Text
ff. 1a–406a · 811 folio sides
- 1a
shes rab sgron me'i rgya cher 'grel ba slob dpon spyan ras gzigs brtul zhugs kyi mdzad pa'i mdza' dum bzhugs/
- 1b
#/ /bam po lnga bcu lnga pa/ gnas ma'i bu'i sde pa dag gis smras pa/ gang zag ni phung po dang skye mched dang khams rnams las de nyid dam gzhan nyid du brjod par bya ba nyid ma yin pa de bzhin du rtag pa dang mi rtag pa nyid du yang brjod par bya ba nyid ma yin pa'i phyir phyogs gnyi gar bstan pa'i skyon de dag kho bo cag la mi gnod de gang zag de lta bu de 'khor ro zhes bya ba ni nyan thos gnas ma'i bu'i sde ba dag gi gzhung las/ gang zag gi phung po la sogs pa dang gcig pa nyid dang gzhan
- 2a
nyid du brjod par bya ba nyid ma yin pa de bzhin du rtag pa dang mi rtag pa nyid du yang brjod par bya ba nyid ma yin par 'byung bas de'i phyir 'dir de dag na re kho bo cag gi phyogs la gang zag ni rtag pa dang mi rtag pa nyid gnyi gar yang brjod par bya ba ma yin pa'i phyir khyed kyis sngar rtag pa dang mi rtag pa'i phyogs gnyi gar bstan pa'i skyon de dag kho bo cag la mi gnod de/ de ltar rtag pa dang mi rtag pa'i mdza' gnyi gar yang brjod par bya ba ma yin pa'i gang zag rnam pa de lta bu de 'gro ba lngar 'khor ro zhes zer
- 2b
ba'i gzhung yin no/ /de skad ces zer ba de'i lan du 'grel pa byed pa nyid kyis 'dir bshad pa/ gal te gang zag 'khor zhe na/ /phung po skye mched khams rnams la/ /de ni rnam pa lngas btsal na/ /med na gang zhig 'khor bar 'gyur/ /'khor bar mi 'gyur ba kho na ste/ /med pa'i phyir ro zhes bya bar dgongs so zhes bya ba smra ste/ gnas ma'i bu'i sde pa dag gis brtags pa'i gang zag rnam pa de lta bu de 'gro ba lngar 'khor ro zhes byar phung po dang khams dang skye mched rnams la gang zag de rnam pa lngas btsal na med pa'i phyir gang zhig 'khor bar 'gyur te/ mi 'gyur ro zhes bya bar dgongs so/ /rnam pa lnga ni de bzhin gshegs pa brtag pa'i skabs nas/ sku min sku las gzhan ma yin/ /de la sku med der de med/ /de bzhin
- 3a
gshegs pa sku ldan min/ /de bzhin gshegs pa gang zhig yin zhes 'og nas 'byung bas 'dir 'grel pa ma byas so/ /de ltar de ni bsgrub par bya ba dang sgrub pa'i chos nye bar bzhag pa'i tshig yin no zhes bya ba ni 'khor bar mi 'gyur ba kho na ste/ med pa'i phyir ro zhes bya bar dgongs so zhes bya ba dang go rims bzhin du sbyor ro/ /de nyid kyi tshad ma bstan pa'i phyir 'dir sbyor ba'i tshig ni don dam par gang zag yod pa ma yin te/ gzugs su rung ba dang myong ba dang/ mtshan mar 'dzin pa dang mngon par 'du byed pa dang rnam par shes par byed pa la ma gtogs pa'i mtshan nyid dmigs su med pa'i phyir dper na bong bu'i rwa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bong bu'i rwa
- 3b
ni phung po lnga la ma gtogs pa'i mtshan nyid dmigs su med pa'i phyir yod pa ma yin pa de bzhin du gang zag kyang phung po lnga la ma gtogs pa'i mtshan nyid dmigs su med pa'i phyir yod pa ma yin pas 'khor bar mi 'gyur ro/ /ci ste med bzhin du yang de la mngon par zhen pa'i bag chags kyi blo gros nyams pas rab rib can gyi skra shad dang sbrang bu la sogs pa yod par mthong ba bzhin du de yod par rnam par rtog na zheS bya ba ni ji ste rjes su dpag pa snga mas gang zag med par grub bzhin du yang gnas ma'i bu'i sde pa la sogs pa dag gang zag la mngon par zhen pa'i bag chags kyis bdag med par lta ba'i blo gros nyams pas dper na rab rib can gyi skra shad dang sbrang bu la sogs pa med bzhin du yod par mthong ba bzhin du gang zag de yod par rnam par rtog na'o/ /de yang mi 'thad par bstan pa'i phyir de lta na yang nye bar len nas nyer len par/ /'khor na srid pa med par 'gyur/ /nye bar len pa nas nye bar len par 'khor na nye bar len pa'i bar du nye bar len pa med cing nye bar len pa dang bral bar 'gyur ro zhes bya ba smras te/ nye bar len pa dang srid pa dang phung po dang 'gro ba zhes bya ba dag ni rnam grangs te/ gal te gang zag de 'gro ba lnga po de dag gi nye bar len pa snga ma gzhan nas phyi ma gzhan du 'khor bar brtag na nye bar len pa
- 4a
phyi gnyis kyi bar du de la nye bar len pa med par 'gyur te/ nye bar len pa med na gang gis de 'khor bar mngon pa'i gsal bar byed pa med pas de 'khor bar mi 'grub bo zhes bya bar sbyar ro de nyid bstan pa'i phyir nye bar len pa ni srid pa zhes gdags pas nye bar len pa med na srid pa de yang med pa'i phyir/ srid med nye bar len med na/ /de gang ci zhig 'khor bar 'gyur/ /srid pa med pa dang nye bar len pa ni gsal bar byed pa med pa'i phyir ro zhes bya ba smras so/ /gal te bar ma do'i srid pa'i phung po nye bar len pas nye bar len pa dang bcas pa nyid du 'grub pa'i phyir skyon med do zhe na zhes bya ba ni gal te pha rol po dag 'di skad ces bar ma do'i srid pa'i phung po rnams kyis nye bar len pa dang bcas pa nyid du gyur nas phyis 'byung bar 'dod pa'i srid pa nye bar len par byed pas dbu ma pa na re srid pa med pa dang nye bar len pa med pa ni gsal bar byed pa med pa'i phyir ro zhes zer ba'i skyon med do zhes zer ba'o/ /de'i lan du gnas brtan bud d+ha pA li ta la sogs pa kha cig na re/ de yongs su gtong ba ni ji skad smos pa'i skyon rjes su 'brang ba'i phyir de ni len du mi rung ngo zhes bya ba smras te/ gang gi phyir bar ma do'i srid pa'i phung po gtong ba nas phung po phyi mar 'pho ba'i dus na nye bar len pa med pa kho na yin pa de'i phyir gsal
- 4b
bar byed pa med pa la sogs pa'i skyon de bzhin du rjes su 'breng ba'i phyir pha rol po'i tshig de ni lan du mi rung ngo zhes gnas brtan bud+d+ha pA li ta la sogs pa dag de skad zer ro/ /de ni rigs pa ma yin te/ skad cig ma gcig kho na la srid pa snga ma ? phyi ma gtong zhing len pa'i phyir ro zhes bya ba ni 'grel pa byed pa nyid kyis gnas brtan bud+d+ha pA li ta la sogs pa'i rnam par bshad pa de rigs pa ma yin par sun 'byin pa'i tshig yin te/ ci'i phyir rigs pa ma yin zhe na/ 'di ltar gsal bar byed pa med pas gang zag nyid med pa'i phyir 'khor bar mi 'gyur zhes bsgrub par bya ba'i rigs pa las/ de ltar ma bsgrubs par gang zag de bar ma dor gnas pa'i gnas skabs nas srid pa phyi mar 'pho ba'i gnas skabs na nye bar len pa med pa'i skyon du 'gyur ro zhes bshad pa de ni gal te gang zag gcig yod par gyur na de skad cig ma gcig kho na la srang mda'i mtho dman bzhin du bar ma do'i srid pa gtong zhing srid pa phyi ma len par yang rung bas gnas brtan bud+d+ha pA li ta la sogs pa'i rnam par bshad pa des pha rol po'i gzhungs sun mi phyin pa'i phyir de ni rigs pa ma yin no/ /'o na ji ltar rigs zhe na 'grel pa byed pa nyid kyis 'di ltar rnam pa lngas btsal na med pa'i phyir ro zhes bya ba de ltar rigs so zhes bya ba smras te/ gang zag de phung po rnams la rnam pa lngas btsal na med pa'i phyir 'khor bar mi 'gyur ba kho na'i zhes bya ba de ltar rnam par bshad na rigs/ pha rol pos smras pa/ gang zag ni yon pa kho na yin te/ nye bar len pa gzhan 'pho bas gnas pa'i phyir ro/ /'di na gang med pa de ni nye bar len pa gzhan du 'pho bas mi gnas te/ dper na mo gsham gyi bu bzhin no/ /gang zag la ni nye bar len pa gzhan du 'pho bas gnas pa 'di lta bu yod de/ bcom ldan 'das kyis de'i tshe de'i dus nang nyid nga las nur gyur to/ /nga nyid legs mthong du gyur to zhes ji skad gsungs pa lta bu'o/ /de'i phyir gtan tshigs ji skad smos pa'i mthus gang zag ni yod pa kho na yin no/ /zhes bya ba ni de ltar gang zag med pas 'khor ba med do zhes bstan pa dang 'dir yang pha rol po dag
- 5a
gang zag yod par sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyor ba'i sbyor ba dang/ mjug bsdu ba yin par go rim bzhin du sgyur te/ 'di na mo gsham gyi bu? la sogs pa lta bu gang dag nye bar len pa gzhan du 'pho bas mi gnas pa de dag ni med pa yin gyi/ gang zag gang 'khor los? so sgyur ba'i rgyal po nga la nu dang legs mthong la sogs pa lta bu dag tu nye bar len pa gzhan du 'pho bas gnas pa de ni yod pa kho na yin no zhes zer ro/ /de skad ces zer ba de'i ltan du/ 'dir slob dpon gyis bshad pa/ nye bar len pa nas nye bar len par 'khor na de srid pa snga phyir gdags pa'i gnas nye bar len pa dang ldan pa ma yin par 'gyur te/ lhas byin khyim nas khyim gzhan du rgyu ba bzhin pas srid pa'i ngo bo nyid dang bral zhing srid pa med par 'gyur ro/ /de'i ngo bo nyid ma yin pa'i phyir de'i nye bar len pa ma yin pas nye bar len pa med par yang 'gyur ro zhes bya ba yang smras so/ /des na sngar tshig le'ur byas pa las/ srid med nye bar len med na/ /de gang ci zhig 'khor bar 'gyur/ zhes smos pa de bye brag tu bshad de/ ji ltar srid pa med pa dang nye bar len pa med par 'gyur zhe na/ gang gi phyir nga las nu'i nye bar len pa nas legs mthong gi nye bar len par 'khor na gang zag de de'i bar skabs na srid pa snga phyir gdags pa'i gnas nye bar len pa dang ldan pa ma yin par 'gyur te/ dper na lhas byin khyim snga ma nas khyim phyi ma gzhan du rgyu ba'i bar skabs na de khyim snga ma btang ba'i gnas dang ldan pa yang ma yin la/ khyim phyi ma ma blangs pa'i gnas dang ldan pa yang ma yin pas khyim snga phyir gdags pa'i gnas nye bar len pa dang ldan pa ma yin pa de bzhin du/ gang zag de yang nye bar len pa snga ma btang ba'i gnas dang ldan pa yang ma yin la nye bar len pa phyi ma ma blangs pa'i gnas dang ldan pa yang ma yin pas srid pa snga phyir gdags pa'i gnas nye bar len pa dang ldan pa ma yin pa'i phyir srid pa'i ngo bo nyid dang bral zhing srid pa med par 'gyur ro/ /srid pa de'i
- 5b
ngo bo nyid ma yin pa'i phyir srid pa de gang zag de'i nye bar len pa ma yin pas nye bar len pa med par yang 'gyur ro/ /de ltar srid pa med pa dang nye bar len pa med pa ni gsal bar byed pa'i phyir de gang zhig yin zhing ci zhig 'khor bar 'gyur te/ nam mkha' i me tog bzhin du med pa'i phyir 'khor bar mi 'gyur ba kho na ste/ des ni nye bar len pa po gang zag dgag pa bstan to/ /gal te pha rol po dag 'di skad ces de ltar snga phyi'i bar skabs na gang zag la srid pa dang nye bar len pa med du zin kyang/ gang zag des ma 'ongs ba'i srid pa phyi ma dag nye bar len par byed pas des na nye bar len pa dang bcas pa yang yin la 'khor ba yang 'grub par 'gyur ro zhes zer ba'i phyogs snga ma kho nas dbyung ba de'i lan du/ 'dir 'grel pa byed pa nyid kyis/ khyed nye bar len pa gang dag nye bar len par 'dod pa de dag kyang des nye bar len par mi byed de/ nye bar len pa yin pa'i phyir/ dper na de las gzhan pa'i nye bar len pa bzhin pas rjes su dpag pa las de ltar/ srid med nye bar len med na/ /de gang ci zhig 'khor bar 'gyur/ zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang/ mjug bsdu ba yin par go rim bzhin du sbyar te/ dper na lhas byin las gzhan pa mchod sbyin gyi nye bar len pa ni kun rdzob tu nye bar len pa'i phyir don dam par lhas byin gyis nye bar len par mi byed pa de bzhin du lhas byin gyi nye bar len pa dag kyang kun rdzob tu nye bar len pa yin pa'i phyir don dam par lhas byin gyis nye bar len par mi byed pas/ de ltar srid pa dang nye bar len pa med na gang zag de gang zhig yin zhing ci zhig 'khor bar 'gyur te/ des ni nye bar blang ba phung po dag dgag par bstan to/ /de ltar re zhig don dam par 'du byed rnams dang sems can dang gang zag 'khor bar mi 'thad do zhes bya ba ni sngar/ gal te 'du byed 'khor zhe na/ /de dag rtag na mi 'khor te/ /mi rtag na yang 'khor mi 'gyur/ /sems can la yang rim 'di mtshungs/ /zhes smos pa'i mjug bsdu ba yin te/ de ltar re zhig 'thad pa ji ltar bstan pa'i tshul gyis brtags
- 6a
na don dam par nyan thos kyis brtags pa'i 'du byed rnams dang/ mu ste gang kyis brtags pa'i sems can dang/ gnas ma bu'i sde bdag gis brtags pa'i gang zag 'khor bar mi 'thad pas rab tu byed pa'i dang por pha rol po dag gis don dam par nang gi dngos po rnams la ngo bo nyid yod pa kho na yin te/ de dag la bcings pa yod pa'i phyir ro zhes smras pa'i gtan tshigs kyi don ma grub pas don dam par nang gi dngos po rnams la ngo bo nyid yod pa ma yin par grub bo/ /da ni sngar pha rol po dag na de don dam par nang gi dngos po rnams la ngo bo nyid yod pa kho na ste/ de dag la thar pa yod pa'i phyir ro zhes zer ba'i gtan tshigs de mi 'grub par bstan pa'i phyir/ da ni mya ngan las 'das pa zhig yod par gyur na yang de dag las gang yang rung ba zhig mya ngan las 'das par 'gyur grang na zhes bya ba smras te/ pha rol po dag yod pa ltar thar pa mya ngan las 'das pa zhig yod par gyur na yang 'du byed rnams dang/ sems can dang gang zag de dag las gang yang rung ba zhig mya ngan las 'das par gyur pa thad? na?/ thams cad kyang mi 'thad bar ston to/ /de la gal te don dam par 'du byed rnams mya ngan las 'da' bar 'dod na/ 'du byed mya ngan 'da' bar ni /ji lta bur yang mi 'thad do/ /zhes bya ba la/ ci'i phyir 'du byed rnams mya ngan las 'da' par mi 'thad ce na/ don dam par ma bskyed pa'i phyir dang zhes bya ba smras so/ /'dir yang gal te 'du byed rnams brtag pa'am mi rtag pa zhig mya ngan las 'da' grang na/ de lar zhig rtag pa na mi 'da' ste/ tha snyad du yang rtag pa dag ma grub pa'i phyir ro/ /mi rtag pa yang mi 'da' bar bstan pa'i phyir/ don dam par mi rtag pa rnams ni mya ngan las 'da' bar mi 'thad de/ mi rtag ba'i phyir/ dper na phyi rol gyis la sogs pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub ba'i chos dang/ dpe yin par go rim bzhin du sbyar te/ dper na phyi rol gyi sa la sogs pa ni mi rtag pa'i phyir mya ngan las 'da' bar mi 'thad pa de bzhin du/ 'du byed mi rtag pa rnams kyang mi rtag pa'i phyir mya
- 6b
ngan las 'da' bar mi 'thad do/ /ci ste sems can mya ngan las 'da' o zhe na yang/ sems can mya ngan 'da' bar yang/ /ji lta bur yang 'thad mi 'gyur/ /rtag pa 'am mi rtag bar yongs su brtags pa'o/ /zhes bya bas ni/ sems can rtag pa dang mi rtag par yongs su brtags pa yang mya ngan las 'da' bar mi 'thad par ston to/ /de la rtag pa yang mya ngan las 'da' bar mi 'thad par bstan pa'i phyir/ de la re zhig rtag pa ni/ mya ngan las mi 'da' ste/ rgyu med pa'i phyir dper na nam mkha' bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na nam mkha' ni rgyu med pa'i phyir/ mya ngan las mi 'da' ba de bzhin du/ sems can rtag pa yang rgyu med pa'i phyir mya ngan las mi 'da' o/ /de nyid kyi 'thad pa gzhan bstan pa'i phyir/ rgyu med pa ni yod pa nyid du ma grags pa'i phyir dper na mo gsham gyi bu bzhin pas rtag pa nyid dang rgyu med pa nyid du rjes su dpog pas thar pa mi 'thob pas de bsal ba'i phyir rtag pa nyid du smra ba'i dam bcas pa la chos can gyi khyad par bsal pa'i skyon yod do zhes bya ba smras so/ /sems can mi rtag pa yang mya ngan las mi 'da' par bstan pa'i phyir/ mi rtag pa yang mya ngan las mi 'da' ste/ don dam par gang mi rtag pa de ni mya ngan las mi 'da' ste/ mi rtag pa'i phyir/ dper ni phyi rol gyi sa la sogs pa bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub ba'i chos dang/ dpe yin par go rim bzhin du sbyar te/ dper na phyi rol gyi sa la sogs pa ni mi rtag pa'i phyir mya ngan las mi 'da' ba de bzhin du/ sems can mi rtag pa yang mi rtag pa'i phyir mya ngan las mi 'da' o/ /de nyid kyi 'thad pa gzhan bstan pa'i phyir/ 'dir yang mi rtag pa/ nyid du rjes su dpog pas thar pa mi 'thob pas de bsal ba'i phyir sems can mi rtag pa nyid du smra ba'i dam bcas pa la chos can gyi khyad par bsal ba'i skyon med do zhes bya ba smras so/ /gnas ma'i bu'i sde pa dag gang zag ni rtag pa dang mi rtag pa nyid du brjod par bya ba ma yin pas ji skad
- 7a
smos ba'i skyon med ba'i phyir mya ngan las 'das pa 'grub bo zhes zer na zhes bya ba nyan thos gnas ma'i bu'i sde pa dag na re gang zag ni phung po dang skye mched dang khams rnams las de nyid dang gzhan nyid du brjod par bya ba nyid ma yin pa de bzhin du rtag pa dang mi rtag pa nyid du brjod par bya ba nyid ma yin ba'i phyir phyogs gnyi gar bstan pa'i skyon de dag kho bo cag la mi gnod de/ gang zag de lta bu de mya ngan las 'da' o zhes zer ba yin no/ /de skad ces zer ba de'i lan du/ 'dir 'grel ba byed pa nyid kyis/ de ni bzang po ma yin te/ gang zag rtag pa dang mi rtag pa nyid du brjod par bya ba ma yin pa zhig rdzas su yod pa nyid du grub tu zin na yang/ don dam bar thar pa mi 'thad de/ brten de gdags pa'i phyir dper na bum pa bzhin pas rjes su dpag pas gnod par 'gyur ro zhes bya ba smras te/ de dag ni chos can dang/ bsgrub bar bya ba chos dang/ sgrub ba'i chos dang/ dpe dang/ mjug bsdu ba yin par go rim bzhin du sbyar te/ dper na bum pa ni brten te gdags pa'i phyir thar pa mi 'thad pa de bzhin du/ gang zag rtag pa dang/ mi rtag pa nyid du brjod par bya ba ma yin pa ni rdzas su yod pa nyid ma yin mod kyi/ re zhig pha rol po dag 'dod ba ltar rdzas su yod pa nyid du grub tu zin na yang de ni brten te gdags pa'i phyir don dam bar thar pa mi 'thad de/ rdzas su yod pa nyid du rjes su dpog pas mya ngan las 'das pa yod par sgrub pa la gnod par 'gyur ro/ /de nyid kyi 'thad pa gzhan bstan pa'i phyir/ gang rdzas yin pa de ni mi rtag te/ dper na gzugs la sogs pa bzhin pas rdzas nyid du rjes su dpag pas ni rtag pa nyid dang/ brjod par bya ba nyid kyis de dag tu brjod par bya ba nyid ma yin pa bsal ba'i phyir rdzas su yod pa nyid du smra ba'i dam bcas pa la chos can gyi khyad par bsal ba'i skyon yod do zhes bya ba smras so/ /gzhan yang phung po'i lhag ma med pa'i mya ngan las 'das pa'i dbyings kyi skad cig ma la gal te gang zag yod na ni rtag pa nyid kyi skyon du 'gyur la/ gal te med na ni chad pa nyid kyi skyon du 'gyur ro zhes bya bas ni/ gnas ma'i bu'i sde ba dag gang zag rtag pa
- 7b
dang mi rtag pa nyid du brjod par bya ba ma yin pa mya ngan las 'da' bar 'dod pa dag gi phyogs la/ gal te phung po'i lhag ma med ba'i mya ngan las 'das ba'i dbyings kyi skad cig ma ma la gang zag yod na ni rtag pa nyid kyi skyon du 'gyur bas rtag pa nyid du brjod bar bya ba ma yin no zhes zer pa'i gzhung nyams par 'gyur la/ gal te med na ni chad pa nyid kyi skyon du 'gyur bas mi rtag pa nyid du brjod par bya ba ma yin no zhes zer ba'i gzhung nyams par 'gyur bas mi rung ste/ de ni sngar yang/ yod ces bya ba rtag par 'dzin/ /med ces bya ba chad par lta/ zhes bstan zin pas mi rung ngo/ /yod pa dang med pa nyid du brjod par bya ba nyid ma yin na ni/ dbu ma ba smra ba dang mthun par smra ba yin no zhes bya ba ni de ltar na sngar dbu ma pas/ de phyir yod dang med pa la/ /mkhas par gnas bar mi bya'o/ /zhes bshad pa'i gzhung dang mthun bas/ de lta na pha rol po dag 'dod pa'i gang zag rtag pa dang mi rtag pa nyid du brjod par bya ba ma yin pa mya ngan las 'da' o zhes zer pa'i gzhung nyams so/ /gal te rnam par shes ba rnam par rtog pa med pa'i spyod yul gyi gzugs la sogs pa dag yod pa dang med pa nyid du tha snyad gdags bar bya ba ma yin yang dngos po yod pa nyid yin pa bzhin te zhes bya ba ni gnas ma'i bu'i sde pa dag 'di skad ces zer/ dper na nye bar gnas pa las byung ba'i rnam par shes pa rnam par rtog pa med pa'i spyod yul gyi gzugs la sogs pa dang/ rnal 'byor ba rab kyi mthar phyin pa'i rnam bar shes pa rnam par rtog ba med ba'i spyod yul gyi chos kyi dbyings dag yod pa dang med pa nyid du tha snyad gdags bar bya ba ma yin yang dngos po yod pa nyid yin pa de bzhin du/ kho bo cag gi gang zag kyang yod pa dang med pa nyid du tha snyad gdags bar bya ba ma yin yang dngos bo yod pa nyid yin pas de thar bar yang 'thad do zhes zer ba'i gzhung yin no/ /de ji ltar shes zhe na/ bdag tu smra ba dag gis rang gi grub pa'i mdza' las 'byung ba'i khungs bstan ba'i phyir/ de ltar yang/ thar la gal te bdag yod rtag /gal te med na mi rtag 'gyur
- 8a
skyes bu brjod par bya min yang/ /mkhas pas shes par bya min min/ zhes smras pa lta bu'o zhe na zhes bya ba smras te/ phung po'i lhag ma med pa'i mya ngan las 'das pa'i dbyings kyi skad cig ma la gal? te gang zag yod na ni rtag pa nyid kyi skyon du 'gyur la/ gal te med na ni chad pa nyid kyi skyon du 'gyur bas kho bo cag gi grub pa'i mdza' las skyes bu gang zag ni ji ltar phung po dang skye mchid dang khams rnams las de nyid dang gzhan nyid du brjod par bya ba ma yin pa de bzhin du rtag pa dang mi rtag pa nyid du yang brjod par bya ba ma yin la/ de ltar brjod par bya ba ma yin yang mkhas pa rnams kyis shes par bya ba ma yin pa ma yin te/ shes bya'i yul nyid du yod pa kho na yin no zhes 'byung bas gang zag rnam pa de lta bu de mya ngan las 'da' bar 'gyur bas thar pa 'thad do zhes zer ro/ /de skad ces zer ba de'i lan du/ 'dir 'grel ba byed pa nyid kyis/ de ni rigs pa ma yin te/ dngos po yod pa nyid yin na de nyid dang gzhan nyid du brjod par bya ba nyid du thal bar 'gyur bas grub pa'i mdza' dang 'gal ba'i phyir ro zhes bya ba smras te/ dper na rnam par shes pa rnam par rtog pa med pa'i spyod yul gyi gzugs la sogs pa dag kyang dngos po yod pa nyid yin na spyi'i mtshan nyid la bltos nas de nyid du brjod par bya ba nyid dang/ rang gi mtshan nyid la bltos nas gzhan nyid du brjod par bya ba nyid du yang thal bar 'gyur la/ chos kyi dbyings kyang ro gcig pa nyid la bltos nas de nyid du brjod par de nyid brjod par bya ba nyid dang/ kun brtags pa'i ngo bo nyid dang/ mtshan nyid mi 'dra ba la bltos nas gzhan nyid du brjod par bya ba nyid du yang thal bar 'gyur bas khyed kyi grub pa'i mdza' dang 'gal ba de bzhin du/ gang zag de yang dngos po yod ba nyid yin na dngos po yod pa nyid du rjes su dpog pas/ de nyid dang gzhan nyid du brjod par bya ba nyid du thal bar 'gyur bas de dag tu brjod par bya ba nyid ma yin pa bsal bas rang gi dam bcas pa la chos can gyi ngo bo nyid bsal ba'i skyon yod pa'i phyir grub pa'i
- 8b
mdza' dang 'gal bas de ni rigs pa ma yin no/ /de nyid kyi rjes dpag pa rnam pa gzhan bstan pa'i phyir/ don dam pr gang zag gi blo 'di ni/ dngos po yod pa'i yul can ma yin te/ blo yin ba'i phyir/ dper na bum pa la sogs pa ni blo bzhin bas/ gang zag dngos po nyid du ma grub pa'i phyir don dam par de mthar pa med do/ /zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na bum pa la sogs pa'i blo ni blo yin pa'i phyir dngos po yod pa'i yul can ma yin pas de dag gi yul bum pa la sogs pa dag dngos po nyid du ma grub pa de bzhin du/ gang zag gi blo 'di yang blo yin pa'i phyir dngos po yod pa'i yul can ma yin pas/ de'i yul gang zag kyang dngos po nyid du ma grub pa'i phyir don dam par de la thar pa med do/ /de ltar na ji skad bstan pa'i rnam pa de dag gis ni gang zag dngos po nyid du ma grub par dgag pa dang/ pha rol po'i grub pa'i mdza' nyes par smras pa yin par bstan te/ 'di ltar bdag tu smras pa dag gang zag gi dpes ni bdag sgrub par byed la/ chos kyi dpes ni dngos po sgrub par byed pa de dag gi gang zag dang/ chos ma skyes pa'i phyir yod pa nyid du ma grub pas dpe med pa'i phyir/ da dag gi dbu ma pa la don dam par bdag dang dngos po yod pa nyid du sgrub par mi nus la/ kun rdzob tu bsgrub na ni don 'gal ba nyid yin pa'i phyir ro/ /gal te gang zag ni rdzas su yod pa yin te/ rnam par shes par bya ba yin pa'i phyir/ dper na gzugs bzhin no zhe na zhes bya ba ni pha rol po dag shes bya yin pa'i gtan tshigs kyis gang zag gi rdzas su yod par sgrub pa'i gzhung yin te/ de dag kyang chos can dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar to/ dper na gzugs ni rnam par shes par bya ba yin pa'i phyir rdzas su yod pa yin pa de bzhin du/ gang zag kyang rnam par shes par bya ba yin pa'i phyir rjes su yod pa yin no zhes zer ro/ /de skad ces zer ba de'i lan du/ 'dir 'grel pa byed pa nyid
- 9a
kyis/ des ni ri bong gi rwa la sogs pa dag gis ma nges pa nyid yin no zhes bya ba smras te/ 'di ni ri bong gi rwa la sogs pa rdzas su med pa dag kyang rnam par shes par bya ba yin par mthong bas des na ci re zhig gang zag rnam par shes par bya ba yin pa'i phyir/ dper na gzugs bzhin du rdzas su yod pa yin nam/ 'on te rnam par shes par bya ba yin pa'i phyir/ dper na ri bong gi rwa la sogs pa bzhin du rdzas su yod pa ma yin par 'gyur ba ma nges pa nyid yin pas gtan tshigs kyi don ma grub pa nyid do/ /ma nges pa nyid 'ba' zhig tu ma zad de don 'gal ba nyid kyang yin par bstan pa'i phyir rnam par shes par bya ba nyid kyang mi rtag pa nyid la sogs pa dag med na mi 'byung ba'i phyir rtag pa de dang mi mthun pa'i chos sgrub pas don 'gal ba nyid kyang yin no zhes bya ba smras te/ bum pa la sogs pa rnam par shes par bya ba nyid kyang mi rtag pa dang/ sdug bsngal ba dang/ stong pa dang/ bdag med pa la sogs pa dag dang 'brel pa yin pa'i phyir/ khyed kyi gtan tshigs rnam par shes par bya ba yin ba'i phyir zhes bya ba des rtag pa la sogs pa de dang mi mthun pa'i chos mi rtag ba la sogs pa sgrub pas khyed gang zag rdzas su yod brtag pa nyid sgrub pa dang don 'gal ba nyid kyang yin pas ma grub bo/ /rang gi sde ba dag las kha cig gis smras pa/ 'du byed rgyu dang rkyen gcig nas gcig tu rgyun chags su 'jug pa 'dod chags la sogs pa dang lhan cig skyes pa rnams thar pa dang bde 'gror 'gro ba la gegs byed pa'i 'dod chags la sogs pas bcings pa'i phyir bcings pa yang 'grub la/ bcings pa rnams dam pa'i chos mnyan pa dang/ tshul bzhin yid la byed pa la sogs pa las byung ba yang dag pa'i ye shes kyi snang ba shar bas mi shes pa'i mun pa bsal ba na 'dod chags la sogs pa'i bcings pa las nges par grol ba'i phyir thar pa yang 'grub bo/ /de dag kyang 'bras bu'i skad cig ma skye ba'i dus na rgyu'i skad cig ma 'jig pa'i phyir rtag pa yang ma yin la/ rgyun rtag pa'i phyir mi
- 9b
rtag pa yang ma yin pas phyogs gnyis kar bstan pa'i skyon med do zhes bya ba ni 'dir nyan thos mdo sde pa dag 'du byed skye zhing 'jig pa'i chos can rtag chad kyi skyon dang bral ba rnams la 'dod chags la sogs pas bcings pa'i 'khor ba dang/ de las thar pa'i mya ngan las 'das pa yod bar rtog pa'i gzhung yin no/ /de skad ces zer ba de'i lan du 'grel pa byed pa nyid kyis 'dir bshad pa/ skye 'jig chos can 'du byed rnams/ /mi 'ching grol bar mi 'gyur te/ /snga ma bzhin du zhes bya ba smras te/ ji ltar sngar 'du byed mi rtag pa rnams la 'khor ba dang mya ngan las 'das pa mi 'thad par bstan pa de bzhin du 'dir nyan thos mdo sde bdag gi gzhung dgag pa'i skabs su yang 'du byed skye ba dang 'jig pa'i chos can mi rtag pa rnams la 'khor ba dang mya ngan las 'das pa mi 'thad pa ston to/ /de'i phyir snga ma bzhin du zhes bya ba ni snga ma dang mtshungs te/ 'du byed mi rtag pa rnams la 'khor ba dang mya ngan las 'das pa mi 'thad par sngar bstan pa bzhin du zhes bya ba'i tha tshig go zhes bya ba smras so/ /de nyid bstan pa'i phyir/ ji ltar der don dam par nang gi 'du byed rnams 'khor bar mi 'thad de/ mi rtag pa'i phyir/ dper na phyi rol gyi bum pa la sogs pa bzhin no zhes bya ba dang/ don dam par mi rtag pa mya ngan las 'das par mi 'thad de/ mi rtag pa'i phyir dper na phyi rol gyi sa la sogs pa bzhin no zhes bstan pa de bzhin du/ 'dir yang 'du byed skye ba dang 'jig pa'i chos can rnams la bcings pa dang thar pa mi 'thad do zhes bya ba smras te/ ji ltar sngar gal te 'du byed 'khor zhe na/ mi rtag na yang 'khor mi 'gyur/ /zhes bya ba'i skabs su dang/ 'du byed mya ngan 'da' bar ni/ /ji lta bur yang mi 'thad do/ /zhes bya ba'i skabs su 'du byed mi rtag pa rnams la bcings pa dang thar pa mi 'thad par bstan pa de bzhin du/ 'dir mdo sde pas 'du byed skye ba dang 'jig pa'i chos can mi rtag par dam bcas pa rnams la yang bcings pa dang thar pa mi 'thad bar snga ma bzhin du sbyar ro/ /de'i phyir sde pa gzhan dag gis yongs su brtags pa'i 'du byed rnams la yang don dam
- 10a
par 'khor ba dang mya ngan las 'das pa rnam pa thams cad du mi 'thad do/ /'du byed skad cig ma re re la 'jig ba 'am dus gzhan du gnas pa 'am rtag pa dang mi rtag pa nyid du brjod par bya ba ma yin par brtags pa rnams ni skye ba dang 'jig ba'i chos can yin ba'i phyir ro/ /zhes bya ba ni snga ma'i mjug bsdu ba dang gtan tshigs kyi don yin no/ /yang na/ skye 'jig chos can 'du byed rnams/ /mi 'ching grol bar mi 'gyur ro/ /zhes bya ba ni 'du byed nges par mig nas ba rnams la bcings pa dang thar pa'i mtshan nyid dus tha dad par myong bar 'gyur ba'i gnas skabs gzhan mi srid ba'i phyir ro zhes bya bar dgongs so zhes bya bas ni tshig le'u byas pa de'i don ni rnam pa gcig tu na 'du byed nges par mi gnas pa skad cig ma gcig la 'jig pa'i ngang can rnams la bcings ba dang thar pa'i mtshan nyid skad cig ma snga phyi la dus tha dad par myong bar 'gyur ba'i gnas skabs gzhan mi srid pa'i phyir 'du byed rnams la bcings pa dang thar ba mi 'thad par bstan to/ /yang na skye 'jig chos can 'du byed rnams/ /mi 'ching grol bar mi 'gyur te/ zhes bya ba ni 'du byed 'dod chags la sogs pa dang lhan cig skyes pa rnams ni zhig pa'i phyir dang/ ma bcings ba rnams la ni thar pa skad cig ma la phyi ma la 'byung bar 'gyur ba mi 'thad pa'i phyir ram 'gal ba'i phyir ro zhes bya bas ni/ yang rnam pa gcig tu na tshig le'ur byas ba de'i don ni 'du byed skad cig ma gang la 'dod chags la sogs pa dang lhan cig skyes pa rnams ni de dag nyid dang lhan cig tu 'gags pa'i phyir bcing du med bas bcings pa mi 'thad la/ ma bcings pa rnams la ni thar pa'i mtshan nyid skad cig ma phyi ma la 'byung bar 'gyur ba de de'i dus na yod bar mi 'thad pa'i phyir/ thar pa mi 'thad pa 'am/ skad cig ma gcig la bcings pa dang thar pa yod ces byar ni 'gal ba'i phyir mi rung ngo zhes bstan te/ smras pa/ mtshan nyid las/ mi slob sems ni skye bzhin pa/ /sgrib pa las ni rnam par grol/ /zhes 'byung ngo
- 10b
zhes bya ba ni chos mngon ba dag na re/ dbu ma pas/ skye 'jig chos can 'du byed rnams/ /mi 'ching grol bar mi 'gyur te/ zhes bya bas 'du byed skye ba dang 'jig ba'i chos can rnams la bcings ba dang thar ba'i mtshan nyid mi 'thad do zhes bshad pa mi rung ste/ 'di ltar chos mngon pa'i mchon nyid las mi slob pa'i sems skye bzhin pa'i chon bar chad med pa'i lam gyis ni nyon mongs pa'i thob pa spong la/ rnam par grol pa'i lam gyis ni mya ngan las 'das pa'i 'thob pa skye ste/ dper na rkun po phyir byung nas sgo gcod pa'i tshul bzhin pas/ des na sems 'gag pa dang ma skyes bdag la bcings pa dang thar ba med kyang skye bzhin bsgrib ba las rnam bar grol pa la thar pa 'grub bo zhes zer ba'i gzhung yin no/ /de skad ces zer ba de'i lan du/ 'dir 'grel pa byed pa nyid kyis/ skye bzhin pa yang nyon mongs pa can nam nyon mongs ba can ma yin ba nyid la skyon de nyid du 'gyur ro zhes bya ba smras te/ gal te sems skye bzhin bde nyon mongs pa can yin na ni nyon mongs pa can de la de dang mi mthun pa'i thar pa mi 'thad la/ nyon mongs pa can ma yin yang ma bcings pa'i phyir de la thar pa mi 'thad do/ /gal te pha rol po dag 'di skad ces sems skye bzhin pa ni nyon mongs pa can dang nyon mongs pa can ma yin pa nyid du brjod par bya ba nyid ma yin pas de'i phyir ji skad smos pa'i skyon med do zhes zer ba'i phyogs snga ma khong nas 'byung ba de'i lan du/ 'dir 'grel ba byed ba nyid kyis brjod par bya ba nyid ma yin pa la yang nyon mongs pa 'gyur bzhin pa nyon mongs pa can dang nyon mongs pa can ma yin pa nyid du brjod par bya ba nyid ma yin pa de bzhin du skye bzhin pa yang brjod par bya ba nyid ma yin pa'i phyir thar pa med do zhes bya ba smras so/ /gal te rgyun la bcings tha dad thar ba yod bas skyon mdo zhen zhes bya ba ni pha rol bo dag rtag pa dang mi rtag pa'i phyogs kyi skyon ji skad bstan pa dag yongs su spang bar 'dod pas skad cig ma'i rgyud tha dad pa'i phyir sems kyi skad cig ma snga ma la bcings pa 'grub la/ skad cig ma phyi ma pa thar pa yang 'grub bas skyon med do zhes zer ba'i gzhung yin no/ de skad ces zer ba de'i lan du/ 'dir 'grel pa byed pa
- 11a
nyid kyis de ni rigs pa ma yin te/ rgyun rjes su med pa'i phyir dang/ rgyun nyon mongs pa can dang/ nyon mongs pa can ma yin pa dang/ brjod par bya ba nyid ma yin pa dag la snga ma bzhin du thar pa mi 'grub pa'i phyir dang bcings pa dang thar pa dag la tha snyed par 'dod na ni dam bcas pa nyams pa'i phyir ro zhes bya ba smras te/ re zhig de dag gis ni rang gi sde pa dag 'du byed skye ba dang 'jig pa'i chos can rnams la bcings pa dang thar pa yod par 'dod pa'i gzhung dgag pa bstan to/ /de ni de dag sems can la bcings pa dang thar pa yod par 'dod pa'i gzhung dgag pa'i phyir/ sems can bcings pa dang thar ba smras pa la yang bshad par bya ste/ snga ma bzhin du sems can yang/ /mi 'ching grol bar mi 'gyur ro zhes bya ba smras te/ snga ma bzhin du zhes bya ba'i sgra 'di sngar ni 'du byed mi rtag pa rnams la bcings pa dang thar pa mi 'thad pa snga ma bzhin du sbyar ro zhes bstan to/ /'dir ni sems can rtag pa dang/ mi rtag pa la bcings pa dang thar pa mi 'thad pa snga ma bzhin du sbyar ro zhes bya bar ston te/ de'i phyir snga ma bzhin du sems can yang mi 'ching ste/ rtag pa dang mi rtag pa'i phyogs la skyon smos pa'i phyir ro/ /grol bar yang mi 'gyur te/ 'du byed rtag pa dang mi rtag pa rnams la thar pa mi 'thad par bstan pa bzhin no zhes bya ba dgongs so zhes bya ba smras so/ /'dir gal te pha rol po dag na de sngar yang/ sems can la yang rim 'di mtshungs/ /zhes bya bas sems can rtag pa dang mi rtag pa la bcings pa mi 'thad par bstan zin na yang bstan ci dgos zhes zer ba'i phyogs snga ma khor? nas dbyung ba de'i lan du/ 'dir 'grel pa byed pa nyid kyis/ sems can bcings pa dgag pa sngar bstan pa dang khyad par med du zin kyang rgol ba tha dad de/ sngar ni sems can bcings pa 'ba' zhig tu dam bcas pa bsal bar 'dod pa'i phyir ro/ /'dir ni sems can bcing bad thar pa gnyi gar dam bcas pa de dag dgag pa 'dra bar dam bcas pa'i phyir ro zhes bya ba
- 11b
smras so/ /gzhan dag gis smras pa/ sems can gyi nye bar len ba ni 'ching ba yin ba'i phyir nye bar len pa'i 'ching ba yin la/ de gtan du nye bar zhi ba ni thar pa yin zhing/ rtag pa dang mi rtag pa nyid du yang brjod par bya ba ma yin pa'i phyir/ 'du byed rnams dang/ sems can rtag pa dang mi rtag pa'i phyogs su bstan pa'i skyon mi 'thad pas ji skad smos pa'i skyon med do zhes bya ba ni 'dir gnas ma'i bu'i sde pa la sogs pa gang zag tu smra ba dag na re/ 'di la bcom ldan 'das kyis sems can gyi nye bar len ba ni 'ching ba yin la/ de gtan du nye bar zhi ba ni thar pa yin par gsungs pas gang zag la bcings pa dang thar pa yang yod la/ de rtag pa dang mi rtag pa nyid du yang brjod par bya ba ma yin pa'i phyir ji skad smos pa'i skyon med do zhes zer ba'i gzhung yin no/ /de skad ces zer ba de'i lan du/ 'grel pa byed pa nyid kyis 'dir bshad pa gal te nye bar len 'ching na/ /nye bar len bcas 'ching mi 'gyur/ /gal te don dam par nye bar len pa 'ching ba yin na nye bar len pa dang bcas pa'i nye bar len pa po lhas byin nye bar len pa gang gis nye bar len pa dang bcas par brjod pa de ni 'ching bar mi 'gyur ro zhes bya ba smras te/ gal te nye bar len pa 'ching ba yin na nye bar len pa dang bcas pa'i gang zag de 'ching bar mi 'gyur te/ bcings zin pa'i phyir ro/ /yang na/ gal te nye bar len 'ching na/ /nye bar len bcas grol mi 'gyur/ zhes bya bar yang sbyar te/ de dang ldan pa de grol bar mi 'dod de dgag pa mi mthun pa'i phyir ro zhes bya bas ni yang na tshig le'ur byas pa des/ gal te nye bar len pa 'ching ba yin na nye bar len pa dang bcas pa'i gang zag de 'ching bar mi 'gyur te/ bcings zin pa'i phyir ro zhes bya bar gzung ba'i tshig gi skabs nyid kyis/ 'dir gal te nye bar len pa 'ching ba yin na nye bar len pa dang bcas pa'i gang zag de grol bar mi 'gyur te/ dgag par mi mthun pa'i phyir ro zhes bya bar yang sbyar ro zhes
- 12a
bstan to/ /yang na don dam par lhas byin gyis nye bar len pa de nye bar mi len te/ nye bar len pa yin pa'i phyir/ dper na mtshong? sbyin gyi nye bar len pa bzhin no zhes bya bas ni nye bar len pa bcings pa ma yin par bsgrub ba'i rjes su dpag pa ston te/ de dag ni chos can dang bsgrub par bya pa chos dang/ sgrub pa'i chos dang/ dpe yin par go rim bzhin du sbyar te/ dper na mchod sbyin gyi nye bar len pa ni kun rdzob tu nye bar len pa yin pa'i phyir/ don dam par lhas byin gyis 'ching pa ma yin pa de bzhin du lhas byin gyi nye bar len pa yang kun rdzob tu nye bar len pa yin pa'i phyir don dam par lhas byin gyi 'ching ba ma yin no/ /de ci ste dam bcas pa de'i don gang yin/ gal te nye bar byed pa'i nye bar len pa gang yin pa de'i 'ching pa ma yin no zhe na ni dpe med de/ mchod sbyin gyi nye bar len pa 'ching ba yin pa'i phyir ro/ /ji ste 'ching ba gzhan zhig yod do zhe na ni phyogs snga ma la gnod do zhen zhes bya ba ni pha rol po dag dbum pa'i dam bcas pa snga ma de'i don la dpe med pa dang rang gis khas blangs pa la gnod pa'i skyon yod do zhes zer ba'i tshig yin no/ /de skad ces zer ba de'i lan du/ 'dir 'grol pa byed pa nyid kyis de yang rigs pa ma yin te/ mchod sbyin gyi nye bar len pa lhas byin gyi 'ching ba nyid du ma grub pa nyid dpe nyid du 'dod pa'i phyir dpe med pa yang ma yin la/ de las gzhan pa'i 'ching ba khas ma blangs pa'i phyir phyogs snga ma la gnod pa yang med do zhes bya ba smras te/ de dag gi go rim bzhin du dpe med pa ma yin pa dang phyogs snga ma la gnod pa med par lan btab bo/ /de nyid kyi rjes su dpag pa bstan pa'i phyir don dam par lhas byin gyi rang gi nye bar len pa 'di ni nye bar len pa ma yin te/ brjod pa khyad par can ston pa la bltos pa dangb cas pa nyid yin pa'i phyir dper na mchod sbyin gyis nye bar len pa bzhin no zhes bya ba smras te/ de dag kyang chos can
- 12b
dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mchod sbyin gyi nye bar len pa ni brjod pa khyad par bsten pa la bltos pa dang bcas pa nyid yin pa'i phyir lhas byin gyi nye bar len pa ma yin pa de bzhin du lhas byin gyi rang gi nye bar len pa 'di yang brjod pa khyad par can bsten pa la bltos pa dang bcas pa nyid yin pa'i phyir lhas byin gyi nye bar len pa ma yin pas/ dbu ma pa'i dpe med pa yang yin la/ phyogs snga ma la gnod pa yang med de/ re zhig des ni nye bar len pa dang bcas pa bcings pa dang thar pa mi 'thad par bstan to/ /da ni nye bar len pa med pa la bcings pa dang thar pa mi 'thad par bstan pa'i phyir/ 'di ltar nye bar len pa med pa yang yod pa nyid du ma grub pas/ nye bar len med mi 'ching ste/ /nye bar len pa med pa yang 'ched par mi 'gyur ro zhes bya ba smras te/ nye bar len pa med na gzhi med pa'i gang zag yod par mi 'grub pas de la bcings pa dang thar pa yang mi 'thad do/ /nye bar len pa dang bcas pa dang nye bar len pa med pa'i mtshan nyid kyi gnas skabs ma gtogs par gnas skabs gzhan med pas de'i phyir/ gnas skabs gang zhig 'ching bar 'gyur zhes bya ba smras te/ 'ching ba med pa nyid do zhes bya ba'i tshig gi don to zhes bya ba smras te/ 'ching ba med do zhes bya ba ni mjug bsdu pa yin te/ gnas skabs gsum pa gzhan med pas de la yang bcings pa dang thar pa mi 'thad do zhes bya ba'i tha tshig go /gzhan gyis smras pa/ sems can bcings pa ni yod pa kho na yin te/ de ni 'ching ba yod pa'i phyir/ dper na lcags sgrog la sogs pa 'ching ba yod na des bcing bar bya ba yang yod pa bzhin pas/ 'ching ba nye bar len pa 'di yod pas/ de'i phyir sems can bcings pa yod pa kho na yin no zhes bya ba ni 'dir pha rol po dge 'ching ba yod pa'i gtan tshigs kyis bcings pa yod pa
- 13a
sgrub pa'i rjes su dpag pa yin te/ /de dag ni chos can dang/ /bsgrub par bya ba chos dang/ sgrub pa'i chos dang/ dpe dang nye bar sbyar ba'i sbyor ba dang/ mjug bsdu ba yin par go rim bzhin du sbyar te/ dper na lcags sgrog la sogs pa 'ching ba yod pa des bcing bar bya ba rta la sogs pa yang yod pa kho na yin pa de bzhin du 'dod chags la sogs pa nye bar len pa 'ching ba yod na des bcing bar bya ba sems can yang yod pa kho na yin no zhes zer ro/ /de skad ces zer ba de'i lan du/ 'grel pa byed pa nyid kyis 'dir bshad pa/ khyod 'dod pa ltar/ gal te bcings pa'i snga rol na/ /'ching ba yod na 'ching la dag /de yang med de bcings pa'i snga rol na/ 'ching ba de yang med de zhes bya ba smras te/ gal te khyod 'dod pa ltar sems can bcings pa'i snga rol na 'dod chags la sogs pa 'ching ba yod na ni des da 'ching bar yang 'dod la rag na/ bcings ba'i snga rol na 'ching ba de yang med de 'ching bar mi byed de/ de ni sngar /gal te chags pa'i snga rol na/ /chags med 'dod chags yod na ni/ /de la brten nas chags pa yod// 'dod chags yod na chags yod 'gyur/ /zhes bstan pa'i tshul gyis dgag par bya'o/ /'dis ni nye bar len pa'i chos dus tha dad pa ma yin pa nyid bstan to zhes bya ba ni/ tshig le'ur byas ba'i skabs 'dis ni 'ching ba nye bar len pa med par sgrub pa'i chos gtan tshigs ni bcings pa dang 'ching ba gnyis dus tha dad pa ma yin pa nyid yin pa bstan to/ /de'i phyir rjes su dpag pa ni don dam par lhas byin gyis nye bar len pa ni lhas byin gyi 'ching ba ma yin te/ dus mnyam pa'i phyir dper na lhas byin gyi rang gi bdag nyid bzhin no zhes bya ba dag ni chos can dang/ bsgrub par bya ba'i chos dang/ sgrub pa'i chos dang dpe yin par go rim bzhin du sbyar te/ dper na lhas byin gyi rang gi bdag nyid ni rang gi bdag nyid dang dus mnyam pa'i phyir de de'i 'ching ba ma yin pa de bzhin du/ /lhas byin gyi nye
- 13b
bar len pa yang lhas byin dang dus mnyam pa'i phyir de de'i 'ching ba ma yin no/ /yang na/ gal te bcings pa'i snga rol na/ /'ching ba yod na 'ching la rag /de yang med de bcings pa'i snga rol na 'ching ba de yang med de/ 'dis ni nye bar len pa'i chos snga na med pa nyid bstan te zhes bya ba ni yang rnam pa gcig tu na tshig le'ur byas pa'i skabs 'dis ni 'ching ba nye bar len pa med par bsgrub pa'i chos gtan tshigs ni bcings pa'i snga rol na 'ching ba med pa nyid yin par bstan to/ /de'i rjes su dpag pa ni don dam par lhas byin gyi nye bar len pa ni lhas byin gyi 'ching ba ma yin te/ snga na med pa'i phyir dper na mchod sbyin gyi nye bar len pa bzhin no zhes bya ba dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mchod sbyin gyi nye bar len pa ni lhas byin gyi snga na med pa'i phyir de de'i 'ching ba ma yin pa de bzhin du/ lhas byin gyi nye bar len pa yang lhas byin gyi snga na med pa'i phyir de de'i 'ching ba ma yin no/ /da ni bcings pa dang ma bcings pa dang/ 'ching bzhin pa dag la 'ching ba dang 'ching ba'i rtsom pa mi 'thad pa lhag ma dag song ba dang ma song ba dang/ bgom pa dag la 'gro ba dang 'gro ba'i rtsom pa mi 'thad par ji skad bstan pa bzhin 'dra bar sbyar ba'i phyir/ lhag ma ni/ song dang ma song bsgom pas bstan/ /ci zhig bstan ce na/ bcings pa mi 'thad par bsgrub pa lhag ma dag ste/ ji ltar der song ba dang ma song ba dang/ bgom pa dag la 'gro ba mi 'thad par bstan pa de bzhin du/ 'dir yang bcings pa yang mi 'ching ste bcings zin pa'i phyir/ dper na bcings pa la yang 'ching ba don med pa 'am/ bcings zin par the tsom med pa bzhin no/ /ma bcings pa yang mi 'ching ste/ bcings pa bsal ba'i phyir/ dper na thar pa bzhin no/ /bcings bzhin pa dang/ brjod par bya ba ma yin pa yang mi 'ching ste/ skyon gnyi gar 'gyur ba'i phyir dang/ brjod par bya ba ma yin pa'i phyir/
- 14a
dper na thad bzhin pa la 'ching ba mi 'thad pa bzhin no/ /ji ltar der song ba dang ma song ba dang/ /bgom pa ngag la 'gro ba'i rtsom pa med par bstan pa de bzhin du 'dir yang bcings pa dang ma bcings pa dang/ /'ching bzhin pa dag la 'ching ba'i rtsom pa med de/ bcings pa ni 'ching ba'i rgyu rtsom pa med de/ /bcings zin pa'i phyir/ dper na bcings nas yun ring du lon pa bzhin no/ /ma bcings pa la yang 'ching ba'i rtsom pa med de/ /ma bcings pa'i phyir/ dper na thar ba bzhin no/ /'ching bzhin pa dang/ brjod par bya ba ma yin pa la yang 'ching ba'i rtsom pa med de/ skyon gnyi gar 'gyur ba'i phyir dang brjod par bya ba ma yin pa'i phyir/ /dper na thar bzhin pa la yang 'ching ba'i rtsom pa med pa bzhin no zhes bya ba smras te/ de dag kyang chos can dang/ bsgrub par bya ba chos dang/ /sgrub pa'i chos dang/ dpe yin par ci rigs par go rim bzhin du sbyar te/ de dag la 'ching ba dang 'ching ba'i rtsom pa dang thar pa dang thar ba'i rtsom pa med par brjod par bya'o/ /'dir smras pa/ bcings pa ni yod pa kho na yin te/ de'i gnyen po yod pa'i phyir ro/ /shes pa'i gnyen po mi shes pa bzhin du/ bcings pa'i gnyen por thar ba de yod pas de'i phyir bcings pa ni yod pa kho na yin no zhes bya ba ni pha rol po dag bcings pa'i gnyen po thar pa yod pa'i gtan tshigs kyis bcings pa yod par sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na shes pa'i gnyen po mi shes pa yod pa'i phyir shes pa yang yod pa kho na yin pa de bzhin du/ /bcings pa'i gnyen po thar ba yod pa'i phyir/ bcings pa yang
- 14b
yod pa kho na yin no zhes zer ro/ /de skad ces zer ba de'i lan du 'grel pa byed pa nyid kyis/ 'dir bshad pa/ don dam par thar pa yang yod par gyur na bcings pa 'am/ /ma bcings pa 'am 'grol bzhin pa zhig thar par 'gyur grang na zhes bya ba smras te brtag pa rnam pa gsum gyis thar pa mi 'thad pas bcings pa yang med par ston to/ /de la brtag pa dang po bstan pa'i phyir de la re zhig bcings pa mi 'grol te/ 'di ltar bcings pa zhes bya ba ni 'ching ba'i gnyen po ma skyes pa ste/ /de yang 'ching ba'i gnyen po ma skyes pa'i phyir mi 'grol te/ /dper na nyon mongs pa'i 'ching ba mdza' dag dang ldan pa bzhin no zhes bya ba smras so/ /brtag pa gnyis bstan pa'i phyir ma bcings pa yang grol mi 'gyur/ /bcings pa dang bral ba'i grol ba nyid la ni tha snyad du yang med pa'i phyir zhes bya ba smras so/ /brtag pa gsum pa bstan pa'i phyir ji ste mtshan nyid las/ /mi slob sems ni skye bzhin pa/ /sgrib pa las ni rnam par grol/ /zhes 'byung bas 'grol bzhin pa thar par 'gyur ro snyam na zhes bya ba smras te/ de ni pha rol po dag na re mi slob pa'i sems skye bzhin pa na bar chad med pa'i lam dang rnam par grol ba'i lam dus cig tu skye'o zhes mngon pa'i mtshan nyid las 'byung bas 'grol bzhin pa thar par 'gyur ro zhes zer ba'i phyogs snga ma yin no/ /de mi 'thad par bstan pa'i phyir/ /'grel bzhin pa zhes bya ba de gang yin zhes brjod par bya ba'o/ /gal te bcings pa yin no zhe na/ /bcings pa 'grel bzhin yin gyur na /bcings dang grol ba dus gcig 'gyur/ /'ching ba gang gis bcings pa zhes bya ba dang thar pa gang gis grol ba zhes bya ba de gnyis dus gcig tu 'gyur ba de ni mi 'dod do/ /de'i phyir de ni bcings pa nyid dam thar pa nyid gcig yin par gdon mi za bar bsgrub par bya dgos so/ /de lta yin na rjes su dpag pa ji skad bstan pa dag gis gnod par 'gyur ba'i
- 15a
phyir lan cung zad kyang ma thebs so zhes bya ba smras te/ bcings pa dang ma bcings pa'i phyogs su sngar bstan pa'i rjes su dpag pa dag gis gnod par 'gyur ba'i phyir/ skye bzhin pa yang skyes pa dang ma skyes pa 'am/ bcings ba dang ma bcings pa nyid yin pas ji skad smos pa'i skyon med pa ma yin no zhes bya bas ni sngar? pha rol po dag na re mi slob sems ni skye bzhin pa/ /sgrib pa las ni rnam par 'grol/ /zhes zer ba'i gzhung mi 'thad par ston to/ /gal te skye bzhin pa ni skye ba la mngon bar phyogs pa yin no zhe na yang/ rta bcing pa lta bu yin pa'i phyir dang brgal zhing brtag pa mtshungs pa'i phyir ji skad smros pa'i skyon ldog pa med do zhes bya ba ni dper na rta bcings pa 'di su'i yin zhes dris pa na/ rta 'di su'i yin ba'i 'o zhes zer ba dang/ rta 'di su'i yin zhes dris pa na rta bcing ba 'di su'i yin pa'i 'o zhes zer ba des gang yang rung ba dmigs kyis ma bsal bas don brda' mi 'phrad pa de bzhin du/ 'dir yang skye bzhin pa gang yin zhes dris pa na skye ba la mngon par phyogs pa'o zhes zer ba dang skye ba la mngon par phyogs pa gang yin zhes dris pa na skye bzhin pa'o zhes zer bas kyang gang yang rung pa dmigs kyis ma bsal bas don brda mi 'phrad pa'i phyir dang/ gzhan yang skye ba la mngon par phyogs pa zhes bya ba de yang skyes pa 'am ma skyes pa 'am bcings pa 'am ma bcings pa zhig yin grang zhes brgal zhing brtag pa snga ma dang mtshungs pa'i phyir pha rol po'i gtan tshigs ma grub pa'i skyon snga ma nyid ldog pa med do/ /gal te sems kyi skad cig ma snga ma la bltos nas mi slob pa'i sems rnam par 'grol bar rtog na zhes bya ba ni gal te pha rol po dag na re rgyud tha mi dad pa'i phyir sems kyi skad cig ma snga ma nyon mongs pa can du 'gyur ba la bltos nas mi slob pa'i sems kyi skad cig ma phyi ma rnam par 'grol bas na thar pa 'thad
- 15b
de zhes zer ba'i gzhung yin no/ /de'i lan du de yang rigs pa ma yin te/ bcings pa dang thar pa dag tha snyad pa nyid du grub pas 'dod pa'i don nyams pa'i phyir ro zhes bya ba smras te/ kun rdzob tu bltos te gdags pa ni tha snyad pa nyid du grub pas khyod don dam par thar ba yod par 'dod pa'i don nyams pa'i phyir de ni rigs pa ma yin no/ /de'i phyir de ltar don dam par thar pa mi 'thad pa'i phyir gnyen po yod pa'i phyir ro zhes bya ba'i gtan tshigs kyi don ma grub pa nyid dang thar pa bzhin du shes pa'i gnyen po mi shes pa ma grub pas dpe med pa'i phyir sgrub pa dpe ma tshang ba'i skyon yang yod do zhes bya ba ni mjug bsdu ba yin no/ /'dir smras pa/ don dam par thar pa ni yod pa kho na yin te/ de 'dod pa rnams la smon pa yod pa'i phyir ro/ /'di na gang don dam par med pa de la ni de 'dod pa rnams la smon pa med do/ /dper na mchu sprul gyi mgo'i nor bu bzhin no/ /thar pa 'dod pa rnams la ni bdag bud shing zad pa'i me bzhin du nye bar len pa med par mya ngan las 'das par gyur na ci ma rung/ mya ngan las 'das pa bdag gir gyur na di ma rung snyam du smon pa yod pa de'i phyir don dam par thar pa ni yod pa kho na yin no zhes bya ba ni pha rol po dag bdag dang bdag gir 'dzin pa'i smon pa yod pa'i gtan tshigs kyis thar pa yod par sgrub ba'i tshig yin te/ de dag ni chos can dang/ bsgrub par bya ba chos dang/ sgrub ba'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang mjug bsdu ba yin par go rim bzhin du sbyar te/ 'di na mchu sprul gyi mgo'i nor bu lta bu med pa gang yin pa de la ni de 'dod pa rnams la bdag dang bdag gir 'dzin pa'i smon pa med pas de yod pa ma yin gyi/ thar ba yod pa rnams la ni de 'dod pa rnams la bdag mya ngan las 'das par gyur cig /mya ngan las 'das pa bdag gir gyur cig snyam du bdag dang bdag gir 'dzin pa'i smon pa yod pa de'i phyir don dam par thar pa ni yod pa kho na yin no zhes zer ro/ /de skad ces zer
- 16a
ba de'i lan du/ 'grel pa byed pa nyid kyis 'dir bshad/ bdag ni len med mya ngan 'da' / /myang 'das bdag gir gyur cig ces/ /gang dag 'dzin pa de dag gi /nyer len legs par zin ma yin/ /thar pa 'dod pa gang dag bdag dang bdag gir dmigs pa legs par zin pa ma yin pa la 'jug pa de dag gis nye bar len pa ni legs par zin pa ma yin te/ bdag dang bdag gir 'dzin pa'i tshul gyis mchog tu bzung zhing gnas pa 'di thar pa'i bgegs yin pa'i phyir ro zhes bya bar dgongs so zhes? bya ba smras te/ de ltar bdag dang bdag gir 'dzin pa'i tshul gyis smon pa de ni nye bar len pa yin pas legs par zin pa ma yin pa'i phyir de dag la thar pa med do zhes bya bar dgongs so/ /yang na nye bar len pa med pa'i ngo bo nyid la nye bar len pa snyam du 'dzin pa ni yul de la log pa'i shes pa skye ba'i phyir nye bar len pa ni legs par zin pa ma yin no zhes bya bas ni/ mya ngan las 'das pa ni nye bar len pa med pa'i ngo bo nyid yin pa la/ de 'dod pa'i gang zag nye bar len pa po dag bdag dang bdag gir 'dzin pa ni mya ngan las 'das pa'i yul de la log pa'i shes pa skye ba'i phyir de dag gi nye bar len pa de ni legs par zin pa ma yin no zhes bstan to/ /yang na nye bar len pa nye bar zhi ba nyid thar pa yin pas de gang gi yang ma yin pa la gang nye bar len pa med par gyur na ci ma rung snyam pa de'i nye bar len pa 'di legs par zin pa ma yin pas de'i phyir de 'dod pa rnams la smon pa yod pa'i phyir ro zhes bya ba'i gtan tshigs de'i don ma grub pa nyid dam/ don 'gal ba nyid yin no zhes bya bas ni bdag dang bdag gir 'dzin pa'i nye bar len pa nye bar zhi ba nyid thar pa yin pas de ni bdag gang gi yang bdag gir bzung ba ma yin pa la gang bdag drang bdag gir 'dzin pa de'i nye bar len pa de ni legs par zin pa ma yin te/ 'phags pa ting nge 'dzin rgyal po'i mdo las/ 'jig rten dag na bdag ni 'tshang rgya zhes/ /gang dag de lta bu yi blor gyur pa/ de ni srid pa'i sred las nam du yang/ /byang chub thob bar
- 16b
mi 'gyur mkhas rtogs bya/ zhes ji skad gsungs pa lta bu ste/ de'i phyir pha rol po dag gi gtan tshigs de 'dod pa rnams la smon pa yod pa'i phyir ro zhes bya ba de'i don dam par ni ma grub pa yin la kun rdzob tu ni 'gal ba nyid do zhes bstan to/ /da ni mjug bsdu ba bstan pa'i phyir/ de'i phyir de ltar brtags na don dam par 'du byed rnams dang sems can dang gang zag la bcings pa dang thar pa mi 'thad par bsgrub pa bstan pa'i dbang gis mjug bsdu bar bya ste/ gang la mya ngan 'das bskyed med/ /'khor ba bsal ba'ang yod min pa/ /de las 'khor ba ci zhig yin/ /mya ngan 'das pa'ang ci zhig brtag /'di la don dam par 'khor ba dang mya ngan las 'das pa'i chos nyid nam mkha' bzhin du mtshan nyid gcig pa nyid kyis khyad par med pa dag ni rnam par mi rtog pa'i ye shes kyi spyod yul yin pa'i phyir dang/ bskyed pa med pa dang/ dbri ba med pa'i chos nyid yin pa'i phyir mya ngan las 'das pa phan 'dogs par byed pa nyid yin yang rdzas nyid dang rtag pa nyid la sogs pa'i rnam pas mya ngan las 'das pa sgro gdags su yang mad la 'khor ba gnod pa byed pa yin yang bsal bar byar med pas de'i phyir 'khor ba dang mya ngan las 'das par rnam par rtog pa ni rigs pa ma yin no zhes bya ba'i tha tshig ste/ sgro 'dogs pa dang skur pa 'debs pa ni shes pa rnam par rtog pa'i dbang gis dmigs par bya ba'i yul gyi dngos po yin pa'i phyir dang/ dmigs par bya ba'i yul gyi dngos po ni bskyed pa dang dbri ba'i chos can yin pa'i phyir ro zhes bya bar dgongs so zhes bya ba smras te/ don dam par 'khor ba dang mya ngan las 'das pa'i chos nyid nam mkha' bzhin du ro gcig pas dbyer med pa'i phyir 'khor ba dang mya ngan las 'das pa zhes brtag tu med de/ ji skad du/ 'di la bsal ba ci yang med/ /bsnan par bya ba chung zad med/ /yang dag nyid du yang dag blta/ /yang dag mthong nas rnam par 'grol/ zhes gsungs pa lta bu'o zhes bstan to/ /yang na kun rdzob kyi phyogs la 'dul ba'i skye bo rnams mya ngan las 'das pa la nye bar 'dun par bya ba'i phyir mya ngan las 'das pa nyon mongs pa nye bar zhi ba'i mtshan
- 17a
nyid zhi ba yod do zhes ma 'ongs pa'i 'du byed skye ba med pa tsam la rtog pas sgro 'dogs par byed cing/ 'khor ba la skyo ba bskyed pa'i phyir 'khor ba sdug bsngal mang po dang ldan pa rmi lam dang mig 'phrul dang chu zla dang/ smig rgyu lta bu'i ngo bo nyid thog ma med pa nas rkyen brgyud pas bskyed pa'i bdag nyid kyi dngos po 'du byed kyi sgrang brjod pa rnams spang bar bya'o zhes gsal ba bstan par zad kyi/ don dam par ni 'du byed ma grub pa'i phyir gang gi skye ba med pa mya ngan las 'das pa yin no zhes bya ba de nyid med pas mya ngan las 'das pa bskyed du yang med la/ 'du byed ngo bo nyid kyis ma skyes pa rnams mya ngan las 'das pa bzhin du zhi ba nyid yin pa la bsal ba mi 'thad pas 'khor ba bsal ba yang yod pa ma yin no/ /de ltar don dam par chos thams cad skye ba med pa'i mtshan nyid gnyis su med pa rab tu dben pa ro gcig pa/ gang la mya ngan 'das bskyed med/ /'khor ba bsal ba'ang yod min pa/ /de la 'khor ba ci zhig yin/ /mya ngan 'das pa'ang ci zhig brtag /de rtogs par bya ba la tha dad pa med pas blo la tha dad med pa'i phyir yul de la tha dad bar rtog pa mi 'thad pa'i phyir ro zhes bya bar dgongs so zhes bya ba ni rkun rdzob kyi tha snyad du 'khor ba dang mya ngan las 'das pa'i nyes dmigs dang phan yon sgyu ma tsam du bstan par zad kyi/ don dam par ngo bo nyid med pa tha dad pa med pa'i phyir bskyed pa dang 'bri bar brtag pa mi 'thad do zhes bstan to/ /de'i phyir pha rol pos rab tu byed pa'i dang por don dam par nang gi dngos po rnams la ngo bo nyid yod pa kho na yin te/ de dag la bcings pa dang thar pa yod pa'i phyir ro zhes gang smras pa de'i gtan tshigs kyi don ma grub pa nyid do zhes bya ba ni pha rol po'i sgrub pa sun 'byung ba'i mjug bsdu ba yin no/ /de la 'dir rab tu byed pa'i don ni pha rol pos sgrub pa smras pa'i skyon brjod pas 'khor ba dang mya ngan las 'das pa ngo bo nyid med pa nyid du bstan pa yin no/ /zhes bya ba ni mjug bsdu pa dang tshad ma'i
- 17b
'bras bu yin te/ bcings pa dang thar pa brtag pa'i rab tu byed ba bcu drug pa'i skabs 'dir rab tu byed pa'i don tshad ma'i 'bras bur blta ba ni pha rol pos sngar rab tu byed pa 'di'i dang por dngos po rnams ngo bo nyid yod par sgrub pa'i phyogs snga ma don dam par nang gi dngos po rnams la ngo bo nyid yod pa kho na yin te/ de dag la bcings pa dang thar pa yod pa'i phyir ro zhes bya ba la sogs pa'i sgrub ba smras pa'i skyon brjod pas 'khor ba dang mya ngan las 'das pa ngo bo nyid med pa nyid du bstan pa yin no/ /'khor ba dang mya ngan las 'das pa ngo bo nyid med pa nyid du bstan pa la yon tan ci yod pa dang/ de bstan pa 'di la gzhan dag na re rtog ge skam po'i bstan bcos tsam nyi tshes bsgrubs so zhes zer ba bsal ba'i phyir yid ches ba'i lung gi khungs kyang bsgrub par bya ste/ de'i phyir theg pa chen po'i mdo sde mdza' dag las/ rigs kyi bu de lta bas na bcom ldan 'das ni 'khor ba spong bar yang mi mdzad la/ mya ngan las 'das pa thob par yang mi mdzad mod kyi/ 'on kyang 'khor ba las yang dag par 'da' ba gsungs te/ 'di la dga' yang 'khor ba las yang dag par 'da' pa yang med la/ mya ngan las 'das pa rjes su 'thob pa yang med do/ /de ci'i phyir zhe na/ 'di ltar mnyam pa nyid la 'khor ba yang med/ mya ngan las 'das pa yang med/ kun nas nyon mongs pa yang med/ rnam par byang ba yang med pa'i phyir zhes bya ba la sogs pa gsungs pa dang/ de bzhin du bcom ldan 'das ma shes rab kyi pha rol tu phyin pa rab kyi rtsal gyis rnam par gnon pas zhus pa'i mdo las/ rab kyi rtsal gyis rnam par gnon pa gzugs la 'khor pa 'am 'khor ba'i chos can med do/ /de bzhin du tshor ba dang/ 'du shes dang/ 'du byed rnams dang/ rnam par shes pa la 'khor ba'am 'khor ba'i chos can med do/ /gzugs dang/ tshor ba dang/ 'du shes dang/ 'du byed rnams dang/ rnam par shes pa la 'khor ba'am 'khor ba'i chos can med pa gang yin pa de ni shes
- 18a
rab kyi pha rol tu phyin pa zhes bya ba la sogs pa gsungs pa dang/ de bzhin du 'phags pa tshangs pas zhus pa'i mdo las/ tshangs pa ngas 'khor ba yang ma dmigs so/ /mya ngan las 'das pa yang ma dmigs so/ /de ci'i phyir zhe na/ de bzhin gshegs pas 'khor ba 'dogs par mdzod kyang der 'ga' yang 'khor bar mi 'gyur la/ de bzhin gshegs pas mya ngan las 'das pa 'dogs par mdzad kyang der 'ga' yang mya ngan las 'da' bar mi 'gyur ba'i phyir ro zhes bya ba la sogs pa gsungs pas de dag 'grub pa yin no zhes bya ba smras te/ de ltar yid ches pa'i lung de dag grub pa ni 'khor ba dang mya ngan las 'das pa ngo bo nyid med pa nyid du bstan pa'i yon tan dang khungs yin no/ /de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel ba byed pa'i shes rgya yin no/ /slob dpon legs ldan byed kyis nye bar sbyar ba dbu ma rtsa ba'i 'grel pa shes rab sgron me las/ bcings pa dang thar pa brtag pa zhes bya ba ste rab tu byed pa bcu drug pa'i rgyu cher 'grel pa slob dpon spyan ras gzigs brtul zhugs kyis nye bar sbyar ba// //bam po lnga bcu drug pa/ /da ni de bzhin du stong pa nyid kyi mi mthun pa'i phyogs kyi khyad par dgag pas las dang 'bras bu ngo bo nyid med pa nyid du bsan pa'i don gyi dbang gis rab tu byed pa bcu bdun pa brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang/ gzhung 'og nas 'byung ba dang sbyar ba'i don du ? ste tshig gi don ni snga ma bzhin no/ /de la dam bcas pa la 'jug pa'i rgyu'i don kyi dbang du byas nas/ de bzhin du stong pa nyid kyi mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dang po rtsom pa'i skabs su dngos po thams cad skye ba med par dam bcas ba mdzad 'dir
- 18b
yang bstan bcos mdzad pas ji ltar dam bcas pa de la 'jug pa'i rgyu'i don gyi dbang du byas nas/ de skad smras te/ de bzhin du zhes bya ba ni rab tu byed pa snga ma'i skabs su bstan pa'i lugs bzhin du'o/ /stong pa nyid ni rang gi phyogs yin no/ /de'i mi mthun pa'i phyogs ni phyir rgol bar byed pa'i phyogs yin te/ 'di lta ste/ dngos po rnams ngo bo nyid yod pa nyid du smra pa yin no/ /de'i khyad par zhes bya ba ni pha rol pos dngos po rnams ngo bo nyid yod pa nyid du sgrub pa'i phyogs snga ma nye bar bzhag pa 'og nas rab tu byed pa 'das ma thog par 'du byed rnams dang sems can dang gang zag 'khor bar mi 'thad do zhes bstan pa'i phyir /'dir pha rol po dag gis bstan bcos mdzad par dam bcas pa'i don sgro btags nas smras pa zhes bya ba la sogs pa tshig le'ur byas pa lnga 'grel pa dang bcas pas don dam par nang gi 'du byed rnams la 'khor ba yod pa kho na yin te/ las dang 'bras bur 'brel pa'i phyir ro zhes bya ba la sogs pa gtan tshigs bstan pa dag yin no/ /de dgag pas zhes bya bas ni de dgag pa'i dbang du byas nas rab tu byed pa bcu bdun pa brtsam mo zhes bya par sbyar ro/ /gzhung 'og nas 'byung ba dang sbyar ba'i don gyi dbang du byas nas las dang 'bras bu ngo bo nyid med pa nyid du bstan pa'i don gyi dbang gis rab tu byed pa bcu bdun pa brtsam mo zhes bya ba smras te/ las dang 'bras bu brtag pa'i rab tu byed pa bcu bdun pa'i gzhung 'og nas 'byung ba 'di'i don ni las dang 'bras bu ngo bo nyid med pa nyid du bstan pa yin pas de'i dbang du byas nas 'di skad smras so/ /rab tu byed pa 'di'i 'bras bu ni gang yin/ rnam pa gang gis na 'bras bu de 'thob ce na/ las dang 'bras bu ngo bo nyid med pa nyid du bstan pa ni de'i 'bras bu yin la/ stong pa nyid kyi mi mthun pa'i phyogs kyi khyad par dgag pa'i rnam pas ni 'bras bu de 'thob pas de'i phyir 'grel pa byed pas/ rab tu byed pa'i mtshams sbyar ba'i skabs 'dir thabs dang thabs las byung ba'i 'bras bu dang
- 19a
po kho nar bstan to/ /stong pa nyid kyi mi mthun pa'i phyogs kyi khyad par zhes smos pa de nyid bstan pa'i phyir/ rab tu byed pa 'das ma thag par 'du byed rnams dang sems can dang gang zag 'khor bar mi 'thad do zhes bstan pa'i phyir 'dir pha rol po dag gis bstan bcos mdzad pas dam bcas pa'i don sgro btags nas smras pa zhes bya ba la sogs pa smras te/ bcings pa dang thar pa rtag pa'i rab tu byed pa 'das ma thag pa'i skabs su/ gal te 'du byed 'khor zhe na/ /de dag rtag na mi 'khor te/ / mi rtag na yang 'khor mi 'gyur/ /sems can la yang rim 'di mtshungs/ /gal te gang zag 'khor zhe na/ /phung po skye mched khams rnams la/ /de ni rnam ba lngas btsal na/ /med na gang zhig 'khor mi 'gyur/ zhes bya bas 'du byed rnams dang sems can dang gar zag 'khor bar mi 'thad do zhes bstan pa'i phyir/ 'dir pha rol po dag gis sngar bstan bcos mdzad pas 'du byed rnams dang/ sems can dang gang zag 'khor bar yang mi 'thad la mya ngan las 'das par mi 'thad do zhes dam bcos pa'i don de la rang gi rtog pas 'du byed la sogs pa mya ngan las 'da' bar mi 'thad pa ni bden gyi/ 'khor bar mi 'thad pa ni mi rung ngo zhes rang bzor sgro btags nas yang de dag 'di skad ces zer ro zhes bya bar sbyar ro/ /de'i phyir khyed kyis 'du byed rtag pa dang/ ma rtag pa rnams la 'khor ba mi 'thad de rtag pa dang chad pa'i skyon du 'gyur ba'i phyir ro zhes smras pa ni/ 'du byed mya ngan 'da' bar ni/ /ji lta bur yang ni 'thad do/ /zhes bstan pa yin pas de'i phyir/ 'dir ji ltar rtag pa dang/ chad pa'i skyon du yang mi 'gyur la/ 'du byed rnams la 'khor ba yang yod pa de ltar bsgrub par bya ste zhes bya ba smras te khyed dbu ma pas/ gal te 'du byed 'khor zhe na/ /de dag rtag na mi 'khor te/ /mi rtag na yang 'khor mi 'gyur/ zhes bya bas 'du byed rtag pa dang mi rtag pa rnams pa 'khor ba mi 'thad de/ rtag pa dang chad pa'i skyon du 'gyur ba'i phyir ro zhes smras
- 19b
pas ni dam bcas pa de nyid kyi don ma grub kyi 'di ltar/ 'du byed mya ngan 'da' bar ni/ /ji lta bur yang mi 'thad do/ /zhes smras pa ni/ dam bcas pa de nyid kyi don grub par bstan pa yin pas de'i phyir/ rab tu byed pa 'di'i skabs su kho bos ji ltar rtag pa dang chad pa'i skyon du yang mi 'gyur la/ 'du byed rnams la 'khor ba yang yod par de ltar bsgrub par bya ste/ 'di ltar rigs pa'i bstan bcos las kyang sgrub pa gang yang rung ba la ma grub pa'am the tsom za ba ni yang sgrub pa gzhan la bltos par bya'o zhes 'byung ba'i phyir ro zhes zer ro/ /de nyid kyi rjes su dpag ba bstan pa'i phyir ro/ /don dam par nang gi 'du byed rnams la 'khor ba yod pa kho na yin te/ las dang 'bras bur 'brel ba'i phyir ro/ /'di na gang med pa de la ni las dang 'bras bur 'brel pa ma mthong ste/ dper na mo gsham gyi bu zhes bya ba'i 'du byed rnams bzhin no/ /nang gi 'du byed rnams la ni las dang 'bras bur 'brel pa de'i phyir/ gang na tshigs ji skad smos pa'i mthus don dam par nang gi 'du byed rnams la 'khor ba yod pa kho na yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin pas go rim bzhin du sbyar te/ 'di na mo gsham gyi bu zhes bya ba'i 'du byed lta bu gang dag med pa de dag la ni las dang 'bras bur 'brel pa med na de dag la ni 'khor ba med kyi/ nang gi 'du byed rnams la ni las dang 'bras bur 'brel pa yod pas 'khor ba yod de/ 'khor ba yod na mya ngan las 'das pa yang yod pas bcings pa dang thar pa yod pa'i phyir/ don dam par nang gi dngos po rnams la ngo bo nyid yod pa kho na yin no zhes zer ro/ /pha rol po dag gi gtan tshigs las dang 'bras bur 'brel pa'i phyir ro zhes bya ba de la re zhig las kyi mtshan nyid bstan pa'i phyir de la re zhig las ni bdag nyid legs par sdom pa dang/ /gzhan la phan 'dogs byang sems gang/ /de chos de ni 'di gzhan du/ /'bras bu dag gi sa bon yin/ zhes bya ba smras te/ 'di'i bsdus pa'i don ni/ lus dang dag dang yid kyi las dge ba dang/ mi dge
- 20a
ba dang/ lung du ma bstan pa tshe 'di dang tshe gzhan dag tu 'bras bu dag gi sa bon du 'gyur ba de dag la ni las kyi mtshan nyid yin par ston te/ de las bdag nyid legs par byed pa'i sems pa dang/ des kun nas slang ba'i lus dang dag gi las dang/ gzhan la phan 'dogs par byed pa'i sems pa dang/ nges kun nas slang ba'i lus dang/ dag gi las dang/ byams pa'i sems pa dang/ des kun nas slang ba'i lus dang dag gi las de dag ni dge ba yin no/ /de las bzlog pa bdag nyid legs par sdom par byed pa ma yin pa'i sems pa dang/ des kun nas slang ba'i lus dang ngag gi las dang/ gzhan la phan 'dogs par byed pa ma yin pa'i sems pa dang/ des kun nas slang ba'i lus dang ngag gi las dang/ gnod sems kyi sems pa dang/ nges kun nas slang ba'i lus dang ngag gi las dag ni mi dge ba yin no/ /dge ba dang mi dge ba'i mtshan nyid de dag las bzlog pa rnam par smin pa las skyes pa la sogs pa'i sems pa dang/ des kun nas slang ba'i lus dang ngag gi las dag ni lung du ma bstan pa yin no/ /de la ni tshig le'ur byas pa'i tshig gi don ni 'di ltar sbyar te/ bdag nyid legs par sdom par byed pa'i sems pa dang/ gzhan la phan 'dogs par byed pa'i sems pa dang/ byams pa'i sems pa gang yin pa de ni chos te/ yid kyi las dge ba yin no/ /chos de ni tshe 'di dang gzhan dag tu rnam par smin pa dang/ rgyu mthun pa'i 'bras bu sdug pa dang 'dod pa dang/ yid du 'ong ba dag dang/ lus dang dag gi las dge ba dag kun nas slong ba'i sa bon yin te/ re zhig de ni yid kyi las dge ba 'bras bu dang 'brel pa'i mtshan nyid yin no/ /'dir tshig le'ur byas pa las sems pa zhes bya bas yid kyi las 'ba' zhig bstan pa ni mtshon ba tsam du zad kyi/ des kun nas slang ba lus dang ngag gi las dag kyang de bzhin du sbyar te/ de la bdag nyid legs par sdom par byed pa'i sems pa dang/ gzhan la phan 'dogs par byed pa'i sems pa dang/ byams pa'i sems pa gang yin pas kun nas slang ba de dag
- 20b
kyang chos te/ lus kyi las dang/ ngag gi las dge ba dag yin no/ /chos de dag kyang tshe 'di dang gzhan du rnam par smin pa dang/ rgyu mthun pa'i 'bras bu sdug pa dang/ 'dod pa dang/ yid du 'ong bdag gi sa bon te/ de dag ni lus dang ngag gi las dge ba 'bras bu dang 'brel pa'i mtshan nyid yin no/ /de las bzlog pa bdag nyid legs par snga ma par byed pa ma yin pa'i sems pa dang/ gzhan la phan 'dogs par byed pa ma yin pa'i sems pa dang/ gnod sems kyi sems pa gang yin pa de ni chos ma yin te/ yid kyi las mi dge pa yin no/ /chos ma yin pa de ni tshe 'di dang gzhan dag tu rnam par smin pa dang rgyu mthun pa'i 'bras bu ni mi sdug pa dang/ mi 'dod pa dang/ yid du mi 'ong ba dag dang/ lus dang ngag gi las mi dge ba dag kun nas slong ba'i sa bon yin te/ re zhig de ni yid kyi las mi dge ba 'bras bu dang 'brel pa'i mtshan nyid yin no/ /de bzhin du bdag nyid legs par sdom par byed pa ma yin pas sems pa dang/ gzhan la phan 'dogs par byed pa ma yin pa'i sems pa dang/ gnod sems kyi sems pa gang yin pas kun nas slang ba de dag kyang chos ma yin te lus kyi las dang ngag gi las mi dge bdag yin no/ /chos ma yin pa de dag kyang tshe 'di dang gzhan dag tu rnam par smin pa dang/ rgyu mthun pa'i 'bras bu mi sdug pa dang/ mi 'dod pa dang/ yid du mi 'ong ba dag gi sa bon yin te/ de dag ni lus dang ngag gi las mi dge ba 'bras bu dang 'brel pa'i mtshan nyid yin no/ /chos dang chos ma yin pa'i mtshan nyid ji skad smos pa de dag las bzlog pa rnam par smin pa las skyes pa dang/ spyod lam las byung ba dang/ bzo'i gnas las byung ba dang/ sprul pa byed pa las byung ba'i sems pa gang yin pa de ni lung du ma bstan pa ste/ dge ba'i sems pa yang ma yin/ mi dge ba'i sems pa yang ma yin pa'i yid kyi las lung du ma bstan pa yin no/ /lung du ma bstan pa de ni tshe 'di dang gzhan dag tu rgyu mthun pa'i 'bras bu lung du ma bstan pa dang/ lus dang ngag gi las lung du ma bstan pa dag kun nas slong ba'i sa bon yin te/ re zhig de ni yid kyi las lung du ma bstan pa 'bras bu
- 21a
dang 'brel pa'i mtshan nyid yin no/ /de bzhin du chos dang chos ma yin pa'i mtshan nyid ji skad smos pa de dag las bzlog pa rnam par smin pa las skyes pa dang/ spyod lam las byung pa dang/ bzo'i gnas las byung ba dang/ sbrul pa byed pa las byung ba'i sems pa gang yin pas kun nas slang ba de dag kyang lung du ma bstan pa ste/ dge ba'i sems pa yang ma yin mi dge ba'i sems pa yang ma yin pas/ kun nas slang ba'i lus kyi las dang ngag gi las lung du ma bstan pa dag yin no/ /lung du ma bstan pa de dag kyang tshe 'di dang gzhan dag tu rgyu mthun pa'i 'bras bu lung du ma bstan pa dag gi sa bon yin te/ de dag ni lus dang ngag gi las lung du ma bstan pa 'bras bu dang 'brel pa'i mtshan nyid yin no/ /de ltar lus dang ngag dang yid kyi las dge ba dang mi dge ba dang lung du ma bstan pa tshe 'di dang gzhan dag tu 'bras bu dag gi sa bon du 'gyur ba de dag ni las kyi mtshan nyid yin no zhes zer ro/ /da ni tshig le'ur byas pa de'i yan lag gi don bshad par bya ba ste/ bdag nyid legs par sdom pa zhes bya ba ni bdag nyid yang dag dang? sdom par byed cing/ mi dge ba pas ldog par byed pa ste/ mi dge ba spong ba'i sems pa dang mtshungs par ldan pa'i sems zhes bya ba'i ? chig go zhes bya ba ni bdag nyid legs par sdom par byed pa'i sems pa gang yin pa zhes bya bar sbyar te/ des ni yid kyi las dge ba nyid bstan to/ /gzhan la phan 'dogs pa zhes bya ba ni sbyin pa dang/ snyan par smra ba dang/ 'jigs pa las yongs su skyob pa la sogs pa gzhan 'gal phan 'dogs par byed pa'i zhes bya ba ni gzhan la phan 'dogs par byed pa'i sems pa gang yin pa zhes bya bar sbyar te/ des ni yid kyi las dge ba nyid dang/ des kun nas slang ba'i lus dang ngag gi las ngag bdag kyang bstan to/ /byams pa zhes bya ba ni mdza' bshes las byung bas byams pa'o/ /yang na byams pa nyid byams pa ste/ bdag gi don la de dang mthun pa'i rkyen brjod par bya ba'i phyir ro/ /zhes bya ba ni byams pa'i sems pa gang yin pa zhes bya bar sbyar te/ byams pa
- 21b
zhes bya ba'i sgra ni rang gi rgyud la yod pa'i byams pa'i sems mdza' bshes gzhan gyi yul la 'byung bas byams pa ste/ gzhan gyi don la ? zhan dang mthun pa'i tshig gi rkyen brjod pa'i phyir ram/ yang na rang gi rgyud la yod pa'i byams pa'i sems de nyid byams pa yin pas byams pa ste /bdag gi don la bdag dang mthun pa'i tshig gi rkyen brjod pa'i phyir ro/ /de lta bu'i sems pa gang yin pa de chos nyid yin no zhes bya ba ni/ bdag nyid legs par sdom par byed pa'i sems pa dang/ gzhan la phan 'dogs par byed pa'i sems pa dang/ byams pa'i sems pa gang yin pa de ni chos yin te/ yid kyi las dge ba yin no zhes pa sbyar ro/ /de ni sa bon yin te rgyu dang rkyen ces bya ba'i tha tshig go zhes bya ba ni/ chos de ni tshe 'di dang gzhan dag du rnam par smin pa dang rgyu mthun pa'i 'bras bu sdug pa dang/ 'dod pa dang/ yang du'ong ba dag dang lus dang ngag gi las dge ba dag kun nas slong ba'i sa bon yin no zhes bya bar sbyar te/ sa bon zhes bya ba'i sgra? ni rgyu dang rkyen ces bya ba'i tha tshig go /gang dag gi zhe na/ 'bras bu dag gi'o zhes bya bas ni sa bon yin te/ rgyu dang rkyen ces bya ba'i tha tshig go zhes bstan pa gang dag gi zhe na rnam par smin pa dang rgyu mthun pa'i 'bras bu sdug ba dang/ 'dod pa dang yid du 'ong ba dang lus dang ngag gi las dge ba dang kun nas slong ba'i rgyu dang rkyen yin te/ de la rnam par smin par rgyu mthun pa'i 'bras bu dag gi'i rgyu yin la/ lus dang ngag gi las dge ba dag ni rkyen yin no zhes bya bar sbyar ro/ /gang du zhe na/ 'di dang gzhan du ste/ zhes bya ba ni gang dag gi zhe na/ 'bras bu dag gi'o zhes bya ba de gnas skabs gang du de dag gi rgyu dang rkyen yin zhe na tshe 'di dag gzhan dag tu'o zhes bya bar sbyar ro/ /che'i di dang gzhan dag tu myong bar 'gyur ba'i dbang gis so zhes bya bas chos nges ni tshe 'di dang gzhan dag tu rnam par smin pa dang rgyu mthun pa'i 'bras bu sdug pa dang 'dod pa dang yid du 'ong bdag myong bar 'gyur ba'i dbang gi rgyu yin no zhes bstan to/ /sems pa ni sa bon nyid du gsungs te/ lus dang ngag gi las ngag kun nas slong pa'i
- 22a
phyir ro zhes bya bas ni/ bdag nyid legs par sdom pa dang/ gzhan la phan 'dogs pa dang/ byams pa zhes bya ba gsum ni 'bras bu dag gi sems pa ni lus dang ngag gi las dag kyang kun nas slong ba'i phyir rkyen kyang yin no zhes bya ba bstan te/ re zhig da ni tshig le'ur byas pa'i yan lag gi don bshad pas bdag nyid legs par sdom pa dang/ gzhan la phan 'dogs pa dang/ byams pa zhes bya ba yid kyi las dge ba 'bras bu dag 'brel pa'i mtshan nyid bstan pa yin no/ /'dir yid kyi las ni mtshon ba tsam ste/ des kun nas slang ba'i lus dang ngag gi las dge ba 'bras bu dang 'brel pa'i mtshan nyid dag kyang snga ma bzhin du mi rigs par sbyar zhing brjod par bya ste/ de dag ni lus dang ngag dang/ yid kyi las dge ba tshe 'di dang gzham dag? tu 'bras bu dag gi sa bon du 'gyur bas/ las kyi mtshan nyid bstan pa yin no// chos las zlog pas chos ma yin pa ste zhes bya bas ni gdag nyid legs par sdom pa dang/ gzhan la phan 'dogs pa dang/ byams pa'i sems pa zhes bya ba yid kyi las dge ba 'bras bu dang 'brel ba'i mtshan nyid dang nges kun nas slad pa'i lus dang ngag gi las dge ba 'bras bu dang 'brel pa'i mtshan nyid kyi chos ji skad bstan pa de dag las zlog pas bdag nyid legs par sdom pa ma yin pa dang/ gzhan la phan 'dogs pa ma yin pa dang/ gnod sems kyi sems pa zhes bya ba yid kyi las mi dge ba 'bras bu dang 'brel ba'i mtshan nyid dang des kun nas slang ba'i lus dang ngag gi las 'bras bu dang 'brel ba'i mtshan nyid chos ma yin bdag kyang snga ma bzhin du rigs par shes par bya ste/ de dag ni lus dang ngag dang yid kyi las mi dge ba tshe 'di dang gzhan du 'bras bu dag gi sa bon du 'gyur bas las kyi mtshan/ nyid? bstan pa yin/ /chos ma yin pa dang sdig pa dang/ mi dge ba zhes bya ba dag ni rnam grangs so zhes bya bas ni chos ma yin pa zhes bya ba'i tshig gi don bstan to/ /chos ma yin pa las bzlog pas chos kyi rnam grangs dag go zhes bya bas ni chos zhes bya pa'i tshig gi don
- 22b
bstan te/ chos dang sdig ba ma yin pa dang/ dge ba zhes bya ba dag ni rnam grangs so zhes bya bar sbyar ro/ /lung dum bsdun pa ni rnam par smin pa las skyes pa dang/ spyod lam las byung ba dang/ bzo'i gnas las byung ba dang/ sprul pa byed pa las byung pa'i bye brag gi rnam pa bzhi ste/ zhes bya bas ni chos dang chos ma yin pa'i mtshan nyid ji slad smos pa de dag las bzlog pa rnam par smin pa las skyes pa la sogs pa'i sems pa dge ba ? ma yin/ mi dge ba yang ma yin pa'i yid kyi las lung du ma bstan pa 'bras bu dang 'brel pa'i mtshan nyid dang/ des kun nas slang ba'i lus dang ngag gi las lung du ma bstan pa 'bras bu dang 'brel pa'i mtshan nyid dang kyang snga ma bzhin du ci rigs par shes par bya ste/ de dag ni lus dang ngag dang yid kyi las lung du ma bstan pa tshe 'di dang gzhan dag tu 'bras bu dag gi sa bon du 'gyur bas las kyi mtshan nyid bstan pa yin no/ /rnam par smin pa 'dod pa dang mi 'dod pa mi bskyed pa'i phyir dang dge ba dang mi dge ba nyid du brda mi sprod pa'i phyir lung du ma bstan pa'o zhes bya ba'i tshig gi don bstan te/ rnam par smin pa las skyes pa la sogs pa bzhi bo de dag ni rnam par smin pa'i 'bras bu mi bskyed pa'i phyir dang/ rang bzhin dge ba dang/ mi dge ba nyid du brda mi sprod pa'i phyir lung du ma bstan pa zhes bya ste/ de rgyu mthun pa'i 'bras bu ni bskyed par shes par bya'o/ /re zhig de dag gi ni lus dang ngag dang yid kyi 'das? dge ba dang mi dge ba dang/ lung du ma bstan pa tshe 'di dang gzhan dag tu 'bras bu dag gi sa bon du 'gyur ba de dag ni las kyi mtshan nyid yin zhes zer ba'i gzhung bstan to/ /da ni lus dang ngag dang yid kyi las dge ba dang mi dge ba dang lung du ma bstan pa de dag kyang rnam pa gnyis te/ sems pa'i las dang bsams pa'i las so/ /zhes gsungs pas las kyi mtshan nyid bstan pa'i phyir/ de ltar chos la sogs pa'i dbye bas tha dad pa de dag kyang rnam pa gnyis te/ drang srong mchog gi las rnams ni/ /sems pa dang ni bsam par gsungs /zhes bya ba smras so/ /drang srong mchog ces bya ba de gang yin pa de dang de'i tshos?
- 23a
gi don bstan pa'i phyir/ drang srong mchog ni bcom ldan 'das te/ de ni drang srong yang yin la mchog kyang yin te/ bgrod par bya ba ma lus par bgrod zin pa'i phyir dang/ nyan thos dang rang sangs rgyas dang/ byang chub sems dpa' zhes bya ba'i drang srong rnams las mchog tu gyur pa'i phyir ro zhes bya ba smras te/ go rim bzhin du sbyar ro/ /de las chos dang chos ma yin pa dang lung du ma bstan pa'i dbye bas tha dad pa rnams ni rnam pa gnyis te/ sems pa dang bsams pa'o zhes gsungs so zhes bya ba ni/ sems pa'i las ni yid kyi las yin la/ bsams pa'i las ni lus dang ngag gi las yin no zhes 'og nas 'byung bas 'dir 'grel par shes par bya'o/ /las de nyid kyi bye brag mdor bstan pa dang/ rgyas par bshad par bstan pa'i phyir las de dag gi bye brag ni/ rnam pa du mar yongs su sgrags/ zhes bya ba ni mdor bstan pa'o/ /de rgyas par bshad pa ni/ de la las gang sems pa zhes/ /gsungs pa de ni yid kyir 'dod/ ces bya ba la sogs pa smras so/ /de la zhes bya ba'i sgra ni/ dmigs kyis bsal ba'i don to zhes bya ba ni/ sems pa dang zhes bsams pa gnyis las sems pa dmigs kyis bsal te/ sngar bstan pa'i don to/ /las gang sems pa zhes gsungs pa de ni yid kyir 'dod de zhes bya ba ni 'du byed sems pa ni khrab len gyis lcags g.yo bar byed pa bzhin du/ yid g.yo bar byed pa ma yin pas yid kyi lus 'dod de/ de yang dge ba dang/ mi dge ba dang lung du ma bstan pa'i sems pas bsdus pa yid kyi las gsum po dag go/ yid kyi zhes bya ba ni yid las 'byung ba ste/ yid kyi sgo kho na nas de mthar thug par 'gyur ba'i phyir ro zhes bya ba ni yid kyi zhes bya ba'i sgra bye brag tu bshad pa ste 'du byed sems pa ni sems las byung ba'i chos mang po pa yin pas gnas dang/ dmigs pa dang/ rnam pa dang/ rdzas dang/ dus mtshungs pa'i sgo nas yid kyi skye mched gnyis dang/ tha mi dang pa'i tshul du yid las byung zhing yod pas yid kyi zhes bya ba ste/
- 23b
yid kyi skye mched kyi sgo kho na nas 'du byed sems pa brnab sems dang/ gnod sems dang/ log par lta ba'i rang bzhin nam/ de las zlog pa'i rang bzhin nam/ lung du ma bstan pa'i rang bzhin du skye ba de mthar thug cing yongs su rdzogs par 'gyur ba'i phyir ro/ /'o na lus dang ngag gi las dag sems pa zhes bya ba ci'i phyir mi brjod ce na /de'i phyir lus kyi dang ngag gi dag ni sems pa zhes mi brjod de/ de dag sems pas kun nas slang ba yin yang lus dang ngag gi sgo nas yongs su rdzogs pa'i phyir ro zhes bya ba smras te/ lus kyi las gsum dang ngag gi las bzhi ste/ chos bdun po de dag ni sems bas kun nas slad pa yin yang sems las byung ba'i chos ma yin te/ ngag dang bskyod pa'i rang bzhin gzugs kyi phung por gtogs pa yin pas lus dang ngag gi sgo nas spong ba dang/ spong ba ma yin pa dang/ de gnyis las bzlog pa'i ngo bo nyid du yongs su rdzogs par 'gyur ba'i phyir sems pa zhes bya bar mi brjod de/ /bsam pa zhes ni gang gsungs pa/ /de ni lus dang ngag gi yin/ /zhes bya ba la bsam pa zhes bya ba'i mtshan nyid bstan pa'i phyir/ bsam pa zhes bya ba ni blos bsams nas byed pa gang yin pa ste zhes bya ba smras te/ 'du byed sems pa zhes bya ba'i blos bsams nas des kun nas slang ste/ lus dang ngag gi las byed pa gang yin pa de dag ni bsam pa'i las zhes bya ste/ ma brtags ma dpyad par las mngon par 'du mi byed do zhes 'byung ba'i phyir ro de nyid bstan pa'i phyir da ltar las gang bsam pa zhes gsungs pa de ni lus dang ngag gi yin te zhes bya ba smros/ /lus dang ngag las byung ba'i phyir dang/ de dag gi sgo nyid nas mthar thug par 'gyur ba'i phyir ro zhes bya ba ni lus dang ngag gi zhes bya ba'i sgra? bye brag tu bshad pa ste/ lus kyi las gsum dang ngag gi las bzhi po dge ba dang mi dge ba dang lung du ma bstan pa'i sems pas kun nas slang ba dag ni gzugs kyi phung po dag togs pa'i lus dang ngag las byung ba'i phyir dang lus dang ngag gi sgo nyid nas dge ba 'am mi dge ba 'am lung du ma bstan
- 24a
pa'i ngo bo nyid du mthar thug par 'gyur pa'i phyir lus kyi las dang ngag gi las zhes bya'o/ /de ltar re zhig las rnam pa gnyis bstan to zhes bya ba ni mjug bsdu ba yin te/ de dag gi ni lus dang ngag dang yid kyi las dge ba dang/ mi dge ba dang/ lung du ma bstan pa'i dbye bas tha dad pa de dag kyang rnam pa gnyis te/ sems pa'i las dang bsams pa'i las so zhes gsungs pa de dag kyang las kyi mtshan nyid yin no zhes zer ba'i gzhung bstan to/ /da ni sems pa'i las dang bsams pa'i las rnam pa gnyis pa de dag kyang bye brag tu dbye ba rnam pa du ma yod ces gsungs pas las kyi mtshan nyid bstan pa'i phyir/ ji ltar rnam pa du ma zhe na/ ngag dang bskyod dang mi spong ba'i/ /rnam rig byed min zhes bya gang/ /spong ba'i rnam rig byed min pa/ /gzhan dag kyang ni de bzhin 'dod/ /longs spyod las byung bsod nams dang/ /bsod nams ma yin tshul de bzhin/ /sems pa dang ni chos de kun/ /bsu mngon par 'dod pa yin zhes bya ba smras te/ 'di bsdus pa'i don ni dag gi las dang/ bskyod pa'i las dang/ mi spong ba'i rnam par rig byed ma yin pa'i las dang/ spong ba'i rnam par rig byed ma yin pa'i las dang/ longs spyod pa las byung ba'i bsod nams kyi las dang/ longs spyad pa las byung ba'i bsod nams ma yin pa las byung ba'i las dang/ sems pa'i las zhes bya ba las bdun po de dag ni las kyi mtshan nyid yin par 'dod pa ste/ de dag kyang las kyi mtshan nyid yin no zhes zer ba yin no/ /da ni tshig le'ur byas pa de dag gi yan lag gi don gyi las bdun po de dag go rim bzhin du bshad par bya ste/ de la dag gi las bstan pa'i phyir/ de la ngag ni yi ge gsal bar brjod pa'o zhes bya ba smras te/ des ni dag gi las bzhi po dge ba dang mi dge ba dang lung du ma bstan pas bsdus pa dag gi dngos bstan to/ /bskyod pa'i ls bsten pa'i phyir/ bskyod pa ni
- 24b
lus g.yo ba'o zhes bya ba smras te/ des ni lus kyi las gsum po dge ba dang mi dge ba dang/ lung du ma bstan pas bsdus pa dag gi dngos bstan to/ /mi spong ba'i rnam par rig byed ma yin pa'i las bstan pa'i phyir/ mi spong ba'i rnam par rig byed ma yin pa zhes bya ba ni bdag gi lus sam dag gam yid kyi mi dge pa 'di lta bu zhig bya'o snyam du yid dam bcas pa'i skad cig mtshun chad nas byed pa po las de mi byed du zad kyang/ mi dge ba yang dag par blangs pa'i rgyu las byung ba mi spong ba'i mtshan nyid kyi rnam par rig byed ma yin pa gang dag yin pa'o zhes bya ba smras te/ des ni sdom pa ma yin par gtogs pa'i rnam par rig byed ma yin pa'i las bstan te/ de'i mtshan nyid ni lus dang ngag gi rnam par rig byed la bstan te/ skyes pa srog gcod pa la sogs pa mi spong pa'i mtshan nyid kyi rnam par rig byed ma yin pa'i gzugs bstan du med la thogs pa med pa yin te/ de skyes pa'i tshul ni 'dod pa'i khams su rngon pa dang/ shan pa dang bya ba dang nya pa la sogs pa'i rigs sam de dag gi rigs ma yin pa gzhan gyis kyang rung ste/ nges bdag gis der byin chad lus sam/ ngag gam yid kyis srog gcod pa mi spong ba la sogs pa mi dge ba'i las 'di lta bu zhig bya'o/ /snyam du yi dam bcas na yi dam bcas pa'i skad cig mtshun chad nas ji srid du yi dam bcas pa'i rgyun de ma spangs kyi bar du byed pa pos des sems g.yengs pa dang/ sems med pa dang sems ma g.yengs pa'i gnas skabs dag na las de mi byed du zin kyang mi dge ba yang dag par blangs pa'i rgyu las byung ba sdom pa ma yin pa mi spong ba'i mtshan nyid kyi rnam par rig byed ma yin pa'i gzugs sems kyi rgyud la skye bar 'gyur ro/ /spong ba'i rnam par rig byed ma yin ba'i las bstan pa'i phyir/ spong ba'i rnam par rig byed ma yin pa'i gzhan dag kyang de bzhin du 'dod de/ bdag gis lus sam ngag gam yid kyi dge ba'i las 'di lta bu bya'o snyam du yi dam bcas pa'i sems pa tshun chad nas byed pa pos las de mi byed du zin kyang dge ba byed pa yang
- 25a
dag par blangs pa'i sems pas bskyed pa spong ba'i mtshan nyid kyi rnam par rig byed ma yin pa gang dag yin pa'o zhes bya ba smras te/ des ni sdom par gtogs pa'i rnam par rig byed ma yin pa las bstan te/ de ni rnam pa gsum ste/ so so thar pa'i sdom par gtogs pa dang/ bsam gtan gyi sdom par gtogs pa dang/ zag pa med pa'i sdom par gtogs pa'o/ /de la so so thar pa'i sdom par gtogs pa'i mtshan nyid ni lus dang ngag gi rnam par rig byed la brten te skyes pa'i rigs bdun po dge slong dang/ dge slong ma dang/ dge slob ma dang/ dge tshul dang/ dge tshul ma dang/ dge bsnyen dang/ dge bsnyen ma'i sdom pa'i mtshan nyid kyi rnam par rig byed ma yin pa'i gzugs bstan du med la thogs pa med pa yin te/ de skye ba'i tshul ni mi rnams kyi nang nas sdom pa mi chags pa ma gtogs pa gzhan gang yang rung ste/ des lus kyi phyag 'tshal ba dang/ thal mo sbyar ba la sogs pa dang/ ngag gi gsum la skyabs su 'gro ba dang bslab pa'i gzhi yang dag par blang ba la sogs pa'i rnam par rig byed la brten nas/ bdag gis deng phyin chad lus sam ngag gam yid kyi srog gcod pa spong pa la sogs pa dge ba'i las 'di lta bu zhig bya zhing dge bsnyen la sogs pa'i sdom pa yang dag par blang ngo snyam pa'i yi dam bcas na/ yi dam bcas pa'i sems pa tshun chad nas ji srid du yi dam bcas pa'i rgyun de ma spangs kyi bar du byed pa po des sems g.yengs pa dang/ sems med pa dang sems ma g.yengs pa'i gnas skabs dag na/ las de mi byed du zin kyang sdom pa yang dag par blangs pa'i rgyu las byung ba sdom pa ma yin pa spong ba'i mtshan nyid so so thar pa'i sdom par gtogs pa'i rnam par rig byed ma yin pa'i gzugs sems kyi rgyud la skye bar 'gyur ro/ /bsam gtan gyi sdom par gtogs pa'i mtshan nyid ni ting nge 'dzin la brten te/ skyes pa rnal 'byor pa 'dod pa'i khams su snyoms par zhugs pa 'am/ gzugs
- 25b
dang gzugs med pa'i khams su skyes pa'i bsam gtan dang snyoms par 'jug pa'i sdom pa'i mtshan nyid kyi rnam par rig byed ma yin pa'i gzugs bstan du med pa thogs pa med pa yin te/ de skye ba'i tshul ni khams su gtogs pa'i nang nas/ mi khom pa brgyad la sogs pas nang na skal pa ma gtogs pa gzhan gang yang rung ste/ des chogs kyi lam sngon du btang ba'i ting nge 'dzin mi lcogs pa med pa 'am/ dngos gzhi 'am/ nyer sdogs gang yang rung ba dag la brten nas/ mi lcogs pa med pa 'am/ dngos gzhi dang/ nyer sngogs kyi sems mnyam par bzhag pa'i sa la mngon du gyur na/ de tshun chad nas ji srid du mnyam par bzhag pa'i sems kyi rgyun de ma spangs kyi bar du/ rnal 'byor pa des sems g.yengs pa dang/ sems ma g.yengs pa'i gnas skabs dag nas mnyam par bzhag pa'i sa? pa'i sems de mngon sum du mi byed du zin kyang bsam gtan la snyoms par 'jug pa thob pa'i rgyu las byung ba sdom pa ma yin pa spong pa'i mtshan nyid kyi bsam gtan gyi sdom par gtogs pa'i rnam par rig pa ma yin pa'i gzugs sems kyi rgyud la skye bar 'gyur ro/ /zag pa med pa'i sdom par gtogs pa'i mtshan nyid kyang ting nge 'dzin la brten te skyes pa rnal 'byor pa zag pa med? pa'i lam thob pa'i sdom pa'i mtshan nyid kyi rnam par rig byed ma yin pa'i gzugs bstan du med pa thogs pa med pa yin te/ de skye ba'i tshul yang khams su gtogs pa'i nang nas mi khom ba brgyad la sogs pas bskal pa ma gtogs pa gzhan gang yang rung ste/ des tshogs kyi lam sngon du btang pa'i ting nge 'dzin mi lcogs pa med pa la sogs pa la brten nas/ sbyor ba'i lam mthar thug par byas te/ mthong ba'i lam 'am sgom pa'i lam 'am mi slob pa'i lam gyis bsdus pa'i zag pa med pa'i sems mngon du gyur na/ de tshun chad nas ji srid du zag pa med pa'i sems kyi rgyun ma spangs kyi bar du rnal 'byor pa des sems g.yengs pa dang/ sems med pa dang sems ma g.yengs pa'i gnas skabs dag na zag
- 26a
pa med pa'i sems de mngon sum du mi byed du zin kyang zag pa med pa'i sems thob pa'i rgyu las byung ba/ sdom pa ma yin pa spong ba'i mtshan nyid zag pa med pa'i sdom par gtogs pa'i rnam par rig byed ma yin pa'i gzugs sems kyi rgyud la skye bar 'gyur ro/ /rnam par rig pa ma yin pa zhes bya ba ni/ gzugs dang bya ba'i ngo bo nyid yin du zin kyang rnam par rig byed gzhan la rnam par rig par mi byed pa'i phyir ro/ /zhes bya ba ni/ rnam par rig byed ma yin pa zhes bya ba'i tshig gi don bstan to/ /longs spyad pa las byung ba'i bsod nams kyi las bstan pa'i phyir/ longs spyad pa las byung ba'i bsod nams kyi las zhes bya ba ni yongs su longs spyad pa'i rgyu las bsod nams de byung ngo zhes bya bar sbyar te/ yongs su longs spyod pa zhes bya ba ni dkon mchog gsum gyi yul la yongs su btang ba nye bar spyad pa'o/ /de rgyu las byung ba zhes bya ba ni da'i rjes las byung ba de 'brel pa zhes bya ba dang 'phel ba zhes bya ba dag gi rnam grangs so/ /bsod nams zhes bya ba ni dag par byed pa bsod nams te/ dge ba zhes bya ba dag gi rnam grangs so zhes bya ba smras te/ des ni sdom pa yang ma yin pa sdom pa ma yin pa yang ma yin par gtogs pa'i dge ba'i rnam par rig byed ma yin pa'i las bstan te/ de'i mtshan nyid ni lus dang ngag gi rnam par rig byed la brten te/ skyes pa sdom pa dang sdom pa ma yin par gtogs pa dge ba'i bsam pa dang/ zhing dang/ dngos po'i khyad par las bsod nams 'phel ba'i mtshan nyid rnam par rig byed ma yin pa'i gzugs bstan du med pa thogs pa med pa yin te/ de skye ba'i tshul ni gzugs can gyi khams su sbyin pa gtong phod pa byams pa'i sems dang ldan pas dkon mchog gsum la rdzas las byung ba'i bsod nams bya ba'i dngos po bdun la sogs pa yongs su btang ba/ dkon mchog gsum gyi yongs su longs spyod pa'i rgyu las sbyin bdag de'i rgyud la bsod nams rgya chen po skyes par gyur na/
- 26b
de tshun chad nas ji srid du bsod nams de'i rgyun ma spangs shing/ tshe de la 'bras bu ma spyad kyi bar du sbyin bdag nges sems g.yengs pa dang/ sems med pa dang/ sems ma g.yengs pa'i gnas skabs dag na/ bsod nams kyi sems de mngon sum du mi byed du zin kyang sbyin pa las byung ba'i bsod nams bya ba'i dngos po'i mtshan nyid dge bar gtogs pa'i rnam par rig byed ma yin par gtogs pa'i gzugs sems kyi rgyud la skye bar 'gyur ro/ /de bzhin du tshul khrims las byung ba dang thos pa las byung ba dang/ bsgoms pa las byung ba'i bsod nams bya ba'i dngos po dag la yang ci rigs par sbyar ro/ /longs spyad pa las byung ba'i bsod nams ma yin pa'i las bstan pa'i phyir/ longs spyad pa las byung ba'i bsod nams ma yin pa yang tshul bzhin te/ yongs su longs spyad pa'i rgyu las byung ba zhes bya ba'i tha tshig go /bsod nams ma yin pa ni bsod nams las bzlog pa las khong du chud par bya'o zhes bya ba smras te/ nges ni sdom pa yang ma yin sdom pa ma yin pa yang ma yin bar gtogs pa mi dge ba'i rnam par rig byed ma yin pa'i las bstan te/ de'i mtshan nyid ni snga ma las bzlog pa ste/ lus dang ngag gi rnam par rig byed la brten te/ skyes pa sdom pa dang sdom pa ma yin pa ma gtogs pa mi dge ba'i bsam pa dang/ zhing dang dngos po'i khyad par las bsod nams ma yin pa 'phel ba'i mtshan nyid kyi rnam par rig byed ma yin pa'i gzugs bstan du med pa thogs pa med pa yin te/ de skyes pa'i tshul ni gzugs can gyi khams dag tu ser sna can gnod sems kyi sems dang ldan pas/ dkon mchog gsum la rdzas las byung ba'i bsod nams bya ba'i dngos po ma yin pa bdun la sogs pa yongs su btang ba dkon mchog gsum gyi yongs su longs spyad pa'i rgyu las gang zag de'i rgyud la bsod nams ma yin pa rgya chen po skyes par gyur na/ de tshun chad ji srid bsod nams ma yin pa de'i rgyun ma spangs shing tshe la 'bras bu ma spyad kyi bar du gang zag des sems g.yengs pa
- 27a
dang/ sems med pa dang/ sems ma g.yengs pa'i gnas skabs dag na/ bsod nams ma yin pa'i sems de mngon sum du mi byed du zin kyang sbyin pa las byung ba'i bsod nams bya ba'i dngos? po ma yin pa'i mtshan nyid mi dge bar gtogs pa'i rnam par rig byed ma yin pa'i gzugs sems kyi rgyud la skye bar 'gyur ro/ /de bzhin du bsod nams bya ba'i dngos po ma yin pa gzhan dag la yang ci rigs par sbyar ro/ /sems ba'i las bstan pa'i phyir/ sems pa zhes bya bas ni yid kyi las bstan te/ 'o na sems pa zhes bya ba de yang yin zhe na/ yon tan dang skyon la sems mngon par 'du byed pa de yid kyi las so zhes bya ba smras te/ des ni yid kyi las bstan te/ 'du byed sems pa ni yid kyis mi g.yo ba g.yo bar byed cing/ yon tan gyi sgo nas brnab sems med pa dang/ gnod sems med pa dang/ yang dag pa'i lta ba'i rang bzhin nam/ skyon gyi sgo nas brnab sems dang/ gnod sems dang/ log par lta ba'i rang bzhin du sems mngon par 'du byed pas/ yid kyi las de ni sems kyi ngo bo nyid yin pas gzugs can ma yin no/ /lus dang ngag gi las dag ni gzugs can yin no/ /las bdun po de dag gi mjug bsdu pa bstan pa'i phyir/ de ltar de dag la sogs pa bdun po de dag ni chos de rang gi mtshan nyid 'dzin pa'i don gyis chos yin no zhes bya ba smras so/ /las su mngon par 'dod pa yin zhes bya ba ni las kyi mtshan nyid dag tu? 'dod pa yin no zhes bya ba ni/ chos bdun po ji skad du bstan pa de dag ni las su mngon pa dang las su mtshon par byed pa ste/ las kyi mtshan nyid ngag tu 'dod pa yin no zhes bya ba'i tha tshig go /'dir gzhan dag 'di skad ces bsam gtan dang/ klog pa la sogs pa'i las dag kyang yod na ci'i phyir de dag ma smos par dag la sogs pa bdun po dag kho na smos zhes zer ba'i dogs pa bsal ba'i phyir/
- 27b
bsam gtan dang klog pa la sogs pa'i las dag kyang yod mod kyi/ 'dir? nyid kyi khongs su 'dus pa'i phyir bdun kho nar nges par bzu ngo zhes bya ba smras te/ re zhig de dag ni las kyi mtshan nyid yin no/ /las dang 'bras bur 'brel ba'i mtshan nyid gang zhe na/ de'i phyir las de dang de 'bras bur 'brel par mthong ba ni/ 'gro ba lngar phung po lnga skye ba'i mtshan nyid yin no zhes bya ba smras so/ /de ltar las dang 'bras bur 'brel ba'i mtshan nyid kyi gtan tshigs kyis don dam par nang gi 'du byed rnams la 'khor ba yod pa kho na min te/ nges na bcings pa dang thar pa yod ba'i phyir/ don dam par nang gi dngos po rnams la ngo bo nyid yod pa kho na yin no zhes bya ba ni/ bcol po'i gtan tshigs kyi 'jug bsdu ba dang/ tshad ma'i 'bras bu yin te/ de ltar rab tu byed pa 'das ma thag par 'du byed rnams dang/ sems can dang gang zag 'khor bar mi 'thad do zhes bstan pa'i phyir/ 'dir pha rol po dag gis bstan bcos mdzad? pas/ dam bcas pa'i don sgro btags nas smras pa zhes bya ba la sogs pa tshig le'ur byas pa lnga 'gral pa dang bcas pa 'di yan chad du gtan tshigs kyi mjug bsdu ba dang/ tshang ma'i 'bras bu bstan pa de dag ni stong pa nyid kyi mi mthun pa'i phyogs kyi khyad par yin te/ phyogs snga ma smra ba'i gzhung yin par sbyar ro/ da ni stong pa nyid kyi mi mthun pa'i phyogs kyi khyad par dgag? pas las dang 'bras bu ngo bo nyid du bstan pa'i phyir/ de skad ces zer ba de'i lan du/ 'grel pa byed pa nyid kyis 'dir bshad ba 'di la las de skyes nas smin pa'i dus kyi bar du gnas pa 'am/ skye nas 'jig par 'gyur ba zhig yin grang na zhes brtag pa rnam pa gnyis smras te/ las kyang skyes nas smras pa'i dus kyi bar du gnas pa yin na ni rtag par 'gyur la/ skyes nas 'jig par 'gyur ba yin na ni chad par 'gyur bas/ de ltar rtag pa dang chad ba'i skyon du 'gyur na 'bras bu 'brel par mi 'thang bas pha rol po'i gtan tshigs las
- 28a
dang 'bras bur 'brel pa'i phyir ro zhes bya ba de ma grub pas des bsgrub par bya ba don dam par nang gi 'du byed rnams la 'khor ba yod pa kho na yin te zhes bya ba ma grub bo/ /'khor ba yod par ma grub na bcings pa med pas thar pa yang med? pa'i phyir/ sngar rab tu byed pa 'das ma thag pa'i skabs su pha rol po dag gis don dam par nang gi dngos po rnams la ngo bo nyid yod pa kho na yin te/ de dag la bcings pa dang thar pa yod pa'i phyir ro zhes smras pa'i gtan tshigs kyi rtsa ba ma grub pas bstan bcos mdzad pas don dam par nang gi dngos po rnams la ngo bo nyid med pa kho na yin no zhes dam bcas pa'i dgongs pa grub bo zhes bstan to/ /de la brtag pa dang po mi 'thad par bstan pa'i phyir/ de la re zhig /gal te smin pa'i dus bar du/ / gnas na las de rtag par 'gyur/ /skyes ma thag tu mi 'jigs pa/ /'jig pa de'i bdag nyid ma yin pa ni phyis kyang 'jig par mi rigs pa'i phyir/ rtag pa nyid du thal bar 'gyur ro zhes bya ba'i tha tshig go zhes bya ba smras te/ gal te las de skyes nas smin pa'i dus kyi bar du gnas par gyur na/ skyes ma thag tumi 'jig pa 'jig pa de'i bdag nyid ma yin pa ni phyis kyang 'jig par mi rigs pa'i phyir rtag pa nyid du thal bar 'gyur te/ de ltar rtag pa nyid du gyur na 'bras bu dang 'brel par mi 'thad pas pha rol po'i gtan tshigs las dang 'bras bur 'brel pa'i phyir ro zhes bya ba'i gtan tshigs de ma grub po zhes bya ba'i tha tshig go /gal te chu shing dang 'dam bu dang/ smig ma bzhin du 'bras bu smin pa'i 'og tu de 'jig pas skyon med do zhe na zhes bya ba ni/ pha rol po dag na re dper na chu shing dang/ 'dam bu dang/ smig ma dag 'bras bu smin pa'i dus kyi bar du gnas mod kyi/ 'bras bu smin pa'i 'og tu drungs phyung ste/ 'jig pas de dag rtag pa nyid du thal bar mi 'gyur ba bzhin/ las kyang
- 28b
'bras bu smin pa'i dus kyi bar du gnas mod kyi/ 'bras bu smin pa'i 'og tu las de gtan 'jig pas rtag pa nyid du thal bar mi 'gyur pa/ 'bras bu dang 'brel bar 'thad pas kho bo cag gis gtan tshigs las dang 'bras bur 'brel ba'i phyir ro zhes bya ba de ma grub pa'i skyon med do zhes zer pa'i tshig yin no/ /de'i lan du/ skyon med pa ma yin te/ chu shing la sogs pa dag skad cig ma re re la 'jig pa nyid dang zhes bya ba smras te/ chu shing la sogs pa dag skad cig ma re re la 'jig pa nyid yin pa'i phyir/ khyed na re/ chu shing dang/ 'dam bu dang/ smig ma dang/ 'bras bu dag smin pa'i dus kyi bar du gnas so zhes zer ba ma grub pas khyod kyi tshig la skyon med pa ma yin no/ /gal te 'dir pha rol po dag 'di skad ces gal te chu shing la sogs pa dag kyang 'bras bu smin pa'i dus kyi bar du skad cig ma'i rgyun gyi gnas pa yin na/ 'bras bu smin pa'i 'og tu yang de bzhin du rgyun mi 'chad par gnas pa'i rigs na/ de lta ma yin pas de'i phyir de dag 'bras bu smin pa'i dus kyi bar du ni mi 'jig par gnas la/ 'bras bu smin pa'i 'og tu ni 'jig pas kho bo cag gi tshig la skyon med do zhes zer ba'i phyogs snga ma khong nas dbyung ba de'i lan du de dang rigs mthun pa'i rgyun chad pas 'jig pa nyid tha snyad par khas blangs pa'i phyir dang zhes bya ba smras te/ chu shing la sogs pa dag 'bras bu smin pa'i 'og tu drungs phyung ste/ 'jig pa ni 'bras bu ma smin pa'i sngon rol gyi skad cig med dang rigs mthun pa'i rgyun chad pas 'jig pa nyid du kun rdzob kyi tha snyad du khas blangs pa'i phyir/ 'bras bu smin pa'i 'og tu yang de bzhin du rgyun mi 'chad pas gnas par mi 'gyur pas de'i phyir/ khyed na re gal te chu shing la sogs bdag 'bras bu smin pa'i dus kyi bar du skad cig ma'i rgyun gyis gnas pa yin na/ 'bras bu smin pa'i 'og tu yang de bzhin du rgyun mi 'chad par gnas pa'i rigs so zhes zer ba'i tshig bla skyon med pa ma yin no/ /don dam par ni las bzhin du smig ma la sogs
- 29a
pa dag kyang 'bras bu dang 'brel par mi 'thad pa'i phyir dang zhes bya ba ni/ don dam par dngos po thams cad ma skyes pa'i phyir/ ji ltar las dang 'bras bur 'brel ba mi 'thad pa de bzhin du smig ma la sogs bdag kyang 'bras bu dang 'brel bar mi 'thad pas pha rol po dag gi gtan tshigs dang/ dpe ma grub pa'i skyon med pa ma yin no zhes bstan to/ /sngar ma zhig pas phyis de'i bdag nyid du 'gyur ba yang bstan dka' ba'i phyir ro zhes bya pa ni/ pha rol po dag zer ba ltar las dang chu shing dag 'bras bu smin pa'i dus kyi bar du ni mi 'jig par gnas la/ 'bras bu smin pa'i 'og tu 'jig par 'gyur zhes bya ba ni/ sngar mi 'jig par rtag par gnas pa ste/ phyis 'jig pa mi rtag pa de'i bdag nyid du 'gyur ba yang rigs pa dang lung gang gis kyang bstan dka' ba'i phyir/ gal te las dang chu shing la sogs bdag skyes nas smin pa'i dus kyi bar du gnas par gyur na rtag pa nyid du thal bar 'gyur te/ 'bras bu dang 'brel bar mi 'thad pas/ pha rol po'i gtan tshigs las dang 'bras bur 'brel ba'i phyir ro zhes bya ba de ma grub pa'i skyon med pa ma yin no zhes bstan to/ /gal te 'jig ba'i rgyu'i sngon rol na 'jig pa med du zin kyang phyis yod par 'gyur bas sngon ma zhig pa yang phyis 'jig pa nyid du 'gyur ro zhe na/ zhes bya ba ni/ pha rol pho dag dbum pas sngar ma zhig pa phyis de'i bdag nyid du 'gyur ba yang bstan dka' ba'i phyir ro zhes bshad pa de mi rung bar bsgrub pa'i chig yin te/ de dag na re dper na bum pa'i 'jig rgyu tho ba ma byung ba'i sngon rol na bum pa 'jig pa med du zin kyang phyis thob dang phrad pa na bum pa 'jig pa yod par 'gyur ba de bzhin du las dang chu shing la sogs pa dag kyang 'jig ba'i rgyu 'bras bu smin pa ma byung ba'i sngon rol na 'jig pa med du zin kyang phyis 'bras bu smin pa'i 'og tu 'jig pa yod par 'gyur bas/ des sngon ma zhig pa yang phyis 'jig pa yod pas des na sngon ma zhig pa yang phyis
- 29b
'jig pa nyid du 'gyur ba'i phyir/ sngar ma zhig pa phyis de'i bdag nyid du 'gyur ba yang bstan mi dka' bas/ kho bo cag gi gtan tshigs dang dpe ma grub pa'i skyon med do zhes zer ro/ /de'i lan du 'dir 'grel par byed pa nyid kyis de yang rigs pa ma yin te zhes bya ba smras te/ rigs pa dang lung gis de mi 'thad par bstan to/ /de la rigs bas de mi 'thad par bstan pa'i phyir/ 'di ltar gang zhig gang gis 'jig pa'i rgyur brjod pa de ni de'i 'jig pa'i rgyu ma yin te/ de las de gzhan yin pa'i phyir ram rgyu can yin pa'i phyir/ dper na de las gzhan pa bzhin bas rjes su dpag pas gnod pa'i phyir dang zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang dpe dang mjug bsdu ba yin par go rim bzhin du sbyar te/ dper na me tog 'jig pa'i rgyu kha ba dang tshwa de las gzhan pa mun pa 'jig pa'i rgyu nyi ma dang/ mar me dag ni me tog de las rgyu gzhan pa yin pa'i phyir ram/ rgyu can yin pa'i phyir me tog de'i 'jig pa'i rgyu ma yin pa de bzhin du las dang chu shing la sogs pa 'jig pa'i rgyu 'bras bu smin pa de yang las dang chu shing la sogs pa dag las gzhan yin pa'i phyir ram/ rgyu can yin pa'i phyir las dang chu shing la sogs pa dag gi 'jig pa'i rgyu ma yin pas rjes su dpag pa nges gnod pa'i phyir/ pha rol po dag na re/ 'jig pa'i rgyu'i sngon rol na 'jig pa med du zin kyang/ phyis 'jig pa'i rgyu dang phrad pa na 'jig pa yod par 'gyur ro// zhes zer ba ni rigs pa ma yin no/ /da ni lung gis de mi 'thad par bstan pa'i phyir/ lung las/ lus dang dbang po blo rnams ni/ /skad cig las ni ring mi gnas/ zhes gsungs pas khas blangs pa la gnod par 'gyur ba'i phyir ro zhes bya ba smras te/ lung las de skad gsungs pas/ pha rol po dag na re 'jig pa'i rgyu'i sngon rol na 'jig pa med do zhes zer ba de ni khas blangs pa la gnod par 'gyur ba'i phyir rigs pa ma yin no/ /re zhig de dag gis ni las de skyes nas smin pa'i dus kyi bar du gnas par gyur na/ rtag pa nyid du thal
- 30a
bar 'gyur ba'i phyir 'bras bu dang 'brel bar mi 'thad pa'i phyir/ pha rol po'i gtan tshigs las dang 'bras bu 'brel ba'i phyir ro zhes bya ba de ma grub par bstan to/ /da ni brtag pa gnyis pa mi 'thad par bstan pa'i phyir/ ci ste skyon der gyur na mi rung ngo snyam nas skyes ma thag tu 'jig par dam 'cha' na de lta na yang gal te 'gags na 'gags gyur pa/ /ji ltar 'bras bu bskyed par 'gyur/ /'gags pa ni rang gi bdag nyid med par kho na'i phyir ro zhes bya bar dgongs so zhes bya ba smras te/ gal te las de skyes ma thag tu 'jig par 'gyur na zhig cing 'gags par gyur pa ni rang gi bdag nyid med pa kho na yin pa'i phyir des ji ltar 'bras bu bskyed par 'gyur te/ 'bras bu dang 'brel par mi 'thad pas/ pha rol po'i gtan tshigs las dang 'bras bur 'brel pa'i phyir ro zhes bya ba de ma grub bo zhes bya bar dgongs so/ /'dir gzhan dag 'di skad ces 'gags pa ni rang gi bdag nyid med pa kho na'i phyir/ 'bras bu bskyed par mi byed pa bden mod kyi/ 'on kyang 'gag bzhin pa 'bras bu skyed par byed pas kho bo cag gi gtan tshigs las dang 'bras bur 'brel ba'i phyir ro zhes zer ba'i phyogs snga ma khong nas dbyung ba de'i lan du/ 'dir 'grel pa byed pa nyid kyis 'gag bzhin pa 'bras bu bskyed pa nyid du rtog na yang 'gag bzhin pa 'gags pa 'am/ ma 'gags pa nyid la de mi 'thad pa'i phyir dang brgal zhing brtags pa dang lan mtshungs pa'i phyir ro zhes bya ba smras te/ 'gag bzhin pa zhes bya ba'i ngo bo nyid kyang gang yin te/ 'gag pa 'am ma 'gag pa zhig pa yin pas 'gag bzhin pa zhes bya ba de mi 'thad pa'i phyir ro/ / gal te 'gags pa yin na ni rang gi bdag nyid med pa'i phyir/ 'bras bu skyed par mi byed pa dang/ gal te ma 'gags pa yin na yang rtag pa yin pa'i phyir/ des kyang 'bras bu skyed par mi byed do zhes brgal zhing brtag pa dang lan mtshungs pa'i phyir ro/ /'gag
- 30b
bzhin pa 'bras bu skyed pa nyid du brtag pa de yang rigs pa ma yin no/ /'gag bzhin pa ni 'gag pa la mngon par phyogs pa'o zhes bya bar rtog na yang skyon ji skad bstan pa nyid du 'gyur pa'i phyir ro zhes bya ba ni/ gal te pha rol po dag 'gag bzhin pa ni 'gags pa dang/ ma 'gags pa ma yin gyi 'gag pa la mngon par phyogs pa yin pas ji skad bstan pa'i skyon du mi 'gyur bar rtog na yang/ 'gag pa la mngon par phyogs pa zhes bya ba'i ngo bo nyid kyang gang yin te/ 'gag pa 'am ma 'gags pa zhig yin pas de la 'gag pa la mngon par phyogs pa zhes bya ba ni mi 'thad pa'i phyir dang/ gal te 'gags pa yin na ni rang gi bdag nyid med pa'i phyir/ 'bras bu skyed par mi byed pa dang/ gal te ma 'gags pa yin na yang rtag pa yin pa'i phyir/ des kyang 'bras bu skyed par mi byed do zhes brgal zhing brtag pa dang lan mtshungs pa'i skyon ji skad bstan pa nyid du 'gyur ba'i phyir 'gag bzhin pa ni 'gag pa la mngon par phyogs pa'o zhes bya bar rtog pa da yang rigs pa ma yin no/ /brjod par bya ba ma yin pa nyid du rtog na yang zhes bya ba ni gal te pha rol po dag 'gag pa la mngon par phyogs pa zhes bya ba ni 'gags pa dang/ ma 'gags pa nyid du brjod par bya ba ma yin pa yin pas des 'bras bu skyed pa'i phyir/ kho bo cag gi gtan tshigs las dang 'bras bur 'brel pa'i phyir ro zhes bya ba de 'grub bo snyam du rtog na'o/ /de yang mi rung bar bstan pa'i phyir/ don dam par brjod par bya ba ma yin pa ni 'bras bu bskyed pa nyid du mi 'thad de brjod par bya ba ma yin pa'i phyir/ dper na skye bzhin pas rjes su dpag pas gnod pa'i phyir/ de yang snying po ma yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang/ mjug bsdu ba yin par go rim bzhin du sbyar te/ dper na skye bzhin pa ni 'gegs pa dang ma 'gags pa nyid du brjod par bya ba ma yin pa'i phyir 'bras bu bskyed pa nyid du mi 'thad pa de bzhin du brjod par bya ba ma yin pa yang 'gags
- 31a
pa dang ma 'gags pa nyid du brjod par bya ba ma yin pa'i phyir/ 'bras bu bskyed pa nyid du mi 'thad pas rjes su dpag bas gnod pa'i phyir/ de yang snying po m yin no/ /de'i phyir de'i gtan tshigs kyi don ma grub pa nyid kyi skyon dang/ don 'gal? pa nyid kyi skyon de nyid yod do zhes bya ba ni/ mjug bsdu ba dang tshad ma'i 'bras bu yin te/ ji ltar las rtag pa nyid du rjes su dpog pa la 'bras bu bskyed pa nyid mi 'thad pas pha rol po'i gtan tshigs las dang 'bras bur 'brel ba'i phyir ro zhes bya ba don dam par ma grub pa nyid kyi skyon dang/ kun rdzob tu 'gal ba nyid kyi skyon yod pa de bzhin du las mi rtag pa nyid du rjes su dpog pa la 'bras bu bskyed pa nyid du mi 'thad pas pha rol po'i gtan tshigs las dang 'bras bur 'brel pa'i phyir ro zhes bya ba de don dam pa ni ma grub pa nyid kyi skyon dang kun rdzob tu ni 'gal ba nyid kyi skyon de nyid yod do/ /de ltar las kyang skyes nas smin pa'i dus kyi bar du gnas pa yin na ni rtag par 'gyur pa/ skyes nas 'jig par 'gyur ba yin na ni chad par 'gyur bas/ de ltar rtag pa dang chad pa'i skyon du gyur na 'bras bu dang 'brel bar mi 'thad pas pha rol po'i gtan tshigs las dang 'bras bur 'brel pa'i phyir ro zhes bya ba de ma grub pas/ des bsgrub par bya ba don dam par nang gi 'du byed rnams la 'khor ba yod pa kho na yin te zhes bya ba ma grub bo/ /'khor ba yod par ma grub na bcings pa med par thar pa med pa'i phyir/ sngar rab tu byed pa 'das ma thag pa'i skabs su pha rol po dag gi don dam par nang gi dngos po rnams la ngo bo nyid yod pa kho na yin te/ de dag la bcings pa dang thar pa yod pa'i phyir ro zhes smras pa'i gtan tshigs kyi rtsa ba ma grub pas bstan bcos mdzad pas don dam par nad gi dngos po rnams la ngo bo nyid med pa kho n yin no zhes dam bcas pa'i dgongs pa grub pa ni tshad ma'i 'bras bu yin par bstan to/ /'dir smras pa/ las dang 'bras bur 'brel pa ni 'thad pa kho na yin
- 31b
te/ ci'i phyir zhe na/ rgyud kyi rgyun las 'bras bu 'grub pa'i phyir te zhes bya ba la sogs pas ni/ de ltar dbu ma pas nyan thos bye brag tu smra ba dag gi gtan tshigs las dang 'bras bur 'brel ba'i phyir ro zhes bya ba de sun 'byung ba dang/ 'dir sde pa gzhan dag rnam pa gzhan gyi las dang 'bras bur 'brel pa 'thad par sgrub pa'i gzhung ston te/ 'di'i bsdus pa'i don ni dper na phyi rol gyi myu gu la sogs pa'i rgyun gang yin pa ni dang po'i sa bon las myu gu 'byung zhing/ rgyun de las tha ma'i 'bras bu 'byung bas rjes su 'gro ba yang yod la/ dang po'i sa bon med na myu gu la sogs pa'i rgyun de yang mi 'byung zhing tha ma 'bras bu'i bar du mi 'byung bas ldog pa yod do/ /de ltar gang gi phyir dang po'i sa bon las myu gu la sogs pa'i rgyun 'byung ba la rgyun las 'bras bu 'byung bar 'gyur zhing sa bon 'bras bu'i sngon du 'gro ba de'i phyir/ sa bon gyi rgyun gyis myu gu la sogs pa nges par gnas pas chad pa yang ma yin la myu gu byung nas sa bon 'gags pas rtag pa yang ma yin te/ de ltar rtag pa dang chad pa'i skyon du yang mi 'gyur la/ sa bon dang 'bras bur 'brel pa yang yod pa de bzhin du/ nang gi sems kyi rgyun 'brel par 'jug pa'i mtshan nyid gang yin pa yang dang po'i sems pa dge ba dang mi dge ba las 'byung zhing/ rgyun las tha ma'i 'bras bu yid du 'ong ba dang mi 'ong ba 'byung bas rjes su 'gro ba yang yod la/ dang po'i sems pa med na sems kyi 'brel par 'jug pa'i mtshan nyid kyi rgyun de yang mi 'byung zhing/ tha ma'i 'bras bu bar du yang mi 'byung bas ldog pa yang yod do/ /de ltar gang gi phyir dang po'i sems pa las sems kyi rgyun 'brel par 'jug pa'i mtshan nyid kyi rgyun 'byung la/ rgyun las 'bras bu 'byung bar 'gyur zhing/ sems pa 'bras bu'i sngon du 'gro ba de'i phyir/ sems pa'i rgyun gyi sems kyi rgyun gyi bar 'jug pa'i mtshan nyid nges par gnas pa na/ chad pa yang ma yin la/ sems kyi rgyun byung ba na sems pa 'gag pas rtag pa yang ma yin te/ de
- 32a
ltar rtag pa dang chad pa'i skyon du yang mi 'gyur la/ las dang 'bras bur 'brel ba yang yod pas/ kho bo cag gi gtan tshigs las dang 'bras bur 'brel ba'i phyir ro zhes bya ba grub pas/ des bsgrub par bya ba don dam par nang gi 'du byed rnams la 'khor ba yod pa kho na yin te/ zhes bya ba grub bo/ 'khor ba yod par grub na bcings pa yod pas thar pa yang yod pa'i phyir sngar rab tu byed pa 'das ma thag pa'i skabs su kho bo cag gis don dam par nang gi dngos po rnams la ngo bo nyid yod pa kho na yin te/ de dag la bcings pa dang thar pa yod pa'i phyir ro zhes smras pa'i gtan tshigs kyi rtsa ba grub pas/ don dam par nang gi dngos po rnams la ngo bo nyid yod pa kho na yin no zhes zer ro/ /de'i chos mthun pa'i dpe nyid bstan pa'i phyir/ 'di lta ste dper na/ myu gu la sogs rrgyun gang ni/ /sa bon las ni mngon par 'byung/ /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang/ /rgyun las 'bras bu 'byung 'gyur zhing/ /sa bon 'bras bu'i sngon 'gro ba/ /de'i phyir chad min rtag ma yin/ zhes bya ba smras so/ / de nyid bye brag tu bshad pa bstan pa'i phyir/ myu gu dang/ 'dab ma dang/ sdong bu dang/ sbu gu? dang/ snye ma dang/ spun pa dang/ gra ma dang/ sras dang/ 'bras thug po che la sogs pa'i mtshan nyid kyis rgyun gang yin pa de ni/ sa bon 'gags pa las mngon par 'byung zhing/ rgyun de las 'bras bu mngon par 'byung ngo zhes bya ba smras te/ des ni rjes su 'gro ba bstan to/ /sa bon med na myu gu sngon du btang ba'i rgyun de yang mngon par 'byung bar mi 'gyur ro zhes bya bas ni ldog pa bstan to/ /gang gi phyir sa bon las rgyun mngon par 'byung la/ rgyun las 'bras bu mngon par 'byung bar 'byung zhing/ sa bon 'bras bu'i sngon du 'gro ba de'i phyir/ chad pa ma yin te sa bon gyi rgyun gyis nges bar gnas pa'i phyir ro/ /rtag pa yang ma yin te/ myu gu 'byung ba na sa bon de 'gags pa'i phyir ro zhes bya bas ni/ de ltar rtag pa dang/ chad pa'i skyon du yang mi
- 32b
'gyur la/ sa bon dang 'bras bur 'brel ba yang yod par bstan to/ /de lta na de ni chos mthun pa'i dpe'i tshig yin no zhes bya ba ni de ltar phyi rol gyi 'du byed rnams las sa bon dang 'bras bur 'brel ba'i tshul bstan pa de ni nang gi 'du byed rnams la las dang 'bras bur 'brel pa yod par sgrub? pa'i chos mthun pa'i dpe'i tshig yin te/ 'dis mtshon pa'i don gyi dngos po ni 'og nas/ chos sgrub pa'i thabs rnams ni/ /dkar po'i las kyi lam bcu ste/ /chos kyi 'bras bu 'di gzhan du/ /'dod pa'i yon tan rnam lnga'o/ /zhes 'byung ba yin par sbyar ro/ /da ni dam bcas pa'i don nyid kyi phyogs dang/ sgrub pa'i chos dang/ mjug bsdu ba bstan pa'i phyir de bzhin du sems kyi rgyun ni gang yin pa/ sems pa las ni mngon par 'byung/ /de las 'bras bu sems pa ni/ /med na de yang 'byung mi 'gyur/ /gang phyir sems pa las rgyun dang/ /rgyun las 'bras bu 'byung 'gyur zhing/ /las ni 'bras bu'i sngon 'gro ba/ /de phyir chad min rtag ma yin/ zhes bya ba smras so/ /de nyid bye brag tu bshad pa bstan pa'i phyir/ sems kyi rgyun 'brel bar 'jug pa'i mtshan nyid gang yin pa byams pa dang/ byams pa ma yin pa'i sems pa las su brjod pa gang yin pa'i sems pa 'gag pa de las mngon par 'byung zhing/ rgyun alas 'bras bu 'd+d pa dang mi' dod pa nyams su myong ba'i mtshan nyid mngon par 'byung ngo zhes bya ba smras te/ des ni rjes su 'gro ba bstan to/ /sems pa med na sems kyi rgyun de yang mngon par 'byung bar mi 'gyur te zhes bya ba ni ldog par bstan to/ /de ltar des ni las kyi rgyun rjes su 'jug pa nyid bstan to zhes bya ba ni/ de ltar rjes su 'gro ba dang ldog pa bstan pa'i skabs des ni nad gi 'du byed rnams la las dang 'bras bur 'brel ba yod par sgrub pa'i chos gtan tshigs ni las dang 'bras bur 'brel ba'i rgyun rjes su 'jug pa nyid yin par bstan te/ 'og nas bcom ldan 'das kyis 'bras bu khyad par can thob par 'dod pa rnams la de dang 'brel pa
- 33a
thob par bya ba'i phyir/ thabs bstan pa yod pa'i phyir ro zhes 'byung ba dang sbyar ro/ /gang phyir sems pa las rgyun zhes bya ba rgyu dang 'bras bur dngos por 'brel zhing rgyas par gyur pa'i rgyun 'brel ba zhes bya ba'i don mngon par 'byung la/ rgyun las 'bras bu mngon par 'byung bar 'gyur zhing/ las 'bras bu'i sngon du 'gro ba de'i phyir chad pa yang ma yin la/ rtag pa yang ma yin te/ sgrub pa ji ltar bstan pas 'du byed rnams kyi rgyun gyis 'bras bu bskyed pa'i phyir dang/ skad cig ma gnyis par nges par mi gnas pa yin pa'i phyir ro zhes bya bar dgongs te zhes bya bas ni/ de ltar rtag pa dang chad pa'i skyon du yang mi 'gyur la/ las dang 'bras bur 'brel pa yang yod par bstan to/ /de ltar na de ni mjug bsdu ba'i tshig yin no zhes bya ba ni de ltar rtag pa dang chad pa'i skyon du yang mi 'gyur la/ las dang 'bras bur 'brel ba yang yod par bstan pa'i skabs de ni/ nang gi 'du byed rnams la las dang 'bras bur 'brel pa yod par bsgrub pa'i mjug bsdu ba'i tshig yin te/ 'og nas de'i phyir gtan tshigs ji skad smos pa'i mthus ji skad smras pa'i don grub bo zhes bya ba dang sbyar ro/ /da ni de nyid kyi rjes su dpag pa'i chad ma bstan par bya ste/ de'i phyir 'dir rjes su dpag pa ni/ don dam par sems can gyi sgrar brjod pa'i 'du byed rnams la/ las dang 'bras bur 'brel pa yod pa kho na yin te / bcom ldan 'das kyis 'bras bu khyad par can thob 'dod pa rnams la/ de dang 'brel pa thob par bya ba'i phyir/ thabs bstan pa yod pa'i phyir dper na sa bon dang 'bras bur 'brel pa bzhin no/ /'di na gang yod pa ma yin pa de la ni/ bcom ldan 'das kyis de dang 'brel pa thob par bya ba'i phyir thabs ma bstan te/ dper na nam mkha' i me tog gi phreng ba bzhin no zhes bya ba dag ni chos can dang bsgrub par bya ba chos dang/ sgrub pa'i chos dang/ chos mthun pa'i phyogs kyi dpe dang chos mi mthun pa'i phyogs kyi dpe yin par
- 33b
go rim bzhin du sbyar te /'di la ni/ chos sgrub pa'i thabs rnams ni/ dkar po las kyi lam bcu ste/ /chos kyi 'bras bu 'di gzhan du/ /'dod pa'i yon tan rnams lnga'o/ /rnam par smin pa dang rgyu mthun pa'i 'bras bu'i bye brag las so zhes/ bcom ldan 'das kyis 'bras bu khyad par can 'dod pa rnams la de dang 'brel pa thob par bya ba'i phyir/ thabs bstan pa yod pas zhes bya bas ni/ nye bar sbyar ba'i sbyor ba yin te/ ji ltar phyi rol gyi 'du byed rnams la sa bon dang 'bras bur 'brel ba'i tshul bstan pa de bzhin du nang gi 'du byed 'di la yang/ lus dang ngag dang yid kyi las dge ba'i chos sgrub pa'i thabs ni/ dge ba bcu'i las kyi lam rnams yin la/ chos de'i 'bras bu ni tshe 'di dang gzhan dag tu rnam par smin pa dang rgyu mthun pa'i 'bras bu'i bye brag las 'dod pa'i yon tan rnam pa lnga yin no zhes /bcom ldan 'das kyis 'bras bu khyad par can 'dod pa'i skye bo rnams la 'bras bu de dang 'brel ba'i lus dang ngag dang yid kyi las dge ba'i chos thob par bya ba'i thabs dge ba bcu'i las kyi lam bstan pa yod pas so/ /de'i phyir gtan tshigs ji skad smos pa'i mthus ji skad smras pa'i don 'grub po zhes bya ba ni mjug bsdu ba yin te/ 'di na mkha' i me tog lta bu gang yod pa ma yin pa la/ bcom ldan 'das kyis de dang 'brel pa thob par bya ba'i phyir/ thabs ma bstan pa de la ni las dang 'bras bur 'brel ba med pa kho na yin gyi/ /sa bon dang 'bras bu lta bur yod pa gang la/ bcom ldan 'das kyis 'bras bu de dang 'brel ba'i sa bon thob par bya ba'i thabs zhing la sogs pa bstan pa de la ni/ sa bon dang 'bras bur 'brel ba yod pa kho na yin pa de bzhin du sems can gyi sgrar brjod pa'i 'du byed rnams kyi las dang 'bras bur 'brel pa yod pa gang dag la bcom ldan 'das kyis 'bras bu de dang 'brel pa'i lus dang ngag dang yid kyi dge ba'i las chos thob par bya ba'i thabs /dge ba bcu'i
- 34a
las kyi lam bstan pa de dag la yang las dang 'bras bur 'brel pa yod pa kho na yin pas/ de'i phyir gtan tshigs ji skad smos pa 'di'i mthus kho bo cag gi gtan tshigs snga ma las dang 'bras bur 'brel pa'i phyir ro zhes bya ba de grub pas des bsgrub par bya ba don dam par nang gi 'du byed rnams la 'khor ba yod pa kho na yin te zhes bya bar grub bo/ /'khor ba yod par grub na bcings pa yod pas thar pa yang yod pa'i phyir/ sngar rab tu byed pa 'das ma thag pa'i skabs su kha bcag gis don dam par nang gi dngos bo rnams la ngo bo nyid yod pa kho na yin te/ de dag la bcings pa dang thar pa yod pa'i phyir ro zhes smras pa'i gtan tshigs kyi rtsa ba grub pas/ kho bo cag gi don dam par nang gi dngos po rnams la ngo bo nyid yod pa kho na yin no zhes ji skad smras pa'i don grub bo zhes zer ro// //bam po lnga bcu bdun pa/ gzhan dag gis smras pa/ gal te rtag pa der gyur na/ /nyes pa chen po mang por 'gyur/ /de lta bas na rtag pa nges/ /'dir ni 'thad pa ma yin no/ /zhes bya ba ni 'dir nyan thos bye brag tu smra ba dag gis sngar sde pa gzhan dag gis sa bon dang myu gu'i rgyun 'brel pa bzhin du las dang 'bras bur 'brel par gyur pas/ 'khor ba yod do zhes smras pa'i gzhung mi 'thad par sun 'byin zhing/ rang gi grub pa'i mdza' las ni skad cig ma ste byas ma thag tu 'gag pa skad cig ma de'i chud mi za ba zhes bya ba skad cig ma ma yin pa'i chos las kyi rgyu las byung ba lung du ma bstan pa sems dang ldan pa'i 'du byed du gtogs pa sems kyi rgyu la skye ba nges par gnas pa bu lon gyi dbang rgya lta bu zhig yod pa des las 'gags pa bu lon gyi nor gzhan la btang pa lta bu de'i rnam par smin pa chud mi za bar 'dzin cing gnas pas/ des gang zag byed pa po la tshe 'di 'am/ phyi ma lan grangs gzhan la rnam par smin pa dang/ rgyu mthun pa'i 'bras bu chud mi za bar 'bul zhing byed pa pos 'bras bu myong
- 34b
bar 'gyur bas/ las dang 'bras bur 'brel pa yod pa'i phyir/ lung las kyang/ las rnams bskal ba brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ ces gsungs pas de'i phyir kho bo cag gis gtan tshigs las dang 'bras bur 'brel pa yod pa'i phyir ro zhes bya ba grub pas/ des bsgrub par bya ba don dam par nang gi 'du byed rnams la 'khor ba yod pa kho na yin te zhes bya ba grub po/ /'khor ba yod par grub na bcings pa yod pas/ thar pa yang yod pa'i phyir/ sngar rab tu byed pa 'das ma thag pa'i skabs su don dam par nang gi dngos po rnams la ngo bo nyid yod pa kho na yin te/ de dag la bcings pa dang thar pa yod pa'i phyir ro/ /zhes bya ba'i gtan tshigs kyi rtsa ba grub pas/ sngar kho bo cag gis don dam par nang gi dngos po rnams la ngo bo nyid yod pa kho na yin no zhes ji skad smras pa'i don grub po zhes bya ba'i gzhung ston to/ /de la re zhig sngar sde pa gzhan dag gis smras pa'i gzhung mi 'thad par sun dbyung bar bstan pa'i phyir/ gal te khyod kyis sa bon gyi rgyun dang chos mthun pa'i mtshan nyid kyi rtog pa de lta bur gyur na/ nyes pa'i skyon chen po mang du 'byung bar 'gyur te zhes bya ba smras te/ de la nyes pa'i skyon chen po mang du 'byung bar 'gyur ba ji snyed cig kyang smra bar nus med kyi/ dpe tsam zhig brjod par bya'o/ /'di la sa bon las sa bon dang rigs mthun pa'i myu gu'i rgyun 'byung bar 'gyur bas/ de lta na shing a mra'i sa bon las a mra nyid skye'i/ shing ni mA? mi skye la/ shing nim ba'i sa bon las kyang nim ba nyid skye yi/ shing a mra mi skye ste/ de'i phyir shing a mra las kyang a mra'i 'bras bu nyid skye zhing shing nim+ba'i 'bras bu mi skye la/ shing nim+ba las kyang nim+ba'i 'bras bu nyid skye zhing/ shing a mra'i 'bras bu mi skye pas/ de lta na sa bon dang 'dra ba'i rgyun 'byung gi mi 'dra ba mi 'byung ngo/ /gal te sems kyi rgyun 'brel pa las 'bras bu 'byung ba yang de dang 'dra bar gyur na yang/ mi'i
- 35a
sems las kyang mi'i rgyun kho na 'byung la/ lha'i sems las kyang lha'i rgyun kho na 'byung/ /dud 'gro'i sems las kyang dud 'gro'i rgyun kho na 'byung/ yi dags kyi sems las kyang yi dags kyi rgyun kho na 'byung/ sems can dmyal ba'i sems las kyang sems can dmyal ba'i rgyun kho na 'byung bar 'gyur ro/ /de ltar gyur na 'gro ba 'khrul pa med pas rtsom pa thams cad don med pa nyid du 'gyur te/ de la nyes pa'i skyon chen po de dag la sogs pa mang du 'byung bar 'gyur ro/ /de nyid kyi rjes su dpag pa bstan pa'i phyir/ mi'i rgyud las lha la sogs pa'i rgyud du skye bar mi 'gyur te/ rigs tha dad pa'i phyir/ dper na shing nim+ba'i sa bon las a mra la sogs pa'i 'bras bu skye bar mi 'gyur ba bzhin pas rjes su dpag pas gnod pa'i phyir ro zhes bya ba smras te/ nges ni gal te sde pa gzhan dag gi sa bon gyi rgyun dang chos mthun pa'i mtshan nyid brtag pa de ltar gyur na 'gro ba 'khrul pa med pas thams cad don med pa nyid du 'gyur ba'i nyes pa'i skyon chen po mang du 'byung bar 'gyur ba ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na shing nim+ba'i sa bon dang a mra la sogs pa'i 'bras bu ni rigs tha dad pa'i phyir/ shing nim+ba'i sa bon las a mra la sogs pa'i 'bras bu skye ba rim 'gyur ba de bzhin du/ mi'i rgyud dang lha la sogs pa'i rgyud kyang rigs tha dad pa'i phyir/ mi'i rgyud las lha la sogs pa'i rgyud du skye bar mi 'gyur bas rjes su dpag pa des gnod pa'i phyir/ gal te sde pa gzhan dag gi sa bon gyi rgyun dang chos mthun pa'i mtshan nyid kyi brtag pa de ltar gyur na/ nyes pa'i skyon chen po mang du 'byung bar 'gyur bas/ de ni mi 'dod do/ /de bzhin du dge ba'i sems las mi dge ba dang/ lung du ma bstan pa'i sems dang/ mi dge ba'i sems las dge
- 35b
pa dang lung du ma bstan pa'i sems dang/ lung du ma bstan pa'i sems las dge ba dang mi dge ba'i sems dang/ 'dod pa na spyod pa'i sems las gzugs dang gzugs med pa na spyod pa dang/ 'jig rten las 'das pa'i sems dang/ gzugs na spyod pa'i sems las 'dod pa dang/ gzugs med pa na spyod pa dang/ 'jig rten las 'das pa'i sems dang/ gzugs med pa na spyod pa'i sems las 'dod pa dang gzugs na spyod pa dang/ 'jig rten las 'das pa'i sems skye bar mi 'gyur te/ rjes su dpag pa ji skad bstan pas gnod par 'gyur ba'i phyir te/ zhes bya bas gtan tshigs dang dpe snga ma bzhin du sbyar te/ des ni gal te sde pa gzhan dag gi sa bon gyi rgyun dang chos mthun pa'i mtshan nyid kyi rtag pa de ltar gyur na/ dge ba dang mi dge ba dang lung du ma bstan pa zag pa med pa'i sems sna tshogs 'jug thogs su mi skye zhing khams 'khrul ba med pas rtsom pa thams cad don med pa nyid du 'gyur pa'i nyes pa'i skyon chen po mang du 'byung bar 'gyur te/ de dag kyang chos can dang/ bsgrub par bya ba chos dang/ sgrub pa'i chos dang/ dpe dang/ mjug bsdu ba yin par go rim bzhin du sbyar te/ dper na shing nim+ba'i sa bon dang a mra la sogs pa'i 'bras bu ni rigs tha dad pa'i phyir shing nim+ba'i sa bon las a mra la sogs pa'i 'bras bu skye bar mi 'gyur ba de bzhin du/ dge ba'i sems dang mi dge ba'i sems la sogs pa dang 'dod pa na spyod pa'i sems dang/ gzugs na spyod pa'i sems la sogs pa dag kyang rigs tha dad pa'i phyir/ dge ba'i sems las mi dge ba'i sems la sogs pa dang/ 'dod pa na spyod pa'i sems las gzugs na spyod pa'i sems la sogs pa skye bar mi 'gyur bas rjes su dpag pa nges gnod pa'i phyir/ gal te sde pa gzhan dag gi sa bon gyi rgyun dang/ chos mthun pa'i mtshan nyid kyi brtag pa de ltar gyur na nyes pa'i skyon chen po mang du 'byung bar
- 36a
'gyur bas/ de yang mi 'dod do/ /de ltar na dge ba dang/ mi dge ba dag bya ba dang spang bar mi 'thad pas de'i phyir brtag pa de ni 'dir 'thad ba ma yin no zhes bya ba ni mjug bsdu ba dang/ tshad ma'i 'bras bu yin te/ dge ba dang mi dge ba dang bsgribs ba dang ma bsgribs pa'i lung du ma bstan pa'i bye brag las sems sna tshogs nyid du 'gyur zhing sems sna tshogs pa nyid las rgyun sna tshogs pa nyid du 'gyur/ rgyun sna tshogs nyid las las sna tshogs nyid dang/ las sna tshogs nyid las 'gro ba dang/ rigs dang/ rus dang/ yul dang dus dang/ dbang po dang/ kha dog dang/ dbyibs dang/ stobs dang/ blo la sogs pa tha dad par 'gyur ba yin na/ de yang brtag pa 'dis mi 'thad pas de'i phyir/ skyon chen po mang po du mar 'gyur bas brtag pa de ni 'dir 'thad pa ma yin no// de ltar sde pa gzhan dag gis smras pa'i gzhung mi 'thad par sun byung nas/ da ni ? gi grub pa'i mdza' bstan pa'i phyir/ 'o na ji lta bur 'thad ce na/ smos pa'i skyon gyis dri mas ma gos pa/ sangs rgyas rnams dang rang rgyal dang/ /nyan thos rnams kyis gsungs pa yi/ / brtag pa gang zhig 'dir 'thad pa/ /de ni rab tu brjod par bya/ /zhes bya ba ? nyid bstan pa'i phyir/ de yang gang zhe na/ ji ltar bu lon dbang rgyu ltar/ /de ltar las kyang chud mi za/ zhes bya ba la sogs pa ste/ chud mi za ba zhes bya ba'i chos de'i mtshan nyid ni bye brag tu smra ba rnams kyi grub pa'i mdza' las bu ? ji ltar ba de ltar ni ? bya pa/ dbang rgya ji lta ba de ltar ni chud mi za ba de blta bar bya'o/ /de lta bas na las kyi skad cig ma de byas ma thag tu 'gag la/ las skad cig ma de'i chud mi za ba zhes bya ba skad cig ma ma yin pa'i chos las kyi rgyu las chung ba lung ba lung du ma bstan pa sems dang mi ldan pa'i 'du byed du gtogs pa sems kyi rgyud la skye ba nges par gnas pa bu lon gyi dbang rgya lta bu zhig yod pa des las 'gags pa bu lon gyi nor gzhan la btang ba lta bu de'i rnam par smin ?
- 36b
chud mi za bar 'dzin? cing gnas pas/ des gang zag byed pa po la tshe 'di 'am/ phyi ma 'du/ lan grangs gzhan la rnam par smin pa dang rgyu mthun pa'i 'bras bu chud mi za bar 'bul zhing byed ba pos 'bras bu myong bar 'gyur bas/ las dang 'bras bur 'brel ba yong ba'i phyir lung las kyang/ las rnams bskal pa brgyar yang ni/ /chud mi za ba'ang tshogs dang bus/ /rnyed na lus can rnams la ni/ /'bras bu dag ni 'gyur ba nyid/ /ces gsungs pa de'i phyir/ las dang 'bras bur 'brel pa yang yod la/ rtag pa dang chad pa'i skyon du yang mi 'gyur ba yin pas/ des na kho bo cag gi gtan tshigs las dang 'bras bur 'brel ba yod pa'i phyir ro zhes bya ba grub pas brtag pa de nyid 'thad pa yin no zhes zer ro/ /de nyid bstan pa'i phyir/ bu lon gyi dbang rgya ji lta ba de ltar las kyi phyag rgya chud mi za ba'i mtshan nyid kyi chas nges bar gnas te/ dper na bu lon gyi nor de spyad kyang dpang rgya yod pas nor bdag gi nor chud mi za zhing nor gyi phung po skyed dang bcas pa 'ong bar 'gyur ba de bzhin du/ las skad cig ma 'gags su zin kyang de'i rgyu las byung ba chud mi za ba zhes bya ba'i chos yod pas byed ba po'i las kyi 'bras bu chud mi za zhing 'bras bu khyad par can dang bcas pa 'ong bar 'gyur ro/ /zhes bya ba smras so/ /ji ltar nor bdag gi nor phyir khrugs na bu lon kyi dpang rgya ror 'gyur ba de ltar byed pa pos 'bras bu myong na chud mi za ba yang de bzhin du 'gyur ro zhes bya ba mi 'og nas rnam par smin kyang gnas pa yin/ zhes 'byung bas/ de shog ro dang 'dra bar gnas su zin kyang yang 'bras bu skye bar ni mi nus te/ 'bras bu bskyed zin pa'i phyir nges par spyad zin pa'i dbang rgya bzhin no/ /chud mi za ba de rnam pa du yod ce na/ de'i phyir/ de ni khams las rnam pa bzhi/ /chud mi za ba de ni 'dod pa dang/ gzugs dang gzugs med par gtogs pa dang/ zag pa med pa'i khams kyi bye brag las rnam pa bzhir 'gyur ro/ /zhes bya ba smras te/ khams gsum pa dang zag pa med par gtogs pa zhes bya ba'i tha tshig go /chud mi
- 37a
za ba de'i rang bzhin ji lta bu zhe na/ de'i phyir /de yang rang bzhin lung ma bstan/ /dge ba dang mi dge ba nyid du brda mi sprod pa'i phyir ro zhes bya ba smros te/ khams gsum pa dang zag pa med par gtogs pa'i las dag ni dge ba dang mi dge ba yin mod kyi/ de dag gi rnam par smin pa 'dzin pa'i chud mi za bde ni dge ba dang mi dge ba nyid du brda mi sprod pa'i phyir/ rang bzhin gyi lung du ma bstan pa yin no/ /khams gsum pa dang ? pa med par gtogs pa'i las dag zag pa dang bcas ba dang zag pa med pa yin pas de dag gi rnam par smin pa 'dzin pa'i chud mi za ba de yang las kyi bye brag gis rnam par dbye na zag pa dang bcas pa dang zag pa med pa rnam pa gnyis su shes par bya bar zad kyi/ de'i ngo bo nyid ni zag pa dang bcas pa dang zag pa med pa nyid du brda mi spyod pa'i phyir/ yang rang bzhin gyis lung du ma bstan pa yin no/ /chud mi za ba de ji ltar spong bar 'gyur zhe na/ de'i phyir/ spong bas spang ba ma yin te/ sdug bsngal dang kun 'byung ba dang 'gog ba dang lam mthong bas spang bar bya ba spong bas spang bar bya ba ma yin pa'i phyir ro zhes bya ba smras te/ chud mi za ba rnam pa bzhi po rang bzhin kyis lung du ma bstan pa de ni bden pa bzhi mthong pas spang bar bya ba khams gsum gyi phra rgyas brgyad du rtsa brgyad spong bas spang ba ma yin te/ de ltar mthong ba'i lam gyis ni mi dge ba dang zag pa dang bcas pa'i las dang nyon mongs pa rnams spong ba yin gyi / dge ba dang zag pa med pa dang lung du ma bstan pa spong ba ma yin la/ chud mi za ba de ni rang bzhin gyis lung du ma bstan pa yin pas mthong ba'i lam gyis spang ba ma yin pa'i phyir ro/ /'o na de gang gis spong zhe na/ de'i phyir sgom pas spang ba nyid kyang yin/ 'bras bu 'pho ba na sgom pa'i lam gyis spang ba yin pa'i phyir ro zhes bya ba smras te/ chud mi za ba de mthong ba'i lam gyi skad cig ma bco lnga'i bar du ni mi spong ngo/ /skad cig ma bco lnga ba nas skad cig ma bcu drug par rgyun tu zhugs pa'i 'bras bu 'pho ba na sgom pa'i lam gyis so so'i skye bo'i
- 37b
las mi dge ba dang zag ba dang bcas pa dang rgyun tu 'jug pa'i las kyi rnam par smin pa 'dzin pa'i chud mi za ba lung du ma bstan pa de spang ba yin la/ de bzhin du rgyun tu zhugs pa'i 'bras bu nas lan cig phyir 'ong ba'i 'bras bur 'pho ba na skom pa'i lam gyis rgyun tu zhugs pa dang/ lan cig phyir 'ong bar 'jug pa'i las dge ba dang/ zag pa med pa'i rnam par smin pa 'dzin pa'i chud mi za ba lung du ma bstan pa de spang ba dang/ lan cig phyir 'ong ba'i 'bras bu nas phyir mi 'ong ba'i 'bras bur 'pho ba na/ sgom pa'i lam gyis lan cig phyir 'ong ba dang/ phyir mi 'ong bar 'jug pa'i chung mi za ba de spang pa dang/ phyir mi 'ong ba'i 'bras bu nas dgra bcom pa nyid kyi 'bras bur 'pho ba na sgom pa'i lam gyis phyir mi por ba dang/ dgra bcom par 'jug pa'i chud mi zad de spang ba dang/ dgra bcom pa'i chud mi za ba ni phung po'i lhag ma med pa'i mya ngan las 'das pa'i dbyings su spang ba yin pa'i phyir/ chud mi za ba de ni bsgom pas spang ba nyid yin no/ /kyang zhes bya ba'i sgra ni 'bras bu bskyed pas kyang spang ba nyid yin no zhes rnam par brtag pa'i don to zhes bya ba ni/ kyang gi sgras ji ltar nor bdag gis nor phyir khugs na bu lon gyi dbang rgya ror 'gyur ba de ltar byed pa pos 'bras bu myong na chud mi za ba yang de bzhin du 'gyur ro zhes bya ba yang bsdu ba'i don te/ de'i 'og nas/ rnam par smin kyang gnas pa yin zhes 'byung bas chud mi za ba des/ tshe 'di 'am phyi ma dang lan grangs gzhan la byed pa po la las kyi 'bras bu phul te byad pa pos 'bras bu myong yang chud mi za ba de ni/ las rnam par smin nas 'gag pa de ltar nges par 'gag pa nyid ma yin te ji srid du 'bras bu 'phos pa dang shi bar ma gyur gyi bar du gnas pa yin mod kyi/ de gnas su zin kyang yang 'bras bu bskyed par ni mi nus te/ 'bras bu bskyed zin pa'i phyir/ des par bcad zin pa'i dbang rgya bzhin du 'gyur ba la dgongs nas/ 'dir kyang gi sgras 'bras bu bskyed pas kyang spang ba nyid yin no zhes rnam par brtag pa'i
- 38a
don bstan to/ /chud mi za ba de mthong ba'i lam gyis ma spangs pa'i yon tan bstan pa'i phyir/ de phyir chud mi za ba yi/ /las kyi 'bras bus bskyed par 'gyur/ /gang phyir de sdug bsngal la sogs pa mthong bas spang bar bya ba spong bas / spangs pa ma yin pa de'i phyir/ sdug bsngal la sogs pa mthong bas spang bar bya ba'i las mi dge ba mthong bas lam gyis spangs pa bzhin du sgom pa'i lam gyi las dge ba rang 'gags te/ spangs su zin kyang chud mi za bas sgom pa'i lam gyi 'bras bu thob pa rnams la yang las rnams kyi 'bras bu bskyed par 'gyur ro zhes bya ba smras te/ gang gi phyir chung mi za ba de spong bas spang ba ma yin pa de'i phyir/ ji ltar mthong ba'i lam gyi las ni mi dge ba spangs ba bzhin du sgom pa'i lam gyi las dge ba rang 'gags te spangs su zin kyang chud mi za ba mthong ba'i lam gyi spangs pa sgom pa'i lam gyi gnas skabs na/ yod pa des sgom pa'i lam gyi 'bras bu thob pa'i gang zag rnams la yang las rnams kyi 'bras bu bskyed par 'gyur ba ni chud mi za ba de mthong ba'i lam gyis ma spangs pa'i yon tan yin no// chud mi za bde mthong ba'i lam gyis spang ba dang/ las 'gag pa bzhin du spong zhing 'gag par gyur na mi rung ba'i nyes dmigs bstan pa'i phyir/ de la chud mi za ba de/ gal te spong bas spangs pa dang/ /las 'pho ba dang mthun 'gyur na/ /de la las 'jig la sogs pa'i/ /skyon rnams su ni thal bar 'gyur/ /de la gal te chud mi za ba de sdug bsngal la sogs pa mthong bas spangs bar bya ba'i nyon mongs pa'i phra rgyas sdug bsngal la sogs pa mthong bas spang bar bya ba dang/ ris mthun pa yin par gyur tam /las byas ma thag tu rang 'gag cing 'pho ba dang ris mthun pa yin par gyur na/ de la las kyi 'bras bu med pas/ las 'jig pa la sogs pa'i skyon rnams su thal bar 'gyur ro zhes bya ba smras te/ gal te chud mi za ba de mthong bas spang ba'i phra rgyas dag dang ris mthun zhing mthong
- 38b
bas spang bar bya ba yin nam/ las byas ma thag tu rang 'gag cing 'pho ba dang/ ris mthun zhing 'gag pa yin par gyur na/ de lta na sdug bsngal la sogs pa mthong zhing spang bar bya ba spangs te med pa bzhin nam/ las 'gags te med pa bzhin du/ chud mi za ba de yang med par 'gyur bas/ de la las kyi 'bras bu med pas/ las 'jig pa dang 'bras bu 'jig pa la sogs pa'i skyon rnams su thal bar 'gyur bas/ de ni mi 'dod de/ chud mi za ba de mthong ba'i lam gyis spang ba ma yin pa'i khungs bstan pa'i phyir/ las dge ba ni mthong ba'i lam gyis spangs ba yin par blta bar bya ste/ 'phags pa yang so so'i skye bo'i las dang ldan par gyur na mi rung ba'i phyir ro zhes bya ba smras te/ las mi dge ba ni mthong ba'i lam gyis spangs pa yin te/ de lta ma yin du zin kyang mthong ba thob pa'i 'phags pa yang so so'i skye bo'i las mi dag ba dang ldan par 'gyur bas de ni mi 'dod do de'i phyir mthong ba'i lam gyis ni las mi dge pa 'ba' shig spong bar zad kyi dge ba dang lung du ma bstan pa dag mi spong la/ chud mi za ba de ni lung du ma bstan pa yin pas spang bar bya ba dang ris mthun pa ma yin pa'i phyir mthong bas spang/ bar bya ba ma yin no/ /de lta bas na mthong bas spang bar bya ba dang las bzhin du spang bar bya ba ma yin pa ste zhes bya ba de nyes dmigs de gnyis bsal ba'i 'jug bsdu ba yin te/ chud mi za ba de ni spong bas spang ba dang ris mthung pa yin la/ las 'pho ba dang ris mthun po yang ma yin pas/ mthong bas spang bar bya ba dang las bzhin du spang bar bya ba ma yin no/ /'o na nam spong zhe na/ de'i phyir/ 'bras bu 'phos na ni spong bar 'gyur ro zhes bya ba smras te/ de'i 'og nas/ de ni 'bras bu 'phos pa dang/ /shi bar gyur na 'gag par 'gyur// zhes 'byung ba'i skabs kyis ston par 'gyur ro/ /chung mi za ba de khams 'phobs ji ltar slong par 'gyur zhe na/ de'i phyir 'dod par gtogs pa ni 'dod pa'i khams las yang dag par 'das pas spong la/ gzugs dang gzugs med par gtogs pa dag kyang gzugs
- 39a
dang gzugs med pa'i khams dag las yang dag par 'das pas spong ngo zhes bya ba smras te/ khams gzhan nas shi 'phos te khams gzhan du skye ba'i tshe na khams snga ma'i chud mi za ba khams mtshungs par nyid mtshams sbyor ba'i tshe gcig pu kho nar skye ba de yang spong zhing/ khams gzhan gyi chud mi za ba gzhan skye'o/ /chung mi za ba ji ltar skye bar 'gyur zhe na/ de'i phyir khams mtshungs las ni cha mtshungs dang/ /cha mi mtshungs pa thams cad kyi/ /de ni nyid mtshams sbyor ba'i tshe/ /gcig pu kho na skye bar 'gyur/ /khams mtshungs pa'i zhes bya ba ni khams 'dra ba'i 'o/ /las cha mtshungs pa'i ni ris mthun pa'o/ /cha mi mtshungs pa ni rigs mi mthun pa'o/ /de dag thams cad kyis chud mi za ba de tshe 'di la re re las skyes pa ni nyid mtshams sbyor pa'i dus kyi tshe de dag thams cad 'gags pa na yang gcig kho na skye bar 'gyur ro zhes bya ba smras te/ 'dod pa dang/ gzugs dang gzugs med pa dang/ zag pa med pa'i khams dag las khams mtshungs pa'i las dge ba 'am mi dge pa 'am/ lung du ma bstan pa 'am/ zag pa med par so sor cha mtshungs shing rigs mthun pa dang/ phan tshun cha mi mtshungs shing rigs mi mthun pa mang po de dag thams cad kyi chung mi za ba de tshe 'di la ni las re re las skye'o/ /nyid mtshams sbyor ba'i dus kyi tshe na ni las re re las skyes pa de dag thams cad 'chi pa'i char gtogs pa'i sems dang lhan cig 'gag cing gcig bu kho na zhig skye ba'i char gtogs pa'i sems dang lhan cig tu skye bar 'gyur te/ des ni nyid mtshams sbyor ba'i tshe gcig bu kho nang skye bar 'gyur ba'i tshul bstan to/ /da ni 'di la khams mtshungs pa'i las cha? mtshungs pa dang/ cha mi mtshungs pa mang po de dag thams cad kyi chud mi blo? ba de las re re las tha dad par skre? ba dang/ rnam par smin na yang gnas pa'i tshul bstan
- 39b
pa'i phyir/ tshe 'di la ni las rang las/ /rnam pa gnyis po thams cad kyi/ /de ni tha dang skye 'gyur zhing/ /rnam par smin kyang gnas pa yin/ zhes bya ba smras so/ /de dag nyid bye brag tu bshad pa bstan pa'i phyir/ tshe 'di la ni las dang las so so ba sems ba dang bsams pa'i bye brag gam/ dge ba dang mi dge ba'i bye brag gis rnam pa gnyis po thams cad kyi chud mi za ba gang yin pa de ni tha dad par skye bar 'gyur ro zhes bya ba smras te/ des ni tshe 'di la khams mtshungs pa'i las dang las so so ba cha mtshungs pa dang/ cha? mi mtshungs pa mang po de dag thams cad kyi chud mi za ba de las re re las tha dad par skye ba'i tshul bstan to/ /rnam par smin na yang gnas pa yin te/ de ni las rnam par smin pa'i rgyus 'gag pa ltar nges pa nyid ma yin no zhes bya bas ni rnam par smin na yang gnas ba'i tshul bstan te/ chud mi za ba des tshe 'di lam phyi ma 'am lan grangs gzhan la byed pa bo la las kyi 'bras bu phul te byed pa pos 'bras bu myong yang chung mi zab de ni/ las rnam par smin nas 'gag pa ltar nges par 'gag pa nyid ma yin te/ ji srid du 'bras bu 'pho ba dang/ shi bar ma gyur gyi bar du gnas pa yin no/ /de ltar na sngar bsgom pas spang ba nyid kyang yin zhes bstan pa'i skabs su kyang zhes bya ba'i sgras ni 'bras bu bskyed pas kyang spang ba yin no zhes rnam par brtag pa'i don to/ /zhes smos pa de yang 'gag la chud mi za ba gnas pa des yang dang yang du las kyi 'bras bu bskyed par yang 'gyur ro snyam du dgongs pa bsal ba'i phyir/ de gnas su zin kyang 'bras bu bskyed par mi nus te/ 'bras bu bskyed zin pa'i phyir nges par spyad zin pa'i dbang rgya bzhan no zhes bya ba smras te/ des ji ltar nor bdag gis nor phyir/ byugs na bu lon gyi dbang rgya ror 'gyur ba ltar byed pa pos 'bras bu myong na chud mi za ba yang de bzhin du 'gyur ro zhes bya ba nyid bstan te/ de shog ro dang 'dra bar gnas su zin kyang yang 'bras bu bskyed par mi
- 40a
nus pas spangs pa dang 'dra ba'i phyir/ sngar bsgom pas spang? ba nyid kyang yin zhes bstan pa'i skabs su kyang zhes bya ba'i sgra ni 'bras bu bskyed pas kyang spang ba nyid yin no zhes rnam par bstan pa'i don te/ zhes smos pa de yang mi 'gal la/ chud mi za ba gnas pa des yang dang yang du las kyi 'bras bu bskyed par yang mi 'gyur ro/ /chud mi za ba de ji ltar 'gag par 'gyur ba dang de'i rnam par dbye ba bstan pa'i phyir/ de ni 'bras bu 'phos pa dang/ /shi bar gyur na 'gog par 'gyur/ /de yi rnam dbye zag med dang/ /zag dang bcas par shes par bya/ zhes bya ba smras te/ de dag ni bye brag tu bshad pa bstan pa'i phyir/ las de'i chud mi za ba de'i 'gag pa ni rnam pa gnyis su nges pa yin te/ 'bras bu 'phos par gyur pa dang/ shi bar gyur pa'o zhes bya ba ni mdor bstan pa'o/ /de la 'bras bu 'phos par gyur ba ni bsgom pas spang ba nyid yin zhes bstan pa yin no zhes ba ni chud mi za ba de mthor ba'i lam gyi skad cig ma bco lnga'i bar du ni spong po/ /skad cig ma bco lnga ba nas skad cig ma bcu drug bar rgyun tu zhugs pa'i 'bras bur 'pho ba na sgom pa'i lam gyi so so'i skye bo'i las mi dge ba dang/ zag pa dang bcas pa dang/ rgyun tu zhugs pa'i las kyi rnam par smin pa 'dzin pa'i chud mi za ba lung du ma bstan pa de spong la/ rgyun tu zhugs pa'i 'bras bu nas lan cig phyir 'ong ba'i 'bras bur 'pho ba na sgom pa'i lam gyi rgyun tu zhugs pa dang/ lan cig phyir 'ong bar 'jug pa'i las dge ba dang/ zag pa med pa'i rnam par smin pa 'dzin pa'i chud mi za ba lung du ma bstan pa de spong ba dang/ lan cig phyir 'ong ba'i 'bras bu nas phyir mi 'ong ba'i 'bras bur 'pho ba na sgom pa'i lam gyi phan cig phyir 'ong ba dang/ phyi mi 'ong bar 'jug pa'i chud mi zab de spong ba dang/ phyir mi 'ong ba'i 'bras bu nas dgra bcom pa nyid kyi 'bras bur 'pho ba na sgom pa'i lam gyi phyir mi 'ong ba dang/ dgra
- 40b
bcom par 'jug pa'i chud mi za ba de spong ba dang/ dgra bcom pa'i chud mi za ba ni phung po'i lhag ma med pa'i mya ngan las 'das pa'i dbyings su spong ba ni 'bras bu 'phos par gyur pas 'gag pa yin te/ de dag gis ni 'bras bu ma bskyed pa'i chud mi za ba yang spong bar 'gyur ro// shi bar gyur pa ni/ khams mtshungs las ni cha mtshungs dang/ /cha mi mtshungs pa thams cad kyi/ /de ni nyid mtshams sbyor ba'i tshe/ /gcig pu kho na skye bar 'gyur/ zhes bya ba bstan pa yin no zhes bya ba ni/ khams mtshungs pa'i las cha mtshungs pa dang cha mi mtshungs pa mang po de dag thams cad kyi chud mi za ba tshe 'di la las skyes pa dag nyid mtshams sbyor ba'i dus kyi tshe na 'chi ba'i char gtogs pa'i sems dang lhan cig 'gag pa ni shi bar 'gyur bas 'gag pa yin te/ de dag gis ni 'bras bu bskyed pa'i chud mi za ba yang spong bar gsungs so/ /de'i de yang rnam par dbye na rnam pa gnyis su shes par bya ba ste zag pa med pa dang/ zag pa dang bcas pa'i las kyi bye brag gis so zhes bya bas ni de'i rnam par dbye ba bstan te/ khams gsum pa dang/ zag pa med par gtogs pa'i las dag zag pa dang bcas pa dang/ zag pa med pa yin pas/ de dag gi rnam par smin pa 'dzin pa'i chud mi za ba de dag kyang las kyi bye brag gis rnam par dbye na zag pa dang bcas pa dang/ zag pa med pa rnam pa gnyis su shes par bya bar zad kyi/ de'i ngo bo nyid ni zag pa dang bcas pa dang/ zag pa med pa nyid du brna? mi spyod pa'i phyir rang bzhin gyis pa dang bcas pa dang/ zag pa med pa nyid du brna mi spyod ltar chud gmi za ba yod na srog chags las sna tshogs las skyes pa 'gro ba dang 'jigS dang rus dang/ yul dang dus tha dad pa rnams kyi lus dang/ dbang po dang/ kha dog dang/ dbyibs dang/ stobs dang/ blo dang/ mos pa dang/ dang tshul dang longs spyod la sogs pa tha dad pa dag mngon par 'grub par 'gyur ro zhes bya bas ni/ de ltar chud mi za ba yod na las dang 'bras bur 'brel ba yang yod par 'gyur ba'i tshul bstan pa yin no/
- 41a
de'i phyir/ stong pa nyid dang chad min dang/ /'khor ba dang ni rtag pa min/ /las rnams chung mi za ba'i chos/ /sangs rgyas kyis ni bstan pa yin/ zhes bya ba ni/ mjug bsdu ba yin te/ de lta na stong pa nyid kyang 'thad pa stong pa nyid yin yang chad pa mi 'gyur ba dang/ 'khor ba yang 'thad la 'khor ba yod kyang rtag par mi 'gyur ba dang/ las rnams kyang ni chung mi za ba dang chung mi za ba'i chos sangs rgyas kyis gsungs pa de yang grub pa yin no zhes zer ro/ /de nyid bstan pa'i phyir/ /da ltar gang gi phyir las dang 'bras bung 'brel pa de'i phyir stong pa nyid kyang 'thad pa yin te/ 'du byed rnams mu stegs byed kyis yongs su brtag pa'i bdag gis stong pa'i phyir ro/ /chad pa yang ma yin te/ chud mi za ba nges bar gnas pa'i phyir ro/ /'khor ba yang 'thad de/ 'gro ba tha dad par 'du byed rnams mngon par 'grub pa'i mtshan nyid yod pa'i phyir ro/ /rtag pa yang ma yin te/ las rnams 'jig pa'i phyir ro/ /las rnams kyang chung mi za ba ste/ chud mi za ba zhes bya ba'i chos sangs rgyas kyis bstan pa de yang grub pa'i phyir ro zhes bya ba smras so/ /de lta bas na rtag pa de nyid 'dir 'thad pa yin no zhes bya ba ni/ rang gi grub pa'i mdza' bstan pa'i mjug bsdu ba yin no/ /de'i phyir sngar smras pa'i gtan tshigs las dang 'bras bur 'brel pa'i phyir ro zhes bya ba de'i don ma grub pa nyid kyang ma yin la rtag pa dpe? chad pa'i skyon du yang thal bar? mi 'gyur ro zhes bya ba ni/ bye brag tu smra ba dag gis sngar sde ba gzhan dag gis smras pa'i gzhung mi 'thad par sun dbyung ba rang rang gi grub pa'i mdza' las las dang 'bras bur 'brel pa yod par bstan pa'i mjug bsdu ba dang/ tshang ma'i 'bras bu yin te/ de ltar chung mi za ba zhes bya ba'i chos yod pa de'i phyir/ kho bo cag gis sngar smras pa'i gtan tshigs las dang 'bras bur 'brel ba yod pa'i phyir ro zhes bya ba grub pas/ /des bsgrub par bya ba don dam par nad gi 'du byed la 'khor
- 41b
ba yod pa kho na yin te/ zhes bya ba 'grub bo/ /'khor ba yod par grub na bcings pa yod bas thar pa yang yod pa'i phyir/ /sngar rab tu byed pa 'das ma thag pa'i skabs su don dam par nang gi dngos po rnams la ngo bo nyid yod pa kho na yin te/ de dag la bcings? pa dad thad pa yod pa'i phyir ro zhes bya ba'i gtan tshigs kyi rtsa ba grub pas/ sngar kho bo cag gi don dam par nang gi dngos po rnams la ngo bo nyid yod pa kho na yin no zhes ji skad smras pa'i don grub bo zhes zer ro/ /da ni bstan bcos mdzad pa nyid kyis sa bon gyi rgyun la rtog pa'i phyogs dang chud mi za ba la rtog pa'i phyogs de gnyis ka mi 'thad par go rim bzhin du sun dbyung ba'i phyir/ 'dir bshad pa/ kho bo cag gi phyogs la/ gang phyir pas ni skyed med pa /de'i phyir las kho na bzhin du don dam par sa bon gyi rgyun skye ba med pas dpe med pa'i phyir/ sgrub pa mtshang ba'i skyon yod do zhes bya ba smras te/ des ni sngar sde ba gzhan dag gis las dang 'bras bur 'brel pa ni 'thad pa kho na yin te/ ci'i phyir zhe na/ rgyud kyi rgyun las 'bras bu 'grub pa'i phyir te/ 'di lta ste dper na/ myu gu la sogs rgyun gang ni/ sa bon las na mngon par 'byung/ /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang/ /rgyun las 'bras bu 'byung 'gyur zhing/ /sa bon 'bras bu'i sngon 'gro ba/ /de phyir chad min rtag ma yin/ zhes smras pa'i dpe ji ltar don dam par las skye ba med pa de bzhin du skye ba med pas pha rol po'i sgrub pa dpe mched pa'i skyon yod pas mi rung bar bstan to/ /gal te las de'i phyir skye ba med ce na/ zhes bya ba ni pha rol po dag de skad ces 'dri ba'i tshig yin no/ /de'i lan du gang phyir dngos nyid med de'i phyir/ /gang phyir las ngo bo nyid med pa de'i phyir skye ba med do zhes bya ba smras te/ des ni sngar sde ba gzhan dag gis de ltar de bzhin du sems kyi cha rgyun ni gang yin pa/ sems pa las ni mngon par 'byung/ /de las 'bras bu sems pa ni/ /med na de yang 'byung mi
- 42a
'gyur/ /gang phyir sems pa las rgyun dang/ /rgyun las 'bras bu 'byung 'gyur zhing/ /las ni 'bras bu'i sngon 'gro ba/ /de phyir chad min rtag ma yin/ zhes smras pa'i bsgrub pa ma grub par bstan to/ /de ltar re zhig phyogs dang po shos kyi phyir skyon bshad do zhes bya ba ni mjug bsdu ba dang tshad ma'i 'bras bu yin te/ nges ni sngar sde ba gzhan dag gis de'i phyir 'dir rjes su dpag pa ni don dam par sems can gyi sgrar brjod pa'i 'du byed rnams la/ las dang 'bras bur 'brel pa yod pa kho na yin te/ bcom ldan 'das kyis 'bras bu khyad par can thob par 'dod pa rnams la de dang 'brel pa thob par bya ba'i phyir/ thabs bstan pa yod pa'i phyir/ dper na sa bon dang 'bras bur 'brel pa bzhin no/ /'di na gang yod pa ma yin pa de la ni bcom ldan 'das kyis de dang 'brel pa thob par bya ba'i phyir thabs ma bstan te/ dper na nam mkha' i me tog gi phrad ba bzhin no/ /'di la ni chos sgrub pa'i thabs rnams ni/ dkar po'i las kyi lam bcu ste/ /chos kyi 'bras bu 'di gzhan du/ /'dod pa'i yon tan rnam lnga'o/ /rnam par smin pa dang rgyu mthun pa'i 'bras bu'i bye brag las so zhes bcom ldan 'das kyis 'bras bu'i? khyad par can 'dod pa rnams la de dang 'brel pa thob par bya ba'i phyir/ thabs bstan pa yod pas de'i phyir gtan tshigs ji skad smos pa'i mthus ji skad smos pa'i don 'grub po zhes smras pa'i sgrub pa rnams bstan to/ /phyogs gnyis pa shos kyis gang smras pa de la yang gal te sgrub pa'i sbyor ba yin te/ las dang 'bras bur 'brel pa yang yod la rtag pa dang chad pa'i skyon du yang mi 'gyur te/ chud mi za ba yod pa'i phyir ro zhen zhes bya ba ni/ /sngar nyan thos bye brag tu smra pa dag gis/ ji ltar bu lon dpang rgya ltar/ /de ltar las kyang chud mi za/ zhes bya ba la sogs pas chud mi za ba yod pa'i phyir/ las dang 'bras bur 'brel pa yang yod la/ rtag pa dang chad pa'i skyon du mi
- 42b
'gyur ro zhes smras pa'i sgrub pa mi 'thad par ston to/ de ji ltar 'thad ce na/ de lta na yang kho bo cag gi phyogs la/ gang phyir las ni skye med pa/ /de'i phyir don dam par chud mi za ba yang ma grub ste/ 'di ltar las de skyes na ni las de'i 'bras bu chud mi za bar 'gyur ba zhig na/ las de yang ma skyes pas las de med pa'i phyir/ chud mi za ba de yang med pas don dam par gtan tshigs kyi don ma grub pa nyid do/ /kun rdzob tu las dang 'bras bur 'brel par ston na ni don 'gal ba nyid do/ /zhes bya ba smras te/ des ni nyan thos bye brag tu smra ba dag gi gtan tshigs chud mi za ba yod pa'i phyir ro zhes bya pa de'i don ma grub pa nyid dang 'gal ba nyid du bstan to/ /phyogs dang po pa'i phyogs phyogs gnyis pa bas gal te khyod kyi sa bon gyi rgyun dang chos mthun pa'i mtshan nyid kyi brtag bde ltar gyur na nyes pa'i skyon chen po mang du 'byung bar 'gyur te zhes gang smras pa de yang rigs pa ma yin te zhes bya ba ni/ sngar sde pa gzhan dag gis smras pa'i phyogs la bye brag tu smra ba dag gis smras pa'i phyogs gal te brtag pa der gyur na/ nyes pa chen po mang por 'gyur/ /de lta bas na brtag ba de /'dir ni 'thad pa ma yin no/ /zhes bya bas gal te khyod kyi sa bon gyi rgyun dang chos mthun pa'i mtshan nyid kyi brtag pa de ltar gyur na nyes pa'i skyon chen po mang du 'byung bar 'gyur te/ mi'i rgyud las lha la sogs pa'i rgyud du skye bar mi 'gyur te/ rigs tha dad pa'i phyir/ dper na shing ni m+ba'i? sa bon las amra la sogs pa'i 'bras bu skye bar mi 'gyur pa bzhin pas/ rjes su dpag pas gnod pa'i phyir/ de bzhin du dge ba'i sems las mi dge ba dang lung du ma bstan pa'i sems dang/ mi dge ba'i sems las dge ba dang lung du ma bstan pa'i sems dang/ lung du ma bstan pa'i sems las dge ba dang mi dge ba'i sems dang/ 'dod pa na spyod pa'i sems las gzugs dang gzugs med pa na spyod pa dang/ 'jig rten las 'das pa'i sems dang/ gzugs na spyod pa'i sems las 'dod pa dang gzugs
- 43a
med pa na spyod pa dang/ /'jig rten las 'das pa'i sems dang/ gzugs med pa na spyod pa'i sems las 'dod pa dang gzugs na spyod pa dang/ 'jig rten las 'das pa'i sems skye bar mi 'gyur te/ rjes su dpag ba ji snyad? bstan pas gnod par 'gyur ba'i phyir te/ da lta na dge ba dang mi dge ba dag bya ba dang spang bar mi 'thad pas de'i phyir/ brtag pa de ni 'dir 'thad pa ma yin no zhes smras pa'i phyogs phyi ma shos de rigs pa ma yin par 'grel ba byed pa nyid kyis sun 'byin pa'i chig yin no / ca'i? phyir de rigs pa ma yin zhe na/ de'i phyir/ rgyu dang 'bras bu'i rgyun rjes su 'jug pa nyid kyis 'brel pa med na mi 'byung ba nyid dang rtag pa ma yin pa dang/ chad pa ma yin pa nyid med na mi 'byung ba nyid kyi sa bon gyi rgyun dpe nyid du 'dod pa'i phyir ro zhes bya ba smras te ? sngar sde pa gzhan dag gi sa bon gyi rgyun las myu gu la sogs pa'i rgyun 'brel par 'byung pas de las dang 'bras bur 'brel pa'i chos mthun pa'i dpe nyid du bzhag pa ni/ kun rdzob tu rjes su 'gro ba dang ldog pa'i tshul kyis med na mi 'byung ba'i 'brel pas / rgyun dang 'bras bu'i rgyun rjes su 'jug pa dang/ rtag pa dang chad pa ma yin pa'i 'brel pa dang ldan pa dpe nyid du 'dod pas de la nyes pa med pa'i phyir ro/ /de'i khyad par bsgrub par bya ba la rnam par rtog par byed pa yang rnam par rtog pa 'dra ba'i ltag chod du 'gyur te// sems dang sems las byung ba'i rgyun las de dag gi rgyun 'byung bas digs tha dad pa'i phyir zhes bya ba'i gtan tshigs kyi don ma grub pa nyid do zhes bya bas ni sngar sde pa gzhan dag gis sa bon gyi rgyun gyi dpes mtshon pa'i don sems pa'i rgyun las sems kyi rgyun 'byung bde'i khyad bar dag nang gi dngos pos bsgrub par bya ba la bye brag tu smra ba dag skyon 'dogs shing rnam par rtog par byed pa de rnam par rtog pa'i gsal ba dang de kho na ma yin gyi/ de ltar snang ba'i lhag chod yin par ston te/ de yang dper na 'ga' zhig gis dus?
- 43b
ba ni mi rtag ste byas pa'i phyir dper na sgra bzhin no zhes rjes su dpag pa'i gsal pa dang/ de kho na smras pa la/ rtog ge ba ngan pa kha cig na re/ bum pa mi rtag pa byas pa'i phyir sgra dang 'dra na/ 'o na ni ji ltar bum pa la so btang ba nyid dang/ kha dog dang dbyibs kyi gzugs nyid/ dang/ mig gi gzung ba nyid yod pa de dag sgra la yang yod par 'gyur ba'i rigs so zhes zer ba'i rnam par rtog de bsal ba dang de kho na ma yin gyi rnam par rtog pa ltar snang ba'i ltag chod du 'gyur ba de bzhin du/ 'dir yang sde pa gzhan dag gis khams gsum pa'i sems dang sems las byung ba'i rgyun las de dag gi rgyun nyid 'byung ste/ dper na sa bon gyi rgyun las myu gu la sogs pa'i rgyun 'byung ba bzhin no zhes bya ba rjes su dpag pa'i gsal ba dang de kho na nyid smras pa la/ bye brag tu smra ba dag na re/ de ltar na mi'i rgyud las lha la sogs pa'i rgyud du skye bar mi 'gyur la/ /dge ba'i sems las kyang mi dge ba ngang lung du ma bstan pa la sogs pa'i sems skye bar mi 'gyur zhing 'dod pa na sprod? pa'i sems las kyang/ gzugs dang gzugs med pa na spyod pa dang/ /'jig rten las 'das pa'i sems skye bar mi 'gyur te/ rigs tha dang ba'i phyir dper na shing ni m+ba'i sa bon las a mra la sogs pa'i 'bras bu skye bar mi 'gyur ba bzhin pas rjes su dpag pas gnod pa'i phyir/ brtag pa de ni 'dir 'thad pa ma yin no zhes zer ba'i rnam par rtog par byed pa de yang bsal ba dang de kho na ma yin te/ brnan? par rtog/? ba ltar snang ba'i ltag chod tsam du zad pas/ bye brag tu smra ba dag gi gtan tshigs rigs tha dad pa'i phyir zhes bya ba de'i don ma grub pa nyid do/ /gtan tshigs kyi don ma nges pa nyid kyi skyon yang yod de/ de dag gi phyogs la ba lang gi sbu dang lug gi bal dag las ? rgyun 'byung ba'i phyir dang/ rwa las smyig ma skye ba'i phyir ro zhes bya bas ni/ 'grel pa byed pas bye brag tu smra ba dag gi gten tshigs rigs tha dad pa'i phyir zhes bya ba de'i don ma nges pa nyid du sun dbyung ba'i tshig yin te/ 'jig rten na slob dpon gyis gang dag gi phyogs la sa bon gyi
- 44a
rgyun gyi dpe 'thad par bsgrubs pa de dgag phyogs la ba lang gi spu dang lug gi bal dag las rtswa durba'i rgyun 'byung ba dang/ rwa las smyig ma skye ba dang/ ji ka ga las sgyur rtsir 'gyur ba dang/ chab brom las me 'byung bar mthong bas/ de ni re? zhig rigs tha dad pa'i phyir/ dper na shing ni m+ba'i sa bon las a mra la sogs pa'i 'bras bu skye bar mi 'gyur ba bzhin du/ mi'i rgyud las lha la sogs pa'i rgyud du skye bar mi 'gyur ba yin nam/ 'on te rigs tha dad pa'i phyir/ /dper na ba lang gi sbu dang/ lug gi bal dag las rtswa durba'i rgyun 'byung ba dang/ rwa las smyig ma skye ba la sogs pa bzhin du/ mi'i rgyud las lha la sogs pa'i rgyud du skye bar 'gyur bas ma nges pa nyid yin pas/ bye brag tu smra ba dag gis gtan tshigs de ma grub po/ /'dir smras pa/ lung las 'byung ba yang rtags yin pas chud mi za ba yang bcom ldan 'das kyis gsungs la// de'i rtags rtag pa ma yin pa dang/ chad pa ma yin pa nyid kyang grub pa'i phyir/ las bzhin du don dam par chud mi za ba yang ma grub pas gtan tshigs gyi don ma/ grub pa nyid do zhes gang smras pa de rigs pa ma yin no zhes bya ba ni/ /'dir chud mi za ba yod par smra ba dag lung gi gtan tshigs kyi chud mi za ba yod par smras pa'i tshig yin te/ de dag na re tshul gsum pa'i rtags la tshul gsum rjes su dpag par bya ba la yod pa nyid dang/ mthun pa'i phyogs la yod pa nyid dang/ mi mthun pa'i phyogs la med pa nyid du nges pa'i tshul lo/ /tshul gsum po de dag la rtags kyab gsum ste// mi dmigs pa dang/ /ngo bo nyid dang 'bras bu'o/ /de la mi dmigs pa las ni dngos po med par rjes su dpag la/ ngo bo nyid las ni mi rtag par rjes su dpag la/ /'bras bu las ni rgyu rjes su dpag pa yin no/ /tshad ma yang rnam pa gsum ste/ /mngon sum dang/ rjes su dpag ba dang/ /yid ches pa'i lung gi tshad ma'o/ /de dag gi gzhal bya yang rnam pa gsum ste/ so so'i
- 44b
shes pa'i don dang/ smras pa'i don dang/ bshad pa'i don to/ /de la so so'i shes pa'i don ni rang gi mtshan nyid mngon sum gyi yul yin pas de la rtags kyis brtag mi dgos/ smras pa'i don ni spyi'i mtshan nyid lkog tu gyur ba ste/ rjes su dpag pa'i yul yin pas de ni tshul gsum pa'i rtags kyis brtag par bya'o/ /bshad pa'i don ni rang dang spyi'i mtshan nyid shin tu lkog tu gyur pa ste/ yid ches pa'i lung gi yul yin pas/ de yang tshul gsum pa'i rtags kyis brtag par bya ba yin pa'i phyir/ lung las 'byung ba yang rtags yin pas/ chud mi za ba yang bcom ldan 'das kyis gsungs pa/ de yod pa'i rtags las dang 'bras bur 'brel pa rtag pa ma yin pa dang/ chad pa ma yin pa nyid kyang grub pa'i phyir/ khyed dbu ma pas sngar 'di skad ces phyogs gnyis pa shos kyis gang smras pa de la yang gal te sgrub pa'i sbyor ba yin te/ las dang 'bras bur 'brel pa yang yod la rtag pa dang chad pa'i skyon du yang mi 'gyur te/ chud mi za ba yod pa'i phyir ro zhe na/ de lta na yang kho bo cag gi phyogs la/ /gang phyir las ni skye med pa/ /de'i phyir don dam par chud mi za ba yang ma grub ste/ 'di ltar de skyes na ni de'i chud mi za ba yang chud mi za bar 'gyur ba zhig na/ de yang ma skyes pas de med pa'i phyir de yang med pas gtan tshigs kyi don ma grub pa nyid do zhes gang smras pa de rigs pa ma yin no zer ro/ /de skad ces zer ba de'i lan du/ 'grel ba byed pa nyid kyis 'dir bshad ba/ bcom ldan 'das kyis gang phy ir de ni ma skyes pa/ /de phyir chud zad mi 'gyur ro/ /zhes gsungs pas de'i phyir skyes pa la chud za bar mi 'gyur ro zhes gang gsungs pa de 'dod la/ de yang pha rol po'i phyogs la ma grub bas rang la don ma grub pa nyid do zhes bya ba smras te/ lung las 'byung ba yang rtags yin par kho bo cag kyang? las len pas/ bcom ldan 'das kyis gang gi phyir las de ma skyes pa da'i? phyir chud za bar mi 'gyur ro zhes gang gsungs pa de kho bo cag 'dod la/ de yang khyed pha rol po'i phyogs la ma grub pas/
- 45a
khyed kyi phyogs la ma skyes na ni chung mi za bar mi 'gyur bas chud mi za pa'i don ma grub pa nyid yin la/ ma skyes pa la chung za bar mi 'gyur ro zhes gang gsungs pa kho bo cag 'dod pa de ni khyed rang la ma grub pa nyid yin pas/ khyed kyi bsgrub bar bya ba dang gtan tshigs kyi don rang la ma grub pa nyid yin pas mi rung ngo/ /ngo bo nyid yod par smra pas kyang las la ngo bo nyid med do zhes nges par khong du chung par bya dgos so zhes bya ba ni/ khyed ngo bo nyid yod par smra ba dag kyang lung la brten cing las kyang chung mi za bar 'dod pa yin na/ /de ltar bcom ldan 'das kyis las ma skyes shing ngo bo nyid med pa'i phyir chung za bar mi 'gyur ro zhes gsungs pas/ khyed kyis kyang las la ngo bo nyid med do zhes nges par khong du chud par bya dgos so/ /gzhan dung ma bcas na zhes bya ba la sogs pas ni/ las la ngo bo nyid yod par dam bcas na mi rung ba'i nyes dmigs mang po dag ston te/ /de'i phyir gal te las la dngos nyid yod/ /rtag par 'gyur bar the tsom med/ /rang bzhin mi 'gyur pa'i phyir ro zhes bya bar dgongs so zhes bya ba smras te/ gal te las la rang bzhin gyis ngo bo nyid yod par gyur na rtag par 'gyur bar the tsom mo/ /rang bzhin mi 'gyur ba'i phyir ro zhes bya bar dgongs so/ /de ltar las rtag par gyur na de la nyes dmigs ci yod ce na/ de'i phyir las ni byas pa ma yin 'gyur/ rtag la bya ba med phyir ro zhes bya ba smras te/ de ltar las rtag par gyur na las de lus dang ngag dang yid kyis byas pa ma yin par 'gyur te/ ci'i phyir zhe na/ rtag pa la bya ba med pa'i phyir ro/ /las ma byas pa la 'bras bu chud mi za bar yod par 'dod pa'i nyes dmigs gzhan bstan pa'i phyir/ las ma byas pa la 'bras bu myong ba yin par rtog na/ ci ste las ni ma byas na/ /ma byas pa dang 'phrad 'jig 'gyur/ zhes bya ba smras te/ ci ste las lus dang ngag dang yid kyis ma byas pa la 'bras bu bde ba dang sdug
- 45b
bsngal la sogs pa myong ba yod par rtog na/ ma byas pa dang 'phrad pa'i 'jigs pa yod par 'gyur bas de mi 'dod do/ /las ma byas pas 'bras bu myong ba yod par rtog pa'i nyes dmigs gzhan bstan pa'i phyir gzhan yang/ tshangs spyod gnas pa yin pa dang/ /de la skyon du thal bar 'gyur zhes bya ba smras te/ las ma byas pa la 'bras bu myong ba yod par rtog na de la mya ngan las 'das pa la spyod pa'i don du gnas pa ma yin pa'ang de la spyod pa'i don du gnas pa yin pa'i skyon du thal par 'gyur bas de yang mi 'dod do/ /de nyid bye brag tu bshad pas bstan pa'i phyir/ tshangs pa ni mya ngan las 'das pa'o/ /tshangs par spyod pa ni de la spyod pa'o/ /tshangs par spyod pa la gnas pa ni de'i don du gnas pa'o/ /tshangs par spyod pa la gnas pa gang yin pa ni tshangs par spyod pa la mi gnas pa'o/ /de la tshangs par spyod pa la gnas pa ma yin pa yang/ tshangs par spyod pa la gnas pa'i skyon du thal bar 'gyur te/ mya ngan las 'das pa thob par byed pa'i las ma byas pa nyid la yang de yod par 'gyur pa'i phyir ro zhes bya bar dgongs so zhes bya ba smras so/ /de'i nyes dmigs gzhan dag kyang bstan pa'i phyir/ de bzhin du bum pa dang snam bu dag gyis shig ces bya ba la sogs pa'i tha snyad thams cad nyid la yang/ /'gal bar 'gyur bar the tsom med/ ces bya ba smras so/ /de'i nyes dmigs gzhan dag kyang bstan pa'i phyir/ gzhan yangs bsod nams dang ni sdig byed pa'i/ /rnam par dbye ba'ang 'thad mi 'gyur/ /'di ni bsod nams byed pa'o/ /'di ni sdig pa byed pa'o zhes bya ba'i rnam par dbye ba dag kyang 'thad pa nyid du mi 'gyur ro zhes bya ba smras so/ /las rtag pa ma byas pa 'bras bu myong ba yod par rtog pa'i nyes dmigs rnam pa gzhan dag kyang bstan pa'i phyir/ de'i rnam smin smin gyur pa/ /yang dang yang du rnam smin 'gyur/ /de'i rnam smin smin 'gyur ba/ zhes bya ba ni/ de'i rnam par smin pa smin zin par gyur pa ste/ las kyi 'bras bu bskyed zin pa zhes bya pa'i tha tshig go
- 46a
zhes bya ba smras te/ gal te las rtag pa ma byas pa la 'bras bu myong ba yod par rtog na las de'i 'bras bu bskyed zin na/ las phyi ma gzhan ma byas su zin kyang las de la yang dang yang du rnam par smin pa'i 'bras bu gzhan dag smin par 'gyur pa'i skyon du 'gyur pas de yang mi 'dod do/ /gal te ci'i phyir las kyi rnam par smin pa smin zin kyang yang dang yang du rnam par 'gyur bar bshad ce na zhes bya ba ni/ gal te pha rol po dag de skad ces 'dri na'o/ /de'i lan du gal te gang phyir las gnas pa/ /de phyir ngo bo nyid yod phyir/ /gal te gang gi phyir las ngo bo nyid kyis nges par gnas pa de'i phyir ngo bo nyid yod pa'i phyir ro zhes bya ba smras te/ gal te gang gi phyir pha rol po dag 'dod ba ltar las la ngo bo nyid yod cing dang bzhin mi 'gyur bar ngo bo nyid rang bzhin gyis nges par gnas pa yin par gyur na de'i phyir/ rgyu ngo bo nyid kyis rtag par yod pa'i phyir/ 'bras bu smin zin kyang yang dang yang du rnam par smin pa'i skyon du 'gyur par bshad de/ rgyun rtag na 'bras bu yang rtag tu yod pa'am med pa gcig tu 'gyur ba'i phyir ro// gal te de gnas su zin kyang yang 'bras bu bskyed par mi nus te/ 'bras bu bskyed zin pa'i phyir/ nges par sbyar zin pa'i dbang rgya bzhin no zhe no zhes bya ba ni/ gal te pha rol po dag de skad ces zer na'o/ /de'i lan du nges par spang zin pa'i dbang rkya yang don dam par ma grub pa'i phyir de ni lan ma yin no zhes bya ba smras te/ sgrub pa'i dpe ma tshang pa'i phyir ro/ /phyir rgol ba dag na re/ don dam par las ni yod pa kho na yin te/ de'i rgyu yod pa'i phyir ro/ /'di na gang med pa de la ni rgyu mi 'thad de dper na dus sbal gyi sbu'i gos bzhin no/ /las la ni rgyu nyon mongs pa dag yod pas de'i phyir/ gtan tshigs ji skad smos pa'i mthus don dam par las ni yod pa kho na yin no zhe na zhes bya ba ni/ pha rol po dag las kyi rgyu nyon mongs pa dag yod pa'i gtan tshigs kyis don dam
- 46b
bar las kyang yod pa kho na yin no zhes bsgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na dus sbal gyi sbu'i gos lta bu gang rgyu med pa de dag ni don dam par yod pa ma yin gyi/ las la ni rgyu nyon mongs pa dag yod pas/ de'i phyir gtan tshigs ji skad smos pa'i mthus don dam par las ni yod pa kho na yin no zhes zer ro/ /de skad ces zer ba de'i lan du/ bang ri 'grel pa byed pa nyid kyis/ de ni bzang po ma yin te/ las 'di nyon mongs bdag nyid yin/ /nyon mongs de dag yang dag min/ /gal te nyon mongs yang dag min/ /las ni de yis ji ltar byas/ zhes bya ba smras te/ pha rol po dag 'dod pa ltar/ las 'di nyon mong ba'i rgyu las byung ba yin na ngo bo nyid med de/ nyon mongs pa'i rgyu las byung bas dang gi ngo bo nyid du ma grub pa'i phyir ro/ /nyon mongs pa rnams kyang ngo bo nyid yod pa ma yin no/ las de nyon mongs pa de dag gis ji ltar bya ste/ nyon mongs pa'i rgyu las byung ba ma yin pas/ pha rol po'i gtan tshigs/ las la rgyu yod pa'i phyir ro zhes bya ba de ma grub pas don dam par las la ngo bo nyid yod pa ma yin no zhes bya bar bstan to/ /de nyid bye brag tu bshad pa bstan pa'i phyir/ las 'di nyon mongs bdag nyid ni/ zhes bya ba ni las 'di nyon mongs pa'i rgyu las byung ba yin na zhes bya ba'i tha tshig ste/ dper na bum pa 'jim pa'i bdag nyid yin na zhes bya blta bu'o/ /zhes bya ba smras te/ des ni de lta na ngo bo nyid med do zhes dgag pa bstan to/ /ci'i phyir de ltan ngo bo nyid med ce na de'i phyir/ nyon mongs de dag yang dag min/ zhes bya ba ni nyon mongs pa'i ngo bo nyid med do zhes bya ba'i tha tshig ste/ skye pa bkag pa'i phyir dang/ 'dod chags dang/ chags pa rtag par de'i ngo bo nyid bkag pa'i phyir ram/ yang dag sdug dang mi sdug pa'i/ /
- 47a
phyin ci log la brten 'byung ba/ /de dag ngo bo nyid med pas/ /de phyir nyon mongs yang dag min/ zhes bya ba 'gog par 'gyur pa'i phyir ro zhes bya ba smras te/ nyon mongs pa dag ngo bo nyid med pas/ nyon mongs pa'i bdag nyid las kyang ngo bo nyid med do/ /de nyid bstan pa'i phyir/ de'i phyir de ltar gal te nyon mongs pa de dag yang dag par ngo bo nyid med pa yin na/ las de dag gis byas par ji ltar 'gyur te/ las kyi rgyu nyon mongs pa ma yin no zhes bya ba'i tha tshig go zhes bya ba sras so/ / de'i phyir gtan tshigs kyi don ma grub pa nyid dam/ don 'gal ba nyid do zhes bya ba ni mjug bsdu ba dang tshad ma'i 'bras bu yin te/ de ltar nyon mongs pa de dag yang dag pa ma yin pa de'i phyir/ pha rol po dag gis gtan tshigs las kyi rgyu yod pa'i phyir ro zhes bya ba de don ma grub pa nyid dam/ 'gal ba nyid yin pas don dam par las la ngo bo nyid yod par ma grub po// //bam po lnga bcu rtsa brgyad pa/ /'dir smras pa/ don dam par nyon mongs pa rnams ni yod pa kho na yin te/ de dag gi 'bras bu yod pa'i phyir ro/ /'di na gang med pa de la ni 'bras bu bzung du med de/ dper na 'on pa'i rna ba'i dbang po'i 'bras bu rna ba'i rnam par shes pa bzhin no/ /nyon mongs pa rnams la ni 'bras bu las dang lus kyi mtshan nyid yod pas de'i phyir/ don dam par nyon mongs pa rnams ni yod pa kho na yin pas gtan tshigs kyi don ma grub pa nyid dang/ don 'gal ba nyid ma yin pa'i phyir/ 'dod pa'i don grub bo zhes bya ba ni 'dir pha rol po dag nyon mongs pa rnams kyi 'bras bu las dang lus kyi mtshan nyid yod pa'i gtan tshigs kyis nyon mongs pa rnams yod par bsgrub pa'i gzhung yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba dang/ tshad ma'i
- 47b
'bras bu yin par go rim bzhin du sbyar te/ 'di na 'on pa'i rna ba'i dbang po lta bu gang la 'bras bu rna ba'i rnam par shes pa med pa de ni yod pa ma yin gyi/ nyon mongs pa rnams la 'bras bu las dang lus kyi mtshan nyid yod pa de dag ni/ yod pa kho na yin pas kho bo cag gis sngar don dam par las ni yod pa kho na yin te/ de'i rgyu nyon mongs pa yod pa'i phyir ro zhes smras te/ gtan tshigs kyi don ma grub pa nyid dang/ don 'gal pa nyid ma yin pa'i phyir/ kho po cag 'dod pa don dam par las yod pa kho na yin te/ zhes bya ba'i don grub bo zhes zer ro/ /yang na don dam par las ni yod pa kho na yin te/ de'i 'bras bu yod pa'i phyir ro/ /'di na gang med pa de la ni 'bras bu med do/ /dper na nam mkha' i me tog gi 'bras bu bzhin no/ /las la ni 'bras bu lus kyi mtshan nyid yod pas de'i phyir don dam par las ni yod pa kho na yin pas las yod pa ma yin par bsgrub pa'i rjes su dpag pa dag la rtog ge phyin sa gnod par 'gyur ro zhes bya ba ni/ 'dir pha rol po dag las kyi 'bras bu lus kyi mtshan nyid yod pa'i gtan tshigs kyis yod par bsgrub pa'i gzhung rnam pa gcig yin te/ de dag kyang chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba dang/ tshad ma'i 'bras bu yin par go rim bzhin du sbyar te/ 'di na nam mkha' i me tog lta bu gang la 'bras bu med pa de na yod pa ma yin gyi/ las la 'bras bu lus kyi mtshan nyid yod pa de ni yod pa kho na yin pas/ sngar kho bo cag gis las yod par bsgrub pa la khyed dbu ma pas las yod pa ma yin par bsgrub pa'i rjes su dpag pa smras pa dag la kho bo cag gi rtog ge phyi ma 'dis gnod par 'gyur ba'i phyir/ khyed dbu ma pa'i sgrub pa snga ma de ma grub bo zhes zer ro/ /de skad ces zer ba de'i lan du/ 'grel ba byed pa
- 48a
nyid kyis/ 'dir bshad pa/ las dang nyon mongs pa dag ni/ /lus rnams kyi ni rkyen du bstan/ /bstan bcos las de ltar bstan pa ni tha snyad pa dag yin gyi/ don dam pa pa ni ma yin no zhes bya ba smras te/ chos mngon pa'i bstan bcos pas/ las kyis kun nas nyon mongs dang/ /nyon mongs pa'i kun nas nyon mongs pa dag skye ba'i kun nas nyon mongs pa rnams kyi rkyen du bstan pa ni/ tha snyad pa dag yin gyi/ don dam pa pa ni ma yin pas/ khyed don dam par las dang/ nyon mongs pa dag yod par 'dod pa'i sgrub pa sngar smras pa gnyis ka mi 'grub bo zhes ston to/ /de dag ci'i phyir don dam pa pa ma yin zhe na/ de'i phyir/ don dam par ni kho bo cag gi phyogs la sgrub pa sngar bstan pa dag gis/ gal te las dang nyon mongs pa/ /de stong lus la ji ltar brjod/ /las dang nyon mongs pa dag la ngo bo nyid med pa'i phyir/ las dang nyon mongs pa dag kho na bzhin du lus kyang ma grub pa'i phyir ro zhes bya bar dgongs so zhes bya ba smras so/ /de'i phyir de dag gi 'bras bu yod pa'i phyir ro zhes bya ba'i gtan tshigs kyi don ma grub pas ji skad bstan pa'i skyon yang ma nyams la/ dpe ma grub par rtog ge phyi mas gnod pa yang med do/ /zhes bya bas ni/ pha rol po dag gis sngar smras pa'i sgrub pa rnam gnyis kyi gtan tshigs kyi don kyang ma grub la/ dbu ma ba la yang rtog ge phyi mas gnod pa med par bstan to/ /smras pa don dam par las ni yod pa kho na yin te/ de'i 'bras bul longs spyod pa'i za ba po yod pa'i phyir ro/ /'di na gang med pa de la ni de'i 'bras bu la longs spyod pa'i za ba po med de dper na nam mkha' i me tog gi phreng ba bzhin no zhes bya ba la sogs pa ni/ 'dir pha rol po dag las kyi 'bras bu la longs spyod pa'i za pa po yod pa'i gtan tshigs kyis don dam par las yod pa kho nang bsgrub pa'i gzung yin te de dag ni chos can dang bsgrub par bya ba chos dang/ bsgrub
- 48b
pa'i chos dang/ chos mi mthun pa'i phyogs kyi dpe yin par go rim bzhin du sbyar ro/ /de'i nye bar sbyar ba'i spyod ba bstan pa'i phyir/ las la ni 'bras bu la longs spyod pa'i za pa po/ /ma rig bsgribs pa'i skye bo gang/ /sred ldan de ni za ba po/ /de yang byed las gzhan min zhing/ /de nyid de yang ma yin no/ zhes bya ba yod de zhes bya ba smras te/ las la ni 'bras bu la longs spyod pa'i za ba po ma rig pas bsgribs pa'i skye bo sred pa'i kun tu sbyor ba dang ldan pa de yod de/ za ba po de yang byed pa po las gzhan nyid kyang ma yin zhing/ de nyid de yang ma yin pa de'i phyir/ de ni don dam par las ni yod pa kho na yin no zhes mjug bsdu ba 'og nas 'byung ba ngang sbyar ro/ /nye bar sbyar ba'i sbyor ba bstan pa'i tshig le'ur byas pa de'i tshig gi don bye brag tu bshad pa bstan pa'i phyir de la ma rig pa ni rig pa'i mi mthun pa'i phyogs su gyur pa'i chos so/ /des bsgribs pa ni g.yogs pa'o/ /skye bo gang zhes bya ba ni skye ba po gang yin pa ste/ srog chags so/ /sred ldan zhes bya ba la sred pa ni 'dod pa'o/ /de la kun tu sbyor ba de nyid yod pas sred ldan de sred pa'i kun tu sbyor ba dang ldan zhes bya ba'i tha tshig go /de ni las kyi 'bras bu'i za ba po ste/ ji skad du mdo sde las/ ma rig bsgribs pa'i sems can dang/ /sred pa'i kun tu sbyor dang ldan/ zhes bya ba dang de bzhin du ji ste khyod dang nyid kyis sdig pa'i las 'di byas na khyod rang nyid kyis de'i rnam par smin pa nyams myong bar bya dgos so zhes gsungs pa'i phyir ro/ /de yang byed pa po las ma yin zhing/ de nyid de yang ma yin te/ de nyid dang gzhan nyid du brjod par bya ba ma yin pa'i phyir ro/ /zhes bya ba smras so/ /de dag gi mjug bsdu ba bstan pa'i phyir/ de'i phyir gtan tshigs ji skad smos pa'i mthus las kyi 'bras bu la longs spyod pa'i za ba po yod pas don dam par las ni yod pa kho na yin no zhes bya pa smras te/ 'di na
- 49a
nam mkha' i me tog gis 'bras bu phreng ba lta bu gang la longs spyod pa'i zab po med pa'i nam mkha' de ni yod pa ma yin gyi/ las kyi 'bras bu la longs spyod pa'i za ba po ma rig pas bsgribs pa'i skye bo sred pa dang ldan pas byed pa po dang gzhan nyid du brjod par bya ba ma yin pa yod pa'i las de ni don dam par yod pa kho na yin no zhes zer ro/ /de skad ces zer ba de'i lan du 'grel pa byed pa nyid kyis 'dir bshad pa/ de ni bstan bcos kyi dang po kho nar dngos po spyir de phyir rkyen las 'byung ma yin/ / rkyen min las 'byung 'bras bu ni/ /yod min 'bras bu med pas na/ /rkyen min rkyen du ga la 'gyur zhes dpyad zin pas zhes bya ba smras te/ de ni sngar rkyen brtag pa'i le'ur dngos po spyir rkyen dang rkyen ma yin pa las byung ba ma yin pas de la byed pa po dang za ba po yang med pa'i tshul nyid tshig le'ur byas pa 'dis spyad zin pas/ pha rol po sgrub pa de ni mi 'grub bo zhes ston to/ /de nyid bstan pa'i phyir/ gang gi phyir na las 'di ni/ rkyen las byung ba ma yin zhing/ /rkyan min las ni yod min pa/ /de phyir byed pa po yang med/ /byed pa po de yang las de bzhin du ma skyes pa'i phyir dang/ byed pa po bkag pa'i phyir dang/ rdzas su yod pa ma yin pa'i phyir ro zhes bya bar dgongs so zhes bya ba smras te/ gang gi phyir rten cing 'brel par 'byung ba smra ba rnams la/ las 'di zhes bya ba de rkyen las byung ngo zhes bya ba mi srid la rgyu med pa las byung bar smra ba rnams la yang las 'di zhes bya ba de rgyu med pa las 'byung ngo zhes bya ba mi srid pa de'i phyir/ las ni re zhig rkyen las 'byung ba yang yod pa ma yin zhing/ rkyen ma yin pa las 'byung pa yang yod pa ma yin no/ /gang gi phyir las yod pa ma yin pa de'i phyir/ las med pa'i byed pa po yang med do zhes bya bar dgongs so/ /de'i phyir de ltar sgrub pa ji skad bstan pas/ gal te las dang byed med na/ /las skyes
- 49b
'bras bu ga la yod/ ces bya ba ni de'i phyir/ de ltar brtags na gal te las kyang med la byed pa po yang med na las las skyes pa'i 'bras bu lta yod par ga la 'gyur/ ci ste 'gyur na ni las las skyes pa'i 'bras bu ma yin pa dang/ rgyu med pa las 'bras bur 'gyur bas de ni mi 'dod de/ skyon du mar thal bar 'gyur ba'i phyir ro zhes bstan to/ /des na ci ste 'bras bu yod min na/ /za ba po lta ga la yod/ /za ba po'i sgra brjod pa nyid kyi rgyu med pa'i phyir ro zhes bya bar dgongs so zhes bya bas ni/ ci ste 'bras bu yod pa ma yin na za ba bo lta yod par ga la 'gyur te/ 'di ltar 'bras bu'i za ba por 'gyur ba yin na 'bras bu de yang mi 'thar de de med na de gang gi za ba bor 'gyur/ de lta bas na byed pa po dang las dang 'bras bu dang za ba po yod do zhes bya ba de ni glu'i tshig tsam du zad do/ byed pa po dang las dang 'bras bu dang za ba po dag gi 'thad na 'khor ba ji ltar 'thad par 'gyur zhes bya bar dgongs so/ /de'i phyir de'i 'bras bu la longs spyod pa'i za ba po med pa'i phyir ro zhes bya ba'i gtan tshigs de'i don ma grub pa nyid do/ /log par ston na ni don 'gal ba nyid do zhes bya ba ni mjug bsdu ba dang tshad ma'i 'bras bu yin te/ de ltar byed pa po dang las dang 'bras bu dang za ba po dag mi 'thad pa de'i phyir/ pha rol po'i gtan tshigs de'i 'bras bu la longs spyod pa'i za ba po yod pa'i phyir ro zhes bya ba'i gtan tshigs de don dam par ni ma grub pa nyid yin la kun rdzob tu ni 'gal ba nyid yin no/ /'dir kha cig gis smras pa/ las dang 'bras bu la skur pa 'debs pa'i lta ba ni/ /log par lta ba yin pas dbu ma smra ba ba'i skyon gyi ling tog gis blo gros kyi mig bsgribs pa rnams la de kho na mthong ba mi 'thad do zhes bya ba ni rang gi sde pa dag dbu ma pa la skur ba 'debs pa'i tshig yin te/ 'di ltar bcom ldan 'das kyis las rang 'bras bu la skur pa 'debs pa'i lta ba ni log par lta ba yin par gsungs pas de dag
- 50a
thams cad dbu ma pa nyid la 'byung bar 'gyur te/ ci'i phyir zhe na/ 'di ltar dbu ma pa ni byed pa po dang las dang 'bras bu dang zab po dag med cing 'khor ba dang mya ngan las 'das pa'i lam gyi tshogs thams cad drungs 'byin pa yin pas dbu ma la smra ba lta ba'i skyon gyi ling tog gis blo gros kyi mig bsgribs pa rnams la de kho na mthong pa mi 'thad do zhes zer ro/ /de skad ces zer ba de'i lan du/ 'grel pa byed pa nyid kyis 'dir bshad pa/ ji ltar sprul pa stan byed pa/ /rdzu 'phrul phun sum tshogs pa yis/ /sprul? zhing sprul pa'ang gzhan sprul byed/ /sprul pa des kyang gzhan dag ltar/ /sprul pa byed pa zhes bya bar sbyar ro zhes bya ba smras te/ des ni dngos po yod par 'dzin pa bzlog pa'i dpe bstan te/ ji ltar sprul pa ston par byed ba'i gang zag rdzu 'phrul phun sum tshogs pas sprul pa sprul zhing sprul pa de yang gzhan sprul par byed la/ sprul pa gzhan nges kyang gzhan dag sprul par byed pa ltar byed pa pos las gang byas pa dang las de'i 'bras bu la gang longs spyod par byed pa'i za ba po dag kyang tshul de bzhin no zhes ston to/ /dpe nges mtshon pa'i dngos po bstan pa'i phyir/ de bzhin byed pos las gang byas/ /de yang sprul pa'i rnam pa bzhin/ /de bzhin du byed pa pos las gang byas pa'i byed pa po de yang sprul pa'i rnam pa bzhin te/ thog ma med pa nas rkyen pa rgyud pa las byung ba'i bdag nyid yin pa'i phyir ro/ /las de yang sprul pa'i rnam pa bzhin te/ ngo bo nyid med pa'i phyir ro zhes bya ba smras so/ /de dag nyid kyi dpe gzhan bstan pa'i phyir/ dper na sprul pa sprul gzhan zhig/ sprul pa mdzad pa de bzhin no/ /dper na de bzhin gshegs pa'i sprul pas sprul pa gzhan zhig sprul pa mdzad pa de la yang ngo bo nyid med pa de bzhin no zhes bya ba smras so/ /de ni dpe dang dngos po de dag gi mjug bsdu ba'i don bstan pa'i phyir/ nyon mongs
- 50b
las dang lus rnams dang/ /byed pa po dang 'bras bu dang/ /dri za'i grong khyer lta bu dang/ /smig rgyu rmi lam 'dra ba yin/ /'dod chags la sogs pa nyon mongs pa dang/ sems pa la sogs pa las dang phung po'i mtshan nyid kyi lus dang/ sems dang sems las byung ba byed pa po dang/ 'gro ba lngar bde ba dang sdug bsngal myong ba'i mtshan nyid kyi 'bras bu rgyu dang rkyen tshogs pas bskyed pa tha snyad du grags pa mtho ris dang byang grol 'thob pa'i tshogs su gyur pa dag tha snyad du khas len pas de'i phyir/ las dang 'bras bu la skur pa mi 'debs pas ji skad smras pa'i skyon med do zhes bya ba smras te/ /de'i phyir dbu ma smra ba rnams la de kho na mthong ba mi 'thad pa'i skyon med do/ /de gal te don dam par de dag la skur ba btab pas de ni lan ma yin no zhe na zhes bya ba ni/ gal te pha? rol po dag 'di skad ces dbu ma pas kun rdzob tu de dag khas blangs kyang don dam par de dag la skur pa btab pas tshig snga ma de ni lan ma yin no zhes zer na'o/ /de'i lan du/ de ni sngar gal te dngos po ma grub na/ dngos med 'grub par mi 'gyur ro/ /yod ces bya bar rtag bar 'dzin/ /med ces bya ba chad par lta/ /de phyir yod dang med pa la/ /mkhas pas gnas par mi bya'o/ /zhes bstan pa der sgrub pa smras pas las dang 'bras bu med par smra ba khas ma blangs pa'i phyir lan ma yin pa ma yin no zhes bya ba smras te/ de ni sngar dngos po dang dngos po med pa brtag pa'i rab tu byed pa'i skabs su de skad bstan pa der kho bo cag gis med par dgag pa'i sgrub pa smras pas ma yin par dgag pa khas ma blangs pa'i phyir/ kho bo cag gi sgrub pa snga ma de lan ma yin pa ma yin no/ /tshig le'ur byas pa 'das ma thag pa gsum po dag gis dngos po yod par 'dzin pa bzlog pa'i dpe bstan pa de dag gi don rnam pa gzhan du bshad pa bstan pa'i phyir/ yang na rnam par rmongs pa'i sems dang ldan pa dag don dam par dngos po rnams ngo bo nyid
- 51a
med pa yin na las dang 'bras bu dang de dag 'brel pa dang byed pa po dang za ba po dag med pas tshangs par spyod pa la gnas pa don med par 'gyur ro snyam du sems pa rnams kyi rnam par rmongs pa'i yol ba ba shu ba'i phyir/ /las la sogs pa kun rdzob tu sprul pa la sogs pa'i rnam pa bzhin du yod par bstan pa'i phyir/ /ji ltar sprul pa ston byed pa/ /rdzu 'phrul phun sum tshogs pa yi/ /sprul zhing sprul pa'ang gzhan sprul byed/ /sprul pa nges kyang gzhan dag ltar/ zhes bya ba la sogs pa rgya cher gsungs so zhes bya ba smras so/ /de la 'dir rab tu byed pa'i don ni pha rol pos rab tu byed pa'i dang por smras pa'i gtan tshigs kyi skyon brjod pas las dang 'bras bu ngo bo nyid med pa nyid du bstan pa yin no zhes bya ba ni 'jug bsdu ba dang tshad ma'i 'bras bu yin no/ /las dang 'bras bu brtag pa'i rab tu byed pa bcu bdun pa'i skabs 'dir rab tu byed pa'i don tshad ma'i 'bras bur blta ba ni pha rol pos rab tu byed pa 'dis dang por don dam par nang gi 'du byed rnams la 'khor yod pa kho na yin te/ /las dang 'bras bur 'brel ba'i phyir ro zhes bya ba la sogs pa smras pa'i gtan tshigs kyi skyon brjod pas las dang 'bras bu ngo bo nyid med pa nyid du bstan pa yin no/ /las dang 'bras bu ngo bo nyid med pa nyid du bstan pa la yon tan ci yod pa dang/ /de bstan pa 'di la gzhan dag na re rtog ge skam po'i bstan bcos tsam nyi tshes bsgrubs so zhes zer ba bsal ba'i phyir 'dir yid ches pa'i lung gi khungs kyang bsgrub par bya/ de'i phyir/ /'phags pa dkon mchog brtsegs pa chen po'i mdo 'od srungs kyi le'u las/ gang la las kyang med las kyi 'bras bu yang med pa de ni byang chub ba/ /byang chub ji lta ba de bzhin du 'thob pa yang de bzhin no/ /'thob pa ji lta ba bzhin du lung bstan pa yang de bzhin no/ /de bzhin du 'phags pa rnams kyi rigs gang yin pa de la las kyang
- 51b
med/ las kyi rnam par smin pa yang med do/ /rigs de la ni lus kyis kyang las mi byed de/ ngag gis kyang mi byed de/ /yid kyis kyang mi byed do zhes bya ba la sogs pa gsungs pa de dag grub pa yin no/ /zhes bya ba smras te/ /'phags pa rnams kyi rigs ni don dam pa thugs su chud pa las 'phags pa rnams 'khrud bar 'gyur ba ste/ gal te don dam par yang las dang 'bras bur 'brel ba yod par 'gyur na/ 'khor ba dang mya ngan las 'das pa gnyis las khyad par med par 'gyur bas de'i phyir las dang 'bras bu ngo bo nyid med pa nyid du gsal bar byed pa'i lung ni de yin pas de'i phyir/ dbu ma pa rnams la log bar lta ba med do/ /de ltar yid ches pa'i lung de dag grub pa ni las dang 'bras bu ngo bo nyid med pa nyid du bstan ba'i yon tan dang khungs yin no/ / de dag bstan bcos 'dis rnam par bshad pa bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel pa byed pa'i mkhas pa nyid yin no/ /slob dpon legs ldan 'byed kyis nye bar sbyar ba/ dbu ma'i rtsa ba'i 'grel pa shes rab sgron me las/ /las dang 'bras bu brtag pa zhes bya ba ste/ /rab tu byed pa bcu bdun pa rgya cher 'grel pa slob dpon spyan ras gzigs brtul zhugs kyis nye bar sbyar ba rdzogs so// //da ni gzhan gyis smras pa'i sgrub pa bsal ba dang bdag nyid kyi sgrub pa kha na mtho ba med pa bstan pas 'du byed rnams bdag dang bdag gis stong pa nyid du bstan pa'i don gyi dbang gis rab tu byed pa bco brgyad pa brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug ba'i rgyu'i don dang/ gzhung 'og nas 'byung ba dang sbyar ba'i don du blta ste/ tshig gi don ni snga ma bzhin no /de la dam bcas pa la 'jug pa rgyu'i don gyi dbang du byas nas/ da ni gzhan gyis smras pa'i sgrub pa bsal ba dang bdag
- 52a
nyid kyis bsgrub pa kha na ma tho ba med pa bstan pas zhes bya ba smras te/ bstan bcos mdzad pas rkyen brtag pa'i rab tu byed pa dang po brtsam pa'i skabs su dngos po thams cad skye ba med par dam bca' ba mdzad pas/ 'dir yang bstan bcos mdzad pas ji ltar dam bcas pa de la 'jug pa'i rgyu'i don gyi dbang du byas nas de skad smras te/ gzhan gyis smras pa'i sgrub pa bsal ba ni rang gi sde ba dang gzhan dag gis chos dang gang zag bdag yod par smras pa'i sgrub pa 'og nas 'byung ba bdag phung po yin no zhe 'am bdag phung po las gzhan no zhes bya ba la sogs pa dag bsal ba'o/ /bdag nyid kyis bsgrub pa kha na mtho ba med pa bstan pas zhes bya ba ni bstan bcos mdzad pa nyid kyis chos dang gang zag bdag med par bsgrub pa'i sgrub pa kha na ma tho ba med pa 'og nas 'byung ba gal te phung po bdag yin na/ skye dang 'jig pa can du 'gyur/ /gal te phung po rnams las gzhan/ /phung po'i mtshan nyid med par 'gyur/ zhes bya ba la sogs pa dag bstan pas so/ /gzhung 'og nas 'byung ba dang sbyar ba'i don gyi dbang du byas nas 'du byed rnams bdag dang bdag gis stong pa nyid du bstan pa'i don gyi dbang gis rab tu byed pa bco brgyad pa brtsam mo zhes bya ba smras te/ bdag dang chos brtag pa'i rab tu byed pa bco brgyad pa'i gzhung 'og nas 'byung ba'i de'i don ni chos dang gang zag bdag med pa nyid du bstan pa yin pas de'i dbang du byas nas de skad smras te/ de la chos bdag med pa nyid bstan pa'i don gyi dbang du byas nas 'du byed rnams bdag dang bdag gi stong pa nyid du bstan pa'i don gyi dbang gis zhes bya ba smras te/ des ni theg pa chen po las chos bdag med pa bstan pa gang yin pa de rab tu byed pa 'dir ston to zhes bya bar sbyar ro/ /gang zag bdag med pa nyid bstan pa'i don gyi dbang du byas nas bdag dang bdag gis stong pa nyid du bstan pa'i don gyi dbang gis zhes bya ba smras
- 52b
te/ de ni chos 'di pa dang gzhan mu stegs byed dag gis brtags pa'i gang zag bdag med par ston to/ /rab tu byed pa 'di'i 'bras bu ni gang yin/ rnam pa gang gis ni 'bras bu de thob ce na/ 'du byed rnams bdag dang bdag gis stong pa nyid du bstan pa ni 'di'i 'bras bu yin la/ gzhan gyis smras pa'i sgrub pa bsal ba dang bdag nyid kyis bsgrub pa kha na ma tho ba med pa bstan pa'i rnam pas ni 'bras bu de 'thob pas de'i phyir 'grel ba byed pas rab tu byed pa'i mtshams sbyar pa'i skabs 'dir thabs dang thabs las byung ba'i 'bras bu dan po kho nar bstan te/ /de la re shig dang por gang zag bdag med pa nyid bstan cing phyis chos bdag med pa nyid bstan par bya ste/ gang gi phyir go rim 'di ltar bstan pa ni slob dpon 'phags pa lhas/ dang por bsod nams min las bzlog /bar du bdag las bzlog par bya/ /tha mar kun las bzlog bya ba/ /gang shes de ni rigs pa ldan/ zhes gsungs pas re zhig dang por sems can rnams bsod nams ma yin pa las bzlog pa dang/ de'i 'og tu 'dzin pa las bzlog pa dang/ tha mar 'dzin pa thams cad las bzlog par bya ba thabs gang gis shes pa de ni rigs pa dang ldan pa yin no zhes bstan pa las shes par bya'o/ /de'i phyir de la bdag tu blta ba rnam pa du ma dag gi yul yang phung po yin pa'i phyir phung po rnams kho na las brtsams nas dpyad par bya ste/ zhes bya ba smras te/ bdag tu smra ba dag bdag tu rtogs par byed pa 'di lta ste/ kha cig ni bdag ces bya ba lus tsam du rtog /kha cig ni mthe bong tsam du/ kha cig ni nas 'bru tsam du/ kha cig ni yungs 'bru tsam du/ kha cig ni skra'i rtse mo brgyar bshags pa'i cha tsam du rtog par byed pa de dag thams cad kyi yul yang phung po yin te/ gang gi phyir de dag thams cad phung po rnams kho na la rtog par byed pa de'i phyir 'dir yang phung po rnams kho na las
- 53a
brtsams nas bdag med pa nyid dpyad par bya'o/ /de ltar bdag tu lta ba dag gi yul phung po rnams yin no zhes bya ba 'di ji ltar nges par shes zhe na/ de'i khungs bstan pa'i phyir/ 'di ltar bcom ldan 'das kyis kyang dge slong dam bram ze gang dag bdag tu yang dag par rjes su lta ba de dag thams cad ni nye bar len pa'i phung po lnga po 'di dag nyid la yang dag par rjes su lta'o zhes gsungs so zhes bya ba smras so/ /gzhan gyis smras pa'i bsgrub pa bsal ba zhes smos pa de nyid bstan pa'i phyir/ de la re zhig gang dag 'byung ba chen po lus kyi rnam par 'jug pa dag gam/ 'byung ba 'dus pa 'am/ /dbang po rnams sam/ dbang po 'dus pa 'am/ rnam par shes pa bdag yin/ /zhes smra ba de dag la 'di skad ces brjod par bya ste / 'byung ba dang/ dbang po dang/ rnam par shes pa so so'i 'dus pa dag phung po'i mtshan nyid yin pa'i phyir/ de dag bdag yin par rtog na/ gal te phung po bdag yin na ji ltar kho bo cag gi tha snyad kyi don du phung po'i yul la bdag ces ston par byed pa lta bu yin nam/ 'on te gzhan zhig yin zhes bya ba na bdag tu smra ba gang dags la sogs pa 'byung ba chen po lus kyi rnam pa 'dra bar 'jug pa so sor bdag tu rtog pa dang/ gang dag 'byung ba chen po spyir 'dus pa tsam la bdag tu rtog pa dang/ gang dag mig la sogs pa dbang po rnams so so la bdag tu rtog pa dang/ gang dag dbang po spyir 'dus pa tsam la bdag tu rtog pa dang/ gang dag rnam par shes pa la bdag tu rtog pa de dag la 'di skad ces dri bar bya ste/ khyed 'byung ba so so'am/ 'dus pa dang dbang po so so 'am/ 'dus pa dang rnam par shes pa so so 'am 'dus pa dag phung po'i mtshan nyid yin pa'i phyir de dag bdag yin par rtog na/ 'di ltar kho bo cag sangs rgyas pas kun rdzob kyi tha snyad rnam par bzhag pa'i don du phung po'i
- 53b
yul la bdag ces ston par byed pa lta bu yin nam/ /'on te bdag ces bya ba don dam par grub pa zhig yod par 'dod ces dri bar bya'o/ /gal te ji ltar yang rung ste bdag grub pa'i phyir 'dod pa'i don grub po zhe na zhes bya ba ni de skad ces dris pa na pha rol bo dag na re khyed 'dod pa ltar yang rung/ gzhan 'dod pa ltar yang rung ste/ yod spyir bdag yod par 'grub pa'i phyir kho bo cag gi 'dod pa'i don grub bo zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis de'i phyir der? dpyad par bya ste/ khyed 'dod pa ltar/ gal te phung po bdag yin na/ /skye dang 'jig pa can du 'gyur/ /phung po rnams skye ba dang 'jig pa'i chos can yin pa'i phyir ro zhes bya ba smras te/ re zhig gal te phung po rnams nyid bdag yin par gyur na de lta na skye ba dang 'jig pa'i chos can du 'gyur te/ phung po rnams skye ba dang 'jig pa'i chos can yin pa'i phyir ro/ /de ltar na 'dis ni phung po'i chos ni skye ba dang 'jig pa'i chos can nyid yin par bstan to zhes bya ba ni de ltar na tshig le'ur byas pa'i phyed gong ma 'dis ni phung po rnams nyid bdag ma yin par bsgrub pa'i chos gtan tshig gis ni skye ba dang 'jig pa'i chos can yin par bstan to/ /dpe ni de'i dbang gis bsgrub par bya ba dang/ sgrub pa'i chos gnyi ga la grags pa'i chos can phyi rol kyi 'byung ba dag yin par sbyar ro/ /'dir skye ba dang 'jig pa'i chos can nyid kyang mtshan nyid kyi sgra'i tshul gyis gzung bar zad kyi/ ji ltar phung po'i chos skye ba dang 'jig pa'i chos can nyid yin pa de bzhin du phung po'i chos 'bras bu nyid dang/ rgyu nyid dang/ rtogs par bya ba nyid dang/ rnam par smin par bya ba nyid la sogs pa gzhan dag kyang yin par shes par bya'o/ /zhes bya ba ni 'dir phung po rnams nyid bdag ma yin par bsgrub pa'i chos gtan tshigs skye ba dang 'jig pa'i chos can nyid yin par bstan pa ni mtshan nyid kyi sgra'i chul nye bar gzung bas mtshon pa tsam du zad kyi/ phung po rnams
- 54a
nyid bdag ma yin par bsgrub pa'i chos gtan tshigs ni 'bras bu nyid dang/ rgyu nyid dang rtogs par bya ba nyid dang/ rnam par smin pa nyid la sogs pa gzhan dag kyang yin par shes par bya'o /de nyid kyi tshad ma bstan pa'i phyir// 'dir sbyor ba'i tshig ni don dam par 'byung ba dang 'byung ba 'dus pa dang dbang po dang dbang po 'dus pa dang/ rnam par shes pa dang/ dbang po dang bcas pa'i lus dang/ rnam par shes pa dang bcas pa'i lus ni bdag ma yin te/ skye ba dang 'jig pa'i chos can nyid yin pa'i phyir dper na phyi rol gyi 'byung ba dag bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na phyi rol gyi 'byung ba dag ni skye ba dang 'jig pa'i chos can nyid yin pa'i phyir bdag ma yin pa de bzhin du nang gi 'byung ba la sogs pa so so dang/ 'byung ba 'dus pa dang/ mig la sogs pa dbang po so so dang/ dbang po 'dus pa dang rnam par shes pa dang/ dbang po dang bcas pa'i lus dang/ rnam par shes pa dang bcas pa'i lus dag kyang skye ba dang 'jig pa'i chos can nyid yin pa'i phyir bdag ma yin no/ /de bzhin du 'bras bu nyid yin pa'i phyir zhes bya ba la sogs pa'i gtan tshigs re res kyang rjes su dpag pa rgyas par brjod par bya'o/ /zhes bya ba ni 'di ltar sbyar te/ don dam par 'byung ba dang/ 'byung ba 'dus pa dang/ dbang po dang dbang po 'dus pa dang/ rnam par shes pa dang/ dbang po dang bcas pa'i lus dang/ rnam par shes pa dang bcas pa'i lus ni bdag ma yin te/ 'bras bu nyid yin pa'i phyir dang/ rgyu yin pa'i phyir dang/ rtogs par bya ba yin pa'i phyir dang/ rnam par smin pa nyid yin pa'i phyir dang/ sogs pa'i sgras bsdu ba brjod par bya ba nyid dang/ rnam par
- 54b
shes par bya ba nyid la sogs pa yin pa'i phyir dper na phyi rol gyi 'byung ba dag bzhin no zhes bya bar sbyar ro/ /gal te 'dir mu stegs grangs can gsal bar smra ba dag 'di skad ces lus ni bdag dang bcas pa yin te/ ci'i phyir zhe na/ gsal ba'i phyir te/ 'di ltar lus nyid bdag gis gsal bar byed do/ bdag yod pas 'di ni zin pa'i 'byung ba dag yin no zhes bya bar gzung du rung gi /bdag med pa gsal bar byed pa med pa'i phyi rol gyi 'byung ba dag ni de ltar gzung du mi rung ba'i phyir ro zhes zer ba'i phyogs snga ma khong nas dbyung ba de'i lan du 'dir 'grel ba byed pa nyid kyis gsal ba smra ba dag la yang gsal ba'i phyir bum pa la sogs pa dag la bdag med pa nyid med na mi 'byung ba'i phyir lus bdag dang bcas par smra ba rnams la rang gi rjes su dpag pas gnad do zhes bya ba smras te/ de skad zer ba de dag gi lus bdag dang bcas pa'i phyogs la gsal ba'i phyir dper na bum pa bzhin no zhes sgrub par byed pa'i gtan tshigs de bum pa la sogs pa gsal bar byed pa yod kyang bdag med pa nyid kyis mi mthun pa'i phyogs yod pa'i phyir ma nges pa nyid yin te/ 'di na bum pa la sogs pa dag la gsal bar byed pa mar me la sogs pa yod kyang de dag la bdag med pa nyid du mthong bas des na ci re zhig gsal ba'i phyir lus la bdag yod par 'gyur ram 'on te gsal ba'i phyir dper na bum pa la sogs pa bzhin du bdag med pa nyid du 'gyur pa ma nges ba'i phyir lus bdag dang bcas par smra ba rnams la rang gi rjes su dpag pa gsal ba'i phyir zhes bya bas gnod do/ /yang na gal te phung po bdag yin na zhes bya ba ni lus la bdag mang po nyid du 'gyur te/ phung po mang ba nyid yin ba'i phyir ro zhes bya ba'i tshig gi lhag me'o zhes bya bas ni yang rnam pa gcig tu na phung po rnams nyid bdag yin par smra ba'i phyogs de la bdag mang po nyid du thal bar 'gyur
- 55a
pa'i skyon yod pas mi rung par bstan to/ /yang na gal te phung po bdag yin na/ skye dang 'jig pa mang du 'gyur/ zhes bya ba ni des na phung por rjes su dpog pas skye ba dang 'jig pa'i chos can nyid kyis bdag gi chos can gyi khyad par skye ba dang 'jig pa'i chos can nyid ma yin pa bsal ba'i phyir dam bcas pa la chos can gyi khyad par bsal ba'i skyon yod do zhes bya bas ni yang rnam pa gcig tu na phung po rnams nyid bdag yin par smra ba'i phyogs la chos can bdag gi khyad par skye ba dang 'jig pa'i chos can nyid ma yin pa bsal ba'i skyon yod pas mi rung bar bstan to/ /yang na gal te phung po bdag yin na/ skye dang 'jig pa can du 'gyur/ /zhes bya ba ni des na skye ba dang 'jig pa'i chos can nyid du rjes su dpog pas bdag ma yin pa nyid kyis bdag gi de'i bdag nyid bsal ba'i phyir dam bcas pa la chos can gyi ngo bo nyid bsal ba'i skyon yod do zhes bya bas ni yang rnam pa gcig tu na phung po rnams kyi bdag yin par smra ba'i phyogs de la chos can bdag gi ngo bo nyid bdag ma yin par bsal ba'i skyon yod pas mi rung ba bstan to/ /yang na/ gal te phung po bdag yin na/ /skye dang 'jig pa can du 'gyur/ /zhes bya ba ni bdag ni skye? dang 'jig pa can du mi 'dod pas de'i mtshan nyid ma yin pa yod pa nyid du bstan dka' ba dang/ don dam par bdag med par ni smra bar nus te/ skye ba dang 'jig pa'i chos can nyid ma yin pa'i phyir dper na ri bong gi ra bzhin no zhes bya bas ni yang rnam pa gcig tu na phung po rnams nyid bdag yin par smra ba'i phyogs de la bdag ni skye ba dang 'jig pa can du mi 'dod pas pha rol pos de yod pa nyid du bstan dka' pa dang/ dbu ma pas de med par smra bar nus pa'i 'thad pa bstan to/ /yang na gal te phung po bdag yin na/ /skye dang 'jig pa can du 'gyur/ /zhes bya ba ni phung po rnams skye ba dang 'jig pa'i chos can nyid yin pa'i phyir des
- 55b
na don dam par gzugs su rung ba dang/ myong ba dang/ mtshan mar 'dzin pa dang/ mngon par 'du byed pa? dang rnam par shes par byed pa'i mtshan nyid kyi phung po lnga po dag ni bdag ma yin par shes par byar nus te/ skye ba dang 'jig pa'i chos can nyid yin pa'i phyir dper na bum pa bzhin no zhes bya bas ni yang rnam pa gcig tu na phung po rnams nyid bdag yin par smra ba'i phyogs de la phung po rnams skye ba dang 'jig pa'i chos can nyid yin pa'i phyir des na don dam par phung po rnams bdag ma yin par shes par byad nus pa'i phyogs gtan tshigs dpe dang bcas pa bstan te/ /de dag ni chos can dang/ bsgrub par bya ba chos dang/ sgrub pa'i chos dang/ /dpe yin par go rim bzhin du sbyar te/ dper na bum pa ni skye ba dang 'jig pa'i chos can nyid yin pa'i phyir bdag ma yin par shes par byed nus pa de bzhin du/ phung po dag kyang skye ba dang 'jig pa'i chos can nyid yin pa'i phyir bdag ma yin par shes par byar nus so/ /de bzhin du 'bras bu nyid dang/ rgyu nyid dang lan 'ga' dga' ba dang yongs su gdung ba'i rgyu nyid dang/ the tshom can gyi shes pa dang/ log pa'i shes pa'i rgyu nyid yin pa la sogs pa'i gtan tshigs dag gis kyang rjes su dpag pa rgyas par bya'o zhes bya ba ni 'di ltar sbyar te/ /don dam par gzugs su rung ba dang/ myong ba dang/ mtshan mar 'dzin pa dang/ /mngon par 'du byed pa dang/ rnam par shes par byed pa'i mtshan nyid kyi phung po lnga po dag ni bdag ma yin par shes par byar nus te/ 'bras bu nyid yin pa'i phyir dang/ rgyu nyid yin pa'i phyir dang/ lan 'ga' dga' ba'i rgyu nyid yin pa'i phyir dang/ /lan 'ga' yongs su gdung ba'i rgyu yin ba'i phyir dang/ the tshom can gyi shes pa'i rgyu nyid yin pa'i phyir dang/ log pa'i shes pa'i rgyu nyid yin pa la sogs pa'i phyir dper na bum pa bzhin no zhes bya bar sbyar ro/ /de lta bas na re zhig phung po rnams nyid
- 56a
bdag yin no zhes bya ba mi 'thad do/ /da ni bdag phung po rnams las gzhan yin pa yang med par bsgrub par bya ste/ de la re zhig mu stegs bye brag pa dang/ /grangs can dang/ skyes bu rgyud 'dod pa dag bdag phung po rnams las gzhan yin par smra ba'i gzhung bstan pa'i phyir/ bye brag pa dag ni bdag lus dang dbang po dang blo las gzhan pa bde ba la sogs pa'i gzhir gyur pa dang/ byed pa po dang/ sems pa med pa dang/ rtag pa thams cad du song ba yin par brjod la/ grangs can dag ni bdag 'bras bu dang rgyu las gzhan pa byed pa po ma yin pa dang/ za ba po dang/ dag pa dang/ thams cad du song ba dang/ mi 'gyur ba dang/ sems pa yod pa yin bar brjod cing/ skyes bu rgyur 'dod pas kyang de bzhin pas de dag la sgrub ba 'di mi gnod do zhe na zhes bya ba smras so/ /de ni de dag bsal ba bstan par bya ste/ de'i phyir slob dpon gyi phung po las gzhan ba'i bdag bstan dka' ba nges par mdzad nas de dag gi phyir bshad pa/ /gal te phung po rnams las gzhan/ phung po'i mtshan nyid med par 'gyur/ phung po'i mtshan nyid med pa ni phung po'i mtshan nyid ma yin pa ste/ gzugs su rung ba dang/ myong ba dang/ mtshan mar 'dzin pa dang/ mngon par 'du byed pa dang/ rnam par shes par byed pa'i mtshan nyid ma yin par 'gyur ro zhes bya ba'i tha tshig go zhes bya ba smras te/ ci ste bdag phung po rnams las gzhan yin par gyur na de ltar na phung po'i mtshan nyid ma yin par 'gyur te/ phung po rnams kyi skye ba dang 'jig pa'i mtshan nyid yin pas nges na bdag phung po rnams las gzhan yin pa'i phyir skye ba dang 'jig pa'i mtshan nyid ma yin par 'gyur ro/ /de lta na rtag par 'gyur te/ /bdag brtag pa yin na rtsom pa thams cad don med pa nyid du 'gyur te/ 'di ltar rtag pa mi 'gyur ba la ci zhig byar yod/ de lta
- 56b
na yang bdag yod par rtog pa don med pa nyid du 'gyur te/ de la cung zad kyang 'jug pa 'am/ ldog par mi 'gyur ro/ /de lta bas na bdag phung po rnams las gzhan par yang mi 'thad do zhes ston to/ /de ltar na 'dis ni brtags pa'i bdag gi chos ni phung po'i mtshan nyid ma yin pa nyid yin par bstan to zhes bya ba ni de ltar na tshig le'ur byas pa'i byed 'og ma 'dis ni phung po rnams las gzhan pa'i bdag pha rol po dag gis brtags pa med par bsgrub pa'i chos gtan tshigs ni phung po'i mtshan nyid ma yin pa nyid yin par bstan to/ /dpe ni de'i dbang gis bsgrub par bya ba dang sgrub pa'i chos gnyi ga la grags pa'i chos can mo gsham gyi bu la sogs pa dag yin no zhes bya bas ni da'i? chos mthun pa'i dpe ni sgrub pa'i chos de'i dbang gis bsgrub par bya ba phung po las gzhan pa'i bdag med pa dang/ sgrub pa'i chos phung po'i mtshan nyid ma yin pa zhes bya ba bdag dang chos mthun pa rgol ba dang phyir rgol ba gnyi ga la grags pa'i chos can mo gsham gyi bu la sogs pa dag yin par sbyar ro zhes bstan to/ /de nyid kyi tshad ma bstan pa'i phyir 'dir rjes su dpag pa ni don dam par bdag gzugs la sogs pa'i phung po las gzhan pa med de/ phung po'i mtshan nyid ma yin pa'i phyir/ dper na mo gsham gyi bu bzhin no/ /zhes bya ba smras te/ /de dag ni chos can dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar to/ dper na mo gsham gyi bu bzhin te/ phung po'i mtshan nyid ma yin pa'i phyir phung po las logs shig na med pa de bzhin du bdag kyang phung po'i mtshan nyid ma yin pa'i phyir phung po las logs shig na med do/ /gal te mya ngan las 'das pa phung po'i mtshan nyid ma yin pas ma nges pa nyid do zhe na zhes bya ba ni pha rol po dag dbu ma pa'i gtan tshigs phung po'i mtshan nyid ma yin pa'i phyir zhes bya ba de ma nges pa
- 57a
nyid du smyon 'dogs pa'i tshig yin te/ de dag na re 'di ni mya ngan las 'das pa phung po'i mtshan nyid ma yin yang phung po las logs shig na yod par 'dod pas nges na ji re shig phung po'i mtshan nyid ma yin pa'i phyir dper na mo gsham gyi bu bzhin du bdag phung po las logs shig na med dam/ /'on te phung po'i mtshan nyid ma yin pa'i phyir/ /dper na mya ngan las 'das pa bzhin du bdag phung po las logs shig na yod par 'gyur ba ma nges pa nyid yin pas dbu ma pa'i gtan tshigs de ma grub po zhes so/ /de'i lan du/ /de ni mtshan nyid med pa'i dngos po ni/ /'ga' yang gang na'ang yod ma yin/ /zhes bya ba der mya ngan las 'das pa la sogs pa 'dus ma byas kyi dngos po bsal ba'i phyir mi mthun pa'i phyogs med pas ma nges pa nyid ma yin no zhes bya ba smras te/ /de ni sngar khams brtag pa'i skabs su tshig le'ur byas pa'i phyir 'dis mtshan nyid med pa'i dngos po mya ngan las 'das pa bsal ba'i phyir mi mthun pa'i phyogs med pas ma nges pa nyid ma yin no// gal te bstan bcos mdzad pas dam bcas pa la sogs pa'i yan lag ma brjod pa'i phyir sgrub pa mtshang ba'i skyon yod do zhe na/ /zhes bya ba ni pha rol po dag na re slob dpon klu sgrub kyis gal te phung po rnams las gzhan/ phung po'i mtshan nyid med par 'gyur/ /zhes smos pa nges phung po'i mtshan nyid ma yin par 'gyur ro zhes bya ba phyogs kyi chos nyi tshe zhig bstan par zad kyi/ dam bca' ba dang dpe dag ma bstan pas yan lag ma rdzogs pa'i de ni bsgrub par mi rung ngo zhes skyon 'dogs pa'i tshig yin no/ /de'i lan du/ don gyi cho ga yin pa'i phyir skyon med de/ /de ltar slob dpon gyi tshig dag yin te/ yi ge mdor bsdus pa dang/ /don rgya che ba dag yin pas don gyi dbang gis sbyor ba'i tshig du ma dag gi gzhi yin par
- 57b
bzhes pa'i phyir zhes bya ba smras te/ de'i phyir slob dpon gyi zhal snga nas kyi tshig le'ur byas pa mdzad pa dag la skyon med do/ sbyor ba'i tshig la ni bskyon du 'gyur ro zhes bya ba ni 'grel pa byed pa sbyor ba'i chig rtsom pa dag la ni sgrub pa ma tshang ba de skyon du yang 'gyur ba bden no zhes khas blangs pa'i tshig yin no/ /'o na khyod la skyon du mi 'gyur ram zhe na/ kho bos don dam par bdag gzugs la sogs pa'i phung po las gzhan pa med de/ phung po'i mtshan nyid ma yin pa'i phyir dper na mo gsham gyi bu bzhin no zhes yan lag tshang bar brjod pa'i phyir skyon med do/ /yang na de la de yang mi 'gyur te/ rab tu byed pa'am lung las la la la yin lag 'ga' zhig grags pa yin pa na'o zhes bya ba ni yang sbyor ba'i tshig de la yan lag rdzogs par ma brjod du zin kyang de la skyon du mi 'gyur bar gzhung 'jigs pa'i tshig yin te/ de yang gang gi tshe rab tu byed pa'i skabs sam lung las gang zag la la la sgrub pa'i yan lag 'ga' zhig grags pa yin na de ma brjod kyang skyon du mi 'gyur te/ ji skad du gang yang rung ba brjod na yang sgrub pa yin no zhes bshad pa'i phyir ro/ /kha cig na re phyogs la sogs pa dag gyis gtan tshigs snga ma ma nges pa nyid do zhe'o zhes bya ba ni sa la sogs pa rdzas dgu rtag par 'dod pa dbu ma pas sngar phung po rnams nyid bdag ma yin par bsgrub pa'i skubs su don dam par 'byung ba dang 'byung ba 'dus pa dang dbang po dang dbang po 'dus pa dang rnam par shes pa dang dbang po dang bcas pa'i lus dang/ rnam par shes pa dang bcas pa'i lus ni bdag ma yin te/ skye ba dang 'jig pa'i chos can nyid yin pa'i phyir/ dper na phyi rol gyi 'byung ba dag bzhin no zhes smras pa'i gtan tshigs de ma nges pa nyid du skyon 'dogs pa'i tshig yin te/ de dag na re 'di na phyogs dang/ dus dang/ nam mkha' dang/ bdag dang/ yid ces bya ba rdzas lnga po dag skye ba dang 'jig pa'i
- 58a
chos can nyid kyang yin la/ de dag rang bzhin rtag pas bdag kyang yin par mthong bas des na ci re zhig skye ba dang 'jig pa'i chos can nyid yin pa'i phyir/ dper na phyi rol gyi 'byung ba dag bzhin du phung po rnams bdag ma yin par 'gyur ram/ 'on te skye ba dang 'jig pa'i chos can nyid yin pa'i phyir/ dper na phyogs dang/ dus dang/ nam mkha' dang/ /bdag dang yid bzhin du phung po rnams bdag yin par 'gyur ba ma nges pa nyid yin pas/ dbu ma pa'i gtan tshigs de ma grub po zhes zer ro/ /de dag gi gzhung las phyogs la sogs pa snang ba dang mi snang ba'i tshul gyis skye ba dang 'jig pa'i chos can nyid kyang yin la rang bzhin brtag pas bdag tu yang 'dod de/ 'di ltar phyogs kyang lan 'ga' ma bslad pa'i tshe ni/ gsal ba'i bdag nyid du skye la bslad pa'i tshe na ni mi gsal ba'i bdag nyid kyis 'jig pa dang dus kyang da ltar dang ma 'ongs pa 'jug pa'i tshul gyis ni skye la 'das pa ldog pa'i tshul gyis ni 'jig pa dang nam mkha' yang dngos po gzhan gyis go phye ba'i tshul gyis ni skye la dngos po gzhan gyis go bkag pa'i tshul gyis ni 'jig pa dang/ /bdag kyang mthe bong tsam la sogs par mthong ba'i tshul gyis skye la de ltar ma mthong ba'i tshul gyis ni 'jig pa dang/ yid kyang dran pa'i tshe na skye la ma drin pa'i tshe na 'jig pa'i chos can nyid kyang yin la/ de dag rang bzhin rtag pas bdag yin par yang 'dod ces grag go /de'i lan du/ de ni bzang po ma yin te/ mtshan nyid med pa'i dngos po ni/ /'ga' yang gang na'ang yod ma yin/ zhes bya bas lan btab zin pa'i phyir ro zhes bya ba smras te/ sngar khams brtag pa'i skabs su tshig le'ur byas pa 'dis nam mkha' la sogs pa 'dus ma byas kyi dngos po bsal ba bzhin du phyogs la sogs pa bsal ba'i phyir mi mthun pa'i
- 58b
phyogs med pas ma nges pa nyid ma yin no/ /brtag pa thams cad du song ba'i tshig gi don ni bde ba dang sdug bsngal la sogs pa'i gzhi ma yin te/ skye ba can yin pa la sogs pa'i gtan tshigs dag gi phyir/ dper na gzugs la sogs pa bzhin no zhes bya bas ni sngar byed brag pa bdag ni bdag lus dang dbang po dang blo las gzhan pa bde ba la sogs pa'i gzhir gyur pa yin par brjod la zhes bya ba de sun 'byin pa'i chad ma ston te/ bye brag pa dag gi gzhung las bdag lus dang dbang po dang blo las gzhan pa rtag pa dang/ thams cad du song ba'i tshig gi don de ni bde pa dang sdug bsngal dang/ blo dang/ 'dod pa dang/ sdang ba dang/ 'bad pa dang/ chos dang/ chos ma yin pa dang/ shes pa dag gi gzhir 'gyur ba yin par 'dod pa de skabs 'dis sun 'byin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gzugs la sogs pa ni skye ba can yin pa'i phyir dang/ byas pa nyid la sogs pa yin pa'i phyir bde ba dang sdug bsngal la sogs pa'i gzhi ma yin pa de bzhin du dbang po dang/ blo las gzhan pa rtag pa dang/ thams cad du song ba'i tshig gi don de yang skye ba can yin pa'i phyir dang/ byas pa nyid la sogs pa yin pa'i phyir bde ba dang sdug bsngal la sogs pa'i gzhi ma yin no/ /rgyas par ni snga ma bzhin no zhes bya ba ni rjes su dpag pa snga ma'i gtan tshigs skye ba can yin pa la sogs pa'i gtan tshigs dag gi phyir zhes bya ba de ni mtshon pa tsam du zad kyi/ de'i gtan tshigs de ni snga ma bzhin du 'bras bu nyid dang/ rgyu nyid dang/ lan 'ga' dga' ba dang/ yongs su gdung ba'i rgyu nyid dang/ the tshom can gyi shes pa dang/ log pa'i shes pa'i rgyu nyid yin pa la sogs pa'i gtan tshigs dag gis kyang rjes su dpag pa rgyas par bya ba
- 59a
yin no/ /bdag ni khyab bdag ma yin te/ /rdzas yin pa'i phyir dper na bum pa bzhin no/ /zhes bya bas ni sngar bye brag pa dag ni bdag lus dang dbang po dang/ blo las gzhan pa thams cad du song ba yin par brjod pa zhes bya ba de sun 'byin pa'i tshad ma ston te/ bye brag pa dag gi gzhung las bdag thams cad du song ba ni khab? bdag yin par 'dod pa de skabs 'dis sun 'byin te/ de dag kyang chos can dang/ /bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bum pa ni rdzas yin pa'i phyir/ khyab bdag ma yin pa de bzhin du bdag kyang rdzas yin pa'i phyir khyab bdag ma yin no/ /gal te nam mkha' ma nges pa nyid do zhe na zhes bya ba ni pha rol po dag dbu ma pa'i gtan tshigs rdzas yin pa'i phyir zhes bya ba de ma nges pa nyid du skyon 'dogs pa'i tshig yin te/ de dag na re 'di na nam mkha' rdzas yin yang khyab bdag ma yin par mthong bas nges na ci re zhig rdzas yin pa'i phyir dper na bum pa bzhin du bdag khyab bdag ma yin par 'gyur ram/ 'on te rdzas yin pa'i phyir dper na nam mkha' bzhin du khyab bdag yin par 'gyur ba ma nges pa nyid yin pas dbum pa'i gtan tshigs de ma grub zhes zer ro/ ? de'i lan du/ nam mkha' rdzas su yod pa nyid bkag pa'i phyir dang/ de'i khyab bdag nyid kyang bdag gi khyab bdag nyid bzhin du bkag pa'i phyir ma nges pa nyid ma yin no zhes bya ba smras te/ don dam par nam mkha' ma skyes bas rdzas su yod pa nyid bkag pa'i phyir khyab bdag ma yin pa'i phyir dang/ nam mkha' i khyab bdag nyid kyang bdag gi khyab bdag nyid bzhin du bkag pa'i phyir te/ ji ltar bdag ni khyab bdag ma yin te/ ma skyes pa'i phyir nam mkha' i me tog bzhin
- 59b
du zhes bya ba de bzhin du/ nam mkha' yang khyab bdag ma yin te/ ma skyes pa'i phyir nam mkha' i me tog bzhin no zhes bkag pa'i phyir mi mthun pa'i phyogs med pas ma nges pa nyid ma yin no/ /de bzhin du bdag ni byed pa po ma yin te/ lus can yin pa'i phyir dper na las bzhin no/ /zhes bya bas ni sngar bye brag bdag ni bdag lus dang/ dbang po dang / blo las gzhan pa byed pa po yin par brjod la zhes bya ba sun 'byin pa'i tshad ma ston to/ /bye brag pa dag gi gzhung las bdag byed pa po yin no par 'dod pa de skabs 'dis sun 'byin te/ de dag kyang chos can dang/ /bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bsam pa'i las ni lus can yin pa'i phyir byed pa po ma yin pa de bzhin du bdag kyang mthe bong cam sogs pa'i lus can yin pa'i phyir byed pa po ma yin no/ /bdag ni rtag pa yang ma yin te/ rdzas yin pa'i phyir dper na bum pa bzhin no zhes bya bas ni sngar bye brag pa dag ni bdag lus dang/ dbang po dang/ blo las gzhan pa rtag pa yin par brjod la zhes bya ba de sun 'byin pa'i tshad ma ston te/ bye brag pa dag gi gzhung las bdag rtag pa yin par 'dod pa de skabs 'dus sun 'byin te/ de dag kyang chos can dang/ bsgrub par bya ba chos dang/ /sgrub pa'i chos dang/ dpe yin par go rim bzhin du sbyar te/ dper na bum pa ni rdzas yin pa'i phyir rtag pa ma yin pa de bzhin du bdag kyang rdzas yin pa'i phyir rtag pa ma yin no/ /de bzhin du shes bya nyid dang brjod par bya ba nyid dang dngos po nyid la sogs pa'i gtan tshigs dag gi phyir ro zhes kyang brjod par bya'o zhes bya ba ni rdzas dpag ba snga ma'i gtan tshigs ni 'di dag kyang yin par sbyar ro/ /bdag ni rgyu med pa yang yin te/ dngos po yin pa'i phyid/ dper na bum pa
- 60a
bzhin no zhes bya bas ni sngar bye brag pa dag ni bdag lus dang/ dbang po dang/ blo las gzhan pa yin par brjod pa zhes bya ba de sun 'byin pa'i tshad ma ston te/ bye brag pa dag gi gzhung las bdag lus dang/ / dbang po dang/ blo las gzhan pa zhes bya ba ni rgyu med pa yin par 'dod pa de skabs 'dis sun 'byin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bum pa ni dngos po yin pa'i phyir rgyu med pa ma yin pa de bzhin du bdag kyang dngos po yin pa'i phyir rgyu med pa ma yin no/ /de bzhin du tshig gi don nyid yin pa la sogs pa'i gtan tshigs dag gi phyir ro zhes kyang brjod par bya'o/ /zhes bya ba ni rjes su dpag pa snga ma'i gtan tshigs ni 'di dag kyang yin par sbyar ro/ /re zhig de dag ni bye brag pa dag gis bdag phung po rnams las gzhan par brtags pa'i gzhung mi 'thad par sun 'byin pa yin no// //de ni grangs can dag gis bdag phung po rnams las gzhan par brtags pa'i gzhung mi 'thad par bstan pa'i phyir/ de bzhin du don dam par bdag ni sems pa yod pa yang ma yin/ rtag pa yang ma yin/ thams cad du song ba yang ma yin/ rgyu med pa yang ma yin te/ dngos po yin pa'i phyir dang/ lan 'ga' yang dag pa'i shes pa dang/ log pa'i shes pa dang/ the tshom can gyi shes pa'i rgyu nyid yin pa'i phyir dang/ lan 'ga' dga' ba dang/ yongs su gdung ba'i rgyu nyid yin pa la sogs pa'i gtan tshigs dag gi phyir dper na ka ba bzhin no zhes brjod par bya'o zhes bya ba smras te/ des ni sngar grangs can dag ni bdag 'bras bu dang rgyu las gzhan pa sems pa yod pa dang/ mi 'gyur ba dang/ thams cad du song ba
- 60b
dang/ rgyu las gzhan pa yin par brjod cing zhes bya ba de dag sun 'byin pa'i tshad ma ston te/ grangs can dag gi gzhung las bdag sems pa yod pa dang/ rtag pa dang/ thams cad du song ba dang/ rgyu med pa yin par 'dod pa de dag skabs 'dis sun 'byin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ka ba ni dngos po yod pa'i phyir dang/ lan 'ga' yang dag pa'i shes pa dang/ log pa'i shes pa dang/ the tshom can gyi shes pa'i rgyu nyid yin pa'i phyir dang/ lan 'ga' dga' ba dang/ yongs su gdung ba'i rgyu nyid la sogs pa yin pa'i phyir sems pa yod pa yang ma yin/ rtag pa yang ma yin/ thams cad du song ba yang ma yin/ rgyu med pa yang ma yin pa de bzhin du bdag kyang dngos po yin pa'i phyir dang/ lan 'ga' yang dag pa'i shes pa dang/ log pa'i shes pa dang/ the tshom can gyi shes pa'i rgyu nyid yin pa'i phyir dang/ lan 'ga' dga' ba dang/ yongs su gdung ba'i rgyu nyid la sogs pa yin pa'i phyir sems pa yod pa yang ma yin/ rtag pa yang ma yin/ thams cad du song ba yang ma yin/ rgyu med pa yang ma yin no/ /yang grangs can gyi phyogs la brjod par bya ste/ don dam par bdag ni zab po ma yin te/ the tshom gyi shes pa la sogs pa'i rgyu yin pa'i phyir/ dper na sdong dum dang bum pa bzhin no zhes brjod par bya'o zhes bya bas ni sngar grangs can dag ni bdag 'bras bu dang rgyu las gzhan zab po yin par brjod cing zhes bya ba de sun 'byin pa'i tshad ma ston te/ grangs can dag gi gzhung las bdag zab pa yin par 'dod pa de skabs 'dis sun 'byin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/
- 61a
dper na sdong dum dang bum pa ni the tshom can gyi shes pa la sogs pa'i rgyu yin pa'i phyir za ba bo ma yin pa de bzhin du bdag kyang the tshom can gyi shes pa la sogs pa'i rgyu yin pa'i phyir za ba po ma yin no/ /ci ste yang la la 'di snyam du dbu ma pas bdag tshig gi don nyid du khas ma blangs pa'i phyir de'i khyad par bstan pa mi rigs te/ dper na mo gsham gyi bu'i sngo? bsangs dang dkar sham nyid dag ston pa bzhin no snyam du sems na zhes bya ba ni phas kyi rgol ba la la la dag 'di snyam du dbu ma pas don dam par bdag ces bya ba tshig gi don nyid du khas ma blangs pa'i phyir de'i khyad par bde ba la sogs pa'i gzhir gyur pa dang/ byed pa po dang/ sems pa med pa dang/ rtag pa dang/ thams cad du song ba la sogs pa phyogs su byas te/ de dag med par ston pa ni gzhi ma grub pa'i phyir/ mi rigs te/ dper na mo gsham gyi bu med pa'i khyad par sngo bsangs dang dkar sham nyid dag ston pa mi rigs pa bzhin no snyam du sems pa'i rnam par rtog pa yin no/ /de'i lan du/ de ni bzang po ma yin te/ yang 'byung ba'i srid pa len pa'i phyir bdag ces bya ba ni rnam par shes pa'i yul la bdag tu tha snyad gdags pa'i phyir rnam par shes pa bdag tu brjod de/ de ltar yang bcom ldan 'das kyis/ sems dul ba ni dge ba ste/ dul ba'i sems kyis bde ba 'thob/ /ces gsungs nas/ yang mdo sde gzhan las/ bdag gi mgon ni bdag nyid yin/ gzhan ni mgon dus su zhig 'gyur// mkhas pa bdag nyid sems dul bas/ /mtho ris dag kyang thob par 'gyur/ zhes gsungs pa de'i phyir tha snyad du bdag sbyir khas blangs pa'i phyir khyad par ma grags pa sel pa'i phyir skyon med do zhes bya ba smras te/ dbu ma pa
- 61b
yang tha snyad du rnam par shes pa la bdag tu gdags pa khas len pas tha snyad du bzhi ma grub pa yang ma yin la/ de'i khyad par pha rol po'i brtags pa bde ba la sogs pa'i gzhir gyur pa dang/ byed pa po dang/ sems pa med pa dang/ rtag pa dang thams cad du song ba la sogs pa ma grangs pa dag don dam par sel ba'i phyir skyon med do/ /yang na sbyor ba'i lam gzhan bya ste/ dbang po dang bcas pa'i lus ni rtag pa dang thams cad du song ba'i tshig gi don gyi dmigs pa'i rgyu thun mong ma yin pa nyid kyang ma yin te/ dmigs par bya ba yin pa'i phyir dper na ka ba bzhin no zhes bya bas ni bdag tu smra ba dg dbang po dang bcas pa'i lus la brten nas bdag gi phyi rol gyi yul dmigs par byed pas dbang po dang bcas pa'i lus ni bdag gis yul dmigs pa'i rgyu thun mong ma yin pa yin par 'dod pa dgag pa'i tshad ma gzhan ston te/ de dag kyang chos can dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar te/ dper na ka ba ni dmigs par bya ba yin pa'i phyir bdag rtag pa dang thams cad du song ba'i tshig gi don gyi dmigs pa'i rgyu thun mong ma yin pa ma yin pa de bzhin du/ dbang po dang bcas pa'i lus kyang dmigs par bya ba yin pa'i phyir bdag rtag pa dang thams cad du song ba'i tshig gi don gyi dmigs pa'i rgyu thun mong ma yin pa ma yin no/ /de bzhin du gzhal bya yin pa'i phyir zhes bya ba la sogs pa'i gtan tshig bdag kyang brjod par bya'o zhes bya ba ni sgrub pa snga ma'i gtan tshigs ni 'di dag kyang yin zhes bya bar sbyar ro/ /'dir bdag tu smra ba dag phyir bzlog par byed de phung po lnga dang lus la bdag med do zhes bya ba de'i don gang yin zhes bya ba ni sngar dbu ma pas/ gal te phung po bdag yin na/ /skye dang 'jig pa can du 'gyur/ zhes bya ba
- 62a
sgrub pa'i skabs su don dam par gzugs su rung ba dang/ myong ba dang/ mtshan mar 'dzin pa dang/ mngon par 'du byed pa dang/ rnam par shes par byed pa'i mtshan nyid kyi phung po lnga po dag ni bdag ma yin par shes par byar nus te/ skye ba dang 'jig pa'i chos can nyid yin pa'i phyir/ dper na bum pa bzhin no zhes bshad pa de la 'dir bdag tu smra ba dag na re dam bcas pa de'i don gang yin zhes rtog cing de'i dpe bum pa bzhin no zhes bya ba de mi grub par klan ka 'tshol ba'i tshig yin no/ /de'i phyir gal te de dag la bdag med do zhe na ni dpe med de bum pa la sogs pa dag la yang de yod pa'i phyir ro zhes bya ba smras te/ gal te dbu ma pa'i dam bcas pa de'i don phung po de dag la bdag med pas phung po lnga po de dag bdag ma yin par shes par byar nus te/ zhes bya ba yin na ni dper na bum pa bzhin no zhes bya ba'i dpe de mi rung ste/ kho bo cag gi phyogs la bum pa la sogs pa dag la yang bdag yod par 'dod pa'i phyir ro/ /gal te de la dmigs par mi byed do zhe na ni/ de lta na yang dpe med de bum pa la sogs pa ni yul dmigs pa'i rgyu yin pa'i phyir ro zhes bya ba ni/ gal te dbu ma pa'i dam bcas pa de'i don phung po lnga dang/ gzugs kyi lus de dag bdag de yul de la dmigs par byed pa'i rgyu ma yin pas phung po rnams kyi bdag de yul de la dmigs par mi byed pas phung po lnga po dag bdag ma yin par shes par byar nus te/ zhes bya ba yin na ni/ de lta na yang dper na bum pa bzhin no zhes bya ba de'i dpe de mi rung ste/ dmigs pa'i bya ba ni byed pa po la yang gnas la/ yul la yang gnas pas des na bum pa la sogs pa yul rnams kyang dmigs pa'i rgyu yin pa'i phyir ro/ /gal te dmigs pa'i rgyu thun mong ma yin no zhe na yang de lta na yang dpe med de/ bum pa la
- 62b
sogs pa dag ni dmigs pa'i rgyu thun mong ma yin pa nyid kyang yin pa'i phyir ro zhes bya ba ni/ gal te dbu ma pa'i dam bcas pa de'i don phung po lnga dang gzugs kyi lus de dag bdag de yul de la dmigs par byed pa'i rgyu thun mong ma yin pa nyid kyang ma yin pas phung po lnga po dag bdag ma yin par shes par byar nus te/ zhes bya ba yin na ni de lta na yang dper na bum pa bzhin no zhes bya ba'i dpe de mi rung ste/ bum pa la sogs pa dag ni snam bu la sogs pa gzhan dmigs pa'i rgyu thun mong ma yin pa ma yin gyi/ rang nyid dmigs pa'i rgyu thun mong ma yin pa nyid kyang yin pa'i phyir ro/ /de'i lan du/ de la 'dir phung po lnga dang lus ni bdag gi dmigs pa'i rgyu thun mong ma yin pa nyid kyang ma yin no zhes dam bcas pa'i phyir/ ji skad smras pa'i sgrub pa sun dbyung bar nus pa'i lan ma yin no zhes bya ba smras te/ kho bo cag gi phung po lnga dang/ gzugs kyi lus kyi bdag de yul la dmigs par mi byed do zhes dam bcas pas/ phung po lnga dang lus ni bdag de'i yul la dmigs pa'i rgyu thun mong ma yin pa nyid kyang ma yin pa'i phyir don de bum pa la yang yod de/ 'di ltar bum pas kyang bdag de yul la dmigs par mi byed de/ bum pa ni bdag de yul la dmigs pa'i rgyu thun mong ma yin pa nyid ma yin pa'i phyir/ dpe grub pas khyed kyi tshig de gsum ni/ kho bos ji skad smras pa'i sgrub pa sun dbyung bar nus pa'i lan ma yin no// //bam po lnga bcu dgu pa/ /yang na rnal'byor pas rang nyid kyis 'di brtag par bya ste/ zhes bya ba la sogs pas ni bstan bcos 'di gang zag bdag med pa nyid bsgom pa'i thabs yin par ston te/ de'i phyir rnal 'byor pa gang zag bdag med pa rtogs par 'dod pas rang nyid kyis don 'di brtag par bya ste/ zhes bya bar sbyar ro/ /de'i phyir/ 'di la
- 63a
bdag ces bya ba gang yin pa de ci phung po rnams kyi mtshan nyid dam/ 'on te phung po rnams las gzhan zhig yin zhes bya ba smras te/ 'di la rnal 'byor pa gang zag bdag med pa'i de kho na mthong bar 'dod pa yongs su rtog pa dang ldan pas 'di ltar so sor yang dag par brtag par bya ste/ 'di la bdag ces bya ba gang yin pa de ji ltar phung po rnams kyi mtshan nyid dam/ 'on te phung po rnams las gzhan zhig yin/ bdag de ni phung po rnams kyi mtshan nyid dam/ phung po rnams las gzhan zhig tu 'gyur ba de tsam du zad de/ 'dir rnam pa gzhan du smra ba gang dag yin pa de dag thams cad kyang gzhan dang gzhan ma yin pa nyid du smra ba dag kho nar 'dus te/ gnyis ka yang mi 'thad do zhes de ltar so sor yang dag par brtag par bya'o/ /ci'i phyir de gnyi ka yang mi 'thad ce na/ de la re zhig /gal te phung po bdag yin na/ /skye dang 'jig ba can du 'gyur/ zhes bya ba smras te/ re zhig gal te phung po rnams nyid bdag yin par gyur na/ de lta na skye ba dang 'jig pa'i chos can du 'gyur te/ phung po rnams skye ba dang 'jig pa'i chos can nyid yin pa'i phyir ro/ /de la bdag mang po nyid du yang thal bar 'gyur la/ bdag tu smra ba don med pa nyid du yang 'gyur te/ bdag ces bya ba ni phung po'i rnam grangs tsam du zad pa'i phyir ro/ /de bas na re zhig phung po rnams nyid bdag yin no zhes bya ba mi 'thad do/ /de nyid kyi tshad ma bstan pa'i phyir/ des na de dag bdag ma yin te/ skye ba dang 'jig pa can yin pa'i phyir/ dper na ka ba bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ka ba ni skye ba dang 'jig pa can yin pa'i phyir bdag ma yin pa de bzhin du/ phung po de dag
- 63b
kyang skye ba dang 'jig pa can yin pa'i phyir bdag ma yin no/ /gal te phung po rnams las gzhan/ /phung po'i mtshan nyid med par 'gyur/ /ci ste yang bdag phung po rnams las gzhan yin par gyur na/ de lta na phung po'i mtshan nyid ma yin par gyur te/ phung po rnams ni skye ba dang 'jig pa'i mtshan nyid yin pas des na bdag phung po rnams las gzhan yin pa'i phyir skye ba dang 'jig pa'i mtshan nyid ma yin par 'gyur ro/ /de ltar na rtag par 'gyur te/ bdag rtag pa yin na rtsom pa thams cad don med pa nyid du 'gyur te/ 'di ltar rtag pa mi 'gyur ba la ci zhig byar yod/ de lta na yang bdag yod par rtog pa don med pa nyid du 'gyur te/ de la cung zad kyang 'jug pa'am ldog par mi 'gyur ro/ /de lta bas na bdag phung po rnams las gzhan pa yang mi 'thad do/ /de nyid kyi tshad ma bstan pa'i phyir/ des na de ni med pa kho na yin te/ phung po'i mtshan nyid ma yin pa'i phyir/ dper na nam mkha' i me tog bzhin no/ /zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na nam mkha' i me tog ni phung po'i mtshan nyid ma yin pa'i phyir med pa kho na yin pa de bzhin du/ bdag de yang phung po'i mtshan nyid ma yin pa'i phyir med pa kho na yin no/ /de bzhin du ma skyes pa nyid dang rgyu med pa nyid la sogs pa'i gtan tshigs dag gis kyang bdag med par khong du chud par bya'o zhes bya ba ni sgrub pa snga ma'i gtan tshigs ni 'di dag kyang yin par sbyar ro/ /bdag tu smra ba dag na re bdag ni yod pa kho na yin te/ don mthong ba'i phyir ro/ /'di ltar lus la bdag med na dbang po sems pa med pa skar khung dang 'dra bas don mthong bar mi 'thad kyi/ bdag nges ni de dang mtshan nyid mi 'dra ba gzhan mthong bar rigs pas gang gis mthong ba de ni bdag yin te/ de'i phyir bdag ni yod pa kho na yin no
- 64a
zhes zer ro zhes bya ba ni 'dir bdag tu smra bdag phyi rol gyi yul mthong ba'i gtan tshigs kyis phung po la bdag yod par sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na skar khungs lta bu sems pa med pa gang gis phyi rol gyi don mi mthong ba de la ni bdag med kyi dbang po sems pa dang bcas pa rnams kyis ni de dang mtshan nyid mi 'dra ba phyi rol gyi don gzhan mthong bas gang gis mthong ba de ni bdag yin te/ de'i phyir lus la bdag yod pa kho na yin no zhes zer ro/ /de skad ces zer ba de'i lan du 'dir 'grel pa byed pa nyid kyis/ de ni bzang po ma yin te/ don mthong ba ni bdag gi chos nyid yin par ma grub pa'i phyir dang/ rjes su 'gro ba med pa'i phyir ro zhes bya ba smras te/ kho bo cag gi phyogs la phyi rol gyi don mthong ba ni dbang po'i chos nyid yin par grags pa'i phyir bdag gi chos nyid yin par ma grub pas khyod kyi gtan tshigs don mthong ba'i phyir ro zhes bya ba de ma grub pa'i phyir dang/ /khyed la gtan tshigs kyi rjes su 'gro ba'i dpe yang med de/ bdag ni yod pa kho na yin te/ don mthong ba'i phyir dper na che ge mo zhig bzhin no/ /zhes bya ba'i dpe med pa'i phyir khyed kyi sgrub pa de ni bzang po ma yin no/ /lus ni bdag dang bcas pa'o zhes phyogs su byed na yang zhes bya bas ni gal te bdag tu smra ba dag lus ni bdag dang bcas pa yin te/ don mthong ba'i phyir ro zhes phyogs su byed na yang rjes su 'gro ba med pa'i phyir de yang bzang po ma yin no zhes ston to/ /de nyid bstan pa'i phyir/ /gtan tshigs thun mong ma yin pa nyid du 'gyur ro zhes bya ba smras te/ /de ltar lus ni bdag
- 64b
dang bcas pa yin te/ zhes lus thams cad phyogs su byas pa'i phyir de las gzhan pa'i don mthong ba med pas gtan tshigs kyi rjes su 'gro ba'i dpe med pa nyid du 'gyur pas mi rung ste/ 'di ltar gtan tshigs ni rjes su dpag par bya ba la yod pa nyid dang mthun pa'i phyogs la yod pa nyid kyi tshul gyis phyogs dang mthun pa'i phyogs gnyis ka la thun mong nyid du khyab par bya ba yin na/ 'dir khyed kyis don mthong ba'i lus thams cad phyogs su byas pas de las gzhan pa phyogs dang mthun pa'i dpe med pa'i phyir/ khyed kyi gtan tshigs don mthong ba'i phyir ro zhes bya ba de phyogs dang mthun pa'i phyogs gnyin ka la thun mong ma yin pa nyid du 'gyur bas rjes su 'gro ba med pa'i phyir mi rung ngo/ /'dis ni g.yas pas mthong ba g.yon pas po shes pa'i phyir dang/ nyams su myong ba dran pa'i phyir dang las dmigs pa'i phyir ro zhes bya ba la sogs pa'i gtan tshigs dag gi lan kyang btab pa yin no zhes bya bas ni bdag tu smra ba dag gis rang gi grub pa'i mdza' don gyi phreng ba zhes bya ba la sogs pa dag las bdag yod pa de nyid du bsgrub pa'i gtan tshigs gang smras pa de dag kyang dbu ma pa'i sgrub pa snga ma 'dis sun dbyung bar bya ba yin no zhes bstan to/ /de dag 'di ltar bdag yod pa nyid du sgrub ste/ bdag ni yod pa kho na yin te zhes bya ba de ni phyogs yin no/ /mig g.yas pas mthong ba g.yon pas ngo shes pa'i phyir ro zhes bya ba 'di ni phyogs kyi chos yin te/ 'di ltar gal te bdag med par gyur na sngon mig g.yon pa nad kyis nyams pa'am brtsams pa'i tshe nges mthong ba'i dngos po mig g.yas pas mthong ba gang yin pa phyis mig g.yon pa nad sos sam phye bas mthong ba'i tshon bdag gi sngon mthong ba de 'di yin no zhes do shes par mi 'gyur ba'i rigs na de lta ma yin te/ sngon mig g.yas pas
- 65a
mthong ba gang yin pa de phyis mig g.yon pas mthong ba'i tshe na yang ngo shes pa'i phyir gang gis ngo shes pa de ni bdag yin pas de'i phyir bdag ni yod pa kho na yin no/ /de bzhin du bdag ni yod pa kho na yin te zhes bya ba de ni phyogs yin no/ /sngon nyams su myong ba da ltar dran pa'i phyir ro zhes bya ba 'di ni phyogs kyi chos yin te/ 'di ltar gal te bdag med par gyur na sngon nyam su myong ba'i don gang yin pa de de yang dbang pos ma mthong na mi dran pa'i rigs na de lta ma yin te/ sngon nyams su myong ba'i don da ltar dbang pos ma mthong yang dran pa'i phyir gang gis de dran pa de ni bdag yin pas de'i phyir bdag ni yod pa kho na yin no/ /de bzhin du bdag ni yod pa kho na yin te zhes bya ba de ni phyogs yin no// las dge ba dang mi dge ba dmigs pa'i phyir ro zhes bya ba 'di ni phyogs kyi chos yin te/ 'di ltar gal te bdag med par gyur na las 'di ni dge ba'o 'di ni mi dge ba lo nas khyab bdag dmiD par mi 'gyur ba'i rigs na de lta ma yin te/ 'di ni las dge ba'o 'di ni las mi dge ba'o zhes bya ba dmigs pa'i phyir/ gang gis de dmigs pa de ni bdag yin pas de'i phyir bdag ni yod pa kho na yin no zhes zer ro/ /de skad ces zer ba de dag gi lan kyang de ni bzang po ma yin te/ de dag ni bdag gi chos nyid yin par ma grub pa'i phyir dang/ rjes su 'gro ba med pa'i phyir ro/ /lus ni bdag dang bcas pa'o zhes phyogs su byed na yang gtan tshigs thun mong ma yin pa nyid du 'gyur ro zhes bya ba 'di nyid yin te/ kho bo cag gi phyogs la mig g.yas pas mthong ba g.yon pas ngo shes ba dang nyams su myong ba dran pa rang/ las dmigs pa la sogs pa ni dbang po'i chos nyid yin par grags pa'i phyir bdag gi chos nyid yin pa ma grub pas khyod kyi gtan tshigs g.yas pas
- 65b
mthong ba g.yon pas ngo shes pa'i phyir dang/ nyams su myong ba dran pa'i phyir dang/ las dmigs pa'i phyir ro zhes bya ba de dag ma grub pa'i phyir dang/ khyed la gtan tshigs kyi rjes su 'gro ba'i dpe yang med de/ bdag ni yod pa kho na yin te/ g.yas pas mthong ba g.yon pas ngo shes pa'i phyir dang nyams su myong ba dran pa'i phyir dang/ las dmigs pa'i phyir dper na che ge mo zhig bzhin no zhes bya ba'i dpe med pa'i phyir khyod kyi sgrub pa de ni rung ba ma yin no/ /gal te bdag tu smra ba dag lus ni bdag dang bcas pa yin te/ mig g.yas pas mthod pa g.yon pas ngo shes pa'i phyir dang/ nyams su myong ba dran pa'i phyir dang/ las dmigs pa'i phyir ro zhes phyogs su byed na yang/ gtan tshigs thun mong ma yin pa nyid du 'gyur bas mi rung ste/ 'di ltar gtan tshigs ni rjes su dpag par bya ba yod pa nyid dang/ mthun pa'i phyogs la yod pa nyid kyi tshul gyis phyogs dang mthun pa'i phyogs gnyi ga la thun mong nyid du khyab par bya ba yin na 'dir khyed kyis lus thams cad phyogs su byas pas de las gzhan pa phyogs dang mthun pa'i dpe med pa'i phyir khyod kyi gtan tshigs g.yas pas mthong ba g.yon pas ngo shes pa'i phyir dang/ nyams su myong ba dran pa'i phyir dang/ las dmigs pa'i phyir ro zhes bya ba de myogs dang mthun ba'i phyogs gnyi ga la thun mong ma yin pa nyid du 'gyur bas/ rjes su 'gro ba med pa'i phyir mi rung ngo zhes bya bar sbyar ro/ /mkhas par rlom pa gzhan dag gis smras pa zhes bya bas ni bdag tu smra ba gzhan gang dag 'di skad smras na bdag nyid gzhan dag la mkhas par grags su re ba'i nga rgyal can dag /bdag ces bya ba'i sgra dang blo yul 'ga' zhig la nye par btags pa dang log par shes pa'i gtan tshigs kyis bdag ces
- 66a
bya ba'i sgra dang blo de'i yul bdag la dngos po logs shig na yod par sgrub pa'i rjes su dpag pa rnam pa gnyis ston to/ /de la lus la bdag ces bya ba'i sgra gang yin pa de ni yul gzhan la dngos su yod de/ 'ga' zhig la nye bar btags pa'i phyir/ dper na bram ze'i khye'u la seng ge'i sgra nye bar btags pa gang yin pa de ni de las gzhan pa'i seng ge'i ral pa dang ze ba spungs ba can la don ji lta ba bzhin no/ /de bzhin du bdag ces bya ba'i sgra lus dang dbang po dang blo tsam dag la nye bar btags pa de yang 'ga' zhig la nye bar btags pa yin pa'i phyir de ni de las gzhan pa de la dngos su yod pas de ni bdag yin te/ de'i phyir bdag ni yod pa kho na yin no zhes bya ba ni bdag ces bya ba'i sgra yul gzhan 'ga' zhig la nye bar btags pa'i gtan tshigs kyis bdag ces bya ba'i sgra de'i yul bdag dngos logs shig na yod par bsgrub pa'i rjes su dpag pa gcig yin te/ de dag ni chos can dang/ bsgrub par bya ba'i chos dang/ sgrub pa'i chos dang/ dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ dper na seng ge zhes bya ba'i sgra bram ze'i khye'u la nye bar btags pa gang yin pa de'i yul bram ze'i khye'u de las gzhan ba seng ge ral pa dang ze ba spungs pa can dngos po logs shig na yod pas seng ge zhes bya ba'i sgra de bram ze'i khye'u yi yul la ni btags pa tsam du zad de seng ge'i yul la ni dngos su 'jug pas/ sgra de'i yul seng ge dngos kyang yod pa kho na yin pa de bzhin du/ bdag ces bya ba'i sgra phung po la nye bar btags pa gang yin pa de'i yul phung po de las gzhan pa bdag rtog pa dang/ thams cad du song pa la sogs pa'i khyad par can dngos kyang logs shig na
- 66b
yod pas/ bdag ces bya ba'i sgra de phung po'i yul la nye bar brtags pa tsam du zad kyi bdag gi yul la ni dngos su 'jug pas/ sgra de'i yul bdag dngos kyang yod pa kho na yin no zhes zer ro/ /yang na bdag ces bya bar shes pa'i blo gang yin pa de ni don ji lta ba bzhin pa'i yul can yin par nges par shes te/ /yul gzhan la log bar shes pa'i phyir/ dper na sdong du ma la mir shes pa bzhin no/ /de bzhin du rgyu dang 'bras bu'i yul la bdag tu shes pa de yang log par shes pa yin pas/ de ltar yul gzhan la log par shes pa'i phyir de las gzhan pa'i yul gang la don ji lta ba bzhin yin pa de ni bdag yin te/ de'i phyir bdag ni yod pa kho na yin no zhes bya ba ni bdag ces bya bar shes pa'i blo yul gzhan 'ga' zhig la log par shes pa'i gtan tshigs kyis bdag ces bya bar shes pa'i blo de yul bdag dngos logs shig na yod par bsgrub pa'i rjes su dpag pa gnyis pa yin te/ de dag kyang chos can dang/ bsgrub par bya ba chos dang/ sgrub pa'i chos dang dpe dang/ nye bar spyar ba'i sbyor ba dang/ mjug pa sdu ba yin par go rim bzhin du spyar te/ dper na ming shes pa'i blos sdong? dum log par shes pa gang yin pa de'i yul sdong dum de las gzhan pa mi sems pa dang bcas pa'i dngos logs shig na yod pas ming shes pa'i blo de sdong dum gyi yul la ni nye bar btags pa tsam du zad kyi mi'i yul la ni dngos su 'jug pas blo de'i yul dngos kyang yod pa kho na yin pa de bzhin du bdag ces bya bar shes pa'i blo rgyu dang 'bras bu la nye bar btags pa gang yin pa de'i yul rgyu dang 'bras bu de las gzhan pa rgyu dang 'bras bu ma yin pa'i bdag rtag pa dang thams cad du song ba la sogs pa'i khyad par can dngos kyang logs pa ni ga na yod
- 67a
pas/ bdag ces bya bar shes pa'i blo de rgyu dang 'bras bu'i yul la ni nye bar btags pa tsam du zad kyi bdag gi yul la mi dngos? su 'jug pas blo de'i yul bdag dngos kyang yod pa kho na yin no zhes zer ro/ /de skad ces zer ba de'i lan du/ 'brel pa byed pa nyid kyis 'dir bshad pa/ gal te rang gi grub pa'i mdza' i tshul las bdag gi ngo bo nyid nges par ma bzung bas tha snyad du bdag spyir dam 'cha' na ni grub pa la sgrub pa yin te zhes bya ba smras te/ gal te bdag tu smra ba khyed rang gi grub pa'i mdza' i tshul las 'byung ba'i bdag gi ngo bo nyid rtag pa dang thams cad song ba la sogs pa'i khyad par dang ldan pa de lta bu nges par ma bzung bar kun rdzob kyi tha snyad du bdag spyir grags pa yod par dam bca' na ni grub pa la sgrub pa yin pa khyed kyi sgrub pa de dag don med par 'gyur ro zhes dbu ma bas /de lta na ji ltar grub pa la sgrub pa yin zhe na/ de'i phyir/ 'di ltar kho bo cag gi lung las kyang bdag gi sgra rnam par shes pa la ni don ji lta ba bzhin yin la skye ba la sogs pa dag la ni nye bar btags pa yin te/ /dper na shing rta'i yan lag dag la brten nas shing rtar gdags par 'dod pa de bzhin du phung po la brten nas sems can du gngags par 'dod la/ rnam par shes pa ni yang 'byung ba'i srid pa len pa'i phyir bdag ces brjod pa'i phyir ro zhes bya ba smras so/ /ci ste sems ni bdag gi sla'i? spyod yul dngos dang bdag ces bya bar shes pa'i blo'i spyod yul dngos ma yin par shes par bya ste/ byas pa'i phyir/ dper na lus bzhin no zhe na/ zhes bya ba ni gong du dbu ma pas/ 'di ltar kho bo cag gi lung las kyang bdag gi sgra? rnam par shes pa la ni don ji lta ba bzhin yin la skye ba la sogs pa
- 67b
dag la ni nye bar btags pa yin te zhes bshad pa'i skabs de la 'dir bdag tu smra ba dag bdag gi sgra rnam par shes pa don ji lta ba bzhin ma yin gyi rnam par shes pa las gzhan pa'i bdag logs shig na dngos su yod pa nyid yin no zhes sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na lus ni byas pa'i phyir bdag gi sgra'i spyod yul dngos dang bdag ces bya bar shes pa'i blo'o spyod yul dngos ma yin par shes par bya ba de bzhin du sems pa yang byas pa'i phyir bdag gi sgra'i spyod yul dngos dang bdag ces bya bar shes pa'i blo'i spyod yul dngos ma yin par shes par bya'o zhes zer ro/ /de'i lan du/ 'grel pa byed pa nyid kyis de la 'dir gal te pha rol po dag don dam par sems pa ni bdag gi sgra'i spyod yul dngos bdag ces bya bar shes pa'i blo'i don ji lta ba bzhin ma yin pa nyid du ston par byed na ni grub pa la sgrub pa yin te/ bdag tu lta ba rnam pa thams cad kyang thams cad du spang bar 'dod pa'i phyir ro zhes bya ba smras te/ gal te pha rol po dag gis sems pa ni bdag gi sgra'i spyod yul dngos dang bdag ces bya bar shes pa'i blo'i spyod yul dngos ma yin par shes par bya ste/ zhes dam bcas pa de don dam par de ltar ston par byed na ni grub pa la sgrub pa yin pas mi rung ste/ ji ltar zhe na/ kho bo cag dbu ma pa yang bdag tu lta ba brtag pa dang mi rtag pa rnam pa thams cad kyang lus sam rnam par shes pa'i gnas skabs thams cad du spang bar 'dod pa'i phyir ro/ /'on te tha snyad du na ni de rigs pa ma yin te/ sgra dang blo'i btags pa dang dngos kyi nges pa rang gi grub pa'i mthar yang grub pa dag tha snyad du 'dod pas 'dod pa'i phyir ro zhes bya bas ni 'on te pha rol po dag
- 68a
gis sems pa ni bdag gi sgra'i spyod yul dngos dang bdag ces bya bar shes pa'i blo de'i spyod yul dngos ma yin par shes par bya ste zhes dam bcas pa de tha snyad du de ltar ston par byed na ni de rigs pa ma yin te/ ci'i phyir zhe na/ sgra'i btags pa dang dngos kyi nges pa dang blo'i btags pa dang dngos kyi nges pa rang gi grub pa'i mthar yang grub pa dang/ yang gi sgras gzhan gyis grub pa'i mthar yang grub pa dag tha snyad du 'dod pas tha snyad gdags pa'i don du 'dod pa'i phyir ro/ de lta bas na kho bo cag gi lung las kyang bdag gi sgra rnam par shes pa la ni don ji lta ba bzhin yin la/ skye ba la sogs pa dag la ni nye bar btags pa yin par grub bas/ khyed gal te rang gi grub pa'i mdza' i tshul las bdag gi ngo bo nyid nges par ma bzung bar tha snyad du bdag spyir dam 'cha' na ni grub pa la sgrub pa yin pas mi rung ngo/ /don dam par na ni sgra yang bdag la dngos su yod par mi 'grub ste/ seng ge'i sgrar 'jug pa'i don kyang btags par yod pa'i phyir yul de la seng ge'i sgra yang don ji lta ba bzhin nyid ma yin pa'i phyir ro zhes bya bas ni sngar pha rol po dag na re bdag go zhes bya ba'i sgra gang yin pa de ni lus dang dbang po dang blo tsam dga' nye bar btag pa de las gzhan pa bdag la dngos su yod de/ dper na seng ge'i sgra bram ze'i khye'u la nya bar btags pa yang de las gzhan pa seng ge'i ral pa dang ze ba spungs pa can la don ji lta ba bzhin du mthong ba bzhin no zhes zer ba'i sgrub pa dang dpe de dag mi 'grub par ston te/ 'di ltar bdag go zhes bya ba'i sgra gang yin pa de lus dang dbang po dang blo tsam dag la nye bar btags pas yul de la dngos su yod par ma grub pa de bzhin du de las gzhan bdag la yang dngos su yod par mi 'grub ste/ ci'i phyir zhe na/ seng ge'i sgra bram ze'i khye'u la nye bar btags pa de
- 68b
las gzhan pa seng ge nyid la yod par brjod pa'i don seng ge nyid kyang don dam par yod pa ma yin gyi gdags par yod pa'i phyir seng ge'i yul de la seng ge'i sgra yang don ji lta ba bzhin nyid ma yin pa'i phyir te/ des na ji ltar seng ge'i sgrar brjod pa'i don seng ge nyid btags par yod pa'i phyir yul de la seng ge'i sgra yang don ji lta ba bzhin nyid ma yin pa de bzhin du/ bdag ces bya ba'i sgrar brjod pa'i don bdag? nyid kyang btags par yod pa'i phyir yul de la bdag gi sgra yang don ji lta ba bzhin nyid ma yin no// yang na sgra gang 'ga' zhig la nye bar btags pa de ni 'dus pa la yod par mthong ste spyi la nye bar btags pa'i phyir/ seng ge la sogs pa'i sgra bzhin pas/ des na bdag gi sgra 'dus pa ma yin pa la dngos su yod pa nyid sel bar byed pas nges na dam bcas pa la chos kyi khyad par bsal ba'i skyon yod do zhes bya bas ni/ sngar pha rol po dag gis bdag go zhes bya ba'i sgra gang yin pa de ni yul gzhin la dngos su yod de zhes bya ba'i phyogs de? sgrub pa'i chos 'ga' zhig la nye bar btags pa'i phyir zhes bya ba smras pa'i don 'gal ba nyid du ston te/ de dag ni chos can dang/ bsgrub par bya ba chos ba dang/ sgrub pa'i chos dang/ dpe dang/ nye bar sbyar ba'i sbyor pa dang/ mjug bsdu ba yin par go rim bzhin du sbyar te/ dper na seng ge la sogs pa'i sgra ni spyi la nye bar btags pa'i phyir seng ge sder mo dang mche ba rnam par 'gyur ba dang ngam sngur rngam pa dang ral pa dang ze ba spungs pa dang mjug ma ldang du gzar bdag gis 'jigs su rung ba 'dus pa la yod par mthong bas 'ga' zhig la nye bar btags pa yin pa de bzhin du/ bdag ces bya ba'i sgra de yang spyi la nye bar btags pa'i phyir lus dang dbang po dang blo 'dus pa la yod par mthong pas 'ga' zhig la nye bar gtags pa ma yin par nges pha rol po dag bdag gi sgra bdag gcig
- 69a
pu 'dus pa ma yin pa la dngos su yod par 'dod pa nyid sel bar byed pas des na pha rol po dag gis dam bcas pa la chos can bdag gi sgra'i chos kyi khyad par 'ga' zhig la nye bar btags pa zhes bya ba bsal pa'i skyon yod pas pha rol po dag gi gtan tshigs 'ga' zhig la nye bar btags pa'i phyir zhes bya ba de seng ge la sogs pa'i sgra spyi la nye bar btags pa'i gtan tshigs dang dpes 'gal ba'i phyir/ bdag ces bya ba'i sgra bdag gcig pu 'ga' zhig la dngos su yod par mi 'grub ste/ lus dang dbang po dang blo'i chogs 'dus pa'i spyi la nye bar gdags pa tsam du zad pas lus dang dbang po dang blo 'dus pa dag las gzhan pa bdag gcig pu'i yul dngos logs shig na med do zhes bstan to/ /des blo'i phyogs la yang skyon gyis lan btab bo zhes bya ba ni/ sgra gang 'ga' zhig la nye bar btags pa de ni 'dus pa la yod par mthong ste zhes bya ba la sogs pa'i sgrub pa des blo'i phyogs la yang gzhan 'ga' zhig la log par shes pa'i phyir zhes bya ba'i gtan tshigs de'i don 'gal ba'i skyon yod par bstan to/ /de yang blo gang yul gzhan 'ga' zhig la log par shes pa de ni 'dus pa la yod par mthong ste/ spyi la leg par shes pa'i phyir/ sdong dum la sogs pa la log par shes pa'i blo bzhin pas/ des bdag ces bya bar shes pa'i blo 'dus pa ma yin ba la dngos su yod pa nyid sel bar byed pas/ des na dam bcas pa la chos kyi khyad par bsal pa'i skyon yod do zhes bya bar sbyar te/ de dag kyang chos can dang/ bsgrub par bya ba chos dang/ sgrub pa'i chos dang/ dpe dang nye bar sgyur ba'i spyod ba dang/ mjug bsdu ba yin par go rim bzhin du sbyar te/ 'di na sdong dum la mir shes pa la sogs pa'i blo ni spyi la log par shes ba'i phyir/ sdong dum kha dog dang dbyibs la sogs pa 'dus pa
- 69b
la yod par mthong bas 'ga' zhig la log par shes pa ma yin pa de bzhin du bdag ces bya bar shes pa'i blo de yang spyi la log par shes pa'i phyir rgyu dang 'bras bu 'dus pa la yod par mthong bas 'ga' zhig la log par shes pa ma yin pas des pha rol po bdag ces bya bar shes pa'i blo bdag cig pu 'dus pa ma yin pa la dngos su yod par 'dod pa nyid sel bar byed pas/ des na pha rol po dag gi dam bcas pa la chos can bdag zhes bya bar shes pa'i blo'i chos kyi khyad par yul 'ga' zhig la log par shes pa zhes bya ba bsal ba'i skyon yod pas/ pha rol po dag gi gtan tshigs yul 'ga' zhig la log par shes pa'i phyir zhes bya ba de sdong dum la mir? shes pa'i blo spyi la log par shes pa'i gtan tshigs dang dpe 'gal ba'i phyir bdag ces bya bar shes pa'i blo bdag cig bu 'ga' zhig la dngos su yod par mi 'grub ste/ rgyu dang 'bras bu'i tshogs 'dus pa spyi la log par shes pa tsam du zad pas rgyu dang 'bras bu 'dus pa dag las gzhan pa bdag gcig pu'i yul dngos logs shig na med do zhes bstan to/ /grangs can dag las kha cig gis smras pa/ shes pa yod pa nyid ni skyes bu'i ngo bo nyid yin te/ de yang smra ba thams cad kyi khas blang bar bya ba yin pas kho bo cag gis de yod pa nyid du bstan pa'i phyir rjes su dpag pa smra bar mi bya ste/ 'di ltar de'i khyad par zab po nyid la sogs pa dag bstan par bya'o zhes bya ba ni 'dir grangs can dag las kha cig shes pa yod pa nyid ces bya ba ni skyes bu'i ngo bo nyid yin te/ /de ni bdag yin pas bdag ni yod pa kho na yin no zhes zer ba'i gzhung yin te/ de dag na re kho bo cag gi gzhung las shes pa yod pa nyid ces bya ba ni skye bu'i ngo bo nyid yin la/ snying stobs dang/ rdul dang mun pa'i yon tan gsum cha mnyam pa ni rang bzhin yin pas rang bzhin ni byed pa po yin la
- 70a
skyes bu ni za ba po yin te/ long ba dang grub po bzhin no zhes 'byung bas/ shes pa yod pa nyid de/ yang bdag tu smra ba thams cad kyis khas blang bar bya ba yin pas kho bo cag gis/ de de yod pa nyid du bstan pa'i rjes su dpag pa ni smra bar mi bya ste/ /grub pa la sgrub pa'i skyon du 'gyur ba'i phyir ro/ /'di ltar shes pa yod pa nyid de'i khyad par za ba po nyid dang rtag pa dang thams cad du song ba nyid dang yal bar 'dor ba nyid la sogs pa gang dag pha rol po dag la ma grags pa 'di dag 'dir bstan par bya'o zhes zer ro/ /de'i phyir gal te gzhan dag 'di skad ces shes pa yod pa nyid ni shes pa dang don gcig la shes pa ni blo yin pas de'i phyir shes pa yod pa nyid ni skyes bu'i ngo bo nyid ma yin no zhes zer na zhes bya ba smras ta/ de ni grangs can dag na re kho bo cag gi gzhung las shes pa yod pa nyid ni skyes bu'i ngo bo nyid yin te blo ma yin no zhes bya ba de sangs rgyas pa dag la sogs pa'i gzhung la ma grags pas/ gal te sangs rgyas la sogs pa gzhan dag skyes bu zhes bya ba'i ngo bo nyid med par sems shing de skad ces zer na/ de yang rigs pa ma yin no zhes zer ba'i tshig yin no/ /de ji ltar rigs pa ma yin pa'i tshad ma bstan pa'i phyir/ de yang rigs pa ma yin te/ blo ni shes pa yod pa ma yin te/ skye ba'i phyir/ dper na bum pa bzhin no zhes bya ba smras te/ des ni blo ni shes pa yod pa nyid ma yin par bsgrub pa'i tshad ma ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bum pa ni skye ba'i phyir/ shes pa yod pa nyid ma yin pa de bzhin du/ blo yang skye ba'i phyir shes pa yod pa nyid ma yin no/ /de bzhin du dag par bya ba nyid dang/ spag par bya ba nyid dang/ phan gdags par bya ba nyid la sogs pa dag yin pa'i phyir/ dper na
- 70b
zhags la sogs pa bzhin pas/ de'i phyir blo ni shes pa yod pa nyid ma yin no zhes bya ba ni/ sgrub pa snga ma de'i gtan tshigs dang dpe ni 'di dag kyang yin par sbyar te/ dper na h+rags la sogs pa ni dri ma dag par bya ba nyid dang/ dri mas spag par bya ba nyid dang/ byi dor bya ba la sogs pas phan gdags par bya ba nyid yin pa'i phyir shes pa yod pa nyid ma yin pa de bzhin du /blo yang dri ma dag par bya ba nyid dang/ dri mas spag par bya ba nyid dang/ sbyang ba la sogs pas phan gdags par bya ba nyid yin pa'i phyir shes pa yod pa nyid ma yin pa/ de'i phyir blo ni shes pa yod pa nyid ma yin no/ /de'i phyir shes pa nyid de ni longs spyad par bya ba'i khongs su ma gtogs pas des ni za ba po nyid yin par grub ste/ bdag dang zhing shes pa zhes bya ba dag gi rnam grangs so zhes bya ba ni de ltar shes pa yod pa nyid ces bya ba de sangs rgyas pa la sogs pa dag 'dod pa ltar blo'i ngo bo nyid ma yin gyi/ skyes bu'i ngo bo nyid yin pa de'i phyir/ de ni snying stobs dang/ rdul dang mun pa'i rang bzhin long ba ltar longs spyad par bya ba'i khongs su ma gtogs pas de ni gum po ltar za ba po nyid yin par grub ste/ de'i ming gi rnam grangs ni shes pa yod pa nyid dang skyes bu dang za ba po dang bdag zhing shes pa zhes bya ba yin te/ shes bya'i zhing thams cad du mngon sum du she spas zhing shes pa zhes bya'o/ /de'i khyad par ni rtag pa dang thams cad du song ba nyid dang yal bar 'dor ba nyid la sogs pa dag yin no zhes bya bas ni sngar grangs can dag gis 'di ltar de'i khyad par za ba po nyid la sogs pa dag bstan par bya'o zhes dam bcas pa'i skabs nyid bstan te/ shes pa yod pa nyid de ni mi 'gyur bas rtag pa yang yin/ khyab bdag yin pas thams cad du song ba nyid kyang yin/ byed pa po ma yin pas yal bar 'dor ba nyid kyang yin no zhes zer ro/ /de skad ces zer ba de'i lan du/ /'dir 'grel pa byed pa nyid kyis/ de la 'dir bdag gi shes pa yod pa
- 71a
nyid dang thams cad du song ba nyid dang/ za ba po nyid la sogs pa bdag dgag pa smras zin pas de ni za ba po ma yin no zhes bya ba smras te/ de ni sngar grangs can dag ni bdag 'bras bu dang rgyu las gzhan pa/ byed pa po ma yin pa dang za ba po dang/ dag pa dang/ thams cad du song ba dang/ mi 'gyur ba dang/ sems pa yod pa yin par brjod cing zhes bya ba de dgag pa'i skabs gong du rgya cher smras zin pas/ sgrub pa de ni bzang po ma yin no/ /blo ni shes pa yod pa nyid ma yin te zhes bya ba de'i dam bcas pa'i don gang yin zhes bya bas ni sngar grangs can dag gis gal te gzhan dag 'di skad ces shes pa yod pa nyid ni shes pa dang don cig la shes pa ni blo yin pas de'i phyir shes pa yod pa nyid ni skyes bu'i ngo bo nyid ma yin no zhes zer ni/ de yang rigs pa ma yin te/ blo ni shes pa yod pa nyid ma yin te zhes dam bcas pa de'i don gang yin zhes brtag pa ston to/ /gal te dam bcas pa de'i don sems pa med pa'am/ shes pa yod pa nyid kyi nus pa yin no zhe na ni/ phyogs snga ma la gnod do zhes bya ba ni gal te dam bcas pa de'i don blo la sems pa gtan med pas shes pa yod pa nyid ma yin no zhe 'am/ blo la shes pa yod pa nyid bsal ba'i dngos por ni med la shes pa yod pa nyid kyi nus pa yod pa nyid ma yin no zhe na ni/ phyogs snga ma la gnod pas mi rung ste 'di ltar khyed nyid kyi grub pa'i mdza' las blo la sems pa gtan med par yang mi 'dod la/ shes pa yod pa nyid kyi nus pa blo la yod par yang mi 'dod pa'i phyir ro/ /gal te sems pa las gzhan zhig yin no zhe na yang/ gang las gzhan nyid du 'gyur ba de gang yin te de yang med do zhes bya ba ni/ gal te dam bcas pa de'i don sems pa las blo gzhan zhig yin pas blo ni shes pa yod pa nyid ma yin no zhe na yang gang las blo gzhan nyid du 'gyur ba'i sems pa de gang
- 71b
yin te/ sems pa de yang med pas de la blo gzhan zhig yin no zhes byar mi rung ngo/ /de ltar de ma grub pa'i phyir ram/ dam bcas pa la brten pa ma grub pa'i skyon yod do zhes bya ba ni/ de ltar sems pa de ma grub pa'i phyir/ khyed kyi dam bcas pa la sems pa las blo gzhan yin par bsgrub pa brten pa de ma grub pa'i skyon yod pas/ khyed kyis blo ni shes pa yod pa nyid ma yin te/ zhes dam bcas pa'i phyogs ma grub bo/ /skye ba'i phyir zhes bya ba'i gtan tshigs de'i don yang gang yin zhes bya bas ni/ sngar grangs can dag gis blo ni shes pa yod pa nyid ma yin te/ zhes dam bcas pa'i phyogs de sgrub pa'i chos skye ba'i phyir zhes smra ba'i gtan tshigs de'i don yang gang yin zhes brtag pa ston te/ gal te ma byung ba las 'byung ba'i phyir ro zhe na ni rang la gtan tshigs ma grub bo zhes bya ba ni/ gal te gtan tshigs de'i don dngos po rnams sngon ma byung ba las phyis byung ba'i phyir skye ba zhes bya'o zhe na ni/ rang la gtan tshigs ma grub pas mi rung ste/ 'di ltar khyed grangs can dag 'bras bu sng na yod par smra ba'i phyogs la ma byung ba las 'byung ba yin par mi 'dod pas gtan tshigs gang yang rung pa la ma grub bo/ /gal te rang la gtan tshigs ma grub pas kyang 'dod pa'i don ston par byed do/ gzhan gyi phyos la grub pa'i phyir phyogs gnyi ga la grags pa'i chos bzhin no zhe na zhes bya bas ni grangs can dag skye ba'i phyir zhes bya ba'i gtan tshigs de ma byung ba las byung ba yin pa'i phyir rang la ma grub tu zin kyang des blo ni shes pa yod pa nyid ma yin te/ zhes dam bcas pa'i 'dod pa'i don ston bar nus so zhes gzhung 'jugs pa'i tshad ma ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na phyogs gnyi ga la grags pa'i chos stsal ma thag tu 'byung ba zhes bya ba ni gzhan gyis phyogs la grub pa'i phyir/ des sgra mi rtag ste zhes
- 72a
dam bcas pa'i 'dod pa'i don ston par nus pa de bzhin du/ ma byung ba las 'byung ba'i phyir zhes bya ba'i gtan tshigs rang la ma grub pa yang gzhan gyi phyogs la grub pa'i phyir/ des kyang blo ni shes pa yod pa nyid ma yin te zhes dam bcas pa'i 'dod pa'i don ston par nus so zhes zer ro/ /de skad ces zer ba de'i lan du/ 'dir 'grel pa byed pa nyid kyis gzhan gyi phyogs 'ba' zhig grags pa'i phyogs kyi chos kyis ni/ bsgrub par bya ba'i don sgrub mi nus par nges par bzung ste/ gang yang rung ba la ma grub pa'i phyir/ gzhan gyi phyogs la ma grub pa bzhin pas/ blo shes pa yod pa nyid ma yin par ston pa'i rjes su dpag pa 'gal bas bzlog pa'i phyir gtan tshigs kyi don ma grub pa nyid nyams pa med do zhes bya ba smras te/ des ni sngar grangs can dag gis rang gi gtan tshigs ma grub pas kyang 'dod pa'i don ston par byed de zhes dam bcas pa'i phyogs de grub pa'i chos gzhan gyi phyogs la grub pa'i phyir zhes smras pa'i gtan tshigs de sun dbyung ba'i tshad ma sten te/ de dag ni chos can dang/ /bsgrub par bya ba chos dang/ sgrub pa'i chos dang/ dpe dang nye par sbyar ba'i sbyor ba dang/ mjug bsdu ba yin pa go rim bzhin du sbyar te/ dper na bsal ba smra ba gzhan gyi phyogs la ma grub pa byas pa'i phyir zhes bya ba ni gang yang rung ba la ma grub pa'i phyir des bsgrub par bya ba'i don sgra mi rtag ste zhes bya ba sgrub mi nus par nges par bzung ba de bzhin du/ sangs rgyas pa gzhan gyi phyogs 'ba' zhig la grags pa'i phyogs kyi chos ma byung pa las 'byung ba'i phyir zhes bya ba yang gang yang rung ba la ma grub pa'i phyir des kyang bsgrub par bya ba'i don blo ni shes pa yod pa nyid ma yin te/ zhes bya ba sgrub mi nus par nges par bzung ste/ des na grangs can dag gi blo shes pa yod pa nyid ma yin par ston pa'i rjes su dpag pa de 'gal ba 'khrul
- 72b
pa med pa'i gnod pas bzlog pa'i phyir grangs can dag gi gtan tshigs skye ba'i phyir zhes bya ba de'i don ma grub pa nyid nyams pa med do/ /skye pa'i phyir zhes bya ba'i gtan tshigs kyi don gsal ba nyid yin par rtog na yang zhes bya ba ni/ sngar grangs can dag gis blo ni shes ba yod pa nyid ma yin te zhes dam bcas pa'i phyogs kyi chos skye ba'i phyir zhes bya ba'i gtan tshigs de'i don gsal ba nyid yin par rtog cing 'di skad ces dper na bum pa ni gsal par bya ba yin pa'i phyir shes pa yod pa nyid ma yin pa de bzhin du/ blo yang gsal bar bya ba yin pa'i phyir shes pa yod pa nyid ma yin te zhes bya bar rtog na'o/ /de lta na yang/ gtan tshigs kyi don ma grub pa nyid dang dpe la sgrub pa'i chos med pa nyid kyi skyon du 'gyur te/ ji ltar gtan tshigs kyi don ma grub pa nyid kyi skyon du 'gyur zhe na/ gsal ba dgag pa smras zin pa'i phyir ro/ /zhes bya ba smras te/ dbu ma pas grangs can dag gi gsal ba dgag pa smras zin pa'i phyir de dag gi gtan tshigs gsal ba'i phyir zhes bya ba'i don ma grub pa nyid do/ /ji ltar dpe la grub pa'i chos med pa nyid kyi skyon du 'gyur zhe na/ dper na bum pa bzhin no zhes bya ba de la sgrub pa'i chos gsal ba'i phyir ro zhes bya ba de med de/ 'di ltar bum pa ni bya ba yin gyi gsal bar bya ba ma yin pa'i phyir ro/ /rigs pa la mi mkhas pa kha cig gis smras pa/ phung po lnga dang dbang po dang bcas pa'i lus 'di bdag gi dmigs pa'i rgyu thun mong ma yin pa nyid kyang ma yin no zhes bya ba ni/ bdag khas ma blangs par de'i khyad par dgag pa'i sgrub pa smra bar mi rigs pas/ bdag la sdang ba khyed kyi khas blangs pa la gnod par 'gyur ro zhes bya ba ni/ sngar dbum pas yang na sbyor ba'i lam gzhan bya ste/ dbang po dang bcas pa'i lus ni rtag pa dang/ thams cad du song ba'i tshig gi don gyi dmigs pa'i rgyu thun mong ma yin pa nyid kyang ma yin te/ dmigs par bya ba yin
- 73a
pa'i phyir dper na ka ba bzhin no zhes smras pa de la/ 'dir mu stegs rigs pa can rigs pa la mi mkhas ba dag 'di skad ces/ khyed kyis de skad smras pa de ni khyad par gyi gzhi bdag yod par khas ma blangs par de'i khyad par bdag de yul la dmigs pa'i rgyu thun mong ma yin pa ni phung po lnga dang dbang po dang bcas pa'i lus 'di ma yin no zhes dgag pa'i sgrub pa smra bar mi rigs pas des khyed dbu ma pas kyang bdag yod par khas blangs ba yin pas de lta na bdag la sdang ba khyed kyis bdag med par khas blangs pa la gnod par 'gyur ro zhes zer ba'i tshig yin no/ /de skad ces zer ba'i lan du/ 'dir 'grel pa byed pa nyid kyis/ de la 'dir tha snyad kyi dbang gis bdag spyir khas blangs nas gzhan gyis yongs su btags pa'i bdag gi chos rtag pa dang thams cad du song ba dang byed pa po dang za ba po nyid la sogs pa dag bsal bas tha snyad du gzhan gyis brtags pa'i bdag stong pa nyid du ston pa'i phyir dang/ don dam par ni thams cad kyang stong pa nyid du ston pas tha snyad du de'i khyad par tsam bsal du med ba ma yin pa'i phyir khas blangs pa la gnod par mi 'gyur bas de'i phyir de ni nam mkha' lding du zad do zhes bya ba smras te/ kho bo cag dbu ma pas don dam par ni bdag gi khyad par thams cad kyang stong pa nyid du bstan la/ kun rdzob kyi tha snyad kyi dbang gis bdag spyir smras pa khas blangs nas gzhan gyis yongs su brtags pa'i bdag gi chos rtag pa dang thams cad du sang ba dang byed pa po dang za ba po nyid dang/ bdag de yul la dmigs pa'i rgyu thun mong ma yin pa phung po lnga dang dbang po dang bcas pa'i lus 'di yin par 'dod pa sil bar byed pa yin pas/ tha snyad du de'i khyad par tsam bsal du med pa ma yin pa'i phyir khas blangs pa la gnod par mi 'gyur bas de'i phyir rigs pa can dag gi chos de ni nam mkha'
- 73b
ldang ba dang 'dra'o/ /phyir rgol bdag na re/ bdag ni yod pa bdag ni yod pa kho na yin te kha cig tu de bkag pa'i phyir/ 'di na khron pa mchu med do zhes khron par bkag pa'i phyir gzhan chu yod pa nyid du shes pa bzhin no/ /de bzhin du lus dang dbang po dang blo dag la bdag bkag pa'i phyir dbang po dang bcas pa'i lus la bdag med do zhes lus dang dbang po dang blo dag la bdag bkag pa yod pas gzhan la bdag yod la nyid du 'gyur pas de'i phyir bdag ni yod pa kho na yin no zhes zer ro zhes bya bas ni bdag tu skya ba la kha cig na re dbu ma pas lus dang dbang po dang blo'i tshogs dag gi yul kha cig tu bdag bkag pa'i phyir de las gzhan pa bdag gi yul nyid la mi bdag yod pa kho na yin no zhes zer ba'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang nye bar sbyar ba'i sbyor ba dang/ mjug bsdu la yin bar go rim bzhin du sbyar te/ dper na 'jig rten 'di na khron pa na chu med do zhes khron par bkag pa'i phyir gzhan na chu yod pa nyid du shes pa bzhin du/ khyod dbu ma pas 'dir lus dang dbang po dang blo'i tshogs dag la bdag med do zhes bkag pa'i phyir de dag las gzhan pa bdag gi yul la bdag yod pa nyid du 'gyur bas de'i phyir bdag ni yod pa kho na yin no zhes zer ro/ /de'i lan du 'dir 'grel pa byed pa nyid kyis/ nang gi skye mched rnams la byed pa po dbang phyug dang byed pa po gtso bo dang/ byed pa po dus dang/ byed pa po sred med kyi bu dag med do zhes bkag kyang gzhan gang la yang byed pa po de dag gi 'bras bu med pa'i phyir ma nges pa nyid do/ /don dam par ni tshul sogs pa dag kyang ma grub pa'i phyir dpe med pas de ni rigs pa ma yin no zhes bya ba smras te/ pha rol po'i sgrub pa de'i gtan tshigs ma nges pa nyid dang dpe med pas de rigs pa ma yin no zhes ston te/ 'di na rang dang gzhan gyi phyogs 'dzin pa gang dag nang gi skye mched
- 74a
rnams kyi byed pa po dbang phyug dang/ gtso bo dang dus dang/ sred med kyi bu dag ma yin par 'dod pa dag gis nang gi skye mched rnams ni byed pa po de dag gi byas pa'i 'bras bu ma yin par bkag pa na gzhan dag la yang byed pa po de dag gis byas pa'i 'bras bu med par mthong bas des na/ ci re zhig kha cig tu bkag pa'i phyir dper na khron pa na chu med do zhes bkag pa'i phyir gzhan mchu yod? pa nyid du shes pa bzhin du lus dang dbang po dang blo'i tshogs dag la bdag med do zhes bkag pa'i phyir de dag las gzhan pa la bdag yod pa nyid du 'gyur ram/ 'on te kha cig tu de bkag pa'i phyir dper? na nang gi skye mched rnams la byed pa po dbang phyug la sogs pas byas pa'i 'bras bu med par bkag pas gzhan dag la yang med pa nyid yin pa de bzhin du lus dang dbang po dang blo'i tshogs dag la bdag med par bkag pas gzhan la yang bdag bkag pa med pa nyid yin par 'gyur ba ma nges pas de'i phyir pha rol po'i gtan tshigs kha cig tu de bkag pa'i phyir zhes bya ba de ma nges pa nyid yin pas rigs pa ma yin no/ /don dam par chu la sogs pa dag kyang ma grub pa'i phyir pha rol po'i dpe 'di na khron pa na chu med do zhes khron par bkag pa'i phyir gzhan na chu yod pa nyid du shes pa bzhin no zhes bya ba de med pas de yang rigs pa ma yin no/ /grangs can dag las kha cig yang bdag dgag pa'i rjes su dpag pa sngar bstan pa dag la skyon 'dogs par byed de zhes bya ba ni grangs can de dag la sngar dbu ma pas don dam par gzugs su rung pa dang myong ba dang mtshan mar 'dzin pa dang mngon par 'du byed pa dang rnam par shes par byed pa'i mtshan nyid kyi phung po lnga po dag ni bdag ma yin par shes par byar nus te/ skye pa dang 'jig pa'i chos can nyid yin pa'i phyir dper na bum pa bzhin no/ /zhes rjes su dpag pa bstan pa des phung po lnga dang bus ni bdag gi dmigs pa'i rgyu thun mong ma yin pa nyid kyang ma yin te/ skye ba dang 'jig pa'i chos can nyid yin pa'i
- 74b
phyir/ dper na bum pa bzhin no zhes bshad pa'i dpe de ni rung bar skyon 'dogs pa'i tshig yin no/ /de'i phyir grangs can dag na re/ rnam par 'jig pa'i chos can bum pa la sogs pa lta bu dag kyang dmigs pa'i rgyu thun mong ma yin pa nyid yin pas dpe med pa dang zhes zer te/ de dag na re 'di rnal 'byor pa lus su 'pho ba'i sbyor ba gzhan gyi khyim las rgyal ba zhes bya ba sgom par byed pa na/ gzhan gyi khyim na mi ro rnam par 'jig pa'i chos can sems pa med pa dag 'dug pa'i nang du rnal 'byor pa des rang gi sems btang nas bdag nyid kyi lus 'di ro dang 'dra bar gyur la/ gzhan gyi khyim na 'dug pa'i ro de ni sems pa dang bcas pa gson por gyur nas des gzhan gyi dbang phyug dang 'byor pa thams cad bdag gir byed pa na/ rnal 'byor ba de'i sems gzhan khyim na 'dug pa'i ro? rnam par 'jig pa'i chos can de'i nang du 'jug pa'i dmigs pa'i rgyu thun mong ma yin pa ni ro rnam par 'jig pa'i chos can sems pa med pa de nyid yin pas/ des na ji ltar ro rnam par 'jig pa'i chos can sems pa med pa de rnal 'byor pa de'i sems gzhan gyi lus la 'pho ba'i dmigs pa'i rgyu thun mong ma yin pa nyid yin pa de bzhin du bum pa la sogs pa dag kyang sems pa med cing ro rnam par 'jig pa'i chos can dang 'dra ba yin pas/ de'i phyir bum pa la sogs pa sems pa med pa dag kyang bdag de yul la dmigs pa'i rgyu thun mong ma yin pa nyid yin pas/ des na khyed dbu ma pas ni phung po lnga dang lus ni bdag gi dmigs pa'i rgyu thun mong ma yin pa nyid kyang ma yin te/ skye ba dang 'jig pa'i chos can nyid yin pa'i phyir/ dper na bum pa bzhin no zhes bshad pa'i dpe de mi rung ngo ro zhes zer ro/ /gzhan yang grangs can dag na re/ bum pa la sogs pa dbang po'i dngos por gyur pa dag kyang dmigs pa'i rgyu thun mong ma yin pa nyid yin pa'i phyir yang dpe med do zhe na/ zhes bya bas ni/ 'di skad ces bstan te/ bum pa
- 75a
la sogs pa dag 'jig pa chen po 'byung ba'i dus kyi tshe rdul phra mor gyur nas gtso bo'i bag la zha zhing 'khor ba dag gang gi tshe 'chags pa'i bskal pa 'byung ba de'i tshe ma lus can rnams kyi mig la sogs pa dbang po'i dngos por 'gyur zhing/ de dag dbang por red nas skyes bu zhes bya ba bdag de yul la longs spyod par 'dod pa'i tshe na bum pa la sogs pa'i rdul phra mo lus can rnams kyi mig la sogs pa'i dbang po'i dngos por gyur pa de dag skyes bu zhes bya ba'i bdag de yul la dmigs pa'i rgyu thun mong ma yin pa nyid yin pa'i phyir yang khyed dbu ma pas phung po lnga dang lus ni/ bdag gi dmigs pa'i rgyu thun mong ma yin pa nyid kyang ma yin te/ skye ba dang 'jig pa'i chos can nyid yin pa'i phyir/ dper na bum pa bzhin no zhes bshad pa'i dpe de mi rung ngo zhes zer ro/ /de skad ces ba de'i lan du 'dir 'grel pa byed pa nyid kyis/ de ni bzang po ma yin te zhes bya ba la sogs pas grangs can dag gi rtog pa rnam pa de gnyi ga yang mi 'thad par go rim bzhin du ston to/ /de la re zhig rtog pa dang po de mi 'thad par bstan pa'i phyir bum pa la sogs pa dag ni de kho na rtog pa dang ldan pa rnams kyi dmigs pa'i rgyu thun mong ma yin pa nyid yin par mi rigs te/ rna pa la sogs pa'i blo dag gi yul yin pa'i phyir/ dper na de las gzhan pa'i rna pa la sogs pa dag gi blo'i yul yin no zhes rjes su dpag pa'i phyir dang zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rnal 'byor pa de kho na rtog pa dang ldan pa de las gzhan pa so so'i skye bo rnams kyi rna ba la sogs pa dag gi blo'i yul ni rna ba la sogs pa'i blo dag gi yul yin pa'i phyir/ rnal 'byor pa de kho na shes pa dang ldan pa rnams kyi dmigs pa'i rgyu thun mong ma yin pa nyid yin pa de bzhin du
- 75b
bum pa la sogs pa dag kyang rna pa la sogs pa'i blo dag gi yul yin pa'i phyir rnal 'byor ba de lo na rtogs pa dang ldan pa rnams kyis dmigs pa'i rgyu thun mong ma yin pa nyid ma yin pas/ des kho bo cag gi dpe bum pa bdag yul la dmigs pa'i rgyu thun mong ma yin pa nyid kyang ma yin no zhes bya ba de grub pas/ grangs can dag gi rtog pa de bzang pa ma yin no/ /rtog pa gnyis pa mi 'thad par bstan pa'i phyir/ bum pa la sogs pa dbang po'i ngo bo nyid du ma gyur pa dag dpe nyid du 'dod pa'i phyir ji skad smras pa'i skyon du yi 'gyur ro zhes bya ba smras te/ kho bo cag khyed kyis brtags pa'i 'jig pa chen po 'byung ba'i dus kyi tshe bum pa la sogs pa dbang po'i ngo bo nyid du gyur pa dag dpe nyid du mi 'dod kyi/ da ltar bum pa dngos su yod pa'i dpe nyid du 'dod pa'i phyir/ des na dper na bum pa ni skye ba dang 'jig pa'i chos can nyid yin pa'i phyir bdag gi dmigs pa'i rgyu thun mong ma yin pa nyid kyang ma yin pa nyid yin pa de bzhin du/ phung po lnga dang lus kyang skye ba dang 'jig pa'i chos can nyid yin pa'i phyir bdag gi dmigs pa'i rgyu thun mong ma yin pa nyid kyang ma yin par grub pas kho bo cag gi sgrub pa la dpe med pa'i skyon du mi 'gyur ro/ /'dir grangs can dag 'di skad ces snying stobs dang rdul dang mun pa'i yon tan ni thams cad du song ba'i phyir bum pa la sogs pa dag la dbang po rnams kyi nus pa yod la/ dbang po rnams ni bdag yul la dmigs pa'i rgyu thun mong ma yin pa nyid yin pas/ des na khyed dbu ma pa'i dpe med pas mi rung ngo zhes zer ba'i phyogs snga ma khong nas dbyung ba de'i lan du/ 'dir nus pa yor par ston pa'i rjes su dpag pa med pa'i phyir/ de yod pas bum pa la sogs pa'i dpe med par yang mi 'gyur bas de ni snying po ma yin no zhes bya ba smras so/ /re zhig de dag gis ni/ gal te phung po bdag yin na/ /skye dang 'jig ba can du 'gyur/ /gal te phung po rnams las gzhan/ /phung po'i mtshan nyid
- 76a
med par 'gyur/ /zhes gsungs pas bdag phung po rnams nyid kyang ma yin la phung po rnams las gzhan yang ma yin pa'i tshul gyis bdag med par bstan to// //bam po drug cu pa/ /de ltar bdag med par bstan nas/ da ni bdag gi med par bstan par bya ste/ de'i phyogs snga ma bstan pa'i phyir/ bdag tu smra ba dag na re/ bdag ni yod pa kho na yin te/ bdag gi yod pa'i phyir/ dper na nor yod pa'i phyir nor bdag yod pa bzhin no/ /'di la bdag gi khang khyim dang gnas ma la dang gos zas dang/ lta ba dang nyan pa la sogs pa de dag yod pas de'i phyir bdag yod pa kho na yin no zhes zer ro zhes bya ba smras te/ de ni pha rol po dag bdag gi yod pa'i phyir tshigs kyis bdag yod par bsgrub pa'i tshigs yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ dper na 'di na nor dbyig la sogs pa yod pa'i phyir/ nor bdag rnam thos kyi bu la sogs pa dag kyang yod pa de bzhin du/ 'di la bdag gi khang khyim la sogs pa yod pa'i phyir bdag kyang yod pa yin pas/ de'i phyir bdag ni yod pa kho na yin no zhes zer ro/ /de skad ces zer ba de'i lan du/ 'grel pa byed pa nyid kyis 'dir bshad pa/ 'di ltar bdag yod na ni de'i 'di yin no zhes bdag gi yang 'grub par 'gyur ba zhig na/ bdag de ni med par bstan zin pas de'i phyir bdag nyid yod pa ma yin na/ bdag gi yod par ga la 'gyur/ zhes bya ba smras te/ brtags pa de ltar bdag nyid rnam pa thams cad du mi 'thad na/ bdag gi yod par gal 'gyur/ 'di ltar bdag ces bya ba gang yin pa de bdag gi zhe na/ bdag de yang med de/ de med na de'i de yin no zhes bya bar ji ltar 'thad par 'gyur te/ de lta bas na bdag gi yang
- 76b
mi 'thad do/ /des na gtan tshigs kyi don ma grub pa nyid do zhes bya bas ni/ de ltar bdag med pas bdag gi med pa des na pha rol po dag gi gtan tshigs bdag gi yod pa'i phyir zhes bya ba de'i don ma grub pa nyid do/ /dpe yang med de/ don dam par nod dang nor bdag yod pa nyid du ma grub pa'i phyir ro zhes bya bas ni/ pha rol po dag gi dpe nor yod pa'i phyir nor bdag yod pa bzhin no zhes bya ba de ma grub par bstan to/ /don 'gal pa nyid kyang yin te/ bdag tha snyad pa yin par ston pa'i phyir ro zhes bya ba ni pha rol po dag gis nye bar sbyar ba'i sbyor pa 'di la bdag gi khang khyim dang/ gnas mal dang/ gos zad dang/ lta ba dang nyan pa la sogs pa de dag yod pas zhes smras pa des bdag tha snyad pa yin par ston pa'i phyir don dam par bdag yod pa kho nar 'dod pa dang don 'gal ba nyid yin par ston to/ /'dir na de'i 'bras bu yod pa'i phyir dang/ de'i yon tan yod pa'i phyir ro zhes bya ba la sogs pa'i gtan tshigs dag la yang skyon gyis lan btab pa yin no zhes bya ba ni/ sgrub pa snga ma 'dis ni gal te pha rol po dag 'di skad ces/ bdag ni yod pa kho na yin te/ de'i 'bras bu yod pa'i phyir/ 'di ltar phyi nang gi dngos po 'di dag thams cad bdag gis byas pa'i 'bras bu yin pa'i phyir te/ gal te bdag med du zin na gzhi med pa'i phyir de'i 'bras bu yod par mi 'gyur ro zhes zer ba dang/ de bzhin du bdag ni yod pa kho na yin te/ de'i yon tan yod pa'i phyir ro/ /'di ltar bde ba dang sdug bsngal dang 'dod pa dang sdang ba la sogs pa dag ni bdag gi yon tan yin pa'i phyir te/ gal te bdag med tu zin na gzhi med pa'i phyir/ de'i yon tan yor par mi 'gyur ro zhes zer ba la sog pa'i gtan tshigs dag la yang/ bdag nyid yod pa ma yin na/ bdag gi 'bras bu dang yon tan yod par gal 'gyur te/ des na gtan tshigs kyi don ma grub pa nyid dang dpe med pa dang gtan
- 77a
tshigs kyi don 'gal ba nyid kyang yin no zhes skyon gyis lan btab par bya'o zhes bya bar sbyar ro/ /de ltar phyi dang nang la bdag dang bdag gir mi lta ba de ni de kho na mthong ba yin te/ rnal 'byor pa de de sgom par byed cing bstan par byed do// de sgom par byed cing brtan par byed pa de'i bdag dang bdag gir mngon par zhen pa nye bar zhi bar 'gyur bas/ de'i phyir de ltar rnal 'byor pa yang dag pa nyid so sor rtog pa la brtsom pa la/ bdag dang bdag gi zhi ba'i phyir/ /ngar 'dzin nga yir 'dzin med 'gyur/ / zhes bya bas ni/ ji skad bstan pa'i tshul bsgoms pa'i 'bras bu bstan to zhes bya ba smras te/ de ltar bdag dang bdag gir mngon par zhen pa nye bar zhi ba'i phyir de la ngar 'dzin pa dang nga yir 'dzin pa med par 'gyur ba ni gang zag bdag med pa bsgoms pa'i 'bras bu yin par bstan to/ /bdag tu smra ba dag yang phyir zlog par byed de/ bdag ni yod pa kho na yin te/ lus dang dbang po dang blo la sogs pa bdag dang bdag gi med pa rnams la de kho na shas? pa yang dag par skyes pa la dar 'dzin pa med pa dang nga yir 'dzin pa med do snyam pa'i yang dag pa'i lta ba yod pa'i phyir ro/ /mo gsham gyi bu lta bu med pa la ni de lta bu med do/ /thar pa'i gnas skabs gang la/ ngar 'dzin pa med pa dang/ nga yir 'dzin pa med pa de la ni de ltar shes pa de yod pas de'i phyir bdag ni yod pa kho na yin no zhes bya bas ni pha rol po dag rnal 'byor pa de kho na shes pa la yang dag pa'i lta ba yod pa'i gtan tshigs kyis bdag yod par bsgrub cing/ gang gis de ltar yang dag pa ji lta ba bzhin du mthong ba na ngar 'dzin pa dang nga yir 'dzin pa med par 'gyur ro zhes bya ba de nyid bdag yin pas de yod pa'i phyir bdag dang bdag gi yang nges pa kho nar yod pa yin no zhes zer pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar pa'i
- 77b
sbyor ba dang mjug bsdu ba yin par go rim bzhin du sbyar te/ 'di na mo gsham gyi bu lta bu med pa gang la ngar 'dzin pa med pa dang/ nga yir 'dzin pa med do snyam pa'i yang dag pa'i lta ba med pa de ni yod pa ma yin te/ rnal 'byor gang gi lus dang dbang po dang blo la sogs pa bdag dang bdag gi med pa rnams la yang dag pa ji lta pa bzhin du mthong pa la ni ngar 'dzin pa med pa dang/ nga yir 'dzin pa pa med do snyam pa'i yang dag pa'i lta ba yod pa'i phyir/ de ltar thar pa'i gnas skabs gang la ngar 'dzin pa med pa dang nga yir 'dzin pa med do snyam pa'i shes pa yod pa de nyid bdag yin pas de yod pa'i phyir bdag dang bdag gi yang nges pa kho nar yod pa yin no zhes zer ro/ /de skad ces zer ba de'i lan du 'grel pa byed pa nyid kyis 'dir bshad pa/ 'phags pa nyan thos 'du byed kyi tshogs gzhan dang gzhan du skyes pa skad cig ma re re la 'jig pa'i dad pa can bdag dang bdag gi pa med pa la nges par lta ba la yang bdag ces bya ba'i dngos po med pa'i phyir skye ba dang 'chi ba dang 'di dag ni chos tsam du zad do ces bya bas lta ba skye ste/ zhes bya ba la sogs pa smras te/ de ltar ngar 'dzin pa med pa dang/ nga yir 'dzin pa med pa zhes bya ba gang yin pa de yang yod pa ma yin te/ 'phags pa nyan thos 'du byed bdag med par mthong ba rnams la yang de ltar 'dzin pa'i lta ba mi skye na/ byang chub sems dpa' chen po chos rnams ngo bo nyid med pa nyid du mthong ba rnams la lta smos kyang ci dgos pas de'i phyir ngar 'dzin pa med pa dang nga yir 'dzin pa med do snyam du sems pa gang yin pa de yang yod pa ma yin pas de med pa'i phyir/ bdag dang bdag gi yang med pa kho na yin no/ /ji ltar 'phags pa nyan thos rnams la ngar 'dzin pa dang nga yir 'dzin pa med do snyam pa'i lta ba mi skye zhe na/ de'i phyir/ 'di ltar bdag ni ngar 'dzin pa'i yul yin pas bdag de med na ngar 'dzin pa de yang mi 'byung la/ ngar 'dzin pa de med pa kho na'i phyir nang dang phyi
- 78a
rol gyi dngos po gang la yang nga yir 'dzin pa mi 'thad pa'i phyir ngar 'dzin pa med cing nga yir 'dzin pa med de tha snyad kyi brdar bya ba ma gtogs par nga zhes bya ba rang gi ngo bo nyid nges ba skye par mi 'gyur na zhes bya ba smras so/ /byang chub sems dpa' chen po chos rnams ngo bo nyid med pa nyid du mthong ba rnams lta la de med pa smos kyang ci dgos par bstan pa'i phyir/ byang chub sems dpa' chen po 'du byed skye ba med par lta ba rnam par mi rtog pa'i shes rab kyis spyod pa la gnas pa rnam lta la smos kyang ci dgos pas zhes bya ba smras so/ /de ltar de kho na rtogs pa rnams la ngar 'dzin pa med pa dang da yid 'dzin pa med do snyam pa'i 'dzin pa de yang med pa de'i phyir/ ngar 'dzin nga yir 'dzin med gang/ /de yang yod pa ma yin te/ /zhes bya ba gsungs te/ bdag la sogs pa dag btags par yod pa'i phyir/ gang zag gi nye? bar len pa skye ba med pa'i phyir ro zhes bya bar dgongs so zhes bya ba smras te/ bdag dang bdag gi zhes bya ba dag ni kun rdzob tu btags pa yod pa'i phyir don dam par med pas ngar 'dzin pa med cing nga yir 'dzin pa med do snyam pa'i 'dzin pa gang yin pa de yang med do zhes bya bar dgongs so/ /gzhan yang ngar 'dzin pa med pa dang nga yir 'dzin pa med do snyam du 'dzin pa gang yin pa de ni gang zag gi nye bar len pa phung po rnams la brten nas gdags pa yin na/ gang zag gi nye bar len pa phung po rnams ni don dam par skye ba med pa'i phyir de dag la ngar 'dzin pa med pa dang nga yir 'dzin pa med do snyam du 'dzin pa gang yin pa de yang med do zhes bya bar dgongs so/ /de nyid yod pa ma yin pas rab rib can dbang po nyams pa skra shad dang sbrang bu la sogs pa yang dag pa ma yin pa mthong ba ltar/ dang 'dzin nga yir 'dzin med par/ /gang gis mthong bas mi mthong ngo/ /yod pa dang med par mthong ba ni log par lta ba mchog tu 'dzin pa yin pa'i phyir ro zhes bya bar dgongs so zhes bya bas
- 78b
ni/ de ltar ngar 'dzin pa med do snyam du 'dzin pa gang yin pa de nyid yod pa ma yin pas/ gang gis rab rib can dbang po nyams pas skra shad dang sbrang bu la sogs pa yang dag pa ma yin pa mthong ba ltar/ dar 'dzin pa dngar yid 'dzin pa med do snyam du 'dzin pa yod par mthong ba log par lta bas blo gros kyi mig nyams pa nges ni de kho na mthong ngo zhes bstan te/ ngar 'dzin pa dang nga yir 'dzin pa med par yang lta la/ de med par shes pa la yod par lta ba ni log par lta ba mchog tu 'dzin pa yin pa'i phyir ro zhes bya bar dgongs so// des na gtan tshigs kyi don ma grub pa nyid de/ ngar 'dzin pa dang nga yid 'dzin pa'i rgyur gyur pa'i bdag yod pa'i phyir ro zhes bya bas ni/ sngar pha rol po dag na re/ bdag ni yod pa kho na yin te/ lus dang dbang po dang blo la sogs pa bdag dang bdag gi med pa rnams la de kho na shes pa yang dag par skyes pa la ngar 'dzin pa med pa dng/ nga yir 'dzin pa med do snyam pa'i yang dag pa'i lta ba yod pa'i phyir ro zhes zer ba'i gtan tshigs de'i don ma grub pa nyid du bstan te/ ci'i phyir zhe na/ ngar 'dzin pa med pa dang nga yir 'dzin pa med do snyam du shes pa yod par 'dod pa de la ngar 'dzin pa dang nga yir 'dzin pa'i rgyur gyur bdag tu 'dzin pa yod pa'i phyir des na de ngar 'dzin pa med pa dang/ nga yir 'dzin pa med pa'i yang dag pa'i lta ba ma yin pa'i phyir ro/ /don rang la ma grub pa nyid kyang yin te/ ngar 'dzin pa dang nga yir 'dzin pa med do zhes bya ba rang gi ngo bo nyid du nges pa ma grub pa'i phyir ro zhes bya bas ni/ pha rol po dag gis gtan tshigs de rang la ma grub pa nyid yin par bstan te/ ci'i phyir zhe na/ pha rol po dag dang 'dzin pa dang nga yir 'dzin pa med do snyan du shes pa yod par 'dod pa de la dar 'dzin pa dang nga yir 'dzin pa'i rgyur gyur pa'i bdag tu 'dzin pa yod pas ngar 'dzin pa dang nga yir 'dzin pa med do zhes bya pa rang gi ngo bo nyid du nges pa ma grub pa'i phyir ro/ /gal te nang gi byed pa bdag med pa la bdag
- 79a
med par lta bas nga r'dzin pa ldog pa'i phyir dang/ yid bdag ma yin pa yang gzhan gyi don lus dang dbang po'i yul dg lang yir 'dzin pa mi 'jug pa'i phyir skyon med do zhen zhes bya ba ni/ sngar dbu ma bas/ ngar 'dzin nga yir 'dzin med gang/ /de yang yod pa ma yin te/ /zhes bya bas rnal 'byor pa dag bdag dang bdag gi zhi ba'i phyir ngar 'dzin pa dang nga yir 'dzin pa med par gyur pa la ngar 'dzin pa med pa dang nga yir 'dzin pa med do snyam du shes pa gang yin pa de yang yod pa ma yin pas rang 'dzin pa med pa dang nga yir 'dzin pa med par gang gis log par mthong ba log par lta bas blo gros kyis mig nyams ba des ni de kho na mi mthong ngo zhes bshad pa de la /'dir grangs can dag 'di skad ces kho bo cag gi grub pa'i mdza' las ngar 'dzin pa med pa dang nga yir 'dzin pa med pa'i bdag ngo bo nyid kyis grub pa yod pas/ des na ngar 'dzin pa med pa dang nga yir 'dzin pa med do snyam du shes pa'i bdag byar yod la/ des de kho na yang mthong bar 'gyur bas/ khyed dbu ma pas ji skad smras pa'i skyon kho bo cag gi phyogs la med ro zhes zer ba'i tshig yin te/ de dag na re gang gi phyir rang bzhin gyi char gtogs pa'i dbang po la sogs pa nang gi byed pa bdag med pa'i yul la blos bdag med par lta bar ngar 'dzin pa ldog pa'i phyir/ ngar 'dzin pa med la/ yid bdag ma yin pa blo'i char gtogs pa yang rang las gzhan pa skyes bu gzhan gyi don lus dang dbang po'i yul dag la dmigs par byed pa na 'di ni nga'i ma yin gyi skyes bu gzhan gyi yin no snyam pas nga yir 'dzin pa mi 'jug pa'i phyir nga yir 'dzin pa yang med pas/ de ltar ngar 'dzin pa med pa dang nga yir 'dzin pa med pa'i bdag shes pa yod pa nyid ces bya ba skyes bu'i ngo bo nyid gang yin pa de yang yod la/ des de kho na yang mthong bar 'gyur bas khyed dbu ma pas ji skad smras pa'i skyon de kho bo cag gi phyogs la med do
- 79b
zhes so/ /de skad ces zer pa de'i lan du 'dir 'brel pa byed pa nyid kyis/ bdag la bdag tu lta ba la ngar 'dzin pa don ji lta ba bzhin du yod pa'i phyir dang/ de'i don byed pa dang rten sgra la sogs pa dag lang yir 'dzin pa 'jug pa mi ldog pa'i phyir/ ngar 'dzin pa med pa dngang yir 'dzin pa med pa nyid du ma grub par ? ni lan ma yin te/ zhes bya ba smras te/ gal te bdag shes pa yod pa nyid ces bya ba skyes bu'i ngo bo nyid de yod par gyur na/ bdag de la bdag tu lta ba la ngar 'dzin pa don ji lta ba bzhin du yod pa'i phyir ngar 'dzin pa med pa nyid du ma grub pa dang/ skyes bu'i de'i don rang bzhin gyi char gtogs? pa'i dbang po la sogs pa nang gi byed pa dang byed pa'i rten sgra la sogs pa de tsam dag la skyes bu de'i nga yir 'dzin pa 'jug pa mi ldog pa'i phyir nga yir 'dzin pa yang med pa nyid du ma grub pas ngar 'dzin pa dang nga yir 'dzin pa med pa ma yin pa'i phyir skyon snga ma de nyid son gnas bzhin pas grangs can dag gi tshig de ni/ ngo bo'i lan ma yin no/ /don de nyid kyi khungs slob dpon 'phags pa lhas mdzad pa bstan pa'i phyir/ de ltar yang/ gal te bdag ces bya ba yod/ /bdag med ces bya de mi rigs/ /yang na de nyid rtogs pa 'am/ /mya ngan 'da' ba nges brdzun 'gyur/ /zhes gsungs so/ /zhes bya ba smras te/ gal te bdag ces bya ba yod par gyur na mi bdag med ba zhes bya ba de mi rigs pas/ ngar 'dzin pa ldog par mi 'gyur ro/ /'on te dang 'dzin pa ldog par 'dod na ni/ des na yang na de nyid rtogs pa zhes bya ba'i bdag yod par gzhan gyis yongs su brtags pa de nges par brdzun par 'gyur ro/ /'on te de nyid rtog pa zhes bya ba'i bdag nyid yod par gzhan kyis yong ssu brtags pa de nges par mi brdzun par yod par 'dod na ni/ de la thar pa mi srang pas des na yang nag? rol po dag bdag ces bya ba mya ngan las 'da' bar 'dod pa de nges par brdzun par 'gyur ro zhes gsungs so/ /'dir grangs can dag las kha cig ni rang yin na
- 80a
thar par smra la/ kha cig ni skyes bu thar par smra ste/ zhes bya bas ni/ sngar slob dpon 'phags pa lhas/ mya ngan 'da' ba des brdzun 'gyur zhes gsungs pas/ 'on te de nyid rtogs pa zhes bya ba'i bdag yod par gzhan gyis yongs su brtags pa de nges par mi brdzun par yod par 'dod na ni/ de la thar pa mi srid pas des na yang na pha rol po dag bdag ces bya ba mya ngan las 'da' bar 'dod pa de nges par brdzun par 'gyur ro zhes bshad pa de la/ 'dir grangs can dag bdag yod kyang de la thar pa srid pas bdag ces bya ba mya ngan las 'da' bar 'gyur ro zhes zer ba'i gzhung ston te/ de la grangs can dag mya ngan las 'da' bar 'dod pa de yang kha cig ni rang bzhin thar par smra la/ kha cig ni skyes bu thar par smra ba'i gzhung gnyis yod par ston to/ /de la re zhig gang dag /rang bzhin sna tshogs rten can ni/ /'khor dang 'ching dang thar par 'gyur/ /zhes zer ba zhes bya bas ni/ rang bzhin thar bar smra pa'i gzhung ston te/ de yang grangs can rang bzhin thar bar smra bdag gi gzhung/ /ser bdun cu pa zhes bya ba las tshigs su bcad pa de skad ces 'byung ste/ rang bzhin sna tshogs rten can zhes bya ba ni rang bzhin zhes bya ba snying stobs dang/ rdul dang/ mun pa'i yon tan gsum cha mnyam par gyur pa de ni blo'i dbang po lnga dang las kyi dbang po lnga dang/ yid kyi dbang po dang/ de tsam lnga la sogs pa 'gro ba dang mi 'gro ba rnam la sna tshogs kyi rten yin zhing/ de la sna tshogs brten pa dag yod pas sna tshogs rten can zhes bya'o/ /'khor dang 'ching dang thar par 'gyur zhes bya ba ni de ltar rang bzhin sna tshogs rten can de ni gang gi tshe/ 'gro pa lnga po dag tu 'khor bar 'gyur pa de'i tshe na ni 'khor bar 'gyur ba yin la/ gang gi tshe rang bzhin de long ba grum po'i don la 'jug pa bzhin du skyes bu'i don la lus dang dbang po dang yul dag la 'jug pa de'i tshe na ni 'ching bar 'gyur pa yin la/ gang
- 80b
gi tshe rang bzhin de skyes bu'i don las ldog pa de'i tshe na ni thar par 'gyur ba yin te/ 'di ltar rang bzhin ni byed pa po yin pas bya ba dang ldan pa'i phyir 'khor ba dang 'ching ba dang thar par yang 'gyur gyi skyes bu ni za ba po yin pas bya ba dang mi ldan pa'i 'khor ba dang 'ching ba dang thar bar yang mi 'gyur ro/ /de ltar rang bzhin thar par 'gyur ba de myang na las 'da' bar smra ste/ 'di la grangs can dag rang bzhin thar par 'dod pa'i gzhung ni/ gang gi tshe blo la 'ba' zhig ba nyid kyi shes pa skyes pa de'i tshe na blo nyid thar bar 'gyur te/ de yang ji srid du blos blo bdag kyang gzhan la snying stobs dang rdul dang mun pa'i rang bzhin yang gzhan no snyam du mi shes pa de srid du ni 'ba' zhig pa nyid kyi shes pa mi skye bas 'ching ba yin gyi/ gang gi tshe blos blo bdag kyang gzhan la snying stobs dang rdul dang mun pa'i rang bzhin yang gzhan yin no snyam du shes pa de'i tshe na ni 'ba' zhig pa nyid kyi shes pa skye bas blo nyid thar par 'gyur bas/ de la rang bzhin thar bar 'gyur ba de mya ngan las 'da' o zhes zer ro/ /de skad ces zer ba de dag gi gzhung mi 'thad par sun dbyung ba'i phyir/ 'dir 'grel pa byed pa nyid kyis de dag gi bdag kyang gzhan la rang bzhin yang gzhan no snyam pa'i blo ni log par lta ba yin te zhes bya ba smras te/ des na grangs can de dag gi blo bdag kyang gzhan la/ rang bzhin yang gzhan no snyam pa'i blo de ni log par lta ba yin te/ 'ba' zhig nyid kyis shes spa skye ba'i rgyu ma yin pas/ de ni 'ching ba'i rgyu yin gyi thar pa'i rgyu ma yin pa'i phyir de la thar pa med do/ /ci'i phyir bdag kyang gzhan la rang bzhin yang gzhan no snyam pa'i blo de log par lta ba yin zhe na/ de'i phyir/ de la gzhan ma yin pa'i phyir ro zhes ybya ba smras te/ gang gis phyir blo ni rang bzhin de las gzhan ma ma yin pa de'i phyir bdag kyang gzhan la rang bzhin yang gzhan no snyam pa'i blo de log par lta ba yin te/ ji ltar blo rang bzhin
- 81a
las gzhan ma yin zhe na/ grangs can dag 'di nyid kyi gzhung las rang bzhin las chen po 'byung zhing de las nga rgyal 'byung de las dbang po dang yid dang de tsam dag 'byung ngo/ /blo ni rang bzhin gyi ngo bo nyid yin par 'dod pas de'i phyir blo bdag kyang gzhan la snying stobs dang rdul dang mun pa'i yon tan cha mnyam pa zhes bya ba'i rang bzhin yang gzhan no snyam pa'i blo log par lta ba de ni 'ba' zhig pa nyid kyis shes pa skye ba'i rgyu ma yin pas de ni 'ching ba'i rgyu yin gyi thar pa'i rgyu ma yin pa'i phyir de la thar pa med do/ /ci ste grangs can dag 'di skad ces blo de la bdag kyang gzhan la rang bzhin yang gzhan no snyam pa'i shes pa tha dad pa med kyang rang bzhin gyis skyes bu gcig thar par byas pa na rang bzhin nyid kyang thar bar 'gyur te/ kho bo cag gzhung las rang bzhin ni bro gar mkhan dang 'dra ste/ ji ltar bro gar mkhan gyis/ glu gar gyis grong cig gi don byas nas grong gzhan dga' bar bya ba'i phyir grong gzhan dag tu yang rgyu zhing 'gro ba de bzhin du/ rang bzhin yang skyes bu gcig thar bar byas nas yang skyes bu gzhan dag thar bar bya ba'i phyir skyes bu gzhan dag gi don la 'jug cing 'gro'o zhes 'byung bas rang bzhin la thar pa yod do zhes zer ba'i phyogs snga ma khong nas dbyung ba de'i lan du/ 'dir 'grel pa byed pa nyid kyis thar bar gyur na yang skyes bu du ma dag gi thun mong yin pa'i phyir/ don ma byas pa'i skyes bu dag gi phyir 'jug pas thar ba med do zhes bya ba smras te/ de ltar na rang bzhin nges skyes bu gcig thar par gyur na yang de skyes bu du ma dag gi thun mong yin pa'i phyir don ma byas pa'i skyes bu dag gi phyir 'jug pas/ skye bu dag la mdza' med pa'i phyir rang bzhin de la nam yang thar pa med do/ re? zhig de dag gis ni rang bzhin thar par smra ba'i gzhung mi 'thad par bstan to/ /da ni skyes bu thar bar smra ba'i gzhung
- 81b
mi 'thad par bstan pa'i phyir/ gang dag skyes bu'i dbang du byas ba'i 'ching pas sngar bcings pa thar bar gyur par smra ba zhes bya ba smras te/ des ni skyes bu thar bar smra ba'i gzhung ston te/ de yang grangs can skyes bu thar bar smra bdag gi gzhung las 'di skad ces gal te skyes bu med na rang bzhin skyes bu'i don la 'jug par mi 'gyur bas de'i phyir rang bzhin skyes bu'i don la 'jug cing rang bzhin skyes bu'i 'ching ba yin pa ni skyes bu'i dbang du byas pa'i 'ching ba zhes bya ste/ 'di ltar ran bzhin ni 'ching ba yin pas/ de dag nyid kyis bdag nyid 'ching bar mi byed kyi gzhan 'ching bar byed de/ des bcing bar bya ba gzhan de ni skyes bu yin pas skyes bu ni rang bzhin gyis bcings so/ /de ltar skyes bu'i dbang du byas ba'i rang bzhin gyi 'ching bas sngar bcings pa'i skyes bu de ni phyis thar bar 'gyur ro/ /de la ji ltar na skyes bu'i dbang du byas pa'i rang bzhin gyi 'ching bas skyes bu de sngar bcings zhe na/ sngon ji srid du rang bzhin gyi char gtogs pa'i blo des blo bdag kyang gzhan la snying stobs dang rdul dang mun ba'i rang bzhin yang gzhan no snyam du mi shes pa de srid du ni blo de la 'ba' zhig pa nyid kyi shes pa mi skye bas blo nyid bcings ba yin la/ blo bcings pa des dper na gzugs la brten te gzugs brnyan 'byung ba bzhin du skyes bu yang 'ching bar byed pas/ de ni skyes bu'i dbang du byas pa'i rang bzhin gyi 'ching pas skyes bu sngar bcings pa yin no/ /ji ltar na skyes bu'i dbang du byas pa'i rang bzhin gyis 'ching bas sngar bcings pa'i skyes bu de phyis thar par 'gyur zhe na/ gang gi tshe rang bzhin gyi char gtogs pa'i blo des blo bdag kyang gzhan la/ snying rtobs dang rdul dang mun pa'i rang bzhin yang gzhan no snyam du shes pa de'i tshe na blo de la 'ba' zhig pa nyid kyi shes pa skye bas blo nyid thar ba yin la/ blo thar pa des dper na gzugs la brten nas gzugs brnyan 'byung ba bzhin du skyes bu yang thar bar byed pas de ltar
- 82a
blos bdag nyid kyang gzhan la/ rang bzhin yang gzhan yin no snyam du shes pas bdag nyid thar pa gzugs lta bu de la brten skyes bu yang de ltar shes pa gzugs brnyan lta bu skye zhing skyes bu thar bar 'gyur pa ni/ skyes bu'i dbang du byas pa'i rang bzhin gyi 'ching pas sngar bcings pa'i skyes bu phyis thar pa zhes bya ste/ de ltar skyes bu thar bar 'gyur ba de mya ngan las 'da' o zhes zer ro/ /de skad ces zer ba de dag gi gzhung mi 'thad par sun dbyung pa'i phyir 'dir 'grel pa byed pa nyid kyis/ de dag gi bdag kyang gzhan la rang bzhin yang gzhan no snyam du blos nges par byas pa yang skyes bu snga phyi'i khyad par ma skyes pa la gang gis bcings pa dang thar pa zhes bya bar brjod pa'i khyad par med do zhes bya ba smras te/ grangs can dag gi blo gzugs lta bus bdag kyang gzhan la rang bzhin yang gzhan no snyam du nges par byas te bdag nyid thar bas skyes bu gzugs brnyan lta bu yang thar par 'gyur ro zhes bya ba yang/ grangs can bdag nyid kyi gzhung las skyes bu ni rtag pa mi 'gyur bar snga phyi'i khyad par ma skyes pa yin par 'dod pas des na rang bzhin gyi char gtogs pa'i blos bdag kyang gzhan la rang bzhin yang gzhan no snyam du nges par byas su zin kyang/ skyes bu rtag pa mi 'gyur ba snga phyi'i khyad par ma skyes pa la gnas skabs gang gis bcings pa zhes bya bar brjod pa'i khyad par dang/ gnas skabs gang gis thar pa zhes bya bar brjod pa'i khyad par dmigs su med pas de'i phyir gzugs dang gzugs brnyan gyi tshul ltar rang bzhin thar pas skyes bu thar par mi 'gyur bas skyes bu la thar pa med do/ /gal te 'dir grangs can dag 'di skad ces kho bo cag gi grub pa'i mdza' la yongs su 'gyur pa zhes bya ba'i chos yod pas/ des dper na gser gyi rang bzhin mi 'gyur yang gang bu dang
- 82b
dpung rgyan la sogs pa'i dbyibs yongs su 'gyur pa bzhin du skyes bu'i rang bzhin mi 'gyur yang blos bdag kyang gzhan la rang bzhin yang gzhan no snyam du nges par byas te thar par gyur pa na skyes bu yang de'i rnam par yongs su 'gyur ba'i phyir skyes bu thar par 'gyur ro zhes zer ba'i phyogs snga ma khong nas dbyung ba de'i lan du/ 'dir 'grel pa byed pa nyid kyis/ gal te yongs su 'gyur na yang/ yongs su 'gyur pa'i phyir shes pa yod pa nyid ma yin pa'i skyon du 'gyur ro zhes bya ba smras te/ gang gi phyir yongs su 'gyur pa zhes bya ba ni mi rtag pa ste/ rang bzhin gyi chos yin gyi/ skyes bu'i chos ma yin pa de'i phyir/ gal te skyes bu de yongs su 'gyur na yongs su 'gyur ba'i phyir shes pa yod pa nyid ma yin pa'i skyon du 'gyur bas de yang mi rung ngo/ /gal te 'dir grangs can dag 'di skad ces dper na gzugs yod pa tsam gyis gzugs brnyan 'byung ba de bzhin du blo yod pa tsam gyis skyes bu 'ba' zhig pa nyid kyi shes pa skye bar 'gyur te/ de yang gang gi tshe rang bzhin gyi char gtogs pa'i nang gi byed pa'i blo la snying stobs dang/ rdul dang/ mun pa'i yon tan gsum las snying stobs shas che bar gyur pa na blo de la bdag kyang gzhan la rang bzhin yang gzhan no snyam du shes pa'i nges pa skyes bar 'gyur zhing de ltar blo la nges pa skyed pa yod pa tsam gyis dper na gzugs yod na gzugs brnyan 'byung ba bzhin du skyes bu la yang 'ba' zhig pa nyid kyi shes pa skye bar 'gyur bas skyes bu la thar ba yod do zhes zer ba'i phyogs snga ma khong nas dbyung pa de'i lan du/ 'dir 'grel pa byed pa nyid kyis/ ci ste yod pa tsam gyis phan 'dogs pa nyid kyis nang gi byed pa snying stobs shes che bar gyur pa na gzugs brnyan 'byung pa'i rgyu nyid kyis bdag kyang gzhan la rang bzhin yang gzhan no snyam du nges par gyur na yang/ de ltan? yang nang gi byed pa la bye brag yod par zad kyi skyes bu la bye brag med pas thar ba med do zhes bya ba smras te/ de
- 83a
lta na yang rang bzhin gyi char gtogs pa'i nang gi byed po'i blo la bdag kyang gzhan la rang bzhin yang gzhan no snyam du shes pa'i bye brag yod par zad kyi skyes bu la bye brag med pas thar pa yang med do/ /gal te 'dir grangs can dag 'di skad ces kho bo cag gi grub pa'i gzugs las gzugs brnyan 'byung ba bzhin du rang bzhin gyi char gtogs pa'i blo nges pa skye ste/ sngar bcings ba'i gnas skabs las phyis thar ba'i gnas skabs kyi bye brag yod pa la brten nas/ skyes bu la yang bye brag yod par 'dod pas skyes bu thar pa yod do zhes zer pa'i phyogs snga ma khong nas dbyung ba de'i lan du/ 'dir 'grel pa byed pa nyid kyis/ bye brag yod na yang skyon snga ma bzhin du 'gyur ro zhes bya ba smras te/ skyes bu la bye brag yod na 'gyur ba yin pa'i phyir rtag pa nyid med pas shes pa yod pa nyid ma yin pa'i skyon snga ma bzhin du 'gyur bas de yang mi rung ngo/ /yang gzhan yang bdag kyang gzhan la rang bzhin yang gzhan du shes pa bzlog pa yod kyang/ skyes bu la shes pa bzlog pa mi skye ba'i phyir/ zhes bya bas ni/ yang gzhan yang grangs can dag zer bltar rang bzhin gyi char gtogs pa'i blo de la blo bdag kyang gzhan la snying stobs dang/ rdul dang/ mun pa'i yon tan gsum cha mnyam pa'i rang bzhin yang gzhan no snyam du shes pa skyes ba'i dus na/ blo de la bcings pa'i gnas skabs kyi sems las bzlog pa rnam par grol ba'i gnas skabs kyi sems skye zhing shes pa bzlog pa yod kyang skyes bu rtag pa mi 'gyur bsnga phyi'i khyad par ma skyes pa de la shes pa bzlog pa mi skye ba'i phyir nges na skyes bu de la sngon bcings ba'i gnas skabs kyi sems las bzlog pa rnam par grol ba'i gnas skabs kyi sems kyi khyad par 'ga' yang mi skye bas de lta na yang skyes bu la thar pa med do/ /khyed rgya'i gzugs brnyan 'byung pa'i tshul gyis thar pa 'dod pa de la yang zhes bya bas ni grangs
- 83b
can dag rgya'i gzugs la brten nas 'bur gyi gzugs brnyan 'byung ba'i tshul bzhin du gang gi tshe rang bzhin gyi char gtogs pa'i blo des blo bdag kyang gzhan la snying stobs dang/ rdul dang/ mun pa'i rang bzhin yang gzhan no snyam du shes pa de'i tshe na/ blo de la 'ba' zhig ba nyid kyi shes pa skye bas blo nyid thar pa yin la/ blo thar ba rgya'i gzugs lta bu de la brten nas skyes bu la yang 'bur gyi gzungs brnyan lta bu'i 'ba' zhig pa'i shes pa skyes ba'i tshul gyis skyes bu la yang thar ba yod par 'dod pa'i tshul de mi 'thad bar sun 'byin ba ston to/ /ji ltar de mi 'thad ce na/ de'i phyir/ skyes bu la 'gyur ba med pa'i phyir snga na ma bzlog pa yin pa la phyis kyang shes pa ma nor pa skye mi srid de/ ma zlog pa'i phyir/ dper na phyi ma bzhin bas thar pa med do/ /zhes bya ba smras te/ des ni skyes bu ni rtag pa 'gyur ba med ba'i phyir rang bzhin dang mtshan nyid tha dad pa nyid yin pas snga nas bcings ba'i gnas skabs kyi sems las ma bzlog cing rnam par grol ba'i gnas skabs kyi sems ma skyes pa yin pas de ltar skyes bu la 'gyur ba med pa'i phyir snga nas ma bzlog pa yin pa de la/ phyis kyang 'ga' zhig pa nyid kyi shes pa ma nor ba skye mi srid de/ snga nas ma bzlog pa yin pa'i phyir dper na rnam par grol ba'i gnas skabs phyi ma rnam par grol zin pa la yod? 'ba' zhig ba nyid kyi shes pa ma nor pa skye mi srid pa bzhin pas de'i phyir rgya'i gzugs la brten nas 'bur gyi gzugs brnyan 'byung pa'i tshul bzhin du gang gi tshe rang bzhin gyi char gtogs pa'i blo dag kyang gzhan la snying stobs dang rdul dang/ mun pa'i rang bzhin yang gzhan no snyam du shes pa de'i tshe na blo de la 'ba' zhig pa nyid kyi shes pa skye pas blo nyid thar pa yin la/ blo thar pa rgya'i gzugs lta bu de la brten nas skyes bu la yang 'bud gyi gzugs brnyan lta bu'i 'ba' zhig pa nyid kyi shes pa skye pa'i tshul gyis skyes bu la yang thar pa yod par 'dod pa'i tshul mi 'thad bas skyes
- 84a
bu la thar ba med do zhes ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na sngon rnam par ma grol pa'i gnas skabs la bltos te/ rnam par grol pa'i gnas skabs phyi ma rnam par grol zin pa ni/ rnam par grol tshun chad nas bcings pa'i gnas skabs kyi sems las ma bzlog cing rnam par grol pa'i gnas skabs kyi sems gzhan ma skyes pa'i tshul gyis snga nas ma bzlog pa yin pa'i phyir/ de la phyis kyang 'ba' zhig pa nyid kyi shes pa ma nor ba skye mi srid pas/ de la thar pa med pa de bzhin du grangs can dag gis brtags pa'i skyes bu rtag ba 'gyur ba med pa rang bzhin dang mtshan nyid tha dad pa nyid yin pa snga nas bcings pa'i gnas skabs kyi sems las ma bzlog cing rnam par grol ba'i gnas skabs kyi sems ma skyes pa'i tshul gyis snga nas ma bzlog pa yin pa de yang bcings pa'i gnas skabs kyi sems las ma bzlog cing rnm par grol pa'i gnas skabs kyi sems gzhan ma skyes pa'i tshul kyis sng nas ma bzlog pa yin pa'i phyir de la phyir kyang 'ba' zhig pa nyid kyi shes pa ma nor ba skye mi srid pas/ de la thar pa med do/ /gal te 'dir grangs can dag 'di skad ces kho bo cag rgya'i gzugs brnyan 'byung ba'i tshul gyis skyes bu la thar pa yod par 'dod pas/ des na skyes bu snga nas ma bzlog pa yin yang phyis de blo rgya'i gzugs lta bu la brten nas skyes bu la yang 'ba' zhig pa nyid kyi shes pa ma nor ba 'bur gyi gzugs brnyan lta bu skye pa'i tshul gyis skyes bu la thar ba yod bar 'gyur bas khyod kyi sbrub? pa snga ma de dag kho bo cag gi phyogs la mi gnod do zhes zer ba'i phyogs snga ma khong nas dbyung ba de'i lan du/ 'dir 'grel pa byed pa nyid kyis/ shes pa skyes na yang 'gyur ba'i phyir shes pa yod pa nyid ma yin pa la sogs pa'i skyon du thal bar 'gyur ro/ /zhes bya ba smras te/ de ltar
- 84b
sngon 'ba' zhig pa nyid kyi shes pa ma nor ba ma skyes pa las phyis skyes par gyur na de lta na skyes bu la 'gyur pa yod pa'i phyir shes pa yod pa nyid ma yin pa dang/ mi rtag pa dang/ bya ba dang/ bcas pa nyid la sogs pa'i skyon du thal bar 'gyur pas de yang mi rung ngo/ /'dir gal te grangs can dag 'di skad ces gang gi tshe/ mig la sogs pa nang gi byed ba rang bzhin gyi char gtogs pa dag gi chos gzugs 'dzin pa la sogs pa dag skye ba med par mthong ba de'i tshe ma nang gi byed pa rnam ? la la mi 'jug ba gang yin pa de nyid thar ba yin la/ de'i tshe na skyes bu yang zhar la thar bas de'i phyir skyes bu la yang thar pa yod do zhes zer ba'i phyogs snga ma khong nas dbyung pa de'i lan du/ /'dir 'grel pa byed pa nyid kyis byed pa'i chos 'dzin pa la sogs pa dag ni/ rdze dpon rgyal ba bzhin du skyes bu la nye bar brtags pa'i phyir/ thar pa nye par btags pa yin no/ /zhes bya ba smras te/ de ltar gang gi tshe mig la sogs pa nang gi byed pa rang bzhin gyi char gtogs pa dag gi chos gzugs 'dzin pa la sogs pa dag skye ba med par mthong pas de'i tshe/ nang gi byed pa rnams yul la mi 'jug pa gang yin pa de nyid thar pa min la/ de'i tshe na skyes bu yang zhar la thar pa 'dod na de ltar byed po'i chos 'dzin pa la sogs pa dag thar pas skyes bu thar par 'dod pa de ni dper na g.yog 'khor dag gis pha rol gyi yul 'khor las rgyal bar byas ba rje dpon la nye bar btags te/ rje dpon rgyal bar gyur to zhes zer ba ni rje dpon la nye bar btags pa'i phyir rgyal ba de rje dpon dngos kyi ma yin pa de bzhin du byed po'i chos 'dzin pa la sogs pa dag thar par gyur ba skyes pu la nye bar btags te skyes bu thar bar 'dod pa de yang skyes bu la nye bar btags pa'i phyir/ thar bde skyes bu dngos kyi ma yin pas skyes bu la thar pa med do/ /de ltar ran bzhin yang thar par mi 'thad la/ skye bu yang thar par mi 'thad pa de'i
- 85a
phyir/ slob dpon 'phags pa lhas/ /gal te bdag ces bya ba yod/ /bdag med ces bya de mi rigs/ /yang na de nyid rtogs pa 'am/ /mya ngan 'da' ba nges brdzun 'gyur/ /zhes gsungs pa grub po/ /zhar? la bshad pas chog gis skabs nyid dpyad par bya'o zhes bya ba ni/ brtag pa gong ma'i mjug bsdu ba dang/ 'og ma'i mgo 'dren pa'i tshig yin no/ /de ltar nang dang phyi rol gyi skye mched rnams kyi de kho na nyid rtogs bar byed pa la brtson pa'i rnal 'byor pa des de dag stong pa nyid du rtogs pa'i phyir/ nang dang phyi rol nyid dag la/ /bdag dang bdag gi zad gyur na/ /nye bar len pa 'gag 'gyur zhing/ /de zad bas na skye ba zad/ /ces bya ba/ de ltar rnal 'byor pa gang zag bdag med ba'i de kho na mthong bar 'dod pa yongs su rtog pa dang ldan pas phyi dang nang gi 'du byed nams la bdag dang bdag gir 'dzin pa med par gyur pa gang zag bdag med par chud ba'i 'bras bu ston te /de ltar nang dang phyi rol nyid dag la de'i bdag ces bya ba dang bdag gis zhes bya ba de la log par 'dzin pa zad par gyur na/ nye bar len par byed pa dang nye bar blang bar bya ba med pas nye bar len pa rnam pa bzhi yang 'gag par 'gyur zhing/ nye bar len pa 'gags pas srid pa 'gag /srid pa 'gags pas skye ba zad par 'gyur ba de ni thar ba zhes bya ste/ de ni gang zag bdag med pa'i de kho na rtogs ba'i 'bras bu yin no zhes bya bar sbyar ro/ /de nyid bye brag tu bshad pa bstan pa'i phyir/ de ltar nang dang phyi rol nyid dag la de'i bdag ces bya ba dang/ bdag gi zhes bya bar de dag la log par 'dzin pa zad par gyur na/ 'dod pa dang/ lta ba dang/ tshul khrims dang brtul zhugs dang/ bdag tu smra ba zhes bya ba nye bar len pa rnam pa bzhi 'gag par 'gyur te/ de re zhig bdag med pa nyid du mthong bas ni bdag tu smra ba'i nye bar len pa spong bar 'gyur la/
- 85b
de spangs pas nye bar len pa lhag ma rnams kyang spong bar 'gyur te/ de dag ni bdag tu smra ba nye bar len pa'i skye gnas can yin pa'i phyir ro/ /nye bar len pa 'gag pa'i phyir de'i skye gnas las byung ba'i srid pa zad par 'gyur bas de zad bas na skye ba zad de de ni thar pa zhes bya'o zhes bya ba smras te/ de ni gang zag bdag med pa'i de kho na rtogs pa'i 'bras bu yin no/ /de nyid bston ba'i phyir/ thar pa de yang gang zag bdag med pa mthong ba'i phyir 'phags pa nyan thos dang rang sangs rgyas kyi yin no/ /zhes bya ba smras te/ sangs rgyas kyi theg pas 'gro ba rnams kyi ni nyon mongs pa'i sgrib pa spangs pa dang/ shes bya'i sgrib ba spangs pas 'thob ste/ nyon mongs pa'i sgrib pa spong ba'i thabs ni ji skad bstan pa de dag yin no zhes bya bas ni/ sangs rgyas nyid kyi thar pa ni/ sgrib pa rnams gnyis spangs pas 'thob po/ /zhes khyad par du bstan cing/ nyon mongs pa'i sgrib pa spong ba'i thabs ni theg pa gsum char gyi yang thun mong yin te/ de ni 'di yang chad du ji skad bstan pa de dag yin no zhes bstan to/ /de ltar re shig gzhan gyis smras pa'i sgrub pa stsal ba dang/ bdag nyid gyis bsgrub pa kha na ma tho ba med pa bstan pas gang zag bdag med ba bstan to/ /da ni gzhan gyis smras pa'i sgrub pa stsal pa dang/ bdag nyid kyi sgrub pa kha na ma tho ba med par bstan pas chos bdag med pa bstan par bya ste/ chos bdag med pas ni shes bya'i sgrib pa spong zhing/ bla na med pa'i ye shes 'thob pas de ni nyan thos la sogs pa dang thun mongs ma yin te/ de thob pa'i thabs bstan pa'i phyir/ shes bya'i sgrib pa spang ba'i phyir ni 'di bshad de/ las dang nyon mongs zad pas thar/ /las dang nyon mongs rnams rtog las/ /de dag spros las spros ba ni/ /stong pa nyid kyis 'gag par 'gyur/ zhes bya ba'i skabs smras te/ 'di la las dang nyon mongs pa dag ni skye ba'i rgyu yin pa'i phyir/ las dang nyon mongs pa zad pas thar pa zhes bya'o/ /las dang nyon mongs pa de dag
- 86a
kyang yang dag pa ma yin pa'i rnam par rtog pa las byung ba yin gyi/ /ngo bo nyid kyis yod pa ni ma yin no/ /de la nyon mongs pa ni tshul bzhin ma yin par rnam par rtog pa las byung ba yin te/ ji ltar yul gcig kho na la yang la la ni chags par 'gyur/ la la ni sdang bar 'gyur/ /la la ni rmongs par 'gyur bas de'i phyir nyon mongs pa rnams rnam par rtog pa las byung ngo/ /las ni nyon mongs pa can gyi sems dang ldan pa'i lus dang ngag dang yid kyis mngon par 'du byed pa dag yin te/ bcom ldan 'das kyis kyang gang zag ma rig pa dang ldan pa ni bsod nams dang bsod nams ma yin pa las byung ba'i las mngon par 'du bya bdag kyang mngon par 'du byed do zhes bka' stsal bas/ las kyang yang dag pa ma yin pa'i rnam par rtog pa las byung ba yin no/ /rnam par rtog pa de dag ni 'jig rten pa'i rnyed pa dang ma rnyed pa la sogs pa'i chos rnams la/ 'di bden no snyam du mngon par zhen pa'i spros pa las byung ngo/ /spros pa de ni stong pa nyid kyis 'gag par 'gyur te/ chos bdag med pa nyid kyi mtshan nyid stong pa nyid rtogs pa dang stong pa nyid shes pa skyes na de'i 'jig rten pa'i spros pa 'gag par 'gyur ro/ de lta bas na chos bdag med pa stong pa nyid ni de kho na yin la/ stong pa nyid bsgom pa kho nas ni de kho na rtags shing shes bya'i sgrib ba spong bar 'gyur bas/ de ni nyan thos la sogs pa dang thun mongs ma yin pa'i thar pa ste/ chos bdag med pa'i de kho na bsgoms pa'i 'bras bu bla na med pa'i ye shes nyid yin no zhes bya bar sbyar re?/ /las dang nyon mongs zad pas thar/ / zhes gsungs pa de nyid bstan pa'i phyir/ las dang nyon mongs pa dag ni skye ba'i rgyu yin pa'i phyir de dag zad pas sdug bsngal las rnam par grol ba ni thar pa'o zhes bya ba smras so/ /las dang nyon mongs pa de dag ci las 'byung bde dag bstan pa'i phyir/ skyes
- 86b
pa'i rgyu las dang nyon mongs pa de dag ni yul rnams las mi 'byung ste/ 'dod chags dang bral ba la yul rnams yod kyang de dag med pa'i phyir ro/ /'o na ci las 'byung zhe na/ las dang nyon mongs rnam rtog las/ /zhes bya ba gsungs te/ las dang nyon mongs pa dag ni sdug pa dang mi sdug par kun rtog pa'i mtshan nyid kyi rnam par rtog pa dag las 'byung ste de dag yod na 'byung ba'i phyir ro zhes bya ba smras so/ /'di na gang yod na gang 'byung ba de ni de'i rgyu can yin par shes par bya ste/ /dper na sa bon yod na myu gu 'byung ba de bzhin du 'phags pa ma yin pa'i tshul bzhin ma yin pa yid la byed pa zhes bya ba'i rnam par rtog pa yod na las dang nyon mongs pa dag kyang 'byung bar 'gyur ro/ /zhes bya bas ni/ /de'i rjes su 'gro ba'i dpe bstan to/ /gang la rnam par rtag pa med par la de dag kyang mi 'byung ste/ /dper na 'phags pa'i rgyud bzhin no/ /zhes bya bas ni/ de'i ldog ba'i dpe bstan to /las dang nyon mongs pa dag gi mtshan nyid bstan pa'i phyir/ de la las ni nyon mongs pa can gyi sems dang ldan pa'i yid kyi mngon par 'du byed pa dang des kun nas blangs pa'i lus dang ngag gi 'jug pa'o/ /nyon mongs pa ni sems can gyi rgyud nyon mongs par byed pa dag ste/ 'dod chags la sogs pa dag go zhes bya ba smras so/ rnam par rtog pa de dag na? las 'byung ba bstan pa'i phyir/ las dang nyon mongs pa'i rgyu rnam par rtag pa gang dag yin pa de dag ni spros pa las 'byung ba de dag spros las byung zhes bya ba gsungs te/ tha snyad kyi bden ba la mngon par zhen pa'i mtshan nyid kyi spros pa las 'byung ngo/ /zhes bya ba smras so/ /spros pa de gang gis 'gag par 'gyur ba bstan pa'i phyir/ spros pa de dag gang gis 'gag par 'gyur zhe na/ spros pa ni stong pa nyid kyis 'gag par 'gyur zhes bya ba gsungs te/ rtogs pas zhes bya ba'i tshig gi lhag ma'o/ /zhes bya ba smras so/ /stong pa nyid rtogs bas spros pa 'gag par 'gyur ba'i don
- 87a
bstan pa'i phyir/ chos bdag med pa nyid kyi mtshan nyid rtogs pas 'gag par 'gyur ro zhes bya ba smras te/ des ni chos bdag med pa nyid kyi mtshan nyid stong pa nyid rtogs pas spres pa 'gag par bstan to/ /yang na stong pa nyid kyis 'gag par 'gyur zhes bya ba la/ stong pa nyid ni stong pa nyid shes pa ste/ stong pa nyid shes pa skyes na 'gag par 'gyur ro zhes bya ba'i tha tshig go zhes bya bas ni/ /chos bdag med pa nyid kyi mtshan nyid stong pa nyid shes pa skyes na spros pa 'gag par bstan te/ de ltar chos bdag med pa nyid kyi mtshan nyid stong pa nyid rtogs pa dang stong pa 'di shes pa skyes bas spros pa 'gag pa de ni nyan thos la sogs pa dang thun mong ma yin pa'i thar pa ste/ chos bdag med pa'i de kho na bsgoms pa'i 'bras bu bla na med pa'i ye shes nyid yin no/ /gal te gang zag bdag med pa nyid mtho dang? kho nas sdug ba dang mi sdug pa rnam par rtog pa las byung ba'i las dang nyon mongs pa de dag nye bar zhib grub pa'i phyir chos bdag med pa nyid mthong ba don med par 'gyur ro zhe na/ zhes bya ba ni pha rol po dag na re theg pa gsam? gyi rnam par grol ba'i thun mong yin la/ de yang gang zag bdag med pa nyid mthong ba kho nas 'grub pa'i phyir chos bdag med pa nyid mthong ba don med par 'gyur ro zhes zer ba'i tshig yin no/ /de skad ces zer ba de'i lan du/ 'dir 'grel pa byed pa nyid kyis/ de ni rigs pa ma yin te/ nyon mongs pa'i dra pa bag chags dang bcas pa ma lus pa drung? nas dbyung bar 'dod pa'i phyir te/ de yang chos bdag med pa nyid mthong ba med par mi srid pa'i phyir dang/ nyon mongs pa can ma yin pa'i mi shes pa gnyen po rang 'byung gi ye shes chos thams cad kyi yul phyin ci ma log bar thugs su chud pa can yang des spang bar bya ba yin pa'i phyir/ /chos bdag med pa nyid mthong ba don med par mi 'gyur ro zhes bya ba smras te/ /theg pa gsum gyi rnam par grol pa thun
- 87b
mongs yin zhing de gang zag bdag med pa nyid du thong ba kho nas 'grub tu zin kyang bla na med pa'i theg pas 'gro ba rnams kyi grub pa'i mdza' na ye shes phun sum tshogs ba dang/ /spang pa phun sum tshogs pas rab tu phye ba yin par 'dod la/ ye shes phun sum tshogs pa nyon mongs pa'i dra pa bag chags dang bcas pa ma lus pa drungs phyung bas rab tu phye ba de yang chos bdag med pa nyid mthong ba med par mi srid pa'i phyir dang/ spangs pa phun sum tshogs pa nyon mongs pa can ma yin pa'i mi shes pa gang la gnyen po rang byung gi yi shes chos thams cad phyin ci ma log par thugs su chud pa yod pa spangs bas rab tu phye ba de yang chos bdag med pa nyid mthong bas de spang bar bya ba yin pa'i phyir/ chos bdag med pa nyid mthong ba'i sgo 'di rnam? ye shes phun sum tshogs pa dang spangs pa phun sum tshogs pas rab tu phye ba'i 'bras bu bla na med pa 'thob pa'i phyir chos bdag med pa nyid mthong ba don med par mi 'gyur ro/ /de'i phyir de ltar spros pa ma lus pa nye bar zhi ba'i mtshan nyid stong pa nyid ni thar pa yin te zhes bya ba ni mjug bsdu ba yin te/ /theg pa chen po la mya ngan las 'das pa ni 'dus byas stong pa nyid du shes pa yin no zhes bya ba'i tha tshig go /de nyid kyi khungs slob dpon 'phags pa lhas mdzad pa bstan pa'i phyir de ltar yang/ mdor na chos ni mi 'tshe ste/ /mya ngan 'das bstod pa nyid/ /'di la de gnyis 'ba' zhig ces/ /de bzhin gshegs pa rnams kyis gsungs/ /zhes gsungs so/ zhes bya ba smras te/ de bzhin gshegs pa rnams kyis theg pa chen po 'di la mdor bsdu na dge ba'i chos ni srog chags rnams la mi 'tshe pa yin te/ des ni kun rdzob kyi bden pa bstan la/ mya ngan las 'das pa ni 'dus byas stong pa nyid du shes pa yin te/ des ni don dam pa'i bden pa bstan pas/ theg ba chen po 'di la mdor bsdu na/ don gyi dmigs na de gnyis 'ba' zhig tu 'dus so zhes gsungs
- 88a
pas de'i phyir de ltar spros pa ma lus pa nye bar zhi ba'i mtshan nyid stong pa nyid ni mya ngan las 'das pa yin no// //bam po drug cu rtsa gcig pa/ /mu stegs can kha cig gis smras pa/ 'di la khyed kyi ston pas mdo sde las/ /bdag gi mgon ni bdag nyid yin/ /gzhan ni mgon du su zhig 'gyur/ /mkhas pa bdag nyid de legs dul bas/ /mtho ris dag kyang 'thob par 'gyur/ /zhes gsungs shing/ de bzhin du/ sems can 'khor bar zhugs pa ni/ /sdug bsngal las ni rnam mi 'grol/ /zhes kyang gsungs pas/ khyed bdag med do zhes smra ba la khas blangs pa snga mas gnod par 'gyur bas/ /de'i phyir bdag dgag pa'i rjes su dpag pa ma grub bo zhes bya ba ni de ltar gzugs bdag med pa nyid bstan pa la 'dir gzhan mu stegs can dag gis skyon gzhan gzhan ma mthong bas khas blangs pa la gnod par 'gyur ro zhes zer ba'i tshig yin no/ /de skad ces zer bde'i lan du 'grel pa byed pa nyid kyis 'dir bshad pa/ sems can gang dag rgyu dang 'bras bu la bskur pa 'debs pa'i lta bas blo gros nyams pa/ /'jig rten 'di med do/ /'jig rten pha rol med do/ /legs par byas pa dang/ nyes pa byas pa'i las rnams kyi 'bras bu rnam par smin pa med do/ /sems can rdzus te skye ba med do zhes bya ba la mngon par zhen pa rtag tu mi dge ba mngon par 'du bya ba la gzhol ba'i yid dang ldan pa ngan song gi g.yang sa chen po'i 'gram na gnas pa dag yod pas/ de'i phyir sangs rgyas bcom ldan 'das de dag la phan gdags par bzhed pa gzhan la phan pa bskyed pa'i thugs dam mnga' ba/ sems dang sems las byung ba'i rgyun la brten nas/ phyi ma la de dag gi rgyun ma 'chad par gzigs pa rnams kyis tha snyad kyi bden pa'i dbang gis bdag yod do zhes kyang gdags par mdzad pas de'i phyir/ bdag go zhes kyang btags
- 88b
gyur cing/ /ces bya ba gsungs so/ /sems can gang dag bdag brtag pa dang/ thams cad du song ba dang/ /dge ba dang/ mi dge ba'i bya ba la rang dbang can dang/ za ba po yin no snyam du mngon par zhen pa dag yod do/ /de dag bdag tu log bar lta ba'i theg pas sems bcings shing mngon par zhen pa rtag tu mi dge ba lus dang dbang po dang blo'i yul la bdag med pa'i lta ba ma skyed pas/ bsam gtan dang ting nge 'dzin dang snyoms par 'jug pa'i stobs kyi shin tu ring du song yang/ bya rkang pa bshal thag gis bcings pa thag ring por song yang phyir ltung ba bzhin du skye ba la sogs pa'i sdug bsngal dag las rnam par mi 'grol bar thugs su chud nas/ de ltar bdag tu lta ba'i thag pa bcad pas sdug bsgnal nye bar zhi bar mdzad pa'i phyir phung po lnga la bdag med do zhes kyang bstan pa mdzad pas de'i phyir/ bdag med ces kyang bstan par 'gyur ces bya ba gsungs so /gang dag dge ba'i rtsa ba rgya chen po shin tu nye bar bsags pa/ dbang po yongs su smin pa/ zab cing rgya che ba la mos pa/ thams cad mkhyen pa nyid rtogs pa'i bshad pa bdud rtsi'i snang du gyur pa de dag la ni/ 'dus byas ngo bo nyid sdong ba rmi lam dang mig 'phrul dang chu zla lta bur thugs su chud nas/ don dam par bdag dang bdag med pa 'ga' yang med par bstan pa mdzad pas de'i phyir/ sangs rgyas rnams kyis bdag dang ni/ /bdag med 'ga' yang med par bstan/ /ces bya ba gsungs te/ bdag dang bdag med par rnam par brtag pa'i gzhi dngos po yod pa ma yin pa'i phyir ro zhes bya bar dgongs so/ /de'i phyir de ltar tha snyad du bdag khas blangs pa'i phyir khas blangs pa la mi gnang ngo/ /zhes bya ba smras te/ des ni sangs rgyas bcom ldan 'das nyid kyis kun rdzob tu gdul ba'i dbang gi phyir bdag yod par yang bstan/ bdag med bar yang bstan/ bdag dangbdag med pa 'ga' yang med par yang bstan to zhes bya bar spyar te/ slob
- 89a
dpon 'phags pa lhas kyang/ med dang yong dang gnyis ka dang/ gnyi ga min pa'ang ston mdzad de/ /nad kyi dbang gis des bar ni/ /sman ni 'phrod par 'gyur ba bzhin/ /zhes gsungs so/ /gal te de ni don dam par bstan pa'i phyir lan ma yin no zhe na/ zhes bya ba ni pha rol po dag na re/ de ni bcom ldan 'das kyis don dam par bdag yod par bstan ba'i tshig yin pa'i phyir khyod kyis med par bsal bas khas blangs pa la gnod bar 'gyur ba'i skyon ma spangs pa'i phyir lan ma yin no zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis lan ma yin pa ma yin te/ lung las 'di la bdag dang sems can med/ /chos 'di dag ni rgyu dang bcas /zhes gsungs ba'i phyir dang/ de yod pa nyid du ston pa la rjes su dpag pa khyod kyis ma smras ba'i phyir dang/ bdag dgag par nus pa'i sgrub pa kho bos bstan pa'i phyir ro zhes bya ba smras te/ bcom ldan 'das kyis don dam par bdag med par bstan pa'i phyir dang/ khyod kyi bdag yod pa nyid du ston pa'i rjes su dpag pa ma smras pa'i phyir dang/ kho bos bdag dgag bar nus pa'i sgrub pa bstan pa'i phyir/ khas blangs pa lam gnod pas de ni lan ma yin pa ma yin no/ /tshig le'ur byas ba snga ma de nyid kyi don gzhan du bshad pa bstan ba'i phyir/ yang na gzhan du brtag ste/ mu stegs byed kha cig 'du byed bdag med ba skad cig ma re re la rnam par 'jig pa'i dang can nam dus gzhan du nges par gnas pa rnams la bdag med na las dang 'bras bu med par brtags nas 'jigs par 'gyur ba dag gis bdag yod do zhes kyang btags bas de'i phyir/ bdag go zhes kyang btags gyur cing/ /zhes bya ba gsungs so/ /gzhan gang dag 'di ni lus dang dbang po dang blo'i tshogs tsam du zad/ 'di la rgyu dang 'bras bu las gang rtogs par 'gyur ba'i bd+dg ni ngo bo nyid kyis med de/ sems su
- 89b
bgrang ba'i 'du byed bdag med pa nges par mi gnas gnas su ma byas pa 'di bdag la yang 'khor ba mi 'thad do zhes bya bar rig nas rgyu dang 'bras bu'i 'brel pa la rmongs pa/ ji tsam dbang po'i spyod yul pa/ /skyes bu 'ang de tsam nyid du zad/ /sngo bsangs med thos gang smra ba/ /de dag sbyad kyi rjes dang 'dra/ /mdzes ma legs par spyod cing zo/ /lus mchog khyed 'das gang de med/ /'jigs rung song ba phyir mi ldog /lus 'di 'dus pa tsam du zad/ /ces zer ba dag gis lus dang dbang po la bdag med do zhes bya ba bstan pas/ de'i phyir bdag med ces kyang bstan par gyur ces bya ba gsungs so /sangs rgyas bcom ldan 'das chos thams cad la mkhyen pa lkog ru ma gyur pa 'jug pa rnams kyis ni bdag dang bdag med pa 'ga' yang med par bstan pa mdzad bas de'i phyir/ sangs rgyas rnams kyis bdag dang ni/ bdag med 'ga' yan med par bstan/ /ces bya ba gsungs te/ chos thams cad kyi de kho na spros pa med pa nyid legs par thugs su chung pa'i phyir dang/ bdag dang bdag med par 'dzin pa nyid spangs pa'i phyir dang/ bdag dang bdag med par rnam par rtog pa 'jug pa'i rgyu med pa mkhyen pa'i phyir ro zhes bya bar dgongs te/ bdag dang bdag med pa'i rnam par sgo 'dogs pas gzugs la sogs pa dag la kun tu mi rtog pa'i phyir ro zhes bya ba smras te/ des ni mu stegs bdag tu smra ba kha cig gis ni bdag yod par bstan la/ 'jig rten rgyad pan bdag gis ni bdag med par bstan gyi/ sangs rgyas bcom ldan 'das kyis ni bdag dang bdag med pa 'ga' yang med pa bstan to zhes bshad do/ /de nyid kyi byungs bstan pa'i phyir/ bcom ldan 'das ma shes rab kyi pha rol tu phyin pa rab kyi rtsal gyis rnam par gnon pas zhus pa'i mdo las/ de ltar yang ji skad du rab kyi rtsal gyis rnam par gnon pa gzugs ni bdag gam bdag med pa ma yin ni/ /de bzhin du chor ba dang 'du shes dang/ 'du byed rnams dang/ rnam
- 90a
par shes pa yang bdag gam bdag med pa ma yin no/ /gzugs dang/ tshor ba dang/ 'du shes dang/ 'du byed rnams dang/ rnam par shes pa bdag gam bdag med pa nyid ma yin gang yin pa de ni shes rab kyi pha rol tu phyin pa'o zhes gsungs so zhes bya ba smras so/ /spros pa ni stong pa nyid kyis 'gag par 'gyur ro zhes gang smras pa de ji ltar stong pa nyid kyang 'gag par 'gyur ba de ltar 'di bshad par bya ste zhes bya bas ni sngar/ las dang nyon mongs zad pas thar/ /las dang nyon mongs rnam rtog las/ /de dag spros las sbras pa ni/ /stong pa nyid kyis 'gags par 'gyur/ /zhes bstan pa de'i rigs pa bstan to/ /de'i phyir 'di la brjod par bya ba la rtog pas sgro btags pa las ni brjod pa'i bdag nyid kyi sdos pa dpag tu med pa 'byung la zhes bya ba smras te/ des ni sgras brjod par bya ba'i don la rtag pa dang mi rtag pa la sogs par rtog par brjod par bya ba nyid du sgro btags pa las ni sgra'i mtshan nyid kyi spros pa dpag tu med pa 'byung bar bstan to/ /dngos po thams cad kyi ngo bo nyid rab tu dpen pa'i mtshan nyid kyi stong pa nyid nam mkha' lta bu mngon sum du byar med pa'i tshul gyis mngon sum du byas shing dngos po thams cad brjod du med par mthong ba'i brjod par bya ba ldog pa ste/ brjod pa 'jug pa'i rgyu med pas so zhes bya ba'i tha tshig go zhes bya bas ni/ rnal 'byor pa gang gis de ltar mthong ba de'i brjod par bya ba ldog pas sgros pa 'gag par 'gyur te brjod pa 'jug pa'i rgyu dngos po med pa spros pa 'gag go zhes bya ba'i tha tshig go zhes bstan te gang gi phyir dngos po rnams stong par mthong na brjod par bya ba nyid ldog par 'gyur ba de'i phyir spros pa ni stong pa nyid kyis 'gag par 'gyur te/ 'di ltar brjod par bya ba yod na de la brten nas spros pa yang yod par 'gyur gyi/ brjod par bya ba med na gzhi med pa'i spros pa ji ltar yod par 'gyur te mi 'gyur ro/ /de'i
- 90b
bstan pa'i phyir/ brjod par bya ba de yang ji ltar ldog bar 'gyur zhe na/ sems kyi spyod yul ldog pas so/ /gang gi phyir zhes bya ba'i tshig gi lhag ma'o zhes bya ba smras te/ gang gi phyir sems kyi spyod yul ldog pa des brjod par bya ba ldog par 'gyur ro zhes bya bar sbyar ro/ /de nyid bye brag tu bshad pa bstan pa'i phyir/ sems kyi spyod yul ni sems kyi spyod yul te gzugs la sogs pa zhes bya ba'i thi tshig go /de yang don dam par yongs su ma grub pa'i phyir ro zhes bya ba smras te/ gang gi phyir de'i sems kyi spyod yul gzugs la sogs pa bdag nyid don dam par yongs su ma grub pas/ log par 'gyur ba de'i phyir brjod par bya ba ldog par 'gyur te/ 'di ltar brjod par bya ba ni gzugs la sogs pa dag yin na de dag med na ji zhig brjod par 'gyur te mi 'gyur ro/ /sems kyi spyod yul zhes bya ba'i tshig gi don bstan pa'i phyir sems kyi spyod yul ni dngos por brjod te/ rang gi ngo bo dang spyi'i ngo bo ston pa'i phyir zhes bya ba smras so/ /ldog pa'i don bstan pa'i phyir/ ldog pa ni ldog pa lta bu ste/ lta ba po'i de kho na shes pa skyes pa dang ma skyes pa na yang dngos po'i de kho na rnam par mi rtog pa'i ye shes kyi spyod yul gyi rang gi ngo bo yongs su mi gtong ba'i phyir ro/ /zhes bya ba smras te/ dngos su ldog par bya ba med ba'i phyir ldog pa lta bu zhes bshad do/ /de'i phyir ldog pas brjod ba'i bdag nyid kyi spros pa ldog go zhes bya ba ni 'jug bsdu ba yin no/ /sems kyi spyod yul ldog pa de yang gang gis kyang mi byed de/ 'o na ji lta bu zhe na/ sems kyi spyod yul gzugs la sogs pa dag ma skyes pa dang ma 'gags pa/ chos nyid mya ngan 'das dang mtshungs/ /chos nyid dang chos kyi ngo bo nyid dang rang bzhin zhes bya ba dag ni rnam grangs so zhes bya ba ni de'i sems kyi spyod yul gzugs la sogs pa dag ji ltar ldog par 'gyur ba bstan te/ gang gi phyir des yang dag pa ji lta ba bzhin du mthong
- 91a
ba na sems kyi spyod yul gzugs la sogs pa dag ma skyes pa dang ma 'gag pa'i chos nyid mya ngan las 'das pa dang mtshungs par rab tu shes pa de'i phyir de'i sems kyi spyod yul ldog par 'gyur ro/ /yang na gzhan gyis spros pa stong pa nyid kyis 'gag par 'gyur ro zhes bya ba de la rig pa gang yin zhes smras pa ni/ slob dpon gyi rnal 'byor ba stong pa nyid la gnas shing mtshan ma med pa la gnas pa'i brjod par bya ba ldog pas de'i phyir brjod par bya ba ldog pa ste zhes bshad de/ brjod pa 'jug pa ldog pas so zhes bya ba'i tha tshig go zhes bya ba la sogs pa ni tshig le'ur byas pa snga ma de nyid kyi don rnam pa gzhan du bshad pa ston te/ 'dir pha rol po dag gis khyod dbu ma pas sngar spros pa ni stong pa nyid kyis 'gag par 'gyur ro zhes gang smras pa de la rigs pa gang yin zhes dris phan slob dpon gyi rnal 'byor ba stong pa nyid la gnas shing mtsham ma med pa la gnas pa'i brjod par ba ldog pas de'i phyir brjod par bya ba ldog pas spros pa 'gag par 'gyur ro zhes bshad de/ brjod pa 'jug pa'i rgyu dngos po rnams stong par mthong zhing ldog pas brjod pa'i bdag nyid kyi spros ba ldog par 'gyur ro zhes bya ba'i tha tshig go /des na sems kyi spyod yul ldog pas so/ /sems kyi spyod yul ni sems kyi rgyu ba zhes bya ba'i tha tshig go /zhes bya bas ni de'i brjod par bya ba ji ltar ldog par 'gyur ba'i rgyu bstan te/ de yang sems kyi spyod yul ni gzugs la sogs pa yul rnams la sems rgyu ba dang 'jug pa dang spyod pa dang rtog pa zhes bya ba dag gi rnam grangs yin pas gang gi phyir de'i sems kyi spyod yul de dag nyid log par gyur pa de'i phyir brjod par bya ba ldog par 'gyur ro zhes bya bar sbyar ro/ /sems kyi spyod yul ni sems kyi rgyu ba zhes bya ba'i tha tshig go zhes bya ba smos pa de nyid bstan pa'i phyir/ yul gyi ngo bo nyid ni sems kyis mngon par brtag pa yin par brjod de zhes bya
- 91b
ba smras te/ slob dpon 'phags pa lhas kyang/ srid pa'i sa bon rnam shes te/ yul rnams de'i spyod yul lo/ /zhes gsungs pas/ srid pa'i sa bon rnam par shes pa yin la yul rnams ni de'i spyod yul yin pas ji srid du yul rnams la sems kyis rnam par brtags shing sems kyi rgyu ba dang/ 'jug pa dang/ spyod pa dang rtog pa yod pa de srid du sems kyi spyod yul yin par brjod do/ /sems kyi spyod yul de ji ltar ldog pa bstan pa'i phyir/ de yang dmigs su med pa la gnas pas ldog pa'i phyir zhes bya ba smras te slob dpon 'phags pa lhas kyang/ yul la bdag med mthong na ni/ /srid pa'i sa bon 'gag par 'gyur zhes gsungs pas sems kyi spyod yul ldog pa de yang yul dmigs su med pa la gnas pas ldog par 'gyur ro/ /de ltar sems kyi spyod yul ldog pas brjod par bya ba ldog pa'i 'jug bsdu ba bstan pa'i phyir/ sems kyi spyod yul ldog pas so zhes bya ba smras te/ sems kyi spyod yul ldog pas brjod par bya ba ldog la/ brjod bar bya ba ldog pas spros pa 'gag par 'gyur ro zhes bya bar sbyar ro/ /ji ltar sems kyi spyod yul ldog par 'gyur ba bstan ba'i phyir/ ji ltar sems kyi spyod yul ldog par 'gyur zhe na/ ma skyes pa dang ma 'gags pa/ /chos nyid mya ngan 'das dang mtshungs /gang gi phyir sems kyi de kho na zhes bya ba'i tshig gi lhag ma'o zhes bya ba smras te/ gang gi phyir sems kyi de kho na ma skyes pa dang ma 'gags pa'i chos nyid mya ngan las 'das pa dang mtshungs par rab tu shes pa de'i phyir/ de'i sems kyi spyod yul ldog par 'gyur ro/ /de lta bas na gang gi phyir sems kyi de kho na ma skyes pa dang ma 'gags pa'i chos nyid mya ngan las 'das pa dang mtshungs par rab tu shes pa de'i phyir sems kyi spyod yul ldog par 'gyur la sems kyi spyod yul log pas brjod par bya ba ldog cing brjod par bya ba log pas spros pa 'gag pas spros pa ni stong pa nyid kyis
- 92a
'gag par 'gyur ro/ /spros pa stong pa nyid kyis 'gags na rnam par rtog pa mi 'byung la/ rnam par rtog pa mi 'byung bas las dang nyon mongs ba zad par 'gyur zhing/ las dang nyon mongs pa zad pas thar pa thob pa ni gang zag dang chos bdag med pa bsgom pa'i 'bras bu yin zhes bya bar sbyar ro/ /yang na dngos po dang dngos po med pa dag ma mthong ba ni de kho na mthong ba zhes bya ste/ zhes bya ba la sogs pas ni spros pa ni stong pa nyid kyis 'gag par 'gyur ro zhes bya ba de nyid kyi don bstan cing tshig le'ur byas pa snga ma de nyid kyi rnam par bshad pa gzhan ston to/ /de yang ji lta bu zhig snyam du kha cig de ltar sems pas de'i phyir/ brjod bar bya ba ldog pa ste/ zhes bshad de/ dngos po dang dngos po med pa dag ma mthong na'o zhes bya pas ni/ yang na dngos po dang dngos po med pa dag ma mthong ba ni de kho na mthong ba zhes bya ste zhes bshad pa de la kha cig de yang ji lta bu zhi yin snyam du sems pas de'i phyir brjod par bya ba ldog pa ste zhes bshad de/ dngos po dang dngos po med pa dag ma mthong na brjod par bya ba ldog pa ni de kho na mthong ba yin la/ de kho na mthong bas ni spros pa 'gag par 'gyur ro zhes bya bar sbyar ro/ /dngos po dang dngos po med pa dag ma mthong ba brjod par bya ba ldog pa de yang ji ltar ldog bar 'gyur bar bstan pa'i phyir de yang ji ltar zhe na gang gi phyir/ sems kyi spyod yul ldog bas so/ /sems la sogs pa'i spyod pa ste/ dngos po la sogs par mi dmigs ba'i phyir ro zhes bya bar dgongs so /zhes bya ba smras te/ sems kyi spyod yul ni sems la sogs pa'i spyod pa ste/ de ni dngos po la sogs par mi dmigs pa'i phyir ldog par 'gyur la/ sems kyi spyod yul log pas ni brjod par bya ba ldog la/ brjod par bya ba log pas ni spros pa 'gag bar 'gyur ro zhes bya bar dgongs so/ /'dir yang
- 92b
sogs ba'i sgra khong nas dbyung bar blta bar bya ste/ sems la sogs ba'i spyod pa ni sems kyi spyod yul lo zhes bya ba ni/ tshig le'ur byas pa'i rtsa ba de las sems kyi spyod yul ldog bas so zhes gsungs pa'i skabs su sogs pa zhes bya ba'i sgra ma smos la/ 'grel pa byed pas sems la sogs pa'i spyod pa ste zhes sogs pa'i sgra smos pa ni/ tshig le'ur byas pa rtsa ba de'i skabs 'dir yang sogs pa'i sgra khong nas dbyung bar blta bar bya ste/ sogs pa'i sgras ni ngag gi spyod pa dag kyang bsdu'o/ /gal te 'dir gzhan dag 'di dag 'di skad ces de ltar yul dngos po dang dngos po med pa'i rnam par yang mi snang la/ de la 'dzin pa'i sems kyi spyod pa yang mi snang zhing/ de brjod ba'i dag gi spyod pa yang mi snang na de kho na mthong ba med pa'i skyon du thal bar mi 'gyur ram zhes zer ba'i phyogs snga ma khong nas dbyung ba de'i lan du/ 'dir 'grel pa byed pa nyid kyis/ de kho na mthong ba med pa yang ma yin te/ gang gi phyir gzugs la sogs pa yul rnams ma mthong ba gang kho na yin pa de nyid de kho na mthong ba'i sgrar brjod de/ dngos po'i ngo bo nyid phyin ci ma log par rtogs ba'i phyir ro zhes bya ba smras te/ 'di la mdza' gnyis su ma mthong ba nyid de kho na mthong ba yin te/ dngos po'i ngo bo nyid phyin ci ma log pa rtogs pa'i phyir ro/ /de ltar yang 'phags pa bden pa pos bstan pa'i le'u las/ ji skad du mthod ba med pa ni de kho na mthong ba'o zhes gsungs so zhes bya bas de nyid kyi khungs bstan to/ /de'i phyir brjod par bya ba ldog pa ste zhes bya bas/ brjod par bya ba ldog pas spros pa 'gag pa bstan pa'i skabs kyis mjug bsdu ba bstan te/ de nyid kyi khungs bstan ba'i phyir/ ji skad du 'phags pa blo gros mi zad bas bstan pa'i mdo las/ don dam pa'i bden pa gang zhe na/ gang la sem kyang mi rgyun yi ge rnams lta ci smos kyang ci dgos pa'o/ /zhes gsungs pa dang de bzhin du/ shes rab kyi pha rol tu phyi
- 93a
pa gzhan nas kyang sems dang yid dang rnam par shes pa dang bral ba gang yin pa de ni shes rab kyi pha rol tu phyin pa'o zhes bya ba la sogs pa gsungs pa lta bu'o zhes bya ba smras te/ de'i phyir lung de dag gis na mthong ba med pa gang yin pa de ni de kho na mthong ba yin pas de kho na mthong ba med pa yang ma yin no/ /de'i phyir re zhig de kho na la ni/ ma skyes pa dang ma 'gags pa/ /chos nyid mya ngan 'das dang mtshungs/ /zhes bya ba de tsam dag smra bar nus te/ chos thams cad dben pa'i mtshan nyid yin pa'i phyir ro zhes bya bas ni 'di skad bstan te/ de'i phyir re zhig kho na la ni tha snyad kyi sgo nas de tsam dag smra bar nus kyi don dam par ni brjod par bya ba med de/ chos thams cad dben pa dang stong pa'i mtshan nyid yin pa'i phyir ro/ /yang na stong pa nyid shes pa'i nyi ma'i 'od zer gyis snang ba byas pa'i dngos po thams cad ngo bo nyid la kun tu lta zhing dmigs su med pa la rab tu gnas pa'i ngag dang yid kyi brjod pa ldog pa'i phyir brjod par bya ba ldog pa ste/ zhes bya ba la sogs pas kyang spros pa ni stong pa nyid kyis 'gag par 'gyur ro zhes bya ba de'i don ston cing/ tshig le'ur byas pa snga ma de nyid kyi don rnam par bshad pa gzhan ston te/ yang na rnal 'byor pa gang stong pa nyid shes pa'i nyi ma'i 'od zer gyis snang bar byas pa'i dngos po thams cad kyi ngo bo nyid la kun tu blta zhing dmigs su med pa la rab tu gnas pa'i rnal 'byor ba de'i ngag dang yid kyi brjod pa ldog pa'i phyir brjod par bya ba ldog pa de'i dag dang yid kyi brjod par bya ba log pas tha snyad kyi bden pa la mngon par zhen pa'i mtshan nyid kyi spros pa nye bar zhi bar 'gyur ba ni stong pa nyid kyi spros pa 'gag pa yin te/ de nyid theg pa chen po la chos bdag med pa nyid bsgom pa'i 'bras bus sbangs pa phun sum tshogs pa dang ye shes phun sum tshogs pa thob pa'i thabs yin no zhes bya bar ston to/ /de nyid kyang sems kyi spyod yul ldog pas so/ /zhes bya
- 93b
bas ni brjod par bya ba ldog pa de nyid kyang gang gis ldog par 'gyur zhe na/ sems kyi spyod yul ldog pas so zhes bya ba ston te/ 'di sems kyi spyod yul zhes bya ba gang zhe na/ spyod yul ni mthu nyid do/ /zhes bya ba smras te/ sems kyi ngo bo nyid rang bzhin gyis 'od gsal ba nyid do/ /de ldog pa ni glo bur gyi sgrib pa las rnam par grol zhing gnas 'gyur ba nyid do/ /de nyid bstan ba'i phyir ji ltar sems kyi mthu nyid ldog par 'gyur zhe na/ 'di la yul yi stobs kyis rnam par shes bskyes shing dngos po'i ngo bo nyid dang khyad par gyi yul tha dad pa la rtog pa'i rgyun dag gis rnam pa tha dad pa du mar rtog pa na dar gyi srin bu bzhin du bdag gi mthu nyid kun nas bkris par 'gyur ro/ /chos thams cad bdag med par mthong bas ni de mi 'jug pa'i phyir sems kyi spyod yul ldog go zhes bya ba smras te/ des ni glo bur gyi sgrib bas 'ching ba dang/ chos bdag med pa mthong bas rnam par grol zhing gnas 'byung ba'i tshul bstan to/ /sems kyi spyod yul ldog pa yang de kho na shes pa'i byed pa po dang ldan pa ma yin te/ 'o na ji lta bu zhe na/ ma skyes pa dang ma 'gags pa/ cho nyid mya ngan 'das dang mtshungs/ /gang gi phyir sems dang de las gzhan pa'i chos rnams kyi spyod yul ldog pa de ni gang gi yang bya ba ma yin pa'i phyir te zhes bya bas ni/ sems kyi spyod yul rang rig pa'i tshul gyis ldog pa nyid du bstan to/ /de nyid kyi khungs bstan pa'i phyir/ de ltar yang 'phags pa dkon mchog brtsegs pa'i mdo las/ stong pa nyid kyis chos rnams stod bar mi byed kyi 'di ltar chos rnams stong ba'o zhes bya ba la sogs pa gsungs so zhes bya ba smras so/ /'on kyang de dag gi rang bzhin ni mya ngan las 'das pa dang mtshungs so zhes bya bar khong du chud par bya ste zhes bya bas ni/ mi gnas pa'i mya ngan las 'das pa'i tshul gyis chos thams cad skye 'gag med par ro gcig par khong du chud par bya ste/ byang chub sems dpa' rnams kyi shes bya'i mdza' yang rtog pa dang/ brjod pa de tsam du zad do zhes
- 94a
bstan to/ /de nyid kyi khungs bstan pa'i phyir 'phags pa tshangs pas zhus ba'i mdo las/ ji skad du 'di ltar de bzhin gshegs pa byang chub kyi snying po la bzhugs nas yang dag pa ma yin pa'i kun tu rtog pas kun nas bslang ba'i nyon mongs pa yod pa ma yin pa'i rang bzhin shin tu skye ba med pa'i ngo bo nyid kun tu mkhyen par gyur to zhes bya ba la sogs pa gsungs so zhes bya bar smras so/ /de ltar spros pa ni stong pa nyid kyis 'gag par 'gyur ba de'i phyir 'grel ba byed pa nyid kyis/ slob dpon 'phags pa lhas gsungs pa/ srid pa'i sa bon rnam shes te/ yul rnams de'i sbyod yul lo/ /yul la bdag med mthong na ni/ /srid pa'i sa bon 'gag bar 'gyur/ /zhes bya ba de yang 'thad pa yin no zhes bya ba smras te/ ji ltar gzhan mu stegs can dag gis bdag dang bdag gir brtags pa dang sde ba gzhan dag gis gzung ba dang 'dzin pa'i dngos por brtags pa dang rnam par shes pa tsam du smra ba dag gis/ sems dang sems kyi rnam par brtag pa lta bu ma yin gyi/ theg pa chen po dbu ma pa'i tshul 'di la kun rdzob kyi tha snyad du ni phyi dang nang gi rten cing 'brel bar 'byung ba ma brtags/ /cig bu na nyams dga' ba sgyu ma tsam du bya ba byed nus par yod cing de la mngon par zhe na pas ni srid pa gsum du 'khor zhing kun nas nyon mongs pa'i rgyun kyang 'brel bar 'gyur la/ de la mngon par ma zhen cing don dam par ngo bo nyid med par shes pas ni srid pa'i sa bon 'gag cing ma gnas pa'i mya ngan las 'das pa'i bde ba chen po yang 'thob pa med pa'i tshul gyis 'thob par 'gyur te/ de ni slob dpon klu sgrub kyi zhal snga nas dang/ 'phags pa lha dang/ legs ldan 'byed dang/ bud+d+ha pA li sogs pa theg pa chen po dbu ma pa'i lam smra ba rnams kyis shes rab kyi pha rol tu phyin pa'i tshul bstan pa yin no/ /de'i phyir de ltar d+hos thams cad kyi mnyam pa
- 94b
nyid mya ngan las 'das pa dang mtshungs pa skye ba med par mthong bas ni sems kyi spyod yul ldog par 'gyur la/ sems kyi spyod yul log pas ni brjod par bya ba ldog cing/ de log pas ni tha snyad kyi bden pa la mngon par zhen pa'i mtshan nyid kyi spros pa nye bar zhi bar 'gyur ro/ /zhes bya bas ni spros pa ni stong pa nyid kyis 'gag pa bstan pa'i skabs kyi mjug bsdu ba yin te/ sngar las dang nyon mongs zad las thar/ /las dang nyon mongs rnam rtog las/ /de dag spros las spros pa ni/ /stong pa nyid kyis 'gag par 'gyur zhes smos pas rnam par grol ba thun mong ma yin par bstan te/ de la 'jig rten pa'i spros pa las ni rnam par rtog pa 'byung la/ rnam par rtog pa las ni las dang nyon mongs pa 'byung zhing/ las dang nyon mongs pa zad pas ni ? bar 'gyur te/ las dang nyon mongs pa zad pas thar bas 'thob ba de yang sngar nas phyi rol nyid dag la/ bdag dang bdag gi zad gyur na/ /nye bar len pa 'gag 'gyur zhing/ /de zad pas ni skye ba zad/ /ces smos pas bstan pa yin te/ de ni nyan thos dang rang sangs rgyas dang thun mong pa'i rnam par grol ba gang zag bdag med pa nyid rtog pas rab tu phye ba nyon mongs pa'i sgrib pa spong ba'i thabs yin te/ sgo de nas ni nyan thos dang rang sangs rgyas kyi lam 'bras bu dang bcas pa thams cad yongs su rdzogs shing/ dge sbyong gi 'bras bu mthar thug pas rab tu phye ba'i mi slab pa'i tshogs dang spyod pa dang bse ru lta bu'i go 'phang nyid thob par 'gyur ro/ /spros pa ni stong pa nyid kyis 'gag par 'gyur ro zhes gang smras pa la de ji ltar stong pa nyid kyis 'gag par 'gyur zhe na/ sngar brjod par bya ba ldog pa ste sems kyi spyod yul ldog pas so/ /ma skyes pa dang ma 'gags pa/ /chos nyid mya ngan 'das dang mtshungs/ /zhes smos pa'i rim gyis chos thams cad kyi mnyam pa nyid mya ngan las 'das pa dang mtshungs pa skye ba med par mthong bas ni sems kyi spyod yul ldog par 'gyur la/ sems kyi spyod yul log pas
- 95a
ni brjod par bya ba ldog cing/ de las log pa ni tha snyad kyi bden pa la mngon par zhen pa'i mtshan nyid spros pa nye bar zhi bar 'gyur te/ de ni nyan thos dang rang sangs rgyas dang thun mong ma yin pa'i rnam par grol ba chos bdag med pa nyid du rtogs pas rab tu phye ba shes bya'i sgrib pa spong ba'i thabs yin te/ sgo de nas ni theg pa chen po'i lam 'bras bu dang bcas pa thams cad yongs su rdzogs shing/ bla na med pa'i sangs rgyas bcom ldan 'das kyis go 'phang nyid thob par 'gyur ro/ /rang gi sde ba dang gzhan gyi sde ba kha cig na re dbu ma smra ba ni dngos po thams cad la skur pa 'debs pa'i phyir med pa ba dag dang khyad par med do zhes zer ba de dag la/ kha cig gis dngos po sel ba nyid du mtshungs su zin kyang so so skye bo dang dgra bcom pa la so sor ma brtags pa dang/ so sor brtags pa'i gtang snyoms pa gzhan nam/ dmus long dang mig can gyi phyogs mi bde'o snyam du nges par shes pa dang mtshungs su zin kyang khyad par yod pa bzhin du med pa dang/ dbu ma pa dag la yang khyad par yod do zhes lan 'debs par byed pas ni pha rol pos dngos po'i de kho na rtogs pa la khyad par med do zhes bstan pa la khyad par yod par ma brjod pas lan ma yin no zhes bya ba ni/ skabs 'di rang gi sde ba dang gzhan gyi sde ba kha cig na re gang 'jig rten 'di med do/ /'jig rten pha rol med do sems can brdzus te skye ba med do zhes bya ba la sogs par lta ba de dang gang dngos po thams cad ma skyes pa dang ma 'gags par lta ba zhes bya ba de gnyis la khyad par ci yod ces zer ba'i lan du/ slob dpon bud+d+ha pA li tas de gnyis la khyad par shin tu chen khyod ni stong pa nyid kyi don rnam par mi shes nas de gnyis 'dra'o snyam du sems so/ /'di la so sor ma brtags par btang snyoms byed pa gang yin pa dang/ so sor brtags nas btang snyoms byed pa gang yin pa de gnyis btang snyoms
- 95b
byed par ni 'dra mod kyi so sor ma brtags par btang snyoms byed pa ni/ ma rig pa'i kun tu sbyor ba dang ldan par bstan la/ btang snyoms byed pa cig shos ni/ sangs rgyas bcom ldan 'das rnams kyis kun tu brten pa yin pas de gnyis la khyad par shin tu che pa bzhin du/ 'di la yang 'jig rten 'di med do zhes bya ba la sogs pa de ltar mthong ba ni ma rig pas kun tu rmongs pa'i sems dang ldan pa yin gyi/ dngos po thams cad ngo bo nyid stong ba'i phyir/ ma skyes pa dang ma 'gags par mthong ba cig shos ni shes pa sngon du btang ba yin pas de gnyis la khyad par shin tu che'o/ /gzhan yang med pa de nyid mthong bzhin du 'jig rten 'di med do zhes tshig 'ba' zhig brjod pa de la ni dper na dmas? long phyogs 'di mi bde'o zhes brjod kyang mig med pa'i phyir mi mthong bas der/ 'khrul ba dang rdeg 'cha' bar 'gyur ba de bzhin du/ de yang 'jig rten 'di med do zhes brjod kyang shes pa'i mig med pa'i phyir mi mthong bas skyon de dag gis gos par 'gyur zhes bshad pa de ni lan ma yin te/ ci'i phyir zhe na/ pha rol pos med pa pa dang dbu ma pa gnyis dngos po'i de kho na rtogs pa la khyad par med do zhes bstan pa la/ bud+d+ha pA li tas khyad par yod pa'i gtan tshigs ma brjod pa'i phyir ro/ /'di skad brjod ni rigs te zhes bya ba la sogs pas ni pha rol po dag de skad ces zer ba de'i lan du 'di skad ces brjod na rigs so/ /zhes 'grel pa byed pa nyid kyis/ de dag gi lan gdab pa'i tshig ston to/ /de'i phyir/ med pa pa dang dbu ma pa smra ba dag gang gi tshe mtshungs bar rtogs/ tha snyad kyi dus su 'am/ 'on te de kho na la lta ba'i dus su zhes bya ba smras te/ de gnyi ga'i dus su yang shin tu mi mtshungs par ston to/ /de la re zhig tha snyad kyi dus su ni de dag rgyu dang 'bras bu la skur ba 'debs pa la mngon par zhen pas dge ba'i phyogs drungs phyung zhing mi dge ba'i las kyi lam thams cad la zhugs pa dang/
- 96a
tha snyad kyi bden pa nyid la gnod pa byed pa de ltar dbu ma smra ba dag rgyu dang 'bras bu'i 'brel pa sgyu ma dang smig rgyu lta bu dag la skur pa mi 'debs shing/ mi dge ba'i las kyi lam lam zhugs pa dang zag pa dang bcas pa'i phung po'i rgyun las yang srid pa'i phung po 'byung zhing phung po'i rgyun 'gag ba sngon du 'gro ba las da ltar dang ma 'ongs pa rmi lam lta bu dag 'byung bar ston pas tha snyad kyi bden pa nyid la gnod pa mi byed pa'i phyir ro/ /tha snyad kyi dus su yang med pa pa dang/ dbu ma smra ba dag mtshungs pa ma yin la zhes bya bas ni tha snyad kyi dus su yang shin tu mi mtshungs par bstan to/ /de kho na la lta ba'i dus su yang mtshungs pa ma yin te/ 'di ltar med pa ba dag la ni rnams par shes pa med do zhes med pa'i yul can dngos po thams cad la skur ba 'debs pa 'byung zhing/ de yang log par shes pa yin pas 'chal pa'i tshul khrims kyi dri mas nye bar sbags pa nyid kyi sdug bsngal nye bar zhi bar mi 'gyur gyi/ dbu ma smra ba dag la ni de kho na la lta ba'i dus su gzugs la sogs pa'i yul gyi dngos po dag la yang yod pa'i blo 'byung bar gyur pa gang yin pa de yang gzugs la sogs pa'i dngos po stong pa nyid du rtogs pas gzugs la sogs pa'i dngos po 'di d+dg ni yod pa ma yin no/ /snyam pas rnam par ldog par 'gyur ro/ / zhes bya bas ni de kho na la lta ba'i dus su yang shin tu mi mtshungs par bstan to/ /gal te 'dir pha rol po dag 'di skad du dbu ma pas don dam par dngos po yod pa bkag pas de'i zlas don gyis go bas dbu ma pa la med pa'i blo skye ste/ dper na lhas byin nyin mo zas mi za la 'chag bzang ba las na/ don gyis go bas nub mo za bar shes par 'gyur ba bzhin no zhes zer ba'i phyogs snga ma khong nas dbyung ba de'i lan du 'dir 'grel ba byed pa nyid kyis don gyi go bas med pa'i blo skyes snyam pa yang skye bar mi 'gyur te
- 96b
zhes bya ba smras so/ /de nyid kyi phyir tshad ma bstan pa'i phyir don dam par gzugs la sogs ba'i yul med do snyam ba'i blo gang yin pa de yang don ji lta ba bzhin ma yin te/ blo yin ba'i phyir dper na yod pa'i blo bzhin pas/ blo de sun phyung ba'i phyir ro zhes bya ba smras te/ de dag ni chos can dang/ sgrub par bya ba chos dang/ sgrub pa'i chos dang/ dpe dang/ mjug bsdu ba yin par go rim bzhin du sbyar te/ dper na yod pa'i blo ni blo yin pa'i phyir med do snyam pa'i don ji lta ba bzhin gyi yul can ma yin la de bzhin du med do snyam pa'i blo gang yin pa de yang blo yin pa'i phyir/ med ba'i don ji lta ba bzhin gyi yul can ma yin pas med pa'i blo de sun phyung ba'i phyir dbu ma ba la med par lta ba'i blo med do/ /yang na gang na dngos por snang ba'i blo skye ba de la ni debs la bas med pa'i blo skye ba'i skabs yod kyi sel ba med pa la ni med par rtog pa'i sgo nas med pa'i blo yang ldog par 'gyur te zhes bya bas ni/ dbu ma pa don dam par dngos po yod par mi lta ba la yod pa bsal bas med par lta ba'i blo yang skye bar ma 'gyur bar bstan to/ /spyod pa med pa'i spyod par shes rab kyi spyod pa la rab tu dpen par gyur ba rnams la med do snyam pa'i blo mi skye ba'i phyir med pa ba dag dang dbu ma smra ba dag la sgra mtshungs pa tsam yang med do zhes bya bas ni sgra tsam mtshungs pa yang med par bstan to/ /ston pa'i dus na yang yod pa nyid dgag btsam byed pa'i phyir/ med pa nyid du ston pa mi byed pas yungs 'bru dang ri rab bzhin du khyad par shin tu che'o zhes bya bas ni tshig gis bstan ba'i dus na yang khyad par shin tu che bar bstan to/ /de ltar re zhig mdo mdzad pas/ ma skyes pa dang ma 'gags pa/ /chos nyid mya ngan 'das dang mtshungs/ /zhes gsungs pas don dam par chos thams cad skye ba dang 'gag pa med pa'i chos nyid mya ngan las 'das pa dang mtshungs par bstan nas da ni 'jig rten tha snyad du ni don dam par rtogs par 'gyur ba'i tshogs
- 97a
sbyin pa la sogs pa mang po nye bar blang ba dang rjes su mthun pa dang/ 'jig rten gyi tha snyad du grags pa phyi nang gi dngos po gang dag 'jig rten la yang dag pa yid du grags pa de dag ni bcom ldan 'das kyis kyang yang dag pa nyid do zhes gsungs pa dang/ nam mkha' i me tog dang/ ri bong gi rwa la sogs pa gang dag 'jig rten la yang dag pa ma yin par grags pa de dag ni bcom ldan 'das kyis kyang yang dag pa nyid ma yin no zhes gsungs pa dang/ bden pa gnyis rnam par bzhag pa'i tshul gang dag 'jig rten la yang dag pa nyid dang yang dag pa ma yin pa nyid du grags pa de dag ni/ bcom ldan 'das kyis kyang yang dag pa nyid dang yang dag pa nyid ma yin pa nyid do zhes gsungs pas tha snyad kyi bden pa'i lugs rnam par bzhag pa'i tshul bstan pa'i phyir/ chos thams cad mya ngan las 'das pa dang mtshungs su zin kyang don dam par rtogs par 'gyur ba'i tshogs sbyin pa la sogs pa mang po nye bar blang ba dang rjes su mthun pa'i phyir dang/ 'jig rten gyi tha snyad du yang phyi nang gi dngos po 'di dag de ltar bden pa yin pa'i phyir/ ji ltar nang dang phyi rol gyi dngos po 'jig rten la yang dag pa nyid du grags pa dang/ nam mkha' i me tog dang/ ri bong gi rwa la sogs pa yang dag pa nyid ma yin par grags pa gang dag yin pa de dag tha snyad du thams cad yang dag par dang yang dag pa min zhes bya ba smra so de nyid kyi khungs bstan pa'i phyir/ 'di ltar bcom ldan 'das kyis kyang gang 'jig rten la yod par grags pa de nga yang yod par smra'o/ /gang 'jig rten la med par grags pa de nga yang med par smra'o/ zhes ji skad gsungs pa lta bu'o zhes bya ba smras te/ bcom ldan 'das kyis don dam par dngos po rnams ngo bo nyid stong par gzigs kyang 'jig rten gyi tha snyad kyi dbang gis 'di ni yang dag pa nyid do/ /'di ni yang dag pa nyid ma yin no/ /'di ni yang dag pa nyid dang yang dag pa nyid ma yin pa nyid do zhes gsungs so/ /de'i
- 97b
phyir gang gi tshe 'jig rten gyi tha snyad bya ba de'i tshe na don dam par rtogs par 'gyur ba'i tshogs sbyin pa la sogs pa mang po nye bar blang ba dang rjes su mthun pa dang 'jig rten gyi tha snyad du grags pa phung po lnga la sogs pa nang gi dngos po dang bum pa dang snam bu la sogs pa phyi rol gyi dngos po gang dag 'jig rten la yang dag pa nyid du grags pa de dag thams cad ni/ bcom ldan 'das kyis kyang yang dag pa nyid do zhes gsungs pas yang dag pa nyid du brjod par bya'o/ /nam mkha' i me tog dang/ ri bong gi rwa la sogs pa gang dal 'jig rten la yang dag pa nyid ma yin pa nyid ma yin par grags pa de dag thams cad ni bcom ldan 'das kyis kyang yang dag pa nyid ma yin no zhes gsungs pas yang dag pa nyid ma yin par brjod par bya'o/ /yang na mig la sogs pa skye mched rnams dang/ gzugs la sogs pa yul rnams tha snyad kyi bden pa dang mi 'gal bar yod pas thams cad yang dag ces gsungs so zhes bya bas ni/ yang na thams cad yang dag ces bya ba ni phyi dang nang gi skye mched rnams kun rdzob kyi bden pa dang rjes su mthun par yod pas thams cad yang dag ces bya'o zhes bstan to/ /don dam par ni brten nas byung ba sgyu ma bzhin du ngo bo nyid yongs su ma grub pa'i phyir/ ji ltar snang ba de ltar yod pa ma yin pas yang dag ma yin zhes gsungs so zhes bya bas ni yang na yang dag min zhes bya ba ni/ phyi nang gi skye mched rnams don dam par brten nas byung ba sgyu ma bzhin du ngo bo nyid yongs su ma grub pa'i phyir ji ltar snang ba de ltar yod pa ma yin pas yang dag min zhes bya'o zhes bstan to/ /bden pa gnyi ga'i rnam pa la bltos nas yang dag ma yin nyid ces gsungs so zhes bya bas ni phyi nang gi skye mched rnams kun rdzob kyi bden pa la bltos nas ni sgyu ma tsam du bya ba byed nus pa nyid du yod pa'i phyir yang dag nyid ces bya'o/ /de dag nyid don dam pa'i bden pa bltos nas ngo bo nyid med pa nyid yin pa'i phyir yang dag pa ma yin pa nyid ces bya'o zhes bstan
- 98a
to/ /da ni don dam par yang dag pa nyid ma yin pa yang ma yin la yang dag pa nyid kyang ma yin pa de ni sangs rgyas kyi bstan pa yin par bstan pa'i phyir/ mngon par rtog pa'i dus na rnal 'byor pa rnam pa thams cad du chos thams cad kyi de kho na la rnam par mi rtog pa'i phyir/ yang dag min min yang dag min/ /de ni sangs rgyas bstan pa'o/ /zhes bya ba smras so/ /don dam par dngos po'i ngo bo nyid stong pa sgyu ma dang/ rmi lam dang/ smig rgyu dang/ gzugs brnyan dang/ brag cha lta bu dag mngon par rtogs pa'i dus na rnal 'byor pa thams cad kyi de kho na la rnam par mi rtog pa'i phyir yang dag pa nyid ma yin par yang mi brjod la/ yang dag pa nyid du yang mi brjod pas yang dag pa nyid ma yin pa yang ma yin la/ yang dag pa nyid ma yin pa de ni sangs rgyas bcom ldan 'das rnams kyi bstan pa yod ba dang med pa nyid gyi skyon dang bral ba mu stegs byed thams cad dang thun mong ma yin pa don dam pa gsal bar byed pa yin no/ /yang na 'di ni don gzhan yin te/ thams cad yang dag yang dag min/ /yang dag yang dag ma yin nyid/ /yang dag min min yang dag min/ /de ni sangs rgyas bstan pa'o/ /zhes bya ba tshig le'ur byas pI 'di'i don ni rnam pa gzhan du rnam par bshad pa bstan pa'i phyir/ yang na bcom ldan 'das kyis nyon mongs pa'i sgrib pa spang pa'i phyir nang dang phyi rol gyi skye mched bdag dang bdag gi dang bal ba'i mtshan nyid g.yo ba med pa shes byar bstan pa gang dag yin pa de dag thams cad yang dag ces gsungs so/ /zhes bya bas ni thams cad yang dag ces bya ba'i tshig gi don rnam pa gzhan du rnam par bshad pa bstan to/ bcom ldan 'das kyis nyon mongs pa'i sgrib pa spang ba'i phyir mig la sogs pa nang gi skye mched gzugs la sogs pa phyi rol gyi skye mched bdag dang bdag gi dang bral ba'i mtshan nyid g.yo ba med pa sems pa
- 98b
med pa gang yin pa de shes byar bstan pa gang dag yin pa de dag thams cad ni yang dag pa nyid ces bya ste/ de rtogs na nyon mongs pa rnams mi skye pa'i phyir ro/ /rnam par shes pa'i mtshan nyid kyang bdag gis bdag dang bcas pa'i phyir dang bdag gi yin pa'i phyir/ byed pa po brjod pas nyan pa dang sems pa dang sgom par byed pa dag yang dag min zhes gsungs so/ /zhes bya bas ni thams cad yang dag min zhes bya ba'i tha tshig gi don rnam pa gzhan du rnam par bshad pa ston te/ bcom ldan 'das kyi rnam par shes pa'i mtshan nyid kyi phung po bdag tu gsungs pas rnam par shes pa'i mtshan nyid kyi bdag des bdag dang bcas pa'i phyir dang bdag gi yin pa'i phyir dang/ rnam par shes pa de byed pa por brjod pas nyan ba dang sems pa dang sgom par byed pa dag ni yang dag nyid ma yin te/ 'di ltar don dam par rnam par shes pa yang bdag tu mi 'dod pa'i phyir/ 'jig rten gyi bstan bcos kyi tha snyad la ltos pa'i dbang gis/ yang dag yang dag ma yin nyid/ ces gsungs so zhes bya bas ni/ yang dag pa nyid dang yang dag pa ma yin pa nyid ces bya ba'i tshig gi don rnam pa gzhan du rnam par bshad pa ston te/ 'di ltar 'jig rten bdag gu mngon par zhen pa de'i phyir 'jig rten gyi tha snyad la bltos pa'i dbang gis rnam par shes pa bdag tu smra ba bstan pa ni yang dag pa nyid yin la/ /stan bcos kyi tha snyad la bltos pa'i dbang gis bdag med pa'i phyir rnam par shes pa bdag ma yin par stan pa ni yang dag pa ma yin pa nyid do/ /theg pa chen po'i tshul gyis chos thams cad skye ba med pa'i phyir/ shes pa rnam par rtog pa dang bcas pa dang rnam par rtog pa med pa'i spyod yul nyid du 'gyur ba dngos po'i tshul gyis yang dag pa nyid la sogs par rnam par btags pa gang yin pa de lta bu med pas/ yang dag min mid yang dag min/ /de ni sangs rgyas bstan pa'o/ /zhes bya bas
- 99a
ni yang dag pa ma yin pa nyid kyang ma yin la/ yang dag ba nyid kyang ma yin pa zhes bya ba'i tshig gi don rnam pa gzhan du rnam par bshad pa ston te/ theg pa chen po'i tshul ni don dam pa pa ste/ des chos thams cad skye ba med pa'i phyir rnam par rtog pa dang bcas pa'i shes pa dang/ rnam par rtog pa med pa'i shes pa'i spyod yul nyid du 'gyur pa dngos po'i tshul gyis yang dag pa ma yin pa nyid du rnam par rtog pa gang yin pa de lta bu med pas yang dag pa ma yin pa nyid kyang ma yin te/ sangs rgyas bcom ldan 'das rnams kyi bstan pa ni dngos po rgyu dang rkyen las gdags par zad kyi/ yod pa dang med pa ni ma yin pa'i phyir ro/ /de ni sangs rgyas bstan pa'o/ /zhes gsungs pa la/ sangs rgyas zhes bya ba dang/ bstan pa zhes bya ba dang/ sangs rgyas kyi bstan pa zhes bya ba'i tshig gi don bye brag tu bshad pa bstan pa'i phyir/ de la sangs rgyas zhes bya ba ni chos kyi de kho na nyid phyir ci ma log pa ma lus par thugs su chud pa'i phyir/ sangs rgyas te drang srong mchog rnams so// bstan pa zhes bya ba ni lha dang mi mtho ris dang byang grol gyi bde ba 'dod pa rnams la dbang po dang bsam pa dang bag la nyal dang dus kyi dbang gis mtho ris dang byang grol gyi lam phyin ci ma log par rjes su ston pas bstan pa'o /yang na rang dang gzhan gyi rgyud la yod pa'i nyon mongs pa bag chags dang bcas pa'i dgra thams cad tshar gcod pas bstan pa'o/ /sangs rgyas kyi bstan pa zhes bya ba ni sangs rgyas rnams kyi bstan pa ste/ zhes bya ba smras so/ /sangs rgyas rnams kyi bstan pa de'i ngo bo nyid gang yin pa dang de la nan tan bya ba bskul ba bstan pa'i phyir/ tha snyad dang don dam pa'i bden pa'i tshul mchog tu rmad du byung ba thogs ba med pa smra ba gzhan dag dang thun mong ma yin pa ste/ mngon par zhen pa'i zug rdu thams cad da byung ba'i phyir
- 99b
de la nan tan bya'o zhes bya ba smras te/ de ni sangs rgyas bcom ldan 'das rnams kyi bstan pa tha snyad dang don dam pa'i bden pa'i tshul yod pa dang med pa nyid kyi skyon dang bral ba mu stegs byed thams cad dang thun mong ma yin pa don dam pa gsal bar byed pa yin te/ de'i phyir de kho na mthong bar 'dod pa rnams kyis/ 'jig rten dang 'jig rten las 'das pa'i dngos po thams cad la mngon par zhen pa'i zug rdu thams cad dbyung ba'i phyir/ 'jig rten gyi tha snyad kyi dbang gis gsungs pa dag la mngon par ma zhen par byas te de kho na gang nyid yin pa de nyid la nan tan bya'o// //bam po drug cu gnyis pa/ /rang gi sde pa dang gzhan gyi sde pa dag las phal cher skyon 'dogs par byed de/ gal te khyod dngos po'i ngo bo nyid gzhan gyis yongs su btags pa ma lus par bsal bas de kho na rtogs par 'dod na/ 'on de'i mtshan nyid bstan par bya dgos so/ /ji ste mi ston na ni rang gi phyogs nges par mi 'jog la gzhan gyis phyogs sun 'byin par byed pa'i phyir khyod co 'dri ba nyid yin no zhes bya bas ni/ sngar bstan bcos mdzad pas/ thams cad yang dag yang dag min/ /yang dag yang dag ma yin nyid/ /yang dag min min yang dag min/ /de ni sangs rgyas bstan pa'i zhes gsungs pas/ bcom ldan 'das 'jig rten gyi tha snyad kyi dbang gis ni 'di ni yang dag pa nyid do/ /'di ni yang dag pa nyid ma yin no/ /'di ni yang dag pa nyid dang yang dag pa nyid ma yin no zhes kyang gsungs la/ don dam par ni yang dag pa nyid ma yin par yang mi brjod la/ yang dag pa nyid du yang mi brjod pa de na sangs rgyas bcom ldan 'das rnams kyi bstan pa yod pa dang med pa nyid kyi skyon dang bral ba/ mu stegs byed thams cad dang thun mong ma yin pa/ don dam pa bsal bar byed pa yin par gsungs pas de'i phyir de kho na mthong bar 'dod pa rnams kyis 'jig
- 100a
rten gyi tha snyad kyi dbang gis gsungs pa de dag la mngon par ma zhen par bya ste/ don dam par de kho na gang nyid yin pa de nyid la nan tan bya'o zhes bshad pa de la/ 'dir rang gi sde pa dang/ gzhan gyi sde pa dag las phal cher skyon 'dogs par byed de/ de dag na re gal te/ byed dbu ma pa dngos po'i ngo bo nyid gzhan kyis yongs su btags pa ma lus par bsal bas de kho na tshogs par 'dod na/ 'on des na de kho na'i mtshan nyid gang yin pa bstan par bya dgos so/ /cis ma ston na ni khyed rang gi phyogs nges par mi 'jog la/ gzhan gyi phyogs sun 'byin par byed pa'i phyir/ khyed kyi sgrub pa de gzhan la co 'dri ba nyin yin pas bden pa ma yin no zhes zer ba'i tshig yin no/ /de skad ces zer ba de'i lan du 'grel pa byed pa nyid kyis so/ 'di bshad pa/ gal te de kho na'i mtshan nyid brjod par bya ba zhig yin na ni/ bstan par bya dgos pa yang bden pa zhig na de ni brjod par bya ba ma yin no zhes bya ba smras te/ don dam pa pa'i de kho na'i mtshan nyid ni brjod par bya ba ma yin te/ ji skad du/ 'jam dpal khyod kyis don dam pa ston cig ces bka' stsal pa dang/ 'jam dpal cang mi smra bar 'dug pa na de bzhin gshegs pas 'jam dpal khyod kyis don dam pa legs par bstan to zhes bka' stsal to zhes gsungs pas/ 'dir yang don dam pa pa'i de kho na'i mtshan nyid de ni brjod par bya ba ma yin pas kho bos de ma bstan par khyed de la mngon par zhen pa'i phyogs dgag pa tsam byas pa'i phyir/ kho bo khyod la co 'dri ba nyid ma ? ni mo zhes ston to/ 'on kyang skye bo las dang po pa dag yang dag par dbugs dbyung ba'i phyir so sor rtog pa'i shes pa rnam par rtog pa dang bcas pas de ltar rnam par nges pas 'di bshad par bya ste zhes bya bas ni/ de ltar don dam pa pa'i de kho na'i mtshan nyid de ni
- 100b
brjod par mi nus mod kyi/ 'on kyang kun rdzob kyi tha snyad du skye bo las dang po pa yang dag pa dbugs dbyung ba'i phyir/ so sor rtog pa'i shes pa tha snyad pa rnam par rtog pa dang bcas pas de kho na'i mtshan nyid ji lta ba de ltar rnam par nges pas don dam pa pa'i de kho na'i mtshan nyid 'di bshad par bya ste zhes bya bar sbyar ro/ /de nyid bstan pa'i phyir gzhan las shes min zhi ba dang/ /spros pa rnams kyis ma spro bo/ /rnam rtog med don tha dad min/ /de ni de nyid mtshan nyid do/ /zhes bya ba smras te/ des ni re zhig don dam pa? pa'i de kho na'i mtshan nyid bstan to/ /de dag nyid bye brag tu bshad pa bstan pa'i phyir/ de la gzhan las shes min zhes bya ba ni/ 'di la gzhan las zhes pa med pa ste/ /lung med par bdag gi mngon sum du 'gyur zhing bdag nyid kyis rang rig par bya ba zhes bya ba'i tha tshig go zhes bya ba smras te/ don dam pa 'di la gang zag gzhan las shes pa med pa ste/ gzhan gyi lung med par bdag gi mngon sum du 'gyur zhing bdag nyid kyis rang rig par bya ba yin no zhes bya ba'i tha tshig go /zhi ba zhes bya ba ni ngo bo nyid dang bral ba'i phyir te/ dngos po'i ngo bo nyid dang khyad par gyi yul la rnam par rtog pa'i spyod yul ma yin pa'i phyir ro zhes bya ba ni ngo bo nyid stong pa pa'i phyir dngos po'i ngo bo nyid dang khyad par gyi yul la rnam par rtog pa ma zhi ba'i spyod yul ma yin pas zhi ba yin no/ /spros pa rnams kyis ma spros pa zhes bya ba ni mngon par brjod pa'i mtshan nyid kyi spros pa nye bar zhi ba'i phyir ro zhes bya ba ni/ 'jig pa'i spros pa gang la mngon par brjod pa'i mtshan nyid yod pa'i spros pa de nye bar zhi ba'i phyir te/ 'jig rten gyi chos rnams dang bral ba zhes bya ba'i tha tshig go /rnam par rtogs pa med pa zhes bya ba ni snang ba med pa nyid kyis 'di dang 'di'o zhes rnam par ma brtogs pa'i phyir ro zhes bya ba ni gang la yul snang ba dang bral ba de ni snang ba med pa'i/ /de'i dngos po ni snang
- 101a
ba med de nyid de/ des 'di ni kha dog go /'di ni dbyibs so zhes bya ba la sogs pa lta bu rnam par brtags pa'i phyir rnam par rtog pa med pa zhes bya ba'o/ /don tha dad pa ma yin pa zhes/ bya ba ni chos nyid do gcig pa'i phyir don dbyer med pa de zhes bya ba ni/ chos nyid kyi ro stong pa nyid ces bya bar gcig pa'i phyir dmigs su med pas don dbyer med pa'i phyir don tha dad pa ma yin pa zhes bya'o/ /de ni de kho na'i mtshan nyid yin no zhes bya ba ni don snga ma lnga po dag gi mjug pa sdu ba ste/ de ni de'i mtshan nyid do zhes bya ba dang sbyar ro/ /da ni tshig gi don lnga po de dag gi mtshams sbyar ba bstan pa'i phyir/ de la gang gi phyir rnam par rtog pa med pa de'i phyir spros pa rnams kyis ma spros pa'o zhes bya ba ni/ 'di ltar rnam par rtog pas kun nas bslang ba las mngon par brjod pa'i mtshan nyid kyi spros pa 'byung ba'i phyir ro/ /gang gi phyir spros pa rnams kyis ma spros pa de'i phyir zhi ba'o zhes bya ba ni/ 'di ltar spros pa dag mi 'jug pa nyid zhi ba zhes brjod pa'i phyir ro/ /gang gi phyir zhi ba de'i phyir rnam par mi rtog pa'i ye shes kyi spyod yul lo zhes bya ba ni 'di ltar ma zhi ba nyid la rnam par rtog pa'i shes pa don tha dad pa'i yul can skye ba'i phyir ro/ /gang gi phyir rnam par mi rtog pa'i ye shes kyi spyod yul yin pa de'i phyir gzhan las shes pa ma yin no zhes bya ba ni 'di ltar gzhan las shes pa la rnam par rtog pa 'byung ba'i phyir ro/ /gang gzhan las shes pa ma yin pa de la tshigs mi 'jug pas de'i phyir/ de kho na'i ngo bo nyid ni tshig gis sgro btags pa las yang dag par 'das pa yin no zhes bya ba ni 'di ltar tshig tu brjod par bya ba yin na gzhan las shes pa nyid du 'gyur bas de'i phyir/ de kho na'i ngo bo nyid ni tshig gi sgro btags pa las yang dag par 'das pa yin pas de ni brjod par bya ba ma yin no//
- 101b
de ni brjod par mi nus mod kyi zhes bya ba la sogs pas ni/ de ltar de kho na'i mtshan nyid de ni brjod par mi nus mod kyi/ 'on kyang kun rdzob kyi tha snyad du dngos po thams cad kyi ngo bo nyid dang khyad par dgag pa ston pa'i bshad pa yi ge la brten te 'byung bas? don dam pa pa'i de kho na thabs kyi sgo nas bstan to zhes bya bar sbyar ro/ /de nyid bstan pa'i phyir dngos po thams cad kyi ngo bo nyid dang khyad par dgag pa'i ston pa'i bshad pa de kho na'i ngo bo nyid rtogs par nus pa/ rnam par mi rtog pa'i shes pa skye ba med pa'i tshul gyis skye ba dang rjes su mthun pa/ yi ger sgro btags pa las 'byung bar 'gyur te zhes bya ba smras te/ de la dngos po thams cad kyi ngo bo nyid dang khyad par dgag pa ston pa'i bshad pa zhes bya ba ni khyad par gyi gzhi yin la/ de kho na'i ngo bo nyid rtogs par nus pa rnam par mi rtog pa'i shes pa skye ba med pa'i tshul gyis skye ba dang rjes su mthun pa zhes bya ba dag ni bshad pa de'i khyad par yin no/ /de lta bu'i khyad par dang ldan pa'i bshad pa de sgo gang nas 'byung bar 'gyur zhe na/ yi ger sgro btags pa las 'byung bar 'gyur te/ kun rdzob kyi tha snyad du de lta bu'i bshad pa yi ge la brten te 'byung bas don dam pa pa'i de kho na thabs kyis bstan to zhes bya bar sbyar ro/ /de ltar de kho na rang rig par bya ba thabs kyi sgo nas bstan pas mtshan nyid ma bstan pa ma yin pa'i phyir ci? 'dri ba nyid ma yin pas skyon gdags su med do zhes bya ba ni phyogs snga ma'i lan gyi mjug bsdu ba yin no/ /de ltar re zhig don dam pa pa'i de kho na bstan to zhes bya ba ni/ gzhan las shes min zhi ba dang/ /spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /zhes bya ba de ni re zhig don dam pa pa'i de kho na'i mtshan nyid bstan pa yin no zhes bya bar sbyar ro/ /de ni kun rdzob pa bshad par bya ste zhes bya ba la sogs pas ni//
- 102a
kun rdzob pa'i de kho na'i mtshan nyid ston to/ /de nyid bstan pa'i phyir/ gang las brten tu gang 'byung ba/ /de ni re zhig de nyid min/ /rgyu gang la brten te 'bras bu gang byung ba de ni re zhig de nyid ma yin te/ rgyu las 'bras bu gzhan ma yin pa nyid ma yin no zhes bya pa'i tshig go zhes bya ba smras te/ dper na sa bon la brten te myu gu 'byung ba ni sa bon gang kho na yin pa de myu gu kho na ma yin pa bzhin no/ /de nyid kyi tshad ma bstan pa'i phyir/ rgyu las 'bras bu gzhan ma yin pa de nyid ma yin no zhes shes par byar nus te/ blo tha dad pas shes par bya ba yin pa'i phyir/ dper na rtogs pa dang rtogs par bya ba bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rtog pa dang rtogs par bya ba ni blo tha dad pas shes par bya ba yin pa'i phyir/ de nyid gcig pa nyid ma yin pa de bzhin du rgyu dang 'bras bu yang blo tha dad pas shes par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rtog pa dang rtogs par bya ba ni blo tha dad pas shes par bya ba yin pa'i phyir/ de nyid gcig pa nyid ma yin pa de bzhin du rgyu dang 'bras bu yang blo tha dad pas shes par bya ba yin pa'i phyir de gnyis kyang gcig pa nyid ma yin no/ /de nyid kyi 'thad pa gzhan bstan pa'i phyir/ yang na rgyu gang la brten te 'bras bu gang byung ba de ni re zhig de nyid ma yin te/ rgyu'i bdag nyid las mi skye bar thal bar 'gyur ba'i phyir ro zhes bya ba smras te/ gal te rgyu dang 'bras bu gnyis gcig pa nyid yin par gyur na rgyu'i bdag nyid las rgyu nyid mi skye ba de bzhin du rgyu'i bdag nyid las 'bras bu yang mi skye bar thal bar 'gyur ba'i phyir de ni mi 'dod do/ /da ni rgyu dang 'bras bu gnyis gzhan nyid kyang ma yin par bstan pa'i phyir/ de las gzhan pa 'ang ma yin pa de'i phyir zhes bya ba smras te/ dper na sa bon las gzhan pa myu gu'i ngo bo nyid med pa'i phyir/ sa bon las myu gu gzhan pa'ang ma yin pa bzhin no/ /de nyid kyi 'thad pa gzhan bstan pa'i phyir/ gang las brten te
- 102b
gang 'byung ba/ /de ni de las gzhan pa'ang ma yin te zhes shes par byar nus te/ rgyu ma yin pa las mi skye ba bzhin du rgyu las kyang 'bras bu mi skye bar thal bar 'gyur ba'i phyir ro zhes bya ba smras te/ gal te sgyu dang 'bras bu gnyis gzhan nyid yin par gyur na ji ltar 'bras kyi rgyu ma yin pa nas las 'bras mi skye ba de bzhin du/ 'bras kyi rgyun 'bras kyi sa bon nyid las kyang 'bras kyi myu gu mi skye bar thal bar 'gyur ba'i phyir yang de ma 'dod do/ /de nyid kyi tshad ma bstan pa'i phyir/ yang na rgyu las 'bras bu gzhan pa'ang ma yin te/ zhes bya bar shes par bya ste/ rgyu dang 'bras bur 'brel na brten te 'byung ba'i phyir rgyu'i rang gi bdag nyid bzhin no zhes rjes su dpag pa'i phyir ro zhes bya ba smras te/ de dag kyang chos can dang/ bsgrub pa bya ba chos dang/ sgrub pa'i chos dang/ dpe yin par go rim bzhin du sbyar te/ dper na rgyu rang gi bdag nyid ni rang gi rgyu dang 'bras bur 'brel na brten te byung ba'i phyir rang gi bdag nyid las rang nyid gzhan nyid ma yin pa de bzhin du/ rgyu dang 'bras bu gnyis kyang 'brel na brten te byung ba'i phyir rgyu las 'bras bu gzhan pa nyid kyang ma yin no/ /gtan tshigs kyi sbyor ba khyad par dang bcas pa yin pa'i phyir/ de las gzhan pa la brten te 'byung pa'i 'bras bu dag gis ma nges pa nyid kyang ma yin no zhes bya bas ni/ rjes su dpag pa snga ma'i gtan tshigs kyi sbyor ba la rgyu dang 'bras bud 'brel na zhes bya ba dang brten te byung ba'i phyir zhes bya ba tshig gnyis smras pa ni/ gal te rgyu dang 'bras bur 'brel na zhes bya pa'i khyad par ma smos par brten te 'byung ba'i phyir zhes bya ba de tsam zhig smos par gyur na pha rol po dag 'di skad ces 'di na brten te byung yang gzhan yin pa nas kyi sa bon dang 'bras kyi myu gu dag snang bas des na ci re zhig brten te byung ba'i phyir/ dper na nas kyi sa bon las 'bras kyi myu gu gzhan
- 103a
nyid yin pa de bzhin du rgyu las 'bras bu gzhan nyid yin par 'gyur te/ 'on te brten te byung ba'i phyir dper na nas kyi sa bon las nas kyi myu gu gzhan nyid ma yin pa bzhin du rgyu dang 'bras bu gzhan nyid ma yin par 'gyur pa ma nges pas dbu ma pa'i gtan tshigs de ma grub po zhes zer par 'gyur bas ma nges pa nyid kyi skyon de bsal ba'i phyir/ rgyu dang 'bras bur 'brel na brten te byung ba'i phyir zhes gtan tshigs kyi sbyor pa khyad par bcas pa byas te/ de'i phyir nas kyi sa bon de las gzhan pa 'bras kyi sa bon la brten te byung ba'i 'bras bu myu gu dang nas kyi sa bon dag brten te byung yang rgyu dang 'bras bur ma 'brel pas gzhan yin pa lta bu dag gis ma nges pa nyid ma yin te/ nas kyi sa bon dang nas kyi myu gu rgyu dang 'bras bur 'brel pa yang yin la/ brten te 'byung ba yang yin pa'i phyir de gnyis gzhan pa nyid ma yin pa 'dir gtan tshigs su byed pa de ma nges pa nyid ma yin no zhes bstan to/ /phyir zhes bya pa'i sgra ni gtan tshigs kyi don te zhes bya ba ni tshig le'ur byas pa'i rtsa ba 'das ma thag pas/ de las gzhan pa 'ang ma yin phyir zhes bya ba de'i 'jug nas phyir zhes bya ba'i sgra smos?? pa ni 'og nas/ de'i phyir chad min rtag pa zhes 'byung ba de sgrub pa'i gtan tshigs kyi don yin par sbyar ro/ /de nyid bstan pa'i phyir gang gi phyir de ltar rgyu las 'bras bu de nyid kyang ma yin la/ gzhan pa yang ma yin pa de'i phyir/ de'i phyir chad min rtag pa min zhes bya ba smras so/ /de nyid bye brag tu bshad pa bstan pa'i phyir/ 'di la gang gi phyir rgyu zhig kyang 'bras bu skye bas rgyun gyis nges par gnas shing rgyun zhig kyang 'bras bu de ma 'jig pa'i phyir gzhan nyid ma yin pas chad pa ma yin la/ gang gi phyir 'bras bu'i dus na rgyu 'jig cing rgyu de zhig kyang 'bras bu nam yang mi
- 103b
'jig pas de'i phyir de nyid ma yin pas rtag pa yang ma yin te zhes bya ba smras te/ de ltar gang gi phyir gang las brten te gang byung ba de nyid kyang ma yin la/ de de las gzhan pa'ang ma yin pa de'i phyir chad pa yang ma yin la rtag pa yang ma yin no/ / 'di ltar sa bon nyid myu gu yin par gyur na sa bon rtag par 'gyur ro/ /gang gi phyir sa bon nyid myu gu ma yin pa de'i phyir sa bon rtag pa ma yin no/ /gal te sa bon yang gzhan nyid la myu gu yang gzhan yin par gyur na/ de lta na sa bon rnam pa thams cad du rgyun chad par 'gyur ro/ /gang gi phyir sa bon las myu gu gzhan ma yin pa de'i phyir sa bon chod pa ma yin no/ /de nyid kyi khungs slob dpon 'phags pa lhas mdzad pa bstan pa'i phyir/ ji skad du/ gang phyir dngos po 'jug 'gyur pa/ /des na chad par mi 'gyur ro/ /gang phyir dngos po ldog 'gyur pa/ /des na rtag par mi 'gyur ro/ /zhes bshad pa lta bu'o zhes bya ba smras so/ /yang na kha cig na de chos nyid rjes su 'jug pa'i phyir chad pa ma yin la/ chos rnam par zlog pa'i phyir rtag pa ma yin no zhes zer ro zhes bya ba ni/ 'grel pa byed pa nyid na de 'bras bu zhes bya ba'i chos nyid rjes su 'jug pa'i phyir chad pa ma yin la/ rgyu zhes bya ba'i chos rnam par ldog pa'i phyir rtag pa ma yin no zhes zer ba'i tshig yin no/ /de ltar de kho na'i mtshan nyid don dam pa pa dang kun rdzob pa bstan nas da ni de kho na'i mtshan nyid bstan pa de ni sangs rgyas bcom ldan 'das kyi bstan pa bdud rtsi yin pas de nan tan gyi bsgrub par bya ba bstan pa'i phyir/ de'i phyir de ltar don gcig min don tha dang min/ /chad pa ma yin rtag min pa /de ni sangs rgyas 'jig rten gyi/ mgon pa'o bstan pa bdud rtsi yin/ /zhes bya ba smras te/ de ltar mtho ris dang byang grol gyi lam rnam par 'byed pa/ don gcig pa mi yan pa/ don tha dad pa ma yin pa/
- 104a
chad pa ma yin pa/ rtag pa ma yin pa/ gcig pa dang tha dad pa dang/ chad pa dang rtag pa'i skyon las phyi rol tu gyur pa/ mchog tu zab pa/ don dam pa'i de kho na gsal bar byed pa de ni 'jig rten dang/ 'jig rten las 'das pa'i bde ba thob par bya ba'i phyir sangs rgyas bcom ldan 'das thams cad mkhyen pa/ thams cad gzigs pa/ stobs bcu'i stobs dang ldan pa/ 'jig rten gyi mgon po rgyu med par sems can la byams pa rnams kyi bstan pa bdud rtsi yin te de bsgrub par bya'o/ /de nyid bstan pa'i phyir/ bdud rtsi zhes bya ba ni bdud rtsi'i go 'phang thob pa'i rgyu yin pa'i phyir te/ byang chub sems dpa' bsod nams dang ye shes kyi tshogs dpag tu med pa dang ldan pa rnams kyis de rtogs nas 'gro ba mdza' dag la phan pa bskyed pa'i phyir/ rab tu brtson par byed pa na yang dag par rdzogs pa'i sangs rgyas nyi ma dag tu gyur nas gsung gi 'od zer dag gis sems can bskal pa dang ldan pa rnams kyi blo gros kyi pad+ma dag kha 'byed par mdzad pa dang/ nyan thos rnams kyis kyang thos pa dang bsams pa dang/ bsgoms pa las byung ba'i shes pa yongs su 'dris par byas pas tshe 'di nyid la mya ngan las 'das pa mngon sum du byed pa'i phyir sdug bsngal thams cad nye bar zhi ba ni bdud rtsi yin no zhes bya ba smras te sangs rgyas bcom ldan 'das kyi bstan pa don dam pa'i de kho na gsal bar byed pa 'di ni mya ngan las 'das pa bdud rtsi'i go 'phang 'thob pa'i rgyu yin pa'i phyir bdud rtsi zhes bya ste/ de yang byang chub sems dpa' bsod nams dang ye shes kyi tshogs dpag tu med pa dang ldan pa rnams kyi ni gang zag dang chos bdag med pa'i de kho na rtogs nas 'gro ba mdza' yas ba la phan ba bskyed pa'i phyir/ rab tu brtson par byed pa na bdag nyid bla na med pa yang dag par rdzogs pa'i sangs rgyas nyi ma lta bur gyur
- 104b
nas gsung gi 'od zer dag gis sems can skal pa dang ldan pa rnams kyi blo gros kyi pad+ma dag kha 'byed par mdzad pas/ bdag dang gzhan gyi mi gnas pa'i mya ngang las 'das pa bdud rtsi'i go 'phang 'thob pa'i rgyu yin pa'i phyir bdud rtsi zhes bya'o/ /nyan thos rnams kyis kyang thos pa dang/ bsams pa dang/ bsgoms pa las byung pa'i shes pa yongs su 'dres par byas pa gang zag bdag med pa'i de kho na rtogs nas tshe 'di nyid la mya ngan las 'das pa mngon sum du byed pa'i phyir/ rang gi yul thams cad nye bar zhi ba'i mya ngan las 'das pa bdud rtsi'i go 'phang 'thob pa'i rgyu yin pa'i phyir bdud rtsi zhes bya'o/ /gang gi tshe 'ga' zhig rgya la tshe 'di la tshogs ma bsags pa nyid kyi thar pa thob par ma gyur na de lta na yang tshe rabs gzhan dag la de la nges par 'grub ste zhes bya bas ni/ nyan thos gang dag tshogs ma byas pa nyid kyis 'phral la grub ba de dag la yang tshe rabs gzhan dag la nges par 'gyur ro zhes bstan to/ /de nyid kyi khung slob dpon 'phags pa lhas mdzad pa bstan pa'i phyir/ ji skad du/ de nyid shes pa 'di la ni/ /'dod chags bral ba ma thob kyang/ /tshe rabs gzhan la 'bad med par/ /nges par 'thob ste las bzhin no zhes bshad pa lta bu'o zhes bya ba smras te/ nyan thos kyi rnal 'byor ba de kho na shes pa la tshe 'di la 'dod chags dang bral ba ma thob kyang tshe rabs gzhan la 'bad pa med par nges par 'thob ste/ dper na las gyi rnam par smin pa bzhin no/ /ji ste yang rgyu la/ rdzogs sangs rgyas rnams ma byung zhing/ /nyan thos rnams ni zad gyur kyang/ /de kho na shes pa skye pa'i rkyen dang mi ldan du zin kyang de lta mod kyi tshe rabs gzhan la rab tu dben pa'i? shes pa goms par byas pa'i bag chags bsags pas blo gros sbyangs pa rnams la gzhan gyi rkyen med par/ rang sangs rgyas kyi ye shes ni/ /brten pa med las rab tu skye/ /brten
- 105a
ba med pa ni lus dang sems rab tu dben pa ste/ de'i phyir brten pa med pa'i rgyu de las rab tu skye ste/ 'du 'dzi med pa'i rgyu las 'byung ngo zhes bya ba'i tha tshig go zhes bya bas ni nyan thos kyi rnal 'byor pa yang dag pa'i mdza' mngon sum du byed pa dag ni yang dag par rdzogs pa'i sangs rgyas rnams sam/ 'phags pa nyan thos gzhan dag la brten pa'i rkyen gyis 'dod chags dang bral ba nyid 'thob pa yin mod kyi/ ci ste yang rgyu la nyan thos kyi rnal 'byor pa gang dag che 'di la de kho na shes pa goms par byas pa dag cung zad tshogs ma rdzogs pa nyid kyis 'dod chags dang bral ba nyid ma thob ste/ tshe rabs gzhan dag la yang dag pa'i mdza' mngon sum du byed par 'gyur ba'i tshe na/ yang dag par rdzogs pa'i sangs rgyas rnams ma byung dam/ nyan thos rnams zad par gyur te/ de kho na shes pa skye ba'i rkyen dang mi ldan du zin kyang tshe rabs snga ma gzhan la rab tu dben pa'i shes pa goms par byas pa'i bag chags bsags pas blo gros sbyangs pa rnams la rang sangs rgyas kyi ye shes gzhan las shes pa ma yin pa brten pa med pa tsam gyi rkyen las rab tu skye bar 'gyur ro zhes bstan to/ /de'i phyir bstan pa bdud rtsi de ni de sgrub pa pa rnams la tshe 'di dang tshe phyi ma dag la bdud rtsi'i go 'phang 'thob par byed pa yin pas bdag legs par 'dod pa rnams kyis bsam pa thag pas de bsgrub par bya'o zhes bya ba ni bstan pa bdud rtsi 'di gzhan dag yang dag par 'dzin du gzhug pa'i tshig yin te/ de'i phyir bstan pa bdud rtsi de ni de bsgrub pa rnams la rang rang gi dbang po dang/ bsam pa dang/ bag la nyal dang/ tshogs dang/ theg pa dang/ rkyen gyis stobs ji lta ba bzhin du nyan thos dang/ byang chub sems dpa' i theg pa pa rnams la cha 'di dang tshe phyi ma dag la bdud rtsi'i go 'phang 'thob
- 105b
par byed pa yin pas/ rnal 'byor pa bdag legs par 'dod pa yongs su rtog pa dang ldan pa 'khor ba'i dgon pa spong bar 'dod pa bdud rtsi'i go 'phang thob par 'dod pa rnams kyi bsam pa thag pas 'di nyid 'bad pas bsgrub par bya ste/ 'di kho na las don dam pa nges par 'grub bo/ /de la 'di rab tu byed pa'i don ni gzhan gyis smras pa'i sgrub pa bsal ba dang bdag nyid kyis sgrub pa kha na ma tho ba med pa bstan pas 'du byed rnams bdag dang bdag gis stong pa nyid du bstan pa yin no zhes bya ba ni mjug bsdu ba dang tshad ma'i 'bras bu yin te/ bdag dang chos brtag pa'i rab tu byed pa bco brgyad pa'i skabs 'dir rab tu byed pa'i don tshad ma'i 'bras bur blta ba ni rang gi sde pa dang gzhan dag gis gang zag dang chos bdag yod par smras pa'i sgrub pa bsal ba dang/ bstan bcos mdzad pa bdag nyid kyis gang zag dang chos bdag med pa'i sgrub pa kha na ma tho ba med pa bstan pas 'du byed rnams bdag dang bdag gis stong pa nyid du bstan pa yin no/ /bdag dang chos ngo bo nyid stong pa nyid du bstan pa la yon tan ci yod pa dang/ de bstan pa 'di la gzhan dag na re rtog ge skam po'i bstan bcos tsam nyid ces bsgrubs so zhes zer ba bsal ba'i phyir 'dir yid ches pa'i lung gi khungs kyang bsgrub par bya ste/ de'i phyir bcom ldan 'das ma shes rab kyi pha rol tu phyin pa rab kyi rtsal gyis rnam par gnon pas zhus pa las/ rab kyi rtsal gyis rnam par gnon pa gzugs ni bdag gam bdag med pa ma yin no/ /de bzhin du tshor ba dang/ 'du shes dang/ 'du byed rnams dang/ rnam par shes pa yang dag gam bdag med pa ma yin no/ /gzugs dang/ tshor ba dang/ 'du shes dang/ 'du byed rnams dang/ rnam par shes pa bdag kam? bdag med pa nyid ma yin pa gang yin pa de ni shes rab kyi pha rol tu phyin
- 106a
pa'o zhes bya ba la sogs pa gsungs pa de dag grub pa yin te/ des ni chos bdag med pa bstan pa'i yon tan dang khungs bstan to/ /de bzhin du mdo sde gzhan dag las/ 'di la bdag med sems can med/ /srog kyang yod med gang zag med/ /lus 'di khams rnams 'dus tsam du/ /bdag la da ltar rab tu snang/ zhes bya ba la sogs pa dang de bzhin du/ mdo sde gzhan dag las/ 'di la bdag dang sems can med/ /chos 'di dag ni rgyu dang bcas/ zhes bya ba la sogs pa dang/ de bzhin du/ mdo sde gzhan dag las/ srid mo gzhan yang khyod kyi lus 'di la bdag med sems can med skyes bu med gang zag med shed bu med tshor ba po med byed pa po med do zhes bya ba la sogs pa gsungs pa de dag grub pa yin no zhes bya bas ni/ gang zag bdag med par bstan pa'i yon tan khungs bstan to/ /de ltar yid ches pa'i khungs de dag grub pa ni bdag dang chos ngo bo nyid med pa nyid du bstan pa'i yon tan gyi khungs yin no/ /de dag bstan bcos 'dis rnam par bshad par bya'i yul nyid du bstan pa yang slob dpon gyi zhal snga nas kyi mkhyen rlabs dang 'grel ba byed pa'i shes rgya nyid yin no/ /slob dpon legs ldan byed kyis nye bar sbyar ba dbu ma rtsa ba'i 'grel pa shes rab sgron ma las/ bdag dang chos brtag pa zhes bya ba ste rab tu byed pa bco brgyad pa rgya cher 'grel pa slob dpon spyan ras gzigs brtul zhugs kyis nye bar sbyar ba rdzogs so/ //da ni stong pa nyid kyi mi mthun pa'i phyogs kyi khyad par dgag pas dus ngo bo nyid med pa nyid du bstan pa'i don gyi dbang gis rab tu byed pa bcu dgu pa brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang/ gzhung 'og nas 'byung ba dang sbyar ba'i don du blta ste/ tshig
- 106b
gi don ni snga ma bzhin no/ /de la dam bcas pa la 'jug pa'i rgyu'i don gyi dbang du byas nas/ da ni stong pa nyid kyi mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dang po brtsam pa'i skabs su dngos po thams cad skye ba med par dam bca' ba mdzad pas/ 'dir yang bstan bcos mdzad pas ji ltar dam bcas pa de la 'jug pa'i don gyi dbang du byas nas de skad smras te/ stong pa nyid ni rang gi phyogs yin no/ /de'i mi mthun pa'i phyogs ? phyir rgol ba'i phyogs yin te/ 'di lta ste dngos po rnams ngo bo nyid yod pa nyid du smra ba yin no/ /de'i khyad par zhes bya ba ni pha rol pos dngos po rnams ngo bo nyid yod pa nyid du smras pa'i phyogs snga ma nye bar bzhag pa 'og nas don dam par dngos po rnams kyi ngo bo nyid yod pa kho na yin te/ gsal ba'i rgyu yod pa'i phyir dper na mar me bzhin no zhes bya ba la sogs pa dngos po rnams kyi ngo bo nyid yod par sgrub pa'i gtan tshigs dngos po rnams kyi ngo bo nyid ni dus gsum gsal bar byed pa'i rgyu yin pa'i phyir ro zhes bya ba la sogs pa 'byung ba dag yin no/ /de dgag pa zhes bya ba ni dgag pa'i dbang du byas nas rab tu byed pa bcu dgu pa brtsam mo zhes bya bar sbyar ro/ /gzhung 'og nas 'byung ba dang sbyar ba'i dbang du byas nas/ dus ngo bo nyid med pa nyid du bstan pa'i don gyi dbang gis rab tu byed pa bcu dgu pa brtsam mo zhes bya ba smras te/ dus brtag pa'i rab tu byed pa bcu dgu pa'i gzhung 'og nas 'byung ba 'di'i don ni dus ngo bo nyid du bstan pa yin pas de'i dbang du byas nas de skad smras so/ /rab tu byed pa 'di'i 'bras bu ni gang yin/ rnam pa gang gis ni 'bras bu de 'thob ce na/ dus ngo bo nyid med pa nyid du bstan pa ni 'di'i 'bras bu yin la/ stong pa nyid kyi mi mthun pa'i phyogs kyi khyad par dgag pa'i rnam pas ni 'bras bu de 'thob pas de'i phyir/ 'grel
- 107a
pa byed pas rab tu byed pa'i mtshams sbyar ba'i skabs 'dir thabs las byung pa'i 'bras bu dang po kho na bstan to/ /stong pa nyid kyi mi mthun pa'i phyogs kyi khyad par zhes smos pa de nyid bstan pa'i phyir/ 'dir smras pa/ don dam par dngos po rnams kyi ngo bo nyid yod pa kho na yin te/ gsal pa'i rgyu yin pa'i phyir dper na mar ma bzhin no/ /gang yod pa ma yin pa de ni gsal ba'i rgyu ma yin te/ dper na rus sbal gyi sbu'i gos bzhin no/ /dngos po rnams kyi ngo bo nyid ni dus gsum gsal bar byed pa'i rgyu yin pas de'i phyir de ni yod pa kho na yin no zhes bya ba smras so/ /de dag ni chos can dang/ bsgrub par bya ba chos dang/ sgrub pa'i chos dang chos mthun pa'i phyogs kyi dpe dang/ chos mi mthun pa'i phyogs kyi dpe dang/ nye bar sbyar pa'i sbyor ba dang/ mjug bsdu ba yin par go rim bzhin du sbyar te/ 'di na dus sbal gyi sbu'i gos lta bu gang yod pa ma yin pa de ni dus gsum gsal bar byed pa'i rgyu ma yin pas de ni yod pa ma yin gyi/ mar me lta bu bum pa gsal bar byed pa'i rgyu yin pa de ni yod pa kho na yin pa de bzhin du dngos po rnams kyi ngo bo nyid kyang dus gsum gsal bar byed pa'i rgyu yin pas de yang yod pa kho na yin no zhes zer te/ de ni 'di na dus yod par smra ba bye brag pa la sogs pa dag gi gzhung las dus zhes bya ba dngos po rnams kyi ngo bo nyid las don gzhan du gyur pa'i tshig gi don rtag bar yod la/ dngos po rnams kyi ngo bo nyid kyi bya ba sngar 'das pa dang/ da dung ma 'ongs pa dang/ da ltar 'jug pa'i gnas skabs kyi bye brag gis ? 'das pa'i dus so 'di ni ma 'ongs pa'i dus so 'di ni da ltar gyi dus so zhes gsal bar byed pas des na dus kyang dngos po'i ngo bo nyid las don gzhan du gyur pa'i tshig gi don rtag par yod do/ dngos po rnams kyi ngo bo nyid kyang dus gsum gsal
- 107b
bar byed pa'i rgyu yin pas bya ba dang ldan pa'i phyir yod pa kho na yin no zhes zer ba'i gzhung yin no/ /stong pa nyid gyi mi mthun pa'i phyogs kyi khyad par de dgag pas dus ngo bo nyid med pa nyid du bstan pa'i phyir/ de skad ces zer ba de'i lan du 'gol pa byed pa? nyid kyis 'dir bshad pa/ tha snyad kyi khongs su gtogs pa'i 'du byed de dag gi skye ba gang yin pa de bya ba zhes bya ste/ de yang dngos po'i bdag nyid skye ba yin pas dngos po de dag nyid rgyu dang 'bras bu spyad pa dang ma spyad pa las 'das pa dang/ ma 'ongs pa dang/ da ltar gyi dus zhes brjod de/ de'i phyir tha snyad du bya ba gzhan yongs su gcod pa'i bya ba nyid la dus shes zhes khas len te/ dper na ba 'dzos? tsam gyis 'ongs nas brjod le'u glags so zhes bya ba bzhin no zhes bya ba smos te/ skabs 'dis ni sangs rgyas pa/ dag gi gzhung las kun rdzob kyi tha snyad du yang dngos po rnams kyi ngo bo nyid la bya ba rdzas su grub pa med la/ dngos po rnams kyi ngo bo nyid las logs shig na dus zhes bya ba don gzhan du gyur pa'i tshig gi don rtag pa yang med pas de'i phyir dngos po rnams kyi ngo bo nyid ni dus gsal bar byed pa'i rgyu ma yin pas/ pha rol po'i dam bcas pa dang gtan tshigs dag mi 'grub par ston te/ de yang ji lta bu zhe na/ sangs rgyas pa dag gi gzhung las tha snyad kyi khongs su gtogs pa'i 'du byad phung po lnga zhes bya ba de dag gi sngon ma byung ba las 'byung ba'i skye ba gang yin pa de ni bya ba zhes bya ste/ skye ba'i bya ba de yang dngos po'i bdag nyid rgyu dang rkyen las sgyu ma tsam du skye ba nyid yin gyi/ de las logs shig na rdzas su grub pa med pas dngos po de dag nyid rgyu dang 'bras bu gnyi ga spyad pa las ni 'das pa zhes brjod da/ gnyi ga ma spyad pa las 'di ma 'ongs pa zhes brjod/ rgyu spyad pa 'bras bu ma spyad pa 'am/ rgyu dang 'bras bu gnyis srang mda'i mthod man bzhin du 'jug bzhin pa las ni da ltar gyi dus zhes brjod de/ de'i phyir tha snyad
- 108a
du skye ba'i bya ba dngos po'i bdag nyid skye ba de nyid kyis bya ba gzhan yongs su gcod cing sel bar byed pa nyid la/ dus zhes khas len te/ dper na ba 'jos tsam gyis 'ongs pa'i bya bas bya ba gzhan yongs su gcod pa'i bya ba nyid la dus zhes gdags pa dang/ de tsam gyi bya ba nyid kyis brjod le'u glags pas bya ba gzhan yongs su gcod pa'i bya ba de nyid la dus zhes gdags bar zad kyi/ de la ma gtogs par logs shig nas dngos po las don gzhan du gyur pa'i bya ba yang med la/ dus kyang med pas dngos po rnams kyi ngo bo nyid ni dus gsum gsal bar byed pa'i rgyu ma yin pas de'i phyir/ pha rol po dag gi dam bcas pa dang gtan tshigs dag tha snyad du yang sangs rgyas pa dag gi phyogs la ma grub bo zhes bstan to/ /don dam par ni ji ltar mi 'thad pa de ltar dpyad par bya ste zhes bya ba la sogs pas ni don dam par dngos po rnams kyi ngo bo nyid la yang skye ba'i bya ba gzhan med la/ dngos po rnams las dus zhes bya ba'i tshig gi don gzhan du gyur ba dang/ rtag pa yang med pas pha rol po dag gi dam bcas pa dang/ gtan tshigs dag ji ltar mi 'thad pa de ltar dpyad par bya ba ston to/ /'di la dus yod par smra ba dag 'dus byas kyi dngos po rnams las dus gzhan pa dang/ rtag par smra ste zhes bya ba ni pha rol po'i gzhung brnan pa ston te/ 'di na dus yod par smra pa bye brag pa la sogs pa dag gi gzhung las dus zhes bya ba 'dus byas kyi dngos po rnams las don gzhan du gyur pa'i tshig gi don rtag pa yod la/ dngos po rnams kyi ngo bo nyid kyi bya ba sngar 'das pa dang/ da dung ma 'ongs pa dang/ da ltar 'jug pa'i gnas skabs kyi bye brag gi 'di ni 'das pa'i dus so/ /'di ni ma 'ongs pa'i dus so/ /'di ni da ltar gyi dus so zhes gsal bar byed pa des na dus kyang dngos po'i ngo bo nyid las don gzhan du gyur pa'i tshig gi
- 108b
don rtag par yod la/ dngos po rnams gyi ngo bo nyid kyang dus gsum gsal bar byed pa'i rgyu yin pas bya ba dang ldan pa'i phyir yod pa kho na yin no zhes zer ro/ /de la re zhig don dam par dus 'dus byas kyi dngos po rnams las gzhan par mi 'thad par rjes su dpag pa bstan pa'i phyir/ de la don dam par dus ni 'dus byas kyi dngos po rnams las don gzhan du gyur pa ma yin par gzung bar bya ste/ dngos po yin pa'i phyir 'dus byas kyi dngos po'i bdag nyid bzhin no zhes bya ba smras te/ de dag ni chos can dang bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na 'dus byas kyi dngos po'i bdag nyid ni dngos po yin pa'i phyir 'dus byas kyi dngos po rnams las don gzhan du gyur pa ma yin par gzung par bya ba de bzhin du/ dus kyi dngos po yin pa'i phyir dus kyi dngos po rnams las don gzhan du gyur pa ma yin par gzung bar bya'o/ /da ni don dam par dus rtag pa mi 'thad par rjes su dpag pa bstan pa'i phyir/ de bzhin du don dam par dus ni rtag pa ma yin te/ mtshan nyid kyi gzhi yin pa'i phyir dper na bum pa bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bum pa ni mtshan nyid kyi gzhi yin pa'i phyir rtag pa ma yin pa de bzhin du/ dus kyang mtshan nyid kyi gzhi yin pa'i phyir rtag pa ma yin no/ /gal te nam mkha' la sogs pa dag gis ma nges pa nyid yin no zhe na zhes bya ba ni pha rol po dag dbu ma pa'i gtan tshigs mtshan nyid kyi gzhi yin pa'i phyir zhes bya pa de ma nges pa nyid du skyon 'dogs pa'i tshig yin no/ /de dag na re 'di na nam mkha' la sogs pa dag kyang mtshan nyid kyi gzhi yin yang rtag par mthong bas des na ci re zhig mtshan nyid kyi gzhi yin
- 109a
pa'i phyir dper na bum pa bzhin du 'dus? kyang mi rtag par dam/ 'on kyang mtshan nyid kyi gzhi yin pa'i phyir/ dper na nam mkha' la sogs pa dag bzhin du dus kyang rtag par 'gyur pa ma nges pa nyid yin pas dbu ma pa'i gtan tshigs de ma grub po zhes zer ro/ /de skad ces zer ba de'i lan du/ 'dir 'grel pa byed pa nyid kyis/ de dag kyang de bzhin du bkag pa'i phyir mi mthun pa'i phyogs med pa des pa nyid ma yin no zhes bya ba smras te/ don dam par nam mkha' la sogs pa de dag kyang dus bzhin du bkag pa'i phyir mi 'thun pa'i phyogs med pas kho bo'i gtan tshigs de ma nges pa nyid ma yin no/ /de ltar gyi gzugs so snyam pa'i blo ni rang gi bdag nyid las gzhan pa'i dngos po dang 'brel pa'i tshig gi don gyi yul? can yin te/ yid ches pa skye pa'i phyir dper na dbyug pa can mang po dang nyung du dag la dbyug pa can dbyug pa can snyam du yid ches pa skye ba'i blo de la lhas byin la sogs pa'i rang gi bdag nyid las gzhan pa'i dngos po dbyug pa dang 'brel pa'i tshig gi don gyi yul yod par mthong ba bzhin no/ /de bzhin du 'dir yang gzugs lang ltar ro snyam du yid ches pa skye ba yod pas/ de'i phyir da ltar gyi gzugs so snyam pa'i blo 'di la yang rang gi bdag nyid las gzhan pa'i dngos po dang 'brel pa'i tshig gi don gyi yul yod de gzugs las gzhan pa'i tshig gi don gang yin pa de ni dus yin pas/ de'i phyir de ni gzhan yin no zhes bya ba ni 'dir yang dus yod par smra pa dag dus 'dus byas kyi dngos po rnams las gzhan yin par sgrub pa'i tshig yin te/ /de dag ni chos can dang/ bsgrub par bya ba chos dang/ sgrub pa'i chos dang/ dpe dang nye bar sbyar ba'i sbyor ba dang/ mjug bsdu ba yin par go rim bzhin du sbyar te/ dper na lhas byin la sogs pa
- 109b
'byug pa can mang po dang nyung du dag la dbyug pa can snyam du yid ches pa skye ba'i blo de la dbyug pa can lhas byin la sogs pa'i rang gi bdag nyid las gzhan pa'i dngos po dbyug pa dang 'brel pa'i tshig gi don gyi yul yod par mthong bas dbyug pa can snyam du yid ches pa skye ba'i blo de'i yul ba? dbyug pa can lhas byin gyi rang gi bdag nyid las gzhan pa dbyug pa zhes bya ba'i dngos po'i tshig gi don kyang logs shig na yod pas dbyug pa zhes bya pa'i dngos po'i tshig gi don de mi dbyug pa can gyi rang gi bdag nyid kyi dngos po las gzhan yin pa de bzhin du da ltar gyi gzugs la gzugs so snyam du yid ches pa skye ba'i blo de la yang de ltar gyi gzugs kyi rang gi bdag nyid las gzhan pa'i dngos po da ltar gyi dus dang 'brel pa'i tshig gi don gyi yul yod par mthong bas da ltar gyi gzugs so snyam du yid ches pa skye ba'i blo de'i yul la yang da ltar gyi gzugs kyi rang gi bdag nyid las gzhan pa da ltar gyi dus zhes bya ba'i dngos po tshig gi don kyang logs shig na yod pas da ltar gyi dus zhes bya ba'i dngos po'i tshig gi don de ni da ltar gyi gzugs kyi rang gi bdag nyid kyi dngos po las gzhan yin no/ /'di skad bstan te 'das pa dang/ ma 'ongs pa dang da ltar gyi dngos po la yid ches pa'i blo'i yul las 'das pa dang ma 'ongs pa dang/ da ltar gyi dngos po'i rang gi bdag nyid kyang yod la/ dngos po de dag gi rang gi bdag nyid las gzhan pa 'das pa dang ma 'ongs pa dang da ltar dus kyi dngos po'i tshig gi don kyang logs shig na yod pa de'i phyir/ dus gsum gyi 'dus byas kyi dngos po rnams las dus kyi dngos po'i tshig gi don gzhan nyid yin no zhes zer ro/ /de skad ces zer pa de'i lan du 'dir 'grel pa byed pa nyid kyis ni de la 'dir yid ches pa skye ba'i phyir/ zhes bya ba'i gtan tshigs kyi rang gi bdag nyid
- 110a
las gzhan pa'i dngos po dang 'brel pa'i tshig gi don la dus ma yin pa dang/ mi rtag pa'i mtshan nyid kyi tshig gi don mthong ba'i phyir yid ches pa skye bar rjes su dpog pas dus ma yin pa nyid dang rtag pa ma yin pa nyid kyis de dag gsal ba'i phyir dam bcas pa la chos can kyi ngo bo nyid dang khyad par bsal ba'i skyon yod do zhes bya ba smras te/ 'dis ni pha rol po dag yid ches skye ba'i phyir zhes bya ba'i gtan tshigs kyis gzugs kyi dang gi bdag nyid las gzhan pa'i dus rtag pa yod par rjes su dpog pa de dkun rdzob tu yang dam bcas pa la chos can dus kyi ngo bo nyid dang chos can dus kyi khyad par gzhan yin pa dang/ rtag pa zhes bya ba bsal pa'i skyon yod pas pha rol pa'i dam bcas pa dang gtan tshigs dag ma grub par ston te/ de yang de bdag ltas byin dbyug pa can yin no snyam du yid ches pa skye ba'i blo de'i yul dbyug pa can gyi rang gi bdag nyid las bzhan pa'i dngos po dbyug pa dus kyang ma yin gzugs las 'das pa yang ma yin/ rtag pa yang ma yin pa de bzhin du/ de ltar gyi gzugs so snyam du yid ches pa skye ba'i blo de'i yul de ltar gyi gzugs kyi rang gi bdag nyid las gzhan pa'i dngos po da ltar gyi dus zhes bya bar pha rol pa dag 'dod pa de yang dus kyang ma yin/ gzugs las gzhan yang ma yin/ rtag pa yang ma yin te/ /da ltar kyi gzugs nyid kyang dus ma yin pa'i phyir dang/ da ltar gyi gzugs kyi bya bas bya ba gzhan yongs su gcod pa de las gzhan pa'i dus kyang med pa'i phyir dang/ de ltar gzugs kyi bya ba de nyid rtag pa yang pa yin pad yid ches pa'i blo skye ba'i phyir /des ci pha rol po dag yid ches pa sgye bar rjes su dpog pas dus ma yin pa nyid dang/ gzhan ma yin pa nyid dang/ rtag pa ma yin pa
- 110b
nyid kyis de dag bsal ba'i phyir/ pha rol po dag gis dam bcas pa la chos can dus las sgrub par bya ba chos dngos po rnams las gzhan nyid dang rtag pa nyid sgrub pa'i chos can dus de'i ngo bo nyid dad dus de'i khyad par gzhan nyid dang ? pa nyid ces bya ba dag bsal pa'i skyon yod pas kun rdzob tu yang pha rol po'i dam? bcas pa dang gtan tshigs dag ma grub po/ /dpe yang med de/ don dam par dbyug ba dang dbyug pa can du 'brel pa ma grub pa'i phyir de ni rigs pa ma yin no zhes bya bas ni pha rol po dag gi dpe dbyug pa can mang po dang nyung du dag la dbyug pa can snyam du yid ches pa skye pa'i blo de la lhas byin la sogs pa'i rang gi bdag nyid las gzhan pa'i dngos po dbyug pa dang 'brel pa'i tshig gi don gyi yul yod par mthong ba bzhin no zhes bya ba de don dam par ma grub pas pha rol po'i sgrub pa la dpe mtshang pa'i skyon yod pas rigs phra ma yin par ston to/ /yang na gal te da ltar gzugs so snyam pa'i blo de khyad par gzhan gang yang rung ba 'ga' zhig dang 'brel pa'i tshig gi don gyi yul can yin bar bsgrub na ni grub pa la sgrub pa dang/ rang gi grub pa'i mdza' dang 'gal bar 'gyur ro zhes bye bas ni gal te pha rol po dag 'di skad ces kho bo cag gis sngar dam bcas pa'i phyogs da ltar gyi gzugs so snyam pa'i blo ni rang gi bdag nyid las gzhan pa'i dngos po dang 'brel pa'i tshig gi don gyi yul can yin te zhes bya ba de ni da ltar gyi gzugs dang gi bdag nyid las gzhan pa'i dngos po da ltar gyi dus dang 'brel pa'i tshig gi don gyi yul can yin te zhes bya bar ni/ mi sgrub kyi da ltar gyi gzugs kyi rang gi bdag nyid las gzhan pa'i dngos po dus ma yin pa bum pa dang snam bu la sogs pa'i khyad par gzhan gang yang rung ba 'ga' zhig dang 'brel ba'i tshig gi don gyi yul can yin par sgrub po zhe na ni de lta na grub pa la sgrub pa dang/ rang gi grub pa'i
- 111a
mdza' dang 'gal ba'i skyon chags pas mi rung ste/ /'di ltar deng dbu ma pa'i phyogs la yang da ltar gyi gzugs so snyam pa'i blo de gzugs kyi rang gi bdag nyid las gzhan 'di dngos po dus dang 'brel pa'i tshig gi don gyi yul can ni ma yin gyi/ gzugs kyi rang gi bdag nyid las gzhan dpe'i dngos po bum pa dang snam bu la sogs pa'i khyad par gzhan gang yang rung ba 'ga' zhig dang 'brel pa'i tshig gi don gyi yul can yin par grub pa'i phyir grub pa la sgrub pa yin la/ khyed rang gi grub pa'i mdza' las da ltar gyi gzugs so snyam pa'i blo ni gzugs kyi rang gi bdag nyid las gzhan pa'i dngos po dus dang 'brel pa'i tshig gi don gyi yul can yin par 'dod pa'i phyir rang gi grub pa'i mdza' dang 'gal bar 'gyur ro/ /ci ste blo de gzugs dus kyi mtshan nyid kyi tshig gi don dang 'brel pa'i yul can yin par bsgrub na ni dpe med de/ blo de gzugs dus kyi mtshan nyid kyi tshig gi don dang 'brel pa'i yul can yin par bstan par mi nus pa'i phyir ro zhes bya ba ni ci ste/ pha rol po dag 'di skad ces kho bo cag da ltar gyi gzugs so snyam pa'i blo de da ltar gyi gzugs rang gi bdag nyid las gzhan pa'i dus kyi mtshan nyid kyi tshig gi don dang 'brel pa'i yul can yin par sgrub pas nges na da ltar gyi gzugs so snyam pa'i blo de'i yul la da ltar gyi gzugs kyi rang gi bdag nyid las gzhan pa da ltar gyi dus kyi mtshan nyid kyi tshig gi don logs shing na yod pas dus kyi mtshan nyid kyi tshig gi don ni gzugs kyi dngos po las gzhan nyid yin no zhes bya bar sgrub po zhe na yang/ de lta na yang pha rol po dag gi sgrub pa de la dpe med de/ ci'i phyir zhe na/ lhas byin dbyug pa can yin no snyam pa'i blo de ni gzugs kyi tshig gi don dang 'brel pa'i yul can yin gyi/ dus kyi mtshan nyid kyi tshig don dang 'brel pa'i yul can ma yin pas des na
- 111b
lhas byin dbyug pa can yin no snyam pa'i blo gzugs kyi mtshan nyid dang 'brel pa'i yul can de gzugs dus kyi mtshan nyid kyi tshig gi don dang 'brel pa'i yul can yin par bstan par mi nus bas de'i phyir dpe de bsgrub par bya ba chos kyis steng pa'i phyir ro/ /dpyad pa rgyas pa ni yod pa nyid bzhin no zhes bya ba ni ji ltar yod pa nyid dgag pa bstan pa bzhin du dus 'gag pa yang de bzhin du brjod par bya'o zhes bya ba'i tha tshig ste/ de yang sngar phrad pa brtag pa'i skabs su mu stegs bye brag pa'i tsheg gi don drug las yod pa nyid dgag pa'i skabs su yod pa nyid dang ldan pas yod ba nyid du 'dod na yod pa nyid ma yin pa yang dang las yod pa nyid du 'gyur te/ /de'i bdag nyid yin pa'i phyir dper na me grang pa la sogs pa la ma bltos par yang rang gi bdag nyid kyi tsha ba nyid du 'gyur ba bzhin no/ /yod pa nyid ma yin pa dngos po gzhan la mi bltos pa'i chos can la yod pa nyid du rtog pa tsam du zad de dngos po gzhan la bltos pa nyid yod pa nyid kyi blo'i rgyu ma yin la/ /yod pa nyid ni blo de'i rgyu yin pa'i phyir ro/ /yod pa nyid dang yod pa nyid ma yin pa nyid yod pa nyid dang ldan par rtog na yang don med pa nyid dgag pa mi mthun pa nyid du 'gyur ro/ /dngos po brjod par bya ba ma yin pa dus phyis yod pa nyid dang ldan par rtog na yang dngos po ni yod pa nyid dang ldan pa ma yin te/ dngos po yin pa'i phyir dper na brjod par bya ba ma yin pa de nyid kyi skad cig ma bzhin pas rang gi rjes su dpag pa la gnod de/ zhes bya ba la sogs pas sngar ji skad bstan pa'i lugs pa zhin du/ 'dir yang dus nyid dang ldan pas dus nyid du 'dor na dus nyid ma yin pa yang rang las dus nyid du 'gyur te/ de'i bdag nyid yin pa'i phyir dper na me grang ba la sogs pa la ma bltos par yang rang gi bdag nyid kyi tsha ba nyid du 'gyur ba bzhin no/ /dus
- 112a
nyid ma yin pa dngos po gzhan la mi bltos pa'i chos can la dus nyid du rtog na yang rtog pa can du zad de dngos po gzhan la bltos pa nyid dus nyid kyi blo'i rgyu ma yin la dus nyid ni blo de'i rgyu yin pa'i phyir ro/ /dus su dang dus ma yin pa nyid dus nyid dang ldan par rtog na yang don med pa nyid dang dgag pa mi mthun pa nyid du 'gyur ro/ /dngos po brjod par bya ba ma yin pa dus phyis dus nyid dang ldan par rtog na yang dngos po ni dus nyid dang ldan pa ma yin te/ dngos po yin pa'i phyir dper na brjod bar bya ba ma yin pa de nyid kyi skad cig ma bzhin pas rang gi rjes su dpag pa la gnod do zhes bya ba la sogs pa sngar ji skad bstan pa'i lugs bzhin du ci rigs par dgag par bya'o// //bam po drug cu gsum pa de ltar re zhig bye brag pa la sogs pa gang dag dus dngos po rnams las gzhan pa dang rtag par 'dod pa dag gi gzhung mi 'thad par sbyir bstan nas/ da ni 'di la gal te dus zhes bya ba dngos po 'ga' zhig yod par gyur na de bltos nas grub par 'gyur ram ma bltos bar rang las 'grub par 'gyur grang na/ brtag pa gnyis ka yang mi 'thad par bstan pa'i phyir/ dus kyi dbye ba 'grub na yad? bltos pa can nam/ 'on te ma bltos ba zhig tu 'gyur grang na zhes bya ba smras so/ / de la re zhig brtag pa dang po mi 'thad par bstan pa'i phyir/ de la gal te bltos pa can du dam 'cha' na/ /de ltar byung dang ma 'ongs pa/ /gal te 'das la bltos gyur na zhes bya ba smras te/ des ni pha rol po dag dus bltos te 'grub par sa 'dod pa'i gzhung pa rnan pa bstan te/ da ltar byung ba dang ma 'ongs pa'i dus dag gal te 'das pa'i dus la bltos nas yod par gyur na'o/ /da ni de mi 'thad par sgrub pa'i rjes su dpag pa bstan pa'i phyir/ da ltar byung dang ma 'ongs pa/ /'das
- 112b
pa'i dus na yod par 'gyur/ /dus nyid yin na bltos ba dang bcas pa'i phyir 'das ba'i dus bzhin no zhes bya bar dgongs so zhes bya ba smras te/ de dag ni chos can dang/ /bsgrub par bya ba chos dang/ sgrub pa'i chos dang/ dpe yin bar go rim bzhin du sbyar te/ dper na 'das pa'i dus nyid yin pa na bltos pa dang bcas pa'i phyir 'das pa'i dus na yod par 'gyur bde bzhin du da ltar byung ba dang ma 'ongs pa'i dus dag kyang dus nyid yin na bltos pa dang bcas pa'i phyir 'das pa'i dus na yod par 'gyur te/ de lta na da ltar byung ba dang ma 'ongs pa'i dus dag 'das pa'i dus na yod par 'gyur/ /'das pa'i dus na yod par gyur na de gnyis kyang 'das pa yin par 'gyur ro/ /de ltar na dus gcig kho nar 'gyur ro/ /dus gcig kho na yin na bltos pa mi 'thad de/ 'di ltar de nyid de nyid la ji ltar bltos par 'gyur bltos pa mi 'thad pa'i phyir dus kyang mi 'thad pa kho na yin no/ /yang na da ltar byung dang ma 'ongs pa/ /gal te 'das pa bltos gyur na/ /da ltar byung dang ma 'ongs pa/ /'das pa'i dus na yod par 'gyur zhes bya ba ni lan 'ga' zhes bya ba'i tshig gi lhag ma'o zhes bya bas ni/ /gal te pha rol po dag 'dod pa ltar da ltar byung ba dang ma 'ongs pa'i dus dag gal te 'das pa'i dus la bltos nas yod par gyur na de lta na da ltar byung ba dang ma 'ongs pa'i dus dag lan 'ga' 'das pa'i dus? na yod pa'i smyon du 'gyur ro zhes ston to/ /de nyid kyi rjes su dmigS? pa bsten pa'i phyir/ 'di la gang dag bltos pa dang bcas pa de dag ni dus gcig nyid du yang 'gyur te lan 'ga' mi mthun pa nyid med na bltos pa dang bcas pa'i phyir/ dper na pa dang bu dag bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du
- 113a
sbyar te/ dper na pha dang bu dag ni lan 'ga' mi mthun pa nyid med na bltos pa dang bcas pa'i phyir dus gcig nyid du yang 'gyur pa de bzhin du da ltar byung ba dang ma 'ongs pa gang dag 'das pa'i dus la bltos pa dang bcas pa de dag kyang lan 'ga' mi mthun pa nyid med na bltos pa dang bcas pa'i phyir dus gcig nyid du yang 'gyur ro/ /de lta na da ltar byung ba dang ma 'ongs pa'i dus dag la lan 'ga' 'das pa'i dus na yod par 'gyur ro/ /lan 'ga' 'das pa'i dus na yod par 'gyur na de gnyis kyang lan 'ga' 'das pa yin par 'gyur ro/ /de ltar na lan 'ga' dus gcig kho nar 'gyur ro/ /lan 'ga' dus gcig kho na yin na bltos pa mi 'thad de/ 'di ltar de nyid de nyid la ji ltar bltos par 'gyur/ bltos ba mi 'thad pa'i phyir dus kyang mi 'thad pa kho na yin no/ /de la rjes su dpag ba snga mas ni 'das pa'i dus nyid bzhin du rtag tu dus gcig nyid kyi skyon du 'gyur bar bstan la/ rjes su dpag pa 'dis ni pha dang bu dag bzhin du lan 'ga' mi mthun pa nyid med na dus gcig nyid kyi skyon du 'gyur ba bstan to/ /ci ste bltos pa dang bcas pa nyid kyi gtan tshigs bstan kyang da ltar byung ba dang ma 'ongs pa dag 'das pa'i dus na yod par mi 'dod na de lta na skyon gzhan 'dir yang 'gyur te zhes bya bas ni /ci ste pha rol po dag dbu ma pas bltos pa dang bcas pa nyid kyi gtan tshigs bstan pas da ltar byung ba dang ma 'ongs pa dag 'das pa'i dus na yod par 'gyur ba'i skyon bstan kyang skyon der 'byung bar khas mi len cing/ da ltar byung pa dang ma 'ongs pa dag 'das pa'i dus la bltos pa dang bcas pa nyid kyang yin la/ da ltar byung ba dang ma 'ongs pa dag 'das pa'i dus na yod par yang mi 'dod na da lta na de dag la bltos pa dang bcas pa nyid mi 'thad pa'i skyon gzhan
- 113b
'dir yang 'gyur ro zhes ston to/ /de nyid bstan pa'i phyir/ da ltar byung dang ma 'ongs pa/ gal te de dag med gyur na zhes bya ba smras te/ des ni pha rol po dag da ltar byung ba dang ma 'ongs pa dag 'das pa'i dus la bltos te ? par yang 'dod la/ da ltar byung ba dang ma 'ongs pa dag 'das pa'i dus na yod par yang mi 'dod pa'i gzhung brnan pa bstan te/ de ltar byung ba dang ma 'ongs pa dag gal te 'das pa'i dus de na med par 'gyur na'o/ /de ni de lta na da ltar byung ba dang ma 'ongs pa dag 'das pa'i dus la bltos par mi 'thad pa bstan pa'i phyir/ da ltar byung dang ma 'ongs pa/ /ji ltar de la bltos par 'gyur zhes bya ba smras te/ da ltar byung ba dang ma 'ongs pa'i dus dag gal te 'das pa'i dus de na med par gyur na/ da ltar byung ba dang ma 'ongs pa'i dus 'das pa'i dus de na med pa de dag ji ltar 'das pa'i dus de la bltos par 'gyur te/ 'di ltar gsum char yang tshogs? par gyur na bltos par 'thad pa yin na/ da ltar byung ba dang ma 'ongs pa 'das pa'i dus na med pa dag 'das pa'i dus la bltos pa mi 'thad do/ /pha rol po dgo? 'dod pa ltar bltos pa dang bcas pa nyid yin na bltos te 'grub la/ bltos te 'grub par khas len na dus gcig nyid du thal bar 'gyur bas dus mi 'thad par bstan pa'i phyir bltos pa dang bcas pa nyid yin na da ltar byung ba dang ma 'ongs pa dag 'das pa'i dus la bltos nas de ltar byung ba dang ma 'ongs pa nyid du 'grub par 'gyur ro zhes bya ba smras te/ pha rol po dag 'dod pa ltar da ltar byung ba dang ma 'ongs pa'i dus dag gal te 'das pa'i dus la bltos nas yod par gyur na de lta na bltos pa dang bcas pa nyid yin pas da ltar byung ba dang ma 'ongs pa dag 'das pa'i dus la bltos nas da ltar byung ba dang ma 'ongs pa nyid du 'grub par 'gyur ro/ /da ltar 'grub par khas len na da
- 114a
ltar byung ba dang ma 'ongs pa'i dus dag 'das pa'i dus na yod par 'gyur ro/ /'das pa'i dus na yod par gyur na de gnyis kyang 'das pa yin par 'gyur ro/ /de lta na dus gcig kho nar 'gyur ro/ /dus gcig kho na yin na bltos pa mi 'thad de/ /'di ltar de nyid de nyid la ji ltar bltos par 'gyur/ /bltos pa mi 'thad pa'i phyir/ dus kyang mi 'thad pa kho na yin no/ /de nyid kyi tshad ma bstan pa'i phyir/ /ba cig na re de lta na don dam par da ltar dang ma 'ongs pa'i dus dag la da ltar dang ma 'ongs pa'i ngo bo nyid dag med de/ dus nyid yin na bltos pa dang bcas pa'i phyir/ dper na 'das pa'i dus bzhin no zhe'o zhes bya ba smras te/ de ni 'grel pa byed pa nyid kyis dngos po bltos pa dang bcas pa thams cad don dam par ngo bo nyid med pa nyid du sgrub pa'i rjes su dpag pa yin te de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na 'das pa'i dus ni dus nyid yin na bltos pa dang bcas pa'i phyir/ de lta ngo bo nyid med pa de bzhin du da ltar ma 'ongs pa'i dus dag kyang dus nyid yin na bltos pa dang bcas pa'i phyir de dag la yang ngo bo nyid med do/ /gzhan dag na re/ da ltar byung dang ma 'ongs pa/ /'das pa'i dus na yod par 'gyur zhes bya ba ni dus mnyam pa rnams la bltos pa srid pa'i phyir ro zhes zer ro zhes bya ba ni/ 'grel pa byed pa gnas brtan s+thi ra ma ti la sogs pas rnam par bshad pa'i tshig yin te/ de yang sngar/ da ltar byung dang ma 'ongs pa/ gal te 'das la bltos gyur na/ zhes bya bas pha rol po dag dus bltos te 'grub par 'dod pa'i gzhud las da ltar byung ba dang ma 'ongs ba'i dus dag gal te 'das pa'i dus la bltos nas yod par 'dod pa de mi 'thad bar sgrub pa'i rjes su dpag
- 114b
pa bstan pa'i tshig le'ur byas pa/ da ltar byung dang ma 'ongs pa/ /'das pa'i dus na yod par 'gyur/ zhes bya ba de'i gtan tshigs dang dpe 'grel pa byed pa nyid kyis dus nyid yin na bltos pa dang bcas pa'i phyir/ 'das pa'i dus bzhin no zhes bya bar dgongs zhes bya ba bshad pa'i skabs de la/ 'grel pa byed pa gnas brtan s+thi ra ma ti la sogs pa gzhan dag na re/ da ltar byung dang ma 'ongs pa/ /'das pa'i dus na yod par 'gyur zhes bya ba de sgrub pa'i gtan tshigs ni dus mnyam pa rnams la bltos pa srid pa'i phyir dus yod par smra ba dag 'dod pa ltar da ltar byung ba dang ma 'ongs pa'i dus dag gal te 'das pa'i dus la bltos nas yod par gyur na/ da ltar byung pa dang ma 'ongs pa'i dus dag 'das pa'i dus na yod pa'i skyon du 'gyur bas da ltar byung pa dang ma 'ongs ba'i dus dag 'das pa'i dus la bltos nas yod par 'dod pa'i gzhung de mi rung de zhes zer pa'i tshig yin no/ /gzhan dag na re/ de ni rigs pa ma yin te/ dus tha dad pa yin yang spun dag la bltos pa yod pas ma nges pa nyid yin pa'i phyir ro zhe'o zhes bya ba ni 'grel ba byed pa nyid kyis gnas brtan s+thir? ma ti la sogs pas rnam par bshad pa'i gtan tshigs dus mnyam pa rnams la bltos pa yod pa'i phyir ro zhes bya ba de ma nges pa nyid yin par rigs pa ma yin no zhes sun 'byin pa'i tshig yin te/ 'di na dus tha dad pa yin yang spun dag la bltos pa yod par mthong bas nges na ci re zhig bltos pa yod pa'i phyir/ pha rol pos btags pa'i dus rnams bzhin du dus mnyam pa nyid du 'gyur dam/ 'on te bltos pa yod pa'i phyir spung? dag bzhin du dus tha dad par 'gyur ba ma nges pas de'i phyir de ni rigs pa ma yin no zhes 'grel pa byed pa nyid kyis bshad do/ /gzhan dag na re/ 'das pa dang ma 'ongs pa dag ni med pa'i phyir bltos pa med la/ 'das pa dang ma 'ongs pa dag yod pa nyid yin
- 115a
na ni gsum car yang da ltar nyid du 'gyur ro zhe'o zhes bya ba ni/ 'grel pa byed pa gnas brtan bud+d+ha bA li tas rnam par bshad pa'i tshig yin te/ de yang sngar/ /da ltar byung dang ma 'ongs pa/ /gal te 'das la bltos 'gyur na zhes bya bas pha rol po dag dus la bltos te 'grub par 'dod pa'i gzhung las da ltar byung ba dang ma 'ongs pa'i dus dag gal te 'das pa'i dus la bltos nas yod par 'dod pa de mi 'thad par sgrub pa'i rjes su dpag pa bstan pa'i tshig le'ur byas ba/ da ltar byung dang ma 'ongs pa/ /'das pa'i dus na yod par 'gyur zhes bya ba de'i gtan tshigs dang/ dpe 'grel pa byed pa nyid kyis dus nyid yin na bltos pa dang bcas pa'i phyir 'das pa'i dus bzhin no zhes bya bar dgongs so zhes bshad pa'i skabs de la/ 'grel pa byed pa gnas brtan bud+d+ha pA li ta na re/ da ltar byung dang ma 'ongs pa/ /'das ba'i dus na yod par 'gyur/ zhes bya ba de la glags yod pa'i tshig tu sgrub ba ni/ ci ste 'das ba'i dus zhig cing 'gags te/ med pa kho na yin na ni de na 'di gnyis ji ltar yod par 'gyur/ ci ste 'das pa yang yod pa kho na yin par sems na ni yod pa'i phyir/ /da ltar yin par 'gyur gyi/ 'das pa ma yin pas de ni mi 'dod do/ /de bzhin du ci ste ma 'ongs pa'i dus kyis ma skyes shing ma byung ste/ med pa kho na yin na ni de na 'di gnyis ji ltar yod par 'gyur/ ci ste ma 'ongs pa yang yod pa kho na yin par sems na ni yod pa'i phyir da ltar yin par 'gyur gyi ma 'ongs pa ma yin pas de yang mi 'dod pas dus yod bar smra ba dag 'dod pa ltar da ltar byung ba dang ma 'ongs pa'i dus dag gal te 'das pa'i dus la bltos nas yod ces bya bar 'das pa dang ma 'ongs pa dag ni med pa'i phyir bltos pa med la/ 'das pa dang ma 'ongs pa dag yod pa nyid yin na ni dus
- 115b
gsum car yang da ltar nyid du 'gyur bas da ltar byung ba dang ma 'ongs pa'i dus dag 'das ba'i dus la bltos nas yod bar 'dod pa'i gzhung de mi rung ngo zhes zer ba'i tshig yin no/ /kha cig na re de yang rigs pa ma yin te/ de ltar gyi tsha bo la bltos nas mes po med pa las kyang sgrar brjod pa khyad par can 'jug pa'i phyir dang/ dus dgag pa smra ba dag gis 'das pa dang ma 'ongs pa dag da ltar nyid du bstan pas phyogs snga ma la gnod pa'i phyir ro zhe'o zhes bya ba ni/ 'grel par byed pa gnas brtan bud+d+ha pA li tas rnam par bshad be di rigs pa ma yin no zhes sun 'byin pa'i tshig yin te/ gnas brtan bud+d+ha pA li tas 'das ba dang ma 'ongs pa dag ni med pa'i phyir bltos ba med la zhes gang smras ba de ni ma nges pa nyid yin te/ 'di na da ltar gyi tsha po yod pa la bltos nas de'i mes po med pa la yang sgrar brjod pa khyad par can 'jug pa mthong bas des na ci re zhig med pa'i phyir 'das pa dang ma 'ongs pa med pa dag lang ltar gyi dus la bltos pa med pa lta bur 'gyur ram/ /'on te med pa'i phyir mes po med pa la tsha bo bltos pa'i brjod pa khyad par can 'jug pa lta bur 'gyur bas nges pas de yang rigs pa ma yin no/ /gnas brtan bud+d+ha pA li das 'das pa dang ma 'ongs ba dag yod pa nyid yin na ni gsum car yang da ltar nyid du 'gyur ro zhes gang smras pa de ni phyogs snga ma la gnod de/ slob dpon gyi zhal sa nas dang 'grel pa byed pa dag ni dus gsum dgag pa smra pa yin pas /gnas brtan bud+d+hA pA li tas kyang dus dgag pa bstan pa'i rigs pa las 'das pa dang ma 'ongs ba ngag da ltar nyid du bstan pas phyogs snga ma la gnod pa'i phyir/ de yang rigs pa me yin no zhes 'grel pa byed pa nyid kyis bshad do/ /gzhan dag gis smras pa/ da ltar byung dad ma 'ongs pa/ /'das pa'i dus ni yod par 'gyur/ /de dang 'brel pa'i phyir 'das pa'i dus bzhin te/ da ltar byung
- 116a
dang ma 'ongs pa/ /gal te 'das la bltos gyur na/ zhes gsungs pas 'brel pa'i gtan tshigs bstan pa'i phyir ro zhe'o zhes bya ba ni 'grel pa byed pa gnas brtan de ba sharma? la sogs pa dag gis rnam par bshad pa'i tshig yin te /de yang sngar/ da ltar byung dang ma 'ongs pa/ /gal te 'das la bltos gyur na/ zhes bya ba pha rol po dag dus bltos te 'grub par 'dod pa'i gzhung las da bltar byung ba dang ma 'ongs pa'i dus dag gal te 'das pa'i dus la bltos nas yod par 'dod pa de mi 'thad par sgrub pa'i rjes su dpag pa bstan pa'i tshig le'ur byas pa/ da ltar byung dang ma 'ongs pa/ /'das pa'i dus na yod par 'gyur/ zhes bya ba'i gtan tshigs dang dpe 'grel pa byed pa nyid kyis dus nyid yin na/ bltos pa dang bcas pa'i phyir 'das pa'i dus bzhin zhes bya bar dgongs so zhes bshad pa'i skabs de la/ /'grel pa byed pa gnas brtan de ba sharma? la sogs pa gzhan dag na re/ da ltar byung dang ma 'ongs pa/ /'das pa'i dus na yod par 'gyur zhes bya ba de ni rjes su dpag pa'i tshad mas bsgrub par bya ste de la da ltar dang ma 'ongs pa zhes bya ba ni chos can yin/ 'das pa'i dus na yod par 'gyur zhes bya ba ni bsgrub par bya ba chos yin/ de dang 'brel pa'i phyir zhes bya ba ni sgrub pa'i chos yin/ 'das pa'i dus bzhin te zhes bya ba ni dpe yin/ da ltar byung dang ma 'ongs pa/ /gal te 'das la bltos gyur na/ zhes gsungs pas 'brel pa'i gtan tshigs bstan pa'i phyir ro zhes bya ba ni nye bar sbyar ba'i sbyor ba yin te/ dper na 'das pa'i dus ni 'das pa'i dus nyid dang 'brel pa'i phyir 'das pa'i dus na yod par 'gyur ba de bzhin du da ltar byung ba dang ma 'ongs pa'i dus dag kyang 'das pa'i dus de de dang 'brel pa'i phyir 'das pa'i dus na yod par 'gyur te /da ltar byung ba dang/ ma
- 116b
'ongs pa dag 'das pa 'dus dang 'brel par ci mngon zhe na/ dus yod bar smra ba dag nyid da ltar byung ba dang ma 'ongs pa dag 'das pa 'dus la bltos nas yod pa 'dod pa las shes par bya ste/ de lta na da ltar byung ba dang mi 'ongs pa dag 'das pa'i dus na yod pa'i skyon du 'gyur bas da ltar byung ba dang ma 'ongs pa'i dus dag 'das pa'i dus la bltos nas yod par 'dod pa'i gzhung de mi rung ngo zhes zer pa'i tshig yin no/ /gzhan ma yin pa na re 'brel pa'i gtan tshigs kyang rigs pa ma yin te/ bltos ba dang 'brel pa nyid yin yang dbyug pa can dbyug pa nyid du mi 'gyur bas ma nges pa nyid yin pa'i phyir dang/ dus tha dad pa dag la yang 'brel pa yod pa'i phyir ro zhes bya ba ni 'grel pa byed pa nyid kyis gnas brtan de ba sharma la sogs pa dag gis rnam par bshad pa'i gtan tshigs de dang 'brel pa'i phyir zhes bya ba de ma nges pa nyid yin pas rigs pa ma yin no zhes sun 'byin pa'i tshen? yin te/ 'di ni dbyug pa can lhas byin la dbyug pa la bltos shing 'brel pa yin yang dbyug pa'i bdag nyid du mi 'gyur bar mthong bas de na ci re zhig 'brel pa'i phyir da ltar byung ba dang ma 'ongs pa'i dus dag 'das pa'i dus na yod par 'gyur ram/ 'on te 'brel pa'i phyir dbyug pa can dbyug pa'i bdag nyid du mi 'gyur ba lta bu 'gyur ba ma nges pas de'i phyir 'grel pa'i phyir zhes bya ba'i gtan tshigs de rigs pa ma yin no/ /gzhan yang 'di na pa dang bu lta bu dus tha dad pa dag la yang 'brel pa yod par mthong bas/ des na dus tha dad par gyur na yang 'brel pa 'grub pa'i phyir/ da ltar byung ba dang ma 'ongs pa dag gal te 'das pa la bltos par gyur na/ /dag dus gcig tu gyur pa la 'brel pa yod pa'i phyir/ dper na 'das pa'i dus bzhin te zhes gang smras pa de yang ma nges pas rigs pa ma yin no zhes 'grel pa
- 117a
byed pa nyid kyis bshad do/ /de ltar re zhig bltos pa can gyi dus ma grub bo zhes bya ba ni mjug bsdu ba yin t+te/ sngar da ni 'di la gal te dus zhes bya ba dngos po 'ga' zhig yod bar gyur na de bltos nas 'grub par 'gyur ram/ ma bltos par rang las 'grub par 'gyur grang na/ brtag pa gnyi ga yang mi 'thad do zhes smras pa la brtag pa dang po mi 'thad par bstan te/ /da ni brtag pa gnyis pa mi 'thad par bstan pa'i phyir/ 'on te ma bltos par dam 'cha' na de'i phyir/ 'das pa yin ma bltos pa/ /de gnyis 'grub pa yod pa yin/ zhes bya ba smras te/ 'das pa'i dus la ma bltos par yang da ltar byung ba dang ma 'ongs ba'i dus de gnyis rang las rab tu 'grub pa yod pa ma yin no/ /de gnyis bstan pa'i phyir/ da ltar dang ma 'ongs pa nyid kyi rgyu 'das pa lam bltos par da ltar dang ma 'ongs pa de gnyis rgyu med par 'grub pa yod pa ma yin no zhes bya ba smras so/ /de'i mjug bsdu ba bstan pa'i phyir/ gang gi phyir de ltar bltos pa med par da ltar byung ba dang/ ma 'ongs pa dag ma grub pa/ /de phyir da ltar gyur ba dang/ /ma 'ongs dus kyang yod ma yin/ zhes bya ba smras te/ de ltar gang gi phyir da ltar byung ba dang ma 'ongs pa gnyis 'das pa'i dus na yod pa ma yin pas bltos par mi 'thad la 'das pa la ma bltos par yang de gnyis 'grub pa yod pa ma yin pa de'i phyir da ltar byung ba dang ma 'ongs pa'i dus dag kyang yod pa ma yin no/ /de gnyis yod pa ma yin pa nyid kyi rgyu bstan pa'i phyir/ 'das pa dang ma 'ongs pa dang da ltar gyi sgrar brjod pa'i dus dag mi srid pa'i phyir ro zhes bya bar dgongs so zhes bya ba smras te/ ma bltos par yang dus gsum yod pa ma yin no zhes bya ba'i tha tshig ste/ des ni brtag pa gnyis pa mi 'thad par bstan to/ /rim pa'i tshul ni 'di nyid kyis/ /lhag ma
- 117b
gnyis po bsnor ba dang/ zhes bya ba ni sgrub pa'i rim pa'i tshul 'di nyid kyis 'das pa dang ma 'ongs pa dang da ltar byung ba dang 'das pa'i dus gnyis po bsnor ba dag kyang de bzhin du shes par bya ste zhes bya ba ni/ ci ltar da ltar byung ba dang ma 'ongs pa'i dus gnyis 'das pa'i dus la bltos pa dang ma bltos par yang 'grub pa med par bstan pa de bzhin du 'das pa dang ma 'ongs pa'i dus gnyis da ltar byung ba'i dus la bltos pa dang ma bltos par yang 'grub pa med pa dang da ltar byung ba dang 'das pa'i dus gnyis ma 'ongs ba'i dus la bltos pa dang ma bltos par yang 'grub pa med par bsnor ba lhag ma gnyis kyang snga ma bzhin du shes par bya'o zhes ston to/ /de nyid bstan pa'i phyir/ 'das pa dang ni ma 'ongs pa/ /gal te da ltar bltos gyur na/ /'das pa dang ni ma 'ongs pa/ /da lta'i dus na yod par 'gyur/ /'das pa dang na ma 'ongs pa /gal te de na med gyur na/ /'das pa dang ni ma 'ongs pa/ /ji ltar de la bltos par 'gyur/ /da ltar la ni ma bltos par/ /de gnyis 'grub pa yod ma yin/ /de phyir 'das par gyur pa dang/ /ma 'ongs dus kyang yod ma yin zhes bya ba dang de bzhin du/ da ltar byung dang 'das ba dang/ /gal te ma 'ongs bltos gyur na/ /da ltar byung ngang 'das pa dang/ /ma 'ongs dus na yod par 'gyur/ /da ltar byung dang 'das pa dag /gal te de na med gyur na/ /da ltar byung dang 'das pa dag /ji ltar de la bltos par 'gyur/ /ma 'ongs pa la ma bltos par/ /de gnyis 'grub pa yod ma yin/ /de phyir da ltar byung ba dang/ /'das pa'i dus kyang yod ma yin/ zhes bya ba de ltar bsnod bar bya ste zhes bya ba smras so/ /de dag ni rnam par bshad pa'i tshig le'ur byas pa dag yin no zhes bya ba ni/ dus lhag ma gnyis po bsnod pa'i tshigs su bcad pa drug po de dag ni 'grel pa byed pa nyid kyis nye bar sbyar ba yin no/ /zhes bya ba'i tha tshig go /de dag gis snga ma bzhin du sgrub pa dang sun dbyung ba dag kyang bstan par bya'o zhes bya ba ni/ dus lhag
- 118a
ma gnyis po bsnor? ba'i tshigs su bcad pa de dag gis 'ds pa dang ma 'ongs pa'i dus gnyis da ltar byung ba'i dus la bltos pa dang/ ma bltos pa yang 'grub pa med pa dang/ da ltar byung ba dang 'das pa'i dus gnyis ma 'ongs pa'i dus la bltos pa dang ma bltos par yang 'grub pa med par sgrub pa dang sun dbyung ba dag kyang snga ma bzhin du bstan par bya'o/ /mchog dang tha ma 'brid la sogs/ gcig la sogs pa'ang shes par bya/ /rim pa'i tshul 'di nyid kyis zhes bya bar sbyar ro// zhes bya ba ni ji ltar sngar/ rim pa'i tshul ni 'di nyid kyis/ /lhag ma gnyis po snor ba dang/ zhes bya ba bstan pa de bzhin du 'dir yang/ rim pa'i tshul ni 'di nyid kyis/ /mchog dang tha ma 'brid la sogs/ /gcig la sogs pa'ang shes par bya/ zhes bya bar sbyar ro/ /de la re zhig mchog dang tha ma 'bring sogs dang zhes bya ba bstan pa'i phyir/ de la mchog dang tha ma dang 'bring la sogs pa ni rang gi rigs las ma 'das par yon tan 'phel ba dang 'grib pa dang ldan pa'i phyir ro zhes bya ba smras te/ des ni mchog dang tha ma dang 'bring zhes bya ba dag gi chul bstan to/ /de yang 'di ltar sbyar te/ dper na bram ze dang rgyal rigs dang rje'u? rigs dang dmang rigs dag las re zhig bram ze yang rang gi rigs las ma 'das bzhin du yon tan 'phel ba dang ldan pa'i phyir ni mchog ces bya'o/ /yon tan 'grib pa dang ldan pa'i phyir ni tha ma zhes bya/ yon tan 'phel ba yang ma yin 'grib pa yang ma yin pa dang ldan pa'i phyir ni 'bring zhes bya'o/ /rgyal rigs kyang rang gi rigs las ma 'das bzhin du yon tan 'phel ba dang ldan pa'i phyir ni mchog ces bya/ yon tan 'grib pa dang ldan pa'i phyir ni tha ma zhes bya/ yon tan 'phel ba yang ma yin 'grib pa yang ma yin pa dang ldan pa'i phyir ni 'bring zhes bya'o/ /rje'u rigs kyang rang gi rigs las ma 'das bzhin du yon tan 'phel pa dang
- 118b
ldan pa'i phyir ni mchog ces bya/ yon tan 'grib pa dang ldan pa'i phyir ni tha ma zhes bya/ yon tan 'phel ba yang ma yin 'grib pa yang ma yin pa dang ldan pa'i phyir ni 'bring zhes bya'o/ /dmad rigs kyang rang gi rigs las ma 'das bzhin du yon tan 'phel ba dang ldan pa'i phyir ni mchog ces bya'o/ /yon tan bgrib pa dang ldan pa'i phyir ni tha ma zhes bya/ yon tan 'phel ba yang ma yin 'grib pa yang ma yin pa dang ldan pa'i phyir ni 'bring zhes bya'o/ /yon tan ji lta ba bzhin du skyon yang de las bzlog ste sbyar bar bya'o/ /ji ltar rigs bzhi la yon tan dang skyon gyis mchog dang tha ma dang 'bring gi tshul bstan pa de bzhin du/ dngos po srid do cog thams cad la sbyar bar bya'o/ /'dir yang gal te mchog dang tha ma dang 'bring zhes bya ba dngos po 'ga' zhig yod par gyur na de dag bltos nas 'grub par 'gyur ram/ ma bltos par rang las 'grub par 'gyur grang na/ brtag pa gnyi ga yang mi 'thad par bstan pa'i phyir de dag kyang bltos pa can nam 'on te ma bltos par 'grub pa zhig tu 'gyur grang na zhes bya ba smras so// de la re zhig brtag ba dang po mi ba thad par bstan pa'i phyir/ de la don dam par mchog dang 'bring gi dang tshul can dag la de dag gi ngo bo nyid med de/ ngang tshul can nyid yin na bltos pa dang bcas pa'i phyir/ dper na tha ma'i dang tshul can bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na tha ma'i dang tshul can ni dang tshul can nyid yin na bltos pa dang bcas pa'i phyir/ de la de'i ngo bo nyid med pa de bzhin du mchog dang 'bring gi ngang tshul can dag kyang ngang tshul can nyid yin na bltos pa dang bcas pa'i phyir de dag la yang de dag gi ngo bo nyid med do/ /de bzhin du dang tshul can gzhan gnyis la yang brjod par bya'o zhes bya ba ni 'di ltar sbyar te/ don dam par mchog
- 119a
dang tha ma'i ngang tshul can dag la de dag gi ngo bo nyid med de/ ngang tshul can nyid yin na bltos pa dang bcas pa'i phyir/ dper na 'bring gi ngang tshul can bzhin no/ /de bzhin du don dam par 'bring dang tha ma'i ngang tshul can dag la de dag gi ngo bo nyid med de/ ngang tshul can nyid yin na bltos pa dang bcas pa'i phyir/ dper na mchog gi ngang tshul can bzhin no zhes bya bar sbyar ro/ /re zhig de dag gis ni ji ltar sngar dus brtag pa'i skabs su/ /da ltar byung dang ma nyongs pa/ /gal te 'das la bltos gyur na/ /da ltar byung dang ma 'ongs pa/ /'das pa'i dus na yod par 'gyur/ /dus nyid yin na bltos pa dang bcas pa'i phyir 'das pa'i dus bzhin no zhes bya bar dgongs so/ /yang na/ da ltar byung dang ma 'ongs pa/ /gal te 'das la bltos gyur na/ /da ltar byung dang ma 'ongs pa/ /'das pa'i dus na yod par 'gyur/ zhes bya ba ni lan 'ga' zhes bya ba'i tshig gi lhag ma'o/ /'di la gang dag bltos pa dang bcas pa de dag ni dus gcig nyid du yang 'gyur te/ lan 'ga' mi mthun pa nyid med na bltos pa dang bcas pa'i phyir/ /dper na pha dang bu dag bzhin no zhes bstan pa bzhin du 'dir yang/ mchog dang 'bring gi ngang tshul can/ /gal te tha ma bltos gyur na/ /mchog dang 'bring gi ngang tshul can/ /tha ma la ni yod par 'gyur/ /ngang tshul can nyid yin na bltos pa dang bcas pa'i phyir tha ma'i ngang tshul can bzhin no zhes bya bar dgongs so/ /yang na mchog dang 'bring gi ngang tshul can/ /gal te tha ma bltos gyur na/ /mchog dang 'bring gi ngang tshul can/ /tha ma la ni yod par 'gyur/ zhes bya ba ni 'ga' zhes bya ba'i tshig gi lhag ma'o/ /'di la gang dag pa ltos ba dang bcas pa de dag ni dus gcig nyid du yang 'gyur te/ lan 'gal mi mthun pa nyid med na bltos pa dang bcas pa'i phyir/ dper na pha dang bu dag bzhin no zhes snga ma bzhin du sbyar
- 119b
pa'i skabs bstan to/ /ci ste bltos pa dang bcas pa nyid kyi gtan tshigs bstan kyang mchog dang 'bring dang tha ma yod par mi 'dod na/ de lta na mchog dang 'bring dag tha ma la ji ltar bltos par 'gyur zhes bya ba ni ci ste pha rol po dag dbu ma pas bltos pa dang bcas pa nyid kyi gtan tshigs bstan pas/ mchag dang 'bring dag tha ma la yod par 'gyur pa'i skyon bstan kyang skyen der 'gyur par khas mi len cing mchog dang 'bring dag tha ma la bltos pa dang bcas pa nyid kyang yin la/ mchog dang 'bring dag tha ma la yod par yang mi 'dod na de lta na de dag la bltos pa dang bcas pa nyid mi 'thad pa'i skyon gzhan 'dir yang 'gyur ro zhes ston te/ de lta na mchog dang 'bring dag tha ma la bltos par mi 'thad ngo/ /'di ltar mchog dang 'bring dag gal te tha ma la med par gyur na/ mchog dang 'bring tha ma la med pa de dag ji ltar tha med la bltos par 'gyur te/ 'di ltar gsum car yang chog par gyur na bltos par 'thad pa yin nam mchog dang 'bring dang tha ma la med pa dag tha ma la bltos par mi 'thad do/ /pha rol po dag 'dod pa ltar bltos pa dang bcas pa nyid yin na bltos te 'grub la/ /bltos te 'grub pa khas len na ngang tshul gcig tu thal bar 'gyur bas ngang tshul mi 'thad par bstan pa'i phyir// bltos pa dang bcas pa nyid yin na mchog dang 'bring dag tha ma la bltos nas mchog dang 'bring nyid du 'grub par 'gyur ro zhes bya ba smras te/ /pha rol po dag 'dod pa ltar mchog dang 'bring dag gal te tha ma la bltos nas yod par gyur na/ /de lta na bltos pa dang bcas pa nyid yin pas mchog dang 'bring dag tha ma la bltos nas mchog dang 'bring nyid du 'grub par 'gyur ro/ /de ltar 'grub par khas len na de lta na mchog dang 'bring dag tha ma la yod par 'gyur ro/ /tha ma la yod par gyur na de gnyis kyang tha ma yin par 'gyur ro/ /de lta na ngang tshul gcig kho nar 'gyur ro/ /ngang tshul gcig kho na
- 120a
yin na bltos par mi 'thad de/ 'di ltar de nyid de nyid la ji ltar bltos par 'gyur/ bltos pa mi 'thad pa'i phyir ngang tshul yang mi 'thad pa kho na yin no/ /de nyid kyi chad ma bstan pa'i phyir 'grel pa byed pa nyid na re/ de lta na don dam par mchog dang 'bring gi ngang tshul can dag la mchog dang 'bring gi ngo bo nyid med de/ ngang tshul can nyid yin na bltos pa dang bcas pa'i phyir/ dper na tha ma'i ngang tshul can bzhin no zhe'o/ /re zhig de dag gis ni ji ltar sngar dus brtag pa'i skabs su ci ste bltos pa dang bcas pa nyid kyi gtan tshigs bstan kyang da ltar byung ba dang ma 'ongs pa'i dus na yod par mi 'dod na de lta na skyon gzhan 'dir yang 'gyur te/ da ltar byung dang ma 'ongs pa/ /gal te don med gyur na/ /da ltar byung dang ma 'ongs pa/ /ji ltar de la bltos par 'gyur/ /bltos pa nyid bcas pa nyid yin na da ltar byung ba dang ma 'ongs pa dag 'das pa'i dus la bltos nas da ltar byung ba dang/ ma 'ongs pa nyid du 'grub par 'gyur ro/ /kha cig na re de lta na don dam par da ltar dang ma 'ongs ba'i dus dag la da ltar dang ma 'ongs pa'i ngo bo nyid dag med de/ dus nyid yin na bltos pa dang bcas pa'i phyir dper na 'das pa'i dus bzhin no zhes bstan pa bzhin du 'dir yang/ ci ste bltos pa dang bcas pa nyid kyi gtan tshig bstan kyang mchog dang 'bring dag tha ma la yod par mi 'dod na de lta na skyon gzhan 'dir yang 'gyur te/ mchog dang 'bring gi ngang tshul can/ /gal te de na med gyur na/ /mchog dang 'bring gi ngang tshul can/ /ji ltar de la bltos par 'gyur/ bltos pa nyid dang bcas pa 'di yin na mchog dang 'bring dag tha ma la bltos nas mchog dang 'bring nyid du 'grub par 'gyur ro/ /kha cig na re de lta na don dam par mchog dang 'bring gi ngang tshul can dag la mchog dang 'bring gi ngo bo nyid dag med de/
- 120b
ngang tshul can nyid yin na bltos pa dang bcas pa'i phyir/ dper na tha ma'i ngang tshul can bzhin no zhe'o zhes snga ma bzhin du sbyar ba'i skabs bstan to/ /de ltar re zhig mchog dang 'bring dag tha ma la bltos ba can du ma grub ste/ des ni brtag pa dang po mi 'thad par bstan to/ /da ni brtag pa gnyis phaM? mi 'thad par bstan par bya ste/ de yang ji ltar sngar dus brtag pa'i skabs su 'on te ma bltos par dam 'cha' na de'i phyir/ 'das pa la ni ma bltos par/ /de gnyis 'grub pa yod ma yin/ da ltar dang ma 'ongs pa nyid kyi rgyu 'das pa la ma bltos par de ltar dang ma 'ongs pa de gnyis rgyu med par 'grub pa yod pa ma yin no/ /gang gi phyir de ltar bltos pa med par da ltar byung ba dang ma 'ongs pa dag ma grub pa/ de phyir da ltar byung pa dang/ /ma 'ongs dus kyang yod ma yin/ /'das pa dang ma 'ongs pa dang da ltar gyi sgrar brjod par dus dag mi srid pa'i phyir ro zhes bya bar dgongs so zhes bstan pa bzhin du 'dir yang 'on te ma bltos par dam 'cha' na de'i phyir/ tha ma la ni ma bltos par/ /de gnyis 'grub pa yod ma yin/ /mchog dang 'bring nyid kyi rgyu tha ma la ma bltos par mchog dang 'bring de gnyis rgyu med par 'grub pa yod pa ma yin no/ /gang gi phyir de ltar bltos pa med pa mchog dang 'bring dag ma grub pa/ de phyir mchog gi ngang tshul dang/ /'bring gi tshul yang yod ma yin/ /mchog dang tha ma dang 'bring gi sgrar brjod pa'i ngang tshul dag mi sding pa'i phyir ro zhes bya bar dgongs so zhes snga ma bzhin du sbyar zhing bstan par bya ste/ des ni brtag pa gnyis pa mi 'thad par bstan to/ /mchog dang 'bring gnyis tha ma la bltos ba dang ma bltos par yang 'grub par bstan pa'i tshigs su bcad pa yang 'di ltar sbyor par bya ste/ mchog dang 'bring gi ngang tshul can/ /gal te tha ma bltos gyur na/ /mchog dang 'bring gi dang tshul can/ /tha ma la ni yod par 'gyur/ /mchog
- 121a
dang 'bring gi ngang tshul can/ /gal te den med gyur na/ /mchog dang 'bring gi dang tshul can/ /ji ltar de la bltos par 'gyur/ /tha ma la ni ma bltos par/ /de gnyis 'grub pa yod ma yin/ /de phyir mchog gi ngang tshul dang/ / 'bring gi tshul yang yod ma yin/ /zhes bya bar sbyar te/ de dag gi snga ma bzhin du sgrub ba dang sun dbyung ba dag kyang bstan par bya'o/ /de bzhin du ngang tshul gzhan gnyis bsnor ba yang brjod par bya'o zhes bya bas ni ji ltar sngar/ rim ba'i tshul ni 'di nyid kyis/ /lhag ma gnyis po bsnor ba dang/ zhes smos pa bzhin du 'dir yang de bzhin du sbyar ba'i skabs ston te/ ji ltar mchog dang 'bring gnyis tha ma la bltos pa dang ma bltos par yang 'grub pa med par bstan pa de bzhin du mchog dang tha ma gnyis 'bring la bltos pa dang ma bltos par yang 'grub pa med pa dang/ 'bring dang tha ma gnyis mchog la bltos ba dang ma bltos par yang 'grub pa med pa bsnor ba lhag ma gnyis kyang snga ma bzhin du shes par bya ste/ lhag ma gnyis su bsnor ba'i tshigs su bcad pa yang 'di ltar sbyar bar bya ste/ mchog dang tha ma'i dang tshul can/ /gal te 'bring la bltos gyur na/ /mchog dang tha ma'i ngang tshul can/ /'bring la yod pa nyid du 'gyur/ /mchog dang tha ma'i dang tshul can/ /gal te de na med gyur na/ /mchog dang tha ma'i ngang tshul can/ /ji ltar de la bltos par 'gyur/ /'bring po la ni ma bltos par/ /de gnyis 'grub pa yod ma yin/ /de phyir mchog gi ngang tshul dang/ /tha ma yang na yod ma yin/ zhes bya ba dang de bzhin du/ 'bring dang tha ma'i ngang tshul can/ /gal te mchog la bltos gyur na/ /'bring dang tha ma'i ngang tshul can/ /mchog la yod ba nyid du 'gyur/ /'bring dang tha ma'i ngan? tshul can/ /gal te de na med gyur na/ /'bring dang tha ma'i ngang tshul can/ /ji ltar de la
- 121b
bltos par 'gyur/ /mchog gi ngang tshul ma bltos par/ /de gnyis 'grub pa yod ma yin/ /de phyir 'bring gi ngang tshul dang/ /tha ma yang ni yod ma yin zhes bya bar sbyar te/ de dag gis snga ma bzhin du sgrub pa dang/ sun dbyung ba dag kyang bstan par bya'o/ /mchog dang tha ma 'bring la sogs zhes bya ba la sogs pa'i sgras na thog ma dang/ tha ma dang/ dbus dang/ gcig pa nyid dang/ tha dad pa nyid dang/ de nyid dang/ gzhan nyid dang/ bdag dang/ bdag med pa dag bltos pa dang ma bltos par 'grub pa med pa yang snga ma bzhin du sbyar ba dag bsdu'o/ /da ni gcig la sogs pa'ang shis par bya zhes bya ba'i sgrub pa dang/ sun dbyung ba dag bstan pa'i phyir/ de bzhin du gcig la sogs pa dag kyang shes par bya ste zhes bya ba smras so/ /de nyid bstan pa'i phyir gcig nyid dang gnyis nyid dang mang po nyid la sogs pa dag go zhes bya ba smras so/ /'dir yang snga ma bzhin du bstan par bya ste zhes bya ba ni de dag kyang bltos pa can nam 'on te ma bltos par 'grub pa zhig tu 'gyur grang na/ brtag pa gnyi ga yang mi 'thad do zhes bya bar sbyar ro/ /de la re zhig brtag pa dang po mi 'thad par bstan pa'i phyir/ don dam par grangs gcig nyid la gcig nyid kyi ngo bo nyid med de/ /grangs nyid yin na bltos pa dang bcas pa'i phyir gnyis nyid bzhin no zhes bya ba la sogs pa brjod par bya'o zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gnyis nyid ni gangs nyid yin na bltos pa dang bcas pa'i phyir de la yang gnyis nyid kyi ngo bo nyid med pa de bzhin du grangs gcig nyid kyang grangs nyid yin na bltos pa dang bcas pa'i phyir/ de la yang gcig nyid kyi ngo bo nyid med do/ /sogs pa'i sgras lhag ma gnyis po snor ba yang 'di ltar spyar te/ don dam par grangs gnyis nyid la
- 122a
gnyis nyid kyi ngo bo nyid med de/ grangs yin na bltos pa dang bcas pa'i phyir gcig nyid bzhin no/ /de bzhin du don dam par grangs mang po nyid la mang po nyid kyi ngo bo nyid med do/ grangs nyid yin na bltos pa dang bcas pa'i phyir gcig bzhin no zhes bya bar sbyar te/ re zhig de dag gis ni grangs bltos te 'grub par mi 'thad par bstan to/ /ma bltos par 'grub pa med pa'i brtag pa gnyis pa yang snga ma /zhin du ci rigs par sbyar ro/ /de dag bltos pa dang ma/ / bltos bar yang 'grub ba med par bstan ba'i tshigs su bcad pa yang 'di ltar sbyar bar bya ste/ gcig dang gnyis kyi ngang tshul can/ /gal te mang po bltos gyur na/ /gcig dang gnyis kyi ngang tshul can/ /mang po la ni yod par 'gyur/ /gcig dang gnyis kyis? dang ngang tshul can/ /gal te de na med gyur na/ /gcig dang gnyis kyi dang tshul can/ /ji ltar de la bltos bar gyur/ /mang po lan mi bltos pa/ /de gnyis 'grub ba yod ma yin/ /de phyir gcig gi ngang tshul dang/ /gnyis kyi tshul yang yod? ma yin zhes bya ba dang/ de bzhin du lhag ma gnyis po bsnor ba'i tshigs su bcad pa yang 'di ltar sbyad bar bya ste/ gcig dang mang po'i dang tshul can/ /gal te gnyis la bltos gyur na/ /gcig dang mang po'i ngang tshul can/ /gnyis la yod pa nyid du 'gyur/ /gcig dang mang po'i dang tshul can/ /gal te de na med gyur na/ /gcig dang mang po'i dang tshul can/ /ji ltar de la bltos par 'gyur/ /gnyis kyi ngang tshul ma bltos bar/ /de gnyis 'grub pa yod ma yin/ /de phyir gcig gi ngang tshul dang/ /mang po yang ni yod ma yin zhes bya ba dang/ de bzhin du/ gnyis dang mang po'i dang tshul can/ /gal te gcig la bltos gyur na/ /gnyis dang mang bo'i dang tshul can/ /gcig la yod ba nyid du 'gyur/ /gnyis dang mang po'i dang tshul can/ /gal
- 122b
te de na med gyur na/ /gnyis dang mang po'i rling? tshul can /ji ltar de la bltos par 'gyur/ /gcig gi dang tshul ma bstos par/ /de gnyis 'grub pa yod ma yin/ /de phyir gnyis kyi dang tshul dang/ /mang po yang ni yod ma yin/ /zhes byang bar sbyar te/ de dag gis snga ma bzhin du sgrub pa dang/ sun de byung ba dag kyang bstan par bya'o/ /gang dag grangs dngos po las gzhan bar mi 'dod pa de dag gnyis pa med pa ni gcig yin la/ de dang gzhon ni gnyis yin/ de gnyis dang gzhan ni gsum yin/ de phan chad ni mang po yin bar 'dod do zhes bya ba ni sngar grangs can dgag ba dag bsten pes ni bye brag pa dag grangs dngos po las gzhan pa'i tshig gi don rdzus yod par 'dod pa'i gzhung dgag pa bstan to/ /skabs 'dis ni bye brag bdag las gang dag grangs zhes bya ba'i tshig gi don dngos po las gzhan par mi 'dod pa de dag gi gzhung dgag pa sten to/ /de dag na re grangs gcig ces bya ba ni gnyis pa med pa'o/ /gnyis zhes bya ba ni gcig de dan gzhan brad pa'o/ /gsum zhes bya ba ni de gnyis dang gzhan phrad pa'o/ /de phan chad ni mang po yin no zhes zer ro/ /de dag gi gzhung dgag pa bstan pa'o phyir/ de dag la yang snga ma bzhin du bstan par bya ste/ don dam par gcig la gcig gi ngo bo nyid med de/ bgrang par bya ba yin pa'i phyir dper na de las gzhan bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gcig las gzhan pa gnyis la sogs pa ni bgrang bar bya ba yin ba'i phyir de dag la gnyis la sogs ba'i ngo bo nyid med pa de bzhin du gcig kyang bgrang par bya ba yin ba'i phyir de la yang gcig gi ngo bo nyid med de/ de bzhin du gnyis la gnyis kyi ngo bo nyid med do zhes bya ba la sogs pa dag kyang bcod par bya ste zhes bya ba ni 'di ltar sbyar te
- 123a
don dam par gnyis la gnyis kyi ngo bo nyid med de/ bgrang bar bya ba yin pa'i phyir dper na de las gzhan bzhin no/ /gsum la gsum gyi ngo bo nyid med de/ /bgrang bar bya ba yin pa'i dper na las gzhan bzhin ne/ /mang po la mang po'i ngo bo nyid med de/ bgrang bar bya ba yin pa'i phyir dper na de las gzhan bzhin no zhes bya bar sbyar ro/ /dam bcas pa'i don rnam par brtags nas rgyas par snga ma bzhin du sbyar ro zhes bya bas ni grangs can dgag pa'i skabs de dag ? bcas pa la khyad par yod par zad kyi/ gtan tshigs dang dpe dag snga ma bzhin du sbyar te/ gcig dang gnyis dang mang po dgag pa'i rjes su dpag pa rgyas par spyad ro zhes bstan to/ /da ni gcig la sogs pa'ang shes par bya zhes bya ba la sogs pa'i sgras bsdu ba bstan pa'i phyir/ sogs pa'i sgras ni chung ngu dang/ chen po dang/ ring po dang/ thung ngu dang/ thag nye ba dang/ thag ring pa dang/ sngon dang/ phyi ma dang/ rgyu dang 'bras bu dang/ 'dus byas dang/ 'dus ma byas la sogs pa dag la yang de bzhin du brjod par bya'o zhes bya ba smras te/ de dag kyang bltos pa dang ma bltos par 'grub pa med pa'i tshul snga ma bzhin du ci rigs par sbyar bar bya'o/ /de lta bas na de dag thams cad kyang don dam par rang las rab tu 'grub pa ma yin te 'jig rten gyi tha snyad kyi dbang gis ni ji ltar grags pa bzhin du brjod par bya'o/ /dus yod par smra ba dag na re don dam par dus ni yod pa kho na yin te/ tshad? dang ldan pa'i phyir ro/ /'di na gang yong pa ma yin pa de la ni tshad med de/ dper na rta ? bzhin no// dus la ni chid skad cig dang/ thang gcig dang/ yud tsam dang/ mtshan mo dang nyin mo dang/ zla ba phyed dang/ zla ba dang/ dus tshigs dang/ nur pa dang/ lo la sogs lan g.yong ngo/ /gang tshad dang ldan pa de ni yod de/ dper na 'bru? la sogs ba
- 123b
bzhin pas de'i phyir dus ni yod pa kho na yin no zhes zer ro zhes bya ba ni dus yod par smra ba dag skad cig la sogs pa'i tshang dang ldan pa'i gdan tshigs kyis dus yod par sgrub? pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar pa'i sbyor ba dang/ chos mthun ba'i phyogs kyi dpe dang/ mjug bsdu ba yin par go rim bzhin du spyir te/ 'di na rta'i rwa lta bu med pa gang tshad dang mi ldan ba de ni yod pa ma yin gyi 'bru la sogs pa gang dag tshad dang ldan pa de dag ni yod pa yin pa de bzhin du dus kyang skad cig la sogs pa'i tshad dang ldan pa'i phyir yod ba kho na yin no zhes zer ro/ de skad ces zer bde'i lan du 'grel pa byed pa nyid kyis 'dir bshad pa/ mi gnas dus su 'dzin mi byed/ /'du byed kyi tshogs ni skye ba dang 'jig pa'i chos can yin pas mi gnas pa ste/ de la ni khyed kyang tha snyad du yang dus zhes 'dzin par mi byed do zhes bya ba smras te/ skad cig dang thad cig dang yud tsam dang mtshan mo dang/ nyin mo dang zla ba phyed dang/ zla ba dang/ dus tshigs dang/ nud pa dang/ /lo la sogs pa dag ni nang phyi rol gyi 'du byed kyi tshogs skye ba dang/ /'jig pa'i chos can nges par mi gnas pa'i ngo bo nyid dag gi gnas skabs yin la 'du byed kyi tshogs de dag ni skye ba dang 'jig pa'i chos can yin pas nges par mi gnas pa de nges par mi gnas pa de la ni dus yod par smra ba khyed kyang tha snyad du yang dus dus zhes 'dzin par mi byed pas khyed kyi gtan tshigs skad cig la sogs pa'i tshad dang ldan pa'i phyir ro zhes bya ba de'i don ma grub pas dus dngos po las gzhan pa'i tshig gi don logs shig na yod pa ma yin no/ /gang zhig gzung bar ba ba'i dus/ gnas pa yod pa ma yin pas/ /dngos po las gzhan pa gang zhig gang gis de'i ngo bo nyid du gzung bar bya ba des par gnas
- 124a
pa'ang yod pa ma yin pas so zhes bya bas ni 'di skad bstan te/ 'du byed kyi cho gas skye ba dang 'jig pa'i chos can mi gnas pa de ni mi rtag pa'i phyir khyed kyang dus nyid yin par mi 'dod pas 'du byed kyi dngos po las gzhan pa gang zhig gis dus de'i ngo bo nyid du gzung bar bya ba nges par gnas pa yang med pa de'i phyir dus zhes bye ba 'du byed kyi dngos po las gzhan par nges par gnas pa yod pa ma yin no/ /ji ltar yud tsam yang cung zad 'das pa'am cung zad ma 'ongs pa la yud tsam zhes gdags pa yin gyi/ yud tsam zhes bya ba ril por nges par gnas pa'i dngos po 'ga' yang yod pa ma yin na mtshan mo dang/ nyin mo dang/ zla ba phyed dang/ zla ba dang/ dus tshigs dang/ nur ba dang/ lo la sogs ba dag la smos kyang ci dgos/ de la 'di snyam du 'di na skad cig dang thad cig tsam zhig nges par gnas pa yod par sems na de la bshad par bya ste/ skad cig dang thad cig tsam zhig des par gnas pa yang med de/ gal te nges par gnas pa zhig yod bar gyur na de na 'das pa yang ma yin/ ma 'ongs pa yang ma yin te/ ci'i phyir zhe na/ /nges par gnas pa kho na yin pa'i phyir de ni da ltar yang ma yin te/ ci'i phyir zhe na/ da ltar zhes bya ba ni 'jug pa'i phyir da ltar zhes brjod pa yin na/ gal te nges par gnas pa yin na de grub pa yin gyi/ 'jug pa ma yin pas 'jug pa ma yin pa na da ltar ma yin pa'i phyir ro/ /de lta bas na gang zhig gang gis nges par gzung bar bya ba'i dus 'du byed kyi dngos po las gzhan pa des par gnas pa yod pa ma yin no/ /gang yod pa ma yin pa de ji ltar gzung bar bya/ gang gzung du med pa de ni dus su gdags su mi ru ngo/ /de'i phyir/ ma gzung dus su ji ltar gdags/ /gzung du yod na gdags par bya ba nyid yin pa'i phyir ro zhes bya bar dgongs so zhes
- 124b
bya ba smras te/ rnam pa gang gis kyang ma gzung zhing ma dmigs pa'i dus nam mkha' i me tog lta bu de dus su ji ltar gdags te 'di ltar 'du byed kyi chogs kun rdzob tu gzung du yod par nyid dus yin par 'dod na ni gzung du yod pa de la dus zhes gdags par bya ba nyid yin no/ khyod ni dus zhes bya ba 'du byed kyi tshogs las gzhan ba don dam par rdzas su yod par 'dod pas de lta bu'i tshig gi don nges par gnas pa ma yin pa/ rnam pa gang gis kyang ma gzung ba de dus zhes byar gdags su mi rung ngo/ /de ltar na 'dis ni yud tsam la sogs pa'i tshang ni 'du byed nyi ma'i bgros la sogs pa'i bya ba gzhan yongs su gcod pa nyid dag gi chos yin gyi/ dus kyi ma yin par bstan pas gtan tshigs kyi gzhi ma grub pa nyid dang dpe med do zhes bya bas ni 'di skad bstan to/ pha rol po dag gi sgrub pa'i chos yud tsam la sogs pa'i tshad de ni 'du byed kyi chos yin gyi dus gyi chos ma yin par bstan bas des na nyi ma'i 'gros la sogs pa'i bya ba gzhan gyis gzhan yongs su gcod pa ma gtogs par dus zhes bya ba'i bdag nyid logs shig na med pas pha rol po dag gi gtan tshigs yud tsam la sogs pa'i tshad dang ldan pa'i phyir ro zhes bya ba de'i gzhi ma grub pa nyid dang/ pha rol po dag gi dpe 'bru la sogs pa bzhin pas shes par bya ba de yang don dam par med par ma grub bo/ /mi gnas dus su 'dzin mi byed/ ces bya ba 'di la gzhan dag na re 'di la dngos po nges par gnas pa rnams ni tshad las gzung ngu rung ste/ dper na shing 'di ni mtho'o/ /ba 'di ni chu ring ngo/ /mi 'di ni thung ngo/ /glang po che 'di ni che'o zhes bya ba lta bu yin na dus ni de ltar nges par gnas pa ma yin pas de la tshad mi 'grub bo zhes zer ro zhes bya ba ni skabs 'di la 'grel pa byed pa gnas brtan bud+dta pA li ta na re/ gal te dus shid la sogs pa ltar nges par gnas pa yin par gyur na ni des na mtho'o zhes bya ba la sogs pa'i tshad las gzung du rung bar yang
- 125a
'gyur ba zhig na gang gi phyir dus la ni gang tshad las gzung bar bya ba ril por nges par gnas ba min pa de'i phyir tshad las gzung du med pas pha rol po dag gi gtan tshigs tshad dang ldan pa'i phyir zhes bya ba de ma grub bo zhes zer ba'i tshig yin no/ /gzhan ma yin pa na re de ni bzang po ma yin te/ gzugs can ma yin pa nges par mi gnas pa la yang tshad gzung du rung ba'i phyir ro zhes bya ba ni 'grel pa byed pa nyid kyis gnas brtan bud+d+ha pA li ta'i rnam par bshad pa de ma nges pas bzang po ma yin pa nyid du sun 'byin pa'i tshig yin te/ 'di na sgra dang las lta bu gzugs can ma yin pa nges par mi gnas pa dag la yang sgra chung ngo sgre tsha'o zhe 'am/ las chung ngo las che'o zhe 'am/ de dag dge'o mi? dge'o zhes tshad gzung du rung bar mthong pas nges na ci re zhig tshad gzung du rung ba'i phyir shing la sogs pa bzhin du nges par gnas par 'gyur ram/ 'on te tshad du rung ba'i phyir sgra la sogs pa bzhin du nges bar gnas pa ma yin par 'gyur ba ma des pas de ni bzang po ma yin no zhes zer ro// // bam bo drug cu rtsa bzhi pa/ 'dir smras pa/ dus ni rtag pa yin te/ de la skad cig dang/ thar cig dang/ yud tsam la sogs pa dang/ 'das pa dang/ ma 'ongs pa dang/ da ltar byung pa la sogs bdag yod pa ni nye bar gnas pa sna tshogs kyi khyad par las nor bu bzhin nam smin pa'i khyad par las smin par bya ba bzhin no zhes bya ba ni sngar dbu ma pas skad cig dang/ thar cig dang/ yud tsam la sogs pa dag ni 'du byed kyi tshogs skye ba dang 'jig pa'i chos can rnams kyi khyad par yin pas mi rtag pa'i phyir dbu ma yin la/ de las gzhan pa dus kyi ngo bo nyid du gzung bar bya ba nges par gnas pa'i yod pa ma yin pas dus dngos po las gzhan du ma yin pa rtag pa nyid med do zhes bshad ba de la 'dir? dus yod par smra ba dag dus zhes bya ba dngos po las gzhan gi? drang?
- 125b
rtag pa yod par gzhung brdugs shing phyir zlog pa'i tshig yin te/ de dag na de don dam par dus ni dngos po las gzhan pa dang rtag pa nyid yin la/ skad cig dang/ thad cig dang/ yud tsam la sogs pa dngos po'i ngo bo nyid mi rtag pa dag de la yod pa ni tha snyad du nye bar btags pa yin te/ dper na shel sgong yongs su dag pa la kha dog gi rkyen nye bar gnas pa rnam pa sna tshogs ba'i khyad par las shel gong yang kha dog sna tshogs nyid du snang ba dang/ smin par bya ba'i shing tog rigs gcig la smin pa'i bya ba nye bar gnas ba sna tshogs nyid kyi khyad par las shing tog kyang kha dog sna tshogs nyid du 'gyur ba bzhin no zhes zer ro/ /de skad ces zer ba de'i lan du 'grel pa byed pa nyid kyis 'dir bshad pa/ kho bcog gi phyogs la dngos po dngos po gzhan la brten cing bltos pa'i dngos po la skad cig la sogs pa'i sgrar brjod de zhes bya ba smras te/ kho bo cag gi phyogs la chos mngon pa ba dag gi grub pa'i mdza' las rdul phra rab gzhan gyi gan du 'gro ba ni skad cig ces bya'o zhes grag ste/ des na dngos po dngos po gzhan dag la brten cing bltos pa'i dngos po la skad cig la sogs ba'i sgrar brjod de de yang dngos po'i chos yin gyi/ dus kyi ni ma yin pas gal te khyed kyang kun rdzob kyi tha snyad du dus zhes bya ba skad cig la sogs pa'i dngos po la brten te gdags par 'dod na ni da kho bo cag la 'dod pa nyid yin no 'on te don dam par skad cig la sogs pa'i dngos po la brten pa gzhan rtag pa zhig yod par 'dod na ni de yod pa ma yin pa nyid do zhes brtag pa gnyis ston to/ /de la de zhig brtag pa dang po bstan pa'i phyir/ de la gal te dus ni dngos brten na tha snyad du de dngos por brjod na ni de 'dod ba nyid ngo zhes bya ba smras te/ khyed kun rdzob kyi tha snyad du dus zhes bya ba skad cig la sogs pa dngos po'i chos de dag nyid yin par brjod na ni de kho bo cag 'dod pa nyid yin no/ /brtag pa gnyis pa bstan pa'i phyir/ ci ste don
- 126a
dam par na ni dngos po nyid kyang ma grags pas/ dngos med dus ni gal yod/ /de yod pa ma yin pa nyid do zhes bya ba'i tshig gi don to zhes bya ba smras te/ don dam par ni skyed cig la sogs pa'i dngos po nyid kyang ma grags pas dngos po med pa'i phyir dus dngos po la brten pa gzhan rtag pa ga la yod de/ skye ba lta bu ste/ de yang 'du byed kyi chos yin gyi dus kyi ma yin no/ /'du byed kyi rgyun mang po 'jug pa las yun ring po zhes bya ba dang/ 'du byed kyi rgyun nyung du 'jug pa las myur ba zhes bya bar shes ba skye ste zhes bya ba yang dpe dmar me de dag nyid kyi rgyun mang po rgyun rings su 'jug pa la/ yun ring po zhes bya zhing rgyun nyung dus nye bar 'jug pa las myur ba zhes bya bar shes pa skye ba lta bu ste/ de yang 'du byed kyi chos yin gyi dus kyi ma yin no/ /de'i snga ma la sogs par shes pa ni 'du byed kyi chos yin pa'i phyir gtan tshigs med pas dus lta yod par ga la 'gyur/ de sgrub pa'i phyir gtan tshigs bstan pa ma grub pa'i phyir ro zhes bya bar dgongs so zhes bya ba ni kun rdzob kyi tha snyad du yang snga ma dang phyi ma la sogs par shes pa ni 'du byed kyi chos yin gyi dus kyi ma yin pas pha rol po dag gi dus de rdzas kyi ngo bo nyid du yod pa kho nar bsgrub pa'i phyir rtags pa snga ma dang phyi ma la sogs pa dag yod pa'i phyir ro zhes gtan tshigs bstan pa ma grub pa'i phyir don dam par dus lha rdzas kyi ngo bo nyid yod par gal 'gyur zhes bya ba dgongs so/ /ci ste snga ma la sogs par shes pa 'du byed kyi chos yin gyi dus kyi chos ma yin pa zhes bya ba de ga las shes shen zhes bya ba ni pha rol bo dag na re de 'thad pa gang las de ltar shes zhes 'dri ba'i tshig yin no/ /de'i lan du dus rtag pa dad gcig pur ston pa'i rjes su dpag pa med pa las te zhes bya ba smras te/ pha rol po dag la dus rtag pa dang/ gcig pur ston pa'i rjes su dpag
- 126b
ba med pa las dpe las na snga ma la sogs par shes pa ni 'du byed kyi chos yin gyi dus kyi chos ma yin par shes so/ /de nyid kyi rjes su dpag pa bstan pa'i phyir tha nyad? du yang dang snga ma la sogs par shes pa'i dus rtag pa dang gcig bu'i rgyu ma yin te/ shes pa yin pa'i phyir dper na gzugs la sogs par shes pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gzugs la sogs par shes pa ni shes pa yin pa'i phyir tha snyad du yang dus rtag pa dang gcig pu'i rgyu ma yin pa de bzhin du snga ma la sogs par shes pa yin pa'i phyir tha snyad du yang dus rtag pa dang gcig pu'i rgyu ma yin no/ /gal te dus ni rdzas su yod pa yin te/ brtags par yod pa'i phyir ro zhe na zhes bya ba ni pha rol po dag brtags par yod pa'i gtan tshigs kyis dus rdzas su yod par sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar ro/ /de skad ces zer ba de dag la dbu ma pas ji lta bu zhes brjod par bya'o zhes bya ba ni dper na ji lta bu zhes dri bar bya'o/ /de skad ces dris pa na pha rol po dag na re gal te gzugs la sogs pa bzhin zhe na zhes bya ba ni gal te pha rol po dag na re/ dus ni rdzas su yod pa yin te/ brtags par yod pa'i phyir dper na gzugs la sogs pa bzhin no zhe na'o/ /de skad ces zer na de dag la dbu ma pas 'di skad ces/ don dam par ji skad bstan pa'i tshul gyis gzugs la sogs pa'i dngos po grub pa med pas dngos med dus ni ga la yod/ ces brjod par bya ste/ don dam par sngar rigs pa ji skad bstan pa'i tshul gyis gzugs la sogs pa'i dngos po grub pa med pas pha rol po'i dpe med de yod pa ma yin pa nyid do/ /de'i phyir ji skad smras pa'i skyon nyams pa med do zhes bya ba ni mjug bsdu ba yin te/ de ltar don dam par dus dngos po las gzhan
- 127a
pa yang/ rtag pa nyid med pa de'i phyir sngar pha rol po dag gi gtan tshigs kyi gzhi ma grub pa nyid dang dpe yang med do zhes ji skad smras pa'i skyon nyams pa med do/ /'dir smras pa/ don dam par dus ni rdzas kyi ngo bo nyid du yod pa kho na yin te/ rtags yod pa'i phyir ro/ /'di na gang yod pa ma yin pa de la ni rtags med de/ dper na ri bong gi rwa bzhin no/ /dus la ni rtags snga ma dang phyi ma dang/ cig car dang/ cig car ma yin pa dang/ yun ring po dang myur ba zhes bya ba dag yod pas de'i phyir dus ni rdzas kyi ngo bo nyid du yod pa kho na yin no zhes bya ba ni pha rol po dag dus kyi rtags snga ma dang phyi ma la sogs pa dag yod pa'i gtan tshigs kyis dus rdzas kyi ngo bo nyid du yod par sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na ri bong gi rwa lta bu yod pa ma yin pa gang la rtags med pa de ni rdzas kyi ngo bo nyid du med ba ma yin gyi/ dus la ni rtags snga ma dang phyi ma la sogs pa dag yod pa de'i phyir dus ni don dam par rdzas kyi ngo bo nyid du yod pa kho na yin no zhes zer ro/ /de skad ces zer ba de'i lan du 'grel pa byed kyis 'dir bshad pa/ dngos po 'ga' yang yod min na/ zhes bya ba smras te/ don dam par dngos po 'ga' yang yod ba ma yin pa nyid yin na dus kyi rtags snga ma dang phyi ma la sogs pa dag lta yod par ga la 'gyur zhes ston to/ /yang zhes bya ba'i sgra ni nges par gzung ba'i don to zhes bya ba ni tshig le'ur byas pa'i rtsa ba de las yang zhes bya ba'i sgra smos pa ni nyid ces nges par gzung ba'i don to/ /de nyid bstan pa'i phyir/ kho bo cag gi phyogs la don dam par dngos po 'ga' yang yod pa ma yin pa nyid do zhes bya ba smras te/ des na don dam par dngos
- 127b
po 'ga' yang yod pa ma yin pa nyid yin na dus kyi rtags snga ma dang phyi ma la sogs pa dag lta yod par gal 'gyur te/ de ltar rtags med pas pha rol po dag gi gtan tshigs dus la rtags snga ma dang phyi ma la sogs pa dag yod pa'i phyir ro zhes bya ba'i don ma grub pas don dam par dus rdzas kyi ngo bo nyid du yod pa ma yin no/ /kun rdzob kyi tha snyad du snga ma dang phyi ma la sogs par shes pa ni 'du byed kyi chos yin gyi dus kyi ma yin pas pha rol po dag gi gtan tshigs ma grub par bstan pa'i phyir/ tha snyad du ni 'du byed kyi rgyun tha dad pa la bltos nas snga ma dang phyi ma zhes bya bar shes pa de skye zhing zhes bya ba la sogs pa smras te/ kun rdzob kyi tha snyad du ni dper na khang khyim tha dad par mar me btsugs pa'i rgyun tha dad pa la bltos nas khang khyim snga ma'i mar me'i rgyun las phyi ma'i mar me'i rgyun snga phyir gyur pa lta bu la snga ma dang phyi ma zhe 'am/ pha rol dang tshu rol zhe 'am/ gzhan dang gzhan ma yin pa zhes bya bar shes pa skye ba de yang 'du byed kyi chos yin gyi dus kyi chos ma yin no/ /'du byed kyi skad cig ma tha mi dad pa nye bar gyur pa las cig car zhes bya ba dang de las zlog pa las cig car ma yin pa zhes bya ba dang zhes bya ba yang dper na mar me de gnyis dus gcig tu byung ba la cig car zhes bya zhing dus cig ma yin par byung ba la cig car ma yin pa zhes bya bar shes pa'i phyir dus rdzas su yod par mi 'grub bo zhes bstan par bya'o/ /de nyid bstan pa'i phyir/ gzugs kyi mtshan nyid kyi dngos po med pa'i phyir dpe nyid du bzhag pa dag gi dngos po med na dus ga la yod de dpe ma bstan pas dus ma 'grub bo zhes bya ba'i tha tshig go zhes bya ba smras te/ re zhig de dag gis ni pha rol po'i sgrub pa la dpe med pas dus rdzas su yod par ma grub bo zhes bstan to/ /shing rta dang dmag dang nags tshal la sogs pa rdzas su yod pa ma yin pa dag la yang med kyang yod do zhes brtags par yod pa'i
- 128a
phyir gtan tshigs ma nges pa nyid kyang yin no zhes bya bas ni pha rol bo dag gi gtan tshigs brtags par yod ba'i phyir zhes bya ba de ma nges pa nyid yin bsam grub bar ston te/ 'di na shing rta dang dmag dang nags tshal la sogs pa rdzas su yod pa ma yin pa dag la yang med do zhes brtags par yod par mthong bas des na ci re zhig brtags par yod pa'i phyir shing rta dang dmag dang nags tshal la sogs pa dag bzhin du rdzas su yod pa ma yin par 'gyur ram/ /'on te brtags par yod pa'i phyir dus rdzas su yod par 'gyur ba ma nges pa nyid yin pas pha rol po dag gi gtan tshigs de ma grub bo/ /gal te shing rta la sogs pa yan lag can dag rdzas nyid du bstan pa'i phyir skyon med do zhe na zhes bya ba ni pha rol po dag na re kho bo cag gi gzhung las shing rta la sogs pa yan lag can dag rtsibs la sogs ba yan lag dag gis brtsams pas rdzas nyid du bstan pa'i phyir kho bo cag gi gtan tshigs ma nges pa nyid kyi skyon med do zhes zer ba'i tshig yin no/ /de'i lan du/ /yan lag can dag rdzas nyid du bstan pa dgag pa sngar bshad zin pas skyon med pa ma yin no zhes bya ba smras te/ yan lag can rdzas nyid du yod pa ma yin par dgag pa'i rjes su dpag pa sngar bshad pa dag gis shing rta la sogs pa yan lag can dag rdzas nyid du bstan pa bkag zin pas pha rol po dag gi gtan tshigs ma nges pa nyid kyi skyon med ba ma yin pas rdzas su yod par ma grub po/ /gang dag dus ni dngos po la brten nas gdags pa kho na yin te/ yud tsam zhig 'dug par gyur na/ nyin gcig 'dug go zla ba gcig 'dug par gyur to zhes bya ba lta bu'o zhes zer ba de dag la yang zhes bya bas ni bye brag pa la sogs pa gang dag dus dngos po la brten nas gdags pa kho na yin te/ yud tsam dang/ nyin mo dang/ zla
- 128b
ba'i dngos po la brten nas 'dug bar gyur to/ /'dug go /'dug bar 'gyur ro zhes dus gsum gdags par 'dod pa de dag gi gzhung dgag pa ston to/ /de skad ces zer ba de dag la yang/ dngos po 'ga' yang yod min na/ /dus lta yod par ga ? 'gyur zhes brjod par bya ste/ de las gzhan pa'i dus med par ro zhes bya bar dgongs so zhes bya bas ni yud tsam dang nyin mo dang zla ba la sogs pa'i dngos po dag kyang don dam par 'ga' yang yod pa ma yin pas de las gzhan pa'i dus kyang med pa'i phyir dngos po la brten nas gdags pa'i dus lta yod par ga la 'gyur zhes bya bar dgongs so zhes bstan to/ /dus yod par smra ba dag na re dus ni yod pa kho na yin te/ brjod pa khyad par can 'jug pa'i rgyu yin ba'i phyir ro/ /'di ni gang med pa de ni brjod pa khyad par can 'jug pa'i rgyu nyid yin par ma mthong ste/ dper na ri bong gi rwa bzhin no/ /dus ni sab ma byas so byed do byed par 'gyur ro zhes brjod pa khyad par can 'jug pa'i rgyu nyid yin par mthong bas de'i phyir dus ni yod pa kho na yin no zhes zer ro zhes bya ba ni 'dir dus yod par smra ba dag dus ni sab ma la sogs pa byas so byed do byed par 'gyur ro zhes brjod pa khyad par can 'jug pa'i rgyu nyid yin pa'i gtan tshigs kyis dus yod pa kho nar sgrub ba'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ /mjug bsdu ba yin par go rim bzhin du sbyar te/ /'di na ri bong gi rwa lta bu med pa gang brjod pa khyad par can 'jug ba'i rgyu nyid ma yin pa de ni yod pa ma yin gyi/ dus ni sab ma la sogs pa byas so byed do byed par 'gyur re zhes brjod pa khyad par can 'jug pa'i rgyu yin pas de'i phyir dus ni yod pa kho na yin no zhes zer ro/ /de skad ces zer ba de'i lan du 'dir 'grel pa byed pa nyid kyis
- 129a
de ni bzang po ma yin te/ byas pa la sogs pa'i brjod pa khyad par can 'jug pa ni 'du byed kyi chos yin pa'i phyir gtan tshigs kyi don ma grub pa nyid do zhes bya ba smras te/ byas pa la sogs pa'i brjod pa khyad par can 'jug pa ni sab ma la sogs pa 'du byed kyi chos yin gyi/ dus kyi ma yin pa'i phyir pha rol po'i gtan tshigs kyi don ma grub pa nyid do/ /don 'gal ba nyid kyang yin te/ brjod ba khyad par can 'jug pa'i rgyu nyid ni kun rdzob pa yin pa'i phyir ro zhes bya ba ni pha rol po'i gtan tshigs de'i don 'gal ba nyid du ston te/ brjod pa khyad par can 'jug pa'i rgyu nyid ni kun rdzob pa yin pa'i phyir pa la ta de kun rdzob pa yin par sgrub na dus don dam par yod par 'ded pa dang 'gral pa'i phyir ro// de'i phyir de ltar rnam pa thams cad du dus ma grub pa'i phyir de gsal ba'i rgyu yin pa'i phyir zhes bya ba'i gtan tshigs kyi don ma grub pa nyid do zhes bya ba ni gtan tshigs kyi rtsa ba'i mjug bsdu ba yin te/ de ltar dus bltos pa dang/ ma bltos pa la sogs pas rnam pa thams cad du ma grub pa'i phyir sngar pha rol po dag gis don dam par dngos po rnams kyi ngo bo nyid yod pa kho na yin te/ gsal ba'i rgyu yin pa'i phyir dper na mar me bzhin no zhes smras pa'i gtan tshigs kyi rtsa ba'i don ma grub pa nyid de/ de ltar dus nyid ma grub pas dngos po rnams kyi ngo bo nyid ni dus de gsal ba'i rgyu ma yin pa'i phyir don dam par dngos po rnams kyi ngo bo nyid yod pa ma yin pa kho nar grub bo/ /de la 'dir rab tu byed pa'i don ni pha rol pos rab tu byed pa'i dang por sgrub pa smras pa'i skyon brjod pa dang rang gi sgrub pa kha na ma tho ba med par bstan pa dag gis stong pa nyid kyi mi mthun pa'i phyogs kyi khyad par dgag pas dus ngo bo nyid med pa nyid bstan pa yin no zhes bya ba ni mjug
- 129b
bsdu pa dang tshad ma'i 'bras bu yin te/ dus brtag pa'i rab tu byed pa bcu dgu pa'i skabs 'dir rab tu byed pa'i don tshad ma'i 'bras bur blta ba ni pha rol pos rab tu byed pa 'di'i dang bor don dam par dngos po rnams kyi ngo bo nyid yod pa lo na yin te/ gsal ba'i rgyu yin pa'i phyir dper na mar me bzhin no zhes bya pa la sogs pa sgrub pa smra ba'i skyon brjod pa dang/ bstan bcos mdzad pa rang gis dus mi 'thad pa'i sgrub pa kha na ma tho ba med pa bstan pa dag gis stong pa nyid kyi mi mthun pa'i phyogs ki khyad par dgag pas dus ngo bo nyid med pa nyid du bstan pa yin no/ /dus ngo bo nyid du bstan pa la yon tan ci yod pa dang/ de bstan pa 'di la gzhan dag na re rtog ge skam po'i bstan bcos tsam nyid tshes bsgrub so zhes zer ba bsal ba'i phyir 'dir yid ches pa'i lung gi khungs kyang bsgrub par bya ste/ de'i phyir bcom ldan 'das la 'phags pa lag bzangs kyis zhus pa'i mdo las/ /des dus gsum po 'das pa dang ma 'ongs pa dang da ltar byung ba dag rab tu shes te/ /de la 'du byed gang dag 'das shing 'gags ba de ni 'das pa'i dus zhes bya'o/ /gang dag ma 'ongs shing ma byung ba deni ma 'ongs pa'i dus zhes bya'o/ /gang dag da ltar byung zhing 'jug pa de ni da ltar byung ba'i dus shes bya'o/ /de la da ltar gyi dus kyi phung po dang khams dang skye mched gang yin pa de ni mi gnas pa dang nges par mi gnas par rab tu shes te/ de ci'i phyir zhe na/ 'di ltar 'jig rten ni skad cig las lhag bar mi gnas pa'i phyir ro/ /skad cig ma gang yin pa de la yang skye ba'i dus kyang gzhan la/ gnas pa'i dus kyang gzhan/ 'gag pa'i dus kyang gzhan no/ /skad cig ma de yang mi gnas pa dang nges par mi gnas par rab tu shes so zhes bya ba la sogs pa dang/ de bzhin du mdo sde'i mdza' gzhan dag las chos nyid kyi yang chos nyid gang yin pa de ni 'das pa ma yin/ da ltar ma yin no
- 130a
zhes bya ba la sogs pa dang/ de bzhin du mdo sde'i mdza' gzhan dag las kyang de bzhin gshegs pa ni 'das pa ma yin ma 'ongs pa ma yin/ da ltar ma yin no zhes bya ba ba sogs pa gsungs pa de dag grub pa yin no zhes bya ba smras te/ mdo sde mtshan nyid dang bcas pa de dag gi don bcom ldan 'das gyis kyang 'du byed rnams kho na dus nyid du gsungs kyi de dag las bzhan pa'i 'du byed med par bstan pa yin no/ /de ltar yid ches pa'i lung de dag grub pa ni dus ngo bo nyid med pa nyid du bstan pa'i yon tan dang khungs yin pas de'i phyir rtog gi skam bo tsam nyi chos bsgrubs pa ma yin no/ /de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs de'i 'grel pa byed pa'i mkhas pa nyid yin no/ /slob dpon legs ldan 'byed kyis nye bar sbyar ba dbu ma rtsa ga'i 'grel pa shes rab sgron ma las dus brtag pa zhes bya ba ste/ rab tu byed pa bcu dgu ba'i rgya cher 'grel pa slob dpon spyan ras gzigs brtul zhugs kyis nye bar sgyar ba rdzogs so// //da ni dus ngo bo nyid med pa nyid du bstan pa'i mi mthun pa'i phyogs kyi khyad par dgag pas rgyu dang 'bras bu ngo bo nyid med pa nyid du bstan pa'i don gyi dbang gis rab tu byed pa nyi shu ba brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang/ gzhung 'o gnas 'byung ba dang sbyar ba'i don du blta ste/ tshig gi don ni snga ma bzhin no/ /de la dam bcas pa la 'jug pa'i rgyu'i don gyi dbang du byas nas/ da ni dus ngo bo nyid med pa nyid du bstan pa'i mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rgyen brtag pa'i rab tu byed ba dang po brtsam pa'i skabs su dngos po thams cad skye
- 130b
ba med par dam bcas pa mdzad ba 'dir yang bstan bcos mdzad pas ji ltar dam bcas pa de la 'jug pa'i rgyu'i don gyi dbang du byas nas de skad smras te/ dus ngo bo nyid med pa nyid du bstan pa zhes bya ba ni sngar dus brtag pa'i rab tu byed pa'i skabs su da ni stong pa nyid kyi mi mthun pa'i phyogs kyi khyad par dgag pas dus ngo bo nyid med pa nyid du bstan pa'i don gyi dbang gis rab tu byed pa bcu dgu pa brtsam mo zhes bya bas dus ngo bo nyid med pa nyid du bstan pa yin no/ /de'i mi mthun pa'i phyogs zhes bya ba ni phyir rgol par byed pa'i phyogs te/ dus ngo bo nyid yod pa kho nar smra ba yin no/ de'i khyadpar zhes bya ba ni dus ngo bo nyid yod pa'i da dung smra ba'i khyad par 'og nas don dam par dus ni yod pa kho nar shes par bya ste/ 'bras bu 'grub pa'i rgyu yin pa'i phyir ro zhes bya ba la sogs pa 'byung ba dag yin no/ /de dgag pas zhes bya ba ni de dgag pa'i don gyi dbang gis ni rab tu byed pa nyi shu pa brtsam mo zhes bya bar sbyar ro/ /gzhung 'og nas 'byung ba dang sbyar ba'i don gyi dbang du byas nas rgyu dang 'bras bu ngo bo nyid med pa nyid du bsdan pa'i don gyi dbang gis rab tu byed pa nyi shu pa brtsam mo zhes bya ba smras te/ rgyu dang 'bras bu brtag pa'i rab tu byed pa nyi shu pa'i gzhung 'og nas 'byung ba 'di'i don ni rgyu dad 'bras bu ngo bo nyid med pa nyid du bstan pa yin pas de'i dbang du byas nas de skad ces smras so/ /de la rab tu byed pa 'di'i 'bras bu ni gang yin/ rnam pa gang gis ni 'bras bu de 'thob ce na/ rgyu dang 'bras bu ngo bo nyid med pa nyid du bstan pa ni 'di'i 'bras bu yin la/ dus ngo bo nyid med pa nyid du bstan pa'i mi mthun pa'i phyir kyi khyad par dgag pa'i rnam par ni 'bras byed pa thob pas de'i phyir 'grel pa byed pas rab tu phyed pa'i mtshams sbyar ba'i skabs 'dir thabs dang thabs las byung ba'i 'bras bu dang po kho nar bstan to/ /dus ngo bo nyid med pa nyid du bstan
- 131a
pa'i mi mthun pa'i phyogs kyi khyad par zhes smras pa de nyid bstan pa'i phyir/ rab tu byed pa 'das ma thag par dus ma grub pas gtan tshigs kyi skyon bstan pa'i phyir dus grub na skyon med pas 'dod pa'i don 'grub par bstan pa'i phyir 'dir smras pa zhes bya ba la sogs pa smras te/ sngar dus brtag pa'i rab tu byed pa 'das ma thag pa'i skabs su dbu ma pas dus bltos pa dang ma bltos par yang 'grub pa med par bstan pas dus ma grub pas pha rol po dag gi gtan tshigs don dam par dngos po rnams kyi ngo bo nyid yod pa kho na yin te/ gsal ba'i rgyu yin pa'i phyir zhes bya ba ma grub pa'i skyon bstan pa'i phyir 'dir pha rol po dag dus grub na gtan tshigs ma grub pa'i skyon med pas rang gi 'dod pa'i don grub par bstan pa'i phyir yang 'dir 'di skad ces zer ro zhes bya bar sbyar ro/ /de nyid bstan pa'i phyir don dam par dus ni yod pa kho nar shes par bya ste/ 'bras bu 'grub pa'i rgyu yin pa'i phyir ro/ /'di na sa bon la sogs pa tshogs pa nyid yod kyang dus tshigs med na myu gu 'byung bar mi 'gyur gyi yod na 'gyur la/ gang yod pa ma yin pa de ni 'bras bu 'grub pa'i rgyu nyid yin par ma mthong bas de'i phyir gtan tshigs ji skad smos pa'i mthus don dam par dus ni yod pa kho na yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ rjes su 'gro bas mthun pa'i phyogs bstan pa dang/ ldog pa'i mi mthun pa'i phyogs bstan pa dang/ mjug bsdu ba yin par go rim bzhin du sbyar te/ 'di na ri bong gi rwa lta bu gang med pa 'bras bu 'grub pa'i rgyu nyid yin par ma mthong bde ni yod pa ma yin gyi/ dus tshigs ni sa bon la sogs pa'i tshogs pa nyid yod kyang de med na myu gu 'byung bar mi 'gyur gyi yod na 'gyur bas 'bras bu 'grub pa'i rgyu yin pa'i phyir gtan tshigs ji skad smos pa'i mthus don dam par dus ni yod pa kho na yin no
- 131b
zhes zer ro/ /dus ngo bo nyid pa nyid du bstan pa'i mi mthun pa'i phyogs kyi khyad par de dgag pas rgyu dang 'bras bu ngo bo nyid med pa nyid du bstan pa'i phyir de skad ces zer bde'i lan du 'dir 'brel pa byed pa nyid gyis/ de la re zhig gang dag gi grub pa'i mdza' las rgyu dang rkyen rnams kyi tshogs pa nyid la 'bras bu yod par 'dod pa de dag gi phyir 'di bshad de zhes bya ba smras te/ grangs can dang/ bye brag bdag gi grub pa'i mdza' las rgyu dang rkyen rnams kyi tshogs pa nyid la 'bras bu snga na yod pa las skye bar 'dod pa de dag gi gzhung dgag pa'i phyir tshig le'ur byas pa dang po 'di bshad de/ de yang gal te 'bras bu skye ba nyid 'thad par gyur na ni 'bras bu skye bas dus kyang yod par 'gyur grang na/ 'bras bu skye ba nyid mi 'thad pas 'bras bu'i rgyu can gyi dus yod par gal 'gyur/ 'di ltar gal te tshogs pa nyid las 'bras bu skye par gyur na 'bras bu de tshogs pa nyid de la yod pa 'am med pa las skye bar 'gyur grang na/ gnyi ga las kyang de skye ba mi 'thad de/ /de la re zhig brtag pa dang po mi 'thad par bstan pa'i phyir tshig le'ur byas pa'i dang po 'di bshad do zhes bya bar sbyar ro/ /de nyid bstan pa'i phyir/ gal te rgyu dang rkyen rnams kyi/ /tshogs ba 'di las skye gyur na/ /pha rol po'i tshul gyis 'bras bu zhes bya ba smras te/ des ni pha rol po'i gzhung brnan pa ston te/ grangs can dang bye brag pa la sogs pa dag gi grub pa'i mdza' las rgyu dang rkyen rnams kyi tshogs pa nyid las 'bras bu snga na yod pa las skye bar 'dod pas gal te de dag gi tshul gyis rgyu dang rkyen rnams kyi tshogs pa nyid la 'bras bu snga na yod pa nyid las skye par gyur na'o/ /da ni de mi 'thad par bstan pa'i phyir/ /de yang de la yod na'i nang lta na/ tshogs la 'bras bu yod na ni/ /ji ltar tshogs pa nyid las skye/ /skye bar mi 'gyur ba nyid de/ dgag pa mi mthun pa'i skyon du 'gyur pa'i phyir ro zhes bya ba smras te/ yod pa dang skye ba ni mi mthun pa'i phyogs gcig
- 132a
gis gcig 'gog pas dgag pa mi mthun pa'i skyon du 'gyur ba'i phyir ro zhes bya bar dgongs so/ /de nyid bstan pa'i phyir/ gal te yod na ni ci'i phyir skye/ 'on te skye na ni yod pa zhes bya ba ma yin te/ yod pa zhes bya ba dang skye'o zhes bya ba de dag mi mthun pas bkag pa'i phyir ro zhes bya bar dgongs so zhes bya ba smras te/ tshogs pa nyid de la 'bras bu de yod pa nyid yin na 'bras bu yod pa de ji ltar tshogs pa nyid de las skye bar 'gyur/ ci ste yod kyang yang skye bar 'gyur na ni da lta na de'i skye ba brtag pa don med pa nyid du 'gyur te/ 'di ltar yod pa la yang skye bas ci bya/ thug pa med par thal bar 'gyur te/ 'di ltar nam yang mi skye bar mi 'gyur ba'i phyir ro/ /yang na gal te yod na skye bar mi 'gyur te zhes bya ba la sogs bas ni pha rol po dang rgyu dang rkyen rnams kyi tshogs pa nyid la 'bras bu snga na yod par rjes su dpog pa'i dam bcas pa la 'bras bu skye ba'i ngo bo nyid stsal ba'i skyon yod pas mi rung bar ston to/ /de nyid bstan pa'i phyir// yod pa nyid du rjes su dpog pa nyid kyis yod pa la yang skye ba med pas 'bras bu de'i skye ba bsal ba'i phyir pha rol po dag gi dam bcas pa la 'bras bu chos kyi skye ba'i ngo bo nyid bsal ba'i skyon yod pas/ /tshogs la 'bras bu yod na ni/ /ji ltar tshogs pa nyid las skye/ /skye bar mi 'gyur ba nyid de ji skad bstan pa'i skyon du 'gyur ba'i phyir ro zhes bya ba'i tha tshig go zhes bya ba smras te/ dgag pa mi mthun pa'i skyon ji skad bstan pa nyid du 'gyur pa'i phyir ro zhes bya ba'i tha tshig go 'di skad bstan te/ don dam par 'bras bu yod pa ni skye bar mi/ 'gyur te/ yod pa'i phyir bum pa la sogs pa yod pa bzhin pas de'i phyir brtag pa dang po mi 'thad do zhes bstan to/ /brtag pa gnyis pa mi 'thad par bstan pa'i phyir/ gang dag gi grub pa'i mdza' las rgyu dang rkyen rnams kyi tshogs pa nyid la
- 132b
'bras bu med par 'dod pa de dag gi phyir 'di bshad de zhes bya ba smras te/ bye brag tu smra ba dang mdo sde ba dag gi grub pa'i mdza' las rgyu dang rkyen rnams kyi tshogs pa nyid la 'bras bu snga na med pa las skye bar 'dod pa de dag gi gzhung dgag pa'i phyir tshig le'ur byas ba gnyis pa 'di bshad de zhes bya bar sbyar ro/ /de nyid bstan pa'i phyir/ gal te rgyu dang rkyen rnams kyi/ /tshogs pa nyid las skye gyur na/ /pha rol po'i tshul gyis 'bras bu'o zhes bya ba smras te/ des na pha rol po'i gzhung brnan pa ston te/ bye brag tu smra ba dang/ mdo sde pa la sogs pa dag gi grub pa'i mdza' las rgyu dang rkyen rnams kyi tshogs pa nyid la 'bras bu snga na med pa las skye bar 'dod pas gal te de dag gi tshul gyis rgyu dang rkyen rnams kyi tshogs pa nyid la 'bras bu snga na med pa nyid las skye bar gyur na'o/ /da ni de mi 'thad par bstan pa'i phyir/ de yang khyed don dam par med par ston pas 'on des na/ tshogs la 'bras bu med na ni/ /ji ltar tshogs pa nyid las skye/ /skye bar mi 'gyur pa nyid de zhes bya ba smras te/ tshogs pa nyid de la 'bras bu de med pa nyid yin na 'bras bu med pa de ji ltar tshogs pa nyid de las skye bar 'gyur/ /ci ste med kyang skye bar 'gyur na ni de ltar de skyes na yang med pa nyid du 'gyur te/ skye ba na med pa skyes na ji ltar yod par 'gyur/ 'di ltar ba lang skye ba skyes na rtar mi 'gyur ba bzhin no/ /de nyid bstan pa'i phyir/ med pa nyid du rjes su dpog pa nyid kyis med pa la skye ba med pas 'bras bu de'i skye ba bsal ba'i phyir pha rol po dag gi dam bcas pa la 'bras bu chos kyi skye ba'i ngo bo nyid las bzlog pa'i skyon yod pa'i phyir ro zhes bya bar dgongs so zhes bya ba smras te/ /pha rol po dag rgyu dang rkyen rnams kyi tshogs pa nyid la 'bras bu snga na med par rjes su dpog pa'i dam bcas pa la 'bras bu skye ba'i ngo bo nyid las bzlog pa'i skyon yod pa'i phyir mi rung ngo zhes bya bar dgongs so/ /
- 133a
'di skad bstan te/ don dam par 'bras bu med pa ni skye par mi 'gyur te/ med pa'i phyir nam mkha' i me tog la sogs pa med pa bzhin pas de'i phyir brtag pa gnyis pa mi 'thad do zhes bstan to/ /bstan bcos mdzad pas yang ser skya bdag gi gzhung dgag pa'i phyir/ gang dag gis rgyu dang rkyen rnams kyi tshogs pa nyid las 'bras bu yod par dam bcas pa de dag gi phyir yang bshad pa zhes bya ba la sogs pa smras te/ 'dis ni grangs can dag rgyu'i tshogs pa nyid la 'bras bu nus pa'i tshul gyi snga na yod pa las skye par 'dod pa'i gzhung dgag pa rnam pa gzhan ston to/ /de nyid bstan pa'i phyir/ gal te rgyu dang rkyen rnams kyi/ /tshogs la 'bras bu yod na ni/ zhes bya ba smras te/ des ni grangs can dag rgyu la 'bras bu snga na yod pa las skye bar 'dod pa'i gzhung brnan pa ston te/ grangs can dag gi grub pa'i mdza' las rgyu las 'bras bu nus pa'i tshul du snga na yod pa las phyis rkyen gyi mthus gsal ba'i ngo bo nyid du skye bar 'dod pas gal te de dag gi tshul gyis rgyu'i tshogs pa nyid la 'bras bu nus pa'i tshul du snga na yod pa nyid las skye bar gyur na'o/ /da ni de mi 'thad par bstan pa'i phyir/ tshogs la gzung du yod rigs na/ /yod pa'i phyir skye ba bzhin du'o zhes bya ba smras te/ de ltar rgyu'i tshogs pa nyid la 'bras bu nus pa'i tshul snga na yod pa nyid yin na yod pa'i phyir dper na gsal ba'i ngo bo nyid du skyes ba bzhin du rgyu'i tshogs pa nyid la 'bras bu'i nus pa gzung du yod pa'i rigs so/ /de yang med par bstan pa'i phyir/ tshogs pa nyid la gzung du med pa yid btud pas kyang ngo zhes bya ba smras te/ rgyu'i tshogs pa nyid la 'bras bu'i nus pa nyid ni yid btud pas brtags na yang gzung du med pa'i phyir de yod pa ma yin no zhes ston to/ /de ltar na 'dis ni tshogs pa nyid la 'bras bu'i chos gzung
- 133b
du med pa nyid yin par bstan to zhes bya bar ni de ltar tshig le'ur byas pa'i rtsa ba tha ma 'dis ni rgyu'i tshogs pa nyid la 'bras bu'i nus pa snga na yod pa ma yin par sgrub pa'i chos gtan tshigs ni gzung du med pa nyid yin par mdo mdzad pas bstan to/ / de nyid kyi tshad ma bstan pa'i phyir/ de'i phyir rjes su dpag pa ni sa bon la sogs pa tshogs pa nyid la 'bras bu myu gu zhes bya ba la sogs pa yod pa ma yin par gzung bar bya ste/ de la gzung du med pa'i phyir ro/ /gang la gang gzung du med pa de la de yod pa ma yin te/ dper na bum pa la snam bu bzhin no/ /tshogs pa nyid la myu gu yang de bzhin pas de'i phyir sa bon la sogs pa tshogs pa nyid la 'bras buu myu gu zhes bya ba la sogs pa yod pa ma yin par gzung bar bya'o zhes bya ba smras te de dag ni chos can dang/ bsgrub par bya ba chos dang/ sgrub pa'i chos dang/ chos mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ dper na bum pa gang la snam bu gang gzung du med pa'i bum pa de la snam bu de yod pa ma yin pa de bzhin du tshogs pa nyid gang la myu gu gang gzung du med pa'i tshogs pa nyid de la yang myu gu de yod pa ma yin pas de'i phyir sa bon la sogs pa'i rgyu'i tshogs pa nyid la 'bras bu myu gu zhes bya ba la sogs pa'i nus pa snga na yod pa ma yin par gzung bar bya'o/ /'dir grangs can dag las kha cig phyir zlog par byed de/ ha cang ring ba dang/ ha cang nye ba dang/ dbang po nyams pa dang/ yid nges par mi gnas pa dang/ cha phra ba dang/ bsgribs ba dang/ zil gyis non pa dang / 'dra ba 'dres pa zhes bya ba gzung ba'i gegs su gyur pa dag yod na dngos po yod pa rnams kyang gzung du med pa'i phyir gtan tshigs ma nges pa nyid kyi skyon yod do zhes bya ba ni 'dir grangs can dag las kha cig na re dbu ma pa'i gtan tshigs sa bon la sogs
- 134a
ba tshogs ba nyid la 'bras bu myu gu zhes bya ba la sogs pa yod pa ma yin par gzung bar bya ste/ de la gzung du med pa'i phyir ro zhes bya ba de ma nges pa nyid yin na zhes phyir zlog bar byed pa'i tshig yin te/ 'di la grangs can dag gi grub pa'i mdza' rgyud drug cu ba zhes bya ba las dngos po yod kyang dmigs par mi 'gyur ba'i rgyu rnam pa brgyad yod de/ de yang/ ha cang ring phyir nye ba dang/ /dbang po nyams phyir yid med phyir/ /cha phra phyir dang bsgribs phyir dang// zil non phyir dang 'dres phyir ro zhes 'byung ste/ de la ha cang ring ba'i phyir dmigs pa mi 'gyur ba ni dper na bya zhig grong 'di na grong gzhan du 'phung ba mi dmigs kyang de med pa ma yin gyi ha cang thag ring ba'i phyir mi dmigs pa lta bu'o/ /gang ha cang thag ring ba ma yin pa de ci'i phyir mi dmigs zhe na/ nye phyir dang zhes bya ba smras te/ dper na ltas byin gyi mig la mig sman gnas pa mi dmigs kyang de med pa ma yin gyi/ ha cang thag nye ba'i phyir mi dmigs ba lta bu'o/ /gang ha cang thag nye ba ma yin pa de ci'i phyir mi dmigs zhe na/ dbang po nyams phyir zhes bya ba smras te/ dper na slob pas ldongs zhes smras pa'i sgra 'on bas mi thos kyang de med ba ma yin gyi/ dbang po nyams pa'i phyir mi dmigs pa lta bu'o/ /gang dbang po ma nyams pas de ci'i phyir mi dmigs zhe na/ yid med phyir zhes bya ba smras te/ dper na mda' mkhan gyi nyen kor nas rgyal po'i pho brang bskyod pa na mnga' mkhan mda'i las la sems g.yengs pas mi dmigs kyang de med pa ma yin gyi/ yid nges par mi gnas pa'i phyir mi dmigs ba lta bu'o/ /gang yid nges par gnas pa des ci'i phyir mi dmigs zhe na/ cha phra phyir zhes bya ba smras te/ dper na du ba dang rdul dad khug rna la sogs pa nam mkha' la yin pa dag mi dmigs kyang
- 134b
de med pa ma yin gyi cha phra ba'i phyir mi dmigs ba lta bu'o/ /gang cha phra ba ma yin ba de ci'i phyir mi dmigs zhe na/ /bsgribs phyir dang zhes bya ba smras te/ dper na sab ma dang rtsig pa la sogs pas bsgrubs pa'i bum pa la sogs pa dag mi dmigs kyang de med pa ma yin gyi/ bsgribs pa'i phyir mi dmigs pa lta bu'o/ /gang ma bsgribs pa de ci'i phyir mi dmigs zhe na/ zil non phyir zhes bya ba smras te/ dper na nyi ma'i 'od kyis gza' dang rgyu skar dang skar ma'i 'od zil gyis non pa dag mi dmigS kyang de med pa ma yin gyis zil gyis non pa'i phyir mi dmigs pa lta bu'o/ /gang zil gyis ma non pa de ci'i phyir mi dmigs zhe na/ 'dres phyir ro zhes bya ba smras te/ dper na phug ron dang/ sran chung la sogs pa 'dra ba mang po 'des ba dag mi dmigs kyang de med pa ma yin gyi/ 'dra ba 'dres pa'i phyir mi dmigs ba lta bu'o/ /de ltar 'di na dngos po yod kyang mi dmigs pa'i rgyu rnam ba brgyad kyis gzung du med pa dag mthong bas de re zhig gzung du med pa'i phyir dper na bum ba la snam bu bzhin du sa bon la sogs pa tshogs pa nyid la 'bras bu myu gu zhes bya ba la sogs pa yod pa ma yin par gzung bar bya 'am/ 'on te gzung du med pa'i phyir dper na ha cang ring ba la sogs ba bzhin du sa bon la sogs pa tshogs pa nyid la 'bras bu myu gu zhes bya ba la sogs pa yod pa nyid du gzung bar bya ba ma nges pa'i phyir dbu ma ba'i gtan tshigs de la ma des ba nyid kyi skyon yod do zhes zer ro/ /grangs can dag las gzhan dag skyon gzhan 'di skad ces smra ste zhes bya ba la sogs pas ni grangs can dag las gzhan kha cig na de dbu ma pa'i gtan tshigs gzung du med pa'i phyir ro zhes bya ba de'i don ma nges pa nyid ma grub ba nyid yin no zhes zer ba'i skyon gzhan 'dogs pa ston/ de'i phyir de dag na re dbu ma pa'i gtan tshigs gzung du
- 135a
med pa'i phyir ro zhes bya ba'i gtan tshigs de'i don gang yin/ gal te mngon sum gyi gzung du med pa'i phyir ro zhes na ni ma nges pa nyid/ dbang bo'i de kho na dag mngon sum gyi gzung du med kyang yod pa'i phyir ro zhes zer te/ 'di na de kho na nyi shu rtsa lnga dag las blo'i dbang po'i de kho na dag mngon sum gyi gzung du med kyang yod par shes pas des na ci re zhig mngon sum gyi gzung du med pa'i phyir dper na bum pa la snam bu bzhin du sa bon la sogs pa tshogs pa nyid la 'bras bu myu gu zhes bya ba la sogs pa yod pa ma yin par gzung bar bya ba 'am/ 'on te mngon sum gyis gzung du med pa'i phyir dbang po'i de kho na dag bzhin du sa bon la sogs pa tshogs pa nyid la 'bras bu myu gu zhes bya ba yod pa nyid du gzung bar bya ba ma nges pa'i phyir gal te dbu ma ba'i gtan tshigs de'i don mngon sum gyis gzung du med pa'i phyir ro zhes bya ba ni ma nges pa nyid yin no/ /gal te rjes su dpag pas gzung du med pa'i phyir ro zhen ni don ma grub pa nyid de zhes bya bas ni gal te dbu ma pa'i gtan tshigs gzung du med pa'i phyir ro zhes bya ba de rjes su dpag pas gzung du med pa'i phyir ro zhe na ni don ma grub pa nyid de/ 'di ltar sa bon la sogs pa rgyu'i tshogs pa nyid la 'bras bu myu gu zhes bya ba la sogs pa'i nus pa yod par rjes su dpag pas gzung du yod pa'i phyir ro zhes zer ba'i gzhung ston to/ /de nyid kyi rjes su dpag pa bstan pa'i phyir/ 'di ltar rjes su dpag pa las rgyu ni 'bras bu mi stong par gzung bar bya ste/ tshad yod pa'i phyir ro/ /gang tshad yod pa de ni nges mi stong ste/ dper na 'bras bu'i bdag nyid bzhin no/ /de bzhin du rgyu yang bde ba dang yul dang gti mug gsum dang sgra la sogs pa lnga dang gcig la sogs pa rgyu'i tshad kyis na tshad yod pas de'i phyir rgyu ni tshad yod pa'i phyir ro zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/
- 135b
chos mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ dper na 'bras bu'i bdag nyid lta bu gang tshad yod pa de ni 'bras bu de nyid kyis mi stong pa de bzhin du rgyu yang skyid stobs dang/ rdul dang/ mun ba'i rang bzhin gsum gyi 'gyur ba dang/ yan lag bde ba dang/ sdug bsngal ba dang/ gtu mug gsum dang/ sgra la sogs pa de tsam lnga dang/ gtso bo zhes bya ba gcig dang/ de dag la sogs pa rang bzhin gyi char gtogs pa'i rgyu'i tshad yong bas de'i phyir rgyu ni tshad yong pa'i phyir 'bras bu'i nus bas mi stod pas sa bon la sogs ba rgyu'i tshogs pa nyid la 'bras bu myu gu zhes bya ba la sogs pa yod pa nyid du rjes su dpag pas gzung du yod pa'i phyir gal te dbu ma pa'i gtan tshigs de rjes su dpag pas gzung du med pa'i phyir ro zhes bya ba yin na ni don ma grub pa nyid do zhes zer ro/ /mngon sum gyi gzung ba nyid ma yin pas mngon sum kho nar gzung du med pa'i phyir ro zhes gtan tshigs khyad par dang bcas pa brjod na yang gtan tshigs kyi don ma nges pa nyid de/ mngon sum gyi gzung ba ma yin pa'i dngos po yang rjes su dpag pas gzung ba nyid yin pa'i phyir ro zhes bya ba ni grangs can dag na re ci ste sangs rgyas ba dag rang gi gtan tshigs gzung du med pa'i phyir ro zhes bya ba de gal te rjes su dpag pas gzung du med pa'i phyir ro zhes bya bar sbyar na don ma grub pa nyid kyi skyon du 'gyur ba de yongs su spang bar 'dod pas/ 'dir rang gi gtan tshigs gzung du med pa'i phyir ro zhes bya ba de mngon sum gyi gzung ba nyid ma yin pas mngon sum kho nas gzung du med pa'i phyir ro zhes gtan tshigs khyad par dang bcas pa brjod na yang gtan tshigs de'i don ma nges pa nid de/ 'di ltar 'di na mngon sum gyi bzung ba ma yin pa'i dngos po ? dang dus dang rang bzhin gyis bskal ba dag kyang rjes su dpag pas gzung ba nyid yin par mthong bas des na ci re zhig mngon
- 136a
sum kho nas gzung du med pa'i phyir dper na bum pa la snam bu bzhin du sa bon la sogs pa tshogs pa nyid la 'bras bu myu gu zhes bya ba la sogs pa yod pa ma yin par gzung bar bya pa 'am/ 'on te mngon sum kho nas gzung du med pa'i phyir dper na mngon sum gyi gzung ba ma yin pa'i dngos po yul dang dus dang rang bzhin gyis skal pa dag rjes su dpag pas gzung ba nyid yin pa bzhin du sa bon la sogs pa tshogs pa nyid la 'bras bu myu gu zhes bya ba la sogs pa nyid du rjes su dpag pas gzung du yod par 'gyur ba ma nges pa'i phyir dbu ma ba mngon sum gyis gzung ba nyid ma yin pas mngon sum kho nas gzung du med pa'i phyir ro zhes gtan tshigs khyad par dang bcas pa brjod na yang gtan tshigs de'i don ma nges pa nyid yin pas mi rung ngo zhes zer ro/ /rnam pa thams cad du gzung du med pa'i phyir ro zhes bya bar gtan tshigs kyi don rtog na yang de nyid don ma grub pa nyid kyi skyon yod do zhes bya ba ni grangs can dag na re ci ste sangs rgyas pa dag rang gi gtan tshigs gzung du med pa'i phyir ro zhes bya ba de gal te mngon sum gyi gzung ba nyid ma yin pas mngon sum kho nas gzung du med pa'i phyir ro zhes gtan tshigs khyad par dang bcas pa brjod na yang gtan tshigs kyi don ma nges pa nyid kyi skyon du 'gyur ba de yongs su spang par 'dod pas 'dir rang gi gtan tshigs gzung du med pa'i phyir ro zhes bya ba de mngon sum dang rjes su dpag pa dang tshad ma thams cad kyis rnam pa thams cad du gzung du med pa'i phyir ro zhes bya bar gtan tshigs kyi don rtog na yang de nyid don ma grub pa nyid kyi skyon yod de/ 'di ltar sa bon la sogs pa nyid la 'bras bu myu gu zhes bya ba la sogs ba nus ba'i tshul du sngon yod ba ni rjes su dpag pas gzung du yod pa'i phyir ro zhes zer te/ re zhig de dag ni grangs can dag las gzhan dag dbu ma pa'i gtan tshigs gzung du med pa'i phyir ro
- 136b
zhes bya ba de ma nges pa nyid dang ma grub pa nyid yin no zhes zer ba'i tshig yin no// //bam po drug cu rtsa lnga ba/ /de skad ces zer ba de'i lan du 'grel pa byed pa nyid kyis/ grangs can dag gi sgrub pa sun dbyung ba dang rang gi gtan tshigs ma nges pa nyid dang ma grub pa nyid kyi skyon bsal ba'i phyir 'dir gzung du med pa kho na'i phyir ro zhes nges par gzung ba'i phyir tha snyad du ha cang thag ring po na gnas ba la sogs pa dag gis ma nges pa nyid ma yin no/ /don dam par ni ha cang thag ring po na gnas pa la sogs pa'i dngos po dag ma grub pa'i phyir ro zhes bya ba smras te/ des ni sngar grangs can dag las kha cig phyir bzlog par byed de/ ha cang ring ba dang ha cang nye ba dang dbang po nyams pa dang/ yid nges par mi gnas pa dang cha phra ba dang/ bsgribs pa dang zil gyis non ba dang 'dra ba 'dres pa zhes bya ba gzung ba'i gegs su gyur pa dag yod na dngos po yod pa rnams kyang gzung du med pa'i phyir gtan tshigs ma nges pa nyid kyi skyon yod do zhes zer ba'i lan 'debs shing dbu ma pa'i gtan tshigs gzung du med pa'i phyir ro zhes bya ba de tha snyad dang don dam pa gnyi gar yang ma nges pa nyid kyi skyon med pa ston to/ /de la re zhig tha snyad du ni kho bo cag gi gtan tshigs de gzung du med pa kho na'i phyir ro zhes nges par gzung ba'i phyir mngon sum mam rjes su dpag pa zhes bya ba rnam par ma brtags pa sa bon la sogs pa tshogs pa nyid la 'bras bu myu gu zhes bya pa la sogs pa'i nus pa'i tshul du snga na yod pa ma yin par gzung bar bya ste/ de la gzung du med pa kho na'i phyir ro zhes nges par gzung bas mngon sum gyi gzung du med pa'i mi mthun pa'i phyogs rjes su dpag pas gzung ba lta bu med pa'i phyir ma nges pa nyid ma yin la/ grangs can dag gi dngos po yod kyang mi dmigs pa'i gtan tshigs ha cang ring ba'i phyir dang/ ha cang nyed ba'i phyir zhes bya ba la
- 137a
sogs pa de dag nyid kyang ma nges pa nyid yin pas de dag gis kho bo'i gtan tshigs ma nges pa nyid du bsgrub par mi nus te/ 'di ltar 'di na nyi ma la sogs pa ha cang thag ring po la gnas kyang dmigs pa dang/ dri dang ro la sogs pa dag ha cang thag nye ba na gnas kyang dmigs par mthong bas/ des na ci re zhig ha cang ring ba'i phyir dang/ ha cang nye ba'i phyir dper na bya dang mig sman la yod kyang mi dmigs pa bzhin du sa bon la sogs pa tshogs pa nyid la 'bras bu myu gu zhes bya ba la sogs pa yod kyang mi dmigs pas med pa ma yin par 'gyur ram/ 'on te ha cang ring ba'i phyir dang ha cang nye ba'i phyir na nyi ma la sogs pa dang/ dri dang ro la sogs pa dag yod na dmigs pa bzhin du sa bon la sogs pa tshogs pa nyid la 'bras bu myu gu zhes bya ba la sogs pa yod na dmigs par 'gyur ba'i rigs na mi dmigs pas yod pa ma yin par 'gyur ba ma nges pas de'i phyir khyed kyi gtan tshigs ha cang ring po'i phyir dang ha cang nye ba'i phyir zhes bya ba la soD pa ma nges pa de dag gis kho bo'i gtan tshigs gzung du med pa'i phyir ro zhes bya ba de ma nges pa nyid du sgrub par mi nus pas kho bo'i gtan tshigs ma nges pa nyid ma yin no/ /don dam par ni khyed kyi gtan tshigs ha cang thag ring po na gnas pa zhes bya ba la sogs pa'i dngos po dag ma grub pa'i phyir kho bo'i gtan tshigs gzung du med pa'i phyir zhes bya ba de'i mi mthun pa'i phyogs med pas kho bo'i gtan tshigs ma nges pa nyid ma yin no/ /bde ba dang sdug bsngal dang gti mug gi mtshan nyid la sogs pa rang bzhin pa'i tshad dag kyang ma grub pa'i phyir gtan tshigs kyi don ma grub pa nyid do zhes bya bas ni sngar grangs can dag las gzhan dag skyon gzhan 'di skad ces smras te/ gzung du med pa'i phyir ro zhes bya ba'i gtan tshigs de'i don gang yin/ gal
- 137b
te mngon sum gyi gzung du med pa'i phyir ro zhe na ni ma nges pa nyid de/ dbang po'i de kho na dag mngon sum gyis gzung du med kyang yod pa'i phyir ro/ /gal te rjes su dpag pas gzung du med pa'i phyir ro zhe na ni don ma grub pa nyid do zhes bya bas gal te mngon sum gyi gzung du med pa'i phyir ro zhe na ni ma nges pa nyid do zhes bya bas ni rjes su dpag pas gzung ba nyid yin par sgrub la/ gal te rjes su dpag pas gzung du med pa'i phyir ro zhe na ni don ma grub pa nyid do zhes bya bas ni rjes su dpag pas gzung du yod pa nyid du sgrub cing de'i tshad ma yang 'di ltar rjes su dpag pa las rgyu ni 'bras bu mi stong par gzung bar bya ste/ tshad yod pa'i phyir ro/ /gang tshad yod pa de ni des mi stong ste/ dper na 'bras bu'i bdag nyid bzhin no/ /de bzhin du rgyu yang bde ba dang sdug bsngal dang gti mug gsum dang sgra la sogs pa lnga dang gcig la sogs pa'i rgyu'i tshad kyis tshad yod pas de'i phyir rgyu ni tshad yod pa'i phyir 'bras bu mi stong pa'i phyir ro zhes bya bas bstan pa de'i gtan tshigs tshad yod pa'i phyir zhes bya ba'i nye bar sbyar ba'i sbyor pa yang rgyu yang bde ba dang sdug bsngal dang gti mug gsum dang sgra la sogs pa lnga dang gcig la sogs pa'i tshad kyis tshad yod pas zhes? bya ba de'i gtan tshigs kyi don ma grub pa nyid du ston te/ grangs can dag gis rgyu'i tshad snying stobs dang rdul dang mun pa'i rang bzhin zhes bya ba rang bzhin gyi 'gyur ba'am/ rang bzhin gyi yan lag bde ba dang sdug bsngal dang/ gti mug gsum dang?/ sgra la sogs pa de tsam lnga gtso bo gcig la sogs pa'i rgyu'i tshad kyis tshad yod par bstan pa de dag kho bo cag gi phyogs la don dam par ma grub pa'i phyir grangs can dag gtan tshigs tshad yod pa'i phyir ro zhes bya ba de'i don ma grub pa nyid yin pas des bsgrub par bya ba'i phyogs rgyu ni 'bras bu mi stong bar gzung bar bya ste zhes bya ba de ma grub bo/ /tshad kyis gtan
- 138a
tshigs spyir brjod na ni rjes su 'gro ba med de/ 'bras bu yang 'bras bu'i bdag nyid kyis stong pa'i phyir ro zhes bya bas ni gal te grangs can dag rgyu dang rang bzhin pa'i tshad yod ba'i phyir ro zhes bya ba'i gtan tshigs de'i don ma grub pa nyid yin pas rang bzhin pa'i tshad btang ste/ tshad yod pa'i phyir ro zhes bya ba'i gtan tshigs de spyir kha dog dang dbyibs dang gnas skabs la sogs pa'i tshad yod pa'i phyir ro zhes brjod na ni gtan tshigs kyi rjes su 'gro ba'i dpe med pas mi rung ste/ sngar grangs can dag gis gang tshad yod pa de ni des? mi stong ste/ dper na 'bras bu'i bdag nyid bzhin no zhes smras pa'i dpe de don dam bar 'bras bu myu gu la sogs pa'i bdag nyid kyis stong pa'i phyir de la kha dog dang dbyibs dang gnas skabs la sogs pa'i tshad med pas dpe'i chos can ma grub pa'i skyon yod pas mi rung ngo/ /don tha snyad du yang sa bon la sogs pa tshogs pa nyid la 'bras bu myu gu zhes bya ba la sogs pa nus pa'i tshul? du sngon yod pa nyid yin na de las de 'byung bar mi 'gyur ba'i rjes su dpag pas bstan pa'i phyir/ tha snyad du yang gang zhig gang gis mi stong pa de las de 'byung bar mi 'gyur te/ des mi stong pa'i phyir dper na dbyu gu gsum las dbyu gu gsum gyi bdag nyid bzhin bas tha snyad du yang rgyu la 'bras bu snga na yod ba skye bar dam 'cha' na rjes su dpag pas gnod par 'gyur ro zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ /dpe dang mjug bsdu ba yin par go rim bzhin du sbyar te/ dper na grangs can gyi dbyu gu gsum ni dbyu gu gsum gyi bdag nyid des mi stong pa'i phyir tha snyad du yang de las de 'byung bar mi 'gyur te de bzhin du gal te sa bon la sogs pa'i rgyu'i tshogs pa nyid kyang 'bras bu myu gu zhes bya ba la sogs pa'i nus pas mi stong pa'i phyir de las de 'byung bar mi
- 138b
'gyur bas tha snyad du yang grangs can dag 'dod pa ltar rgyu la 'bras bu snga na yod pa skye bar dam 'cha' na rjes su dpag pas gnod par 'gyur pa'i phyir de ni ma grub bo/ /mngon sum gyis gzung ba nyid ma yin pas mngon sum kho nas gzung du med pa'i phyir ro zhes gtan tshigs khyad par dang bcas pa brjod na yang gtan tshigs kyi don ma nges pa nyid de zhes gang du gtan tshigs kyi sbyor ba byas pa der yang ma nges pa nyid ma yin te/ ji skad bstan pa'i tshul gyis rjes su dpag pa las de yod pa nyid du bstan par mi nus pa'i phyir dang/ 'bras bu snga na yod pa'i skye ba dgag pa bstan pa'i tshul gyis so zhes bya bas ni sngar grangs can dag gis ci ste sangs rgyas bdag rang gi gtan tshigs gzung du med pa'i phyir ro zhes bya ba de dag la gal te rjes su dpag pas gzung du med pa'i phyir ro zhes bya bar sbyar na don ma grub pa nyid kyi skyon du 'gyur ba de yongs su spang bar 'dod pas 'dir rang gi gtan tshigs gzung du med pa'i phyir ro zhes bya ba de mngon sum gyi gzung ba nyid yin pas mngon sum kho nas gzung du med pa'i phyir zhes gtan tshigs dang khyad par dang bcas pa brjod na yang gtan tshigs gyi don ma nges pa nyid des/ mngon sum gyi gzung pa yin pa'i dngos po yang rjes su dpag pas gzung ba nyid yin pa'i phyir ro zhes bya ba smras pa'i skabs der gtan tshigs kyi sbyor ba byas ba der yang kho bo cag dbu ma pa'i gtan tshigs khyad par dang bcas pa de skad brjod na yang de'i don ma nges pa nyid ma yin te zhes lan gdab pa ston te/ 'di ltar kho bo cag gis sngar de'i phyir rjes su dpag pa ni sa bon la sogs pa nyid la 'bras bu myu gu zhes bya ba la sogs pa yod pa ma yin par gzung bar bya ste/ de la gzung du med pa'i phyir ro/ /gang la gang gzung du med pa de la de yod pa ma yin te/ dper na bum pa dang snam bu bzhin no/ /tshogs pa nyid la myu gu yang de bzhin bas de'i phyir sa bon la sogs pa nyid la 'bras bu myu gu zhes bya ba lwa
- 139a
sogs pa yod pa ma yin par gzung bar bya'o zhes dzi skad bstan pa'i tshul gyis rjes su dpag pa las sa bon la sogs pa tshogs pa nyid las 'bras bu myu gu zhes bya ba la sogs pa nus pa'i tshul du sngon yod pa zhes bya ba de khyed kyis yod pa nyid du bstan par mi nus pa'i phyir khyed kyi gtan tshigs mngon sum gyis gzung ba ma yin pa'i dngos po yang rjes su dpag pas gzung ba nyid yin pa'i phyir ro zhes bya ba de nyid ma nges pa nyid yin pas de kho bo'i gtan tshigs mngon sum kho nas gzung du med pa'i phyir ro zhes gtan tshigs khyad par dang bcas pa brjod pa de'i don ma nges pa nyid du bsgrub par mi nus pas kho bo'i gtan tshigs khyad par dang bcas pa de ma nges pa nyid ma yin te/ ci re zhig mngon sum kho nas gzung du med pa'i phyir dper na mngon sum gyi gzung ba ma yin pa'i dngos po yul dang dus dang/ rang bzhin gyi skal pa dag rjes su dpag pas gzung ba nyid yin pa bzhin du sa bon la sogs pa tshogs pa nyid la 'bras bu myu gu zhes bya ba la sogs pa nus pa'i tshul du snga na yod pa mngon sum gyi gzung ba ma yin pa yang rjes su dpag pas gzung ba nyid yin par 'gyur ram/ 'on te mngon sum kho nas gzung du med pa'i phyir dper na sngar kho bos ji skad bstan pa'i tshul gyis rjes su dpag pa las de yod pa nyid du bstan par mi nus pa bzhin du sa bon la sogs pa tshogs pa nyid la 'bras bu myu gu zhes bya ba la sogs pa mngon sum gyi gzung ba ma yin pa rjes su dpag pas kyang gzung du med pa nyid du 'gyur ba ma nges pas de'i phyir khyed kyi gtan tshigs mngon sum gyi gzung ba ma yin pa'i dngos po yang rjes su dpag pa gzung ba'i phyir ro zhes bya ba de nyid ma nges pa yin pas nges kho bo'i gtan tshigs mngon sum kho nas gzung du med pa'i phyir zhes gtan tshigs khyad par dang bcas pa brjod
- 139b
ba de'i don ma nges pa nyid du bsgrub par mi nus pas kho bo'i gtan tshigs khyad par bcas pa de ma nges pa nyid ma yin no/ /gzhan yang skye ba med pa'i rab tu byed pa'i skabs su grangs can dag 'bras bu yod pa skye ba 'dod pa'i gzhung dgag pa bstan pa'i tshul gyis 'bras bu snga na yod pa nyid ma grub pa'i phyir yang kho bo'i gtan tshigs khyed par dang bcas pa ma nges pa nyid ma yin no/ /rnam pa thams cad du gzung du med pa'i phyir ro zhes bya bar gtan tshigs kyi don khas blangs pa'i phyir don ma grub pa nyid ma yin no zhes bya ba ni grangs can dag gi ji ste sangs rgyas bdag rang gi gtan tshigs gzung du med pa'i phyir ro zhes bya ba de gal te mngon sum gyi gzung ba nyid ma yin pas mngon sum kho nas gzung du med pa'i phyir ro zhes gtan tshigs khyad par dang bcas pa brjod na yang gtan tshigs gyi don ma nges pa nyid kyi skyon du 'gyur ba de yongs su spang bar 'dod pas 'dir rang gi gtan tshigs gzung du med pa'i phyir ro zhes bya ba de mngon sum dang/ rjes su dpag pa dang tshad ma thams cad kyis rnam pa thams cad du gzung du med pa'i phyir ro zhes bya bar gtan tshigs kyi don rtog na yang de nyid don ma grub pa nyid kyi skyon yod de/ 'di ltar sa bon la sogs pa tshogs pa nyid la 'bras bu myu gu zhes bya ba la sogs pa nus pa'i tshul du snga na yod pas ni rjes su dpag pas gzung du yod pa'i phyir ro zhes smras pa'i lan gdab pa ston te/ 'di ltar kho bos sa bon la sogs pa tshogs pa nyid la 'bras bu myu gu zhes bya ba la sogs pa yod pa ma yin par gzung bar bya ste de la gzung du med pa'i phyir ro zhes smras pa'i gtan tshigs de mi mngon sum dang rjes su dpag pa dang/ tshad ma thams cad kyi rnam pa thams cad du gzung du med pa'i phyir ro zhes bya bar gtan tshigs kyi don khas blangs pa'i phyir rjes su dpag pas gzung du yod pa yang ma yin pas kho bo'i gtan tshigs kyi don ma grub pa nyid ma
- 140a
yin no/ /zil gyis mnon pa dang/ rags pa nyid ni med pa ma byung ba las 'dod 'byung ba'i phyir 'bras bu snga na med par smra ba yin par thal bar 'gyur ro zhes bya bas sngar grangs can dag na re dngos po yod kyang zil gyis non pa'i phyir dang cha phra ba'i phyir dmigs par mi 'gyur ro zhes zer ba'i gtan tshigs de gnyis rgyu las 'bras bu snga na yod pas skye ba'i gtan tshigs su mi rung ba'i 'bras bu snga na med pa las skye par smra ba'i gzhung yin pas thal bar ? mi 'gyur ro zhes ston te/ 'di ltar grangs can dag gi gzhung las dper na nyi ma'i 'od kyis gza' dang rgyu skar dang skar ma'i 'od zil gyis non pa dag mi dmigs kyang de med pa ma yin gyi/ zil gyis non pa'i phyir mi dmigs te/ gang gi tshe zil gyis non pa'i rkyen dang bral ba de'i tshe na zil gyis ma non pa'i ngo bo nyid du gsal bar 'byung ba dang/ dper na du ba dang rdul dang khug rnal sogs pa nam mkha' la yan pa dag mi dmigs kyang de med pa ma yin gyi cha phra ba'i phyir mi dmigs te/ gang gi tshe cha phra bar gyur pa'i rkyen dang bral ba de'i tshe na rags pa'i ngo bo nyid du 'byung ba de bzhin du sa bon la sogs pa chogs pa nyid la 'bras bu myu gu zhes bya ba la sogs pa'i nus pa snga na yod pa yang zil gyis non pa'i phyir ram/ cha phra ba'i phyir mi dmigs par zad kyi de med pa ma yin te/ /gang gi tshe zil gyis non pa dang cha phra bar gyur pa'i rkyen dang bral ba de'i tshe zil gyis ma non pa dang/ /rags pa nyid gsal ba'i ngo bo nyid du 'byung ngo zhes bya bar bsgrubs pas de ltar na zil gyis ma non pa dang rags pa nyid snga na zil gyis non pa dang cha phra ba'i gnas skabs na med pa phyis zil gyis ma non pa dang/ rags pa nyid kyis rkyen las byung ba yin pas med pa ma byung ba las byung ba'i phyir de ni grangs can dag rgyu la ?
- 140b
'bras bu snga na yod pa las skye bar 'dod pa'i gtan tshigs su mi rung gi /sangs rgyas pa dag 'bras bu snga na med pa ma byung ba las 'byung bar smra ba'i gzhung yin par thal bar 'gyur ro/ /rgyu la 'bras bu yod pa nyid yin yang zil gyis non pa'i phyir dang cha phra ba'i phyir gzung du med do zhes smra ba dag gi tshig kyang rgyu las 'bras bu yod pa zil gyis non pa dang/ /cha phra ba nyid yin par bstan dka' ba'i phyir de yang rigs pa ma yin no zhes bya bas ni grangs can dag gi gzhung las sa bon la sogs pa tshogs pa nyid la 'bras bu chu gu zhes bya ba la sogs pa nus pa'i tshul du snga na yod pa nyid yin yang dper na nyi ma'i 'od zer gyis gza' dang rgyu skar dang skar ma'i 'od zil gyis non pa dag mi dmigs kyang med pa ma yin pa dang/ /dper na du ba dang rdul dang khug rna la sogs pa nam mkha' la yan pa dag mi dmigs kyang de med pa ma yin pa bzhin no zhes smras pa dag gi tshig kyang rgyu la 'bras bu nus pa'i tshul du snga na yod pa zil gyis non pa dang cha phra ba nyid yin par rjes su dpag pa gang gis kyang bstan dka' ba'i phyir de yang rigs pa ma yin no zhes bstan to/ /grangs can dag las gang dag 'bras bu snga na yod pa zhes bya ba de'i don ni skye ba'i sngon rol na med pa ma yin la 'bras bu'i bdag nyid gsal bar yod pa ma yin pa nyid skye'o zhes zer ba de dag dgag pa yang snga ma bzhin du rgyas par bya'o zhes bya bas ni grangs can nus pa dang gsal ba smra ba dag gi gzhung las rgyu la 'bras bu snga na yod pa zhes bya ba'i don ni skye ba'i sngon rol ma skyes pa 'di dus na dper na til la til mar snga na yod pa bzhin du rgyu la 'bras bu nus pa'i tshul du snga na yod pa yin la skye ba zhes bya ba'i don ni dper na til mar gyi gdag nyid snga na gsal bar yod pa ma yin pa nyid phyis brdung ba dang btsir ba la sogs pa'i rkyen gyis gsal ba'i bdag nyid du skye ba bzhin du 'bras bu myu gu zhes bya ba la sogs pa'i bdag nyid
- 141a
snga na gsal bar yod pa ma yin pa nyid kyang phyis bskyed pa dang kyang ba la sogs pa'i rkyen gyis gsal ba'i bdag nyid du skye ba yin bas des na rgyu la 'bras bu snga na nus pa'i tshul du yod pa phyis rkyen gyis gsal ba'i bdag nyid du skye'o zhes/ zer ba de dag dgag pa yang snga ma bzhin du rgyas par bya ste/ rgyu la 'bras bu nus pa'i tshul du snga na yod pa bstan par mi nus pa'i phyir 'bras bu snga na yod par smra ba ma grub la/ gsal ba sngon ma byung ba las byung ba'i phyir 'bras bu snga na med par smra ba grub bo zhes bya bar sbyar ro/ /'dir bstan bcos mdzad pas yang rang gi sde pa dag gi gzhung dgag pa'i phyir/ de bzhin du 'bras bu snga na med par smra ba dag gi phyir yang bshad pa zhes bya ba la sogs pa smras te/ 'dis ni bye brag tu smra ba dang mdo sde pa dag rgyu'i tshegs pa nyid la 'bras bu snga na med pa las skye bar 'dod pa'i gzhung dgag pa rnam pa gzhan ston to/ /de nyid bstan pa'i phyir/ gal te rgyu dang rkyen rnams kyi/ /tshogs la 'bras bu med na ni zhes bya ba smras te/ des ni bye brag tu smra ba dang mdo sde pa dag rgyu la 'bras bu snga na med pa las skye bar 'dod pa'i gzhung brnan pa ston to/ /bye brag tu smra ba dang/ mdo sde pa dag gi grub pa'i mdza' las rgyu las 'bras bu snga na med pa las phyis rkyen gyi mthus skye bar 'dod pas de dag gi tshul gyis rgyu'i tshogs ba nyid la 'bras bu snga na med pa nyid las skye bar gyur na'o/ /da ni de mi 'thad par bstan pa'i phyir/ rgyu rnams dang ni rkyen dag kyang/ rgyu rkyen ma yin mtshungs par 'gyur/ /'bras bus stong pa'i phyir ro zhes bya ba smras te/ yang 'jig rten 'di na rgyu dang rkyen ces bya bar tha snyad gdags pa ni rgyu dang rkyen rnams rten cing 'brel par 'byung ba'i tshul gyis 'di yod pas 'di 'byung ba 'di sa skyes pa'i phyir 'di skye ba zhes bya ba lta bus rgyu yang 'bras bus mi stod la/ 'bras bu yang rgyus skyed par bya ba yin na gal te pha rol po
- 141b
dag 'dod pa ltar rgyu dang rkyen rnams kyi tshogs pa nyid la 'bras bu med par gyur ba de lta na rgyu dang rkyen rnams 'bras bu stong pa'i phyir tha snyad du rgyu rnams dang rkyen dag ces brjod pa de dag rigs pa mi mthun pa'am/ med pa pa dag gis rgyu dang rkyen ma yin par btags pa dag dang mtshungs pa'i skyon du thal bar 'gyur bas de ni rigs pa ma yin no zhes ston to/ /de'i phyir da ni rgyu dang rkyen rnams kyi mtshan nyid ji lta bu yin pa dang/ rgyu dang rkyen ma yin pa rnams kyi mtshan nyid ji lta bu yin pa'i khyad par bstan par bya ste/ de la re zhig rgyu dang rkyen rnams kyi mtshan nyid kyi khyad par bstan pa'i phyir/ ci ste rgyu dang rkyen rnams la khyad par ci yod ce na ces bya ba smras so/ /de la re zhig rgyu'i mtshan nyid ni de 'ba' zhig bskyed kyi gzhan mi bskyed pa'i phyir/ thun mong ma yin pa dang rgyu'i bdag nyid rnam pa mang po ma yin pa'i phyir gcig pa dang/ gang gi phyir myu gu bskyed pas sa bon rang gi don byas par 'gyur ba de'i phyir/ rang gi don byed pa dang sa bon 'gags ma thag tu myu gu skye bar 'gyur bas/ de ma thag ba dang rigs so mthun pa nyid bskyed pa'i phyir/ ma mnyam pa bskyed pa ste de dag la sogs pa dag ni rgyu'i mtshan nyid yin par rig par bya'o/ /de bzhin du rkyen rnams kyi mtshan nyid ni de las bzlog pa ste/ de 'ba' zhig ma bskyed kyi gzhan yang bskyed ba'i phyir/ thun mong dang rkyen gyi bdag nyid rnam pa mang ba'i phyir du ma dang gang gi phyir rgyu gzhan gyi rgyud gso ba'i phyir gzhan gyi don byed pa dang rkyen rnams 'gags ma thag tu myu gu skye bar mi 'gyur bas thag ring ba dang rigs mi mthun pa dag kyang bskyed pa'i phyir/ cha mi mnyam pa bskyed pa de dag la sogs pa dag ni rkyen rnams kyi mtshan nyid yin par rig par bya'o/ /rgyu dang rkyen ma yin pa rnams kyi mtshan nyid ni/ rgyu dang rkyen rnams kyi mtshan nyid ji skad bstan pa de dag las bzlog pa yin/ /da ni yang 'jig rten na rgyu dang rkyen
- 142a
rnams dang rgyu dang rkyen ma yin pa rnams zhes tha snyad gdags pa'i tshul ni de lta bu yin na gal te pha rol po dag 'dod pa ltar rgyu dang rkyen rnams kyi tshogs pa nyid la 'bras bu med par gyur na de lta na rgyu dang rkyen rnams 'bras bu stong pa'i phyir ? snyad du rgyu rnams dang rkyen dag ces brjod pa de dag kyang rigs mi mthun pa'am med pa pa dag gi rgyu dang rkyen ma yin par btags par mtshungs pa'i skyon du thal par 'gyur bas bsgrub par bya ba dang sgrub pa'i chos bstan pa'i phyir/ rgyu rkyen ma yin mtshungs par 'gyur/ /zhes bya ba 'dis ni rgyu dang rkyen rnams kyi chos 'bras bu bskyed pa ma yin pa nyid dang 'bras bus stong pa nyid yin par bstan pas zhes bya bar smras te/ tshig le'ur byas pa'i rtsa ba tha ma 'dis ni gal te pha rol po dag 'dod pa ltar rgyu dang rkyen rnams kyi tshogs pa nyid la 'bras bu med pa yin na bdag cag sangs rgyas pa dag gis/ kun rdzob kyi tha snyad du rgyu dang rkyen rnams zhes brjod pa de dag kyang rgyu? dang rkyen rnams ma yin par thal ba'i skyon du 'gyur bar bsgrub par bya ba dang sgrub pa'i chos na rgyu dang rkyen rnams 'bras bu bskyed pa ma yin pa nyid dang/ /'bras bu stong pa nyid yin par go rim bzhin du bstan pas so/ /de nyid bstan pa'i phyir/ 'dir 'bras bu snga na med par smra ba dag gi phyogs la skabs kyi don la phan pa'i rjes su dpag pa gsal ba 'di lta bu mngon te zhes bya ba smras te/ 'dir bye brag tu smra ba dang/ mdo sde pa dag la sogs pa sa bon la sogs pa tshogs pa nyid la 'bras bu myu gu zhes bya ba la sogs pa snga na med pa las don dam par skye ba yod par smra ba dag gi phyogs la dbu ma pas rgyu dang rkyen rnams 'bras bus stong pa'i phyir/ /'bras bu bskyed pa ma yin pas rgyu dang rkyen rnams kyang rgyu dang rkyen ma yin pa dag dang mtshungs par thal ba'i skyon du 'gyur ro zhes/ sgrub pa'i skabs kyi don la
- 142b
phan pa'i rjes su dpag pa gsal ba 'di lta bu mngon te zhes bya ba sbyar ro/ /skabs kyi don la phan pa'i rjes su dpag pas gsal ba de nyid bstan pa'i phyir/ don dam par sa bon la sogs pa rgyu dang rkyen rnams ni 'bras bu bskyed pa ma yin pa nyid yin par// shes par bya ste/ 'bras bus stong pa nyid yin pa'i phyir dper na rgyu dang rkyen ma yin pa dag bzhin ne zhes bya ba smras te/ de dag ni chos can dang/ /sgrub par bya ba chos dang/ /sgrub pa'i chos dang/ dpe yin par go rim bzhin du sbyar te/ dper na rigs mi mthun pa 'am med pa pa dag gis rgyu dang rkyen ma yin par btags pa dag ni 'bras bus stong pa nyid yin pa'i phyir don dam par 'bras bu bskyed pa ma yin pa nyid yin par shes par bya ba de bzhin du sa bon sogs pa rgyu dang rkyen rnams kyang 'bras bus stong pa nyid yin pa'i phyir ro don dam par 'bras bu bskyed pa ma yin pa nyid yin par shes pa bya ste/ des na gal te sa bon la sogs pa rgyu dang rkyen rnams don dam par 'bras bus stong pa nyid yin pa'i phyir 'bras bu bskyed pa ma yin pa nyid yin na bdag cag sangs rgyas pa dag gis/ kun rdzob kyi tha snyad du rgyu dang rkyen rnams zhes bya ba de dag kyang rgyu dang rkyen rnams ma yin par thal ba'i skyon du 'gyur bas sa bon la sogs pa tshogs pa nyid la 'bras bu myu gu zhes bya ba la sogs pa yod pa ma yin pa las skye bar 'dod pa de rigs pa ma yin no/ /gal te 'bras bu ni rgyu dang rkyen rnams kyis bskyed par bya ba nyid yin te/ rgyu dang rkyen nges pa nyid las 'bras bu skye ba'i phyir ro zhe na zhes bya ba ni pha rol po dag sngar dbu ma pas gal te sa bon la sogs pa tshogs pa nyid la 'bras bu myu gu zhes bya ba la sogs ba dag yod pa ma yin pa de dag 'bras bus stong pa nyid yin pa'i phyir rgyu dang rkyen rnams kyang rgyu dang rkyen ma yin pa dag dang/ mtshungs bar thal ba'i skyon du 'gyur ro zhes bshad pa de
- 143a
la phyir bzlog pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar te/ de dag na re 'di ltar rgyu dang rkyen nges pa dag mthong ste/ /nas ni sa bon las kyang nas kyi myu gu nyid skye'i 'bras kyi myu gu mi skye la/ rgyu spun dag las kyang snam bu nyid 'byung gi bum pa la sogs mi 'byung bas de ltar gang gi phyir rgyu dang rkyen nges pa nyid las 'bras bu skye ba de'i phyir 'bras bu ni rgyu dang rkyen rnams kyi bskyed par bya ba yin pas rgyu dang rkyen nges pa rnams 'bras bu mi stong pa'i phyir/ rgyu dang rkyen rnams rgyu dang rkyen ma yin pa dag dang mtshungs par thal ba'i skyon du mi 'gyur ro zhes zer ro/ /de skad ces zer ba de'i lan du 'dir 'grel pa byed pa nyid kyis/ des kyang mi nus te/ rjes su 'gro ba med pa'i phyir dang/ brgal zhing brtag pa mtshungs par nye bar gnas pa'i phyir ro zhes bya ba smras te/ pha rol po dag gi gtan tshigs rgyu dang rkyen nges nyid las 'bras bu skye ba'i phyir ro zhes bya ba des kyang rgyu dang rkyen 'bras bus stong pa rnams rgyu dang rkyen ma yin pa dag dang mtshungs par thal bar 'gyur ba'i skyon zlog par mi nus te/ ci'i phyir zhe na/ pha rol po dag la rgyu dang rkyen rnams 'bras bus stong yang don dam par rgyu dang rkyen nges pa nyid las 'bras bu skye ba'i phyir rgyu dang rkyen ma yin pa dag dang mtshungs par thal ba'i skyon du mi 'gyur te/ dper na che ge mo zhig bzhin no zhes gtan tshigs kyi rjes su 'gro ba'i dpe med pa'i phyir dang// gal te rgyu dang rkyen nges pa nyid las 'bras bu skye bar rtog na rgyu dang rkyen nges pa nyid las 'bras bu skye ba'i phyir rgyu dang rkyen ma yin pa dag mtshungs par thal pa'i skyon du mi 'gyur te/ dper na che ge mo zhig bzhin no zhes gtan tshigs kyi rjes su 'gro ba'i dpe med pa'i phyir dang/ gal te rgyu dang rkyen nges pa nyid las 'bras bu skye bar rtog na rgyu dang rkyen rnams kyi tshogs pa nyid
- 143b
las 'bras bu de yod pa 'am med pa las skye bar 'gyur grang na/ /gnyi ga las kyang de'i skye ba mi 'thad de/ sngar/ gal te rgyu dang rkyen rnams kyi/ /tshogs pa nyid las skye 'gyur na/ /tshogs na 'bras bu yod na ni/ /ji ltar tshogs pa nyid las skye/ /gal te rgyu dang rkyen rnams kyi/ /tshogs pa nyid las skye 'gyur na/ /tshogs la 'bras bu med na ni/ /ji ltar tshogs pa nyid las skye zhes bstan pa dag dang brgal zhing brtag pa mtshungs par nye bar gnas pa'i phyir des kyang mi nus so/ /gal te nas kyi sa bon las nas kyi myu gu skye bar mthod ba la gtan tshigs kyi don med do zhe na zhes bya ba ni pha rol po dag na re gang gi tshe mngon sum nyid du nas kyi sa bon las nas kyi myu gu skye 'bras kyi myu gu mi skye ba de'i tshe mngon sum la gtan tshigs kyi tshig gi don med pas de la gtan tshigs btsal mi dgos so zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis tha snyad kyi khongs su gtags pa'i blos myu gu skye ba dang/ de bzhin du rgyu dang rkyen nges pa dang 'bras bu skye bar mthong ba ni bden no/ /don dam par ni ma mthong ste/ /don dam par de'i skye ba ma grub pa'i phyir ro zhes bya ba smras te/ kun rdzob kyi tha snyad kyi khongs su gtogs pa'i blos myu gu skye bar mthong ba dang/ /rgyu dang rkyen nges par mthong ba dang 'bras bu nges par skye bar mthong ba ni ben no/ /don dam par gang nges par snang ba de yang rgyu dang rkyen rnams las 'bras bu yod na 'thad kyi/ med na mi 'thad pas de'i phyir pha rol po dag 'dod pa ltar/ rgyu dang rkyen rnams kyi tshogs pa nyid las 'bras bu/ skye'o zhes bya ba de don dam par ma grub pa'i phyir gal te rgyu dang rkyen rnams la 'bras bu med na rgyu dang rkyen ma yin pa dag dang mtshungs par thal ba'i skyon du 'gyur bas de'i phyir med pa mi skye'o zhes smra'o/ /de'i phyir de ltar yongs brtags na 'bras
- 144a
bu 'grub pa mi 'thad pas 'bras bu 'grub pa'i rgyu yin pa'i phyir ro zhes bya ba'i gtan tshigs kyi don ma grub pa nyid rjes su 'gro ba yang med do zhes bya ba ni mjug bsdu ba dang tshad ma'i 'bras bu yin te/ de ltar yongs su brtags na bye brag pa dang grangs can dag rgyu dang rkyen rnams kyi tshogs pa nyid la 'bras bu snga na yod pa las skye ba dang/ bye brag tu smra ba dang/ mdo sde pa dag rgyu dang rkyen rnams kyi tshogs pa nyid la 'bras bu snga na med pa las skye bar 'dod pa'i phyogs gnyis ka la 'bras bu 'grub pa mi 'thad pas sngar pha rol po dag na re don dam par dus ni yod pa kho nar shes par bya ste/ 'bras bu 'grub pa'i rgyu yin pa'i phyir ro zhes zer ba'i gtan tshigs kyi don ma grub pa nyid gtan tshigs kyi rjes su 'gro ba'i dpe yang med pas pha rol po'i sgrub pa ma grub bo/ /yang gzhan yang 'bras bu sngas med par smra ba rnams kyi rgyus 'bras bu la rgyu byin nas 'gag par 'gyur ram/ 'on te ma byin par 'gag par 'gyur zhes bya bas ni yang na gzhan yang bye brag tu smra ba dang mdo sde pa dag gi lung las rgyus 'bras bu skyed par byed do zhes 'bras bu de rgyus 'bras bu la rgyu byin nas 'gag par 'gyur ram/ 'on te ma byin par 'gag par 'gyur zhes brtag pa rnam pa gnyis ston to/ /des cir 'gyur zhes bya ba ni pha rol po dag gi dri pa'i tshig yin no/ /de la re zhig brtag pa dang po mi 'thad par bstan pa'i phyir/ /gal te rgyus ni 'bras bu la/ /rgyu byin nas ni 'gag 'gyur na/ /gang byin pa dang gang 'gags pa'i/ /rgyu'i bdag nyid gnyis su 'gyur ba zhes bya ba smras te gal te rgyus 'bras bu la rang gi nus pa phul? nas 'gag par 'gyur na gang byin pa dang gang 'gags pa'i rgyu'i bdag nyid dang gnyis su 'gyur bas de ni tha snyad du yang mi 'dod do/ /de nyid bye brag tu bshad pa bstan pa'i phyir/ gal
- 144b
te rgyu 'bras bu la rgyu'i nus pa phul nas 'gag par 'gyur na gang byin pa dang gang 'gags pa'i rgyu'i bdag nyid gnyis su 'gyur te/ byin pa dang 'gags pa'i rgyu'i bdag nyid tha dad pa'i phyir ro/ /de ni tha snyad du yang mi 'dod do zhes bya ba smras so/ /da ni yang 'jig rten na rgyu dang 'bras bu 'brel ba'i tshul ni rten cing 'brel par 'byung ba'i rgyu 'bras la sogs pa grogs byed pa'i rkyen khams drug la sogs pas phan btags nas 'bras bu bskyed par nus pa yin pas de'i rkyen gyis kun rdzob tu 'bras bu skye bar 'gyur ba yin na gal te pha rol po dag 'dod pa ltar rgyu dang rkyen rnams kyi tshogs pa nyid la 'bras bu kun rdzob tu yang 'bras bu snga na med par gyur na rgyus nus pa dbul zhing bzhag pa'i khyad par gyi gzhi med pa la nus pa dbul du mi rung bas rgyus 'bras bu la rgyu byin nas 'gag par 'gyur ba mi 'thad par bstan pa'i phyir/ 'di ltar rten cing 'brel par 'byung ba'i rgyu ni 'bras bu la sogs pa grogs byed pas phan btags na 'bras bu skye bar 'gyur ba yin na 'bras bu med pa bzhag pa'i khyad par gyi gzhi med pa la nus pa dbul du mi rung ngo zhes bya ba smras so/ /de ltar rgyus 'bras bu la nus pa bul nas 'gag par 'gyur ba ma yin pas chos thams cad la rgyu 'bras bu'i gnas su 'pho ba med par bstan pa'i phyir/ de'i phyir 'du byed rnams la 'pho ba med de 'dra ba las de ltar 'khrul lo zhes bya ba smras te/ de'i phyir 'phags pa srid pa 'pho ba la sogs pa'i mdo las/ 'jig rten 'di nas 'jig rten pha rol tu 'ga' yang 'gro bar mi 'gyur te/ kun rdzob tu shi 'pho dang skye bar mngon pa ni skad cig ma'i rgyun 'dra pa las de ltar 'khrul te rgyu dang gzugs brnyan bzhin no zhes gsungs so/ /nyan thos kyi theg pa las kyang dper na 'dzim pa'i gong bu legs par byas pa la rgyas btab pa'i 'bur snang ba ni rgya nyid der 'phos pa med mod kyi 'dra ba'i rgyun gyi 'bur gyi
- 145a
gzugs brnyan snang ba bzhin du sems kyang de bzhin no zhes 'byung ngo/ /de'i phyir slob dpon gyi zhal snga nas kyi rten cing 'brel par 'byung ba'i snying po las kyang 'gro ba thams cad rgyu dang 'bras bu ste/ 'di la sems can zhes bya ba gzhan gang yang med do/ /chos stong pa kho na dag las stong pa'i chos rnams 'byung ste/ rgya dang me long dang shel gong dang kha ton dang skyur gyi dpes phung po'i nyid mtshams sbyor ba la 'pho ba med par mkhas pa rnams kyis rtogs par bya'o zhes gsungs pa rgyus 'bras bu la rgyu byin nas 'gag par 'gyur ba ma yin par shes par bya'o/ /da ni brtag pa gnyis pa mi 'thad par bstan pa'i phyir/ 'on te ma byin par 'gag par 'gyur ba de ltar na gal te rgyus ni 'bras bu la/ rgyu ma byin par 'gag 'gyur na/ /rgyu 'gag pa na skyes pa yi/ /'bras bu de ni rgyu med 'gyur zhes bya ba smras te/ gal te rgyus 'bras bu la rang gi nus pa ma phul bar 'gag par 'gyur na rgyu 'gag pa na skyes pa'i 'bras bu de rgyu med pa las 'byung bar 'gyur bas de yang tha snyad du mi 'dod de/ de nyid kyi bye brag tu bshad pa bstan pa'i phyir/ 'bras bu rgyu med pa las 'byung par ni mi 'dod pas zhes bya ba smras so/ /de nyid kyi tshad ma bstan pa'i phyir/ de'i phyir yang rgyu 'gags pa ni 'bras bu skyed par mi byed de/ 'gags pa'i phyir 'gags nas yun ring du lon pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na 'gags nas yun ring du lon pa ni 'gags pa'i phyir 'bras bu skyed par mi byed pa de bzhin du rgyu 'gags ma thag pa yang 'gags pa'i phyir 'bras bu skyed par mi byed do/ /'di la 'gal bar sgrub pa med pas don de gzhan
- 145b
la bstan par bya mi dgos so zhes bya ba ni 'bras bu rgyu med pa las 'byung bar mi 'dod pa 'di la gzhan dag 'gal par sgrub pa med pas don 'di la brgal ba dang lan gdab pa dag gzhan la bstan par bya mi dgos so zhes bya ba'i tha tshig go/ gal te tshogs pa nyid dang lhan cig skye bzhin pas 'bras bu skyed par byed de/ dper na mar me dang 'od bzhin no zhe na zhes bya ba ni pha rol po dag na re 'bras bu ma skyes ma pas rgyu'i nus pa 'dzin par mi nus pa dang rgyu 'gags pas 'bras bu skyed par mi byed pa ni bden mod kyi/ 'on kyang 'bras bu dang rgyu rkyen gyi tshogs pa nyid lhan cig skye bzhin pas 'bras bu skyed par byed de/ dper na mar me dang 'od gnyis dus gcig pa nyid yin yang rgyu dang 'bras bu nyid yin pa bzhin du skyed pa dang bskyed pa dag kyang de bzhin no zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis/ de'i phyir bshad pa/ gal te tshogs dang lhan cig tu/ /'bras bu yang ni skye 'gyur na/ /skyed pa dang ni gang bskyed pa/ /dus gcig par ni thal bar 'gyur zhes bya ba smras te/ gal te tshogs pa nyid dang lhan cig tu 'bras bu skye bar 'gyur na de lta na skyed pa dang gang bskyed pa dag dus gcig par yang thal ba'i skyon du 'gyur bas de yang mi 'dod do/ /de nyid bye brag tu bshad pa bstan pa'i phyir/ skyed pa dang bskyed pa pha dang bu lta bu dag dus gcig tu 'byung ba nyid ni mi 'dod do zhes bya ba smras so/ /'o na ji ltar 'dod ce na/ dus tha dad ba nyid du'o zhes bya bas ni kun rdzob tu rgyu ni snga la 'bras bu ni phyi ba'i tshul gyis sngon ma byung ba byung ba las 'byung ba nyid du 'dod do zhes bstan to/ /skyed pa dang bskyed pa nyid dag las rgyu dang 'bras bu dag yod pas de'i rjes su dpag par nus te zhes bya bas ni rgyu dang 'bras bu dag dus gcig tu mi 'byung ba'i rjes su dpag pa ston to/ /de'i phyir 'bras bu dang tshogs pa
- 146a
nyid ni lhan cig mi skye ste/ bskyed pa dang skyed pa yin pa'i phyir dper na bu dang pha bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bu dang pha ni bskyed pa dang skyed pa yin pa'i phyir lhan cig mi skye ba bzhin du 'bras bu dang tshogs pa nyid kyang bskyed pa dang skyed pa yin pa'i phyir lhan cig mi skye'o/ /tshogs pa snga ma'i dbang gis mar me 'od dang bcas pa tha snyad par 'byung ba'i phyir mar me dang 'od dag rgyu dang 'bras bu'i dngos po ma yin te/ dgag pa rgyas par sngar bstan pa'i phyir de ni bzang po ma yin no zhes bya ba ni sngar pha rol po dag na dper na mar me dang 'od gnyis dus gcig pa nyid yin yang rgyu dang 'bras bu nyid yin pa bzhin du skyed pa bskyed pa dag kyang de bzhin no zhes zer ba'i dpe mar me dang 'od dag rgyu dang 'bras bu yang ma yin la/ lhan cig dang lhan cig ma yin par yang mi 'grub par ston te/ mar me dang 'od dag ni 'bru mar dang snying po dang kong bu la sogs pa chogs pa snga ma'i dbang gis mar me 'ong dang bcas pa tha snyad du byung pa'i phyir mar me 'od dag dang rgyu dang 'bras bu'i dngos po yang ma yin la/ de dag lhan cig dang lhan cig ma yin par yang mi 'grub par dgag pa yang sngar 'dod chags dang chags pa bstag pa'i skabs su/ de ltar 'dod chags chags pa dag/ /lhan cig lhan cig min mi 'grub/ /'dod chags bzhin du chos rnams kun/ /lhan cig lhan cig min mi 'grub ces rgyas par bstan zin pa'i phyir mar me dang 'od dag rgyu dang 'bras bu yin pa dang de dag lhan cig tu 'byung ba bzhin du skyed pa dang bskyed pa dag lhan cig nyid du 'byung bar 'dod pa de ni bzang po ma yin no/ /gang dag 'bras bu
- 146b
sngar skyed pa nyid tshogs pa nyid kyi gsal bar bya'o zhes zer ba de dag gi phyir 'dir bshad de zhes bya ba ni grangs can dag las nus pa dang gsal ba smra ba dag gi gzhung las rgyu la 'bras bu nus pa'i tshul du snga na yod pa nyid phyis rkyen gyis tshogs pa nyid kyis gsal bar byed de/ dper na mun khung na bum pa snga na yod pa nyid mar mes gsal bar byed pa bzhin no zhes zer ba de dag gzhung dgag pa'i phyir tshig le'ur byas pa 'og ma 'di bshad de zhes ston to/ /de nyid bstan pa'i phyir/ gal te tshogs pa'i snga rol du/ /'bras bu skyes par gyur na ni/ /gal te rgyu dang rkyen rnams kyi tshogs pa nyid kyi snga rol du rgyu dang rkyen de dag med par 'bras bu de yod par gyur na'o zhes bya ba smras te/ des ni pha rol po dag gi gzhung pa rnan pa bstan te grangs can dag las nus ba dang gsal pa smra ba dag gi gzhung las rgyu la 'bras bu nus pa'i tshul du snga na yod pa nyid phyis rkyen gyis tshogs pa nyid kyis gsal bar byed do zhes 'byung ba ltar gyur na'o/ /de ni de mi 'thad par bstan pa'i phyir/ de lta na/ rgyu dang rkyen rnams med pa yi/ /'bras bu rgyu med 'byung bar 'gyur/ /de yang mi 'dod de zhes bya ba smras te/ gal te rgyu dang rkyen rnams kyi tshogs pa nyid kyi snga rol du rgyu dang rkyen de dag med par 'bras bu de yod par gyur na de lta na rgyu dang rkyen rnams med pa'i snga rol du skyes pa'i 'bras bu de rgyu med pa las byung ba'i skyon du thal par 'gyur bas de yang mi 'dod do/ /de'i phyir kho bo cag la 'bras bu yod pa nyid du bsgrub par bya'o/ gsal ba yod pa nyid du ni rjes su dpag par mi bya ste ba gsal ba'i lan btab zin pa'i phyir zhes bya bas ni 'di skad bstan te/ de ltar 'bras bu rgyu med pa las byung ba de ni su yang mi 'dod pas khyed cag 'bras bu 'grub pa'i rgyu yin pa'i phyir ro zhes bya ba'i gtan tshigs kyi don dam par
- 147a
dus ni yod pa kho nar shes par bya ste zhes sgrub pa de'i phyir kho bo cag la khyed kyis don dam par 'bras bu 'grub pa yod pa nyid du bsgrubs na khyed kyi gtan tshigs kyi don 'grub kyang srid kyi/ khyed kyi gsal ba yod pa nyid du ni rjes su dpag par mi bya ste/ kho bo cag gi gsal ba sngar bkag zin pa'i phyir ro zhes bstan to/ /des na nus pa yod ces byar ni rgyu med pa las byung ba'i skyon du thal bar 'gyur bas mi 'dod la/ gsal ba ni sngar bkag zin pas grangs can dag 'bras bu nus pa'i tshul du sngar skyes pa nyid rkyen gyis tshogs pa nyid kyis gsal bar byed do zhes zer ba'i gzhung ma grub bo zhes bya bar sbyar ro/ /grangs can dag las gzhan dag gis smras pa/ rgyu nyid 'gags pa 'bras bu'i bdag nyid du gnas so zhes bya bas ni grangs can dag la yongs su 'gyur bar smra ba dag 'bras bu 'grub pa yod par sgrub pa'i gzhung yin te/ de dag na re dper na 'o ma nyid 'gags pa zho'i bdag nyid du yongs su 'gyur zhing gnas pa de bzhin du rgyu nyid 'gags pa 'bras bu'i bdag nyid du yongs su 'gyur zhing gnas pas 'bras bu 'grub pa yod pa'i phyir kho bo cag gi gtan tshigs kyi don ma grub pa nyid kyi skyon med do zhes zer ro/ /de skad ces zer ba de dag gi yang gal te rgyus rgyu'i ngo bo nyid yongs su ma spangs pa 'gags pa 'bras bu'i bdag nyid du gnas sam 'on te rgyus rgyu'i ngo bo nyid yongs su spangs pa 'gags pa 'bras bu'i bdag nyid du gnas par rtog grang na/ gnyi ga yang mi 'thad par ston to/ /de la re zhig brtag pa dang po mi 'thad par bstan pa'i phyir/ de dag gi yang gal te rgyus rgyu'i ngo bo nyid yongs su ma spangs pas 'gags pa 'bras bu'i bdag nyid du gnas so zhe na ni/ gal te rgyu 'gags 'bras bu na/ /rgyu'i bdag
- 147b
nyid yin par 'dod na'o zhes bya ba smras te/ des ni brtag pa dang po'i pha rol po'i gzhung brnan pa bstan te/ gal te rgyus rgyu'i ngo bo nyid yongs su ma spangs pa 'gags pa 'bras bu'i bdag nyid du gnas so zhes bya ba de de'i tshe yang rgyu'i bdag nyid yin par 'dod na'o// da ni de mi 'thad pa bstan pa'i phyir/ de lta na rgyu ni kun tu 'pho bar 'gyur/ ngo bo nyid yongs su ma spangs pa'i phyir lhas byin khyim nas khyim du kun tu 'pho ba bzhin no zhes bya ba smras te/ de lta na rgyu sa bon dang/ 'o ma la sogs pa ngo bo nyid yongs su ma spangs bzhin du 'bras bu'i gnas skabs su ril por kun tu 'pho ba'i skyon du thal bar 'gyur bas de ni mi 'dod do/ /de mi 'thad par bstan pa'i rigs pa gzhan bstan pa'i phyir/ gzhan yang/ sngon skyes pa yi rgyu yang ni/ /yang skye bar ni thal bar 'gyur zhes bya ba smras te/ gal te rgyus rgyu'i ngo bo nyid yongs su ma spangs pa 'gags pa 'bras bu'i bdag nyid du gnas par gyur na rgyu de sngon rgyu'i ngo bo nyid yongs su ma spangs shing ma 'gags pa'i gnas skabs na rgyu'i bdag nyid du skyes zin pa de da yang rgyu'i bdag nyid du skye bar thal ba'i skyon du 'gyur te/ da ltar 'gags shing 'bras bu'i bdag nyid du gnas pa'i dus na yang rgyu'i ngo bo nyid yongs su ma spangs shing rgyu'i bdag nyid yin par 'dod pa'i phyir ro /de ni mo 'thad par bstan pa'i phyir/ rgyu'i bdag nyid du yod pa ni rgyu'i bdag nyid kho nar mi skye ste/ ci yang ma dgos pa'i phyir ro zhes bya ba smras te/ sngon rgyu'i ngo bo nyid yongs su ma spangs pa ma 'gags pa dang da ltar rgyu'i ngo bo nyid yongs su ma spangs pa 'gags shing 'bras bu'i gnas skabs na rgyu'i bdag nyid du gnas pa la khyad par ci yang med pas de'i skye ba don med pa'i phyir ro/ /gal te 'bras bu'i bdag nyid du skye bar khas blangs pa'i phyir skyon med do zhe na zhes bya ba ni pha rol po dag dbu ma pas rgyu'i bdag nyid du yod pa ni rgyu'i bdag nyid kho nar
- 148a
mi skye ste/ ci yang mi dgos pa'i phyir ro zhes bshad pa de'i lan 'debs pa'i tshig yin te/ de dag na re rgyu dang 'bras bu'i gnas skabs na yod pa la khyad par med na ni ci yang mi dgos pa'i phyir rgyu'i bdag nyid kho nar mi skye ba yang bden pa zhig na kho bo cag gis rgyu 'bras bu'i bdag nyid du skye bar khas blangs pa'i phyir 'bras bu'i bdag nyid du skyes phan chad khyad par cung zad kyang med mi srid pas/ khyed kyi gtan tshigs ci yang mi dgos pa'i phyir rgyu'i bdag nyid kho nar mi skye ste zhes bya ba de'i skyon de kho bo cag la med do zhes zer ro/ /de skad ces zer ba de la yang gal te rgyus rgyu'i ngo bo nyid yongs su ma spangs pa la 'bras bu zhes brjod na ni ming tsam tha dad par zad pa'i phyir khyad par med pas ji skad smras pa'i skyon ldog pa med par bstan pa'i phyir rgyu'i ngo bo nyid yongs su ma spangs pa'i rgyu'i bdag nyid la 'bras bu zhes brjod na ni ming tsam tha dad par zad pa'i phyir ji skad smras pa'i skyon ldog pa med do zhes bya ba smras te/ gal te rgyu'i ngo bo nyid las ma nyams pa kho nar 'bras bu'i bdag nyid du skye bar 'dod na de lta na 'bras bu zhes ming du btags pa'i ming de tsam tha dad par zad kyi rgyu'i bdag nyid las gzhan du gyur pa'i khyad par ci yang med pa'i phyir sngar kho bos rgyu'i bdag nyid du yod pa ni rgyu'i bdag nyid kho nar mi skye ste/ ci yang mi dgos pa'i phyir ro zhes ji skad smras pa'i skyon ldog pa med do/ /da ni brtag pa gnyis pa mi 'thad par bstan pa'i phyir rgyu'i ngo bo nyid yongs su spangs pa 'bras bu'i bdag nyid du nges par gnas par rtog na yang rgyu'i ngo bo nyid yongs su spangs pa ni rgyu ma yin pa'i phyir rgyu 'bras bu'i bdag nyid du gnas so zhes bya ba de legs par ma brtag par smras pa yin no zhes bya ba smras te/ gal te rgyus rgyu'i ngo bo
- 148b
nyid yongs su spangs pa 'bras bu'i bdag nyid du nges par gnas par rtog na rgyu'i ngo bo nyid yongs su spangs pa ni rgyu ma yin pa'i phyir khyed cag na re rgyu nyid 'gags pa 'bras bu'i bdag nyid du gnas so zhes zer ba de legs par ma brtags par smras pa yin pa de'i phyir rgyu nyid 'gags pa 'bras bu'i bdag nyid du yongs su 'gyur zhing gnas so zhes brjod par mi bya'o// //bam po drug cu rtsa drug pa/ gzhan yang 'bras bu snga na yod par smra ba dag rgyu 'gags pas 'bras bu skyes pa nyid skyed par byed dam/ gnas pas skyed par byed par rtog grang na/ gnyi ga ltar yang rigs pa ma yin te zhes bya ba ni grangs can dag rgyu las 'bras bu nus pa'i tshul du snga na yod pa rgyus skyed par smra ba dag /rgyu 'gags pas 'bras bu snga na yod pa nyid skyed par byed dam rgyu ma 'gags pa gnas pas 'bras bu snga na yod pa nyid skyed par rtog grang na/ gnyi ga ltar yang rigs pa ma yin te zhes brtag pa gnyis ston to/ /de la re zhig brtag pa snga ma mi rigs par bstan pa'i phyir/ ji ltar zhe na/ 'gags pas nub par gyur pa yis/ /'bras bu skyes pa ji ltar skyed/ ces bya ba smras te/ rgyu 'gag pas nub bar gyur pas 'bras bu skye pa snga na yod pas ji ltar skyed de skyed par mi byed do zhes ston to/ /de nyid bye brag tu bshad pa bstan pa'i phyir/ 'gags pa ni rgyu nyid du mi rings pa'i phyir dang/ skyes pa yang skyed mi dgos pa'i phyir rgyu 'gags pas 'bras bu skyes pa skyes par mi byed do zhes bya ba'i tshig gi don to zhes bya ba smras te/ rgyu 'gags pa nub par gyur pa ni rgyu nyid du ? rigs? pa'i phyad? des 'bras bu bskyed par mi nus la/ 'bras bu skyes pa snga na yod pa yang skyes zin pa'i phyir yang bskyed mi dgos pas rgya 'gags pas 'bras bu skyes pa skyed par mi byed do zhes bya ba'i tshig gi don to/ /grangs can dag la
- 149a
kha cig gis smras pa zhes bya bas ni grangs can dag las yongs su 'gyur bar smra ba dag dbu ma pas 'gags pa ni rgyu nyid du mi rigs pa'i phyir dang skyes pa yang bskyed mi dgos pa'i phyir rgyu 'gags pas 'bras bu skyes pa skyed par mi byed do zhes bstan pa'i lan 'debs pa'i tshig ston to/ /de la rdzas nges par gnas pa'i chos gzhan ldog pa na chos gzhan skye ba ni yongs su 'gyur ba yin pas de'i phyir rgyu 'gags nas 'bras bu skye bar 'gyur ba yang ma yin la zhes bya bas ni dbu ma pas 'gags pa ni rgyu nyid du mi rigs pa'i phyir rgyu 'gags pas 'bras bu skyes pa skyed par mi byed do zhes bshad pa'i lan 'debs te/ de dag na re kho bo cag gi gzhung las dper na gser gyi rdzas / rang bzhin nges par gnas pa'i chos gang du bu dang dbung rgyan la sogs pa gzhan ldog pa na rna cha gdub kor la sogs pa chos gzhan skye ba ni rang bzhin ni rtag la gnas skabs ni yongs su 'gyur pa yin pa de bzhin du rgyu'i rang bzhin pas par gnas pa'i chos 'bras bu gsal ba'i ngo bo nyid du mi snang ba gzhan ldog pa na 'bras bu nus pa'i tshul du snga na yod pa'i chos gzhan skye ba yang rang bzhin ni nges par gnas la/ gnas skabs ni snang ba dang mi snang ba'i tshul du yongs su 'gyur pa yin pas de'i phyir rgyu rnam pa thams cad du 'gags shing nub par gyur pas 'bras bu skyes pa skyed par byed pa ma yin gyi/ rgyu'i rdzas rang bzhin nges par gnas pas 'bras bu'i chos snang ba dang mi snang ba dag skyed par byed do zhes zer ro/ /nus pa'i tshul du yod pa'i phyir gsal ba khyad par can ma skyes pa skyed par bya mi dgos pa yang ma yin no zhes bya bas ni sngar dbu ma bas skyes pa yang mi dgos pa'i phyir rgyu 'gags pas 'bras bu
- 149b
skyes pa skyed par mi byed do zhes lan 'debs te/ de dag na re kho bo cag gi gzhung las rgyu la 'bras bu nus tshul du snga na yod pa'i phyir gsal ba khyad par can du ma skyes pas 'bras bu nus pa'i tshul du snga na yod cing skyes pa gsal ba'i ? nyid du med cing ma skyes pa bskyed par bya dgos pas 'bras bu skyes pa yang bskyed par bya mi dgos pa yin no zhes zer ro/ /de skad ces zer pa de'i lan du 'grel pa byed pa nyid kyis 'dir bshad pa/ de lta na yang rdzas nges par gnas pa yang chos gzhan ldog pa'i dus na ldog par 'gyur te/ de las gzhan pa ma yin pa'i phyir dper na chos gzhan ldog pa bzhin no zhes bya ba la sogs pa smras te/ des ni grangs can dag gi gzhung ltar rgyu dang gser gyi rang bzhin du nges par gnas la 'bras bu dang gdul bu la sogs pa'i chos ni snang ba mi snang bar 'gyur na de lta na rgyu dang 'bras bu dag rang bzhin gcig pa'i phyir 'bras bu ldog cing mi snang ba'i dus na rgyu yang ldog cing mi snang ba'i skyon du 'gyur bar ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gang du bu la sogs pa dang 'bras bu gsal ba ni rang gi bdag nyid las gzhan ma yin pa'i phyir bdag nyid ldog pa'i dus na ldog par 'gyur bde bzhin du gser dang rgyu nges par gnas pa dag phar gang du bu la sogs pa dang 'bras bu gsal ba dag las gzhan ma yin pa'i phyir gang du bu la sogs pa dang 'bras bu gsal ba'i chos gzhan ldog pa'i dus na ldog pa'i skyon du 'gyur bas pha rol po'i sgrub pa de ni tha snyad du yang 'gal bar snang bas mi rung ngo/ /de bzhin du chos can yang chos gzhan skye ba'i dus na skye bar 'dod par bya dgos te/ de las gzhan ma yin pa'i phyir dper na
- 150a
chos gzhan skyes pa bzhin pas tha snyad du yang sgrub pa de ni 'gal bar snang ngo zhes bya bas ni grangs can dag gi gzhung ltar rgyu dang gser gyi rang bzhin nges par gnas pa/ 'bras bu gang du bu la sogs pa'i chos ni snang ba dang mi snang bar 'gyur na de lta na rgyu dang 'bras bu dag rang bzhin gcig pa'i phyir 'bras bu skye zhing snang ba'i dus na rgyu yang skye zhing snang ba'i skyon du 'gyur bar ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na rna cha la sogs pa dang 'bras bus nus pa ni rang gi bdag nyid las gzhan ma yin pa'i phyir bdag nyid skye ba'i dus na skye bar 'gyur ba de bzhin du chos can gser dang rgyu nges par gnas pa dag kyang rna cha la sogs pa dang 'bras bu nus pa dag las gzhan ma yin pa'i phyir rna cha la sogs pa dang 'bras bu nus pa'i chos gzhan skye ba'i dus na skye ba'i skyon du 'gyur bas pha rol po'i sgrub pa de yang tha snyad du yang 'gal bar snang bas mi rung ngo/ /don dam par ni ji ltar rdzas nges par gnas pa de chos gzhan snang ba dang mi snang ba'i mtshan nyid ni yongs su 'gyur pa yin te/ dper na che ge mo zhig bzhin no zhes bya ba'i dpe rnam pa thams cad du med pa'i phyir de yang rigs pa ma yin no zhes bya ba ni sngar grangs can dag na re gser rdzas rang bzhin nges par gnas pa'i chos gang du bu dang dpung rgyan la sogs pa gzhan ldog pa na rna cha dang gdub kor la sogs pa chos gzhan skye pa ni rang bzhin ni rtag la gnas skabs ni yongs su 'gyur pa yin pa de bzhin du rgyu'i rang bzhin nges par gnas pa'i chos 'bras bu gsal ba'i ngo bo nyid du mi snang ba gzhan ldog pa na 'bras bu nus pa'i tshul du snga na yod pa'i chos gzhan skye ba yang
- 150b
rang bzhin ni nges par gnas la/ gnas skabs ni snang ba dang mi snang ba'i tshul du yongs su 'gyur ba yin pas de'i phyir rgyu rnam pa thams cad du 'gags shing nub par gyur pas 'bras bu skyes pa skyed par byed pa ma yin gyi/ rgyu'i rdzas rang bzhin nges par gnas pas 'bras bu'i chos snang ba dang mi snang ba dag skyed par byed do zhes zer ba de la/ don dam par dper na che ge mo zhig bzhin no zhes bya ba'i dpe rnam pa thams cad du med pa'i phyir de yang rigs pa ma yin no zhes bstan to/ /yang gzhan yang chos gzhan ldog? pa gang yin pa de rgyu'i bdag nyid yin nam/ 'on te rgyu'i bdag nyid ma yin zhes bya bas ni grangs can dag gi gzhung las gser gyi rdzas rang bzhin nges par gnas pa'i chos gang du bu dang dpung rgyan la sogs pa gzhan ldog pa na rna cha dang gdub kor la sogs pa chos gzhan skye ba bzhin du rgyu'i rang bzhin nges par gnas pa'i chos 'bras bu gsal ba'i ngo bo nyid du mi snang ba gzhan ldog par 'bras bu nus pa'i tshul du snga na yod pa'i chos gzhan skye'o zhes zer ba'i chos gzhan ldog pa gang yin pa de chos gzhan skye ba'i rgyu'i bdag nyid yin nam/ 'on te rgyu'i bdag nyid ma yin zhes bri ba gnyis ston to/ /de la dri pa dang po bstan pa'i phyir/ de la gal te de rgyu'i bdag nyid yin na ni de 'gags pa'i phyir rgyu 'gags pa yin pas/ 'gags pa nub par gyur pa yi/ /'bras bu skyes pa ji ltar bskyed/ /rgyu 'gags pa la 'bras bu skyes pa skyed par byed pa'i mthu nyid med pa kho na'o zhes bya ba'i tshig gi don te zhes bya ba smras te/ chos gzhan ldog pa gang yin pa de chos gzhan skye ba'i rgyu'i bdag nyid yin na de ldog pa ni 'gags pa'i phyir rgyu 'gags pa yin pas rgyu 'gags pa nub par gyur pas 'bras bu skyes pa snga na yod pa ji ltar bskyed de/ rgyu
- 151a
'gags pa la 'bras bu skyes pa bskyed pa'i mthu nyid med pa kho na'o zhes bya pa'i tshig gi don to /dri pa gnyis pa bstan pa'i phyir/ 'on te rgyu'i bdag nyid ma yin na ni de lta na rgyu nges par gnas pa'i phyir 'bras bu snang bar 'gyur ba'i rigs so zhes bya ba smras te/ 'on te chos gzhan ldog pa gang yin pa de chos gzhan skye pa'i rgyu'i bdag nyid ma yin na ni de ltar rgyu'i bdag nyid ma yin pa gzhan zhig ldog par zad kyi rgyu nges par gnas pa'i phyir 'bras bu dus thams cad du snang ba'i skyon du 'gyur ro/ /re zhig de dag gis ni grangs can dag rgyu 'gags pas 'bras bu snga na yod pa nyid skyed par rtog pa'i brtag pa snga ma mi rigs par bstan to/ /da ni grangs can dag rgyu ma 'gags pa gnas pas 'bras bu snga na yod pa nyid skyed par rtog pa'i brtag pa gnyis pa mi 'thad par bstan par bya ste/ gal te de ltar 'dod pa'i phyir de mi gnod do zhe na zhes bya ba ni gal te grangs can dag na de kho bo cag gi gzhung las rgyu'i rang bzhin nges par gnas pa la 'bras bu nus pa'i tshul du rtag tu snga na yod par 'dod pa'i phyir de mi gnod do zhes zer na'o/ /de'i lan du 'grel pa byed kyis de'i phyir bshad pa 'bras bu dang ni 'brel pa'i rgyu/ /gnas pas kyang ni ji ltar skyed/ /rang gi bdag nyid las gzhan ma yin pa'i phyir dper na rgyu'i rang gi bdag nyid bzhin no zhes bya ba smras te/ des ni yang 'jig rten na rgyu dang 'bras bu'i tshul ni rgyu ni snga la 'bras bu ni phyi ba yin na grangs can dag gi gzhung ltar rgyu'i rang bzhin nges par gnas? pa la 'bras bu nus pa'i tshul du rtag tu snga na yod pa yin na 'bras bu de dang 'brel ba'i rgyu de ni 'bras bu'i rang gi bdag nyid las gzhan ma yin pa'i phyir des kyang 'bras bu skyes pa skyed par mi byed par ston to/ /de dag ni chos can
- 151b
dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rgyu'i rang gi bdag nyid ni rang gi bdag nyid las gzhan ma yin pa'i phyir des rang gi bdag nyid mi skyed pa de bzhin du 'bras bu dang 'brel pa'i rgyu gnas pa yang 'bras bu'i rang gi bdag nyid las gzhan ma yin pa'i phyir nges kyang 'bras bu skyed par mi byed do/ /de nyid kyi 'thad pa gzhan bstan pa'i phyir/ de lta bas na rgyu nges par gnas pa de nyid kyi 'bras bu skyed par byed do zhes smra ba dag gi tshig gis rgyu dang 'bras bu dus mnyam pa nyid du rjes su dpog pas rgyus 'bras bu skyes par byed pa ma yin pa nyid kyis de skyed par byed pa ma yin pas gsal ba'i phyir de rgyu nyid yin pa bsal bas pha rol po dag gi dam bcas pa la chos can rgyu'i ngo bo nyid las bzlog pa'i skyon yod do zhes bya ba smras te/ dus mnyam pa nyid du rjes su dpog pas rgyu ma yin par bsal ba'i phyir ro/ /'brel pa zhes bya ba ni tshogs pa zhes bya ba'i tha tshig go zhes bya ba ni tshig le'ur byas pa snga ma las/ 'bras bu dang ni 'brel pa'i rgyu/ zhes smos pa'i 'brel pa zhes bya ba'i sgra bshad pa de/ 'brel pa dang tshogs pa dang ldan pa dang dus gcig pa zhes bya ba dag ni rnam grangs so/ /de ltar re zhig de dag gis ni grangs can dag rgyu ma 'gags par gnas pas 'bras bu snga na yod pa nyid skyed par rtog pa'i brtag pa gnyis pa mi rigs par bstan to/ /da ni mdo sde pa dag rgyu 'bras bu dang ma 'brel pas 'bras bu skyed par rtog pa mi 'thad par bstan pa'i phyir/ gang dag ci ste de 'bras ma 'brel na/ rgyu de 'bras bu dang ma 'brel bar smra ba de dag gi yang 'bras bu gang zhig skyed par byed/ 'bras bu skyed par mi byed pa nyid 'bras bu stong pa'i phyir dper na de las gzhan bzhin no
- 152a
zhes bya bar dgongs so zhes bya ba smras te/ nges ni mdo sde bdag rgyu 'bras bu dang ma 'brel pas/ 'bras bu skyed par smra ba dag gi gzhung bgag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rigs mthun pa de las gzhan pa'i rigs mi mthun pa'i rgyu 'bras bu dang ma 'brel pa ni 'bras bu stod pa'i phyir rigs mi mthun pa'i 'bras bu skyed par mi byed pa de bzhin du rigs mthun pa'i rgyu 'bras bu dang ma 'brel ba yang 'bras bus stong pa'i phyir rigs mthun pa'i 'bras bu skyed par mi byed do/ /de ltar re zhig 'bras bu spyir dgag pa byas so zhes bya ba ni skabs gong ma dag gi mjug bsdu ba yin te / re zhig de dag gis ni phyi nang gi 'bras bu spyir dgag pa bstan to/ /de ni mig gi rnam par shes pa la sogs pa 'bras bu'i khyad par dag gsal ba'i phyir 'di bstan par bya ste zhes bya ba la sogs pas ni rgyu skye mched rnams kyi 'bras bu rnam par shes pa rnams skyed par mi byed par ston to/ /de nyid bstan pa'i phyir 'di la mig gi dbang po ni mig gi rnam par shes pa'i rgyu yin na nges gzugs mthong nas mig gi rnam par shes pa skyed par byed dam/ ma mthong bskyed par byed grang na/ gnyi ga ltar yang mi srid zhes brtag pa gnyis smras so/ /kha cig na re mthong na ni skye ba don med pa nyid du 'gyur ba'i phyir dang/ ma mthong na yang rkyen med pa'i phyir/ rgyus ni mgreng? dang ma mthong bar/ /'bras bu skyang? bar mi byed do/ /zhes zer ro zhes bya ba ni 'grel pa byed pa nyid kyis bshad pa'i gzhung yin te/ de ni dbang pos yul mthong nas sam/ ma mthong bar yang 'bras bu rnam par shes pa skyed par ni byed do zhes bstan
- 152b
to/ /gzhan dag na re mthong nas zhes bya ba ni phrang nas zhes bya ba'i tha tshig ste/ 'di ltar yod na phrad par 'gyur bas yod pa la skye bas ci zhig bya/ med pa la yang phrad pa mi srid pas med pa la ci zhig skye bar 'gyur zhes zer ro zhes bya ba ni gnas brtan bud+d+ha pA li ta la sogs pa 'grol pa byed pa gzhan dag gis bshad pa'i tshig yin te/ de dag gis ni dbang po dang rnam par shes pa phrad nas sam ma phrad par yang 'bras bu rnam par shes ba skyed par mi byed do zhes bshad do/ /gzhan ma yin pa na? de ni rigs pa ma yin te zhes bya ba ni 'grel pa byed pa nyid kyis/ gnas brtan bud+d+ha pA li ta la sogs pa'i rnam par bshad pa de rigs pa ma yin par sun 'byin pa'i tshig yin no/ /ci'i phyir rigs pa ma yin zhe na/ sdang/ 'bras bu dang ni 'brel pa'i rgyu/ /gnas pas kyang ni ji ltar skyed/ /ci ste de 'bras ma 'brel ni/ /'bras bu gang zhig skyed par 'gyur/ ces bstan pa dang khyad par med pa'i phyir dang/ gal te rgyu dang rkyen rnams kyi/ /tshogS pa nyid las skye 'gyur na/ /tshogs la 'bras bu yod na ni/ /ji ltar tshogs pa nyid las skye /gal te rgyu dang rkyen rnams kyi/ /tshogs pa nyid las skye 'gyur na/ /tshogs la 'bras bu med na ni/ /ji ltar chogs pa nyid las skye/ /zhes bstan bdag dang yang khyad par med pa'i phyir ro zhes bya ba smras so/ /de bzhin du rna ba la sogs pa rgyu dag gi rna ba'i rnam par shes pa la sogs pa 'bras bu dag skyed par mi byed pa nyid du yang brjod par bya'o zhes bya bas ni dbang po lhag ma rnams kyis kyang yul rnams dmigs nas sam ma dmigs par yang 'bras bu rnam par shes pa rnams skyed par mi byed do zhes bstan to/ /gzhan dag gis smras pa/ don dam par rgyus ni 'bras bu skyed par byed pa nyid de/
- 153a
'bras bu'i rgyu yin pa'i phyir ro/ /'di na gang gis gang skyed par mi byed pa de ni re'i rgyu ma yin te/ dper na bum pa dang snam bu bzhin pas de lta na gtan tshigs grub pa'i phyir 'dod pa'i don grub bo zhes bya ba ni pha rol po dag 'bras bu'i rgyu yin pa'i gtan tshigs kyi 'bras bu skyed par sgrub pa'i chig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ mjug bsdu ba yin par go rim bzhin du sbyar ro/ /de skad ces zer ba de'i lan du 'grel pa phyed pa nyid kyis/ 'dir bshad pa zhes bya ba la sogs pa smras te/ 'di la gal te rgyus 'bras bu skyed par 'gyur na phrad nas skyed par 'gyur grang na 'bras bu dang rgyu dang phrad pa ni mu rnam pa dgu'i tshul gyis ji ltar yang mi 'thad par ston te/ phel/ 'bras bu 'das pa rgyu 'das dang/ ma skyes pa dang skyes pa dang/ /lhan cig phreng par 'gyur ba ni/ /nam yang yod pa ma yin no zhes bya ba ni mu dang po gsum yin no/ /de nyid bye brag tu bshad par bstan pa'i phyir/ 'bras bu 'das pa dang ni rgyu 'das pa dang/ ma skyes pa dang lhan cig phrad par gyur pa nam yang yod pa ma yin te/ 'bras bu dang rgyu gnyi ga med pa'i phyir ro zhes bya bar dgongs so/ /'bras bu 'das ba dang rgyu skyes pa yang lhan cig phrang par 'gyur ba nam yang yod pa ma yin te/ 'bras bu med pa'i phyir ro zhes bya ba smras so/ /'bras bu ma skyes rgyu ma skyes/ /'das pa dang ni skyes pa dang/ /lhan cig phrad par 'gyur ba ni/ /nam yang yod pa ma yin no zhes bya ba ni mu bar ma gsum yin no/ /de nyid bye brag tu bshad pa bstan pa'i phyir/ 'bras bu ma skyes pa ni rgyu ma skyes pa dang/ 'das pa dang/ lan cig phrad par 'gyur ba nam yang yod pa ma yin te/ 'bras bu dang rgyu gnyi
- 153b
ga med pa'i phyir ro/ /'bras bu ma skyes pa dang rgyu skyes pa yang lhan cig phrad par 'gyur ba nam yang yod pa ma yin te/ 'bras bu med pa'i phyir ro zhes bya ba smras so/ /'bras bu skye dang rgyu skyes dang/ /ma skyes pa dang 'das pa dang/ /lhan cig phrad par 'gyur pa ni/ /nam yang yod pa ma yin no zhes bya ba ni mu tha ma gsum yin no/ /de nyid bye brag tu bshad pa bstan pa'i phyir 'bras bu skyes pa ni rgyu skyes pa dang/ lhan cig phrad par 'gyur pa nam yang yod pa ma yin te/ rgyu dang 'bras bu gnyis dus cig tu 'byung pa bkag pa'i phyir ro/ /'bras bu skyes pa dang rgyu ma skyes pa dang/ 'das pa yang lhan cig phrad par 'gyur ba nam yang yod pa ma yin te/ rgyu 'bras bu gnyi ga med pa'i phyir ro zhes bya ba smras te/ de'i phyir de ltar dpyad na rgyu dang 'bras bu ji ltar yang phrad ba yod pa ma yin pa de'i phyir/ phrad pa yod pa ma yin na/ /rgyus ni 'bras bu ji ltar skyed/ /ces bya ba gsungs te/ skyed par mi byed de/ phrad pa yod pa ma yin pa'i phyir ro? zhes bya ba bsgrub par bya ba dang/ sgrub pa'i tshig gi don mngon no zhes bya ba ni phrad ba yod pa ma yin pas skyed par mi byed pa'i mjug bsdu ba yin te/ skyod par mi byed pas ni bsgrub par bya ba'i tshig gi don sngon la phrad pa yod pa ma yin pas ni sgrub pa'i tshig gi don mngon par ston to/ /de nyid kyi rjes su dpag pa bstan pa'i phyir/ 'dir rjes su dpag pa ni don dam par rgyus ni 'bras bu skyed par mi byed de/ phrad pa yod pa ma yin pa'i phyir/ dper na sa'i steng na 'dug pa'i sa bon dang ri'i sgang na 'dug pa'i sa bon bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na sa'i steng na 'dug pa'i sa bon ni ri'i sgang na 'dug pa'i sa bon dang phrad ba yod pa ma yin pa'i phyir nges de
- 154a
skyed par mi byed pa de bzhin du rgyu yang 'bras bu dang phrad pa yod pa ma yin pa'i phyir rgyus 'bras bu skyes par mi byed do/ /gang dag rgyu dang 'bras bu mi mthun pa med pa'i phyir rgyu dang 'bras bu phrad par smra ba de dag la yang zhes bya ba ni gal te pha rol po gang dag 'di skad ces kho bo cag rgyu dang 'bras bur 'brel pa la phrad par mi smra ste/ dper na dbyug pa can dbyug pa dang 'brel pa rgyu dang 'bras bu phrad pa ma yin pa bzhin no/ /rgyu dang 'bras bu mi mthun pa med pa ni rgyu dang 'bras bu phrad pa yin par smra ste/ dper na nas kyi sa bon las kyang mi mthun pa med pa nas kyi myu gu nyid 'byung la/ 'bras kyi sa bon las kyang mi mthun pa med pa 'bras kyi myu gu nyid 'byung ba lta bu ni rgyu dang 'bras bu phrad pa yin par smra pas khyed dbu ma pas 'bras bu dang rgyu dag lhan cig phrad par 'gyur ba nam yang yod pa ma yin no zhes bshad pa de dag kho bo cag gi phyogs la mi gnod do zhes zer ba'i tshig yin na de dag la yang 'di skad ces brjod par bya'o zhes bya bar sbyar ro/ /de'i phyir/ rgyus 'bras bu skyed par byed na rgyu yin gyi 'bras bu skyed par mi byed pa ni rgyu ma yin pas rgyu ma yin pa ji ltar rgyur 'gyur/ rgyus 'bras bu skyed zin pa la ni yang skyed par bya ba ci yang med pa'i phyir rgyu nyid mi srid do zhes bya ba dag gis gnyi ga la gnyis kyi rgyu nyid mi 'thad par bstan te/ de dag gi don ni rgyu dang 'bras bu mi mthun pa med du zin kyang gang gi tshe rgyus 'bras bu skyed par byed pa de'i tshe na rgyu yin gyi 'bras bu skyed par mi byed pa ni rgyu ma yin pas ji srid du 'bras bu ma skyes pa de srid du 'bras bu dang/ rgyu lhan cig phrad par 'gyur ba nam yang yod pa ma yin pas rgyus 'bras bu skyed par mi byed pa rgyu ma yin pa de rgyur mi 'gyur ba dang 'bras bu skyed zin pa la ni yang bskyed par bya ba ci yang med pa'i phyir de la yang rgyu nyid mi
- 154b
srid do zhes bstan to/ /byed do byas so byed par 'gyur ro zhes bya bas rgyu bye brag tu bshad pa byed na yang zhes bya ba ni pha rol po dag na re rgyu zhes bya ba'i sgra bye brag tu bshad pa ni phyed pa'i phyir rgyu zhes bya ba yin pas 'dir 'bras bu dang lhan cig phrad par 'gyur ba med du zin kyang 'jig rten nad ltar byed do sngon byas so phyis byed par 'gyur ro zhes brjod pa mthong bas de nyid rgyu yin pa'i phyir rgyu yang yod la/ rgyu yod na des 'bras bu yang skyed par byed do zhes zer ba'i tshig yin no/ /de'i lan du tha snyad kyi bden pa sgrub par zad kyi don dam par de dang mthun pa cung zad kyang ston par mi nus so zhes bya ba smras te/ de ltar byed do byas so byed par 'gyur ro zhes bya bas rgyu bye brag tu bshad pa ni tha snyad kyi bden pas bsgrub par zad kyi/ don dam par rgyu dang mthun pa cung zad kyang ston par mi nus pas des kyang rgyus 'bras bu bskyed par sgrub mi nus so/ /ci ste mi 'thad bzhin du rtog na yang phrad pa yod pa yin na yang/ /rgyus ni 'bras bu ji ltar bskyed/ /'bras bu yod na yang snga ma bzhin du skye ba don med pa nyid du 'gyur pa'i phyir ro zhes bya bar dgongs so zhes bya ba ni ci ste mi 'thad bzhin du rgyu dang 'bras bu phrad par rtog na de lta na yang rgyu dang 'bras bu yod pa nyid na phrad pas rgyu yod pa nyid kyis 'bras bu de ji ltar bskyed par 'gyur 'bras bu yod pa de nyid la yang bskyed par bya ba don med pa nyid du 'gyur ba'i phyir de yang mi 'thad do zhes bya bar dgongs so/ /yang na 'di ni sun dbyung ba'i lam gzhan yin te zhes bya bas ni 'di la gal te rgyus 'bras bu skyed par byed na rgyu de 'bras bu'i bdag nyid kyis stong pa 'am mi stong bas 'bras bu de skyed par byed grang na/ brtag pa gnyi ga ltar yang mi 'thad do zhes ston to/ /de la brtag pa dang po mi 'thad par bstan pa'i phyir/ gang dag gi grub pa'i mdza' las rgyu
- 155a
'bras bus stong pa de dag la/ gal te 'bras bus stong pa'i rgyu/ /ji ltar 'bras bu skyed par byed ces brjod par bya ste/ des stong pa'i phyir/ dper na de las gzhan bzhin no zhes bstan to zhes bya ba smras te/ des ni 'bras bu snga na med par smra ba dag gi phyogs dgag pa'i rnam pa gzhan bstan te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rigs mthun pa'i rgyu 'bras bu stong pa de las gzhan pa rigs mi mthun pa'i rgyu 'bras bu stong pa ni 'bras bu des stong pa'i phyir 'bras bu skyed par mi byed pa bzhin du rigs mthun pa'i rgyu 'bras bu des stong pa'i phyir 'bras bu skyed par mi byed de/ ci ste byed na ni bye mas kyang til mar dang chus kyang mar bskyed par 'gyur ro/ /yang bye ma dang til dag la yang til mar med la/ chu dang zho dag la yang mar med par 'dra na til nyid las til mar 'byung la/ bye ma dag las mi 'byung ba dang/ zho nyid las mar 'byung la chu las mi 'byung ba la khyad par ci yod pa brjod dgos te/ de lta bas na 'bras bu'i bdag nyid kyis stong pa'i rgyu 'bras bus skyed par byed do zhes bya ba de mi 'thad do/ /brtag pa gnyis pa mi 'thad par bstan pa'i phyir/ gang dag gi grub pa'i mdza' las rgyu 'bras bu mi stong pa de dag la yang/ gal te 'bras bu mi stong du/ /ji ltar 'bras bu skyed par byed/ /ces brjod par bya ste/ des mi stong pa'i phyir dper na 'bras bu'i bdag nyid bzhin no zhes bya bar dgongs so zhes bya ba smras te/ des ni 'bras bu snga na yod par smra ba dag gi phyogs dgag pa'i rnam pa gzhan bstan te/ de dag kyang chos can dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar te/ dper na 'bras bu'i bdun?
- 155b
nyid ni rang gi bdag nyid kyis mi stong pa'i phyir 'bras bu skyed par mi byed pa de bzhin du 'bras bu mi stong pa'i rgyu yang 'bras bu des mi stong pa'i phyir 'bras bu skyed par mi byed do/ /gang gi tshe 'bras bu yod pa nyid yin na ngo bo ba'i lam gzhan bstan par bya ste zhes bya ba la sogs pa ni mi stong pa skyes zin pa la ni mi bskyed par bya ba med de/ de lta bas na 'bras bu'i bdag nyid kyis mi stong pa'i rgyus 'bras bu skyed par byed do zhes bya ba de yang mi 'thad do/ /bye brag tu smra ba dag ni 'bras bu skye ba'i snga rol na yang 'bras bu'i bdag nyid kyis mi stong par smra pas de dgag pa'i phyir ro sbyor ba'i lam gzhan bstan par bya ste zhes bya ba la sogs pa ni nyan thos bye brag tu smra ba dag gi ? grub pa'i mdza' las dus gsum gyi rgyu dang 'bras bu'i dngos po rdzas su yod par 'dod pas rgyu 'das pa yang 'das pa'i 'dus nyid na yod la/ rgyu 'das pa de la brten nas/ da ltar 'bras bu skyes pa yang da ltar gyi dus nyid na yod cing rgyu de ltar yod pa'i 'bras bu phyis 'byung bar 'gyur ba yang ma 'ongs pa'i dus na yod pas 'bras bu 'das pa skye ba'i snga rol na yang da ltar gyi 'bras bu da ltar gyi dus na yod la/ da ltar gyi 'bras bu skye ba'i snga rol na yang 'bras bu ma 'ongs pa ma 'ongs pa'i dus na yod de de ltar 'bras bu rnams skye ba'i snga rol na yang 'bras bu'i bdag nyid kyis mi stong par yod pa de dag dus 'phos pa na rang rang gi gnas skabs su rgyus skyed par byed do zhes 'bras bu ngo bo nyid yod pa'i sgo nas rgyu yang ngo bo nyid yod par smra bas 'dir de dgag pa'i phyir 'bras bu skye ba'i snga rol yang 'bras bu'i bdag nyid kyis mi stong par yod pa la skye ba dang 'gag pa med pa'i skyon du 'gyur bas de ni mi 'dod de/ 'bras bu'i dngos po ni skye ba dang 'gag pa'i chos can nyid yin pas ngo bo nyid med la/ de ltar 'bras bu'i ngo bo nyid med pa
- 156a
nyid kyi sgo nas rgyu yang ngo bo nyid med pas/ don dam par rgyus 'bras bu bskyed par mi bya'o zhes sbyor ba'i lam gzhan bstan par bya ste zhes bya bar sbyar ro/ /de'i phyir/ 'bras bu mi stong skye mi 'gyur/ /mi stong 'gag par mi 'gyur ro zhes bya ba smras te/ des ni bye brag tu smra ba dag 'dod pa ltar 'bras bu skye ba'i snga rol na yang 'bras bu'i bdag nyid kyis mi stong par yod par 'gyur na gang dang gang yod pa de dang de ni skye ba med pa'i chos can dang 'gag pa med pa'i chos can yin pas 'bras bu mi stong par yod par yang skye ba dang 'gag par mi 'gyur ba'i skyon du thal bar 'gyur ba de ltar ni mi 'dod do zhes bstan to/ /de nyid bye brag tu bshad pa bstan pa'i phyir/ 'bras bu rten cing 'brel par 'byung ba ma yin pa nyid 'bras bu'i bdag nyid kyi yod pa la ni skye ba don med pa nyid yin pas de'i phyir skye bar mi 'gyur ro/ /ma skyes pa la ni ngo bo nyid 'gyur ba de ltar mi 'dod na med pa nyid yin pas de'i phyir 'gag par mi 'gyur ro zhes bya ba smras te/ bye brag tu smra ba dag 'dod pa ltar 'bras bus skye ba'i snga rol na yang 'bras bu'i bdag nyid kyis mi stong par yod par gyur na de ni 'bras bu rten cing 'brel par 'byung ba ma yin pa nyid de/ de ltar 'bras bu rten cing 'brel par 'byung ba ma yin pa nyid 'bras bu'i bdag nyid kyis ngo bo nyid kyis yod pa la ni yang skye ba don med pa nyid yin pas de'i phyir skye bar mi 'gyur ro/ /skyes na 'gag par 'gyur gyi ma skyes pa ni 'gag par mi 'gyur pas ma skyes pa la ni ngo bo nyid 'gyur ba med pa nyid yin pa de'i phyir 'gag par mi 'gyur ro/ /de ltar yang/ mi stong de ni ma 'gags dang/ /ma skyes pa yang 'gyur pa yin/ zhes bya bas ni bye brag tu smra ba dag gis 'bras bu ma 'ongs pa yod pa nyid kyis mi stong par btags pa gang yin pa don mi 'gagS
- 156b
pa dang ma skyes pa'i skyon du yang thal bar 'gyur ro zhes bya ba'i tha tshig go/ de ltar ni mi 'dod de/ 'bras bu ni skye ba dang 'gag pa'i chos can nyid du 'dod zhes bya bas ni glags yod pa'i tshig de las bzlog pas skabs kyi don nyid bstan te/ 'bras bu ni skye ba med pa dang 'gag pa med pa nyid du mi 'dod de/ skye ba dang 'gag pa'i chos can nyid du 'dod la/ 'bras bu skye ba dang 'gag pa'i chos can nyid yin pa'i sgo de nas rgyu yang skye ba dang 'gag pa'i chos can nyid du 'dod do zhes bstan to/ /bye brag tu smra ba dag 'dod pa ltar 'bras bu ngo bo nyid mi stong pa yin na de la skye ba dang 'gag pa med pa'i skyon du thal bar 'gyur ba'i rjes su dpag pa bstan pa'i phyir des gang dang gang yod pa de dang de ni skye ba med pa'i chos can dang 'gag pa med pa'i chos can yin par mthong steng? yod pa'i phyir dper na da ltar gyi skad cig ma bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du? sbyar te/ dper na da ltar gyi skad cig ma ni yod pa'i phyir de la skye ba dang 'gag pa med par mthong ba de bzhin du bye brag tu smra ba dag gis btags pa'i 'bras bu ma 'ongs pa de yang yod pa yin na yod pa'i phyir de la skye ba dang 'gag pa med par 'gyur bas de ni mi 'dod do/ /bye brag tu smra ba dag gis dam bcas pa la skyon gzhan yang yod par bstan pa'i phyir/ de ltar 'bras bu yod pa nyid dang rjes su dpog pas yod pa nyid la skye ba med pa dang 'gag pa med pa nyid kyis skye ba dang 'gag pa med pa de dag bsal ba'i phyir bye brag tu smra ba dag gi dam bcas pa la mi stong par sgrub pa'i chos can 'bras bu ngo bo nyid bsal ba'i skyon yod do zhes bya ba smras te/ de ni mi 'dod do/ /des na glags yod pa'i tshig de las bzlog pas skabs kyi don 'di skad bstan te/ bye brag tu smra ba dag gis dus
- 157a
gsum gyi rgyu dang 'bras bu'i dngos po rdzas su yod par btags pa dag las rgyu 'das pa'i 'bras bu da ltar yod pa dang/ rgyu da ltar yod pa'i 'bras bu ma 'ongs pa'i dus na 'bras bu'i bdag nyid kyis mi stong par yod pas 'dod pa de dag la ni skye ba dang 'gag pa med pa'i skyon du 'gyur bas de ni mi 'dod de/ 'bras bu'i dngos po ni skye ba dang 'gag pa'i chos can nyid yin pas ngo bo nyid med la/ de ltar 'bras bu ngo bo nyid med pa'i sgo nas 'bras bu ma 'ongs pa'i rgyud ltar yod pa dang/ 'bras bu da ltar yod pa'i rgyu 'das pa'i dus na rgyu'i ngo bo nyid kyis mi stong par yod par 'dod pa de dag la yang skye ba dang 'gag pa med pa'i skyon du 'gyur bas de yang mi 'dod de/ rgyus dngos bo ni skye ba dang 'gag pa'i chos can nyid yin pas ngo bo nyid med pa'i phyir don dam par rgyus 'bras bu skyed par mi byed do zhes bstan to/ /'jig rten rgyad pan pa dag ni 'bras bu skye ba'i snga rol na ni med ba'i ngo bo nyid yin pas 'bras bu stong pa'i ngo bo nyid yan la/ skyes na yang dngos po gzhan gyi ngo bo nyid med pa yin no zhes zer bas zhes bya ba la sogs pas ni 'jig rten rgyad pan pa dag gi grub ba'i mdza' las snga na med pa dang/ gcig la gcig med pas dngos po thams cad stong par 'dod pas 'bras bu skye ba'i snga rol na med pa'i ngo bo nyid yin pas 'bras bu stong pa'i ngo bo nyid ni snga na med pa yin la/ 'bras bu da ltar skyes na yang dper na 'bras bu'i ngo bo nyid la 'bras bu ma yin pa'i dngos po med pa ltar 'bras bu la dngos po gzhan gyi ngo bo nyid med pa ni gcig la gcig med pa yin pas snga na med pa ni skye ba'i snga rol na med pa'i tshul gyis rgyu med pa las skye ba yin la/ gcig la gcig med pa ni gzhan sel ba'i tshul gyis rgyu med par 'gag pa yin te/ da ltar
- 157b
dngos po ni skye ba dang 'gag pa snang ba tsam zhig yod pad zad kyi/ rgyu dang 'bras bu ni zer med? do zhes zer bas da 'dis de dgag pa'i phyir snga na med pa dang gcig la gcig med pas stong pa dag la skye ba dang 'gag pa med pa'i skyon du 'gyur bas rgyu med par skye ba dang 'gag par mi 'dod de/ 'bras bu'i dngos po ni rgyu las skye zhing rang gi ngang gis 'gag pa'i chos can nyid yin pas med pa'i ngo bo nyid ma yin la/ de ltar 'bras bu med pa'i ngo bo nyid ma yin pa'i sgo nas rgyu yang med pa'i ngo bo nyid ma yin pas don dam par med pa'i ngo bo nyid rgyu med par skye ba dang 'gag par mi 'gyur ro zhes ston to/ /de'i phyir/ de dag la yang stong p ji ltar skye 'gyur zhing/ /stong pa ji ltar 'gag par 'gyur/ zhes brjod par bya ste zhes bya ba smras te/ de dag gis ni 'jig rten rgyad pan pa dag 'dod pa ltar snga na med pa stong pa rgyu med pa las skye'o zhes byar stong pa de ji ltar skye bar 'gyur zhing gcig la gcig med pas stong pa rgyu med par 'gag go zhes byar stong pa de ji ltar 'gag par 'gyur zhes go rim bzhin du dgag pa ston to/ /de la re zhig snga na med pas stong pa rgyu med pa las skye'o zhes byar stong pa de skye bar mi rigs par rjes su dpag pa bstan pa'i phyir don dam par stong pa ni skye bar mi rigs te med pa'i phyir dper na nam mkha' i me tog bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na nam mkha' i me tog ni med pa'i phyir skye bar mi rigs pa de bzhin du snga na med pas stong pa yang med pa'i phyir skye bar mi rigs pas snga na med pas stong pa skye ba med pa rgyu med pa las skye bar mi rigs so/ /da ni gcig la gcig med pas stong pa rgyu med par 'gag go zhes bya bar stong pa de 'gag par mi rigs par rjes su dpag pa bstan pa'i phyir/ don dam par 'bru'i ngo bo
- 158a
nyid la 'bru ma yin pa'i dngos po med pa ni 'gag par mi rigs te/ 'bru ma yin pa'i dngos po med pa'i phyir dper na 'bru ma yin pa zhig nas med pa bzhin no zhes bya ba smras te/ de dag kyang chos can dang/ /bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na 'bru ma yin pa bum pa la sogs pa zhig nas med pa ni 'bru ma yin pa'i dngos po med pa'i phyir 'gag par mi rigs pa de bzhin du 'bru'i ngo bo nyid la 'bru ma yin pa'i dngos po med pa yang 'bru ma yin pa'i dngos po med pa'i phyir 'gag par mi rigs pas gcig la gcig med pas stong pa 'gag pa med pa rgyu med par 'gag par mi rigs so/ /des na glags yod pa'i tshig de las zlog pas skabs kyi don 'di skad bstan te/ 'jig rten rgyad phan pa dag snga na med pas stong pa rgyu med pa las skye ba dang gcig la gcig med pas stong pa rgyu med par 'gag par 'dod pa de dag la skye ba dang 'gag pa med pa'i skyon du 'gyur pas rgyu med par skye ba dang 'gag par mi 'dod de/ 'bras bu'i dngos po ni rgyu las skye zhing rang gi rang? gis 'gag pa'i chos can nyid yin pas med pa'i ngo bo nyid ma yin la/ de ltar 'bras bu med pa'i ngo bo nyid ma yin pa'i sgo nas rgyu yang med pa'i ngo bo nyid ma yin pas don dam par med pa'i ngo bo nyid rgyu med par skye ba dang 'gag par mi 'gyur zhes bstan to/ /yang ni kho bo cag ni don dam pa'i bden pa la rnam par ltos pas rten cing 'brel par 'byung ba yod pa'i ngo bo nyid stong pa nyid kyis stong par brjod pas mi stong pa cung zad cig yod par gyur na de ni de las zlog par 'gyur bas de lta bu de ni tha snyad du yang nam mkha' i me tog bzhin du ma grags pa'i phyir/ 'bras bu mi stong skye mi 'gyur/ /mi stong 'gag par mi
- 158b
'gyur ro/ /de lta na mi stong de ni ma 'gags dang/ /ma skyes par yang 'gyur pa yin zhes bya pas ni sngar bye brag tu smra bdag 'bras bu skye ba'i snga rol na yang 'bras bu'i bdag nyid kyis mi stong par smra ba dgag pa'i tshig le'ur byas pa ji skad bstan pa de'i don rnam pa gzhan du rnam par bshad pa ston to/ /'dis ni 'di skad ston te/ bye brag tu smra ba dag gis 'bras bu mi stong par gtags pa de dbu ma pas don dam par rten cing 'brel par 'byung ba ngo bo nyid stong pa nyid du blta ba'i phyogs la kun rdzob kyi tha snyad du yang nam mkha' i me tog bzhin du yod par ma grags pa'i phyir 'bras bu mi stong pa cung zad cig yod ces byar mi stong pa de med pa'i phyir med pa de la skye ba dang 'gag pa med pa'i skyon du 'gyur bas mi stong pa yod pa ma yin no/ /'bras bu steng pa nyid yin na de la skye ba dang 'gag pa yang 'thad pas dper na sgyu ma bzhin du ngo bo nyid med pa yin te/ de ltar 'bras bu ngo bo nyid med pa nyid du brjod par bya'o zhes ston to// de yang 'di ltar sbyar te/ kho bo cag dbu ma pa ni don dam pa'i bden pa la rnam par bltos pas rten cing 'brel par 'byung ba'i chos thams cad don dam par yod pa'i ngo bo nyid stong ba nyid kyis stong par brjod pas des na gal te mi stong pa cung zad cig yod par gyur na de ni stong pa de las zlog par 'gyur bas mi stong pa'i dngos po de lta bu de ni kun rdzob kyi tha snyad bu yang na mkha' i me tog bzhin du yod bar ma grags pa'i phyir/ 'bras bu mi stong skye mi 'gyur/ /mi stong 'gag par mi 'gyur ro/ /zhes smras te/ 'bras bu mi stong pa cung zad cig yod ces byar mi stong pa de nam mkha' i me tog bzhin du gtan mi srid pa'i phyir de la skye ba dang 'gag pa med pa'i skyon du 'gyur bas mi stong pa yod pa ma yin no/ de lta na mi stong de ni
- 159a
ma 'gag pa/ /ma skyes par yang 'gyur ba yin zhes bya bas ni de ltar 'bras bu mi stong pa yod pa ma yin pa de skye ba dang 'gag par mi 'gyur bas mi stong pa de yod ces byar de ni ma 'gag pa dang/ ma skyes pa'i skyon du yang 'gyur bas mi stong pa yod pa ma yin par bstan to/ /de nyid bye brag tu bshad pa bstan pa'i phyir/ 'di ni mi stong pa nyid kyis skye ba med pa dang 'gag pa med par thal bar 'gyur bar bstan pas stong pa nyid yin na/ /'bras bu skye ba dang 'gag pa'i chos dang ldan pa'i phyir bsgrub par bya ba dang/ sgrub pa'i chos mngon pas zhes bya ba smras te/ tshig le'ur byas pa'i skabs kyi don 'dis ni bye brag tu smra ba dag mi stong par rjes su dpog na nyid kyis mi stong pa de dbu ma pa la mi srid pas de la skye ba dang 'gag pa med par thal bar 'gyur bar bstan pas/ stong pa nyid yin na 'bras bu skye ba dang 'gag pa'i chos dang ldan pa'i phyir bsgrub par bya ba chos stong pa nyid dang/ sgrub pa'i chos skye ba dang 'gag pa dang ldan pa mngon par rjes su dpag pas 'di ltar bya'o zhes ston to/ /de nyid kyi rjes su dpag pa bstan pa'i phyir/ don dam par 'bras bu ni stong pa nyid yin te/ skye ba dang 'gag pa'i phyir dper na sgyu ma bzhin no zhes brjod par bya'o zhes bya ba smras te/ de dag ni chos can dang / sgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na sgyu ma ni skye ba dang 'gag pa'i phyir stong pa nyid yin pa de bzhin du 'bras bu yang skye ba dang 'gag pa'i stong pa nyid yin no/ /de ltar 'bras bu stong zhing ngo bo nyid med pa nyid kyi sgo nas rgyu yang stong zhing ngo bo nyid med pa nyid du brjod par bya'o/ /de bzhin du gal te 'bras bu med pa'i ngo bo nyid yin par gyur na/ tha snyad du yang skye ba med pa dang 'gag pa med par 'gyur te/ med pa'i phyir dper na nam mkha' i me
- 159b
tog bzhin pas/ stong pa ji ltar 'gyur zhing/ /stong pa ji ltar 'gag par 'gyur zhes bya bas ni sngar 'jig rten rgyad pan pa dag 'bras bu snga na med pa dang gcig la gcig med pas stong par smra ba dgag pa'i tshig le'ur byas pa'i phyir ji skad bstan pa de'i don rnam pa gzhan du rnam par bshad pa ston to/ /'dis ni 'di skad ston te/ 'jig rten rgyad pan pa dag gis 'bras bu stong par btags pa de stong par rjes su dpog pa nyid kyis de la tha snyad du yang nam mkha' i me tog bzhin du skye ba dang 'gag pa med pa'i skyon du 'gyur bas stong pa de rgyu med par skye ba dang 'gag par mi 'gyur ro/ /'bras bu mi stong pa nyid yin na de la skye ba dang 'gag pa yang 'thad pas rgyu med par skye ba dang 'gag par 'gyur ba ma yin te/ dper na rgyu ma skye pa dang ma 'gag pa'i chos dang ldan pa'i phyir rgyu med par skye ba dang 'gag pa ma yin pa bzhin te/ de ltar 'bras bu med pa'i ngo bo nyid ma yin pa'i sgo nas rgyu yang med pa'i ngo bo nyid ma yin par ston to/ /de yang 'di ltar sbyar te/ gal te 'jig rten rgyad pan pa dag 'dod pa ltar 'bras bu snga na med pa dang/ gcig la gcig med pas med pa'i ngo bo nyid yin par gyur na/ de la tha snyad du yang nam mkha' i me tog bzhin du skye ba dang 'gag pa med pa'i skyon du 'gyur bas stong pa'i rgyu med par skye ba dang 'gag par mi 'gyur ro zhes bya bar sbyar ro/ /de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na nam mkha' i me tog ni med pa'i phyir tha snyad du yang skye ba dang 'gag pa med pas rgyu med pa las skye pa dang/ rgyu med par 'gag pa mi 'gyur pa de bzhin du 'jig rten rgyad pan pa dag gis brtags pa'i 'bras bu yang snga na med pa dang gcig la gcig med pas stong pas med pa'i ngo bo nyid yin par gyur na med pa'i phyir tha snyad du yang skye ba dang 'gag pa med pas rgyu
- 160a
med pa las skye ba dang rgyu med par 'gag par mi 'gyur ro/ /de ltar na/ skye pa dang 'gag pa med pa'i phyir/ stong pade yang ma 'gags dang/ /ma skyes par yang thal bar 'gyur/ zhes bya bas ni 'jig rten rgyad pan pa dag 'dod pa ltar 'bras bu snga na med pa dang/ gcig la gcig med pas stong pas med pa'i ngo bo nyid yin par gyur na de la tha snyad du yang nam mkha' i me tog bzhin du skye ba dang 'gag pa med pa'i phyir 'bras bu stong pa de yang ma 'gags pa dang ma skyes pa'i skyon du 'gyur ro zhes bstan to/ /de yang mi 'dod pas 'dis kyang gong du bstan pa bzhin du dam bcas pa dang/ gtan tshigs kyi don mngon pas zhes bya bas ni glags yod pa'i tshig las bzlog pas skabs kyi don nyid bstan te 'bras bu ni skye ba dang 'gag pa'i chos can nyid yin pas/ 'jig rten rgyad pan pa dag 'dod pa ltar med pa'i ngo bo nyid du 'dod pas tshig le'ur byas pa'i skabs kyi don 'dis kyang 'jig rten rgyad pan pa dag stong par rjes su dpog pa nyid kyis stong pa de la skye ba med pa dang/ 'gag pa med par thal bar 'gyur pa bstan pas mi stong pa nyid yin na 'bras bu skye ba dang 'gag pa'i chos dang ldan pa'i phyir/ bsgrub par bya ba chos med pa'i ngo bo nyid ma yin pa dang/ sgrub pa'i chos skye pa dang/ 'gag pa dang ldan pa mngon par rjes su dpag pa 'di ltar bya'o zhes ston to/ /de nyid kyi rjes su dpag pa bstan pa'i phyir/ 'dir rjes su dpag pa ni don dam par nang gi 'bras bu ni med pa'i ngo bo nyid ma yin te/ zhes dam bcas pa la khyad par yod par zad kyi lhag ma ni snga ma bzhin no zhes bya ba smras so/ /de yang 'di ltar sbyar te/ don dam par nang gi 'bras bu ni med pa'i ngo bo nyid ma yin te/ skye ba dang 'gag pa'i phyir dper na phyi rol gyi 'bras bu sgyu ma bzhin no zhes brjod par bya'o/ /de
- 160b
dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin bzhin du sbyar te/ dper na phyi rol gyi 'bras bu sgyu ma ni skye ba dang 'gags pa'i phyir med pa'i ngo bo nyid ma yin pa de bzhin du nang gi 'bras bu yang skye ba dang 'gag pa'i phyir med pa'i ngo bo nyid ma yin no/ /'jig rten rgyad ban pa dag gi dam bcas pa la skyon gzhan yang yod par bstan pa'i phyir/ yang na 'bras bu med pa'i ngo bo nyid rjes su dpog pa med pa'i ngo bo nyid la skye ba med pa dang 'gag pa med pa nyid kyis 'bras bu skye ba dang 'gag pa bsal ba'i phyir 'jig rten rgyad pan pa dag gi dam bcas pha la med pa'i ngo bo nyid du sgrub pa'i chos can 'bras bu'i khyad par skye pa dang 'gag pa bsal ba'i skyon yod par bstan pa ni 'dir chig gi don yin no zhes bya ba smras te/ de ni mi 'dod d/ /des na glags yod pa'i tshig de la bzlog pas skabs kyi don 'di skad bstan te/ 'jig rten rgyad pan pa dag gis med pa'i ngo bo nyid du brtags pa de dag la skye ba dang 'gag par mi 'thad pas 'bras bu'i ngo bo nyid ni rgyu las skya zhing/ rang gi dang gis 'gag pa'i phyir med pa'i ngo bo nyid ma yin la/ de ltar 'bras bu med pa'i ngo bo nyid ma yin pa'i sgo nas rgyu yang med pa'i ngo bo nyid ma yin par bstan to// bam po drug cu bdun pa/ gzhan yang skyed pa nyid kyi rgyu dang 'bras bur gcig pa nyid dam/ bzhan nyid du 'gyur grang na zhes bya bas ni gzhan yang rgyus 'bras bu bskyed par 'gyur na rgyu dang 'bras bu gnyis gcig pa nyid dang/ gzhan nyid du 'gyur grang na/ brtag pa gnyi ga ltar yang mi 'thad par ston to/ /de gnyis kyi dam bca' bstan pa'i phyir/ de la rgyu dang 'bras bu gcig nyid du /nam yang 'thad par mi 'gyur ro/ /de bzhin du rgyu dang 'bras bu gzhan nyid du/ /nam yang 'thad par mi 'gyur ro/ /zhes bya ba smras so/ /de
- 161a
ni dam bca' ba de gnyis kyi rjes su dpag pa bstan pa'i phyir ci'i phyir zhe na go rim bzhin du skyon brjod par bya ste zhes bya ba smras so/ /de la re zhig gcig pa nyid gyi phyogs la skyon brjod pa bstan pa'i phyir rgyu dang 'bras bu gcig nyid na/ skye dang bskyed pa gcig tu 'gyur /skyed pha dang bskyed pa pha dang bu lta bu gang dag yin pa dag gcig pa nyid du 'gyur ba de ltar ni mi 'don pas zhes bya ba smras so/ /'dir yang glags yod pa'i rgyu thabs kyi chos 'thun pa'i dpe nye bar bzhag ste/ gal te shing de me yin na/ byed pa po dang las gcig 'gyur/ zhes bya ba der/ bstan pa'i tshul bzhin no zhes bya bas ni 'dir rgyu dang 'bras bu gcig pa nyid yin na skyed pa dang bskyed pa dag gcig pa nyid du 'gyur ba'i glags yod pa'i sgyu thabs kyi tshig dor gyis rgyu dang 'bras bu dag gcig pa nyid ma yin pa'i chos mthun pa'i dpe ni pha dang bu dag yin par nye bar bzhag ste/ de ltar sngar me dang bud shing brtag pa'i skabs su gal te me dang bud shing dag gcig pa nyid yin par gyur na byed pa po dang las dag gcig pa nyid du 'gyur pa'i glags yod pa'i rgyu thabs kyi tshig dor gyis me dang bud shing dag gcig pa nyid ma yin pa'i chos 'thun pa'i dpe byed pa po dang las dag yin par nye bar bzhag pa'i tshul bzhin no zhes bstan to/ /de'i phyir 'jig rten la grags pa'i dpe de las shes par byar nus te zhes bya bas ni chos 'thun pa'i dpe pha dang bu ngag gcig pa nyid ma yin par 'jig rten la grags pa de'i dbang gis rgyu dang 'bras bu ngag gcig pa nyid ma yin par shes par byar nus pa'i rjes su dpag pa 'di ltar bya'o zhes bya bar sbyar ro/ /de'i phyir rgyu dang 'bras bu dag gcig pa nyid ma yin te/ skyed pa dang bskyed pa yin pa'i phyir dper na pha dang bu
- 161b
dag bzhin te/ zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na pha dang bu dag ni skyed ba rang bskyed pa yin pa'i phyir gcig pa nyid ma yin pa de bzhin du rgyu dang 'bras bu dag kyang skyed pa dang bskyed pa yin pa'i phyir gcig pa nyid ma yin no/ /de ltar re zhig gcig pa nyid kyi phyogs la'o zhes bya ba ni skyon brjod do zhes bya bar sbyar ro/ /gzhan nyid kyi phyogs la yang 'di ltar skyon brjod par bya ste zhes bya bar sbyar ro/ /de'i phyir/ rgyu dang 'bras bu gzhan nyid na/ /rgyu dang rgyu min mtshungs par 'gyur/ /'bras bu las gzhan nyid yin pa'i phyir/ /dper na de las gzhan bzhin pas/ /de yang mi 'dod do zhes bya ba smras so/ /rgyu dang 'bras bu ngag gi chos ni rgyud tha mi dad pa nyid yin par 'dod pas 'dir yang shes par byar nus te zhes bya bas ni rgyu dang 'bras bu dag gzhan nyid na yin par sgrub ba'i chos gtan tshigs ni rgyud tha mi dad pa nyid yin par 'dod pas 'dir yang rgyu dang 'bras bu dag gzhan nyid ma yin par shes par byar nus pa'i rjes su dpag pa ni 'di ltar bya ste zhes bya bar sbyar ro/ /de'i phyir/ rgyu dang 'bras bu dag gzhan nyid ma yin te/ rgyud tha mi dad pa nyid yin pa'i phyir dper na rgyu'i rang gi bdag nyid bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rgyu'i rang gi bdag nyid ni rgyud tha mi dad pa nyid yin pa'i phyir rang gi bdag nyid las gzhan ma yin pa de bzhin du rgyu dang 'bras bu dag kyang rgyud tha mi dad pa nyid yin pa'i phyir gzhan ma yin no/ /yang gzhan yang rgyus 'bras bu skyed par byed na ther zug pa ngag gi 'bras bu na yod par smra ba'i
- 162a
tshul gyis yod par gyur pa zhig skyed par byed dam/ 'jig rten rgyang pa na bdag gi 'bras bu snga na med par smra ba'i tshul gyis med par gyur pa zhig skyed par byed grang na zhes bya bas ni yang gzhan yang rgyus 'bras bu rkyon par byed na grangs can dag 'bras bu ther zug tu gnas par 'dod pa dag gi 'bras bu snga na yod par smra ba'i tshul gyis 'bras bu yod par gyur pa zhig rgyus byed pa 'jig rten rkyang phan pa dang/ bye brag pa dang/ nyan thos mdo sde pa dag 'bras bu snga na med par 'dod pa dag gis 'bras bu snga na med par smra ba'i tshul gyis 'bras bu med par gyur pa zhig rgyus skyed par byed grang na/ brtag pa gnyi ga ltar mi 'thad par ston te/ /de lar zhig brtag pa dang po mi 'thad par bstan pa'i phyir/ de la 'bras bu ngo bo nyid yod na/ /rgyus ni ci zhig skyed par 'gyur/ /'di ltar 'bras bu ngo po nyid yod par gyur pa ni tha snyad du yang bstan dka' ba'i phyir dang/ dam bcas pa la sogs pa'i skyon ji skad bstan pa dag tu 'gyur ba'i phyir ro zhes bya bar dgongs te zhes bya ba smras te/ gal te 'bras bu ngo bo nyid yod pa ther zug tu gnas pa nyid yin na rgyus ci zhig skyed par 'gyur te/ 'di ltar rgyu dang rkyen rnams med par 'bras bu ngo bo nyid yod par gyur pa ni tha snyad du yang bstan dga' ste/ 'jig rten na ma skyes pa yod pa nyid du ma mthong ba'i phyir dang/ sngar bye brag tu smra ba dag 'bras bu skye ba'i snga rol na yang 'bras bu'i bdag nyid kyis mi stong par smra ba dgag pa'i skabs su/ 'bras bu mi stod skye mi 'gyur// mi stong 'gag par mi 'gyur ro/ /mi stong de ni ma 'gags dang/ /ma skyes bar yang 'gyur ba yin/ /zhes bya ba dag gis nges na gang dang gang yod pa de dang de ni skye ba med pa'i chos dang/ 'gag pa med pa'i chos can yin par mthong
- 162b
ste yod pa'i phyir dper na da ltar gyi skad cig ma bzhin no/ /de ltar yod pa nyid du rjes su dpag pas skye ba med pa dang/ 'gag pa med pa nyid kyi de dag bsal ba'i phyir dam bcas pa la chos can gyi ngo bo nyid bsal ba'i skyon yod do zhes ji skad bstan pa dag 'dir yang 'byung bar 'gyur pa'i phyir ro zhes bya bar dgongs so/ /de ltar re zhig brtag pa dang po la'o zhes bya ba ni mi 'thad par skyon brjod zin to zhes bya bar sbyar ro/ /da ni brtag pa gnyis pa la yang mi 'thad par skyon brjod par bya ste zhes bya bar spyad do/ /de'i phyir/ 'bras bu ngo bo nyid med na/ rgyus ni ci zhig skyed par 'gyur/ 'bras bu ngo bo nyid med par gyur pa nam mkha' i me tog lta bu skye ba ni tha snyad du yang bstan dka' ba'i phyir dang/ snga ma bzhin du dam bcas pa la sogs pa'i skyon ji skad bstan pa dag tu 'gyur pa'i phyir ro zhes bya bar dgongs so zhes bya ba smras te/ gal te 'bras bu ngo bo nyid med pa nam mkha' i me tog lta bu nyid yin na rgyus ci zhig skyed par 'gyur te/ 'di ltar 'bras bu med par gyur pa nam mkha' i me tog lta bu med pa'i ngo bo nyid rgyus bskyed cing gsal bar byed pa ni tha snyad du yang bstan dka' ste/ 'jig rten na med pa skye ba nyid du ma mthong ba'i phyir dang/ sngar 'jig rten rgyud pan pa dag 'bras bu skye ba'i snga rol na ni med pa'i ngo bo nyid yin pas 'bras bu stong pa'i ngo bo nyid yin la/ skyes na yang dngos po gzhan gyi ngo bo nyid med pa yin no zhes zer ba dgag pa'i skabs su/ stong pa ji ltar skye 'gyur zhing/ /stong pa ji ltar 'gag par 'gyur/ /stong pa de yang ma 'gags pa/ ma skyes par yang thal bar 'gyur/ zhes bya ba dag gis don dam par stong pa ni skye par mi rigs te/ med pa'i phyir na nam mkha' i me tog bzhin no/ /don dam par 'bru'i ngo bo nyid la 'bru ma yin pa'i dngos po med pa ni 'gag par
- 163a
mi rigs te/ 'bru ma yin pa'i dngos po med pa'i phyir dper na 'bru ma yin pa zhig nas med pa bzhin no/ /yang na med pa'i ngo bo nyid du rjes su dpog pas skye ba med pa dang 'gag pa med pa nyid gyi 'bras bu skye ba dang 'gag pa bas la ba'i phyir dam bcas pa la chos can gyi khyad par bsal ba'i skyon yod do/ /zhes ji skad bstan pa dag 'dir yang 'byung bar 'gyur ba'i phyir ro zhes bya bar dgongs so/ /'dir gal te gzhan dag na re de ltar 'bras bu yod pa dang med pa rgyus skyed par mi byed pa'i gtan tshigs dang dam bcas pa'i skyon dag sngar bye brag tu smra ba dang/ 'jig rten rgyad pan pa dag dgag pa'i skabs su bstan zin na 'dir yang bzlas te bshad ci dgos zhes zer ba'i phyogs snga ma khong nas dbyung ba de'i lan du 'dir 'brel pa byed pa nyid kyi sngar/ /'bras bu mi stong skye mi 'gyur/ /mi stong 'gag par mi 'gyur ro/ /mi stong de ni ma 'gags dang/ ma skyes par yang 'gyur ba yin/ /stong pa ji ltar skye 'gyur zhing/ /stong pa ji ltar 'gag par 'gyur stong pa de yang ma 'gags dang/ /ma skyes par yang thal bar 'gyur/ /zhes bya ba de dag gis ni 'bras bu'i skabs su ngo bo nyid med pa nyid du bstan te/ da ltar ni rgyu dngos po las ngo bo nyid med pa nyid du bstan te/ khyad par ni de yin no zhes bya ba smras te/ sngar tshig le'ur byas pa de gnyis kyi skabs kyis ni bye brag tu smra ba ngag 'bras bu skye ba'i snga rol na yang 'bras bu'i bdag nyid kyis mi stong par smra ba de dgag pa'i phyir 'bras bu skye ba'i snga rol na yang 'bras bu bdag nyid kyis mi stong par yod pa la skye ba dang 'gag pa med pa'i skyon du 'gyur bas de ni mi 'dod de 'bras bu'i dngos po ni skye ba dang 'gag pa'i chos can nyid yin pas ngo bo nyid med la de ltar 'bras bu'i ngo bo nyid med pa nyid kyi sgo nas rgyu yang ngo bo nyid med
- 163b
pas don dam par rgyus 'bras bu skyed par mi byed do zhes bya ba dang/ 'jig rten rgyad pan pa dag 'bras bu skye ba'i snga rol na ni med pa'i ngo bo nyid yin pas 'bras bu stong pa'i ngo bo nyid yin la/ skyes na yang dngos po gzhan gyi ngo bo nyid med pa yin no zhes zer ba de dgag pa'i phyir snga na med pa dang gcig la gcig med pas stong pa dag la skye ba dang 'gag pa med pa'i skyon du 'gyur bas rgyu med par skye ba dang 'gag par mi 'dod de/ /'bras bu'i dngos po ni rgyu las skye zhing rang gi rang gis 'gag pa'i chos can nyid yin pas med pa'i ngo bo nyid ma yin la/ de ltar 'bras bu med pa'i ngo bo nyid ma yin pa'i sgo nas rgyu yang med pa'i ngo bo nyid ma yin pas don dam par med pa'i ngo bo nyid rgyu med par skye ba dang 'gag par mi 'gyur ro zhes bya bar bstan to/ /da ltar skabs 'dir ni rgyu ngo bo nyid med pas don dam par rgyus 'bras bu skyed par mi byed pa dang/ rgyu nyid med pa'i ngo bo nyid ma yin pas don dam par med pa'i ngo bo nyid rgyu med par skye bar mi 'gyur ro zhes bstan te/ khyad par ni de yin pas zlog par mi 'gyur ro/ /de'i phyir de ltar yongs su brtags na don dam par rgyus 'bras bu skyed pa nyid mi 'thad pa de'i phyir/ skye ba yod pa ma yin na/ /rgyu nyid 'thad par mi 'gyur ro/ /zhes gsungs te/ de ltar ji skad bstan pa'i tshul gyis so/ /de la don dam par rgyus ni 'bras bu skyed par byed pa nyid do/ /'bras bu'i rgyu yin pa'i phyir ro zhes gang smras pa'i gtan tshigs de don dam par ni don ma grub pa nyid do/ /tha snyad pa'i gtan tshigs yin par brjod na ni don 'gal ba nyid de/ mi mthun pa'i phyogs 'ba' zhig la yod pa'i phyir ro zhes bya bas ni skabs kyi mjug bsdu ba dang/ tshad ma'i 'bras bu yin te/ de ltar don dam par rgyus 'bras bu bskyed pa nyid mi 'thad pas skye ba yod pa ma yin pas rgyu nyid mi 'thad pa'i phyir sngar pha rol po dag gis smras pa'i gtan
- 164a
tshigs don dam par rgyus ni 'bras bu skyed par byed pa nyid de/ 'bras bu'i rgyu yin pa'i phyir ro zhes bya ba de don dam par ni ma grub pa nyid yin la/ kun rdzob tu ni 'gal ba nyid yin no/ /'dir smras pa/ don dam par rgyus ni 'bras bu skyed par byed pa nyid de/ 'di'i 'di'o zhes brjod pa'i phyir ro/ /gang gis gang skyed par mi byed pa de la rgyu 'di'i 'bras bu 'di'o zhes mi brjod de/ dper na rnga mo'i rwa 'di'i ru bzhi 'di'o zhes mi brjod pa bzhin no/ /'di la ni mig 'di'i 'bras bu mig gi rnam par shes pa 'di'o zhes sam/ sa bon 'di'i 'bras bu 'di'o zhes brjod pas de'i phyir gtan tshigs grub pas 'dod pa'i don grub bo/ /zhes bya ba ni 'dir pha rol po dag 'di'i 'di'o zhes 'brel ba brjod pa'i gtan tshigs kyis don dam par rgyus 'bras bu skyed par byed pa nyid do zhes sgrub pa'i tshig yin te/ de dag ni chos can dang/ sgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i spyor ba dang/ mjug bsdu ba yin par go rim bzhin du sbyar te/ 'di ni rnga mo'i rwa med pa'i ru bzhi 'di'o zhes mi brjod pa de ni yod pa ma yin gyi/ mig dang sa bon yod pa 'di'i 'bras bu mig gi rnam par shes pa dang/ myu gu 'di'o zhes brjod pa 'di ni yod pa yin pas/ de'i phyir rgyu dang 'bras bu dag la 'di'i 'di'o zhes 'brel pa brjod pa yod pa'i phyir don dam par rgyus 'bras bu skyed par byed pa nyid do zhes zer ro/ /de skad zer ba de'i lan du 'grel pa byed pa nyid kyis 'dir bshad pa/ gal te don dam par 'bras bu skye ba 'ga' zhig yod par gyur na ni des na 'bras bu skye ba las rgyu yang rgyu nyid du 'thad pas/ rgyu 'di'i 'bras bu 'di'o zhes brjod du yang rung ba zhig na de yang med pas/ rgyu nyid 'thad pa yod
- 164b
min na/ /'bras bu gang gi yin par 'gyur/ /de ltar na ma grub pa'i phyir gtan tshigs kyi don ma grub pa nyid dam/ don 'gal ba nyid do zhes bya ba smras te/ rgyu nyid mi 'thad pa'i phyir/ 'bras bu yang mi 'thad pas rgyu 'di'i 'bras bu 'di'o zhes bya ba de ma grub pa'i phyir pha rol po'i gtan tshigs don dam par ni ma grub pa nyid la/ kun rdzob tu ni 'gal ba nyid do/ /gzhan dag gis smras pa/ tshogs pa rnyed na 'bras bu skye bar 'gyur la/ rgyus kyang tshogs pa'i yan lag yin pas des na 'bras bu 'grub pa'i rgyu yin pa'i phyir gtan tshigs sngar smras pa'i don ma grub pa nyid ma yin no/ /kho bo cag rgyu 'ba' shig las 'bras bu 'grub par yang mi 'dod pas de'i phyir rgyus 'bras bu skyed par mi byed la 'bras bus yang rgyus bskyed par byas ma yin no zhes gang smras pa de yang grub pa la sgrub pa yin no zhes bya bas ni 'dir gzhan dag na re lung las/ las rnams bskal pa brgyar yang ni/ /chung mi za pa'ang tshogs dang dus/ rnyed na lus can rnams la ni/ /'bras bu dag tu 'gyur ba nyid/ ces kyang gsungs la/ rgyu 'brel pa dan rkyen 'brel pa gang zhe na/ ma rig pa'i rkyen gyis 'du byed rnams zhes bya ba dang sa bon gyi rkyen gyis myu gu zhes bya ba la sogs pa ni rgyu 'brel pa yin la/ khams drug po dag tshogs pa ni rkyen 'brel pa yin no zhes kyang gsungs te/ kho bo cag kyang de khas len bas nges na rgyu dang rkyen gyi tshogs pa rnyed na 'bras bu skye bar 'gyur la/ dus kyang tshogs pa'i yan lag yin pas 'bras bu 'grub pa'i rgyu yin pa'i phyir kho bo cag gis sngar smras pa'i gtan tshigs dus ni yod pa kho na yin te/ 'bras bu 'grub pa'i rgyu yin pa'i phyir ro zhes bya ba de'i don ma grub pa nyid kyang ma yin la/ khyed dbu ma pas rgyus 'bras bu skyed par mi byed la/ 'bras bu yang rgyus skyed par bya pa ma
- 165a
yin no zhes gang smras pa de yang grub pa la yang sgrub pa yin no zhes zer ba'i tshig yin no/ /de skad ces zer ba de'i lan du 'grel pa byed pa nyid kyis 'dir bshad pa/ 'di la rgyu dang rkyen rnams kyi tshogs pa de ni rdzas su yod pa ma yin pa'i phyir rang gi bdag nyid kyis yod pa ma yin no/ /gal te des bdag nyid skyed par byed cing skyes nas 'bras bu yang bskyed par 'gyur grang na/ phyogs de yang 'khrul pa bskyed pa yin te zhes bya ba smras te/ rgyu dang rkyen rnams kyi tshogs pa de ni spyi 'dus pa tsam la nye bar gdags par zad pas tha snyad du yang rdzas su yod pa ma yin pa'i phyir rang gi bdag nyid kyis yod pa ma yin pas des bdag gi bdag nyid kyang mi bskyed pas 'bras bu skyed par mi byed do/ /gzhan yang gal te tshogs pa des bdag nyid skyed par byed cing bdag nyid skyes na 'bras bu yang skyed par 'gyur grang na/ phyogs de yang khyed cag 'khrul pa bskyed pa'i rgyu tsam du zad kyi/ brtag mi bzod pas tshogs pas 'bras bu mi skyed ba'i phyir khyed kyis sngar smras pa'i gtan tshigs kyi don ma grub pa nyid kyang nyams pa med la/ kho bos smras pa yang grub pa la sgrub pa ma yin no zhes ston to/ /de nyid bstan pa'i phyir/ rgyu rnams dang ni rkyen dag gi /tshogs pa gang yin de yis ni/ /bdag gi bdag nyid mi bskyed na/ /'bras bu ji ltar skyed par byed/ ces bya ba smras so/ /de nyid kyi 'thad pa bstan pa'i phyir/ /des 'bras bu skyed par mi byed pa nyid de/ rdzas su yod pa ma yin pa'i phyir ro zhes bya bar dgongs so zhes bya ba smras te/ dper na dmag dang nags tshal dang shing rta zhes bya ba dag ni tshogs pa'i yan lag spyi 'dus pa la nye bar gdags par zad kyi/ rdzas su yod pa ma yin pa'i phyir bdag gi bdag nyid kyang skyed par mi byed
- 165b
pas/ des 'bras bu gzhan skyed par mi byed pa nyid yin pa de bzhin du/ rgyu dang rkyen gyis tshogs pa zhes bya ba yang tshogs pa'i yan lag spyi 'dus pa las nye bar gdags par zad kyi/ rdzas su yod pa ma yin pa'i phyir bdag gi bdag nyid kyang skyed par mi byed pas nges 'bras bu gzhan skyed par mi byed pa nyid do zhes bya bar dgongs so /tshogs pa dgag pa 'di la kha cig na re tshogs pa gcig pu ma yin te/ des na dngos po 'ga' yang med/ /gal te de yang de las gzhan/ /de yang gcig tu 'ga' zhig yod/ /ces ji skad bshad pa lta bu'o/ /zhes zer ro zhes bya ba ni slob dpon gyi zhal snga nas kyi tshig le'ur byas pa/ rgyu rnams dang ni rkyen dag gi /tshogs pa gang yin de yis ni/ /bdag gi bdag nyid mi bskyed na/ /'bras bu ji ltar skyed par byed/ ces gsungs pa/ rnam par bshad pa'i skabs 'di 'grel pa byed pa gnas brtan bud+d+ha pA li ta na re rgyu dang rkyen gyi tshogs pa 'bras bu skyed par byed pa zhes bya bar brtag pa gang yin pa des re zhig bdag gis bdag nyid skyed par mi byed de/ ci'i phyir zhe na/ tshogs pa ni du ma yin par shes pa'i phyir te/ slob dpon 'phags pa lhas kyang/ tshogs pa gcig pu ma yin te/ de bzhin dngos po 'ga' yang med/ /gal te de yang de las gzhan/ de yang gcig pu 'ga' zhig yod/ ces gsungs pa lta bu'o zhes zer ro zhes bya bar sbyar ro/ /kha cig na re de ni khungs su mi rung ste/ tshig le'ur byas pa'i don dang mi mthun pa'i phyir ro zhe'o zhes bya ba ni 'grel pa byed pa nyid na re 'phags pa lhas mdzad pa'i tshigs su bcad pa de bzang? mod kyi/ skabs 'di'i khungs ma yin pa las gnas brtan bud+d+ha pA li tas khungs su byas pa ma legs te/ 'dir slob dpon gyis gsungs pa'i tshig le'ur byas pa'i don ni rgyu dang rkyen rnams kyi rang gi bdag nyid mi skyed pas/ de
- 166a
dag gi 'bras bu yang skyed par mi 'gyur ro zhes bya ba yin la/ khungs kyi don ni rgyu dang rkyen rnams las tshogs pa zhes bya ba logs shig na med par ston pa yin pas tshig le'ur byas pa'i don dang mi mthun pa'i phyir de khungs su mi rung ngo zhes zer ro/ /yang na tshogs pa nyid kyis 'bras bu bskyed pa nyid du rnam par rtog pa yang sngar bzhin du nye bar sbyar nas rgyu gzhan du 'gag par bya'o zhes bya bas ni pha rol po dag rgyu dang rkyen rnams kyi tshogs pas 'bras bu bskyed pa nyid du rnam par rtog pa de dgag pa'i thabs ni/ yang na sngar rgyu dgag pa'i skabs su rgyu dang 'bras bu dag gcig pa nyid dang/ gzhan nyid dang/ 'bras bu yod pa dang/ med pa la sogs pas 'bras bu bskyed par mi 'thad pa'i gtan tshigs dang dpe dag bstan pa de bzhin du 'dir yang tshogs pa dang 'bras bu dag gcig pa nyid dang gzhan nyid 'bras bu yod pa dang med pa la sogs pas 'bras bu bskyed par mi 'thad pa'i gtan tshigs dang dpe dag snga ma bzhin du nye bar sbyar nas rgyu gzhan du 'gag par bya'o zhes bstan to/ /yang na tshogs pa ni 'bras bur gyur pa rnams kyi rgyu dang rkyen dag gi tshogs pa yin na 'bras bu de yang don dam par dngos su 'am brgyud pas 'bras bu'i ngo bo nyid du bstan zin pas de'i phyir gang dag gi tshogs pa gang zhig yin zhes bya bas kyang tshogs pa mi 'thad pa'i rigs pa rnam pa gzhan ston te/ 'di ltar tshogs pa zhes bya ba ni 'bras bu skyes pa'i sgo nas 'bras bu de rnams kyi rgyu dang rkyen dag gi tshogs pa nyid yod de/ yang rjes su dpag pas 'bras bur gyur pa rnams kyi rgyu dang rkyen dag gi tshogs pa nyid yin na 'bras bu de yang don dam par ma skyes pa'i phyir ji ltar dngos su 'am brgyud pas 'bras bu'i ngo bo nyid du med pa de ltar bstan zin pas
- 166b
de'i phyir 'bras bur gyur pa med na 'bras bu gang dag gi rgyu dang rkyen dag gi tshogs pa gang zhig yin te/ tshogs pa zhes bya ba'i sgra 'jug pa tsam yang med do/ /de dag gi de med pa nyid du nges par bzung nas/ rgyu rnams dang ni rkyon? dag gi /tshogs pa gang yin de yis ni/ bdag gi bdag nyid mi skyed na/ /'bras bu ji ltar skyed par byed/ ces gsungs te/ 'dir don ni snga ma bzhin no zhes bya ba ni de ltar tshogs pa zhes bya ba'i sgra 'jug pa tsam yang med pa de'i phyir slob dpon gyi zhal snga nas kyi 'bras bur gyur ba pa med pa de dag gi rgyu dang rkyen gyi tshogs pa de med pa nyid du nges par bzung nas tshig le'ur byas pa 'di gsungs te/ 'dir tshig gi don snga ma bzhin no/ /skabs kyi don la ni khyad yod de/ sngar ni pha rol po dag gi tshogs pas 'bras bu skye ba nyid phyogs su byas te/ 'bras bu skye ba'i rgyu yod par rjes su dpog pa dgag pa'i phyir tshig le'ur byas pa 'di rnam par bshad do/ /'dir ni 'bras bu skye bas tshogs pa yod par shes par bya ba yin na 'bras bu skye ba med pa'i phyir tshogs pa yang med pa nyid do zhes bstan te/ skabs kyi khyad par ni de yin no/ /gang gi tshe de ltar tshogs pas 'bras bu bskyed par mi 'thad cing/ tshogs pa ma yin pa rgyu dang rkyen tshogs pa'i mtshan nyid ma yin pa'i rgyu des kyang 'bras bu bskyed par bya ba ma yin par dgag pa sngar bstan zin pas/ de phyir tshogs pas byas pa dang/ /tshogs min byas pa'i 'bras bu med/ ces rab tu byed pa 'das ma thag pa'i nang du bstan pa'i dbang gis mjug bsdu bar bya'o zhes bya ba ni mjug bsdu ba yin te/ gang gi tshe de ltar sngar gal te rgyu dang rkyen rnams kyi/ /tshogs pa nyid las skye gyur na/ /tshogs la 'bras bu yod na ni/ /ji ltar tshogs pa nyid las skye/ /gal te rgyu dang rkyen rnams kyi/ /tshogs pa nyid las skye 'gyur na/ /tshogs la 'bras bu med na ni/ /ji ltar tshogs pa nyid la skye/ zhes bya ba la
- 167a
sogs pa ji skad bstan pa'i rim gyis tshogs pas 'bras bu bskyed par yang mi 'thad la/ sngar rkyen brtag pa'i rab tu byed pa dang po'i skabs su/ de phyir rkyen las byung ma yin/ /rkyen min las byung 'bras bu ni/ /yod min 'bras bu med pas na/ /rkyen min rkyen du ga la 'gyur/ /zhes bya ba la sogs pas tshogs pa ma yin pas kyang 'bras bu skyed par mi byed par bstan la/ sngar/ gal te rgyus ni 'bras bu la/ /rgyu byin nas ni 'gag 'gyur na/ /gang byin pa dang gang 'gag pa'i/ /rgyu'i bdag nyid gnyis su 'gyur/ /gal te rgyus ni 'bras bu la/ /rgyu ma byin par 'gag 'gyur na/ /rgyu 'gags nas ni skyes pa yi/ /'bras bu de ni rgyu med 'gyur/ zhes bya ba la sogs pas/ 'bras bu yang rgyus bskyed par bya pa ma yin par dgag pa bstan zin pas de'i phyir tshogs pas byas pa dang tshogs pa ma yin pas byas pa'i 'bras bu med do zhes rab tu byed pa 'das ma thag pa'i nang du bstan pa'i dbang gis mjug bsdu bar bya'o/ /de'i phyir dus ni yod pa kho na yin te/ 'bras bu 'grub pa'i rgyu yin pa'i phyir ro zhes bya ba'i gtan tshigs de'i don ma grub pa nyid nyams pa med do zhes bya ba ni tshad ma'i 'bras bu yin te/ de ltar 'bras bu 'grub pa med pa'i phyir pha rol po dag gis sngar rab tu byed pa 'di'i dang por dus ni yod pa kho na yin te/ 'bras bu 'grub pa'i rgyu yin pa'i phyir ro zhes smras pa'i gtan tshigs de'i don ma grub par sngar bstan pa nyid nyams pa med par so na gnas so/ /grangs can dag gis smras pa/ tshogs pa ni rdzas su yod pa nyid de/ rang gi yan lag dag las gzhan pa ma yin pa'i phyir dper na tshogs pa'i yan lag dag gi bdag nyid bzhin bas tshogs pas 'bras bu bskyed par mi byed pa nyid de/ rdzas su yod pa ma yin pa'i phyir ro zhes smras pa de rigs pa ma yin no zhes bya ba ni grang?
- 167b
can dag gzhan na yin pa'i gtan tshigs kyi tshogs pa rdzas su yod pa nyid du sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na tshogs pa'i yan lag dag gi bdag nyid ni rang gi bdag nyid las gzhan ma yin pa'i phyir rdzas su yod pa nyid yin pa de bzhin du tshogs pa yang rang gi yan lag dag las gzhan ma yin pa'i phyir rdzas su yod pa nyidyin pas/ khyed dbu ma pas sngar tshogs pas 'bras bu skyed par mi byed pa nyid de/ rdzas su yod pa ma yin pa'i phyir ro zhes gang smras pa de rigs pa ma yin no zhes zer ro/ /de skad ces zer ba de'i lan du 'grel pa byed pa nyid kyis 'dir bshad pa/ 'bras bu skye ba nyid tshogs pa yin grang na/ 'bras bu skye ba med pa dang/ rdzas su yod pa nyid ma yin pa yang sngar bstan zin pas de'i phyir 'bras bu yod pa ma yin na/ rkyen gyis tshogs pa ga la yod/ dpe ma grub pa'i phyir dang/ btags par yod pa yang de nyid dang/ gzhan nyid du brjod par bya ba ma yin pas/ gtan tshigs kyi don ma grub pa'i phyir ro zhes bya bar dgongs so zhes bya ba smras te/ grangs can dag tshogs pa rdzas su 'dod pa ni 'bras bu skye ba'i tshogs pa yin grang na/ 'bras bu skye ba med pa dang/ rgyu rkyen dang// dmag dang/ nags tshal dang shing rtal sogs rdzas su yod pa nyid ma yin pa yang sngar bstan zin pas de'i phyir/ 'bras yod pa ma yin na/ 'bras bu'i rkyen gyis tshogs pa rdzas su ga la yod/ des na grangs can dag gi dpe tshogs pa'i yan la/ ga dag gis bdag nyid bzhin pas zhes bya ba ma grub pa'i phyir dang gtan tshigs rang gi yan lag dag las gzhan ma yin pa'i phyir zhes bya ba de yang rgyu rkyen dang/ dmag dang nags tshal dang/ shing rta la sogs par btags par yod pa dag de
- 168a
de nyid gzhan nyid du brjod par bya ba ma yin par sngar bstan zin pas/ gzhan ma yin pa nyid du ma grub pa'i phyir grangs can dag gi sgrub pa de ma grub bo/ /tshogs pa rdzas su yod pa nyid ma yin par bstan pa'i khungs slob dpon 'phags pa ltas mdzad pa bstan pa'i phyir de ltar yang/ gang phyir 'jig rten ji snyed min/ /tshogs pa nyid la snang 'gyur pa/ /de phyir dngos po yod min te/ /dngos med tshogs pa'ang yod ma yin/ zhes bshad pa lta bu'o zhes bya ba smras te/ gang gi phyir 'jig rten na ji snyed mang du brjod pa de dag thams cad tshogs pa nyid la snang bar 'gyur pa de'i phyir tshogs pa la ma gtogs pa'i dngos po ni yod pa ma yin te/ dngos po med na tshogs pa yang med pa ma yin zhes bshad do// de la 'dir rab tu byed pa'i don ni dus ngo bo nyid med pa nyid du bstan pa'i mi mthun pa'i phyogs kyi khyad par dgag pas rgyu dang 'bras bu ngo bo nyid med pa nyid du bstan pa yin no zhes bya ba ni mjug bsdu ba dang/ tshad ma'i 'bras bu yin te/ rgyu dang 'bras bu brtags pa'i rab tu byed pa nyi shu pa'i skabs 'dir rab tu byed pa'i don tshad ma'i 'bras bu blta ba ni sngar dus brtag pa'i rab tu byed pa bcu dgu pa'i skabs su de ni stong pa nyid kyi mi mthun pa'i phyogs kyi khyad par dgags pas dus ngo bo nyid med pa nyid du bstan pa'i don gyi dbang gi rab tu byed pa bcu dgu pa brtsam mo zhes bya bas dus ngo bo nyid med pa nyid du bstan pa de la 'dir rab tu byed pa nyi shu pa brtsam pa'i skabs su pha rol po dag gis don dam par dus ni yod pa kho na yin te/ 'bras bu 'grub pa'i rgyu yin pa'i phyir zhes dus ngo bo nyid med pa nyid du bstan pa'i mi mthun pa'i phyogs kyi khyad par smras pa de dgag pa rgyu dang 'bras bu ngo bo nyid du bstan pa yin no/ /rgyu dang 'bras bu ngo bo nyid med pa nyid du bstan pa la yon
- 168b
tan ci yod pa dang/ de bstan pa 'di la gzhan dag na re rtog ge skam po'i bstan bcos tsam nyi tshes bsgrubs so zhes zer ba bsal pa'i phyir 'dir yid ches pa'i lung gi khungs las kyang bsgrub par bya ste/ de'i phyir bcom ldan 'das kyis 'phags pa srid ba 'pho ba'i mdo las/ 'dran pas gang du tshogs nyid kyi/ /lta ba rab tu bstan pa de/ /blo can rnams ni don dam gyi/ /nye bar gdags pa'i sar ston to/ /zhes bya ba la sogs pa gang dag gsungs pa de dag/ /grub pa yin zhes bya ba smras te/ 'dren pa sangs rgyas bcom ldan 'das kyis mdo sde gang du tshogs pa nyid kyi lta ba rab tu bstan pa de/ byang chub sems dpa' blo can rnams ni don dam pa'i nye bar gdags pa'i sa yin par ston to/ /nga yang bcom ldan 'das kyi gang du tshogs pa bstan pa mdzad pa de ni don dam pa la 'jug pa'i thabs yin par bstan te/ gang gi phyir tshogs pa 'du ba ni rdzas su yod pa ma yin pa de'i phyir de nyid don dam pa ste/ 'di ltar rdzas su med pa nyid du dmigs su med pa'i phyir ro/ /de lta bas na 'dir rab tu byed pa 'di nyid kyis skye ba med pa nyid skabs gzhan gyis bsgrubs so /de ltar yid ches pa'i lus de dag grub pa ni rgyu dang 'bras bu ngo bo nyid med pa nyid du bstan pa'i yon tan dang khungs yin te/ de'i phyir rtog ge skam po tsam nyi tshes? bsgrubs pa ma yin no/ /de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel pa byed pa'i mkhas pa nyid yin no/ /slob dpon legs ldan byed kyis nye bar sbyar ba dbu ma rtsa ba'i 'grel pa shes rab sgron ma las rgyu dang 'bras bu brtag pa zhes bya ba ste rab tu byed pa nyi shu brgya cher 'brel pa slob dpon spyan ras gzigs brtul zhugs kyis nye bar sbyar ba rdzogs so/ //da ni de bzhin du stong pa nyid kyi mi mthun pa'i phyogs
- 169a
kyi khyad par dgag pas 'byung ba dang 'jig pa ngo bo nyid med pa nyid du bstan pa'i don gyi dbang gis rab tu byed pa nyi shu gcig pa brtsam mo zhes bya ba la dbang gis zhes bya ba'i sgra skabs 'dir yang dam bcas pa la 'jug pa rgyu'i don dang/ gzhung 'og nas 'byung ba dang sbyar ba'i don du blta ste/ tshig gi don ni snga ma bzhin ne de la dam bcas pa la 'jug pa'i rgyu'i don gyi dbang du byas nas/ da ni de bzhin du stong pa nyid kyi mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dang po brtsam pa'i skabs su dngos po thams cad skye ba med par dam bca' ba mdzad pas/ 'dir yang bstan bcos mdzad bas ji ltar dam bcas pa de la 'jug pa'i rgyu'i don gyi dbang du byas nas de skad smras te/ de bzhin du zhes bya ba ni sngar bstan pa'i dbang bzhin du'o/ /stong pa nyid ni rang gi phyogs yin no/ /de'i mi mthun pa'i phyogs ni phyir rgol bar byed pa'i phyogs yin te/ 'di lta ste don dam par dngos po rnams ngo bo nyid yod pa nyid du smra ba yin no/ /de'i khyad par zhes bya ba ni pha rol pos don dam par dngos po rnams ngo bo nyid yod pa nyid du sgrub pa'i phyogs kyi khyad par 'og nas don dam par dus ni yod pa kho na yin te/ 'byung ba dan 'jig pa'i rgyu yin pa'i phyir ro zhes bya ba la sogs pa 'byung ba dag yin no/ /de dgag pa zhes bya ba ni de dgag pa'i dbang du byas nas rab tu byed pa nyi shu gcig pa brtsam mo zhes bya bar sbyar ro/ /gzhung 'og nas 'byung pa dang sbyar ba'i don gyi dbang du byas nas 'byung pa dang 'jig pa ngo? bo nyid med ba nyid du bstan pa'i don gyi dbang gis rang tu byed pa nyi shu gcig pa brtsam mo zhes bya ba smras te/ 'byung ba dang 'jig pa brtag pa'i rab tu byed pa nyi shu
- 169b
gcig pa'i gzhung 'og nas 'byung ba 'di'i don 'byung ba dang 'jig pa ngo bo nyid med pa nyid du bstan pa yin bas de'i dbang du byas nas de skad smras so?/ /rab tu byed pa 'di'i 'bras bu ni gang yin rnam pa gang gis ni 'bras bu de 'thob ce na/ 'byung ba dang 'jig pa ngo bo nyid med pa nyid du bstan pa ni 'di'i 'bras bu yin la/ stod pa nyid kyi mi mthun pa'i phyogs kyi khyad par dgag pa'i rnam pas ni 'bras bu de 'thob bas/ de'i phyir 'grel pa byed pas rab tu byed pa'i mtshams sbyar ba'i skabs 'dir thabs dang thabs las byung ba'i 'bras bu dang po kho nar bstan to/ /stod pa nyid kyi mi mthun pa'i phyogs kyi khyad par zhes smos pa de nyid bstan pa'i phyir 'dir smras pa/ don dam par dus ni yod pa kho na yin te/ 'byung ba dang 'jig pa'i rgyu yin pa'i phyir/ 'di na gang mod pa ma yin pa de ni 'byung ba dang 'jig pa'i rgyu ma yin te/ dper na sprul gyi rkang pa bzhin no/ /dus ni 'byung ba dang 'jig pa'i dus kyi rjes su 'brang ba dag gi rgyu yin bas de'i phyir don dam bar dus ni yod pa kho na yin pas des na de bsal ba yod pa'i phyir gtan tshigs grub pas 'dod pa'i don grub bo zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyar pa dang/ mjug bsdu ba yin par go rim bzhin du sbyar te/ 'di na sprul gyi nang pa lta bu gang yod pa ma yin pa de ni 'byung ba dang/ 'jig pa dus kyi rjes su 'brang ba dag gi rgyu ma yin pas de ni yod pa ma yin gyi/ dus ni dngos po 'byung ba dang 'jig pa dus kyi rjes su 'brang ba dag gi rgyu yin bas/ de ni yod pa kho na yin te/ de ltar dus yod pa kho na yin pas don dam par dngos po rnams kyi de'i nyid kyi dus gsum gsal bar byed pa yod pa'i phyir sngar kho bo cag gis dus brtag pa'i rab tu byed pa dang por don dam par dngos po rnams kyi
- 170a
ngo bo nyid yod pa kho na yin te/ gsal ba'i rgyu yin pa'i phyir dper na mar me bzhin no zhes smras ba dang/ /rgyu dang 'bras bu brtag pa'i rab tu byed pa'i dang por don dam par dus ni yod pa kho nas shes par bya ste/ 'bras bu 'grub pa'i rgyu yin pa'i phyir ro zhes smras te/ gtan tshigs grub pas kho bo cag gi 'dod ba'i don grub po zhes zer ro/ /stong pa nyid kyi mi mthun pa'i phyogs kyi khyed par de dgag pas 'byung pa dang 'jug pa ngo bo nyid med pa nyid du bstan pa'i phyir de skad ces zer ba de'i lan du 'grel pa byed pa nyid gyis 'dir bshad pa/ 'byung ba dang 'jig pa dag gang yang rung pa med par ram/ lhan cig tu 'grub par 'gyur grang na zhes bya ba smras te/ 'di la khyed gang gi phyir 'byung ba dang 'jig pa dag dus kyis sgrub par byed cing/ 'byung ba dan 'jig pa dag yod pas dus kyang yod pa nyid du sgrub pas de'i phyir gal te 'byung ba dang 'jig pa dag grub par gyur na de dag gi rgyu dus kyang 'grub par 'gyud glang na/ 'byung ba dang 'jig pa dag ni 'jig pa 'byung ba yod pa nyid ma yin la/ 'jig pa 'byung ba rang lhan cig tu yang yod pa nyid ma yin/ 'byung ba dang 'jig pa med par yod pa nyid ma yin la/ 'byung ba dan 'jig pa lhan cig tu yang yod pa nyid ma yin te/ de ltar mu bzhi car? sgo nas 'byung ba dang 'jig pa dag mi 'grub pas de dag ni rgyu du ma nyid yod pa ma yin pas pha rol po'i gtan tshigs kyi don dbu ma pa'i phyogs la ma grub pa nyid do zhes ston to/ /de la re zhig mu dang po gnyis kyi phyogs nye par bzhag pa bstan pa'i phyir/ de la re zhig 'jig ba 'byung ba med par ram/ lhan cig yod pa nyid ma yin zhes bya ba smras te/ de sgrub pa ni chog? nas ston to/ /de dag gi tshig gi don bye brag tu bshad pa bstan pa'i phyir/ 'jig pa dang ni
- 170b
bkag pa'i rnam grangs so/ /'byung ba ni skye pa'i rnam grangs so/ /nyid ces bya ba'i tshig gi phrad ni rtsa ba bskang pa'i phyir ro zhes bya ba smras so/ /da ni mu phyi ma gnyis kyi phyogs nye bar bzhag pa bstan? pa'i phyir/ de bzhin du 'byung ba 'jig pa med pa dang/ lhan cig yod pa nyid ma yin/ zhes bya ba smras te/ de'i sgrub pa yang 'og nas ston to/ /phyogs nye bar bzhag pa de dag gi tshad ma'i 'bras bu bstan pa'i phyir/ kho bo cag gi phyogs la'o/ /de'i phyir de dag gi gyu ngas? nyid yod pa ma yin pas gtan tshigs kyi don gzhan laS ma grub ba 'di ngo zhes bya ba smras te/ de ltar ma? bzhi po de dag kho bo cag gi phyogs la yod pa ma yin pa de'i phyir 'byung ba dang 'jig pa de dag gi rgyu dus nyid yod pa ma yin pas/ don? rol? po'i gtan tshigs 'byung ba dang 'jig pa'i rgyu yin pa'i phyir ro zhes bya ba ni gzhan la ma grub pa nyid do /ci ste rang gi grub pa'i tshul rab tu ma bsgrubs par gzhan gyi phyogs sun 'khyung par mi nus so snyam na zhes bya ba ni pha rol po dag dbu ma pas rang gi dam bcas pa'i grub pa'i mdza' i tshul rab tu ma bsgrubs par kho bo cag gzhan gyi phyogs sun ? gar? mi nus snyom du sems pa yin no/ /de'i lan du 'grel pa byed pas rang gi grub pa'i mdza' i tshul rab tu bsgrub pa de bstan pa'i phyir re zhig mu dang po gnyis kyis phyogs nye bar bzhag pa'i rnam par brtag pa snga ma'i dbang du bya ste/ bshang ngo zhes bya bar spye? ro de la re zhig mu dang po dgag pa bstan pa'i phyir bshad pa/ 'jig pa 'byung ba med par na /ji lta bur na yod par 'gyur/ /yod pa nyid ma yin no zhes bya ba'i tshig gi don te/ de ni der bca' ba nye bar bzhag pa'o zhes bya ba smras te/ des ni 'jig pa 'thung ba med par yod pa nyid ma yin par dgag pa'i mu dang po'i dam bca' ba nye bar bzhag pa bstan to/ /de'i bsgrub pa bstan pa'i phyir/ ji ltar/ 'chi ba skye ba med pa ltar//
- 171a
de ltar/ 'jig pa 'byung ba med par med/ /de'i rkyen yin pa'i phyir ro zhes bya bar dgongs zhes bya ba smras te/ ji ltar 'chi ba skye ba med pa ltar 'jig pa yang 'byung ba ? par med de/ 'chi ba dang 'jig pa med pa de'i rkyen skye ba dang 'byung ba yin pa'i phyir ro/ /zhes bya bar mdo mdzad pas dgongs so/ /'dir tshig gi don gsal bar bya ba'i tshig gzhan 'dod pa'i phyir ji ltar dang de ltar zhes bya ba'i tshig gnyis khong nas drangs te bstan par blta bar bya'o zhes bya bas ni/ 'chi ba skye ba med pa ltar/ /'jig pa 'byung ba med par med/ /ces bya ba'i tshig le'ur byas pa'i rtsa ba de gnyis kyis tshig gi don gsal bar bya ba'i tshig gzhan 'dod pa'i phyir 'grel pa las ji ltar dang de ltar zhes bya ba'i tshig gnyis khong nas drangs te/ bstan par blta bar bya'o zhes bstan to/ /don 'di yang rab tu grags pa yin pas 'dir rjes su dpag pa ni brjod par mi bya'o zhes bya bas ni ji ltar 'chi ba skye ba med pa de ltar 'jig pa yang 'byung pa med par mar? pa'i don 'di yang 'jig rten thams cad la rab tu grags pa yin pas 'dir rjes su dpag pa ni brjod par bya mi dgos so zhes bstan to/ /rab tu grags pa yin pa yang dpes drang bar bya ste zhes bya bas de ltar rab tu grags pa yin yang 'ga' zhig 'og par sgrub pa yod na de la 'di skad ces/ 'jig pa ni 'byung ba med par med de/ de'i rkyen yin pa'i phyir dper na 'chi ba skye ba med par med pa bzhin no zhes sgrub pa dpes drangs rnams kyang 'jig pa de'i bdag nyid yin pa'i phyir 'byung pa'i dngos po rnams la 'jig pa'i mi rtag pa nyid nam yang med pa ma yin pas 'byung ba ni 'jig pa med par yod pa nyid ma yin no/ /sde pa gzhan las gang 'jig pa'i rgyu dang phrad nas mi rtag pa nyid kyis 'jig pa byed pas des dus thams
- 171b
cad du mi rtag pa nyid yod pa ma yin no zhes zer ba de yang zhes bya bas ni nyan thos bye brag tu smra ba dag gi gzhung las 'jig pa la rgyu yod par smra ba'i tshig yin te/ de dag na re dper na gcod pa'i rgyu sta re dang phrad nas mis shing gcod par byed pas ngas na dus thams cad du mi nyid gcod pa po ma yin gyi/ gcod pa'i rgyu nyid 'gos shig na yod pa de bzhin du 'jig pa'i rgyu tho ba dang phrad nas mi rtag pa nyid kyis bum pa 'jig par byed pas/ de na dus thams cad du mi rtag pa nyid yod pa ma yin gyi/ 'jig pa'i rgyu nyid logs shig na yod pas de'i phyir 'byung ba ni 'jig pa med par yang yod pa nyid yin no zhes zer ro/ /de dag gi zhung dgag pa'i phyir 'grel pa byed pa nyid kyis/ gal te de lta na a ru ra dang/ phrad nas las 'khrung par byed pa lta bur 'gyur te/ gal te 'jig pa'i rgyu yod na mi rtag pa nyid kyis 'jig par byed kyi/ de ltar na 'jig pa'i rgyu nyid kyis 'jig par byed na mi rtag pa nyid kyis 'jig par mi byed de/ de yod kyang 'jig par mi byed pa'i phyir ro zhes bya ba/ smras te/ gal te de ltar 'jig pa la rgyu gzhan logs shig na yod cing de dang phrad nas mi rtag pa nyid kyis 'jig par byed na de lta na kha cig na re 'khrung ba'i rgyu a ru ra logs shig na yod pa dang phrad nas ltas 'khrung bar byed do zhes zer ba lta bur 'gyur bas de ni mi rung ste/ de lta na 'jig pa'i rgyu nyid kyis 'jig par byed kyis mi rtag pa nyid kyis 'jig par mi byed pas/ 'byung ba yang 'jig pa'i rgyu dang ma phrad kyi bar du rang gi ngang? gis mi 'jig pa'i skyon du 'gyur bas de ni mi 'dod do/ /de la 'di skad ces kyang dri bar bya ste/ ci 'jig pa'i bdag nyid can zhig 'jig pa'i rgyu la bltos nas 'jig par 'gyur ram/ /'on te 'jig pa'i bdag nyid can ma yin pa zhig 'jig pa'i rgyu la bltos nas 'jig par 'gyur
- 172a
zhes bya bas ni nyan thos bye brag tu smra ba dag la gal te gnyis brtag par bya zhing gnyi ga ltar yang mi 'thad par ston to/ /de la brtag pa dang po mi 'thad par bstan pa'i phyir/ de la gal te 'jig pa'i bdag nyid can zhig yin na ni de'i 'jig pa de skyes ma thag tu 'byung bar 'gyur te/ de'i bdag nyid yin pa'i phyir dper na rang gi bdag nyid yin pas de ni rigs pa ma yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na 'jig pa'i rang gi bdag nyid ni 'jig pa de'i bdag nyid yin pa'i phyir de'i 'jig pa de skyes ma thag tu 'byung bar 'gyur bas de 'jig pa'i rgyu gzhan la bltos nas 'jig par 'gyur bar rigs pa ma yin pa de bzhin du 'jig pa'i bdag nyid can yang 'jig pa'i bdag nyid yin pa'i phyir de'i 'jig pa de skyes ma thag tu 'byung bar 'gyur bas de 'jig pa'i rgyu gzhan la bltos nas 'jig par 'gyur bar rigs pa ma yin no/ /brtag pa gnyis pa mi 'thad par bstan pa'i phyir/ 'jig pa'i bdag nyid can ma yin na yang 'jig par mi 'gyur te/ de'i bdag nyid ma yin pa'i phyir dper na mya ngan las 'das pa bzhin pas de yang rigs pa ma yin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na mya ngan las 'das pa ni 'jig pa de'i bdag nyid ma yin pa'i phyir 'jig par mi 'gyur bas 'jig pa'i rgyu gzhan la bltos nas 'jig par 'gyur bar rig pa ma yin pa de bzhin du 'jig pa'i bdag nyid can ma yin yang 'jig pa de'i bdag nyid ma yin pa'i phyir 'jig par mi 'gyur pas 'jig pa'i rgyu gzhan la bltos nas 'jig
- 172b
par 'gyur bar rigs pa ma yin te/ re zhig de dag gis ni bye brag tu smra ba dag 'dod pa ltar 'jig pa'i rgyu dang phrad nas mi rtag pa nyid kyis 'jig par byed pas des na ji srid du 'jig pa'i rgyu dang ma phrad pa de srid du mi rtag pa nyid kyis 'jig par mi byed pa'i phyir 'byung ba ni 'jig pa med par yang yod pa nyid do zhes zer ba'i gzhung dgag pa spyir bstan to/ /da ni de dag gis brtag pa'i 'jig pa'i rgyu nyid dgag pa bstan pa'i phyir gang zhig gang gis 'jig pa'i rgyur 'dod? pa de yang de'i? rgyu ma yin te/ de la khyad par yod kyang de khyad par med pa'i phyir dper na/ de las gzhan bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ de yin par go rim bzhin du sbyar te/ dper na tho ba bum pa 'jig pa'i rgyur 'dod pa de las gzhan pa me tog 'jig pa'i rgyur kha pa dang/ tshwa dang me la sogs pa de 'dod pa de dag ni rgyu de dag la khyad par yod de de dag gis pa shig pa'i 'jig pa zhes bya ba me tog mtshan nyid mi 'dra bar gyur pa de khyad par med pa'i phyir de dag mi tog 'jig pa'i rgyu ma yin pa de bzhin du tho ba bum pa 'jig pa'i rgyur 'dod pa de yang tho ba de la lcags tho dang shing tho la sogs pa dag gis khyad par yod kyang de dag gi bshig pa'i 'jig pa zhes bya ba bum pa mtshan nyid mi 'dra bar gyur pa de khyad par med pa'i phyir tho pa bum pa 'jig pa de'i rgyu ma yin te/ 'di ltar 'jig rten rgyu dang 'bras bu ni rgyu'i khyad par las 'bras bu yang de dang 'thun pa'i khyad par can 'gyur pa las rgyu dang 'bras bu zhes bya bar tha snyad gdags pa yin na gang zhig gang gi 'jig pa'i rgyur 'dod pa de ni rgyu de la khyad par yod kyang des bshig pa'i 'jig pa zhes bya ba mtshan nyid mi 'dra bar gyur pa de khyad par med pa'i phyir de de'i rgyu ma yin no/ /de ni 'jig pa rgyu can ma yin par dgag pa bstan pa'i phyir/ yang
- 173a
ma 'jig da ni rgyu dang bcas pa ma yin te/ 'jig pa dang ldan pa ma yin pa'i phyir dper na 'dus ma byas pa bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na 'dus ma byas ni 'jig pa dang ldan pa ma yin pa'i phyir rgyu dang bcas pa ma yin pa de bzhin du 'jig pa yang ran gi dang gis 'jig pas 'jig pa gzhan dang ldan pa ma yin pa'i phyir rgyu dang bcas pa ma yin no/ /'jig pa la rgyu yod par dam bca' ba dag la skyon gzhan yang yod par bstan pa'i phyir de ltar dbu ma pas 'jig pa rgyu dang ldan pa ma yin pa nyid du rjes su dpag pas rgyu dang lnga ma pa ma yin pa nyid kyis rgyu dang ldan pa nyid bsal ba'i phyir pha rol po dag gi dam bcas pa la chos can 'jig pa'i chos rgyu dang ldan pa'i ngo bo nyid bsal pa'i skyon yod do zhes bya ba smras te/ dbu ma pa'i rjes su dpag pa snga ma des pha rol po dag gis dam bcas pa la 'jig pa rgyu dang ldan pa'i ngo bo nyid bsal ba'i skyon yod par bstan to// //bam po drug cu brgyad pa/ gal te 'jig pa ni sgra? dang bcas pa yin te/ 'dus byas gyi mtshan nyid yin pa'i phyir dper na skye ba bzhin no zhe na zhes bya ba ni pha rol po ngag 'jig pa 'dus byas kyi mtshan nyid yin pa'i gtan tshigs kyi rgyu dang bcas pa sgrub pa'i tshig yin te/ de dag ni chos can dang/ bsgrub par bya ba chos dang/ sgrub ba'i chos dang/ dpe yin par go rim bzhin du sbyar te/ dper na skye ba ni 'dus byas kyi mtshan nyid yin pa'i phyir rgyu dang bcas pa yin pa de bzhin du 'jig pa yang 'dus byas kyi mtshan nyid yin pa'i phyir rgyu dang bcas pa yin no zhes zer ro/ /de skad ces zer ba de'i lan du 'dir 'grel pa byed pa nyid kyis
- 173b
sems dang sems las byung ba dang/ blo dang sgra'i skad cig ma tha ma dag gis ma nges pa nyid do/ /zhes bya ba smras te/ des ni pha rol po dag gi gtan tshigs 'dus byas kyi mtshan nyid yin pa'i phyir gis bya ba de la nges pa nyid yin par sten te/ 'di la sems dang sems las byung ba dang/ blo dang sgra'i skad cig ma tha ma dag 'dus byas kyi tshan nyid yang rgyu dang bcas pa ma yin par mthong bas des na ci re zhig 'dus byas kyi mtshan nyid yin pa'i phyir dbang na skye ba bzhan du 'jig pa yang rgyu dang bcas pa yin par 'gyur ram/ 'on te 'dus byas kyi mtshan nyid yin pa'i phyir dper na sems dang sems las byung ba dang/ blo dang sgra'i skad cig ma tha ma dag bzhin du 'jig pa yang rgyu dang bcas pa ma yin par 'gyur par nges pa nyid yin bas pha rol po'i gtan tshigs 'dus byas kyi mtshan nyid yin pa'i phyir zhes bya ba de ma grub bo/ /dpe yang med de dngos po ma byung ba las 'byung bas dngos po'i bdag nyid thob pa nyid skye ba zhes bya ste tha snyad du yang dngos po nyid ma byung ba las 'byung bas skye ba rjes su ma grub pa'i phyir ro zhes bya bas ni sngar pha rol po dag na re dper na skye ba bzhin no zhes zer ba'i dpe de tha snyad du yang ma grub par ston to/ /'di ltar skye ba zhes bya ba ni dngos po ma byung ba las 'byung bas dngos po'i bdag nyid thob pa las logs shig na? rjes su grub pa med pa'i phyir pha rol po dag 'dod pa ltar skye ba zhes bya ba'i rdzas dang dngos po las gzhan pa logs shig na yod la dngos po ni de sgrub par byed do zhes zer ba lta bu ma yin pas skye ba rdzas su yang med la de la rgyu gzhan yang logs shig na med de/ dngos po ma byung ba las 'byung bas dngos po'i bdag nyid thob pa nyid skye ba zhes bya ste/ de la tha snyad du rgyu yod kyang pha rol po'i sgrub pa dang mi mthun pas dper mi rung ngo/ /gzegs zan pa gang dag blo dang sgra'i
- 174a
skad cig ma tha ma 'jig pa ni ma mthong ba'i byed pa po dang ldan pa yin no zhes zer na zhes bya ba ni mu stegs gzags zan pa ngag blo dang sgra'i skad cig ma tha ma 'jig ba dag ni/ ma mthong ba zhes bya ba chos dang chos ma yin pa dbang pa las 'das pa dag gi byed pa po dang ldan pas nges na blo dang sgra'i skad cig ma tha ma 'jig pa'i rgyu ni chos dang chos ma yin pa dag yin pa'i phyir 'jig pa la rgyu yod do zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis de ni rigs pa ma yin te/ zhes bya ba la sogs pas 'jigs pa la rgyu med pa dang/ chos dang chos ma yin pa dag 'jig pa'i rgyu ma yin par sten to/ /de la re zhig 'jig pa yang rgyu med par bstan pa'i phyir/ zhig nas med pa la ni rgyu yod pa ma yin te/ med pa'i phyir dper na gtan med pa bzhin no zhes rjes su dpag pa'i phyir ro zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ri bong gi rwa dang mo gsham gyi bu la sogs pa gtan med pa dag ni med pa'i phyir de dag la rgyu yod pa ma yin pa de bzhin du blo dang sgra'i skad cig ma tha ma la 'jig pa zhig nas med pa yang med pa'i phyir de dag la rgyu yod pa ma yin pas rjes su dpag pa nges na blo dang sgra'i skad cig ma tha ma 'jig pa'i rgyu chos dang chos ma yin pa dag yin no zhes zer ba de rigs pa ma yin no/ /da ni chos dang chos ma yin pa dag 'jig pa'i rgyu ma yin par bstan pa'i phyir blo dang sgra'i skad cig ma tha ma 'jig pa ni ma mi mthong ba'i byed pa po dang ldan pa ma yin te/ 'jig pa'i phyir dper na/ blo dang sgra dang/ me lce dag gis dang po bzhin no zhes rjes su dpag pa'i phyir ro zhes bya ba smras te/ de dag kyang chos can
- 174b
dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na blo dang sgra dang me lce dag gi dang po ni 'jig pa'i phyir ma mthong ba'i byed pa po dang ldan pa ma yin/ /de bzhin du blo dang sgra'i skad cig ma tha ma 'jig pa yang 'jig ba'i phyir ma mthod ba'i byed pa po dang ldan pa ma yin pas/ rjes su dpag pa nges na chos dang chos ma yin pa dag 'jig pa'i rgyu yin no zhes zer ba de rigs pa ma yin no/ /'dir gal te pha rol po dag na re kham dang tshwa? der me dang/ tho ba ngag gis phog pas me tog dang 'bras bu dang shing dang bum pa dag 'jig par 'gyur bas 'jig pa la rgyu yod do zhes zer ba'i phyogs snga ma khong nas 'byung ba de'i len du 'dir 'grel pa byed pa nyid kyis kha ba dang tshwa dang me dang/ tho ba ngag gis phog pa yang tha snyad kyi bden par gtogs pa'i rgyun mtshan nyid mi 'dra bar byed pa yin gyi/ 'jig pa byed pa ma yin no zhes bya ba smras te/ de dag gis phog pa ni me tog la sogs pa tha snyad kyi bden? bar gtogs ba'i rgyun mtshan nyid mi 'dra ba skyed bar byed pa'i rgyu yin gyi/ 'jig par byed de ba'i rgyu ma yin te/ des na kha bas phog pa yang me tog gi rgyun mtshan nyid mi 'dra ba skyed pa'i rgyus yin gyi/ me tog 'jig pa'i rgyu ma yin la/ tshas phog pa yang 'bras bu'i rgyun mtshan nyid mi 'dra bskyed? pa'i rgyu yin gyi/ 'bras bu 'jig pa'i rgyu ma yin no/ /mes phog pa yang shing gi rgyun sol ba dang thal ba la sogs pa mtshan nyid mi 'dra ba skyed pa'i rgyu yin gyi/ shing 'jig pa'i rgyu ma yin la tho bas phog pa yang bum pa'i rgyun gyi mo la sogs pa mtshan nyid mi 'dra ba skyed pa'i rgyu yin kyis/ bum pa 'jig pa'i rgyus yin no/ /de lta bas na tha snyad kyi bden par gtogs pa'i rgyun mtshan nyid mi 'dra ba skye ba la ni rgyu yod kyi/ 'jig pa ?
- 175a
ni rgyu med de/ rang gi dang gyis mi rtag pa nyid kyis sgang cig ma re re la rang 'jig pa yin te/ dper na bong ba gnam du 'phangs pa yar 'gro ba la ni rgyu lag pa la sogs pa 'phen pa'i shugs dag yod kyi/ de nyid kyi phyir ltung ba la ni rgyu gzhan med de/ rang gi dang gis ltung ba lta bu yin pas/ des na 'byung ba ni 'jig pa med par yod pa nyid ma yin no zhes bya bar tshig bsdu'o/ /ci ste tho bas phogs pa la sogs pa dag ni 'jig pa'i rgyu nyid yin te/ de dag yod na 'jig par bya ba gzung du med pa'i phyir ro zhe na/ zhes bya ba ni pha rol po dag 'jig pa'i rgyu yin na gzhan zhig par bya ba mi snang bar 'gyur pa'i gtan tshigs kyi tho bas phog pa la sogs pa dag 'jig pa'i rgyu nyid yin par sgrub ba'i tshig yin te/ de dag ni chos can dang/ bsgrub par bya ba chos dang/ bsgrub pa'i chos yin par go rim bzhin du sbyar te/ 'jig pa'i rgyu tho bas phog pa la sogs pa de dag yod na gzhig par bya ba bum pa la sogs pa dag gzung du med cing mi snang bar 'gyur ba'i phyir tho bas phog ba la sogs pa dag ni bum pa la sogs pa 'jig pa'i rgyu nyid yin no zhes zer ro/ /de skad ces zer ba de'i lan du 'dir 'grel pa byed pa nyid yis de ni rigs pa ma yin te/ gtan tshigs kyi gzhi mi mthun pa'i phyir dang rjes su 'gro ba med pa'i phyir ro zhes bya ba smras te/ pha rol po'i gtan tshigs 'jig pa'i rgyu de dag yod na gzhig par bya ba gzung du med pa'i phyir ro zhes bya ba de phyogs dang 'thun pa'i phyogs gnyi ga pa thun mong du bya ba pa ma yin te/ dper na sgra ni mi rtag ste/ mig gis gzung ba yin pa'i phyir ro zhes bya ba de phyogs kyi chos ma yin pa dang 'dra par 'dir yang de dag yod na gzhig par bya ba gzung du med pa'i phyir ro zhes bya ba de tho bas phog pa la sogs pa dag 'jig pa'i rgyu nyid yin te zhes
- 175b
sgrub pa'i phyogs kyi chos ma yin te/ bum pa la sogs pa gzung du med pa de tho ba la sogs pa yod ba'i le lan ma yin te/ bum pa la sogs pa ma byas pa'i sngon rol na gzung du med pa tho ba la sogs pa snga na yod pa'i le lan ma yin pa lta bur 'gyur bas gtan tshigs su mi rung ba'i phyir rigs pa ma yin no/ /gzhan yang gtan tshigs kyi rjes su 'gor ba'i dpe med pa'i phyir yang de rigs pa ma yin te/ don dam par gan gi 'jig pa'i rgyu yod na de gzung du med pa'i phyir de de'i rgyu nyid yin te/ dper na che ge mo zhig bzhin no zhes bya ba'i dpe med pa'i phyir/ ci ste yang bum pa med par 'gyur ba'i rgyu ni tho bas phog pa yin te/ de yod na 'byung ba'i phyir dper na mig yod na gzugs dmigs pa 'byung bas gzugs dmigs pa'i rgyu ni mig yin pa bzhin no zhe na zhes bya ba ni pha rol po dag 'jig pa'i rgyu de yod na 'jig pa 'byung ba'i gtan tshigs gyi bum pa 'jig pa'i tho bas phog pa yin par sgrub pa'i tshig yin te/ de dag ni chos can dan/ bsgrub par bya ba chos dang/ sgrub pa'i chos dang dpe yin par go rim bzhin du sbyar te/ dper na mig yod na gzugs la rigs pa 'byung ba'i phyir gzugs dmigs pa'i rgyu ni mig yin pa de bzhin du 'jig pa'i rgyu de yod na 'jig pa 'byung ba'i phyir bum pa 'jig pa 'byung bar 'gyur ba'i rgyu ni tho bas phog pa yin no zhes zer ro/ /de skad ces zer ba de'i lan du 'dir 'grel pa byed pa nyid kyis de yang rigs pa ma yin te/ kho bo cag gi grub pa'i mdza' las bum pa la tho pas phog pa yod na bum pa'i rgyun mtshan nyid mi 'dra ba 'byung ba yin gyi/ 'jig pa ma yin ? gtan tshigs gang yang rung ba la grub pa'i phyir dang dpe yang med pa'i phyir ro zhes bya ba smras te/ /byod kyi gtan tshigs de yod na 'byung ba'i phyir zhes bya bas tho bas phog pa yod na bum pa 'jig pa 'byung ba'i phyir tho pas phog pa ni bum pa 'jig
- 176a
pa'i rgyu yin par sgrub pa de kho bo cag dbu ma pa'i grub pa'i mdza' las bum pa la tho bas phog pa yod na bum pa'i rgyun gyi mo la sogs pa mtshan nyid mi 'dra ba 'byung pas phog ba ni gyo mo la sogs pa mtshan nyid mi 'dra ba gzhan skyed pa'i rgyu yin gyi/ bum pa 'jig pa'i rgyu ma yin pas khyed kyi gtan tshigs 'jig pa'i rgyu de yod na 'jig pa 'byung ba'i phyir zhes bya ba de kho bo cag gi phyogs la med pas gang yang rung ba la grub pa'i phyir rigs pa ma yin no// gzhan yang khyed gyi dpe? mig yod na gzugs dmigs pa 'byung bas gzugs dmigs pa'i rgyu ni mig yin pa bzhin no /zhes bya ba de yang kho bo cag gi phyogs la don dam par ma grub pas khyed kyi dpe yang med pa'i phyir rigs pa ma yin no/ gzhan gyi phyogs la yang gyo mo la sogs pa tho bas phog pa la sogs pa'i rgyu can dag ni byed pa po phog pa dang ldan pa yin par 'dod pa'i phyir ro zhes bya bas ni sangs rgyas pa dag las gzhan kha cig dang phyi rol pa dag las gzan kha cig gi phyogs la yang gyo mo la sogs pa tho bas phog pa la sogs pa'i rgyu can 'bras bu dag ni bdag nyid skyed pa'i byed pa po phog pa yin par 'dod pa'i phyir des kyang tho bas phog pa la sogs pa ni gyo mo la sogs pa tho bas phog pa la sogs pa'i rgyu can 'bras bu de dag skyed pa'i rgyu yin gyi/ bum pa la sogs pa 'jig pa'i rgyu ma yin par grub pas khyed kyi gtan tshigs de yod na 'byung ba'i phyir zhes bya ba de gang yang rung ba la ma grub pa'i phyir rigs pa ma yin no zheS bstan to/ /'dir gal te pha rol po dag 'di skad ces tho bas phog pa gang yin pa de nyid kyis bum pa yang 'jig bar byed la/ gyo mo yang skyed par byed pas des na kho bo cag gi gzhan tshigs de yod na 'byung ba'i phyir zhes bya ba de gang yang rung ba la grub pa'i skyon
- 176b
med do zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis tho bas phog pa gang yin pa de nyid kyis bum pa yang 'jig par byed la/ gyo mo yang skyed par byed do zhes bya bar ni gcig gis dus gcig tu bya ba mi mthun pa gnyis byed par mi rigs so zhes bya ba smras te/ mar me gcig gis dus gcig tu snang ba dang mun pa'i bya ba mi 'thun pa gnyis byed par mi rigs pa dang/ mi gcig gis dus gcig phye 'gam pa dang gling bu 'bud pa'i bya ba mi mthun pa gnyis byed par mi rigs pa la sogs pa'i tshul gyis so/ /'o na me gcig gis dus gcig tu mun pa yang sel bar byed la btso ba'i rnam pa 'gyur ba yang skyed par byed pa ma mthong dam zhe na zhes bya ba ni pha rol po dag na re 'jig rten na byed pa po cig gis dus cig tu bya ba mi mthun pa gnyis byed pa'i tshul 'di lta bu ma mthong dam zhes 'dri ba'i tshig yin no/ /de skad ces zer ba de'i lan du 'dir 'grel pa byed pa nyid kyis btso ba'i rnam pa 'gyur ba skyed par ni mthong gi /mun pa sel ba ni ma mthong ste mun pa ni snang ba med pa tsam yin pa'i phyir ro zhes bya ba smras te mes 'bras can la sogs pa btso pa'i rnam pa dros pa dang bshur ba dang tshos pa la sogs par 'gyur ba skyed pa ni mthong gi mun pa sel ba ni ma mthong ste/ mun pa ni snang ba med pa tsam yin pa'i phyir rdzas kyi dngos por yod pa ma yin pas bsal du med pa'i phyir dang/ me yang sngar me dang bud shing brtag pa'i skabs su/ mar me dang ni gang dag na/ /de 'dug pa na mun pa med/ /ces bya ba dang skye mched brtag pa'i skabs su/ lta ba rab tu sgrub pa'i phyir/ /me'i dpes ni nus ma yin/ zhes smras pa dag gis mar mes kyang mun pa mi sel la/ mes kyang bud shing mi sreg go zhes bshad pa'i tshul gyis so/ /mdzad pa'i mdza' dang yang 'gal te/ kho bo cag gis phyogs la mun pa
- 177a
zhes brjod pa'i gzugs kyi gnyen po snang ba shar na mun pa'i skad cig ma phyi ma ni rkyen med pas mi skye la skad cig snga ma ni rang gi ngang gis 'gag pa nyid kyis 'gag pas mun pa de 'gag pa'i byed pa po ni me ma yin pa'i phyir ro zhes bya bas ni kho bo cag dbu ma pa'i phyogs la snang ba dang mun pa zhes bya ba'i rdzas gzhan med de/ gzugs kyi gnas skabs tsam du zad pas mun pa zhes brjod pa'i gzugs kyi gnyen po snang ba shar ba na mun pa'i skad cig ma phyi ma ni rkyen med pas mi skye la/ skad cig mo snga ma ni rang gi drang gis 'gag pa nyid kyis 'gags pas mun pa de 'gag pa'i byed pa po me ma yin pa'i phyir mes mun pa sel bar byed do zhes bya ba de mdzad pa'i mdza' dang 'gal bas mi rung ngo zhes stan to/ /gzhan yang de dag yod na gzhig par bya ba gzung du med pa'i phyir ro zhes gang smras pa de yang gzung du med pa ni mtshan nyid mi 'dra ba'i rgyun skye ba 'grub kyi/ kha ba dang tshwa dang me dang tho ba la sogs pa dag yod na me tog dang 'bras bu dang shing dang bum pa la sogs pa'i gzugs gzung du med pa ni de dag gi 'jig pa'i rgyu nyid yin yang mi 'grub po zhes bya ba ni sngar pha rol po dag gis tho bas phog pa la sogs pa dag ni 'jig pa'i rgyu nyid yin te/ de dag yod na gzhig par bya ba gzung du med pa'i phyir ro zhes gang smras pa'i gtan tshigs de yang gzung du med zhes bya ba de ni bum pa la sogs pa'i mtshan nyid mi 'dra ba'i rgyun skye ba'i rgyu yin pa'i gtan tshigs su 'grub kyi/ kha ba la sogs pa de dag yod pa me tog la sogs pa'i gzugs de'i 'jig pa'i rgyu nyid yin pa'i gtan tshigs su mi grub ste/ kha ba la sogs pa de dag yod na me tog la sogs pa gzung du med pa ni de dag me tog la sogs pa mtshan nyid mi 'dra ba'i rgyun gzhan skyed pa'i
- 177b
rgyu yin gyi/ me tog la sogs pa 'jig pa'i rgyu ma yin no zhes stan to/ /de nyid kyi rjes su dpag pa gzhan bstan pa'i phyir/ gang zhig gang gi 'jig pa'i rgyur 'dod pa de ni de 'jig pa'i rgyu ma yin te/ rgyu can yin pa'i phyir dper na me'i rang gi bdag nyid bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na me gang zhig shing gang gi 'jig pa'i rgyur 'dod pa'i me de'i rang gi bdag nyid ni rgyu can yin pa'i phyir me de ni 'jig pa'i rgyu ma yin pa de bzhin du me de shing de'i 'jig pa'i rgyu yang ma yin no/ /de bzhin du kha ba dang tshwa dang tho ba la sogs pa gang dag me tog dang 'bras bu dang bum pa la sogs pa gang dag gi 'jig pa'i rgyud 'dod pa de dag kyang rgyu can yin pa'i phyir rang gi bdag nyid 'jig pa'i rgyu ma yin pa de bzhin du de dag me tog dang 'bras bu dang bum pa la sogs pa dag gi 'jig pa'i rgyu yang ma yin no zhes 'jig pa'i rgyu thams cad dgag pa yang brjod par bya'o/ /ye ge mang por 'gyur pa yang yongs su spang bar 'dod pas 'phro bar mi bya par skabs nyid dpyad par bya'o zhes pa ni yi ge'i gzhung gi tshigs mangs kyi dogs pas 'jig pa'i rgyu dgag pa de las 'phro bar mi bya bar/ 'byung ba 'jig pa med par ram/ 'jig pa dang lhan cig tu yang yod pa nyid ma yin par dam bcas pa dag las snga ma mjug bsdu ba dang/ /phyi ma brtsam pa'i skabs nyid dpyad par bya'o zhes bstan to/ /de ltar re zhig 'byung pa 'jig pa med par yod pa nyid ma yin no zhes bya ba ni mu gsum pa dgag pa'i mjug bsdu ba bstan to/ /de ni mu bzhi pa dgag par bstan pa'i phyir/ 'byung ba dang ni 'jig pa dang lhan cig tu yang yod pa nyid ma yin te/ de'i phyir bshad pa/ 'byung ba 'jig dang lhan cig tu/ /ji ltar yod
- 178a
pa nyid du 'gyur/ skye ba 'chi dang dus cig tu /yod pa nyid du mi rigs bzhin /zhes bya ba smras so/ /'dir don ni snga ma bzhin no/ /zhes bya ba ni ji ltar sngar 'jig pa ni 'byung ba dang lhan cig tu yod pa nyid ma yin par dgag pa'i skabs su bsgrub pa bstan pa'i lugs bzhin du 'dir yang de la 'dir glags yod pa'i tshig yod pa'i tshig yin pa'i phyir bzlog na don gsal ba'i tshig gi don te/ dper na sgra ji ltar rtag par 'gyur te/ 'di ltar bum ba rtag par mi rigs so zhes bya ba bzhin no/ /'dir tshig gi don gsal ba'i dbang gis rjes su dpag pa ni 'byung ba 'jig pa dang lhan cig yod pa nyid ma yin te/ de'i rkyen yin pa'i phyir dper na skye ba 'chi ba dang lhan cig yod pa nyid ma yin pa bzhin no zhes snga ma las bzlog ste sbyar bar bya'o/ /de phyir de ltar yongs su brtags na gang dag phun tshogs lhan cig gam phun tshogs lhan cig ma yin par grub pa yod pa ma yin no/ /'byung ba dang 'jig pa dag go zhes bya ba ni su? bzhi po dgag pa sngar bstan pa dag mjug bsdu ba yin te ci rigs par sbyar ro/ /de dag 'grub pa rnam pa gzhan yang yod pa ma yin pa de dag 'grub pa'i rnam pa mi srid par bstan pa'i phyir/ de dag 'grub pa ji ltar yod ces gsungs te/ de dag 'grub pa yod pa nyid ma yin no zhes bya ba'i tshig gi don to zhes bya bas ni 'byung ba dang 'jig pa de dag 'grub pa mu bzhi dgag pa sngar bstan pa dag ma gtogs par mu lnga pa la sogs pa'i rnam pa gzhan yod pa ma yin pas don dam par 'byung ba dang 'jig pa de dag 'grub pa yod pa nyid ma yin no zhes brnan pa bstan to /de'i phyir 'byung ba dang 'jig pa'i rgyu yin pa'i phyir ro zhes bya ba'i gtan tshigs kyi don ma grub pa nyid do zhes bya ba'i mjug bsdu ba dang tshad ma'i 'bras bu yin te/ de ltar don dam
- 178b
par 'byung ba dang 'jig pa de dag 'grub pa yod pa nyid ma yin pa de'i phyir sngar pha rol po dag gis don dam par dus ni yod pa kho na yin te/ 'byung ba dang 'jig pa'i rgyu yin pa'i phyir ro/ /'di na gang yod pa ma yin pa de ni 'byung ba dang 'jig pa'i rgyu ma yin te/ dper na sbrul gyi rkang pa bzhin no/ /dus ni 'byung ba dang 'jig pa dus kyi rjes su 'brang ba dag gi rgyu yin pas de'i phyir don dam par dus ni yod pa kho na yin pas des na de gsal ba yod pa'i phyir gtan tshig grub pa 'dod pa'i don 'grub bo zhes smras pa'i gtan tshigs kyi don ma grub pa nyid yin pas bstan bcos mdzad pas sngar don dam par dus ngo bo nyid med pas de gsal ba'i rgyu yin pa'i phyir ro zhes bya ba'i gtan tshigs ma grub pa'i phyir don dam par ? gi dngos po rnams ngo bo nyid med pa nyid yin no zhes dam bcas pa'i dgongs pa grub pa nyid do/ /'dir smras pa/ dngos po ni 'jig pa'i bdag nyid can yin yang skyes ma thag tu 'jig par mi 'gyur te/ 'di ltar skyes ma thag tu gnas pa 'byung bar 'gyur zhing de'i 'og tu 'jig par 'gyur ro zhes bya ba ni 'dir pha rol po dag rnam pa gzhan gyis phyir zlog par byed pa'i tshig yin te/ de dag na de dngos po ni 'jig pa'i bdag nyid can yin yang 'dus byas kyi mtshan nyid kyi rim pa'i tshul gyis na dang bor skye zhing de'i 'og tu gnas la de'i 'og tu 'jig par 'gyur pa yin pas des na khyed dbu ma pas 'jig pa ni 'byung pa med par yod pa nyid ma yin la/ 'byung ba yang 'jig pa med par yod pa nyid ma yin no zhes bshad pa'i mu de gnyis mi rung ngo zhes zer ro/ /de skad ces ? ba de'i lan du 'grel pa byed pa nyid kyi 'dir bshad pa/ zhes bya ba la sogs pa ci ste dngos po 'jig pa'i bdag nyid can yin na zad pa'i par? can yin pas de la 'byung ba yod pa dang/ ci ste skyes ma thag
- 179a
tu mi 'jig na zad pa'i dang can ma yin pas de la yang 'byung ba yod pa ma yin pa dang/ de bzhin du ci ste dngos po 'jig pa'i bdag nyid can yin na zad pa'i dang can yin pas de la 'jig pa yod pa ma yin pa dang/ ci ste skyes ma thag tu mi 'jig na zad pa'i ngang can ma yin pas de la yang 'jig pa yod pa ma yin te/ de ltar mu bzhis 'byung pa dang 'jig pa dag yod par mi 'thad pas pha rol po dag gis brtags pa de ni gyi na'o zhes ston to/ /de la ro zhig mu dang po mi 'thad par bstan pa'i phyir/ zad la 'byung ba yod ma yin/ chos mi mthun pa gnyis dus gcig tu mi 'byung ba'i phyir dper na skye ba dang 'chi ba dag bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na skye ba dang 'chi ba dag ni chos mi mthun pa mthun pa gnyis dus gcig tu mi 'byung pa'i phyir dngos po 'jig nyid can zad pa'i ngang can la skye ba yod pa med yin pa de bzhin du zad pa dang 'byung ba dag kyang chos mi mthun pa gnyis dus gcig tu mi 'byung pa'i phyir dngos po 'jig pa'i bdag nyid can zad pa'i dad can la 'byung ba yod pa ma yin no/ /mu gnyis pa mi 'thad par bstan pa'i phyir/ ci ste skyes ma thag tu zad par mi 'gyur na ni 'o na de lta na zad pa'i ngo bo nyid ma yin pas des na kun rdzob tu yang ji skad smras pa'i rnam pa ma grub pa'i phyir/ ma zad pa la yang 'byung ba med ces gsungs so zhes bya ba smras te/ ci ste pha rol po dag mu dang pos brtags pa'i skyon de mi 'dod pas dngos po skyes ma thag tu zad par mi 'gyur bas des na zad pa la 'byung ba yod pa ma yin pa'i skyon du mi 'gyur ro zhes zer na 'o na de lta na dngos po de zad pa dang 'jig pa'i ngang can ma yin
- 179b
pas rtag pa yin pa'i phyir de la kun rdzob tu yang sngar pha rol po dag gis dngos po ni 'jig pa'i bdag nyid can yin yang skyes ma thag tu 'jig par mi 'gyur te/ 'di ltar skyes ma thag tu gnas pa 'byung bar 'gyur zhing de'i 'og tu 'jig par 'gyur ro zhes ji skad smras pa'i rnam pa ma grub pa'i phyir ma zad pa la'ang 'byung ba med ces gsungs so/ /mu gsum pa mi 'thad par bstan pa'i phyir/ de bzhin du zad pa 'jig pa yod ma yin/ zad par 'gyur pa'i ngang tshul can 'jig pa dang ldan pa la 'jig pa yod pa ma yin te/ der brtag pa don med pa nyid du 'gyur pa'i phyir 'chi ba'i dang tshul can yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na dngos po 'chi ba'i ngang tshul can la ni yang 'chi bar brtag pa don med pa nyid du 'gyur ba'i phyir de la 'chi ba yod pa ma yin pa de bzhin du dngos po zad par 'gyur ba'i dang tshul can 'jig pa dang ldan pa la yang/ yang 'jig par brtag pa don med pa nyid du 'gyur ba'i phyir de la yang 'jig pa yod pa ma yin no/ /mu bzhi pa mi 'thad par bstan pa'i phyir/ ma zad pa la'ang 'jig pa med/ de'i ngo bo nyid ma yin pa'i phyir dper na thar pa bzhin pas de ni gyi na'o zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na thar pa ni 'jig pa de'i ngo bo nyid ma yin pa'i phyir de la 'jig pa med pa de bzhin du dngos po skyes ma thag tu mi 'jig pa zad bar 'gyur ba'i dang tshul can ma yin pa de yang 'jig pa de'i ngo bo nyid ma yin pa'i phyir de la 'jig pa yod pa ma yin no/ /de ltar mu bzhis 'byung ba dang 'jig pa dag yod par mi 'thad pas pha rol po dag gis brtag pa de ni gyi na'o zhes bstan to/ /
- 180a
'dir smras pa/ 'byung ba dang 'jig pa dag ni yod pa kho na yin te/ dngos po'i chos yin pa'i phyir ro/ /'di na gang yod pa ma yin pa de ni dngos po'i chos ma yin te/ dper na sbal pa'i ze ba bzhin no/ /'byung pa dang 'jig pa dag ni dngos po'i chos yin pas/ de'i phyir de dag ni yod pa kho na yin no zhes bya ba ni pha rol pa po dag 'byung ba dang 'jig pa dag dngos po'i chos yin pa'i gtan tshigs kyis yod pa kho nar sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor pa dang/ mjug bsdu ba yin par go rim bzhin du sbyar te/ 'di na sbal pa'i ze ba lta bu gang med pa dngos po'i chos ma yin pa de ni yod pa ma yin gyi/ 'byung ba dang 'jig pa dag ni mtshan nyid kyi gzhi dngos po'i mtshan nyid kyi chos yin pas de'i phyir de dag ni yod pa kho na yin te/ de dag yod na dus kyang de dag gi rgyu yin pa'i phyir yod pa kho na yin zhes zer ro/ /de skad ces zer ba de'i lan du 'grel pa byed pa nyid kyis 'dir bshad pa zhes bya ba la sogs pas 'byung ba dang 'jig pa dag med pas/ dngos po med pa dang/ dngos po med pas 'byung ba dang 'jig pa dag med pa'i phyir pha rol po'i gtan tshigs dngos po'i chos yin pa'i phyir/ zhes bya ba de mi 'grub bo zhes chos can dang/ chos dgag pa'i brtag pa rnam pa gnyis ston to/ /de la re zhig brtag pa dang po bsten pa'i phyir/ gal te don dam par 'ga' zhig la 'byung ba dang 'jig pa dag yod par gyur na ni dngos po zhes brjod par yang rigs par 'gyur grangs na de dag med pas de'i phyir/ 'byung ba 'jig pa med par ni/ dngos po yod pa ma yin no/ /dngos po ni 'byung ba dang 'jig pa'i
- 180b
bdag nyid can yin pa'i phyir ro zhes bya bar dgongs so/ /de yod pa ma yin pas gtan tshigs kyi don ma grub pa nyid do zhes bya ba smras te/ de ni 'byung ba dang 'jig pa dag med pas dngos po med pa'i phyir chos can ma grub pas/ pha rol po'i gtan tshigs dngos po'i chos can yin pa'i phyir ro zhes bya bar de ma grub pa nyid du bstan to/ /brtag pa gnyis pa bstan pa'i phyir/ de bzhin du/ dngos po yod pa ma yin par/ /'byung dang 'jig pa yod ma yin/ /rten med pa kho na'i phyir rten pa mi 'grub pa'i phyir ro zhes bya bar dgongs so zhes bya ba te/ dper na rtsig pa med par ri mo yod pa ma yin pa bzhin pas des ni dngos po med pas 'byung ba dang 'jig pa med pa dag med pa'i phyir chos ma grub pas pha rol po'i gtan tshigs dngos po'i chos yin pa'i phyir ro zhes bya ba de ma grub pa nyid du bstan to/ /yang na dngos po'i chos yin pa'i phyir ro zhes bya ba'i gtan tshigs de sun dbyung ba'i lam gzhan 'di yang yod de zhes bya pas ni dngos po med pa la 'byung ba dang 'jig pa dag mi 'thad pa dang/ dngos po yod pa la 'byung ba dang 'jig pa dag mi 'thad pas pha rol po'i gtan tshigs dngos po'i chos yin pa'i phyir ro zhes bya ba de mi 'grub po zhes sun dbyung ba'i lam rnam pa gnyis ston te/ de la re zhig sun dbyung ba'i lam dang po bstan pa'i phyir de la re zhig smra ba gang dag dngos po yod par gyur pa ma yin pa ngo bo nyid stong pa la 'byung ba dang 'jig pa dag yod par ston pa de'i phyir 'di bshad de/ stong la 'byung dang 'jig pa dag /'thad pa 'di ni ma yin no/ /rjes su dps pas gnod par 'gyur pa'i phyir ro zhes bya ba smras te/ stong pa la 'byung ba dang 'jig pa dag mi 'thad de dmigs su med pa'i phyir dper na nam mkha' i me tog bzhin no zhes stan to/ /sun dbyung ba'i lam gnyis pa bstan pa'i phyir/ smra ba gang dag dngos po yod par 'gyur
- 181a
pa ngo bo nyid mi stong pa la 'byung ba dang 'jig pa dag yod par ston pa de dag gi phyir 'di bshad de/ mi stong pa la 'byung 'jig dag /'thad pa nyid ni ma yin no/ /rang gi bdag nyid kyis yod par 'gyur ba med pa ni de dag dang mi ldan pa'i phyir dang/ rjes su dpag pas gnod par 'gyur pa'i phyir ro zhes bya ba smras te/ mi stong pa la 'byung ba dang 'jig pa dag mi 'thad de/ de dag dang mi ldan pa'i phyir dper na mya ngan las 'das pa bzhin no zhes stan to/ /de'i phyir gtan tshigs kyi don ma grub pa nyid kyi skyon dang don 'grel pa nyid kyi skyon de dag nyid du 'gyur ro zhes bya ba ni mjug bsdu ba dang tshad ma'i 'bras bu yin te/ pha rol po dag gtan tshigs dngos po'i chos yin pa'i phyir ro zhes bya ba de ma grub pas 'byung pa dang 'jig pa'i rgyu yin pa'i phyir ro zhes bya ba'i gtan tshigs kyi rtsa ba de'i don dam par ni ma grub la kun rdzob tu ni 'gal ba'i skyon de dag nyid du 'gyur ro zhes bstan to/ /yang na sun dbyung ba'i lam gzhan yang yod de/ 'byung ba dang 'jig pa dag gcig pa nyid dam gzhan nyid du 'gyur grang na/ de la gnyi ga ltar yang mi 'thad de zhes bya bas ni sngar pha rol po dag gis smras pa'i gtan tshigs dngos po'i chos yin pa'i phyir ro zhes bya ba de sun dbyung ba'i lam gzhan ston te/ des kyang/ 'byung ba dang 'jig pa dag dngos po'i chos yin na gcig pa nyid dam gzhan nyid du 'gyur grang na/ gnyi ga ltar yang mi 'thad do zhes brtag pa rnam pa gnyis ston to/ /de la re zhig brtag pa dang po bstan pa'i phyir/ /ji ltar zhe na/ 'byung ba dang ni 'jig pa dag /gcig pa nyid du mi 'thad do/ /mi mthun pa'i phyir dper na shes pa dag bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe
- 181b
yin par go rim bzhin du sbyar te/ dper na shes pa dang mi shes pa dag ni mi mthun pa'i phyir gcig pa nyid du mi 'thad pa de bzhin du 'byung pa dang 'jig pa dag kyang mi mthun pa'i phyir gcig pa nyid du mi 'thad do/ /brtag pa gnyis pa bstan pa'i phyir/ 'byung ba dang ni 'jig pa dag /gzhan nyid du yang mi 'thad do/ /dngos po gcig la brten pa'i phyir gang yang rung ba'i rang gi bdag nyid bzhi no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na 'byung ba'am/ 'jig pa gang yang rung ba gcig gi rang gi mtshan nyid ni dngos po gcig la rten pa'i phyir gzhan nyid du mi 'thad pa de bzhin du 'byung ba dang 'jig pa dag kyang dngos po gcig la rten pa'i phyir gzhan du mi 'thad de/ des kyang gtan tshigs kyi don ma grub pa nyid dang/ don 'gal ba can nyid kyi skyon de dag nyid du 'gyur ro zhes bya ba yang mjug bsdu ba dang tshad ma'i 'bras bu yin te/ pha rol po dag gis gtan tshigs dngos po'i chos yin pa'i phyir ro zhes bya ba de ma grub pas 'byung ba dang 'jig pa'i rgyu yin pa'i phyir ro zhes bya ba'i gtan tshigs kyi rtsa ba de 'di ni don dam par ni ma grub la/ kun rdzob tu ni 'gal ba'i skyon de dag nyid du 'gyur ro zhes bstan to/ /ci ste rgyal/ 'byung ba dang ni 'jig pa dag /mthong ngo snyam du khyod sems na/ zhes bya ba ni dbu ma pas pha rol po dag gi dogs pa bsu ba'i tshig yin te/ ci ste rgyal khyed 'byung ba dang/ 'jig pa dag da ltar mngon sum du mthong na ci'i phyir med snyam du sems na'o/ /de'i lan du 'grel pa byed pa nyid kyi byis pa phal pa'i blos mthong ba ni bden gyi/ don dam par ni ma yin te/ don dam par 'byung ba bkag pa'i phyir dang/ ma byung ba la 'jig pa mi srid pa'i phyir ro zhes bya ba smras so/ /de'i phyir/
- 182a
'byung ba dang ni 'jig pa dag /gti mug nyid kyis mthong ba yin/ zhes bya ba ni byis pa phal pa'i blos mthong ba nyid du bstan to/ /ci ste de dag gti mug gis mthong ba yin gyi/ don dam par na ma yin no zhes bya pa de ji ltar nges par shes zhe na zhes bya ba ni pha rol po dag 'dri ba'i tshig yin no/ /de'i lan du 'grel pa byed pa nyid kyis bshad pa/ de'i lan btab zin mod kyi/ gal te de tsam gyis yongs su mi mgun yang bshad par bya ba ste/ 'di ltar don dam par 'byung ba dang 'jig pa dngos po la rten pa zhig yod na mthong bar yang 'gyur grang ste/ de la dngos po dngos po las skye ba 'am/ dngos po med par ngos po las skye ba 'am/ dngos po dngos po med pa las skye ba 'am/ dngos po med pa dngos po med pa las skye bar 'gyur grang na zhes bya bas skye ba dang 'jig pa dag mu bzhis gcig la gcig skye ba med pas de dag mthong ba ni gti mug nyid kyis mthong ba yin gyi/ don dam par nam yin no zhes stan to/ /de la re zhig mu dang po mi 'thad par bstan pa'i phyir/ de la re zhig don dam par dngos po dngos las mi skye ste/ dngos po yin pa'i phyir dper na skyes pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na skyes zin pa ni dngos po yin pa'i phyir dngos po las mi skye ba de bzhin du dngos po yang dngos po yin pa'i phyir dngos po las mi skye'o/ /mu gnyis pa mi 'thad par bstan pa'i phyogs snga ma bstan pa'i phyir/ ci ste skye ba'i snga rol na ni yod pa ma yin pa nyid yin te/ phyis 'byung ba'i ming gi dngos po zhes bya'o zhe na zhes bya ba smras te/ da ni pha rol po dag na re dngos po ni skye ba'i snga rol na yod pa ma yin te/ phyis
- 182b
'byung ba'i ming gis dngos po zhes brjod pa des na khyod kyi sgrub pa snga ma'i dpe skyes pa bzhin no/ /zhes bya ba de mi rung ngo zhes zer ba'i tshig yin no/ /de'i lan du 'grel pa byed pa nyid kyis/ de lta na yang/ dngos med dngos las mi skye'o/ /myu gu zhes bya ba'i dngos po med pa 'bras bu'i mtshan nyid kyi dngos po las mi skye ste/ skye ba'i snga rol na med pa'i phyir ram/ brjod par bya ba ma yin pa'i phyir dper na de las gzhan bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na myu gu zhes bya ba'i dngos po med pa de las gzhan pa bum pa dang/ snam bu la sogs pa'i dngos po med pa ni skye ba'i snga rol na med pa'i phyir ram/ yod pa dang med par bya ba ma yin pa'i phyir 'bras bu'i mtshan nyid kyi dngos po las mi skye ba de bzhin du myu gu zhes bya ba'i dngos po med pa yang skye ba'i snga rol na med pa'i phyir/ yod pa dang med par brjod par bya ba ma yin pa'i phyir 'bras bu'i mtshan nyid kyi dngos po la mi skye'o/ /yang na/ dngos med dngos las mi skye'o zhes bya ba ni med pa'i phyir dper na re bong gi rwa bzhin no zhes bya ba ni mu gnyis pa mi 'thad par bstan pa'i rjes su dpag pa gzhan yin te/ de dag kyang chos can dang / bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ri bong gi rwa ni med pa'i phyir dngos po las mi skye ba de bzhin du dngos po med pa yang med pa'i phyir dngos po las mi skye'o/ /ci ste bum pa med pa med bzhin du tho bas bsnun pa las 'byung bar 'gyur ba des ma nges pa nyid zhe na zhes bya ba ni pha rol po dag dbu ma pas dngos po las mi skye ste/ med pa'i phyir dper na ri bong gi rwa bzhin no zhes sgrub pa'i gtan tshigs de ma des
- 183a
pa nyid du skyon 'dogs pa'i tshig yin te/ de dag na re 'di na bum pa zhig nas med pa ni snga na dngos po med pa nyid yin yang phyis tho bas bsnan pa'i dngos po las 'byung bar 'gyur ba mthong bas des na ci re zhig med pa'i phyir dper na ri bong gi rwa bzhin du dngos po med pa dngos po la mi skye bar 'gyur ram/ 'on te med pa'i phyir dper na bum pa med pa tho bas bsnun pa'i dngos po las 'byung ba bzhin du dngos po med pa dngos po las skye bar 'gyur ba ma nges pa nyid yin pas dbu ma'i gtan tshigs de mi rung ngo zhes zer ro/ /de skad ces zer ba de'i lan du 'grel pa byed pa nyid kyis/ ma nges pa nyid ma yin te/ bum pa skye ba dang 'gag pa bkag pa'i phyir de nyid kyang phyogs su byas bas mi mthun pa'i phyogs med pa'i phyir ro zhes bya ba smras te/ don dam par bum pa skye ba dang 'gag pa bkag pa'i phyir pha rol po dag gi dpe med pa dang/ dbu ma pas bum pa med par tho bas bsnun pa'i dngos po las byung ba de nyid kyang phyogs su byas pas mi mthun pa'i phyogs med pa'i phyir dbu ma pa'i gtan tshigs de ma nges pa nyid ma yin no/ /mu gsum pa mi 'thad par bstan pa'i phyir/ de bzhin du/ dngos po dngos med mi skye ste/ /skyon bstan zin pa'i phyir ro zhes bya ba smras te/ dngos po dang dngos po med pa dag dgag pa mi mthun pa'i skyon bstan zin pa'i phyir ro/ /yang/ de nyid kyi rjes su dpag pa gzhan bstan pa'i phyir ro/ /yang na dngos po med pa ni dngos po'i rgyu ma yin te/ ma skyes pa'i phyir dper na ri bong gi rwa bzhin no zhes rjes su dpag pa'i phyir ro zhes bya ba smras te/ de dag ni chos can dang/ bsgrub par bya ba chos dang/ sgrub pa'i bya ba chos dang/ sgrub pa' chos dang/ dpe yin par go rim bzhin du sbyar te/ dper na ri bong gi rwa ni ma skyes pa'i
- 183b
phyir dngos po'i rgyu ma yin pa de bzhin du dngos po med pa yang ma skyes pa'i phyir dngos po'i rgyu ma yin no/ /mu bzhi pa mi 'thad par bstan pa'i phyir/ de bzhin du/ dngos med dngos med mi skye'o/ /rjes su dpag pa dang grags pa'i gnod pas gnod par 'gyur pa'i phyir ro zhes bya ba smras te/ dngos po med pa ni dngos po med pa las mi skye ste ri bong gi rwa mo gsham gyi bu las mi skye ba bzhin nam/ nam mkha' i me tog ru sbal gyi spu las mi skye bar grags pa'i gnod pas gnod par 'gyur ba'i phyir ro/ /de ltar skye ba dang 'jig pa dag mu bzhis gcig la gcig skye ba med pas de dag mthong ba ni gti mug nyid kyis mthong ba yin gyi/ don dam par ni ma yin no/ /zhes bstan to/ /gzhan yang bdag las sam/ gzhan las sam/ gnyi ga las skye bar 'gyur grang na zhes bya bas ni gzhan yang 'byung ba dang 'jig pa zhig yod na de bdag las sam/ gzhan las sam/ gnyi ga las skye bar 'gyur grang na de dag rnam pa thams cad las skye bar mi 'thad pas 'byung ba dang 'jig pa dag yod pa ma yin no zhes ston to/ /de nyid bstan pa'i phyir/ de la yang na dngos po bdag las mi skye ste/ /gzhan las skye ba nyid ma yin/ /bdag dang gzhan las skye ba ni/ /yod min/ ji ltar zhe na/ de ltar dang po nyid du rgyas par bstan zin to zhes bya ba smras te/ sngar rkyen brtag pa'i skabs su/ bdag las ma yin gzhan las min/ /gnyis las ma yin rgyu med min/ /dngos po gang dag gang na yang/ /skye ba nam yang yod ma yin/ /zhes smros pas bstan zin to/ /'o na de ji ltar skye bar 'gyur ba de smos shig /skye bar mi 'gyur ba nyid do zhes bya ba'i tshig gi don to zhes bya ba ni mjug bsdu ba yin no/ /de'i phyir de ltar 'byung ba dang 'jig pa dag yod pa ma yin pa'i phyir gtan tshigs kyi rtsa
- 184a
pa'i don ma grub pa nyid do zhes bya ba ni tshad ma'i 'bras bu yin te/ de ltar don dam par 'byung ba dang 'jig pa dag yod pa ma yin pa'i phyir sngar rab tu byed pa'i dang por pha rol po dag gis don dam par dus ni yod pa kho na yin te/ 'byung ba dang 'jig pa'i rgyu yin pa'i phyir ro/ /'di na gang yod pa ma yin pa de ni 'byung pa dang 'jig pa'i rgyu ma yin te/ dper na sbrul gyi rkang pa bzhin no/ /dus ni 'byung ba dang 'jig pa dus kyi rjes su 'brang bdag gis rgyu yin pas de'i phyir dus ni don dam par yod pa kho na yin pas des na de gsal ba yod pa'i phyir gtan tshigs grub pas 'dod pa'i don grub po zhes smras pa'i gtan tshigs kyi rtsa ba'i don ma grub pa nyid yin pas bstan bcos mdzad pas sdang don dam par dus ngo bo nyid med pas de gsal ba'i rgyu yin pa'i phyir ro zhes bya ba'i gtan tshigs ma grub pa'i phyir don dam par nang gi dngos po rnams ngo bo nyid med pa nyid yin no zhes dam bcas pa'i dgongs pa grub pa nyid do// //bam po drug cu dgu'o/ /de ni pha rol po dag 'dod pa ltar don dam par dngos po rnams ngo bo nyid yod par khas blangs na rtag pa dang chad par lta bar thal bar 'gyur ba'i skyon bstan pa'i phyir/ don dam par ni dngos po yod par gas blangs na/ rtag pa dang chad par lta bar ni thal bar 'gyur te/ ci'i phyir zhe na/ 'di ltar dngos po de ni rtag dang mi rtag 'gyur phyir ro/ /de la rtag pa ni mi 'jig pa'i phyir rtag par lta bar thal bar 'gyur la/ mi rtag pa ni 'jig pa'i phyir chad par lta bar thal bar 'gyur ro zhes bya ba smras te/ 'di ltar dngos po ni rtag pa dang mi rtag pa'i bdag nyid can yin pas/ de khas blangs na 'jig pa dang mi 'jigs par lta ba'i sgo nas rtag pa dang chad par lta bar thal bar 'gyur ro/ /'dir smras pa/ dngos po
- 184b
yod par khas blangs kyang/ /chad par mi 'gyur rtag mi 'gyur/ /ci'i phyir zhe na/ 'di ltar 'bras bu rgyu'i 'byung 'jig gi /rgyun de srid pa yin phyir ro/ /de la rgyu 'gag bzhin pa las 'bras bu skye ba'i phyir chad par mi 'gyur la/ 'bras bu skyes pa na rgyu 'gag pa'i phyir rtag par mi 'gyur ro zhes bya ba ni pha rol po dag na re dngos po yod par khas blangs kyang rtag pa dang chad par lta bar thal bar mi 'gyur te/ dngos por lta ba yod na srid pa 'thad do/ 'di ltar 'bras bu 'byung ba dang 'jig pa'i rgyun gang yin pa de ni srid pa yin pa'i phyir rgyu 'jig par 'gyur pa de'i phyir rtag pa'i skyon du thal bar mi 'gyur la gang gi phyir rgyu 'gag bzhin pa las 'bras bu 'byung bar 'gyur pa de'i phyir chad pa'i skyon du thal bar mi 'gyur ro/ /zhes zer ba'i tshig yin no/ /de skad ces zer ba de'i lan du 'grel pa byed pa nyid kyis 'dir bshad pa/ gal te 'bras rgyu'i 'byung 'jig gi /rgyun de srid pa yin gyur na/ /'jig la yang skye med pa'i phyir/ /rgyu ni chad par thal bar 'gyur/ /zad pa la skye ba med pa'i phyir sa bon tshig pa bzhin no/ /zhes bya bar dgongs so zhes bya ba smras te/ de ltar na rgyu 'jig pa ni 'gag pa zad pa yin pas de la yang skye ba med pa'i rgyu chad par lta bar thal bar 'gyur ro zhes ston to/ /de la rgyu 'jig pa ni chos can yin la/ chad par lta bar thal bar 'gyur ba ni bsgrub par bya ba chos yin/ skye ba med pa'i phyir zhes bya ba ni sgrub pa'i chos yin/ sa bon tshig pa bzhin no zhes bya ba ni dpe yin par sbyar te/ dper na sa bon tshig pa dngos por khas blangs na de la yang skye ba med pa'i phyir chad par lta bar thal bar 'gyur ba de bzhin du rgyu 'jig pa yang dngos por khas blangs na de la yang skye ba med pa'i phyir chad par lta bar thal bar 'gyur ro zhes mdo mdzad pas dgongs so/ /ji ste sngar
- 185a
gang la rten te gang byung ba/ /de ni de zhig de nyid min/ /de las gzhan pa'ang ma yin la/ /de nyid chad min rtag ma yin/ zhes khas blangs la/ de ni rtag pa dang chad par thal bar skyon 'dogs pa de rigs pa ma yin no zhe na/ zhes bya ba ni pha rol po dag na re/ khyed dbu ma pas sngar bdag dang chos brtag pa'i skabs su/ rtag pa dang chad pa ma yin par sgrub pa de skad khas blangs la/ da ni kho bo cag la rtag pa dang chad par lta bar thal bar 'gyur bar skyon 'dogs pa de rigs pa ma yin no zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis/ de ni bzang po ma yin te/ de ni tha snyad pa'i de kho na'i mtshan nyid ni chad pa ma yin pa dang rtag pa ma yin par bstan la/ don dam pa'i bden par ni skye ba med pa kho na'i phyir rtag pa dang chad pa'i skyon du mi 'gyur bas de snying po ma yin no zhes bya ba smras te/ kho bo cag gi sngar/ gang la brten nas gang byung ba/ /re zhig de ni de nyid min/ de las gzhan pa'ang ma yin phyir/ /de phyir chad min rtag ma yin/ zhes bstan pa deng ni kun rdzob pa'i de kho na'i mtshan nyid ni chad pa ma yin pa dang rtag pa ma yin par bstan te/ de yang dngos por mi lta ba la kun rdzob tu yang/ rtag pa dang chad par lta bar thal bar mi 'gyur bar bstan pa yin no/ /kho bo cag gi sngar gzhan las shes min zhi ba dang/ /spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /zhes bstan pa der yang don dam pa'i de kho na'i mtshan nyid ni skye ba med pa kho na'i phyir rtag pa dang chad pa'i skyon du mi 'gyur bar ston te/ de yang dang por mi lta ba la don dam par yang rtag pa dang chad par lta bar thal bar mi 'gyur bar bstan pa yin no
- 185b
khyed ni dngos por lta ba yin pas dngos bor khas blangs na kun rdzob dang don dam par gnyis gang yang rtag pa dang chad par lta bar thal bar 'gyur bas khyed kyi klan ka de ni snying po ma yin no/ /grangs can dag na re/ rgyu nyid 'bras bu'i bdag nyid de rgyu yongs su 'gyur bas dngos po yod par khas blangs kyang rtag pa dang chad pa'i skyon du mi 'gyur ro zhes zer ro bya ba ni grangs can yongs su 'gyur bar smra ba dag na re/ dper na 'o ma nyid zho'i bdag nyid du yongs su 'gyur bas 'o ma nyid zho ma yin pas rtag pa yang ma yin la/ 'o ma las zho gzhan nyid ma yin pas chad pa yang ma yin pa de bzhin du rgyu nyid 'bras bu'i bdag nyid du yongs su 'gyur bas rgyu dang 'bras bu dag de nyid dang gzhan nyid du brjod par bya ba ma yin pa'i phyir/ dngos po yod par khas blangs kyang rtag pa dang chad pa'i skyon du mi 'gyur ro zhes zer ba'i tshig yin no/ /de skad ces zer pa de'i lan du 'dir 'grel pa byed pa nyid kyis/ de yang bzang po ma yin te/ yongs su 'gyur ba yod par ston pa'i rjes su dpag pa med phyir dang/ de dgag pa rgyas par bstan zin pa'i phyir ro zhes bya ba smras te/ khyed la yongs su 'gyur ba yod par ston pa'i rjes su dpag pa med pa'i phyir dang/ kho bo cag gis de dgag pa rgyas par bstan zin pa'i phyir ro/ /yongs su ma gyur pa yongs su 'gyur bar rtog na yang zhes bya bas ni rgyu 'bras bu'i bdag nyid du yongs su gyur zin pa yang 'bras bu'i bdag nyid du yongs su 'gyur bar ni grangs can dag kyang mi 'dod pas gal te 'dir grangs can dag rgyu 'bras bu'i bdag nyid du da dung yongs su ma gyur pa phyis yongs su 'gyur bar rtog na de yang mi 'thad par ston to/ /de nyid bstan pa'i phyir/ yongs su ma gyur pa ni yongs su mi 'gyur te/ yongs su ma gyur pa'i phyir dper na ri bong gi rwa bzhin no zhes rjes su dpag pas gnod pa'i phyir ro zhes
- 186a
bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ri bong gi rwa ni 'bras bu'i bdag nyid du yongs su ma gyur pa'i phyir yongs su mi 'gyur ba de bzhan du rgyu yongs su ma gyur pa yang 'bras bu'i bdag nyid du yongs su ma gyur pa'i phyir yongs su mi 'gyur bas rjes su dpag pa nges gnod par 'gyur pa'i phyir de yang mi 'thad do/ /gal te 'dir grangs can dag 'di skad ces gang gi phyir gdu bu zhes bya ba'i chos gzhan gser gyi rdzas de'i bgal zha byang? 'gyur pa de'i phyir rtag pa ma yin la/ gang gi phyir gser de nyid las dpung rgyan la sogs pa'i chos gzhan skye ba de'i phyir chad pa ma yin no zhes zer ba'i phyogs snga ma khong nas dbyung ba de'i lan du/ 'dir 'grel pa byed pa nyid kyis bgal zha ba'i mtshan nyid kyis chos gzhan ldog pa ni bstan par mi nus pa'i phyir dang yongs su 'gyur ba dgag pa bstan zin pa'i phyir ro zhes bya ba smras te/ chos nges par gnas pa 'ga' yang yongs su 'gyur ba med pas de bstan par mi nus pa'i phyir dang de dgag pa bstan zin pa'i phyir ro/ /yang gzhan yang gal te dngos po ngo bo nyid yod par gyur na zhes bya ba la sogs pas ni yang gzhan yang gal te pha rol po dag 'dod pa ltar don dam par dngos po ngo bo nyid yod par gyur na ngo bo nyid ni rang gi ngo bo yongs su mi gtong ba'i phyir/ nam yang dngos po med par mi 'gyur bas de lta na yang rtag par lta bar thal bar 'gyur ro zhes ston to/ /de nyid bstan pa'i phyir/ de la dngos po ngo bo nyid yod na/ /dngos med 'gyur bar mi rigs so/ /zhes bya ba smras te/ dngos po ngo bo nyid yod na zhes bya ba ni chos can yin la/ dngos po
- 186b
med par 'gyur bar mi rigs so zhes bya ba ni bsgrub par bya ba chos yin/ rang gi ngo bo nyid yongs su mi gtong ba'i phyir/ dper na me grang bar 'gyur pa mi rigs pa bzhin no zhes bya ba khong nas dbyung ba ni sgrub pa'i chos dang dpe yin par sbyar te/ dper na me ni rang gi ngo bo yongs su mi gtong ba'i phyir grad par 'gyur bar mi rigs pa de bzhin du/ dngos po yang ngo bo nyid yod par gyur na rang gi ngo bo nyid yongs su mi gtong pa'i phyir dngos po med par 'gyur bar mi rigs pas des na rtag par lta bar thal bar 'gyur ro/ /da ni dngos po skye ba dang 'gag pa'i chos can yin pa'i phyir ngo bo nyid med par grub pas gang gis de ltar mthong ba la rtag pa dang chad par lta bar thal bar mi 'gyur bar skabs kyi don bstan pa'i phyir/ skyes pa ni dngos po yod pa yin la zhig pa ni dngos po med pa yin pa de yang mthong bas de'i phyir dngos po ngo bo nyid med bar grub ste/ de skye ba dang 'gag pa'i chos can yin pa'i phyir ro zhes bstan te zhes bya ba smras te/ nges ni dngos po ni ngo bo nyid med pa yin te/ rang gi ngo bo yongs su gtong pa'i phyir dper na de las gzhan bzhin pas gang gis de ltar mthong ba la rtag pa dang chad par lta bar thal bar mi 'gyur bar bstan to/ /gzhan yang/ mya ngan 'das pa'i dus na chad/ /srid rgyun rab tu zhi phyir ro// dgra bcom pa'i sems dang sems las byung ba tha ma rkyen phyi ma med pas mi skye ba bzhin no zhes bya ba'i lan gdab dka' o zhes bya bas ni/ gzhan yang gal te pha rol po dag 'dod pa ltar don dam par dngos po ngo bo nyid yod par gyur na mya ngan las 'das pa'i dus na srid pa'i rgyun rab tu zhi ba'i phyir chad par 'gyur ba'i lan gdab dka' bas de lta na yang chad par lta bar thal bar 'gyur ro zhes ston to/ /de la dngos po ngo bo nyid yod na zhes bya ba ni chos can yin la/ mya ngan las 'das pa'i dus
- 187a
na chad par 'gyur ro zhes bya ba ni bsgrub par bya ba chos yin/ srid pa'i rgyun rab tu zhi ba'i phyir ro zhes bya ba sgrub pa'i chos yin/ dgra bcom pa'i sems dang sems las byung ba tha ma rkyen phyi ma med pas mi skye ba bzhin no zhes bya ba ni dpe yin par sbyar te/ dngos po yin par khas blangs na dper na dgra bcom pa'i sems dang sems las byung ba tha ma rkyen phyi ma med pas mi skye ba ni srid pa'i rgyun rab tu zhi ba'i phyir mya ngan las 'das pa'i dus na chad par 'gyur pa'i lan gdab dka' pa de bzhin du/ dngos po yod par khas blangs na/ 'gags pas srid pa'i rgyun rab tu zhi ba'i phyir 'gags shing mya ngan las 'das pa'i dus na chad par 'gyur ba'i lan gdab dka' bas de lta na chad par lta bar thal par 'gyur ro zhes bstan to/ /ci ste 'di snyam du gal te mya ngan las 'das pa'i dus na chad par gyur na gyur kyang sla ste/ srid pa'i rgyun gyi dus na chad pa de med pas skyon med par sems na zhes bya ba ni ji ste pha rol po dag 'di snyam du 'khor ba'i gnas skabs na chad par gyur na skyon du 'gyur ba yin pas/ 'khor ba'i gnas skabs na chad pa'i skyon der ma gyur na mya ngan las 'das pa'i gnas skabs chad par gyur kyang gnod pa med do snyam du sems shing de skad ces zer ba'i tshig yin te/ des ni pha rol po dag dngos po yod par khas blangs kyang 'khor ba'i gnas skabs nad ltar gyi srid pa tha ma'i sems ma 'ongs pa'i srid pa dang po'i sems dang nyid mtshams sbyor ba yod pas chad par mi 'gyur ro snyam du sems pa'i bsam pa bstan to/ /de skad ces zer ba de'i lan du 'dir 'grel pa byed pa nyid kyi/ de ni bzang po ma yin te/ sngar srid pa'i rgyun nyid la chad pa'i skyon bstan zin pas chad par lta ba'i phyir phyis? chad pa yang thar pa'i gegs yin pas skyon med pa ma yin no zhes bya ba smras te/ srid pa'i rgyun
- 187b
gyi dus na chad pa de med pas skyon med do zhes bya bar sngar kho bos/ gal te 'bras rgyu'i 'byung 'jig gi /rgyun de srid pa yin gyur na/ /'jig la yang skye med pa'i phyir/ /rgyun ni chad par thal bar 'gyur/ zhes bshad pas dngos po yod par lta na srid pa'i rgyun nyid la chad pa'i skyon bstan zin pas chad par lta ba'i phyir khyed la srid pa'i rgyun gyi dus na chad pa de med pa yin pas skyon med pa ma yin no/ /gzhan yang khyed na re/ mya ngan las 'das pa'i dus na chad par gyur na gyur kyang sla ste/ zhes bya ba la sogs pa zer bas/ khyed phyis chad par lta ba 'di yang thar pa'i gegs yin pas 'jig rten rgyad pa na bdag bzhin du mtho ris dang byang grol mi 'thob pas skyon med pa ma yin no/ /ji ste de tsam gyis kyang yongs su mi mgu na gzhan yang nyon cig zhes bya ba la sogs pas ni de ltar dngos po yod par khas len pa la rtab pa dang chad par lta bar thal bar 'gyur ba'i skyon dag bstan nas de tsam gyis kyang pha rol po nyid dag dngos po yod par khas blangs kyang 'khor ba'i gnas skabs na da ltar gyi srid pa tha ma'i sems ma 'ongs pa'i srid pa dang po'i sems dang nyid mtshams sbyor bar byed pas chad par mi 'gyur ro snyam du sems pa de dag yongs su mi mgu na 'dir dngos po yod par khas len pa dag 'khor ba'i rgyun gyi gnas skabs na da ltar gyi srid pa tha ma'i sems pa ma 'ongs pa'i srid pa dang po'i sems dang nyid mtshams sbyor ba med pas de dag la chad par lta ba'i skyon du 'gyur ba dang/ dbu ma pa lta bu gang dag dngos po ngo bo nyid med par lta ba dag la 'khod pa'i gnas skabs na ni da ltar gyi srid pa tha ma'i sems ma 'ongs pa'i srid pa dang po'i sems dang nyid mtshams sbyor ba sgyu ma tsam du yod pas chad par mi 'gyur la/ don dam par ni de dag ngo bo nyid med pas nyid mtshams sbyor pa yang med la/ rtag par lta bar 'gyur ba yang med do zhes ston to/ /de nyid
- 188a
bstan pa'i phyir/ 'di la da ltar gyi srid pa'i mjug gi srid pa ni srid pa tha ma zhes bya la/ ma 'ongs pa'i srid pa'i sems pa skye ba dang po ni srid pa dad po yin pas zhes bya ba smras te/ des ni da ltar gyi srid pa tha ma pa'i sems dang/ ma 'ongs pa'i srid pa dang po'i sems kyi mtshan nyid bstan nas da ltar gyi srid pa tha ma'i sems 'gags pa dang ma 'gags pa dang 'gag bzhin pa ma 'ongs pa'i srid pa dang po'i sems dang nyid mtshams sbyor ba med pa'i mu rnam pa gsum gyi dngos po yod par khas len pa rnams la chad par lta bar thal bar 'gyur la/ dngos po ngo bo nyid med pa nyid du smra ba rnams la rtag par chad par lta ba'i skyon du mi 'gyur bar ston to/ /de la re zhig mu dang po bstan pa'i phyir/ de la/ tha ma 'gag par gyur pa ni/ /srid pa dang por sbyor mi 'gyur/ zhes bya ba'i dam bca' ba nye bar bzhag pa'o zhes bya ba smras te/ de ni da ltar gyi srid pa tha ma'i sems 'gags pa ma 'ongs pa'i srid pa dang po'i sems dang 'di mtshams sbyor ba med pa'i dam bca' ba nye bar bzhag pa bstan te/ de ni phyogs yin no/ /'gag pa'i chos ni 'gags pa nyid yin no/ /zhes bya ba ni da ltar gyi srid pa tha ma'i sems 'gags pa ma 'ongs pa'i srid pa dang po'i sems dang nyid mtshams sbyor ba med pa'i sgrub pa'i chos gtan tshigs ni 'gags pa nyid yin par bstan te de ni phyogs kyi chos yin no/ /de'i phyir rjes su dpag pa ni don dam par srid pa tha ma 'gags pa ni ma 'ongs pa'i srid pa dang po dang nyid mtshams sbyor ba med de 'gags pa nyid yin pa'i phyir ram/ srid pa tha ma yin pa'i phyir/ dper na dgra bcom pa'i srid pa tha ma 'gags pa bzhin no zhes bya ba smras te/ de dag ni chos can dang
- 188b
bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na dgra bcom pa'i srid pa tha ma 'gags pa ni 'gags pa nyid yin pa'i phyir ram/ srid pa tha ma yin pa'i phyir ma 'ongs pa'i srid pa dang po dang nyid mtshams sbyor ba med pa de bzhin du da ltar gyi srid pa tha ma 'gags pa yang 'gags pa nyid yin pa'i phyir ram/ srid pa tha ma yin pa'i phyir ma 'ongs pa'i srid pa dang po dang nyid mtshams sbyor ba med do/ /mu gnyis pa bstan pa'i phyogs snga ma bstan pa'i phyir/ gal te srid pa tha ma ma 'gags pa ma 'ongs pa'i srid pa dang po dang nyid mtshams sbyor bar dam gcas pa'i phyir skyon med do zhe na zhes bya ba smras te/ de ni pha rol bo dag na re/ kho bo cag gis da ltar gyi srid pa tha ma'i sems ma 'gags pa ma 'ongs pa'i srid pa dang po'i sems dang nyid mtshams sbyor bar dam bcas pa'i phyir/ khyed kyi sgrub pa snga ma'i skyon de kho bo cag gi phyogs la med do zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis/ ma 'gags pa yang rgyu srid pa tha ma ma nyams pa'i phyir skyon 'og nas 'byung ba lta bur 'gyur bas skyon med pa ma yin te zhes bya ba smras te/ rgyu ma 'gags pas 'bras bu skye mi srid pa'i phyir rjes su dpag pa 'og mas gnod par 'gyur bas skyon med pa ma yin no zhes ston to/ /de nyid bstan pa'i phyir/ 'di ltar tha ma 'gags par ma gyur pa/ /srid pa dang por sbyor mi 'gyur/ /'dir yang de ni dam bca' ba nye bar bzhag pa'o zhes bya ba smras te des ni da ltar gyi srid pa tha ma'i sems ma 'gags pa ma 'ongs pa'i srid pa dang po'i sems dang nyid mtshams sbyor ba med pa'i dam bca' ba nye bar bzhag pa bstan te de ni phyogs yin no/ /ma 'gags pa'i chos ni ma 'gags pa nyid yin no zhes bya
- 189a
bas ni da ltar gyi srid pa tha ma'i sems ma 'gags pa ma 'ongs pa'i srid pa dang po'i sems dang nyid mtshams sbyor ba med pa'i sgrub pa'i chos gtan tshigs ni ma 'gags pa nyid yin par bstan te/ de ni phyogS kyi chos yin no/ /de'i phyir 'dir yang rjes su dpag pa ni don dam par srid pa tha ma ma 'gags pa ni ma 'ongs pa'i srid pa dang po dang nyid mtshams sbyor pa med de/ ma 'gags pa nyid yin pa'i phyir/ dper na da ltar gyi srid pa bzhin no zhes bya ba smras te/ de dag ni chos can dang/ bsgrub par bya ba chos dang// sgrub pa'i chos dang/ dpe yin par go rim bzhin du sbyar te/ dper na da ltar gyi srid pa ni ma 'gags pa nyid yin pa'i phyir ma 'ongs pa'i srid pa dang po dang nyid mtshams sbyor ba med pa de bzhin du da ltar gyi srid pa tha ma ma 'gags pa yang ma 'gags pa nyid yin pa'i phyir/ ma 'ongs pa'i srid pa dang po dang nyid mtshams sbyor ba med do/ /mu gsum pa bstan pa'i phyogs snga ma bstan pa'i phyir/ gal te srid pa tha ma 'gags bzhin pa ma 'ongs pa'i srid pa dang po dang nyid mtshams sbyor bar byed do zhe na/ zhes bya ba smras te/ de ni pha rol po dag na re/ srid pa tha ma pa'i sems 'gags pa dang ma 'gags pa dag srid pa dang po dang nyid mtshams sbyor ba med pa ni bden mod kyi/ 'on kyang srid pa tha ma'i sems 'gags bzhin pa nyid mtshams sbyor bar byed do zhes zer ba'i tshig yin no/ /de skad ces zer ba de'i lan du 'grel pa byed pa nyid kyis 'dir bshad pa/ de yang bzang po ma yin te/ gal te tha ma 'gag bzhin pa/ /dang po skye bar gyur na ni/ /'gag bzhin pa ni skye 'gyur zhing/ /skye bzhin pa yang gzhan du 'gyur/ /'gag bzhin pa dang skye bzhin
- 189b
bdag ni tha dad pa nyid yin pa'i phyir rgyud tha dad pa'i srid pa bzhin no zhes bya ba smras te/ de ltar na srid pa gnyis su thal ba'i skyon du 'gyur ba de ni mi 'dod do zhes ston te/ de dag kyang chos can dang/ bsgrub par bya ba chos dang/ sgrub pa'i chos dang / dpe yin par go rim bzhin tu sbyar te/ dper na rgyud tha dad pa'i srid pa ni tha dad pa nyid yin pa'i phyir srid pa gnyis su 'gyur pa de bzhin du/ srid pa tha ma 'gag bzhin pa srid pa dang bod skye ba yang tha dad pa nyid yin pa'i phyir srid pa gnyis su 'gyur bas de ni mi 'dod do/ /gal te de ltar 'dod pa'i phyir skyon med do zhe na zhes bya bas ni/ pha rol po dag na re/ srid pa tha ma dang dang po gnyis tha dad pa yang yin la/ nyid mtshams kyang sbyor ba de ni kho bo cag 'dod pa'i phyir khyed kyis skyon btags pa de kho cag gi phyogs la med do zhes zer ba'i tshig yin no/ /de skad zer ba de'i lan du 'dir 'grel pa byed pa nyid kyis/ de ni mi rigs te/ lhas byin gyi srid pa tha ma ni lhas byin gyi srid pa dang po dang nyid mtshams sbyor ba med de de las gzhan yin pa'i phyir/ dper na mchod sbyin gyi srid pa tha ma bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mchod sbyin gyi srid pa tha ma ni lha byin gyi srid pa dang po de las gzhan yin pa'i phyir/ lhas sbyin gyi srid pa dang po dang nyid mtshams sbyor ba med pa de bzhin du/ lhas byin gyi srid pa tha ma dang/ lhas byin gyi srid pa dang po de las gzhan yin pa'i phyir de gnyis nyid mtshams sbyor tha med do/ /gzhan yang 'gag pa dang ma 'gags pa dag ni 'gag bzhin pa nyid yin par mi rigs pa'i phyir ro zhes bya bas kyang/ sngar pha rol po dag na re/ srid pa tha ma 'gag bzhin pa ma 'ongs pa'i srid pa dang po
- 190a
dang nyid mtshams sbyor bar byed do zhes zer ba'i lan gzhan bstan te/ 'gags pa dang ma 'gags pa ma gtogs par 'gag bzhin pa gzhan med pa'i phyir/ de la nying mtshams sbyor ba med do/ /gal te 'gag bzhin pa ni 'gags pa la mngon par phyogs pa'o/ /zhe na/ zhes bya ba ni pha rol po dang 'gag bzhin pa yod par sgrub pa'i tshig yin te/ de dag na re 'gags bzhin pa zhes bya ba 'gags pa dang ma 'gags pa dag ma yin yang 'gag pa la mngon par phyogs pa yin pas de ni yod pa kho na'o zhes zer ro/ /de skad ces zer ba de'i lan du 'dir 'grel pa byed pa nyid kyis/ mi rung ste/ de'i lan btab zin pa'i phyir ro zhes bya ba smras te/ 'gag bzhin pa 'gag pa la mngon par phyogs pa ma yin par dgag pa gong du gnas skabs thams cad du bsten zin pa'i phyir 'gag bzhin pa med pas de srid pa dang po dang nyid mtshams sbyor ba med do/ /de bzhin du skye bzhin pa yang skye bzhin nyid yin par mi rigs pas zhes bya ba ni ji ltar srid pa tha ma'i sems 'gag bzhin pa mi rigs pa de bzhin du srid pa dang po'i sems skye bzhin pa yang skyes pa dang ma skyes pa dang skye ba la mngon par phyogs pa gang yang ma yin pas yod par mi rigs pa'i phyir srid pa tha ma'i sems 'gags pa dang ma 'gags pa dang 'gag bzhin pa dag srid pa dang po'i sems skye bzhin pa dang nyid mtshams sbyor ba yang med par bstan to/ /de'i phyir/ gal te 'gag bzhin skye bzhin dag /lhan cig sbyor pa'ang yod min na/ / 'o na ji ltar 'gyur zhe na/ phung po gang las 'chi 'gyur ba/ /der ni skye ba'ang 'byung bar 'gyur/ de ni mi 'dod de/ gcig la dus gcig tu mi mthun pa'i bdag nyid gnyis mi srid pa'i phyir ro zhes bya bas ni 'di skad bstan te/ de ltar gal te
- 190b
srid pa tha ma 'gag pa dang ma 'gags pa dang 'gag bzhin pa dag srid pa dang po skye bzhin pa dang nyid mtshams sbyor ba yod pa ma yin pa bzhin du yang pha rol po dag srid pa tha ma dang/ dang po nyid mtshams sbyor zhing srid pa'i rgyun yod pas chad par lta bar thal bar mi 'gyur bar 'dod na/ 'o na de ji ltar 'gyur zhe na/ de lta na phung po gang dag kho na la 'chi bar 'gyur ba de dag kho na la skye ba yang 'byung ba thal bar 'gyur te/ 'gags pa dang ma 'gags pa dang 'gag bzhin pa dag skye bzhin dang nyid mtshams sbyor ba mi 'thad par sngar bstan pa las gzhan pa'i skye ba mi srid pas phung po gcig la 'chi ba dang skye ba gnyi ga 'byung bar 'gyur ba 'di khas blangs pa las 'bros khungs gzhan med pa'i phyir ro/ /de ni mi 'dod do/ dngos po gcig la dus gcig tu mi mthun pa'i bdag nyid gnyis mi srid pa'i phyir ro/ /de lta bas na dngos por lta ba yod na srid pa'i rgyun yang mi 'thad pas chad par lta bar thal bar 'gyur ro/ /dbu ma pa la ni dngos po brten nas gdags pa ngo bo nyid stong pa sgyu ma dang smig rgyu dang gzugs brnyan lta bu rnams la gcig pa nyid dang gzhan nyid du 'gyur ba de med pas rtag pa dang chad par lta bar thal bar mi 'gyur ro zhes bstan to/ /yang na gang dag 'di skad ces srid pa tha ma srid pa dang po dang 'di ltar nyid mtshams sbyor ro zhes brjod par mi nus mod kyi/ 'on kyang re shig srid pa dang po'i skye ba mthong bas de yang gang las rigs par 'gyur ba de las 'byung bar 'gyur ro zhes zer ba de dag gi phyir 'di bshad de zhes bya bas ni 'di skad bstan te/ yang rnam pa gcig tu na pha rol po gang dag 'di skad ces srid pa tha ma 'gags pa dang ma 'gags pa dang 'gag bzhin pa dag srid pa dang po dang nyid mtshams sbyor ba med do zhes bya ba des kho bo cag la ci bya/ yod ni re zhig srid pa dang po'i skye
- 191a
ba ni yod de be? yang gang las rigs par 'gyur ba de las 'byung bar 'gyur bas des na srid pa'i rgyun yang 'thad pas dngos po yod par khas blangs kyang rtag pa dang chad par lta bar thal bar mi 'gyur ro zhes zer ba de dag gi phyir bstan bcos mdzad pas gal te 'gag bzhin skye bzhin dag /lhan cig sbyor pa'ang yod min na/ /phung po gang la 'ching 'gyur pa/ /der ni skye ba'ang 'byung bar 'gyur/ zhes bya ba tshig le'ur byas pa snga ma 'di bshad de zhes bya bar sbyar ro/ /de nyid bstan pa'i phyir/ srid pa tha ma 'gags pa dang ma 'gags pa dag srid pa dang pho dang nyid mtshams sbyor bar mi 'thad do zhes ni bstan zin to zhes bya ba la sogs pa smras te/ de ni sngar tha ma 'gags par gyur pa ni/ /srid pa dang por sbyor mi 'gyur/ /tha ma 'gags par ma gyur pa/ /srid pa dang por sbyor mi 'gyur/ zhes bya ba dag gis bstan zin to/ /gal te srid pa tha ma 'gag bzhin pa srid pa dang po dang nyid mtshams sbyor bar 'gyur ro zhe na/ de la yang rjes su dpag pa bstan zin te/ zhes bya ba yang sngar gal te tha ma 'gag bzhin pa/ dang por skye bar gyur na ni/ /'gag bzhin pa ni gcig 'gyur zhing/ /skye bzhin pa yang gzhan du 'gyur/ zhes bya ba bstan zin to/ /yang na srid pa tha ma 'gag bzhin pa ni srid pa dang po dang nyid mtshams sbyor ba med de 'gag bzhin pa yin pa'i phyir/ /dper na dgra bcom pa'i sems pa tha ma bzhin no zhes bya bas ni srid pa tha ma 'gag bzhin pa srid pa dang por nyid mtshams sbyor ba med pa'i rjes su dpag pa sngar bsten pa las gzhan ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na dgra bcom
- 191b
pa'i srid pa tha ma ni 'gag bzhin pa yin pa'i phyir srid pa dang por nyid mtshams sbyor ba med pa de bzhin du srid pa tha ma 'gag bzhin pa yang 'gag bzhin pa yin pa'i phyir srid pa dang po dang nyid mtshams sbyor pa med do/ /de'i phyir de ltar/ ji skad bstan pa'i tshul gyis/ gal te 'gag bzhin skye bzhin dag /lhan cig sbyor dang yod min na/ /yon de ji ltar 'gyur zhe na/ /phung po gang la 'ching 'gyur pa/ /der ni skye ba'ang 'byung bar 'gyur/ /de ni mi 'dod de/ srid pa dang po dang nyid mtshams sbyor ba las skye bar 'dod na de dang nyid mtshams sbyor ba mi 'thad par bstan zin to zhes bya bas ni/ de ltar gal te srid pa tha ma 'gags pa dang ma 'gags pa dang 'gag bzhin pa dag srid pa dang po skye bzhin pa dang nyid mtshams sbyor ba yod pa ma yin pa bzhin de/ pha rol po dag srid pa tha ma 'gags pa dang ma 'gags pa dang 'gag bzhin pa dag srid pa dang po dang nyid mtshams sbyor ba med do zhes bya ba des kho bo cag la ci bya/ yod ni re shig srid pa dang po'i skye ba ni yod de/ de yang gang las rigs par 'gyur ba de las 'byung bar 'gyur ba des na srid pa'i rgyun yang 'thad pas dngos po yod par khas blangs kyang rtag pa dang chad par thal bar mi 'gyur zer na/ 'o na ji ltar 'gyur zhe na de lta na phung po gang dag kho na la 'chi bar 'gyur pa de dag kho na la skye pa yang 'byung bar thal bar 'gyur te/ 'gags pa dang ma 'gags pa dang 'gag bzhin pa dag skye bzhin pa dang nyid mtshams sbyor ba mi 'thad pas sngar bstan pa las gzhan pa'i skye pa mi srid pas phung po cig la 'chi ba dang skye ba gnyis ka 'byung bar 'gyur ba 'di khas blangs pa las 'bros khung gzhan med pa'i phyir ro/ /de ni mi 'dod de/ yod ni srid pa dang po dang nyid mtshams sbyor ba las skye bar 'dod
- 192a
na de dang nyid mtshams sbyor ba mi 'thad par yang bstan zin pas de lta bas na srid pa dang po'i skye ba yod pas rgyun yang 'thad do zhes zer ba de ni mi rung ngo zhes ston to/ /de la brtag pa snga mas ni srid pa tha ma 'gags pa dang ma 'gags pa dang/ 'gag bzhin pa'i phyogs gsum rnam par bzhag nas srid pa dang po dang nyid mtshams sbyor ba med par bstan to/ /brtag pa phyi ma 'dis ni phyogs gsum po de dag nyid mi 'thad bzhin du pha rol po dag srid pa dang po'i skye ba yod pas srid pa'i rgyun yang 'thad do zhes zer ba dgag par bstan te/ khyad par ni de yod do/ /de'i phyir sgrub pa ji skad bstan pa'i dbang gis/ de ltar dus gsum dag tu yang/ /srid pa'i rgyu na ni mi rigs na/ / dus gsum dag tu gang med pa/ /de ni ji ltar srid pa'i rgyun/ /zhes mjug bsdu bar bya ste/ de ltar srid pa dang po dang nyid mtshams sbyor ba mi 'thad pa'i phyir rgyun la 'chad pa med pa dang/ rtag pa med do zhes bya ba'i tshig ni don dam pa pa ma yin la/ khas blangs pa la gnod par mi 'gyur ro zhes bya bas ni dam bcas pa dang su ne dbyung ba'i skabs kyi mjug bsdu ba yin te/ de'i phyir de ltar yongs su brtags na srid pa tha ma 'gags pa dang ma 'gags pa dang 'gag bzhin pa srid pa dang po dang nyid mtshams sbyor bar mi 'thad pa'i phyir dus gsum dag tu yang srid pa'i rgyun mi rigs so/ /dus gsum dag tu srid pa'i rgyun gang med pa de da ji ltar srid pa'i rgyun du 'thad/ srid pa'i rgyun yod pa ma yin na 'byung ba dang 'jig pa dag yod par ga la 'gyur/ 'byung ba dang 'jig pa dag yod pa ma yin na pha rol po dag gi dus la sogs pa dag 'grub par mi 'gyur te/ de lta bas na pha rol po dag gi rgyun la chad pa med pa dang /rtag
- 192b
pa med do zhes smras pa'i tshig de ni don dam pa pa ma yin la/ dbu ma pas don dam par srid pa'i rgyun mi 'thad par bshad pa'i khas blangs pa la gnod par mi 'gyur ro/ /de la 'dir rab tu byed pa'i don ni pha rol pos rab tu byed pa'i dang por don dam par dus ni yod pa kho na yin te/ 'byung ba dang 'jig pa'i rgyu yin pa'i phyir ro zhes smras pa'i gtan tshigs kyi skyon brjod pas dus ma grub pa'i phyir 'byung ba dang 'jig pa ngo bo nyid med pa nyid du bstan pa yin no zhes bya ba ni mjug bsdu ba dang tshad ma'i 'bras bu yin te/ 'byung ba dang 'jig pa brtag pa'i rab tu byed pa nyi shu rtsa gcig pa'i skabs 'dir rab tu byed ba dang 'tshad ma'i 'bras bur lta ba ni pha rol pos rab tu byed pa 'di'i dang por don dam par dus ni yod pa kho na yin te/ 'byung ba dang 'jig pa'i rgyu yin pa'i phyir ro zhes bya ba stong pa nyid kyi mi mthun pa'i phyogs kyi khyad par smras pa dgag pas 'byung ba dang 'jig pa ngo bo nyid med pa nyid du bstan pa yin no/ /'byung ba dang 'jig pa ngo bo nyid med pa nyid du bstan pa la yon tan ci yod pa dang/ de bstan pa 'di la gzhan dag na re/ rtog ge skam pos bstan bcos tsam nyi tshes bsgrubs so zhes zer ba bsal ba'i phyir 'dir yid ches pa'i lung gis kyang bsgrub par bya ste/ de'i phyir/ bcom ldan 'das ma shes rab kyi pha rol tu phyin pa rab kyi rtsal gyis rnam par gnon pas zhus pa las/ rab kyi rtsal gyis rnam par gnon pa gzugs la 'chi pa 'am skye pa med do/ /de bzhin du tshor ba dang 'du shes dang 'du byed rnams dang/ rnam par shes pa la 'chi ba 'am skye ba med do/ /gzugs dang/ tshor ba dang/ 'du shes dang/ 'du byed rnams dang/ rnam par shes pa la 'chi ba 'am skye ba med pa gang yin pa de ni shes rab kyi pha rol tu phyin pa'o/ /zhes bya ba la sogs pa gsungs
- 193a
pa de dag grub pa yin no zhes bya ba smras te/ de ltar yid ches pa'i lung de dag grub pa ni 'byung ba dang 'jig pa ngo bo nyid med pa nyid du bstan pa'i yon tan dang khungs yin no/ /de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel pa byed pa'i mkhas pa nyid yin no/ /slob dpon legs ldan byed kyis nye bar sbyar ba dbu ma rtsa ba'i 'grel pa shes rab sgron ma las 'byung ba dang 'jog pa brtag pa zhes bya ba ste/ rab tu byed pa nyi shu gcig pa'i rgya cher 'grel ba/ slob dpon spyan ras gzigs brtul zhugs gyis nye bar sbyar ba rdzogs so// //da ni stong pa nyid kyi mi mthun pa'i phyogs kyi khyad bar dgag pas don dam par de bzhin gshegs pa'i sku bsal ba'i don gyi dbang gis rab tu byed pa nyi shu gnyis pa brtsam mo zhes bya ba la dbang gis zhes bya ba'i skabs 'dir yang dam bcas pa la 'jug pa rgyu'i don dang/ gzhung 'og nas 'byung ba dang sbyar pa'i don du blta ste tshig gi don ni snga ma bzhin no/ /de la dam bcas pa la 'jug pa rgyu'i don gyi dbang du byas nas/ da ni stong pa nyid kyi mi mthun phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dad pa brtsam pa'i skabs su/ dngos po thams cad skye ba med par dam bca' ba mdzad pas 'dir yang bstan bcos mdzad? pas sngar ji ltar ngam bcas pa de la 'jug pa rgyu'i don gyi dbang du byas nas de skad smras te/ stong pa nyid ni rang gi phyogs yin no/ /de'i mi mthun pa'i phyogs ni phyir rgol ba'i phyogs yin te/ 'di lta ste/ dngos pa rnams ngo bo nyid yod pa nyid du smra ba yin no/ /de'i khyad par zhes bya ba ni pha rol pos dngos po rnams ngo bo nyid yod
- 193b
pa nyid du sgrub pa'i phyogs snga ma nye bar bzhag pa 'og nas don dam par gzugs la sogs pa rnams ngo bo nyid yod pa kho na yin te/ dngos po yin pa'i phyir/ dper na de bzhin gshegs pa'i sku bzhin no zhes bya ba la sogs pas dngos ba rnams ngo bo nyid yod par sgrub pa'i dpe de bzhin gshegs pa'i sku don dam par ngo bo nyid yod pa nyid du ston pa dag yin no/ /de dgag pas zhes bya ba ni de dgag pa'i dbang du byas nas/ rab tu byed pa nyi shu gnyis pa brtsam mo zhes bya bar sbyar ro/ /gzhung 'og nas 'byung ba dang sbyar ba'i don gyi dbang du byas nas/ don dam par de bzhin gshegs pa'i sku bsal pa'i don gyi dbang gis rab tu byed pa nyi shu gnyis pa brtsam mo zhes bya ba smras te/ de bzhin gshegs pa brtag pa'i rab tu byed pa nyi shu gnyis pa'i gzhung 'og nas 'byung ba 'di'i don ni de bzhin gshegs pa'i chos kyi sku don dam pa dang/ gzugs kyi sku kun rdzob pa yang don dam par ngo bo nyid med pa nyid du gsal ba yin pas de'i dbang du byas nas de skad ces smras so/ /rab tu byed pa 'di'i 'bras bu ni gang yin/ rnam pa gang gis na 'bras bu de thob ce na/ de bzhin gshegs pa'i chos kyi sku don dam pa ba dang/ gzugs kyi sku kun rdzob pa yang don dam par ngo bo nyid med pa nyid du gsal ba ni 'di'i 'bras bu yin la / stong ba nyid dang mi mthun pa'i phyogs kyi khyad par dgag pa'i rnam pas ni 'bras bu de 'thob pas de'i phyir 'grel pa nyid kyis rab tu byed pa'i mtshams sbyar ba'i skabs 'dir/ thabs dang thabs las byung ba'i 'bras bu dang po kho nar bstan to// stong pa nyid kyi mi mthun pa'i phyogs kyi khyad par bstan pa'i phyir/ mdo sde pa dang bye brag tu smra ba dag gis 'dir smras pa/ don dam par gzugs la sogs pa dngos po rnams ngo bo nyid yod pa kho na yin te/ dngos po yin pa'i phyir dper na
- 194a
de bzhin gshegs pa'i sku bzhin no/ /de bzhin gshegs pa'i chos kyi sku don dam pa pa ni rdo rje lta bu'i ting nge 'dzin gyi sems kyi skad cig ma'i 'jug thogs su skyes pa rnam par grol ba'i lam zhes bya ba'i ye shes kyi skad cig ma'o/ /gzugs kyi sku kun rdzob pa yang de'i gzhi yin pa'i phyir de bzhin gshegs pa'i sku zhes bya'o/ /de'i phyir gtan tshigs ji skad smos pa'i mthus don dam par gzugs la sogs pa dngos po rnams ngo bo nyid yod pa kho na yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang nye bar sbyar pa'i sbyor ba dang/ mjug bsdu ba yin par go rim bzhin du sbyar te/ dper na de bzhin gshegs pa'i chos kyi sku don dam pa dang/ gzugs kyi sku kun rdzob pa ni dngos po yin pa'i phyir ngo bo nyid yod pa kho na yin pa de bzhin du gzugs la sogs pa dngos po rnams kyang dngos po yin pa'i phyir ngo bo nyid yod pa kho na yin te/ de la de bzhin gshegs pa'i chos kyi sku don dam pa pa ni slob pa thams cad kyi tha ma'i ting nge 'dzin rdo rje lta bu zhes bya pa'i mjug thogs su mi slob pa'i rnam par grol ba'i lam gyi ye shes skyes pa yin pas de yang de bzhin gshegs pa'i sku yin la/ de bzhin gshegs pa'i gzugs kyi sku kun rdzob pa ni skyes bu chen po'i mtshan sum cu rtsa gnyis dang/ dpe byad bzang po brgyad cu la sogs pas mtshon pa yin te/ de yang chos kyi sku de'i gzhi yin pa'i phyir de bzhin gshegs pa'i sku zhes bya ste/ de dag dngos po yin pa'i phyir don dam par ngo bo nyid yod pa kho na yin pa de bzhin du gzugs la sogs pa dngos po rnams kyang dngos po yin pa'i phyir/ don dam par ngo bo nyid yod pa kho na
- 194b
yin no zhes zer ro/ /stong pa nyid kyi mi mthun pa'i phyogs kyi khyad par de dgag pas don dam par de bzhin gshegs pa'i sku rnam pa gnyis ngo bo nyid med pa nyid du stsal ba bstan pa'i phyir/ de skad ces zer ba de'i lan du 'grel pa byed pa nyid kyis// 'dir bshad pa/ gal te tha snyad du gtogs pa'i blo gros kyis dngos po rnams dang/ de bzhin gshegs pa ngo bo nyid yod pa kho nar 'dod na ni grub pa la sgrub pa nyid yin no/ /'on te don dam par na ni de bzhin gshegs pa nyid rjed dpyad par bya ste zhes bya ba smras te/ pha rol po dag kun rdzob kyi tha snyad du gtogs pa'i blo gros kyis/ gzugs la sogs pa dngos po rnams dang/ de bzhin gshegs pa'i sku rnam gnyis ngo bo nyid yod pa kho nar 'dod na ni kho bo cag dbu ma pas kyang lung las/ gzugs ni dbu ba rdos pa 'dra/ /tshor ba chu bur dag dang mtshungs/ /'du shes smig rgyu 'dra pa ste/ /'du byed rnams ni chu shing bzhin/ /rnam shes sgyu ma lta bu zhes/ /nyi ma'i gnyen gyis bka' stsal to/ /zhes bya ba dang/ ri'i rgyal po gangs kyi lho phyogs chu klung skal ldan shing rta'i 'gram dang nye ba drang srong ser skya'i bsti gnas su shAkya'i rgyal po zas gtsang gi sras pa rgyal bu don thams cad grub pa zhes bya ba byung ste/ de khyim nas khyim med par rab tu ma byung na ni 'khor los sgyur ba'i rgyal po gling bzhi la dbang ba rin po che sna bdun dang ldan par 'gyur ro/ /khyim nas khyim med par rab tu byung na ni bla na med pa'i sangs rgyas skye bo mang po la phan pa dang skye bo mang po la bde ba dang/ lha dang mi rnams kyi ston par 'gyur ro zhes gsungs pa dag khas blangs pas de dag kho bo cag gi phyogs la ma grub pa'i phyir khyed kyi sgrub pa de grub pa la sgrub pa nyid du 'gyur bas mi rung ngo/ /'on te don dam par de dag ngo bo nyid yod pa kho nar 'dod na ni mi 'grub ste/
- 195a
de la re zhig khyod kyis dpe de bzhin gshegs pa nyid rjed dpyad par bya ste zhes ston to/ /de la 'dir pha rol po dag brtag pa phyi ma ltar 'dod pas de dgag pa'i phyir/ 'di la ye shes kyi phung po'i khongs su gtogs pa'i phyir phung po'i bdag nyid kyi de bzhin gshegs pa bkag pas de yang bkag par 'gyur bas de'i phyir sku min zhes bya ba la sogs pa gsungs te/ de bzhin gshegs pa'i chos kyi sku don dam pa pa rnam par grol ba'i lam zhes bya ba'i ye shes kyang gzugs kyi sku kun rdzob pa mtshan dang dpe byad la sogs pas mtshan pa'i phung po'i khongs su gtegs pa'i phyir/ gzugs kyi sku kun rdzob pa phung po'i bdag nyid kyi de bzhin gshegs pa don dam par ngo bo nyid med pa nyid bkag pas chos kyi sku don dam pa pa dang ye shes de yang don dam par ngo bo nyid med pa nyid du bkag par 'gyur bas de'i phyir/ bstan bcom mdzad pas/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ zhes bya ba tshig le'ur byas pa dang po 'di gsungs so zhes bya bar sbyar ro/ /de la sku'i don ni phung po'i don to zhes bya ba ni de bzhin gshegs pa'i sku'i don ni phung po lnga po dag gi ston to zhes bstan te/ chos mngon pa las/ phung po'i don ni spungs pa'i don to zhes bya ba 'byung bas gzugs dang/ tshor ba dang/ 'du shes dang/ 'du byed rnams dang/ rnam par shes pa'i bdag nyid kyi phung po lnga zhes bya ba'i tha tshig go 'phung po lnga rnams ci zhig ma yin zhe na/ de bzhin gshegs pa'o zhes bya bas ni tshig le'ur byas pa las sku min zhes gsungs pa de bye brag tu bshad pa bstan te/ sku'i don phung po lnga po dag ji bzhin
- 195b
yin zhe na/ de bzhin gshegs pa ma yin te/ gzugs kyi sku dang/ chos kyi sku'i bdag nyid kyi de bzhin gshegs pa ma yin zhes bya ba sbyar ro/ /de bzhin gshegs pa zhes bya ba'i sgra ni so sor brjod par bya ste zhes bya bas ni/ de bzhin gshegs pa zhes bya ba'i sgra 'di/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ /zhes bya ba'i gnas skabs thams cad du phung po rnams de bzhin gshegs pa ma yin/ phung po rnams las de bzhin gshegs pa gzhan ma yin/ de bzhin gshegs pa la phung po rnams med/ phung po rnams la de bzhin gshegs pa med/ de bzhin gshegs pa phung po rnams dang ldan pa ma yin pas don dam par de bzhin gshegs pa zhes bya ba gang zhig yin zhes so sor brjod par bya ba bstan to/ /ci'i phyir de ltar so sor brjod par bya zhe na/ tshig gi don gsal bar 'dod pa dang bcas pa'i phyir ro zhes bya ba smras te/ gal te de bzhin gshegs pa zhes bya ba'i sgra ma smos par phung po rnams ma yin/ phung po rnams las gzhan ma yin zhes bya ba la sogs pa de tshig tsam zhig smos na de bzhin gshegs pa dgag pa'i tshig gi don yin par mi mngon gyi/ phung po rnams nyi che dgag pa'i tshig gi don yin par go bar 'gyur te/ tshig le'ur byas pa'i skabs kyi don 'di ni/ de bzhin gshegs pa dgag pa'i tshig gi don gsal bar 'dod pa dang bcas pa yin pa'i phyir de bzhin gshegs pa zhes bya ba'i sgra 'di so sor brjod par bya ba yin par bstan to/ /des na 'dir phung po rnams de bzhin gshegs pa ma yin pa dang/ phung po rnams las de bzhin gshegs pa gzhan ma yin pa dang/ de bzhin gshegs pa la phung po rnams
- 196a
med pa dang/ phung po rnams la de bzhin gshegs pa med pa dang/ de bzhin gshegs pa phung po rnams dang ldan pa ma yin par dam bca' ba rnam pa lnga ston to/ /de la re? zhig dam bca' ba dang po bstan pa'i phyir/ phung po rnam de bzhin gshegs pa ma yin zhes bya ba ni de bzhin gshegs pa'i ngo bo nyid ma yin no zhes bya ba'i tha tshig ste/ de ni dam bca' pa nye bar bzhag pa'o zhes bya ba smras te/ de ni phyogs yin no/ /phung po rnams kyi chos ni phung po nyid dang 'byung ba dang/ 'jig pa'i chos can nyid dang byas pa nyid la sogs pas te/ de ni gtan tshigs so zhes bya ba ni phung po rnams de bzhin gshegs pa ma yin par bsgrub pa'i gtan tshig ni de dag yin par bstan te/ de ni phyogs kyi chos yin no/ /dpe ni de'i dbang gis so so'i skye bo'i phung po la sogs pa dag go zhes pas ni phung po rnams de bzhin gshegs pa ma yin par sgrub pa'i dpe ni phyogs dang phyogs kyi chos de'i dbang gis rgol ba dang phyir rgol ba gnyi ga la grags pa'i chos can so so'i skye bo'i phung po la sogs pa dag yin par bstan te/ de ni chos dang mthun pa'i phyogs kyi dpe yin no/ /de ltar phyogs dang phyogs kyi chos dang dpe dag ngo bor bstan nas/ da ni rjes su dpag pa'i tshad ma bstan pa'i phyir/ 'dir rjes su dpag pa ni don dam par phung po rnams ni de bzhin gshegs pa ma yin te/ phung po nyid yin pa'i phyir dang/ 'byung pa dang 'jig pa'i chos can nyid yin pa'i phyir/ dper na so so'i skye bo'i phung po rnams bzhin nam/ phyi rol gyis la sogs pa dag bzhin no zhes bya ba smras so /de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na so so'i skye bo'i phung po rnams sam/ phyi rol g yi sa la sogS?
- 196b
bdag ni phung po nyid yin pa'i phyir dang/ 'byung ba dang 'jig pa'i chos can nyid yin pa'i phyir/ de bzhin gshegs pa ma yin pa de bzhin du de bzhin gshegs pa'i sku mtshan dang dpe byad la sogs pa dang mtshan pa'i phung po rnams kyang phung po nyid yin pa'i phyir dang/ 'byung ba dang 'jig pa'i chos can nyid yin pa'i phyir de bzhin gshegs pa ma yin no/ /de bzhin du byas pa nyid la sogs pa'i gtan tshigs dag gi phyir ro zhes kyang brjod par bya'o zhes bya ba ni 'di ltar sbyar te/ don dam par phung po rnams ni de bzhin gshegs pa ma yin te/ byas pa nyid dang/ mig gi yul nyid dang/ thogs pa dang bcas pa nyid dang/ dga' ba dang yongs su gdung ba'i rgyu nyid la sogs pa yin pa'i phyir/ dper na so so'i skye bo'i phung po rnams bzhin nam/ phyi rol kyi sa la sogs pa dag bzhin no zhes bya bar sbyar ro/ /yang na don dam par phung po rnams de bzhin gshegs pa ma yin te/ de dgag skye ba bkag pa'i phyir dang/ gzugs la sogs pa dgag rdzas su yod pa nyid bkag pa'i phyir ro/ /zhes bya bas ni dam bcas pa dang/ dpe snga ma'i gtan tshigs ni 'di gnyis yin par sbyar te/ re zhig de dag gis ni phung po rnams phyogs su bya ste/ de bzhin gshegs pa dgag pa bstan to/ da ni ye shes phyogs su bya ste/ de bzhin gshegs pa dgag pa bstan pa'i phyir/ yang na ye shes 'ba' zhig phyogs su byas nas brjod par bya ste/ don dam par ye shes ni de bzhin gshegs pa ma yin te/ 'byung ba dang 'jig pa'i chos can nyid yin pa'i phyir dang/ shes pa nyid yin pa'i phyir dper na so so'i skye bo'i shes pa bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na so so'i skye bo'i shes
- 197a
pa ni 'byung ba dang 'jig pa'i chos can nyid yin pa'i phyir dang shes pa nyid yin pa'i phyir/ /de bzhin gshegs pa ma yin pa de bzhin du de bzhin gshegs pa'i rnam par grol ba'i ye shes kyang 'byung ba dang 'jig pa'i chos can nyid yin pa'i phyir dang/ shes pa nyid yin pa'i phyir de bzhin gshegs pa ma yin no/ /'dir gal te mu stegs can dag 'di skad ces khyed sangs rgyas pa dag gis de bzhin gshegs pa'i sku mtshan dang dpe byang la sogs pas mtshan pa'i phung po rnams dang/ rnam par grol pa'i ye shes dag de bzhin gshegs pa ma yin par bsgrubs pa de ni bden te/ des na kho bo cag gi ston pa 'od srungs rdzogs byed la sogs pa'i lus g.yang gzhi dang/ ral pa dang/ shin shun la sogs pas mtshon pa'i phung po rnams dang/ de dag gi chos dang/ chos ma yin pa la sogs pa mngon par rtogs pa'i shes pa ni de bzhin gshegs pa yin no zhes zer na/ de dag la 'di skad ces tha snyad du yang rdzogs byed la sogs pa'i phung po dang shes pa ni de bzhin gshegs pa ma yin te/ rgyus 'tsho ba la sogs pa'i lus can yin pa'i phyir dang/ log par lta ba? la sogs pa'i blo can yin pa'i phyir dper na smad 'tshong ma'i lus dang/ glang bu'i sems bzhin no zhes brjod par bya'o/ /dam bca' pa gnyis pa bstan pa'i phyir/ mu stegs can dag phung po rnams las de bzhin gshegs pa gzhan yin par bsams nas bdag tu sgrub pa na 'dod pas de dag gi phyir 'di bshad de/ sku las gzhan ma yin/ de bzhin gshegs pa ste de dag las gzhan pa'i de bzhin gshegs pa yod par ston pa'i rjes su dpag pa med pa'i phyir dang/ phung po
- 197b
rnams las gzhan pa'i bdag dgag pa bzhin du de yang bkag ba'i phyir ro zhes bya ba smras te/ sngar dam bca' ba dang pos phung po rnams de bzhin gshegs pa ma yin par bkag pa dang/ 'dir mu stegs can dag phung po dang sa las de bzhin gshegs pa gzhan yin par sems shing/ de yang bdag tu sgrub bar 'dod pas de dag dgag pa'i phyir dam bca' pa gnyis pa 'di bshad do zhes bya bar sbyar ro/ /'di yang phung po rnams las ci zhig gzhan ma yin zhe na/ de bzhin gshegS pa'o zhes bstan pa'i phyir sku las gzhan ma yin/ de bzhin gshegs pa ste zhes bya ba smos so/ /ci'i phyir zhe na mu stegs can dag las ser skya dang rkang mig dang gzigs zan la sogs pa dag gi phung po de dag las gzhan pa'i de bzhin gshegs pa zhes bya ba bdag yod par ston pa'i rjes su dpag pa med pa'i phyir dang/ dbu ma pa la phung po rnams las gzhan pa'i bdag dgag pa'i rjes su dpag pa/ gal te phung po rnams las gzhan/ phung po'i mtshan nyid med par 'gyur/ zhes bya ba la sogs pa yod pa bzhin du/ de bzhin gshegs pa'i sku mtshan dang dpe byad la sogs pas mtshan pa'i phung po rnams las de bzhin gshegs pa gzhan ma yin par dgag pa'i rjes su dpag pa/ gal te phung po rnams las gzhan/ /phung po'i mtshan nyid med par 'gyur/ zhes bya bas don dam par de bzhin gshegs pa ni phung po rnams las gzhan ma yin te/ phung po'i mtshan nyid med pa'i phyir dper na mo gsham gyi bu bzhin no zhes bya ba dag yod pas de yang bkag pa'i phyir ro/ /dam bca' ba gsum pa bstan pa'i phyir/ phung po rnams las de bzhin gshegs pa gzhan yin par ma grub pa kho na'i phyir/ de la sku med ces gsungs te/ ji ltar gangs
- 198a
la sman dag yod pa de ltar ro zhes bya ba smras te/ 'dir yang de bzhin gshegs pa la ci zhig med ce na/ phung po rnams so zhes bstan pa'i phyir/ de las sku med ces gsungs te/ ji ltar gangs kyi rgyal po ti se la sman gyi rigs dag yod pa de ltar de bzhin gshegs pa la phung po rnams yod pa ma yin te/ gzhi de bzhin gshegs pa nyid ma grub pa'i phyir ro/ /'dir rjes su dpag pa ni don dam par de bzhin gshegs pa la phung po rnams yod pa ma yin te/ phung po rnams las de bzhin gshegs pa gzhan ma yin pa'i phyir/ dper na gangs la sman yod pa las bzlog pa bzhin no zhes bya bar sbyar ro/ /dam bca' ba bzhi pa bstan pa'i phyir/ der de med ji ltar shing ljon pa'i nags tshal dag na seng ge yod pa de ltar ro zhes bya ba smras te/ 'dir yang phung po rnams la ci zhig med ce na/ de bzhin gshegs pa'o zhes bstan pa'i phyir/ der de med ces gsungs te/ ji ltar seng ldeng gi nags tshal na gcan gzan gyi rgyal po seng ge yod pa de ltar phung po rnams la de bzhin gshegs pa yod pa ma yin te/ gnas pa de bzhin gshegs pa nyid ma grub pa'i phyir ro/ /'dir yang rjes su dpag pa ni don dam par de bzhin gshegs pa ni phung po rnams la yod pa ma yin te/ phung po rnams las de bzhin gshegs pa gzhan ma yin pa'i phyir/ dper na nags tshal na seng ge yod pa las zlog pa bzhin no zhes bya bar sbyar ro/ /dam bca' pa lnga pa bstan pa'i phyir de bzhin gshegs pa sku ldan min/ /ji ltar nor can nor dang ldan pa de ltar ro zhes bya ba smras te/ 'dir yang de bzhin gshegs pa ci zhig dang ldan pa ma yin zhe na/ sku ldan min zhes gsungs te/ ji ltar nor lha nor dang
- 198b
ldan pa de ltar de bzhin gshegs pa phung po rnams dang ldan pa ma yin te/ bdag po de bzhin gshegs pa nyid ma grub pa'i phyir ro/ /'dir yang rjes su dpag pa ni don dam par de bzhin gshegs pa phung po rnams dang ldan pa ma yin te/ phung po rnams las de bzhin gshegs pa gzhan ma yin pa'i phyir/ dper na nor can nor dang ldan pa las bzlog pa bzhin no zhes bya bar sbyar ro/ /da ni dam bca' ba rnam pa lnga po de dag gi mjug bsdu ba bstan pa'i phyir/ de'i phyir de ltar rnam pa lngas yongs su brtag na gang mi srid pa'i phyir/ de bzhin gshegs pa gang zhig yin/ /sgrub pa ji skad bstan pa dag gis yongs su brtags na de bzhin gshegs pa zhes bya ba yod pa ma yin pa nyid do zhes bya ba'i tshig gi don to zhes bya ba smras so/ /de nyid dpes bstan pa'i phyir/ dper na chom rkun pa nyid la mngon par ston pa dag la yongs su brtags pa na gang yang de yin par mi 'thad pa'i phyir tshom rkun pa gang zhig yin zhes bya ba bzhin no zhes bya ba smras te / dper na chom rkun pa nyid du grags pa yongs su brtags na gang yang chom rkun pa yin par mi 'thad pa'i phyir/ chom rkun pa gang zhig yin te med do zhes bya ba de bzhin du/ mdo sde pa dang bye brag tu smra ba de bzhin gshegs pa dngos por 'dod pa dag la rnam pa lngas yongs su brtags na gang yang de bzhin gshegs pa yin par mi 'thad pa'i phyir/ de bzhin gshegs pa gang zhig yin te/ don dam par ngo bo nyid med pa nyid do zhes bstan to/ /yang dpe gzhan bstan pa'i phyir yang dper na phung po rnams ma gtogs par skyes bu 'am dbang phyug ces bya ba gang zhig yin zhes bya ba bzhin no zhes bya ba smras te/ dper na skyes bu dang dbang phyug rgyur 'dod pa dag la rigs bas brtags na phung po rnams
- 199a
ma gtogs par skyes buAm dbang phyug ces bya ba med pas de gang yin zhes bya ba de bzhin du de bzhin gshegs pa dngos por 'dod pa dag la yang rig pas brtags na rnam pa lnga po dag ma gtogs par de bzhin gshegs pa zhes bya ba med pas de gang zhig yin zhes mjug bsdu ba bstan to/ /tshad ma'i 'bras bu bstan pa'i phyir/ de'i phyir de ltar de bzhin gshegs pa ma grub pas sgrub pa dpe ma tshang ba nyid kyi skyon yod do zhes bya ba smras te/ de ltar de bzhin gshegs pa rnam pa lngas brtags na ma grub pa sngar mdo sde pa dang bye brag tu smra ba dag gis don dam par gzugs la sogs pa dngos po rnams ngo bo nyid yod pa kho na yin te dngos po yin pa'i phyir/ dper na de bzhin gshegs pa'i sku bzhin no zhes smras pa'i dpe ma grub pa'i phyir pha rol po dag gi sgrub pa dpe ma tshang ba nyid kyi skyon yod pas don dam par gzugs la sogs pa dngos po rnams ngo bo nyid yod par dam bcas pa ma grub pas/ bstan bcos mdzad pas sngar don dam par gzugs la sogs pa dngos po rnams ngo bo nyid med pa nyid du dam bcas pa'i dgongs pa grub po// //bam po bdun bcu pa'o/ /gzhan dag gis smras pa/ de bzhin gshegS pa ni phung po rnams la brten nas 'grub pa'i phyir kho bo cag la sgrub pa nges mi gnod do zhes bya ba ni 'dir rang gi sde ba dag la gzhan dag na re/ de bzhin gshegs pa ni phung po rnams kyang ma yin la/ phung po rnams las kyang gzhan ma yin te/ de nyid gzhan nyid du brjod par bya ba ma yin pas/ khyed kyis sku min sku las gzhan ma yin/ zhes bshad pa de ni bden no/ /de bzhin gshegs pa phung po rnams la brten nas 'grub pa'i phyir kho bo cag la khyed kyis
- 199b
de nyid dang gzhan nyid dgag pa'i sgrub pa ji skad smras pas mi gnod do zhes zer ba'i tshig yin no/ /de skad ces zer ba de'i lan du 'grel pa byed pa nyid kyis 'dir bshad pa/ gal te sangs rgyas phung po la/ /brten nas gdags par 'dod na ni/ /'o na de ltar na/ ngo bo nyid las med/ ces bya ba smras te/ 'dis ni gal te de bzhin gshegs pa phung po rnams la brten nas gdags par 'dod na de lta na gzhan gyi dngos po la brten nas gdags pa yin pas bdag gi dngos po las 'grub pa med pa'i phyir de bzhin gshegs pa ngo bo nyid med pa dang/ rdzas su yod pa ma yin no zhes ston to/ /de nyid bstan pa'i phyir/ de bzhin gshegs pa ngo bo nyid med pa dang/ rdzas su yod pa ma yin no zhes bya ba'i tha tshig ste/ de ni dam bca' ba nye bar bzhag pa'o zhes bya ba smras te/ des ni de bzhin gshegs pa phung po rnams la brten nas gdags par 'dod na ngo bo nyid med pa dang rdzas nyid du rdzas su yod pa ma yin no zhes dam bca' ba nye bar bzhag pa bstan te de ni phyogs yin no/ /phyogs kyi chos ni khong na yod do zhes bya ba ni/ de bzhin gshegs pa ngo bo nyid med pa dang rdzas su yod pa ma yin par sgrub pa'i phyogs kyi chos gtan tshigs ni dam bca' ba nye bar bzhag pa nyid kyi khongs? na yod do/ /brten nas gdags par bya ba dang rdzas su yod pa ma yin par sbyar ro/ /dpe ni de'i dbang gis 'gal me'i 'khor lo dang bum pa dag yin no zhes bya ba ni de bzhin gshegs pa ngo bo nyid med pa dang/ rdzas su yod pa ma yin par sgrub pa'i dpe ni phyogs dang phyogs kyi chos de'i dbang gis rgol ba dang phyir rgol ba gnyi ga la grags pa'i chos 'gal me'i 'khor lo dang bum pa yin te/ de ni chos mthun pa'i dpe yin no/ /de ltar phyogs dang/ phyogs kyi chos dang/ dpe dag bstan nas/ da ni
- 200a
rjes su dpag ba bstan pa'i phyir/ 'dir rjes su dpag pa ni don dam par de bzhin gshegs pa ngo bo nyid med pa dang rdzas su yod pa ma yin te/ gdags par bya ba yin pa'i phyir dper na 'gal me'i 'khor lo bzhin nam/ rdzas su yod pa ma yin pa'i phyir dper na bum pa bzhin no zhes bya ba smras te/ de dag ni chos can dang/ bsgrub par bya ba chos rnam pa gnyis dang/ sgrub pa'i chos rnam pa gnyis dang/ dpe rnam pa gnyis yin par go rim bzhin du sbyar te/ dper na 'gal me'i 'khor lo ni gdags par bya ba'i phyir ngo bo nyid med pa dang/ bum pa ni rdzas su med pa'i phyir rdzas su yod pa ma yin pa de bzhin du de bzhin gshegs pa yang phung po rnams la brten nas gdags bar bya ba yin pa'i phyir ngo bo nyid med pa dang/ rdzas su med pa'i phyir rdzas su yod pa ma yin no/ /mi mkhas pa kha cig gis 'dir smras pa/ gal te re zhig mtshan nyid las/ /gang zhig blos gzhan sel ba la/ /de blo med pa bum chu bzhin/ /de na? kun rdzob yod pa yin/ /don dam yod pa don gzhan no/ /zhes 'byung ba des rdzas su yod pa nyid 'gog par byed na ni kho bo cag la mi gnod de/ 'di ltar bum pa zhig pa dang blos gzhan sel ba na de dag las gzhan pa'i gzugs dag de dag ni blo yod pas de dag rdzas su yod pa yin pa'i phyir ro zhes bya ba ni 'dir chos mngon pa ba dag sngar dbu ma pas don dam par de bzhin gshegs pa rdzas su yod pa ma yin te/ rdzas su yod pa ma yin pa'i phyir dper na bum pa bzhin no zhes smras pa'i gtan tshigs dang/ dpe des bum pa yang rdzas su yod pa ma yin par mi 'grub la/ de bzhin gshegs pa yang rdzas su yod pa ma yin par mi 'grub bo zhes zer ba'i tshig yin te/ de dag na re/ chos mngon pa'i mtshan nyid las gang
- 200b
zhig pa la de'i blo med pa bum pa lta bu dang/ blos gzhan sel ba la de'i blo med pa chu lta bu de ni kun rdzob tu med pa yin la/ don dam par yod pa ni de dag las gzhan pa'i don yin te/ kun rdzob tu yod pa ni btags par yod pa zhes bya ste/ don dam par yod pa ni rdzas su yod pa zhes bya'o zhes 'byung ste/ de la gang zhig ba la de'i blo med pa bum pa lta bu kun rdzob tu yod pa de'i mtshan nyid gang zhe na/ dngos po gang zhig pa la dngos po de'i blo skye ba dper na bum pa zhig pa la bum pa de'i blo yang mi skye la/ blo gzhan yang mi skye ba lta bu de ni kun rdzob tu yod pa yin te/ btags par yod pa zhes bya'o/ /blos gzhan sel ba la de'i blo med pa chu lta bu kun rdzob tu yod pa de'i mtshan nyid gang zhe na/ blos dngos po gzhan bsal pa la dngos po de'i blo mi skye ba dper na rgya mtsho'i steng ka nas bcus pa'i rgya mtsho dang lteng ka'i blo yang mi skye la/ blo gzhan yang mi skye ba lta bu de yang kun rdzob tu yod pa yin te/ btags par yod pa zhes bya'o/ /don dam par yod pa ni de dag las gzhan pa'i don yin te zhes bya ba de'i mtshan nyid gang zhe na/ dngos po gang zhig pa dang blos bsal kyang de las gzhan pa'i blo skye ba dper na bum pa zhig kyang de las gzhan pa gyo mo'i blo skye ba lta bu dang/ rgya mtsho 'am lteng ka nas bcus pa'i tshul? blos rgya mtsho dang lteng ka bstsal kyang de dag las gzhan pa chu'i blo skye ba lta bu de ni don dam par yod pa yin te/ rdzas su yod pa zhes bya'o/ /de lta bas na khyed dbu ma pas rdzas su yod pa ma yin pa'i phyir dper na bum pa bzhin no zhes bshad pa de gal te re zhig kho bo cag gi chos mngon pa'i mtshan nyid de'i sgo nas rdzas su yod pa nyid 'gog par byed na ni des kho bo cag la mi gnod do/ /ci'i phyir zhe na/ 'di ltar bum pa zhig pa dang
- 201a
blos gzhan sel ba na de dag la de dag nyid kyi blo skye ba med par de dag kun rdzob tu btags par yod pa yin du zin kyang bum pa zhig pa dang/ blos gzhan bsal ba de dag las gzhan pa'i gzugs gyo mo dang chu dag la de dag gi blo skye ba yod pas de dag don dam par rdzas su yod pa yin pa'i phyir te/ des na ji ltar gyo mo dang chu ngag? don dam par rdzas su yod pa de bzhin du bum pa ma zhig pa dang/ rgya mtsho dang lteng ka blos ma bsal ba de dag kyang don dam par rdzas su yod pa yin pa'i phyir khyed kyis rdzas su yod pa ma yin pa'i phyir dper na bum pa bzhin no zhes bshad pa'i gtan tshigs dang po de dag ma grub pas don dam par bum pa yang rdzas su yod pa yin la/ de bzhin gshegs pa rdzas su yod pa yin no zhes zer ro/ /de skad ces zer ba de'i lan du 'dir 'grel pa byed pa nyid kyis/ de ni bzang po ma yin te/ rdzas su yod pa la mtshan nyid kyis gnod pa'i phyir ro zhes bya ba smras te/ de ni sngar pha rol po dag gis chos mngon pa'i mtshan nyid las gang zhig pa la de'i blo med pa bum pa lta bu dang blos gzhan sel ba la de'i blo med pa chu lta bu de ni kun rdzob tu yod pa yin la/ gang zhig pa dang blos bsal kyang de las gzhan pa'i blo skye ba dper na bum pa zhig kyang de las gzhan pa gyo mo'i blo skye ba lta bu dang/ rgya mtsho 'am lteng ka nas bcus pa'i chu la rgya mtsho dang lteng ka bsal kyang de dag las gzhan pa chu'i blo skye ba lta bu de ni don dam par yod par 'byung bas/ khyed dbu ma pas rdzas su yod pa ma yin pa'i phyir dper na bum pa bzhin no zhes bshad pa de gal te re zhig kho bo cag gi chos mngon pa'i mtshan nyid de'i sgo nas rdzas su yod pa nyid 'gog par byed na ni de kho bo cag la mi gnod de/ ci'i phyir zhe na/ 'di
- 201b
ltar bum pa zhig pa dang blos gzhan sel ba na de dag nyid kyi blo skye ba med pas de dag kun rdzob tu btags par yod pa yin du zin kyang bum pa zhig pa dang blos gzhan bsal ba de dag las gzhan pa'i gzugs gyo mo dang chu dag la de dag gi blo skye ba yod pas de don dam par rdzas su yod pa'i phyir te/ des na ji ltar gyo mo dang chu dag don dam par rdzas su yod pa de bzhin du bum pa ma zhig pa dang/ rgya mtsho dang lteng ka blos ma bsal ba dag kyang don dam par rdzas su yod pa ma yin no zhes smras pa des ji ltar gyo mo dang chu dag don dam par rdzas su yod pa de bzhin du bum pa zhig pa dang/ rgya mtsho dang lteng ka blos ma bsal ba dag kyang don dam par rdzas su yod do zhes dam bcas pa'i rdzas su yod pa de la chos mngon pa'i mtshan nyid las gang zhig pa la de'i blo med pa bum pa lta bu dang blos gzhan sel ba la de'i blo med pa chu lta bu de ni kun rdzob tu btags par yod pa yin gyi/ don dam par rdzas su yod pa ma yin no zhes 'byung ba'i mtshan nyid des gnod pa'i phyir bum pa ma zhig pa dang/ rgya mtsho dang lteng ka blos ma bsal ba dag dang gyo mo dang chu dag spyir mtshan nyid 'dra bar rdzas su yod par mi 'grub pas pha rol po dag gi rtog pa de ni bzang po ma yin no zhes ston to/ /de nyid bstan pa'i phyir/ gang zhig pa de rdzas su yod pa la gnod pa nyid do zhes bya ba smras te/ des ni pha rol po dag bum pa zhig pa na gyo mo la gyo mo'i blo skye bas gyo mo de rdzas su yod par 'dod pa la chos mngon pa'i mtshan nyid las bum pa zhig pa la bum pa'i blo skye pa med pas bum pa zhig pa de kun rdzub tu btags par yod pa yin gyi/ don dam par rdzas su yod pa ma yin no zhes 'byung ba'i mtshan nyid des gnod pa nyid do zhes ston to/ /de yang 'di ltar sbyar te/ gang gi tshe bum pa zhig pa de la bum pa'i blo mi skye
- 202a
bas de rdzas su yod pa ma yin pa de bzhin du phyis gyo mo de zhig par gyur pa na yang de la gyo mo'i blo mi skye pas de yang rdzas su yod pa ma yin no/ /de bzhin du phyis gyo mo nam zhig na gyo mo de'i gyo dum zhigs par gyur pa na yang de la de'i blo skye bas de yang rdzas su yod pa ma yin te/ tshul 'di bsgres nas gyo dum de'i shes dum grugs dang/ rdul dang rdul phra mo dang rdul phra rab dang/ phyogs cha med pa'i rdul gyi mthar thug pa'i par dag zhig par gyur pa na yang de dag la de dag gi blo mi skye bas de dag kyang rdzas su yod pa ma yin pas pha rol po dag gis bum pa zhig pa de las gzhan pa'i gzugs gyo mo la sogs pa gang dag la de dag gi blo skye ba yod pa de dag don dam par rdzas su yod pa de bzhin du bum pa ma zhig pa yang rdzas su yod par dam bcas pa de la chos mngon pa'i mtshan nyid des gnod pa'i phyir pha rol po dag gi dam bcas pa de ma grub pas bstan bcos mdzad pas dper na bum pa rdzas su yod pa ma yin pa de bzhin du de bzhin gshegs pa yang rdzas su yod pa ma yin no zhes dam bcas pa'i dgongs pa grub bo/ /'dir gal te pha rol po dag 'di skad ces bum pa dang gyo mo la sogs pa dag zhig pa la de dag gi blo mi skye ba de dag don dam par rdzas su yod pa ma yin pa de ni bden mod kyi/ 'on kyang de dag ma zhig pa la de dag gi blo skye ba yod pas ma zhig pa de dag don dam par rdzas su yod par chos mngon pa'i mtshan nyid las 'byung ba khyed mi 'dod na ni de lta na khas blangs pa la gnod par 'gyur ro zhes zer pa'i phyogs snga ma khong nas dbyung ba de'i lan du 'dir 'grel pa byed pa nyid kyis/ de'i blo med pa zhes nges par gzung ba'i phyir gang ma zhig pa de la yang de'i blo med do zhes smras te/ yang gi sgras ni gang zhig pa de la
- 202b
yang de'i blo med do zhes bya ba bsdu'o/ /'dis ni 'di skrang bstan te/ chos mngon pa'i mtshan nyid las/ gang zhig blos gzhan sel ba la/ /de'i blo med bum chu bzhin/ /de ni kun rdzob yod pa yin/ zhes 'byung ba'i skabs kyi de'i blo med pa/ zhes bya ba'i sgra kho bos 'dir nges par gzung ba'i phyir/ gang zhig pa 'ba' zhig la de'i blo med par ma zad kyi/ /gang ma zhig pa de la yang de'i blo med par 'dra bas na bum pa la sogs pa gang zhig pa la de'i blo med pas de rdzas su yod pa bzhin du gang ma zhig pa la yang de'i blo med pas de yang rdzas yod pa ma yin par don dam pa'i chos mngon pa 'di nyid kyi chul? gyis mngon par khas blangs pa la gnod par mi 'gyur/ 'dir gal te pha rol po dag na re/ de ltar gang zhig pa dang ma zhig pa de la de'i blo skye ba med pas de rdzas su yod pa ma yin du zin kyang blos gzhan sel ba la de'i blo med pa de las gzhan pa blos ma bsal ba la de'i blo skye ba yod pa de don dam par rdzas su yod pa yin no zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis/ nye bar len pa dang bcas pa gzhan dag sel ba la gzhan sel ba zhes bya bar 'dod pa'i phyir ro zhes bya ba smras te/ 'dis ni ji ltar zhig pa dang ma zhig pa la de'i blo skye ba med pas rdzas su yod pa ma yin pa de bzhin du blos gzhan bsal ba dang ma bsal ba la yang de'i blo skye ba med pas rdzas su yod pa ma yin no zhes ston te/ ji ltar zhe na/ dbu ma pa ni gzhan sel ba zhes bya ba'i don ji ltar dngos po'i ngo bo nyid don dam par skye ba med par bsal ba bzhin du dngos po nye bar len pa'i rgyu dang bcas pa gzhan dag kyang don dam par skye ba med pa'i tshul gyis sel pa la gzhan sel ba zhes bya bar 'dod pas des na blos gzhan bsal ba la de'i blo med pa
- 203a
chu lta bu de'i mi mthun pa'i phyogs de las gzhan pa blos ma bsal ba'i dngos po med pa'i phyir/ ji ltar blos gzhan sel ba la de'i blo med pas don dam par rdzas su yod pa ma yin pa de bzhin du blos gzhan ma bsal ba la yang de'i blo med par 'dra bas de yang don dam par rdzas su yod pa ma yin no/ /gzhan dag gis smras pa/ don dam par bum pa ni rdzas su yod pa yin te/ shes bya yin pa'i phyir dper na gzugs bzhin te/ shes par bya ba yin pas rdzas de shes par bya ba ni rtogs par bya ba zhes bya ba'i tha tshig go /zhes bya ba ni 'dir chos mngon pa pa bdag nyid brda sprod pa pa'i tha ma lag gi rjes su zhugs nas dbu ma pas rdzas su yod pa ma yin pa'i phyir dper na bum pa bzhin no zhes smras pa'i dpe de bsgrub par bya ba chos kyis stong par skyon 'dogs shing bum pa rdzas su yod par sgrub pa'i rjes su dpag pa ston pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang nye bar sbyar ba'i sbyor ba yin par go rim bzhin du sbyar te/ dper na gzugs ni shes bya yin pa'i phyir rdzas su yod pa yin pa de bzhin du bum pa yang shes bya yin pa'i phyir rdzas su yod pa yin te/ shes bya yin pa'i gtan tshigs kyis rdzas yod pa yin par ji ltar sgrub ce na/ de'i nye bar sbyar ba'i sbyor ba ni shes par bya ba yin pas rdzas de shes par bya ba ni rtogs par bya ba'i don yin la/ de ni rdzas yin pa'i phyir ro zhes bya par sbyar ro/ /de nyid kyi khungs bstan pa'i phyir/ mtshan nyid las shes par bya ba'i skod kyi byings dag ni rtogs par bya ba'i don yin par 'byung ba'i phyir ro zhes bya ba smras te/ /brda sprod pa'i mtshan nyid las shes
- 203b
par bya ba'i skad kyi byings dag ni rtogs par bya ba'i don yin par 'byung ba'i phyir/ 'dir yang shes par bya ba ni rtogs par bya ba zhes bya ba'i don yin la/ da ni rdzas yin pas de'i phyir shes bya yin pa'i phyir zhes pa'i gtan tshigs kyis rdzas su yod pa yin par sgrub tu rung bas/ des na gzugs dang bum pa dag shes bya yin pa'i phyir rdzas su yod pa nyid du grub bo/ /de nyid kyi mjug bsdu ba bstan pa'i phyir/ bum pa la sogs pa dag kyang rdzas su yod pa nyid du grub pas bum pa dang chu bzhin du kun rdzob tu yod pa yin no zhes bya ba'i khungs kyang med do zhes bya ba smras te/ de ltar brnga sprod pa pa'i tha ma lag gis bum pa dag gzugs dag rdzas su yod pa nyid du grub pas chos mngon pa'i mtshan nyid las/ gang zhig blos gzhan sel pa la/ /de'i blo med pa bum chu bzhin/ /de ni kun rdzob yod pa yin/ zhes 'byung ba de yang 'dir re zhig khungs su mi bya'o zhes zer ro/ /de skad ces zer ba de'i lan du 'dir 'grel pa byed pa nyid kyis de yang bzang po ma yin te/ don dam par gzugs rdzas su yod pa nyid du ma grub pa'i phyir dper med do zhes bya ba smras te/ pha rol po dag brnga sprod pa pa'i tha ma lag gi rjes su zhugs nas rang gi lung bor te byung rgya la ji skad smras su zin kyang kho bo cag gi phyogs la don dam par gzugs rdzas su yod pa nyid du ma grub pa'i phyir pha rol po dag gis dper na gzugs bzhin te zhes smras pa'i dpe med pas bum pa yang rdzas su yod par ma grub bo/ /de'i phyir kho bo cag la ni chos mngon pa'i mtshan nyid las/ gang zhig blos gzhan sel pa la/ /de'i bo med par bum chu bzhin/ /de ni kun rdzob yod? ba yin/ /zhes bya ba'i khungs de yang med pa ma yin no/ /da ni de ltar don dam pa pa'i chos mngon pa'i tshul grub mod
- 204a
kyi/ kun rdzob pa'i chos mngon pa'i tshul yang kho bo cag khas len pas de nyid chos mngon pa la mi mkhas pa khyed nyon cig ces bstan pa'i phyir/ tha snyad du ni mtshan nyid ji skad smras pa nyid kyis dngos po thams cad btags par yod pa nyid kyang yang gang zhig kyang de'i blo mi 'jig pa de ni rdzas su yod pa yin la/ gang zhig pa na de'i blo med pa de ni btags par yod pa yin par rnam par bzhag go zhes bya ba smras te/ tha snyad du na chos mngon pa'i mtshan 'di las/ gang zhig blos gzhan sel ba la/ /de blo med pa bum chu bzhin/ /de ni kun rdzob yod pa yin/ zhes ji skad smras pa nyid kyis/ dngos po thams cad btags par yod pa nyid yin yang de la bye brag tu dbye na/ bum pa las sogs pa'i dngos po gang zhig kyang gyo mo la sogs pa de'i blo mi 'jig pa'i gyo mo la sogs pa de ni rdzas su yod pa yin la/ bum pa la sogs pa gang zhig pa na bum pa la sogs pa de'i blo med pa'i zhig pa de ni btags par yod pa yin par rnam par bzhag bas des na kun rdzob tu chos mngon pa'i mtshan nyid dang yang mi 'gal lo/ /dngos po med pa yang dngos po med pa'i tshul gyi shes bya yin yang rdzas su yod pa nyid ma yin pas ma nges pa nyid kyang yin no zhes bya bas ni pha rol po dag gi gtan tshigs shes bya yin pa'i phyir zhes bya ba de ma nges pa nyid du ston te/ 'di na ri bong gi rwa la sogs pa dngos po med pa dag kyang dngos po med pa'i chul gyis shes bya yin yang rdzas su yod pa nyid ma yin par mthong bas des na ci re zhig shes bya yin pa'i phyir gzugs bzhin du bum pa rdzas su yod par 'gyur ram/ 'on te shes bya yin pa'i phyir/ ri bong gi rwa la sogs pa bzhin du
- 204b
bum pa rdzas su yod pa ma yin par 'gyur ba ma nges pas pha rol po dag gi gtan tshigs de mi rung ngo/ /de rdzas su yod pa nyid du rtog na ni grags pa dang lung gis gnod par 'gyur pas de yang rigs pa ma yin no zhes bya bas ni/ gal te pha rol po dag shes par bya ba yin pas rdzas de zhes bya ba'i tshig gi ri bong gi rwa la sogs pa dngos po med pa de dag kyang rdzas su yod pa nyid du rtog na ni 'jig rten la grags pa dang lung gis gnod par 'gyur bas de yang rigs pa ma yin no zhes bstan te/ de ltar bum pa rdzas yod par ma grub pas bstan bcos mdzad pas/ dper na bum pa rdzas su yod pa ma yin pa de bzhin du de bzhin gshegs pa yang rdzas su yod pa ma yin no zhes dam bcas pa'i dgongs pa grub po/ /gzhan dag gis smras pa/ phung po lnga ni gdags par bya ba yin yang ngo bo nyid yod pa ma yin la/ de yang de bzhin gshegs par gdags par brjod par bya ba yin pas de bzhin gshegs pa de'i ngo bo nyid bcos ma ma yin pa glo ba la nges par bzhag nas/ de bzhin gshegs pa ngo bo nyid med do zhes sgrub na ni grub pa la sgrub pa yin te/ phung po rnams byas pa yin pa'i phyir ro zhes bya ba la sogs pas ni gzhan gyi dbang gis ngo bo nyid yod par smra ba dag sngar dbu ma pas don dam par de bzhin gshegs pa ngo bo nyid med de gdags par bya ba yin pa'i phyir dper na 'gal me'i 'khor lo bzhin no zhes smras pa'i gtan tshigs dang dngos po de dag gis kun btags pa'i ngo bo nyid kyi de bzhin gshegs pa ngo bo nyid med par sgrub na ni grub pa la sgrub pa yin la/ gzhan gyi dbang gi ngo bo nyid kyi de bzhin gshegs pa ngo bo onyid med par sgrub na ni dpe med do zhes zer ba'i tshig yin te/ nde dag na re/ 'di ltar phung po lnga ni de dag la de bzhin gshegs par gdags par bya ba yin yang de dag la kun btags
- 205a
pa'i ngo bo nyid med par zad kyi/ gzhan gyi dbang gi ngo bo nyid med pa ma yin no/ /de la da khyed dbu ma pa dag de bzhin gshegs pa de'i ngo bo nyid bcos ma ma yin pa gzhan gyi dbang gi ngo bo nyid kyi de bzhin gshegs pa gang yin pa de ni ngo bo nyid med pa ma yin no zhes blo la nges par bzhag nas/ kun btags pa'i ngo bo nyid kyi de bzhin gshegs pa bcos ma de ngo bo nyid med do zhes sgrub na ni grub pa la sgrub pa yin te/ 'di ltar kho bo cag la yang phung po rnams kun brtags pa'i 'khrul pas byas shing bskyed pa'i phyir de dag la kun brtags pa'i ngo bo nyid med par grub pa'i phyir ro/ /de bas na kun brtags pa'i ngo bo nyid kyi de bzhin gshegs pa ngo bo nyid med par sgrub na ni grub pa la sgrub pa yin no/ /'on te gzhan las byung ba'i dngos po rgyu dang rkyen gzhan dag las byung zhing skyes pa bdag nyid thob pa gang yin pa 'gog par byed na ni 'o na de ni dpe med de/ dngos pos thams cad ni gzhan las byung ba'i mtshan nyid kyis ngo bo nyid kyi ngo bo nyid dang bcas pa yin pas 'di ltar kho bo cag ni 'gal me'i 'khor lo'i gzugs la sogs pa mig gi rnam par shes pa rnam par rtog pa med pa'i spyod yul gang dag yin pa de dag ngo bo nyid dang bcas pa kho na yin par 'dod pa'i phyir ro/ /zhes bya bas ni gzhan gyi dbang gis ngo bo nyid kyis de bzhin gshegs pa ngo bo nyid med par sgrub na ni dpe med par ston te/ de dag na re/ khyed kyi gtan tshigs dang dpe des gzhan gyi dbang gi ngo bo nyid gzhan las byung ba'i dngos pos rgyu dang rkyen gzhan las byung zhing skyes pa bdag nyid thob pa'i de bzhin gshegs pa 'gog par byed na ni/ des na khyed kyi dpe 'gal me'i 'khor lo bzhin no zhes 'od ltar dngos
- 205b
thams cad ni rkyen gzhan las byung? pa'i mtshan nyid yin pas rang gi ngo bo nyid las ma skyes pa'i phyir skye ba ngo bo nyid med pa nyid yin du zin kyang gzhan gyi dbang gis byung ba'i dngos po'i ngo bo nyid kyis ngo bo nyid dang bcas pa yin pas/ des na 'di ltar kho bo cig ni 'gal me'i 'khor lo gzugs dang sgra dang dri dang ro dang reg pa dang/ mig dang rna ba dang sna dang lce dang lus kyi rnam par shes pa rnam par rtog pa med pa'i spyod yul kun brtags pa dang bral ba gzhan gyi dbang gi ngo bo nyid don dam par yang ngo bo nyid yod par 'dod pas/ des na khyed kyi gdags par bya ba yin pa'i phyir ngo bo nyid med de dper na 'gal me'i 'khor lo bzhin no zhes smras pa'i dpe med do/ /de ltar sgrub pa la sgrub na yang gtan tshigs skyon chags pa yin la/ dpe med na yang sgrub pa ma tshang ba'i skyon yod pa yin pas dbu ma pa'i gtan tshigs ma grub pa'i phyir/ gzhan gyi dbang gi ngo bo nyid kyi ngo bzhin gshegs pa ni don dam par ngo bo nyid med pa ma yin no// zhes zer ro/ /de skad ces zer ba de'i lan bu 'dir 'grel pa byed pa nyid kyis/ de ni bzang po ma yin te zhes bya ba la sogs pa smras te/ dbu ma pas kun tu brtags pa'i ngo bo nyid kyis de bzhin gshegs pa 'ba' zhig don dam par ngo bo nyid med par mi sgrub pas sgrub pa la sgrub pa yin no zhes zer ba'i lan ni gdab? mi dgos so/ /dpe med de zhes zer ba'i lan gdab? par bya ste/ pha rol po dag gzhan gyi dbang gi ngo bo nyid kyis de bzhin gshegs pa don dam par ngo bo nyid yod par 'dod cing 'gal me'i 'khor lo'i gzugs la sogs pa nyid yod par sgrub pa dang/ dbu ma ba'i dpe med de zhes zer ba de ni bzang po ma yin te/ ci'i phyir zhe na/ 'dir 'gal me'i 'khor lo nyid ni 'khrul pa ste zhes
- 206a
bya ba smras te/ 'gal me gcig 'greng gi rtse mo la 'khor lo med bzhin du myur du bskor ba'i dbang gis 'khor lo 'dra bar mthong ba ni 'khrul pa yin pas ngo bo nyid med pa'i phyir kho bo'i dpe med pa ma yin no/ /de nyid bstan pa'i phyir/ ngos dang steng dang 'og gi nam mkha' i cha dang 'gal me la 'khor lo'i ngo bo nyid kyis stong pa dpe nyid du 'dod pa'i phyir dang zhes bya ba smras te/ de ltar nam mkha' i cha dang 'gal me la 'khor lo'i ngo bo nyid med bzhin du brten nas 'khor lo gdags pa yin pas 'khor lo'i dpe grub pa'i phyir/ dper na 'gal me'i 'khor lo 'di la brten nas gdags par bya ba yin pa'i phyir ngo bo nyid med pa bzhin du de bzhin gshegs pa yang phung po rnams la brten nas gdags par bya ba yin pa'i phyir ngo bo nyid med do zhes dam bcas pa grub po zhes bya bar sbyar ro/ /'gal me'i gzugs la sogs pa dag gi skye ba bkag pa'i phyir dang zhes bya ba yang dpe ma grub po zhes bya bar sbyar te/ gal te pha rol po dag na re/ 'khor lo nyid med kyang 'gal me'i gzugs la sogs pa yod pas gzhan gyi dbang gi ngo bo nyid yod par grub pas dbu ma pa'i dpe med do zhe na/ de ni kho bos sngar skye ba med pa'i rab tu byed par bkag zin pa'i phyir dpe med pa yin no/ /rdzas su yod pa nyid bkag pa'i phyir dang zhes bya ba yang de bzhin du sbyar te/ phung po brtags pa'i rab tu byed par rdzas su yod pa nyid bkag ba'i phyir ro/ /de bzhin du mig gi rnam par shes pa la sogs pa'i spyod yul gzugs la sogs pa de dag mig gi lta ba dgag pa bzhin du bkag pa'i phyir ro zhes bya ba yang de bzhin du sbyar te/ sngar pha rol po dag na re/ 'di ltar kho bo cag ni 'gal me'i 'khor lo'i gzugs
- 206b
la sogs pa mig gi rnam par shes pa rtog pa med pa'i spyod yul gang yin pa de dag ngo bo nyid dang bcas pa kho na yin par 'dod pa'i phyir ro zhes zer ba'i lan kyang yin no/ /de yang sngar skye ma ched brtag pa'i rab tu byed par bkag zin pa'i phyir/ kho bo'i dpe grub pas gzhan gyi dbang gi ngo bo nyid yod par smra ba dag gi gzhung nyams shing bstan bcos mdzad pas dper na 'gal me'i 'khor lo la ngo bo nyid med pa de bzhin du de bzhin gshegs pa la yang ngo bo nyid med do zhes dam bcas pa'i dgongs pa grub bo/ /ro zhig de dag gis ni/ gal te sangs rgyas phung po la/ /rten nas ngo bo nyid las med/ /ces bya ba tshig le'ur byas pa phyed kyis de bzhin gshegs pa ngo bo nyid las yod pa ma yin par bstan to/ / da ni gzhan gyi dngos po las kyang yod pa ma yin par bstan pa'i phyir/ ngo bo nyid las gang mod pa/ /de gzhan dngos las ga la yod/ /bdag gi dngos po'i dngos po gzhan la ltos nas gzhan nyid 'grub pa'i phyir ro zhes bya bar dgongs so zhes bya ba smras te/ de bzhin gshegs pa zhes bya ba'i bdag gi dngos po'i ngo bo nyid yod na de la bltos nas de'i rgyu dang rkyen rnams gzhan gyi dngos po zhes bya bar 'grub pas de gzhan gyi dngos po de las 'grub par yang 'gyur grang na/ gal te sangs rgyas phung po la/ /brten nas ngo bo nyid las med/ /ces bya ba'i rig pas bdag gi dngos po med pas rgyu rkyen rnams kyang gzhan du ma grub pa'i phyir de bzhin gshegs pa de bzhin gyi dngos po las kyang grub pa med do/ /yang gzhan yang zhes bya ba la sogs pas ni sngar gzhan dag gis de bzhin gshegs pa ni phung po rnams la brten nas 'grub pa'i phyir kho bo cag la sgrub pa des mi gnod do zhes smras pa'i phyogs snga ma'i bsam pa
- 207a
blangs nas/ de bzhin gshegs pa phung po la brten nas gdags pa yin na bdag nyid du mi mthad pa sgrub pa rnam pa gzhan ston to/ /de la gang zhig gzhan gyi dngos brten nas/ gdags pa'o zhes bya ba ni chos can no/ /de bdag nyid du mi mthad do zhes bya ba ni bsgrub par bya ba chos so/ /gzhan gyi dngos po la brten nas gdags par bya ba yin pa'i phyir zhes bya ba ni sgrub pa'i chos so/ /dper na sgyu ma'i skyes bu bzhin te zhes bya ba ni dpe'o/ /de ni bdag nyid med de ngo bo nyid med do zhes bya ba'i tha tshig go zhes bya ba ni mjug bsdu ba ste/ dper na sgyu ma'i skyes bu ni rma bya'i mdongs la sogs pa'i mtshan nyid gzhan gyi dbang gi dngos po la brten nas gdags par bya ba yin pa'i phyir bdag nyid du mi mthad pa de bzhin du de bzhin gshegs pa yang phung po'i mtshan nyid gzhan gyi dbang gi dngos po la brten nas gdags par bya ba yin pa'i phyir bdag nyid bdag nyid du mi mthad de/ gang brten nas gdags pa de ni bdag nyid med de ngo bo nyid med do zhes bya ba'i tha tshig go /de ltar gang zhig bdag nyid med pa de/ ji ltar de bzhin gshegs par 'gyur/ /dngos po rnams ngo bo nyid yod par sgrub pa'i dpo? zhes bya bar dgongs so zhes bya ba ni mjug bsdu ba ste/ gang brten nas gdags pa ngo bo nyid med pa de ni don dam par yod pa ma yin pas pha rol po bdag gis dngos po rnams ngo bo nyid yod par sgrub pa'i de bzhin gshegs pa zhes bya ba yod pa ma yin no zhes bya ba'i tha tshig go /de'i phyir sgrub pa dpe ma tshang ba'i skyon de nyid yod do zhes bya ba ni tshad ma'i 'bras bu ste/ de ltar don dam par de bzhin
- 207b
gshegs pa ngo bo nyid med pa nyid du grub pas sngar pha rol po dag gis don dam par gzugs la sogs pa dngos po rnams ngo bo nyid yod pa kho na yin te/ dngos po yin pa'i phyir dper na de bzhin gshegs pa'i sku bzhin no zhes smras pa'i sgrub pa dpe mchad pa'i skyon nyid yod pas sngar bstan bcos mdzad pas don dam par gzugs la sogs pa dngos po rnams ngo bo nyid med do zhes dam bcas ba'i dgongs pa grub bo/ /yang na pha rol po dag 'di skad ces ngo bo nyid las ma grub tu za? ni kyang gzhan gyi dngos po las grub pas dpe nyid grub ba'i phyir dngos po rnams ngo bo nyid yod pa kho nar grub po zhes zer ba la 'dir bshad pa/ gal te ngo bo nyid med na/ /gzhan dngos po yod par ji ltar 'gyur/ /ngo bo nyid ma grub pa kho na'i phyir gzhan du 'dod pa rgyu dang rkyen rnams med pa de dag las byung ba gzhan gyi dngos po can de yod pa nyid ma yin no zhes bya bar dgongs so zhes bya bas ni/ pha rol po dag de bzhin gshegs pa zhes bya ba rang gi ngo bo nyid las grub pa med kyang de'i gzhan gyi dngos po rgyu dang rkyen gang dag gi de bzhin gshegs pa nyid rab tu phye zhing mngon par byas pa byang chub tu byed pa'i ches sa dang pha rol tu phyin pa dang/ byang chub kyi phyogs la sogs pa dag las grub pa des na de bzhin gshegs pa grub pas dpe grub pa'i phyir don grub bo zhes zer ba de dgag pa'i phyir bstan bcos mdzad pas tshig le'ur byas pa'i phyed 'di bshad de/ 'di ni de bzhin gshegs pa zhes bya ba rang gi ngo bo nyid las grub pa med pas byang chub tu byed ba'i? chos rnams kyang gzhan gyi dngos por mi 'grub pa'i phyir de dag las byung ba'i de bzhin gshegs pa yang yod pa ma yin no zhes dgongs pa bstan to/ de'i phyir dpe'i skyon de nyid yod do zhes bya ba'i tshad ma'i 'bras bu ste/ don dam
- 208a
par byang chub tu byed pa'i chos rnams bkag pa'i sgo nas de bzhin gshegs pa ngo bo nyid med pas pha rol po'i sgrub pa dpe ma tshang ba'i skyon yod pa'i bstan bcos mdzad pa'i dgongs pa grub par sbyar ro/ /'dir? smras pa/ de bzhin gshegs pa'i ngo bo nyid nges par ma zin kyang yod yod pa'i phyir dpe grub pas skyon med do zhes bya ba ni/ pha rol po dag na re/ kho bo cig gis de bzhin gshegs pa'i ngo bo nyid phung po rnams las de nyid dam gzhan nyid dam/ gzhan gyi dngos po las grub pa'i dmigs nyid nges par ma zin pas shags pa thabs su zin kyang/ yod ni bdag cag sangs rgyas pa rnams la ston pa de bzhin gshegs pa yod pa'i phyir dpe grub pas kho bo cag gi sgrub pa dpe? ma tshang ba'i skyon med do zhes zer ba'i tshig yin no/ /de skad ces zer ba de'i lan du 'grel pa byed pa nyid kyis/ 'dir bshad pa/ ngo bo nyid dang gzhan dngos dag /ma rtog de bzhin gshegs de gang/ /de ni yod pa ma yin pa nyid de ngo bo nyid gzhan gyis dngos po dag ma rtogs pa'i dngos po ni don dam par yod pa nyid du mi 'grub pa'i phyir skyon med pa ma yin no zhes bya ba smras te/ yang 'jig rten 'di na dngos po zhig yod par gyur na bdag gi dngos po las grub pa ni/ dper na me'i tsha ba nyid lta bu yin/ gzhan gyi dngos po las 'grub pa ni dper na bum pa lta bu yin na/ de bzhin gshegs pa ni ji skad bstan pa'i rnam pas phung po rnams las de nyid dang gzhan nyid du yang ma grub la/ nyid kyi bdag gi dngos po dang gzhan gyi dngos po las kyang ma grub na rnam pa de dag ma gtogs pa'i de bzhin gshegs pa gang zhig yin te de ni yod pa ma yin pa nyid do/ /ngo bo nyid gzhan gyi dngos po dag ma gtogs pa'i dngos po ni don dam
- 208b
par yod pa nyid du mi 'grub pa'i phyir khyod kyi sgrub pa dpe ma tshad pa'i skyon med pa ma yin te so na gnas so/ /gnas ma'i bu'i sde ba dag gis smras pa/ de bzhin gshegs pa ni phung po rnams la brten nas gdags par bya ba nyid yin te/ de ni de nyid dang gzhan nyid du brjod par bya ba ma yin pas phung po rnams kyi ngo bo nyid kyang ma yin la/ gzhan gyi ngo bo nyid kyang ma yin te/ de'i phyir de bzhin gshegs pa grub pas rjes su dpag pa ji skad bstan pas dngos po rnams ngo bo nyid med par ma grub po zhes bya ba ni/ 'dir nyan thos gnas ma'i bu'i sde pa dag na re/ de bzhin gshegs pa ni phung po rnams la brten nas gdags par bya ba nyid yin te/ phung po rnams las de nyid dang gzhan nyid du brjod par bya ba ma yin pa nyid ma grub pas kho bo chog gi dpe grub pa'i phyir/ khyed dbu ma pa'i rjes su dpag pa ji skad bstan pas dngos po rnams ngo bo nyid med pa nyid du ma grub po zhes zer ba'i cho ga yin no/ /de skad ces zer ba de'i lan du 'dir 'grel pa byed pa nyid kyis/ 'dir bshad pa/ don dam par de bzhin gshegs pa 'am de bzhin gshegs pa ma yin pa zhig de bzhin gshegs pa'i phung po rnams la brten nas gdags par bya ba nyid yin grang na zhes bya ba smras te/ 'di ni don dam par de bzhin gshegs pa yin pa 'am de bzhin gshegs pa ma yin pa zhig de bzhin gshegs pa'i phung po rnams la brten nas gdags par bya ba nyid yin grang na/ rnam pa gnyi ga ltar mi mthad do zhes brtags pa rnam pa gnyis ston to/ /de la de zhig brtag pa dang po mi mthong bar bstan pa'i phyir de la gal te de bzhin gshegs pa yin na ni de de la brten pa don med pa nyid do zhes bya ba smras te/ de bzhin gshegs pa nyid du grub par bya ba'i phyir de bzhin gshegs
- 209a
pa'i phung po rnams la brten par bya ba yin na sngo nas de bzhin gshegs pa nyid yin na de de yang phung po rnams la brten pa don med pa nyid yin pas de ni mi mthad do/ /brtag pa gnyis pa mi mthong par bstan pa'i phyir/ 'on te de bzhin gshegs pa ma yin na ni de lta na yang/ gal te phung po ma brten par/ /de bzhin gshegs pa 'ga' yod na/ /snga rol na bdag nyid gzhan gyis so /de ni da gdod brtan 'gyur zhing/ /brten nas de las 'gyur la dag /ces bya pa smras te/ gal te phung po rnams la ma brten pa'i snga rol na de bzhin gshegs pa bdag nyid gzhan gyis gnas pa 'ga' zhig yod par gyur na ni ded gdod de bzhin gshegs pa'i phung po rnams la brten par 'gyur zhing/ brten nas brten pa'i gzhi de las de bzhin gshegs par 'gyur par dgo /gal te de ltar 'gyur ro zhe na zhes bya bas ni pha rol po yang na re/ de ltar 'gyur ro zhes zer ba'i tshig yin no/ /de mi mthad par bstan pa'i phyir/ /phung po rnams la ma brten par/ /de bzhin gshegs pa 'ga' yang med do/ /nye bar len pa ma gtogs par/ /de bzhin gshegs pa mi 'grub pa'i phyir ro/ /zhes bya ba smras te/ phung po rnams la ma brten pa'i snga rol na de bzhin gshegS pa bdag nyid gzhan gyis gnas pa 'ga' yang med de/ nye bar len pa ma gtogs par de bzhin gshegs pa mi 'grub pa'i phyir ro/ /de ltar de bzhin gshegs pa 'ga' yang med pa de ni de bzhin gshegs pa ma yin zhes bya ste/ de yang de bzhin gshegs pa'i phung po rnams la brten nas gdags par bya ba nyid yin par mi mthad do/ /da ni de nyid kyi rjes su dpag pa bstan par bya ste/ de la gang zhig ma brten yod min pa/ /de bzhin gshegs pa'i
- 209b
kho bo nyid do zhes bya ba ni chos can no/ /des ni ji ltar nyer? len 'gyur/ /des de bzhin gshegs pa'i phung po rnams nye bar len par mi byed pa nyid de zhes bya ba ni bsgrub par bya ba chos so/ /de bzhin gshegs pa ma yin pa'i phyir zhes bya ba ni sgrub pa'i chos so/ /dper na de las gzhan pa bzhin no zhes bya ba ni dpe ste/ dper na de bzhin gshegs pa las gzhan pa so so'i skye po ni de bzhin gshegs pa ma yin pa'i phyir/ des na de bzhin gshegs pa'i phung de rnams nye par len par mi byed pa de bzhin du gang zhig phung po rnams lam brten par de bzhin gshegs pa'i ngo bo nyid du yod pa ma yin pa de yang de bzhin gshegs pa ma yin pa'i phyir/ des de bzhin gshegs pa'i phung po rnams nye bar len par mi byed de// nye bar len par mi byed pas brten par mi byed la/ brten par mi byed pas de dag la brten nas gdags par bya ba nyid ma yin pas pha rol po dag na re/ de bzhin gshegs pa ni phung po rnams la brten nas gdags par bya ba nyid yin te/ de nyid gzhan nyid du brjod par bya ba ma yin no/ /zhes zer pa'i dam bcas pa ma grub po/ /ci ste de bzhin gshegs pa ma yin pas de bzhin gshegs pa'i phung po rnams nye bar blangs nas de bzhin gshegs par 'gyur ro snyam du sems shing 'di skad ces/ gal te phung po ma brten par/ /de bzhin gshegs pa 'ga' yang med/ /de ni dag dod brten 'gyur zhing/ /brten nas de las 'gyur ba yin/ zhes kyang zer na zhes bya ba ni ci ste/ pha rol po dag 'di snyam du gang zhig de bzhin gshegs pa'i phung po rnams la ma brten pa'i snga rol na de bzhin gshegs pa nyid ma yin pa dper na 'phags pa byams pa lta bu'i mtshan dang dpe byad yongs su rdzogs par 'gyur ba'i tshogs bskad te/ de bzhin gshegs
- 210a
pa'i phung po rnams nye bar blangs nas de bzhin gshegs par 'gyur ro snyam du sems shing sngar bstan bcos mdzad pas/ gal te phung bam brten par/ /de bzhin gshegs pa 'ga' yod na/ /de ni da gdong? brten 'gyur zhing/ /brten nas de la 'gyur la rag /ces gsungs pa'i tshig le'ur byas pa de las bzlog pa 'di skad ces/ gal te phung po ma brten par/ /de bzhin gshegs pa 'ga' yang med/ /de ni da gdong brten 'gyur zhing/ /brten nas de las 'gyur pa yin/ /zhes kyang zer na'o/ /de snyam du sems shing de skad zer ba de dag dgag pa'i phyir 'dir 'grel pa byed pa nyid kyis/ de la 'di skad ces brjod par bya ste/ ci ste phung po'i ngo bo nyid yin nam 'on te gzhan gyi ngo bo nyid de yin zhes bya ba smras te/ 'dis ni de bzhin gshegs pa ma yin ba de de bzhin gshegs pa'i phung po'i ngo bo nyid yin nam/ 'on te de bzhin gshegs pa'i phung po ma yin pa gzhan gyi ngo bo nyid gcig yin grang na gnyi ga ltar yang mi mthad do zhes brtag pa bya ste/ de la re zhig brtag pa dang po mi mthad par bstan pa'i phyir/ de la gal te phung po'i ngo bo yid yin na ni phyogs de'i lan btab zin to zhes bya ba smras te/ phyogs de'i lan ni sngar de la gal te de bzhin gshegs pa yin na ni de de la brten pa don med pa nyid do zhes bstan pas lan btab zin to/ /brtags pa gnyis pa mi mthad par bstan pa'i phyir/ 'on te gzhan gyi ngo bo nyid yin na ni de yod pa ma yin te/ phung po'i ngo bo nyid ma yin pa'i phyir dper na ri bong gi rwa bzhin no zhes bya ba sngar bstan pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ri bong gi rwa ni phung po'i ngo bo
- 210b
nyid ma yin pa'i phyir de yod pa ma yin pa de bzhin du gzhan gyi ngo bo nyid de yang phung po'i ngo bo nyid ma yin pa'i phyir de yod pa ma yin pas de bzhin gshegs pa ma yin pas de bzhin gshegs pa'i phung po rnams ne bar blangs nas de bzhin gshegs par 'gyur ro snyam du sems shid? leg thabs smra ba de yang rigs pa ma yin no/ /yang bshad pa/ zhes bya ba la sogs pa ni phung po'i ngo bo nyid ma yin pas de bzhin gshegs pa'i phung po rnams nye bar blangs nas de bzhin gshegs par 'gyur ro snyam du sems shing leg thabs smra ba de rigs pa ma yin par sun dbyungs pa'i rjes su dpag pa bstan pa'i phyir/ tshig le'ur byas pa'i phyed sngar bstan pas de nyid yod bzlas te ston to/ /de la yang/ gang zhig ma brten yod min pa/ /phung po'i mtshan nyid ma yin pa'o/ /zhes bya ba ni chos can no/ /de ni ji ltar nyer len 'gyur/ /nges nye bar len par mi byed pa nyid de zhes bya ba ni bsgrub par bya ba chos so/ /med pa'i phyir zhes bya ba ni sgrub pa'i chos so/ /dper na nam mkha' i me tog bzhin no zhes bya bar dgongs so/ /zhes bya ba ni dpe ste/ dper na nam mkha' i me tog ni med pa'i phyir/ des de bzhin gshegs pa'i phung po rnams nye bar len par mi byed pa de bzhin du gang zhig phung po'i mtshan nyid ma yin pa de yang med pa'i phyir/ nges? de bzhin gshegs pa'i phung po rnams nye bar len par mi byed de/ /da ni brtag pa de gnyi ga brnan pa'i tshad ma gzhan bstan pa'i phyir/ don dam par de bzhin gshegs pa skye ba'i snga rol na med pa ni de bzhin gshegs pa'i nye bar len pa dag nye bar len par mi byed de/ skye ba'i snga rol na med pa'i phyir dper na de bzhin gshegs pa ma yin pa bzhin no zhes bya ba smras te/ de dag kyang ches can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar
- 211a
te/ dper na de bzhin gshegs pa ma yin pa ni skye ba'i snga rol na med pa'i phyir de bzhin gshegs pa'i nye bar len pa dag nye bar len par mi byed pa de bzhin du de bzhin gshegs pa skye ba'i snga rol na med pa yang skye ba'i snga rol na med pa'i phyir de bzhin gshegs pa'i nye bar len pa dag nye bar len par mi byed do/ /gal te 'khor pa la thog ma dang tha ma med pa'i phyir dang/ de bzhin gshegs pa yang de nyid gzhan nyid du brjod par bya pa ma yin pa'i phyir sde phyi mi 'thad pas skye ba'i snga rol na med pa'i phyir/ zhes bya ba'i gtan tshigs de'i don ma grub pa nyid do zhe na/ zhes bya ba ni pha rol po dag dbu ma pa'i gtan tshigs skye ba'i snga rol na med pa'i phyir zhes bya ba de ni don ma grub pa nyid du skyon 'dogs pa'i tshig yin te/ de dag na re/ gal te 'khor pa la thog ma dang tha ma yod dam/ de bzhin gshegs pa yang phung po rnams las de nyid dang gzhan nyid du brjod par bya ba zhig yin na ni sa phyi 'thad pas khyed kyi gtan tshigs skye ba'i snga rol na med pa'i phyir zhes bya ba de yang 'grub par 'gyur ba zhig na/ bdag cag sangs rgyas pa rnams de ltar mi 'dod pa'i phyir/ khyad kyi gtan tshigs de'i don ma grub pa nyid do zhes zer ro/ /de skad ces zer pa de'i lan du 'dir 'grel pa byed pa nyid kyis de ni bzang po ma yin te/ tha snyad du 'dogs pa'i blo'i spyod yul gyi de bzhin gshegs pa ni skye pa'i snga rol na med pa nyid do zhes bya bar shes par bya ste/ 'dus byas yin pa'i phyir/ dper na bum pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bum pa ni 'dus byas yin pa'i phyir/ skye ba'i snga rol na med pa nyid do zhes bya bar
- 211b
shes par bya ba de bzhin du tha snyad du gdogs pa'i blo'i spyod yul gyi de bzhin gshegs pa yang 'dus byas yin pa'i phyir skye ba'i snga rol na med do zhes bya bar shes par bya'o/ /de ltar tha snyad du med par grub pa nyid gtan tshigs nyid du brjod pa'i phyir dang/ de bzhin gshegs pa yang de bzhin gshegs pa'i phung po rnams kyi snga rol na yod pa nyid du bstan dka' ba'i phyir de ni ma grub pa ltar snang ba nyid yin no zhes bya ba de ni 'thad pa gzhan gyi mjug bsdu ba yin te/ de ltar kho bos tha snyad du skye ba'i snga rol na med par gyur pa nyid gtan tshigs nyid du brjod pa'i phyir dang/ khyed la de bzhin gshegs pa skye ba'i snga rol na yod pa nyid du ston pa'i rjes su dpag pa med pa'i phyir kho bo'i gtan tshigs de ni ma grub pa ltar snang ba yin gyi/ gsal ba dang de kho nas sgrub pa nyid yin no/ /de ltar gang zhig ma brten yod min pa/ /des ni ji ltar nyer len 'gyur/ /zhes bya pas de bzhin gshegs pa 'am da? bzhin gsheD pa ma yin pa dag phung po rnams la ma brten par yod pa ma yin pa des phung po rnams nye bar len par mi byed par bstan nas/ da ni nye bar len pa bo de nye bar ma blangs pa ni phung po ma yin la/ phung po med pa'i de bzhin gshegs pa ni ci yang med do zhes bstan pa'i phyir//? gzhan yang zhes bya ba la sogs pa tshigs le'ur byas pa gcig ston to/ /nye bar blangs pa ma yin pa/ /nye bar len par ji ltar 'gyur/ /zhes bya bas ni nye bar len pa po nye bar ma blangs pa'i phung po ma yin par bstan to/ /'o na ji lta bu zhe na/ nye bar len pa pos nye bar blangs pa nyid nye bar len pa yin par 'gyur ro zhes bya ba ni yod/ tha snyad du ni de lta bu yin na de yang sngar/ gang zhig ma brten yod min pa/ /des ni ji ltar nyer len 'gyur/ /zhes bstan pa'i tshul gyis
- 212a
mi srid par bstan to/ /nye bar len pa med pa yi/ /nye bar len pa med pa med pa'i ngo bo nyid de nye bar len pa po ma yin pa'i phyir zhes bya ba'i tha tshig go zhes bya ba ni phung po med pa nye bar len pa po ma yin pa'i tshig gi don stong pa zhes bya ba'i tha tshig go /de lta bu'i de bzhin gshegs pa ni ci yang med do zhes bstan pa'i phyir/ de bzhin gshegs pa ci yang med ces bya ba smras te/ de nyid bye brag tu bshad pa bstan pa'i phyir/ yang zhes bya ba'i sgra ni nye? bar len pa po dang nye bar len pa yang bsdu pa'i don te/ de bzhin gshegs pa la de bzhin gshegs pa'i ngo bo nyid med do zhes bya ba'i tshigs gi don te/ /zhes bya ba smras te/ nye bar len pa'i phung po la nye bar len pa po de bzhin gshegS pa'i ngo bo nyid med pas de bzhin gshegs pa ngo bo nyid dang rdzas su yod pa ma yin no/ /de nyid kyi rjes su dpag pa bstan pa'i phyir/ de la 'dir tshigs don gsal ba'i dbang gis rjes su dpag pa ni phung po lnga la gang zag med de byas pa'i phyir dper na bum pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bum pa ni byas pa'i phyir de la gang zag med pa de bzhin du phung po lnga yang byas pa'i phyir de la gang zag med do/ /de bzhin du rten cing 'brel par 'byung ba nyid dang/ mi rtag pa nyid dang/ yang dag pa dang/ log pa dang/ the tsom can gyi shes pa'i yul nyid dang/ dga' ba dang/ yongs su gdung ba'i rgyu nyid dang/ bden par rtogs pa nyid la sogs pa'i gtan tshigs dag gi phyir ro zhes kyang brjod par bya'o zhes bya ba ni dam bca' ba snga? ma de gtan tshigs ni 'di dag yin te/ ci rigs par sbyar ro zhes bya ba'i tha tshig go /gnas
- 212b
ma'i bu'i sde pa dag yang phyir bzlog par byed de/ don dam par de bzhin gshegs pa yod pa kho na yin te/ de bzhin gshegs pa med do zhes lung ma bstan pa'i phyir ro/ /'di na gang yod pa ma yin pa de ni ngo bzhin gshegs pas med par gsungs te/ dper na mu stegs byed kyis yongs su brtag pa'i bdag bzhin no/ /de bzhin gshegs pa ni med par ma gsungs te/ gzhan gyis de bzhin gshegs pa mya ngan las 'das nas med dam zhes zhus pa na de ni lung du ma bstan te/ zhes gsungs pa'i tshig des de dgag par yang gsungs pas/ de'i phyir don dam par de bzhin gshegs pa yod pa kho na yin te/ de'i phyir de ni rang dbang du rjes su dpag pa yin pas gtan tshigs 'gal ba 'khrul pa med pa'i gnod pa yang yod do zhes bya ba ni gnas ma'i bu'i sde pa dag bcom ldan 'das kyis lung du ma bstan pa'i dngos po bcu bzhi pa'i nang nas de bzhin gshegs pa med do zhes lung du ma bstan pa'i gtan tshigs kyi don dam par de bzhin gshegs pa yod par bsgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyong ba dang/ mjug bsdu ba yin par go rim bzhin du sbyar te/ 'di na mu steg byed gyis yongs su brtags pa'i bdag lta bu gang yod pa ma yin pa/ de bzhin gshegs pas med par gsungs pa de ni yod pa ma yin gyi/ de bzhin gshegs pa ni med par ma gsungs kyi/ steng du gzhan gyi de bzhin gshegs pa mya ngan las 'das nas med dam zhes zhus pa na med pa dgag pa'i phyir de ni lung ma bstan te/ zhes kyang gsungs pas de'i phyir don dam par de bzhin gshegs pa yod pa kho na yin te/ de ltar lung du ma bstan pa
- 213a
de ni khyed dbu ma pa dang thun mong ma yin pa kho bo cag gi rang dbang du rjes su dpag pa yin pas khyed dbu ma pa'i de bzhin gshegs pa med par slub pa'i gtan tshigs dang kho bo cag de bzhin gshegs pa yod par sgrub pa'i gtan tshigs de gnyis phan tshun 'gal ba 'khrul pa med pa'i gnod pa yang yod pas khyed 'dod pa ltar gcig tu ma nges so zhes zer ro /de skad ces zer ba de'i lan du 'dir 'grel pa byed pa nyid kyis/ bshad pa/ de bzhin gshegs pa khang pa brtsegs pa'i nang nas skyes pa'i shing a mra'i 'bras bu'i ro'i bye brag lung du ma bstan pa la sogs pa dag gis gtan tshigs gyi don 'gal ba nyid yin pa'i phyir de ni rigs pa ma yin par rtog go /phyi mas gnod pa yang med la rang dbang rjes su dpag pa yang ma yin no/ /zhes bya ba smras te/ de dag ni a mra'i 'bras bu'i ro'i bye brag lung du ma bstan pa'i dbes pha rol por dag gi gtan tshigs de bzhin gshegs pa med de zhes lung du ma bstan pa'i phyir ro zhes bya ba de'i don 'gal ba nyid du bstan te/ de'i byung ba'i mdza' ni sngon rgyal po zhig gnas brtan pi lin de'? bu'i gan du phongs te smras pa/ 'phags pa 'dri'o/ /'di ltar dge spyod dag ni med du smra'o/ /gnas brtan gyis smras pa/ rgyal po chen po dris shig /rgyal pos smras pa/ ji ltar bdag rtag gam 'on te mi rag /gnas brtan gyis smras pa/ kho bo yang khyod la 'dri'o/ /'di ltar rgyal po dag ni mang du smra'o/ /rgyal pos smras pa/ 'phags pa dres shig dang/ gnas brtan gyis spras pa/ khyod kyis khang pa brtsegs pa'i nang nas skyes pa'i shing amra'i 'bras bu dag ci 'dra/ ro'i bye brag ci bro /rgyal pos spras pa/ kho bo'i khang pa brtsegs ma'i nang na shing amra nyid kyang re zhig med na 'bras bu dag gi ro'i bye
- 213b
grag lta yod de skan/ gnas brtan gyis smras pa/ shing a mra ji lta ba bdag kyang de lta'o/ /ro'i bye brag ji lta bar rtag pa dang/ mi rtag pa yang de lta'o zhes 'byung ba'i lung gi dpe nges/ bcom ldan 'das kyis lung du bstan pa ni med pa'i don du bka' stsal pa yin pas/ 'dir khyed de bzhin gshegs pas med do zhes lung ma bstan pa'i phyir ro zhes bya ba'i gtan tshigs kyis de bzhin gshegs pa lung dum bstan pa nyid rjes su dpog pas de bzhin gshegs pa yod pa ma yin pa nyid kyis de yod pa nyid gsal ba'i phyir/ khyed kyis dam bcas pa la chos can gyi ngo bo nyid dang khyad par bsal ba'i skyon yod pas khyed de bzhin gshegs pa yod par 'dod la/ gtan tshigs ni med par sgrub pa don 'gal ba nyid yin pas de ni rigs pa ma yin pas/ khyod kyi rtog ge phyi ma nges kho bo la gnod pa yang med la/ lung du ma bstan pa'i dngos po bcu bzhes dngos po de dag yod pa ma yin par bstan pa ni kho bo cag gi lung yang yin pas khyed 'ba' zhig gi rang dbang du rjes su dpag pa yang ma yin pas/ gnas ma'i bu'i sde pa dag gi sgrub pa de yang gi na'o/ /gos dmar sde dag gis smras pa/ don dam par de bzhin gshegs pa ni yod pa kho na yin te/ nye bar len pas gdags par bya ba yin pa'i phyir ro/ /'di na gang yod pa ma yin pa de ni nye bar len bas gdags par bya ba ma yin te/ dper na sprul gyi rkang pa bzhin no/ /de bzhin gshegs pa ni nye bar len pas rnam par grol ba bla na med pas rab tu ba'i phung po'i rgyun la brten nas gdags par bya ba yin te/ de ltar yang mdo snga las/ sangs rgyas zhes bya ba'i mtshan 'di ni yum gyis ma btags/ yab kyis ma btags/ lha rnams kyi bar gyis ma btags te/ 'on ji lta bu zhe na/ sangs rgyas
- 214a
bcom ldan 'das rnams kyi mtshan de ni rnam par grol ba'i mdza' las byung ba yin no zhes bya ba la sogs pa gsungs pas/ de'i phyir don dam par de bzhin gshegs pa yod pa kho na yin no zhes bya ba ni/ nyan thos gos dmar sde bdag nye bar len pas gdags par bya ba yin par gtan tshigs kyi don dam par de bzhin gshegs pa yod par sgrub pa'i tshig yin te/ gos dmar sde zhes bya ba ni de dag gis zangs ma'i glegs bu la sde snod gsum yi ger bris pas gos dmar sde zhes bya'o zhes grag ste/ de dag kyang gang zag tu smra ba yin pas de bzhin gshegs pas don dam par rdzas su yong par 'dod do/ /tshig de dag kyang chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na sbrul gyi rkang pa lta bu gang med pa nye bar len pas gdags par bya ba ma yin pa de ni yod pa ma yin gyi/ de bzhin gshegs pa ni nye bar len pa rnam par grol ba bla na med pas rab tu phye ba'i phung po'i rgyun la brten nas gdags par bya ba yin pas don dam par yod pa kho na yin no zhes zer ro/ /de skad ces zer ba de'i lan du 'dir 'grel pa byed pa nyid kyis 'dir bshad pa/ ji ltar don dam par de bzhin gshegs pa mi 'thad pa de ltar sngar/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegS ba gang zhig yin/ zhes bya ba des dbyad zin pas de'i phyir/ de ltar/ rnam pa lngas ni btsal byas na/ /gang zhig de nyid gzhan nyid du/ /med pa'i de bzhin gshegs pa de/ /nye bar len pa ji ltar gdags/ /don dam par de bzhin
- 214b
gshegs pa'i ngo bo nyid du'o zhes bya ba la sogs pa smras te/ de bzhin gshegs pa rnam pa lngas btsal na phung po rnam las gzhan nyid du ma grub pa de nye bar len pas don dam par de bzhin gshegs pa'i ngo bo nyid du ji ltar gdags te gtan tshigs kyi don ma grub pa nyid dang 'gal ba nyid do zhes ston to/ /gdags par bya ba nyid yod na ni bum pa la sogs pa'i yod pa nyid bzhin du de bzhin gshegs pa yang yong pa nyid du 'gyur te/ de lta na ni 'dod pa nyams so zhes bya bas ni khyed ni de bzhin gshegs pa don dam par rdzas su yod par sgrub pa yin na/ de bzhin gshegs pa gdags par bya ba nyid du yod pa nyid yin na ni bum pa la sogs pa bzhin du rdzas su yod pa ma yin pas/ de lta na khyed kyis 'dod pa'i don nyams so zhes bstan to/ /gdags par bya pa yin pa'i phyir ro zhes bya ba'i gtan tshigs de'i don kyang don dam par ma grub pa nyid do/ /don 'gal ba nyid kyang yin te/ bum pa la sogs pa nye bar len pa gdags par bya ba dag ni tha snyad du yod pa yin pa'i phyir ro zhes bya bas ni pha rol po dag gi gtan tshigs de don dam par ni ma grub pa nyid yin la kun rdzob tu ni 'gal ba nyid yin par bstan to/ /gzhan dag gis smras pa/ nye bar len pa med pa yi/ /re bzhin gshegs ba ci yod med/ /ces gang smras pa de mi rigs te/ zhes bya ba la sogs pa ni pha rol po dag phung po nye bar len pa po'i gang zag dang bcas pa'i gtan tshigs kyis de bzhin gshegs pa'i phung po yang nye bar len pa po de bzhin gshegs pa dang bcas pa yin pas/ dbu ma pas sdang nye bar len pa po'i ngo bo nyid ma yin pa'i de bzhin gshegs pa ci yang med do zhes bshad pa mi rung ba'i sgrub pa'i tshig ston to/ /de nyid bstan pa'i phyir kho bo skra'o/ /de bzhin gshegs pa'i nye ba rlen pa ni nye bar len pa
- 215a
po dang bcas pa nyid yin te/ nye bar len pa yin pa'i phyir ro/ /'di na gang nye bar len pa po dang bcas pa nyid ma yin pa de ni nye bar len pa ma yin te/ dper na dus sbal gyi sU la sogs pa bzhin no/ / de bzhin gshegs pa'i nye bar len pa'i phung po lnga ni sangs rgyas kyi chos ma 'dres pa la sogs pa zag pa med pa dag gi gzhi yin pas de'i phyir gtan tshigs ji skad smos pa'i mthus de bzhin gshegs pa'i nye bar len pa ni nye bar len pa po dang bcas pa nyid yin te/ nye bar len pa po gang yin pa de ni de bzhin gshegs pa'o/ /de yod pas dpe grub pa'i phyir 'dod pa'i don grub po zhes bya ba smras te/ des ni phung po'i nye bar len pa yin pa'i gtan tshigs gyis nye bar len pa po dang bcas pa nyid yin par sgrub pa'i rjes su dpag pa ston te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na rus sbal gyi spu lta bu gang nye bar len pa ma yin pa de la ni nye bar len pa po spu sogs par byed pa med kyi/ phung po rnams ni nye bar len pa yin pa'i phyir nye bar len pa po dang bcas pa yin pas de bzhin gshegs pa'i phung po rnams kyang sangs rgyas kyi chos ma 'dres pa la sogs pa che ba'i yon tan zag pa med pa dag gi gzhi yin pa'i phyir che ba'i bdag nyid can de ni de bzhin gshegS pa yin te/ de yod pas kho bo cag gi dpe grub pa'i phyir dngos po rnams kyi ngo bo nyid yod par 'dod pa'i don grub po zhes zer ro/ /de skad ces zer ba de'i lan du 'grel pa byed pa nyid kyis/ /'dir bshad pa/ gang zhig nye bar
- 215b
blang ba de/ /nye bar blang bar bya'o/ /de ni ngo bo nyid las nye bar blang pa'i ngo bo nyid du yod pa ma yin no/ /zhes bya ba'i tha tshig go /zhes bya ba smras te/ des na phung po rnams nye bar blangs pa'i ngo bo nyid du yod pa ma yin pas pha rol po dag gi gtan tshigs kyi don ma grub par ston te/ /de nyid kyi 'thad pa bstan pa'i phyir/ de ltar yang sngar nye bar len pa la nye bar len pa'i ngo bo nyid med de bltos pa dang bcas pa dang bcas pa'i phyir/ /dper na nye bar len pa po bzhin no zhes bya bas rgya cher bstan zin to zhes bya ba smras te/ sngar nye bar blang bo dang nye bar len pa po brtag pa'i skabs su de skad bstan zin to/ /de'i phyir nye bar len pa yin pa'i phyir ro zhes bya ba'i gtan tshigs de'i don ma grub pa nyid dang don 'gal ba nyid do/ /zhes bya ba'i mjug pa sdu ba dang tshad ma'i 'bras bu yin te/ pha rol po dag gi gtan tshigs de don dam par ni ma grub pa nyid la kun rdzob tu ni 'gal ba nyid do/ /gal te nye bar len pa ni gzhan gyi dngos po las 'grub pas ji skad smras pa'i skyon med do zhe na/ zhes bya ba ni pha rol po dag na re/ phung po rnams bdag gi dngos po las ma grub kyang rgyu rkyen gzhan gyi dngos po las 'grub pas kho bo cag gi gtan tshigs ma grub pa dang/ 'gal ba'i skyon ni med do zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis/ de yang bzang po ma yin te/ bdag gi dngos las gang med pa/ /de bzhan dngos las yod de skan/ /nye bar len pa ni gzhan las/ yod par mi 'gyur ba nyid do/ /zhes bya ba'i tshig gi don to zhes bya ba smras te/ des ni phung po rnams ngo bo nyid med pas rgyu rkyen rnams gzhan du mi 'thad pa'i phyir gzhan las 'grub pa yang med do zhes bstan to/ /gzhan las skye ba med pa ni
- 216a
sngar bstan zin pas bstan mi dgos so zhes bya bas ni dngos po rnams gzhan las skye ba med pa'i 'thad pa ni sngar rkyen brtag pa'i skabs su /bdag las ma yin gzhan las min/ /gnyis las ma yin rgyu med min? dngos po gang dag gang na yang/ /skyes pa rnam yang yod ma yin/ /zhes bya ba dang/ 'di nyid kyi skabs su yang sngar/ ngo bo nyid las gang med pa/ /de gzhan dngos las gal yod/ /ces bstan zin pas 'dir yang bzlas mi dgos so zhes bstan to/ /de'i phyir de ltar yong ssu brtags na/ de ltar nyer blang nye bar len po/ /rnam ba kun gyis stong pa yin/ /rnam pa kun gyis zhes bya ba ni ngo bo nyid dang gzhan gyi dngos po dang de nyid dang gzhan nyid la sogs pa dag gis so zhes bya bas ni phung po dang gang zag ngo bo nyid med pa nyid du bstan pa'i mjug bsdu ba bstan to/ /de'i phyir don dam pa'i de kho na mthong ba dag nye bar blang ba dang nye bar len pa po rtog pa de lta bu nges/ stong pas de bzhin gshegs stong pa/ /ji lta bur na 'dogs par 'gyur/ /zhes bya bas ni/ rnal 'byor pa don dam pa'i de kho na mthong ba dag phung po dang gang zag ngo bo nyid med pa nyid du rtogs pa'i stong pa des de bzhin gshegs pa ngo bo nyid med pa nyid kyis stong pa la don dam par tha snyad 'dogs shing mngon bar zhen par mi byed do zhes bstan to// //bam po bdun cu gcig pa/ 'dir gzhan dag na re de ltar dbu ma pa dag nye bar blang ba dang/ nye bar len pa po stong pas de bzhin gshegs pa stong pa 'dogs par mi byed na/ lung las/ 'di ltar bcom ldan 'das ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu
- 216b
'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das yin te/ de rnams las rjes su dran par bya'o zhes bya ba la sogs pa gsungs bdag khas slangs pa la gnod par mi 'gyur ram zhes zer ba'i phyogs snga ma khod nas dbyung ba'i lan du 'dir 'grel pa byed pa nyid kyis/ dbu ma smra ba dag phung po lnga la brten nas tha snyad dang rjes su mthun par bcom ldan 'das thams cad mkhyen pa stobs bcu dang ma 'dres pa dang mi 'jigs pa la sogs pa'i yon tan gyi tshogs bsam gyis mi khyab cing rmad du byung ba'i 'od zer dag gis gsal bar gyur pa bka' 'gro ba mdza' dag gis bkur pa zhes 'dogs par byed de zhes bya ba smras te/ tha snyad du de ltar 'dogs par byed pas lung dang mi 'gal lo zhes bya bar sbyar ro// de la bcom ldan 'das thams cad mkhyen pa stobs bcu dang ma 'dres pa dang/ mi 'jigs pa la sogs pa'i yon tan gyi tshogs bsam gyis mi khyab cing rmad du byung ba'i 'od zer dag gis gsal bar gyur pas zhes bya bas ni bcom ldan 'das kyi bdag gi don phun sum tshogs pa/ bla na med par bstan la/ bka' 'gro ba 'tha' dag gis bkur ba zhes bya ba ni bcom ldan 'das kyi gzhan gyi don phun sum tshogs pa bla na med pa bstan to/ /de la bcom ldan 'das zhes bya ba ni bdud bzhi bcom pa dang/ legs pa drug dang ldan pa'i phyir ro thams cad mkhyen pa zhes bya ba ni rnam pa thams cad kyi mchog dang ldan pa/ thams cad mkhyen pa'i ye shes mngon par rdzogs par byang chub pa'i phyir ro/ /stobs bcu ni/ gnas dang gnas ma yin pa mkhyen pa'i stobs dang/ las rnam par smin pa mkhyen pa'i stobs dang/ mos pa sna tshogs mkhyen pa'i stobs dang/ khams sna tshogs mkhyen pa'i stobs dang/ dbang po mchog dang mchog ma yin pa mkhyen pa'i stobs
- 217a
dang/ thams cad du 'gro ba'i lam mkhyen pa'i stobs dang/ bsam gtan dang rnam par thar pa dang/ ting nge 'dzin dang/ snyoms par 'jug pa'i kun nas nyon mongs pa dang/ rnams par byang pa dang// ldang ba thams cad mkhyen pa'i stobs dang/ sngon gyi gnas rjes su dran pa mkhyen pa'i stobs dang/ shi 'pho ba dang skye ba mkhyen pa'i stobs dang/ zag pa zad pa mkhyen pa'i stobs so/ /ma 'dres pa zhes bya ba ni sangs rgyas kyi chos ma 'dres pa bco brgyad de/ de bzhin gshegs pa la 'khrul pa med pa dang/ ca co med pa dang/ bsnyel ba med pa dang/ sems mnyam par ma bzhag pa med pa dang/ tha dad pa'i 'du shes med pa dang/ so sor ma brtags pa'i btang snyoms med pa dang/ 'dun pa nyams pa med pa dang/ brtson 'grus nyams pa med pa dang/ dran pa nyams pa med pa dang/ ting nge 'dzin nyams pa med pa dang/ shes rab nyams pa med pa dang rnam par grol ba nyams pa med pa dang/ rnam par grol ba'i ye shes gzigs pa nyams pa med pa dang/ lus kyi las thams cad ye shes sngon du 'gro zhing ye shes kyi rjes su 'brang ba dang/ dag gi las thams cad ye shes sngon du 'gro zhing ye shes kyi rjes su 'brang ba dang/ yid kyi las thams cad ye shes sngon du 'gro zhing ye shes kyi rjes su 'brang ba dang/ 'das pa'i dus la ma chags ma thogs pa'i ye shes mthong ba 'jug pa dang/ ma 'ongs pa'i dus la ma chags ma thogs pa'i ye shes mthong ba 'jug pa dang/ da ltar byung ba'i dus la mchogs ma thogs pa'i ye shes mthong ba 'jug pa'o/ /mi 'jigs pa zhes bya ba ni de bzhin gshegs pa'i mi 'jigs pa bzhi ste/ chos thams cad mngon par rdzogs par byang chub pa la mi 'jigs pa dang/ zag pa thams cad
- 217b
zad par mkhyen pa la mi 'jigs pa dang/ bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa dang/ phun sum tshogs pa thams cad thob par 'gyur ba nges par 'gyur ba'i lam de bzhin du 'gyur ba la mi 'jigs pa'o/ /stsogs pa zhes bya ba'i sgras ni skyes bu chen po'i mtshan sum cu rtsa gnyis dang/ dpe byad bzang po brgyad cu dang/ rnam pa thams cad yongs su dag pa bzhi dang/ ma 'dres pa'i dran pa nye bar gzhag pa bzhi dang/ bsrung ba med pa gsum dang/ thugs rje chen po dang/ bsnyel ba mi mnga' ba'i chos nyid dang/ bag chags yang dag par bcom pa dang/ rnam pa thams cad dang mchog mkhyen pa dag bsdu ste/ de la skyes bu chen po'i mtshan sum cu rtsa gnyis ni/ dbu gtsug tor dang ldan pa dang/ dbu skra g.yas su 'khyil ba dang ldan pa dang/ dpral ba'i dbyes mnyam pa dang/ mdzod sbu dang/ spyan mthon mthing la ba'i rdzi ma lta bu dang/ tshoms? bzhi bcu mnga' ba dang/ tshems mnyam pa dang/ tshems thags bzang ba dang/ tshems shin tu dkar ba dang/ ro bro ba'i mchog dang ldan pa dang/ 'gram pa seng ge'i 'dra ba dang/ ljags shin tu ring zhing srab pa dang/ tshangs pa'i dbyangs dang/ dbung mgo shin tu zlum pa dang/ bdun mtho ba dang/ thal gong rgyas pa dang/ pags pa srab cing mdog gser 'dra ba dang/ bzhengs bzhin du ma btud par phyag pus mor sleb pa dang/ ro stong seng ge'i 'dra ba dang/ shing n+ya gro da ltar chu zheng gab pa dang/ spu re re skyes zhing g.yas su 'khyil ba dang/ sku'i sbu gyen du phyogs pa dang/ mdoms kyi sba ba sbubs su nub pa dang/ brla legs par zlum pa dang/ zhabs long mo'i tshigs mi mngon pa dang/ phyag dang zhabs kyi mthil 'jam zhing gzhon sha
- 218a
chags pa dang/ phyag dang zhabs dra bas 'brel pa dang/ sor mo ring ba dang/ phyag dang zhabs kyi mthil 'khor lo'i mtshan dang ldan pa dang/ zhabs shin tu gnas pa dang/ zhabs kyis rting pa yangs pa dang/ byin pa ri dags e Na ya'i lta bu'o/ /dpe byang bzang po brgyad cu ni/ sen mo zangs kyi mdog lta bu dang sen mo mdog snum pa dang/ sen mo mtho ba dang/ sen mo rnams zlum pa dang/ sor mo rnams rgyas pa dang/ sor mo rnams byin gyis phra ba dang/ rtsa mi mngon pa dang/ rtsa mdud med pa dang/ long bu mi mngon pa dang/ zhabs mi mnyam pa med pa dang/ seng ge'i stabs su gshegs pa dang/ ngang pa'i stabs su gshegs pa dang/ khyu mchog gi stabs su gshegs pa dang/ g.yas phyogs su ldog cing gshegs pa dang/ mrjes par gshegs pa dang/ ma yo bar gshegs pa dang/ sku 'khril bag chags pa dang/ sku byi dor byas pa lta bu dang/ sku rim par mtsham pa dang/ sku gtsang ba dang/ sku 'jam pa dang/ sku rnam par dag pa dang/ mtshan rdzogs pa dang/ sku kho lag yangs shing bzang ba dang/ gom pa snyoms pa dang/ sku shin tu gzhon mdog can dang/ sku zhum pa med pa dang/ sku rgyas ba dang/ sku shin tu grims pa dang/ yan lag dang nyid lag shin tu rnam par 'byes pa dang/ gzigs pa rab rib med cing rnam par dag pa dang/ sku zlum pa dang/ sku skabs byin pa dang/ sku ma rnyongs pa dang/ phyag phyeng ba dang/ lte ba zab pa dang/ lte ba g.yas phyogs su 'khyil ba dang/ kun nas mdzes pa dang/ kun spyod gtsang ba dang/ sku la sme ba dang gnag bag med pa dang/ phyag shing bal ltar shin tu 'jam pa dang/ phyag gi ri mo mdangs?
- 218b
yod pa dang/ phyag gi ri mo zab pa dang/ phyag gi ri mo ring ba dang/ zhal ha cang yang mi ring ba dang/ zhal la gzugs kyi gzugs brnyan snang ba dang/ ljags mnyen pa dang/ ljags srab pa dang/ ljags dmar ba dang/ glang po che'i nga ro dang/ 'brug gi sgra dang ldan pa dang/ gsung snyan cing mnyen la 'jam pa dang/ mche ba zlum pa dang/ mche ba rno ba dang/ mche ba dkar ba dang/ mche ba mnyam pa dang/ mche ba byin gyis phra ba dang/ shangs mtho ba dang/ shangs gtsang ba dang/ spyan rnam par dag pa dang/ spyan yangs pa dang/ rdzi ma stug pa dang/ spyan dkar nag 'byes shing pad+ma'i 'dab ma dangs pa lta bu dang/ smin tshugs ring ba dang/ smin ma 'jam pa dang/ smin ma'i sbu mnyam pa dang/ smin ma snum pa dang/ snyan shal stug cing ring ba dang/ snyan mnyam pa dang/ snyan gyi dbang po ma nyams pa dang/ dpral ba legs par 'byes pa dang/ dpral ba dbyes tsha ba dang/ dbu shin tu rgyas pa dang/ dbu skra bung ba ltar gnag pa dang/ dbu skra stug pa dang/ dbu skra 'jam pa dang/ dbu skra mi 'dzing ba dang/ dbu skra mi bshor ba dang/ dbu skra dri zhim pa dang/ phyag dang zhabs dpal be'u dang/ bkra shis dang/ g.yung drung 'khyil bas brgyan pa dang/ sdong ris dag go/ rnam pa thams cad yongs su dag pa bzhi ni gnas yongs su dag pa dang/ dmigs pa yongs su dag pa dang/ sems yongs su dag pa dang/ /ye shes yongs su dag pa'o/ /ma 'dres pa'i dran pa nye bar gzhag pa gsum ni gus par nyan pa rnams la sems snyoms pa dang gus par mi nyan pa rnams la sems snyoms dang/ gus par nyan pa dang gus par mi nyan pa rnams la sems snyoms pa'o/ /bsung ba med pa bzhi ni de bzhin gshegs pa'i sku'i phrin las kyi spyod pa yongs su dag pa ste/ de bzhin
- 219a
gshegs pa'i sku'i phrin las yongs su ma dag pa med pa dang/ de bzhin gshegs pa'i gsung gi phrin las kyi spyod pa yongs su dag pa ste/ de bzhin gshegs pa la gsung gi phrin las yongs su ma dag pa med pa dang de bzhin gshegs pa'i thugs kyi phrin las kyi spyod pa yongs su dag pa ste/ de bzhin gshegs pa la thugs kyi phrin las yongs su ma dag pa med pa dang/ de bzhin gshegs pa'i 'tsho ba yongs su dag pa ste/ de bzhin gshegs pa la 'tsho ba yongs su ma dag pa med pa'o/ /de bzhin gshegs pa'i thugs rje chen po ni sum cu rtsa gnyis te/ chos thams cad ni bdag med pa dang/ chos thams cad ni sems can med pa dang/ chos thams cad ni srog med pa dang/ chos thams cad ni gang zag med pa dang/ chos thams cad ni byed pa med pa dang/ chos thams cad ni gnas med pa dang/ chos thams cad ni gzhi med pa dang/ chos thams cad ni da yid bya ba med pa dang/ chos thams cad ni bdag po med pa dang/ chos thams cad ni dngos po med pa dang/ chos thams cad ni ma skyes pa dang/ chos thams cad ni shi 'pho med cing ma skyes pa dang/ chos thams cad ni kun nas nyon mongs pa can ma yin pa dang/ chos thams cad ni 'dod chags dang bral ba dang/ chos thams cad ni zhe sdang dang bral ba dang/ chos thams cad ni gti mug dang bral ba dang/ chos thams cad ni 'ong ba med pa dang/ chos thams cad ni 'gro ba med pa dang/ chos thams cad ni mngon par 'du byed pa med pa dang/ chos thams cad ni spros pa med pa dang/ chos thams cad ni stong pa dang/ chos thams cad ni mtshan ma med pa dang/ chos thams cad ni smon pa med pa yin na sems
- 219b
can rnams de ltar ma mos pas de'i phyir sems can la de bzhin gshegs pa'i thugs rje chen po skye ba dang/ kye ma 'jig rten gnas pa 'di ni phan tshun rtsod pas yongs su zin cing gnod sems kyi tha ba dang/ zhe sdang la zhugs pa dang/ 'jig rten gnas pa 'di ni phyin ci log dang ldan zhing lam nyam da? bar zhugs pa dang lam gol ba la gnas pa dang/ 'jig rten gnas pa 'di ni brkam zhing 'dod pas zil gyis non pa ste/ chos mi shes shing gzhan gyi nor 'phrog pa dang/ sems can 'di dag ni bu dang sman dang/ khyim dang/ nor dang 'bru la sred pas rtsol ba ste/ snying po med pa la snying por 'du shes ba dang/ sems can 'di dag ni mi rigs pas 'tsho ba ste/ gcig la gcig 'drid par gnas pa dang/ sems can 'di dag ni chog mi shes pa ste/ rnyed pa dang bkur sti dang chigs su bcad pa la spyod kyang bdag cag ni tshig shes pa'o snyam du 'dzin pa dang/ sems can 'di dag ni khyim gyi gnas sdug bsngal gyi gnod sbyin kun nas nyon rmongs pa can la rtag tu dga' bar gzigs nas de'i phyir sems can rnams la de bzhin gshegs pa'i thugs rje chen po skye ba dang/ chos thams cad ni rgyus nye bar 'gro ba ste/ bsgrub pas nye bar gnas pa'i mtshan nyid yin na sems can rnams kyis de ltar mi shes pa dang/ sems can rnams ni chags pa med pa'i ye shes dam pa khyad par du 'phags pa'i yongs su mya ngan las 'das pa 'di btang zhing gang 'di nyan thos kyi theg ba dang/ rang sangs rgyas kyi theg pa dman pa 'tshol ba yin gyis de dag la gang la gang 'di sangs rgyas kyi ye shes la dmigs par bya ba'i phyir rgya chen po la bla mos par bya'o zhes sems can la de bzhin gshegs pa'i thugs rje chen po skye ba'o/ /bsnyel ba mi mnga'
- 220a
ba'i chos nyid ni rnam pa bzhi ste/ mdzad pa thams cad dang/ yul thams cad dang/ mdzad pa'i thabs thams cad dang/ dus thams cad du bsnyel ba mi mnga' ba'o/ /bag chags yang dag par bcom pa yang rnam pa bzhi ste/ bskyod pa dang/ gzigs pa dang/ gsung ba dang/ gnas pa la nyon mongs pa mnga' ba 'dra ba'i kun tu spyod pa mi mnga' ba'o/ /rnam pa thams cad dang mchog mkhyen pa ni chos rnams kyi tshegs gsum po don dang ldan pa dang/ don dang ldan pa ma yin pa dang don dang ldan pa ma yin/ don dang ldan pa ma yin pa yang ma yin pa rnams mngon par rdzogs par sangs rgyas pa ste/ tha ma gnyis mkhyen pa ni rnam pa thams cad mkhyen pa nyid yin la/ dang po mkhyen pa ni mchog mkhyen pa yin te/ des ni rnam pa thams cad mchog dang ldan pa'i thams cad mkhyen pa'i ye shes mngon par rdzogs par byang chub ba bstan to/ /de bzhin gshegs pa'i bka' ni de kho na nyid thugs su chud pa'i dpal gyi mgur nas don dam pa'i chos dang lam gyi chos dang/ bstan ba'i chos bka' stsal ba dag ste/ de dag 'gro ba mdza' dag gis mos pa ji lta ba bzhin du bkur ba ni bsgrub pa la sogs pas mchod pa yin te/ dbu ma smra ba dag kun rdzob tu phung po lnga la brten nas tha snyad dang rjes su mthun par de dag 'dogs par byed do/ /de dag 'dogs par byed pas khas blangs pa la gnod pa med par bstan pa'i phyir/ des na gang zag gcig kho na 'byung ba na skye bo mang po la phan pa dang/ skye bo mang po la bar ba'i phyir 'byung ngo zhes bya ba la sogs pa dang/ de bzhin du dge ba'i bshes gnyen la brten nas sems can skye ba'i chos can rnams skye pa'i sdug bsngal las
- 220b
rnam par grol lo zhes bya ba la sogs pa dang/ de bzhin du/ yongs su shes bya yongs shes shing/ /spang bar bya ba spangs par gyur/ /bsgom par bya ba bsgoms zin pas/ /bzod ldan de phyir da sangs rgyas/ /zhes bya ba la sogs pa'i lung khas blangs pa la yang gnod pa med do zhes bya ba smras so/ /gal te don dam par khas ma blangs pa'i phyir ji skad smras pa'i skyon 'dogs pa med do zhe na zhes bya ba ni pha rol po dag na re dbu ma pas phung po lnga la brten nas tha snyad rjes su mthun par thams cad mkhyen pa bdags? pa dang/ lung khas blangs pa dang/ de dag don dam par khas ma blangs pa'i phyir khas blangs pa la gnod pa'i skyon ji skad smras pa ldog pa med de/ so na gnas so zhes zer ba'i tshigs yin no/ /de skad ces zer ba de'i lan du 'dir 'grel pa byed pa nyid kyi/ don dam par de yod pa nyid du ston pa'i rjes su dpag pa med pa'i phyir dang/ de ltar khas ma blangs pa kho nar 'gog par byed pa'i phyir skyon med do zhes bya ba smras te/ khyed la don dam par de bzhin gshegs pa dang lung de dag yod pa nyid du ston pa'i rjes su dpag pa med pa'i phyir dang/ kho bos don dam par de bzhin gshegs pa dang/ lung de dag yod pa de ltar khas ma blangs pa kho nar 'gog par byed pa'i phyir kho bo la khas blangs pa la gnod pa'i skyon med de/ /mu stegs can ngan pa mig nad na bas nyi ma'i dkyil 'khor gyi 'od zer mi bzod pa bzhin du stobs bcu dri ma med pa'i dkyil 'khor sa thams cad snang bar mdzad pa'i gsung ma nor ba'i 'od zer mi bzod pa dag gis smras pa zhes bya ba la sogs bas ni/ /mu stegs byed blang po'i rig can ngan pa dper na mig nad na ba nyi ma'i dkyil 'khor gyi 'od zer la brtag par mi bzod pa bzhin du
- 221a
de bzhin gshegs pa'i stobs bcu dri ma med pa'i dkyil 'khor srid pa gsum gyi sa cha dang bcas pa thams cad dang snang bar mdzad pa'i gsung ma nor ba'i 'od zer nyan par mi bzod pa/ de bzhin gshegs pa thams cad mkhyen pa ma yin par smra bdag /theg pa chen po dbu ma pa de bzhin gshegs pa'i gdung las skyes pa/ shes rab kyi pha rol tu phyin pa'i tshul gsal bar byed pa/ seng ge cang shes lta bus de bzhin gshegs pa thams cad mkhyen pa nyid du bsgrub pa'i rigs pa ni lcags kyu lta bus sna nas gzung zhing tshar bcad pa ston to/ /de'i phyir de dag na re de bzhin gshegs pa ni thams cad mkhyen pa ma yin te/ mi yin pa'i phyir dper na de las gzhan bzhin no// yang na de bzhin gshegs pa'i ye shes ni thams cad mkhyen pa'i ye shes ma yin te/ shes pa yin pa'i phyir dper na so so'i skye bo'i shes pa bzhin no/ /yang na de bzhin gshegs pa'i sku ni thams cad mkhyen pa'i ye shes kyi gzhi ma yin te/ lus yin pa'i phyir dper na so so'i skye bo'i lus bzhin no zhes zer te/ de dag ni de bzhin gshegs pa phyogs su byas pa dang/ ye shes phyogs su byas pa dang/ sku phyogs su byas te/ de bzhin gshegs pa thams cad mkhyen pa ma yin par sgrub pa'i rjes su dpag pa rnam pa gsum yin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar ro/ /de skad ces zer ba de'i lan du 'dir 'grel pa byed pa nyid kyis/ de la 'dir don dam pa pa'i de bzhin gshegs pa thams cad mkhyen pa ma yin no zhes ston na ni mi yin pa'i phyir zhes bya ba'i gtan tshigs kyi don ma grub pa nyid de/ /chos kyi sku ni mi la sogs pa'i spros pa dang bral
- 221b
pa'i phyir dang/ 'jig rten las 'das pa zag pa med pa'i chos kyi tshogs kyang khams gsum par ma gtogs pa'i phyir ro zhes bya ba smras te/ 'dis ni pha rol po dag gis de bzhin gshegs pa ni thams cad mkhyen pa ma yin te/ mi yin pa'i phyir dper na de las gzhan bzhin no zhes de bzhin gshegs pa phyogs su byas te/ thams cad mkhyen pa ma yin par bsgrub pa sun dbyung zhing/ de bzhin gshegs pa thams cad mkhyen pa nyid du sgrub pa ston te/ de la 'dir pha rol po dag don dam pa pa'i de bzhin gshegs pa thams cad mkhyen pa ma yin no zhes ston na ni pha rol po dag gis gtan tshigs mi yin pa'i phyir zhes bya ba de'i don ma grub pa nyid de/ ci'i phyir zhe na/ don dam pa pa'i de bzhin gshegs pa ni chos kyi sku yin pas chos kyi sku de mi la sogs pa'i spros pa dang bral ba'i phyir/ chos kyi sku la mi la sogs pa sems can rnams kyi chos gang dag yin pa de dag thams cad med pa'i phyir dang/ don dam pa pa'i de bzhin gshegs pa'i 'jig rten las 'das pa zag pa med pa'i chos kyi tshogs stobs bcu la sogs pa che ba'i yon tan rnams kyang khams gsum par ma gtogs pa'i phyir don dam pa pa'i de bzhin gshegs pa mi nyid yin par ma grub pa'i phyir ro/ mi yin pa'i phyir zhes bya ba'i gtan tshigs kyi don ma grub pa 'ba' zhig tu yang ma zad de/ de'i phyir 'dis byas pa nyid la sogs pa'i gtan tshigs kyi son dag kyang shes pa'i bya zhing zhes bya ba smras te/ pha rol po dag de bzhin gshegs pa ni thams cad mkhyen pa ma yin te/ byas pa nyid yin pa'i phyir ro zhes bya ba la sogs pa'i gtan tshigs gang dag ji snyed brjod du zin kyang don dam pa'i de bzhin gshegs pa thams cad mkhyen pa ma yin pa'i gtan tshigs su de dag mi rung ste/ dper na sgra ni rtag ste
- 222a
mig gi gzung ba yin pa'i phyir ro zhes bya ba bzhin du thams cad ma grub pa'i skyon dag kyang shes par bya'o/ /mi phal pa la sogs pa'i dpe'i skyon dag kyang brjod par bya'o/ /zhes bya bas ni pha rol po dag gi dpe ma grub par ston te/ pha rol po dag na re dper na de las gzhan bzhin no zhes zer ba'i dpe mi phal pa la sogs pa las blangs pa de dag kyang kho bo cag gi phyogs la don dam par chos thams cad skye ba med pa'i phyir gang gis de bzhin gshegs pa thams cad mkhyen pa ma yin pa mtshon pa'i dper rung ba mi phal pa la sogs pa thams cad mkhyen pa ma yin pa yang yod pa ma yin pas pha rol po dag gi dpe'i chos can ma grub pa'i skyon dag kyang brjod par bya'o/ /de ltar pha rol po dag la don dam pa pa'i de bzhin gshegs pa thams cad mkhyen pa ma yin par sgrub pa'i gtan tshigs dang/ dpe med pas don dam pa'i de bzhin gshegs pa thams cad mkhyen pa nyid du grub pas rnam pa de nyid kyis kho bo cag gi 'dod pa grub po/ /pha rol po'i sgrub pa sun dbyung pa dang/ rang dbang du rjes su dpag pas thams cad mkhyen pa ma yin par sgrub pa de sun phyung bas de'i phyir kho bo cag gis khyed tshar bcad cing bdag cag rgyal bar byas so/ /ye shes kyi phyogs la yang rnam pa de nyid kyi gtan tshigs dang dpe'i skyon dag dang/ de'i gtan tshigs 'dzin pa nyid dang/ dmigs pa dang bcas pa nyid la sogs pa'i skyon dag kyang brjod par bya'o/ /zhes bya bas ni pha rol po dag gis de bzhin gshegs pa'i ye shes ni thams cad mkhyen pa'i ye shes ma yin te/ shes pa yin pa'i phyir dper na so so'i skye po'i shes pa bzhin no zhes ye shes phyogs su byas te/ thams cad mkhyen pa ma yin par
- 222b
bsgrub pa sun dbyung zhing/ de bzhin gshegs pa'i ye shes thams cad mkhyen pa'i ye shes nyid yin par bsgrub pa ston te/ de la yang 'dir don dam pa pa'i de bzhin gshegs pa'i ye shes thams cad mkhyen pa'i ye shes ma yin no zhes ston na ni pha rol po dag gi gtan tshigs shes pa yin pa'i phyir zhes pa de'i don ma grub pa nyid de/ ci'i phyir zhe na/ 'di ltar don dam pa pa'i bden pa gang la ye shes kyang mi rgyu na rnam par shes pa lta smos kyang ci dgos pa de la shes pa skye ba med pa shes pa yin pa'i phyir zhes bya ba'i gtan tshigs de'i don ma grub pa nyid yin pa'i phyir ro/ /dper na so so'i skye po'i shes pa bzhin no zhes smras pa'i dpe de yang ma grub pa ste/ /ci'i phyir zhe na/ 'di ltar don dam par so so'i skye bo'i shes pa yang ma skyes pas dpe'i chos can ma grub pa'i skyon yod pa'i phyir ro/ /shes pa yin pa'i phyir zhes bya ba'i gtan tshigs kyi don ma grub pa 'ba' zhig tu yang ma zad de/ gal te pha rol po dag 'di skad ces de bzhin gshegs pa'i ye shes ni thams cad mkhyen pa'i ye shes ma yin te/ 'dzin pa nyid yin pa'i phyir dang/ dmigs pa dang bcas pa nyid yin pa'i phyir ro/ /zhes bya ba la sogs pa'i gtan tshigs dag brjod na de dag kyang don dam par skye ba med pa nyid kyis ma grub pa nyid do/ /zhes ma grub pa nyid kyi skyon brjod par bya'o/ /sku'i phyogs la yang gtan tshigs dang dpe'i skyon dag bzhin no zhes bya bas ni pha rol po dag gi de bzhin gshegs pa'i sku ni thams cad mkhyen pa'i ye shes kyi gzhi ma yin te/ lus yin pa'i phyir dper na so so'i skye bo'i lus bzhin no zhes sku phyogs su byas te/ thams cad mkhyen pa ma yin par bsgrub pa sun phyung zhing/ de bzhin gshegS pa'i sku thams cad mkhyen pa'i ye shes kyi gzhi nyid yin par bsgrub
- 223a
pa ston te/ de la yang 'dir don dam pa pa'i de bzhin gshegs pa'i sku thams cad mkhyen pa'i ye shes kyi gzhi ma yin no zhes ston na ni pha rol po dag gi gtan tshigs lus yin pa'i phyir zhes bya ba de'i don ma grub pa nyid de/ ci'i phyir zhe na/ 'di ltar don dam par de bzhin gshegs pa ni lus can ma yin pa'i phyir/ lus yin par ma grub pas lus yin pa'i phyir/ zhes bya ba'i gtan tshigs kyi don ma grub pa nyid yin pa'i phyir ro/ /dper na so so'i skye bo'i lus bzhin no zhes smras pa'i dpe de yang ma grub ste/ ci'i phyir zhe na/ 'di ltar don dam par so so'i skye bo'i lus kyang ma skyes pas dpe'i chos can ma grub pa'i skyon yod pa'i phyir ro/ de ltar re shig pha rol po dag gi bsgrub pa sun phyung bas don dam pa ba'i de bzhin gshegs pa thams cad mkhyen pa nyid du grub bo/ /'dir gal te pha rol po dag 'di skad ces don dam pa pa'i de bzhin gshegs pa la mi nyid smra ba po nyid ma grub pas de thams cad mkhyen pa nyid yin du zin kyang tha snyad pa'i de bzhin gshegs pa zas gtsang gi rigs su skyes pa 'di la mi nyid smra ba po nyid grub pa dang/ de thams cad mkhyen pa ma yin no zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis/ thams cad mkhyen pa ma yin no zhes dam bcas pa de'i don kyang re zhig gang yin/ ci thams cad ni mi mkhyen la/ chung zad mkhyen pa yin nam/ 'on te chung zad kyang mi mkhyen pa yin nam zhes brtag pa gnyis smras so/ /de la gal te brtag pa snga ma ltar 'dod na ni des ci zhig mi mkhyen par 'dod ces 'dri bar bya ste/ pha rol po dang/ thams cad mkhyen pa ma yin pa zhes bya ba de thams cad ni mi mkhyen la/ chung zad mkhyen pa yin par
- 223b
'dod na des thams cad ci zhig mi mkhyen par 'dod ces dri par bya'o/ /de skad ces dris pa na/ de dag na re/ gal te dbang po las 'das pa'o zhes na zhes bya bas de mi mkhyen to zhe na'o/ /de'i lan du des dbang po las 'das pa yang mkhyen par bsgrub pa'i rjes su dpag pa bstan pa'i phyir des de mkhyen te/ shes bya yin pa'i phyir nyid kyi phyag mthil du nor bu dri ma med pa la sogs pa bzhag pa bzhin no zhes bya ba smras te/ de dag ni chos can dang/ sgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na thams cad mkhyen pa nyid kyi phyag mthil du shel gong dri ma med pa la sogs pa bzhag pa ni shes bya yin pa'i phyir de mkhyen pa de bzhin du dbang po las 'das pa dag kyang shes bya yin pa'i phyir des mkhyen to/ /dbang po las 'das pa dag kyang gang zhe na/ 'di lta ste phung po lnga dang/ skye mched bcu gnyis dang/ khams bco brgyad dang/ mi sdug pa dang/ dbugs dbyung ba dang/ rdub pa dang/ dran pa nye bar gzhag pa bzhi dang/ yang dag par spyod ba bzhi dang/ rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags pa'i lam yan lag brgyad pa dang/ rten cing 'brel par 'byung ba dang/ rnam par thar pa'i sgo gsum dang/ rigs pa gsum dang 'phags pa'i bden pa bzhi dang/ 'phags pa'i rigs bzhi ste/ de dag la sogs pa dbang po las 'das pa'i chos rnamS bcom ldan 'das kyis mkhyen te/ shes bya yin pa'i phyir lag mthil du nor bu dri ma med pa bzhag pa bzhin pas de ltar rang dbang du rjes su dpag pa'i stobs kyis bcom ldan 'das thams cad mkhyen pa nyid du grub bo/ /yang na bcom
- 224a
ldan 'das kyis da ni thams cad mkhyen pa'o zhes gang gsungs pa'i thams cad mkhyen pa nyid ces bya ba'i sgra de'i brjod par bya ba'i don thams cad mkhyen pa nyid ces bya ba ni yod de de gsungs pa'i phyir de'i tshig bzhin pas de'i phyir thams cad mkhyen pa nyid kyi don kyang thams cad mkhyen pa nyid sgra bzhin du yod par 'gyur ro/ /'on te brtag pa phyi ma ltar 'dod na ni phyogs snga ma la gnod pa dang grags pas gnod de zhes bya ba ni 'on te pha rol po dag gis dam bcas pa de'i don cung zad kyang mi mkhyen pa yin na ni/ de ltar phyogs snga ma la gnod pa dang grags pas gnod par 'gyur bas mi rung ngo/ /ji ltar phyogs snga ma la gnod par 'gyur zhe na/ de ni mi yin pa'i phyir zhes khas blangs pa'i phyir dang zhes bya ba smras te/ sngar pha rol po dag gis de bzhin gshegs pa ni thams cad mkhyen pa ma yin te/ mi yin pa'i phyir dper na de las gzhan bzhin no zhes khas blangs pa'i phyir mi yin no zhes sngar khas blangs pa'i phyogs lang 'dir cung zad kyang mi mkhyen pa nyid do zhes dam bcas pa la gnod par 'gyur te/ mi yin na ni chung zad kyang mi shes pa'i chos med pa'i phyir dam bcas pa de'i don 'gal bas ma grub po /ji ltar grags pas gnod par 'gyur zhe na/ so so'i skye bo la sogs pa'i dpe dag 'jig rten la grags pas mi rung ste/ de dag gis kyang yul 'ga' zhig shes pa'i phyir ro zhes bya ba smras te/ sngar pha rol po dag gis de bzhin gshegs pa ni thams cad mkhyen pa ma yin te/ mi yin pa'i phyir dper na de las gzhan bzhin no zhes smras pa de chung zad kyang mi mkhyen pa'i dpe so so'i skye bo la sogs pa shes pa can dag las blangs pa de 'jig rten las grags pa dang 'gal te/ 'di ltar
- 224b
'di na dud 'gro zas dang/ gnas dang/ nyal ba dang/ 'khrig pa'i 'du shes bzhi pa dag gis kyang de dag tsam shes na mi la sogs pa gzhan gyis yul 'ga' zhig shes pa lta smos kyang ci dgos te/ de'i phyir dam bcas pa de 'jig rten la grags pa dang 'gal ba'i gnod pa yod pa'i phyir yang ma grub bo/ /gzhan yang pha rol po dag na re tha snyad pa'i de bzhin gshegs pa zas gtsang gi rigs su skyes pa 'di la mi nyid dang smra ba po nyid grub pas de thams cad mkhyen pa nyid ma yin no zhes pa'i tshigs de yang mi 'grub ste/ 'di ltar/ dam pa'i chos pad+ma dkar po'i mdo las/ bcom ldan 'das kyi zhal snga nas/ bskal pa grangs med pa'i snga rol nas bla na med pa yang dag par rdzogs pa'i byang chub mngon par rdzogs par sangs rgyas so zhes 'byung bas tha snyad kyi sgo nas kyang rnam par dag pa'i lha nyid yin pas mi nyid ma yin pa'i phyir mi nyid du yang ma grub la/ de bzhin gshegs pa'i gsang ba bstan pa'i mdo las/ zhi ba'i blo gros de bzhin gshegs ba gang gi nub mo bla na med pa yang dag par rdzogs pa'i byang chub mngon par rdzogs par sangs rgyas pa nas gang gi nub mo phung po'i lhag ma med pa'i mya ngan las 'das pa'i dbyings su yongs su mya ngan las 'das pa'i bar du de bzhin gshegs pas tha na yi ge gcig tsam yang ma gsungs so/ /de ci'i phyir zhe na/ zhi ba'i blo gros de bzhin gshegs pa ni rtag tu mnyam par bzhag pa ste/ dbugs 'byung bar yang mi mdzad/ dbugs rdubs? par yang mi mdzad/ rnam par rtog par yang mi mdzad/ rnam par dpyod par yang mi mdzad pa'i phyir te/ 'di ltar sngon gyi smon lam gyi dbang gi shugs kyis lhun gyis grub pas sems can rnams kyi bsam pa tshim par byed pa'i gsung yang 'byung la/ theg pa gsum rnam par bzhag pa yang ston
- 225a
to zhes 'byung ba tha snyad kyi sgo nas kyang gsungs brjod pa mi mnga' bas smra ba po nyid ma yin pa'i phyir smra ba nyid du ma grub pas/ de'i phyir kho bo cag la ni khas blangs pa la gnod pa yang med do/ /ji ste gzhan dag gis 'das pa dang ma 'ongs pa dang de ltar du gtogs pa dang/ ma gtogs pa dag ji ltar shes pa de ltar bcom ldan 'das kyis mi mkhyen to zhe na ni grub pa bsgrub pa yin te/ de dag gis log pa'i shes pas shes bya log par shes pa'i phyir ro/ /zhes bya ba ni ji ste pha rol po dag 'di skad ces/ lha chen po dang/ khyab 'jug dang/ rkang mig dang/ 'phel ba dang/ ser skya dang/ gzegs zan la sogs pa dag gis dus gsum gyi khongs su gtogs pa dang ma gtogs pa'i dngos po dag ji ltar shes pa de ltar bcom ldan 'das kyis mi mkhyen pas thams cad mkhyen pa nyid ma yin no zhe na ni grub pa la sgrub pa yin te/ lha chen po la sogs pa de dag gis log pa'i shes pas shes bya ji snyed yod pa nyid dang/ ji lta ba bzhin du yod pa nyid log par shes pa de ltar? bcom ldan 'das so so yang dag rig pa'i mkhyen par kho bo cag gi gzhung la yang grub pa'i phyir de yang rigs pa ma yin no/ /ji ste mkhyen pa ma yin no zhes bya ba ngan pa mkhyen pa'o zhe na ni kho bo cag gi ston pa thams cad shes pa'o zhes sgrub pa rnams kyi rang gi ston pa dag gis gtan tshigs thams cad ma nges pa nyid do zhes bya ba ni ji ste pha rol po dag 'di skad ces thams cad mkhyen pa ma yin no zhes bya ba rgyu med pa dang/ mi mthun pa'i rgyu dang/ rtag pa dang chad par lta ba la sogs pa ngan pa dag mkhyen pa'i phyir ro zhe na ni gtan tshigs ma nges pa nyid de/ 'di na mu stegs can dag kho bo cag gi ston pa rdzogs byed la sogs pa thams cad shes
- 225b
pa'o zhes bsgrub pa rnams kyi rang gi ston pa rdzogs byed la sogs pa dag rgyu med pa dang/ mi mthun pa'i rgyu dang/ rtag pa dang chad par lta ba la sogs pa ngan pa dag shes pas thams cad mkhyen pa ma yin par mthong bas nges na ji re zhig ngan pa mkhyen pas de bzhin gshegs pa thams cad mkhyen pa ma yin par 'gyur ram/ 'on te ngan par shes pas rdzogs byed la sogs dag thams cad shes pa ma yin par 'gyur ba'i gtan tshigs thams cad ma nges pa nyid yin pas de yang gyi na'o/ / dpyod pa can dag gis ni rgyal dpog la sogs pa dag gis ma nges pa nyid de zhes bya ba la sogs pas ni mu stegs dpyod pa can rig byed kyi mdza' gsang ba smra ba dag gi gzhung las 'jig rten na thams cad mkhyen pa zhes bya ba ni 'ga' yang med de/ rig byed 'ba' zhig yod gis rtag pa byed pa po gzhan med pa thams cad mkhyen pa ma yin pas shes pa can gzhan ni kha cig ni yang dag pa'i shes pa can yin/ kha cig ni log pa'i shes pa can yin par zad kyi/ thams cad mkhyen pa gzhan 'ga' yang med bas de bzhin gshegs pa yang thams cad mkhyen pa ma yin no zhes zer te/ de dag gi gzhung de yang 'di na dpyod pa can dag nyid kyi ston pa rgyal dpog la sogs pa dag kyang rig byed kyi mdza' smra bar zad kyi/ rang nyid thams cad mkhyen pa ma yin par mthod pas nges na ji re zhig rigs byed thams cad mkhyen pa ma yin pa'i phyir de bzhin gshegs pa thams cad mkhyen pa ma yin par 'gyur ram/ 'on te rgyal dpog la sogs pa thams cad mkhyen pa ma yin par 'gyur ba ma nges pa nyid yin pas des kyang gzhung mi tshug ? zhes ston to/ /de'i phyir de dag la brgal zhing brtag pa bstan pa'i phyir/ re zhig rab rib kyis zil gyis non pa de dag la/ 'di skad ces dri bar bya ste/ gang
- 226a
gis shes bya ba gang gi ngo bo nyid shes pa de yang dag pa'i shes pa dang ldan par brjod par bya'o/ /zhes bya ba smras te/ khyed na re rig byed 'ba' zhig yong gis rtag pa byed pa po gzhan med la/ thams cad mkhyen pa yin pas shes pa can gzhan ni kha cig ni yang dag pa'i shes pa can yin/ kha cig ni log pa'i shes pa can yin par zad kyi/ mkhyen pa gzhan 'ga' yang med pas de bzhin gshegs pa yang thams cad mkhyen pa ma yin no zhes zer na/ 'o na shes pa can gzhan dag las gang gis shes bya gang gi ngo bo nyid shes pa de yang dag pa'i shes pa dang ldan par brjod pa smros shig ces dri bar bya'o/ /de skad ces dris pa na/ de dag gal te 'di skad ces 'di'i ngo bo nyid ni 'di'o zhes de dag grub pa'i mdza' yongs su bzung ste smra na zhes bya ba ni de skad ces dris pa na/ de dag 'di skad ces kho bo cag gi ston pa rgyal dpog la sogs pa 'di'i ngo bo nyid ni yang dag pa'i shes pa dang ldan pa 'di yin no/ /khyed kyi ston pa de bzhin gshegs pa 'di'i ngo bo nyid ni log pa'i shes pa dang ldan pa 'di yin no zhes de dag rang gi grub pa'i mdza' yongs su bzung ste smra na'o/ /de dag de skad smra na/ 'grel pa byed pas de dag la/ dgag pa skabs ji ltar gsungs pa dag rgya cher brjod par bya'o zhes bya ba smras te/ 'di na rgyal dpog la sogs pa dang so so'i skye bo gzhan dag kyang rig byed ma yin pas log pa'i shes pa dang ldan par mthong bas des na ji re zhig de bzhin gshegs pa rig byed ma yin pas so so'i skye bo gzhan dag bzhin du log pa'i shes pa dang ldan par 'gyur ram/ 'on te rgyal dpog la sogs pa dag rig byed ma yin pas so so'i skye bo gzhan dag bzhin du log
- 226b
pa'i shes pa dang ldan par 'gyur ba ma nges pas de bzhin gshegs pa log pa'i shes pa dang ldan par ma grub po zhes bya ba dang/ rig byed nyid las gang zhig glang po che thal kar mche ba drug dang ldan par sbrul te/ yum gyi lhums su zhugs shing 'khrungs nas shes bya'i rgya mtsho thams cad 'thung ba de ni 'jig rten na thams cad mkhyen pa nyid yin no zhes 'byung ba de zla gzhan med pas de bzhin gshegs pa nyid thams cad mkhyen pa nyid yin par nges pa'i gtan tshigs dag rgya cher brjod par bya ste/ des na thams cad mkhyen pa grub bo/ /gang dag mkhas par rlom pas 'khrul pa dag gis smras pa/ de bzhin gshegs pa rnams ni thams cad mkhyen pa ma yin te/ lung du ma bstan pa'i dngos po lung ma bstan pa'i phyir dang/ mdzes ldan ma gsod pa ma sbran pa'i phyir dang bram ze'i bu mo dregs mas skur pa btang ba'i phyir dang/ grong khyer dmar can gyi bu 'jig pa ma nges pa'i phyir dang/ 'khor ba'i sngon gyi mdza' mi mngon zhes rang nyid mi shes par khas blangs pa'i phyir dang/ lha byin rab tu byung ba la sogs pa dag gi phyir dper na mi phal pa bzhin no zhes bya ba ni mu stegs can gang dag thams cad shas pa ma yin par thams cad shes par mngon pa'i nga rgyal can bdag nyid kyang 'khrul pas phung bar byed la gzhan dag kyang lam log par gtong ba dag de bzhin gshegs pa thams cad mkhyen pa ma yin par sgrub pa'i rjes su dpag pa gzhan yin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mi phal bas ni lung du ma bstan pa'i dngos po lung ston pa dang/ mdzes ldan ma gsod pa dag sgron
- 227a
pa dang/ dregs ma'i skur bzlog pa dang/ dmar can gyi bu jis 'jig pa dang/ 'khor ba'i mdza' ston pa dang/ lha byin rab tu byung ba bzlog la sogs pa'i shes pas thams cad mkhyen pa ma yin pa de bzhin du de bzhin gshegs pas kyang de dag mi mkhyen pas thams cad mkhyen pa ma yin no/ /de la lung du ma bstan pa'i dngos po lung du ma bstan pa zhes bya ba ni lung ma bstan pa'i dngos po bcu bzhi po 'di lta ste/ 'jig rten rtag pa dang 'jig rten mi rtag pa dang/ rtag kyang rtag la mi rtag kyang mi rtag pa dang rtag pa yang ma yin mi rtag pa yang ma yin pa dang/ 'jig rten mdza' yod pa dang/ 'jig rten mdza' yod pa ma yin pa dang/ mdza' yod kyang yod la/ mdza' med kyang med pa dang/ mdza' yod pa yang ma yin/ mdza' med pa yang ma yin pa dang/ de bzhin gshegs pa mya ngan las 'das nas yod pa dang/ de bzhin gshegs pa mya ngan las 'das nas med pa dang de bzhin gshegs pa mya ngan las 'das nas yod kyang yod la med kyang med pa dang/ de bzhin gshegs pa mya ngan las 'das nas yod pa yang ma yin/ med pa yang ma yin pa dang/ srog de lus de yin pa dang/ srog kyang gzhan la lus kyang gzhan? zhes bya bar lung du ma bstan pa de dag de bzhin gshegs pas kyang lung ma bstan pa'i phyir ro/ /mdzes ldan ma gsod pa ma spran? pa zhes bya ba ni bram ze rnams kyis bcom ldan 'das la skur pa gdab pa'i phyir shAkya'i bu mo mdzes ldan ma bsad de/ bcom ldan 'das kyi 'chag sang bor ba de bzhin gshegs pas sngar ma spran pa'i phyir ro/ /bram ze'i bu mo dreg mas skur pa btab zhes bya ba ni des bcom ldan 'das la skur ba gdab
- 227b
pa'i phyir shing gi gzhong bu lto bar slan te g.yog nas skye bo phal po che'i mdun du/ dge sbyong gau ta mas bdag sbrum par byas so zhes zer ba de de bzhin gshegs pas ma bzlog pa'i phyir ro/ /grong khyer dmar can gyi bu 'jig pa ma nges pa zhes bya ba ni/ bcom ldan 'das kyi grong khyer de chu ma mes 'jig go zhes pas gtan la 'bab par chu 'am me gang gis 'jigs pa nges par ma bstan pa'i phyir ro/ /'khor ba'i sngon gyi mdza' mi mngon no zhes rang nyid mi shes par khas blangs pa zhes bya ba ni gzhan dag gis 'khor ba'i sngon gyi mdza' mngon nam zhes zhus pa na bcom ldan 'das kyis mi mngon no zhes gsungs pas rang nyid mi shes par khas blangs pa'i phyir ro/ /lhas byin rab tu byung ba zhes bya ba ni de rab tu byung na/ dge 'dun gyi dbyen byed par 'gyur bar mi mkhyen nas de rab tu byung ba'i phyir de bzhin gshegs pa thams cad mkhyen pa ma yin no/ /stsogs pa'i sgras ni pha rol po dag de bzhin gshegs pa thams cad mkhyen pa ma yin par sgrub pa'i gtan tshigs 'di skad ces zer bdag bsdu ste/ shes bya mdza' yas kun shes min/ shes byed gzhan yod thug pa med/ /gcig gis rgyu dang mi rgyu ba/ /thams cad shes par byar mi nus/ /sbyor ba dmigs su med pa'i phyir/ /bstan bcos kun shes gang la yin/ / rig byed dag ni thams cad kyi/ /klog pa gang dag mi srid phyir/ /'jig rten dag na mi rnams dang/ /mu stegs byed la'ang kun mkhyen med/ /'dod chags zhe sdang skye ba 'am/ /gal te mi shes kun rig min/ /ma 'ongs pa dag mi shes phyir/ / kun rig med pa kho nar sems/ /gang phyir kun mkhyen sun 'byin pa/ /kho bo nyid kyang shes ma gyur/ /rdo? skyogs 'phen par byed pa yi/ /lha byin bsdus par gyur phyir dang/ /glang po'i dbang po 'ong ba yi/ /ma 'ongs pa dag shes ma gyur/ /skur
- 228a
'degs mdzes ldan gsod pa dag /ci yi phyir na bstan ma gyur/ /gang phyir dang po nyid nas ni/ /dge slong bsrung ba ma byas phyir/ /bdud? kyi las ni mi shes pas/ /sa la'i grong du zhugs pa dag/ bram ze brjod par gyur nas ni/ /nas rul? byin pa zos par gyur/ /bslab gzhis 'cha' ba' i snga rol du/ /ltung ba rnam par bzhag pa dag /ci yi phyir na byas ma gyur/ /de phyir ma 'ongs shes pa min/ /mchod dang ni rigs dang rus/ /tshul khrims yon tan ldan pa dang/ /thos dang shes dang 'bras bu yis/ /phyug pa'i rkang la phyag byang rigs/ /gang la yid gnyis skye ba yi/ /chos de su zhig smra bar 'dod/ /sems can skal ldan mi shes shin/ /de ltar byung ba'ang mi shes phyir// lnga pa dang ni bzang sde'i tshogs/ /da ltar ga la 'khod ces 'dri/ /lha rnams kyis ni spran pa'i phyir/ /da ltar byung ba shes ma gyur/ /gang phyir rangs byed sgyu rtsal shes/ /shi pa dag kyang lhas bstan pa/ /de phyir 'das pa mi shes pas// nges na thams cad mkhyen pa min/ /grong khyer 'jig par 'gyur ba ni/ /me 'am chus ni ma nges pas/ /the tshoms can gyi tshig can ni/ /kun mkhyen min par gsal bar shes/ /thams cad mkhyen pa yin gyur na/ /gzhan la 'dri ba mi rigS grang/ /nges ni dge slong tshogs rnams la/ /da ltar ci smra 'a? bod ces dri/ /mu stegs 'di dag ngo tsha med/ /da ni lus can mchog yin zhes/ /bdag bstod gzhan la smod byed pa/ /ji ltar kun mkhyen yin par 'dod/ /ngas ni sngon byung ma yin pa'i/ /'phags lam rnying pa thob gyur ces/ /snga phyi 'gal ba'i tshig smra ba/ /ji ltar thams cad mkhyen par rigs/ /zhes bya ba dag kyang gtan tshigs yin te/ de'i phyir de bzhin gshegs pa thams cad mkhyen pa ma
- 228b
yin no zhes zer ro/ /de skad ces zer ba'i lan du 'dir 'grel pa byed pa nyid kyis/ de dag gi yang dam bcas pa'i don rnam par brtags nas/ skyon ji skad bstan pa dag nyid brjod par bya zhing gtan tshigs dang dpe'i skyon dag ci rigs par brjod par bya'o zhes bya ba smras te/ 'dir rgol ba de dag gis sgrub pa sun 'byung zhing de bzhin gshegs pa thams cad mkhyen pa ma yin pa nyid du sgrub pa yang pha rol po dag gi dam bcas pa'i don rnam par brtags nas/ skyon sngar ji skad bstan pa dag nyid brjod par bya zhing gtan tshigs dang dpe'i skyon dag kyang ci rigs bar brjod par bya'o/ /'di skad bstan te/ de la 'dir don dam pa pa'i de bzhin gshegs pa thams cad mkhyen pa ma yin no zhes sngon na ni lung du ma bstan pa'i dngos po lung du ma bstan pa'i phyir dang/ mdzes ldan ma gsod par ma spran pa'i phyir dang/ bram ze'i bu mo drags mas skur pa btab pa'i phyir dang/ grong khyer dmar can gyi bu 'jig pa ma nges pa'i phyir dang/ 'khor ba'i sngon gyis mdza' mi mngon no zhes rang nyid mi shes par khas blangs pa'i phyir dang/ lha byin rab tu phyung ba dang/ shes bya mdza' yas kun mkhyen min/ /shes byed gzhan yod thugs pa med/ /gcig gis rgyu dang mi rgyu ba/ /thams cad shes par byang mi nus zhes bya ba la sogs pa'i gtan tshigs kyi don ma grub pa nyid de/ ci'i phyir zhe na/ 'di ltar ngon dam par lung du ma bstan pa'i dngos po la sogs pa de dag ma skyes pa'i phyir ro/ /dper na mi phal pa bzhin no zhes bya ba smras pa'i dpe yang ma grub ste/ ci'i phyir zhe na/ 'di ltar don dam par mi phal pa yang ma skyes pas dpe'i chos can ma grub pa'i skyon yod pa'i phyir ro/ /'on te 'dir tha snyad pa'i de bzhin gshegs pa thams cad mkhyen pa ma yin no zhes ston
- 229a
na ni thams cad mkhyen pa ma yin no zhes dam bcas pa de'i don kyang de zhig gang yin/ ci thams cad ni mi mkhyen la/ cung zad mkhyen pa yin nam/ 'on te cung zad kyang mi mkhyen pa yin/ de la gal te brtag pa snga ma ltar 'dod na ni des ci zhig mi mkhyen par 'dod/ gal te dbang po las 'das pa'o zhe na/ des de mkhyen te/ shes bya yin pa'i phyir/ nyid kyi phyag mthil du nor bu dri ma med pa la sogs pa bzhag pa bzhin no/ /'on te brtag pa phyi ma ltar 'dod na ni phyogs snga ma la gnod pa/ grags pas gnod de/ de mi yin pa'i phyir zhes khas blangs pa'i phyir dang/ so so'i skye bo la sogs pa'i dpe dag 'dzin la grags pas mi rung ste/ de dag gis kyang yul 'ga' zhig shes pa'i phyir ro zhes sngar bstan pa'i lug bzhin du ci rigs par dgag par bya ste/ re zhig de dag ni sun 'byin pa thams cad kyi lan spyir gdab pa yin no/ /da ni phyogs snga ma smra ba dag gis/ shes bya mdza' dag kun shes min/ /zhes bya ba la sogs pas sun 'byin pa'i gtan tshigs smras pa de dag re re nas lan gdab par bya ste/ ji ltar nam mkhas rtags tu ni/ /gzugs dngos thams cad khyab pa ltar/ /de bzhin ye shes mkha' 'dra bas/ /shes bya kun la khyab par 'dod/ /shes dang shes bya mnyam pa'i phyir/ /thub pa thams cad mkhyen par grub/ /thugs pa min pa yod min te/ /lung las ye shes cha phrad gsungs/ /gang phyir 'jig rten 'di dag na/ bdag ni shes ldan glen pa zhes/ /rang la shes pa 'jug pa'i phyir/ /bdag nyid shes pa 'gal ba med/ /nga ni bdag dang lnga yin zhes/ /des ni grangs can rnam par mkhyen/ /ngo bo nyid kyang rnam mkhyen te/ /mar mes bdag nyid ji
- 229b
bzhin no/ /gcig gis don rnams mang po dag /rnam par mkhyen pa nyid kyang snang/ /gang phyir ston pa spyan ldan pas/ /da mus long mang po rnams ltar min/ /rgyal ba'i bstan pa bshad pa la/ /sbyor ba dmigs su med pa ni/ /rig byed nyer? zhi ma yin pas/ /de phyir mkhyen kyang ma bstan to/ /gal te 'chi med yod pa'i phyir/ /rig byed rnams la zhi yod na/ /mi rung de ni log pa ste/ /mi rtag rtag par rtog phyir ro/ /gang gi phyir de dag gis 'chi ba med pa nyid du brtags pa'i ni mi rtag yin pa te/ ji skad du me'i gnas dag tu zla ba phyed phyed cing zla ba nya ba mthong gi mchod sbyin byed pa dang/ zla ba bzhi bzhi zhing zla ba bzhi ba'i mchod sbyin byed pa dang/ zla ba drug drug cing phyugs 'dogs pa'i mchod sbyin byed pa dang/ lo re? re zhing sman so ma'i mchod sbyin byed pa dang/ lo brgya brgya zhing me mchod pa 'dod pa spyod par byed do zhes bya ba la sogs pa gang dag smras pa de dag kyang 'jig rten na lo'i bra gyi ming du bya ba de dag ni mi rtag pa nyid du gnas pa'i phyir ro/ /rig byed rnams la don gsum te shis brjod bstod dang? cho ga'o/ /de la shis pa brjod pa ni mtho ris zhi bar gyur cig /bar snang zhi bar gyur cig /sa zhi bar gyur cig /chu zhi bar gyur cig /ces bya ba la sogs pa'o/ /bstod pa ni/ mdog sngon mgrin pa dmar po dang/ /kha dog nag po sbyin sreg za/ 'byung po kun gyi mun sel ba/ /de ni rtag tu thams cad song zhes bya ba la sogs pa'o/ /cho ga ni mar gyi mchod sbyin dang/ 'bras bu'i mchod sbyin la sogs pa ste/ don gsum po de dag gis gang du yang thar pa mi 'thob bo/ /gzhan yang rig byed rnams ni snga ba'i phyir/ gal te tshad ma nyid 'dod na/ mi shes log lta la sogs pa/ /ci phyir de dag tshad ma min/ /gal te
- 230a
da ltar gang byung ba/ /de dag tshad mar khyod 'dod na/ /ye shes dang ni yang dag lta/ /de yang tshad mar mi rigs 'gyur/ /gzhan yang rig byed rnams pa ni/ /rgyal ba'i bstan pa snga pa ste/ /'di ltar mang me mdzad la sogs/ /bde gshegs grangs med 'das phyir ro/ /pha rol pos smras pa/ gal te rig byed la sogs pa/ /don med de shes ci la dgos/ /gal te shes pa ma yin na/ /kun mkhyen min pas gnyi ga skyon/ / de'i lan du bshad pa/ dper na ded? dpon lam dang ni/ /lam min mkhas pa 'ga' zhig gis/ /lam ngan yongs su spong byed cing/ /bzang po'i lam du 'dzud pa ltar/ /ston pas zhib thob mdzad phyir/ /yan lag brgyad ba'i lam yang mkhyen/ /rig byed rnams kyang yongs mkhyen te/ /lam ngan bzhin du bstan ma mdzad/ /dper na 'bras kyi don du ni/ /zhing gi las la brtson byed pa/ /'bru rnams 'thob par 'dod mod kyi/ / sogs ma dag kyang skye ba ltar/ /de bzhin ston pa rdzogs sangs rgyas/ /bstan bcos thams cad mkhyen gyur pa/ /rig byed rnams kyang chub par bzhed/ /de phyir thub pa thams cad mkhyen/ /rig byed kun gyi pha rol tu/ /phyin pa yod min gang smras pa/ /ston pa rig byed rnams kyis ni/ /dang po 'dzin pa yin par grub/ /ji ltar la las mi ldog pa/ /mthong nas nyin brgya glog byed pa/ /'ga' yod min zhes zer ba ltar/ /khyod kyi tshig 'di de dang 'dra/ /ji ltar tshe ni bsrung ba'i phyir/ /'chi ba'i rgyu ni 'dod byed cing/ /de dag spang phyir shes byed ltar/ /gang la sogs pa shes de bzhin/ /ji ltar mis ni dug dag gis/ /mi rnams 'chi bar shes gyur kyang/ /gang phyir dug de ma zos na/ /'chi
- 230b
pa nyid du mi 'gyur ltar/ /de ltar de bzhin gshegs pas kyang/ /gang la sogs pa'i bstan chos dag /mkhyen kyang chags dang sdang mi 'gyur/ /gar la kun spyod spangs phyir ro/ /gang gi phyir thams cad mkhyen pa sun 'byin pas kho bo yang shes par ma gyur to zhes gang smras gang smras pa de la yang/ 'dir ni mtshan nyid bstan gyur pas/ /des ni rgyal ba sun 'byin pa/ /ma 'ongs khyod ni rnam mkhyen te/ /ming brjod cing yang dgos pa med/ /rab 'byung sdug bsngal zad pa yi/ /rgyud yin par ni rab mkhyen pas/ /des ni dge 'dun 'byed par 'gyur/ /yang de phyir lhas byin spang mi mdzad/ /rdo sgyogs 'phen pa gang yin pa/ /de'i tshe ston pa'i phrin las ni/ /smras 'gyur chung mi za bar yi/ /rnam smin 'bras bu de 'dra yin/ /ston pas skur 'debs gang yin pa/ /mkhyen kyang gsungs par ma gyur pa/ /der lung bstan na las de yi/ /'bras bu chung zad 'gyur phyir ro/ /gal te mdzes ldan 'chi 'gyur ba/ /mi mkhyen ma skyabs phyir zhe na/ /ji lta thub pa mnga' mdzad na/ /sems can thams cad mya ngan 'da' / /grong du zhugs pa'i 'og tu ni/ /bdud kyis klan ka btsal byas pa/ /'jig rten rjes su bzung phyir te/ der ni zhal mthong snang phyir ro/ /glang po 'dul ba'i phyir dang ni/ /'jig rten rjes su bzung ba'i phyir/ /bcom ldan grong du zhugs gyur cing/ /thub pa mi mkhyen gshegs ma yin/ /cho 'phrul dag kyang mthong gyur cing/ /chos kyang thos par gyur pa na/ /de'i bsod nams 'phel gzigs nas/ /rgyu skar bzang po bsdu pa mdzad/ /lam mgo gsum po bstan phyir dang/ /gcig tu mi dge spang phyir dang/ /las lam thams cad bstan pa'i phyir/ /bslab pa sngar ni byas pa yin/ /gzhan yang/ gso sbyong bstan phyir dang/ /nyes spyod rnam pa gsum dang ni//
- 231a
sdom pa kun gyi phyir yang ni/ /bslab pa dag ni bca' bar bzhed/ /dran pa nye bar gzhag bstan cing/ /rkang lag legs par sdom phyir dang/ /dge slong gis ni chos bzhi'i phyir/ /bslab pa dag ni bca' bar bzhed gang tshe dang po nyid du ni/ /dge slong rnams las bslab tshogs mdzad/ /ltung ba rnam par bzhag pa ni/ /nyes pa'i tshul dang mthun phyir ro/ /gang phyir na tshong rigs dang ni/ /rus la sogs pas bcun mi sgrub/ /bsnyen par rdzogs las brten byas nas /de phyir na tshod rab tu bsgrags/ /gang phyir bsnyen rdzogs rigs kun la/ /tha dad med par ston byed pa/ /de phyir rus dang rigs gyur pa'i/ /khyad par 'thad par mi 'gyur ro/ /gal te tshul las phyag bya bar/ /'dod na de phyir bsnyen rdzogs la/ /phyag byar 'os te bsnyen rdzogs de/ /tshul khrims kun gyi gzhi yin no/ /'gran pa'i phyir dang rmongs pa'i phyir/ /glen phyir sred pa'i phyir dang ni/ /de bzhin bstod phyir nongs thob bas/ /de phyir de la phyag mi bya/ /'gran phyir 'dod pa'i phyir yang ni/ /thos dang shes la brtson byed na/ /thos shes 'bras bu tshul yin pas/ /ci phyir de la phyag mi bya/ /gzhan yang/ ji ltar pha dang phu bo dag /'jig rten shes pa ma yin yang/ /gzhon nu thos shes ldan pa la/ /phyag byang rigs pa ma yin bzhin/ de phyir dang po bsnyen rdzogs pa/ /rgan phyir phyag byar 'os par 'dod/ /thos shes ldan pas dge slong nyid/ /phyis nas thob na gzhon pa yin/ /gal te thos shes yon tan gyis// phyug pa phyag bya'i 'os yin na/ /na tshod yon tan mnyam pa dag /gang la gang gi phyag kyang bya/ /'bras bu mngon shes spangs pa dag /so so'i skye bo shes dka' bas/ /de la phyag byang ma gsungs te/ /mnyam pa rnams kyang phyag mi
- 231b
bya/ /ston pa thugs las chung mdzad pa/ /skal ldan thugs su ma chud min/ /'di ltar chos kun 'dzin byed cing/ /de shes nyid ni shin tu dkon/ /rangs byed sgyu rtsal shes shi dang/ /lnga pa bzang sde 'khod pa dag /ston pas bstsal ba ma mdzad de/ /skal ldan nyid la gzigs pa mdzad/ /gang la bsal ba mdzad pa der/ /mkhyen pas 'jug par rigs pa yin/ /de gnyis shi dang gnas pa dag /mgon po rang gis mkhyen par gyur/ /gang phyir grong khyer 'jig pa la/ / nges pa yod pa ma yin pas/ /de phyir nges par ma gsungs te/ /mgo cig lung ma bstan de bzhin/ /bslab pa bca' bar mdzad pa dang/ /chos don bshad par mdzad slad du/ /da ltar ji smra 'khod ces smras/ /mkhyen bzhin du ni smras pa yin/ /ji ltar mi shes tshul gyis ni/ /zan la 'gro bar spangs sam zhes/ /'dri ba mi rigs ma yin ltar/ /ston pa de dang 'dra ba yin/ /da? mchog yin zhes bka' stsal pa/ /sems can spro bar bya ba dang/ /bag yod pa dang ba der 'gyur zhing/ /mngon par dga' ngar mdzad phyir ro/ /mu stegs ngan ces gang gsungs pa/ /'dren pa sems can rnams la ni/ /rjes su brtse bas de dag ni/ /ngan song lam ngan bzlog phyir ro/ /snga phyi 'gal zhes bya ba ni/ /don shes min pa khyod smra ste/ /'phags lam rang byang nyid yin phyir/ /lus can gzhan la sngon ma byung/ /yan lag brgyad ldan 'phags pa'i lam/ /dbyer med de bzhin gshegs pas mkhyen/ /sngon gyi sangs rgyas rjes gshegs pas// de tshe rnying ba yin zhes gsungs/ /de ltar sun 'byin pa sngar smras pa de dag gi lan gdab par bya'o/ /ji ste thams cad lung ma bstan pa'i phyir/ /zhes gtan tshigs brjod na zhes bya ba ni ji ste pha rol po dag 'di skad ces/ de bzhin gshegs
- 232a
pa ni thams cad mkhyen pa ma yin te/ thams cad lung ma bstan pa'i phyir dper na mi phal pa bzhin no zhes gtan tshig brjod na'o/ /de'i lan du de lta na yang rang gi ston pa dag gis ma nges pa nyid yin pas zhes bya ba smras te/ 'di na mu stegs can rang gi ston pa dag gis sbyang? thams cad lung ma bstan par mthong bas/ /de na ji re zhig thams cad lung ma bstan pa'i phyir dper na mi phal pa dag bzhin du de bzhin gshegs pa thams cad mkhyen pa ma yin par 'gyur ram/ /'on te thams cad lung ma bstan pa'i phyir dper na mi phal pa dag bzhin du khyed rang gi ston pa dag thams cad mkhyen pa ma yin par 'gyur ba ma nges pa yin pas gtan tshigs de yang mi rung ngo/ /de bzhin gshegs pa ni phyin ci ma log par mkhyen pa yin no zhes bag brkyang ste smra bar bya'o zhes bya ba ni mjug bsdu ba dang tshad ma'i 'bras bu yin te/ shes bya ji snyed yod pa dang/ ji lta ba bzhin du yod pa nyid phyin ci ma log par mkhyen pas thams cad mkhyen pa nyid du grub po zhes bag brkyang ste smra bar bya'o/ /thams cad ces bya ba yang gang yin zhes bya bas ni pha rol po'i gtan tshigs thams cad lung ma bstan pa'i phyir zhes bya ba de ma grub pa nyid du bstan pa'i phyir de nyid kyi tshig gi don gang yin pa'i phyir dri ba bstan to/ /de skad ces dris pa na/ gal te srog la sogs pa dag gam/ tshig gi don drug gis rdzas dag gam/ gtso bo dang skyes bu'o zhe na ni zhes bya ba ni gal te pha rol po dag na re thams cad ces bya ba nam mkha' i gos can dag 'dod pa'i srog la sogs pa dag gam/ bye brag pa dag 'dod pa'i tshig gi don drug gi rdzas dag gam/ grangs can dag 'dod pa'i gtso bo dang skyes bu'o zhe?
- 232b
na'o/ /de dag thams cad ma yin par dgag pa'i phyir/ de dag de ltar ngo bo nyid yod pa ma yin pas/ de dag thams cad nyid ma yin no zhes bya ba smras te/ srog la sogs pa de dag ni de ltar ngo bo nyid yod pa ma yin te/ ma skyes pa'i phyir dper na nam mkha' i me tog bzhin pas de'i phyir de dag thams cad nyid ma yin pa'i phyir de bzhin gshegs pas de lung ma bstan pa'i phyir thams cad mkhyen pa ma yin no zhes byar mi rung ste/ gtan tshigs kyi gzhi ma grub pa'i phyir ro/ /ji ste spyi bo zhe na ni zhes bya bas ni ji ste pha rol po dag na re thams cad ces bya ba yod pa nyid ce 'am/ rta nyid ce 'am/ ba glang nyid ces bya ba lta bu'i spyi chen po dang/ nyi tshe pa'i spyi zhes bya ba dngos po thams cad dang/ kha cig la khyad par med pa'i tshig gi don zhig yod pa ste/ de bye brag tu lung ma bstan pa'i phyir thams cad mkhyen pa !ma yin no zhe na'o/ /de dgag pa'i phyir/ des de dag ngo bo nyid med pa nyid du yang dag pa ji lta ba bzhin du mkhyen te/ zhes bya ba smras te/ de bzhin gshegs pa des spyi de dag ngo bo nyid med pa nyid du yang dag pa ji lta ba bzhin du mkhyen te/ ngo bo nyid med pa nyid du lung bstan pas/ pha rol po dag gis gtan tshigs kyi don ma grub pa nyid do/ /spyi de dag ngo bo nyid med pa nyid du ji ltar mkhyen ce na/ de ltar ni bstan kyang zin la/ ston par yang 'gyur ro zhes bya ba smras te/ ? bstan bcos 'di nyid las so/ /dpyod pa can dag la kha ba cig gi smras pa/ de bzhin gshegs pa'i gsung rab ni thams cad mkhyen pa ma yin pas smras pa yin te/ byed pa po dang bcas pa'i phyir dper na bye brag ba la sogs pa'i bstan bcos bzhin no zhes bya bas ni mu stegs dpyod
- 233a
pa can dag las kha cig gi smras pa/ de bzhin gshegs pa'i gsung rab byed pa po dang bcas pa'i gtan tshigs kyi thams cad mkhyen pa ma yin par smras pas de ston pa de bzhin gshegs pa yang thams cad mkhyen pa ma yin par sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bye brag pa la sogs pa'i bstan bcos 'di ni byed pa po dang bcas pa'i phyir thams cad mkhyen pa ma yin pas smras pa yin pas/ de ston pa gzigs? zan la sogs pa dag kyang thams cad mkhyen pa nyid ma yin pa de bzhin du de bzhin gshegs pa'i gsung rab kyang byed pa po dang bcas pa'i phyir thams cad mkhyen pa ma yin pas smras pa yin pas de ston pa de bzhin gshegs pa nyid kyang thams cad mkhyen pa ma yin no zhes zer ro/ /de skad ces zer ba de'i lan du 'dir 'brel ba byed pa nyid kyis/ de dag ni dam bcas pa'i don kyang rnam par brtags nas snga ma bzhin du skyon brjod par bya'o zhes bya ba smras te/ 'dis ni thams cad mkhyen pa ma yin pas smras pa yin te zhes dam bcas pa de'i don kyang re zhig gang yin/ ci thams? nang ni mi mkhyen la cung zad mkhyen pa yin nam/ 'on te cung zad kyang mi mkhyen pa yin/ de la gal te brtag pa snga ma ltar 'dod na ni des ci zhig mi mkhyen par 'dod/ gal te dbang po las 'das pa'o zhe na/ des de mkhyen te/ shes bya yin pa'i phyir nyid kyi phyag mthil du nor bu dri ma med pa la sogs pa bzhag pa bzhin no/ /'on te brtag pa phyi ma ltar 'dod na ni phyogs snga ma 'gog pa la gnod pa dang /
- 233b
grags pas gnod de de ni mi yin pa'i phyir zhes khas blangs pa'i phyir dang/ so so'i skye bo la sogs pa'i dpe dag 'jig rten la grags pas mi rung ste/ de dag gis kyang yul 'ga' zhig shes pa'i phyir ro zhes de dag gi dam bcas pa'i don kyang rnam par brtags nas snga ma bzhin du skyon brjod par bya ba bstan to/ /rig byed ni byed po dang bcas pa yin te/ bklag par bya ba yin pa'i dper na bye brag pa la sogs pa'i bstan bcos bzhin pas rig byed ni byed pa po dang bcas pa'i phyir zhes bya ba'i gtan tshigs ma nges pa nyid do zhes bya bas ni pha rol po dag gi gtan tshigs byed pa po dang bcas pa'i phyir zhes bya ba de ma nges pa nyid du bstan pa'i phyir dpyod pa can dag gi rig byed kyang byed pa po dang bcas pa nyid du bsgrub pa'i rjes su dpag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ /dpe dang mjug bsdu pa yin par go rim bzhin du sbyar te/ dper na bye brag pa la sogs pa'i bstan bcos ni bklag par bya ba yin pa'i phyir byed pa po dang bcas pa yin pa de bzhin du dpyod pa can dag gi rig byed kyang bklag par bya ba yin pa'i phyir /byed pa po dang bcas pa yin pas rig byed kyang byed pa po dang bcas pa yin par grub po/ /nges na rig byed smra ba dag gi lung las rig byed las ni mi smra gang/ /rig byed las ni mi snang gang/ /thams cad med par brjod par bya/ /rig byed 'bra pa'i thos pa med/ /ces 'byung bas rig byed ni thams cad mkhyen pa yin par 'dod pa'i phyir nges na re zhig byed pa po dang bcas pa'i phyir/ dper na bye brag pa la sogs pa'i bstan bcos bzhin du/ de bzhin gshegs pa'i gsung rab thams cad mkhyen pa ma yin pas smras pa yin pas de ston pa de bzhin gshegs pa thams cad mkhyen pa ma yin par
- 234a
'gyur ba yin nam/ 'on te byed pa po dang bcas pa'i phyir spyod pa can dag gi rig byed thams cad mkhyen par 'dod pa de bzhin du de bzhin gshegs pa'i gsung rab thams cad mkhyen pas gsungs pa de ston pa de bzhin gshegs pa thams cad mkhyen pa yin par 'gyur ba ma nges pas pha rol po dag gi gtan tshigs byed pa po dang bcas pa'i phyir zhes bya ba de ma nges pa nyid yin pa'i phyir de bzhin gshegs pa'i gsung rab ni thams cad mkhyen pa ma yin pas smras pa yin te/ zhes dam bcas pa'i don ma grub pas de bzhin gshegs pa'i gsung rab kyang thams cad mkhyen pas gsungs pa yin la/ de ston pa de bzhin gshegs pa yang thams cad mkhyen pa nyid yin par grub bo/ / bam po bdun cu gnyis pa/ ji ste rig byed kyi tshig dag ni byas pa ma yin te/ byed pa po mi dran pa'i phyir ro zhe na zhes bya ba ni dpyod pa can dag byed pa po mi dran pa'i phyir zhes bya ba'i gtan tshigs kyis rig byed kyi tshigs dag byed pa bos byas pa ma yin par bsgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos yin par go rim bzhin du sbyar ro/ /de skad ces zer ba de'i lan du 'dir 'grel pa byed pa nyid kyis/ de ni bzang po ma yin te/ gtan tshigs kyi rjes su 'gro ba bstan dka' ba'i phyir ro zhes bya ba smras te/ rig byed kyi tshig dag mi byas pa ma yin te/ byed pa po mi dran pa'i phyir dper na che ge mo zhig bzhin no zhes gtan tshigs kyi rjes su 'gro ba'i dpe bstan dka' ba'i phyir de ni bzang po ma yin no/ /ji ste khron pa rnying pa'i byed pa po mi dran bzhin no zhe na ni khron pa byas pa yin na ni de byas pa yin pas de'i byed pa po mi dran yang med pa ma yin pas byas pa ma yin pa'i dper yang
- 234b
mi rung ngo/ /ji ste nam mkha' i me tog la sogs pa'i byed pa po mi dran pa bzhin no zhe na yang/ rig byed yod pa la byed pa po med par bsgrub pa'i dper na nam mkha' i me tog la sogs pa med pa la/ byed pa po mi dran pa mi rung bas khyed kyi bsgrubS pa de la ji ltar bsgres kyang/ gtan tshigs kyi rjes su 'gro ba'i dpe med pas mi rung go/ /lung las nges brjod ni ri bo nges pa zhes bya bar byas la/ snyan tshig dag ni ri bo snyan pa zhes bya bar byas la/ srid srung nyi ma'i rgyu ni ri bo skal ldan? phug ron can du byas so zhes 'byung bas gtan tshigs kyis don rang la yang ma grub pa nyid do zhes bya bas ni spyod pa can dag gi gtan tshigs byed pa po mi dran pa'i phyir zhes bya bas rig byed kyi tshig dag byas pa ma yin par sgrub pa de rang? la yang ma grub pa nyid du ston te/ rig byed smra ba dag nyid kyi lung las nges brjod kyi rig byed ni ri bo nges pa zhes bya bar byas la/ snyan tshig gi rig byed dag ni ri bo snyan pa zhes bya bar byas/ srid srung gi rig byed nyi ma'i rgyud ces bya ba ni ngo bo skal ldan phug ron can zhes bya bar byas so zhes 'byung bas de dag gi byed pa po mi dran yang gnas de dag tu byas so zhes 'byung bas/ dper na khron pa rnying pa'i byed pa po mi dran yang de byas pa ma yin par mi 'grub pa bzhin du khyed kyi gtan tshigs byed pa po mi dran pa'i phyir zhes bya ba rig byed kyi tshig dag byas pa ma yin par sgrub pa de ni don yang rang? la ma grub pa nyid do/ /gal te gsal ba dag gis skyon med do zhe na/ zhes bya ba ni dpyod pa can dag na re rig byed ni sus? kyang ma byas pa yong gis yod pa rtag pa yin te/ dper na brda sprod pa ni sus kyang ma byas pa yong gis yod pa rtag pa yin yang 'jig rten na ni de shes pa med cing mi gsal bar gyur na/ lha'i dbang po brgya byin nam pA? ci ni
- 235a
la sogs ba dag gis lha yul dang mi yul du gsal bar byas pa bzhin du rig byed kyang ri bo nges ba dang snyan pa dang skal ldan phug ron can dag tu rig byed klog pa kha cig gis gsal bar byas pas kho bo cag gi gtan tshigs ma grub pa'i skyon med do zhes zer ba'i tshig yin no/ /de skad ces zer ba de'i lan du 'dir 'brel pa byed pa nyid kyis/ phyogs des kyang mi nus te/ gsal ba snga ma bzhin du dgag pa'i phyir ro zhes bya ba smras te/ rig byed mi gsal pa ni gsal bar mi byed de/ mi gsal ba'i phyir dper na nam mkha' i me tog bzhin no zhes grangs can gyi gsal ba dgag pa sngar bstan pa bzhin dgag pa'i phyir ro/ /rig byed kyi tshig dag ni byas pa yin te/ rtogs par 'dod pa'i don go sla ba nyid du tshig gi rim pa bstan pa'i phyir/ dper na grangs can gyi bstan bcos kyi tshig dag bzhin no zhes bya bas ni dbu ma pas rig byed kyi tshig dag byas pa nyid yin par bsgrub pa'i rjes su dpag pa ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na grangs can gyi bstan bcos kyi tshig dag ni rtogs par 'dod pa'i don go sla ba nyid du tshig gi rim pa bstan pa'i phyir ser skya la sogs pas byas pa yin pa de bzhin du spyod pa can gyi rig byed kyi tshig dag kyang rtogs par 'dod pa'i don go sla ba nyid du tshig gi rim pa bstan pa'i phyir byed pa po 'ga' zhig gis byas pa yin no/ /rtogs par 'dod pa'i don go sla ba nyid du tshig gi rim pa bstan pa ni dper na rig byed las/ ma no dzyo ti/ dzu Sha tAM/ a dzya sya/ bri haspa ti/ ma no dzyo ta dzyo ti/ dzu Sha te/ dzu Sha tAM? a dzya
- 235b
? a dzya? sya/ bri haspa ti/ ma no dzyo ti dzyo ti dzyo ti/ dzu Sha tAM/ dzu Sha tAM/ dzu Sha tAM/ adzya sya/ a dzya sya/ a dzya sya/ bri ha spa ti/ zhes bya ba lta bu la sogs pa dag 'byung ba bzhin no/ /de bzhin du ji skad bstan pa'i yan lag lhag ma dag 'dod pa nyid dang/ gzung ba nyid dang/ brjod par bya ba nyid dang/ don dang ldan pa nyid dang/ chos sgrub pa nyid la sogs pa'i gtan tshigs dag gi phyir ro zhes kyang rjes su 'phag pa rgyas par brjod par bya'o/ /zhes bya bas ni sngar bstan pa'i yan lag lhag ma chos can dang/ bsgrub par bya ba chos dang/ dpe de dag gtan tshigs 'di dag gis kyang bsgrub par bya'o zhes bya bar sbyar te/ rig byed kyi tshig dag ni byas pa yin te/ bram ze rnams kyi 'dod pa dang bcas pa nyid la sogs pa yin pa'i phyir/ dper na grangs can gyi bstan bcos kyi tshig dag bzhin no zhes bya bar sbyar ro/ /dpyod pa pa dag gis rab tu brtags pa'i sgra la ni sgra'i ngo bo nyid med de/ dbang po'i gzung ba yin pa'i phyir dper na gzugs bzhin no zhes bya ba ni dpyod pa can dag gi gzhung las rig byed kyi sgra la/ rtag pa ngo bo nyid yod par 'dod pa dgag pa'i rjes su dpag pa ston te/ de dag kyang chos can dang/ bsgrub par bya ba chos dang/ bsgru pa'i chos dang/ dpe yin par go rim bzhin du sbyar te/ dper na gzugs ni dbang po'i gzung ba yin pa'i phyir ngo bo nyid med pa de bzhin du sgra yang dbang po'i gzung ba yin pa'i phyir ngo bo nyid med do/ /sgra ni gsal bar bya ba ma yin te/ rtog pa'i rgyu? yin pa'i phyir/ dper na yan lag gis las bzhin no zhes dpyod pa can gyi gzhung las rig byed kyi? sgra? ni yong gis yong pa skang gyi byings kyi bag la zha zhing 'dug pa/ rkan dang/ mchu dang/ so dang/ lce? la sogs
- 236a
pa'i bya bas gsal bar byed do zhes zer ba dgag pa'i rjes su dpag pa ston te/ de dag kyang chos can dang/ bsgrub par bya ba chos dang sgrub pa'i chos dang/ dpe yin par go rim bzhin du sbyar te/ dper na yan lag gi las zhes bya ba lag rtsis ni de'i bsgyur ba las tha snyad rtogs pa'i rgyu yin pa'i phyir/ gsal bar bya ba ma yin gyi bskyed par bya ba yin ba de bzhin du sgra yang smra ba las tha snyad rtogs pa'i rgyu yin pa'i phyir gsal par bya ba ma yin gyi/ bskyed par bya ba yin no/ /de bzhin du yod pa nyid dang/ brjod par bya ba nyid dang/ shes bya nyid dang/ chos sgrub pa nyid dang/ dga' ba dang yongs su gdung ba'i rgyu nyid la sogs pa'i gtan tshigs dag gi phyir ro zhes kyang rjes su dpag pa rgyas par brjod par bya'o zhes bya bas ni/ phyogs dang dpe snga ma'i gtan tshigs ni 'di dag kyang yin par sbyar ro/ /'dis sngon ma byung pa'i lha nyid kyis gsal par bya ba nyid yin no zhes zer ba dgag pa yang khong du chud par bya'o zhes bya ba ni gsal pa dgag pa'i rjes su dpag pa snga ma 'dis/ dpyod pa dag gi gzhung las rig byed kyi tshig dag ni/ sus kyang ma byas pa yong gi yod pa rtag pa yin te/ 'jig rten na rig byed 'don pa dag gi rgyud la mi gsal bar gyur pa na tshangs pas gzhung srang ste/ gsal bar byas pas rig byed ni lha nyid kyis gsal bar bya ba nyid yin no zhes zer ba dgag pa yang de bzhin du long du chud bar bya'o zhes bya bar sbyar ro/ /rig byed ni byed pa po tshul khrims 'chal pas byas par shes par bya ste/ 'tshe ba dang bsgrod par bya ba ma yin par 'gro ba dang/ chang 'thung ba chos su ston pa'i phyir dper na par sig la
- 236b
sogs pa'i bstan bcos bzhin no zhes bya bas ni dpyod pa can dag gi rig byed dag byed pa pos byas pa lta los kyang yin kyi/ byas pa'i nang na yang byed pa po sdig can tshul khrims 'chal ba zhig gis byas par rjes su dpag pa ston te/ de dag chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na par sig la sogs pa'i bstan bcos ni byi skyil la sogs pas srog chags la 'tsho ba dang/ bu srid dang nyal ba la sogs pa bgrod par bya ba ma yin par 'gro pa dang/ lkog tu myos kyang bla'i zhes bya ba la sogs pas chang 'thung ba dag chos su stan pa'i phyir/ byed pa po tshul khrims 'chal pas byas par shes par byas pa de bzhin du/ spyod pa can dag gi rig byed kyang zla ba bzhi pa ni zhing zla ba bzhi pa zhes bya ba'i mchod sbyin dang/ zla ba drug dug cing phyug 'dog ba zhes bya ba'i mchod sbyin byed pa'i tshe/ phyugs la mdog cing mchod sbyin byed pas srog chags la 'tsho ba dang/ go sa be zhes bya ba'i mchod sbyin byed pa'i tshe ma dang bu sring la sogs pa dang/ lhan cig tu gcer bur byung te/ phyug bzhin du rkang lag bzhig la btsugs shing rtswa za ba ltar bcos te mang la gyi sgor lces 'dag ? dang/ bshad pa'i lam du snom pa dang/ 'khrig pa lhag par spyod pa la sogs pa dang/ bu med pa la mtho ris su 'gro ba med do zhes zer zhing dbang po dul bar bya ba dang/ mtho ris su 'gro pa'i lam ni bu yod par bya ba ma yin no/ /zhes phyags? bzhin du ma srid la sogs pa dang 'chol par spyod pa la sogs pas bgod par bya ba ma yin par 'gro ba dang/ so so ta ma ni zhes bya ba'i mchod sbyin gyi tshe chang dang bces pa'i chad dang bag med par 'thung ba la sogs pas chang
- 237a
'thung ba de dag thams cad mtho ris su skye ba'i rgyu dge ba'i chos yin par ston pa'i phyir/ byed pa po sdig can tshul khrims 'chal pa zhig gis byas par shes par bya'o/ /gal te bstan bcos las 'byung ba'i 'tshe ba ni chos ma yin pa ma yin te/ gsang sngags kyis yongs su gzung ba'i phyir/ dper na dug za ba bzhin no zhe na/ zhes bya ba ni de pyod pa can dag na re reg byed kyi bstan bcos las phyugs la sags pa bsang de mchod sbyin bya bar 'byung pas ni sdig pa ma yin te/ phyugs 'dogs pa zhes bya ba'i mchod sbyin byed pa'i tsher dang ba lang la sogs pa bcings ta kha mig la sogs pa dbang po thams cad bsubs nas kye phyugs mthong? ris su song shig /khyed kyi mig dag par bya'o/ /rna ba dag par bya'o/ /sna dag par bya'o/ /lce dag par bya'o/ /lus dag par bya ba'i gsang sngags kyis btab te/ bsad nas mchod sbyin byas na phyugs de nyid dang/ mchod sbyen byed pa dang/ yon bdag dang/ /de'i sha zos pa dang/ gsung bsnams pa la sogs pa thams cad mtho ris su skye'o zhes zer ba'i gzhung ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na dug gsang sngags kyis bsad de/ zos sa? mi dug pa de bzhin du rig byed las phyugs bsad de/ mchod sbyin byas par 'byung ba yang/ he pa sho/ swa rgang gadz+tsha? tek+Shu? shund+ha mi/ tha? ta shund+ha/ mi g+ha na shund+ha mi/ dzi ba ha shund+ha mi/ kA ya shund+ha mi/ zhes bya ba la sogs pa'i gsang sngags kyis bsad de/ mchod sbyin byas pa chos ma yin no zhes zer ro/ /de skad ces zer ba de'i lan du 'dir 'grel pa
- 237b
byed pa nyid kyis/ de na bzang po ma yin te/ ma byin par len pa dang/ 'dod pa la log par g.yem pa la sogs bdag gis ma nges pa nyid yin no zhes bya ba smras te/ sdig can byung rgyal du smra ba'i tshig de ni bzang po ma yin te 'don? ma byin par len pa dang/ 'dod pa la log par g.yem pa la sogs pa mi dge ba bcu dang mtshams med pa lnga la sogs pa dag spyod? pa la bram ze bye bu 'bum phrag du mas gsang sngags kyis btab kyang de dag mi dge ba ma yin par ma mthong bas des na je re zhig gsang sngags kyis yongs su gzung ba'i phyir/ dper na dug za ba bzhis du rig byed las 'byung ba'i 'tshe ba chos ma yin pa ma yin par 'gyur ram/ 'on te gsang sngags kyis yongs su gzung ba'i phyir/ dper na mi dge ba bcu dang mtshams med pa lnga la sogs pa dag bzhin du rig byed las 'byung ba'i 'tshe ba chos ma yin par 'gyur ba ma nges pas khyad kyi gtan tshigs gsang sngags kyis yongs su gzung ba'i phyir/ zhes bya ba de ma nges pas mi rung ngo/ /da ni de nyid rjes su dpag pas bsgrub pa bstan pa'i phyir/ 'tshe ba ni ngan 'gror 'gro ba'i rgyu yin te/ bsams bzhin du ma nor par gsod pa'i phyir dper na tha mal pa phyugs gsong pa bzhin no zhes bya ba smras te/ de dag ni chos can dang bsgrub par bya ba chos dang/ sgrub pa'i chos dang/ dpe yin par go rim bzhin du stong te/ dper na mchod sbyin gyi cho ga ma gtogs par tha mal par rngon dang/ lings? dang/ 'dran tor dang/ 'dod zhen dang/ sha kho na la sogs pas phyugs gsong pa ni bsams bzhin du ma nor bar gsong pa'i phyir ngan 'gror 'gro ba'i rgyu yin pa de bzhin du spyod pa can dag gi mchod sbyin gyi tshe srog chags la 'tshe ba yang bsams
- 238a
bzhin du ma nor bar gsod pa'i phyir ngan 'gror 'gro ba'i rgyu yin no/ /yang na mchod sbyin gyi gnas su 'tshe ba'i mtshan nyid gyi bya ba ni ngan 'gror 'gro ba rgyu yin te/ gzhan gsod par rjes su gnang ba son? du gtang ba nyid yin na bya ba'i khyad par yin pa'i phyir dper na mchod sbyin gyi gnas ma yin par 'cho ba'i mtshan nyid kyi bya ba bzhin no zhes bya bas ni dpyod pa can dag mchod sbyin gyi gnas su phyugs gsod pa la sogs pa ? ba'i mtshan nyid kyi bya ba byed pa'i las ni ngan 'gror 'gro ba'i rgyu yin par sgrub pa'i rjes su dpag pa gzhan ston te/ de dag ni chos can dang/ /bsgrub par bya ba chos dang/ sgrub pa'i chos dang/ dpe yin par go rim gzhin du sbyar te/ dper na mchod sbyin gyi gnas ma yin par phyugs gsod pa la sogs pa 'tshe ba'i mtshan nyid kyi bya ba ni rang gi sems kyis gzhan gsod par rjes su gnang ba sngon du gtad ba nyid yin na mi dge ba'i bya ba'i khyad par yin pa'i phyir ngan 'gror 'gro ba'i rgyu yin pa de bzhin du mchad sbyon gyi gnas su mchod sbyin gyi ched du byugs la sogs pa gsod pa 'tshe ba'i mtshan nyid kyi bya ba yang rig byed las gzhan gsod par rjes su gnang ba son du gtang ba nyid yin na mi dge ba'i bya ba'i khyad par yin pa'i phyir ngan 'gror 'gro ba'i rgyu yin no/ /de la 'dir gzhan gsod par rjes su gnang ba sngon du gnang ba nyid yin na bya ba'i khyad par yin pa'i phyir zhes gtan tshigs kyi khyad par gnyis smos ci dgos she na/ gal te bya ba'i khyad par yin pa'i phyir zhes bya ba ma smos par gzhan gsod par rjes su gnang ba sngon du gtang ba nyid yin na zhes bya ba de tsam zhig smos par gyur na bya ba'i khyad par med pa'i phyir
- 238b
phyogs kyi chos gtan tshigs su mi rung bas de'i phyir bya ba'i khyad par yin pa'i phyir zhes smos so/ /gal te gzhan gsod par rjes su gnang ba sngon du gtang ba nyid yin na zhes bya ba ma smos par bya ba'i khyad par yin pa'i phyir zhes bya? ba de tsam zhig smos par gyur na yang sbyin pa la sogs pa'i bya ba'i khyad par yin pa'i phyir mtho ris su 'gro ba'i rgyu yin pa 'am/ srog gcod pa la sogs pa'i bya ba'i khyad par yin pa'i phyir don 'gror 'gro ba'i rgyu yin pa ma nges par 'gyur bas de'i phyir gzhan gsed par rjes su gnang ba sngon du btang ba nyid yin na bya ba'i khyad par yin pa'i phyir zhes bya ba gnyis ga smos te/ rig phyed las gzhan gsod par rjes su gnang ba sngon du btang ba nyid yin na mi dge ba'i bya ba'i khyad par yin pa'i phyir ngan ba gror 'gro ba'i rgyu yin no zhes bya bar sbyar ro/ /gal te 'dir mi mkhas pa 'ga' zhig dper na chu chen po'i rgyun gyis khyer ba na rtswa ka sha dang/ ku sha tsam la 'ju? ba rang byung? bar 'tshe ba'i mtshan nyid kyi bya pa ngan 'gror 'gro ba'i rgyu yin par bsgrubs pa 'di la 'di skad ces/ khyed dbu ma pas mchod sbyin gyi gnas su 'tshe ba'i mtshan nyid kyi bya ba ni ngan 'gror 'gro ba'i rgyu yin te zhes dam bcas pa 'di la mchod sbyin gyi gnas su zhes bya pa'i tshig 'di'i rnam par dbye ba ni mchod sbyin gyi gnas kyi nang du zhes bya ba'i sgra yin pas nges na mchod sbyin gyi gnas kyi nang du ni 'tshe ba'i mtshan nyid kyi bya ba kho bo cag kyang mi byed pas khyed na re mchod sbyin gyi gnas su 'tshe ba'i mtshan nyid kyi bya ba ngan 'gror 'gro ba'i rgyu yin pas mi bya'o zhes zer ba'i sgrub pa de grub pa la sgrub pa'i skyon chags pa yin pas mi rung te/ 'di ltar kho bo cag gi gzhung las kyang
- 239a
mchod sbyin gyi gnas zhes bya ba ni kun sbyin pa'i me dang/ khyim bdag gis byas pa'i me dang/ mchod pa'i me zhes bya ba sbyin sreg gi thab khung gsum po dag yin pas kho bo cag gi sbyin sreg mkhan dag kyang thab khung gsum po de dag gi nang nyid du phyug gsod pa la sogs pa mtshe ba'i mtshan nyid kyi bya ba mi byed de/ mchod sbyin gyi gnas kyi phyi rol phyogs gzhan du phyugs gsod pa la sogs pa 'tshe ba'i mtshan nyid kyi bya ba byas nas sha la sogs pa thab de gsum gyi nang du sbyin sreg byed pas de ni ngan 'gror 'gro ba'i rgyu ma yin no zhes zer na/ de la 'di skad ces rjod par bya ste/ 'dir kho bos mchod sbyin gyi gnas su zhes smras pa'i tshig de'i rnam par dbye ba ni mchod sbyin gyi gnas kyi nang du zhes bya ba'i sgra ma yin gyi mchod sbyin gyi gnas kyi phyir zhes bya ba'i sgra yin pas/ des na ji tsam du mchod sbyin gyi gnas kyi phyir ram de'i don duAm/ de'i ched du phyugs gsod pa la sogs pa 'tshe pa'i mtshan nyid kyi bya ba byed na sbyin sreg gi thab kyi nang du yang rung/ thab ngogs su yang rung/ mchod sbyin gyi gnas kyi nang rol du yang rung/ phyi rol du yang rung/ de'i phyogs yang rung/ phyogs gzhan du yang rung ste/ de dag thams cad ngan 'gror 'gro ba'i rgyu yin te/ gzhan gsod pa rjes su gnang ba sngon du btang ba nyid yin na bya ba'i khyed par yin pa'i phyir dper na mchod sbyin gyi gnas ma yin par 'tshe ba'i mtshan nyid kyi bya ba bzhin no zhes dam bcas pa de'i phyir kho bo'i sgrub pa de grub pa sgrub pa ma yin pa'i phyir khyod kyi sgrub pa nges ni dper na chu chen po'i rgyun gyis khyer ba na rtswa ka sha dang ku sha tsam la 'jus
- 239b
pas pha mi len pa dang 'dra bar mchod sbyin gyi gnas su 'che ba'i mtshan nyid kyi bya ba ngan 'gror 'gro ba'i rgyu ma yin par mi 'grub po/ /gang dag 'jig rten rgyad pan pa dag pas kyang sdig che bar rig byed smra ba'i tha ma lag gi rjes su zhugs nas mchod sbyin gyi gnas su 'tshe ba'i mtshan nyid kyi bya ba ni mchod sbyin gyi gnas ma yin par 'tshe ba'i mtshan nyid kyi bya ba ltar chos ma yin pa ma yin te/ bstan bcos las chos ma yin pa mi ston pa'i phyir dpe ma grub bo zhes zer na zhes bya ba ni bram ze dpyod pa can srog chags la 'tshe ba sdig can zang zing 'dod pa gang dag 'jig rten rgyud pan pa dag pas kyang sdig che ba rig byed smra ba'i tha ma lag gi rjes su zhugs pa dag dbu ma pa'i sgrub pa snga ma'i dpe mchog sbyin gyi gnas ma yin par 'tshe ba'i mtshan nyid kyi bya ba bzhin no zhes bya ba de bsgrub par bya ba chos kyis stong pas ma grub bo zhes zer ba'i tshig yin te/ de dag na re mchod sbyin gyi gnas ma yin par 'tshe ba'i mtshan nyid kyi bya ba ni ngan 'gror 'gro ba'i rgyu yin pa nges bden pas mchod sbyin gyi gnas su 'tshe ba'i mtshan nyid kyi bya ba ni mchod sbyin gyi gnas ma yin par 'tshe ba'i mtshan nyid kyi bya ba ltar chos ma yin pa ma yin te/ ci'i phyir ma zhe na/ 'di ltar mchod sbyin gyis gnas su 'tshe ba'i mtshan nyid kyi bya ba ni rig byed kyi bstan bcos las 'byung la/ rig byed kyi bstan bcos ni yid ches pa'i lung yin pas de las chos ma yin pa mi ston pa'i phyir mchod sbyin gyi gnas su 'tshe ba'i mtshan nyid kyi bya ba ni ngan 'gror 'gro ba'i rgyu ma yin pas khyod kyi dpe mchod sbyin gyi gnas ma yin par 'tshe ba'i mtshan nyid kyi bya ba bzhin no zhes bya ba de bsgrub par bya ba chos kyi stong pa'i phyir ma grub bo zhes
- 240a
zer ro/ /de skad ces zer pa de'i lan du 'dir 'grel pa byed pa nyid kyis/ de dag ni 'jig rten rgyad pan pa blo gros sbyang ba ma byas pa/ mi dge pa'i bya ba la mngon par dga' bya'i sems dang ldan pa rnams kyi 'jug pa gang yin pa de gtso cher bsgrub par byed pa yin pas gtam 'dre bar byas pa yang ma yin med kyi/ 'on kyang de dag gi lung dgag pa brjod par bya ste/ zhes bya ba smras te/ de dag ni bdag nyid kyang nyams la gzhan dag kyang chung za bar byed pa yin pas gtam 'dre bar bya ba yang ma yin mod kyi/ 'on kyang de dag bdag nyid nyams pa la snying brtse ba dang/ gzhan dag chung za bar byed pa bzlog pa'i phyir de dag gi lugs dgag pa brjod par bya ste zhes bya bar sbyar ro/ /de dgag pa rjes su dpag pa bstan pa'i phyir/ mchod sbyin gyi gnas su 'tshe ba'i mtshan nyid kyi bye ba gang yin pa de ni tshe 'di la de'i gnas la 'bras bu ji lta bu mngon par sgrub par byed pa de lta bu kho na'i 'bras bu tshe phyi ma la byed pa po la mngon par 'grub par byed pa yin te/ bya ba'i khyad par yin pa'i phyir dper na sbyin pa bzhin no zhes bya ba smras te/ des ni mchod sbyin gyi gnas su 'tshe ba'i mtshan nyid kyi bya ba gang yin pa nges ngan 'gror 'gro ba'i rgyu yin pas dbu ma pa'i dbe snga ma de bsgrub par bya ba chos kyis mi stong por bsgrub pa'i rjes su dpag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na sbyin pa ni dge ba'i bya ba'i khyad par yin pa'i phyir tshe 'di la sbyin pa de'i gnas mchod pa dang/ drin bsab pa dang/ snying rje ba dag la chos dang/ zang zing dang/ mi 'jigs pa sbyin
- 240b
pa'i 'bras bu ji lta bu mngon par sgrub bar byed pa/ de lta bu kho na'i 'bras bu tshe phyi ma la sbyin pa po la mngon par 'grub par byed pa de bzhin du mchod sbyin gyi gnas su 'tshe ba'i mtshan nyid kyi bya ba gang yin pa de yang mi dge ba'i bya ba'i khyad par yin pa'i phyir tshe 'di la 'tshe ba de'i gnas phyugs la sogs pa'i lus la bcing ba dang/ bsub pa dang/ mtshen gyis gdab pa dang/ sreg gcod pa dang/ sha bsreg pa la sogs pa'i 'bras bu ji lta bu mngon par sgrub bar byed pa de lta bu kho na'i 'bras bu tshe phyi ma la byed pa po la mngon par 'grub par byed pa yin pas mchod sbyin gyi gnas su 'tshe ba'i mtshan nyid kyi bya ba gang yin pa de ni ngan 'gror 'gro ba'i rgyu yin pa'i phyir kho bo'i dpe mchod sbyin gyi gnas ma yin par 'tshe ba'i mtshan nyid kyi bya ba ngan 'gror 'gro pa'i rgyu yin pa bzhin no zhes bya ba de bsgrub par bya ba chos kyis mi stong bas grub pa yin no/ /gang dag 'di skad ces phyugs mchod sbyin du ? pa ni chos ma yin pa ma yin te/ de'i ched nyid yin pa'i phyir gang zhig gang gi ched du sbyar ba de de'i ched du spyad pa chos ma yin pa'i rgyur mi 'gyur te/ dper na sbyin bdag gis bram ze'i ched du 'bras chan sbyar ba bzhin zhes zer na zhes bya bas ni spyod pa can dang/ par sig dang/ mo go shad dang/ mu sul mon dang/ tar sag la sogs pa dag gi gzhung las phyugs la sogs pa dud 'gro rnams mchod sbyin du spyad pa dang/ mis bza' ba'i rkyen du bya ba yin pas de dag mchod sbyin du spyad pa dang/ mis zos pa la sdig pa med do zhes zer ba'i gzhung ston te/ de dag ni chos can dang/ bsgrub par bya ba chos dang/ sgrub pa'i chos dang/ nye bar sbyar ba'i sbyor ba dang
- 241a
dpe yin par go rim bzhin du sbyar te/ de skad ces zer ba de'i lan du 'dir 'grel pa byed pa nyid kyis/ de ni bzang po ma yin te/ 'ga' zhig gis phyugs mchod sbyin gyi ched du spyal? to zhes bya ba de mi 'grub ste/ sprul pa po 'ga' zhig gis blo sngon du btang te/ byas par khas ma blangs pa'i phyir ro zhes bya ba smras so/ /dud 'gro'i mchod sbyin gyis lha mnyes par 'gyur ro zhes zer ba de yang 'jig rten bslu ba'i tshig yin par bstan pa'i phyir/ dud 'gro phyugs ngan 'gro log par ltung bar skyes pa bde ba shin tu dgon pa sha kho na med pa 'chi pas 'jigs skrag pa mya ngan bya bar 'os pa dag bsad pas lha lha'i phreng ba dang/ byug pa dang rgyan dang/ gos 'chang ba'i gzugs can pa dung rtsi mchog tu yid du 'ong par? zhim? pa'i zas za ba 'byor pa chen po dang ldan pa rnams dga' bar 'gyur ro/ /zhes bya ba de la su zhig yid ches pa skye bar 'gyur zhes bya ba smras so/ /de nyid kyi rjes su dpag pa bstan pa'i phyir/ phyugs ngag ni mchod sbyin gyi ched ma yin te/ longs spyad par bya ba yin pa'i phyir dper na mchod sbyin bya ba'i 'bras bu bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mchod sbyin bya ba'i 'bras bu mtho ris su skye ba la sogs pa ni longs spyod par bya ba yin pa'i phyir mtshad spyin gyi tshad ma yin te/ 'di ltar mchod sbyin nyid de'i ched yin pa de bzhin du phyugs dag kyang bzhi? ba dang bkal ba la sogs pas longs spyad par bya ba yin pa'i phyir mchod sbyin gyi ched ma yin te/ 'di ltar mchod sbyin nyid de dag gi ched yin pas gang
- 241b
dag 'di skad ces phyugs mchod sbyin du spyad pa ni chos ma yin pa ma yin te/ de'i ched nyid yin pa'i phyir ro zhes zer ba de'i gtan tshigs kyi don ma grub po/ /de bzhin du yod pa nyid la sogs pa'i gtan tshigs dag gi phyir ro zhes kyang rjes su dpag pa rgyas par brjod par bya'o zhes bya ba ni phyogs de'i gtan tshigs ni yod pa nyid dang/ brjod par bya ba nyid dang/ shes bya nyid dang/ chos sgrub pa nyid dang/ dga' ba dang yongs su gdung ba'i rgyu nyid la sogs pa dag kyang yin par sbyar ro/ /de ltar spyod pa can dag rig byed ni sus kyang ma byas pa yong gis yod pa rtag pa thams cad mkhyen pa yin par bsgrub pa'i gzhung sun dbyung ba bstan to/ /de ni phyogs tsam zhig nye bar bstan pa yin te zhes bya ba ni mchod sbyin dgag pa'o/ /zhar la bshad pas chog go zhes bya ba ni thams cad mkhyen pa bsgrub pa'o/ /de'i phyir de ltar thams cad mkhyen pa ni chos thams cad ngo bo nyid phyin ci ma log par ston pa bka' lha dang mi'i bla ma rnams kyis bkur pa ste/ de nyid bcom ldan 'das stobs bcu mnga' ba yin no zhes bya ba ni mjug bsdu ba dang tshad ma'i 'bras bu yin te/ de ltar phas kyi rgol ba mu stegs byed glang po'i rigs can rnams kyi tshig dag de bzhin gshegs pa'i dka' seng ge'i sga lta bu'i lung? gis tshar bcad pas de bzhin gshegs pa thams cad mkhyen pa nyid du grub bo /gtam ha cang 'phres pas chog gis skabs nyid la 'jug par bya'o zhes bya bas ni thams cad mkhyen pa ma yin par smra bar sun dbyung ba dang/ thams cad mkhyen pa nyid bsgrub pa de tsam gyis chog gis da ni don dam par de bzhin gshegs pa ngo bo nyid med par bsgrub pa'i skabs nyid la 'jug par bya'o zhes ston to/ /'dir smras pa
- 242a
khyod kyis chos thams cad spros pa med do zhes khas blangs la/ chos thams cad sdong pa'o zhes spros par yang byed pas de'i phyir khas blangs pa la gnod par 'gyur ro zhes bya ba ni pha rol po dag dbu ma pa la khas blangs pa la gnod pa'i skyon 'dogs pa'i tshigs yin no de'i lan du 'dir bshad pa de ni bden mong kyi zhes bya ba ni chos thams cad spros pa med pa ni bden no zhes ston no/ /don dam par spros pa med pa bden mod kyi/ kun rdzob tu stong ngo zhes spros pas ma bstan na/ sgrub par byed pa dag gis de mi rtogs pas don dam par rtogs par bya ba'i thabs su tha snyad du spros pas bstan to zhes sgrub pa'i phyir/ gal te chos thams cad stong ngo zhes ma bstan pa yang sgrub par byed pas thos pa las byung ba'i shes pa med par chos thams cad stong ngo zhes bya bar rtogs par 'gyur na ni don dam par stong ngo zhes kyang mi brjod de/ mi stong zhes kyang mi bya zhing gnyis dang gnyis min mi bya ste/ /zhes bya ba smras te/ de ltar de skad spros par bya ba yang mi dgos pa zhig na zhes bstan to/ /de lta ma yin pas de'i phyir bsod nams dang ye shes kyi tshogs dang rjes su mthun par sgrub par byed pa rnams kyis de ltar rtogs par bya ba'i phyir stong pa nyid la sogs pa'i brjod pa dag gis/ gdags pa'i don du brjod par bya /yang dag pa ma yin par rtogs pa'i dri ma bkru ba'i phyir ro zhes bya ba ni de lta ma yin pas de'i phyir tshogs gnyis rdzogs bar bya ba dang/ lta ba ngan pa'i dri ma bkru ba'i phyir kun rdzob tu stong pa nyid la sogs pa'i brjod pe dag gis stong pa dang/ mi stong pa dang/ gnyi ga dang/ gnyi ga ma yin no zhes spros te bstan par bya ba
- 242b
la skyon med do zhes stan to/ /da ni kun rdzob tu stong pa nyid la sogs par bstan pa'i dgos pa bstan pa'i phyir/ de la re zhig lta ba'i ling tog gzhig pa'i phyir shes bya stong ngo zhes brjod par bya'o/ /med par lta ba spang ba'i phyir sgyu ma dang/ smig rgyu lta bu'i bdag nyid kyis mi stong ngo zhes kyang brjod par bya'o/ /don dam par rang las skye ba med pa'i phyir dang/ sgyu ma la sogs pa'i ngo bo nyid kyi bdag nyid du skyes pa'i phyir gnyi ga zhes kyang brjod par bya'o/ /gang yang rung ba'i mthar ltung ba yongs su spang pa'i phyir dang/ bden pa gnyis la rnam par bltos pas gnyi gar lta ba'i skyon gyi dug bsal ba'i phyir dang/ don dam pa'i bden pa rtogs par bya ba'i phyir gnyi ga ma yin no zhes kyang brjod par bya'o/ /zhes bya ba smras so/ / de'i phyir de ltar yang dag pha ma yin par rtog pa'i dri ma bkru ba'i phyir stong pa nyid la sogs pa brjod de zhes bya ba ni dgos pa bzhi bstan pa'i mjug bsdu ba ste/ mi mthun pa bzhi po de dag bkru ba'i phyir stong pa dang/ mi stong pa dang/ gnyi ga dang gnyi ga ma yin pa zhes brjod do/ /stong pa nyid la sogs pa mi mthun pa de dag spong ba'i khungs bstan pa'i phyir/ ji skad du stong pa nyid ni lta bar gyur pa thams cad las nges par 'byin pa'o zhes gsungs pa lta bu'o zhes bya ba smras so// de nyid kyi khungs slob dpon 'phags pa lhas mdzad pa bstan pa'i phyir gzhan yang gal te dngos po rang bzhin yod/ /stong mthong yon tan ji zhig yod/ /rtog pas bcings pa mthong bas na/ /'dir ni de nyid gdags par bya zhes bshad pa lta bu'o zhes bya ba smras te/ gal te don dam par dngos po rnams ngo bo nyid kyis yod par gyur na stong pa mthong ba la yon tan ji zhig yod de/ 'di ltar ngo bo nyid la 'gyur ba med pe'i phyir stong pa nyid mthod ba la yon tan 'ga' yang/
- 243a
med par 'gyur bzhig na/ stong pa nyid mthong ba la mya ngan las 'das pa 'thob pa zhes bya ba'i yon tan yod pas de'i phyir dngos po rnams ngo bo nyid yod pa ma yin no/ /gal te gzhan dag na de dngos po rnams ngo bo nyid med na yang stong pa nyid mthong ba la yon tan ji yod lta ba dag dngos po yod na ni stong pa nyid mthong bas de dag sel bas stong pa nyid mthong ba la lta ba sel ba'i yon tan yod do zhe na/ de'i lan du rtog pas bcings pa mthong bas na/ /'dir ni de nyid dgag par bya zhes gsungs te/ 'di'i don ni dngos po thams cad stong pa nyid yin yang mi stong par rtog pa la mngon par zhen pas 'khor par bcings pa dag 'di na mthong bas na/ de'i phyir mi stong par rtog pas 'khor bar bcings pa'i rtog pa de nyid 'dir dgag par bya ba yin pa'i phyir stong pa nyid mthong ba la yon tan yod do/ /de lta bas na gang dag 'di skad ces gal te don dam par dngos po rnams yod pa ma yin na kun nas nyon mongs pa dang/ rnam par byang ba dag rgyu med par ji ltar rung? bar 'gyur zhes zer ba de dag gis lan kyang/ rtog pas bcings pa mthong bas na zhes bya ba 'di nyid yin te/ dper na khyim thabs gzhan du song ba'i chung mas rang gi khyim thabs shi ba'i gtam thos pa'i 'og tu de tsam bdag gi khyim thabs bud med gzhan dang 'khrig zhing 'dug go snyam pa'i rtog pa skyes na gzhi med pa'i rtog pa des rang gi sems la phrag dog dang zhe sdang skyes pas bcings pa dag 'di ma mthong bas dngos po yod pa ma yin bzhin du rang gi rtog pas bcings pa de nyid kun nas nyon mongs pa'i rgyu yin pas de 'dir dgag par bya ba yin no/ /gal te gzhan gyi dbang gi ngo bo nyid yod par gyur
- 243b
na ni/ ngo bo nyid yi spod ba'i phyir nyon mongs pa spong ba mi srid par 'gyur ro/ /de ltar yang bcom ldan 'das la 'phags pa rab 'byor gyis zhus pa/ bcom ldan 'das gal te don dam par dngos po thams cad stong pa lags na/ 'o na ji lta so so'i skye bo rnam par bzhag pa dang/ dgra bcom pa'i bar dag rnam par bzhag /bcom ldan 'das kyis bka' stsal pa/ rab 'byor 'di lta ste dper na mi zhig nyid lag pa'i rmi lam na bdag nyid sprul gdug pas zin te shi ba la thug pa las dug sman zos pa dang bdag nyid med? par shes pa de la dug kyang med sman yang med pa de bzhin du don dam par dngos po yod pa ma yin pa dag la tha dad du nyon mongs pa dang bcas pa dang/ nyon mongs pa med par 'dogs so zhes gsungs pa dang/ /'phags pa la de gar? gshegs pa'i mdo las kyang/ kun rdzob tu ni dngos rnams yod/ /don dam du ni dngos po med ces gsungs pa dang/ 'phags pa blo gros chen pos zhus pa/ gal te don dam par ngo bo nyid ma mchis na de lta na kun rdzob kyis bden pa mchis sam/ bcom ldan 'das kyis bka' stsal pa/ dngos nyid med la gang 'khrul pa/ /de ni kun rdzob bden pa'o/ /zhes gsungs pas gang ngo bo nyid med par yongs su ma shes pas ngo bo nyid dang bcas pa nyid du mngon par zhen pa'i 'khrul pa gang yin pa de ni kun rdzob kyi bden pa'o /de nyid ngo bo nyid med pa ni don dam pa yin pas dngos po rnams ngo bo nyid med pas mya ngan las 'das pa thob par 'gyur ro/ /gal te gnyi ga ma yin no zhes spros? pa byed pas spros pa yang ma yongs? so zhe na zhes bya ba ni pha rol po dag na re gnyi ga ma yin no zhes bya ba de yang spros pa yin pas khas blangs ba la gnod pa'i skyon yod do zhes zer ba'i chig yin no/ /de'i lan du/ de las gzhan pa'i spros pa
- 244a
dgag par 'dod pas de skad smras kyang skyon med de zhes bya ba smras te/ /gnyi ga ma yin pa las gzhan pa stong pa dang/ mi stong pa zhes pa dgag par 'dod pa'i phyir ro/ /de nyid kyi dpe bstan pa'i phyir/ dper na rang nyid sgra mi 'dod pas gzhan dag gis sgra dgag par 'dod pa'i phyir sgra ma 'byin zhes brjod pa la skyon med pa bzhin no zhes bya ba smras so/ /yang na don dam par ston par byed pa'i rgyu'i shes pa tha snyad pa'i shes pa khyad par don dam pa nye bar gdags pa byas nas don dam par dngos po rnams stong ngo zhes dam bcas pa'i phyir skyon med de zhes bya bas ni sngar don dam ni spros pa med mod kyi kun rdzob tu ma spros na don dam pa mi rtogs pas kun rdzob kyi sgo nas don dam par stong pa nyid do zhes bstan pa de las rnam pa gzhan du bshad pa ston te/ 'dis ni don dam pa ston pa'i shes pa kun rdzob pa la don dam pa nye bar btags te/ don dam par dngos po rnams stong ngo zhes bstan pa khas blangs pa la gnod pa'i skyon med do zhes bstan to/ de nyid kyi khungs bstan pa'i phyir/ 'og nas kyang/ tha snyad la ni ma brten par/ /dam pa'i don ni bstan mi nus/ /zhes 'byung ngo zhes bya ba smras te/ 'phags pa'i bden pa brtag pa'i skabs nas 'byung ngo/ /gzhan yang mi stong pa dgag pa kho na'i phyir stong pa nyid ces brjod par zad kyi/ stong pa nyid du bsgrub pa gtso cher ma bstan pas skyon med do zhes bya bas ni med par dgag pa bstan gyi/ ma yin par dgag pa ma bstan pas skyon med do zhes ston to/ /de'i phyir de bzhin gshegs pa ngo bo nyid stong yang gang dag 'di skad ces 'di la de bzhin gshegs pa de rtag pa'i? mi rtag pa'i rtag kyang rtag la mi rtag kyang mi rtag pa'am/ rtag pa yang ma yin/ mi rtag
- 244b
pa yang ma yin pa'am/ de bzhin du 'jig rten mdza' yod pa 'am/ 'jig rten mdza' med pa 'am/ mdza' yod kyang yod la mdza' med kyang med pa 'am/ mdza' yod pa yang ma yin/ mdza' med pa yang ma yin pa zhig tu 'gyur ba'i phyir/ de dag ji ltar 'grub pa de bzhin du bdag kyang 'grub la/ dngos po rnams kyang 'grub bo zhes zer ba zhes bya ba ni bdag dang phung po rdzes su yod par smra ba dag de bzhin gshegs pa rtag pa dang mi rtag pa la sogs pa bzhi po dag las gang yang rung ba gcig tu 'gyur pa'i phyir zhes bya ba'i gtan tshigs kyis don dam pa'i de bzhin gshegs pa rdzes su yod par grub pas bdag kyang rdzas su yod par grub la/ 'jig rten mdza' yod pa dang/ mdza' med pa la pa bzhi po dag las gang yang rung ba gcig tu 'gyur pa'i phyir zhes bya ba'i gtan tshig kyis kun rdzob pa'i de bzhin gshegs ba rdzes su yod par grub pas dngos po rnams kyang rdzas su yod par grub bo zhes zer ba'i tshig yin no/ /de dag gi phyir 'di bshad de/ rtag dang mi rtag la sogs bzhi/ /zhi ba 'di la ga la yod/ /mdza' dang mdza' med la sogs bzhi/ /zhi ba 'di la ga la yod/ /de bzhin gshegs pa ngo bo nyid kyis ma skyes pa'i zhi ba 'di la ste zhes bya bas ni don dam pa'i de bzhin gshegs pa chos kyi sku ngo bo nyid kyis ma skyes pa zhi ba 'di la rtag pa dang/ mi rtag pa la sogs pa bzhir lung bstan du med la/ kun rdzob pa'i de bzhin gshegs pa'i gzugs kyi sku don dam par ngo bo nyid kyis ma skyes pI zhi ba 'di la mdza' dang med pa la sogs pa bzhir lung bstan du med pas pha rol po'i gtan tshigs ma grub pa'i phyir bdag dang dngos po rnams ngo bo nyid yod par 'dod pa'i dpe de bzhin gshegs pa ma grub bo zhes ston to/ /de nyid bstan pa'i phyir/ gang gi phyir gtan tshigs
- 245a
grub na dpe yang 'grub pa zhig na zhes bya ba'i tshig gi ltag ma'o zhes bya ba smras te/ gtan tshigs rtag pa dang mi rtag pa la sogs pa dag ma grub pas dpe de bzhin gshegs pa yang mi 'grub po zhes bya bar sbyar ro// de phyir gtan tshigs thun mongs ma yin pa nyid 'gal ba nyid do zhes bya ba ni don dam par ni pha rol po'i gtan tshigs rtag pa dang mi rtag pa la sogs pa dag gang yang de bzhin gshegs pa la med pas thun mongs ma yin pa'i phyir ma grub la kun rdzob tu ni don dam par sgrub pa dang 'gal ba nyid du bstan to/ /yang na sgrub pa ji skad bstan pas bcom ldan 'das brten nas gdags pa ngo bo nyid stong pa la/ rtag dang mi rtag la sogs bzhi/ /zhi ba 'di lag la yod// mdza' dang mdza' med la sogs bzhi/ /zhi ba 'di lag la yod/ /ngo bo nyid med pa dang rdzas su yod pa ma yin pa'i zhi ba 'di la ste/ rtag dang mi rtag pa la sogs pa bzhi po de dag 'di la yod pa ma yin pa nyid do zhes bya ba'i tshig gi don to zhes bya bas ni sngar don dam par de bzhin gshegs pa ngo bo nyid med pa dang/ rdzas su yod pa ma yin te/ gdags par bya ba yin pa'i phyir/ dper na 'gal me'i 'khor la bzhin nam/ rdzas su yod pa ma yin pas dper na bum pa bzhin no/ zhes grub pa ji ltar bstan pas bcom ldan 'das brten nas gdags pa ngo bo nyid stong pa 'di la/ rtag pa dang mi rtag pa la sogs pa dag med pas pha rol po dag gi gtan tshigs de dag ma grub po zhes bstan to/ /de lta bas na de bzhin gshegs pa rtag pa 'am/ mi rtag pa 'am/ rtag kyang rtag la/ mi rtag kyang mi rtag pa 'am/ rtag pa yang ma yin mi rtag pa yang ma yin pa 'am/ 'jig rten mdza' yod pa 'am mdza' med pa 'am/ mdza' yod kyang yod la
- 245b
mdza' med kyang med pa'am/ mdza' yod pa yang ma yin/ mdza' med pa yang ma yin pa zhes bya ba de dag ma yin te/ don dam par de bzhin gshegs pa skye ba med pa'i phyir ro zhes bya ba ni mjug bsdu ba dang/ chod ma'i 'bras yin te/ don dam par de bzhin gshegs pa ni lung du ma bstan pa'i dngos po bcu bzhi gang gi dngos por yang lung bstan du med do/ skye ba med pa'i phyir ro/ /de nyid kyi khungs bstan pa'i phyir/ de ltar yang mdo sde las/ 'jam dpal skye ba med pa dang 'gag pa med pa zhes bya ba ni de bzhin gshegs pa'i tshig bla dags? so zhes ji skad gsungs pa lta bu'o zhes bya ba smras te/ 'phags pa sangs rgyas thams cad kyi yul la 'jug pa ye shes snang ba'i rgyan gyi mdo las de skad gsungs so/ /da ni gang dag rnam par rtog pa la goms pa'i 'dzin pa dam po can dag ni de bzhin gshegs pa la yod pa dang med pa la sogs par rtog la gang dag yang dag pa'i ye shes kyi mig bye ba dag la ni rtag pa de dag med pa'i skabs gnyis bstan par bya ste/ de la re zhig skabs dang po bstan pa'i phyir/ gang dag 'di skad ces don dam par de bzhin gshegs pa yod pa kho na yin te/ mya ngan las 'das nas med do zhes lung ma bstan pa'i phyir ro/ /'di na mo gsham gyi bu lta bu gang yod pa ma yin pa de ni sgrub pa de lta bu med pas de'i phyir don dam par de bzhin gshegs pa ni yod pa kho na yin no zhes zer ba zhes bya pa la sogs pa smras te/ 'dis ni phyogs snga ma bstan te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ mjug bsdu ba yin par go rim bzhin du sbyar te/ de dag gi phyir 'di bshad de/ rnam par rtog pa rnam pa sna tshogs la goms pa'i bag chags kyis bsgos pa'i blo gros can/ gang gis
- 246a
'dzin sdug bzung gyur pa/ /de ni mya ngan 'das pa la/ /de bzhin gshegs pa yod ce 'am/ /med ces rnam rtog rtog par byed/ /de bzhin gshegs pa mya ngan las 'das nas yod ce 'am/ de bzhin gshegs pa mya ngan las 'das nas med ce 'am/ de bzhin gshegs pa mya ngan las 'das nas yod kyang yod la med kyang med ce 'am/ de bzhin gshegs pa mya ngan las 'das nas yod pa yang ma yin med pa yang ma yin zhes bya bar rnam par rtog pa la rtog par byed do zhes bya ba smras so/ /skabs gnyis pa bstan pa'i phyir/ /yang dag pa'i ye shes kyi mig bye ba dag la ni/ ngo bo nyid kyis stong de la/ /sangs rgyas mya ngan 'das nas ni/ /yod do zhe 'am med de zhes/ /bsam pa 'thad pa nyid mi 'gyur/ /rnam par rtog pa'i blo yul med pa la skye bar mi 'gyur ba'i phyir ro zhes bya bar dgongs so zhes bya ba smras so/ /de lta bas na 'dir yang gtan tshigs kyi skyon dang dpe'i skyon de dag nyid do zhes bya ba ni mjug bsdu ba dang tshad ma'i 'bras bu yin te/ pha rol po dag gi gtan tshigs mya ngan las 'das nas med de zhes lung ma bstan pa'i phyir ro zhes bya ba de ma grub pas sngar dngos po rnams la ngo bo nyid yod pa'i dpe de bzhin gshegs pa'i sku bzhin no zhes smras pa de nyid ma grub pa'i skyon de dag nyid yod do/ /da ni spros pa la mngon par zhen pa rnams kyis de bzhin gshegs pa mi mthong bar bstan pa'i phyir/ de'i phyir de ltar yod pa dang med pa dang/ rtag pa dang/ mi rtag pa dang/ /gzugs kyi sku dang/ chos kyi sku dang/ gsung rab kyi sku dang/ mtshan nyid dang/ mtshan nyid kyi gzhi dang/ rgyu dang 'bras bu dang/ blo dang rtog par bya ba dang/ stong pa dang mi stong pa la sogs pa'i spros pa dag
- 246b
gis gang dag sangs rgyas spros 'das shing/ /zad pa med la sos? byed pa/ /spros? pas nyams pa de kun gyis/ /de bzhin gshegs pa mthong mi 'gyur/ /spros pas blo gros kyi mig nyams ba de dag thams cad kyis dmus long gis nyi ma bzhin du de bzhin gshegs pa mthong bar mi 'gyur te/ de bzhin gshegs pa'i chos nyid las lta bar bya ba yin pa'i phyir ro zhes bya bar dgongs so zhes bya ba smras so/ /de nyid kyis khungs bstan pa'i phyir de ltar yang gang gis rten cing 'brel par 'byung ba mthong ba des chos mthong ngo/ /gang gis chos mthong pa des sangs rgyas mthong ngo zhes gsungs pa'i phyir ro zhes bya ba smras te/ 'phags pa sa lu ljang ba'i mdo las kyang de skad gsungs so/ /yang na gang dag gzugs kyi sku mtshon dang dpe byad kyis brgyan pa dang/ bstan pa'i chos kyi chogs gsungs rab tu gtogs pa yan lag bcu gnyis po de dag de bzhin gshegs pa yin par lta ba de dag kyang spros pa yin pas des don dam pa'i de bzhin gshegs pa mi mthong bar bstan pa'i phyir/ yang na de bzhin gshegs pa ni gzugs kyi sku'o /de bzhin gshegs pa ni bstan pa'i chos kyi sku'o zhes/ gang dag sangs rgyas spros 'das shing/ /zad pa med par spros byed pa/ /spros pas nyams pa de kun kyis/ /de bzhin gshegs pa mthong mi 'gyur/ /zhes bya ba smras so/ /de nyid kyi khungs bstan pa'i phyir/ ji skad du/ gang dag gzugs su da? mthong zhing/ /gang dag nga la sgrar shis ba/ /log bas spong bar zhugs pa ste/ /skye po de yis nga mi mthong/ /zhes gsungs pa lta bu'o zhes bya ba smras te/ 'phags pa rdo rje gcod pa'i mdo las de skad ces gsungs so/ /de ni de bzhin gshegs pa ngo bo nyid med pa bzhin du 'gro ba 'di dag kyang ngo bo nyid med pa nyid du bstan pa'i
- 247a
don gyis dbang gis mjug sdu ba'i phyir/ de'i phyir de ltar yongs su brtags na dngos po rnams ngo bo nyid du bsgrub pa'i dpe nyid du de bzhin gshegs pas smras pa gang yin pa'i/ /de bzhin gshegs pa dngos? nyid gang/ /de ni 'gro 'di'i ngo bo nyid /de bzhin gshegs pa dngos nyid med/ /'gro 'di ngo bo nyid med do/ /zhes bya ba smras so/ /de nyid bye brag tu bshad pa bstan pa'i phyir/ de yang yongs su brtags na sku min sku las gzhan ma yin zhes bya ba la sogs pas ngo bo nyid med de/ kun brtags pa ma lus par ngo bo nyid med pa'i phyir ngo bo nyid med do zhes bya ba smras so/ /kun brtags pa'i ngo bo nyid bstan pa'i phyir/ de la kun brtags pa'i ngo bo nyid ni phung po dang/ khams dang/ skye mched dang/ mtshan nyid dang/ mtshan nyid kyi gzhi dang/ rgyu dang 'bras bu dang/ dngos po dang/ dngos po med pa dang/ gcig pa nyid dang/ gzhan nyid la sogs pa'i bdag nyid de zhes bya ba smras te/ kha cig ni de bzhin gshegs pa don dam par phung po'i ngo bo nyid yin par yongs su rtog /kha cig ni khams kyi ngo bo nyid/ kha cig ni skye mched kyi ngo bo nyid/ kha cig ni mtshan nyid kyi ngo bo nyid/ kha cig ni mtshan gzhi'i ngo bo nyid/ kha cig ni rgyu'i ngo bo nyid/ kha cig ni 'bras bu'i ngo bo nyid/ kha cig ni dngos po'i ngo bo nyid/ kha cig ni dngos po med pa'i ngo bo nyid/ kha cig ni gcig pa nyid kyi ngo bo nyid/ kha cig ni gzhan nyid la sogs pa'i ngo bo nyid du yongs su rtog pa de dag ni kun brtags pa'i ngo bo nyid tsam du zad de/ don dam par ngo bo nyid yod pa ma yin pas de dag gi bdag nyid kyi de bzhin gshegs pa dang 'gro ba 'di dag kyang ngo bo nyid med do zhes ston to/ /de la re zhig de bzhin gshegs pa phung
- 247b
po'i ngo bo nyid du yongs su brtags pa ngo bo nyid med pa nyid du bstan pa'i phyir de la/ gzugs kyi rgyu ni ma gtogs par/ /gzugs ni dmigs par mi 'gyur ro/ /zhes der bstan pa'i tshul gyis phung po rnams ngo bo nyid med pa nyid yin pa'i phyir de'i bdag nyid kyi de bzhin gshegs pa ngo bo nyid med pa nyid do zhes bya ba smras te/ phung po brtag pa'i skabs der de skad bstan pa'i tshul gyis so/ /de bzhin gshegs pa khams dang/ dngos po dang dngos po med pa dang/ mtshan nyid kyi gzhi dang/ mtshan nyid kyi ngo bo nyid du yongs su brtag pa ngo bo nyid med pa nyid du bstan pa'i phyir/ nam mkha' i mtshan nyid snga rol na/ /nam mkha' cung zad yod ma yin/ /zhes bya ba la sogs pa der ji ltar nam mkha' la sogs pa khams drug po dag yongs su brtags na dngos po yang ma yin/ dngos po med pa yang ma yin/ mtshan nyid kyi gzhi yang ma yin/ mtshan nyid kyang ma yin pas dngos po la sogs pa'i ngo bo nyid med pa'i phyir ngo bo nyid med pa nyid du bstan pa dang/ de bzhin du de bzhin gshegs pa rnam par shes pa'i khams la sogs pa'i bdag nyid du brtags pa yang yongs su brtags na dngos po yang ma yin/ dngos po med pa yang ma yin/ mtshan nyid kyi gzhi yang ma yin/ mtshan nyid kyang ma yin pas dngos po dang dngos po med pa dang/ mtshan nyid kyi gzhi dang/ mtshan nyid kyi ngo bo nyid med pa'i phyir/ ngo bo nyid med pa nyid do zhes bya ba smras te/ khams brtag pa'i skabs der de skad bstan pa'i tshul gyis so/ /de bzhin gshegs pa skye mched kyi ngo bo nyid du yongs su brtags pa ngo bo nyid med pa nyid du bstan pa'i phyir/ ji ltar skye mched brtag par skye mched rnams ngo bo nyid med pa nyid du bstan pa de la ma gtogs pa'i lta ba po la sogs
- 248a
pa yod pa ma yin pa de bzhin du skye mched kyi bdag nyid kyi de bzhin gshegs pa yang ngo bo nyid med pa nyid yin pas de bzhin gshegs pa ngo bo nyid med pa nyid do zhes bya ba smras te/ skye mched brtag pa'i skabs der de skad bstan pa'i tshul gyis so/ /de bzhin gshegs pa gcig pa nyid dang gzhan nyid la sogs pa'i ngo bo nyid du yongs su brtags pa ngo bo nyid med pa nyid du bstan pa'i phyir/ ji ltar me dang bud shing brtag par gcig pa nyid dang/ gzhan nyid dang/ brjod par bya ba ma yin pa nyid bkag pas de dag ngo bo nyid med pa nyid yin pa de bzhin du shes pa'i mtshan nyid de bzhin gshegs pa dang/ shes bya dang/ sangs rgyas kyi yon tan 'dus pa'i mtshan nyid dang/ de bzhin gshegs pa 'dus pa can dang/ chos kyi dbyings kyi de bzhin gshegs pa dag kyang gcig pa nyid dang/ gzhan nyid dang/ brjod par bya ba ma yin pa'i ngo bo nyid med pas de bzhin gshegs pa ngo bo nyid med pa nyid do zhes bya ba smras te/ me dang bud shing brtag par de skad bstan pa'i tshul gyis so/ /de bzhin gshegs pa rgyu dang 'bras bu la sogs pa'i ngo bo nyid yongs su brtag pa ngo bo nyid med pa nyid du bstan pa'i phyir/ skye ba med pa'i rab tu byed par skye ba la sogs pa bkag pa'i phyir dang/ sod pa dang ma song pa brtag pa'i rab tu byed par song ba dang ma song ba la sogs pa bkag pa'i phyir skye ba la sogs pa ngo bo nyid med pa nyid yin pas de bzhin gshegs pa ngo bo nyid med pa nyid do zhes bya ba smras te/ rab tu byed pa de dag rgyu dang 'bras bu dang/ skye ba dang 'gro ba la sogs pa'i bya ba dgag pa ji skad bstan pa'i tshul gyis so/ /de bzhin gshegs pa ji lta bar 'gro ba 'di
- 248b
yang ngo bo nyid med do zhes bya bas ni/ de bzhin gshegs pa dngos nyid med/ /'gro 'di ngo bo nyid med do/ /zhes bya ba'i skabs su bstan to/ /de lta bas na mthun pa'i phyogs med pa'i phyir gtan tshigs kyi don ma grub pa nyid dang/ 'gal ba nyid do zhes bya ba ni skabs kyi mjug bsdu ba yin te/ pha rol po dag don dam par gzugs la sogs pa dngos po rnams ngo bo nyid yod pa nyid du bsgrub pa'i mthun pa'i phyogs kyi dpe de bzhin gshegs pa'i sku bzhin no zhes bya ba de ngo bo nyid yod pa nyid du ma grub pas mthun pa'i phyogs med pa'i phyir pha rol po dag gi gtan tshigs dngos po yin pa'i phyir zhes bya ba de don dam par ni ma grub pa nyid la/ kun rdzob tu ni 'gal ba nyid do/ /de la 'dir rab tu byed pa'i don ni pha rol pos rab tu byed pa dang por smras pa'i sgrub pa'i skyon brjod pas de bzhin gshegs pa'i chos kyi sku bstan pa yin no zhes bya ba ni mjug bsdu ba dang tshad ma'i 'bras bu yin te/ de bzhin gshegs pa brtag pa'i rab tu byed pa nyi shu gnyis pa'i skabs 'dir rab tu byed pa'i don tshad ma'i 'bras bur blta ba ni rab tu byed pa 'di'i dang por mdo sde pa dang/ bye brag tu smra ba dag gis don dam par gzugs la sogs pa dngos po rnams ngo bo nyid yod pa kho na yin te/ dngos po yin pa'i phyir dper na de bzhin gshegs pa'i sku bzhin no zhes bya ba smras pa'i dpe de bzhin gshegs pa nyid ngo bo nyid med pa nyid du brjod pas de bzhin gshegs pa'i chos kyi sku bstan pa yin te/ 'di ltar phung po dang/ khams dang skye mched dang/ mtshan nyid dang/ mtshan nyid kyi gzhi dang/ rgyu dang 'bras bu dang/ dngos po dang/ dngos po med pa dang/ /gcig pa nyid dang/ gzhan nyid la sogs pa'i ngo bo nyid du yongs su brtag pa'i
- 249a
rnam pa de dag thams cad chos kyi sku la yod pa ma yin pas de dag yongs su bsal ba nyid kyis de bzhin gshegs pa'i chos kyi sku grub pa yin no/ /de ltar yang 'phags pa bden pa pos bstan pa'i le'u las btsun pa sha radwA ti'i bu gzugs mthong ba ni de bzhin gshegs pa mthong ba ma yin no/ /rnam par shes pa'i bar du mthong ba ni de bzhin gshegs pa mthong ba ma yin no/ /sa'i khams mthong ba ni de bzhin gshegs pa mthong ba ma yin no/ /rlung gi khams kyi bar du mthong ba ni de bzhin gshegs pa mthong ba ma yin no/ /bdag mthong ba ni de bzhin gshegs pa mthong ba ma yin no/ /sems can dang/ srog dang/ gso ba dang/ skyes bu dang/ gang zag mthong ba de ni de bzhin gshegs pa mthong ba ma yin no/ /ngar 'dzin pa mthong ba ni de bzhin gshegs pa mthong ba ma yin no/ /mtshan ma mthong ba ni de bzhin gshegs pa mthong pa ma yin no/ /btsun pa sha radwA ti'i bu 'di ltar mtshan ma rnams ma mthong ba gang yin pa de ni de bzhin gshegs pa mthong ba yin no/ /mngon par zhen pa med pa mthong ba ni de bzhin gshegs pa mthong ba yin no/ /dngos po med pa mthong ba ni de bzhin gshegs pa mthong ba yin no/ /yang dag pa'i mdza' mthong ba ni de bzhin gshegs pa mthong ba yin no zhes ji skad gsungs pa lta bu ste/ de'i phyir sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ /zhes bya ba la sogs pa dag gis de bzhin gshegs pa sun phyung ba ma yin gyi/ de bzhin gshegs pa'i chos kyi sku don dam pa dang/ gzugs kyi sku kun rdzob pa dag don dam par ngo bo nyid med pa
- 249b
nyid gsal ba'i don gyi dbang gis de bzhin gshegs pa'i chos kyi sku dmigs su med pa zhes bya ba bstan pa yin no/ /de bzhin gshegs pa'i chos kyi sku bstan pa 'di la yon tan ci yod pa dang/ de bstan pa 'di la gzhan dag na re rtog gi skam po'i bstan bcos tsam nyi tshes rab tu bsgrubs so zhes zer ba bsal ba'i phyir 'dir yid ches pa'i lung gi khungs kyang bsgrub par byed ste/ de'i phyir 'phags pa lang kar gshegs pa'i mdo las/ blo gros chen po rtag pa ma yin pa dang/ mi rtag pa ma yin pa dang/ 'bras bu ma yin pa dang/ rgyu ma yin pa dang/ 'dus byas ma yin pa dang/ 'dus ma byas ma yin pa dang/ blo ma yin pa dang/ rtogs par bya ba ma yin pa dang/ mtshan nyid kyi gzhi ma yin pa dang/ mtshan nyid ma yin pa dang/ phung po rnams ma yin pa dang/ phung po rnams las gzhan ma yin pa dang/ brjod pa ma yin pa dang/ brjod par bya ba ma yin pa dang/ gcig pa nyid dang/ gzhan nyid dang/ gnyi ga dang 'brel pa ma yin pa dang/ gang dmigs su med pa de ni spros pa thams cad las 'das pa'o/ /gang spros pa thams cad las 'das pa de ni bzhin gshegs pa'o zhes bya ba'i bar du gsungs pa de dag grub pa yin no/ /de bzhin du 'phags pa de bzhin gshegs pa'i gsang ba bstan pa'i mdo las/ /zhi ba'i blo gros de bzhin gshegs pa'i sku ni zhes bya ba la sogs pas de bzhin gshegs pa'i chos kyi sku'i mtshan nyid rnam pa dgu dang/ gzugs kyi sku'i mtshan nyid rnam pa lnga dang/ gsung rab kyi sku'i mtshan nyid gcig dang/ sku gnyi ga'i mtshan nyid rnam pa bzhi dang/ chos kyi sku'i mtshan nyid gzhan rnam pa drug bstan te/ de la chos kyi sku'i mtshan nyid rnam pa dgu la/ nam mkha' i
- 250a
sku zhes bya ba ni shes bya la ye shes kyi mthu thogs pa med pa bstan te/ ji ltar nam mkhas dngos po thams cad la khyab pa de ltar chos kyi sku las byung ba'i ye shes kyis shes bya thams cad la khyab pa'i phyir ro// mi mnyam pa dang mnyam pa'i sku zhes bya bas ni de bzhin gshegs pa thams cad kyi sku dang mnyam pa bstan te/ de bzhin gshegs pa'i yon tan rnams ni de bzhin gshegs pa ma yin pa gzhan la med pas de dag dang mi mnyam pa'i de bzhin gshegs pa rnams dpe nyid du nye bar bzhag nas gzhan dang mi mnyam pa'i de bzhin gshegs pa rnams dang mnyam par bstan te/ dper na snyan dag gi mtshan nyid las de dang mthun pa'i phyogs gzhan med pa la de nyid dper bzhag pa 'di lta ste/ sgra sgrogs kyi bu dang rangs byed kyi bu'i g.yul sprad pa ni sgra sgrogs kyi bu dang rangs byed kyi bu'i g.yul nyid 'dra'o zhes bya ba lta bu 'am/ yang na de bzhin gshegs pa 'od dpag med la sogs pa'i chos kyi sku 'gro ba gzhan dang mi mnyam pa de dang 'dir mnyam pas mi mnyam pa dang mnyam pa'o/ /yang na mi mnyam pa ni gang dag phan 'dogs pa dang/ gnod pa byed pa la rjes su chags pa dang khong khro bdag ste/ de dag sku 'di la mnyam bas mi mnyam pa dang mnyam pa'o/ /yang na dmigs pa'i mtshan nyid ni dmigs pa'i mtshan nyid gzhan dang phan tshun mnyam pa yin gyi/ stong pa nyid du dmigs pa ni de dag dang mi mnyam ste/ mi mnyam pa nges mnyam par gyur pa'i sku ni mi mnyam pa dang mnyam pa'o/ /'jig rten thams cad las khyad par du 'phags pa'i sku zhes bya bas ni yon tan mchog tu gyur pa nyid bstan te/ gang yon tan mchog tu gyur cing lhag pa de nyid 'jig rten na khyad par du 'phaD
- 250b
pa zhes brjod pa'i phyir ro/ /sems can thams cad de bzhin nyid kyi rjes su zhugs pa'i sku zhes bya bas ni sems can thams cad de bzhin gshegs pa'i snying po yin par bstan te/ 'di ltar chos kyi sku stong pa nyid kyi mtshan nyid ni sems can thams cad la rjes su zhugs pa'i phyir ro/ /dpe med pa'i sku zhes bya bas ni yon tan rnams kyi gong na lhag pa gzhan med pa nyid bstan te/ 'di ltar yon tan gyis lhag pa dpe nyid du byed kyi/ dma' ba dpe nyid du mi byed de/ dper na bu mo'i bzhin zla ba 'dra'o zhes bya ba lta bu'o/ /'dra ba med pa'i sku zhes bya bas ni de'i yon tan rnams gzhan la med par bstan te/ 'di ltar yon tan mnyam pa la 'ang? ba zhes brjod pa'i phyir ro/ /rnam par dag pa'i sku zhes bya ba ni 'dzin pa'i rnam par rtog pa med par bstan te/ 'di ltar gang la ngar 'dzin pa'i rnam par rtog pa med pa de rnam par dag par 'dod pa'i phyir ro/ /dri ma med pa'i sku zhes bya bas ni gzung ba'i rnam par rtog pa med par bstan te/ 'di ltar gang la nga yir 'dzin pa'i rnam par rtog pa med cing phyi rol gyi yul mi dmigs pa de dri ma med par 'dod pa'i phyir ro/ /kun nas nyon mongs pa can ma yin pa'i sku zhes bya bas ni gzung ba dang/ 'dzin pa'i rnam par rtog pa gnyi ga med par bstan te/ 'di ltar nyon mongs pa dang nyon mongs par bya ba dag yod na kun nas nyon mongs par 'gyur gyi/ stong pa nyid du ro gcig pas de gnyis med na kun nas nyon mongs pa can du mi 'gyur ba'i phyir te/ re zhig de dag gis ni de bzhin gshegs pa'i chos kyi sku'i mtshan nyid rnam pa dgu bstan to/ /gzugs kyi sku'i mtshan nyid rnam pa lnga la/ rang bzhin gyis 'od gsal ba'i sku zhes bya ba ni sgo nga las skye ba'i skye gnas dri mas ma gos
- 251a
pa nyid bstan to/ /rang bzhin gyis ma skyes pa'i sku zhes bya bas ni mngal nas skyes pa'i skye gnas kyis ma bsdus pa nyid bstan to/ /rang bzhin gyis ma byung ba'i sku zhes bya bas ni drod gsher las skyo ba'i skye gnas su ma gtogs pa nyid bstan to/ /sems dang/ yid dang/ rnam par shes pa dang ma 'dres pa'i sku zhes bya bas ni/ nyon mongs pa'i rgyun ni rdzus te skye ba'i skye gnas med pa nyid du bstan to/ /sgyu ma dang/ smig rgyu dang /chu zla'i ngo bo nyid kyi sku zhes bya ba ni sngon gyi smon lam gyi shugs dang/ bsod nams dang ye shes la sogs pa'i rkyen las byung ba sprul pa'i sku'i ngo bo nyid bstan te/ de dag ni de bzhin gshegs pa'i gzugs kyi sku'i mtshan nyid rnam pa lnga yin no/ /gsung rab kyi sku'i mtshan nyid rnam pa gcig ni/ stong pa nyid dang/ mtshan ma med pa dang/ smon pa med pas nges par 'byung ba'i sku zhes bya bas bstan te/ des ni rnam par thar pa gsum la sogs pa bstan pa'i mtshan nyid kyi gsung rab kyi sku bstan par shes par bya'o/ /sku gnyi ga'i mtshan nyid rnam pa bzhi la/ phyogs bcu'i nam mkhas khyab pa'i sku zhes bya bas ni chos kyi sku'i stong pa nyid kyi mtshan nyid kyang bstan la/ gzugs kyi sku'i rdzu 'phrul rnam par ston pa yang bstan to/ /sems can thams cad la snyoms pa'i sku zhes bya bas ni sku de gnyis nyid kyi sems can la phan 'dogs pa la sems snyoms pa nyid bstan to/ /mdza' yas mu med ba'i sku zhes bya bas ni sku de gnyis nyid kyis 'khor bar gdul ba'i dbang gis sku nye bar ston pa nyid bstan to/ /g.yo ba med pa dang rlom sems med pa'i sku zhes bya bas ni sku de gnyis nyid bdag dang gzhan gyi rlom sems dang bral
- 251b
zhing gdul ba dpag tu med pa rnams kyi don las mi g.yo ba nyid bstan te/ de dag ni sku ba gnyi ga'i mtshan nyid rnam pa bzhi yin no/ /chos kyi sku'i mtshan nyid gzhan rnam pa drug la/ mi gnas pas gnas pa las mi g.yo ba thob pa'i sku zhes bya bas ni lus mi dmigs pa'i mtshan nyid bstan to/ /gzugs dang/ tshor ba dang/ 'du shes dang/ 'du byed rnams dang/ rnam par shes pa'i ngo bo nyid ma yin pa'i sku zhes bya bas ni phung po lnga po dag dang mtshan nyid mi 'dra ba bstan to/ /sa dang chu dang me dang rlung gis rab tu phye ba ma yin pa'i sku zhes bya bas ni 'byung ba las gyur pa'i mtshan nyid ma yin par bstan to/ /'byung ba ma yin pa dang/ 'byung ba ma yin pa ma yin pa dang/ 'byung ba chen pos rab tu phye ba ma yin pa'i zhes bya bas ni 'byung ba'i ngo bo nyid ma yin par bstan to/ /yang dag pa ma yin pa dang/ yang dag pa ma yin pa ma yin pa'i chos 'jig rten thams cad dang mi mthun pa'i sku zhes bya bas ni las dang nyon mongs pa dang/ skye ba'i mtshan nyid ma yin par bstan to/ /mig las ma byung ba dang/ rna ba la mi brten pa dang/ snas rnam par shes par bya ba ma yin pa dang/ lces rab tu phye ba ma yin pa dang/ lus dang ldan pa ma yin pa'i sku zhes bya bas ni rang bzhin sku'i ngo bo nyid bstan to/ /de dag la sogs pa de bzhin gshegs pa'i sku dang gsung dang thugs kyi gsang ba bstan pa de dag kyang grub pa yin no/ /de bzhin du 'phags pa sgo mdza' yas pas grub pa'i gzungs las/ sangs rgyas rjes su dran pa 'ba' zhig sgom par byed de/ de bzhin gshegs pa gzugs las mi mthong ba dang/ gzugs ma yin pa dang/ mtshan dang dpe? byed dang/ tshul khrims dang/ ting 'dzin dang/ shes rab dang/ rnam par grol
- 252a
pa dang/ rnam par grol ba'i ye shes mthong ba dang/ rus dang/ rigs dang/ skye ba dang/ 'khor dang/ bdag nyid kyi rnam pa dang/ gzhan gyi rnam pa las mi mthong bde na sangs rgyas rjes su dran pa'o zhes bya ba la sogs pa gsungs pa de dag kyang grub pa yin te/ ji skad smos pa'i rnam par rtog pa de dag dang bral ba ni sangs rgyas rjes su dran pa yin no zhes bya ba'i tha tshig go /de bzhin du 'phags pa sangs rgyas thams cad kyi yul la 'jug pa ye shes snang ba'i rgyan gyi mdo las/ de bzhin gshegs pa rtag tu skye med chos/ /chos rnams thams cad bde bar gshegs dang 'dra/ /mtshan mar 'dzin pa byis pa'i blo can rnams/ /'jig rten dag na med pa'i chos la spyod/ /de bzhin gshegs pa zag med dge ba yi/ /chos kyi gzugs brnyan lta bur gyur pa ste/ 'di la de nyid de bzhin gshegs med kyang/ /'jig rten kun tu gzugs brnyan kun snang/ zhes bya ba la sogs pa de bzhin gshegs pa'i sku bden pa gnyis kyi tshul du bstan pa de dag kyang grub pa yin no/ /de bzhin du 'phags pa lang kar gshegs pa'i mdo las/ phung po brten pa'i rdzogs sangs rgyas/ /gang gis gang du mthong ba med/ /gang gis gang du gang ma mthong/ /de ni ji ltar bstan par bya zhes bya ba la sogs pa gsungs pa de dag grub pa yin no/ /zhes bya ba smras te/ de ltar yid ches pa'i lung de dag grub pa ni de bzhin gshegs pa'i chos kyi sku bstan pa 'di'i yon tan dang khungs yin te/ de dag bstan bcos 'dir rnam par bshad par bya ba'i yul nyid du bstan pa yang/ slob dpon gyi zhal snga nas kyi mkhyen rlabs dang 'grel ba byed pa'i mkhas pa nyid yin no/ /slob dpon legs ldan byed kyis nye bar sbyar ba/ /dbu ma rtsa ba'i 'grel ba
- 252b
shes rab sgron ma las/ de bzhin gshegs pa brtag pa zhes bya ba ste/ rab tu byed pa nyi shu gnyis pa rgya cher 'grel pa slob dpon spyan ras gzigs brtul zhugs kyi nye bar sbyar ba rdzogs so// //bam po bdun cu gsuM pa/ da ni de bzhin du stong pa nyid kyi mi mthun pa'i phyogs kyi khyad par dgag pas phyin ci log ngo bo nyid med pa nyid du bstan pa'i don gyi dbang gis rab tu byed pa nyi shu gsum pa brtsa mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang/ gzhung 'og nas 'byung ba dang sbyar ba'i don du blta ste/ tshig gi don snga ma bzhin no/ /de la dam bcas pa la 'jug pa'i rgyu'i don gyi dbang du byas nas/ da ni de bzhin du stong pa nyid kyi mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dang po brtsam pa'i skabs su dngos po thams cad skye ba med par dam bca' pa mdzad pas 'dir yang bstan bcos mdzad pas sngar ji ltar dam bca' ba de la 'jug pa'i rgyu'i don gyi dbang du byas nas de skad smras te/ de bzhin du zhes bya ba ni sngar bstan pa'i lugs bzhin du'o/ /stong pa nyid ni rang gi phyogs yin no/ /de'i mi mthun pa'i phyogs ni phyir rgol bar byed pa'i phyogs te/ 'di lta ste/ don dam par dngos po rnams ngo bo nyid yod pa nyid smra ba yin no/ /de'i khyad par zhes bya ba ni pha rol pos don dam par dngos po rnams ngo bo nyid yod pa nyid du bsgrub pa'i phyogs kyi khyad par 'og nas/ 'dod chags zhe sdang gti mug rnams/ /kun tu rtog las 'byung bar gsungs/ /sdug dang mi sdug phyin ci log /brten pa nyid las kun tu 'byung zhes bya bas don dam par phung po la sogs pa dag ngo bo nyid yod pa
- 253a
kho na yin te/ rgyu la brten nas 'byung ba'i phyir dper na 'dod chags la sogs pa bzhin no/ /zhes bya ba la sogs pa bsgrub pa 'byung ba dag yin no/ /de dgag pas zhes bya ba ni de dgag pa'i dbang du byas nas rab tu byed pa nyi shu gsum pa brtsam mo zhes bya bar sbyar ro/ /gzhung 'og nas 'byung ba dang sbyar ba'i don gyi dbang du byas nas/ phyin ci log ngo bo nyid med pa nyid du bstan pa'i don gyi dbang gis rab tu byed pa nyi shu gsum pa brtsam mo zhes bya ba smras te/ phyin ci log brtag pa'i rab tu byed pa nyi shu gsum pa'i gzhung 'og nas 'byung ba 'di'i don ni phyin ci log ngo bo nyid med pa nyid du bstan pa yin pas de'i dbang du byas nas de skad smras so/ /rab tu byed pa 'di'i 'bras bu 'di gang yin /rnam pa gang gis ni 'bras bu de 'thob ce na/ phyin ci log ngo bo nyid med pa nyid du bstan pa ni 'di'i 'bras bu yin la/ stong pa nyid kyi mi mthun pa'i phyogs kyi khyad par dgag pa'i rnam pas ni 'bras bu de 'thob pas de'i phyir 'dir 'grel pa byed pas rab tu byed pa'i mtshams bya ba'i skabs 'dir thabs dang thabs las byung ba'i 'bras bu dang po kho nar bstan to/ /stong pa nyid kyi mi mthun pa'i phyogs kyi khyad par zhes smos pa de nyid bstan pa'i phyir/ 'dir smras pa/ 'dod chags zhe sdang gti mug rnams/ /kun tu rtog las 'byung bar gsungs/ /bstan bcos las so zhes bya bar smras te/ lung las 'dod chags la sogs pa ni yang dag pa ma yin pa'i kun tu rtog pa las 'byung bar gsungs so/ de nyid bye brag tu bshad pa bstan pa'i phyir/ 'dod chags dang zhe sdang dang gti mug de dag kyang go rim bzhin du/ sdug dang mi sdug phyin ci log /brten pa nyid las kun tu 'byung/ /zhes bya ba smras te/ sdug pa'i phyin ci log la brten
- 253b
pa nyid las 'dod chags kun tu 'byung la/ mi sdug pa'i phyin ci log la brten pa nyid las zhe sdang kun tu 'byung ba'i gnyi ga'i phyin ci log la brten pa nyid las gti mug kun tu 'byung bar sbyar ro/ /nyid las zhes bya ba'i sgra ni nges par gzung/ ba'i don te/ sdug pa dang mi sdug pa'i phyin ci log la brten pa nyid las kun tu 'byung gi ma brten par mi 'byung ngo zhes nges par gzung gi/ sdug pa dang mi sdug pa'i phyin ci log nyid la brten nas zhes bya bar ni nges par mi gzung ste/ de dag skye ba'i rkyen tshul bzhin ma yin pa yid la byed pa la sogs pa dag kyang yod pa'i phyir ro zhes bya bas ni nyid ces bya ba'i sgra brten pa nyid las shes bya bar sbyar gyi/ phyin ci log nyid la zhes bya bar mi sbyar ba'i sgra bsgrub pa bstan to/ /de ltar na de ni chos mthun pa'i dpe'i tshig yin te zhes bya bas ni 'dod chags la sogs pa rgyu las brten nas 'byung bas ngo bo nyid yod pa de ni 'dir don dam par phung po la sogs pa dag rgyu la brten nas 'byung bas ngo bo nyid yod par bsgrub pa'i chos mthun pa'i dpe'i tshig yin par bstan to/ /'o na dam bcas pa dang gtan tshigs dag gang yin zhe na/ de'i phyir bsgrub par bya ba dang/ sgrub pa'i chos kyi dbang gis dpe bstan pas yan lag lhag ma dag mngon zhes bya ba smras te/ bsgrub par bya ba chos don dam par phung po la sogs pa dag ngo bo nyid yod pa kho na yin te zhes bya ba dang/ sgrub pa'i chos rgyu las brten nas 'byung ba'i phyir zhes bya ba'i dbang gis dpe 'dod chags la sogs pa rgyu la brten nas 'byung bas don dam pa dngos po nyid yod pa dag bstan pas dam bcas pa dang/ gtan tshigs kyi yan lag lhag ma dag mngon no/ /de ni de'i rjes su dpag pa bstan pa'i phyir/ de'i phyir rjes su dpag pa ni don dam par phung po
- 254a
la sogs pa dag ngo bo nyid yod pa kho na yin te/ rgyu la brten nas 'byung ba'i phyir dper na 'dod chags la sogs pa bzhin no/ /gang ngo bo nyid med pa de ni rgyu la brten nas mi 'gyur ste/ dper na nam mkha' i me? tog bzhin no/ /phung po la sogs pa dag ni rang rang gi rgyu la brten nas 'byung bas de'i phyir gtan tshigs ji skad smras pa'i mthus don dam par phung po la sogs pa dag ngo bo nyid yod pa kho na yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ chos mthun pa'i phyogs kyi dpe dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na nam mkha' i me tog la sogs pa lta bu gang rgyu la brten nas mi 'byung ba de ni ngo bo nyid yod pa ma yin gyi/ 'dod chags la sogs pa ni rgyu la brten nas 'byung ba'i phyir don dam par ngo bo nyid yod pa kho na yin pas de bzhin du phung po la sogs pa dag kyang rgyu la brten nas 'byung ba'i phyir don dam par ngo bo nyid yod pa kho na yin no zhes zer ro/ /stong pa nyid kyi mi mthun pa'i phyogs kyi khyad par de dgag pas phyin ci log ngo bo nyid med pa nyid du bstan pa'i phyir de skad ces zer ba de'i lan du 'grel pa byed pa nyid kyis 'dir bshad pa/ gang dag sdug dang mi sdug pa'i/ /phyin ci log la brten 'byung ba/ /'dod chags la sogs pa nyon mongs pa khyod kyi dpe nyid du bstan pa dag go zhes bya ba smras te/ des ni pha rol po dag gi dpe mi 'grub par sun 'byung ba'i phyogs su bstan te/ /de dag ngo bo nyid las med/ /gang gi phyir sngar bstan pa'i tshul gyis so zhes bya bas ni 'dod chags la sogs pa de dag rgyu
- 254b
la brten nas 'byung ba'i phyir ngo bo nyid las med par dam bca' ba bstan te/ gang gi phyir rgyu dang rkyen gzhan gyi dngos po la brten nas gdags par bya ba gang yin pa ni bdag gi ngo bo nyid las med do zhes sngar bstan pa'i tshul gyis de dag ? po nyid las med par dam bca' o/ /de phyir nyon mongs yang dag med/ /yang dag par zhes bya ba ni don dam par zhes bya ba'i tha tshig go zhes bya bas mjug bsdu ba bstan te/ de ltar gang gi phyir 'dod chags la sogs pa de dag sngag? pa la? soD pa la brten nas 'byung bas ngo bo nyid med pa de'i phyir nyon mongs pa rnams don dam par ngo bo nyid med pa nyid yin no/ /de'i phyir bsgrub pa dpe ma tshang ba'i skyon yod do zhes bya bas ni tshad ma'i 'bras bu yin te/ de ni pha rol po dag gi dpe 'dod chags la sogs pa bzhin no zhes bya ba de ma grub par bstan to/ /tha snyad pa'i dper rtog na ni bsgrub par bya ba chos ma tshang ba nyid kyi lan gdab dka' ste/ don dam par nyon mongs pa rnams ngo bo nyid med pa'i phyir ro zhes bya bas ni pha rol po dag gi dpe de tha snyad par grub na ni bsgrub par bya ba chos don dam par phung po la sogs pa dag ngo bo nyid yod pa kho na yin te/ zhes bya ba de dpe la med pa nyid kyi lan gdab dka' ste/ don dam par nyon mongs pa rnams ngo bo nyid med pa'i phyir 'gal ba nyid du bstan to/ /tha snyad pa'i ngo bo nyid yod pa nyid du bsgrub na ni grub pa la sgrub pa yin no zhes bya bas ni pha rol po dag gi dpe des phung po la sogs pa dag la tha snyad pa'i ngo bo nyid yod pa nyid du bsgrub na ni de ltar dbu ma pa la yang grub zin pas grub pa la sgrub pa'i skyon chags pa yin par bstan to/ /yang gzhan yang zhes bya ba la sogs pas ni 'dod chags la sogs pa nyon mongs pa rnams kyi rten bdag ces bya ba yod na ni de la brten pa nyon mongs pa rnams kyang
- 255a
yod par 'gyur ba zhig na/ bdag de med pas nyon mongs pa rnams kyang yod par mi 'grub pa nyid do zhes ston to/ /de'i phyir/ bdag gi yod nyid med nyid ni zhes bya ba smras te/ 'dod chags la sogs pa nyon mongs pa rnams kyi brten bdag ces bya ba'i yod pa nyid dang/ med pa nyid ces tha snyad gdags pa'o/ /de 'grub pa med par bstan pa'i phyir/ /don dam par kun rdzob kyi tshul la bltos pas/ ji lta bur yang 'grub pa med ces bya ba smras so/ /de nyid brnan pa'i phyir/ yang zhes bya ba'i sgras ni nges par bzung ba'i don te/ 'grub pa med pa nyid do zhes bya ba smras te/ don dam pa'i tshul la bltos pas yod pa nyid du 'grub pa med pa nyid la kun rdzob kyi tshul la bltos pa nyid du 'grub pa med pa nyid de/ gzhi ma grub pa'i phyir ro zhes bya bar sbyar ro/ /de ltar bdag nyid de med nyon mongs rnams kyi ni/ /yod nyid med nyid ji ltar 'grub/ /mi 'grub pa nyid de zhes bya ba'i tshig gi don te/ zhes bya bas ni de ltar 'dod chags la sogs pa nyon mongs pa rnams kyi rten bdag de yod pa nyid dang/ med pa nyid du 'grub pa med pa nyid yin na de la brten pa nyon mongs pa rnams kyi yod pa nyid dang/ med pa ji ltar 'grub ste/ mi 'grub pa nyid do zhes bstan to/ /de nyid kyi 'thad pa bstan pa'i phyir/ brten pa ni rten yod na yod par gyur pa'i phyir ro zhes bya bar dgongs so zhes bya ba smras te/ brten pa nyon mongs pa rnams ni rten bdag yod na yod par 'gyur pa'i phyir 'dir rten bdag yod par ma grub pas de la brten pa nyon mongs pa rnams kyang yod par mi 'grub pa nyid do zhes bya bar dgongs so/ /don de nyid gsal bar bya ba'i phyir 'di bshad de zhes bya ba la sogs pas ni 'dod chags la sogs pa de dag kyang rten bdag ces bya ba 'ga' zhig la brten nas 'byung ba yin na de dag gi brten
- 255b
de yang 'grub pa yod pa ma yin no/ /gal te de dag gi rten bdag ces bya ba 'ga' yang med na/ de la brten pa nyon mongs pa rnams zhes bya ba ci zhig yod de nyon mongs pa chung zad kyang yod pa ma yin pas pha rol po dag gi dpe ma grub pas don dam par phung po la sogs pa de dag ngo bo nyid yod pa kho na yin te zhes sgrub par 'dod pa'i don grub pa med do zhes ston to/ /de'i phyir nyon mongs de dag 'ga' las 'byung/ /de'i yon tan yin pa'i phyir dang de'i longs spyad par bya ba yin pa'i phyir ro zhes bya ba smras te/ 'dod chags la sogs pa nyon mongs pa de dag kyang brten bdag ces bya ba 'ga' zhig la brten nas 'byung ba yin te/ nyon mongs pa rnams ni bdag de'i yon tan dang/ longs spyad par bya ba yin pa'i phyir ro/ /de yang 'grub pa yod ma yin zhes bya bas ni de dag gi rten bdag de yang 'grub pa yod pa ma yin par bstan to/ /ji ltar zhe na/ de ltar bdag brtag pa'i rab tu byed pa nyid du brtags zin to zhes bya bas ni bdag de ji ltar 'grub pa yod pa ma yin zhe na/ de ltar ni sngar nye bar len pa po dang/ nye bar len pa brtag pa'i rab tu byed pa nyi shu brtags zin to zhes bstan to/ /de ltar na 'dis ni nyon mongs pa rnams kyi chos ni rten med pa yin par bstan to zhes bya bas ni nyon mongs pa rnams yod pa ma yin par sgrub pa'i chos gtan tshigs ni rten bdag med pa yin par bstan to/ /de nyid kyi rjes su dpag pa bstan pa'i phyir/ de'i phyir rjes su dpag pa ni don dam par 'dod chags la sogs pa dag yod pa ma yin te/ de dag gi rten med pa'i phyir dper na mo gsham gyi bu'i sngo bsangs nyid bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mo gsham gyi bu'i sngo bsangs nyid ni de'i rten mo gsham gyi bu
- 256a
nyid med pa'i phyir yod pa ma yin pa de bzhin du 'dod chags la sogs pa nyon mongs bdag kyang de dag gi rten bdag med pa'i phyir yod pa ma yin no/ /rang gi snga pa dag na re bdag med du zin kyang sems kyi nyon mongs pa rnams so zhes 'brel pa 'grub ste/ nyon mongs pa rnams ni sems de'i chos yin pa'i phyir bdag med par smra ba rnams la gtan tshigs? kyi don ma grub pa nyid do zhes zer ro zhes smra bas ni rang gi sde pa dag na re 'dod chags la sogs pa nyon mongs pa rnams kyi rten bdag med du zin kyang de dag gi rten sems yod pa'i phyir nyon mongs pa rnams sems kyi chos yin par 'grub pas bdag med par smra ba rnams la dbu ma pa'i gtan tshigs de dag gi rten med pa'i phyir zhes bya ba'i don ma grub pa nyid do zhes zer ba'i tshig yin no/ /de'i lan du 'dir 'grel pa byed pa nyid kyis gtan tshigs kyi don ma grub pa nyid ma yin te/ sems kyi skye ba bkag pa'i phyir dang/ rnam par shes pa ngo bo nyid bsal ba'i phyir dang/ de rdzas su yod pa nyid bkag pas/ sems ma grub pa'i phyir ro zhes bya ba smras te/ rkyen brtag pa dang/ phung po brtag pa la sogs pa'i rab tu byed par sems kyi skye ba dang/ ngo bo nyid dang rjes su yod pa nyid bkag pas sems ma grub pa'i phyir kho bo'i gtan tshigs kyi don ma grub pa nyid ma yin no/ /gang dag yod par smra ba dag na re 'di ltar kho bo cag ni gcig la gcig med pas dngos po'i mtshan nyid med par smra ba yin pas nyon mongs pa rnams yod pa ma yin no zhes bya ba de grub pas sems las byung ba rnams la dngos po rnams kyi ngo bo nyid med pa dang 'brel pa yang 'grub par 'gyur ro zhes zer ro/ /zhes bya bas ni gcig la gcig med par smra ba dngos po rnams kyi ngo bo nyid yod par 'dod pa dag na re dper na bum pa la snam bu med la
- 256b
snam bu la yang bum pa med pas gcig la gcig la gcig med pa'i phyir ngo bo nyid med pa zhes bya ba'i bum pa dang/ snam bu'i ngo bo nyid de so so na yod pa de bzhin du sems la yang nyon mongs pa rnams med la/ nyon mongs pa rnams la yang sems med pas gcig la gcig med pa'i phyir ngo bo nyid med pas zhes bya ba'i sems dang/ nyon mongs pa rnams kyi ngo bo nyid ni so so na yod pas 'dod chags la sogs pa nyon mongs pa rnams yod par 'grub bo zhes zer ba'i tshig yin no/ /de'i lan du 'grel pa byed pa nyid kyis de dag gis 'di bshad de/ khyed bum pa dang snam bu dag la de las gzhan pa'i dngos po'i mtshan nyid med par 'dod pa gang yin pa de ni dngos po dang dngos po med par snang ba'i blo skye ba'i rgyu yin pa'i phyir dngos po 'am dngos po med pa zhig yin grang na zhes bya ba la sogs pa smras te/ khyed gcig la gcig med pas dngos po med par 'dod pa gang yin pa de ni dngos po dang dngos po med par snang ba'i blo skye ba'i rgyu yin pa'i phyir dngos po 'am dngos po med pa zhig grang na/ brtags pa gnyis ka ltar mi 'thad par ston to/ /de la re zhig brtag pa dang po mi 'thad par bstan pa'i phyir/ de la gal te dngos po yin na ni dam bcas pa nyams so zhes bya ba smras te/ sngar gcig la gcig med pas dngos po med do zhes dam bcas pa la de dngos por smra ba'i phyir ro/ /brtag pa gnyis pa mi 'thad par bstan pa'i phyir/ ji ste dngos po med pa yin na ni 'o na des na bum pa'i 'di'i sngo ba nyid dang dmar ba nyid 'di'o zhes bya ba'i 'brel ba med pa'i phyir lnga snyad med par 'gyur bas de'i phyir bshad pa gal te 'ga' med ji zhig yod/ /brten bum pa 'am snam bu 'ga' zhig med par brten pa sngo ba nyid dam/ dmar ba nyid ji zhig yod par 'dod ces bya ba smras te/ dngos po med pa yin na de'i
- 257a
'di'o zhes bya ba'i 'brel pa med pa'i phyir nyon mongs pa rnams yod par mi 'grub bo/ /de nyid bstan pa'i phyir/ nyon mongs 'ga' yang yong ma yin/ /mo gsham gyi bu la sogs pa'i mtshan nyid ni dngos po med pa la zhes bya bar dgongs so zhes bya ba smras te/ brten sems med par brten pa nyon mongs pa rnams yod pa ma yin no zhes bya ba'i tha tshig go /de ltar ni mi 'dod pas de'i phyir yod pa ma yin pa dpe nyid du mi rung bas 'dod pa'i don grub pa med do zhes bya ba ni mjug bsdu ba dang tshad ma'i 'bras bu yin te/ rten sems med par brten pa nyon mongs pa rnams yod par 'dod pas de'i phyir nyon mongs pa yod pa ma yin pa dpe nyid du mi rung bas/ pha rol po dag na de don dam par phung po la sogs pa dag ngo bo nyid yod pa kho na yin te/ rgyu la brten nas 'byung ba'i phyir dper na 'dod chags la sogs pa bzhin no zhes zer ba'i 'dod pa'i don grub pa med do/ /rang gi sde pa rnams kyi phyir yang 'di bshad par bya ste zhes bya ba la sogs pas ni ji ltar de bzhin gshegs pa brtag pa'i skabs su/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ /zhes bya bas de bzhin gsheD pa phyogs su bya ste/ de bzhin gshegs pa phung po rnams la rnam pa lngas bcal na dmigs su med par bstan pa de bzhin du 'dir yang nyon mongs pa rnams phyogs su byas te/ nyon mongs pa can la rnam pa lngas btsal na dmigs su med pa dang /nyon mongs pa can phyogs su bya ste/ nyon mongs pa rnamS la rnam pa lngas btsal na dmigs su med par ston to/ /de la ro zhig nyon mongs pa rnams phyogs su bya ste nyon mongs pa can la rnam pa lngas btsal na dmigs su med par bstan
- 257b
pa'i phyir/ rang lus lta zhig nyon mongs rnams/ /rang zhes bya ba ni bdag dang bdag gi'o/ /lus zhes bya ba ni ming dang gzugs nye bar bsags pa'i rnam grangs so/ /rang gi lus la lta ba zhes bya ba ni rang gi lus la dmigs pa'i nyon mongs pa can gyi lta ba'o/ /rang gi lus la lta ba bzhin zhes bya ba ni rang gi lus la lta ba dang 'dra ba ste/ ji ltar sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ /zhes bya ba bzhin du ni nyon mongs pa rnams kyang de dang 'dra'o/ /nyon mongs pa rnams zhes bya ba ni gnod pa'i don gyis nyon mongs par byed pa dag go /nyon mongs can la rnam ltar med/ /nyon mongs can gyi sems la ste/ /nyon mongs pa ni nyon mongs pa can ma yin te/ /de las gzhan ma yin pa nyid bkag pa'i phyir dang/ bsreg pa dang bsreg pa dag gcig pa nyid du thal bar 'gyur ba'i phyir ro/ /nyon mongs pa rnams ni nyon mongs pa can las gzhan pa yang ma yin te/ snga ma bzhin du de las gzhan nyid bkag pa'i phyir dang/ nyon mongs pa rnams med par yang nyon mongs pa can nyid du thal bar 'gyur ba'i phyir ro/ /nyon mongs pa rnams nyon mongs pa can dag la med cing nyon mongs pa can yang nyon mongs pa rnams la med la/ nyon mongs pa rnams nyon mongs pa can dang ldan pa yang ma yin te/ gzhan nyid med pa kho na'i phyir ro/ /de ltar nyon mongs pa can la rnam pa lngar med do zhes bya ba smras so/ /da ni nyon mongs pa phyogs su byas/ nyon mongs pa rnamS la rnam pa lngas btsal na dmigs su med par bstan pa'i phyir/ /rang lus lta zhing nyon mongs can/ /nyon mongs pa la rnam pa lngar med/ /nyon mongs pa can nyon mongs pa rnams la rnam pa lngar med pa yang de bzhin du sbyar bar bya'o zhes bya
- 258a
ba smras so/ /de la nyon mongs pa rnams med pa'i phyir dpel bsgrub par bya ba chos ma tshang ba nyid kyi skyon yod do zhes bya ba ni pha rol po dag gi don dam par phung po la sogs pa dag ngo bo nyid yod pa kho na yin te/ rgyu ba brten nas 'byung ba'i phyir/ dper na 'dod chags la sogs pa bzhin no zhes smras pa'i dpe de la bsgrub par bya ba chos ngo bo nyid yod pa kho na yin te zhes bya ba ma tshang ba nyid kyis skyon yod par bstan to/ /yang gzhan yang gang gi tshe kho bo cag gi phyogs la/ sdug dang mi sdug phyin ci log /ngo bo nyid las yod min pa/ /de'i tshe/ sdug dang mi sdug phyin ci log /brtad nas nyon mongs gang dag yin/ /'byung ba zhes bya ba'i tshig gi lhag ma'o zhes bya bas ni phyin ci log rnams ngo bo nyid las yod pa ma yin pas/ phyin ci log gi rgyu la brten nas 'dod chags la sogs pa nyon mongs pa rnams 'byung bar mi 'gyur bar bstan to/ /de'i phyir don dam par nyon mongs pa rnams kyi chos ni brten nas 'byung pa ma yin pas dpe la sgrub pa'i chos ma tshang ba nyid kyi skyon yod do zhes bya bas ni pha rol po dag gi don dam par phung po la sogs pa dag ngo bo nyid yod pa kho na yin te/ rgyu la brten nas 'byung ba'i phyir dper na 'dod chags pa soD ba bzhin no zhes bya ba smras pa'i dpe de la sgrub pa'i chos rgyu la brten nas 'byung pa'i phyir zhes bya ba ma tshang ba nyid kyi skyon yod par bstan to/ rang gi sde pa dag yang phyir zlog par byed de zhes bya ba la sogs pas ni rang gi sde pa dag gzugs la sogs pa yul drug po dag ni 'dod chags la sogs pa nyon mongs pa rnams skye ba'i gzhi yin pas de dag la brten nas nyon mongs pa rnams 'byung bar 'grub pas dpe la bsgrub par bya ba dang/ sgrub pa'i chos ma tshang
- 258b
ba'i skyon med do zhes zer ba'i tshig ston to/ /de nyid bstan pa'i phyir/ gzugs sgra ro dang reg pa dang/ /dri dang chos dag rnams drug ni/ /rnam pa drug gi /de dag ci yin zhe na gzhi ste/ de dag las 'byung ngo zhes bya ba'i tha tshig go zhes bya ba smras so/ /gzugs la sogs pa'i nges pa'i tshigs bstan pa'i phyir/ gzugs shes bya ba ni gzung du rung ba'o/ /sgra zhes bya ba ni bsgrag tu rung ba'o /dri zhes bya ba ni snam du rung ba'o/ /ro zhas bya ba ni myang du rung ba'o/ /rig? pa zhes bya ba ni reg byar rung ba'o/ /chos bdag ces bya ba ni rang gi mtshan nyid 'dzin pa'i phyir ro zhes bya ba smras so/ /de dag gi gzhi yin par bstan pa'i phyir/ rnam pa drug po de dag gang gi gzhi yin zhe na/ 'dod chags zhe sdang dang/ gti mug gis ni rnam par rtag/ ces bya ba smras so/ /'dod chags la sogs pa'i chigs bstan pa'i phyir ro/ /'dod chags ni chags par byed pa ste/ lhag par chags pa'o/ /zhe sdang ni sdang bar byed pa ste/ sems can rnams la kun nas mnar sems bskyed pa'o/ /gti mug ni rmongs par byed pa ste mi shes pa'o zhes bya ba smras so/ /'dis ni phyin ci log gi chos ni gzhi yod pa yin par bstan to zhes bya bas ni tshig le'ur byas pa snga ma 'dis ni phyin ci log la brten nas 'dod chags la sogs pa kun tu 'byung bar sgrub pa'i chos gtan tshigs ni de dag skye ba'i gzhi yul drug po dag yod par bstan to/ /de'i rjes su dpag pa bstan pa'i phyir/ de'i phyir rjes su dpag pa ni don dam par sdug pa dang mi sdug pa'i phyin ci log gang dag la brten nas 'byung ba'i 'dod chags la sogs pa dag ni yod pa kho na yin te/ de dag ni gzhi yod pa'i phyir ro/ /'di na gang don dam par yod pa ma yin pa de la ni gzhi med de/ dper na long ba'i mig gi rnam par shes pa
- 259a
bzhin no/ / 'dod chags la sogs pa dag la ni gzhi phyin ci log dag tu rnam par brtag pa gang dag yin pa dang yod pas de'i phyir gtan tshigs ji skad smos pa'i mthus phyin ci log dag yod pas de dag la brten nas nyon mongs pa rnams 'byung bar 'grub pas dpe'i skyon med do zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na long ba'i mig gi rnam par shes pa lta bu gang yod pa ma yin pa de la ni gzhi med kyi/ 'dod chags la sogs pa dag la ni gzhi phyin ci log dag tu rnam par brtag pa'i yul dag yod pa de'i phyir 'dod chags la sogs pa dag ni yod pa kho na yin pas kho cag gi dpe la bsgrub par bya ba dang/ sgrub pa'i chos ma tshang ba'i skyon med do zhes zer ro/ /de skad ces zer ba de'i lan du 'grel pa byed pa nyid kyis 'dir bshad pa / gzugs sgra ro dang reg pa dang/ /dri dang chos dag 'ga' zhig pa/ /zhes bya ba ni ngo bo nyid med pa ste/ ngo bo nyid kyi dri tsam gyis kyang ma bsgos pa dag yin no zhes bya ba la sogs pa smras t+te/ des ni pha rol po dag gi gtan tshigs de dag gi gzhi yod pa'i phyir ro/ /zhes bya ba'i don ma grub pa nyid du ston te/ 'di ltar don dam par gzugs la sogs ba dag ngo bo nyid med pa 'ba' zhig pa yin pa'i phyir ro/ /'o na tha snyad du gzugs la sogs pa phyin ci log tu brtag pa dag la brten nas 'dod chags la sogs pa dag kun tu 'byung bar bar mi 'gyur ma zhe na/ de'i phyir tha snyad kyi bden pa la skur pa 'debs pa yang ma yin te/ 'di ltar/ gzugs la sogs pa de dag ni/ /dri za'i grong khyer lta bu dang/ /smig rgyu rmi
- 259b
lam 'dra ba yin/ /zhes bya ba smras te/ tha snyad kyi bden par gzugs la sogs pa dri za'i grong khyer dang/ smig rgyu dang rmi lam lta bu de dag la brten nas phyin ci log tu 'khrul pa rnams la 'dod chags la sogs pa mi 'byung ba yang ma yin no/ /dpe gsum po de dag gi yul gyi khyad par bstan pa'i phyir/ dri za'i grong khyer lta bu zhes bya ba ni yul dang/ dus nges pa dang/ rgyud nges pa med par dmigs par bya ba nyid dang chos mthun pa'i phyir ro/ /smig rgyu 'dra ba zhes bya ba ni ngo bo nyid stong pa nyid yin yang de la mngon par zhen pas yongs su 'tshol ba'i phyir rkyen gyi dngos por nye bar 'gro ba dang chos mthun pa'i phyir ro/ /rmi lam dang 'dra ba zhes bya ba ni ngo po nyid med pa nyid yin yang re zhig bar 'dod pas rgyu dang 'bras bu sgrub pa'i dngos por nye bar 'gro ba dang chos mthun pa'i phyir ro zhes bya ba smras so/ /da ni don dam par de dag la brten nas 'dod chags la sogs pa 'byung bar mi 'gyur pas pha rol po dag gi gtan tshig de dag gi gzhi yod pa'i phyir ro zhes bya ba de ma grub pa dang/ 'gal ba nyid du bstan pa'i phyir/ gang gi phyir rnam pa de lta bu'i gzugs la sogs pa sgyu ma'i skyes bu lta bu dang log par snang ba dang chos mthun pa'i phyir ro/ /gzugs brnyan 'dra ba de dag la/ /byed pa po'i bya ba la mi bltos par skye ba nyid dang chos mthun pa'i phyir ro/ /de'i phyir sdug pa dang ni mi sdug pa/ /'byung bar yang ni gal 'gyur/ /zhes bya ba smras te/ 'byung par mi 'gyur ba nyid de/ don dam pa pa'i ngo bo nyid stong pa'i phyir ro zhes bya bar dgongs so zhes bya ba smras so/ /de'i phyir don dam par gzhi ma grub pa'i phyir gtan tshigs kyi don ma grub pa de nyid dang don 'gal ba nyid do zhes bya ba ni mjug bsdu ba dang tshad ma'i 'bras bu yin te/ pha rol po dag gi
- 260a
gtan tshigs de dag gi gzhi yod pa'i phyir ro zhes bya ba de don dam par ni ma grub pa nyid la/ kun rdzob tu ni 'gal ba nyid kyi skyon yod do/ /gzhan yang zhes bya ba la sogs pas ni sdug pa gang la brten nas mi sdug pa mi sdug bar gdags par bya ba'i sdug pa de mi sdug ba la ma bltos par yod pa ma yin pas de'i phyir sdug pa 'thad pa ma yin pa dang/ mi sdug pa gang la brten nas sdug pa sdug bar gdags par bya ba'i mi sdug pa de sdug pa la ma bltos par yod pa ma yin pas de'i phyir mi sdug pa 'thad pa ma yin par bsgrub pa rnam pa gnyis ston to/ /de la re zhig bsgrub pa dang po bstan pa'i phyir sdug pa gang la brten nas mi sdug pa/ mi sdug pa zhes bya bar 'gyur pa'o/ /mi sdug par ni gdags bya ba/ /mi sdug pa gang 'di ni mi sdug pa'i zhes mi sdug pa'i ngo bo nyid du 'u? bu cag gis gdags par bya'o/ /sdug pa ma bltos yod min pas/ /sdug pa de mi sdug pa la ma bltos par sdug pa'i bdag nyid du yod pa ma yin pas zhes bya ba'i tha tshig go /de'i phyir sdug pa 'thad ma yin/ mi sdug pa med pa'i phyir sdug pa yang de la ma bltos par sdug pa yid du mi 'gyur ba nyid kyi phyir ro zhes bya bar dgong so zhes bya ba smras so// sgrub pa gnyis pa bstan pa'i phyir/ de bzhin du mi sdug pa gang la brten nas sdug pa ni/ sdug pa zhes bya bar rab tu 'grub pa'o/ /sdug pa zhes ni gdags bya ba/ /sdug pa gang 'di ni sdug pa'o zhes sdug pa'i ngo bo nyid du 'u bu cig gis gdags par bya ba'o/ /mi sdug ma bltos yod min pas/ /mi sdug pa de sdug pa la ma bltos pas mi sdug pa'i bdag nyid du grub pa med pas so/ /de phyir mi sdug 'thad ma yin/ /gang gi phyir de ltar sdug pa yod pa
- 260b
ma yin pa de'i phyir mi sdug pa yang pa de la ma bltos par mi sdug pa nyid du mi 'gyur pa nyid kyi phyir ro zhes bya bar dgongs so zhes bya ba smras so/ /da ni de ltar sdug ba yod pa ma yin pas 'dod chags 'byung bar mi 'gyur la/ mi sdug pa yod pa ma yin bas zhe sdang 'byung bar mi 'gyur zhing/ de gnyi ga yod pa ma yin pas gti mug 'byung bar mi 'gyur ro zhes mjug bsdu ba bstan pa'i phyir/ de'i phyir de ltar/ sdug pa yod pa ma yin na/ /'dod chags 'byung bar ga la 'gyur/ /mi sdug yod pa ma yin na/ /zhe sdang 'byung bar ga la 'gyur/ /de dag med pa'i phyir gti mug kyang med de/ de dag med pa kho nas de yang yod pa ma yin par grub bo zhes bya ba smras so/ /de dag brjod na skyon med pa ma yin pas de'i phyir gtan tshigs kyi skyon ji skad bstan pa ldog pa med do zhes bya ba ni tshad ma'i 'bras bu yin no/ /'dir smras pa/ don dam par sdug pa dang mi sdug pa'i phyir ci log dag ni yod pa kho na yin te/ bcom ldan 'das kyi mdo sde las gsungs pa'i phyir/ /bcom ldan 'das kyi gang mdo sde las gsungs pa de ni yod de/ dper na bdag med pa bzhin na/ /mdo sde las mi rtag pa la rtag pa dang/ bdag med pa la bdag dang/ sdug bsngal ba la bde ba dang/ mi sdug pa la sdug par 'dzin pa ni phyin ci log go zhes gsungs pa de dag yod pas/ de'i phyir don dam par sdug ba dang mi sdug pa'i phyin ci log dag ni yod pa kho na yin no/ /zhes bya ba ni rang gi sde pa dag bcom ldan 'das kyis mdo sde las phyin ci log yod par gsungs pa'i gtan tshig dang bdag med pa nyid yod par gsungs pa'i dpes don dam par sdug pa dang mi sdug pa'i phyin ci log dag yod pa kho na yin te zhes zer ba'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mthun
- 261a
pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ dper na bcom ldan 'das kyis mdo sde las bdag med pa nyid du gsungs pa ni/ yod pa kho na yin pa de bzhin du bcom ldan 'das kyis mdo sde las phyin ci log dag gsungs pa de dag kyang yod pa kho na yin no zhes zer ro/ /de skad ces zer ba de'i lan du 'grel ba byed pa nyid kyis 'dir bshad pa/ gal te 'ga' zhig log par bsgrub pa yod na tha snyad pa'i sdug pa dang mi sdug pa'i phyin ci log dag sgrub pa la ni sgrub pa 'di rung ngo/ /don dam par ni mi rung ngo zhes bya ba smras te/ gal te tha snyad du yang phyin ci log dag med do zhes 'ga' zhig log par sgrub pa yod na/ de dag la tha snyad pa'i sdug pa dang mi sdug pa'i phyin ci log dag sgrub pa la ni khyed kyi gtan tshig dang dpa' i sgrub pa 'di rung ngo/ /kho bo cag dbu ma pa don dam par phyin ci log ngo bo nyid med pa nyid du sgrub pa la ni khyed kyi gtan tshigs dang dpe'i sgrub pa 'di mi rung ste/ don dam par de dag mi 'grub pa'i phyir ro/ /de la re zhig don dam par pha rol po dag gi dpe bcom ldan 'das kyis gang mdo sde las gsungs pa ni yod de/ /dper na bdag med pa nyid bzhin no zhes bya ba de ni mi rung bar bstan pa'i phyir/ sangs rgyas rnams kyi bdag dang ni/ /bdag med gang yang med par gsungs/ /zhes bya ba der lan btab zin pas/ bdag med pa nyid ma grub pa'i phyir dpe med do zhes bya ba smras te/ sngar bdag dang chos brtag? pa'i skabs su de skad bstan pas so/ /don dam par pha rol po dag gi gtan tshigs bcom ldan 'das kyis mdo sde las gsungs pa'i phyir ro zhes bya ba de mi rung bar bstan pa'i phyir/ gtan tshigs kyang med de/ don dam par mdo
- 261b
sde las phyin ci log dag yod par khas ma blangs pa'i phyir ro zhes bya ba smras te/ kho bo cag dbu ma pas so/ /'dir phyin ci log ni rnam pa gnyis te/ 'khor ba dang mya ngan las 'das pa dang rjes su mthun pa'o/ /de la 'khor ba dang rjes su mthun pa ni 'di lta ste/ mi rtag pa la rtag pa zhes bya ba la sogs pa'o/ /mya ngan las 'das pa dang rjes su mthun pa ni 'di lta ste/ rtag pa la mi rtag pa zhes bya ba la sogs pa'o/ /de gnyi ga yang phyin ci log te/ rnam par mi rtog pa'i ye shes thob pas spang bar bya ba yin te/ de'i mi mthun pa'i phyogs yin pa'i phyir ro zhes bya bas ni de gnyi ga yang kun rdzob tu phyin ci log yin par kho bo cag dbu ma yang 'dod do zhes bstan to/ /gal te mi rtag pa la sogs pa la mi rtag pa la sogs par lta ba ni phyin ci ma log pa'i phyir phyin ci log nyid yin par mi rigs zhen zhes bya ba ni pha rol po dag na re 'khor ba dang rjes su mthun pa'i phyir ci log bzhi ni kun rdzob tu yang phyin ci log nyid yin par rigs na mya ngan las 'das pa dang rjes su mthun pa dag ji ltar kun rdzob tu phyin ci log nyid yin par rigs zhes zer ba'i tshig yin no/ /de'i lan du 'gel pa byed pa nyid kyis/ phyin ci log ces bya ba de'i don ni gang yin zhes brtag pa smras so/ /de'i lan du pha rol po dag na re/ gal te mi rtag pa la rtag zhes log par lta ba'i don to zhe na zhes bya ba ni pha rol po dag na re 'khor ba dang rjes su mthun pa'i phyin ci log bzhi po dag phyin ci log ces bya ba'i don yin no zhes zer ba'i tshig yin no/ /de'i lan du 'dir 'grel pa byed pa nyid kyis/ gal te mi rtag pa la rtag pa zhes bya ba la sogs par 'dzin na de lta na dngos po stong pa la rtag pa yod pa ma yin pas/ de dag kyang kun rdzob tu 'khor ba dang rjes su mthun pa'i phyin ci log nyid yin par bstan pa'i phyir/ de'i phyir bshad pa/ gal
- 262a
te mi rtag rtag pa zhes/ /mi rtag pa rtag pa nyid kyi stong pa la rtag pa zhes so /de ltar 'dzin pa log yin na/ de ltar shes pa phyin ci log gi don la dmigs pa'i phyir phyin ci log yin na'o zhes bya ba smras te/ des ni pha rol po dag 'dod pa'i gzhung brnan pa bstan to/ /da ni dbu ma pa nyid kyi de kun rdzob tu 'khor ba dang rjes su mthun pa'i phyin ci log nyid yin par bstan pa'i phyir de ltar na/ stong pa rtog pa yod min pas /'dzin pa ji ltar log min pas/ /stong pa la rtag pa nyid kyang ngo bo nyid gyi stong pa'i phyir stong pa la rtag par 'dzin pa ji ltar phyin ci log ma yin te/ de ni phyin ci log nyid yin no zhes bya ba'i tha tshig gi don te/ dper na gal te khams gsum pa las 'dod chags dang bral na ji ltar grol ba ma yin no zhes bya ba bzhin no zhes bya ba smras so/ /ji ltar don dam par stong pa la rtag pa nyid kyang ngo bo nyid kyis stong par 'dod ce na/ sngar bstan pa'i tshul gyis ma skyes pa'i phyir dper na mya ngan las 'das pa bzhin no zhes bya bas ni/ stong pa rtag pa yod min pas/ /'dzin pa ji ltar log ma yin/ /zhes bya ba'i 'thad pa bstan te/ re zhig de don dam pa gos ni gal te mi rtag pa la rtag pa zhes bya ba la sogs par 'dzin na de dag kun rdzob tu 'khor ba dang rjes su mthun pa'i phyin ci log nyid yin par bstan to/ /da ni gal te mi rtag pa la mi rtag pa zhes bya ba la sogs par 'dzin na de lta na dngos po stong pa la mi rtag pa yod pa ma yin pas de dag kyang kun rdzob tu mya ngan las 'das pa dang rjes su mthun pa'i phyin ci log nyid yin par bstan pa'i phyir/ /yang na/ gal te mi rtag mi rtag ces/ /mi rtag pa la mi rtag pa nyid kyis stong pa la mi rtag pa zhes so/ /de ltar 'dzin pa log min na/ /de ltar shes pa
- 262b
phyin ci log gi don la dmigs pa ma yin pa'i phyir phyin ci log ma yin na'o zhes bya ba smras te/ des kyang pha rol po dag 'dod pa'i gzhung brnan pa bstan to/ /da ni dbu ma pa nyid kyis de kun rdzob tu mya ngan las 'das pa dang rjes su mthun pa'i phyin ci log nyid yin par bstan pa'i phyir/ de ltar na/ stong la mi rtag yod min pas/ /'dzin pa ji ltar log ma yin/ /stong pa la mi rtag pa nyid kyang ngo bo nyid kyis stong pa la mi rtag par 'dzin pa yang ji ltar phyin ci log ma yin te/ de yang phyin ci log nyid yin no zhes bya ba'i tshig gi don te/ de'i chos ni rnam par rtog pa nyid yin pa'i phyir dper na rtag par 'dzin pa bzhin no zhes bya ba'i tha tshig go zhes bya ba smras so/ /de ltar na 'dir klags yod pa'i tshigs yin pa'i phyir pha rol po'i dam bcas pa'i don las bzlog pa'i tshig gi don mngon te/ dper na gal te bum pa byas pa mi rtag na sgra byas pa yang ci'i phyir mi rtag par mi 'gyur zhes bya ba bzhin no zhes bya bas ni/ stong la mi rtag yod min pas/ /'dzin pa ji ltar log ma yin/ zhes bya ba'i 'thad pa bstan to/ /da ni mi rtag pa la mi rtag go zhes bya ba la sogs par 'dzin pa de dag rnam par rtog pa nyid yin pa'i phyir mya ngan las 'das pa dang rjes su mthun pa'i phyin ci log nyid yin pa'i rjes su dpag pa bstan pa'i phyir/ 'dir sbyor ba'i tshig ni don dam par gzugs mi rtag go zhes bya bar shes pa de ni phyin ci log yin te/ rnam par rtog pa nyid yin pa'i phyir dper na gzugs rtag go zhes bya par shes pa bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gzugs mi rtag pa la rtag go zhes bya bar shes pa de rnam par rtog pa nyid yin pa'i phyir 'khor ba dang rjes su mthun
- 263a
pa'i phyin ci log yin pas de bzhin du gzugs mi rtag go zhes bya bar shes pa de yang rnam par rtog pa nyid yin pa'i phyir mya ngan las 'das pa dang rjes su mthun pa'i phyin ci log nyid yin no/ /gal te 'du byed rnams stong ngo zhes bya bar shes pa rnam par rtog pa dang bcas pa dag gis ma nges pa nyid do zhe na/ zhes bya ba ni pha rol po dag dbu ma pa'i gtan tshig rnam par rtog pa nyid yin pa'i phyir zhes bya ba de ma nges pa nyid do zhes zer ba'i tshig yin te/ 'di na 'du byed rnams stong ngo zhes bya bar shes pa rnam par rtog pa dang bcas pa dag rnam par rtog pa nyid yin yang phyin ci log ma yin par mthong pas des na ci re zhig rnam par rtog pa nyid yin pa'i phyir/ dper na gzugs rtag go zhes bya bar shes pa bzhin no/ /gzugs mi rtag go zhes bya bar shes pa de phyin ci log yin par 'gyur ram/ 'on te rnam par rtog pa nyid yin pa'i phyir dper na 'du byed rnams stong ngo zhes bya bar shes pa rnam par rtog pa dang bcas pa dag bzhin du gzugs mi rtag go zhes bya bar shes pa de phyin ci log ma yin par 'gyur ba ma nges pa nyid do zhes zer ro/ /de'i lan du 'grel pa byed pa nyid kyis/ de yang phyin ci log yin pa'i phyir skyon med do zhes bya ba smras te/ 'du byed rnams stong ngo zhes bya bar shes pa rnam par rtog pa dang bcas pa de yang kun rdzob tu mya ngan las 'das pa dang rjes su mthun pa'i phyin ci log yin pa'i phyir mi mthun pa'i phyogs med pas kho bo'i gtan tshigs ma nges pa nyid kyi skyon med do/ /gal te de na stong pa nyid kyi ye shes kyang thar pa thob par byed pa ma yin te phyin ci log yin pa'i phyir/ dper na nang gi skye mched rnams kyi yul la bde ba la sogs par shes pa
- 263b
bzhin no zhes bya ba ni/ pha rol po dag na re/ gal te de ltar gzugs mi rtag go zhes bya bar shes pa dang/ 'du byed rnams stong ngo zhes bya bar shes pa rnam par rtog pa dang bcas pa de dag phyin ci log yin na de ltar na rnal 'byor pa rnams kyi stong pa nyid kyi dpe shes kyang phyin ci log yin pa'i phyir thar pa thob par byed pa ma yin pa'i skyon du 'gyur ro zhes zer ba'i tshig yin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na nang gi skye mchod rnams kyi yul gzugs la sogs pa la bde ba la sogs par shes pa ni phyin ci log yin pa'i phyir thar pa thob par byed pa ma yin pa de bzhin du rnal 'byor pa rnamS kyi steng pa nyid kyi ye shes kyang phyin ci log yin pa'i phyir thar pa thob par byed pa ma yin pa'i skyon du 'gyur ro zhes zer ro/ /de'i lan du 'grel pa byed pa nyid kyis/ 'dir dam bcas pa de'i don gang yin zhes bya bas thar pa thob par byed pa ma yin te zhes dam bcas pa de'i don gang yin zheS brtag pa smras so/ /gal te mig stong par shes pa thar pa thob par byed pa ma yin no zhe na ni grub pa la sgrub pa yin te/ thar pa ni rnam par mi rtog pa'i ye shes kyis 'thob pa yin pa'i phyir zhes bya bas ni gal te pha rol po dag gi dam bcas pa de'i don rnal 'byor pa rnams kyi thos pa bsam pa las byung ba'i shes pa rnam par rtog pa dang bcas pas mig la sogs pa stong par shes pa de thar pa thob par byed pa ma yin no zhen ni/ grub pa la sgrub pa yin te/ 'di ltar kho bo cag gi phyogs la yang thar pa ni rnam par mi rtog pa'i ye shes kyis 'thob pa yin pa'i phyir/ mig stong pa shes pa de ni phyin ci log yin pa'i phyir/ thar pa thob par byed pa ma yin par grub
- 264a
pa'i phyir ro zhes bstan to/ /ci ste rnam par mi rtog pa'i zhe na ni de'i phyin ci log gi shes pa nyid yin par ma grub pa'i phyir gtan tshigs kyi don ma grub pa nyid do zhes bya bas ni/ gal te pha rol po dag gi dam bcas pa de'i don rnal 'byor pa rnams kyis bsgom pa las byung ba'i shes pa rnam par mi rtog pa de thar pa thob par byed pa ma yin no zhe na ni/ pha rol po dag gi gtan tshigs phyin ci log yin pa'i phyir zhes bya ba de'i don ma grub pa nyid do/ /rnal 'byor pa rnams kyi bsgoms pa las byung ba'i shes pa rnam par mi rtog pa de phyin ci log gi shes pa nyid yin par ma grub pa'i phyir ro zhes bstan to/ /gal te stong pa nyid kyi ye shes rnam par mi rtog pa yang thar pa thob par byed pa ma yin te/ rnam par mi rtog pa'i phyir dper na byis pa'i mig gi rnam par shes pa bzhin no zhe na/ zhes bya ba ni pha rol po dag rnal 'byor pa rnams kyi bsgoms pa las byung ba'i shes pa rnam par mi rtog pa de yang rnam par mi rtog pa'i phyir so so'i skye bo rnams kyi mig gi rnam par shes pa bzhin pas thar pa thob par byed pa ma yin no zhes skyon 'dogs pa'i tshig yin te/ de dag kyang chos can dang/ /bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na byis pa'i mig gi rnam par shes pa ni rnam par rtog pa'i phyir thar pa thob par byed pa ma yin pa de bzhin du rnal 'byor pa rnams kyi bsgoms pa las byung ba stong pa nyid kyi ye shes rnam par mi rtog pa yang rnam par mi rtog pa'i phyir thar pa thob par byed pa ma yin no zhes zer ro/ /de'i lan du 'grel pa byed pa nyid kyis/ rang la gtan tshigs kyi don ma nges pa nyid de/ 'gog pa shes pa bsgoms pa las byung ba dag gis ma nges pa nyid yin pa'i phyir ro zhes bya ba smras te /'di
- 264b
na khyed kyi 'gog pa shes pa bsgoms pa las byung ba dag rnam par mi rtog pa yang yin la/ thar pa thob par byed pa yang yin par mthong ba des na ci re zhig rnam par mi rtog pa'i phyir/ dper na byis pa'i mig gi rnam par shes pa bzhin du rnal 'byor pa rnams kyis bsgoms pa las byung ba stong pa nyid kyi ye shes rnam par mi rtog pa de thar pa thob par byed pa ma yin par 'gyur ram/ 'on te rnam par mi rtog pa'i phyir dper na khyed kyi 'gog pa shes pa bsgoms pa las byung pa dag bzhin du rnal 'byor pa rnams kyi bsgoms pa las byung ba stong pa nyid kyi ye shes rnam par mi rtog pa de thar pa thob par byed pa yin pa ma nges pas khyed kyi gtan tshigs rnam par mi rtog pa'i phyir zhes bya ba de'i don rang la ma nges pa nyid yin pas mi rung ngo/ /rang la gtan tshigs kyi don ma grub pa nyid kyang yin te/ stong pa nyid kyi ye shes kyang ngo bo nyid rnam par rtog ps rnam par rtog pa yin pa'i phyir ro zhes bya bas ni pha rol po dag gi gtan tshigs rnam par mi rtog pa'i phyir zhes bya ba de'i don rang la ma grub pa nyid du ston te/ 'di ltar rnal 'byor pa rnams kyi bsgoms pa las byung ba stong pa nyid kyi ye shes kyang shes pa'i ngo bo nyid kyis rnam par rtog pa yin pa'i phyir sems pa med pa dag ltar rnam par mi rtog pa nyid du khyed rang la ma grub pa'i phyir ro/ /rjes su dpag pas kyang mi gnod de/ rang la dpe med pa nyid kyi phyir ro/ /zhes bya bas ni pha rol po dag gi rjes su dpag pa stong pa nyid kyi ye shes rnam par mi rtog pa yang thar pa thob par byed pa ma yin te/ rnam par mi rtog pa'i phyir/ dper na byis pa'i mig gi rnam par shes pa bzhin no zhes bya ba des kyang dbu ma pa la mi gnod de/ 'di ltar pha rol po dag gi dpe byis pa'i mig gi rnam par shes pa bzhin no zhes bya ba de yang shes pa'i ngo bo nyid kyi
- 265a
rnam par rtog pa yin pa'i phyir/ pha rol po dag rang la rnam par mi rtog pa nyid du ma grub pas dpe med pa nyid kyi phyir ro zhes stan to/ /gzhan yang thar pa thob par byed pa ma yin te zhes bya ba de'i don gang yin zhes bya bas ni sngar pha rol po dag gi stong pa nyid kyi ye shes rnam par mi rtog pa yang thar pa thob par? byed pa ma yin te zhes dam bcas pa de'i don gang yin zhes gal te gnyis su brtag pa ston to/ /gal te thar pa mi byed pa'o zhe na ni grub pa la sgrub pa yin te/ thar pa ni ma byas pa'i phyir ro zhes bya bas ni gal te pha rol po dag gi dam bcas pa de'i don stong pa nyid kyi ye shes rnam par mi rtog pa des thar pa mi byed pa'i phyir thar pa thob par byed pa ma yin no zhes bya ba yin na ni? grub pa la sgrub pa yin te/ 'di ltar thar pa ni byas pa ma yin par kho bo cag gi phyogs la yang grub pa'i phyir ro/ /gal te don ji lta ba bzhin du shes pa ma yin no zhe na ni rang la ma nges pa nyid de/ mngon sum gyi blo dag gis ma nges pa'i phyir ro zhes bya bas ni gal te pha rol po dam bcas pa de'i don stong pa nyid kyi ye shes rnam par mi rtog pa nges don mi rtag pa la ji lta ba bzhin du shes pa ma yin pas de thar pa thob par byed pa ma yin no zhe na ni/ pha rol po dag gi gtan tshigs rnam par mi rtog pa'i phyir zhes bya ba de'i don rang la ma nges pa nyid de/ 'di na mngon sum gyi blo dag rnam par mi rtog pa yin yang gzugs la sogs pa'i don ji lta ba bzhin du shes pa yin par mthong bas des na je re zhig rnam par mi rtog pa'i phyir/ dper na byis pa'i mig gi rnam par shes pa bzhin du stong pa nyid kyi ye shes rnam par mi rtog pa de yang mi rtag pa la mi rtag par don ji lta ba bzhin du shes pa ma yin
- 265b
par 'gyur ram/ 'on te rnam par mi rtog pa'i phyir dper na mngon sum gyi blo dag gi gzugs la sogs pa don ji lta ba bzhin du shes pa bzhin du stong pa nyid kyi ye shes rnam par mi rtog pa des kyang mi rtag pa la mi rtag par don ji lta ba bzhin du shes pa yin par 'gyur pa ma nges pas pha rol dag gi gtan tshigs rnam par mi rtog pa'i phyir zhes bya ba de'i ngan? rang la ma grub pa nyid? yin pas mi rung ngo/ /re zhig de dag gi stong pa nyid kyi ye shes thar pa thob par byed pa ma yin no zhes zer ba'i lan gang bas bstan te/ /de ni rnam par mi rtog pa'i ye shes kyang phyin ci log gi shes pa yin no zhes zer ba'i lan gdab pa bstan pa'i phyir/ 'dis ni rnam par mi rtog pa'i ye shes kyang phyin ci log gi shes pa yin te/ rnam par mi rtog pa'i phyir mig gi rnam par shes pa bzhin no zhes zer ba bdag la yang lan gdab par rig par bya'o zhes bya ba smras te/ gzhan yang thar pa thob par byed pa ma yin no zhes bya ba de'i don gang yin/ gal te thar pa mi byed pa'o zhen ni grub pa la sgrub pa yin te/ thar pa ni byas pa ma yin pa'i phyir ro/ /gal te don ji lta ba bzhin du shes pa ma yin no zhe na ni rang la ma nges pa nyid yin te/ mngon sum gyi blo dag gis ma nges pa'i phyir ro zhes bya ba'i gal te 'dis ni pha rol po gang dag rnam par mi rtog pa'i ye shes kyang phyin ci log gi shes pa yin te/ rnam par mi rtog pa'i phyir mig gi rnam par shes pa bzhin no zhes zer ba de dag la yang lan gdab par rigs par bya'o/ /'di skad bstan te/ phyin ci log gi shes pa yin te zhes bya ba de'i don gang yin/ gal te thar pa mi byed pa'o zhe na ni grub pa la sgrub pa yin te/ thar pa ni byas pa ma yin pa'i phyir ro/ /gal te don ji lta ba bzhin du shes pa ma yin no zhe na ni rang la ma nges pa nyid de/ mngon sum gyi blo ngag gis ma nges pa'i phyir ro zhes bya bar
- 266a
sbyar ro/ /ci ste mngon sum gyi shes pa rnam par rtog pa dang bcas par smra ba dag 'di skad ces mngon sum gyi shes pa ni rnam par rtog pa dang bcas pa yin te/ shes pa yin pa'i phyir dang tshad ma yin pa'i phyir dper na rjes su dpag pa'i shes pa bzhin no zhe na zhes bya bas ni mngon sum gyi shes pa rnam par rtog pa dang bcas par smra ba dag mngon sum gyi shes pa yang shes pa yin pa dang/ chad ma yin pa'i gtan tshigs kyis rjes su dpag pa'i shes pa bzhin du rnam par rtog pa dang bcas par sgrub pa'i tshig yin no/ /de dgag pa'i phyir/ de dag la yang 'di skad ces lhas byin gyi mngon sum gyi blo ni rnam par rtog pa med pa yin te/ mngon sum gyi gzugs kyi yul can yin pa'i phyir dang mig la brten pa'i phyir/ dper na byis pa'i mig gi rnam par shes pa bzhin no zhes brjod par bya'o zhes bya ba smras te/ /1? dpen? na byis pa'i mig gi rnam par shes pa ni mngon sum gyi gzugs kyi yul yin pa'i phyir dang/ mig la brten pa'i phyir rnam par rtog pa med pa bzhin du lhas byin gyi mngon sum gyi blo yang de bzhin no/ /de'i phyir tha snyad du ni shes pa de dag gis ma nges pa nyid yin la/ don dam par ni dpe med de rjes su dpag pa la sogs pa shes pa dag kyang rab tu dpen pa dang ro gcig pas mtshan nyid gcig pa'i phyir ro zhes bya bas ni pha rol po dag gis gtan tshigs shes pa yin pa'i phyir dang tshad ma yin pa'i phyir zhes bya ba de tha snyad du byis pa'i mig gi rnam par shes pa bzhin no zhes bya ba de dag gis ma nges pa nyid yin la/ don dam par ni pha rol po dag gi dpe rjes su dpag pa'i shes pa bzhin no zhes bya ba de ma grub po zhes mjug bsdu ba bstan to//
- 266b
zhar la bshad pas chog gis skabs nyid kyi dbang du bya'o zhes bya bas ni kun rdzob tu ji ltar 'khor ba dang rjes su mthun pa'i phyin ci log bzhi po dag phyin ci log nyid yin pa de bzhin du mya ngan las 'das pa dang rjes su mthun pa'i phyin ci log bzhi po dag kyang phyin ci log nyid yin par sgrub pa zhar la bshad pas chog gis/ da ni ji ltar mi rtag pa la rtag pa dang mi rtag pa la 'dzin pa 'khor ba dang mya ngan las 'das pa dang rjes su mthun pa'i phyin ci log yin pa de bzhin du bdag dang bde ba dang sdug pa dag la yang de dang 'dra bar bstan pa'i skabs nyid kyi dbang du bya'o/ /de nyid bstan pa'i phyir/ ji ltar mi rtag pa la rtag pa dang mi rtag par 'dzin pa phyin ci log yin pa de bzhin du bdag dang bde ba dang sdug pa dag la /bdag dang bde ba dang sdug pa dang bdag med pa dang sdug bsngal ba dang/ mi sdug par 'dzin pa dag kyang phyin ci log yin par brjod par bya'o/ /zhes bya ba smras te/ sngar/ gal te mi rtag rtag pa zhes/ /de ltar 'dzin pa log yin na/ /stong la mi rtag yod min pas/ /'dzin pa ji ltar log ma yin/ /gal te mi rtag mi rtag ces/ /de ltar 'dzin pa log min na/ /stong la mi rtag yod min pas/ /'dzin pa ji ltar log ma yin/ /zhes bya bas mi rtag pa la rtag par 'dzin pa ni 'khor ba dang rjes su mthun pa phyin ci log yin la/ mi rtag pa la mi rtag par 'dzin pa ni mya ngan las 'das pa dang rjes su mthun pa'i phyin ci log yin par bstan pa bzhin du lhag ma rnams la yang ci rigs par sbyar bar bya'o/ /gzhan dag gis dam bcas pa'i don sgro btags nas smras pa 'dzin pa ni yod pa kho na yin te/ de 'dzin par byed pa dang/ 'dzin pa po dang/ gzung ba dag yod pa'i phyir ro/ /'di na gang yod pa ma yin pa de
- 267a
la de gsum po de dag med de dper na ri bong gi rwa bzhin no/ /phyin ci log tu 'dzin pa la ni nyes pa gang gis 'dzin par byed pa dang/ 'dzin pa po'i phung po'i bdag nyid dang/ gzung ba gzugs la sogs pa dag yod pa de'i phyir gtan tshigs ji skad smos pa'i mthus phyin ci log tu 'dzin pa ni yod pa kho na yin no zhes bya ba ni rang gi sde bdag phyin ci log tu 'dzin pa'i nyon mongs pa dag ? yod par sngar dam bcas pa de'i don 'dir brda sprod pa po'i byed pa po'i tshig gi tham? lag gis sgro gtags nas de dag yod par sgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na ri bong gi rwa lta bu gang yod pa ma yin pa la byed pa po dang/ byed pa dang/ las byed pa de ni yod pa ma yin gyi/ phyin ci log tu 'dzin pa'i bya ba la ni gsum yod pas de yang yod pa kho na yin no zhes zer ro/ /de skad ces zer pa de'i lan du 'grel pa byed pa nyid kyis 'dir bshad pa/ gang gis 'dzin dang 'dzin gang dang/ /'dzin pa po dang gang gzung ba/ /thams cad nye bar zhi ba de/ /de phyir 'dzin pa yod ma yin/ /zhes bya ba smras te/ 'dis ni phyin ci log tu 'dzin pa'i byed pa dang/ bya ba dang/ byed pa po dang/ las zhes pa bzhi po thams cad nye bar zhi bas 'dzin pa'i bya ba yod pa ma yin no zhes bston to/ /de nyid bye brag tu bshad pa bstan pa'i phyir/ gang gis 'dzin par byed pa ni dngos po'i rang dang spyi'i mtshan nyid la dmigs pa'i shes pas so zhes bya ba smras te/ de ni byed pa'o/ /'dzin pa gang yin pa de ni sgro 'dogs pa dang skur pa 'debs pa'i bdag nyid do zhes bya ba ni bya ba'o/ /'dzin pa po ni ming dang/ gzugs kyi
- 267b
bdag nyid dam de las gzhan pa bdag go zhes bya bde ni byed pa po'o/ /gang gzung ba ni gzugs la sogs pa'o zhes bya ba ni las so/ /de dag thams cad nye bar zhi bar bstan pa'i phyir/ de dag ni skabs ji lta ba bzhin du ngo bo nyid stong par bstan zin pas? des na 'dzin bar byed pa la sogs pa thams cad nye bar zhi ba ste zhes bya ba smras so/ /de'i phyir 'dzin pa'i bya ba yod pa ma yin par bstan pa'i phyir/ de'i phyir 'dzin pa yod ma yin /'dzin pa'i bya ba bzhin du byed pa po dang byed pa dang las de dag yod pa nyid du stan pa'i gtan tshigs dang dpe ma grub pa'i phyir ro zhes bya bar dgongs so zhes bya ba smras so/ /da ni de ltar 'dzin pa med pas 'khor ba dang mya ngan las 'das pa dang rjes su mthun pa'i phyin ci log gnyis yod pa ma yin par bstan pa'i phyir/ de'i phyir de ltar log pa'o/ /yang dag nyid du ni/ 'dzin pa yod pa ma yin na/ rtag pa dang mi rtag pa la sogs pa'o zhes bya ba smras so/ /de ltar phyin ci log tu 'dzin pa rnam gnyis med pas rnal 'byor pa de dang ldan pa'i phyin ci log can rnam gnyis kyang yod pa ma yin par bstan pa'i phyir/ 'o na don dam par/ gang la phyin ci log yod cing/ /gang la phyin ci ma log yod/ /rnam par mi rtog pa'i shes rab kyi spyod pa la gnas pa la rtag pa dang mi rtag pa la sogs par shes pa kun tu mi 'byung ba'i phyir ro zhes bya bar dgongs so zhes bya ba smras so/ /yang na gang dag 'di skad ces phyin ci log rnams ni yod pa kho na yin no de dang ldan pa yod pa'i phyir ro/ /dper na gdugs dang ldan pa yod na gdugs yod pa de bzhin du phyin ci log dang ldan pa 'di dag yod pas de'i phyir phyin ci log rnams ni yod pa kho na yin no zhes zer na zhes bya bas ni pha rol po dag phyin ci log dang ldan pa so so'i skye bo rnams yod pa'i gtan tshigs kyis phyin ci log rnams kyang
- 268a
yod par sgrub pa'i tshig yin no/ /de'i lan du 'dir phyin ci log yod pa ma yin pas de dang ldan pa yang yod pa ma yin par bstan pa'i phyir/ de dag gi phyir 'di bshad de/ log pa'am yang dag nyid du ni/ 'dzin pa yod pa ma yin na/ /rnam pa gnyi ga yang sngar bstan pa'i sgrub pas skye ba la sogs par grub pa'i phyir ro/ /de bzhin du/ gang la phyin ci log yod cing/ /gang la phyin ci ma log yod do?/ /phyin ci log gang la bltos na 'di na phyin ci log dang ldan pa'o/ /'di na phyin ci ma log pa dang ldan pa'o zhes bya ba de dag kyang phyin ci log bzhin du yod pa min te/ gang la phyin ci log yod pa dang/ /gang la phyin ci ma log pa yod pa de dag yod pa min pa nyid do zhes bya ba'i tshig gi don to zhes bya ba smras so/ /de'i phyir don dam par gtan tshigs kyi don grub pa nyid dang dpe yang med la/ kun rdzob tu ni don 'gal ba nyid kyang yin no zhes bya bas ni mjug bsdu ba dang tshad ma'i 'bras bu yin no/ /yang gzhan yang 'di la phyin ci log dang ldan pa 'di ni phyin ci log dang bcas par 'dod na da yang phyin ci log tu gyur pa 'am /phyin ci log tu ma gyur pa 'am/ phyin ci log tu 'gyur bzhin pa zhig yin grang na zhes bya bas ni phyin ci log dang ldan pa'i gang zag ni phyin ci log dang bcas par 'dod na de yang gang zag 'di gsum las cig yin grang na sum car yang de yin par mi mthad do zhes brtag pa gsum ston to/ /de la re zhig brtag pa dang po mi mthad par bstan pa'i phyir/ de la phyin ci log tu gyur pa la/ phyin ci log dag mi srid do/ /de dag dang ldan pa la de dag dang ldan par 'gyur ba don med pa nyid du 'gyur ba'i phyir ro zhes bya ba smras so/ /brtag pa gnyis pa mi mthad par bstan pa'i phyir/ phyin ci log tu ma
- 268b
gyur la/ phyin ci log dag mi srid do/ /de dag dang bral ba'i phyir dper na 'phags pa bzhin no zhes bya ba smras so/ /brtag pa gsum pa mi mthad par bstan pa'i phyir/ phyin ci log tu 'gyur bzhin la/ phyin ci log dag mi srid do/ /skyon gnyi gar 'gyur ba'i phyir ro zhes bya ba smras so/ /de ltar brtag pa gsum pa mi mthad pas phyin ci log dang ldan pa'i gang zag yod pa ma yin pa nyid du bstan pa'i phyir/ phyin ci log tu gyur pa dang phyin ci log tu ma gyur pa dang/ phyin ci log tu 'gyur bzhin pa ma gtogs pa'i phyin ci log dang ldan pa'i gang zag mi mthad pas de'i phyir bshad pa/ khyod nyid phyogs su lhung ba'i blo med par gyis la /gang la phyin ci log srid pa/ /bdag nyid kyis ni rnam par dpyod/ /phyin ci log dang ldan pa yod pa ma yin pa nyid do zhes bya ba'i tshig gi don to zhes bya ba smras so/ /de'i phyir gtan tshigs dang dpe'i skyon snga ma bzhin no zhes bya ba ni mjug bsdu ba dang tshad ma'i 'bras bu yin no/ /gzhan yang gang gi tshe don dam par ji skad bstan pa'i tshul gyi dbang gis dngos po thams cad skye ba med par bstan pa de'i tshe zhes bya ba la sogs pas ni don dam par phyin ci log rnams skye ba med pas yod pa ma yin pa'i phyir phyin ci log dang ldan pa yang yod pa ma yin par sgrub pa rnam pa gzhan ston to/ /de nyid bstan pa'i phyir phyin ci log rnams ma skyes na/ /ji ltar bur na yod par 'gyur/ /yod par mi 'gyur pa nyid nga? ma skyes pa'i phyir ro zhes bya ba'i tshig gi don to/ /phyin ci log rnams skye med na/ / phyin ci log can ga la yod/ /phyin ci log can zhes bya ba ni phyin ci log dang ldan pa zhes bya ba'i tha tshig go zhes bya ba smras so/ /de'i phyir/ gtan tshigs la sogs pa'i skyon de nyid yod do zhes bya ba ni mjug bsdu ba dang tshad ma'i 'bras
- 269a
bu yin no/ /yang gzhan yang zhes bya ba la sogs pas ni don dam par bdag la sogs pas yod na ni bdag la sogs par shes pa yang phyin ci log ma yin pa zhig na/ don dam par bdag la sogs pa bdag yod pa ma yin pas bdag la sogs par shes pa ni 'khor ba dang rjes su mthun pa'i phyin ci log yin par ston to/ /de nyid bstan pa'i phyir/ don dam par/ gal te bdag dang sdug pa dang/ /rtag dang bde ba yod na ni/ /bdag shes sdug shes rtag shes dang/ /bde shes phyin ci log ma yin/ /shes bya phyin ci log ma yin pa'i phyir ro zhes bya bar dgongs so zhes bya ba smras so/ /'dir bdag shes zhes bya ba la sogs pa'i sgra ni bdag la sogs pa de dag la gnas pa nyid kyi phyir bdag la sogs par shes pa yin par bstan to/ /zhes bya bas ni bdag shes zhes bya ba la sogs pa'i sgra ni bdag la sogs pa'i yul la gnas pa'i blo bdag la sogs par 'dzin pa phyin ci log dang ldan pa'i don yin par bstan to/ /de bzhin du zhes bya ba la sogs pas ni don dam par bdag la sogs pa med pas bdag la sogs pa yod pa ma yin pa'i phyir/ bdag med pa la bdag tu lta ba la sogs pa'i phyin ci log dag kyang yod pa ma yin par ston to/ /de nyid bstan pa'i phyir/ don dam par/ gal te bdag dang sdug pa dang/ /rtag dang bde ba med na ni/ /bdag med mi sdug mi rtag dang/ /sdug bsngal yod pa ma yin no/ /bdag med pa la sogs pa'i ngo bo nyid ni bdag la sogs pa bsal bas sam/ de dag la bltas pa bdag med pa nyid la sogs par 'grub pa'i phyir ro zhes bya bar dgongs so zhes bya pa smras so/ /bdag med pa la sogs pa ma grub pa'i
- 269b
phyir gang dag la bdag la sogs par lta ba phyin ci log tu 'gyur te/ 'di ltar mi byed na sdong du ma la mir mthong ba'i phyin ci log kyang med do zhes bya bas ni don dam par bdag la sogs pa med pas bdag med pa la sogs pa yang yod pa ma yin pas bdag med pa la sogs pa grub pa'i phyir gang dag la bdag la sogs par lta ba'i gzhi med pas bdag la sogs par lta ba'i phyin ci log rnams kyang yod pa ma yin par ston to/ /phyin ci log nyid ma grub pa'i phyir gtan tshigs la sogs pa med pa'i skyon de nyid bzlog dga' o zhes bya ba ni mjug bsdu ba dang tshad ma'i 'bras bu yin no/ /da ni de ltar phyin ci log ngo bo nyid med pa nyid du rtog pa'i rnal 'byor pa'i nyon mongs pa thams cad nye bar zhi bar 'gyur ba'i phan yon bstan pa'i phyir/ 'o na rnal 'byor ba de la de ltar rtag pa dang mi rtag pa la sogs pa'i phyin ci log dang phyin ci log ma yin pa dag ma grub pa'i phyir de dag tu rnam par rtog pa log par gyur ba na yon tan ci zhig 'byung bar 'gyur zhe na/ ji ltar bstan pa'i tshul gyis 'bras bu bstan par bzhed pas bshad pa/ de ltar phyin ci log 'gags pas/ /ma rig pa ni 'gags par 'gyur/ /phyin ci log gi rgyu yang ma rig pa yin pa'i phyir phyin ci log 'gags pas bdag la sogs par lta ba'i rgyu ma rig pa 'gag par 'gyur ro/ /ma rig 'gags par gyur na ni/ /'du byed la sogs 'gag par 'gyur/ /'du byed la sogs pa zhes bya bar tshig sbyar te/ 'du byed dang rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi la sogs pa dag go /de'i phyir de ltar ngo bo nyid med pa nyid rtogs
- 270a
pa las nyon mongs pa nye bar zhi ba 'grub bo/ /zhes bya ba smras so/ /ngo bo nyid yod par smra ba'i phyogs 'di la nyon mongs pa de dag yod par gyur pa 'am/ med par gyur pa ma yin grang na zhes bya ba la soD pas ni dngos po rnams ngo bo nyid yod par smra ba'i phyogs la nyon mongs pa rnams kyang yod par gyur pa'am/ med par gyur pa zhig yin grang ste/ de ltar rtog pa dag la nyon mongs pa rnams spong ba mi mthad pa'i glags yod pa ston to/ /de la re zhig yod par gyur pa la spong ba mi 'thad par bstan pa'i phyir/ des cir 'gyur zhe na/ gal te la la'i nyon mongs pa /gang dag ngo bo nyid yod na/ /gang zag yod par gyur pa la la'i zhes ma smos kyang skabs las shes par bya'o zhes bya ba smras te/ des ni pha rol po dag gi gzhung ba rnan pa bstan to/ /da ni de dag la nyon mongs pa spong ba mi mthad pa'i glags yod par bstan pa'i phyir/ ji ltar spong bar 'gyur/ /ji ltar spong bar mi 'gyur zhe na/ yod pa su zhig spong bar byed/ /yod par gyur pa ni ngo bo nyid mi 'gyur ba'i phyir ro zhes bya bar dgongs so zhes bya ba smras so/ /da ni med par gyur pa la spong pa mi mthad pa bstan pa'i phyir/ ci ste med par gyur pa ri bong gi rwa lta bu 'am/ gcig la gcig med pa'i mtshan nyid lta bu yin na de lta na yang/ gal te la la'i nyon mongs pa/ /gang dag ngo bo nyid med na/ /'dir yang/ gang zag med par gyur pa la la'i zhes ma smos kyang skabs las shes par bya'o zhes bya ba smras te/ des kyang pha rol po dag gi gzhung brnan pa bstan to/ /da ni de dag la nyon mongs pa spong ba mi 'thad pa'i glags yod par bstan pa'i phyir/ ji lta bur na spong bar 'gyur/ /ji ltar spong bar mi 'gyur zhe na/ med pa
- 270b
su zhig spong bar byed/ med par gyur pa'i med pa nyid ni spang du med pa'i phyir te/ 'di ltar nam mkha' i me tog med pas med pa'i ngo bo nyid spong bar mi byed la/ rta ngo bo nyid med pas kyang rta med pa'i ngo bo nyid spong bar mi byed do zhes bya ba smras so/ /ci ste yang 'di snyam du nyon mongs pa yod par gyur pa rnams nyid gnyen po skyes pas spong bar 'grub pa'i phyir skyon med do snyam na/ zhes bya bas ni pha rol po dag dngos po dag yod par gyur pa la spong ba 'grub par sems pa'i bas mi? pa yin no// de ni mi 'thad par bstan pa'i phyir/ yod par gyur pa gang gi gnyen po skyes pas ji ltar spong ba'i don de bstan dka' o zhes bya ba smras te/ yod par gyur pa ni ngo bo nyid mi 'gyur ba'i phyir ro/ /de la 'dir nyon mongs pa rnams yod par gyur pa dang/ med par gyur par rtogs pa la de dag spong ba mi 'thad pa'i glags yod pas nyon mongs pa rnams kyi chos ni spong ba yin par bstan to/ /zhes bya bas ni pha rol po dngos po rnams ngo bo nyid yod par smra ba'i phyogs la nyon mongs pa rnams kyang yod par gyur pa 'am/ med par gyur pa zhig tu 'gyur bas de ltar rtog pa la nyon mongs pa spong ba mi 'thad pa'i glags yod par bstan nas/ 'dir dbu ma pa don dam par nyon mongs pa rnams ngo bo nyid med pa nyid du sgrub pa'i chos gtan tshigs ni spang ba yin par bstan to /de'i rjes su dpag pa bstan pa'i phyir/ de'i phyir rjes su dpag pa ni don dam par nyon mongs pa rnams ngo bo nyid med de spangs pa yin pa'i phyir/ dper na sgyu ma mkhan gyis sprul pa'i bud med dang/ skyes pa dang/ gzugs su byas pa'i na chung bzhin te/ skyon rtogs pa la de dag spong ba yod do zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang/ nye bar sbyar ba'i sbyor ba yin
- 271a
par go rim bzhin du sbyar te/ dper na sgyu ma mkhan gyis sprul pa'i bud med la sogs pa ni skyon rtogs pa la de dag spong ba yod pas spang ba yin pa'i phyir/ ngo bo nyid med pa de bzhin du nyon mongs pa rnams kyang skyon 'dogs pa la de dag spong ba yod pas spang ba yin pa'i phyir/ ngo bo nyid med do/ /de la 'dir rab tu byed pa'i don ni pha rol pos smras pa'i sgrub pa'i skyon brjod pa dang/ rang gi sgrub pa'i kha na ma tho ba med pa bstan pas phyin ci lag ngo bo nyid med pa nyid du bstan pa yin no zhes bya ba ni mjug bsdu ba dang tshad ma'i 'bras bu yin te/ phyin ci log brtag pa'i rab tu byed pa nyi shu gsum pa'i skabs 'dir rab tu byed pa'i don tshad ma'i 'bras bur lta ba ni stong pa nyid kyi mi mthun pa'i phyogs kyi khyad par dgag pas phyin ci log ngo bo nyid med pa nyid du bstan pa yin no/ /phyin ci log ngo bo nyid med pa nyid du bstan pa la yon tan ci yod pa dang/ de bstan pa 'di la gzhan dag na re/ rtog ge skam po'i bstan bcos tsam nyi chos bsgrubs so zhes zer ba bsal ba'i phyir/ 'dir yid chos pa'i lung gi khungs kyang bsgrub par bya ste/ 'di'i phyir 'phags pa sgo mdza' yas ba sgrub pa'i gzungs las/ ji ltar dag 'di gzugs can min/ /kun nas dmigs su med pa ltar/ /de ltar nyon mongs gzugs can min/ /gtan du dmigs su yod ma yin/ /ji ltar dag ni yod ma yin/ /nang dang phyi na mi gnas ltar/ /de ltar nyon mongs yod min pa/ /nang dang phyin gnas pa min/ /zhes bya ba la sogs pa gsungs pa de dag grub pa yin te/ tshigs su bcad pa gong mas ni nyon mongs pa rnams gzugs can nyid ma yin par bstan la/ 'og mas ni nyon mongs
- 271b
pa rnams yod pa nyid ma yin par bstan to/ /de bzhin du yang de nyid las/ sha ra dwa ti'i bu kun nas nyon mongs pa'i yongs su shes pa gang yin pa de ni yang dag pa ji lta ba de bzhin nyid do/ /de la ni kun nas nyon mongs pa 'ga' yang med de / sems can phyin ci log tu gyur pa rnams ni kun nas nyon mongs par 'gyur ro/ /phyin ci log gang yin pa de ni yod pa ma yin te/ gang yod pa ma yin pa de la yod pa'i yongs su 'grub pa 'am mtshan nyid med do/ /sha ra dwa ti'i bu de ltar yongs su shes pa gang yin pa de ni rnam par byang ba zhes bya'o zhes bya ba la sogs pa gsungs pa de dag kyang grub pa yin no/ /de bzhin du mdo sde gzhan dag las/ de bzhin gshegs pas nyon mongs pa rnams yod pa ma yin par mngon par rdzogs par sangs rgyas shing bstan te/ gzugs su mi snang yang kun tu mkhyen la/ gnyis su ma mdzad kyang mngon sum du mdzad cing thob pa yang med do/ /zhes bya ba la soD pa gsungs ba de dag grub pa yin no zhes bya ba smras te/ de ltar yid ches pa'i lung de dag grub pa ni phyin ci log po bo nyid med pa nyid du bstan pa 'di'i yon tan dang khungs yin no/ /de dag bstan bcos 'dis rnam par bshad par bya ba'i yul nyid du bstan pa yang/ slob dpon gyi zhal snga nas kyi mkhyen rlabs dang 'grel pa byed pa'i mkhas pa nyid yin no/ /slob dpon legs ldan byed kyis nye bar sbyar ba/ dbu ma rtsa ba'i 'grel pa shes rab sgron ma las phyin ci log brtag pa zhes bya ba'i rab tu byed pa nyi shu gsum pa'i rgya cher 'grel pa/ slob dpon spyan ras gzigs brtul zhugs kyis nye bar sbyar ba rdzogs so// //bam po bdun cu bzhi pa/ /da ni de bzhin du stong pa nyid kyi mi mthun pa'i phyogs kyi khyad par dgag pas/ 'phags pa'i bden pa rnams ngo
- 272a
bo nyid med pa nyid du bstan pa'i don gyi dbang gis rab tu byed pa nyi shu bzhi pa brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang/ gzhung 'og nas 'byung ba dang sbyar ba'i don du lta ste/ tshig gi don ni snga ma bzhin no/ /de la dam bcas pa la 'jug pa'i rgyu'i don gyi dbang du byas nas/ da ni de bzhin du stong pa nyid kyi mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dang po brtsam pa'i skabs su dngos po thams cad skye ba med par dam bca' ba mdzad pas/ 'dir yang bstan bcos mdzad pas/ sngar ji ltar dam bcas pa de la 'jug pa'i rgyu'i don gyi dbang du byas nas de skad smras te/ stong pa nyid ni rang gi phyogs yin no/ /de'i mi mthun pa'i phyogs ni phyir rgol ba'i phyogs yin te/ 'di lta ste/ dngos po rnams ngo bo nyid yod pa nyid du smra ba yin no/ /de'i khyad par zhes bya ba ni pha rol pos dngos po rnams ngo bo nyid du sgrub pa'i phyogs snga ma nye bar bzhag pa/ 'og nas/ gal te 'di dag kun stong na/ /'byung ba med cing 'jig pa med/ /'phags pa'i bden pa bzhi po rnams/ /khyod la med par thal bar 'gyur/ /zhes bya ba la sogs pa tshig le'ur byas pa drug gis dbu ma pa don dam par dngos po rnams ngo bo nyid med pa nyid du smra ba la glags yod pa'i tshig dag bstan nas/ rang gi don dam par dngos po rnams ngo bo nyid yod pa kho na yin te/ 'byung ba dang 'jig pa'i chos can yin pa'i phyir ro/ /zhes bya ba la sogs pas dngos po rnams ngo bo nyid yod par sgrub pa'i rjes su dpag pa dag ston pa yin no/ /de dgag pas zhes bya ba ni de dgag pa'i
- 272b
dbang du byas nas rab tu byed pa nyi shu bzhi pa brtsam mo zhes bya bar sbyar ro/ /gzhung 'og nas 'byung ba dang sbyar ba'i don gyi dbang du byas nas/ 'phags pa'i bden pa rnams ngo bo nyid med pa nyid du bstan pa'i don gyi dbang gis rab tu byed pa nyi shu bzhi pa ? mo zhes bya ba smras te 'phags pa'i bden pa brtag pa'i rab tu byed pa nyi shu bzhi pa'i gzhung 'og nas 'byung ba 'di'i don ni 'phags pa'i bden pa rnams ngo bo nyid med pa nyid du bstan pa yin pas/ de'i dbang du byas nas de skad smras so/ /rab tu byed pa 'di'i 'bras bu ni gang yin/ rnam pa gang gis ni 'bras bu de 'thob ce na/ 'phags pa'i bden pa rnams ngo bo nyid med pa nyid du bstan pa ni 'di'i po kho nar bstan to/ /stong pa nyid kyi mi mthun khyad par dgag pa'i rnam pas ni 'bras bu de 'thob pas/ de'i phyir 'grel pa byed pas rab tu byed pa'i mchams sbyar ba'i skabs 'dir/ thabs dang thabs las byung ba'i 'bras bu dang po kho nar bstan to/ /stong pa nyid kyi mi mthun pa'i phyogs kyi khyad par zhes bya ba smros pa de nyid bstan pa'i phyir/ 'dir smras pa/ khyod kyis bstan pa'i tshul gyis ni/ /gal te 'di dag kun stong na/ /'byung ba med cing 'jig pa med/ /stong pa'i phyir/ dper na nam mkha' i me tog bzhin no/ /zhes bya bar bsams? so? zhes bya ba smros te/ 'dis ni khyed dbu ma bas bstan pa'i tshul gyis gal te 'di dag kun sting na/ /'byung ba dang/ 'jig pa med pas/ 'phags pa'i bden pa bzhi la sogs pa med par thal ba'i skyon du 'gyur ro/ /zhes glags yod pa'i tshig sgrub pa'i rjes su dpag pa ston te/ de dag ni chos can dang/ bsgrub par bya ba chos dang/ bsgrub pa'i chos dang/ dpe yin par go rim bzhin du sbyar te/ dper na nam mkha' i me tog ni stong?
- 273a
pa'i phyir/ 'byung ba dang 'jig pa med pa de bzhin du/ gal te 'di ltar stong pa yang stong pa'i phyir 'byung pa dang 'jig pa med pas 'phags pa'i bden pa bzhi la sogs pa med pa'i skyon du 'gyur ro/ /zhes zer ro// de nyid bstan pa'i phyir/ de'i phyir skyon 'di lta bur 'gyur te/ 'byung ba dang 'jig pa med pa'i phyir/ ma skyes pa ni sdug bsngal ma yin pas/ sdug bsngal gyi bden pa med pa dang/ de med pa'i phyir gang las de kun 'byung ba de kun 'byung ba de kun 'byung ba yin pa de yang med pas/ kun 'byung gi bden pa med pa dang/ kun 'byung med na de 'gog pa med pa'i phyir/ 'gog pa'i bden pa med pa dang/ 'gog pa'i bden pa med na/ 'gog par 'gro ba'i lam yang dag pa'i lta ba sngon du btang ba med pa'i phyir/ lam gyi bden pa yang med pas/ 'phags pa'i bden pa bzhi po rnams/ /khyod la med par thal bar 'gyur/ zhes bya ba smras so/ /'phags pa'i bden pa bzhi med pas/ rnal 'byor bas de dag yongs su shes pa dang/ spang ba dang/ mngon sum du bya ba dang/ sgom pa'i mngon par brtson pa mi 'thob pa'i skyon du 'gyur bar bstan pa'i phyir/ des na rnal 'byor pa skye ba dang 'chi bas 'jigs pa rnams kyis/ 'phags pa'i bden ba bzhi po yongs su shes pa dang/ spang ba dang/ mngon sum du bya ba dang/ sgom pa'i yul la sdug bsngal yongs su shes par bya ba dang/ kun 'byung ba spang bar bya ba dang/ 'gog pa mngon sum du bya ba dang/ lam bsgom par bya ba'i mngon par brtson pa gang yin pa de mi 'thad pas/ de'i phyir smras pa 'phags pa'i bden pa bzhi med pas/ yongs su shes dang spang ba dang/ /sgom pa mngon du bya ba dang/ /'thad par 'gyur ba ma yin no//
- 273b
zhes bya ba smras te/ 'phags pa'i bden pa zhes bya ba'i sgra bye brag tu bshad pa bstan pa'i phyir/ 'phags pa'i bden pa zhes bya ba ni 'phags pa rnams kyi bden pa 'am/ 'phags par byed pa'i bden pa 'am/ 'phags pa yang yin la/ bden pa yang yin pas 'phags pa'i bden pa'o/ /bden pa zhes bya ba ni yang dag pa dang/ ma nor ba zhes bya ba dag gi rnam grangs so/ /zhes bya ba smras so/ /'dir sgom pa dang/ mngon sum du bya ba gnyis bsnor? ba ni tshigs su bcad pa bsdeb pa'i dbang gis so/ /zhes bya bas ni de ltar bsnor ba ni tshig bde bar byas kyi don gyis ni 'grog pa sngar bstan pa la lam gyis smos pa yin par bstan to/ /gzhan yang de ltar/ 'phags pa'i bden pa bzhi po dag med pas dge sbyong gi 'bras bu bzhi yang med pa'i skyon du 'gyur par bstan pa'i phyir/ yang gzhan yang/ khyod la de dag yod pa ma yin pas/ 'phags pa'i bden pa bzhi po de dag yod pa ma yin pas so/ /'bras bu bzhi yang yod ma yin// rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa zhes bya ba dag ste zhes bya ba smras so/ /'phags pa'i bden pa bzhi med pas/ dge sbyong gi 'bras bu bzhi ji ltar med par 'gyur ba'i 'thad pa bstan pa'i phyir/ 'jig tshogs la lta ba dang/ the tshom dang/ tshul khrims dang brtul zhugs mchog tu 'dzin pa la sogs pa'i phra rgyas dgu bcu rtsa brgyad kyi skyon gyi bud shing dag 'phags pa'i bden pa mthong ba dang sgom pa'i lam gyis/ mthong ba'i mes bsreg pa de bya pa yin pa'i phyir ro zhes bya par bsams so zhes bya ba smras so/ /dge sbyong gi 'bras bu bzhi med na/ 'bras bu la gnas pa'i gang zag bzhi yang med pa'i skyon du 'gyur bar bstan pa'i
- 274a
phyir/ de ltar 'bras bu med na 'bras gnas med/ rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa'i 'bras bu la gnas pa de dag go zhes bya ba smras so/ /'bras bu la gnas pa med na/ lam la yang gnas pa med pa'i skyon du 'gyur bar bstan pa'i phyir/ zhugs pa dag kyang yod ma yin/ /zhugs pa dag ni rgyun tu zhugs pa la sogs pa'i lam la gnas pa dag go zhes bya ba smras so/ de ltar skyes bu gang zag brgyad med na/ dge 'dun dkon mchog kyang med pa'i skyon du 'gyur ba bstan pa'i phyir/ de lta na bcom ldan 'das kyi nyan thos kyi tshogs 'gro pa'i bsod nams kyi zhing bdud la sogs pas mi phyed cing gzhan gyi dring mi 'jog pas 'dus pa'i phyir ram/ tshul khrims dang ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba dag gis 'dus pa'i phyir 'jig rten na mtshan dge 'dun zhes bya bar rnam par grags pa yang med par 'gyur bas/ gal te skyes bu gang zag brgyad/ /de dag med na dge 'dun med ces bya ba smras so/ /gang dag lam dang 'bras bu'i dbye ba rnam par bshad pa dag go zhes bya ba ni skyes bu gang zag brgyad bstan to/ /de ltar dge 'dun dkon mchog med na/ chos dkon mchog kyang med pa'i skyon du 'gyur ba bstan pa'i phyir/ gzhan yang/ 'phags pa'i bden rnams med pa'i phyir/ /dam pa'i chos kyang yod ma yin/ zhes bya ba smras so/ /de'i 'thad pa bstan pa'i phyir/ thabs las byung ba med na thabs kyang mi srid pa'i phyir ro zhes bya bar bsams so zhes bya ba smras so/ /de ltar dge 'dun dang/ chos dkon mtshog
- 274b
med na/ sangs rgyas dkon mchog kyang med pa'i skyon du 'gyur par bstan pa'i phyir/ chos dang dge 'dun yod min na/ /chos nyon mongs pa'i bud shing bsreg pa la 'jebs pa dang/ dge 'dun de rtog par byed pa'o/ /sangs rgyas ji ltar yod par 'gyur/ /yod par mi 'gyur ba nyid ngo zhes bya ba'i tshig gi don to zhes bya ba smras so/ /sangs rgyas zhes bya ba'i sgra bye brag tu bshad pa bstan pa'i phyir/ 'di la sangs rgyas zhes bya ba ni bden pa rnams rtogs par gyur pa 'am/ rtogs par mdzad pa de/ mdo sde las ji skad du/ yongs su shes bya yongs shes shing/ /spang bar bya ba spangs par gyur/ /bsgom par bya ba bsgoms zin pas/ /bzod ldan de phyir nga sangs rgyas/ zhes gsungs pa lta bu'o/ /yang na chos thams cad dngos po med pa mnyam pa nyid thugs su chud pas sangs rgyas te/ ji skad du gang gis chos rnams yod min pa/ /yod min ma lus rtogs gyur cing/ /yod min chos rnams sangs rgyas pa/ /de ni sangs rgyas zhes bya'o/ /zhes gsungs pa lta bu'o /yang na sangs rgyas par gyur cing gdul ba rnams sangs rgyas par mdzad pas sangs rgyas so zhes bya ba smras so/ /de med pa'i skyon du 'gyur ba'i 'thad pa bstan pa'i phyir/ sangs rgyas de yang rtogs pa ye shes dang rtogs par bya ba chos? dang rtogs par byed du gzhug pa gdul ba rnams med pa'i phyir mi rigs pas sangs rgyas kyang med par 'gyur ro zhes bya ba smras so/ /de ltar na de skad smra na dkon pa'i mchog /gsum la gnod pa byed pa yin/ /zhes bya ba ni mjug bsdu ba yin no/ /de skad smra na zhes bya ba ci zhig ce na/ stong pa nyid do zhes bya ba ni dbu ma pa stong pa nyid du smra na dkon mchog gsum la gnod pa byed pa yin no zhes bya bar sbyar ro/ /dkon mchog ces bya ba ni dkon pa dang/ rin che ba
- 275a
dang/ dga' par byed pa dang/ phan 'dogs pa dang/ mi ma yin pa la sogs pa gnod par byed pa'i gnyen po'i don gyis so zhes bya bas ni dkon mchog ces bya ba'i sgra bye brag tu bshad pa bstan to// gzhan yang stong pa nyid du smra na 'dzin pa'i 'bras bu dang/ mi dag pa dang/ dge ba dang/ tha snyad thams cad gnod pa byed pa'i skyon du yang 'gyur bar bstan pa'i phyir/ gzhan yang 'bras bu yod pa dang/ chos ma yin pa dang chos nyid dang 'jig rten pa'i tha snyad ni/ kun la'ang gnod pa byed pa yin zhes bya ba smras so/ /de ltar ni mi 'dod de zhes bya ba la sogs pas ni khyed dbu ma pas bstan pa'i tshul gyis gal te 'di dag kun stod na 'byung ba dang 'jig pa med pas 'phags pa'i bden pa bzhi la sogs pa dag med par 'gyur ba de ltar ni kho bo cag sde pa gzhan dag mi 'dod de/ ji skad smras pa'i skyon du thal bar 'gyur ba'i phyir ro/ /de dag ni khyed dbu ma pa dngos po rnams ngo bo nyid med pa nyid du smra ba'i tshig la glags de lta bu yod par bstan pa yin no/ /glags yod pa'i tshig de las bzlog pas sde pa gzhan dag nyid ji ltar 'dod pa'i skabs kyi don nyid bstan pa'i phyir/ ji skad smras pa'i skyon du thal bar 'gyur ba rnam par bzlog pa ni stong pa nyid ma yin zhes 'byung ba dang 'jig pa dag kyang yod pa yin na ngo bo nyid yod pa nyid dang/ 'byung bas 'jig pa'i chos can nyid yin par bsgrub par bya ba chos ngo bo nyid yod pa'i dang bsgrub pa'i chos 'byung ba dang 'jig pa'i chos can nyid yin par mngon no zhes bya pa'i tshig gi don te glags yod pa'i tshig yin pa'i phyir ro zhes bya ba smras so/ /de nyid dpes bstan pa'i phyir/ dper na gal te sgra rtag pa
- 275b
yin na/ ma byas par 'gyur te ma byas pa ni rtag par dmigs par 'gyur la/ dmigs na byas par mi 'gyur ro zhes bya bas/ ji skad smras pa'i skyon du thal bar 'gyur ba rnam par bzlog pa ni mi rtag pa la byas pa yod pas sgra ni mi rtag ste/ byas pa'i phyir ro zhes bya bas bsgrub par bya ba chos mi rtag pa dang sgrub pa'i chos byas pa nyid yin pa mngon no zhes bya ba'i tshig gi don yin pa bzhin no zhes bya ba smras so/ /de nyid kyi rjes su dpag pa bstan pa'i phyir/ 'dir sbyor ba'i tshig ni don dam par dngos po rnams ngo bo nyid yod pa kho na yin te/ 'byung ba dang 'jig pa'i chos can nyid yin pa'i phyir ro/ /gang dag ngo bo nyid med pa de dag la ni 'byung ba dang 'jig pa dag ma mthong ste/ dper na nam mkha' i me tog bzhin no/ /dngos po rnams la ni ma byung ba las byung ba dang/ byung nas 'jig pa yod pas de'i phyir gtan tshigs ji skad smos pa'i mthus don dam par dngos po rnams ngo bo nyid yod pa kho na yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye par sbyar ba'i sbyor ba dang/ mjug bsdu ba yin par go rim bzhin du sbyar te/ 'di na nam mkha' i me tog lta bu gang la 'byung ba dang/ 'jig pa med pa de ni ngo bo nyid med pa yin gyi/ dngos po rnams la ni 'byung ba dang 'jig pa dag yod pa'i phyir des na don dam par dngos po rnams ngo bo nyid yod pa kho na yin no zer ro/ /re zhig de dag ni stong pa nyid kyi mi mthun pa'i phyogs kyi khyad par yin te/ phyogs snga ma smra ba dag gi gzhung yin par sbyar ro/ /da ni stong pa nyid kyi mi mthun pa'i phyogs kyi khyad par de dgag pas 'phags pa'i bden pa rnams ngo bo nyid med
- 276a
pa nyid du bstan pa'i phyir de skad ces zer ba de'i lan du 'dir bstan bcos mdzad pa nyid kyis/ de la bshad pa khyod kyis ni/ /stong nyid dgos dang stong nyid dang/ /stong nyid don ni ma rtogs pas/ /de phyir de ltar gnod pa byed/ /ces bya ba gsungs te/ 'di ni dngos po rnams ngo bo nyid med pa nyid du smra ba khyod kyis ni kho bo cag dbu ma pa 'dod pa'i gzhung stong pa nyid kyi dgos pa dang/ stong pa nyid dang/ stong pa nyid kyi don ma rtogs pa de'i phyir/ gal te 'di dag kun stong na/ /'byung ba med cing 'jig pa med/ /ces bya ba la sogs pa smra zhing 'phags pa'i bden pa bzhi la sogs pa med do zhes de ltar theg pa chen po la gnod pa byed de/ de ni mang po yang yin/ de ni sna tshogs pa yang yin mod kyi/ de de ltar ni ma yin no zhes ston to/ /de la re zhig stong pa nyid kyi dgos pa bstan pa'i phyir/ 'dir stong pa nyid kyi dgos pa ni spros pa thams cad nye bar zhi ba'i mtshan nyid do zhes bya ba smras te/ ston pa nyid rtogs pa las spros pa thams cad nye bar zhi ba'i mtshan nyid mya ngan las 'das pa thob pa ni stong pa nyid kyi dgos pa yin no/ /stong pa nyid bstan pa'i phyir stong pa nyid ni 'dzin pa thams cad dang bral ba'i phyir mtshan nyid stong pa nyid la dmigs pa'i ye shes so zhes bya ba smras te/ rnal 'byor pa rnams kyi bsgoms pa las byung ba'i shes pa stong pa nyid la dmigs pas dmigs pa med pa'i tshul gyis shes pa rang gi ngo bo nyid dang/ dngos po thams cad stong pa nyid dang/ stong pa nyid ces bya ba'i tha snyad gsum po de dag stong pa nyid du dmigs pa ni stong pa nyid yin no/ /stong pa nyid kyi don bstan pa'i phyir/ stong pa nyid kyi don ni de bzhin nyid kyi mtshan nyid do zhes bya ba smras te/ don dam par dngos po
- 276b
rnams skye ba med pa zhes bya ba de bzhin nyid kyi mtshan nyid ni stong pa nyid kyi don yin no/ /da ni khyod kyis de dag ma rtogs pas de'i phyir/ gal te 'di dag kun stong ni /'byung ba med cing 'jig pa med/ /ces bya ba la sogs pa smra zhing 'phaD pa'i bden pa bzhi la sogs pa med do zhes de ltar theg pa chen po la gnod pa byed pa ni tshul bzhin ma yin pa yid la byed pa'i ling tog chen pos blo gros kyi mig g.yogs pa yin par bsten pa'i phyir/ khyod kyis de dag ma rtogs pas de'i phyir 'di lta ste/ gal te 'di dag kun stong na/ /'byung ba med cing 'jig pa med/ /ces bya ba la sogs pa smra zhing/ dper na nam mkha' la khu tshur gzas te rnam pa du mas 'tshog par byed pa de ltar gnod par byed do zhes bya ba smras so/ /da ni de ltar gang dag tshl bzhin ma yin pa yid la byed pa'i ling tog chen pos blo gros kyi mig g.yogs pa dag stong pa nyid kyi dgos pa dang/ stong pa nyid dang/ stong pa nyid kyi don ma rtogs par nam mkha' la khu tshur gyis 'tshog pa'i tshul du theg pa chen po la gnod par byed pa de ni de lta ma yin te/ theg pa chen po 'di la sangs rgyas bcom ldan 'das rnams kyi chos stan pa bden pa gnyis la brten pa'i tshul rnam par bzhag pa ni 'di 'dra'o zhes bstan pa'i phyir/ theg pa chen po 'di la ni/ /sangs rgyas rnams kyi chos bstan pa/ /bden pa gnyis la yang dag brten/ /de dag kyang gang dang gang zhe na/ /'jig rten kun rdzob bden pa dang/ /dam pa'i don ni bden pa'o/ /ces bya ba smras so/ /de la re zhig 'jig rten pa'i kun rdzob kyi bden pa'i mtshan nyid bstan pa'i phyir/ de la 'jig rten pa'i kun rdzob ni 'jig rten gyi tha snyad de/ 'di lta ste/ gzugs la sogs pa rnams skye'o gnas so/ /'gag go zhes bya ba dang/ ltas byin 'gro'o
- 277a
khyab 'jug bshes gnyen za'o/ /zla bas byin bsgom mo/ /tshangs pas byin grol zhes bya ba dag 'jig rten gyi tha snyad kyi phyir phyin ci ma log pas de ni 'jig rten pa'i kun rdzob kyi bden pa yin no zhes bya ba smras so// da ni don dam pa'i bden pa'i mtshan nyid bstan par bya ste/ de la don dam pa ni de don kyang yin la/ dam pa yang yin pas don dam pa 'am zhes bya bas ni don dam ba'i sgra khyad par gyi gzhir bsdu ba bstan te/ de don kyang yin la dam pa yang yin pas don dam pa'o zhes khyad par gyi gzhing bsdu ba bstan to/ /rnam par mi rtog pa'i ye shes dam pa'i don yin pas don dam pa ste zhes bya bas ni don dam pa'i sgra'i zhes bya bar bsdu ba bstan te/ de rnam par mi rtog pa'i ye shes dam pa'i don dam pa'o zhes bya bar bsdu ba bstan to/ /de ltar don dam pa'i sgra khyad par gyi gzhing bsdus kyang rung ba'i zhes bya bar bsdus kyang rung ste/ de'i don gang yin pa bstan pa'i phyir/ de kho na gzhan las shes pa ma yin pa la sogs pa'i mtshan nyid do zhes bya ba smras te/ don dam pa zhes bya ba'i don ni/ gzhan las shes min zhi ba dang/ /spros pa rnams kyi ma spros pa/ /rnam rtog med don tha dad min/ /de ni de nyid mtshan nyid do/ /zhes bya ba yin par bstan to/ /don dam pa'i sgra dang mtshan nyid ni de lta bu yin na/ de bden pa zhes bya ba'i sgra dang mtshan nyid dang ji ltar sbyar zhe na/ de'i phyir/ don dam pa nyid bden pa nyid yin pas/ don dam pa'i bden pa ste/ de dus thams cad dang rnam pa thams cad du de bzhin du gnas pa'i phyir ro zhes bya ba smras te/ 'dir yang khyad par gyi gzhir bsdu bar bstan to/ /ro zhig de dag gis ni don dam pa pa'i don dam pa'i bden pa'i
- 277b
mtshan nyid bstan to/ /da ni brdar brtags pa'i don dam pa'i mtshan nyid ba stan par bya ste/ de yang rnam par mi rtog pa'i ye shes don dam pa'i yul can dang/ de 'gog pa'i bstan pa dang shes rab la nye bar gdags so/ /de la re zhig rnam par mi rtog pa'i ye shes don dam pa'i yul can bstan pa'i phyir/ rnam par mi rtog pa'i ye shes de'i yul can yang yul med pa'i tshul gyis don dam pa ste/ de la don dam pa yod pa'i phyir ro zhes bya ba smras te/ de la don dam pa'i sgra 'bru mang por bsdu ba bstan te/ dper na gang la dbyug pa khra 'o yod pa de la dbyug pa khra'o can zhes bya ba de bzhin du/ rnam par mi rtog pa'i ye shes gang la yul don dam pa yod pa de de'i yul can yin pas de yod don dam pa'o zhes 'bru mang par bsdu ba bstan to/ /de la 'gog pa'i bstan pa dang/ shes rab bstan pa'i phyir de 'gog pa dang rjes su mthun pa skye ba med pa la sogs pa bstan pa dang/ thos pa dang/ bsams pa dang/ bsgoms pa las byung ba'i shes rab kyang don dam pa ste/ don dam pa rtogs pa'i thabs kyi phyir phyin ci ma log pa'i phyir ro zhes bya ba smras te/ des ni don dam pa'i sgra yul dang yul can du 'dzin pa de 'gog pa dang rjes su mthun pa'i thabs yin pas thabs 'dis thabs las byung ba'i don dam pa yul dang yul can ma yin pa nyid rtogs par byed pa'i phyir bstan pa dang/ shes rab 'di yang don dam pa zhes bya ba nye bar gdags pang bstan te/ de gis ni brdar brtags pa'i don dam pa'i bden pa'i mtshan nyid bstan to/ /nga ni gang dag tshul bzhin ma yin pa yid la byed pa'i ling tog chen pos blo gros kyi mig g.yogs pa stong pa nyid kyi dgos pa dang/ stong pa nyid dang/ stong pa nyid kyi don ma gtogs par nam mkha'
- 278a
la khu tshur gyis 'tshog pa'i tshul du theg pa chen po la gnod par byed pa bden pa gnyis kyi rnam par dbye ba rnam par mi shes pa de dag gis sangs rgyas bcom ldan 'das kyi bstan pa zab? mo'i de nyid rnam bar mi shes so zhes bstan pa'i phyir/ gang dag bden pa de nyid kyi/ /rnam dbye rnam par mi shes pa/ /de dag sangs rgyas bstan pa ni/ /zab mo'i de nyid rnam mi shes/ zhes bya ba smras so/ /de nyid bye brag tu bshad pa bstan pa'i phyir/ gang dag tshul bzhin ma yin pa yid la byed pa'i ling tog chen pos blo gros kyi mig g.yogs pa tha snyad dang don dam pa'i bden pa de gnyis kyi rnam par dbye ba yul gyi sbyor pa'i mtshan nyid kun rdzob kyi mtshan nyid dmigs pa zhes bya ba gang yin pa de don dam par rnam par brtag par mi bya ba dang/ don dam pa'i mtshan nyid dmigs su med pa zhes bya ba gang yin pa de yang kun rdzob tu rnam par brtag par mi bya ba ma 'dres pa rnam par mi shes pa de dag gis ni sangs rgyas kyi bstan pa zab mo'i de nyid rnam par mi shes so/ /zhes bya ba smras so/ /de dag sangs rgyas bstn pa ni/ /zab mo de nyid rnam mi shes/ /zhes bya ba'i sangs rgyas dang/ bstan pa dang/ zab mo zhes bya ba'i sgra bye brag tu bshad pa bstan pa'i phyir/ sangs rgyas kyi sgra'i don ni snga ma bzhin no/ /bstan pa zhes bya ba ni lha dang mi'i bdud rtsi'i go 'phang thob par 'dod pa rnams yongs su shes par bya ba dang/ spang bar bya ba dang/ mngon sum du bya ba dang/ bsgom par bya ba dag la phyin ci ma log par ston pa ste/ bcom ldan 'das kyi gsung rab ces bya ba yin no/ /zab mo zhes bya ba ni dngos po dang/ dngos po med pa la sogs pa mngon par
- 278b
zhen pa'i blo gros can rnams kyis gting rtogs par dka' ba'i don gyis so/ /zhes bya ba smras so/ /da ni gang dag tshul bzhin ma yin la byed pa'i ling tog chen pos blo gros kyi mig g.yogs pa stong pa nyid kyi dgos pa dang/ stong pa nyid dang stong pa nyid kyi don ma rtogs par nam mkha' la khu tshur gyis mchog pa'i tshul du thag pa chen po la gnod pa byed pa/ bden pa gnyis kyi rnam par dbye ba rnam par mi shes pa na bcom ldan 'das kyis dngos po rnams skye ba dang 'gag pa med pa rnal 'byor pa'i yul du bstan pa ni tha snyad par rtog la/ tshogs kyi lam dang mthun par dngos po rnams kun rdzob tu skye ba la sogs par bstan pa ni don dam par yang rnam pa de lta bu yin par rtog pa de dag srid pa'i dgon pa las nam yang 'da' bar dka' ba'i nyes migs bstan pa'i phyir/ gang dag bde bar gshegs pa'i tshul mchog tu zab pa de legs par ma rtogs na dngos po rnams ma skyes pa dang ma 'gag pa rnal 'byor pa rnam par mi rtog pa'i shes rab kyi spyod pa dang/ chos kyi de kho na phyin ci ma log pa'i yul la 'jug pa'i yul nyid du yul med pa'i tshul gyis nye bar 'gyur ba bstan pa na tha snyad pa'i skye ba la sogs pa dang ldan pa yang med do zhes bskur ba brtab nas/ gal te 'di dag kun stong na/ /'byung ba med cing 'jig pa med ces bya ba la sogs pa rnam par rtog pa dang/ kun rdzob tu tshul khrims yang dag par blang ba dang/ ting nge 'dzin bsgom pa dang/ rjes su mthun par dngos po rnams skye'o gnas so 'gag go zhes bstan pa na/ don dam par yang rnam pa de lta bu yin no zhes bya bar rnam par rtog pa de dag ni srid pa'i dgon pa las shin tu mi 'da' o zhes bya ba smras so/ /gal te don dam pa'i
- 279a
bden pa bstan pa nyid kyis thar pa 'grub pa'i phyir bden pa gnyis bstan pa ci dgos she na zhes bya ba ni pha rol po dag theg pa chen po dbu ma pas bden pa gnyis rnam par bzhag pa'i tshul bstan pa'i dgos pa 'dri ba'i tshig yin no/ /de'i lan du 'grel pa byed pa nyid kyis/ 'di ltar/ tha snyad la ni ma brten par/ /dam pa'i don ni bstan mi nus/ /don dam pa de ni ngag gi lam thams cad las yang dag par 'das pa'i phyir ro zhes bya ba smras te/ des ni kun rdzob kyi bden pa rnam par bzhag pa'i tshul bstan pa'i dgos pa bstan to/ /da ni don dam pa'i bden pa rnam par bzhag pa'i tshul bstan pa'i dgos pa bstan pa'i phyir/ gzhan gyis yongs su brtags pa'i rnam par rtog pa ma lus par bsal ba med pa'i yang don dam par rtog pa dang legs par bral ba gzhan las shes pa ma yin pa rtogs par mi 'gyur bas de'i phyir ni don dam pa yang bstan te/ 'di ltar/ dam pa'i don la ma brten par/ /mya ngan 'das pa 'thob mi 'gyur/ zhes bya ba smras so/ /las dang nyon mongs pa dang/ skye ba nye bar zhi ba'i mtshan nyid do/ /zhes bya bas ni mya ngan las 'das pa'i mtshan nyid bstan to/ /da ni rang gi sde pa mi mkhas pa mkhas par rlom pa gang dngos po stong pa nyid la blta nyes pa dag chud za bar 'gyur ba'i nyes dmigs bstan pa'i phyir/ mkhas par rlom pa gang phung po rnams stong pa nyid las dngos po med par lta ba dang/ phung po rnams mi stong pa nyid las dngos por lta ba dang/ bdag gis mthong par gyur to/ /mthong ngo mthong bar 'gyur ro/ /phung po rnams stong pa nyid do/ /phung po rnams las stong pa nyid gzhan no/ /stong pa nyid la phung po rnams yod do/ /phung po rnams la stong pa nyid yod do/ /stong pa nyid phung po rnams
- 279b
dang ldan no snyam du sems pa de ltar tshul bzhin ma yin par lta ba mngon pa'i nga rgyal can de ni/ stong pa nyid la lta nyes na/ /shes rab chung ldan phung bar byed/ /rnam par mi rtog pa'i shes rab kyi srog gi bar chang byed pa'i phyir phung bar byed do/ blta nyes zhes bya ba ni log par mthong ba ste/ dngos po dang dngos po med pa la sogs pa'i tshul du mthong ba'o/ /zhes bya ba smras so/ /de nyid dpes bstan pa'i phyir/ ji ltar phung bar byed ce na/ ji ltar sbrul la gzung nyes dang/ /rig sngags nyes par bsgrubs pa bzhin/ /sbrul rgod de khro gtum che ba dug drag po gzung nyes nas 'dzin par byed pa nyid phung bar byed pa dang/ nam mkha' anda rnyil? ltar sngo la 'phags te/ rang gi rgyan gyi nor bu'i 'od zer dag gis bar snang brgyan par bya'o snyam du yid la bsam pa byas pas rig sngags nyes par bsgrubs na bsgrub pa po nyid cho ga nyams pas phung bar byed pa ltar ro/ /zhes bya ba smras so/ /da ni snod du ma gyur pa la theg pa chen po 'di rang bzhin gyis gsang bas rang gi sde pa nyon mongs pa de dag gis 'di mi shes par bstan pa'i phyir/ gang gi phyir de ltar stong pa nyid shes par dka' zhing gnod pa byed par/ de phyir zhan pas chos 'di yis?/ /gting rtogs dka' bar mkhyen gyur nas/ /thub pa'i thugs ni chos bstan las/ /rab tu log par gyur pa yin/ /shes rab zhan pa rnams kyis chos 'di'i gting rtogs par dka' bar mkhyen par gyur nas thub pa byang chub mngon par rdzogs par sangs rgyas pa'i thugs chos bstan par mdzad pa las slar log par gyur to/ /zhes bya ba smras te/ tshangs pas ma bskul gyi bar du chos kyi 'khor lo bskor bar mi mdzad pa lta bu'o/ /da ni rang gi sde pa dag stong pa nyid kyi don mi shes par dbu ma pa la skyon 'di 'dogs pa skyon de dag
- 280a
dbu ma pa'i stong pa nyid la mi 'thad par bstan pa'i phyir/ khyod ni nga la stong pa nyid/ /skyon du bal bar 'gyur ba yis/ /spong bar byed pa gang yin pa/ /de ni stong la mi 'thad do/ /khyod kho bo la stong pa nyid/ gal te 'di dag kun stong na/ /'byung ba med cing 'jig pa med/ /ces bya ba nas/ de skad smra na dkon pa'i mchog /gsum la gnod pa byed pa yin/ /zhes bya ba'i bar gyi skyon du thal bar 'gyur ba dag gis spong bar byed pa gang yin pa de ni ltong pa nyid la mi 'thad de/ don dam par ni dngos po med pa'i ngo bo nyid kyis kyang stong pa'i phyir kho bo dngos po med pa yang stong par mi byed pa'i phyir ro zhes bya bar dgongs so zhes bya ba smras so/ /de nyid kyi 'thad pa bstan pa'i phyir/ gzhan gyis yongs su brtags pa'i mi stong pa nyid dgag pas/ dngos po stong ngo zhes smras te/ dngos po yod pa la sogs pa'i ngo bo nyid stong pa'i phyir ro stong pa nyid du sgrub pa yang ma yin te/ stong pa nyid du rnam par rtog pa yang stong bar 'dod pa'i phyir/ zhes bya ba smras te/ ji skad du/ 'di ni yod nyid 'gog pa ste/ /med nyid yongs su 'dzin ma yin zhes gsungs pa'i tshul gyis/ kho bo med par dgag pa ston gyi/ ma yin pa dgag pa mi ston pa'i phyir ro/ / de nyid kyi khungs bstan pa'i phyir/ mdo sde las kyang ji skad du/ 'od srungs bdag tu lta bar? rab? tsam? ni bla'i/ /mngon pa'i nga rgyal tsan gyi stong pa nyid du lta ba ni mi rung ngo zhes bya ba dang zhes bya ba smras te/ 'phags pa dkon mchog brtsegs pa'i mdo las de skad gsungs so/ /de bzhin du 'phags pa stug po dkod pa'i mdo las kyang/ gal te dngos po stong gyur na/ /gzhig byar 'gyur gyis 'jig pa med/ /ri rab tsam gyi gang zag dang/ /bdag tu lta ba gnod sri
- 280b
'gyur/ /zhes kyang gsungs so/ /de bzhin gzugs stong zhes bya bar mi 'thad do/ /mi stong zhes bya bar yang mi 'thad do zhes bya ba la sogs pa gsungs pa lta bu'o zhes bya ba ni shes rab kyi pha rol tu phyin pa las de skad gsungs te/ de'i phyir stong pa nyid dang/ dngos por mngon par zhen par byar mi rung ngo/ /da ni dbu ma pa dngos po rnams ngo bo nyid stong pa nyid du smra ba la 'phags pa'i bden pa bzhi dang/ dkon mchog gsum la sogs pa tha snyad thams cad 'thad par bstan pa'i phyir/ gzhan yang/ gang la stong pa nyid rung ba/ /de la thams cad rung bar 'gyur/ /thams cad ces bya ba ni skye ba la sogs pa'o zhes bya ba smras te/ stsogs pa'i smras ni bden pa bzhi dang/ dge sbyong gi 'bras bu bzhi dang/ 'bras bu la skyes bu gnas pa bzhi dang/ zhugs pa bzhi dang/ dkon mchog gsum dang/ 'jig rten pa'i 'bras bu yod pa dang/ chos dang chos ma yin pa dang/ tha snyad thams cad bsdu'o/ /de dag ji ltar rung bar 'gyur ba bstan pa'i phyir/ ji ltang rung bar 'gyur zhe na/ mig la sogs pa sgyu ma'i skyes bu'i ngo bo nyid stong pa gnyi? na du yod pa dang/ med pa la sogs pa'i ngo bo nyid stong pa dang/ rkyen gyis tshogs pa mdza' dag yod na 'byung bar 'gyur ba ni skye ba ste/ de ni sdug bsngal lo// de sdug bsngal ba la sogs pa sdug bsngal ba dang/ mi rtag pa dang/ stong pa dang/ bdag med pa'i rnam pa dag gis mthong ba gang yin pa de ni sdug bsngal gyi bden pa'o/ /sdug bsngal gyi rgyu ni sdug bsngal kun 'byung ba ste/ de la kun 'byung ba'i phyir ro/ /de kun 'byung pa la sogs pa kun 'byung ba dang/ rab? tu skye ba dang rkyen gyi rnam pa dag gis mthong ba gang yin pa de ni kun 'byung gi bden pa'o/ /sdug bsngal gyi rgyu 'gog pa ste/ de 'gog pa la sogs pa/ 'gog pa dang/ zhi ba dang/ gya nom pa
- 281a
dang/ nges par 'byung ba'i rnam pa dag gis mthong ba gang yin pa de ni 'gog pa'i bden pa'o/ /sdug bsngal gyi rgyu 'gog ba/ 'thob pa'i thabs ni lam ste/ de lam la sogs pa lam dang rig pa dang/ sgrub pa dang/ nges par 'byin pa'i rnam pa dag gis mthong ba gang yin pa de ni de'i lam gyi bden pa'o/ /de'i phyir de ltar 'phags pa'i bden pa bzhi yod na chos kyang 'grub la/ rang byung gi ye shes kyis de rnam pa thams cad thugs su chud pa'i phyir nyan thos la bstan pa dang rjes su mthun pas sangs rgyas kyis 'grub ste zhes bya ba smras so/ /de nyid kyi khungs nyan thos la grags pa bstan pa'i phyir/ ji skad du dge slong dag ngas sngon 'di ni sdug bsngal lo zhes rjes su ma thos pa dag ni mig dang/ shes pa dang/ shes rab dang/ blo skyes so zhes gsungs pa lta bu'o/ /zhes bya ba smras te/ bden pa bzhi cad la yang de bzhin du ci rigs par sbyar ro/ /da ni theg pa chen po'i tshul gyis bden pa bzhi la sogs pa ji ltar rung bar 'gyur ba bstan pa'i phyir/ de bzhin du don dam par dngos po ?/ lta bu'i ngo bo nyid dag skye ba med pa la sogs par mthong ba ni 'phags pa'i bden pa mthong ba yin te zhes bya ba smras so/ /de nyid kyi khungs theg pa chen po las grags pa bstan pa'i phyir/ ji skad du 'jam dpal gang gis chos thams cad skye ba med par mthong ba des sdug bsngal yongs su shes so/ /gang gis chos thams cad mi gnas par mthong ba des kun 'byung spangs so/ /gang gis chos thams cad bstan du mya ngan las 'das par mthong ba des 'gog pa mngon sum du byas so/ /'jam dpal gang gis chos thams cad
- 281b
bsgom du med par mthong ba des lam bsgoms so zhes gsungs pa lta bu ste zhes bya ba smras te/ 'phags pa ye shes gsang ba bsgom du bcug pa'i mdo las de skad gsungs so/ /theg pa chen po'i tshul gyis kyang 'phags pa'i bden pa grub na/ chos dang sangs rgyas thams cad kyang 'grub pas thams cad rung bar 'gyur ro zhes bya ba ni mjug bsdu ba yin no/ /da ni rang gi sde pa la sogs pa stong pa nyid ma yin par smra ba gang dag dngos po dang dngos po med pa'i mthar lhung ba dag la 'phags pa'i bden pa la sogs pa thams cad mi rung bar bstan pa'i phyir/ stong pa nyid ma yin par smra ba gang la stong pa nyid mi rung ba/ de la thams cad mi rung 'gyur/ /gang stong pa nyid ma yin par smra ba la ji skad bstan pa thams cad mi rung bar 'gyur ro zhes bya ba smras so/ /da ni rang gi sde pa dngos po rnams ngo bo nyid med pa nyid du mi 'dod pa rnams la 'phags pa'i bden pa la sogs pa thams cad mi rung bar 'gyur ba'i skyon rang? la yod pa rnams dbu ma la yongs su sgyur bar byed pa mi rigs pa'i tshul bstan pa'i phyir/ khyod nyid rang gi skyon rnams ni/ /da la yongs su sgyur byed pa/ /rta la mngon par zhon bzhin du/ /rta nyid rjed par gyur pa bzhin ? khyod? nyid rang gi skyon gang dag yin pa de dag kho bo la yongs su sgyur bar byed pa ni dper na rta la mngon par zhon bzhin du rta nyid brjed par gyur pa bzhin no zhes bya ba smras so/ /da ni gang la stong nyid mi rung ba/ /de la thams cad mi rung 'gyur/ /zhes bya ba de nyid kyi 'thad pa bstan pa'i phyir/ ji ltar stong pa nyid mi 'dod pa la thams cad mi 'thad pa de ltar 'di bshad par bya ste/ gal te dngos rnams dngos nyid las yod par rjes su lta byed na/ /de lta yin
- 282a
na dngos po rnams/ /rgyu rkyen med par khyod lta'o/ /ngo bo nyid las yod pa ni rgyu dang rkyen la mi bltos pa'i phyir ro/ /zhes bya bar dgongs so zhes bya ba smras so/ /rgyu dang rkyen med par lta ba de'i tshul bstan pa'i phyir / 'bras bu dang ni rgyu nyid dang/ /byed pa po dang byed dang bya/ /skye ba dang ni 'gag pa dang/ /'bras bu la yang gnod pa byed/ /rgyu dang rkyen la ma bltos par 'bras bu la sogs pa mi 'grub pa'i phyir ro/ /zhes bya ba smras so/ /da ni pha rol po dag stong pa nyid kyi don yongs su brtags nas/ stong pa nyid des skrag ste/ de mi rung ngo zhes skyon 'dogs shing spong bar byed pa'i stong pa nyid de gang yin pa de brtag pa'i phyir/ khyod de zhig stong pa nyid kyi don yongs su brtags nas/ byis pa gnod sbyin gyi gzugs 'jigs su rung ba mngon par bris nas skrag ste/ 'jigs pa'i sgra 'byin par byed pa lta bu de gang yin zhes bya ba smras so //stong pa nyid de'i rten cing 'brel bar 'byung ba ngo bo nyid med cing stong pa sgyu ma lta bu la bya grang na/ de lta na/ de la skrag par mi bya'o zhes bstan pa'i phyir/ gal te de'i don gzugs dngos po med cing stong pa sgyu ma'i ngo bo nyid lta bu yin na ni skrag pa thong zhig ces bya ba smras so/ /de la ji ltar skrag par mi bya zhe na/ rten cing 'brel par 'byung ba gang yin pa de ni ngo bo nyid stong pa yin pas/ de skrag pa'i gnas ma yin par bstan pa'i phyir/ 'di ltar 'jig? rten cing 'brel 'byung gang yin pa/ /de nyid stong pa nyid du bshad/ /mig dang myu gu la sogs pa/ /dngos po rgyu dang sa bon la sogs pa/ rkyen rnams rang gi dngos po yod pa dang med pa dang/ gzhan dang gzhan ma yin pa dang/ gnyis kar yod pa ma yin pa ni don dam par rkyen rnams la rten cing 'brel par ngo bo nyid kyis 'byung ba med/ zhes bya ba smras te /
- 282b
rten cing 'brel par 'byung ba gang yin pa de ni kun rdzob tu rgyu dang rkyen rnams la brten nas/ sgyu ma'i mtshan nyid tsam du 'byung bas ngo bo nyid med pa'i phyir rgyu dang rkyen rnams la 'byung ba yang med pa de ni skrag pa'i gnas ma yin te/ ji skad du 'gro ba gnas ma yin la skrag pa gdung byed pa/ rigs med grogs ngan dge sngon ma bsags blo ma sbyangs/ /bsod nams ma yin phung po tshar 'phel yun ring du/ /chos 'di la ni skrag 'gyur don chen 'di las ltung zhes bshad pa lta bu'o/ /mig la sogs pa'i skye ba ni tha snyad kyi bden pa la rten pa yin no/ /zhes bya ba ni kun rdzob tu sgyu ma'i mchan nyid tsam du skye ba'i tshul bstan te/ de yang skrag pa'i gnas ma yin no/ /de stong pa nyid du bshad pas ni ngo bo nyid dang bral ba'i phyir te zhes bya bas ni/ rten cing 'brel 'byung gang yin pa/ /de ni stong pa nyid du bshad/ /ces bya bas rten cing 'brel bar 'byung ba bden pa gnyis kyi tshul du rnam par bshad pa/ gang yin pa de stong pa nyid du bshad pa ni rkyen gzhan la brten te byung pas bden pa gzi? ga'i tshul du yang ngo bo nyid dang bral ba'i phyir ngo bo nyid stong pa nyid yin no zhes bya ba'i tha tshig go /de nyid kyi khungs bstan pa'i phyir/ 'phags pa klu'i rgyal po ma dros pas zhus pa'i med? las/ ji skad du/ gang zhig rkyen las skye ba de ma skyes/ /de la ngo bo nyid kyis skye ba med/ /gang zhig rkyen la bltos pa de stong gsum/ /gang gis stong nyid shes te bag yod yin zhes gsungs pa dang/ de bzhin du 'phags pa lang kar gshegs pa'i mdo las/ blo gros chen po ngo bo nyid kyis skye med pa la dgongs nas chos thams cad stong par bshad do zhes gsungs pa lta bu'o/ /zhes bya ba smras so/ rten cing 'brel 'byung gang yin pa/ /de ni stong pa nyid du bshad ces bya ba de nyid kun ?
- 283a
rdzob tu nye bar len pa dag la brten nas gdags par bya ba dang/ de nyid kyi bden pa gnyis gar ngo bo nyid med pas dbu ma'i lam yin par bstan pa'i phyir/ de ni brten nas gdags pa ste/ de ni dbu ma'i lam yin no/ /zhes bya ba smras so/ /brten nas gdags pa'i tshul bstan pa'i phyir/ rten cing 'brel par 'byung ba zhes bya ba stong pa nyid gang yin pa de ni brten nas gdags pa ste zhes bya ba smras so/ /brten nas gdags pa de yang kun rdzob tu 'jig rten pa dang/ 'jig rten las 'das pa'i tha snyad 'dogs pas rang rang gi nye bar len pa dag la brten nas gdags pa yin pas ngo bo nyid med par bstan pa'i phyir/ 'jig rten pa dang 'jig rten las 'ongs pa'i tha snyad 'dogs par nye bar len pa dag la brten nas gdags pa yin no zhes bya ba smras te/ dngos po gang dag brten nas gdags par bya ba mig dang/ myu gu dang/ bum pa dang/ snam bu dang/ so so'i skye bo dang nyan thos dang/ rang sangs rgyas dang/ byang chub sems dpa' dang/ de bzhin gshegs pa la sogs pa de dag ni so so'i nye bar len pa'i rgyu dang rkyen mig ni mer mer po la sogs pa dag la brten nas? gdags/ myu gu nas sa? bon la sogs dang/ bum pa ni 'jim pa la sogs pa/ snam bu ni rgyu spun la sogs pa/ so so'i skye bo ni las dang nyon mongs pa la sogs pa/ nyan thos dang rang sangs rgyas ni tshogs kyi lam dang/ nyon mongs pa'i sgrib pa spong pa la sogs pa byang chub sems dpa' dang/ de bzhin gshegs pa ni sa dang pha rol tu phyin pa dang/ stobs dang mi 'jigs pa dang/ ma 'dres pa la sogs pa dag la brten nas gdags pa yin pas 'jig rten pa'i
- 283b
mig dang/ myu gu dang/ bum pa dang/ snam bu dang/ so so'i skye po la sogs pa dag kyang ngo bo nyid med pa nyid du bshad la/ 'jig rten las 'das pa nyan thos dang/ rang sangs rgyas dang/ byang chub sems dpa' dang/ de bzhin gshegs pa la sogs pa bden pa gzigs pa rnams kyang ngo bo nyid med pas stong pa nyid du bshad do/ /don dam par ni de dag rkyen rnams las kyang rnam pa thams cad du skye ba med pa'i phyir/ ngo bo nyid med pas stong pa nyid du bshad do/ /de nyid dbu ma'i lam yin pa'i tshul bstan pa'i phyir de nyid dbu ma'i lam yin te/ dbu ma ni skye ba dang/ skye ba med pa dang/ yod pa dang med pa'i mdza' gnyis spangs pa'i phyir/ 'di lta ste skyes pa yang ma yin/ ma skyes pa yang ma yin/ yod pa yang ma yin/ med pa yang ma yin/ rtag pa yang ma yin/ mi rtag pa yang ma yin/ stong pa yang ma yin/ mi stong pa yang ma yin pas/ de'i phyir shes rab kyi pha rol tu phyin pa las 'di skad du/ dbu ma'i lam bsgom pa ni mig dngos po yod ces bya par yongs su mi rtog /mig dngos po med ces bya bar yongs su mi rtog go zhes bya ba la sogs pa gsungs pa dang/ 'phags pa dkon mchog brtsegs pa'i mdo las/ 'od srungs yod ces bya ba 'di ni mdza' gcig go /med ces bya ba 'di ni mdza' gnyis so/ /mdza' de gnyis kyi bar gang yin pa de ni gzugs can ma yin pa/ thogs pa med pa/ mi gnas pa/ snang pa ma yin pa/ rnam par rig pa ma yin pa gnas med pa'o zhes gsungs pa de dag grub bo/ /lam ni thob ba'i thabs shes pa'i tha tshig go zhes bya ba smras te/ rten cing 'brel par 'byung ba zhes bya ba stong pa nyid gang yin pa bstan nas gdags par bya ba de nyid dbu ma'i lam ste/ tha snyad du yang/ gang las brten te gang 'byung ba/ /de ni re zhig
- 284a
de nyid min/ /de las gzhan pa'ang ma yin phyir/ de phyin chad min rtag ma yin/ zhes bya ba'i tshul gyis dbu ma'i lam yin la/ don dam par yang/ gzhan las shes min zhi ba dang/ /spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /zhes bya ba'i tshul gyis dbu ma'i lam yin no/ /ji ste 'di snyam du kho bo yang smra ste/ rgyu dang rkyen so sor nges pa'i dbang gis/ rten cing 'brel 'byung gang yin pa/ /de ni stong pa nyid du bshad/ /de ni brten nas gdags pa ste/ /de nyid dbu ma'i lam yin no/ /zhes bya ba ni dngos po bdag nyid gang gis sngon ma byung ba las 'byung ba de ni dngos po'i ngo bo nyid yin la/ de ri bong gi rwa bzhin du yod pa yang ma yin/ med pa yang ma yin pa rang gi bdag nyid kyis skye ba gang yin pa de ni mdza' gnyis spangs pas dbu ma'i lam yin no/ /snyam na zhes bya ba ni pha rol po dag slob dpon gyis mdzad pa'i tshig le'ur byas pa 'di'i don dngos po ngo bo nyid med pa nyid ma yin gyi sngon ma byung pa las 'byung zhing mdza' gnyis su brjod par mi bya bas stong pa nyid kyang yin la/ rang gi bdag nyid kyis skye ba yang yod pas/ ngo bo nyid yod pa de dbu ma'i lam? yin no snyam du sems pa'i bsam pa yin no/ /de dgag pa'i phyir 'dir 'grel pa byed pa nyid kyis/ de la 'dir stong pa nyid 'grub par mi 'gyur te/ tshigs su bcad pa 'di ni rnam par rtog pa'i dri ma 'khru bar byed pa yin ma gal te khyed rnam par rtog pa'i dri ma'i 'dam rdzab kyis sbag pa'i phyir sbyor bar byed na sbyor ba la rag las te/ 'di ltar gtsug gi nor bu rkang pa'i rgyan du 'dogs par byed na mi 'thad mod kyi/ 'on kyang 'dogs par
- 284b
byed pa de gnas ma yin par 'dogs par byed do zhes mkhas pa rnams kyis khrel bar 'gyur ba de bzhin du khyod de skad smra bas kyang tshigs su bcad pa 'di la ni gnod pa med mod kyi 'on kyang khyod kyi 'dod pa'i don 'grub par mi 'gyur te/ rten cing 'brel par 'byung ba ni ngo bo nyid yod pa nyid med na mi 'byung ba yin par mi 'grub pa'i phyir ro/ /zhes bya ba smras te/ rten cing 'brel par 'byung ba ni ngo bo nyid yod pa dang 'brel par mi 'grub pa'i phyir slob dpon gyi zhal snga nas kyis mdzad pa'i tshigs le'ur byas pa 'di'i don log par ma 'dren cig ces stan to/ /de nyid bstan pa'i phyir bshad pa/ gang phyir rten 'byung ma yin pa'i/ /chos 'ga' yod pa ma yin pa /de phyir stong pa ma yin pa'i/ /chos 'ga' yod ba ma yin no/ /rten cing 'brel par 'byung ba ni sgyu ma'i skyes bu bzhin du ngo bo nyid med pa'i phyir ro zhes bya bar dgongs so zhes bya ba smras te/ nang dang phyi rol dang/ 'jig rten pa dang 'jig rten las 'das pa'i chos thams cad ni ngo bo nyid med de/ rten cing 'brel par 'byung ba'i phyir dper na sgyu ma'i skyes bu bzhin no zhes bya bar dgongs so/ /gal te nam mkha' la sogs pa la rten cing 'brel par 'byung ba med pa'i phyir gtan tshigs mthun pa'i phyogs cig la ma grub pa nyid kyi skyon yod do zhe na zhes bya ba ni pha rol po dag na re dbu ma pas/ gang phyir rten 'byung ma yin pa'i/ /chos 'ga' yod pa ma yin pa/ /de phyir stong pa ma yin pa'i/ /chos 'ga' yod pa ma yin no/ /zhes bya bas rten cing 'brel bar 'byung ba ni sgyu ma'i skyes bu bzhin du ngo bo nyid med pa'i phyir ro zhes bshad pa'i gtan tshigs rten cing 'brel par 'byung ba zhes bya ba des ma khyab pa yin te/ 'di na nam mkha' la sogs pa rten cing 'brel par 'byung ba ma yin pa dag la rten cing 'brel
- 285a
bar 'byung ba med pa'i phyir khyed kyi gtan tshigs rten cing 'brel par 'byung ba zhes bya ba de gzugS la sogs pa'i phyogS cig nam mkha' la sogs cig ma grub pa nyid kyi skyon yod pas mi rung ngo zhes zer ba'i tshig yin no// de'i lan du 'dir 'grel pa byed pa nyid kyis/ de ni lan btab zin pa'i phyir klan kar mi rung ngo zhes bya ba smras te/ mthun pa'i phyogs la ma khyab kyang gtan tshigs su rung ba dper na sgra ni mi rtag ste/ btsal ma thag tu 'byung pa'i phyir ro zhes bya bas te/ glog dang nags kyi me tog la ma khyab kyang sgra mi rtag pa'i gtan tshigs su rung bas skyon med do zhes lan btab zin pa'i phyir klan kar mi rung ngo/ /de'i phyir don dam par dngos po rnams ngo bo nyid yod pa kho na yin te/ 'byung ba dang 'jig pa'i chos can yin pa'i phyir ro zhes gang smras pa'i gtan tshigs de'i rjes su 'gro ba med la mi mthun phyogs 'ba' zhig la mthong ba'i phyir don 'gal ba nyid kyang yin no zhes bya ba ni mjug bsdu ba dang tshad ma'i 'bras bu yin te/ pha rol pos smras pa'i gtan tshigs de la don dam par dpe med pa ma grub pa nyid yin la/ kun rdzob tu don dam pa'i mi mthun pa'i phyogs 'ba' zhig la mthong pa'i phyir don 'gal ba nyid kyang yin pas dngos po rnams ngo bo nyid yod pa nyid du grub po/ /da ni de ltar rjes su dpag pas don dam par dngos po rnams ngo bo nyid med pa nyid bstan du zin kyang rang gi sde pa dag gis de ma bzod cing dngos por lta na/ de dag la gsor mi rung ba'i gnod pa chen po 'di lta bu dag 'byung bar 'gyur ro zhes sngar pha rol pos dbu ma pa la tshur skyon btags pa de dag thams cad skyed dang bcas te phyir dbul ba bstan pa'i phyir/ ji ste rjes su dpag pas bstan du zin kyang rjes su dpag pa'i mthus
- 285b
dngos po rnams ngo bo nyid med pa nyid du mi bzod na/ de lta na khyod la gsor mi rung ba'i gnod pa chen po 'di lta bu dag 'byung bar 'gyur te/ ji ltar zhe na/ gal te 'di kun mi stong na/ /'byung ba med cing 'jig pa med/ /'phags pa'i bden pa bzhi po rnams/ khyod la med par thal bar 'gyur/ /zhes bya ba smras te/ re zhig de nyid bden pa bzhi po rnams med pa'i skyon du 'gyur ba spyir bstan to/ /da ni sdug bsngal gyi bden pa med pa'i skyon du 'gyur bar bstan pa'i phyir ji ltar zhe na/ gal te sdug bsngal mi stong bar gyur na ngo bo nyid ni byas pa ma yin pa'i phyir de rten cing 'brel par 'byung pa ma yin par 'gyur te/ gang de lta bur gyur ba de ni tha snyad du yang yod par shes par mi nus na don dam par lta smos kyang ci dgos te/ de'i phyir bshad pa/ rten cing 'brel 'byung ma yin na/ /sdug bsngal yod par ga la 'gyur/ /rten cing 'brel par 'byung ba ma yin pa la mi rtag pa nyid med pas sdug bsngal nyid du mi 'thad pa'i phyir ro zhes bya bar dgongs so/ /de nyid kyi phyir bshad pa/ mi rtag sdug bsngal gsungs pa de/ /ngo bo nyid la yod ma yin/ /mdo sde las gang mi rtag pa de sdug bsngal lo zhes gsungs pa de ngo bo nyid yod pa la med par 'gyur ro zhes bya ba smras so/ /kun 'byung gi bden pa med pa'i skyon du 'gyur par bstan pa'i phyir/ gang gi tshe de ltar sdug bsngal ngo bo nyid las yod pa yin pa de'i che/ ngo bo nyid las yod yin na/ /ji zhig kun tu 'byung bar 'gyur/ /kun 'byung bar mi 'gyur ba nyid do zhes bya ba'i tshig gi don te/ dper na ji 'phags pa brdzun gsung bar 'gyur ram zhes bya ba bzhin no/ /de phyir stong nyid gnod byed la/ /kun 'byung yod pa ma yin no/ /ngo bo nyid yod pa ni rgyu la mi bltos pa'i phyir ro zhes bya ba smras so/ /'gog pa'i bden pa med pa'i skyon du
- 286a
'gyur bar bstan pa'i phyir/ gzhan yang/ sdug bsngal ngo bo nyid yod la/ /'gog pa yod pa ma yin no/ /ngo bo nyid ni yongs gnas phyir/ /'gog pa gnod pa byed pa yin/ ngo bo nyid kyis byas pa ma yin par gnas pa la 'gog pa mi 'thad pa'i phyir ro zhes bya bar dgongs so zhes bya ba smras so/ /lam gyi bden pa med pa'i skyon du 'gyur ba bstan pa'i phyir/ de bzhin du lam ni ngo bo nyid yod na/ bsgom pa 'thad par mi 'gyur ro/ /bsgom pa ni yang dag pa'i lta ba la sogs pa yang dang yang du bskyed par bya ba yin na lam ngo bo nyid kyis yongs su grub pa la skye ba mi 'thad pas sgom pa thad par mi 'gyur ro/ zhes bya ba smros so/ /bden pa bzhi med pa'i skyon du 'gyur ba de dag mi 'dod na ni ngo bo nyid yod pa nyid du ma 'dzin cig ces bstan pa'i phyir/ ji skad bstan pa'i skyon yongs su spang bar 'dod pas/ ji ste lam de bsgom bya na/ /khyod kyi dngos nyid yod ma yin/ /skye ba yod na bsgom pa rab tu 'grub pa'i phyir ro/ /skye ba ni ngo bo nyid med pa nyid med na mi 'byung ba'i phyir ro zhes bya ba smras so/ /de ltar bden pa bzhi med na lam gyi mya ngan las 'das pa thob pa med pa'i skyon du 'gyur bar bstan pa'i phyir/ de ltar ji skad bstan pa'i tshul gyis/ gang tshe sdug bsngal kun 'byung dang/ /'gog pa yod pa ma yin na/ /lam gyi sdug bsngal 'gog pa ni/ /gang zhig thob par 'gyur bar 'dod/ /sdug bsngal ma skyes ba la 'gog pa med pa'i phyir ro zhes bya ba'i tha tshig go zhes bya ba smras so/ / da ni ngo bo nyid yod par smra ba la sdug bsngal yongs su shes pa med pa'i skyon du 'gyur bar bstan pa'i phyir/ gzhan yang khyod kyi tshul gyis sdug bsngal/ gal te ngo bo nyid kyis ni/ /yongs su shes pa ma yin na/ /de ni ji ltar yongs
- 286b
shes 'gyur/ /dngos nyid gnas shes ma yin nam/ /gal te sdug bsngal ngo bo nyid kyis yongs su shes pa ma yin na de ji ltar yongs su shes par 'gyur te/ khyed kyi gzhung las ngo bo nyid mi 'gyur par gnas pa yin par 'dod pa'i phyir ro zhes bya ba smras so/ /kun 'byung spang ba dang/ 'gog pa mngon sum du bya ba dang/ lam bsgom pa dang/ dge slong gi 'bras bu bzhi med pa'i skyon du 'gyur bar bstan pa'i phyir/ de ltar sdug bsngal ngo bo nyid kyis yongs su shes pa ma yin na skyon yongs su ma shes ba de'i rgyu sred pa ngo bo nyid kyis ma spangs pa la spang ba mi 'thad pa dang/ sred pa ngo bo nyid kyis ma spangs pa la de 'gog pa med pa'i phyir 'gog pa mngon sum du bya ba mi 'thad pa dang/ 'gog pa med na 'gog par 'gro pa'i lam ngo bo nyid kyis ma bsgoms pa la lam bsgom par mi 'thad pa dang/ de ltar 'phags pa'i bden pa bzhi med na dge sbyong gi 'bras bu bzhi dag kyang yongs su shes pa bzhin du mi 'thad pas de'i phyir bshad pa/ de bzhin du ni khyod nyid kyi/ spang ngang mngon sum bya ba dang/ /bsgom dang 'bras bu bzhi dag dang/ /yongs su shes bzhin mi rung ngo/ /ngo bo nyid kyis spang ba dang mngon sum du bya ba dang/ bsgom pa ma yin pa la de dag mi 'thad pa dang/ ngo bo nyid kyis 'bras bu mngon sum du ma byas pa la mngon du bya ba mi 'thad pas rgyun tu zhugs pa dang/ lan cig phyir 'od ba dang/ phyir mi 'ong ba dang/ dgra bcom pa zhes bya ba 'bras bu bzhi po dag mngon sum du bya ba yang yongs su shes pa bzhin du mi rung ngo zhes bya pa'i tha tshig go /zhes bya ba smras so/ /ji ste 'bras bu thob par yang 'dod la/ ngo bo nyid yod par smra ba yang mi gtong na de la brgal zhing brtag par bya ba ni de gnyis car 'gyur bas 'bras bu ngo bo nyid kyis thob pa yin na ni 'thob par byas
- 287a
mi nus la/ ji ste thob par byar nus su na ni ngo bo nyid du smra ba btang bar bya'o zhes ston to/ /de'i phyir ngo bo nyid ni yongs 'dzin pas/ /'bras bu ngo bo nyid kyis ni/ /thob pa min pa gang yin de/ /ji ltar thob par nus par 'gyur/ /ngo bo nyid yongs su 'dzin par 'bras bu ngo bo nyid kyis ma thob pa gang yin pa de thob par mi nus so/ /ji ste dngoS po ma thob pa yang rten cing 'bral par 'byung ba'i dbang gis thob par rung ngo zhe na/ de lta na ni ma thob pa la ma thob pa'i ngo bo nyid yod pa ma yin pas ngo bo nyid du smra ba btang bar bya'o zhes bya ba smras so/ /da ni de ltar dge sbyong gi 'bras bu bzhi med pas 'bras bu la gnas pa bzhi dang/ lam la gnas pa bzhi med pa'i skyon du 'gyur ba bstan pa'i phyir/ de'i phyir de ltar la? 'bras bu med na 'bras gnas med/ /zhugs pa dag kyang yod ma yin/ /zhes bya ba smras so/ /de dag med pas dge 'dun dkon mchog med pa'i skyon du 'gyur bar bstan pa'i phyir des na skyon 'dir yang 'gyur te/ gal te skyes bu gang zag brgyad/ /de dag med na dge 'dun med/ /rgyun tu zhugs pa la sogs pa'i lam dang 'bras bu'i dbye bas 'thad pa'i skyes bu gtso bo de dag med na dge 'dun dkon mchog kyang med do zhes bya ba'i tha tshig go zhes bya ba smras so/ /des na chos dkon mchog kyang med pa'i skyon du 'gyur bar bstan pa'i phyir 'phags pa'i bden ba rnams med na dge 'dun med pa 'ba' zhig tuAng ma zad de/ 'o na ci zhe na/ 'phags pa'i bden pa rnams med pa'i phyir/ dam pa'i chos kyang yod ma yin/ 'phags pa'i bden pa rnams med na lung dang rtogs pa'i bdag nyid kyi chos kyang yod pa ma yin par 'gyur ro zhes bya ba smras so/ /des na sangs rgyas dkon mchog
- 287b
kyang med pa'i skyon du 'gyur bar bstan pa'i phyir/ de ltar chos dang dge 'dun yod min na/ /sangs rgyas ji ltar yod par 'gyur/ /sangs rgyas nyid ni chos thugs su chud ba dang/ slob ma rtogs par mdzad pas 'grub pa yin na de dag yod pa ma yin na sangs rgyas med do zhes bya ba'i tha tshig go zhes bya ba smras so/ /da ni ngo bo nyid yod par smra pa'i phyogs las sangs rgyas bcom ldan 'das la sangs rgyas kyi ngo bo nyid med pa dang yod pa nyid yin par gyur na de gnyis ka la yang sangs rgyas dkon mchog med pa'i skyon du 'gyur bar bstan pa'i phyir/ gzhan yang/ ngo bo nyid yod par smra ba'i phyogs la sangs rgyas bcom ldan 'das la sangs rgyas kyi ngo bo nyid med pa yin nam/ sangs rgyas kyi ngo bo nyid yod pa yin nges cir 'gyur zhe na/ gal te sangs rgyas kyi ngo bo nyid med par 'dod na ni grub pa la bsgrub pa yin no/ /gal te sangs rgyas kyi ngo bo nyid yod par 'dod na ni de lta na sangs rgyas byang chub la brten nas sangs rgyas pa ma yin pas khyod kyis sangs rgyas byang chub la/ ma brten par yang thal bar 'gyur/ /khyod kyi byang chub sangs rgyas la/ /ma brten par yang thal bar 'gyur/ /ngo bo nyid ni byas pa ma yin pa'i phyir ro zhes bya bar dgongs so zhes bya ba smras so/ /de nyid kyi 'thad pa bstan pa'i phyir/ de byas pa ma yin pa'i rgyu bstan par bzhed pa nyid kyis bshad pa/ khyod kyi ngo bo nyid kyis ni/ /sangs rgyas min pa gang yin des/ /byang chub byang chub spyod pa la/ /btsal kyang byang chub 'thob mi 'gyur/ 'ga' yang chos dang chos min pa/ /nam yang byed par mi 'gyur te/ /mi stong pa la ci zhig bya/ /ngo bo nyid la bya ba med/ /ngo bo nyid las yod pa ma byas pa la byed pa mi 'thad pa'i phyir ro zhes bya ba smras so/ /gal te 'dir
- 288a
grangs can la sogs pa gzhan dag na re ngo bo nyid kyi cha phra ba nyid dang mi gsal ba'i bdag nyid du snga na yod pa byis bya ba'i rkyen gyis rags pa nyid gsal ba nyid du byed do zhes zer ba'i phyogs dgag pa'i phyir rags pa nyid dang gsal pa nyid du yang mi byed de/ gnyi ga'i lan kyang btab zin pa'i phyir ro zhes bya ba smras so/ /gang dag 'di skad ces khyed cag gang ngo bo nyid las yod pa'i skye ba la sogs pa dgag pa smra zhing ngo bo nyid med pa sprog par byed na ma byas pa la ngo bo nyid yod pa de'i dpe ji lta bu yin pa brjod par bya dgos so zhes zer na zhes bya ba ni ngo bo nyid yod par smra ba dag na re khyed dbu ma pa dag ngo bo nyid yod pa ni ma byas pa yin pa'i phyir de la skye ba la sogs pa mi 'thad do zhes kho bo cag la skyon 'dogs shing/ ngo bo nyid med pa ni rkyen gzhan gyis byas pa'i phyir/ de la skye ba la sogs pa yang 'thad do zhes rang gi gzhung sgrub par byed na/ 'o na de lta na ma byas pa la ngo bo nyid yod pa de'i dpe ji lta bu yin pa brjod par bya dgos te/ dam brjod du zin na tshul gsum pa'i rtags las mi mthun pa'i phyogs las ldog pa ma bstan pas khyed kyi gtan tshigs snga ma dag mi 'grub bo zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis de ni rigs pa ma yin te/ kho bos mi mthun pa'i phyogs yongs su brtags na ni gtan tshigs ldog pa yang brjod par bya dgos na/ kho bo ni ngo bo nyid med pa nyid ston pa'i gtan tshigs bstan pa'i phyir 'di la gang dang gang byas pa de dang de ngo bo nyid med par mthong ste/ dper na sgyu ma bzhin no/ /de bzhin du nang gi dngos po rnams kyang byas pa yin pas de'i phyir de dag kyang ngo bo nyid med pa yin no zhes smra'o/ /gal te 'ga' zhig ngo bo nyid yod par gyur na de ni de las bzlog pa'i
- 288b
phyir ma byas pa'i ngo bo nyid yin pas/ ngo bo nyid yod par smra bas ni 'bad pa chen pos ma byas pa la ngo bo nyid yod de/ dper na 'di 'dra'o zhes brjod par bya dgos pas de'i phyir de ni gyi na'o zhes bya ba smras te/ kho pos dngos po thams cad byas pa'i phyir ngo bo nyid mi mthun pa'i phyogs ma byas pa la ngo bo yod de/ dper na 'di 'dra'o zhes bya ba zhig yongs su brtags na ni de la gtan tshigs ldog pa yang brjod par dgos pa zhig na kho bo cag dbu ma pa la dngos po thams cad byas pa'i phyir ro po nyid med pa nyid du smra ba la de'i mi mthun pa'i phyogs ma byas pa la ngo bo nyid yod de/ dper na 'di 'dra'o zhes bya ba med pas mi mthun pa'i phyogs med pa la gtan tshigs rang bzhin gyis mi 'jug pa nyid mi mthun pa'i phyogs las ldog pa'i tshul yang yin la/ mi mthun pa'i phyogs yod par ma brtags pa la gtan tshigs ldog pa yang brjod par bya mi dgos so/ /kho bo cag ngo bo nyid med pa nyid du ston pa'i gtan tshigs byas pa'i phyir ngo bo nyid med de sgyu ma bzhin no/ /zhes ston pa de las bzlog pa ma byas pa'i phyir ngo bo nyid yod de/ dper na 'di 'dra'o zhes bya ba 'ga' zhig yod na ni de khyad kyi phyogs yin pas ngo bo nyid yod par smra ba khyed kyis ni 'bad pa chen pos ma byas pa la ngo bo nyid yod de dper na 'di 'dra'o zhes brjod par bya dgos na/ de lta bu'i rjes su 'gro ba yang khyed la med pas de'i phyir khyed kyi gtan tshigs de ni gyi na'o/ /da ni ngo bo nyid yod par smra ba dag gi phyogs la 'dzin pa'i 'bras bu yod pa dang/ chos dang chos ma yin pa dag med pa'i skyon 'gyur par bstan pa'i phyir/ gzhan yang/ chos dang chos min rgyus byung ba'i/ /'bras bu khyod la yod ma yin/ /ngo bo nyid la yod pa ni rgyu la mi bltos pa'i phyir ro zhes bya ba smras so/ /de lta na 'bras bu rgyu med pa las
- 289a
'byung bar lta ba'i skyon du yang 'gyur bar bstan pa'i phyir/ de'i phyir/ chos dang chos min med par yang 'bras bu khyed la yod par 'gyur/ /de lta na 'dzin dang bstos dang 'gal bar 'gyur ro zhes bya ba smras so/ / ji ste de dag dang 'gal par 'gyur na mi rung ngo snyam pas/ /chos dang chos min rgyus byung ba'i/ /'bras bu gal te khyod la yod/ /chos dang chos min las byung ba'i/ /'bras bu ci phyir stong ma yin/ /skyes pa ni stong pa yin pa'i phyir dper na sgyu mar byas pa'i glang po che bzhin no zhes bya bar dgongs so zhes bya bas ni 'bras bu rgyu las byung bar 'dod na ngo bo nyid stong pa yin par khas blang bar bya dgos so zhes bstan to/ /da ni ngo bo nyid yod par smra na ni 'jig rten pa'i tha snyad thams cad la yang gnod pa byed pa'i skyon du 'gyur bar bstan pa'i phyir/ de ltar rang gi grub pa'i mdza' la gnod pa byed pa 'ba' zhig tu yang ma zad de/ 'jig rten pa'i tha snyad ni/ kun la'ang gnod pa byed pa yin/ bum pa gyis shig /khang pa brtsigs shig /lhas byin pa dkar mo khrid de shog zhig /mchod sbyin glegs bam chings shig /khyab 'jug byin sa lu'i 'bras can khar cang bzhos pa'i ba mar dang zo zhig ces bya ba la sogs pa 'jig rten pa'i tha snyad thams cad la yang gnod pa byed pa yin te/ bum pa la sogs pa ngo bo nyid las yod pa la bya ba don med pa nyid du 'gyur ba'i phyir ro zhes bya ba smras so/ /da ni ngo bo nyid du smra na rten cing 'brel par 'byung ba yang mi 'grub la bya ba dang/ byed pa dang/ byed pa po la yang gnod par byed pa'i skyon du 'gyur bar bstan pa'i phyir/ rten cing 'brel par 'byung ba yang mi 'grub pas de'i phyir bshad pa/ rten cing 'brel 'byung gang yin pa'i/ /stong pa nyid
- 289b
la'ang gnod? pa byed/ /de la gnod pa byed pas na/ /bya ba ci yang med 'gyur zhing/ /bya ba rtsom pa'ang med par 'gyur/ /bya ba dang byed pa med na/ stong pa nyid la gnod byed na/ /mi byed pa yang byed par 'gyur zhes bya ba smras so/ /nga ni ngo bo nyid med par smra na 'gro ba rnams gnas skabs sna tshogs dang bral zhing skye 'gag med par ther zug tu gnas pa'i skyon du 'gyur bar bstan pa'i phyir/ gzhan yang dngos nyid yod na 'gro ba rnams/ /gnas skabs sna tshogs bral 'gyur zhing/ / ma skyes pa dang ma 'gags dang/ /ther zug tu yang gnas par 'gyur/ /kha dog dang/ dbyibs dang/ rigs dang/ bed? tshod la sogs pa'i gnas skabs sna tshogs dang bral zhing rtsig pa la bris pa'i ri mo bzhin du 'gyur te/ byas pa ma yin pa la 'jig pa med pa'i phyir ro zhes bya ba smras so/ /da ni stong pa nyid mi 'dod pa'i phyogs la thob par bya ba dang sdug bsngal mthar byed pa dang/ nyon mongs pa spong ba dag med pa'i skyon du 'gyur ba bstan pa'i phyir/ gal te stong pa yod yin na/ /ma thob thob par bya ba dang/ sdug bsngal mthar byed las dang ni/ /nyon mongs thams cad spong pa'ang med/ /'jig rten pa dang 'jig rten las 'das pa'i thob par bya ba'i khyad par dang sdug bsngal mthar 'byin par byed pa'i las dang de'i gnyen po dag byar med pa'i phyir zhes bya ba smras so/ /de dag ni glags yod pa'i tshig yin pa'i phyir de ltar ni mi 'dod pas de'i phyir skabs kyi don rten cing 'brel par 'byung ba bden pa gnyi ga'i tshul du ngo bo nyid med pa nyid khas blang pa brtan pa'i phyir/ de ltar mi 'dod pas de'i phyir ma dang bzhin du yang rten cing 'brel par 'byung ba ngo bo nyid las skye ba med pa sgyu ma dang smig rgyu lta bu'i bdag nyid du skye ba khas blang bar bya'o zhes bya ba smras so/ /da ni rnal 'byor pa dngos po
- 290a
dang dngos po med par lta ba la sogs pa'i skyon gyis rab rib dang bral ba'i blo gros kyi mig can gang gis rten cing 'brel par 'byung ba ngo bo nyid du ma mthong pa des 'phags pa'i bden pa bzhi mthong pa yin no/ /zhes mjug bsdu ba bstan pa'i phyir/ de'i phyir de ltar dngos po dang dngos po med par lta ba la sogs pa lta ba'i skyon gyi rab rib dang bral ba'i blo gros kyi mig can/ gang gis rten cing 'brel par 'byung/ /mthong ba de ni sdug bsngal dang/ /kun 'byung dang ni 'gog pa dang/ /lam nyid de dag mthong ba yin/ /tha snyad dang don dam pa'i bden pa'i tshul la bltos pas mthong ba dang/ mthong ba med pa'i tshul gyis rten cing 'brel par 'byung ba ji skad bstan pa'i mtshan nyid mthong ba des bden pa bzhi po de dag nyid skye ba dang/ skye ba med pa la sogs pa'i rnam pa sngar ji skad bstan pa dag gis mthong pa yin no zhes bya ba smras te/ gang gis rten cing 'brel par 'byung ba mthong pa des chos mthong ngo/ /gang gis chos mthong ba des sangs rgyas mthong ngo/ /zhes gsungs pa bzhin no/ /gal te sdug bsngal la sogs pa'i rnam pa dag ma gtogs par gzhan du mthong ba ni bden pa mthong ba ma yin no/ /zhe na zhes bya ba ni rang gi sde pa dag na re/ bden pa bzhi rnam pa bcu drug dbye ba ma gtogs par gzhan du mthong ba ni bden pa mthong ba ma yin no/ /zhes zer ba'i tshig yin no/ /de skad ces zer pa de'i lan du 'dir 'grel par byed pa nyid kyis/ bden pa mthong ba zhes bya ba'i sgras de'i don gang yin zhes brtag pa smra so/ /gal te nang gi skye mched rnams phyin ci ma log pa de kho na dang bcas pa nyid mthong pa'o zhe na zhes bya ba ni gal te pha rol po dag na re bden pa mthong ba zhes bya ba'i
- 290b
sgra de'i don nang gi skye mched rnams mig gis gzugs mthong ba nas yid kyid chos 'dzin pa'i bar du phyin ci ma log pa bden pa bzhi rnam pa bcu drug tu rnam par dbye ba'i de kho na dang bcas pa nyid mthong ba'o zhe na'o/ /de'i lan du 'grel pa byed pa nyid kyis/ ji skad bstan pa'i tshul gyis skye ba bkag pa'i phyir/ sdug bsngal skye ba med pa la sogs par mthong ba ni 'phags pa'i bden pa yin par grub pa'i phyir 'dod pa'i don nyams so/ /zhes bya ba smras te/ kho pos ji skad bstan pa'i tshul gyiS don dam par skye ba bkag pa'i phyir sdug bsngal skye ba med pa la sogs par mthong bas ni 'phags pa'i bden pa yin par grub pa'i phyir khyed nang gi skye mched rnams mig gis gzugs mthong ba nas yid kyis chos 'dzin pa'i bar du byin ci ma log pa bden pa bzhi rnam pa bcu drug tu rnam par dbye pa'i de kho na dang bcas pa nyid mthong ba 'phags pa'i bden pa yin par 'dod pa'i don nyams so/ /de nyid kyi 'thad pa bstan pa'i phyir/ 'di ni sdug bsngal la sogs pa ji ltar mthong na bden pa mthong ba yin zhes dpyad par bya ba yin gyi/ ma'i la tu'i tshul gyis byung rgyal du brjod do cog bzung bar bya ba ma yin no/ /zhes bya ba smras so/ /'phags pa'i bden pa 'di ni ji skad du mdo sde las 'jam dpal gang gis chos thams cad skye ba med par mthong ba des sdug bsngal yongs su shes so/ /gang gis chos thams cad mi gnas par mthong ba des kun 'byung spangs so/ /gang gis chos thams cad gtan du mya ngan las 'das par mthong ba des 'gog pa mngon sum du byas so/ /'jam dpal gang gis chos thams cad bsgom du med par mthong ba lam bsgoms so zhes gsungs pa dang/ de bzhin du bcom ldan 'das kyis 'jam dpal gal te sdug bsngal mthong ba
- 291a
bden pa yin par gyur na de ltar na sems can dmyal ba rnams kyis kyang bden pa mthong bar 'gyur te/ 'di ltad de dag kyang kye ma'o sdug bsngal/ kye ma'o sdug bsngal zhes rnam par dbye ba'i phyir ro zhes gsungs pa dang/ de bzhin du tshangs pa rnam grangs des kyang khyod kyis 'di ltar rig par bya ste/ ji ltar sdug bsngal dang/ kun 'byung ba dang/ 'geg pa dang/ lam ni 'phags pa rnams kyi bden pa ma yin gyi 'di ltar sdug bsngal gyi skye ba med pa dang/ kun 'byung gi kun 'byung ba med pa dang/ chos thams cad gtan du 'gag pa dag la gtan 'gog pa dang/ chos thams cad mnyam pa nyid dag la gnyis su med pa nyid du lam bsgoms pa gang yin pa de 'phaD pa rnams kyi bden pa yin par shes par bya'o zhes gsungs pa la sogs pa dag gis sdug bsngal la sogs pa ji ltar mthong na bden pa mthong ba yin zhes dpyad par bya ba yin gyi/ mas bu ngu? ba bring ba'i phyir chad ba stong pa bstan te 'di re bu ma du bar la du 'di long shig ces smra ba'i tshul gyis rang gi sde pa dngos po dang dngos po med par lta ba la sogs pa la mngon bar zhen pa dag gis byung rgyal du brjod do cog? gzung bar bya ba ma yin no/ /de la 'dir rab tu byed pa'i don ni pha rol pas stong pa nyid smra ba la skyon 'dogs pa smras pa dag phyir bzlog pa'i sgo nas rab tu byed pa'i dang por smras pa'i gtan tshigs mi mthun pa'i phyogs 'ba' zhig la yod par bstan pas 'phags pa'i bden pa rnams ngo bo nyid med pa nyid du bstan pa yin no zhes bya bas ni mjug bsdu ba dang tshad ma'i 'bras bu yin te/ 'phags pa'i bden pa brtag pa'i rab tu byed pa nyi shu rtsa bzhi pa'i skabs 'dir rab tu byed pa'i don tshad ma'i 'bras bu lta ba ni pha rol po
- 291b
dag gis sngar dbu ma pa la/ gal te 'di dag kun stong na/ /'byung ba med cing 'jig pa med/ /'phags ba'i bden ba bzhi po rnams/ /khyod la med par thal bar 'gyur/ /zhes bya ba la sogs pa skyon gdags pa smras pa dag la dbu ma pas/ khyod nyid rang gi skyon rnams ni/ /nga la yongs su sgyur byed pa/ /rta la mngon par zhon byed pa/ /rta nyid rjed par gyur pa bzhin/ /zhes bya ba la sogs pas phyir bzlog pa'i sgo nas pha rol bos rab tu byed pa 'di'i dang por don dam bar dngos po rnams ngo bo nyid yod pa kho na yin te/ 'byung ba dang 'jig pa'i chos can yin ba'i phyir ro zhes bya ba la sogs pa smras pa'i gtan tshigs don dam par sgrub pa'i mi mthun pa'i phyogs kun rdzob 'ba' zhig la yod par bstan pas 'phags pa'i bden pa rnams ngo bo nyid med pa nyid du bstan pa yin no/ /'phags pa'i bden pa rnams ngo bo nyid med pa nyid du bstan pa la yon tan ji yod? pa dang/ de bstan pa 'di la gzhan dag na re rtog ge skam po'i bstan bcos cam nyi chos bsgrubs so zhes zer ba bsal pa'i phyir 'dir yid ches pa'i lung gi khungs kyang bsgrub par bya ste/ de'i phyir 'phags pa tshangs pas zhus pa'i mdo las/ tshangs pa rnam grangs des kyang khyod kyis 'di ltar rig par bya ste/ ji ltar sdug bsngal dang/ kun 'byung dang/ 'gog pa dang/ lam ni 'phags pa rnams kyi bden pa ma yin gyi tshangs pa 'di ltar sdug bsngal gyi skye ba med pa gang yin pa de 'phags pa rnams kyi bden pa yin pa dang/ kun 'byung gi kun 'byung ba med pa gang yin pa de 'phags pa rnams kyi bden pa yin pa dang/ chos thams cad gtan du 'gags pa dag la gtan 'gog pa gang yin pa de 'phags pa rnams kyi bden pa yin
- 292a
pa dang/ chos thams cad mnyam pa nyid dag la gnyis su med pa nyid du lam bsgom pa gang yin pa de 'phags pa rnams kyi bden pa yin par shes par bya'o/ /zhes bya ba la sogs pa gsungs pa de dag grub pa yin no zhes bya ba smras te/ de ltar yid ches pa'i lung de dag grub pa ni 'phags pa'i bden pa rnams ngo bo nyid med pa nyid du bstan pa'i yon tan dang khungs yin no/ /de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel pa byed pa'i mkhas pa nyid yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las 'phags pa'i bden pa brtag pa zhes bya ba ste/ rab tu byed pa nyi shu bzhi pa rgya cher 'grel pa slob dpon spyan ras gzigs brtul zhugs kyis nye bar sbyar ba rdzogs so// //bam po bdun cu rtsa lnga pa/ da ni da bzhin du stong pa nyid kyi mi mthun pa'i phyogs kyi khyad par dgag pas mya ngan las 'das pa ngo bo nyid med pa nyid du bstan pa'i don gyi dbang gis rab tu byed pa nyi shu lnga pa brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang/ gzhung 'og nas 'byung ba dang sbyar ba'i don du blta ste/ tshig gi don ni snga ma bzhin no/ /de la dam bcas pa la 'jug pa'i rgyu'i don gyi dbang du byas nas/ de ni de bzhin du stong pa nyid kyi mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dang por brtsam pa'i skabs su dngos po thams cad skye ba med par dam bca' pa mdzad pas 'dir yang bstan
- 292b
bcos mdzad pas sngar ji ltar dam bcas pa de la 'jug pa'i rgyu'i don gyi dbang du byas nas de skad smras te/ de bzhin du zhes bya ba ni sngar bstan pa'i lugs bzhin du'o/ /stong pa nyid ni rang gi phyogs yin no/ /de'i mi mthun pa'i phyogs ni phyir rgol ba'i phyogs yin te/ 'di lta ste/ dngos po rnams ngo bo nyid yod pa nyid du smra ba ma yin no de'i khyad par zhes bya ba ni pha rol pos dngos po rnams ngo bo nyid yod pa nyid du bsgrub pa'i phyogs snga ma nye bar bzhag pa 'og nas/ gal te 'di dag kun stong na/ /'byung ba med cing 'jig pa med/ /gang zhig spangs dang 'gags pa las/ /mya ngan 'da' bar 'gyur bar 'dod/ /ces bya bas ngo bo nyid med pa nyid smra ba rnams la ni gang ngo bo nyid med pa de la mya ngan las 'das pa 'thob pa med de 'byung ba dang 'jig pa med pa'i phyir dper na mo gsham gyi bu bzhin no zhes bya ba la sogs pas dngos po rnams ngo bo nyid med par smra ba la mya ngan las 'das pa 'thob pa med pa ston pa yin no/ /de dgag pas zhes bya ba ni de dgag pa'i dbang du byas nas rab tu byed pa nyi shu lnga pa brtsam mo zhes bya bar sbyar ro/ /gzhung 'og nas 'byung ba dang sbyar ba'i don gyi dbang du byas nas mya ngan las 'das pa ngo bo nyid med pa nyid du bstan pa'i don gyi dbang gis rab tu byed pa nyi shu lnga pa brtsam mo zhes bya ba smras te/ mya ngan las 'das pa brtag pa'i rab tu byed pa nyi shu lnga ba'i gzhung 'og nas 'byung ba 'di'i don mya ngan las 'das pa ngo bo nyid med pa nyid du bstan pa yin pas de'i dbang du byas nas de skad smras so/ /rab tu byed pa 'di'i 'bras bu ni gang yin/ /rnam pa gang gis ni 'bras bu de 'thob ce na/ mya ngan las 'das pa ngo bo nyid med pa nyid du bstan pa ni 'di'i 'bras bu yin la/ stong pa nyid kyi mi mthun pa'i phyogs kyi khyad par dgag pa'i rnam pas ni
- 293a
'bras bu de 'thob pas/ de'i phyir/ 'grel ba byed pas rab tu byed pa'i mtshams sbyar ba'i skabs 'dor thabs dang thabs las byung ba'i 'bras bu dang po kho nar bstan to/ /stong pa nyid kyi mi mthun pa'i phyogs kyi khyad par zhes smos pa de nyid bstan pa'i phyir/ 'dir smras pa/ khyod 'dod pa ltar/ gal te 'di dag kun stong na/ /'byung ba med cing 'jig pa med/ /ngo bo nyid med pa'i phyir/ dper na mo gsham gyi bu bzhin no zhes bya bar bsams so zhes bya ba smras te/ des ni rang gi sde pa dag na de khyed dbu ma pa 'dod pa ltar/ gal te dngos po 'di dag kun stong na 'byung ba dang 'jig pa med par 'gyur ro zhes zer ba'i tshig bstan te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mo gsham gyi bu ni ngo bo nyid med pa'i phyir de la 'byung ba dang 'jig pa med pa de bzhin du gal te 'di dag kun stod na de yang ngo bo nyid med pa'i phyir de la yang 'byung ba dang 'jig pa med do zhes bya bar bsams so/ /de ltar 'byung ba dang 'jig pa med pa'i phyir mya ngan las 'das pa 'thob pa med pa'i skyon du 'gyur par bstan pa'i phyir/ de dag med pa'i phyir nyon mongs pa rnams la yang 'byung ba dang 'jig pa med la/ de dag dang ldan pa'i ming dang gzugs la yang 'byung ba dang 'jig pa med pas/ gang zhig spangs dang 'gag pa las/ /mya ngan 'da' bar 'gyur par 'dod/ /phung po lhag me dang bcas pa dang/ phung po lhag ma med pa'i mya ngan las 'das pa'i dbyings kyi dbang gis so zhes bya ba smras te/ 'byung ba dang 'jig pa de dag med pa'i phyin nyon mongs pa rnams la yang 'byung
- 293b
ba dang 'jig pa med pas gang zhig spangs pas phung po'i lhag ma dang bcas pa'i mya ngan las 'das pa'i dbyings 'thob par 'dod/ nyon mongs pa de dag dang ldan pa'i ming dang gzugs kyi phung po la yang 'byung ba dang 'jig pa med pas gang zhig 'gag pas phung po'i lha gam med pa'i mya ngan las 'das pa'i dbyings 'thob par 'dod de/ nyon mongs pa spang pa dang/ phung po 'gag pa las mya ngan las 'das pa rnam gnyis 'thob pa med pa'i skyon du 'gyur ro/ /de ltar dbu ma pas stong pa nyid du smra ba la 'byung ba dang 'jig pa med pa'i phyir nyon mongs pa spang ba dang/ phung po 'gag pa las mya ngan las 'das pa rnam gnyis 'thob pa med pa'i skyon du 'gyur bar bstan nas/ da ni dngos po yod par smra ba dag las 'byung ba dang 'jig pa yod pa'i phyir nyon mongs pa spang pa dang/ phung po 'gag pa las mya ngan las 'das pa rnam gnyis 'thob pa yod par bstan pa'i phyir/ gang zhig spang bas sam/ 'gag pas mya ngan las 'da' bar yang 'dod de zhes bya ba smras so/ /nyen mongs pa spang bas/ phung po'i lhag ma dang bcas pa'i mya ngan las 'das pa 'thob pa'i khungs bstan pa'i phyir/ ji skad du dga' pa'i 'dod chags dang ldan pa'i sred pa de zan cing brel? ba gang yin pa de ni mya ngan las 'das pa'o zhes kyang gsungs la zhes bya ba smras so/ /phung po 'gags pas phung po'i lhag ma med pa'i mya ngan las 'das pa 'thob pa'i khungs bstan pa'i phyir/ de bzhin du/ ma zhum pa'i sems kyis ni/ /tshor ba dang du len pa na/ /de'i sems ni rnam grol ba/ /mar me shi bar gyur pa bzhin zhes kyang gsungs so/ /zhes bya ba smras te/ bcom ldan 'das yongs su mya ngan las 'das pa na/ 'phags pa 'od srungs chen pos 'phags
- 294a
pa kun dga' bo la/ bcom ldan 'das kyi mya ngan las 'das pa ci 'dra zhes bris pa dang/ 'phags pa kun dga' bos tshigs su bcad pa 'di gsungs so/ /de ltar nyon mongs spang pa dang/ phung po 'gag pa las mya ngan las 'das pa rnam pa gnyis thob pa de yang ngo bo nyid yod par smra ba la 'byung ba dang 'jig pa yod pas 'thob pa'i phyir dngos po rnams ngo bo nyid yod pa nyid du khas blang bar bya'o zhes bstan pa'i phyir mya ngan las 'das pa 'thob pa de yang ngo bo nyid yod pa 'di ma gtogs par gzhan gyis mi 'thob pas de'i phyir dngos po rnams ngo bo nyid yod pa nyid du 'dod par bya'o/ /zhes bya ba smras te/ nges ni rang gi gzhung gzugs pa bstan to/ /da ni pha rol po'i gzhung sun phyung ba bstan pa'i phyir/ ngo bo nyid med pa nyid du smra ba rnams la ni gang ngo bo nyid med pa de la mya ngan las 'das pa 'thob pa med de/ 'byung ba dang 'jig pa med pa'i phyir dper na mo gsham gyi bu bzhin no/ /zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar te/ dper na mo gsham gyi bu la ni 'byung ba dang 'jig pa med pa'i phyir/ mya ngan las 'das pa 'thob pa med pa de bzhin du/ gang ngo bo nyid med pa de la yang 'byung ba dang 'jig pa med pa'i phyir mya ngan las 'das pa 'thob pa med do/ /ngo bo nyid med pa nyid du rjes su dpog pa'i dam bcas pa la chos can mya ngan las 'das pa'i khyad par 'thob pa btsal ba'i skyon yod par bstan pa'i phyir/ ngo bo nyid med pa nyid du rjes su dpog pas/ /'byung ba dang 'jig pa med pa'i phyir/ mya ngan las 'das pa 'thob pa med pas mya ngan las 'das pa 'thob pa btsal ba'i phyir ngo bo nyid med pa nyid rjes su dpog pa'i dam
- 294b
bcas pa la chos can mya ngan las 'das pa'i khyad par 'thob pa gsal ba'i skyon yod do zhes bya ba smras so/ /re zhig de dag ni stong pa nyid kyi mi mthun pa'i phyogs kyi khyad par yin te/ phyogs snga ma smra ba'i gzhung yin no/ /stong pa nyid kyi mi mthun pa'i phyogs kyi khyad par de dgag pas mya ngan las 'das pa ngo bo nyid med pa nyid du bstan pa'i phyir/ de skad ces zer ba de'i lan du 'dir 'grel pa byed pa nyid kyis/ de ni bzang po ma yin te/ ji ltar sgyu ma'i mar me ngo bo nyid dang bral ba 'chi ba tha snyad du gtogs pa'i blo'i spyod yul du yod par mi 'gal ba de bzhin 'du byed rnams ngo bo nyid med pa nyid yin yang thog ma med pa'i rkyen rgyud pa las skyes pa sgyu ma dang smig rgyu lta bu dag gi skye ba med pa ni mya ngan las 'das pa yin no zhes bya ba smras te/ des ni ngo bo nyid med pa yin yang tha snyad du 'byung ba dang 'jig pa yod pa'i phyir nyon mongs pa spang pa dang/ phung po dgag pas mya ngan las 'das pa rnam gnyis 'thob pa yod pa dpe dang bcas par bstan to/ /da ni de 'thob par 'grub pa'i phyir ngo bo nyid yod par smra ba dag gi phyags rigs pa dang ldan pa ma yin par bstan pa'i phyir/ de 'thob pa yang 'grub pa'i phyir ngo bo nyid yod pa nyid rigs pa dang mi ldan par shes par bya'o zhes bya ba smras so/ / dngos po rnams med pa'i ngo bo nyid du khas ma blangs pa'i phyir dam bcas pa la skyon med do zhes bya ba ni sngar pha rol po dag na re ngo bo nyid med pa nyid du rjes su dpog pas mya ngan las 'das pa 'thob pa med pas mya ngan las 'das pa 'thob pa btsal ba'i phyir/ dam bcas pa la chos can gyi khyad par bsal ba'i skyon yod do zhes zer ba de'i lan btab ste/ dbu ma pas dngos po rnams mo gsham gyi bu bzhin du med pa'i ngo bo nyid du khas blangs pa'i phyir tha snyad du mya ngan
- 295a
las 'das pa 'thob pa yod pas dam bcas pa la chos can gyi khyad par btsal ba'i skyon med do/ /glags yod pa'i skyon yang med do/ /mo gsham gyi bu la sogs pa dag don dam par dpe nyid du ma grub pa'i phyir ro zhes bya bas ni sngar pha rol po dag gis ngo bo nyid med pa nyid du smra ba rnams la ni gang ngo po nyid med pa de la mya ngan 'das pa 'thob pa med de/ 'byung ba dang 'jig pa med pa'i phyir dper na mo gsham gyi bu bzhin no zhes sgrub pa smras bas dbu ma pas ngo bo nyid med pa nyid du smra ba'i phyogs la mya ngan las 'das pa 'thob pa med pa'i glags yod pa'i skyon du 'gyur bar bstan pa'i lan btab ste/ don dam par pha rol po dag gi dpe mo gsham gyi bu la sogs pa dag dpe nyid du ma grub pa'i phyir pha rol po dag gi sgrub pa dpe ma tshang ba'i skyon yod pa des/ dbu ma pa la grags? yod pa'i skyon gdags par mi nus so/ /da ni pha rol po dag gis dbu ma pa la skyon gang dag brtags pa de dag nyid pha rol po dag la phyir bsgrin par bstan pa'i phyir/ gzhan yang ji ltar dngos po rnams ngo bo nyid med pa nyid du rtog pa la/ gal te 'di dag kun stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ /ces bya ba de bzhin du dngos po rnams ngo bo nyid yod pa nyid du rtog pa la yang/ gal te 'di kun mi stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ /ngo bo nyid la 'gyur ba med pas spang pa dang 'gag pa mi 'thad pa'i phyir/ ngo bo nyid yod par smra ba/ de kho na rab tu ma mthong ba nyid kyi ngo bo nyid la de kho na mthong ba mi 'thad pa'i phyir ro zhes bya bar dgongs so zhes bya ba smras so/ /de nyid kyi mjug bsdu ba bstan pa'i phyir/ de'i
- 295b
phyir ngo bo nyid yod par smra ba dag nyid la mya ngan las 'das pa 'thob pa yod par bstan pa'o? zhes bya ba smras so/ /ngo bo nyid med par smra ba la mya ngan las 'das pa 'thob pa yod par bstan pa'i phyir/ ngo bo nyid med pa nyid la ni sgyu ma'i mar me 'chi ba bzhin du mya ngan las 'das pa 'thob par rung ngo zhes bya ba smras so/ /ngo bo nyid yod pa nyid la mya ngan las 'das pa 'thob pa yod par rjes su dpog pa'i dam bcas pa la chos can mya ngan las 'das pa 'thob par sgrub pa'i chos ngo bo nyid yod pa nyid kyi ngo bo nyid bsal ba'i skyon yod par bstan pa'i phyir/ mya ngan las 'das pa 'thob par rjes su dpog pas/ 'byung ba dang 'jig pa yod pa'i phyir/ ngo bo nyid kyi ngo bo nyid yod pa nyid bsal ba'i phyir/ ngo bo nyid rjes su dpog pa'i dam bca' ba la/ chos can mya ngan las 'das pa 'thob pa yod par sgrub pa'i chos ngo bo nyid yod pa nyid kyis/ ngo bo nyid bsal ba'i skyon yod do zhes bya ba smras so/ /yang na pha rol po dag na re/ gal te 'di dag kun stong na/ /'byung ba med cing 'jig pa med/ / de'i phyir/ gang zhig spang dang 'gag pa las/ /mya ngan 'dab par 'gyur par 'dod/ /gal te 'du byed 'di dag mya ngan las 'da' bar 'dod na ni 'du byed de dag don dam par ngo bo nyid yod pa kho nar shes par bya ste/ nyon mongs pa spang ba dang med dang gzugs 'gag pas mya ngan las 'das pa 'thob pa'i phyir ro/ /rnga mo la sogs pa'i rwa yod pa ma yin pa dag la ni de dag med do zhes zer ro zhes bya ba ni stong pa nyid kyi mi mthun pa'i phyogs kyi khyad par snga ma de nyid rnam pa gzhan du bshad pa'i tshig yin te/ 'di ni rang gi sde pa gang dag 'du byed rnams mya ngan las 'das par smra ba de dag na re gal te dbu ma pa ngag 'ded pa ltar 'di dag kun stong na/ 'byung ba dang 'jig pa med pa'i phyir 'du byed nyon mongs pa dang/ phung po
- 296a
gang zhig spang ba dang/ 'gag pa las mya ngan las 'da' bar 'gyur bar 'dod de/ de dag la mya ngan las 'da' ba mi 'thad do/ /gal te 'du byed 'di dag mya ngan las 'da' bar 'dod na ni 'du byed de dag don dam par ngo bo nyid yod pa kho nar shes par bya ste/ nyon mongs pa spang ba dang/ ming dang gzugs 'gag pas mya ngan las 'das pa 'thob pa'i phyir rnga mo la sogs pa'i rwa yod pa ma yin pa ngag la ni de dag med do zhes gzhan gyi phyogs sun 'byin pa dang/ /rang gi gzhung 'dzugs pa'i tshig ston te/ de dag chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe yin par go rim bzhin du sbyar te/ 'di na rnga mo la sogs pa'i rwa yod pa ma yin pa gang dag la nyon mongs pa spang ba dang/ ming dang gzugs 'gag pas mya ngan las 'das pa 'thob pa med pa de dag ni ngo bo nyid yod pa ma yin gyi/ 'du byed gang dag la nyon mongs pa spang ba dang/ ming dang gzugs 'gag pas mya ngan las 'das pa 'thob pa yod pa de dag ni don dam par ngo bo nyid yod pa kho nar shes par bya'o zhes zer ro /de skad ces zer pa'i lan du/ 'dir slob dpon gyis bshad pa/ gal te 'di kun mi stong na/ /'byung ba med cing 'jig pa med/ /ngo bo nyid yod pas nges par gnas pa ngo bo nyid mi 'gyur ba la de dag mi 'thad pa'i phyir ro/ /de'i phyir/ gang zhig spang dang 'gag pa las/ mya ngan 'da' bar 'gyur bar 'dod/ /ces bya ba smras te/ 'di yang stong pa nyid kyi mi mthun pa'i phyogs kyi khyad par 'gag pa sngar bstan pa de nyid rnam pa gzhan du bshad pa yin no/ /de'i phyir/ 'di ltar khyod kyis smras pa'i gtan tshigs la rjes su 'gro ba yod par gyur na ni bsgrub par bya ba sgrub nus par yang 'gyur grang na/ de yang med pas kho bo
- 296b
cag gi phyogs la ngo bo nyid yod par smra ba'i gtan tshigs thun mongs ma yin pa nyid dang don 'gal ba nyid kyang yin no zhes bya ba smras te/ 'dis ni 'du byed mya ngan las 'da' bar smra ba dag gi gtan tshigs nyon mongs pa spang ba dang/ ming dang gzugs 'gag pa mya ngan las 'das pa 'thob pa'i phyir ro zhes bya ba de la rjes su 'gro ba'i dpe 'du byed de dag don dam par ngo bo nyid yod pa kho nar shes par bya ste/ dper na che ge mo zhig bzhin no zhes bya ba yod par gyur na ni des bsgrub par bya ba 'du byed rnams don dam par ngo bo nyid yod pa kho nar shes par bya ste zhes bya ba de sgrub nus par yang 'gyur grang na/ de yang med pas kho bo cag gi phyogs la khyed kyi gtan tshigs de thun mongs ma yin pa nyid yin pas don dam par ma grub pa nyid yin la/ kun rdzob tu sgrub na ni don 'gal ba nyid kyang yin no zhes bstan to/ /da ni pha rol po dag gi gtan tshigs nyon mongs pa spang ba dang/ ming dang gzugs 'gag pas mya ngan las 'das pa 'thob pa'i phyir ro zhes bya ba de'i don bden pa gnyi gar yang mi 'grub pa bstan pa'i phyir/ gtan tshigs kyi don dri bar yang bya ste/ ji tha snyad du mya ngan las 'das pa 'thob pa'i phyir ram/ 'on te don dam par 'thob pa'i phyir zhes brtag pa rnam pa gnyis smras so/ /de la re shag brtag pa dang po mi 'thad par bstan pa'i phyir/ de la gal te tha snyad du na ni grub pa la sgrub pa yin no zhes bya ba smras so/ /brtag pa gnyis pa mi 'thad par bstan pa'i phyir/ 'on te don dam par ni kho bo cag /spang ba med pa 'thob med pa/ /chad pa med pa rtag med pa/ /'gag pa med pa skye med pa/ /de ni mya ngan 'das par 'dod/ /de'i phyir nyon mongs pa spang ba dang/ ming dang gzugs 'gag pas mya ngan las 'das pa 'thob pa'i phyir ro zhes gang smras pa'i gtan tshigs de'i don ma grub pa nyid do
- 297a
zhes bya ba smras so/ /tshig le'ur byas pa'i tshig gi don de dag ni gcig gis gcig bshad par bya'o/ /da ni pha rol po dag don dam par dngos po rnams ngo bo nyid yod pa nyid du bsgrub pa'i gtan tshigs nyon mongs pa spang? ba dang/ phung po 'gags pas mya ngan 'das pa 'thob pa'i phyir ro zhes bya ba de la mya ngan las 'das pa 'thob pa yod par smra ba dag las kha cig ni mya ngan las 'das pa dngos po yin par 'dod/ kha cig ni mya ngan las 'das pa dngos po med pa yin par 'dod pas de gnyi ga la yang mya ngan las 'das pa 'thob pa yod par mi 'thad par bstan pa'i phyir/ yang gzhan yang 'di la mya ngan las 'das pa smra ba dag las kha cig ni mya ngan las 'das pa rdzas su yod pa smra/ gzhan dag ni rdzas su yod pa ma yin par smra ste/ de gnyi ga yang ji ltar mi 'thad pa de ltar brtag par bya'o zhes bya ba smras te/ rdzas su yod par smra ba ni dngos po yin par smra ba ste grangs can dang/ bye brag pa dang/ bye brag tu smra ba dang/ rnal 'byor spyod pa la sogs pa dag go /rdzas su yod par ma yin par smra ba ni dngos po med pa yin par smra ba ste/ /gos dmar ste dang/ mdo sde pa dang/ 'jig rten rgyang ban pa la sogs pa dag go /de la re zhig mya ngan las 'das pa dngos po yin par 'dod pa dag gi gzhung ji ltar mi 'thad pa de ltar brtag par bya ste/ de'i phyir mya ngan las 'das pa dngos po min /rga shi'i mtshan nyid thal bar 'gyur/ /mya ngan las 'das pa dngos po yin par ston pa'i rjes su dpag pa med pa'i phyir dang/ dngos po nyid rjes su dpog pas rga shi'i mtshan nyid kyis mya ngan las 'das pa rga shi'i mtshan nyid can du thal bar 'gyur ba'i phyir ro zhes bya ba smras te/ des ni mya ngan las 'das pa dngos po ma yin te/ dngos po yin par ston pa'i rjes su dpag pa
- 297b
med pa'i phyir dang/ dngos po nyid du rjes su dpag pa na rga shi'i mtshan nyid du thal bar 'gyur ba'i phyir dngos po ma yin no zhes bstan to/ /dngos po nyid rjes su dpog na/ ci'i phyir rga shi'i mtshan nyid can du thal bar 'gyur zhe na/ de'i phyir/ rga dang 'chi ba med pa yin na dngos po yod pa ma yin no/ /dngos po ni rga shing mtshan nyid med na mi 'byung ba nyid yin pa'i phyir ro zhes bya bar dgongs so/ /zhes bya bar smras te/ da ni de ltar dngos po ni rga shi'i mtshan nyid can yin pas mya ngan las 'das pa ni rga shi med pa'i phyir dngos po ma yin par bstan pa'i phyir/ da ni mi 'dod de/ mya ngan las 'das pa ni rga shi med par 'dod pas de'i phyir smra ba nus te zhes bya ba smras so/ /de nyid kyi rjes su dpag pa bstan pa'i phyir/ don dam par mya ngan las 'das pa ni dngos po yod pa ma yin te/ rga shi med pa'i phyir/ dper na mo gsham gyi bu bzhin pas de'i phyir khyod kyi phyogs la yang gtan tshigs kyi don ma grub pa e nyid yod do/ /zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na mo gsham gyi bu rga shi med pa'i phyir dngos po ma yin pa de bzhin du mya ngan las 'das pa la yang rga shi med pa'i phyir dngos po mi yin pas de'i phyir dngos bongs? par khyod kyi phyogs la yang don dam par 'du byed rnams ngo bo nyid yod pa kho nar shes par bya ste/ nyon mongs pa spang ba dang/ ming dang gzugs 'gag pas mya ngan las 'das pa 'thob pa'i phyir ro zhes bya ba'i gtan tshigs kyi don ma grub pa de nyid yod do/ /de ni mya ngan las 'das pa dngos po yin par gyur na/ 'dus byas yin par thal bar 'gyur bas dngos po ma yin par bsgrub pa bstan pa'i phyir/ yang na sun dbyung ba'i lam gzhan yod de/ mya ngan las 'das pa dngos po yin
- 298a
par smra ba dag gi phyir bshad pa/ gal te mya ngan 'das dngos na/ /mya ngan 'das pa 'dus byas 'gyur/ /'dus byas yin par mi 'dod de zhes bya ba smras so/ /'dis ni mya ngan las 'das pa'i chos ni 'dus byas nyid ma yin par bstan to zhes bya bas ni tshig le'ur byas pa'i phyed gong ma 'dis ni mya ngan las 'das pa dngos po ma yin par sgrub pa'i chos gtan tshigs ni 'dus ma byas nyid ma yin par bstan to/ /ci'i phyir dngos po yin na 'dus byas su 'gyur zhe na/ de'i 'thad pa bstan pa'i phyir/ dngos po 'dus byas ma yin pa/ /'ga' yang ji ltar yod ma yin/ /zhes bya ba smras so/ /'dis ni chos mthun pa'i phyogs kyi dpe bstan to zhes bya bas ni tshig le'ur byas pa'i byed 'og ma 'dis ni mya ngan las 'das pa dngos po ma yin par sgrub pa'i chos mthun pa'i phyogs kyi dpe ni dngos po 'dus byas ma yin pa 'ga' yang med pa'i sgo nas nam mkha' i me tog lta bu 'dus byas ma yin pa dpe nyid du bstan to/ /de nyid kyi tshad ma bstan pa'i phyir/ de'i phyir rjes su dpag pa ni mya ngan las 'das pa ni dngos po ma yin te/ 'dus byas ma yin pa'i phyir dper na nam mkha' i me tog bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na nam mkha' i me tog ni 'dus byas ma yin pa'i phyir dngos po ma yin pa de bzhin du mya ngan las 'das pa yang 'dus ma byas pa'i phyir dngos po ma yin no/ /da ni mya ngan las 'das pa dngos po yin na brten nas gdags par bya ba yin par thal bar 'gyur bas dngos po ma yin par bsgrub pa bstan pa'i phyir/ yang na sbyor ba'i lam gzhan yang yod de/ gal te mya ngan 'das dngos na/ /ji ltar myang 'das de brten min/ /dngos
- 298b
po ni brten nas gdags par bya ba nyid med na mi 'byung ba'i phyir ro zhes bya bar dgongs so zhes bya ba smras so/ /'dis ni mya ngan las 'das pa'i chos ni brten nas gdags par bya ba nyid ma yin pa nyid bstan to/ /zhes bya ba ni tshig le'ur byas pa'i phyogs gong ma 'dis ni mya ngan las 'das pa dngos po ma yin par bsgrub pa'i chos gtan tshigs ni brten nas gdags par bya ba nyid ma yin par bstan to/ /ci'i phyir dngos po yin na brten nas gdags par bya ba nyid yin par 'gyur zhe na/ de'i 'thad pa bstan pa'i phyir/ de nyid kyi phyir bshad pa/ dngos po brten pa ma yin pa/ /'ga' yang yod pa ma yin no/ /gang ma brten par yod pa'i dngos po ni 'ga' yang med do zhes bya ba smras so/ /'dis ni chos mthun pa'i phyogs kyi dpe bstan to/ /zhes bya bas ni tshig le'ur byas pa'i phyir 'og ma 'dis ni mya ngan las 'das pa dngos po ma yin par bsgrub pa'i chos 'thun pa'i phyogs kyi dpe ni dngos po brten nas gdags par bya ba ma yin pa 'ga' yang med pa'i sgo nas ri bong gi rwa lta bu brten nas gdags par bya ba nyid ma yin pa dpe de nyid du bstan to/ /de nyid kyi tshad ma bstan pa'i phyir/ de'i rjes su dpag pa ni mya ngan las 'das pa ni dngos po ma yin te/ brten nas gdags bar bya ba nyid ma yin pa'i phyir/ dper na ri bong gi rwa bzhin no zhes bya ba smras te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ri bong gi rwa ni brten nas gdags par bya ba nyid ma yin pa'i phyir dngos po ma yin pa de bzhin du mya ngan las 'das pa yang brten nas gdags par bya ba nyid ma yin pa'i phyir dngos po yang ma yin no/ /de ltar re zhig mya ngan las 'das pa dngos po yin par 'dod pa dag gi gzhung
- 299a
ji ltar mi 'thad pa de ltar brtag pa bstan to/ /da ni mya ngan las 'das pa dngos po med pa yin par 'dod pa dag gi gzhung ji ltar mi 'thad pa de ltar brtag par bya ste/ de'i phyir gos dmar sde gang dag mya ngan las 'das pa mar me shi ba bzhin no zhes bya ba smra ba dang/ mdo sde pa dag skye ba med pa tsam la mya ngan las 'das par tha snyad 'dogs pa de dag gi phyir bshad pa/ gal te mya ngan 'das dngos min/ /dngos med ji ltar rung par 'gyur/ /gal te mya ngan las 'das pa dngos po med pa yin na dngos po med pa rdzas su med pa'i rnam grangs la bye brag tu smra ba la sogs pas brtags pa don dam pa'i dge ba dang nyon mongs pa nye bar zhi ba'i mtshan nyid dag ji ltar rung bar 'gyur te/ dngos po med pa la nam mkha' i me tog bzhin du dge ba nyid la sogs pa dag mi 'thad pa'i phyir dang/ mya ngan las 'das pa rdzas su med pa'i ngo bo nyid yin pa ston pa'i rjes su dpag pa med pa'i phyir mya ngan las 'das pa dngos po med pa ma yin no/ /zhes bya bar dgongs so zhes bya ba smras te/ des ni gos dmar sde dag gi gzhung las/ ji ltar mar me shi ba bzhin/ /sa la mi 'gro mkha' la min/ /phyogs su mi 'gro phyogs mtshams min/ / mar zad nyi tshe shi 'gyur ltar/ /sangs rgyas mya ngan 'das pa yang/ /sa la mi 'gro mkha' la min/ /phyogs su mi 'gro phyos mtshams min/ /sred zad nyi tshes 'da' bar 'gyur/ /zhes smra zhing mya ngan las 'das pa mar me shi ba bzhin du dngos po med pa yin par 'dod pa dang/ mdo sde pa dag nyon mongs pa dang/ ming dang gzugs skye ba med pa tsam la mya ngan las 'das par tha snyad gdags kyi mya ngan las 'das pa zhes bya ba nyid ni dngos po med pa yin no
- 299b
zhes zer bas de dag gi phyir 'di bshad de/ gal te mya ngan las 'das pa dngos po med pa yin na/ dngos po med pa rdzas su med pa'i rnam grangs la bye brag tu smra ba la sogs pas brtags pa mya ngan las 'das pa ni don dam pa'i dge ba dang nyon mongs pa nye bar zhi pa'i mtshan nyid rnam par grol ba'i bde ba chen po yin no/ /zhes bya ba'i lung de dag ji ltar rung bar 'gyur te/ mya ngan las 'das pa dngos po med pa yin par smr ba dag lung de dag mi 'thad pa'i gnod pa yod pa'i phyir/ mya ngan las 'das pa rdzas su med pa'i ngo bo nyid yin par ston pa'i rjes su dpag pa med pa'i phyir mya ngan las 'das pa dngos po med pa ma yin no zhes bya bar dgongs so zhes bstan to/ /yang gzhan yang ji skad bstan pa'i sgrub pa/ gang la mya ngan 'das dngos min/ /de la dngos med yod ma yin/ /mar me'i dpes mar me ni/ /dngos po nyid yin par 'jig rten la grags te/ phyis med pa'i phyir ro zhes bya bas ni gos dmar sde gang dag mya ngan las 'das pa mar me shi ba bzhi no zhes zer ba'i sgrub pa ji skad bstan pa des na/ de dag gi phyos la mya ngan las 'das pa dngos po la brten pa yin pas/ de la dngos po med pa yod pa m yin te/ mar me'i dpes mar me ni phyis shi ba na med par gyur pa'i phyir ma shi ba'i dus na dngos po nyid yin par 'jig rten la grags pas de dngos po med pa ma yin pa de bzhin du mya ngan las 'das pa yang dngos po med pa ma yin pa de bzhin du mya ngan las 'das pa yang dngos po med pa ma yin par bstan to/ /gal te 'dir gos dmar sde dag 'di skad ces kho bo cag gis mya ngan las 'das pa'i dpe mar me las blangs pa des mar me dngos po yod pa bzhin du mya ngan las 'das pa dngos po yod par ma smras kyi mar me shi ba dngos po med pa bzhin du mya ngan las
- 300a
'das pa dngos bo med par smras pas des na mar me shi ba bzhin du mya ngan las 'das pa dngos po med pa yin par grub bo zhes zer ba'i phyogs snga ma khong nas dbyung ba de'i lan du 'dir bstan bcos mdzad pas yang gzhan yang/ gal te mya ngan 'das dngos min/ /ji ltar myang 'das de rten min/ /mar me dngos po med pa brten nas gdags pa ni/ brten nas gdags par bya ba nyid yin pa'i phyir ro zhes bya bar dgongs so zhes bshad de/ mya ngan las 'das pa mar me shi ba bzhin du dngos po med pa yin na brten nas gdags par bya ba yin par thal bar 'gyur ro/ /dper na mar me shi ba dngos po med pa ni dngos po la brten nas gdags par bya ba nyid yin pa de bzhin du mya ngan las 'das pa dngos po med pa la gang dngos po la brten nas gdags par bya ba nyid thal bas de lta na mya ngan las 'das pa brten nas gdags par bya ba nyid ma yin pa'i lung dang 'gal lo zhes bya bar dgongs so/ /ci'i phyir dngos po med pa yin na brten nas gdags par bya ba nyid yin par 'gyur zhe na/ de'i 'thad pa bstan pa'i phyir/ de nyid kyi phyir bshad pa/ gang zhig brten pa ma yin pa'i/ /dngos med yod pa ma yin no/ /gang ma brten par yod pa'i dngos po med pa ni 'ga' yang med do zhes bya ba smras te/ 'dir yang rjes su dpag pa ni mya ngan las 'das pa ni dngos po med pa ma yin te/ brten nas gdags par bya ba nyid ma yin pa'i phyir/ dper na ri bong gi rwa bzhin no zhes bya bar sbyar ro/ /'dir gal te pha rol po dag 'di skad ces sangs rgyas par gtogs pa thams cad kyis mya ngan las 'das pa 'dod par bya ba yin na de khyod kyi dngos po dang dngos po med pa'i tshul gnyis gar bsal
- 300b
pas de'i phyir/ khyod la khas blangs pa la gnod pa'i skyon du 'gyur ro zhes zer ba'i phyogs snga ma khong nas dbyung ba de'i lan du/ 'dir bstan bcos mdzad pas/ gang gi phyir de ltar ji skad bstan pa'i tshul gyis don dam par mya ngan las 'das pa dngos po dang dngos po med pa ma yin pa de'i phyir/ 'ong ba dang ni 'gro ba'i dngos/ /brten tam rgyur byas gang yin pa/ /de ni rten min rgyur byas min/ /mya ngan 'das pa yin par bstan/ /'ong ba dang 'go ba'i dngos po brtan nas 'byung ba dang rgyu byas nas gdags pa gang yin pa de dag brten nas 'byung ba dang/ rgyur byas nas gdags pa med pa ni tha snyad du mya ngan las 'das pa yin par bstan pas/ don dam par mya ngan las 'das pa dngos po dang dngos po ma yin pa nyid du bkag kyang khas blangs pa la gnod pa'i skabs med do zhes bya ba smras te/ 'dis ni kun rdzob tu 'ong ba dang 'gro ba'i dngos po brten nas 'byung ba dang/ rgyur byas nas gdags pa gang yin pa de ni 'khor ba yin la/ 'khor ba de nyid brten nas 'byung pa dang rgyur byas nas gdags pa med pa ni mya ngan las 'das ba yin par bstan pas don dam par mya ngan las 'das pa dngos po dang dngos po ma yin pa nyid du bkag kyang kho bo cag la khas blangs ba la gnod pa'i skabs med do/ /zhes bstan te/ /de la 'ong ba ni skye ba yin/ 'gro ba ni 'gag pa yin te/ skye ba dang 'ga' pa'i dngos po de yang rkyen 'ga' zhig la brten nas 'byung ba dang/ nye bar len pa 'ga' zhig rgyur byas nas gdags pa yin pa de ni 'khor ba zhes bya ste/ 'di ltar 'du byed kyi tshogs rkyen 'ga' zhig la brten te/ nye bar len pa 'ga' zhig rgyur byas nas 'gro ba lnga'i 'khor bar 'ong ba dang 'gro ba'i tshul gyis 'khor lo'i rnam pa bzhin du skye ba dang 'gag par 'gyur ba ni 'khor ba yin pa'i phyir ro//
- 301a
de nyid rkyen la ma brten tam nye bar len pa rgyur ma byas pas 'gro ba lnga'i 'khor bar 'ong ba dang 'gro ba'i tshul gyis 'khor lo'i rnam pa bzhin du skye ba dang 'gag par mi 'gyur ba 'di mya ngan las 'das pa yin no// de ltar dbu ma pa kun rdzob kyi tha snyad du 'khor ba dang mya ngan las 'das pa gnyi ga yod par khas len pas don dam par mya ngan las 'das pa dngos po dang dngos po med pa gnyi ga ma yin par bkag tu zin kyang khas blangs pa la gnod pa'i skyon du 'gyur ba med do zhes bya bar sbyar ro/ /da ni sngar pha rol po dag na re dngos po rnams ngo bo nyid yod na nyon mongs pa spang pa dang/ phung po 'gag pas mya ngan las 'das pa rnam pa gnyis 'thob par 'gyur bas ngo bo nyid yod par smra ba la mya ngan las 'das pa 'thob pa yod do zhes zer ba de nyid dgag pa'i phyir/ yang gzhan yang/ 'byung ba dang 'jig pa dang/ spang par ston pas bka' stsal to/ /zhes bya ba smras te/ 'byung ba ni srid par 'khor ba yin la 'jig pa ni nyon mongs pa spang ba dang/ phung po 'gag pas mya ngan las 'das pa yin pas de gnyi ga yang dngos po dang dngos po med pa'i mthar lta ba yin pa'i phyir spang bar ston pas bka' stsal te/ dngos po'i mtshan nyid kyi nyon mongs pa spang pa dang/ phung po 'gag pas dngos po'i mtshan nyid kyi mya ngan las 'das pa 'thob par bya ba yang med la/ dngos po med pa'i mtshan nyid kyi nyon mongs pa spang pa dang/ phung po 'gag pas dngos po med pa'i mtshan nyid kyi mya ngan las 'das pa 'thob par bya ba yang med do zhes bka' stsal to/ /de nyid kyi khungs bstan pa'i phyir/ mdo sde las/ ji skad du gang dag 'byung ba 'am/ 'jig pas srid pa las nges par 'byung ba yongs su 'tshol bar
- 301b
byed pa de dag gi de ni yongs su mi shes pa yin no/ /zhes gsungs pa lta bu'o/ /zhes bya ba smras so/ /de phyir mya ngan 'das pa ni/ /dngos min dngos med min par rigs/ /zhes pa ni mjug bsdu ba yin te/ de ltar bcom ldan 'das nyid kyis mya ngan las 'das pa rnam pa gnyi gar dgag pa mdzad pas/ de'i phyir/ mya ngan las 'das pa ni dngos po yang ma yin la/ dngos po med pa yang ma yin par rigs pas khas blangs pa la gnad par yang mi 'gyur ro/ /gal te 'byung ba ni spang bar bya ba nyid kyis sun dbyung bar bya ba yin pa'i phyir dngos po nyid 'gag pa mi rigs so zhe na zhes bya ba pha rol po dag na re 'byung ba ni srid par 'khor ba ste/ de ni spang bar bya ba nyid kyis sun dbyun bar bya ba yin pa'i phyir dngos po nyid yin pas dngos po de dngos po med par dgag pa mi rigs so zhes zer ba'i tshig yin no/ /de'i lan du 'gral pa byed pa nyid kyis 'byung ba yang dngos po'i bdag nyid yin pa'i phyir skyon med do zhes bya ba smras te/ 'byung ba yang 'khor pa'i dngos po'i bdag nyid yin pa'i phyir de ni ngo bo nyid med pa nyid kyis spong du med cing sun dbyung du med pa'i phyir de dngos po nyid ma yin par bkag pa la skyon med do/ /re zhig de dag gis ni mya ngan las 'das pa dngos po yin par 'dod pa dang/ dngos po med pa yin par 'dod pa dag ji ltar mi 'thad pa de ltar brtag pa bstan to/ /de ni mu stegs 'os pa pa dag gi gzhung las mya ngan las 'das pa ni dngos po dang dngos po med pa gnyi ga'i bdag nyid yin par 'dod pa'i gzhung dgag par bya ste/ de la re zhig de dag gi phyogs snga ma bstan pa'i phyir dang/ gzhan dag gis smras pa/ thar pa ni dngos po yang yin la dngos po med pa yang yin pa gnyi ga'i bdag nyid yin pa'i phyir skyon med do zhes bya ba smras te/ de ni mu stegs 'os pa pa dag na re thar pa ni
- 302a
'jig rten 'dus pa zhes bya ba grub pa'i zhing gi mtshan nyid yin pas yod la/ de la srog gi tshig gi don nges par gnas pa'i phyir dngos po yang yin la 'khor ba'i sdug bsngal rgyun chad pas dngos po thams cad med pa yang yin te/ ji skad du/ rgyal bas gsungs pa'i thar pa 'tsho byed pa/ /rgya sbos dri ma med ba'i mdog dang ni/ /'o ma mu tig ba mo'i mdog 'dra zhing/ /dbyibs ni gdugs zlum bkan pa lta bu yin zhes bshad pa lta bu ste/ de'i don ni thar pa 'jig rten 'dus pa zhes bya ba grub pa'i zhing gi mtshan nyid 'jig rten thams cad kyi steng na gnas pa de'i kha dog ni rgya spos kyi me tog dang/ 'o ma dang/ mu tig dang/ kha ba'i mdog 'dra la dbyibs ni gdugs zlum po bkang pa ltar 'dug pa yin te/ de la srog gi tshig gi don nges par gnas pas dngos po yang yin la 'khor ba'i sdug bsngal chad bad dngos po med pa yang yin pas gnyi ga'i bdag nyid yin pa'i phyir khyed dbu ma bas dngos po dang dngos po med pa bkag pa'i skyon kho bo cag gi phyogs la med do zhes zer ba'i tshig yin no/ /de skad ces zer ba de dag gi gzhung yang ji ltar mi 'thad ba de ltar brtag par bya ste/ de'i phyir 'di bshad de/ gal te mya ngan 'das pa ni/ dngos dang dngos med gnyis yin na/ /dngos dang dngos po med pa dag /thar pa 'gyur ba de mi rigs/ /dgag pa mi mthun pa'i phyir te/ gal te dngos po yin na ji ltar dngos po med pa yin/ ji ste dngos po med pa yin na ni dngos po zhes bya ba ma yin no zhes bya ba smras te/ tshig le'ur byas pa'i phyed gong mas ni pha rol po'i gzhung brnan pa bstan la phyed 'og mas ni de mi 'thad bar sun dbyung ba bstan te/ gal te
- 302b
mya ngan las 'das pa dngos po dngos po med pa gnyi ga yin na dngos po dang dngos po med pa mi mthun pa de dag thar ba 'jig rten 'dus pa zhes bya ba grub pa'i zhing gi mtshan nyid yin par 'gyur ba de mi rigs te/ khyod phyed ni yod la phyed ni med bar 'dod bas de lta na khyod kyi thar pa kha dog dkar po dbyibs zlum po de yang phyed med pas phyed dkar phyed gnag dang zla gam lta bur 'gyur la khyod gyi srog gi don nges par gnas pa de yang phyed yod phyed med bas phyed shi phyed gson par 'gyur zhing khyod kyi 'khor ba'i sdug bsgnal rgyun chad pa de yang phyed yod phyed med pas phyed sdug phyed skyid par 'gyur bs de lta bu'i thar ba de ni yod par mi rigs so/ /ji ste yang bltos pa'i dbang gis dngos po dang dngos po med pa'i mtshan nyid yin te/ lus dang dbang po dang blo med pa'i phyir dngos po med pa yin la/ bde ba la bzlar med pa gtan du ba dang ldan pa'i phyir dngos po yin no zhe na zhes bya ba ni 'os pa pa dag na re mya ngan las 'das pa ni ji skad smos pa de gnyis bltos pa'i dbang gis dngos po dang dngos po med pa gnyi ga'i mtshan nyid yin no zhes zer ba'i tshig yin no/ /de'i lan du 'grel pa byed pa nyid kyis de ni bzang po ma yin te/ lus la sogs pa'i skye ba bkag ba kho nas de dag med pa bkag ba'i phyir dang bde ba la bzlar med pa gtan du ba yang 'dus byas kyi skye ba bkag pa kho nas bkag pa'i phyir dang bde ba 'dus ma byas yod pa nyid du ston pa'i rjes su dpag pa med pa'i phyir de ni rigs pa ma yin no zhes bya ba smras te/ don dam par skye ba bkag pa'i phyir bltos pa snga ma gnyis mi 'grub pa'i phyir dang/ bde ba 'dus ma byas yod pa nyid du ston pa'i rjes su dpag pa khyed la med pa'i phyir de yang rigs pa ma yin no lhag ma ni snga ma bzhin no/ /zhes bya ba ni mya ngan las 'das pa dngos po dang dngos po med pa gnyi ga'i
- 303a
bdag nyid yin par 'dod pa dgag pa'i 'thad pa lhag ma ni sngar dngos por 'dod pa dang/ dngos po med par 'dod pa dgag pa'i phyogs su bstan pa'i skyon gnyi gar 'gyur ro zhes bya bar sbyar ro/ /de yang 'di ltar sbyar te/ mya ngan 'das pa dngos po min/ /rga shi'i mtshan nyid thal bar 'gyur/ /rga dang 'chi ba med pa yi/ /dngos po yod pa ma yin no/ /gal te mya ngan 'das dngos na/ /mya ngan 'das pa 'dus byas 'gyur/ /dngos po 'dus byas ma yin pa/ /'ga' yang ji ltar yod ma yin/ /gal te mya ngan 'das dngos ni/ /ji ltar myang 'das de rten min /dngos po brten pa ma yin pa/ /'ga' yang yod pa ma yin no zhes bshad pa'i tshul gyis 'os pa pa dag gi mthar 'jig rten 'dus pa zhes bya ba grub pa'i zhing gi mtshan nyid srog chig gi don nges par gnas pa de dngos po yin na rga shi'i mtshan nyid can dang/ 'dus byas dang rten nas gdags par bya ba nyid yin par thal bar 'gyur ro/ /gal te mya ngan 'das dngos min/ /dngos med ji ltar rung bar 'gyur/ /gang la mya ngan 'das dngos yin/ /de la dngos med yod ma yin/ /gal te mya ngan 'das dngos min/ /ji ltar myang 'das de rten min/ /gang zhig brten pa ma yin pa'i/ / dngos med yod pa ma yin no/ /zhes bshad pa'i tshul gyi sa 'os pa pa dag gi thar pa 'jig rten 'dus pa zhes bya ba grub pa'i zhing gi mtshan nyid 'khor ba'i sdug bsngal rgyun chad pa de dngos po med pa yin na de la don dam pa'i dge ba dang nyon mongs pa nye bar zhi ba'i mtshan nyid dag mi rung ba dang/ dngos po med pa mi rung ba dang/ brtan nas gdags par bya ba nyid yin par thal bar 'gyur ro zhes bya bar sbyar ro/ /da ni 'os pa pa dag gi mya ngan las 'ds pa
- 303b
dngos po dang dngos po med pa gnyi ga'i bdag nyid yin na brten nas gdags par bya ba nyid yin par thal bar 'gyur bar bstan pa'i phyir/ yang gzhan yang gal te mya ngan 'das pa ni/ /dngos dang dngos med gnyis yin na/ /mya ngan 'das ba ma brten min/ /'o na ci zhe na/ brtan pa yin par 'gyur te/ 'di ltar/ de ni gnyis la brten phyir ro/ /dngos po dang dngos po med pa'i mtshan nyid gnyis la brten pa'i phyir ro/ /mya ngan ldas 'das pa gnyis la brten par ni mi 'dod do/ rnam pa de lta bu yod par bstan dka' ba'i phyir ro zhes bya bar dgongs so/ /zhes bya ba smras so/ /de na bos? pa pa dag gi mya ngan las 'das pa dngos po dang dngos po med pa gnyi ga'i bdag nyid yin na/ 'dus byas dang 'dus ma byas kyi mtshan nyid mi mthun pa gnyis 'gal pas mi rung bar bstan pa'i phyir/ yang gzhan yang/ gal te mya ngan 'das pa ni/ /dngos dang dngos med gnyis yin na/ /mya ngan 'das pa 'dus ma byas/ /dngos dang dngos med 'dus byas yin/ /de ltar na 'dis ni mya ngan las 'das pa'i chos ni dngos po dang dngos po med pa'i mtshan nyid las gzhan yin par ston to/ /gang zhig gang las mtshan nyid gzhan yin pa de ni de'i bdag nyid yin par mi rigs te/ me chu'i mtshan nyid las gzhan yin pa de chu'i bdag nyid ma yin pa bzhin no zhes bya bar dgongs so/ /zhes bya ba smras so/ /gzhan dag gis smras pa/ gang la dngos po dang dngos po med pa dag yod pa de dag mya ngan las 'das pa yin gyi dngos po dang dngos po med pa'i bdag nyid ni ma yin te/ gcig la mi mthun pa'i bdag nyid gnyis med pa'i phyir ro/ /zhes bya bas ni/ mya ngan las 'das pa ni ngo bo nyid du yod par smra ba dag na re/ gzhi gang la dngos po dang dngos po med pa dag yod pa'i gzhi
- 304a
de mya ngan las 'das pa yin no zhes zer ba'i tshig yin no/ /de yang mi 'thad pas/ de dgag ba'i phyir bshad pa/ gal te mya ngan 'das pa la/ /dngos dang dngos med gnyis yod na/ /khyed kyi tshul gyis so/ /de gnyis ni mi mthun pa yin pas mi mthun pa gnyis gcig la yod par mi rigs pas/ de'i phyir bshad pa/ de gnyis gcig la yod min te/ /snang ba dang ni mun pa bzhin/ /de'i phyir de yang rigs pa ma yin no zhes bya ba smras so/ /brgal zhing brtag pa mtshungs pa'i yang phyir te/ gang la dngos po dan dngos po med pa dag yod de/ ji dngos po la 'am 'on te dngos po med pa la de gnyi ga yang sngar bstan pa'i tshul gyis rigs pa ma yin pas de yang snying po ma yin no/ /zhes bya bas ni gzhi gang la dngos po dang dngos po med pa dag yod pa'i gzhi de mya ngan las 'das pa yin par 'dod na/ de nyid dngos po zhig gam 'on te dngos po med pa zhi yin/ gal te dngos po yin na ni mya ngan las 'das pa rga shi'i mtshan nyid can dang/ 'dus byas dang brten nas bdags par bya ba nyid du 'gyur la/ dngos po med pa yin na ni don dam pa'i dge ba dang nyon mongs pa nye bar zhi ba'i mtshan nyid dag mi rung ba dang/ dngos po med pa mi rung ba dang/ brten nas gdags par bya ba nyid yin par 'gyur ro/ /zhes brgal zhing brtag pa snga ma dang mtshungs pa'i phyir de yang snying po ma yin no/ /de ltar bdag gis ni mya ngan las 'das pa dngos po dang dngos po med pa gnyi ga'i bdag nyid yin par 'dod pa dag ji ltar mi 'thad pa de ltar brtag pa bstan to/ /da ni mya ngan las 'das pa dngos po yang ma yin la dngos po med pa yang ma yin no zhes zer ba dag gis gzhung ji ltar mi 'thad pa de ltar brtag par bya ste/ de'i
- 304b
phyir gang dag mya ngan las 'das pa ni dngos po yang ma yin la dngos po med pa yang ma yin no zhes zer ba de dag gi phyir bshad pa/ dngos min dngos po med min pa/ /mya ngan 'das par gang ston pa/ /rab tu ston pa'o/ /dngos po med dang dngos po dag /grub na de ni 'grub par 'gyur/ /gnyi ga bkag pas dngos po yang ma yin/ dngos po med pa yang ma yin pa zhes brjod pa'i phyir dang/ dngos po dang dngos po med pa yod par ston pa'i rjes su dpag pa med pa'i phyir ro zhes bya ba smras te/ dngos po dang dngos po med pa gnyis grub na de gnyis bkag pas gnyis ga ma yin pa'i mya ngan las 'das pa de yang grub pa zhig na/ de gnyis yod par ston pa'i rjes su dpag pa med ba'i phyir/ mya ngan las 'das pa de yang mi 'grub bo zhes stan to/ /da ni dngos po dang dngos po med pa gnyi ga ma yin pa'i mya ngan las 'das pa de shes pa 'am/ brjod pa gang gis mngon par mkhyen pa'i she pa 'am/ brjod ba dag don dam par dgag pa sngar bstan zin pas mya ngan las 'das pa de yang mngon par byed pa med pa'i phyid yod pa ma yin no/ /zhes bstan pa'i phyir/ yang gzhan yang/ gal te mya ngan 'das pa ni/ /dngos min dngos po med min na/ /khyed 'dod pa ltar/ dngos min dngos po med min zhes/ /gang zhig gis ni de mngon byed/ /de mngon par byed pa'i shes pa 'am/ brjod pa dgag pa sngar bstan zin pa'i phyir ro/ /zhes bya bar dgongs so zhes bya ba smras so/ /da ni lung du ma bstan pa'i dngos po bcu bzhi'i tshul gyis mya ngan las 'das pa dngos po ma yin pa dang/ dngos po med pa ma yin par lung du ma bstan pa mya ngan las 'das pa dngos po yang ma yin la/ dngos po med pa yang ma yin pa de mngon par byed pa med pa'i
- 305a
phyir mya ngan las 'das pa de yod pa ma yin par bstan pa'i phyir/ yang gzhan yang/ bcom ldan mya ngan 'das gyur nas/ /yod par mi mngon de bzhin du/ /med do zhe 'am gnyi ga dang/ /gnyis min zhes kyang mi mngon no/ /de bzhin gshegs pa mya ngan las 'das nas yod pa dang/ med pa dang/ yod kyang yod la med kyang med pa dang/ yod pa yang ma yin med pa yang ma yin no zhes bya bar mi mngon no zhes bya ba smras te/ de ltar lung du ma bstan pa'i phyir ro/ /des ni phung po'i lhag ma med pa'i mya ngan las 'das pa dngos po yang ma yin la/ dngos po med pa yang ma yin par 'dod pa dgag pa bstan to/ /bcom ldan bzhugs par gyur na yang/ /yod par mi mngon de bzhin du/ /med do zhe 'am gnyi ga dang/ /gnyis min zhes kyang mi mngon no/ /de bzhin gshegs pa bzhugs na yang yod pa dang/ med pa dang/ yod kyang yod la med kyang med pa dang/ yod pa yang ma yin med pa yang ma yin no/ /zhes bya bar mi mngon no/ /zhes bya ba yang de ltar lung du ma bstan pa'i phyir te/ de ni phung po'i lhag ma dang bcas pa'i mya ngan las 'das pa dngos po yang ma yin la/ dngos po med pa yang ma yin par 'dod pa dgag pa bstan to/ /de ltar srog gang yin pa de lus yin pa dang/ srog kyang gzhan la lus kyang gzhan no zhes bya bar mi mngon no zhes bya ba'i bar gyi lung du ma bstan pa'i dngos po dag la de dag ma bkag pa kho na'i phyir mya ngan las 'das pa ma grub pas gtan tshigs kyi don ma grub pa nyid nyams ba med ngo/ /zhes bya ba ni mjug bsdu ba yin te/ lung du ma
- 305b
bstan pa'i dngos po bcu bzhi po dag de dag lung du ma bstan cing bkag pa kho na'i phyir mya ngan las 'das pa dngos po yang ma yin la/ dngos po med pa yang ma yin no zhes bya ba de mngon par byed pa med pas ma grub bo/ /de ltar mya ngan las 'das pa dngos po yin pa dang/ dngos po med pa yin pa dang/ gnyi ga yin pa dang/ gnyi ga ma yin par ma grub pas sngar pha rol po dag na re gal te 'du byed 'di dag mya ngan las 'da' bar 'dod na ni/ 'du byed de dag don dam par ngo bo nyid yod pa kho nar shes par bya ste/ nyon mongs pa spang ba dang/ ming dang gzugs 'gag pas mya ngan las 'das pa 'thob pa'i phyir ro zhes zer ba'i gtan tshigs kyi don ma grub pa nyid nyams pa med do/ /'dir smras pa/ don dam par mya ngan las 'das pa ni yod pa po ni yin te/ skye ba dang rga shis 'jig pa rnams de thob par bya ba'i phyir 'jug pa yod pa'i phyir ro/ /med pa la ni khyad par can rnams de thob par bya ba'i phyir 'jug pa ma mthong ste/ de yang na ru spal gyi spu bzhin no/ /mya ngan las 'das pa la ni de 'thob par bya ba'i phyir dang/ khyad par can rnams lam bsgom pa la 'jug pa yod pas de'i phyir don dam par mya ngan las 'das pa ni yod pa kho na yin no zhes bya bas ni pha rol po dag rnal 'byor pa rnams mya ngan las 'das pa 'thob par bya ba'i phyir lam bsgom pa pa 'jug cing 'khor ba ni spong/ mya ngan las 'das pa la ni len pas 'khor ba dang mya ngan las 'das pa khyad par yod pa'i gtan tshigs kyis don dam par mya ngan las 'das pa yod pa kho na yin te zhes zer ba'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/
- 306a
'di na du spal gyi spu lta bu med pa gang la khyad par can rnams de thob par bya ba'i phyir 'jug pa med pa de ni yod pa ma yin gyi mya ngan las 'das pa la ni rnal 'byor pa khyad par can rnams de thob par bya ba'i phyir lam bsgom pa la 'jug pa yod pa'i phyir don dam par mya ngan las 'das pa ni yod pa kho na yin no zhes zer ro/ /de skad ces zer ba de'i lan du/ 'grel pa byed pa nyid kyis 'dir bshad pa/ khyad par yod na ni gzhan gyis gzhan 'thob pa mthong ste/ dper na lag pas rkang pa slebs pa lta bu yin na kho bo cag gi phyogs la don dam par 'khor ba dang/ mya ngan las 'das pa dag la rnam pa de lta bu med pas mya ngan las 'das pa thob par bya ba'i phyir 'jug pa med do/ / zhes bya ba smras te/ don dam par 'khor ba dang mya ngan las 'das pa dag la khyad par med pas mya ngan las 'das pa thob par bya ba'i phyir 'jug pa med pas pha rol po dag gi gtan tshigs ma grub pa'i phyir don dam par mya ngan las 'das pa yod pa ma yin no zhes bstan to/ /de nyid bstan pa'i phyir ci'i phyir zhe na/ 'di lta ste/ 'khor ba mya ngan 'das pa las/ /khyad par cung zad yod ma yin/ /mya ngan 'das pa 'khor ba las/ /khyad par cung zad yod ma yin/ /dmigs su med par mnyam pa nyid kyis/ /gnyi ga yang dmigs su med pa'i phyir ro zhes bya bar dgongs so zhes bya ba smras so/ /ji ltar dmigs su med ce na/ de'i phyir ji ltar de dag brtags pa'i bdag nyid dmigs su med pa de ltar ni bstan zin pas zhes bya ba smras so/ /de'i phyir de thob par bya ba'i phyir 'jug pa yod pa'i phyir ro zhes bya ba'i gtan tshigs de'i don ma grub pa nyid dang don? 'gal ba nyid do zhes bya ba ni mjug bsdu ba yin no/ /mya ngan las 'das pa dang 'khor ba khyed par med
- 306b
pa'i 'thad pa nyid bstan pa'i phyir mya ngan las 'das pa dang 'khor ba dag khyad par med par bstan pa'i phyir bshad pa/ mya ngan 'das mdza' gang yin pa/ /de ni 'khor ba'i mdza' yin te/ /mdza' ni de bzhin nyid dang/ chos nyid dang/ stong pa nyid ces bya ba dag gi rnam grangs so/ /de gnyis khyad par cung zad ni/ /shin tu phra'ang yod ma yin/ /chos nyid dbyer med pa'i phyir te/ nam mkha' la phyogs kyi khyad par yod kyang mtshan nyid dbyer med pa bzhin no/ /zhes bya bar dgongS so zhes bya ba smras so/ /'dir smras pa/ stong pa nyid ni lta bar gyur pa thams cad las nges par 'byin pa yin par gsungs na khyed kyis mya ngan las 'das pa ngo bo nyid med pa nyid du bshad pas med pa ni lta ba'i gnyen po nyid yin par mi rung ngo/ /zhes bya ba ni pha rol po dag na re lung las/ mdor na chos ni mi 'tshe ste/ /mya ngan 'das pa stong pa nyid/ /'dir ni de nyid 'ba' zhig ces/ /de bzhin gshegs pa rnams kyis gsungs/ /zhes 'byung bas stong pa nyid ni mya ngan las 'das pa yin la/ de ni lta bar gyur pa thams cad las nges par 'byin pa yin par gsungs pa de ni yod pa kho na yin no zhes zer ba'i tshig yin no/ /de nyid kyi rjes su dpag pa bstan pa'i phyir/ de'i phyir mya ngan las 'das pa ni yod pa kho na yin te/ gnyen po yin pa'i phyir dper na snang ba bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na snang ba ni mun pa'i gnyen po yin pa'i phyir yod pa kho? na yin pa de bzhin du mya ngan las 'das pa yang lta bar gyur pa thams cad kyi gnyen po yin pa'i phyir/ yod pa kho na yin no zhes zer ro/ /de skad ces zer ba de'i lan du 'dir 'grel pa byed pa nyid kyis/ de ni bzang po ma yin te//
- 307a
don dam par mar me snang ba nyid dang/ dngos po nyid du ma grub pa'i phyir/ dpe med pas sgrub pa mtshang ba nyid yin no zhes bya ba smras te/ kho bo cag gis sngar mar me dag ni gang dag na/ /de 'dug pa na mun pa med ces bshad pa dang/ dngos po rnams kyi skye ba bkag pa nyid kyis snang ba mun pa'i gnyen por ma grub pa'i phyir khyed kyi sgrub pa la dpe ma mtshang ba nyid kyi skyon yod pas mi rung ngo/ /chos thams cad mi dmigs pa ni stong pa nyid yin la de yang dmigs pa'i gnyen po yin par brjod na dmigs par bya ba'i don dmigs su med na yul de la dmigs pa yang med do/ /zhes bya bas ni mya ngan las 'das pa ni stong pa nyid yin la de yang lta ba thams cad las nges par 'byin pa'i gnyen po yin par brjod pas de la de dmigs par bya ba dang/ dmigs par byed pa gnyi ga dmigs su med pa'i phyir bzung ba dang 'dzin pa'i ngo bo nyid du mngon par zhen par mi bya'o zhes bstan te/ des ni pha rol po dag gi dam bcas pa ma grub par bstan to/ /'dir gal te pha rol po dag 'di skad ces 'o na mya ngan las 'das pa stong pa nyid ces gsungs pa ste yod pa yin nam med pa yin zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis/ yod pa yang ma yin te/ ma skyes pa'i phyir/ dper na nam mkha' i me tog bzhin no/ /med pa yang ma yin te/ dgag pa sngar bstan zin pa'i phyir ro/ /zhes bya ba smras te/ stong pa nyid ni yod pa ma yin te ma skyes pa'i phyir/ dper na nam mkha' i me tog bzhin no zhes bya ba'i sgrub pa 'dis ni yod par lta ba dgag pa bstan te/ stong pa nyid ni med pa yang ma yin te/ dngos po bkag pas dngos po med par brjod pa yin na/ 'dir dngos
- 307b
po nyid dmigs su med pa yin pas de bkag pas dngos po med par bsgrub pa yang ma yin dbu ma pa ni med par dgag pa'i tshul ston pa yin gyi/ ma yin par dgag pa mi ston to/ /zhes dgag pa sngar bstan zin pa'i phyir des ni med par lta ba dgag pa bstan to/ /de lta bas na stong pa nyid la mngon par zhen pa ni rigs pa ma yin no zhes bya ba ni stong pa nyid la mdza' gnyis su mngon par zhen pa dgag pa'i mjug bsnga? ba yin no/ /de nyid kyis 'thad pa gzhan pa spyan pa'i phyir/ stong pa nyid du lta ba yang chos thams cad rnam pa thams cad du dmigs su med pa'i bgegs bsal ba'i phyir mkhas pa rnams spong bar byed do/ /mi mkhas pa rnams ni de nyid dngos po dang dngos po med pa las 'dzin par byed cing don med pa nyid sgrub par byed de zhes bya ba smras so/ /de nyid kyi khungs bstan pa'i phyir/ ji skad du 'od srungs gang stong pa nyid du lta ba de gsor mi rung bar ba smra'o/ /zhes gsungs pa lta bu'o zhes bya ba smras te/ 'phags pa dkon mchog brtsegs pa'i mdo las de skad gsungs/ /de'i phyir de ltar stong pa nyid ma grub pas gnyen po yin pa'i phyir zhes bya ba'i gtan tshigs kyi don ma grub pa nyid do/ /zhes bya ba ni mjug pa snga ba dang tshad ma'i 'bras bu yin te/ re zhig de dag gis ni sngar pha rol po dag gis mya ngan las 'das pa ni yod pa kho na yin te gnyen po yin pa'i phyir dper na snang ba bzhin no zhes smras pa'i dpe dang dam bcas pa dang/ gtan tshigs ma grub par rim bzhin du bstan to/ /da ni pha rol po dag na re stong pa nyid ni lta bar gyur pa thams cad las nges par 'byin pa yin par gsungs na/ khyed kyis mya ngan las 'das pa ngo bo nyid med pa nyid du bshad pas med pa ni lta ba'i gnyen po yin par mi rung ngo/ /zhes
- 308a
smras pa'i lta ba dag don dam par yod pa ma yin pas de dag gi gnyen po yang rigs pa ma yin no zhes bstan pa'i phyir/ yang na don dam par lta ba dag yod na ni de dag gi gnyen po yang rigs par 'gyur grang na / lta ba de dag yod pa ma yin pas de brtag pa'i phyir 'di bshad de/ 'gags par 'gyur dang mdza' sogs dang/ /rtag la sogs par lta ba dag /mya ngan 'das dang phyi mdza' dang/ /sngon gyi mdza' la brten pa yin/ zhes bya ba smras te// de bzhin gshegs pa 'gags par gyur nas yod pa la sogs par lta ba dang/ 'jig rten mdza' yod pa la sogs par lta ba dang/ 'jig rten rtag pa la sogs par lta ba de dag ni lta bar gyur ba'i rnam pa ste/ de dag kyang mya ngan las 'das pa dang/ phyi ma'i mdza' dang/ sngon gyi mdza' la brten pa yin pas/ ngo bo nyid las yod pa ma yin pa'i phyir/ de dag gi don stong pa nyid kyang yod pa ma yin no zhes bstan to/ /de nyid bye brag tu bshad pa bstan pa'i phyir/ 'gags par gyur pa ni de bzhin gshegs pa mya ngan las 'das nas yod pa dang med pa dang yod kyang yod la/ med kyang med pa dang/ yod pa yang ma yin med pa yang ma yin par lta ba'o/ /mdza' la sogs pa ni 'jig rten mdza' yod pa dang mdza' med pa dang/ mdza' yod kyang yod la mdza' med kyang med pa dang/ mdza' yod pa yang ma yin mdza' med pa yang ma yin par lta ba'o/ /rtag pa la sogs pa ni 'jig rten rtag pa dang mi rtag pa dang/ rtag kyang rtag la mi rtag kyang mi rtag pa dang rtag pa yang ma yin mi rtag pa yang ma yin par lta ba'o/ /lta ba de dag ni go rim bzhin du mya ngan las 'das pa dang/ phyi ma'i mdza' dang/ sngon gyi mdza' la rten pa yin pas ngo bo nyid las yod pa ma
- 308b
yin no zhes bya ba smras so/ /de ltar lta ba de dag ngo bo nyid las yod pa ma yin na ji ltar snang bar 'gyur zhe na/ de'i phyir log par rnam par rtog pa la goms pa'i bag chags kyi skyon gyis rnam par rtog pa dang rnam par brtags pa'i ngo bo nyid med pa nyid du bstan zin pas de'i phyir dngos po thams cad stong pa la/ mdza' yod ci zhig mdza' med ci/ /mdza' dang mdza' med ci zhig yin/ /mdza' min mdza' med min pa ci/ /de nyid ci zhig gzhan ci yin/ /rtag pa ci zhig mi rtag ci// rtag dang mi rtag gnyi ga ci/ /gnyi ga min pa 'ang ci zhig yin/ /rnam par brtag par bya ba'i dngos med na gzhi med pa de dag tu rnam par rtog pa med pa'i phyir ro/ /zhes bya bar dgongs so zhes bya ba smras so/ /de nyid kyi khungs bstan pa'i phyir/ de'i phyir mdo las kyang/ gang la rnam rtog yod min pa/ /de la rnam rtog ga la yod/ /rnam rtog rnam rtog zad gyur pa/ /brtan pa rnam par grol bar 'gyur zhes gsungs so zhes bya ba smras so/ /tha snyad pa'i gtan tshigs su rtogs na ni skyon snga ma bzhin no// zhes bya ba ni pha rol po dag gi gtan tshigs gnyen po yin pa'i phyir ro zhes bya ba de kun rdzob kyi gtan tshigs su rtogs na ni don 'gal ba nyid kyi skyon snga ma bzhin no/ /gzhan dag gis smras pa/ don dam par mya ngan las 'das pa ni yod pa kho na yin te/ de thob par bya ba'i phyir bcom ldan 'das kyis dbang po dang/ bsam pa dang/ mos pa dang/ dus dang yul la bltos pas chos bstan pa'i phyir/ de med na sgrub pa de mi 'thad de/ dper na ri bong gi rwa bzhin no/ /bcom ldan 'das kyis chos kyi phung po brgyad khri bzhi stong mya ngan las 'das pa thob par bya ba'i phyir/ spyad pa'i gnyen por bka' stsal pas de'i phyir de yod pas don dam par mya ngan las 'das pa yod pa kho na yin no/ /zhes bya bas ni pha rol po dag mya
- 309a
ngan las 'das pa thob par bya ba'i phyir bcom ldan 'das kyis sems can gyi dbang po dang bsam pa dang/ mos pa dang dus dang yul la bltos pas chos bstan pa yod pa'i gtan tshigs kyis mya ngan las 'das pa yod par sgrub pa'i gtan tshigs yin te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te/ 'di na ri bong gi rwa lta bu gang med pa de thob par bya ba'i phyir bcom ldan 'das kyis chos ma bstan pa de ni yod pa ma yin gyi/ mya ngan las 'das pa thob par bya ba'i phyir/ bcom ldan 'das kyis chos kyi phung po brgyad khri bzhi stong spyod pa rnam par sbyong ba'i gnyen por bka' stsal pas/ de'i phyir mya ngan las 'das pa ni yod pa kho na yin no zer ro/ /de skad ces zer ba de'i lan du 'dir 'grel pa byed pa nyid kyis/ de la 'dir gal te/ don dam par chos bstan pa'i phyir ro zhes bya bar gtan tshigs kyi don rtogs par 'dod na ni mi rung ste/ kho bo cag gi phyogs la/ dmigs pa thams cad nyer zhi zhing/ /spros pa nye bar zhi ba ste/ /sangs rgyas kyis ni gang du yang/ /su la'ang chos 'ga' ma bstan to/ /zhes bya ba smras te/ tshig le'ur byas pa'i phyed gong mas ni don dam pa'i mtshan nyid bstan la/ phyed 'og mas ni don dam par sangs rgyas kyis gnas skabs gang du yang gang zag su la'ang chos 'ga' yang ma bstan pas pha rol po dag gi gtan tshigs kyi don ma grub pha nyid du bstan to/ /de nyid bye brag tu bshad pa bstan pa'i phyir/ dmigs pa thams cad nye bar zhi ba ni dmigs par bya ba'i don med na yul med pa la dmigs
- 309b
pa med pa'i phyir dang/ 'dus byas yin pa'i phyir dmigs par bya ba bzhin du dmigs pa la sogs pa'i phyir ro/ /zhes bya ba la sogs ma smras te/ des ni ji ltar rnal 'byor spyod pa pa dag gis gang gi tshe kun brtags pa'i ngo bo nyid med pa'i phyir mi dmigs shing gzhan gyi dbang gi ngo bo nyid kyang rgyu mtshan du mi 'dzin pas yang dag par rjes su mi mthong ba de'i tshe/ dmigs pa thams cad nye bar zhi ba yin no zhes kun brtags pa'i mtshan nyid ngo bo nyid med par zad kyi gzhan gyi dbang gi mtshan nyid ni yod de/ de yang ji srid du gzhan gyi dbang la kun brtags kyi ngo bo nyid du mngon par zhen pa de srid du ni kun nas nyon mongs pa'i phyogs yin la/ gang gi tshe gzhan gyi dbang la kun brtags kyi ngo bo nyid du mngon par zhen pa med pa de'i tshe na ni rnam par byang ba'i phyogs yin te/ gzhan gyi dbang gi ngo bo nyid ga nas gyur pa 'gyur ba med pa yongs su grub pa dang/ phyin ci ma log par yongs su grub pa de bzhin nyid dang/ yang dag pa'i ye shes zhes bya pa don dam par yang yod par brtags pa dag gi gzhung dgag pa bstan te/ 'dir dbu ma pa dag gi phyogs la don dam par dmigs par bya ba'i yul dang/ dmigs par byed pa'i sems gnyis ga yang ngo bo nyid med pa yin la/ de dag kyang kun rdzob tu rten cing 'brel par 'byung pa'i tshul gyis 'dus byas yin pa'i phyir rkyen gzhan las 'byung bas rang gi ngo bo nyid las skye ba med pa'i phyir ji ltar dmigs par bya ba'i yul ngo bo nyid med pa bzhin du dmigs par byed pa'i sems kyang ngo bo ting med pas gzhan gyi dbang dang yongs su grub pa'i dmigs pa thams cad log par gyur pa ni dmigs pa thams cad nye bar zhi ba yin te/ de ni don dam pa'i bden pa mtshan nyid med pa'i mtshan nyid dang bral ba gnyis su
- 310a
med par brjod du med pa smra ba dang/ bsam pa las 'das pa skye ba med pas 'phags pa rnams kyis so so rang gi rig pa/ ma skyes pa dang ma 'gags pa/ /chos nyid mya ngan 'das dang mchungs/ /zhes bya ba yin par bstan to/ /spros pa nye bar zhi ba ni dmigs par bya ba'i don med pa kho na'i phyir yul de la brjod pa'i mtshan nyid ni spros pa mi 'jug pa'i phyir ro zhes bya bas ni dmigs pa thams cad nye bar zhi ba kho na'i phyir bsam gyis mi khyab pa'i dbyings de la yid la bya ba brjod pa dang/ tshig tu brjod pa'i mtshan nyid kyi spros pa mi mjug pa'i phyir spros pa nye bar zhi ba yin te/ de ni brjod par bya ba dang sems kyi spyod yul log pa'i don dam pa/ brjod par bya ba log pas te/ sems kyi spyod yul log pas so/ /zhes bya ba yin par bstan to/ /zhi ba ni gnod pa thams cad dang bral ba'i phyir ro/ /zhes bya bas ni las dang nyon mongs pa'i gnod pa ni rnam par rtog pa las 'byung la/ rnam par rtog pa ni spros pa las 'byung/ spros pa ni stong pa nyid kyis 'gag pas/ gang gi tshe brjod par bya ba dang/ sems kyi spyod yul log pas ma skyes pa dang/ ma 'gags pa'i chos nyid mya ngan las 'das pa dang mtshungs pa rtogs pa'i dus na gnod pa thams cad dang bral bar gyur pa ni zhi ba ste/ de nyid don dam pa'i mtshan nyid yin par bstan to/ /sangs rgyas kyis ni gang du yang/ /su la'ang chos 'ga' ma bstan to/ /zhes bya bas don dam par chos thams cad kun brtags pa'i bdag nyid du yongs su ma grub pa'i phyir dang brjod du med pa'i phyir ro zhes bya bas ni don dam par kun brtags kyi bdag nyid dang/ brjod pa'i bdag nyid med pa'i phyir/ don dam par sangs rgyas
- 310b
gyi gnas skabs gang duAng gang zags su la'ang chos 'ga' yang ma bstan pas pha rol po dag gi gtan tshigs kyi don ma grub pa nyid du bstan no/ /yang na/ sangs rgyas kyis ni gang du yang/ /su la'ang chos 'ga' ma bstan to zhes bya ba ni/ chos kyi de kho na ni rang rig par bya ba yin la brjod pa ni kun brtags pa'i spyi'i yul yin pas de'i phyir chos kyi de kho na de ni bstan par bya ba ma yin pa'i phyir ro zhes bya bas ni/ chos kyi de kho na ni rang rig par bya ba yin gyi/ kun brtags kyi brjod pas bstan par bya ba ma yin pa'i phyir don dam par sangs rgyas kyis gnas skabs gang du yang gang zag su la'ang chos 'ga' yang ma bstan pas/ pha rol po dag gi gtan tshigs kyi don ma grub pa nyid du bstan to/ /gal te bcom ldan 'das kyis chos 'ga' yang ma bstan na/ mdo sde la sogs pa theg pa gsum dang ldan pa 'di dgag las 'byung ste/ de'i phyir khas blangs pa la gnod par 'gyur ro zhes zer ba de'i lan du 'on kyang tha snyad kyi bden pa rnam par bzhag pa'i tshul du ni ston pas/ thams cad la phan gdags pa'i phyir bskal pa stong phrag dpag tu med par bsod nams dang ye shes kyi tshogs rab tu bsags pas nges par 'khrungs pa yid bzhin gyi nor bu gzugs sna tshogs dang ldan pa lta bu rnam par mi rtog pa la rtsol ba mi mnga' bar sems can rnams kyi bsam pa'i dbang gis theg pa gsum dang ldan pa'i gsung 'byung zhing/ de'i dbang gis nyan pa'i skye bo rnams ston pa bdag cag la chos ston to snyam du de la rnam par rmongs par yang 'gyur ro// zhes bya ba smras te/ kun rdzob tu ston pa'i khyad par dang gsung gi khyad par dang/ gdul ba'i khyad par las theg pa gsum dang ldan pa'i chos bstan pa yang yod do zhes bya bar sbyar ro/ /yang na/ sangs rgyas kyis gang du yang/ /su la'ang
- 311a
chos 'ga' ma bstan to zhes bya ba ni/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin/ /zhes bstan pa'i tshul gyis don dam par ston pa de bzhin gshegs pa zhes bya ba'i ngo bo nyid 'ga' yang med la gang du bstan par bya ba dang/ gang la bstan par bya ba dang gang bstan par bya ba yang med pas de ltar de dag rdzas su yod pa ma yin pa'i phyir ro/ /zhes bya bas ni sngar de bzhin gshegs pa brtag pa'i skabs su de skad bstan pa'i chul? gyis ston pa dang/ gnas skabs dang nyan pa dang/ chos dag ngo bo nyid med cing rdzas su yod pa ma yin pa'i phyir don dam par sangs rgyas kyis gnas skabs gang du yang/ gang zag su la'ang chos 'ga' yang ma bstan pas pha rol po dag gi gtan tshigs kyi don ma grub pa nyid du bstan to/ /yang na sangs rgyas kyis ni gang du yang/ /su la'ang chos 'ga' ma bstan to/ /zhes bya bas ni/ 'du byed rnams ni byed pa med pa yin la/ 'du byed kyi tshogs zag pa med pa/ sgrib pa gnyis slangs pa/ sangs rgyas kyi chos ma 'dres pa la sogs pa'i gzhir gyur pa ni sangs rgyas yin te/ de la ni bya ba byed pas ston par mi 'thad pa'i phyir dang gang la bstan par bya ba de yang 'du byed kyi tshogs g.yo ba med pa zag pa dang bcas pa dang/ zag pa med pa yin pas nyan pa dang 'dzin pa la sogs pa'i tha snyad med pas don dam par nyan pa dang 'dzin par byed pa med pa'i phyir dang/ gang du gang bstan par bya ba yang/ don dam par bong ba dang/ sprul pa lta bu yin pa'i phyir ro zhes bya bas ni 'du byed thams cad ni byed pa med pa yin la/ ston pa dang nyan pa dang gnas skabs dang chos dag kyang 'du byed kyi
- 311b
khyad par yin pa'i phyir/ don dam par sangs rgyas kyi gnas skabs gang du yang gang zag su la'ang chos 'ga' yang ma bstan pas/ pha rol po dag gi gtan tshigs kyi don ma grub pa nyid du bstan to/ /yang na/? sangs rgyas kyis ni gang du yang/? /su la'ang chos 'ga' ma bstan to/ /zhes bya ba ni sngon gyi smon lam gyi shugs kyi dbang dang/ byang chub sems dpa' i spyad pa spyod pa na bsdu pa'i dngos po bzhis bsdus pa'i sems can dge ba'i rtsa ba bskyed pa dang/ nye bar bsags pa dang yongs su smin par gyur pa rnams kyi rgyu'i mthu nyid las mos pa dang/ dbang po dang bsam pa'i dbang gis chos ston pa zhes bya ba'i gsung sbyin pa la sogs pa'i gzhir gyur pa/ yan lag drug cu dang ldan pa sems can thams cad yang dag par mgu bar mdzad pa/ de bzhin gshegs pa'i 'phrin las lta bur byung gi /de bzhin gshegs pa rtag tu mnyam par bzhag pa mdzad pa lhun gyis grub pa rtog pa dang spyod pa mi mnga' ba rnams la 'jug pa mi 'thad pa'i phyir ro zhes bya bas ni/ de bzhin gshegs pa'i sngon gyi smon lam dang/ sngon byang chub sems dpa' i spyad pa spyod pa na bsdu ba'i dngos po bzhis bsdus pa'i sems can yongs su smin pa rnams kyi rgyu'i mthu nyid las sems can gyi mos pa dang/ dbang po dang/ bsam pa'i dbang gis de bzhin gshegs pa'i gsung chos ston pa zhes bya ba phrin las lta bur byung bar zad kyi/ de bzhin gshegs pa rtag tu mnyam par bzhag pa la chos ston pa la sogs pa'i 'jug ba mi mnga' pa'i phyir? don dam par sangs rgyas kyi gnas skabs gang du yang gang zag su la yang chos 'ga' yang ma bstan pas pha rol po dag gi gtan tshigs kyi don ma grub pa nyis du bstan to/ /yang ma sangs rgyas kyis ni gang du yang/ /su la'ang chos
- 312a
'ga' ma bstan to/ /zhes bya ba ni bcom ldan 'das kyis sngon gyi drang srong rnams kyis gsungs pa nyid kyi chos rang gi mngon par shes pas mngon sum du mdzad nas yi ge lhag chad med par rjes su ston par mdzad de/ chos thams cad ni sngon gyi drang srong rnams kyis gsungs pa/ sangs rgyas snga ma rnams kyis gsungs pa nyid rjes su ston pa'i phyir ro/ /zhes bya bar dgongs so zhes bya bas ni/ sangs rgyas bcom ldan 'das rnams ni de bzhin gsungs pa yin pas sngon gyi drang srong de bzhin gshegs pa mar me mdzad la sogs pas gsungs pa nyid kyi chos rang gi mngon par shes pa mngon sum du mdzad nas yi ge lhag chad med par rjes su ston pa mdzad kyi/ de las gzhan du mi gsungs pa'i phyir/ don dam par sangs rgyas kyis gnas skabs gang du yang/ gang zag su la'ang chos 'ga' yang ma bstan pas/ pha rol po dag gi gtan tshigs kyi don ma grub pa nyid du bstan to/ /yang nang? sangs rgyas kyis ni gang du yang/ /su la'ang chos 'ga' ma bstan to/ /zhes don dam par chos rnams bdag nyid de dang de dag gis bstan du stong pa'i phyir chos 'ga' zhig shes pa rang gi mtshan nyid kyi yul can nam/ spyi'i mtshan nyid kyi yul can gyi ngo bo nyid gang gi bdag nyid kyis gzung bar bya ba'i chos de yang yod pa ma yin pa'i phyir te zhes bya bas ni don dam par chos rnams rang gi mtshan nyid dang spyi'i mtshan nyid kyi bdag nyid de dang de dag gis gtan du stong pa'i phyir rang gi mtshan nyid dam spyi'i mtshan nyid kyi chos gang zhig mngon sum gyi shes pa rang gi mtshan nyid kyi yul can nam rjes su dpag pa'i shes pa spyi'i mtshan nyid kyi yul can gang gi gzung bar yang yod pa ma yin
- 312b
pa'i phyir don dam par sangs rgyas kyis gnas skabs gang du yang gang zag su la'ang chos 'ga' yang ma bstan pas/ pha rol po dag gi gtan tshigs kyi don ma grub pa nyid du bstan to/ /de nyid kyi khungs bstan pa'i phyir/ ji skad du/ bcom ldan 'das de bzhin gshegs pas de bzhin gshegs pa mar me mdzad las blangs pa'i chos de ni 'ga' yang ma mchis te/ de ci'i slad du zhe na/ chos thams cad ni gzung du ma mchis shing/ brjod du ma mchis pa'i slad du'o// zhes gsungs pa lta bu'o zhes bya ba smras te/ 'phags pa rdo rje gcod pa'i mdo las de skad gsungs so// //bam po bdun cu drug pa/ /'dir mu stegs can ngan pa spobs pa rlom pa dngos po rnams kyi ngo bo nyid stong pa nyid rnam pa thams cad du gsal bar byed pa theg pa mchog gi tshul gyis pa dkong pa ngan g.yo'i rjes su 'jug pa dag gis rang gi grub pa'i mdza' i skyon bcab pa'i phyir smras pa zhes bya ba ni sngar dbu ma pas/ dmigs pa thams cad nyer? zhi zhing/ /spros pa nyer zhi zhi ba ste/ /sangs rgyas kyis ni gang du yang/ /su la'ang chos 'ga' ma bstan to/ /zhes bya ba dngos po rnams kyi ngo bo nyid stong pa nyid rnam pa thams cad du gsal bar byed pa theg pa mchog gi tshul bstan pa nges/ rang gi sde pa la sogs pa gzhan dag na re don dam par mya ngan las 'das pa ni yod pa kho na yin te/ de thob par bya ba'i phyir bcom ldan 'das kyis dbang po dang/ bsam pa dang/ mos pa dang/ dus dang yul bltos pas chos bstan pa'i phyir ro zhes zer ba'i gtan tshigs kyi don ma grub pa nyid du bstan pa dang/ 'dir mu stegs can ngan pa spobs po rlom pa dbu ma pa'i 'thad pa dngos po rnams kyi ngo bo nyid stong pa nyid rnam pa thams cad du gsal bar byed pa
- 313a
theg pa mchog gi tshul nges spa bkod ba dan g.yo'i rjes su 'jug pa dag gis 'di snyam du de ltar dbu ma pas rang gi sde pa mya ngan las 'das pa yod par 'dod pa dag gi sgrub pa yang sun phyung bas da 'dir bdag cag gis cung zad cig ma smras su zin na/ dbu ma pas bdag cag gi grub pa'i mdza' yang gdon mi za bar sun phyung bar 'gyur ro snyam pas spobs pa spa bkod pa ngan g.yo'i rjes su 'jug pa de dag gis rang gi grub pa'i mdza' i skyon bca ba pa'i phyir byung rgyal du 'di skad ces smras so/ /zhes bya bar sbyar ro/ /de'i phyir/ sangs rgyas rnam rtog med pa yi/ /theg pa chen po mi rung ste/ /gang phyir don dam sangs rgyas kyis/ /chos ni bstan par ma byas phyir/ /zhes bya ba smras te/ mu stegs can de dag 'di skad ces zer te/ sangs rgyas bcom ldan 'das zhes bya ba gal te rnam par rtog pa med pa yin na/ de'i bstan pa theg pa chen po zhes bya ba de yod par mi rung ste/ ci'i phyir zhe na/ 'di ltar khyed dbu ma pa'i tshul gyis/ dmigs pa thams cad nyer zhi zhing/ /spros pa nyer zhi zhi ba ste/ sangs rgyas kyis ni gang du yang/ /su la'ang chos 'ga' ma bstan to/ /zhes bshad pa don dam pa'i sangs rgyas kyis gnas skabs gang du yang gang zag su la yang chos 'ga' yang ma bstan pa'i phyir ro/ /de la khyed dbu ma pa 'di snyam du don dam pa'i sangs rgyas kyis chos bstan pas/ sangs rgyas rnam par rtog pa med pa'i bstan pa theg pa chen po yod par mi rung yang sprul ba'i sangs rgyas kyi chos bstan pas de'i bstan pa theg pa chen po yod par rung ngo snyam na/ de'i phyir/ sprul pa sangs rgyas kyi 'ang mi rung ste/ de la sems sogs med pa'i phyir/ de
- 313b
phyir sprul pa sangs rgyas min/ /des ni ches kyang bstan ma byas/ zhes bya ba smras te/ sprul pa'i sangs rgyas kyi bstan pa theg pa chen po yod par yang mi rung ste/ ci'i phyir zhe na/ 'di ltar de la sems la sogs pa med pa'i phyir sprul ba ni sangs rgyas kyang ma yin la/ des ches kyang ma bstan pa'i phyir ro/ /de la khyed dbu ma pa 'di snyam du don dam pa'i sangs rgyas rnam par mi rtog pa la rnam par mi rtog pa'i ye shes stong pa nyid thugs su chud pa dang/ thugs rje chen po sems can thams cad mi gtong ba mnga' bas/ shes rab dang snying rje'i dbang gis chos bstan pa'i theg pa chen po yod par rung ngo snyam na/ de'i phyir/ don dam du ni mi rtog pa'i/ /stong pa snying rje mi 'dod do/ /gang la snying rje byed pa yi? sems can med phyir sangs rgyas med/ /ces bya ba smras te/ don dam par ni rnam par mi rtog pa'i sangs rgyas la stong pa nyid rtogs pa'i ye shes dang snying rje yod par mi 'dod do/ /ci'i phyir zhe na/ 'di ltar gang la snying rje byed pa'i sems can med pa'i phyir stong pa nyid la snying rje yang med pa'i phyir dang gang rogs par bya ba'i chos kyang med pa'i phyir stong pa nyid la de rtogs pa'i sangs rgyas kyang med pa'i phyir ro/ /de la khyed dbu ma pa 'di snyam du sprul pa'i sangs rgyas kun rdzob tu snying rje yod la snying rje'i bzhi las bla na med pa'i byang chub kyi sems skye zhing chos thams cad rtogs par thugs su chud pa'i ye shes kyang yod par 'gyur ro snyam na/ de'i phyir/ gal te kun rdzob snying rje yod/ /smad 'tshong du bar byed dang 'dra/ /smad 'tshong rnams kyi dud mo gang/ /de ni kun rdzob snying nas min/ /zhes bya ba smras te/ gal te sprul pa'i sangs rgyas la kun rdzob tu snying rje yod na de ni bsam pa thag pa'i snying rje ma yin gyi/ smad 'tshed ma du bar byed
- 314a
pa'i snying rje dang 'dra bar 'gyur ro/ /ci'i phyir zhe na/ 'di ltar smad 'tshod ma rnams ni dud mo gang yin pa de ni kun rdzob tu 'phyon ma pa dag brid pa'i phyir sgyu bag byed pa yin gyi/ snying nas gcugs pas du ba ma yin pa'i phyir ro/ /stsogs pa'o zhes bya bas ni mu stegs can dag sangs rgyas thams cad mkhyen pa ma yin pa dang/ theg pa chen po med pa dang/ bden pa gnyis rnam par bzhag pa'i tshul gyis mi 'dod pa la sogs pa sangs rgyas la kha zer ba'i chig ca le co le rang gi grub pa'i mdza' las smra ba gzhan dag bsdu ste/ re zhig de dag ni stong pa nyid kyi mi mthun pa'i phyogs kyi khyad par gzhan yin bar sbyar ro/ /de skad ces zer ba de'i lan du 'dir 'grel pa byed pa nyid kyis/ de la 'dir don dam pa'i mtshan nyid med pas/ mtshan nyid gcig pa nyid kyis/ sangs rgyas kyang yod pa ma yin pa theg pa chen po yang yod pa ma yin te/ don dam par ni gnyis su med pa'i ye shes kyi spyod yul yin pa'i phyir/ kho bo cag gi tshul nyid smras par gyur to/ /zhes bya ba smras te/ 'dis ni bcom ldan 'das rnam par rtog pa mi mnga' ba la chos ston pa mi mnga' bar ston te/ 'di ltar kho bo cag gi gzhung las don dam pa'i mtshan nyid med pas mtshan nyid gcig pa nyid kyis/ don dam par sangs rgyas kyang yod pa ma yin la/ theg pa chen po yang yod pa ma yin te/ don dam pa ni gnyis su med pa'i ye shes kyi spyod yul yin pa'i phyir ro/ /don dam par sangs rgyas kyis gnas skabs gang du yang gang zag su la yang chos 'ga' yang ma bstan pas kho bo cag gi tshul de nyid kyis smras par gyur to/ /de bzhin gshegs pa'i sku rnam par mi rtog pa las kyang sprul pa'i sku thams cad la phan 'dogs par bzod pa/ gzhan la phan pa dang/
- 314b
bde ba sgrub pa'i thugs dam gyis yongs su bsgos pa nyid dang/ sngon gyi smon lam gyi shugs kyi dbang gis rnam pa thams cad du 'byung ste/ de la brten nas yi ge dang dag dang chig rjes su mthun pa'i mtshan nyid kyi gsung chos dang gang zag bdag med pa mu stegs byed dang/ nyan thos dang rang sangs rgyas thams cad dang thun mong ma yin pa gsal bar mdzad pa pha rol tu phyin pa rnams yang dag par 'grub pa'i phyir theg pa mchog gis 'gro ba rnams la nye bar 'byung ste/ de ni theg pa chen po zhes bya'o zhes bya bas ni/ de bzhin gshegs pa'i sku rnam par mi rtog pa las sbrul pa'i sku thugs dam dang/ smon lam gyi dbang gis byung ba de la brten nas yi ge dang ngag dang/ chig rjes su mthun pa'i mtshan nyid kyi gsung ji skad smos pa dag 'byung ba de ni theg pa chen po yin pas sprul pa'i sangs rgyas kyi stan pa thag pa chen po yod par bstan to/ /don dam pa'i sangs rgyas yod na bstan pa brjod pa'i gsung 'byung ba'i phyir ston pa yang bstan pa dag gi mdzad pa po nyid du 'dod pa kho na yin pas grags pa'i gnod pa yang med do/ /zhes bya bas ni don dam pa'i sangs rgyas rnam par mi rtog pa la brten nas sprul pa'i sku 'byung zhing de la bstan pa brjod pa'i gsung 'byung ba'i phyir/ sangs rgyas bcom ldan 'das rnams bstan pa dag gi mdzad pa po nyid du 'dod pas/ don dam par sangs rgyas kyi chos ma bstan kyang tha snyad du bstan pa yod pas grags pa'i gnod pa yang med par bstan to/ /ji ste yang la la 'di snyam du de bzhin gshegs pa'i bstan pa ni/ byed pa po de bzhin gshegs pa rnam par rtog pa can dang ldan pa yin te/ sgra'i mtshan nyid yin na/ gzhan gyi bsam pa'i dbang gis de 'byung ba'i phyir/ dper na nyan thos la sogs pa'i bstan pa bzhin no snyam du sems na zhes
- 315a
bya ba ni pha rol po dag na re de bzhin gshegs pa'i bstan pa ni byed pa po rnam par rtog pa can dang ldan pa yin pas/ sangs rgyas rnam par rtog pa med pa'i bstan pa theg pa chen po yod par mi rung ngo zhes zer ba'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na nyan thos la sogs pa'i bstan pa ni sgra'i mtshan nyid nyid yin na gzhan gyi bsam pa'i dbang gi de 'gyur ba'i phyir byed pa po nyan thos la sogs pa rnam par rtog pa can dang ldan pa yin pa de bzhin du/ de bzhin gshegs pa'i bstan pa yang sgra'i mtshan nyid nyid yin na/ gzhan gyi bsam pa'i dbang gis de 'byung ba'i phyir byed pa po de bzhin gshegs pa rnam par rtog pa can dang ldan pa yin no zhes zer ro/ /de skad ces zer ba de'i lan du 'dir 'grel pa byed pa nyid kyis/ de ni rigs pa ma yin te/ sprul pas bstan pa dag gis ma nges pa nyid yin pa'i phyir ro zhes bya ba smras te/ 'dis ni pha rol po dag gi gtan tshigs de ma nges pa nyid du bston te/ 'di na sprul pa dag gis bstan pa sgra'i mtshan nyid nyid yin na gzhan gyi bsam pa'i dbang gis de 'byung yang byed pa po rnam par rtog pa can ma yin pa dang ldan par mthong bas des na ji re zhig sgra'i mtshan nyid nyid yin na/ gzhan gyi bsam pa'i dbang gis de 'byung ba'i phyir/ dper na nyan thos la sogs pa'i bstan pa bzhin du de bzhin gshegs pa'i bstan pa ni byed pa po de bzhin gshegs pa rnam par rtog pa can dang ldan pa yin nam/ 'on te sgra'i mtshan nyid nyid yin na gzhan gyi bsam pa'i dbang gis de 'byung ba'i phyir/ dper na sprul pas bstan pa dag bzhin du de bzhin gshegs pa'i bstan pa byed pa po de bzhin
- 315b
gshegs pa rnam par rtog pa can ma yin pa dang ldan par gyur pa ma nges pa nyid yin pa'i phyir/ pha rol po dag gi sgrub pa de ni rigs pa ma yin no/ /'dis ni rnam par mi rtog pa la bstan pa mi rung ste/ rnam par mi rtog pa'i phyir dper na bong pa bzhin no /zhes rjes su dpog pa la yang skyon gyis lan btab pa yin no/ /zhes bya ba ni sprul pas bstan pa dag gis ma nges pa nyid bstan pa'i phyir ro zhes bya ba'i skabs 'dis ni gal te pha rol po dag 'di skad ces sangs rgyas rnam par mi rtog pa la bstan pa yod par mi rung ste/ rnam par mi rtog pa'i phyir dper na bong ba bzhin no zhes rjes su dpog pa la yang snga ma bzhin du ma nges pa'i skyon gyis lan btab pa yin dper na sprul pa bzhin du sangs rgyas rnam par mi rtog pa la yang bstan pa rung bar mthong bas/ des ni ji re zhig rnam par mi rtog pa'i phyir/ dper na sprul pa bzhin du sangs rgyas rnam par mi rtog pa la bstan pa rung bar 'gyur ram/ 'on te rnam par mi rtog pa'i phyir dper na bong ba bzhin du sangs rgyas rnam par mi rtog pa la bstan pa mi rung bar 'gyur ba ma nges pa nyid yin pa'i phyir/ pha rol po dag gi sgrub pa de yang rigs pa ma yin no/ /gtan tshigs kyi don rang la grub pa nyid kyang yin no/ /zhes bya bas ni pha rol po dag gi gtan tshigs rnam par mi rtog pa'i phyir zhes bya ba de pha rol po dag rang la ma grub ste/ pha rol po dag la sangs rgyas rnam par mi rtog pa ma grub pa'i phyir ro/ /gzhan gyi phyogs la grub pa gtan tshigs nyid yin pa'i phyir gtan tshigs kyi don grub pa nyid ma yin no zhes phyir zlog par byed na yang lan snga ma bzhin no zhes bya bas ni gal te pha rol po dag 'di skad ces kho bo cag rang gi phyogs la sangs rgyas rnam par mi rtog pa nyid du ma grub kyang khyed dbu ma pa'i phyogs la sangs rgyas rnam par
- 316a
mi rtog pa nyid du grub pa gtan tshigs nyid yin pa'i phyir/ kho bo cag gi gtan tshig kyi don ma grub pa nyid ma yin te/ rang la gtan tshigs ma grub pas kyang 'dod pa'i don ston par byed de/ gzhan gyi phyogs la grub pa'i phyir phyogs gnyi ga la grags pa'i chos bzhin no zhes phyir zlog par byed na yang/ de'i lan ni sngar bdag dang chos brtag pa'i skabs su gzhan gyi phyogs 'ba' zhig la grags pa'i phyogs kyi chos kis ni bsgrub par bya ba'i don bsgrub mi nus par nges par bzung ste/ gang yang rung ba la ma grub pa'i phyir/ gzhan gyi phyogs la ma grub pa bzhin pas/ rjes su dpag pa 'gal bas zlog pa'i phyir gtan tshigs kyi don ma grub pa nyid nyams pa med do zhes bstan pa yin no/ /sprul pa'i sangs rgyas ni don dam par sangs rgyas las gzhan nyid du brjod par bya ba ma yin pa'i phyir tha snyad pa'i sangs rgyas nyid zlog par mi byed do zhes bya bas ni pha rol po dag na de don dam pa'i sangs rgyas kyis chos bstan pa ma byas pa'i phyir theg pa chen po mi rung ngo zhes gang smras pa de yang sprul pa'i sangs rgyas ni don dam pa'i sangs rgyas las gzhan nyid du brjod par bya ba ma yin pa'i phyir don dam pa'i sangs rgyas kyis sprul pa'i sangs rgyas kyi chos bstan par bzlog par mi byed de/ 'di ltar kun rdzob tu bcom ldan 'das kyis sprul pa'i skus sems can gyi don mdzad pa'i phyir ro/ /des bstan pa yang zlog par mi byed de/ don dam par sangs rgyas ni gsung gi rgyu yin pa'i phyir dang tha snyad du mdzad pa po nyid du gyur pa'i phyir ro/ /zhes bya bas ni don dam pa'i sangs rgyas de tha snyad du chos bstan pa yang zlog par mi byed de/ chos kyi sku ni gsung mi rgyu
- 316b
yin pa'i phyir dang/ tha snyad du chos ston pa'i mdzad pa po nyid du grub pa'i phyir ro zhes ston to/ /re zhig de dag gis ni sngar pha rol po dag gis/ sangs rgyas rnam rtog med pa yi/ /theg pa chen po mi rung ste/ /gad phyir don bam sangs rgyas kyis/ /chos ni bstan pa ma byas phyir/ /sprul sangs rgyas kyi'ang mi rung ste/ /de la sems la sogs med phyir/ /de phyir sprl pa'ang sangs rgyas min/ /nges ni chos kyang bstan ma byas/ /zhes smras pa'i sgrub pa dag sun dbyung ba ci rigs par bstan to/ /da ni sngar pha rol po dag gis/ don dam du ni mi rtog pa'i /stong la snying rje mi 'dod do/ /gang la snying rje byed pa yi/ /sems can med phyir sangs rgyas med/ /gal te kun rdzob snying rje yod/ /smad 'tshong du bar byed dang 'dra/ /smad 'tshong rnams kyi dud mo gang/ /de ni kun rdzob snying nas min/ /zhes smras pa'i sgrub pa dag sun dbyung ba ci rigs par bstan par bya ste/ de'i phyir/ don dam par ni de bzhin gshegs pa la spros pa mi mnga' ba'i phyir/ de bzhin gshegs ba thugs rje mi mnga' ba 'am/ thugs rje dang ldan pa'o zhes bya bar rnam par rtog pa'i spros pa mi mnga' ba'i phyir dang/ thugs rje dang thugs rje'i gnas sems can med pa'i phyir thugs rje yang yod pa ma yin la/ de dang ldan pa yang yod pa ma yin pas/ 'di yang kho bo cag gi tshul nyid gsal bar byed pa yin no/ /zhes bya ba smras te/ des ni don dam par de bzhin gshegs pa la spros pa mi mnga' ba'i phyir/ thugs rje dang sems can dmigs su med pa'i phyir/ khyed na re/ don dam par rnam par mi rtog pa'i sangs rgyas la stong pa nyid rtogs pa'i ye shes dang/ thugs rje yod par mi 'dod do zhes zer ba de kho bo cag gi tshul gsal bar byed pa yin no/ /zhes bstan to /kun rdzob tu ni kho bo cag la sems can dang thugs rje yang
- 317a
yod pas/ gzhi de las bcom ldan 'das kyang yod de de'i dbang gis sems can la phan pa dang bde ba rnam pa sna tshogs sgrub pa'i thugs dam bzhes pa yin par 'dod do/ /zhes bya bas ni kun rdzob tu sprul pa'i sangs rgyas la bsam pa thag pa nas sems can la dgongs pa'i thugs rje mnga' bar bstan to/ /de la thugs rje ni gzhan sdug bsngal bas thugs thag pa nas sdug bsngal bar gyur pa'i mtshan nyid de/ dper na ma bu la byams pa bu cig po la ji lta pa bzhin du sangs rgyas dang/ byang chub sems dpa' rnams kyang sems can thams cad la de bzhin no/ /zhes bya bas ni thugs rje'i mtshan nyid bstan to/ /gal te smad 'tshong ma la yod par gyur na yang de la mi dgar ci yod ces bya bas ni khyed na re gal te sprul pa'i sangs rgyas la kun rdzob tu snying rje yod na ni bsam pa thag pa'i snying rje ma yin gyi/ smad 'tshong ma du bar byed pa'i snying rje dang 'dra bar 'gyur ro zhes zer na/ de bzhin gshegs pa'i thugs rje ni de lta bu ma yin te / gzhan sdug bsngal bas thugs thag pa nas sdug bsngal bar gyur pa'i mtshan nyid de/ gal te kun rdzob tu smad 'tshong ma la snying rje de lta bu yod par gyur na yang/ de la khyed mi dgar ci yod/ de kun rdzob tu thugs rje mda' ba smad du mi rung ngo zhes bstan to/ /de lta mod kyi spu'i khung bu dang nam mkha' i khams dag mtshan nyid 'drar zin kyang khyad par shin tu che ba bzhin bcom ldan 'das kyi thugs rje yang smad 'tshod ma'i dud mo lta bu ma yin te/ bskal pa stong phrag dpag tu med pa nas yongs su bsgoms pa nyid kyis rab kyi mthar phyin par gyur pa'i phyir dang/ sems can gyi khams ma lus pa la khyab pa'i phyir ro/ /zhes bya bas ni kun rdzob tu de bzhin gshegs pa'i thugs rje dang smad 'tshong ma'i
- 317b
dud mo'i mtshan nyid tha dad par bstan to/ /ji ste bcom ldan 'das kyi thugs rje'i mtshan nyid ji skad bstan pa de smad 'tshong ma la med na ni 'o na bcom ldan 'das kyi thugs rje ni smad 'tshod ma'i dud mo dang 'dra ste/ gal te kun rdzob snying rje yod/ smad 'tshong du bar byed dang 'dra/ /zhes smras pa de ni rigs pa ma yin no zhes bya bas ni/ byung rgyal du kha na ma tho ba dang bcas pa'i tshig tshogs par dbyung ba ma yin pa smras pa de rigs pa ma yin no zhes bstan to/ /gal te sangs rgyas kyi thugs rjes ni thugs thag pa ma yin te/ kun rdzob pa yin pa'i phyir dper na smad 'tshong ma'i dud mo bzhin no zhe na zhes bya bas ni pha rol po dag sangs rgyas kyi thugs rje kun rdzob pa yin pa'i gtan tshigs kyi thugs thag pa ma yin te/ smad 'tshong ma'i dud mo gzhin no zhes sgrub pa'i tshig yin no/ /de'i lan du 'grel pa nyid kyis de ni bzang po ma yin te/ bu la byams pa la sogs pa'i snying rje dag gis ma nges pa nyid yin pa'i phyir ro zhes bya ba smras te/ des ni pha rol po dag gis gtan tshigs kun rdzob pa yin pa'i phyir zhes bya ba de'i don ma nges pa nyid du ston te/ 'di na ma bu la byams pa la sogs pa'i snying rje dag kun rdzob pa yin yang bsam pa thag pa yin par mthong bas/ des na ci re zhig kun rdzob pa yin pa'i phyir ma bu la byams pa la sogs pa'i snying rje dag bzhin du sangs rgyas kyi thugs rje thugs thag pa yin par 'gyur ram/ 'on te kun rdzob pa yin par? phyir/ dper na smad 'tshong ma'i dud mo bzhin du sangs rgyas kyi thugs rje thugs thag pa ma yin par 'gyur pa ma nges pa nyid yin pa'i phyir/ pha rol po dag gi sgrub ba de ni bzang po ma yin no/ /de'i phyir mu stegs can dag ni rab tu zhe sdang ba'i sgregs pa'i dri da ba'i tshig kun tu brjod pa na/ rang gi bsam pa'i bdag nyid ngan pa nyid du
- 318a
ston par byed pa yin no zhes bya bas ni mu stegs can ngan pa spobs pa spa bkod pa ngan g.yo'i rjes su 'jug bdag gis rang gi grub pa'i mdza' i skyon bcab pa'i phyir kha na ma tho ba dang bcas pa'i tshig? smras pa'i nyes dmigs bstan to/ /'dir nyan thos kyi theg pa pa dag na re theg pa chen po ni sangs rgyas kyi bka' ma yin te/ sde pa bco brgyad kyi khongs su ma gtogs pa'i phyir dper na grangs can la sogs pa'i bstan pa bzhin no zhes zer pa'i gtan tshigs de'i don kyang ma grub pa nyid yin te/ 'di ltar dge 'dun phal chen sde nyid kyi sde snod kyi gzhi chen po zhes bya ba'i khongs su theg pa chen po 'di yang gtogs te/ des na sa bcu pa'i mdo dang pha rol tu phyin pa'i mtshan nyid dag 'byung ba'i phyir dang/ dge 'dun phal chen sde nyid kyi shar gyi ri bo'i sde dang nub kyi ri bo'i sde dag las kyang 'phral skad du/ shes rab kyi pha rol tu phyin pa la sogs pa theg pa chen po'i mdo dag 'byung ba'i phyir ro/ /gzhan yang sde ba thams cad kyi sde snod gsum po dag gcig gis gcig la mi snang ste/ 'di ltar kha cig la ni dge slong nad pa la dus ma yin pa'i zas gnang ba snang la/ /ba cig la ni mi snang ba dang/ kha cig la ni dus ma yin par bu ram zer gnang ba snang la kha cig la mi snang ba dang/ kha cig la ni mtshan mo bsnyen par ma rdzogs pa dang/ gnas gcig na lhan cig nyal ba snang ba la/ kha cig la mi snang ba de dag ji ltar sangs rgyas kyi bka' nyid ma yin par 'gyur/ mdo sde dang chos mngon pa yang kha cig la ni 'das pa dang/ ma 'ongs pa dang/ nam mkha' dang/ de bzhin nyid dang/ so sor brtags pa dang/ ma brtags pa dang/ 'gog pa dag yod par 'dod la kha cig la ni med par 'dod
- 318b
pa dang/ kha cig la ni de la gang zag bdag med pa nyid snang la kha cig la ni mi snang ba de dag ji ltar sangs rgyas kyi bka' nyid ma yin par 'gyur/ gzhan yang theg pa chen po 'di ni de bzhin gshegs pa shAkya thub pa nyon mongs pa'i sgrib pa dang shes bya'i sgrib pa bag chags dang bcas pa ma lus par drungs phyung bshes bya mdza' dag thugs su chud pa'i zhal gyi pad+ma nas nges par byung ba yin par gzung bar bya ste/ sde pa bzhi po dag gi khongs su gtogs par 'byung ba nyid du kho bos brjod pa'i phyir ro/ dper na 'phags pa'i lam yan lag brgyad pa bzhin te/ ji ltar 'phags pa'i lam yan lag brgyad pa ni sde pa bzhi po dag gi khongs su gtogs par 'byung ba nyid du kho bos brjod pa'i phyir sangs rgyas kyi gsung rab yin pa de bzhin du theg pa chen po yang sde pa bzhi po dag gi khongs su gtogs par 'byung ba nyid du kho bos brjod pa'i phyir/ sangs rgyas kyi bka' yin no/ /gzhan yang dge 'dun phal chen sde pa dag gi 'jig rten 'das smra sde'i sde snod kyi gzhi chen po las theg pa chen po'i ma mo dang/ sa bcu pa'i mdo la sogs pa phal cher 'byung ste/ de dag sangs rgyas kyi bka' ma yin na sde pa bzhi po dag gi khongs su mi gtogs shing/ sde pa dag kyang dper na rang bzhin dang skyes bu dang/ de kho na nyi shu rtsa lnga dag bzhin du klog par mi 'gyur ba zhig na de lta ma yin pas/ theg pa chen po sangs rgyas kyi bka' yin no/ /gzhan yang gang gi phyir gang zag gnyis la phyag bya ste/ de bzhin gshegs pa dang/ dge slong tshes rgan pa la'o zhes 'byung bas / byang chub sems dpa' ni phyag bya ba'i 'os pa ma yin no zhes gang smras pa de yang rigs pa ma yin te/ 'di ltar lnga pa dag skyon med pa la zhugs pas dge slong nyid yin pa de bzhin du byang chub sems dpa' rnams kyang sa rab tu dga' ba
- 319a
la sogs pa thob cing skyon med pa la zhugs pa nyid kyi dge slong nyid yin pa'i phyir ro/ /gzhan yang bcom ldan 'das kyis/ rgyan gyis brgyan kyang chos la spyod 'gyur zhing/ /zhi zhing dul la legs sdom? tshangs spyod la/ /'byung po kun la dbyug pa spangs gyur na/ /de ni bram ze dge sbyong dge slong yin/ /zhes kyang gsungs so/ /gzhan yang sde snod kyi gzhi chen po de nyid las byang chub sems dpa' sa brgyad pa la zhugs pa ni de bzhin gshegs pa bzhin du mchod pas mchod par bya zhing/ de bzhin gshegs pa bzhin du phyag bya bar 'os pa yin no zhes kyang 'byung ngo zhar la bshad pas chog go /rnal 'byor pa dag gis smras pa/ dmigs pa thams cad nyer zhi zhing/ /spros pa nyer zhi zhi ba ste/ /sangs rgyas kyis ni gang du yang/ /su la'ang chos 'ga' ma bstan to/ /zhes bya ba ni bden na de rtogs par bya ba'i thabs gzhan gyi dbang la skur pa 'debs pa de ni mi rung ste/ zhes bya ba ni 'dir rnal 'byor spyod pa dag na re lung las dmigs pa thams cad nye bar zhi ba zhes bya ba la sogs pa'i tshigs su bcad pa bka' stsal pa de ni bden na/ khyed dbu ma pas de rtogs par bya ba'i thabs gzhan gyi dbang gis mtshan nyid la skur pa btab pa de ni mi rung ste/ 'di ltar dmigs pa thams cad nye bar zhi ba zhes bya ba ni yongs su grub pa'i ngo bo nyid rtogs na byis pa rnams kyis kun brtags pa'i dmigs pa thams cad nye bar zhi ba yin te/ dmigs pa thams cad nye bar zhi ba de rtogs par bya ba'i thabs ni gang la gzhan gyi dbang gi ngo bo nyid yod pa de kun brtags pa'i ngo bo nyid dang bral zhing rnam par dag pa na yongs su grub pa'i ngo bo nyid du gyur pa ni dmigs
- 319b
pa thams cad nye bar zhi ba yin pa gang la gzhan gyi dbang gi ngo bo nyid med pa de la gang zhig dag pas yongs su grub par 'gyur te/ de bas na dmigs pa thams cad nye bar zhi ba de rtogs par bya ba'i thab gzhan gyi dbang la skur pa 'debs pa de ni mi rung ngo zhes zer ba'i tshig yin no/ /de ni rung na/ 'o na ji lta bu zhe na/ ngo bo nyid gsum shes par bya/ /dang po kun tu brtags pa yin/ /gnyis pa gzhan gyi dbang yin te/ /tha ma yongs su grub pa yin/ /mtshan nyid de bzhin skye ba dang/ /don dam ngo bo nyid med pas// ngo bo nyid ni gsum po dag /ngo bo nyid nyid med nyid du 'dod ces bya ba smras te/ theg pa chen po 'di la rnal 'byor spyod pa pa'i lugs kyis ngo bo nyid gsum po yod par shes par bya ste/ dang po ni kun brtags pa'i ngo bo nyid yin/ gnyis pa ni gzhan gyi dbang gi ngo bo nyid yin/ tha ma ni yongs su grub pa'i ngo bo nyid yin no/ /ngo bo nyid gsum po de dag kyang chos lngas bsdus te/ ming dang/ rgyu mtshan dang/ rnam par rtog pa dang/ yang dag pa'i ye shes dang/ de bzhin nyid kyis so/ /de la kun brtags pa'i ngo bo nyid ni ming gis bsdus la/ gzhan gyi dbang gi ngo bo nyid ni rgyu mtshan dang/ rnam par rtog pas bsdus/ yongs su gub pa'i ngo bo nyid ni yang dag pa'i ye shes dang/ de bzhin nyid kyis bsdus so/ /ngo bo nyid gsum po de dag kyang ngo bo nyid med pa nyid gsum gyis go rim bzhin du ngo bo nyid med pa nyid yin te/ kun brtags pa'i ngo bo nyid ni mtshan nyid ngo bo nyid med pa nyid kyis ngo bo nyid med pa nyid yin la/ gzhan gyi dbang gi ngo bo nyid ni skye ba ngo bo nyid med pa nyid kyis ngo bo nyid med pa nyid yin/ yongs su grub pa'i ngo bo nyid ni don dam pa ngo bo nyid med pa nyid kyis ngo bo nyid med pa nyid yin no/ /de la mtshan nyid ngo bo nyid med pa nyid kyis ngo bo nyid med pa nyid ni kun brtags pa'i ngo bo nyid ces bya ba chos rnams kyi ngo bo nyid dang/ khyad par du ming
- 320a
dang brdar sgro btags pa gang yin pa de ni ming dang brdar sgro btags par zad kyi/ ji ltar snang ba de ltar yod pa ma yin pas mtshan nyid ngo bo nyid med pa nyid kyis ngo bo nyid med do/ /skye ba ngo bo nyid med pa nyid kyis ngo bo nyid med pa nyid ni gzhan gyi dbang gi ngo bo nyid ces bya ba chos rnams kyi rten cing 'brel par 'byung ba'i ngo bo nyid kun nas nyon mongs pa dang/ rnam par byang ba'i gzhi gang yin pa de ni rkyen gzhan las skye ba yin pas rang gi ngo bo nyid las skye ba med ba'i phyir skye ba ngo bo nyid med ba nyid kyis ngo bo nyid med do/ /don dam par ngo bo nyid med pa nyid kyis ngo bo nyid med pa nyid ni yongs su grub pa'i ngo bo nyid ces bya ba chos rnams kyi de bzhin nyid gang yin pa de ni don dam pa yang yin pas/ ngo bo nyid med pa yang yin pa dang/ de la don dam pa'i ngo bo nyid med pas don dam pa'i ngo bo nyid med pa nyid kyis ngo bo nyid med do/ /de ltar ngo bo nyid gsum po dag ngo bo nyid med pa nyid gsum po dag gis go rim bzhin du ngo bo nyid med pa nyid yin pas ngo bo nyid thams cad ngo bo nyid med pa nyid thams cad kyis ngo bo nyid med pa nyid ma yin te/ kun brtags pa'i ngo bo nyid ni mtshan nyid ngo bo nyid med pa nyid kyis/ rnam pa thams cad du med pa'i phyir mi dmigs shing/ gzhan gyi dbang gis ngo bo nyid ni skye ba ngo bo nyid med pa nyid kyis ngo bo nyid med du zin kyang rnam par rtog pa dang/ 'du byed kyi rgyu mtshan kun nas nyon mongs pa dang/ rnam par byang ba'i gnas skabs gnyi gar yod pa ma yin pas/ gang gi tshe de la kun brtags pa'i ngo bo nyid du mngon par zhen pa de'i tshe na ni/ dmigs pa thams cad nye bar ma zhi bas kun nas nyon mongs par 'gyur la gang gi tshe de la kun brtags ba'i
- 320b
ngo bo nyid du mngon par zhen pa med pa'i tshe na ni/ dmigs pa thams cad nye bar zhi ba yin pas rnam par byang bar 'gyur zhing yongs su grub pa'i ngo bo nyid rtogs pas rab tu phye bar 'gyur ba med pa dang/ phyin ci ma log pas yongs su grub pa de bzhin nyid dang/ yang dag pa'i ye shes 'phags pa so so rang gis rig pa'i ngo bo nyid du don dam par yod pa nyid yin na/ dbu ma pas de rtogs par bya ba'i thabs gzhan gyi dbang gis ngo bo nyid de/ med par bshad pa mi rung ngo/ /de nyid bye brag tu bshad pa bstan pa'i phyir/ de la gang gi tshe kun brtags pa'i ngo bo nyid med pa'i phyir/ mi dmigs shing/ gzhan gyi dbang gi ngo bo nyid kyang rgyu mtshan dumi 'dzin pas yang dag par rjes su mi gtong ba de'i tshe na dmigs pa thams cad nye bar zhi ba yin no/ / zhes bya ba smras te/ gang gi tshe rnal 'byor pa rnam kyis kun brtags pa'i ngo bo nyid ni nam mkha' i me tog bzhin du med pa'i phyir mi dmigs shing/ gzhan gyi dbang gi ngo bo nyid kyang kun brtags pa'i ngo bo nyid kyi rgyu mtshan du mi 'dzin pas de la kun brtags pa'i ngo bo nyid du mngon par zhen pa med pa'i tshul gyis yang dag par rjes su mi mthong ba de'i tshe na/ yongs su grub pa'i ngo bo nyid rtogs pa yin pas de ni dmigs pa thams cad nye bar zhi ba yin te/ don dam par yod pa yin no zhes zer ro// de skad ces zer ba de'i lan du 'dir 'grel pa byed pa nyid de dag dang lhan cig tu 'di dpyad par bya ste/ zhes bya ba smras te/ ji ngo bo nyid gsum po dag bstan pa kho nas dmigs pa thams cad nye bar zhi ba zhes bya bar 'gyur ram/ 'on te rten cing 'brel par 'byung ba'i tshul gyis bden pa gnyis rnam par bzhag pas don dam par dngos po thams cad ngo bo nyid med pa nyid kyis dmigs pa thams cad nye bar zhi ba zhes bya bar 'gyur ba 'di rigs pa dang lung dag gis dpyad par
- 321a
bya'o zhes ston to/ /de la 'dir rnal 'byor spyod pa pa dag 'dod pa'i ngo bo nyid gsum po dag gi mtshan ni gang yin/ de dag ngo bo nyid med pa nyid gsum po dag gis ni ji ltar ngo bo nyid med par brtag par bya ste/ de la re zhig brtag pa dang po bstan pa'i phyir/ de la kun brtags pa'i ngo bo nyid ces bya ba de gang yin/ de mtshan nyid ngo bo nyid med pa nyid kyis ngo bo nyid med pa ni ji lta bu yin zhes bya ba smras so/ /gal te kun brtags pa'i ngo bo nyid ni chos rnams kyi ngo bo nyid dang khyad par la sogs par tha snyad pa'i rnam par rtog pa gang yin pa ste/ 'di lta ste ngo bo nyid du rnam par rtog pa ni gzugs dang tshor ba zhes bya ba la sogs par rnam par rtog pa'o /khyad par du rnam par rtog pa ni bstan du yod pa dang/ bstan du med pa zhes bya ba la sogs par rnam par rtog pa'o/ /zhes bya bas ni rnal 'byor spyod pa pa dag gis kun brtags pa'i ngo bo nyid kyi mtshan nyid bstan pa yin te/ de la ngo bo nyid du rnam par rtog pa ni gzugs dang/ tshor ba dang/ 'du shes dang/ 'du byed dang/ rnam par shes pa'i mtshan nyid ni gzugs su rung ba dang/ myong bar byed pa dang/ mtshan mar 'dzin pa dang/ mngon par 'du byed pa dang/ rnam par shes par byed pa'o/ /sa dang chu dang me dang rlung gi mtshan nyid ni sra ba dang/ gsher ba dang/ tsha ba dang/ yang zhing g.yo ba'o/ /zhes bya ba la sogs par ming dang brdar tha snyad 'dogs pa dang/ rnam par rtog pa gang yin pa'o/ /khyad par du rnam par rtog pa ni gzugs ni bstan du yod pa dang bstan du med pa dang/ thogs pa dang bcas pa dang thogs pa med pa'o/ /tshor ba ni bde ba dang/ sdug bsngal dang/ sdug bsngal yang ma yin bde ba yang ma yin pa'o/ /'du shes ni chung du dang/ chen po dang/ tshad med
- 321b
par gyur pa'o/ /'du byed ni sems dang mtshungs par ldan pa dang ldan pa ma yin pa'o/ /rnam par shes pa ni nye bar gnas pa las byung ba dang/ tshor ba dang/ nges pa'o zhes bya ba la sogs par ming dang brdar tha snyad 'dogs pa dang rnam par rtog pa gang yin pa'o/ /ngo bo nyid dang khyad par du rnam par rtog pa de gnyi ga la gzhan gyi dbang gis bskyed pa'i 'du byed kyi rgyu mtshan dang/ rnam par rtog pa kun nas nyon mongs pa dang/ rnam par byang ba pa'i yul la glo bur du sgro 'dogs pa'i ngo bo nyid de/ de ni kun brtags pa'i mtshan nyid yin no/ /de mtshan nyid ngo bo nyid med pa nyid kyis ngo bo nyid med pa ni rgyu mtshan la sogs pa lnga po dag gi longs su ma gtogs pa'i phyir ro/ /zhes bya bas ni rnal 'byor spyod pa pa dag gis kun brtags pa'i ngo bo nyid de/ mtshan nyid ngo bo nyid med pa nyid kyis ngo bo nyid med pa nyid ji lta bu yin par bstan pa ste/ kun brtags pa'i ngo bo nyid de ni gzugs la sogs pa yul lnga po dag gi rgyu mtshan yid du 'ong ba dang/ yid du mi 'ong ba la sogs pa gang dag yin pa'i rgyu mtshan de dag la mtshan mar mi 'dzin cing yul gyi ngo bo nyid du mi dmigs pa dang/ mngon rtags su mi 'dzin cing/ yul gyi khyad par du mi dmigs pa na de ltar yul gyi ngo bo nyid dang/ khyad par la mtshan ma dang/ mngon rtags su mi 'dzin pas yul mi dmigs pa'i phyir de dag la 'dzin pa 'jug pa'i rnam par shes pa rnams mi skye ba ni rgyu mtshan la sogs lnga po dag gi khongs su ma gtogs pa zhes bya ste/ de'i phyir mtshan nyid ngo bo nyid med pa nyid yin no/ /yang na rgyu mtshan la sogs pa lnga po dag gi khongs su ma gtogs pa zhes bya ba ni chos lnga po rgyu mtshan dang/ ming dang/ rnam par rtogs pa dang yang dag pa'i ye shes dang/ de gzhin nyid ces bya ba dag las kun brtags
- 322a
pa'i ngo bo nyid ni ming gis bsdus pa yin yang mtshan nyid ngo bo nyid med pa nyid kyis ngo bo nyid med pa'i phyir ming nyid rgyu mtshan la sogs pa gang gi khongs su yang ma gtogs pa bzhin kun brtags pa'i ngo bo nyid kyang rgyu mtshan la sogs pa chos lnga po dag gis khongs su ma gtogs pa'i phyir mtshan nyid ngo bo nyid med pa nyid kyis ngo bo nyid med pa yin no zhes kyang bshad do/ /de ltar kun brtags pa'i ngo bo nyid de mtshan nyid ngo bo nyid med pa nyid kyis ngo bo nyid med pa yin na des ji ltar kun nas nyon mongs par 'gyur zhe na/ de'i phyir/ de de ltar yod pa ma yin yang ming don la 'jug pa las kun nas nyon mongs par 'gyur te zhes bya ba smras te/ ming zhes bya ba ni sgras gzugs la sogs pa brjod par byed pa dang/ bum pa la sogs pa brjod par byed pa dang/ ming la sogs pa brjod par byed pa'o/ /don ni gzugs la sogs pa dang bum pa la sogs pa dang mi la sogs pa'o/ /ming don la 'jug pa ni gzugs zhes bya ba la sogs pa'i sgres/ gzugs la sogs pa brjod pa dang/ bum pa la sogs pa'i sgras bum pa la sogs pa brjod pa dang/ mi la sogs pa'i sgras mi la sogs pa brjod pa'o/ /ming don la 'jug pa las kun nas nyon mongs par 'gyur ba ni kun brtags pa'i ming gis gzhan gyi dbang gi don la blo bur du 'jug cing sgro 'dogs pa las gzhan gyi dbang gi don la kun brtags pa'i ming du mngon par zhen pa'i sgo nas byis pa rnams kun nas nyon mongs par 'gyur ba'i phyir ro/ /ji ltar des kun nas nyon mongs par 'gyur zhe na/ de'i phyir ji ltar ming don la 'jug pa de ltar byis pa rnams de'i ngo bo nyid la mngon par zhen par byed do zhe na zhes bya ba smras te/ ji ltar kun brtags pa'i ming
- 322b
gzhan gyi dbang gi don la blo bur du sgro 'dogs shing 'jug pa de ltar byis pa rnams gzhan gyi dbang de'i ngo bo nyid la 'di ni gzugs la sogs pa'o/ /'di ni bum pa la sogs pa'o/ /'di ni mi la sogs pa'o zhes kun btags pa'i ngo bo nyid du mngon par zhen par byed pa'i sgo de nas byis pa rnams kun nas nyon mongs par 'gyur ro zhes zer ro/ /rnal 'byor spyod pa pa dag kun btags pa'i ngo bo nyid dang de mtshan nyid ngo bo nyid med pa dang/ de kun nas nyon mongs par 'gyur ba'i tshul de skad ces zer ba de la 'dir dbu ma pas bshad pa/ de la 'dir gal te gzugs zhes bya bar yid la brjod pa dang/ tshig tu brjod pa'i kun brtags pa'i ngo bo nyid gang yin pa de med do zhe na ni dngos po la skur ba 'debs pa yin te/ yid la brjod pa dang/ tshig tu brjod pa la skur pa 'debs pa'i phyir ro zhes bya ba smras te/ 'dis ni rnal 'byor spyod pa ba dag kun brtags pa'i ngo bo nyid ni mtshan nyid ngo bo nyid med pa nyid kyis ngo bo nyid med do zhes zer ba te/ gal te gzugs zhes bya bar ngo bo nyid dang khyad par du yid la brjod pa rnam par rtog pa dang/ tshig tu brjod pa tha snyad 'dogs pa'i kun brtags pa'i ngo bo nyid gang yin pa de mtshan nyid ngo bo nyid med pa nyid kyis ngo bo nyid med do zhe na ni kun rdzob tu gzhan gyi dbang gi ngo bo la skur pa 'debs pa yin pas mi rung bar ston te/ ci'i phyir zhe na/ yid la brjod pa rnam par rtog pa ni/ rnam par shes pa'i phung por gtogs pa yin la/ tshig tu brjod pa tha snyad 'dogs pa ni 'du byed kyi phung por gtogs pa yin pas de gnyis ni gzhan gyi dbang gi dngos po yin te/ de dag la kun rdzob tu skur pa 'debs pa mi rung ba'i phyir ro/ /de ltar na rnal 'byor spyod pa pa dag gi yid la brjod pa dang tshig tu brjod pa'i
- 323a
kun brtags pa'i ngo bo nyid gang yin pa de kun rdzob tu mtshan nyid ngo bo nyid med pa nyid kyis ngo bo nyid med do zhes bya ba ni kun rdzob tu gzhan gyi dbang gi dngos po la skur pa 'debs par 'gyur bas de ni rigs pa ma yin no/ /ji ste gang yang rung bas de gnyis kyi don kun brtags pa gang yin pa de med de/ dper na thag pa la sprul bzhin no zhe na ni kun brtags pa med pa ma yin te/ de la rnam pa 'dra bas blo gros 'khrul pas kun brtags pa'i don med kyang tha snyad du sbrul 'khyil ba la de med pa ma yin pa'i phyir ro zhes bya bas ni rnal 'byor spyod pa pa kun brtags pa'i ngo bo nyid ni mtshan nyid ngo bo nyid med pa nyid kyis ngo bo nyid med do zhes zer ba de ji ste byis pa gang yang rung bas yid la brjod pa dang/ tshig tu brjod pa de gnyis kyi don sgro btags pa gang yin pa de mtshan nyid ngo bo nyid med pa nyid kyis ngo bo nyid med do/ /dper na thag pa sprul du sgro btags pa'i kun brtags pa gang yin pa de med pa bzhin no zhe na ni kun rdzob tu kun brtags pa mtshan nyid ngo bo nyid med pa nyid kyis ngo bo nyid med pa nyid ma yin pas mi rung bar ston te/ ci'i phyir zhe na/ thag pa de la nam mkha' phan phun tsam gyi tshe na sprul 'khyil ba'i rnam pa 'dra bas blo gros 'khrul pa'i byis pa rnams kyis sprul 'khyil pa dug drag po dang ldan pa yin par kun brtags pa'i don med kyang tha snyad du thag pa de las gzhan pa sbrul 'khyil pa nyid kyi lus la sbrul 'khyil pa dug drag po dang kun brtags pa'i don de med pa ma yin pa'i phyir ro/ /de ltar na rnal 'byor spyod pa pa dag gi yid la brjod pa dang/ tshig tu brjod pa de gnyis kyi don kun brtags pa'i ngo bo nyid gang yin pa de kun rdzob tu mtshan nyid
- 323b
ngo bo nyid med pa nyid kyis ngo bo nyid med do zhes bya bar kun rdzob tu kun brtags pa'i ngo bo nyid mtshan nyid ngo bo nyid med pa nyid kyis ngo bo nyid med pa nyid du mi 'grub pas de yang rigs pa ma yin no/ /ji ste tha snyad du yang sbrul 'khyil ba la sbrul med do zhe na ni grags pa'i gnod par 'gyur ro/ /zhes bya bas ni ji ste rnal 'byor spyod pa pa dag tha snyad du sbrul 'khyil pa la de med pa ma yin pa'i phyir kun brtags pa'i ngo bo nyid mtshan nyid ngo bo nyid med pa nyid kyis ngo bo nyid med pa nyid du mi 'grub pa'i skyon sel bar 'dod pas tha snyad du yang sbrul 'khyil pa la sbrul med do zhe na ni grags pa'i gnod par 'gyur bas mi rung bar ston te/ ci'i phyir zhe na/ tha snyad du thag pa la sprul med kyang sbrul 'khyil pa nyid la sbrul yod par 'jig rten la grags pa'i phyir ro/ /de ltar na rnal 'byor spyod pa pa dag tha snyad du sbrul 'khyil ba la de med pa ma yin pa'i phyir kun brtags pa'i ngo bo nyid mtshan nyid ngo bo nyid med pa nyid kyis ngo bo nyid med pa nyid du mi 'grub pa'i skyon sel bar 'dod pas tha snyad du yang sprul 'khyil ba la sbrul med do zhes zer ba ni grags pa'i gnod par 'gyur bas de yang rigs pa ma yin no/ /ji ste don dam par dngos po sel bar byed pa ni dbu ma pa'i tshul gyi rjes su smra ba yin te/ don dam par sprul rdzas su yod pa ma yin pa'i phyir dang/ ngo bo nyid las skye ba med pa'i phyir ro zhes bya bas ni ji ste rnal 'byor spyod pa pa dag tha snyad du yang sprul 'khyil ba la sbrul med do zhes bya bas na grags pa'i gnod par 'gyur ba de spang bar 'dod pas don dam par sbrul 'khyil ba la sbrul gyi dngos po med do zhes sel bar bya na dbu ma pa'i tshul gyi rjes su smra ba yin pas ngo bo nyid gsum kho nas dmigs pa thams cad nye bar zhi ba zhes bya bar sgrub pa'i gzhung mi rung
- 324a
par ston te/ ci'i phyir zhe na/ don dam par sbrul rdzas su yod pa ma yin pa'i phyir dang ngo bo nyid las skye ba med pa'i phyir/ de ni rten cing 'brel par 'byung ba'i tshul gyis don dam par dngos po thams cad ngo bo nyid med pa nyid yin pas dmigs pa thams cad nye bar zhi bar 'gyur ba'i tshul gyis yin pa'i phyir ro de ltar na rnal 'byor spyod pa pa dag tha snyad du yang sbrul 'khyil ba la sbrul med do zhes byas na grags pa'i gnod par 'gyur ba spang bar 'dod pas don dam par dngos po sel bar byed na ni dbu ma pa'i tshul gyi rjes su smra ba yin pas rang gi grub pa'i mthar las ngo bo nyid gsum kho nas dmigs pa thams cad nye bar zhi ba zhes bya bar 'gyur bar 'dod pa'i gzhung nyams pas de yang rigs pa ma yin no/ /thag pa dang sbrul 'khyil ba la ma dmigs pa kho nar thag pa dang sbrul gyi blo skye na ni pha rol po rang la shes par byed par rab tu ma grub po zhes bya bas ni rnal 'byor spyod pa pa dag thag pa dang sbrul la sogs pa phyi rol gyi yul rnams kun rdzob tu med kyang de ltar 'khrul pa'i blo skye'o zhes zer ba de gal te kun rdzob tu thag pa dang sbrul 'khyil pa la sogs pa yul rnams med na de dag la ma dmigs pa kho nar thag pa dang sbrul la sogs pa'i blo ji ltar skye bar 'gyur/ ji ste skye na ni thag pa la sbrul du 'khrul ba'i blo skye ba gang yin pa de ni kun brtags pa'i ngo bo nyid yin no zhes kun brtags pa'i ngo bo nyid shes par byed pa'i dpe thag pa la blangs pa de rnal 'byor spyod pa pa dag rang la rab tu ma grub pas yul med par mi rung bar ston te/ ci'i phyir zhe na/ thag pa dang sbrul 'khyil ba la sogs pa'i phyi rol gyi yul rnams med na thag pa dang sbrul gyi blo skye ba yang
- 324b
med pas kun brtags pa'i ngo bo nyid ni thag pa la sprul du 'khrul pa'i blo skye ba lta bu'o zhes shes par byed pa'i dpe rang la rab tu ma grub pas mi rung ba'i phyir ro/ /de ltar na rnal 'byor spyod pa pa dag phyi rol gyi yul med par nang gyi 'khrul pas rnam par btags pa kun brtags pa'i ngo bo nyid yin par 'dod pa'i dpe rang las tu ma grub pa'i phyir de yang rigs pa ma yin no/ /'dir gal te rnal 'byor spyod pa pa dag 'di skad ces kho bo cag rang la phyi rol gyi yul yod par ma grub pas shes par byed pa'i dpe med kyang khyed dbu ma pa'i phyogs la kun rdzob tu phyi rol gyi yul kyi yul sgyu ma tsam du yod par grub pa kho bo cag gis shes par byed pa'i dper rung ba'i phyir kho bo cag gis kun brtags pa'i ngo bo nyid ni thag pa la sbrul du 'khrul pa'i blo skye ba lta bu zhes shes par byed pa'i dpe rab tu ma grub pa yin te/ rang la gtan tshigs ma grub pas kyang 'dod pa'i don ston par byed de/ gzhan gyi phyogs la grub pa'i phyir phyogs gnyi ga la grags pa'i chos bzhin no zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis gang yang rung ba la ma grub pa ni gtan tshigs ma yin no/ /zhes bya ba der tha snyad kyi dus su ni phyogs gnyi ga la grags pa'i shes par byed pa 'dod par bya'o zhes sngar bstan zin to/ /zhes bya ba smras te/ sngar bdag dang chos brtag pa'i skabs su gzhan gyi phyogs 'ba' zhig la grags pa'i phyogs kyi chos kyis ni bsgrub par bya ba'i don sgrub par mi nus par nges par bzung ste/ gang yang rung ba la ma grub pa'i phyir/ gzhan gyi phyogs la ma grub pa bzhin pas/ rjes su dpag pa 'gal bas bzlog pa'i phyir gtan tshigs kyi do
- 325a
ma grub ba nyid nyams pa med do zhes bstan zin to/ /kun brtags pa'i don yod pa ma yin par ston par 'dod pa mi slob dpon gyis dbu ma pa'i tshul 'thad pa dang bcas pa bka' stsal pa nyid 'dod par bya ste/ brjod par bya ba'i ngo? bo? nyid bkag pa kho nas yul de la yid dang tshig gi brjod pa 'jug pa ldog pa'i phyir ro zhes bya bas ni gang dag kun brtags pa'i don ngo bo nyid yod pa ma yin par ston par 'dod pa dag gis ni sngar slob dpon gyi zhal snga nas kyis bdag dang chos brtag pa'i skabs su/ brjod par bya ba ldog pas te/ sems kyi spyod yul ldog pas so/ /ma skyes pa dang ma 'gags pa/ /chos nyid mya ngan 'das dang mtshungs/ /zhes bya ba dbu ma pa'i tshul 'thad pa dang bcas pa bka' stsal pa nyid 'dod par bya ste/ der las nyon mongs zad pas thar/ /las dang nyon mongs rnam rtog las/ /de dag spros las spros pa ni/ /stong pa nyid kyis 'gag par 'gyur/ /zhes gsungs pas spros pa ni kun brtags pa'i ngo bo nyid yin la/ de la stong pa nyid kyis 'gag par 'gyur ba'i rigs pa ni/ brjod par bya ba ldog pas te/ sems kyi spyod yul ldog pas so/ /ma skyes pa dang ma 'gags pa/ /chos nyid mya ngan 'das dang mtshungs/ /zhes bya ba yin te/ spros pa ni stong pa nyid kyis 'gag la/ de la rjod par bya ba ldog pas 'gag go /brjod par bya ba ldog pa de yang sems kyi spyod yul ldog pas so/ /sems kyi spyod yul ldog pa de yang ma skyes pa dang ma 'gags pa'i chos nyid mya ngan las 'das pa dang mtshungs pa rtogs pas ldog par 'gyur ba'i phyir des ni theg pa chen po dbu ma pa'i tshul gyis kun brtags pa'i don ngo bo nyid med pa nyid du bsgrub pa'i tshul bstan to/ /kun brtags pa'i mtshan nyid med do zhe na ni zhes
- 325b
bya bas ni rnal 'byor spyod pa pa dag na re kun brtags pa'i mtshan nyid ni med de/ phyin ci log yin pa'i phyir/ dper na sdong dum la mir 'khrul pa bzhin no zhes zer ba'i tshig yin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na sdong dum la mir 'khrul ba ni phyin ci log yin pa'i phyir med pa de bzhin du/ kun brtags pa'i mtshan nyid kyang phyin ci log yin pa'i phyir med pas de'i phyir kun brtags pa'i ngo bo nyid ni mtshan nyid ngo bo nyid med pa nyid kyis ngo bo nyid med do zhes zer ro/ /de'i lan du 'grel pa byed pa nyid kyis/ gtan tshigs kyis don ma grub pa nyid de/ ming ni gzugs dang 'du byed du gtogs pa'i phyir dang/ ngo bo nyid dang/ rtog pa dang/ rjes su dran pa'i rnam par rtog pa dag kyang rnam par shes pa dang/ 'du byed kyi phung por gtogs pa'i phyir ro zhes bya ba smras te/ des ni rnal 'byor spyod pa pa dag gi kun brtags pa'i mtshan nyid ni med do zhes bya ba'i gtan tshigs phyin ci log yin pa'i phyir zhes bya ba de'i don ma grub pa nyid de/ ci'i phyir zhe na/ kun brtags pa ni chos rnams kyi ngo bo nyid dang/ khyad par du ming du 'dogs pa dang/ rnam par rtog pas sgro 'dogs pa yin pas/ de la ming ni sgrang brjod pa yin pas/ gzugs kyi phung por yang gtogs la sems dang mi ldan pa'i 'du byed yin pas 'du byed kyi phung por yang gtogs pa'i phyir sdong dum la mir 'khrul pa ltar phyin ci log ma yin pas med pa ma yin no ? rnam par rtog pa yang rnam pa gsum ste ngo bo nyid kyis rnam par rtog pa ni sgo lnga'i rnam par shes pa nye bar gnas pa las byung ba yin la/ rtog pa'i rnam par rtog pa ni yid kyi rnam par shes pa 'tshol ba pa dang/ 'du byed sems pa yin/
- 326a
rjes su dran pa'i rnam par rtog pa ni yid kyi rnam par shes pa nges pa dang/ sems las byung ba'i chos dran pa yin pas de dag kyang rnam par shes pa dang/ 'du byed kyi phung por rtogs pa'i phyir/ sdong du ma la ming 'khrul pa ltar phyin ci log ma yin pas med pa ma yin no/ /nges na kun brtags pa'i mtshan nyid rnal 'byor spyod pa pa dag 'dod pa ltar kun rdzob tu yang mtshan nyid ngo bo nyid med pa nyid kyis ngo bo nyid med pa ma yin gyi/ kun rdzob tu gzugs dang sems dang sems las byung ba'i ngo bo nyid sgyu ma dang/ smig rgyu dang/ rmi lam lta bur yod pa yin no/ /gzhan yang tha snyad pa'i brjod pa 'jug pa ni brjod par bya ba'i don gyi ngo bo nyid dang/ khyad par kyi yul can yin la/ don dam par brjod par bya ba'i don gyi ngo bo nyid dang khyad par bkag pa'i phyir mngon par zhen pa'i nyon mongs pa mi 'thad de/ skyes bu dang 'phyon ma pas gzugs su byas pa'i na chung la bdag med pa nyid du rtogs pa bzhin pas/ ming gi dbang gis don la mngon par zhen par mi rigs te/ tshul bzhin ma yin pa yid la byed pa las rigs so zhes bya bas ni rnal 'byor spyod pa pa dag na re kun brtags pa'i ngo bo nyid de/ de ltar yod pa ma yin yang ming don la 'jug pa las kun nas nyon mongs par 'gyur te/ ji ltar ming don la 'jug pa de ltar byis pa rnams de'i ngo bo nyid la mngon par zhen par byed do zhes kun brtags pa'i ming gzhan gyi dbang gis don la 'jug pa'i sgo nas don la mngon par zhen cing kun nas nyon mongs par 'gyur ro zhes zer ba de mi rigs par ston te/ ji ltar mi rigs she na/ ming don la 'jug pa zhes bya ba ni tha snyad pa'i brjod pa 'jug pa yin te/ de ni brjod par
- 326b
bya ba'i don gyi ngo bo nyid dang khyad par gyi yul can yin la don dam par brjod par bya ba'i don gyi ngo bo nyid dang khyad par bkag pa'i phyir skyes bu 'phyon ma pas gzugs brnyan gye na chung la bud med kyi ngo bo nyid med par rtogs pa na de la 'dod chags la sogs pa nyon mongs pa mi skye ba bzhin pas don dam par ni ming don la 'jug pa las don la mngon par zhen cing/ kun nas nyon mongs par mi 'gyur la/ kun rdzob tu ni ming don la 'jug pa las/ don la mngon par zhen cing kun nas nyon mongs par 'gyur ba mi rigs kyi/ tshul bzhin ma yin pa yid la byed pa las don la mngon par zhen cing kun nas nyon mongs par 'gyur bar rigs so/ /de ltar rnal 'byor spyod pa pa dag gis kun brtags pa'i ngo bo nyid mtshan nyid ngo bo nyid med pa nyid kyis/ ngo bo nyid med pa yin par brtags pas de gal te yid la brjod pa dang/ tshig tu brjod pa'i ngo bo nyid kun brtags pa yin la de mtshan nyid ngo bo nyid med pa nyid kyis ngo bo nyid med pa nyid yin no zhes bya ba ni yid la brjod pa dang/ tshig tu brjod pa'i ngo bo nyid ni gzhan gyi dbang gi dngos po yin pas de mtshan nyid ngo bo nyid med pa nyid kyis ngo bo nyid med pa nyid do zhes brjod na gzhan gyi dbang gi dngos po la skur pa 'debs par 'gyur bas mi rung ngo/ /ji ste yid la brjod pa dang/ tshig tu brjod pa de gnyis kyi don gang yin pa kun brtags pa'i ngo bo nyid yin la/ de mtshan nyid ngo bo nyid med pa nyid kyis ngo bo nyid med pa nyid yin no zhes brjod na ni kun brtags pa'i ngo bo nyid med par mi 'grub ste/ yid la brjod pa dang/ tshig tu brjod pa de gnyis kyi don gang yin pa ni gzhan gyi dbang gi ngo bo nyid yin te/ de ni dper na thag pa la sprul du kun brtags
- 327a
pa'i don med kyang sprul nyid la sprul du kun brtags pa'i don med pa ma yin pa'i phyir de mtshan nyid ngo bo nyid med pa nyid kyis ngo bo nyid med pa nyid yin no zhes bya bar mi rung ngo/ /phyi rol gyi yul med par kun brtags pa'i 'khrul pa'i blo skye'o zhes byar yang mi rung ste/ yul med na thag pa la sprul du 'khrul pa'i blo skye ba bzhin no zhes bya ba'i dpe mi 'grub ste/ thag pa'i yul la sbrul du 'khrul pa phyin ci log yin pas med kyang thag pa'i yul nyid med pa ma yin pas phyi rol gyi yul med pa la kun brtags pa'i 'khrul pa'i blo skye'o zhes byar mi rung ngo/ /kun brtags pa'i mtshan nyid phyin ci log yin pa'i phyir sngom? dum la ming 'khrul pa bzhin du mtshan nyid ngo bo nyid med pa nyid kyis ngo? bo nyid med do zhes byang yang mi rung ste/ ngo bo nyid dang bye brag tu ming du 'dogs pa dang/ blos rnam par rtog pa dag gzugs dang sems dang sems las byung ba yin pas de dag tha snyad du sdom du ma la mir 'khrul pa ltar mtshan nyid med pa ma yin no/ /ming don la 'jug pa la kun nas nyon mongs par 'gyur ro zhes byang yang mi rung ste/ ming gis don brjod pa las don la mngon par zhen cing kun nas nyon mongs par 'gyur bar mi rigs kyi/ tshul bzhin ma yin pa yid la byed pa las don la mngon par zhen cing kun nas nyon mongs par 'gyur bar rigs pa'i phyir ro/ /de ltar rnal 'byor spyod pa pa dag gis brtags pa'i tshul mi 'thad pas/ 'dir theg pa chen po dbu ma pa'i tshul ni tha snyad du kun rdzob kyi bden pa'i lugs rnam par bzhag pa ni phyi dang nang gi dngos po sgyu ma dang/ smig rgyu dang/ rmi lam lta bu rgyu dang rkyen gyi dbang gis rten cing 'brel par 'byung ba bya ba byed nus pa dang/ mi nus pa'i tshul byis yang dag pa dang/ yang
- 327b
dag pa ma yin par brjod pa yod la/ de la tshul bzhin ma yin pa yid la byed pas/ dngos po dang dngos po med pa la sogs par brtags pa las kun nas nyon mongs par 'gyur zhing/ de dag nyid don dam par ngo bo nyid med pa nyid du mthong na/ rnam par byang bar 'gyur ba yin pas theg pa mchog gi tshul 'dod par bya'o/ /da ni rnal 'byor spyod pa pa dag gis gzhan gyi dbang gi ngo bo nyid skye ba ngo bo nyid med pa nyid kyis ngo bo nyid med pa nyid ces bya ba chs rnams kyi rten cing 'brel par 'byung ba'i ngo bo nyid kun nas nyon mongs pa dang/ rnam par byang ba'i gzhi nyid du kun rdzob dang don dam par yod pa nyid du brtags pa de mi 'thad par bstan pa'i phyir/ de bzhin du gzhan gyi dbang gi ngo bo nyid ces bya ba de yang gang yin zhes brtags pa gnyis pa smras te/ des ni gzhan gyi dbang gi ngo bo nyid ces bya ba de yang gang yin zhes brtag pa bstan to/ /chos rnams kyi rten cing 'brel par 'byung ba'i ngo bo nyid kun nas nyon mongs pa dang/ rnam par byang ba'i gzhi gang yin pa de/ zhes bya ba ni rnal 'byor spyod pa pa dag gis gzhan gyi dbang gi ngo bo nyid kyi mtshan nyid bstan pa yin te/ de la gzhan gyi dbang gi ngo bo nyid kyi mtshan nyid ni chos rnams kyi rten cing 'brel par 'byung ba'i ngo bo nyid rgyu dang rkyen gzhan dag gis dbang bya zhing bskyed par bya ba ste/ de yang 'dod chags la sogs pa nyon mongs pa rnams kyis kun nas nyon mongs par 'gyur ba'i gzhi yang yin la/ ma chags pa la sogs pa dge ba rnams kyis rnam par byang bar 'gyur ba'i gzhi yang yin te/ gang gi tshe kun nas nyon mongs par gyur pa de'i tshe na ni/ kun rdzob kyi bden par yod pa nyid yin la/ gang gi tshe rnam par byang bar 'gyur
- 328a
pa de'i cha na ni don dam pa'i bden par yod pa nyid yin te/ gal te gzhan gyi dbang gi ngo bo nyid ces bya ba dngos po 'ga' zhig med par gyur pa na gzhi med pa dang/ rgyu med par kun nas nyon mongs pa dang rnam par byang bar mi 'gyur bas/ de'i phyir gzhan gyi dbang gi ngo bo nyid yod pa kho na yin no/ /de nyid kyi 'thad pa bstan pa'i phyir/ btags pa rgyu mtshan bcas phyir dang/ /gzhan du gnyis po med phyir dang/ /kun nas nyon mongs dmigs pa'i phyir/ /gzhan dbang yod pa nyid du 'dod/ /ces bya ba smras te/ btags pa zhes bya ba ni bum pa dang/ snam bu dang/ sangs rgyas bcom ldan 'das zhes bya ba'i bar du ming dang brdar tha snyad rnam par rtog pas glo bur du sgro btags pa ste/ kun nas btags pa'i ngo bo nyid do/ /de ni rgyu mtshan dang bcas pa yin te/ rgyu dang bcas/ gzhi dang bcas/ mtshan ma dang bcas/ mngon rtags dang bcas pa yin pas de'i rgyu mtshan de ni gzhan gyi dbang gi ngo bo nyid yin no/ /de la gang gi phyir gzugs dang/ ro dang/ dri dang/ reg bya'i skye mched bzhi'i rgyu mtshan la brten nas bum par btags pa gdags par bya zhing/ rgyu spun gyi rgyu mtshan la brten nas snam bur btags pa gdags par bya ba dang/ sangs rgyas su byed pa'i rgyu mtshan gyi chos rnams la brten nas sangs rgyas su btags pa'i bar du gdags par bya ste/ bum pa dang/ snam bu dang/ sangs rgyas bcom ldan 'das kyi bar du btags pa gang yin pa de ni tha snyad du kun btaD pa'i ngo bo nyid yin la/ de gang la brten nas gdags par bya ba'i rgyu mtshan skye mched bzhi dang/ rgyu spun dang sangs rgyas su byed pa'i chos rnams kyi bar gang yin pa de ni gzhan gyi dbang gi ngo bo nyid yin pas/ kun brtags pa'i
- 328b
ngo bo nyid gzhan gyi dbang gi ngo bo nyid kyi rgyu mtshan la brten nas gdags par bya ba de'i phyir gzhan gyi dbang gi ngo bo nyid yod pa yin no/ /gzhan yang gzhan du gnyis po med phyir dang zhes bya ba de'i phyir yang gzhan gyi dbang gi ngo bo nyid yod pa yin te/ gzhan du zhes bya ba ni gzhan gyi dbang gi ngo bo nyid med du zin na'o/ /gnyis po med pa'i phyir dang/ zhes bya bas ni kun nas nyon mongs pa dang/ rnam par byang ba gnyis med pa'i phyir te/ gang gi phyir gzhan gyi dbang gi ngo bo nyid med du zin na kun nas nyon mongs pa dang rnam par byang ba gnyis med pa'i skyon du 'gyur ba de'i phyir gzhan gyi dbang gi ngo bo nyid yod pa yin no/ /yang na/ gzhan de gnyis po med phyir dang/ /zhes bya ba ni byis pa rnams kyis gzhan gyi dbang gi ngo bo nyid la gzung ba dang 'dzin par gzhan du brtags pa gnyis po med pa'i phyir te/ gang gi phyir/ yang dag ma yin kun rtog yod/ /de la gnyis pa yod ma yin/ /zhes bshad pa'i tshul gyis yang dag pa ma yin pa'i kun tu rtog pa khams gsum pa'i sems dang sems las byung ba gzhan gyi dbang gi ngo bo nyid ni yod la/ de la gzung ba dang 'dzin pa gzhan du brtags pa kun brtags pa'i ngo bo nyid ni yod pa ma yin pa de'i phyir gzhan gyi dbang gi ngo bo nyid ni yod pa yin no/ /gzhan yang kun nas nyon mongs pa dmigs pa'i phyir zhes byar de'i phyir yang gzhan gyi dbang gi ngo bo nyid yod pa yin te/ gang gi phyir gzhi med pa mo gsham gyi bu mo'i lus lta bu la ni 'dod chags la sogs pa nyon mongs pa dmigs par mi 'gyur gyi/ yul gyi bzang mo'i lus lta bu gzhi yod pa la ni 'dod chags la sogs pa nyon mongs pa dmigs par 'gyur ba de'i phyir gzhan gyi dbang gi ngo bo nyid yod pa yin pa nyid du 'dod do zhes zer ro/ /rnal 'byor spyod pa pa dag gzhan gyi dbang gi ngo ba
- 329a
nyid ces bya ba chos rnams kyi rten cing 'brel par 'byung ba'i ngo bo nyid kun nas nyon mongs ba dang/ rnam par byang ba'i gzhi gang yin pa yod par 'dod pa'i tshul de skad zer ba de la 'dir dbu ma pas bshad pa/ 'di la yang gal te gzhan gyi dbang gi ngo bo nyid tha snyad kyi bden par gtogs par 'dod na ni de 'dod la/ rag ste/ de ston pa don med do zhes bya ba smras te/ 'dis ni gal te rnal 'byor spyod pa pa dag gzhan gyi dbang gi ngo bo nyid ces bya ba phyi dang nang gi dngos po thog ma dang tha ma med pa'i rgyu dang rkyen brgyud pa gzhan gyi dbang gis bskyed pa'i rten cing 'brel par 'byung ba tha snyad gyi bden par gtogs pa yod par 'dod na ni de 'dod la rag ste/ de ston pa grub pa la sgrub pa yin pas don med de/ ci'i phyir zhe na/ kho bo cag kyang tha snyad du bcom ldan 'das kyis rgyu dang 'bras bu la skur pa 'debs pa rnams kyi mngon par zhen pa spang pa'i phyir dang/ mtho ris dang byang grol thob par bya ba'i phyir dngos po rgyu dang rkyen las byung ba rnams yod pa nyid du bka' stsal pa de 'dod de/ 'di skad du bcom ldan 'das kyis rab 'byor 'di dag thams cad ni 'jig rten gyi tha snyad du yod pa yin gyi/ don dam par yod pa ma yin no zhes gsungs pas de grub pa la sgrub pa'i skyon chags pa yin pas mi rung ngo/ /ji ste don dam par na ni rten cing 'brel par 'byung ba ma yin te/ skye ba med pa'i rab tu byed par bsam pa'i tshul gyis skye ba bkag pa'i phyir ro zhes bya bas ni ji ste rnal 'byor spyod pa pa? don dam par gzhan gyi dbang gi ngo bo nyid ces bya ba chos rnams kyi rten cing 'brel par 'byung ba'i ngo bo nyid kun nas nyon mongs pa dang/ rnam par byang ba'i gzhi gang yin pa de
- 329b
yod par 'dod na ni de rten cing 'bral par 'byung ba ma yin te zhes ston te/ ci'i phyir zhe na/ sngar rkyen brtag pa'i rab tu byed pa'i skabs su/ bdag lus ma yin gzhan las min/ /gnyis las ma yin rgyu med min/ /dngos po gang dag gang na yang/ /skyes pa nam yang yod ma yin/ /zhes bstan pa'i tshul gyis don dam par skye ba bkag pa'i phyir ro/ /brtags pa rgyu mtshan bcas phyir dang zhes bya ba de yang phyogs kyi chos ma yin pa'i phyir gtan tshigs kyi don ma grub pa nyid do zhes bya bas ni rnal 'byor spyod pa pa? dag gzhan gyi dbang gi ngo bo nyid yod pa'i gtan tshigs su btags pa rgyu mtshan dang bcas pa'i phyir zhes brjod pa de gzhan gyi dbang gi ngo bo nyid yod par dam bcas pa'i phyogs kyi chos ma yin pa'i phyir gtan tshigs kyi don ma grub pa nyid do zhes ston te/ 'dir btags pa rgyu mtshan dang bcas pa gzhan gyi dbang gi ngo bo nyid la ci? phan te/ gzhi tha dad pa'i phyir gtan tshigs su mi rung bas gtan tshigs kyi don ma grub pa nyi do/ /ji lta btags pa rgyu mtshan dang bcas pa nyid ni gzhan gyi dbang gi ngo bo nyid don dam par yod pa'i sgrub pa'i chos gtan tshigs yin pas brtags pa rgyu mtshan dang bcas pa'i phyir gzhan gyi dbang gi ngo bo nyid don dam par yod do zhe na yang de lta na yang don dam par gzhan gyi dbang gi ngo bo nyid yod par ma grub pas gtan tshigs kyi gzhi ma grub pa'i phyir de yang mi rung ngo/ /ji sta yangs? btags pa rgyu mtshan bcas phyir dang/ /zhes bya ba 'dir chos mthun? pa'i dpe'i tshig yin pas de'i phyir rjes su dpag pa ni don dam par gzugs zhes brtags pa gang yin pa de ni rgyu mtshan dang bcas pa nyid yin te/ btags pa'i phyir zhes brjod par byed na yang zhes bya bas ni ji ltar rnal
- 330a
'byor spyod pa pa dag 'di skad ces btags pa rgyu mtshan dang bcas pa'i phyir zhes bya ba 'di gzhan gyi dbang gi ngo bo nyid yod pa'i gtan tshigs kyi tshig ma yin gyi/ chos mthun pa'i phyogs kyi dpe'i tshig yin pas de'i phyir rjes su dpag pa ni don dam par gzugs zhes btags pa gang yin pa de ni rgyu mtshan dang bcas pa nyid yin te/ btags pa'i phyir dper na che ge mo zhig bzhin no/ /de bzhin du don dam par gzhan gyi dbang gi ngo bo nyid gang yin pa de yang yod pa yin te/ btags pa'i phyir dper na/ gzugs zhes btags pa bzhin no zhes bya bar rjes su dpag pa brjod par byed pa'i tshig bstan to/ /de mi 'thad par bstan pa'i phyir/ 'dir 'grel pa byed pa nyid kyis/ dper na 'di lta bu'o zhes bya ba'i rjes su 'gro ba med pas gtan tshigs kyi don ma grub pa nyid do/ /gtan tshigs kyi don 'gal ba nyid kyang yin te/ gtan tshigs spyir brjod pa'i phyir ro zhes bya ba smras te/ 'dis ni rnal 'byor spyod pa pa dag gis btags pa rgyu mtshen? dang bcas pa'i phyir ro zhes bya ba de gzhan gyi dbang gi ngo bo nyid yod pa'i chos mthun pa'i dpe'i tshig tu byas te/ don dam par gzugs zhes btags pa gang yin pa de ni rgyu mtshan dang bcas pa nyid yin te/ btags pa'i phyir dper na che ge mo zhig bzhin no zhes rjes su dpag pa sbyor bar byed pa'i dpe che ge mo zhig bzhin no zhes bya ba de dper na 'di lta bu'o zhes nges par gzung du med pas gtan tshigs kyi don ma grub pa nyid de/ 'di ltar btags pa thams cad phyogs su byas pa de las gzhan pa'i dpe nges par gzung du rung ba med pas dpe med pa'i phyir gtan tshigs kyi don ma grub pa nyid dang/ gal te kun rdzob tu
- 330b
btags pa'i phyir zhes gtan tshigs spyir brjod na ni don 'gal ba nyid kyang yin pas mi rung ngo zhes bstan to// //shes rab sgron ma'i rgya cher 'grel pa/ bum po bdun cu bdun pa/ gang don dam par ming dang gzuD skye ba med do zhes dam bcas pa de la dam bcas pa'i skyon 'dogs par byed pa de dag gal te rjes su dpag bas gnod par smra na zhes bya bas ni rnal 'byor spyod pa pa gang dag dbu ma pas don dam par ming dang gzugs skye ba med do zhes dam bcas pa de la dam bcas pa'i skyon du 'dogs par byed pa de dag gal te 'di skad ces don dam par ming dang gzugs yod pa yin te zhes bya ba phyogs su byas te/ rjes su dpag pas dbu ma pa la gnod pa smra ba'i phyogs bstan to/ /de dag gi rjes su dpag pa'i phyogs des dbu ma pa la gnod pa med par bstan pa'i phyir 'dir 'grel pa byed pas/ de nyid kyi phyir de la rjes su dpag pas gnod pa med do zhes bya ba smras te/ rnal 'byor spyod pa pa dag gis dam bcas pa'i phyogs de la gtan tshigs dang dpe med pa nyid kyi phyir dbu ma pa'i dam bcas pa de la rjes su dpag pas gnod pa med de/ rnal 'byor spyod ba pa dag gi rjes su dpag pa don dam par ming dang gzugs yod pa yin te zhes dam bcas pa de la gtan tshigs dang dpe med pa'i phyir ro/ /ji ste grags pas gnod do zhe na/ de ni dang po nyid du lan btab zin to zhes bya bas ni ji ste rnal 'byor spyod pa pa dag na re dbu ma pas don dam par ming dang gzugs skye ba med do zhes dam bcas pa de la 'jig rten la grags pas gnod do zhes zer na/ de ni kun rdzob tu ma bkag pas grags bas gnod pa med do zhes sngar lan btab zin to zhes bstan to/ /ji ste mngon sum gyis gnod do
- 331a
zhe na/ de yang 'dir skabs med do/ /zhes bya bas ni ji ste rnal 'byor spyod pa pa? dag na re dbu ma pas don dam par ming dang gzugs skye ba med do zhes dam bcas pa de la mngon sum gyis gnod do zhes zer na de yang 'dir skabs med de/ 'di ltar kho bos don dam par mngon sum gyi gzung ba'i yul yod par khas ma blangs pa'i phyir ro/ /don dam pa ni gnyis su med pa'i phyir ci zhig gang gis kun nas nyon mongs pa dang/ rnam par byang bar 'gyur zhes bya bas rnal 'byor spyod pa pa dag na re gzhan gyi dbang gi ngo bo nyid na chos rnams kyi rten cing 'brel bar 'byung ba'i ngo bo nyid kun nas nyon mongs pa dang/ rnam par byang ba'i gzhi gang yin pa ste/ zhes zer ba de yang 'dir don dam pa ni gnyis su med pa'i phyir/ kun nas nyon mongs pa dang/ rnam par byang bar 'gyur ba med pas de gnyis kyi gzhi gzhan gyi dbang gi ngo bo nyid kyang yod pa ma yin zhes bstan te/ 'di ltar dbye ba yod na ni kun nas nyon mongs pa dang/ kun nas nyon mongs par bya ba yang yod par 'gyur ba zhig na/ don dam par chos thams cad ma skyes pa'i phyir dbye ba med pas kun nas nyon mongs pa dang/ kun nas nyon mongs par bya ba med do/ /gzhan yang kun rdzob tu yang sems las gzhan pa'i dngos po med na nyon mongs pa yang med la/ de med pas ji zhig gang gis kun nas nyon mongs par 'gyur te/ bsgo bar bya ba dang sgo bar byed pa'i dngos po ni don gzhan du gyur pa las 'gyur te/ dper na don dam par gzhan du gyur pa'i me tog dag gi dris til mar dang sgra la sogs pa dag la dri bsgo bar 'gyur ba lta bu yin gyi/ de nyid kyis de nyid la sgo bar mi byed pas de'i phyir nyon mongs pa can yang med na/ ji ltar
- 331b
rnam par byang par bgyur? zhes bstan to/ /'dir gal te rnal 'byor spyod pa bdag na re dbu ma pa don dam par skye mched par smra ba kun nas nyon mongs pa dang/ rnam par byang ba yang mi 'dod na/ de'i phyir khas blangs pa la gnod pa dang/ grags pas gnod par 'gyur ro zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis/ don dam par skye ba med par smra ba ni kun nas nyon mongs pa dang rnam par byang ba la skur pa 'debs pa ma yin no/ /zhes bya ba smras te/ kho bos don dam par kun nas nyon mongs pa dang/ rnam par byang ba dgag pa byas kyi/ kun rdzob tu ma byas pas de'i phyir lung dang 'gal pa yang med la 'jig rten dang 'gal ba yang med do/ /skur pa 'debs pa ma yin pa ma yin te/ 'di ltar mdo? sde las thog ma med pa'i dus ldan khams/ /sa bon kun gyi gnas yin te/ /de yod pas na 'gro kun dang/ /mya ngan 'das pa 'thob par 'gyur/ zhes gsungs pas de ni gzhan gyi dbang yin par 'dod de/ de yang dag na ni chos kyi dbyings zhes bya la/ ma dag na ni/ nyon mongs pa can zhes bya'o zhe na/ zhes bya ba ni rnal 'byor spyod pa pa dag na re dbu ma pa don dam par skye ba med par smra ba ni/ kun nas nyon mongs pa dang/ rnam par byang ba la skur pa 'debs pa ma yin pa ma yin te/ 'di ltar mdo sde las thog ma med pa'i dus dang ldan pa'i khams sa bon kun gyi gnas yin pa de yod pas na 'gro ba kun tu/ kun nas nyon mongs par yang 'gyur la/ mya ngan las 'das pa yang 'thob cing rnam par byang bar yang 'gyur ro zhes gsungs pas de ni gzhan gyi dbang yin par 'dod na/ dbu ma pas de med par bkag pas kun nas nyon mongs pa dang/ rnam par byang bar skur pa 'debs pa yin no zhes zer ba'i tshig yin no/ /de skad ces zer ba de'i lan du 'dir 'grel ba byed ba nyid kyis/ mdo sde las de skad
- 332a
gsungs pa ni tha snyad kyi bden pa'i lugs gsal bar bya ba'i phyir te zhes bya ba smras te/ mdo sde las de skad gsungs pa ni bden mong kyi/ de'i don ni don dam par bcom ldan 'das kyis kun nas nyon mongs pa dang/ rnam par byang ba'i gzhi gzhan gyi dbang gi ngo bo nyid yod par gsungs pa ma yin gyi/ kun rdzob tu 'jig rten dang 'jig rten las 'das pa'i las dang 'bras bur 'brel par gdags pas tha snyad kyi bden pa'i lugs las 'di'i 'bras bu 'di'o zhes rnam par bzhag pa gsal bar bya ba'i phyir bcom ldan 'das kyis mdo sde las de skad bka' stsal to zhes bya bar sbyar ro/ /de nyid bye brag tu bshad pa bstan pa'i phyir/ thog ma med pa'i dus ldan zhes bya ba ni rnam par shes pa thog ma med pa'i dus nas zhugs pa'i phyir ro zhes bya ba smras te/ 'di na sems dang yid dang/ rnam par shes pa zhes bya ba gang yin pa thog ma med pa'i dus nas zhugs pa'i phyir ro ni thog ma med pa'i dus dang ldan pa zhes bya'o/ / khams zhes bya ba ni 'phags pa'i chos kyi rgyu yin pa'i phyir te/ gser dang dngul gyi khams bzhin no zhes bya ba ni rgyun tu zhugs pa la sogs pa'i 'bras bu dag gi rgyu yin pa'i phyir khams te/ khams kyi don ni 'byung khungs kyi don te/ de las skye ba'i phyir ro/ /sa bon kun gyi gnas yin te/ zhes bya ba ni khams gsum par gtogs pa dang/ ma gtogs pa dang/ dge ba dang/ mi dge ba'i bag chags kyi sa bon gyi gnas yin pa'i phyir ro/ /zhes bya ba ni khams de ni 'jig rten dang 'jig rten las 'das pa dang/ dge ba dang mi dge ba'i bag chags kyi sa bon thams cad kyi gnas yin pa'i phyir ro/ /de yod pas na 'gro kun dang zhes bya ba ni de'i dbang gis 'gro ba thob par byed pa'i chos
- 332b
mngon par 'du byed pa na'o zhes bya ba ni rnam par shes pa de'i dbang gis 'gor ba rgyud lnga 'thob par byed pa'i chos mngon par 'du byed pa ni 'gro ba thams cad du kun nas nyon mongs par 'gyur ba'o/ /mya ngan las 'das pa 'thob par 'gyur zhes bya ba ni thos pa dang bsam pa dang/ bsgoms pa las byung ba skye ba med pa shes pa nyid kyis mi skye ba'i chos can mya ngan las 'das pa thob pa'i phyir ro zhes bya ba ni rnam par shes pa de la brten nas shes rab rnam gsum las byung ba skye ba med pa nyid shes pa nyid kyis mi skye ba'i chos can mya ngan las 'das pa 'thob pa'i phyir rnam par byang bar 'gyur ba'o/ /de ltar tshigs su bcad pa'i don khas blangs pa'i phyir dbu ma pa don dam par skye ba med par smra ba kun rdzob tu rten cing 'brel par 'byung ba kun nas nyon mongs pa dang/ rnam par byang ba'i chos can la skur pa 'debs pa ma yin no/ /tshigs su bcad pa'i don gzhan yin par ni tshad ma dag gis bstan dka' ba'i phyir des ni lan mi thebs so zhes bya bas ni mdo sde las gsungs pa'i tshigs su bcad pa de'i don dbu ma pas bshad pa de las gzhan yin par ni rnal 'byor spyod pa pas tshad ma dag gis bstan dka' ba'i phyir rnal 'byor spyod pa pa? dag na re thog ma med pa'i dus dang ldan pa'i khams sa bon kun gyi gnas yin pa de yod pas na 'gro ba rnams kun nas nyon mongs par 'gyur ba dang/ mya ngan las 'das pa 'thob cing rnam par byang bar 'gyur ba de ni gzhan gyi dbang gi ngo bo nyid yin no zhes zer ba des ni dbu ma pas don dam par gzhan gyi dbang gi ngo bo nyid yod pa ma yin no zhes bshad pa de'i lan mi thebs so/ /ji ste yang mdo sde las/ brtags pa'i dngos po med pa nyid/ /gzhan gyi dbang ni yod pa yin/ /sgo 'dogs pa dang skur pa'i mthar/ /rtog par
- 333a
bar byed pa nyams bar 'gyur zhes gsungs pas gzhan gyi dbang yod pa nyid do zhe na zhes bya ba ni rnal 'byor spyod pa pa dag na re mdo sde las de skad du kun brtags pa'i dngos bo ni med pa nyid yin la/ gzhan gyi dbang gi dngos po ni yod pa nyid yin te/ kun brtags pa'i dngos po med pa nyid la yod par sgro 'dogs pa dang/ gzhan gyi dbang gi dngos po yod pa nyid la/ med par skur pa 'debs pa'i mthar rtog bar byed pa ni nyams par 'gyur re zhes gsungs pas khyed dbu ma pa gzhan gyi dbang gi dngos po yod pa nyid la skur pa 'debs pa'i mthar rtog par byed pa ni nyams par 'gyur ba yin la kho bo cag gi gzhan gyi dbang gi ngo bo nyid ni yod pa nyid yin no zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis/ mdo sde'i don ni gzhan gyi dbang la ming yod pa ma yin pa'i phyir dang/ gzhan gyi dbang yang tha snyad du sgyu ma dang/ rmi lam lta bu'i bdag nyid du yod pa 'di gsal bar byed ba yin te zhes bya ba smras te/ mdo sde las btags pa'i dngos po med pa nyid ces gsungs pa'i don ni gzhan gyi dbang la kun brtags pa'i ming yod pa ma yin pa yin no/ /gzhan gyi dbang ni yod pa ma yin zhes gsungs pa'i don ni gzhan gyi dbang gi ngo bo nyid kyang don dam par yod pa ma yin gyi/ tha snyad du sgyu ma dang rmi lam lta bu'i bdag nyid du yod pa nyid gsal bar byed ba yin pas kho bo cag gis sgro 'dogs pa dang/ skur pa 'debs pa'i mthar rtog pa ma yin no/ /de nyid kyi khungs bstan pa'i phyir/ gzhan las kyang ji skad du/ ming ni gang dang gang dag gis/ /chos rnams gang dang gang brjod pa/ /de la de ni yod min pa/ /de ni chos rnams chos nyid do zhes//
- 333b
bya ba dang zhes bya ba smras te/ 'phags pa srid pa 'pho ba'i mdo las/ kun brtags ba'i ming gang dang gang dag gis gzhan gyi dbang gi chos gang dang gang dag brjod pa'i chos de la ming de yod pa ma yin pa de ni chos rnams kyi chos nyid yin no zhes gsungs te/ de ni btags pa'i dngos po med pa nyid ces gsungs pas gzhan gyi dbang la ming yod pa ma yin par bshad pa'i khungs gzhan bstan to/ /de bzhin du/ bskyed bya med cing skyes pa med/ /rkyen rnams dag ni gang dag kyang/ /'ga' yang gang na 'ang yod ma yin/ /tha snyad du ni brjod par bya zhes bya ba dang zhes bya bas ni 'phags pa lang kar gshegs pa'i mdo las/ gzhan gyi dbang gi ngo bo nyid ces bya ba rkyen gzhan gyis da ltar dang ma 'ongs pa'i dus su bskyed par bya ba dang/ 'das pa'i dus su bskyed zin pa yang med la/ rkyen rnams kyang 'ga' yang gnas skabs gang na yang yod pa ma yin no zhes gsungs pas gzhan gyi dbang gi ngo bo nyid ces bya ba don dam par ni yod pa ma yin la/ tha snyad du ni yod par brjod par bya'o zhes bstan te/ des ni gzhan gyi dbang ni yod pa yin zhes gsungs pas gzhan gyi dbang yang don dam par yod pa ma yin gyi tha snyad du sgyu ma dang rmi lam lta bu'i bdag nyid du yod pa nyid du bshad pa'i khungs gzhan bstan to/ /da ni sgro 'dogs pa dang skur ba'i mdza' / /rtog par byed pa nyams par 'gyur/ zhes bya ba'i skyon dbu ma pa la med pa'i khungs gzhan bstan pa'i phyir/ de bzhin du/ gang la cung zad skye med cing/ /'gag pa'ang cung zad yod min pa/ /'gro ba dben mthong de la ni/ /yod pa nyid dang med nyid med/ ces bya ba la sogs pa gsungs pa lta bu'o zhes bya ba smras te/ 'phags pa lang kar gshegs ba'i mdo
- 334a
las de skad gsungs te/ de'i don skye ba yod na sgro 'dogs par 'gyur la 'gag pa yod na skur pa 'debs par 'gyur gyi/ rnal 'byor pa gang la cung zad skye ba yang med cing 'gag pa yang cung zad yod pa ma yin pa 'gro ba mdza' gnyis dben par mthong ba de la ni yod pa nyid kyang med la med pa nyid kyang med par sgro 'dogs pa dang/ skur pa 'debs pa'i mdza' rtog par mi byed pa'i phyir nyams par mi 'gyur ro zhes bstan pa yin no/ /de ltar na rnal 'byor spyod pa pa dag gis gzhan gyi dbang gi ngo bo nyid kun nas nyon mongs pa dang/ rnam par byad ba'i gzhir gyur pa/ don dam par yod par btags pa de mi 'thad cing/ dbu ma pa don dam par skye ba med par smra ba ni kun nas nyon mongs pa dang/ rnam par byad pa la skur ba 'debs pa ma yin no/ /khyed cag chos kyi khams ji ltar kun nas nyon mongs pa dang/ rnam par byang bar 'gyur bar ston ces pa ni yang gzhan yang dbu ma pas rnal 'byor spyod pa pa dag gzhan gyi dbang gi ngo bo nyid kun nas nyon mongs pa dang/ rnam par byang ba'i gzhir 'gyur bar 'dod pa de ji ltar de ltar 'gyur bar ston ces dri bar bya ba yin no/ /de'i lan du rnal 'byor spyod pa pa dag 'di skad ces/ chos gyi khams nyon mongs pa dang/ nyon mongs pa can ma yin pa nyid du brjod par bya ba ma yin pa la nyon mongs pa'i dri ma glo bur ba yod pa'i phyir ? chu khams gser dang nam mkha' dag /dag pa bzhin du dag par 'dod/ ces zer te/ dper na chu'i khams rnyog pa can sman dang phrad na dag par 'gyur ba dang/ gser dri ma can gzhu ba la sogs pas dag par 'gyur ba dang/ nam mkha' du be dang/ rdul dang/ khug rna dang/ na bun dang/ sprin la sogs pa dri ma can de dag dang bral bas dag
- 334b
par 'gyur ba de bzhin du chos kyi khams kyang rang bzhin gyis rnam par dag ba glo bur gyi nyon mongs pas nyon mongs ba can du 'gyur zhing de dang bral bas rnam par byang bar 'gyur ro zhes zer ro/ /de nyid kyi rigs pa bstan pa'i phyir/ de ji ltar nyon mongs pa can dang nyon mongs pa can ma yin pa nyid du brjod par bya ba ma yin zhe na/ gal te nyon mongs de ma gyur/ /lus can thams cad grol bar 'gyur/ /gal te rnam dag de ma gyur/ /'bad pa 'bras bu med par 'gyur zhes bya ba smras te/ gal te chos kyi khams de glo bur gyi nyon mongs pa can du ma gyur du zin na/ lus can thams cad grol ba'i skyon du 'gyur la/ gal te blo bur gyi nyon mongs pa dang bral zhing dag par mi 'gyur du zin na/ bsgom pa la sogs pa'i 'bad pa 'bras bu med pa'i skyon du 'gyur ba de'i phyir chos kyi khams de ngo bo nyid kyis ni nyon mongs pa can dang/ nyon mongs pa can ma yin pa nyid du brjod par bya ba ma yin la/ glo bur gyi nyon mongs pa'i dri ma yod pa dang/ med pa'i dbang gis ni nyon mongs ba can dang nyon mongs pa can ma yin par brjod par bya'o/ /yang na/ nyon mongs ma yin mi mongs min/ /de ni dag min ma dag min/ /sems ni rang bzhin 'od gsal phyir/ /nyon mongs glo bur yin phyir ro/ /zhes bya ba ni gang gi phyir sems rang bzhin gyis 'od gsal ba de'i phyir nyon mongs pa can ma yin zhing dag pa yin la/ gang gi phyir nyon mongs pa glo bur pa yin ba de'i phyir nyon mongs pa can ma yin pa ma yin zhing dag pa ma yin no zhes bstan to/ /de skad ces zer ba de'i lan du 'dir 'grel pa byed ba nyid kyis/ de ni rigs pa ma yin te/ bdag tu smra ba dag gis kyang/ /gal te nyon mongs pa dag ma gyur/ /lus can thams cad grol bar 'gyur/ /gal te rnam dag bdag ma gyur/ /'bad pa 'bras bu med par 'gyur
- 335a
de'i phyir re zhig bdag brtag pa dag pa byed pa med pa yod de/ 'on kyang 'khor ba dang thar ba dag kyang yod do zhes de ltar phyir zlog par byed nus pa'i phyir ro zhes bya ba smras te/ gang gi phyir de ltar bdag tu smra ba dag gis kyang bdag brtag pa byed ba med pa yod kyang 'khor ba dang/ thar pa dag yod par sgrub nus pa de'i phyir rnal 'byor spyod pa pa dag la yang chos kyi khams zhes bya ba'i tshig gi don bdag gi ngo bo nyid yin par 'grub pa de'i phyir rnal 'byor spyod pa pa dag gi tshig de rigs pa ma yin no/ /de'i phyir rang gi grub pa'i mdza' i skyon sba ba'i thabs 'thad pa med pas mi 'grub bo zhes bya bas ni de'i phyir rnal 'byor spyod pa pa dag gi rang gi grub pa'i mdza' chos kyi khams zhes bya ba'i tshig gi don brtag pa khas blang pa de'i skyon 'di lta ste/ nyon mongs pa can dang nyon mongs pa can ma yin pa nyid du brjod par bya ba nyid ma yin pa de sba ba'i thabs 'di lta ste/ gal te nyon mongs de ma gyur/ /lus can thams cad grol bar 'gyur/ /gal te rnam dag de ma gyur/ /'bad pa 'bras bu med par 'gyur/ /nyon mongs ma yin ma mongs min/ /de ni dag min mi dag min/ /sems ni rang bzhin 'od gsal phyir/ /nyon mongs glo bur yin phyir ro/ /zhes bya ba 'thad pa med pa de dag mi 'grub ste/ brjod par bya ba ma yin pa'i dngos po med pas dngos po ni brjod par bya ba nyid yin te/ gang gi phyir khyed kyis kun nas nyon mongs pa can dang rnam par dag pa gnyi gar brjod pa ni dgag pa mi mthun pa yin te/ gal te nyon mongs pa can yin na ni ji ltar rnam par dag pa yin/ gal te rnam par dag pa yin na ni ji ltar nyon mongs pa can yin par 'gyur bas de mi 'grub bo//
- 335b
yang gzhan yang gal te nyon mongs pa can ma yin na ni de ni byis pa rnams kun na nyon mongs par mi 'gyur te/ nyon mongs pa can ma yin pa'i phyir ro/ ji ste kun nas nyon mongs par 'gyur bar 'dod na ni 'o na nyon mongs pa can ma yin no/ de bzhin du gal te dag pa yin na yang de'i phyir yang ji zhig dag par 'gyur te/ dag zin pa'i phyir ro/ /ji ste dag par 'gyur bar 'dod na ni dag pa ma yin pa'i phyir de mi 'grub bo/ /gzhan yang chu la sogs pa rgyu dang rkyen gyi dbang gis skye ba'i khyad par ston pa dag bzhin du tha snyad pa'i rnam par shes pa nyon mongs pa can dang nyon mongs pa can ma yin pa'i dngos por skye ba la bltos pas nyon mongs pa rnams dang/ lhan cig skye ba dang nyon mongs pa rnams med par phyin ci ma log pa'i shes pa dang lhan cig skye ba yang kun nas nyon mongs pa dang/ rnam par byang ba dag tu 'gyur bar rung ba de ltar chos kyi khams ni nyon mongs pa rnams dang shes pa dang lhan cig skye ba ma yin pas chu la sogs pa bzhin du de bzhin nyid kun nas nyon mongs pa dang rnam par byang ba dag tu 'gyur bar mi rigs so zhes bya bas ni rnal 'byor spyod pa pa dag gi dpe/ tshu khams gser dang nam mkha' dang/ /dag pa bzhin du dag par 'dod/ /ces bya ba de mi 'grub par ston te/ 'di ltar kho bo cag dbu ma pa la yang tha snyad du chu dang/ gser dang/ nam mkha' la sogs pa rgyu dang rkyen gyi dbang gis dag pa dang ma dag par skye ba'i khyad par sten pa dag bzhin du tha snyad pa'i rnam par shes pa nyon mongs pa can dang/ nyon mongs pa can ma yin pa'i dngos por skye ba la bltos pas nyon mongs pa rnams dang lhan cig skye ba ni kun nas nyon mongs par 'gyur bar rung la/ nyon mongs pa rnams med par phyin ci ma log pa'i shes pa dang lhan cig skye ba ni rnam
- 336a
par byang bar rung ba de ltar khyed kyi chos kyi khams ni nyon mongs pa rnams dang/ shes pa dang lhan cig skye ba ma yin pas khyed kyi dpe chu dang/ gser dang/ nam mkha' dag rgyu dang rkyen gyi dbang gis dag pa dang ma dag ba'i skye ba'i khyad par dag bzhin du khyed kyi dpes bsgrub pa'i dngos po de bzhin nyid kun nas nyon mongs pa dang rnam par byang ba dag? tu 'gyur ba mi rigs pas khyed kyi dpe ma grub ste/ 'di ltar dpe dang dngos nyid mi mthun pa'i phyir ro/ /gal te du ba dang khug rna la sogs pa yod pa dang med pa nam mkha' dri ma dang bcas pa dang dri ma med par brjod par bya ba ma yin nam zhe na/ zhes bya ba ni rnal 'byor spyod pa pa dag na re dpe ji skad smos pa de bzhin du dngos chos kyi khams kyang de bzhin pas dpe dang dngos su mthun no zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyi sa ma yin te/ nam mkha' i rjes su yod pa nyid bkag pa'i phyir ro zhes bya ba smras te/ gang gi phyir nam mkha' de la snam bu'i rdzas dri ma dang bcas pa dang dri ma med par 'gyur pa lta bu'i rdzas nges par gnas pa med pa'i phyir/ nam mkha' i du ba dang khug sna la sogs pa yod pa dang med pa na yang dri ma dang bcas pa dang/ dri ma med pa nyid du brjod par bya ba ma yin no/ /rdzas su yod pa nyid yin na yang dri ma dang bcas pa dang dri ma med pa dag mi 'grub ste/ skye ba dang 'gag pa med pa'i phyir dper na chos kyi khams bzhin no zhes bya ba ni nam mkha' rdzas su yod pa nyid yin na yang/ pha rol po dag gi dper mi rung bar bsgrub pa'i rdzas su dpag pa ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na chos kyi khams
- 336b
ni kun rdzob tu rdzas su yod pa nyid yin na yang don dam par skye ba dang 'gag pa med pa'i phyir dri ma dang bcas pa dang dri ma med pa dag mi 'grub pa de bzhin du nam mkha' yang kun rdzob tu rdzas su yod pa nyid yin na yang don dam par skye ba dang 'gag pa med pa'i phyir/ dri ma dang bcas pa dang/ dri ma med pa dag tu mi 'grub bo/ /yang na nam mkha' dri ma dang bcas pa dang/ dri ma med par 'gyur ba bzhin du chos kyi khams la yang kun nas nyon mongs pa dang/ rnam par byang ba dag nye bar btags pa'i phyir 'dod pa'i don nyams so/ /zhes bya bas ni nye bar btags pa yin pas khyod don dam pa pa yin par 'dod pa'i don nyams so zhes bstan to/ /kun nas nyon mongs pa dmigs pa'i phyir zhes bya ba de la yang dam bcas pa dang gtan tshigs kyi skyon snga ma bzhin no zhes bya bas ni/ sngar rnal 'byor spyod pa pa dag gis gzhan gyi dbang gi ngo bo nyid yod pa'i gtan tshigs su kun nas nyon mongs pa dmigs pa'i phyir zhes gang smras pa de la yang ji ltar sngar btags pa rgyu mtshan bcas phyir dang/ zhes bya ba de yang phyogs kyi chos ma yin pa'i phyir gtan tshigs kyi don ma grub pa nyid do/ /ji ste yang/ btags pa rgyu mtshan bcas phyir dang/ zhes bya ba 'dir chos mthun pa'i dpe'i tshig yin pas/ de'i phyir rjes su dpag pa ni/ don dam par gzugs zhes btags pa gang yin pa de ni/ rgyu mtshan dang bcas pa nyid yin te/ btags pa'i phyir ro/ /zhes brjod par byas na yang dper na 'di lta bu'o zhes bya ba'i rje su 'gro ba med pas/ gtan tshigs kyi don ma grub pa nyid do/ /gtan tshigs kyi don 'gal ba nyid kyang yin te/ gtan tshigs spyir brjod pa'i phyir ro zhes bstan pa de bzhin du kun nas nyon mongs pa dmigs pa'i phyir zhes bya ba 'di
- 337a
yang phyogs kyi chos ma yin pa'i phyir dang/ chos mthun pa'i dper byas na yang rjes su 'gro ba med pas gtan tshigs kyi don ma grub pa nyid dang don 'gal ba nyid do zhes snga ma bzhin du sbyar ro/ /de zhig de dag gis ni rnal 'byor spyod pa pa dag na re gzhan gyi dbang gi ngo bo nyid ni chos rnams kyi rten cing 'brel par 'byung ba'i ngo bo nyid kun nas nyon mongs pa dang/ rnam par byed ba'i gzhi gang yin pa de/ de ni bden pa gnyi gang yang yod pa yin no/ /zhes zer ba'i gzhung mi 'thad par bstan to/ /da ni skye ba ngo bo nyid med pa nyid kyis ngo bo nyid med pa nyid yin no zhes zer ba'i gzhung mi 'thad par dgag pa'i phyir/ de skye pa ngo bo nyid med pa yang ji lta bu yin zhes ji ba smras? so/ /gal te de rkyen gyi stobs kyis skye zhing rang mi skye ba gang yin pa'o zhe na zhes bya ba ni/ rnal 'byor spyod pa ba dag na re gzhan gyi dbang gyi ngo bo nyid de ni de dang mthun pa'i rkyen gzhan dag gi stobs kyis dbang bya zhing bskyed par bya ba yin gyi/ rang mi skye bas skye ba ngo bo nyid med pa nyid yin no zhes zer ba'i tshig yin no/ /de skad ces zer ba de la 'di skad ces/ don dam par ji ltar rkyen gyi stobs kyis te/ ji ngo bo nyid kyis sam/ gzhan gyi dngos pos sam/ gnyi gas sam/ ji yod pa las sam/ ji med pa las sam?/ ji yod pa dang med pa las skye'o zhes brjod par bya grang na/ rnam pa thams cad las kyang sngar bstan pa'i tshul gyis de skye ba med pa'i phyir/ rkyen gyi stobs kyis skye ba med pa bstan dka' o/ /zhes brjod par bya ste/ gzhan gyi dbang gi ngo bo nyid don dam par rkyen gyi stobs kyis skye na/ rnam pa de dag gcig las skye'o zhes brjod par bya grang na/ sngar skye ba med pa'i rab tu byed par bstan pa'i tshul gyis de dag rnam pa thams cad las kyang de skye ba med
- 337b
pa'i phyir/ don dam par rkyen gyi stobs kyis skye pa bstan dka' o/ /ji ste sgyu ma la sogs pa'i skye ba bzhin du brjod par bya ba ma yin pa'i skye pa spyir brjod na ni tha snyad kyi bden pa bsgrub pa yin no/ /zhes bya bas ni/ ji ste rnal 'byor spyod bya pa pa dag gzhan gyi dbang gi ngo bo nyid de kun rdzob tu sgyu ma la sogs pa'i skye ba bzhin du ngo bo nyid dang/ gzhan gyi dngos po dang/ gnyi ga dang yod pa dang med pa dang/ yod med du brjod par bya ba ma yin pa'i skye pa dbu ma pa la sogs pa dang/ spyir mthun par brjod na ni tha snyad kyi bden pa bsgrub pa yin pas/ don dam par gzhan gyi dbang gi ngo bo nyid med pa nyid kyis ngo bo nyid med pa nyid yod do zhes bya bar mi rung ngo/ /de lta na kun rdzob tu/ rkyen gyi stobs kyis skyes pa sgyu ma la sogs pa bzhin du ngo bo nyid la skye pa med par ston pas/ dbu ma pa'i smra ba'i rjes su smra ba yang ma yin te/ dbu ma pa'i bstan bcos kyi tshul ni/ rten cing 'brel par gang 'byung ba/ /de ni stong pa nyid bu bshad/ /ces bya bas dngos po rnams rang las skye ba med pa yin pa'i phyir ro/ /zhes bya bas ni de ltar kun rdzob tu rkyen gyi stobs kyis skyes pa sgyu ma la sogs pa bzhin du ngo bo nyid las skye ba med par ston na ni/ de dbu ma pa'i smra ba'i rjes su smra ba yin pas/ khyed don dam par gzhan gyi dbang gi ngo bo nyid yod par smra ba bstan par bya dgos so zhes bstan to/ /ji ste ngo bo nyid las skye ba med pa ni ngo bo nyid med pa yin te/ mdo sde las/ gang zhig rkyen las skye ba de ma skyes/ zhes gsungs pa'i tshig dang rjes su mthun pa'i phyir ro zhe na zhes bya ba ni rnal 'byor spyod pa pa dag na de rkyen gzhan stobs kyis skyes pa ngo bo nyid las skye ba med pa ni/ ngo bo nyid med pa nyid yin par mdo sde las gsungs pa de ni skye ba ngo bo nyid med pa nyid kyang yin la/ don dam par yod pa nyid kyang yin no zhes zer ba de'i tshig yin no/
- 338a
de'i lan du 'grel ba byed pa nyid kyis/ de lta na yang dbu ma pa'i smra ba'i rjes su smra ba yin te/ ngo bo nyid las de skye ba 'gog pa'i phyir ro/ /zhes bya ba smras te/ de ltar ngo bo nyid las skye ba med pa de ngo bo nyid med pa nyid yin par mdo sde las gsungs par khas len na de lta na yang dbu ma ba'i smra ba'i rjes su smra ba yin pas/ don dam par de yod par 'dod pa bstan par bya dgos so zhes bstan to/ /sngar rnal 'byor spyod pa po dag na re gang gi tshe kun brtags pa'i ngo bo nyid med pa'i phyir mi dmigs shing gzhan gyi dbang gi ngo bo nyid kyang rgyu mtshan du mi 'dzin pas yang dag par rjes su ma mthong ba de'i tshe na dmigs pa thams cad nye bar zhi ba yin no zhes zer ba la/ kun brtags pa'i ngo bo nyid dang/ de mtshan nyid ngo bo nyid dang/ gzhan gyi dbang gi ngo bo nyid dang/ de skye ba ngo bo nyid med par rnal 'byor spyod pa bdag gis brtags pa ji ltar mi 'thad pa de ltar bstan nas/ da ni rnal 'byor spyod pa pa dag na re gzhan gyi dbang gi? ngo bo nyid kyang rgyu mtshan du mi 'dzin pas yang dag par rjes su mi mthong ba zhes smras pa/ de mi 'thad par brtag pa bstan pa'i phyir/ ji ltar rnal 'byor spyod pas gzhan gyi dbang gi ngo bo nyid rgyu mtshan du mi 'dzin pas/ yang dag par rjes su mi mthong ba yin zhes brtag pa smras so/ /gal te ji ltar snang ba de ltar med pa yin no zhe na zhes bya ba ni/ rnal 'byor spyod pa pa dag na re gzhan gyi dbang gi ngo bo nyid ji ltar snang ba de ltar med pa yin pas/ des na kun brtags pa'i rgyu mtshan du mi 'dzin pas yang dag par rjes su mi mthong ba yin no / zhes zer bai chig phan no/ /de la dbu ma pas ci'i phyir de de ltar med pa yin zhes brtag pa smras so/ /de la rnal b'yor spyod pa bdag na de/ gal te don dam par de ltar
- 338b
ma skyes pa'i phyir ro zhe na ni/ dbu ma pa'i smra pa'i rjes su smra ba yin no zhes bya ba ni/ gal te gzhan gyi dbang gi ngo bo nyid ji ltar snang ba de ltar don dam par ma skyes pa'i phyir ji ltar snang ba de ltar med pa yin no zhe na ni/ dbu ma pa smra ba pa'i rjes su smra ba yin pas de lta na don dam par gzhan gyi dbang gi ngo bo nyid yod par smra ba gtang bar bya dgos so zhes bya ba'i tha tshig go /ji ste ji ltar skyes pa de ltar med de rten nas skyes pa'i phyir sgyu ma la sogs pa bzhin no zhe na ni/ 'o na de lta na gzhan gyi dbang yod pa nyid kyang ma yin la/ dbu ma pa smra ba'i rjes su smra ba yang yin te/ dbum pa smra ba'i tshul ni/ rmi lam ji bzhin sgyu ma bzhin/ /dres ba'i grong khyer ji bzhin du/ /ji ltar skya? dang te bzhin gnas /de bzhin du ni 'jig par gsung/ zhes bya ba yin pa'i phyir ro zhes bya bas ni ji ste rnal 'byor spyod pa pa dag na re gzhan gyi dbang gi? ngo bo nyid de ni kun rdzob tu ni ji ltar rkyen gzhan las skyes pa sgyu ma la sogs pa bzhin du yod la/ don dam par ni de ltar med de/ brtan nas skyes pa'i phyir sgyu ma la sogs pa la ngo bo nyid med pa bzhin pas ji ltar snang ba de ltar med pa yin no zhe na ni/ 'o na de lta na gzhan gyi dbang don dam par yod pa nyid kyang ma yin pas/ khyod don dam par gzhan gyi dbang gi ngo bo nyid yod par 'dod pa gtang dgos pa ma yin la/ de skad smras pa de dbu ma pa'i smra ba'i rjes su smra ba yang yin te/ dbu ma pa yang kun rdzob tu skye ba dang/ gnas pa dang/ 'jig pa dag rmi lam dang/ sgyu ma dang/ dri za'i? grong khyer lta bur yod la/ don dam par ngo bo nyid med pa nyid du 'dod pa'i phyir ro/ /gal te gnyis po dag yongs su ma grub pa'i phyir/ ji ltar snang ba de ltar med do zhe na ni zhes bya ba ni rnal 'byor spyod pa pa dag na re/ gzung ba dang/ 'dzin pa gnyis yongs su ma grub pa'i phyir ji ltar snang ba de ltar med do
- 339a
zhes zer na'o/ /de la ci'i phyir gnyis po dag yongs su ma grub ces brgal zhing brtag pa de nyid de bzhin du nye bar gnas so zhes bya ba ni/ de la dbu ma pas brgal zhing brtag pa dang/ lan gdab pa yang sngar gal te don dam par de ltar ma skyes pa'i phyir ro zhe na ni/ dbu ma pa'i rjes su smra ba yin no/ /ji ste ji ltar skyes ba de ltar med do/ /brten nas skyes ba'i phyir sgyu ma la sogs pa bzhin no zhe na ni/ 'o na de lta na gzhan gyi dbang yod pa nyid kyang ma yin la/ dbu ma pa'i smra ba'i rjes su smra ba yang yin te/ zhes bstan par bzhin du 'dir yang gal te don dam par gnyis po dag de ltar yongs su ma grub pa'i phyir ro zhe na ni dbu ma pa'i rjes su smra ba yin no/ /ji ste gnyis po dag ji ltar skyes pa de ltar med de/ brten nas skyes pa'i phyir sgyu ma la sogs pa bzhin no zhe na ni/ 'o na de ltar na gzhan gyi dbang yod pa nyid kyang ma yin la/ dbu ma pa'i smra pa rjes su smra ba yang yin te/ zhes bya ba de dag de bzhin du nye bar gnas so/ /ji ste yang 'di snyam du/ don dang sems can rnam rig pa/ /snang pa'i rnam par shes pa ni/ /rab tu skye'o de'i don med/ /de med pas na de yang med/ ces bya pas don med pa'i phyir rgyu mtshan du 'dzin pa mi 'grub po snyam na yang don de bstan par dka' o/ zhes bya ba ni/ ji ste yang rnal 'byor spyod pa ba dag 'di snyam du dbus mdza' rnam par 'byed pa las don ces bya ba yul lnga po dag dang/ sems can zhes bya ba dbang po lnga po dag? dang bdag ces bya ba nyon mongs pa can gyi yid dang/ rnam par rig pa zhes bya ba 'jug pa'i rnam par shes pa drug po dag tu snang pa'i rnam par shes pa kun gzhi rnam par shes pa nyid de dag gi rnam par rab tu skye bar zad kyi/ de'i
- 339b
don phyi rol gyi yul ni med de/ yul de med pas na de la 'dzin pa yang med pa'i phyir/ gzung pa dang 'dzin pa gnyis ni med pa yang dag pa ma yin pa'i kun tu rtog pa ni yod par grub po zhes 'byung pas phyi rol gyi don med pa'i phyir gzhan gyi dbang gi ngo bo nyid rgyu mtshan du mi 'dzin pas yang dag par rjes su mi mthong bar? grub po snyam na yang /phyi rol gyi yul med na don de bstan dka' bas mi rung ste/ 'di ltar don dang sems can gyi rnam pa yod na bdag dang rnam par rig pa zhes bya ba dag kyang skye bar rung gi don dang sems can zhes bya ba yul dang dbang po dag med na bdag dang rnam par rig pa zhes bya ba nyon mongs ba can gyi yod dang 'jug pa'i rnam par shes pa dag kyang skye bar mi 'gyur zhing/ de dag med na kun gzhi rnam par shes pa yang yod par bstan mi nus pas de mi rung ngo/ /'on de ji lta bu zhe na/ kun rdzob kyi tha snyad du yul dang/ dbang po dang rnam par shes pa rnams kyang sgyu ma la sogs pa bzhin du phyi nang gi dngos por yod la/ don dam par de dag ngo bo nyid med pa las gzhan gyi dbang gi ngo bo nyid kyang yang dag bar rjes su mi mthong bar 'dod do/ /gal te bstan par mi dka' ste/ mdo sde las/ kye rgyal ba'i sras 'di lta ste/ khams gsum pa 'di ni sems tsam mo zhes gsungs pa'i phyir ro zhe na zhes bya ba ni rnal 'byor spyod pa pa dag na re phyi rol gyi don med kyang kun gzhi rnam par shes pa las yul dang/ dbang po dang nyon mongs pa can gyi yid dang/ 'jug pa'i rnam par shes par snang pa'i rnam par rig pa rab tu skye ba'i don de bstan par mi dka' ste/ 'phags pa byang chub sems dpa' sa bcu'i mdo las/ kye rgyal ba'i sras 'di lta ste/
- 340a
khams gsum pa 'di ni sems tsam mo zhes gsungs pa'i phyir te/ phyi rol gyi don med kyang yul dang/ dbang po dang/ rnam par shes pa la sogs pa khams gsum pa 'di snang par rung? ngo/ /zhes zer ba'i tshig yin no/ de skad ces zer ba de'i lan du 'dir 'grel ba byed pa nyid kyis/ de ni lan? ma yin te/ mdo sde'i tshig gzhan du rnam par bshad pa'i phyir dang zhes bya ba smras te/ 'phags pa byang chub sems dpa' sa bcu'i mdo las/ kye rgyal ba'i sras 'di lta ste khams gsum pa 'di ni sems tsam mo zhes gsungs pa ni sems las gzhan pa'i byed pa po dang zab po med par dgag pa'i phyir sems tsam mo zhes gsungs pa yin gyi/ phyi rol gyi don dgag pa'i phyir sems tsam mo zhes gsungs pa ni ma yin pa las/ khyed kyis mdo sde'i tshig gzhan du log par bshad pa'i phyir de ni lan ma yin no gzhan yang bsgrub par bya ba'i don mngon sum ma yin pa de ni lung dang rjes su dpag pa dag gis 'grub pa'i phyir ro zhes bya bas ni khyed kyi bsgrub par bya ba'i don phyi rol gyi yul dang dbang po ni med la nang gi sems 'ba' zhig yod pa mngon sum gyi spyod yul ma yin pa de ni lung dang rjes su dpag pa dag yod na de dag gis 'grub pa yin na/ khyed la phyi rol gyi don bsal zhing nang gi sems tsam yod pa nyid du ston pa'i lung yang med la de bsgrub pa'i rjes su dpag pa yang med pas kun rdzob tu phyi rol gyi yul dang dbang po rnams yul ma yin pa nyid du bya ba byed nus par sgyu ma la sogs pa bzhin du mngon sum gyi spyod yul gyi don du yod pas sel bar byed pa yang mi rigs la/ don dam par gzhan gyi dbang gi ngo bo nyid yod par ston pa yang mi rigs pas de ni lan ma yin no/ /de ltar rnal 'byor spyod pa pa dag kun rdzob tu yang phyi rol gyi yul dang dbang
- 340b
po ni mi 'dod la/ gzhan gyi dbang gi ngo bo nyid ni don dam par yang yod par 'dod pa de la lung dang rjes su dpag pa dag med pas mi rigs par bkag pa dang/ 'dir rnal 'byor spyod pa pa dag phyi rol gyi don med par bsgrub pa'i rjes su dpag pa dang lung yod par ston te/ de la re zhig rjes su dpag pa bstan pa'i phyir/ gal te rnam par shes pa ni tsa trai la sogs pa'i don gyi stong pa yin te/ 'jug pa dang ldan pa'i phyir dang/ 'bras bu yin pa'i phyir dang/ mi rtag pa'i phyir dang/ g.yo ba med pa'i phyir dang/ dus su 'jug pa'i phyir dper na rang gi bag chags thob pas 'jug pa'i rmi lam gyi sems bzhin no zhes rjes su dpag pa'i phyir dang zhes bya ba smras te/ de dag ni chos can dang bsgrub par bya ba chos dang/ sgrub pa'i chos dang/ dpe yin pa go rim bzhin du sbyar te/ dper na rang gi bag chags 'thob pas 'jug pa'i rmi lam gyi sems ni 'jug pa dang ldan pa'i phyir dang/ 'bras bu yin pa'i phyir dang/ mi rtag pa'i phyir dang/ g.yo pa med pa'i phyir dang/ dus su 'jug pa'i phyir tsa trai la sogs pa'i don gyis stong pa nyid te/ rang gi bag chags thob pas 'jug pa'i dbang gis phyi rol gyi yul med kyang tsa trai dang/ mai tra dang/ lta sbyin dang/ mchod sbyin la sogs pa'i yul gyi phyi rol na med pa dag rang gi rgyud la snang ba de bzhin du kun gzhi rnam par shes pa yang 'jug pa dang ldan pa'i phyir dang/ 'bras bu yin pa'i phyir dang/ mi rtag pa'i phyir dang/ g.yo ba med pa'i ph yir dang/ dus su 'jug pa med pa'i phyir tsa trai la sogs pa'i don gyis stong pa yin te/ rang gi bag chags thob pas 'jug pa'i dbang gis phyi rol gyi yul med kyang tsa trai mai tra dang/ lha sbyin dang mchod sbyin la sogs pa'i yul phyi rol na med pa dag rang gi rgyud la snang bas phyi rol gyi don yod pa ma yin par rjes su dpag go /da ni lung yang yod par bstan pa'i
- 341a
phyir/ lung las/ phyi rol snang ba yong min te/ lus dang longs spyod gnas 'dra bar/ /sems ni sna tshogs snang bas na/ /sems tsam du ni da smra'o zhes gsungs ba'i phyir skyon med do zhe na zhes bya ba smras te/ 'phags pa pa dkar gshegs pa'i mdo las de skad de gsungs pa'i phyir lung dang rjes su dpag pa de dag gis sems tsam grub bo zhes zer ro/ /de skad ces zer ba de'i lan du 'dir 'grel pa byed pa nyid kyis rnal 'byor spyod pa pa dag gi rjes su dpag ba'i don kyang mi 'grub la/ de dag gi lung yang lag par bshad pa'i phyir phyi rol gyi don med pa'i sems tsam du mi 'grub kyis/ kun rdzob tu phyi rol gyi don yod pas rnam par shes pa tsa trai la sogs pa'i don gyis stong pa ma yin la/ sems tsam zhes gsungs pa'i lung yang sems las gzhan pa'i byed pa po dang/ za? ba po la sogs pa dgag pa yin gyi phyi rol gyi don dgag pa ma yin par lung dang rigs pa gzhan dag gis bsgrub pa bstan pa'i phyir/ rnam par shes pa don gyis stong pa yin te zhes dam bcas pa de'i don gang yin zhes bya ba la sogs pa smras te/ 'dis ni de zhig rnam 'byor spyod pa ba dag gis rnam par shes pa ni tsa trai? la sogs pa'i don gyis stong pa yin te zhes dam bcas pa de'i don gang yin zhes brtag pa ston to/ /gal te de'i don phyi rol gyi rkyen la mi bltos par bag chags kyi sa bon gyi rgyu las rnam par shes pa skye ba yin na ni zhes bya bas ni gal te rnal 'byor spyod pa pa dag gis rnam par shed/ pa ni tsa trai la sogs pa'i don gyis stong pa yin te/ zhes dam bcas pa de'i don rnal 'byor spyod pa pa dag nyid 'dod pa ltar phyi rol gyi yul gyi rkyen la mi bltos par kun gzhi rnam par shes pa rang gi bag chags thob pas 'jug pa'i ?
- 341b
pon gyi kyu la kun gzhi rnam par shes pa nyid don dang/ sems can dang/ bdag dang rnam par rig pa zhes bya ba yul dang/ dbang po dang/ nyon mongs pa can gyi yid dang/ 'jug pa'i rnam par shes pa dag gi rnam par skye pa yin nam/ zhes pha rol po dag gi gzhung brnan pa bstan to/ /da ni mi 'thad par bstan pa'i phyir de la gal te don dam par phyi rol gyi rkyen la mi bltos par rnam par shes pa skye bstan na dpe med do zhes bya ba smras te/ des ni rnal 'byor spyod pa bdag gi dpe rang gi bag chags thob pas 'jug pa'i rmi lam gyi sems bzhin no zhes bya ba don dam par mi 'grub par ston te/ 'di ltar don dam par rang gi bag chags thob pas 'jug pa'i rmi lam gyi sems nyid ma skyes pa'i phyir dpe'i chos can ma grub pas pha rol po dag gi dam bcas pa'i don mi 'grub ste/ 'di ltar mtshan nyid las dpe ni gnyi ga la grags pa'i chos can bsgrub par bya ba dang/ sgrub pa'i chos kyi dbang gis bstan par bya'o zhes 'byung ba'i phyir ro/ /de zhig des ni don dam par phyi rol gyi rkyen la mi ltos par rnam par shes pa skye bar ston na /dpe med pas ma grub pa bstan to/ /da ni kun rdzob tu phyi rol gyi rkyen la mi bltos par rnam par shes bskye bar ston na grags pas gnod par 'gyur bas mi 'grub par bstan pa'i phyir/ ji ste tha snyed du ni grags pas gnod do zhes bya ba smras te/ tha snyed du rnam par shes pa yul dang dbang po la sogs pa phyi rol gyi rkyen rnams la bltos te skye bar grags pa'i phyir ro/ /de bzhin du rnal 'byor spyod pa pa dag gis gtan tshigs 'dzug pa dang ldan pa'i phyir dang/ 'bras bu yin pa'i phyir dang/ mi rtag pa'i phyir dang/ g.yo ba med pa'i phyir dang/ dus su 'jug pa'i phyir zhes bya ba de dag kyang gal te don dam par phyi rol gyi rkyen pa mi bltos
- 342a
par rnam par shes pa skye ba'i gtan tshigs su ston na ni gang yang rung ba la ma grub ste/ 'di ltar kho bo cag gi lung las ston pa'i bden pa gang zhe na/ gang la sems kyang mi 'jug na/ yi ge rnam blta smos kyang ci dgos zhes gsungs pas khyed kyi gtan tshigs 'jug pa dang ldan pa'i phyir zhes bya ba la sogs pa de dag kho bo cag gi phyogs la don dam par ma grub pa'i phyir ro/ /ji ste gtan tshigs de dag tha snyad du ston na ni grags pas gnod de/ 'di ltar 'jig rten na yul dang dbang po la sogs pa phyi rol gyi rkyen la mi bltos par rnam par shes pa 'jug pa dang ldan pa la sogs pa dag rang gi skye bar grags te/ 'jig rten na mig gis phyi rol don lta pa la sogs pa'i phyir nor sung kyang 'jal zhing phyi rol gyi yul la lta bas phyi rol gyi yul gyi rkyen la bltos nas/ rnam par shes pa skye bar 'dod pa'i phyir ro/ /sangs rgyas kyi dbang gis sam/ /lta'i dbang gis sam/ dang po lung phog pa'i rnam par rig pa las skyes pa'i rnam par shes pa dag gi gtan tshigs kyi don ma nges pa nyid dang zhes bya bas ni rnal 'byor spyod pa pa dag gi gtan tshigs 'jug pa dang ldan pa'i phyir/ zhes bya ba la sogs pa de dag ma nges pa nyid du ston te/ 'di na sangs rgyas kyi byin gyis brlabs kyi dbang gi nyan thos la sogs pas chos thos nas rgyun tu zhugs pa la sogs pa'i 'bras bu thob pa la dmigs nas rnam par shes pa skye ba dang/ ltas byin gyis byin brlabs kyi dbang gi dge ba dang mi dge ba la dmigs pa'i rnam par shes pa skye ba dang/ dang po gzhan gyis lung phog pa'i rnam par rig pa la brten nas rnam par shes pas skye ba de dag phyi rol gyi rkyen la bltos nas skye ba ma yin par mthong bas/ de la re
- 342b
zhig 'jug pa dang ldan pa la sogs pa yin pa'i phyir/ rang gi bag chags thob pas 'jug pa'i rmi lam gyi sems ji bzhin du rnam par shes pa phyi rol gyi rkyen la mi bltos par skye bar 'gyur ram/ 'on te 'jug pa dang ldan pa la sogs pa'i phyir sangs rgyas kyi dbang gis sam/ lta'i dbang gis sam/ dang po lung phog pa'i rnam par rig pa las skyes pa'i rnam par shes pa dag bzhin du rnam par shes pa phyi rol gyi rkyen la bltos te skye bar 'gyur ba ma nges pa nyid yin pas/ pha rol po dag gi gtan tshigs de mi rung ngo/ /ji ste rnal 'byor spyod pa pa dag tha snyad du sangs rgyas kyi byin gyis brlags kyi dbang gis nyan thos la sogs pas chos thos nas rgyun tu zhugs pa la sogs pa'i 'bras bu thob pa la dmigs pa'i rnam par shes pa skye ba dag mi 'dod na ni de la/ sangs rgyas 'byung ba don med pa nyid kyi skyon du 'gyur bas mi rung ste/ sangs rgyas 'byung ba dang/ chos bstan pa la sogs pa phyi rol gyi rkyen la ma bltos par rgyun tu zhugs pa la sogs pa'i 'bras bu la dmigs pa'i rnam par shes pa skye bar khyed cag 'dod pa'i phyir ro/ /gzhan yang de lta na khyed la/ tha snyad kyi bden par gtogs pa'i don snang ba med pa nyid du yang 'gyur ro/ /zhes bya bas ni rnal 'byor spyod pa pa dag 'dod pa ltar tha snyad du yang yul dang dbang po la sogs pa phyi rol gyi rkyen la mi bltos par rnam par shes pa skye bar ston na/ de la tha snyad kyi bden par gtogs pa'i don yul dang dbang po la sogs pa dag kyang snang ba med pa nyid kyi skyon du 'gyur bas de ni mi 'dod do/ /re zhig de dag gis ni rnal 'byor spyod pa pa dag gi rjes su dpag pa rnam par shes pa ni tsa trai la sogs pa'i don gyis stong pa yin te/ 'jug pa dang ldan pa'i phyir dang
- 343a
'bras bu yin pa'i phyir dang/ mi rtag pa'i phyir dang/ g.yo ba med pa'i phyir dang/ dus su 'jug pa'i phyir/ dper na rang gi bag chags thob pas 'jug pa'i rmi lam gyi sems bzhin no zhes bya ba de'i gtan tshigs dang dpe dag ma grub pas phyi rol gyi yul med par dam bcas pa'i don ma grub par bstan to/ /da ni rnal 'byor spyod pa pa dag lung las/ phyi rol snang ba yod min te/ /lus dang longs spyod gnas 'dra bar/ /sems ni sna tshogs snang ba na/ sems tsam du yang nga smra'o/ /zhes gsungs pas phyi rol gyi yul med par sgrub pa de dag gis lung de'i don log par bshad pa yin gyi/ de'i don ni phyi rol gyi yul de don dam par ngo bo nyid las yod pa ma yin pa'i phyir/ phyi rol gyi don ngo bo nyid yod pa ma yin pas/ lung las/ phyi rol snang ba yod min te zhes gsungs pa dang/ kun rdzob tu phyi rol gyi yul rnams sgyu ma la sogs pa bzhin du yod pa/ lung las/ lus dang longs spyod gnas 'dra bar/ /sems ni sna tshogs snang bas na/ zhes gsungs pa dang/ sems las gzhan bya ba'i byed pa po dang/ za ba po med pa'i phyir lung las/ sems can du ni nga smra'o zhes gsungs pas/ kun rdzob tu phyi rol gyi don yod pa nyid du bstan par bya ste/ de'i phyir/ ngo bo nyid las yod pa ma yin pa'i phyir phyi rol gyi don ngo bo nyid yod pa ma yin yang zhes bya bas ni/ lung las/ phyi rol snang ba yod min te zhes gsungs pa'i don bstan te/ don dam par de ngo bo nyid las yod pa ma yin pa'i phyir ro// phyi rol gyi don gyi yul gyi ngo bo nyid log par snang bar ma gtogs pa la sgyu ma mngon par mi shes pa bzhin du lus dang longs spyod dang/ gzhan 'dra pa'i sems sna tshogs skye bas sems sna tshogs su snang zhing/ lus dang longs
- 343b
spyod dang/ gnas kyi grib ma lta bus nye bar kha sgyur ba'i phyir/ lus dang longs spyod dang gnas lta bur yang ngo zhes bya bas ni lung las/ lus dang longs spyod gnas 'dra bar/ /sems ni sna tshogs skye bas na/ zhes gsungs pa'i don bstan te kun rdzob tu dper na/ sgyu ma'i gzugs sna tshogs ngo bo nyid med par mi shes pa la sgyu ma'i gzugs sna tshogs ci 'dra pa'i sems sna tshogs snang ba de bzhin du/ lhas byin la sogs pa gang dag gis phyi rol gyi don gyi yul ngo bo nyid med par ma rtogs ba rnams la yul gyi dngos po sna tshogs ci 'dra ba'i sems sna tshogs kyang snang zhing/ lus dang longs spyod dang/ gnas kyi rnam pa la sems mngon par chags pa'i dbang gis/ lus zhes bya ba gzugs kyi phung po sna tshogs dang/ longs spyod ces bya ba yul rnams dang/ gnas zhes bya ba 'jig rten gyi khams sna tshogs kyang snang ste/ de dag ni nang gi sems kyi rnam pa las gzhan pa phyi rol gyi yul gyi dngos po sgyu ma la sogs pa lta bur rang rang gi rgyu dang rkyen las byung ba yod pa nyid yin no/ /de nyid kyi 'thad pa bstan pa'i phyir/ de med du zin na de ltar snang ba nyid du mi 'gyur te/ dper na ri bong gi rwa snang ba nyid du mi 'gyur ba bzhin no/ /zhes bya ba smras te/ gal te phyi rol gyi yul rnams med par sems kyi dbang gis dbang po dang blo la snang bar 'gyur na ni/ ri bong gi rwa lta bu med pa dag kyang dbang po dang blo la snang par 'gyur ba zhig na/ de dag ni snang bar mi 'gyur la/ phyi rol gyi yul rnams ni snang ba nyid du 'gyur bas/ med pa la ma yin no/ /bcom ldan 'das kyis sems tsam zhes gsungs pa'i mdo sde'i don kyang sems las gzhan pa'i byed pa po dang/ za ba po med pa'i phyir/ sems tsam mo zhes gsungs par khas blangs pa'i phyir de ltar nges par
- 344a
byar mi rung ste/ zhes bya bas ni/ lung las kye rgyal ba'i sras 'di lta ste/ khams gsum pa 'di ni sems tsam mo zhes gsungs pa dang/ sems tsam du ni pa smra'o zhes gsungs pa'i don bstan te/ sems tsam zhes gsungs pa de ni byed pa po dgag pa yin gyi/ don dgag pa ni ma yin pas/ des pha rol po dag 'dod pa ltar yul dgag pa yin par nges par byar mi nus so/ /de nyid kyis yid ches pa'i lung gi khungs rnal 'byor spyod pa pa dag gis yid la ma zin pa slob dpon gyi zhal snga nas dang 'brel pa byed pa dag gis rnam par nges par mdzad pa gzhan bstan pa'i phyir/ byang chub sems dpa' i sa drug pa las byang chub sems dpa' srid pa'i yan lag bcu gnyis kyi skye ba dang 'gag pa las so sor rtog pa 'di snyam du sdug bsngal gyi phung po 'ba' zhig pa 'dis sdug bsngal gyi shing ljon pa mngon par 'grub par byed kyi/ byed pa po'am? tshor ba po ni med do snyam nas de 'di snyam du sems te byed pa po la mngon par zhen pa las bya ba mngon bar 'gyur gyi/ gang la byed pa po med pa de la don dam par bya ba yang dmigs su med do snyam nas de 'di snyam du sems te/ 'di lta ste/ khams gsum pa 'di ni sems tsam ste / sems tsam gyis rab tu phye ba dang/ sems kyi mngon par 'dus byas pa yin gyi/ dbang phyug la sogs pa byed pa po ni med do snyam du rnam par nges pa mdzad nas/ kye rgyal ba'i sras 'di lta ste/ khams gsum pa 'di ni sems tsam mo zhes gsungs te/ tsam zhes gsungs pa de ni byed pa po dgag pa yin par shes par bya'i/ don dgag pa ni ma yin par shes par bya'o/ /zhes bya ba smras te/ 'phags pa sa bcu pa'i mdo las/ kye rgyal ba'i sras 'di lta ste /
- 344b
khams gsum pa 'di ni sems tsam mo zhes gsungs pa de'i dgongs pa dgrol ba ni sa drug pa'i skabs nyid nas/ de skad gsungs pa yin pas/ de'i phyir sems tsam zhes gsungs pa'i sgra ni byed pa po dgag pa'i don yin gyi/ yul dgag pa'i don ma yin par shes par bya'o/ /de bzhin du 'phags pa lang kar gshegs pa'i mdo las kyang/ byed pa po dgag pa nyid du gsungs te/ gang zag rgyu dang phung po dang/ /de bzhin rkyen dang rdul dag dang/ /gtso bo dbang phyug byed pa po/ /sems tsam du ni da smra'o/ /zhes gsungs pas 'dir sems cam nyid byed pa po nyid du rig gi /gang zag dang/ rgyu dang/ phung po dang/ rkyen dang/ rdul phran dang/ gtso bo dang/ dbang phyug dag ni byed pa po ma yin te/ 'di ltar rab tu smra ba dag las kha cig ni gang zag byed pa por rtog /kha cig ni rgyu byed pa por/ kha cig ni phung po/ /kha cig ni rkyen/ kha cig ni rdul phran/ kha cig ni gtso bo/ kha cig ni dbang phyug byed pa po rtog pa de dag ni byed pa po ma yin gyi/ sems can gyi rab tu phye ba dang/ sems tsam gyis mngon par 'du byas pa yin pas/ sems tsam du nga smra'o zhes gsungs pa'i lung des kyang sems tsam zhes bya ba'i sgras ni byed pa po dgag pa'i don yin gyi/ yul dgag pa'i don ma yin par shes par bya'o/ /gang dag 'di skad ces/ dngos po gzugs can rnams ni sems kyi ngo bo nyid yin te/ rnam par shes pa'i yul yin pa'i phyir dper na de ma thag pa'i rkyen bzhin no zhes bya bas ni/ rnal 'byor spyod pa pa dag dngos po gzugs can rnams sems kyi ngo bo nyid yin par bsgrub pa'i tshig yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na de ma thag pa'i rkyen ni rnam par shes pa'i yul yin pa'i phyir sems kyi ngo bo nyid
- 345a
yin pa de bzhin du dngos po gzugs can rnams kyang rnam par shes pa'i yul yin pa'i phyir sems kyi ngo bo nyid yin pas phyi rol gyi yul med par 'grub po zhes zer ro/ /de skad ces zer ba de'i lan du 'dir/ 'grel pa byed pa nyid kyis/ sems las byung ba dag gis ma nges pa nyid yin no zhes bya ba smras te/ de dag ni rnal 'byor spyod pa bdag gi gtan tshigs rnam par shes pa'i yul yin pa'i phyir zhes bya ba de ma nges pa nyid du ston te/ 'di na sems las byung ba'i chos rnams rnam par shes pa'i yul yin yang sems kyi ngo bo nyid ma yin par mthong bas nges na ji re zhig rnam par shes pa'i yul yin pa'i phyir dper na de ma thag pa'i rkyen bzhin du dngos po gzugs can rnams sems kyi ngo bo nyid yin par 'gyur ram/ 'on te rnam par shes pa'i yul yin pa'i phyir dper na sems las byung ba dag bzhin du dngos po'i gzugs can rnams sems kyi ngo bo nyid ma yin par 'gyur pa ma nges pa nyid yin pas pha rol po'i gtan tshigs kyi don ma grub pa/ gzugs la sogs pa ni sems dang sems las byung ba'i ngo bo nyid yin par ston na yang zhes bya ba ni rnal 'byor spyod pa pa dag 'di skad ces/ gzugs dang/ sgra dang/ dri dang ro dang reg bya dag ni sems dang sems las byung ba'i ngo bo nyid yin te/ rnam par shes pa'i yul yin pa'i phyir dper na de ma thag pa'i rkyen bzhin bas/ dngos po gzugs can rnams sems kyi ngo bo nyid yin no zhes zer ba'i sgrub pa bstan to/ /de'i lan du/ sems dang sems las byung ba dag gis so sor ma nges pa nyid yin no zhes bya ba smras te/ de lta na yang pha rol po dag gi gtan tshigs rnam par shes pa'i yul yin pa'i phyir/ zhes bya ba ?
- 345b
yang ma nges pa nyid do/ /'di na rnam par shes pa'i yul yin yang sems dang sems las byung pa dag ngo bo nyid tha dad par mthong bas/ de na ji re zhig rnam par shas pa'i yul yin pa'i phyir dper na de ma thag pa'i rkyen bzhin du gzugs la sogs pa sems kyi ngo bo nyid yin par 'gyur ram 'on te rnam par shes pa'i yul yin pa'i phyir dper na sems dang sems las byung ba dag gcig gi ngo bo nyid gcig ma yin pa de bzhin du gzugs la sogs pa sems dang sems las byung ba'i ngo bo nyid du 'dod pa de dag kyang sems kyi ngo bo nyid kyi gzugs la sogs pa ni sems las byung ba'i ngo bo nyid ma yin la/ sems las byung ba'i ngo bo nyid kyi gzugs la sogs pa yang sems kyi ngo bo nyid ma yin dag gi so sor ma nges pa nyid du 'gyur pas gzugs la sogs pa rnam par shes pa'i yul yin pa'i gtan tshigs kyis sems kyi ngo bo nyid yin par ma grub bo/ /ji ste 'di skad ces sems las byung ba'i chos rnams ni sems kyi gnas skabs kyi khyad par yin pas sems dang sems las byung ba dag ngo bo nyid tha mi dad pa'i phyir sems dang sems las byung pa dag gis so sor ma nges pa nyid ma yin no zher na de'i lan du gal te don dam par sems dang sems las byung ba dag ngo bo nyid gcig par brjod na ni grub pa la bsgrub pa yin te/ 'di ltar don dam par chos thams cad gnyis su med pa'i phyir ro/ /'on te tha snyad du sems dang sems las byung pa dag ngo bo nyid gcig par brjod na ni khyed kyi grub pa'i mdza' dang 'gal ba yang yin te/ zhes brjod par bya'o/ /khyed kyi grub pa'i mdza' i tshul ji lta bu zhe na/ tshul ni de la don mthong rnam par shes/ de'i bye brag sems las byung/ zhes byas
- 346a
yin pa'i phyir ro zhes bya ba smras te/ yul de la don gyi ngo bo nyid tsam mthong ba ni rnam par shes pa yin la/ don de'i bye brag rig pa ni sems las byung ba dag yin no zhes khyed kyi grub pa'i mdza' las byung ba dang 'gal bas tha snyad du sems dang sems las byung ba dag ngo bo nyid gcig go zhes bya bar mi rung ngo/ /snga ma bzhin du dam bcas pa'i skyon yang yod do/ /zhes bya bas ni tha snyad du gzugs la sogs pa yul rnams sems dang sems las byung ba'i ngo bo nyid yin zhing sems dang sems las byung ba dag kyang ngo bo nyid gcig go zhes dam bca' na/ sngar dpe med pa dang grags pas gnod pa dang/ ma nges pa nyid dang/ sangs rgyas 'byung ba don med pa nyid dang/ tha snyad kyi bden par gtags pa'i don snang ba med pa nyid du yang 'gyur ro zhes bstan pa'i skyon dag kyang yod pas mi rung ngo/ /gang dag 'di skad ces 'di la gzugs kyi blo 'di'i yul rdul phra rab kyi gzugs gcig yin nam 'dus pa yin zhes bya ba la sogs pas ni rnal 'byor spyod pa pa dag la sogs pa gang dag phyi rol gyi yul med par 'dod pa dag na re dbu ma pa la sogs pa kun rdzob tu phyi rol gyi yul yod par 'dod pa dag gang gi gzhung las gzugs kyi blo'i yul phyi rol gyi gzugs yin par 'dod pa de ji gzugs kyi blo mig gi rnam par shes pa 'di'i yul rdul phra rab kyi gzugs gcig yin nam/ 'on te 'dus pa yin grang na/ de gnyis ka yang gzugs kyi blo yul du mi 'thad pas de'i phyir phyi rol gyi yul yod pa ma yin no zhes bsgrub pa'i gzhung ston to/ /de la re zhig rdul phra rab kyi gzugs gcig gzugs kyi blo'i yul ma yin par sgrub pa'i gzhung bstan pa'i phyir/ de la rdul phra ra ba
- 346b
kyi gzugs gcig ni gzugs kyi blo'i spyod yul ma yin te/ de mi snang ba'i phyir/ dper na mig bzhin no zhes bya ba smras ta/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mig gi dbang po ni mi snang ba'i phyir gzugs kyi blo'i yul ma yin pa de bzhin du rdul phra rab kyi gzugs gcig kyang mi snang ba'i phyir gzugs kyi blo'i yul ma yin no/ /de na rdul phra rab kyi gzugs 'dus pa gzugs kyi blo'i yul ma yin par sgrub pa'i gzhung bstan pa'i phyir/ ci ste 'dus pa yin na ni de gzugs kyi blo'i yul ma yin te/ rdzas su yod pa ma yin pa'i phyir dper na zla ba gnyis su snang ba bzhin no zhes zer na zhes bya ba smras te/ da dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na zla ba gnyis su snang ba ni rdzas su yod pa ma yin pa'i phyir gzugs kyi blo'i yul ma yin pa de bzhin du rdul phra rab kyi gzugs 'dus pa yang dmag dang nags tshal dang shid rta la sogs pa bzhin du 'dus pa spyi la gdags pas rdzas su? yod pa ma yin pa'i phyir gzugs kyi blo'i yul ma yin no zhes zer ro/ /de skad ces zar ba de'i lan du 'dir 'grel pa byed pa nyid kyis/ de la gal te don dam par mig gi rnam par shes pa gzugs la dmigs pa nyid dang/ gzugs kyang mig gi rnam par shes pa'i dmigs par bya ba nyid ma yin par 'gog par byed na ni grub pa la sgrub pa yin no/ /ci ste tha snyad du na ni grags pas gnod do zhes smras te/ don dam par ni yul dang rnam par shes pa skye ba med par dbu ma pa'i phyogs la yang grub pa'i phyir dang tha snyad du ni yul dang rnam par shes pa yod par 'jig rten la grags pa'i phyir ro/ /rdul phra rab dag dbang po'i rnam par rig
- 347a
pa dag gi yul ma yin zhes dam bcas pa de'i don kyang gang yin zhes bya bas ni dbu ma pas sngar rnal 'byor spyod pa la 'di skad ces 'di la gzugs kyi blo 'di'i yul rdul phra rab kyi gzugs gcig yin nam/ 'dus pa yin zhes zer bas rdul phra rab kyi gzugs gcig gam/ 'dus pa ngag gzugs kyi blo'i spyod yul ma yin par dam bca' pa de'i don kyang ci gzugs kyi blo'i yul rdul phra rab kyi gzugs dag pa ma yin na/ de las gzhan zhig yod pa yin nam/ 'on te rdul phra rab kyi gzugs dag kyang ma yin la/ gzhan yang med pas yul ji yang med pa yin no zhes brtag pa rnam pa gnyis ston to/ /de la re zhig brtag pa dang po ltar mi 'thad par bstan pa'i phyir/ gal te yul gzhan yod pa yin na ni phyogs snga ma la gnod do zhes bya ba smras te/ khyed kyis sngar ni gzugs kyi blo'i yul med par dam bcas la/ da ni de'i yul rdul phra rab kyi gzugs dag ma yin pa de las gzhan zhig yod par khas blangs pas rang gi phyogs snga ma la gnod pa'i phyir ro/ /brtag pa gnyis pa ltar mi 'thad par bstan pa'i phyir/ gal te de la yul med na ni dpe med de/ gzugs kyi blo phyogs su byas ba yul med par ma grub pa'i phyir ro zhes bya ba smras te/ gang gi phyir khyed kyi gzugs kyis blo la yul med do zhes phyogs su byas pa de'i phyir gzugs kyi blo yul med par ma grub pas des na khyed kyi sgrub pa gzugs kyi blo la yul med de zhes dam bcas pa de'i dpe yang gzugs kyi blo yul med pa gzhan 'ga' zhig las blang dgos na dper bya ba'i gzugs kyi blo gzhan de yang gzugs kyi blo yin pa'i phyir yul med par ma grub pa'i phyir te gzugs kyi blo yul med par bsgrub
- 347b
pa phyogs su byas pa 'di'i dper mi rung pa'i phyir ro/ /gzhan yang blo rdul phra rab kyi gzugs bsags pa dang/ bsags pa ma yin pa gcig pu la dmigs pa dag phyogs su byas pas/ des bya ba la sogs pas ni sngar rnal 'byor spyod pa bdag gi 'di la gzugs kyi blo 'di'i yul rdul phra rab kyi gzugs gcig yin nam 'dus pa yin zhes smras pas/ gzugs kyi blo rdul phra rab kyi gzugs bsags pa dang bsags pa ma yin pa gcig pu la dmigs pa ngag phyogs su byas nas de gnyi ga mi 'grub bo zhes zer ba'i phyogs de gnyis ka la yang gtan tshigs kyi don ma grub pa nyid dang grub pa la sgrub pa nyid dang/ gzhi ma grub pa'i skyon yod par ston to/ /de la re zhig phyogs dang po'i gtan tshigs kyi don ma grub pa'i skyon bstan pa'i phyir/ gcig gi dus la ni gtan tshigs kyi don ma grub pa nyid de/ bsags pa'i gzugs rdul phra rab kyi gzugs gzhan gyi phan btags pa gcig pu yang rang gi bdag nyid snang ba'i blo bskyed pa yin pa'i phyir de'i blo yod pas de mi snang ba nyid ma grub pa'i phyir ro zhes bya ba smras te/ des ni sngar rnal 'byor spyod pa dag na re de la rdul phra rab kyi gzugs gcig ni gzugs kyi blo'i spyod yul ma yin te/ de mi snang ba'i phyir dpor? na mig bzhin no zhes zer ba'i gtan tshigs mi snang ba'i phyir zhes bya ba de'i don ma grub pa nyid du ston te/ 'di ltar rdul phra rab kyi gzugs bsags pa ma yin pa gcig pu yang rang gi bdag nyid snang ba'i blo skyed par byed de/ ji ltar zhe na/ dper na mi mang po'i lag rub? kyis sdong po chen po bshal ba'i dus na mi mang po de dag gcig gi mthus gcig la phan btags pa spyi'i mthus sdong pu de bshal nus par gyur pa na mi mang po de dag las mi gcig pu'i mthu re re nas mi snang yang
- 348a
spyir snang ba'i tshe na mi gcig pu de'i mthu yang rang gi bdag nyid snang ba'i blo skyed pa yin pa'i phyir de'i mthu mi snang ba ma yin pa de bzhin du rdul phra rab kyi gzugs bsags pa mang po 'dus pa la gzugs kyi blos dmigs pa'i dus na rdul phra rab kyi gzugs mang po de dag gcig gi gzugs kyis gcig la sbyar cing phan btags pa na spyi 'dus pa gzugs kyi blo de'i yul du gyur pa na rdul phra rab kyi gzugs mang po de dag las gcig pu'i gzugs re re nas mi snang yang sbyir snang ba'i tshe rdul phra rab kyi gzugs gcig pu de'i gzugs kyang rang gi bdag nyid snang ba'i blo skyed pa yin pa'i phyir de'i gzugs mi snang ba ma yin pas mi snang pa'i phyir zhes bya ba'i gtan tshigs kyi don ma grub pa nyid do/ /phyogs dang po'i gtan tshigs grub pa la sgrub pa'i skyon bstan pa'i phyir/ gzhan gyi dus la ni grub pa la sgrub pa yin te/ bsags pa ma yin pa'i gzugs mig gi rnam par shes pa'i yul nyid du khas ma blangs pa'i phyir ro zhes bya ba smras te/ des ni sngar rnal 'byor spyod pa pa dag na re de la/ rdul phra rab kyi gzugs gcig ni/ gzugs kyi blo'i spyod yul ma yin te/ de mi snang ba'i phyir dper na mig bzhin no zhes zed? pa'i gtan chags mi snang ba'i phyir zhes zer de grub pa la sgrub pa nyid du ston te/ 'di ltar kho bo cag dbu ma pas kyang rdul phra rab kyi gzugs bsags pa ma yin pa gcig pu mig gi rnam par shes pa'i yul nyid du khas ma blangs pa'i phyir ro/ /sde pa gzhan dag la yang de grub pa la sgrub pa yin par bstan pa'i phyir/ chos mngon pa las kyang gzugs can bcu ni bsags pa'o zhes 'byung bas/ de'i phyir bsags pa ma
- 348b
pa ni yul gyi dngos por mi 'grub po zhes bya ba smras te/ des ni rnal 'byor spyod pa pa dag gi gtan tshigs mi snang ba'i phyir zhes bya ba de sde pa gzhan dag gi phyogs la yang grub pa la sgrub pa'i skyon chags pa yin par bstan to/ /phyoD dang po'i gtan tshigs kyi gzhi ma grub pa'i skyon bstan pa'i phyir/ gzugs la dmigs pa med par gzugs kyi blo skye bar dam 'cha' pa ni gzugs la dmigs par mi byed pa'i blo ni mig gi dbang po'i blo nyid yin par mi 'grub pas de mi snang ba'i phyir/ zhes bya ba'i gtan tshigs kyi gzhi ma grub pa nyid do zhes bya ba smras te/ des ni sngar rnal 'byor spyod pa pa dag na re de la rdul phra rab kyi gzugs gcig ni gzugs kyi blo'i spyod yul ma yin te/ de mi snang pa'i phyir dper na mig bzhin no zhes zer ba'i gtan tshigs mi snang ba'i phyir zhes bya ba de'i gzhi ma grub pa nyid du ston te/ sngar rnal 'byor spyod pa pa dag gis rdul phra rab kyi gzugs gcig ni gzugs kyi blo'i spyod yul ma yin te/ zhes smras pa de nyid kyis gzugs la dmigs pa med par yang gzugs kyi blo skye bar dam bcas pa yin pas/ dper na gzugs la dmigs pa med pa'i blo ni mig gi dbang po'i blo nyid yin par mi 'grub pa'i phyir gzugs kyi bla nyid med pas/ des na pha rol po dag gi gtan tshigs de mi snang pa'i phyir zhes bya ba'i gzhi ma grub pa nyid de gzugs kyi blo nyid ma grub pa'i phyir ro zhes bstan to/ /gzugs la blo'i yul 'dus pa nyid la yang rdzas su yod pa ma yin pa'i phyir zhes gang smras pa de la snga ma bzhin du dam bcas pa'i skyon yod do zhes bya bas ni sngar rnal 'byor spyod pa dag gi spyi ste 'dus pa yin na ni de gzugs kyi blo'i yul ma yin te/ rdzas su yod
- 349a
pa ma yin pa'i phyir dper na zla ba gnyis su snang ba bzhin no zhes smras pa'i phyogs gnyis pa de la yang gtan tshigs kyi don ma grub pa nyid dang/ grub pa la sgrub pa nyid dang/ gtan tshigs kyi gzhi ma grub pa nyid kyi skyon snga ma bzhin du sbyar? ba ston te/ sngar rnal 'byor spyod pa pa dag gis rdul phra rab kyi gzugs 'dus pa gzugs kyi blo'i spyod yul ma yin par dam bcas pa'i gtan tshigs rdzas su yod pa ma yin pa'i phyir zhes gang smras pa de mi 'grub ste/ rdzas su yod pa ma yin yang dmag dang nags tshal dang/ shing rta la sogs pa gzugs kyi blo skyed pa'i yul yin pa'i phyir dang/ rdzas su yod pa ma yin pa'i phyir zhes bya ba de grub pa la sgrub pa nyid kyang yin te/ dbu ma pa dang sde pa gzhan dag gis kyang 'dus pa rdzas su yod pa nyid du khas ma blangs pa'i phyir dang/ de'i gzhi ma grub pa yang yin te/ 'dus pa gzugs kyi blo'i yul ma yin te zhes smras pa de nyid kyis gzugs la dmigs pa med par gzugs kyi blo skye bar dam bcas pas gzugs la dmigs par mi byed pa'i blo ni mig gi dbang po'i blo nyid yin par mi 'grub pas rdzas su yod pa ma yin pa'i phyir zhes bya ba'i gtan tshigs kyi gzhi ma grub pa nyid yin pa'i phyir ro// //bam po bdun cu rtsa brgyad pa/ /zla ba gnyis su snang ba yang gal te don yin no zhe na ni/ de rang dang gzhan la mi 'grub ste/ rnam pa de lta bu'i don mi srid pa'i phyir ro zhes bya ba ni sngar rnal 'byor spyod pa pa dag gis ci ste 'dus pa yin na ni de gzugs kyi blo'i yul ma yin te/ rdzas su yod pa ma yin pa'i dper na zla ba gnyis su snang ba bzhin na zhes smras pa'i dpe do mi 'grub par ston te/ khyed kyi dpe zla ba gnyi su snang ba
- 349b
bzhin no zhes bya ba de yang gal te phyi rol gyi don yin pa de rdzas su yod pa ma yin pa'i phyir gzugs kyi bla'i yul ma yin pa de bzhin du rdul phra rab kyi gzugs 'dus pa yang phyi rol gyi don yin la/ de rdzas su yod pa ma yin pa'i phyir gzugs kyi blo'i yul ma yin no zhes bya bar sgrub na mi byed kyi dpe de rang dang gzhan la mi 'grub ste/ de ltar na zla ba gnyis su snang ba phyi rol gyi don yin no zhes bya ba de khyed cag gi phyi rol gyi don med par smra ba rang gi phyogs la yang zla ba gnyis su snang ba de lta bu'i don mi srid pa'i phyir dang/ kho bo cag phyi rol don yod par smra ba gzhan gyi phyogs la yang zla ba gnyis pa snang ba de lta bu'i don mi srid pa'i phyir ro/ /'on te zla ba gnyis su snang ba blo yin no zhe na ni de rdzas su yod pa ma yin par ma grub pa'i phyir dpe la sgrub pa'i chos tshang pa nyid kyi skyon yod do zhes bya bas ni 'on te khyed kyi dpe zla ba gnyis su snang ba bzhin no zhes bya ba de phyi rol gyi don ma yin gyi/ nang gi sems yin la/ de rdzas su yod pa ma yin pa'i phyir gzugs kyi blo'i yul ma yin pa de bzhin du rdul phra rab kyi gzugs 'dus pa yang phyi rol gyi don ma yin gyi/ nang gi sems yin pa de rdzas su yod par 'dod pa'i zla ba gnyis gzugs kyi blo'i yul ma yin no/ /zhes bya bar sgrub pa'i chos ma chang? gnyid? kyi skyon yod de/ ji ltar na zla ba gnyis su snang ba nang gi sems yin na zhes bya ba de khyed cag rnam par shes ba tsam du smra ba dag sems dang sems las byung ba dag rdzas su yod par 'dod pa'i zla ba gnyis su snang ba blo yin no zhes bya ba de rdzas su yod pa ma yin par ma grub pa'i phyir khyed kyi dpe zla ba gnyis su snang pa bzhin no zhes bya ba de la sgrub pa'i chos rdzas su yod pa ma yin pa'i phyir zhes bya ba de ma tshang ba nyid kyi skyon yod pas mi rung ngo/ /gzugs kyi rnam par shes
- 350a
pa gzugs zhes bya ba'i don gyis stong par ston na ni dpe la bsgrub par bya ba chos ma tshang pa nyid kyi skyon yod de/ zla ba gnyis su mthong pa'i blo phyi rol gyi dmigs pa la ma bltos par skye bar mi 'grub pa'i phyir ro zhes bya bas ni sngar khyed na re ji ste 'dus pa yin na ni de gzugs kyi blo'i yul ma yin te/ rdzas su yod pa ma yin pa'i phyir dper na zla ba gnyis su mthong ba bzhin no zhes zer ba'i sgrub pa des/ gal te gzugs kyi rnam par shes pa gzugs zhes bya ba'i don gyis stong ste/ mig gi rnam par shes pa la yul phyi rol gyi gzugs med do zhes bya bar ston na ni de ltar na khyed kyi dpe la bsgrub par bya ba chos mtshang pa nyid kyi skyon yod de/ ji ltar zhe na/ mig gi rnam par shes pa zla ba gnyis su mthong ba'i blo ni de'i yul gyi phyi rol na zla ba bzhi po snga na yod pa de la dmigs nas de'i 'og tu zla ba gnyis pa mthong ba'i blo skye ba yin pas zla ba gnyis su mthong ba'i blo de phyi rol gyi dmigs pa zla ba bzhi po snga na yod pa lam bltos par skye ba mi 'grub pa'i phyir khyed kyi dpe zla ba gnyis su mthong ba'i phyi rol gyi dmigs pa la bltos te/ skyes ba de la bsgrub par bya ba chos gzugs kyi rnam par shes pa phyi rol gyi dmigs pa la ma bltos par skye ba zhes bya ba gzugs kyi rnam par shes pa gzugs zhes bya ba'i don gyis stong par ston pa de ma tshang pa nyid kyi skyon yod pas mi rung ngo/ /gzhan yang smra bar 'dod pa'i rnam par shes ba ni dmigs pa'i rkyen gzugs kyi rnam par shes pa'i gzugs su snang ba nyid gang yin pa de dang ldan pa ma yin te/ mig gi rgyu dang ldan pa'i phyir dper na de nyid kyi rang gi bdag nyid du snang ba bzhin pas/ tha
- 350b
snyad du dmigs pa'i rkyen la skur pa 'debs pa'i phyir mdzad pa'i mdza' dang 'gal lo zhes bya bas ni 'di skad ston te/ rnam par shes pa tsam du smra ba dag gi grub pa'i mdza' las phyi rol gyi don ni med kyi/ nang gi sems ni yod pas rnam par shes pa rnams skye ba ni gzung pa'i rnam par snang pa dang/ 'dzin pa'i rnam par snang ba'i cha gnyis su skye ste/ de la gzung pa'i rnam par snang ba ni rnam par shes pa nyid yul gyi rnam pa lta bur phyi rol na dmigs pa'i rkyen du snang ba yin la/ 'dzin pa'i rnam par snang ba ni rnam? par shes pa de nyid gzung ba'i rnam par snang ba de la brten nas 'dzin pa'i ngo bo nyid du skye ba yin pas/ rnam par shes pa nyid las cha gcig ni gzung ba'i rnam par snang/ cha gcig ni 'dzin pa'i rnam par snang ste/ de gnyis ngo bo nyid gcig pa'i phyir gzung ba dang 'dzin pa'i bdag nyid gnyis su dbyer med pas/ gzung ba'i rnam par snang ba'i cha de nyid 'dzin pa'i rnam par snang ba de'i cha de'i dmigs pa'i rkyen yin pa'i phyir sems nyid la sems nyid dmigs te/ skye bas phyi rol gyi yul ni med kyi/ nang gi sems 'ba' zhig yod do zhes zer ro/ /da 'dir de dag gi gzhung dgag cing rnam par shes pa las gzhan pa dmigs pa'i rkyen phyi rol gyi yul nyid yod par ston te/ rnam par shes pa tsam du smra ba dag gis brtags pa'i rnam par shes pa 'dzin pa'i rnam par snang ba'i cha de ni dmigs pa'i rkyen gzung pa'i rnam par snang pa'i cha de dang ldan pa ma yin te mig gi rgyu dang ldan pa'i phyir dper na 'dzin pa'i rnam par snang ba'i cha de nyid kyi rang gi bdag nyid gang yin pa de dmigs pa'i rkyen rang gi bdag nyid de nyid dang ldan pa ma yin pa bzhin pas/ phyi rol gyi yul med par smra na tha snyad du yang
- 351a
dmigs pa'i rkyen la skur pa 'debs pa'i phyir mdzad pa'i mdza' las mig dang gzugs rnams la brten nas mig gi rnam par shes pa skye'o zhes 'byung ba dang 'gal bas/ rnam par shes pa tsam du smra ba kun rdzob tu yang phyi rol gyi yul med par 'dod pa'i gzhung de rigs pa dang lung dang tshad ma thams cad dang 'gal ba'i phyir mi rung ngo zhes ston to/ /de dag kyang chos can dang/ bsgrub par byas chos dang/ sgrub pa'i chos dang/ dpe dang/ mjug bsdu ba yin par go rim bzhin du sbyar te/ dper na mig gi rnam par shes pa 'dzin pa'i rnam par snang pa'i cha de nyid kyi rang gi bdag nyid ni mig gi rgyu dang ldan pa'i phyir dmigs pa'i rkyen mig gi rnam par shes pa 'dzin pa'i rnam par snang ba'i cha de nyid kyi rang gi bdag nyid gang yin pa de dang ldan pa ma yin pa bzhin du pha rol po dag smra ba'i 'dod pa'i mig gi rnam par shes pa 'dzin pa'i rnam par snang ba'i cha de yang mig gi rgyu dang ldan pa'i phyir dmigs pa'i rkyen mig gi rnam par shes pa 'dzin pa'i rnam par snang ba'i cha de nyid kyi gzung pa'i cha gang yin pa de nyid dang ldan pa ma yin te/ de ltar gang gi phyir rnam par shes pa tsam du smra ba dag 'dod pa ltar phyi rol gyi yul med par gyur na tha snyad du yang dmigs pa'i rkyen la skur pa 'debs pa de'i phyir rang gi mdzad pa'i mdza' las mig dang/ gzugs rnams la brten mig gi rnam par shes pa skye'o zhes gsungs pa dang 'gal bas de ni mi rung ngo/ /de'i phyir dbu ma pa smra pa'i tshul kun rdzob tu dmigs pa'i rkyen phyi rol gyi yul rnams la brten nas nang gi rnam par shes pa skye bar 'gyur ba lung dang rigs pas
- 351b
grub pa de nyid nges par khas blang bar bya'o/ /gal te 'dir rnal 'byor spyod pa pa dag 'di skad ces phyi rol gyi dmigs pa'i rkyen med kyang kun gzhi rnam par shes pa nyid yul gyi ngo bo nyid du snang ba dmigs pa'i rkyen yin pas mdzad pa'i mdza' dang mi 'gal lo zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis/ rnam par shes pa ni rang gi bdag nyid kyis nges par gnas pa'i phyir rgyu yod na lta ba med par mi 'thad pas dmigs pa med par mi 'grub bo zhes bya smras te/ kun gzhi rnam par shes pa dmigs pa'i rkyen yin na de ni gnas ma gyur gyi bar du rang gi bdag nyid kyis nges par gnas pa'i phyir rgyu yod na gzugS la lta ba'i rnam par shes pa yang med par mi 'thad pas rgyu kun gzhi rnam par shes pa rtag tu yod pa bzhin du de la dmigs pa mig gi rnam par shes pa yang rtag tu skye ba'i rigs na/ de lta ni ma yin te/ gang gi tshe dmigs pa'i rkyen phyi rol gyi yul nye bar gnas na nye bar gnas pa las byung ba'i mig gi rnam par shes pa skye'i/ de med na mi skye bas dmig pa'i rkyen phyi rol gyi yul med par mi 'grub bo/ /ji ste 'di snyam du/ dmigs pa la ni brten byas nas mi dmigs pa ni rab tu skye /mi dmigs pa la brten byas nas/ /mi dmigs pa ni rab tu skye zhes 'byung bas skyon med do snyam na zhes bya bas ni rnal 'byor spyod pa pa dag 'di snyam du rnam par shes pa tsam du smra ba'i grub pa'i mdza' las dmigs pa zhes bya ba sems tsam du shes pa la brten nas dmigs pa zhes bya ba yul med par shes pa skye la/ yul med par shes pa la brten nas gzung ba med par 'gyur te/ de med pas na de yang
- 352a
med cing 'byung ba'i tshul gyis dmigs pa'i rkyen phyi rol gyi yul med par 'grub pas skyon med do snyam du sems pa yin no/ /de'i lan du 'grel pa byed pa nyid kyis/ phyogs de'i lan ni btab zin te/ rnam par rig pa tsam nyid kyi skye ba rab tu 'grub par gyur na ni/ de yang 'grub par 'gyur ba zhig na de ni rab tu ma grub pa'i phyir zhes bya ba smras te/ dmigs pa la brten nas dmigs pa skye ba dang/ mi dmigs pa la brten nas mi dmigs pa skye ba rab tu grub par gyur na ni khyed kyi phyogs de yang 'grub par 'gyur ba zhig na/ kho bo cag gi don dam par skye ba bkag pa'i phyir khyed kyi phyogs de ma grub bo/ /de yod par gyur na yang ji ltar rnam par shes pa med par 'gyur zhes bya ba de nyid de bzhin du nye bar gnas so zhes bya bas ni rnam par shes pa tsam de yod par gyur na yang sngar kho bos rnam par shes pa ni rang gi bdag nyid kyis nges par gnas pa'i phyir rgyu yod na lta ba med par mi 'thad pas dmigs pa med par mi 'grub bo/ /zhes bshad pa de nyid de bzhin du nye bar gnas pas dmigs pa'i rkyen phyi rol gyi yul med par ma 'grub zhes bstan to/ /gal te skye ba med pas don med pa'i phyir ro zhe na ni de nyid dbu ma pa'i smra pa'i rjes su smra ba yin no zhes bya ba ni gal te pha rol dag sngar dbu ma pas rgyu yod na lta ba med par mi 'thad pas dmigs pa med par mi 'grub po zhes bshad pa de'i lan du 'dir don dam par skye ba med pas phyi rol gyi don med pa'i phyir rnam par shes pa mi skye'o zhes zer na ni de nyid dbu ma smra ba'i rjes su smra ba yin pas rnam par shes pa tsam du smra pa'i gzhung nyams so/ /gzhan yang rnam par rig pa nye bar blang ba yang byas nas gal
- 352b
te de yongs su gtong bar yang 'dod na ni 'di ltar 'dam rdzab 'khru ba bas mi reg par thag bsrings pa bzang ngo zhes bya bas ni rnal 'byor spyod pa pa kha cig 'di skad ces dang po kun rdzob kyi bden pa la 'jug pa'i gnas skabs su ni phyi rol gyi yul dgag cing rnam par shes pa tsam du khas blang bar bya la/ phyis don dam pa'i bden pa mngon par rtogs par bya ba'i dus su ni rnam par shes pa tsam nyid kyang spang bar bya'o zhes zer ba de dag gi gzhung dgag pa'i lan yin te/ dang po kun rdzob kyi bden pa la 'jug pa'i gnas skabs su rnam par rig pa nye bar blang ba yang byas nas phyis don dam pa'i bden pa mngon par rtogs par bya ba'i dus su gal te rnam par rig pa da yongs su gteng bar yang 'dod pa ni de theg pa chen po dbu ma pa la 'jug cing bden pa gnyis kyi de kho na gsal bar byed pa'i dri ma yin te/ 'di ltar dper na dang po 'dam rdzab kyi dri mas spags nas/ phyis de 'khru par byed pa bas dang po nas 'dam rdzab la mi reg par thag bsring? ba bzang ba de bzhin du dang po yul 'gog cing rnam par shes pa tsam nyid du khas len la phyis rnam par shes pa tsam de nyid kyang spong bar byed pa ni skyed pa dang 'gog pa'i tshul gyis blang ba dang dor ba'i mdza' la chags pa'i dri mas spags pa yin pas de ltar mdza' gnyis la chags pa'i dri mas spags pa 'khru bar byed pa bas dang po nyid nas mdza' gnyis kyi skyon gyis mi reg par thag bsring ba bzang ba'i phyir slob dpon klu sgrub kyi zhal snga nas kyis bden pa gnyis rnam par bzhag pa'i dbu ma'i tshul bstan pa 'di nyid bzang gi rnal 'byor spyod pa pa kha cig gis blang dor du brtag pa'i tshul de ni mi rung ste/ lung las kyang bcom ldan 'das gang dag chos zhig skye ba 'am 'gag pa 'tshal ba de
- 353a
dag la sangs rgyas 'byung ba ma mchis so/ /bcom ldan 'das gang dag mya ngan las 'das pa dngos po las yongs su 'tshol bar bgyid pa de dag la 'khor ba las yang dag par 'da' ba ma mchis so// de ci'i slad du zhe na/ bcom ldan 'das mtshan ma thams cad rab tu zhi pa dang/ g.yo ba thams cad nye bar zhi ba gang lags pa de mya ngan las 'das pa lags pa'i slad du'o zhes gsungs la /rigs kyang de 'di la bsal bya cung zad med/ /bsnon par bya ba ci yang med/ /yang dag nyid la yang dag lta/ /yang dag mthong ba rnam par grol/ zhes bshad pa lta bu'o/ /de nyid bstan pa'i phyir/ don ngo bo nyid med pa nyid du rtogs pa bzhin du rnam par shes pa yang bdag med pa nyid dang/ skye ba med pa nyid du rtogs par byar rung ngo zhes bya ba smras te/ tha snyad du yang yul dang rnam par shes pa gnyi ga sgyu ma la sogs pa bzhin du yod par shes par byar rung la/ don dam par yang de gnyi ga ngo bo nyid du med pa nyid du shes par byar rung bas/ tha snyad du yul ni med la rnam par shes pa tsam ni yod do zhes bya ba dang/ tha snyad du rnam par shes pa tsam nye bar blang ba byas nas don dam par de yongs su gtong bar 'dod pa de dag gi lugs ni bzang po ma yin no/ /'dir gal te rnal 'byor spyod pa pa dag 'di skad ces dang por phyi rol gyi don bdag med par bsgoms la/ rim gyis rnam par shes pa bdag med par bsgoms na yang 'jug tu don gcig tu 'du bas skyon med do zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis/ dang por phyi rol gyi yul sgom par byed cing
- 353b
rim gyis rnam par shes pa dang/ ye shes kyi yul sgom par byed na ni rim pa kho nas bdag med pa nyid rtogs par 'grub pa'i phyir snga nas cig car du bsgom pa la ser sna bya mi dgos so zhes bya ba smras te/ de lta na blang dor gyi dri ma dang bral ba nyid las su 'gyur ba'i skyon yod pas cig car dbu ma'i tshul khas blang bar bya ba'i rigs so zhes bstan to/ /de'i phyir de ltar kun brtags pa dang/ gzhan gyi dbang mi mthong bar mi 'thad pa'i phyir dmigs pa thams cad nye bar zhi bar mi 'grub po zhes bya ba ni brtag pa snga ma gnyis kyi mjug bsdu pa yin te/ de'i phyir de ltar dpyad na rnal 'byor spyod pa pa dag na re gang gi tshe kun brtags pa'i ngo bo nyid med pa'i phyir mi dmigs shing/ gzhan gyi dbang gi ngo bo nyid kyang rgyu mtshan du mi 'dzin pas yang dag par rjes su mi mthong ba de'i tshe na dmigs pa thams cad nye bar zhi ba yin no zhes zer ba de mi 'grub po/ /da ni rnal 'byor spyod pa pa dag na re yongs su grub pa'i ngo bo nyid ces bya ba chos rnams kyi de bzhin nyid don dam par ngo bo nyid med pa nyid kyis ngo bo nyid med pa ni dmigs pa thams cad nye bar zhi ba yin te/ don dam par yod pa yin no zhes zer ba'i gzhung dgag cing brtag pa gsum pa bstan pa'i phyir de bzhin du yongs su grub pa'i ngo bo nyid ces bya ba de yang gang yin zhes bya ba smras te/ des ni yongs su grub pa'i ngo bo nyid ces bya ba ni gang yin/ de don dam par ngo bo nyid med ma nyid kyis ngo bo nyid med pa ni ji lta bu yin zhes brtag pa bstan to/ /chos rnams kyi de bzhin nyid gang yin pa'o zhe na/ zhes bya ba ni rnal 'byor spyod pa pa dag gis/ yongs su grub pa'i ngo bo nyid ni gzhan gyi dbang gi ngo bo nyid la kun brtags pa'i ngo bo nyid du
- 354a
mngon par ma zhen pa ste/ gzhan gyi dbang gi chos rnams kyi de bzhin nyid la dmigs pa rnam par dag pa yang dag pa'i ye shes yin no zhes bstan pa yin no/ /dbu ma pas de mi 'thad par bstan pa'i phyir 'a ni don dam par chos de rnams nyid ma grub pas de rnams kyi chos nyid kyang mi 'thad pa ma yin nam zhes bya ba smras pa'i don dam par gzhan gyi dbang gi chos rnams grub pas de rnams kyi de bzhin nyid kyang mi 'thad pa'i phyir yongs su grub pa'i ngo bo nyid kyang yod pa ma yin no zhes bya ba'i tha tshig go /ji ste tha snyad du rmi lam lta bu'i bdag nyid du skyes pa yod pa rnams don dam par de ltar yod pa ma yin pa nyid ni chos rnams kyi de bzhin nyid yin no zhe na ni de ngo bo nyid kyis skye ba med pa kho na grub pa'i phyir dbu ma smra pa'i rjes su smra ba yin no zhes bya bas ni de lta na don dam par yongs su grub pa'i ngo bo nyid yod par smra ba gtang dgos te/ 'di ltar yod pa ma yin pa nyid ni dngos por gyur pa nyid ma yin pa'i phyir ro zhes bstan to/ /ji ste 'di snyam du yongs su grub pa'i ngo bo nyid ni med pa ma yin te/ 'di ltar de ni gnyis med pa'i dngos po'i mtshan nyid de/ ji skad du / gnyis dngos dngos po med pa yi/ /dngos po stong pa'i mtshan nyid do zhes bshad pa lta bu'o zhe na zhes bya ba ni rnal 'byor spyod pa pa dag na de yongs su grub pa'i ngo bo nyid ni don dam par med pa ma yin te/ gzung ba dang 'dzin pa gnyis su med pa'i mtshan nyid du yod pa ma yin te ji skad du dbus mdza' rnam par 'byed pa las de skad bshad pa lta bu'o zhes zer pa'i tshig yin no/ /de'i lan du de la 'dir yang 'thad pa gang gis gnyis med pa yin
- 354b
zhes brtag pa smras so/ /gal te/ dmigs pa la ni brten byas nas/ /mi dmigs pa ni rab tu skye/ /mi dmigs pa la brten byas nas/ /mi dmigs pa ni rab tu skye/ zhes bya bas so zhe na zhes bya ba ni pha rol po dag na re sems tsam du shes pa la brten nas yul med par shes pa skye la yul med par shes pa la brten nas gzung ba med par 'gyur te/ de med pas na de yang med ces bya ba'i 'thad pa gnyis med pa yin no zhes zer ba'i tshig yin no/ /de'i lam du/ phyogs de'i lan ni btab zin to zhes bya ba smras te/ don dam par skye ba bkag pa nyid kyis so/ /gnyis med pa zhes bya ba'i dgag pa 'di yang zhes bya ba la sogs pas ni mtshan nyid las dgag pa ni rnam pa gnyis te/ med pa dgag pa dang/ ma yin par dgag pa'o/ /de la med par dgag pa ni dgag pa gtso che ba ste/ dper na bram ze med do zhes dgag pas rgyal rigs yod par mi sgrub par bram ze med par dgag pa nyi tshe cam? zhig ston pa lta bu'o/ ma yin par dgag pa ni sgrub pa gtso che ba ste/ dper na bram ze ma yin no zhes dgag pas bram ze ma yin par dgag pa nyi tshe tsam mi ston par rgyal rigs yin par sgrub pa lta bu'o/ /de la 'dir yang gnyis med pa zhes bya ba'i dgag pa 'di gal te med par dgag pa'i don yin na ni gzung ba dang 'dzin pa gnyis med do zhes dgag pa nyi tshe tsam zhig bstan par bya'o/ de gnyis med pa'i dngos po'i mtshan nyid yod par sgrub tu mi rung ngo/ /'on te ma yin par dgag pa'i don yin na ni gzung pa dang 'dzin pa gnyis med pa las gzhan pa med pa'i dngos po yod par sgrub pas med pa yod par sgrub na skur pa 'debs pa'i mthar 'gyur ba'i phyir de yang gzung par mi rigs pas smra
- 355a
par 'dod pa'i don 'di la dgag pa gnyi ga'i tshul gyis kyang gnyis med pa'i dngos po'i mtshan nyid yod do zhes bya bar mi rung bar ston to/ /de nyid bstan pa'i phyir/ rgal te med par dgag pa'i don? yin na ni de gnyis med par dgag pa kho nas mthu zad pa yin te/ med pa'i skyon du ma gyur pa ni dgag pa gtso che ba'i phyir don dam par med pa ma yin pas de ltar gnyis med pa'i dngos po yin no zhes skur pa 'debs pa mi rigs so zhes bya ba smras te/ des ni med par dgag pa'i don yin na gzung ba dang 'dzin pa gnyis med par dgag pa kho nar zad kyi/ de gnyis med pa'i dngos po'i mtshan nyid gzhan yod pa ma yin pas gnyis med pa las gzhan med pa'i dngos po yin par sgrub cing skur pa 'debs pa mi rigs so zhes bstan to/ /'on te ma yin par dgag pa'i don yin na ni de sgrub pa gtso che ba'i phyir dngos po med pa ston par byed pa de ni mi 'dod do/ /skur pa 'debs pa'i mdza' yin pa'i phyir ro zhes bya bas ni ma yin par dgag pa'i don yin na gzung ba dang 'dzin pa gnyis med pa las gzhan pa'i dngos po yod par ston pas med pa yod par sgrub na/ skur pa 'debs pa'i mdza' yin pa'i phyir de ni mi 'dod do zhes bstan to/ /'dir ni med par dgag pa 'dod par bya'o/ /ma yin par dgag pa ni 'dod par mi bya ste/ de'i nyes dmigs bstan pa'i phyir/ ri bong gi rwa med pa yang dngos po med pa ma yin te/ 'di ltar med pa'i dngos po de dang don dam pa 'dra bar gyur na chad par lta ba bsgrubs par 'gyur ro zhes bya ba smras te/ ri bong gi rwa med pa las gzhan pa'i dngos po med pa zhig bsgrubs na gtan chad par lta bar 'gyur pa de bzhin du gzung ba dang 'dzin pa gnyis med
- 355b
pa las gzhan pa'i don dam pa dngos po med pa zhig bsgrubs na gtan chad par blta bar 'gyur te/ yod pa yod par bsgrubs na ni rtag par lta bar 'gyur la/ med pa med par bsgrubs na ni chad par lta bar 'gyur ba'i phyir ro/ /de mi dmigs pa rnam par dag pa nyid kyang ji lta bu yin zhes bya bas ni yang gzhan yang khyod kyis de kho na la lta ba rnams ni yongs su grub pa'i ngo bo nyid rnam par dag pa la rtog par khyed do zhes bya ba smras pas de'i phyir yongs su grub pa de'i dmigs pa rnam par dag pa nyid kyang ji lta bu yin zhes dbu ma pas rnal 'byor spyod pa pa dag la dri ba ston to/ /gal te rnam par mi rtog pa'i ngo bo nyid kyis so zhe na zhes bya ba ni de skad ces dris pa na rnal 'byor spyod pa pa dag na re rnam par mi rtog pas ngo bo nyid kyis yongs su grub pa de'i dmigs pa'i rnam par dag pa nyid yin te/ zhes zer ba'i tshig yin te/ gang gi phyir don dam pa'i gnas skabs na yang dag pa'i ye shes kyis de bzhin nyid la dmigs pa'i dus na chos rnams kyi ngo bo nyid dang khyad par la sogs par tha snyad pa'i rnam par rtog pa med pa'i ngo bo nyid kyis de'i dmigs pa rnam par dag pa yin no zhes zer ro/ /de mi 'thad par bstan pa'i phyir dmigs pa can gyi ye shes de ni rnam par mi rtog pa zhes bya ba ma yin te/ 'di ni 'di'o zhes rnam par mi rtog kyang yul snang ba'i phyir dper na mig gi rnam par shes pa bzhin pas zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mig gi rnam par shes pa ni rtog pa'i rnam par rtog pa dang/ rjes su dran pa'i rnam par rtog pa med pas 'di ni 'di'o zhes chos rnams kyi ngo bo nyid dang khyad par la sogs par tha snyad pa'i rnam par
- 356a
rtog pa med kyang/ ngo bo nyid kyi rnam par rtog pa yod pas yul snang ba'i phyir rnam par mi rtog pa zhes bya ba ma yin pa de bzhin du khyed kyi yang dag pa'i ye shes de bzhin nyid kyi dmigs pa can de yang kun brtags pa'i ngo bo nyid du mngon par zhen pa med pas 'di ni 'di'o zhes chos rnams kyi ngo bo nyid dang khyad par la sogs par tha snyad pa'i rnam par rtog pa med kyang dmigs ba can yin pas yul snang ba'i phyir rnam par mi rtog pi zhes bya ba ma yin pa'i skyon du 'gyur bas rnam par mi rtog pa'i ngo bo nyid kyis de'i dmigs pa rnam par dag pa nyid yin no zhes bya bar mi rung ste/ dmigs pa yod na rnam par mi rtog pa zhes bya ba ma yin pa'i phyir/ /de zhig de dag gis ni rnal 'byor spyod pa pa dag gis don dam par yang dag pa'i ye shes de bzhin nyid la dmigs pa rnam par dag pa nyid yod par brtags pa de rigs pa dang 'gal bas mi rung bar bsten to/ /da ni de lung dang 'gal bas mi rung bar bstan pa'i phyir/ mdo sde las don dam pa'i bden pa gang zhe na/ gang la ye shes kyang mi 'jug na yi ge rnams lta smos kyang ci dgos zhes bya ba dang/ mthong ba med pa ni de kho na mthong ba'o zhes bya ba dang / tshangs pa de bzhin gshegs pa rnams kyi byang chub ni dmigs su med pa'o zhes bya ba la sogs pa gsungs pa dang yang 'gal lo zhes smras so/ /sogs pa'i sgras ni 'phags pa dri ma med par grags pas bstan pa'i mdo las gnas brtan shA ri'i bus 'phags pa dri ma med par grags pa'i khyim na gnas pa'i lha mo la dris pa/ lha mo khyod yun ji srid kyis byang chub mngon par rdzogs par 'tshang rgya bar 'gyur/ lha mos smras pa/
- 356b
gang gi tshe gnas brtan so so'i skye bo'i chos dang ldan par 'gyur ba de'i tshe na bdag byang chub mngon par rdzogs par rgya bar 'gyur ro/ /gnas brtan gyi smras pa/ lha mo kho bo so so'i skye bo'i chos dang ldan par 'gyur ba gang yin pa de ni gnas med do/ /lha mos smras pa'o/ btsun pa shA ri'i bu de bzhin du bdag kyang byang chub mngon par rdzogs par 'tshang rgya bar 'gyur ba gang yin pa de yang gnas med do/ /de ci'i phyir zhe na/ gang gi phyir byang chub ni mi gnas pa de'i phyir 'ga' zhig mngon par rdzogs par 'tshang rgya bar 'gyur pa de gnas med pa'i phyir ro/ /gnas brtan gyis smras pa/ lha mo 'o na sangs rgyas bcom ldan 'das gang gA'i klung gi bye ma snyed dag mngon par rdzogs par sangs rgyas shing/ mngon par rdzogs par 'tshang rgya ba dang/ mngon par rdzogs par 'tshang rgya bar 'gyur ba ma yin nam/ lha mos smras pa/ 'das pa dang/ ma 'ongs pa dang/ da ltar byung ba'i sangs rgyas zhes bya ba de dag ni yi ge dang/ 'grang ba dang/ brda'i tshig bla dags yin gyi/ don dam par ni 'ga' yang mngon par rdzogs par 'tshang rgya ba med do zhes bya ba la sogs gsungs pa dang/ 'phags pa bden pa pos bstan pa'i le'u las/ tsha dang ldan pa 'od srungs chen pos bden pa po la smras pa/ rigs kyi bu khyod kyis de bzhin gshegs pa mang po mnyes par byas na ci'i phyir khyod nyid tshogs yongs su bskang zhing mngon par rdzogs par 'tshang mi rgya/ bden pa bos smras pa/ btsun pa 'od srung chen po gal te bdag gis byang chub bas/ mngon par rdzogs par 'tshang rgya ba zhig dmigs na ni bdag bla na med pa yang dag par rdzogs pa'i byang chub mngon par rdzogs par 'tshang rgya 'o/ /gnas brtan 'od
- 357a
srungs chen pos smras pa/ bden pa po byang chub sems dpa' gang+gA'i klung gi bye ma snyed dag gis smon lam btab nas mngon par rdzogs par sangs rgyas par yang ma gyur tam/ bden pa pos smras pa/ btsun pa 'od srungs chen po sems can mngon pa'i nga rgyal can rnams kyis de ltar bgrang bar byas kyis/ don dam par ni byang chub kyang dmigs su med la/ byang chub sems dpa' yang dmigs su med do zhes bya ba la sogs pa gsungs pa dag bsdu ste/ lung de dag dang yang 'gal lo/ /rtog par bya ba skye ba med pa bzhin du shes pa yang skye ba med pa'i phyir de 'jug pa med par grub ste zhes bya bas ni ngo med ma par shes bya dang/ shes pa gnyi ga skye ba med pa'i phyir rnal 'byor spyod pa pa dag gis brtags pa'i yang dag pa'i ye shes de bzhin nyid la 'jug pa med par 'grub bo zhes bstan to/ /bcom ldan 'das kyis shes bya dang tha mi dad pa'i ye shes kyis thams cad thugs su chung ngo zhes gsungs pa de yang grub pa yin pas/ de'i phyir dbu ma pa'i smra ba'i tshul la yang dag par brten pa nyid legs so zhes bya ba ni de 'jug pa med par grub pa'i yon tan dang/ khungs dang/ mjug bsdu ba yin no// ci ste 'di snyam du dper na thag pa bsngogs pa la sbrul du 'du shes pas thag pa'i ngo bo nyid rtogs na sprul gyis 'jigs pa nye bar zhi ba bzhin du de bzhin nyid mthong bas nyon mongs pa zhi bar 'gyur pa'i phyir chos kyi dbyings la dmigs par bya ba kho na yin no snyam na zhes bya ba ni pha rol po dag yang dag pa'i ye shes kyis de bzhin nyid la dmigs par bya ba rigs pa grub pa'i tshig yin no/ /de mi rigs par bstan pa'i phyir/ ji ltar thag pa
- 357b
bsdogs pa la sprul gyi blo skyes pa log par shes pa'i phyir 'jig pa skye'i/ de'i blo ma skyes na yang dag par shes pa'i phyir 'jigs pa med pa dang/ skyen cha mi mnyam pa skyes na nad du? 'gyur gyi/ de ma skyes na sdug bsngal med par 'gyur ba bzhin pas de bzhin nyid la dmigs pa'i ye shes skye bar 'dod par mi bya'o zhes bya ba smras te/ des ni dmigs pa med pa'i tshul? gyis mi gnas pa'i lam bsgoms pa'i tshul bstan to/ /de nyid kyi 'thad ba bstan pa'i phyir dngos po rnams rnam pa thams cad du yongs su ma grub pa dngos po'i de kho na nyid yin la/ de nyid rnam pa thams cad du yang yul gyi dngos por nye bar mi 'gyur pa'i phyir dmigs pa nyid du mi rigs so zhes bya ba smras te/ phyi dang nang gi dngos po rnams don dam par skye ba dang/ 'gag pa dang/ rtag pa dang/ chad pa dang/ 'gro ba dang/ 'od pa dang/ don gcig pa dang/ tha dad pa la sogs rnam pa thams cad du yongs su ma grub pa de ni de kho na yin la/ de ni yang dag pa'i ye shes dang/ de bzhin nyid kyi 'jug pa'i tshul du brtag pa la sogs pa rnam pa thams cad du yang lus kyi dngos por nye bar mi 'gyur ba'i phyir dmigs pa nyid du mi rigs te/ de ltar yang 'phags pa blo gros rgya mtshos zhus pa'i mdo las/ bcom ldan 'das kyis byang chub sems dpa' thams cad la dam pa'i chos yongs su bzung bar bka' stsal pa dang/ byang chub sems dpa' gzhan thams cad kyis bdag cag gi dam pa'i chos yongs su bzung ngo zhes gsol pa'i tshe/ 'jam dpal gzhon nur gyur pas gsol pa/ /bcom ldan 'das 'di lta ste byang chub sems dpa' 'di dag bdag cag gi dam pa'i chos yongs su
- 358a
bzung ngo zhes mchi ba 'di ni log par smra ba lags te/ de ci'i slad du zhe na/ bcom ldan 'das mngon par rdzogs par sangs rgyas pas gang yongs su bzung bar bgyi ba'i chos bka' stsal pa de lta bu 'gon? yang ma mchis pa'i slad du ste/ bcom ldan 'das de'i slad du bdag ni dam pa'i chos yongs su gzung bas yongs su 'dzin par mi bgyid do/ /bcom ldan 'das kyis bka' stsal pa/ 'jam dpal legs legs so/ /da byang chub kyi snying po la 'jug nas ci yang ma thob pa kho nar langs so zhes gsungs pa yin no/ /dmigs pa med pa bstan pa de nyid kyi khungs bstan pa'i phyir de nyid kyi phyir bcom ldan 'das la 'jam dpal gzhon nur gyur pas/ sangs rgyas nam mkha' i mtshan nyid de/ /nam mkha' la yang mtshan nyid med/ /mtshan gzhi mtshan nyid de ma grol ba/ /dmigs med khyod la phyag 'tshal lo zhes bya ba la sogs pas bstong pa mdzad do zhes bya ba smras te/ 'phags pa sangs rgyas thams cad kyi yul la 'jug pa ye shes snang ba'i rgyan ces bya ba'i mdo las de skad gsungs so/ /da 'di phan chad ni de ltar dmigs pa med pa'i tshul gyis mi gnas pa'i lam bsgom pa bstan pa 'di? la gzhan dag log par sgrub pa'i dogs pa bsal ba rigs pa dang/ lung gzhan gyis sgrub pa bstan par bya ste/ /de la ji ste 'di snyam du gal te de bzhin gshegs pas chos kyi dbyings ma dmigs na/ ji ltar de thugs su chud pas sangs rgyas par 'gyur snyam na zhes bya bas ni dmigs pa la mngon par zhen pa'i rtog ge pa dmigs pa med pa'i de kho na goms pa'i nyams med pa dag 'di snyam du sems na'o/ /de la rigs pa dang lung gis dmigs pa med pa'i de kho na bstan
- 358b
pa'i phyir/ chos thams cad rnam pa thams cad du yongs su ma grub pa'i phyir rnam pa thams cad mkhyen pa'i spyod yul ni de kho na zhes bya ba ste/ shes bya ba dang de kho na dang spyod yul dang ye shes skye ba med pa nyid kyis chos kyi dbyings thugs su chung pas sangs rgyas par gyur te/ ji skad du de bzhin gshegs pa rnams kyi byang chub ni mngon par rtog pa med pas rab tu phye ba'o zhes gsungs pa lta bu'o zhes bya ba smras te/ des ni rnam pa thams cad mkhyen pa'i ye shes kyang de kho na'i yul can ma yin la/ chos rnams kyi de kho na yang dmigs par bya ba'i yul ma yin pa mnyam pa nyid thugs su chud pas rab tu phye ba de sangs rgyas bcom ldan 'das yin zhes bstan to/ /rnal 'byor spyod pa pa dag gis brtaD pa'i yang dag pa'i ye shes dang/ de bzhin nyid dgag pa bstan pa'i phyir/ de bzhin nyid la dmigs pa'i ye shes ni don dam pa'i spyod yul yin par mi rigs te/ 'dus byas yin pa'i phyir/ dper na mig gi rnam par shes pa bzhin no zhes bya ba smras te/ des ni rnal 'byor spyod pa pa dag gis brtags pa'i yang dag pa'i ye shes dmigs pa can ni don dam par shes pa ma yin par sgrubs pa'i rjes su dpag pa ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mig gi rnam par shes pa ni 'dus byas yin pa'i phyir don dam pa'i spyod yul can yin par mi rigs pa de bzhin du rnal 'byor spyod pa pa dag gis brtag pa de bzhin nyid la dmigs pa'i ye shes kyang 'dus byas yin pa'i phyir don dam pa'i spyod yul can yin par mi rigs so/ /de bzhin du de'i dmigs par bya ba de bzhin nyid kyang bslu ba'i chos can yin zhing de kho na ma
- 359a
yin te/ dmigs par bya ba yin pa'i phyir dper na gzugs bzhin no zhes bya bas ni rnal 'byor spyod pa pa dag gis brtags pa'i de bzhin nyid kyi dmigs par bya ba ni bslu ba'i chos can yin zhing de kho na ma yin par sgrub pa'i rjes su dpag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gzugs ni dmigs par bya ba yin pa'i phyir bslu ba'i chos can yin zhing de kho na ma yin pa yin pa de bzhin du yang dag pa'i ye shes de'i dmigs par bya ba de bzhin nyid kyang dmigs par bya ba yin pa'i phyir bslu pa'i chos can yin zhing de kho na ma yin no/ /ji ste mdo sde las don dam pa ni brtag par mi nus pa dang/ rtog ge'i spyod pa ma yin par bstan pa'i phyir rjes su dpag pas bstan par bya ba ma yin no zhe na zhes bya ba ni/ pha rol po dbu ma pa'i rjes su dpag pa snga ma gnyis kyis yang dag pa'i ye shes dang de bzhin nyid dgag pa bstan pa de la phyir zlog pa'i tshig yin no/ /de'i lan du 'grel pa byed ba nyid kyis lung dang mthun pa'i rjes su dpag pa'i stobs nyid kyis rnam par rtog pa thams cad bkag pas rnam par mi rtog pa'i ye shes 'grub pa'i phyir don dam pa ni rjes su dpag pa'i yul ma yin yang de gtso bo ma yin pa ma yin te/ yang dag pa dang yang dag pa ma yin pa brtag pa'i sgrub pa gzhan med pa'i phyir de ni rigs pa ma yin no zhes bya ba smras te/ 'o bu cag gnyis lung la brten par 'dra yang khyed la ni lung dang rjes su dpag pa med pas don dam par ston par yang mi nus kyi kho bo la ni lung dang mthun pa'i rjes su dpag pa yod pas
- 359b
de'i stobs nyid kyis rnam par rtog pa thams cad 'gag pas rnam par mi rtog pa'i ye shes don dam pa yang 'grub bo/ /de grub pa'i phyir don dam pa de ni rtog ge pa'i rjes su dpag pa'i yul ma yin yang rjes su dpag pa de gtso bo ma yin pa ma yin te/ tha snyad kyi sgo nas yang dag pa dang yang dag pa ma yin pa'i brtag pa'i sgrub pa ni rjes su dpag pa'i gsal ba dang/ de kho na ma gtogs par gzhan med pa'i phyir rjes su dpag pas kyang bstan dgos pas khyod kyi klan ka de ni rigs pa ma yin no/ /dpyad pa rgyas par mi dbu ma'i snying po'i de kho na la 'jug pa'i skabs nas rnal 'byor spyad pa pa dag dang lhan cig byed par 'gyur ro zhes bya ba ni theg pa chen po dbu ma pa'i gzhung bstan pa dang/ rnam par shes pa tsam du smra ba dag gi gzhung mi 'thad par dpyad pa rgyas par ni slob dpon legs ldan 'byed kyis dbu ma'i rtsa ba'i tshig le'ur byas pa dbu ma'i snying po'i 'grel pa rtog ge 'bar ba zhes bya pa'i nang nas rnal 'byor spyod pa pa de kho na la 'jug pa zhes bya ba'i skabs nas ston par 'gyur ro zhes bya bar yang sbyar ro/ /zhar la bshad pas chog ste/ 'di ni mngon par brtson pa rnams rang gi sde pa dag dang lhan cig rigs pa dang rigs pa ma yin pa rtogs pa'i phyogs tsam zhig bstan pa yin no zhes bya ba ni zhar la bshad pa'i mjug bsdu ba yin no/ /de la 'dir rab tu byed pa'i don ni pha rol po dag gis rab tu byed pa'i dang por bsgrub pa smras pa'i skyon brjod pas mya ngan las 'das pa ngo bo nyid med pa nyid du bstan pa yin no/ /zhes bya ba ni mjug bsdu ba dang tshad ma'i 'bras bu yin te/ mya ngan las 'das pa brtag pa'i rab tu byed pa nyi shu lnga pa'i skabs 'dir rab tu
- 360a
byed pa'i don tshad ma'i 'bras bu blta ba ni pha rol po dag gis rab tu byed pa 'di'i dang por/ gal te 'di dag kun stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ ces bya bas ngo bo nyid med pa nyid du smra ba rnams la ni gang ngo bo nyid med pa de la mya ngan las 'das pa thob pa med de/ 'byung ba dang 'jig pa med pa'i phyir dper na mo gsham gyi bu bzhin no zhes bya ba dang/ gal te 'du byed 'di dag mya ngan las 'da' bar 'gyur bar 'dod na ni 'du byed de dag don dam par ngo bo yod pa kho na shes par bya ste/ nyon mongs pa spang pa dang/ ming dang gzugs 'gag pas mya ngan las 'das pa 'thob pa'i phyir ro/ /rnga mo la sogs pa'i rwa yod pa ma yin pa dag la ni de dag med do zhes sgrub pa smras pa'i skyon gal te 'di kun mi ster na/ 'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ /ces bya ba la sogs pa brjod pas mya ngan las 'das pa ngo bo nyid med pa nyid du bstan pa yin no/ /mya ngan las 'das pa ngo bo nyid med pa nyid du bstan pa la/ yon tan ci yod pa dang/ de bstan pa 'di la gzhan dag na re rtog ge skam po'i bstan bcos tsam nyi chos bsgrubs so zhes zer ba bsal ba'i phyir 'dir yid ches pa'i lung gi khungs kyang bsgrub par bya ste/ de'i phyir theg pa chen po'i mdo sde mdza' dag las/ mya ngan 'das med mya ngan 'das/ 'jig rten mgon po bstan pa mdzad/ /nam mkha' mdud pa por byas pa/ /nam mkha' nyid kyis 'grol pa bzhin/ /zhes bya ba gsungs pa dag grub pa
- 360b
yin te/ dper na bzang mkhan skud pa'i ring pos 'dru? pas kyi las byed pa'i skud pa de nam mkha' la 'jur mdung 'cha' ba nam mkha' nyid las 'grol ba de bzhin du bcom ldan 'das mngon par rdzogs par sangs rgyas pas kyang mya ngan las 'das pa la sogs pa dngos po yod pa ma yin pa dag kun rdzob kyi tha snyad du yod par bstan pa mdzad cing/ de dag nyid don dam par ngo bo nyid med par yang bstan pa mdzad de/ ji skad du 'di la bsal bar cung zad med/ /bsnan par bya ba'ang ci yang med/ /yang dag nyid du yang dag blta/ /yang dag mthong ba rnam par grol/ /zhes bshad pa lta bu'o/ /de bzhin du 'phags pa tshangs pas zhus pa'i mdo las/ bcom ldan 'das gang dag chos 'ga' zhig skye ba 'am 'gag par 'tshal ba de dag la sangs rgyas 'byung ba ma mchis so/ /bcom ldan 'das gang dag mya ngan las 'das pa dngos po las yongs su 'tshal bar bgyid pa de dag la 'khor ba las yang dag par 'da' ba ma mchis so/ /de ci'i slad du zhe na/ bcom ldan 'das mtshan ma thams cad rab tu zhi ba dang/ g.ye ba thams cad nye bar zhi pa gang lags pa de mya ngan las 'das pa laD ba'i slad du'o/ /bcom ldan 'das mi gti mug can gang dag mya ngan las 'das pa dngos po las yongs su 'tshel bar bgyid pa de dag ni legs par gsungs pa'i chos 'du'ba 'di la rab tu byung nas mu stegs can gyi lta bar lhung ba lags te/ bcom ldan 'das gang dag chos thams cad gtan yongs su mya ngan las 'das pa dag 'di lta ste dper bgyi na/ til dag las til mar dang 'o ma dag las mar bzhin du mya ngan las 'das pa yongs su 'tshol bar bgyid
- 361a
pa de dag ni mu stegs can lhag pa'i nga rgyal can lags par bdag smra'o/ /bcom ldan 'das rnal 'byor spyod pa pa dag yang dag zhugs pa ni chos 'ga' yang skye ba 'am 'gag par mi bgyid cing chos 'ga' yang thob par mi 'tshal/ mngon par rtogs par mi 'tshal lo zhes bya ba la sogs pa gsungs pa dag kyang grub pa yin te/ de'i don ni gang zag lhag pa'i nga rgyal can gang dag chos rnams skye ba dang 'gag pa rtogs pa dang mya ngan las 'das pa dngos po las yongs su 'tshol zhing/ chos thams cad gtan yongs su mya ngan las 'das pa dag la dper na til dang 'o ma'i dngos po las til mar dang/ mar gyi dngos po 'tshol ba'i tshul du sems can gyi rgyud kyi dngos po las nyon mongs pa la sogs pa'i dri ma bsal bas de bzhin nyid dngos por gyur pa 'thob par 'dod pa de dag ni log pas spong bar zhugs pa ste/ de dag la sangs rgyas 'byung ba dang/ 'khor bar sa 'da' ba dang/ mya ngan las 'da' ba 'thob pa yang med de/ mi gti mug can de dag ni legs par gsungs pa'i chos 'dul ba 'di la rab tu byung bar snang yang mu stegs can gyi lta bar lhung ba yin no/ /rnal 'byor spyod pa pa yang dag bar zhugs pa gang dag chos thams cad mnyam pa nyid du lta zhing chos 'ga' yang skye ba 'am 'gag pa 'am/ 'thob pa 'am mngon par rtog pa ni 'dod pa de dag ni mi gnas pa'i mya ngan las 'das pa'i dbyings su zhugs pa yin par bstan to// de bzhin du shes rab kyi pha rol tu phyin pa las/ rab 'byor mya ngan las 'das pa yang sgyu ma lta bu dang/ rmi lam lta bu'o zhes rgya cher gsungs pa dang/ de bzhin du 'phags pa byang chub kyi sde snod kyi mdo las/ shA ra'i bu gang?
- 361b
dag mya ngan las 'das pa dngos po las yongs su 'tshol bar byed pa de dag ni 'khrug glod ba yin te/ da yang de dag gi ston pa ma yin la/ de dag kyang da'i nyan thos ma yin no zhes bya ba la sogs pa dang/ da bzhin du 'phags pa lang kar gshegs pa'i mdo las/ blo yis rnam par gzhigs na ni/ /brtags pa med cing gzhan dbang med/ /grub pa'i dngos po yod min na/ /ji ltar blos ni rnam par brtag /dngos nyid med cing rnam rig med/ /kun gzhi yod pa ma yin te/ byis pa ngan rtog ro 'dra bas/ /de dag rnam par brtags par gyur ces bya ba la sogs pa gsungs pa de dag grub pa yin no zhes bya ba smras te/ de ltar yid ches pa'i lung de dag grub pa ni mya ngan las 'das pa ngo bo nyid med pa nyid du bstan pa'i yon tan dang khungs yin no/ /de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel pa 'byed pa'i mkhas pa yin no/ /slob dpon legs ldan byed kyis nye bar sbyar ba dbu ma'i rtsa ba'i 'grel ba shes rab sgrob ma las/ mya ngan las 'das pa brtag pa zhes bya ba ste rab tu byed pa nyi shu lnga pa rgya cher 'grel ba slob dpon spyan ras gzigs brtul zhugs kyis nye bar sbyar ba rdzogs so// //da ni de bzhin du stong pa nyid kyi mi mthun pa'i phyogs kyi khyad par dgag pas tha snyad pa'i rten cing 'brel par 'gyur ba bstan pa'i don gyi dbang gis rab tu byed pa nyi shu drug pa brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang/ gzhung 'og nas 'byung ba dang/ sbyar ba'i don du blta ste/ tshig gi don ni snga ma bzhin no/ /de la dam bcas
- 362a
pa la 'jug pa'i rgyu'i don gyi dbang du byas nas/ da ni de bzhin du stong pa nyid kyi mi mthun pa'i phyogs kyi khyad par dgag pas zhes bya ba smras te/ bstan bcos mdzad pas rkyen brtag pa'i rab tu byed pa dang po brtsam ba'i skabs su dngos po thams cad skye ba med par dam bca' ba mdzad pas 'dir yang sngar bstan bcos mdzad pas ji ltar dam bcas pa de la 'jug pa'i rgyu'i don gyi dbang du byas nas de skad smras te/ de bzhin du zhes bya ba ni sngar bstan pa'i lugs bzhin du'o/ /stong pa nyid ni rang gi phyogs yin no/ /de'i mi mthun pa'i phyogs ni phyir rgol ba'i phyogs yin te/ 'di lta ste dngos po rnams ngo bo nyid yod pa nyid du smra ba yin no/ / de'i khyad par zhes bya ba ni pha rol bos dngos po rnams ngo bo nyid yod pa nyid du bsgrub pa'i phyogs snga ma nye bar bzhag pa 'og nas 'di skad ces khyod kyis rab tu byed pa 'das ma thag bar/ sangs rgyas kyis gang du yang/ /su la'ang chos 'ga' ma bstan to/ /zhes smras ba ni bcom ldan 'das kyis rten cing 'brel par 'byung ba mu stegs byed kyi ri dags kyi tshogs thams cad 'byer bar byed pa lta ba ngan pa'i skyon nye bar zhi bar byed pa bka' stsal pa de thugs su chud pas bcom ldan 'das 'jig rten na sangs rgyas zhes bya bar snyan bar grags pa de'i phyir khyed kyis sun dbyung bar 'dod pas/ sangs rgyas kyis ni gang du 'ang/ /su la'ang/ chos 'ga' ma bstan to/ /zhes smras pa yin pas/ de la khas blangs pas gnod par 'gyur ro zhes 'byung ba yin no/ /de dgag pas zhes bya ba ni de dgag pa'i dbang du byas nas rab tu byed pa nyi shu drug pa brtsam mo
- 362b
zhes bya bar sbyar ro/ /gzhung 'og nas 'byung ba dang sbyar ba'i don gyi dbang du byas nas/ tha snyad pa'i rten cing 'brel bar 'byung ba bstan pa'i don gyi dbang gi rab tu byed pa nyi shu drug pa brtsam mo zhes bya ba smras te/ srid pa'i yan lag bcu gnyis brtag pa'i rab tu byed pa nyi shu drug pa'i gzhung 'og nas 'byung ba 'di don ni tha snyad pa brten cing 'brel bar 'byung ba bstan pa yin pas de'i dbang du byas nas de skad ces smras so/ /rab tu byed pa 'di'i 'bras bu ni gang yin/ rnam pa gang gis ni 'bras bu de 'thob ce na/ tha snyad ba'i rten cing 'brel bar 'byung ba bstan pa ni 'di yi 'bras bu yin la/ stong pa nyid kyi mi mthun pa'i phyogs kyi khyad par dgag pa'i rnam par ni 'bras bu de 'thob pas de'i phyir 'grel ba byed pas rab tu byed pa'i mtshams sbyar ba'i skabs 'dir thabs dang thabs las byung ba'i 'bras bu dang po kho nar bstan to/ /stong pa nyid kyi mi mthun phyogs kyi khyad par zhes smos pa de nyid bstan pa'i phyir/ 'dir smras pa khyod kyis rab tu byed pa 'das ma thag par/ /sangs rgyas kyis ni gang du yang/ su la'ang chos 'ga' ma bstan to/ /zhes smras pa ni bcom ldan 'das kyis rten cing 'brel bar 'byung ba mu stegs byed kyi ri dags kyi tshogs thams cad 'byed bar byed pa/ /lta ba ngan pa'i skyon nye bar zhi par byed pa bka' stsal pa de thugs su chud pas bcom ldan 'das 'jig rten na sangs rgyas zhes bya bar snyan par grags pas de'i phyir khyed kyis de sun dbyung bar 'dod pas/ /sangs rgyas kyis ri gang du yang/ /su la'ang chos 'ga' ma bstan to zhes smras pa yin pas/ de la khas blangs pas gnod par
- 363a
'gyur ro/ /zhes bya ba smras te/ des ni pha rol po dag na re/ /bcom ldan 'das kyis rten cing 'brel par 'byung ba mu stegs byed kyi ri dags kyi chogs thams cad 'byer bar byed pa/ lta ba ngan pa'i skyon nye bar zhi bar byed pa bka' stsal ba de thugs su chud pas bcom ldan 'das 'jig rten na sangs rgyas zhes bya bar snyan par grags bar yod la/ khyed dbu ma pas ni sun dbyung bar 'dod pas/ sangs rgyas kyis ni gang du yang/ /su la'ang chos 'ga' ma bstan to zhes smras pas khyed kyi tshig de la khas blangs pas gnod par 'gyur ro zhes zer ba'i phyogs snga ma bstan to/ /de ni stong pa nyid kyi mi mthun pa'i phyogs kyi khyad par de dgag pas tha snyad pa'i rten cing 'brel par 'byung ba bstan pa'i phyir de skad ces zer ba'i lan du 'dir 'grel pa byed pa nyid kyis de'i phyir bshad pa/ ma rig sgribs pas yang srid phyir/ /'du byed rnam pa gsum pa dag /mngon par 'du byed gang yin pa'i/ /las de dag gis 'gro bar 'gro /zhes bya ba la sogs pa ste zhes bya ba smras te/ 'dir spyi'i don ni kho bo cag dbu ma bas don dam par/ dmigs pa thams cad nyer zhi zhing/ /spros pa nyer zhi zhi ba ste/ /zhes gsungs pa'i dbang du byas nas/ sangs rgyas kyis ni gang du yang/ su la'ang chos 'ga' ma bstan to/ /zhes smras kyi/ kun rdzob tu bcom ldan 'das gyis rten cing 'brel par 'byung bar mu stegs byed kyi ri dags kyi chogs thams cad 'byed bar byed pa lta ba ngan pa'i skyon nye bar zhi bar byed pa bka' stsal pa re thugs su chud pas bcom ldan 'das 'jig rten na sangs rgyas zhes bya bar snyan par grags pa de yod bar khas
- 363b
blangs bas na kho bo cag gi tshig snga ma de la khas blangs pas gnod par mi 'gyur te/ de'i phyir da 'dir tha snyad pa'i rten cing 'brel bar 'byung ba'i yan lag bcu gnyis po de dag gi ngo bo nyid dang go rim dang mtshams sbyar ba la sogs pa rgya cher bstan par bya'o zhes bya bar sbyar ro/ /da ni tshig le'ur byas pa dang po des ma rig pa'i rkyen gyis 'du byed rnams zhes bstan pa de'i ngo bo nyid dang go rim dang/ mtshams sbyar ba la sogs pa bstan par bya ste/ de la ma rig pa zhes bya ba ni rig pa'i mi mthun ba'i phyogs su gyur pa'i chos sam/ rten cing 'brel bar 'byung ba'i yan lag bcu gnyis po bdag med pa/ g.yo ba med pa/ skad cig ma dag mi shes pa'i phyir ma rig ba'o zhes bya bas ni ma rig pa'i ngo bo nyid bstan to/ /des bsgribs pas/ zhes bya bas ni khebs pas so zhes bya bas ni ma rig pas bsgribs pa'i gang zag bstan te/ des 'du byed rnams mngon par 'du byed do zhes bya bar go rim dang mtshams sbyar ro/ 'dir ma rig pas bsgribs pa kho nas 'du byed rnams mngon par 'du byed kyi ma sgribs pas ni mi byed do zhes nges par gzung bar bya'o zhes bya bas ni bsgribs pa kho nas zhes bya bar tshig sbyar ba bstan te/ /ma rig pas bsgribs bas 'du byed rnams kho na zhes ni nges par gzung bar mi bya ste/ rnam par shes pa la sogs pa yan lag lhag ma rnams la yang rgyu de yod pa'i phyir ro/ /zhes bya ba ni 'du byed rnams kho na zhes bya bar tshig mi sbyar ba bstan to/ ma rig pa kho nas bsgribs las zhes kyang nges par gzung bar mi bya ste/ de las gzhan pa'i nyon mongs pa rnams kyang yod pa'i phyir ro zhes bya bas ni/ ma rig pa kho nas zhes bya bar tshig mi sbyar ba bstan to/ /'dir gal te
- 364a
gzhan dag na re 'du byed rnams la rgyu ma rig pa las gzhan pa'i nyon mongs pa rnams yang yod na/ ci'i phyir ma rig pa 'ba' zhig gzung zhes zer ba'i lan du/ 'du byed rnams kyi rgyu nyes? na 'dod chags la sogs pa nyon mongs pa rnams kyang yin la/ ma rig pa gzung pa ni gtso bo nyid yin pa'i phyir te/ dper na rgyal po rgyal ba dang/ dung gi ma 'gro ba bzhin no zhes bya ba smras te/ dper na rgyal po dpung dang bcas pa gzhan gyi yul 'khor las rgyal ba la 'khor dpung rnams kyang yod mod kyi rgyal po gtso bo nyid yin pa'i phyir rgyal po rgyal lo zhes bya ba dang/ srog chags dung? zhes bya ba ma smad rnams mtsho la rgyal ba na ma mos theg drangs pa la bu rnams phyir brgyud du 'breng ba thabs su 'gro ba na thams cad 'gro ba yin yang ma gtso bo nyid yin pa'i phyir dung gi ma 'gro'o zhes bya ba de bzhin du 'du byed rnams kyi rgyu 'dod chags la sogs pa nyon mongs pa gzhan yang yin mod kyi/ ma rig pa gtso bo nyid yin pa'i phyir ma rig pa'i rkyen gyis 'du byed rnams zhes smras so/ /ji ste yang la la 'du snyam du mi dge ba'i 'du byed rnams ma rig pa'i rgyu las byung ngo zhes bya ba de ni gti mug mi dge ba'i phyir rigs na/ dge ba'i 'du byed rnams ji ltar snyam na zhes bya ba ni gzhan dag de snyam du dogs pa'i tshig yin no/ /de'i lan du ma rig pa dang bcas pa'i lha'i pho brang na lha mo dang rtse ba'i bde ba nyams su myong bar 'dod pas dge ba spyod pa bzhin du ma rig pa yang brgyud las rgyu nyid yin pa'i phyir dang/ 'khor pa ni don dam pa'i mi dge ba yin pas der gtogs pa'i dge ba yang mi dge ba yin pa'i phyir ma rig pa ni de mngon par 'du byed pa'i rgyu
- 364b
nyid yin pa'i phyir skyon med do zhes bya ba smras te/ dge ba'i 'du byed de dag mngon par 'du byed pa'i rgyu ma rig pa yin pa'i phyir ro/ /yang srid ces bya ba ni yod pa rgyu dang 'bras bu'i rgyun 'brel bas yang srid par 'gyur pa ste/ yang skye ba zhes bya ba'i tha tshig go /zhes bya bas ni phung po lnga yod pa rang gi rgyu dang 'bras bu'i rgyun 'brel pas 'gro ba rgyud lnga yang srid par 'gyur ba ni yang srid ces bya ste/ yang skye ba'i tha tshig go zhes bya bar bstan to/ /yang srid pa'i phyir zhes bya ba ni yang srid pa'i don du'o zhes bya bas ni/ de'i don du 'du byed rnam pa gsum po dag mngon par 'du byed pa zhes bya bar tshig sbyar ro/ /'du byed ces bya ba ni 'du byed rnams mngon par 'du byed pa'o zhes bya bas ni 'du byed kyi ngo bo nyid bstan to/ /rnam pa gsum po dag ces bya ba ni bsod nams dang bsod nams ma yin pa dang/ mi g.yo ba'i bye brag gis sam/ lus dang/ ngag dang/ yid kyi 'du byed kyi bya brag gis so/ /zhes bya bas ni grangs kyis mtshon pa'i don bstan to/ /mngon par 'du byed gang yin pa'i/ /zhes bya ba ni bsod nams la sogs pa chung du dang/ 'bring dang/ chen po'i bye brag dag go zhes bya bas na gsum pa dag la chung du la sogs pa'i bye brag gis rnam pa dgur dbye ba bstan to/ /las de dag gi 'gro bar 'gro /zhes bya ba ni bsod rnams su nye bar 'gro ba dang/ bsod nams ma yin par nye bar 'gro ba dang/ mi g.yo ba nye bar 'gro ba'i 'gro bar/ zhes bya bas ni/ bsod nams dang/ bsod nams ma yin pa dang/ mi g.yo bar nye bar 'gro ba'i las de dag gis go rim bzhin du bsod nams dang bsod nams ma yin pa dang mi g.yo bar nye bar 'gro ba'i 'gro bar 'gro'o
- 365a
zhes bstan to/ /re zhig de dag gis ni ma rig pa'i rkyen gyis 'du byed rnams mngon par 'du byed la 'du byed kyis 'gro ba rnams su 'gro ba bstan to/ /da ni 'du byed kyis ji ltar 'gro ba rnams su 'gro na/ 'du byed kyi rkyen gyis rnam par shes pa zhes bya ba bstan pa'i phyir/ 'du byed rkyen can rnam par shes/ /'gro ba rnams su 'jug par 'gyur/ /zhes bya ba la zhes bya ba smras te 'das kyang 'du byed kyi rkyen gyis rnam par shes pa zhes bya ba'i ngo bo nyid dang/ go rim dang/ mtshams sbyar ba la sogs pa ston te/ 'du byed kyi rkyen can gyi rnam par shes pa 'gro ba'i skye gnas rnams su nyid mtshams sbyor bar 'gyur ro zhes bya bar sbyar ro// 'du byed rkyen can zhes bya ba ni gang la 'du byed kyi rkyen yod pa de ni 'du byed kyi rkyen can de rnam par shes pa'o/ /zhes bya bas 'du byed kyi rkyen gyis rnam par shes pa zhes bya ba'i sgra ni 'du byed kyi rkyen can gyi rnam par shes pa zhes bya ba'i don yin par bstan to/ /rnam par shes pa zhes bya ba ni dngos po so sor rnam par rig pa'o zhes bya bas ni rnam par shes pa'i ngo bo nyid bstan to/ /'gro ba rnams su zhes bya ba ni lha la sogs pa'i rigs su 'gro ba'i 'gro ba rnams su'o zhes bya bas ni 'gro ba rgyud drug po dag bstan to/ /'jug par 'gyur zhes bya ba ni skye bar 'gyur ba'o zhes bya bas ni 'du byed kyi rkyen can gyi rnam par shes pa 'gro ba rnams su 'jug cing nyid mtshams sbyor ro zhes bya bar go rim dang mtshams sbyor ro/ /'dir ni 'du byed kyi rkyen can gyi rnam par shes pa kho na 'jug par 'gyur ro zhes kyang nges par gzung bar mi bya'o/
- 365b
zhes bya bas ni/ 'du byed kyi rkyen can gyi rnam par shes pa kho na zhes bya bar mtshams sbyar ba bstan to/ /'du byed kyi rkyen can kho na'i rnam par shes pa 'jug par 'gyur ro zhes kyang nges par gzung bar mi bya zhes bya bas ni 'du byed kyi rkyen can kho na'i rnam par shes pa zhes bya bar tshig mi sbyor ba bstan to/ /'du byed kho na'i rkyen can gyi rnam par shes pa 'jug bar 'gyur ro zhes kyang nges par gzung bar mi bya ste/ zhes bya bas ni 'du byed kho na'i rkyen can gyi rnam par shes pa zhes bya bar tshig mi sbyar ba bstan to/ /rnam pa de gsum ltar nges par gzung bar mi bya pa'i dgos pa bstan pa'i phyir/ sems las byung ba rnams kyang 'jug par 'gyur ba'i phyir dang/ dgra bcom pa la 'du byed yod kyang yang srid par nyid mtshams mi sbyor ba'i phyir dang/ sred pa la sogs pa dag gi rkyen yang yod pa'i phyir ro zhes bya bar nges par mi gzung ba'i dgos pa go rim bzhin du brjod par bya'o zhes bya ba smras so/ / 'o na ji ltar nges par gzung bar bya zhe na/ 'du byed kyi rkyen can gyi rnam par shes pa sems las byung ba rnams dang bcas pa dgra bcom pa'i rgyud du gtogs pa sred pa la sogs pa dag gi rkyen dang yang ldan pa 'gro ba'i skye gnas rnams su nyid mtshams sbyor bar 'gyur ro zhes bya bar sbyar ro/ /'dir slob dpon rnams kyi blo gros tha dad par 'gyur te/ kha cig na re bar mi? de'i srid pa zhes bya ba'i ming dang gzugs kyi rgyun gyis 'gro ba'i yul 'thob po zhes zer ro/ /gzhan dag na re rnam par shes pa 'du byed kyi rkyen can 'gro bar skye ba nyid kyis 'gro ba 'thob bo zhes zer ro zhes bya ba ni/ 'dir rnam par shes pa 'du byed kyi rkyen can 'gro ba'i skye gnas rnams su nyid mtshams
- 366a
sbyor bar 'gyur ro zhes bya ba la/ 'phags pa thams cad yod par smra ba la sogs pa'i slob dpon rnams ni bar ma de'i srid pa zhes bya ba'i ming dang gzugs kyi rgyun gyis 'gro ba'i yul 'thob bo zhes zer te/ gzugs can gyi khams nas shi 'phos nas/ gzugs can gyi khams nyid du skyes pa'i srid pa dag gi bar na bar mdo'i srid pa zhes bya ba'i ming dang gzugs kyi rgyun yod pas 'chi ba'i srid pa nas bar ma do'i srid ba dang/ skye ba'i srid pa mar me'i rgyun bzhin du rgyun 'brel bar 'gro la/ gzugs med pa'i khams nas shi 'phos nas gzugs med pa'i khams nyid dang/ gzugs can gyi khams nas gzugs med du skyes pa'i srid pa dag gi bar na ni bar mdo'i? srid pa zhes bya ba'i rgyun med par 'dod do/ /dge 'dun phal chen sde pa la sogs pa'i slob dpon rnams ni rnam par shes pa 'du byed kyi rkyen can 'gro bar skye ba nyid kyis 'gro ba 'thob bo zhes zer te/ ji ltar gzugs med pa'i khams nas shi 'phos nas gzugs med pa'i khams nyid dang gzugs can gyi khams su skye ba'i srid pa dag gi bar na bar mdo'i srid pa med pa de bzhin du gzugs can gyi khams nas shi 'phos nas gzugs can gyi khams nyid dang/ gzugs med pa'i khams su skye ba'i srid pa dag gi bar na yang bar mdo'i srid pa zhes bya ba'i ming dang gzugs kyi rgyun med de/ 'chi ba'i srid pa nas skye ba'i srid par srog chags bde ba'i 'gros bzhin thod rgal du 'gro bar 'dod do/ /de la snga ma dag na re sems can gzugs can gang du 'gag pa rnams kyi gzugs kyi rgyun skye ba'i rgyun chags su yul gzhan du skye bas yul gzhan du 'thob par
- 366b
'dod de/ gzugs can yin na 'gro ba'i rgyun rjes su 'jug pa'i phyir dper na mar me bzhin no zhes bya ba ni 'phags pa thams cad yod par smra ba la sogs pa'i slob dpon rnams kyi bar ma do'i srid pa yod bar sgrub pa'i rjes su dpag pa yin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mar me ni gzugs can yin na 'gro ba'i rgyu rjes su 'jug pa'i phyir rgyun chags su yul gzhan du skye bas yul gzhan 'thob par 'dod pa de bzhin du/ sems can gzugs can gang du 'gag pa rnams kyi gzugs kyi rgyun skye ba yang gzugs can yin na/ 'gro ba'i rgyun rjes su 'jug pa'i phyir rgyun chags su yul gzhan du skye bas yul gzhan 'thob par 'dod pas/ de'i phyir gzugs med pa'i khams nas shi? 'phos nas gzugs med pa'i khams nyid dang gzugs can gyi khams su skye ba'i 'chi 'pho ba dang/ skye ba'i srid pa dag gi bar na ni bar ma de'i srid pa zhes bya ba'i ming dang gzugs kyi rgyun med la/ gzugs can gyi khams nas shi 'phos nas gzugs can gyi khams nyid du skye ba'i shi 'phos pa dang skye ba'i srid pa dag gi bar na ni bar ma do'i srid pa zhes bya ba'i ming dang gzugs kyi rgyun yod do/ /yang na gzugs la rten pa'i ming dang gzugs kyi rgyun gyis 'chi ba'i yul nas 'gro ba'i yul gzhan du skye ba'i phyir/ dper na gson po'i gnas skabs bzhin no zhes zer ro zhes bya ba ni 'phags pa thams cad yod par smra ba la sogs pa'i slob dpon rnams kyi bar mdo'i? srid pa yod par dam bcas pa'i phyogs de nyid kyi sgrub pa'i chos dang/ dpe gzhan yin te/ dper na gson pa'i gnas skabs ni gzugs la rten pa'i ming dang gzugs kyi rgyun gyis 'chi ba'i yul nas 'gro ba'i yul
- 367a
gzhan du skye ba'i phyir/ rgyun chags su yul gzhan du skye bas yul gzhan 'thob par 'dod pa de bzhin du sems can gzugs can gang du 'gag pa rnams kyi gzugs can gyi rgyun skye ba yang gzugs la brten pa'i ming dang gzugs kyi rgyun gyis 'chi ba'i yul nas 'gro ba'i yul gzhan du skye ba'i phyir rgyun chags su yul gzhan du skye bas yul gzhan du 'thob par 'dod pas de'i phyir gzugs can gyi khams nas shi 'phos nas gzugs can gyi khams nyid dang/ gzugs med pa'i khams su skyes la bar ma do'i srid pa yod do zhes zer ro/ /phyi ma pa dag na ro? gzugs can gyi khams su 'chi ba dang/ skye ba'i srid pa dag ni srid pa gzhan gyis bar du mchod de/ zag pa dang bcas pa'i phyir dper na gzugs med par 'chi ba dang/ skye ba'i srid pa dag bzhin no zhes bya ba ni dge 'dun phal chen sde la sogs pa'i slob dpon rnams kyi bar ma do'i srid pa med par sgrub pa'i rjes su dpag pa yin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gzugs med pa nas shi 'phos nas gzugs med pa dang/ gzugs can du skye ba'i srid pa dag ni zag pa dang bcas pa'i phyir srid pa gzhan gyis bar du mchod pa de bzhin du gzugs can gyi khams nas 'chi ba gzugs can dang/ gzugs med par skye ba'i srid pa dag kyang zag pa dang bcas pa'i phyir/ srid pa gzhan gyi bar du mchod pas de'i phyir ji ltar gzugs med pa nas shi 'phos nas/ /gzugs med pa nyid dang/ gzugs can gyi khams su skye bas bar ma do'i srid pa med pa de bzhin du gzugs can gyi khams nas shi 'phos nas gzugs can gyi khams nyid
- 367b
dang/ gzugs med pa'i khams su skye ba dag la yang bar do'i srid pa med do/ /zhes zer te/ des ni srid pa gzhan gyis bar du mchod pas bar ma do'i srid par med par bstan to/ /yang na lus can rnams kyi 'chi ba'i srid pa'i mjug thogs su lus gang skye ba de ni bar mdo'i srid pa'i lus ma yin te/ rnam par smin pa yin pa'i phyir dang/ sdug bsngal gyi bden par gtogs pa'i phyir dper na nye bar spyod ba'i lus bzhin no/ /zhes skye ba yang dge 'dun phal chen sde la sogs pa'i slob dpon rnams kyi bar ma do'i srid pa med par sgrub pa'i rjes su dpag pa gzhan yin te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper nad ltar nye bar spyod pa'i lus ni rnam par smin pa yin pa'i phyir dang/ sdug bsngal gyi bden par gtogs pa'i phyir bar ma do'i srid pa'i lus ma yin pa de bzhin du lus can rnams kyi 'chi ba'i srid pa'i mjug thogs su lus gang skye ba de yang rnam par smin pa yin pa'i phyir dang/ sdug bsngal gyi bden par gtogs pa'i phyir bar ma do'i srid pa'i lus ma yin pas de'i phyir yang bar ma do'i srid pa zhes bya ba med do/ /zhes zer te/ des ni 'chi ba'i srid pa'i mjug thogs su lus gang skye ba de bar ma do'i srid pa'i lus ma yin pas bar ma do'i srid pa med bar bstan to/ /gzhan yang yid las byung ba'i lus yul gzhan 'thob pas 'gro ba'i rgyun rjes su 'jug pa'i phyir des gtan tshigs ma nges pa'i phyir bar ma do'i srid pa mi 'grub ste zhes bya ba ni dge 'dun phal chen sde la sogs pa'i slob dpon rnams kyis/ 'phags pa thams cad yod par smra ba la sogs pa'i slob dpon rnams kyi gtan tshigs kyi khyad par 'gro ba'i rgyun rjes su 'jug pa'i phyir zhes bya ba de ma nges pa nyid
- 368a
du sgrub pa'i tshig yin te/ de dag na re 'di na lung las yid las byung ba'i lus gzugs can ma yin pa yul gzhan 'thob pa yang 'gro ba'i rgyun rjes su 'jug par gsungs ba'i phyir des na cir zhig 'gro ba'i rgyun rjes su 'jug pa'i phyir dper na mar me bzhin du sems can gang du 'gag pa rnams kyi gzugs kyi rgyun skye ba rgyun chags su yul gzhan du skye bas yul gzhan 'thob bar 'gyur ram/ 'on te 'gro ba'i rgyun rjes su 'dzug pa'i phyir dper na yid las byung ba'i lus yul gzhan 'thob pa bzhin du/ sems can gzugs can gang du 'gag pa rnams kyi gzugs kyi rgyun skye ba rgyun chags ma yin par yul gzhan du skye bas yul gzhan 'thob par 'gyur ba ma nges pa'i phyir bar ma do'i srid pa mi 'grub go /de nyid kyi 'thad pa bstan pa'i phyir/ bar ma do'i srid pa med par yang kha ton dang mar me dang/ rgya dang/ me long dang/ skad dang/ me shel dang/ sa bon dang/ skyur dag gis phung po'i nyid mtshams sbyor ba mi 'pho bar mkhas pa rnams kyis rtogs par bya'o zhes zer ro zhes bya ba smras te/ 'thad ba des kyang bar ma do'i srid pa med bar grub bo zhes zer ro/ /gzhan ma yin pa na re/ gzugs can yin na 'gro ba'i rgyun rjes su 'jug ba'i phyir zhes gtan tshigs khyad par can yin pa'i phyir snga ma dag la skyon de med do zhes zer ro/ /zhes bya ba ni gzhan ma yin pas rang nyid de slob dpon legs ldan byed nyid na re phyi ma pa dag gis snga ma pa dag la yid las byung ba'i lus yul gzhan 'thab pas 'gro ba'i rgyun rjes su 'jug pa'i phyir des gtan tshigs ma nges pa'i phyir bar ma do'i srid pa mi 'grub ste zhes gtan tshigs kyi skyon btags pa de snga ma dag gi
- 368b
gtan tshigs de gzugs can na 'gro ba'i rgyun rjes su 'jug pa'i phyir dper na mar me bzhin no zhes gtan tshigs khyad par can yin pa'i phyir snga ma pa dag la ma nges pa'i skyon de med do zhes zer ba'i tshig yin te/ des na don gyis go ba las dpags na slob dpon legs ldan byed nyid ni bar ma do'i srid pa yod par 'dod do/ /de dag gis ni 'du byed kyi rkyen gyis rnam par shes pa zhes bya ba bstan to/ /da ni rnam par shes ba'i rkyen gyis ming dang gzugs zhes bya ba bstan pa'i phyir/ rnam par shes bzhugs gyur na/ /ming dang gzugs ni chags par 'gyur/ /zhes bya ba la zhes bya ba smras te/ 'dis kyang rnam par shes pa'i rkyen gyis ming dang gzugs zhes bya ba'i ngo bo nyid dang/ go rims dang/ mtshams sbyar ba la sogs pa ston te/ rnam par shes pa'i rkyen can gyi ming dang gzugs chags par 'gyur ro zhes bya bar sbyar ro/ /ming zhes bya ba ni 'gro ba rnams su gzhol pa 'am/ nyon mongs pa rnams kyis gzhol bar bya ste/ phung po gzugs can ma yin pa bzhi po dag go zhes bya bas ni ming gi ngo bo nyid bstan to/ /gzugs zhes bya ba ni gzugs su rung ba ste/ 'byung ba chen po bzhi dang rgyur byas ba'i gzugs rnams so/ /zhes bya bas ni gzugs kyi ngo bo nyid bstan te/ de ltar rnam par shes pa'i rkyen can gyi ming dang gzugs 'chags par 'gyur ro zhes go rims dang mtshams sbyar ro/ /'dir yang rnam par shes pa kho na'i rkyen can gyi ming dang gzugs zhes kyang nges par gzung bar mi bya ste/ ma rig pa la sogs pa dag kyang de'i rkyen yin pa'i phyir ro zhes bya bas ni rnam bar shes pa kho na'i rkyen can gyi ming dang gzugs zhes bya bar tshig mi sbyar ba bstan to/ /rnam par shes pa'i rkyen can gyi ming dang gzugs kho na zhes kyang nges par gzung bar mi bya ste/ brdzus te skye ba rnams kyi skye mched drug gi rkyen
- 369a
kyang rnam par shes pa yin pa'i phyir dang/ gzugs med pa'i ming gi rkyen rnam par shes pa yin pa'i phyir ro zhes bya bas ni rnam par shes pa'i rkyen can gyi ming dang gzugs kho na zhes bya bar tshig ma sbyar ba bstan to/ /rnam par shes pa'i rkyen kho na'i ming dang gzugs zhes kyang nges par gzung bar mi bya ste/ dgra bcom pa'i tha ma'i sems rkyen ma yin pa'i phyir ro zhes bya bas ni rnam par shes pa'i rkyen can kho na'i ming dang gzugs zhes bya bar tshig mi sbyar bar bstan to/ /'o na ji ltar nges par gzung bar bya zhe na/ rnam par shes pa dang ma rig pa la sogs pa'i rkyen can gyi ming dang gzugs dang brdzus te skye pa'i skye mched drug dang/ gzugs med par skye ba'i ming dgra bcom pa'i rgyud du gtogs pa'i chags par 'gyur ro zhes bya bar sbyar to/ /de dag gis ni rnam par shes pa'i rkyen gyis ming dang gzugs zhes bya bar bstan to/ /da ni ming dang gzugs kyi rkyen gyis skye mched drug ces bya ba bstan pa'i phyir/ ming dang gzugs ni chags gyur na/ /skye mched drug ni 'byung par 'gyur/ zhes bya ba la zhes bya ba smras te/ 'dis kyang ming dang gzugs kyi rkyen gyis skye mched drug ces bya ba'i ngo bo nyid dang go rim dang mtshams sbyar ba la sogs pa ston te/ ming dang gzugs kyi rkyen can gyi skye mched drug 'byung par 'gyur ro zhes bya bar sbyar ro/ /skye mched ces bya ba ni rnam par shes pa skye ba'i sgo mched par byad pa'o zhes bya bas ni/ skye mched kyi ngo bo nyid bstan te/ dbang po drug po rnams kyi rang rang gi rnam par shes pa skye ba'i sgo mched cing rgyas bar byed pa'i drug ces bya ba ni nang gi skye mched kyi dbang du byas pa'i phyir te/ de dag ni mig dang/ rna ba dang/ sna dang/ lce dang/ lus dang/ yid ces bya ba dag yin par 'dod do/ /mig gi skye mched ni yul kha dog dang/ gzugs dang ba dang/ mig gi rnam
- 369b
bar shes pa'i gnas dang ldan pa'o/ /rna ba la sogs pa lus kyi bar gyi skye mched dag kyang yul sgra la sogs pa dang/ gzugs dang ba dang/ rna ba la sogs pa'i rnam par shes pa dag gi gnas dang ldan pa'o/ /yid kyi skye mched ni rnam par shes pa'i tshogs drug po dag 'gags ma thag ba'o/ /zhes bya bas ni skye mched rnams kyi grangs dang/ so sor ngo bo nyid dang mtshan nyid bstan te de dag 'byung bar 'gyur ro// zhes bya ba'i go rim dang mtshams sbyar ro/ /'dir yang ming dang gzugs kho na'i rkyen gyi skye mched drug ces kyang nges par gzung bar mi bya ste/ 'du byed la sogs pa dag kyang de'i rkyen yin pa'i phyir dang/ brdzus te skye ba rnams kyi skye mched drug gi rkyen ming 'ba' zhig kyang yin pa'i phyir ro zhes bya bas ni ming dang gzugs kho na'i rkyen can gyi skye mched drug ces bya bar tshig mi sbyar pa bstan to/ /ming dang gzugs kyi rkyen gyi skye mched drug kho na zhes kyang nges par gzung bar mi bya ste/ reg pa la sogs pa dag gi rkyen kyang ming dang gzugs yin pa'i phyir ro/ zhes bya bas ni ming dang gzugs kyi rkyen tsam gyi skye mched drug kho na zhes bya par tshig mi sbyar bar bstan te/ /ming dang gzugs kyi rkyen can kho na'i skye mched drug ces kyang nges par gzung bar mi bya ste/ dgra bcom pa'i tha ma'i ming dang gzugs rkyen ma yin pa'i phyir ro zhes bya bas ming dang gzugs kyi rkyen can kho na'i skye mched drug ces bya ba'i tshig mi sbyar bar bstan to/ /'o na ji ltar nges par gzung bar bya zhe na/ ming dang gzugs dang 'du byed la sogs ba'i rkyen can gyi skye mched drug dang reg pa la sogs pa dgra bcom pa'i rgyud du ma gtogs pa 'byung bar 'gyur ro zhes bya bar spyar te/ de dag gis ni ming dang gzugs kyi rkyen gyis skye mched drug ces bya ba bstan to/ /da ni skye mched drug gi rkyen gyis reg pa zhes bya ba bstan pa'i
- 370a
phyir skye mched drug la brten pa ni /de las reg pa 'byung par 'gyur/ zhes bya la zhes bya ba smras te/ 'dis kyang skye mched drug gi rkyen gyis reg zhes bya ba'i ngo bo nyid dang go rim dang mtshams sbyar ba la sogs pa ston te/ skye mched drug gi rkyen can gyi reg pa 'byung bar 'gyur ro zhes bya bar sbyar ro/ /brten nas zhes bya ba ni gnas thob nas so zhes bya bas ni reg ba'i gnas so/ /de las zhes bya ba ni skye mched drug las so zhes bya ba de ni gnas de las so/ /reg pa zhes bya ba ni phrad pa ste/ bde ba dang sdug bsngal dang/ sdug bsngal yang ma yin bde pa yang ma yin pa myong bar 'gyur pa ste/ mtshan nyid 'og nas ston to/ zhes bya bas ni reg pa'i ngo bo nyid bstan te/ tshor ba'i rgyu zhes bya ba'i tha tshig go /mtshan nyid 'og nas ston to zhes bya ba ni reg pa'i mtshan nyid ni 'og nas/ mig dang gzugs dang rnam par shes/ /gsum po 'dus pa gang yin pa/ /de ni reg pa zhes 'byung bas ston to/ /de la reg ba'i rgyu'i ming dang gzugs ni snga nas yod pa yin pas ji ltar skye ba bsgrub mi dgos te/ rnam par shes pa de ji ltar skye ba bstan pa'i phyir/ ming dang gzugs dang dran byed la/ /brten nas skye ba kho na yin/ zhes bya ba la zhes bya ba smras te/ ming dang gzugs dang dran byed la/ /brten nas reg ba'i rnam par shes pa de skye ba kho na yin no/ zhes bya bar sbyar ro/ /de la mig dang gzugs bshad mi dgos pas/ dran byed ces bya ba ni yid la byed pa'o zhes bya ba smras so/ /de ltar mig dang gzugs dang dran byed la brten nas reg pa'i rgyu'i rnam par shes pa skye ba dngos? bstan pa'i phyir/ de ltar ming dang gzugs brten nas/ /rnam par shes pa skye bar 'gyur/ zhes bya ba smras te/ ming zhes bya ba ni dran byed do/ /gzugs
- 370b
zhes bya ba ni mig dang gzugs te/ de ltar mig dang gzugs dang dran byed la brten nas rig pa'i rgyu'i rnam par shes pa de skye bar 'gyur ro zhes bya bar sbyar ro/ /de ltar mig dang gzugs dang dran byed la brten rnam par shes pa skye bar 'gyur ro zhes bstan pa de srid pa'i yan lag gi mtshams sbyar pa'i gnas skabs gang gi dus dang sbyar zhe na/ de'i phyir 'jug ba'i dus na ste/ zhes bya ba smras te/ skye mched drug gi rkyen gyis reg pa zhes bya ba 'byung ba'i dus dang sbyar ro/ /de ltar ming dang gzugs brten nas/ /rnam par shes pa skye bar 'gyur/ zhes bya ba de ji ltar mig dang gzugs dang dran byed la brten nas/ mig gi rnam par shes pa skye ba bzhin du skye mched lhag ma rnams la yang de dang 'dra bar bstan pa'i phyir/ ji ltar mig dang gzugs la brten nas gzugs la dmigs pa'i rnam par shes pa skye ba de bzhin du rna ba dang sgra la brten nas/ yid dang chos rnams kyi bar la brten nas yod? kyi rnam par shes pa skye bar brjod par bya ste/ zhes bya ba smras te/ dran byed ni ma smos kyang sngar bstan pa'i tshul gyis thams cad du yang rnam par shes pa skye ba'i rkyen yin par shes par bya'o/ /'o na 'dir/ skye mched drug la brten nas ni/ /de las reg pa 'byung bar 'gyur/ zhes bya bas reg pa nyid bshad pa'i skabs su reg pa'i ngo bo nyid mi ston par/ mig dang gzugs dang dran byed la/ /brten nas skye ba kho na yin/ /de ltar ming dang gzugs brten nas/ /rnam par shes pa skye bar 'gyur/ /zhes bya bas/ rnam par shes pa ji ltar skye ba smos pa 'di ji ltar dgos zhe na/ de'i phyir/ skye mched drug gi 'bras bu skye ba brjod par 'dod pa'i phyir ro zhes bya ba smras te/ reg pa ji ltar skye ba brjod par 'dod pa'i phyir te /reg pa skye ba'i rkyen ni dbang po dang yul dang rnam par shes pa yin par
- 371a
bstan ba'i phyir ro/ /da ni reg pa'i mtshan nyid dngos bstan pa'i phyir/ 'o na reg pa de gang zhe na/ mig dang gzugs dang rnam par shes/ /gsum po 'dus pa gang yin pa/ /de ni reg pa zhes bya ba yin te/ zhes bya ba smras te/ des ni reg pa'i ngo bo nyid bstan te/ de ltar skye mched drug gi rkyen can gyi reg pa 'byung bar 'gyur ro zhes go rim dang mtshams sbyar ro/ /de nyid bye brag tu bshad pa bstan pa'i phyir/ gsum po zhes bya ba ni dbang po dang yul dang rnam par shes pa rnams so/ /'dus pa zhes bya ba ni gcig tu tshogs pa de ni reg pa yin no zhes bya ba smras so mig la sogs pa smos pa ni khyad par bstan pa'i phyir te/ de dag gi dbang gi rag? pa brtag sla ba'i phyir ro zhes bya ba ni/ skye mched drug la brten nas ni/ /de la reg pa 'byung bar 'gyur/ zhes bya bas skye mched drug gi rkyen gyis reg pa zhes bstan pa'i skabs su/ mig dang gzugs dang dran byed la/ brten nas skye ba kho na yin/ /de ltar ming dang gzugs brten nas/ /rnam par shes pa skye bar 'gyur zhes bya ba'i tshig le'ur byas pa gcig bla thabs su smras pa ni reg pa'i rgyu'i khyad par bstan pa'i phyir te/ spyir skye mched drug gi rkyen gyis reg pa zhes bya ba yin mod kyi/ de'i khyad par ni dbang po dang yul dang yid la byed pa la brten nas rnam par shes pa skye la/ rnam par shes pa skyes pa'i dus na dbang po dang rnam par shes pa gsum 'dus pa ni reg pa ste/ de ni tshor ba rnam pa gsum myong bar 'gyur ba'i rgyu yin no zhes de dag gis dbang gi reg pa brtag sla ba'i phyir ro/ /de dag gis ni skye mched drug gi rkyen gyis reg pa zhes bya ba bstan to/ /da ni reg pa'i rkyen gyis tshor ba zhes bya ba bstan pa'i phyir/ reg de las tshor ba kun tu 'byung bar 'gyur zhes bya ba la zhes bya ba smras te/ 'dis
- 371b
kyang reg pa'i rkyen gyis tshor ba zhes bya ba'i ngo bo nyid dang go rim dang mtshams sbyar ba la sogs pa ston te/ reg pa'i rkyen can gyi tshor ba kun tu 'byung bar 'gyur ro zhes bya bar sbyar ro/ /tshor ba zhes bya ba ni so sor rig pa'i don gyis te rnam pa gsum myong ba'o zhes bya bas ni tshor ba'i ngo bo nyid bstan to/ /kun 'byung bar 'gyur zhes bya ba ni mngon par 'byung bar 'gyur ba ste/ /reg pa'i rkyen gyis tshor ba 'byung ngo zhes bya ba'i tha tshig gi zhes bya bas ni de ltar reg pa'i rkyen can gyi tshor ba 'byung bar 'gyur ro zhes go rim dang mtshams sbyar ro/ /de dag gis ni reg pa'i rkyen gyis tshor ba zhes bya ba bstan te/ /da ni tshor ba'i rkyen gyis sred pa zhes bya ba bstan pa'i phyir/ tshor ba'i rkyen gyis sred pa ste/ /tshor ba'i don la sred par 'gyur zhes bya ba la zhes bya ba smras te/ 'dis kyang tshor ba'i rkyen gyis sred pa zhes bya ba'i ngo bo nyid go rim dang mtshams sbyar ba la sogs pa ston te/ tshor ba'i rkyen can gyi srid 'byung bar 'gyur ro/ zhes bya bar sbyar ro/ /sred pa zhes bya ba ni 'dod pa'i mtshan nyid do zhes bya bas ni sred pa'i ngo bo nyid bstan to/ /tshor ba'i don la sred par 'gyur zhes bya bas ni byis pa thos pa dang mi ldan pa ral gri'i so la sbrang rtsi'i thigs bas bskus pa mngar ba'i ro yun thung ba lta bu'i 'gyur ba'i sdug bsngal mnog chung la nyes dmigs che ba ma rtogs pa rnams de la sned par 'gyur ro zhes bya ba ni de ltar tshon pa'i rkyen gyi sred pa 'byung bar 'gyur ro zhes go rim dang mtshams sbyar ro/ /de ste 'di snyam du bod ba'i tshor ba ni phan 'dogs pa yin pas nyams su myong ba na yang dang yang du de 'dod pas de la sred par 'gyur bar rig na/ sdug bsngal gyi tshor ba ni nyams su myong ba na gnod par 'gyur ba yin pas de 'dod par mi 'gyur pa yin na/ ji ltar de'i rkyen gyis sred par 'gyur zhe na/ zhes bya ba ni gzhan dag de skad 'dri ba'i
- 372a
tshig yin no/ /de'i lan du sdug bsngal gyi tshor ba yang nyams su myong ba na de dang 'bral bar 'dod pa'i srid pa skye bas skyon med do zhes bya ba smras te/ de dag gis ni tshor? ba'i rkyen gyi sred pa zhes bya ba bstan to/ /da ni sred ba'i rkyen gyis len ba zhes bya ba bstan pa'i phyir/ sred par gyur na nye bar len/ /rnam pa bzhi po nyer len 'gyur/ zhes bya ba la zhes bya ba smras te/ 'dis kyang sred pa'i rkyen gyis len pa zhes bya ba'i ngo bo nyid go rim dang mtshams sbyar ba la sogs pa ston te/ sred pa'i rkyen can gyi nye bar len pa 'byung bar 'gyur ro zhes bya bar sbyar ro/ /nye bar len pa zhe bya ba ni nye bar blang ba yin pas nye bar len pa'o/ /kha cig na re sred pa 'phel ba nyid nye bar len pa'o zhes zer ro/ /gzhan dag na re longs spyod rnams thob par bya ba'i phyir 'bad pa'o zhe'o/ /zhes bya bas ni nye bar len pa'i ngo bo nyid bstan to/ /rnam pa bzhi po zhes bya ba ni 'dod pa dang/ lta ba dang/ tshul khrims dang/ brtul zhugs mchog tu 'dzin pa dang/ bdag tu smra ba nye bar len pa'i mtshan nyid dag go /zhes bya bas ni grangs dang ming dang so so'i mtshan nyid bstan te/ de ltar sred pa'i rkyen can gyis nye bar len pa 'byung bar 'gyur ro/ /zhes go rim dang mtshams sbyar ro/ /de dag gis sred pa'i rkyen gyis lon pa zhes bya ba bstan to// //bam po bdun cu rtsa dgu pa/ /da ni len pa'i rkyen gyis srid pa zhes bya ba bstan pa'i phyir/ nyer len yod na len pa po'i/ /srid pa rab tu 'byung bar 'gyur zhes bya ba la zhes bya ba smras te/ 'dis kyang len pa'i rkyan gyis srid pa zhes bya ba'i ngo bo nyid dang go rim dang mtshams sbyar ba la sogs pa stan to/ /nye bar len pa'i rkyen can gyi srid pa 'byung bar 'gyur ro zhes bya bar sbyar ro/ /srid pa zhes bya ba ni las kyi srid pa zhe sya ba ste/ srid par byed pas srid pa pa'o/ /yang na
- 372b
? pa ni 'byung ba ste/ 'byung ba dang skye ba zhes bya ba ngag gi rnam grangs so/ /srid pa'i rgyu'i las gang yin pa de srid pa de/ 'bras bu la rgyu nye bar btags pa'i phyir dper na sangs rgyas rnams 'byung ba bde'o zhes bya ba bzhin no/ zhes bya bas ni srid pa'i ngo bo nyid bstan te/ de ltar nye bar len pa'i rkyen can gyi srid pa 'byung bar 'gyur ro zhes go rim dang mtshams sbyar ro/ /'dir yang reg pa la sogs pa dag ni gnyi ga ltar yang nges par gzung bar mi bya ste/ rkyen nyid kyis de dag rkyen can yin pa'i phyir dang/ de dag gzhan dag gi rkyen kyang yin pa'i phyir ro/ /zhes bya bas ni reg pa dang sred pa'i bar gyi yan lag rnams ni rkyen can kho na zhe 'am/ rkyen kho na zhes nges par gzung bar mi bya ste/ de dag gnyi ga'i bdag nyid yin pa'i phyir ro/ /rnam par shes pa la sogs pa da ltar gyi dus su gtogs pa dag ni ma rig pa dang 'du byed ces bya ba dag gi rgyu las byung ba yin no zhes bya bas ni rten cing 'brel par 'byung ba'i yan lag gi bye brag bcu gnyis thub pas gsungs pa de dag las dang nyon mongs pa dang sdug bsngal rnams su 'dus te/ gsum po dag tu ji lta ba bzhin no zhes bya ba'i tshul gyis/ ma rig pa dang/ sred pa dang/ len pa gsum po ni nyon mongs pa yin la/ 'du byed dang srid pa gnyis ni las yin/ lhag ma ni sdug bsngal yin no// de dag kyang phung po gsum du 'dus te/ ma rig pa dang 'du byed gnyis ni 'das pa'i dus su gtogs pa yin/ rnam par shes pa la sogs pa brgyad ni da ltar gyi dus su gtogs pa yin/ skye ba dang rga shi gnyis ni ma 'ongs pa'i dus su gtogs? pa yin no? zhes bya ba'i skabs las phung po gsum du bsdu ba bstan te/ 'dir rnam par shes pa la sogs pa da ltar gyi dus su gtogs pa brgyad po dag ni 'das pa'i dus su gtogs pa'i ma rig pa dang 'du byed kyi rgyu las byung ba yin la
- 373a
ma 'ongs pa'i dus su gtogs pa'i skye ba dang rga shi ni da ltar gyi rgyu dag gi 'bras bu yin no zhes bya bar sbyar ro/ /de dag gis ni len pa'i rkyen gyis srid pa zhes bya ba bstan to/ /da ni srid ba'i rkyen gyis skye ba zhes bya ba bstan par bya ste/ de la re zhig da ltar gyi mthar bltas pa'i nye bar len pa yod na srid pa yod pas ma 'ongs pa'i skye ba 'byung bar 'gyur gyi/ de med na de mi 'gyur bar bsten pa'i phyir/ de la gal te dge ba'i bshes gnyen bsten pa dang/ dam pa'i chos nyan pa dang/ tshul bzhin yid la byed pas 'du byed rnams su sdug bsngal la sogs pa'i rnam pa dag gis 'du byad kyi sdug bsngal nyid dam/ ngo bo nyid stong pas ma skyes par mthong ba de'i tshe na de kho na shes pa skyes pas sred par mi 'gyur zhing/ sred pa med na nye bar len par mi byed pas/ gal te nye bar len med na/ /grol bar 'gyur te srid mi 'gyur/ /rten cing 'brel par 'byung ba phung po gsum pa la yang da ltar yod pa 'jig na 'bras bu nye bar ston pa yin la yod pa 'jig pa'i sbyor pa yang da ltar gyi dus kho na'i sbyor ba yin pa'i phyir ro zhes bya ba smras te/ rten cing 'brel par 'byung ba phung po gsum pa la ma rig pa dang 'du byed gnyis ni sngon gyi mthar bltas pa yin la rnam bar shes pa nas srid pa'i bar du brgyad ni da ltar gyi mthar bltas ba yin/ skye ba dang rga shi'i gnyis ni ma 'ongs pa'i mthar bltas pa yin pas/ de la da ltar mthar bltas pa rnam par shes pa la sogs pa yod pa nyid mtshams sbyor ba dag 'jig cing shi ba pos te/ 'gags na ma 'ongs pa'i 'bras bu skye ba nye bar ston pa yin la yod pa 'jig pa'i sbyor ba srid pa zhes bya ba yang da ltar gyi dus kho na na yod pa'i phyir de gal te dge ba'i bshes
- 373b
gnyen la bsten pa dang/ dam pa'i chos nyan pa dang/ tshul bzhin yid la byed pas nyan thos kyi rnal 'byor pas 'du byed rnams sdug bsngal ba la sogs pa'i rnam pa dag gis 'du byed kyi sdug bsngal nyid du mthong ba dang/ theg pa chen po'i rnal 'byor pas 'du byed rnams ngo bo nyid stong pas ma skyes par mthong ba de'i tshe na/ de kho na shes pa skyes pas sred par mi 'gyur zhe na/ sred pa med na nye bar len par mi byed pas grol par 'gyur te/ yang srid par skye bar mi 'gyur ro zhes bya bar sbyar ro/ /da ltar gyi mthar bltas pa'i nye bar len pa yod na/ srid pa yod cing srid pa'i rkyen gyis skye ba 'byung bar bstan pa'i phyir/ nye bar len pa yod na srid pa zhes gsungs pa de'i mtshan nyid kyang gang zhe na srid pa de yang phung po lnga// 'dir yang phung po lnga'i rgyu la phung po lnga zhes tha snyed gdags pa ste phung po lnga ni srid pa kho na'i zhes nges par gzung bar bya ste/ phung po lnga kho na srid pa'o zhes pa ni des par gzung bar mi bya ste/ gzugs med pa'i khams kyi srid pa ni phung po bzhi pa yin pa'i phyir ro zhes bya ba smras te/ da ltar gyi ma thar bltas pa'i srid pa ma 'ongs pa'i phung po lnga'i ming can de ni srid pa zhes bya ste/ de yod pas ma 'ongs pa'i mthar bltas pa'i skye ba 'byung ngo zhes bya bar sbyar ro/ /de nyid bstan pa'i phyir srid pa las ni skye ba 'byung zhes bya ba la zhes bya ba smras te/ 'dis kyang srid pa'i rkyen gyis skye ba zhes bya ba'i ngo bo nyid dang go rim dang mtshams sbyar ba ston te/ srid pa'i rkyen can gyi skye ba 'byung bar 'gyur ro zhes bya bar sbyar ro/ /skye ba zhes bya ba ni skye pas na skye ba ste/ phung po rnams ma byung ba las 'byung ba'o/ /zhes bya bas ni skye ba'i ngo bo nyid bstan te/ de ltar srid pa'i rkyen can gyi skye ba 'byung bar 'gyur ro zhes go rim dang mtshams sbyar ro/ /da dag gis srid pa'i rkyen gyis skye ba zhes bya
- 374a
ba bstan to/ /da ni skye pa'i rkyen gyis rga shi dang mya ngan dang smre sngags 'don pa dang/ sdug bsngal pa dang/ yid mi bde ba dang 'khrug ba rnams 'byung bar 'gyur te/ de ltar na sdug bsngal gyi phun po chen po 'ba' zhig pa 'di 'byung bar 'gyur ro zhes bya ba bstan pa'i phyir/ rga shi dang ni mya ngan dang/ /zhes bya ba la sogs pa smras te/ 'di dag gis kyang skye ba'i rkyen gyis rga shi zhes bya ba la sogs pa'i ngo bo nyid dang go rim dang mtshams sbyar ba la sogs pa ston te/ skye ba'i rkyen can gyi rga shi la sogs pa 'byung par 'gyur ro zhes bya bar sbyar ro/ /de dag nyid bstan pa'i phyir/ rga shi zhes bya ba ni yongs su 'gyur ba dang/ 'jig pa'i rgyu dag go /mya ngan zhes bya ba ni sdug pa dang bral bas bskyed pa ste/ nang gi yongs su gdung ba'i mtshan nyid do/ /smre sngags 'don bcas sdug bsngal dang zhes bya ba la/ smre sngags 'don pa zhes bya ba ni skye bo snying du sdug pa chud zos pa'i yon tan kun tu brjod pa la brten pa'i chig brjod pa ste/ yongs su smre zhing smre sngaD 'don pa'o/ /sdug bsngal zhes bya ba ni lus kyi mi bde ba tshor ba'o/ /yid mi bde ba dang 'khrug pa rnams zhes bya ba la/ yid mi bde ba zhes bya ba ni/ sems kyi mi bde ba tshor ba'o/ /'khrug pa rnams zhes bya ba ni lus dang sems 'khrugs pa las 'khrug pa rnams so/ /de dag skye las rab tu 'byung zhes bya ba ni de ltar rga shi la sogs pa ji skad bstan pa de dag skye pa las rab tu 'byung bar 'gyur ba'o/ /de ltar sdug bsngal phung po ni/ /'ba' zhig pa 'di 'byung bar 'gyur zhes bya ba la sdug bsngal phung po zhes bya ba ni sdug bsngal gyi tshogs zhes bya ba'i tha tshig go /'ba' zhig pa zhes bya ba ni bde ba dang ma 'dres pa zhes bya ba'i tha tshig go /'di 'byung bar 'gyur zhes bya ba ni skye bar 'gyur ba'o zhes bya
- 374b
ba smras sos tha snyad kyi bden par gtogs pa'i phung po de 'byung bas 'di ni tha snyad pa'i rten cing 'brel bar 'byung ba yin no/ /don dam par ni skye ba med pa'i rab tu byed par ji skad bstan pa'i tshul gyis yod pa ma yin pas khas blangs pa la gnod pa med do zhes bya bas ni de ltar srid pa'i yan lag bcu gnyis lugs su 'byung ba'i tshul bstan pa de ni tha snyad pa yin gyi/ don dam pa ma yin pas dbu ma pas don dam par/ sangs rgyas kyis ni gang du yang/ /su la 'ang chos 'ga' ma bstan to/ /zhes smras pa de la khas blangs pa la gnod par mi 'gyur ro zhes bstan to/ /re zhig de dag gis ni tha snyad pa'i rten cing 'brel par 'byung ba lugs su 'byung ba'i mtshan nyid bstan to/ /de ni tha snyad pa'i rtn cing 'brel par 'byung ba lugs las ldog pa'i mtsh+n nyid bstan par bya ste/ de'i phyir/ de ltar skye ba'i rgyu na 'jug pa de ji ltar ldog par 'gyur zhe na/ de'i phyir bshad pa/ gang gi phyir mi mkhas pa rnams kyis mngon par 'dus byas pa/ de phyir mkhas nrmas 'khor ba yi/ /rtsa ba'i 'du byed 'du mi byed/ /'du byed kyi skyon mthong pa rnams yang dag pa ji lta ba bzhin du mthong ba nyid kyis de mngon par 'du mi byed pa'i phyir ro zhes bya ba la sogs pa smras te/ 'di ni sngar/ ma rig sgrib pas yang srid phyir/ /'du byed rnam pa gsum po dag /mngon par 'du byed gang yin pa'i/ /las de dag gis 'gro bar 'gro zhes smros pa las bzlog pa bstan to/ /de nyid bye brag tu bshad pa bstan pa'i phyir/ mi mkhas pa rnams ni 'du byed sgyu ma dang smig rgyu lta bu thog ma med pa'i rkyen brgyud pa las byung ba dag la de dag gi skyon ma mthong ba'i phyir yang dang yang du bde ba nyams su myon bar 'dod pas mngon par 'du byed pas/ de'i phyir mi mkhas? byed pa yin/ /mkhyas min de nyid mthong phyir ro/ /zhes bya ba
- 375a
smra ste/ de'i phyir mi mkhas pa rnams ni 'khor ba'i rtsa ba'i 'du byed rnams mngon par 'du byed pa yin gyi/ mkhas pa rnams ni mi byed de/ ci'i phyir zhe na/ de nyid mthong ba'i phyir ro zhes bya bar sbyar ro/ /de nyid mthong ba'i phyir ro zhes bya ba bstan pa'i phyir/ gnyen po skyes pa'i phyir dang/ nyon mongs pa dang shes bya'i sgirb pa'i ngo bo nyid kyi ma rig pa spangs pa'i phyir ro zhes bya ba smras so/ /da ni ma rig pa 'gags pas 'du byed 'gag ces bya ba bstan pa'i phyir/ kha cig 'gags par gyur na ni/ /'du byed rnams kyang 'byung mi 'gyur/ /rkyen med pa'i phyir sa bon med pas myu gu bzhin no zhes bya ba smras so/ /ma rig pa 'gag pa de thabs gang gis 'gag par 'gyur ba bstan pa'i phyir ma rig pa 'gags pa de yang/ ma rig 'gag par 'gyur ba ni/ /shes pa de nyid bsgoms pos/ /chos bdag med pa nyid kyi yul can stong pa nyid shes pa rten cing 'brel par 'byung ba la dmigs pa de nyid ji skad bstan pa'i tshul gyis dngos po rnams ngo bo nyid ma lus par dgag pas bsgom zhing goms par byas pas so/ /zhes bya ba smras so/ /de ltar ma rig pa 'gags pas 'du byed 'gags na srid pa'i yan lag lhag ma rnams kyang rim gyis 'gag par 'gyur ba bstan pa'i phyir/ de dang de ni 'gag gyur pas/ /de dang de ni mngon mi 'byung/ /'du byed la sogs pa srid pa'i yan lag snga ma de dang de gnyen po skyes pas 'gags par gyur pas rnam par shes pa la sogs pa srid pa'i yan lag phyi ma dang de mngon par 'byung bar mi 'gyur te/ 'du byed 'gags pas rnam par shes pa 'gag ces bya ba nas/ /skye ba 'gags pas rga shi 'gag ces bya ba'i bar du mngon par 'byung bar mi 'gyur ro zhes bya ba smras so/ /da ni mjug bsdu ba bstan pa'i phyir/ sdug bsngal phung po 'ba' zhig pa/ /de ni de ltar yang dag 'gag/ ces bya ba smras so/ /de ltar de yang dag par 'gag pa de yang bden pa gang gi ?
- 375b
du gsungs pa bstan pa'i phyir/ tha snyad kyi bden pa yongs su gsungs pa las so/ /don dam par ni ma rig pa la sogs pa rten cing 'brel par 'byung ba'i yan lag la skyes pa rnams la skye ba med pa'i phyir 'gag pa yang med do zhes bya ba smras so/ /da ni pha rol bo dag gis dbu ma pas dam bcas pa la skyon bstan pa'i lan gyi mjug bsdu ba bstan pa'i phyir/ bcom ldan 'das kyis don dam par rnam par byang ba'i rten cing 'brel par 'byung ba bka' stsal pa khas ma blangs pa'i phyir khas blangs pa la gnod pa'i skabs med do zhes bya ba smras te/ da ni sngar pha rol dag gis dbu ma pa la de skad ces khyed kyis rab tu byed pa 'das ma thag par/ sangs rgyas kyis ni gang du yang/ /su la'ang chos 'ga' ma bstan to/ zhes bya ba smras pa ni bcom ldan 'das kyis rten cing 'brel par 'byung ba mu stegs byed kyi ri dags kyi chogs thams cad 'byor bar byed pa lta ba ngan pa'i skyon nye bar zhi bar byed pa bka' stsal pa de zugs su chud pas bcom ldan 'das 'jig rten na sangs rgyas zhes snyan par grags pa de'i phyir khyod kyis de sun dbyung bar 'dod pas/ sangs rgyas kyis ni gang du yang/ /su la'ang chos 'ga' ma bstan te zhes smras pa yin pas de la khas blangs pas gnod par 'gyur zhes smras pa'i skabs med par bstan to/ /de la 'dir rab tu byed pa'i don ni pha rol pos rab tu byed pa'i dang por dam bcas pa'i skyon bstan pa'i lan btab pa tha snyad pa'i rten cing 'brel par 'byung ba bstan pa yin zhe bya ba ni mjug bsdu ba dang tshad? ma'i 'bras bu yin te/ srid pa'i yan lag bcu gnyis brtag pa'i rab tu byed pa nyi shu drug pa'i sgrags? 'dir rab tu byed pa'i don tshad ma'i 'bras bur lta ba ni pha rol pos rab tu byed pa 'di'i dang por ? dbu ma pas don dam par dmigs pa thams cad nyer zhi zhi? ba ste/ /zhes bya ba'i dbang du byas nas/ sangs rgyas kyis ni gang du
- 376a
yang/ /su la'ang chos 'ga' ma bstan to/ /zhes dam bcas pa la khas blangs pa'i skyon yod par bstan pa'i lan bstan bcos mdzad pas btab pas tha snyad pa'i rten cing 'brel par 'byung pa bstan pa yin no/ /tha snyad pa'i rten cing 'brel par 'byung ba bstan pa la yon tan ci yod pa dang/ de bstan pa 'di la gzhan dag na re rtog ge skam po'i bstan tsam nyi chos bsgrubs so zhes zer ba bsal ba'i phyir/ 'dir yid ches pa'i lung gi khungs kyang bsgrub par bya ste/ de'i phyir bcom ldan 'das gyi rten cing 'brel par 'byung ba ni skye ba med pas de'i phyir rten cing 'brel bar 'byung ba zhes bya ste/ gang la skye pa med pa de la 'gag pa ga la yod de/ 'gag pa med par rtogs pas rten cing 'grel par 'byung ba rtogs so zhes bya ba la sogs pa ji skad gsungs pa de dag grub pa yin no zhes bya ba smras te/ de ltar yid ches pa'i lung de dag grub pa ni tha snyad pa'i rten cing 'brel par 'byung ba bstan pa 'di'i yon tan dang khungs yin no/ /de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel pa byed pa'i mkhas pa nyid yin no/ /slob dpon legs ldan byed kyi nye bar sbyar ba dbu ma'i rtsa ba'i 'grel pa shes rab sgron ma las srid pa'i yan lag bcu gnyis brtag pa zhes bya ba ste rab tu byed ba nyi shu drug pa rgya cher 'grel pa slob dpon spyan ras gzigs brtul zhugs kyis nye bar sbyar ba rdzogs so// //da ni de bzhin du stong pa nyid kyi mi mthun pa'i gyogs kyi khyad par dgag pas lta ba stong pa nyid du bstan pa'i don gyi dbang gis rab tu byed pa nyi shu bdun pa brtsam mo zhes bya ba la/ dbang gis zhes bya ba'i sgra skabs 'dir yang dam bcas pa la 'jug pa'i rgyu'i don dang gzhung 'og nas 'byung ba dang sbyar ba'i don du blta ste/ tshig gi don ni snga ma bzhin no/
- 376b
de la dam bcas pa la 'jug pa'i rgyu'i don gyi dbang du byas nas/ da ni de bzhin du stong pa nyid kyi mi mthun pa'i phyogs kyi khyad par dgag pa zhes bya ba smras te/ bstan bcos mdzad pas rkyen brtag pa'i rab tu byed pa dang po brtsam pa'i skabs su dngos po rnams skye ba med par dam bca' ba mdzad pas 'dir yang sngar bstan bcos mdzad pa de la 'jug pa'i rgyu'i don gyi dbang du byas nas de skad smras te/ de bzhin du zhes bya ba ni sngar bstan pa'i lugs bzhin du'o/ /stong pa nyid ni rang gi phyogs yin no/ /de'i mi mthun pa'i phyogs ni phyir rgol ba'i phyogs yin te/ 'di lta ste/ dngos po rnams ngo bo nyid yod pa nyid du smra ba yin no/ /de'i khyad par zhes bya ba ni pha rol pos dngos po rnams ngo bo nyid yod pa nyid du sgrub pa'i phyogs snga ma nye bar bzhag pa'o gnas 'di skad ces don dam par nye par len pa'i phung po lnga ni ngo bo nyid yod pa kho na yin te/ lta pa'i gnas yin pa'i phyir ro zhes bya ba la sogs pa 'byung ba dag yin no/ /de dgag pas zhes bya ba ni de dgag pa'i dbang du byas nas rab tu byed pa nyi shu bdun pa brtsam mo zhes bya bar sbyar ro/ /gzhung 'og nas 'byung pa dang sbyar pa'i don gyi dbang du byas nas/ lta ba stong pa nyid du bstan pa'i don gyi dbang gis rab tu byed pa nyi shu bdun pa brtsam mo zhes bya ba smras te/ lta ba brtag pa'i rab tu byed pa nyi shu bdun pa'i gzhung 'og nas 'byung ba'i de'i don ni lta ba stong pa nyid du bstan pa yin pas de'i dbang du byas nas de skad smras so/ /rab tu byed pa 'di'i 'bras bu ni gang yin/ rnam pa gang gis ni 'bras bu de 'thob ce na/ lta ba stong ba nyid du bstan pa ni 'di'i 'bras bu yin la/ stong pa nyid kyi mi mthun pa'i phyogs kyi khyad par dgag pa'i rnam pas ni 'bras bu de 'thob pas de'i phyir 'grel pa byed pas rab tu mtshams sbyar nga'i skabs 'dir thabs dang thabs las byung ba'i 'bras bu dang po kho nar bstan to/ /stong pa nyid kyi mi mthun pa'i phyoD
- 377a
kyi khyad par zhes smos pa de nyid bstan pa'i phyir/ 'dir smras pa don dam par nye bar len pa'i phung po lnga ni ngo bo nyid yod pa kho na yin te/ lta ba'i gnas yin pa'i phyir ro/ /'di na gang yod pa ma yin pa de ni lta ba'i gnas ma yin te/ dper na ri bong gi rwa bzhin no/ /nye bar len pa'i phung po lnga ni lta ba'i gnas yin te/ chos mngon pa las/ da ni sdug bsngal kun 'byung dang/ /'jig rten lta gnas srid pa yin/ /zhes 'byung bas de'i phyir gtan tshig ji skad smos pa'i mthus don dam par nye bar len pa'i phung po lnga ni ngo bo nyid yod pa kho na yin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ chos mi mthun pa'i phyogs kyi dpe dang/ nye bar sbyar ba'i sbyor ba dang/ mjug bsdu ba yin par go rim bzhin du sbyar te 'di na ri bong gi rwa lta bu med pa gang lta ba'i gnas ma yin pa de ni yod pa ma yin gyi/ nye bar len pa'i phung po lnga ni chos mngon pa las de ni sdug bsngal yang yin/ kun 'byung yang yin/ 'jig rten yang yin/ lta ba'i gnas kyang yin/ /srid pa ya yin no zhes 'byung ba'i phyir don dam par ngo bo nyid yod pa kho na yin no zhes zer ro/ /stong pa nyid kyi mi mthun pa'i phyogs kyi khyad par de dgag pas lta ba stong pa nyid du bstan pa'i phyir de skad ces zer ba'i lan du 'grel pa byed pa nyid kyis 'dir bshad pa zhes bya ba la sogs pa smras te/ 'di spyi'i don ni pha rol po dag gi gtan tshigs lta ba'i gnas yin pa'i phyir ro zhes bya ba de mi 'grub par bstan pa'i phyir re zhig lta ba ni sngon gyi mdza' yul la dmigs shing gnas ma yin pas lta ba de dag nyid stong pa nyid yin pa'i phyir lta ba'i gnas yin pa'i phyir ro zhes bya ba'i gtan tshigs de mi 'grub pas des 'grub par bya ba'i phyogs don dam par nye bar len pa'i phung po lnga ni ngo bo nyid yod pa kho na yin te zhes bya ba de mi
- 377b
'grub par ston to/ /de la re zhig sngon gyi mdza' la ston pa'i lta ba dag gang yin pa dang/ lta ba'i mtshan nyid gang yin pa dang/ sngon gyi mdza' gang yin pa dang/ de la brten pa ji lta bu yin pa bsten pa'i phyir/ 'das pa'i dus na byung zhes dang/ /ma byung 'jig rten rtag sogs par/ /lta ba gang yin de dag ni/ /sngon gyi mdza' la brten pa yin/ /bdag 'das pa'i dus na byung bar gyur ces bya ba dang/ byung bar ma gyur ces bya ba dang/ byung bar gyur kyang gyur la byung bar ma gyur kyang ma gyur ces bya ba dang/ byung bar gyur pa yang ma yin byung bar ma gyur pa yang ma yin zhes bya ba dang/ 'jig rten rtag pa dang/ 'jig rten mi rtag pa dang/ rtag kyang rtag la mi rtag kyang mi rtag pa dang/ rtag pa yang ma yin/ mi rtog pa yang ma yin zhes bya bar lte ba gang dag min pa de dag ni sngon gyi mdza' la brten pa yin no/ /lta ba zhes bya ba ni mngon par zhen pa zhes bya ba dag dang don tha mi dad pa yin no/ /sngon gyi mdza' zhes bya ba ni tshe snga ma ste/ da ltar gyi phung po rnams la bltos nas/ sngon 'das pa'i dus na byung bar gyur pa'i phung po rnams ni sngon gyi mdza' yin no/ /de la brten pa zhes bya ba ni de la dmigs pa yin no/ /zhes bya ba smras te/ 'dis ni sngon gyi mdza' la brten pa'i lta ba dag gang yin pa dang/ lta ba'i mtshan nyid gang yin pa dang/ sngon gyi mdza' gang yin pa dang/ de la brten pa ji lta bu yin pa bstan te/ de la sngon gyi mdza' la brten pa'i lta ba ni gang zag bdag 'das pa'i dus na byung bar gyur ces bya bar lta ba la sogs pa bzhi dang 'jig rten rtag ces bya bar lta ba la sogs pa bzhi ste/ de dag kyang snga ma bzhi'i gzhi las phyi ma bzhi go rim bzhin du 'byung bar sbyar ro/ /lta ba'i mtshan nyid ni mngon par zhen pa dang 'dzin pa dang/ lhag par chags pa zhes bya ba la sogs pa dag gi rnam grangs so/ /sngon gyi mdza' zhes bya ba ni tshe snga ma'o/ /de la brten nas zhes
- 378a
bya ba ni de la dmigs pa yin par bstan to/ /da ni phyi ma'i mdza' la brten pa'i lta ba gang dag yin pa dang/ lta ba'i mtshan nyid gang yin pa dang/ phyi ma'i mdza' gang yin pa dang/ de la brten pa ji lta bu yin pa bstan pa'i phyir/ ma 'ongs dus gzhan 'byung 'gyur dang/ /mi 'byung 'jig rten mdza' sogs par/ /lta ba gang yin de dag ni/ /phyi ma'i mdza' la rten pa yin/ /bdag ma 'das ba'i dus gzhan du 'byung bar 'gyur zhes bya ba dang/ 'byung bar mi 'gyur zhes bya ba dang/ 'byung bar 'gyur yang 'gyur la/ 'byung bar mi 'gyur yang mi 'gyur zhes bya ba dang/ 'byung bar 'gyur ba yang ma yin 'byung bar mi 'gyur ba yang ma yin zhes bya ba dang/ 'jig rten mdza' yod pa dang/ 'jig rten mdza' med pa dang/ mdza' yod kyang yod la/ mdza' med kyang med pa dang/ mdza' yod pa yang ma yin mdza' med pa yang ma yin no zhes bya bar lta ba gang dag yin pa de dag ni phyi ma'i mdza' la brten pa yin no/ /lta ba zhes bya pa ni mngon par zhen pa zhes bya ba dag dang don tha dad pa ma yin no/ /phyi ma'i mdza' zhes bya ba ni tshe phyi ma ste/ da ltar gyi phung po rnams la bltos nas phyi ma ma 'ongs pa'i dus su 'byung bar 'gyur ba'i phung po rnams ni phyi ma'i mdza' yin no/ /de la brten nas zhes bya ba ni de la dmigs pa yin no zhes bya ba smras te/ 'dis ni phyi ma'i mdza' la brten pa'i lta ba gang dag yin pa dang/ lta ba'i mtshan nyid gang yin pa dang/ phyi ma'i mdza' gang yin pa dang/ de la brten nas byung bar gyur pa'i bdag de nyid kyi nye bar len pa zhes bya ba phung po lnga las da ltar gyi nye bar len pa zhes bya ba'i phung po lnga po 'di tha dad par 'gyur bas de nyid 'di yin no zhes bya bar mi bzad do/ /de nyid kyi rjes su dpag pa bstan pa'i phyir/ de'i phyir rjes su dpag
- 378b
par nus te/ lhas byin gyi sngon gyi bdag gang yin pa de nyid da ltar gyi ma yin te/ nye bar len pa tha dad pa'i phyir dper na mchod sbyin gyi bdag bzhin pas de'i phyir tshe snga ma'i bdag gang yin pa de nyid da ltar gyi yin no zhes bya bar mi 'thad do/ /zhes bya ba smras te/ /de dag ni chos can dang/ bsgrub par bya ba chos dang/ sgrub pa'i chos dang/ dpe dang mjug bsdu ba yin par go rim bzhin du sbyar te/ dper na mchod sbyin gyi sngon gyi bdag gang yin pa de ni nye bar len pa tha dad pa'i phyir lhas byin gyis da ltar gyi bdag ma yin pa de bzhin du lhas byin gyi sngon gyi bdag gang yin pa de yang nye bar len pa tha dad pa'i phyir lhas byin gyi da ltar gyi bdag ma yin pas de'i phyir che snga ma'i bdag gang yin pa de nyid da ltar gyi yin no zhes bya bar mi 'thad do/ /'dir pha rol po dag na re kho bos nye bar len pa'i mtshan nyid ma yin pa'i bdag khas blangs pa nges na nye bar len pa tha dad kyang bdag tha dad pa ma yin pa'i dbu ma pa'i gtan tshigs nye bar len pa tha dad pa'i phyir zhes bya ba de ma grub bo zhes zer ba'i phyogs snga ma khod nas dbyung ba'i de'i lan du 'dir 'grel pa byed pa nyid kyis ji ste nye bar len pa'i mtshan nyid ma yin pa'i bdag khas blangs nas smra na ni/ nye bar len pa ma gtogs pa/ /khyed kyi bdag ni gang zhig yin/ /phung po la ma gtogs pa'i bdag de ni yod pa ma yin pa de nyid bkag zin pa'i phyir ro zhes bya bar dgongs so zhes bya ba smras te/ nye bar len pa'i phung po lnga ma gtogs pa'i bdag ces bya ba'i dngos po de ni yod pa ma yin pa nyid de/ gang gi phyir phung po la ma gtogs pa'i bdag gi dngos po gang yin pa de sngar bkag zin pa de'i phyir sngon gyi bdag gang yin pa da ltar gyi yin par mi mthad pas kho bo'i gtan tshigs bdag nye bar len pa las tha dad pa'i phyir zhes bya ba de ma grub pa yin no/ /da ni de ltar dbu ma pas nye bar len pa ma gtogs pa'i bdag yod pa ma yin no zhes rigs pas bstan pa byas pa'i tshe ci ste bdag tu smra ba dag bdag med
- 379a
par gyur na mi rung ngo snyam nas nye bar len pa nyid bdag yin par rtog na de yang rigs pa ma yin par bstan pa'i phyir/ nye bar len pa ma gtogs pa'i/ /bdag yod ma yin byas pa'i tshe/ /rigs pas bstan pa byas pa'i tshe/ /ji ste bdag tu smra bdag bdag med par gyur na mi rung ngo snyam nas nye bar len pa nyid bdag yin par rtog par byed na/ bdag med par smra bas kyang nye bar len pa tsam khas len par zad kyi/ bdag ni khas mi len pas 'dir bshad pa/ nye bar len nyid bdag yin na/ /khyed kyi bdag ni med pa yin/ zhes bya ba smras te/ khyad gal te nye bar len pa nyid bdag yin par smra ba de'i phyir kho bo cag bdag med par smra bas kyang tha snyad du nye bar len pa tsam khas len par zad kyi/ bdag ni khas mi len pas khyod kyi bdag ni med pa kho na yin no zhes bstan to/ /nye bar len pa nyid bdag yin no zhen zhes bya ba ni pha rol po dag na re ci'i phyir nye bar len pa nyid bdag yin par rtog na bdag med pa yin te/ 'di ltar khyed dbu ma pa nyid kyis nye bar len pa khas blangs pa de nyid bdag yin no zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis de ni rigs pa ma yin te/ nye bar len nyid bdag ma yin pa ji lta bu yin pa bstan to/ /de la phyi ma'i mdza' la brten pa'i lta ba ni gang bdag ma 'ongs pa'i dus gzhan du 'byung bar 'gyur zhes bya bar lta ba la sogs pa bzhi dang 'jig rten mdza' yod ces bya bar lta ba la sogs pa bzhi ste/ de dag kyang snga ma bzhi las phyi ma bzhi go rim bzhin du 'byung bar sbyar ro/ /lta pa'i mtshan nyid ni mngon par zhen pa dang/ 'dzin pa dang/ lhag par chags pa la sogs pa dag gi rnam grangs so/ /phyi ma'i mdza' zhes bya ba ni tshe phyi ma'o/ /de la brten nas zhes bya ba ni de la dmigs pa'o/ /re zhig de dag gis ni sngon gyi mdza' la brten pa dang/ phyi ma'i mdza' la brten pa'i lta ba gang
- 379b
dag yin pa de bstan to/ /da ni lta ba de dag 'thad par bstan par bya ste/ de'i phyir de la re zhig sngon gyi mdza' la brten pa'i lta ba rnams las brtsam ste dpyad par bya'o zhes bya ba smras so/ /'dir sngon gyi mdza' la brten pa'i lta ba brgyad po de dag las re zhig 'das pa'i dus na byung bar ces bya bar lta ba mi 'thad par je bstan par bya ste/ de'i phyir/ 'das pa'i dus na byung gyur ces/ /bya ba de ni mi 'thad do/ zhes bya ba smras so/ /de nyid kyi rjes su dpag pa bstan pa'i phyir rigs pa gang gis zhe na/ de'i phyir bshad pa/ sngon chad rnams su gang byung ba/ /de nyid 'di ni ma yin no/ /dus tha dad pa'i phyir dang/ las tha dad pas bskyed pa'i phyir dper na de las gzhan bzhin no zhes bya bar dgongs so zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na lha sbyin las gzhan pa mchod sbyin gyi phung po lnga po gang yin pa de ni dus tha dad pa'i phyir dang/ las tha dad pas bskyed pa'i phyir lhas byin gyi phung po lnga po 'di ma yin pa de bzhin du lhas byin gyi sngon gyi tshe rabs rnams su gang byung ba'i phung pa lnga po de nyid kyang dus tha dad pa'i phyir dang/ las tha dad pas bskyed pa'i phyir lhas byin gyi da ltar gyi phung po lnga po 'di ma yin pas bdag 'das pa'i dus na byung bar gyur ces bya bar lta ba de mi 'thad do/ /la la 'di snyam du lus dang dbang po tha dad kyang bdag gcig yin pa'i phyir/ de nyid bdag tu 'gyur snyam na zhes bya ba ni pha rol po dag na re khyed dbum pas sngon gyi tshe rabs rnams su gang byung ba'i phung po lnga po de nyid da ltar gyi phung po lnga po 'di ma yin te/ dus tha dad pa'i phyir dang/ las tha dad pas bskyed pa'i phyir dper na de las gzhan bzhin no zhes bshad pa de mi rung ste/ lus dang dbang po tha? dad kyang bdag gcig yin pa'i phyir sngon gyi tshe rabs rnams su gang byung bar gyur pa'i bdag de nyid da ltar gyi bdag 'di yin par 'gyur bas de'i phyir dbu ma pa'i
- 380a
gtan tshigs dus tha dad pa'i phyir dang/ las tha dad pas bskyed pa'i phyir zhes bya ba de ma grub bo zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis de lta na yang khyed kyi bdag de kho bos sngar bkag zin pa'i phyir de nyid 'di yin no zhes bya bar mi rung bas kho bo'i gtan tshigs ma grub pa ma yin no/ /'dir pha rol po dag na re kho bo cag gi khyed dbu ma pa la yang tha snyad du grags pa'i bdag spyir khas blangs nas de skad smras pas sngon gyi tshe rabs rnams su gang byung par gyur pa'i bdag de nyid da ltar gyi bdag 'di yin par ma grub bo zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis gal te bdag spyir khas blangs nas smra na ni/ nye bar len pa tha dad 'gyur/ dus dang las tha dad pa'i phyir ro zhes bya bar dgongs so zhes bya ba smras te/ de lta na yang dus dang las tha dad pa'i phyir sngon gyi tshe rabs rnams su gang don dam par ni mi 'dod zhes bya ba smras so/ /don dam par nye bar len pa nyid bdag yin par mi 'dod// ci'i phyir zhe na/ de'i rigs pa bstan pa'i phyir/ 'di ltar de ni 'byung dang 'jig pa yin/ de'i phyir 'byung dang 'jig pa'i chos can yin pa'i phyir/ nye bar len pa yang snga ma bzhin du bdag nyid ma yin no zhes bya ba smras te/ don dam par nye bar len pa de ni bdag ma yin te/ 'byung ba dang 'jig pa'i chos can yin pa'i phyir dper na phyi rol gyi sa la sogs pa bzhin zhes bya bar sbyar ro/ /yang gzhan yang nye bar len pa nyid bdag ma yin par bstan pa'i rigs pa gzhan bstan pa'i phyir/ gzhan yang nye bar blangs pa ji lta bur/ /nye bar len pa yin par 'gyur/ /nye bar blang ba dang nye bar len pa dag gcig pa nyid ma yin te/ sngar bstan pa'i tshul gyis/ las dang byed pa po yin pa'i phyir dper na bud shing dang me bzhin no zhes bya bar dgongs so zhes bya
- 380b
ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na sngar me dang bud shing brtag pa'i skabs su bud shing dang me dag ni las dang byed pa po yin pa'i phyir gcig pa nyid ma yin no zhes bstan pa de bzhin du 'dir nye bar blang ba dang nye bar len pa po dag kyang las dang byed pa po yin pa'i phyir gcig pa nyid ma yin no zhes bya bar dgongs so/ /'dir pha rol po dag na re de lta na khyed dbu ma pas bdag de nye bar len pa las gzhan pa yang ma yin la/ nye bar len pa nyid kyang ma yin par bstan ps khyed kyis bdag med pa nyid kyi mdza' bstan pa yin no zhes zer ba'i phyogs snga ma khong nas dbyung ba de'i lan du/ 'dir 'grel pa byed kyis/ bdag med pa yin par yang mi rigs te/ bdag la bltos nas bdag med pa 'grub pa'i phyir ro zhes bya ba smras te/ de'i phyir bdag yod par ma grub pas bdag med par yang mi 'grub pa'i phyir bdag med pa yin par yang/ mi rigs par bstan to/ /'dir pha rol po dag na re gal te khyed dbu ma pa de ltar nye bar len pa bdag med pa yin par yang mi 'dod na/ 'o na de ltar na/ nye bar len pa nyid bdag yin par 'gyur ro zhes zer ba'i phyogs snga ma khong nas dbyung ba de'i lan du/ 'dir 'grel pa byed pa nyid kyis don dam par nye bar len pa nyid bdag yin par mi 'dod de/ 'di ltar de ni 'byung dang 'jig pa yin/ zhes bya pas bdag yin pa nyid bkag pa'i phyir ro zhes bya ba smras te/ don dam par nye bar len pa nyid bdag yin par mi 'dod de/ 'byung pa dang 'jig pa'i chos can yin pa'i phyir? dper na phyi rol gyi sa la sogs pa bzhin no zhes bya bar sbyar ro/ /'dir pha rol po dag na re/ de ltar khyed dbu ma pa don dam par nye bar len pa nyid bdag yin par mi 'dod na 'o na de lta na bdag ni nye bar len pa med pa yin no zhes zer ba'i phyogs snga
- 381a
ma khong nas 'byung ba de'i lan du 'dir 'grel pa byed pa nyid kyis/ gzhan gang yin pa de yang bdag ma yin te/ rnam pa de lta bu de tha snyad du yang bstan dka' ba'i phyir ro zhes bya ba smras te/ nye bar len pa nyid las gzhan gang yin pa nye bar len pa med pa de yang bdag ma yin te/ bdag nye bar len pa med pa de lta bu de tha snyad du yang bstan dka' ba'i phyir ro zhes bstan to/ /bdag nye bar len pa las gzhan yin par smra ba dag gi phyir bshad pa/ bdag ni nye bar len pa las/ /gzhan du 'thad pa nyid ma yin/ zhes bya bas ni/ bdag nye bar len pa las gzhan yin par smra ba dgag pa'i rigs pa gzhan ston te/ de'i phyir/ 'di ltar bdag nye bar len pa las gzhan nyid yin na nye bar len pa med par yang bdag yod bar bya dgos te/ gzhan yin pa'i phyir/ dper na de las gzhan bzhin no zhes bya ba smras te/ dper na nye bar len pa de las gzhan pa'i bum pa ni gzhan yin pa'i phyir nye bar len pa med par yang yod par bya dgos pa de bzhin du/ bdag kyang nye bar len pa las gzhan nyid yin na gzhan yin pa'i phyir nye bar len pa'i phyir nye bar len pa med par yang yod par bya dgos so/ /'dir pha rol po dag na re de bzhin du nye bar len pa med par bdag yod par 'dod do zhes zer ba'i phyogs snga ma khong nas dbyung ba de'i lan du 'dir 'grel pa byed pa nyid kyis de ltar yin na gal te gzhan na len med par/ gzung yod rigs na gzung du med/ /ces bya ba smras te/ gal te bdag nye bar len pa las gzhan yin na nye bar len pa med par yang gzung du yod pa'i rigs na gzung du med pa'i phyir nye bar len pa las gzhan ma yin par ston to/ /de ltar 'dis ni bdag gi chos ni gzung du yod pa'i rigs na gzung du med pa yin par bstan to/ /zhes bya bas ni bstan
- 381b
bcos mdzad pas tshig le'ur byas pa'i phyed 'dis bdag nye bar len pa las gzhan nyid ma yin par sgrub pa'i chos gtan tshigs ni gzung du yod pa'i rigs na gzung du med pa yin par bstan to/ /de nyid kyi rjes su dpag pa bstan pa'i phyir/ de'i phyir rjes su dpag pa ni bdag nye bar len pa las gzhan ma yin te/ gzung du yod pa'i rigs na gzung du med pa'i phyir dper na nye bar len pa'i bdag nyid bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na nye bar len pa'i bdag nyid ni nye bar len pa'i bdag nyid las gzhan yin na/ gzung du yod pa'i rigs na gzung du med pa'i phyir nye bar len pa las gzhan pa ma yin pa de bzhin du/ bdag kyang nye bar len pa'i bdag nyid las gzhan yin na gzung du yod pa'i rigs na gzung du med pa'i phyir nye bar len pa las gzhan ma yin no/ /mjug bsdu ba bstan pa'i phyir/ de'i phyir de ltar ji skad bstan pa'i tshul gyis/ de ltar len las gzhan ma yin/ /de ni nyer len nyid kyang min/ /bdag ni nye bar len med min/ /med pa nyid duAng de ma nges/ zhes sgrub pa sngar bstan pa'i dbang gis mjug bsdu ba bya ste/ zhes bya ba smras so/ /de ltar re zhig bdag 'das pa'i dus na byung bar gyur ces bya ba de mi 'thad par bstan to zhes bya ba ni sngon gyi mdza' la brten pa'i lta ba rnams pa brgyad las bdag 'das pa'i dus na byung bar gyur ces bya bar lta ba mi 'thad par bstan pa'i mjug bsdu ba bstan to/ /da ni sngon gyi mdza' la brten pa'i lta ba brgyad po de dag las gzhan 'das pa'i dus na byung bar ma gyur ces bya bar mi 'thad par bstan pa'i phyir/ da ni 'das pa'i dus na ma byung zhes/ /bya pa de yang mi 'thad do/ /ces bya ba smras te/ de nyid kyi rigs pa bstan pa'i
- 382a
phyir/ rigs pa gang gi zhe na/ de'i phyir bshad pa/ sngon tshe rnams su gang byung ba/ /de las 'di gzhan ma yin no/ zhes bya ba smras so/ /ci'i phyir zhe na/ zhes bya ba ni pha rol po dag 'dri ba'i tshig yin no/ /de'i lan du/ gal te 'di min gzhan gyur na/ /de med par yang 'byung bar 'gyur/ zhes bya ba smras te/ gal te sngon gyi tshe rabs rnams su byung bar gyur pa'i phung po lnga po de las da ltar gyi phung po lnga po 'di gzhan yin par gyur na sngon gyi phung po de med par yang da ltar gyi phung po 'di 'byung pa'i skyon du 'gyur ro/ /de'i phyir de ni mi 'dod de/ /de'i phung po lnga po byung bar gyur pa gang yin pa de 'di'i rkyen nyid yin par 'dod do zhes bya ba smras so/ /de nyid kyi rjes su dpag pa bstan pa'i phyir/ de'i phyir rjes su dpag pa ni lhas byin gyi phung po lnga ni sngon gyi phung po rnams las gzhan ma yin te/ rgyu tha dad pa ma yin na 'das pa'i phung po'i rgyu las byung ba yin pa'i phyir dper na lhas byin gyi 'das pa'i phung po lnga bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na lhas byin gyis 'das pa'i phung po lnga ni rgyud tha dad pa ma yin na 'das pa'i phung po'i rgyu las byung pa yin pa'i phyir sngon gyi phung po rnams bzhin las gzhan ma yin pa de bzhin du/ lhas byin gyi de ltar gyi phung po lnga yang rgyud tha dad pa ma yin na 'das pa'i phung po'i rgyu las byung pa yin pa'i phyir sngon gyi phung po rnams las gzhan pa ma yin no/ /gal te 'di ni gzhan gyur na/ /de med par 'byung par 'gyur/ zhes bya ba de'i skyon gzhan yang bstan pa'i phyir/ de med par yang 'byung bar 'gyur zhes bya ba'i skyon de 'ba' zhig tu yang ma zad de/ de bzhin du ni gnas 'gyur zhing/ rkyen des phung po phyi ma mtshan nyid mi 'dra ba ma bskyed pa'i phyir sngon bzhin du gnas par 'gyur ro zhes bya bar dgongs so/ /zhes bya ba
- 382b
smras te/ des ni gal te gzhan yin na/ /sngon gyi phung po'i rkyen des phung po phyi ma mtshan nyid mi 'dra ba 'di ma bskyed pa'i phyir sngon gyi phung po de da ltar yang sngon bzhin du gnas pa'i skyon du 'byung bar bstan to/ /de lta yin na/ der ma shi bar skye bar 'gyur/ /tshe rabs gzhan der ma shib kho nas gzhan dag nyid thob pas rnam par gnas pa zhig 'dir skyes pa'i phyir ro/ /zhes bya bar dgongs so zhes bya ba ni gal te gzhan yin na da ltar gyi phung po gzhan 'di sngon gyi tshe rabs gzhan der ma shi bar 'dir skyes pa'i skyon du 'gyur bar bstan to/ /gzhan yin pa'i skyon gzhan yang bstan pa'i phyir/ de ltar gzhan nyid du khas len na skyon 'di dag tu yang 'gyur te/ chad dang las rnams chud za dang/ /gzhan gyis byas pa'i las rnams ni/ /gzhan gyis so sor myong ba dang/ /de la sogs pa thal bar 'gyur/ /de ltar na las byas pa chud za ba dang/ ma byas pa dang phrad pa la sogs par thal bar 'gyur ro zhes bya ba smras so/ /da ni gal te gzhan yin na ma byung ba las 'byung ba yin par mi 'gyur bar bstan pa'i phyir/ ma byung ba las 'byung min te/ 'di la skyon du thal bar 'gyur zhes bya ba smras te/ gal te gzhan yin na ma byung ba las 'byung ba ma yin par 'gyur te/ ci'i phyir zhe na/ ma byung ba las 'byung ba yin par 'dod na 'di la skyon du bal par 'gyur ro/ /ji ltar zhe na/ zhes bya ba ni pha rol po dag na re ma byung pa las 'byung pa yin na 'di la ji ltar skyon du thal bar 'gyur zhes 'dri ba'i tshig yin no/ /de'i lan du/ bdag ni byas par 'gyur ba dang/ /ma byung ba las byung ba'i phyir/ /dper na bum pa bzhin no zhes bya ba smras te/ da ltar gyi phung po dang bdag ni ma byung ba las 'byung ba yin par gyur na khyed kyi bdag de byas par 'gyur te/ ma byung ba las 'byung pa'i phyir dper na bum pa bzhin no zhes bya ba'i skyon du thal bar 'gyur ro/ /'di la skyon gzhan ji lta bur thal par 'gyur pa yang bstan pa'i phyir/ byung ba rgyu med can du 'gyur/ /skyed par byed pa'i rgyu sngon las dang nyon mongs pas nye
- 383a
bar bsags pa zhes bya ba'i phung po gzhan med pa'i phyir ro zhes bya ba smras te/ da ltar gyi phung po dang bdag 'di ma byung ba las byung ba yin par gyur na khyed kyi bdag dang phung po byung ba 'di rgyu med pa can gyi skyon du thal par 'gyur te skyed par byed pa'i rgyu sngon las dang nyon mongs pas nye bar bsags pa zhes bya ba'i phung po gzhan med pa'i phyir ro/ /de dag gis ni sngon gyi mdza' la brten pa'i lta ba brgyad po dag las bdag 'das pa'i dus na byung bar ma gyur ces bya bar lta ba mi 'thad par bstan to/ /de ni sngon gyi mdza' la brten pa'i lta ba brgyad po dag las bdag 'das pa'i dus na byung bar gyur kyang gyur la byung bar ma gyur kyang ma gyur ces bya ba dang/ byung bar gyur pa yang ma yin/ byung bar ma gyur pa yang ma yin zhes bya bas lnga ba gnyis mi 'thad par bstan pa'i phyir/ gnyi ga dang gnyi ga ma yin pa yang ma yin te/ bdag gnyi ga dang gnyi ga ma yin pa'i skyon bstan zin pa'i phyir ro /zhes bya ba smras so/ /sgrub pa ji skad bstan pas de ltar bdag byung bdag ma byung/ /gnyi ga gnyi ga ma yin par/ /'das la lta ba gang yin pa/ /de dag 'thad pa ma yin no/ /zhes bsgrub pa sngar bstan zin pa'i dbang gis mjug bsdu bar bya'o zhes bya ba ni sngon gyi mdza' la brten pa'i lta ba brgyad po dag las snga ma bzhi po mi 'thad par bstan pa'i mjug bsdu ba bstan to/ /da ni phyi ma'i mdza' la brten pa'i lta ba brgyad po dag las re zhig bdag ma 'ongs pa'i dus gzhan du 'byung bar 'gyur zhes bya ba dang/ 'byung bar mi 'gyur zhes bya ba dang/ 'byung bar 'gyur yang 'gyur la/ 'byung bar mi 'gyur yang mi 'gyur zhes bya ba dang/ 'byung bar yang 'gyur ba ma yin/ 'byung bar mi 'gyur ba yang ma yin zhes bya bar lta ba snga ma bzhi po sngar bstan pa dag bzhin du mi 'thad par mtshungs par bstan pa'i phyir/ da ni ma 'ongs dus gzhan 'byung
- 383b
'gyur dang/ /'byung bar mi 'gyur zhes bya bar/ /lta ba gang yin de dag ni/ /'das pa'i dus dang mtshungs pa yin/ /de kho na bzhin du gcig pa nyid dang/ gzhan nyid dang/ gnyi ga nyid dang/ gnyi ga ma yin pa nyid dgag pa'i phyir ro/ /zhes bya ba smras so/ /da ni sngon gyi mdza' la brten pa'i lta ba brgyad po dag las 'jig rten rtag pa dang/ 'jig rten mi rtag pa dang/ rtag kyang rtag la mi rtag kyang mi rtag pa dang/ rtag pa yang ma yin mi rtag pa yang ma yin zhes bya bar lta ba phyi ma bzhi mi 'thad par bstan par bya'o/ /de la de zhig 'jig rten rtag ces bya bar lta ba mi 'thad par bstan pa'i phyir yang/ gzhan yang gcig pa nyid yin na/ gal te lha de mi de na/ /de lta na ni rtag par 'gyur/ zhes bya ba la sogs pa smras te/ bdag 'das pa'i dus na byung bar gyur ces bya bar lta ba la brten nas/ 'jig rten rtag ces bya bar lta ba 'di 'byung bar 'gyur te/ de yang bdag 'das pa'i dus na byung bar gyur ces bya ba de'i gzhi las gal te bdag 'das pa'i dus na lhar gyur pa de de ltar gyi mi 'di yin no zhes bya bar lta bar gyur pas de lta na 'jig rten rtag par lta bar gyur pa'i phyir de yang mi 'thad par ston to/ /gal te de ltar gyur na ci nyes/ zhe na zhes bya ba ni pha rol po dag 'di skad ces 'dri ba'i tshig yin no/ /de'i lan du da lta ni ma skyes nyid 'gyur te/ /rtag la skye ba med phyir ro/ /rtag pa ni skye ba med pa can yin pa'i phyir ro zhes bya ba smras te/ de ltar gyur na bdag 'das pa'i dus na ltar gyur pa de da ltar gyi mi 'dir ma skyes pa nyid kyi skyon du 'gyur te/ rtag pa la skye ba med pa'i phyir ro/ /phyir rgol ba dag na re/ bdag skyes pa kho nas lha la sogs pa'i bya ba byed pa la sbyor ba'i phyir/ lha la sogs pa dag gi? bdag gcig kho na yin par bstan par bya ba yin no zhes zer ro zhes bya ba ni pha rol po dag na re/ khyed dbu ma pas/ rtag la skye ba med phyir ro/ /zhes smras pa de ni kho bo cag 'dod pa yin te/ 'di ltar bdag
- 384a
rtag pa nges par gnas pa ni lha la sogs pa'i lus kyi bya ba byed pa la sbyor ba'i phyir/ lha la sogs pa dag gi lus tha dad pa'i bdag ni gcig kho na yin pa'i phyir ro zhes zer ba'i tshig yin no/ /de skad ces zer ba de'i lan du/ 'dir 'grel ba byed pa nyid kyis/ de ni bzang po ma yin te/ bdag rgyu sngon du/ 'gro ba nyid dang ldan pa ni mi rtag pa nyid du bstan pa'i phyir dang/ yod pa nyid du ma grags pa lha la sogs pa'i bya ba byed pa la spyod pa mi srid pa'i phyir ro zhes bya ba smras te/? bdag lta la sogs pa'i lus la sbyor ba'i rgyu sngon du 'gro zhing/ phyis lha la sogs pa'i 'bras bu'i bya ba byed pa dang ldan pa ni mi rtag pa nyid yin pa'i phyir dang/ sngar bstan pa'i tshul gyis rtag pa yod pa nyid du ma grags pa lha la sogs pa'i 'bras bu'i bya ba byed pa la sbyor ba yang mi srid pa'i phyir de ni bzang po ma yin no/ /ci ste yang gcig pa nyid yin na/ ci skad bstan pa'i skyon du gyur na mi rung bas gzhan nyid yin par shes par bya'o zhe na zhes bya bo ni pha rol po dag de skad zer ba'i tshig yin no/ /de'i lan du/ de la yang skyon 'di yod de/ gal te lta las mi gzhan na/ /de lta na ni mi rtag 'gyur/ /mi'i bdag skyes pa na/ lha'i bdag zhig pa'i phyir zhes bya ba smras so/ /ci ste de ltar gyur na ci nyes zhe na/ zhes bya ba ni/ pha rol po dag de skad ces 'dri ba'i chig yin no/ /de'i lan du/ gal te lha mi gzhan yin na/ /rgyud ni 'thad par mi 'gyur ro/ /gzhan yin pa'i phyir dper na/ lhas byin dang mchod sbyin gyi bdag gi rgyud dag bzhin no zhes bya ba smras te/ de ltar gyur na gyud do? gcig pa nyid du 'thad par mi 'gyur bas/ bdag 'ongs pa'i dus na byung bar gyur ces byar mi rung ste/ dper na lhas byin dang mchod sbyin gyi bdag gi rgyud dag ni gzhan yin pa'i phyir rgyud gcig tu 'thad par mi 'gyur pa de bzhin
- 384b
dus? lha dang mi gzhan yin pa'i bdag gi rgyud dag kyang gzhan yin pa'i phyir rgyud gcig tu 'thad par mi 'gyur bas/ bdag 'das pa'i dus na ni byung bar gyur ces bya ba'i gzhi ma grub pas 'jig rten rtag ces bya bar lta ba mi 'thad do/ /gal te rgyud tha dad pa dang rgyud tha dad pa ma yin pa dag ni gzhan nyid gtan tshigs su rtog na gtan tshigs ma grub ba dang dpe ma grub pa yin no zhe na zhes bya ba ni pha rol po dag na re/ dbu ma pa'i gtan tshigs gzhan yin pa'i phyir zhes bya ba de'i don gang yin ci rgyud tha dad pa dag gi gzhan nyid dam/ 'on te rgyud tha dad pa ma yin pa dag gi gzhan nyid yin/ des cir 'gyur zhe na/ gal te rgyud tha dad pa dag gi gzhan nyid don dam par gtan tshigs su rtog na ni gtan tshigs kyi don ma grub pa nyid de 'di ltar don dam par khyed la 'das pa dang da ltar gyi rgyud tha dad pa dag gzhan nyid du ma grub pa'i phyir ro/ /'on te rgyud tha dad pa ma yin pa dag gi gzhan nyid gtan tshigs su rtog na ni dpe ma grub pa nyid yin te/ de ltar rgyud tha dad pa ma yin pa dag gi gzhan nyid kyi dper lhas byin dang mchod sbyin gyi rgyud tha dad pa dag mi rung ngo zhes zer pa'i tshig yin no/ /de skad ces zer ba de'i lan du/ 'dir 'grel pa byed pa nyid kyis/ gtan tshigs spyir brjod pa'i phyir skyon med do zhes bya ba smras te/ kho bos rgyud tha dad pa dang/ rgyud tha dad pa ma yin pa dag gi gzhan nyid ces bye brag tu ma bye bar spyir gzhan nyid yin pa'i phyir rgyud ni 'thad par mi 'gyur ro zhes gtan tshigs sbyir brjod pa'i phyir skyon med do/ /gang dag lha yang yin la mi yang yin no zhes zer ba dag gi phyir bshad pa/ gral te phyogs cig lha yin la/ /phyogs cig mi ni yin gyur na/ /de lta na lha nyid kyang yin la mi nyid kyang 'thad do/ /zhes bya bas ni rnam pa gnyis su smra ba dag gi gzhung las srog gi rnam grangs la bltos nas ni da ltar gyi mi 'di nyid sngon gyi lha yang
- 385a
yin la/ lus kyi rnam grangs la bltas nas ni di ltar mi yang yin no zhes gnyi ga yin par smra ba dag gi gzhung dgag pa'i phyir 'di bshad de/ gal te gzhogs phyed lha yin la/ /gzhogs phyed mi yin na ni khyed kyi gzhung de mi 'thad do zhes bstan to/ /de lta na skyon ci yod can/ de lta na yang skyon 'dir 'gyur te/ rtag dang mi rtag 'gyur pa'i phyir/ /de yang rigs pa ma yin no/ /phyed shi phyed gson pa mi 'thad pa bzhin no/ /zhes bya ba smras te/ de'i phyir gnyi ga'i bdag nyid kyi bdag nyid mi 'thad pas bdag 'das pa'i dus na byung bar gyur ces bya ba'i gzhi ma grub pa'i phyir/ 'jig rten rtag ces bya bar lta bar mi rigs so/ /gang dag rtag pa yang ma yin/ mi rtag pa yang ma yin no zhes zer ba de dag gi phyir bshad pa/ gal te rtag dang mi rtag pa/ /gnyi ga grub par gyur na ni/ /rtag pa ma yin mi rtag min/ /'grub par 'gyur ba 'dod la rag/ de dag bkag pas de lta bu ma grub pa'i phyir dang/ de dag bzhin du de yang bstan dka' pa'i phyir ro zhes bya bar dgongs so/ /zhes bya bas ni gang dag ni rtag pa dang mi rtag pa gnyi ga ma yin no zhes zer ba dag dgag pa'i phyir 'di bstan te/ gal te rtag pa dang mi rtag pa gnyis grub par gyur na ni de gnyis bkag bas de lta bu 'grub par 'dod la dag na/ de gnyis ma grub pas de yang mi 'grub pa'i phyir dang/ de gnyis 'grub pa bstan dka' ba bzhin du de yang 'grub par bstan dka' bas/ de ltar gnyi ga'i bdag nyid kyi bdag ma grub pas bdag 'das pa'i dus na byung bar gyur ces bya bar lta ba'i gzhi ma grub pa lta ba'i phyir 'jig rten rtag ces bya bar lta ba mi 'thad de/ /gzhan yang don dam par/ gal te gang zhig gang nas 'ongs/ /ci zhig gang du 'gro 'gyur na/ /de'i phyir de la thog ma med
- 385b
pas?/ /rtag par 'gyur na de yang med/ /gal te lha 'am mi gang zhig/ lha'i 'gro ba 'am mi'i 'gro ba gang nas 'ongs shing/ 'gro ba gzhan ci zhig gcig tu lha 'am mi la sogs pa'i 'gro ba gang du gnas par 'gro bar 'gyur na ni de'i phyir de la thog ma med pas rtag par yang 'gyur ba zhig na/ de yang med de/ sems can nam gang zag /cig la 'ong ba dang 'gro ba mi 'grub pas dgag pa sngar bstan/ zin pa'i phyir ro zhes bya bas ni gzhan yang gal te don dam par bum par bye'u bcug pa'i tshul bzhin du bdag de lta bu zhig yod par gyur na ni de la thog ma med pas rtag par yang 'gyur ba zhig na/ de yang med pas rtag par mi 'grub ste/ de ltar bum par bye'u bcug pa lta bu'i tshul gyis bdag rtag pa med pas bdag 'das pa'i dus na byung bar gyur ces bya ba'i bzhim? grub pa'i phyir 'jig rten rtag ces bya bar lta ba mi 'thad do/ /de'i phyir de ltar rtag pa med do/ /zhes bya ba ni sngon gyi mdza' la brten pa'i lta ba brgyad las 'jig rten rtag ces bya bar lta ba mi 'thad par bstan pa'i mjug bsdu pa yin no/ /da ni sngon gyi mdza' la brten pa'i lta ba brgyad las 'jig rten mi rtag ces bya bar lta ba mi 'thad par bstan pa'i phyir/ gal te mi rtag par 'gyur ro zhe na/ de yang rig pa ma yin te/ gal te rtag pa 'ga' med na/ /mi rtag gang zhig yin par 'gyur/ /de yang rtag pa la bltos pas sam/ de bsal bas mi rtag pa nyid du 'grub pa'i phyir ro/ /zhes bya ba smras te/ bdag 'das pa'i dus na byung bar ma gyur ces bya bar lta ba'i gzhi las/ 'jig rten mi rtag ces bya bar lta ba 'di 'byung bar 'gyur te/ de yang bdag rtag pa ma grub pas bdag 'das pa'i dus na byung bar gyur ces bya bar lta ba'i gzhi ma grub pa'i phyir 'jig rten rtag ces bya bar lta ba mi 'thad pas/ rtag pa 'ga' yang med na mi rtag pa gang zhig yin par 'gyur te/
- 386a
de yang mi 'thad do zhes bstan to/ /da ni sngon gyi mdza' la brten pa'i lta ba brgyad las rtag kyang rtag la/ mi rtag kyang mi rtag pa dang/ rtag pa yang ma yin mi rtag pa yang ma yin zhes bya bar lta ba tha ma gnyis mi 'thad par bstan pa'i phyir/ gnyi ga dang gnyi ga ma yin pa nyid kyang mi 'thad pas de'i phyir/ bshad pa rtag pa dang ni mi rtag dang/ de gnyis bsal bar gyur pa'o/ /gang zhig yin par 'gyur zhes bya bar sbyar ro/ /zhes bya ba smras te/ bdag 'das pa'i dus na byung bar gyur kyang gyur la khyud bar ma gyur kyang ma gyur ces bya bar lta ba'i gzhi las ni 'jig rten rtag kyang rtag la mi rtag kyang mi rtag ces bya bar lta ba 'byung la/ bdag 'das pa'i dus na gyur bar gyur pa yang ma yin/ byung bar ma gyur pa yang ma yin zhes bya bar lta ba'i gzhi las ni/ 'jig rten rtag pa yang ma yin mi rtag pa yang ma yin zhes bya bar lta ba 'byung ste/ de gnyis kyang rtag pa dang mi rtag par lta ba mi 'thad pas mi 'grub zhes bya bar sbyar ro/ /de ltar re zhig sngon gyi mdza' las brtsams te/ rtag pa la sogs pa bzhi po dag ming zhes bya ba ni sngon gyi mdza' la brten pa'i lta ba brgyad po dag las 'jig rten rtag ces bya ba la sogs par lta ba phyi ma bzhi po dag mi 'thad par bstan pa'i mjug bsdu ba yin te/ da ni phyi ma'i mdza' la brten pa'i lta ba brgyad po dag las snga ma bzhi sngar bstan pa'i ltag ma 'jig rten mdza' yod pa dang/ 'jig rten mdza' med pa dang/ mdza' yod kyang yod la med kyang med pa dang/ mdza' yod pa yang ma yin/ mdza' med pa yang ma yin no zhes bya bar lta ba bzhi po dag mi 'thad bar rim bzhin du dpyad par bya'o/ /de la re zhig 'jig rten mdza' yod ces bya bar smra ba mi 'thad par bstan pa'i phyir/ gal te 'jig rten mdza' yod na/ /'jig rten pha rol ji ltar 'gyur/ /mdza' zhes bya ba ni mu dang mjug ces bya ba dag gi rnam grangs so/ /mdza'
- 386b
yod ces bya ba ni de la de yod pa de/ sa bon tshig pa bzhin du nyid mtshams sbyor ba med pa zhes bya ba'i tha tshig go zhes bya ba smras te/ bdag ma 'ongs pa'i dus gzhan du 'byung bar 'gyur zhes bya bar lta ba'i gzhi las 'jig rten mdza' yod ces bya bar lta ba 'di 'byung bar 'gyur te/ 'dir gal te pha rol po dag 'dod pa ltar 'jig rten mdza' yod par rtog na mdza' zhes bya ba ni mu dang mjug zad pa yin pas de yod na sa bon tshig pa bzhin du nyid mtshams sbyor ba med pa'i phyir 'jig rten pha rol med pas bdag ma 'ongs pa'i dus gzhan du 'byung bar 'gyur zhes bya bar lta pa'i gzhi mi 'grub pa'i phyir/ 'jig rten mdza' yod ces bya bar lta ba mi 'thad par ston to/ /de nyid kyi 'thad pa bstan pa'i phyir/ de lta na 'jig rten pha rol yod par mi 'thad de/ mdza' yod pa'i phyir dgra bcom pa'i phung po mdza' ma sngon du btang ba las phung po phyi ma 'byung bar mi 'gyur ba bzhin no zhes bya ba smras? te/ 'dis ni 'jig rten mdza' yod na/ /'jig rten pha rol yod par mi rung ste/ mdza' yod pa'i phyir dper na dgra bcom pa'i phung po tha ma bzhin du 'gyur ba'i skyon yod pas 'jig rten mdza' yod par lta ba mi 'thad do/ /zhes bstan to/ /glags yod pa'i tshig de las bzlog pas skabs kyi don dang de sgrub pa'i chos bstan pa'i phyir/ 'jig rten pha rol de yang yod pas/ 'dis ni phung po snga ma rnams kyi 'bras bu ni phung po phyi ma rnams yin pas/ de'i phyogs kyi chos ni de'i 'bras bu yod pa yin par bstan to/ /zhes bya ba smras te/ 'jig rten pha rol de yang yod pas 'jig rten mdza' yod pa ma yin par sgrub pa'i phyogs kyi chos gtan tshigs ni de'i 'bras bu yod pa yin par bstan te/ de'i rjes su dpag pa ni 'og nas ston to/ /da ni 'jig rten mdza' med ces bya bar lta ba med thar par bstan pa'i phyir/ de bzhin du/ gal te 'jig rten mdza' med na/ /'jig rten pha rol pha rol ji ltar 'gyur/ /rgyu de kho du?
- 387a
bzhin du gnas pa'i 'bras bu mi 'byung ba'i phyir ro/ /zhes bya ba smras te/ bdag ma 'ongs pa'i dus na gzhan du 'byung bar mi 'gyur zhes bya bar lta ba'i gzhi las 'jig rten mdza' med ces bya bar lta ba 'di 'byung bar 'gyur te/ 'dir gal te pha rol po dag 'dod pa ltar 'jig rten mdza' med par rtog na mdza' zhes bya ba ni mu dang mjug zad pa yin pas/ de med na thug pa med par 'byung ba'i phyir bdag ma 'ongs pa'i dus gzhan du 'byung bar mi 'gyur zhes bya bar lta ba'i gzhi mi 'dus pa'i phyir 'jig rten mdza' mong ces bya bar lta ba mi 'thad par ston to/ /glags yod pa'i tshig de las bzlog pas skabs kyi don dang 'jig rten mdza' yod pa ma yin pa dang/ med pa ma yin par sgrub pa gnyi ga'i chos mthun pa'i dpe bstan pa'i phyir/ de yang yod pas/ 'dis kyang/ gang phyir phung po rnams kyi rgyun/ /'di ni mar me'i 'od dang mtshungs/ /zhes bya ba chos mthun pa'i dpe'i tshig yin par bstan to/ /zhes bya ba smras te/ de'i phyir 'dir sbyor ba'i tshig ni/ sngon gyi phung po'i rgyun ma dag pa dang bcas pa ni rgyun mi chad de/ de'i 'bras bu yod pa'i phyir dper na mar me'i rgyun bzhin no/ /zhes bya bas ni 'jig rten mdza' yod pa ma yin par rjes su dpag ba ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mar me'i rgyun snga ma mar dang/ ras dang bcas pa ni de'i 'bras bu yod pa'i phyir rgyun mi chad pa de bzhin du/ sngon gyi phung po'i rgyun ma rig pa dang/ sred pa dang bcas pa yang de'i 'bras bu yod pa'i phyir/ rgyun mi 'chad pas 'jig rten pha rol yod pa'i phyir 'jig rten mdza' yod pa sa bon tshig pa bzhin du nyid mtshams sbyor ba med pa ma yin no/ /de bzhin du de dang ris mthun pa'i 'bras bu'i rgyun
- 387b
skyes pa yang mi 'jig pa ma yin te/ de'i 'bras bu yod pa'i phyir/ dper na mar me'i rgyun snga ma bzhin no/ /zhes bya bas ni 'jig rten mdza' med pa ma yin par rjes su dpag pa ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mar me'i rgyun snga ma ni de'i 'bras bu yod pa'i phyir mi 'jig pa ma yin pa de bzhin du phung po snga ma de dang rigs mthun pa'i 'bras bu'i rgyun da ltar gyi phung po skyes pa yang de'i 'bras bu yod pa'i phyir mi 'jig pa ma yin pas 'jig rten mdza' med pa de kho na bzhin du/ gnas pa'i 'bras bu mi 'byung ba ma yin no/ /des phyir mdza' yod nyid dang ni/ mdza' med pa yang mi rigs so/ zhes bya bas ni 'jig rten mdza' yod pa ma yin pa dang/ mdza' med pa ma yin par rjes su dpag pa snga ma gnyis kyi mjug bsdu ba bstan te/ de dag gis ni rjes su 'gro ba'i sgo nas 'jig rten mdza' yod par lta ba dang/ mdza' med par lta ba mi rigs par bstan to/ /da ni ldog pa'i sgo nas 'jig rten mdza' yod par lta ba dang mdza' med par lta ba mi rigs par bstan pa'i phyir/ gang gi phyir rjes su dpag pa ji skad bstan pa de dag med par gyur cing/ gal te snga ma 'jig 'gyur zhing/ /phung po 'di la brten byas nas/ /phung po de ni mi 'byung na/ /des na 'jig rten mdza' yod 'gyur/ /phung po phyi ma rnams dus thams cad du mi 'byung pa'i phyir ro/ /de bzhin du/ gal te snga ma mi 'jig cing/ /phung po 'di la brten byas nas/ /phung po de ni mi 'byung na/ /des na 'jig rten mdza' med 'gyur/ /phung po snga ma rnams dus thams cad du gnas pa'i phyir ro zhes bya ba smras te/ gang gi phyir de ltar dbu ma pa'i rjes su dpag pa ji skad bstan pa gnyis po de dag med par gyur cing/ pha rol po dag 'dod pa'i gzhung tshig le'ur byas pa 'di gnyis ltar gyur na ni des na 'jig rten mdza'
- 388a
yod pa dang/ mdza' med par yang 'gyur ba zhig na/ de lta ma yin pas 'jig rten mdza' yod pa dang/ mdza' med par lta ba mi 'thad do zhes bya bar sbyar ro/ /da ni 'jig rten mdza' yod kyang yod la mdza' med kyang med ces bya ba lta ba mi 'thad par bstan pa'i phyir/ da ni gal te phyogs gcig mdza' yod la/ /phyogs gcig mdza' ni med gyur na/ /'jig rten mdza' yod mdza' med 'gyur ro/ /de yang rigs pa ma yin no/ /ci'i phyir zhe na/ ji lta bur na nyer len par phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de ni mi rigs so/ /phyogs gnyi gar bstan pa'i rjes su dpag pa dag gis gnod pa'i phyir ro/ /ji lta bur na nyer blang la/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de yang mi rigs so/ /'dir yang/ phyogs gnyi gar bstan pa'i rjes su dpag pa dag gis gnod pa'i phyir ro zhes bya ba smras te/ bdag ma 'ongs pa'i dus gzhan du 'byung bar 'gyur yang 'gyur la/ mi 'gyur yang mi 'gyur zhes bya bar lta ba'i gzhi las 'jig rten mdza' yod kyang yod la/ mdza' med kyang med ces bya bar lta ba 'di 'byung ste/ de yang gal te rnam pa gnyis su smra ba dag 'dod pa ltar lus kyi rnam grangs la brten nas/ phyogs gcig mdza' yod la/ srog gi rnam grangs la brten nas phyogs gcig mdza' med par gyur na ni/ 'jig rten mdza' yod kyang yod la/ mdza' med kyang med par 'gyur ba zhig na/ de yang rigs pa ma yin te/ ci'i phyir zhe na/ nye bar len pa po bdag dang/ nye bar blang ba phung po dag phyogs gcig rnam par 'jig par 'gyur la/ phyogs gcig rnam par 'jig par mi 'gyur ba de ltar rigs pa ma yin pa'i phyir bdag
- 388b
ma 'ongs pa'i dus gzhan du 'byung bar 'gyur yang 'gyur la/ 'byung bar mi 'gyur yang mi 'gyur zhes bya bar lta ba'i gzhi ma grub pa'i phyir 'jig rten mdza' yod kyang yod la/ mdza' med kyang med ces bya bar lta ba mi 'thad do/ /da ni 'jig rten mdza' yod pa mang? pa yin/ mdza' med pa yang ma yin zhes bya bar lta ba mi 'thad par bstan pa'i phyir/ de bzhin du dgal? te mdza' yod mdza' med pa/ /gnyi ga grub par gyur na ni/ /mdza' yod ma yin mdza' med min/ /'grub par 'gyur pa 'dod la dag/ de dgag kag pas de lta bu 'grub pa'i phyir dang/ de dag bzhin du de yang bstan dka' ba'i phyir ro/ /zhes bya bar dgongs so zhes bya ba smras te/ bdag ma 'ongs pa'i dus gzhan du 'byung bar 'gyur pa yang ma yin/ 'byung bar mi 'gyur ba yang ma yin/ zhes bya bar lta ba'i gzhi las 'jig rten mdza' yod pa yang ma yin /mdza' med pa yang ma yin zhes bya bar lta ba 'di 'byung ste/ de yang gal te gnyi ga ma yin pa smra ba dag 'dod pa ltar/ mdza' yod pa yang ma yin/ mdza' med pa yang ma yin pa zhes bya ba ni mdza' yod pa dang/ mdza' med pa gnyi ga grub par gyur na 'grub par 'dod la dag na de gny is ma grub pas de yang mi 'grub pa'i phyir dang/ de gnyis 'grub pa bstan dka' ba bzhin du de yang 'grub pa bstan dka' bas/ de ltar gnyi ga'i bdag nyid kyi bdag ma grub pas bdag ma 'ongs pa'i dus gzhan du 'byung bar 'gyur ba yang ma yin/ 'byung bar mi 'gyur ba yang ma yin zhes bya bar lta ba'i gzhi ma grub pa'i phyir 'jig rten mdza' yod pa yang ma yin/ mdza' med pa yang ma yin zhes bya bar lta ba mi 'thad do/ /de ltar sngon gyi mdza' la brten pa'i lta ba rnams re re nas mi 'thad par bstan nas/ da ni lta ba thams cad phyir dgag pa bstan pa'i phyir/ da ni don dam par
- 389a
lta ba thams cad spyir mi 'thad par bstan pa'i phyir 'di bshad de/ yang na dngos po thams cad dag/ stong phyir rtag la sogs lta ba/ /gang du gang la gang dag ni/ /ci phyir kun tu 'byung bar 'gyur/ /yang na don dam par dngos po thams cad stong pa'i phyir rtag pa la sogs par lta ba dag gang du gang la gang dag ci'i phyir kun tu 'byung bar 'gyur te/ yul dang byed pa pa dang/ lta ba dang rgyu dag ma skyes pa'i phyir ro zhes bya bar dgongs so/ /zhes bya ba smras te/ gang du gang dag ci'i phyir zhes bya ba dang/ yul dang byed pa po dang lta ba dang/ rgyu zhes bya ba dag go rim bzhin du sbyar ro/ /de'i phyir don dam par nye bar len pa'i phung po lnga ni ngo bo nyid yod pa kho na yin te/ lta ba'i gnas yin pa'i phyir ro/ zhes gang smras pa'i gtan tshigs gyi don ma grub pa nyid de/ don dam par lta ba mi 'thad par bstan pa'i phyir ro/ /kun rdzob pa'i gtan tshigs yin par rtog na ni don 'gal ba nyid do/ /zhes bya ba ni pha rol po'i sgrub pa sun dbyung bas stong pa nyid kyi mi mthun pa'i phyogs kyi khyad par dgag pa'i mjug bsdu ba yin te/ de ltar lta ba thams cad mi 'thad ba de'i phyir/ pha rol po dag gi rab tu byed pa 'di'i dang por bsgrub pa de skad smras pa de'i gtan tshigs don dam par ni mi 'grub la kun rdzob tu ni 'gal ba nyid yin par bstan to/ /da ni slob dpon gyi zhal snga nas kyis de ltar bstan bcos brtsams pa mjad pa mthar phyin nas/ bsgrub pa'i mchod ba de nyid sngon du btang ste/ ston pa sangs rgyas bcom ldan 'das kyi che ba nyid smos nas phyag 'tshal ba bstan pa'i phyir/ de'i phyir de ltar yang dag pa ma yin pa'i kun rdzob tu rtog pa las byung ba'i lta ba dag ni sdug bsngal sna tshogs kyi sa bon yin par thugs su chud nas/ 'gro ba mdza' dag gi rtsa lag sangs rgyas bcom ldan 'das/ gang gis
- 389b
thugs brtse nyer bzung nas/ /lta ba thams cad spang ba'i phyir/ /dam pa'i chos ni bstan mdzad pa/ /gau tam de la phyag 'tshal lo/ /zhes bya ba smras so/ /de dag gi tshig gi don bstan pa'i phyir/ gang gis zhes bya ba ni/ 'gro ba mdza' dag gi rtsa lag sangs rgyas bcom ldan 'das gyis so/ /thugs brtse nyer bzung nas/ zhes bya ba ni rnyed ba dang bkur sti la sogs pa'i rgyu'i phyir ma yin te/ sangs rgyas bcom ldan 'das ni dam pa'i chos dgon mchog shin tu rmad du byung ba bla na med pa rab tu ston par mdzad pa yin pa'i phyir ro/ /lta ba thams cad spangs pa'i phyir/ zhes bya ba ni lta ba thams cad stong pa nyid du bstan pa'i phyir ro/ /dam pa'i chos zhes bya ba ni de dam pa yang yin chos kyang yin pas dam pa'i chos so/ /dam pa zhes bya ba ni nyon mongs pa bag chags dang bcas pa'i me zhi bar gyur pa'i phyir dang/ yon tan rab kyi mthar phyin pa thams cad kyi pha rol tu phyin pa'i rgyu yin pa'i phyir dam pa ste/ bzang pa'o/ /chos zhes bya ba ni gzhan dag legs pa la 'dzin par byed pa'am/ 'khor ba'i 'khor lor 'khyam pa las 'dzin par byed pa 'am/ rtags par byed pa'i rang gzhan gyi don phun sum tshogs pa rab kyi mthar phyin pa bla na med pa'i mthu 'dzin pa'i phyir chos so/ /dam pa'i chos ni bzang po'i chos te/ theg pa chen po yin no/ /de ltar yang 'phags pa lha mo dpal phred gis seng ge'i sgra zhes bya ba'i mdo las/ bcom ldan 'das dam pa'i chos yongs su bzung ba zhes bgyi ba ni theg pa chen po'i tshig gi bla dags lags te/ de ci'i slad du zhe na/ bcom ldan 'das nyan thos dang rang sangs rgyas kyi theg pa thams cad dang/ 'jig rten pa dang 'jig rten las 'das pa'i dge ba'i chos thams cad ni theg pa chen pos rab tu phye ba lags pa'i slad du ste/ bcom ldan 'das 'di lta ste dper bgyin chu bo chen po bzhi ni mtsho ma dros? bas rab tu phye ba lags pa de bzhin du/ bcom ldan 'das nyan thos dang rang sangs rgyas kyi theg pa thams cad dang/
- 390a
'jig rten pa dang 'jig rten las 'das pa'i dge ba'i chos thams cad kyang theg pa chen pos rab tu phye ba lags so/ /zhes ji skad gsungs pa lta bu'o/ /bstan mdzad ba zhes bya ba ni bstan par gyur pa'o/ /gau tam zhes bya ba ni/ gdung gau ta ma'i rgyud yin pa'i phyir dang/ de la sgrub pa'i mchod pa sngon du btang ste/ phyag 'tshal lo zhes bya ba smras/ /dpal phreng gi seng ge'i sgra'i mdo sde'i don ni/ gang gi phyir theg pa chen po las sangs rgyas nyid 'byung zhing sangs rgyas nyid kyis mos pa la gzigs nas/ nyan thos dang rang sangs rgyas kyi theg pa bka' stsal pa de'i phyir/ theg pa chen po nyid dam pa'i chos zhes bya ba dngos yin par bstan to// //bam po brgyad cu pa ste tha ma'o/ /de ni 'grel pa byed pa nyid kyi lung las chos kyi rnam grangs gzings lta bur shes pa rnams kyis chos nyid kyang spang bar bya na/ chos ma yin pa rnams lta ci smos zhes gsungs pa'i tshul nyid bsgrub pa'i phyir bstan bcos kyi lus rnam par bzhag pa 'dir don dam pa'i de kho na bstan pa dag rang dang gzhan gyi phyoD lam grags pa sgrub pa dang sun dbyung ba'i ched du/ rjes su dpag pa'i gsal ba dang de kho na dag bsten bcos kyi lus mdza' dag rdzogs par byas shing don dam pa'i de kho na bstan pa dag rang dang gzhan gyi phyogs la grub par gyur pas de dag sgrub pa'i rjes su dpag pa'i gsal ba dang/ de kho na de dag kyang don dam par ngo bo nyid med pa nyid du sgrub pa ston to/ /de'i phyogs snga ma nye bar bzhag pa bstan pa'i phyir/ de ltar dngos po thams cad kyi ngo bo nyid med pa nyid bstan kyang/ smra ba ngan pa dngos po ngo bo nyid yod pa nyid la mngon par zhen pa'i bag chags kyis blo gros nyams pa rab rib can gyis yang dag pa ma yin pa mthong ba lta bu dag rang gi phyogs bsgrub pa'i phyir/ phyir bzlog par byed de zhes bya ba smras so/ /de'i phyir bzlog par byed pa de dag na re 'di skad
- 390b
ces 'di la khyed kyis sgrub pa dang sun dbyung ba'i tshad ma dag gis nye bar btags nas rang gi phyogs grub par bstan pa de la/ gal te sgrub ba dang sum dbyung ba'i tshad ma dag ngo bo nyid yin na ni de dag la brtag par 'dod pa'i dngos po'i de kho na rtog pa'i mthu nyid med de/ ngo bo nyid med pa'i phyir/ dper na mo gsham gyi bu'i lta ba la sogs pa bzhin no/ /zhes zer ro zhes bya bar sbyar te/ 'dis ni pha rol po dag na de dbu ma'i bstan bcos 'di la khyed dbu ma pas bsgrub par bya ba dang/ sun dbyung bar bya ba'i don dag sgrub pa dang/ sun 'byin pa'i tshad ma dag la dag las shing tshad ma gtso bo yin par mthong ba tshad ma la gus pa bskyed nas/ bsgrub par bya ba dang sun dbyung bar bya ba'i don dag sgrub pa dang sun 'byin pa'i tshad ma dag gis nye bar brtags nas rang gi phyogs grub par bstan pa de la gal te khyed kyi sgrub pa dang sun 'byin pa'i chad ma dag ngo bo nyid med pa yin na ni de dag la brtag par 'dod pa'i dngos po'i de kho nang dung ma rtogs pa dag rtog pa'i mthu nyid med de/ ngo bo nyid med pa'i phyir dper na mo gsham gyi bu'i lta ba la sogs pa la rtag par 'dod pa'i dngos po'i de kho na da dung ma rtogs pa dag rtogs pa'i mthu nyid med pa bzhin no zhes zer ba'i rjes su dpag pa ston te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mo gsham gyi bu'i lta ba la sogs pa ni ngo bo nyid med pa'i phyir de la rtag par 'dod pa'i dngos po'i de kho na da dung ma rtogs pa dag rtogs pa'i mthu nyid med pa de bzhin du/ gal te sgrub pa dang sun 'byin pa'i tshang ma dag ngo bo nyid mong pa yin na/ de dag kyang ngo bo nyid med pa'i phyir de dag la yang brtag par 'dod pa'i dngos po'i de kho na de dung du ma rtogs la dag rtogs pa'i mthu nyid med do zhes zer ro? 'on te de dag ngo bo nyid yod pa yin na ni de dag bzhin du dngos po thams cad
- 391a
grub pas bstan bcos mdza' dag tu bstan pa'i rjes su dpag pa dag ma nges pa nyid kyang yin no zhe'o zhes bya ba ni pha rol po dag na re 'on te khyed dbu ma pa'i sgrub pa dang sun 'byin pa'i tshad ma de dag ngo bo nyid yod pa yin no? ji ltar tshad ma de dag ngo bo nyid yod pa de bzhin du dngos po thams cad kyang ngo bo nyid yod par 'grub pas/ khyed dbu ma pas bstan bcos 'di'i lus mdza' dag tu bstan pa'i rjes su dpag pa dag ma nges pa nyid kyang yin te/ de ltar khyed kyi tshad ma de dag tshad ma rnams la yang rtogs par bya ba rtogs pa dang/ yid ches par bya ba ston pa'i mthu nyid med de/ 'dus byas yin pa'i phyir dper na bong ba bzhin no zhes bya ba smras te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na bong ba ni 'dus byas yin pa'i phyir de la mngon sum gyi tshad ma'i yul rtogs par bya ba rtogs pa dang/ rjes su dpag pa'i tshad ma'i yul yid ches par bya ba ston pa'i mthu nyid med pa de bzhin du tshang ma rnams kyang 'dus byas yin pa'i phyir de rnams la yang mngon sum gyi tshad ma'i yul rtogs par bya ba rtogs pa dang/ rjes su dpag pa'i yul yid ches par bya ba ston pa'i mthu nyid med do/ /de bzhin du skye ba can nyid dang rkyen gyi dbye bas tha dad pa nyid dang/ 'jig pa nyid dang rtogs par bya ba nyid dang/ brjod par bya ba nyid la sogs pa'i gtan tshigs dag gi phyir ro zhes kyang rjes su dpag pa rgyas par brjod par bya ste/ sngar bstan pa'i tshul gyis spyir skye ba bkag pa'i phyir dang/ bya ba bkag pa'i phyir ro zhes bya bas ni dam bcas pa snga ma'i gtan tshigs ni 'di dag yin par sbyar te/ de dag gis don dam par tshad ma rnams ngo bo nyid med pas mthu nyid med par rjes su dpag par bya ste/ de yang sngar skye ba med pa'i rab tu
- 391b
byed pa la sogs par bstan pa'i tshul gyis spyir tshad ma la sogs pa dngos po thams cad kyi skye ba dang bya ba bkag pa'i phyir ro/ /gzhan yang gal te tshad ma rnams ngo bo nyid yod pa yin na des na ngo bo nyid ni bltos pa med pa'i phyir gzhal bya med cing gzhal bya mi 'jal bar yang rang nyid kyi tshad mar 'gyur ba dang gzhal bya yang tshad ma med cing tshad ma yongs su ma gzhal bar yang rang nyid kyis gzhal byar 'gyur ba zhig na/ de lta ma yin te/ 'di ltar tshad ma yang gzhal bya 'jal na tshad ma yin gyi mi mjal na ma yin la/ gzhal bya yang tshad mas gzhal na gzhal bya yin gyi ma gzhal na ma yin pas/ de'i phyir tshad ma dang gzhal bya gnyi ga'i mtshan nyid nges par gnas pa ma yin gyi brjod pa kyang bar can brten pa la bltos pa dang bcas pa nyid yin pa'i phyir don dam par ngo bo nyid med pa nyid yin te/ re zhig de dag gis ni tshad ma rnams sbyir dgag pa bstan to/ /pa ni mngon sum dang rjes su dpag pa dang sgrub pa'i yan lag rnams re re nas khyad par las dgag pa bstan par bya ste/ de'i phyir khyad par las dgag par bya ba'i don dam par mngon sum la mngon sum gyi ngo bo nyid med de/ dbang po la brten pa'i phyir/ dper na 'khrul pa'i shes pa bzhin no zhes bya ba la sogs pa smras? te/ 'di ni mngon sum dgag pa'i rjes su dpag bston te/ de dag ni chos can dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar te/ dper na 'phrul? pa'i shes pa ni dbang po la brten pa'i phyir de la mngon sum gyi ngo bo nyid med pa de bzhin du/ mngon sum yang dbang po la brten pa'i phyir de la mngon sum gyi ngo bo nyid do/ /de bzhin du don dam par rjes su dpag pa la yang rjes su dpag pa'i ngo bo nyid med de/ tshad ma yin pa'i phyir/ dper na mngon sum bzhin no zhes bya bas ni rjes su dpag pa dgag pa'i rjes su dpag pa'i rjes su dpag pa ston te/ de dag kyang chos can
- 392a
dang/ bsgrub par bya ba chos dang/ sgrub pa'i chos dang dpe yin par go rim bzhin du sbyar te/ dper na mngon sum ni tshad ma yin pa'i phyir de la rjes su dpag pa'i ngo bo nyid med pa de bzhin du rjes su dpag pa yang tshad ma yin pa'i phyir de la yang rjes su dpag pa'i ngo bo nyid rjes su dpag pa'i tshad ma de la med do/ /yang na don dam par rjes su dpag pa ni tshad ma ma yin te/ rnam par rtog pa yin pa'i phyir/ dper na sdong dum la mir shes pa bzhin no/ zhes bya bas ni rjes su dpag pa tshang ma ma yin par dgag pa'i rjes su dpag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na sdong dum la mir shes pa ni rnam par rtog pa yin pa'i phyir/ tshad ma ma yin pa de bzhin du/ rjes su dpag pa yang rnam par rtog pa yin pa'i phyir tshad ma ma yin no/ /da ni dam bcas pa de la sogs pa sgrub pa'i yan lag rnams mi 'thad par bstan pa'i phyir/ de bzhin du dam bcas pa la sogs pa'i yan lag rnams la yang zhes bya ba la sogs pa smras so/ /de la re zhig dam bcas pa mi 'thad par sgrub pa'i phyir/ de'i mtshan nyid je? bstan par bya ste/ de'i phyir de dag gis bsgrub par bya ba bstan pa ni bsgrub par bya ba nges par gzung ba ste/ bsgrub par 'dod pas bsgrub par bya ba nyid du 'dod pa'i phyogs don 'gal pa la sogs pas ma bsal ba gang yin pa ni dam bcas pa'i mtshan nyid yin no/ /zhes bya ba smras te/ de ni dam bcas pa'i mtshan nyid bstan to/ rigs ba'i bstan bcos las dam bcas pa'i mtshan nyid ni bsgrub par bya ba la yod pa nyid du nges pa'i tshul yin par 'byung bas de la bsgrub par bya bar bstan pa'i tshul gsum po bsgrub bar bya ba la yod pa nyid du nges pa'i tshul dang/
- 392b
mthun pa'i phyogs la yod pa nyid du nges pa'i chul dang/ mi mthun pa'i phyogs la med pa nyid du nges pa'i tshul gsum las bsgrub par bya ba la yod pa nyid du nges pa'i tshul yin te/ de ni bsgrub par bya ba ma nges par bzung ba ste zhes bya ba 'dis bstan to/ /de ji ltar yod pa nyid du nges pa'i tshul yin zhe na/ bsgrub par 'dod pas bsgrub par bya pa nyid du 'dod pa'i phyogs don 'gal ba la sogs pas ma bsal pa gang yin pa de ni yod pa nyid du nges pa rjes su dpag par bya ba'i chos can la bsgrub par bya ba chos yod pa'i phyogs de la bsgrub par 'dod pa'i rtags gsum po ngo bo nyid dang/ mi dmigs pa dang/ 'bras bu zhes bya ba dag gis ngo bo nyid las mi rtag par rjes su dpag pa dang/ me dmigs pa las dngos po med par rjes su dpag pa dang/ 'bras bu las rgyu rjes su dpag pa'i gtan tshigs kyi don 'gal pa dang/ ma grub pa dang/ ma nges pa la sogs pa'i skyon dag gis can la sogs pa gang dag sgrub pa dang sun 'byin pa'i tshad ma du nges pa'i tshul zhes bya ste/ de ni dam bcas pa'i mtshan 'di yin no zhes bya par sbyar ro/ /de la gang dag sgrub pa dang sun 'byin pa dag don dam pa pa yin par smras pa de dag la 'di skad ces dri pa bya ste/ bsgrub par bya ba gang yin/ grub pa'am 'on te ma grub pa yin zhes bya bas ni dbu ma pas rigs pa can la sogs pa gang dag sgrub pa dang sun 'byin pa'i tshad ma dag don dam pa pa yin par smra ba de dag la 'di skad ces bsgrub par 'dod pa'i rtags gsum bo ngo bo nyid dang mi dmigs pa dang 'bras bu zhes bya ba dag gis rjes su dpag par bya ba'i chos can la bsgrub par bya ba chos mi rtag pa dang/ dngos po med pa dang/ rgyu dang zhes bya ba dag bsgrub par bya'o zhes rigs pa'i bstan bcos las byung na bsgrub par bya ba de gang yin/ ji ste sgrub pa mi 'on te ma grub pa yin zhes brtag pa rnam pa gnyis bstan to//
- 393a
de la re zhig brtag pa dang po mi 'thad par bstan pa'i phyir/ de la gal te grub pa yin na ni de bsgrub pa don med pa nyid do zhes bya ba smras te/ gal te bsgrub par bya ba de grub pa yin na ni de sgrub pa don med pa nyid yin/ grub pa la sgrub pa'i skyon du 'gyur ba'i phyir ro/ /brtag pa gnyis pa mi 'thad par bstan pa'i phyir/ 'on te ma grub pa nyid yin na ni/ don dam par de bsgrub par bya ba ma yin te /ma grub pa bya ba yin pa'i phyir/ dper na ri bong gi rwa'i yon po nyid bzhin zhes bya ba smras te/ 'on te bsgrub bar bya ba de ma grub pa yin na ni don dam par de bsgrub par bya ba ma yin te/ ma grub pa yin pa'i phyir/ dper na ri bong gi rwa'i yon po nyid bzhin te/ de dag ni chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na ri bong gi rwa'i yon po nyid yod pa nyid du ma grub pa yin pa'i phyir bsgrub par bya ba ma yin pa de bzhin du/ bsgrub par bya ba ma grub pa yang ma grub pa yin pa'i phyir bsgrub par bya ba ma yin no/ /de ltar bsgrub par bya ba grub pa dang/ ma grub pa gnyi ga sgrub pa'i chos dag gi bsgrub par bya ba ma yin pas don dam par dam bcas pa'i mtshan nyid yod pa mi 'thad do/ /ji ste yang 'di snyam? du rang? dang gnyi ga'i la ma grub pa bsgrub par bya ba ma yin no zhen ni grub pa'i sgrub pa yin no/ /'on te gzhan la ma grub pa bya ba ma yin zhe na ni dpe med de ri 'ong gi rwa med pa la grub pa'i chos med pa'i phyir dang/ gtan tshigs kyi don kyang ma grub pa nyid yin no snyam du sems na zhes bya ba ni pha rol po dag na re? khyed dbu ma pas bsgrub par bya ba de gal te grub pa yin na ni de bsgrub pa don med pa nyid do zhes smras pa ni bden no/ /'on te ma grub pa yin na ni don dam par de bsgrub par bya ba ma yin te/ ma grub pa yin pa'i phyir/ dper na ri bong gi rwa'i yon po
- 393b
nyid bzhin no zhes smras pa ni mi rung ngo/ /ci'i phyir zhe na bsgrub par bya ba la grub pa zhes bya ba de gal te rang dang gnyi ga la ma grub pa bsgrub par bya ba ma yin no khyed zer na ni grub pa la sgrub pa yin te/ kho bo cag gi phyogs la yang bsgrub par bya ba rang dang gnyi ga la ma grub pa bsgrub par bya ba ma yin par grub zin pa'i phyir ro/ /'on te bsgrub par bya ba gzhan la ma grub pa bsgrub par bya ba ma yin no zhes zer na ni khyed kyi dpe med de/ 'di ltar khyed kyi dpe ri bong gi rwa'i yon pa nyid bzhin no zhes bya ba de la/ ri bong gi rwa med pa la khyed kyi sgrub pa'i chos ma grub pa yin pa'i phyir zhes bya ba de med de/ ri bong gi rwa med pa ni gzhan la yang med par grub bsam grub pa ma yin pa'i phyir khyed kyi dpe ri bong gi rwa'i yon po bzhin no zhes bya ba de sgrub pa'i chos ma grub ba'i phyir zhes bya ba de med pa'i phyir khyed kyi dpe sgrub pa'i chos dang mi ldan pas dper mi rung ba'i phyir ro gzhan yang bsgrub par bya ba gzhan la ma grub pa las bsgrub par bya ba ma yin no zhes khyed zer na de la khyed kyi gtan tshigs kyi don kyang ma grub pa nyid yin te/ 'di ltar khyed kyi gtan tshigs ma grub pa yin pa'i phyir zhes bya ba de mi rung ste/ ri bong gi rwa'i yon yon po med pa nyid ni gzhan la yang grub pa yin pa'i phyir khyed kyi gtan tshigs ma grub pa yin pa'i phyir zhes bya ba de mi rung ba'i phyir ro/ /de lta bas na bsgrub par bya ba gzhan la ma grub pa ni bsgrub par bya ba yin pas dam bcas pa'i mtshan nyid ni don dam pa yin pa'i phyir tshad ma rnams kyang don dam par ngo bo nyid yod pa yin la/ de dag bzhin du dngos po thams cad kyang don dam par ngo bo nyid yod par 'grub pas khyed kyis bstan bcos mdza' dag tu bstan pa'i rjes su dpag pa dag ma nges pa nyid kyang yin no zhes zer ro/ /de skad ces zer ba de'i lan du 'dir 'grel pa nyid kyis/ gtan tshigs
- 394a
spyir brjod pa'i phyir dang/ dpe la yang spyir rjes su 'gro ba bstan pa'i phyir dang/ gzhan la ma grub pa nyid kyang bkag pa'i phyir grub pa la sgrub pa yang ma yin la/ dpe dang gtan tshigs med pa yang ma yin no zhes bya ba smras te/ dbu ma pas gtan tshigs spyir brjod pa'i phyir grub pa la sgrub ba ma yin te/ 'di ltar kho bos rang dang gnyi ga la ma grub pa bsgrub par bya ba ma yin no zhe 'am gzhan la ma grub pa bsgrub par bya ba ma yin no zhes khyad par du rnam par brtag pa ma byas par spyir ma grub pa ni bsgrub par bya ba ma yin no zhes gtan tshigs spyir brjod pa'i phyir grub pa la sgrub ba ma yin no/ /dbu ma pas dpe la yang spyir gtan tshigs rjes su 'gro ba bstan pa'i phyir dpe med pa yang ma yin te/ 'di ltar kho bo cag gi dpe ri bong gi rwa'i yon po nyid bzhin no zhes bya ba de la yang yon po nyid yod par ma grub pa yin pa'i phyir de bsgrub par bya ba ma yin pa rang dang gzhan gnyi ga'i phyogs la gtan tshigs rjes su 'gro ba bstan pa'i phyir dpe sgrub pa'i chos dang ldan pas dpe med pa yang ma yin no/ /dbu ma pas bsgrub par bya ba gzhan la ma grub pa nyid kyang bsgrub par bya ba ma yin par bkag pa'i phyir gtan tshigs med pa yang ma yin te/ 'di ltar dbu ma pa'i gtan tshigs ma grub pa yin pa'i phyir zhes bya ba de ma bsgrub par bya ba gzhan la ma grub pa nyid kyang ma grub pa yin pa'i phyir bsgrub par bya ba ma yin no zhes 'am/ grub pa nyid yin na bsgrub par bya ba ma yin pa'i gtan tshigs su bstan pa'i phyir gtan tshigs med pa yang ma yin no/ /de lta bas na bsgrub par bya ba spyir ma grub pa ni ri bong gi rwa'i yon po nyid bzhin du bsgrub par bya ba ma yin pas dam bcas pa'i mtshan nyid don dam pa pa ma yin par mi 'grub cing/ tshang ma gzhan dag kyang de bzhin du mi?
- 394b
'grub pas de dag bzhin du dngos po thams cad kyang mi 'grub pa'i phyir kho bos bstan bcos mdza' dag tu bstan pa'i rjes su dpag pa dag ma nges pa nyid kyang ma yin no zhes bstan to/ /gal te bya ba dang gdul ba bzhin du bsgrub par bya ba 'grub pa zhe na zhes bya bas ni pha rol po dag ni re/ /kha/ ngo bo nyid yod pa yin pas des na ji re zhig tshad ma dag ngo bo nyid yod pa bzhin du dngos po thams cad kyang ngo bo nyid yod par 'gyur ram/ 'on te khyod kyi tshad ma dag gis dngos po thams cad ngo bo nyid med par bsgrubs/ de bzhin du dngos po thams cad kyang ngo bo nyid med par 'gyur ba ma nges pa nyid kyang yin no/ /kyang gi sgras ni 'gal ba 'khrul pa med pa'i gnod pa yod pa yang bsdus te/ 'di ltar khyed la tshad ma dag yod pas dngos po thams cad ngo bo nyid med par ston pa bzhin du/ kho bo cag la yang khyed kyi tshad ma dag ngo bo nyid yod pa bzhin du dngos po thams cad kyang ngo bo nyid yod pa nyid du ston pa'i 'thad pa yod pa'i phyir ro/ /zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis/ de la 'dir zhes bya ba la sogs pas pha rol po dag gi gtan tshigs ngo bo nyid med pa'i phyir zhes bya ba de'i don gang yin/ ci rang dbang du rjes su dpag pa ma yin nam/ 'on te gzhan sun 'byin pa yin/ de la gal te rang dbang rjes su dpag pa yin te/ pha rol po dag nyid tshad ma la sogs pa dngos po thams cad ngo bo nyid med par sgrub na ni rang la ma grub pa nyid yin la/ 'on te gzhan sun 'byin pa yin te/ dbu ma pa la tshad ma la sogs pa dngos po thams cad ngo bo nyid med pa nyid du thal bar skyon 'dogs pa yin na ni gzhan la ma grub pa nyid yin par ston to/ /de la re zhig pha rol po dag gi gtan tshigs ngo bo nyid med pa'i phyir zhes bya ba de rang dbang du rjes su dpag pa yin na rang las ma grub pa nyid yin
- 395a
par bstan pa'i phyir/ gal te gtan tshigs kyi don ngo bo nyid med pa'i phyir yod pa ma yin no zhes bya ba yin par 'dod na ni rang la gtan tshigs kyi don ma grub pa nyid do zhes bya bar smras te/ gal te pha rol po dag gi gtan tshigs ngo bo nyid med pa'i phyir zhes bya ba de pha rol po dag rang gi phyogs nyid la tshad ma la sogs pa dngos po thams cad ngo bo nyid med pa'i phyir yod pa ma yin no/ zhes bya ba yin par 'dod na ni rang gi gtan tshigs kyi don ma grub pa nyid de/ 'di ltar pha rol po dag gi phyogs la tshad ma la sogs dngos po thams cad ngo bo nyid med pa nyid du ma grub pa'i phyir ro/ /ji ste pha rol po dag gi gtan tshigs ngo bo nyid med pa'i phyir zhes bya ba de gzhan sun 'byin pa yin na ni gzhan ma grub pa nyid yin par bstan pa'i phyir/ ji ste gzhan yin na ni gzhan la'o zhes bya ba smras te/ ji ste pha rol po dag gi gtan tshigs ngo bo nyid med pa'i phyir zhes bya ba de rang dbang du rjes su dpag pa las gzhan pa gzhan sun 'byin pa yin te/ dbu ma pa la tshad ma la sogs pa dngos po thams cad ngo bo nyid du thal bar skyon 'dogs pa yin na ni gzhan la ma grub pa nyid yin te/ 'di ltar kho bo cag dbu ma pa ni tshad ma la sogs pa dngos po thams cad gtan ngo bo nyid med pa mo gsham gyi bu'i lta ba la sogs pa lta bur mi 'dod kyi tha snyad du rgyu dang rkyen gyis bskyed pa sgyu ma la sogs pa lta bur yod par 'dod pa'i phyir ro/ /des na kho bo cag gi phyogs la tha dad du bsgrub pa dang/ sun 'byin pa'i tshad ma dag mo gsham gyi bu'i lta ba la sogs pa bzhin du gtan ngo bo nyid med pa ma yin pas/ de la rtag par 'dod ba'i dngos po'i de kho nad dung ma rtogs pa dag rtogs pa'i mthu nyid med pa yin no/ /da ni pha rol po dag gis gal te sgrub?
- 395b
pa dang sun 'byin pa'i tshad ma dag ngo bo nyid med pa ma yin na ni/ de dag rtag par 'dod pa'i dngos po'i de kho na rtog pa'i mthu nyid med de zhes smras pa de don dam par sgrub na ni grub pa la sgrub pa yin la tha snyad du sgrub na ni khas blangs pas gnod pa yin par bstan par bya ste/ de la re zhig don dam par sgrub na grub pa la sgrub pa yin par bstan pa'i phyir/ don dam par tshad ma la sogs pa ngo bo nyid med pas mthu nyid sal? bar byed na ni grub pa la bsgrub pa yin no zhes bya ba smras te/ kho bo cag dbu ma pa la yang de ltar grub zin pa'i phyir ro/ /tha snyad du grub na khas blangs pas gnod par bstan pa'i phyir tha snyad du na ni khas blangs pas gnod zhes bya ba smras te/ khyod kyis kyang tha snyad du tshad ma la sogs pa yod par khas blangs pa'i phyir ro/ /de ltar smra ba ngan pa dngos po ngo bo nyid yod pa nyid la mngon par zhen pa'i bag chags kyis blo gros nyams pa rab rib can gyi yang dag pa ma yin pa mthong ba lta bu dag rang gi phyogs bsgrub ba'i phyir phyir bzlog par byed pa de dag gi klan ka skabs med par byas nas/ da ni 'grel pa byed pa nyid kyis rang dbang du rjes su dpag pa don dam par tshad ma rnams ngo bo nyid med pa nyid du bstan pa'i phyir don dam /nga/? par khyed dbu ma pas bsgrub par bya ba grub pa dang/ ma grub pa zhes rnam par brtags nas de gnyi ga bsgrub par bya ba ma yin no zhes smras pa de mi rung ste/ 'di ltar dper na las su bya ba byas pa dang ma byas pa zhes rnam par brtag pa ma byas par byed pa dang/ sems can gdul ba yang brtul ba dang ma btul ba zhes bya bar rnam par brtag pa ma byas par 'dul par byed pa de bzhin du/ bsgrub par bya ba yang grub pa dang ma grub pa zhes rnam par brtag mi dgos par bsgrub par bya ba yin par 'grub bo zhes zer ba'i tshig yin no/ /de skad ces zer ba par 'grub bo zhes zer ba'i tshig yin no/ /de skad ces zer ba
- 396a
de'i lan du 'dir 'grel pa byed ba nyid kyis/ /de ni lan ma yin te/ brgal zhing brtag pa mtshungs pa dang lan btab zin pa'i phyir ro zhes bya ba smras te/ pha rol po dag gi tshig de ni kho bos bsgrub par bya ba grub pa dang ma grub pa bsgrub par bya ba ma yin par bstan pa de'i lan ma yin te/ 'di ltar bya ba yang gang yin/ byas pa 'am 'on te ma byas pa yin/ gdul ba yang gang yin btul ba 'am/ 'on te ma btul ba yin zhes brgal zhing brtag pa yang sngar bsgrub par bya ba gang yin/ grub pa'am 'on te grub pa yin zhes bya ba dag mtshungs pa'i phyir dang/ lan kyang de la gal te grub pa yin na ni de sgrub pa don med pa nyid do/ /'on te ma grub pa yin na ni don dam par de bsgrub par bya ba ma yin te/ ma grub pa yin pa'i phyir/ dper na ri bong gi rwa'i yon po nyid bzhin no zhes bya bas lan btab zin ba'i phyir te/ 'dir yang gal te byas pa dang btul ba yin na ni de byed pa dang btul ba don med pa nyid do/ /'on te ma byas pa dang ma btul ba yin na ni don dam par de bya ba dang gdul ba ma yin te/ ma byas pa dang ma btul ba yin pa'i phyir/ dper na ri bong gi rwa'i yon po nyid bzhin no zhes bya bar sbyar ro/ /gal te lan ma yin pa ma yin te/ nus pa'i don yin pa'i phyir ro zhe na zhes bya ba ni pha rol po dag na re kho bos bya ba dang gdul ba bzhin du bsgrub par bya ba 'grub bo zhes smras pa de lan ma yin pa ma yin te/ 'di ltar byas pa dang ma byas pa dang btul ba dang ma btul ba dag bya ba dang gdul ba ma yin yang byed bzhin pa dang/ gdul ba bzhin pa ni nus pa'i don yin pa'i phyir bya ba dang gdul ba yin pa bzhin du/ grub pa dang ma grub pa bsgrub bar bya ba ma yin yang bsgrub bzhin pa ni nus pa'i don yin pa'i phyir bsgrub par bya ba yin no zhes zer ba'i tshig yin no/ de skad ces zer ba de'i lan du 'dir 'grel ba byed pa nyid
- 396b
kyis/ de yang lan ma yin te/ brgal zhing brtag pa mtshungs pa dang lan btab zin pa'i phyir ro zhes bya ba de nyid kyis lan btab zin pa'i phyir ro zhes bya ba smras te/ byed bzhin pa dang 'dul bzhin pa dang bsgrub bzhin pa nus pa'i don yin pa'i phyir ro zhes bya ba de la yang byas pa 'am ma byas pa dang/ btul ba'am ma btul ba dang/ grub pa 'am ma grub pa gang yin zhes brgal zhing brtag pa dang/ lan kyang snga ma bzhin pas de yang lan ma yin no/ /don dam par dam bcas pa ni sgrub par byed pa ma yin te/ bstan par bya ba'i don dam bcas pa yin pa'i phyir dam bcas pa tsam smra bas bstan pa'i dam bcas pa bzhin no zhes bya bas ni dam bcas pa ni bsgrub par bya ba'i don sgrub par byed pa ma yin par rjes su dpag pa ston to/ /de dag kyang chos can dang bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rigs pa'i bstan bcos la mi mkhas pa'i dam bcas pa tsam nyi tshe smra zhing gtan tshigs dang dpe la sogs pa bsgrub pa'i yan lag ma tshang ba smra bas bstan pa'i dam bcas pa ni bstan par bya ba'i don dam bcas pa yin pa'i phyir bsgrub par bya ba'i don sgrub par byed pa ma yin pa de bzhin du/ rigs pa'i bstan bcos la mkhas pa gtan tshigs dang dpe la sogs pa sgrub pa'i yan lag tshang ba smra ba dag gi dam bcas pa yang bstan par bya ba'i don dam bcas pa yin pa'i phyir bsgrub bar bya ba'i don sgrub par byed pa ma yin no/ /don dam par gtan tshigs kyang bsgrub par bya ba'i don sgrub par byed pa ma yin te/ dpe dang chos mthun pa'i phyir dang/ mi mthun pa'i phyogs kyi khyad par can yin pa'i phyir dang/ phyogs kyi chos yin pa'i phyir dper na ma nges pa bzhin no zhes bya bas ni gtan tshigs kyang bsgrub par bya ba'i don sgrub par byed pa ma yin par rjes su dpag pa ston te/
- 397a
de dag kyang chos can dang bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rkang mig pa dag gi gtan tshigs ma nges pa ni dpe dang chos mthun pa'i phyir bsgrub par bya pa'i don sgrub par byed pa ma yin pa dang/ rtsod pa byed ba dag gi gtan tshigs ma nges ba ni mi mthun pa'i phyogs kyi khyad par can yin pa'i phyir ro bsgrub par bya ba'i don sgrub par byed pa ma yin pa dang/ 'phags pas byin dag gi gtan tshigs ma nges pa ni phyogs kyi chos yin pa'i phyir bsgrub par bya ba'i don sgrub par byed pa ma yin pa de bzhin du/ rigs pa can la sogs pa gzhan dag gtan tshigs mtshan nyid dang ldan pa dag kyang dpe dang chos mthun pa'i phyir dang/ mi mthun pa'i phyogs kyi khyad par can yin pa'i phyir dang/ phyogs kyi chos yin pa'i phyir bsgrub par bya ba'i don sgrub par byed pa ma yin no/ /don dam par mtshan nyid gsum pa'i gtan tshigs kyang bsgrub par bya ba'i don go bar byed pa ma yin te/ mtshan nyid gsum pa yin pa'i phyir/ dper na 'gal bas bzlog pa bzhin no zhes bya bas ni? tshul gsum pa'i rtags dang ldan pa'i gtan tshigs 'gal bas bzlog par ma gyur pa khyad par can las gzhan 'gal bas bzlog par 'gyur ram mi 'gyur bye brag ma phye pa tha mal pa yang bsgrub par bya ba'i don go bar byed pa ma yin par dgag pa'i rjes su dpag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na mtshan nyid gsum pa'i gtan tshigs 'gal ba'i skyon gyis bzlog pa ni mtshan nyid gsum pa yin pa'i phyir bsgrub par bya ba'i don go bar byed pa ma yin pa de bzhin du/ mtshan nyid gsum pa'i gtan tshigs 'gal ba'i skyon gyis ma
- 397b
bzlog pa khyad par can ma yin pa yang mtshan nyid gsum pa yin pa'i phyir/ bsgrub par bya pa'i don go bar byed pa ma yin no/ /don dam par mtshan nyid gsum pa'i gtan tshigs khyad par can 'gal bas ma bzlog pa yang bsgrub par bya ba'i don sgrub par byed pa ma yin te/ phyogs kyi chos yin pa'i phyir/ dper na 'gal ba bzhin no/ /zhes bya ba ni mtshan nyid gsum pa'i gtan tshigs 'gal bas bzlog par 'gyur ram mi 'gyur bye brag ma phye ba khyad par can yin pa tha mal pa las khyad par can 'gal bsam bzlog pa yang bsgrub par bya ba'i don sgrub par byed pa ma yin par rjes su dpag pa ston te/ de dag kyang chos can gzhan sgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na gtan tshogs? 'gal ba ni phyogs kyi chos yin pa'i phyir bsgrub par bya ba'i don sgrub par byed pa ma yin pa bzhin du/ mtshan nyid gsum pa'i gtan tshigs khyad par can 'gal bas ma bzlog pa yang phyogs kyi chos yin pa'i phyir bsgrub par bya pa'i don sgrub par byed pa ma yin no/ /de bzhin du don dam par ni bsgrub par bya ba'i don go bar byed pa ma yin te/ bsgrub par bya ba dang/ bsgrub pa'i chos dang ldan pa'i phyir dper na nam mkha' rtag pa yin la/ lus can ma yin pas sgra rtag pa bzhin no zhes bya bas ni dpe yang bsgrub par bya ba'i don go bar byed pa ma yin par dgag pa'i rjes su dpag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na rigs pa la mi mkhas pa kha cig na re sgra ni rtag ste/ lus can ma yin pa'i phyir/ dper na nam mkha' bzhin no zer ba dag gi dpe nam mkha' ni bsgrub par bya brtag pa dang/ sgrub pa'i chos lus can ma yin ba dang ldan yang nges sgra rtag par bsgrub par bya ba'i don go?
- 398a
bar byed pa ma yin pa ni bsgrub par bya ba dang sgrub pa'i chos dang ldan pa'i phyir bsgrub par bya ba'i don go bar byed pa ma yin pa de bzhin du/ rigs pa can la sogs pa gzhan dag dpe yang bsgrub par bya ba dang/ bsgrub pa'i chos dang ldan pa'i phyir bsgrub par bya ba'i don go bar byed pa ma yin no/ /gal te yan lag tshang ba'i tshig ni sgrub pa nyid yin par dam bcas pa'i phyir skyon med do zhe na zhes bya ba ni pha rol po dag na re khyed dbu ma pas ji skad smras pa de dag ni dam bcas pa dang/ gtan tshigs dang dpe dang/ nye bar sbyar ba'i sbyor ba dang/ mjug bsdu ba la sogs pa sgrub pa'i yan lag ma tshang ba dag bsgrub par bya ba'i don sgrub par byed pa ma yin par rjes su dpog pa yin gyi/ kho bo cag gis ni sgrub pa'i yan lag thams cad tshang ba'i rjes su dpag pa'i tshig ni bsgrub par bya ba'i don sgrub pa nyid yin par dam bcas pa'i phyir de dag mi 'grub pa'i skyon med do zhes zer ba'i tshig yin no/ /de skad ces zer ba de'i lan du 'dir 'grel pa byed pa nyid kyis/ yan lag tshang ba'i tshig gang gi sgrub pa yin zhes brjod par bya'o/ zhes bya ba smras te/ pha rol po la de skad ces dri bar bya'o/ /gal te bsgrub par bya ba'i 'o zhe na zhes bya bas ni gal te de skad ces dris pa na/ pha rol po dag 'di skad ces zer na'o/ /'grel pa byed pas de mi 'thad par bstan pa'i phyir te/ de ni lan ma yin te/ de nyid bstan dka' pa'i phyir ro zhes bya ba smras te/ bsgrub par bya ba nyid sngar dam bcas pa'i mtshan nyid mi 'thad par brtag pa'i skabs su bsgrub par bya ba gang yin/ grub pa 'am 'on te ma grub pa yin zhes bya ba la sogs pa mi 'thad par bstan zin pas/ da de nyid yod par bstan dka' ba'i phyir pha rol po'i tshig de ni lan ma yin no/ /don dam par yan
- 398b
lag tshad pa'i tshig kyang bsgrub par bya ba'i don sgrub par byed pa ma yin te/ yan lag tshang ba yin pa'i phyir/ dper na rtog ge phyi mas gnod par 'gyur ba bzhin no zhes bya bas ni dam bcas pa la sogs pa yan lag tshang ba'i tshig rtog ge phyi mas gnod par ma gyur pa khyad par can las gzhan pa rtog ge phyi mas gnod par 'gyur ram mi 'gyur bye brag ma byed pa tha mal pa yang bsgrub par bya ba'i don sgrub par byed pa ma yin par rjes su dpag pa ston te/ de dag kyang chos can dang bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na yan lag tshang ba'i tshig rtog ge phyi mas gnod par gyur pa ni yan lag tshang ba yin pa'i phyir bsgrub par bya ba'i don sgrub par byed pa ma yin pa de bzhin du yan lag chang ba'i tshig khyad par can ma yin par thal ba yan lag tshang ba yin pa'i phyir bsgrub par bya ba'i don sgrub par byed pa ma yin no/ /gal te rtog ge phyi mas gnod par gyur pa nyid ma yin na/ yan lag tshang ba'i tshig ni grub pa yin no zhen zhes bya ba ni pha rol po dag na re dam bcas pa la sogs pa sgrub pa'i yan lag tshang ba'i tshig rtog ge phyi mas gnod par gyur pa nyid ma yin na/ bsgrub par bya ba'i don sgrub pa yin no zhes zer ba'i tshig yin no/ /de'i lan du 'grel pa byed pas de ni mi rung ste/ dper na 'di lta bu'o zhes bya ba'i rjes su 'gro ba med pa'i phyir ro/ /zhes bya ba smras te/ yan lag tshang ba'i tshig rtog ge phyi mas gnod par gyur pa nyid ma yin pa bsgrub par bya ba'i don sgrub pa yin no// zhes bya ba de la chos mthun pa'i phyogs kyi dpe med pa'i phyir des kyang rjes su dpag pa dag don dam par ngo bo nyid yod pa nyid du sgrub mi nus so/ /'dir pha rol po dag na re yan lag tshang ba'i tshig khyad par can ma yin pa tha mal bsgrub pa'i
- 399a
chos ma yin yang/ yan lag tshang ba'i tshig khyad par can rtog ge phyi mas gnod par gyur pa nyid ma yin na ni bsgrub par bya pa'i don sgrub ba yin no zhes zer pa'i phyogs snga ma khong nas dbyung ba de'i len du 'dir 'grel pa byed pa nyid kyis /yan lag tshang ba'i tshig khyad par can sgrub pa ma yin pa nyid phyogs su byas pa la yang yan lag tshang ba yin pa'i phyir/ dper na rtog ge phyi mas gnod par gyur pa bzhin no zhes bkag pa kho na'i phyir de yang rigs pa ma yin no zhes bya ba smras so/ /de la yang kho bos don dam par yan lag tshang ba'i tshig khyad par can ni bsgrub pa ma yin te zhes phyogs su byas la/ yan lag tshang ba yin pa'i phyir dper na rtog ge phyi mas gnod par gyur ba bzhin no zhes gtan tshigs dang dpe dag gis bkag pa kho na'i phyir de yang rigs pa ma yin no/ /de bzhin du don dam par sun 'byin pa la ni sun 'byin pa'i ngo bo nyid med de/ tshig gi ngo bo nyid yin pa'i phyir/ dper na sun 'byin pa ltar snang ba'i sgrub pa la sogs pa bzhin no zhes brjod par bya'o zhes bya bas ni sun 'byin pa la sun 'byin pa'i ngo bo nyid med par rjes su dpag pa ston te/ de dag kyang chos can dang/ bsgrub par bya ba chos dang/ sgrub pa'i chos dang/ dpe yin par go rim bzhin du sbyar te/ dper na sun 'byin pa'i gsal ba dang/ de kho na ma yin pa sun 'byin pa ltar snang ba'i sgrub pa la sogs pa ni tshig gi ngo bo nyid yin pa'i phyir de la sun 'byin pa'i ngo bo nyid med pa de bzhin du/ sun 'byin pa'i gsal ba dang de kho na yang tshig gi ngo bo nyid yin pa'i phyir/ de la yang sun 'byin pa'i ngo bo nyid med do zhes brjod par bya'o/ /de'i phyir de ltar tshad ma la sogs pa ma grub pa'i phyir de bzhin du
- 399b
gzhal bya yang 'grub bas gtan tshigs snga ma dag ma nges pa nyid kyang ma yin te zhes bya ba ni mjug bsdu ba yin te/ de ltar sgrub pa dang/ sun 'byin pa'i tshad ma spyi dang khyad par dang dam bcas pa la sogs pa sgrub pa'i yan lag rnams don dam par ma grub pa'i phyir de bzhin du gzhal bya yang ma grub pas/ de'i phyir sngar pha rol po dag na re 'on te de dag ngo bo nyid yod pa yin na ni de dag bzhin du dngos po thams cad 'grub pas bstan bcos mdza' dag tu bstan pa'i rjes su dpag pa dag ma nges pa nyid kyang yin no zhes zer ba'i tshig gi skabs su med pas/ dbum pas bstan bcos 'di'i lus mdza' dag tu sngar bstan pa gtan tshigs snga ma dag la mi mthun pa'i phyogs med pas ma nges pa nyid kyang ma yin la/ pha rol po dag gi dpe rjes su dpag pa dag bzhin du dngos po thams cad 'grub pas zhes bya ba ma grub pas 'gal ba 'khrul pa med pa'i gnod pa yang med do/ /zhar la bshad pas chog go zhes bya ba ni sngar de ltar dngos po thams cad ngo bo nyid med pa nyid du bstan kyang/ smra ba ngan pa dngos po ngo bo nyid yod pa nyid la mngon bar zhen pa'i bag chags kyis blo gros nyams pa rab rib kyis yang dag pa ma yin pa mthong ba lta bu dag rang gi phyogs bsgrub pa'i phyir/ phyir bzlog par byed pa dag gi klan ka'i skabs med par bya ba dang/ 'grel pa byed pa nyid kyis lung las chos kyi rnam grangs gzings lta bur shes pa rnams kyis chos nyid kyang spang par bya na chos ma yin pa rnams lta ci smos zhes gsungs pa'i tshul nyid bsgrub pa'i phyir bstan bcos kyi lus 'dir don dam pa'i de kho na bstan pa nyid bsgrub ba'i phyir rjes su dpag pa dang/ sun dbyung ba'i gsal pa dang/ de kho na dag ston pa'i chad ma dag nye bar bzhag pa yang 'dir bstan bcos kyi lus mdza' dag rdzogs shing don dam pa'i de kho na bstan pa nyid grub nas tshad ma de dag kyang
- 400a
don dam par ngo bo nyid med pa nyid du bstan pa'i skabs kyi mjug bsdu ba yin no/ /de la 'dir rab tu byed pa'i don ni pha rol po dag gis/ bsgrub pa smras pa'i sun dbyung ba brjod pas lta ba stod pa nyid du bstan pa yin no zhes bya ba ni rab tu byed pa 'di'i spyi'i mjug bsdu ba dang/ tshad ma'i 'bras bu yin te/ lta ba brtag pa'i rab tu byed pa nyi shu bdun pa'i skabs 'dir rab tu byed pa'i don tshad ma'i 'bras bur lta ba ni pha rol po dag gis rab tu byed pa 'di'i dang por 'di skad ces don dam par nye bar len pa'i phung po lnga ni ngo bo nyid yod pa kho na yin te/ lta ba'i gnas yin pa'i phyir ro zhes bya ba la sogs pa stong pa nyid kyi khyad par mi mthun pa'i phyogs kyi khyad par gyi sgrub ba smras pa'i sun dbyung ba dbu ma pas brjod pas lta ba stong pa nyid du bstan pa yin no/ /lta ba stong pa nyid du bstan pa la yon tan ci yod pa dang/ de bstan pa 'di la gzhan dag na re rtog ge skam po'i bstan bcos tsam ni chos bsgrubs so zhes zer ba bsal pa'i phyir 'dir yid ches pa'i khungs kyang bsgrub par bya ste/ de'i phyir bcom ldan 'das ma shes rab kyi pha rol tu phyin pa rab kyi rtsal gyis rnam par gnon pas zhus pa las/ rab kyi rtsal gyis rnam par gnon pa gzugs ni lta ba'i rnam pa yang ma yin la lta ba'i rnam pa spangs pa yang ma yin no/ /de bzhin du tshor ba dang 'du shes dang 'du byed rnams dang/ rnam par shes pa yang lta ba'i rnam pa yang ma yin la/ lta ba'i rnam pa spangs pa yang ma yin no/ /gzugs dang tshor ba dang 'du shes dang/ 'du byed rnams dang/ rnam par shes pa lta pa rnam pa spangs pa yang ma yin pa nyid gang yin de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no zhes bya ba smras te/ bcom ldan 'das kyis de ltar phung po lnga po dag lta ba'i yul nyid ma yin par
- 400b
dgag pa mdzad pas/ de'i phyir kho bos lta ba de dgag pa smras pa ni khas blangs pa la gnod pa med do/ /de ltar yid ches pa'i lung de dag grub pa ni lta ba stong pa nyid du bstan pa'i yon tan dang khungs yin te/ re zhig nges ni lung grub pa 'di'i yon tan yin par bstan to/ /da ni rigs pa grub pa 'di'i yon tan yin par bstan pa'i phyir/ de bzhin du rten cing 'brel bar 'byung ba skye ba med pa la sogs pa'i khyad par dang ldan pas bstan bcos kyi don rnam par mi rtog pa'i ye shes bdud rtsi'i de kho na rnam par mi rtog pa'i don dam pa ston ka'i nam mkha' dri ma med pa lta bu'i yul can spros pa ma lus pa legs par nye bar tha dad pa nyid dang cig pa nyid dang bral ba zhi ba so so rang gis rig par bya ba bstan pa grub pa yin no zhes bya ba smras te/ bstan bcos 'di'i don ni rten cing 'brel par 'byung ba 'gag pa med pa dang/ skye pa med pa dang/ chad pa med pa dang/ rtag pa med pa dang/ 'ong ba med pa dang/ 'gro ba med pa dang/ don tha dang pa ma yin pa dang/ don gcig pa ma yin pa'i khyad par dang ldan pa bstan bas don dam pa rnam par mi rtog pa'i ye shes bdud rtsi'i de kho na rnam par mi rtog pa'i don dam pa ston ka'i nam mkha' dri ma med pa lta bu'i yul can spros pa thams cad nye bar zhi zhing zhi pa so sor rang gi rig par bya ba bstan pa yin pas de yang grub pa yin no// de grub pa yang lta ba stong pa nyid du bstan pa 'di'i yon tan yin te/ nges ni rigs pas 'grub pa 'di'i yon tan yin par bstan to/ /de ltar lung dang rigs pa grub pa de dag bstan bcos 'dis rnam par bshad par bya ba'i yul nyid du bstan pa yang slob dpon gyi zhal snga nas kyi mkhyen rlabs dang 'grel pa byed pa'i mkhas pa nyid yin no/ /da ni de ltar bstan bcos 'di'i don ni don dam pa'i de kho na nyid bstan pa yin na 'dir de kho na nyid gang yin pa mdor bstan pa ma byas par rjes su dpag pa dang sun
- 401a
dbyung ba'i gsal ba dang/ de kho na bstan pa'i tha ma lag mang po dag gis sgrub ci dgos snyam du sems pa rnams la de'i dgos pa bstan pa'i phyir/ bcom ldan 'das kyi tshul ni de kho na nyid yin yang ngan rtog rnams dad par mi byed pa'i phyir rjes su dpag pa gtso che bas de'i phyir de yongs su gzung ngo zhes bya ba smras te/ bcom ldan 'das kyi tshul de kho na nyid yin yang mu stegs can la sogs pa ngan rtog rnams dad par mi byed pa'i phyir de dag la rjes su dpag pas bstan pa gtso che bas de'i phyir 'dir rjes su dpag pa dang/ sun dbyung ba'i gsal ba dang/ de kho na dag bstan pa dang/ lta ba ngan pa'i dra ba zhi bar byed ba dang ldan pa shes rab kyi pha rol tu phyin pa'i tshul de yongs su bzung ngo/ /da ni 'grel pa byed pa nyid kyis slob dpon gyi zhal snga nas kyis dbu ma'i bstan bcos shes rab ces bya ba rab tu byed pa nyi shu bdun dang tshig le'ur byas pa bzhi brgya zhe dgu pa mdzad pa'i 'grel pa shes rab sgron ma zhes bya ba 'di byas pa'i tshul bstan pa dang/ de byas pa'i dge ba'i rtsa ba 'khor gsum yongs su dag pa'i tshul gyis bdag dang gzhan bsngo ba'i tshul bstan pa'i phyir stag rnam par rtsen pa lta bu'i tshigs su bcad pa gnyis ston te/ de la/ 'jig rten snang mdzad gzhan don mkhas rnams sangs rgyas nyid thob mdzad slad du/ /shes rab pha rol phyin sogs mdo sde gsungs tshul gsal bar ston pa na/ /thub dbang sras po klu sgrub gsungs pa dbu ma'i bstan bcos gang yin pa/ /de'i rnam bshad lta ngan zhi byed shes rab sgron ma bdag gis byas/ zhes bya ba 'dis ni bdag gis byas pa'i tshul bstan te/ 'jig rten snang mdzad gzhan don mkhas rnams zhes bya ba ni sa chen po la yang dag par zhugs pa'i byang chub sems dpa' rnams te/ de rnams ni snod kyi 'jig rten
- 401b
sangs rgyas kyi zhing yongs su dag pa'i rgyan phun sum tshogs pas snang ba dang/ sems can gyi 'jig rten byang chub snying po'i ye shes phun sum tshogs pas snang ba 'das pa dang da ltar dang ma 'ongs pa'i dus su mdzad pa dang/ mdzad bzhin pa dang/ mdzad par 'gyur pa'i phyir dang/ bdag nyid kyi sangs rgyas kyi chos yongs su smin par bya ba dang/ phyi rol gyi sems can yongs su smin par bya ba'i phyir gzhan gyi don mdzad pa las shes rab kyi dbang po'i rim pa la sogs pa brtag pa dang/ chos kyi de kho na nyid bstan pa la mkhas shing thabs kyis bsdu ba rnam bzhi la sogs pa'i rim gyis bsdu ba dang/ mngon par mtho ba dang/ nges par legs pa'i 'bras bu la sogs pa la 'jog par mkhas pa yin pa'i phyir te/ des ni byang chub sems dpa' rnams kyi yon tan ston to/ /sangs rgyas nyid thob mdzad slad du zhes bya ba bcom ldan 'das kyis byang chub sems dpa' de rnams sangs rgyas nyid thob par mdzad pa'i slad du ste/ de bzhin gshegs pa ni rang gi sras thugs las skyes pa zhal nas skyes pa chos las skyes pa rnams byang chub sems dpa' i lam 'bras bu dang bcas pa nyid thob par mdzad pa'i slad du dam pa'i chos ston par mdzad pa yin pa'i phyir te/ nges ni sangs rgyas kyi mdzad pa bstan te/ shes rab pha rol phyin sogs mdo sde gsungs zhes bya ba ni bcom ldan 'das kyis byang chub sems dpa' de rnams sangs rgyas nyid thob par mdzad pa'i slad du shes rab kyi pha rol tu phyin pa la sogs pa theg pa chen po'i mdo sde gsungs pa ste/ theg pa chen po'i mdo sde ni byang chub sems dpa' 'jig rten snang bar mdzad pa dang/ gzhan gyi don la mkhas pa rnams kyi chod? yin pa'i phyir te ? ni de bzhin gshegs pa'i gsung rab kyi tshul bstan to/ /tshul gsal bar ston pa na zhes bya ba ni slob dpon 'phags pa klu sgrub kyi zhal snga
- 402a
nas/ bcom ldan 'das kyis shes rab kyi pha rol tu phyin pa la sogs pa mdo sde gsungs pa'i tshul drang ba'i don dang nges pa'i don yang dag pa ji lta ba bzhin du gsal bar ston pa'i tshe na ste/ slob dpon gyi zhal snga nas ni bde bar gshegs pa yongs su mya ngan las 'das pa'i 'og tu sangs rgyas kyi bstan pa'i tshul gsal bar ston pa yin pa'i phyir/ de ltar yang 'phags pa lang kar gshegs pa'i mdo las/ bde gshegs mya ngan 'das 'og tu/ /tshul rnams 'dzin par 'gyur ba ste/ /dus dag 'das nas 'byung ba ni/ /blo gros chen po khyod shes byos/ /lha phyogs be de'i yul du ni/ /dge slong dpal ldan cher grags pa/ /de ming klu zhes 'bod pa ste/ /yod dang med pa'i phyogs 'jig pa/ /da yi theg pa 'jig rten du/ /bla med theg chen rab bshad nas/ /rab tu dga' ba'i sa bsgrubs te/ /bde ba can du de 'gro'o/ zhes gsungs pa dang/ 'phags pa sprin chen po'i mdo las kyang/ lid tsa bI gzhon nu 'jig rten thams cad mthong na dga' ba lung bstan pa las nga yongs su mya ngan las 'das nas 'di rgyal po mthar 'gro zhon gyi dus na/ dge slong klu zhes bya bar gyur nas nga'i bstan pa gsal bar byas te/ rim gyi 'jig rten gyi khams dang pa'i 'od ces bya bar de bzhin gshegs pa ye shes 'byung gnas zhes par 'gyur ro zhes lung bstan pa'i phyir te/ des ni slob dpon gyi zhal snga nas kyi che ba nyid bstan to/ /thub dbang sras po klu sgrub gsungs pa zhes bya ba ni thub pa'i dbang po sangs rgyas bcom ldan 'das kyi sras byang chub sems dpa' i sa dang po rab tu 'ga' ba brnyes pa slob dpon 'phags pa klu sgrub kyi zhal snga nas bcom ldan 'das kyis shes rab kyi pha rol tu phyin pa la sogs pa mdo sde las gsungs pa'i tshul gsal bar ston pa ni nyid kyis ji skad
- 402b
thugs su chud pa'i de kho na gzhan la yang de bzhin gsungs pa ste/ slob dpon gyi zhal snga nas ni bdag dang gzhan gyi don phun sum tshogs pa rab kyi mthar phyin pa bla na med pa dang pa mchog gis bsgrub par mdzad pa yin pa'i phyir te/ des ni slob dpon gyi zhal snga nas kyi mdzad pa bstan to/ /dbu ma'i bstan bcos gang yin pa zhes bya ba ni thub dbang sras po klu sgrub kyis gsungs pa rnam pa mang po dag gi nang nas dbu ma'i bstan bcos shes rab ces bya ba rab tu byed pa nyi shu bdun dang tshig le'ur byas pa bzhi brgya bzhi bcu dgu pa 'di gang yin pa ste/ slob dpon legs ldan 'byed nyid kyis de'i 'grel pa shes rab sgron ma zhes bya ba 'di byas pa'i tshul ston par 'dod pa'i phyir te/ des ni slob dpon gyi zhal snga nas kyis gsungs pa dbu ma'i bstan bcos shes rab ces bya ba 'di nyid kyi gzhung bstan to/ /de'i rnam bshad ces bya ba ni dbu ma'i bstan bcos shes rab ces bya ba de'i rnam par bshad pa ste/ 'di ni de'i 'grel pa yin pa'i phyir te/ des ni gzhung 'di de'i rnam par bshad pa yin par bstan to/ /lta ngan zhi byed ces bya ba de ni rnam par bshad pa 'di'i ngo bo nyid yin te/ 'di ni lta ba ngan pa'i dra ba zhi bar byed pa dang ldan pa'i phyir te/ des ni 'grel pa 'di'i ngo bo nyid bstan to/ /shes rab sgron ma zhes bya ba ni de'i rnam par bshad pa lta ba ngan pa zhi par byed pa'i da'i ming yin te/ 'di ni slob dpon gyi zhal snga nas kyis dbu ma'i bstan bcos shes rab ces bya ba mdzad pa de gsal bar byed pa'i sgron ma shes rab kyi pha rol tu phyin pa'i tshul sgrub bar byed pa yin pa'i phyir te/ des ni 'grel pa 'di'i ming bstan to/ /bdag gis byas zhes bya ba ni slob dpon legs ldan 'byed nyid kyis byas pa'i tshul bstan pa ste/ slob dpon gyi zhal snga nas kyis tshig le'ur byas pa dag kho nas rjes su dpag pa
- 403a
dang/ sun dbyung ba'i gsal ba dang/ de kho na dag bstan pa dang/ lta ba ngan pa'i dra ba zhi bar byed pa dang ldan pa shes rab kyi pha rol tu phyin pa'i tshul bka' stsal mod kyi/ tshangs pa mtshungs par spyod pa rnams las kha cig gis mi rtogs pas de'i phyir de dag gis rtogs par bya bar 'dod nas lung ji lta ba bzhin du dbu ma'i bstan bcos bshad par byas pa'i phyir te/ nges ni bdag gis byas pa'i tshul bstan to/ /da ni sngo ba'i tshul bstan pa'i phyir/ shes rab sgron ma zhes bya 'di byas dge pa rab dkon gang thob ba/ /des ni sangs rgyas go 'phang shes rab sgron mas rtogs bya rtogs med tshul/ /tshig blo kun 'das mkha' ltar dri med mi rtog 'jigs med de thob nas/ /'jig rten dag la'ang shes rab sgron snang mun sel myur du byed par shog/ ces bya ba smras te/ shes rab sgron ma zhes bya 'di byas zhes bya ba ni slob dpon klu sgrub kyi zhal snga nas kyis dbu ma'i bstan bcos rab tu byed pa nyi shu bdun dang tshig le'ur byas pa bzhi brgya bzhi bcu dgu pa mdzad pa'i ming ni shes rab ces bya slob dpon legs ldan 'byed nyid kyis de'i rnam par bshad pa lta ba ngan bzhi bar byed pa nye bar sbyar ba 'di'i ming shes rab sgron ma zhes bya ste/ de bdag gis byas pa ste des ni sbyor ba ston pa dge ba rab dkon gang thob ba zhes bya ba ni shes rab sgron ma zhes bya ba 'di sbyar ba'i sbyor ba las dge ba bsod nams dang ye shes kyi tshogs rab tu dkon pa rus sbal zhar ba'i mgrin pa gnya' shing gi mig tu chud pa'i tshul ltar bdag gi 'byor pa dang gzhan gyi 'byor pa rab tu dkon bas bsgrubs pa rgya chen po gang dag tha snyad du sgrub pa'i mchod ba sngon du btang ste/ kun rdzob kyi bden pa'i de kho na'i tshul rnam par dbye ba byas pa'i thabs kyi stobs dang/ tshul bzhin
- 403b
yid la byed pa'i sbyor ba sngon du btang ste/ don dam pa'i bden ba'i de kho na'i tshul rtogs par byas pa'i shes rab kyi stobs kyis thob pa ste nges ni dngos bstan to/ /des ni zhes bya ba ni de ltar sbyor ba dang bcas dngos dang bcas pa'i dge ba rab tu dkon ba gang thob des te des ni mjug bstan to/ /de ltar re zhig dge ba bsod nams dang ye shes kyi tshogs rab tu dkon pa thabs dang shes rab kyi stobs kyis thob pa rgya chen po sbyor pa dang dngos dang mjug bcas pa gang thob pa des ni 'bras bu bdag nyid kyi sangs rgyas kyi chos yongs su smin pa dang/ phyi rol gyi sems can yongs su smin par 'gyur pa'i thabs kyi rgyu phun sum tshogs pa bstan to/ /nga ni thabs kyi rgyu phun sum tshogs pa de'i thabs las byung ba'i 'bras bus bdag nyid kyi sangs rgyas kyi chos yongs su smin pa dang/ phyi rol gyi sems can yongs su smin par 'gyur ba bstan par bya ste/ de la re zhig bdag nyid kyi sangs rgyas kyi chos yongs su smin par 'gyur ba'i 'bras bu bstan pa'i phyir sangs rgyas kyi go 'phang thob par shog ces bya ba smras te/ sangs rgyas kyi go 'phang ni sangs rgyas kyi sa'o/ /sangs rgyas kyis ni 'bras bu'i gnas te/ de yang spangs pa phun sum tshogs pa dang/ ye shes phun sum tshogs pas rab tu phye ba yin no/ /de la spangs pa phun sum tshogs pas rab tu phye ba bstan pa'i phyir/ shes rab sgron ma rtogs bya rtogs med tshul zhes bya ba smras te/ spangs pa phun sum tshogs pa ni nyon mongs pa'i sgrib pa dang/ shes bya'i sgrib pa bag chags dang bcas pa ma lus pa gtan spangs pa ste/ ji skad du 'phags pa sangs rgyas kyi sa'i mdo las/ chos rnams kun gyi de bzhin nyid/ sgrib gnyis dag pa'i mtshan nyid de/ zhes gsungs pa yin te/ de ni shes rab sgron ma zhes bya ba 'dis rtogs pa med pa'i tshul gyis rtogs
- 404a
par bya ba yin no/ /ye shes phun sum tshogs pas rab tu phye ba bstan pa'i phyir/ tshig blo kun 'das zhes bya ba smras te/ ye shes phun sum tshogs pa ni gnas gyur pas rab tu phye ba me long lta bu'i ye shes dang/ mnyam pa nyid kyi ye shes dang/ so sor rtog pa'i ye shes dang/ bya ba grub pa'i ye shes yin te/ ji skad du 'phags pa sangs rgyas kyi sa'i mdo las/ dngos po shes pa de la dmigs/ /dbang zang mi shes mtshan nyid do// de bzhin nyid shes thams cad du/ /bsgoms pa las ni ye shes 'byung/ /sems can kun la rnam kun tu /gnyis bskyed 'bras bu zad mi shes/ /sku dang gsung dang thugs sprul pa/ /sbyor ba'i thabs kyi las can te/ ting nge 'dzin dang gzung sgo dang/ /dpag tu med pa gnyis dang ldan/ zhes gsungs pa yin te/ de ni tshig dang blo kun las 'das pa ste spros pa dang/ rnam par rtog pa'i yul las yang dag par 'das pa'i phyir ro/ /de ltar spangs pa phun sum tshogs pa dang/ ye shes phun sum tshogs pas rab tu phye ba'i 'bras bu de yang sku gsum gyi ngo bo nyid yin te/ chos kyi sku dang/ longs spyod rdzogs pa'i sku dang/ sprul pa'i sku'o/ /de dag bstan pa'i phyir/ mkha' ltar dri med mi rtog 'jig med ces bya ba dag smras te/ sku gsum dang go rim bzhin du sbyar ro/ /de la chos kyi sku ni spangs pa phun sum tshogs pas rab tu phye ba chos kyi dbyings rnam par dag pa nyid/ ye shes phun sum tshogs pas rab tu phye pa gnas gyur pa'i ngo bo nyid me long lta bu'i ye shes gnyis gcig tu bsdus? pa yin te/ de ni rang bzhin gyi sku nam mkha' ltar dri ma med pa ngo bo nyid rtag pa nyid yin no/ /longs spyod rdzogs pa'i sku ni sa bcu bsgoms pa'i 'bras bu
- 404b
mnyam pa nyid kyi ye shes dang stobs bcu'i ngo bo nyid kyi mkhyen pa so sor rtog pa'i ye shes gnyis gcig tu bsdus pa yin te/ de ni rnam par snang mdzad kyi sku mi rtog par thams cad mkhyen pa mi rtog 'gyur par rtag pa nyid yin no/ /sprul pa'i sku dang gsung dang thugs sprul pa'i bdag nyid bya ba grub ba'i ye shes yin te de ni bdag dang 'brel pa dang/ gzhan dang 'brel pa dang/ gnyi ga dang 'grel pa'i sku 'jig pa med par sems can gyi don mdzad pa rgyun rtag pa nyid yin no/ /sku gsum yang ji skad du sangs rgyas kyi sa'i mdo las/ rang bzhin chos rdzogs longs spyod dang/ /sprul pa dag gis tha dad 'jug/ 'di ni sangs rgyas rnam dag gis /chos dbyings rnam par dag pa yin/ zhes gsungs pa yin te/ de dag ni nam mkha' ltar dri ma med pa dang/ mi rtog pa dang 'jig pa med pa yin no/ /de lta bu'i sangs rgyas kyi go 'phang de thob par shog cig /ces bsngo ba'i tshul bstan pa ni 'khor gsum yongs su dag pa'i tshul gyis bdag nyid kyis sangs rgyas kyi chos yongs su smin par 'gyur ba'i 'bras bu thob par sngo ba'i tshul bstan pa yin no/ /da ni phyi rol gyi sems can yongs su smin par 'gyur ba'i 'bras bu bstan pa'i phyir/ de thob nas 'jig rten dag la'ang zhes bya ba smras te/ de ltar bdag nyid kyi sangs rgyas kyi go 'phang de thob nas 'jig rten dag la'ang myur du de thob par byed par shog cig ces bsngo ba'i tshul bstan to/ /'jig rten dag las zhes bya ba ni sems can thams cad de bzhin gshegs pa'i snying po can yin pas 'jig rten thams cad la spangs ba phun sum tshogs pa dang/ ye shes phun sum tshogs pa'i 'bras bu 'thob pa'i skal ba rgyan ji lta ba bzhin du yod par bstan pa'i phyir 'jig rten dag
- 405a
la'ang zhes phyir smos so/ /phyi rol gyi sems can yongs su smin pa yang srid pa dang/ longs spyod tsam gyi don la ma yin gyi sangs rgyas kyi go 'phang spangs pa phun sum tshogs pa dang ye shes phun sum tshogs pas rab tu phye ba'i sku gsum nyid la yongs su smin par bya bar bstan pa'i phyir/ shes rab sgron snang mun sel ces bya ba smras te/ shes rab sgron snang zhes bya ba ni sngar shes rab sgron ma rtogs bya rtogs med tshul zhes smos pa nyid mtshon te/ spangs pa phun sum tshogs pa bstan to/ /mun sel ces bya ba ni sngar tshig blo kun 'das shes smos pa nyid mtshon te/ ye shes phun sum tshogs pa bstan to/ /de gnyis kyis rab tu phye ba'i 'bras bu sku gsum myur du thob par byed par shog cig ces bsngo pa'i tshul bstan pa'i phyir/ myur du byed par shog ces bya ba smras te/ des ni 'khor gsum yongs su dag pa'i tshul gyis phyi rol gyi sems can yongs su smin par 'gyur ba'i 'bras bu 'thob par bsngo ba'i tshul bstan pa yin no// //slob dpon legs ldan 'byed kyis nye bar sbyar ba dbu ma'i rtsa ba'i 'grel ba shes rab sgron ma las lta ba brtag pa zhes bya ste rab tu byed pa nyi shu bdun pa tha ma rgya cher 'grel pa slob dpon spyan ras gzigs brtul zhugs kyis nye bar sbyar ba rdzogs so//
- 405b
dbu ma'i rtsa ba'i tshig le'ur byas pa shes rab ces bya ba theg pa chen po'i chos mngon ba rnam par bzhag pa/ /don dam pa'i de kho na yang dag par ston pa/ shes rab kyi pha rol tu phyin pa'i tshul gsal bar byed pa/ slob dpon bdag nyid chen po 'phags pa klu sgrub mi 'phrogs pa'i mkhyen rabs dang thugs rjer ldan pa de bzhin gshegs pa'i theg pa bla na med ba'i tshul rab tu 'byed ba/ rab tu dga' ba'i sgrubs nas bde ba can gyi zhing du gshegs pa/ 'jig rten gyi khams dang ba'i 'od ces bya bar de bzhin gshegs pa ye shes 'byung gnas 'od ces bya bar 'gyur bas mdzad pa de'i 'grel pa shes rab sgron ma theg pa mchog gi tshul sgrub par byed pa lta ba ngan pa'i dri ma sel bar byed pa rjes su dpag pa dang skun dbyung pa'i gsal ba dang de kho na ston pa/ slob dpon btsun pa legs ldan 'byed 'phags pa spyan ras gzigs dbang phyug gi dam pa mchog brnyes pa/ bdag dang gzhan gyi sgrub pa'i mdza' rgya mtsho'i pha rol tu byon pa/ rig sngags 'chang grub pa'i gnas khyad par can du gshegs pa/ sku tshe 'di nyid kyis rdo rje'i gdan sgrod pa'i thugs dam can gyis nye bar sbyar ba rgya cher 'grel pa theg pa chen po dbu ma pa'i slob dpon yul sa ke ta? na nas byung ba/ bram ze'i rigs shing sA la chen po lta bu rig pa'i gnas mdza' dag chub pa/ rang dang gzhan gyi grub pa'i mdza' thams cad la mkhas pa/ spyan ras gzigs brtul
- 406a
zhugs kyis nye bar sbyar ba rdzogs so// //dbang phyug dam pa'i mnga' bdag rgyal po chen po dpal lha btsan po'i bka' lung gis/ rgya gar gyi mkhan po theg pa chen po dbu ma pa dz+nyA na garb+ha dang/ bod kyi zhu chen gyi lots+tsha ba dge slong cog ro klu'i rgyal mtshan gyis bsgyur cing zhu chen bgyis te gtan la phab pa/ 'di la rab tu byed pa ni nyi shu rtsa bdun/ shu log ni nyi khri bzhi stong yod/ bam po ni brgyad cur byas so// //mang+gA laM b+ha wan+tu// bkra shis//