu yod pa'i phyir de skyen nyid ma yin no/ /zhes zer ro/ /'di la dpyad pa byas na brjod par bya ba mang du 'byung bas spros pas chog go /gal te sems dang sems la byung ba rnams rang gi ngo bo'i yul can ma yin na/ /'o na phan tshun gyi yul can du 'gyur ro/ zhe na/ bshad pa phan tshun gyi yul can ma yin te/ /dmigs pa cig pa'i phyir ro/ /sems dang sems las byung ba rnams ni dmigs pa gcig pa'i phyir/ /phan tshun yul can nyid yin na ni rang gi ngo bos dmigs par mi 'gyur te/ /de nyid yul dang yul can tha dad pa med do /de lta na ni 'o na rang gi tshogs pa dang ldan pa ma yin par 'dzin par 'gyur te/ yul dang yul can tha dad pa'i phyir ro/ /zhe na/ de'i phyir ha cang nye ba'i phyir zhes bya ba smos te/ /ldan pa ma yin pa 'dzin pa yang

  915. 458a

    ma yin te/ /ha cang nye ba'i phyir mig la gnas pa'i mig sman dang mig sman gyi thur ma la sogs pa mi mthong ba bzhin no/ /mdo las kyang skad cig ma gcig la chos thams cad yul yin pa med do zhes bya ba mthong ste/ /'di skad du/ /dge sbyong ngam bram ze yang rung/ /gang cig car thams cad shes pa 'am mthong ba de ni 'ga' yang med do zhes bya ba yin no zhes 'byung ngo/ /de ni sa rnam par chad pa la dmigs pa'i phyir ro zhes bya ba ni bar chad med pa dang rnam par grol ba'i lam rnams go rims bzhin du sa 'og ma dang gong ma la dmigs pa'i phyir ro/ /sbyor ba dang khyad par gyi lam dag gi dmigs pa yang ci rigs par sa gcig pur 'ga' zhig kho na yin gyi/ /thams cad ni ma yin no/ /nges par 'byed pa'i cha dang mthun pa'i sbyor ba'i lam gyis bsdus pa gang gi dmigs pa 'dod pa'i khams yin pa de'i gzugs dang gzugs med pa'i khams ma yin no/ /de bzhin du gang gi gzugs dang gzugs med pa'i khams yin pa de'i 'dod pa'i khams ma yin no/ /de bzhin du mi sdug pa dang tshad med pa dang zil gyis gnon pa'i skye mched la sogs pa dang/ /rnam par sun 'byin pa dang/ /khyad par can gyis bsdus pa'i dmigs pa ni 'dod pa'i khams kho na yin gyis khams gzhan dag ni ma yin no/ /de ltar ma yin na zhes bya ba ni gal te sa thams cad la dmigs pa yin na ni de lta na sa thams cad las cig can 'dod chags dang bral bar 'gyur te/ /sa 'og ma la yin pa 'ba' zhig tu ma zad kyang? sa gong dang 'og ma las kyang 'dod chags dang bral ba kho na shes pa cig dang ldan par ma zad kyi/ /'phags pa yang/ zag med skad cig dang po la/ /chags can shes pa gcig dang ldan/ /chags can zhes khyad par du

  916. 458b

    byas ba ni /'dod chags dang bral ba ni sdug bsngal la chos shes pa'i bzod pa la gzhan gyi sems shes pa dang ldan pa'i phyir ro/ /zag med skad cig dang po la zhes bya ba ni bzod pa rnams zhes bya ba'i bdag nyid ma yin pa'i phyir kun rdzob shes pa gcig pu kho na ldan no zhes ston pa'o/ /gnyis pa la gsum ste zhes bya ba ni sdug bsngal la chos shes pa de nyid chos shes pa dang sdug bsngal shes pa gnyis su bgrang ngo/ /bzhi la re re 'phel dang zhes bya ba 'byung ste/ chos shes pa dang sdug bsngal shes pa ni yongs su bgrang ba zin to/ /da ni rjes su shes pa dang kun 'byung dang 'gog pa dang lam shes pa rnams yongs su bgrang bar bya ba yin pas de'i phyir/ /bzhi la zhes bya ba la sogs pa smos so/ /lam la chos shes pa rnams la ni bdun dang ldan pa yin no zhes bya ba ni kun rdzob dang chos dang/ /rjes su shes pa dag dang/ /sdug bsngal la sogs pa shes pa bzhi dang ldan no/ /lam la rjes su shes pa la yang de dag kho na dang ldan te/ /rjes dang lam shes pa dag ni sngar bgrang zin pa'i phyir ro/ /'dod chags dang bral ba zhig yin na ni thams cad du zhes bya ba ni mthong ba'i lam gyi skad cig ma bco lnga la ni pha rol gyi sems shes pa 'jig rten pa lhag par ldan no/ /de ltar byas na zag pa med pa'i skad cig dang po la ni kun rdzob dang/ /gzhan gyis sems shes pa gnyis dang ldan la/ /gnyis pa ni bzhi dang ldan no zhes thams cad du rgyas par brjod par bya'o/ /lam la rjes su shes pa ni zag med pa dang yang ldan te/ /des ni gnas skabs der gzhan gyi sems shes pa'i phyir mi 'ong ba'i 'bras bus bsdus pa rnyed do/ /yang gnas skabs gang du shes pa du dag gcig thob ce na zhes bya ba 'byung ngo/ /yang 'thob pa zhes bya ba 'di de yang ci zhig ce na/ /gang zhig brten pa thob pa rnyed pa thob pa zhes

  917. 459a

    bya ba ni dge ba'i chos la goms pa dang dbang phun sum tshogs pa'o/ /de la brten pa thob pa ni mngon du gyur ba'o/ /rnyed pa thob pa ni lam ma 'ongs pa thob pa'o/ /dge ba 'dus byas rnams te nyon mongs pa can ma yin zhing lung du ma bstan ma yin pa'o/ /khyad par 'dod ba'i 'bras bu med pa'i phyir dge ba 'dus ma byas rnams yin te/ /'bras bu med pa'i phyir dang rang gi rgyud la mnyam par 'byung ba mi ldan pa'i phyir ro/ /de'i rigs can ma 'ongs pa thob pa yin no/ /rigs gzhan ni ma yin te/ /yul gzhan yin zhing bya ba so so ba yin pa'i phyir ro zhes kha cig go/ 'di ltar sdug bsngal la chos shes pa'i bzod pa skyes pa na bzod pa de nyid ma 'ongs pa de'i rnam pa gzhi 'thog par 'gyur ro/ /de bzhin du sdug bsngal la chos shes pa skyes pa na yang de nyid ma 'ongs pa de'i rnam pa bzhi 'thob par 'gyur ro/ /de bzhin du thams cad la brjod par bya'o/ /bsgom pa'i lam la ni shes pa skal ba mnyam pa'i rnam pa thob pa yang yin pas de'i phyir/ /ci'i phyir mthong ba'i lam la shes pa 'dra ba'i rnam pa kho na thob ces dris te/ /shes pa thun mongs pa las shes pa'i rnam pa kho na dris kyi bzod pa'i rnam pa rnams ma yin no/ /de lta ma yin na 'di ltar ci'i phyir mthong ba'i lam la skal ba mnyam pa'i bzod pa dang shes pa'i rnam pa dag 'thob pa nyid yin zhes dro bar bya dgos so/ /rigs rnams ma thob pa'i phyir zhes bya ba la/ /ji ltar na mi rtag pa dang sdug bsngal ba dang stong pa dang bdag med pa rnam pa bzhi phan tshun skal pa mnyam pa yin zhe na/ /bzod pa la sogs pas bsdus pa'i phyir dang/ /dmigs pa tha mi dad pa'i phyir ro/ /de la sdug bsngal la chos shes pa'i bzod pa skyes na de'i rigs

  918. 459b

    'thob cing de'i rnam pa bzhi'i rigs 'thob pa 'gyur gyi sdug bsngal la chos shes pa la sogs pa rnams la ma yin te/ /rigs tha dad pa'i phyir dang dmigs pa tha dad pa'i phyir ro/ /yang mi rtag pa la sogs pa'i rnam pa rnams las rnam pa cig mngon du gyur na rnam pa lhag pa rnams kyi rigs 'thob pa gang yin pa 'di la rgyu ci zhig yod ce na/ dmigs pa mtshungs pa'i skal ba 'dra ba nyid kyis so/ /'dir sdug bsngal la chos shes pa'i bzod pa skyes pa gang yin pa de nyid thams cad kyi skal pa mnyam pa'i rgyu nyid du gnas pas de skyes pas thams cad kyi rigs rnams thob bo zhes bya ste/ /de bzhin du sdug bsngal la chos shes pa skyes pa nas ji srid lam la rjes su shes pa'i bzod pa skyes pa'i bar du de'i rigs rnams dang de'i rnam pa rnams thob par 'gyur bas de nyid bsgom par 'gyur ro/ /gzhan ma yin zhes bya ba la/ /bsgom pa'i lam la ni skal ba 'dra ba dang skal pa 'dra ba ma yin pa'i shes pa thams cad dang de'i rnam pa rnams mngon du gyur pas thams cad kyi skal ba mnyam pa'i rgyu thob par 'gyur bas der shes pa'i rnam pa khyad par du 'phags pa ma 'ongs pa 'thob par 'gyur ro/ /rigs rnams ni sdug bsngal la chos shes pa'i bzod pa la sogs pa rnams kyi skad cig gnyis pa la sogs pa rnams la bsgom pas thob pa ma yin pa'i phyir dang lam gyis drangs te 'gro ba ma yin pa'i phyir ro/ /rjes gsum la ni kun rdzob kyang zhes bya ba 'dir ni kun rdzob shes pa khyad par can gzung gi thams cad ni ma yin no/ /chos shes pa dag la ni ma yin te/ /bden pa zad par mngon par ma rtogs pa'i phyir ro zhes bya ba 'byung ste/ /de ni bden pa mngon par rtogs pa'i mthar 'thob na/ /chos shes pa dag la ni bden pa zad par mngon par rtogs pa med do/ /'di ltar sdug bsngal

  919. 460a

    dang kun 'byung dang 'gog pa la chos shes pa pa dag gi ni gzugs dang gzugs med par rtogs pa'i sdug bsngal dang kun 'byung dang 'gog pa rnam par mi rtogs pas don byas zin pa ma yin pa'i phyir chos shes pa dag la mi 'thob po/ /zhes gzhan dag zer ro/ /dmigs pa dang rnam pa pa ri dza yo hi na d+harma dz+nyA na Sha dyu bi pa ri sa mA bta i ti/ /chos shes pa la de thob pa'i phyir mngon par rtogs pa'i bar du 'gyur gyi mngon par rtogs pa'i mdza' las byung ba ma yin no/ /de la gzugs na spyod pa'i mngon par rtogs pa'i mdza' las byung ba rnams ni 'dod pa na spyod pa rnams las khams kyi sgo nas khyad par du 'phags so/ /kun 'byung ba la sogs pa rnams la 'dod pa na spyod pa rnams ni rgyud kyi sgo nas/ /rgyu nye bar bsags pa'i rgyud la de'i thob pa'o/ /lam ni sngon 'jig rten pa'i lam gyi mngon par ma rtogs pa'i phyir dang zhes bya ba ni/ thog ma med pa can gyi 'khor ba na sdug bsngal dang kun 'byung dang 'gog pa kun rdzob bshes pas mngon par ma rtogs pa rnams so/ /yongs su shes pa dang spangs pa dang mngon sum du byas pa'i sgo nas kyang mthong zhing dmigs pa dang mngon par rtogs so/ /'di ltar phyi rol ba'i lam gyis sa 'og ma sdug bsngal gyi sgo nas yongs su shes so/ /de las gzhan bas kun 'byung spong ba dang 'gog pa mngon du byed do/ /yang na mthong zhing dmigs pa dang mngon par rtogs pa'i sgo nas kyang mngon par rtogs par byed do/ /sdug bsngal gcig bstan pa sdug bsngal las shes pas sa bon la sogs pa rgyu'i sgo nas shes pa'i phyir 'jig rten pa'i 'dod chags dang bral bas nyon mongs pa spang ba dang 'gog pa shes pa ste/ /go rims bzhin du mngon par rtogs pa gsum

  920. 460b

    skye ba'i phyir ro/ /kha cig tu zag pa med pa kho na mngon par rtogs pa ma yin te/ /ji skad du mdo las bdag nyid tshul bzhin yid la byed pa brtsams te/ /'di ltar yang dag pa ji lta ba bzhin mngon par rtogs par gyur te/ /'di lta ste skye ba'i rkyen gyis rga shi zhes bya ba la sogs pa'o/ /gzhan yang ji ltar sdug bsngal ba de ltar sdug bsngal ba mngon par rtogs pa 'byung bas thams cad du nges par yod pa ma yin pas gang gi phyir 'ga' zhig gi tshe lam dang lam ma yin pa'i rnam pa ma rtogs pas de'i phyir 'bras bu thun mongs pa nyid kyi phyir gsum rnams la re re ste bden pa mngon par rtogs pa'i mthar kun rdzob shes pa thob par 'gyur ro/ /lam rjes su shes pa la ma yin te/ /lam ni thams cad du sngar mngon par ma rtogs pa'i phyir ro/ /da lta mod kyi nges par 'byed pa'i cha dang mthun pa'i gnas skabs su byed pa de lta na yang de mngon par rtogs pa zhes mi bya ste/ /nyon mongs pa spangs pa'i sgo nas bden pa rnams ma mthong ba'i phyir ro/ /de skad du yang/ /'jig rten pa'i yang dag pa'i lta ba ni sprin dang bcas pa'i mtshan mo gzugs mthong ba bzhin zhes so/ /gang gi de mngon par rtogs pa de'i rnam pa kho na de mngon par rtogs pa'i mthar 'thob bo/ /zad par mngon par ma rtogs pa'i phyir ro/ /zhes bya ba ni lam zhes bya bar snyoms so/ /lam thams cad ni sus kyang bsgom par mi nus so/ /gzhan gyi rgyud la yod pa bsgom par mi nus la rang gi rgyud la yod pa'i rnyed zin pa ni brgya'i cha yang mngon du bya bar mi nus so/ /de'i tshe kun 'byung yang thams cad spangs pa ma yin pas zhes bya ba ni kun 'byung la rjes su shes pa'i tshe'o/ /gang zhig ma spangs zhe na/ /'gog pa lam mthong bas spang bar bya ba'i nyon mongs pa rnams te/ /de'i phyir lam la rjes su shes pa ltar

  921. 461a

    kun 'byung la rjes su shes pa'i tshe yang mngon par rtogs pa'i mdza' las byung bar mi 'gyur ro/ /sdug bsngal ni khams gsum pa ste sdug bsngal la rjes su shes pas thams cad yongs su shes par byas pas de ma smos so/ /de'i bden pa mthong bas spang par bya ba zhes bya ba ni kun 'byung gi bden pa mthong bas spang bar bya ba'o/ /'gog pa yang de bzhin te gzhan mthong bas spang par bya ba thams cad mngon du byas pa'o/ /rigs med ba'i phyir zhes bya ba rigs ni nus pa'i khyad par dang ldan pa'i rgyud yin la/ /lam 'di la nyan thos la sogs pa'i rigs kyi dbye bas rigs mang po zhig yod pas na rigs mang po'o/ /nyan thos kyi rigs la sogs pa'i dbye bas tha dad pa'i lam thams cad ni bsgom par mi nus te/ /mngon du bya bar mi nus zhes bya ba'i tha tshig te/ /gang yang rung ba zhig mngon du 'gyur na gang yang rung ba zhig gi so sor brtag pa ma yin pas 'gog pa 'thob pa'i phyir ro/ /dus ring pos de bsgom med pa'i phyir zhes bya ba ni/ /kha cig na re/ /kun 'byung gi bden pa ma lus pa spangs pas ni lam ma lus pa'i lam bsgom pa yod srid do/ /rigs du ma yin pa'i phyir ro zhes zer ro/ /de lta na mngon par rtogs pa'i mdza' las byung ba nyid kun rdzob shes par mi 'gyur bas snga ma kho na bzang ngo/ /mthong ba'i lam gyi 'khor yin pa'i phyir ro/ /zhes zer te/ /zhes bya ba ni kun rdzob shes pa ni 'di yin la/ /lam la rjes su shes pa ni bsgom pa'i lam yin te/ /de'i phyir der mi thob po zhes zer ba'o/ /'di ni sgrub par bya ba yin pa'i phyir/ /zhes bar byed pa ma yin no/ /zhes bya ba ni mthong ba'i lam gyi 'khor kho na yin gyi/ /bsgom pa'i lam gyi 'khor ram/ /lam gnyi ga'i 'khor ma yin no/ zhes bya ba

  922. 461b

    'di ni bsgrub par bya ba yin te/ /gcig tu mthong ba'i lam ni zag pa med pa yin pa'i phyir ro/ /gzhan dag na re mthong ba'i lam gyis 'khor zag pa dang bcas pa nyid yin pa sgrub par bya ba yin no zhes zer ro/ /gcig kho nar/ /de ni mi skye ba'i chos can yin zhes bya ba la ci'i phyir zhe na/ /de'i rten mi skye ba'i chos can yin pa'i phyir te/ /de ni dad pa dang chos su rjes su 'brang pa'i rten kho nas mngon du byed pa srid na/ /mthong ba'i lam na ni de dag skye ba'i go skabs med de/ /dad pa dang chos kyi rjes su 'brang ba'i brten dag kyang de'i gong rol na mi skye ba'i chos can yin ba'i phyir de mi skye ba'i chos can nyid yin no/ /ji ltar de thob pa/ /yin zhes bya ba ni/ /gal te mngon du mi byed na snyam du bsams pa'o/ /ma rnyed pa las rnyed pa'i phyir ro zhes bya ba la/ /de ni thog ma med pa can gyi 'khor bar snga ma rnyed pa las bden pa gsum mngon par rtogs pa'i mthar rnyed pas ma rnyed pa las rnyed pa zhes bya'o/ /ji ltar rnyed pa yin zhes bya ba rgyas par 'byung ste/ /de skyo ba'i nus pa thob ba nyid ni rnyed pa'o/ /de skye'i nus pa rnyed na ji ltar mngon du mi byed/ /'on te mngon du mi byed na ji ltar rnyed de/ /mi rnyed pa nyid do snyam du bsams pa'o/ /'thob pa'i sgo nas zhes bya ba ni gang gi phyir gnas skabs der de'i 'thob pa skye ste/ /des na de'i tshe rnyed do zhes brjod kyi/ /skye'o zhes bya ba ni ma yin no/ /gang gi phyir rnyed pa de'i phyir rnyed do/ /zhes bya ba ni thob pa dang rnyed pa'i sgra la khyad par med pa'i phyir ro/ /ston pa 'di ni sngon ma byung ba'i rnam pa yin no zhes bya ba ni rigs pa dang bral ba'i phyir ram sngar ma thos pa'i phyir sngon ma byung ba ste/ /sngar sus kyang de nyid nges par bya ba'i phyir de nyid ma bstan pas ston pa mngon ma byung ba'i rnam pa yin no/ /slob dpon 'dus bzang na re/ /de'i thob pa rnyed pa'i phyir mngon du gyur pa'i skabs

  923. 462a

    yod pa ni dbang du gyur pa nyid de ltar rtogs par yin gyi/ /de'i mngon du gyur pa'i skabs yod pas mngon du byed pa ni ma yin no/ /de nyid kyi phyir de thob pa zhes bya ste/ /mngon du gyur pa'i khyad par rtogs pa'i phyir chos kha cig gi thob pa ni cig car mngon du 'gyur ro/ /dper na zad ma shes pa kha cig gi thob pa mngon du 'gro ba can mngon du gyur pa dang de bzhin du mi skye ba shes pa dang slob pa'i yang dag pa'i lta ba dag gi khams thams cad las kha cig gi thob pa med par mngon du gyur pa yang pa ma yin pa lta bu'o/ /yang dbang du gyur pa nyid ces bya ba ci zhe na/ /gal te de skyed pa'i nus pa de'i lam gyi khyad par kho na las 'dir 'gyur ba'o/ /yang thob pa yongs su rtags pas ci /'on te thob pa nyid do zhe na/ /de lta na yang brjod par mi bya'o/ /de'i thob pa rnyed pa'i phyir mngon du gyur pa'i skabs yod pa ni dbang du gyur pa nyid rtogs pa yin no zhes zer ro/ /de yang dad pa dang chos kyi rjes su 'byad pa'i rten gyi skyed pas de lta na 'di mi sgrub po /sngon gyi slob dpon rnams kyi skad zer ba zhes zer ba ni/ /rnal 'byor spyod pa pa rnams ni mthu'i sgo nas kun rdzob shes pa 'thob kyi/ /mngon du gyur pa'i sgo nas ni ma yin te/ /langs pas mngon du byed pa'i phyir ro chos khyad par du 'phags pa zhes bya ba ni gzhan 'jig rten pa'i kun rdzob shes pa pas zhes bya ba'i tha tshig go/ gzhan ni bden pa mthong ba'i bden pa ma dmigs pa nyid kyi khyad par du 'phags pa'i phyir rtogs pa la dpyod pa yin pas ches khyad par du 'phags pa yin no/ /'thob pa med na ji ltar ma 'ongs pa de rnyed ce na de'i phyir/ /de nyid de rnyed pa yin te/ /zhes bya ba rgyas par smos so/ /rigs las byung

  924. 462b

    ba yang rnyed pa yin no/ /zhes bya ba ni dper na thob pa dang ldan pa rnyed pa bzhin no snyam du bsams pa'o/ /rigs ni de skyed par nus pa'o rgyu'o/ /de nas byung ba ni rigs las byung ba'o/ /'di skad bstan par 'gyur te/ /de mngon sum du 'byung par nus pa'i rten rnyed na rten res skyes pa de yang rnyed par 'gyur ro/ /bye brag tu smra ba rnams ni 'di mi 'dod do zhes bya ba ni de ni mthong ba'i lam gyis thob bar bya ba yin no/ /de bsgom pa'i lam du ji ltar mngon sum du byed par 'gyur/ /de nyid kyi phyir de mi skye ba'i chos can du rnam par bzhag gzhi'o/ /sa du ba'i kun rdzob shes pa de 'thob ce na/ /mthong ba'i lam 'dod pa na spyod pas mtshungs pas bdun pa'o/ /cig car thams cad 'thob bam ci zhe na/ /ma yin te/ /'o na ci zhe na/ /mthong ba'i lam gang gis sa pa yin pa zhes rgyas par 'byung ste/ /'di ltar mthong ba'i lam bsam gtan bzhi pa'i sa pa yin na zhes bya ba la sogs pa'o/ /mthong ba'i lam bsam gtan dang po'i sa pa yin nas gsum pa'i 'thob ste/ /'dod pa na/ spyod pa dang mi lcogs pa med pa dang bsam gtan dang po'i sa pa rnams so/ /bsam gtan khyad par can gyi sa pa yin na rnam pa bzhi ste/ /bshad pa thag pa rnam pa gsum pa dang bsam gtan khyad par khyad par can gyi sa pa'o/ /de bzhin du bsam gtan gnyis pa dang gsum pa'i sa la re re la 'phel bas bsam gtan bzhi pa'i sa pa'i bar du rang gi sa pa dang 'og ma'i sa pa rnams te drug 'thob po/ /yang mthong ba'i lam gang yin pas rang dang sa 'og ma'i 'thob kyi sa gong ma pa'i ma yin pa rgyu ci zhe na/ /mthong ba'i lam ni rang dang 'og ma'i sa pa'i kun rdzob shes pa yang la rten? nas/ /nus pa'i bdag nyid du byed kyi/ /sa gong ma khyad par du gyur pa'i phyir sa gong ma las ma yin no/ /de'i phyir rang dang 'og ma'i sa pa? kho

  925. 463a

    na'i 'thob kyi gong ma'i sa pa'i ma yin no/ /'gog pa mngon par rtogs pa zhes rgyas par 'byung ba la/ /'gog pa ni lus dang sems dang tshor ba dang mtshan nyid mi mthun ba'i phyir dmigs ba'o/ /chos dran ba nye bar bzhag pa ni ltag ma ste dran pa nye bar bzhag pa bzhi rnams so/ /sdug bsngal dang kun 'byung ba dag mngon par rtogs pa'i mdza' las byung ba dran pa nye bar bzhag pa rnams te/ /phung po lnga la dmigs pa'i phyir ro/ /rang bden rnams can/ zhes bya ba ni gang zhig bden pa gang mngon par rtogs pas 'thob pa de'i ni de rang gi bden pa ste/ /sdug bsngal mngon bar rtogs ba na kun rdzob shes pa gang thob pa de ni mi rtag pa la sogs pa'i rnam pa'o/ /de bzhin du kun 'byung ba dang/ 'gog pa la yang brjod par bya'o/ /de'i dmigs pa yang bden pa de nyid yin no zhes bya ba la sogs pa 'byung ngo/ /de'i dmigs pa can ma yin pa ni de'i rnam pa can nyid du mi rung ba'i phyir ro/ /rnam ba ni dmigs ba 'dzin pa'i rnam pa'i/ /'bad las byung zhes bya ba ni skye bas thob pa ma yin no zhes bya ba'i tha tshig go/ /phung po bzhi dang lnga'i rang bzhin yin no zhes bya ba ni 'dod pa na spyod ba la rjes su 'brang ba'i gzugs med pa'i phyir phung po bzhi'i rang bzhin no/ /gzugs na spyod pa ni bsam gtan gyi bsdom pa'i gzugs yod pa'i phyir phung po lnga pa yin no/ /chags bcas bcu drug pa la drug ces bya ba ni rgyun du zhugs pa dang lan cig phyir 'ong ba'o/ /phyir mi 'ong ba ni 'dir mi gzung ste 'dod chags dang bral ba'i phyir ro/ /shes pa gnyis de ltar byung ba yin la zhes bya ba ni lam la rjes su shes pa kho na gnyis su brtsi'o/ /lam shes pa dang rjes su shes pa yang ngo/ /ma 'ong pa drug 'thob ste zhes bya ba ni/ /rgyun du zhugs pa dang lan cig phyir 'ongs bas shes pa drag

  926. 463b

    'thob pa de'i phyir de dag nyid ma 'ongs pa 'thob ste/ /ches khyad par du 'phags pa rnams kyi thob pa dag skye zhes bya ba'i don te/ /'dod chags dang ni bral bas bdun zhes bya ba ni skad cig ma bcu drug pa kho na la ste/ /mthong ba'i lam la ni 'dod chags dang bral bas kyang gzhan gyi sems shes pa mi 'thob ste/ /de ni mngon sum du bya bas rab tu phye ba yin pa'i phyir la de na yang de'i skabs med pa'i phyir ro/ /de nyid kyi phyir/ /de ni bar chad med pa'i lam thams cad la yang mi 'thob bo/ /de yang zag pa med pa kho na zhes bya ba ste/ /lhag ma bcu drug pa la kun rdzob shes pa bkag pa'i phyir ro/ /ji srid 'dod chags dang bral bar ma gyur pa zhes bya ba la/ /rnam par grol ba'i ye shes kyi lam dgu ba 'dod chags dang bral ba yin na/ /de'i phyir rnam par grol ba'i lam dgu ba ma gtogs pa gzhan gang dag 'dod ma'i 'dod chags dang bral bar byed pa sbyor ba'i lam la sogs pa de dag tu gzhan gyi sems shes pa dang zad pa dang mi skye ba shes pa dag ma gtogs pa shes pa bdun 'thob bo/ /bsgom pa'i lam gyis 'bras bu ni bden ba gsum mngon par rtogs pa bzhin du kun rdzob shes pa thun mong ba ste/ /de'i phyir lam shes pa la yang bsgom pa'i lam la kun rdzob shes pa 'thob bo/ /gal te bsgom pa'i lam 'jig rten pa zhig yin na ni zhes bya ba la sogs pa ni gal te 'phags pas 'jig rten pa'i lam gyi 'dod par gtogs pa'i bsgom pas spang bar bya ba zad par byed na de'i phyir kun rdzob shes pa da ltar byung ba yin no/ /ci ste 'jig rten las 'das pas zad par byed na de'i phyir chos shes pa gzhi las zhes bya ba ste/ sdug bsngal dang/ /kun 'byung dang/ /'gog pa dang/ /lam la chos shes pa rnams las gang yang rung ba zhig da ltar byung ba yin te/ /'dod chags dang bcas pa'i bsgom pa'i lam ni 'dod pa'i sdug bsngal

  927. 464a

    la sogs pa'i spyod yul can kho na yin pa'i phyir ro/ /gzhan gyi sems shes pa ni mthong ste/ de ni 'dod chags dang ma bral ba med pa'i phyir ro/ /de dag nyid do zhes bya ba ni chos dang/ /rdzas dang/ /sdug bsngal dang/ /kun 'byung dang/ /'gog pa dang/ /lam dang/ /kun rdzob shes pa rnams so/ /'dod pa'i khams las 'dod chags dang bral yang gzhan gyi sems shes ba mi thob ste/ /de ni bar chad med pa'i lam la bkag pa'i phyir ro/ /gal te bsgom pa'i lam 'jig rten ba zhig yin na ni zhes bya ba la bsgom pa'i lam ni rnam pa gnyis te/ /'jig rten dang 'jig rten las 'das pa'o/ /de la sa bdun las 'dod chags bral ba la sogs par ci rigs par gal te bsgom pa'i lam 'jig rten pa yin na ni kun rdzob shes pa da ltar byung ba yin no/ /'jig rten las 'das pa zhig yin na ni rjes su shes pa bzhi zhes bya ba ni sdug bsngal dang kun 'byung dang 'gog pa dang lam la rjes su shes pa rnams las gang yang rung ba zhig ste/ /thams cad cig car mngon sum du 'gyur ba mi srid pa'i phyir ro/ /chos shes pa gnyis las zhes bya ba ni 'gog pa dang lam dag gi chos shes pa dag la zhes bya ba'o/ /srid pa'i rtse mo'i gnyen po ma yin pa'i phyir ro/ /zhes bya ba ni/ kun rdzob shes pa srid pa'i rtse mo'i gnyen po med de/ /sa gong ma'i nyer bsdogs med ba'i phyir la/ /mi g.yo ba'i sems rnam par grol ba yang srid pa'i rtse mo'i gnyen pos rab tu phye ba yin no/ /der ni zad pa shes pa bdun pa pa yin par rig par bya'o/ /yang ci'i phyir rer zad pa shes pa kho na 'thob kyi mi skye ba shes pa yang mi 'thob ce na/ /mi g.yo ba'i chos can gyi rtogs pa'i phyir bar chad med ba'i lam la gnas pa yang ste/ /'di ma lus pa dus kyi

  928. 464b

    rnam par grol ba nyid do/ /mi g.yo ba'i chos can gyis kyang mi skye ba shes pa 'thob po/ /bar chad med pa'i lam la gnas pa 'di ni mi g.yo ba'i chos can ma yin pas der mi skye ba mi 'thob bo/ /shes pa bdun 'thob bo zhes bya ba ni/ /kun rdzob dang zag pa dang shes pa mi skye ba shes pa ma gtogs pa'o/ /gal te kun rdzob shes pa mi 'thob na gzhan gyi sems shes pa ji ltar 'thob ce na/ /gzhan gyi sems pa ni rnam par grol ba'i lam gyis bsdus pa dang/ /zag pa med pa yin pas 'thob pa'i/ /kun rdzob shes pa srid pa'i rtse mo'i gnyan bo ni/ /yod pa ma yin pas mi 'thob bo/ /re zhig rigs pa ni gzugs dang gzugs med pa'i 'dod chags dang bral ba rjes su shes pa mngon du gyur pa na 'gog pa dang lam gyi chos shes pa gang yin pa 'thob bo// de dag kyang de'i spong ba gnyen po yin pa'i phyir rjes su shes pa ni 'dod pa'i khams kyi gnyen po ma yin no/ /sdug bsngal dang kun 'byung ba chos shes pa dag gzugs dang gzugs med pa'i khams dag gi ma yin na/ /de dag ji ltar de'i gnyen po po mngon du byed ce na/ /ma 'ongs ba 'thob par rung ngo/ /srid pa'i rtse mo la 'dod chags dang bral bas kyang kun rdzob shes pa thob pa thal bar 'gyur ro/ /'di med de gnyen po de nyid ma 'ongs pa thob par khas blangs pa med do/ /de la rag las pa'i phyir ma 'ongs pa 'thob pa yin no/ /ji ltar mthong ba'i lam la kun rdzob shes pa rnams rgyu nye bar bsags pa'i sgo nas 'dod ba'i khams las 'dod chags dang bral ba'i rjes su shes pa ni gzugs dang gzugs med pa'i khams las 'dod chags dang bral ba sdug bsngal kun 'byung la chos shes pa dag lta bu'o gal te 'dod pa'i khams las 'dod chags dang bral ba la rjes su shes pa mi 'thob na/ /mthar gyis pa'i phyir mi 'ong ba la rjes su shes pa mngon du gyur pa dang/ /dgra bcom

  929. 465a

    pa yang sdug bsngal dang kun 'byung la chos shes pa dag tu mi 'gyur ro/ /ci'i phyir zhe na/ /sngar thob pa nyams pa'i phyir dang/ /sngon med pa ma thob pa'i phyir ro/ /de'i phyir rigs thob pa ni shes pa'i skal pa mnyam pa'i rgyu'i sgo nas shes pa snga ma'i rgyu mthun pa'i 'bras bu ngo bor skyes pa'o/ /rgyu nye bar bsags pa ni gnyen po ma yin yang ma 'ongs pa na 'thob pa yin no/ /kun rdzob shes pa ni gnyi ga dag gis zhes bya ba ni shes pa'i 'dod chags dang bcas pa dang 'dod chags dang bral ba dag gi rnam par grol ba'i lam la thob pa'o/ /ci'i phyir 'jig rten pa'i lam gyis kyang so so skye bo rnams dbang po sbyor ba byed ce na/ /kha cig na re/ /'bras bu thun mongs pa yin pa'i phyir kun rdzob shes pa yang 'thob bo/ /zhes zer ro/ /sbyor ba'i lam la de gnyis kyis zhes bya ba ni 'dod chags dang bcas pa dang 'dod chags dang bral ba de gnyis kas kyang dbang po spyod pa'i sbyor ba'i lam la sngar bshad pa chos dang rjes su shes pa la sogs pa 'ba' zhig tu ma zad kyi/ /kun rdzob shes pa yang thob po/ /de ltar na 'dod chags dang bral bas ni sbyor ba'i lam shes pa bdun 'thob po/ /'dod chags dang bral bas ni brgyad 'thob po/ /gal te sbyor ba'i lam la kun rdzob shes pa 'thob na rnam par grol ba'i lam la ci'i phyir rtsod ce na/ /mthong ba'i lam dang 'dra ba'i phyir te mthong ba'i lam la mngon par rtogs pa'i mdza' las byung ba 'thob po/ /gzhan dag na de 'dir mngon par rtogs pa yod pa ma yin pas mthong ba'i lam dang 'dra ba zhes brtsod do/ /zhes zer ro/ /mthong ba'i dang 'dra ba'i phyir ro/ /zhes bya ba dbang po dag sbyor ba na rgyun du zhugs pa la sogs pa'i 'bras bu rnams las gang yang rung ba 'bras bu 'dus byas dbang po rnon pos

  930. 465b

    bsdus pa 'thob po zhes bya ba ni mthong ba'i lam dang 'dra ba yin no/ /der bar chad med pa'i lam la kun rdzob shes pa thob pa yang ma yin pa de bzhin du 'dir yang bar chad med pa'i lam la kun rdzob shes pa thob pa med do/ /gnyen po ma yin pa'i phyir zhes bya ba ni gzhan gyi sems shes pa ni mngon par shes pa'i bdag nyid yin pa nyid kyis rnam par grol ba'i lam gyis bsdus pa'i phyir gnyen po yin pa nyid de/ /'dir ni spong ba'i gnyen po la gnyen por 'dod do/ /de bzhin srid rtse rnam rgyal la/ /zhes bya ba ni ji ltar dbang po sbyor? na 'dod chags dang ma bral bas rnam par grol ba'i lam dang/ /'dod chags dang bral yang rung bas bar chad med pa'i lam la shes pa drug 'thob pa de bzhin du srid pa'i rtse mo las 'dod chags dang bral ba'i bar chad med pa'i lam rnams la yang chos dang rjes dang sdug bsngal dang kun 'byung dang 'gog pa dang lam shes pa drug kho na 'thob po/ /gzhan gyi sems shes pa mi 'thob ste/ /bar chad med pa'i lam la bkag pa'i phyir ro/ /kun shes pa yang mi 'thob ste/ /srid pa'i rtse mo gnyon po ma yin pa'i phyir ro/ /bar chad med pa'i lam dag tu kun tu sbyor ba ma zad pa'i phyir zad pa dang mi skye ba shes pa dag kyang mi 'thob po/ /zad pa shes pa la dgu'o/ /zhes bya ba dus kyis rnam par grol bas ni zad pa shes pa la shes pa dgu 'thob par 'gyur te/ /yongs su nyams pa srid pa'i phyir mi skye ba shes pa ni ma yin no/ /zag pa zad pa shes pa'i sa thams cad pa'i yon tan zag pa dang bcas pa rnams 'thob par 'gyur ba'i phyir kun rdzob shes pa yang 'thob po/ /dus gyis rnam par grol ba gang zhig mi g.yo ba nyid du 'pho ba de'i rnam par grol pa'i lam tha ma la yang mi skye ba shes pa bsnan te bcu 'thob po/ /bshad pa'i lhag

  931. 466a

    ma la brgyad 'thob ces bya ba la bshad pa'i lhag ma ni bshad pa las gzhan ma bshad pa'o/ /bshad pa lhag ma de la zad pa dang mi skye ba shes pa ma gtogs pa shes pa brgyad po thams cad 'thob po/ /'dod pa'i khams las 'dod chags dang bral ba'i rnam par grol ba'i lam dgu pa zhes bya ba 'byung ngo/ /ji ltar zhe na/ /de'i gong ma chags bcas kyi/ /bsgom pa'i lam la bdun 'thob bo zhes 'byung ba'i phyir rnam par grol ba'i lam dgu pa lhag ma yin no/ /de bzhin du sa bdun po las 'dod chags dang bral ba dang mngon par shes pa dang/ /spel mar bsgom pa dag gi rnam par grol ba'i lam rnams kyang lhag ma yin no/ /ji ltar zhe na/ /sa bdun las rgyal mngon shes dang/ /mi g.yo 'thob dang spel sgom pa'i/ /bar chad med pa'i lam dag dang zhes 'byung ba'i phyir ro/ /sa bdun las rgyal ba la sogs pa rnams la rnam par grol ba'i lam rnams lhag ma yin no/ /de bzhin du mi g.yo ba rtogs byed pa'i rnam par grol ba'i lam brgyad lhag ma yin te/ /'di ga las zhe na/ /de'i rnam par grol ba'i lam tha ma yang bcu 'thob po/ /zhes 'byung ba'i phyir mi g.yo ba rtogs par byed pa'i rnam par grol ba'i lam brgyad lhag ma yin no/ /'dod chags dang bral ba'i sbyor ba dang khyad par can gyi lam thams cad lhag ma yin te/ /ma bshad pa'i phyir ro/ /shes pa brgyad ma 'ongs pa 'thob pas 'thob ste zhes bya ba rgyas par 'byung ngo// slob pa'i ni de lta bu yin no zhes bya ba la/ /ci zad pa dang mi skye ba shes pa ma gtogs pa shes pa brgyad po rnams 'thob sam zhe na/ /mi slob pa'i yang mngon par shes pa la sogs pa'i sbyor ba dang rnam par grol

  932. 466b

    ba dang khyad par gyi lam rnams su'o/ /sogs pa zhes bya ba'i sgras ni de la mar bsgom pa la sogs pa bsdu'o/ /mngon par shes pa mngon par bsgrub pa dang/ /spel bsgom pa'i sbyor ba dang/ /rnam par grol ba dang khyad par gyi lam gang dag yin pa de dag la shes pa dgu 'am bcu ma 'ongs pa thob pas 'thob ste/ /dus kyi rnam par grol bas ni mi skye ba shes pa ma gtogs pa dgu 'thob po/ /mi g.yo ba'i chos can gyis ni mi skye ba shes pa bsnan te/ /bcu 'thob po/ /brgyad dam dgu 'thob po/ /zhes bya ba ni dus kyis rnam par grol bas ni gzhan gyi sems dang mi skye ba shes pa ma gtog pa brgyad 'thob po/ /mi g.yo ba'i chos can gyi gzhan gyi sems shes pa ma gtogs pa dgu 'thob ste/ /de ni bar chad med pa'i lam thams cad la bkag pa yin no/ /mngon par shes pa'i rnam par grol ba'i lam rnams la shes pa dguAm bcu 'thob po zhes khyad par med par smos pa'i phyir mig dang rna ba'i mngon par shes pa'i rnam par grol ba'i lam gnyis la yang thal bar 'gyur bas de'i phyir mngon par shes pa'i rnam par grol ba'i lam gnyis ni zhes bya ba rgyas par smos so/ /mig dang rna ba'i mngon par shes pa dag ni lung du ma bstan pa yin pas de'i phyir de dag gi rnam par grol ba'i lam lung du ma bstan pa yin la/ /chos lung du ma bstan pa la ni ma 'ongs pa thob pa med do/ /lung bstan min ni thob lhan cig skye zhes 'byung ba'i phyir ro/ /so so skye bo zhes bya ba rgyas par 'byung ba ni/ /'dod pa las 'dod chags dang bral ba dang bsam gtan gsum las 'dod chags dang bral ba'i rnam par grol ba'i lam tha ma rnams la kun rdzob shes pa dang/ /gzhan gyi sems shes pa ma 'ongs pa 'thob po/ /yang bsam gtan bzhi pa las 'dod chags dang bral ba'i

  933. 467a

    yang ci'i phyir ma brjod ce na/ /de ni nam mkha' mdza' yas skye mched kyis bsdus pa yin na/ /gzhan gyi sems shes pa bsgom pa med pa'i phyir ro/ /gang du sa bdun las rgyal 'phags pa ni gzugs med pas bsdus pa'i rnam par grol ba'i lam rnams su gzhan gyi sems shes pa bsgom par gsungs pa de zag pa med pa'i gzhan gyi sems pa'i dbang du byas te de ltar sbyor ba'i mdza' o/ /mngon par shes pa gsum gyis rnam par grol ba'i lam rnams dang/ /tshad med pa la sogs pa'i yon tan mngon par sgrub pa rnams ni/ /sbyor ba rnams dang mngon par shes pa gsum gyi rnam par grol ba'i lam rnams dang/ /tshed? med ba la sogs pa'i yon tan mngon par sgrub pa rnams te/ /bsam gtan gyis pa de rnams la kun rdzob shes pa ma 'ongs pa dang/ /gzhan gyi sems pa thob bo/ /bsam gtan gyi sa pa dag ces bya ba ci'i phyir zhe na/ /gzhan gyi sems shes pa gnyer bsdogs gyi sa ba med par ston pa'o/ /'di skad bstan par 'gyur te/ /bsam gtan dang po las 'dod chags dang bral bar bya ba la gal te dang po'i sbyor ba yin na ni kun rdzob shes pa dang gzhan gyi sems shes pa 'thob bo/ /gal te bsam gtan gnyis pa'i nye bar bsdogs kyi sbyor ba yin na ni kun rdzob shes pa kho na 'thob po/ /bsam gtan gsum pa las 'dod chags dang bral bar bya ba'i yul yang de bzhin du rigs par bya'o/ /bsam gtan bzhi pa las 'dod chags dang bral bar bya ba la gal te de nyid sbyor ba yin na ni kun rdzob dang gzhan gyi sems shes pa dag thob/ /gong ma'i gnyer bsdogs kyi yin na ni/ /kun rdzob shes pa kho na 'thob po/ /mngon par shes pa gsum gyi

  934. 467b

    rnam par grol pa'i lam la yang shes pa gnyis kho na thob po/ /mngon par shes pa gsum gang zhe na/ /rdzu 'phrul gyi yul shes pa dang/ /sngon gyi gnas rjes su dran pa shes par ngo?/ /sems kyi rnam pa shes pa'o/ /tshad med pa la sogs pa zhes smos pa ci'i phyir zhe na/ /rnam par thar pa dang/ /zil gyis gnon pa'i skye mched dang/ /zad par gyi skye? mched la sogs pa'i yon tan mngon par sgrub pa dag gi bsam gtan gyis pa'i sbyor ba dang rnam par grol ba'i lam gang dag yin pa de rnams la yang kun rdzob shes pa ma 'ongs pa dang gzhan gyi sems shes pa 'thob ste/ /gzhan gyi shes pa de ni bsam gtan gyis dngos gzhis bsdus pa'i phyir ro/ /zhes bstan pa'i phyir ro/ /nges par 'byed pa'i cha dang mthun pa dag ma gtogs pa zhes bya ba ni nges par 'byed pa'i cha dang mthun pa bsam gtan gyi sa pa dag kyang yod mod kyi/ /de dag la ni gzhan gyi sems shes pa mi 'thob ste/ /mthong ba'i lam gyi 'khor yin pa'i phyir dang/ mthong ba'i lam ngal? gzhan gyi sems shes pa bkag pa'i phyir ro/ /sngon med pa'i lam 'thob pa gzhan gyi la ni zhes bya ba ni 'dod pa dang bsam gtan gsum las 'dod chags dang bral ba'i rnam par grol ba'i lam tha ma las gzhan pa'i sbyor ba dang bar chad med pa rnam par grol ba'i lam de bzhin du mngon par shes pa gsum dang chad med pa la sogs pa yon tan mngon par sgrub pa rnams dang gang dag bar chad med pa'i lam dang bsam gtan bzhi ba la 'dod chags dang bral ba'i bar chad med pa'i dang rnam par grol ba'i lam rnams dang sa gong ma'i nyer bsdogs kyi sbyor ba'i lam dang/ /gzugs med pa gsum la 'dod chags dang bral ba dang/ /de dag la brten pa yon tan mngon par sgrub pa dang sbyor ba dang bar chad med pa dang

  935. 468a

    rnam par grol ba'i lam ste/ /de ltar lam snga ma de rnams thams cad la ni kun rdzob shes pa kho na 'thob kyi/ /gzhan gyi sems shes pa ni ma yin te/ /de ni nyer bsdogs dang ba chad med pa'i lam dang gzugs med pa rnams su bkag pa'i phyir ro/ /yang lam gang la zhes bya ba rgyas par 'byung ba ni 'jig rten pa dang/ /'jig rten las 'das pa'i lam mngon sum du gyur pa la'o/ /lam sa gang ba zhes bya ba ni mi lcogs pa med pa la sogs pa'i sa ba'o/ /dang po nyid du sa 'thob pa zhes bya ba ni 'dod chags dang bral ba'i sgo nas bsam gtan dang po la sogs pa 'thob ste/ /sa de ba'i kun rdzob shes pa ma 'ongs pa 'thob bo/ /ji ltar zhe na/ gal te mi lcog pa med pa la rten te 'jig rten pa'i lam gyis 'dod pa las 'dod chags dang bral nas bsam gtan dang po 'thob po bsdogs pa med pa'i sa ba dang/ bsam gtan dang po'i sa ba'i kun rdzob shes pa 'thob po/ /de bzhin du bsam gtan gnyis pa'i nyer bsdogs la rten te dang por sa gang 'thob na/ /kun rdzob shes pa bsam gtan gnyis pa'i sa pa dang/ /de'i nyer bsdogs kyi sa 'thob bo/ /srid pa'i rtse mo'i bar du yang de dang 'dra ste/ /de nga? yang srid pa'i rtse mo'i sa pa dang de'i nyer bsdogs kyi sa ba 'thob po/ /gang las chags bral bya phyir zhes bya ba ni sa gang las 'dod chags dang bral bar bya ba'i phyir ro/ /'jig rten pa dang/ /'jig rten las 'das pa'o/ /sbyor ba'i lam la sogs pa pa zhes bya ba ni rnam pa bzhi char yang ngo/ /de'i sa pa dang sa 'og ma'i zag pa med pa'i shes pa 'thob po/ /ji ltar zhe na/ /dper? na rnam shes mdza' yas skye mched las 'dod chags dang bral bar bya ba'i phyir/ /ci yang med pa'i skye mched kyi nyer bsdogs kyis bsdus pa'i 'jig rten pa'i lam mngon du byed pa'am/ /rnams shes mdza' yas skye mched kyi zag pa med pa

  936. 468b

    de nyid mngon sum du byed pa na/ /rnams? shes mdza' yas skye mched kyi bdag nyid kyi sa gang las/ /'dod chags dang bral bar bya ba'i don du lam du mngon du byed pa dang/ /de yang 'thob po/ /'og ma yang ji srid mi lcogs pa med pa'i sbyor ba dang bar chad med pa'i lam dang rnam par grol ba'i lam brgyad rnams su yang sa gong ma thams cad sa 'og ma rnams kyi gnyen po yin pa'i phyir ro/ /gang thob ba zhes bya ba ni gang gis thob pa'o/ /de'i sa pas ni sa 'og ma 'thob po/ /dper na rnam par grol ba'i lam dgu pa la ci yang med kyi skye mched kyi sa thob pa dang de la brten pa'i sa thob pas der zag pa med pa'i shes pa thob pa dang/ /'og ma mi lcogs pa med pa'i bar thob pa bzhin nam/ /gang zhig 'dod pa'i khams las 'dod chags dang bral nas/ /bsam gtan dang po rnyed pa des bsam gtan dang po'i sa pa dang/ /mi lcogs pa med pas bsdus pa'i yon tan dag thob pa bzhin no/ /de bzhin du srid pa'i rtse mo'i bar las 'dod chags dang bral bar 'gyur bas sa 'og ma'i yon tan zag pa med pa thob par 'gyur ro/ /yang zhes bya ba'i dang pos ni de'i sa ba 'ba' zhig tu ma zad kyi/ /'o na ci zhe na/ /gzhan gyi sa ba yang 'thob par 'gyur ro/ /zhes bstan la/ /yang zhes bya ba'i sgra nyid bas kyang 'jig rten las 'das pa 'ba' zhig tu ma zad kyi/ /'o na ci zhe na/ 'jig rten pa yang nga? zhes bstan to/ /gzhan dag ni don 'di nyid 'di ltar ma chad par byed de/ /sa dang lam mngon du gyur pa ni gang/ /sa'i shes pa thob pa du zhe na/ /re shigs sa thams cad du rang gis pa'i lam mngon du byas pa na rang gi sa pa kho na'i kun rdzob shes pa 'thob po/ /zag pa med pa la ni khyad par 'di yin te/ sa 'og ma pa rnams kyi sa ni ma 'ongs pa 'thob po/ /bsam gtan dang po'i sa ba'i zag pa med pa'i lam la sngar ma thob pa mngon du gyur pa na ma 'ongs pa dang bsten

  937. 469a

    pa zag pa med pa'i sa ba'i shes pa 'thob po/ /de bzhin du ci yang med kyi skye mched kyi bar de srid du rim gyis de ltar brjod do/ /mthong ba'i lam la dbang po 'pho ba la yang gang 'dod chags dang bral bar phyir thob pa gang yin pa de 'og tu yang 'thob bo/ /sa gang las 'dod chags dang bral ba las kyang lam gang yin pa de mngon du byas pa na sa gong ma pa mang 'thob po/ /dper na ci yang med kyi skye mched kyi bar la 'dod chags dang bral ba srid pa'i rtse mo la 'dod chags dang bral ba dang mi lcogs pa med pas bsam gtan dang so mngon du byed pa bzhin no/ /des dgu las zag pa med pa'i shes pa 'thob pa ni sa la 'dod chags dang bral ba'i sgo nas 'thob po/ /de'i sa pa rnams kyang 'thob po/ /kun rdzob shes pa yang sa 'og ma pa'i lam mngon du gyur pa na sa gang yin pa de'i dang po nas 'thob po/ /de'i sa pa ma 'ongs pa 'thob po/ /ji ltar bsam gtan dang pos gnyis pa dang 'dod chags dang bral ba la rnam par brol ba'i lam dgu ba gnyis pa 'jig rten pa yang 'thob pa bzhin no zhes zer ro/ /zad pa shes la zag bcas kyang zhes bya ba la/ dgra bcom pa nyid thob na yid kyi sa pa'i thod pa dang bsam pa dang bsgom pa las byung ba dang/ /mi sdug pa dang dbugs 'byung ba dang rdub ba dran pa la sogs pas thams cad pa dag 'thob po/ /ci ltar zhe na/ 'dod pa'i khams su skyes pa nas ji srid srid pa'i rtse mor skyes pa'i bar sa dgu po rnams so/ /de bzhin du sa gong ma mngon du gyur pa na sa 'og ma ba'i kun rdzob shes pa yang 'thob po/ /zhes bya bar grub pa yin no/ /sprog ma thag pa bcad de zhes bya ba rgyas par 'byung ba ni dper na sprog ma thag pa gzhungs te/ /bcings pa thag pa bcad de dbugs byin pa lta bu ste/ de nyid

  938. 469b

    du sprog ma dang chos mtshungs pa de lta bu bar chad med pa'i lam dgu pa rdo rje lta bu'i ting nge 'dzin gyis nyon mongs pa'i thob pa bcad pa las ji skad bshad pa'i yon tan mi sdug pa la sogs pa mi slob pa'i rgyud la yod pa rnams thob pa'i sgo nas dbugs phyin pa lta bur 'gyur te/ /cher spyangs pa rnams kyi thob pa skye zhes bya ba'i tha tshig go /rang gi sems la rgyal srid chen po nyi thob na zhes bya ba la lhag pa'i rgyal po'i rgyal srid chen po'o/ /de'i dngos po ni rgyal srid chen po nyid do/ /rang gi sems la rgyal srid chen po nyid de thob par rang gi sems la rgyal srid chen po nyid thob pa ste/ /rang gi sems la dbang thob pa'i phyir ro/ /dge ba'i chos mi sdug pa la sogs pa'i thob pa 'bul ba dang/ /'dra ba rnams kyi bsu ba byed pa'i phyir te/ /dper na rgyal srid chen po thob na yul rnams kyis gos dang rgyan la sogs pa'i 'bul bas bsu ba bzhin no/ /'dir gnas kyis gnas pa bstan pa'o/ /de lta ma yin na khyad par can gyis brjod par bya ba yin no// gang gi rnyed pa zhes bya ba la/ /bsam gtan la sogs pa mngon du byed pa de thams cad ma 'ongs ba thob 'am zhe na/ /de ni yong ba ma yin te sngon rnyed zin pa mi 'thob po/ /gang zhig rnyed pa rnam par nyams pa las yang rnyed pa de yang mi 'theb po/ /gang mngon ma rnyed pa las rnyed pa de 'thob po/ /'khor bar ma 'dris par zag pa med pa dang de dang mthun pa gang yin pa de ni mngon du gyur na/ /de dang 'dra ba ma 'ongs pa khyad par can 'thob ste/ /'bad nas mngon du byed pa'i phyir ro// 'di ltar rnyed pa'i lam ni 'bad pas mngon du byed pa'i phyir ro/ /'di ltar rnyed pa'i lam ni 'bad pas sngon du byed pas des 'phangs pa stobs dang ldan pa'i phyir 'ongs pa 'thob kyi/ /sngon rnyed pa ni 'bad ba med par mngon du 'gyur te//

  939. 470a

    de bsgom shing rnyed pa'i phyir dang/ /tshar cig dga' ba med pa'i phyir dang/ /shin tu mngon du 'gyur pa'i phyir ma 'ongs pa mi thob po/ /'thob pa ni rnam pa bzhi ste grangs bstan pa ni nges par gzung bar bya ba'i phyir ro/ /rnyed pa'i 'thob pa zhes bya ba ni yon tan gang yang rung ba goms pas yon tan gang yang rung ba 'thob po/ /rnyed pa nyid thob pa yin pas na rnyed pa'i 'thob pa'o/ /bsten pa'i thob pa zhes bya ba la bsten pa ni chos thob zin pa mngon du byed pa'o/ /bsten pa nyid thob pa yin pas na bsten pa'i thob pa'o/ /gnyen pa'i thob pa zhes bya ba la gnyen po ni lam ste/ /gnyen po nyid thob pa yin pas na gnyen po'i thob pa'o/ /de ni lus la sogs pa rnams kyi lus la sogs pa'i gnyen po rtogs pa las lus bsgom pa zhes bya ba lta bu ste/ /de bzhin du zag pa dang bcas pa'i chos gzhan dag kyang yin no/ /kha cig na re lus gyi gnyen po ni bsam gtan bzhi pa las 'dod chag dang bral bar byed pa'i lam gang yin pa'o zhes zer ro/ /gzhan dag na re gzugs kyi 'dod chags zad par byed pa'i bar chad med pa'i lam yin no zhes zer ro/ /de bzhin du gzhan la yang brjod par bya'o/ /thag bsring ba'i zhes bya ba la thag bsring ba'i thob pa de yang nyon mongs pa'i thob pa bcad pa'o/ /nyon mongs pa'i 'thob pa bcad pa las thob pa skye bar mthong ba yin no/ /lus la sogs pa rnams kho na de dmigs pa'i nyon mongs pa spong ba'i thabs su rnyed pa ni thag bsrid pa'i thob pa'o/ /zhes kha cig zer ro/ /lus la dmigs pa'i nyon mongs pa spangs pa las thag bsrid pa'i thob pa ste lus bsgom pa zhes bya'o/ /de bzhin du gzhan yang zag pa dang bcas pa'i

  940. 470b

    chos rnams la bsten pa thob pa gcig bu bstan pa nyid kyis gnyen po dang thag bsrid pa thob pa yang mtshon te/ de'i rnam grangs nyid kyis de bshad do/ /ma 'ongs pa rnams kyi ni gcig go zhes bya ba ni rnyed pa'i thob pa'o/ /de ltar byung ba rnams kyi ni gnyi ga'o zhes bya ba ni bsten pa 'thob pa'o/ /de ltar na zhes bya ba rgyas par 'byung ste/ /gang gi phyir rnyed pa dang bsten pa thob pa ni bye brag med par bshad pa'i phyir dge ba 'dus byas zag pa dang bcas pa dang zag pa med pa rnams kyi yin no/ /gnyen po dang thag bsring pa 'thob pa dag ni bye brag med par bshad pa'i phyir zag pa dang bcas pa nyon mongs pa can dang/ nyon mongs pa can ma yin pa rnams kyi yin pa de'i phyir de ltar na dge ba zag pa dang bcas pa rnam kyi 'thob pa gzhi yin te/ /dge ba 'dus byas yin pa'i phyir dang po nyid yin la/ /zag pa dang bcas pa'i phyir phyi ma gnyis yin no/ /de'i phyir de ltar na de dag gi ni thob pa bzhi yin no/ /zag pa med pa rnams kyi ni gnyis yin te snga ma nyid do// nyon mongs pa can lung du ma bstan pa rnams kyi ni gnyis te tha ma'o/ /de bzhin du bsdom pa'i 'thob pa dang rnam par 'jig pa'i thob pa'o/ /zhes bya ba la sdam pa nyid thob pa yin pas na sdom pa'i thob pa'o/ /de ni dbang po'i bsdom pa dran pa dang shes bzhin gyi bdag nyid dang/ /dbang po drug po 'di dag shin tu dul ba dang/ /shin tu sbas pa dang/ shin tu bsrungs pa dang/ shin tu bsdams pa dang/ shin tu bsgom pa ni phyi ma la rnam par smin pa bde bar 'gyur ro/ zhes 'byung ngo/ /rnam par 'jigs pa nyid 'thob pa yin pas na rnam par 'jigs pa'i 'thob pa'o/ /de ni lus la dmigs pa'i nyon mongs pa thag bsring ba ste/ /'di skad du/ /lus 'di la/ /skra dang/ spu dang/ so dang/ sen mo dang/

  941. 471a

    dang/ dri ma dang/ pags pa dang/ sha dang/ rus pa dang/ rgyus pa dang/ rtsa dang/ mkhal ma dang/ snying dang/ mchin pa dang/ glo ba dang/ rgyu ma dang/ gnye ma dang/ pho ba dang/ long ka dang/ ? ba dang/ mtsher ba dang/ bshad pa dang/ mchi ma dang/ rdul dang/ 'chil ma dang/ snabs dang/ rkang dang/ chu ser dang/ gzhungs pa dang/ tshil dang/ bad kan dang/ rnag dang/ /phrag dang/ klad pa dang/ klas rgyas dang/ gcin rnams yod do/ /zhes 'byung ba lta bu'o/ /de dag ni grangs bzhin du gnyen po dang thag bsring ba'i thob pa'i nang du 'dus so/ /de la dbang po bsdom pa'i thob pa ni dran pa dang shes bzhin yin pas gnyen po'i thob par grub na/ /rnam par 'jig pa'i thob pa ni ji ltar thag bsring ba'i thob par grub ce na/ /'di ltar de ni lus la dmigs pa'i nyon mongs pa thag bsring ba'i mtshan nyid yin no/ /de na gnyen po'i thob pas bsdus par yang mi 'gal te yon tan thob pa spyir bshad pas so/ /yon tan gyi thob pa ma 'dres pa zhes bya ba la/ /'dres pa ni 'dus pa'o/ /ma 'dres ni 'dres pa med de/ /zla med pa zhes bya ba'i don to/ /'di dag ma 'dres pa'i gang zag gi yin pas na ma 'dres pa ste/ /de nyid kyi phyir thun mongs ma yin pa ni ma 'dres pa'o zhes bshad par bya ste/ /gang dag de kho na'i yin gyi gzhan gyi ma yin na'o/ /gnas dang gnas min shes pa bcu zhes bya ba la/ /gnas dang gnas ma yin pa mkhyen pa'i stobs zhes bya ba 'di ci zhig ce na dge slong dag gnas ni gnas su yang dag pa ji lta ba bzhin du rab tu shes so/ /gnas ma yin pa ni gnas ma yin pa'o/ /zhes yang dag pa ji lta ba bzhin du rab tu shes so zhes bya ba

  942. 471b

    'di ni bcom ldan 'das nyid kyi rgyas par bshad de chos thams cad kyi rang bzhin dang nus pa dang/ /gnas dang gnas ma yin pa'i nges pa mkhyen pa'o/ /de mi srid par mkhyen pa ni gnas ma yin pa mkhyen pa'o/ /nA pyA yaM swa b+hA be ne yaM kri yA bi b+ha ba tI tya nu dz+nyA naM ni ra ba she Sha sa twa pa twa paM khya ta bi kha yaM/ /a tai ba tsa sarba dzyA nA ba bo d+ha /tha paM kNa bo k+tAM tpa kri ta sh+ra mo na shak+to ba bod+d+hu me ti/ /de nyid kyi phyir rab tu dbye ba rnam pa dgu ste 'di'i dper brjod pa bcom ci ni 'di rang zhan ldan bya ba 'das kyi 'byung rjes su ya bas ma lus sems can dang sems can/ ma yin par dgrang ba'i yul la 'ang nyid du/ /ye shes dang rtogs pa thams cad mdor bsdus de 'da' nyid byas de la pha dang ma nus pa dang rtags par 'dod) gsungs pa/ /'di ni gnas med cing go skabs med de/ /gang lus kyi nyes pas spyod pa dang ngag dang yid kyi nyes par spyod pas rnam par smin pa 'dod pa dang sdug pa dang yid du 'ong ba 'grub pa 'di ni gnas med do/ /'di ni gnas yod de gang lus kyis nyes par spyod pa spangs pa zhes kyis cher 'byung ro/ /gnas dang gnas ma yin pa dag las gang yang rung ba zhig bstan pas cig shos kyang bstan par 'gyur ba ma yin nam/ /ci'i phyir gnyi ga bstan ce na/ /'di ni da ltar yin med kyi/ /gnas mkhyen pas ni rgyu med par smra ba bkag par ston la/ /gnas ma yin pa mkhyen pas ni mi mthun pa'i rgyur smra ba dgag par stan pas gnyi ga nye bar bstan to/ /yang ci ltar gnas dang gnas ma yin pa'i mkhyen pa'i stobs nyid la rnam pa dgur dpe zhe na/ /la sa bdag gir bya ba mkhyen pa'i stobs na ri zhig gnas dang gnas ma yin pa mkhyen pa'i stobs so/ /gnas ma yin pa ni nyes par spyod pa las rnam par smin pa yid du 'ong ba'o/ /gnas ni yid du mi 'ong ba gang yin pa'o/ /bzlog pa ni legs par spyod pa'i gnas ma yin pa'o//

  943. 472a

    'grib pa'i cha dang mthun pa nyid dang 'grib pa ma yin pa zhes bya ba la/ /gnas gang yin pa dang/ bzlog pa las dbang po gang dag yin pa dang 'bras bu dang rtogs pa de dag yongs su ma rdzogs pas 'bras bu rnams thob pa ni gnas ma yin pa'o/ /bzlog pa ni gnas so/ /sman pa la smos pa 'am sdig pa'i bsam pa can khyad par du 'gro bar 'gyur pa ni gnas ma yin pa'o/ /gya nom pa la sogs pa 'am dge ba'i bsam pa can ni gnas so/ /gang rang bzhin tha dad pa'i sems can phan tshun mthun pa ni gnas ma yin no/ /gang rang bzhin tha mi dad pa'i gnas so/ /'jig tshogs la lta ba kun du 'gro ba'i lam gyis mya ngan las 'das par grol bar 'gyur pa ni gnas ma yin no/ /'jig tshogs kun du 'gro ba ma yin pas mya ngan las 'das par 'gro ba ni gnas so/ /sngon gyi mdza' i thog ma yod pa ni gnas ma yin no/ /gang thob ma med pa ni gnas so/ /gang skye ba'i kun du sbyor ba ma spangs pa 'chi 'pho dang/ /skye bar mi 'gyur pa gnas ma yin no/ /gang skye ba ni gnas so/ /sarba nA n+ya tse ta a s+tha nAM pA ya da ya sa two du rga tiM ga mi Sh+ya tya ya su ga ti dz+nyA naM tu Sha Db+ha bi Sh+ya tI ta/ /gang tshul bzhin ma yin pa yid la byed pas zag pa rnams zad par 'gyur pa ni gnas ma yin no/ /gang tshul bzhin yid la byed/ (thams cad bzhin pas sems can ni/ gnas ma yin 'am ?/ gang nas 'di sems can so ngan 'gro ba zhes bde 'gro bya/ shes pa ni drug tu 'gyur zhes so/) de lta bu la sogs pa rnams so/ /mdor na gnas dang gnas ma yin pa ni 'dus byas dang 'dus ma byas so/ /de la 'dus byas ni rnam pa brgyad du dbye bar bya ste/ khams gsum pa dang zag pa med pa mtshungs par ldan pa dang ldan pa ma yin pas dbye ba rnams so/ /'dus ma byas ni gnyis te dge ba dang lung du ma bstan

  944. 472b

    pa'i dbye bas so/ /de la kun rdzob shes pa'i dmigs pa ni rnam pa bcu char yin no/ /chos shes pa'i ni lnga ste/ /'dod pa na spyod pa dang zag pa med pa dang mtshungs par ldan pa dang/ /ldan pa ma yin pa dang/ /'dus ma byas dge ba'o/ /de bzhin du rjes su shes pa la sogs pa rnams kyi yul yang ci rigs par de ltar byas na gnas dang gnas yin pa'i stobs ni shes pa bcu yin no/ /las 'bras la brgyad ces bya ba la/ /las 'di dang 'di'i rnam par smin pa ni 'di dang 'di'o zhes rnam par dbye ba la mkhas shing thog pa med pa ni las kyi rnam par smin pa mkhyen pa'i stobs so/ /las kyi rnam par smin pa mang khams gsum pa'i chos mtshungs par ldan pa dang ldan pa ma yin pa yin la/ /de mkhyen pa'i stobs ni shes pa brgyad rnams so/ /de dag kyang sdug bsngal dang kun 'byung gis bsdus pa yin pas de'i phyir 'gog pa dang lam shes pa dag /ma gtogs so/ /zhes bya ba smos so/ /de la kun rdzob shes pa ni khams gsum pa'i las dang rnam par smin pa'i yul can no/ /chos shes pa ni 'dod par gtogs pa'i yul can no/ /rjes su shes pa ni gzugs dang gzugs med par gtogs pa'i yul can no/ /sdug bsngal kun 'byung ba dang zad pa dang mi skye bshes pa dag kyang ci rigs par brjod par bya'o/ /gzhan gyi sems shes pa yang ci rigs par 'dod pa na gzugs su gtogs pa dge ba dang mi dge ba'i sems dang sems las byung ba'i yul can no/ /bsam gtan sogs/ /dbang po smos dang zhes rgyas par 'byung ba ni/ /gang dag bsam gtan dang por yod pa de dag ni bsam sogs te/ /de dag ni rnam par thar pa dang/ /ting nge 'dzin dang snyoms par 'jug pa dag go /bsam gtan la sogs pa dang/ dbang po rnams dang/ /

  945. 473a

    mos pa rnams ni bsam gtan sogs/ /dbang po mos ste de dag la'o/ /de la bsam gtan ni bzhi'o/ /rnam par thar pa ni brgyad do/ /ting nge 'dzin ni stong pa nyid la sogs pa'o/ /snyoms par 'jug pa ni 'gog pa dang 'du shes med pa'i snyoms par 'jug pa dang/ /gzugs med pa bzhi ste/ /bsam gtan la sogs pa de dag gi rang bzhin dang/ /ming dang/ /thob pa dang/ /thabs dang/ phan 'dogs pa dang/ /ro myang ba dang/ /dge ba dang/ /zag pa med pa dang/ /nyams pa dang/ /gnas pa dang/ /khyad par dang/ /nges par 'byed pa'i cha dang/ /mthun pa la sogs pa'i don dag la mkhyen pa thog pa med pa gang yin pa de ni bsam gtan dang/ /ting nge 'dzin dang/ /snyoms par 'jug pa mkhyen pa'i stobs te/ /'di ni 'gog pa shes pa dgu yin no/ /ji ltar zhe na bsam gtan la sogs pa de dag ni mdor bsdus na 'jig rten pa dang 'jig rten las 'das pa'i lam gyi rang bzhin yin la de dag kyang mtshungs par ldan pa dang ldan pa ma yin pa'i bye brag gis re re zhing rnam pa gnyis su dbye'o/ /de la kun rdzob shes ba ni lam thams cad kyi yul can no/ /chos shes pa ni 'dod pa'i khams kyi gnyen po la dmigs pa'o/ /rjes su shes pa gzugs dang gzugs med pa'i gnyen po la dmigs pa'o/ /sdug bsngal dang kun 'byung shes pa dag ni zag pa dang bcas pa'i lam la dmigs pa'o/ /lam shes pa ni zag pa med pa dmigs pa'o/ /zad pa dang mi skye ba shes pa dag ni zag pa dang bcas pa dang/ /zag pa med pa la dmigs pa'o/ /gzhan gyi sems shes pa ni mtshungs par ldan pa'i lam la dmigs pa'o/ /dbang po mchog dang mchog ma yin pa mkhyen pa'i stobs zhes bya ba la/ /dad ba la

  946. 473b

    sogs pa'i dbang po rnams mchog ces bya ba ni gtso bo yin la/ /mchog ma yin pa zhes bya ba ni gtso bo ma yin pa ste/ /chung ngu dang 'bring dang chen po'i bye brag dang/ /zag pa dang bcas pa dang zag pa med pa'i bye brag la thogs pa med pa'i ye shes gang yin pa de ni dbang po mchog dang mchog ma yin pa mkhyen pa'i stobs so/ /yang dbang po rnams zag pa dang bcas pa dang zag pa med pa yin pa'i phyir shes pa dgu yin no zhes rgyas par sbyar bar bya'o/ /'dir 'dod par rtogs par dbang po rnams kyang yod pas chos shes pa sdug bsngal dang kun 'byung la dmigs pa yang yin no zhes bya ba ni khyad par ro/ /gzhan dag na re/ /dbang po rnams kyi bya ba 'jug pa'i phyir ro dbang po mchog dang mchog ma yin pa mkhyen pa zhes bya ste/ /gzhan gyi sems shes pa bzhin no/ /dbang po rnams kho na ni de'i dmigs pa ma yin no zhes zer ro/ /mdor sdu na sems can rnams kyi legs par 'thob pa'i nus pa rnam pa gsum thog pa med pa mkhyen pa ni dbang po mchog dang mchog ma yin pa mkhyen pa'i stobs so/ /mos pa sna tshogs mkhyen pa'i stobs zhes bya ba ni mos pa sna tshogs pa ni dman pa dang gya nom pa dag la 'dod pa ste/ /'dod pa dang mos pa zhes bya ba ni rnam grangs so/ /sems can rnams kyi 'dod pa sna tshogs pa thogs pa med par mkhyen pa ni mos pa sna tshogs mkhyen pa'i stobs so/ /mos pa de yang zag pa dang bcas pa dang zag pa med pa yin par snga ma bzhin du shes pa dgu yin no/ /khams sna tshogs mkhyen pa'i stobs zhes bya ba la/ /de la khams ni sems can rnams kyi sngon goms pa'i bsags chags so/ /de'i sems dang sems las byung ba khyad par can de dag yin no/ /dag la zag pa dang bcas pa dang zag pa med

  947. 474a

    pa'i dbye ba dang/ /khams kyi dbye ba byas te/ de dag la dmigs pa'i shes pa dgu sbyar bar bya'o/ /mdor bsdu na sems can rnams kyi sngon goms pas yang dag par 'grub pa'i bsam pa dang/ bag la nyal ba dang/ /chos rnams kyi rang bzhin sna tshogs pa thogs pa med par mkhyen pa ni khams sna tshogs mkhyen pa'i stobs so/ /lam dag bcu 'am zhes bya ba la/ /'am zhes bya ba ni yang na bcu zhes pa'o/ /de la lam ni mang ste/ /dmyal bar 'gro ba'i lam nas lhar 'gro ba dang/ 'gog par 'gro ba'i bar ro/ /'dis dmyal ba la sogs pa sgrub pas na dmyal bar 'gro ba'i lam ste rgyu'o/ /'gog par 'gro ba'i lam ste/ /bral ba thob par byed pa'i phyir 'dis 'gog pa sgrub par byed bas so/ /lam ni mdor bsdu na 'jig tshogs 'byung bar 'gro ba dang/ /'jig tshogs 'gog par 'gro ba'o/ /de la 'jig tshogs ni nye bar len pa'i phung po lnga'o/ /'byung ba ni 'dir skye ba la mngon par 'dod do// de bzhin du gzhan ni sdug bsngal gyi phung po 'ba' zhig pa kun 'byung ba'o zhes zer ro/ /'jig tshogs 'gog pa ni bral ba'o/ /'di la der 'gro ba'i ngang tshul yod pas na 'di ni 'jig tshogs 'gog pa 'gro ba'o/ /thams cad du 'gro ba yang de la lam yang yin pas na thams cad du 'gro ba'i lam ste/ /de mkhyen pa ni thams cad du 'gro ba'i lam mkhyen pa'i stobs so/ /'di skad bstan par 'gyur te/ /skye ba thams cad sgrub par byed pa dang/ /skye ba zad par byed pa'i chos rnams la thogs pa med pa'i mkhyen pa ni thams cad du 'gro ba'i lam mkhyen pa'i stobs yin no/ /de la gcig gi tshig ni lam gyi rigs la ltas pas te/ /dmyal ba dang dud 'gro dang yi dags dang mi dang lha

  948. 474b

    dang thar par 'gro ba zhes bya ba lam dag ni mang ngo/ /gal te lam 'bras bu dang bcas bar bzung na ni zhes bya ba la/ /lam gyis 'bras bu ni 'gog pa ste/ /bral ba'i 'bras bu yin pa'i phyir ro/ /gnyis ni kun rdzob shes pa yin zhes bya ba ni rang bzhin no/ /de dag gi mtshan nyid ni/ /bdag dang gzhan dag gi skye ba 'das pa gcig nas gcig tu brgyud pa dran pa la thog pa med pa'i mkhyen pa ni sngon gyi gnas rjes su dran ba mkhyen ba'i stobs so/ /sems can rnams kyi ma 'ongs pa'i srid par nyid mtshams sbyor ba la thogs pa med pa ni shi 'pho ba dang skye ba mkhyen pa'i stobs so/ /zad pa drug gam bcu yin no/ /zhes bya ba la/ gal te zag pa zad pa'i mkhyen pa'i stobs zag pa zad pa'i yul can nyid yin na/ /de ltar na shes pa drug gi bdag nyid de// gzhan gyi sems dang sdug bsngal dang kun 'byung dang/ /la mo shes pa dag ma gtogs so/ /'on te zag pa zad pa thabs dang bcas ba gzung na ni da lta na shes pa bcu ste/ /de skad du yang zag pa zad pa dang/ /de'i thabs la thogs pa med pa'i mkhyen pa ni stobs/ /zhes bshad do// 'dir stobs phyi ma gsum po 'di rnams ni phul ba dang bcas ba'i rig pa gsum mo/ /rdzu 'phrul dang lha'i rna ba'i mngon bar shes pa dag ni de bzhin gshegs pa'i thugs brgyud la phul du 'byung ba dang bcas pa dag tu yang mi gzung ste/ /ha cang don chab ma yin pa'i phyir ro/ /lha'i mig gis mtho ris kyi thabs dang rnam par smin pa mthong ste/ /de dang 'brel ba dang de'i las kyang shes ba don che ba'i phyir 'chi 'pho dang skye ba mkhyen pa'i stobs so/ /de dang 'dra bar 'dir rna ba la ma bshad pa nyid do/ /gzhan gyi sems shes pa'i stobs kyang tha dad par bshad ba dang bshad pa'i rang bzhin nyid las dbang po dang mos pa mkhyen pa'i stobs dag kho na de'i 'khor bshad do/ /thams cad mkhyen pa ni gzo dang bstan bcos thams cad mkhyen pa mnga' dbang brnyed pa yin pas phrin las grub pa yin la/ /khyad par shes bya rnam pa bcu so sor mkhyen

  949. 475a

    cing rtogs pas ni sangs rgyas nyid do/ /chos rnams kyi rgyu dang rgyu ma yin pa nges par gyur pas shes bya rnam pa bcu yang mnyam bar ma gzhag pa'i sa pa'i las sna tshogs dang mnyam par bzhag ba'i sa pa'i rnam pa'i dbye ba dang/ 'dul bya'i skye bo rnams kyi dbang po dang mos pa dang khams sna tshogs dang ngan 'gro rnam pa gsum gyi rgyu dang gnyen po dang sngon gyi mdza' dang 'dod chags dang bral ba dang mtshams sbyor ba rnams so/ /de ltar de bzhin gshegs pa rnams kyi ye shes pa bcus gdul bya rnams la yongs su gzigs pa nye bar 'jug go /gnas dang gnas ma yin pa mkhyen pa ni gdul bya skal pa dang ldan pa skal ba dang ldan pa ma yin pa rnams yongs su gzigs so/ /las bdag gir bya ba mkhyen pa las kyi sgrib ba rnams so/ /bsam gtan la sogs pa mkhyen pas ro myang ba dang ro myang ba ma yin pa nyid do/ /de yang nyon mongs pa'i sgrib pa nyid bstan pa las de'i stobs las rnam par smin pa'i sgribs pa nyid do/ /dbang po mkhyen pas ni rnam par byang ba'i nus pa mkhyen no/ /mos pa mkhyen pa ni sbyor ba dang gang gis sbyor ba'i khyad par mkhyen no/ /khams mkhyen pas ni bsam pa dang kun du 'gro ba mkhyen pas ni phan pa dang mi phan ba la rab tu 'jug pa dang ldog pa yang dag par rig go /sngon gyi gnas mkhyen pas ni kun du 'gro ba mkhyen na// lha'i mig gis ni nying mtshams sbyor ba'o/ /zag pa zad pa mkhyen pas ni rnam par grol ba'o/ /de ltar 'di dag gang yang rung ba ma tshang na ston pa'i las mdza' dag sgrub par mi nus so/ /sngon gnas 'chi 'pho skye ba'i chos/ /bsam gtan dag na zhes bya ba ni bsam gtan dag kho na ni mngon par shes pa'i rten ting nge 'dzin yod pa'i phyir ro/ /blo gsal ba'i phyir 'dzam bu'i gling pa rnams la sangs rgyas 'byung ba dang/ /stobs rnams sangs rgyas kyi rten can yin pa'i phyir thams cad

  950. 475b

    'dzam bu'i gling gi skyes pa'i rten can yin no/ /gzhan gyi stobs zhes mi bya'i zhes bya ba ni nyan thos sam rang sangs rgyas kyi'o/ /skye ba la sogs pa'i mdza' ma shes zhes bya ba la sogs pa zhes bya ba'i sgras ni 'chi 'pho ba'i shes pa bsdu'o/ /sred med kyi bu'i stobs zhes bya ba ni/ /stobs nyid kyi ming gi khyad par te/ gang la stobs de yod pa de yang sred med kyi bu zhes bya'o/ /bcom ldan 'das kyi phun sum tshogs pa ni gnyis te/ /rten phun sum tshogs pa ni gzugs kyi sku'o/ /rten pa phun sum tshogs pa ni stobs la sogs pa'i yon tan rnams so/ /gzhan dag tshig ni zhes bya ba la/ /gzhan dag na re/ sangs rgyas bcom ldan 'das kyi sku thams cad la sred med kyi bu'i stobs gcig yod pa ma yin te/ /'o na ci zhe na/ tshigs dang tshigs na'o zhes zer ro/ /de lta ma yin na mkhyen pa'i stobs mdza' yas pa bzod par mi 'gyur ro zhes bya ba la/ /de lta ma yin na zhes bya ba ni thugs kyi bzhin du sku'i stobs mi 'dod na'o/ /ci'i phyir zhe na/ sku la rten pa ni sku dang 'tsham pa yin te/ /sku dang thugs gnyis ni phan tshun mthun par byed pa'i phyir ro/ /bzod bar zhes bya ba ni bzod ba'i ngang tshul lo/ /klu bdud pa zhes bya ba la sogs pa 'byung ste/ de ltar tshig rnams na stobs bcings te yod zhes bya'o/ /de ni reg bya'i skye mched zhes bya ba ni/ stobs thams cad phan tshun kun tu dga' bas gnas par gzung ba'i phyir reg bya'i skye mched do/ /de yang rnam pa gnyis te 'byung ba dang 'byung ba las 'gyur ba yin pas de'i phyir 'byung ba mched pa'i khyad par zhes bya smos te/ /'byung ba las gyur pa ni ma yin no/ /bdun las don gzhan du gyur ba'i phyir zhes bya ba ni/ 'jam pa nyid la sogs pa rnams la'o/ /gzhan dag na re lci ba nyid stobs dang yang nyid nyams chung ba'o zhes zer/ mdo las ji skad du 'byung ba bzhin no/ /zhes bya ba ni/ kye ma mngon par rdzogs par sangs rgyas ba la 'di na

  951. 476a

    chos 'di dang mngon bar rdzogs par sangs ma rgyas so zhes ngal dge sbyong ngam bram ze 'am lha 'am bdud dam tshangs pa 'ang rung 'ga' yang chos dang mthun bas brgal zhing gleng bar byed pa'i rgyu mtshan yang dag par rjes su ma mthong ngo/ /de ltar des rgyu mtshan yang dag par rjes su ma mthong bas bde ba thob pa dang/ /'jigs pa med par gyur cing mi 'jigs pa thob par gnas te/ khyu mchog gi gnas rlabs bo che zhal gyis 'che zhing tshangs pa'i 'khor lo bskor/ /'khor gyi nang du seng ge'i sgra yang dag par sgrogs pa 'di ni mi 'jigs pa dang po'o/ /kye ma da? zag pa zad pa la 'di ni zag pa 'di dag ma zad do zhes ngal dge sbyong dam bram ze 'am zhes bya ba snga ma bzhin no/ /'di na nyan thos rnams la bar du gcod ba'i chos su gsungs ba gang dag yin pa de dag bsten na bar du gcod bar mi 'gyur zhes nga la dge sbyong ngam zhes bya ba snga ma bzhin no/ /'di na ngas nyan thos rnams la nges par 'byin pa'i lam du gsungs pa 'phags pa nges par 'byin pa nges par 'byed pa de nges par 'byung ba ma yin no/ /zhes nga la dge sbyong ngam bram ze 'am zhes bya ba snga ma bzhin te/ /'di ni mi 'jigs pa bzhin no zhes 'byung ngo/ /gnas dang gnas ma yin pa mkhyen pa'i stobs ji ltar zhes bya ba ni gnas dang gnas ma yin pa mkhyen pa'i stobs shes pa bcu dang sa thams cad kyis bsdus pa ji lta bar kye ma nga mngon par rdzogs par sangs rgyas par gyur pa la zhes bya ba'i mi 'jigs pa 'di yang de dang 'dra ste/ de kho na bzhin du chos rnam pa bcur phye nas sbyar bar bya'o/ /'di ni gnas ma yin pa'i mkhyen pa'i stobs nyid kyi rnam par bzhag pa'o/ /zag pa zad pa'i mkhyen pa'i stobs zhes bya ba ste/ de shes pa drug gam bcu dang/ /sa bcu gcig gis bsdus pa ji lta bar kye ma zag

  952. 476b

    pa zad par gyur ba la zhes bya ba'i mi 'jigs ba 'di yang de dang 'dra ste/ /'dir yang de kho na bzhin du chos rnams phye nas shes pa drug gam bcu dang bcu gcig par sbyar bar bya ste/ zag pa zad pa mkhyen pa'i stobs kho na rnam par gzhag pa'i phyir ro/ /las bdag gir bya ba mkhyen pa'i stobs ni 'gog pa lam shes pa ma gtogs pas thams cad kyi bsdus pa ji lta bar ngas gang dag nyan thos rnams la bar du gcod pa'i chos su gsungs pa zhes rgya cher 'byung ste/ /'dir yang de kho na bzhin du chos rnams phye nas sbyar bar bya'o/ /'di yang las kyi rnam par smin pa mkhyen pa'i stobs nyid kyi rnam par bzhag pa'o/ /kun du 'gro ba'i lam mkhyen pa'i stobs shes pa bcu 'am dgu dang/ sa thams cad yod ba ji lta bar nyan thos rnams kyi nges par 'byung ba'i lam du gsung pa la zhes bya ba'i mi 'jigs pa 'di yang de dang 'dra bar rig par bya'o/ /'di yang kun tu 'gro ba'i lam mkhyen pa'i stobs rnam par bzhag pa ste/ /de bzhin kho nar sbyar bar bya'o/ /mi 'jigs ba dang po'i khyad bar nyid mi 'jigs pa lhag ma rnams la yang sbyar te/ /gdul bya'i khyad par la bltos nas bcom ldan 'das kyis mang du rnam par bzhag ste/ stobs kyi rnam par bzhag pa bzhi yin no/ /rnam pa bzhi po 'di dag gis re zhig rang dang gzhan gyi phun sum tshogs pa'i rim pa ste/ /ye shes ni 'grib pa nye bar zhi ba'o/ /mi 'jigs pa snga mas ni bdag nyid kyi mkhyen pa phun sum tshogs pa bshad pa ma yin la/ gnyis pas ni spangs pa phun sum tshogs ba'o/ /ye shes dang spangs pa phun sum tshogs pa yang yongs su rdzogs pa ste bdag nyid phun sum tshogs pa dang gzhan phun sum tshogs par bya ba'i phyir te/ yang

  953. 477a

    dag pa ma yin pa'i lam bzlog pa'i phyir dang/ yang dag pa'i lam bstan pa'i phyir ro/ /de la de bzhin gshegs pas par du gcod pa'i chos su gsungs pa de dag slob ma rnams kyis spangs pas/ lungs pa phun sum tshogs pa'i thabs sgrubs par 'gyur la/ /nges par 'byung bar gsungs pa'i chos de dag yang dag par sgrubs pas ye shes phun sum tshogs pa'i thabs sgrubs par 'gyur ro/ /'di dag gis kyang ston pa phun sum tshogs pa bzhin du rang gzhan la ji ltar rigs par ye shes dang spangs pa phun sum tshogs pa rab tu gyur pa thob par 'gyur bas bzhi nyid do/ /ji ltar mkhyen pa nyid mi 'jigs pa yin/ /ji ltar na ma yin par 'gyur zhe na/ mi 'jig pa ni 'jig pa'i gnyen por gyur pa'i chos 'jigs pa dang bral ba nyid do/ /mkhyen pa ni 'jigs pa dang bral bar mi 'gyur ro zhe na/ da ni de lta ma yin te/ de gang dang ldan pas 'jig pa med par 'gyur ba de ni 'jigs pa med pa nyid de ye shes rnam pa bzhi dang ldan pas 'jig pa med par 'gyur bas na mkhyen pa nyid mi 'jig pa yin no/ /slob dpon gyis shes pas byas pa ni mi 'jig pa yin par rung gi shes pa nyid ni ma yin no zhes smos to/ /mi 'jigs pa ni mi skrag pa yin la/ /mi skrag pa nyid kyang skrag pa dang bral ba yin zhing/ /de yang shes pa las byung ba yin gyi shes pa nyid ni ma yin no/ /zhes pa ni mi 'jig pa dang chos nye pa'i rgyu nyid shes par bya ba'i phyir mi 'jigs pa'i rgyu'o/ /gzhan dag na re shes pa 'dir mi 'jigs par bshad do/ /zhes zer ro// chos thams cad kyi rnam pa thams cad mkhyen pa'i mi 'jigs pa dang po'i rgyu'o/ /bag chags dang bcas pa'i nyon mongs pa spangs pa'i mkhyen pa ni ma nyes pa'i rgyu'o/ /mi 'jigs pa phyi ma dag gi ni slob ma la phan pa dang mi phan pa mkhyen pa

  954. 477b

    por chad med pa'o/ /stobs dang mi 'jigs pa yin te/ /ye shes kyi bdag nyid yin na khyad par ci zhe na/ ye shes kyi khyad par 'ga' zhig stobs dang 'ga' zhig mi 'jigs par brjod de/ mi brdzi ba'i rgyu mkhyen pa ni stobs dang mi zhum pa'i rgyu ni mi 'jigs pa'o/ /ji ltar gzhan gyis zil gyis mi gnon pa de ltar stobs yin la/ ji ltar gzhan dag zil gyis gnon pa de ltar na mi 'jigs pa yin no/ /kha cig na re the tshom can gyi rtogs pa yongs su mkhyen pa ni stobs dang the tshom gyi sbyor ba la mkhas pa lta bu ni mi 'jigs pa'o zhes zer ro/ /gzhan dag na re stobs ni dpa' ba nyid yin la/ mi 'jig pa ni brtan pa nyid yin no/ /'di nyid kyis bya ba tha dad de/ stobs kyi don ni mngon par 'dod pa'i bya ba sgrubs pa'i don to/ /mi 'jigs pa'i don ni mi zhum pa'i don to zhes zer ro/ /dran pa nyo bar gzhag gsum zhes bya ba ni byang chub kyi phyogs kyis bsdus pa rnams las gzhan pa dag go/ 'khor gyi bye brag las zhes bya ba ni 'khor gyi khyad par las so/ /mdo las ji skad 'byung ba bzhin no zhes bya ba ni/ /dge slong dag gsum po 'di dag ni dran pa nye bar gzhag pa rnams te/ gang dag 'phags pas sa brten par byed pa ste/ 'phags pa de dang brten na tshogs la rjes su ston par 'os pa'o/ /gsum gang zhe na/ dge slong dag 'di la ston pa thugs brtse ba can thugs rje can don pa zhed pa phan pa bzhed pa thugs rje dang ldan pas nyan thos rnams la 'di ni khyad la phan par byed pa 'di ni khyed la bde bar byed pa 'di ni khyed la phan pa dang bde bar byed pa'o zhes chos ston par mdzad cing nyan thos de dag de la nyan par byed rna ba gtod par byed kun shes pa'i sems nye bar 'jog par byed/ chos kyi rjes su mthun pa'i chos sgrub par byed/ ston pa'i bstan pa la mi 'gal bar byed na/ des de bzhin gshegs pa'i thugs dgyes par

  955. 478a

    yang mi 'gyur ro/ /yid bde bar yang mi 'gyur/ thugs ya ya por yang ma 'gyur gyi/ de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pas brten par byed pa ste/ 'phags pas de dag bsten na/ tshogs la rjes su ston par 'os pa'i dran pa nye bar gzhag pa dang po yin no/ /gzhan yang dge slong dag thugs brtse ba zhes bya ba snga ma bzhin no/ /bzlog te nyan thos de dag la nyan par mi byed ces bya ba yang snga ma bzhin no/ /des de bzhin gshegs pa kun sa mnar sems su yang mi 'gyur/ /mi bzod pa yang ma yin/ /'chig pa yang mi mngal/ /thugs ma dang pa yang mi mnga' o/ /de la de bzhin gshegs pa dran pa dang shes bzhin du btang snyoms su bzhugs te/ dran pa nye bar gzhag pa gnyis pa yin no/ /gzhan yang dge slong dag 'di ston pa thugs brtse ba zhes bya ba snga ma bzhin no/ /nyan thos kha cig ni de la nyan par byed pa rna ba rtod par byed kun shes pa'i sems nye bar 'jogs par byed chos kyi rjes su mthun pa'i chos sgrub par byed/ ston pa'i bstan pa las mi 'gal bar byed la/ kha cig nyan par mi byed rna ba gtod par mi byed pa nas ston pa'i bstan pa las 'gal ba'i bar du byed na/ des de bzhin gshegs pa dgyes par mi 'gyur/ yid bde ba yang ma yin thugs ya ya por yang mi 'gyur la/ kun sa mnar sems su yang mi 'gyur/ mi bzod pa yang ma yin/ 'tshig pa yang mi mnga' i/ /de la de bzhin gshegs pa dran pa dang shes bzhin du btang snyoms su bzhugs te/ 'di ni gang dag 'phags pa sten par byed pa ste/ 'phags pa de dag bsten na tshogs la rjes su ston par 'os pa'i dran pa nye bar gzhag pa gsum pa yin no zhes 'byung ngo/ /de yang dran pa dang shes bzhin bdag nyid gsum zhes bya ba ni dran pa'i bdag nyid dang shes bzhin gyi bdag nyid de/ /dran pa dang shes bzhin du btang snyoms su

  956. 478b

    bzhugs te zhes gang bshad pa yin no/ /shes bzhin yang shes rab nyid do/ /gang gi tshe nyan thos kyang zhes bya ba rgyas par 'byung ba ni/ /nyon mongs pa'i spangs pa'i phyir ro mnyam du bsam pa'o/ /bag chags dang bcas par spangs pa'i phyir ro/ /zhes bya ba ni bcom ldan 'das kyis rjes chags pa dang/ khong khro ba dag gi bag chags kyang spangs kyi/ nyan thos rnams kyis ni ma yin no/ /bag chags zhes bya ba 'ang ci zhe na/ gang snga ma nyon mongs pa spyad pa de'i nges? pa'i lus dang ngag gi g.yo ba dang 'gyur ba'i rgyur gyur pa'i nus pa'i khyad par ni bag chags yin no/ /yang na nyan thos rnams gang gi yin pa de la zhes bya ba ni/ /nyan thos rnams sangs rgyas bcom ldan 'das kyi yin gyi/ gzhan dag ni ma yin te/ sangs rgyas bcom ldan 'das kyi dbang du byas nas rab tu byung ba'i phyir ro/ /gus pas nyan pa dang gus par mi nyan pa gnyi ga la zhes bya ba ni gus par nyan pa dang gus par mi nyan pa gnyi ga dag la ste/ gang gi kha cig gus par nyan pa dang kha cig gus par mi nyan pa de dag gnyi ga la'o/ /de kho na la de mi 'byung ba zhes bya ba ni/ nyan thos de dag gang gi yin pa de kho na la'o/ /de zhes bya ba ni yid bde ba la sogs pa de dag mi skye ba ngo mtshar ba'o/ /de lta ma yin na zhes bya ba ni gal te ma chags pa'i bdag nyid dam zag pa med pa'i shes pa'i bdag nyid yin na sems can thams cad la dmigs par mi 'grub la/ snying rje bzhin du sdug bsngal gsum gyi rnam pa can du yang mi 'grub po zhes bya ba ni/ snying rje ni zhe sdang med pa'i bdag nyid yin pas sems can thams cad la dmigs pa ma yin no/ /thugs rje chen po ni sdug bsngal gsum gyi rnam pa can nyid yin te zhe sdang med pa'i phyir ro/ /'dod pa'i sems can gyi yul?

  957. 479a

    can ni sdug bsngal gyi sdug bsngal gyi rnam pa can nyid do/ /shes pa zag pa med pa yang de ltar mi 'jug ste/ de'i phyir kun rdzob shes pa'i bdag nyid yin no/ /bsod nams dang ye shes kyi tshogs chen po yang dag par 'grub pa'i phyir ro zhes bya ba 'byung ste/ de la bsod nams kyi tshogs chen po ni sbyin pa dang tshul khrims dang bzod pa'i pha rol tu phyin pa'o/ /ye shes gyi tshogs chen po ni shes rab kyi pha rol tu phyin pa'o/ /brtson 'grus dang bsam gtan gyi pha rol tu phyin pa dag ni rnam pa gnyi ka yin te/ bsam gtan med na shes rab med do zhes 'byung ba'i phyir ro/ /brtson 'grus med par sbyin pa mi gtong la/ tshul khrims yang dag par mi len cing bzod pa mi bsgom mo/ /de ltar na brtson 'grus ni bsod nams kyi tshogs kyi cha dang mthun pa yin no/ /de bzhin du brtson 'grus med na shes rab kyang med pas ye shes kyi tshogs chen po'i cha dang mthun par yang 'gyur ro/ /de bzhin du byams pa la sogs pa tshad med pa rnam pa bzhi sgom pa'i phyogs ni bsod nams kyi tshogs kyi cha mthun pa'o/ /dran pa nye bar gzhag pa la sogs pa byang chub kyi phyogs kyi chos sum bcu rtsa bdun bsgom pa bsgom pa'i phyogs ni ye shes kyi tshogs chen po'i cha dang mthun pa'o/ /'dis rgyu che ba nyid dang che ba nyid ma yin pa ston par byed do/ /rnam pas che ba ni sdug bsngal gsum gyi rnam pa'i phyir te/ snying rje ni sdug bsngal gyi sdug bsngal gyi rnam pa can no/ /dmigs pas che ba ni khams gsum du skye ba'i so so skye bo thams cad la dmigs pa'i phyir ro/ /snying rje 'dod pa'i khams su skyes pa kho na la dmigs so/ /mnyam pa nyid kyis che ba nyid ni/ thugs rje chen po ni sems can thams cad la mnyam par 'jug pa'i phyir te/ gang gi phyir 'du byed kyi sdug bsngal sems can rnams la 'jug pa mtshungs par 'jug ste/ sems can rnams la 'du byed kyi sdug bsngal khyad par med pa'i phyir ro/ /snying rje ni sdug bsngal gyi sdug bsngal gyi sems

  958. 479b

    can rnams la 'jug ste mi mnyam par 'jug ste/ sdug bsngal gyi sdug bsngal ni mi mnyam pa'i phyir ro/ /ches che ba nyid ni de bas ches che ba med pa'i phyir ro zhes bya ba ni de la shin tu dang rim ches kyis rim pa bzlog pa'o/ /ji ltar snying rjes snying rje bar byed pa de ltar nges kyang yin pa de gnyis la khyad par ma mthong nas tha dad du bya ba ci yod ces bya ba dris so/ /tha dad du bya ba ni dbye bar bya'o/ /zhe sdang med pa dang gti mug med pa'i ngo bo nyid med pa'i phyir ro/ /zhes bya ba ni/ snying rje ni zhe sdang med pa'i ngo bo'o/ /thugs rje chen po ni gti mug med pa'i ngo bo'o/ /sa las ni zhes bya ba la sogs pa la/ snying rje ni bsam gtan bzhi'i sa pa yin no/ /'dir mi lcogs pa med pa dang bsam gtan khyad par can ni bsam gtan dang po'i khongs su gtogs pas logs shig tu ma bshad do/ /thugs rje chen po ni bsam gtan bzhi pa'i sa pa'o/ /nyan thos la sogs pa zhes bya ba la/ sogs pa zhes bya ba'i sgras ni 'jig rten pa dang rang sangs rgyas bsdu'o/ /thugs rje chen po ni srid pa'i rtse mo la 'dod chags dang bral bas 'thob ste/ zad pa shes pa dang stobs la sogs pa bzhi dang ma chags pa la sogs pa bzhin no/ /yongs su mi skyob pa dang skyob pa dang/ zhes bya ba ni/ snying rjes ni nyan thos la sogs pa dag sems can sdug bsngal ba rnams la nyam nga ba 'ba' zhig tu zad kyi/ de dag gis sdug bsngal de las bskyob par mi nus so/ /bcom ldan 'das rnams ni sdug bsngal de las yongs su bskyob par mdzad pa'o/ /mi 'dra ba dang 'dra bar thugs rje mdzad pa'i phyir ro/ /zhes bya ba ni/ snying rjes ni sdug bsngal can rnams kho na la thugs rje mdzad la/ thugs rje chen pos ni sems can thams cad la ste/ ji ltar snying rjes sdug bsngal ba rnams la thugs rjes mdzad pa de ltar thugs rje chen pos sems can thams cad snyom par mdzad do/ /mnar med par skyob pa rnams la ji lta ba de ltar srid pa'i rtse mor skyes pa rnams la yang ngo/ rtag lung ke tsin ndya? ne ba ke tsit+ta n+ya na tsa/ sangs rgyas kyi

  959. 480a

    chos ma 'dres pa rnams bshad de/ de bzhin gshegs pa la 'khrul pa mi mnga' ba dang ca co mi mnga' ba dang thugs mnyam par ma gzhag pa mi mnga' ba dang dran pa nyams pa mi mnga' ba dang so sor ma rtags pa'i btang snyoms mi mnga' ba dang 'dun pa nyams pa mi mnga' ba dang brtson 'grus nyams pa mi mnga' ba dang/ tha dad pa nyid kyi 'du shes mi mnga' ba dang 'das pa'i dus la ma chags ma thogs pa'i ye shes gzigs pa 'jug pa dang de bzhin du ma 'ongs pa da ltar byung ba'i dus la zhes bya ba de lta bu la sogs pa'o/ /sngon gyi bsod nams dang ye shes kyi tshogs kyis yang dag par 'grub pa ni sangs rgyas pa nyid kyi sngon rol gyi bsod nams kyi tshogs dang ye shes kyang tshogs kyis yang dag par 'grub pa'o/ /de la bsod nams dang ye shes dag tshogs pas na tshogs so/ /yang na 'dis sangs rgyas nyid kyi rgyu dge ba'i spyod pa thams cad tshogs pas na tshogs so/ /sogs pa zhes bya ba 'di yang dag par bsdud ces bya ba'i tha tshig go/ chos kyi sku yongs su grub pa zhes bya ba ni/ chos kyi sku ni zag pa med pa'i chos kyi rgyun nam/ gnas yongs su gyur pa yin no/ /'jig rten gyi don spyod pa zhes bya ba ni 'jig rten gyi don ni mtho ris dang byang grol gyi rgyu'o/ /de sgrub pa ni don spyod pa ste/ sangs rgyas rnams gyi gzhan gyi don mdzad pa'i thugs rje chen po dang mtshungs pa'i phyir ro/ /'di yang rgyu dang 'bras bu dang gzhan gyi don gyi bya ba'i sgo nas sangs rgyas thams cad kyis yang dag par gsungs so/ /dus ji lta ba bzhin du zhes bya ba ni thams cad dang sbyar ro/ /ji ltar zhe na yul shin du ring ba dang/ thung ngur 'tsho ba'i phyir zhes bya ba ni 'di ltar skye dgu'i tshe lo brgyad khri ba yin pas na sku tshe lo brgyad khri yin la skye dgu'i tshe lo brgya pa yin pa na sku tshe lo brgya par 'gyur ba'o/ /dus ji lta ba bzhin rgyal rigs dang bram ze'i

  960. 480b

    rigs tha dad pa ni gang gi tshe 'jig rten gyis rgyal rigs bkur ba de'i tshe rgyal rigs su 'byung la/ gang gi tshe bram ze bkur ba de'i tshe ni bram zer ro/ /dus ji lta ba bzhin du 'ong bsrungs dang shAkya la sogs pa gdung tha dad pa ni gang gi tshe 'jig rten na dus gang ches mchod par 'os par 'gyur ba de'i tshe de'i gdung du 'byung ba'o/ /dus ji lta ba bzhin du sku bar chod? chung ba dang chung ba ma yin pa tha dad pa ni gang gi tshe 'jig rten na bong tshod? chung ngu yin pa de'i tshe sku bong tshod chung la gang gi tshe bong tshod chung ba ma yin ba de'i tshe sku bong chung ba ma yin pa'o/ /rnam pa gsum po 'di kho na zhes bya ba ni gang zhig tha ma thag tu sangs rgyas rnams mnyam pa nyid kyi rgyur bshad pa rgyu phun sum tshogs pa dang/ 'bras bu phun sum tshogs pa dang/ phan 'dogs pa phun sum tshogs pa'o/ /sngon gyi bsod nams dang ye shes kyi yang dag par 'grub pas ni rgyu phun sum tshogs pa bsten la chos kyi sku yongs su 'grub pas ni 'bras bu phun sum tshogs pa'o/ /don spyod pas ni phan 'dogs ba phun sum tshogs pa'o/ /bsod nams dang ye shes kyi tshogs thams cad la goms pa zhes bya ba la/ bsod nams zhes smos pa ni ci rigs par sbyin pa la sogs pa pha rol tu phyin pa snga dang dang pa la sogs pa rnams bsdus so/ /ye shes smos pas ni shes rab kyi pha rol tu phyin pa kho na'o/ /yun ring po nas goms pa zhes bya ba ni skal pa grangs med pa gsum du goms pa'o/ /yun ring por goms kyang bar dang bcas pa yod pas de'i phyir bar chad med pa zhes bya ba smos te/ bar chad med par bya dka' bas so/ /res 'ga' gus par ma byas par yang yin pas de'i phyir gus par byas te goms pa zhes bya ba smos so/ /ngan song gsum dang 'khor ba'i sdug bsngal las gtan du thar bar mdzad pa phun sum tshogs pa'o/ /zhes bya ba ni ngan song gsum las thar bar mdzad pa phan 'dogs pa rnams pa gsum dang 'khor ba las thar bar mdzad pa ste/ de ltar

  961. 481a

    rnam pa bzhir 'gyur ro/ /yang na theg pa gsum dang bde 'gro la bgrod par mdzad pa phun sum tshogs pa'o/ /zhes bya ba ni theg pa gsum po re re la bgod pa phun sum tshogs pa gsum dang bde 'gro la bgod pa ste/ rnam pa bzhir 'gyur ro/ /ye shes phun sum tshogs pa yang rnam pa bzhi ste/ zhes bya ba ni 'bras bu phun sum tshogs pa rnam pa bzhi po gang yin pa de re re yang de ltar rnam pa bzhir 'byed pa'o/ /ma bstan par mkhyen pa zhes bya ba ni bdag nyid kyis mngon par rdzogs pa'i byang chub kyi don gyis so/ /thams cad mkhyen pa ni mtshan nyid ma lus par thugs su chud pa'i don gyis so/ /rnam pa thams cad mkhyen pa ni rnam pa thams cad du thugs su chud pa'i don gyis so/ /ma 'bad par mkhyen pa ni bzhad pa tsam gyi thugs su chud pa'i don gyis so/ /nyon mongs pa thams cad spangs pa zhes bya ba ni mthong ba dang bsgom pas spang bar bya ba'i nyon mongs pa khams gsum pa spangs pa'i phyir ro/ /gtan du spang ba ni yongs su mi mnyam pa'i sgo nas so/ /bag chags dang bcas te spangs pa ni rjes su 'brel pa med pa'i phyir ro/ /ting nge 'dzin dang snyoms par 'jug pa'i sgribs pa spang pa'o/ /zhes bya ba ni gnyi ga'i cha las rnam par grol ba'i phyir ro/ /spyi'i yul sprul pa dang yongs su bsgyur ba dang byin gyis rlob pa'i mnga' phun sum tshogs pa zhes bya ba de la sprul pa ni phyi'i yul sngon med pa 'byin pa'o/ /yongs su bsgyur ba ni rdo la sogs pa gser la sogs pa'i dngos por mdzad pa'o/ /byin gyis rlob pa ni yun ring du gnas par mdzad pa'o/ /de dag la mnga' ba nyid ni bzhed pa'i sgo nas 'jug pa'o/ /mnga' ba nyid phun sum tshogs pa ni mnga' phun sum tshogs pa'o/ /sku tshe gtong ba dang byin gyis rlob pa'i mnga' de nyid phun sum tshogs pa ni sku tshe gtong ba dang byin gyis rlob pa'i mnga' phun sum tshogs pa'o/ /bsgrib pa la gshegs

  962. 481b

    pa dang/ shin tu ring ba la myur du gshegs pa dang/ nam mkha' la gshegs pa dang/ rdul phra rab chung mang po ste 'jig rten gyi khams 'jug par mdzad pa ni bsgribs pa dang/ nam mkha' dang shin tu ring ba la myur du gshegs pa dang/ chung ngur mang po 'jug par mdzad pa'o/ /de dag la mnga' ba ni bzhed dgur mdzad pa ste/ de nyid phun sum tshogs pa yin no/ /ya mtshan gyi chos nar ma rnam pa sna tshogs phun sum tshogs pa zhes bya ba ni mnar ma rang bzhin gyis 'byung ba zhes bya ba'i don du te/ sangs rgyas bcom ldan 'das rnams ni gshegs pa na mtho dman mnyam par 'gyur te/ mtho ba gang yin pa de ni dma' bar 'gyur la/ dma' ba gang yin pa de ni mthon por 'gyur ro/ /long ba rnams kyis ni mig 'thob po/ /'on pa rnams kyis ni rna ba 'thob po/ /smyon pa rnams kyis ni dran pa 'thob po zhes bya ba gang yin pa 'di ni chos nyid yin te/ thams cad rgyas par mdo las ji skad 'byung ba bzhin khong du chud par bya'o/ /mtshan phun sum tshogs pa ni zhes bya ba ni/ gsal la rdzogs pa dang yul la gnas pa'i phyir skyes bu chen po'i ngo bo nye bar mtshon pas mtshan dag ste/ de dag ni gtsug gtor la sogs pa sum cu rtsa gnyis so/ /dpe byad bzang po phun sum tshogs pa zhes bya ba ni/ skyes bu chen po'i ngo bo bsal bar byed pa'i phyir dpe byad bzang po dag te/ de dag ni sen mo zangs kyi mdog lta bu la sogs pa brgyad cu ste de dag kyang mtshan bzhin du phun sum tshogs par rigs par bya'o/ /stobs phun sum tshogs pa zhes bya ba ni sred med kyi bu'i stobs dang ldan pas so/ /bcom ldan 'das kyi sku gdung rdo rje lta bu sra ba ni mi phyed pa'i phyir ro/ /de ltar na de dag ni mdor bsdus pa yin no zhes bya ba ni/ mdor bsdu na rgyu dang 'bras bu dang phan 'dogs pa rnams kyis yon tan phun sum tshogs pa thams cad bsdus pa'i phyir ro/ /gal te sku tshe bskal pa grangs med du mar zhes bya ba rgyas

  963. 482a

    par 'byung ste/ 'di skad du/ gal te sangs rgyas bcom ldan 'das kyis bskal pa grangs med pa gnyis sam gsum du sku tshe byin gyis rlob par mdzad na/ de ltar sangs rgyas kyi che ba'i rbdag nyid gsung pa dang mkhyen par spyod do zhes bstan par 'gyur ro/ /re zhig de ltar na zhes bya ba rgyas par 'byung ste/ yon tan rnams dang ye shes rnams dang mthu dang phan 'dogs pa dang thugs rje chen po ni yon tan dang ye shes dang phan 'dogs pa dang thug chen po rnams so/ /mdza' yas shing rmad du byung ba ni de nyid kyi yon tan dang ye shes la sogs pa ste/ mdza' yas pa ni grangs dang mthu mthas gtugs pa med pa'i phyir ro/ /rmad du byung ba ni sangs rgyas rnams las gzhan med pa'i phyir dang mdzad par dka' ba'i phyir dang/ bsnyes par dka' ba'i phyir ro/ /de nyid rin po che chen po yin te/ sems can thams cad la phan 'dogs pa'i phyir te/ rin po che chen po de dag gi 'byung gnas yin no/ /sangs rgyas dang de'i chos la gus par mi byed ces bya ba ni/ gus par byed pa ma yin zhes bya ba'i don to/ /lha zhes bya ba ni lha dag na yod pa ni lha'o/ /'bras bu med pa ma yin pa dang/ yid du 'ong ba dang/ mchog tu gyur pa dang/ myur ba dang/ mdza' bzang ba'i phyir ro zhes bya ba la/ de la bsod nams bya ba'i sa bon chung ngu yin yang 'bras bu med pa ma yin pa ste/ 'bras bu 'byin par nges par gnas pa'i phyir ro/ /'bras bu yid du 'ong ba ni rnam par smin pa'i 'bras bu mngon par 'dod pa yin pa'i phyir ro/ /'bras bu mchog tu gyur pa ni lha la sogs pa'i 'byor pa'i rgyur gyur pa'i phyir dang/ 'bras bu mang ba'i phyir ro/ /'bras bu myur ba ni mthong ba'i chos la myong bar 'gyur ba'i phyir ro/ /'bras bu mdza' bzang ba ni mya ngan las 'das pa'i rgyu 'gyur ba'i phyir ro/ /ji skad bshad pa'i khungs gtsug lag gi tshigs su

  964. 482b

    bcad pa bcom ldan 'das kyis gsungs pa ni gang dag rgyal ba zhes 'byung ba'o/ /'dis nyon mongs pa bag chags dang bcas pa las rgyal bar byed pas na rgyal ba'o/ /bya ba zhes bya ba ni rnam pa'o/ /gdul bya gdul bas na rnam 'dren na/ /sna tshogs zhes bya ba ni 'dod pa dang gzugs na spyod pa'o/ /bdud rtsi'i go 'phang ni mya ngan las 'das pa'o/ /slob dang thun mongs yin zhing rgyas par 'byung ngo/ /sangs rgyas bcom ldan 'das rnams kyi chos thams cad ni dbang rnam par dag pa'i khyad par gyi rnam par dag pa'i phyir bla na med pa yin mod kyi slob ma dang thun mong yin no/ /so so skye bo dang thun mong ma yin no zhes yon tan dang thun mongs ma yin pa'i rigs la dgongs nas brjod do/ /ci rigs par zhes bya ba ni ji ltar srid par ro/ /de la slob ma dang thun mong ba ni nyon mongs pa med pa dang/ smon nas shes pa dang/ so sor yang dag par rig pa'o/ /so so skye bo dang thun mongs pa ni mngon par shes pa dang bsam gtan la sogs pa rnams so/ /zad par gyi skye mched la sogs pa rnams so/ /zhes bya ba la sogs pa zhes bya ba'i sgras ni stong pa nyid dang mtshan ma med pa dang smon pa med pa'i ting nge 'dzin rnams dang ting nge 'dzin gzhan dag kyang bsdu'o/ /dgra bcom pa la la zhes bya ba rgyas par 'byung ba ni/ 'di na dgra bcom pa la la smad 'tshod ma dang zlos gar mkhan dang g.yo can dang chang 'chod la sogs pa'i skye bo dag la bdag dang gzhan gyi nyon mongs pa skye ba'i 'bras bu yid du mi 'ong ba rjes su 'brel pa dran nas/ re zhig 'dod chags dang bcas pa'i rgyud la skyes pa'i nyon mongs pa rnams kyang 'bras bu yid du mi 'ong ba yin no/ 'dod chags dang bral ba'i rgyud la skyes pa rnams kyi gnas skabs gang zhig tu 'gyur snyam du de ltar rjes su sems shing bsams nas ji ltar gzhan dag la de la dmigs pa'i 'dod chags dang zhe sdang ngam nga rgyal lam ser sna

  965. 483a

    'am/ phrag dog la sogs pa rnams las gang yang rung ba skye bar mi 'gyur ba de lta bu'i ngo bo'i shed pa bskyed de/ 'dir mthong bas spang par bya bar bsrung bar mi nus pas 'dod chags la sogs pa smos so/ /nyon mongs par mi byed pa ni nyon mongs par byed pa ma yin zhes bya ba'i tha tshig go /kun rdzob shes zhes bya ba ni gzhan gyi rgyud kyi bsgom pas spang bar bya ba'i nyon mongs pa ma 'ongs pa'i yul can yin pa'i phyir te/ de ltar zhugs pa'i zag pa med pa'i shes pa ni yod pa ma yin no/ /de la phung po la rgod pa'i nyon mongs pa'i sgrib pa gsum ste/ phung po nyon mongs pa dang 'chi ba la rgol ba nyon mongs pa dang/ 'thab pa nyon mongs pa'i nyongs pa ste/ nyon mongs pa brgyad dang bcas pa'i brgya'o/ /de'i phyir nyon mongs pa'i nyon mongs pa mi mthun pa'i phyogs su gyur pa'i phyir kun rdzob shes pa nyon mongs pa med pa yin yang zhi ba'i ting nge 'dzin nyon mongs pa med bsten par bshad pas 'dres pa rnams gang yang rung bas kyang bstan pa yin no/ /nyon mongs pa med pa'i ting nge 'dzin snga ma langs pa des/ bdag mthong nas 'di'i 'dod chags skye bar 'gyur du 'ong ngo/ /'di'i zhe sdang dang 'di'i nga rgyal dang/ 'di'i bag med pa skye bar 'ong ngo snyam du ji lta ji ltar mngon par 'dod pa de lta de ltar ting nge 'dzin de las langs nas kyang mthun par spyod par byed do/ /bsam gtan mdza' na zhes bya ba ni sdug bsngal gyi rgyu dang 'gal ba'i phyir dang/ bsam gtan bzhi pa lam sla ba rnams kyi mchog yin pa'i phyir bsam gtan bzhi pa'i sa pa kho na yin te/ gzhan mi g.yo ba'i chos can gyi yin te/ gzhan gyi rgyud la nyon mongs pa sel bar zhugs pa'i phyir ro/ /dgra bcom pa gzhan gyis ni ma yin te zhes bya ba ni dus kyi rnam par grol ba'i ma yin pa'o/ /rang gi rgyud las kyang zhes bya ba ni yongs su nyams pa'i tshe na ting nge 'dzin la dbang

  966. 483b

    po nyid med pa'i phyir ro/ /gzhir bcas zhes bya ba ni bsgom pas spang bar bya ba 'dod chags la sogs pa dag go /ji ltar ma 'ongs pa'i nyon mongs pa la dmigs zhe na/ de'i pha rol po dag nyon mongs pa skye bar ma gyur cig ces bya ba de ltar zhugs pa'i phyir ro zhes bya ba smos so/ /ci'i phyi bzhi dang bcas pa rnams kho na la dmigs she na/ de'i phyir nyon mongs pa med pa rnams ni zhes bya ba rgyas par smos so/ /nyon mongs pa bzhi med pa ni mthong bas spangs par bya ba rnams te/ 'jig tshogs la lta ba la sogs pa rnams ni khams dang sa thams cad la dmigs pa'i phyir bzlog par mi nus so/ /smon nas shes pa 'ang de bzhin no zhes bya ba ni/ nyon mongs pa med pa rang gi ngo bo dang sa dang rgyu dang rten las ji skad du bshad pa de bzhin du smon nas shes pa yang yin no/ smon nas shes pas gzugs med pa rnams mngon sum du ni ye shes so zhes bya ba ni smon nas shes pa bsam gtan bzhi pa'i sa pa yin pa'i phyir te/ mngon par shes pa rang dang 'og ma'i sa'i yul can yin la/ smon nas shes pa yang mngon par shes pa dang 'dra'o zhes bshad par bya'o/ /rgyu mthun pa dang spyod pa'i bye brag las zhes bya ba la/ gzugs med pa nas shi 'phos nas 'dod pa dang gzugs skyes pa ni rgyu mthun pa'i bye brag las so/ /'di nas shi 'phos nas gzugs med pa gang du skye ba gang yin pa de ni spyod pa'i bye brag las so/ /de ltar na 'bras bu dang rgyus kyang 'bras bu shes pa go rim bzhin no/ /'dir dpe ni zhing pa lta bu'o zhes bya ba ni dper na zhing pa dag sa bon gyis 'bras bu dang 'bras sa bon rtogs pa de bzhin du 'dir yang yin no/ /smon pa/ sngar btang ba zhes bya ba ni gtong ba sngar btang ba ste/ smon nas zhes bya ba 'di ni btang nas zhes bya ba'i don to/ /'di shes par bya'o snyam du smon nas rab kyi mdza' i bsam gtan bzhi pa la snyoms par 'jug cing zhes

  967. 484a

    bya ba la/ sa thams cad dang mthun par byas pa bsam gtan bzhi pa'i 'phel ba mthar thugs pa ni rab kyi mdza' las bya ba'o/ /ci ltar zhes na dgra bcom pa bsam gtan dang po nas brtsams te ji srid 'du shes med 'du shes med min skye mched kyi bar dang bsam gtan bzhi pa'i bar du lugs dang mthun par mthun par snyom par 'jug go /de nas bsam gtan dang po'i bar dang bsam gtan dang po las langs nas yang lugs dang mthun par bzhi pa'i chung ngu la'o/ /de'i 'og tu 'bring la'o/ / de'i 'og tu chen po la'o/ /chen po'i 'og tu chen po la ste/ de'i 'og tu smon nas shes pa mngon du byed do/ /gang gi ting nge 'dzin de yul du gyur pas ji ltar smon pa'i don bsgrubs par byed pas de'i phyir rab kyi mdza' i sbyor ba las byung ba zhes bya'o/ /ha cang thal ba spang pa'i phyir ting nge 'dzin de'i yul du ji tsam gyur pa zhes bya ba smos te/ 'das pa dang ma 'ongs pa dang da ltar byung ba rjes su dpag pa nyid kyi dngos su shes pa ma yin te/ rtsa la sogs pa'i skyon mthong ba las zhing phun sum tshogs par rjes su dpag pa bzhin no zhes slob dpon 'dus bzang zer ro/ /de lta mod kyi slob pa dang so so skye bo dag la yod pa'i shes pa 'di lta bu de ni smon nas shes pa ma yin te/ 'khrul ba'i phyir ro/ /gang nyan thos chen po rnams ma 'ongs pa'i don la nyan pa de ni 'khrul ba ma yin te smon nas shes pa dang cig shos kun rdzob shes pas mthong ba brda sprod pa'i phyir ro/ /smon nas shes pa dang sngon gyi gnas rjes su dran pa dag la khyad par ci zhe na/ rang dang spyi'i mtshan nyid kyi yul can ni snga ma dang spyi'i mtshan nyid kyi yul can ni phyi ma nyid do/ /spyi'i yul can nyid kyang yul ches shin du gsal g.yo ba gang yin pa ni smon nas shes pas shes so/ /zhes bya ba khyad par ro/ /de bzhin du gzhan gyi sems pa da ltar byung ba'i yul can dang

  968. 484b

    smon nas shes pa'i khyad par ji ltar rigs par brtags par bya'o/ /dmigs pa dang sa dang rang gi ngo bo'i bye brag ces bya ba la/ bye brag gi sgra ni re re dang sbyar te/ /dmigs pa'i bye brag dang rang gi ngo bo'i bye brag ces bya ba tha dad du brjod do/ /nyon mongs pa med pa las zhes sbyar ro/ /thog med ces bya ba ni thogs par mi nus pas na thog med do/ /thogs pa ma yin zhes bya ba'i don to/ /ming dang tshigs dang yi ge'i tshogs zhes bya ba la/ don la yongs su gzhol ba'i phyir ming ste/ /don la 'dud bar byed pa'i phyir zhes bya ba'i don to/ /'dis don rtogs par byed pas na tshig go /sgra'i don la bltos pa med pa'i blo las gang gi tshe tshig de dag yig ge ka tsa Ta ta ba la sogs pa de dag sgra'i don la bltos pa med pa'i blo'i gnas skabs su yod pa nyid kyis dmigs pa nyid du 'gyur bar nus pa ma yin no/ /gang yang de la dmigs pa de don cung zad kyang skyes par mi byed do/ /mi gsal ba dang bral ba'i phyir yi ge zhes bya'o/ /'di gsum shes rtog pa'i gzhir gyur pa'i phyir chos zhes bya'o/ /tshogs zhes bya ba ni lus te ming la sogs pa'i tshogs ni ming la sogs pa'i lus rnams so zhes bya ba'i don to/ /gang gi phyir rang bzhin ni lus zhes brjod de/ sgra dang don 'dres pa'i phyir ro/ /de'i rang bzhin gyi yul gyi blo nges par gzung ba'i phyir dang de'i rang bzhin grub pa'i phyir tshogs kyi sgra'o/ /don so so yang dag par rig pa ni chos rnams kyi don dam pa la thog pa med pa'i shes pa ste/ rang dang spyi'i mtshan nyid kyi zhes bya ba'i don to/ /de ni 'du shes kyis dmigs pa'i 'og tu gzhan gyi sgo nas nges pas na don dam pa'o/ /don brjod pa'i phyir mi nyid don ma yin no/ /'o na ci zhe na/ ngag ni ming la 'jug la ming gis don gsal bar byed pa'i phyir ro zhes shes par bya ba'i phyir tha dad du don so so yang dag par rig par bstan to/ /tshig gi sbyor ba la thogs pa

  969. 485a

    med pa'i shes pa ni nges pa'i tshig so sor yang dag par rig pa ste/ 'jig rten dang 'phags pa'i tha snyad shes pa'o snyam du dgongs pa'o/ /rig pa thag thogs med/ /mngon brjod ces bya ba la/ /rig pa ni don dang 'brel pa'o/ /thag thogs med pa ni thogs pa med ba'o/ /de'i dngos po ni rig pa thag thogs med ba mngon brjod nyid do/ /ting nge 'dzin dbang ba bsal bar bya ba la zhes bya ba la/ ting nge 'dzin la dbang ba ni ting nge 'dzin la dbang ba'o/ /ting nge 'dzin la dbang ba gsal ba de yang ting nge 'dzin gyi rgyu mtshan 'dzin pa'o/ /gzhan dag ni rgyu mtshan gang dang gang gis lam rnam pa gnyis la snyom par 'jug pa de la thag thogs med pa'i shes pa'o/ /zhes zer ro/ /gzhan dag ni yon tan thob pa rnams sbyor ba med par mngon du byed pa'i nus pa'o zhes zer ro/ /'dis spobs par byed pas spobs pa ste/ /spobs par byed pa'i shes pa nyid ni spobs pa so so yang dag par rig pa'o/ /yi ge dang don so so yang dag pa smra bar byed pa ni rig pa thag thogs med par mngon par brjod par nyid de/ /'khor la sogs pa dang mtshams bar brjod par nus pa'o/ /yul dang dus dang gang zag gi gnas skabs dang nad la sogs pa la bltos ba med pa'i tha snyad nus ba thogs pa med par mngon par brjod pa nyid ni ting nge 'dzin dang ye shes la dbang ba nyid de bshad ma thag pa'i lam shes pa de la thogs pa med pa'i shes pa ni spobs pa so so yang dag par rig pa'o/ /gzhan dag na re so so yang dag par rig pa dang po ni brjod bya dang rjod byed 'brel ba'i bdag nyid do/ /ming 'di'i don 'di'o zhes bya ba ni don shes pa nyid do/ /don 'di'i ming 'di'o zhes bya ba ni chos shes pa nyid do/ /brda dang tshig dang dus dang byed pa can la sogs pa'i sbyor ba shes pa ni nges pa'i tshig so so yang dag par rig pa'o/ /mngon par brjod pa'i tha snyad dam ting nge 'dzin

  970. 485b

    la gegs kyi rgyu shes pa spobs pa so so yang dag par rig pa'o zhes zer ro/ /de'i dmigs pa dag dang lam/ /zhes bya ba la/ 'di bya ba mi byed do/ /bzhi pa rig pa thag thogs med/ /mngon brjod lam la dbang nyid la/ /zhes bya ba 'dis dag dang lam la dmigs ba grub bo zhes so/ /shes pa dgu'o/ /zhes bya ba ni/ /re zhig dag la dmigs pa gang yin pa de ni sdug bsngal dang kun 'byung la dmigs pa'i phyir sdug bsngal dang kun 'byung dang zad pa dang mi skye ba dang chos dang rjes dang kun rdzob shes pa rnams yin no/ /lam la dmigs pa gang yin pa de ni zad pa dang mi skye ba shes pa dang chos dang rjes dang lam dang gzhan gyi sems dang/ kun rdzob shes pa'i rang bzhin yin no/ /dag dang lam gnyis las gang yang rung ba zhig la dmigs pa'i phyir ro zhes bya ba la/ dag la dmigs pa ni 'dod pa'i khams dang bsam gtan dang po na'o/ /lam la dmigs pa ni srid pa'i rtse mo'i bar na'o/ /lam smos pa ni zag pa dang bcas pa dang zad pa med pa'i lam gzung ngo/ /gal te chos thams cad yin na ni shes la bcu 'o zhes bya ba ni gang zhig ci rig par shes pa bcu'i yul du mi 'gyur ba de ni yod pa ma yin no/ /gzhan dag na re/ zad pa dang mi skye ba shes pa'i rang bzhin gyi so so yang dag par rig pa med ces zer ro/ /so sor yang dag par rig pa rnams ni lta ba'i rang bzhin yin pa'i phyir de dag gi tha ma mi shes pa bdun no/ /don so so yang dag par rig pa ni brgyad dang bzhi yang yin no/ /gzhan kun rdzob ces bya ba ni chos dang nges pa'i tshig so so yang dag pa rig pa dag ni ming gi tshogs la sogs pa dang/ dag la dmigs pa nyid gyi rang gi mtshan nyid kyi yul can yin pa'i phyir kun rdzob shes pa'i rang bzhin yin no/ /zag pa med pa'i shes pa ni rang gi mtshan nyid kyi rnam par ngam sdug bsngal gyi phyogs gcig la mi 'jug ste/ 'o na ce zhe na/ nye bar len pa'i phung po

  971. 486a

    lnga la spyi'i rnam par 'jug pas de'i phyir de dag zag pa med pa'i shes pa'i bdag nyid ma yin no/ /de bzhin du dag la dmigs pa yang spobs pa so so yang dag par rig pa kun rdzob shes pa nyid do zhes brjod par byed do/ / dag la dmigs pa las spobs la so so yang dag par rig pa dang nges pa'i tshig so so yang dag par rig pa'o/ /tha dad pa nyid ci zhe na/ nges pa'i tshig la ma bltos pa rig pa thogs pa med par brjod pa ni spobs pa so so yang dag pa rig pa'o/ /nges pa'i tshig la bltos ba ni nges pa'i tshig so so yang dag par rig pa ste/ dper na gzugs su rung bas gzugs so zhes bya ba de lta bu la sogs pa'o/ /gzhan dag na re gong nas gong du spobs pas spobs pa dang chos kyi rang bzhin bsal bar byed pa'i phyir nges pa'i tshig go zhes zer ro/ /yan chad ming gi tshogs med pa'i phyir zhes bya ba 'dis ni gzugs med pa dga' chos yang dag par rig pa med do zhes ston to/ /ming gi tshogs bkag pa kho nas tshig dang yi ge'i tshogs dgag pa ste/ phan tshun mi 'khrul ba'i phyir ro/ /yan cad na rtogs pa med pa'i phyir ro zhes bya ba ni bsam gtan gnyis pa la sogs pa dang/ /bsam gtan khyad par can na nges pa'i tshig so so yang dag par rig pa med de/ /dag kun nas slong ba'i rnam par rtog pa med pa'i phyir ro/ /gzhan dag na re 'di gtan tshigs ma yin te dag kun nas slong ba'i shes pa so so yang dag par rig pa'i zhes sgrub par mi nus so/ /mnyam par gzhag pa so so yang dag par rig pa'i ngo bor thal bar 'gyur na/ /de'i phyir rnam par rtog pa med pa'i phyir zhes brjod bar mi bya'o zhes dra bo/ /'di la skyon med de don gzhan yin pa'i phyir ro/ /'dir 'di'i don brjod bar bya ste/ dag kun nas slong ba'i rtog pa dang dpyod pa dag ni rab tu ma zhi ba'i mtshan nyid yin pa'i

  972. 486b

    phyir dang gong na de med pa'i phyir ro/ /rab tu zhi ba dang phra mo ni sa gong mar yang 'dod do/ /dag tsam gyi yul yang shes pa rab tu ma zhi ba dang rgya chen po yin pas sa gong ma na med do/ /nges pa'i tshig so so yang dag par rig pa zhes bya ba la/ /bsam gtan dang po rtogs pa dang bcas pa'i phyir mnyam par bzhag pa la yang nges pa'i tshig so so yang dag par rig pa skye bas/ /de ni 'dod dang po na zhes brjod do/ /da ni ming dang don la dmigs shing snyom par 'jug pa dang ldan pa yang yin la/ de'i rjes su smra ba dang rjes thob pa rnams la thogs pa med pa'i shes pa'o/ /btags pa las zhes bya ba ni bstan bcos las so/ /tshig dang yi ge zhes bya ba ni 'dis tshig gsal bar byed pas na yi ge ste ming ngo/ /de nyid kyi don zhes bya ba ni tshig dang yi ge'o// de nyid kyi gcig dang zhes bya ba don gyi'o/ /de la thag thogs med par bya ba la zhes bya ba ni tshig dang yi ge la sogs pa la'o/ /thog pa med par shes pa zhes bya ba ni rdugs pa med pa'o/ /pho dang mo la sogs pa'i tshig bla dags zhes bya ba la sogs pa zhes bya ba'i sgras ma ning dang byed pa po la sogs pa bsdu'o/ /tshig gcig nyid la sogs pa'i dbang du byas pa'i tshig bla dags so/ /tshig nges pa ni nges pa'i tshig ste zhes bya ba ni 'dod pa gcig go /go rim bzhin du zhes bya ba ni/ chos so so yang dag par rig pa'i sngon gyi spyod pa ni rtsis yin no/ /don so so yang dag par rig pa'i ni sangs rgyas kyi bka' o/ /nges pa'i tshig so so yang dag par rig pa'i ni sgra rig pa'o/ /spobs pa so so yang dag par rig pa'i ni gtan tshigs rig pa'o/ /bye brag tu smra ba rnams na re sangs rgyas kyi bka' kho na yin te/ chos 'di pa rnams kho na de skyed pa'i phyir ro/ /zhes zer ro/ /gang la gcig yod pa de la gdon mi za bar so so yang dag par rig pa bzhi char yod de zhes bya ba ni lan

  973. 487a

    gcig gi 'bras bu yin pa'i phyir ro/ /ma tshang bar ni de thob med ces bya ba ni 'gas kyang so so yang dag par rig pa dag ma tshang bar 'thob par mi 'gyur ro/ /de dag kyang tshe rabs gzhan du yi ge dang don la mkhas par byas pa la bltos te skye'o/ /gang la gcig yod pa de la gdon mi za bar thams cad mkhyen ces bya ba ni lam gcig gi 'bras bu yin pa'i phyir/ /ma tshang bar ni de thob med/ /ces bya ba ste 'phags pa'i rigs ni 'phags pa'i rigs la gnas pas bzhin no/ /gzhan dag na re/ ma tshang ba'i so so yang dag par rig pa rnams kyi so so yang dag par rig pa 'thob pa'i sgra thob pa ma yin no zhes zer ro/ /nges pa'i tshig dang don gyi dam btsa' la thogs pa med pa ni so so yang dag par rig pa'o/ /de dag ni rab kyi mdza' ba'i bsam gtan gyis stobs kyis 'thob bo zhes bya ba ni nyon mongs pa med pa la sogs pa yon tan rnams ni rab kyi mthal pa bsam gtan bzhi ba bskyed nas 'thob kyi/ /gzhan du na ma yin no/ /rab kyi mdza' ba de nyid ces bya ba la/ /de nyid nyon mongs pa med pa la sogs pa las tha dad pa sbyor ba las byung ba bsam gtan bzhi ba chen po'i chen po'o/ /de'i stobs kyis 'thob pa yin gyi zhes bya ba ni rab kyi mdza' pa'i stobs kyis so/ /de bsam gtan bzhi pa'i sa ba ni ma yin te/ /de na rtog pa med pa'i phyir dang/ /rtog pa dang bcas pa'i sems kyis de kun nas slong ba'i phyir ro/ /nyon mongs pa la sogs pa'i yon tan rnams kyi mdza' pa'i bsam gtan gyis bsdus bas de'i bdag nyid zhes bya ba'o/ /yang de'i rang bzhin ma yin pa'i phyir ro/ /'phel ba'i rab tu phyin pa yin zhes bya ba ni thams cad ma yin no snyam du bsam pa'o/ /mi mthun ba ni zhes bya ba ni 'du shes med 'du shes med min skye mched nas ci yang med pa'i skye mched la'o/ /de nas rnam shes

  974. 487b

    mdza' yas skye mched la yin ba nas/ /de bzhin du 'dod pa na spyod pa'i bar sems 'phel ba'i mthar phyin pa'o/ /gang zag la bltos nas ji ltar rig par nyan thos la sogs pa rnams rab kyi mthar phyin pa ste/ /'di'i 'phel ba'i don gang yin pa rab tu gyur ba thob pa'o/ /mu bzhi pa bzhin no zhes bya ba ni ji ltar mu rnam pa bzhi yin pas de bzhin du rab kyi mdza' yang rnam pa'i mthar rab tu phyin pa yin te/ /'phel ba phul du dbyung du med pa'i rnam pa zhes bya ba'i don to/ /kha cig ni snying rje nyid nyon mongs pa med pa'o// snyam du sems te/ /snying rje ni nyon mongs pa med pa dang ldan pas nyam nga bar yang 'jug pa de'i phyir snying rje rang bzhin nyon mongs pa med pa'o zhes zer ro/ /'di mdza' cig tu nges pa ma yin te/ /gcig tu gzhan gyi don kho na la gzigs pa rnams gzhan dag gi nyon mongs pa skye ba bzlog par mdzad mod kyi de dag zhi ba'i lam gyis kyang de ltar sgrub par byed do/ /bcom ldan 'das kyi rgyud la sor mo'i phreng ba can la sogs pa rnams kyi nyon mongs pa skye ba'i phyir ji ltar na de bzhin gshegs pa nyon mongs pa med pa la gnas pa yin zhe na/ /skyon 'dir thal bar 'gyur ba med de/ /thugs rje mnga' ba gzhan dag gi nyon mongs pa gtan du dbyung bar bzhid pa rnams ni res 'ga' nyon mongs pa skye ba btang snyoms su mdzad pa yin no/ /de yang nyon mongs pa med pa 'di med par smon nas shes pa bskyed par nus la/ /de lta na 'di yin no gal ta bdag 'di mi bya'o/ /de bzhin du yang nyon mongs pa bskyed pa de bzhin byed pa nyon mongs pa bskyed par 'gyur ba ma yin no/ /nyon mongs pa med pa bskyed par ma nus kyang smon nas shes pa bskyed bar nus so/ /kha cig na re smon nas shes pa bskyed par yang nyon mongs pa med pa ste/ /nyon mongs pa med ba dang smon nas shes pa dag phan tshun bsdus so/ /zhes zer ro/ /de yang nyon mongs pa med pa

  975. 488a

    ni rnam pa tha dad pa rnam pa gzhan med par gzhan gyi nyon mongs pa zhi bar 'jug la smon nas shes pa ni don 'di dang 'di bdag gis shes par bya'o/ /snyam du smon nas snyoms par 'jug cing de de las langs nas don shes par byed cing brda' sprod par yang byed do/ /sangs rgyas las gzhan zhes bya ba ni nyan thos dang sangs rgyas so/ /chos thams cad kyi dbang phyug yin pa'i phyir zhes bya ba ni chos thams cad la des dbang bsgyur ba'i phyir zhes bya ba'i tha tshig go/ bzhed pa tsam la rag lus pa yin no zhes bya ba rgyas par 'byung ba ni/ /ji skad bshad pa bzhin sbyor ba las byung ba ma yin pa'o/ /kha cig na re dge ba dang dge ba las gzhan pa yang bzhed pa tsam la rag las te/ /gang bzhed par dbang bsgyur ba'o zhes zer ro/ /so so skye bo dag dang yang zhes bya ba la/ /yang gi sgras ni nyan thos rnams dang yang ngo/ /rdzu 'phrul gyi yul shes pa mngon du bya ba'i mngon par shes pa zhes bya ba ni/ /'dis sprul pa dang nam mkha' la 'gro ba 'byor bar byed pas na rdzu 'phrul te/ /ting nge 'dzin to/ /rdzu 'phrul gyi yul ni/ /sprul pa dang nam mkha' la 'gro ba'o/ /rdzu 'phrul gyi yul gyi shes pa ni/ rdzu 'phrul gyi yul shes pa ste/ /de mngon du bya ba ni mngon sum du byed pa'o/ /lha'i rna ba zhes bya ba la lha'i rna ba la rten pa'i shes pa ni lha'i rna ba'i shes pa ste/ de mngon du byed pa ni mngon sum du byed pa'o/ /sems kyi rnam grangs shes pa mngon du byed pa zhes bya ba la/ sems kyi rnam grangs ni khyad par ram rim pa zhes pa ste/ res 'ga' chags so snyam du shes la/ /res 'ga' sdeng ngo snyam du shes pa la sogs pa'o/ /sngon gyi gnas rjes su dran pa mngon du byed ces bya ba la mngon gyi gnas/ k+Sha ti ka ta tra ba te/ /'das pa'i tshe rabs snga ma ni sngon gyi gnas so/ /de'i yul dran pa ni sngon gyi gnas rjes su dran pa'o/ /de dang mtshungs par ldan pa'i shes

  976. 488b

    ba ni sngon gyi gnas rjes su dran pa'i shes pa'o/ /de mngon du byas pa ni mngon par shes pa'o/ /'chi 'pho dang skye ba shes pa mngon du byed pa zhes bya ba la/ /'chi 'pho ba dang skye ba ni 'chi 'pho dang skye ba dag go /de'i yul shes pa ste 'di ni lha'i mig gi mngon par shes pa'o/ /zag pa zad pa shes pa mngon du byed ces bya ba la/ zag pa zad pa ni zag pa zad pa ste/ /de shes pa ni zag pa zad pa shes pa ste/ /de'i yul shes pa zhes bya ba'i don to/ /de mngon du bya ba'i mngon par shes pa re re la sbyar ro/ /lnga ni so so skye bo rnams dang thun mong ma yin no/ /zhes bya ba ni tha ma ma gtogs pa'o/ /dge sbyong gi tshul gyi 'bras bu bzhin du zhes bya ba ni/ /ji ltar dge sbyong gi tshul gyi 'bras bu 'dus byas rnam par grol ba'i lam gyis bsdus pa de bzhin du mngon par shes pa yang yin gyi/ /bar chad med pa'i lam ni ma yin te/ /gzhan gyi sems shes pa bar chad med pa'i lam la bkag ba'i phyir dang/ /zag pa zad par byed pa'i bar chad med pa la ma btang nas dgra bcom pa yang mngon par shes pa med pa nyid du thal bar 'gyur ba'i phyir ro/ /bzhi ni kun rdzob shes pa ste/ /zhes bya ba la/ /nub phyogs pa rnams na sngon gyi gnas rjes su dran pa'i mngon par shes pa ni gshegs pa drug rnams so/ /zhes zer ro/ /chos shes pa ni chos shes pa'i phyogs dang rjes su shes pa rjes su shes pa'i phyogs dang mthun pa la kun rdzob shes pa 'jig rten pa 'jug go /sdug bsngal shes ba 'das pa la sdug bsngal te de ltar kun 'byung shes pa dang lam shes pa 'jig rten las 'das pa kun rdzob yin no/ /mdor ni kun rdzob shes pa nyid snang ngo/ /de bzhin du mngon gyi gnas rjes su dran pa rnam pa du ma gsungs te/ /skye ba gcig kyang dran no zhes bya ba nas rgyas par yul phyogs dang bcas rnam pa dang bcas zhes bya ba'i bar ro/ /zag pa med pa'i shes pa ni de ltar mi 'jug go /sems

  977. 489a

    kyi rnam grangs mngon par shes pa ni lnga yin no/ /zhes bya ba ni gzhan gyi sems shes pa ni zag pa dang bcas pa dang zag pa med pa yin pa'i phyir shes pa lngas bsdus pa yin te/ /gzhan gyi sems shes pa ni shes pa gcig yin la bzhi'i cha yang yin no zhes sngar bshad zin to/ /zad pa dang mi skye ba dang sdug bsngal ba dang/ kun 'byung ba dang/ /'gog pa shes pa rnams ma gtogs te/ /de la zad pa dang mi skye ba shes pa bkag pa'i phyir gzhan gyi sems shes pa de'i bdag nyid ma yin la/ /sems dang sems las byung ba'i yul can yin pa'i phyir 'gog pa shes pa ma yin no/ /rang gi mtshan nyid phyogs gcig yul can yin pa'i phyir sdug bsngal dang kun 'byung dang shes pa ma yin no/ /'di ni zag pa zad pa mkhyen pa'i stobs ji skad du bshad pa zhes bya ba ni gal te na zag ba zad pa shes pa 'gog pa la dmigs pa yin na ni shes pa drug yin te/ /chos dang rjes dang 'gog pa dang zad pa dang mi skye ba shes pa dag go /'on te zag pa zad pa'i rgyu la yod ba yin na ni de ltar na shes pa bcu yin no/ /de bzhin du 'di ni sa thams cad pa yin par yang shes par bya'o/ /zhes bya ba ni ji ltar zag pa zad par mkhyen pa'i stobs sa thams cad pa yin pa de bzhin du zag pa zad shes pa'i mngon par shes pa yang sa thams cad pa yin par rig par bya'o/ /mngon par shes pa lnga ni bsam gtan bzhi pa'i sa pa yin no zhes bya ba ni ji ltar zag pa zad pa'i mngon par shes pa ma gtogs pa'o/ /bsam gtan bzhi'i dngos gzhi rnams kho na yin gyi gzugs med pa rnams dang nye bar bsdogs na ma yin no/ /re zhig gsum ni med de/ /gzugs la dmigs pa'i phyir ro/ /zhes bya ba ni rdzu 'phrul dang mig dang rna ba'i mngon par shes pa dag ste/ /gsum po de dag ni gzugs la dmigs pa yin na/ /gzugs med

  978. 489b

    ba dag ni gzugs la dmigs ba ma yin te/ /gzugs kyi 'du shes dang bral ba'i phyir ro/ /gzugs la stegs bcas nas mngon par sgrub par bya ba yin pa'i phyir ro/ /zhes bya ba ni gzugs kyi sgo nas bsgrub par bya ba yin pa'i phyir te/ /gzugs la dmigs pa lam gyis bsgrub par bya ba yin pa'i phyir ro zhes bya ba'i tha tshig go /gzugs med pa rnams ni 'dod pa'i khams la dmigs pa yang ma yin zhes bya ba dang/ /mthar gyis sngon gyi gnas gzhan rjes su dran pa zhes bya ba ni gang gi phyir mthar gyis bdag nyid kyi mnas skabs gzhan dag 'dod pa'i khams su dran pa na skrug par byed? pa na/ /gzugs med pa rnams ni 'dod pa'i khams la dmigs pa yang ma yin no/ /rus la sogs pa la dmigs pa'i phyir ro zhes bya ba ni gnas dang rus la sogs pa dag na ni ci rig par 'dod pa'i khams sam/ /gzugs kyi khams na yod kyi/ /gzugs med pa'i khams na ni ma yin no/ /gzugs med pa'i dngos bzhi dag na ni khams 'og ma la dmigs pa 'am/ /gzugs la dmigs pa yod pa ma yin no/ / de lta na 'o na bsam gtan gyi nyer bsdogs dang/ /gzugs med pa dang po'i nyer bsdogs dag tu yang 'gyur/ /gzugs kyi yul can yin pa'i phyir ro zhe na/ de ni de lta ma yin te/ ting nge 'dzin yan lag gis yongs su bzung ba kho na mngon par shes pa'i rten yin na/ 'di ni gzugs med pa'i nyer bsdogs dag na yod pa ma yin pas de na mngon par shes pa med de/ yod par ming rgyur ro zhe na/ ma yin te/ sa thams cad kyi shes pa zag pa zad ba'i shes pa la dmigs pa nus pa'i phyir ro/ /yang na ji ltar gzhan gyi sems shes ba gzugs la stegs bcas nas mngon par sgrub par bya ba yin zhe na/ de'i phyir pha rol gyi sems shes par 'dod pa ni zhes bya ba rgyas bar smos so/ /de bzhin du pha rol po dag la yang gtod de zhes bya ba ni

  979. 490a

    btod par byed pa ste/ bdag gi lus 'di 'dra ba zhig la sems ni 'di 'dra ba zhig yin la/ gzhan la yang lus 'di 'dra ba yod de/ de'i phyir 'di'i sems kyang 'di dang 'dra bar 'gyur ro/ /zhes bya ba'i sbyor ba'i gnas skabs 'dis mngon par shes ba mngon par de lta na de dag na zag pa zad? pa'i mngon par shes pa 'grub nas gzugs la mi bltos par gzhan gyi sems shes so/ /mtshan ma bzung nas zhes bya ba ni sems kyi rnam pa yongs su bcad nas zhes bya ba'i tha tshig go/ de ma thag pa'i zhes bya ba ni sems gang la mtshan ma nye bar bzung na de'i de ma thag tu 'gag pa gnas skabs gzhan gang yin ba de rnams dang po yid la byed do/ /skad cig ma bar med pa yid la byed pa mi srid pas gnas skabs gzhan zhes bya ba smos so/ /gnas gtsang ma rnams ji ltar dran zhe na zhes bya ba ni gal te nyams su myong ba dran na'o/ /gnas gtsang ma ba rnams 'dir 'ong ba ni med de/ phyir mi 'ong ba yin pa'i phyir ro/ /thos bas nyams su myong ba'i phyir ro zhes bya ba ni 'dis ni gnas gtsang ma'i lha rnams 'di 'dra ba zhig go zhes thos pa yin no/ /nyams su myong ba ni rnam pa gnyis te/ thos pas nyams su myong ba dang/ /mthong bas nyams su myong ba'o/ /gzugs med pa nas shi 'phos te 'dir skyes pa ni/ zhes bya ba la gzugs med pa dag nas shi 'phos nus 'dir skyes pa gang zhig bsam gtan bskyed nas sngon gyi gnas rjes su dran par 'dod pa de ni pha rol po'i rgyud la rten nas bskyed do/ /sngon gyi gnas rjes su dran pa shes pa ni bsam gtan gyis bsdus ba yin pas des gzugs med pa na spyod pa'i sems mi 'dzin no/ /de pha rol po'i rgyud kyi yid kyi rnam par shes pa 'gags ma thag pa mtshan ma/ bzung nas de'i de ma thag tu lugs las bzlog pas zhes bya ba la sogs pa'o/ /mngon par grub nas ni gzugs med pa rnams thod

  980. 490b

    rgal du yang dran pa byed do/ /gal te gzugs med ba rnams mi dran na 'o na mdo las bcom ldan 'das rnams kyis gal te gzugs dag? gam gzugs med pa dag tu sngon gnas pa thams cad rnam pa dang bcas par rjes su dran no/ /zhes mdo las gsungs pa ji ltar zhe na/ /bye brag tu smra ba rnams na re re ni rjes su dpag pa 'khrul pa med pas shes so zhes zer ro/ /phyi rol ba rnams ni 'dod ba dang/ gzugs dag ni nges par chad pa yin no zhes rab tu shes so/ /gzugs med pa las shi 'pho ba mthong nas ma byung ba las byung ba zhes zer ro/ /nyan thos rnams kyis kyang gzugs med pa'i khams na nam mkha' mdza' yas skye mched ba rnams bskal ba stong phrag nyi shu nas 'chi 'pho ba mthong ngo/ /de bzhin du sred pa'i rtse nas bskal pa stong phrag brgyad cu nas 'chi 'pho ba mthong ngo/ /gang la zhes bya ba ni gzhan gyis so/ /res 'ga' de'i sa pa tshe mdza' dag ma zad bar 'chi'o/ /res 'ga' sa 'og ma pa'i ris mthun po gnyis sam gsum zad nas skye bar 'gyur ro/ /de dag gi der shes pa 'khrul par spyod do// bcom ldan 'das kyis gang dag 'chi 'pho ba'i sems pa ji lta ba bzhin gzigs shing skye ba dang tshe mdza' dag ma tshang ba dang zad ba yang mkhyen cing de bzhin du de nas 'chi 'pho ba dang 'dir mtshams sbyor ba'i sems pa ji lta ba bzhin du gzigs shing tshe mdza' dag ma tshang ba dang zad pa yang mkhyen te/ /de'i phyir ma 'phrul pa rjes su dpag pas mkhyen pa min no/ /gzhan dag ces bya ba ni gang dag gzugs med pa nas shi 'pho ba ma yin pa de dag ni rang gi rgyud la rten nas bskyed bo/ /rdzu 'phrul la sogs pa'i zhes bya ba ni rdzu 'phrul dang lha'i rna ba dang/ /mig gi mngon bar shes pa dag gi sbyor ba ni go rims bzhin du yang ba dang sgra dang snang ba yid la byed pa yin no/ /rdzu 'phrul gyi sbyor ba ni

  981. 491a

    yang ba nyid yid la byed pa'o/ /lha'i rna ba'i sbyor ba ni sgra yid la byed pa'o/ /lha'i mig gi sbyor ba ni snang ba yid la byed pa'o/ /nyon mongs pa spong ba'i thabs rgyas par bstan pa'i phyir zag pa zad pa'i mngon par shes pa skyed pa'i sbyor ba yang mi brjod do/ /'di dag ji ltar 'thob ces bya ba ni 'thob pa rnyed pa'i dbang du byas nas dris pa ste/ /mngon sum du 'gyur ba ni/ /'dris pa 'am ma 'dris pa 'ang rung ste/ /sbyor ba kho nas yin no/ /ma 'dris pa rnams ni sbyor bas zhes bya ba ni bye brag can mngon ma bskyed pa gang yin pa'o/ /thams cad kyang sbyor bas bskyed pa yin no zhes bya ba ni 'dris pa dang/ /ma 'dris pa'o/ /de la 'phags pa'i gang zag dang srid pa tham pa dang so so skye bo rnams 'dris pa dang ma 'dris pas dmigs pa dang khyad par can rnams so/ /so so skye bo rnams ni 'dris pa kho na so zhes zer ro/ /yang mngon par shes pa ni gang zhig yin/ /dran pa nye bar gzhag pa rnams ni du zhe na/ /thams cad shes rab kyi rang bzhin yin te/ /mngon par shes pas na mngon par shes pa'o/ /de bzhin du thams cad chos dran pa nye bar gzhag pa'o/ /'ga' zhig tu rna ba dang mig dang gzugs kyi rang bzhin du rig par bya zhing shes rab gsum gyi rang bzhin du sems so/ /de dag las gnyis ni lus dran pa nye bar gzhag pa dang gsum ni chos dran pa nye bar gzhag pa'o/ /lhan cig dmigs pas brjod pa gsum pa ni dran pa nye bar gzhag pa gsum rnams so/ /tshigs su bcad pas rim pas gsum pa ni sems kyi rnam grangs mngon par shes pa ste/ sems dang sems las byung ba dmigs pa'i phyir ro/ /lus dran pa nye bar gzhag pa ma yin te/ /de ni lus la dmigs pa'o/ /sgra ma gtogs so zhes bya ba ni sgra ni rgyun 'chad pa'i phyir des dmigs pa ma yin no/ /'o na ji ltar 'chi 'pho ba dang skye ba shes pas zhes bya ba rgyas

  982. 491b

    par 'byung ba ni gal te mig gi mngon par shes pa gzugs la dmigs pa yin na/ /lha'i mig gis ngag dang yid kyis nyes par spyad pa dang/ /legs par spyad pa 'am de dang ldan pa gzugs kyi skye mched kyi rang bzhin ma yin pa ji ltar shes she na/ / 'di'i lam gyi phyir de ni des mi shes kyi zhes bya ba rgyas par smos so/ /mngon par shes pa'i 'khor du gyur pa'i phyir de yang de'i sgras brjod do/ /lhag ma ni zhes bya ba ni sngon gyi gnas dang zag pa zad pa'i mngon par shes pa'o/ /re zhig sngon gyi gnas rjes su dran pa gzugs dang sems dang sems las byung ba la dmigs pa'i phyir/ /dran pa nye bar gzhag pa bzhi'i bdag nyid yin la rag mod/ /zag pa zad pa mngon par shes pa ni ji ltar dran pa nye bar gzhag pa bzhi yin te/ /'gog pa la dmigs pa'i phyir ro zhe na/ /'gog pa la dmigs pa'i phyogs yin na ni chos dran pa nye bar gzhag pa kho na yin la/ /zag pa zad pa'i rgyud kyi phyogs yin na ni dran pa nye bar gzhag pa bzhi yin pas 'gal ba med do/ /de dag dge ba la sogs pa'i dbye bas ni/ /kha gcig ni thams cad dge ba'o zhes zer ro/ /'di ni nges pa ste/ /mig dang rna ba'i mngon shes ni/ /lung du ma bstan lhag rnams dge zhes bya ba'o/ /gal te mig dang rna ba'i rnam par shes pa dang mtshungs par ldan pa'i shes rab yin na/ /'o na ji ltar bsam gtan bzhi pa'i sa par grub/ /mig dang rna ba'i rnam par shes pa dang mtshungs par ldan pa'i shes rab dag ni bsam gtan gnyis pa la sogs pa'i sa pa med do/ /rten gyis dbang gis zhes bya ba rgyas par 'byung ba ni/ /lnga ni bsam gtan bzhi dag na zhes pa der/ /rten gyi dbang gis rten pa mig dang rna ba'i mngon par shes pa dag kyang bsam gtan bzhi pa'i sa par bshad do/ /de'i rten zhes bya ba ni mngon par shes pa'i rten no/ /yang na bar chad med pa'i lam gyis dbang gis so zhes bya ba ni

  983. 492a

    bar chad med pa'i lam gyis bskyed pa'i bsam gtan dang po'i rnam par grol ba'i lam gyi rang bzhin dag kyang bsam gtan bzhi pa'i sa pa zhes bya ste/ /de dag kyang bsam gtan bzhi pa'i sa pa nyid kyis bstan to/ /mig dang rna ba'i rnam par shes pa dag rnam par grol ba'i lam nyid dang mngon par shes par mi 'thad pa'i phyir ro/ /kha cig na re rnam par grol ba'i lam gyi bdag nyid yin pa'i phyir de ni de lta ma yin no zhes zer ro/ /bsam gtan bzhi po rnams su shes rab la khyad par yod de/ /rang gis pa'i 'bras bu mngon du gyur pa gang yin pa ni rang gis pa'i 'bras bur gyur pa ste/ mig dang rna ba dag gi rten yin no/ /de'i phyir rnam par shes pa dang mtshungs par ldan pa'i shes rab ni mngon par shes pa ma yin no/ /gtso bo zhes bya ba ni rdzu 'phrul la sogs pa dge ba yin pa'i phyir gtso bo yin la/ /de la yod pa'i bstan pa ni gtso bo yin no/ /phal che ba zhes bya ba ni med pas byas pa ni phal che ba ste/ /dge ba bzhi ni mang ba yin la/ /lung du ma bstan pa ni gnyis yin pas so/ /shes pa mngon sum du bya ba ni sngon gyi gnas shes pa mngon sum bya ba dang/ /'chi 'pho ba dang skye ba shes pa mngon sum du bya ba dang/ /zag pa zad pa shes pa mngon sum du shes pa zhes re re la sbyar bar bya'o/ /gzhan dag ni ma yin zhes bya ba ni lha'i rna ba dang mig dang/ /gzhan gyi sems shes pa'i mngon par shes pa rnams so/ /go rims bzhin du zhes bya ba ni sngon gyi gnas rjes su dran pa ni/ /sngon gyi mdza' la kun tu smongs pa zlog par byed do?/ /'chi 'pho dang skye ba shes pas ni bar la kun du rmongs pa bzlog par byed do/ /zag pa zad pa shes pas ni 'di las srid pa gzhan mi shes so zhes phyi ma'i mdza' la kun du smongs pa sel bar byed do/ /slob dpon 'dus bzang na re ni 'chi 'pho ba dang skye ba'i mngon bar shes pas ni

  984. 492b

    phyi ma'i mdza' i la kun du rmongs pa zlog par byed do/ /zag pa zad pa'i mngon par shes pas ni bar la kun tu rmongs pa zlog par byed do zhes zer ro/ /yang mngon par shes pa gsum kho na rigs gsum yin no/ /zhes bya ba ni 'di ji ltar shes she na/ /'di ltar mi slob pa'i sngon gyi gnas rjes su (dran pa shes pa) mngon du byed pa'i rig pa dang/ /mi slob pa'i 'chi 'pho ba dang skye ba shes pa mngon du byed pa'i rig pa dang/ /mi slob pa'i zag pa zad pa shes pa mngon du byed pa'i rig pa zhes gsungs so/ /zag pa zad pa mngon du bya ba kho na mi slob pa'i rig pa yin no/ /zhes bya ba ni rang bzhin dang rgyud kyis kyang yin no/ /gzhan dag ni rgyud kyi sgo nas yin gyi rang bzhin gyis ni ma yin te/ /de nyid kyi phyir de gnyis ni slob pa yang ma yin la/ /mi slob pa yang ma yin no zhes bya ba smos te/ /zag pa dang bcas pa'i phyir ro/ /mngon par shes pa 'di dag zhes bya ba ni sngon gyi gnas dang/ /'chi 'pho dang skye ba shes pa mngon du bya ba'i mngon par shes pa'o/ /slob pa'i zhes bya ba ni phyir mi 'ong ba'i 'o/ /yang ma rig pas zil gyis gnon pa'i phyir ro zhes bya ba ni langs bar gyur pa ni bsgoms pas spang bar bya ba ma rig bas zil gyi gnon pa'i phyir ro/ /go rims bzhin du zhes bya ba ni rdzu 'phrul gyi mngon par shes pa ni rdzu 'phrul gyi cho 'phrul yin no/ /sems kyi rnam grangs shes pa ni kun rdzob brjod pa'i cho 'phrul yin no/ /zag pa zad pa'i mngon par shes pa ni rjes su bstan pa'i cho 'phrul yin no/ /pra dang a ti'i sgra dag po'o las dang shin du'i don yin pa'i phyir ro/ /pra'i sgra ni dang po'i las kyi don te 'di dang 'dis las dang por rtsom zhes bya ba lta bu'o/ /a ti'i sgra ni shin du'i don to/ /shin du rtogs pa zhes bya ba lta bu'i/ /dang po nas shin du zhes bya ste/ /pa'i sgra'i don ni dang po nas na zhes bya'o/ /a'i 'i sgra'i don ni shin tu'i don to/ /zhe 'gras pa dang bar mar gnas pa rnams kyi

  985. 493a

    yid 'phrog par byed pas zhes 'byung ste nges pa'i tshig gi tshul gyis cho 'phrul zhes sbyar ro/ /mi 'phrul phyir dang zhes bya ba rdzu 'phrul dang kun brjod pa dag ni 'di las phyi rol la rnams la yang srid kyi/ /zag pa zad pa zhes pa ni ma yin te/ mi 'khrul pa dang thun mong ma yin pa'i phyir ro/ /rdzu 'phrul sman dang gsang sngags dag gis kyang 'grub ste/ /gA na hA rI zhes bya ba'i rig sngags gang gis nam mkha' la 'gro ba yod cing/ /sman gyi khyad par lag pa dang rkang pa la bskus pa gang gis nam mkha' la 'gro bar yod par grag go/ gzhan gyi sems kun brjod pa yang mtshan ma dang gsang sngags la sogs pa dag gis byed do/ /yang dag pa ji lta ba bzhin rjes su ston pa ni rnam pa gzhan du bya bar mi nus pas mi 'phrul pa nyid yin te/ /yang dag pa ji lta ba bzhin rjes su ston pa dang yang dag pa ji lta ba bzhin 'doms pa ni rdzu 'phrul gyi ting nge 'dzin te/ /de'i 'bras bu ni cho 'phrul lo/ /mdo las rags pa dang phra ba la 'jug pa'i phyir rdzu 'phrul zhes bshad do/ /ting nge 'dzin dang nges ches nye ba'i rgyur gyur pa 'doms pa'i phyir ro/ /de nyid kyi phyir nges pa'i tshig las 'dis 'byor bar byed pas rdzu 'phrul lo/ /'byor bar byed pa ni sgrubs par byed ces bya ba'i tha tshig go/ yid bzhin du mgyogs pas na zhes bya ba - yid kyis 'gro ba dmigs pa 'dzin pa ste/ /dus de tsam gyis bcom ldan 'das kyis 'di nas bzhed pa'i yul 'og min du byon te/ /thub pa'i nyan thos la ni yod pa ma yin pas/ /yid mgyogs ni sangs rgyas rnams kho na yin no/ /de nyid kyi phyir bcom ldan 'das kyis zhes bya ba la sogs pa la/ /rnam par ma chad pas ming der 'gro bar bya 'am/ rnam pa gzhan zhe na/ /der nye bar chad ba 'byung bas 'gro ba'i ngo bo nyid do/ /yul shin tu thag ring ba yang thugs bskyed pa tsam gyis

  986. 493b

    gshegs pas sangs rgyas bcom ldan 'das ni mthu bsam gyis mi khyab pa yin no/ /mos pa las byung ba ni mos pa'i 'bras bu yin te/ /myur du 'gro ba ni lus phyin par byed pas so/ /mos pa las byung ba ni thag ring ba la nye bar mos pa gang yin pa las te/ bcom ldan 'das kyis bsam gtan pa rnams kyis bsam gtan gyi yul ni bsam gyis mi khyab po zhes gsungs so/ /sprul pa ni rnam pa gnyis te/ /'dod pa na spyod pa'o/ /gzugs na spyod pa'o zhes bya ba ni gzugs med pa na spyod pa med pa ste/ /de na gzugs med pa'i phyir ro/ /'dod par gtogs pa'i sprul ba ni/ /phyi'i zhes bya ba ni nang gi skye mched ni sprul bar mi byed de/ /smon med pa'i sems 'byung bar 'gyur du 'ong bas so/ /sgra'i sprul pa ni yod pa ma yin te/ /rgyun chad pa'i phyir ro/ /bdag dang gzhan gyis lus dang 'brel par zhes bya ba ni bdag gi lus dang 'brel ba dang/ /gzhan gyi lus dang 'brel pa'o/ /de kho na bzhin du zhes bya ba ni ji ltar 'dod pa'i khams na rang dang gzhan dag gi lus dang 'brel pa de bzhin du gzugs su gtogs pa yang bdag gi lus dang gzhan gyi lus dang 'brel ba zhes bya ba rnam pa gnyis yin no/ /'di ni sprul pa rnam pa bzhi yin no zhes bya ba ni 'dod pa'i khams su skyes pa'i 'o/ /gzugs kyi khams na yang de dang 'dri'o zhes bya ba ni gzugs kyi khams su skyes pa'i yang/ 'dod par gtogs pa dang/ /gzugs su rtogs pa rang gi lus dang 'brel ba dang/ /gzhan gyi lus dang 'brel pa yin no/ /rnam pa brgyad yin no/ /zhes bya ba 'dod pa'i khams su skyes pa'i rnam pa bzhi dang/ /gzugs kyi khams su skyes pa rnam pa bzhi ste/ /rnam pa brgyad yin no/ /mdor bsdus na zhes bya ba rgyas par ni mdza' yas so/ /ji ltar dri dang ro dang mi ldan zhes bya ba ni gal te gzugs kyi khams su skyes pa 'dod pa na spyod pa skyed mched kho na sprul par byed na/ /ji ltar rang gi lus dang 'brel pa sprul pa dri dang ro dag dang

  987. 494a

    mi ldan zhes bya'o/ /gos dang rgyan bzhin du mi ldan no zhes bya ba ni dper na sems can du mi grangs pa'i phyir gos dang rgyan dang gi lus dang 'brel pa dag dang mi ldan pa de bzhin du sprul pa dang yang yin no/ /gzhan dag na cha skye mched gnyis sprul par byed do/ /zhes bya ba ni rang gi lus 'brel pa gzugs dang reg bya'i skye mched kho na sprul pa byed pa'o/ /gzhan gyi lus dang 'brel ba ni skye mched bzhi yin no/ /'di la skyon med de 'gro ba'i khyad par gyi skye nas zhes bya ba ni/ /'gro ba ni 'dir 'gro par byed pa la mngon par 'dod do/ /bsam gtan dang po'i 'bras bu sprul pas ni bsam gtan gnyis pa'i sar 'gro bar mi nus la/ /de bzhin du bsam gtan gnyis pa'i 'bras bu sprul pas bsam gtan gsum pa'i sa dang bsam gtan gsum pa'i 'bras bu sprul pas bsam gtan gzhi pa'i sar 'gro bar mi nus so/ /bsam gtan dang po'i 'bras bu sprul pa 'dod pa na spyod pa gang yin pa dang bsam gtan dang po'i 'bras bu sprul pa gzugs na spyod pa gang yin pa de dag 'gros kyi sgo nas khyad par yod de/ /gzugs na spyod pa ni 'dod pa na spyod pa las khams kyi sgo nas khyad par du 'phags so/ /de bzhin du gzhan la yang brjod par bya'o/ /de rnyed bsam gtan bzhi zhes bya ba la/ /ji ltar bsam gtan rnyed ce na/ /'dod chags dang bral ba dang skye ba dang sbyor ba'i sgo nas so/ /'dod chags bral ba'i sgo nas ni gang zhig sa gang la thob pa'o/ /de'i 'bras bu rnams kyang mya ngan las 'das pa'i sems rnams thob po/ /sa gong ma nas 'chi 'phros pa bsam gtan rnams su skyes pas bsam gtan gyi 'bras bu sprul pa'i sems rnams thob po/ /gang dang gang bsam gtan la brten pa dang de la rag las te yon tan skyes par byed pa ni thams cad du de'i 'bras bu rnams thob po/ /'dod pa'i

  988. 494b

    khams su skyes pa dgra bcom pa thob pa ni mi g.yo bar rtogs pa thams cad thob pa nas bsam gtan bzhi pa las dgra bcom pa thob pa thob pa'i bar thams cad de'i 'bras bu rnams 'thob pa nyid de/ /ting nge 'dzin gyi 'bras bu la gnas pa ni zhes bya ba la/ /ting nge 'dzin gyi 'bras bu ni sprul pa'i sems te/ kha cig na re/ /rnam par grol ba'i lam gyi rang bzhin pa'i phyir ro/ /zhes zer ro/ /gzhan dag na re/ mngon par shes pa'i 'bras bu yin pa'i phyir te/ /rnam par grol ba'i lam ma yin no zhes zer ro/ /bar chad med pa'i dang rnam par grol ba'i lam dag de'i don nyid las bsam gtan gyi 'bras bu nyid do/ /gang gi tshe smra ba'i sems yod pa de'i tshe sprul pa'i sems med pa'i phyir zhes bya ba ni/ /sprul pa'i sems 'gags shing smrar 'jug pa'i sems skye na sprul pa'i sems 'gags pas sprul pa'i gnas skabs mi gnas te/ /sems gnyis cig car med pa'i phyir/ /'di ltar smrar 'jug ce na zhes bya ba'o/ /'di smra ba skye ba yin te/ /'gags pa'i phyir snyam du bsam pa'o/ /byin gyis rlabs nas gzhan 'jug phyir/ zhes bya ba ni sprul pa'i sems kyis sprul par byed do/ /de nas dus phyis byin gyis rlobs pa'i sems mngon byed la/ /des sprul pa byin gyis brlabs nas/ /phyis rnam par ?rig byed kun nas slong bar byed pa'i sems mngon du byed te smrar 'jug go 'dir smras pa/ /byin gyis brlobs pa'i sems mngon du gyur na sprul pa'i sems mi snang bar gyur pas sprul pa mi snang bar ci'i phyir gyur zhe na/ 'di la brjod par bya ste/ mngon gyi bsam pa'i rgyud rjes su 'brang ste sprul pa sprul par bya'o/ /de'i byin kyi rlabs bar bya'o/ /de smrar? bzhug go snyam du de ltar sngar sems la bzhag pa yin no/ /'o na gang 'dod pa'i khams su skyes pa bsam gtan gnyis pa'i sa pa'i sprul pa'i bya ba la 'jug par byed ce na des ji ltar skal pa nyam pa'i khams su gnas

  989. 495a

    ba'i spyod lam pa dang bzo'i gnas pa dag mngon du byed par mi nus zhe na/ /de dag der mnyam par gzhag pa nyid kyi rten la dag lus pa'i phyir skyon med do/ /de'i khams kyi 'byung ba rnams kho na las de mngon du byed pa'i phyir de dag gis gzugs spyod pa'i 'byung ba rnams gcig tu mkhregs par byas pa'i rten de nas rnam par rig byed kyi kun nas slong bas mngon du byed pa yin pas/ /mnyam par gzhag par de mngon du byed par thal ba med do/ /mnyam par gzhag pa 'dzin la rag las pa la yang rnam par rig byed kyi kun nas slong ba yod pas/ /lha'i mig dang rna ba dag rnam par shes pa bzhin no/ /zhes bya ba'i skyon med do/ /dang por du mas cig yin te/ zhes bya ba rgyas par 'byung ngo sgrubs na ni sprul pa'i sems mang pos sprul pa nye bar len pa dang bcas pa gcig sprul par byed la/ /mngon par shes pa byas nas ni sems gcig gis du ma yin no/ /sprul pa'i sems ni bsgoms pa'i 'bras bu dang/ /skyes bas thos pa dang rnam pa gnyis yin pas 'dri ba ni yang ci sprul pa'i sems thams cad ces bya ba rgyas par 'byung ngo/ /bsgom las skyes pa lung du ma bstan zhes bya ba la sa gong mar skyes pas sa 'og ma pa'i sprul pa'i sems mngon du byed pa'i phyir de dang ldan par lung du ma bstan pa dang des byas pa yang ngo/ /lhag la sogs pas byas pa ni skye bas byas pa'o/ /skye ba las skyes rnam gsum mo zhes bya ba ni yi dags la sogs pa dag ni res 'ga' gzhan la mtho ba rtsams pa'i phyir/ /gzugs sprul par byed la/ /res 'ga' phan gdags pa'i phyir dang res 'ga' lung mi bstan nyid do/ /sgra med pa'i gzugs can gyi skye mched yin pa'i phyir zhes bya ba la/ /sgra med pa'i gzugs can gyi skye mched rnams ni 'dir sgra med pa'i gzugs kyi skye mched rnams/ /de'i ngo bo na sgra med pa'i gzugs

  990. 495b

    can gyi skye mched nyid do/ /gang gi phyir der rang dang gzhan gyi lus sprul pa la sgra ma gtogs pa mig la sogs pa skye mched gzugs can thams cad yod do/ /de'i phyir skye mched dgu pa'o/ /sgra la rgyun med pa'i phyir sprul par mi byed la/ /sprul pa'i sems med pa'i phyir yid dang chos kyi skye mched dag kyang sprul par mi byed do/ /bstan bcos las sgrub pa sems par bcas pa zhes brjod par bya ba 'am/ /sems med pa zhes brjod par bya/ /smras pa sems med pa'o/ /zhes gsungs so/ /gal te dbang po dag kyang sprul par byed na mi dbang po rnams sems can du 'grang ba yin pa'i phyir ji ltar sngon med pa'i sems can 'byung bar 'gyur ro zhe na/ /de'i phyir dbang po rnams dang tha mi dad pa'i phyir ro zhes bya ba smos te/ /sprul pa skye mched bzhi pa de ni mig la sogs pa'i dbang po dang tha mi dad par skyes ba ste/ /rang gi lus dang 'brel ba'i phyir ro/ /de'i phyir skye mched dgu par bshad do/ /dbang po ni sprul par mi byed do/ /zhes bya ba ni/ /rnam par smin pa las skyes pa dang rgyas pa las byung ba yin pa'i phyir te/ sprul pa ni rnam par smin pa dang rgyas pa las byung bar mi rigs so/ /dper na da las nu dang srid pa bar ma pa rnams kyi lta bu'o zhes bya ba ni las las skyes pa'i rdzu 'phrul ston pa'o/ byang chub sems dpa' dang 'khor los sgyur ba dang khyim bdag rin po che rnams kyi lta bur zhes bya ba la de dag gi ni lha dang 'dra bas lha'i yin no/ /'di ltar de gnyis ni bsam gtan sa pa'i gzugs dang ba yin pa de'i phyir de dag ni lha'i kho na yin gyi lha'i dbang 'dra ba'i lha ni ma yin no/ /de nyid kyi phyir lha'i mig ni sha dang pags pa dang rus pa dang khrag dang ma 'brel zhing gzugs dang ba'o/ /zhes brjod do/ /lha'i mig gam rna ba ni da dang mtshungs pa med do/ /zhes bya ba ni ?bdag lta ba dang nyan? pa'i sgo nas mngon par sgrubs pa ste/ /de'i phyir rtag tu rnam par shes pa dang bcas

  991. 496a

    pa yin no/ /zhar ba dang longs ba la sogs pa med pa'i phyir zhes bya ba la/ /zhar ba ni gang rung cig ma tshang ba'o/ /long ba ni yo ba'o/ /lha'i rna ba la sogs pa bzhi yang zhes bya ba la/ /sogs pa zhes bya ba'i sgros ni lha'i mig dang/ sngon kyi gnas rjes su dran pa dang/ /gzhan gyi sems shes pa bsdu ste/ /'di dag thams cad skyes nas thob pa yin no/ /'dod pa na spyod pa'i lha dang klu rnams dang/ /gzugs nas spyod pa rnams kyi yin gyi/ /gzugs med pa na spyod pa rnams kyi ni ma yin te/ /de na gzugs med pa'i phyir ro/ /'gro ba 'ang sprul pa med pa'i phyir rdzu 'phrul med do/ /de nyid kyi lha'i mig dang rna ba med do/ /rang dang gzhan gyi rgyu de yongs su gcod pa med pa'i phyir gzhan gyi sems shes pa med do/ /sngon gyi gnas rjes su dran pa yang med do/ / rigs dang rus dang kha dog dang gnas dang zas la sogs pa med pa'i phyir ro/ /yang na 'dod pa na spyod pa'i sems can bzhin mngon par shes pa thams cad kyang de na yod pa ma yin no/ /de lta bu'i lus kun du 'gro ba'i phyir lha'i mig thams cad lung ma bstan nyid do/ /gzhan gyis sems shes pa skye bas thob pa ni dge ba dang/ /mi dge ba dang lung du ma bstan pa'o/ /gang rtogs dang rig sngags kyis byas pa 'ang zhes bya ba de yang rnam pa gsum yin no/ /de la 'dod pa'i khams kho na ni mi dge ba yod kyi gzhan ma yin no/ /gzhan gyi sems zhes pa bsgom pa'i 'bras bu dge ba kho na yin no/ /dmyal ba pas ni dang po zhes bya ba ni dmyal ba rnams kyis ni skyes tsam nyid nas sngon gyi gnas rjes su dran pa'i shes pas de ma thag pa'i skye ba tsam gyi gzhan ni ma yin no/ ji skad du de dag 'dod pa ma 'ongs pa rnams la 'jigs bar lta bar gyur zhes rgyas par 'byung ba'o/ /gzhan gyi sems shes pas kyang dang po'i kho na shes so/ /ji srid sdug bsngal gyi tshor bas nye nang? zhes

  992. 496b

    bya ba la de dag ni gang gi tshe tshor ba drag po gnad thams cad 'byed par byed pa dag gis gnon pa de'i tshe bdag nyid kyang mi dran na/ /sngon gyi gnas sam gzhan gyi sems shes par go ga la 'gyur/ /'gro ba gzhan na gnas pas ni rtag tu shes so zhes bya ba ni yi dags dud 'gro dang mi dang lha'i 'gro ba la gnas pa ste/ /sngon gyi gnas rjes su dran pa dang/ /gzhan gyi sems shes pa de dag gis rtag tu shes so/ /dung dang bya kur ra bzhin no/ /yi dags kyis kyang shes te/ /ji skad du/ bdag gis mthun dang mi mthun las/ /longs spyod dag ni gang bsags pa/ /de dag gzhan gyi longs spyod de/ /kho bo cag ni sdug bsngal ste/ zhes bshad pa lta bu'o/ /mi skye ba dran pa dag ni mthong ba nyid do/ /lhas kyang dran te/ /ji skad du/ drang srong tshogs kyis bsten pa dang/ /chos kyi rgyal pos bzhugs gyur cing/ / bdag la dga' ba bskyed pa yin/ /rgyal byed tshad de 'di yin no zhes bya ba dang/ /de bzhin du gang nas shi 'phos gang du skyes zhes bya ba la sogs pa bshad pa lta bu'o/ /mi la skye bas thob pa med ces pa bya ba ni rdzu 'phrul la sogs pa thams cad do/ /skye bas thob pa bdag pas 'dod chags dang bral bas thob pa dang/ /rtogs pa dang/ rigs sngags dang/ /sman dang las kyis byas pas te yod do zhes bshad par 'gyur ro/ /de dag gi de ni las kyi khyad par las skyes pa yin te zhes bya ba ni skyes pas thob pa ma yin pa'o// gang gi phyir skye bas thob pa'i mtshan nyid kyis khyad par rigs? mthun par gyur pa rnams so/ /rnam pa gsum ste zhes rgyas par 'byung ste/ /sngon gyi gnas rjes su dran pa ni bsgom pa'i 'bras bu kho na ma yin no/ /'o na ci zhe na/ /rdzu 'phrul bzhin du 'di dag kyang rnam pa du ma yin zhes ston par byed do/ /slob dpon blo gros brtan pas nye bar bkod pa chos mngon pa mdzod kyi bshad pa'i rgya cher 'grel pa don gyi de kho na nyid rnam par bshad pa las ye shes bstan pa zhes bya ba ste mdzod kyi gnas bdun pa rdzogs so// //

  993. 497a

    'jig rten mgon po la phyag 'tshal lo/ /shes pa'i skabs kyi shes pa'i rang bzhin gyi yon tan rnams bshad zin to/ /zhes bya ba ni/ /gang gi phyir zad pa shes par bshad pa ni sangs rgyas bcom ldan 'das rnams kyi thun mong ma yin pa'i chos stobs la sogs pa rnams dang/ /nyan thos dang thun mong pa nyon mongs pa med pa dang smon nas shes pa dang so so yang dag par rig pa la sogs pa rnams dang/ so so skye bo dang thun mong pa mngon par shes pa dang bsam gtan dang gzugs med pa la sogs pa rnams 'thob po zhes spyir bshad la/ /de dag kyang shes pa'i rang bzhin dang rang bzhin gzhan yin no/ /de la shes pa'i rang bzhin stobs la sogs pa nas mngon par shes pa'i mthar thugs de rnams ni shes pa'i skabs kho nas bshad zin to/ /de la shes pa zag bcas zag pa med ces bya ba de lta bu la sogs pas ni rgyas par shes pa bstan pa'i dbang du byas so/ /de'i phyir shes pa dang 'brel pas shes pa'i rang bzhin gyi yon tan rnams kho na bshad kyi rang bzhin gzhan rnams ni ma yin pas da ni rang bzhin gzhan bsam gtan dang gzugs med pa dang tshad med pa rnams brjod par bya ste zhes pa'o/ /de la dang po kho nar bsam gtan rnams las brtsams te/ /gtso bo yin pa'i phyir ro/ /ji ltar gtso bo yin zhe na/ /de'i phyir yon tan thams cad kyi rten pa'i phyir zhes bya ba smos so/ /gzugs med pa rnams kyang yon tan gyi rten yin mod kyi/ /yon tan thams cad kyi rten ni ma yin pas de dag sngar ma brjod de/ /de'i mjug thogs su skye ba'i phyir ro/ /bsam gtan dag ni rnam gnyis/ /zhes bya ba ni rgyu dang 'bras bu'i bsam gtan gyi dbye bas so/ /de nyid kyi phyir skye ba dang snyom par 'jug pa'i bsam gtan gyi bye brag gis zhes bya ba smos so/ /de la skye ba'i bsam gtan ni 'bras bu'o/ /snyoms par 'jug pa'i bsam

  994. 497b

    gtan ni rgyu'o/ /de dag kyang bzhi/ /bsam gtan dang po nas bzhi pa'i bar ro zhes bya ba ni 'di dag kho nas bsam gtan rnams bsdus shing ting nge 'dzin rnams rnam par bzhag go/ sangs rgyas bcom ldan 'das rnams 'di dag kho nas ji ltar ye shes kyi khyad par rnams sgrub par mdzad pa de ltar/ /nyan thos dang sangs rgyas rnams kyis ting nge 'dzin de dag gi ming yang mi shes so/ /'di ltar mdor bsdus pa las bsam gtan bzhi'o/ /dge ba rtse gcig pa zhes bya ba la/ /'di ni snyoms par 'jug pa'i bsam gtan gyi thun mong gi mtshan nyid do/ /sems rtse gcig pa nyon mongs pa can dang lung du ma bstan pa yang yod pas dge ba smos so/ /dge ba g.yeng ba yang yod pas rtse gcig pa smos so/ /sems rtse gcig pa ni bsam gtan yin te zhes bya ba der sems las byung ba ni ma smos pa ni/ /sems gtso bo yin pa'i phyir ro/ /ting nge 'dzin gyi rang bzhin yin pa'i phyir ro zhes bya ba ni bsam gtan rnams la dmigs pa gcig pa'i rang bzhin yin pa'i phyir ro/ /rjes 'brang bcas na phung po lnga/ zhes bya ba ni gal te snyoms par 'jug pa'i bsam gtan rnams kyi rang bzhin tshal na ni/ /de'i rang bzhin yin pas dge ba rtse gcig pa yin te/ /bsam gtan rnams ni ting nge 'dzin gyi rang bzhin yin pa'i phyir ro/ /'on te 'khor dang bcas pa brjod par 'dod na ni/ /de'i phyir phung po lnga'i rang bzhin yin te rjes su 'jug pa'i gzugs yod pa'i phyir ro/ /'di dag gi khyad par ji ltar ni rtogs dka' bar mtshungs pa de'i phyir sa'i dbye ba las khyad par bstan pa'i phyir dang po nas bzhi pa'i bar ro zhes grangs can gyis bstan te/ /dge ba'i sems rtse gcig pa ni bsam gtan yin te zhes 'byung? na/ /de ni nges par ma zin pas de'i phyir/ /rtse gcig pa zhes bya ba 'di ci zhe na/ zhes 'dri ba'o/ /dmigs pa gcig pa nyid do zhes bya ba ni/ /yul gcig pa nyid do zhes bya ba'i don to/ /de lta na 'o na mig gi rnam par shes pa dang

  995. 498a

    yid kyi rnam par shes pa dag kyang dmigs pa gcig pa'i phyir rtse gcig pa nyid du thal lo zhe na/ kha cig na re/ /de'i phyir rten gcig pa dang dmigs pa gcig pa dang rtse gcig pa'i khyad par brjod par bya'o/ /zhes zer ro/ /de lta na ni 'o na zhes rgya cher 'byung ba la/ /gal te rtse gcig pa nyid dmigs pa cig yin na/ /des na sems dmigs pa gcig pa snga ma g.yengs shing mnyam par gzhag pa dag kho na ting nge 'dzin yin gyi/ /chos gzhan sems las byung ba ni ma yin te/ /dmigs pa gcig pa nyid de ni sems dag las gzhan na med de/ /sems ni g.yengs pa nyid yin par 'gyur du 'ong bas so/ /sems rnams kho na ting nge 'dzin ma yin gyi zhes rgya cher 'byung ba la/ /sems rnams ni dmigs pa gcig la 'jug pa las rang las nus pa yod pa ma yin gyi/ /gang gis de dag rtse gcig par byed pa'i chos te ting nge 'dzin yin no/ /de nyid rtse gcig pa nyid yin no zhes bya ba ni ting nge 'dzin dang ldan bas de dag sems rtse gcig par 'gyur bas ting nge 'dzin kho nas rtse gcig pa yin gyi sems dag ni ma yin no/ /skad cig ma yin pa'i phyir sems thams cad rtse gcig pa ma yin nam zhes bya ba ni/ /sems thams cad ni rtse gcig pa kho na yin de/ /skad cig ma yin pa'i phyir dmigs pa gzhan la 'pho ba med pa'i phyir ro/ /de'i phyir sems la ting nge 'dzin yongs su rtog pa don med de/ /dge ba'i sems thams cad mnyam par gzhag pa nyid yin par thal bar 'gyur ba'i phyir ro/ /gal te gnyis pa de las rnam par mi g.yeng ba yin no/ /zhes bya ba ni/ sems gnyis pa ni sems snga ma dang mtshungs par ldan pa'i ting nge 'dzin gyi stobs kyis sems dang po'i dmigs pa las mi g.yeng bas nyes pa 'di med do/ /zhes bya ba'o/ /mtshungs par ldan pa la ni ting nge 'dzin don med pa yin no zhes bya ba ni/ /sems dang po ting nge 'dzin dang mtshungs par ldan pa gang yin pa de la ting nge 'dzin don med pa yin te/ /de la bya ba ni byed

  996. 498b

    pa'i phyir ro/ /gnyis pa las rgyu yin pa'i phyir de dang mtshungs par ldan pa yang don med do/ /gang kho na las ting nge 'dzin yin pa zhes rgya cher 'byung ba la/ /gang zhig sems ltar ting nge 'dzin gyi dbang gis snga ma dang phyi ma dmigs pa gcig pa nyid du yongs su rtog par 'gyur ba/ /ting nge 'dzin la ni ting nge 'dzin gzhan yod pa ma yin no/ /de'i phyir ting nge 'dzin rnams la ni ting nge 'dzin tha dad pa goms pa'am/ /gzhan zhig las ting nge 'dzin rnams la rtse gcig pa nyid du khas blang par bya'o/ /gang kho na las ting nge 'dzin rtse gcig pa nyid du 'gyur ba de kho na las sems dag kyang dmigs pa gcig tu 'gyur bas don gzhan du gyur pa'i ting nge 'dzin don med do/ /yang na gang kho na'i rgyu las ting nge 'dzin skyod pa gang yin pa las sems gnyis pa sems snga ma'i dmigs pa las mi g.yeng ba de kho na las sems rnams kyi dmigs pa gcig nyid du 'gyur ba'o/ /ting nge 'dzin sa mang po pa yin pa'i phyir zhes bya ba ni/ /gal te sems snga ma dang mtshungs par ldan pa'i ting nge 'dzin gyi mthus sems phyi ma sems snga ma'i dmigs pa las mi g.yeng ba yin na de lta na ting nge 'dzin sa mang po pa min pa'i phyir ro/ /sems thams cad rtse gcig pa nyid du thal bar 'gyur ro/ /ma yin te ting nge 'dzin stobs chung ba'i phyir ro zhes bya ba ni/ /sems thams cad rtse gcig pa nyid du thal bar mi 'gyur te/ ci'i phyir zhe na/ /ting nge 'dzin stobs chung pa'i phyir ro/ /ting nge 'dzin stobs dang ldan pas ni sems gnyis pa sems dang po'i dmigs pa las mi gsal bar byed kyi/ /stobs chung bas ni ma yin la/ /ting nge 'dzin thams cad kyang stobs mtshungs pa ma yin te/ de'i phyir ting nge 'dzin sa mang po pa yin yang sems thams cad rtse gcig pa nyid du thal bar mi 'gyur ro/ /sems dang sems las byung ba dge ba'i rgyun 'jug par nus pa ting nge 'dzin kho na la bsam gtan du brjod pa'i phyir thams cad ni ma yin

  997. 499a

    no/ /sems rtse gcig pa kho na ting nge 'dzin yin te zhes bya ba la/ /gzhan dag na re/ /sems kho na rten dang dmigs pa gcig pas sems gzhan bskyes pa'i nus pa rtse gcig pa nyid med kyi/ /sems las gzhan pa sems las byung ba'i chos gzhan ni ting nge 'dzin no zhes zer ro/ /'di'i khungs nyid ni/ /mdo las 'di ltar lhag pa'i sems kyi bslab pa dang zhes rgya cher 'byung ste/ /gang gi phyir mdo las lhag pa'i sems kyi bslab pa dang sems yongs su dag pa'i gtso bo ni bsam gtan bzhi yin no/ /zhes gsungs so/ de'i phyir bsam gtan sems las gzhan du rtags par mi bya ste/ /'o na ci zhe na/ sems rtse gcig pa kho na bsam gtan no/ /de'i phyir ting nge 'dzin ni sems las gzhan ma yin no/ /dper na lhag pa'i tshul khrims kyi bslab pa tshul khrims kho na yin pa dang lhag pa'i shes rab kyi bslab pa shes rab kho na yin gyi de las gzhan ma yin pa bzhin no/ /de ltar mdo de nyid las tshul khrims yongs su dag pa'i gtso bo dang lta ba yongs su dag pa'i gtso bo dang rnam par grol ba yongs su dag pa'i gtso bo/ /yang tshul khrims dang lta ba dang rnam par grol ba las don gzhan ma yin pa de bzhin du sems yongs su dag pa'i gtso bo yang sems las don gzhan ma yin no/ /zhes mdo las khong du chud do/ /de lta na 'o na ni zhes bya ba la gal te bsam gtan dag ting nge 'dzin gyi rang bzhin yin na/ ting nge 'dzin thams cad bsam gtan gyi rang bzhin du thal bar 'gyur te zhes bya ba ni/ /ting nge 'dzin dge ba dang nyon mongs pa can dang lung du ma bstan pa rnams kyang bsam gtan du thal bar 'gyur ro zhe na'o/ /ma yin te phul du phyin pa dang ldan pa la zhes bya ba rgyas par 'byung ba ni phul du phyin pa dang ldan pa'i ting nge 'dzin gang yin pa de la bsam gtan zhes ming du btags kyi/ /ting nge 'dzin tsam ni ma yin te/ /de'i phyir ting nge 'dzin thams cad bsam gtan du thal bar mi 'gyur ro/ /nyi ma bzhin no zhes bya ba ni/

  998. 499b

    gang zhig yul du phyin par snang ba dang ldan pa de nyid la nyi ma zhes bya ba'o/ /srin bu me khyer la sogs pa dag ni nyi ma ma yin no/ /zung du 'brel par ngang gis 'byung ba'i phyir zhes bya ba la/ /zung du 'brel ba ni zung du 'jug pa ste 'brel zhes bya ba'i tha tshig go/ gnya' sbrel ba dang 'dra ba ni zung du 'jug pa'o/ /zung du 'brel par ngang gis 'byung bas na zung du 'jug par ngang gis 'byung ba ste/ /zhi gnas dang lhag mthong dag gis mnyam par ngang gis 'byung zhes bya ba'i tha tshig go /zung du 'brel par dang gis 'byung ba'i dngos po ni zung du 'brel par ngang gis 'jug pa nyid de/ /gal te dge ba'i sems rtse gcig pa nyid bsam gtan yin na nyon mongs pa can ro myang ba dang ldan pa ji ltar yin zhe na/ /log par nges par sems pa'i phyir zhes bya ba ste/ /ro myang ba dang 'jig rten rtag pa la sogs par 'dzin pa'i phyir zhes gzhan dgag/ ha cang thal bar 'gyur ro zhe na zhes bya ba ni nyon mongs pa thams cad log par nges par sems pa'i phyir bsam gtan nyid du thal bar 'gyur ro/ /zhe na'o/ /ma yin te de dang mthun pa kho na la zhes bya ba rgyas par 'byung ngo/ /ha cang thal bar 'gyur te/ /de dang mthun pa mtshan nyid mang po mi mthun pa med pa bsam gtan nyon mongs can la de'i ming du btags pa'i phyir ro/ /sa bon rul ba bzhin no zhes bya ba la/ /sa bon nyid ma yin pa rdo la sogs pa sa bon rul pa zhes mi brjod kyi/ /'o na ci zhe na de dang 'dra ba kho na'i 'bru la sogs pa'i 'bras bu la brjod pa bzhin no/ /bsam gtan mi dge ba dag kyang gsungs so zhes bya ba ni 'dod pa'i 'dod chags kyis kun nas dkris pa dang bcas pa'o/ /'dod pa'i 'dod chags kyis kun nas dkris? pa'i dbang du byas nas sems par byed rab tu sems par byed do/ /zhes rgya cher 'byung ba yin no/ /de'i phyir ha cang thal bar 'gyur ba med do/ /bsam gtan dge ba zhes bya ba ni phal che ba la dgongs pa yin no/ /du ba dang me

  999. 500a

    bzhin no/ zhes bya ba ni/ dper na 'di na du ba yod pas zhes smos pas me yang smos pa yin te/ /me med na du ba mi 'byung bas lhan cig spyod pa'i phyir ro/ /de bzhin du dbyed pa smos pas rtogs pa yang smos pa yin te/ /lhan cig sbyor ba'i phyir ro/ /bsam gtan khyad par can na rtog pa med pa'i dpyod pa yod pas dogs pa bsu nas/ /rtog pa med par ni zhes bya ba rgya cher 'byung ste/ /bsam gtan khyad par can ni dga' ba dang bde ba dag med pa'i phyir dga' ba dang bde ba dang ldan pa'i dpyod pa ni bsam gtan dang po kho na dang ldan no/ /gzhan du rtog pa la mi 'khrul te me la du ba bzhin no/ /de dag gi skye ba rnams kyang bshad zin to/ zhes bya ba ni/ gzugs med khams na gnas med de/ /skye ba las ni rnam pa bzhi/ /zhes bya ba'o/ /rjes su 'brang ba'i gzugs med pa'i phyir ro/ /zhes bya ba na/ bsam gtan dang zag pa med pa'i sdom pa'i gzugs med pa'i phyir ro zhes bya ba'i don to/ /'og ma'i sa las dben las skyes/ /zhes bya ba ni/ 'di dag bsam gtan gyi yan lag bzhin phan tshun las ma yin gyi/ /tha dad pa nyid yod par brjod par bya ste/ /de nyid kyi phyir dben pa ni sa 'og ma'i 'dod chags dang bral bar byed pa'i lam gang yin pa ste/ /'dis rnam par 'byed pas na dben pa'o/ /'dod chags dang bral bar 'gyur ba'i phyir ro zhes bya ba ni rgyab kyis phyogs par 'gyur ba'i phyir ro zhes bya ba'i tha tshig go/ cung zad ser ba bzhin no zhes bya ba ni cung zad tsam ser ba la cung zad ser ba zhes bya ba de bzhin du gzugs cung zad tsam gcig yod pas gzugs med pa yin no/ /de dag med na ji ltar zhes bya ba ni lus dang ngag dag med na'o// de'i sdom pa dag tu zhes bya ba ni/ /lus dang ngag gi sdom pa dag tu 'gyur ba'o/ /gzugs med pa'i khams na 'byung ba med par 'byung ba las gyur pa mi rung ste/ /'byung ba la ltos pa med pa'i 'byung ba las gyur pa 'jug pa med pa'i phyir ro/ /gal te zag? pa

  1000. 500b

    med pa'i sdom pa bzhin no zhes bya ba ni dper na zag pa med pa'i 'byung ba dag med bzhin du yang/ /zag pa med pa'i sdom pa 'byung ba las gyur pa'i gzugs yod pa de bzhin du gzugs med pa na spyod pa'i 'byung ba rnams la lus dang ngag gi sdom pa'i rang bzhin 'byung ba las gyur ba'i gzugs gzugs med pa na spyod pa yod par 'gyur zhes bya'o/ /ma yin te zag pa dang bcas pa'i 'byung ba yod pa'i phyir ro/ /zhes bya ba ni zag pa med pa'i sdom pa ni zag pa med pa'i 'byung ba yin pa'i phyir/ /gang du skyes pa de pa'i sa 'byung ba rgyur byas nas 'byung ba yin gyi 'byung ba la mi ltos pa ni ma yin no/ /de'i phyir gzugs med pa'i khams na lus dang ngag gi sdom pa gzhan gyi sa pa'i 'byung ba la brten nas mi 'jug ste/ /'byung ba la ma bltos pa yang ma yin te/ /gzugs med khams pa'i sa pa nyid kyi phyir ro/ /zag pa dang bcas pa'i 'byung ba yod pa'i phyir ro zhes bya ba ste/ /dpe dang de'i dpe can 'dra ba med do/ /snyoms par 'jug pa la yang de dgag pa bshad do/ /zhes bya ba ni gzugs med pa'i snyoms par 'jug pa la yang sdom pa skye ba med do/ /de pa'i 'byung ba med do/ gzhan gyi sa pa'i sdom pa ni gzhan gyi sa pa'i 'byung ba rgyur byas nas 'byung ba ma yin no zhes bshad zin to/ /rnam pa thams cad du gzugs kyi 'du shes las yang dag par 'das te zhes gsungs pa'i phyir de dgag pa bshad do/ /zhes gzhan dag zer ro/ /de ni gzugs kyi rang bzhin nges par skye bo zhes de ltar skye ba'i gzugs bkag pa yin no/ /'on te las kyang zhes bya ba ni khog pa'o/ /dbang po gzugs can rnams kyang yod do zhes bya ba ni mig la sogs pa'o// ji ltar na de dag gzugs cung zad yod par 'dod ces bya ba ni gzugs mdza' dag yod pa ma yin pas gzugs cung zad yod pa zhes bya ba mi 'dod par bsam pa'o/ /bong tshod chung ba'i phyir ro zhes bya ba la ci ste gzugs mdza' dag med pa ma yin pas

  1001. 501a

    gzugs cung zad du brjod do zhe na/ 'o na bod tshod chung ba'i phyir zhes bya ba chu'i srog chags rnams la yang zhes bya ba rgya cher 'byung ste/ /chu'i skye bo ltar mi snang ba rnams la yang gzugs med par thal bar 'gyur ro/ /gal te dang ba'i phyir ro zhes bya ba ni ci ste gzugs dang ba'i phyir de dag gzugs cung zad yod pa yin gyi tshad chung ba'i phyir ni ma yin no snyam na/ /srid pa bar ma dang gzugs na spyod pa rnams la yang thal bar 'gyur te/ /de dag ni dang ba'i phyir rdo rje'i rang bzhin gyi ri dag la yang thogs pa med par 'gro bas de'i phyir de dag la yang gzugs med par thal bar 'gyur ro/ /gang las ches dang ba med pa yin no zhes bya ba ni 'dod pa na spyod pa'i gzugs las gzugs na spyod pa dang la/ /gzugs na spyod pa bas gzugs med pa na spyod pa dang ba yin zhing/ /de las ches dang ba gzhan med de/ /de'i phyir gzugs med pa de dag kho na yin gyi/ /srid pa bar ma dang gzugs na spyod pa ni ma yin no zhe na/ /srid pa'i rtse mo kho na gzugs med par 'gyur gyi/ /nam mkha' mdza' yas skye mched la sogs pa gsum ni ma yin te/ /de las gzhan pa gzugs ches dang ba med pa'i phyir ro/ /ci'i phyir zhe na/ snyoms par 'jug pa bzhin du skye ba khyad par du 'phags pa'i phyir ro zhes bya ba 'byung ste/ /ji ltar na mkha' mdza' yas skye mched la sogs pa'i snyoms par 'jug pa dag ches shin te khyad par du 'gag pa'i dbye bas gnas pa de bzhin du de dag gi skye ba'i khyad par yang khas blang dgos so de'i phyir srid pa'i rtse mo'i gzugs kho na tshes dang bar thal bar 'gyur gyi lhag ma rnams ni ma yin no/ /ci ste gzugs med par skye ba'i gzugs ni sa 'og ma pa'i mig gis mi 'dzin pa'i phyir dang ba nyid yin te/ /de'i phyir de dag nyid kho na gzugs med pa yin gyi srid pa bar ma la sogs pa ni ma yin no snyam na/ /bsam gtan du skye ba'i gzugs

  1002. 501b

    kyang zhes bya ba rgyas par 'byung ste/ /bsam gtan dang po'i se pa'i dbang pos bsam gtan gnyis pa la sogs pa'i gzugs mi 'dzin pa nas de bzhin du bsam gtan gsum pa'i sa ba'i dbang pos bsam gtan bzhi pa'i sa ba'i gzugs mi 'dzin pa'i bar du yin te/ /sa gong ma pa'i gzugs ches dang ba yin pa'i phyir ro/ /de ltar gyur na gang las de dag gzugs med pa zhes bya ba'i gzugs na spyod pa dag ma yin par 'gyur ba de dang khyad par ci zhig yod/ /gal te de gnyis kyi ming ni don dang mthun pa yin gyi zhes bya ba ni 'dod pa dang gzugs kyi khams te/ /'dod pa'i yon tan gyi rab tu phye ba ni 'dod pa'i khams yin/ gzugs kyis rab tu phye ba ni gzugs kyi khams yin no/ /gzugs med pa'i khams kyi ni ma yin no zhes bya ba ni/ /gzugs med pa'i khams kyi mdo ni don dang mthun pa ma yin te/ 'o na ci 'dod rgyal ba yin no zhe na/ /de la rig pa ci zhig yod ces bya ba la/ /rigs pa ni tshad ma yin la/ /de yang rjes su dpag pa yin te/ /gnyis kyi ming ni don dang mthun pa yin gyi gzugs med pa'i khams kyi na ma yin no zhes bya ba las so/ /'dod pa de'i lung ngam/ /de ste rjes su dpag pa las rtogs na/ /gzugs med pa'i khams na gzugs yod pa nyid la rjes su dpag pa ma mthong zhing/ lung yongs su 'dzin pa ni gal te tshe dang dod gnyis 'dres par zhes bya ba rgyas par 'byung ba la/ /mdo las tshe dang ldan pa gsum po che tsha gang yin pa dang drod gang yin pa'i chos 'di dag na 'dres pa yin no zhes bya ba gsungs te/ /de'i phyir de na tshe yod pas drod kyang yod par 'gyur ro/ /yang na mdo las/ /tshe dang ldan pa sha ri'i bu dper na 'dam bu'i shog gnyis gnam du 'greng bar gyur la/ /de gnyis phan tshun rten cing phan tshun rten nas 'dug pa de las 'ga' zhig gis cig shos bsal na cig shos 'gyel bar 'gyur ro/ /gnyis pa gsal na cig shos 'gyel bar 'gyur ro/ /tshe

  1003. 502a

    dang ldan pa shA ri'i bu de bzhin du ming dang gzugs rnam kyang phan tshun rten cing rten nas gnas zhes byas bar 'byung ba yin no/ /ming yod pas gdon mi za bar gzugs med pa dag na gzugs yod par 'gyur te/ /gzugs la ltos pa med par ming 'ba' zhig gnas pa mi srid pa'i phyir ro/ /rten cing 'brel bar 'byung ba'i mdo las rnam par shes pa'i rkyen gyis ming dang gzugs zhes gsungs so/ /de la gzugs med par nying mtshams sbyor ba'i skad cig ma la rnam par shes pa dang de'i rkyen gyis ming yin la de yang gdon mi za bar lhan cig bar 'gyur te/ /rnam par shes pa'i rkyen gyis ming dang gzugs zhes bya ba'i phyir ro/ /'du byed kyi bar las gzhan du zhes bya ba rgyas cher 'byung ba la/ mdo las dge slong dag rnam par shes pa gzugs nye bar 'gro ba/ /gzugs la dmigs pa/ /gzugs la brten te gnas so zhes rgyas mar 'byung zhing/ /dge slong dag gang la la zhig 'di skad du bdag ni gzugs las gzhan dang/ /tshor ba las gzhan dang/ /'du shes las gzhan dang/ /'du byed las gzhan du rnam par shes pa 'gro ba 'am 'ong ba 'am skye bar smra'o zhes zer na de'i dag de ni tshig tsam du zad do zhes rgya cher gsungs te/ /lung de las kyang gzugs yod pa nyid grub par 'gyur te/ /gzugs las gzhan du rnam par shes pa 'gro ba dang 'ong ba bkag pa'i phyir ro zhe na/ /ma yin te dpyad par bya ba yin pa'i phyir ro zhes bya ba ni/ /lung 'di las gzugs med pa rnams su gzugs yod pa grub par 'gyur pa ma yin te/ /lung 'di nyid dpyad par bya ba yin pa'i phyir ro/ /'on te thams cad las zhes bya ba ni khams gsum kar yang zhes bya ba'i tha tshig go /kho bo ni 'dod pa na spyod pa'i tshe kho na la dgongs nas che dang drod 'dres par gsungs so/ /zhes smra ste/ gang gi phyir mdo de nyid las tshe dang ldan pa shA ri'i bu dbang po lnga po

  1004. 502b

    gang yin pa 'di dag ni spyod yul tha dad pa yul tha dad pa rnams te zhes rgya cher gsungs te/ /'di dag gi spyod yul dang yul nyams su myong ba ni gang/ /'di dag gi rtog pa ni gang zhe na/ tshe dang ldan pa gsum po che dbang po lnga po gang yin pa 'di dag ces snga na bzhin te/ /lus kyi dbang po'i bar ro'i de dag gi spyod yul dang yul nyams su myong ba ni yid do/ /'di dag gi rton pa ni yid do/ /tshe dang ldan pa shA ri'i bu yid kyi rten pa ni gang/ /tshe dang ldan pa gsum po che yid ni tshe la rton to/ /tshe ce la rten/ /tshe ni drod la rton to// gang yang tshe dang ldan pa shA ri'i bu tshe dang drod ces bya ba chos gnyis po 'di dag ces bya ba rgya cher 'byung ste/ /mdo de nyid las yid dbang po lnga la rton pas skyed pa ma yin gyi/ /dbang po lnga'i rten rnam par shes pa kho na dbang pos byas par gsungs te/ /yod rnam par shes pa lnga'i spyod yul dang yul de la rten par gyur pa mi 'thad pa'i phyir ro/ /de yang 'dod par gtogs pa nyid de/ /'dod pa na spyod pa'i tshe kho na rton pa yin no/ /tshe dang drod 'dres pa dag ni ma yin zhes bya ste/ /tshe dang drod 'dres pa 'di ni 'dod pa na sbyong ba'i tshe nyid la dgongs nas gsungs kyi/ /khams gsum pa ni ma yin no/ /rnam par shes pa'i rkyen gyis ming dang gzugs zhes bya ba la/ /rnam par shes pa'i rkyen zhes bya ba ni rnam par shes pa'i rkyen thams cad do/ /rnam par shes bya ba ming dang gzugs kyi rkyen du gsungs te/ /'du byed kyi rkyen gyis 'dod par gtogs pa dang gzugs su gtogs pa dang gzugs med par gtogs pa thams cad dam/ /'on te ming dang gzugs thams cad rnam par shes pa'i rkyen can zhes de ltar smra zhe na/ /ming dang gzugs thams cad rnam par shes pa'i rkyen can no zhes nges par gzung gi /rnam par shes pa thams cad ming dang gzugs gi rkyen ni ma yin no/ /de gang gi phyir gzugs med pa na spyod pa 'du byed kyi rkyen can rnam par shes

  1005. 503a

    pa ni ming kho na'i rkyen nyin gyi ming dang gzugs kyi ma yin te/ /de na ming dang gzugs 'ga' yang med pa'i phyir ro/ /'dod pa'i khams na 'du byed kyi rkyen can rnam par shes pa ni ltos pa med par yod ces so/ /rnam par shes pa 'ong ba dang 'gro ba dgag pa zhes bya ba ni/ /'jig rten snga ma nas srid pa bar ma'i rgyun gyis skye ba ni 'ong ba'o/ /de kho na bzhin du 'di nas 'jig rten pha rol tu skye ba na 'gro ba'o/ /ci de dag thams cad ces bya ba ni gzugs dang tshor ba dang 'du shes dang 'du byed rnams so/ /de dag bkag ces bya ba ni rnam par shes pa kho na 'ong ba dang 'gro ba bkag pa'o/ /'on te 'ga' zhig kyang zhes bya ba ni/ /gzugs la sogs pa'i nang nas gang yang rung ba zhig go/ me nA pi bi nA pi bi dz+nyA na syA ga ti pra ti She rdo na tu sa mu di tai re ba/ /gal te bye brag med par gsungs pa'i phyir dpyad par mi bya'o zhe na zhes bya ba ni/ /mdo las tshe dang ldan pa shA ri'i bu gang yang tshe gang yin pa dang drod gang yin pa'i chos 'di gnyis ni 'dres pa ma yin no zhes bye brag med par gsungs te/ /'dis ni 'dod pa dang gzugs su gtogs pa'i tshe'i dbang du mdzad de bye brag med par gsungs pa yin gyi/ /gzugs med par gtogs pa ni ma yin no/ /de'i phyir khams gsum pa'o zhes bya ba la yang dgongs pa shes par bya ste/ /rnam par shes pa'i rkyen gyis ming dang gzugs zhes bya ba der yang khyad par du ma byas pas 'dod pa dang gzugs dag kho na'i rnam par shes pa ming dang gzugs kyi rkyen te/ /ming dang gzugs kyi rgyu dag gang yang gzugs la sogs pa rnams las gzhan du rnam par shes pa'i 'gro ba dang 'ong ba bkag par gsungs pa 'dir yang bye brag tu ma byas la/ /ci de dag thams cad bkag gam 'on te 'ga' zhig kyang zhes bya ba ni/ /de ltar bye brag med par gsungs pa'i phyir dpyad par mi bya'o/ /zhe na/ de lta yin na ha cang thal bar 'gyur ro/ /ji ltar

  1006. 503b

    zhe na/ sems can du bgrang ba ma yin pa yang tshe med par 'byung bar mi 'gyur ro/ /ci'i phyir zhe na/ bye brag med par gsungs pa'i phyir te/ /der ni tshe dang drod sems du bgrang ba 'dres so/ /zhes bye brag tu ma mdzad do/ /phyi'i gzugs shing dang rtsig pa la sogs pa sems can du bgrang ba ma yin pa yang ming la brten pa nyid du thal bar 'gyur te/ /bye brag med par gsungs pa'i phyir ro/ /dar ni ming dang sems du bgrang ba'i gzugs phan tshun brten nas gnas so zhes ma gsungs so/ /de'i phyir ming ltar gzugs kyang bye brag med par gsungs la phyir thams cad bzung bar thal bar 'gyur ro/ /rnam par shes pa gnas pa bzhi bzhin du zhes bya ba rgyas par 'byung ba ni/ /ji ltar rnam par shes pa gnas pa bzhi khyad par med par gsungs pa'i phyir gzugs med pa'i khams na gzugs yod pa nyid du 'dod pa de bzhin du zas bzhi gsungs pa'i phyir 'dod pa'i khams bzhin du gzugs med pa'i khams dag na yang kham du byed pa'i zas yod par thal bar 'gyur ro/ /ci'i phyir zhe na bye brag med par gsungs pa'i phyir ro/ /de skad du yang zas bzhi ni sems can 'byung ba rnams gnas de'i byed pa dang srid pa tshul ba rnams la phan 'dogs par byed pa yin no zhes gsungs pa yin la/ /zas bzhi gang zhe na/ /kham kyi zas rags pa dang/ phra ba dang/ gnyis pa reg pa'i zas dang/ gsum pa nyid las sems pa'i zas dang/ bzhi pa rnam par shes pa'i zas so// sems can gnas pa rnams zhes bye brag med par gsungs pa'i phyir reg pa la sogs pa ltar kham du byed pa'i zas kyang thams cad na yod par thal bar 'gyur ro/ /ci ste zas bzhi ni sems can 'byung ba rnams gnas par byed pa zhes bya ba spyi bstan pa 'di la dmigs kyis bsal ba 'di yod do snyam na/ /lha las 'das te zhes bya ba rgyas par 'byung ste/ /gal te de ltar yin na gzugs med pa dag na yang gzugs yod par thal bar 'gyur ro/ /ci'i phyir zhe na/ /dmigs kyis bsal ba'i phyir ro/ /dmigs kyis bsal ba

  1007. 504a

    nyid ston pa ni gzugs med pa rnams ni gzugs rnams las nges par 'byung ba yin no zhes bya ba rgyas par 'byung ba'o/ /gal te gzugs med pa'i snyoms par 'jug pa dang skye ba dag la gzugs zhig yod par gyur na/ /gzugs yod bar chad rang gi gzugs gdon mi za bar 'dus par byed par 'gyur pas/ /der gzugs kyi 'du shes las yang dag par 'dus par mi 'gyur zhing/ de dag gzugs rnams las nges par 'byung bar mi 'gyur zhing/ /gzugs rnams las 'das par yang mi 'gyur ro/ /gzugs yod na der skyes pa rnams gzugs can ma yin pa zhes bya bar yang mi rung ste/ /de'i phyir de na gzugs yod zhes bya bar rtogs so/ /gzugs med par gtogs pa'i gzugs sa 'og ma pa na rigs pa yin la/ /gzugs med pa na spyod pa ni phra ba yin te/ de'i phyir gzugs rags pa las dgongs te/ /gzugs med pa rnams ni gzugs rnams las nges par 'byung ba yin no zhes bya ba la/ /gzugs med pa'i rnam par thar pa zhig gang dag ces bya bar rgyas par gsungs pa yin no zhe na/ /kham kyi zas la yang mtshungs so/ /kham du byed pa'i zas za ba'i lha las 'das te/ /zhes bya ba ni khams 'og ma'i sa pa'i kham kyi zas rags pa'i dbang du mdzad nas gsungs kyi/ de'i sa pa phra ba ni ma yin no/ /gal te sa 'og ma pa'i gzugs rags pa las nges par 'byung ba'i phyir gzugs med pa dag ces bya bar 'dod na ni/ de lta na 'o na bsam gtan rnams kyang zhes bya ba rgyas par 'byung ste/ /'di ltar bsam gtan dang po ni 'dod pa na spyod pa'i gzugs rags pa las nges par 'byung ba yin pa nas/ /de bzhin du bsam gtan bzhi pa ni gsum pa'i gzugs rags pa las nges par 'byung ba'i bar du yin pas gzugs med pa thal bar 'gyur ro/ /de yang sa gong ma la ltos nas rags pa yin no zhe na/ /de lta na yang srid pa'i rtse mo kho na gzugs med pa yin par 'gyur

  1008. 504b

    ro/ /gal te rang gis pa'i gzugs yod bzhin du yang 'og ma pa'i gzugs las nges par 'byung ba'i phyir gzugs med pa rnams nges par 'byung ba gsungs na ni/ /de lta yin na/ /tshor ba la sogs pa las nges par 'byung bar yang ci'i phyir ma bshad/ /de dag ni sa 'og ma pa'i gzugs ltar tshor ba la sogs pa las nges par 'byung ba yang yin no/ /sogs pa zhes bya ba'i sgras ni 'du shes dang 'du byed dang rnam par shes pa bsdu'o/ /gzugs las nges par 'byung ba ltar tshor ba la sogs pa las nges par 'byung ba nyid du gsungs pa yang ma yin no/ /de'i phyir sa 'og ma pa'i gzugs las nges par 'byung ba'i phyir gzugs med pa dag ma yin no zhes bya bar mi shes so/ /de nyid kyi phyir gzugs kyi rnam pa zad par las 'das la zhes rgya cher 'byung ba la/ /rnam pa smos pa ni nad gi 'am phyi'i 'am rags pa'am phra ba 'am dman pa 'am gya nom pa zhes bya ba la sogs pa gzugs ma lus pa nye bar bzung ba'i phyir te gzugs kyi rnam pa de dag thams cad las 'das pa yin te/ /snyoms par 'jug pa dang skye ba la gzugs ma lus pa med pa'i phyir ro// tshor ba la sogs pa'i rnam pa las ni ma yin pas zhes bya ba ni gzugs med pa'i snyoms par 'jug pa dang skye ba la bde ba yang ma yin/ /sdug bsngal ba yang ma yin pa'i tshor ba srid pa'i phyir ro/ /sogs pa zhes bya ba'i sgras ni rnam par shes pa'i par brjod par bya'o/ /de'i phyir gzugs rnams la nges par 'byung ba zhes gsungs kyi/ /tshor ba la sogs pa las nges par 'byung ba zhes ni ma gsungs so/ /gal te gzugs med pa rnams gzugs las nges par 'byung ba yin na/ /'o na de'i phyir srid pas srid pa las nges par 'byung bar thal bar 'gyur la/ /de ltar yin la med dang 'gal te/ /mdo las da ni srid pas srid pa las nges par 'byung bar mi smra'o zhes gsungs so/ /zhe na/ de'i phyir srid pas srid pa las nges par mi 'byung bar gsungs pa ni

  1009. 505a

    zhes bya ba rgyas par smos te/ 'dod pa'i srid ba'am gzugs kyi srid ba'am/ /gzugs med pa'i srid pa de nyid kyis 'dod pa'i srid pa'am/ /gzugs kyi srid pa'am/ /gzugs med pa'i srid pa de nyid las nges par mi 'byung ba'i phyir de skad gsungs kyi// sa dang khams gong ma'i srid pas sa dang khams 'og ma'i srid pa las nges par mi 'byung ba'i phyir ni ma yin no/ /thams cad dang gtan du nges par 'byung ba ma yin pa'i phyir te zhes bya ba de la gzugs kyi srid pas ni thams cad las nges par 'byung ba ma yin pa ste/ gzugs kyi srid pas ni 'dod pa'i srid pa ltar gzugs kyi srid pas gzugs med pa'i srid pa las nges par 'byung ba ma yin la/ /gzugs med pa'i srid pas kyang gzugs kyi srid pa ltar 'dod pa'i srid pa dang gzugs med pa'i srid pa las nges par 'byung ba ma yin no/ /gzugs kyi srid pas 'dod pa'i srid pa dang gzugs med pa'i srid pas gzugs kyi srid pa las gtan du nges par 'byung ba yang ma yin te/ /'jig rten pa'i 'dod chags bral ba rnams sa 'og mar slar yang ldog pa'i phyir ro/ /bsam gtan dag la ni zhes bya ba rgyas par 'byung ba la/ /gzugs med pa rnams la gzugs zhes bya ba'i tshig gi ma gsungs pas de med pa ma gtogs pa rgyu gzhan gyis sgrub par mi nus te/ /de'i phyir gzugs med pa na gzugs med do zhes bya bar gnas so/ /da ni ji ltar na zhes bya ba rgyas par 'byung ba ni/ /gal te gzugs med pa dag na gzugs med na de dag 'chi 'pho zhing khams 'og mar skye ba'i tshe gzugs rgyun bcad pa rnams kyi gzugs yang skye bar mi 'gyur ro/ /dgra bcom pa 'khor ba phung po rgyun chad pa la yang 'byung ba thal lo zhes bya'o/ /gzugs ni sems las skye ba yin/ zhes bya ba la/ /gang gi phyir/ /gzugs can ma yin pa la yang 'di nyid du gzugs kyi rkyen 'jug pa mig la sogs pa'i rnam par shes pa dang ming dang gzugs kyi rkyen dang gzugs kyi 'dod? chags

  1010. 505b

    dang zhe sdang la sogs pa'i 'jug pa las gzugs kyi khyad par skye bar lta'o/ /gzugs med pa dag nas gzugs dag tu skye ba rnams la/ /gzugs dang mthun pa'i sems kyi rgyun nyid gnas la/ /de nyid de dag gi 'chi ltas yin no/ /zhes smra ste/ /de'i phyir sngar gzugs dang lhan cig spyod pa'i sems kyi rgyud kyi rkyen gyis sngar 'gag pa'i rang gi sa bon las gzugs skye ste/ /gzugs med pa dag nas gzugs dag tu skye ba rnams la/ /gzugs dang mthun pa'i sems kyi rgyun nyid gnas la/ /de nyid de dag gi 'chi ltas yin no// zhes smra ste/ /de'i phyir sngar gzugs dang lhan cig spyod pa'i sems kyi rgyud phyi rkyen gyis rnam par smin pa'i rgyu sngar 'gag pa las gzugs skye ste/ /skal pa mnyam pa'i rgyu ni 'das pa dang da ltar byung ba khas blangs pa'i phyir ro/ /dgra bcom pa rgyun ma lus bar bcas pa la phung po skye ba'i rkyen 'ga' yang med pas yang de 'byung bar thal ba med do/ /re zhig 'di ni bye brag tu smra ba'i lugs yin no/ /de'i rnam par smin pa'i rgyus yongs su bsgom pa'i sems 'jug pa rnyed pa las zhes bya ba ste/ de zhe bya ba ni gzugs med pa dag nas 'chi 'pho ba la skye ba gang yin pa de'i 'o/ /rnam par smin pa'i rgyu ni de 'phan par byed pa'i sems pa'o/ /des bsgos pa ni gzugs de bskyed par byed pa'i phyir de la nus pa bzhag pa'i phyir ro/ /de 'jug pa ni rgyud la rnyed pa yin pas sems pa rnyed pa las te/ de'i rnam par smin pa'i rgyus yongs su bsgos pa'i sems 'jug pa rnyed pa de las gzugs skye'i gzugs las ni ma yin no/ /dgra bcom pa 'di de ltar rnam par smin pa'i bag chags 'jug pa rnyed pa'i rgyu sa bon srid pa med pas yang de la skye ba'i rgyun du thal ba med do/ /ji ltar gnas pa ni sngar bshad zin to/ /zhes bya ba ni der ni ris dang srog la yang/ /sems kyi rgyud ni rten pa yin zhes bya ba dang/ gang gi rgyud gzugs la sred pa bral zhes bya ba

  1011. 506a

    la sogs pa bshad zin to/ /zhes gzhan dag go /de ltar sbyor phyir zhes bya ba ni/ /nam mkha' mdza' yas so snyam du mos pa'i sbyor ba grub pas nam mkha' mdza' yas skye mched do/ /gzhan dag na re gang zhig gzugs dang lhan cig tu gyur ba'i chos ni gzugs kyi gegs byed pa med pas de gzugs las nges par 'byung ba'i 'dod pa yid la byas te/ nam mkha' ni gzugs dang lhan cig spyod pa de med pas rab tu phye bas phyi nang gi gzugs rnams las nges par 'byung bar 'dod pa dka' ba med par dmigs par nus te/ /des gzugs med pa dang po'i sa ba ni nam mkha' rjes su tha snyad byed do zhes zer ro/ /gzhan dag na re gzugs las grol ba'i phyir rnal 'byor spyod pa la de'i sa pa'i phung po dag la nam mkha' i 'du shes yang dag par gnas so/ /zhes zer ro/ /rnam shes mdza' yas so snyam du mos pa'i sbyor ba grub pas ni rnam shes mdza' yas skye mched de/ /rnam par shes pa'i tshogs drug yongs su dag pa las mtshan ma bzung nas rnam par shes pa'o/ /zhes yid la byed/ nye bar rtog mos par byed/ yang dag par shes par byed de/ /de sngon du 'gro ba las sbyor ba grub pas rnam shes mdza' yas skye mched la bdag snyoms par 'jug par bya'o snyam ste rnal 'byor spyod pa'i bsam pa skyed pa de dang 'dra ba nyid kyi rgyu mthun pa rjes su 'jug pas rab tu dga' ba'i rnam par shes pa dang shin tu dga' ba'i rnam par shes par 'gyur ro/ /de las langs te ci yang med do snyam du btang snyoms kyi sbyor ba grub pas ci yang med pa'i skye mched lta ba rgya che ba dang mdza' yas pa las des dben pa'i 'du shes kyi mos pa 'byung ngo/ /de nyid kyi phyir ci yang med pa'i skye mched mchog tu btang snyoms pa zhes bya'o/ /gang gi phyir der rnam pa mdza' yas pa mngon par sems pa'i phyir sems las byung ba lhun gyis grub pa nyid du yang dag par gnas so/ /'du shes chung ba'i phyir zhes bya ba ni/ /'du shes chung ba'i phyir te/ /rgyu ba mi

  1012. 506b

    gsal ba'i phyir 'du shes med 'du shes mang min skye mched yin te/ /'du shes med pa lta bur de de na gnas so/ /de ni snyoms par 'jug pa bdun la ji lta ba bzhin du 'du shes bsal ba ma yin la/ 'du shes med pa'i snyoms par 'jug pa dang/ 'du shes med pa dang/ 'gog pa'i snyoms par 'jug pa dag la ji lta ba bzhin du 'du shes med pa yang ma yin te/ /de nyid kyi phyir 'du shes med 'du shes med min skye mched ces bya'o/ /de la yang de ltar sbyor ba'i phyir de nyid kyi sgo nas mi rung ba ma yin nam zhe na/ /de la yang 'di ltar rab tu sbyar ro/ /'du shes ni nad do zhes rgyas par 'byung ba la/ /de'i phyir gal te de la yang 'di ltar zhes bya ba la sogs pa smos te/ /ci'i phyir de dag gis de la de ltar 'dzin zhes rgyas par 'byung ngo/ /'du shes dang 'du shes med pa la skyo ba de dag rgyu cis der 'du shes med 'du shes mang min skyen mched kyi blo skyed ces bya ba la/ /'du shes chung ba'i phyir ro zhes bya ba de nyid rgyur brjod dgos par 'gyur bas 'di yang de nyid bshad do/ /skye mched rnams lus su dkri ba'i phyir dang rgyas par dkri ba'i phyir gzugs med pa'i skye mched ces bya'o/ /de yang las dang nyon mongs pa skye mched nyid skye bar byed pa dang srid pa'i phyir dang srid pa dang bral ba'i phyir yang ngo zhes bya'o/ /dngos bzhi zhes bya ba ni gzhan la mi rten pa'i phyir ram de snyoms par 'jug pa gzhan thams cad kyi rten byed pa'i phyir ro/ /ro myang ba dang mtshungs par ldan pa rnams zhes bya ba la mtshungs par ldan pa ni snyoms par 'jug pa'i rdzas nges pas de ltar bshad de/ 'khor dang bcas pa snyoms par 'jug pa'i rdzas nges pa de ltar bshad do/ /'khor dang bcas pa ni ro myang ba dang lhan cig ces brjod par bya ste/ /sred pas 'bras bu gcig tu byas so snyam du bsam pa'o/ /bsam gtan nyon mongs pa gzhan dang ldan yang/ /ci'i phyir ro myang ba dang mtshungs par ldan pa nyon mongs pa can du bshad kyi/ /nyon mongs pa gzhan dang mtshungs

  1013. 507a

    bar ldan pa ma yin zhe na/ bsam gtan rnams ni dmigs dang 'brel pas rab tu phye ba'i phyir srid pa dang mtshungs par ldan pa dag kho na bshad de/ /nyon mongs pa gzhan ni srid pa ji lta ba de bzhin du dmigs pa dang sems sprel bar mi byed de/ /ro myang ba'i sgo nas 'jug pa'i phyir dang/ /ting nge 'dzin dang 'dra bar dmigs pa la nye bar rtogs pa'i phyir ro/ /'jig rten pa'i dge ba ni dag pa zhes bya ba nyon mongs pa'i dri ma dang ma 'brel pa'i phyir dang/ /ma chags pa la sogs pa dge ba'i chos dang ldan pa'i phyir ro/ /tatstse ta ta ku sha la tan+na pUrbi Na biSh+Tai pA sh+ra ba twan+nan+ta re Na/ ro myong bar byed pa gang yin pa zhes bya ba ni/ /dag par ro myang bar byed pa'o/ /de las ni langs pa yin no zhes bya ba ni dag pa las langs pa yin no/ /gang gis ro myang bar byed pa zhes bya ba ni ro myang bar mtshungs par ldan pa ste/ /de la snyoms par zhugs pa yin no/ /ro myang ba dang mtshungs par ldan pa 'di la yang ba dang skad cig dang rnam pa dang dmigs pa dang mi 'dra ba las ldang ba rnams te lnga'o/ /de la bsam gtan dang po'i 'jug thogs su bsam gtan gnyis pa'i snyoms par 'jug pa'o/ /de la sa las ldang ba ni dang po dang rnam pa dang dmigs pa dang rgyun dang ldan par cig go /skad cig las ldang ba ni mi rtag pa'i rnam pa'i 'jug thogs su sdug bsngal la sogs pa'i rnam pa dang/ rnam pa langs te/ /gzugs la sogs pa'i phung po la dmigs pa'i 'jug thogs su tshor ba la sogs pa'i phung po la dmigs pa dang/ /dmigs pa las langs te zag pa dang bcas pa'i 'jug thogs su zag pa med pa dang/ /zag pa med pa las dmigs te zag pa dang bcas pa dang/ /nyon mongs pa can gyi 'jug thogs su nyon mongs pa med pa dang/ /nyon mongs pa med pa'i 'jug thogs su nyon mongs pa can rnams so/ /mi 'dra ba las ldang ba'i dbang du byas te/ /gang zhig ro myang bar bya ba de las

  1014. 507b

    langs te/ /gang gis ro myang bar byed pa de ni snyoms par 'jug pa min no zhes bshad do/ /yang ji ltar 'di dag phan tshun 'gog par mi 'gyur/ /gang gis ro myang bar byed pa ni sred pa ste/ /de ni snyoms par 'jug pa ma yin no/ /snyoms par 'jug pa ni ting nge 'dzin te/ /de yis ro myang bar byed pa ma yin no zhe na 'di la nyes pa med de/ /mtshungs par ldan pa rnams gang yang rung bas bstan pa'i phyir dang phan tshun tshogs pa'i phyir de dag gi ming gis sgrib ste/ /sred pa'i dbang gis ting nge 'dzin ro myang ba'i ming can dang/ /ting nge 'dzin gyi dbang gis sred pa ting nge 'dzin gyi ming can lta bu ste/ /phan tshun dgag pa med pas skyon med do/ /bsam gtan rnams kho na yan lag dang ldan pa yin gyi gzugs med pa rnams ni ma yin zhes bya ba la/ /ci'i phyir zhe na/ /nye bar zhi ba nyid kyi phyir ro/ /gang gi phyir dge ba'i phyogs la rab tu brtson pa'i rnal 'byor can gang dag gang na rgyu ba rags pa yin pa de dag ni deng yan lag nyid rnam par bzhag par bya ba la/ /gzugs med pa dag na ni nye bar zhi ba lhag pa'i phyir sems dang sems las byung ba de dag thams cad la rgyu ba zhan pas de dag la yan lag rnam par bzhag pa mi srid pa ting nge 'dzin shas che ba'i sa de dag na ni sems las byung ba gzhan 'ga' yang gtso bo ma yin no/ /gcig la ni yan lag gi sgrar yang mi rung ngo/ /de'i phyir gzugs med pa dag tu yan lag rnam par ma bzhag go /gzhan dag na re sa gang dag tu sems las byung ba tshar phyin par 'gag pa de dag kho na la yan lag rnam par bzhag ste/ /bsam gtan dang por ni sdug bsngal dang yid mi bde ba dag 'gag go /gnyis par ni rtog pa dang/ /dpyod pa dag go /gsum par ni dga' ba'o/ /bzhi par ni bde ba'i dbang po 'gag go /de yan chad na ni sems las byung ba gang yang tshar phyin par ldog pa med do zhes zer ro/ /'di yang the tshom mtshungs pas ci'i phyir de ltar bshad ce na/ gtan la dbab pa la bltos pa'i phyir ro/ /yan lag ces bya ba'i don

  1015. 508a

    mi zhig ce na/ 'dis bsam gtan dang po la sogs pa nas bzhi pa'i bar gsal bar byed pas na yan lag te/ /mtshon par byed mngon par byed ces bya ba'i don to/ /yang na yan lag gi don ni rjes su mthun pa'i don yin la/ /de dag kyang rang gis dang mthun pas na yan lag go /yang na yan lag gi sgra ni mchod sbyin gyi yan lag ltar tshogs dga' ba yi 'jug ste/ /'di dag phan tshun tshogs yin pas yan lag yin no/ /ting nge 'dzin yan lag kyang yin la bsam gtan yang yin no/ /lhag ma rnams ni yan lag yin no zhes bya ba ni rtog pa la sogs pa rnams so/ /yan lag bzhi pa'i dmag yan lag dag las don gzhan du gyur ba med pa ji lta bar yan lag lnga pa'i bsam gtan yang de dang 'dra ste/ 'dir tshogs pa la ltos nas bstan pa'i phyir don gzhan du 'gyur ba med do/ /bye brag tu smra ba rnams na de ting nge 'dzin gtso bor brjod pa'i phyir bshad do/ /sa de dag na ting nge 'dzin gtso bo yin te/ /mdo las ting nge 'dzin gyi dbang po ni bsam gtan bzhi dag la blta bar bya'o// zhes gsungs pa'i phyir ro zhes zer ro/ /yan lag lnga pa'i bsam gtan yang de dang 'dra'o/ /zhes bya ba ni/ tshogs pa ni tshogs pa can la ltos nas bstan pa'i phyir don gzhan du gyur pa med de dmag bzhin no/ bye brag tu smra ba rnams na de ting nge 'dzin gtso bor brjod pa'i phyir bshad do zhes zer ro/ /slob dpon 'dus bzang na re/ /sa de dag na ting nge 'dzin gtso bo yin zhes bya bar ji ltar rtog ce na/ /mdo las ting nge 'dzin gyi dbang po ni bsam gtan bzhi dag las blta bar bya'o zhes gsungs pa'i phyir ro zhes zer ro/ /ji ltar phan tshun bsrung ba dang spang pa'i phyir yan lag bzhi pa'i dmag byed pa de bzhin du bsam gtan gyi yan lag lnga zhes bya ba la 'gal ba med de/ /rgyal po'i 'khor gyis gzhan dag bsrung ba dang bskyab pa'i byed pa

  1016. 508b

    grub ba la yang rgyal po nyid gtso bo yin pa bzhin no/ /bsam gtan gsum pa la yan lag lnga ste/ /zhes bya ba ni de la 'du byed gtang snyoms ni bsam gtan gnyis pa'i sa pa'i dga' ba la gtod pa med pa'o/ /dran pa ni btang snyoms kyi rgyu mtshan la brjed pa ste/ thag mi ring ba'i tshul gyis so/ /shes bzhin ni rjes su bsrung pa'i tshul gyis so/ /btang snyoms yongs su dag pa zhes bya ba la/ /btang snyoms kyi yongs su dag pa ni btang snyoms yongs su dag pa ste/ /sa 'og ma'i skyon dang bral ba'i phyir ro/ /skyon ni rtog pa dang dpyod pa dang dga' ba la sogs brgyad de/ /de dag kyang bshad par bya'o/ /dran pa yongs su dag pa yang de dang 'dra ste/ /sa 'og ma'i skyon dang bral ba'i phyir ro/ /bsam gtan dang po ba zhes bya ba la/ /bsam gtan dang po na yod pa ni bsam gtan dang po pa'o// de nyid phyir smras pa zhes bya ba ni gang gi phyir bsam gtan gnyis pa la nad rab tu dang ba lhag pa dang/ /gsum pa la btang snyoms dang dran pa dang shes bzhin dang bde ba rnam lhag pa dang/ /bzhi pa la bde ba yang ma yin sdug bsngal yang ma yin pa'i tshor ba lhag pa dang/ /dang po dang gnyis pa dag tu dga' ba dang bde ba dag khyad par med pa dang/ /gsum pa dang bzhi pa dag tu btang snyoms dang dran pa khyad par med pa dang/ /bzhi kar ting nge 'dzin khyad par med pas te/ /de'i phyir smras pa yan lag gang dag bsam gtan dang po na yod pa de dag gnyis pa na yang yod dam zhe na/ /mu bzhi ste mu dang po ni rtog pa dang dpyod pa dag ste/ /bsam gtan dang po kho na na yod pa'i phyir dang/ /gnyis pa na med pa'i phyir ro/ /gnyis pa ni nang rab tu dang ba'o/ /zhes bya ba ste gnyis pa smon ni yod pa'i phyir dang/ /dang po na med pa'i phyir ro/ /gsum pa ni dga' ba dang bde ba dang sems rtse gcig pa nyid do/ /zhes bya ba ni gnyi ga na yod pa'i phyir ro/ /mu bzhi pa ni bshad pa las ma gtogs pa'i chos rnams so zhes bya ba ni bshad ?

  1017. 509a

    pa dag las gzhan pa'i chos gang dag yin pa de rnams ni bsam gtan dang po'i yan lag ma yin zhing gnyis pa'i yan lag ma yin no/ /de bzhin du bsam gtan gyi yan lag thams cad phan tshun sbyar bar bya'o/ /zhes bya ba ni yan lag gang dag bsam gtan dang po na yod pa de dag gsum pa na yang yod dam zhe na/ mu bzhi ste/ mu dang po ni nang rab tu dang ba dang dga' ba dang bde ba dag go /gnyis pa ni btang snyoms dang dran pa dag dang shes bzhin dang bde ba dag go /gsum pa ni ting nge 'dzin to mu bzhi pa ni bshad pa las ma gtogs pa'i chos rnams so/ /yan lag gang dag bsam gtan dang po na yod pa de dag bzhi pa na yang yod dam zhe na/ mu bzhi ste/ dang po ni rtog pa dang dpyod pa dang dga' ba dang bde ba dag go /gnyis pa ni bde ba yang ma yin sdug bsngal ba yang ma yin pa'i tshor ba dang/ /btang snyoms yongs su dag pa dang/ /dran pa yongs su dag pa'o/ /gsum pa ni ting nge 'dzin to/ /bzhi pa ni bshad pa las ma gtogs pa'i chos rnams so/ /yan lag gang dag bsam gtan gnyis pa na yod pa de dag gsum pa na yang yod dam zhe na/ mu bzhi ste/ /mu dang po ni nang rab tu dang ba dang dga' ba dang bde ba dag go /gnyis pa ni btang snyoms dang dran pa dang shes bzhin dang bde ba dag go /gsum pa ni ting nge 'dzin to// bzhi pa ni rnam pa de dag la ma gtogs pa'i chos rnams so/ /yan lag gang dag bsam gtan gnyis pa na yod pa de dag bzhi pa na yang yod dam zhe na/ /mu bzhi ste/ mu dang po ni nang rab tu dang ba dang dga' ba dang bde ba dag go /gnyis pa ni bde ba yang ma yin sdug bsngal yang ma yin pa'i tshor ba dang/ /btang snyoms yongs su dag pa dang/ /dran pa yongs su dag pa'o/ /gsum pa ni ting nge 'dzin to/ /bzhi pa ni bshad pa las ma gtogs pa'i chos rnams so/ /yan lag gang

  1018. 509b

    dag bsam gtan gsum pa na yod pa de dag bsam gtan bzhi pa na yang yod dam zhe na/ mu bzhi ste/ /mu dang po ni ting nge 'dzin ma gtogs pa bsam gtan gsum pa'i yan lag rnams so/ /gnyis pa ni ting nge 'dzin ma gtogs pa bsam gtan bzhi pa'i yan lag rnams so/ /gsum pa ni ting nge 'dzin to/ /bzhi pa ni bshad pa la ma gtogs pa'i chos rnams so/ /bsam gtan gsum char na tshor ba bde ba yod pa'i dbang du byas te/ /'dri ba ni/ ci'i phyir bsam gtan gsum pa na yod pa'i bde ba rdzas gzhan du brjod ces bya ste/ /bsam gtan gnyis pa na yod pa ni ma yin snyam du bsam pa'o/ /yang ji ltar bsam gtan gsum pa na yod pa'i bde ba rdzas gzhan du brjod ce na/ /gsum pa la ni btang snyoms dang dran pa dang shes bzhin dang bde rnams so/ /zhes smos pa'i phyir ro/ dang po na shin tu sbyangs pa bde ba yin zhes bya ba ni bde ba rnams pa gnyis te/ /shin du sbyangs pa'i bde ba dang/ tshor ba bde ba'o/ /de btang snyoms bsam gtan dang po dang/ /gnyis pa dag tu ni shin tu sbyangs pa'i bde ba'i yan lag gis bshad la/ /bsam gtan gsum par ni tshor ba bde ba yan lag tu bshad pas de'i phyir bsam gtan gsum pa'i bde ba ni bsam gtan dang po dang gnyis pa'i bde ba las rdzas gzhan du brjod do// //kim bu ni(mdo 'grel): kA rA Ni sarba tra pra sra b+hU? bak+ShE sAn+ni hya d+hyA dwa yo rA d+hyA na yo(mdo 'grel): pra srabd+ha raM ga twaM/ /pa shtsi ma yo ru pak+She yo ri ti/ ta thA yo gAta pri ti su khe hi tri sh+Na pya twa du be k+She ta bye kA ma bi ta rka bi tsA ra saM dz+nyA sha lya kalba twa ta/ /pri sa b+ha ye ta bya pra b+hU ta ta ra daShthau lya nutpata ya ta yorbA b+hU myo rba bak+Sha ru twa ta/ pra b+hi pak+She? lA b+he pra pra bb+hi ru tka? TA b+ha ba ti/ tri tI ya tsa turtha yos+tu d+hyA na yo rbi shud+ha ta ra twA du pak+Sho tka Ta(mdo 'grel): pra ti pak+Sho b+ha ba ti/ /pra prabd+hI su kha ma hi b+ha ga ba tA ra Na sA d+harmma Na b+hU myut+te? ra gat+tshe te(mdo 'grel): pa ri dza yA rgand+ha ba da byaSh+Ta b+ha ba ti/ a nA b+ho ga bA ti twa t+tu shan+ta ta ra twa ta/ /b+hU mI nA ma?

  1019. 510a

    bek+Sha twa k+Sha ta ra b+ha ba tI ti/ /bde ba'i dbang po dang mi ldan pa'i phyir ro zhes bya ba la/ /de ni lus kyi 'am sems kyi bzhi yin grang na/ /gnyis ka yang de na mi srid do/ /lus kyi ni rnam par shes pa lnga dang lhan cig skyes pa yin no/ /snyoms par zhugs pa la ni mig gi rnam par shes pa la sogs pa kun du 'byung ba ma yin te/ /kha phyir bltas par 'jug pa'i phyir ro/ /de na sems kyi bde ba yang mi rigs so/ /ci'i phyir zhe na/ dga' ba zhes 'byung ba'i phyir ro/ /de na yod pa'i sems kyi bde ba gang yin pa de ni dga' ba zhes bya'o/ /ji ste dga' ba ni tshor ba ma gtogs pa'i chos gzhan kho na yin la/ /bde ba ni bsam gtan na yod pa'i tshor ba sim pa yin no snyam na/ /de'i phyir dga' ba ni yid bde ba yin na zhes? bya ba smos te/ /dga' ba ni yid bde ba las log shig tu nges par mi zin la/ /bde ba dang yid bde ba dag kyang cig car yod pa ma yin te/ /tshor ba'i rdzas gnyis sems gcig la mtshungs par ldan pa med pa'i phyir ro/ /de gnyis rnam grangs bya zhes bya ba ni bde ba dang yid bde ba gnyis so/ /yan lag lnga zhes 'byung ba'i phyir ro zhes bya ba ni bde ba dang yid bde ba gnyis rnam grangs kyi 'byung na ni bsam gtan yan lag bzhi pa kho nar 'gyur gyi yan lag lnga pa ni ma yin no/ /skad cig re re la bde ba dang yid bde ba gnyis las gang yang rung ba zhig med pa'i phyir ro/ /gzhan dag na re sems las byung ba'i bde ba'i dbang po ni med par kho na ste zhes bya ba ni bde ba'i dbang po ni lus kyi kho na yod kyis/ /sems kyi ni med do/ /sems kyi tshor ba sim pa ni yid bde ba'i dbang po yin no zhes bya'o/ /gal te bde ba'i dbang po sems kyi ma yin na/ /'o na ji ltar bsam gtan gsum par bde ba'i yan lag tu rnam par bzhag ce na/ /de'i phyir bsam gtan gsum char na yang zhes bya ba rgyas par smos te/

  1020. 510b

    bsam gtan dang po gnyis na shin du sbyangs pa'i bde ba yan lag ma yin la/ /gsum par sems kyi bde ba ma yin te/ 'o na ci zhe na/ bsam gtan gsum char na lus kyi bde ba kho na yan lag du rnam par bzhag go zhes zer ro/ /'o na mdo las zhes bya ba 'dis ni sems kyi bde ba'i dbang po med do/ /zhes bya ba 'di la 'gal ba ston pa'o/ /ji ltar zhe na/ lus kyi ltar sems kyi bde ba yang sems kyi dbang po nyid du gsungs pa'i phyir ro/ /tshig de ni 'ga' zhig gis so btags pa yin te/ zhes bya ba la/ gang zhe na/ /sems las byung ba'i zhes bya ba'o/ /sgro btags pa yin gyi/ /gtsug lag ni ma yin no/ /zhes bya ba 'di ji ltar shes ce na/ /sde pa gzhan thams cad las lus kyi zhes bya ba de skad du 'byung ba'i phyir sgro gtags pa yin no zhes bya bar shes te/ /de'i phyir mdo dang 'gal ba med do/ /bde ba lus kyi myong la zhes bya ba ni bsam gtan gsum pa ste/ /rang gi sgras gsungs pa'i phyir lus kyi bde ba kho na'o zhes bya bar shes so/ /gal te yid kyi lus so zhes bya ba ni ci ste 'dir lus kyi sgra lus kyi dbang po la mi 'dod kyi/ /'o na ci zhe na/ yid kyi lus yin te/ /dben pa las skyes pa'i bde ba lus kyis mngon sum du byas te nye bar bsgrubs nas gnas so zhes gsungs pa'i phyir 'gal ba med do/ /'di shes byed ma yin te sems kyi yang bde ba'i dbang por 'gyur zhe na/ /gzhan du ni kha cig tu yid bde ba'i dbang por yang sems kyi ma yin zhes rtogs par bya ste/ /lus kyi mngon sum du byas na gsungs pa'i phyir ro/ /tshod pa'i tshogs drug ltar gzugs can ma yin pa rnams la yang? lus kyi sgra mthong ngo/ / 'di gzugs can bzhin tshor ba nye bar bkod pa las gzhan du mthong ba'i phyir mi rung ngo zhe na/ /gal te gzugs med pa rnams su lus tha dad pa las zhes gsungs pa'i phyir gzugs can ma yin pa la yang mthong ba'i phyir zhes bya ba la nges pa med do

  1021. 511a

    de'i phyir yid kyi lus so zhes bya bar shes pa bya'o/ /snyam na de skad du bshad de/ /yon tan ci zhig yod/ /bde ba yid kyis myong la zhes gsal po gnyid du brjod par bya'o/ /de ltar na bsam gtan gsum pa na lus kyi bde ba kho na yod kyi/ /sems kyi ni ma yin no/ /gang gi phyir der tshor ba bde ba phul du byung ba ma yin no zhe na/ bsam gtan dang po gnyis na yang lus kyi bde ba kho na yod kyi shin du sbyangs pa'i bde ba ni ma yin no/ /zhes bstan pa'i phyir bsam gtan bzhi pa la zhes bya ba rgyas par smos te/ /bsam gtan dang po dang gnyis pa dang bsam gtan bzhi pa la shin du sbyangs pa mang yang bde ba ma smos pa de'i phyir bsam gtan dang po gnyis na tshor ba'i bde ba mngon par 'dod kyi shin du sbyangs pa'i bde ba ma yin te/ /gzhan du na bsam gtan bzhi pa shin du sbyangs pa mang ba'i phyir bde ba ches shin du yan lag du rnam par 'jog par 'gyur ro/ /gal te bde ba'i tshor ba dang mthun pa'i phyir zhes bya ba la sogs pa ni/ /bsam gtan dang po gnyis na bde ba yod pas de dang rjes su mthun pa'i shin du sbyangs pa'i bde ba bshad kyi/ /bsam gtan bzhi pa la ni bde ba med pa'i phyir shin tu sbyangs pa mang yang bde ba mthun pa ma yin pas bde ba zhes mi brjod do zhes bya ba'o/ /gsum pa na yod pa'i zhes bya ba la sogs pa ni bsam gtan gsum pa na yod pa'i shin du sbyangs pa ches shin du bde ba dang mthun pa yin la/ /bde ba yang ma gsungs pas 'khrul lo zhes bya ba'o/ /gal te btang snyoms kyis bcom pa'i phyir zhes bya ba ni bsam gtan gsum pa'i shin tu sbyangs pa bde ba dang mthun pa yin mod kyi/ /de ni btang snyoms kyis bcom pas bde bar ma brjod do/ /zhes bya ba'o/ /ma yin to btang snyoms kho nas de 'phel ba'i phyir ro/ /zhes bya ba ni de ni de ltar ma yin te/ btang snyoms kho na

  1022. 511b

    bsam gtan gsum par shin du sbyangs pa 'phel ba'i phyir ro/ /'di ji ltar shes she na/ /snga ma gnyis pas de khyad par du 'phags pas zhes bya ba smos te/ /bsam gtan dang po dang gnyis pa'i sa ba'i shin du sbyangs pa bas bsam gtan gsum pa'i sa pa'i khyad par du 'phags pa'i phyir ro/ /'di ji ltar zhe na/ /sa 'og ma'i skyon spangs pa las der lus dang sems dag ches las su rung ba'i phyir ro/ /gang gi tshe 'phags pa nyan thos zhes bya ba rgyas par 'byung ngo/ /ji ltar de las shin tu sbyangs pa dang bde ba so sor bshad ce na/ gang gi tshe 'phags pa nyan thos rab tu dben pa las skyes pa'i bde ba lus kyi mngon sum du byas nas rdzogs par byas te/ gnas pa de'i tshe 'di'i chos lnga ni spong bar 'gyur la/ /chos lnga ni bsgom pa yongs su rdzogs par 'gyur ro/ / zhes bya ba rgyas par gsungs nas/ /chos lnga po gang dag gcig bsgom pa yongs su rdzogs par 'gyur zhe na/ /nad rab tu dang ba dang/ /dga' ba dang/ /shin tu sbyangs pa dang/ /bde ba dang/ ting nge 'dzin te/ /chos lnga po 'di dag bsgom pa yongs su rtogs pa 'gyur ro/ /zhes bya ba'i bar du 'byung ste/ /de'i phyir de ltar na 'di las shin du sbyangs pa gsungs nas yang bde ba smos pa'i phyir shin tu sbyangs pa dang bde ba gnyis tha dad pa 'byung do/ /de'i phyir bsam gtan dang po gnyis na shin tu sbyangs pa kho na bde ba ma yin no zhes bya bar shes so/ /bye brag tu smra ba rnams na re/ /bde ba'i dbang po mdo las bde ba'i sgras brjod pa'i phyir mdo dang 'gal ba med do zhes zer ro/ /'di ni 'dir mdo las bsam gtan gyi yan lag tu ma bzhag ste/ /shin du sbyangs pa bde ba'i dbang por mi 'dod do/ /bde ba'i rgyu nyid kyi phyir shin du sbyangs pa bsam gtan gyi yan lag tu rnam par bzhag pa la bde ba'i sgras brjod do/ /dper na bde ba gsum spangs pa bde ba las phyir phyogs pa 'gog pa'i bde ba zhes bya ba lta bu'o/ /'di ni sngar nyid du ni dO? Shi?

  1023. 512a

    tam/ gang gi phyir bsam gtan gsum pa'i shin tu sbyangs par bde bar brjod ce na/ gal te snyoms par zhugs pa la ji ltar lus kyi rnam par shes pa 'byung zhes bya ba ni de dag gi bde ba'i dbang po thams cad lus kyi yin pa khas blangs nas snyoms par zhugs pa la ni lus kyi rnam par shes pa kun du 'byung bar mi rung ste/ kha phyir ltas par 'jug pa'i phyir dang rnam par shes pa gnyis cig car med pa'i phyir ro zhes bya ba'o/ /ting nge 'dzin gyi khyad par las skyes pa zhes bya ba ni ting nge 'dzin gyi khyad par ni bsam gtan gsum pa ste/ /de las skyes pa ni ting nge 'dzin gyi khyad par las skyes pa'o/ /shin du sbyangs pa zhes bya ba ni/ /de la shin du sbyangs pa zhes bya ba ste/ /lus mnyen par byed pa'i phyir ro/ /bde ba myong bar 'gyur ba zhes bya ba ni bde ba'i yul lo/ /lus la rgyas pa'i phyir ro zhes bya ba ni lus la khyab pa'i phyir ro/ /snyoms par bzhugs pa la lus kyi rnam par shes pa 'byung ba ni de lta bu'o/ /bye brag tu smra ba rnams na re/ /der gnas skabs la 'dod pa ma yin te 'dir mngon bar dben pa'i dga' pa dang bde ba las skyes par gyur pa rnams kyis de'i lus kyi gnas ngan len gyi phyogs bsal te/ /lus la phan 'dogs pa'i rlung gis gnod pa med cing bde ba'i rdul phra rab rnams lus khyab par byed do/ /sna ha i ba sna na saNdi? na tu tai(mdo 'grel): lus bsal bar gyur bas lus kyi rnam par shes pa skye bar 'dod do/ /'di'i ting nge 'dzin gyi 'bras bu de 'dra bas de skye ba 'bras bu med pa ma yin no/ /gal te phyi rol tu rnam par g.yengs pa'i phyir ting nge 'dzin nyams par 'gyur ro zhe na/ ma yin te/ /de'i stobs kyis ting ge 'dzin brtan par 'gyur te/ /de nyid kyi phyir ting nge 'dzin las skyes pa zhes bya ba rgyas par smos te/ /ting nge 'dzin gyi rgyu mtshan gyi bde ba lus kyi nang du 'byung ba'i phyir/ /phyi rol tu rnam par g.yeng pa

  1024. 512b

    med pa'i bde ba de ting nge 'dzin dang mthun pa'i phyir/ /de mngon sum du gyur na ting nge 'dzin nyams par mi 'gyur ro/ /gal te lus kyi rnam par shes pa skyes pa'i tshe langs pa dang 'gyur ro/ /zhes bya ba ni lus kyi rnam par shes pa de mnyam par gzhag pa dang mthun pa yin yang/ /mnyam par ma gzhag pa kho na yin pa de'i phyir mnyam par gzhag pa'i rnam par shes pa 'gag pa'i phyir dang/ lus kyi rnam par shes pa mnyam par ma gzhag pa skyes pa'i phyir langs par 'gyur ro zhes bya ba'o/ /de nyid kyi phyir ro zhes bya ba ni lus kyi rnam par shes pa skyes pa'i tshe langs par mi 'gyur ba ste/ /ting nge 'dzin las skyes pa lus kyi nang du 'byung ba'i lus kyi bde ba ni ting nge 'dzin dang mthun pa'i phyir ro/ /zhes de ma thag tu bshad pa gang yin pa de nyid kyi phyir ro/ /bsam gtan dang mthun pas bsam gtan nyid du 'gyur ba ma yin te/ /dper na bsam gtan gyi sbyor ba'i sems de bsam gtan kho na ste lus kyi rnam par shes pa mngon sum gyur pa na langs pa kho nar 'gyur bas 'dir sbyor ba'i ting nge 'dzin las skyes pa bsam gtan ma yin no/ /ting nge 'dzin las skyes pa ma yin pa ni ting nge 'dzin dang mthun pas langs par brjod do zhe na/ dpe dang dpe can mtshungs pa ma yin no/ /gal te 'dod pa na spyod pa'i lus kyi dbang pos zhes bya ba rgyas par 'gyur ba ni/ /'dod pa spyod pa'i lus kyi dbang po ni gzugs na spyod pa shin du byangs pa zhes bya ba reg bya'i yul can ma yin la/ /de la dmigs pa'i rnam par shes pa rten du yang mi rung ste/ /gsum dag ni thams cad rang gis pa yin zhes bya ba'i phyir ro zhes bya ba'o/ /ma yin te shin tu sbyangs pa'i rnam par shes pa skye ba'i phyir ro zhes bya ba la/ /'dod pa na spyod pa'i lus kyi dbang pos gzugs na spyod pa shin du sbyangs pa'i ming can reg bya kho na 'dzin gyi/ /de'i sa pa gzhan ni ma yin pas

  1025. 513a

    skyon med do/ /zag pa med pa dag tu yang 'gyur ro zhes bya ba ni zag pa med pa'i bsam gtan la reg bya dang lus kyi rnam par shes pa gnyis kyang brag pa med par 'gyur ro/ /ci'i phyir zhe na/ yan lag cung zad cig ni zag pa dang bcas pa/ /cung zad cig ni zag pa med pa yin mi rung bas so/ /yang ji ltar na reg bya dang las kyi rnam par shes pa dag yan lag nyid yin zhe na/ de gnyis yan lag tu mi brjod kyi/ /'o na ci zhe na/ de brjod la/ de gnyis ni de dang mtshungs par ldan pa'i phyir ro dang/ de'i yul can yin pa'i phyir brag pa med pa nyid du bshad do/ /lus shin tu sbyangs pa yang dag byang chub kyi yan lag tu gsungs pa dang/ byang chub kyi yan lag rnams kyang zag pa med pa'i phyir de dag kyang zag pa med par 'dod do/ /byang chub kyi yan lag dang mthun pa'i phyir shin tu sbyang pa byang chub kyi yan lag tu bshad gyi/ /dngos kyi tshul gyis ni ma yin no zhe na/ /brag pa med pa nyid kyang de dang 'dra ste/ /zag pa med pa dang mthun pa'i phyir zag pa med pa dag yin gyi/ /dngos kyi tshul gyis ni ma yin no/ /mig ji snyed pa dang/ /gzugs ji snyed pa dang/ mig gi rnam par shes pa ji snyed pa nas/ /de bzhin du rgyas par lus ji rnyed pa dang/ /reg bya ji snyed pa dang/ /lus kyi rnam par shes pa ji snyed pa zhes bya ba'i bar 'di dang 'gal te/ reg bya dang lus kyi rnam par shes pa dag zag pa dang bcas par gsungs pa'i phyir gzhan ma yin zhes rgyas par 'byung ste 'gal ba med do/ /de las gzhan reg bya dang lus kyi rnam par shes pa bde ba dang dga' ba dang phrad pa med pa'i phyir zhes bya ba ni/ /bde ba dang yid bde ba dag ni cig car yod pa ma yin te/ /lus dang yid rnam par shes pa gnyis cig car mi 'byung ba'i phyir ro/ /de'i phyir bsam gtan yan lag sngar mi 'gyur ro zhes bya ba'o/ /ma yin te srid ba'i phyir bstan pas zhes bya

  1026. 513b

    ba ni yan lag lnga bstan pa dang 'gal ba med de/ /srid pa'i phyir bstan pas so/ /rtog pa dang dpyod pa bzhin no zhes bya ba ni dper na rtog pa dang dpyod pa dag cig car mi 'byung yang srid pa'i dbang du byas nas rtog pa dang bcas pa zhes bshad pa bzhin no/ / gal te bsgrub par bya ba yin no/ /zhes bya ba ni rtog pa dbyed pa gnyis rim gyis 'jug go/ cig car ma yin pa de bsgrub par bya ba yin pa'am/ /yang na lnga po rnams rnam grangs kyis yod pas yan lag lnga yin gyi/ /lnga pa cig car yod pas ni ma yin no zhes bya ba 'di bsgrub par bya ba yin pa'o/ /grub pa yin te/ /sems kyi rtsing ba dang zhib pa dag phan tshun bcom nas 'byung ba'i phyir cig car mi srid cing/ /rtsid pa dang zhib bas dang rnam pa'i bye brag gis ltos pa can yang yin pa srid pa'i rtse mo'i bar du rtog pa dang dpyod pa dag yod par 'gyur ro/ /rtsing ba dang zhib pa dag gi rnam pa'i dbye ba mi rung ngo zhes sngar nyid rgya cher bstan zin to/ /de lta bas na bsam gtan dang po la yod pa'i yan lag lnga po rtog pa dang dpyod pa dang dga' ba dang bde ba dang ting nge 'dzin zhes bya ba gang dag yin pa de dag kho na las yan lag gnyis dang gsum dang bzhi por nas yin te/ /de la yan lag gnyis bor nas bsam gtan gnyis pa rnam par bzhag ste de na rtog pa dang dpyod pa dag med pa'i phyir ro/ /yan lag gsum por nas bsam gtan gsum pa rnam par bzhag ste/ /de na dga' ba yang med pas so/ /yan lag bzhi bor nas bsam gtan bzhi pa rnam par zhag ste/ /de na bde ba yang med pas so/ /de nyid kyi phyir de dag bor nas bsam gtan lhag ma rnam par /bzhag pa'i phyir/ /bsam gtan dang po la sems las byung ba gzhan dag yod kyang lnga kho na yan lag du bshad kyi/ /'du shes la sogs pa rnams ni ma yin no/ /'du shes la sogs pa rnams bor nas bsam gtan gong ma rnam par bzhag

  1027. 514a

    pa ni ma yin te/ /de rnams thams cad na yod pa'i phyir ro/ /de'i phyir bsam gtan dang po la de rnams yan lag nyid du ma gsungs so/ /yang na ci'i phyir zhes bya ba ni gal te dgongs pa 'di mi 'dod na rgyu gzhan zhig brjod par bya'o/ /zhes bya ba'o/ /gal te phan pa'i phyir ro zhes bya ba ni 'du shes la sogs pa dag pas rtag pa la sogs pa rnams phan par yin pa'i phyir ro zhes /rgyu gzhan smras pa ni dran par shes rab dag ces phan ba'i phyir ro zhes bya ba ste/ /dran pa dang shes rab ji lta ba de ltar rtog pa dang dpyod pa phan ba ma yin te/ /dran pa lags par gnas shing yang dag pa ji lta ba bzhin shes pa zhum pa dang rgod pa med pa'i phyir ro/ /gang gi phyir dran pa dang shes rab gnyis phan pa yin yang yan lag tu ma bshad pa de'i phyir rtog pa la sogs pa rnams phan pa'i phyir bsam gtan dang po'i yan lag tu ma bshad kyi/ /'o na ci zhe na/ yan lag gnyis dang gsum dang bzhi por nas bsam gtan gnyis pa la sogs pa rnam par bzhag par bya ba'i phyir yin no kha cig de skad du rgol ba yod kyi zhes bya ba ni bdag nyid kyis nye bar shes pa ma yin pa nyid do zhes sngon pa'o/ /sngon gyi slob dpon rnams ni zhes bya ba rgyas par 'byung ba la/ /ji snyed mngon pa de dag thams cad yan lag ma yin te/ /rang gi sde pa rgan rab rnams kyis yongs su bzung ba'i phyir ro/ /rgyud rab tu zhi bar rgyu ba zhes bya ba la/ /sngar rtog pa dang ba'i 'khrugs pas sems dmigs pa la gzhol ba ma byung ba la/ /da ni rtag pa dang dpyod pa dang bral bas dmigs pa la bgrod pa rtsig par grub pa ste/ /ches shin tu mnyam par gzhag pa zhes bya ba'i don to/ /rab tu dang ba dang pa yin/ /zhes bya ba la/ de ni bsam gtan gnyis pa thob pas nges par 'byung ba yin yang mnyam par gzhag pa'i sa pa dag las nges par

  1028. 514b

    'byung ngo snyam du yid ches ba skyes ste/ /de ni 'dir nang rab tu dad pa yin no/ /de nyid kyi phyir dad pa thams cad du yod pa yin yang bsam gtan gnyis pa kho na la yan lag tu rnam bar bzhag go/ rtog pa dang dpyod ba gcig tu 'khrugs pa yang 'di bsam gtan dang po dang gnyis pa dag la btang snyoms gtso bo yin pa'i phyir u pa ra ta pra b+hA bA sA b+ho? ga sya? ho sh+rard+ha? pa la ba tI b+ha ba tya? bA b+ho? ga sya? tu bek+Sha:? //gzhan dag na re rtog pa dang dpyod pa dang ting nge 'dzin rnams kyang rdzas gzhan ma yin la/ /nad rab tu dang nga yang rdzas gzhan ma yin no zhes bya ba ni/ /de la sems kyi dag kun nas slong ba'i gnas skabs ni rtog pa yin la/ /gnas skabs ma yin pa ni dpyod pa'o/ /rnam par mi g.yeng ba'i gnas skabs ni dpyod pa'o/ /rab tu zhi bar gyur pa'i gnas skabs ni? nad? rab? tu dang pa'o/ /rdzas gzhan med na ji ltar zhes rgyas par 'byung ba la/ /sems las byung ba ni sems la yod pa yin te/ /sems nyid sems las byung ba yin par ni mi rigs so/ /zhes bya ba'o/ /chos gzhan 'ga' zhig tu ma zad kyi/ /sems la yod pa'i gnas skabs kyi bye brag zhes bya ba yang sems las byung ba yin no/ /zhes zer ro/ /'di ni bstan bcos kyi grub pa'i mdza' ma yin no zhes bya ba ni rtog pa la sogs ba dag rjes gzhan ma yin pa'am/ /sems kyi gnas skabs kyi bye brag sems mis byung ba yin na zhes bya ba'o/ /rnam par bsgyur ba'i mdo las zhes bya ba rgyas par 'byung ste/ /rnam par sgyur ba'i mdo las ni dbang po lnga ni yid mi bde ba'i dbang po dang/ /sdug bsngal gyi dbang po dang/ /yid bde ba'i dbang po dang/ /btang snyoms kyi dbang po dang/ dge slong dag gis yid mi bde ba'i dbang po skyes pa la skyes so zhes yang dag pa ji lta ba bzhin rab tu shes so/ /'du byed de'i 'bras bu rgyu dang bcas rkyen dang bcas rnam pa dang bzhi dang bcas pa yang dag pa ji lta ba bzhin rab tu shes so/ /'du byed

  1029. 515a

    gang dag gi rgyu gang yin pa de nyid ces bya ba nas yid mi bde ba'i dbang po las skyes pa'i 'du byed de dag gi rgyu ji srid pa dang/ /'du byed gang dag gi rgyu gang dag mi rtag pa nas ji srid mi rtag pa'i rgyu dang rkyen la brten nas skyes pa dang/ /yid mi bde ba'i dbang po gang las rtag par 'gyur ba dang/ /yid mi bde ba'i dbang po byung zhing skyes pa la rtag tu rjes su lta zhing gnas pa dang bsam gtan gyi lta ba dang 'gog par rjes su lta ba dang so so bsgyur bar rjes su lta ba dag dang/ /de la sems nye bar gnas pa dang/ /gang du byung ba yid mi bde ba'i dbang po ma lus pa 'gag pa dang ma lus pa nub pa dang ma lus yongs su gtugs par 'gyur ba dang/ /ci las skyes pa'i yid mi bde ba'i dbang po ma lus pa 'gag pa dang ma lus pa nub pa dang ma lus pa yongs su gtugs par 'gyur te/ /'di na dge slong dben pa 'dod pa nas bsam gtan dang po nye bar bsgrubs te gnas so/ /zhes bya ba nas/ /yid mi bde ba'i dbang po ma lus pa 'gag pa dang ma lus pa nub pa dang ma lus pa yongs su gtugs par 'gyur ba 'di ni dge slong dag nges par 'byung bar brjod par bya'o/ zhes bya ba nas btang snyoms kyi dbang po'i par du 'byung ngo/ /ji skad bshad pa ltar yan lag de dag ces bya ba ni dang po la lnga dang gnyis pa la bzhi dang gsum de la lnga dang bzhi pa la bzhi rnams so/ /thams cad la mi 'gyur te/ /nyon mongs pas dben pa ma yin pa'i phyir ro zhes bya ba ni/ /rang gi sa pa'i nyon mongs pa dang mtshungs par ldan pa'i phyir ro/ /'dir brjod pa las dben par bsgrubs pa dga' ba kho na bstan pa ma yin no/ /'o na ci zhe na/ /rang gis pa'i nyon mongs pa ma dben pa las skyes pa yang ngo/ /de ltar na gang gi phyir 'dod pa dag las dben pa sdig pa mi dge ba'i chos rnams las dben ba zhes gsungs pa yin no/

  1030. 515b

    dben pa las skyes pa'i dga' ba dang bde ba shes gsungs pa'i tshig de la 'dir dgos pa ci zhe na/ /rang gi sa pa'i nyon mongs pa las dben pa la skyes pas kyang 'dir dga' ba shes par byas par 'gyur ro/ /de nyid kyi phyir dga' ba dang bde ba zhes zung du sbyar te bstan to/ /ji ltar shin tu sbyangs pa dang ldan pa nyid kyi dga' ba bsam gtan gyi yan lag tu shes par byed ce na/ /shin tu sbyangs pa ni gcig tu dge ba yin pa'i phyir nyon mongs pa can la med de/ /de'i skabs su yan lag gsum kho na yin no/ /nyon mongs pas bsnyogs pa'i phyir ro zhes bya ba ni/ /de'i sa pa'i nyon mongs pa dag gis rab tu ma dang bar byas pa'i phyir ro zhes bya ba'i don to/ /nyon mongs pa can la ni dad pa dang shin tu sbyangs pa de'i yan lag ma yin pa nyid de/ /bsam gtan gnyis pa nyon mongs pa can la dad pa dang shin tu sbyang pa'i yan lag gnyis med pa'i phyir ro/ /nyon mongs pa can ma yin pa'i gnyis pa la dga' bo yod do/ /dang po la ma yin zhes bya ba ji ltar rtogs par bya zhe na/ dben pa las skyes pa smos pa'i phyir ro/ /nyon mongs can gyi bde bas kun tu rmongs par byas pa'i phyir ro zhes bya ba ni/ /des rmongs pas nyon mongs pa can gyi bde bas kun tu rmongs par byas pa la dran pa dang shes bzhin med do/ /nyon mongs pa can la ni dran pa la brjes nges pa dang shes rab la shes bzhin ma yin dag gzhan gyi phyir 'jug pa'i phyir ro/ /dge ba'i sa mang po pa yin pa'i phyir btang snyoms kyang nyon mongs pa can gyi gsum pa med de/ /de'i phyir de ni yan lag gnyis pa yin no/ /de'i dran pa dang shes rab la shes bzhis dang btang snyoms med pa'i phyir ro/ /gal te btang snyoms med na ci'i phyir ma bkag ce na/ /nyon mongs pa can gyi bzhi pa la de bkag pa'i phyir don gyis gsum pa la yang de bkag par shes par 'gyur ba'i phyir ro/ /nyon mongs pas dri ma can

  1031. 516a

    du byas pa'i phyir ro zhes bya ba la/ /gang gi phyir dri ma can du yin pa ni 'du(mdo 'grel): dkyi btang snyoms dge ba'i sa mang po pa yin pa'i phyir btang snyoms yongs su dag pa med la/ /nyon mongs pa kun du 'byung bas de kun du rmongs pa'i phyir de'i dran pa ni brjed nges pa yin pa'i phyir dran pa yongs su dag pa yang med do/ /de lta bu ni bsam gtan bzhi pa'i bsam gtan gyi yan lag nyid do/ /kha cig shin tu sbyangs pa btang snyoms zhes bya ba rgyas par 'byung ba la/ /gang dag nyon mongs pa can dag la yang dga' ba dang dad pa dang dran pa dang shes bzhin dag yan lag tu 'dod pa de dag gyi ltar na dang po dang gsum pa dag ni yan lag bzhi pa yin la/ /gnyis pa dang bzhi pa dag yan lag gsum pa yin no/ bsam gtan gsum ni skyon dang bcas pa'i phyir ro zhes bya ba la/ /ni zhes bya ba'i sgras yan lag dang ldan pa yang yin zhes sngar gyi tshul bsdu ba da bya ba'i phyir ni zhes bya ba'i sgra smos so/ /bde ba la sogs pa bzhi yin no/ /zhes bya ba la/ /ji lta pa lod? pa la sogs pa bzhi bsam gtan gyi skyon yin zhe na/ /sdug bsngal gyi rgyu lus me rungs pa spangs pa'i phyir ro/ /bsam gtan dang po na sdug bsngal gyi rgyu can yid mi bde ba ste/ /de ltar sdug bsngal dang yid mi bde ba dag byon nyid do/ /gang zhig bde ba dang yid dad pa dag mngon du gyur pa la'o/ /de ltar rtog pa ded dpyod pa dang/ /dga' ba dang dad bdag gis zhes bya ba ni 'di dag nyid dang de mtshungs? par ldan pas so/ /de ci'i rgyu las de'i skyon nyid du rigs zhe na/ gzhan dag gis ma yin gyi bzhi po de dag kho mi nas g.yo ba'i phyir ro/ /bsam gtan bzhi pa ni mi g.yo ba ste skyon brgyad de las grol ba'i phyir ro/ /gzhan dag na de mdo las stan pa ni dgongs pa can yin la/ /chos mngon

  1032. 516b

    pa'i ni mtshan nyid pa ste/ /'di ltar bde ba dang sdug bsngal dag spangs pa'i phyir dad gang zhig bde ba dang yid bde ba yang nub pa'i phyir bsam gtan dang po nye bar bsgrubs te gnas so/ /zhes gsungs so/ /de'i phyir ga mya ste na/ /rtog pa dang dpyod pa dang bde ba rnams kho na skyon no zhes so/ /ci ste rtog pa dang dpyod pa dag ko ba ro d+ho ye na tadbyu ga ma iSh+Tya ta/ /rnal 'byor can rnams kyang gang mi 'dod kyang dmigs pa dang rnam pa gzhan la sems mngon bar rgyug pa de ni rtog pa dang dpyod pa'i skyon te/ /rtog pa dang dpyod pa dang dga' ba dang bde ba'i rtsol ba dag gis sems g.yod? bar byed pas na g.yo ba zhes bya'o/ /rnam par shes pa'i tshod gsum pa'i bde ba zhes bya ni/ /de ni dri dang ro med pas sna dang lce'i rnam par shes pa med do/ /rnam par shes pa'i tshogs ba gzhan med pa'i phyir zhes bya ba ni/ /mig la sogs pa'i rnam par shes pa med pa'i phyir ro/ /de med na rtog ba dbang dbyod? pa med de/ de dag mi rtog pa dang dpyod pa dang bcas pa'i phyir ro/ /gal te bsam gtan gnyis pa la sogs pa dag na zhes bya ba rgyas par 'byad ba la/ /bsam gtan gnyis ba la sogs pa dag na gzugs dang sgra dang reg bya'i skye mched rnams dmigs pa dang rnam par rig byed kun nas slong bar byed pa'i sems yod do ce na/ der skyes pa rnams la rnam par shes pa'i tshogs gsum dang rtog pa dang dpyod pa dag kyang yod pa ma yin no zhes bya'o/ /rang gi sa pa yang yod pa ma yin zhes bya'o/ /sbrul pa'i sems bzhin? du zhes bya ba ni/ /ji ltar sa gong mar skyes pa sa 'og ma'i sprul pa'i sems mngon du byed pa de bzhan du bsam gtan gnyis pa la sogs bar skyes pa gzugs dang sgra dang reg bya la dmigs par 'dod cing /rnam par reg byed kun nas slong bar 'dod pa dag bsam gtan dang po'i sa pa'i mig gi rnam par shes pa la sogs pa dang

  1033. 517a

    rnam par rig byed kun nas slong bar byed pa mngon du byed do/ /dag pa la sogs pa'i zhes bya ba la sogs pa zhes bya ba'i sgras ni zag pa med pa dang/ nyon mongs can bsdu'o/ /sa 'og ma las 'dod chags dang bral ba 'am zhes bya ba ni/ /dper na 'dod pa'i khams las 'dod chags dang bral ba las bsam gtan dang po nas ci yang med pa'i skye mched las 'dod chags dang bral ba las srid pa'i rtse mo'i bar lta bu'o/ /sa 'og mar skyes pa las zhes bya ba ni dper na srid pa'i rtse mo nas 'chi 'pho zhing ci yang med pa'i skye mched du skye ba nas/ /bsam gtan dang por skye ba na thob pa'i bar lta bu'o/ /de bzhin du ci yang med pa'i skye mched la sogs pa dag nas/ /'chi 'pho ba sa 'og mar skye ba la yang brjod par bya'o/ /srid pa'i rtse mo ma gtogs pa zhes bya ba ni/ /de ni sa 'og ma las 'dod chags dang bral ba kho na las thob kyi/ /sa 'og ma skyes pa las ni ma yin te/ /de yan chad nas gzhan med pa'i phyir ro/ /bsam gtan dang gzugs med pa'i dngos gzhi la bsams nas de skad du bshad kyi/ /nye bar bsdogs ni de dang ldan pa 'dod chags dang ma bral bas kyang sbyor ba las thob po/ /de dang mi ldan zhes ci'i phyir brjod/ /'dod chags dang bral/ /skye ba la ni zhes bya ba 'di tsam gyis ci chog /gang las na de dang mi ldan zhes khyad par du byed par 'gyur zhe na/ /gang gi phyir dag pa dang ldan pa yang sbyor ba las bsam gtan nam gzugs med pa'i dngos dag pa pa nges par 'byed pa'i cha dang mthun pa 'thob cing/ /yongs su nyams pa las nyams pa'i cha dang mthun pa 'thob pa'i phyir ro/ /'di ltar 'dod chags dang bral ba las dor ba nyams pa'i cha dang mthun pa'i bsam gtan nam gzugs med pa'am de 'dod chags dang bral ba las yongs su nyams pa dang de dang ldan pas kyang 'thob po/ /de nyid kyi phyir

  1034. 517b

    zhes bya ba ni gang gi phyir yongs su nyams pa las nyams pa'i cha dang mthun pa 'thob pas so/ /de bzhin du yongs su nyams pa dang skye bas zhes bya ba la/ /dag pa yongs su nyams pas 'thob par 'gyur la/ yongs su nyams pas 'dor bar 'gyur ba yod dam/ /bsam gtan dag pa pa skye bas 'thob la/ skye bas mdor ba yod dam zhe na zhe'o/ /tshangs pa'i 'jig rten las 'dod chags dang bral bas 'dor ro/ /zhes bya ba ni/ /gang gi phyir tshangs pa'i 'jig rten las 'dod chags dang bral bas nyams pa'i cha dang mthun pa'i bsam gtan dang po nyon mongs pa dang mthun pa'i phyir ro/ /de'i sa pa'i nyon mongs pa bzhin du 'dod pa'i phyir ro/ /de'i 'dod chags dang bral ba las yongs su nyams nas yang de'i sa pa'i nyon mongs pa bzhin du 'thob po/ /gang nas tshangs pa'i 'jig rten pa skye ba na zhes bya ba la/ /nyams pa'i cha dang mthun pas gsum du yang bsam gtan dang po thob pa/ /de bzhin du khyad par med par brjod pa'i phyir bsam gtan gnyis pa la sogs pa rnams la yang ji ltar rigs par brjod par bya'o/ /srid pa'i rtse mo las ni gong du srid pa'i rtse mo skye ba na zhes bya ba med pas zag pa med pa nyid ni bsam gtan nam gzugs med pa la 'dod chags dang bral ba las te/ /de dang mi ldan pa la 'thob po/ /ldan pa las kyang thag pa med pa zad? pa shes pa thob pa las mi slob pa ma thob pa thob po/ /dbang po 'thob las kyang dang pas mos pa zag pa med pa dang ldan pa kho na mthong bas thob par gyur nas slob pa slar ma thob pa thob po/ /de bzhin dus kyis rnam par grol ba yang mi g.yo ba rtog pa na mi slob pa 'thob po/ /nges pa 'jug pa las zhes bya ba rgyas par 'gyur ste/ /'dod chags dang bral ba sngon du 'gro bas kyang nges par 'jug pa na dang po nyid du zag pa med pa 'thob pa ma yin

  1035. 518a

    zhe na/ mthar gyis pa mi 'thob pa'i phyir gdon mi za bar ma yin te/ /zhes bya ba ni mthar gyis pa ni mi lcogs pa med pa la brten nas nges pa la 'jug pas de bsam gtan gyi dngos gzhi zag pa med pa mi 'thob po/ /'phags pas ni gdon mi za bar 'dod chags dang bral ba 'thob po/ /yang na gdon mi za bar thob pa nyid de ltar bshad do/ /nyon mongs can nyams skye ba yis/ /zhes bya ba ni nyon mongs pa can gyi bsam gtan dang po de las 'dod chags dang bral ba las btang ba ni yang de las 'dod chags dang bral ba yongs su nyams pa las 'thob po/ /bsam gtan gnyis pa la sogs pa nas bsam gtan pa dang por skye na nyon mongs pa can gyi dang po 'thob po/ /de bzhin du gzhan la yang ci rig par brjod pa bya'o/ /nyon mongs pa can gyi srid pa'i rtse mo ni de las 'dod chags dang bral ba las yongs su nyams pa kho na las 'thob kyi/ /skye ba las ni ma yin no/ /bsam gtan gnyis pa dang gsum pa'i sa pa'i zhes bya ba ni dag pa pa dang zag pa med pa zhes bya bar sbyar ro/ /zag pa med pa las nyon mongs pa can mi 'byung ste/ /shin tu mi mthun pa'i phyir ro/ /thod rgal gyi snyoms par 'jug pa cig rgal ba yin pas gsum pa'i gong ma ni mi skye'o/ /bsam gtan dang gzugs med pa gzhan gyi 'jug thogs su yang rdzas bcu sbyar bar bya'o/ /zhes bya ba ni bsam gtan gsum pa dang bzhi pa'i 'jug thogs dang/ /nam mkha' mdza' yas skye mched kyi 'jug thogs su'o/ /de'i rten dang dmigs pa 'og ma yin pa'i phyir zhes bya ba ni chos shes 'dod pa'i khams la rten pa'i phyir dang/ /'dod pa'i khams la dmigs pa'i phyir chos shes pa'i 'jug thogs su gzugs med par snyoms par mi 'jug go /rten 'og ma nyid kyis gong mar mi skye bas

  1036. 518b

    de'i 'jug thogs su gzugs med pa la snyoms par 'jug go /'og ma la dmigs pa nyid kyi 'dir mi skye'o/ /rjes su shes pa'i gnyi ga la brten pa dang khams gong ma la dmigs pas de 'dir skyes pa dag rjes su shes pa'i 'jug thogs su gzugs med pa la snyom par 'jug pa mi 'gal lo/ /rang gi sa pa'i nyon mongs kyang/ /zhes bya ba ni bsam gtan dang po dag pa de'i 'jug thogs su bdun skye ste/ /rang gi sa pa gsum po zag pa med pa dang/ /dag pa pa dang/ /nyon mongs can dang/ /bsam gtan gnyis pa dang gsum pa'i sa pa dag pa pa dang/ /zag pa med pa dag go /de bzhin du ci yang med pa'i skye mched dag pa pa'i 'jug thogs su brgyad do/ /bsam gtan gnyis pa'i 'jug thogs su ni dgu'o/ /rnam shes mdza' yas skye mched kyi 'jug thogs su ni bcu'o/ /de bzhin du bsam gtan dang gzugs med pa gzhan gyis 'jug thogs su ni bcu gcig go /zag pa med pa'i mjugs su ni nyon mongs pa can skye ba med do/ /zhes bya ba ni nyon mongs pa'i 'jug pa dang shin tu 'gal ba'i phyir ro/ /gzhan yang dag pa ba yang thams cad kyi 'jug thogs su mi skye zhe na/ /zag pa med pa las lta ci smos te/ /de skad du yang dag par rnam pa bzhi zhes 'chad do/ /rang gi sa pa'i dag pa pa dang nyon mongs pa can dag ces bya ba ni/ /rang gi sa pa'i zag pa med pa ma yin la/ /sa gong ma pa'i dag pa pa'am/ /nyon mongs pa can yang ma yin pa'o/ /sa 'og ma pa ni dag pa pa gcig pu yin gyi/ /nyon mongs pa can ma yin la/ /zag pa med pa ma yin no/ /nyon mongs pas gzir ba ni zhes bya ba ni nyon mongs pas sa zil gyis mnan pa'o/ /dge ba las 'phos pa yin gyi zhes bya ba ni sdig pa byed pa lta na de de'i yang dag pa'i lta ba yin pas de ni dge ba kho na yin gyi nyon mongs pa can ni ma yin no/ /zag pa med pa ni nyon mongs pa can gyi 'jug thogs su rnam pa thams

  1037. 519a

    cad du mi skye'o/ /zhes bya ba ni/ rang gi sa pa ma yin la/ /sa 'og ma pa yang ma yin no/ /zhes bya ba'i don to/ /'chi 'pho ba'i tshe na zhes bya ba rgyas par 'byung ba la/ /'chi 'pho ba'i tshe zhes bya ba ni 'chi ba'i srid pa'i gnas skabs yin la/ /de yang mnyam par gzhag pa yin pas de skye ba'i bsam gtan dag pa ba srid pa yod do/ /bsam gtan dag tu skyes pa'i skye bas thob pa'i dge ba mnyam par gzhag pa gang yin pa de yang bsam gtan dag pa pa zhes bya'o/ /de'i 'jug thogs su rang dang gong ma dang 'og ma'i sa pa nying mtshams sbyor ba'i sems mnyam par gzhag pa nyon mongs pa can skye ste/ /dge ba'i sems kyis 'chi 'pho na 'gar yang nying mtshams sbyor ba la gnod pa med pa'i phyir ro/ /de las 'dod chags dang bral ba dang 'dod chags dang ma bral ba dag gi dge ba'i sems kun du spyod par 'gyur bas de'i phyir skye bas thob pa'i dag pa pa'i 'jug thogs su thams cad pa'i nyon mongs pa cad skye'o/ /zhes bya ba smos te/ /sa gong ma pa ma yin zhes bya ba ni sa 'og ma'i 'dod chags dang bral ba rnams sngar bskyed pa des rang gi sa las 'dod chags dang ma bral ba'i phyir ro/ /srid pa'i rtse mo ni rnam pa gsum yin te/ /khyad par gyi cha dang mthun pa ma gtogs so zhes bya ba la srid pa'i rtse mo na ni mthong ba'i lam dang mthun pa'i nges par 'byed pa'i cha dang mthun pa ma gtogs pa/ /zag pa med pa dang mthun pa'i nges par 'byed pa'i cha dang mthun pa yod kyi/ /khyad par gyi cha dang mthun pa ni ma yin te/ /gong na sa gzhan med pa'i phyir ro/ /nyams pa'i cha dang mthun pa ni nyon mongs pa skye ba dang rjes su mthun pa'o/ /sa bya ba ni/ /de las nyon mongs pa can gdon mi za bar skye ba ni ma yin pa ste/ /de bzhin du gzhan la yang ci rigs par brjod par bya'o/ /gzhan dag na re/ /gang du gnas pa

  1038. 519b

    yongs su nyams pa de nyams pa'i cha dang mthun pa yin gyi gnas pa'i cha dang mthun pa ma yin no/ /gang du gnas pa mi nyams shing 'phel ba ma yin pa ni khyad par gyi cha dang mthun pa'o/ /gang du khyad par gzhan yin pas nges par byed pa'i cha dang mthun pa ste/ /gang gi 'jug thogs su 'phags pa'i lam la mngon du phyogs par byed pa'o/ /zhes zer te/ gzhan dag na re dben pa nges par 'byed pa'i cha dang mthun pa ste/ /gang gi 'jug thogs nges pa la 'jug pa'o/ /zhes zer ro/ /khyad par 'di ni gang 'ga' zhig 'phags pa'i lam mngon du phyogs par byed pa 'di dag thams cad nges par 'byed pa'i cha dang mthun pa'o/ /gang gi phyir cig shos 'jug thogs nyid na/ /'jig rten pa'i chos kyi mchog kho na nges par 'byed pa'i cha dang mthun par 'gyur ro/ /gnas pa'i cha dang mthun pa las 'das pa ma yin te/ /de'i phyir khyad par gyi cha dang mthun pa skye de de ni gnas pa'i cha dang mthun pa la rag las pa'i phyir ro/ /de bzhin du gzhan la yang ji ltar srid pa bzhin brjod par bya'o/ /nges par 'byed pa'i cha dang mthun pa'i 'jug thogs su ni de gcig pu skye'o zhes bya ba ni nges par 'byed pa'i cha dang mthun pa kho na'o/ /gzhan dag na re khyad par gyi cha dang mthun pa yang skye'o zhes zer ro/ /zag pa med pa las ldang ba'i tshe dag pa pa gang mngon sum du byed ce na/ nyams pa'i cha dang mthun pa ma gtogs pa rnam pa gsum ka yang ngo/ /zhes kha cig zer ro/ /gzhan dag na re khyad par du nges par 'byed pa'i cha dang mthun pa kho na'o zhes zer ro/ /thod rgal du snyoms par 'jug pa la ni nges par 'byed pa'i cha dang mthun pa kho na ste bstan pa'i phyir ro/ /nyon mongs pa med pa'i phyir dang/ /ting nge 'dzin la dbang ba'i phyir ro/ /zhes bya ba ni/ /nyon mongs pa med pa ni dgra bcom pa yin pa'i phyir ro/ /ting nge 'dzin la dbang ba ni dus dang

  1039. 520a

    mi sbyor bar rnam par grol ba yin pa'i phyir ro/ /de yang nyon mongs pa med pa dang smos nas shes pa dang bsam gtan bzhi pa'i rang gyi mdza' thob pa dang ldan pa'o/ /de bzhin du lhag ma rnams kyang rang gis sa dang sa 'og mar zhes bya ba ni ci yang med pa'i skye mched zag pa dang bcas pa ni srid pa'i rtse mos ma gtogs pa sa brgyad la brten no/ /rnam shes mdza' yas skye mched zag pa dang bcas pa dang/ /zag pa med pa sa bdun la brten pa nas bsam gtan dang po zag pa dang bcas pa dang zag pa med pa 'dod pa dang/ /bsam gtan dang po la brten pa'i bar yin no/ /rang gi med pa'i phyir dang de yang nye ba'i phyir ro/ /zhes bya ba ni zag pa med pa'i lam med par dgra bcom pa nyid 'thob pa med la/ /srid pa'i rtse mo pa'i zag pa med pa yang med pas der skyes pa dgra bcom pa nyid thob pa gang yin pa des lam 'og ma mngon sum du byed pa la nyes pa med do/ /de la ci yang med pa'i skye mched kyi sa pa kho na mngon sum du byed kyi/ /gzhan ni ma yin te/ /de thag nye ba'i phyir te/ /goms par byas pa'i phyir ro zhes bya ba'i tha tshig go /de ltar srid pa'i rtse mo bzhin ci yang med pa'i skye mched zag pa med pa yang sa dgu la brten pa yin no/ /srid pa smos pas ni zag pa dang bcad pa'i dngos po bzung ngo zhes bya ba ni/ /mdo las srid pa'i chos rnams zhes gsungs pa'i phyir ro/ /sred pas yongs su bcad pa'i phyir ro/ /zhes bya ba ni srid pa ni rang gis pa'i sa'i dmigs pa las nges pa'i phyir ro/ /de nyid kyi sa yongs su gcod ste/ /dper na gang la 'dod pa'i sred pa rgyas par 'gyur ba de ni 'dod pa'i khams so/ /zhes bya ba la sogs pa lta bu'o/ /dge ba nyid du thal bar 'gyur ba'i phyir zag pa med pa la yang ma yin no zhes bya ba la zag pa med pa la dmigs pa ni sred pa yin par mi rigs te/ /spang bya'i phyir zhes 'byung ba'i phyir ro/ /de'i phyir 'di ni

  1040. 520b

    dge ba'i chos la 'dun pa yin gyis sred pa ni ma yin no/ /gzugs med dngos gzhi zhes bya ba la/ /srid pa smos pas zag pa dang bcas pa'i dngos po la dmigs pa zhes bya ste/ /sa 'og ma rab tu ma zhi ba yin pa'i phyir dang/ /de dag shin tu rab tu ma zhi ba yin pa'i phyir te/ /de nyid kyi phyir dmigs pa las 'das pas gzugs med pa las rnam pa thams cad du 'das pa zhes bshad kyi/ /bsam gtan la ni ma yin te/ /bsam gtan dag ni dmigs pa las mda' ba med pas kun nas lta ba yin pa'i phyir ro/ /dmigs pa zag pa med pa ni rang gi sa dang sa gong ma pa 'ba' zhig tu ma zad kyi/ /sa 'og ma pa yang yin no/ /de yang chos dang rjes su shes pa'i phyogs dang mthun pa rnam pa gnyis yin pas de'i phyir rjes su shes pa'i phyogs dang mthun pa thams cad ces bya ba smos so/ /rang gi gnyen po la dmigs pa'i phyir rjes su shes pa'i phyogs dang mthun pa'i lam kho na de dag gi dmigs pa yin gyi/ /chos shes pa'i phyogs dang mthun pa ni ma yin no/ /chos shes pa'i phyogs dang mthun pa yang 'ga' zhig gnyen po ma yin nam zhe na/ yin mod kyi thams cad kyi ni ma yin no/ /dmigs pa zag pa med pa ni zhes khyad pa med pa smos pas sa 'og ma'i 'gog pa la yang thal bar 'gyur bas de'i phyir sa 'og ma'i sa 'gog pa yang ma yin no zhes bya ba smos te/ /dgag bya'i sgo nas de la dmigs pa'i phyir ro/ /dngos bzhi bkag pas nyer bsdogs kyi bar chad med pa'i lam rnams kyi zhes bya ba rgyas par 'byung ba la/ /nyer bsdogs dag gi bar chad med pa'i lam gang dag yin pa de dag gi dmigs pa ni sa 'og ma yin no/ /de la nam mkha' mdza' yas skye mched kyi nyer bsdogs kyi bar chad med pa'i lam rnams kyi dmigs pa bsam gtan bzhi pa yin la srid pa'i rtse mo'i nyer bsdogs kyi bar chad med

  1041. 521a

    pa'i lam rnams kyi ni ci yang med pa'i skye mched yin pa'i bar du'o/ /rnam pa gsum po 'di dag las zhes bya ba ni/ /dag pa pa dang zag pa med pa dang nyon mongs pa can rnams so/ /nyon mongs pa can gyi lta smos kyang ci dgos zhes bya ba ni/ /rang nyid dri ma can yin pa'i phyir ro/ /'dod chags dang bral ba'i phyir 'og ma yang ma yin la/ /zhes bya ba la/ /bsam gtan dang gzugs med pa'i dngos gzhi dag pa pas sa 'og ma pa'i nyon mongs pa rnams mi spong ste/ /de las 'dod chags dang bral ba'i phyir ro/ /de nyid de'i gnyen po ma yin pa nyid kyi phyir rang gi sa na yod pa ma yin no zhes bya ba la/ /de nyid de'i gnyen po yin par ni mi rigs te/ /srog chags thams cad la nyon mongs pa med par thal ba'i phyir dang/ /de'i nyon mongs pa dag gis gcig tu 'ching ba'i phyir ro/ /ches khyad par du 'phags pa'i phyir gong ma yang ma yin no zhes bya ba la/ /dman pas khyad par du 'phags pa spong ba ni mi rigs te/ /de lta ma yin na 'dod pa'i khams kyis kyang bsam gtan dang po spong bar thal bar 'gyur ro// sa 'og ma'i gnyen po yin pa'i phyir ro zhes bya ba ni/ /des sa 'og ma las 'dod chags dang bral bar 'gyur bas na sa 'og ma'i gnyen po'o/ /'jug pa zhes bya ba ni/ bsam gtan dang gzugs med pa'i dngos gzhi mngon sum du byed pa'o/ /ci de dag kyang rnam pa gsum yin la zhes bya ba ni/ /dag pa pa dang zag pa med pa dang/ /nyon mongs pa can no/ /de dag la tshor ba yang de dang 'dra bar yod dam zhes bya ba ni/ /bsam gtan dang po dang gnyis pa'i nyer bsdogs na dga' ba dang/ /bsam gtan gsum pa'i nyer bsdogs na bde ba dang/ /bsam gtan bzhi pa'i nyer bsdogs na btang snyoms yod dam zhes bya ba'o/ /'bad de drang bar bya ba'i phyir btang snyoms kyi dbang po dang ldan pa yin te/ /mngon par 'du bya ba med par 'byung ba'i lam yin pa'i phyir

  1042. 521b

    dga' ba dang bde ba dag dang mtshungs par ldan pa yin gyi/ /'bad de drang bar bya ba ni ma yin sa 'og ma las yang byung ba dang ma bral ba'i phyir yang dga' ba dang bde ba med pas btang snyoms kyi dbang po dang mtshungs par ldan pa yin no/ /'dod chags dang bral ba'i lam yin pa'i phyir ro/ /myang ba dang mtshungs par ldan pa ma yin no/ /ro myang ba dang mtshungs par ldan pa ni 'dod chags dang bral ba'i lam nyid du mi rung ngo/ /sred pa dang bcad pas ni nyon mongs pa spong ba byed nus pa ma yin no/ /dang po 'phags pa'ang zhes bya ba la/ /des ni rang gi sa pas kyang yid 'byung ba dang ldan pas zag pa med pa yin no/ /zhes kha cig go /kha cig na re sa de las nye bar 'tsho ba mang du 'byung ste 'dod pa'i khams dang nye ba'i phyir dang 'dod pa'i 'dod chags kyi kun du rtogs pa 'byung ba'i phyir dang kun du rtogs pa rnams kyang de la rjes su 'brel pa'i phyir ro zhes zer ro/ /gzhan dag na re/ /bsam gtan dang po la sogs pa'i mtshan nyid las rang gi sa dang bcas pa las 'dod chags dang bral bar 'gyur ba ni lam sla bas 'thob po/ /de bor nas lam dka' bas nges par 'byung ngo/ /zhes rigs so/ /de'i phyir zag pa med pa rnams bdun ma yin zhes bya bar nges so/ /dang po ni gzhan la brten pa srid pas zag pa med par yang 'gyur bas na skyon med do/ /zhes zer ro/ /'o na bye brag tu bshad pa las nyer bsdogs kyi mtshams sbyor ba'i sems dang sems su 'gyur ro zhes gang bshad pa de ji ltar/ /nyon mongs pa can ma yin pa sems la mtshams sbyor ba med pas nyer bsdogs rnams ro myang ba dang mtshungs par ldan par thal bar 'gyur ro zhe na/ de ni de lta ma yin te/ /de rnams la ni mnyam par gzhag pa la nyon mongs pa bkag go /skye ba la nyon mongs pa ma yin no/ /de nyid bstan pa'i phyir nyer bsdogs kyi sems kyi sa zhes bya ba rgyas par smos so/ /kha cig gsum zhes bya ba ni ro myang

  1043. 522a

    pa'i ting nge 'dzin yod pa'i phyir ro/ /don tha dad pa yin te zhes bya ba rgyas par 'byung ba la nyer bsdogs rnams ni dngos bzhi la 'jug pa'i rgyu yin pa'i phyir ro/ /khyad par med pa'i phyir ro zhes bya ba ni/ /ji ltar bsam gtan dang po na la lan rtog pa dang dpyod pa yod pa/ /la la na dpyad pa kho na yod pa de ltar gnyis pa la sogs pa dag la ma yin pas der bsam gtan khyad par can ma brjod do/ /yang rtog pa dang dpyod pa las 'das pa'i phyir bsam gtan gnyis pa dang dpyod pa las ma 'das shing rtog pa nye bar zhi ba ni bsam gtan khyad par can no/ /bsam gtan gnyis pa la sogs pa la ni khyad par can mi rigs te/ /dga' ba bgag pa la 'gog par bya ba/ /gzhan ma yin no/ /de yod pa mtshan nyid las 'das pa'i phyir bsam gtan gsum pa nyid dang gsum pa la yang bde ba las 'das pa'i mtshan nyid kyi phyir bzhi pa'o/ /zhes brjod par bya'o/ /ji ltar dang po la rtog pa tsam skyon du bstan pa de nyid kyi de tsam las 'das pa'i phyir de khyad par can nyid de cig shos ni de lta ma yin no/ /lam gang gis sa gong ma'i nyer bsdogs la ma rten par dga' ba dang bde ba 'gog pa thob pa de khyad par can nyid kyi phyir de'i 'jug thogs su 'gyur ro/ /'o na mdo las mdun kho na la brten par gsungs pa ma yin no/ /ci'i phyir mi lcogs pa med pa dang bsam gtan khyad par can dag dmigs zhe na/ /mdo las mi lcogs pa med pa kho na re zhig ma gtogs par bshad do/ /bsam gtan dang po la sogs pa kho na nye bar bsgrubs te gnas pa ma yin gyi/ /shes rab gyis lta ba'i zag pa yongs su zad par gyur pa'o zhes so/ /rtog pa dang bcas pa dang dpyod pa dang ces pa la sogs pa'i ting nge 'dzin gsum bstan pa'i phyir bsam gtan khyad par can dmigs so/ /bsam gtan dang po ni rtog pa dang

  1044. 522b

    bcas shing dpyod pa dang bcas pa'o/ /zhes gsungs shing/ /gnyis pa ni rtog pa dang dpyod pa nye bar zhi ba'o zhes bya ba ste/ /bsam gtan gnyis pa la sogs pa ni rtog pa med cing dpyod pa med pa'i ting nge 'dzin no/ /de ni rtog pa med cing dpyod pa tsam gyi skabs ci zhe na/ bsam gtan khyad pa can gyi gnas skabs su 'gyur ro/ /tshangs pa chen po bdag por rgyu ci snyam du 'gyur ba las/ /gzhan du ting nge 'dzin gyi khyad par las bsam gtan gyi khyad par yang yod do zhes so/ /bcom ldan 'das kyis na gang mi lcogs pa med pa las bsam gtan khyad par can der ma gsungs pa ni de bsam gtan dang pos bsdus pa'i phyir ro/ /bsam gtan dang po smos pas de nyid smos so zhes bya ste/ /gang 'di bsam gtan dang po'i nyer bsdogs mi lcogs pa med pa zhes bya ste/ de nyer bsdogs kyi khyad par gyi phyir ro/ /bye brag tu smra ba rnams na re 'dis mnyam par gzhag pa'i sa thams cad mi lcogs pa med pas na ma lcogs pa med pa zhes bya'o zhes zer ro/ /mi lcogs pa med pa dngos gzhi'i sa'i snyoms par 'jig pa'i yul zhes bya ba ni mi lcogs pa med pa mngon du ma byas par zhes bya ba'i don to/ /ro myang ba dang mtshungs par ldan pa zhes bya ba ni/ /gang gi phyir de skye ba'i gnas yin pa de'o/ /de la ro myang ba ni tshangs pa der skyes pa'i phyir ro/ /dngos bzhi'i sa la sred pa kho na de ro myang ba ste/ /ro myang ba'i khyad par bzhin de la ro myang ba'i khyad par la rag las pa sgrub par nus pa med do/ /de bde min sdug min zhes bya ba la/ /de na rnam par shes pa'i tshogs gsum med pa'i phyir bde ba med la/ /zhi gnas dman pa nyid kyis mngon par 'du byed pa dang bcas pas drang bdag ma yin pa'i phyir dga' ba med do/ /de nyid kyi phyir lam dka' ba yin te/ /'dod chags dang bral ba'i phyir sdug bsngal dang yid mi bde ba ma yin no/ /de'i phyir sdug bsngal yang ma yin bde ba

  1045. 523a

    yang ma yin pa'i tshor ba dang mtshungs par ldan pa nyid de zhes bya'o/ /yul lnga zhes bya ba ni yul rnams shin du 'phrog par byed pa nyid yin pa de ltar dbang po rnams ma yin pas yul smos so/ /'dus byas kyi mtshan nyid sum zhes bya ba ni skye ba dang rga ba dang mi rtag pa nyid do/ /gzhan dag na re mtshan ma'i sgra ni rgyu'i rnam grangs te/ /'di la yul chos mtshan ma med cing rgyu med pa yod pas na mtshan ma med pa zhes bya'o/ /zhes zer ro/ /gzhan dag na re dus kyi mtshan ma dang bral ba'i phyir na mya ngan las 'das pa mtshan ma med pa yin la/ /de'i yul can gyi ting nge 'dzin mtshan ma med pa'o zhes zer ro/ /stong nyid bdag med stong nyid du zhes bya ba ni/ /gang gi phyir ting nge 'dzin bdag med pa dang/ /stong pa'i rnam pa can yin pa de nyid kyi phyir 'jig tshogs la lta ba'i gnyen po nye ba yin te/ /'jig tshogs la lta ba yang rnam pa gnyis pa yin pa'i phyir ro/ /'di ltar bdag med pa'i rnam pa ni bdag tu lta ba'i gnyen po yin la/ /stong pa'i rnam pa ni bdag gir lta ba'i gnyen po yin no/ /'dir ji ltar chos de bdag med pa'i rnam pa de ltar med pa'i rnam pa dang/ /ji ltar bdag med pa'i rnam pa de ltar stong pa'i rnam pa'o/ /bden pa'i rnam pa lhag ma dag dang mtshungs par ldan pa'o/ /zhes bya ba ni stong pa dang bdag med pa'i rnam pa dag dang 'gog pa'i rnam pa rnams las gzhan pa bden pa'i rnam pa gang dag yin pa de dag dang mtshungs par ldan pa'i ting nge 'dzin to/ /rnam pa bcu pa yin no zhes bya ba ni mi rtag pa dang sdug bsngal gyi rnam pa ste gnyis dang/ /kun 'byung ba dang lam re re la rnam bzhi bzhe'o/ /mi rtag pa dang sdug bsngal ba dang de'i rgyu dag gis yid 'byung ba'i phyir dang zhes bya ba ni mi rtag pa dang sdug bsngal ba de'i rgyu kun 'byung ni/ mi rtag pa dang sdug bsngal dang de'i rgyu dag ste/ /de dag gis yid 'byung ba'i phyir ro/ /mi rtag pa dang

  1046. 523b

    sdug bsngal ba'i rnam pa dag gis sdug bsngal las yid 'byung la/ /rgyu dang/ kun 'byung ba dang/ rab tu skye ba dang/ rkyen gyi rnam pa dag gis kun 'byung ba las yid byung ngo/ /gzings lta bu zhes bya ba ni 'di la gzings dang 'dra ba yod pas de ni gzings lta bu'o/ /de'i dngos po ni gzings lta bu nyid ste/ /'khor ba'i rgya tsho las brgal ba dang 'brel pas na lam ni gzengs lta bu'o/ /ji ltar 'di la gzings dang 'dra ba yang pa ste ston pa ni dor bar byed pa yin pa nyid kyi phyir ro zhes bya ba ste/ /dper na gzings la brten nas chu bo rgal pa ni de la gnas pa ma yin zhing don byas zin te gzings 'dor ba de dang 'dra'o/ /de dag la 'da' ba mngon du phyogs ba'i phyir ro zhes bya ba ni/ /sdug bsngal dang kun 'byung ba dang/ /lam rnams las 'da' par mngon du phyogs pa ni de dag las 'da' ba mngon du phyogs pa'o/ /de'i dngos po ni de las 'da' bar mngon du phyogs pa nyid de/ /de'i phyir ro/ /'di skad bstan par 'gyur te/ /gang gi phyir mi rtag pa la sogs pa'i rnam pa can gyi ting nge 'dzin ni sdug bsngal la sogs pa'i bden pa la mngon par mi dga' zhing de dag las 'da' bar mngon du phyogs pa ste/ /de'i phyir smon pa med pa zhes bya'o/ /mya ngan las 'das pa dang 'dra ba'i phyir zhes bya ba la/ /sdug bsngal gyi bden pa stong pa dang/ /bdag med pa'i rnam pa dag gi 'dzin mod kyi/ /sdug bsngal gyi bden pa de la yid 'byung ba ni ma yin no/ /ci'i phyir zhe na/ mya ngan las 'das pa dang 'dra ba'i phyir ro/ /stong pa dang bdag med pa dang/ ni mya ngan las 'das pa'i yang mtshan nyid yin te/ /chos thams cad kyi spyi'i mtshan nyid yin pa'i phyir ro/ /mya ngan las 'das pa stong pa dang bdag med par bzung bzhin pa las ni yid 'byung ba yang ma yin te/ /de'i phyir smon pa med pa'i ting nge 'dzin ni de dag gi rnam pa can ma yin no/ /stong pa nyid la sogs pa'i ting nge 'dzin 'di dag gi mtshan nyid dang mtshan nyid gcig pa rnam kyang rim pa bzhin du gnyen po dang dmigs pa dang bsam pa'i sgo nas gsum

  1047. 524a

    nyid du sgrub par byed de/ /re zhig smon pa med pa ni bsam pa'i sgo nas srid pa gsum la smon ba med pa ste de la sogs pa dgu nyid du rig pa'i phyir ro/ /yang ci ltar 'phags pa'i lam la bsam pa'i sgo nas smon pa med ce na/ /de yang srid pa la brten pa dang rag las pa'i phyir ro/ /'o na ji ltar sgom par byed ce na/ /rig pa la sogs pa'i rnam pa dag gis sgrub par byed de/ /des mya ngan las 'das par 'gro ba'i phyir de med par mya ngan las 'das pa thob pa med do/ /gzings lta bu nyid nges par der bar bya ba yin pa'i phyir de las kyang yid 'byung bar byed do/ /dge dang dri ma med ces bya ba la/ /dag pa ba ni nges par 'byed pa'i cha dang mthun pa'i gnas skabs so/ /'jig rten pa rnams ni sa bcu gcig na yod do/ /zhes bya ba ni 'dod pa'i khams dang mi lcogs pa med pa dang bsam gtan khyad par can dang/ /bsam gtan dang gzugs med pa'i dngos bzhi brgyad na'o/ /'jig rten las 'das pa rnams ni gang na lam yod pa na yod do/ /zhes bya ba ni/ 'dod pa'i khams dang srid pa'i rtse mo ma gtogs pas gzhan dgu na'o/ /de dag dri med rnam thar sgo gsum mo/ /zhes bya ba ni rnam par thar pa'i sgo ni zag pa dang bcas pa nyid du mi 'thad pa'i phyir ro/ /rnam par thar pa'i sgo yang yin la/ /zag pa dang bcas pa yang yin no zhes bya ba ni mi 'thad de/ 'di dag gi dmigs pa nges pas zag pa dang bcas pa dang stong pa nyid dang chos thams cad la dmigs pa zag pa med pa bden pa yongs su gcod pa la 'jug pa'i phyir ro/ /sdug bsngal gyi bden pa la smon pa med pa ste/ /bden pa gzhan gsum la yang 'gogs pa las mtshan med pa dang 'gog pa'i bden pa nyid do/ /stong pa nyid dang smon pa med pa la dran pa nye bar gzhag pa bzhi rnams so/ /mtshan ma med pa la chos dran pa nye bar gzhag pa nyid do/ /stong pa nyid la dmigs pa'i phyir ming de skad ces bya'o/ /zhes bya ba ni/ /stong pa nyid ma

  1048. 524b

    dmigs pa'i ting nge 'dzin la stong pa nyid stong pa nyid ces bya ba ste de bzhin gzhan nyid la yang brjod par bya'o/ /stong pa nyid stong pa nyid ni mi slob pa'i zhes rgyas par 'byung ste/ /stong pa nyid kyis ni nye bar len pa'i phung po rnams stong pa nyid du yid la byed pa/ /stong pa nyid stong pa nyid kyi sa ni de'i rjes la skyes pa'i dge ba'i rtsa ba yin pa'i sgo nas stong pa nyid khyod kyang stong pa nyid zhes mi slob pa de nyid yid la byed de/ /ji ltar 'ga' zhig gis shing gis ro mer bcug nas de tshig pa dang/ /shing de yang 'jug pa de bzhin du stong pa nyid kyi nyon mongs pa bsregs nas stong pa nyid de yang stong pa nyid kyis sun 'byin par byed do/ /de ni stong pa nyid kyi rnam par zhugs pa'i stong pa nyid kyi rjes la bskyed par bya ba yin gyi/ /bdag med pa'i rnam par zhugs pa'i rjes la ni ma yin te/ /de ni skyo ba dang mthun pa'i phyir ro/ /ji ltar stong par mthong ba ni skyo bar byed pa ma yin no/ /srid pa bdag med par mthong ba dag la yang mngon par dga' pa yod do/ /'khor ba stong par mthong ba med pa'i phyir ro/ /de nyid kyi ting nge 'dzin 'di ni rnam pa dang ldan pa yin yang stong pa nyid ces bya'o/ /bdag med pa med pa nyid ces ni mi bya ste/ /stong pa nyid kyi rnam pa ni chos shin tu skyo ba skye ba'i rgyu yin pa'i phyir te/ /dper na gcig pu lam du zhugs pa lam stong pa mthong bas skye nas myur du 'gro ba de dang 'dra'o/ /smon pa med pas kyang nye bar len pa'i phung po rnams mi rtog par yid la byed la de'i rjes la skyes pa'i smon pa med pa'i smon pa med pa ni mi slob pa de mi rtag par yid la byed do/ /sdug bsngal bar yang ma yin la/ /rgyu la sogs par ma yin te zhes bya ba la/ /sogs pa zhes bya bas ni/ /kun 'byung ba dang/ rab tu skye ba dang/ rkyen gyi rnam pa dag du yang ma yin pa'o/ /zag pa med pa ni de'i mtshan nyid ma yin pa'i phyir zhes bya ba la/ /zag pa med pa ni lam gyi bdag nyid yin pas sdug bsngal gyi bdag nyid ma yin la sdug bsngal dang 'brel pa yang ma yin

  1049. 525a

    te/ de ni sdug bsngal 'gog par 'gro ba'i lam yin pa'i phyir ro/ /lam gyi rnam par rnams su yang ma yin te/ /de ni sun 'byin pa'i rnam par zhugs pas lam la sdang ba yin pa'i phyir ro/ /yang ji ltar smon pa med pa ni re zhig lam la smon pa med pa'i rnam pas 'jug pa nyid kyi smon pa med pa'i smon pa med par yang 'gyur pa ma yin nam zhe na/ de ni de lta ma yin te/ /smon pa med pa ni srid pa la sdang bas lam la smon pa med do/ /srid pa rnams kho na la bsam pa'i sgo nas smon pa med pas smon pa med pa'o/ /lam ni srid pa la brten pa dang rag las pa'i phyir lam ni rab tu sdang ba zhes mi 'thad do/ /de ni lam gyi rnams pas 'jug ste/ /smon pa med pa'i smon pa med pa ni lam nyid la sdang ba'i sgo nas mi rtag pa'i skyon gyis sun 'byin pa'i phyir ro/ /de ni de la lam la sogs pa'i rnam pa rnams kyis 'jug pa mi 'thad do/ /'o na gal te mi rtag pa lam gyi rang bzhin la sdang na/ /gang mi rtag pa de sdug bsngal lo zhes sdug bsngal gyi sgo nas kyang lam de smos par thal bar 'gyur ro zhe na/ /de ni de'i mtshan nyid kyi phyir/ /lam ma yin zhing sdug bsngal gyi mtshan nyid ma yin no/ /de'i gnas skabs yin kyang tha dad pa mi rigs pa'i phyir gang gi phyir sdug bsngal gyi bden pa'i thun mong ma yin pa'i rnam pa'i 'du shes nye bar bzhag nas 'dod na nye bar len pa'i phung po lnga sdug bsngal lo zhes nges par bzung ba'i yang phyir ro/ /gal te lam mi rtag pa'i phyir sdug bsngal du gyur na phung po rnams shes bshad do/ /mtshan ma med pa mtshan ma med pa'i ting nge 'dzin mi slob pa'i mtshan ma med pa so sor ma brtags pa'i 'gog pa la zhi ba'i rnam par dmigs so/ /so sor brtags pa ma yin pas 'gog pa ni nges par 'byin pa rjes su 'brel ba dang bcas pa ma yin pa'i phyir dang lung du ma bstan pa'i phyir gya nom

  1050. 525b

    pa ma yin pas so sor brtags pa ma yin pa'i 'gog pa sdug bsngal thams cad dang bral ba ma yin no/ /zhi ba'i rnam pa zhes bya ba ni zhi ba'i rnam pas 'jug pa nyid kyi mtshan ma med pa'i mtshan ma med pa zhes bya'o/ /lam bsgom pas yongs su nyal ba ni de la 'jug pa la bde ba'i 'du shes skye'o/ /'gog par 'gya nom pa dang nges par 'byin pa'i rnam par ni ma yin te/ /zhes bya ba la/ /mi rtag pa nyid kyi 'gog pa dang thun mong pa nyid kyi phyir gya nom pa'i rnam pas ma yin la/ /khral ba ma yin pa'i phyir nges par 'byung ba'i rnam pa ma yin te/ /'di ltar so sor ma brtags pa'i 'gog pas la bor ba las nges par 'byung ba ma yin pa'i phyir ro/ /'phags pa'i lam la sdang ba'i phyir zhes bya ba la/ /ji ltar sdang zhe na/ stong pa la sogs pa'i rnam pa dag tu nge la rgyab kyis phyogs pa'i phyir ro/ /re zhig ting nge 'dzin gnyis ni stog pa mi rtag pa'i rnam pa dag tu de la dmigs pa'i phyir 'phags pa'i lam la rigs na/ /gsum pa ni zhi bar 'dus ma byas kyi dngos po la dmigs pa'i phyir ji ltar 'phags pa'i lam la sdang ba nyid du rung zhe na/ /mi slob pa'i ting nge 'dzin mi 'jug pa'i rgyu'i chos la bsngags pa'i phyir ro/ /zag pa med pa dag ni de lta ma yin na/ /zhes bya ba ni zag pa med pa'i ting nge 'dzin ni de ltar 'phags pa'i lam la sdang pa ma yin pa'o/ /mi nang zhes bya ba ni mi dag gi nang du'o/ /der yang sgra mi snyan ma gtogs pa'i gling gsum du'o/ /skyes pa dang bu med kyis skyes par byed do/ /skyes pa 'ba' zhig tu ma zad kyi/ /bud med dag kyang tshe'i 'du byed 'jog pa dang gtong ba de ga la dbang ba yin no/ /lha dag gi nang du zhes bya ba ni gang gi phyir mi rnams kyi lus ni shin tu gya nom pa yin yang na ba dang rga ba dang 'chi ba la sogs pa'i rten du gyur pas nad la sogs pa tu yin pas de nyid kyi phyir ci nas kyang rnal 'byor pa de bya ba byas pa'i phyir 'du byed

  1051. 526a

    zag pa med pa 'jug pa la yang mi mthun pa 'du shes par 'gyur la/ /'du byed 'jug pa la mi mthun pa'i 'du shes de 'dra ba 'dren pa yin te/ /de'i phyir mi dag gi nang kho nang skyed kyi/ /lha dag gi nang du ni ma yin te/ /lha rnams ni phal cher dge ba'i las kyi rnam par smin pa so sor myong ba nyid kyis lus kha na ma thob pa med pa yin pa'i phyir ro/ /ma g.yo la zhes bya ba ni/ /gang gi phyir slob pa dang/ dus kyi rnam par grol ba rnams bya ba lhag ma dang bcas pa'i phyir lam la sdang ba ma yin pa'i phyir ro/ /dgra bcom pa gzhan la ni ma yin pa'i phyir ro/ /dgra bcom pa gzhan la ni ma yin no zhes bya ba ni dus kyi rnam par grol ba ste/ /de ni 'phags pa'i lam rjes su bsrung ba la brtson pa byas pa nyid yin pas de sun 'byin par mi nus so/ /nyer bsdogs bdun ni ma gtogs so/ /zhes bya ba ni/ bsam gtan gnyis pa la sogs pa'i nyer bsdogs dag ma gtogs pa ste/ /de dag ni zhi ba dang rags pa la sogs pa'i rnam par zhugs pa'i phyir ro/ /sa gzhan bcu gcig po zhes bya ste/ /de la 'dod pa na spyod pa dang mi lcogs pa med pas bsdus pa ni 'phags pa'i lam gyi rjes la mngon du mi byed do/ /srid pa'i rtse mo ba dang ci yang med kyi skye mched kyi pa ni rang gis lhag ma nyid chos shes pa dang sdug bsngal 'gog pa shes pa'i 'jug thogs su mngon du byed do/ /rigs bzung nas de ltar bshad de/ /'dod pa ni spyod pa rnams ni rjes su shes pa'i 'jug thogs su ma yin la/ /gzugs dang gzugs med pa na spyod pa rnams ni chos shes pa'i 'jug thogs su ma yin no/ /de la yang stong pa nyid stong pa nyid ni 'gog pa shes pa dang mtshan ma med pa mtshan ma med pa ni sdug bsngal shes pa ste rnam pa gzhan gyi rjes su skyes pa'i phyir ro/ /de gang gi thob ce na de zad pa shes pas

  1052. 526b

    thob pa'i phyir 'dod chags dang bral ba'i phyir sgo nas thob po/ /sbyor bas ni mngon du byed do/ /bcom ldan 'das kyis ni sbyong ba med ste/ /thar pa dang mthun pa'i phyir de mngon du mdzad do/ /lam yang de la mngon par dga' ba med de sngon nyid du de la 'jug pa dang ldang ba ni 'phags pa'i lam gyis byed do/ /'jug thogs ni ma yin te/ /'dod pa'i khams na sems las byung ba bsam pa las byung ba khyad par can ni bsgoms pa las byung ba'o/ /yang ting nge 'dzin bsgom pa bzhi ste zhes bya ba rgyas par 'byung ba ni// ting nge 'dzin bsgom pa kun du brten goms par bya ba lan sum du byas na mthong ba'i chos la bde bar gnas pa 'gyur ba yod do/ /ting nge 'dzin bsgom pa kun du brtan goms par byas lan mang du byas na lha'i mig gi mngon par shes pa mthong bar 'gyur pa yod do/ /ting nge 'dzin bsgom pa kun du brten goms par byas lan mang du byas na shes rab kyis rab tu 'byed par 'gyur ba yod do/ /ting nge 'dzin sgom pa kun tu brten goms par byas lan mang du byas na zag pa med par 'gyur ba yod ces bya ste bsam gtan dang po la sogs pa tha dad pa'o/ /de dang po yin pa'i phyir gzhan dang gzhan dag kyang zhes bya ba ni gnyis pa la sogs pa dag go /'di na tshe phyi ma la bde bar gnas par 'gyur ba yang yin te/ /'di skad du dge slong gnas brtan gang zhig dben pa las skyes pa'i dga' ba dang bde ba nyams su myong bar 'gyur ba dang/ /tshangs rigs pa gang dag der skyes pa de gnyis la khyad par ram/ /bsam pa 'am/ tha dad du bya ba 'ga' yod med do/ /zhes gsungs pa'i phyir ro/ /de'i kyang mthong ba'i chos la bde bar gnas pa kho nar ci'i phyir bshad ce na/ /de'i phyir ma la bde bar gnas par 'gyur pa ni nges pa med de/ /zhes bya ba smos te/ /sangs rgyas la sogs pa thams cad kyi mthong ba'i chos la bde bar gnas pa yin gyi/ /thams

  1053. 527a

    cad kyi tshe phyi ma la bde bar gnas pa ni nges pa med do/ /ci'i phyir zhe na/ /yongs su nyams pa dang gong du skyes pa dang/ /yongs su mya ngan las 'das pa rnams la de med pa'i phyir ro/ /de'i phyir mthong ba'i chos la bde bar gnas pa kho na bshad kyi/ /tshe phyi ma la bde bar gnas pa ni ma yin no/ /gzhan dag na re mthong ba'i chos la zhen pa rnams 'dod pa'i bde ba la bdun pa bzlog nas bsam gtan gyi bde ba la sbyar bar bya ba'i phyir te/ /tshe phyi ma'i bde ba mthong ba'i chos la rag las pa'i phyir ro/ /de skad du yang 'dir sngar snyoms par zhugs pa'i phyir deng skye'o zhes gsungs so zer ro/ /de bsam gtan gyi nyer bsdogs kyi dbang du byas nas de ltar bshad do/ /mthong ba'i chos la bde bar gnas par 'gyur zhes bya ba la/ /nyer bsdogs kyi dngos gzhi thob kyang des ma snyed pa ni dper na mchi dgu'i lus zhes bya ba lta bu'o/ /yang bsam gtan thams cad mthong ba'i chos la bde bar gnas pa nyid yin bzhin du yang med do las dang po kho na bshad ce na/ /rnal 'byor ba ni 'dod pa'i khams nyes pa med pa las 'das pa'i phyir de'i bde bas blo lhag par yongs su tshim pa yin te/ /'brog tu yongs su ngal zhing skom pa chu rnyog pa can gyis tshim pa bzhin ni/ /'phags pa'i lam thams cad kyi bde ba dmigs pa'i yang phyir te/ /'dir byang chub kyi phyogs dang mthun pa thams cad dang/ /yongs su shes dgu dang/ 'bras bu'i lam dge sbyong gi tshul gyis 'bras bus bsdus pa bzhi dang/ /khams gsum gyi gnyen po rnams kyang yod pas de nyid mthong ba'i chos la bde bar gnas par bshad do/ /ston pa 'di ni bdag nyid la nye bar btong ba yin no zhes kha cig ste/ /byang chub sems dpa' 'dzam+bu'i shing drung du zag pa med pa'i bsam

  1054. 527b

    gtan dang 'dra bar 'jig rten pa'i bsam gtan dang po bskyed de/ /de yang sems can thams cad dang thun mong du bde ba'i go 'phang la 'jug pa de'i phyir dang po kho na bshad do/ /gzhan ma yin pa de'i phyir phyi ma la bde bar gnas par bshad pa yang ma yin no/ mig gi mngon shes mthong gyur 'dod/ /ces bya ba la/ /'dir ni 'bras bu la rgyu btags pa yin te/ /lha'i mig gi mngon par shes pa ni ting nge 'dzin bsgom pa ma yin gyi/ /'o na ci zhe na/ ting nge 'dzin bsgom pa'i 'bras bu yin no/ /shes par 'gyur ba dang/ mthong bar 'gyur zhes bya ste/ /de la shes pa ni yid kyi rnam par shes pa dang mtshungs par ldan pa'i shes rab ste/ /sems can 'di dag ni lus kyi nyes par spyod pa de ldan pa'o zhes de lta bu la sogs pa rnam par rtogs pa'i phyir ro/ /mthong ba ni mig gi rnam par shes pa dang mtshungs par ldan pa ste/ /rnam par mi rtog pa'i phyir ro/ /gzhan dag na re/ lha'i mig gi mngon shes ni bsam gtan gzhan gyi dngos gzhi'i sa nyid kyi phyir bsam gtan rnams la nyams par lta ba'i phyir ro/ /lta bar byed pa'i don gyis mthong ba dang shes pa'i rag bzhin gyis mthong ba ste/ /shes pa dang mthong ba des pa dang rtogs pa zhes bya ba'i don to/ ston pa 'di ni bdag nyid la nye bar gtong ba yin te zhes bya ba ni/ /bcom ldan 'das kyi lha'i spyan gyis sems can 'chi 'pho ba dang skye ba nyam nga bar gnas pa gzigs nas de dag skyob pa'i phyir bsam gtan dang rnam par thar pa dang ting nge 'dzin la snyoms par 'jug pa mngon du mdzad do/ /de'i phyir lha'i mig kho na la shes pa dang mthong ba'i phyir zhes bshad do/ /gzhan dag na ra

  1055. 528a

    rgyal 'bras bu nye bar brtags nas snang ba'i 'du shes ni shes pa dang mthong ba'i phyir ting nge 'dzin sgom pa'i zhes zer ro/ /spyod pa las byung blo dbye 'gyur/ /zhes bya ba la de dag ni khams gsum pa 'dod par spyod pa'i rnam par rig byed ma yin pa'i tshul khrims nas bzung ste/ /mi sdug pa dang dbugs rdub pa dang 'byung ba dran pa la sogs pa dang/ /ci rigs pad thos pa dang bsam pa dang/ /bsgom pa las byung ba dang/ zag pa med pa dang/ rnam par thar pa'i sgo dang/ thod rgal gyis snyoms par 'jug pa dang/ zag pa zad pa shes pa la sogs pa ste/ /chos 'di rnams kyi shes rab mngon par 'phel bar 'gyur ro/ /'di dag la shes rab kyi rnam pas chos de rnams la 'jug pas shes rab rab tu dbye ba'i phyir 'jug pa'o/ /sbyong ba las byung ba zhes bya bas ni skyes nas thob pa las khyad par du gcod pa'o/ /'dir ni ting nge 'dzin dang mtshungs par ldan pa'i phyir sbyor ba las byung ba'i yon tan rnams la sgom pa nye bar brtags pa yin no/ /bsam gtan bzhi po'i rdo rje lta bu'i ting nge 'dzin rjes su 'brang ba dang mtshungs par ldan pa dang bcas pa gang yin pa de ni zag pa zad par 'gyur pa'i ting nge 'dzin bsgoms pa zhes bya'o/ /bdag nyid la nye bar gtong ba zhes bya ba ni bdag nyid la nye bar gtong pa ste/ /bdag nyid tshad du mdzad ces bya ba'i tha tshig go de'i phyir bsam gtan bzhi pa kho na gsungs so/ /zhes bya ba ni/ gang gi phyir sangs rgyas bcom ldan 'das kyis bsam gtan bzhi pa kho na la brten nas bla na med pa yang dag par rdzogs pa'i byang chub mngon du mdzad pa'i phyir ro/ /thams cad byed pa nyid de srid pa'i rtse mo spong ba'i gnyen pos bsam gtan bzhi pas bsdus pa'i phyir/ /zag pa zad pa'i ting nge 'dzin bsgom pa zhes bya'o/ /grag go zhes bya ba'i sgra ni 'dod pa gzhan mtsho na

  1056. 528b

    pa'i don du smras pa'o/ /sems can chad med pa la dmigs pa'i phyir ro zhes bya ba ni de dag gi dmigs pa sems can chad med pa yin pas so/ /phyogs bstan pas sems can bstan pa'i phyir ro/ /gzhan dag na re bsod nams chad med pa sgrub par byed pa'i phyir dang/ /'bras bu yid du 'ong ba tshad med pa'i phyir tshad med pa dag go /zhes zer ro/ /gzhan dag na re spros pa med pa ste/ /srid pa'i spros pa 'gog pa'i phyir ro zhes zer ro/ /ci'i phyir bzhi kho na las lhag pa dang chad pa med ce na/ /gnod sems la sogs pa'i gnyen po'i phyir/ /zhes bya ste/ /mdo las byams pa brten/ /goms par byas/ /lan mang du byas na gnod sems spong bar 'gyur ro/ /snying rjes ni rnam par 'tshe ba spong bar 'gyur ro/ /dga' bas ni mi dga' ba spong bar 'gyur ro/ /btang snyoms pas ni 'dod pa'i 'dod chags dang gnod sems spang bar 'gyur ro/ /zhes gsungs te/ /de'i phyir bzhi kho na yin gyi/ /ma 'tshang ba dang lhag pa ma yin no/ /de la gnod sems dang ldan nga rnams ni sems can yongs su smin pa 'dor ba'i sems pa can khong khro bas lag pa dang bod pa dang dbyugs pa la sogs pas sems can rnams la rnam par cha 'cham pa rnam par 'tsho ba'i yul la mngon par brtson pa dag pa'i chos rnams la mi gnas pa'i rgyu can mngon par mi dga' zhing 'dod pa'i yon tan gyi yul nyon mongs pa can gyi chos rnams la mngon par sred cing chog mi shes pa'i mtshan nyid can no/ /bdag gi 'dod chags gnyen po ni mi sdug pa'o zhes bya ba ni rnam par bsdos pa dang/ /rnam par dmar ba la sogs pa la dmigs pa'i sgo nas rgyab kyis phyogs pa'i phyir ro/ /'khrigs pa'i 'dod chags kyi gnyen po ni btang snyoms so zhes bya ba ni/ /'khrig pa'i 'dod chags ni sems can rnams la sdug pa'i mtshan ma lhag par sgra btags pa sngon du 'gro ba yin pa'i phyir pa/ /btang snyoms ni sdugs pa dang

  1057. 529a

    mi sdugs pa'i mtshan ma lam reg par sems can tsam du ma gtogs pa yin te/ /de ltar 'khrigs pa'i 'dod chags kyi gnyen po ni btang snyoms yin no/ /zhes bye brag tu smra ba zer ro/ /'di skad du zhes bya ba rgyas par 'byung ba la/ /'khrig pa'i ba'i 'dod chags ni kha dog dang dbyibs dang bsnyen bkur dang/ reg bya'i sgo nas 'byung ba la/ /mi sdug pa yang de sun 'byin pa'i rnam par zhugs pas 'khrigs pa'i 'dod chags kyi gnyen por rigs la/ /btang snyoms ni pha dang ma dang bu la sogs pa mi rtog pa'i phyir dang/ /sems can tsam du 'dzin pa'i phyir/ /de'i 'dod chags kyi gnyen po yin no/ snying rje yang de dang 'dra'o zhes bya ba ni/ /byams pa ltar zhe sdang med pa'i rang bzhin yin no/ /gnyi ga zhe sdang med pa'i bdag nyid yin kyang phan tshun gyi sgo nas khyad par te/ /byams pa ni sems can yongs su 'dor bar zhugs pa'i zhe sdang gi gnyen po dga' ba'i rnam pas 'jug pa yin la/ /snying rje ni phal cher rdeg pa dang 'ching ba dag gis zhugs pa'i zhe sdang gi gnyen po zhi ba'i rnam pas 'jug pa ste/ /de ltar 'di ni 'di dag gi khyad par ro/ /sngon rabs pa dag na re/ /dga' ba ni yid bde ba'i rang bzhin yin no/ /gzhan dag na re de lta bu ni mdo dang bstan bcos dang 'gal te/ /mdo las rab tu dga' ba skye'o/ /zhes gsungs pas dga' ba yang yid bde ba ste/ yid bde ba yid bde med par skye'o zhes don gyi khyad par 'ga' zhig bshad pa yin no/ /bstan bcos las kyang dga' bar ji ltar rung zhe na/ /dga' pa dang mtshungs par ldan pa'i tshor ba dang 'du shes dang 'du byed dang rnam par shes pa 'di ni dga' ba zhes bya'o/ /zhes zer ro/ /tshor ba ni tshor ba dang mtshungs par ldan pa med do/ /'di dga' bar ji ltar rung zhe na/ /dga' ba dang mtshungs par ldan pa'i tshor ba dga' ba zhes bya'o/ /gzhan dag na re/ /'di ni 'di'i mtshan nyid shin tu

  1058. 529b

    tu gsal ba ste/ /gzhan gyi phun sum tshogs pa rnams la blo ma chags pa de ni de la dga' ba dang rjes su yi rang phyed do/ /de ni phun sum tshogs pas gdung ba'i gnyen po ste ma chags pa'i bdag nyid kyi chos can dga' ba dang yid bde ba dang lhan cig spyod pa'i phyir ro/ /de ni sa gsum du dmigs te/ /yid bde ba dang 'gyod pa bzhin no zhes so/ /btang snyoms ma chags zhes bya ba la/ /gal te btang snyoms kyang ma chags pa yin na 'di dang dga' ba la khyad gang ci zhe na/ 'di ni khyad par te khong khro ba dang rjes su chags pa'i rgyu mtshan dang bral bas sems can i tyu dA sI? na sya/ /nags tshal du zhugs pa ni shing gi blo bzhi sgrub pa'i rgyur gyur pa ni btang snyoms so/ /ji ltar gnod sems kyi gnyen po yin zhe na/ zhes bya ba la/ /ma chags pa'i bdag nyid yin pa'i phyir gnod sems kyi gnyen po nyid du mi rung ngo snyam du sems na/ /de ni zhes bya ba smos te/ /gnod sems ni chags pas drangs pa yin pa'i phyir ro/ /chags pa'i sgo nas skyes pa'i gnod sems kyi gnyen po btang snyoms yin pas 'gal ba med do/ / byams pa dang btang snyoms dag gnod sems kyi gnyen po nyid du mtshungs kyang khyad par ni 'di nyid yin te/ /byams pa ni zhe sdang med pa'i rang bzhin yin pa'i phyir gnod sems thams cad kyi gnyen po yin la/ /btang snyoms ni ma chags pa'i rang bzhin yin pa'i phyir 'dza' bas bskyed pa'i sdang ba'i gnyen po yin no/ /de lta na 'o na zhe sdang med pa'i rang bzhin yin pa'i phyir byams pa yang/ /zhe sdang las skyes pa dang 'dod chags las skyes pa'i gnyen por thal bar 'gyur ro zhe na/ dang ni? de lta ma yin te rnam pa 'gal ba'i phyir ro/ /btang snyoms kyang 'dod chags dang zhe sdang dag dang rnam pa 'gal te mdza' ba dang mi mdza' ba'i phyogs la lhag par btang snyoms pa la rjes su chags pa dang khong khro ba mi srid pa'i

  1059. 530a

    phyir ro/ /de nyid kyi phyir 'di ma chags pa'i bdag nyid du rung ste/ /chags pas drangs pa'i gnod sems kyi gnyen po yin pa'i phyir ro/ /byams pa'i rnam pa ni 'dod chags dang 'gal ba med de/ /gnyis ga yang khong khro med pa'i rnam pas 'jug par mtshungs pa'i phyir ro/ /de'i phyir byams pa ni 'dod chags kyi gnyen por mi rung ngo/ /gzhan dag na re/ /byams pa ni gnas la rab tu khro ba'i gnyen po'o/ /snying rje ni gnas la rab tu khro ba'i 'o/ /mi sdug pa dang btang snyoms dag kyang 'khrig pa'i 'dod chags kyi gnyen po ste/ /mi sdug pa la phan pa ni 'dod chags la btang snyoms pa'o zhes zer ro/ /'di ni gnyi ga'i rang bzhin yin na rung pa zhes bya ba la/ /ci'i phyir zhe na/ 'dod chags dang zhe sdang gi gnyen po yin pa'i phyir ro/ /'dir bang mar gnas pa ma chags pa dang zhe sdang med pa'i rang bzhin la btang snyoms kyi sgrang brjod kyi/ /chos gcig chos du ma'i rang bzhin yin pa ni med do/ /'di skad bstan par 'gyur te/ /rjes su chags par mi byed la/ /khong khro bar mi byed ces bya ba'o/ /gzhan dag na re/ byams pa ni bsam pa thag pa nas 'byung po thams cad la bdag dang 'dra bar gnas pa'o/ /snying rje ni gzhan gyi sdug bsngal la mngon par mi dga' ba'o/ /dga' ba ni gzhan gyi phun sum tshogs pa dag gi dga' ba'o/ /btang snyoms ni phan pa dang gnod pa dag la de'i rgyu mtshan mi gcod pa'o/ /bang mar gnas pa yin no/ /zhes bya ba ni phan pa dang gnod pa btang snyoms su 'dod pa'i tshul gyis so/ /gyur cig snyam du sems pa'i phyir ro/ /zhes bya ba ni/ / bde bar gyur cig snyam du sems pa'i phyir phyin ci log nyid med do/ /yang na bsam pa phyin ci ma log pa'i phyir zhes bya ba ste/ /bde bar gyur cig sdug bsngal bar ma gyur cig ces mos pas so/ /mos par 'dus pa'i phyir ro/ /zhes bya ba ni

  1060. 530b

    bsam pa phyin ci ma log pa'i rgyu las gang gi phyir bde'o snyam pa'i mos pa de kho na ltar 'dus shes kyi/ /gzhan du ma yin pa de'i phyir phyin ci log gi nyes pa med do/ /dge ba'i rtsa ba nyid la rgyur gnod sems la sogs pa'i gnyen po yin pas zhes bya ba smos te/ /'di ltar sems can rnams bde bar gyur cig snyam du dus gzhan du gnod sems kun tu mi 'byung ngo/ /de bzhin du gzhan la yang brjod par bya'o/ /gal te de'i dbang gis su yang bde bar mi 'gyur pas/ /de sgrub pa'i dal ba don med pa yin nam zhe na/ don med pa ma yin te/ /de'i sgo nas gnod sems la sogs pa'i skyon rnam par gnon pa'i phyir ro/ /de la dmigs pa'i zhes bya ba ni 'dod pa'i sems la dmigs pa'o/ /gzhan dag na re/ /khams gang na dgra bo dang 'dza' bo dang bang mar gnas pa dang/ sems kyi gnod sems dang chags pa dang mi mthun pa yod pa dang/ gang dag la phan pa dang gnod pa dang btang snyoms srid pa de dag kho na de dag gi yul yin pas tshad med pa rnams gzugs dang/ gzugs med pa'i yul can med de/ /thugs rje chen po ni shes rab kyi bdag nyid yin pa'i phyir khams gsum pa'i yul can no/ /snod kyi snod la gnas pa brtan pa yin no zhes bya 'byung ste/ /gnas kyi gnas can bstan ces bya ba'i don to/ /snong dang mtshungs par ro cig tu byas pa'i sems can de na gnas pa dag la mos pa 'jug par byed ces bya ba'i tha tshig go /dga' ba bsam gtan gnyis na yod/ /zhes bya ba ni gang gi ltar na de dag bsgom pa las byung ba yin pa dang/ /dga' ba yid bde ba'i dbang po yin pa de dag gi ltar na/ /bsam gtan dang po dang gnyis pa dag na dga' ba yod kyi/ /gong ma ni ma yin te/ /yid bde ba'i dbang po med pa'i phyir ro/ /gang dag bsam pa las byung ba dang 'di dag rab tu dga' ba'i chos

  1061. 531a

    gzhan yin pa de dag gi ltar na sa thams cad pa ste/ /rab tu dga' ba'i tshor ba gnyis dang mtshungs par ldan pa'i phyir ro/ /gzhan dag na re dga' ba dang lhan cig spyod pa'i rab tu dga' ba ni dga' ba'o/ /zhes zer ro/ /de dag gi ltar nas gsum pa'o/ /gzhan ni drug na zhes bya ba ni mnyam par gzhag pa'i phyir 'dod pa'i khams na yod pa ma yin la/ /khams na yod pa ma yin la/ /rag pa la sogs pa la nges par dmigs pa'i phyir bsam gtan gyi nyer bsdogs dag na yod pa ma yin no/ / kha cig lnga zhes bya ba ni bsam gtan gyi dngos gzhi'i sa pa yin pa'i phyir ro/ /mnyam par bzhag pa dang mnyam par ma gzhag pa ma yin pa dang dngos gzhi sbyor ba smos pa'i phyir zhes bya ba la/ /byams pa la sogs pa 'ga' zhig ni mnyam par bzhag pa'i sa pa yin la/ /'ga' zhig ni mnyam par ma gzhag pa'i sa pa yin gyi/ /kha cig ni dngos gzhi'i gnas skabs na yod la/ /kha cig ni sbyor ba'i gnas skabs na yod de/ /nyer bsdogs kyi gnas skabs na yod ces bya ba'i tha tshig go /de la mnyam bar gzhag pa'i sa pa dag ni sa dgu pa ste/ /dngos gzhi dang sbyor bas bsdus pa'i phyir ro/ /mnyam par ma gzhag pa dag ni 'dod par gtogs pa'o/ /ci zhig ce na/ bsam pa las byung ba'i phyir sbyor ba las byung ba dag go /bsam gtan gyi dngos gzhi dang nyer bsdogs rnams bsam gtan gyi dngos gzhi bsdus pa'i phyir ro/ /gzhan dag na re/ /tshad med pa rnams kyi sa ni 'dod pa'i khams dang bsam gtan dang po yin gyi/ bsam gtan gzhan thams cad ni ma yin te/ /tshad med pa rnams la tshangs pa'i gnas par nye bar bstan pa'i phyir dang tshad med pa bsgom pas tshangs pa'i 'jig rten bskyed par gsungs pa'i phyir ro zhes zer ro/ /bsam gtan dngos gzhi'i sa pa yin pa'i phyir zhes bya ba ni spong ba'i lam dag gis nyon mongs pa spong

  1062. 531b

    bar 'gyur na 'dod chags dang ma bral ba rnams bsam gtan gyi dngos gzhi'i sa dag dang spong ba'i lam gyis kyang 'dod chags dang bral ba ma yin pas de dag gis nyon mongs pa mi spong ngo/ /gzhan dag na re gal te bsam gtan gyi dngos gzhi'i sa 'di rnams nyid de dag tu sa gsum dang drug rnams su zhes bya bar mi rung ngo/ /zhes zer ro/ /gang dag mi lcogs pa med pa ma gtogs pa sa lnga pa dag na yod par smra ba de dag gi lugs kyis de kho na ltar 'gyur bas mos pa yid la byed pa'i phyir zhes bya ste// de kho na yid la byed pas nyon mongs pa spong na/ /byams pa la sogs pa dag ni mos pa yid la byed pa yin pas de dag gi ni nyon mongs mi spong ngo/ /spong ba'i lam ni sems can de ltar byung ba dmigs pa yang ma yin te/ /'o na ci zhe na/ sa 'og ma'i chos dus gsum la dmigs pa yin no/ /rags pa la sogs pa'i rnam pa can dang/ /sdug bsngal ba la sogs pa'i rnam pa can yin te/ /de'i phyir rgyu de dag gis na de dag gi spong ba ma yin no/ /gal te de dag gis nyon mongs pa mi spong na/ /ji ltar gnod sems la sogs pa'i gnyen no nyid du bshad ce na/ de'i phyir de dag gis sbyor bas zhes bya ba smos te/ /gnod sems la sogs pa rnam par gnon pa'i phyir gnyen po nyid du bshad do/ /gnod sems la sogs pa'i nyon mongs pa'i thob pa spang pa'i sgo nas ma yin gyi spong ba thag pa srid bar byed pa'i phyir gnyen po nyid du bshad do zhes byar ro/ /de la 'dod pa'i khams dang mi lcogs pa med pa'i sa pa'i byams pa la sogs pa rnams kyi gnod sems la sogs pa'i nyon mongs pa rnam par gnon la/ /bsam gtan dngos gzhi'i sa pa rnams kyi nyon mongs pa spong ba thag bsrid bar byed do/ /de nyid bstan pa'i phyir byams pa la sogs pa 'dod pa'i khams dang zhes bya ba rgyas par smos so/ /dngos bzhi mtshad med pa dang 'dra

  1063. 532a

    ba dag ces bya ba ni rang bzhin dang/ /dmigs pa dang/ rnam pa dang/ sbyor ba 'dra bas so/ /spong ba'i lam gyis zhes bya ba ni bar chad med pa'i lam rnams gyis so/ /rab tu spong bar byed do/ /zhes bya ba ni de'i thob pa gcod par byed pa'o/ /rkyen stobs dang ldan pa ni de'i dmigs pa yul rnams so/ /de dag rnyed pa ni de dag mngon sum du gyur pa'o/ /mi rdzi ba yin no zhes bya ba ni de dag mi skye ba'i phyir ro/ /mdza' bo'i phyogs chen po ni skye ba dang lus dang lus mnyam pa ste/ /gang zhig med na gnas par dka' ba'o/ /'bring ni mdza' ba dang zas dang chos dang 'brel ba'o/ /chung ngu ni phan 'dogs pa dang zas dang 'brel pa gang yin pa'o/ /de bzhin du dgra bo'i phyogs kyang rnam pa gsum ste/ /chen po ni grags pa dang/ 'tsho ba dang/ yid sems pa dang rtsa lags 'phrog par byed do/ /'bring ni 'tsho ba'i yo byad 'phrog par byed pa'o/ /chung ngus ni 'dza' shes dang 'khor g.yog gi 'tsho ba'i yo byad 'phrog pa'o/ /tha mal pa'i phyogs kyang rnam pa gsum ste/ /sngar mthong ba dang thos pa ma yin pa dang/ mthong zhing thos kyang ma 'dris pa dang/ /'dris kyang phan 'dogs pa gnod pa byed pa dang bral ba'o/ /de lta na rnal 'byor pa las dang po ba sems can rnam pa sum du byed pa dag la sbyor ba byed do/ /gang 'dza' ba chen po de la ni lhag par yid dang ba'i sgo nas dang por phan pa nye bar sgrub pa'i sems bskyed par bya'o/ /de nas de dag la re shig slob par byed do/ /gang zhig de la bya bar gyur nas sdang bar gyur pa rnams la yang phan pa nye bar sgrub pa'i bar du byed do/ /sems phyir phyogs par mi byed do/ /de bzhin du gzhan dag la yang rgya cher brjod par bya'o/ /byams pas rgyas par byed do zhes bya ba ni/ /khyad par byed do zhes bya ba'i don to/ /sngon gyi bsod nams dang bsod nams ma yin pa'i 'bras bu rnam pa'i sgo nas zhes bya ba ni/ /dge ba'i rtsa ba kun tu chad

  1064. 532b

    ba la yang sngon gyi bsod nams kyi 'bras bu dbang che ba la sogs pa gnyis mthong nas de la yon tan bzung bar nus la/ /de bzhin du rang sangs rgyas la yang sngon gyi bsod nams ma yin pa'i 'bras bu dbang chung ba la sogs pa nyid mthong nas skyon bzung bar nus so/ /snying rje dang dga' ba la yang de bzhin du zhes bya ba la/ /sdug bsngal dang bral na ci ma rung snyam du sems pa dang lhag par mos par byed do/ /nyon mongs pa shas che ba'i 'jug pa las sems can rnams la khyad par med par sgrub par byed do// de 'dza' bo'i phyogs rnam pa gsum la zhes rgyas par thams cad brjod par bya'i/ /btang snyoms ni tha mal ba'i phyogs la rtse mo zhes bya ba la/ /tha mal ba'i phyogs ni btang snyoms dang rjes su mthun gyi/ /gzhan nyid ni ma yin te/ /sred pa dang khong khro ba de dag gi gnyen po'i rten yin pa'i phyir ro/ /gzhan la yang chung ngus la sogs pa'i dbye bas snga ma bzhin 'dza' ba dang mi mdza' ba'i phyogs dag las kyang mi mdza' ba'i phyogs kho na la re zhig dang por btang snyoms su byed do/ /chung ngu la sogs pa'i dbye bas tha dad pa'i 'og tu phyogs tha dad par bde ba las bzlog pa dang khong khro ste/ /de ltar yang/ 'dod chags 'ching ba chags bral las/ /myur du chags bral zhe sdang ngo/ /zhes so/ /kha cig na re bsam pa'i sgo nas ni 'dod pa dang gzugs kyi rten can no/ /zhes zer ro/ /a ba ga Na ma thA/ rgya 'di srid ka dpe ci na a ba ta ran ya thA zer 'di yan/ /med pa'i phyir dgra dang mdza' ba la sogs pa ma dmigs pa'i phyir gzugs med ba dang 'dod ba'i khams kyi rten can no zhes ni mi zer ro// de yang byang gi sgra mi snyan ma gtogs pa'i mi dag gi nang du skyed kyi/ /gzhan du ni ma yin te/ /goms pa'i stobs kyis bskyed pa'i phyir ro/ /ci tshad med pa gcig dang ldan pa de zhes bya ba la/ /gang zhig dga' ba ni yid bde ba dang ma yin zhing dga' ba dang

  1065. 533a

    mtshungs par ldan pa nyid kyang ma yin no/ /de ni gang gcig dang ldan pa de gdon mi za bar thams cad dang ma yin no/ /gang zhig yid bde ba dang ni snga rabs pa rnams kyi 'dod pas/ /des gsum ldan zhes bya ste/ /bsam gtan gsum pa dang bzhi par skyes pa dga' ba dang ldan pa med pa'i phyir thams cad tshad med ba gsum dang ldan pa yin no/ /gzugs can gzugs rnams la lta ba zhes bya ba la/ /gzugs can ma yin pa gzugs la lta ba med pa'i phyir gzugs can zhes bya ba'i khyad par don med do zhe na/ /ma yin te/ gzugs kyi 'du shes kyi dbang du byas nas de ltar gsungs pa'i phyir ro/ /de nyid kyi phyir gnyis pa la kun tu smongs pa bsal ba'i phyir khyad par gsungs so/ /nang gzugs med par 'du shes pas zhes bya ba la/ /ci ltar dang po la yang gnyis pa bzhin du 'du shes pa nyid la brten nas gzugs smos ba'o/ /de ltar na 'di skad bshad par 'gyur te/ /nang gzugs su 'du shes pa dang ba bral bas zil gyis gnon pa ma yin par phyi rol gyi gzugs rnam par bsngos pa dang rnam par brnags pa la sogs pa la lta bar byed pas nang gzugs med par 'du shes pas so/ /ci ltar gzugs dang ba yin na yang gzugs med par 'du shes par 'gyur zhe na/ /gzugs kyi 'du shes ma 'byung pa'i phyir ro/ /ci ltar de'i 'du shes mi 'byung zhe na/ ji ltar nang gzugs med bar 'du shes par phyi rol gyi gzugs rnams la lta bar byed ce na/ /ji ltar dge slong de lus 'di nyid shi ba lta bur mos par byed de zhes rgyas par 'byung ba nas lus 'di la yang mi lta'o zhes bya ba la sogs pa'i bar du'o/ /'di gnyis kyi tshul ni mi sdug pa bzhin du rig par bya'o/ /zhes bya ni lhag par 'dod chags pa'o kha dog gi 'dod chags kyi gnyen po las brtsams te rgyas

  1066. 533b

    par brjod bar bya'o/ /bsam gtan dang po dang gnyis pa dag na zhes bya ba la/ /gzhan dag na re/ /de nyer bsdogs dang bsam gtan khyad par can dag na yang ste nyer bsdogs rnams su 'dod chags dang bral ba ma yin pa'i phyir ro zhes zer ro/ /sa gzhan na ni med do zhes bya ba ni/ /bsam gtan gnyis pa la sogs pa rnams na kha dog gi 'dod chags yod pa ma yin te/ /de ni mig rnam par shes pa la brten nas 'jug pa'i phyir dang bsam gtan gnyis pa la sogs pa rnams ni rnam par shes pa'i tshogs la med pa'i phyir ro/ /de'i phyir de dag gi gnyen po yin pas bsam gtan gsum pa dang bzhi pa dag na mi bsdug pa yod kyang mi sdug pa'i rnam par thar pa'i rnam gzhag med do/ /bsam gtan gnyis pa dang gsum pa dag kyang lus kyi yongs su gtugs ba yin pas kha dog la mngon pa de dga' ba yod pa ma yin nam zhe na/ /yod mos kyi de ni bsam gtan dang po'i sa pa bzhin 'dres pa ma yin pa'i yul 'ba' zhig pa'i kha dog gi yul can gyi rnam par shes pa med pa'i phyir mig gi rnam par shes pa dang mtshungs par ldan pa ma yin no/ /ded spyod pa'i 'dod chags de'i yul sun 'byin pa'i rnam pa gnyis kho na bsam gtan gnyis su mi sdug pa'i rnam par thar par rnam par gzhag gi gzhan du ma yin no/ /grangs bzhin no zhes bya ba ni/ / 'dod pa ni spyod pa'i kha dog gi gnyen por ni bsam gtan dang po'i sa pa'i mi sdug pa'i rnam par thar pa yin la/ /bsam gtan dang po'i sa pa'i kha dog gi 'dod chags kyi gnyen po ni gnyis pa'i sa pa'i rnam par thar pa yin te/ /rnam pa 'di gnyis kyang/ /thag bsring ba'i gnyen po yin par rig par bya'o/ /gsum pa mdza' na zhes bya ba ni bsam gtan bzhi pa'i nyer bsdogs las 'og ma dang rang gi sa rnams su de 'dra ba'i dge ba'i rtsa ba yod pa de las ni ches mchog tu gyur pa med

  1067. 534a

    pa'i phyir rnam par thar pa zhes mi 'thob bo/ /mi sdug pa dang rjes su mthun pa 'byor ba ni dge ba de ak+Shul+la? sngar yang sdug pa'i rnam par thar pa'o/ /gzhan yang 'dod pa na spyod pa dang bsam gtan dang po'i sa pa'i kha dog la? 'dod chags pa'i gnyen po gang yin pa dang bsam gtan gnyis pa'i kha dog gi chags pa mthun pa'i phyir dang/ phyir phyogs pa'i rnam par mi 'thob pa'i sgo nas dpyod pa yid la byed pa 'di zhes so/ /kha dog la chags pa'i gnyen po rnam par thar pa'i gnas nyid de/ /de sgrub par dpyod pa mi rung ngo/ /sdug pa'i rnam par thar pa ni dang po dang gnyis pa na med la/ /gsum pa na yang med de/ /bde ba'i snying pos bskyod pas de la rgyab kyis phyogs pa'i bsam pa mi srid pa'i phyir ro/ /de'i phyir gsum pa ni tha ma kho nar nges par bya la/ /de yang ma chags pa yin te/ /chags pa'i gnyen po yon pa'i phyir ro/ /de dag 'khor dang bcas na phung po lnga'i rang bzhin yin no zhes bya ba la/ 'dir gzugs kyi phung po ni rjes su 'jug ba'i gzugs so/ /gzhan na yang mnyam par ma bzhag pa yod de/ /zhes bya ba ni/ /rnam par smin pa las skyes pa'i sems dang sems las byung ba rnams la bsam nas brjod pa yin no/ /gzhan dag na re de ni ma yin te/ /dge ba'i dbang du byas pa'i phyir ro zhes zer ro/ /gzhan yang 'chi ba'i srid pa phro n+ya smin skye bas thob pa sems la rnam par bzhag pa shes par bya'o/ /gang sbyor ba las byung ba rnams bar chad med par skye'o/ /gang gi phyir bar chad med pa dang sbyar ba las byung ba'i rnam par grol ba'i lam yang rnam par thar pa zhes bya ba thob bo zhe na/ gzhan? dag na re lam? 'og ma la dmigs pas zil gyis gnon pa'i phyir rnam par thar pa brgyad ces bya ba mi thob bo/ /zhes zer ro/ /de yang sa 'og ma ma yin pa las phyir phyogs pas gzugs med pa rnams la rnam par thar pa rnam par bzhag pa'i

  1068. 534b

    phyir ro/ /de nyid kyi phyir/ rnam par thar ba'i don ni rgyab kyis phyogs ba'i don yin no zhes bya ba la/ /dang po dag ni kha dog gi 'dod chags la rgyab kyi phyogs par byed do/ /gsum pa ni mi sdug pa la'o/ /gzugs med pa rnams ni 'jug pa 'og ma dang/ dmigs pa thams cad la rgyab kyis phyogs par byed do/ /'du shes dang tshor ba 'am zhes bya ba ni/ /'du shes la rgyab kyi phyogs pa'i phyir dang/ tshor ba la rgyab kyis phyogs pa'i phyir ro/ /'du shes thams cad la brgyab kyi phyogs pa'i phyir ro/ /zhes bya ba ni/ dmigs pa thams cad la 'jug pa la rgyab kyis phyogs pa'i phyir ro zhes bya ba'i don to/ /gzhan dag na re snyom par 'jug pa'i sgrib pa las rnam par thar pa'i phyir zhes bya ba la/ snyoms par 'jug pa'i sgrib pa ni gang zhig yod na sems pas su mi rung ba gang gis/ /khams gsum pa'i 'dod chags dang bral ba dag gis kyang bsam gtan dang po'i dngos gzhi yang skyed par mi nus pa ste/ /sgrib pa de las rnam par thar pa'i phyir te/ /spang pa'i phyir rnam par thar pa zhes bya'o/ /gzhan dag na re/ de dmigs pa'i 'jug pa thams cad las phyir phyogs pa'i phyir 'gog pa'i snyoms par 'jug pa'i rnam par thar pa'o zhes zer ro/ /de bas na ches phra bar byas nas zhes bya ba ni/ 'gog pa la dmigs pa nas ches phra bar byed pa'o/ /de ltar snyoms par 'jug pa'i sems ni zag pa dang bcas pa yin la zhes bya ba rgyas par 'byung las? srid pa'i rtse mo pa ni phra bas dmigs pa dang bcas pa'i 'jug pa las phyir phyogs pa'i phyir snyoms par 'jug pa'i sems ni zag pa dang bcas pa yin la/ /sa 'og ma pa'i zag pa dang bcas ba'i snyoms par 'jug pa'i sems yin gyi/ /ldang ba'i sems ni ma yin no/ /sa 'og ma pa'i sbyor ba las byung ba ni 'dir rags pa'i phyir de ma thags pa'i rkyen gyis dngos po mi srid pa'i phyir zag pa med pa ni sa 'og ma ba ste

  1069. 535a

    'dus ma byas la dmigs pa gang yin pa'o/ /de ldang ba'i sems rung ngo/ /ma sgribs pa la dmigs pa nyid kyis de shin du zhi ba nyid kyi phyir ro/ /de ltar byas na gal te zag pa dang bcas 'gog pa las ldang bar byed do/ /srid pa'i rtse mo pa'i ldang ba'i sems ni zag pa med pas so/ /tshor ba ni ci yang med pa'i sa pa ste/ gzhan ni ma yin te/ /bskal pa'i phyir ro/ /ci rig par zhes bya ba ni/ /bsam gtan dang po dang gnyis pa'i sa pa ste/ gnyis kyi yid du mi 'ong ba ste/ / rnam par sdos pa la sogs pa dmigs pa'i phyir ro/ /gsum pa ni yid du 'ong ba ste sdug pa'i rnam par zhugs pa'i phyir ro/ /'dod pa na spyod pa ma yin te/ /gya nom pa'i gzugs la dmigs pa'i phyir ro/ /bsam gtan dang po'i kha dog gi gnyen po ni bsam gtan gnyis pa la brten pa'i rnam par thar pa dag yod kyang sa 'og ma la dmigs pa nyid sa gong ma la brten pa nyid kyis de dag ches gya nom pa'i phyir de dag re shig 'dod pa na spyod pa'i kha dog gi 'dod chags kyi gnyen po nyid du mi rung ngo/ /bsam gtan gnyis pa la brten pa'i kha dog gi 'dod chags kyi gnyen po yin yang rnam par sdos pa la sogs pa la dmigs pa'i phyir ro/ /de'i phyir 'di dag gi thob pa bsam gtan dang po'i kha dog gi 'dod chags kyi gnyen por gyur pa zhes bya ba ni/ 'dod par gtogs pa gang yin pa de dag yul du snang ba nyid de bsam gtan dang po'i sa pa'i rnam par sngos pa la sogs pa la dmigs pa med pa'i phyir ro/ /de'i rgyu dang 'gog ba? dag? ces bya ba ni/ /rang gi sa pa dang sa gong ma'i sdug bsngal gyi rgyu kun 'byung dang 'gog pa dmigs pa yin gyi/ /sa 'og ma'i sdug bsngal gyi rgyu dang de'i 'gog pa la dmigs pa ma yin no/ /rjes su shes pa'i phyir dang mthun pa'i

  1070. 535b

    lam thams cad ces bya ba ni/ /ci rigs par rang gis sa dang gong ma dang/ sa 'og mas bsdus pa'o/ /so sor ma brtags pas 'gog pa yang yin no zhes bya ba ni/ gzugs med pa'i rnam par thar pa gzugs med pa'i dge ba rnams ni mi slob mtshan ma med pa'i ting nge 'dzin so sor ma brtags pas 'gog pa la dmigs pa yin te/ /nyer bsdogs mdu mdu ma gtogs so zhes 'byung ba'i phyir ro/ /mtshan ma med pa/ mtshan med pa'i ting nge 'dzin gyi ngo bo yin yang/ /mi slob pa'i mtshan ma med pa'i so sor ma brtags pas 'gogs pa la dmigs pa yin no/ /nam mkha' yang cig gi yin no/ /zhes bya ba ni nam mkha' mdza' yas skye mched kyi rnam par thar pa zag pa pa dang bcas pa'o/ /bde ba'i snying pos bskyod pa'i phyir ro/ /zhes bya ba la/ bde ba'i snying po ni bde ba'i snying po ste/ /bde ba thams cad kyi gtso bo zhes bya ba'i tha tshig go /des bskyod pa'i phyir te g.yo bar byas pa'i phyir ro/ /bsam gtan gsum pa la bde ba gya rnom pas kun tu g.yengs par byas pa'i phyir rnam par thar pa bskyed par mi nus kyi/ /de dang 'dra ba'i dge ba'i rtsa ba ni bskyed par byed do/ /rnam par thar pa la sogs pa zhes bya ba la/ /sogs pa zhes bya ba'i sgras ni zil gyi gnon pa'i skye mched la sogs pa dag bsdu'o/ /nyon mongs pa med pa la sogs pa'i yon tan mngon par bsgrub pa'i byed du zhes bya ba la sogs pa zhes bya ba'i sgra ni smon nas shes pa dang/ so sor yang dag par rigs pa la sogs pa bsdu'o/ /de yang gang gis zhes bya ba rgyas par 'byung ste/ /de la dngos po yongs su bsgyur ba ni dngos po gang zhig ji ltar mos ba de ltar 'gyur ba ste/ /dper na sa gser du byed pa bzhin no/ /byin gyis rlob pa ni dngos po bstan pa dus thung ngu de srid tsam du 'jig pa'o/ /tshe btong ba la sogs pa zhes bya ba la/ /sogs pa zhes bya ba'i sgras ni rdul phra rab dag tu ri rab 'jug?

  1071. 536a

    pa la sogs pa'o/ /ci'i phyir gsum pa dang brgyad pa dag kho na zhes bya ba rgyas par 'byung ba ni/ sdug pa'i rnam par thar pa lus kyi mngon sum du byas te rdzogs par byas nas gnas zhes gsum pa la mngon sum du bya ba bshad pa 'du shes dang tshor ba 'gog pa la lus kyis mngon sum du byas nas rdzogs par byas te gnas brgyad pa la mngon sum du bya ba bshad do/ /de la mngon sum du byas nas zhes bya ba ni mngon sum du te'o/ /rdzogs bar byas te zhes bya ba ni snyoms par 'jug pa la snyoms par zhugs te'o/ /gtso bo yin pa'i phyir dang/ khams dang sa'i mdza' na gnas pa'i phyir ro/ /zhes bya ba ni gang gi phyir dang po dang gnyis pa dag pas gsum pa gtso bo yin te/ /gnas gyur ba'i sgo nas gzugs can gyi rnam par thar pa'i sgrib pa mdza' dag spang pa'i phyir ro/ /sdug pa'i rnam par thar pa yin yang nyon mongs pa mi skye ba'i phyir ro/ /de'i phyir gsum pa la mngon sum du bya ba bshad do/ /de bzhin du gtso bo yin pa'i phyir brgyad pa la yang mngon sum du bya ba bshad de/ 'di ltar gnas gyur pa'i sgo nas gzugs can ma yin pa'i rnam par thar pa'i sgrib pa mdza' dag spangs pa'i phyir lhag ma dag pas gtso bo yin no/ /bsam gtan bzhi pa ni gzugs kyi khams kyi mdza' dang sa ste/ gzugs can gyi sa rnams kyi mdza' yin la/ de na rnam par thar pa gsum pa yod pas de kho na la mngon sum du bya bar bshad do/ /de bzhin du srid pa'i rtse mo khams kyi mdza' dang sa ste/ /gzugs can ma yin pa'i sa rnams kyi mdza' yin la/ /rnam par thar pa brgyad pa yang de'i sa pa yin pas de'i phyir de la mngon sum du bya ba bshad do/ /gzhan dag na re mdo gzhan las thams cad la mngon sum du bya ba bshad de/ mdo las chos brgyad ni mngon sum du bya ba ste/ /rnam par thar pa brgyad do zhes gsungs la/ yang rnam par thar pa brgyad po

  1072. 536b

    'di dag lugs dang mthun par lus kyi mngon sum du byas nas rdzogs par byas te gnas so zhes gsungs so zhes zer ro/ /de ni de lta ma yin te/ /gang gi phyir mdo gnyis po 'di dag kho na ma gtogs pa/ /de las gzhan pa'i mdo thams cad las gnyis kho na lam mngon sum du bya ba gsungs te/ /de'i phyir dri ba dang lan 'thad do/ /dang po gsum ni 'dod pa'i khams la brten te/ lha dang mi dag kho na la skye'o/ /gzhan du na byang gi sgra mi snyan pa rnams ni blo brtul ba'i phyir dang 'dod pa'i 'dod chags kyi gnyen po yin pa'i phyir gzugs dang gzugs med pa'i khams su ni ma yin no/ /tham lam gtogs pa lhag ma rnams ni gsum ka la te/ thams cad la brten pas mngon sum du gyur pa'i phyir ro/ /nam mkha' mdza' yas skye mched/ upa ban+na stu bi bard+ha ye de baM yAM ban+na ba saM dz+nyA na saM dz+nyA ya ta na/ /rnam par thar pa dang po ni 'dod pa dang gzugs kyi khams kho nar dang por skye'o/ /de la 'dod chags dang ma bral ba ni der skye ba med pa'i phyir nam mkha' mdza' yas skyed mched kyi rnam par thar pa'o/ /'dod pa dang gzugs kyi khams su gcig gam gnyis sam gsum ni gzugs med pa las 'og tu rim pa bzhin du skye'o/ /de skye ba ni rang gi sa la 'phel bas rnam par thar pa dang po'o/ /nang gzugs su 'du shes pas gzugs can du bsgoms pa'i rnal 'byor can de yang de la 'dod chags dang bral ba brtan par bya ba'i phyi rang mi sdug pa'i rnam pas phyi rol gyi gzugs rnams la lta bar byed do/ /de so so so rtog pa rnon pos nang gi gzugs la mi mthun pa'i 'du shes bskyed par byed ces bya ba'i don ni/ /nges rang gi lus mi ro rul pa mgul du thogs pa lta pur lta par byed ces bya ba'i don to/ /smad pa ni bcog pa ste rtsa yongs su bor ba lta bur ro/ /de ltar gzugs can gzugs la lta te/ /bdag gi gzugs kyang 'di lta bu'o/ /zhes gzugs dang sbyor te/ rab tu dangs pa'i nor bu'i za ma gtog gi nad na

  1073. 537a

    gnas pa'i dngos po bzhin mi gtsang ba'i rdzas sum cu rtsa drug gis gang bar lta ba'i gnas skabs 'di grub pa ni rnam par thar pa dang po'o/ /gang sems 'dod pa dang mi mthun pa dang phyir phyogs pa smas pa dang log par gyur pa 'di ni rnam par thar pa'o/ /de lta na ma chags pa zhes bshad pa dang/ rnam par thar pa dang po dag la lta'o zhes gsungs pa'i phyir ro shes rab kyi rang bzhin du skye ba ma yin nam zhe na/ de ni de lta ma yin te/ /ma chags pa'i rang bzhin rnams kho na shes rab u dra gadA?/ 'di bstan pas shes rab kyi rang bzhin kho na ches nye bar mngon sum du gyur pas gti mug gi gnyen po nyid du/ chags pa'i ni ma yin pas de nyid ji skad bshad pa'i rim pas nang gi /bI b+hA twa yI/ gzugs kyi 'du shes la bya ba med pa rgyu chags pa yin no/ /de shin tu sbyad pa'i bde ba'i khyad dang ldan pa'i gnas skabs su gzugs la dmigs pa ste/ /mi mthun pa'i rnam par sems pa ni rnam par thar pa gnyis par brjod (dbang 'byor ba'i) do/ /de bdag la chags pas 'khrugs pa ni sngar mi gtsang bar 'du shes par byung ba de gzugs la shin du chags pa med cing ches dag par gyur pa dmigs pa dang bcas pa'i gnas kyi khyad par gyi phyir bsam gtan gnyis pa la rab tu zhugs te rim pa 'dis mi mthun par 'du shes te rnam par thar pa gnyis sgrub par byed do/ /gal te ci ltar dga' bar 'gyur zhe na/ /sa'i dbang gis sdug bsngal shes pa bzhin dge ba bsgrub pa bstan pa'i phyir dga' ba de skye'o/ /mu k+ta shtsa sau te b+hyo rU be b+hya i ti/ de mi mthun pa'i rnam pas dga' ba sgrub pa yin no/ /de'i phyir bsam gtan gsum pa bsgrub par byed do/ /gsum pa las bzhi pa dang/ de nas bsam gtan bzhi pa la brten nas 'dod pa na spyod pa'i/ (/grol ba med de rnams las gzugs rnams las zhes par/) gzugs sdug pa yid la

  1074. 537b

    byed de/ /rin po che dang gos dang me tos 'a sogs pa mtshan mar bzung nas ji skad bshad pa cung zad go na mdzes pa dang sdug ba'i mtshan ma yid la bya'o/ /snyam ste/ de la skyo bar gyur pa na/ na tsad+d+ha? bA(mdo 'grel): sdug par yang lta bar byed do/ /na nu tsa nI ya ste/ de'i sogs so sor 'khums pa de'i phyir dmigs pa gzhan nya bar bsgrub pa dang 'dra ba'i gnas skabs 'di ni rnam par thar pa gsum par brjod do/ /mi sdug pa las phyir phyogs shing sdug pa'i rnam par thar pa nad gzugs su 'du (stag yud kyi dper na tsA nA ti yA ti) shes pas phyi rol gyi gzugs rnams la lta ste/ /rnam par thar pa gnyis pa bzhin du de ni gnyen po tha dad pa nyid de/ /mi sdug pa ni kha dog gi 'dod chags kyi gnyen po yin pa'i phyir ro/ /rnam pa las kyang mi sdug pa ste/ /mi sdug pa'i rnam pa nyid kyi phyir ro/ /sdug pas ni 'dod chags kyi rgyu la yang 'dod chags skye la/ /de bzhin du 'dod chags kyi rgyu mtshan med pa'i phyir gnyis pas ni ma yin no/ /lhag ma rnam par thar pa rnams ni sngar khe nang gzugs med pa la dpyad pa dang mi ldan? pa'i 'du byed la dpyad pa lta bu'o/ /rnam par thar pa 'di dag ni skyes pa dad? bud med dang 'phags pa dang so so skye bos kyang skyed par byed la/ /'gog pa'i snyoms par 'jug pa na 'phags pa kho nas so de bzhin du chen po rnams dang zhes bya ba ni nang gzugs su 'du shes pas phyi rol gyi gzugs chen po dang kha dog bzang po dang ngan pa rnams la lta ste/ gzugs de dag zil gyis gnam nas shes/ /zil gyis mnan nas mthong ste de ltar 'du shes pa 'di ni zil gyis gnon pa'i skyen mched gnyi ga pa'o/ /de bzhin du gzugs med par 'du shes pa ste/ /zhes bya ba la/ ji ltar zhe na/ nang gzugs med par 'du shes pas phyi rol gyi gzugs chung ngu kha dog bzang po dang ngan pa rnam la lta ste/ gzugs de dag zil gyis gnan nas shes zhes bya ba nas rgya cher

  1075. 538a

    brjod de/ 'di ni zil gyis gnon pa'i skye mched gsum pa'o/ /nang gzugs med par 'du shes pas phyi rol gyi gzugs chen po kha dog bzang po dang ngan pa rnams la lta ste zhes bya ba nas rgya cher brjod de 'di ni zil gyis gnon pa'i skye mched bzhi pa'o/ /gzugs med par 'du shes pa nyid kyang sngon po dang ser po dang dmar po dang dkar po rnams la lta ba ste da ltar na brgyad du 'gyur ro/ /ji ltar zhe na/ nang gzugs med par 'du shes pas phyi rol gyi gzugs sngon po/ /kha dog sngon po/ sngon po lta bur ston pa/ 'od sngon po 'byung ba rnam la lta ste/ dper na zad ma'i me tog gam yul bA rA Na se'i ras phun sum tshogs pa sngon po/ /kha dog sngon po/ sngon po lta bur stan pa/ 'od ston po 'byung ba rnams la lta nang?/ gzugs de dag zil gyis cha nan nas shes zil gyis mnan nas mthong ste/ /de ltar 'du shes par gyur pa 'di ni zil gyis gnon pa'i skye mched lnga ba'o/ /nang gzugs med par 'du shes pas phyi rol gyi gzugs ser po/ /kha dog ser po/ zhes bya ba nas rgya cher dper? na dong ka'i me tog gam yul bA rA na se'i ras phun sum tshogs pa ser po zhes bya ba rgya cher 'di ni zil gyi gnon pa'i skye mched drug pa'o/ /zhes bya ba'i bar ro/ /nang gzugs med par 'du shes pas phyi rol gyi gzugs dmar po/ /kha dog dmar po zhes bya ba nas rgya cher dper na me tog rtsa lag 'tsho 'am yul bA rA na se'i ras phun sum tshogs pa zhes bya ba nas rgya cher 'di na zil gyi gnon pa'i skye mched bdun pa'o zhes bya ba'i bar ro/ /nang gzugs med par 'du shes pas phyi rol gyi gzugs dkar po/ kha dog dkar po zhes bya ba nas rgya cher dper na skar ma pa ba sangs sam yul bA rA Na se'i ras zhes bya ba nas rgya

  1076. 538b

    cher 'di ni zil gyi gnon pa'i skye mched brgyad pa'o/ zhes bya ba'i bar ro/ /dmigs pa zil gyis gnon pa'i phyir zil gyis gnon pa'i skyed ched rnams te/ /thams cad pas gya nom pa'i dmigs pa yin yang kha dog gsal ba la sogs pas sgrub pa'i dge ba'i rtsa ba zil gyi gnon te/ rgyan sar pa sna tshogs pas brgyan pa'i 'bangs rdze bos zil gyi gnon pa bzhin no/ /yang na des 'di'i gnas zil gyis gnon te/ gang ma bcings pas gnas pa ni zil gyis gnon pa'i skyed mched do/ /chung ngu zhes bya ba ni dmigs pa chung ba nyid kyis so/ /kha dog bzang po zhes bya ba la/ sogs pa la/ kha cig na re kha dog bzang po rnams la chags pa mi skyed la/ /kha dog ngan pa rnams la khong khro ba mi skyed pa ste/ /'dir zil gyis gnon pa ni 'di yin no/ /zhes zer ro gzhan dag na re de ltar yin na zil gyis gnon pa rnams ma chags pa dang zhe sdang med pa'i rang bzhin du thal bar 'gyur te/ de'i phyir 'dir don ni kha dog bzang po dang ngan pa rnams zil gyis gnan nas/ /kha dog ngan pa ji lta bar kha dog bzang po rnams kyang de dang 'dra bar mi sdug pa'i rnam par ro gcig par byas nas mthong ste/ /'di'i sems la dbang ba ni 'di yin na zhes zer ro/ /zil gyis gnan nas zhes pa ni shes bya'o/ /zil gyis gnan nas zhes ba ni shes bya'o/ /zil gyis mnan nas mthong zhes bya ba ni de'i rgyu mtshan can gyi rnal 'byor rdzogs pa dag go /de ltar 'du shes par 'gyur zhes bya ba ni zil gyis mnan nas mthong ngo snyam du'o/ /zil gyis gnon pa gnyis pa'i chen po dag ni dmigs pa che ba nyid kyis so/ /lhag ma ni dang po dang 'dra'o/ /de dag las gnyis ni rnam thar dang po bzhin zhes bya ba ni/ rang bzhin dang rnam pa'i bye brag gis te/ /rnam par thar pa dang po ji lta ba bzhin no/ /zil gyi gnon pa'i skye mched gnyis po dag kyang rang bzhin dang sa dang rnam pa'i bye brag gi sgo nas de dang 'bras par lta bar byed do/ /'di nyid ni rnam par thar pa dang po'i 'bras bu

  1077. 539a

    yang yin no/ /gnyis ni gnyis pa'o/ /zhes bya ba ni gang dag nang gzugs med par 'du shes pas chung ngu dang chen po la dmigs pa dag ni/ /rang bzhin la sogs pa'i bye brag gi sgo nas rnam par thar pa gnyis pa dang 'dra bar lta bar bya'o/ /gzhan sdug pa'i rnam par thar pa bzhin zhes bya ba ni rang bzhin dang sa dang rnam pa'i bye brag gis sdug pa'i rnam par thar pa ji lta ba bzhin du zil gyis gnon pa'i skye mched kha dog sngon po la sogs pa bzhi yang rig par bya'o// rnam par ma bye ba kha dog smos pas rnam par thar pa bshad do/ /gang gi tshe 'dir rnam par phye ste smos par gyur pa de'i tshe zil gyi gnon pa'i skye mched bzhi rnams so/ /de nyid kyi phyir kha dog bzhi'i yul nyid la yang sdug pa'i rnam par thar pa bzhi thal ba med do/ /rnam par ma bye bas kha dog bzhi smos pa gang yin pa sdug pa nyid kyi thun mong pa gcig nyid du sems na/ de ni zil gyis gnon pa'i skye mched la yang thal bar 'gyur te/ /khyad par med pa'i phyir ro/ /de dag gis ni rgyab kyis phyogs ba tsam du zad la/ zhes bya ba ni rnam par thar pa dag gi ni dmigs pa la rgyab kyi phyogs pa rtsam du zad kyi/ dmigs pa zil gyis gnon pa ni ma yin la/ zil gyis gnon pa dag gis ni rgyab kyis phyogs pa 'ba' zhing tu ma zad de/ 'o na ci zhe na/ dmigs pa zil gyi gnon pa yang yin no/ /ji ltar 'dod pa bzhin mos pa'i phyir dang zhes bya ba ni 'dod gur sngon po dang ser po la sogs par smos pa'i phyir dang/ rnam par smos pa dang rnam par rnags pa la sogs par mos pa'i phyir ro/ /nyon mongs pa mi skye ba'i phyir ro zhes bya ba ni/ gal te kun nas nyon mongs pa'i dngos po la sdug par 'dzin yang nyon mongs pa mi skye ba na/ de lta na de dag gis dmigs pa zil gyis gnan pa yin

  1078. 539b

    no/ /gang yang dge ba'i rtsa ba gzhan dag gis rang gis dmigs pa ji lta ba bzhin du/ zil gyi gnon pa de lta na yang gzugs kyi skye mched ni bstan du yod pa nyid kyi zil gyis mnan la dka' ba'i phyir dang/ kha dog bzang po dang ngan pa dag la rjes su chags pa dang khong khro ba'i ngo bo nyid kyi phyir rnam par thar pa las phyir phyogs par skye'o/ /ji ltar 'dod par mi snang ba dang yongs su bsgyur pa dang mngon sum du bya ba la sogs pa la dbang pa'i phyir du ste/ mdo las de la dmigs pa rnams kho na zil gyi gnon pa'i skye mched rnams su bstan no/ /nyon mongs pa skye ba dang rjes su mthun pa'i rnam pa la dmigs pa nyid zil gyis gnon pa'i phyir 'di nyid kho na gtso bo yin no/ /zad par gyi skye mched bcu 'o/ /bcu gang zhe na/ la la zad par sa'o zhes? steng dang 'og dang thong ka gnyis su med cing tshed med par 'du shes su byed/ de bzhin du chu dang me dang rlung dang sngon po dang ser po dang dmar po dang dkar po dang nam mkha' dang/ zad par rnam par shes pa'i skyen mched kyang yin te/ /de dag ni zad par kyi skye mched bcu'o/ /bar med par zad par rgyas par med? ces bya ba la/ 'di ltar bsten par 'gyur te/ bar med cing mtshams med pa'i ngo bor gang zhig sar mos pa de dag thams cad gcig tu sra ba rgyas par byed de/ /khyab par byed ces bya ba'i tha tshig go / ji ltar zhe na sa? mdza' yas so/ snyam du mos pa ste zad par rnam par shes pa'i bar la yang de bzhin du brjod par bya'o/ /de'i phyir de ltar bar med cing mtshams med par rgyas par yid la byed pa gnas pa'i phyir zad par gyi skye mched ces bya'o/ /de la? sa zhes bya ba ni dmigs pa la brjod do/ /zad par zhes bya ba ni rnam pa'o/ /'di dag ni rnam pa mtshungs pas yin yang dmigs pa tha dad pas tha dad pa nyid do/ /la la shes bya ba ni gang zhig snyoms par 'jug pa 'di dag

  1079. 540a

    la snyoms par 'jug par 'gyur pa'o/ /'du shes su byed ces bya ba ni 'di ni mos pa yid la byed pa yin no/ /zhes ston de lta ma yin na rab tu shes par byed ces brjod par 'gyur ro/ /steng dang 'og dang thad ka zhes bya ba ni gang dang gang du yid 'jug par byed par ro/ /gnyis su med cing zhes bya ba ni bar med par yid la byed pa ston pa'o/ /tshad med pa zhes bya ba ni mdza' yas par mos pa'o/ /'di ni rnal 'byor ba ting nge 'dzin la sbyangs pa byas pa'i sems la dbang po brjod pa'o// brgyad ma chags zhes bya ba la/ /zad par sngon po la sogs pa bzhi ni zil gyis gnon pa'i skye mched phyi ma bzhi'i khyad par gyi bdag nyid do/ /sngon po la sogs pa kha dog gi rten gyi sgo nas zad par sa'i skye mched la sogs pas sa la sogs pa la dmigs pa rnams kyang ma chags pa'i bdag nyid ces bya'o/ /bsam gtan mdza' na zhes bya ba ni zil gyis gnon pa'i skye mched phyi ma bzhi'i sbyor ba las byung ba'i phyir ro/ /brgyad kyi spyod yul ni 'dod pa na spyod pa'i gzugs kyi skye mched yin no/ /ji ltar zad par 'byung ba'i skye mched rnams kyi dmigs pa gzugs kyi skye mched yin zhe na sa la sogs pa rnams so/ /sa'i khams la sogs pa rnams la khyad par yod pas 'di dag zad par sa'i skye mched ces bya'i/ zad par sa'i/ /khams la sogs par ni ma yin no/ /sa la sogs pa rnams kyang kha dog dang dbyibs kyi bdag nyid yin pas de rnams gzugs kyi skye mched kyi yul can nyid du mi 'gal lo/ /kha cig na re'i rlung ni reg bya'i skye mched yin no/ /zhes zer ro gang bshad pa/ rlang tshogs khams nyid yin zhes bshad de'i lugs kyis so/ /yang gang dag de dang 'dra ba 'ang yin zhes zer ba de'i lugs kyi nas la sogs pa ltar gzugs kyi skye mched kho na yin te kha dog dang

  1080. 540b

    dbyibs kyi bdag nyid yin pa'i phyir ro/ /zad par gyi skye mched tha ma gnyis ni gzugs med pa dag pa pa'i rang bzhin yin la 'di gnyis kyi dmigs pa ni rang gi sa pa'i phung po bzhi yin no/ /rnam par thar pa 'jug pa las byung ba can yin la zhes bya ba ni/ /'di dag rnam par thar pa 'jug pa las byung ba ste/ /rnam par thar pa 'jug pa las byung ba ni/ rnam par thar pa'i 'bras bu yin pa'i phyir te rnam par thar pa tshogs su gyur pa'o/ /zil gyi gnon pa'i skye mched rnams la 'jug pa nyid ni 'jug pa las byung ba zhes bya ste/ de bzhin du 'di dag zil gyi gnon pa'i skye mched las byung ba can zhes brjod par bya ste/ /sgor gyur pa zhes bya ba'i don to/ /gong nas gong du khyad par du 'phags pa'i phyir ro/ /zhes bya ba la/ ji ltar gong nas gong du khyad par du 'phags she na/ sdug pa'i rnam par thar pas ni kha dog bzang po 'dzin par byed kyi/ yongs su dpyod par ni mi nus so/ /zil gyi gnon pa'i skye mched rnams kyis ni sngon po'o ser po'o zhes yongs su dpyod par byed kyi/ /bar mtshams med par lhag par smos pa ni mi nus pas/ /bar mtshams med dang gya pa'i phyir du zad par rnams bsgrub par byed pa yin no/ /yang na rgyab kyis phyogs pa tsam dang zil gyis gnon pa dang zad par byed pa'i phyir de ltar gong nas gong du khyad par 'phags pa yin no/ /de nyid kyi phyir zad par gyi skye mched thob pa gang yin pa de/ gdon mi za ba skye mched gzhan don kyang thob ste/ /yon tan rnams ni rims kyis 'jog pa'i pa'i phyir ro/ /gzhan dag na re chung ngu dang 'bring dang chen po tha dad pa'i phyir rnam par thar pa la sogs par phyir ste de ltar rnam par thar pa rnams ni rgyu kho na yin la zad par gyi skye mched rnams 'bras bu kho na yin zhing ?? gyis gnon pa rnams ni gnyis ka yin no zhes zer ro/ /'gog pa'i rnam par thar pa ma gtogs pa zhes bya ba la de ni 'phags pa'i rgyud la yod pa kho na yin gyi so so'i skye bo la yod pa ni ma yin no/ /'dris pa dang ma 'dris?

  1081. 541a

    pa'i phyir ro zhes bya ba la/ /'dris pa ci rigs par bsam gtan dang po nas srid pa'i rtse mo ba'i bar 'dod chags dang bral bas thob ba sngar skyes pa btang ba dag go/ de'i bsam gtan dang po'i sa dag ni 'dod pa las 'dod chags dang bral bas thob po/ /de bzhin du ci rigs par lhag ma dag la yang brjod par bya'o/ /ma 'dres pa ni sbyor ba las byung ba ste/ /sbyor bas thob po/ /de la zad par gyi skye mched rnams kyi sbyar ba rgyad mig gi rnam par shes pa'i sbyor ba las byung ba rnams te/ /de bzhin du zad pa de mkha' yang nam mkha' i khams la dmigs pa nyid kyis dang por yid la byed pas mos shing bsgrub par byed do/ rang gi sa pa'i phung po bzhi rnams so/ /zad par rnam par shes pa'i dmigs pa yang yid kyi rnam par shes pa'i sbyor ba las byung ba ste/ rnam pa shes pa dmigs te dang por yid la byed pas mos shing sgrub par byed do/ /lhag ma ni snga ma bzhin no/ /lhag ma yang gang zhig ce na/ rnam par thar pa dang po gsum dang/ zil gyi gnon pa'i skye mched brgyad dang zad par gyi skye mched rnams ni/ mi'i rten can kho na yin no/ /lung gi mthus bskyed pa'i phyir ro zhes bya ba ni/ 'chad pa pos yang dag par bshad pa la rag las pa ste/ de yang 'dod pa'i khams kho na las gzhan na yod pa na/ yin no/ /man ngag la ma bltos par ni nus pa ma yin no/ yang ci'i phyir bsam gtan gsum pa na tshad med pa dang mngon par shes pa dag yod la rnam par thar pa rnams ma yin zhe na/ bshad pa/ re shig dang po kho nar rgyu rnam par thar pa rnams med par zil gyis gnon pa'i skye mched rnams yod pa ma yin la/ /rnam par thar pa med pa dang zad par rnams med pa'i phyir dang de dag ni de la 'jug pa las byung ba nyid kyi phyir ram bde ba'i snying po la mngon par zhen pa nyid kyi spyir rnam par thar pa la sogs pa sgrub par mi nus so/ /tshad med pa la sogs pa rnams

  1082. 541b

    ni de'i bde ba dang rjes su mthun pa nyid do/ /yang 'di dag gi rnam par thar pa la sogs pa rnams dang gang chos gzhan pa thob pa de thams cad ci zhe na/ zad par gyi skye mched rnams thob pa gang yin pa de ni nges par 'di dag thams cad yin no/ /zil gyi gnon pa'i skye mched rnams gang yin pa de ni nges pa rnam par thar pa rnams yin gyi/ zad par rnams ni gdon mi za bar yin no/ /rnam par thar pa rnams gang yin pa de ni 'di dang gcig shos dag gdon mi za bar yin no/ /gal te man ngag med par gzugs dang gzugs med pa'i khams dag tu rnam par thar pa la sogs pa ni mi skye na/ ci man ngag med par gzugs dang gzugs med pa'i khams dag tu zhes bya ba rgya cher 'byung zhe na/ de na 'doms shing 'chad par byed pa po med do/ /'di ltar sgrub par rig par bya ste/ gzugs dang gzugs med pa'i sa gang du skyes pa de'i gong ma'i bsam gtan dang gzugs med par mngon du byed pa gang yin pa de ni/ de bas khyad par du 'phags pas gzugs med pa dang bsam gtan gyi khyad par ro/ /nye ba dang yang dang yang du goms pa las so zhes bya ba ni/ nye ba dang yang dang yang du goms pa la so ji ltar zhe na 'dod pa'i khams su skye shing gzugs med pa'i snyoms par 'jug pa thob pa slar de las nyams nas gzugs med pa'i khams su skyes te/ /de der skyes nas lan grangs gzhan la myong bar 'gyur ba dang nye ba dang yang dang yang du goms pa dang skal pa mnyam pa'i rgyu stobs dang ldan pa nyid las gzugs med pa'i ting nge 'dzin skye'o/ /de bzhin du rgyu dang 'bras bu las gzugs kyi khams su skyes pa yang gzugs med par skyes par byed do de bzhin du rnam shes mdza' yas skye mched la snyoms par zhugs pa las yongs su nyams te/ nam mkha' mdza' yas skye mched du skyes pa yang rgyu'i stobs kyi rnam shes mdza' yas skye mched kyi snyoms par 'jug pa skyed do/ /de bzhin du

  1083. 542a

    las gong du skyes pa la yang brjod par bya'o/ /las kyi stobs kyi ni zhes bya ba rgyas par 'byung ba la/ gzugs kyi khams su skyes pa la lan grangs gzhan la myong bar 'gyur ba'i las kyi rnam par smin pa nye bar gnas pa'i phyir ro/ de las 'dod chags dang bral ba dang mthun pa'i rgyud gnas te/ /'og ma la 'dod chags dang ma bral bar ni gong du skye bar mi nus so/ /rgyu'i stobs dang las kyis stobs kyis gzugs dang gzugs med pa'i khams su gzugs med pa skye'o/ /chos nyid kyis ni ma yin te/ /'jig pa'i skal pa'i dbang gis gzugs med pa dag tu mi skye ba'i phyir ro/ /gzugs kyi khams su ni bsam gtan gzhan zhes bya ba rgyas par 'byung ste/ bsam gtan 'og mar skyes pa la bsam gtan gong ma ste/ zhes bya ba'i don to/ /'dod pa'i khams su bsam gtan gnyis pa la sogs pa skyed nas yongs su nyams te/ /bsam gtan dang por skyes pa zhig sngon goms pa'i rgyu'i stobs kyis bsam gtan gnyis pa la sogs pa skyed de/ rgyu'i stobs kyis gzugs kyi khams su bsam gtan rnams skyes pa ni de lta bu'o/ /las kyis stobs kyis ni gang gi tshe bsam gtan dang po la sogs pa skyes pa 'am bsam gtan gnyis pa la sogs pa'i lan grangs gzhan myong bar 'gyur ba'i las kyi rnam par smin pa nye bar gnas pa yin pa de'i tshe/ bsam gtan dang po la sogs par skyes pa bsam gtan gnyis pa la sogs par skyed par byed do/ /dge ba'i chos rnams kyi 'jug pa shas che ba'i phyir zhes bya ba ni dge ba'i chos la 'jug pa'i tshe/ /dge ba'i las kyi lam gang dag yin pa de dag gi 'jug pa ste/ gang dag la de shas che ba yod pa de dag ni/ de'i 'jug pa shas che ba'o/ /de'i dngos po ni/ de'i 'jug pa shas che ba nyid de/ 'jug pa shas che ba nyid de'i phyir gzugs

  1084. 542b

    kyi khams su bsam gtan rnams skye'o/ /'di skad du/ dge ba'i rtsa ba de dag bdag nyid du mchog tu gyur pa thob pa las sngon gyi bsam gtan gyi bag chags kyi rten rgyun chags su skye ba dang/ mthun par gnas pa'i phyir/ lung nos pa med par bsam gtan rnams skye'i zhes bshad pa yin no/ /chos nyid kyis zhes bshad pa chos nyid ces bya ba 'di gang zhig ce na/ re zhig mdo sde pa kha cig na re chos 'jug pa shas che ba de dag nyid sngon gyi bsam gtan gyi bag chags kyi dbang gis lung med par bsam gtan skye ba dang mthun pa ni chos nyid de/ /rang bzhin dang ngo bo nyid yin no/ /zhes bya ba'i tha tshig go zhes zer ro/ /bye brag tu smra ba rnams na re/ sngon gyi bsam gtan bsgom pa'i dge ba'i chos kyi dbang gis de skye ba dang mthun pa ni chos nyid yin te/ tshe rabs snga ma'i skal pa dang mnyam pa'i rgyu mthun pa'i 'bras bu 'byin pa la mngon du phyogs pa ni chos nyid yin no zhes zer ro/ /chos rnams kyi rnam pa 'di lta bu zhes bya ba ni zag pa dang bcas pa dang zag pa med pa rnams kyi rnam pa khams dang sa dang dmigs pa la sogs pa ji skad bshad pa rnams so/ /lung 'dzin par byed pa ni smra bar byed pa yin no zhes bya ba ni mdo dang 'dul ba dang chos mngon pa rnams don dang tshig gi sgo nas smra bar byed pa gang yin pa de dag 'dzin par byed pa yin no/ /rtogs pa 'dzin par byed pa ni sgrub par byed pa yin te/ zhes bya ba ni gang dag 'bras bu la gnas pa dang/ lam bsgom pa la zhugs pa de dag ni dam pa'i chos rtogs pa'i bdag nyid/ byang chub kyi phyogs dang mthun pa 'dzin par byed pa yin no/ /gzhan dag na re lung 'dzin bar byed pa ni smra bar byed pa dang sgrub par byed pa ste rten yin te/ lung phyin ci ma log pa'i rten ni sgrub pa po rnams yin pa'i phyir ro/ /rtogs pa smra bar byed pa na/ /sgrub par byed pa kho na yin te/ de'i phyir de ji srid du sgrub par byed pa yod pa de srid

  1085. 543a

    du rtogs pa zhes bya'i dam pa'i chos rjes su gnas so zhes zer ro/ /lung yang ji srid smra bar byed pa de srid du lung bshad pa'o zhes so/ /'dir smra ba po nyid tsam gyi dbang du byas nas smra ba po 'dzin par byed pa zhes bshad do/ /de'i phyir 'dir chos 'ga' zhig la khyad par med do/ /ci chos mngon pa mdzod kyi bstan bcos 'dir chos mngon pa don du bshad pa de 'di nyid dam/ ci bstan bcos chos mngon pa ye shes la 'jug pa la sogs pa'i mtshan nyid du bshad ce na/ de'i phyir kha che bye brag smra ba'i tshul grub bshad/ ces rgya cher smos te/ phal cher zhes smos pa ni/ 'dir cung zad cig kha che ba'i tshul las 'das par smras pa ste/ dper na dbyibs dang/ gzugs brnyan dang 'das pa dang ma 'ongs pa dag lta bu'o/ /de la yang/ nyes par zin gang de 'dir bdag gis nyes te/ chos nyid zab pa'i phyir dang lung 'bogs par mdzad pa rnams rnyed par dka' ba'i phyir bdag gis nongs so/ /shes bya thams cad la chags pa dang thogs pa med pa'i ye shes mnga' ba sangs rgyas bcom ldan 'das rnams dang sangs rgyas kyi sras rnams kho na zab pa dang rgya che ba'i chos kyi tshul la tshad ma yin no/ /ston pa 'jig rten mig ni zum gyur cing zhes bya ba ni/ lam bzang po ma yin pa spangs nas bzang po la nges par sbyor bar mdzad pa bcom ldan 'das rgyu dang 'bras bu'i 'brel pa phyin ci ma log pa ston pas 'jig rten gyi mig du gyur pa yongs su mya ngan las 'das pa'o/ /dbang gyur skye bo phal cher zad pa na zhes bya ba la/ dbang gyur skye bo ni 'dir sangs rgyas kyis slob ma mngon sum du mthong ba po lung dang rtog pa dang ldan pa rnams dang rigs pa dang mi 'gal ba'i lung gi rjes su 'brang rnams so/ /zad pa na zhes pa ni mi rtag pa nyid kyi dbang du gyur pa na'o/ /phal cher zhes bya ba 'dis ni dbang du gyur pa'i skye bo

  1086. 543b

    dkon pa nyid du ston pa'o/ /de nyid ma mthong ba ni so so skye bo'o/ /'doms med ces bya ba la/ de dag gi 'doms pa ni sangs rgyas bcom ldan 'das rnams dang sangs rgyas kyi sras rnams yin te/ de rnams med pas 'doms pa med pa'o/ / ngan rtogs rnams kyis bstan pa 'di dkrugs so zhe bya ba la/ rtog ge ngan pa'i rjes su 'brang ba ni ngan rtogs rnams so/ /yang na rtog ge ngan pa nyid de/ rtag gi ltar snad pa'i phyir dang/ lung dang 'ga' pa'i phyir ro/ /rtog ge'i rjes su 'brang ste tshig dang don gyi sgo nas lhag par sgro btags par bstan pa dkrugs so/ /rang byung rang byung bstan pa gces 'dzin rnams/ mchog tu zhir gshegs zhes bya ba la/ mchog tu zhi ba ni phung po lhag ma med pa'i mya ngan las 'das pa'i dbyings te phung po ma lus pa dang bral ba'i phyir ro/ /lung 'bogs pa med par bsod nams dang ye shes kyi tshogs yongs su smin pa las rang nyid kyis thams cad mkhyen pa'i go 'phangs brnyes pas na rang byung ngo/ /rang byung gi bstan pa ni phung po gsum gyi lam dang/ de ston pa mdo dang/ 'dul ba dang/ chos mngon pa rnams so/ /lung dang rtog pa dang ldan pa sems can rnams la lta bas bstan pa gnas par bya ba'i phyir rab tu zhugs pa gang dag yin pa de dag ni bstan pa gces 'dzin te/ de dag kyang mchog tu zhi bar gshegs pa na zhes bya bar rjes su snyeg go /'gro mgon med pa na/ 'doms med yon tan 'joms par byed pa yi/ dri mas 'ga' mgur deng sang 'di ni spyod ces bya ba la/ 'gro ba'i mgon po sangs rgyas bcom ldan 'das rnams dang/ sangs rgyas kyi sras rnams yin na/ de dag kyang mchog tu zhi bar gshegs pa na 'gro ba mgon med pa'o/ /yon tan ni tshul khrims

  1087. 544a

    dang shes rab kyi bdag nyid rnams te/ 'dod chags dang zhe sdang dang gti mug gi dri ma rab tu 'jug pa dag gis/ de dag da ltar byung ba ni sel bar byed la/ ma 'ongs pa rnams la gegs byed pas dri ma rnams yon tan 'joms par byed pa'o/ /'doms med ces pa ni 'gal zla med pa'i phyir ro/ /dga' 'gyur ni 'dod 'gyur ro/ /deng sang 'di na 'gro ba rnams spyod ces bya ba'o/ /lkog mar srog phyin 'dra zhes bya ba ni/ ston pa'i bstan pa bsrung ba la zhugs pa'i sangs rgyas kyi sras rnams med pa'i phyir dang/ rtog ge ba ngan pa rnams kyis tshig dang don sgro btags pas dkrugs pa'i phyir ro/ /de ltar thub pa'i bstan pa lkog mar srog phyin pa dang 'dra ba dang/ dri ma rnams stobs dang ldan pa ste/ 'gro ba mgon med pas gnyen po med pa'i phyir ro/ /de ni nyon mongs pa rnams stobs dang ldan pa'o/ /zhes rig par byas nas/ 'dir thar pa 'dod pa rnams kyis ji srid bstan pa 'di rnam pa thams cad du ma nub gyi bar du bag yod par gyis shig ces bya'o/ /slob dpon gnas brtan blo gros brtan pas mdzod pa chos mngon pa mdzod kyi bshad pa'i rgya cher 'brel pa rnam par bshad pa las snyoms 'jug bstan pa zhes bya ba mdzod kyi gnas brgyad pa rdzogs so// //don gyi de kho na nyid ces bya ba'i mdzod kyi rgya cher 'grel pa'o// //chos mngon pa mdzod kyi 'grel pa'i rgya cher bshad pa don gyi de kho na nyid ces slob dpon blo gros bstan pas mdzad pa 'di/ sngar gangs can du mdzod kyi 'grel bshad slob dpon blo gros bstan pas mdzad pa gnam lcags thogs zer zhes bya ba yod do/ /zhes mkhas pa rnams la btsam grags pa ma gtogs ma 'gyur ba las/ /'di'i rgya dpe chos

  1088. 544b

    kyi rje thams cad mkhyen pa gzhon nu dpal pa'i phyag tu byung ba/ rje nyid mdzad pa thar phyir pas 'gyur mdzad pa ma grub pa las/ bstan pa rin po che la gcig tu gces spras mdzad cing lha dang bcas pa'i skye dgu'i 'dren pa dam pa mtshungs med chos kyi rje rin po che zhwa dmar cod pan 'dzin pa bzhi pa chos kyi grags pa ye shes dpal bzang po'i zhal snga nas thugs dgongs rnam par dag pas bka' gnang ste/ /'di nyid bod skad du bsgyur ba nus sam zhes gsungs pa las/ /bar skabs su hor kong cung zad lus pa 'dug na'ang sngar mngon pa mdzod rtsa 'grel dang 'grel bshad rgyal po sras dang gang spel la sogs pa 'gyur 'dug pa 'di dag gi tshig don la lar gtugs/ sngon gyi lots+tsha ba rnams kyis chos bsgyur tshul dang sgra'i gzhung lugs phyogs tsam rtogs pas pha cher ba bod skad du bsgyur nus pa 'dri zhes gsol ba la/ de lta na bstan pa'i bya ba yin pas cis kyang bsgyur ba legs/ /dbang lots+tsha ba lta bu'i 'gyur la'ang hor kong sngags su lus 'dug cing/ nga phyis gzhan gyi rdzogs par 'gyur ba yang dga' bas bsgyur cig ces dka' gnang zhing mthun rkyen stsal te/ zhwa lu lots+tsha pa d+hArmA pA la b+ha zhes bas 'di'i rgya dpe ngo bo dang/ dpe dbang gi rgya dpe stag lung nas gnas gnyis pa'i smad dang gsum pa dang bzhi pa'i stong rnams ma gtogs tshad pa zhig rnyed pa dang rang 'grol gyi rgya dpe dang sngar smod pa'i bod dpe rnams la gtugs shing dpyad de sngon gyi mkhas rnams kyi dkas bcad bzhin gzhis kha lhun grub gling dang lhun grub lha rtse nas 'go brtsams te/ shar phyogs ko po'i sa'i cha dga' ldan ma mo'i gtsug lag khang du rdzogs par sgyur ba'i yi ge pa ni dge ba'i bshes gnyen yo ge pa sangs rgyas 'phel zhes bya bas bgyis so/ /da dung 'di'i bar skabs su lus pa'i hor kong rnams las cung zad mtshan bus gsal bar byas

  1089. 545a

    pa la'ang don gyi 'grel pa rtogs dgos yod pa dang 'gyur nor 'khrul mchis pa rnams sgra dang mngon pa'i gzhung lugs mthar phyin pa'i mkhas pa rnams kyi bzod cing gcod par gsol lo/ /lhag pa'i shes rab brjod byar byed pa'i 'dzam gling rgyan mchog bzhung lugs gsal byed pa bstan bcos chen po 'di bsgyur las/ /dge tshogs gang zhig thob pa de yis ma lus 'gro rnams mi shes mun pa ye shes snang bas rab bcom ste/ /kun mkhyen go 'phang mchog thob gyur cig gnas skabs su yang chos mngon pa rgya mtsho'i legs bshad 'bel ba'i bka' 'chid kyis dga' ston snang bas phyogs rnams kun tu bstan 'dzin mchog rnams legs bshad 'byor bas rnam par rtsen pa nyid gyur cig/ //ye d+harmA he tu pra b+ha bA he tun+te ShAn+ta thA ga ho hya ba data/ te ShAny+tsa yo ni ro d+ha e waM bA di mahA sh+ra ma Na:// bkra shis// dge'o //sarba mang+galaM //